Dinamani - தமிழ்நாடு - http://www.dinamani.com/tamilnadu/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3024835 தமிழ்நாடு தீபாவளி சிறப்புப் பேருந்து நிறுத்தங்கள்: போக்குவரத்துத்துறை அறிவிப்பு DIN DIN Monday, October 22, 2018 07:36 PM +0530  

இந்த ஆண்டு நவம்பர் 6-ம் தேதி (செவ்வாய்க்கிழமை) தீபாவளி பண்டிகை கொண்டாடப்படுகிறது. இதையொட்டி பணி நிமித்தமாக சென்னையில் தங்கியுள்ள ஏராளமானோர் தங்கள் சொந்த ஊர்களுக்கு பயணப்படுவர். எனவே சிறப்பு ரயில்கள் மற்றும் பேருந்துகள் இயக்கப்படுவது வழக்கம். 

இதையடுத்து, தீபாவளிக்கான சிறப்பு பேருந்துகள் குறித்து போக்குவரத்துத் துறை அமைச்சர் எம்.ஆர்.விஜயபாஸ்கர், செய்தியாளர்களிடம் கூறியதாவது:

நவம்பர் 3,4,5 ஆகிய தேதிகளில் சென்னையில் இருந்து சுமார் 11,367 ஆயிரம் சிறப்பு பேருந்துகள் இயக்கப்படவுள்ளன. இதுதவிர நவம்பர் 3,4,5 தேதிகளில் தமிழகத்தின் மற்ற இடங்களில் இருந்து சென்னைக்கு 9,200 சிறப்புப் பேருந்துகள் இயக்கப்படும். எனவே தீபாவளிக்கு 20,567 சிறப்பு பேருந்துகள் இயக்கப்படுகின்றன.

இதற்கான முன்பதிவு நவம்பர் 1-ஆம் தேதி முதல் தொடங்கி நடைபெறும் என்று தெரிவித்திருந்தார்.

இந்நிலையில், தீபாவளி சிறப்புப் பேருந்துகள் சென்னையில் 6 இடங்களில் இருந்து இயக்கப்படும் என்று போக்குவரத்துத்துறை தெரிவித்துள்ளது. இதுதொடர்பாக வெளியிடப்பட்ட அறிவிப்பில்,

அனைத்து இருக்கைகளும் பூர்த்தியான பேருந்துகள் கோயம்பேடு பேருந்து நிலையத்தில் இருந்து தாம்பரம், பெருங்களத்தூர் செல்லாமல் மதுரவாயல், பூவிருந்தவல்லி, நசரத்பேட்டை வெளிச்சுற்றுச் சாலை வழியாக வண்டலூர் செல்ல ஏற்பாடு செய்யப்பட்டுள்ளது. எனவே செய்யும் பயணிகள் தாம்பரம் மற்றும் பெருங்களத்தூர் பேருந்து நிறுத்தங்களுக்குப் பதிலாக ஊரப்பாக்கம், கிளாம்பாக்கம் தற்காலிக பேருந்து நிறுத்தங்களுக்குச் செல்லுமாறு அறிவுறுத்தப்படுகிறது.

மாதவரம் புதிய பேருந்து நிலையத்தில் இருந்து திட்டமிட்டபடி ஆந்திரா செல்லும் பேருந்துகள் இயக்கப்படுகின்றன. கிழக்கு கடற்கரை சாலை மார்க்கமாக புதுச்சேரி, கடலூர், சிதம்பரம் செல்லும் பேருந்துகள் கே.கே.நகர் பேருந்து நிலையத்தில் இருந்து புறப்படும்.

விக்கிரவாண்டி, பண்ருட்டி வழியாக தஞ்சாவூர் மற்றும் கும்பகோணம் செல்லும் பேருந்துகள், திருவண்ணாமலை செல்லும் பேருந்துகள் தாம்பரம் பேருந்து நிலையத்தில் இருந்து புறப்படும்.

வேலூர், ஆரணி, ஆற்காடு, திருப்பத்தூர், ஓசூர் மார்க்கமாக செல்லும் பேருந்துகள் பூந்தமல்லி பேருந்து நிலையத்தில் இருந்து இயக்கப்படவுள்ளன. 

மதுரை, நெல்லை மற்றும் கன்னியாகுமரி உள்ளிட்ட தென் மாவட்டப் பேருந்துகள் கேயம்பேடு பேருந்து நிலையத்தில் இருந்து இயக்கப்படும் என்று தெரிவிக்கப்பட்டுள்ளது. 

]]>
http://images.dinamani.com/uploads/user/imagelibrary/2018/10/22/w600X390/cmbt-bus.jpg http://www.dinamani.com/tamilnadu/2018/oct/22/தீபாவளி-சிறப்புப்-பேருந்து-நிறுத்தங்கள்-போக்குவரத்துத்துறை-அறிவிப்பு-3024835.html
3024833 தமிழ்நாடு தமிழகத்தில் நடப்பாண்டில் டெங்கு மற்றும் பன்றிக் காய்ச்சலுக்கு 16 பேர் உயிரிழப்பு: சுகாதாரத்துறை செயலர் ராதாகிருஷ்ணன் DIN DIN Monday, October 22, 2018 07:10 PM +0530  

சென்னை எழும்பூரில் தமிழக சுகாதாரத்துறை செயலர் ராதாகிருஷ்ணன் செய்தியாளர்களுக்கு அளித்துள்ள பேட்டியில் கூறியதாவது, 

வீடு மற்றும் பொது இடங்களில் தண்ணீர்  தேங்குவதை தடுக்க வேண்டும். காலி இடங்களில் மழை நீர் தேங்குவதை தடுக்கவும் உத்தரவிடப்பட்டுள்ளது. டெங்குவால் கர்ப்பிணிகள், பச்சிளங் குழந்தைகள், முதியவர்கள் அதிகம் பாதிக்கப்பட வாய்ப்பு உள்ளதால் அவர்கள் கவனமாக இருக்க வேண்டும் என்று கேட்டுக் கொள்ளப்படுகிறது.

டெங்கு பாதிப்பைக் கட்டுப்படுத்தத் தேவையான நடவடிக்கைகளை எடுக்குமாறு சென்னை மாநகராட்சிக்கு அறிவுறுத்தப்பட்டுள்ளது. பொதுமக்கள் யாரும் தங்களுக்கு ஏற்படும் காய்ச்சல் பாதிப்புகளை அலட்சியப்படுத்தக் கூடாது. காய்ச்சல் வந்தவுடன் சிகிச்சை பெற வேண்டும்.  தமிழகத்தில் இந்த வருடம் டெங்கு காய்ச்சலுக்கு இதுவரை 5 பேர் மற்றும் பன்றி காய்ச்சலுக்கு 11 பேர் உயிரிழந்துள்ளனர்.

காய்ச்சலுக்கு போலியான மருந்து வழங்கிய 840 பேர் பிடிபட்டுள்ளனர். டெங்கு போன்ற காய்ச்சல் பாதிப்பினை எப்படி கையாள வேண்டும் என்பது குறித்து தனியார் மருத்துவர்களுக்கு செவ்வாய்கிழமை ஆலோசனை வழங்கப்பட உள்ளது என்று தெரிவித்தார்.

]]>
http://images.dinamani.com/uploads/user/imagelibrary/2017/5/17/w600X390/radhakrishnan.jpg http://www.dinamani.com/tamilnadu/2018/oct/22/தமிழகத்தில்-நடப்பாண்டில்-டெங்கு-மற்றும்-பன்றிக்-காய்ச்சலுக்கு-16-பேர்-உயிரிழப்பு-சுகாதாரத்துறை-செயல-3024833.html
3024831 தமிழ்நாடு அடுத்த 12 மணி நேரத்துக்கு மீனவர்கள் கடலுக்குச் செல்ல வேண்டாம்: சென்னை வானிலை ஆய்வு மையம் DIN DIN Monday, October 22, 2018 07:04 PM +0530  

வங்கக் கடல் பகுதியில் ஏற்பட்டுள்ள வளிமண்டல மேலடுக்கு சுழற்சி காரணமாக வரும் 48 மணி நேரத்தில் தமிழகம் மற்றும் புதுச்சேரியின் ஒரு சில இடங்களில் பலத்த மழையும், பரவலாக மிதமான மழையும் பெய்ய வாய்ப்பு உள்ளது. கடந்த 24 மணி நேரத்தில் அதிகபட்சமாக பெரியகுளத்தில் 16 செ.மீ. மழையும், பெரியநாயக்கன்பாளையத்தில் 10 செ.மீ. மழையும் பதிவாகியுள்ளது.

இதனிடையே தொடர் மழை காரணமாக மின்னல் தாக்கி பெண் உள்பட 2 பேரும், மின்சாரம் பாய்ந்து சிறுமி ஒருவரும் உயிரிழந்தனர்.

தமிழகத்தில் வடகிழக்குப் பருவ மழை தொடங்குவதில் தாமதம் ஏற்படலாம் என்றும், அக்டோபர் 26-ம்  தேதிக்கு மேல் வடகிழக்குப் பருவ மழை தொடங்கும் என்றும் சென்னை வானிலை ஆய்வு மையம் தெரிவித்துள்ளது.

இந்நிலையில், வடக்கு அந்தமான், கிழக்கு வங்கக்கடல் பகுதிக்கு அடுத்த 12 மணி நேரத்துக்கு மீனவர்கள் கடலுக்குச் செல்ல வேண்டாம் என்று சென்னை வானிலை ஆய்வு மையம் எச்சரித்துள்ளது. 

]]>
http://images.dinamani.com/uploads/user/imagelibrary/2013/12/9/5/w600X390/metrological_office.jpg http://www.dinamani.com/tamilnadu/2018/oct/22/அடுத்த-12-மணி-நேரத்துக்கு-மீனவர்கள்-கடலுக்குச்-செல்ல-வேண்டாம்-சென்னை-வானிலை-ஆய்வு-மையம்-3024831.html
3024826 தமிழ்நாடு காழ்ப்புணர்ச்சியால் களங்கம்: வாட்ஸ் ஆப் ஆடியோ குறித்து அமைச்சர் ஜெயகுமார் விளக்கம் DIN DIN Monday, October 22, 2018 06:31 PM +0530  

சமீபத்தில் வாட்ஸ் ஆப்பில் அமைச்சர் ஜெயகுமார் பேசியது போன்ற ஆடியோப் பதிவு அதிகளவில் வைரலாகப் பரவியது. இந்நிலையில், அதுதொடர்பாக அமைச்சர் ஜெயகுமார் செய்தியாளர்களிடம் திங்கள்கிழமை விளக்கமளித்தார். அதில் அவர் பேசியதாவது:

அரசியல் காழ்ப்புணர்ச்சி காரணமாகவே ஆடியோ வெளியிடப்பட்டுள்ளது. ஆடியோவில் உள்ளது என்னுடய குரல் அல்ல. என் மீது களங்கம் கற்பிக்கவே போலியான ஆடியோவை வெளியிட்டுள்ளார்கள்.

என்னை நேரடியாக எதிர்க்க திராணி இல்லாதவர்கள் போலியான ஆடியோவை தயார் செய்து வெளியிட்டுள்ளார்கள். அரசியல் காழ்ப்புணர்ச்சியால் என்மீது களங்கம் கற்பிக்க வேண்டுமென்றே அவதூறு பரப்புகின்றனர். 

சசிகலா குடும்பத்தையும், தினகரனையும் நான் கடுமையாக எதிர்ப்பதால், என் மீது களங்கம் ஏற்படுத்த வேண்டும் என்ற நோக்கில் தவறான ஆடியோவை வெளியிட்டுள்ளார்கள்.

ஆடியோவின் பின்னணியில் உள்ளவர்கள் மீது சட்டப்படி நடவடிக்கை எடுக்கப்படும் என்று தெரிவித்தார். 

]]>
http://images.dinamani.com/uploads/user/imagelibrary/2018/8/15/w600X390/jayakumar.jpg http://www.dinamani.com/tamilnadu/2018/oct/22/காழ்ப்புணர்ச்சியால்-களங்கம்-வாட்ஸ்-ஆப்-ஆடியோ-குறித்து-அமைச்சர்-ஜெயகுமார்-விளக்கம்-3024826.html
3024825 தமிழ்நாடு தனியார் மகளிர் விடுதிகள் ஒரு மாதத்துக்குள் பதிவு செய்யப்பட வேண்டும்: சென்னை ஆட்சியர் DIN DIN Monday, October 22, 2018 06:19 PM +0530  

சென்னையில் செயல்பட்டு வரும் தனியார் மகளிர் விடுதிகள் ஒரு மாதத்துக்குள் பதிவு செய்யப்பட வேண்டும் என்று ஆட்சியர் திங்கள்கிழமை உத்தரவிட்டார். 

சென்னை முழுவதும் பணி நிமித்தமாக நாள்தோறும் பலர் வருகை தருகின்றனர். குறிப்பாக பேச்சுலர்களின் வரவு அதிகளவில் உள்ளது. இதனால் மாநகரம் மட்டுமல்லாமல் சுற்றுப்பறப் பகுதிகளிலும் அதிகளவிலான குடியிருப்புகள் உருவாக்கப்பட்டு வருகின்றன.

மேலும் பேச்சுலர்கள் தங்குவதற்கு வசதியாக விடுதிகள் பல அமைந்துள்ளன. இவற்றில் ஆண்கள், பெண்கள் என இருவரும் தங்கும் விதமாக பிரத்தியேக விடுதிகள் செயல்படுகின்றன. இதனிடையே பெண்கள் பாதுகாப்பை உறுதி செய்யும் விதமாக தமிழகம் முழுவதும் நடவடிக்கை எடுக்கப்பட்டு வருகிறது. 

இந்நிலையில், சென்னையில் செயல்பட்டு வரும் தனியார் மகளிர் விடுதிகள் ஒரு மாதத்துக்குள் பதிவு செய்யப்பட வேண்டும் என்று ஆட்சியர் திங்கள்கிழமை உத்தரவிட்டார். பதிவு செய்வதற்கான விண்ணப்பங்களை இணையதளத்தில் பெற்று கொள்ளலாம் எனவும் தெரிவிக்கப்பட்டுள்ளது. 

பதிவு செய்யாத மகளிர் தனியார் விடுதிகள் மீது கடும் நடவடிக்கை எடுக்கப்படும் எனவும் ஆட்சியர் சண்முக சுந்தரம் எச்சரித்தார். 

]]>
http://images.dinamani.com/uploads/user/imagelibrary/2017/9/28/w600X390/chennai_trafic.jpg http://www.dinamani.com/tamilnadu/2018/oct/22/தனியார்-மகளிர்-விடுதிகள்-ஒரு-மாதத்துக்குள்-பதிவு-செய்யப்பட-வேண்டும்-சென்னை-ஆட்சியர்-3024825.html
3024819 தமிழ்நாடு கோயில் வளாகங்களில் உரிமம் முடிந்த கடைகளை அகற்றுக: உயர் நீதிமன்ற மதுரைக் கிளை DIN DIN Monday, October 22, 2018 05:24 PM +0530
மதுரை: கோயில் வளாகங்கள் மற்றும்  கோயில் நிலத்தில் உள்ள உரிமக் காலம் முடிந்த கடைகளை அகற்ற சென்னை உயர் நீதிமன்ற மதுரைக் கிளை உத்தரவிட்டுள்ளது.

தமிழகத்தில் கோயில்கள் முறையாக பராமரிக்கப்படவில்லை, கோயில் நிலங்களில் உள்ள ஆக்கிரமிப்புகளை அகற்ற வேண்டும், உரிம காலம் முடிந்த கடைகளை அகற்ற வேண்டும் என்று வலியுறுத்தி சென்னை உயர் நீதிமன்ற மதுரைக் கிளையில் வழக்குத் தொடரப்பட்டது.

வழக்கை விசாரித்த மதுரைக் கிளை, கந்த சஷ்டி விழாவுக்கு வரும் பக்தர்களுக்கு திருச்செந்தூர் கோயிலில் அடிப்படை வசதிகளை செய்து  தர வேண்டும் என்றும், கோயில்களின் சொத்து விவரங்களை அந்தந்த  கோயில்களில் விளம்பர பலகையில் வைக்க வேண்டும் என்றும் தீர்ப்பளித்துள்ளது.

மேலும், உரிமக் காலம் முடிந்த கடைகளை உடனடியாக அகற்றுமாறும் தீர்ப்பில் கூறப்பட்டுள்ளது.
 

]]>
http://images.dinamani.com/uploads/user/imagelibrary/2018/9/20/w600X390/padi_temple.jpg http://www.dinamani.com/tamilnadu/2018/oct/22/கோயில்-வளாகங்களில்-உரிமம்-முடிந்த-கடைகளை-அகற்றுக-உயர்-நீதிமன்ற-மதுரைக்-கிளை-3024819.html
3024817 தமிழ்நாடு 108 ஆம்புலன்ஸ் சேவை ஊழியர்கள் வேலை நிறுத்த அறிவிப்பு  DIN DIN Monday, October 22, 2018 05:04 PM +0530  

சென்னை: 108 ஆம்புலன்ஸ் சேவையில் ஈட்டுபட்டுள்ள  ஊழியர்கள் வேலை நிறுத்த அறிவிப்பினை  வெளியிட்டுள்ளனர். 

மாநிலம் முழுவதும் அவசர கால மருத்துவ சேவை தேவைப்படுபவர்களுக்கு உதவிகள் வழங்குவதில், 108 ஆம்புலன்ஸ் சேவை ஊழியர்களின் பனி முக்கியமானதாகும். 

இந்நிலையில் 108 ஆம்புலன்ஸ் சேவையில் ஈட்டுபட்டுள்ள  ஊழியர்கள் வேலை நிறுத்த அறிவிப்பினை வெளியிட்டுள்ளனர்.

விரைவில் வரவிருக்கும் தீபாவளி பண்டிகையினை முன்னிட்டு தங்களுக்கு 30% போனஸ் வழங்க வேண்டுமென்று அவர்கள் கோரிக்கை விடுத்துள்ளனர். 

தங்களது கோரிக்கை நிறைவேற்றப்படாத பட்சத்தில் முதலில் நவம்பர் 5-ஆம் தேதி துவங்கி நவம்பர் 8-ஆம் தேதி வரையும், பின்னர் காலவரையறை வேலை நிறுத்தத்திலும் ஈடுபட உள்ளதாகவும் அவர்கள் தங்கள் அறிவிப்பில் தெரிவித்துள்ளனர்.     

]]>
Diwali, bonus, strike, வேலை நிறுத்தம், அறிவிப்பு , 108 ambulance, indefinitr strike,  108 ஆம்புலன்ஸ் சேவை, 108 Ambulance Service , Strike call http://images.dinamani.com/uploads/user/imagelibrary/2018/6/8/w600X390/108ambulance.jpg http://www.dinamani.com/tamilnadu/2018/oct/22/108-ஆம்புலன்ஸ்-சேவை-ஊழியர்கள்-வேலை-நிறுத்த-அறிவிப்பு-3024817.html
3024287 தமிழ்நாடு தரம் உயர்த்தப்பட்ட பள்ளிகளில் கணினி ஆசிரியர் பணியிடங்களை நிரப்புவது எப்போது? DIN DIN Monday, October 22, 2018 12:20 PM +0530 திருச்சி : உரிய கல்வித் தகுதியுடன் ஆசிரியர்கள் வேலைவாய்ப்பின்றி காத்திருக்கும்போது, தமிழகத்தில் தரம் உயர்த்தப்பட்ட மேல்நிலைப் பள்ளிகளில் நிரப்பப்பட வேண்டிய கணினி ஆசிரியர் பணியிடங்களை இதுவரை நிரப்பாமல் இருப்பது ஏன் என்று கேள்வி எழுப்புகின்றனர் கணினி அறிவியல் பட்டதாரி ஆசிரியர்கள்.
 தமிழகத்தில் அரசு மேல்நிலைப் பள்ளிகளில் அறிவியல் பாடப்பிரிவுகளில் கணினி அறிவியலும் முக்கிய இடத்தைப் பெறுகிறது. பிளஸ் 1 வகுப்பில் அறிவியல் பிரிவைத் தேர்ந்தெடுப்பவர்களின் அடுத்த வாய்ப்பாக கணினி அறிவியல் படிப்பு இடம் பெற்றிருக்கிறது. அறிவியல் பாடப்பிரிவில் கணினி அறிவியல் பிரிவு இருப்பது போல, கலைப் பிரிவில் கணினி அறிவியல் பயன்பாடும், தொழில்பிரிவில் கணினிப் பயிற்சியும் முதன்மைப் பாடமாக இருக்கிறது. எனவே எல்லாவற்றிலும் கணினி அறிவியல் படிப்பு இல்லாமல் இல்லை என்ற நிலை உள்ளது.
 தமிழகத்தில் பள்ளிக் கல்வித்துறையின் கணக்கெடுப்பின்படி, 6 முதல் பிளஸ் 2 வரையிலான மேல்நிலைப் பள்ளிகள் 4,206, 1 முதல் பிளஸ் 2 வரையிலான பள்ளிகள் 2,873 இருப்பதாக தெரிவிக்கிறது. இதில் கணினி அறிவியல் வகுப்புகள் உள்ள மேல்நிலைப்பள்ளிகளில் உள்ள கணினி ஆசிரியர் பணியிடங்களில் அந்தந்த பள்ளித் தலைமையாசிரியர்கள் மூலமாக ரூ.4000 ஊதியத்தில் பணிநியமனம் செய்யப்பட்டு பணியாற்றி வந்தனர்.
 தங்கள் வாழ்வாதாரத்தை காக்கும் வகையில், தங்களுக்கு சிறப்புநிலைகருதி, பணிவாய்ப்பு வழங்க வேண்டும் என்று அப்போதைய முதல்வர் மு.கருணாநிதியிடம், வேலையில்லா கணினிப் பட்டதாரி ஆசிரியர்கள் முறையிட, அதைத் தொடர்ந்து, கடந்த 2007 ஆம் ஆண்டில், இவர்களுக்கு சிறப்பு நுழைவுத்தேர்வு நடத்தி, பணியிடங்களை நிரப்ப முதல்வராக இருந்த கருணாநிதி உத்தரவிட்டார்.
 அதன்படி, சிறப்புத் தேர்வு நடத்தப்பட்டதில் 1348 பேர் தேர்வில் தேர்ச்சி பெற்று முறையான பணி நியமனத்தை பெற்றனர். எஞ்சிய 652 பேர் தேர்வு பெறாத நிலையில் அவர்கள் பணியிலிருந்து வெளியேறிய நிலையில், தொடர்ந்து உச்சநீதிமன்றம் வரை முறையிட்ட வழக்குகளின் மூலமாக இந்த 652 பேருக்கும் பணி வழங்க கடந்த 2016 ஆம் ஆண்டில் உத்தரவிடப்பட்டது. இதைத் தொடர்ந்து அவர்களுக்கு கடந்த 2016 ஆம் ஆண்டில் பணி வாய்ப்பு வழங்கப்பட்டுள்ளது.
 தரம் உயர்த்தியும்வாய்ப்பு இல்லை: தமிழகத்தில் ஒவ்வொரு ஆண்டும் உயர்நிலைப் பள்ளியிலிருந்து மேல்நிலைப் பள்ளியாகத் தரம் உயர்த்தப்படும் பள்ளிகளுக்கு ஆசிரியர் பணியிடங்களும் அறிவிக்கப்படும். அவ்வாறு 2017-18 ஆம் ஆண்டு வரை தமிழகத்தில் தரம் உயர்த்தப்பட்ட பள்ளிகளின் எண்ணிக்கை அதிகமாக உள்ள நிலையில், அந்தப் பள்ளிகளில் நிரப்பப்பட வேண்டிய 765 கணினி அறிவியல் ஆசிரியர் பணியிடங்கள் இதுவரை நிரப்பப்படாமல் இருப்பது ஏன் என்று தெரியவில்லை என்கின்றனர் கணினி அறிவியலில் எம்.எஸ்.சி.பி.எட் முடித்து வேலையில்லாமல் இருக்கும் ஆசிரியர்கள்.
 இதுவரைநாள் வரை கணினி அறிவியல் படிப்பை வழங்கும் ஆசிரியர்கள் பட்டதாரி ஆசிரியர் பிரிவில் தொழில்கல்வி ஆசிரியர் ( கணினிப் பயிற்றுநர்) என்று கருதிதான் அழைக்கப்பட்டு வந்தனர். தற்போது கணினி அறிவியல் படிப்பு முதுகலை ஆசிரியர் பணியிட நிலைக்கு மாற்றப்பட்டுள்ள நிலையில், அதற்கேற்ற வகையில் ஆசிரியர்களை நியமிக்கும் நிலையும் வந்துள்ளது.
 இந்த நிலை மாறுவதற்கு முன்பு நாங்கள் ஆசிரியர் தகுதித்தேர்வு கூடஎழுத இயலாத நிலையில்தான் இருந்தோம். தற்போது முதுகலை ஆசிரியர் என்ற நிலைக்கு நாங்கள் வந்து இருக்கிறோம். ஆனாலும் எங்கேயும் வாய்ப்பு என்பது இல்லாமல் போய்க் கொண்டிருக்கிறது. பள்ளிகளில் மாணவர்கள் சேர்க்கை விட்டுப் போய்விடக்கூடாது என்று கருதி அந்தந்த பள்ளித் தலைமையாசிரியர்கள் தங்கள் பள்ளி பெற்றோர் ஆசிரியர் கழகத்தின் மூலமாக ரூ.4000 ஊதியத்தை பி.எஸ்.சி. எம்.எஸ்.சி. படித்தவர்களைக் கொண்டு கணினி வகுப்புகளை நடத்தி வருகின்றனர். கணினி அறிவியிலில் எம்.எஸ்.சி .பி.எட் முடித்த 54,000 பேர் பணியில்லாமல் தவிக்கும் நிலையில், அரசு எங்கள் பக்கம் பார்வையைத் திருப்பாமல் இருப்பது ஏன்தான் என்பது தெரியவில்லை.
 தொடர்ந்து புறக்கணிப்பு ஏன் ? : தற்போதைய புதியப் பாடத்திட்டத்தின் கீழ் பிளஸ் 1 வகுப்புகளுக்கானபாடத்திட்டங்கள் கல்லூரிகளில் உள்ள நிலைக்கு இருக்கிறது. அந்த நிலையில் உள்ள பாடத்திட்டத்தை உரிய கல்வித் தகுதி உடையவர்களைக் கொண்டு நடத்தினால்தான் மாணவர்களின் கல்வி மேம்படும். தரம் உயர்த்தப்பட்ட மேல்நிலைப் பள்ளிகளில் பலவற்றில் 5 ஆண்டுகளைக் கடந்தும் கூட கணினி ஆசிரியர்கள் நியமிக்கப்படாத நிலைதான் காணப்படுகிறது.
 தமிழக அரசு அண்மையில் 1600 முதுநிலை ஆசிரியர் பணியிடங்களை ரூ.7500 தொகுப்பூதியத்தில் நியமித்துக் கொள்ளலாம் என்றும், ஒவ்வொரு மாவட்டத்திலும் எத்தனை பணியிடங்கள் காலியாக உள்ளது என்ற விவரத்தையும் அறிவித்து,. அதற்கான அரசாணையும்கூட வெளியிட்டது. தமிழ், ஆங்கிலம்,இயற்பியல், விலங்கியல் போன்றப் பாடப்பிரிவுகள் இருந்தாலும் அதிலும் கணினி அறிவியல் பாடம் புறக்கணிக்கப்பட்டிருக்கிறது.
 எங்களின் வாழ்வாதார நிலையைக் கருத்தில் கொண்டு முறையாக பணிவாய்ப்பு, ஊதியம் போன்றவற்றை வழங்க வேண்டும்.
 தமிழகத்தில் தரம் உயர்த்தப்பட்ட மேல்நிலைப் பல்ளிகளில் நிரப்பப்பட வேண்டிய 765 கணினி ஆசிரியர் பணியிடங்களை உரிய முறையில் கவனத்தில் கொண்டு நிரப்ப வேண்டும் என்கின்றனர் தமிழ்நாடு கணினி அறிவியல் வேலையில்லாப் பட்டதாரி ஆசிரியர் சங்கத்தின் மாநிலத் தலைவர் யு.ராமச்சந்திரன் மற்றும் மாநிலச் செய்தித் தொடர்பாளர் பி. வேல்முருகன்.
 1999-ஆம் ஆண்டு முதல் 2007-ஆம் ஆண்டு வரையிலான காலத்தில் பெற்றோர் ஆசிரியர் கழகம் மூலமாக ரூ.4000 ஊதியத்தில் பணி நியமனம் செய்யப்பட்டு, அதன் பின்னர் சிறப்பு நுழைவுத்தேர்வெழுதி பணி நியமனம் செய்யப்பட்ட ஆசிரியர்களைத் தவிர, கடந்த 11 ஆண்டுகளாக முறையான பணி நியமனம் செய்யப்பட்டாமலேயே இருக்கிறது.
 நாங்களும் மற்றப் பாடங்களுக்குப் பாடம் எடுக்கும் ஆசிரியர்களைப் போன்று சிறப்பாகத்தான் பாடம் நடத்துகிறோம். ஆனால், எங்கள் கோரிக்கையைத்தான் அரசுகவனத்தில் கொள்ளாமல் இருப்பது ஏனோ என்கின்றனர் இவர்கள்.
 -கு.வைத்திலிங்கம்
 
 
 

]]>
http://images.dinamani.com/uploads/user/imagelibrary/2018/10/22/w600X390/maths_teacher.jpg http://www.dinamani.com/tamilnadu/2018/oct/22/தரம்-உயர்த்தப்பட்ட-பள்ளிகளில்-கணினி-ஆசிரியர்-பணியிடங்களை-நிரப்புவது-எப்போது-3024287.html
3024290 தமிழ்நாடு கோவைக்குத் தேவை- பெருநகர வளர்ச்சிக் குழுமம் DIN DIN Monday, October 22, 2018 12:20 PM +0530 கோவை: ஒரு நகரத்தின் வளர்ச்சிக்கு ஏற்பவும், அந்த நகரத்தின் மக்கள் தொகைக்கு ஏற்பவும் 5 ஆண்டுகளுக்கு ஒரு முறை வளர்ச்சித் திட்டங்கள் திருத்தி அமைக்கப்பட வேண்டும். இந்தியாவில் 20 சதுர கி.மீ முதல் 100 சதுர கி.மீ வரை பரப்பளவு கொண்ட நகரங்களில் அனுமதிக்கப்படும் நில பயன்பாட்டை நிர்ணயிக்கும் முழுமைத் திட்டத்தை மாஸ்டர் பிளான் என்றும், நகரத்தின் குறிப்பிட்ட ஒரு பகுதியின் வளர்ச்சிக்காகத் திட்டமிடுவது விரிவான வளர்ச்சித் திட்டம் என்றும் அழைக்கப்படுகிறது.
 தமிழகத்தில் சென்னை பெருநகரத்துக்கான மாஸ்டர் பிளானை சென்னை பெருநகர வளர்ச்சிக் குழுமம் வடிவமைக்கிறது. அதேபோல், மாநிலத்தில் உள்ள பிற நகரங்களுக்கான மாஸ்டர் பிளானை நகர ஊரமைப்புத் துறை மேற்கொள்கிறது. இதற்காக சென்னையை தலைமையிடமாகக் கொண்டு மாநிலம் முழுவதிலும் 11 இடங்களில் மண்டல நகர ஊரமைப்புத் துறை அலுவலகங்கள் செயல்பட்டு வருகின்றன.
 தமிழகத்தில் சென்னைக்கு அடுத்தபடியாக மிகப் பெரிய நகரமான கோவை, நாட்டின் முக்கிய தொழில் மண்டலமாகவும், வேகமாக வளர்ந்து வரும் நகரமாகவும் உள்ளது. இந்த நிலையில் கோவை மாநகருக்காக கடந்த 1980ஆம் ஆண்டில் மாஸ்டர் பிளான் உருவாக்கப்பட்டது. இதையடுத்து அந்தத் திட்டம் 1994ஆம் ஆண்டில் திருத்தி அமைக்கப்பட்டது. இதை திருத்துவதற்கு 2004ஆம் ஆண்டில் புதிய திட்டம் உருவாக்கப்பட்டது.
 2011ஆம் ஆண்டு கணக்கெடுப்பின் அடிப்படையில் 34.58 லட்சமாக இருந்த மக்கள் தொகை தற்போது சுமார் 50 லட்சத்தை நெருங்கியிருக்கும் என்று கணிக்கப்படுகிறது. ஒரு மாநகராட்சி, மேட்டுப்பாளையம், பொள்ளாச்சி, வால்பாறை என மூன்று நகராட்சிகள், 10 தாலுகாக்கள், 12 ஒன்றியங்கள், 37 பேரூராட்சிகள், 295 கிராமங்கள் என சுமார் 4,723 சதுர கிலோ மீட்டர் பரப்பளவைக் கொண்டுள்ளது கோவை மாவட்டம்.
 சுமார் 20 லட்சத்துக்கும் மேற்பட்ட தொழிலாளர்கள், ஒரு லட்சம் ஹெக்டேருக்கும் மேற்பட்ட வனப் பகுதி, 4 லட்சத்துக்கும் மேற்பட்ட வணிக நிறுவனங்கள், சுமார் 3 ஆயிரம் தொழிற்சாலைகள், 15 ஆயிரத்துக்கும் மேற்பட்ட சிறு, குறு நிறுவனங்கள், ஆயிரத்துக்கும் மேற்பட்ட கல்வி நிறுவனங்கள், 12 ஆயிரம் கிலோ மீட்டர் சாலைகள் என மிகப் பெரிய கட்டமைப்பைக் கொண்டுள்ள கோவையின் மாஸ்டர் பிளானை 2004ஆம் ஆண்டில் திருத்த முடியவில்லை. அதன் பிறகு 2007, 2011ஆம் ஆண்டுகளிலும் திருத்தம் செய்து வெளியிட நடவடிக்கை மேற்கொள்ளப்பட்டது.
 ஆனால் அதன் வரைவு அறிக்கை கூட வெளியிடப்படவில்லை. இந்த நிலையில்தான், கடந்த 2014ஆம் ஆண்டில் மீண்டும் மாதிரி திட்டம் தயாரிக்க தமிழக அரசு உத்தரவிட்டது. இதன்படி, தயாரிக்கப்பட்ட திட்ட அறிக்கை கடந்த பிப்ரவரி மாதம் அரசின் ஒப்புதலுக்காக அனுப்பி வைக்கப்பட்டுள்ளது. ஆனால், வழக்கம் போலவே இந்தத் திட்ட அறிக்கையும் கிடப்பில் போடப்பட்டுள்ளது.
 இதனால் கோவையின் தொழில் வளர்ச்சி மட்டுமின்றி ஒட்டுமொத்த வளர்ச்சியும் தடைபட்டு வருவதாகக் கூறுகிறார் கொங்கு குளோபல் ஃபோரம் அமைப்பின் இயக்குநர் டி.நந்தகுமார்.
 இது குறித்து அவர் கூறியதாவது: கோவைக்கு கடைசியாக 1994ஆம் ஆண்டில் மாஸ்டர் பிளான் தயாரிக்கப்பட்டது. அதன் பிறகு கடந்த 24 ஆண்டுகளாக அது திருத்தி அமைக்கப்படவில்லை. இந்த காலகட்டத்தில் மக்கள் தொகை சுமார் 20 லட்சம் அதிகரித்துள்ளது.
 அதேபோல் மாநகராட்சி வார்டுகளின் எண்ணிக்கையும் 72இல் இருந்து 100ஆக உயர்ந்துள்ளது. மாநகரில் மட்டும் சுமார் 20 லட்சம் மக்கள் வசிக்கும் அளவுக்கு நகரம் விரிவடைந்துள்ளது. மேலும் கடைசியாகத் தயாரிக்கப்பட்ட மாதிரி திட்டத்தையும் கூட தற்போது திருத்த வேண்டிய நிலை ஏற்பட்டுள்ளது. ஏனெனில் அப்போது தொழிற்சாலைக்கு என ஒதுக்கப்பட்ட இடங்களில் தற்போது விவசாயம் நடைபெற்று வருகிறது. இந்த இடங்களில் தடையில்லாச் சான்று பெற்ற தொழிற்சாலைகள் தொடங்குவதில் மிகப் பெரிய சவால் உள்ளது. எனவே, ஏற்கெனவே தயாரிக்கப்பட்ட மாஸ்டர் பிளானை பொதுமக்கள், தொழில் நிறுவனங்களிடம் கருத்துக் கேட்பதற்காக உடனடியாக வைக்க வேண்டும். அதில் தேவையான திருத்தங்களை செய்து திட்டத்தை உடனடியாக அமல்படுத்த வேண்டும் என்றார்.
 இது குறித்து கோவை உள்ளூர் திட்டக் குழும உறுப்பினர் செயலர் தன்ராஜ் கூறியதாவது: கோவைக்கான மாஸ்டர் பிளான் கடந்த பிப்ரவரி மாதம் தமிழக அரசின் ஒப்புதலுக்காக நகர ஊரமைப்புத் துறை செயலருக்கு அனுப்பி வைக்கப்பட்டுள்ளது. இதையடுத்து கொடிசியா போன்ற பொது தொழில் நிறுவனங்களின் கருத்துகளைக் கேட்டிருக்கிறோம். அதன் அடிப்படையில் தேவையான திருத்தங்களையும் மேற்கொண்டு வருகிறோம். பொதுமக்கள், தொழில் அமைப்புகள், நுகர்வோர் அமைப்புகள் உள்ளிட்ட அனைத்துத் தரப்பினரின் கருத்துகளையும் கேட்டு வரைவுத் திட்டத்தை விரைவில் இறுதி செய்வோம். அதன் பிறகு அதை நடைமுறைப்படுத்துவோம்.
 இதற்கிடையே, அனைத்து மாவட்டங்களுக்கும் மாஸ்டர் பிளான் தயாரிக்க வேண்டும் என்று அனைத்து மாநில அரசுகளுக்கும் மத்திய அரசும் உத்தரவிட்டுள்ளது. இதனால், மாஸ்டர் பிளான் தயாரிக்கும் பணி வேகமாகவே நடைபெற்று வருகிறது என்றார்.
 கோவை பெருநகர வளர்ச்சிக் குழுமம்: என்னதான் மாஸ்டர் பிளான் தயாரிக்கப்பட்டாலும் அவற்றை செயல்படுத்துவதில் பல சிக்கல்கள் ஏற்படும் எனவும், எந்தவித தடையும் இல்லாமல் பணிகளை மேற்கொள்ள வேண்டுமானால் சென்னையில் இருக்கும் சி.எம்.டி.ஏ.வைப் போன்று கோவைக்கும் பெருநகர வளர்ச்சிக் குழுமம் ஏற்படுத்துவதே நிரந்தரத் தீர்வாக இருக்கும் என்கிறார் கோயம்புத்தூர் கன்ஸ்யூமர் காஸ் அமைப்பின் செயலர் கதிர்மதியோன்.
 ஒரு நகரின் எந்தப் பகுதியை எந்தெந்த பயன்பாட்டுக்கு உபயோகப்படுத்த வேண்டும், பேருந்து நிறுத்தம், மேம்பாலம் எங்கு வேண்டும், இணைப்புச் சாலைகள் எங்கு தேவைப்படுகிறது என ஒட்டுமொத்த மேம்பாட்டுக்கும் திட்டமிடுவதற்காக மாஸ்டர் பிளான் தேவைப்படுகிறது. முன்பு கோவை நகரம் மட்டுமே உள்ளூர் திட்டக் குழுமத்தில் இடம் பெற்றிருந்தது. ஆனால் தற்போது பொள்ளாச்சி முதல் மேட்டுப்பாளையம் வரையிலும் ஒட்டு மொத்த மாவட்டமும் திட்டக் குழுமத்தில் வந்துள்ளது. இதனால் இந்த அமைப்பில் உள்ள 10 அதிகாரிகளால் மட்டுமே மாஸ்டர் பிளானை அமல்படுத்திவிட முடியாது.
 எனவே கோவைக்கு நிரந்தரத் தீர்வு கிடைக்க வேண்டும் என்றால் சென்னையில் இருப்பதைப் போன்று பெருநகர வளர்ச்சிக் குழுமத்தை ஏற்படுத்த வேண்டும். இது தொடர்பாக 2009ஆம் ஆண்டிலேயே அறிவிப்பு வெளியிடப்பட்டது. இருப்பினும் அதன் பிறகு எந்த நடவடிக்கையும் எடுக்கப்படவில்லை.
 எனவே, மூத்த ஐ.ஏ.எஸ். அதிகாரி தலைமையில் கோவை பெருநகர வளர்ச்சிக் குழுமத்தை அமைக்க வேண்டும். அந்த அமைப்பின் மூலம் திட்டம், திட்டச் செயலாக்கம் என இரண்டு பணிகளையுமே செய்ய வேண்டும்.
 தவறு செய்பவர்கள் மீது நகர ஊரமைப்புத் துறை அதிகாரிகளால் பெரிய அளவிலான நடவடிக்கைகளை மேற்கொள்ள முடியாது என்பதால் நகரின் மேம்பாட்டுக்கு எதையும் செய்ய இயலாமல் போகும். எனவே அதிக அதிகாரத்தையும், கூடுதலான அதிகாரிகளையும் கொண்டதுமான பெருநகர வளர்ச்சிக் குழுமத்தை அமைக்கத் தேவையான முயற்சிகளில் அரசு ஈடுபட வேண்டும் என்றார் அவர்.
 - க.தங்கராஜா
 

]]>
http://images.dinamani.com/uploads/user/imagelibrary/2018/10/22/w600X390/CBECORP.jpg http://www.dinamani.com/tamilnadu/2018/oct/22/கோவைக்குத்-தேவை--பெருநகர-வளர்ச்சிக்-குழுமம்-3024290.html
3024282 தமிழ்நாடு பராமரிக்கப்படாத நீர் ஆதாரங்கள், பயனில்லாத திட்டங்கள்: ஆபத்தான நிலையில் தமிழக விவசாயம் DIN DIN Monday, October 22, 2018 12:19 PM +0530 நாமக்கல்: நீர் ஆதாரங்கள் உரிய முறையில் பராமரிக்கப்படாதது, பாசனக் கட்டமைப்பு மேம்பாடு அடையாதது போன்ற காரணங்களால் தமிழகத்தில் விவசாயம் மிகவும் ஆபத்தான நிலையில் உள்ளதாக விவசாயிகள் குற்றம்சாட்டுகின்றனர்.
 தமிழகத்தில் நடப்பில் உள்ள மொத்த விவசாய நிலப்பரப்பான சுமார் 1.30 கோடி ஏக்கரில், 90 லட்சம் ஏக்கர் நிலத்துக்கு மட்டும்தான் இதுவரை பாசன வசதி செய்யப்பட்டுள்ளது. இதில், கால்வாய் பாசனம் மூலம் 29 சதவீதம் , குளத்துப் பாசனம் மூலம் 21 சதவீதம், கிணற்றுப் பாசனம் மூலம் 50 சதவீதம் நிலங்கள் பாசனம் பெறுகின்றன.
 குளங்கள் மூலம் பாசன வசதி பெற்றவை 1960-இல் 22 லட்சம் ஏக்கராக இருந்தது. இது 2000-இல் 15 லட்சம் ஏக்கராகவும், தற்போது 8 லட்சம் ஏக்கராகவும் சுருங்கி விட்டது. சராசரியாக ஒரு குளத்தின் மூலம் 45 ஏக்கர் பாசனம் பெற்றுவந்த நிலையில், இப்போது 20 ஏக்கருக்கும் கீழாகக் குறைந்துவிட்டது.
 அழிந்து போன கிணற்றுப் பாசனம்: 90 சதவீத இடங்களில் நிலத்தடி நீர் மட்டம் 1,000 அடிக்கும் கீழ் சென்றுவிட்டதால், தமிழகத்தில் கிணற்றுப்பாசனத்தின் நிலை மிகவும் மோசமாக உள்ளது. மாநிலத்தில் சுமார் 20 லட்சம் கிணறுகள் உள்ளன.
 சுமார் 15.36 லட்சம் ஹெக்டேர் நிலத்துக்கு கிணற்றுப் பாசனம் ஆதாரமாக உள்ளது.
 கடந்த 10 ஆண்டுகளுக்கு முன்பே 53 சதவீத கிணறுகள் முற்றிலும் வறண்டு விட்டன. 27 சதவீதம் கிணறுகள் விவசாயப் பயன்பாட்டுக்குப் பொருத்தமில்லாத உவர் நீர் உள்ளதாகி விட்டன. மீதியுள்ள 20 சதவீதக் கிணறுகளில் தினமும் 2 முதல் 5 மணி நேரம் இறைப்பதற்கே நீர் இருக்கிறது என ஆய்வறிக்கை கூறுகிறது.
 பசுமைப் புரட்சிக்குப் முன்பு 1960-களில் இருந்த நீராதாரங்களின் நிலையையும் இழந்து, புதிய பாசன வசதியையும் பெறாமல், எதிர்கால உத்தரவாதமும் இல்லாமல் இப்போது மிகவும் ஆபத்தான நிலையில் தமிழக விவசாயம் உள்ளது என்பதை இந்த புள்ளிவிவரங்கள் தெரிவிக்கின்றன.
 தொலைநோக்குத் திட்டங்கள் இல்லை: நீர்வரத்து வாய்க்காலை சுத்தம் செய்வது, குளங்களைத் தூர் வாருவது, கரைகளை உயர்த்துவது, அணைகளில் படிந்துள்ள மண்ணை அகற்றுவது ஆகியவை எல்லாம் குடியிருக்கும் வீட்டைக் கூட்டிப் பெருக்குவது போன்ற பராமரிப்பு வேலைகள்தான். நீர்வளத்தைப் பெருக்குவதற்கும், அதை நிரந்தரமாக தக்கவைப்பதற்கும் தொலைநோக்கான, அறிவியல் பூர்வமான திட்டங்கள் வேண்டும். நிலத்தின் மேற்பரப்பிலிருந்து சுமார் முக்கால் அடி ஆழம் வரையிலான மண் மேல்மண் என வரையறுக்கப்படுகிறது.
 பெரும்பாலான தாவரங்கள் இம் மேல் மண்ணில் இருந்துதான் தங்களின் வளர்ச்சிக்கான நுண்ணூட்டச் சத்துகளை எடுத்துக் கொள்கின்றன.
 மழைநீரை உள்வாங்கி மண்ணுக்குள் கசியச்செய்து நிலத்தடி நீர் வளத்தைப் பெருக்குவதிலும் மேல்மண் முக்கியப் பங்கு வகிக்கிறது. வனப்பரப்பு அழிக்கப்படும்போது வளமான மேல்மண்ணும் வெளியே கிளறப்பட்டு, மேற்பரப்பு மண்ணும் மழைநீரால் அரித்துச் செல்லப்பட்டு, நீர்த்தேக்க அணைகளில் வண்டல் மண்ணாக மேடிட்டு நிற்கிறது.
 இதனால் அணைகளின் கொள்ளளவு குறைகிறது. மேலும் நிலத்தடி நீர்வளம் பெருகுவதும் பெருமளவு தடைபடுகிறது. எனவே, வனத்தையும், வன அடிவாரத்திலுள்ள நீர்பிடிப்புப் பகுதியிலும் உள்ள மேல்மண்ணையும் வெளிக் கிளறாமல் தடுத்து பாதுகாப்பதன் மூலமே நீர்வளத்தைப் பெருக்க முடியும்.
 திட்டங்கள் யாருக்காக: 2050-ஆம் ஆண்டில் தற்போதுள்ளதை விடக் கூடுதலாக 57,725 மில்லியன் கன மீட்டர் நீர் தேவைப்படும் என மதிப்பீடு செய்துள்ள நிபுணர்கள் அதற்கான திட்டங்களை நிறைவேற்ற அறிவியல் பூர்வமான பல்வேறு திட்டங்களையும் 20 ஆண்டுகளுக்கு முன்பே அரசிடம் முன்மொழிந்து அறிக்கையாகக் கொடுத்தனர்.
 இதில் நிலத்தடி நீர் வளத்தைப் புதுப்பிப்பதற்காக, முக்கிய நீர்பிடிப்புப் பகுதிகளில் உள்ள மலையடிவார சாய்வு நிலப் பகுதிகளில், சிறு அளவிலான நீர்த்தேக்கங்களை உருவாக்குவது, நீரோடைகளில் தடுப்பணை கட்டுவது, மேலும் வாய்ப்புள்ள இடங்களில் கசிவு நீர் குட்டைகள், சம மட்டக் கரைகளை அமைப்பது, நீர்ப்பிடிப்புப் பகுதிகளில் புதிய கட்டுமானப் பணிகளையும், சட்ட விரோதமான ஆக்கிரமிப்புகளையும் முற்றாகத் தடை செய்ய வேண்டும்.
 மேலும், விவசாயப் பயன்பாடற்ற நிலங்களில் புதிய குளங்களை உருவாக்குவது, நீண்ட கால அடிப்படையில், சேதமடைந்த வனக் காடுகளில் மரக்கன்றுகளை நட்டு பராமரிப்பது, விவசாய நிலங்களில் உரம், பூச்சி மருந்து பயன்பாட்டைக் குறைப்பது, ஆற்று நீரில் தொழிற்சாலைக் கழிவுகள் கொட்டப்படுவதைத் தடுப்பது என்றும் அதில் தெரிவிக்கப்பட்டிருந்தது.
 இதன் அடிப்படையில்தான், வறட்சிப் பகுதி மேம்பாட்டுத் திட்டம், ஒருங்கிணைந்த நீர்த்தேக்கத் திட்டம், தேசிய நீர்ப்பிடிப்புப் பகுதிக்கான நீர்தேக்கத் திட்டம் ஆகிய மத்திய அரசுத் திட்டங்கள் மூலம் பல்லாயிரம் கோடி ரூபாய் நிதி ஒதுக்கீடு செய்யப்பட்டது.
 தமிழக அரசு தன் பங்கிற்கு தமிழ்நாடு நீர்தேக்க வளர்ச்சி ஆணையத்தை அமைத்தது. இவற்றின் வாயிலாக தமிழகத்தில் சிறியதும், பெரியதுமாக 20,000 நீர்தேக்கங்கள்(குளம், குட்டைகள்) ஏற்படுத்தப்பட்டன. இதில் பெரும்பாலானவை இப்போது பராமரிப்பின்றி சேதமடைந்து கிடக்கின்றன. இந்த திட்டங்கள் மூலம் நிலத்தடி நீர் மட்டம் மேம்பாடு அடைந்ததாகவோ, விவசாயம் வளர்ச்சி அடைந்ததாகவோ கண்டிப்பாகக் கூற முடியாது.
 தொடரும் நீர் மாசுபாடு: 1960-களில் தமிழகத்தின் மொத்த நிலப்பரப்பில் 23 சதவீதமாக இருந்த வனப்பரப்பு இப்போது 16 சதவீதமாக சுருங்கிவிட்டது. தமிழகத்தில் 300-க்கும் மேற்பட்ட ஆலைகள் அதிக மாசுபடுத்துபவை என்று மாசுக் கட்டுப்பாட்டு வாரியம் வகைப்படுத்தி வைத்துள்ளது. ஆனால் இதையும் தாண்டி தினமும் 6 லட்சம் லிட்டர் ஆலைக் கழிவுகள் ஆற்றுநீரில் கலக்கிறது என்பதையும் அரசுதான் கூறுகிறது.
 விரக்தி நிலையில் விவசாயிகள்: இதுகுறித்து நாமக்கல் மாவட்டம், சேந்தமங்கலம் அருகே காளப்பநாயக்கன்பட்டி கிராமத்தைச் சேர்ந்த முன்னோடி விவசாயி எம்.ஜி.ராஜேந்திரன் தெரிவித்தது:
 இயற்கை வளங்களை முக்கியமாக நீர்வள ஆதாரங்களைப் பாதுகாப்பது மாநில அரசின் கடமை. நீண்ட காலம் நீர் தேங்காமல் இருக்கும் குளங்களைக் கூட தனியாரோ, அரசோ ஆக்கிரமிக்கக் கூடாது. தண்ணீர் பஞ்சம் வராமல் தடுப்பது என்ற பொறுப்புணர்வுடன் மாநில அரசுகள் நீர் நிலைகளைப் பாதுகாக்க வேண்டும்.
 நீர்நிலைகள் மீதான அனைத்து ஆக்கிரமிப்புகளையும் உடனே அகற்ற வேண்டும். நீர்நிலைகளை அரசு மற்றும் தனியார் கையகப்படுத்தாமல் இருப்பதை மாவட்ட ஆட்சியர் தலைமையிலான மாவட்டக் கமிட்டி உத்தரவாதம் செய்ய வேண்டும் என்று உயர்நீதிமன்றம், உச்சநீதிமன்றத் தீர்ப்புகள் ஏராளமாக வந்துவிட்டன.
 தமிழக நில ஆக்கிரமிப்புத் தடைச் சட்டம் 1965, 1975, 1996, தமிழக நீர்நிலைகள் பாதுகாப்பு மற்றும் ஆக்கிரமிப்புத் தடைச் சட்டம் 2007 என பல சட்டங்களும் இருக்கின்றன. இருப்பினும் இந்தச் சட்டங்கள், நீதிமன்றங்கள் அளித்த தீர்ப்புகள் முழுமையாக அமல்படுத்தப்படுவதில்லை.
 கடந்த கால் நூற்றாண்டு காலமாக செயல்படுத்தப்பட்ட மாற்றுத்திட்டங்கள் எல்லாம் நீர்வளத்தைப் பெருக்கவோ, விவசாயத்தை வளப்படுத்தவோ உதவவில்லை.
 இனியும் விவசாயத்தை நம்பி வாழ முடியாது என்ற விரக்தி நிலைக்கு பெரும்பாலான விவசாயிகள் வந்துவிட்டனர் என்றார்.
 - கே.விஜயபாஸ்கர்
 
 

]]>
http://images.dinamani.com/uploads/user/imagelibrary/2018/10/22/w600X390/des.jpg http://www.dinamani.com/tamilnadu/2018/oct/22/பராமரிக்கப்படாத-நீர்-ஆதாரங்கள்-பயனில்லாத-திட்டங்கள்-ஆபத்தான-நிலையில்-தமிழக-விவசாயம்-3024282.html
3024756 தமிழ்நாடு முதல்வர் மீதான வழக்கை சிபிஐக்கு மாற்றியதை எதிர்த்து லஞ்ச ஒழிப்புத் துறை மேல்முறையீடு DIN DIN Monday, October 22, 2018 11:24 AM +0530
புது தில்லி: தமிழக முதல்வருக்கு எதிரான டெண்டர் முறைகேடு புகார் வழக்கை சிபிஐக்கு மாற்றியதற்கு எதிராக உச்ச நீதிமன்றத்தில் தமிழக லஞ்ச ஒழிப்புத் துறை மேல்முறையீடு செய்துள்ளது.

நெடுஞ்சாலைத் துறைப் பணிகளுக்கான டெண்டர்களை ஒதுக்கியதில் முறைகேடு நடைபெற்றதாக திமுக சார்பில் வழக்குத் தொடர்ந்தது.

தமிழக முதல்வர் மீதான புகார் என்பதால் இந்த வழக்கை சிபிஐக்கு மாற்றி சென்னை உயர் நீதிமன்றம் உத்தரவிட்டது. 

இந்த நிலையில், வழக்கை சிபிஐக்கு மாற்றி உயர் நீதிமன்றம் பிறப்பித்த உத்தரவை எதிர்த்து தமிழக லஞ்ச ஒழிப்புத் துறை உச்ச நீதிமன்றத்தில் மேல்முறையீடு செய்துள்ளது. 
 

]]>
http://images.dinamani.com/uploads/user/imagelibrary/2018/5/14/w600X390/supreemcourt.jpg http://www.dinamani.com/tamilnadu/2018/oct/22/முதல்வர்-மீதான-வழக்கை-சிபிஐக்கு-மாற்றியதை-எதிர்த்து-லஞ்ச-ஒழிப்புத்-துறை-மேல்முறையீடு-3024756.html
3024753 தமிழ்நாடு அவதூறுப் பேச்சு: சென்னை உயர் நீதிமன்றத்தில் ஆஜராகி மன்னிப்புக் கோரினார் ஹெச். ராஜா DIN DIN Monday, October 22, 2018 11:10 AM +0530
சென்னை: நீதிமன்றத்தை அவமதிக்கும் வகையில் பேசிய பேச்சுக்காக சென்னை உயர் நீதிமன்றத்தில் நிபந்தனையற்ற மன்னிப்புக் கோரினார் ஹெச். ராஜா.

உணர்ச்சிவசப்பட்டு பேசிவிட்டதாகவும், நிபந்தனையற்ற மன்னிப்புக் கேட்டுக் கொள்வதாகவும் ஹெச். ராஜா கூறியதை அடுத்து, அவர் மீதான நீதிமன்ற அவமதிப்பு வழக்கு முடித்துவைக்கப்பட்டது.

திருமயத்தில் நடைபெற்ற விநாயகர் சிலை ஊர்வலத்தின் போது, நீதிமன்றத்தை அவமதிக்கும் வகையில் ஹெச். ராஜா பேசியிருந்தார்.

இதனை எதிர்த்து தொடரப்பட்ட வழக்கு விசாரணைக்காக இன்று நேரில் ஆஜரான ஹெச். ராஜா, கோபம் மற்றும் உணர்ச்சிவசப்பட்டு பேசிவிட்டதாகவும், பிறகு அது தவறு என்று வருந்தியதாகவும் கூறியதை ஏற்றுக் கொண்ட நீதிமன்றம், அவமதிப்பு வழக்கை முடித்துவைத்தது.
 

]]>
http://images.dinamani.com/uploads/user/imagelibrary/2016/3/8/11/w600X390/h-raja.jpg http://www.dinamani.com/tamilnadu/2018/oct/22/அவதூறுப்-பேச்சு-சென்னை-உயர்-நீதிமன்றத்தில்-ஆஜராகி-மன்னிப்புக்-கோரினார்-ஹெச்-ராஜா-3024753.html
3024750 தமிழ்நாடு டெங்கு காய்ச்சலுக்குத் தேவையான மருந்துகள் கைவசம் உள்ளன: சுகாதாரத் துறை செயலர் DIN DIN Monday, October 22, 2018 10:55 AM +0530
சென்னை: டெங்கு காய்ச்சல் பாதித்தவர்களுக்கு அளிக்கும் மருந்துகள் தேவையான அளவுக்கு கைவசம் இருப்பதாக தமிழக சுகாதாரத் துறைச் செயலர் ராதாகிருஷ்ணன் தெரிவித்துள்ளார்.

செய்தி தொலைக்காட்சி ஒன்றுக்கு அவர் அளித்த பேட்டியில், வீடு மற்றும் பொது இடங்களில் தண்ணீர்  தேங்குவதை தடுக்க வேண்டும். காலி இடங்களில் மழை நீர் தேங்குவதை தடுக்கவும் உத்தரவிடப்பட்டுள்ளது. டெங்குவால் கர்ப்பிணிகள், பச்சிளங் குழந்தைகள், முதியவர்கள் அதிகம் பாதிக்கப்பட வாய்ப்பு உள்ளதால் அவர்கள் கவனமாக இருக்க வேண்டும் என்று கேட்டுக் கொள்ளப்படுகிறது.

நீர் தேங்கினால் அதனை உடனடியாக அப்புறப்படுத்த வேண்டும். டெங்கு பாதிப்பைக் கட்டுப்படுத்தத் தேவையான நடவடிக்கைகளை எடுக்குமாறு சென்னை மாநகராட்சிக்கு அறிவுறுத்தப்பட்டுள்ளது என்றும் ராதாகிருஷ்ணன் கூறினார்.

சென்னையில் டெங்கு பாதித்து இரட்டைக் குழந்தைகள் உயிரிழந்தது குறித்து விசாரணை நடத்த உத்தரவிடப்பட்டுள்ளது என்றும் அவர் தெரிவித்தார்.
 

]]>
http://images.dinamani.com/uploads/user/imagelibrary/2018/10/22/w600X390/radhakirshnan.jpg http://www.dinamani.com/tamilnadu/2018/oct/22/டெங்கு-காய்ச்சலுக்குத்-தேவையான-மருந்துகள்-கைவசம்-உள்ளன-சுகாதாரத்-துறை-செயலர்-3024750.html
3024413 தமிழ்நாடு ரயில் சேவையில் மாற்றம்  சென்னை, DIN Monday, October 22, 2018 04:00 AM +0530 அரக்கோணம் - ஜோலார்பேட்டை-திருப்பத்தூர் பிரிவில், தண்டவாள பராமரிப்புப் பணி காரணமாக, ரயில் சேவையில் திங்கள், புதன்கிழமை (அக்.22, 24) மாற்றம் செய்யப்பட்டுள்ளது.
 திங்கள்கிழமை மாற்றம் செய்யப்படும் ரயில்கள்: சென்னை சென்ட்ரல் -மங்களூருக்கு திங்கள்கிழமை நண்பகல் 12.05 மணிக்கு புறப்படும் மேற்கு கடற்கரை விரைவு ரயில் ஜோலார்பேட்டையில் 2 மணி நேரம் நின்று செல்லும். மும்பை சிஎஸ்டி - நாகர்கோவிலுக்கு செல்லும் விரைவு ரயில் சோமநாயக்கன்பட்டியில் 3 மணி நேரம் நின்று செல்லும். ஜோலார்பேட்டை-ஈரோடுக்கு பிற்பகல் 3.10 மணிக்கு புறப்பட வேண்டிய பயணிகள் ரயில் நேரம் மாற்றப்பட்டு, மாலை 5.30 மணிக்கு இயக்கப்படும்.
 புதன்கிழமை மாற்றப்படும் ரயில்கள்: சென்னை சென்ட்ரல் -மங்களூருக்கு புதன்கிழமை நண்பகல் 12.05 மணிக்கு புறப்படும் மேற்கு கடற்கரை விரைவு ரயில் ஜோலார்பேட்டையில் 2 மணி நேரம் நின்று செல்லும். கே.எஸ்.ஆர். பெங்களூரு - கோவைக்கு பிற்பகல் 2.15 மணிக்கு புறப்படும் உதய் விரைவு ரயில் சோமநாயக்கன்பட்டியில் 30 நிமிஷம் நின்று செல்லும். ஜோலார்பேட்டை-ஈரோடுக்கு பிற்பகல் 3.10 மணிக்கு புறப்பட வேண்டிய பயணிகள் ரயில் நேரம் மாற்றப்பட்டு, மாலை 5.30 மணிக்கு புறப்பட்டு செல்லும் என தெற்கு ரயில்வே செய்திக்குறிப்பில் தெரிவிக்கப்பட்டுள்ளது.

]]>
http://images.dinamani.com/uploads/user/imagelibrary/2018/7/14/w600X390/train1.jpg http://www.dinamani.com/tamilnadu/2018/oct/22/ரயில்-சேவையில்-மாற்றம்-3024413.html
3024446 தமிழ்நாடு வடகிழக்கு பருவமழை அக்.26 -இல் தொடங்க வாய்ப்பு  சென்னை, DIN Monday, October 22, 2018 03:24 AM +0530 தமிழகத்தில் வடகிழக்கு பருவமழை வரும் 26 -ஆம் தேதி தொடங்குவதற்கான சாதகமான சூழல் உள்ளது என்று சென்னை வானிலை ஆய்வு மையம் தெரிவித்துள்ளது.
 இதுகுறித்து வானிலை ஆய்வு மைய அதிகாரி ஞாயிற்றுக்கிழமை கூறியது:
 தாய்லாந்து மற்றும் வளைகுடா பகுதியில் நிலவிய காற்றழுத்த தாழ்வு பகுதி தற்போது வடக்கு அந்தமான் கடல் மற்றும் அதையொட்டிய மியான்மர் பகுதியில் நிலை கொண்டுள்ளது. இது வடக்கு நோக்கி நகரும். இந்த காற்றழுத்த தாழ்வு பகுதியால் தமிழகத்துக்கு மழை வாய்ப்பு இல்லை.
 அக்.26 -இல்: தென்மேற்கு பருவமழை நாடு முழுவதும் ஞாயிற்றுக்கிழமையுடன் நிறைவடைந்தது. வடகிழக்கு பருவமழையைப் பொருத்தவரை, தமிழகம், கடலோர ஆந்திரம், ராயலசீமா, கேரளம், தெற்கு உள்கர்நாடகம் ஆகிய பகுதிகளில் அக்டோபர் 26 -ஆம் தேதி தொடங்குவதற்கான சாதகமான சூழல் உள்ளது.
 பலத்த மழைக்கு வாய்ப்பு: தென்மேற்கு வங்கக்கடலில் தமிழகம் மற்றும் இலங்கையையொட்டிய பகுதிகளில், வளிமண்டலத்தில் மேலடுக்கு சுழற்சி காணப்படுகிறது. இதன் காரணமாக, தமிழகம் மற்றும் புதுச்சேரியில் ஓரிரு இடங்களில் அடுத்த 24 மணி நேரத்தில் பலத்த மழை பெய்ய வாய்ப்பு உள்ளது. ஒரு சில இடங்களில் இடியுடன்கூடிய மழை பெய்ய வாய்ப்பு உள்ளது. சென்னையில் வானம் பொதுவாக மேகமூட்டமாக காணப்படும். ஒருசில இடங்களில் மழை பெய்யக் கூடும் என்றார் அவர்.
 விருதுநகரில் 120 மி.மீ. மழை: ஞாயிற்றுக்கிழமை காலை 8.30 மணி வரையிலான கடந்த 24 மணி நேரத்தில் விருதுநகரில் 120 மி.மீ. மழை பதிவாகியுள்ளது.
 
 
 
 

]]>
http://images.dinamani.com/uploads/user/imagelibrary/2018/10/21/w600X390/Rain1_copy.jpg http://www.dinamani.com/tamilnadu/2018/oct/22/வடகிழக்கு-பருவமழை-அக்26--இல்-தொடங்க-வாய்ப்பு-3024446.html
3024419 தமிழ்நாடு தனிமனித வெற்றிக்கு சுயஒழுக்கம் அவசியம்: எழுத்தாளர் சிவசங்கரி வலியுறுத்தல்  சென்னை, DIN Monday, October 22, 2018 02:55 AM +0530 தனிமனித வெற்றி, முன்னேற்றத்துக்கு சுயஅலசல் மற்றும் சுயஒழுக்கம் அவசியம் என்று எழுத்தாளர் சிவசங்கரி வலியுறுத்தினார்.
 எழுத்தாளர் சிவசங்கரி - உரத்த சிந்தனை அமைப்பு இணைந்து நடத்திய , முன்னேற்றக் கட்டுரைப் போட்டிக்கான பரிசளிப்பு விழா, முனைவர் அமுதா பாலகிருஷ்ணன் வழங்கும் "வெண்பா வேந்தர்' விருது மற்றும் பரிசளிப்பு விழா சென்னை ஆழ்வார்பேட்டையில் உள்ள சிபிஆர் கன்வென்ஷன் சென்டரில் ஞாயிற்றுக்கிழமை நடைபெற்றது.
 விழாவுக்குத் தலைமை தாங்கிய எழுத்தாளர் சிவசங்கரி, "குழந்தைகள் நல மேம்பாடு', "இளைஞர் நல மேம்பாடு', "மகளிர் நல மேம்பாடு', "பெரியோர் நல மேம்பாடு', "கிராம நல மேம்பாடு' ஆகிய தலைப்புகளில் நடத்தப்பட்ட கட்டுரைப் போட்டிகளில் முதல் பரிசு மற்றும் இரண்டாம் பரிசு பெற்றவர்களுக்கு முறையே ரூ.5,000, ரூ.2,000 பரிசுகளை வழங்கிப் பாராட்டு தெரிவித்தார்.
 "குழந்தைகள் நல மேம்பாடு' என்ற பிரிவில் முனைவர் பா.குணாளனுக்கு முதல் பரிசும், புலவர் தி.வே.விஜயலட்சுமிக்கு இரண்டாம் பரிசும் வழங்கப்பட்டது. "இளைஞர் நல மேம்பாடு' பிரிவில் முனைவர் தென்காசி கணேசனுக்கு முதல் பரிசு அறிவிக்கப்பட்டது. அவரது சார்பில் மனைவி உஷாகணேசன் பரிசைப் பெற்றுக்கொண்டார். 2-ஆம் பரிசு பத்மினி பட்டாபிராமனுக்கு வழங்கப்பட்டது.
 "மகளிர் நல மேம்பாடு' பிரிவில் முதல் பரிசு கோவை புதியவனுக்கும், இரண்டாம் பரிசு இராம.முத்துக்குமரனுக்கும் வழங்கப்பட்டது.
 "பெரியோர் நல மேம்பாடு' பிரிவில் முதல் பரிசு எஸ்.ராமனுக்கும், இரண்டாம் பரிசு கவிஞர் வெற்றிப்பேரொளிக்கும், "கிராம நல மேம்பாடு' பிரிவில் முதல் பரிசு மு.விவேகானந்தனுக்கும், இரண்டாம் பரிசு சோ.ம.செயராசனுக்கும் வழங்கப்பட்டன. பின்னர் "நம் உரத்த சிந்தனை' மாத இதழில் ஜூலை 2017 முதல் ஜூன் 2018 வரை பரிசு பெற்ற 24 வெண்பாக்களிலிருந்து மிகச் சிறந்த 2 வெண்பாக்களை எழுதிய கவிஞர் கோவை கே.பி.பத்மநாபனுக்கும், வல்லம் தாஜூபால் என்கிற கவிஞர் தஞ்சை தாமுவுக்கும், அமுதா பாலகிருஷ்ணன் வழங்கும் "வெண்பா வேந்தர்' விருதை எழுத்தாளர் சிவசங்கரி வழங்கிப் பாராட்டினார்.
 சுயஒழுக்கம் அவசியம்: நிகழ்ச்சியில் சிவசங்கரி பேசியது: அமெரிக்காவில் உள்ள யுஎல்சிஏ பல்கலைக்கழகத்தில் 35 ஆண்டுகளுக்கு முன்பு மேற்கொள்ளப்பட்ட ஒர் ஆய்வு, சில ஆண்டுகளுக்கு முன்பு மீண்டும் மேற்கொள்ளப்பட்டது. "உங்கள் வாழ்வை நீங்கள் எப்படி வாழ ஆசைப்படுகிறீர்கள்' என்பதை அடிப்படையாகக் கொண்டு இந்த ஆய்வு நடத்தப்பட்டது. முதலில் நடத்திய ஆய்வின்போது, அப்போதைய மாணவர்கள் ஒரு நாள் கால அவகாசம் எடுத்துக்கொண்டு, அடுத்தநாள் வந்து நாங்கள் எங்கள் வாழ்க்கையை அர்த்தமுள்ளதாக வாழ ஆசைப்படுகிறோம் என பதிலளித்தனர். ஆனால், இரண்டாவது முறையாக அண்மையில் நடத்தப்பட்ட ஆய்வின்போது, மாணவர்கள் கால அவகாசம் ஏதும் எடுக்காமல் உடனடியாக வசதியான வாழ்க்கையை வாழ ஆசைப்படுகிறோம் என்றனர்.
 அவர்கள் இத்தகைய பதிலை அளித்ததற்கு, முறையான வழிகாட்டியோ, சரியான முன்னுதாரணமோ அவர்களுக்கு இல்லாததுதான் காரணம். இத்தகைய புரிதல்களை நாம் மாணவர்களுக்கு வீடு, பள்ளி என எங்கும் சொல்லிக் கொடுப்பதில்லை. மனிதநேயம்தான் உண்மையான வளர்ச்சியை நமக்கு அளிக்கிறது. ஒருவர் முன்னேற்றம் அடைய தனிமனித ஒழுக்கம், சுயமதிப்பீட்டு சிந்தனை மிகவும் அவசியம். அதற்கு முன்பு நமக்குத்தானே சுய அலசல் செய்து கொள்வதும் அவசியம். நம்மை நாமே விமர்சனம் செய்து கொண்டால்தான் நமக்கான வெற்றி என்ன என்பது புலப்படும் என்றார் சிவசங்கரி.
 நிகழ்ச்சியில் கவிக்கோ ஞானசெல்வன், கவிஞர் ஏர்வாடி எஸ்.இராதாகிருஷ்ணன், வழக்குரைஞர் பின்னலூர் மு.விவேகானந்தன், பாவையர் மலர் ஆசிரியர் வான்மதி, கவிஞர் செம்பியம் நிலவழகன், அமுதா பாலகிருஷ்ணன், உரத்த சிந்தனை அமைப்பின் தலைவர் எஸ்.வி.ராஜசேகர், செயலர் உதயம்ராம், பாலசாண்டில்யன், கவிஞர் கவிமதி, மேலை.பழ.நாகப்பன் உள்ளிட்டோர் பங்கேற்றனர்.
 
 

]]>
http://images.dinamani.com/uploads/user/imagelibrary/2018/10/22/w600X390/PRIZ.jpg http://www.dinamani.com/tamilnadu/2018/oct/22/தனிமனித-வெற்றிக்கு-சுயஒழுக்கம்-அவசியம்-எழுத்தாளர்-சிவசங்கரி-வலியுறுத்தல்-3024419.html
3024418 தமிழ்நாடு மதுரை- ராமேசுவரம் ரயில் பாதையை மின்மயமாக்க திட்டம்: பாம்பன் பாலத்தில் ரயில்வே அதிகாரிகள்ஆய்வு  ராமேசுவரம், DIN Monday, October 22, 2018 02:54 AM +0530 மதுரை - ராமேசுவரம் இடையே ரூ.158 கோடியில் ரயில் பாதையை மின்மயமாக்கல் தொடர்பாக ரயில்வே வாரிய உறுப்பினர் கன்சியாம்சிங் தலைமையில் ரயில்வே பொறியாளர்கள் பாம்பன் ரயில்வே பாலத்தை ஞாயிற்றுக்கிழமை ஆய்வு செய்தனர்.
 மதுரை- ராமேசுவரம் இடையிலான 161 கிலோ மீட்டர் தொலைவு ரயில் பாதையை மின்மயமாக்க ரயில்வே நிர்வாகம் முடிவு செய்துள்ளது. இதற்கான முதல் கட்ட ஆய்வு பணிக்காக ரயில்வே வாரிய உறுப்பினர் கன்சியாம் சிங் தலைமையில் ரயில்வே பொறியாளர்கள் குழுவினர் ஞாயிற்றுக்கிழமை ராமேசுவரம் வந்தனர். பின்னர் பாம்பன் ரயில் பாலத்துக்குச் சென்ற அக் குழுவினர் பாம்பன் ரயில் பாலத்தை மின்மயமாக்க சாத்தியக்கூறுகள் உள்ளனவா என்பது குறித்து ஆய்வு செய்தனர்.
 பின்னர் கன்சியாம் சிங் செய்தியாளர்களிடம் கூறியது: நாடு முழுவதும் ரயில் பாதைகள் மின்மயமாக்கப்பட்டு வரும் நிலையில், தற்போது திருச்சி, மதுரை, நாகர்கோவில் ரயில் பாதைகள் மின்மயமாக்கப்பட்டு சிறப்பாக செயல்பட்டு வருகின்றன. டீசலில் இருந்து மின்மயமாக்கல் மாற்றம் மூலமாக ரூ. 13 ஆயிரத்து 500 கோடி சேமிக்கப்பட்டுள்ளது. மேலும் மதுரை - ராமேசுவரம் இடையே 161 கிலோ மீட்டர் தொலைவிலான ரயில் பாதையை ரூ.158 கோடி மதிப்பிட்டில் மின்மயமாக்க திட்டமிடப்பட்டுள்ளது. ஏற்கெனவே இந்த ரயில்பாதையில் பாம்பனில் புதிய ரயில் பாலம் அமைப்பதற்கான ஆய்வுப் பணிகள் நிறைவடைந்துள்ளன. இந் நிலையில், தற்போது மதுரை - ராமேசுவரம் இடையே ரயில் பாதையை மின்மயமாக்கல் தொடர்பாக ஆய்வு பணிகள் தொடங்கி உள்ளன என்றார்.
 இந்த ஆய்வின்போது தலைமை மின்சாரப் பொறியாளர் கே.வி.வி.சத்ய நாராயணன், மதுரை கோட்ட கூடுதல் மேலாளர் லலித்குமார் மன்சுகனி மற்றும் பொறியாளர் நாகேந்திரபிரசாத், ராமகிருஷ்ணன் உள்ளிட்ட அதிகாரிகள் உடனிருந்தனர்.

]]>
http://images.dinamani.com/uploads/user/imagelibrary/2018/10/22/w600X390/RMS.jpg http://www.dinamani.com/tamilnadu/2018/oct/22/மதுரை--ராமேசுவரம்-ரயில்-பாதையை-மின்மயமாக்க-திட்டம்-பாம்பன்-பாலத்தில்-ரயில்வே-அதிகாரிகள்ஆய்வு-3024418.html
3024417 தமிழ்நாடு சொத்து வரி உயர்வை கண்டித்து மாநிலம் முழுவதும் ஆர்ப்பாட்டம்: மார்க்சிஸ்ட் தீர்மானம்  சென்னை, DIN Monday, October 22, 2018 02:53 AM +0530 சொத்து வரி உயர்வைக் கண்டித்தும், உள்ளாட்சித் தேர்தலை நடத்த வலியுறுத்தியும் மாநிலம் முழுவதும் ஆர்ப்பாட்டம் நடத்துவது என மார்க்சிஸ்ட் கம்யூனிஸ்ட் கட்சியின் செயற்குழுக் கூட்டத்தில் தீர்மானம் நிறைவேற்றப்பட்டுள்ளது.
 மார்க்சிஸ்ட் கட்சியின் மாநிலச் செயற்குழு கூட்டம் மாநில செயற்குழு உறுப்பினர் ஏ.லாசர் தலைமையில் சென்னையில் ஞாயிற்றுக்கிழமை நடைபெற்றது. இதில் அரசியல் தலைமைக்குழு உறுப்பினர் ஜி. ராமகிருஷ்ணன், மாநிலச் செயலாளர் கே. பாலகிருஷ்ணன், மத்தியக்குழு உறுப்பினர்கள், மாநில செயற்குழு உறுப்பினர்கள் கலந்து கொண்டனர்.
 இதில், சொத்து வரி உயர்வோடு, குடிநீர் கட்டணம், குடிநீர் இணைப்புக் கட்டணம், பெயர் மாற்றுக் கட்டணம், பிறப்பு, இறப்பு சான்றிதழ் கட்டணம் ஆகியவையும் பெருமளவு உயர்த்தப்பட்டுள்ளன. வரி சீராய்வு குறித்து மக்கள் கருத்து தெரிவிப்பதற்கு விரிவான விளம்பரமும் செய்யப்படவில்லை, போதிய கால அவகாசமும் தரப்படவில்லை. வரிஉயர்வு மற்றும் கட்டண உயர்வு குறித்து மக்கள் ஆட்சேபணை தெரிவிப்பதற்கான காலக்கெடுவை நீட்டிக்க வேண்டும். இது குறித்து அனைத்துப் பகுதி மக்களும் அறிந்துகொள்ளும் வகையில், விரிவாக விளம்பரம் செய்ய வேண்டும். வரி சீரமைப்பு குறித்து அனைத்து அங்கீகரிக்கப்பட்ட அரசியல் கட்சி பிரதிநிதிகள் கூட்டத்தை நடத்த வேண்டும்.
 இந்தக் கோரிக்கைகளை வலியுறுத்தியும், உள்ளாட்சி மன்றத் தேர்தலை உடனடியாக நடத்தக் கோரியும் அக்டோபர் 29-ஆம் தேதி தமிழகம் முழுவதும் மாநகராட்சி, நகராட்சி, பேரூராட்சி அலுவலகங்கள் முன் மார்க்சிஸ்ட் கம்யூனிஸ்ட் கட்சியின் சார்பில் ஆர்ப்பாட்டம் நடத்தப்படும் எனக் கூட்டத்தில் தீர்மானம் நிறைவேற்றப்பட்டது.

]]>
http://www.dinamani.com/tamilnadu/2018/oct/22/சொத்து-வரி-உயர்வை-கண்டித்து-மாநிலம்-முழுவதும்-ஆர்ப்பாட்டம்-மார்க்சிஸ்ட்-தீர்மானம்-3024417.html
3024416 தமிழ்நாடு நீச்சல் குளத்தில் பள்ளி மாணவர் மர்மச் சாவு  சென்னை DIN Monday, October 22, 2018 02:53 AM +0530 சென்னை வேளச்சேரியில் நீச்சல் குளத்தில், பயிற்சியில் ஈடுபட்ட பள்ளி மாணவர் மர்மமான முறையில் இறந்தது குறித்து போலீஸார் விசாரணை நடத்தி வருகின்றனர்.
 இதுகுறித்து போலீஸ் தரப்பில் கூறப்பட்டதாவது:
 சிட்லப்பாக்கம் சாந்தி அவென்யூவைச் சேர்ந்தவர் ஸ்ரீதர். இவரது மகன் சாய் ஸ்ரீவத்சன் (15). இவர், தாம்பரத்தில் உள்ள ஒரு தனியார் பள்ளியில் 11-ஆம் வகுப்பு படித்து வந்தார். நீச்சல் வீரரான இவர், 15 வயதுக்கு உட்பட்டோருக்கான நீச்சல் போட்டிகளில் கலந்து கொண்டு மாவட்ட அளவில் பதக்கங்களை வென்றுள்ளார்.
 சாய் ஸ்ரீவத்சன், கடந்த 2 தினங்களாக வேளச்சேரி பிரதான சாலையில் உள்ள தமிழ்நாடு விளையாட்டு மேம்பாட்டு ஆணைய நீச்சல் குளத்தில் பயிற்சி பெற்று வந்தார். இந்நிலையில் ஞாயிற்றுக்கிழமை காலை சாய் ஸ்ரீவத்சன் தனது தந்தையுடன் அங்கு நீச்சல் பயிற்சியில் ஈடுபட்டிருந்தார். நீச்சல் பயிற்சியில் ஈடுபட்டிருக்கும்போது சாய் ஸ்ரீவத்சனுக்கு திடீரென மூச்சுத் திணறல் ஏற்பட்டது.
 இதைப் பார்த்த ஸ்ரீதர், அங்குள்ளவர்கள் உதவியுடன் நீச்சல் குளத்தில் இருந்து சாய் ஸ்ரீவத்சனை மீட்டு, வெளியே கொண்டு வந்தார். மேலும் சாய் ஸ்ரீவத்சனுக்கு தொடர்ந்து மூச்சுத் திணறல் ஏற்பட்டதால், அருகே உள்ள ஒரு தனியார் மருத்துவமனைக்கு கொண்டுச் சென்றனர். ஆனால் அங்கு அனுமதிக்கப்பட்ட சிறிது நேரத்தில் சாய் ஸ்ரீவத்சன் இறந்தார். இதுகுறித்து தகவலறிந்த கிண்டி போலீஸார் சம்பவ இடத்துக்கு விரைந்து வந்து, சாய் ஸ்ரீவத்சன் சடலத்தை மீட்டு பிரேத பரிசோதனைக்கு ராயப்பேட்டை அரசு மருத்துவமனைக்கு அனுப்பி வைத்தனர்.
 மேலும் இது குறித்து கிண்டி போலீஸார் வழக்குப் பதிவு செய்து, விசாரணை செய்து வருகின்றனர்.
 இச்சம்பவத்தில் சாய் ஸ்ரீவத்சன் பிரேத பரிசோதனை அறிக்கை கிடைத்த பின்னரே, அவர் எப்படி இறந்தார் என்பதை தெரிவிக்க முடியும் என போலீஸார் தெரிவித்தனர். இறந்த சாய்ஸ்ரீவத்சன், இரு நாள்களுக்கு முன்பு தான் இந்த நீச்சல் குளத்தில் பயிற்சி பெறுவதற்காக சேர்ந்துள்ளதும் போலீஸார் விசாரணையில் தெரியவந்துள்ளது.
 

]]>
http://images.dinamani.com/uploads/user/imagelibrary/2018/10/22/w600X390/boy.jpg http://www.dinamani.com/tamilnadu/2018/oct/22/நீச்சல்-குளத்தில்-பள்ளி-மாணவர்-மர்மச்-சாவு-3024416.html
3024415 தமிழ்நாடு "இந்துமத ஒற்றுமையை மேம்படுத்த சமூக நல்லிணக்க நடவடிக்கைகளை தீவிரப்படுத்த வேண்டும்'  தாம்பரம், DIN Monday, October 22, 2018 02:51 AM +0530 இந்து மத ஒற்றுமையை மேம்படுத்த, அனைத்து சமூகத்தினருடனும் வேறுபாடு இல்லாத நல்லிணக்க நடவடிக்கைகளைத் தீவிரப்படுத்த வேண்டும் என்று ஆர்.எஸ்.எஸ்.சமூக நல்லிணக்கப் பிரிவு தமிழக அமைப்பாளர் குரு சுப்ரமணியன் கூறினார்.
 வண்டலூரை அடுத்த ஊரப்பாக்கம் சங்கர வித்யாலயா மேல்நிலைப் பள்ளியில் ஆர்.எஸ்.எஸ்.அமைப்பின் 95-ஆவது ஆண்டு தொடக்கவிழா நடைபெற்றது.
 விழாவில் ஆர்.எஸ்.எஸ். அகில இந்திய தலைவர் மோகன் பாகவத் உரைத் தொகுப்பு, "நாளைய பாரதம் ஆர்.எஸ்.எஸ்.பார்வை' புத்தகத்தை வெளியிட்டு, குரு சுப்ரமணியன் பேசியது:
 நாட்டில் இந்துமத நம்பிக்கையைத் தகர்த்து சீர்குலைக்கும் நடவடிக்கை தொடர்ந்து நடைபெற்றாலும், பாரம்பரியமாக இங்கு கடைப்பிடிக்கப்படும் பொறுமை, சகிப்புத்தன்மை, ஆன்மபலம் ஆகியவற்றின் மூலம் மக்களிடம் இறை நம்பிக்கை பெருகி, இந்து என்ற உணர்வு தழைத்தோங்கி வளர்கிறது.
 நாம் அனைவரும் இந்து மதத்தைச் சார்ந்தவர்கள் என்ற ஒன்றுபட்ட உணர்வைத் தடுத்து பிளவுப்படுத்தும் தீயசக்திகளை அழிக்கும் வகையில் திருக்கோயில்கள், நீர்நிலைகள், மயானம் ஆகிய 3 இடங்களில் சமரசநிலைக் கடைப்பிடிப்பதன் மூலம் இந்துமதம் சிறப்பான நிலையை அடைய முடியும் என்றார் குருசுப்ரமணியன்.
 முன்னதாக ஆர்.எஸ்.எஸ்.தொண்டர்களின் அணிவகுப்பு ஊர்வலம் நடைபெற்றது.ஆர்.எஸ்.எஸ். சென்னை மாவட்ட தலைவர் எஸ்.சந்திரசேகரன், இணைச் செயலர் கோபாலகிருஷ்ணன், காஞ்சிபுரம் மாவட்ட துணைத் தலைவர் கோ.சு.முருகன், மேற்கு தாம்பரம் எஸ்.பெருமாள் உள்ளிட்டோர் பங்கேற்றனர்.

]]>
http://images.dinamani.com/uploads/user/imagelibrary/2018/10/22/w600X390/RSS.jpg http://www.dinamani.com/tamilnadu/2018/oct/22/இந்துமத-ஒற்றுமையை-மேம்படுத்த-சமூக-நல்லிணக்க-நடவடிக்கைகளை-தீவிரப்படுத்த-வேண்டும்-3024415.html
3024414 தமிழ்நாடு சபரிமலை: நீதிமன்றம் மூலம் பரிகாரம் காண முயற்சிக்க வேண்டும்  தென்காசி, DIN Monday, October 22, 2018 02:50 AM +0530 சபரிமலை விவகாரத்தில் நீதிமன்றத்தின் மூலம் பரிகாரம் காண முயற்சிக்க வேண்டும் என தமிழ்நாடு காங்கிரஸ் கமிட்டி தலைவர் சு.திருநாவுக்கரசர் வலியுறுத்தினார்.
 திருநெல்வேலி மாவட்டம், குற்றாலத்தில் ஞாயிற்றுக்கிழமை செய்தியாளர்களிடம் அவர் கூறியதாவது: மக்களவைத் தேர்தல் நெருங்கி வருவதை முன்னிட்டு தமிழகம் முழுவதும் காங்கிரஸ் கட்சி சார்பில் தேர்தல் பணிகள் முடுக்கி விடப்பட்டுள்ளன. திமுக கூட்டணியில் காங்கிரஸ் தொடர்கிறது. இதில் எந்தவிதமான மாற்றுக் கருத்தும் கிடையாது. காங்கிரஸ் கட்சியுடன் தற்போது கூட்டணி அமைக்க பல கட்சிகள் முன்வருகின்றன. மக்கள் நீதி மய்யம், பாமக ஆகிய கட்சிகள் வெளிப்படையாக தெரிவித்துள்ளன.
 அனைத்து வயது பெண்களும் சபரிமலையில் வழிபடலாம் என உச்ச நீதிமன்றம் தீர்ப்பு வழங்கியுள்ளது. அந்தத் தீர்ப்பை மாநில அரசு அமல்படுத்த முயற்சி செய்து வருகிறது. சபரிமலை கோயிலுக்கு என்று சில ஆகம விதிகளும், சம்பிரதாயங்களும், நம்பிக்கையும் உள்ளது. இத்தீர்ப்புக்கு எதிராக பாதிக்கப்பட்ட கோயில் நிர்வாகத்தினர், இந்துத்துவா அமைப்பினர், ஆன்மிகவாதிகள் நீதிமன்றத்தில் மேல்முறையீடு செய்ய வேண்டும். அதனை தவிர்த்து கோயிலுக்கு செல்லும் பெண்கள், பெண் பத்திரிகையாளர்கள் மீது தாக்குதல் நடத்துவது கண்டனத்துக்குரியது. சபரிமலை, முல்லைப் பெரியாறு என எந்த வழக்காக இருந்தாலும் உச்ச நீதிமன்றத் தீர்ப்பை மதிக்க வேண்டும். தீர்ப்பின் மீது மாறுபாடு உள்ளவர்கள் நீதிமன்றத்தின் மூலம் பரிகாரம் காண முயற்சிக்க வேண்டும் என்றார் அவர்.
 

]]>
http://images.dinamani.com/uploads/user/imagelibrary/2018/2/10/w600X390/congress.jpg http://www.dinamani.com/tamilnadu/2018/oct/22/சபரிமலை-நீதிமன்றம்-மூலம்-பரிகாரம்-காண-முயற்சிக்க-வேண்டும்-3024414.html
3024412 தமிழ்நாடு வைகை அணை ஒரே ஆண்டில் 2-ஆவது முறையாக நிரம்பியது  ஆண்டிபட்டி DIN Monday, October 22, 2018 02:48 AM +0530 வைகை அணை ஒரே ஆண்டில் இரண்டாவது முறையாக நிரம்பியதைத் தொடர்ந்து ஞாயிற்றுக்கிழமை முதல் 7 மதகுகளின் வழியாக உபரிநீர் வெளியேற்றப்படுகிறது.
 தேனி மாவட்டம், ஆண்டிபட்டி அருகே உள்ள வைகை அணை கடந்த ஆகஸ்ட் 20 ஆம் தேதி 28 ஆவது முறையாக 69 அடியை எட்டியது.
 இதையடுத்து அணையிலிருந்து மதுரை திருமங்கலம் கால்வாய் பகுதி மற்றும் மேலூர் கால்வாய் பகுதி பாசனத்துக்கும், மதுரை, சிவகங்கை, ராமநாதபுரம் மாவட்டங்களுக்கும் தண்ணீர் திறக்கப்பட்டது.
 இதன் பின்னர் கடந்த சில வாரங்களாக மேற்குத் தொடர்ச்சி மலை நீர்பிடிப்புப் பகுதிகளில் பெய்து வரும் தொடர்மழையின் காரணமாக இந்த ஆண்டில் இரண்டாவது முறையாகவும், 64 ஆண்டுகளில் 29 முறையாகவும் வைகை அணை நீர்மட்டம் 69 அடியை எட்டியது. மொத்த உயரம் 71 அடி என்பதால் அணையின் பாதுகாப்புக் கருதி ஞாயிற்றுக்கிழமை காலை 5 மணியளவில் அணைக்கு வரும் 4260 கனஅடி தண்ணீரும் உபரிநீராக வெளியேற்றப்பட்டு வருகிறது.
 முல்லைப் பெரியாறு: முல்லை பெரியாறு அணை நீர்மட்டம் 134 அடியாகவும், அணைக்கு நீர்வரத்து விநாடிக்கு 2629 கனஅடியாகவும் உள்ளது. அணையிலிருந்து விநாடிக்கு 1977 கனஅடி தண்ணீர் வெளியேற்றப்படுகிறது.
 

]]>
http://images.dinamani.com/uploads/user/imagelibrary/2018/10/22/w600X390/dam.jpg http://www.dinamani.com/tamilnadu/2018/oct/22/வைகை-அணை-ஒரே-ஆண்டில்-2-ஆவது-முறையாக-நிரம்பியது-3024412.html
3024411 தமிழ்நாடு லாரிகளுக்கான வாடகையை உயர்த்த முடிவு    சென்னை, DIN Monday, October 22, 2018 02:47 AM +0530 டீசல் விலை உயர்வு உள்ளிட்ட பல்வேறு காரணிகள் காரணமாக நவம்பர் 1-ம் தேதி முதல் லாரிகளுக்கான வாடகையை 25 சதவீதம் உயர்த்துவதென சென்னை பார்சல் லாரி உரிமையாளர்கள் நலச் சங்கம் முடிவு செய்துள்ளது.
 இதுதொடர்பாக சங்கத் தலைவர் ஆர்.வி.ரெட்டி, துணைத் தலைவர் கே.எஸ்.எஸ்.மணி ஆகியோர் சென்னையில் சனிக்கிழமை கூட்டாக செய்தியாளர்களிடம் கூறியது: எங்கள் சங்கத்தைச் சேர்ந்த சுமார் 150 உறுப்பினர்கள் சென்னை புறநகர் மற்றும் சென்னையிலிருந்து 200 கிலோ மீட்டருக்குள் தமிழகம் மற்றும் ஆந்திரம், தெலங்கானா உட்பட பல பகுதிகளுக்கு நாள்தோறும் பார்சல் புக்கிங் சேவை செய்து வருகிறோம். டீசல் விலை உயர்வு உள்ளிட்ட பல்வேறு காரணிகள் காரணமாக தொழிலில் கடும் நெருக்கடி ஏற்பட்டுள்ளது.
 தற்போது விலை தொடர்ந்து அதிகரித்து வருவதால் மிகவும் பாதிக்கப்பட்டு வருகிறோம். இதனால் வரும் நவம்பர் 1-ஆம் தேதி முதல் லாரி வாடகையை 25 சதவீதம் உயர்த்துவது என முடிவு செய்துள்ளோம். 4 ஆண்டுகளுக்குப் பிறகு இந்தக் கட்டணம் உயர்த்தப்படுகிறது.
 தமிழகம் முழுவதும் லட்சக்கணக்கானோர் லாரி தொழிலைச் சார்ந்து உள்ளனர். டீசல் விலை உயர்வு அனைவரது வாழ்வாதாரத்தையும் கேள்விக்குறியாக்கியுள்ளது. லாரி வாடகை உயர்த்தப்பட்டால் அத்தியாவசிய பொருள்களின் விலை உயரும்.பொதுமக்களும் பாதிக்கப்படுவர். எனவே, டீசல் விலை குறைப்புக்கான நடவடிக்கைகளை மத்திய, மாநில அரசுகள் உடனடியாக எடுக்க வேண்டும்.
 வாகனங்களின் 3-ஆம் நபர் விபத்துக் காப்பீடு ஆண்டுதோறும் அதிகரித்து வருகிறது. அரசு இதை மறுபரிசீலனை செய்து கட்டணத்தைக் குறைக்க வேண்டும். தமிழகத்தில் ஒப்பந்தம் காலாவதியாகியும் செயல்பட்டு வரும் சுங்கச்சாவடிகளை அகற்ற நடவடிக்கை எடுக்க வேண்டும் என அவர்கள் தெரிவித்தனர். இந்தச் சந்திப்பின்போது சங்கச் செயலர் டி.செல்வக்குமார், பொருளாளர் கே.புருஷோத்தமன் உள்ளிட்டோர் உடனிருந்தனர்.

]]>
http://www.dinamani.com/tamilnadu/2018/oct/22/லாரிகளுக்கான-வாடகையை-உயர்த்த-முடிவு-3024411.html
3024391 தமிழ்நாடு முழுவீச்சில் செயல்படத் தொடங்கிய எண்ணூர் அதானி புதிய சரக்குப் பெட்டக முனையம் நமது நிருபர், திருவொற்றியூர் DIN Monday, October 22, 2018 02:24 AM +0530 எண்ணூர் காமராஜர் துறைமுகத்தில் அதானி குழுமம் சார்பில் ரூ.724 கோடி செலவில் அமைக்கப்பட்டுள்ள புதிய சரக்குப் பெட்டக முனையம் சனிக்கிழமை முதல் முழுவீச்சில் செயல்படத் தொடங்கியுள்ளது. திறப்பு விழா கண்டு சுமார் ஒன்றரை
 ஆண்டுகளுக்குப் பிறகு முதல் வெளிநாட்டுக் கப்பலான எம்.வி.லியோனிடியோ சனிக்கிழமை காமராஜர் துறைமுகம் வந்தடைந்தது.
 மத்திய அரசின் பெரும் துறைமுகங்களில் ஒன்றான எண்ணூர் காமராஜர் துறைமுகத்தில் அதானி குழுமம் சார்பில் ரூ.1,270 கோடி செலவில் புதிய அதிநவீன சரக்குப் பெட்டக முனையம் அமைக்க 2014-ஆம் ஆண்டு அடிக்கல் நாட்டப்பட்டது. அதன்படி ரூ.724 கோடி செலவிலான முதல் கட்ட கட்டுமானப் பணிகள் நிறைவு பெற்றதையடுத்து கடந்த ஆண்டு ஜூன் 8-ஆம் தேதி இம்முனையத்தை தரைவழி மற்றும் கப்பல் போக்குவரத்துத் துறை அமைச்சர் நிதின் கட்கரி திறந்து வைத்தார்.
 இம்முனையம் முதல் கட்டமாக ஆண்டுக்கு சுமார் 8 லட்சம் சரக்குப் பெட்டகங்களை கையாளும் திறன் கொண்டது. இரண்டாம் கட்ட முனையம் அமைக்கும் பணி நிறைவடையும்போது இம்முனையத்தின் கையாளும் திறன் ஆண்டுக்கு சுமார் 15 லட்சம் பெட்டகங்களாக அதிகரிக்கும்.
 ஒன்றரை ஆண்டுகள் காத்திருப்பு: இந்நிலையில் திறப்பு விழா காணப்பட்டு பல மாதங்களாகியும் தனது செயல்பாட்டை இம்முனையம் தொடங்கவில்லை. இதற்கு காரணம் வெளிநாட்டுக் கப்பல்கள் வருகையின்போது செலுத்த வேண்டிய கட்டணம் சென்னை, காட்டுப்பள்ளி, கிருஷ்ணபட்டணம் துறைமுகங்களைவிட அதிகமாக இருந்ததால் கப்பல் நிறுவனங்கள் இங்கு வருவதில் ஆர்வம் காட்டவில்லை.
 இதைக் குறைக்க நடவடிக்கை எடுக்குமாறு கப்பல் துறை அமைச்சகத்திடமும், காமராஜர் துறைமுக நிர்வாகத்திடமும் அதானி குழுமம் தொடர்ந்து வலியுறுத்தி வந்தது. இதையடுத்து சென்னைத் துறைமுகத்துக்கு இணையாக இங்கு வரும் கப்பல்களுக்கும் கட்டணச் சலுகை அளிக்கப்பட்டது. இதையடுத்து வெளிநாட்டுக் கப்பல்களை வரவழைக்கும் முயற்சியில் அதானி குழுமம் ஈடுபட்டது.
 ஷாங்காய் துறைமுகத்துக்கு நேரடிக் கப்பல் போக்குவரத்து: இதையடுத்து கப்பல் போக்குவரத்தில் உலகளவில் முன்னணி நிறுவனங்களில் ஒன்றான மார்க்ஸ் நிறுவனம் காமராஜர் துறைமுக அதானி முனையத்திலிருந்து தனது புதிய சேவையைத் தொடங்க முன்வந்துள்ளது. அதன்படி எம்.வி.லியோனிடியோ என்ற சரக்குப் பெட்டக் கப்பல் சனிக்கிழமை காமராஜர் துறைமுகம் வந்தடைந்தது.
 முதல் வருகையின் போது 783 பெட்டங்கள் கையாளப்பட்டன. சீனாவின் ஷாங்காய் துறைமுகத்திலிருந்து தனது பயணத்தை தொடங்கிய இக்கப்பல் மலேசியாவின் டாஞ்சுங் பிலிபாஸ் வழியாக காமராஜர் துறைமுகம்
 வந்தடைந்தது.
 இந்நிலையில் ஞாயிற்றுக்கிழமை புறப்பட்ட இக்கப்பல் சென்னை, கிருஷ்ணபட்டணம், விசாகபட்டனம் வழியாக மீண்டும் ஷாங்காய் துறைமுகத்தைச் சென்றடைகிறது.
 பயண நாள்கள் 14 நாள்களாக இருக்கும் எனவும், வாராந்திர சேவையாக தொடங்கப்பட்டுள்ள புதிய தடத்தில் பயணிக்க ஐந்து கப்பல்கள் இணைக்கப்பட உள்ளதாகவும், சனிக்கிழமைதோறும் இக்கப்பல்கள் தொடர்ச்சியாக காமராஜர் துறைமுகத்தில் உள்ள அதானி முனையம் வந்து செல்லும் எனவும் தெரிவிக்கப்பட்டுள்ளது.
 நெரிசல் குறையுமா?: சென்னைத் துறைமுகத்தில் இரண்டு தனியார் சரக்குப் பெட்டக முனையங்கள் உள்ளன.
 இவை தவிர எண்ணூரை அடுத்த காட்டுப்பள்ளியில் அதானி சரக்குப் பெட்டகத்திற்கென்றே வடிவமைக்கப்பட்ட முனையம் உள்ளது.
 இது தவிர நான்காவது முனையம் காமராஜர் துறைமுகத்தில் அதானி குழுமத்தால் அமைக்கப்பட்டுள்ள சரக்குப் பெட்டக முனையம் தனது முழுமையான செயல்பாட்டைத் தொடங்கியுள்ளது.
 தற்போது சென்னைத் துறைமுகத்தில் மாதம் சுமார் ஒரு லட்சம் கண்டெய்னர்களும், காட்டுப்பள்ளியில் சுமார் 55 ஆயிரம் கண்டெய்னர்களும் கையாளப்படுகின்றன. இந்நிலையில் புதிதாகத் தொடங்கங்பட்டு அதானி எண்ணூர் முனையம் தனது செயல்பாட்டை முழுவீச்சில் தொடங்கியுள்ளது.
 இதன் மூலம் சென்னையில் தொடர்ந்து இருந்து வரும் கண்டெய்னர் லாரிகள் போக்குவரத்து நெரிசல் படிப்படியாகக் குறையும் எனவும் சென்னை, அதானி முனையங்களுக்கு இடையேயான வர்த்தகப் போட்டியும் அதிகரிக்கும் என எதிர்பார்க்கப்படுகிறது.
 
 
 

]]>
http://images.dinamani.com/uploads/user/imagelibrary/2018/10/22/w600X390/ADANI.jpg http://www.dinamani.com/tamilnadu/2018/oct/22/முழுவீச்சில்-செயல்படத்-தொடங்கிய-எண்ணூர்-அதானி-புதிய-சரக்குப்-பெட்டக-முனையம்-3024391.html
3024308 தமிழ்நாடு வெளிநாடுகளிலிருந்து ரூ.150 கோடி மதிப்பிலான ஐம்பொன் சிலைகள் மீட்பு  திருவாரூர், DIN Monday, October 22, 2018 01:29 AM +0530 வெளிநாடுகளிலிருந்து இதுவரை சுமார் ரூ.150 கோடி மதிப்பிலான ஐம்பொன் சிலைகள் மீட்கப்பட்டுள்ளன என்று சிலை கடத்தல் தடுப்புப் பிரிவு ஐ.ஜி. பொன்.மாணிக்கவேல் தெரிவித்தார்.
 திருவாரூர் தியாகராஜர் கோயில் வளாகத்தில் உள்ள சிலைகள் காப்பகத்தில் பாதுகாப்பாக வைக்கப்பட்டுள்ள சிலைகளை ஆய்வு செய்யும் பணிகள் நடைபெற்றுவருகின்றன. இப்பணிகளை சிலை கடத்தல் தடுப்புப் பிரிவு ஐ.ஜி. பொன்.மாணிக்கவேல் ஞாயிற்றுக்கிழமை பார்வையிட்டார்.
 பின்னர், செய்தியாளர்களிடம் அவர் கூறியது: தமிழகம் முழுவதும் 398 அரிதான சிலைகள் குறித்து ஆய்வுகள் மேற்கொள்ளப்பட்டுள்ளன. தியாகராஜர் கோயிலில் ஞாயிற்றுக்கிழமை மட்டும் 87 சிலைகள் ஆய்வு செய்யப்பட்டுள்ளன. ஒரு நாளைக்கு சுமார் 80 சிலைகளை மட்டுமே ஆய்வு செய்ய இயலும். இந்தக் காப்பகத்தில் உள்ள அனைத்து சிலைகளும் படிப்படியாக ஆய்வுக்கு உட்படுத்தப்படும். திருவாரூர் கோயிலில் உள்ள கல் தூண்களை ரன்வீர் ஷா கடத்தியதாக புகார்கள் வந்துள்ளன. இது குறித்து முறையாக விசாரிக்கப்படும்.
 சிலை கடத்தல் தொடர்பாக ஜாமீன் கேட்டு யார் விண்ணப்பித்திருந்தாலும், நீதிமன்றத்தில் விசாரணையின்போது நாங்கள் எதிர்ப்புத் தெரிவித்து வருகிறோம். இதுவரை தமிழகத்தில் காணாமல் போன 1,500 சிலைகள் மீட்கப்பட்டுள்ளன. வெளிநாடுகளிலிருந்து இதுவரை சுமார் ரூ.150 கோடி மதிப்பிலான ஐம்பொன் சிலைகள் மீட்கப்பட்டுள்ளன. அதேபோல், ரூ.400 கோடி மதிப்பிலான சிலைகளை தமிழகத்திலிருந்து கடத்தவிடாமல் பாதுகாத்துள்ளோம் என்றார்.
 
 

]]>
http://images.dinamani.com/uploads/user/imagelibrary/2018/10/16/w600X390/ponmanickavel.jpg http://www.dinamani.com/tamilnadu/2018/oct/22/வெளிநாடுகளிலிருந்து-ரூ150-கோடி-மதிப்பிலான-ஐம்பொன்-சிலைகள்-மீட்பு-3024308.html
3024297 தமிழ்நாடு திமுக முன்னாள் அமைச்சர்கள் மீதான வழக்குகள் விசாரிக்கப்பட்டு, தண்டிக்கப்படுவர்  சேலம், DIN Monday, October 22, 2018 01:23 AM +0530 உச்சநீதிமன்ற உத்தரவின் பேரில் அமைக்கப்பட்ட தனி நீதிமன்றத்தில் தி.மு.க. முன்னாள் அமைச்சர்கள் மீதான வழக்குகள் விசாரிக்கப்பட்டு, தண்டிக்கப்படுவர் என முதல்வர் எடப்பாடி கே.பழனிசாமி தெரிவித்தார்.
 சேலம் மாவட்டம், வீரபாண்டி அருகேயுள்ள பூலாவரியில் அ.தி.மு.க. 47-ஆவது ஆண்டு தொடக்க கொடியேற்று விழா மற்றும் நலத் திட்ட உதவிகள் வழங்கும் விழா, மாற்றுக் கட்சியினர் இணையும் விழா ஞாயிற்றுக்கிழமை (அக். 21) நடைபெற்றது. விழாவில் முதல்வர் எடப்பாடி கே.பழனிசாமி பேசியது:
 மறைந்த முன்னாள் முதல்வர்கள் எம்.ஜி.ஆர்., ஜெயலலிதா ஆகியோருக்கு பல சோதனைகளை தி.மு.க. கொடுத்து வந்தது. இரு தலைவர்களும் அந்த சோதனைகளைத் தகர்த்து எறிந்து ஆட்சியைப் பிடித்தனர். எம்.ஜி.ஆர். 11 ஆண்டுகளும், ஜெயலலிதா 6 முறை முதல்வராக இருந்து 15 ஆண்டுகளுக்கும் மேலாக சிறப்பாக ஆட்சி நடத்தினார். அரசியல் வரலாற்றில் இந்தியாவிலேயே அதிக சோதனைகளைச் சந்தித்தவர் ஜெயலலிதா.
 மறைந்த முதல்வர் ஜெயலலிதா இருந்தபோது, அ.தி.மு.க. தொண்டர் எண்ணிக்கை ஒன்றரைக் கோடியாக இருந்தது.
 இப்போது 1.20 கோடி தொண்டர்கள் உள்ளனர். இளம்பெண்கள் பாசறை, இளைஞர் பாசறை மூலம் உறுப்பினர் சேர்க்கை தீவிரப்படுத்தப்பட்டு வருகிறது. இதன் மூலம் 30 லட்சம் தொண்டர்கள் சேர இருக்கின்றனர்.
 இதையெல்லாம் பொறுத்துக் கொள்ள முடியாத நிலையில் திமுக தலைவர் மு.க.ஸ்டாலின் உள்ளார். திமுக தலைவராக மு.கருணாநிதி இருந்தபோதே
 அ.தி.மு.க.வை ஒன்றும் செய்ய முடியவில்லை. உங்களால் என்ன செய்ய முடியும்?
 தி.மு.க.வினர் தினந்தோறும் பொய் பேசிக் கொண்டே இருக்கின்றனர். அவர்கள் ஒருபோதும் ஆட்சிக்கு வர முடியாது. நீர் மேலாண்மைத் திட்டத்தில் தடுப்பணைகள் கட்ட ஓர் அமைப்பை ஏற்படுத்தி உள்ளோம். இதன் மூலம் அடுத்த 2 முதல் 3 ஆண்டுகளில் நீர் நிலைகளில் போதிய நீரைச் சேமித்து வைக்க முடியும்.
 குடிநீர் வசதி கிடைக்காமல் மக்கள் சிரமப்படும் பகுதிகளை ஆய்வு செய்து, பாதுகாக்கப்பட்ட குடிநீர் வழங்க நடவடிக்கை எடுக்க உள்ளோம்.
 விஞ்ஞான முறையில் ஊழல் செய்தது தி.மு.க. என சர்க்காரியா கமிஷன் சுட்டிக் காட்டியது. பூச்சி மருந்து பேர ஊழல், அரிசி பேர ஊழல், வீராணம் கூட்டுக் குடிநீர்த் திட்டத்திலும் தி.மு.க.வினர் ஊழலில் ஈடுபட்டனர். இதனால் மக்கள் குடிநீர் கிடைக்காமல் பாதிக்கப்பட்டனர். பின்னர்அந்தத் திட்டம் நிறுத்தப்பட்டது.
 மறைந்த முதல்வர் ஜெயலலிதா புதிய வீராணம் திட்டம் என்ற திட்டத்தைக் கொண்டு வந்து, சென்னை மக்களுக்கு தங்கு தடையில்லாமல் பாதுகாக்கப்பட்ட குடிநீரை வழங்கினார்.
 உச்ச நீதிமன்ற உத்தரவின் பேரில், சட்டப்பேரவை உறுப்பினர், நாடாளுமன்ற உறுப்பினர், அமைச்சர்கள் மீதான வழக்குகளை விசாரிக்க தனி நீதிமன்றம் அமைக்கப்பட்டது. இந்த நீதிமன்றத்தில் முதல் வழக்கு மு.க.ஸ்டாலின் மீதுதான் வந்தது.
 திமுக ஆட்சியில் 11 அமைச்சர்கள் மீது வழக்கு உள்ளது. இந்த வழக்குகள் அனைத்தும் தனி நீதிமன்ற விசாரணைக்கு வரும்போது அவர்கள் நிச்சயம் தண்டிக்கப்படுவர்.
 திமுக மீது கெட்ட பெயர் ஏற்பட்டு விடக்கூடாது என்பதற்காக, அதிமுக மீது பழி சுமத்தி வருகின்றனர் என்றார் முதல்வர்.
 
 

]]>
http://images.dinamani.com/uploads/user/imagelibrary/2018/9/7/w600X390/EPS.jpg http://www.dinamani.com/tamilnadu/2018/oct/22/திமுக-முன்னாள்-அமைச்சர்கள்-மீதான-வழக்குகள்-விசாரிக்கப்பட்டு-தண்டிக்கப்படுவர்-3024297.html
3024258 தமிழ்நாடு தஞ்சை பெரிய கோயில் சிலைகள் 2-ஆவது நாளாக ஆய்வு DIN DIN Monday, October 22, 2018 01:08 AM +0530 தஞ்சை பெரிய கோயிலில் உள்ள ஐம்பொன் சிலைகளின் தொன்மைத் தன்மை குறித்து சிலை கடத்தல் தடுப்புப் பிரிவினர், தொல்லியல் துறை அலுவலர்கள் 2-ஆவது நாளாக ஞாயிற்றுக்கிழமையும் ஆய்வு செய்தனர்.
 தஞ்சை பெரியகோயிலில் இருந்து 60 ஆண்டுக்கு முன் மாயமான ராஜராஜசோழன், லோகமாதேவி சிலைகளை குஜராத்திலிருந்து சிலை கடத்தல் தடுப்புப் பிரிவினர் மே 29 ஆம் தேதி மீட்டுக் கொண்டு வந்தனர். இதைத் தொடர்ந்து, பெரியகோயிலில் உள்ள மேலும் சில சிலைகள் திருடு போயிருப்பதும், சில சிலைகள் மாற்றி வைக்கப்பட்டுள்ளதாகவும் சிலை கடத்தல் தடுப்புப் பிரிவு போலீஸாருக்கு புகார்கள் வந்தன.
 இந்நிலையில் இக்கோயிலில் உள்ள ஐம்பொன் சிலைகளின் தொன்மைத் தன்மை குறித்து செப். 29-ம் தேதியும், அக். 11 ஆம் தேதியும் சிலை கடத்தல் தடுப்புப் பிரிவினர், தொல்லியல் துறையினர் ஆய்வு மேற்கொண்டனர்.
 இதைத் தொடர்ந்து அக். 20 (சனிக்கிழமை) ஐம்பொன் சிலைகளின் தொன்மை தன்மை குறித்து ஆய்வு செய்யப்பட்டது. இதற்காக அர்த்த மண்டபத்தில் உள்ள 41 சிலைகள் முருகன் சன்னதி முன் உள்ள ராஜா மண்டபத்திற்கு கொண்டு செல்லப்பட்டன. இதேபோல, புன்னைநல்லூர் மாரியம்மன் கோயிலில் உள்ள 19 சிலைகளும் ஆய்வு செய்யப்பட்டன.
 இந்நிலையில் ஞாயிற்றுக்கிழமை 2-ஆவது நாளாக தஞ்சை பெரியகோயிலில் சிலை கடத்தல் தடுப்பு பிரிவு போலீஸார்,ஷ்ர தொல்லியல் துறை அதிகாரிகள் உதவியுடன் ஆய்வு மேற்கொண்டனர். காலை 7 மணிக்கு சிலை கடத்தல் தடுப்புப் பிரிவு ஏடிஎஸ்பி ராஜாராமன் தலைமையில் 25-க்கும் மேற்பட்ட போலீஸாரும், இந்திய தொல்லியல் துறை தென் மண்டல இயக்குநர் எம். நம்பிராஜன் தலைமையில் தொல்லியல் துறையினரும் தஞ்சை பெரிய கோயில் சிலைகள் பாதுகாப்பு மையத்தில் இருந்த சிலைகளை எடுத்து, அங்கேயே வைத்து 9 மணி வரை ஆய்வு மேற்கொண்டனர். ஆய்வு முடித்த பிறகு, திருவாரூர் புறப்பட்டுச் சென்றனர்.
 ஆய்வுக்குப் பிறகு இந்திய தொல்லியல் துறை தென் மண்டல இயக்குநர் எம். நம்பிராஜன் கூறியது:
 தஞ்சை பெரியகோயில், புன்னைநல்லூர் மாரியம்மன் கோயில்களில் உள்ள ஐம்பொன் சிலைகள் அதி நவீன கருவிகளை கொண்டு, சிலை கடத்தல் தடுப்பு பிரிவு போலீஸார் உதவியுடன் சோதனை செய்யப்பட்டது. சனிக்கிழமை தஞ்சை பெரிய கோயிலில் உள்ள 41 சிலைகளில் 38 சிலைகள் ஆய்வு செய்யப்பட்ட நிலையில், மீதமுள்ள 3 சிலைகள் ஞாயிற்றுக்கிழமை ஆய்வு செய்யப்பட்டன. தஞ்சை புன்னை நல்லூர் மாரியம்மன் கோயிலில் சனிக்கிழமை இரவு வரை 19 சிலைகள் ஆய்வு செய்யப்பட்டன. மேற்கண்ட ஆய்வு முடிவுகளின் அறிக்கை விரைவில் சமர்ப்பிக்கப்படும் என்றார் அவர்.
 

]]>
http://images.dinamani.com/uploads/user/imagelibrary/2018/10/22/w600X390/tan.jpg http://www.dinamani.com/tamilnadu/2018/oct/22/தஞ்சை-பெரிய-கோயில்-சிலைகள்-2-ஆவது-நாளாக-ஆய்வு-3024258.html
3024252 தமிழ்நாடு "ரூபாய் மதிப்பு வீழ்ச்சி எதிரொலி: தங்கம் பவுன் ரூ.25 ஆயிரத்தை கடக்கும்'  சென்னை, DIN Monday, October 22, 2018 01:07 AM +0530 அமெரிக்க டாலருக்கு நிகரான இந்திய ரூபாய் மதிப்பு வீழ்ச்சி அடைந்து வருவதால், தங்கம் விலை தொடர்ந்து அதிகரிக்கும் என்று சென்னை தங்கம் மற்றும் வைர வியாபாரிகள் சங்கத் தலைவர் ஜெயந்திலால் சலானி தெரிவித்தார்.
 இதுகுறித்து அவர் ஞாயிற்றுக்கிழமை மேலும் கூறியது: அமெரிக்க டாலருக்கு நிகரான இந்திய ரூபாய் மதிப்பு வீழ்ச்சி அடைந்துள்ளது. மேலும் ஈரானிடம் இருந்து கச்சா எண்ணெய் வாங்கக் கூடாது என்றும், மீறி வாங்கினால் பொருளாதாரத் தடை விதிக்கப்படும் என்றும் உலக நாடுகளுக்கு அமெரிக்கா எச்சரிக்கை விடுத்துள்ளது. இவற்றின் காரணமாக உலகச் சந்தையில் தங்கத்தின் விலை அதிகரித்து வருகிறது.
 தீபாவளிப் பண்டிகை நேரத்தில் ஒரு பவுன் தங்கம் ரூ.25 ஆயிரத்தை கடக்கும். அமெரிக்க டாலருக்கு நிகரான இந்திய ரூபாயின் மதிப்பு உயர்ந்தால் மட்டுமே தங்கத்தின் விலை குறையும் என்றார் அவர்.
 தங்கம் விலை செப்டம்பர் முதல் வாரத்தில் இருந்து உயர்ந்து வருகிறது. அப்போது ஒரு கிராம் தங்கம் விலை ரூ.2,900 ஆக இருந்தது. அக்டோபர் 6 -ஆம் தேதி ஒரு கிராம் தங்கம் ரூ.3,000-த்தை தொட்டது. அதைத்தொடர்ந்து, தங்கத்தின் விலை உயர்ந்து வருகிறது. கடந்த வாரத்தில் மட்டும் தங்கம் விலை கிராமுக்கு ரூ.46 வரை உயர்ந்துள்ளது.
 

]]>
http://www.dinamani.com/tamilnadu/2018/oct/22/ரூபாய்-மதிப்பு-வீழ்ச்சி-எதிரொலி-தங்கம்-பவுன்-ரூ25-ஆயிரத்தை-கடக்கும்-3024252.html
3024250 தமிழ்நாடு தேசிய கட்சிகள் தமிழகத்தில் காலூன்ற முடியாது  கோவில்பட்டி DIN Monday, October 22, 2018 01:06 AM +0530 தேசிய கட்சிகள் தமிழகத்தில் ஒருபோதும் காலூன்ற முடியாது என்றார் தமிழக செய்தி மற்றும் விளம்பரத் துறை அமைச்சர் கடம்பூர் செ.ராஜு.
 தூத்துக்குடி மாவட்டம், கோவில்பட்டியில் ஞாயிற்றுக்கிழமை செய்தியாளர்களிடம் அவர் கூறியதாவது: மீனவர்கள் கடல் எல்லையை தாண்டக் கூடாது என பலமுறை மாவட்ட நிர்வாகத்தின் மூலம் அறிவுறுத்தப்பட்டுள்ளது. நமது மீனவர்கள் எல்லையை தாண்டி மீன்பிடித்ததாக அதிகப்படியான அபராதத்தை இலங்கை அரசு விதித்துள்ளது. இது கண்டிக்கத்தக்கது. இதுகுறித்து பிரதமருக்கு முதல்வர் கடிதம் எழுதியுள்ளார்.
 அதிமுக 1972இல் உருவானது. 1977 முதல் 2016 வரை 10 சட்டப்பேரவைத் தேர்தல்களை சந்தித்துள்ளது. அதில் 7 முறை வெற்றி பெற்றுள்ளது. இந்நிலையில் கமல்ஹாசன் போன்றவர்களைப் பார்த்து அதிமுகவினர் பயப்பட மாட்டார்கள். தமிழகம் 1967 முதல் தொடர்ந்து 50 ஆண்டு காலம் திராவிட பூமியாக இருந்து வருகிறது. தேசியக் கட்சிகள் தமிழகத்தில் ஒருபோதும் காலூன்ற முடியாது.
 அதிமுகவுக்கு யாரும் "செக்' வைக்க முடியாது. அதிமுக தனித்தன்மையுடன் செயல்பட்டு வருகிறது. தற்போது நடந்து முடிந்த 100 சதவீத கூட்டுறவுத் தேர்தலில் 90 சதவீதம் அதிமுகவை சார்ந்தவர்களே அதிக வெற்றியைப் பெற்றிருக்கிறார்கள் என்றார் அவர்.
 மாணவிகளுக்குப் பாராட்டு: கோவில்பட்டி இலக்குமி ஆலை மேல்நிலைப் பள்ளியைச் சேர்ந்த மாணவி பாக்கியஸ்ரீ 14 வயதுக்கு உள்பட்டோருக்கான பிரிவிலும், மாணவி நந்தினி 17 வயதுக்கு உள்பட்டோருக்கான பிரிவிலும் கைப்பந்து போட்டியில் வெற்றி பெற்று, தேசிய கைப்பந்துப் போட்டியில் தமிழக அணி சார்பாக பங்கேற்க தகுதி பெற்றுள்ளனர். அவர்களுக்கு அமைச்சர் பரிசுகளை வழங்கிப் பாராட்டினார்.
 

]]>
http://images.dinamani.com/uploads/user/imagelibrary/2018/6/6/w600X390/KADAMBUR-RAJU.jpg http://www.dinamani.com/tamilnadu/2018/oct/22/தேசிய-கட்சிகள்-தமிழகத்தில்-காலூன்ற-முடியாது-3024250.html
3024247 தமிழ்நாடு அக்.25-இல் திமுக மக்களவை தொகுதி பொறுப்பாளர்கள் கூட்டம்  சென்னை, DIN Monday, October 22, 2018 01:06 AM +0530 மக்களவைத் தேர்தலுக்கு தயாராகிவரும் திமுக, அண்ணா அறிவாலயத்தில் வரும் 25 -ஆம் தேதி கட்சியின் மாவட்டச் செயலாளர்கள், மக்களவைத் தொகுதி பொறுப்பாளர்கள் கூட்டத்தைக் கூட்டியுள்ளது.
 இதற்கான அறிவிப்பை கட்சியின் பொதுச் செயலாளர் க.அன்பழகன் ஞாயிற்றுக்கிழமை வெளியிட்டார். மக்களவைத் தேர்தலுக்கு திமுக மும்முரமாகத் தயாராகி வருகிறது. இதற்காக, தமிழகம், புதுச்சேரியில் உள்ள 40 மக்களவைத் தொகுதிகளுக்கும் பொறுப்பாளர்களை நியமித்துள்ளது. தொகுதிக்கு 2 பேர் வீதம் 80 பொறுப்பாளர்கள் நியமிக்கப்பட்டுள்ளனர். அதைத்தொடர்ந்து வருகிற 25 -ஆம் தேதி மாவட்டச் செயலாளர்கள், மக்களவைத் தொகுதி பொறுப்பாளர்கள் ஆலோசனைக் கூட்டத்தை கூட்டியுள்ளது. இக்கூட்டத்தில் தேர்தல் பணிகள், கூட்டணி குறித்து ஆலோசிக்கப்பட உள்ளதுடன், சில முக்கிய முடிவுகளும் எடுக்கப்பட வாய்ப்பு உள்ளதாக கட்சி வட்டாரங்கள் தெரிவித்தன.
 

]]>
http://www.dinamani.com/tamilnadu/2018/oct/22/அக்25-இல்-திமுக-மக்களவை-தொகுதி-பொறுப்பாளர்கள்-கூட்டம்-3024247.html
3024245 தமிழ்நாடு அதிமுகவை மீட்பதே எங்களது நோக்கம்  சென்னை, DIN Monday, October 22, 2018 01:05 AM +0530 அதிமுகவையும், இரட்டை இலை சின்னத்தையும் மீட்பதே எங்களது நோக்கம் என அமமுக துணைப் பொதுச் செயலாளர் டிடிவி தினகரன் கூறினார்.
 சென்னை அசோக்நகரில் உள்ள அமமுக கட்சி அலுவலகத்தில் தனது ஆதரவாளர்களுடன் டிடிவி தினகரன் ஞாயிற்றுக்கிழமை திடீர் ஆலோசனையில் ஈடுபட்டார்.
 தங்கதமிழ்செல்வன், வெற்றிவேல், செந்தில்பாலாஜி, பழனியப்பன் உள்பட தகுதிநீக்கம் செய்யப்பட்ட 18 சட்டப்பேரவை உறுப்பினர்களும் இந்த ஆலோசனைக் கூட்டத்தில் பங்கேற்றனர்.
 இந்தக் கூட்டத்தில், விரைவில் வரவுள்ள 18 சட்டப்பேரவை உறுப்பினர்களின் தகுதி நீக்க வழக்கு தீர்ப்பு குறித்தும், மக்களவைத் தேர்தல் குறித்தும் ஆலோசனை நடத்தப்பட்டதாக கட்சியினர் தெரிவித்தனர்.
 இந்தக் கூட்டத்துக்குப் பின்னர் தினகரன் அளித்த பேட்டி:
 தகுதிநீக்கம் செய்யப்பட்ட 18 சட்டப்பேரவை உறுப்பினர்களின் தொகுதிகள் புறக்கணிக்கப்படுகின்றன.
 அங்கு அடிப்படை வசதிகள் செய்துகொடுக்கப்படுவதில்லை. இதைக் கண்டித்து கட்சி சார்பில் உண்ணாவிரதப் போராட்டம் நடத்தப்படும். இந்த 18 சட்டப்பேரவை உறுப்பினர்கள் தகுதிநீக்க வழக்கில் தீர்ப்பு எங்களுக்குச் சாதகமாகத்தான் வரும்.
 அதிமுகவின் 90 சதவீத தொண்டர்கள் எங்கள் பக்கம்தான் உள்ளனர். அதிமுகவையும், இரட்டை இலை சின்னத்தையும் மீட்பதே எங்களது நோக்கம். எங்களைப் பார்த்து பயப்படுவதால்தான் மேடை மேடையாக விமர்சிக்கின்றனர்.
 தேர்தல் கூட்டணி தொடர்பாக இதுவரை யாருடனும் பேச்சு நடத்தவில்லை. மதச்சார்பற்ற கட்சிகளுடன் கூட்டணி அமைப்பது குறித்து தேர்தல் நேரத்தில் முடிவு செய்யப்படும் என்றார் அவர்.
 

]]>
http://images.dinamani.com/uploads/user/imagelibrary/2018/9/1/w600X390/ttv.jpg http://www.dinamani.com/tamilnadu/2018/oct/22/அதிமுகவை-மீட்பதே-எங்களது-நோக்கம்-3024245.html
3024242 தமிழ்நாடு "ரஜினிகாந்த் அரசியல் கட்சி அறிவிப்பு டிசம்பரில் வெளியாகும்'  நாமக்கல், DIN Monday, October 22, 2018 01:05 AM +0530 ரஜினிகாந்தின் அரசியல் கட்சி குறித்த அறிவிப்பு டிசம்பர் மாதம் வெளியாகும் அல்லது கட்சி தொடங்கும் தேதி வெளியாகும் என அவரது சகோதரர் சத்ய நாராயண ராவ் தெரிவித்தார்.
 ரஜினி மக்கள் மன்ற புதிய மாவட்ட அலுவலகம் திறப்பு விழா நாமக்கல்லில் ஞாயிற்றுக்கிழமை நடைபெற்றது. ரஜினிகாந்தின் சகோதரர் சத்யநாராயண ராவ் புதிய அலுவலகத்தைத் திறந்து வைத்தார். அப்போது அவர் செய்தியாளர்களுக்கு அளித்த பேட்டி:
 ரஜினிகாந்த் அரசியலுக்கு கண்டிப்பாக வருவார். அவர் நண்பர்களுடன் ஆலோசனை நடத்திக் கொண்டிருக்கிறார். அரசியல் கட்சி குறித்த அறிவிப்பு டிசம்பர் மாதத்தில் வெளியிடப்படும் அல்லது கட்சி தொடங்கும் தேதி அப்போது அறிவிக்கப்படும். பாரதிய ஜனதா கட்சியுடன் கூட்டணி இல்லை.
 சபரிமலை ஐயப்பன் கோயில் வழிபாட்டில் சம்பிரதாயத்தை மாற்ற முடியாது. கேரள அரசு, உச்ச நீதிமன்றத்தை மீண்டும் அணுக வேண்டும். தீர்ப்பை மறுபரீசிலனை செய்து நல்ல தீர்ப்பை உச்ச நீதிமன்றம் அளிக்க வேண்டும் என்றார்.

]]>
http://images.dinamani.com/uploads/user/imagelibrary/2018/10/22/w600X390/sathiya.jpg http://www.dinamani.com/tamilnadu/2018/oct/22/ரஜினிகாந்த்-அரசியல்-கட்சி-அறிவிப்பு-டிசம்பரில்-வெளியாகும்-3024242.html
3024241 தமிழ்நாடு மக்களவைத் தேர்தல்: காங்கிரஸ் பார்வையாளர்கள் நியமனம் சென்னை, DIN Monday, October 22, 2018 01:02 AM +0530 மக்களவைத் தேர்தலை முன்னிட்டு, தமிழ்நாடு காங்கிரஸ் கமிட்டி மாவட்டவாரியாக பார்வையாளர்களை நியமித்துள்ளது. இதற்கான அறிவிப்பை தமிழ்நாடு காங்கிரஸ் கமிட்டியின் தலைவர் சு.திருநாவுக்கரசர் ஞாயிற்றுக்கிழமை வெளியிட்டார்.
அதன் விவரம்: சென்னை வடக்கு - டி.எல்.சதாசிவலிங்கம், சென்னை தெற்கு - யு.பலராமன், சென்னை கிழக்கு -கே.சிரஞ்சீவி, சென்னை மேற்கு - ஆர்.தாமோதரன் ஆகியோர் பார்வையாளர்களாக நியமிக்கப்பட்டுள்ளனர். 
இதேபோன்று திருவள்ளூர் வடக்கு - எம்.ஜோதி, திருவள்ளூர் மத்தி -டி.செல்வம், திருவள்ளூர் தெற்கு -ஜி.கே.தாஸ் ஆகியோரும், காஞ்சிபுரம் வடக்கு -அமெரிக்கை வி.நாராயணன், காஞ்சிபுரம் தெற்கு -சொர்ணா சேதுராமன், காஞ்சிபுரம் மேற்கு -கே.ராஜன் ஆகியோரும் நியமிக்கப்பட்டுள்ளனர்.
வேலூர் கிழக்கு -கே.ஐ.மணிரத்தினம், வேலூர் மேற்கு -டி.என். முருகானந்தம், வேலூர் மத்தி -அருள் அன்பரசு மற்றும் வேலூர் மாநகருக்கு கே.விஜயனும் பார்வையாளராக நியமிக்கப்பட்டுள்ளனர்.

]]>
http://images.dinamani.com/uploads/user/imagelibrary/2018/7/11/w600X390/congress.jpg http://www.dinamani.com/tamilnadu/2018/oct/22/மக்களவைத்-தேர்தல்-காங்கிரஸ்-பார்வையாளர்கள்-நியமனம்-3024241.html
3024240 தமிழ்நாடு சினிமா பிரபலங்களை கண்காணிக்கக் குழு: தென்னிந்திய நடிகர் சங்கம்  சென்னை, DIN Monday, October 22, 2018 01:01 AM +0530 திரைப்படம் மற்றும் நாடக படப்பிடிப்புத் தளங்களில் கலைஞர்களை கண்காணிக்க குழு அமைக்கப்படும் என தென்னிந்திய நடிகர் சங்கம் தெரிவித்துள்ளது.
 அரசியல் மற்றும் சினிமா பிரபலங்கள் மீது பாலியல் புகார்கள் வந்த வண்ணம் உள்ளன. இவை, பிரபலங்கள் மற்றும் பொதுமக்கள் மத்தியில் சலசலப்பை ஏற்படுத்தியுள்ளன. இதுதொடர்பாக வரும் புகார்கள் குறித்து தென்னிந்திய நடிகர் சங்கம் சார்பில் கண்காணிப்புக் குழு அமைக்கப்படும் என தெரிவிக்கப்பட்டிருந்தது.
 இந்த நிலையில், தென்னிந்திய நடிகர் சங்கம் ஞாயிற்றுக்கிழமை வெளியிட்டுள்ள செய்திக்குறிப்பில் தெரிவித்துள்ளதாவது:
 திரைப்படம் மற்றும் நாடக படப்பிடிப்புத் தளங்களில் கலைஞர்கள் பாலின பாகுபாடு இல்லாமலும், மன அழுத்தம், அச்சுறுத்தல் இன்றியும் சுயமரியாதையுடன் தங்கள் கலையைச் செயல்படுத்தும் சூழலை தக்கவைத்து கொள்வதில் தென்னிந்திய நடிகர் சங்கம் தீவிர கவனம் செலுத்தும். அதனை செயல்படுத்திக் கண்காணிக்க குழு ஒன்றும் அமைக்கப்படும் என அதில் தெரிவிக்கப்பட்டுள்ளது.
 

]]>
http://images.dinamani.com/uploads/user/imagelibrary/2015/10/18/10/w600X390/siaa.jpg http://www.dinamani.com/tamilnadu/2018/oct/22/சினிமா-பிரபலங்களை-கண்காணிக்கக்-குழு-தென்னிந்திய-நடிகர்-சங்கம்-3024240.html
3024239 தமிழ்நாடு வீரவணக்க நாள்: காவலர் நினைவுச் சின்னத்தில் டிஜிபி அஞ்சலி  சென்னை, DIN Monday, October 22, 2018 12:59 AM +0530 காவலர் வீரவணக்க நாளையொட்டி, சென்னையில் உள்ள காவலர் நினைவுச் சின்னத்தில் தமிழக காவல்துறையின் சட்டம் மற்றும் ஒழுங்கு டிஜிபி தே.க.ராஜேந்திரன் உள்ளிட்ட உயர் அதிகாரிகள் ஞாயிற்றுக்கிழமை அஞ்சலி செலுத்தினர்.
 இதுகுறித்த விவரம்:
 கடந்த 1959ஆம் ஆண்டு அக்டோபர் 21-ஆம் தேதி எல்லைப் பகுதியான லடாக் அருகே உள்ள ஹாட் ஸ்பிரிங் என்ற இடத்தில் சீன ராணுவம் நடத்திய திடீர் தாக்குதலில், மத்திய பாதுகாப்பு படையைச் சேர்ந்த 10 காவலர்கள் வீர மரணம் அடைந்தனர்.
 இச்சம்பவத்தை நினைவுகூரும் வகையில் இந்தியா முழுவதும் பல்வேறு சம்பவங்களில் பணியின்போது வீரமரணமடைந்த காவலர்களுக்கு அஞ்சலி செலுத்தும் விதமாக, ஒவ்வொரு ஆண்டும் அக்டோபர் 21-ஆம் தேதி காவலர் வீரவணக்க நாள் கடைப்பிடிக்கப்படுகிறது.
 கடந்த ஒரு ஆண்டில் நாடு முழுவதும் பணியின்போது 414 காவலர்கள் பணியின்போது வீரமரணமடைந்துள்ளனர் என்பது குறிப்பிடத்தக்கது.
 டிஜிபி அஞ்சலி: மயிலாப்பூரில் உள்ள தமிழக காவல்துறையின் தலைமை இயக்குநர் அலுவலகத்தில் உள்ள காவலர் நினைவுச் சின்னத்தில் காவலர் வீரவணக்க நாள் நிகழ்ச்சி ஞாயிற்றுக்கிழமை நடைபெற்றது.
 இந் நிகழ்ச்சியில் தமிழக காவல்துறையின் சட்டம் மற்றும் ஒழுங்கு டிஜிபி தே.க.ராஜேந்திரன், மலர்வளையம் வைத்து அஞ்சலி செலுத்தினார்.
 இதைத் தொடர்ந்து சென்னை உயர்நீதிமன்ற அரசு தலைமை வழக்குரைஞர் விஜயநாராயணன், தீயணைப்புத்துறை டிஜிபி கே.பி.மகேந்திரன், காவல்துறை மனித உரிமை ஆணைய டிஜிபி செ.கி.காந்திராஜன், ஓய்வுபெற்ற டிஜிபி வால்டர் தேவாரம், சென்னை பெருநகர காவல்துறை ஆணையர் ஏ.கே.விசுவநாதன், சிறைத்துறை ஏடிஜிபி அசுதோஷ்சுக்லா, சென்னை மாநகராட்சி துணை ஆணையர் சுபோத்குமார், சென்னை மாவட்ட வருவாய் அலுவலர் கருணாகரன் மற்றும் காவல்துறை உயர் அதிகாரிகள் அஞ்சலி செலுத்தினர்.
 இவ்வாண்டு முதன்முறையாக, வீரமரணமடைந்த காவலர்களின் குடும்பத்தினர் காவலர் நினைவுச் சின்னத்தில் அஞ்சலி செலுத்துவதற்கு அனுமதிக்கப்பட்டனர். இதில் வீரமரணமடைந்த மதுரவாயல் காவல் ஆய்வாளர் பெரியபாண்டியன் குடும்பத்தினர் உள்பட பல்வேறு காவலர் குடும்பத்தினர் அஞ்சலி செலுத்தினர்.
 இந் நிகழ்ச்சிக்கு பின்னர் ஆவடி வசந்தம் நகரில் உள்ள காவல் ஆய்வாளர் பெரியபாண்டியன் வீட்டுக்கு காவல் ஆணையர் ஏ.கே.விசுவநாதன் சென்று, அவரது உருவப்படத்துக்கு மாலை அணிவித்து அஞ்சலி செலுத்தினார்.
 
 

]]>
http://images.dinamani.com/uploads/user/imagelibrary/2018/10/22/w600X390/TKR.jpg http://www.dinamani.com/tamilnadu/2018/oct/22/வீரவணக்க-நாள்-காவலர்-நினைவுச்-சின்னத்தில்-டிஜிபி-அஞ்சலி-3024239.html
3024238 தமிழ்நாடு அன்பழகனை சந்திக்க தொண்டர்கள் வரவேண்டாம்  சென்னை, DIN Monday, October 22, 2018 12:58 AM +0530 திமுக பொதுச் செயலாளர் அன்பழகனுக்கு காய்ச்சல் குறைந்துள்ளது. அவரைச் சந்திக்க தொண்டர்கள் யாரும் மருத்துவமனைக்கு வரவேண்டாம் என அக்கட்சித் தலைவர் மு.க.ஸ்டாலின் கேட்டுக் கொண்டுள்ளார்.
 திமுக பொதுச் செயலாளர் க.அன்பழகனுக்கு (95), வயது மூப்பு காரணமாக நீர்ச்சத்து குறைவு ஏற்பட்டு அதிக சோர்வு மற்றும் காய்ச்சலால் உடல்நல பாதிப்பு ஏற்பட்டது.
 சிகிச்சைக்காக அவர், சென்னை கிரீம்ஸ் சாலையில் உள்ள அப்பல்லோ மருத்துவமனையில் சனிக்கிழமை இரவு அனுமதிக்கப்பட்டார். கட்சியின் தலைவர் ஸ்டாலின், அன்றைய தினமே மருத்துவமனைக்குச் சென்று அன்பழகனின் உடல் நலம் குறித்து விசாரித்தார்.
 ஞாயிற்றுக்கிழமை காலை மீண்டும் மருத்துவமனைக்குச் சென்ற மு.க.ஸ்டாலின், அன்பழகனின் உடல் நலம் குறித்துக் கேட்டறிந்தார்.
 பின்னர், செய்தியாளர்களிடம் ஸ்டாலின் கூறும்போது, "அன்பழகனுக்கு காய்ச்சல் குறைந்துவிட்டது. அவர் ஓரிரு நாள்கள் மருத்துவமனையில் தங்கி ஓய்வெடுக்க வேண்டும் என டாக்டர்கள் அறிவுறுத்தியுள்ளனர். எனவே அவரை தொண்டர்கள் யாரும் சந்திக்க வர வேண்டாம்' எனக் கேட்டுக்கொண்டார்.

]]>
http://images.dinamani.com/uploads/user/imagelibrary/2018/8/11/w600X390/stalin1.jpg http://www.dinamani.com/tamilnadu/2018/oct/22/அன்பழகனை-சந்திக்க-தொண்டர்கள்-வரவேண்டாம்-3024238.html
3024237 தமிழ்நாடு சுகாதாரம், வேளாண்மைத் துறைகளில் தமிழகம் தொடர்ந்து சாதனை: முதல்வர் எடப்பாடி கே.பழனிசாமி  ஆட்டையாம்பட்டி, DIN Monday, October 22, 2018 12:58 AM +0530 இந்தியாவிலேயே சுகாதாரம், வேளாண்மை ஆகிய துறைகளில் தமிழகம் தொடர்ந்து சாதனை புரிந்து வருகிறது என்று முதல்வர் எடப்பாடி கே.பழனிசாமி கூறினார்.
 சேலம் மாவட்டம், வீரபாண்டி ஒன்றியம், பூலாவரியில் அ.தி.மு.க.வின் 47-ஆவது ஆண்டு தொடக்க விழா சட்டப்பேரவை உறுப்பினர் பி. மனோன்மணி தலைமையில் ஞாயிற்றுக்கிழமை நடைபெற்றது. மாவட்ட ஜெயலலிதா பேரவை செயலாளர் ஆர். இளங்கோவன் வரவேற்றார். 70 அடி உயர கம்பத்தில் அ.தி.மு.க. கொடியை தமிழக முதல்வர் எடப்பாடி கே.பழனிசாமி ஏற்றி வைத்தார். பின்னர், பயனாளிகளுக்கு தையல் இயந்திரம், மூன்று சக்கர வாகனம், வேட்டி, சேலை, சலவைப் பெட்டி உள்ளிட்ட நலத் திட்ட உதவிகளை முதல்வர் வழங்கினார். பல்வேறு கட்சிகளில் இருந்து விலகி 500-க்கும் மேற்பட்டோர் முதல்வர் முன்னிலையில் அ.தி.மு.க.வில் இணைந்தனர். அவர்களை முதல்வர் சால்வை அணிவித்து வரவேற்றார்.
 பின்னர், முதல்வர் பேசியது: இந்தியாவிலேயே சுகாதாரம், வேளாண்மை ஆகிய துறைகளில் தமிழகம் தொடர்ந்து சாதனை புரிந்து வருகிறது. தமிழகத்தில்தான் அதிக அளவில் ஏழை, எளிய மக்களுக்கான அரசுத் திட்டங்கள் செயல்படுத்தப்படுகின்றன. அ.தி.மு.க.வில்தான் சாதாரண தொண்டன்கூட என்னைப் போல முதல்வராகவும், தலைவராகவும் வர வாய்ப்பளிக்கப்பட்டு வருகிறது.
 தமிழகத்தில் 1 கோடியே 84 லட்சம் குடும்ப அட்டைதாரர்களுக்கு அரசின் விலையில்லா மிக்ஸி, கிரைண்டர் வழங்கப்பட்டுள்ளது. 36 லட்சம் மாணவ, மாணவியருக்கு மடிக்கணினி வழங்கப்பட்டுள்ளது. இன்னும் 15 லட்சம் மடிக்கணினிகள் வழங்கப்பட உள்ளன. அ.தி.மு.க.வில் மட்டும் 1.50 கோடி உறுப்பினர்கள் உள்ளனர். இளைஞர்கள் - இளம்பெண்கள் பாசறைக்கு உறுப்பினர்கள் சேர்க்கை நடைபெற்று வருகிறது. ஊழல்களை விசாரிக்க உச்ச நீதிமன்றம் வழிகாட்டுதல்படி தனி நீதிமன்றம் அமைக்கப்பட்டுள்ளது. இதில் முதல் விசாரணையாக எதிர்க்கட்சித் தலைவர் ஸ்டாலின் அழைக்கப்படுவார். சேலம் - கோவை தேசிய நெடுஞ்சாலையில் உள்ள அரியானூர், மகுடஞ்சாவடி ஆகிய பகுதிகளில் உயர்மட்ட மேம்பாலம் கட்ட தலா ரூ. 45 கோடியில் டெண்டர் விடப்பட்டுள்ளது. வீரபாண்டி பகுதிக்கு காவிரிக் குடிநீருக்கான தனித் திட்டம் விரைவில் கொண்டு வரப்படும் என்றார்.
 இந்த நிகழ்ச்சியில், சேலம் எம்.பி. வி.பன்னீர்செல்வம், எம்.எல்.ஏ.க்கள் வெங்கடாசலம், செம்மலை, சித்ரா , ராஜா, ஒன்றியச் செயலாளர்கள் எஸ். வரதராஜ், டி. என். வையாபுரி கே ஜெகநாதன் உள்ளிட்ட பலர் கலந்து கொண்டனர்.
 
 

]]>
http://images.dinamani.com/uploads/user/imagelibrary/2018/10/22/w600X390/SLCM.jpg http://www.dinamani.com/tamilnadu/2018/oct/22/சுகாதாரம்-வேளாண்மைத்-துறைகளில்-தமிழகம்-தொடர்ந்து-சாதனை-முதல்வர்-எடப்பாடி-கேபழனிசாமி-3024237.html
3024236 தமிழ்நாடு மக்களவைத் தேர்தலைச் சந்திக்க அதிமுக தயார்  சென்னை, DIN Monday, October 22, 2018 12:56 AM +0530 மக்களவைத் தேர்தலைச் சந்திக்க அதிமுக தயாராக உள்ளது என அமைச்சர் டி.ஜெயக்குமார் கூறினார்.
 மகாத்மா காந்தியின் 150 -ஆவது பிறந்தநாளை முன்னிட்டு, அரசின் சார்பில் ஆரோக்கிய விழா சென்னை பட்டினப்பாக்கத்தில் ஞாயிற்றுக்கிழமை நடைபெற்றது. இதில் மீன்வளத் துறை அமைச்சர் ஜெயக்குமார் கலந்து கொண்டு சைக்கிள் பேரணியை தொடங்கி வைத்தார். பின்னர் அவர் செய்தியாளர்களிடம் கூறியது:
 மக்களவைத் தேர்தலை எதிர்கொள்ளத் தேவையான அனைத்து நடவடிக்கைகளையும் அதிமுக ஏற்கெனவே எடுத்துவிட்டது. தமிழகம், புதுவை உள்பட 40 நாடாளுமன்றத் தொகுதிகளையும் கைப்பற்றுவதுதான் அதிமுகவின் இலக்கு.
 இத்தேர்தலையொட்டி, திமுக பொறுப்பாளர்களை நியமிப்பது குறித்து எங்களுக்கு எந்தக் கவலையும் இல்லை. எங்களது பணியை நாங்கள் நிறைவாகச் செய்து வருகிறோம். இந்தத் தேர்தலில் திமுக தோல்வியை தழுவும்.
 சபரிமலை விவகாரத்தைப் பொருத்தவரை, காலம் காலமாக கடைப்பிடிக்கப்பட்டு வரும் மரபில் தலையிடுவது தேவையில்லாதது என்பதே எனது தனிப்பட்ட கருத்து. இதில் சம்பந்தப்பட்ட மாநிலத்தில் உள்ள கட்சிகள் தலையிடாமல் இருப்பது நல்லது. இந்த விவகாரத்தில் நடிகர் ரஜினிகாந்த் தெரிவித்த கருத்து அவருடைய தெளிவின்மையைக் காட்டுகிறது.
 தங்களின் சித்து விளையாட்டு விரைவில் தெரியவரும் என டிடிவி தினகரன் அணியினர் அடிக்கடி கூறி வருகின்றனர். 2021 வரை அவர்கள் இப்படிதான் பேசிக்கொண்டே இருப்பார்கள். அதன் பிறகு அவர்கள் இருக்கும் இடம் தெரியாமல் போய்விடுவார்கள் என்றார் அமைச்சர்.
 
 

]]>
http://images.dinamani.com/uploads/user/imagelibrary/2018/6/7/w600X390/jayakumar.jpg http://www.dinamani.com/tamilnadu/2018/oct/22/மக்களவைத்-தேர்தலைச்-சந்திக்க-அதிமுக-தயார்-3024236.html
3024218 தமிழ்நாடு "ஆன்மிகத்தின் ஆதாரம் தழைத்தோங்கிய தாமிரவருணி நதிக்கரை'  திருநெல்வேலி, DIN Monday, October 22, 2018 12:33 AM +0530 ஆன்மிகத்தின் ஆதாரம் தாமிரவருணி நதிக்கரையில் இருந்துதான் தழைத்தோங்கியிருக்கிறது என்றார் மருத்துவர் சுதா சேஷய்யன்.
 பாளையங்கோட்டை மகாராஜ நகரில் உள்ள ஸ்ரீஜயேந்திர சரஸ்வதி சுவாமிகள் வெள்ளி விழா மெட்ரிக். பள்ளியில் ஹேம்லா அறக்கட்டளை சார்பில் "பொருநை போற்றுதும்' என்ற தலைப்பில் இலக்கிய நிகழ்ச்சி சனிக்கிழமை நடைபெற்றது. இந்நிகழ்ச்சிக்கு சென்னை பொற்றாமரை இலக்கிய அரங்கத்தின் தலைவரும் பாஜக மூத்த தலைவருமான இல.கணேசன் தலைமை வகித்து, மருத்துவர் சுதா சேஷய்யன் எழுதியுள்ள "பொருநை போற்றுதும்' என்கிற நூலை வெளியிட, முதல் பிரதியை பாளையங்கோட்டை சதக்கத்துல்லாஹ் அப்பா கல்லூரியின் தமிழ்த் துறைத் தலைவர் ச. மகாதேவன் பெற்றுக் கொண்டார்.
 நிகழ்ச்சியில் "வேதம் செய்த தமிழ் மாறன்' என்ற தலைப்பில் மருத்துவர் சுதா சேஷய்யன் பேசியதாவது: தாமிரவருணி புஷ்கரம் என்று அழைக்கக்கூடிய இந்த பொருநையின் பெருமை மக்களை எல்லாம், ஒரு காலத்தில் மானுட இனம் இங்கே இருந்து தொடங்கியது என்றால், அந்த மக்கள் கூட்டத்தை மீண்டும் இந்த இடத்துக்கு கொண்டு வந்து சேர்த்து வைக்ககக்கூடியதை பொருநை நல்லாள் தாமிரவருணி தாய் செய்திருக்கிறாள். வருணி என்று சொல்வதைப் போல் வாருணி என்று பெயரும் உண்டு. வருணனின் மகளுக்கு வாருணி என்று பெயர். வருணன் நீருக்கு, மழைக்கு தலைவன் என்றால், நீர் எங்கே ஜீவநதியாக பிரவாகமாக பெருக்கெடுக்கிறதோ அந்த இடத்துக்கு வாருணி என்றும், வருணி என்றும் பெயர் சொல்வது பொருத்தம்.
 தமிழின் ஊற்று: தமிழ் இலக்கியத்தில் வாருணி என்றால் தேன் போன்றவள். இந்த நதி தேனாக, அமுதமாக பாய்கிறது என்பதாலும் இவளுக்கு தாமிரவருணி என்று பெயர் வந்திருக்கலாமோ என்று தோன்றுகிறது. இந்தத் தாமிரவருணியை தமிழின் ஊற்று என்றார்கள். இது தமிழின் ஊற்று மட்டுமல்ல, இது ஆன்மிகத்தின் ஊற்று.
 காஞ்சி மடத்தின் மூன்றாவது பீடாதிபதி நேரடியாக ஆதிசங்கரரால் நிர்ணயம் செய்யப்பட்டவர். ஆதி சங்கரராலேயே தீட்சை வழங்கப்பட்டவர். அவர், இந்த தாமிரவருணிக் கரையை சேர்ந்தவர். ஆன்மிகம்தான் பாரததேசத்தின் ஆதாரம் என்று சொன்னால், அந்த ஆதாரமும் தாமிரவருணி கரையில் இருந்து தழைத்தோங்கியிருக்கிறது என்பதை நினைத்துப் பார்க்க வேண்டும்.
 தாமிரவருணி நல்லாள் புனிதங்களை எல்லாம் தன்னிடத்தில் அரவணைத்துக் கொண்டாள். புனிதங்களை எல்லாம் தன்னிடத்தில் இருந்து பெருக்கிக் கொடுக்கிறாள். அப்படி அவள் பெருக்கிக் கொடுத்த புனிதங்களில் புனிதமாகிய புனிதம்தான் வேதம் செய்த தமிழ் மாறன். அது நம்மாழ்வாருக்கு வழங்கப்படக்கூடிய புனிதப் பெயர் என்றார்.
 பாஜக மூத்த தலைவர் இல. கணேசன் பேசியது : தாமிரவருணி புஷ்கரத்தையொட்டி லட்சக்கணக்கான மக்கள் நீராடிச் செல்கிறார்கள். தாமிரவருணி நதியின் பெருமை, சிறப்பு இப்போது அனைத்து மக்களாலும் பேசப்பட்டு வருகிறது. தாமிரவருணி குறித்து பல்வேறு நூல்கள் எழுதப்பட்டுள்ளன. 100 ஆண்டுக்கு முன்பாக எழுதப்பட்ட புத்தகத்தில் தாமிரவருணி நதிக் குறிப்புகள் உள்ளன. ஒன்று சேருதல் என்பது இந்த தேசத்தில் இருந்திருக்கிறது. ஊரில் உள்ள அனைவரும் வேறுபாடுகளை மறந்து ஒன்றுகூடி தேர் இழுத்திருக்கிறார்கள். புனிதப் பயணங்கள் தொடரும்வரை பாரத தாய் உயிரோட்டமாக இருப்பாள் என்றார்.
 கனல் வளர்த்த புனல்' எனும் தலைப்பில் எழுத்தாளர் மாலன் பேசியது: சுதந்திரப் போராட்ட வீரர்களை குறிப்பிட்டால், ஒவ்வொரு மாவட்டத்துக்கும் 4 அல்லது 5 பேரை சொல்லலாம். ஆனால், திருநெல்வேலி மண்ணில் ஒவ்வோர் ஊருக்கும் ஒருவர் பெயரைச் சொல்லலாம். வ.உ. சிதம்பரனார், சுப்பிரமணிய பாரதி, கோமதிசங்கர தீட்சிதர், பூலித்தேவன், வாஞ்சிநாதன் என ஊருக்கு ஒருவர் பெயரை குறிப்பிடலாம். ஆங்கிலேயர்களால் கட்டபொம்மன் வீழ்த்தப்படுகிறான்; ஊமைத்துரை தப்பிவிடுகிறான். மீண்டும் போரிடுகிறான். அடிபட்டால் சாவோம் என்று தெரிந்த பிறகும் போரிடக்கூடிய மனோபாவம் நெல்லைத் தமிழர்களுக்குத்தான் உண்டு. அதற்கு காரணம் தாமிரவருணி என்றார் அவர்.
 நிகழ்ச்சியில், "குமரன் கொடுத்த தமிழ்' என்ற தலைப்பில் ம.தி.தா. இந்து கல்லூரி தமிழ்த் துறை முன்னாள் தலைவர் வே. கட்டளை கைலாசமும், "தாமிரவருணி தந்த தமிழ்' எனும் தலைப்பில் ஸ்ரீஜெயேந்திர சரஸ்வதி சுவாமிகள் வெள்ளி விழா மெட்ரிக். பள்ளியின் ஆசிரியை ச. கன்னிகா பரமேஸ்வரியும் பேசினர்.
 ஓய்வு பெற்ற ஐ.ஏ.எஸ். அதிகாரி சேதுராமச்சந்திரன், பள்ளியின் முதல்வர் ஜெயந்தி ஜெயந்திரன், ஓவிய ஆசிரியர் பொன்.வள்ளிநாயகம் உள்பட பலர் பங்கேற்றனர். பள்ளியின் தாளாளர் ஜெயந்திரன் வி. மணி வரவேற்றார். பாளையங்கோட்டை சதக்கத்துல்லாஹ் அப்பா கல்லூரி தமிழ்த் துறைத் தலைவர் ச. மகாதேவன் நன்றி கூறினார்.
 

]]>
http://images.dinamani.com/uploads/user/imagelibrary/2018/10/22/w600X390/TVLJEYA.jpg http://www.dinamani.com/tamilnadu/2018/oct/22/ஆன்மிகத்தின்-ஆதாரம்-தழைத்தோங்கிய-தாமிரவருணி-நதிக்கரை-3024218.html
3024217 தமிழ்நாடு ஸ்ரீரங்கம் ஸ்ரீமத் ஆண்டவன் ஆசிரமத்தின் 12-ஆவது பீடாதிபதியாக ஸ்ரீவராஹ மகாதேசிகன் சுவாமிகள் பொறுப்பேற்பு  திருச்சி, DIN Monday, October 22, 2018 12:31 AM +0530 ஸ்ரீவைஷ்ணவ வடகலை முநித்ரய ஸம்பிரதாயத்தின் முக்கிய ஆன்மிக ஸ்தாபனமான ஸ்ரீரங்கம் ஸ்ரீமத் ஆண்டவன் ஆசிரமத்தின் 12-ஆவது பீடாதிபதியாக ஸ்ரீவராஹ மகாதேசிகன் சுவாமிகள் ஞாயிற்றுக்கிழமை பொறுப்பேற்றுக் கொண்டார்.
 சுமார் 300 ஆண்டுகள் தொன்மையான இந்த ஆசிரமத்தில் இதுவரை11 மகான்கள் எழுந்தருளி மாபெரும் தொண்டாற்றி அருள்புரிந்து வந்துள்ளனர். இந்த ஆசிரமத்தின் 11-ஆவது பீடாதிபதியாக கடந்த 29 ஆண்டுகளாக இருந்த ஸ்ரீமத் ஸ்ரீமுஷ்ணம் ஆண்டவன் சுவாமிகள், கடந்த மார்ச் மாதம் முக்தி அடைந்தார்.
 பின்னர், ஆசிரமத்தின் 12ஆவது பீடாதிபதியாக ஸ்ரீமன் யாமுனாச்சாரியார் தேர்வு செய்யப்பட்டு, ஞாயிற்றுக்கிழமை காலை கொள்ளிடக் கரையிலுள்ள ஸ்ரீமத் ஆண்டவன் ஆசிரமத்தில் ஒளபாஸன, புருஷஸுக்த ஹோமங்கள் நடைபெற்றன. இதில் பங்கேற்ற ஸ்ரீமன் யாமுனாச்சாரியார் துறவறம் மேற்கொள்ளும் நிகழ்வுக்கு முன்பு மடத்தின் வளாகத்தில் உள்ள ஸ்ரீமத் திருக்குடந்தை ஆண்டவன், ஸ்ரீமத் ஸ்ரீமுஷ்ணம் ஆண்டவன் பிருந்தாவனங்களில் ஆசிபெற்று, ஸ்ரீமத் பெரியாண்டவன் திருவடிகளிலிருந்து காஷாயம், த்ரிதண்டம், காவி வஸ்திரம், முக்கோல் ஆகியவற்றை பெற்று, கொள்ளிடத்துக்குச் சென்று அவப்ருத ஸ்நானம் கண்டருளினார்.
 சிஷ்யர்கள் மத்தியில், உரத்த குரலில் இந்த நேரம் முதல் இந்த உலகில் உள்ள அனைத்து உயிர்களுக்கும் மத்தியில் தான் துறவறத்தை ஏற்றுக் கொண்டிருப்பதாகக் கூறினார். இதுவரை ஸ்ரீமன் யாமுனாச்சாரியார் என்று அழைக்கப்பட்டிருந்த சுவாமிகள், துறவறம் ஏற்ற பின்னர், ஸ்ரீவராஹ மகாதேசிகன் சுவாமிகள் என்றழைக்கப்படுவதாகவும் அங்கு அறிவிக்கப்பட்டது.
 வந்திருந்த பக்தர்களுக்கு ததீயாராதனம் நடைபெற்றது. இதன்பின், ஸ்ரீரங்கம் அரங்கநாதசுவாமி திருக்கோயில் சார்பில் புதிய பீடாதிபதிக்கு மரியாதைகள் செய்யப்பட்டது. ஓய்வுபெற்ற தலைமைத் தேர்தல் ஆணையர் என். கோபாலசுவாமி, ஆசிரமத்தின் தலைவரும், உயில் நிறைவேற்றுக் குழுத் தலைவருமான ஆர்.ராஜகோபால், அறங்காவலர்களும், உயில் நிறைவேற்றுக் குழு உறுப்பினர்களுமான அம்மாஞ்சி பாலாஜி, சி.ஆர்.ரவிச்சந்திரன், ஆர்.ராஜகோபாலன், அறங்காவலர்கள் வி.உபேந்திரன், ஜெ.சுந்தர்ராஜன், வடுவூர் கனபாடி கோவிந்தாச்சாரியார் உள்ளிட்டோர் பங்கேற்றனர். நாட்டின் பல்வேறு பகுதிகளிலிருந்தும் ஏராளமான பக்தர்கள் பங்கேற்றனர்.
 

]]>
http://images.dinamani.com/uploads/user/imagelibrary/2018/10/22/w600X390/DANDA.jpg http://www.dinamani.com/tamilnadu/2018/oct/22/ஸ்ரீரங்கம்-ஸ்ரீமத்-ஆண்டவன்-ஆசிரமத்தின்-12-ஆவது-பீடாதிபதியாக-ஸ்ரீவராஹ-மகாதேசிகன்-சுவாமிகள்-பொறுப்பேற்-3024217.html
3024216 தமிழ்நாடு பாபநாசத்தில் துணை முதல்வர் வழிபாடு  அம்பாசமுத்திரம், DIN Monday, October 22, 2018 12:29 AM +0530 தாமிரவருணி மஹா புஷ்கரம் விழாவின் 11-ஆம் நாளான ஞாயிற்றுக்கிழமை தமிழக துணை முதல்வர் ஓ. பன்னீர்செல்வம் தாமிரவருணியில் நீராடி வழிபட்டார்.
 தாமிரவருணி மஹா புஷ்கரம் நிகழ்ச்சியில் கலந்துகொள்ள வந்திருந்த துணை முதல்வர் ஓ.பன்னீர்செல்வம் ஞாயிற்றுக்கிழமை காலை பாபநாசம் தாமிரவருணியில் நீராடி, முன்னோர்களுக்குத் தர்ப்பணம் செய்தார். பின்னர், பாபநாசம் சிவன் கோயிலுக்குச் சென்று வழிபட்டார். இதையடுத்து, வீரவநல்லூர் அருகே உள்ள அத்தாளநல்லூர் கஜேந்திர பெருமாள் கோயிலுக்குச் சென்று கஜேந்திர தீர்த்தத்தில் வழிபட்டு பெருமாளையும் தரிசித்தார். அப்போது, திருநெல்வேலி மாவட்ட ஆட்சியர் ஷில்பா பிரபாகர் சதீஷ், மாவட்ட காவல் கண்காணிப்பாளர் அருண் சக்திகுமார், திருநெல்வேலி மக்களவைத் தொகுதி உறுப்பினர் கே.ஆர்.பி. பிரபாகரன், மாநிலங்களவை உறுப்பினர் மனோஜ் பாண்டியன், அம்பாசமுத்திரம் சட்டப்பேரவைத் தொகுதி உறுப்பினர் ஆர். முருகையாபாண்டியன், ஓ.பன்னீர்செல்வத்தின் மகன் ரவீந்திரன் மற்றும் கட்சி நிர்வாகிகள் உள்ளிட்டோர் உடனிருந்தனர்.
 பாபநாசம் தாமிரவருணி நதியில் துணை முதல்வர் நீராடும்போது அருகில் நீராடிக் கொண்டிருந்த பக்தர்களில் சிலர் தண்ணீரில் தத்தளித்தனர். உடனடியாக அங்கிருந்த தனிப்பிரிவு காவல் உதவி ஆய்வாளர் சுப்பிரமணியன் மற்றும் அருகில் குளித்துக் கொண்டிருந்தவர்கள் அவர்களை மீட்டனர். மேலும் சிலர் ஆற்றின் நடுவில் இருந்த பாறைக்குச் சென்று மீண்டும் திரும்ப முடியாமல் தவித்தனர். அவர்களை இளைஞர்கள் துணியைக் கட்டி கரைக்குக் கொண்டு வந்தனர். இதனால் அங்கு சிறிது நேரம் பரபரப்பு ஏற்பட்டது.
 
 

]]>
http://images.dinamani.com/uploads/user/imagelibrary/2018/10/22/w600X390/AMDEPCMPNM.jpg http://www.dinamani.com/tamilnadu/2018/oct/22/பாபநாசத்தில்-துணை-முதல்வர்-வழிபாடு-3024216.html
3024215 தமிழ்நாடு தாமிரவருணி புஷ்கரம்: லட்சக்கணக்கானோர் புனித நீராடல்  திருநெல்வேலி, DIN Monday, October 22, 2018 12:27 AM +0530 தாமிரவருணி மஹா புஷ்கர விழாவின் 11ஆவது நாளான ஞாயிற்றுக்கிழமை திருநெல்வேலி, தூத்துக்குடி மாவட்டங்களில் உள்ள படித்துறைகளில் லட்சக்கணக்கான பக்தர்கள் புனித நீராடினர்.
 குருபகவான் துலாம் ராசியில் இருந்து விருச்சிக ராசிக்கு இடம் பெயர்ந்துள்ள நிலையில் 144 ஆண்டுகளுக்குப் பின்பு மஹா புஷ்கர விழா தாமிரவருணியில் நிகழாண்டில் கொண்டாடப்படுகிறது. பொதிகை மலை முதல் புன்னக்காயல் வரை 149 கி.மீ. பயணிக்கும் தாமிரவருணி நதியில் மொத்தம் 143 தீர்த்தக்கட்டங்கள் உள்ளன. அவற்றில் 64 தீர்த்தக்கட்டங்கள் மட்டுமே பக்தர்கள் நீராடும் வகையில் உள்ளன. திருநெல்வேலி அருகே கோடகநல்லூர், மேலச்செவல் (தேசமாணிக்கம்), கோபாலசமுத்திரம், சுத்தமல்லி, திருநெல்வேலி கருப்பந்துறை, குறுக்குத்துறை, சி.என்.கிராமம், கைலாசபுரம், வண்ணார்பேட்டை, மணிமூர்த்தீஸ்வரம், அருகன்குளம் (ஜடாயுதீர்த்தம்), நாரணம்மாள்புரம், சீவலப்பேரி தீர்த்தக்கட்டங்கள் உள்ளன. இவற்றில் ஞாயிற்றுக்கிழமை அதிகாலை முதலே பக்தர்கள் நீராடத் தொடங்கினர்.
 நீர்வரத்து அதிகரிப்பு: திருநெல்வேலி புறநகர் பகுதிகளில் சனிக்கிழமை இரவு பெய்த மழை காரணமாக தாமிரவருணி நதியில் நீர்வரத்து அதிகரித்தது. குறுக்குத்துறையில் 3 அடி உயரம் வரை தண்ணீர் அதிகரித்ததால் காவலர்களின் தற்காலிக கண்காணிப்புக் கூடார பகுதி
 களில் தண்ணீர் புகுந்தது. நீரின் வேகம் அதிகரித்ததால் கூடுதல் கவனத்துடன் நீராட பக்தர்கள் அறிவுறுத்தப்பட்டனர்.
 குலசேகரன்பட்டினத்தில் நடைபெற்ற தசரா விழாவில் பங்கேற்ற பக்தர்கள் ஏராளமானோர் திருநெல்வேலியில் குவிந்தனர். அவர்களும் தாமிரவருணியில் நீராடினர். நதிக்கரைகளில் உள்ள குறுக்குத்துறை சுப்பிரமணிய சுவாமி கோயில், பேராச்சியம்மன் கோயில், கைலாசநாதர் கோயில், உச்சிஷ்டவிநாயகர் கோயில், எட்டெழுத்துப் பெருமாள் கோயில், அழகியகூத்தர் கோயில், சீவலப்பேரி துர்க்கையம்மன் கோயில், மேலநத்தம் அழியாபதீஸ்வரர் கோயில் ஆகியவற்றில் பக்தர்கள் நீண்ட வரிசையில் காத்திருந்து சுவாமியை வழிபட்டனர். பெண்கள் நதிக்கரையில் மஞ்சளைக் கரைத்து வழிபட்டனர். தாமிரவருணியை போற்றும் பாடல்களையும், திருப்பாவை, திருவெம்பாவை, திருவாசக பாடல்களையும் சில பக்தர்கள் பாடி இறைவனை வழிபட்டனர்.
 மஹா சுதர்ஸன ஹோமம்: திருநெல்வேலி சந்திப்பு அருகே கைலாசபுரத்தில் உள்ள அருள்மிகு கைலாசநாதர் கோயில் வளாகத்தில் மஹா புஷ்கர விழாவையொட்டி ஞாயிற்றுக்கிழமை மஹா சுதர்ஸன ஹோமம் நடைபெற்றது. தீர்த்தக்குட ஊர்வலம், மஹா தீபாராதனை நடைபெற்றது. தைப்பூச மண்டப படித்துறையில் காலையில் திருப்பள்ளியெழுச்சி, மங்கள நாகசுவர இசை, சங்கல்ப ஸ்நானம், திருமுறை இன்னிசை ஆகியவை நடைபெற்றன. பின்னர் பாராயணமும், பூர்ணாஹுதியும் நடைபெற்றன. மாலையில் வேத கோஷத்துடன் மங்கள ஆரத்தி நடைபெற்றது. சீவலப்பேரியில் உள்ள துர்காம்பிகா தேவஸ்தானம் சார்பில் மிருத்ஞ்ஜய ஹோமம் நடைபெற்றது. சீவலப்பேரி, குப்பக்குறிச்சி, புளியம்பட்டி உள்பட தூத்துக்குடி மாவட்ட பக்தர்கள் ஏராளமானோர் ஹோமத்தில் பங்கேற்றனர்.
 திருநெல்வேலி குறுக்குத்துறையில் ஆயுஷ்ய ஹோமம், மஹா தீபாராதனை, பூர்ணாஹுதி ஆகியவை நடைபெற்றன.
 சிவசாம்ப ஓதுவாரின் தேவார இன்னிசையும், மாலையில் தருமை ஆதீனம் சண்முக தேசிக ஞானசம்பந்த பரமாசாரிய சுவாமிகளுக்கு புஷ்பாஞ்சலியும், தேஜஸ்வதி பழனிச்செல்வத்தின் சொற்பொழிவும் நடைபெற்றன. அதன்பின்பு கோபி பாகவதரின் நாம சங்கீர்த்தனம் நடைபெற்றது.
 மாநகராட்சி நடவடிக்கை: திருநெல்வேலி மாநகர நல அலுவலர் டி.என்.சதீஷ்குமார் கூறுகையில், மாநகரப் பகுதியில் உள்ள தீர்த்தக்கட்டங்களில் மஹா புஷ்கர விழாவில் பங்கேற்கும் பக்தர்களுக்காக மாநகராட்சி சார்பில் பல்வேறு வசதிகள் செய்யப்பட்டுள்ளன. ஒவ்வொரு தீர்த்தக்கட்டத்திற்கும் 30 துப்புரவுப் பணியாளர்கள் 24 மணி நேரமும் பணியமர்த்தப்பட்டுள்ளனர். திருநெல்வேலி அரசு சித்த மருத்துவக் கல்லூரியில் இருந்து 250 கிலோ நிலவேம்பு பொடி வாங்கப்பட்டு, சூடான நீரில் காய்ச்சி விநியோகிக்கப்பட்டு வருகிறது. சனிக்கிழமை இரவு மழை பெய்ததால் வண்ணார்பேட்டை, மணிமூர்த்தீஸ்வரம் பகுதிகளில் பாதைகள் சகதியாக மாறியது. அங்கு சரள் மண்ணை கொட்டி மாநகராட்சி பணியாளர்கள் ஞாயிற்றுக்கிழமை சீரமைத்ததால் பக்தர்கள் சிரமமின்றி குளித்தனர்.
 படித்துறைகளில் அதிக கூட்டம் காரணமாக 2 வேளை கொசுமருந்து அடிக்க உத்தரவிடப்பட்டுள்ளது. அதேபோல குளோரின் பொடி 3 முறையில் இருந்து 5 முறை நதிக்கரைகளில் தூவப்பட்டது. நதியை தூய்மையாக பாதுகாக்க பக்தர்கள் ஒத்துழைப்பு அளிக்க வேண்டும். பாலிதீன் கழிவுகள், துணிகளை நதிக்குள் வீசக்கூடாது என்றார்.
 

]]>
http://images.dinamani.com/uploads/user/imagelibrary/2018/10/22/w600X390/TVLCROW.jpg http://www.dinamani.com/tamilnadu/2018/oct/22/தாமிரவருணி-புஷ்கரம்-லட்சக்கணக்கானோர்-புனித-நீராடல்-3024215.html
3024199 தமிழ்நாடு வரும் 26-ந்தேதி தொடங்குகிறது வடகிழக்கு பருவ மழை: வானிலை ஆய்வு மையம் தகவல்   DIN DIN Sunday, October 21, 2018 04:20 PM +0530  

சென்னை: வரும் 26-ந்தேதி முதல் வடகிழக்கு பருவ மழை தொடங்க சாதகமான சூழல் நிலவுவதாக இந்திய வானிலை ஆய்வு மையம் தகவல் தெரிவித்துள்ளது. 

இதுதொடர்பாக இந்திய வானிலை ஆய்வு மைய அதிகாரி நிருபர்களிடம் ஞாயிறன்று கூறியதாவது:-

தென்மேற்கு பருவமழை காலம் முடிந்து விட்டது. இனி வடகிழக்கு பருவ மழை தொடங்கும். வருகிற 26-ந்தேதி வடகிழக்கு பருவ மழை தொடங்குவதற்கு சாதகமான சூழ்நிலை நிலவுகிறது.

வடக்கு அந்தமானில் ஒரு காற்றழுத்த தாழ்வு நிலை உருவாகியுள்ளது. மேலும் அது மேற்கொண்டு நகரும் திசையை பொறுத்து மழை இருக்கும்.

தற்போது தென்மேற்கு வங்க கடலில் வளிமண்டல மேலடுக்கு சுழற்சி நிலவுகிறது. இதன் காரணமாக தமிழகம் புதுச்சேரியில் ஒருசில இடங்களில் மழையோ, இடியுடன் கூடிய மழை பெய்யக்கூடும். ஒருசில இடங்களில் கன மழைக்கும் வாய்ப்பு உண்டு. 

சென்னை நகரைப் பொறுத்தவரை வானம் மேக மூட்டத்துடன் காணப்படும். ஒருசில இடங்களில் மழையை எதிர்பார்க்கலாம். 

இவ்வாறு அவர் தெரிவித்துள்ளார். 

]]>
tamilnadu, south west mansoon, north east monsoon, bay of bengal, low depression, http://images.dinamani.com/uploads/user/imagelibrary/2018/9/16/w600X390/rain.jpg http://www.dinamani.com/tamilnadu/2018/oct/21/வரும்-26-ந்தேதி-தொடங்குகிறது-வடகிழக்கு-பருவ-மழை-வானிலை-ஆய்வு-மையம்-தகவல்-3024199.html
3024195 தமிழ்நாடு அ.தி.மு.க.வில் வாரிசு இல்லை; தொண்டர்களே அதன் வாரிசு: முதல்வர் பழனிசாமி பேச்சு DIN DIN Sunday, October 21, 2018 02:10 PM +0530  

சேலம்:   அ.தி.மு.க.வில் வாரிசு இல்லை; தொண்டர்களே அதன் வாரிசு என்று முதல்வர் பழனிசாமி தெரிவித்துள்ளார். 

அ.தி.மு.க.வின் 47ம் ஆண்டு தொடக்க விழா சேலம் அருகேயுள்ள பூலாவரி என்ற இடத்தில் நடைபெற்றது. இந்நிகழ்ச்சியில் முதல்வர் பழனிசாமி கலந்து கொண்டு பேசினார். அப்போது அவர் பேசியதாவது:

தொண்டர்கள் இருக்கும் இயக்கமே எப்போதும் வலிமையான இயக்கம்.  அ.தி.மு.க.வில் வாரிசு என்பதே இல்லை. தொண்டர்களே அதன் வாரிசு.  அ.தி.மு.க. இளைஞர்கள் இருக்கும் ஓர் இயக்கம்.

எதிர்க்கட்சிகள் என்னதான் நம்மை விரட்டினாலும் ஒன்றும் நடக்கப்  போவது இல்லை.  தி.மு.க. ஆள் வைத்து உழைக்கிற கட்சி.  ஆனால் அ.தி.மு.க. எப்போதும் சொந்தமுடன் உழைக்கின்ற கட்சி. தி.மு.க. தலைவராக மறைந்த கருணாநிதி இருந்தபொழுதே அ.தி.மு.க. ஆட்சியை அவர்களால் ஒன்றும் செய்ய முடியவில்லை.  மக்களை ஏமாற்றும் கட்சிகள் இனி ஆட்சிக்கு வர முடியாது 

இந்திய துணை கண்டத்திலேயே பொதுமக்கள் நலுனுக்காக  அதிக அளவிலான திட்டங்களை கொண்டு வந்தது ஜெயலலிதா அரசுதான். அவர்தான் மாணவ மாணவிகள் பயன்பெற மடிக்கணினி வழங்கும் திட்டத்தினை கொண்டு வந்தார். அந்த திட்டத்தில் இதுவரை 36 லட்சம் மாணவ மாணவிகளுக்கு மடிக்கணினி வழங்கப்பட்டு உள்ளது.  இன்னும் 15 லட்சம் பேருக்கு வழங்கப்பட உள்ளது 

இவ்வாறு அவர் பேசினார்.  

]]>
tamilnadu, ADMK, DMK, EPS, jayalalaitha, welfare schemes http://images.dinamani.com/uploads/user/imagelibrary/2018/10/20/w600X390/eps2.jpg http://www.dinamani.com/tamilnadu/2018/oct/21/அதிமுகவில்-வாரிசு-இல்லை-தொண்டர்களே-அதன்-வாரிசு-முதல்வர்-பழனிசாமி-பேச்சு-3024195.html
3024194 தமிழ்நாடு ஸ்டாலின் தலைமையில் மாவட்டச் செயலாளர்கள் கூட்டம் DIN DIN Sunday, October 21, 2018 01:05 PM +0530  

திமுக மாவட்டச் செயலாளர்கள் கூட்டம், அக்கட்சியின் தலைவர் மு.க.ஸ்டாலின் தலைமையில் வரும் 25-ஆம் தேதி நடைபெறும் என கட்சியின் பொதுச் செயலாளர் க.அன்பழகன் இன்று (ஞாயிற்றுக்கிழமை) வெளியிட்டுள்ளார். 

இதுதொடர்பாக, திமுக பொதுச் செயலாளர் க.அன்பழகன் இன்று வெளியிட்டுள்ள அறிவிப்பில் தெரிவித்துள்ளதாவது, 

"திமுக தலைவர் ஸ்டாலின் தலைமையில் திமுக மாவட்டச் செயலாளர்கள் மற்றும் நாடாளுமன்ற தொகுதிக் கழகப் பொறுப்பாளர்கள் கூட்டம் வரும் 25-ஆம் தேதி காலை 10 மணிக்கு சென்னை அண்ணா அறிவாலயம் 'கலைஞர் அரங்கத்தில்' நடைபெறும். 

அதுபோது, மாவட்டக் கழகச் செயலாளர்கள் மற்றும்  நாடாளுமன்ற தொகுதிக் கழகப் பொறுப்பாளர்கள் கலந்துக்கொள்ளும்படி கேட்டுக்கொள்கிறேன்" என்று குறிப்பிடப்பட்டுள்ளது.

]]>
http://images.dinamani.com/uploads/user/imagelibrary/2018/10/21/w600X390/DMK.jpg கோப்புப்டம் http://www.dinamani.com/tamilnadu/2018/oct/21/ஸ்டாலின்-தலைமையில்-மாவட்டச்-செயலாளர்கள்-கூட்டம்-3024194.html
3024188 தமிழ்நாடு க.அன்பழகனுக்கு காய்ச்சல் குறைந்துள்ளது: திமுக தலைவர் ஸ்டாலின்  DIN DIN Sunday, October 21, 2018 11:05 AM +0530  

திமுக பொதுச் செயலாளர் க.அன்பழகனுக்கு காய்ச்சல் குறைந்துள்ளது எனவும், அவரை காண தொண்டர்கள் வர வேண்டாம் எனவும் திமுக தலைவர் ஸ்டாலின் தெரிவித்தார். 

திமுக பொதுச் செயலர் க.அன்பழகன் உடல்நலக் குறைவு காரணமாக நேற்று (சனிக்கிழமை) இரவு மருத்துவமனையில் அனுமதிக்கப்பட்டார். முதுமை காரணமாக அன்பழகனுக்கு நீர்ச்சத்து குறைந்து அதிக சோர்வு ஏற்பட்டதால், அவர் சென்னை அப்பல்லோ மருத்துவமனையில் அனுமதிக்கப்பட்டுள்ளார். அங்கு அளிக்கப்பட்ட சிகிச்சைக்குப் பிறகு, அவரது உடல்நிலையில் நல்ல முன்னேற்றம் ஏற்பட்டு அவர் நலமுடன் உள்ளதாக உறவினர்கள் தெரிவித்தனர்.

இந்நிலையில், திமுக தலைவர் ஸ்டாலின் இன்று காலை 2-ஆவது முறையாக மருத்துவமனைக்குச் சென்று நலம் விசாரித்தார். இதுதொடர்பாக, செய்தியாளர்களிடம் பேசிய அவர், "பேராசிரியர் அன்பழகனுக்கு காய்ச்சல் குறைந்துள்ளது. அவர் சில நாட்கள் மருத்துவமனையிலேயே தங்கு ஓய்வு எடுக்க வேண்டிய நிலை ஏற்பட்டுள்ளது. அதனால், தொண்டர்கள் அவரை காண மருத்துவமனைக்கு வர வேண்டாம்" என்றார்.

]]>
http://images.dinamani.com/uploads/user/imagelibrary/2018/7/27/w600X390/stalin1.jpg http://www.dinamani.com/tamilnadu/2018/oct/21/கஅன்பழகனுக்கு-காய்ச்சல்-குறைந்துள்ளது-நலம்விசாரித்த-ஸ்டாலின்-பேட்டி-3024188.html
3023771 தமிழ்நாடு சதய விழா: ராஜராஜசோழன் சிலைக்கு மாலை அணிவிப்பு; பெருவுடையாருக்கு 48 வகை பேரபிஷேகம்  தஞ்சாவூர், DIN Sunday, October 21, 2018 03:08 AM +0530 தஞ்சாவூரில் 1033 ஆம் ஆண்டு சதய விழாவையொட்டி மாமன்னர் ராஜராஜசோழன் சிலைக்கு பல்வேறு அமைப்பினர் சனிக்கிழமை மாலை அணிவித்தனர்.
 தஞ்சாவூர் பெரியகோயிலில் சதய விழா வெள்ளிக்கிழமை தொடங்கியது. தொடர்ந்து, ராஜராஜசோழன் பிறந்த சதய நட்சத்திர நாளான சனிக்கிழமை பெரியகோயில் முன்புறம் உள்ள அவரது சிலைக்கு மாவட்ட ஆட்சியர் ஆ. அண்ணாதுரை மாலை அணிவித்தார். மாவட்டக் காவல் கண்காணிப்பாளர் த. செந்தில்குமார், திருவாவடுதுறை கட்டளை சுவாமிநாத தம்பிரான் சுவாமிகள், சதய விழாக் குழுத் தலைவர் துரை. திருஞானம், அரண்மனை தேவஸ்தான பரம்பரை அறங்காவலர் சி. பாபாஜி ராஜா போன்ஸ்லே உள்ளிட்டோர் கலந்து கொண்டனர்.
 இதைத் தொடர்ந்து, பாஜக, சிவசேனா, இந்து மக்கள் கட்சி, தேவேந்திர குல வேளாளர் சங்கம், தமிழ்நாடு சமாஜ்வாதி, பார்வர்டு பிளாக் கட்சி உள்பட சுமார் 50 அமைப்புகள் ராஜராஜசோழன் சிலைக்கு மாலை அணிவித்து மரியாதை செலுத்தின.
 மேலும், நான்கு ராஜ வீதிகளில் நடைபெற்ற திருமுறை திருவீதியுலாவில் ஓதுவார்கள் திருமுறைகளை ஓதி சென்றனர். இதையடுத்து, பெருவுடையார், பெரியநாயகிக்கு நடைபெற்ற பேரபிஷேகத்தில் பால், தேன், நெய், விபூதி, மஞ்சள், பசுந்தயிர், திரவியப் பொடி, மாதுளை, அன்னாசி, திராட்சை, விளாம்பழம், சந்தனம், பன்னீர் உள்பட 48 வகையான அபிஷேகங்கள் செய்யப்பட்டன. இதில், ஏராளமான பக்தர்கள் கலந்து கொண்டு வழிபட்டனர். இதில் பங்கேற்ற மாவட்டக் காவல் கண்காணிப்பாளர் த. செந்தில்குமார் திருவாசகம் பாடி, அதன் பெருமைகளை விளக்கினார்.
 இதைத் தொடர்ந்து, பெருவுடையார், பெரியநாயகிக்குப் பெருந்தீப வழிபாடு நடத்தப்பட்டது. மாலையில் பட்டிமன்றம், கலை நிகழ்ச்சிகள், விருது வழங்கும் விழா நடைபெற்றன.

]]>
http://images.dinamani.com/uploads/user/imagelibrary/2018/10/21/w600X390/CHN.jpg http://www.dinamani.com/tamilnadu/2018/oct/21/சதய-விழா-ராஜராஜசோழன்-சிலைக்கு-மாலை-அணிவிப்பு-பெருவுடையாருக்கு-48-வகை-பேரபிஷேகம்-3023771.html
3023944 தமிழ்நாடு யாருக்கும் சலுகை காட்டவில்லை: டெண்டர் ஒதுக்கீடு குறித்து முதல்வர் விளக்கம்  ஓமலூர், DIN Sunday, October 21, 2018 02:43 AM +0530 டெண்டர் ஒதுக்கீடு விவகாரத்தில் யாருக்கும் சலுகை காட்டவில்லை என்று தமிழக முதல்வர் எடப்பாடி கே.பழனிசாமி விளக்கம் தெரிவித்துள்ளார்.
 சேலம் - பெங்களூரு நெடுஞ்சாலையில் ஓமலூரில் உள்ள புறநகர் மாவட்ட அதிமுக அலுவலகத்துக்கு சனிக்கிழமை வந்த முதல்வர், செய்தியாளர்களுக்கு அளித்த பேட்டி:
 சிபிஐ விசாரணை?: எதிர்க்கட்சித் தலைவர் ஸ்டாலின் பொய்களாகச் சொல்லிக் கொண்டிருக்கிறார். இந்த ஆட்சியை கலைக்கலாம் என்று ஆயுதத்தை எடுத்தார். அதற்குப் பிறகு, கட்சியை உடைக்கலாம் என்று நினைத்தார். சிலரை தூண்டிவிட்டு எங்கள் கட்சிக்குள்ளேயே ஒரு பிரிவினையை உருவாக்கப் பார்த்தார். அதுவும் முடியவில்லை.
 ஒட்டன்சத்திரம், தாராபுரம், அவிநாசி சாலைப் பணிகளை என் உறவினருக்கு கொடுத்தாகக் குற்றச்சாட்டுகிறார். இதுகுறித்து நான் பலமுறை விளக்கம் அளித்து விட்டேன். ஒரு எதிர்க்கட்சித் தலைவர் இதையெல்லாம் தெரிந்து கொள்ளாமல் தவறான செய்தியை நாட்டு மக்களுக்கு சொல்லிக் கொண்டிருக்கிறார்.
 டெண்டர் விடுவதில் முறைகேடு நடப்பதற்கு வாய்ப்பே கிடையாது. இந்த டெண்டரைப் பொருத்தவரைக்கும் ஆன்லைன் டெண்டர். இந்தியா மற்றும் வெளிநாடுகளில் இருந்து தகுதியானவர்கள் யார் வேண்டுமானாலும் கலந்து கொள்ளலாம். இதில் எப்படி முறைகேடு நடக்க முடியும்?
 திமுக ஆட்சியில் 2010-இல் ராமலிங்கம் அண்ட் கோ நிறுவனத்துக்கு குடிசை மாற்று வாரியத்தில் ரூ. 74 கோடிக்கு டெண்டர் அளித்தனர். அதுமட்டுமல்லாமல், திமுக ஆட்சிக் காலத்தில் அவர்களுக்கு 10 டெண்டர் அளித்துள்ளனர். ஆக, இவருக்குத் தகுதியில்லை என்று சொல்ல வழியே கிடையாது. விலைப்புள்ளி அதிகமாக கொடுத்ததாக சொல்கிறார்கள். ஆர்.எஸ்.பாரதி, ஒரு கி.மீ. தூரம் நான்கு வழிச்சாலை அமைப்பதற்கு ரூ.2 கோடியே 20 லட்சம்தான் ஆகும் என்று சொல்கிறார். திமுக சார்பில் மத்தியில் தரைவழிப் போக்குவரத்துத் துறை அமைச்சராக டி.ஆர்.பாலு இருந்தபோது, 2006-இல் சேலம் - குமாரபாளையம் இடையே ஒரு கி. மீ. தொலைவுக்கு 4 வழிச்சாலை அமைப்பதற்கு ரூ.8 கோடியே 78 லட்சத்துக்கு டெண்டர் விட்டிருக்கிறார்கள். இதேபோன்று பல்வேறு சாலைகள் ஒரு கி.மீ. அமைக்க குறைந்தபட்சம் ரூ.7.52 கோடியில் இருந்து அதிகபட்சம் ரூ.12.42 கோடி வரை இந்திய நெடுஞ்சாலை ஆணையத்தால் ஏலம் விடப்பட்டிருக்கிறது. ஏறத்தாழ 10 ஆண்டுகள் கடந்து விட்ட நிலையில், இப்போது கிட்டத்தட்ட 50 சதவீதம் விலைவாசி உயர்ந்திருக்கிறது. ஆனால் ஒரு கி. மீ. சாலையை ரூ.2.20 கோடி மதிப்பில் அமைக்கலாம் என்பதை எப்படி ஏற்றுக் கொள்ள முடியும். மேலும் தற்போது தமிழகத்தில் இந்திய நெடுஞ்சாலைத் துறை அமைக்கும் சாலைகளுக்கு ஒரு கிலோமீட்டர் தூரத்துக்கு குறைந்தபட்சம் ரூ.11.22 கோடியில் இருந்து அதிகபட்சம் ரூ.25.78 கோடி வரை ஏலம் விடப்பட்டிருக்கிறது.
 இதில் விலைவாசிக்கு ஏற்ப தொகையை உயர்த்திக் கொள்ளலாம் என விதிமுறையும் உள்ளது. 10 ஆண்டு காலம் சம்பந்தப்பட்ட நிறுவனமே பராமரிப்புப் பணியும் மேற்கொள்ள வேண்டும். இதில் முதல் இரண்டாண்டு காலம் சாலை அமைக்கிற பணி, மீதி எட்டு ஆண்டுகள், சாலை அமைத்தபிறகு அந்த நிறுவனமே அதன் பராமரிப்புப் பணியை மேற்கொள்ள வேண்டும். ஒரு கிலோமீட்டருக்கு ரூ.10.16 கோடிக்கு ஏலம் விட்டிருக்கிறோம். டெண்டர் விட்டு இப்போது ஓராண்டாகி விட்டது. இன்னும் வேலையே ஆரம்பிக்கவில்லை. அதற்குள் ஊழல் என்கிறார்கள்.
 இந்த அரசு யாருக்கும் சலுகை காட்டவில்லை என்பதை தெரிவித்துக் கொள்கிறேன். இதற்குமேல் அவர் சொல்லிக் கொண்டிருந்தால் எதிர்க்கட்சி வரிசையில் அவர் அமர்வதற்கு லாயக்கில்லை.
 சிபிஐ ஆரம்ப கட்ட விசாரணை என்று தான் சொல்லியிருக்கிறார்கள். வேண்டுமென்றே திட்டமிட்டு, அவதூறு செய்தியைப் பரப்பிக் கொண்டு இருக்கிறார் ஸ்டாலின்.
 திமுக ஆட்சிக் காலத்தில் 2006 முதல் 2008-ஆம் ஆண்டு வரை நடைபெற்ற பல்வேறு சாலை அமைக்கும் பணிகளில் ஏலத் தொகையை விட பல மடங்கு கூடுதலாகச் செலவு செய்துள்ளனர்.
 ஆற்காடு - உளுந்தூர்பேட்டை - போளூர் - செங்கம் - விருத்தாசலம் - திருவாரூர் - ஜெயங்கொண்டம் - அரியலூர் மற்றும் புதிய புறவழிச் சாலை, சிதம்பரம் - சீர்காழி - ஆரணி - போளூர் - திருவண்ணாமலை - திருக்கோவிலூர் - விருத்தாசலம் - அரியலூர் மற்றும் திருவாரூர் சாலைகளை மேம்படுத்த டெண்டர் ஒப்பந்தம் விட்ட மதிப்பு ரூ. 611.70 கோடி. இதற்கு ரூ.161.67 கோடி அதிகமாக அளிக்கிறார்கள்.
 திமுக ஆட்சியில் நடைபெற்ற ஊழல்கள் தோண்ட தோண்ட வந்து கொண்டேயிருக்கின்றன.
 தற்போது ஆன்லைன் டெண்டர் விடப்பட்டுள்ளது. பணம் கட்டுவது கூட யாருக்கும் தெரியாது. பாஸ்வேர்டை என்றைக்கு திறக்கிறார்களோ, அன்றைக்குத்தான் யார் டெண்டர் அளித்துள்ளார்கள், என்ன விலையில் அளித்துள்ளார்கள் என்பது முழுவதுமாகத் தெரியும். அதில் எப்படி முறைகேடு நடக்கும்?.
 திமுக ஆட்சியின் முறைகேடுகள் குறித்து சட்ட வல்லுநர்களோடு கலந்து ஆலோசித்துத் தான் சொல்ல முடியும்.
 சபரிமலைக்கு பெண்கள் செல்வது தொடர்பான உச்ச நீதிமன்றத் தீர்ப்பு குறித்து விமர்சனம் செய்யவோ, கருத்துச் சொல்லவோ எதுவுமில்லை.
 சபரிமலை தொடர்பாக தமிழ்நாட்டில் எந்தவொரு சம்பவமும் நடைபெறவில்லை. சம்பவங்கள் நடைபெறுவதற்கு எவ்வித வாய்ப்பும் கொடுக்காத அளவுக்கு காவல் துறைக்கு அறிவுறுத்தப்பட்டிருக்கிறது என்றார்.
 சர்க்கஸ் காட்டுவதற்கு திறமை வேண்டும்
 சர்க்கஸ் என்பது சாதாரண விஷயமில்லை. யாரும் போய் விளையாட முடியாது. உள்ளே போய் திறமையைக் காட்ட வேண்டும். அந்த வகையில் நான் என்னுடைய திறமையை வெளிக்காட்டி, மக்களுடைய நன்மதிப்பை பெற்றுக் கொண்டிருக்கிறேன் என்று தமிழக முதல்வர் எடப்பாடி கே.பழனிச்சாமி தெரிவித்தார்.
 சேலம் மாவட்டம், ஓமலூரில் செய்தியாளர்களிடம் சனிக்கிழமை அவர் மேலும் கூறியதாவது: தி.மு.க. வை கம்பெனி என்று விமர்சனம் செய்ததற்காக, அ.தி.மு.க.வை சர்க்கஸ் கூடாரம் என்று மு.க. ஸ்டாலின் விமர்சனம் செய்துள்ளார். இதன் மூலம் திமுகவை அவர் கம்பெனி என்று ஒப்புக் கொண்டுள்ளார். நாங்கள் சொன்னது சரி என்று ஒப்புக் கொண்டதற்காக அவருக்கு நன்றி. என்னை சர்க்கஸ் கோமாளி என்றும், ரிங் மாஸ்டர் தில்லியில் இருக்கிறார் என்றும் ஸ்டாலின் விமர்சனம் செய்திருக்கிறார்.
 சர்க்கஸ் என்பது சாதாரண விஷயமில்லை. யாரும் போய் விளையாட முடியாது. திறமை இருந்தால் தான் அதையும் செய்ய முடியும். எங்களுக்கு ஆட்சி செய்கின்ற திறமை இருக்கின்ற காரணத்தினாலே நிறைய திட்டங்களை நாட்டு மக்களுக்கு வழங்கி, இன்றைக்கு நல்ல பெயர் எடுத்துக் கொண்டு வருகிறோம். ஆகவே, அவர் என்ன சொன்னாலும், அதைப் பற்றி கவலை இல்லை. எங்களைப் பொருத்தவரை மக்களுக்குத் தேவையான நடவடிக்கைகளை எடுப்பதுடன், திட்டங்களை தொடர்ந்து செயல்படுத்திக் கொண்டிருப்போம் என்றார் முதல்வர்.
 
 
 

]]>
http://images.dinamani.com/uploads/user/imagelibrary/2018/10/21/w600X390/cm.jpg http://www.dinamani.com/tamilnadu/2018/oct/21/யாருக்கும்-சலுகை-காட்டவில்லை-டெண்டர்-ஒதுக்கீடு-குறித்து-முதல்வர்-விளக்கம்-3023944.html
3023931 தமிழ்நாடு ஆண்டவன் ஆசிரமத்தின் 12ஆவது ஆச்சாரியனாக ஸ்ரீமன் யாமுனாச்சாரியார் சுவாமி இன்று பதவியேற்பு  திருச்சி, DIN Sunday, October 21, 2018 02:20 AM +0530 ஸ்ரீரங்கம் ஸ்ரீமத் ஆண்டவன் ஆசிரமத்தின் 12 ஆவது ஆச்சாரியனாக ஸ்ரீமன் யாமுனாச்சாரியார் சுவாமி ஞாயிற்றுக்கிழமை (அக்.21) பதவியேற்கிறார்.
 ஸ்ரீரங்கம் ஸ்ரீமத் ஆண்டவன் ஆசிரமத் தலைவரும், உயில் நிறைவேற்றுக் குழுத் தலைவருமான ஆர்.ராஜகோபால் சனிக்கிழமை அளித்த பேட்டி:
 ஸ்ரீவைஷ்ணவ வடகலை முநித்ரய சம்பிரதாயத்தின் முக்கிய ஆன்மிக ஸ்தாபனமாக சுமார் 300 ஆண்டுகள் தொன்மையான ஸ்ரீரங்கம் ஸ்ரீமத் ஆண்டவன் ஆசிரமத்தில் இதுவரை 11 மகான்கள் எழுந்தருளி, தொண்டாற்றி அருள்புரிந்து வந்துள்ளனர். ஆசிரமத்தின் 11 ஆவது ஆச்சாரியனாக இருந்து 29 ஆண்டுகள் சிறப்பாக நடத்தி வந்த ஸ்ரீமத் முஷ்ணம் ஆண்டவன் சுவாமிகள் கடந்த மார்ச் மாதம் முக்தி அடைந்தார். அவருக்குப் பின்னர் 12 ஆவது ஆச்சாரியனாக ஸ்ரீமன் யாமுனாச்சாரியார் சுவாமி ஞாயிற்றுக்கிழமை பதவியேற்க உள்ளார்.
 1968 ஆம் ஆண்டு மதுராந்தகத்தில் பாமாலட்சுமி - ஸ்ரீமான் வராஹாச்சாரியார் ( பின்னாளில் ஸ்ரீ முஷ்ணம் ஆண்டவனாக பதவி வகித்தவர்) சுவாமிக்கு மகனாக பிறந்தார். சாஸ்திர பூஷணம் என்ற விருதை 2005 -ஆம் ஆண்டு பெற்ற இவருக்கு, ராதா அம்மையாருடன் கடந்த 2000 ஆம் ஆண்டு ஏப்ரல் 24 ஆம் தேதி திருமணம் நடைபெற்றது. அதைத் தொடர்ந்து சன்யாஸ ஆசிரமத்தை ஏற்பதற்கான முக்கிய மந்திரங்கள் 2012 ஆம் ஆண்டே ஸ்ரீமத் ஸ்ரீமுஷ்ணம் ஆண்டவனால் உபதேசம் செய்யப்பட்டது. முக்கியமாகக் கருதப்படும் க்ரந்த காலசேஷபங்களை ஸ்ரீமத் திருக்குடந்தை ஆண்டவன்
 சுவாமிகள், ஸ்ரீமத் ஸ்ரீமுஷ்ணம் சுவாமிகள், ஸ்ரீ என்எஸ்ஆர் சுவாமிகள் மூலம் பெற்றுள்ளார். எம்.ஏ, எம்.பில், பி.எச்.டி. போன்ற பல பட்டங்களைப் பெற்று, பல சாஸ்திரங்களில் தேர்ந்த வல்லுநராகத் திகழ்கிறார்.
 ஸ்ரீமத் ஸ்ரீமுஷ்ணம் ஆண்டவனின் உயிலில் எழுதப்பட்டிருந்த 3 பேரில் ஒருவர் ஏற்கெனவே இறந்துவிட்டார். மற்ற இருவரும் குடும்ப சூழ்நிலை, வயது உள்ளிட்டவற்றை காரணம் காட்டி இப்பதவியை ஏற்க மறுத்துவிட்டனர். ஆண்டவனின் உயிலை செயல்படுத்த கட்டாயம் உள்ளது. ஆனால், உயிலில் குறிப்பிட்டிருந்த மூவரும் இப்பதவிக்கு வர மறுத்துவிட்டதால், உரிய தகுதிகள் கொண்ட ஆச்சாரியனைத் தேர்வு செய்ய வேண்டிய கட்டாயம் உள்ளது.
 இதற்காக கமிட்டி உறுப்பினர்கள், சிஷ்யர்களுடன் ஆலோசனை செய்து ஸ்ரீமன் யாமுனாச்சாரியார் சுவாமிகளை ஒருமனதாகத் தேர்வு செய்துள்ளோம். இவரது பதவியேற்பு விழா ஞாயிற்றுக்கிழமை காலை 6 மணிக்குத் தொடங்கி பிற்பகல் 1 மணி வரை நடைபெறுகிறது. பதவியேற்ற பின்னர், இவர் ஸ்ரீவராஹ மகாதேசிகன் சுவாமிகள் என அழைக்கப்படுவார் என்றார் அவர்.

]]>
http://www.dinamani.com/tamilnadu/2018/oct/21/ஆண்டவன்-ஆசிரமத்தின்-12ஆவது-ஆச்சாரியனாக-ஸ்ரீமன்-யாமுனாச்சாரியார்-சுவாமி-இன்று-பதவியேற்பு-3023931.html
3023803 தமிழ்நாடு பொள்ளாச்சி அருகே 10 பேருக்கு மர்ம காய்ச்சல்  பொள்ளாச்சி, DIN Sunday, October 21, 2018 01:09 AM +0530 பொள்ளாச்சி அருகே ஒரே கிராமத்தைச் சேர்ந்த 10க்கும் மேற்பட்டோர் மர்ம காய்ச்சலால் பாதிக்கப்பட்டுள்ளனர்
 கோவை மாவட்டம், பொள்ளாச்சி தெற்கு ஒன்றியத்துக்கு உள்பட்டது பாலமநல்லூர் கிராமம். இக்கிராமத்தில் 300க்கும் மேற்பட்ட குடும்பங்கள் வசித்து வருகின்றன. இந்த கிராமத்தைச் சேர்ந்த 10க்கும் மேற்பட்டோருக்கு கடந்த சில நாள்களாக மர்மக் காய்ச்சல் பாதிப்பு ஏற்பட்டுள்ளது.
 காய்ச்சலால் பாதிக்கப்பட்டவர்களில் சிலர் பொள்ளாச்சி அரசு மருத்துவமனையில் சிகிச்சை பெற்று வருகின்றனர். ஒரு சிலர் தனியார் மருத்துவமனைகளில் சிகிச்சை பெற்று வருகின்றனர்.
 ஒரே கிராமத்தில் 10க்கும் மேற்பட்டவர்கள் மர்மக் காய்ச்சலால் பாதிக்கப்பட்டுள்ளதால் கிராம மக்கள் பீதியடைந்துள்ளனர். இந்த கிராமத்தில் சுகாதாரத் துறையினர் காய்ச்சல் தடுப்பு நடவடிக்கை மேற்கொள்ளவேண்டும் என பொது மக்கள் கோரிக்கை விடுத்துள்ளனர்.

]]>
http://www.dinamani.com/tamilnadu/2018/oct/21/பொள்ளாச்சி-அருகே-10-பேருக்கு-மர்ம-காய்ச்சல்-3023803.html
3023801 தமிழ்நாடு வடகிழக்கு பருவமழை தொடங்க மேலும் தாமதமாகும்  சென்னை, DIN Sunday, October 21, 2018 01:09 AM +0530 வட கிழக்கு பருவமழை தொடங்குவது மேலும் தாமதமாகும் என்று சென்னை வானிலை ஆய்வு மையம் தெரிவித்துள்ளது.
 இது குறித்து சென்னை வானிலை ஆய்வு மைய அதிகாரி சனிக்கிழமை கூறியது:
 அடுத்த 24 மணி நேரத்தில் தென்மேற்கு பருவமழை முழுமையாக விலக்கிக்கொள்ள சாதகமான சூழல் உள்ளது. அதன்பிறகு, அடுத்த 3 அல்லது 4 நாள்களில் வடகிழக்குப் பருவமழை தொடங்குவதற்கு சாதகமான சூழல் உருவாகும். எனவே வட கிழக்கு பருவமழை தொடங்குவது மேலும் சில நாள்கள் தாமதமாகும்.
 தற்போது தென் மேற்கு வங்கக் கடலில் வளி மண்டலத்தில் மேலடுக்கு சுழற்சி நிலவுகிறது. இதன் காரணமாக, தமிழகம் மற்றும் புதுச்சேரியில் ஒரு சில இடங்களில் அடுத்த 24 மணி நேரத்தில் இடியுடன் கூடிய மழை பெய்ய வாய்ப்பு உள்ளது. ஓரிரு இடங்களில் பலத்த மழை பெய்ய வாய்ப்பு உள்ளது. சென்னையில் பொதுவாக வானம் மேகமூட்டமாக இருக்கும். சில இடங்களில் இடியுடன் கூடிய மழை பெய்ய வாய்ப்பு உள்ளது என்றார்.
 பெரியகுளத்தில் 160 மி.மீ.: தமிழகத்தில் சனிக்கிழமை காலை 8.30 மணி நிலவரப்படி வரையிலான கடந்த 24 மணி நேரத்தில் தேனி மாவட்டம் பெரியகுளத்தில் 160 மி.மீ. மழை பதிவாகியுள்ளது. கோவை மாவட்டம் பெரியநாயக்கன்பாளையத்தில் 100 மி.மீ., சென்னை விமான நிலையம், திருநெல்வேலி மாவட்டம் சங்கரன்கோவிலில் தலா 50 மி.மீ. மழை பதிவாகியுள்ளது.
 விருதுநகர் மாவட்டம் ஸ்ரீவில்லிப்புத்தூர், கோவை மாவட்டம் மேட்டுபாளையம், கடலூர் மாவட்டம் சிதம்பரம், கன்னியாகுமரி மாவட்டம் தக்கலையில் தலா 40 மி.மீ. மழை பதிவாகியுள்ளது.

]]>
http://images.dinamani.com/uploads/user/imagelibrary/2018/10/21/w600X390/Rain1_copy.jpg http://www.dinamani.com/tamilnadu/2018/oct/21/வடகிழக்கு-பருவமழை-தொடங்க-மேலும்-தாமதமாகும்-3023801.html
3023798 தமிழ்நாடு முதல்வர் குறித்து அவதூறு பேச்சு: திண்டுக்கல் லியோனி மீது வழக்கு  சென்னை, DIN Sunday, October 21, 2018 01:08 AM +0530 முதல்வர் குறித்து அவதூறாக பேசியதாக திண்டுக்கல் ஐ.லியோனி மீது போலீஸார் வழக்குப் பதிவு செய்தனர்.
 மறைந்த திமுக தலைவர் கருணாநிதியின் 95-வது பிறந்தநாள் பொதுக் கூட்டம், சென்னை தியாகராய நகர் டாக்டர் சதாசிவம் சாலையில் கடந்த ஜூன் மாதம் 8 -ஆம் தேதி நடைபெற்றது.
 இந்தக் கூட்டத்தில் சிறப்பு விருந்தினராக பங்கேற்ற திமுக பேச்சாளரும், பட்டிமன்ற நடுவருமான திண்டுக்கல் ஐ.லியோனி, தமிழக முதல்வர் எடப்பாடி பழனிசாமி குறித்தும், துணை முதல்வர் ஓ.பன்னீர்செல்வம் குறித்தும் அவதூறாக பேசியதாக கூறப்படுகிறது. இந்த பேச்சை பதிவு செய்த போலீஸார், அதன்பேரில் நடவடிக்கை எடுப்பது குறித்து சட்ட வல்லுநர்களின் கருத்தை கேட்டிருந்தனர்.
 சட்டவல்லுநர்கள் ஒப்புதல் அளித்தலின்பேரில், காவல் உதவி ஆய்வாளர் மணிமேகலை, பாண்டி பஜார் காவல் நிலையத்தில் லியோனி மீது புகார் செய்தார்.
 அந்த புகாரின் அடிப்படையில் போலீஸார் லியோனி மீது கடுமையான 5 சட்டப்பிரிவுகளின்கீழ் வெள்ளிக்கிழமை வழக்குப் பதிவு செய்தனர். இந்த வழக்குத் தொடர்பாக போலீஸார் மேலும் விசாரணை நடத்தி வருகின்றனர்.
 

]]>
http://images.dinamani.com/uploads/user/imagelibrary/2018/10/21/w600X390/LEONI.jpg http://www.dinamani.com/tamilnadu/2018/oct/21/முதல்வர்-குறித்து-அவதூறு-பேச்சு-திண்டுக்கல்-லியோனி-மீது-வழக்கு-3023798.html
3023793 தமிழ்நாடு நீர் மேலாண்மையில் கவனம் செலுத்தாவிடில் பேராபத்து  சென்னை, DIN Sunday, October 21, 2018 01:06 AM +0530 நீர் மேலாண்மை குறித்து தமிழக அரசு சிந்திக்காவிட்டால் அது பேராபத்தில் முடியும் என்று அம்மா மக்கள் முன்னேற்றக் கழகத்தின் துணைப் பொதுச் செயலாளர் டிடிவி தினகரன் எச்சரித்துள்ளார்.
 இது குறித்து அவர் சனிக்கிழமை வெளியிட்ட அறிக்கை:-நீர் மேலாண்மை தொடர்பான தமிழக அரசின் செயல்பாடுகள் மிகவும் வருத்தமளிப்பதாகவும், நீர் மேலாண்மையை இந்த அரசு மிகத் தீவிரமாக கடைப்பிடிக்க வேண்டும் என்றும் சென்னை உயர்நீதிமன்ற மதுரை கிளை கருத்து தெரிவித்துள்ளதாக செய்திகள் வெளியாகியுள்ளன. நீர் நிலைகளின் ஆக்கிரமிப்புகளை அகற்றுவதிலும், தூர்வாரும் பணியிலும் தமிழக அரசு பல்வேறு புகார்களுக்கு உள்ளாகி வருகிறது.
 நீர் மேலாண்மை என்பது தொலைநோக்கு பார்வை கொண்ட ஆளுமைமிக்க ஒரு தலைமையின் தன்மையாகவே பார்க்கப்படுகிறது. இது நிகழ்கால மற்றும் எதிர்கால மக்களின் வாழ்வு தொடர்பானது.
 கர்நாடகத்தில் பெய்த கன மழையின் காரணமாக, காவிரியில் திறந்து விடப்பட்ட உபரிநீரினால், நான்குமுறை மேட்டூர் அணை தன் முழு கொள்ளளவை எட்டியபோதும், டெல்டா மாவட்டங்கள் வழியாக காவிரி உபரி நீர் வெள்ளமென பாய்ந்தபோதும், கடைமடைக்கு தண்ணீர் செல்லவில்லை. ஆயிரக்கணக்கான ஏரி குளங்கள் வறண்டு கிடந்தன.
 இது தமிழக அரசின் மோசமான நிர்வாகத்தைத்தான் எடுத்துக் காட்டியது.
 பல்வேறு உலக நாடுகளில் தண்ணீருக்கும், நீர் மேலாண்மைக்கும் பெரும் முக்கியத்துவம் கொடுத்து, அவற்றைச் செயல்படுத்திவரும் நிலையில், தமிழக அரசு நீர் மேலாண்மை குறித்து எந்த சிந்தனையும் இல்லாமல் இருப்பது பெரும் ஆபத்தில் முடியும்.
 நீர் மேலாண்மையிலும், நீர்வழித்தட ஆக்கிரமிப்புகளையும் அகற்றுவதில், தமிழக அரசு முழு அரசு இயந்திரத்தையும் பயன்படுத்த வேண்டும் என்று டிடிவி தினகரன் வலியுறுத்தியுள்ளார்.

]]>
http://images.dinamani.com/uploads/user/imagelibrary/2017/9/15/w600X390/TTV_Dinakaran.jpg http://www.dinamani.com/tamilnadu/2018/oct/21/நீர்-மேலாண்மையில்-கவனம்-செலுத்தாவிடில்-பேராபத்து-3023793.html
3023789 தமிழ்நாடு காவிரியில் மூழ்கி 6 பேர் சாவு: அரசு மீது ராமதாஸ் குற்றச்சாட்டு  சென்னை / பாபநாசம், DIN Sunday, October 21, 2018 01:06 AM +0530 மணல் கொள்ளைகளால் ஏற்பட்ட பள்ளத்தால்தான் காவிரி ஆற்றில் மூழ்கி 6 மாணவர்கள் இறந்து போனதாக அரசு மீது பாமக நிறுவனர் ராமதாஸ் குற்றஞ்சாட்டியுள்ளார்.
 இதுதொடர்பாக அவர் சனிக்கிழமை வெளியிட்ட அறிக்கை:
 காவிரி கரையில் அமைந்துள்ள புனிதத் தலங்களில் ஒன்றான கபிஸ்தலத்தில் சீதாலட்சுமிபுரத்தைச் சேர்ந்த மாணவர்கள் 7 பேர் வெள்ளிக்கிழமை விடுமுறை என்பதால் அங்குள்ள முனியாண்டவர் கோயில் படித்துறையில் குளிக்கச் சென்றனர்.
 அப்போது ஏற்பட்ட சுழலில் சிக்கி 7 பேரும் காவிரி நீரில் அடித்துச் செல்லப்பட்ட நிலையில், அவர்களில் சஞ்சய் என்ற மாணவர் மட்டும் நீந்தி தப்பித்து வந்திருக்கிறார். மணிகண்டன், கதிரவன், சிவபாலன், ஸ்ரீநவீன், விஷ்ணுப்பிரியன், வெங்கடேசன் ஆகிய 6 மாணவர்கள் உயிரிழந்தனர்.
 இந்தத் துயர நிகழ்வை விபத்து என்று கூற முடியாது. காவிரியில் இயல்பான நீரோட்டம் இருந்தால் இத்தகைய நிகழ்வு நடந்திருக்க வாய்ப்பே இல்லை.
 மாறாக, கபிஸ்தலம் முனியாண்டவர் கோயில் படித்துறை அருகே அதிகாரப்பூர்வமற்ற வகையில் மணல் குவாரி அமைக்கப்பட்டு, சட்டவிரோத மணல் கொள்ளை நடந்துள்ளது. இதனால் அப்பகுதியில் பல இடங்களில் 10 அடி ஆழத்துக்கும் கூடுதலாக பள்ளம் ஏற்பட்டுள்ளது. அதனாலும், அதன் காரணமாக ஏற்பட்ட நீர் சுழற்சியிலும் சிக்கியதால்தான் 6 மாணவர்களும் உயிரிழந்துள்ளனர்.
 சட்டவிரோத மணல் குவாரிகள் குறித்து அப்பகுதியில் வாழும் மக்கள் பலமுறை புகார் அளித்தும் அதன் மீது நடவடிக்கை எடுக்காத அதிகாரிகளும், ஆளுங்கட்சி நிர்வாகிகளும், தமிழக அரசும்தான் மாணவர்களின் மரணத்துக்கு பொறுப்பேற்க வேண்டும். இறந்த மாணவர்களின் குடும்பங்களுக்குத் தலா ரூ.10 லட்சம் அரசு இழப்பீடு வழங்க வேண்டும் என்று ராமதாஸ் கூறியுள்ளார்.
 மேலும் இரு சடலங்கள் மீட்பு: தஞ்சாவூர் மாவட்டம்,பாபநாசம் வட்டம், கபிஸ்தலம் பகுதி காவிரியாற்றில் மூழ்கி உயிரிழந்த மேலும் இருவரின் சடலங்கள் சனிக்கிழமை காலை மீட்கப்பட்டன.
 பாபநாசம் அருகே கபிஸ்தலம் ஊராட்சி, சீத்தாலெட்சுமிபுரம் கிராமத்தை சேர்ந்த பா. சஞ்சய் (14), எஸ். மணிகண்டன் (17), கே. விஷ்ணுவர்தன் (13), டி. வெங்கடேசன் (18), பா. சிவபாலன்(15), கே. நவீன்(14), எஸ். கதிரவன் (17) ஆகிய 7 பேரும் அருகேயுள்ள முனியாண்டவர் கோவில் காவிரிப் படித் துறையில் வெள்ளிக்கிழமை குளித்தபோது ஆற்றில் அடித்து செல்லப்பட்டு மூழ்கினர்.
 இவர்களில் மாணவர் சஞ்சய் தப்பினார். உயிரிழந்த மணிகண்டன், வெங்கடேசன்,விஷ்ணுவர்தன், நவீன் ஆகியோரின் சடலங்கள் மீட்கப்பட்டன. இந்நிலையில் சனிக்கிழமை காலை மாணவர்கள் சிவபாலன், கதிரவன் ஆகியோரின் சடலங்களும் மீட்கப்பட்டன.
 மாவட்ட ஆட்சியர் ஆ. அண்ணாதுரை மற்றும் அரசியல் கட்சி பிரமுகர்கள் உயிரிழந்த மாணவர்களின் உறவினர்களுக்கு ஆறுதல் கூறினர். தமிழ் மாநில காங்கிரஸ் தலைவர் ஜி.கே. வாசன் உயிரிழந்தோரின் வீடுகளுக்குச் சென்று மலர் வளையம் வைத்து அஞ்சலி செலுத்தினார்.
 இதைத் தொடர்ந்து மாணவர்களின் சடலங்கள் சீத்தாலெட்சுமிபுரம் கிராமம் அருகே செல்லும் காவிரிக் கரையிலுள்ள சுடுகாட்டில் தகனம் செய்யப்பட்டன.
 
 

]]>
http://images.dinamani.com/uploads/user/imagelibrary/2016/11/24/w600X390/ramadoss.jpg http://www.dinamani.com/tamilnadu/2018/oct/21/காவிரியில்-மூழ்கி-6-பேர்-சாவு-அரசு-மீது-ராமதாஸ்-குற்றச்சாட்டு-3023789.html
3023778 தமிழ்நாடு தங்கம் பவுனுக்கு ரூ.40 குறைவு  சென்னை, DIN Sunday, October 21, 2018 01:03 AM +0530 சென்னையில் ஆபரணத் தங்கத்தின் விலை சனிக்கிழமை பவுனுக்கு ரூ.40 குறைந்து ரூ.24,296-க்கு விற்பனை செய்யப்பட்டது.
 சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவை தங்கத்தின் விலையை நிர்ணயிக்கின்றன.
 சென்னையில் சனிக்கிழமை நிலவரப்படி, ஆபரணத் தங்கம் ஒரு கிராம் ரூ.5 குறைந்து ரூ.3,037-க்கு விற்பனை செய்யப்பட்டது. வெள்ளி ஒரு கிராமுக்கு 20 பைசா குறைந்து ரூ.41.50 ஆகவும், கட்டி வெள்ளி கிலோவுக்கு ரூ.200 குறைந்து, ரூ.41,500 ஆகவும் இருந்தது.
 சனிக்கிழமை விலை ரூபாயில் (ஜி.எஸ்.டி.தனி)
 1 கிராம் தங்கம் 3,037
 1 பவுன் தங்கம் 24,296
 1 கிராம் வெள்ளி 41.50
 1 கிலோ வெள்ளி 41,500
 வெள்ளிக்கிழமை விலை
 ரூபாயில் (ஜி.எஸ்.டி. தனி)
 1 கிராம் தங்கம் 3,042
 1 பவுன் தங்கம் 24,336
 1 கிராம் வெள்ளி 41.70
 1 கிலோ வெள்ளி 41,700

]]>
http://images.dinamani.com/uploads/user/imagelibrary/2017/6/15/w600X390/gold.jpg http://www.dinamani.com/tamilnadu/2018/oct/21/தங்கம்-பவுனுக்கு-ரூ40-குறைவு-3023778.html
3023770 தமிழ்நாடு தாமிரவருணி மஹா புஷ்கரம்: பத்தாவது நாளில் பக்தர்கள் குவிந்தனர்  திருநெல்வேலி, DIN Sunday, October 21, 2018 01:00 AM +0530 தாமிரவருணி மஹா புஷ்கர விழாவின் பத்தாம் நாளான சனிக்கிழமை திருநெல்வேலி, தூத்துக்குடி மாவட்டங்களில் உள்ள படித்துறைகளில் ஆயிரக்கணக்கான பக்தர்கள் புனித நீராடி சுவாமி தரிசனம் செய்தனர்.
 குருபகவான் துலாம் ராசியில் இருந்து விருச்சிக ராசிக்கு இடம் பெயர்ந்துள்ள நிலையில், 144 ஆண்டுகளுக்குப் பின்பு மஹா புஷ்கர விழா தாமிரவருணியில் நிகழாண்டில் கொண்டாடப்படுகிறது. பொதிகை மலை முதல் புன்னக்காயல் வரை 149 கி.மீ. பயணிக்கும் தாமிரவருணி நதியில் மொத்தம் 143 தீர்த்தக்கட்டங்கள் உள்ளன. அவற்றில் 64 தீர்த்தக்கட்டங்கள் மட்டுமே பக்தர்கள் நீராடும் வகையில் உள்ளன. திருநெல்வேலி அருகே கோடகநல்லூர், மேலச்செவல் (தேசமாணிக்கம்), கோபாலசமுத்திரம், சுத்தமல்லி, திருநெல்வேலி கருப்பந்துறை, குறுக்குத்துறை, சி.என்.கிராமம், கைலாசபுரம், வண்ணார்பேட்டை, மணிமூர்த்தீஸ்வரம், அருகன்குளம் (ஜடாயுதீர்த்தம்), நாரணம்மாள்புரம், சீவலப்பேரி தீர்த்தக்கட்டங்கள் உள்ளன. இவற்றில் சனிக்கிழமை அதிகாலை முதலே பக்தர்கள் நீராடத் தொடங்கினர். புதுமணத் தம்பதிகள் நதிக்கரையில் மஞ்சளைக் கரைத்து வழிபட்டனர். கைக்குழந்தைகளுடன் வந்த பக்தர்கள் தங்களது உறவினர்கள் முன்னிலையில் நமச்சிவாயம், கோவிந்தா முழக்கத்துடன் தங்கள் குழந்தைகளை நீராட்டி மகிழ்ந்தனர். முதியவர்கள், மாற்றுத்திறனாளிகளும் தங்களது சிரமத்தைப் பொருள்
 படுத்தாமல் தாமிரவருணியில் புனித நீராடி இயற்கையையும், இறைவனையும் வேண்டினர். தாமிரவருணியை போற்றும் பாடல்களையும், திருப்பாவை, திருவெம்பாவை, திருவாசக பாடல்களையும் சில பக்தர்கள் பாடி இறைவனை வழிபட்டனர்.
 2 லட்சம் பேர்: ஆந்திர மாநிலம், கடப்பாவைச் சேர்ந்த எம்.சிவண்ணா கூறியது: ஆந்திரம், தெலங்கானா, மகாராஷ்டிர மாநிலங்களில் புஷ்கர நாள்களில் புனித நீராடல் மிக முக்கிய கடமைகளில் ஒன்றாகும். இயற்கை போற்றுதலுக்குரியது என்பதையும், முன்னோர் வழிபாட்டில் உள்ள நன்மையையும் தங்களது வாரிசுகளுக்கு தெரிவிக்க நதிக்கரையில் புஷ்கர விழா பெரிதும் உதவும். எங்களது மாநிலத்தில் உள்ள கோதாவரியில் கடந்த 2015 ஆம் ஆண்டில் ஜூலை 14 ஆம் தேதி முதல் 25 ஆம் தேதி வரை மஹா புஷ்கர விழா நடைபெற்றது. அப்போது மாநிலம் முழுவதும் பெரிதும் விழிப்புணர்வு ஏற்பட்டது. அதனால் அதற்கு அடுத்ததாக தாமிரவருணி மஹா புஷ்கரம் வந்துள்ளதால் எங்கள் மாநிலத்தைச் சேர்ந்த விசாகப்பட்டினம், விஜயவாடா, நெல்லூர், கர்னூல், காக்கிநாடா, திருப்பதி, கடப்பா, ராஜமுந்திரி, ஹைதராபாத், தெலங்கானா மாநிலத்தைச் சேர்ந்த கம்மம், கரீம்நகர், நலகொண்டா, விகராபாத், வாரங்கல், வனபார்த்தி பகுதிகளைச் சேர்ந்த 2 லட்சத்திற்கும் மேற்பட்டோர் தாமிரவருணி மஹா புஷ்கரத்தில் பங்கேற்றுள்ளனர்.
 இந்தியாவின் தென்கோடியில் சர்வதேச சுற்றுலாத்தலமான கன்னியாகுமரியின் அருகேயுள்ள திருநெல்வேலி, பாபநாசம், குற்றாலம் ஆகிய பகுதிகளில் கூடுதல் வசதிகளை உருவாக்கி தேசிய அளவிலான சுற்றுலா மையங்களாக மாற்ற மத்திய-மாநில அரசுகள் நடவடிக்கை எடுத்தால் புஷ்கர நாள்களில் மட்டுமன்றி பிற நாள்களிலும் ஏராளமான ஆன்மிக சுற்றுலாப் பயணிகள் வந்து செல்ல உதவியாக இருக்கும் என்றார்.
 மிருத்யுஞ்ஜய ஹோமம்: தாமிரவருணி மஹா புஷ்கர விழா ஒருங்கிணைப்புக் குழு தலைவர் எஸ்.மகாலட்சுமி சுப்ரமண்யன் கூறியது: மஹா புஷ்கர விழாவையொட்டி திருநெல்வேலி குறுக்குத்துறையில் தினமும் சிறப்பு யாகசாலை பூஜைகள் நடைபெற்று வருகின்றன. அதன்படி சனிக்கிழமை உலக நன்மைக்காகவும், மக்கள் பிணிகளில் இருந்து விடுபடவும் வேண்டி மிருத்யுஞ்ஜய ஹோமம் நடைபெற்றது. காலையில் மடிப்பாக்கம் ஹரிஹரனின் பஜனையும், மாலையில் விஜயகணேஷ் (வயலின்) மற்றும் உமையாள்புரம் மாலியின் (மிருதங்கம்) இசைநிகழ்ச்சியும் நடைபெற்றது. மாலையில் காமாட்சிபுரி ஆதீனம் சிவலிங்கேஸ்வர சுவாமி முன்னிலையில் தாமிரவருணி நதிக்கரையில் மஹா ஆரத்தி பூஜை நடைபெற்றது. ஞாயிற்றுக்கிழமை (அக். 21) ஆயுஷ் ஹோமம் நடைபெற உள்ளது என்றார் அவர்.
 திருநெல்வேலி சந்திப்பு அருகே கைலாசபுரத்தில் உள்ள அருள்மிகு கைலாசநாதர் கோயிலில் புருஷ ஸþக்த ஹோமம் சனிக்கிழமை நடைபெற்றது. தைப்பூச மண்டப படித்துறையில் இருந்து தீர்த்தம் எடுத்து வரப்பட்டது. படித்துறையில் காலையில் திருப்பள்ளியெழுச்சி, மங்கள நாகசுர இசை, சங்கல்ப ஸ்நானம் ஆகியவை நடைபெற்றன. அதன்பின்பு சதுர்வேத பாராயணம், ருத்ர ஜபம், ஹோமம் மஹா தீபாராதனை ஆகியவை நடைபெற்றன. சீவலப்பேரியில் துர்காம்பிகா தேவஸ்தானம் டிரஸ்ட் சார்பில் குபேர மஹாலட்சுமி ஹோமம் சனிக்கிழமை நடைபெற்றது. ஜடாயு தீர்த்தக்கட்டம், வண்ணார்பேட்டை, மணிமூர்த்தீஸ்வரம் பகுதிகளிலும் சனிக்கிழமை சிறப்பு வழிபாடுகள் நடைபெற்றன.
 நெல்லை மாநகரம் ஸ்தம்பித்தது
 தாமிரவருணி மஹா புஷ்கர விழாவுக்காக ஏராளமானோர் திருநெல்வேலிக்கு சனிக்கிழமை வந்ததால் நகரம் முழுவதும் ஸ்தம்பித்தது. திருநெல்வேலி ரயில் நிலையத்தில் போதிய கழிப்பறை வசதிகள் இல்லாததால் பயணிகள் பாதிக்கப்பட்டனர்.
 தாமிரவருணி மஹா புஷ்கர விழா கடந்த 11 ஆம் தேதி முதல் நடைபெற்று வருகிறது. இதையொட்டி தினமும் ஆயிரக்கணக்கான பக்தர்கள் ரயில், பேருந்து, கார் உள்ளிட்ட வாகனங்களில் வந்து புனித நீராடி செல்கிறார்கள்.
 ஆயுத பூஜை விடுமுறை என்பதால் சனிக்கிழமை காலையில் திருநெல்வேலியை அடைந்த கன்னியாகுமரி விரைவு ரயில், நெல்லை விரைவு ரயில், கோவை-நாகர்கோவில் விரைவு ரயில்களில் திருநெல்வேலிக்கு ஏராளமானோர் வந்தனர். ஆந்திரம், தெலங்கானா மாநிலத்தைச் சேர்ந்தவர்கள் மட்டுமன்றி தமிழகத்தின் பெருநகரங்களான சென்னை, கோவை உள்ளிட்ட பகுதிகளில் இருந்தும் ஏராளமானோர் திருநெல்வேலிக்கு வந்தனர். அவர்களுக்கு கூடுதலாக கழிப்பறை வசதிகள் செய்யப்படாததால் பக்தர்கள் தவித்தனர்.
 செயல்படாத கழிப்பறை: இதுகுறித்து ரயில் பயணி ஒருவர் கூறுகையில், திருநெல்வேலி ரயில் நிலையத்தில் முதலாவது நடைமேடையில் மட்டுமே கழிப்பறை வசதி உள்ளது. 2, 3, 4, 5 ஆவது நடைமேடைகளில் கழிப்பறை வசதிகள் போதாது. தாமிரவருணி மஹா புஷ்கரத்திற்காக ஆயிரக்கணக்கானோர் வருவார்கள் என்று தெரிந்தும் தெற்கு ரயில்வே கூடுதலாக கழிப்பறை வசதிகள் செய்யத் தவறிவிட்டது.
 இதேபோல குலசேகரன்பட்டினம் தசரா விழாவுக்கு சென்ற பக்தர்கள், திருச்செந்தூரில் இருந்து காலை 7.10, 9.15 மணிக்கு புறப்படும் ரயிலில் வந்து திருநெல்வேலியில் இறங்கினர். அவர்களும் கழிப்பறை வசதியின்றி தவித்தனர். மாற்றுத்திறனாளிகளுக்காக 2 ஆவது நடைமேடையில் கட்டப்பட்டுள்ள கழிப்பறையை ரயில்வே துறையினர் பூட்டி வைத்திருந்ததால் பயணிகள் தவித்தனர் என்றார்.
 போக்குவரத்து நெரிசல்: தாமிரவருணி மஹா புஷ்கரத்திற்கு ஏராளமான பக்தர்கள் திருநெல்வேலிக்கு வாகனங்களில் வந்ததால், 2 ஆவது நாளாக சனிக்கிழமையும் கடும் போக்குவரத்து நெரிசல் ஏற்பட்டது. கைலாசபுரத்தில் உள்ள பெருமாள் மேலரத வீதி, கீழரத வீதி, சி.என்.கிராமம், திருநெல்வேலி நகரத்தில் உள்ள ரத வீதிகள், தொண்டர் சன்னதி, சுவாமி நெல்லையப்பர் நெடுஞ்சாலை, திருவனந்தபுரம் சாலை, லங்கர்கானா தெரு, மனக்காவலம்பிள்ளை மருத்துவமனை சாலை ஆகியவற்றில் வாகனங்கள் ஊர்ந்து சென்றன. பக்தர்களின் வாகனங்களை நிறுத்துவதற்காக ஒதுக்கப்பட்டிருந்த பொருள்காட்சி திடல், மதிதா இந்துக் கல்லூரி மேல்நிலைப் பள்ளி வளாகம் உள்ளிட்டவற்றில் வாகனங்கள் நிரம்பி வழிந்தன.
 

]]>
http://images.dinamani.com/uploads/user/imagelibrary/2018/10/21/w600X390/GANESAN.jpg http://www.dinamani.com/tamilnadu/2018/oct/21/தாமிரவருணி-மஹா-புஷ்கரம்-பத்தாவது-நாளில்-பக்தர்கள்-குவிந்தனர்-3023770.html
3023763 தமிழ்நாடு பக்திக்கு மட்டுமே முக்கியத்துவம்  கன்னியாகுமரி, DIN Sunday, October 21, 2018 12:58 AM +0530 சபரிமலையில் பக்திக்கு மட்டுமே முக்கியத்துவம்; சமூக செயல்பாட்டாளர்களுக்கும் சமூக ஆர்வலர்களுக்கும் அங்கு இடமில்லை என்றார், மத்திய இணை அமைச்சர் பொன். ராதாகிருஷ்ணன்.
 கன்னியாகுமரியில் சனிக்கிழமை செய்தியாளர்களிடம் அவர் மேலும் கூறியது:
 சபரிமலை ஐயப்பன் கோயில் தொடர்பான பிரச்சினையில் மத்திய அரசு சிறப்புச் சட்டம் மூலம் தீர்வு காணவேண்டும் என்ற பக்தர்களின் கோரிக்கை நியாயமானது. இதை மத்திய அரசு நிச்சயமாக பரிசீலிக்கும். சபரிமலை சன்னிதானத்தில் போராட்டத்தில் ஈடுபட்டதாக 200 பேர் மீது வழக்குப் பதியப்பட்டுள்ளது. இதில், கேரள அரசு பழிவாங்கும் சிந்தனையுடன் செயல்படுவதாக நினைக்கிறேன். சபரிமலை விவகாரத்தை கேரள அரசு தொடர்ந்து உதாசீனப்படுத்துவது சரியல்ல. சமூக செயல்பாட்டாளர்களுக்கும், சமூக ஆர்வலர்களுக்கும் சபரிமலையில் இடமில்லை. பக்திக்கு மட்டும்தான் முக்கியத்துவம் என்றார் அவர்.
 

]]>
http://images.dinamani.com/uploads/user/imagelibrary/2016/5/9/10/w600X390/ponnar.jpg http://www.dinamani.com/tamilnadu/2018/oct/21/பக்திக்கு-மட்டுமே-முக்கியத்துவம்-3023763.html
3023761 தமிழ்நாடு சபரிமலை விவகாரம்: கோயிலின் புனிதம் காக்கப்பட வேண்டும்  கோவை, DIN Sunday, October 21, 2018 12:57 AM +0530 சபரிமலை கோயிலின் புனிதம் காக்கப்படவேண்டும் என கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் கூறினார்.
 இதுகுறித்து கோவை விமான நிலையத்தில் செய்தியாளர்களிடம் அவர் சனிக்கிழமை கூறியதாவது:
 தமிழக அரசு மக்களுக்கான அரசு என்பதில் முழுமூச்சாக இருக்கிறோம். ஏழை, எளியோர் இல்லாத மாநிலமாகத் தமிழகம் இருக்க வேண்டும் என பணியாற்றி வருகிறோம். கடந்த 5 ஆண்டுகளில் 8.5 லட்சம் பேருக்கு விலையில்லா ஆடுகள் வழங்கப்பட்டுள்ளன. இந்த ஆண்டு ஒன்றரை லட்சம் பேருக்கு வழங்கப்பட்டுள்ளது.
 மேற்கு மண்டலங்களில் கறவை மாடுகள் திட்டம் தொடங்கப்பட்டு 12, 500 பயனாளிகள் தேர்வு செய்யப்பட்டுள்ளனர். கிராமப்புற பொருளாதாரத்தை மேம்படுத்தும் வகையில் 77 ஆயிரம் பேருக்குத் தலா 50 நாட்டுக் கோழிகள் வழங்கும் திட்டத்துக்கு ஒப்பந்தப்புள்ளி (டெண்டர்) கோரப்பட்டுள்ளது. இந்தத் திட்டத்தை தமிழக முதல்வர் விரைவில் தொடக்கிவைப்பார்.
 நடிகர் கமல்ஹாசன் எது, எங்கு என தெரிந்து பேச வேண்டும். பொதுவாக தமிழகத்தில் ஏதோ நடக்கிறது என பேசி அரசியல் செய்ய நினைக்கிறார்.
 மற்ற மாநிலங்களைவிட தமிழகம்தான் அனைத்துத் துறையிலும் சிறந்த முறையில் செயல்பட்டுக் கொண்டிருக்கிறது. சபரிமலை கோயிலின் புனிதம் காக்கப்படவேண்டும். இந்த விவகாரத்தில் அரசியல் இருக்கக்கூடாது என்றார்.
 

]]>
http://images.dinamani.com/uploads/user/imagelibrary/2018/10/21/w600X390/ur.jpg http://www.dinamani.com/tamilnadu/2018/oct/21/சபரிமலை-விவகாரம்-கோயிலின்-புனிதம்-காக்கப்பட-வேண்டும்-3023761.html
3023756 தமிழ்நாடு பெண் தொழிலாளர்களின் பிரச்னைகளை அறிய காங்கிரஸ் சார்பில் குழுக்கள்அமைப்பு    சென்னை, DIN Sunday, October 21, 2018 12:56 AM +0530 பட்டாசு ஆலை, நூற்பாலைகளில் பணியாற்றும் பெண் தொழிலாளர்களின் பிரச்னைகளை அறிந்து அவர்களுக்கு உதவ காங்கிரஸ் சார்பில் 2 குழுக்களை அமைத்து அக்கட்சியின் மாநிலத் தலைவர் சு.திருநாவுக்கரசர் அறிவித்துள்ளார்.
 இதுதொடர்பாக அவர் சனிக்கிழமை வெளியிட்ட அறிக்கை:
 திருப்பூர், ஈரோடு, கரூர், திண்டுக்கல் ஆகிய மாவட்டங்களில் செயல்படும் நூற்பாலைகள், பின்னலாடை தொழிற்சாலைகளில் பணிபுரியும் மகளிருக்கு இழைக்கப்படும் அநீதிகள் குறித்து ஊடகங்கள் வாயிலாக அறிந்து ராகுல் காந்தி கவலை தெரிவித்து தமிழக காங்கிரஸ் கமிட்டிக்கு கடிதம் எழுதினார்.
 சிவகாசி பட்டாசு தொழிற்சாலைகளில் பணிபுரியும் சிறுவர்கள், இளம் பெண்கள், தாய்மார்கள் போன்றவர்களுக்கும் இதுபோன்ற அநீதிகள் இழைக்கப்படுகின்றன. இந்தத் தொழிலாளர்களின் பிரச்னையை அறிவதற்காக காங்கிரஸ் சார்பில் இரண்டு குழுக்கள் அமைக்கப்பட்டுள்ளன. தொழிலாளர்களோடு பேசி பிரச்னையை அறிந்து, அவர்களுக்குச் சட்டரீதியாக உதவவும் நடவடிக்கை எடுக்கப்படும்.
 திருப்பூர், ஈரோடு, கரூர், திண்டுக்கல் ஆகிய மாவட்டங்களுக்கு எம்.என்.கந்தசாமி தலைமையிலும், விருதுநகர் மாவட்டத்துக்கு எஸ்.எஸ்.ராமசுப்பு தலைமையிலும் குழுக்கள் அமைக்கப்பட்டுள்ளதாக திருநாவுக்கரசர் கூறியுள்ளார்.
 
 

]]>
http://www.dinamani.com/tamilnadu/2018/oct/21/பெண்-தொழிலாளர்களின்-பிரச்னைகளை-அறிய-காங்கிரஸ்-சார்பில்-குழுக்கள்அமைப்பு-3023756.html
3023754 தமிழ்நாடு தென் கொரிய தொழில் நிறுவன முதலீடுகளை ஈர்க்க நடவடிக்கை: தொழில் துறை அமைச்சர் - அதிகாரிகள் பயணம்  சென்னை, DIN Sunday, October 21, 2018 12:55 AM +0530 தென்கொரிய தொழில் நிறுவனங்களின் முதலீடுகளை ஈர்க்க தமிழக அரசு நடவடிக்கை எடுத்துள்ளது. அதன்படி, அந்த நாட்டின் சியோல் நகரில் உள்ள பிரதான தொழில் நிறுவனங்களைச் சேர்ந்த பிரதிநிதிகளை தொழில் துறை அமைச்சர் எம்.சி.சம்பத் மற்றும் தமிழக அரசின் உயர்திகாரிகள் அண்மையில் சந்தித்துப் பேசினர்.
 தமிழகத்தில் கடந்த 2015-ஆம் ஆண்டு சர்வதேச முதலீட்டாளர் மாநாடு நடைபெற்றது. இந்த மாநாட்டின் மூலம் ரூ.2.42 லட்சம் கோடி முதலீடுகளை ஈர்ப்பதற்கான ஒப்பந்தங்கள் செய்யப்பட்டன. அதில், சிறு, குறு மற்றும் நடுத்தரத் தொழில்கள் துறையின் முதலீடுகள் ரூ.16,532 கோடியாகும்.
 இந்த நிலையில், சர்வதேச முதலீட்டாளர் மாநாடு வரும் ஜனவரியில் மீண்டும் நடைபெறவுள்ளது. இந்த மாநாட்டின் மூலமாக சுமார் ரூ.2.5 லட்சம் கோடிக்கும் அதிகமான முதலீடுகளை ஈர்க்க முடிவு செய்யப்பட்டுள்ளது.
 வெளிநாடுகளுக்கு பயணம்: சர்வதேச முதலீட்டாளர் மாநாட்டில், பல்வேறு நாடுகளைச் சேர்ந்த தொழில் நிறுவனங்களுக்கு அழைப்பு விடுக்கும் வகையில், தொழில் துறையினர் அவ்வப்போது பயணங்களை மேற்கொண்டு வருகின்றனர். இதுவரை ஜப்பான் மற்றும் ஐரோப்பிய நாடுகளில் தொழில் துறையினர் பயணம் மேற்கொண்டுள்ளனர்.
 இந்த நிலையில், கடந்த சில தினங்களாக தென்கொரிய நாட்டின் தலைநகர் சியோலில் தொழில்துறையினர் சுற்றுப்பயணம் மேற்கொண்டனர். தொழில் துறை அமைச்சர் எம்.சி.சம்பத், தொழில்துறை கூடுதல் தலைமைச் செயலாளர் கு.ஞானதேசிகன், தொழில் மேம்பாட்டுக் கழகத்தின் (டிட்கோ) தலைவர் மற்றும் நிர்வாக இயக்குநர் ரமேஷ் சந்த் மீனா உள்ளிட்டோர் சியோல் சென்றுள்ளனர். அங்கு, சாம்சங் டிலைட் உள்ளிட்ட முக்கிய நிறுவனங்களைச் சேர்ந்த தலைவர் மற்றும் துணைத் தலைவர் உள்ளிட்ட நிர்வாகிகளைச் சந்தித்துப் பேசினர்.
 இந்தச் சந்திப்பின் போது, சர்வதேச முதலீட்டாளர் மாநாட்டில் பங்கேற்க வேண்டுமென தமிழக அரசின் சார்பில் அழைப்பு விடுக்கப்பட்டுள்ளதாகவும், குறிப்பிட்ட அளவுக்கான முதலீடுகளைச் செய்ய சாம்சங் நிறுவனம் தயாராக இருப்பதாகவும் அரசுத் துறை வட்டாரங்கள் தெரிவித்தன.
 ஒற்றைச் சாளர முறைக்கு வரவேற்பு: தொழில் நிறுவனங்களைத் தொடங்குவதற்கான அனுமதிகளை ஒற்றைச் சாளர முறையிலேயே வழங்கும் அரசின் நடவடிக்கைக்கு வெளிநாடுகளைச் சேர்ந்த தொழில் நிறுவனங்கள் வரவேற்புத் தெரிவித்துள்ளதாக அரசுத் துறையினர் தெரிவித்தனர்.
 தொழில் எளிமைப்படுத்துதல் சட்டத்தின்கீழ், ஒற்றைச் சாளர முறையிலேயே தொழில் நிறுவனங்களுக்கு அனுமதிகள் அளிக்கப்படுகின்றன. கடந்த சில மாதங்களில் இந்த நடைமுறைக்கு நல்ல வரவேற்பு கிடைத்திருப்பதால், அடுத்த ஆண்டு நடைபெறவுள்ள சர்வதேச முதலீட்டாளர் மாநாட்டில் அதிகளவு வெளிநாடுகளைச் சேர்ந்த தொழில் நிறுவனங்கள் பங்கேற்கும் என தொழில் துறையினர் நம்பிக்கையுடன் தெரிவித்தனர்.
 

]]>
http://images.dinamani.com/uploads/user/imagelibrary/2018/10/21/w600X390/MCS.jpg http://www.dinamani.com/tamilnadu/2018/oct/21/தென்-கொரிய-தொழில்-நிறுவன-முதலீடுகளை-ஈர்க்க-நடவடிக்கை-தொழில்-துறை-அமைச்சர்---அதிகாரிகள்-பயணம்-3023754.html
3023748 தமிழ்நாடு காங்கிரஸுடன் கூட்டணியா? கமல் விளக்கம்  சென்னை, DIN Sunday, October 21, 2018 12:54 AM +0530 காங்கிரஸுடனான கூட்டணி குறித்து இப்போது எதுவும் கூற முடியாது என்று மக்கள் நீதி மய்யத்தின் தலைவர் கமல்ஹாசன் கூறினார்.
 சென்னை விமான நிலையத்தில் அவர் சனிக்கிழமை அளித்த பேட்டி: தமிழகம் முழுவதும் சுற்றுப்பயணம் செய்து மக்களைச் சந்தித்து வருகிறேன். இது எனக்கான அடையாளத்துக்காக அல்ல. ஏற்கெனவே மக்கள் என்னை அறிவார்கள். அரசியல் பாதையில் எப்படி நடக்க வேண்டும், என்ன செய்ய வேண்டும் என்று கேட்டறிவதற்காக மக்களைச் சந்திக்கிறேன். தேர்தல் பணிகளை எங்கள் கட்சிகளுக்குள்ளே பேசி தயார்படுத்தி வருகிறோம்.
 ராகுல் காந்தியை இப்போது சந்திக்கவில்லை. முன்புதான் சந்தித்தேன். அந்தச் சந்திப்பின் மூலம் கூட்டணியா என்பதையெல்லாம் இப்போது கூற முடியாது. சபரிமலை பக்தர்களின் உணர்வு குறித்து என்னிடம் கருத்து கேட்பது சரியாக இருக்காது. ஏனென்றால் அது பற்றி எனக்குத் தெரியாது.
 காவிரி விவகாரத்தில் உச்சநீதிமன்றத்தின் தீர்ப்பை கர்நாடக அரசு மதிக்கவில்லை. சபரிமலை விவகாரத்தில் உச்ச நீதிமன்றத்தின் உத்தரவும் கேரளத்தில் மதிக்கப்படவில்லை. அதேசமயம் இரண்டுக்கும் வித்தியாசங்கள் உண்டு. உச்ச நீதிமன்றத்தின் உத்தரவை மத்திய அரசு வரவேற்றது. ஆனால், சபரிமலையில் ஆர்.எஸ்.எஸ். எதிர்ப்பு தெரிவித்து போராட்டம் நடத்துகிறது. இதில் அரசியல் இருக்கிறது.
 கமல் நடிப்பு பிடிக்கும், ஆனால், அவரின் அரசியல் பிடிக்காது என்று துரைமுருகன் கூறியிருப்பதாக செய்தி வந்துள்ளது. எனக்கு துரைமுருகனின் நடிப்பு பிடிக்கவில்லை. ஆளுங்கட்சியும், எதிர்க்கட்சியும் என்னைத் தொடர்ந்து விமர்சிப்பதற்கு, என் மீது அவர்களுக்கு ஏற்பட்டுள்ள பதற்றம்தான் காரணம் என்றார்.
 

]]>
http://images.dinamani.com/uploads/user/imagelibrary/2018/8/10/w600X390/kamal.jpg http://www.dinamani.com/tamilnadu/2018/oct/21/காங்கிரஸுடன்-கூட்டணியா-கமல்-விளக்கம்-3023748.html
3023743 தமிழ்நாடு  மக்களவைத் தேர்தல்: 40 தொகுதிகளுக்கு திமுக பொறுப்பாளர்கள் நியமனம்  சென்னை, DIN Sunday, October 21, 2018 12:52 AM +0530 மக்களவைத் தேர்தலையொட்டி 40 தொகுதிகளுக்கான பொறுப்பாளர்களை திமுக தலைமை நியமித்துள்ளது.
 அடுத்த ஆண்டு நடைபெறவுள்ள மக்களவைத் தேர்தலில் காங்கிரஸ், இடதுசாரிகள், விடுதலைச் சிறுத்தைகள், முஸ்லிம் லீக் உள்ளிட்ட கட்சிகளுடன்இணைந்து போட்டியிட திமுக முடிவு செய்துள்ளது. இந்த நிலையில், தமிழகத்தில் உள்ள 39 மக்களவைத் தொகுதிகள் மற்றும் புதுச்சேரியில் ஒரு தொகுதி என மொத்தம் 40 தொகுதிகளுக்கும் பொறுப்பாளர்களைத் திமுக தலைமைக் கழகம் சனிக்கிழமை அறிவித்துள்ளது.
 ஒவ்வொரு தொகுதிக்கும் 2 பேர் பொறுப்பாளர்களாக நியமிக்கப்பட்டுள்ளனர். திருவள்ளூர் மக்களவைத் தொகுதிக்கு மு.சண்முகம், ப.ரங்கநாதன், வடசென்னைக்கு இ.கருணாநிதி, சி.எச்.சேகர், தென்சென்னைக்கு ஆர்.டி.சேகர், சி.வி.எம்.பி.எழிலரசன், மத்திய சென்னைக்கு எஸ்.ஆர்.ராஜா. வி.ஜி.ராஜேந்திரன் ஆகியோர் பொறுப்பாளர்களாக நியமிக்கப்பட்டுள்ளனர். இதேபோன்று ஸ்ரீபெரும்புதூருக்கு அசன் முகம்மது ஜின்னா, காசி முத்துமாணிக்கம், காஞ்சிபுரத்துக்கு கே.பி.பி. சாமி, ப. தாயகம் கவி, கள்ளக்குறிச்சிக்கு வி.பி.துரைசாமி, ஏ.நல்லதம்பி, ஈரோட்டுக்கு கே.ராமசந்திரன், கே.எஸ்.ராதாகிருஷ்ணன் ஆகியோர் அறிவிக்கப்பட்டுள்ளனர். புதுச்சேரிக்கு சபாபதிமோகன், பரணி கே.மணி ஆகியோர் நியமிக்கப்பட்டுள்ளனர்.
 40 தொகுதிகளுக்கு அறிவிக்கப்பட்டுள்ள பொறுப்பாளர்கள் அந்தந்த மாவட்டச் செயலாளர்களுடன் இணைந்து பணியாற்ற வேண்டும் என திமுக தலைமை உத்தரவிட்டுள்ளது.
 
 

]]>
http://www.dinamani.com/tamilnadu/2018/oct/21/மக்களவைத்-தேர்தல்-40-தொகுதிகளுக்கு-திமுக-பொறுப்பாளர்கள்-நியமனம்-3023743.html
3023740 தமிழ்நாடு சமூக ஒற்றுமையை நிலைகுலைய செய்ததே பாஜக ஆட்சியின் சாதனை  சிவகங்கை, DIN Sunday, October 21, 2018 12:52 AM +0530 நாட்டில் சமூக ஒற்றுமையை நிலைகுலையச் செய்ததே பாஜக ஆட்சியின் சாதனை என முன்னாள் மத்திய அமைச்சர் ப.சிதம்பரம் தெரிவித்துள்ளார்.
 சிவகங்கை மாவட்டம் காளையார்கோவிலில் காங்கிரஸ் கட்சி சார்பில் மக்களவைத் தேர்தல் அறிக்கை குறித்து தொண்டர்களிடம் கருத்து கேட்புக் கூட்டம் சனிக்கிழமை நடைபெற்றது. இதில் ப.சிதம்பரம் பேசியது: ராகுல் காந்தி தலைமையிலான காங்கிரஸ் கட்சி மத்தியில் ஆட்சி அமைக்க வேண்டும். அதற்கு முன்னோட்டமாக தேர்தல் அறிக்கை தயாரிப்புக் குழு உருவாக்கப்பட்டுள்ளது. இக்குழு நாடு முழுவதும் பயணம் மேற்கொண்டு பல்வேறு பகுதிகளில் வாழும் சாமானிய மக்களிடம் கருத்து கேட்ட பிறகு, அவர்களுடைய எதிர்பார்ப்புகள் என்ன என்பதை அறிந்து வரும் மக்களவைத் தேர்தல் அறிக்கையாக வெளியிடப்படும்.
 ஒவ்வொரு இந்தியக் குடிமகனின் வங்கிக் கணக்கில் ரூ.15 லட்சம் வரவு வைப்பது, 2 கோடி பேருக்கு வேலைவாய்ப்புகளை உருவாக்குவது என்பது உள்ளிட்ட பல்வேறு உண்மைக்கு மாறான தகவல்களை தேர்தல் அறிக்கையாக வெளியிட்டு, ஆட்சியைக் கைப்பற்றிய பாஜக அரசு தற்போது வரை அவற்றை நிறைவேற்றவில்லை.
 மாறாக நாடு முழுவதும் உள்ள விவசாயிகள் வேளாண் பணியின் மீதுள்ள நம்பிக்கையை இழந்து வருகின்றனர்.
 நாட்டில் வாழும் சாதாரண குடும்பத்தினரின் சராசரி மாத வருமானம் ரூ.16 ஆயிரம் எனவும், அவற்றில் மிகவும் பின்தங்கிய நிலையில் உள்ள 20 சதவீத குடும்பங்களின் மாத வருமானம் ரூ.6.600 எனவும் ஒரு புள்ளி விவர அறிக்கை தெரிவிக்கிறது.
 இவை தவிர சிறு, குறு தொழில்கள் முடக்கம், பெட்ரோல், டீசல், கேஸ் உள்ளிட்டவற்றின் விலை உயர்வு, மகளிருக்கு பாதுகாப்பின்மை, இளைஞர்களுக்கு வேலை வாய்ப்பின்மை, பத்திரிகை சுதந்திரம் பறிப்பு, தலித், சிறுபான்மையின மக்களுக்கு உரிய பாதுகாப்பின்மை உள்ளிட்ட பல்வேறு காரணங்களால் நாட்டில் உள்ள சாமானிய மக்கள் பெரிதும் பாதிக்கப்பட்டு வருகின்றனர்.
 வரும் மக்களவைத் தேர்தலில் காங்கிரஸ் கட்சி அமோக வெற்றி பெற்று, ஆட்சியை கைப்பற்றும். அப்போது, மேற்கண்ட நிலை மாறும்.
 கடந்த நான்கரை ஆண்டுகளில் இந்தியப் பொருளாதாரம், அண்டை நாடுகளுடன் பேணி வந்த நல்லிணக்கம், சமூக ஒற்றுமை ஆகியவற்றை நிலைகுலையச் செய்தது மட்டுமே பாஜக ஆட்சியின் சாதனைகளாகச் சொல்ல முடியும் என்றார்.

]]>
http://images.dinamani.com/uploads/user/imagelibrary/2018/5/17/w600X390/chidambaram.jpg http://www.dinamani.com/tamilnadu/2018/oct/21/சமூக-ஒற்றுமையை-நிலைகுலைய-செய்ததே-பாஜக-ஆட்சியின்-சாதனை-3023740.html
3023733 தமிழ்நாடு கீழடியில் அகழாய்வுப் பணி தொடர வேண்டும்  சிவகங்கை DIN Sunday, October 21, 2018 12:50 AM +0530 தமிழரின் முழுமையான வரலாற்றை உலக மக்கள் அனைவரும் அறியும் வகையில் கீழடியில் மீதமுள்ள பகுதிகளை அகழாய்வு செய்ய வேண்டும் என தமிழக காங்கிரஸ் கட்சியின் தலைவர் சு.திருநாவுக்கரசு வலியுறுத்தியுள்ளார்.
 சிவகங்கை மாவட்டம் காளையார்கோவிலில் சனிக்கிழமை நடைபெற்ற காங்கிரஸ் கட்சி தேர்தல் அறிக்கை குறித்து கருத்துக் கேட்புக் கூட்டத்தில் அவர் பேசியது: வரும் மக்களவைத் தேர்தலில் காங்கிரஸ் கட்சித் தலைவர் ராகுல் தலைமையிலான காங்கிரஸ் கட்சி பெரும்பாலான இடங்களில் வெற்றி பெற்று மத்தியில் ஆட்சியைக் கைப்பற்றும்.
 தமிழகத்தைப் பொருத்தவரை காங்கிரஸ் கட்சி திமுக கூட்டணியில் தொடரும். தேர்தல் நேரத்தில்தான் தொகுதிப் பங்கீடு குறித்து கூட்டணிக் கட்சிகளிடம் பேசப்படும். தமிழகத்தில் தற்போதைய சூழ்நிலையில் காங்கிரஸ் கட்சியுடன் கூட்டணி அமைக்க பல்வேறு கட்சியினர் முன் வந்துள்ளனர். இங்கு கடந்த 50 ஆண்டுகளாக ஆட்சியில் இல்லா விட்டாலும், காங்கிரஸ் கட்சி தன்னுடைய செல்வாக்கை இழக்கவில்லை. விரைவில் தமிழகத்தில் காங்கிரஸ் ஆட்சி அமையும் என்கிற நம்பிக்கை உள்ளது. மத்திய, மாநில அரசுகளை கண்டித்து தமிழகம் முழுவதும் காங்கிரஸ் கட்சி சார்பில் கண்டனப் பொதுக்கூட்டம் விரைவில் நடத்தப்படும்.
 சிவகங்கை மாவட்டம் கீழடியில் மேற்கொள்ளப்பட்ட அகழாய்வில் பழங்கால தமிழர்கள் வாழ்ந்ததற்கான ஏராளமான தொல் பொருள்கள் கிடைத்துள்ளன. எனவே, தமிழரின் முழுமையான வரலாற்றினை உலக மக்கள் அனைவரும் அறியும் வகையில் கீழடியில் மீதமுள்ள பகுதிகளை அகழாய்வு செய்ய வேண்டும் என்றார்.

]]>
http://images.dinamani.com/uploads/user/imagelibrary/2017/4/1/w600X390/congress.jpg http://www.dinamani.com/tamilnadu/2018/oct/21/கீழடியில்-அகழாய்வுப்-பணி-தொடர-வேண்டும்-3023733.html
3023727 தமிழ்நாடு விதிமீறல் ஆன்லைன் பத்திரிகைகள் தடை செய்யப்படும்  கோவை, DIN Sunday, October 21, 2018 12:49 AM +0530 விதிகளுக்குப் புறம்பாகச் செயல்படும் ஆன்லைன் பத்திரிகைகள் தடை செய்யப்படும் என தமிழக செய்தி, விளம்பரத் துறை அமைச்சர் கடம்பூர் ராஜு தெரிவித்துள்ளார்.
 கோவை விமான நிலையத்தில் அவர் செய்தியாளர்களிடம் சனிக்கிழமை கூறியதாவது: தமிழகத்தில் 2016-இல் ஆட்சி மாற்றம் வேண்டும் என திமுகவினர் தேர்தலைச் சந்தித்தனர். ஆனால், ஜெயலலிதா ஆட்சிக்கு வர வேண்டும் என மக்கள் முடிவு செய்து அவர்களது கோரிக்கையை நிராகரித்தனர். திமுகவைப்போல மைனாரிட்டி ஆட்சி நடைபெறவில்லை.
 இந்த அரசு முறையான பத்திரிகைகளுக்கு அங்கீகாரம் அளித்து வருகிறது. வரைமுறைப்படுத்தப்படாத பத்திரிகைகளுக்கு அரசு ஊக்கம் தராது. அவர்களைக் கட்டுப்படுத்தவும், விதிகளுக்குப் புறப்பாகச் செயல்படும் ஆன்லைன் பத்திரிகைகளை முழுமையாகத் தடை செய்யவும் நடவடிக்கை மேற்கொள்ளப்படும் என்றார்.
 

]]>
http://images.dinamani.com/uploads/user/imagelibrary/2018/10/21/w600X390/kadambur.jpg http://www.dinamani.com/tamilnadu/2018/oct/21/விதிமீறல்-ஆன்லைன்-பத்திரிகைகள்-தடை-செய்யப்படும்-3023727.html
3023720 தமிழ்நாடு அரசியல் கட்சி தொடங்குவது இப்போதைக்கு இல்லை  சென்னை, DIN Sunday, October 21, 2018 12:48 AM +0530 அரசியல் கட்சி தொடங்குவது குறித்து நேரம், காலம் பார்த்து அறிவிப்பேன் என்று நடிகர் ரஜினிகாந்த் தெரிவித்தார்.
 மக்களவைத் தேர்தல் குறித்த எனது நிலைப்பாட்டை தேர்தல் அறிவிக்கும்போது தெரிவிப்பேன் என்றும் அவர் கூறினார்.
 நடிகர் ரஜினிகாந்த், வரும் டிசம்பரில் தனது பிறந்த நாள் (டிச.12) அன்று அரசியல் மாநாட்டை நடத்தி அரசியல் கட்சி குறித்த அறிவிப்பை வெளியிடுவார் என செய்திகள் வந்த நிலையில், அதற்கு முற்றுப்புள்ளி வைத்து அவர் பேசியுள்ளார்.
 "பேட்ட' படப்பிடிப்பு முடிந்து வாராணசியில் இருந்து திரும்பிய ரஜினிகாந்த் சென்னை விமான நிலையத்தில் சனிக்கிழமை செய்தியாளர்களிடம் கூறியது: "பேட்ட' படப்பிடிப்பு முழுவதும் முடிந்துவிட்டது. படம் நன்றாக வந்துள்ளது. ரொம்ப சந்தோஷம். இந்தப் படப்பிடிப்பு நவம்பர் 6-ஆம் தேதி வரை நடைபெற்றிருக்க வேண்டும். ஆனால், படக்குழுவினர் எல்லோரும் சேர்ந்து கடுமையாக உழைத்து 15 நாள்களுக்கு முன்பே முடித்துவிட்டோம். நல்ல முறையில் முடிந்தது. டிசம்பர் 12-ஆம் தேதி கட்சி தொடர்பான அறிவிப்பை வெளியிடுவேன் என்று செய்திகள் வெளி வந்துள்ளன. கட்சி தொடங்குவது குறித்து அப்போது அறிவிப்பு வெளியாகாது.
 90 சதவீதப் பணிகள் முடிவு: கட்சி தொடங்குவதற்கான 90 சதவீத பணிகள் முடிந்துவிட்டன. கட்சி தொடங்குவது குறித்து நேரம், காலம் பார்த்து அறிவிப்பேன். மக்களவைத் தேர்தல் குறித்த எனது நிலைப்பாட்டை தேர்தல் அறிவிக்கும்போது சொல்வேன்.
 சபரிமலை விவகாரம்: பெண்களுக்கு அனைத்துத் துறைகளிலும் சம உரிமை கொடுக்க வேண்டும் என்பதில் மாற்று கருத்து இல்லை. எனினும், கோயில் என்று கூறும்போது, ஒவ்வொருவருக்கும் ஒவ்வொரு சடங்கு இருக்கும். காலம்காலமாக இருந்து வரும் ஐதீகம் இருக்கும். அதில் யாரும் தலையிடக்கூடாது என்பது என் தாழ்மையான கருத்து.
 இப்படி சொல்வதால், உச்ச நீதிமன்றத்தின் கருத்தை நான் உதாசீனப்படுத்துவதாக எடுத்துக் கொள்ளக் கூடாது. உச்சநீதிமன்றத்தின் தீர்ப்பை அனைவரும் மதிக்க வேண்டும்.
 இந்த விவகாரத்தைப் பொருத்தவரை நான் சொல்ல வருவது மதம் தொடர்புடைய விஷயங்கள், சடங்குகள் இவற்றில் எல்லாம் கொஞ்சமும் பாதிப்பு ஏற்படாமல் பார்த்துக் கொள்ள வேண்டும் என்பதுதான். 40 நாள்கள் தமிழகத்தில் நான் இல்லை. அதனால் தமிழக அரசியல் நிலவரம் குறித்து தெரியவில்லை.
 "மீ டூ' விவகாரம்: "மீ டூ' இயக்கம் பெண்களுக்கு ஒரு சாதகமான இயக்கம், பயன் அளிக்கக் கூடியது. அதைத் தவறாகப் பயன்படுத்தக்கூடாது. சரியாகப் பயன்படுத்த வேண்டும். சின்மயி புகாரை வைரமுத்து மறுத்துள்ளார். அப்படியொரு சம்பவமே நடக்கவில்லை. அதற்கு தன்னிடம் ஆதாரம் உள்ளது, அதுகுறித்து வழக்கு தொடரப் போவதாக வைரமுத்து கூறியுள்ளார் என்றார்.
 ரஜினியின் பராக்: "பேட்ட' படத்தின் வசனம் ஒன்றைக் கூறுமாறு செய்தியாளர்கள் ரஜினியிடம் கேள்வி எழுப்பினர். சிறிது நேரம் சிரித்த ரஜினி அவருடைய ஸ்டைலில், "பேட்ட பராக்..' என்றார்.
 
 

]]>
http://images.dinamani.com/uploads/user/imagelibrary/2018/10/21/w600X390/rajini.jpg http://www.dinamani.com/tamilnadu/2018/oct/21/அரசியல்-கட்சி-தொடங்குவது-இப்போதைக்கு-இல்லை-3023720.html
3023719 தமிழ்நாடு ஸ்டாலின் என்ன செய்தாலும் அது மக்களிடம் எடுபடாது  சிவகாசி, DIN Sunday, October 21, 2018 12:47 AM +0530 திமுக தலைவர் ஸ்டாலின் என்ன செய்தாலும் அது மக்களிடம் எடுபடாது என அதிமுகவின் ஒருங்கிணைப்பாளரும், தமிழக துணை முதல்வருமான ஓ.பன்னீர் செல்வம் கூறினார்.
 அதிமுக வின் 47 ஆவது ஆண்டு தொடக்க விழாவையொட்டி விருதுநகர் மாவட்ட அதிமுக சார்பில் சிவகாசியில் சனிக்கிழமை இரவு நடைபெற்ற பொதுக்கூட்டத்தில் அவர் பேசியது:
 எம்.ஜி.ஆர்., ஜெயலலிதா ஆகிய இருவரும் எத்தனையோ சோதனைகளையும், வேதனைகளையும் தாண்டி இக்கட்சியை வளர்த்துள்ளனர். எம்.ஜி.ஆர். இருந்தபோது அதிமுகவில் 16 லட்சம் உறுப்பினர்கள் இருந்தனர். அதனை 1.50 கோடி உறுப்பினர்களாக உயர்த்தியவர் ஜெயலலிதா. ஏழை எளிய மக்களின் வாழ்க்கைத் தரம் உயர வேண்டும் என இருவரும் ஆட்சி நடத்தினர். அவர்களது வழியில் தற்போது எடப்பாடி கே. பழனிசாமி ஆட்சி செய்து வருகிறார். மக்கள் நலத்திட்டங்கள் தொலைநோக்குடன் தொடங்கி தற்போது சிறப்பாக செயல்படுத்தப்பட்டு வருகிறது.
 2016 சட்டப் பேரவை தேர்தலில் எப்படியாவது அதிமுகவை தோற்கடித்துவிட வேண்டும் என மறைந்த திமுக தலைவர் கருணாநிதி எண்ணிணார். அவரது எண்ணம் நிறைவேற வில்லை. மீண்டும் ஜெயலலிதா ஆட்சியைப் பிடித்தார்.
 ஜெயலலிதா மறைவுக்குப் பின்னர் கட்சியையும், ஆட்சியையும் கபளீகரம் செய்ய வேண்டும் என நினைத்த பலர் தோற்றுப் போயினர். எம்.ஜி.ஆர்., ஜெயலலிதா ஆகியோரின் லட்சியத்தை நிறைவேற்றும் வகையில் தற்போது கட்சியும் ஆட்சியும் சிறப்பாக செயல்பட்டு வருகிறது. இந்த ஆட்சியை அகற்ற வேண்டும் என தினகரன் முயற்சித்து தோல்வியடைந்து வருகிறார். அவரது சதிவேலைகள் மக்களிடம் அவர் எப்படிபட்டவர் என வெளிச்சம் போட்டு காட்டிவிட்டது.
 ஆட்சியை கவிழ்க்க திட்டம் போட்டதில் தற்போது 18 எம்.எல்.ஏக்கள் கதி அதோகதியாகப் போகிறது. தொண்டர்கள் அதிமுகவின் பக்கம் இருக்கும் போது யாரும் எதுவும் செய்யமுடியாது. தினகரன் கட்சியில் அனைவருக்கும் பதவி என வாரி வழங்கி வருகிறார். அவர் ஜாதகத்தை வைத்துக் கொண்டு ஜோதிடரிடம் வெற்றி பெற இயலுமா என கேட்டுக் கொண்டு இருக்கிறார்.
 அவர் குழப்பத்தை உருவாக்கி சித்து வேலை செய்து ஆட்சியை கலைத்துவிட வேண்டும் என எண்ணுகிறார். அதுபலிக்காது. அதிமுக ஒரு எஃகு கோட்டை. ஸ்டாலினை திமுகவினர் தலைவராக ஏற்றுக் கொள்ள வில்லை. தினகரனும் ஸ்டாலினும் சேர்ந்து உள்நோக்கத்தோடு செயல்படுகிறார்களோ என சந்தேகம் ஏற்படுகிறது. ஸ்டாலின் என்னசெய்தாலும் அது மக்களிடம் எடுபடாது என்றார்.
 
 
 
 

]]>
http://images.dinamani.com/uploads/user/imagelibrary/2018/3/20/w600X390/ops.jpg http://www.dinamani.com/tamilnadu/2018/oct/21/ஸ்டாலின்-என்ன-செய்தாலும்-அது-மக்களிடம்-எடுபடாது-3023719.html
3023716 தமிழ்நாடு 68.50 அடியை எட்டியது வைகை அணை நீர்மட்டம்: கரையோர மக்களுக்கு 2ஆம் கட்ட வெள்ள அபாய எச்சரிக்கை  ஆண்டிபட்டி, DIN Sunday, October 21, 2018 12:46 AM +0530 வைகை அணை நீர்மட்டம், சனிக்கிழமை மாலை 68.50 அடியை எட்டியதைத் தொடர்ந்து, 5 மாவட்ட கரையோர மக்களுக்கு இரண்டாம் கட்ட வெள்ள அபாய எச்சரிக்கை விடுக்கப்பட்டது.
 ஆண்டிபட்டி அருகே உள்ள வைகை அணை தேனி, மதுரை, திண்டுக்கல், சிவகங்கை, ராமநாதபுரம் ஆகிய ஐந்து தென்மாவட்டங்களின் குடிநீருக்கும், பாசனத்துக்கும் ஆதாரமாக திகழ்கிறது. கடந்த செப்டம்பர் மாதம் தேனி மாவட்டத்தில் பெய்த பலத்த மழை காரணமாக 71 அடி உயரம் கொண்ட வைகை அணை நிரம்பியது.
 அதைத்தொடர்ந்து, அணையிலிருந்து தண்ணீர் திறக்கப்பட்டதால் நீர்மட்டம் வேகமாக சரிந்து 55 அடியாக குறைந்தது. இந்நிலையில் கடந்த சில வாரங்களாக மேற்குதொடர்ச்சி மலைப்பகுதிகளில் உள்ள வைகை நீர்பிடிப்புப் பகுதிகளில் பெய்து வரும் தொடர்மழை காரணமாக அணைக்கு நீர்வரத்து மீண்டும் அதிகரித்தது.
 இதனால், இந்த ஆண்டில் இரண்டாவது முறையாக வைகை அணை 68.50 அடியை சனிக்கிழமை எட்டியது. அதையடுத்து தேனி, மதுரை, திண்டுக்கல், சிவகங்கை, ராமநாதபுரம் ஆகிய மாவட்டங்களின் ஆற்றின் கரையோர மக்களுக்கு இரண்டாம் கட்ட வெள்ள அபாய எச்சரிக்கை விடுக்கும் வகையில் அணையிலிருந்து அபாய ஒலி எழுப்பப்பட்டது.
 இதுதொடர்பாக வைகை அணை பொதுப்பணித்துறை உதவி செயற்பொறியாளர் செல்வம் கூறியதாவது:
 வைகை ஆற்றில் தொடர்ந்து நீர்வரத்து காணப்படுவதால் அணையின் நீர்மட்டம் வேகமாக உயர்ந்து வருகிறது. மேலும் நீர்மட்டம் 69 அடியை எட்டியவுடன் மூன்றாம் கட்ட வெள்ள அபாய எச்சரிக்கை விடப்பட்டு அணைக்கு வரும் தண்ணீர், அப்படியே உபரிநீராக வெளியேற்றப்படும். திங்கள்கிழமைக்குள் அணை முழுகொள்ளளவை எட்டும் என்றார்.
 ஒரே ஆண்டில் இரண்டாவது முறையாக வைகை அணை நிரம்பியுள்ளதால், ஐந்து மாவட்ட பாசன விவசாயிகள் மிகுந்த மகிழ்ச்சியடைந்துள்ளனர். சனிக்கிழமை மாலை 5 மணி நிலவரப்படி வைகை அணை நீர்மட்டம் 68.50 அடியாகவும் அணைக்கு நீர்வரத்து வினாடிக்கு 2,619 கன அடியாகவும் உள்ளது.
 அணையிலிருந்து வினாடிக்கு 1,560 கன அடி தண்ணீர் திறக்கப்படுகிறது. அணையில் நீர் இருப்பு- 5,446 மில்லியன் கனஅடி. அணையிலிருந்து கூடுதல் நீர் திறக்கப்படவுள்ளதால் ஆற்றில் யாரும் குளிக்கவோ, இறங்கவோ கூடாது என பொதுப்பணித்துறையினர் எச்சரிக்கை விடுத்துள்ளனர்.

]]>
http://images.dinamani.com/uploads/user/imagelibrary/2018/10/21/w600X390/dam.jpg http://www.dinamani.com/tamilnadu/2018/oct/21/6850-அடியை-எட்டியது-வைகை-அணை-நீர்மட்டம்-கரையோர-மக்களுக்கு-2ஆம்-கட்ட-வெள்ள-அபாய-எச்சரிக்கை-3023716.html
3023713 தமிழ்நாடு நவீன கருவிகள் மூலம் பெரிய கோயிலில் ஐம்பொன் சிலைகள் ஆய்வு  தஞ்சாவூர் DIN Sunday, October 21, 2018 12:44 AM +0530 தஞ்சாவூர் பெரிய கோயிலில் உள்ள ஐம்பொன் சிலைகளின் தொன்மைத் தன்மை குறித்து தொல்லியல் துறை மற்றும் சிலை கடத்தல் தடுப்பு பிரிவு அலுவலர்கள் நவீன கருவிகள் மூலம் சனிக்கிழமை ஆய்வு செய்தனர்.
 தஞ்சாவூர் பெரிய கோயிலில் 60 ஆண்டுகளுக்கு முன் மாயமான ராஜராஜசோழன் சிலை மற்றும் லோகமாதேவி சிலையை குஜராத்திலிருந்து சிலை கடத்தல் தடுப்புப் பிரிவினர் மே 29-ஆம் தேதி மீட்டனர்.
 இக்கோயிலில் மேலும் சில சிலைகள் திருடு போயிருப்பதும், சில சிலைகள் தொன்மைத் தன்மையுடன் இல்லை என்றும், புதிதாகச் செய்யப்பட்டு மாற்றி வைக்கப்பட்டுள்ளதாகவும் சிலைக் கடத்தல் தடுப்புப் பிரிவு போலீஸார் தெரிவித்தனர்.
 இந்நிலையில், இக்கோயிலில் உள்ள ஐம்பொன் சிலைகளின் தொன்மைத் தன்மை குறித்து செப். 29-ஆம் தேதி சிலை கடத்தல் தடுப்புப் பிரிவினர் ஆய்வு செய்தனர். இதையடுத்து, அக். 11-ஆம் தேதியும் சிலை கடத்தல் தடுப்புப் பிரிவினரும், தொல்லியல் துறையினரும் ஆய்வு மேற்கொண்டனர்.
 இதைத் தொடர்ந்து, மூன்றாவது முறையாக இக்கோயிலில் உள்ள ஐம்பொன் சிலைகள் குறித்து சனிக்கிழமை ஆய்வு செய்யப்பட்டன. இதற்காக அர்த்த மண்டபத்தில் உள்ள 41 ஐம்பொன் சிலைகள் முருகன் சன்னதி முன் உள்ள ராஜா மண்டபத்துக்கு கொண்டு செல்லப்பட்டன.
 இச்சிலைகளின் தொன்மை குறித்து இந்திய தொல்லியல் துறையின் தென்னிந்திய சரக இயக்குநர் எம். நம்பிராஜன் தலைமையில் சுமார் 10 பேர் வேதியியல் தொடர்பான நவீன கருவிகள் மூலமும், உயரம், அகலம் அளவிடும் கருவி மூலமும் சரிபார்த்தனர்.
 இவர்களுடன் சிலை கடத்தல் தடுப்புப் பிரிவு கூடுதல் காவல் கண்காணிப்பாளர் ராஜாராமன் தலைமையில் 2 துணைக் கண்காணிப்பாளர்கள், தலா 10 ஆய்வாளர்கள், உதவி ஆய்வாளர்கள், காவலர்கள் என ஏறத்தாழ 40 போலீஸாரும் இருந்தனர்.
 இந்த ஆய்வு காலை 9 மணிக்குத் தொடங்கி பிற்பகல் 3.30 மணி வரை தொடர்ந்தது. பின்னர், கூடுதல் காவல் கண்காணிப்பாளர் ராஜாராமன் தெரிவித்தது:
 இக்கோயிலில் உள்ள சிலைகளின் தொன்மை குறித்து ஏற்கெனவே ஆய்வு செய்தோம். அதில் மீதம் இருந்த பணியை சனிக்கிழமை தொடர்ந்தோம்.
 இந்திய தொல்லியல் துறையின் நிபுணர் குழுவினர் இந்த ஆய்வைச் செய்துள்ளனர். இதுகுறித்து தொல்லியல் துறையினர் சான்றிதழ் கொடுத்த பின்னர் அடுத்தகட்ட விசாரணை தொடங்கப்படும் என்றார் அவர்.
 பின்னர், இக்குழுவினர் தஞ்சாவூர் அருகே புன்னைநல்லூர் மாரியம்மன் கோயிலுக்குச் சென்று 19 சிலைகளையும் ஆய்வு செய்தனர்.
 
 

]]>
http://images.dinamani.com/uploads/user/imagelibrary/2018/10/21/w600X390/tan.jpg http://www.dinamani.com/tamilnadu/2018/oct/21/நவீன-கருவிகள்-மூலம்-பெரிய-கோயிலில்-ஐம்பொன்-சிலைகள்-ஆய்வு-3023713.html
3023708 தமிழ்நாடு தூத்துக்குடியில் 37 விசைப்படகுகள் கடலுக்கு மீன்பிடிக்க செல்லத் தடை  தூத்துக்குடி, DIN Sunday, October 21, 2018 12:43 AM +0530 தூத்துக்குடியில் அரசின் உத்தரவை மீறி மீன்பிடிக்கச் சென்ற 37 விசைப்படகுகள் மறு அறிவிப்பு வரும் வரை கடலுக்குச் செல்லக்கூடாது என, மீன்வளத் துறை அதிகாரிகள் சனிக்கிழமை தடை உத்தரவு பிறப்பித்தனர்.
 தூத்துக்குடி மீன்பிடித் துறைமுகத்தில் 250-க்கும் மேற்பட்ட விசைப்படகுகள் உள்ள நிலையில், அனைத்துப் படகுகளுமே நாள்தோறும் அதிகாலை 5 மணிக்கு கடலுக்குச் சென்றுவிட்டு இரவு 9 மணிக்கு கரைதிரும்ப வேண்டும் என்பது அரசின் உத்தரவு.
 நீண்டகாலமாக இருந்துவரும் இந்த உத்தரவுக்கு மீனவர்கள் எதிர்ப்பு தெரிவிப்பதுடன், ஆழ்கடலில் தங்கி மீன்பிடிக்க தங்களை அனுமதிக்க வேண்டும் எனவும் கோரி வருகின்றனர். இதனிடையே, மத்திய அரசின் கடல் ஒழுங்குமுறை சட்டத்தின் அடிப்படையில் நீதிமன்றத்தில் உத்தரவு பெற்ற ஆழ்கடல் விசைப்படகு மீன்பிடித் தொழில் மேம்பாட்டு சங்கத்தினர் 37 விசைப்படகுகளில் கடந்த 18ஆம் தேதி ஆழ்கடலில் தங்கி மீன்பிடிக்கச் சென்றனர்.
 இதையடுத்து, விதிகளை மீறியதாக 37 விசைப்படகுகளின் உரிமையாளர்கள் மீது மீன்வளத் துறை உதவி இயக்குநர் சிவராமச்சந்திரன் தூத்துக்குடி தென்பாகம் காவல் நிலையத்தில் வெள்ளிக்கிழமை புகார் அளித்தார். அதன் அடிப்படையில் அவர்கள் மீது போலீஸார் வழக்குப் பதிந்தனர். தடையை மீறி தங்குகடல் மீன்பிடிப்புக்குச் சென்றோரைக் கண்டித்தும், அவர்கள் மீது நடவடிக்கை எடுக்க வலியுறுத்தியும் நாட்டுப்படகு மீனவர்கள் வெள்ளிக்கிழமை காலவரையற்ற வேலைநிறுத்தத்தைத் தொடங்கினர்.
 இந்நிலையில், ஆழ்கடலுக்கு மீன்பிடிக்கச் சென்ற விசைப்படகுகள் அனைத்தும் சனிக்கிழமை தூத்துக்குடி மீன்பிடித் துறைமுகத்தை சனிக்கிழமை வந்தடைந்தன. அந்தப் படகுகளின் உரிமையாளர்கள், படகிலிருந்த மீனவர்களைச் சந்தித்த மீன்வளத் துறை அதிகாரிகள், நீதிமன்ற உத்தரவை மீறி தங்குகடல் மீன்பிடிப்புக்குச் சென்றதால், தொடர்ந்து கடலுக்குச் செல்லத் தடை விதிக்கப்படுவதாகவும், மறு உத்தரவு வரும் வரை தடை தொடரும் என்றும் 37 விசைப்படகுகளிலும் நோட்டீஸ் ஒட்டினர். இதனால், அங்கு சிறிது நேரம் பரபரப்பு நிலவியது.
 

]]>
http://www.dinamani.com/tamilnadu/2018/oct/21/தூத்துக்குடியில்-37-விசைப்படகுகள்-கடலுக்கு-மீன்பிடிக்க-செல்லத்-தடை-3023708.html
3023707 தமிழ்நாடு ரயிலுக்கு வெடிகுண்டு மிரட்டல்: மென்பொருள் பொறியாளர் கைது  சென்னை, DIN Sunday, October 21, 2018 12:42 AM +0530 ரயிலை தாமதமாக புறப்பட வைப்பதற்காக, அதில் வெடிகுண்டு இருப்பதாக மிரட்டல் விடுத்த மென்பொருள் பொறியாளர் சென்னையில் கைது செய்யப்பட்டார்.
 இதுகுறித்து போலீஸ் தரப்பில் கூறப்பட்டதாவது:
 சென்னை பெருநகர காவல் கட்டுப்பாட்டு அறைக்கு சனிக்கிழமை காலை 5.45 மணியளவில் ஒரு அழைப்பு வந்தது. அதில் பேசிய நபர், "சென்ட்ரலில் இருந்து புறப்படும் கோவை விரைவு ரயிலில் வெடிகுண்டு இருப்பதாகவும், அது சிறிது நேரத்தில் வெடிக்கும்' எனவும் கூறிவிட்டு இணைப்பை துண்டித்துவிட்டார்.
 இதையடுத்து போலீஸார் அந்த ரயிலில் சோதனை செய்தனர். மேலும், சென்ட்ரல் ரயில் நிலையத்தில் பாதுகாப்பு பலப்படுத்தப்பட்டது. இதற்கிடையே சோதனையில் வெடிப்பொருள் எதுவும் சிக்காததால், வதந்தியை பரப்பும் நோக்கும் வகையில் அந்த அழைப்பு வந்திருப்பது தெரிய வந்தது.
 இதைத்தொடர்ந்து போலீஸார், அந்த அழைப்பு வந்த செல்லிடப்பேசி எண் குறித்து விசாரணை செய்தனர். விசாரணையில் அந்த அழைப்பில் பேசியவர், வேலூர் மாவட்டம் துறைப்பாடி அருகே உள்ள காமராஜர் நகரைச் சேர்ந்த ப.பிரவீண்குமார் (25) என்பதும், அவர் வடபழனி லிங்கேஷ்வரர் தெருவில் உள்ள ஒரு தனியார் விடுதியில் தங்கியிருந்து, தியாகராய நகரில் உள்ள ஒரு தனியார் நிறுவனத்தில் மென்பொருள் பொறியாளராக பணிபுரிந்து வருவதும் தெரிய வந்தது.
 இதையடுத்து போலீஸார் பிரவீண்குமாரிடம் விசாரணை மேற்கொண்டனர். விசாரணையில், கோவை விரைவு ரயிலில் சனிக்கிழமை காலை ஊருக்கு செல்ல தான் திட்டமிட்டிருந்ததாகவும், ஆனால் தாமதமாக புறப்பட்டதால் அந்த ரயிலை பிடிக்க முடியாது என நினைத்து, ரயிலின் புறப்பாட்டை தாமதப்படுத்த வெடிகுண்டு மிரட்டல் விடுத்ததாகவும் அவர் தெரிவித்துள்ளார். இதைத்தொடர்ந்து, வடபழனி போலீஸார் பிரவீண்குமார் மீது வழக்குப் பதிவு செய்து, அவரை கைது செய்தனர்.

]]>
http://www.dinamani.com/tamilnadu/2018/oct/21/ரயிலுக்கு-வெடிகுண்டு-மிரட்டல்-மென்பொருள்-பொறியாளர்-கைது-3023707.html
3023705 தமிழ்நாடு கூடங்குளம் அணுமின் நிலையம் 4-ஆவது உலைக்கு தேவையான சாதனங்கள் இறக்குமதி  சென்னை, DIN Sunday, October 21, 2018 12:41 AM +0530 திருநெல்வேலி மாவட்டம் கூடங்குளத்தில் உள்ள அணுமின் உற்பத்தி நிலையத்தின் 4-ஆவது உலைக்குத் தேவையான முக்கிய சாதனங்கள் இறக்குமதி செய்யப்பட்டுள்ளன.
 இது குறித்து வெளியிடப்பட்டுள்ள செய்திக்குறிப்பில் கூறியிருப்பதாவது:
 ரஷிய நாட்டின் அரசு நிறுவனமான ரொஸாட்டம், தனது துணை நிறுவனமான ஆட்டமனர் ஜோமாஷ் பெயரில் இந்த சாதனங்களை உற்பத்தி செய்து இந்தியாவுக்கு அனுப்பி வைத்துள்ளது.
 தற்போது இறக்குமதி செய்யப்பட்டுள்ள இயந்திரங்களில், நீராவியில் உள்ள ஈரப்பதத்தைப் பிரித்து அதற்கு கூடுதல் வெப்பமூட்டும் "எம்.எஸ்.ஆர் 1000-1' என்ற சாதனமும் அடங்கும்.
 ஏற்கெனவே இரண்டு சாதனங்கள் இறக்குமதி செய்யப்பட்டுள்ள நிலையில், புதிதாக இரண்டு சாதனங்கள் தற்போது இறக்குமதி செய்யப்பட்டுள்ளன.
 இந்த சாதனங்களை ரஷியாவில் உள்ள ஆட்டமனர் ஜோமாஷ் நிறுவனத்தின் துணை நிறுவனங்களில் ஒன்றான ஸியோ-போடல்ஸ்க்-கில்தான் என்ற நிறுவனம் வடிவமைத்துள்ளது.
 இந்தச் சாதனங்கள் மூலம் டர்பைனுக்கு நுழைவதற்கு முன்னர், அந்த நீராவியில் உள்ள நீர் திவலைகள் விலக்கப்பட்டு, நீராவியின் வெப்பக் கடத்தல் திறன் அதிகரிப்பதுடன், குறைந்த அழுத்த நீராவியிலேயே அதிகபட்ச பலனை பெறும் வகையில் வடிவமைக்கப்பட்டுள்ளது. இந்த சாதனம் 47 டன்கள் எடையும், 6 மீட்டர் உயரமும், 4 மீட்டர் விட்டமும் கொண்டவை.
 இந்த சாதனங்கள் 30 ஆண்டுகள் வரை உழைக்கும் வகையில் வடிவமைக்கப்பட்டுள்ளது.

]]>
http://images.dinamani.com/uploads/user/imagelibrary/2018/10/21/w600X390/MSH.jpg http://www.dinamani.com/tamilnadu/2018/oct/21/கூடங்குளம்-அணுமின்-நிலையம்-4-ஆவது-உலைக்கு-தேவையான-சாதனங்கள்-இறக்குமதி-3023705.html
3023704 தமிழ்நாடு தங்கம்: சில்லறை வர்த்தகத்தின் மையமாக திகழ்கிறது சென்னை! ஆளுநர் பன்வாரிலால் புரோஹித்  சென்னை, DIN Sunday, October 21, 2018 12:40 AM +0530 தங்கம் விற்பனையில் சில்லறை வர்த்தகத்தின் மிகப்பெரிய மையமாக சென்னை திகழ்வதாக, தமிழக ஆளுநர் பன்வாரிலால் புரோஹித் கூறினார்.
 யுபிஎம் இந்தியா நிறுவனமும், சென்னை ஜூவல்லர்ஸ் சங்கமும் இணைந்து, சென்னை நந்தம்பாக்கம் வர்த்தக மையத்தில் நகைகள் மற்றும் ரத்தினக் கண்காட்சியை நடத்தி வருகின்றன. திங்கள்கிழமை (அக்.22) வரை நடைபெறும் இந்தக் கண்காட்சியை சனிக்கிழமை தொடங்கி வைத்து, ஆளுநர் பன்வாரிலால் புரோஹித் பேசியது:
 சீனாவுக்கு அடுத்தப்படியாக, இந்தியாவில் தான் தங்கத்தை பயன்படுத்துவோரின் எண்ணிக்கை அதிகமாக உள்ளது. இதன் காரணமாக ஆண்டுக்கு 800 முதல் 900 டன் தங்கத்தை நாம் இறக்குமதி செய்கிறோம்.
 இதில் 45 சதவீத அளவு தங்கத்தை தென்னிந்தியாவில் தான் பயன்படுத்துகின்றனர். தமிழகத்திலேயே சென்னையில் தான் அதிக அளவில் தங்கம் விற்பனையாகின்றது. தமிழகம் முழுவதும் 10,000 தங்க நகைக் கடைகள் உள்ள நிலையில், சென்னையில் மட்டும் 3,000 கடைகள் உள்ளன.
 மேலும் இங்கிருந்து அமெரிக்கா, ஐரோப்பா, மத்தியக் கிழக்காசிய நாடுகள், ஜப்பான் போன்ற நாடுகளுக்கு நகைகள், ரத்தினங்களை ஏற்றுமதி செய்கின்றோம். பெட்ரோகெமிக்கலுக்குப் பிறகு 14 சதவீத அளவுக்கு ஏற்றுமதி செய்யும் பொருள்கள் தங்கம், ரத்தினக் கற்களாகும். இத்தொழிலை மேலும் மேம்படுத்தும் வகையில் நூறு சதவீதம் அந்நிய நேரடி முதலீட்டுக்கு மத்திய அரசு அனுமதி அளித்துள்ளது.
 இதன் காரணமாக 50 லட்சம் பேருக்கு நேரடியாகவும், மறைமுகமாகவும் வேலை வாய்ப்பு கிடைக்கின்றது. மும்பை, ஆமதாபாத், ஜெய்ப்பூர், கொல்கத்தா, ஹைதராபாத், கோவை போன்ற நகரங்கள் இதற்கு முக்கிய முனையமாக திகழ்கின்றன. எனினும் தங்க நகை மற்றும் ரத்தினக் கற்களுக்கான சில்லறை வர்த்தகத்தின் மிகப்பெரிய மையமாக சென்னை திகழ்கிறது என்றார் அவர்.
 சென்னை ஜுவல்லர்ஸ் சங்கத் தலைவர் யோகேஷ் ஷா, துணைத் தலைவர் உதய் உம்மிடி, யுபிஎம் ஆசியா செயல் துணைத் தலைவர் மைக்கேல் டக், யுபிஎம் இந்தியா மேலாண் இயக்குநர் யோகேஷ் முத்ராஸ் உள்ளிட்டோர் கண்காட்சியின் தொடக்க விழாவில் பங்கேற்றனர்.
 

]]>
http://images.dinamani.com/uploads/user/imagelibrary/2018/3/17/w600X390/tngovernor.jpg http://www.dinamani.com/tamilnadu/2018/oct/21/தங்கம்-சில்லறை-வர்த்தகத்தின்-மையமாக-திகழ்கிறது-சென்னை-ஆளுநர்-பன்வாரிலால்-புரோஹித்-3023704.html
3023703 தமிழ்நாடு சபரிமலை தீர்ப்பை உச்சநீதிமன்றம் மறு ஆய்வு செய்ய வேண்டும்: பத்திரிகையாளர் எஸ்.குருமூர்த்தி வலியுறுத்தல்  சென்னை DIN Sunday, October 21, 2018 12:39 AM +0530 சபரிமலை ஐயப்பன் கோயிலுக்குள் பெண்கள் செல்லலாம் என்று வழங்கிய தீர்ப்பை உச்சநீதிமன்றம் மறு ஆய்வு செய்ய வேண்டும் என பத்திரிகையாளர் எஸ்.குருமூர்த்தி வலியுறுத்தியுள்ளார்.
 சென்னை ராயப்பேட்டையில் வெள்ளிக்கிழமை நடைபெற்ற நூல் வெளியீட்டு விழாவுக்குப் பின் செய்தியாளர்களிடம் அவர் கூறியது: சபரிமலை தீர்ப்புக்குப் பிறகு பெண்கள் யாரும் சபரிமலைக்குப் போனது போன்று தெரியவில்லை. அதாவது பக்தி உள்ள பெண்கள் சபரிமலைக்குச் சென்றது போல தெரியவில்லை. சமூக ஆர்வலர்கள்தான் சபரிமலைக்குச் செல்ல முயற்சித்தார்கள். அதுவும், பக்தி உள்ளவர்களை அவமானப்படுத்துவதற்காகவே, அவர்கள் இப்படிச் செல்ல முயலுகிறார்கள்.
 உண்மையாகவே ஐயப்பன் மீது பக்தி கொண்ட பெண், ஐயப்பனைத் தரிசிக்க வேண்டும் என விருப்பப்பட்டால், அந்தப் பெண்ணை தடுக்கக் கூடாது என்று சொல்லுகிறது உச்ச நீதிமன்றம். அப்படிப் பார்த்தால், உண்மையான பக்தி கொண்டிருக்கும் பெண்கள், சபரிமலைக்குச் செல்ல முற்படவே இல்லை என்பதே உண்மை. சபரிமலை பக்தியை சட்டத்தால் கட்டுப்படுத்த முடியாது. பெண்கள் சபரிமலைக்கு போக வேண்டாம் என்று பெண்களே வேண்டுகோள் விடுப்பதை நாம் காண முடிகிறது. மேலும், சபரிமலைக்குள் நுழைய அனுமதி வேண்டி பக்தியுள்ள பெண்கள் எவரும் ரிட் மனுவை தாக்கல் செய்யவில்லை. வெளி ஆள்களே இத்தகைய மனுவை தாக்கல் செய்தனர்.
 பக்தியை அவமானப்படுத்தும் நோக்கில், பத்திரிகையாளர்கள், சமூக ஆர்வலர்கள் என்ற போர்வையில் சிலர் சபரிமலை குறித்து குறை கூறினர். ஐயப்ப பக்தர்களின் உணர்வுகளைப் புரிந்து கொள்ளும் வகையில் நீதிமன்றங்கள் இல்லை. பிரச்னை வர வேண்டும் என்பதை எதிர்நோக்கியுள்ள அரசுதான் தற்போது கேரளத்தில் உள்ளது. கேரள முதல்வர் அவரது கட்சிக்கு விரோதமாக பேச முடியுமா? மதம் சார்ந்த சட்ட, திட்டங்கள் நீதிமன்றத்தால் மதிக்கப்பட வேண்டும். சபரிமலை குறித்து உச்ச நீதிமன்றம் வழங்கிய தீர்ப்பு தவறானது. அதை உச்ச நீதிமன்றம் மறுஆய்வு செய்ய வேண்டும் என்றார் குருமூர்த்தி.
 

]]>
http://images.dinamani.com/uploads/user/imagelibrary/2018/10/21/w600X390/gm.jpg http://www.dinamani.com/tamilnadu/2018/oct/21/சபரிமலை-தீர்ப்பை-உச்சநீதிமன்றம்-மறு-ஆய்வு-செய்ய-வேண்டும்-பத்திரிகையாளர்-எஸ்குருமூர்த்தி-வலியுறுத்த-3023703.html
3023639 தமிழ்நாடு வடகிழக்குப் பருவ மழை தாமதமாகத் தொடங்க வாய்ப்பு: சென்னை வானிலை ஆய்வு மையம் DIN DIN Saturday, October 20, 2018 05:12 PM +0530
சென்னை: தமிழகத்தில் வடகிழக்குப் பருவ மழை ஒரு வார காலம் தாமதமாகத் தொடங்கும் வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.

சென்னை வானிலை ஆய்வு மையம் வெளியிட்டிருக்கும் அறிக்கையில், தமிழகத்தில் வடகிழக்குப் பருவ மழை துவங்குவதில் தாமதம் ஏற்படலாம் என்றும், அக்டோபர் 26ம்  தேதிக்கு மேல் வடகிழக்குப் பருவ மழை தொடங்கும் என்றும் தெரிவிக்கப்பட்டுள்ளது.

மேலும், வளிமண்டல மேலடுக்கு சுழற்சி காரணமாக வரும் 48 மணி நேரத்தில் தமிழகம் மற்றும் புதுச்சேரியின் ஒரு சில இடங்களில் பலத்த மழையும், பரவலாக மிதமான மழையும் பெய்ய வாய்ப்பு உள்ளது என்று தெரிவித்துள்ளது.

கடந்த 24 மணி நேரத்தில் அதிகபட்சமாக பெரியகுளத்தில் 16 செ.மீ. மழையும், பெரியநாயக்கன்பாளையத்தில் 10 செ.மீ. மழையும் பதிவாகியுள்ளது.
 

]]>
http://images.dinamani.com/uploads/user/imagelibrary/2018/10/17/w600X390/chennai_rain.jpg http://www.dinamani.com/tamilnadu/2018/oct/20/வடகிழக்குப்-பருவ-மழை-தாமதமாகத்-தொடங்க-வாய்-சென்னை-வானிலை-ஆய்வு-மையம்-3023639.html
3023637 தமிழ்நாடு தேனி: வைகை அணை வேகமாக நிரம்பி வருவதால் 2ம் கட்ட வெள்ள அபாய எச்சரிக்கை DIN DIN Saturday, October 20, 2018 04:49 PM +0530
தேனி: தேனி மாவட்டத்தில் உள்ள வைகை அணையின் நீர்மட்டம் வேகமாக நிரம்பி வருவதால், 2ம் கட்ட வெள்ள அபாய எச்சரிக்கை விடுக்கப்பட்டுள்ளது.

வைகை அணையின் நீர்மட்டம் தற்போது 68.05 அடியை எட்டியது. 71 அடி உயரமுள்ள வைகை அணையின் நீர்மட்டம் வேகமாக நிரம்பி வருவதால் இரண்டாம் கட்ட வெள்ள அபாய எச்சரிக்கையை மாவட்ட நிர்வாகம் விடுத்துள்ளது.

வைகை அணை நிரம்பினால், அதில் இருந்து நீர் திறப்பு அதிகரிக்கும் வாய்ப்பு இருப்பதால் வைகை ஆற்றங்கரையோரம் உள்ள மக்களுக்கு வெள்ள அபாய எச்சரிக்கை விடுக்கப்பட்டுள்ளது.
 

]]>
http://images.dinamani.com/uploads/user/imagelibrary/2018/8/19/w600X390/vaigai.jpg http://www.dinamani.com/tamilnadu/2018/oct/20/தேனி-வைகை-அணை-வேகமாக-நிரம்பி-வருவதால்-2ம்-கட்ட-வெள்ள-அபாய-எச்சரிக்கை-3023637.html
3023616 தமிழ்நாடு ஒப்பந்தப்புள்ளி விஷயத்தில் அரசு யாருக்கும் சலுகை அளிக்கவில்லை: முதல்வர் விளக்கம் DIN DIN Saturday, October 20, 2018 12:35 PM +0530  

நெடுஞ்சாலைத் துறை ஒப்பந்தப்புள்ளி தொடர்பாக அரசு யாருக்கும் சலுகை அளிக்கவில்லை என்று முதல்வர் பழனிசாமி சனிக்கிழமையன்று விளக்கம் அளித்தார். 

தமிழக முதல்வர் பழனிசாமி இன்று (சனிக்கிழமை) காலை செய்தியாளர்களைச் சந்தித்து பேட்டியளித்தார். அப்போது அவர் பேசியதாவது, 

"நெடுஞ்சாலைத் துறை ஒப்பந்தப்புள்ளியில் முறைகேடு நடக்க வாய்ப்பில்லை. இணையதள ஒப்பந்தப்புள்ளியில் எப்படி முறைகேடு நடைபெறும்? ஒட்டன்சத்திரம், அவினாசி, தாராபுரம் சாலை ஒப்பந்தப்புள்ளி உறவினருக்கு வழங்கப்பட்டுள்ளதாக கூறினர். கருணாநிதி முதல்வராக இருந்த காலத்திலேயே யார் ரத்த உறவினர்கள், யார் நெருங்கிய உறவினர்கள் என்பது விளக்கப்பட்டிருக்கிறது. அதில், எந்த வகையிலும் ஒப்பந்தப்புள்ளி பெற்றவர்கள் இடம்பெறவில்லை. 

உலக வங்கி நடைமுறையின்படி தான் ஒப்பந்தப்புள்ளி விடப்பட்டுள்ளது. இதில், அரசு யாருக்கும் சலுகை அளிக்கவில்லை. திமுக ஆட்சியில் டிஎன்ஆர்எஸ்பி ஒப்பந்தங்களில் நிர்ணயிக்கப்பட்ட ஒப்பந்தத்த தொகையைவிட அவர்கள் அதிக தொகையை வழங்கியுள்ளனர். இதுதொடர்பாக அவர்கள் என்ன பதில் சொல்ல இருக்கிறார்கள் என்று காத்திருக்கிறேன்.  

நெடுஞ்சாலைத் துறை ஒப்பந்தப்புள்ளி விவகாரத்தில் எதிர்க்கட்சியினர் தேவையில்லாமல் அவதூறு பரப்புகின்றனர். ஸ்டாலின் எதிர்க்கட்சித் தலைவர் பொறுப்புக்கு தகுதி இல்லாதவர் என்று மக்களும் கருதுகின்றனர், நானும் அதையே கருதுகிறேன். 

டெங்கு காய்ச்சல்:

டெங்கு காய்ச்சலை தடுக்க அரசு நடவடிக்கைகளை மேற்கொண்டு வருகிறது. அதற்கு மக்களும் தங்களது ஒத்துழைப்பை அளிக்க வேண்டும். தண்ணீர் தேங்கும் இடங்களில் கயிறுகள், தேங்காய் தொட்டிகள் போன்ற பழைய பொருட்களை அகற்றி சுத்தமாக வைக்க வேண்டும். தண்ணீர் தேங்கும் இடங்களில், கொசு உற்பத்தியாகும் இடங்களில் தடுப்பு மருந்துகளை அடித்து அரசு நடவடிக்கை எடுத்துள்ளது. 

ஜாக்டே - ஜியோ:

ஜாக்டோ-ஜியோ ஊழியர்களுக்கு ஊதிய உயர்வு வழங்கப்படுகிறது. அவர்களுக்கு மட்டும் அரசு 14,719 கோடி ரூபாய் செலவழிக்கிறது. மேலும், அகவிலைப்படியும் உயருகிறது. அதற்காக அவர்களுக்கு 1600 கோடி ரூபாய் வழங்கப்படுகிறது. 

தமிழக அரசுக்கு நிதி ஆதாரம் இல்லை. நிதிச் சுமை இருக்கிறது என்பது அவர்களுக்கும் நன்றாக புரியும். அதனால், துறைசார்ந்த செயலாளர்களும், அமைச்சர்களும் அவர்களிடம் பேச்சுவார்த்தை நடத்துவார்கள்" என்றார். 

சபரிமலை தொடர்பாக கேள்வி எழுப்பியதற்கு கருத்து தெரிவிக்க முடியாது என்றார்.

]]>
http://images.dinamani.com/uploads/user/imagelibrary/2018/10/20/w600X390/eps2.jpg http://www.dinamani.com/tamilnadu/2018/oct/20/ஒப்பந்தப்-புள்ளி-விஷயத்தில்-அரசு-யாருக்கும்-சலுகை-அளிக்கவில்லை-முதல்வர்-விளக்கம்-3023616.html
3023615 தமிழ்நாடு மதச் சடங்கு விவகாரத்தில் நீதிமன்றம் சுயக் கட்டுப்பாட்டுடன் செயல்பட வேண்டும்: உயர் நீதிமன்றம்  DIN DIN Saturday, October 20, 2018 12:24 PM +0530
சென்னை: மதச் சடங்குகள் தொடர்பான வழக்குகளில் நீதிமன்றங்கள் சுயக்கட்டுப்பாட்டுடன் செயல்பட வேண்டியது அவசியம் என்று சென்னை உயர் நீதிமன்றம் கருத்துக் கூறியுள்ளது.

ஸ்ரீரங்கம் ஸ்ரீமத் ஆண்டவன் ஆசிரமத்தின் 12வது பீடாதிபதியாக ஸ்ரீ யமுனாச்சாரியார் நியமிக்கப்பட்டதற்கு எதிர்ப்பு தெரிவித்தும், அவரது நியமனத்துக்கு தடை விதிக்கக் கோரியும் வெங்கடநாதன் என்பவர் சென்னை உயர் நீதிமன்றத்தில் வழக்குத் தொடர்ந்தார்.

இந்த மனு இன்று விசாரணைக்கு வந்த போது வழக்கை விசாரித்த நீதிபதி, மதச் சடங்குகள் தொடர்பான வழக்குகளில், நீதிமன்றங்கள் சுயக்கட்டுப்பாட்டுடன் நடந்து கொள்ள வேண்டும் என்று கருத்துக் கூறினார்.

மேலும், பீடாதிபதி நியமனத்துக்கு தடை விதிக்கவும் மறுத்துவிட்டார்.
 

]]>
http://images.dinamani.com/uploads/user/imagelibrary/2018/5/29/w600X390/MadrasHighCourt.jpg http://www.dinamani.com/tamilnadu/2018/oct/20/மதச்-சடங்கு-விவகாரத்தில்-நீதிமன்றம்-சுயக்-கட்டுப்பாட்டுடன்-செயல்பட-வேண்டும்-உயர்-நீதிமன்றம்-3023615.html
3023614 தமிழ்நாடு டிசம்பரில் கட்சி அறிவிப்பு இல்லை; சபரிமலையில் ஐதீகம் பின்பற்றப்பட வேண்டும்: ரஜினி DIN DIN Saturday, October 20, 2018 12:05 PM +0530
சென்னை: சபரிமலை விவகாரத்தில் உச்ச நீதிமன்றத்தின் தீர்ப்பை வரவேற்கிறேன். ஆனால் அதே சமயம் ஐதீகம் பின்பற்றப்பட வேண்டும் என்று நடிகர் ரஜினிகாந்த் கூறியுள்ளார்.

ரஜினி நடித்து வரும் பேட்ட என்ற திரைப்படத்தின் படப்பிடிப்பை முடித்துக் கொண்டு வாராணசியில் இருந்து சென்னை திரும்பிய ரஜினிகாந்த் சென்னை விமான நிலையத்தில் இன்று செய்தியாளர்களை சந்தித்தார்.

அப்போது செய்தியாளர்கள் எழுப்பிய கேள்விக்கு ரஜினி அளித்த பதிலில், தான் தொடங்கவிருக்கும் கட்சிப் பணிகள் 90 சதவீதம் நிறைவடைந்துவிட்டன. ஆனால், டிசம்பர் 12ம் தேதி கட்சி தொடங்குவது குறித்து அறிவிக்கும் திட்டம் ஏதும் இல்லை என்று கூறினார்.

மேலும், மீ டூ (#MeToo) என்பதை பெண்கள் தவறாகப் பயன்படுத்தக் கூடாது என்றும் ரஜினி கூறினார்.

சபரிமலை விவகாரம் குறித்த கேள்விக்கு ரஜினி அளித்த பதிலில், உச்ச நீதிமன்ற தீர்ப்பை வரவேற்கிறேன். அதே சமயம், காலம் காலமாக பின்பற்றப்பட்டு வரும் நடைமுறையை மாற்றக் கூடாது என்று கூறினார்.
 

]]>
http://images.dinamani.com/uploads/user/imagelibrary/2018/6/6/w600X390/rajini3.jpg கோப்புப்படம் http://www.dinamani.com/tamilnadu/2018/oct/20/டிசம்பரில்-கட்சி-அறிவிப்பு-இல்லை-சபரிமலையில்-ஐதீகம்-பின்பற்றப்பட-வேண்டும்-ரஜினி-3023614.html
3023613 தமிழ்நாடு இன்று தவிர்த்தால் இன்னும் 5 ஆண்டுகளில் பெண்கள் சபரிமலைக்கு செல்வார்கள் - நடிகர் சிவகுமார் DIN DIN Saturday, October 20, 2018 11:37 AM +0530  

சபரிமலை கோயிலுக்குள் பெண்களை அனுமதிக்க இன்று மறுத்தால் இன்னும் 5 ஆண்டுகளில் அவர்கள் கோயிலுக்குள் செல்வார்கள் என்று நடிகர் சிவகுமார் சனிக்கிழமையன்று பேட்டியளித்தார். 

இதுதொடர்பாக, சென்னை அண்ணா நகரில் அவர் சனிக்கிழமை அளித்த பேட்டியில் கூறுகையில், 

"ஆண் பிறப்பதற்கு காரணம் ஒரு பெண். அவள் ஒரு மரியாதைக்குரிய தாய். பெண்களை தவிரித்து ஆண்கள் வாழ முடியாது. அவர்களை அடக்கி வைத்த காலம் போய்விட்டது. இனிமேல் அவர்களை ஒதுக்க முடியாது.

சபரிமலை கோயிலுக்கு மகரஜோதி நாட்களில் மட்டும் பெண்கள் செல்லவேண்டாம். அந்த நாட்களில் ஏற்கனவே ஆண்கள் கூட்ட நெரிசலில் சிக்கி செல்கின்றனர். அதனால், அந்த 10 நாட்கள் தவிர்த்து 365 நாட்களுள் மீதமுள்ள நாட்களில் அவர்களை சபரிமலைக்கு செல்ல அனுமதிக்க வேண்டும். பெண்களை மதியுங்கள், அனுமதியுங்கள். 

இன்றைக்கு தவிர்த்தால், இன்னும் 5 ஆண்டுகளில் பெண்கள் கோயிலுக்குள் செல்வார்கள்" என்றார்.   

முன்னதாக, சென்னையில் நேற்று (வெள்ளிக்கிழமை) நடைபெற்ற ஒரு நிகழ்வில் நடிகர் சிவகுமார் பங்கேற்றிருந்தார். அதன்பிறகு செய்தியாளர்களைச் சந்தித்த அவர், பைத்தியம் பிடித்தது போல் ஐயப்பன் கோவிலுக்குச் செல்கிறார்கள் என்று பெண்கள் மீது குற்றம் சாட்டினார். இதுதொடர்பாக, அவர் நேற்று பேசியது, 

"ஏன் கடவுள்களை வீட்டிலேயே வணங்கிக் கொள்ளக் கூடாதா? ஐயப்பனை அவர்கள் வீட்டிலேயே கும்பிடக் கூடாதா? முருகனை வீட்டிலேயே வணங்கினால் ஆகாதா?

கடவுள் நமபிக்கையுள்ள நான் கோவில்களுக்குப் போவதில்லை. ஆனால் வணங்குவதற்காக  எல்லா கடவுள்களின் படங்களும் என் வீட்டில் உள்ளது. 

பெண்கள் ஏதோ பைத்தியம் பிடித்தது போல் ஐயப்பன் கோவிலுக்குச் செல்கிறார்கள். அப்படி பிடிவாதம் பிடிப்பது ஏன்?

அப்படிப் போக வேண்டும் என்று விரும்பினால், உச்ச நீதிமன்றம் அனுமதியளித்து அரசும் உதவும் பட்சத்தில் ஏதேனும் விடுமுறை நாட்களில் போய் பார்த்து விட்டு வரலாம். அப்படி இல்லாமல் கூட்டத்தோடு போவேன் என்று கூறினால் அதற்கான பின்விளைவுகளை சந்தித்துதான் ஆக வேண்டும். 

மக்கள் மிகவும் கோபமாக இருக்கிறாரகள். அதனை சபரிமலைக்குப் போக விரும்பும் பெண்கள் உணர்ந்து கொள்ள வேண்டும்"

இவ்வாறு அவர் நேற்று தெரிவித்தார்.

]]>
http://images.dinamani.com/uploads/user/imagelibrary/2018/10/20/w600X390/sivakumar.jpg http://www.dinamani.com/tamilnadu/2018/oct/20/இன்று-தவிர்த்தால்-இன்னும்-5-ஆண்டுகளில்-பெண்கள்-சபரிமலைக்கு-செல்வார்கள்---நடிகர்-சிவகுமார்-3023613.html
3023611 தமிழ்நாடு மதுரை: வாடிப்பட்டி அருகே கார் மோதி குழந்தை உட்பட 4 பேர் உயிரிழப்பு DIN DIN Saturday, October 20, 2018 11:26 AM +0530
மதுரை: மதுரை மாவட்டம் வாடிப்பட்டி அருகே வடுகப்பட்டியில் பேருந்துக்காக சாலையோரம் நின்றிருந்தவர்கள் மீது  கார் மோதியதில் 7 மாதக் குழந்தை உட்பட 4 பேர் உயிரிழந்தனர்.

ஒரே குடும்பத்தைச் சேர்ந்த லட்சுமி, மரத்தி, வசந்தி, அத்விக் (குழந்தை) ஆகியோர் வடுகப்பட்டியில் பேருந்துக்காக சாலையோரம் நின்றிருந்தனர்.

அப்போது அவ்வழியாக வந்த காரின் டயர் வெடித்ததால், எதிர்பாராதவிதமாக கார் ஓட்டுநரின் கட்டுப்பாட்டை இழந்து சாலையோரம் நின்றிருந்தவர்கள் மீது பயங்கரமாக மோதியதில், நிகழ்விடத்திலேயே 7 மாதக் குழந்தை உட்பட 4 பேர் உயிரிழந்தனர்.

விபத்து குறித்து தகவல் அறிந்ததும் விரைந்து வந்த காவல்துறையினர், ஓட்டுநரை கைது செய்து விசாரணை நடத்தி வருகிறார்கள்.

விபத்தில் உயிரிழந்தவர்களின் உடல்கள் மருத்துவமனைக்குக் கொண்டு செல்லப்பட்டுள்ளன.
 

]]>
http://images.dinamani.com/uploads/user/imagelibrary/2018/8/1/w600X390/accident.jpg http://www.dinamani.com/tamilnadu/2018/oct/20/மதுரை-வாடிப்பட்டி-அருகே-கார்-மோதி-குழந்தை-உட்பட-4-பேர்-உயிரிழப்பு-3023611.html
3023609 தமிழ்நாடு தஞ்சை பெரிய கோயிலில் சிலைக் கடத்தல் தடுப்புப் பிரிவினர் ஆய்வு DIN DIN Saturday, October 20, 2018 10:55 AM +0530
தஞ்சாவூர்: தஞ்சை பெரிய கோயிலில் சிலைக் கடத்தல் தடுப்புப் பிரிவு காவல்துறையினர் நேரில் ஆய்வு செய்து வருகிறார்கள்.

சிலைக் கடத்தல் தடுப்புப் பிரிவு காவல்துறையினருடன், தொல்லியல் துறை அதிகாரிகளும் ஆய்வில் ஈடுபட்டுள்ளனர்.

தஞ்சை பெரிய கோயிலில் உள்ள 41 ஐம்பொன் சிலைகளையும் அவர்கள் நேரில் பார்த்து அவற்றின் தொன்மை நிலை குறித்து ஆய்வு செய்கிறார்கள். ஏற்கனவே 2 முறை ஆய்வு நடைபெற்ற நிலையில், இன்று 3வது கட்டமாக ஆய்வு நடைபெற்று வருகிறது.
 

]]>
http://images.dinamani.com/uploads/user/imagelibrary/2016/8/30/w600X390/thanjavur_sivasakthi_temple.jpg http://www.dinamani.com/tamilnadu/2018/oct/20/தஞ்சை-பெரிய-கோயிலில்-சிலைக்-கடத்தல்-தடுப்புப்-பிரிவினர்-ஆய்வு-3023609.html
3023071 தமிழ்நாடு மைசூரில் தசரா விழா: மக்கள் வெள்ளத்தில் யானைகள் ஊர்வலம் DIN DIN Saturday, October 20, 2018 10:52 AM +0530
உலகப் புகழ் பெற்ற மைசூரு தசரா விழாவின் முக்கிய நிகழ்வான யானைகள் ஊர்வலத்தை கர்நாடக முதல்வர் குமாரசாமி வெள்ளிக்கிழமை தொடங்கிவைத்தார். லட்சக்கணக்கான மக்கள் சூழ்ந்திருக்க, தீப்பந்த ஊர்வலம் கோலாகலமாக நடைபெற்றது.
1610-ஆம் ஆண்டில் ராஜா உடையாரால் தொடங்கி வைக்கப்பட்ட தசரா திருவிழா, 408- ஆவது ஆண்டாக மைசூரில் நடைபெற்றது. கடந்த அக்.10-ஆம் தேதி தொடங்கி 10 நாள்களாக நடைபெற்ற தசரா விழாவின் அங்கமாக நடைபெறும் யானைகள் ஊர்வலத்தை மைசூரு, அரண்மனை வளாகத்தில் வெள்ளிக்கிழமை பிற்பகல் 3.40 மணிக்கு முதல்வர் குமாரசாமி தொடங்கி வைத்தார். 
யானை ஊர்வலத்தில் அர்ஜுனா, பலராமா, காவிரி, வரமஹாலட்சுமி உள்ளிட்ட 12 யானைகள் கலந்து கொண்டன. நிகழாண்டு தங்கப் பல்லக்கை (அம்பாரி) அர்ஜுனா யானை 7-ஆவது முறையாக சுமந்து சென்றது. ஊர்வலத்தில் பெரும் திரளாக கலைஞர்கள் பங்கேற்ற வண்ணமயமான இசைக் குழுக்கள், நடன குழுக்கள் அனைவரையும் வெகுவாகக் கவர்ந்தன.
பூஜா குனிதா, தொல்லு குனிதா, கோலாட்டம், கம்சாலே, கருடகொம்பே, நகரி, கேலுகுதிரே, லம்பானி நடனம் உள்ளிட்ட கிராமிய மற்றும் கலாசார நடனங்கள், ஆடல் பாடல்கள் மக்களை உற்சாகப்படுத்தின. 
முன்னதாக, அரண்மனை வளாகத்தில் அமைந்துள்ள நந்தி கொடிமரத்துக்கு கும்ப லக்னத்தில் பிற்பகல் 2.30 முதல் பிற்பகல் 3.40 மணி வரை முதல்வர் குமாரசாமி சிறப்பு பூஜை செய்தார். 
இந்த விழாவில், துணை முதல்வர் ஜி.பரமேஸ்வர், உயர் கல்வித் துறை அமைச்சர் ஜி.டி.தேவெ கெளடா, சுற்றுலாத் துறை அமைச்சர் சா.ரா.மகேஷ், கன்னடம் மற்றும் கலாசாரத் துறை அமைச்சர் ஜெயமாலா, எம்.எல்.ஏ.க்கள் எச்.விஸ்வநாத், கே.மகாதேவ், மாவட்ட ஆட்சியர் அபிராம் சங்கர் உள்ளிட்டோர் கலந்து கொண்டனர்.


 

]]>
http://images.dinamani.com/uploads/user/imagelibrary/2018/10/20/w600X390/mysure.jpg அரண்மனையிலிருந்து ஊர்வலமாகச் செல்லும் யானைகள். http://www.dinamani.com/tamilnadu/2018/oct/20/மைசூரில்-தசரா-விழா-மக்கள்-வெள்ளத்தில்-யானைகள்-ஊர்வலம்-3023071.html
3023108 தமிழ்நாடு பாஜகவை வீழ்த்த மாநிலக் கட்சிகளை ஒருங்கிணைக்க முயற்சி : யெச்சூரி DIN DIN Saturday, October 20, 2018 02:42 AM +0530 பாஜகவை வீழ்த்த மாநிலக் கட்சிகளை ஒருங்கிணைக்கும் முயற்சியில் மார்க்சிஸ்ட் ஈடுபட்டு வருவதாக அக் கட்சியின் அகில இந்திய பொதுச் செயலாளர் சீதாராம் யெச்சூரி கூறினார்.
சென்னை தியாகராய நகரில் உள்ள கட்சி அலுவலகத்தில் அவர் வெள்ளிக்கிழமை கூறியது: மக்களவைத் தேர்தலில் பாஜகவை வீழ்த்துவதற்கு கட்சிகளை ஒருங்கிணைக்கும் முயற்சியை எடுத்து வருகிறோம். அதே போன்று மாநில அளவிலான கட்சிகளையும் ஒருங்கிணைக்கும் நடவடிக்கைகளை எடுத்து வருகிறோம்.
சபரிமலை விவகாரத்தில் பாஜக இரட்டை வேடம் போடுகிறது. இந்துக்களின் வாக்குகளைப் பெற வேண்டும் என்ற எண்ணத்துடனே இந்த வேடத்தை பாஜக போடுகிறது. இது தவறானது. அனைத்து இடங்களிலும் ஆண், பெண் சமத்துவம் இருக்க வேண்டும். சபரிமலையில் பெண்களை அனுமதிக்கும் விவகாரத்தில் கேரள காங்கிரஸ் எதிர்ப்பதும் வருத்தமளிக்கிறது என்றார்.
முன்னதாக, தமிழ்நாடு முற்போக்கு எழுத்தாளர்கள் கலைஞர்கள் சங்கம் சார்பில் கருத்துரிமை போற்றுதல் ஒன்றுகூடல் நிகழ்ச்சி காமராஜர் அரங்கில் வெள்ளிக்கிழமை நடைபெற்றது. நிகழ்ச்சியில் சீதாராம் யெச்சூரி பேசியது: கருத்துரிமைக்கு எதிரான இருண்ட சூழலில் உள்ளோம். இந்த இருளில் ஒளியைப் பாய்ச்ச வேண்டியது படைப்பாளர்களின் கடமை. ஆளும் வர்க்கம் எப்போதும் மாற்றுக் கருத்துகளை அனுமதிப்பது இல்லை. அதை நசுக்கவே பார்க்கும். தன்னுடைய கருத்தைத் திணிக்கும் முயற்சிக்கும். இது சாக்ரடீஸ் காலத்திலிருந்து உள்ளது. மாற்றுக் கருத்தை மதிக்காததை ஏற்கவே முடியாது. கருத்துரிமைக்கு ஆதரவாக அனைவரும் போராட முன்வரவேண்டும் என்றார்.
இந்த நிகழ்ச்சியில், கொலை செய்யப்பட்ட பத்திரிகையாளர் கௌரி லங்கேஷ்ஷின் கட்டுரைகள் தொகுப்பான சிந்தனைக்கு மரணமில்லை என்ற மொழிபெயர்ப்பு நூலை மாநிலங்களவை உறுப்பினர் டி.கே.ரங்கராஜன் வெளியிட சங்கத்தின் துணைத் தலைவர் ஆர்.நீலா பெற்றுக் கொண்டார். மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன், மத்தியக் குழு உறுப்பினர் வாசுகி, நடிகர் சத்யராஜ், விடுதலைச் சிறுத்தைகள் கட்சியின் பொதுச் செயலர் துரை.ரவிக்குமார், துணை பொதுச் செயலர் ஆளுர் ஷா நவாஸ், நக்கீரன் கோபால், எழுத்தாளர்கள் தமிழ்ச்செல்வம், ஆதவன் தீட்சண்யா, சு.வெங்கடேசன் உள்பட பலர் நிகழ்ச்சியில் பங்கேற்றனர்.

]]>
http://images.dinamani.com/uploads/user/imagelibrary/2018/10/20/w600X390/sitaram-yetchuri.jpg http://www.dinamani.com/tamilnadu/2018/oct/20/பாஜகவை-வீழ்த்த-மாநிலக்-கட்சிகளை-ஒருங்கிணைக்க-முயற்சி--யெச்சூரி-3023108.html
3023107 தமிழ்நாடு குண்டர் தடுப்புச் சட்ட நடைமுறைகள்: அதிகாரிகளுக்கு உயர்நீதிமன்றம் கண்டனம் DIN DIN Saturday, October 20, 2018 02:41 AM +0530
குண்டர் தடுப்புச் சட்ட நடைமுறைகளை அதிகாரிகள் முறையாகக் கடைப்பிடிப்பதில்லை என, சென்னை உயர்நீதிமன்றம் கண்டனம் தெரிவித்துள்ளது. இதுதொடர்பாக, புதுச்சேரியைச் சேர்ந்த பத்மாவதி என்பவர் தாக்கல் செய்த ஆட்கொணர்வு மனு விவரம்: 
குண்டர் தடுப்புச் சட்டத்தின்கீழ் கைது செய்யப்பட்ட எனது கணவர் ரமேஷ், காலாப்பேட்டை சிறையில் அடைக்கப்பட்டுள்ளார். குண்டர் தடுப்புச் சட்டத்தின் சட்ட நடவடிக்கைகளை முறையாக பின்பற்றாமல், எனது கணவர் மீது இந்தச் சட்டத்தின்கீழ் நடவடிக்கை எடுக்கப்பட்டுள்ளது சட்டவிரோதமானது. மேலும் குண்டர் தடுப்புச் சட்டத்தில் இருந்து எனது கணவரை விடுவிக்கக் கோரி புதுச்சேரி அரசுக்கு கோரிக்கை மனு அளித்தேன்.அந்த மனுவை அதிகாரிகள் முறையாகப் பரிசீலிக்கவில்லை. மேலும், குண்டர் தடுப்புச் சட்ட அறிவுரை குழுமம் காலதாமதமாகவே இந்த உத்தரவை உறுதி செய்துள்ளது. சட்ட விதிமீறல்கள் உள்ள நிலையில் எனது கணவரின் கைதை ரத்து செய்ய வேண்டும் என அந்த மனுவில் தெரிவிக்கப்பட்டிருந்தது.
இந்த வழக்கு நீதிபதிகள் எஸ்.விமலா, எஸ்.ராமதிலகம் ஆகியோர் அடங்கிய அமர்வு முன் விசாரணைக்கு வந்தது. அப்போது நீதிபதிகள் பிறப்பித்த உத்தரவு:
சமூக விரோதிகள் மீது உரிய நடவடிக்கை எடுக்கவே குண்டர் தடுப்புச்சட்டம் பயன்படுத்தப்படுகிறது. ஆனால், அந்த சட்டத்தின்கீழ் நடவடிக்கை எடுக்கும் சம்பந்தப்பட்ட அதிகாரிகள் சட்ட நடைமுறைகளை முறையாகப் பின்பற்றுவதில்லை.
இந்த வழக்கில் இருந்து தனது கணவரை விடுவிக்கக் கோரி மனுதாரர் தரப்பில் அரசுக்கு அளிக்கப்பட்ட கோரிக்கை மனுவை அதிகாரிகள் முறையாக பரிசீலிக்காமல், அறிவுரைக் குழுமத்திடம்தான் முறையிட வேண்டும் என தங்களது கடமையைத் தட்டிக் கழித்துள்ளனர். அறிவுரைக் குழுமத்திடம் விசாரணை நிலுவையில் இருந்தாலும், தன்னிடம் கொடுக்கப்படும் கோரிக்கை மனுக்களை பரிசீலித்து அரசு தகுந்த உத்தரவைப் பிறப்பிக்க வேண்டும் என உச்சநீதிமன்றம் பல்வேறு வழக்குகளில் தெளிவுபடுத்தியிள்ளது.
எனவே, இந்த வழக்கில் மனுதாரரின் கணவர் மீது குண்டர் தடுப்புச்சட்டத்தின்கீழ் பதிவு செய்யப்பட்ட வழக்கு ரத்து செய்யப்படுகிறது. இதனைத் தவிர்த்து வேறு எந்த உத்தரவையும் பிறப்பிக்க முடியாத நிலைக்கு இந்த நீதிமன்றத்தை அதிகாரிகள் தள்ளியுள்ளனர்.
இனிவரும் காலங்களில், குண்டர் தடுப்புச் சட்டத்தைப் பயன்படுத்தும்போது சமூகவிரோதிகள் சட்டத்தின் பிடியில் இருந்து எளிதில் தப்பிக்காத வகையில், அதன் சட்ட நடைமுறைகளை அதிகாரிகள் முறையாகக் கடைப்பிடிக்க வேண்டும் என நீதிபதிகள் குறிப்பிட்டுள்ளனர். 
 

]]>
http://www.dinamani.com/tamilnadu/2018/oct/20/குண்டர்-தடுப்புச்-சட்ட-நடைமுறைகள்-அதிகாரிகளுக்கு-உயர்நீதிமன்றம்-கண்டனம்-3023107.html
3023101 தமிழ்நாடு தாமிரவருணி மஹா புஷ்கரம்: 9ஆவது நாளாக புனித நீராடிய பக்தர்கள் DIN DIN Saturday, October 20, 2018 02:36 AM +0530
தாமிரவருணி மஹா புஷ்கர விழாவின் 9ஆவது நாளான வெள்ளிக்கிழமை திருநெல்வேலி, தூத்துக்குடி மாவட்டங்களில் உள்ள படித்துறைகளில் ஆயிரக்கணக்கான பக்தர்கள் புனித நீராடி, சுவாமி தரிசனம் செய்தனர்.
குருபகவான் ஒரு ராசியில் இருந்து மற்றொரு ராசிக்கு இடம்பெயரும் போது அந்தந்த ராசிக்குரிய நதிகளில் புஷ்கரம் நடைபெறும். அதன்படி குருபகவான் துலாம் ராசியில் இருந்து விருச்சிக ராசிக்கு இடம் பெயர்ந்துள்ள நிலையில் 144 ஆண்டுகளுக்குப் பின்பு மஹா புஷ்கர விழாவாக தாமிரவருணியில் நிகழாண்டில் கொண்டாடப்படுகிறது.
பொதிகை மலை முதல் புன்னக்காயல் வரை 149 கி.மீ. பயணிக்கும் தாமிரவருணி நதியில் மொத்தம் 143 தீர்த்தக்கட்டங்கள் உள்ளன. அவற்றில் 64 தீர்த்தக்கட்டங்கள் மட்டுமே பக்தர்கள் நீராடும் வகையில் உள்ளன. 
இங்கு கடந்த 11ஆம் தேதி மஹா புஷ்கரம் விழா தொடங்கியது. முதல் நாளில் இருந்தே ஆயிரக்கணக்கான பக்தர்கள் தாமிரவருணியில் நீராடி வருகின்றனர்.
9ஆவது நாளான வெள்ளிக்கிழமை தீர்த்தக்கட்டங்களில் சிறப்புத் தீபாராதனைகள் நடைபெற்றன. அதன்பின்பு பக்தர்கள் தாமிரவருணியில் புனித நீராடினர். தாமிரவருணியை போற்றும் பாடல்களையும், திருப்பாவை, திருவெம்பாவை, திருவாசக பாடல்களையும் பக்தர்கள் பாடி இறைவனை வழிபட்டனர்.
ஹயக்ரீவ ஹோமம்: திருநெல்வேலி சந்திப்பு அருகே கைலாசபுரத்தில் உள்ள அருள்மிகு கைலாசநாதர் கோயிலில் ஹயக்ரீவ ஹோமம் வெள்ளிக்கிழமை நடைபெற்றது. முன்னதாக தைப்பூச மண்டப படித்துறையில் இருந்து தீர்த்தம் எடுத்து வரப்பட்டது. படித்துறையில் காலையில் திருப்பள்ளியெழுச்சி, மங்கள நாகசுவர இசை, சங்கல்ப ஸ்நானம் ஆகியவை நடைபெற்றன.
அதன்பின்பு சதுர்வேத பாராயணம், ருத்ர ஜெபம், ஹோமம், மகா தீபாராதனை ஆகியவை நடைபெற்றன. திருநெல்வேலி குறுக்குத்துறையில் மாலையில் திருநெல்வேலி மஹோத்மியம் என்ற தலைப்பில் வடகுடி சுந்தரராம தீட்சிதரின் உபன்யாசமும், ஹுஜைனின் பக்திச் சொற்பொழிவும் நடைபெற்றது. 
சீவலப்பேரியில் துர்காம்பிகா தேவஸ்தானம் டிரஸ்ட் சார்பில் தன்வந்திரி ஹோமம் நடைபெற்றது. ஜடாயு தீர்த்தக்கட்டத்தில் பெண்கள் மலர்களைத் தூவி வழிபாடு செய்தனர்.
அமைச்சர்கள் வழிபாடு: தமிழக பள்ளிக் கல்வித் துறை அமைச்சர் செங்கோட்டையன் பாபநாசம் தாமிரவருணி நதியில் வியாழக்கிழமை புனித நீராடி, பாபநாசம் சிவன் கோயிலில் சுவாமி தரிசனம் செய்தார். சட்டப்பேரவை உறுப்பினர்கள் ஆர். முருகையாபாண்டியன், செல்வ மோகன்தாஸ் பாண்டியன் உள்பட கட்சி நிர்வாகிகள் உடனிருந்தனர்.
ஆதிதிராவிடர் நலத் துறை அமைச்சர் ராஜலெட்சுமி, தனது குடும்பத்தினருடன் வந்து தாமிரவருணியில் நீராடி வழிபட்டார். அம்பாசமுத்திரம் காசிநாதர் கோயில் படித்துறையில் அமைச்சர்கள் செங்கோட்டையன் மற்றும் ராஜலட்சுமி இருவரும் வழிபட்டனர்.

 

]]>
http://images.dinamani.com/uploads/user/imagelibrary/2018/10/20/w600X390/puskar1.jpg பாபநாசம் தாமிரவருணியில் நீராடி வழிபடுகிறார் அமைச்சர் செங்கோட்டையன் http://www.dinamani.com/tamilnadu/2018/oct/20/தாமிரவருணி-மஹா-புஷ்கரம்-9ஆவது-நாளாக-புனித-நீராடிய-பக்தர்கள்-3023101.html
3023100 தமிழ்நாடு ஒரு சில இடங்களில் மழைக்கு வாய்ப்பு DIN DIN Saturday, October 20, 2018 02:36 AM +0530
மேலடுக்கு சுழற்சி காரணமாக, தமிழகத்தின் ஒரு சில இடங்களில் அடுத்த 24 மணி நேரத்தில் இடியுடன்கூடிய மழை பெய்ய வாய்ப்பு உள்ளது என்று சென்னை வானிலை ஆய்வு மையம் தெரிவித்துள்ளது.
இதுகுறித்து வானிலை ஆய்வு மைய அதிகாரி வெள்ளிக்கிழமை கூறியது:
தென்கிழக்கு மற்றும் அதையொட்டிய தென்மேற்கு வங்கக்கடல் பகுதியில் வளிமண்டலத்தில் மேலடுக்கு சுழற்சி நிலவுகிறது. இதன் காரணமாக, தமிழகம் மற்றும் புதுச்சேரியின் ஒரு சில இடங்களில் அடுத்த 24 மணி நேரத்தில் மழையோ அல்லது இடியுடன்கூடிய மழையோ பெய்ய வாய்ப்பு உள்ளது. ஓரிரு இடங்களில் பலத்த மழை பெய்ய வாய்ப்பு உள்ளது. சென்னையில் பொதுவாக வானம் மேகமூட்டமாக காணப்படும். ஒரு சில இடங்களில் மழை பெய்யக் கூடும்.
காற்றழுத்த தாழ்வு நிலை: தாய்லாந்து மற்றும் வளைகுடா பகுதிகளில் வளிமண்டலத்தில் மேலடுக்கு சுழற்சி காணப்படுகிறது. இதன் காரணமாக, அக்டோபர் 22-இல் வடக்கு அந்தமானில் ஒரு காற்றழுத்த தாழ்வுநிலை உருவாக வாய்ப்பு உள்ளது.
நாடு முழுவதும் அடுத்த 48 மணி நேரத்தில், தென்மேற்கு பருவமழை விலகிச் செல்லும் சாதகமான சூழலும், அதைத்தொடர்ந்து ஓரிரு நாளில் வடகிழக்கு பருவமழை தொடங்குவதற்கான சாதகமான சூழலும் உள்ளது என்றார் அவர்.
ராஜபாளையத்தில் 120 மி.மீ.: வெள்ளிக்கிழமை காலை 8.30 மணி வரையிலான கடந்த 24 மணி நேரத்தில் விருதுநகர் மாவட்டம் ராஜபாளையத்தில் 120 மி.மீ. மழை பதிவாகியுள்ளது. ஸ்ரீவில்லிபுத்தூரில் 110 மி.மீ., தூத்துக்குடி மாவட்டம் கோவில்பட்டியில் 50 மி.மீ., விருதுநகர் மாவட்டம் வத்திராயிருப்பு, திருநெல்வேலி மாவட்டம் சிவகிரியில் தலா 40 மி.மீ. மழை பதிவாகியுள்ளது.
 

]]>
http://www.dinamani.com/tamilnadu/2018/oct/20/ஒரு-சில-இடங்களில்-மழைக்கு-வாய்ப்பு-3023100.html
3023099 தமிழ்நாடு வைகை, மஞ்சளாறு அணைகளில் இருந்து தண்ணீர் திறப்பு: முதல்வர் பழனிசாமி அறிவிப்பு DIN DIN Saturday, October 20, 2018 02:23 AM +0530
வைகை, மஞ்சளாறு மற்றும் பாலாறு பொருந்தலாறு ஆகிய அணைகளில் இருந்து பாசனம் மற்றும் குடிநீர்த் தேவைக்காக தண்ணீர் திறந்து விடப்படும் என்று முதல்வர் எடப்பாடி கே.பழனிசாமி அறிவித்துள்ளார்.
இது குறித்து அவர் வெளியிட்ட அறிவிப்பு: 
வைகை அணை: மதுரை மற்றும் சிவகங்கை மாவட்டங்களிலுள்ள பெரியாறு பிரதான பாசன பகுதிகளில் கடந்த ஏழு ஆண்டுகளாக போதிய மழை இல்லாத காரணத்தால், வைகை அணையில் இருந்து தண்ணீர் திறந்துவிட வேண்டுமென கோரிக்கைகள் வந்துள்ளன. இதையேற்று, மதுரை மற்றும் சிவங்கை மாவட்டங்களிலுள்ள பெரியாறு நீட்டிப்பு பாசனப் பகுதிகளுக்கு குடிநீர்த் தேவைக்காக 345.60 மில்லியன் கனஅடிக்கு மிகாமல் வைகை அணையில் இருந்து வரும் 22-ஆம் தேதி முதல் 20 நாள்களுக்கு தண்ணீர் திறந்து விடப்படும்.
மஞ்சளாறு: தேனி மாவட்டம் தேவதானப்பட்டி கிராமத்தில் உள்ள மஞ்சளாறு அணையில் இருந்து முதல் போக சாகுபடிக்கு வரும் 24 முதல் டிசம்பர் 15 வரை 60 கனஅடி வீதமும், டிசம்பர் 16 முதல் ஜனவரி 31 வரை 50 கனஅடி வீதமும், பிப்ரவரி 1 முதல் மார்ச் 15 வரை 45 கனஅடி வீதமும், புதிய ஆயக்கட்டு பகுதிகளுக்கு டிசம்பர் 1 முதல் பிப்ரவரி 28 வரை 30 கனஅடி வீதமும், மார்ச் 1 முதல் மார்ச் 15 வரை 20 கனஅடி வீதமும் என மொத்தம் 1035.50 மில்லியன் கனஅடி தண்ணீர் திறந்து விடப்படும்.
இதனால், தேனி, திண்டுக்கல் மாவட்டங்களில் உள்ள பழைய ஆயக்கட்டு, புதிய ஆயக்கட்டு பகுதிகளைச் சேர்ந்த 5 ஆயிரத்து 259 ஏக்கர் நிலங்கள் பாசன வசதி பெறும்.
பாலாறு பொருந்தலாறு: திண்டுக்கல் மாவட்டம் பாலாறு பொருந்தலாறு அணையில் இருந்து தாடாகுளம் முதல் போக பாசனத்துக்காக வரும் 24 முதல் மார்ச் 2 வரை தண்ணீர் திறந்து விடப்படும். இதனால், திண்டுக்கல் மாவட்டத்திலுள்ள 844 ஏக்கர் நிலங்கள் பாசன வசதி பெறும் என்று முதல்வர் பழனிசாமி தெரிவித்துள்ளார்.
 

]]>
http://www.dinamani.com/tamilnadu/2018/oct/20/வைகை-மஞ்சளாறு-அணைகளில்-இருந்து-தண்ணீர்-திறப்பு-முதல்வர்-பழனிசாமி-அறிவிப்பு-3023099.html
3023098 தமிழ்நாடு நாட்டின் முன்னோடி போராளி சிங்காரவேலர் : சீதாராம் யெச்சூரி DIN DIN Saturday, October 20, 2018 02:22 AM +0530
சுதந்திரப் போராட்ட காலத்தில் நாட்டின் முன்னோடிப் போராளியாக திகழ்ந்தவர் சிங்காரவேலர் என்று அகில இந்திய மார்க்சிஸ்ட் கம்யூனிஸ்ட் கட்சியின் பொதுச் செயலர் சீதாராம் யெச்சூரி புகழாரம் சூட்டினார்.
சென்னைப் பல்கலைக்கழத்தின் தமிழ் இலக்கியத் துறை, சிங்காரவேலர் சிந்தனை அறக்கட்டளை சார்பில் சென்னைப் பல்கலைக்கழக பவள விழா கலையரங்கில் சிந்தனைச் சிற்பி சிங்காரவேலர் என்ற தலைப்பில் சொற்பொழிவு வெள்ளிக்கிழமை நடைபெற்றது. சென்னைப் பல்கலைக்கழகத்தின் பொருளியல் துறை முன்னாள் தலைவர் மு.நாகநாதன் தலைமை வகித்தார். இதில், சிறப்பு விருந்தினராக கலந்துகொண்டு சீதாராம் யெச்சூரி பேசியது:
எழுத்தாளர், பத்திரிகையாளர், பலமொழிகளில் புலமைப் பெற்றவர் சிங்காரவேலர். அவர் தனது வழக்குரைஞர் தொழில் மூலம் அடக்குமுறையை எதிர்த்தும், அடித்தட்டு, தொழிலாளர்கள் நலனுக்காகவும் போராடியவர். சென்னை மாநகரத் தொழிலாளர்கள், தென்னிந்திய ரயில்வே தொழிலாளர்கள் போராட்டம், விவசாயிகள் போராட்டம் என பல்வேறு போராட்டங்களில் தீவிரமாகப் பங்கேற்றார். தொழிலாளர்களுக்கென தனிச் சட்டம் இயற்ற வேண்டும் எனத் தொடர்ந்து வலியுறுத்தி வந்தார்.
இந்தியாவில் முதன்முதலாக சென்னையில்தான் மே தினத்தை சிங்காரவேலர் கொண்டாடினர். மேலும் பல்வேறு குழுக்களாகப் பிரிந்து கிடந்த பொதுவுடமை இயக்கங்களை ஒன்றிணைத்து கடந்த 1925-இல் உத்தரப் பிரதேச மாநிலம் கான்பூரில் நடைபெற்ற பொதுவுடமைக் கட்சி மாநாட்டுக்கு சிங்காரவேலர் தலைமை வகித்தார்.
பொருளாதாரச் சுரண்டல், மதத்தாலும், சாதியாலும் மக்களை பிளவுபடுத்த முயற்சிக்கும் இந்த காலகட்டத்தில் சிங்காரவேலர் போன்ற பொதுவுடமைவாதிகளின் சித்தாந்தங்கள் நமக்கு அதிகம் தேவை என்றார். இந்நிகழ்ச்சியில், தமிழ் இலக்கியத் துறைத் தலைவர் ஒப்பில்லா மதிவாணன் உள்ளிட்டோர் கலந்து கொண்டனர்.


 

]]>
http://images.dinamani.com/uploads/user/imagelibrary/2018/10/20/w600X390/Sitaram.jpg நிகழ்ச்சியில் உரையாற்றுகிறார் மார்க்சிஸ்ட் கம்யூனிஸ்ட் கட்சியின் பொதுச் செயலர் சீதாராம் யெச்சூரி. http://www.dinamani.com/tamilnadu/2018/oct/20/நாட்டின்-முன்னோடி-போராளி-சிங்காரவேலர்--சீதாராம்-யெச்சூரி-3023098.html
3023097 தமிழ்நாடு மாணவிக்கு மருத்துவ இடம் வழங்க மறுப்பு : தனியார் கல்லூரிக்கு ரூ.1 லட்சம் அபராதம் DIN DIN Saturday, October 20, 2018 02:22 AM +0530
மருத்துவப் படிப்பில் சேர தகுதி இருந்தும் மாணவிக்கு இடம் மறுத்த கல்லூரி நிர்வாகத்துக்கு ரூ.1 லட்சம் அபராதம் விதித்தும், வரும் கல்வி ஆண்டில் அந்த மாணவிக்கு இடம் ஒதுக்கீடு செய்யவும் உயர்நீதிமன்றம் உத்தரவிட்டுள்ளது.
வழக்கு என்ன?: சென்னை உயர்நீதிமன்றத்தில் புதுச்சேரியைச் சேர்ந்த மாணவி மிதுனா தாக்கல் செய்த மனுவில், நான் 2018-2019 ஆம் கல்வி ஆண்டில் நடத்தப்பட்ட நீட் தேர்வில் 156 மதிப்பெண்கள் பெற்றேன். புதுச்சேரி அரியூரில் உள்ள வெங்கடேஸ்வரா மருத்துவக் கல்லூரியில் நிர்வாக ஒதுக்கீட்டின் கீழ் மருத்துவப் படிப்புக்கு விண்ணப்பித்தேன். நிர்வாக ஒதுக்கீட்டு இடத்துக்காக ரூ.16 லட்சத்தை வரைவோலையாக சென்டாக் அமைப்புக்குச் செலுத்தி கலந்தாய்வில் கலந்து கொண்டேன். எனினும், எனக்கு இடம் ஒதுக்கப்படவில்லை. 
எனவே, எனக்கு மருத்துவக் கல்லூரியில் இடம் ஒதுக்க உத்தரவிட வேண்டும் எனக் கோரியிருந்தார்.
இந்த வழக்கை விசாரித்த உயர்நீதிமன்றம், மனுதாரருக்கு சென்டாக் அமைப்பு இடம் ஒதுக்க வேண்டும். இதற்காக வெங்கடேஸ்வரா மருத்துவக் கல்லூரி ஒரு இடத்தை காலியாக வைத்திருக்க வேண்டும் என இடைக்கால உத்தரவு பிறப்பித்திருந்தது. 
இந்த வழக்கு நீதிபதி எஸ்.எஸ்.சுந்தர் முன் விசாரணைக்கு வந்தது. அப்போது மனுதாரர் தரப்பில், உயர்நீதிமன்றம் உத்தரவிட்ட பிறகும் மனுதாரருக்கு கல்லூரி நிர்வாகம் இடம் ஒதுக்கவில்லை. சென்டாக் அனுப்பிய பட்டியலில் இருந்து மாணவர்களைத் தேர்வு செய்து காலி இடங்களை நிரப்பாமல், கல்லூரி நிர்வாகம் தயார் செய்த பட்டியலில் இருந்து மாணவர்களைத் தேர்வு செய்து இடங்களை நிரப்பி உள்ளதாக தெரிவிக்கப்பட்டது. மாணவர் சேர்க்கை முடிவடைந்த பின்னர்தான் உயர் நீதிமன்ற உத்தரவு கிடைத்ததாகவும், இதன் காரணமாக மனுதாரருக்கு இடம் ஒதுக்க முடியவில்லை என கல்லூரி நிர்வாகத்தின் சார்பில் தெரிவிக்கப்பட்டது.
ரூ.1 லட்சம் இழப்பீடு வழங்க உத்தரவு: இந்த வழக்கை விசாரித்து நீதிபதி பிறப்பித்த உத்தரவு: இந்த விவகாரத்தில் நீதிமன்ற உத்தரவை கல்லூரி நிர்வாகம் மதிக்கவில்லை. மாணவியான மனுதாரருக்கு இடம் ஒதுக்காதது அதிர்ச்சி அளிப்பதோடு, சட்ட விரோதமானது. எனவே, வெங்கடேஸ்வரா மருத்துவக் கல்லூரி நிர்வாகம், மனுதாரருக்கு ரூ.1 லட்சம் இழப்பீடாக வழங்க வேண்டும். 
மேலும், புதுச்சேரியில் உள்ள ஏதாவது ஒரு தனியார் மருத்துவக் கல்லூரியில் வரும் 2019-2020-ஆம் கல்வி ஆண்டில் மனுதாரருக்கு நிர்வாக ஒதுக்கீட்டின் கீழ் இடம் ஒதுக்க வேண்டும். வெங்கடேஸ்வரா மருத்துவக் கல்லூரியின் நிர்வாக ஒதுக்கீட்டுக்கான மொத்த இடங்களில் 5 இடங்களைக் குறைக்க வேண்டும். சென்டாக் அனுப்பிய பட்டியலில் இல்லாதவர்களைக் கொண்டு நிரப்பப்பட்ட சேர்க்கையை ரத்து செய்ய இந்திய மருத்துவக் கவுன்சில் அல்லது சென்டாக் அமைப்பு நடவடிக்கை எடுக்க வேண்டும் என அந்த உத்தரவில் நீதிபதி குறிப்பிட்டுள்ளார்.
 

]]>
http://www.dinamani.com/tamilnadu/2018/oct/20/மாணவிக்கு-மருத்துவ-இடம்-வழங்க-மறுப்பு--தனியார்-கல்லூரிக்கு-ரூ1-லட்சம்-அபராதம்-3023097.html
3023096 தமிழ்நாடு தங்கம் பவுனுக்கு ரூ.72 அதிகரிப்பு DIN DIN Saturday, October 20, 2018 02:21 AM +0530
சென்னையில் ஆபரணத் தங்கத்தின் விலை வெள்ளிக்கிழமை பவுனுக்கு ரூ.72 உயர்ந்து ரூ.24,336- க்கு விற்பனை செய்யப்பட்டது. 
சென்னையில் வெள்ளிக்கிழமை நிலவரப்படி, ஆபரணத் தங்கம் ஒரு கிராம் ரூ.9 உயர்ந்து ரூ.3,042-க்கு விற்பனை செய்யப்பட்டது. வெள்ளி விலையில் மாற்றமில்லை. வெள்ளி கிராம் 41.70 ஆகவும், கட்டி வெள்ளி கிலோ ரூ.41,700 ஆகவும் இருந்தது.
வெள்ளிக்கிழமை விலை 
ரூபாயில் (ஜி.எஸ்.டி.தனி):
1 கிராம் தங்கம் 3,042
1 பவுன் தங்கம் 24,336
1 கிராம் வெள்ளி 41.70
1 கிலோ வெள்ளி 41,700
வியாழக்கிழமை விலை 
ரூபாயில் (ஜி.எஸ்.டி. தனி):
1 கிராம் தங்கம் 3,033
1 பவுன் தங்கம் 24,264
1 கிராம் வெள்ளி 41.70 
1 கிலோ வெள்ளி 41,700
 

]]>
http://www.dinamani.com/tamilnadu/2018/oct/20/தங்கம்-பவுனுக்கு-ரூ72-அதிகரிப்பு-3023096.html
3023095 தமிழ்நாடு காஞ்சிபுரம் தேவராஜ சுவாமி கோயிலில் வேதாந்த தேசிகரின் தமிழ் பிரபந்தம் பாடத் தடை DIN DIN Saturday, October 20, 2018 02:21 AM +0530
காஞ்சிபுரத்தில் உள்ள தேவராஜ சுவாமிகள் கோயிலில் வேதாந்த தேசிகரின் தமிழ் பிரபந்தத்தை பாடத் தடை விதித்து, சென்னை உயர்நீதிமன்றம் உத்தரவிட்டுள்ளது.
காஞ்சிபுரத்தில் உள்ள தேவராஜ சுவாமிகள் கோயிலில் வேதாந்த தேசிகரின் தமிழ் பிரபந்தத்தை பாட அனுமதி அளிக்கக் கோரி, ஏ.கே.சுபாஷ் என்பவர் உயர்நீதிமன்றத்தில் மனு தாக்கல் செய்தார். இந்த வழக்கை விசாரித்த நீதிபதி ஆர்.மகாதேவன், வேதாந்த தேசிகரின் பிரபந்தத்தைத் தமிழில் பாட அனுமதி வழங்கி வாய்மொழி உத்தரவிட்டு, இறுதி முடிவு எடுப்பதற்காக விசாரணையை ஒத்திவைத்திருந்தார்.
இதையடுத்து, ஒரு பிரிவினர் கோயிலில் வேதாந்த தேசிகரின் பிரபந்தத்தைப் பாடச் சென்றபோது, மற்றொரு பிரிவினர் அதற்கு எதிர்ப்பு தெரிவித்தனர். மேலும், வேதாந்த தேசிகரின் பிரபந்தத்தைத் தமிழில் பாடத் தடை விதிக்கக் கோரி கே.பி.சீனிவாசன் என்பவர் உயர்நீதிமன்றத்தில் வழக்கு தொடர்ந்தார். 
இந்த வழக்கு விடுமுறை தினமான வியாழக்கிழமை (அக்.18), நீதிபதி எஸ்.வைத்தியநாதன் வீட்டில் சிறப்பு வழக்காக விசாரிக்கப்பட்டது. அப்போது அரசுத் தரப்பில் ஆஜரான அரசு சிறப்பு வழக்குரைஞர் மகராஜன், இந்த விவகாரத்தால் வடகலை, தென்கலை பிரிவினருக்கு இடையே தொடர்ந்து பிரச்னை ஏற்பட்டு வருகிறது. இதனால் சட்டம்-ஒழுங்கு பாதிக்கப்படும் நிலை ஏற்பட்டுள்ளது. இந்த விவகாரத்தின் பிரதான வழக்கு வரும் 22 -ஆம் தேதி விசாரணைக்கு வருகிறது என்றார். அப்போது மனுதாரர் தரப்பில் ஆஜரான வழக்குரைஞர் மீனாள், செப்டம்பர் 21-ஆம் தேதி மட்டும் தேவராஜ சுவாமி கோயிலில் பிரபந்தம் பாட நீதிமன்றம் அனுமதி வழங்கியுள்ளது என்றார்.
இதனையடுத்து வழக்கை விசாரித்த நீதிபதி, இந்த வழக்கில் மறு உத்தரவு பிறப்பிக்கும் வரை தமிழில் பிரபந்தம் பாடக் கூடாது என உத்தரவிட்டார். மேலும், கோயில் என்பது அனைவரின் வழிபாட்டுக்கும் உரிய இடம். இதில் வடகலை, தென்கலை பிரிவினருக்கு இடையே ஏற்பட்டுள்ள கருத்து வேறுபாடு துரதிர்ஷ்டவசமானது என நீதிபதி வேதனை தெரிவித்தார்.
 

]]>
http://www.dinamani.com/tamilnadu/2018/oct/20/காஞ்சிபுரம்-தேவராஜ-சுவாமி-கோயிலில்-வேதாந்த-தேசிகரின்-தமிழ்-பிரபந்தம்-பாடத்-தடை-3023095.html
3023094 தமிழ்நாடு பி.எஸ்.என்.எல். விழாக்கால சலுகை அறிவிப்பு DIN DIN Saturday, October 20, 2018 02:20 AM +0530
விழாக்கால சலுகையாக வாடிக்கையாளர்களுக்கான கட்டணத்தில் சிறப்பு தள்ளுபடி திட்டத்தை பி.எஸ்.என்.எல். நிறுவனம் அறிவித்துள்ளது.
இதுகுறித்து பி.எஸ்.என்.எல். (சென்னை வட்டம்) செய்தி தொடர்பாளர் ஜி.விஜயா தெரிவித்துள்ளதாவது:
தனலட்சுமி என்ற திட்டத்தின்படி, ஆயுதபூஜை (அக்.18), தீபாவளி (நவ.7) ஆகிய பண்டிகைகளுக்கு இடைப்பட்ட காலத்தில் தொலைபேசி, செல்லிடப்பேசி மற்றும் இதர சேவைகளுக்கான கட்டணங்களை கடைசி தேதிக்குள் செலுத்துபவர்களுக்கு சேவை வரி நீங்கலாக உள்ள தொகையில் தள்ளுபடி அளிக்கப்படும். வரும் மாதங்களுக்கான பில்களை முன்னதாக செலுத்துபவர்களுக்கும் இந்த தள்ளுபடி சலுகை உண்டு.
அதன்படி, ஆயுத பூஜை, தீபாவளி ஆகிய பண்டிகைகளுக்கு இடைப்பட்ட காலத்தில் கட்டணத் தொகையை செலுத்துவோருக்கு ஒரு சதவீதம் தள்ளுபடி கணக்கிடப்பட்டு வழங்கப்படும். இந்த விழாக் காலத்தில், அடுத்த 5 மாதங்களுக்கான கட்டணத் தொகைகளை முன்னதாக செலுத்துவோருக்கு 3 சதவீதம் தள்ளுபடி வழங்கப்படும்.
விழாக்கால நாள்களில் கட்டணத் தொகையை செலுத்தும் அனைத்து பி.எஸ்.என்.எல். என்டர்பிரைஸ் வாடிக்கையாளர் நிறுவனங்களின் அனைத்து கட்டணத் தொகைகளுக்கும் 2 சதவீதம் தள்ளுபடி வழங்கப்படும். மேலும் விவரங்களுக்கு அருகிலுள்ள வாடிக்கையாளர் சேவை மையத்தை தொடர்பு கொள்ளலாம். விழாக்கால சலுகையை வாடிக்கையாளர்கள் பெறும் வகையில், பி.எஸ்.என்.எல். சேவை மையங்கள் அனைத்தும் வழக்கம்போல இயங்கும் என அந்தச் செய்திக்குறிப்பில் தெரிவிக்கப்பட்டுள்ளது.

]]>
http://www.dinamani.com/tamilnadu/2018/oct/20/பிஎஸ்என்எல்-விழாக்கால-சலுகை-அறிவிப்பு-3023094.html
3023093 தமிழ்நாடு விஜயதசமி: ஆளுநருக்கு முதல்வர் வாழ்த்து DIN DIN Saturday, October 20, 2018 02:19 AM +0530
விஜயதசமி திருநாளை ஒட்டி, ஆளுநர் பன்வாரிலால் புரோஹித்துக்கு முதல்வர் எடப்பாடி கே.பழனிசாமி வாழ்த்துத் தெரிவித்துள்ளார்.
இது குறித்து தமிழக அரசு வியாழக்கிழமை வெளியிட்ட செய்தி:-விஜயதசமி திருநாளை ஒட்டி, ஆளுநர் பன்வாரிலால் புரோஹித்துக்கு வாழ்த்துக் கடிதத்தை முதல்வர் பழனிசாமி அனுப்பியுள்ளார். 
அந்தக் கடிதத்தில், விஜயதசமி திருநாளை ஒட்டி, தங்களுக்கும், தங்களது மனைவி மற்றும் குடும்ப உறுப்பினர்கள் அனைவருக்கும் எனது மனமார்ந்த வாழ்த்துகளைத் தெரிவித்துக் கொள்கிறேன். 
இந்த விஜயதசமி திருநாளானது தங்களுக்கும், தங்களுடைய குடும்பத்துக்கும் 
நீண்ட அமைதியையும், மகிழ்ச்சியையும், நல்ல உடல் நலத்தையும் கொடுக்கட்டும் என்று வாழ்த்துக் கடிதத்தில் தெரிவித்துள்ளார்.
தனக்கு வாழ்த்துத் தெரிவித்த முதல்வருக்கு, தமிழக ஆளுநர் பன்வாரிலால் புரோஹித் நன்றி தெரிவித்ததாக தமிழக அரசின் செய்தியில் தெரிவிக்கப்பட்டுள்ளது.
 

]]>
http://www.dinamani.com/tamilnadu/2018/oct/20/விஜயதசமி-ஆளுநருக்கு-முதல்வர்-வாழ்த்து-3023093.html
3023091 தமிழ்நாடு பாபநாசம் அருகே காவிரியில் மூழ்கி 4 மாணவர்கள் சாவு : இருவரை தேடும் பணி தீவிரம் DIN DIN Saturday, October 20, 2018 01:55 AM +0530
தஞ்சாவூர் மாவட்டம், பாபநாசம் அருகே காவிரியாற்றில் வெள்ளிக்கிழமை குளித்த 7 மாணவர்களில் 4 பேர் தண்ணீரில் மூழ்கி உயிரிழந்தனர்; 2 பேர் மாயமாகினர். மற்றொரு மாணவர் தப்பினார்.
பாபநாசம் அருகேயுள்ள கபிஸ்தலம் சீத்தாலெட்சுமிபுரம் பகுதியை சேர்ந்த சேகர் மகன் மணிகண்டன்(17). இவர் தஞ்சாவூர் அருகே வல்லம் பகுதியிலுள்ள ஒரு பொறியியல் கல்லூரியில் டி.எம்.இ. படித்து வந்தார். அதே பகுதியை சேர்ந்தவர்கள் சாமிநாதன் மகன் கதிரவன் (17). இவர் கும்பகோணத்திலுள்ள ஒரு மேல்நிலைப் பள்ளியில் பிளஸ் 2 படித்து வந்தார். 
பாலகிருஷ்ணன் மகன் சிவபாலன் (15). கருப்பையன் மகன் ஸ்ரீ நவீன் (14). இவர்கள் கபிஸ்தலத்திலுள்ள ஒரு தனியார் மெட்ரிகுலேசன் பள்ளியில் முறையே 10, 9ஆம் வகுப்பு படித்து வந்தனர். குமார் என்பவரின் மகன் விஷ்ணுபிரியன் (13). இவர் கபிஸ்தலம் அருகே ஆடுதுறை பெருமாள்கோவில் கிராமத்திலுள்ள ஒரு தனியார் மெட்ரிக் பள்ளியில் 9ஆவது படித்து வந்தார். தியாகராஜன் மகன் வெங்கடேசன் (18). இவர் பாபநாசம் அருகே நெடுந்தெரு கிராமத்திலுள்ள அரசு தொழிற்பயிற்சி கல்லூரியில் டி.எம்.இ. படித்து வந்தார். பாஸ்கர் மகன் சஞ்சய் (14). கபிஸ்தலம் கோவிந்தசாமி மூப்பனார் மேல்நிலைப் பள்ளியில் 9ஆம் வகுப்பு படித்து வந்தார்.
விஜயதசமியையொட்டி விடுமுறை விடப்பட்டதால், இவர்கள் அனைவரும் வெள்ளிக்கிழமை தாங்கள் வசித்து வரும் பகுதிக்கு அருகேயுள்ள முனியாண்டவர் கோயில் காவிரி படித்துறையில் குளிக்கச் சென்றனர்.
ஆற்றில் குளித்துக் கொண்டிருந்தபோது எதிர்பாராதவிதமாக 7 பேரும் தண்ணீரில் மூழ்கினர். இவர்களில் நீந்தி கரை சேர்ந்த சஞ்சய் கூச்சலிட்டதால் அங்கு வந்தவர்கள் அளித்த தகவலின்பேரில், கபிஸ்தலம் போலீஸார் மற்றும் பாபநாசம் தீயணைப்பு மீட்புப் படையினர் ஆகியோர் சம்பவ இடத்துக்கு வந்து மாணவர்களை தேடும் பணியில் ஈடுபட்டனர். 
நீண்டநேர தேடலுக்கு பிறகு மணிகண்டன், விஷ்ணுபிரியன், வெங்கடேசன், ஸ்ரீநவீன் ஆகிய 4 பேரும் சடலங்களாக மீட்கப்பட்டனர். 
சடலங்கள் பிரேதப் பரிசோதனைக்காக பாபநாசம் அரசு மருத்துவமனைக்கு அனுப்பி வைக்கப்பட்டது. 
மாயமான மற்ற இருவரையும் தேடும் பணி தீவிரமாக நடைபெற்று வருகிறது. ஒரே கிராமத்தைச் சேர்ந்த 4 மாணவர்கள் தண்ணீரில் மூழ்கி உயிரிழந்தது அப்பகுதியினரிடையே மிகுந்த சோகத்தை ஏற்படுத்தியுள்ளது.

]]>
http://images.dinamani.com/uploads/user/imagelibrary/2018/10/20/w600X390/dead.jpg http://www.dinamani.com/tamilnadu/2018/oct/20/பாபநாசம்-அருகே-காவிரியில்-மூழ்கி-4-மாணவர்கள்-சாவு--இருவரை-தேடும்-பணி-தீவிரம்-3023091.html
3023090 தமிழ்நாடு இலங்கையில் 28 ஆயிரம் தமிழர்களுக்கு இலவச வீடுகள் கட்டித் தர நடவடிக்கை: அமைச்சர் சுவாமிநாதன் பேட்டி DIN DIN Saturday, October 20, 2018 01:55 AM +0530
இலங்கையில் வருகிற டிசம்பர் 31-ஆம் தேதிக்குப் பிறகு 28 ஆயிரம் தமிழர்களுக்கு இலவச வீடுகள் கட்டித் தர நடவடிக்கை எடுக்கப்பட்டு வருவதாக அந்த நாட்டின் அமைச்சர் சுவாமிநாதன் கூறினார்.
திருவண்ணாமலை ஸ்ரீஅருணாசலேஸ்வரர் கோயிலில் வழிபட்ட பின்னர், செய்தியாளர்களுக்கு இலங்கை அமைச்சர் சுவாமிநாதன் அளித்த பேட்டி: இலங்கைத் தமிழர்களுக்கும், ராணுவத்துக்கும் இடையே நடைபெற்ற இறுதிக் கட்ட போரின்போது ராணுவத்தால் ஏராளமான பகுதிகள் கைப்பற்றப்பட்டன.
இந்தப் பகுதிகள் அனைத்தும் வருகிற டிசம்பர் 31-ஆம் தேதிக்குள் விடுவிக்கப்படும். அந்தப் பகுதிகளில் தமிழர்களை மீண்டும் குடியமர்த்துவதற்கான நடவடிக்கைகளை இலங்கை அரசு எடுத்து வருகிறது.
டிசம்பர் 31-ஆம் தேதிக்குப் பிறகு 28 ஆயிரம் இலங்கைத் தமிழர்களுக்கு இலவச வீடுகள் கட்டித் தர இலங்கை அரசு நடவடிக்கை எடுத்து வருகிறது. தமிழக மீனவர் பிரச்னை குறித்து இலங்கை, இந்திய நாடுகளின் பிரதமர்கள் சேர்ந்து பேசி, தீர்வு காண வேண்டும் என்றார் அவர்.


 

]]>
http://images.dinamani.com/uploads/user/imagelibrary/2018/10/20/w600X390/saminathan.jpg ஸ்ரீஅருணாசலேஸ்வரர் கோயிலில் சுவாமி தரிசனம் செய்த இலங்கை இந்து சமய விவகாரத் துறை அமைச்சர் சுவாமிநாதன், அவரது மகள் சோபனா உள்ளிட்டோர். http://www.dinamani.com/tamilnadu/2018/oct/20/இலங்கையில்-28-ஆயிரம்-தமிழர்களுக்கு-இலவச-வீடுகள்-கட்டித்-தர-நடவடிக்கை-அமைச்சர்-சுவாமிநாதன்-பேட்டி-3023090.html
3023088 தமிழ்நாடு அரசுப் பள்ளி மாணவரும் சாதனையாளர் ஆகலாம்: இஸ்ரோ தலைவர் கே. சிவன் DIN DIN Saturday, October 20, 2018 01:53 AM +0530
அரசுப் பள்ளி மாணவரும் நன்றாகப் படித்து அறிவியல் அறிவை வளர்த்துக் கொண்டால் சாதனையாளர் ஆகலாம் என்று இஸ்ரோ தலைவர் கே. சிவன் கூறினார்.
நாகர்கோவில் அருகே சரக்கல்விளையில் தான் படித்த பள்ளியில் வெள்ளிக்கிழமை புதிய கட்டடத்தைத் திறந்துவைத்த பின்னர், அவர் செய்தியாளர்களிடம் கூறியது: விண்வெளித் துறையில் இஸ்ரோ அபார வளர்ச்சியைப் பெற்றுள்ளது. இதில் மக்களின் வாழ்வாதாரத் தேவைகள் உள்ளிட்டவற்றுக்கு உதவும் வகையிலான பணிகளுக்கு முக்கியத்துவம் கொடுப்பதால், விண்வெளிக்கு மனிதனை அனுப்பும் பணிகளில் இஸ்ரோ இதுவரை ஈடுபடவில்லை.
மீனவர்கள் கடலில் மீன்களைக் கண்டறியும் தொழில்நுட்பம் உள்பட இஸ்ரோ மீனவர்களுக்கு பல்வேறு தொழில்நுட்பங்களை அளித்து வருகிறது. மீனவர்களுக்கு கடல் எல்லைகளைக் கண்டறியும் கருவிகளை கொடுப்பதற்கு இஸ்ரோ கவனம் செலுத்தி வருகிறது. இது மீனவர்களின் எல்லைப் பிரச்னைக்கு தீர்வாக அமையும்.
இஸ்ரோ செயல்படுத்தும் டெலிமெடிசின் திட்டம் நோயாளிகள் மருத்துவமனைகளுக்கு செல்லாமலேயே மருத்துவ வசதியைப் பெறும் திட்டமாகும். இத்திட்டம் மேலும் நவீனப்படுத்தப்படும்.
2022-ஆம் ஆண்டு ஆகஸ்ட் 15-ஆம் தேதி விண்வெளிக்கு மனிதனை அனுப்பும் திட்டத்துக்கான பணிகளை இஸ்ரோ மேற்கொண்டு வருகிறது. இதன்மூலம் இத்திட்டத்தில் உலகின் நான்காவது நாடாக இந்தியா வெற்றியடையும்.
அரசுப் பள்ளிகளில் பயிலும் மாணவர்கள் பெரிய சாதனையாளர்களாக வர முடியாது என்ற எண்ணத்தை மாற்றிக் கொள்ள வேண்டும். நன்றாகப் படித்து அறிவியல் அறிவை வளர்த்துக் கொண்டால், அரசுப் பள்ளி மாணவர்களும் சாதனையாளர்களாக வலம் வர முடியும் என்றார் அவர்.
 

]]>
http://images.dinamani.com/uploads/user/imagelibrary/2018/8/13/w600X390/sivan.jpg http://www.dinamani.com/tamilnadu/2018/oct/20/அரசுப்-பள்ளி-மாணவரும்-சாதனையாளர்-ஆகலாம்-இஸ்ரோ-தலைவர்-கே-சிவன்-3023088.html
3023087 தமிழ்நாடு மனோன்மணீயம் பல்கலை. ஊழியர்கள் 42 பேர் பணி நீக்கம்: ராமதாஸ் கண்டனம் DIN DIN Saturday, October 20, 2018 01:53 AM +0530
மனோன்மணீயம் சுந்தரனார் பல்கலைக்கழக பணியாளர்கள் 42 பேர் பணி நீக்கம் செய்யப்பட்டுள்ளதற்கு பாமக நிறுவனர் ராமதாஸ் கண்டனம் தெரிவித்துள்ளார்.
இதுதொடர்பாக அவர் வெள்ளிக்கிழமை வெளியிட்ட அறிக்கை: 
திருநெல்வேலி மனோன்மணீயம் சுந்தரனார் பல்கலைக்கழகத்தில் ஆசிரியர்கள் அல்லாத பணியாளர்கள் 42 பேர் கடந்த 2008 -ஆம் ஆண்டு முறையான தேர்வுகளின் மூலம் நியமிக்கப்பட்டனர். 10 ஆண்டுகளுக்கும் மேலாகப் பணியாற்றி வரும் தங்களை பணி நிரந்தரம் செய்ய வேண்டும் என்று கோரிக்கை விடுத்து வந்த நிலையில், திடீரென அவர்கள் பணிநீக்கம் செய்யப்பட்டுள்ளனர். இதற்காக பல்கலைக்கழக நிர்வாகம் கூறியுள்ள காரணம் ஏற்க முடியாததாகும்.
தகுதியற்ற ஒப்பந்தப் பணியாளர்களை பணியமர்த்தக்கூடாது என்று கடந்த 2006 -ஆம் ஆண்டில் கர்நாடக உயர்நீதிமன்றம் அளித்த தீர்ப்பைக் காரணம் காட்டியும், 42 பணியாளர்களும் தகுதியில்லாமல் ஒப்பந்தப் பணியாளர்களாகப் பணியாற்றி வருகின்றனர் என்று கூறியும் அவர்களைப் பல்கலைக்கழக நிர்வாகம் பணிநீக்கம் செய்துள்ளது.
கர்நாடக உயர்நீதிமன்றம் இந்தத் தீர்ப்பை வழங்கி 2 ஆண்டுகளுக்குப் பிறகுதான் இவர்கள் பணியமர்த்தப்பட்டனர். முறையாக நேர்காணல் நடத்தப்பட்டு, கல்வித் தகுதி சரிபார்க்கப்பட்ட பிறகுதான் அனைவரும் பணியமர்த்தப்பட்டனர். அது மட்டுமின்றி, கடந்த 10 ஆண்டுகளாக அவர்களுக்கு கொடுக்கப்பட்ட பணியை எந்தக் குறையும் இல்லாமல் செய்து வந்துள்ளனர். அது மட்டுமின்றி, பல்கலைக்கழகத்தின் தற்போதைய துணைவேந்தர் பாஸ்கரன், கடந்த 2016 -ஆம் ஆண்டு பிப்ரவரி மாதம் பதவியேற்றது முதல் இப்போது வரையிலான இரண்டரை ஆண்டுகளில் இவர்களின் கல்வித் தகுதி மற்றும் பணி குறித்து எந்த விமர்சனமும் செய்யவில்லை. அவ்வாறு இருக்கும்போது, திடீரென அவர்களுக்கு தகுதி இல்லை என்று கூறி பணி நீக்கம் செய்வது பழிவாங்கும் நடவடிக்கை என்று ராமதாஸ் கூறியுள்ளார்.
 

]]>
http://www.dinamani.com/tamilnadu/2018/oct/20/மனோன்மணீயம்-பல்கலை-ஊழியர்கள்-42-பேர்-பணி-நீக்கம்-ராமதாஸ்-கண்டனம்-3023087.html
3023086 தமிழ்நாடு உளுந்தூர்பேட்டை அருகே லாரி மீது பேருந்து மோதி தீப்பிடித்தது: 4 பேர் சாவு DIN DIN Saturday, October 20, 2018 01:53 AM +0530
விழுப்புரம் மாவட்டம், உளுந்தூர்பேட்டை அருகே வெள்ளிக்கிழமை அதிகாலை சிமெண்ட் டேங்கர் லாரி மீது தனியார் சொகுசுப் பேருந்து மோதியதில் இரு வாகனங்களும் தீப்பற்றி எரிந்தன. இந்த விபத்தில் ஓட்டுநர்கள் உள்பட 4 பேர் தீயில் கருகி உயிரிழந்தனர். 
அரியலூர் சிமென்ட் ஆலையிலிருந்து வியாழக்கிழமை கோயம்புத்தூர் மாவட்டம், சூலூரைச் சேர்ந்த வெங்கடேசனுக்குச் சொந்தமான லாரி சிமெண்ட் ஏற்றிக் கொண்டு புறப்பட்டது. ஆந்திர மாநிலம் நெல்லூருக்குச் செல்ல வேண்டிய இந்த லாரி, வெள்ளிக்கிழமை அதிகாலை 2 மணியளவில், விழுப்புரம் மாவட்டம், உளுந்தூர்பேட்டை புறவழிச் சாலை அஜீஸ் நகர் பகுதியில் வந்து கொண்டிருந்தது. லாரியை திருநெல்வேலி மாவட்டம், சேரன்மகாதேவியைச் சேர்ந்த முருகன் (55) ஓட்டி வந்தார்.
வழி தெரியாமல் திணறிய ஓட்டுநர், சேலம் புறவழிச் சாலையில் செல்வதற்காக லாரியை திடீரென திருப்பியதாகத் தெரிகிறது. அந்த நேரத்தில், சென்னையிலிருந்து 23 பயணிகளுடன் மதுரை நோக்கி அதிவேகமாக பின்னால் வந்து கொண்டிருந்த தனியார் சொகுசுப் பேருந்து, அந்த லாரியின் பின்புறம் மோதியது. 
இதில் லாரியின் டீசல் டேங்க் உடைந்து தீப்பிடித்தது. லாரியில் பற்றிய தீ பேருந்துக்கும் வேகமாகப் பரவி எரியத் தொடங்கியது. இதையடுத்து, பேருந்திலிருந்த பெரும்பாலான பயணிகள், அவசர வழி கண்ணாடிகளை உடைத்துக் கொண்டு வெளியேறினர்.
எனினும், பேருந்தின் ஓட்டுநரான மதுரை மாவட்டம், அலங்காநல்லூரைச் சேர்ந்த பொன்னழகு மகன் அலெக்சாண்டர் (55), கிளீனர் மதுரை பராசக்தி நகரைச் சேர்ந்த மணிப்பிள்ளை மகன் சக்திவேல் (57), லாரி ஓட்டுநர் முருகன், பேருந்தில் பயணம் செய்த விருதுநகர் மாவட்டம், அருப்புக்கோட்டையைச் சேர்ந்த சந்திரன் மகள் மோனிஷா (25) ஆகிய நான்கு பேரும் நிகழ்விடத்திலேயே தீயில் கருகி உயிரிழந்தனர். விபத்தில் உயிரிழந்த மோனிஷா, சென்னை மென்பொருள் நிறுவனத்தில் பணியாற்றி வந்தார்.
இந்த விபத்தில், பேருந்தில் வந்த மதுரை கிருஷ்ணாபுரம் காலனியை சேர்ந்த நாகேந்திரன் மகன் கேசவன்(30), மதுரை கரிகால்குளம் பகுதியைச் சேர்ந்த ஜெயக்கொடி மகன் தியாகு (28) ஆகியோர் பலத்த காயங்களுடன் விழுப்புரம் அரசு மருத்துவக் கல்லூரி மருத்துவமனையில் அனுமதிக்கப்பட்டனர். காஞ்சிபுரம் மாவட்டம், செங்கல்பட்டு பகுதியைச் சேர்ந்த ராஜேந்திரன் மனைவி செல்வநாயகி (60), மதுரை பழங்காநத்தம் ராஜகோபால் மனைவி வைதேகி(51), சென்னை வேளச்சேரி நாகசாமி மகன் தமிழ்ச்செல்வன் (29) உள்ளிட்ட 10 பேர் பேருந்தின் இடிபாடுகளில் சிக்கி, காயங்களுடன் உளுந்தூர்பேட்டை அரசு மருத்துவமனையில் அனுமதிக்கப்பட்டனர்.
உளுந்தூர்பேட்டை, மங்கலம்பேட்டை பகுதி தீயணைப்புப் படையினர், நிகழ்விடத்துக்கு விரைந்து சென்று, பேருந்து, லாரி மீது தண்ணீரை பீய்ச்சியடித்து தீயை முற்றிலும் அணைத்தனர். அதற்குள் இரு வாகனங்களும் முற்றிலும் எரிந்து உருக்குலைந்தன. டிஎஸ்பிக்கள் ராமநாதன், ராஜேந்திரன், எடைக்கல் காவல் ஆய்வாளர் அகிலன் மற்றும் போலீஸார் தீக்கிரையாகி நின்ற வாகனங்களை அப்புறப்படுத்தி, காயமடைந்தவர்களை மீட்டு மருத்துவமனைக்கு அனுப்பி வைத்தனர். விழுப்புரம் மாவட்டக் காவல் கண்காணிப்பாளர் எஸ்.ஜெயக்குமார் சம்பவ இடத்துக்கு விரைந்து சென்று பார்வையிட்டு, மீட்புப் பணிகளை முடுக்கிவிட்டார். 
தீயில் கருகி உயிரிழந்த 4 பேரின் சடலங்களும் உளுந்தூர்பேட்டை அரசு மருத்துவமனைக்கு அனுப்பி வைக்கப்பட்டன. இந்த விபத்து குறித்து எடைக்கல் போலீஸார் வழக்குப் பதிந்து விசாரணை நடத்தி வருகின்றனர்.
இந்த விபத்தால் திருச்சி - சென்னை தேசிய நெடுஞ்சாலையில், சுமார் 3 மணி நேரம் போக்குவரத்து பாதிக்கப்பட்டது. வாகனங்களை மாற்றுச் சாலையில் போலீஸார் திருப்பி விட்டு போக்குவரத்தை சீரமைத்தனர்.


 

]]>
http://images.dinamani.com/uploads/user/imagelibrary/2018/10/20/w600X390/axident.jpg தீக்கிரையாகி எலும்புக்கூடாகக் காட்சியளிக்கும் லாரி, சொகுசுப் பேருந்து. http://www.dinamani.com/tamilnadu/2018/oct/20/உளுந்தூர்பேட்டை-அருகே-லாரி-மீது-பேருந்து-மோதி-தீப்பிடித்தது-4-பேர்-சாவு-3023086.html
3023085 தமிழ்நாடு தூத்துக்குடியில் நாட்டுப்படகு மீனவர்கள் திடீர் வேலைநிறுத்தம் DIN DIN Saturday, October 20, 2018 01:52 AM +0530
தூத்துக்குடியில் நாட்டுப் படகு மீனவர்கள் திடீரென காலவரையற்ற வேலைநிறுத்தப் போராட்டத்தை வெள்ளிக்கிழமை தொடங்கினர்.
தூத்துக்குடியில் விசைப்படகுகள் கடலில் இரவில் தங்கி மீன்பிடிக்க அரசு தடை விதித்துள்ளது. 
இந்நிலையில், நீதிமன்றத்தில் ஓர் உத்தரவை பெற்று, ஆழ்கடலுக்கு மீன்பிடிக்கச் சென்ற 33 விசைப்படகுகள் மீது நடவடிக்கை எடுக்க வலியுறுத்தி நாட்டுப்படகு மீனவர்கள் வெள்ளிக்கிழமை திடீரென போராட்டத்தை தொடங்கினர்.
அரசு அனுமதி பெறாமல் விசைப்படகு மீனவர்கள் தங்குகடல் மீன்பிடிக்கச் சென்றுள்ளதாகவும், கடலில் நாட்டுப்படகு மீனவர்கள் மீன்பிடித்துக் கொண்டிருக்கும்போது விசைப்படகு மோதி, நாட்டுப் படகு சேதம் அடைந்துள்ளதாகவும் அவர்கள் குற்றம்சாட்டினர்.
இதுதொடர்பாக அடுத்தகட்ட நடவடிக்கை குறித்து ஆலோசனை நடத்துவதற்காக திரேஸ்புரம் வடபாகம் நாட்டுப்படகு மீனவ பொதுபஞ்சாயத்து நிர்வாகிகள் வெள்ளிக்கிழமை தங்களது சங்க அலுவலகத்தில் திரண்டனர். அவர்களிடம் மீன்வளத் துறை அதிகாரிகள் போராட்டத்தை கைவிடும்படி பேச்சுவார்த்தை நடத்தினர்.
இதுகுறித்து, நாட்டுப்படகு மீனவர் சங்க நிர்வாகிகள் கூறுகையில், தூத்துக்குடியில் கடலில் தங்கி மீன்பிடிக்கச் சென்ற விசைப்படகு உரிமையாளர்கள் மீது கடும் நடவடிக்கை எடுக்க வேண்டும் என்றும், அதுவரை ஏறத்தாழ 1,500 நாட்டுப் படகுகள் கடலுக்கு மீன்பிடிக்கச் செல்வது இல்லை என்றும் தெரிவித்தனர்.
நாட்டுப் படகு மீனவர்களின் வேலைநிறுத்தப் போராட்டம் காரணமாக, தூத்துக்குடி திரேஸ்புரம் கடற்கரைப் பகுதியில் ஏராளமான படகுகள் நிறுத்தி வைக்கப்பட்டுள்ளன.
 

]]>
http://www.dinamani.com/tamilnadu/2018/oct/20/தூத்துக்குடியில்-நாட்டுப்படகு-மீனவர்கள்-திடீர்-வேலைநிறுத்தம்-3023085.html