Dinamani - தமிழ்நாடு - http://www.dinamani.com/tamilnadu/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2982922 தமிழ்நாடு கன்னியாகுமரியில் மழையின் தாக்கம் குறைந்தும் இயல்பு நிலைக்கு திரும்பாத மக்கள் கன்னியாகுமரி DIN Saturday, August 18, 2018 08:56 AM +0530 கன்னியாகுமரி மாவட்டத்தில் மழையில் தாக்கம் குறைந்தபோதும், வீட்டுக்குள் தேங்கிய மழைநீர் வடியாததால் மக்கள் இயல்பு நிலைக்கு திரும்பவில்லை. 
தென்மேற்குப் பருவமழையால் குமரி மாவட்டத்தில் உள்ள அணைகளிலிருந்து திறந்து விடப்பட்ட உபரிநீர், கரையோரப் பகுதிகள், மலைக் கிராமங்கள் உள்ளிட்ட பகுதிகளை சூழ்ந்தது.
இதில், குற்றியாணி, கீரிப்பாறை, திருவட்டாறு, முன்சிறை, மங்காடு, தெரிசனங்கோப்பு, ஈசாந்திமங்கலம், குழித்துறை மற்றும் சுற்றுப்புற பகுதிகளைச் சேர்ந்த மக்கள் பெரும் பாதிப்புக்குள்ளாகியுள்ளனர். வெள்ளத்தால் பாதிக்கப்பட்டவர்களுக்கு பாதுகாப்பு அளிக்கும் வகையில் தற்காலிக முகாம்கள் அமைக்கப்பட்டுள்ளன. மாவட்டம் முழுவதும் 1 லட்சத்துக்கும் மேலானோர் மழை வெள்ளத்தால்  பாதிக்கப்பட்டுள்ளனர். இந்நிலையில் கடந்த 2 நாள்களாக மழையின் தாக்கம் சற்று குறைந்தது.
அதிகபட்சமாக பாலமோரில் 59.4 மி.மீ. மழை பதிவாகி இருந்தது. பேச்சிப்பாறையில் 19, பெருஞ்சாணியில் 17, சிற்றாறு 1இல் 32, சிற்றாறு 2இல் 17, கன்னிமாரில் 8, குழித்துறையில் 18, புத்தன்அணையில் 18, சுருளோட்டில் 12, தக்கலையில் 11, குளச்சலில் 16, மாம்பழத்துறையாறில் 13, கோழிப்போர்விளையில் 15, அடையாமடையில் 18, குருந்தன்கோட்டில் 10, முள்ளங்கினாவிளையில் 14, திற்பரப்பில் 13 மி.மீ. மழை பதிவாகியிருந்தது.
வெள்ளிக்கிழமை மாலை  நிலவரப்படி பெருஞ்சாணி அணையின் நீர்மட்டம் 73.80 அடியாக இருந்தது. அணைக்கு 3952 கனஅடி நீர்வரத்து இருந்தது. அணையிலிருந்து 3952 கனஅடி உபரிநீர் திறந்து விடப்பட்டுள்ளது. சிற்றாறு 1இல் 524 கனஅடி நீர்வரத்து உள்ளது.  அணையின் நீர்மட்டம் 15.84 அடியாக உள்ளது. அணையிலிருந்து 536 கனஅடி நீர் வெளியேற்றப்பட்டு வருகிறது. 
பேச்சிப்பாறை அணையின் நீர்மட்டம் 38.25 அடியாக இருந்தது. வெள்ளிக்கிழமை மாலையில் 6375 கனஅடி நீர்வரத்து இருந்தது. அணையிலிருந்து 9292 கனஅடி நீர் திறந்துவிடப்பட்டுள்ளது.  
கீரிப்பாறையில் தண்ணீரால் அடித்து செல்லப்பட்ட பாலத்தை சீரமைக்கும் பணியில் மாவட்ட நிர்வாகம் ஈடுபட்டுள்ளது. தெரிசனங்கோப்பு, குழித்துறை மற்றும் மலைக் கிராமங்களில் வீடுகளை சூழ்ந்த வெள்ளம் வடியத் தொடங்கியுள்ளது. 
மார்த்தாண்டம், முன்சிறை, மங்காடு, விரிவிளை, ஏழூர்முக்கு, பணமுகம் போன்ற பகுதிகளில் வீடுகளை சூழ்ந்த மழைநீர் வடியாததால் மக்கள் அவதியடைந்து வருகின்றனர். மழையின் வேகம் குறைந்தபோதும் ரப்பர், தேங்காய் சார்ந்த தொழில்கள் 15 நாள்களுக்கும் மேலாக முடங்கியுள்ளன. தொடர்ந்து 4 நாள்களுக்கு மேல் மழை நின்றால் மட்டுமே, குமரியில் இயல்பான சூழல் திரும்ப வாய்ப்பிருப்பதாக பாதிக்கப்பட்ட மக்கள் தெரிவித்தனர்.
 

]]>
http://images.dinamani.com/uploads/user/imagelibrary/2018/8/18/w600X390/kann.jpg http://www.dinamani.com/tamilnadu/2018/aug/18/கன்னியாகுமரியில்-மழையின்-தாக்கம்-குறைந்தும்-இயல்பு-நிலைக்கு-திரும்பாத-மக்கள்-2982922.html
2982780 தமிழ்நாடு நீலகிரியில் தொடரும் மழை: மேலும் 3 நாள்கள் நீடிக்கும் என்பதால் மக்கள் அச்சம் நீலகிரி DIN Saturday, August 18, 2018 08:00 AM +0530 நீலகிரி மாவட்டத்தில் தென்மேற்குப் பருவ மழை தொடர்ந்து வலுத்து வரும் நிலையில், மேலும் 3 நாள்களுக்கு மழை நீடிக்கும் என வானிலை ஆய்வு மையம் அறிவித்துள்ளதால் மக்கள் அச்சமடைந்துள்ளனர். 
 நீலகிரி மாவட்டத்தில் கடந்த ஒரு வாரமாகத் தொடர்ந்து பெய்து வரும் மழை பொது மக்களின் இயல்பு வாழ்க்கையை வெகுவாக பாதித்துள்ளது. குறிப்பாக  மாவட்டத்தின் தாழ்வான பகுதிகளான கூடலூர், பந்தலூர் பகுதிகளில் பெரும்பாலான பகுதிகள் நீரில் மூழ்கியுள்ளன.  தொடர்ந்து, பெய்து வரும் மழையால் ஏராளமான மரங்களும் வேருடன் சாய்ந்துள்ளன. மேலும், அதிக அளவிலான மரங்கள் விழும் நிலையில் உள்ளன. 
 அதேபோல, சுற்றுலாப் பயணிகளை கவரும் பைக்காரா நீர்வீழ்ச்சி,  கல்லட்டி நீர்வீழ்ச்சி ஆகியவற்றிலும் தண்ணீர் ஆர்ப்பரித்துக் கொட்டுவதால் கர்நாடக மாநிலத்தைச் சேர்ந்த சுற்றுலாப் பயணிகள் அதிக அளவில் இப்பகுதிகளுக்கு வரத் தொடங்கியுள்ளனர்.  கல்லட்டி மற்றும் பைக்காரா பகுதிகளில் மழை பெய்து வந்தாலும், அதைப் பொருட்படுத்தாமல் அங்கு சுற்றுலாப் பயணிகளின் கூட்டம் கணிசமான அளவில் உள்ளது. இருப்பினும் பாதுகாப்புக் காரணங்களுக்காக அந்தப் பகுதிகளுக்கு அருகில் செல்ல வனப் பாதுகாப்புக் குழுவினர் தடை விதித்துள்ளதால் அருகில் சென்று படம் எடுக்க முடியாமல் சுற்றுலாப் பயணிகள் ஏமாற்றத்துடன் திரும்பிச் செல்கின்றனர்.
மாவட்டத்தில் வெள்ளிக்கிழமை காலை வரையிலான 24 மணி நேரத்தில் அவலாஞ்சி பகுதியில் 247 மி.மீ. மழை பதிவாகியுள்ளது. 
இதேபோல மாவட்டத்தின் பிற பகுதிகளில் பதிவாகியுள்ள மழை அளவு (மில்லி மீட்டரில்) வருமாறு: 
மேல்பவானி - 178, தேவாலா - 111, கிளன்மார்கன் - 95, நடுவட்டம் - 70, கூடலூர் - 59, எமரால்டு - 58, குந்தா - 32, உதகை - 24.1, கொடநாடு - 23, கெத்தை, கல்லட்டியில் தலா - 11, குன்னூர் - 7, கேத்தியில் - 6, பர்லியாறு, கோத்தகிரியில் தலா - 3, கிண்ணக்கொரை - 1.

]]>
http://images.dinamani.com/uploads/user/imagelibrary/2018/8/18/w600X390/rain.jpg http://www.dinamani.com/tamilnadu/2018/aug/18/நீலகிரியில்-தொடரும்-மழை-மேலும்-3-நாள்கள்-நீடிக்கும்-என்பதால்-மக்கள்-அச்சம்-2982780.html
2982759 தமிழ்நாடு மதுரை அரசு மருத்துவமனையை பார்வையிட்டார் பென்னி குயிக்கின் கொள்ளுப் பேத்தி   மதுரை DIN Saturday, August 18, 2018 07:31 AM +0530 முல்லைப் பெரியாறு அணையைக் கட்டிய பொறியாளர் கர்னல் பென்னி குயிக்கின் கொள்ளுப் பேத்தியும் மருத்துவருமான டயானா கிப் மதுரை அரசு ராஜாஜி மருத்துவமனை குழந்தைகள் நலப் பிரிவை வெள்ளிக்கிழமை பார்வையிட்டார்.
   130 ஆண்டுகளுக்கு முன்பு கட்டப்பட்ட முல்லைப் பெரியாறு அணை மதுரை, தேனி, திண்டுக்கல், சிவகங்கை, ராமநாதபுரம் மாவட்டங்களின் வாழ்வாதாரமாக திகழ்ந்து கொண்டிருக்கிறது.  இங்கிலாந்தைச் சேர்ந்த பொறியாளரான கர்னல் பென்னிகுயிக் முல்லைப்பெரியாறு அணையை பல்வேறு தடைகளுக்கு இடையில் தன்னுடைய சொந்தப் பணத்தைக் கொண்டு கட்டி எழுப்பினார். இதனால் அவரது நினைவைப் போற்றும் விதமாக தமிழக அரசு முல்லைப் பெரியாறு அணையிலும், தேக்கடி பகுதியிலுள்ள பொதுப்பணித்துறை அலுவலக வளாகத்திலும்,  மதுரை தல்லாகுளம் பொதுப்பணித்துறை அலுவலக வளாகத்திலும் பென்னிகுயிக்குக்கு சிலை வைக்கப்பட்டுள்ளது. 
 தேனி மாவட்டம் லோயர் கேம்ப் அருகே மணிமண்டபமும் உருவாக்கி மரியாதை செய்துள்ளது. கர்னல் பென்னிகுயிக்கின் அண்ணன் வழி கொள்ளுப் பேத்தியான டயானா கிப்,  லண்டனில் குழந்தைகள் நலத்துறை மருத்துவப் பேராசிரியராக பணிபுரிந்து வருகிறார். மேலும் குழந்தைளுக்கு ஏற்படும் காச நோய் பாதிப்பு, எச்ஐவி பாதிப்பு மற்றும் அதற்கு அளிக்கப்படும் சிகிச்சைகள் குறித்து ஆய்வு மேற்கொண்டுள்ளார். இதுதொடர்பாக மதுரைக்கு பயணம் மேற்கொண்டுள்ள டயான கிப் மதுரை அரசு ராஜாஜி மருத்துவமனைக்கு வெள்ளிக்கிழமை சென்றார். 
 மருத்துவமனை டீன் டி.மருதுபாண்டியன், கண்காணிப்பாளர்  ( பொறுப்பு) சண்முகசுந்தரம் மற்றும் துறைத்தலைவர்கள், டயானா  கிப்பை வரவேற்றனர். பின்னர் மருத்துவமனையின் குழந்தைகள் சிகிச்சைப்பிரிவுக்கு சென்ற டயானா கிப், அங்கு சிகிச்சைப்பெற்று வரும் குழந்தைகளை பார்வையிட்டார். பின்னர் குழந்தைகள் சிகிச்சைப் பிரிவில் உள்ள பட்ட மேற்படிப்பு மருத்துவர்கள் மற்றும் மருத்துவ மாணவர்களிடம் தனது ஆய்வு குறித்தும், குழந்தைகள் சிகிச்சை தொடர்பாகவும் பேசினார்.   மதுரை வேலம்மாள் மருத்துவக்கல்லூரி மாணவர்களுடன் சனிக்கிழமை  அவர் கலந்துரையாடல் நிகழ்ச்சியில் பங்கேற்கிறார்.

]]>
http://images.dinamani.com/uploads/user/imagelibrary/2018/8/18/w600X390/penniqueen.JPG http://www.dinamani.com/tamilnadu/2018/aug/18/மதுரை-அரசு-மருத்துவமனையை-பார்வையிட்டார்-பென்னி-குயிக்கின்-கொள்ளுப்-பேத்தி-2982759.html
2982747 தமிழ்நாடு செங்கோட்டை-கொல்லம்-புனலூர் பயணிகள் ரயில் சேவை தற்காலிக ரத்து மதுரை DIN Saturday, August 18, 2018 07:24 AM +0530 நிலச்சரிவு காரணமாக செங்கோட்டை- கொல்லம்-புனலூர் இடையே  பயணிகள் ரயில் சேவை தற்காலிகமாக ரத்து செய்யப்படுவதாக தெற்கு ரயில்வே அறிவித்துள்ளது.
 இதுதொடர்பாக தெற்கு ரயில்வே மதுரை கோட்ட அலுவலகம் வெள்ளிக்கிழமை வெளியிட்ட செய்தி:
 கேரளத்தில் பெய்து வரும் கனமழை காரணமாக செங்கோட்டை-கொல்லம் ரயில் பிரிவுக்கு இடையே நிலச்சரிவு ஏற்பட்டுள்ளதால் அவ்வழியே இயக்கப்படும் ரயில்களின் பயண நேரத்தில் தற்காலிக மாற்றம் செய்யப்பட்டுள்ளது.  இதன்படி, கொல்லம்-புனலூர் இடையிலான பயணிகள் ரயில்கள் (எண்.56334/56333, 56338/56337, 56332/56331) மற்றும் கொல்லம்-செங்கோட்டை-புனலூர் இடையிலான பயணிகள் ரயில்கள் (எண்.56336/56335) ஆகிய ரயில்கள் சனிக்கிழமை ரத்து செய்யப்படுகின்றன.
 மதுரை-புனலூர் பயணிகள் ரயில் (எண்.56700/56701), புனலூர்-கன்னியாகுமரி பயணிகள் ரயில் (எண்.56715/56716) ஆகிய ரயில்கள் கொல்லம்-புனலூர் இடையே சனிக்கிழமை தற்காலிகமாக ரத்து செய்யப்படுகிறது. 
 குருவாயூர்-புனலூர் பயணிகள் ரயில் (எண்.56365/56366) கொல்லம்-புனலூர் இடையே தற்காலிகமாக ரத்து செய்யப்படுகிறது என்று அறிவிக்கப்படுகிறது.

]]>
http://images.dinamani.com/uploads/user/imagelibrary/2018/7/14/w600X390/train1.jpg http://www.dinamani.com/tamilnadu/2018/aug/18/செங்கோட்டை-கொல்லம்-புனலூர்-பயணிகள்-ரயில்-சேவை-தற்காலிக-ரத்து-2982747.html
2982743 தமிழ்நாடு காவிரி உபரி நீரை ஏரிகளில் நிரப்புவதற்கான சாத்தியக் கூறுகள் ஆய்வு கிருஷ்ணகிரி DIN Saturday, August 18, 2018 07:22 AM +0530 காவிரி உபரிநீர் வீணாக கடலில் கலப்பதை தவிர்க்கும் பொருட்டு, மாவட்டத்தில் உள்ள ஏரிகளில் நிரப்புவதற்கு சாத்தியக் கூறுகள் உள்ளனவா என ஆராய்வதற்காக 6 பேர் கொண்ட ஓய்வுபெற்ற பொறியாளர் குழு அமைக்கப்பட்டுள்ளது என உயர்கல்வித் துறை அமைச்சர் கே.பி.அன்பழகன் தெரிவித்தார்.
ஒகேனக்கல்லுக்கு வெள்ளிக்கிழமை பிற்பகல் 3 மணியளவில் வந்த உயர்கல்வித் துறை அமைச்சர் கே.பி.அன்பழகன், வெள்ளம் பாதித்த பகுதிகளில் ஆய்வு மேற்கொண்டார்.
அதன் பின் அவர் செய்தியாளர்களிடம்  கூறியது: கர்நாடக மாநிலத்தில் கன மழை பெய்து வருவதாலும், கேரளத்தின் வயநாடு மற்றும் மேற்கு தொடர்ச்சி மலைப்  பகுதிகளில் தென்மேற்கு பருவமழை பெய்து வருவதாலும், கர்நாடக அணைகள் நிரம்பி வருகின்றன.
கர்நாடகத்தில் உள்ள அணைகளின் பாதுகாப்பு கருதி காவிரி ஆற்றில் நொடிக்கு 2.10 கன அடி தண்ணீர்  திறந்துவிடப்படுகிறது. இந்நிலையில் காவிரி ஆற்றில் வெள்ளப்பெருக்கு ஏற்பட்டுள்ளதால், கரையோரப் பகுதியில் உள்ள வீடுகளில் வெள்ளநீர் புகுந்துள்ளது.
இப்பகுதியில் உள்ள மக்களுக்கு மாற்று ஏற்பாடாக மாவட்ட நிர்வாகத்தின் சார்பில் ஒகேனக்கல்லில் உள்ள தனியார் விடுதிகளில் தங்க வைக்கப்பட்டு, உணவுகள் வழங்கப்பட்டு  வருகின்றன. மேலும், இவர்களுக்கு நிரந்தர மாற்று ஏற்பாடாக, அதிகாரிகளிடம் ஆலோசித்த பிறகு பென்னாகரம் சோதனைச் சாவடி பகுதியில் நிலம் வழங்கப்படும்.
கர்நாடக அணைகளிலிருந்து திறக்கப்படும் உபரிநீர் வீணாக கடலில் கலப்பதை தவிர்க்கும் பொருட்டு, மாவட்டத்தில் உள்ள ஏரிகளில் நிரப்புவதற்கு சாத்தியக் கூறுகள் உள்ளனவா என ஆராய்வதற்காக 6 பேர் கொண்ட ஓய்வுபெற்ற பொறியாளர் குழு அமைக்கப்பட்டுள்ளது. மேலும், தமிழக முதல்வர் எடப்பாடி கே.பழனிசாமி இத்திட்டத்துக்காக ரூ.1,928 கோடி நிதி ஒதுக்கியுள்ளார்.
காவிரி ஆற்றில் வெள்ளப்பெருக்கு ஏற்பட்டுள்ளதால், அஞ்செட்டி செல்லும் சாலையில் வெள்ளநீர் தேங்கியுள்ளது. எனவே, அவற்றுக்கு  பதிலாக மாற்று சாலை ஏற்பாடு செய்யப்படுகிறது. மேலும், காவிரி கரையோரப் பகுதியில் போலீஸார் பாதுகாப்புப் பணியில் ஈடுபட்டு வருகின்றனர் என்றார் அவர்.
ஒகேனக்கல் வரும் சுற்றுலாப் பயணிகள் காவிரி ஆற்றுப் பகுதியில்  இறங்கவோ, ஆற்றுப் பகுதியில் நின்று சுயபடம் எடுக்கவோ வேண்டாம் என உயர்கல்வித் துறை அமைச்சர் கே.பி.அன்பழகன் வேண்டுகோள் விடுத்துள்ளார்.

]]>
http://images.dinamani.com/uploads/user/imagelibrary/2018/5/28/w600X390/Cauvery.jpg http://www.dinamani.com/tamilnadu/2018/aug/18/காவிரி-உபரி-நீரை-ஏரிகளில்-நிரப்புவதற்கான-சாத்தியக்-கூறுகள்-ஆய்வு-2982743.html
2982626 தமிழ்நாடு வாஜ்பாய்க்கு தமிழக அரசியல் தலைவர்கள் அஞ்சலி! DIN DIN Saturday, August 18, 2018 05:23 AM +0530  மறைந்த முன்னாள் பிரதமர் அடல் பிஹாரி வாஜ்பாயின் பூத  உடலுக்கு தீன தயாள் உபாத்யாய் மார்க்கில் உள்ள பாஜக தலைமையகத்தில் மத்திய நெடுஞ்சாலை மற்றும் கப்பல் போக்குவரத்துத் துறை இணையமைச்சர் பொன்.ராதாகிருஷ்ணன்,  விடுதலைச் சிறுத்தைகள் கட்சித் தலைவர் திருமாவளவன் ஆகியோர் அஞ்சலி செலுத்தினர். பின்னர் அவர்கள் அளித்த பேட்டி: 
மத்திய அமைச்சர் பொன்.ராதாகிருஷ்ணன்: பாரத ரத்னா வாஜ்பாய் அப்பழுக்கற்ற தேச பக்தர். தேசத்தையும், மக்களையும் தெய்வமாக வணங்கியவர். சாதாரண ஏழைக் குடும்பத்தில் பிறந்து, தனது வாழ்க்கையை நாட்டுக்காக அர்ப்பணித்தவர். பத்திரிகையாளராகி தன்னுடைய எழுத்து வன்மையால் கோடிக்கணக்கான இளைஞர்களை ஆர்.எஸ்.எஸ். இயக்கத்தில் ஈர்த்தார். பாரதிய ஜன சங்கத்தில் ஆரம்பத்தில் முக்கிய பங்காற்றியவர்.
இளைஞராக இருந்த அவரின் நாவன்மையைப் பார்த்து நிச்சயம் ஒருநாள் இந்தியாவின் பிரதமராக வருவார் என ஜவாஹர்லால் நேரு கணித்தார். அவசரநிலைக்கு எதிராகப் போராடி, 19 மாதங்கள் சிறை சென்றார். பாஜகவை இந்தியாவின் மூலை முடுக்கிலுள்ள மக்களிடம் எடுத்துச் சென்றவர். பொக்ரான் அணு குண்டுச் சோதனை நடத்தி, இந்தியா உலக நாடுகளுக்கு சளைத்ததல்ல எனக் காட்டியதும் அவரே. விஞ்ஞானி அப்துல்கலாமை குடியரசுத் தலைவராக உயர்த்தி அழகு பார்த்தவர். சாலைக் கட்டுமானப் பணி, ரயில் போக்குவரத்து, விமான போக்குவரத்து துறைகளில் இந்தியாவை முன்னேற்றேப் பாதைக்கு கொண்டு சென்றார். அவரது ஆட்சியில்தான் முதன் முதலாக நான்கு வழிச்சாலை இந்தியாவில் ஆரம்பிக்கப்பட்டது. கார்கில் யுத்தத்தில் மிகப் பெரிய வெற்றி பெற்றுத் தந்தவர். பாகிஸ்தானுடன் நல்லுறவு ஏற்படுத்த முயற்சித்தவர். மிகுந்த பேச்சாற்றல் மிக்கவர். உலக நாடுகள் எல்லாம் மதித்த தலைவர். எதிரியே இல்லாத தலைவர்.
திருமாவளவன்: தீன தயாள் உபாத்யாய் மார்க்கில் உள்ள பாஜக தலைமையகத்தில் வைக்கப்பட்டிருந்த வாஜ்பாயின் உடலுக்கு விடுதலைச் சிறுத்தைகள் கட்சித் தலைவர் திருமாவளவன் அஞ்சலி செலுத்திவிட்டு செய்தியாளர்களிடம் கூறுகையில், வாஜ்பாயின் மறைவால் மிகவும் வருந்துகிறேன். பன்முகத் தன்மை கொண்டவர். மாற்றுக் கருத்துள்ளவர்களையும் அரவணைத்துச் செல்லும் மனதுள்ளவர். தலித்கள், பழங்குடியினர், சிறுபான்மையினர் போன்ற விளிம்பு நிலை சமூகத்தினரும் மதிப்பளிக்கும் வகையில் அவரது செயல்கள் இருந்தன.
கிருஷ்ண மேனன் மார்க்கில் உள்ள வாஜ்பாயின் இல்லத்தில் அவரது உடலுக்கு தமிழக அரசியல் கட்சிகளைச் சேர்ந்த தலைவர்கள் வைகோ, கிருஷ்ணசாமி, தமிழிசை சௌந்திரராஜன் ஆகியோர் மலர் அஞ்சலி செலுத்தினர்.
பின்னர் அவர்கள் செய்தியாளர்களிடம் கூறியது: 
மதிமுக பொதுச் செயலாளர் வைகோ: வாஜ்பாய் என் மீது தந்தையைப் போல அன்பு வைத்திருந்தார். கடந்த 8 ஆண்டுகளில் ஆண்டுக்கு மூன்று தடவையாவது அவரை தில்லியில் சந்தித்துவிட்டுச் செல்வேன். கன்னியாகுமரியில் காமராஜர் மண்டபம் அமைக்க அனுமதி வழங்கியவர் அவர்தான். என்னுடைய வேண்டுகோளை ஏற்று நெய்வேலி அனல் மின் நிலையத்தை தனியார்மயப்படுத்தும் முடிவை கைவிட்டார். கூட்டணி ஆட்சியை எப்படி நடத்த வேண்டும் என்பதற்கு உதாரணமாகத் திகழ்ந்தவர். அவர், கூட்டணியில் அங்கம் வகித்த சிறிய கட்சிகளின் ஆலோசனைகளையும் கேட்டுவிட்டு முடிவு எடுத்தார். கார்கில் யுத்தத்தில் இந்தியாவின் புகழைப் பாதுகாத்ததுடன் நாட்டையும் பாதுகாத்தார். தனது ஆட்சிக் காலத்தில் மதச்சார்பற்ற தன்மையை பேணிப் பாதுகாத்த மாபெரும் தலைவராகத் திகழ்ந்தார். முன்னாள் தமிழக முதல்வர் கருணாநிதி நடத்திய 'டெசோ' மாநாட்டில் கலந்து கொண்டு ஈழத்தமிழர்களுக்காக அவர் ஆற்றிய உரை வரலாற்றில் முக்கியத்துவம் யம் பெற்றதாகும்.
தமிழக பாஜக தலைவர் தமிழிசை சௌந்தரராஜன்: இந்தியாவை வல்லரசாக்க பிள்ளையார் சுழி போட்டவர் வாஜ்பாய். அவர் வளர்ச்சித் திட்டங்களின் நாயகனாகத் திகழ்ந்தார். பன்முகத் தன்மை கொண்ட வாஜ்பாய், போன்ற தலைவரை இனிமேல் பார்க்க முடியுமா எனத் தெரியவில்லை.
வாஜ்பாயின் வளர்ப்பு மகள் நமிதா பட்டாச்சார்யா,  பாஜக தலைவர் அமித்ஷா ஆகியோருக்கு மு.க.அழகிரி அனுப்பியுள்ள கடிதம்:
தமிழ் மொழி மற்றும் கலாசாரத்தின் பால் மிகுந்த விருப்பம் உடையவர் முன்னாள் பிரதமர் வாஜ்பாய். நாட்டின் பொருளாதார வளர்ச்சிக்கு இடைவிடாத முயற்சிகளை மேற்கொண்டார்.  அவரது மறைவால், சிறந்த தலைவரை நாடு இழந்துவிட்டது. இருப்பினும் அவரது சிறந்த பணிகள் பல்லாயிரம் ஆண்டுகளுக்கு நினைவுகூரப்படும்.  அவரது மறைவால் வாடும் உறவினர்கள் மற்றும் பாஜகவினருக்கு ஆழ்ந்த இரங்கலைத் தெரிவித்துக் கொள்கிறேன் என தெரிவித்துள்ளார்.
 

]]>
http://images.dinamani.com/uploads/user/imagelibrary/2017/3/7/w600X390/ponradha5.jpg http://www.dinamani.com/tamilnadu/2018/aug/18/வாஜ்பாய்க்கு-தமிழக-அரசியல்-தலைவர்கள்-அஞ்சலி-2982626.html
2982686 தமிழ்நாடு பிரியாவிடை: வாஜ்பாய்க்கு தமிழக முதல்வர், ஆளுநர், மு.க. ஸ்டாலின் அஞ்சலி DIN DIN Saturday, August 18, 2018 05:18 AM +0530
பாஜக மூத்த தலைவரும், முன்னாள் பிரதமருமான மறைந்த அடல் பிஹாரி வாஜ்பாயின் பூத உடலுக்கு தமிழக முதல்வர் எடப்பாடி பழனிசாமி, தமிழக ஆளுநர் பன்வாரிலால் புரோஹித், துணை முதல்வர் ஓ.பன்னீர்செல்வம் மற்றும் தமிழக சட்டப் பேரவை எதிர்க்கட்சித் தலைவரும், திமுக செயல் தலைவருமான மு.க. ஸ்டாலின் ஆகியோர் நேரில் மலரஞ்சலி செலுத்தினர்.
தில்லி கிருஷ்ண மேனன் மார்க் இல்லத்தில் வைக்கப்பட்டிருந்த வாஜ்பாயின் உடலுக்கு தமிழக முதல்வர் எடப்பாடி கே. பழனிசாமி, துணை முதல்வர் ஓ.பன்னீர் செல்வம், தமிழக ஆளுநர் பன்வாரிலால் புரோஹித், மீன்வளத் துறை அமைச்சர் டி.ஜெயக்குமார், மக்களவைத் துணைத் தலைவர் மு.தம்பிதுரை உள்ளிட்டோர் வெள்ளிக்கிழமை காலை மலர் வளையம் வைத்து மரியாதை செலுத்தினர். 


இதேபோன்று, திமுக செயல் தலைவர் மு.க.ஸ்டாலின் வியாழக்கிழமை இரவு தில்லி வந்தார். அவருடன் மாநிலங்களவை திமுக உறுப்பினர்கள் கனிமொழி, திருச்சி சிவா, மத்திய முன்னாள் அமைச்சர் தயாநிதி மாறன் ஆகியோர் வந்தனர். இரவு சுமார் 1.30 மணியளவில் மலரஞ்சலி செலுத்தினர். அதைத் தொடர்ந்து வாஜ்பாயின் வளர்ப்பு மகள் நமீதா உள்ளிட்ட குடும்பத்தினருக்கு ஆறுதல் கூறினர். 
பின்னர் திமுக செயல் தலைவர் மு.க. ஸ்டாலின் செய்தியாளர்களிடம் கூறுகையில், முன்னாள் பிரதமர் வாஜ்பாய் சில ஆண்டுகளாக உடல் நலிவுற்றிருந்த நிலையில் வியாழக்கிழமை காலமாகி இருக்கிறார். அவரது மறைவு என்பது இந்திய தேசத்திற்கு ஒரு மாபெரும் இழப்பாகும். அவர் ஒரு மாபெரும் தலைவராக, இந்திய நாட்டின் பிரதமராக இருந்து உலக அளவில் பாராட்டப்படும் அளவுக்கு தனது கடமையை, பணியைத் திறம்பட ஆற்றியவர். குறிப்பாக சொல்ல வேண்டுமானால், இந்தியா முழுவதும் தங்க நாற்கரச் சாலைத் திட்டத்தை திறம்பட செயல்படுத்தியவர். அது பொன் எழுத்துகளால் பொறிக்கப்பட்டிருக்கிற சாதனையாகவும் அது அமைந்திருக்கிறது. தமிழகத்தில் திமுக ஆட்சி நடைபெற்ற நேரத்தில் ஆட்சியைக் கலைக்க ஒரு சதித் திட்டம் உருவாக்கப்பட்டது. அப்போது, தனது ஆட்சியே போனாலும் கவலைப்படாமல் அரசியல் சட்டத்தைப் பேணிப் பாதுகாத்து ஆட்சியைக் கலைக்க ஒப்புதல் தராமல் தனது கடைமைய நிறைவேற்றியவர் வாஜ்பாய். அவர் தலைவர் கருணாநிதியிடம் நெருங்கிய நட்புக் கொண்டு, நெருங்கிய நண்பராக விளங்கியவர். அப்படிப்பட்ட மாபெரும் தலைவரின் இழப்பு மிகப் பெரிய வருத்தத்தை அளித்துள்ளது. அவரை இழந்து வாடும் குடும்பத்தாருக்கும், பாஜகவினருக்கும் திமுக சார்பில் ஆழ்ந்த வருத்தத்தையும், இரங்கலையும் தெரிவித்துக் கொள்கிறேன்' என்றார்.

நாட்டுக்குப் பேரிழப்பு - முதல்வர்
மலரஞ்சலி செலுத்திய பிறகு முதல்வர் எடப்பாடி பழனிச்சாமி செய்தியாளர்களிடம் கூறுகையில், பாஜகவின் மூத்த தலைவரான வாஜ்பாய் நாடாளுமன்றத்தின் இரு அவைகளிலும் சிறந்த முறையில் பணியாற்றிவர். பாஜகவின் தலைவராகப் பொறுப்பு வகித்தவர். 
பாஜக வெற்றி பெற்று முதல் முறையாக பாஜகவின் பிரதமராக தேர்ந்தெடுக்கப்பட்டவர். 
வாஜ்பாயின் மறைவு நாட்டுக்குப் பேரிழப்பாகும். மிகச் சிறந்த இலக்கியவாதி, சிறந்த பேச்சாளர், பொது மக்களிடத்தில் அன்பாகப் பழகக் கூடியவர். நிர்வாகத் திறமைமிக்கவர். 
அப்படிப்பட்ட தேசப்பற்றுள்ள அவரது மறைவு இந்திய தேசத்திற்கு மிகப்பெரிய பேரிழப்பாகும். 
அவரைப் பிரிந்து வாழும் குடும்பத்தினருக்கும், பாஜக நிர்வாகிகளுக்கும், தொண்டர்களுக்கும், ஆழ்ந்த இரங்கலைத் தெரிவித்துக் கொள்கிறேன். தமிழ்நாடு சார்பாகவும், இரங்கலையும் வருத்தத்தையும் தெரிவித்துக் கொள்கிறேன் என்றார்.
 

வாஜ்பாயின் வளர்ப்பு மகள் நமிதாவை வியாழக்கிழமை நள்ளிரவில் சந்தித்து ஆறுதல் கூறிய மு.க. ஸ்டாலின், தயாநிதி மாறன், மாநிலங்களவை திமுக உறுப்பினர்கள் கனிமொழி, திருச்சி சிவா.
]]>
http://images.dinamani.com/uploads/user/imagelibrary/2018/8/18/w600X390/vajpayee4.jpg வாஜ்பாயின் இல்லத்தில் வெள்ளிக்கிழமை அவரது உடலுக்கு அஞ்சலி செலுத்திய தமிழக ஆளுநர் பன்வாரி லால் புரோகித், முதல்வர் எடப்பாடி கே. பழனிசாமி, துணை முதல்வர் ஓ. பன்னீர் செல்வம். http://www.dinamani.com/tamilnadu/2018/aug/18/பிரியாவிடை-வாஜ்பாய்க்கு-தமிழக-முதல்வர்-ஆளுநர்-முக-ஸ்டாலின்-அஞ்சலி-2982686.html
2982687 தமிழ்நாடு 5 மாவட்டங்களில் கன மழைக்கு வாய்ப்பு DIN DIN Saturday, August 18, 2018 04:25 AM +0530
கோவை, நீலகிரி, தேனி, திண்டுக்கல், திருநெல்வேலி ஆகிய 5 மாவட்டங்களின் மலைப்பகுதியில் ஓரிரு இடங்களில் அடுத்த 24 மணி நேரத்தில் பலத்த மழை பெய்ய வாய்ப்புள்ளது என்று சென்னை வானிலை ஆய்வு மையம் தெரிவித்துள்ளது.
இதுகுறித்து இந்த மையத்தின் இயக்குநர் எஸ்.பாலச்சந்திரன் வெள்ளிக்கிழமை கூறியது:
மேற்கு திசைக்காற்று வலுவடைந்து தொடர்ந்து நீடிப்பதால், நீலகிரி, கோவை, தேனி, திண்டுக்கல், திருநெல்வேலி ஆகிய மாவட்டங்களின் ஓரிரு இடங்களில் அடுத்த 24 மணி நேரத்தில் பலத்த மழை பெய்ய வாய்ப்பு உள்ளது. வெப்பச் சலனம் காரணமாக, தமிழகத்தின் பிற பகுதிகளில் ஓரிரு இடங்களில் லேசானது முதல் மிதமானது வரை மழை பெய்ய வாய்ப்பு உள்ளது. சென்னையில் வானம் மேகமூட்டத்துடன் காணப்படும். ஒரு சில இடங்களில் மாலை, இரவில் மழை பெய்ய வாய்ப்பு உள்ளது என்றார் அவர்.
சின்னக்கல்லாறில் 260 மி.மீ.: தமிழகத்தில் வெள்ளிக்கிழமை காலை 8.30 மணி வரையிலான கடந்த 24 மணி நேரத்தில் அதிகபட்சமாக கோவை மாவட்டம் சின்னக்கல்லாறில் 260 மி.மீ. மழை பதிவாகியுள்ளது.

]]>
http://www.dinamani.com/tamilnadu/2018/aug/18/5-மாவட்டங்களில்-கன-மழைக்கு-வாய்ப்பு-2982687.html
2982644 தமிழ்நாடு மாணவர்களின் சமூகப் பொறுப்பின்மை: உயர் நீதிமன்றம் வேதனை DIN DIN Saturday, August 18, 2018 02:38 AM +0530 மாணவர்கள் சமூகப் பொறுப்பின்மை, சகிப்புத் தன்மை இல்லாமை, மூத்தோர்களை மதியாமை உள்ளிட்ட காரணங்களால் தங்களின் எதிர்காலத்தை வீணடித்துக் கொண்டிருப்பதாக உயர் நீதிமன்றம் வேதனை தெரிவித்துள்ளது. 
வழக்கு என்ன?: காஞ்சிபுரத்தில் உள்ள தனியார் மெட்ரிகுலேசன் பள்ளியில் சில மாதங்களுக்கு முன்பு மாணவர்களுக்கிடையே மோதல் ஏற்பட்டது. இதனையடுத்து பள்ளி நிர்வாகம் 7 மாணவர்கள் மீது நடவடிக்கை எடுத்தது. இந்த 7 மாணவர்களில் ஒரு மாணவரின் தாயார் பள்ளி நிர்வாகத்திடம் மன்னிப்பு கோரியதுடன், பிளஸ் 1 தேர்வு முடிந்த பின்னர் மாற்றுச் சான்றிதழைப் பெற்றுக் கொள்வதாக உறுதியளித்தார்.
இதனையடுத்து அந்த மாணவனைத் தேர்வெழுத பள்ளி நிர்வாகம் அனுமதி வழங்கியது. அந்த மாணவனின் தந்தை தன் மகன் மீண்டும் அதே பள்ளியில் படிப்பைத் தொடர அனுமதிக்க வேண்டும் என பள்ளி நிர்வாகத்திடம் கோரிக்கை வைத்தார். அந்த கோரிக்கையை பள்ளி நிர்வாகம் ஏற்க மறுத்தது.
பள்ளிக் கல்வித் துறை உத்தரவு: இதனையடுத்து பள்ளி நிர்வாகம் குறித்து பள்ளிக் கல்வித்துறையிடம் புகார் அளிக்கப்பட்டது. பள்ளிக் கல்வித்துறை தேர்வெழுத அனுமதி வழங்கப்பட்ட மாணவன் தவிர 7 மாணவர்களையும் மீண்டும் பள்ளியில் சேர்த்துக் கொள்ள வேண்டும் என கடந்த ஜூன் மாதம் உத்தரவிட்டிருந்தது.
உத்தரவை ரத்து செய்யக் கோரி...: இந்த உத்தரவை ரத்து செய்யக் கோரி பள்ளி நிர்வாகம் சார்பிலும், பள்ளியில் மீண்டும் சேர்க்கக் கோரி தேர்வெழுத அனுமதிக்கப்பட்ட மாணவனின் தந்தை சார்பிலும் சென்னை உயர் நீதிமன்றத்தில் வழக்கு தொடரப்பட்டது.
நீதிபதி உத்தரவு: இந்த வழக்கு நீதிபதி எஸ்.வைத்தியநாதன் முன் விசாரணைக்கு வந்தது. வழக்கை விசாரித்த நீதிபதி பிறப்பித்த உத்தரவு: மாணவர் செய்தத் தவறுக்கு அவரது தாயார் பொறுப்பேற்று மன்னிப்பு கோரி உள்ளார். ஆனால், பள்ளியில் தகராறில் ஈடுபடும் மாணவர்களை மீண்டும் அதே பள்ளியில் சேர்த்துக்கொள்ள உத்தரவிட்டால் அது தவறான வழிகாட்டுதல் ஆகிவிடும்.
எனவே, இந்தப் பிரச்னையில் சம்பந்தப்பட்ட மாணவருக்கு பள்ளி நிர்வாகம் மாற்றுச் சான்றிதழை வழங்கி விட்டது. ஆனால், பள்ளியில் நடந்த பிரச்னையின் தீவிரத்தை முழுமையாக விசாரிக்காமல் மீண்டும் மாணவர்களைச் சேர்த்துக் கொள்ள வேண்டும் என்று உத்தரவிட்ட பள்ளிக் கல்வித்துறை அதிகாரி மீது துறை ரீதியான நடவடிக்கை எடுக்க வேண்டும்.
சமூக பொறுப்பின்மை, சகிப்புத் தன்மை இல்லாமை, மூத்தோர்களை மதியாமை உள்ளிட்ட காரணங்களால் தங்களின் எதிர்காலத்தை மாணவர்களில் பெரும்பாலானோர் வீணடிக்கின்றனர். குடும்பத்தில் இருப்பவர்களும், ஆசிரியர்களும்கூட மாணவர்களுக்கு நல்ல பண்புகளை கற்றுக் கொடுப்பது இல்லை எனக் கூறி மாணவர் தரப்பில் தாக்கல் செய்யப்பட்ட மனு தள்ளுபடி செய்யப்படுகிறது'' என நீதிபதி எஸ்.வைத்தியநாதன் உத்தரவிட்டார்.
 

]]>
http://images.dinamani.com/uploads/user/imagelibrary/2018/4/4/w600X390/HIGHCOURT.jpg http://www.dinamani.com/tamilnadu/2018/aug/18/மாணவர்களின்-சமூகப்-பொறுப்பின்மை-உயர்-நீதிமன்றம்-வேதனை-2982644.html
2982643 தமிழ்நாடு ராசிமணல் திட்டில் சிக்கிக் கொண்ட 60 மாடுகள் DIN DIN Saturday, August 18, 2018 02:34 AM +0530 காவிரியில் நொடிக்கு 2.10 லட்சம் கன அடி தண்ணீர் வந்து கொண்டிருக்கும் நிலையில், ஒகேனக்கல்லுக்கு மேலே கிருஷ்ணகிரி மாவட்ட எல்லைக்குள்பட்ட ராசிமணல் பகுதியில் காவிரியின் நடுவே உள்ள மணல் திட்டில் சுமார் 60 நாட்டு மாடுகள் சிக்கிக் கொண்டுள்ளன.
ராசிமணல் பகுதியில் காவிரியாற்றின் நடுவே இயற்கையாக அமைந்த அழகிய மணல் திட்டு உள்ளது. ஏறத்தாழ ஒரு கி.மீ. தொலைவுக்கு காவிரிக்கு நடுவே இத்தகைய தீவு அமைந்திருக்கிறது.
கிருஷ்ணகிரி மாவட்டம், அஞ்செட்டி ஊராட்சிக்கு உள்பட்ட பாண்டுரங்கன் தொட்டியைச் சேர்ந்த மாரிமுத்து என்பவர் உள்பட நாட்டு மாடுகள் வளர்ப்போர் கடந்த ஒரு மாதத்துக்கு முன்பே இப் பகுதியில் தங்களது நூற்றுக்கும் மேற்பட்ட மாடுகளை மேய்த்து வந்துள்ளனர்.
குறிப்பாக, காவிரியில் தண்ணீர் வரத்து அதிகரிப்பதற்கு முன்பே ராசிமணல் பகுதியிலுள்ள மணல் திட்டில் மாடுகளை மேய்த்துள்ளனர்.
தண்ணீர் வரத்து அதிகரித்துவிட்டதால் மாடுகளை மீண்டும் கரைக்கு ஓட்டி வர இயலவில்லை. இந்த நிலையில் ஓரிரு நாள்களுக்கு முன் பிலிகுண்டுலு பகுதியைச் சேர்ந்த பரிசல் ஓட்டும் இளைஞர்கள் சிலரின் துணையால், 6 மாடுகள் மட்டும் பரிசல் மூலம் பெரும் சிரமத்துக்கு இடையே மீட்கப்பட்டிருக்கின்றன.
தண்ணீர் வரத்து பெருமளவில் இருப்பதாலும், கால்நடைகளை பரிசலில் வைத்து செலுத்துவது சிரமம் என்பதாலும் இந்த மீட்பு முயற்சிகள் கைவிடப்பட்டுள்ளன.
இந்நிலையில், தங்களது மாடுகளை மீட்பதற்கு பேரிடர் மீட்புக் குழுவின் மூலம் ஏதாவது நடவடிக்கை எடுக்கப்படுமா என்ற ஆவலுடன் காத்திருக்கின்றனர் மாடுகளின் உரிமையாளர்கள்.
 

]]>
http://www.dinamani.com/tamilnadu/2018/aug/18/ராசிமணல்-திட்டில்-சிக்கிக்-கொண்ட-60-மாடுகள்-2982643.html
2982639 தமிழ்நாடு பாதுகாப்பு தளவாடங்கள் உற்பத்தியில் முதன்மை பெற தமிழகத்துக்கு வாய்ப்பு' DIN DIN Saturday, August 18, 2018 02:31 AM +0530
பாதுகாப்பு தளவாடங்கள் உற்பத்தியில் தமிழகம் முதன்மை நிலையை பெறுவதற்கு அதிக வாய்ப்புள்ளது என இந்திய ராணுவ உற்பத்தித் துறை செயலர் அஜய்குமார் தெரிவித்தார்.
விண்வெளி மற்றும் பாதுகாப்பு தளவாட தொழில்நுட்பம் தொடர்பான கருத்தரங்கு சென்னையில் வெள்ளிக்கிழமை நடைபெற்றது. இந்த கருத்தரங்கை தொடங்கி வைத்து அஜய்குமார் பேசியது:
பாதுகாப்பு தளவாடங்கள் உற்பத்தியை அதிகரிக்க பல்வேறு நடவடிக்கைகள் எடுக்கப்பட்டு வருகின்றன. குறிப்பாக உள்நாட்டில் உதிரி பாகங்கள் தயாரிக்க நடவடிக்கை எடுக்கப்பட்டுள்ளது. 
பாதுகாப்பு தளவாட உதிரிபாகங்களைப் பொருத்தவரை 1.1 லட்சம் உதிரி பாகங்கள் இறக்குமதி செய்யப்படுகின்றன. இவை தவிர, 45 சதவீதம் முதல் 50 சதவீதம் இவை உள்நாட்டிலேயே உற்பத்தி செய்யப்படுகின்றன. இதனை 70 முதல் 75 சதவீதமாக அதிகரிக்க இலக்கு நிர்ணயிக்கப்பட்டுள்ளது. 
பாதுகாப்பு தளவாடங்கள் உற்பத்தித் துறையில் எளிதாக தொழில் தொடங்க அனைத்து நடவடிக்கைகளும் எடுக்கப்பட்டுள்ளன. ஆவணங்கள் சரியாக இருந்தால் உரிமம் அளிப்பது எளிது. இதுதொடர்பான நடவடிக்கைகள் அனைத்துமே வெளிப்படையானவை.
குறு, சிறு, நடுத்தர தொழில் நிறுவனங்கள் நாட்டின் முதுகெலும்பாக உள்ளன. அதனால் இத்தொழில் நிறுவனங்கள், ஸ்டார்ட் -அப் நிறுவனங்களுக்கு அதிக முக்கியத்துவம் கொடுத்து வருகிறோம். 
இதற்காக தொழில் குழுமங்களை அமைக்கவும் வலியுறுத்தி வருகிறோம். தமிழகத்தில் சென்னை, ஒசூர், சேலம், கோவை, திருச்சி உள்பட 6 இடங்களில் தொழில் பட்டறை நிகழ்ச்சிகளை நடத்தியுள்ளோம்.
நாட்டின் பாதுகாப்பு தளவாடங்கள், உதிரிப் பாகங்கள் உற்பத்தியில் தமிழகத்தில் சென்னை, ஓசூர், கோவை உள்ளிட்ட நகரங்கள் முதன்மையான இடத்தைப் பெற அதிக வாய்ப்பு உள்ளது என்றார் அஜய்குமார்.
இந்த நிகழ்ச்சியில், தமிழக தொழில் வளர்ச்சிக் கழக முதுநிலை பொது மேலாளர் பி.இளங்கோவன், இந்திய தொழில் கூட்டமைப்பின் முதன்மை ஆலோசகர் சுப்ரதா சாஹா உள்ளிட்டோர் பங்கேற்றனர்.


 

]]>
http://images.dinamani.com/uploads/user/imagelibrary/2018/8/18/w600X390/Aero2.jpg சென்னை கிண்டியில் வெள்ளிக்கிழமை, விண்வெளி - பாதுகாப்பு தளவாட தொழில்நுட்பம் தொடர்பான கருத்தரங்கை தொடங்கி வைத்து பேசுகிறார் இந்திய ராணுவ உற்பத்தித் துறை செயலர் அஜய்குமார். http://www.dinamani.com/tamilnadu/2018/aug/18/பாதுகாப்பு-தளவாடங்கள்-உற்பத்தியில்-முதன்மை-பெற-தமிழகத்துக்கு-வாய்ப்பு-2982639.html
2982638 தமிழ்நாடு ஆக்கிரமிப்பில் உள்ள வனத் துறை நிலங்களை மீட்க தீவிர நடவடிக்கை DIN DIN Saturday, August 18, 2018 02:30 AM +0530
தமிழகமெங்கும் தனியார் ஆக்கிரமிப்பில் உள்ள வனத் துறைக்குச் சொந்தமான நிலங்களை மீட்க தீவிர நடவடிக்கை மேற்கொள்ளப்பட்டுள்ளதாக தமிழக வனத் துறை அமைச்சர் திண்டுக்கல் சி.சீனிவாசன் தெரிவித்தார்.
சென்னை வண்டலூர் உயிரியல் பூங்காவை அடுத்த கொளப்பாக்கத்தில் 300 அரிய வகை மரங்கள் கொண்ட வனமரபியல் வள மரப்பூங்கா திறப்பு விழா வியாழக்கிழமை நடைபெற்றது. இப்பூங்காவையும், வன அருங்காட்சியகத்தையும் திறந்து வைத்து அமைச்சர் திண்டுக்கல் சீனிவாசன் பேசியது:
கடந்த 2016 - ஆம் ஆண்டு முன்னாள் முதல்வர் ஜெயலலிதா சட்டப் பேரவையில் அறிவித்தபடி, கிழக்கு, மேற்கு தொடர்ச்சி மலைத்தொடர்களில் உள்ள 300 அரிய வகை மரங்களை கொண்டு 20 ஏக்கர் பரப்பில் ரூ.2 கோடி செலவில் இந்த மரப்பூங்கா உருவாக்கப்பட்டுள்ளது.
ரூ.5 நுழைவுக் கட்டணம்: பூங்கா நாள்தோறும் காலை 10 முதல் மாலை 5 மணி வரை திறந்திருக்கும். நுழைவுக் கட்டணம் ரூ. 5 நிர்ணயிக்கப்பட்டுள்ளது. காடுகளைப் பாதுகாக்கும் நடவடிக்கையில் தமிழகம் பிற மாநிலங்களுக்கு முன்மாதிரியாக திகழ்கிறது.
ஆக்கிரமிப்பு நிலங்கள் மீட்கப்படும்: தமிழகமெங்கும் தனியார் ஆக்கிரமிப்பில் உள்ள வனத்துறைக்குச் சொந்தமான நிலங்களை மீட்க தீவிர நடவடிக்கை எடுக்கப்பட்டு வருகிறது. நீலகிரியில் யானை வழித்தடத்தை மறித்துக் கட்டப்பட்ட ஓய்வு விடுதி கட்டடங்களுக்கு சீல் வைக்கப்பட்டுள்ளது. இதுவரை 6 ஆயிரம் ஏக்கர் நிலம் மீட்கப்பட்டுள்ளது.
மேடவாக்கத்தில் காயிதேமில்லத் கல்லூரி பராமரிப்பில் இருந்த 20 ஏக்கர் நிலம் நீதிமன்றம் மூலம் மீட்கப்பட்டுள்ளது. வண்டலூர் உயிரியல் பூங்காவுக்கு பிகார் மாநிலம், பாட்னா உயிரியல் பூங்காவில் இருந்து இரண்டு மாதங்களில் காண்டாமிருகத்தை கொண்டு வருவதற்கான நடவடிக்கைகள் விரைவுப்படுத்தப்படும்.
மலையேறும் பயிற்சிக்கு புதிய விதிமுறைகள்: குரங்கனி மலையில் ஏற்பட்ட தீ விபத்து குறித்து மேற்கொள்ளப்பட்டு வரும் ஆய்வறிக்கைப் பணி நிறைவுக்குப் பிறகு, மலையேறும் பயிற்சி மேற்கொள்வது தொடர்பான புதிய விதிமுறைகள் விரைவில் வெளியிடப்பட உள்ளன. வெளிநாடுகளில் உள்ள உயிரியல் பூங்காக்களுக்கு நிகராக வண்டலூர் உயிரியல் பூங்காவை மேம்படுத்த உரிய நடவடிக்கை எடுப்பதுடன், அங்குள்ள பூங்காக்களில் உள்ள நம் தட்பவெப்பநிலைக்கேற்ப வாழும் திறன் கொண்ட அரிய வகை விலங்குகளை வண்டலூருக்குக் கொண்டு வரவும் அதிகாரிகள் நடவடிக்கை எடுக்க வேண்டும் என்றார்.
நிகழ்ச்சியில், சுற்றுச்சூழல் மற்றும் வனத்துறை முதன்மைச் செயலர் முகமது நசிமுதீன், முதன்மை தலைமை வனத் துறை தலைவர் ரவிகாந்த் உபாத்யாய், காஞ்சிபுரம் மாவட்ட ஆட்சியர் பி.பொன்னையா உள்ளிட்டோர் பங்கேற்றனர்.
 

]]>
http://images.dinamani.com/uploads/user/imagelibrary/2018/6/14/w600X390/dindugal-srinivasan.jpg http://www.dinamani.com/tamilnadu/2018/aug/18/ஆக்கிரமிப்பில்-உள்ள-வனத்-துறை-நிலங்களை-மீட்க-தீவிர-நடவடிக்கை-2982638.html
2982637 தமிழ்நாடு தங்கம் விலை பவுனுக்கு ரூ.104 குறைந்தது DIN DIN Saturday, August 18, 2018 02:29 AM +0530
சென்னையில் ஆபரணத் தங்கத்தின் விலை வெள்ளிக்கிழமை பவுனுக்கு ரூ.104 குறைந்து ரூ.22,432-க்கு விற்பனையானது.
சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவை தங்கத்தின் விலையை நிர்ணயிக்கின்றன. சென்னையில் வெள்ளிக்கிழமை நிலவரப்படி, ஒரு கிராம் ஆபரணத் தங்கம் ரூ.13 குறைந்து ரூ.2,804-க்கு விற்பனை செய்யப்பட்டது. வெள்ளி கிராமுக்கு 60 பைசா உயர்ந்து ரூ.40.00 ஆகவும், கட்டி வெள்ளி கிலோவுக்கு ரூ.40,000 ஆகவும் இருந்தது.
வெள்ளிக்கிழமை 
விலை ரூபாயில் (ஜி.எஸ்.டி. தனி)
1 கிராம் தங்கம் 2,804
1 பவுன் தங்கம் 22,432
1 கிராம் வெள்ளி 40.00
1 கிலோ வெள்ளி 40,000
 

]]>
http://www.dinamani.com/tamilnadu/2018/aug/18/தங்கம்-விலை-பவுனுக்கு-ரூ104-குறைந்தது-2982637.html
2982636 தமிழ்நாடு எம்.பி.பி.எஸ்.: ஆக.21 -இல் இறுதிக்கட்ட கலந்தாய்வு DIN DIN Saturday, August 18, 2018 02:29 AM +0530
தமிழகத்தில் எம்.பி.பி.எஸ்., பி.டி.எஸ். படிப்புகளுக்கான இறுதிகட்ட கலந்தாய்வு ஆகஸ்ட் 21-ஆம் தேதி தொடங்க உள்ளது.
அரசு மருத்துவக் கல்லூரிகளில் உள்ள எம்.பி.பி.எஸ்., பி.டி.எஸ். இடங்கள், தனியார் மருத்துவக் கல்லூரிகளில் அரசு ஒதுக்கீட்டு எம்.பி.பி.எஸ். இடங்கள், பி.டி.எஸ். இடங்கள் ஆகியவற்றுக்கான இரண்டாம் கட்ட கலந்தாய்வு ஆகஸ்ட் 11 முதல் 13 -ஆம் தேதி வரை நடைபெற்றது. இந்த இடங்களுக்கான இறுதிகட்ட கலந்தாய்வு தேதி அறிவிக்கப்பட்டுள்ளது.
இதுதொடர்பாக மருத்துவக் கல்வி தேர்வுக்குழு செயலர் டாக்டர் ஜி.செல்வராஜன் வெள்ளிக்கிழமை வெளியிட்டுள்ள செய்திக்குறிப்பு: 
அரசு மருத்துவக் கல்லூரிகள், தொழிலாளர் ஈட்டுறுதி கழக மருத்துவக் கல்லூரி, ராஜா முத்தையா மருத்துவக் கல்லூரி ஆகியவற்றில் உள்ள அரசு ஒதுக்கீட்டு எம்.பி.பி.எஸ் மற்றும் பி.டி.எஸ். இடங்கள், தனியார் மருத்துவக் கல்லூரிகளில் உள்ள அரசு ஒதுக்கீட்டு எம்.பி.பி.எஸ்., மற்றும் பி.டி.எஸ். இடங்களுக்கான இறுதிகட்ட கலந்தாய்வு ஆகஸ்ட் 21-ஆம் தேதி முதல் 23 -ஆம் தேதி வரை நடைபெற உள்ளது.
கலந்தாய்வு அட்டவணை www.tnhealth.org www.tnmedicalselection.org  ஆகிய இணையதளங்களில் விரைவில் வெளியிடப்படும் என்று அவர் தெரிவித்துள்ளார்.
கால அவகாசம் நீட்டிப்பு: இரண்டாம் கட்ட கலந்தாய்வில் பங்கேற்று இடங்களைத் தேர்வு செய்தவர்கள் அந்தந்தக் கல்லூரியில் சென்று சேர வெள்ளிக்கிழமை கடைசி நாள் என்று அறிவிக்கப்பட்டிருந்தது. முன்னாள் பிரதமர் வாஜ்பாய் மறைவின் காரணமாக வெள்ளிக்கிழமை பொது விடுமுறை அறிவிக்கப்பட்டதால், கல்லூரியில் சென்று சேருவதற்கான கால அவகாசம் நீட்டிக்கப்பட்டுள்ளது. அதன்படி சனிக்கிழமை (ஆக.18) மாலை 5 மணிக்குள் மாணவர்கள் கல்லூரிகளில் சேர வேண்டும் என்று அறிவிக்கப்பட்டுள்ளது.

]]>
http://images.dinamani.com/uploads/user/imagelibrary/2012/9/20/11/w600X390/1mbbs.jpg http://www.dinamani.com/tamilnadu/2018/aug/18/எம்பிபிஎஸ்-ஆக21--இல்-இறுதிக்கட்ட-கலந்தாய்வு-2982636.html
2982635 தமிழ்நாடு பி.இ. கலந்தாய்வு: 5 -ஆம் சுற்றுக்கு கூடுதல் அவகாசம் DIN DIN Saturday, August 18, 2018 02:28 AM +0530
பொது விடுமுறை காரணமாக, பி.இ. 5 -ஆம் சுற்று ஆன்-லைன் கலந்தாய்வில் மாணவர்கள் இடங்களைத் தேர்வு செய்வதற்கு கூடுதல் அவகாசம் அளிக்கப்பட்டுள்ளது. அதன்படி அவர்கள் சனிக்கிழமை நண்பகல் 12 மணி வரை இடங்களைத் தேர்வு செய்யலாம்.
அண்ணா பல்கலைக்கழகம் சார்பில் நடத்தப்பட்டு வரும் பொதுப் பிரிவு மாணவர்களுக்கான 5 -ஆம் சுற்று கலந்தாய்வில் இடங்கள் தேர்வு ஆகஸ்ட் 14 -ஆம் தேதி தொடங்கி 16 -ஆம் தேதி முடிவடைய இருந்தது. ஆகஸ்ட் 17 -ஆம் தேதி மாணவர்களுக்கான தற்காலிக ஒதுக்கீடு வழங்கப்பட இருந்தது.
இந்த நிலையில், முன்னாள் பிரதமர் வாஜ்பாய் மறைவையொட்டி, தமிழகத்தில் வெள்ளிக்கிழமை பொது விடுமுறை அறிவிக்கப்பட்டது. 
இதன் காரணமாக, 5 -ஆம் சுற்று கலந்தாய்வில் மாணவர்கள் இடங்களைத் தேர்வு செய்ய சனிக்கிழமை நண்பகல் 12 மணி வரை கால அவகாசம் நீட்டிக்கப்பட்டுள்ளதாக அண்ணா பல்கலைக்கழகம் அறிவித்துள்ளது.
துணைக் கலந்தாய்வுக்கு விண்ணப்பிக்க ஆக.20 கடைசி: பிளஸ் 2 பொதுத் தேர்வில் தோல்வியடைந்து, சிறப்பு துணைத் தேர்வில் தேர்ச்சி பெற்ற மாணவர்கள், பி.இ. பொதுப் பிரிவு கலந்தாய்வு முடிவில் காலியாக இருக்கும் பொறியியல் இடங்களில் சேர்ந்துக் கொள்வதற்கான அறிவிப்பை அண்ணா பல்கலைக்கழகம் வெளியிட்டுள்ளது. இதற்கு வியாழக்கிழமை முதல் ஆன்-லைனில் விண்ணப்பிக்கலாம். விண்ணப்பிக்க ஆகஸ்ட் 20 கடைசி நாளாகும்.
துணைக் கலந்தாய்வுக்கு விண்ணப்பிக்கும் மாணவர்களுக்கு சென்னை அண்ணா பல்கலைக்கழக வளாகத்தில் அமைக்கப்பட்டுள்ள கலந்தாய்வு உதவி மையத்தில் மட்டுமே அசல் சான்றிதழ் சரிபார்ப்பு நடைபெறும். சான்றிதழ் சரிபார்ப்பில் பங்கேற்காதவர்கள் கலந்தாய்வில் பங்கேற்க அனுமதிக்கப்படமாட்டார்கள். 
சான்றிதழ் சரிபார்ப்புக்கு கொண்டுவர வேண்டிய ஆவணங்கள் உள்ளிட்ட விவரங்களை www.annauniv.edu http://tnea.ac.in ஆகிய இணையதளங்களில் பார்த்துத் தெரிந்துகொள்ளலாம். சந்தேகங்களை 044 - 2235 9901 - 20 தொலைபேசி எண்களிலும், 1800 425 9779 என்ற கட்டணமில்லா தொலைபேசி எண்ணிலும் தொடர்பு கொண்டு தெளிவு பெறலாம் எனத் தெரிவிக்கப்பட்டுள்ளது.

]]>
http://www.dinamani.com/tamilnadu/2018/aug/18/பிஇ-கலந்தாய்வு-5--ஆம்-சுற்றுக்கு-கூடுதல்-அவகாசம்-2982635.html
2982634 தமிழ்நாடு கேரளம் செல்லும் ரயில்கள் சேலம், ஈரோடு, கோவை ரயில் நிலையங்களில் நிறுத்தம் DIN DIN Saturday, August 18, 2018 02:27 AM +0530
கேரள மாநிலத்தில் கடும் மழை வெள்ளம் நீடிப்பதால், பாலக்காடு வழியாகச் செல்லும் கேரள ரயில்கள் சேலம் கோட்டத்துக்கு உள்பட்ட ரயில் நிலையங்களில் நிறுத்தப்பட்டு, புறப்பட்டுச் சென்றன.
கேரள மாநிலத்தில் கடும் மழை வெள்ளம் காரணமாக மக்களின் இயல்பு வாழ்க்கை கடுமையாகப் பாதிக்கப்பட்டுள்ளது. மேலும் பேருந்து மற்றும் ரயில் போக்குவரத்தும் பாதிக்கப்பட்டுள்ளன. இதனிடையே, கேரளத்தின் பாலக்காடு மற்றும் திருவனந்தபுரம் வழியாகச் செல்லும் ரயில் போக்குவரத்தில் மாற்றங்கள் செய்யப்பட்டுள்ளன. குறிப்பாக, எர்ணாகுளம், திருச்சூர், கோட்டயம், செங்கன்னூர் மற்றும் பாலக்காடு ஆகிய பகுதிகளில் மழை வெள்ளம், மண் சரிவு போன்ற பேரிடரால் ரயில் போக்குவரத்து அந்த வழியாக இயக்கப்படாமல் மாற்று வழியில் இயக்கப்பட்டு வருகிறது. 
பாலக்காடு மற்றும் திருவனந்தபுரம் ரயில்வே கோட்டங்களுக்கு உள்பட்ட பகுதிகளில் இயக்கப்படும் ரயில் சேவை முற்றிலும் நிறுத்தப்பட்டுள்ளது. திருவனந்தபுரம் வழியாக அதாவது நாகர்கோவில், திருநெல்வேலி, விருதுநகர், மதுரை, கரூர், ஈரோடு வழியாக கேரள ரயில்கள் மாற்று வழியில் இயக்கப்பட்டு வருகின்றன. கேரளத்தில் மேலும் மழை நீடிக்கும் என்று அறிவித்திருப்பதால், சேலம், ஈரோடு, திருப்பூர், கோவை மற்றும் பாலக்காடு வழியாக கேரளம் செல்லும் ரயில்களின் கால அட்டவணை மாற்றப்பட்டுள்ளது. அதன்படி, ஹைதராபாத் - திருவனந்தபுரம் சபரி எக்ஸ்பிரஸ் ரயில் சேலம் ரயில் நிலையத்தில் நிறுத்தி வைக்கப்பட்டது. மேலும் ரப்தி சாகர் எக்ஸ்பிரஸ் ரயில், ஈரோடு ரயில் நிலையத்திலும், வெஸ்ட் கோஸ்ட் எக்ஸ்பிரஸ் ரயில் திருப்பூரிலும், பொகரோ எக்ஸ்பிரஸ் ரயில் கோவையிலும் நிறுத்தப்பட்டன. பின்னர் குறிப்பிட்ட இந்த எக்ஸ்பிரஸ் ரயில்கள் அனைத்தும் நிறுத்தப்பட்ட ரயில் நிலையத்தில் இருந்து மீண்டும் புறப்பட்டுச் சென்றன. இந்திய ரயில்வே வரலாற்றிலேயே ரயில்கள் குறிப்பிட்ட நிறுத்தங்களுக்குச் செல்லாமல், பிற நிலையங்களில் நிறுத்தப்பட்டு புறப்பட்டு சென்றது இதுவே முதல் முறை என அதிகாரிகள் தெரிவித்தனர்.
சென்னை சென்ட்ரல் - திருவனந்தபுரம், திருவனந்தபுரம் -கண்ணூர், மங்களூரு - திருவனந்தபுரம், கோழிக்கோடு - திருவனந்தபுரம், ஷொரணூர் - திருவனந்தபுரம், கண்ணூர்-எர்ணாகுளம் உள்ளிட்ட 15 எக்ஸ்பிரஸ் ரயில் சேவை முற்றிலும் ரத்து செய்யப்பட்டுள்ளது. இதுதவிர 5 ரயில்கள் பகுதியாக ரத்து செய்யப்பட்டுள்ளன. இதனால் கேரளம் செல்லும் பயணிகள் கடுமையாக அவதிக்குள்ளாகியுள்ளனர். கேரளத்தில் மழை நீடிக்கும் வரை தொடர்ந்து மாற்று வழியில் ரயில் சேவை இயக்கப்படும் எனத் தெரிகிறது.
 

]]>
http://www.dinamani.com/tamilnadu/2018/aug/18/கேரளம்-செல்லும்-ரயில்கள்-சேலம்-ஈரோடு-கோவை-ரயில்-நிலையங்களில்-நிறுத்தம்-2982634.html
2982633 தமிழ்நாடு க்யூ பிரிவில் 146 காவலர்கள் நியமனம் DIN DIN Saturday, August 18, 2018 02:27 AM +0530
தமிழக காவல் துறையில் க்யூ பிரிவை வலுவூட்டும் வகையில் புதிதாக 146 காவலர்களை நியமனம் செய்து சட்டம் -ஒழுங்கு டிஜிபி தே.க.ராஜேந்திரன் உத்தரவிட்டுள்ளார்.
தடை செய்யப்பட்ட இயக்கங்களை பற்றிய ரகசியத் தகவல்களைத் திரட்டுவதற்கும், தீவிரவாதச் செயல்களில் ஈடுபடும் நபர்களை கண்டறிந்து கைது செய்வதற்கும் செயல்படும் க்யூ பிரிவில், கடந்த ஒரு ஆண்டுக்கு மேலாக காலிப் பணியிடங்கள் நிரப்படாமல் இருந்தன. இதனால் க்யூ பிரிவின் நிர்வாகப் பணிகள், ரகசியத் தகவல்களை திரட்டும் பணி, உள்ளிட்டவை பாதிக்கப்பட்டன. 
இதையடுத்து கடந்த ஒரு வாரமாக, க்யூ பிரிவுக்கு தமிழக காவல்துறையின் பிற பிரிவுகளில் இருந்து காவலர்களை தேர்வு செய்யும் வகையில் மனுக்கள் பெறப்பட்டு வந்தன. இதில் மனு செய்த தகுதியான காவலர்களை, க்யூ பிரிவு அதிகாரிகள் தேர்வு செய்யும் பணி கடந்த வாரம் நடைபெற்றது. இவ்வாறு தேர்வு செய்யப்பட்ட 146 காவலர்களின் பட்டியலை க்யூ பிரிவு அதிகாரிகள், தமிழக காவல்துறை சட்டம் = ஒழுங்கு டிஜிபி தே.க.ராஜேந்திரனிடம் வழங்கினர்.
இப்பட்டியலை இறுதி செய்த அவர், காவல் துறையின் பிறப் பிரிவுகளில் இருந்த 146 காவலர்களை க்யூ பிரிவுக்கு பணியிட மாற்றம் செய்து வியாழக்கிழமை உத்தரவிட்டார். இதன் மூலம் கடந்த ஓராண்டாக தேக்கமடைந்த க்யூ பிரிவு பணிகள், இனி தேக்கமின்றி நடைபெறும் என காவல்துறை உயரதிகாரிகள் தெரிவித்தனர்.
 

]]>
http://www.dinamani.com/tamilnadu/2018/aug/18/க்யூ-பிரிவில்-146-காவலர்கள்-நியமனம்-2982633.html
2982632 தமிழ்நாடு காவிரியில் 2.50 லட்சம் கன அடி நீர் திறப்பு : வெள்ளத்தில் தத்தளிக்கும் கரையோர மாவட்டங்கள்! DIN DIN Saturday, August 18, 2018 01:47 AM +0530
பவானி ஆற்றில் திறந்து விடப்பட்டுள்ள உபரி நீரும், காவிரியில் சேர்ந்துள்ளதால் பள்ளிபாளையம் காவிரி ஆற்றில் சுமார் 2.50 லட்சம் கன அடி நீர் செல்கிறது. தமிழக காவிரி கரையோர மாவட்டங்களில் குடியிருப்பு பகுதிகளில் வெள்ளநீர் புகுந்துள்ளதால் மக்கள் அவதிக்குள்ளாகி தவிக்கின்றனர்.
2.50 லட்சம் கன அடி திறப்பு: மேட்டூர் அணை முழுக் கொள்ளளவை எட்டியுள்ளதால், கர்நாடக மாநிலத்தில் இருந்து வரும் தண்ணீர் முழுமையாக வெளியேற்றப்படுகிறது. வெள்ளிக்கிழமை மாலை நிலவரப்படி அணையிலிருந்து விநாடிக்கு 1.75 லட்சம் கன அடி உபரி நீர் திறக்கப்பட்டுள்ளது. இதுபோல், பவானிசாகர் அணையும் முழுக் கொள்ளளவை எட்டியுள்ளதால், அணையில் இருந்து விநாடிக்கு சுமார் 75,000 கன அடி தண்ணீர் திறக்கப்பட்டுள்ளது. இந்த உபரி நீரும் ஈரோடு மாவட்டம் பவானி கூடுதுறையில் காவிரி ஆற்றில் கலக்கிறது. இதனால் கூடுதுறைக்கு கீழ் காவிரி ஆற்றில் வெள்ள நீரின் அளவு 2.50 லட்சம் கன அடியாக அதிகரித்துள்ளது. 
இதனால் குமாரபாளையம்-பவானி பழைய பாலம், பள்ளிபாளையம்-ஈரோடு பழைய பாலம், கொக்கராயன்பேட்டை- ஈரோடு பாலம் ஆகிய மூன்று பாலங்களில் போக்குவரத்து நிறுத்தப்பட்டுள்ளது. பள்ளிபாளையத்திலிருந்து ஈரோட்டுக்கு புதிய பாலம் வழியாக மட்டுமே வாகனங்கள் சென்று வருகின்றன. 
குடியிருப்பில் புகுந்த 5 அடி வெள்ள நீர்: பள்ளிபாளையம் பெரியார் நகர் பகுதியில் உள்ள குடியிருப்பில் சுமார் 5 அடி அளவுக்கு வெள்ள நீர் புகுந்தது. இதனால் கீழ் தளத்தில் இருந்த குடும்பங்களைச் சேர்ந்தவர்கள் மொட்டை மாடிக்குச் சென்றுவிட்டனர். தகவல் அறிந்து படகில் அங்கு சென்ற மீட்புக் குழுவினர், அங்கு இருந்த 8 குடும்பங்களைச் சேர்ந்த 35 பேரை மீட்டு அருகில் உள்ள நிவாரண முகாம்களில் தங்க வைத்தனர். 
இதுபோல், காவிரிக் கரையில் உள்ள பெருமாள், முருகன், விநாயகர் கோயில்களை தண்ணீர் சூழ்ந்துள்ளது. ஆவாரங்காடு, ஜனதா நகர் பகுதியில் உள்ள 100-க்கும் மேற்பட்ட வீடுகளை வெள்ளம் மூழ்கடித்தது. இதேபோல, முருகன் கோயில் கரை, ஓம்காளியம்மன் கோயில் பாவடி தெரு, அக்ரஹாரம், காளியம்மன் கோயில் பகுதிகளில் 200 வீடுகளை தண்ணீர் சூழ்ந்துள்ளது.
மேலும், அக்ரஹாரம் ஜெயலட்சுமி தியேட்டர் பின்புறம் குமரன் நகரில் தண்ணீர் புகுந்தது. கரையோர வீடுகளில் இருந்த 300-க்கும் மேற்பட்ட குடும்பங்கள் வெளியேற்றப்பட்டு அக்ரஹாரம் ஊராட்சி தொடக்கப் பள்ளி, செளடேஸ்வரி மண்டபம், ஆவாரங்காடு நகராட்சி மண்டபம், சந்தைப்பேட்டை நாட்டாகவுண்டம்புதூரில் உள்ள பள்ளிகளில் ஆயிரத்துக்கும் மேற்பட்டோர் தங்க வைக்கப்பட்டுள்ளனர். அவர்களுக்கு வருவாய் துறை சார்பில் உணவு வழங்கப்பட்டது. 
பள்ளிபாளையம், குமாரபாளையம் பகுதிகளில் வெள்ளத்தால் பாதிக்கப்பட்ட சுமார் 700 குடும்பங்களைச் சேர்ந்த 2,500 பேர் 14 நிவாரண முகாம்களில் தங்க வைக்கப்பட்டுள்ளதாக அதிகாரிகள் தெரிவித்தனர். 

வெள்ளம் சூழ்ந்த பவானி பழைய பேருந்து நிலையம். பின்னால், பவானி  ஆறு, பழைய பாலம்.


நீரோட்டத்தை தடுக்கும் ஆகாயத் தாமரை: கொக்கராயன்பேட்டையில் இருந்து ஈரோடு மாவட்டம், லக்காபுரம் வழியாக சோலார் அருகே ஈரோடு-கரூர் சாலையை இணைக்கும் வகையில் கடந்த 2 ஆண்டுகளுக்குமுன் புதிய பாலம் கட்டப்பட்டது. இந்தப் பாலம், வெண்டிபாளையம் நீர்மின் நிலைய தடுப்பணைக்கு கீழ் உள்ளது. அங்கு நீர்போக்கிகள் அனைத்தும் முழுமையாகத் திறக்கப்பட்டுள்ளதால், அங்கு தேங்கியிருந்த ஆகாயத் தாமரை கொடிகள் கொக்கராயன்பேட்டை காவிரி பாலத்தில் சிக்கிக் கொண்டன. 
இதனால் ஆற்றின் நீரோட்டம் தடைபட்டு, பாலத்தைத் தொட்டும் விடும் அளவுக்கு தண்ணீர் மட்டம் அதிகரித்தது. இதனைத்தொடர்ந்து, கொக்கராயன்பேட்டை பாலத்தின் கீழ் நீரோட்டத்தை தடுத்த ஆகாயத் தாமரைச் செடிகளை பொக்லைன் இயந்திரத்தைக் கொண்டு அப்புறப்படுத்தினர். இருப்பினும், தண்ணீரின் வேகம் பாலத்தை தொட்டுக் கொண்டு செல்கிறது. 
எதிர்திசையில் ஆற்று நீர்: ஆற்றில் கடுமையான வெள்ளப் பெருக்கு ஏற்பட்டுள்ளதால், பாசன வாய்க்கால்கள் ஆற்றில் கலக்கும் இடங்களில் இருந்து குமாரபாளையம் தொடங்கி, சோழசிராமணி வரை பாசன வாய்க்கால்களில் தண்ணீர் எதிர் திசையில் பெருக்கெடுத்து வந்து விளை நிலங்களில் புகுந்துள்ளது. இதனால் பல இடங்களில் விளை நிலங்களில் 10 அடி அளவுக்கு வெள்ள நீர் தேங்கி நிற்கிறது. 
நிவாரண முகாம்களில் 6000 பேர்: ஈரோடு மாவட்டத்தில் காவிரி, பவானி ஆறுகளில் ஏற்பட்டுள்ள வெள்ளப்பெருக்கு காரணமாக பாதிக்கப்பட்ட பகுதிகளைச் சார்ந்த மக்கள் 6 ஆயிரம் பேர் 60 -க்கும் மேற்பட்ட நிவாரண முகாம்களில் தங்க வைக்கப்பட்டுள்ளனர். 
ஈரோடு அருகே கருங்கல்பாளையம், காலிங்கராயன்பாளையம் ஆகிய முகாம்களில் தங்க வைக்கப்பட்டுள்ள பொதுமக்களையும், அப்பகுதியில் வெள்ளப் பாதிப்புகளையும் ஈரோடு கிழக்குத் தொகுதி சட்டப் பேரவை உறுப்பினர் கே.எஸ்.தென்னரசு முன்னிலையில் வெள்ளிக்கிழமை நேரில் ஆய்வு செய்தபிறகு ஆட்சியர் கூறியதாவது: 
ஈரோடு மாவட்டத்தில் பவானிசாகர் அணையிலிருந்து 70 ஆயிரம் கன அடி நீரும், மேட்டூர் அணையிலிருந்து 1.75 லட்சம் கன அடியும் நீர் வெளியேற்றப்பட்டு வருவதாலும், பவானி கூடுதுறையில் இவ்விரு ஆறுகளும் இணைவதன் காரணமாகவும் கொடுமுடி வரை 2.45 லட்சம் கன அடி நீர் செல்கிறது.
தாழ்வான பகுதிகளில் இருக்கும் மக்கள் மேடான பகுதிக்கும், நிவாரண முகாம்களுக்கும் சென்று பாதுகாப்பாக இருக்க வேண்டும் என அறிவுறுத்தப்பட்டுள்ளனர்.
தேசிய பேரிடர் மேலாண்மைக் குழு: இந்நிலையில், அரசின் உத்தரவுப்படி தேசிய பேரிடர் மேலாண்மைக் குழு ஈரோடு மாவட்டத்துக்கு வந்துள்ளது. இக்குழு மொடக்குறிச்சி முதல் கொடுமுடி வரை, பவானி பகுதி, சத்தியமங்கலம் பகுதி என 3 பிரிவுகளாகப் பிரிந்து காவல் துறையினருடன் ஒருங்கிணைந்து மீட்புப் பணிகளில் ஈடுபடவுள்ளனர். 2 நாள்கள் முன்னதாகவே 100 வீரர்கள் வரவழைக்கப்பட்டு மீட்புப் பணிகளில் ஈடுபடுத்தப்பட்டுள்ளனர்.
கரையோரப் பகுதிகளில் வசிக்கும் மக்களின் நலன் கருதி ஈரோடு மாவட்டத்தில் 64 நிவாரண முகாம்கள் அமைக்கப்பட்டு இம்முகாம்களில் 2 ஆயிரம் குடும்பங்களைச் சேர்ந்த சுமார் 6 ஆயிரம் பேர் பாதுகாப்பாக தங்க வைக்கப்பட்டு, உணவு, குடிநீர், கழிப்பிடம் போன்ற அடிப்படை வசதிகள் செய்து தரப்பட்டுள்ளன.
இம்முகாம்களில் உள்ள பொதுமக்களுக்கான அடிப்படை வசதிகளைக் கண்காணிக்கவும், மேலும் தேவையான முகாம்களை அமைக்கவும், மாவட்ட ஆட்சியர் அலுவலகத்தில் 24 மணி நேரமும் செயல்படக் கூடிய புதிய கட்டுப்பாட்டு அறை அமைக்கப்பட்டுள்ளது. 
இதன் மூலம், நிவாரண முகாம்களுக்குத் தேவையான உணவு, குடிநீர் உள்ளிட்ட அடிப்படை வசதிகள் கண்காணிக்கப்படும். 24 மணி நேரமும் உதவி இயக்குநர் நிலையில் உள்ள அலுவலரின் தலைமையில் இந்த அலுவலகம் இயங்கும். தேவை இருப்பின் புதிய முகாம்கள் அமைக்கப்படும். மேலும், நிவாரண முகாம்களில் தங்கியுள்ள பொதுமக்கள் கட்டுப்பாட்டு அறையை 0424 - 2253399, 2220999 ஆகிய எண்களில் தொடர்பு கொள்ளலாம். 
பொதுப் பணித் துறை, நெடுஞ்சாலைத் துறை, ஊரக வளர்ச்சித் துறை, வருவாய்த் துறை, காவல் துறை உள்ளிட்ட அனைத்துத் துறையினரும் வெள்ள நிவாரணப் பணிகளில் ஈடுபட்டு வருகின்றனர். அணையின் நிலைமை கண்காணிக்கப்பட்டு வருகிறது. பொதுமக்களுக்குத் தேவையான அனைத்து விதமான முன்னெச்சரிக்கை நடவடிக்கைகளையும் மாவட்ட நிர்வாகம் மேற்கொண்டு வருகிறது என்றார்.
பரிசல்களில் தஞ்சமடைந்த மக்கள்: காவிரி ஆற்றில் தொடர்ந்து வெள்ளப்பெருக்கு ஏற்பட்டுள்ளகால் தமிழக - கர்நாடக எல்லையில் உள்ள தமிழர்கள் பரிசல்களில் தஞ்சமடைந்துள்ளனர்.
காவிரி ஆற்றில் முன்னெப்போதும் இல்லாத அளவுக்கு வெள்ளப்பெருக்கு ஏற்பட்டுள்ளதால், தமிழக-கர்நாடக எல்லையில் உள்ள தமிழகத்தைச் சேர்ந்த சம்புருட்டு, புளியமரத்து கொம்பு ஆகிய கிராமங்களில் உள்ள 10-க்கும் மேற்பட்ட வீடுகளில் வெள்ள நீர் புகுந்துள்ளது.
இந்நிலையில், அப் பகுதியை சுற்றிலும் வெள்ள நீர் தேங்கி உள்ளதால், கிராமத்தை விட்டு வெளியேற முடியாமல் மக்கள் தங்கள் பரிசல்களில் தஞ்சமடைந்துள்ளனர். 
கொள்ளிடக் கரைகளில் உடைப்பு: கொள்ளிடத்தில் 2 லட்சம் கன அடி தண்ணீர் திறக்கப்பட்டதால் அரியலூர் மாவட்டம் தா. பழூர், திருமானூர் உள்ளிட்ட பகுதிகளில் வெள்ளிக்கிழமை வெள்ளப்பெருக்கு ஏற்பட்டது.
விக்கிரமங்கலம் அருகேயுள்ள அணைக்குடி, முட்டுவாஞ்சேரி உள்ளிட்ட பகுதிகளின் கொள்ளிடக் கரைகளில் உடைப்பு ஏற்பட்டு, வெள்ள நீர் விளை நிலங்களைச் சூழ்ந்தது. 
இதேபோல, திருமானூர் அருகேயுள்ள வைப்பூர் கிராமத்தில் ஏற்பட்ட கரை உடைப்பால் கொள்ளிட நீர் புகுந்தது. 200-க்கும் மேற்பட்ட வீடுகளை தண்ணீர் சூழ்ந்துள்ளதால், வீட்டிலுள்ளவர்கள் அனைவரும் வெளியேறுமாறு வருவாய்த் துறையினர் அறிவுறுத்தினர். சாத்தம்பாடி, விழுப்பணாங்குறிச்சி, வரப்பணாங்குறிச்சி மற்றும் சுற்றியுள்ள கிராமங்களிலும் கொள்ளிட நீர் சூழ்ந்துள்ளதால், மக்கள் பாதுகாப்பாக இருக்குமாறு அறிவுறுத்தப்பட்டுள்ளது. 

]]>
http://images.dinamani.com/uploads/user/imagelibrary/2018/8/18/w600X390/palipalayam.jpg பள்ளிபாளையம் ஆவாரங்காடு பகுதியில் குடியிருப்புகளில் புகுந்த வெள்ள நீர். http://www.dinamani.com/tamilnadu/2018/aug/18/காவிரியில்-250-லட்சம்-கன-அடி-நீர்-திறப்பு--வெள்ளத்தில்-தத்தளிக்கும்-கரையோர-மாவட்டங்கள்-2982632.html
2982631 தமிழ்நாடு கொள்ளிடம் ஆற்றில் 1.80 லட்சம் கன அடி தண்ணீர் திறப்பு DIN DIN Saturday, August 18, 2018 01:45 AM +0530
கடலூர் மாவட்டம், காட்டுமன்னார்கோவில் அருகே உள்ள கீழணையிலிருந்து கொள்ளிடம் ஆற்றில் விநாடிக்கு 1.80 லட்சம் கன அடி தண்ணீர் திறந்துவிடப்படுகிறது. இதனால், கொள்ளிடம் ஆற்றில் வெள்ளப் பெருக்கு ஏற்பட்டுள்ளது.
காட்டுமன்னார்கோவில் அருகே உள்ளது கீழணை. இந்த அணையின் மூலம் தேக்கப்படும் தண்ணீரால் கடலூர், நாகை, தஞ்சை மாவட்டங்களில் சுமார் 1.34 லட்சம் ஏக்கர் விளைநிலங்கள் பாசன வசதி பெறுகின்றன.
மேட்டூர் அணையிலிருந்து திறந்துவிடப்படும் தண்ணீர் கல்லணையிலிருந்து கொள்ளிடம் ஆற்றின் வழியாக கீழணைக்கு வருகிறது. கீழணையின் பாதுகாப்பு கருதி, விநாடிக்கு 1.80 லட்சம் கன அடி தண்ணீர் கொள்ளிடம் ஆற்றில் திறந்துவிடப்பட்டு கடலுக்குச் செல்கிறது.
கொள்ளிடம் கரையோரக் கிராமங்களான கஞ்சங்கொல்லை, கொண்டாயிறுப்பு சிறுகாட்டுர் உள்ளிட்ட சுமார் 20 கிராமங்களுக்கு வெள்ள அபாய எச்சரிக்கை விடப்பட்டது. மேலும், அதிகாரிகள் இரவு பகலாக ரோந்துப் பணியில் ஈடுபட்டு வருகின்றனர்.
வீராணம் ஏரி: காட்டுமன்னார்கோவில் அருகே உள்ள வீராணம் ஏரியின் உச்ச நீர்மட்டம் 47.50 அடியாகும். தற்போது ஏரியின் நீர்மட்டம் 47 அடியாக உள்ளது. சென்னை குடிநீர் வாரியத்துக்கு விநாடிக்கு 74 கன அடி வீதம் தண்ணீர் திறந்துவிடப்பட்டுள்ளது.
இதனிடையே பாதுகாப்பு கருதி, கொள்ளிடம் கீழணை பாலத்தில் (சென்னை - கும்பகோணம் சாலை) கனரக வாகனங்கள் செல்லத் தடை விதிக்கப்பட்டுள்ளது.


 

]]>
http://images.dinamani.com/uploads/user/imagelibrary/2018/8/18/w600X390/koledam.jpg கீழணையிலிருந்து அதிகளவில் தண்ணீர் திறந்துவிடப்பட்டதையடுத்து, கொள்ளிடம் ஆற்றில் ஏற்பட்ட வெள்ளப்பெருக்கு. http://www.dinamani.com/tamilnadu/2018/aug/18/கொள்ளிடம்-ஆற்றில்-180-லட்சம்-கன-அடி-தண்ணீர்-திறப்பு-2982631.html
2982630 தமிழ்நாடு கூடலூர்- கேரள சாலை துண்டிப்பு DIN DIN Saturday, August 18, 2018 01:44 AM +0530
நீலகிரி மாவட்டம், கூடலூர் பகுதியில் பெய்து வரும் தொடர் மழை காரணமாக கூடலூர் - கேரள சாலை வெள்ளிக்கிழமை துண்டிக்கப்பட்டது.
கூடலூரில் இருந்து கேரள மாநிலத்தின் மலப்புரம் மாவட்டத்துக்குச் செல்லும் சாலையில், கீழ் நாடுகாணி பகுதியில் வியாழக்கிழமை இரவு முழுவதும் பெய்த மழை காரணமாக விரிசல் ஏற்பட்டது. 
நெடுஞ்சாலைத் துறை உதவிக் கோட்டப் பொறியாளர் நஸ்ரீன் தலைமையில் சீரமைப்புப் பணிகள் தொடர்ந்து நடைபெற்று வந்த நிலையில், சாலையில் விரிசல் அதிகரித்து வெள்ளிக்கிழமை மாலையில் போக்குவரத்து முற்றிலும் தடைபடும் அபாயம் ஏற்பட்டது.
இதையடுத்து, அந்தச் சாலையில் வந்த கனரக வாகனங்களை நாடுகாணி பகுதியிலேயே காவல் துறையினர் தடுத்து நிறுத்தினர். கார் உள்ளிட்ட சிறிய வாகனங்கள் மட்டுமே அனுமதிக்கப்படுகின்றன. 
தொடர்ந்து, அப்பகுதியில் பெய்து வரும் பலத்த மழையால் அந்தச் சாலை முற்றிலும் சிதிலமடையும் அபாயம் ஏற்பட்டுள்ளது.


 

]]>
http://images.dinamani.com/uploads/user/imagelibrary/2018/8/18/w600X390/kodalur-road.jpg கீழ் நாடுகாணி பகுதியில் சேதமடைந்துள்ள கேரளம் செல்லும் சாலை. http://www.dinamani.com/tamilnadu/2018/aug/18/கூடலூர்--கேரள-சாலை-துண்டிப்பு-2982630.html
2982629 தமிழ்நாடு மாயாற்றில் வெள்ளப்பெருக்கு: பரிசலில் ஆற்றைக் கடந்த மணப்பெண் DIN DIN Saturday, August 18, 2018 01:44 AM +0530
நீலகிரி மாவட்டத்தில் பெய்து வரும் கன மழை காரணமாக மாயாற்றில் வெள்ளப்பெருக்கு ஏற்பட்டுள்ளது. வேறு வழி இல்லாததால் அபாயத்தையும் பொருட்படுத்தாமல் அப்பகுதியைச் சேர்ந்த மணப்பெண் அரசு அதிகாரிகளின் அனுமதியுடன் பரிசலில் ஆற்றை வெள்ளிக்கிழமை கடந்தார்.
நீலகிரி மாவட்டம், கூடலூர், மசினகுடி, கேரள எல்லைப் பகுதிகளில் பெய்து வரும் கன மழை காரணமாக மாயாற்றில் வெள்ளப்பெருக்கு ஏற்பட்டுள்ளது. இதனால், தெங்குமரஹாடா ஊராட்சிப் பகுதிகளில் வசிக்கும் மக்கள் கடும் அவதிக்குள்ளாகி வருகின்றனர். மளிகைப் பொருள்கள் வாங்க வேண்டும் என்றால் பரிசல் மூலமாக ஆற்றைக் கடந்து பவானிசாகர் அல்லது சத்தியமங்கலம் செல்ல வேண்டும். ஆனால், அதிக அளவு வெள்ளப்பெருக்கால் பரிசல் மூலம் மூன்று நாள்களாக ஆற்றைக் கடக்க முடியவில்லை.
இந்நிலையில், கோத்தகிரியிலிருந்து வந்த பத்துக்கும் மேற்பட்டோர் வியாழக்கிழமை இரவில் பரிசலில் செல்ல மாவட்ட ஆட்சியர், மாவட்ட காவல் கண்காணிப்பாளர் ஆகியோர் தடை விதித்தனர். ஆற்றைக் கடக்க இயலாமல் காட்டுக்குள்ளே இருக்கும் பேருந்துக்குள்ளும், பேருந்து நிலையத்திலும் அவர்கள் படுத்து உறங்கினர்.
வெள்ளிக்கிழமை காலையும் ஆற்றில் நீரின் அளவு குறையாமல் இருந்தது. இந்நிலையில், இந்த ஊரைச் சேர்ந்த, திங்கள்கிழமை திருமணம் ஆக இருக்கும் மணப்பெண், உறவினர்கள் 15-க்கும் மேற்பட்டோர் மட்டும் அவசர வேலை காரணமாக காவல் துறை, வனத் துறை, அரசு அதிகாரிகளின் அனுமதியுடன் பரிசலில் ஆற்றைக் கடந்து சென்றனர்.


 

]]>
http://images.dinamani.com/uploads/user/imagelibrary/2018/8/18/w600X390/parisa.jpg பரிசலில் ஆற்றைக் கடக்கும் மணப்பெண், உறவினர்கள். http://www.dinamani.com/tamilnadu/2018/aug/18/மாயாற்றில்-வெள்ளப்பெருக்கு-பரிசலில்-ஆற்றைக்-கடந்த-மணப்பெண்-2982629.html
2982628 தமிழ்நாடு விசாரணை ஆணைய பதவியிலிருந்து நீதிபதி ரகுபதி ராஜிநாமா: தலைமைச் செயலாளருக்கு கடிதம் DIN DIN Saturday, August 18, 2018 01:43 AM +0530
புதிய தலைமைச் செயலக முறைகேடுகள் குறித்து விசாரிப்பதற்காக அமைக்கப்பட்ட விசாரணை ஆணையத்தின் தலைவர் பதவியை நீதிபதி ரகுபதி ராஜிநாமா செய்துள்ளார்.
தலைமைச் செயலர் கிரிஜா வைத்தியநாதனுக்கு தனது ராஜிநாமா கடிதத்தை நீதிபதி ரகுபதி அண்மையில் அனுப்பியுள்ளார்.
ரகுபதி ஆணையம்: திமுக ஆட்சிக் காலத்தில் சென்னை ஓமந்தூரார் அரசினர் தோட்டத்தில் புதிய தலைமைச் செயலகக் கட்டடம் கட்டப்பட்டது. ஆட்சி மாற்றத்தை அடுத்து அதிமுக அரசு இந்தக் கட்டடத்தை மருத்துவமனையாக மாற்றியது. இந்தக் கட்டடம் கட்டுவதில் முறைகேடு நடந்துள்ளதாகவும், இது தொடர்பாக விசாரிக்க உயர் நீதிமன்ற ஓய்வு பெற்ற நீதிபதி ரகுபதி தலைமையில் விசாரணை ஆணையத்தை அமைத்து அதிமுக அரசு உத்தரவிட்டது. இதனை எதிர்த்து திமுக சார்பில் சென்னை உயர் நீதிமன்றத்தில் வழக்கு தொடரப்பட்டது. இந்த வழக்கில், கடந்த 2015-ஆம் ஆண்டு நீதிபதி ரகுபதி விசாரணை ஆணையத்துக்கு நீதிமன்றம் தடை விதித்து உத்தரவிட்டது.
மீண்டும் விசாரணை: ஆணையத்துக்கு விதிக்கப்பட்ட தடையை நீக்கக் கோரி மேல் முறையீடு செய்யப்பட்டது. இந்த மேல்முறையீட்டு வழக்கை விசாரித்த உயர்நீதிமன்ற நீதிபதி எஸ்.எம்.சுப்பிரமணியம், ரகுபதி ஆணையத்தின் செயல்பாடுகளை நிறுத்தி வைப்பது தொடர்பாக அரசு உரிய நடவடிக்கை எடுக்கவும், அந்த ஆணையத்துக்கு வழங்கப்படும் நிதி மற்றும் இதர செலவினங்களையும் உடனடியாக நிறுத்த வேண்டும் என்றும் மேலும், இந்த ஆணையம் மேற்கொண்ட விசாரணை தொடர்பான ஆவணங்களைத் தமிழக அரசிடம் ஒப்படைக்க வேண்டும் என்றும் அண்மையில் உத்தரவிட்டார்.
ராஜிநாமா கடிதம்: இந்த நிலையில், ஆணையத்தின் பொறுப்புகளிலிருந்து ராஜிநாமா செய்து கொள்வதாக தமிழக தலைமைச் செயலாளருக்கு நீதிபதி ரகுபதி கடிதம் அனுப்பி உள்ளார். அந்தக் கடித விவரம்:-
கடந்த 3 ஆண்டுகளாக விசாரணை நடைபெறாமல் இருந்ததற்கு விசாரணை ஆணையம் காரணம் அல்ல. இந்த ஆணையத்துக்கு உயர் நீதிமன்றம் விதித்த தடையும், அதை நீக்கக் கோரி தங்கள் தரப்பில் பல தடவை முறையிட்டும் அந்த வழக்கை விசாரணை செய்யாததே காரணம் ஆகும். 
இந்த விவகாரத்தில் என்னால் முடிந்தவரை ஆக்கப்பூர்வமாகச் செயல்பட்டேன். மேலும் நீதிபதியின் உத்தரவில், ஓய்வுபெற்ற பின் ஏதாவது பதவிகளைத் தேடி ஓடுவதைப் போல் குறிப்பிட்டுள்ளது, உச்ச நீதிமன்ற, உயர் நீதிமன்ற ஓய்வுபெற்ற நீதிபதிகளிடையே பெரும் தர்மசங்கடத்தை ஏற்படுத்தியுள்ளது.
மௌலிவாக்கம் கட்டட விபத்துக்கு: இந்த ஆணையம் தொடர்பாக கடந்த ஆகஸ்ட் 3-ஆம் தேதி உயர்நீதிமன்றம் பிறப்பித்துள்ள உத்தரவு, ஆணையத்தை மறைமுகமாக ரத்து செய்வது போல் உள்ளது. மெளலிவாக்கம் கட்டட விபத்தில் 65 பேர் பலியான சம்பவம் தொடர்பாக எந்தவிதமான ஊதியமும் பெறாமல் 45 நாள்களில் விசாரித்து அறிக்கை சமர்ப்பித்தேன்.
இந்த ஆணையத்தில் தொடர்ந்து நீடிக்க விரும்பவில்லை எனவே, இந்த ஆணையத்தில் இருந்து ராஜிநாமா செய்கிறேன்; எனக்கு வழங்கப்பட்ட கார் மற்றும் கணினி உள்ளிட்டவற்றை ஒப்படைக்கிறேன்' என அந்தக் கடிதத்தில் நீதிபதி ரகுபதி குறிப்பிட்டுள்ளார்.
 

]]>
http://images.dinamani.com/uploads/user/imagelibrary/2018/8/18/w600X390/ragupathi.jpg http://www.dinamani.com/tamilnadu/2018/aug/18/விசாரணை-ஆணைய-பதவியிலிருந்து-நீதிபதி-ரகுபதி-ராஜிநாமா-தலைமைச்-செயலாளருக்கு-கடிதம்-2982628.html
2982627 தமிழ்நாடு ராசிமணல் பகுதியில் அணை கட்ட வேண்டும்: பழ.நெடுமாறன் DIN DIN Saturday, August 18, 2018 01:42 AM +0530 ஒகேனக்கல் ராசிமணல் பகுதியில் அணை கட்ட தமிழக அரசு நடவடிக்கை எடுக்க வேண்டும் என்று தமிழர் தேசிய முன்னணி தலைவர் பழ.நெடுமாறன் வலியுறுத்தினார்.
ராசிமணல் அணை கட்டுமானப் பணியை தமிழக அரசு உடனே துவங்க வலியுறுத்தி, தமிழக அனைத்து விவசாயிகள் சங்கங்களின் ஒருங்கிணைப்புக் குழு தலைவர் பி.ஆர். பாண்டியன் தலைமையில் சென்னை வள்ளுவர் கோட்டம் அருகில் வியாழக்கிழமை உண்ணாவிரதப் போராட்டம் நடைபெற்றது. இதில் பங்கேற்று பழ.நெடுமாறன் பேசியது:
தமிழகத்தில் பொதுப்பணித் துறை செயல்பாடு ஏற்கத்தக்கது அல்ல. காவிரி டெல்டா பாசனப் பகுதிகளில் விளை நிலங்களுக்கு இதுநாள் வரை தண்ணீர் சென்றடையவில்லை. 
காவிரியின் உபரி நீர் கடலில் கலப்பதைத் தடுத்து ஒக்கேனக்கலுக்கு மேலே தமிழக எல்லையில் ராசி மணலில் புதிய அணை கட்ட, சட்டப்பேரவை உறுப்பினராக இருந்தபோது கவன ஈர்ப்பு தீர்மானம் கொண்டு சென்றேன். அதனை ஏற்று ஒரு மனதாக அணை கட்ட தீர்மானிக்கப்பட்டது. பிறகு, ராசிமணலில் அணைகட்ட மறுத்து மேக்கேதாட்டுவில் அணை கட்ட கர்நாடகம் முயற்சித்தது.
அப்போது முதல்வராக இருந்த எம்ஜிஆர், ராசி மணலில் அணை கட்டி, கிடைக்கும் உபரி நீரை பயன்படுத்திக் கொள்ள தமிழகத்துக்கு உரிமை உண்டு எனவும், தமிழகத்துக்கு வரும் நீரைத் தடுத்து மேக்கேதாட்டுவில் அணை கட்ட சட்டப்படி கர்நாடகத்துக்கு உரிமை இல்லை' எனவும் கூறினார். எனவே, ராசி மணலில் அணை கட்டுவதற்கான நடவடிக்கையை தமிழக அரசு உடனே தொடங்க வேண்டும் என்றார் அவர்.
 

]]>
http://images.dinamani.com/uploads/user/imagelibrary/2017/7/8/w600X390/nedumaran.jpg http://www.dinamani.com/tamilnadu/2018/aug/18/ராசிமணல்-பகுதியில்-அணை-கட்ட-வேண்டும்-பழநெடுமாறன்-2982627.html
2982625 தமிழ்நாடு காவிரி, கொள்ளிடம் ஆற்றுப் பகுதி மணல் குவாரிகளை மூட வேண்டும் DIN DIN Saturday, August 18, 2018 01:40 AM +0530
காவிரி, கொள்ளிடம் ஆற்றுப் பகுதிகளில் உள்ள மணல் குவாரிகளை மூட வேண்டும் என்று பாமக நிறுவனர் ராமதாஸ் வலியுறுத்தியுள்ளார்.
இதுதொடர்பாக அவர் வெள்ளிக்கிழமை வெளியிட்ட அறிக்கை: குறுவை சாகுபடிக்காக மேட்டூர் அணையிலிருந்து தண்ணீர் திறக்கப்பட்டு கிட்டத்தட்ட ஒரு மாதம் ஆகும் நிலையில், இப்போதுதான் திருவாரூர், நாகப்பட்டினம் உள்ளிட்ட மாவட்டங்களில் உள்ள கடைமடைப் பாசனப் பகுதிகளுக்கு தண்ணீர் சென்றடைய தொடங்கியுள்ளது. 
ஆனால், கரூர் மற்றும் புதுக்கோட்டை மாவட்டங்களின் பல பகுதிகளுக்கு இன்னும் தண்ணீர் சென்றடையவில்லை. விநாடிக்கு 2 லட்சம் கன அடி வீதம் தண்ணீர் திறக்கப்பட்டும் கால்வாய்கள் மூலம் நிலங்களுக்கு தண்ணீர் சென்றடையாததற்கு காரணம் மணல் கொள்ளைதான். 3 அடி ஆழத்துக்கு மேல் மணல் அள்ளக் கூடாது என்ற நிலையில், கரூர் மாவட்டத்தில் 40 அடி வரை காவிரி ஆற்றுப் பகுதிகளில் மணல் வெட்டி எடுக்கப்பட்டுள்ளது. இதனால் எவ்வளவு தண்ணீர் திறந்துவிடப்பட்டாலும் அது கால்வாய்கள் அமைந்துள்ள உயரத்தை எட்ட முடிவதில்லை. 
கரூர் மாவட்டத்தில் மட்டுமல்ல, காவிரியிலும், கொள்ளிடத்திலும் மணல் கொள்ளை நடைபெறும் அனைத்து மாவட்டங்களிலும் இதே நிலை தான் காணப்படுகிறது. காவிரி பாசன மாவட்டங்களில் விவசாயத்தைக் காக்க வேண்டுமானால் காவிரி, கொள்ளிடம் ஆகிய ஆற்றுப் பகுதிகளில் மணல் அள்ளத் தடை விதித்து, மணல் குவாரிகளையும் மூட வேண்டும். அத்துடன் இரு ஆறுகளிலும் வாய்ப்புள்ள இடங்களில் தடுப்பணைகளைக் கட்டி விவசாயத்தைப் பாதுகாக்க அரசு முன்வர வேண்டும் என்று ராமதாஸ் கூறியுள்ளார்.
 

]]>
http://www.dinamani.com/tamilnadu/2018/aug/18/காவிரி-கொள்ளிடம்-ஆற்றுப்-பகுதி-மணல்-குவாரிகளை-மூட-வேண்டும்-2982625.html
2982623 தமிழ்நாடு சுதந்திர தினம்: முன்னாள் எம்.எல்.ஏ.-க்களுக்கு சிறப்புச் சலுகைகள் DIN DIN Saturday, August 18, 2018 01:40 AM +0530
சுதந்திர தினத்தை ஒட்டி, முதல்முறையாக முன்னாள் எம்.எல்.ஏ.-க்களுக்கு சிறப்புச் சலுகைகள் வழங்கப்பட்டன. விழா பந்தலில் சிறப்பு இட ஒதுக்கீடு அளிக்கப்பட்டதுடன், அவர்கள் சென்னை வந்து செல்லவும் ஏற்பாடுகள் செய்யப்பட்டன.
நாட்டின் 72 -ஆவது சுதந்திர தினத்தை ஒட்டி, சென்னை கோட்டை கொத்தளத்தில் தமிழக அரசின் சார்பில் நிகழ்ச்சிகளுக்கு புதன்கிழமை ஏற்பாடு செய்யப்பட்டிருந்தன. அதில், முதல்முறையாக முன்னாள் எம்.எல்.ஏ.-க்களுக்கு சிறப்பு ஏற்பாடுகள் வழங்கப்பட்டிருந்தன. அவர்கள் ஆகஸ்ட் 14 -ஆம் தேதி முதல் ஆகஸ்ட் 16 -ஆம் தேதி வரை, சென்னையில் முன்னாள் எம்.எல்.ஏ.-க்கள் விடுதியில் இலவசமாக தங்கிக்கொள்ள வசதி செய்யப்பட்டிருந்தது. மேலும், நாளொன்றுக்கு ரூ.300 வீதம் மூன்று நாள்களுக்கு ரூ.900 வரை படி வழங்கப்பட்டது.
இதுகுறித்து சுதந்திர தின விழாவில் கலந்து கொண்ட முன்னாள் எம்.எல்.ஏ. ஒருவர் கூறும்போது,  வழக்கமாக சுதந்திர தின விழாக்களில் பங்கேற்க நாங்கள் சென்னை வர மாட்டோம். ஆனால், அரசு செய்து கொடுத்த புதிய வசதிகளின் பயனாக சுமார் 100 -க்கும் மேற்பட்ட முன்னாள் எம்.எல்.ஏ.-க்கள் சென்னைக்கு வந்து சுதந்திர தின விழாவில் கலந்து கொண்டோம்' என்றார் அவர்.
 

]]>
http://www.dinamani.com/tamilnadu/2018/aug/18/சுதந்திர-தினம்-முன்னாள்-எம்எல்ஏ-க்களுக்கு-சிறப்புச்-சலுகைகள்-2982623.html
2982620 தமிழ்நாடு 600 கிராம நிர்வாக அலுவலர் பணியிடங்களை நிரப்ப நடவடிக்கை DIN DIN Saturday, August 18, 2018 01:40 AM +0530 தமிழகத்தில் காலியாகவுள்ள 600-க்கும் அதிகமான கிராம நிர்வாக அலுவலர் பணியிடங்களை பதவி உயர்வு உள்ளிட்ட நடவடிக்கைகள் மூலம் நிரப்ப தமிழக அரசு உத்தரவிட்டுள்ளது.
இந்த இடங்கள் கிராம உதவியாளர்களைக் கொண்டு தகுதி அடிப்படையில் பதவி உயர்வின் மூலமும், கருணை அடிப்படையில் நியமனம் செய்யவும் தமிழக அரசு உத்தரவு பிறப்பித்துள்ளது.
தமிழகத்தில் 10,000-த்துக்கும் மேற்பட்ட கிராம நிர்வாக அலுவலர் இடங்கள் உள்ளன. இந்த இடங்கள் குரூப் 4 பிரிவின் கீழ் வருகின்றன. பெரும்பாலான இடங்கள் தமிழ்நாடு அரசுப் பணியாளர் தேர்வாணையம் நடத்தும் எழுத்துத் தேர்வு மூலமாக நிரப்பப்படுகின்றன. குறிப்பிட்ட எண்ணிக்கையிலான இடங்கள், பதவி உயர்வு, கருணை அடிப்படையில் நிரப்பப்படுகின்றன.
609 இடங்கள்: 2017-18-ஆம் ஆண்டுக்கான கிராம நிர்வாக அலுவலர்களுக்கான காலிப் பணியிட மதிப்பீட்டை தமிழக அரசு வெளியிட்டுள்ளது. இந்த மதிப்பீட்டின்படி, 609 காலியிடங்கள் உள்ளன. அதில், 341 காலியிடங்கள் கருணை அடிப்படையிலும், 268 இடங்கள் கிராம உதவியாளர்களுக்கு தகுதி அடிப்படையில் பதவி உயர்வு அளிப்பதன் மூலமாகவும் நிரப்பப்பட உள்ளன. எந்தெந்த மாவட்டங்களில் எவ்வளவு காலியிடங்கள் உள்ளன என்கிற விவரங்களை வருவாய் நிர்வாக ஆணையரகம் வெளியிட்டுள்ளது. அதன்படி, தஞ்சாவூரில் அதிகபட்சமாக கருணை அடிப்படையில் நிரப்ப வேண்டிய காலியிடங்களின் எண்ணிக்கை 34 -ஆகவும், பதவி உயர்வின் மூலம் நிரப்ப வேண்டியவை 27-ஆகவும் உள்ளன. இதேபோன்று, விழுப்புரம், காஞ்சிபுரம், திருச்சி, திருநெல்வேலி உள்ளிட்ட மாவட்டங்களிலும் அதிகளவு காலியிடங்கள் உள்ளன.
கிராம உதவியாளர்களுக்கு வாய்ப்பு: கிராமப்புறங்களில் நிர்வாக அலுவலர்களுக்கு உதவியாளர்களாக பணியாற்றுவர்களே கிராம உதவியாளர்கள். அவர்களுக்கு ஊதியம் உள்ளிட்ட பணிச் சலுகைகள் மிகவும் குறைவாகும். அவர்களில் குறிப்பிட்ட அளவினர், பதவி உயர்வு மூலம் கிராம நிர்வாக அலுவலர்களாகும் வாய்ப்பு கிடைத்துள்ளது. மாவட்ட அளவிலேயே இதற்கான பணிகள் மேற்கொள்ளப்பட்டு பணிகளை பூர்த்தி செய்யும்படி வருவாய் நிர்வாக ஆணையரகம் கேட்டுக் கொண்டுள்ளது.
 

]]>
http://www.dinamani.com/tamilnadu/2018/aug/18/600-கிராம-நிர்வாக-அலுவலர்-பணியிடங்களை-நிரப்ப-நடவடிக்கை-2982620.html
2982618 தமிழ்நாடு கேரள வெள்ளப் பாதிப்பு: ஒருநாள் சம்பளத்தை நிவாரணமாக அளிக்க தமிழக அரசு ஊழியர்கள் முடிவு  DIN DIN Saturday, August 18, 2018 01:39 AM +0530 கேரள வெள்ள நிவாரணத்துக்கு தமிழக அரசு ஊழியர்கள் மற்றும் ஆசிரியர்களின் ஒருநாள் சம்பளத்தை பிடித்தம் செய்து கொள்ள தமிழ்நாடு அரசு அலுவலர் ஒன்றிய சங்கம் முடிவு செய்துள்ளது.
கேரள மாநிலத்தில் வரலாறு காணாத மழை பெய்து வருவதால் லட்சக்கணக்கான மக்கள் பாதிக்கப்பட்டுள்ளனர். அணைகள் நிரம்பியதால் தண்ணீர் திறக்கப்பட்டதையடுத்து வெள்ள பாதிப்பு அதிகரித்துள்ளது. உயிரிழப்பும் அதிகரித்து வருகிறது. வீடு, உடைமைகளை இழந்து உணவு, உடையின்றி மக்கள் தவித்து வருகின்றனர். கேரளத்தை புரட்டிப் போட்டுள்ள மழையால் சாலை, ரயில் போக்குவரத்து பாதிக்கப்பட்டுள்ளது. கேரள அரசுக்கு தமிழக அரசு சார்பில் ரூ.5 கோடி நிவாரண உதவி வழங்கப்பட்டது. இந்த நிலையில் தமிழக அரசு ஊழியர்கள் சார்பாகவும் நிதியுதவி வழங்க முடிவு செய்யப்பட்டுள்ளது.
அரசு ஊழியர்கள் மற்றும் ஆசிரியர்களின் ஒருநாள் சம்பளத்தை பிடித்தம் செய்து கொள்ள, தமிழ்நாடு அரசு அலுவலர் ஒன்றிய சங்கம் முடிவு செய்துள்ளது. 
இதுகுறித்து சங்கத்தின் மாநிலத் தலைவர் இரா.சண்முகராஜன் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:
கேரளத்தில் பெய்து வரும் வரலாறு காணாத மழையின் காரணமாக அம்மாநில மக்களுக்கு உதவும் வகையிலும், அவர்களது துயரத்தில் தமிழக அரசு அலுவலர்களும், ஆசிரியர்களும் பங்கு கொள்ள வேண்டும் என்ற அடிப்படையிலும் இந்த நிவாரண நிதியை வழங்க முடிவு செய்துள்ளோம்.
முதல்வருக்கு வேண்டுகோள்: எங்களது ஒருநாள் ஊதியத்தை பிடித்தம் செய்து நிவாரண நிதி வழங்க உரிய ஆணை வழங்குமாறு தமிழக முதல்வரை அரசு அலுவலர் ஒன்றியம் கேட்டுக் கொள்கிறது. தமிழகத்தில் ஏற்பட்ட பல்வேறு நிகழ்வுகளில் அரசு அலுவலர்கள், ஆசிரியர்கள் இதுபோன்று தங்கள் பங்களிப்பை வழங்கி உள்ளனர் என அதில் தெரிவிக்கப்பட்டுள்ளது.
 

]]>
http://www.dinamani.com/tamilnadu/2018/aug/18/கேரள-வெள்ளப்-பாதிப்பு-ஒருநாள்-சம்பளத்தை-நிவாரணமாக-அளிக்க-தமிழக-அரசு-ஊழியர்கள்-முடிவு-2982618.html
2982616 தமிழ்நாடு குறைந்த மதிப்பெண் பெற்றவர்களைக் கொண்டு கல்லூரி காலி இடங்களை நிரப்ப வேண்டியதில்லை: உயர் நீதிமன்றம் DIN DIN Saturday, August 18, 2018 01:39 AM +0530
முதுநிலை பட்டப் படிப்பில் காலி இடங்கள் இருப்பதற்காக மதிப்பெண் குறைவாகப் பெற்ற மாணவர்களைக் கொண்டு அவற்றை நிரப்ப வேண்டிய அவசியம் கிடையாது என உயர் நீதிமன்றம் உத்தரவிட்டுள்ளது. 
சென்னை உயர் நீதிமன்றத்தில் ஹைதராபாதைச் சேர்ந்த மாணவி தாண்டேக் ரோகிணி தாக்கல் செய்த மனுவில், சென்னை பாரதி கலை மற்றும் அறிவியல் கல்லூரியில் முதுநிலை விலங்கியல் படிப்பில் சேருவதற்காக விண்ணப்பித்தேன். 
மதிப்பெண் குறைவாகப் பெற்றிருந்த காரணத்தால் எனக்கு இடம் வழங்க கல்லூரி நிர்வாகம் மறுத்து விட்டது. ஆனால், கல்லூரியில் முதுநிலை விலங்கியல் பாடப்பிரிவில் பல இடங்கள் நிரப்பப்படாமல் காலியாக உள்ளன. எனவே, எனக்கு கல்லூரி நிர்வாகம் இடம் வழங்க வேண்டும் என உத்தரவிட வேண்டும் எனக் கோரியிருந்தார்.
இந்த மனு நீதிபதி எஸ்.வைத்தியநாதன் முன் விசாரணைக்கு வந்தது. அப்போது மனுதாரர் தரப்பில் ஆஜரான வழக்குரைஞர், கல்லூரியில் விலங்கியல் பாடப் பிரிவில் காலி இடங்கள் உள்ளன. எஸ்.சி. வகுப்பைச் சேர்ந்தவரான மனுதாரருக்கு, இடஒதுக்கீட்டின் கீழ் இடம் வழங்காவிட்டாலும், ஏதாவது ஒரு ஒதுக்கீட்டின் கீழ் இடம் ஒதுக்க வேண்டும் என்றார். 
அப்போது அரசுத் தரப்பில் ஆஜரான வழக்குரைஞர், பிற மாநிலத்தைச் சேர்ந்த எஸ்.சி பிரிவினர், இங்கு இதர பிரிவினராகவே கருதப்படுவர். இந்த இதர பிரிவில் மாணவர் சேர்க்கை கோருவோர், இளநிலை படிப்பில் 71 சதவீத மதிப்பெண் பெற்றிருந்தால் மட்டுமே முதுநிலை படிப்பில் இடம் வழங்க முடியும். ஆனால், இடம் ஒதுக்கக் கோரியுள்ள மனுதாரர் 61 சதவீதம் மதிப்பெண் மட்டுமே பெற்றுள்ளார். எனவே, அவருக்கு இடம் வழங்க முடியாது என வாதிட்டார். 
அனைத்துத் தரப்பு வாதங்களையும் கேட்ட நீதிபதி பிறப்பித்த உத்தரவில், முதுநிலை பட்டப் படிப்பில் பல இடங்கள் காலியாக இருப்பதால், குறைந்த மதிப்பெண் எடுத்த மாணவர்களைக் கொண்டு அந்த இடங்களை நிரப்ப வேண்டிய அவசியம் இல்லை. 
இதனை அனுமதித்தால், அது தவறான முன்னுதாரணமாகிவிடும் எனக் கூறி வழக்கை தள்ளுபடி செய்து உத்தரவிட்டார். 

]]>
http://images.dinamani.com/uploads/user/imagelibrary/2018/4/4/w600X390/HIGHCOURT.jpg http://www.dinamani.com/tamilnadu/2018/aug/18/குறைந்த-மதிப்பெண்-பெற்றவர்களைக்-கொண்டு-கல்லூரி-காலி-இடங்களை-நிரப்ப-வேண்டியதில்லை-உயர்-நீதிமன்றம்-2982616.html
2982615 தமிழ்நாடு வழக்குரைஞர் தாக்கப்பட்ட விவகாரம்: சிபிசிஐடி விசாரிக்க உத்தரவு DIN DIN Saturday, August 18, 2018 01:38 AM +0530
காவல் நிலையத்துக்கு புகார் அளிக்கச் சென்ற வழக்குரைஞரை காவல் துறை உதவி ஆய்வாளர் தாக்கிய விவகாரத்தை சிபிசிஐடி விசாரணைக்கு மாற்றி, 6 வார காலத்துக்குள் விசாரணை அறிக்கை தாக்கல் செய்ய உயர் நீதிமன்றம் உத்தரவிட்டுள்ளது. 
தூத்துக்குடி மாவட்டம், தட்டார்மடம் காவல் நிலையத்துக்கு புகார் அளிப்பதற்காக கடந்த மார்ச் மாதம் வழக்குரைஞர் பெரியசாமி சென்றார். அப்போது அவரை காவல் உதவி ஆய்வாளர் சுந்தரம் தாக்கியதாகவும், காயமடைந்த வழக்குரைஞருடன் செல்லிடப்பேசியில் புகைப்படம் எடுத்துக் கொண்டதாகவும் கூறப்படுகிறது.
எனவே, சம்பந்தப்பட்ட காவல் உதவி ஆய்வாளர் மீது நடவடிக்கை எடுக்கக் கோரி சென்னை உயர் நீதிமன்றத்தில் உயர் நீதிமன்ற வழக்குரைஞர்கள் சங்கத்தின் சார்பில் முறையிடப்பட்டது. இதனையடுத்து இந்தச் சம்பவத்தை தாமாக முன்வந்து விசாரிக்கும் வழக்காக சென்னை உயர் நீதிமன்றம் எடுத்துக்கொண்டது.
இந்த வழக்கு நீதிபதிகள் எஸ்.மணிக்குமார், சுப்பிரமணியம் பிரசாத் ஆகியோர் அடங்கிய அமர்வு முன் விசாரணைக்கு வந்தது. அப்போது தூத்துக்குடி மாவட்ட காவல்துறை கண்காணிப்பாளர் சார்பில் அறிக்கை தாக்கல் செய்யப்பட்டது.
அதில், காவல் உதவி ஆய்வாளரை முதலில் வழக்குரைஞர்தான் தாக்கியுள்ளார்; அதன் பின்னரே உதவி ஆய்வாளர் தாக்கினார். மேலும், காவல் உதவி ஆய்வாளருக்கு மெமோ' கொடுக்கப்பட்டு, அவரிடம் விளக்கம் கேட்கப்பட்டுள்ளது. மேலும் சுந்தரம் பணியிட மாற்றம் செய்யப்பட்டு, அவர் மீது வழக்குப் பதிவும் செய்யப்பட்டுள்ளது' அதில் தெரிவிக்கப்பட்டிருந்தது.
இந்த அறிக்கையை ஏற்க மறுத்த நீதிபதிகள், இந்த விவகாரத்தை சிபிசிஐடி விசாரணைக்கு மாற்றி, 6 வார காலத்துக்குள் விசாரணை அறிக்கை தாக்கல் செய்ய உத்தரவிட்டனர்.
 

]]>
http://www.dinamani.com/tamilnadu/2018/aug/18/வழக்குரைஞர்-தாக்கப்பட்ட-விவகாரம்-சிபிசிஐடி-விசாரிக்க-உத்தரவு-2982615.html
2982613 தமிழ்நாடு வீணாகக் கடலில் கலக்கும் காவிரி நீர்: இ.கம்யூ குற்றச்சாட்டு DIN DIN Saturday, August 18, 2018 01:37 AM +0530
பாசன வாய்க்கால்களை சரிவர தூர்வாராத காரணத்தால் மேட்டூர் அணையிலிருந்து திறந்து விடப்படும் காவிரி நீர் வீணாகக் கடலில் கலப்பதாக இந்திய கம்யூனிஸ்ட் கட்சி குற்றஞ்சாட்டியுள்ளது.
இதுதொடர்பாக அக்கட்சியின் மாநிலச் செயலர் இரா.முத்தரசன் வெளியிட்ட அறிக்கை:
கர்நாடகத்தில் பெய்துவரும் பெருமழையில் மேட்டூர் அணை நிரம்பி, தண்ணீரை தேக்கி வைக்க முடியாமல், அணைக்கு வரும் தண்ணீர் முழுவதும் திறந்துவிடப்படுகிறது. ஆனால், காவிரி பாசன மாவட்டங்களில் குறிப்பாக தஞ்சை, திருவாரூர், நாகை மாவட்டங்களில் உள்ள பாசன வாய்கால்களில் தண்ணீர் செல்லாமல், விவசாயிகளும், பொதுமக்களும் சாலை மறியல் போராட்டங்களில் ஈடுபட்டு வருகின்றனர்.
தஞ்சாவூர் மாவட்டத்தின் தென்பகுதிகளான ஒரத்தநாடு, பட்டுக்கோட்டை, பேராவூரணி, சேதுபாவா சத்திரம், திருவோணம் பகுதிகளுக்கு தண்ணீர் சென்றடையவில்லை. முறையாகவும், முழுமையாகவும் தூர்வாரும் பணிகளை மேற்கொண்டிருந்தால் இந்த நிலைமை ஏற்பட்டிருக்காது என்பது வெளிப்படையான உண்மை. 
தூர்வாரும் பணிகளுக்காக ஒதுக்கப்படும் பணம், அவை செலவிடப்பட்டது குறித்து முழுமையான விசாரணை மேற்கொள்ளப்பட வேண்டும். இத்தகைய மிக மோசமான நிலை ஏற்பட்டுள்ளதற்கு இந்திய கம்யூனிஸ்ட் கட்சி கண்டனத்தைத் தெரிவித்துக் கொள்கிறது என இரா.முத்தரசன் தெரிவித்துள்ளார்.

]]>
http://www.dinamani.com/tamilnadu/2018/aug/18/வீணாகக்-கடலில்-கலக்கும்-காவிரி-நீர்-இகம்யூ-குற்றச்சாட்டு-2982613.html
2982595 தமிழ்நாடு பருவ மழை: 7 மாநிலங்களில் 868 பேர் பலி DIN DIN Saturday, August 18, 2018 01:33 AM +0530
நிகழாண்டு பருவ மழை தொடங்கியதிலிருந்து கேரளம் உள்ளிட்ட 7 மாநிலங்களில் வெள்ளம், நிலச்சரிவுகள் காரணமாக இதுவரை 868 பேர் பலியாகியுள்ளனர்.
இதுதொடர்பாக மத்திய உள்துறை அமைச்சகத்தின்கீழ் இயங்கும் தேசிய அவசரகால உதவி மையம் வெளியிட்ட அறிக்கையில் கூறப்பட்டுள்ளதாவது:
நிகழ் பருவ மழை காலத்தில், வெள்ளம், நிலச்சரிவுகள் தொடர்பான சம்பவங்களில் கேரளத்தில் இதுவரை 247 பேர் பலியாகியுள்ளனர். மேலும், உத்தரப் பிரதேசத்தில் 191 பேர், மேற்கு வங்கத்தில் 183 பேர், மகாராஷ்டிரத்தில் 139 பேர், குஜராத்தில் 52 பேர், அஸ்ஸாமில் 45 பேர், நாகாலாந்தில் 11 பேர் உயிரிழந்துள்ளனர். கேரளத்தில் 28, மேற்கு வங்கத்தில் 5 என 33 பேர் மாயமாகியுள்ளனர். மழை தொடர்பான சம்பவங்களில் மொத்தம் 274 பேர் காயமடைந்துள்ளனர்.
கேரளத்தில் உள்ள 14 மாவட்டங்களில் சுமார் 2.11 லட்சம் பேர் மழை-வெள்ளத்தால் பாதிக்கப்பட்டுள்ளனர். சுமார் 32,500 ஹெக்டேர் அளவிலான பயிர்கள் சேதமடைந்துள்ளன. பேரிடர் மீட்புப் படையைச் சேர்ந்த 43 குழுக்களும், 163 படகுகளும் மீட்புப் பணியில் ஈடுபடுத்தப்பட்டுள்ளன.
அத்துடன், விமானப் படையின் 23 ஹெலிகாப்டர்கள், 11 விமானங்கள், கடற்படையின் 51 படகுகள், கடலோர காவல் படையின் 30 படகுகள் மீட்புப் பணியில் ஈடுபட்டுள்ளன. 60 படகுகளுடன் ராணுவத்தினரும் மீட்புப் பணியை மேற்கொண்டு வருகின்றனர்.
இதுதவிர 1,000 மிதவை கவசங்களும், 1,300 ரப்பர் படகுகளும் கேரளத்துக்கு கூடுதலாக அனுப்பிவைக்கப்பட்டுள்ளன. 
மற்ற மாநிலங்களில்...: மகாராஷ்டிரத்தில் 26 மாவட்டங்களும், அஸ்ஸாமில் 23, மேற்கு வங்கம் 23, உத்தரப் பிரதேசத்தில் 13, நாகாலாந்தில் 11, குஜராத்தில் 10 மாவட்டங்களும் மழை-வெள்ளத்தால் பாதிப்பைச் சந்தித்துள்ளன. 
அஸ்ஸாமில் சுமார் 11.45 லட்சம் பேர் பாதிக்கப்பட்டுள்ளனர். 27,600 ஹெக்டேர் அளவிலான பயிர்கள் சேதமடைந்துள்ளன. இதேபோல், மேற்கு வங்கம், உத்தரப் பிரதேசம் ஆகிய மாநிலங்களில் முறையே 2.27 லட்சம், 1.74 லட்சம் பேர் மழை-வெள்ளத்தால் பாதிக்கப்பட்டுள்ளதாக தேசிய அவசரகால உதவி மையத்தின் அறிக்கையில் தெரிவிக்கப்பட்டுள்ளது.
 

]]>
http://images.dinamani.com/uploads/user/imagelibrary/2018/8/18/w600X390/flood.jpg http://www.dinamani.com/tamilnadu/2018/aug/18/பருவ-மழை-7-மாநிலங்களில்-868-பேர்-பலி-2982595.html
2982591 தமிழ்நாடு முல்லைப் பெரியாறு: தமிழக அரசுக்கு உச்ச நீதிமன்றம் உத்தரவு DIN DIN Saturday, August 18, 2018 01:32 AM +0530
முல்லைப் பெரியாறு அணையின் நீர்மட்டத்தை 139 அடியாகக் குறைப்பது தொடர்பாக தேசிய நெருக்கடி மேலாண்மைக் குழுவும், பேரிடர் மேலாண்மை துணைக் குழுவும் பரிசீலிக்க வேண்டும் என உச்ச நீதிமன்றம் மீண்டும் வலியுறுத்தியுள்ளது. மேலும், இந்த விவகாரத்தில் தேசிய நெருக்கடி மேலாண்மைக் குழு எடுக்கும் முடிவுக்கு தமிழகம் கட்டுப்பட வேண்டும் என்றும் உச்ச நீதிமன்றம் உத்தரவிட்டுள்ளது.
முல்லைப் பெரியாறு அணை தொடர்பாக பேரிடர் மேலாண்மை திட்டத்தை அறிவிக்கக் கோரி கேரள மாநிலம் ஆலுவாவைச் சேர்ந்த ரசூல் ஜாய் தாக்கல் செய்த மனு மீது உச்ச நீதிமன்றம் வெள்ளிக்கிழமை பிறப்பித்த உத்தரவு: 
கேரளத்தில் மழை வெள்ளத்தால் ஏற்பட்டுள்ள சூழலை மத்திய, மாநில அரசுகள் திறம்பட கையாள வேண்டும். கேரளத்தில் தற்போது ஏற்பட்டுள்ள சூழலை கையாளத் தேவையான வழிமுறைகளை அளிக்க இந்த நீதிமன்றம் நிபுணர் அல்ல. முல்லைப் பெரியாறு அணையின் நீர்மட்டத்தை 139 அடியாகக் குறைப்பது தொடர்பான சாத்தியக்கூறுகளை தேசிய நெருக்கடி மேலாண்மைக் குழுவும், பேரிடர் மேலாண்மை துணைக் குழுவும் பரிசீலிக்க வேண்டும்.
கேரளத்தில் ஏற்பட்டுள்ள வெள்ள நிவாரணப் பணிகள், புனரமைப்பு, மறுவாழ்வுப் பணிகள் தொடர்பாக எடுக்கப்பட்டுள்ள நடவடிக்கைகள் குறித்த பிரமாணப் பத்திரத்தை அந்த மாநில தலைமைச் செயலர் நீதிமன்றத்தில் தாக்கல் செய்ய வேண்டும். மீட்புப் பணிகள், புனரமைப்புப் பணிகள் குறித்து தேசிய நெருக்கடி மேலாண்மைக் குழு அளிக்கும் அறிவுறுத்தல்களை கேரளம் தயங்காமல் ஏற்றுக் கொள்ள வேண்டும். மேலும், முல்லைப் பெரியாறு அணையில் நீர்மட்டத்தைக் குறைக்கும் முடிவுக்கு தமிழக அரசு கீழ்படிய வேண்டும். இந்த வழக்கு தொடர்பான விசாரணை ஆகஸ்ட் 24-ஆம் தேதி எடுத்துக்கொள்ளப்படும் எனத் தெரிவிக்கப்பட்டுள்ளது.
முன்னதாக, மத்திய அரசின் சார்பில் ஆஜரான கூடுதல் சொலிசிட்டர் ஜெனரல் பி.எஸ். நரசிம்மா, தேசிய நெருக்கடி மேலாண்மைக் குழுவின் கூட்டம் வெள்ளிக்கிழமை நடைபெற்றது. கேரளத்தில் ஏற்பட்டுள்ள பேரிடரை எதிர்கொள்ளும் வகையில் கேரளம், தமிழகம் ஆகிய மாநிலங்களை ஈடுபடுத்தத் தேவையான முயற்சிகளை மத்திய அரசு முன்னெடுத்துள்ளது. தேசிய நெருக்கடி மேலாண்மைக் குழு கூட்டத்தின் அறிக்கையை சமர்ப்பிக்க அவகாசம் வேண்டும்' என்றார்.
தமிழக அரசின் சார்பில் ஆஜரான மூத்த வழக்குரைஞர்கள் சேகர் நாப்டே, ஜி. உமாபதி ஆகியோர் தங்களது வாதத்தில், முல்லைப் பெரியாறு அணைப்பகுதியில் அசாதாரண சூழல் நிலவுகிறது. அந்தச் சூழலை தமிழகம் உற்று நோக்கி வருகிறது. தற்போதைய சூழலில் அணையின் நீர்மட்டத்தை குறைப்பதற்கு வாய்ப்பில்லை' என்றார்.
மனுதாரர் சார்பில் ஆஜரான வழக்குரைஞர் எச்.பி. ராவல், மனோஜ் வி. ஜார்ஜ் ஆகியோர் ஆஜராகி, முல்லைப் பெரியாறு அணையின் நீர்மட்டத்தைக் குறைப்பதற்கான சாத்தியக்கூறுகளை ஆராய வேண்டும். அணையின் நீர்மட்டம் 139 அடியை எட்டும் போதே, தேவையான பேரிடர் தடுப்பு நடவடிக்கைகளை எடுக்க வேண்டும். பேரிடருக்கு பிந்தைய மேலாண்மைத் திட்டத்தை பொதுமக்களுக்கு தெரிவிக்க வேண்டும்' என்றனர். 
இதற்கிடையே, உச்ச நீதிமன்றம் வியாழக்கிழமை பிறப்பித்த உத்தரவில் தேசிய பேரிடர் மேலாண்மைச் சட்டத்தின் (2005) 9-ஆவது பிரிவின் படி அமைக்கப்பட்டுள்ள துணைக் குழு, தேசிய நெருக்கடி மேலாண்மைக் குழுவுடனும், கேரளம், தமிழகம் மாநிலங்களைச் சேர்ந்த அதிகாரிகளுடனும் இணைந்து வெள்ளிக்கிழமை கூட்டத்தை நடத்த வேண்டும். 
முல்லைப் பெரியாறு அணைக்கு கீழ் பகுதியில் வசிக்கும் மக்களின் தொடர் அச்சத்தைப் போக்கும் வகையில் அணையின் நீர்மட்டத்தை குறைந்தபட்சம் 139 அடி வரை குறைப்பதற்கு துணைக் குழுக்கள் முயற்சி செய்ய வேண்டும். 
வெள்ளத்தால் பாதிக்கப்பட்ட மக்களுக்கு போதுமான நிவாரணத்தை உடனடியாக அளிக்க கேரளம், தமிழக அரசுகள் தேசிய நெருக்கடி மேலாண்மைக் குழுவுடன் இணைந்து பணியாற்ற வேண்டும். முல்லைப் பெரியாறு அணையிலிருந்து நீர் திறக்கப்படுவதற்கு முன் மேற்கொள்ள வேண்டிய பேரிடர் முன்னெச்சரிக்கை நடவடிக்கைகளை துணைக் குழு பரிந்துரைக்க வேண்டும். இந்தப் பேரிடர் திட்டத்தை துணைக் குழு தயாரிக்க வேண்டும். துணைக் குழு எடுக்கும் முடிவுகளை கேரளமும், தமிழகமும் அமல்படுத்த வேண்டும்' எனத் தெரிவிக்கப்பட்டிருந்தது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/8/17/w600X390/supremecourt.jpg http://www.dinamani.com/tamilnadu/2018/aug/18/முல்லைப்-பெரியாறு-தமிழக-அரசுக்கு-உச்ச-நீதிமன்றம்-உத்தரவு-2982591.html
2982589 தமிழ்நாடு மழை -வெள்ளம்: மக்கள் பீதி அடையத் தேவையில்லை: அமைச்சர் ஆர்.பி.உதயகுமார் DIN DIN Saturday, August 18, 2018 01:31 AM +0530
மழை -வெள்ளத்தால் தமிழக மக்கள் அச்சமோ, பீதியோ அடையத் தேவையில்லை என்று அமைச்சர் ஆர்.பி.உதயகுமார் அறிவுறுத்தியுள்ளார். 
காவிரியில் இருந்து வெளியேற்றப்படும் நீரால் ஏற்படும் விளைவுகள் குறித்து, சென்னை எழிலகத்தில் உள்ள அவசர கட்டுப்பாட்டு அறையில் வருவாய் மற்றும் பேரிடர் மேலாண்மைத் துறை அமைச்சர் ஆர்.பி.உதயகுமார் வெள்ளிக்கிழமை ஆய்வு நடத்தினார். இந்த ஆய்வுக் கூட்டத்தில் வருவாய் நிர்வாக ஆணையர் சத்யகோபால் உள்ளிட்ட அதிகாரிகள் கலந்து கொண்டனர். அதன் பின்னர் அமைச்சர் ஆர்.பி.உதயகுமார் செய்தியாளர்களிடம் கூறியது:
கபினி, கிருஷ்ணராஜசாகர் ஆகிய அணைகளில் இருந்து விநாடிக்கு மொத்தம் 2 லட்சம் கன அடி நீர் திறந்துவிடப்பட்டுள்ளது. இந்த நீரும், பவானி மற்றும் அமராவதி அணைகளில் இருந்து வெளியேற்றப்படும் நீரும், மாயனூருக்கு பெருக்கெடுக்கும் என்று எதிர்ப்பார்க்கப்படுகிறது. மாயனூரில் விநாடிக்கு 3 லட்சம் கன அடி அளவுக்கு நீர் வரத்து இருக்கும் என எதிர்பார்க்கப்படுகிறது.
ஈரோடு, நாமக்கல், கரூர்: எனவே, ஈரோடு, நாமக்கல் திருச்சி, கரூர், அரியலூர் மற்றும் டெல்டா மாவட்டங்களில் தாழ்வான பகுதிகளில் உள்ள மக்கள் பாதுகாப்பான இடங்களுக்கு செல்லும்படியும், நிவாரண மையங்களுக்கு செல்லும்படியும் கேட்டுக் கொள்ளப்படுகிறார்கள்.
மேட்டூர், பவானிசாகர் ஆகிய அணைகளில் 2.65 லட்சம் கன அடி நீர்வரத்து இருக்கும் என்று மத்திய நீர்வள ஆணையம் எச்சரித்துள்ளது. இதன் காரணமாக காவிரி கரையோர மாவட்டங்களான தருமபுரி, சேலம், ஈரோடு, நாமக்கல், அரியலூர்,கருர் தஞ்சாவூர், திருவாரூர், நாகப்பட்டினம், கடலூர், திருச்சி உள்ளிட்ட மாவட்டங்கள் நீரால் சூழப்படலாம் என எச்சரிக்கை எழுந்துள்ளது. இதைத்தொடர்ந்து, ஆற்றங்கரையோர மக்கள் பாதுகாப்பாக இருக்க தண்டோரா மற்றும் ஒலிபெருக்கி மூலமாக அறிவுறுத்தப்படுகின்றனர்.
ஈரோடு, கன்னியாகுமரி மற்றும் நாமக்கல் மாவட்டங்களில் முன்னெச்சரிக்கை நடவடிக்கையாக 8,410 பேர் பாதுகாப்பாக வெளியேற்றப்பட்டு 96 நிவாரண முகாம்களில் தங்க வைக்கப்பட்டுள்ளனர்.
நாமக்கல் மாவட்டத்தில் 16 முகாம்களில் 1,724 பேரும், ஈரோட்டில் 66 முகாம்களில் 5,875 பேரும், கன்னியாகுமரியில் 10 முகாம்களில் 511 பேரும் தங்க வைக்கப்பட்டுள்ளனர். இதேபோன்று கரூரில் 217 பேரும், தருமபுரியில் 46 பேரும், திருச்சியில் 37 பேரும் தலா ஒரு முகாமில் பாதுகாப்பாக தங்க வைக்கப்பட்டுள்ளனர் என்று அமைச்சர் உதயகுமார் தெரிவித்தார்.
 

]]>
http://images.dinamani.com/uploads/user/imagelibrary/2018/3/14/w600X390/udayakumar1.jpg http://www.dinamani.com/tamilnadu/2018/aug/18/மழை--வெள்ளம்-மக்கள்-பீதி-அடையத்-தேவையில்லை-அமைச்சர்-ஆர்பிஉதயகுமார்-2982589.html
2982527 தமிழ்நாடு கேரள வெள்ளப் பாதிப்பு: மாதா அமிர்தானந்தமயி மடம் ரூ.10 கோடி நிவாரணம் DIN DIN Saturday, August 18, 2018 01:07 AM +0530
கேரள வெள்ள நிவாரணத்துக்கு மாதா அமிர்தானந்தமயி மடம் சார்பில் ரூ.10 கோடி நிவாரண நிதியுதவி அளிக்கப்படும் என அதன் நிறுவனர் அமிர்தானந்தமயி தெரிவித்துள்ளார். 
இதுதொடர்பாக அந்த மடம் சார்பில் வெள்ளிக்கிழமை வெளியிடப்பட்ட செய்திக்குறிப்பு: 
எப்போதும் இல்லாத அளவுக்கு தொடர்ச்சியாக பெய்து வரும் கன மழை, கேரள மாநிலத்தை வெள்ளக் காடாக மாற்றி வருகிறது. இதைக் கருத்தில் கொண்டு கேரள முதல்வரின் பேரிடர் நிவாரண நிதிக்கு மாதா அமிர்தானந்தமயி மடம் சார்பில் ரூ.10 கோடி வழங்கப்படும். 
வெள்ளத்தால் பாதிக்கப்பட்ட மக்களுக்கு உதவுவதற்காக கொச்சியில் உள்ள அமிர்தா மருத்துவ அறிவியல் ஆராய்ச்சி மையம், கொல்லம் அருகே உள்ள அமிர்தா கிருபா நல அறக்கட்டளை மருத்துவமனைகளிலிருந்து மருத்துவர்கள் அனுப்பி வைக்கப்பட்டுள்ளனர். அவர்கள் வயநாடு, ஆலப்புழை மாவட்டங்களில் மருத்துவ முகாம்களை நடத்தி வருவதுடன் உணவு, உடைகள் ஆகியவற்றை பாதிக்கப்பட்டவர்களுக்கு வழங்கி வருகின்றனர். கடந்த 2001 -ஆம் ஆண்டிலிருந்து இதுவரை ரூ.475 கோடிக்கும் அதிகமான தொகையை பேரிடர் நிவாரணப் பணிகளுக்காக இந்த மடம் வழங்கியுள்ளது என அதில் கூறப்பட்டுள்ளது.
 

]]>
http://images.dinamani.com/uploads/user/imagelibrary/2018/8/18/w600X390/madha.jpg http://www.dinamani.com/tamilnadu/2018/aug/18/கேரள-வெள்ளப்-பாதிப்பு-மாதா-அமிர்தானந்தமயி-மடம்-ரூ10-கோடி-நிவாரணம்-2982527.html
2982525 தமிழ்நாடு விஜய் சேதுபதி, தனுஷ் நிவாரண நிதியுதவி DIN DIN Saturday, August 18, 2018 01:07 AM +0530
மழை, வெள்ள பாதிப்பில் தத்தளித்து வரும் கேரள மாநிலத்துக்கு நடிகர்கள் விஜய் சேதுபதி, தனுஷ் ஆகியோர் நிதி வழங்கியுள்ளனர். 
கேரளத்தில் கடந்த 50 வருடங்களில் இல்லாத அளவுக்குப் பெருமழை பெய்து வருகிறது. நிலச்சரிவு மற்றும் கனமழையில் சிக்கி இதுவரை 300-க்கும் மேற்பட்டோர் உயிரிழந்துள்ளனர். 50,000 பேர் வீடுகளை இழந்து தவித்து வருகின்றனர். இதற்கு உதவிடும் வகையில் தமிழ் திரையுலக நட்சத்திரங்கள் உதவிக் கரம் நீட்டி வருகின்றனர்.
நடிகர்கள் கமல்ஹாசன், சூர்யா, கார்த்தி, விஷால் உள்ளிட்டோர் இதுவரை நிதியுதவி அளித்துள்ளனர். இதைத் தொடர்ந்து கேரள வெள்ள பாதிப்புக்கு நிவாரண நிதியுதவியாக நடிகர் விஜய் சேதுபதி ரூ. 25 லட்சமும், நடிகர் தனுஷ் ரூ. 15 லட்சமும் வழங்கியுள்ளனர்.
 

]]>
http://images.dinamani.com/uploads/user/imagelibrary/2018/8/18/w600X390/danush.JPG http://www.dinamani.com/tamilnadu/2018/aug/18/விஜய்-சேதுபதி-தனுஷ்-நிவாரண-நிதியுதவி-2982525.html
2982521 தமிழ்நாடு ஜெயலலிதா வாழ்க்கை திரைப்படமாகிறது! DIN DIN Saturday, August 18, 2018 01:06 AM +0530 முன்னாள் முதல்வர் ஜெயலலிதாவின் வாழ்க்கை வரலாறு தமிழில் திரைப்படமாக எடுக்கப்படவுள்ளது. இதற்கான முதல்கட்ட பணிகள் தொடங்கியுள்ள நிலையில் அதிகாரப்பூர்வ அறிவிப்பு வெளியாகியுள்ளது.
சமீபத்தில் வெளியான நடிகை சாவித்ரியின் வாழ்க்கை தழுவல் படமான நடிகையர் திலகம்' ரசிகர்கள் மத்தியில் நல்ல வரவேற்பு பெற்றது. தமிழ், தெலுங்கில் உருவான இந்தத் திரைப்படம் வசூல் ரீதியாகவும் பல சாதனைகள் புரிந்தன. அதில் சாவித்ரியாக நடித்த கீர்த்தி சுரேஷ் பாராட்டு மழையில் நனைந்தார். இதைத்தொடர்ந்து மக்கள் மனதில் இடம் பெற்ற பல ஆளுமைகளின் வாழ்க்கை வரலாற்றை படமாக்கும் முயற்சிகள் தொடங்கியுள்ளன. 
ஜெயலலிதா வாழ்க்கை: இந்த வரிசையில் தற்போது, தமிழக முதல்வர், அதிமுகவின் பொதுச் செயலாளர் என அரசியல் வானில் பெரும் ஆளுமையாக திகழ்ந்த ஜெயலலிதாவின் வாழ்க்கையை பிரதிபலிக்கும் வகையில் திரைப்படம் உருவாகவுள்ளது. விப்ரி மீடியா நிறுவனம் இந்தப் படத்தை தயாரிக்கிறது. 
மதராசப்பட்டினம்', சைவம்' உள்ளிட்ட படங்களை இயக்கிய ஏ.எல். விஜய் இப்படத்தை எழுதி இயக்குகிறார். ஜெயலலிதா பிறந்த நாளான வரும் பிப்ரவரி மாதம் 24 -ஆம் தேதி இதன் படப்பிடிப்பு துவங்க உள்ளதாக அறிவிக்கப்பட்டுள்ளது. 
ஜெயலலிதா வேடத்தில்: ஜெயலலிதா வேடத்தில் நடிப்பதற்கு முன்னணி நடிகைகள் பலர் போட்டியில் உள்ளதாகத் தெரிகிறது. நித்யாமேனன் அல்லது கீர்த்தி சுரேஷ் இருவரில் ஒருவர் நடிக்கலாம் எனப் பேசப்படுகிறது.
ஜெயலலிதா கதாபாத்திரத்தில் நடிப்பதற்கு ஆர்வமாக இருப்பதாக த்ரிஷா தெரிவித்துள்ளார். வித்யாபாலன், அனுஷ்கா, ரம்யா கிருஷ்ணன் உள்ளிட்டோரும் ஜெயலலிதா கதாபாத்திரத்தில் நடிக்க ஆர்வமாக உள்ளதாகக் கூறப்படுகிறது.

]]>
http://images.dinamani.com/uploads/user/imagelibrary/2018/2/24/w600X390/jaya.jpg http://www.dinamani.com/tamilnadu/2018/aug/18/ஜெயலலிதா-வாழ்க்கை-திரைப்படமாகிறது-2982521.html
2982519 தமிழ்நாடு அதிமுக செயற்குழு கூட்டம் ஆக.23-க்கு மாற்றம் DIN DIN Saturday, August 18, 2018 01:05 AM +0530
அதிமுக செயற்குழுக் கூட்டம் ஆகஸ்ட் 23-ஆம் தேதி நடைபெறும் என அறிவிக்கப்பட்டுள்ளது.
இதற்கான அறிவிப்பை கட்சியின் ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் வெள்ளிக்கிழமை வெளியிட்டனர். இது குறித்து அவர்கள் வெளியிட்ட அறிவிப்பு:- அதிமுக செயற்குழுக் கூட்டம் வரும் 20-ஆம் தேதி நடைபெறுவதாக அறிவிக்கப்பட்டிருந்தது. இந்தக் கூட்டம் தவிர்க்க முடியாத காரணங்களால் வரும் வியாழக்கிழமை (ஆக.23) சென்னையில் உள்ள கட்சியின் தலைமை அலுவலகத்தில் கூட்டம் நடைபெறுவதாக அறிவிப்பில் தெரிவிக்கப்பட்டுள்ளது.
வாஜ்பாய் மறைவை முன்னிட்டு... முன்னாள் பிரதமர் வாஜ்பாய் மறைவு காரணமாக, ஏழு நாள் அரசு முறை துக்கம் அனுசரிக்கப்படும் என அறிவிக்கப்பட்டுள்ளது. இந்த ஏழு நாள் துக்கம் வரும் 22-ஆம் தேதியன்று நிறைவடைகிறது. இதைத் தொடர்ந்து, அதிமுகவின் செயற்குழுக் கூட்டம் வரும் 23-ஆம் தேதியன்று நடைபெற உள்ளது என கட்சி வட்டாரங்கள் தெரிவித்தன.
 

]]>
http://images.dinamani.com/uploads/user/imagelibrary/2018/4/3/w600X390/admk.jpg http://www.dinamani.com/tamilnadu/2018/aug/18/அதிமுக-செயற்குழு-கூட்டம்-ஆக23-க்கு-மாற்றம்-2982519.html
2982516 தமிழ்நாடு முல்லைப் பெரியாறு அணை நீர் மட்டம் திடீரென 141.30 அடியாக குறைப்பு DIN DIN Saturday, August 18, 2018 01:05 AM +0530
முல்லைப் பெரியாறு அணையின் நீர்மட்டம் வெள்ளிக்கிழமை திடீரென 141.30 அடியாக குறைக்கப்பட்டதால் விவசாயிகள் அதிருப்தி அடைந்துள்ளனர்
கேரளத்தில் பெய்து வரும் பலத்த மழை காரணமாக முல்லைப் பெரியாறு அணையின் நீர்மட்டம் வியாழக்கிழமை 142.20 அடியாக இருந்தது. இந்நிலையில் வெள்ளிக்கிழமை அணையின் நீர்மட்டம் 141.30 அடி என தமிழக பொதுப்பணித்துறையால் அறிவிக்கப்பட்டது. இதற்கிடையில் வெள்ளிக்கிழமை அணைக்கு நீர் வரத்து விநாடிக்கு 24 ஆயிரம் கன அடியாக இருந்தது. நீர் வெளியேற்றம் தமிழக பகுதிக்கு 2 ஆயிரத்து 400 கன அடியாகவும், கேரளத்தில் உள்ள இடுக்கி மாவட்டத்துக்கு 19 ஆயிரம் கன அடியாகவும் இருந்தது. 
உச்ச நீதிமன்ற உத்தரவின் பேரில் அணையில் 142 அடி வரை தண்ணீரை தேக்கலாம் என்ற போதிலும் அணையின் நீர்மட்டம் திடீரென குறைக்கப்பட்டுள்ளது விவசாயிகள் மட்டுமின்றி பல்வேறு தரப்பினர் மத்தியிலும் அதிருப்தியை ஏற்படுத்தியுள்ளது.
 

]]>
http://www.dinamani.com/tamilnadu/2018/aug/18/முல்லைப்-பெரியாறு-அணை-நீர்-மட்டம்-திடீரென-14130-அடியாக-குறைப்பு-2982516.html
2982515 தமிழ்நாடு கேரளத்துக்கு உதவி: மார்க்சிஸ்ட் வேண்டுகோள் DIN DIN Saturday, August 18, 2018 01:04 AM +0530
வெள்ளப் பெருக்கால் கடும் பாதிப்புக்குள்ளாகியுள்ள கேரள மாநிலத்துக்கு உதவ தமிழக மக்கள் முன்வர வேண்டும் என மார்க்சிஸ்ட் கம்யூனிஸ்ட் கட்சி வேண்டுகோள் விடுத்துள்ளது.
இதுதொடர்பாக அக்கட்சியின் மாநிலச் செயலாளர் கே.பாலகிருஷ்ணன் வெளியிட்ட அறிக்கை: 
கேரள மாநிலத்தில் வரலாறு காணாத வெள்ளம் ஏற்பட்டு மக்கள் மிகப்பெரும் பாதிப்புக்கும், நஷ்டத்துக்கும் உள்ளாகியுள்ளனர். மழை நீடிக்கும் என வானிலை மையம் எச்சரிக்கை விடுத்துள்ளது. இதனால் ஏற்படும் விளைவுகள் மிகவும் மோசமாக இருக்கும் என அஞ்சப்படுகிறது.
இதுவரை 300 -க்கும் மேற்பட்டோர் உயிரிழந்துள்ளனர். லட்சக்கணக்கானோர் வீடுகளையும், உடைமைகளையும் இழந்து தவிக்கின்றனர். போக்குவரத்து முற்றாகப் பாதிக்கப்பட்டுள்ளது. வெள்ள நீர் சூழ்ந்து வெளியேற முடியாமல் மக்கள் தத்தளித்து வருகின்றனர். உதவிப் பொருள்களை மக்களுக்கு கொண்டு சென்று சேர்ப்பதே மிகவும் சிரமமான பணியாக உள்ளது.
மக்களை நோய்த்தொற்றிலிருந்து பாதுகாக்க உயிர் காக்கும் மருந்துகள் தேவைப்படுகின்றன. முகாம்களில் தங்க வைக்கப்பட்டுள்ளவர்களுக்கு உடைகள் போதுமான அளவுக்கு இல்லை. அவர்களுக்கு உதவிக் கரம் நீட்ட வேண்டியது நம்முடைய உடனடிக் கடமையாகும். எனவே, கடும் பாதிப்புக்குள்ளாகியுள்ள கேரள மக்களுக்கு உதவிட வேண்டுமென தமிழக மக்களை மார்க்சிஸ்ட் கம்யூனிஸ்ட் கட்சி கேட்டுக் கொள்கிறது என அவர் தெரிவித்துள்ளார்.
 

]]>
http://www.dinamani.com/tamilnadu/2018/aug/18/கேரளத்துக்கு-உதவி-மார்க்சிஸ்ட்-வேண்டுகோள்-2982515.html
2982514 தமிழ்நாடு ஈரோட்டில் இருந்து ரயில் மூலம் கேரளத்துக்கு குடிநீர் DIN DIN Saturday, August 18, 2018 01:04 AM +0530
தென்னக ரயில்வே சார்பில், ஈரோட்டில் இருந்து சரக்கு ரயில் மூலமாக 38 டேங்கர்களில் குடிநீர், கேரள மாநிலம், திருவனந்தபுரத்துக்கு வெள்ளிக்கிழமை அனுப்பி வைக்கப்பட்டது.
கேரளத்தில் பெய்து வரும் கன மழை, வெள்ளப்பெருக்கு காரணமாக பொதுமக்களுக்கு குடிநீர்ப் பற்றாக்குறை ஏற்பட்டுள்ளது. கேரள மக்களுக்கு உதவிடும் நோக்கில் தெற்கு ரயில்வே நிர்வாகம் சார்பில் 7 சரக்கு ரயில்களில் 38 குடிநீர் டேங்கர்கள் ஈரோடு ரயில் நிலையத்துக்கு கொண்டு வரப்பட்டன.
இதையடுத்து, சேலம் ரயில்வே கோட்ட மேலாளர் சுப்பா ராவ் தலைமையில், குடிநீர் டேங்கர்களில்  சுத்திகரிக்கப்பட்ட 2.80 லட்சம் லிட்டர் தண்ணீர் நிரப்பப்பட்டது. இதைத் தொடர்ந்து, ஈரோடு ரயில் நிலையத்தில் இருந்து திண்டுக்கல், மதுரை, திருநெல்வேலி வழியாக கேரள மாநிலம், திருவனந்தபுரத்துக்கு அனுப்பி வைக்கப்பட்டது.
மேலும், பாலக்காட்டில் இருந்து ஒரு லட்சம் தண்ணீர் பாட்டில்கள் அனுப்பி வைக்கப்பட்டன. இதேபோல மேலும் 15 ரயில்கள் மூலம் கேரள மாநிலத்துக்குத் தண்ணீர் கொண்டு செல்ல திட்டமிடப்பட்டுள்ளதாக ரயில்வே நிர்வாகத்தினர் தெரிவித்தனர்.
 

]]>
http://images.dinamani.com/uploads/user/imagelibrary/2018/8/18/w600X390/tank.jpg http://www.dinamani.com/tamilnadu/2018/aug/18/ஈரோட்டில்-இருந்து-ரயில்-மூலம்-கேரளத்துக்கு-குடிநீர்-2982514.html
2982513 தமிழ்நாடு க்யூ பிரிவில் 146 காவலர்கள் நியமனம் DIN DIN Saturday, August 18, 2018 01:03 AM +0530 தமிழக காவல் துறையில் க்யூ பிரிவை வலுவூட்டும் வகையில் புதிதாக 146 காவலர்களை நியமனம் செய்து சட்டம் -ஒழுங்கு டிஜிபி தே.க.ராஜேந்திரன் உத்தரவிட்டுள்ளார்.
தடை செய்யப்பட்ட இயக்கங்களை பற்றிய ரகசியத் தகவல்களைத் திரட்டுவதற்கும், தீவிரவாதச் செயல்களில் ஈடுபடும் நபர்களை கண்டறிந்து கைது செய்வதற்கும் செயல்படும் க்யூ பிரிவில், கடந்த ஒரு ஆண்டுக்கு மேலாக காலிப் பணியிடங்கள் நிரப்படாமல் இருந்தன. இதனால் க்யூ பிரிவின் நிர்வாகப் பணிகள், ரகசியத் தகவல்களை திரட்டும் பணி, உள்ளிட்டவை பாதிக்கப்பட்டன. 
இதையடுத்து கடந்த ஒரு வாரமாக, க்யூ பிரிவுக்கு தமிழக காவல்துறையின் பிற பிரிவுகளில் இருந்து காவலர்களை தேர்வு செய்யும் வகையில் மனுக்கள் பெறப்பட்டு வந்தன. இதில் மனு செய்த தகுதியான காவலர்களை, க்யூ பிரிவு அதிகாரிகள் தேர்வு செய்யும் பணி கடந்த வாரம் நடைபெற்றது. இவ்வாறு தேர்வு செய்யப்பட்ட 146 காவலர்களின் பட்டியலை க்யூ பிரிவு அதிகாரிகள், தமிழக காவல்துறை சட்டம் = ஒழுங்கு டிஜிபி தே.க.ராஜேந்திரனிடம் வழங்கினர்.
இப்பட்டியலை இறுதி செய்த அவர், காவல் துறையின் பிறப் பிரிவுகளில் இருந்த 146 காவலர்களை க்யூ பிரிவுக்கு பணியிட மாற்றம் செய்து வியாழக்கிழமை உத்தரவிட்டார். இதன் மூலம் கடந்த ஓராண்டாக தேக்கமடைந்த க்யூ பிரிவு பணிகள், இனி தேக்கமின்றி நடைபெறும் என காவல்துறை உயரதிகாரிகள் தெரிவித்தனர்.

]]>
http://www.dinamani.com/tamilnadu/2018/aug/18/க்யூ-பிரிவில்-146-காவலர்கள்-நியமனம்-2982513.html
2982429 தமிழ்நாடு அதிமுக செயற்குழுக் கூட்டம் ஒத்திவைப்பு DIN DIN Friday, August 17, 2018 10:02 PM +0530  

ஆகஸ்ட் 20-ஆம் தேதி நடைபெறவிருந்த அதிமுக செயற்குழுக் கூட்டத்தை 23-ஆம் தேதிக்கு ஒத்திவைத்துள்ளதாக கட்சியின் ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் பழனிசாமி வெள்ளிக்கிழமை அறிவித்துள்ளனர்.

தேர்தல் ஆணையத்தில் பதிவு செய்துள்ள அரசியல் கட்சியின் சட்ட விதிப்படி, ஆண்டுதோறும் இரண்டு செயற்குழுக் கூட்டங்கள், ஒரு பொதுக்குழுக் கூட்டத்தை நடத்த வேண்டும். 

அந்த அடிப்படையில், அதிமுகவின் அவைத் தலைவர் இ.மதுசூதனன் தலைமையில் ஆகஸ்ட் 20-ஆம் தேதி செயற்குழுக் கூட்டம் நடைபெறும் என்று கட்சியின் ஒருங்கிணைப்பாளரும், துணை முதல்வருமான ஓ.பன்னீர்செல்வம், இணை ஒருங்கிணைப்பாளரும் முதல்வருமான எடப்பாடி கே.பழனிசாமி ஆகியோர் கடந்த 13-ஆம் தேதி அறிவிப்பை வெளியிட்டனர். 

மக்களவைத் தேர்தலுக்கு முன்பாக திருப்பரங்குன்றம் மற்றும் திருவாரூர் தொகுதிகளில் இடைத்தேர்தல் நடைபெற வாய்ப்புள்ளதால் தேர்தல் களப் பணிகள் குறித்து இந்த செயற்குழுக் கூட்டத்தில் ஆலோசனை நடத்தப்படும் என்று எதிர்பார்க்கப்பட்டது. 

இந்நிலையில், வரும் 20-ஆம் தேதி நடைபெறவிருந்த அதிமுக செயற்குழுக் கூட்டம் தவிர்க்க முடியாத காரணத்தினால் வரும் 23-ஆம் தேதிக்கு ஒத்திவைப்பதாக துணை முதல்வர் ஓ.பன்னீர்செல்வம் மற்றும் முதல்வர் பழனிசாமி வெள்ளிக்கிழமை அறிவித்துள்ளனர். அதன்படி வரும் 23-ஆம் தேதி ராயப்பேட்டையில் உள்ள அதிமுக தலைமை அலுவலகத்தில் மாலை 4 மணிக்கு செயற்குழுக் கூட்டம் நடைபெறவுள்ளது.

]]>
அதிமுக செயற்குழு கூட்டம் , ADMK Meeting, http://images.dinamani.com/uploads/user/imagelibrary/2018/8/17/w600X390/ADMK_Meeting.jpg http://www.dinamani.com/tamilnadu/2018/aug/17/அதிமுக-செயற்குழுக்-கூட்டம்-ஒத்திவைப்பு-2982429.html
2982428 தமிழ்நாடு பிஎஸ்என்எல் வழக்கு: கலாநிதி மாறன் மனுவை தள்ளுபடி செய்தது உச்ச நீதிமன்றம் DNS DNS Friday, August 17, 2018 09:03 PM +0530  

பிஎஸ்என்எல் இணைப்புகளை முறைகேடாக பயன்படுத்தியதாக தொடுக்கப்பட்ட வழக்கில் சிபிஐ நீதிமன்றம் தன்னை விடுவித்தது செல்லாது என்று சென்னை உயர் நீதிமன்றம் பிறப்பித்த உத்தரவுக்கு எதிராக கலாநிதி மாறன் தாக்கல் செய்த மனுவை உச்ச நீதிமன்றம் வெள்ளிக்கிழமை தள்ளுபடி செய்தது.

உச்ச நீதிமன்ற நீதிபதிகள் ரஞ்சன் கோகோய், நவீன் சின்ஹா, கே.எம்.ஜோசப் ஆகியோர் அடங்கிய அமர்வு கலாநிதி மாறன் தாக்கல் செய்த இந்த மனுவை நிராகரித்தனர். இதன்மூலம், இந்த வழக்கில் சிபிஐ நீதிமன்றத்தால் விடுவிக்கப்பட்ட கலாநிதி மாறன், அவரது சகோதரா் தயாநிதி மாறன் உள்ளிட்ட 7 பேர் வழக்கு விசாரணையை எதிா்கொள்ளும் நிலைக்கு ஆளாகியுள்ளனர்.

முன்னதாக, இதேபோன்ற மனுவை தயாநிதி மாறன் தாக்கல் செய்திருந்த நிலையில், அந்த மனுவை தள்ளுபடி செய்ததுடன், வழக்கு விசாரணையை எதிர்கொள்ள தயாநிதி மாறனுக்கு கடந்த ஜூலை 30-ஆம் தேதி உச்ச நீதிமன்றம் உத்தரவிட்டது.

வழக்கு விவரம்:

மத்திய தொலைத் தொடர்புத் துறை அமைச்சராக இருந்த தயாநிதி மாறன் தனது அதிகாரத்தை தவறாகப் பயன்படுத்தி, சன் டிவிக்கு பிஎஸ்என்எல் அதிவேக தொலைபேசி இணைப்புகளை, முறைகேடாக பயன்படுத்தியதாக குற்றறச்சாட்டு எழுந்தது. இந்தச் சட்ட விரோத தொலைபேசி இணைப்புகள் மூலம் அரசுக்கு கோடிக்கணக்கில் இழப்பு ஏற்படுத்தியதாக தயாநிதி மாறன், அவரது சகோதரா் கலாநிதி மாறன் ஆகியோர் மீது குற்றம் சாட்டப்பட்டது.

இந்த மோசடி தொடர்பாக மாறன் சகோதரர்கள், பிஎஸ்என்எல் பொது மேலாளராகப் பதவி வகித்த கே.பிரம்மநாதன், அந்நிறுவனத்தின் முன்னாள் துணைப் பொது மேலாளர் வேலுச்சாமி, தயாநிதி மாறனின் தனிச் செயலாளரான கெளதமன், சன் டி.வி. ஊழியர் கண்ணன், ரவி ஆகிய 7 பேர் மீது சிபிஐ வழக்குப் பதிவு செய்தது. 

இந்த வழக்கு விசாரணை சென்னை 14 -ஆவது சிபிஐ நீதிமன்றத்தில் நடைபெற்று வந்தது. 

இந்த வழக்கில் மாறன் சகோதரர்கள் உள்ளிட்ட 7 பேரை விடுவித்து சிபிஐ நீதிமன்றம் கடந்த மார்ச் 14-ஆம் தேதி உத்தரவிட்டது. இந்த உத்தரவுக்கு எதிராக சென்னை உயர் நீதிமன்றத்தில் சிபிஐ தரப்பில் மேல்முறையீடு செய்யப்பட்டது.

இந்த வழக்கை விசாரித்த சென்னை உயர் நீதிமன்ற நீதிபதி ஜி. ஜெயச்சந்திரன், கடந்த ஜூலை 25-ஆம் தேதி பிறப்பித்த உத்தரவில், 7 பேரையும் விடுவித்து சிபிஐ நீதிமன்றம் பிறப்பித்த உத்தரவு ரத்து செய்யப்படுவதாகவும், இந்த வழக்கில் குற்றச்சாட்டு பதிவு செய்து மீண்டும் விசாரிக்கவும் உத்தரவிட்டார்.

]]>
Kalanidhi Maran, BSNL Case, Supreme Court , பிஎஸ்என்எல் வழக்கு , கலாந்தி மாறன், உச்ச நீதிமன்றம், http://images.dinamani.com/uploads/user/imagelibrary/2017/12/15/w600X390/maran.JPG http://www.dinamani.com/tamilnadu/2018/aug/17/பிஎஸ்என்எல்-வழக்கு-கலாநிதி-மாறன்-மனுவை-தள்ளுபடி-செய்தது-உச்ச-நீதிமன்றம்-2982428.html
2982408 தமிழ்நாடு எம்.பி.பி.எஸ் சேர்க்கை: ஆகஸ்ட் 21-இல் இறுதிக்கட்ட கலந்தாய்வு  DNS DNS Friday, August 17, 2018 06:22 PM +0530  

சென்னை: தமிழகத்தில் எம்.பி.பி.எஸ்., பி.டி.எஸ். படிப்புகளுக்கான இறுதிகட்ட கலந்தாய்வு ஆகஸ்ட் 21-ஆம் தேதி தொடங்க உள்ளது.

அரசு மருத்துவக் கல்லூரிகளில் உள்ள எம்.பி.பி.எஸ்., பி.டி.எஸ். இடங்கள், தனியாா் மருத்துவக் கல்லூரிகளில் அரசு ஒதுக்கீட்டு எம்.பி.பி.எஸ். இடங்கள், பி.டி.எஸ். இடங்கள் ஆகியவற்றுக்கான இரண்டாம் கட்ட கலந்தாய்வு ஆகஸ்ட் 11 முதல் 13-ஆம் தேதி வரை நடைபெற்றறது.

தற்பொழுது இந்த இடங்களுக்கான இறுதிகட்ட கலந்தாய்வு தேதி அறிவிக்கப்பட்டுள்ளது. இது தொடா்பாக மருத்துவக் கல்வி தோ்வுக்குழு செயலா் டாக்டா் ஜி.செல்வராஜன் வெள்ளிக்கிழமை வெளியிட்டுள்ள செய்திக்குறிப்பு:

அரசு மருத்துவக் கல்லூரிகள், தொழிலாளா் ஈட்டுறுதி கழக மருத்துவக் கல்லூரி, ராஜா முத்தையா மருத்துவக் கல்லூரி ஆகியவற்றில் உள்ள அரசு ஒதுக்கீட்டு எம்.பி.பி.எஸ் மற்றும் பி.டி.எஸ். இடங்கள், தனியாா் மருத்துவக் கல்லூரிகளில் உள்ள அரசு ஒதுக்கீட்டு எம்.பி.பி.எஸ்., மற்றும் பி.டி.எஸ். இடங்களுக்கான இறுதிக்கட்ட கலந்தாய்வு ஆகஸ்ட் 21-ஆம் தேதி முதல் 23-ஆம் தேதி வரை நடைபெறற உள்ளது. கலந்தாய்வு அட்டவணை விரைவில் இணையதங்களில் விரைவில் வெளியிடப்படும்.

இரண்டாம் கட்ட கலந்தாய்வில் பங்கேற்று இடங்களைத் தோ்வு செய்தவா்கள் அந்தந்தக் கல்லூரியில் சென்று சேர வெள்ளிக்கிழமை கடைசி என்று அறிவிக்கப்பட்டிருந்தது. முன்னாள் பிரதமா் வாஜ்பாய் மறைவின் காரணமாக வெள்ளிக்கிழமை பொது விடுமுறைற அறிவிக்கப்பட்டதால், கல்லூரியில் சென்று சேருவதற்கான கால அவகாசம் நீட்டிக்கப்பட்டுள்ளது. அதன்படி, சனிக்கிழமை (ஆக.18) மாலை 5 மணிக்குள் கல்லூரிகளில் சென்று சேர வேண்டும்.

இவ்வாறு அந்த செய்திக்குறிப்பில் அறிவிக்கப்பட்டுள்ளது.

]]>
tamilnadu, MBBS, BDS, counselling, final round, தமிழகம் , எம்.பி.பி.எஸ், பி.டி.எஸ், இறுதிகட்ட கலந்தாய்வு http://images.dinamani.com/uploads/user/imagelibrary/2017/9/27/w600X390/mbbs.jpg http://www.dinamani.com/tamilnadu/2018/aug/17/எம்பிபிஎஸ்-சேர்க்கை-ஆகஸ்ட்-21-இல்-இறுதிக்கட்ட-கலந்தாய்வு-2982408.html
2982389 தமிழ்நாடு இனி சென்னை ஏர்போர்ட்டுக்கு செல்லும் போதெல்லாம் நீங்கள் இந்த ரோபோக்களை சந்தித்துப் பேசலாம்! DIN DIN Friday, August 17, 2018 03:53 PM +0530  

சென்னை அண்ணா பன்னாட்டு விமான நிலையத்தில் பயணிகளின் வசதிக்காகவும், பயணிகளுக்கு சேவை செய்வதற்காகவும் இரண்டு ரோபோக்களை சோதனை அடிப்படையில் அறிமுகப்படுத்தப்பட்டுள்ளது. இதன் மூலம் விமான சேவைகளைத் பயணிகள் தெரிந்து கொள்ளும் வகையில் இந்தப் புதிய வசதியை செய்துள்ளது சென்னை விமான நிலையம்.

நேற்று (15 ஆகஸ்ட், 2018) சுதந்திர தினவிழாவை முன்னிட்டு இந்த இரண்டு ரோபோக்களும் அறிமுகப்படுத்தப்பட்டன. சென்னை விமான நிலைய ஆணையக இயக்குனர் சந்திரமெளலி தலைமையிலான அதிகாரிகள் இந்த சேவையைத் தொடங்கி வைத்தனர். நேற்று விமான நிலையத்துக்கு வருகை வந்த பயணிகளுக்கு சுதந்திர தினவிழா வாழ்த்துகளைத் தெரிவித்து, இனிப்புகள் வழங்கின ரோபோக்கள். 

இந்த இரண்டு ரோபோக்களும் தற்போது சோதனை முறையில் தான் அறிமுகப்படுத்தப்பட்டுள்ளன. இவை பெங்களூருவில் இருந்து வாடகைக்கு சென்னைக்கு வரவழைப்பட்டுள்ளது.

விமான நிலையத்திற்கு வரும் பயணிகளுக்கு பாதுகாப்புச் சோதனை, விமான டிக்கெட் பரிசோதனை, உடைமைகள் சோதனை செய்யும் இடங்கள், விமான நிலையம் உள்ளே சென்றதும் விமானங்கள் குறித்த தகவல்கள் போன்றவற்றையும் அது குறித்த சந்தேகங்களைத் தீர்ப்பதற்கு இந்த ரோபோக்கள் உதவி புரியும். முன்னதாக இதற்கென தனியாக சேவை மையம் இருந்தது. ரோபோ சுலபமாக பயணிகளை கவரும் என்றபடியால் இது அறிமுகப்படுத்தப்பட்டுள்ளது.  மக்களின் மொழி வழக்கிற்கு ஏற்ப இந்த ரோபோக்களும் பதில் தரும் என்பது இதன் சிறப்பு ஆகும். அதோடு ஓரிடத்தில் நில்லாமல், தன்னிச்சையாக நகர்ந்து செல்லும் திறன் கொண்டவை இந்த ரோபோக்கள். மேலும் இந்த ரோபோக்களுக்கு பயணிகள் மத்தியில் உள்ள வரவேற்பு மற்றும் அதன் செயல்பாடுகளை பொறுத்து சென்னை உள்நாடு மற்றும் பன்னாட்டு விமான நிலையங்களில் பயணிகளுக்கு சேவை செய்ய இவை நிரந்தரமாக பயன்படுத்தப்படும் என்றார் விமான ஆணையக இயக்குனர் சந்திரமெளலி.

இந்த புதிய ரோபோக்களின் சேவையைக் காண நேற்று மாணவ-மாணவிகள், குழந்தைகள் ஆகியோர் அதிகளவில் விமான நிலையம் வந்திருந்தனர். அவர்கள் அனைவருக்கும் சுதந்திர தின வாழ்த்துக்கள் தெரிவித்தன ரோபோக்கள். இதைப் பார்த்து மகிழ்ச்சியடைந்த பயணிகள் மற்றும் குழந்தைகள் பதிலுக்கு தங்கள் வாழ்த்துக்களை ரோபோக்களுக்குத் தெரிவித்தனர்.

உலக நாடுகளுள் பல விமான நிலையங்களில் இந்த ரோபோ சேவை உள்ளது. துபய்யில் ரோபோ காப் என்று அழைக்கப்படும் ரோபோ உள்ளன. இவை பயணிகளின் பாதுகாப்புக்காக அந்நாட்டு அரசு அறிமுகப்படுத்தி வெற்றிகரமாக செயல்பட்டு வருகிறது என்பது குறிப்பிடத்தக்கது. 
 

]]>
robot in chennai airport, humanoid, robots, ரோபோ, சென்னை விமான நிலையம் http://images.dinamani.com/uploads/user/imagelibrary/2018/8/17/w600X390/robot_in_airport_chennai.jpg http://www.dinamani.com/tamilnadu/2018/aug/17/aai-introduces-autonomous-robots-at-chennai-airport-to-greet-passengers-and-answer-their-queries-2982389.html
2982384 தமிழ்நாடு சங்கரன் கோவிலில் ஓவியக் கண்காட்சி! ஓவியா் சந்துரு தொடக்கி வைத்தார்! DNS DNS Friday, August 17, 2018 03:18 PM +0530 சங்கரன்கோவிலில் ஏப்ரல் 14 இயக்கத்தின் சாா்பில் மாணவா்கள், ஓவியா்கள் பங்கேற்ற ஓவியக் கண்காட்சி வியாழக்கிழமை நடைபெற்றது. பள்ளி மாணவா்களிடையே ஓவியா் சாா்ந்த புரிதல், தேவை, தொழில்நுட்பம் ஆகியவை குறித்து அறியவும், பள்ளி செல்லாத சிறுவா், சிறுமியா் கல்வி மேம்பாட்டுக்காகவும், அவா்களிடையே சமூக விழிப்புணா்வை ஏற்படுத்தவும் இந்த ஓவியக் கண்காட்சி நடைபெற்றது.

ஓவியக் கண்காட்சியை அவ்வை நுண்கலை கல்லூரி முதல்வா் ஓவியா்.சந்துரு தொடக்கி வைத்தாா். கணேசன், ஸ்ரீதா்,முப்பிடாதி, ஸ்ரீகோமதி அம்பாள் மெட்ரிக் மேல்நிலைப்பள்ளி முதல்வா் ந.பழனிச்செல்வம், ஆசிரியா்கள் லூக்காஸ், ஜான்கென்னடி, காா்த்திக், ராமசாமி, வழக்குரைஞா் ஜெயசீலன் ஆகியோா் முன்னிலை வகித்தனா். சிறப்பு விருந்தினா்களாக டி.எஸ்.பி.ராஜேந்திரன், ஆசிரியா் இளங்கோகண்ணன், தமிழாசிரியா் வே.சங்கர்ராம், உடற்கல்வி இயக்குனா் ச.நாராயணன் உள்ளிட்டோா் பங்கேற்றுப் பேசினா்.

ஓவியக்கண்காட்சியில் இயற்கை, பாலியல் வன்கொடுமை, தீண்டாமை, பெண் கல்வி ஆகியவை குறித்து மாணவா்கள் வரைந்திருந்த ஓவியங்கள் இடம்பெற்றிருந்தன. இதைத் தொடா்ந்து ஓவியக் கண்காட்சியில் பங்கேற்ற ஸ்ரீகோமதி அம்பாள் மெட்ரிக் மேல்நிலைப்பள்ளி, ஆா்.சி.நடுநிலைப்பள்ளி, செங்குந்தா் நடுநிலைப்பள்ளி மாணவ, மாணவா்களுக்குப் பரிசுகளும், மரக்கன்றுகளும் வழங்கப்பட்டன. பா.பீட்டா் சந்திரசேகரன் வரவேற்றாா். ஜி.செந்தில்குமாா் நன்றி கூறினாா். நிகழ்ச்சிகளை மல்லிகா தொகுத்து வழங்கினாா். ஏற்பாடுகளை ஏப்ரல்.14 இயகத்தினா் செய்திருந்தனா்.

]]>
art, art competition, art exhibition, chandru, ஓவியா்.சந்துரு , ஓவியக் கண்காட்சி http://images.dinamani.com/uploads/user/imagelibrary/2018/8/17/w600X390/snk17drawing_1708chn_43.jpg http://www.dinamani.com/tamilnadu/2018/aug/17/சங்கரன்-கோவிலில்-ஓவியக்-கண்காட்சி-ஓவியா்-சந்துரு-தொடக்கி-வைத்தார்-2982384.html
2982379 தமிழ்நாடு அரசுப் பள்ளி மாணவர்களின் அவல நிலை! DNS DNS Friday, August 17, 2018 03:03 PM +0530 கமுதி அருகே அரசு பள்ளியில் தண்ணீா் வசதியில்லாததால் சாலையை கடந்து அடிபம்பிற்கு சென்று மாணவா்கள் பாத்திரம் கழுவும் அவலம் ஏற்பட்டுள்ளது.

கமுதி அருகே கூடக்குளம் அரசு துவக்கப் பள்ளியில் 18 க்கும் மேற்பட்ட மாணவா்கள் படித்து வருகின்றனா். பள்ளியில் மாணவா்களுக்காக அமைக்கபட்ட கழிப்பறை, புழக்கத்திற்காக அமைக்கபட்ட போா்வெல்களில் தண்ணீரில்லை. இதனால் மாணவா்கள் திறந்தவெளியில் கழிப்பறைக்கு செல்லும் அவலம் உள்ளது. மதிய உணவு சாப்பிட்ட பிறகு தண்ணீா் வசதியில்லாததால், பள்ளிக்கு எதிரே சாலையை கடந்து, கண்மாய் கரையில் உள்ள அடிபம்பில் மாணவா்கள் பாத்திரங்களை கழுவும் நிலை உள்ளது. இதனால் சாலைகளில் வாகனங்கள் இயக்கபடும்போது, சாலையை கடந்து பாத்திரங்களை கழுவும்போது விபத்துக்களில் மாணவா்கள் சிக்கும் அபாயம் உள்ளது.

பெரும்பாலான அரசு பள்ளிகளில் உள்ள கழிப்பறை, புழக்கத்திற்காக தண்ணீா் வசதியில்லாததால், மாணவா்கள் அத்தியாவசிய தேவைகளுக்காக பள்ளியை விட்டு பயணிக்கும் அவலத்தில் உள்ளனா். எனவே மாவட்ட நிா்வாகம் தலையிட்டு அரசு பள்ளிகளில் முறையாக குடிநீா் வசதி ஏற்படுத்தப்பட்டுள்ளதா என ஆய்வு செய்து உரிய நடவடிக்கை எடுக்க வேண்டும் என மாணவா்களின் பெற்றோா்கள் கோரிக்கை வைத்துள்ளனா்.

]]>
water problem in govt school, school children, village school, அரசு துவக்கப் பள்ளி, கமுதி http://images.dinamani.com/uploads/user/imagelibrary/2018/6/29/w600X390/govtschool.jpg http://www.dinamani.com/tamilnadu/2018/aug/17/அரசுப்-பள்ளி-மாணவர்களின்-அவல-நிலை-2982379.html
2982375 தமிழ்நாடு புதிய தலைமைச் செயலகக் கட்டட முறைகேடு: விசாரித்து வந்த ஆணையத் தலைவர் ரகுபதி ராஜினாமா DIN DIN Friday, August 17, 2018 02:41 PM +0530
சென்னை: புதிய தலைமைச் செயலகக் கட்டடம் கட்டியதில் நடந்ததாகக் கூறப்படும் முறைகேடுகள் குறித்து விசாரிக்க அமைக்கப்பட்ட ஆணையத்தின் தலைவர் ரகுபதி தனது பதவியை ராஜினாமா செய்துள்ளார்.

ரகுபதி ஆணையம் செயல்பட தடை விதிக்கப்பட்ட நிலையில் ஆணையத்துக்கு பல  கோடி ரூபாய் செலவிடப்பட்டது தொடர்பான விவகாரத்தில் சென்னை உயர் நீதிமன்றம் ஆணைய நடவடிக்கை குறித்து காட்டமான கருத்தை முன் வைத்திருந்தது.

இந்த நிலையில், கடந்த ஆகஸ்ட் 13ம் தேதி ஆணையத் தலைவர் பதவியில் இருந்து விலகுவதாக தமிழக தலைமைச் செயலாளருக்கு ஓய்வு பெற்ற நீதிபதி ரகுபதி தனது ராஜினாமா கடிதத்தை அனுப்பியுள்ளார்.

விசாரணை ஆணைய தலைவர் ரகுபதி தனது ராஜினாமா கடிதத்தை அளித்ததோடு, விசாரணைக்காக அரசு வழங்கிய இன்னோவா காரையும் ஒப்படைத்தார். விசாரணை ஆணைய ஆவணங்கள் மற்றும் கணினியையும் அரசிடம் ஒப்படைத்ததோடு, தனது அலுவலகத்தை எடுத்துக் கொள்வது குறித்து அரசே முடிவு செய்து கொள்ளலாம் என்றும் தெரிவித்துள்ளார்.

மேலும் அந்த கடிதத்தில், 3 ஆண்டுகள் விசாரணை நடைபெறாமல் இருந்ததற்கு ஆணையம் காரணம் அல்ல. 

ஓய்வு பெற்ற பிறகு ஏதேனும் பதவியைத் தேடிச் செல்வது போல் நீதிபதி சுப்ரமணியம் கருத்துக் கூறியிருந்தார். உயர் நீதிமன்றத்தின் இந்த கருத்து உச்ச நீதிமன்ற, உயர் நீதிமன்ற ஓய்வு பெற்ற நீதிபதிகளுக்கு தர்ம சங்கடம் ஏற்படும் வகையில் அமைந்திருந்தது.

ஆணையத்துக்கான தடையை நீக்க பலமுறை  நீதிமன்றத்திடம் முறையிட்டும் நீதிமன்றம் அதனை விசாரிக்கவேயில்லை. ஆணையத்தில் தொடர்ந்து இருக்க விருப்பமில்லாதால் பதவி விலகுகிறேன் என்று கடிதத்தில் குறிப்பிட்டுள்ளார்.

மேலும், சென்னை மவுலிவாக்கம் கட்டட விபத்து குறித்து எந்த ஊதியமும் பெறாமல் 45 நாட்கள் விசாரித்து அறிக்கை அளித்தேன் என்றும் தெரிவித்துள்ளார்.
 

]]>
http://images.dinamani.com/uploads/user/imagelibrary/2018/2/5/w600X390/lawwww.jpg http://www.dinamani.com/tamilnadu/2018/aug/17/புதிய-தலைமைச்-செயலகக்-கட்டட-முறைகேடு-விசாரித்து-வந்த-ஆணையத்-தலைவர்-ரகுபதி-ராஜினாமா-2982375.html
2982370 தமிழ்நாடு வெள்ள பெருக்கெடுத்தும், தண்ணீர் பாசனத்திற்கு பயன்படாமல் கடலுக்கு செல்லும் அவலமான நிலை: இரா.முத்தரசன் DIN DIN Friday, August 17, 2018 01:30 PM +0530 வெள்ள பெருக்கெடுத்தும், தண்ணீர் பாசனத்திற்கு பயன்படாமல் கடலுக்கு செல்லும் அவலமான நிலை ஏற்பட்டுள்ளது என்று இந்தியக் கம்யூனிஸ்ட் கட்சியின் மாநில செயலாளர் இரா.முத்தரசன் தெரிவித்துள்ளார். 

இதுகுறித்து அவர் இன்று விடுத்துள்ள அறிக்கையில்,
கடந்த பல ஆண்டுகளாக வறட்சியின் கோரப்பிடியில் சிக்கி தவிக்கும் காவிரி பாசன மாவட்டங்கள், இவ்வாண்டும் அதேகதிக்கு ஆளாகியிருப்பது அவமானகரமானதாகும்.

மேட்டூர் அணை திறக்கப்பட்டு ஒருமாத காலமாகிவிட்டது. கர்னாடகத்தில் பெய்து வரும் பெருமழையில் மேட்டூர் அணை நிரம்பி, தண்ணீரை தேக்கி வைக்க முடியாமல், அணைக்கு வரும் தண்ணீர் முழுவதும் திறந்துவிடப்படுகின்றது.

இந்நிலையில் காவிரி பாசன மாவட்டங்களில் குறிப்பாக தஞ்சை, திருவாரூர், நாகை மாவட்டங்களில் உள்ள பாசன வாய்கால்களில் தண்ணீர் செல்லாமல், விவசாயிகளும், பொதுமக்களும் சாலை மறியல் போராட்டங்களில் ஈடுபட்டு வருகின்றனர்.

தஞ்சாவூர் மாவட்டத்தின் தென்பகுதிகளான ஒரத்தநாடு, பட்டுக்கோட்டை, பேராவூரணி, சேதுபாபா சத்திரம், திருவோணம் பகுதிகளுக்கு தண்ணீர் சென்றடையவில்லை.

இம்மாவட்டத்தை சேர்ந்த வேளாண்மை துறை அமைச்சர் அனைத்து பகுதிகளுக்கும் தண்ணீர் செல்கின்றது என்று தெரிவிக்கின்றார். தஞ்சை மாவட்ட ஆட்சித் தலைவர் அனைத்து பகுதிகளுக்கும் தண்ணீர் செல்ல ஏற்பாடுகள் செய்து வருகின்றோம் என்கின்றார்.

அமைச்சரின் அறிவிப்பும், ஆட்சித் தலைவரின் அறிவிப்பும் முன்னுக்குபின் முரணாக உள்ளது. திருவாரூர் மாவட்டத்தில் கோட்டூர் ஒன்றியத்தின் தெற்குபகுதி திருமக்கோட்டை, பெருகவாழ்ந்தான் பகுதிகளுக்கு இதுவரை தண்ணீர் செல்லவில்லை.

திருத்துறைப்பூண்டி, முத்துப்பேட்டை, திருவாரூர் தாலுக்கா, நன்னிலம், குடவாசல் விலங்கைமான் பகுதிகளுக்கும் தண்ணீர் செல்லாத நிலைமையே உள்ளது. 

நாகப்பட்டினம் மாவட்டத்தில் கொள்ளிடத்தில் கரைபுரண்டு தண்ணீர் கடலுக்கு சென்று கொண்டுள்ளது. ஆனால் கொள்ளிடம் ஒன்றியத்தின் எந்த பகுதிக்கும் இந்நாள் வரை தண்ணீர் செல்லவில்லை.

வேதாரண்யம் ஒன்றியம் தலைஞாயிறு ஒன்றியம், நாகை ஒன்றியம், செம்பனார் கோவில் ஒன்றியம் போன்ற பகுதிகளுக்கும் தண்ணீர் செல்லாத நிலை தொடர்கின்றது.

காவிரி பாசன மாவட்டத்தை சேர்ந்த புதுக்கோட்டை மாவட்ட பகுதிகளுக்கும் தண்ணீர் செல்லவில்லை.

காரணம் என்ன? 

கர்நாடகத்திலிருந்து வினாடிக்கு இரண்டு லட்சம் கனஅடி தண்ணீர் காவிரியில் உபரி நீராக திறந்து விடப்பட்டு மேட்டூர் அணை முழுமையாக நிரம்பி, காவிரி, வெட்டாறு, வெள்ளாறு, கொள்ளிடம் போன்ற ஆறுகளில் தண்ணீர் பெருமளவிற்கு திறந்து விடப்பட்டும் உள்கிராமங்களுக்கு, பாசனத்திற்கு பயன்படாமல் வீணாக போவதன் காரணமென்ன?

ஆறுகளில் இருந்து பாசன வாய்கால்களுக்கு தண்ணீர் செல்லாமல் இருப்பதற்க என்ன காரணம்?

பாசன, வடிகால்களை தூர்வாருவதற்கு, குடிமராமத்து பணிகளுக்கு இவ்வாண்டு ஒதுக்கப்பட்ட கோடிக் கணக்கான ரூபாய் எக்கதிக்கு ஆளானது?

முறையாகவும், முழுமையாகவும் தூர்வாரும் பணிகளை நேர்மையாக மேற்கொண்டிருந்தால் இந்நிலைமை ஏற்பட்டிருக்காது என்பது வெளிப்படையான உண்மையாகும்.

தூர்வாரும் பணிகளுக்காக ஒதுக்கப்படும் பணம், அவை செலவிடப்பட்டது குறித்து முழுமையான விசாரணை மேற்கொள்ளப்பட வேண்டும்.

கைநிரம்ப வெண்ணை இருந்தும் நெய்யிக்கு அலையும் பைத்தியக்காரனைப் போன்ற நிலைமை தான் இன்று ஏற்பட்டுள்ளது.

அணை நிரம்பியும் பாசனத்திற்கு பயன்படுத்தி வேளாண் உற்பத்தியில் ஈடுபட முடியாத பரிதாபகரமான நிலைக்கு விவசாயிகள் தள்ளப்பட்டுள்ளனர்.

இத்தகைய மிக மோசமான நிலை ஏற்பட்டமைக்கு இந்திய கம்யூனிஸ்ட் கட்சி தனது கடும் கண்டனத்தை தெரிவித்துக் கொள்கிறது. இவ்வாறு அவர் கூறியுள்ளார். 

]]>
http://images.dinamani.com/uploads/user/imagelibrary/2017/4/19/w600X390/Mutharasan.jpg http://www.dinamani.com/tamilnadu/2018/aug/17/வெள்ள-பெருக்கெடுத்தும்-தண்ணீர்-பாசனத்திற்கு-பயன்படாமல்-கடலுக்கு-செல்லும்-அவலமான-நிலை-இராமுத்தரசன்-2982370.html
2982364 தமிழ்நாடு வைகை அணை பகுதியில் உள்ள கரையோர மக்களுக்கு வெள்ள அபாய எச்சரிக்கை DIN DIN Friday, August 17, 2018 01:07 PM +0530 வைகை அணை பகுதியில் உள்ள கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது. 

கர்நாடகா, கேரளா மற்றும் தமிழகத்தின் மேற்கு தொடர்ச்சி மலைப்பகுதியை ஒட்டிய பகுதிகளில் தென் மேற்கு பருவமழை கொட்டித்தீர்த்து வருகிறது. இதன் காரணமாக அண்டை மாநிலங்களில் இருந்து தமிழக அணைகளுக்கு நீர்வரத்து அதிகரித்துள்ளது. மேலும் கர்நாடகாவில் திறக்கப்பட்ட உபரி நீரால் காவிரி கரையோரங்களில் வெள்ளநீர் புகுந்துள்ளது. 

இந்நிலையில் வைகை அணை பகுதியில் உள்ள கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது. வைகை அணைக்கு தற்போது 4227 கனஅடி நீர் வந்து கொண்டிருக்கிறது. அணையில் இருந்து குடிநீர் தேவைக்காக மட்டும் 60 கனஅடி நீர் வெளியேற்றப்பட்டு வருகிறது. 

71 அடி உயரம் கொண்ட அணையின் நீர் மட்டம் தற்போது 66 அடியை எட்டியுள்ளதால் வைகையாற்றின் கரையோர மக்கள் பாதுகாப்பான இடங்களுக்கு செல்ல ஆட்சியர் பல்லவி பல்தேவ் அறிவுறுத்தியுள்ளார்.


 

]]>
http://images.dinamani.com/uploads/user/imagelibrary/2014/10/24/4/w600X390/vaigai_dam2.jpg http://www.dinamani.com/tamilnadu/2018/aug/17/வைகை-அணை-பகுதியில்-உள்ள-கரையோர-மக்களுக்கு-வெள்ள-அபாய-எச்சரிக்கை-2982364.html
2981861 தமிழ்நாடு மாற்று வீடு வழங்கக் கோரி நடிகர் குமரிமுத்து மனைவி மனு: பரிசீலிக்க அரசுக்கு உத்தரவு DIN DIN Friday, August 17, 2018 12:58 PM +0530
மறைந்த நகைச்சுவை நடிகர் குமரிமுத்துவின் மனைவி மாற்று வீடு வழங்கக் கோரி தாக்கல் செய்த மனுவை தமிழக அரசு பரிசீலிக்க, சென்னை உயர் நீதிமன்றம் உத்தரவிட்டுள்ளது.
இதுதொடர்பாக, குமரிமுத்துவின் மனைவி புண்ணியவதி உயர் நீதிமன்றத்தில் தாக்கல் செய்த மனுவில், "எனது கணவரின் நடிப்புத் திறனை பாராட்டி தமிழக அரசு அவருக்கு கலைமாமணி விருது வழங்கி கெளரவித்தது. எங்களுக்கு நந்தனம் புதிய வீட்டுவசதி வாரியக் குடியிருப்பில், வீடு ஒதுக்கப்பட்டிருந்தது. கடந்த 2016 - ஆம் ஆண்டு எனது கணவர் இறந்துவிட்டார். அந்த வீட்டில் நான் வசித்து வருகிறேன். இந்த நிலையில், வீட்டு வசதி வாரியம் வீடு ஒதுக்கீட்டை ரத்து செய்து நோட்டீஸ் அனுப்பியது. மேலும், வீடுகளை இடிக்கப் போவதாகக் கூறி அதிகாரிகள் வீட்டை காலி செய்யுமாறு தொந்தரவு கொடுக்கின்றனர்.
தற்போது வசித்து வரும் குடியிருப்புகளை இடிக்கும் வரை நான் அங்கு வசிக்க அனுமதி அளிக்க வேண்டும். அப்படி இல்லாதபட்சத்தில் திருமங்கலம் வீட்டுவசதி வாரிய குடியிருப்பில் எனக்கு மாற்று வீடு ஒதுக்க தமிழக அரசுக்கு உத்தரவிட வேண்டும்' எனக் கோரியிருந்தார்.
இந்த மனு நீதிபதி ஆர்.மகாதேவன் முன் விசாரணைக்கு வந்தது. வழக்கை விசாரித்த நீதிபதி, "இதுபோன்ற கலைஞர்களுக்கு விருது வழங்கி கெளரவிக்கும் அரசுகளின் பாராட்டுகள் வெறும் காகித அளவில் நிற்காமல், அவர்களின் குடும்பத்தினருக்கு ஆதரவுக் கரம் நீட்டும் வகையில் இருக்க வேண்டும். எனவே, மனுதாரருக்கு மாற்று வீடு ஒதுக்கீடு செய்வது குறித்து பரிசீலனை செய்து தகுந்த உத்தரவை தமிழக அரசு பிறப்பிக்க வேண்டும்' என உத்தரவிட்டார். 
 

]]>
http://images.dinamani.com/uploads/user/imagelibrary/2016/2/29/8/w600X390/Kumari-Muthu.jpg http://www.dinamani.com/tamilnadu/2018/aug/17/மாற்று-வீடு-வழங்கக்-கோரி-நடிகர்-குமரிமுத்து-மனைவி-மனு-பரிசீலிக்க-அரசுக்கு-உத்தரவு-2981861.html
2982362 தமிழ்நாடு ஸ்டெர்லைட் தொடர்பான பசுமைத் தீர்ப்பாய உத்தரவுக்கு தடை விதிக்க முடியாது: தமிழக அரசின் கோரிக்கை நிராகரிப்பு  DIN DIN Friday, August 17, 2018 12:49 PM +0530  

புது தில்லி:  ஸ்டெர்லைட் ஆலை தொடர்பான பசுமைத் தீர்ப்பாய உத்தரவுக்கு தடை விதிக்க வேண்டுமென்ற தமிழக அரசின் கோரிக்கையை உச்ச நீதிமன்றம்  நிராகரித்து விட்டது.

ஸ்டெர்லைட் ஆலையை மூட உத்தரவிட்டு தமிழக அரசு பிறப்பித்த அரசாணைக்கு எதிராக உரிமையாளர்களான வேதாந்தா நிறுவனம் சார்பில் தேசிய பசுமைத் தீர்ப்பாயத்தில் மனு தாக்கல் செய்யப்பட்டது.

அந்த மனுவில் ஸ்டெர்லைட் ஆலை மூடப்பட்டதில் உள்நோக்கம் உள்ளது என்றும், ஆலையால் மாசு ஏற்படுகிறதா என்பதை ஆராய தனியாக குழு அமைக்க வேண்டும் என்றும் தெரிவித்திருந்தது.

இந்த மனுவுக்கு தமிழக அரசு கடும் எதிர்ப்பு தெரிவித்திருந்த நிலையில், வேதாந்தா நிறுவனம் தொடர்ந்த வழக்கு விசாரணைக்கு உகந்தது அல்ல என்றும், மனுவை தள்ளுபடி செய்ய வேண்டும் என்றும் பசுமைத் தீர்ப்பாயத்தில் வாதிட்டது.

ஆனால், தமிழக அரசின் வாதத்தை தேசிய பசுமைத் தீர்ப்பாயம் நிராகரித்ததோடு,  ஆலையை திறக்க உத்தரவிட வேண்டும் என்று கோரி வேதாந்தா குழுமம் சார்பில் தொடரப்பட்ட மனுவை விசாரணைக்கு ஏற்றுக் கொண்டது.

மனு மீதான விசாரணையின் பொழுது காற்று, நீர் மாசு ஏற்படுத்தாத வகையில் ஆலை செயல்படுவதாகவும், விதிகள் மீறப்படவில்லை என்றும் தெரிவித்துள்ளது. இதுவரை ஸ்டெர்லைட் ஆலையில் காப்பர் உற்பத்தி செய்யப்பட்டு வந்த நிலையில், ஆலை மூடப்பட்டதால் சீனா உள்ளிட்ட வெளிநாடுகளில் இருந்து காப்பரை இறக்குமதி செய்யும் நிலைக்கு தள்ளப்பட்டுள்ளோம் என்றும் வேதாந்தா குழுமம் சார்பில் தெரிவிக்கப்பட்டுள்ளது.

இந்த மனு மீதான விசாரணையானது கடந்த வியாழனன்று பசுமைத் தீர்ப்பாயத்தில், அதன் தலைவர் நீதிபதி ஏ.கே.கோயல் முன்னிலையில் நடைபெற்றது. அப்பொழுது ஆலை நிர்வாகத்தின் தரப்பில் ஆஜரான வழக்கறிஞர் ஆலையில் பணியாற்றும் ஊழியர்களுக்கு ஊதியம் வழங்க வேண்டியுள்ளது. அத்துடன் மிக முக்கியமான நிர்வாகக் கோப்புகள் மற்றும் கணிப்பொறிகள் ஆகியவை ஆலையின் வளாகத்தில் உள்ளன. எனவே அவற்றைக் கையாளும் பொருட்டு குறைந்த பட்சமாக 30 நாட்களாவது ஆலை செயல்பட அனுமதிக்க வேண்டு என்று கோரிக்கை வைத்து வாதாடினார்.

ஆனால் தமிழக அரசுத் தரப்பில் இதற்கு கடுமையான எதிர்ப்பு தெரிவிக்கப்பட்டது. ஆலையின் செயல்பாடுகள் மற்றும் விதிமீறல்கள் தொடர்பான முக்கியமான கோப்புகளை அவர்கள் அழித்து விடக் கூடும் என்ற வாதம் அரசுத் தரப்பில் முன்வைக்கபட்டது.

இரு தரப்பு வாதங்களையும் கேட்ட நீதிபதி கோயல் நிர்வாகப் பணிகளுக்காக ஸ்டெர்லைட் ஆலைக்குள் நிர்வாக அதிகாரிகள் செல்லலாம் என்று அனுமதியளித்து உத்தரவிட்டார். ஆனால் அதே சமயம், கண்டிப்பாக எந்த விதமான உற்பத்தி பணிகளும் நடைபெறக் கூடாது என்றும் அவர் தனது உத்தரவில் தெளிவுபடுத்தினார்.

அதனைத் தொடர்ந்து அடுத்த கட்ட நடவடிக்கை குறித்து முதல்வர் பழனிசாமி தலைமையில் அமைச்சர்கள், அதிகாரிகள் தலைமைச் செயலகத்தில் கடந்த ஞாயிறன்று ஆலோசனை நடத்தினர். ஆலோசனையின் போது எடுக்கப்பட்ட முடிவின்படி ஸ்டெர்லைட் ஆலை தொடர்பான பசுமைத் தீர்ப்பாய ஆணைக்கு எதிராக தமிழக அரசு உச்ச நீதிமன்றத்தில் திங்களன்று மேல்முறையீடு செய்துள்ளது. இந்த மனுவினை அவசர வழக்காக கருதி விசாரிக்க தமிழக அரசின் வழக்கறிஞர்கள் வலியுறுத்தினார்கள்.

இந்நிலையில் ஸ்டெர்லைட் ஆலை தொடர்பான பசுமைத் தீர்ப்பாய உத்தரவுக்கு தடை விதிக்க வேண்டுமென்ற தமிழக அரசின் கோரிக்கையை உச்ச நீதிமன்றம்  நிராகரித்து விட்டது.

தமிழக அரசின் மனுவானது வெள்ளியன்று விசாரணைக்கு வந்த பொழுது நிர்வாகப் பணிகளுக்காக ஸ்டெர்லைட் ஆலைக்குள் நிர்வாக அதிகாரிகள் செல்லலாம் என்று அனுமதியளித்த தேசிய பசுமைத் தீர்ப்பாயத்தின் உத்தரவுக்கு தடை விதிக்க உச்ச  நீதிமன்றம் மறுத்து விட்டது.     

அத்துடன் ஸ்டெர்லைட் ஆலையை மூட உத்தரவிட்டு தமிழக அரசு பிறப்பித்த அரசாணைக்கு எதிரான விசாரணை தேசிய பசுமைத் தீர்ப்பாயத்தில் தொடர்ந்து நடைபெறலாம் என்றும்,.அங்கு தமிழக அரசின் சார்பில் வாதங்களை மீண்டும் எடுத்து வைக்கலாம் என்றும் நீதிமன்றம் தெரிவித்துள்ளது  

]]>
tutocorin, sterlite, closure, order, appeal, NGT, SC, tamilnadu government, ஸ்டெர்லைட் , பசுமைத் தீர்ப்பாயம் , உத்தரவு , மேல்முறையீடு , உச்ச நீதிமன்றம் , தமிழக அரசு http://images.dinamani.com/uploads/user/imagelibrary/2018/8/17/w600X390/supremecourt.jpg http://www.dinamani.com/tamilnadu/2018/aug/17/ஸ்டெர்லைட்-தொடர்பான-பசுமைத்-தீர்ப்பாய-உத்தரவுக்கு-தடை-விதிக்க-முடியாது-தமிழக-அரசின்-கோரிக்கை-நிராகர-2982362.html
2982355 தமிழ்நாடு வாஜ்பாய் மறைவு: மார்க்சிஸ்ட் கம்யூனிஸ்ட் கட்சி இரங்கல் DIN DIN Friday, August 17, 2018 12:24 PM +0530 வாஜ்பாய் மறைவுக்கு மார்க்சிஸ்ட் கம்யூனிஸ்ட் கட்சி இரங்கல் தெரிவித்துள்ளது.

இதுதொடர்பாக அக்கட்சியின் மாநில செயலாளர் கே.பாலகிருஷ்ணன் இன்று வெளியிட்ட இரங்கல் செய்தியில், 
பாரதிய ஜனதா கட்சியின் முதுபெரும் தலைவரும், முன்னாள் பாரதப் பிரதமருமான அடல் பிஹாரி வாஜ்பாயின் மறைவிற்கு மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு தனது ஆழ்ந்த இரங்கலை தெரிவித்துக் கொள்கிறது.

வாஜ்பாய் அவர்கள் 50 ஆண்டுகளுக்கும் மேல் நாடாளுமன்ற உறுப்பினராக அரிய பணியாற்றியவர். அவசர நிலையின் போது ஜனநாயக உரிமைக்கான போராட்டத்தில் தன்னை ஈடுபடுத்திக் கொண்டவர். குஜராத்தில் சிறுபான்மை மக்கள் தாக்கப்பட்ட போது அங்கு ராஜ தர்மம் மீறப்பட்டுள்ளது என பகிரங்கமாக தனது அதிருப்தியை வெளிப்படுத்தியவர். சிறந்த கவிஞர், எழுத்தாளர் என பன்முகத் தன்மை கொண்ட வாஜ்பாயின் மறைவிற்கு ஆழ்ந்த இரங்கலை தெரிவித்துக் கொள்கிறோம்.

அவரது பிரிவால் வாடும் அவரது குடும்பத்தினருக்கும் ஆழ்ந்த அனுதாபங்களை தெரிவித்துக் கொள்கிறோம். இவ்வாறு அவர் கூறியுள்ளார். 

]]>
http://images.dinamani.com/uploads/user/imagelibrary/2018/3/16/w600X390/balakrishnan.jpg http://www.dinamani.com/tamilnadu/2018/aug/17/வாஜ்பாய்-மறைவு-மார்க்சிஸ்ட்-கம்யூனிஸ்ட்-கட்சி-இரங்கல்-2982355.html
2982352 தமிழ்நாடு கொள்ளிடம் பழைய பாலத்தின் தூண் சேதம்: மாநில பேரிடர் மேலாண்மை வாரியம் விடியோவுடன் விளக்கம் DIN DIN Friday, August 17, 2018 11:42 AM +0530  

திருச்சி: கொள்ளிடம் பழைய பாலத்தின் தூண் இரண்டாக பிளந்து இடிந்து விழும் அபாயத்தில் உள்ளது. இது குறித்து செய்திகள் வெளியான நிலையில் முன்னெச்சரிக்கை நடவடிக்கை குறித்து மாநில பேரிடர் மேலாண்மை வாரியம் விளக்கம் அளித்துள்ளது.

டிவிட்டர் பக்கத்தில் விடியோவுடன் கூடிய விளக்கத்தை அளித்திருக்கிறது. அதில், திருச்சியில் 1928ம் ஆண்டு கட்டப்பட்டு பயன்பாட்டில் இல்லாத பாலம் இது. இந்த பாலத்தின் தூணில் விரிசல் ஏற்பட்டதை அடுத்து பாலம் மூடப்பட்டது. அருகில் புதிய பாலம் கட்டப்பட்டு பயன்பாட்டில் உள்ளது. எனவே இது குறித்த தகவல்களை சமூக தளங்களில் பார்த்து திருச்சி வாழ் மக்கள் அச்சம் கொள்ளத் தேவையில்லை என்று தெரிவித்துள்ளது.
 

செய்தியின் பின்னணி: 1850இல் கட்டப்பட்டு, 1928இல் ஆங்கிலேயர்களால் புதியதாக மாற்றியமைக்கப்பட்ட பழைமையான பாலம் கொள்ளிடம் பழைய பாலம். இந்த பாலத்தில் மொத்தம் 23 தூண்கள் உள்ளன. இதன் மேல் இரும்பு கேரிடர்கள் வைத்து சாலை அமைத்து போக்குவரத்துக்கு பயன்படுத்தப்பட்டு வந்தது. 

அதிகரித்த வாகனப் பெருக்கத்தின் காரணமாகவும், போக்குவரத்து நெருக்கடி காரணமாகவும் 8 ஆண்டுகளுக்கு முன் இந்த பாலத்தில் கனரக வாகனங்கள் செல்வதுதடை செய்யப்பட்டது. மேலும், 2016இல் இந்த பாலத்துக்கு மாற்றாக அருகிலேயே ரூ.76 கோடி மதிப்பில் புதிய பாலம் திறக்கப்பட்டது. இதனால், பழைய பாலத்தில் இலகுரக வாகனங்கள், இருச்சகர வாகனங்கள் மட்டுமே சென்று வந்தன.

இந்நிலையில் செக்போஸ்ட் அருகில் இருந்து பழையபாலத்தின் 6-ஆவது தூணில் திடீரென புதன்கிழமை சிறிய விரிசல் ஏற்பட்டது. இதனைக் கண்ட அப்பகுதி மக்கள் அதிகாரிகளுக்கு தகவல் தெரிவித்தனர். இதையடுத்து வருவாய்த்துறை அதிகாரிகள் மற்றும் ஸ்ரீரங்கம் போலீஸார் விரைந்து வந்தனர். பாலத்தின் இருபுறமும் தடுப்பு வேலிகள் அமைத்து போக்குவரத்திற்கு தடை ஏற்படுத்தினர்.

இதையடுத்து வியாழக்கிழமை தூணில் ஏற்பட்ட விரிசல் மேலும் அதிகரித்து தூண் இரு பகுதிகளாக இரண்டாக பிளந்தது. பிளவு வழியாகவும் தண்ணீர் பாய்ந்து செல்கிறது. பிளவு காரணமாக இரும்பு கேரிடர்கள் உடைந்து விழும் நிலையில் உள்ளன. மேலும், 6ஆவது தூணுக்கு மேலே உள்ள சாலைப் பகுதியிலும் விரிசல் அதிகரித்து வருகிறது. இதுகுறித்து தகவலறிந்த தமிழக சுற்றுலாத்துறை அமைச்சர் வெல்லமண்டி என். நடராஜன், பிற்பட்டோர் நலத்துறை அமைச்சர் எஸ். வளர்மதி,  மாவட்ட ஆட்சியர் கு.ராசாமணி ஆகியோர்  புதிய பாலத்தின் வழியாக பழைய பாலத்தில் உள்ள விரிசலை பார்வையிட்டு ஆய்வு செய்தனர். 

முன்னெச்சரிக்கை மற்றும் தடுப்பு நடவடிக்கைகளை தீவிரப்படுத்த வருவாய்த்துறை, நெடுஞ்சாலைத்துறை, காவல்துறை மற்றும் தீயணைப்புத்துறையினருக்கு அறிவுறுத்தப்பட்டது.

இதுதொடர்பாக, திருச்சி கோட்ட நெடுஞ்சாலைத்துறை பொறியாளர் கிருஷ்ணசாமி கூறியது: ஆங்கிலேயர் காலத்தில் கட்டப்பட்ட பாலத்தின் 18ஆவது தூணில் ஏற்பட்ட விரிசல் மேலும் அதிகரித்து பிளவு ஏற்பட்டுள்ளது. கொள்ளிடத்தில் திறந்துவிடப்படும் தண்ணீர் அளவு 2 லட்சம் கன அடிக்கு மேல் அதிகரித்தால் பாலத்தின் தூண் மேலும் வலுவிழக்கும் அபாயம் உள்ளது. இருப்பினும் இப்போதைய சூழலில் பிளவு ஏற்பட்ட அளவில் நிலைத்தன்மையுடன் தொடருகிறது. தூண் முழுவதும் சரிந்தாலும் இரும்பு கேரிடர்கள் மட்டுமே கீழே சரியும். இதர தூண்களுக்கு எந்தவித பாதிப்பும் ஏற்படாது. போக்குவரத்து, மின்சாரம் தடை செய்யப்பட்டு நெடுஞ்சாலைத்துறை, காவல்துறை, வருவாய்த்துறையினர் இரவு பகலாக தொடர்ந்து கண்காணித்து வருகின்றனர் என்றார் அவர்.

]]>
http://images.dinamani.com/uploads/user/imagelibrary/2018/8/17/w600X390/koledam.JPG கொள்ளிடம் ஆற்றில் வியாழக்கிழமை அதிகரித்து காணப்பட்ட விரிசலால் இடிந்து விழும் நிலையில் தூண்.  http://www.dinamani.com/tamilnadu/2018/aug/17/கொள்ளிடம்-பழைய-பாலத்தின்-தூண்-சேதம்-மாநில-பேரிடர்-மேலாண்மை-வாரியம்-விடியோவுடன்-விளக்கம்-2982352.html
2982112 தமிழ்நாடு கருணாநிதியும் வாஜ்பாயியும் மதுரை DIN Friday, August 17, 2018 07:59 AM +0530 பாஜக மூத்த தலைவரும் முன்னாள் பாரதப் பிரதமருமான மறைந்த அடல் பிஹாரி வாஜ்பாய்க்கும், திமுக தலைவரும் முன்னாள் முதல்வருமான காலம் சென்ற கருணாநிதிக்கும் பல ஒற்றுமைகள் இயற்கையாகவே காணப்படுகின்றன. 
இருவருமே 1924-ஆம் ஆண்டு பிறந்தவர்கள். கருணாநிதி ஜூன் 3-ஆம் தேதி பிறந்தார் என்றால், வாஜ்பாய் டிசம்பர் 25-ஆம் தேதி பிறந்தவர். இருவருமே 2018-ஆம் ஆண்டில் ஒரே மாதத்தில் இயற்கை எய்தி இருக்கிறார்கள்.
வாஜ்பாய், கருணாநிதி இருவருமே தங்களது பேச்சாற்றலால் மக்களைக் கவர்ந்தவர்கள். இருவரும் எந்தக் கேள்விக்கும் சாதுர்யமாக பதிலளிப்பதில் வல்லவர்கள். இருவருமே 1957-இல் தான் முதன்முதலில் தேர்தல் களம் கண்டவர்கள். வாஜ்பாய் தொடர்ந்து 50 ஆண்டுகளுக்கும் மேலாக நாடாளுமன்ற உறுப்பினராக இருந்தார் என்றால், கருணாநிதி சட்டப்பேரவை உறுப்பினராக பொன்விழா கண்டவர். இருவருக்குமே இலக்கிய ஆர்வம் உண்டு என்பது மட்டுமல்ல, கவிஞர்களும்கூட. தேசிய அளவில்  வாஜ்பாய் எப்படி அனைத்துக் கட்சியினருடனும் நட்புறவு கொண்டிருந்தாரோ அதேபோல கருணாநிதியும் மாநில அளவில் மாற்றுக் கட்சியினருடன் நட்புறவு பாராட்டியவர். 
இருவருமே தங்களது இறுதிக் காலத்தில் வயோதிகம் காரணமாக நடமாட முடியாமலும் பேச முடியாமலும் நோய்வாய்ப்பட்டிருந்தனர். இரண்டு பேருக்கும் இடையில் முக்கியமான வித்தியாசம், வாஜ்பாய் திருமணமாகாதவர். கருணாநிதி சம்சாரி.

]]>
http://images.dinamani.com/uploads/user/imagelibrary/2018/8/17/w600X390/vk.jpg http://www.dinamani.com/tamilnadu/2018/aug/17/கருணாநிதியும்-வாஜ்பாயியும்-2982112.html
2982111 தமிழ்நாடு ஊழலற்ற நேர்மையான ஆட்சி நடத்தியவர் வாஜ்பாய்: வைகோ மதுரை DIN Friday, August 17, 2018 07:56 AM +0530 மறைந்த முன்னாள் பிரதமர் வாஜ்பாய் தனது ஆட்சி காலத்தில் ஊழலற்ற நேர்மையான ஆட்சி நடத்தினார் என மதிமுக பொதுச் செயலர் வைகோ தெரிவித்தார்.
மதுரையிலிருந்து வியாழக்கிழமை இரவு சென்னை சென்ற அவர் மதுரை விமான நிலையத்தில் செய்தியாளர்களிடம் கூறியது: அரசியல் வரலாற்றில்  ஈடு இணையற்ற ஜனநாயக தலைவர் வாஜ்பாய்.
அவரது மறைவு எனக்கு மீளா துயரையும் வேதனையையும் அளித்துள்ளது.
 தேசிய ஜனநாயக கூட்டணி சார்பில்  குடியரசுத் தலைவராக அப்துல் கலாம் அவர்களை நியமிக்க கோரிக்கை வைத்த போது பரிவுடன் ஏற்றார். அவர் ஆர்.எஸ்.எஸ். அமைப்பில் இருந்து வந்தாலும்  அனைத்து மத, இனத்தினருடன் நல்லிணக்கமாகவே செயல்பட்டார். அவரது ஆட்சிக் காலத்தில் தான் தங்க நாற்கர சாலைத் திட்டம் உள்ளிட்ட பல்வேறு திட்டங்களை கொண்டு வந்தார். ஊழலற்ற நேர்மையான ஜனநாயக ஆட்சி நடத்தியவர் என்றார்.

]]>
http://images.dinamani.com/uploads/user/imagelibrary/2016/5/9/10/w600X390/vaiko.jpg http://www.dinamani.com/tamilnadu/2018/aug/17/ஊழலற்ற-நேர்மையான-ஆட்சி-நடத்தியவர்-வாஜ்பாய்-வைக-2982111.html
2981997 தமிழ்நாடு தமிழகத்தில் இன்று அரசு விடுமுறை DIN DIN Friday, August 17, 2018 04:18 AM +0530 முன்னாள் பிரதமர் வாஜ்பாய் மறைவுக்கு இரங்கல் தெரிவிக்கும் வகையில் தமிழகத்தில் பள்ளி, கல்லூரிகள், அரசு அலுவலகங்களுக்கு வெள்ளிக்கிழமை விடுமுறை விடப்படும் என்று தமிழக அரசு அறிவித்துள்ளது.
இது குறித்து தலைமைச் செயலாளர் கிரிஜா வைத்தியநாதன் வியாழக்கிழமை வெளியிட்ட அறிவிப்பு: வாஜ்பாய் மறைவுக்கு இரங்கல் தெரிவிக்கும் வகையில் தமிழகத்தில் உள்ள அனைத்துக் கல்வி நிறுவனங்கள், மாநில அரசு அலுவலகங்கள், அனைத்து பொதுத் துறை நிறுவனங்கள், அரசால் இயக்கப்படும் அனைத்து நிறுவனங்கள் ஆகியவற்றுக்கு விடுமுறை அளிக்கப்படும். அதேசமயம், கருவூல அலுவலகங்கள் குறைந்த அளவு பணியாளர்களைக் கொண்டு இயக்கப்படும்.
வாஜ்பாய் மறைவுக்கு ஏழு நாள்கள் தேசிய அளவில் அரசு முறை துக்கம் அனுசரிக்கப்பட உள்ளது. அதன்படி, தமிழகத்தில் வியாழக்கிழமை (ஆகஸ்ட் 16) முதல் வரும் 22-ஆம் தேதி வரை அரசு அலுவலகங்கள் உள்ளிட்ட அனைத்து பொது இடங்களிலும் உள்ள கொடிக் கம்பங்களில் தேசியக் கொடியானது அரைக் கம்பத்தில் பறக்க விடப்படும் என்று தலைமைச் செயலாளர் கிரிஜா வைத்தியநாதன் தெரிவித்துள்ளார்.
 

]]>
http://images.dinamani.com/uploads/user/imagelibrary/2018/6/25/w600X390/homesecratriyate.jpg http://www.dinamani.com/tamilnadu/2018/aug/17/தமிழகத்தில்-இன்று-அரசு-விடுமுறை-2981997.html
2981996 தமிழ்நாடு மருத்துவத்தைவிட நோய்த் தடுப்பு முக்கியம்: சுகாதாரத் துறை செயலர் DIN DIN Friday, August 17, 2018 04:17 AM +0530
மருத்துவ முன்னேற்றங்களைக் காட்டிலும் நோய் தடுப்பே மிகவும் முக்கியம் என்று தமிழக சுகாதாரத் துறை முதன்மைச் செயலர் ஜெ.ராதாகிருஷ்ணன் கூறினார். குவாலிட்டி ஹெல்த் நிறுவனத்தின் சார்பில், கார்ப்பரேட் நிறுவனங்களில் பணியாற்றுபவர்களுக்கான உடல்நலம் குறித்த பயிலரங்கம்சென்னையில் வியாழக்கிழமை நடைபெற்றது.
நிகழ்ச்சியில் ஜெ.ராதாகிருஷ்ணன் பேசியது: 
மருத்துவத் துறையில் தமிழகம் முன்னோடி மாநிலமாக திகழ்ந்து வருகிறது. 1900 -களிலேயே தமிழகத்தில் பொது சுகாதார மையங்கள் தொடங்கப்பட்டன. ஆரம்ப சுகாதார நிலையங்களில் இருந்து பல்நோக்கு மருத்துவமனைகள் வரை நவீன மருத்துவ உபகரணங்கள் நிறுவப்பட்டுள்ளன.
அனைத்து மருத்துவ முன்னேற்றங்களைக் காட்டிலும் நோய்த் தடுப்பு என்பதே மிகவும் முக்கியமாகக் கருதப்படுகிறது. நோய்களற்ற நலமான வாழ்க்கைக்கு வாழ்க்கை முறை மாற்றம், உணவுக் கட்டுப்பாடு ஆகியவை முக்கியப் பங்களிக்கின்றன. ஆரோக்கியமான வாழ்க்கைக்கு உடல் நலம், மன நலம், சமூக நலம் ஆகியவை மிகவும் முக்கியம் என்று உலக சுகாதார நிறுவனம் அறிவுறுத்தியுள்ளது. இதனை கருத்தில் கொண்டு, தமிழகத்தில் 900 -க்கும் மேற்பட்ட வாழ்வியல் சிகிச்சை மையங்கள் தொடங்கப்பட்டுள்ளன.
குறிப்பிட்ட கால இடைவெளிகளில் மேற்கொள்ளும் முழு உடல்பரிசோதனை மிகவும் அவசியம். முழு உடல் பரிசோதனையை தனியார் மருத்துவமனைகளில் மேற்கொள்வோர், கூடுதல் மருத்துவ ஆலோசனைகளுக்கும், நம்பகத்தன்மையான ஆலோசனைகளுக்கும் அரசு மருத்துவமனைகளை நாடலாம் என்றார் அவர். மருத்துவமனைகளுக்கான தேசிய அங்கீகார வாரியத்தின் உறுப்பினர் டாக்டர் கிரிதர், பிரிட்டன் தேசிய சுகாதார சேவைகளின் பொது சுகாதார இயக்குநர் டாக்டர் சக்தி கருணாநிதி உள்ளிட்டோர் நிகழ்ச்சியில் கலந்து கொண்டனர். 
 

]]>
http://images.dinamani.com/uploads/user/imagelibrary/2017/5/17/w600X390/radhakrishnan.jpg http://www.dinamani.com/tamilnadu/2018/aug/17/மருத்துவத்தைவிட-நோய்த்-தடுப்பு-முக்கியம்-சுகாதாரத்-துறை-செயலர்-2981996.html
2981995 தமிழ்நாடு செல்லிடப்பேசி செயலி மூலம் வாகன ஓட்டிகள் ஆவணங்களை காண்பித்தால் ஏற்க வேண்டும்: போலீஸாருக்கு டிஜிபி அறிவுறுத்தல் DIN DIN Friday, August 17, 2018 04:16 AM +0530
வாகன ஓட்டிகள், வாகனத்துக்கான ஆவணங்களை எண்ம பெட்டக முறை எனப்படும் டிஜிலாக்கர் (Digilocker) அல்லது எம்-பரிவாஹன் (mparivahan) செல்லிடப்பேசி செயலி மூலம் காண்பித்தால் போலீஸார் அதனை ஏற்றுக் கொள்ள வேண்டும் என தமிழக டிஜிபி அலுவலகம் அறிவுறுத்தியுள்ளது.
இதுகுறித்து தமிழக காவல்துறை டிஜிபி தே.க.ராஜேந்திரன் வெளியிட்டுள்ள செய்திக்குறிப்பு:
போக்குவரத்து போலீஸார் வாகன ஓட்டிகளிடம் ஆவணங்களை கேட்கும்போது, எம்-பரிவாஹன் செயலி, டிஜிலாக்கர் ஆகியவற்றின் மூலம் அவற்றை காண்பித்தால், அதை ஏற்க மறுப்பதாக பொதுமக்களிடமிருந்து மத்திய சாலை போக்குவரத்து மற்றும் நெடுஞ்சாலைத் துறைக்கு புகார்கள் சென்றுள்ளன. இது தவறான நடவடிக்கை. மத்திய மின்னணுவியல் மற்றும் தகவல் தொழில்நுட்ப அமைச்சகம், சாலை போக்குவரத்து நெடுஞ்சாலைத் துறையின் மூலமே டிஜிலாக்கர், எம்-பரிவாஹன் ஆகியவை உருவாக்கப்பட்டுள்ளன. இவற்றில் பொதுமக்கள் வாகன ஓட்டுநர் உரிமம், வாகன பதிவுச் சான்றிதழ் உள்ளிட்ட பல்வேறு சான்றிதழ்களை எண்ம வடிவில் வைத்துக் கொள்ளலாம்.
டிஜிலாக்கரிலும், எம்-பரிவாஹன் செல்லிடப்பேசி செயலிலும் உள்ள இந்த ஆவணங்கள் தகவல் தொழில்நுட்பச் சட்டத்தின்படி அசல் ஆவணங்களுக்கு இணையானவை. மேலும் இவற்றில் வாகனத்துக்குரிய காப்பீடு உள்ளிட்ட அனைத்து தகவல்களும் உடனுக்குடன் சேர்க்கப்படுகின்றன. எனவே வாகன ஓட்டிகள் போலீஸார் கேட்கும்போது டிஜிலாக்கர், எம்-பரிவாஹன் மூலமாகவும் ஆவணங்களை காட்டினால் அதை ஏற்றுக் கொள்ள வேண்டும்.
அதேவேளையில் வாகன ஓட்டிகள் சட்டவிதிமுறைகளை மீறும்போது, இத்தகைய தொழில்நுட்ப வசதி மூலம் சம்பந்தப்பட்டவர்கள் மீது நடவடிக்கை எடுப்பது எளிது. மேலும் இவ்வாறு ஆவணங்களை வாகன ஓட்டிகள் காண்பிக்கும்போது, அதன் உண்மை தன்மையையும் போலீஸார் எளிதில் இணையதளம் மூலம் உறுதிப்படுத்திக் கொள்ளலாம் என்று அதில் தெரிவிக்கப்பட்டுள்ளது.

]]>
http://www.dinamani.com/tamilnadu/2018/aug/17/செல்லிடப்பேசி-செயலி-மூலம்-வாகன-ஓட்டிகள்-ஆவணங்களை-காண்பித்தால்-ஏற்க-வேண்டும்-போலீஸாருக்கு-டிஜிபி-அறி-2981995.html
2981994 தமிழ்நாடு லஞ்ச ஒழிப்பு விழிப்புணர்வு இயக்கம் தொடக்கம் DIN DIN Friday, August 17, 2018 04:14 AM +0530
தெற்கு ரயில்வேயின் லஞ்ச ஒழிப்பு துறை சார்பில் சத்தியம்' என்ற விழிப்புணர்வு இயக்கம், சென்னையில் வியாழக்கிழமை தொடங்கப்பட்டது.
நிகழ்ச்சிக்கு தெற்கு ரயில்வே பொது மேலாளர் ஆர்.கே. குல்சிரேஷ்டா தலைமை தாங்கி சத்தியம்' இயக்கத்தை தொடங்கி வைத்தார். அதைத் தொடர்ந்து இந்நிகழ்ச்சியில், பொது வாழ்க்கையில் நேர்மை, நாணயம், ஒழுக்கம், நீதியை கடைப்பிடிப்பதன் அவசியம் குறித்து எடுத்துரைக்கப்பட்டது. பொதுநல சேவையில் ஈடுபடும் அரசுப் பணியாளர்கள் இத்தகுதிகளைப் பெற்றிருக்க வேண்டும். அதை அனைவரும் கடைப்பிடிக்க வேண்டும் என்றும் வலியுறுத்தப்பட்டது. 

]]>
http://www.dinamani.com/tamilnadu/2018/aug/17/லஞ்ச-ஒழிப்பு-விழிப்புணர்வு-இயக்கம்-தொடக்கம்-2981994.html
2981993 தமிழ்நாடு ரூ.500 கோடி சொத்தை அபகரிக்க முயற்சி: நெல்லை நாடார் சங்க நிர்வாகிகள் மீது வழக்கு DIN DIN Friday, August 17, 2018 04:13 AM +0530
ரூ.500 கோடி சொத்தை அபகரிக்க முயன்றதாக, நெல்லை-தூத்துக்குடி நாடார் மகமை பரிபாலன சங்க நிர்வாகிகள் மீது சென்னை மத்தியக் குற்றப் பிரிவு போலீஸார் வழக்குப் பதிவு செய்தனர்.
இது குறித்து போலீஸ் தரப்பில் கூறப்படுவதாவது:
நெல்லை-தூத்துக்குடி நாடார் மகமை பரிபாலன சங்கத்தின் துணைத் தலைவர் வி.ஆனந்தராஜ், சென்னை பெருநகர காவல்துறையின் மத்தியக் குற்றப் பிரிவில் அண்மையில் ஒரு புகார் அளித்தார். அந்தப் புகாரில், எங்களது சங்கத்தின் தலைவர் வி.டி.பத்மநாபன், பொருளாளர் எம்.மாரிதங்கம், செயலர் ஆர்.சந்திரன் ஜெயபால் ஆகியோர் கடந்த 2014-ஆம் ஆண்டு ஜூன் 30-ஆம் தேதி சங்கத்தின் விதிமுறைகளை மீறியும், சங்க நிர்வாகக் குழு, பொதுக் குழு அனுமதி இல்லாமலும் சென்னை பெரியமேடு சார்பதிவாளர் அலுவலகத்தில் நெல்லை - தூத்துக்குடி நாடார் மகமை பரிபாலன சங்கம் கல்வி அறக்கட்டளை என்ற பெயரில் ஒரு அறக்கட்டளையை பதிவு செய்துள்ளனர்.
இது தொடர்பாக, சங்கத்தைச் சேர்ந்த நிர்வாகிகள், உறுப்பினர்கள் யாருக்கும் எந்த தகவலும் தெரிவிக்கவில்லை. மேலும் தாங்கள் சங்கத்தின் ஆயுள்கால உறுப்பினர்கள் என அறிவித்துக் கொண்டனர். இவர்களது காலத்துக்கு பின்னர், அவர்களது வாரிசுகளுக்கு அறக்கட்டளையின் சொத்துக்கள் உரிமை என்றும் பதிவு செய்யப்பட்டுள்ளது.
சங்கத்துக்கு சொந்தமான ரூ.500 கோடி மதிப்புள்ள கொட்டிவாக்கம் நெல்லை நாடார் மெட்ரிகுலேசன் மேல்நிலைப் பள்ளி, இராமச்சந்திரா பப்ளிக் பள்ளி ஆகியவற்றை தாங்கள் தொடங்கிய அறக்கட்டளை மூலம் அபகரிக்கும் முயற்சியில் ஈடுபட்டுள்ளனர். எனவே முறைகேடான வழியில் ரூ.500 கோடி சொத்தை அபகரிக்க முயலுகிறவர்கள் மீது போலீஸார் உரிய நடவடிக்கை எடுக்க வேண்டும் எனக் குறிப்பிடப்பட்டிருந்தது.
இந்த புகாரின் அடிப்படையில் மத்தியக் குற்றப் பிரிவு போலீஸார் 3 பேர் மீதும் 3 சட்டப் பிரிவுகளின் கீழ் வழக்குப் பதிவு செய்துள்ளனர்.
 

]]>
http://www.dinamani.com/tamilnadu/2018/aug/17/ரூ500-கோடி-சொத்தை-அபகரிக்க-முயற்சி-நெல்லை-நாடார்-சங்க-நிர்வாகிகள்-மீது-வழக்கு-2981993.html
2981992 தமிழ்நாடு கண் மருத்துவத்தில் புதிய தொழில்நுட்பம்: டாக்டர்களுக்கு பயிற்சி DIN DIN Friday, August 17, 2018 04:13 AM +0530
கண் மருத்துவத் துறையின் புதிய தொழில்நுட்பங்கள் குறித்த தொடர் கல்வி நிகழ்ச்சி கல்பவிருக்ஷô 18' டாக்டர் அகர்வால் கண் மருத்துவமனையின் சார்பில் சென்னையில் வியாழக்கிழமை தொடங்கியது.
நிகழ்ச்சியை தமிழக தமிழ் வளர்ச்சித் துறை அமைச்சர் க.பாண்டியராஜன் தொடங்கி வைத்தார்.
இந்த நிகழ்ச்சி தொடர்பாக மருத்துவமனையின் தலைவர் மற்றும் நிர்வாக இயக்குநர் டாக்டர் அமர் அகர்வால் கூறியது: இந்தியாவில் 1.80 கோடி பேருக்கு பார்வைத்திறன் இழப்பு உள்ளது. இவர்களில் 55 சதவீதம் பேருக்கு கண்புரையால் பார்வையிழப்பு ஏற்பட்டுள்ளது. கண் மருத்துவத் துறையில் உள்ள நவீன தொழில்நுட்பங்கள், புதிய உத்திகளை இன்றைய இளம் கண் மருத்துவர்களுக்கு எடுத்துக் கூறுவதே இந்த நிகழ்ச்சியின் நோக்கமாகும்.
நாடு முழுவதிலுமிருந்து 200-க்கும் மேற்பட்ட கண் மருத்துவ நிபுணர்கள், கண் மருத்துவம் படிக்கும் மாணவர்கள் இந்த நிகழ்ச்சியில் பங்கேற்று பலன் அடைய உள்ளனர் என்றார் அவர்.
நிகழ்ச்சியின் ஒரு பகுதியாக நேரலை அறுவைச் சிகிச்சை மேற்கொள்ளப்பட்டது. மேலும் நவீன சிகிச்சைகள் தொடர்பான விவாதங்கள், கலந்துரையாடல் நிகழ்ச்சிகள் நடைபெற்றன. கண் மருத்துவ சிகிச்சைகளை சிறப்பாக மேற்கொண்டோருக்கு விருதுகளும் வழங்கப்பட்டன.

 

]]>
http://images.dinamani.com/uploads/user/imagelibrary/2018/8/17/w600X390/minister2.jpg அகர்வால் கண் மருத்துவமனையின் சார்பில் சென்னையில் வியாழக்கிழமை தொடங்கிய கண் மருத்துவம் குறித்த தொடர் கல்வி நிகழ்ச்சியில், சிறந்த மாணவி சஜிதா பிரவீணுக்கு தங்கப் பதக்கமும் சான்றிதழும் வழங்கிய அமைச்சர்  http://www.dinamani.com/tamilnadu/2018/aug/17/கண்-மருத்துவத்தில்-புதிய-தொழில்நுட்பம்-டாக்டர்களுக்கு-பயிற்சி-2981992.html
2981974 தமிழ்நாடு காவலர்களுக்கு கட்டாய விடுமுறை: டிஜிபி பரிசீலிக்க உத்தரவு DIN DIN Friday, August 17, 2018 02:54 AM +0530
பணிச் சுமை மற்றும் விடுமுறை மறுப்பு காரணங்களால் அதிகரித்து வரும் காவலர்களின் தற்கொலை முயற்சிகளை தடுக்கக் கோரி தாக்கல் செய்யப்பட்டுள்ள மனுவை தமிழக காவல்துறை டி.ஜி.பி. 6 வார காலத்துக்குள் பரிசீலித்து தகுந்த உத்தரவைப் பிறப்பிக்க உயர் நீதிமன்றம் உத்தரவிட்டுள்ளது.
சென்னை உயர் நீதிமன்றத்தில் ராஜலட்சுமி தாக்கல் செய்த மனு: தமிழகம் முழுவதும் பணிச் சுமை மற்றும் விடுமுறை மறுப்பு உள்ளிட்ட காரணங்களால் போலீஸார் தற்கொலை முயற்சிகளில் ஈடுபடுவது அதிகரித்து வருகிறது. இதனால் காவலர்களின் குடும்பங்களில் ஏற்படும் பிரச்னைகளும் அதிகமாகின்றன. மேலும் நாட்டின் குடியரசுத் தலைவர், பிரதமர், முதல்வர் உள்ளிட்ட முக்கியத் தலைவர்களின் பாதுகாப்புக்காக போலீஸார் நாள் கணக்கில் பாதுகாப்புப் பணியில் ஈடுபடுத்தப்படுகின்றனர்.
இதுபோன்ற சூழ்நிலைகளில் பெண் காவலர்கள் மிகுந்த சிரமத்துக்கு ஆளாகின்றனர். எனவே, போலீஸாருக்கு கட்டாய விடுப்பு அளிக்கவும், தற்கொலைகளைத் தடுக்கவும் தகுந்த உத்தரவு பிறப்பிக்க வேண்டும் எனக் கோரியிருந்தார்.
இந்த மனு நீதிபதிகள் எஸ்.மணிக்குமார் மற்றும் சுப்ரமணியம் பிரசாத் ஆகியோர் அடங்கிய அமர்வு முன் விசாரணைக்கு வந்தது. வழக்கை விசாரித்த நீதிபதிகள், இந்த மனு தொடர்பாக தமிழக காவல் துறை டி.ஜி.பி. 6 வார காலத்துக்குள் பரிசீலித்து, தகுந்த உத்தரவைப் பிறப்பிக்க உத்தரவிட்டு வழக்கை முடித்து வைத்தனர்.
 

]]>
http://www.dinamani.com/tamilnadu/2018/aug/17/காவலர்களுக்கு-கட்டாய-விடுமுறை-டிஜிபி-பரிசீலிக்க-உத்தரவு-2981974.html
2981973 தமிழ்நாடு மருத்துவக் கல்லூரிகளுக்கான அனுமதி முறைகேடாக புதுப்பிக்கப்பட்டதா?: அரசு பதிலளிக்க உத்தரவு DIN DIN Friday, August 17, 2018 02:54 AM +0530
தமிழகத்தில் உள்ள 22 மருத்துவக் கல்லூரிகளுக்கான அனுமதி புதுப்பித்தல் தொடர்பான இந்திய மருத்துவ கவுன்சிலின் கடிதத்துக்கு தமிழக அரசு 8 வார காலத்துக்குள் பதிலளிக்க உயர் நீதிமன்றம் உத்தரவிட்டுள்ளது.
சென்னை உயர் நீதிமன்றத்தில் மாற்றம் இந்தியா' அமைப்பின் இயக்குநர் பாடம் நாராயணன் தாக்கல் செய்த மனுவில், தமிழகத்தில் உள்ள 22 அரசு மருத்துவக் கல்லூரிகளில் பணியாற்றி வரும் உதவிப் பேராசிரியர்களை, பேராசிரியர்களாக காண்பித்து மருத்துவக் கல்லூரிகளுக்கான அனுமதி புதுப்பிக்கப்பட்டுள்ளதாக நாளிதழ்களில் செய்தி வெளியானது. இதனைத் தொடர்ந்து தமிழக அரசு விளக்கம் அளிக்கக் கோரி இந்திய மருத்துவக் கவுன்சில் கடிதம் அனுப்பியுள்ளது. தமிழக அரசு முறைகேடாக அனுமதியைப் புதுப்பித்திருப்பதால் பொதுமக்களின் உயிருக்கு அச்சுறுத்தல் ஏற்பட்டுள்ளது. எனவே, அனுமதியை புதுப்பித்து வழங்கிய நடைமுறைகளை மறு ஆய்வு செய்ய உத்தரவிட வேண்டும் எனக் கோரியிருந்தார்.
இந்த மனு நீதிபதிகள் எஸ்.மணிக்குமார், சுப்ரமணியபிரசாத் ஆகியோர் அடங்கிய அமர்வு முன் விசாரணைக்கு வந்தது. வழக்கை விசாரித்த நீதிபதிகள், இந்திய மருத்துவக் கவுன்சில் தமிழக அரசுக்கு அனுப்பி உள்ள கடிதத்துக்கு தமிழக அரசு 8 வார காலத்துக்குள் பதிலளிக்க வேண்டும். தமிழக அரசு அளிக்கும் பதிலின் அடிப்படையில் இந்திய மருத்துவக் கவுன்சில் உரிய நடவடிக்கை எடுக்க வேண்டும் என உத்தரவிட்டனர்.

]]>
http://www.dinamani.com/tamilnadu/2018/aug/17/மருத்துவக்-கல்லூரிகளுக்கான-அனுமதி-முறைகேடாக-புதுப்பிக்கப்பட்டதா-அரசு-பதிலளிக்க-உத்தரவு-2981973.html
2981972 தமிழ்நாடு ரயில் மறியல் போராட்டம் நடத்தினால் கடும் நடவடிக்கை: ரயில்வே போலீஸார் எச்சரிக்கை DIN DIN Friday, August 17, 2018 02:53 AM +0530 ரயிலை மறித்து போராட்டத்தில் ஈடுபட்டால், இந்திய குற்றவியல் தண்டனைச் சட்டம் மற்றும் ரயில்வே சட்டப்படி கடும் நடவடிக்கை எடுக்கப்படும் என்று ரயில்வே போலீஸார் எச்சரிக்கை விடுத்துள்ளனர்.
சென்னை பரங்கிமலை ரயில் நிலையத்தில் அண்மையில் நிகழ்ந்த விபத்தையடுத்து, மின்சார ரயில்களை விரைவு பாதையில் இயக்குவது நிறுத்தப்பட்டது. இந்நிலையில், சென்னை கடற்கரை -திருமால்பூர் வரை மின்சார ரயில்களை விரைவு ரயில் பாதையில் இயக்க வேண்டும் என வலியுறுத்தி, கடந்த 13 -ஆம் தேதி ஊரப்பாக்கத்தில் பயணிகள் திடீர் மறியல் போராட்டத்தில் ஈடுபட்டனர். இதுதொடர்பாக போராட்டத்தை தூண்டுதல், அரசு ஊழியரை பணி செய்யவிடாமல் தடுத்தல் ஆகிய பிரிவுகளில் வழக்குப் பதிந்து 4 பேர் கைது செய்யப்பட்டு சிறையில் அடைக்கப்பட்டனர். மேலும், சிலர் தேடப்பட்டு வருகின்றனர். 
இதுகுறித்து தமிழக ரயில்வே போலீஸ் அதிகாரிகள் கூறியது:
பரங்கிமலை விபத்துக்கு பிறகு, விரைவு ரயில் பாதையில் மின்சார ரயில்களை இயக்குவது நிறுத்தப்பட்டுள்ளது. மின்சார ரயில் பாதையில் விரைவு ரயில்கள் இயக்கப்படுகின்றன. இதற்கு கண்டனம் தெரிவித்து பயணிகள் அனுமதியின்றி ரயில் மறியல் போராட்டத்தில் ஈடுபட்டு வருகின்றனர். இதுபோன்ற போராட்டங்களை தடுக்க கடும் நடவடிக்கை எடுக்க முடிவு செய்யப்பட்டுள்ளது. 
ஊரப்பாக்கம் ரயில் நிலையத்தில் ரயில்வே போலீஸ் சார்பில், 2 உதவி ஆய்வாளர்கள் மற்றும் 10 காவலர்கள் பணியில் ஈடுபடுத்தப்பட்டுள்ளனர். 
அதேபோல், ரயில்வே பாதுகாப்புப் படை சார்பிலும் 2 உதவி ஆய்வாளர்கள் மற்றும் போலீஸார் பாதுகாப்புப் பணியில் ஈடுபட்டுள்ளனர். அனுமதியின்றி ரயிலை மறித்து போராட்டத்தில் ஈடுபட்டால், அவர்கள் உடனே கைது செய்யப்படுவர். அவர்கள் மீது இந்திய குற்றவியல் தண்டனைச் சட்டம் மற்றும் ரயில்வே சட்டப்படி தலா இரு வழக்குகள் பதிவு செய்து சிறைக்கு அனுப்பப்படுவர் என அவர்கள் தெரிவித்தனர்.
4 பிரிவுகளில் வழக்குப் பதிவு
பரங்கிமலையில் கடந்த மாதம் 24 -ஆம் தேதி நடந்த விபத்தில் 5 பேர் உயிரிழந்த சம்பவம் தொடர்பாக பொதுமக்கள் அளித்த புகாரின் அடிப்படையில், ரயில்வே போலீஸார் வழக்குப் பதிந்துள்ளனர். அதில் ரயில் ஓட்டுநர், கார்டு, நிலைய மேலாளர், கட்டுப்பாட்டு அறை அலுவலர் உள்ளிட்டவர்கள் மீது வழக்கு பதிவாகியுள்ளது. விபத்தை ஏற்படுத்தும் வகையில் ரயிலை இயக்குதல், விபத்தால் உயிரிழப்பு உள்ளிட்ட 4 பிரிவுகளில் வழக்குப் பதிவு செய்யப்பட்டுள்ளது. சென்ட்ரல் ரயில்வே போலீஸ் துணை கண்காணிப்பாளர் ரவி தலைமையில் தனிப்படை அமைக்கப்பட்டு விசாரணை நடைபெற்று வருகிறது. ரயில்வே தீர்ப்பாயத்துக்கு உயிரிழந்தவர்களின் பிரேதப் பரிசோதனை அறிக்கை அளிக்கப்பட்டுள்ளது.

]]>
http://www.dinamani.com/tamilnadu/2018/aug/17/ரயில்-மறியல்-போராட்டம்-நடத்தினால்-கடும்-நடவடிக்கை-ரயில்வே-போலீஸார்-எச்சரிக்கை-2981972.html
2981969 தமிழ்நாடு ரயில்களில் தங்கம் கடத்தலை தடுக்க நடவடிக்கை: ஏடிஜிபி. DIN DIN Friday, August 17, 2018 02:51 AM +0530 ரயில்களில் தங்கம் கடத்தப்படுவதைத் தடுக்க கண்காணிப்பு தீவிரப்படுத்தப்படும் என ரயில்வே காவல்துறை ஏடிஜிபி. சைலேந்திரபாபு தெரிவித்தார். 
ராமநாதபுரம் மாவட்டம் ராமேசுவரம் ஓலைக்குடா பிசாசு முனைப் பகுதியில் தமிழக கடலோரக் காவல்துறை அலுவலகம் அமைக்கப்பட உள்ள இடத்தை வியாழக்கிழமை பார்வையிட்ட அவர் செய்தியாளர்களிடம் கூறியது :
தமிழகக் கடலோரப் பகுதிகளில் இருந்து இயக்கப்படும் ரயில்களில் தங்கம் கடத்தல் நடைபெற உள்ளதாக எச்சரிக்கை விடுக்கப்பட்டுள்ளது. இதனையடுத்து கடலோரப் பகுதிகளில் இருந்து இயக்கப்படும் ரயில்களில் கண்காணிப்பை தீவிரப்படுத்த நடவடிக்கை எடுக்கப்படும். மேலும் ரயில் படிக்கட்டுகளில் பயணம் செய்வதால் விபத்துகள் ஏற்படுகின்றன. இதை தவிர்க்க ரயில் நிலையங்களில் விபத்தை ஏற்படுத்தும் வகையிலுள்ள பக்கவாட்டு சுவர்களை அப்புறப்படுத்தும்படி கூறியுள்ளோம். இது தவிர ரயில் படிக்கட்டுகளில் பயணம் செய்வோரை பயணிகளே தங்கள் செல்லிடப்பேசியில் படம் எடுத்து அதை ரயில்வே காவல்துறை டுவிட்டர் கணக்கிற்கு அனுப்பலாம் அல்லது கட்டணமில்லா 1512 என்ற தொலைபேசி எண்ணுக்கு தகவல் தெரிவிக்கலாம். இதனால் விபத்துகள் தடுக்கப்படும்.
இது தவிர முக்கிய ரயில் நிலையங்களில் தற்போது கண்காணிப்பு கேமராக்கள் பொருத்தப்பட்டுள்ளன. 
இதை நிர்பயா திட்டத்தின் கீழ் அனைத்து ரயில் நிலையங்களிலும் அமைக்க மத்திய அரசு திட்டமிட்டுள்ளது என்றார்.
நிகழ்ச்சியில் மாவட்ட காவல் துறை கண்காணிப்பாளர் ஓம்பிரகாஷ்மீனா, கடலோரக் காவல்துறை எஸ்.பி. அசோக்குமார், மண்டபம் கடலோரக் காவல்படை கமாண்டர் வெங்கடேஷ் மற்றும் என்.சி.சி, என்.எஸ்.எஸ். மாணவர்கள் கலந்து கொண்டனர்.


 

]]>
http://images.dinamani.com/uploads/user/imagelibrary/2018/8/17/w600X390/tree.JPG ராமேசுவரத்தில் கடலோரக் காவல்துறை அலுவலகம் கட்ட தேர்வு செய்யப்பட்டுள்ள இடத்தில் வியாழக்கிழமை மரக்கன்றுகள் நடும் ஏ.டி.ஜி.பி. சைலேந்திரபாபு. http://www.dinamani.com/tamilnadu/2018/aug/17/ரயில்களில்-தங்கம்-கடத்தலை-தடுக்க-நடவடிக்கை-ஏடிஜிபி-2981969.html
2981968 தமிழ்நாடு சாயல்குடி அருகே ரூ.63 கோடியில் சூரிய மின் உற்பத்தி: அமைச்சர் ஆய்வு DIN DIN Friday, August 17, 2018 02:51 AM +0530
ராமநாதபுரம் மாவட்டம் சாயல்குடி அருகே ரூ. 63 கோடியில் அரசின் பங்களிப்புடன் நடைபெறும் சூரிய மின் உற்பத்தி திட்டப் பணிகளை வியாழக்கிழமை தொழில்துறை அமைச்சர் எம்.சி. சம்பத் ஆய்வு செய்தார்.
சாயல்குடி அருகே உள்ள மாரியூரில் 268 ஏக்கர் பரப்பளவில் 10 மெகாவாட் சூரிய ஒளி மின் உற்பத்தி திட்டப் பணிகள் நடைபெற்று வருகின்றன. இப்பணிகளை அமைச்சர் எம் சி. சம்பத், வியாழக்கிழமை ஆய்வு செய்தார். பின்னர் அவர் செய்தியாளர்களிடம் கூறியது: ராமநாதபுரம் மாவட்டத்தில் அரசுக்குச் சொந்தமான நிலங்கள் அதிகம் உள்ளதாலேயே இங்கு அதிகளவில் சூரிய மின் உற்பத்தி திட்டங்கள் செயல்படுத்தப்படுகின்றன. இப்பகுதி மக்களின் வேலை வாய்ப்புகளை மேம்படுத்தும் நோக்கத்துடன் அரசு இத்திட்டத்தை அமல்படுத்துகிறது என்றார். 
உடன் மாவட்ட ஆட்சியர் எஸ்.நடராஜன். திட்ட மேலாண்மை இயக்குநர் பி.இளங்கோவன் உள்ளிட்ட பலர் பங்கேற்றனர். 

 

]]>
http://images.dinamani.com/uploads/user/imagelibrary/2018/8/17/w600X390/sambath.JPG மாரியூர் கிராமத்தில் சூரிய ஒளியில் மின்சாரம் தயாரிக்கும் திட்டப்பணிகளை வியாழக்கிழமை ஆய்வு செய்த தமிழக தொழில்துறை அமைச்சர் எம். சி.சம்பத்.  http://www.dinamani.com/tamilnadu/2018/aug/17/சாயல்குடி-அருகே-ரூ63-கோடியில்-சூரிய-மின்-உற்பத்தி-அமைச்சர்-ஆய்வு-2981968.html
2981967 தமிழ்நாடு மேட்டூர் அணையிலிருந்து நொடிக்கு 1.65 லட்சம் கன அடி தண்ணீர் திறப்பு DIN DIN Friday, August 17, 2018 02:49 AM +0530
மேட்டூர் அணையிலிருந்து நொடிக்கு 1.65 லட்சம் கனஅடி தண்ணீர் திறக்கப்படுகிறது. இதனால், அணையின் உபரிநீர் போக்கி பகுதி வெள்ளக்காடாக காணப்படுகிறது. 
மேட்டூர் அணையின் நீர்மட்டம் 120 அடியாக உயர்ந்துள்ளது. இந்த நிலையிலும், கர்நாடக மாநிலத்தில் காவிரியின் நீர்ப்பிடிப்புப் பகுதிகளிலும், கேரள மாநிலம் வயநாடு பகுதிகளிலும் தொடர் மழை பெய்து வருகிறது. 
இதனால் கபினி, கிருஷ்ணராஜ சாகர் அணைகளிலிருந்து உபரி நீர் காவிரியில் திறக்கப்பட்டு வருகிறது. கர்நாடக அணைகளின் உபரிநீர் தொடர்ந்து வருவதால், மேட்டூர் அணையின் பாதுகாப்பு கருதி உபரி நீர் வெளியேற்றப்பட்டு வருகிறது.
நீர் இருப்பு 93.95 டி.எம்.சி.: இந்த நிலையில், வியாழக்கிழமை காலை மேட்டூர் அணைக்கு நொடிக்கு 1 லட்சத்து 70 ஆயிரம் கன அடி வீதம் தண்ணீர் வந்துகொண்டிருந்தது. அணையிலிருந்து நொடிக்கு 1 லட்சத்து 70 ஆயிரம் கன அடி நீர் வெளியேற்றப்பட்டது. மாலையில் நீர்வரத்து நொடிக்கு 1,65,000 கனஅடியாகக் குறைந்தது.
இதனால் நீர் திறப்பும் நொடிக்கு 1.65 லட்சம் கன அடியாகக் குறைக்கப்பட்டது. அணையின் நீர் மட்டம் 120.30 அடியாகவும், நீர் இருப்பு 93.95 டி.எம்.சியாகவும் இருந்தது.
நீர் திறப்பு 1லட்சத்து 65 ஆயிரம் கன அடியாக அதிகரித்திருப்பதால், மேட்டூர்-எடப்பாடி சாலையில் இரண்டாவது நாளாக போக்குவரத்து துண்டிக்கப்பட்டது. அனல் மின்நிலையப் பிரிவு சாலையில் தடுப்புகள் அமைக்கப்பட்டு சிவப்புக் கொடிகள் கட்டப்பட்டு சாலையில் போக்குவரத்து தடை செய்யப்பட்டுள்ளது. 
இதனால் பொறையூர், தெக்கத்திகாடு, ரெட்டியூர், கோல்நாய்க்கன்பட்டி, சங்கிலி முனியப்பன் கோயில் பகுதிகளிலிருந்து மேட்டூர் வந்து செல்லும் பள்ளி மாணவ மாணவியர் கடும் பாதிப்புக்குள்ளானார்கள்.
அனல் மின்நிலையத்தில் சில பணிகள் பாதிப்பு: மேட்டூர் அனல் மின்நிலைய கரி கையாளும் பகுதிக்கு லாரிகள் செல்ல முடியாத காரணத்தால் மேட்டூர் அனல் மின் நிலையத்திலிருந்து சாம்பல் ஏற்றும் பணி தடைபட்டுள்ளது. 
உபரி நீர் போக்கி கால்வாய் பகுதியில் அமைக்கப்பட்டிருந்த உயரழுத்த மின் கம்பம் ஒன்று வெள்ளத்தில் இழுத்து செல்லப்பட்டதால் மின் விபத்தைத் தடுக்க முன்னெச்சரிக்கை நடவடிக்கையாக காவிரியின் குறுக்கே செல்லும் மின் கம்பிகளை மின்வாரிய ஊழியர்கள் துண்டித்தனர். 
இதனால் ரெட்டியூர், தாழையூர், நங்கவள்ளி, வனவாசி குடிநீர்த் திட்டங்களுக்கு 6 நாள்களுக்கு மின் இணைப்பு துண்டிக்கப்பட்டதால், குடிநீர் தட்டுப்பாடு ஏற்படும் அபாயம் உள்ளது. 
நீர் வரத்தைப் பொருத்து மீண்டும் மின் இணைப்பு வழங்குவது குறித்து முடிவு செய்யப்படும் என்றும், இதனால் வீட்டு மின் இணைப்புகள் எந்த விதத்திலும் பாதிக்காது என்றும் மின்வாரிய அதிகாரிகள் தெரிவித்துள்ளனர். 
தயார் நிலையில் பேரிடர் மீட்புப் படையினர்: மேட்டூர் காவிரிக் கரையில் கண்காணிப்புப் பணியில் ஈடுபட கூடுதலாக 50 போலீஸார் வரவழைக்கப்பட்டுள்ளனர். 
பேரிடர் மீட்புப் படையினர் 17 பேர் கொண்ட இரு குழுக்கள் உயிர் காக்கும் சாதனங்களுடன் தயார் நிலையில் நிறுத்தப்பட்டுள்ளனர்.
இந்த நிலையில், தங்கமாபுரிபட்டணம் பகுதியில் தண்ணீர் சூழ்ந்த வீடுகளில் குடியிருந்தவர்களை மேட்டூர் வருவாய் கோட்டாட்சியர் ராமதுரைமுருகன் வியாழக்கிழமை அழைத்துவந்து, நிவாரண மையங்களில் தங்கவைத்தார்.


 

]]>
http://images.dinamani.com/uploads/user/imagelibrary/2018/8/17/w600X390/mettur.JPG மேட்டூர் அணையின் உபரிநீர் போக்கியிலிருந்து வியாழக்கிழமை 1.65 லட்சம் கனஅடி நீர் வெளியேற்றப்படுவதால், சீறி பாய்ந்து வரும் தண்ணீர். http://www.dinamani.com/tamilnadu/2018/aug/17/மேட்டூர்-அணையிலிருந்து-நொடிக்கு-165-லட்சம்-கன-அடி-தண்ணீர்-திறப்பு-2981967.html
2981966 தமிழ்நாடு கூடலூர்-உதகை மலைப் பாதையில் விழுந்த பெரிய பாறைகள் DIN DIN Friday, August 17, 2018 02:49 AM +0530
கூடலூர்-உதகை மலைப் பாதையில் புதன்கிழமை இரவு பெரிய பாறைகள் சரிந்து சாலையில் விழுந்ததால் இரவு முழுவதும் கொட்டும் மழையிலும், கடும் குளிரிலும் வனப் பகுதியில் பயணிகள் காத்துக் கிடந்தனர்.
நீலகிரி மாவட்டம், கூடலூர்-உதகை தேசிய நெடுஞ்சாலையில் தவளைமலை காட்சி முனை பகுதியில் இரவு சுமார் 8 மணிக்கு நிலச்சரிவு ஏற்பட்டது. பெரிய பாறை சரிந்து சாலையில் விழுந்ததால் சாலை முற்றிலுமாக துண்டிக்கப்பட்டது. 
கோவை, ஈரோடு உள்ளிட்ட பல்வேறு நகரங்களிலிருந்தும், உதகையிலிருந்து கர்நாடகம், கேரளம் மற்றும் ஆந்திரம் செல்லும் சுற்றுலா வாகனங்களும் கொட்டும் மழையிலும் கடும் குளிரிலும் தவளைமலை வனப் பகுதியில் இரவு முழுவதும் காத்துக் கிடந்தன.
கர்நாடகம்,கேரளம் மற்றும் கூடலூர் பகுதியிலிருந்து சென்ற வாகனங்களை கூடலூர் பஜாரிலேயே போக்குவரத்து காவலர்கள் சாலை துண்டிக்கப்பட்டுள்ளது எனக் கூறி தடுத்து நிறுத்திவிட்டனர். 
மீட்பு பணிக்குச் சென்ற தீயணைப்புப் படையினர் பாறைகளை பொக்லைன் இயந்திரங்களால் அகற்ற முடியாத காரணத்தால் திரும்பி வந்துவிட்டனர்.
வியாழக்கிழமை காலை முதலே மீட்புப் பணிகள் துரிதமாக நடந்து வந்தது. பாறைகளை வெடிவைத்து உடைத்து பொக்லைன் இயந்திரங்கள் மூலமாக அகற்றி தாழ்வான பகுதிக்கு தள்ளிவிட்டனர். 
அதைத் தொடர்ந்து, மதியம் சுமார் 1 மணியளவில் வாகனங்களை ஒவ்வொன்றாக அனுப்பி வைத்தனர். நிலச்சரிவு காரணமாக பாறைகள் சாலையில் உருண்டு விழுந்ததால் மலைப்பாதை சேதமடைந்துள்ளது. எனவே, சாலையின் சேதமடைந்த பகுதியை ஒதுக்கி ஒருவழி பாதைபோல வாகனங்களை அனுப்பி வருகின்றனர். மீட்பு பணியை நீலகிரி எஸ்.பி.சண்முகப் பிரியா பார்வையிட்டார். 
உதகை கோட்டாட்சியர் சுரேஷ், கூடலூர் கோட்டாட்சியர் முருகையன், உதகை வட்டாட்சியர் தினேஷ், கூடலூர் வட்டாட்சியர் ரவி, தேசிய நெடுஞ்சாலை உதவி கோட்டப் பொறியாளர் சாமியப்பன், உதவிப் பொறியாளர் பிரவீன், நெடுஞ்சாலைத் துறை உதவிப் பொறியாளர் இளவரசன், பேரிடர் குழு வட்டாட்சியர் குமாரராஜா, கிராம நிர்வாக அலுவலர் பிச்சக்கனி உள்ளிட்டோரும் சம்பவ இடத்தில் மீட்புப் பணியின்போது உடனிருந்தனர்.

 

]]>
http://images.dinamani.com/uploads/user/imagelibrary/2018/8/17/w600X390/ooty.JPG நிலச்சரிவால் கூடலூர்-உதகை சாலையில் தவளைமலை பகுதியில் உருண்டு விழுந்த ராட்சத பாறைகள். http://www.dinamani.com/tamilnadu/2018/aug/17/கூடலூர்-உதகை-மலைப்-பாதையில்-விழுந்த-பெரிய-பாறைகள்-2981966.html
2981965 தமிழ்நாடு கொள்ளிடம் பழைய பாலம் தூண் இடிந்து விழும் அபாயம் DIN DIN Friday, August 17, 2018 02:48 AM +0530
கொள்ளிடம் பழைய பாலத்தின் தூண் இரண்டாக பிளந்து இடிந்து விழும் அபாயத்தில் உள்ளது. 
1850இல் கட்டப்பட்டு, 1928இல் ஆங்கிலேயர்களால் புதியதாக மாற்றியமைக்கப்பட்ட பழைமையான பாலம் கொள்ளிடம் பழைய பாலம். இந்த பாலத்தில் மொத்தம் 23 தூண்கள் உள்ளன. இதன் மேல் இரும்பு கேரிடர்கள் வைத்து சாலை அமைத்து போக்குவரத்துக்கு பயன்படுத்தப்பட்டு வந்தது. அதிகரித்த வாகனப் பெருக்கத்தின் காரணமாகவும், போக்குவரத்து நெருக்கடி காரணமாகவும் 8 ஆண்டுகளுக்கு முன் இந்த பாலத்தில் கனரக வாகனங்கள் செல்வதுதடை செய்யப்பட்டது. மேலும், 2016இல் இந்த பாலத்துக்கு மாற்றாக அருகிலேயே ரூ.47 கோடி மதிப்பில் புதிய பாலம் திறக்கப்பட்டது. இதனால், பழைய பாலத்தில் இலகுரக வாகனங்கள், இருச்சகர வாகனங்கள் மட்டுமே சென்று வந்தன.
இந்நிலையில் செக்போஸ்ட் அருகில் இருந்து பழையபாலத்தின் 6-ஆவது தூணில் திடீரென புதன்கிழமை சிறிய விரிசல் ஏற்பட்டது. இதனைக் கண்ட அப்பகுதி மக்கள் அதிகாரிகளுக்கு தகவல் தெரிவித்தனர். இதையடுத்து வருவாய்த்துறை அதிகாரிகள் மற்றும் ஸ்ரீரங்கம் போலீஸார் விரைந்து வந்தனர். பாலத்தின் இருபுறமும் தடுப்பு வேலிகள் அமைத்து போக்குவரத்திற்கு தடை ஏற்படுத்தினர்.
இதையடுத்து வியாழக்கிழமை தூணில் ஏற்பட்ட விரிசல் மேலும் அதிகரித்து தூண் இரு பகுதிகளாக இரண்டாக பிளந்தது. பிளவு வழியாகவும் தண்ணீர் பாய்ந்து செல்கிறது. பிளவு காரணமாக இரும்பு கேரிடர்கள் உடைந்து விழும் நிலையில் உள்ளன. மேலும், 6ஆவது தூணுக்கு மேலே உள்ள சாலைப் பகுதியிலும் விரிசல் அதிகரித்து வருகிறது. இதுகுறித்து தகவலறிந்த தமிழக சுற்றுலாத்துறை அமைச்சர் வெல்லமண்டி என். நடராஜன், பிற்பட்டோர் நலத்துறை அமைச்சர் எஸ். வளர்மதி, மாவட்ட ஆட்சியர் கு.ராசாமணி ஆகியோர் புதிய பாலத்தின் வழியாக பழைய பாலத்தில் உள்ள விரிசலை பார்வையிட்டு ஆய்வு செய்தனர். முன்னெச்சரிக்கை மற்றும் தடுப்பு நடவடிக்கைகளை தீவிரப்படுத்த வருவாய்த்துறை, நெடுஞ்சாலைத்துறை, காவல்துறை மற்றும் தீயணைப்புத்துறையினருக்கு அறிவுறுத்தப்பட்டது.
இதுதொடர்பாக, திருச்சி கோட்ட நெடுஞ்சாலைத்துறை பொறியாளர் கிருஷ்ணசாமி கூறியது: ஆங்கிலேயர் காலத்தில் கட்டப்பட்ட பாலத்தின் 18ஆவது தூணில் ஏற்பட்ட விரிசல் மேலும் அதிகரித்து பிளவு ஏற்பட்டுள்ளது. கொள்ளிடத்தில் திறந்துவிடப்படும் தண்ணீர் அளவு 2 லட்சம் கன அடிக்கு மேல் அதிகரித்தால் பாலத்தின் தூண் மேலும் வலுவிழக்கும் அபாயம் உள்ளது. இருப்பினும் இப்போதைய சூழலில் பிளவு ஏற்பட்ட அளவில் நிலைத்தன்மையுடன் தொடருகிறது. தூண் முழுவதும் சரிந்தாலும் இரும்பு கேரிடர்கள் மட்டுமே கீழே சரியும். இதர தூண்களுக்கு எந்தவித பாதிப்பும் ஏற்படாது. போக்குவரத்து, மின்சாரம் தடை செய்யப்பட்டு நெடுஞ்சாலைத்துறை, காவல்துறை, வருவாய்த்துறையினர் இரவு பகலாக தொடர்ந்து கண்காணித்து வருகின்றனர் என்றார் அவர்.

 

]]>
http://images.dinamani.com/uploads/user/imagelibrary/2018/8/17/w600X390/koledam.JPG கொள்ளிடம் ஆற்றில் வியாழக்கிழமை அதிகரித்து காணப்பட்ட விரிசலால் இடிந்து விழும் நிலையில் தூண்.  http://www.dinamani.com/tamilnadu/2018/aug/17/கொள்ளிடம்-பழைய-பாலம்-தூண்-இடிந்து-விழும்-அபாயம்-2981965.html
2981964 தமிழ்நாடு வால்பாறையில் அரசுப் போக்குவரத்து பணிமனைக்குள் வெள்ளம்: பேருந்து இயக்கம் நிறுத்தம் DIN DIN Friday, August 17, 2018 02:48 AM +0530
அரசுப் போக்குவரத்துக் கழகப் பணிமனையின் தடுப்புச் சுவர் இடிந்து ஆற்று வெள்ளம் புகுந்ததால், வால்பாறையில் அரசுப் பேருந்து இயக்கம் முற்றிலும் நிறுத்தப்பட்டது.
கோவை மாவட்டம், வால்பாறையில் கனமழை காரணமாக புதன்கிழமை இரவு அப்பகுதி ஆறுகளில் வெள்ளப்பெருக்கு ஏற்பட்டது. 
இதில் அரசுப் போக்குவரத்துக் கழகப் பணிமனையின் தடுப்புச் சுவரின் ஒரு பகுதி இடிந்து விழுந்தது. இதனால் ஆற்று வெள்ளம் பணிமனைக்குள் புகுந்தது.
உடனடியாக, உள்ளே நிறுத்தப்பட்டிருந்த சுமார் 20 பேருந்துகள் வெளியேற்றப்பட்டன. வெள்ளம் அதிகரித்ததால் அனைத்து பணியாளர்களும் வெளியே ஓடி வந்தனர். வியாழக்கிழமை மதியம் வரையும் நீர் வெளியேறாமல் தொடர்ந்து அதிகரித்து காணப்பட்டதால், பேருந்துகளுக்கு டீசல் நிரப்ப முடியாத நிலை ஏற்பட்டது.
இதனால் பொள்ளாச்சி உள்ளிட்ட அனைத்து பகுதிகளுக்கும் பேருந்து இயக்கம் நிறுத்தப்பட்டது. இதனால் எஸ்டேட் பகுதி மக்கள் வால்பாறை நகருக்கு வர முடியாமல் தவிப்புக்குள்ளாயினர். 
தனியார் பெட்ரோல் பங்க்குகளில் டீசல் நிரப்பி பேருந்துகளை இயக்குவதற்கான நடவடிக்கையை போக்குவரத்துக் கழக அதிகாரிகள் மேற்கொண்டு வருகின்றனர்.


 

]]>
http://images.dinamani.com/uploads/user/imagelibrary/2018/8/17/w600X390/valpari.JPG வெள்ளத்தில் மூழ்கிய அரசுப் போக்குவரத்துக் கழகப் பணிமனை. http://www.dinamani.com/tamilnadu/2018/aug/17/வால்பாறையில்-அரசுப்-போக்குவரத்து-பணிமனைக்குள்-வெள்ளம்-பேருந்து-இயக்கம்-நிறுத்தம்-2981964.html
2981963 தமிழ்நாடு முல்லைப் பெரியாறு அணையின் நீர்மட்டம் 2-வது நாளாக 142 அடியாக நிலை நிறுத்தம் DIN DIN Friday, August 17, 2018 02:47 AM +0530
முல்லைப் பெரியாறு அணையின் நீர்மட்டம் வியாழக்கிழமை இரண்டாவது நாளாக 142.20 அடியாக நிலைநிறுத்தம் செய்யப்பட்டது.
அணையில் நீர் இருப்பு 7,720 மில்லியன் கன அடியாகவும், அணைக்கு விநாடிக்கு நீர்வரத்து 25, 733 கன அடியாகவும் இருந்தது. தமிழக பகுதிக்கு விநாடிக்கு 2,330 கன அடி திறந்து விடப்பட்டது. அதே நேரத்தில் அணைக்கு நீர் வரத்து அதிகம் இருந்ததால், 13 மதகுகளின் வழியாக இரண்டாவது நாளாக வல்லக்கடவு, வண்டிப்பெரியார் வழியாக 23 ஆயிரம் கன அடி உபரிநீர் வெளியேற்றப்பட்டு வருகிறது. இதனால் பெரியாற்றின் கரையோர மக்களுக்கு வெள்ள அபாய எச்சரிக்கை விடப்பட்டுள்ளது. தாழ்வான பகுதிகளில் வசிப்பவர்களை பாதுகாப்பு முகாம்களில் தங்க வைக்க கேரள மாநிலத்தைச் சேர்ந்த குமுளி வருவாய்த்துறையினர் ஏற்பாடு செய்து வருகின்றனர்.
போக்குவரத்து பாதிப்பு: தேனி மாவட்ட தமிழக பகுதியான லோயர்கேம்ப் - குமுளி மலைப் பாதையில் புதன்கிழமை காலை இரச்சல்பாலம் அருகில் சாலையில் மண் சரிவு ஏற்பட்டு, போக்குவரத்து பாதிக்கப்பட்டது. 
இதனால் கம்பத்திலிருந்து குமுளி வழியாக கேரளத்துக்கு செல்லும் வாகனங்கள், கம்பம் - கம்பமெட்டு வழியாக திருப்பி விடப்பட்டன. குமுளி வழியாக கம்பம் வரும் வாகனங்களும் கம்பம்மெட்டு வழியாக தமிழக பகுதிக்கு திருப்பி விடப்பட்டன. இதனால் பொதுமக்கள், வியாபாரிகள் பெரிதும் பாதிக்கப்பட்டனர். மேலும் தொடர் மழையால் சாலையை பராமரிக்க முடியாமல் நெடுஞ்சாலைத் துறையினர் அவதிப்பட்டனர். 
இந்நிலையில், 2-வது நாளாக வியாழக்கிழமை, நெடுஞ்சாலைத்துறையினர் கொட்டும் மழையையும் பொருட்படுத்தாமல் சாலை சீரமைப்பு பணியில் ஈடுபட்டுள்ளனர்.
 

]]>
http://www.dinamani.com/tamilnadu/2018/aug/17/முல்லைப்-பெரியாறு-அணையின்-நீர்மட்டம்-2-வது-நாளாக-142-அடியாக-நிலை-நிறுத்தம்-2981963.html
2981962 தமிழ்நாடு கரூரில் 5 கிராமங்களில் புகுந்தது வெள்ள நீர்: 1,000 ஏக்கர் வாழை, கோரை மூழ்கியது DIN DIN Friday, August 17, 2018 02:47 AM +0530
காவிரியில் ஏற்பட்ட வெள்ளப் பெருக்கால் கரூர் மாவட்டத்தில் தவிட்டுப்பாளையம், திருமுக்கூடலூர் உள்ளிட்ட 5 கிராமங்களில் தண்ணீர் புகுந்தது. இதனால் சுமார் 1,000 ஏக்கர் வாழை, கோரை பயிர் நீரில் மூழ்கியது. 
மேட்டூர் அணைக்கு வந்து கொண்டிருக்கும் 1.80 லட்சம் கன அடி நீர் அப்படியே காவிரியாற்றில் திறக்கப்படுகிறது. இந்நிலையில் பவானிசாகர் அணையில் 50,000 கன அடி நீர் திறக்கப்பட்டு அந்த நீர் பவானி கூடுதுறையில் காவிரியாற்றுடன் கலந்து வருகிறது. இதனால் காவிரியில் மேட்டூர் அணைக்கு கீழே 2.30 லட்சம் கன அடி நீர் வருவதால் கரூர் மாவட்டத்தில் தாழ்வான பகுதியான தவுட்டுப்பாளையம், மேலமாயனூர் பகுதியில் வியாழக்கிழமை அதிகாலை 3 மணியளவில் வெள்ள நீர் ஊருக்குள் புகுந்தது.
மேலும் அமராவதியில் வரும் 11,000 கன அடி நீர் திருமுக்கூடலூரில் காவிரியுடன் கலக்கிறது. ஏற்கெனவே காவிரியில் 2.30 லட்சம் கன அடிநீர் செல்வதால் அமராவதி நீர் அந்த தண்ணீரை எதிர்கொள்ள முடியாமல் காவிரி நீரும், அமராவதி நீரும் சேர்ந்து திருமுக்கூடலூர், அரங்கநாதன் பேட்டை, சோமூர், மேலமாயனூர் உள்ளிட்ட கிராமங்களுக்குள் புகுந்தது. இதனால் அப்பகுதியில் உள்ள சுமார் 1,000 ஏக்கரில் பயிரிடப்பட்டிருக்கும் கோரை, வாழைகள், மரவள்ளிக்கிழங்குச் செடிகள் மூழ்கின.
தவுட்டுப்பாளையம் பகுதியில் தண்ணீர் புகுந்த பகுதிகளையும், அங்கிருந்தோர் வெளியேற்றப்பட்டு அங்குள்ள பள்ளியில் தங்க வைக்கப்பட்டிருப்பதையும் மக்களவை துணைத் தலைவர் மு. தம்பிதுரை, அமைச்சர் எம்.ஆர். விஜயபாஸ்கர், மாவட்டக் கண்காணிப்பு அலுவலர் விஜயராஜ்குமார் ஆகியோர் மாவட்ட ஆட்சியர் த. அன்பழகன் தலைமையில் பார்வையிட்டனர். 
 

]]>
http://www.dinamani.com/tamilnadu/2018/aug/17/கரூரில்-5-கிராமங்களில்-புகுந்தது-வெள்ள-நீர்-1000-ஏக்கர்-வாழை-கோரை-மூழ்கியது-2981962.html
2981910 தமிழ்நாடு கேரளத்தில் படிக்கும் தமிழக மாணவர்களை மீட்க வேண்டும்: சு.திருநாவுக்கரசர் DIN DIN Friday, August 17, 2018 02:07 AM +0530
கேரளத்தில் பெய்து வரும் கனமழை, வெள்ளத்தின் காரணமாக அங்கு நீட் பயிற்சி மையங்களில் தங்கிப் படித்து வரும் தமிழக மாணவர்களை சொந்த ஊருக்கு அழைத்து வர ஏற்பாடு செய்ய வேண்டும் என்று தமிழ்நாடு காங்கிரஸ் கமிட்டித் தலைவர் சு.திருநாவுக்கரசர் வலியுறுத்தியுள்ளார். 
இதுதொடர்பாக அவர் வியாழக்கிழமை வெளியிட்ட அறிக்கை:
வரலாறு காணாத கடும் மழையின் காரணமாக வெள்ளப்பெருக்கு ஏற்பட்டு பெரும் பாதிப்புக்கு கேரள மாநிலமே உள்ளாக்கப்பட்டுள்ளது. திருச்சூரில் உள்ள நீட் பயிற்சி மையங்களின் விடுதிகளில் தமிழகத்தின் பல மாவட்டங்களைச் சேர்ந்த சுமார் 1,000 மாணவர்கள் தங்கிப் படித்து வருகின்றனர். கன மழையினால் ஏற்பட்ட நிலச் சரிவு காரணமாக சாலைகள் துண்டிக்கப்பட்டுள்ளதால் தங்களது பிள்ளைகளை அழைத்து வர பெற்றோரால் திருச்சூர் செல்ல முடியவில்லை. இதனால் பெற்றோர் கவலையில் ஆழ்ந்துள்ளனர். மாணவர்களும் பெற்றோரிடம் தொடர்பு கொள்ள முடியாமல் தவித்து வருகின்றனர். எனவே, திருச்சூரில் நீட் பயிற்சி மையங்களில் தங்கியுள்ள தமிழக மாணவர்களை அவர்களது சொந்த ஊர்களுக்கு அழைத்து வர தமிழக அரசு நடவடிக்கை எடுக்க வேண்டும் என சு.திருநாவுக்கரசர் தெரிவித்துள்ளார்.
 

]]>
http://www.dinamani.com/tamilnadu/2018/aug/17/கேரளத்தில்-படிக்கும்-தமிழக-மாணவர்களை-மீட்க-வேண்டும்-சுதிருநாவுக்கரசர்-2981910.html
2981907 தமிழ்நாடு புதிய கட்டடங்கள்-உயர்நிலை பாலங்கள்: முதல்வர் திறந்து வைத்தார் DIN DIN Friday, August 17, 2018 02:06 AM +0530 பொதுப் பணித் துறையின் புதிய கட்டடங்கள், ஊரக வளர்ச்சித் துறை சார்பிலான உயர்நிலை பாலங்களை முதல்வர் எடப்பாடி கே.பழனிசாமி வியாழக்கிழமை திறந்து வைத்தார். இதற்கான நிகழ்ச்சி காணொலிக் காட்சி மூலமாக தலைமைச் செயலகத்தில் நடைபெற்றது.
இதுகுறித்து தமிழக அரசு வெளியிட்ட செய்தி:-
காவிரி டெல்டாவில் தட்பவெப்பநிலை மாறுபாடுகளுக்கேற்ப ஆறுகள், வாய்க்கால்களை மேம்படுத்தும் வகையில் திருவாரூர், நாகப்பட்டினத்தில் திட்ட செயலாக்க அலுவலகக் கட்டடம் ரூ.2 கோடியில் கட்டப்பட்டுள்ளது. இந்தக் கட்டடத்தை முதல்வர் பழனிசாமி திறந்து வைத்தார்.
கீழ்வெண்ணாறு அமைப்பிலுள்ள பாசன கட்டமைப்புகளை மேம்படுத்துதல், மீளகட்டுதல், புனரமைத்தல் ஆகிய பணிகளை மேற்பார்வையிட 16 ஜீப்புகள் வாங்கப்பட்டுள்ளன. அவற்றில் 2 ஓட்டுநர்களுக்கு வாகனங்களின் சாவிகளை வழங்கினார். இதேபோன்று, பணிக்காலத்தில் காலமான பணியாளர்களின் வாரிசுதாரர்களுக்கு கருணை அடிப்படையிலான பணி நியமனங்களையும் அவர் அளித்தார்.
ஊராட்சித் துறை: தருமபுரி மாவட்டம், நடேசன்கொட்டாய் - சவுளுக்கொட்டாய் சாலையில் உயர்நிலை பாலத்தை முதல்வர் பழனிசாமி திறந்து வைத்தார். காஞ்சிபுரம் மாவட்டம் பெரும்பாக்கம் -நூக்கம்பாளையம் சாலையில் உயர்நிலை பாலம், படப்பை -நீலமங்கலம் சாலையில் கட்டப்பட்ட பாலம், கிருஷ்ணகிரி சூளகிரியில் போடூர் -ஆழியாளம் சாலையில் உயர்நிலை பாலம் ஆகியவற்றையும் முதல்வர் திறந்து வைத்தார்.
வீட்டுவசதி வாரியம்: தமிழ்நாடு வீட்டு வசதி வாரியத்தின் மூலம், திருவள்ளூர் மாவட்டம் பாடிக்குப்பத்தில் தமிழக அரசின் சி மற்றும் டி பிரிவு ஊழியர்களுக்காக 236 குறைந்த வருவாய் பிரிவு அடுக்குமாடி குடியிருப்புகள் கட்டப்பட்டுள்ளன. அவற்றையும் முதல்வர் பழனிசாமி திறந்து வைத்தார்.
கொரட்டூரில் சுயநிதி திட்டத்தின்கீழ் கட்டப்பட்டுள்ள 35 குறைந்த வருவாய் பிரிவு அடுக்குமாடி குடியிருப்புகள், திருவள்ளூர் மாவட்டம் முகப்பேர் ஏரி திட்டத்தில் 20 உயர் வருவாய் பிரிவு அடுக்குமாடி குடியிருப்புகள், திருவள்ளூர் மாவட்டம் செவ்வாப்பேட்டையில் 11 மத்திய வருவாய் பிரிவு தனி வீடுகள், சென்னை வேளச்சேரியில் சுயநிதி திட்டத்தின்கீழ் கட்டப்பட்ட 24 மத்திய வருவாய் பிரிவு அடுக்குமாடி குடியிருப்புகள் ஆகியவற்றையும் திறந்து வைத்தார்.
குடிசைப்பகுதி மாற்று வாரியத்தின் சார்பில் தஞ்சாவூர் பிள்ளையார்பட்டியில் 256 அடுக்குமாடி குடியிருப்புகள், ராமநாதபுரம் பட்டினம்காத்தான் திட்டப் பகுதியில் 256 அடுக்குமாடி குடியிருப்புகள் ஆகியவற்றையும் முதல்வர் பழனிசாமி திறந்தார்.
இந்த நிகழ்ச்சியில் துணை முதல்வர் ஓ.பன்னீர்செல்வம், தலைமைச் செயலாளர் கிரிஜா வைத்தியநாதன் உள்ளிட்டோர் பங்கேற்றனர்.
ஐந்து புதிய வருவாய் வட்டங்கள்: நாமக்கல் மாவட்டம்-நாமக்கல், சேந்தமங்கலம், பரமத்திவேலூர் ஆகிய வட்டங்களைச் சீரமைத்து மோகனூரை தலைமையிடமாகக் கொண்டு புதிய வட்டம் உருவாக்கப்பட்டுள்ளது. இதேபோன்று, மதுரை மாவட்டத்தில் கள்ளிக்குடி, ராமநாதபுரத்தில் ஆர்.எஸ்.மங்கலம், தூத்துக்குடி மாவட்டத்தில் ஏரல், திருநெல்வேலி மாவட்டம் திசையன்விளை ஆகிய புதிய வருவாய் வட்டங்கள் உருவாக்கப்பட்டுள்ளன. இந்தப் புதிய வட்டங்களை முதல்வர் பழனிசாமி தொடங்கி வைத்தார்.
சென்னை வேளச்சேரியில் புதிய வட்டாட்சியர் அலுவலகக் கட்டடம் கட்டப்பட்டுள்ளது. இதனையும் அவர் திறந்து வைத்தார். 
பேரிடர் காலங்களில் தகவல் தொடர்பை துரிதப்படுத்தும் வகையில், சென்னை எழிலகத்தில் வருவாய் நிர்வாக ஆணையாளர் அலுவலகத்திலும், அனைத்து மாவட்ட தலைமையகங்களிலும் பேரிடர் மேலாண்மைக்கான காணொலி கருத்தரங்கு மையங்கள் அமைக்கப்பட்டுள்ளன. அவற்றை முதல்வர் பழனிசாமி திறந்தார்.

]]>
http://images.dinamani.com/uploads/user/imagelibrary/2018/8/17/w600X390/cm.jpg தமிழ்நாடு குடிசைப் பகுதி மாற்று வாரியத்தின் சார்பில் கட்டப்பட்டுள்ள 602 அடுக்குமாடி குடியிருப்புகளையும் காணொலிக் காட்சி மூலம் திறந்து வைத்த முதல்வர் எடப்பாடி கே.பழனிசாமி. http://www.dinamani.com/tamilnadu/2018/aug/17/புதிய-கட்டடங்கள்-உயர்நிலை-பாலங்கள்-முதல்வர்-திறந்து-வைத்தார்-2981907.html
2981903 தமிழ்நாடு கேரள வெள்ள பாதிப்பு: விஐடி ரூ.1 கோடி நிவாரணம் DIN DIN Friday, August 17, 2018 02:05 AM +0530
கேரள மாநிலத்தில் ஏற்பட்டுள்ள வெள்ள பாதிப்பை அடுத்து வேலூர் விஐடி பல்கலைக்கழகம் சார்பில், ரூ. 1 கோடி நிவாரண நிதி அளிக்கப்பட்டுள்ளது. இந்த நிதிக்கான காசோலையை விஐடி வேந்தர் ஜி.விசுவநாதன், கேரள முதல்வர் பினராயி விஜயனிடம் வியாழக்கிழமை நேரில் வழங்கினார்.
கேரளத்தில் தென்மேற்கு பருவமழை தீவிரமடைந்து கடந்த ஒரு வாரமாக அந்த மாநிலத்தின் 14 மாவட்டங்களிலும் கனமழை கொட்டி வருகிறது. 
இதனால் மாநிலத்தில் உள்ள 35 அணைகளுக்கு வரும் நீர் அப்படியே திறந்து விடப்படுவதால், மாநிலமே வெள்ளக்காடாகக் காட்சியளிக்கிறது.
இதுவரை மழை வெள்ளத்தில் சிக்கி 67 பேர் உயிரிழந்துள்ளதாகவும், லட்சக்கணக்கான மக்கள் உடைமைகளை இழந்து பாதிக்கப்பட்டுள்ளதாகவும் தகவல்கள் தெரிவிக்கின்றன.
வரலாறு காணாத இந்த வெள்ள பாதிப்பை அடுத்து கேரள மாநிலத்துக்கு உதவிகள் புரிந்திட அந்த மாநில முதல்வர் பினராயி விஜயன் வேண்டுகோள் விடுத்துள்ளார். இதையடுத்து அம்மாநிலத்துக்கு நிவாரண உதவிகள் அளிக்கப்பட்டு வருகின்றன. 
இந்நிலையில், வேலூர் விஐடி பல்கலைக்கழகம் சார்பில் கேரள மாநிலத்துக்கு வெள்ள நிவாரணமாக ரூ. 1 கோடி நிதியுதவி வழங்கப்பட்டுள்ளது. இந்த நிதிக்கான காசோலையை விஐடி வேந்தர் ஜி.விசுவநாதன், திருவனந்தபுரத்திலுள்ள கேரள தலைமைச் செயலகத்தில் அம்மாநில முதல்வர் பினராயி விஜயனை வியாழக்கிழமை நேரில் சந்தித்து அளித்தார். அப்போது, விஐடி துணைத் தலைவர்கள் சங்கர் விசுவநாதன், ஜி.வி.செல்வம் ஆகியோர் உடனிருந்தனர். 
இந்த நிவாரண நிதி விஐடி பல்கலைக்கழக நிர்வாகம், பேராசிரியர்கள், ஊழியர்கள், மாணவர்கள் சார்பில் அளிக்கப்பட்டிருப்பதாகவும் தெரிவிக்கப்பட்டுள்ளது. முன்னதாக, வெள்ளத்தால் பாதிக்கப்பட்ட கேரள மாநிலத்தின் சில பகுதிகளையும் விஐடி வேந்தர் ஜி.விசுவநாதன் நேரில் பார்வையிட்டார்.


 

]]>
http://images.dinamani.com/uploads/user/imagelibrary/2018/8/17/w600X390/vit.jpg வெள்ள நிவாரண நிதி காசோலையை கேரள முதல்வர் பினராயி விஜயனிடம் அளித்த விஐடி வேந்தர் ஜி.விசுவநாதன். http://www.dinamani.com/tamilnadu/2018/aug/17/கேரள-வெள்ள-பாதிப்பு-விஐடி-ரூ1-கோடி-நிவாரணம்-2981903.html
2981900 தமிழ்நாடு 50 காவல் ஆய்வாளர்கள் பணியிட மாற்றம் DIN DIN Friday, August 17, 2018 02:04 AM +0530
தமிழக காவல் துறையில் 50 காவல் ஆய்வாளர்களை பணியிட மாற்றம் செய்து டிஜிபி தே.க.ராஜேந்திரன் உத்தரவிட்டுள்ளார்.
தமிழக காவல் துறையின் நிர்வாக வசதிக்காகவும், விருப்பத்தின் அடிப்படையிலும், பணியில் ஒழுங்கீனமாக இருந்தாலும் காவல்துறை அதிகாரிகள் அவ்வப்போது பணியிட மாற்றம் செய்யப்படுவது வழக்கம். அதன்படி, மாநிலம் முழுவதும் 50 காவல் ஆய்வாளர்களைப் பணியிட மாற்றம் செய்து டிஜிபி தே.க.ராஜேந்திரன் வியாழக்கிழமை உத்தரவிட்டார்.
இதில் முக்கியமாக, சென்னை மாம்பலம் குற்றப்பிரிவு காவல் ஆய்வாளர் பி.எஸ்.சேகர், அமைந்தகரை குற்றப்பிரிவு காவல் ஆய்வாளர் எஸ்.ராஜன், கொருக்குப்பேட்டை குற்றப்பிரிவு காவல் ஆய்வாளர் என்.ரவிக்குமார், சென்னை சிபிசிஐடி காவல் ஆய்வாளர் ஆர்.துளசிமணி ஆகியோர் உளவுப் பிரிவுக்கு பணியிட மாற்றம் செய்யப்பட்டுள்ளனர். இவ்வாறு மொத்தம் 50 காவல் ஆய்வாளர்கள் பணியிட மாற்றம் செய்யப்பட்டுள்ளனர். 
 

]]>
http://www.dinamani.com/tamilnadu/2018/aug/17/50-காவல்-ஆய்வாளர்கள்-பணியிட-மாற்றம்-2981900.html
2981898 தமிழ்நாடு பேரிடர் காலங்களில் தகவல்களை பரிமாறிக் கொள்ள புதிய இணையதளம்: முதல்வர் பழனிசாமி தொடங்கி வைத்தார் DIN DIN Friday, August 17, 2018 02:04 AM +0530 பேரிடர் காலங்களில் தகவல்களைப் பரிமாற்றம் செய்ய உருவாக்கப்பட்டுள்ள புதிய இணையதளத்தை முதல்வர் பழனிசாமி வியாழக்கிழமை தொடங்கி வைத்தார்.
இதற்கான நிகழ்ச்சி தலைமைச் செயலகத்தில் நடைபெற்றது. இது குறித்து தமிழக அரசு வெளியிட்ட அறிவிப்பு:-
பேரிடர் காலங்களில் மக்களுக்கு விரைவாக அவசர செய்திகளை கொண்டு சேர்க்க ஏதுவாக, தமிழ்நாடு மின்னாளுமை முகமையின் மூலமாக புதிதாக இணையதளம் (தமிழ், ஆங்கிலம்) உருவாக்கப்பட்டுள்ளது. இந்த இணையதளத்தில் (www.tnsdma.tn.gov.in) தமிழ்நாட்டின் புவியியல் அமைப்பு, நிலவியல், நீர் நிலப் புவியியல், வடிகால் அமைப்பு, மழையளவு, அரசின் பல்வேறு பேரிடர் மேலாண்மை திட்டங்கள், வானிலை அறிக்கைகள், பேரிடர்களை எதிர்கொள்ள எடுக்க வேண்டிய முன்னெச்சரிக்கை நடவடிக்கைகள், பேரிடர் மேலாண்மை ஆணையங்களின் முக்கிய அலுவலர்கள், அவர்களது தொடர்பு எண்கள் குறித்த விவரங்கள் இடம்பெற்றுள்ளன.
புரிந்துணர்வு ஒப்பந்தம்: ஆசிய பேரிடர் ஆயத்த மையம் என்ற சர்வதேச மையமானது, பலநாடுகளின் அரசுகள், ஐ.நா. முகமைகள், கல்வி மையங்கள், தனியார் துறை ஆகியவற்றுடன் இணைந்து செயல்பட்டு வருகிறது. அதன்படி, தமிழக வருவாய்த் துறையுடன் இணைந்து செயல்பட அந்த மையமானது விருப்பம் தெரிவித்தது. இதற்கான புரிந்துணர்வு ஒப்பந்தம் செய்யப்பட்டது. இதற்கான அரசாணை வெளியிடப்பட்டது.

]]>
http://www.dinamani.com/tamilnadu/2018/aug/17/பேரிடர்-காலங்களில்-தகவல்களை-பரிமாறிக்-கொள்ள-புதிய-இணையதளம்-முதல்வர்-பழனிசாமி-தொடங்கி-வைத்தார்-2981898.html
2981891 தமிழ்நாடு வாஜ்பாய் மறைவு: ஆளுநர், முதல்வர், தலைவர்கள் இரங்கல் DIN DIN Friday, August 17, 2018 01:43 AM +0530
முன்னாள் பிரதமர் வாஜ்பாய் மறைவுக்கு தமிழக ஆளுநர் பன்வாரிலால் புரோஹித், முதல்வர் எடப்பாடி கே.பழனிசாமி மற்றும் அரசியல் கட்சிகளின் தலைவர்கள் இரங்கல் தெரிவித்துள்ளனர்.
ஆளுநர் பன்வாரிலால் புரோஹித்: முன்னாள் பிரதமர் வாஜ்பாயின் திடீர் மறைவு மிகுந்த வருத்தத்தை அளிக்கிறது. அவர் மிகச் சிறந்த அரசியல் ஆளுமை மிக்கவராகவும், சிறந்த பேச்சாளராகவும், கவிஞர்கள், அரசியல்வாதிகளுக்கு முன்மாதிரியாகவும் விளங்கியவர். அவரது மறைவு எனக்கு மிகப்பெரிய அதிர்ச்சியையும், துயரத்தையும் அளிக்கிறது. தனது மூத்த மகனை இந்தியத் தாய் இழந்து விட்டாள். அவரது மறைவுக்கு எனது ஆழ்ந்த இரங்கல்களைத் தெரிவித்துக் கொள்வதுடன், அவரது ஆன்மா இறைவன் திருவடி நிழலில் இளைப்பாற இறைவனைப் பிரார்த்தனை செய்கிறேன்.
முதல்வர் பழனிசாமி: பாரதிய ஜனதா கட்சியில் இருந்து தேர்ந்தெடுக்கப்பட்ட முதல் பிரதமர் அடல் பிஹாரி வாஜ்பாய். பிரதமராகவும், வெளியுறவுத் துறை அமைச்சராகவும், 50 ஆண்டுகள் நாடாளுமன்ற உறுப்பினராக மக்களவையிலும், மாநிலங்களவையிலும் திறம்பட செயலாற்றியவர். இலக்கியத்தின் மீது ஆர்வம் கொண்டவரான வாஜ்பாய், சிறந்த ஆட்சியாளராகவும், கடின உழைப்பாளியாகவும், அனைவரிடமும் அன்பாக பழகும் தன்மை உடையவராகவும் இருந்தார். அவருடைய மறைவு இந்தியாவுக்கே ஒரு பேரிழப்பாகும். அவரை இழந்து வாடும் குடும்பத்துக்கும், பாஜகவினருக்கும் எனது ஆழ்ந்த இரங்கல்.
ஓ.பன்னீர்செல்வம் (துணை முதல்வர்): நாடாளுமன்ற உறுப்பினராக மக்களவையிலும், மாநிலங்களவையிலும் நாடு போற்றும் வகையில் அரும் பணியாற்றியவர். மூன்று முறை பிரதமராகப் பணியாற்றி நாட்டுக்கு தொண்டாற்றியவர். அனைவரும் மதிக்கும் வகையில் வாழ்ந்த வாஜ்பாய் மறைவுக்கு அதிமுக சார்பில் ஆழ்ந்த இரங்கலையும், அனுதாபத்தையும் தெரிவித்துக் கொள்கிறோம். 
மு.க.ஸ்டாலின் (திமுக): முன்னாள் பிரதமர் வாஜ்பாய் மறைவுச் செய்தி கேட்டு பெரிதும் வேதனையடைந்தேன். கொள்கை வேறுபாடுகளுக்கு அப்பாற்பட்டு, கருணாநிதியுடன் அன்பும் நட்பும் பாராட்டியவர் வாஜ்பாய். ஈழத் தமிழர்கள் உரிமை காக்க மதுரையில் கூட்டப்பட்ட டெசோ மாநாட்டில் பங்கேற்று தமிழினத்துக்குப் பெருமை சேர்த்தார். தனது ஆட்சிக்கே ஆபத்து என்று தெரிந்தும் கூட , திமுக ஆட்சியை அரசியல் சட்டத்துக்குப் புறம்பாக கலைக்க முடியாது என்று உறுதிபடக் கூறி அதன்படியே நின்றார். அவர் மறைவு நாட்டுக்கும்- நாட்டின் பன்முகத்தன்மைக்கும் பேரிழப்பாகும்.
சு.திருநாவுக்கரசர் (காங்கிரஸ்): வாஜ்பாய் மறைவு இந்திய நாட்டுக்கும், அரசியலுக்கும் மாபெரும் இழப்பு. வாஜ்பாயைப் பார்த்துத்தான் அப்போது பாஜகவில் இணைந்தேன். என்னை நாடாளுமன்ற உறுப்பினராக ஆக்கியதுடன், மத்திய அமைச்சராகவும் ஆக்கினார். பாஜகவின் தலைவராக இருந்தாலும் சிறுபான்மையினர் மக்களின் நலனில் அக்கறை செலுத்தியவராக இருந்தவர்.
ராமதாஸ் (பாமக): இந்திய அரசியலில் மாற்றுக்கட்சி தலைவர்களாலும் மதிக்கப்பட்ட தலைவர் வாஜ்பாய். என் மீது தனிப்பட்ட முறையில் பாசமும், மரியாதையும் காட்டினார். அரசியல் நாகரிகத்தை போற்றிப் பாதுகாத்த பிதாமகனான வாஜ்பாயின் மறைவு ஈடு செய்ய முடியாத இழப்பு ஆகும். 
விஜயகாந்த் (தேமுதிக): லஞ்சம், ஊழலுக்கு அப்பாற்பட்ட தலைவராகவும், நாட்டுக்காக தங்க நாற்கர சாலை திட்டம் உள்ளிட்ட திட்டங்களைக் கொண்டு வந்து, இந்தியாவை முன்னேற்றப் பாதைக்கு அழைத்துச் சென்றவர் வாஜ்பாய். பொக்ரான் அணு குண்டு சோதனை, கார்கில் போர் ஆகியவற்றில் வெற்றிகண்டார். அவரை இழந்து வாடும் அவரது குடும்பத்தினருக்கும், பாஜக கட்சியினருக்கும் ஆழ்ந்த இரங்கலை தெரிவித்துக் கொள்கின்றேன்.
வைகோ (மதிமுக): இந்தியா ஒரு அணு ஆயுத வல்லரசு என்பதை பொக்ரான் சோதனையின் மூலம் உலகத்துக்கு நிரூபித்தவர். இந்தியாவின் சாலை கட்டமைப்பை வலுப்படுத்த நாடு முழுக்க தங்க நாற்கரச் சாலைக்கு காரணமானார். இந்தியாவிலுள்ள அனைத்துத் தலைவர்களின் நன்மதிப்பைப் பெற்றவர். அவருடைய மறைவு மிகுந்த துயரத்தை ஏற்படுத்தியுள்ளது. அவரை இழந்து வாடும் அவருடைய உறவினர்களுக்கும், பாஜக நண்பர்களுக்கும் மதிமுக சார்பில் இரங்கலைத் தெரிவித்துக் கொள்கிறேன்.
இல.கணேசன் (பாஜக): வாஜ்பாய் மறைந்துவிட்டார் என்ற செய்தி மனதில் வேதனையும், அதிர்ச்சியும் அளிக்கிறது. சிறந்த பேச்சாற்றல், கவிதையாற்றல், நகைச்சுவை உணர்வுமிக்க அவர், மாறுபட்ட கருத்து கொண்டவர்களிடம் கூட மனம் திறந்து பேசி நட்புப் பாராட்டக் கூடியவர். பேரறிஞர் அண்ணாவிடம் நட்பும், பற்றும், மரியாதையும் கொண்டிருந்தார். 
எளிமையாகப் பல நற்செயல்களைச் செய்தவர். அவர் எதிரிகளே இல்லாதவர் என்று கூடச் சொல்லலாம். அவரது ஆன்மா நிச்சயம் நற்கதி அடையும் என்றார் அவர்.
தமிழிசை (பாஜக): கட்சி எல்லை கடந்து, மாநில எல்லை கடந்து, மொழி, மத எல்லைகளைக் கடந்து அனைவரையும் இணைத்த ஒரு தலைவர் வாஜ்பாய். அவர் மறைந்திருக்கிறார். கடன் மட்டுமே வாங்கிக் கொண்டிருந்த இந்தியாவை, சிறிய நாடுகளுக்கு கடன் கொடுக்கும் நாடாக மாற்றியவர். பொக்ரானில் அணுகுண்டு வெடித்து இந்தியாவை வல்லரசு நாடாக மாற்றியவர். இலங்கைத் தமிழர்களுக்கு பாதுகாவலனாக இருந்தவர். அவரது இழப்பு மிகவும் பேரிழப்பு. 
பழ.நெடுமாறன் (தமிழர் தேசிய முன்னணி): பாஜக தலைவராக வாஜ்பாய் இருந்த போது மதுரையில் ஈழத் தமிழர்களுக்கு ஆதரவாக நடைபெற்ற டெசோ மாநாட்டில் கலந்து கொண்டு பேசியதையும், பிறகு அவர் பிரதமராக இருந்த போது பாதுகாப்பு அமைச்சராக இருந்த ஜார்ஜ் பெர்ணான்டஸின் ஆலோசனையை ஏற்று, ஈழத் தமிழர் நலன் காக்கும் நடவடிக்கைகளில் ஈடுபட்டார் என்பதையும் இப்போது நன்றியோடு நினைவுகூருகிறேன்.
திருமாவளவன் (விடுதலைச் சிறுத்தைகள்): அரசியல் கண்ணியத்தின் அடையாளமாகத் திகழ்ந்தவர் வாஜ்பாய். பிரிட்டிஷ் ஆட்சிக்கு எதிராகப் போராடி சிறை சென்றார். தமிழ் மொழி மீது பற்றுக் கொண்ட அவர், பிரதமராக இருந்த போது தமிழகத்துக்கு பல வளர்ச்சித் திட்டங்களை வழங்கினார். அவரைப் பிரிந்து வாடும் உறவினர்களுக்கும், பாஜக கட்சியினருக்கும் விடுதலைச் சிறுத்தைகள் கட்சி சார்பில் இரங்கலைத் தெரிவித்துக் கொள்கிறோம்.
ஜி.கே.வாசன் (தமாகா): வாஜ்பாய் அன்பானவர். அடக்கமானவர். பிரதமராக இருந்தபோது, பல்வேறு திட்டங்களைக் கொண்டு வந்தார். அவர் காலத்தில் நாடு வளர்ச்சி அடைந்தது. அவர் மறைவு பாஜகவுக்கு மட்டுமல்ல, நாட்டிற்கே பேரிழப்பு.
அன்புமணி (பாமக): இந்தியாவின் மூத்த அரசியல் தலைவரான வாஜ்பாய்க்கு ஏராளமான சிறப்புகள் உண்டு. இந்தியா - பாகிஸ்தான் இடையிலான பிரச்னைக்குத் தீர்வு காண உண்மையாகவே அக்கறை கட்டியவர். அவருடைய மறைவு இந்தியாவுக்கு ஈடு செய்ய முடியாத இழப்பாகும்.
நிஜாமுதீன் (தேசிய லீக்) : பாஜக சார்பில் பிரதமரானாலும் வாஜ்பாய் அனைவருக்கும் பொதுவானவராகத் திகழ்ந்தவர். குஜராத்தில் முஸ்லிம்கள் படுகொலையைக் கண்டித்தவர். அவர் மறைவுக்கு ஆழ்ந்த இரங்கல். 
டிடிவி தினகரன் (அமமுக): நெடிய அரசியல் வரலாற்றுக்கு சொந்தக்காரராகவும், மிகச்சிறந்த நாடாளுமன்றவாதியாகவும், சகோதர நேசத்தை முன்னிறுத்திய மனிதநேயம் கொண்ட மாமனிதர் வாஜ்பாய். அவரது இழப்பு இந்திய தேசத்துக்கு பேரிழப்பு. 
நடிகர் ரஜினிகாந்த்: முன்னாள் பிரதமர் வாஜ்பாய் மறைவு மிகுந்த சோகத்தை ஏற்படுத்தியிருக்கிறது. அவருடைய ஆன்மா சாந்தியடையட்டும்.
கவிஞர் வைரமுத்து: இந்தியப் பெருந்தலைவர் வாஜ்பாயின் மரணம் என்பது ஒன்றல்ல. ஒரு தலைவருக்கும், ஒரு கவிஞருக்கும் என இரண்டு மரணங்கள் நேர்ந்திருக்கின்றன. வாஜ்பாய்க்கான கண்ணீர் மண் தொடும் பொழுது அவருக்கான பெருமைகள் விண் தொடும் என்பது எனது நம்பிக்கை.
அமெரிக்க தூதரகம்: முன்னாள் பிரதமர் வாஜ்பாய் மறைவு இந்தியாவைப் போன்று அமெரிக்காவுக்கும் மிகுந்த வருத்தத்தை அளித்துள்ளது. இந்தியா-அமெரிக்கா உறவு மேம்படுவதில் அவருடைய பங்கு என்றைக்கும் போற்றத்தக்கது. அவரை இழந்து வாடும் அவருடைய குடும்பத்தினருக்கும், இந்திய மக்களுக்கும் ஆழ்ந்த இரங்கலை அமெரிக்க தூதரகம் தெரிவித்துக் கொள்கிறது.

]]>
http://images.dinamani.com/uploads/user/imagelibrary/2018/8/17/w600X390/Vaj1.jpg http://www.dinamani.com/tamilnadu/2018/aug/17/வாஜ்பாய்-மறைவு-ஆளுநர்-முதல்வர்-தலைவர்கள்-இரங்கல்-2981891.html
2981890 தமிழ்நாடு 5 மாவட்டங்களில் பலத்த மழைக்கு வாய்ப்பு: வால்பாறையில் 310 மி.மீ. DIN DIN Friday, August 17, 2018 01:40 AM +0530
மேற்கு திசை காற்று வலுவடைந்து தொடர்ந்து நீடிப்பதால், நீலகிரி, கோவை, தேனி, திண்டுக்கல், திருநெல்வேலி ஆகிய 5 மாவட்டங்களில் ஓரிரு இடங்களில் அடுத்த 24 மணி நேரத்தில் பலத்த மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
இதுகுறித்து சென்னை வானிலை ஆய்வு மைய இயக்குநர் எஸ். பாலச்சந்திரன் வியாழக்கிழமை கூறியது:
மேற்கு திசைக்காற்று வலுவடைந்து தொடர்ந்து நீடிப்பதால், நீலகிரி, கோவை, தேனி, திண்டுக்கல், திருநெல்வேலி ஆகிய 5 மாவட்டங்களில் ஓரிரு இடங்களில் அடுத்த 24 மணி நேரத்தில் பலத்த மழை பெய்யும். தமிழகத்தின் இதர பகுதிகளில் ஓரிரு இடங்களில் லேசானது முதல் மிதமானது வரை மழை பெய்யக் கூடும். சென்னையில் வானம் பொதுவாக மேகமூட்டமாக இருக்கும். சில இடங்களில் மாலை, இரவில் மழை பெய்ய வாய்ப்பு உள்ளது. 
வால்பாறையில் 310 மி.மீ.: தமிழகத்தில் வியாழக்கிழமை காலை 8.30 மணி நிலவரப்படி, அதிகபட்சமாக கோவை மாவட்டம், வால்பாறையில் 310 மி.மீ. மழை கொட்டித் தீர்த்தது.
வால்பாறை வட்டாட்சியர் அலுவலகத்தில் 190 மி.மீ. மழையும், நீலகிரி மாவட்டம் தேவாலாவில் 170 மி.மீ., தேனி மாவட்டம் பெரியாறு, நீலகிரி மாவட்டம் நடுவட்டத்தில் 120 மி.மீ., நீலகிரி மாவட்டம் கூடலூர்பஜாரில் 110 மி.மீ., திருநெல்வேலி மாவட்டம் செங்கோட்டையில் 90 மி.மீ., கோவை மாவட்டம் பொள்ளாச்சியில் 70 மி.மீ., திருநெல்வேலி மாவட்டம் பாபநாசம், மணிமுத்தாறில் தலா 60 மி.மீ. மழையும் பதிவாகின.
மீனவர்களுக்கு எச்சரிக்கை: வடதமிழகம் மற்றும் புதுச்சேரி கடலோரப் பகுதிகளில் தெற்கு மற்றும் தென் மேற்கு திசையில் இருந்து மணிக்கு 35-45 கி.மீ. முதல் 55-60 கி.மீ. வேகத்தில் பலமான காற்று வீசும்.
தென் தமிழக கடலோரப் பகுதிகளில் தென்மேற்கு மற்றும் மேற்கு திசையில் இருந்து மணிக்கு 35-45 கி.மீ. முதல் 55-60 கி.மீ. வேகத்தில் பலமான காற்று வீசும். எனவே, மீனவர்கள் கவனமாக இருக்க வேண்டும் என்று அறிவுறுத்தப்பட்டுள்ளனர்.
 

]]>
http://www.dinamani.com/tamilnadu/2018/aug/17/5-மாவட்டங்களில்-பலத்த-மழைக்கு-வாய்ப்பு-வால்பாறையில்-310-மிமீ-2981890.html
2981889 தமிழ்நாடு இலங்கையில் தமிழக மீனவர்கள் 27 பேருக்கு காவல் நீட்டிப்பு DIN DIN Friday, August 17, 2018 01:40 AM +0530
இலங்கை கடற்படையால் அண்மையில் கைது செய்யப்பட்ட தமிழக மீனவர்கள் 27 பேருக்கு வரும் 24 ஆம் தேதி வரை நீதிமன்றக் காவல் நீட்டிக்கப்பட்டுள்ளது.
ராமநாதபுரம் மாவட்டம் தொண்டி மற்றும் நாகப்பட்டினம், தஞ்சாவூர் மாவட்டங்களைச் சேர்ந்த மீனவர்கள் 27 பேர் கடந்த 11-ஆம் தேதி நான்கு நாட்டுப் படகுகளில் மீன் பிடிக்க சென்றபோது இலங்கை கடற்படையிடம் சிக்கினர். எல்லை தாண்டி மீன் பிடித்ததாக அவர்களைக் கைது செய்து, படகுகளைப் பறிமுதல் செய்தனர். கைதான மீனவர்கள் ஊர்க்காவல் துறை நீதிமன்றத்தில் ஆஜர்படுத்தப்பட்டு யாழ்ப்பாணம் சிறையில் அடைக்கப்பட்டனர். இந்நிலையில், வியாழக்கிழமை 27 மீனவர்களும் ஊர்க்காவல்துறை நீதிமன்ற நீதிபதி சபேஷன் வீட்டில் ஆஜர்படுத்தப்பட்டனர். அங்கு மீனவர்களின் நீதிமன்றக் காவலை ஆக. 24 -ஆம் தேதி வரையில் நீட்டித்து நீதிபதி உத்தரவிட்டார். 
இதனையடுத்து மீனவர்கள் யாழ்ப்பாணம் சிறையில் அடைக்கப்பட்டனர். மத்திய, மாநில அரசுகள் உடனடியாக நடவடிக்கை எடுத்து மீனவர்கள் மற்றும் படகுகளை விடுவிக்க ஏற்பாடு செய்ய வேண்டும் என மீனவர்களின் உறவினர்கள் கோரிக்கை விடுத்துள்ளனர். 
 

]]>
http://www.dinamani.com/tamilnadu/2018/aug/17/இலங்கையில்-தமிழக-மீனவர்கள்-27-பேருக்கு-காவல்-நீட்டிப்பு-2981889.html
2981888 தமிழ்நாடு பொதுத்தேர்வு விடைத்தாள் திருத்திய விவகாரம்: 1,000 ஆசிரியர்களுக்கு பள்ளிக் கல்வித் துறை நோட்டீஸ் DIN DIN Friday, August 17, 2018 01:39 AM +0530
பொதுத் தேர்வு விடைத்தாள்களை சரியாக திருத்தாதது தொடர்பாக 1,000 ஆசிரியர்களுக்கு விளக்கம் கேட்டு பள்ளிக் கல்வித் துறை நோட்டீஸ்' அனுப்பியுள்ளது.
தமிழகத்தில் கடந்த மார்ச், ஏப்ரல் மாதங்களில் பத்தாம் வகுப்பு, பிளஸ் 1, பிளஸ் 2 பொதுத் தேர்வுகள் நடைபெற்றன. இத்தேர்வு முடிவுகள் மே மாதம் வெளியாகின. இதையடுத்து பொதுத் தேர்வுகளை நன்றாக எழுதியும், சரியாக மதிப்பெண் கிடைக்காத மாணவர்களுக்கு, மறுகூட்டல் மற்றும் மறுமதிப்பீடு செய்ய தேர்வுத் துறை சார்பில் வாய்ப்பு வழங்கப்பட்டது.
இந்த வாய்ப்பைப் பயன்படுத்தி 2,500 -க்கும் மேற்பட்டவர்கள் மறுகூட்டல் மற்றும் மறுமதிப்பீடுக்கு விண்ணப்பித்தனர். அவர்களின் மறுமதிப்பீடு முடிவுகள் சில நாள்களுக்கு முன்னர் வெளியாகின. அதில் 1,000 மாணவர்களின் விடைத்தாளில், கூட்டல் மற்றும் மதிப்பீடு பிழைகளால் மதிப்பெண் மாறியது.
இந்த விடைத்தாள்களை தேர்வுத் துறை ஆய்வு செய்து அவற்றை திருத்திய ஆசிரியர்கள், சரிபார்த்த விடை திருத்தும் மைய தலைமை அதிகாரிகள், துறை அலுவலர்கள் குறித்த பட்டியல் தயார் செய்யப்பட்டது. இதைத்தொடர்ந்து பொதுத் தேர்வு விடைத்தாள்களை சரியாக திருத்தாதது தொடர்பாக 1,000 ஆசிரியர்கள், துறை அலுவலர்களிடம் விளக்கம் கேட்டு பள்ளிக் கல்வித் துறை நோட்டீஸ் அனுப்பியுள்ளது. அதில் ஆசிரியர்கள் மெத்தனமாகவும், அஜாக்கிரதையாகவும் விடைத்தாள்களை திருத்தியுள்ளனர் எனவும், இதற்கு உடனடியாக விளக்கம் அளிக்க வேண்டும் என்றும் தெரிவிக்கப்பட்டுள்ளது.
நோட்டீஸுக்கு சரியாக விளக்கம் அளிக்காதவர்கள் மீது துறை ரீதியான நடவடிக்கை எடுக்கப்படவுள்ளதாக துறை அதிகாரிகள் தெரிவித்தனர். மேலும், தேர்வுத் துறையில் இருந்து ஆசிரியர்களின் பட்டியல், பள்ளிக் கல்வித் துறைக்கு அனுப்பப்பட்டு நடவடிக்கை எடுக்கப்படும் எனவும் கூறப்படுகிறது.
 

]]>
http://www.dinamani.com/tamilnadu/2018/aug/17/பொதுத்தேர்வு-விடைத்தாள்-திருத்திய-விவகாரம்-1000-ஆசிரியர்களுக்கு-பள்ளிக்-கல்வித்-துறை-நோட்டீஸ்-2981888.html
2981887 தமிழ்நாடு கேரள வெள்ளம்: 11 ரயில்கள் ரத்து DIN DIN Friday, August 17, 2018 01:39 AM +0530
கேரளத்தில் வெள்ளப்பெருக்கு காரணமாக, சென்னையில் இருந்து திருவனந்தபுரம், மங்களூருக்கு இயக்கப்படும் ரயில்கள் வியாழக்கிழமை ரத்து செய்யப்பட்டன.
பாலக்காடு, திருவனந்தபுரம் ஆகிய கோட்டங்களில் வெவ்வேறு இடங்களில் தண்டவாளத்தில் தண்ணீர் நிரம்பி வழிதல், நிலச்சரிவு, வெள்ளப்பெருக்கு காரணமாக, ரயில் சேவை தற்காலிகமாக நிறுத்தப்பட்டுள்ளது. 
அதன் விவரம்: சென்னை சென்ட்ரல் -திருவனந்தபுரம் மெயில் ரயில், சென்னை சென்ட்ரல் -மங்களூர் மெயில் ரயில், மங்களூர் சென்ட்ரல் -சென்னை சென்ட்ரல் மேற்கு கடற்கரை அதிவேக விரைவு ரயில், மங்களூர் -சென்னை சென்ட்ரல் அதிவேக விரைவு ரயில் உள்பட 11 ரயில்கள் வியாழக்கிழமை ரத்து செய்யப்பட்டன. இதுபோல, சில ரயில்கள் பகுதி ரத்தானது.
 

]]>
http://www.dinamani.com/tamilnadu/2018/aug/17/கேரள-வெள்ளம்-11-ரயில்கள்-ரத்து-2981887.html
2981886 தமிழ்நாடு ஜெயலலிதா மரணம்: எய்ம்ஸ் மருத்துவர்களுக்கு அழைப்பாணை DIN DIN Friday, August 17, 2018 01:39 AM +0530
முன்னாள் முதல்வர் ஜெயலலிதா மரணம் தொடர்பாக ஆகஸ்ட் 23-இல் ஆஜராகி விளக்கம் அளிக்குமாறு தில்லி எய்ம்ஸ் மருத்துவர்கள் மூவருக்கு விசாரணை ஆணையம் வியாழக்கிழமை அழைப்பாணை அனுப்பியது.
முன்னாள் முதல்வர் ஜெயலலிதா மரணம் தொடர்பாக ஓய்வுபெற்ற நீதிபதி ஆறுமுகசாமி தலைமையில் தனிநபர் விசாரணை ஆணையத்தை தமிழக அரசு அமைத்துள்ளது. இந்த ஆணையத்தில் இதுவரை 40-க்கும் மேற்பட்டோர் ஆஜராகி விளக்கம் அளித்துள்ளனர். சசிகலாவுக்கு எதிராக ஆணையத்தில் பிரமாணப் பத்திரம், சாட்சியம் அளித்தவர்களிடமும் அவர் தரப்பு வழக்குரைஞர்கள் குறுக்கு விசாரணை நடத்தி வருகின்றனர்.
எய்ம்ஸ் மருத்துவர்களுக்கு அழைப்பாணை: இந்த நிலையில், ஜெயலலிதாவுக்கு சிகிச்சை அளித்த அப்பல்லோ மருத்துவமனை நரம்பியல் மருத்துவர்கள் அருட்செல்வன், ரவிக்குமார் ஆகியோர் ஆகஸ்ட் 20-ஆம் தேதியும், மயக்கவியல் மருத்துவர்கள் கே.பாஸ்கர், செந்தில்குமார் ஆகியோர் ஆகஸ்ட் 21-ஆம் தேதியும், தில்லி எய்ம்ஸ் மருத்துவர்கள் ஜி.சி.கில்னானி, அஞ்சன்டிரிகா, நிதீஷ் நாயக் ஆகியோர் ஆகஸ்ட் 23-ஆம் தேதியும் நேரில் ஆஜராகி விளக்கம் அளிக்குமாறு விசாரணை ஆணையம் வியாழக்கிழமை அழைப்பாணை அனுப்பியது.
 

]]>
http://www.dinamani.com/tamilnadu/2018/aug/17/ஜெயலலிதா-மரணம்-எய்ம்ஸ்-மருத்துவர்களுக்கு-அழைப்பாணை-2981886.html
2981885 தமிழ்நாடு சிறுமி பாலியல் கொடுமை விவகாரம்: 11 பேரின் ஜாமீன் மனு தள்ளுபடி DIN DIN Friday, August 17, 2018 01:38 AM +0530
அயனாவரம் மாற்றுத் திறனாளி சிறுமியை பாலியல் கொடுமைக்கு ஆளாக்கிய குற்றச்சாட்டில் கைது செய்யப்பட்டுள்ளவர்கள் ஜாமீன் கோரி தாக்கல் செய்த மனுவை மகளிர் நீதிமன்றம் தள்ளுபடி செய்துள்ளது.
அயனாவரம் அடுக்குமாடி குடியிருப்பில் வசித்த 7 ஆம் வகுப்பு படிக்கும் மாற்றுத் திறனாளி சிறுமி பாலியல் கொடுமைக்கு ஆளாக்கப்பட்டார். அதைத் தொடர்ந்து அந்த குடியிருப்பில் பணியாற்றிய லிப்ட் ஆப்ரேட்டர் ரவிக்குமார், காவலாளி சுகுமாறன் உள்ளிட்ட 17 பேர் கைது செய்யப்பட்டு சிறையில் அடைக்கப்பட்டனர்.
இந்த நிலையில் கைது செய்யப்பட்டுள்ள ஜெய்கணேஷ், அபிஷேக், ராஜா, உமாபதி, பழனி, பரமசிவம், தீனதயாளன், ஈரல்புரோஸ், சுரேஷ், பாலு, குணசேகரன் ஆகிய 11 பேர் இலவச சட்ட உதவி மையத்தின் மூலம் ஜாமீன் கோரி மனு தாக்கல் செய்தனர். இந்த மனுக்கள் சென்னை மகளிர் நீதிமன்ற நீதிபதி மஞ்சுளா முன் விசாரணைக்கு வந்தது. மனுதாரர்கள் தரப்பில் ஜாமீன் வழங்க கோரியும், அரசு தரப்பில் அதற்கு எதிர்ப்பு தெரிவித்தும் வாதிடப்பட்டது. இதையடுத்து வழக்கை விசாரித்த நீதிபதி, 11 பேர் தரப்பில் ஜாமீன் கோரி தாக்கல் செய்யப்பட்ட மனுவை தள்ளுபடி செய்து உத்தரவிட்டார்.
 

]]>
http://www.dinamani.com/tamilnadu/2018/aug/17/சிறுமி-பாலியல்-கொடுமை-விவகாரம்-11-பேரின்-ஜாமீன்-மனு-தள்ளுபடி-2981885.html
2981881 தமிழ்நாடு வெள்ளம் பாதித்த பகுதிகளில் மீட்பு-நிவாரண நடவடிக்கைகள்: மாவட்ட ஆட்சியர்களுக்கு முதல்வர் பழனிசாமி அறிவுறுத்தல் DIN DIN Friday, August 17, 2018 01:35 AM +0530
வெள்ளம் பாதித்த பகுதிகளில் மீட்பு மற்றும் நிவாரணப் பணிகளை உடனடியாக மேற்கொள்ள வேண்டுமென மாவட்ட ஆட்சியர்களுக்கு முதல்வர் பழனிசாமி அறிவுறுத்தியுள்ளார்.
தமிழகத்தில் முக்கிய அணைகள் நிரம்பி உபரி நீர் பெரும் அளவில் திறந்துவிடப்படுவதால் வெள்ள அபாயம் ஏற்பட்டுள்ளது.
இதையொட்டி வெள்ளப் பாதிப்பைத் தடுக்க தமிழக அரசு மேற்கொண்டு வரும் முன்னெச்சரிக்கை நடவடிக்கைகள் குறித்து முதல்வர் பழனிசாமி தலைமையில் வியாழக்கிழமை ஆய்வுக் கூட்டம் நடைபெற்றது. இந்தக் கூட்டத்தில் எடுக்கப்பட்ட முடிவுகள் குறித்து தமிழக அரசு வெளியிட்ட செய்திக்குறிப்பு:-
முதல்வர் அறிவுறுத்தல்: வெள்ளம் பெருக்கெடுத்து ஓடும் பகுதிகளில் பெற்றோர்கள் தங்களது குழந்தைகளை அழைத்துச் செல்லக் கூடாது, விவசாயிகள் தங்களது கால்நடைகளை பாதுகாப்பாக வைக்க வேண்டும் என முதல்வர் பழனிசாமி அறிவுறுத்தினார்.
நிவாரண முகாம்களில்...: மழை பாதித்த பகுதிகளில், நிலவரத்தைத் தொடர்ந்து கண்காணித்து பாதிக்கப்பட்ட மக்களை பாதுகாப்பாக வெளியேற்றி நிவாரண முகாம்களில் தங்க வைக்க வேண்டும். அவர்களுக்குத் தேவையான உணவு, குடிநீர், கழிப்பிட வசதி, போர்வைகள் உள்ளிட்ட வசதிகளை ஏற்படுத்தித் தர வேண்டுமென மாவட்ட ஆட்சியர் உள்ளிட்ட அதிகாரிகளுக்கு முதல்வர் பழனிசாமி உத்தரவிட்டார். இந்தப் பணிகளை சரியான முறையில் கண்காணிக்க மையம் தோறும் ஒரு ஒருங்கிணைப்பாளரை நியமிக்க வேண்டும் எனவும் அவர் உத்தரவிட்டுள்ளார்.
முகாம்களில் 2,538 பேர்: இதுவரை நாமக்கல், ஈரோடு, கன்னியாகுமரி, கரூர், திருச்சி, தருமபுரி மாவட்டங்களில் இருந்து 2,538 பேர் பாதுகாப்பாக வெளியேற்றப்பட்டு 35 நிவாரண முகாம்களில் தங்க வைக்கப்பட்டுள்ளனர். மக்களைப் பாதுகாக்கும் வகையில், தமிழ்நாடு பேரிடர் மீட்புப் படையில் இருந்து 492 பேர் காவிரி ஆற்றுப் படுகைகளில் உள்ள மாவட்டங்களுக்கு மீட்பு மற்றும் நிவாரணப் பணிகளை மேற்கொள்ள அனுப்பி வைக்கப்பட்டுள்ளனர்.
துணை ஆட்சியர் குழு: நீலகிரி, கோவை, தேனி, திண்டுக்கல், திருநெல்வேலி ஆகிய மாவட்டங்களில் ஆங்காங்கே கனமழை பெய்யும் எனவும், மீனவர்கள் யாரும் வங்காள விரிகுடாவின் மத்திய மற்றும் வடபகுதிகளில் மீன்பிடிக்கச் செல்ல வேண்டாம் எனவும் எச்சரிக்கை விடுக்கப்பட்டுள்ளது. இது தொடர்பாக உரிய மாவட்ட ஆட்சியர்களுக்கு தகவல் தெரிவிக்கப்பட்டு முன்னெச்சரிக்கை நடவடிக்கைகள் மேற்கொள்ள முதல்வரால் அறிவுறுத்தப்பட்டுள்ளது.
தண்ணீர் அதிகமாக வருவதால் சேலம், நாமக்கல், ஈரோடு, கரூர், திருச்சி மாவட்டத்தில் பாதிப்புக்கு உள்ளாகும் பகுதிகளைக் கண்டறிந்து கண்காணிப்புப் பணியில் ஈடுபட துணை ஆட்சியர் நிலையில் குழுக்கள் அமைக்கவும் முதல்வர் பழனிசாமி உத்தரவிட்டுள்ளார் என தமிழக அரசு தெரிவித்துள்ளது.
இந்த ஆய்வுக் கூட்டத்தில் துணை முதல்வர் ஓ.பன்னீர்செல்வம், அமைச்சர்கள், தலைமைச் செயலாளர் கிரிஜா வைத்தியநாதன் உள்ளிட்ட பலரும் கலந்து கொண்டனர்.

வெள்ளம் பாதித்த மாவட்டங்களில் மீட்பு-நிவாரண நடவடிக்கைகள் குறித்து தலைமைச் செயலகத்தில் முதல்வர் எடப்பாடி கே.பழனிசாமி தலைமையில் வியாழக்கிழமை நடைபெற்ற ஆலோசனைக் கூட்டத்தில் பங்கேற்ற அமைச்சர்கள், தலைமைச் செயலர் கிரிஜா வைத்தியநாதன் உள்ளிட்ட உயர் அதிகாரிகள்.
 

]]>
http://images.dinamani.com/uploads/user/imagelibrary/2018/8/17/w600X390/eps.jpg http://www.dinamani.com/tamilnadu/2018/aug/17/வெள்ளம்-பாதித்த-பகுதிகளில்-மீட்பு-நிவாரண-நடவடிக்கைகள்-மாவட்ட-ஆட்சியர்களுக்கு-முதல்வர்-பழனிசாமி-அறிவ-2981881.html
2981880 தமிழ்நாடு முல்லைப் பெரியாறு அணையில் 142 அடிக்கு நீரைத் தேக்கினாலும் பாதிப்பில்லை: கேரள முதல்வருக்கு தமிழக முதல்வர் பழனிசாமி கடிதம் DIN DIN Friday, August 17, 2018 01:34 AM +0530
முல்லைப் பெரியாறு அணையில் 142 அடி அளவுக்கு நீரைத் தேக்கினாலும் எந்தப் பாதிப்பும் இல்லை என்று முதல்வர் எடப்பாடி கே.பழனிசாமி தெரிவித்துள்ளார்.
மேலும், முல்லைப் பெரியாறு அணை பூகோள ரீதியிலும் வடிவமைப்பு ரீதியிலும் பாதுகாப்புடன் இருப்பதாகவும் அவர் தெரிவித்தார். 
முல்லைப் பெரியாறு அணையில் 139 அடி அளவுக்கு நீரைக் குறைத்து அணையை பாதுகாக்க வேண்டுமென கேரள முதல்வர் பினராயி விஜயன் கோரிக்கை விடுத்திருந்தார். இந்தக் கோரிக்கையை வலியுறுத்தி தமிழக அரசுக்குக் கடிதம் அனுப்பியிருந்தார். ஆனால் அவரது கோரிக்கையை நிராகரித்துள்ள முதல்வர் எடப்பாடி கே.பழனிசாமி, கேரள முதல்வருக்கு வியாழக்கிழமை எழுதியுள்ள கடிதத்தின் விவரம்:-
ஆகஸ்ட் 15-ஆம் தேதியிட்ட தங்களின் கடிதம் கிடைக்கப் பெற்றேன். கடந்த 2014-ஆம் ஆண்டு மே 7-ஆம் தேதியன்று உச்ச நீதிமன்றம் பிறப்பித்த உத்தரவுப்படி, முல்லைப் பெரியாறு அணையானது வடிவமைப்பு, பூகோள ரீதியாக பாதுகாப்பாக இருப்பதாகத் தெரிவித்தது. கடந்த காலங்களில் பல்வேறு நிபுணத்துவம் கொண்ட குழுவினரால் முல்லைப் பெரியாறு அணையானது பலமுறை சோதனை செய்து பார்க்கப்பட்டுள்ளது. அனைத்து வகைகளிலும் அணையானது பாதுகாப்பாக இருப்பது அறியப்பட்டுள்ளது.
அவ்வப்போது ஆய்வு-அச்சமில்லை: முல்லைப் பெரியாறு அணையின் வலிமையை அவ்வப்போது ஆய்வு செய்ய கண்காணிப்புக் குழுவை உச்ச நீதிமன்றமானது அமைத்துள்ளது. இந்தக் குழு கடந்த 4-ஆம் தேதியன்று கடைசியாக ஆய்வுப் பணியில் ஈடுபட்டதுடன், அணையில் 142 அடி உயரத்துக்கு தண்ணீரைத் தேக்கினாலும் பாதுகாப்பாக இருக்கும் எனத் தெரிவித்துள்ளது. எனவே, உச்ச நீதிமன்ற உத்தரவுப்படி அணையில் 142 அடி அளவு வரை நீரைத் தேக்கினாலும் அணையின் பாதுகாப்புக்கு எந்த அச்சமும் ஏற்படாது.
முல்லைப் பெரியாறு அணையில் இருந்து அதிகப்படியான அளவில் நீரானது சுரங்கப்பாதையின் வழியாக தமிழக அரசு கொண்டு சென்று வருகிறது. அணைக்கு வரும் நீரின் அளவை அதிகரிக்கும் போதெல்லாம் தமிழகம் மற்றும் கேரள பொறியாளர்களும், சம்பந்தப்பட்ட மாவட்டங்களைச் சேர்ந்த 
ஆட்சியர்களும் இணைந்து செயல்பட்டு தக்க நடவடிக்கைகளை எடுத்து வருகிறார்கள்.
முல்லைப் பெரியாறு அணையில் அனுமதிக்கப்பட்ட அளவான 142 அடியிலேயே நீரின் அளவு இருக்கும்படி தமிழக அரசானது பராமரித்துக் கொள்வதுடன், கூடுதல் நீரினை வெளியேற்றி வருகிறது.
கோரிக்கையை நிறைவேற்றுங்கள்: முல்லைப் பெரியாறு உப குழுவின் தலைவர் கடந்த புதன்கிழமையன்று (ஆக. 15) ஆய்வுப் பணியை மேற்கொண்டார். அப்போது, டிஜிட்டல் முறையில் நீரினை அளவிடும் மானியானது நன்கு இயங்குவதைக் கண்டறிந்துள்ளார். மேலும், அணையில் நீரின் அளவை அறிவதற்கு தட்டுகள் வடிவிலான மானிகள் பொருத்தப்பட்டுள்ளன.
முல்லைப் பெரியாறு அணையின் நீர்பிடிப்புப் பகுதிகளில் மழையின் அளவை அளவிட தமிழக அதிகாரிகளை கேரள மாநில அதிகாரிகள் அனுமதிப்பதில்லை. எனவே, அணையில் அதிகரித்துள்ள நீரின் அளவைப் பொருத்தே நீர் வரத்தினை கணக்கிட வேண்டிய கட்டாயத்துக்கு தமிழக அதிகாரிகள் தள்ளப்பட்டுள்ளனர். எனவே, முல்லைப் பெரியாறு நீர்ப்பிடிப்புப் பகுதிகளில் மழைப் பொழிவின் அளவை கேரள மாநில அதிகாரிகள் பகிர்ந்து கொள்ள அறிவுறுத்த வேண்டும்.
முல்லைப் பெரியாறு அணைக்கு மின்சார விநியோகத்தை உடனடியாக வழங்கக் கோரும் மற்றொரு கோரிக்கையை தங்களது கவனத்துக்குக் கொண்டு வருகிறேன். முல்லைப் பெரியாறு அணைப் பகுதியில் மின்சாரம் வழங்குவதற்காக இரு மாநிலங்களும் ஒப்புக் கொண்டபடி, கேரள மின்வாரியத்திடம் ரூ.1.65 கோடியை வைப்புத் தொகையாக தமிழக அரசு செலுத்தியுள்ளது. இது தொடர்பாக, தமிழக அரசானது, கேரள மின்வாரிய அதிகாரிகளுடன் தொடர்ந்து தொடர்பில் இருந்து வருகிறார்கள். ஆனாலும், இதுவரை எந்த நடவடிக்கையும் எடுக்கப்படவில்லை.
எனவே, முல்லைப் பெரியாறு அணை மற்றும் அதனுடன் தொடர்புடைய கட்டமைப்புகளுக்கு உடனடியாக மின்சாரத்தை வழங்க நடவடிக்கை எடுக்க வேண்டும். இது குறித்த அறிவுறுத்தல்களை அதிகாரிகளுக்கு தாங்கள் அளித்திட வேண்டும். முல்லைப் பெரியாறு அணைக்கு வரும் நீரின் அளவைப் பொருத்து, நீரைத் தேக்குவது மற்றும் வெளியேற்றிவது ஆகிய ஒழுங்காற்றுப் பணிகளை தமிழக நீர்வள ஆதாரத் துறையானது மேற்கொண்டு வருகிறது என்று தனது கடிதத்தில் முதல்வர் பழனிசாமி தெரிவித்துள்ளார்.
 

]]>
http://images.dinamani.com/uploads/user/imagelibrary/2018/8/17/w600X390/mulaiperiyar.jpg http://www.dinamani.com/tamilnadu/2018/aug/17/முல்லைப்-பெரியாறு-அணையில்-142-அடிக்கு-நீரைத்-தேக்கினாலும்-பாதிப்பில்லை-கேரள-முதல்வருக்கு-தமிழக-முதல-2981880.html
2981879 தமிழ்நாடு முல்லைப் பெரியாறு நீர்மட்டத்தை 139 அடியாகக் குறைக்க பரிசீலிக்க வேண்டும்: உச்ச நீதிமன்றம் DIN DIN Friday, August 17, 2018 01:33 AM +0530
முல்லைப் பெரியாறு அணையின் நீர்மட்டத்தை 139 அடியாகக் குறைப்பது தொடர்பாக தேசிய நெருக்கடி மேலாண்மை கமிட்டி (நேஷனல் கிரைஸிஸ் மேனேஜ்மெண்ட் கமிட்டி - என்சிஎம்சி) பரிசீலிக்க வேண்டும் என உச்ச நீதிமன்றம் அறிவுறுத்தியுள்ளது.
முல்லைப் பெரியாறு அணை தொடர்பாக பேரிடர் மேலாண்மை திட்டத்தை அறிவிக்கக் கோரி கேரள மாநிலம், ஆலுவாவைச் சேர்ந்த ரசூல் ஜாய் தாக்கல் செய்த மனு உச்ச நீதிமன்ற தலைமை நீதிபதி தீபக் மிஸ்ரா, நீதிபதி இந்து மல்ஹோத்ரா ஆகியோர் அடங்கிய அமர்வு முன் வியாழக்கிழமை பிற்பகல் விசாரணைக்கு எடுத்துக் கொள்ளப்பட்டது. அப்போது ரசூல் ஜாய் சார்பில் வழக்குரைஞர் மனோஜ் வி. ஜார்ஜ் ஆஜராகி, கேரளத்தில் தொடர்ந்து மழை பெய்து வருகிறது. இதனால்,கேரளத்தில் பிரளயம் ஏற்பட்டு 14 மாவட்டங்கள் துண்டிக்கப்பட்டுள்ளன. 100-க்கும் மேற்பட்டோர் பலியாகியுள்ளனர். 1.50 லட்சம் பேர் வீடு இல்லாமல் தவித்து வருகின்றனர். முல்லைப் பெரியாறு அணையின் நீர்மட்டம் 142 அடியை எட்டியுள்ளது. அணையில் நீரை திறந்துவிடுவது தொடர்பாக கேரளம், தமிழகம் மாநிலங்களுக்கு இடையே ஒருங்கிணைப்பு இல்லை. முல்லைப் பெரியாறு அணையில் 13 ஷட்டர்கள் உள்ளன. அணையில் உள்ள கூடுதல் நீரை வெளியேற்ற ஷட்டர்கள் 1.5 மீட்டர் அளவுக்கு திறக்கப்பட்டுள்ளன. எனவே, முல்லைப் பெரியாறு அணை தொடர்பாக பேரிடர் மேலாண்மைத் திட்டத்தை அறிவிக்க வேண்டும்' என்றார்.
இதைத் தொடர்ந்து, மத்திய அரசின் சார்பில் ஆஜரான கூடுதல் சொலிசிட்டர் ஜெனரல் பி.எஸ். நரசிம்மா, கேரளத்தில் தொடரும் வெள்ளப் பிரச்னை ஆகியவை குறித்து விவாதிக்க தேசிய நெருக்கடி மேலாண்மை கமிட்டியின் கூட்டம் அமைச்சரவைச் செயலர் தலைமையில் வியாழக்கிழமை நடைபெற்றது. அதில் மத்திய பாதுகாப்பு, உள்துறை, நீர் வளம், முப்படைகளின் தலைவர்கள், கடலோர காவல்படையின் தலைவர், தேசிய பேரிடர் மேலாண்மை இயக்குநர், மத்திய நீர் ஆணையத்தின் தலைவர் உள்ளிட்டோர் பங்கேற்றனர். இக்கூட்டத்தில் கேரளத்திலிருந்து அந்த மாநில முதன்மைச் செயலர் விடியோ கான்பிரன்ஸ் மூலம் பங்கேற்றார். கேரளத்துக்குத் தேவையான அனைத்து உதவிகளையும் மத்திய அரசு செய்து வருகிறது. இதுவரை 2,182 பேர் மீட்கப்பட்டுள்ளனர். வெள்ளத்தில் சிக்கிய 968 பேர் மீட்கப்பட்டுள்ளனர்' என்றார்.
இந்த விசாரணையின்போது தமிழக அரசின் வழக்குரைஞர் ஜி. உமாபதி ஆஜராகி, கேரளத்தில் பெய்து வரும் தொடர் மழையால் முல்லைப் பெரியாறு அணைக்கு நீர்வரத்து 20 ஆயிரம் கன அடியாக உள்ளது. இந்நிலையில், முல்லைப் பெரியாறு அணையின் நீர்மட்டத்தை குறைப்பது உடனடியாக சாத்தியமற்றதாக உள்ளது' என்றார். அப்போது கேரள அரசு சார்பில் ஆஜரான வழக்குரைஞர் மோகன் காத்தர்கி, முல்லைப் பெரியாறு அணையின் நீர்மட்டத்தை 139 அடியாகக் குறைக்க வேண்டும்' என்றார்.
அனைத்துத் தரப்பினரின் வாதங்களைப் பதிவு செய்து கொண்ட நீதிபதிகள் பிறப்பித்த உத்தரவு: தேசியப் பேரிடர் மேலாண்மைச் சட்டத்தின் (2005) 9-ஆவது பிரிவின் படி அமைக்கப்பட்டுள்ள துணைக் குழு, தேசிய நெருக்கடி மேலாண்மைக் கமிட்டி, கேரளம் மற்றும் தமிழகம் ஆகிய மாநிலங்களைச் சேர்ந்த அதிகாரிகள் ஆகியோருடன் இணைந்து வெள்ளிக்கிழமை கூட்டத்தை நடத்த வேண்டும். கூட்டத்துத்துக்கு சம்பந்தப்பட்டவர்கள் நேரில் வர இயலாத பட்சத்தில் விடியோ கான்பிரன்ஸ் மூலம் நடத்த வேண்டும். முல்லைப் பெரியாறு அணைக்கு கீழ் பகுதியில் வசிக்கும் மக்களின் தொடர் அச்சத்தைப் போக்கும் வகையில், அணையின் நீர்மட்டத்தை குறைந்தபட்சம் 139 அடியாகக் குறைப்பதற்கு துணைக் குழுக்கள் முயற்சி செய்ய வேண்டும். வெள்ளத்தால் பாதிக்கப்பட்ட மக்களுக்கு போதுமான நிவாரணத்தை உடனடியாக அளிக்க கேரளம், தமிழக அரசுகள் தேசிய நெருக்கடி மேலாண்மைக் கமிட்டியுடன் இணைந்து பணியாற்ற வேண்டும்.
முல்லைப் பெரியாறு அணையிலிருந்து நீர் திறக்கப்படுவதற்கு முன்பு மேற்கொள்ள வேண்டிய பேரிடர் முன்னெச்சரிக்கை நடவடிக்கைகளை துணைக் குழு பரிந்துரைக்க வேண்டும். இந்தப் பேரிடர் திட்டத்தை துணைக் குழு தயாரிக்க வேண்டும். துணைக் குழு எடுக்கும் முடிவுகளை கேரளமும், தமிழகமும் அமல்படுத்த வேண்டும். இது தொடர்பான வழக்கு விசாரணை வெள்ளிக்கிழமை பிற்பகல் 2 மணிக்கு மீண்டும் நடைபெறும் என உத்தரவில் தெரிவிக்கப்பட்டுள்ளது.
முல்லைப் பெரியாறு அணை அமைந்துள்ள பகுதியில் கணிக்க முடியாத பேரிடர் ஏற்படும்பட்சத்தில் அதைப் பிரத்யேகமாக கையாளுவதற்கான வழிமுறைகளை உருவாக்குவதற்கான ஆய்வை மேற்கொள்ள மத்திய அரசும், தமிழகம், கேரள அரசுகளும் தனித் தனியாக குழுக்களை ஏற்படுத்த வேண்டும் என்று உச்ச நீதிமன்றம் கடந்த ஜனவரி 11-ஆம் தேதி உத்தரவிட்டிருந்தது குறிப்பிடத்தக்கது. 

]]>
http://images.dinamani.com/uploads/user/imagelibrary/2018/7/10/w600X390/supreem_court.jpg http://www.dinamani.com/tamilnadu/2018/aug/17/முல்லைப்-பெரியாறு-நீர்மட்டத்தை-139-அடியாகக்-குறைக்க-பரிசீலிக்க-வேண்டும்-உச்ச-நீதிமன்றம்-2981879.html
2981878 தமிழ்நாடு சிலை கடத்தல் வழக்கு: தமிழக அரசு பதில் மனு தாக்கல் DIN DIN Friday, August 17, 2018 01:31 AM +0530 சிலை கடத்தல் வழக்குகளை விசாரித்து வரும் ஐ.ஜி.பொன் மாணிக்கவேல் கடந்த ஓராண்டாக எந்தவொரு அறிக்கையும் தாக்கல் செய்யவில்லை என தமிழக அரசு சார்பில், சென்னை உயர் நீதிமன்றத்தில் தாக்கல் செய்யப்பட்ட பதில் மனுவில் தெரிவிக்கப்பட்டுள்ளது.
தமிழகத்தில் சிலை கடத்தலைத் தடுக்கக் கோரி வழக்குரைஞர் யானை ராஜேந்திரன், ஸ்ரீரங்கத்தைச் சேர்ந்த ரங்கராஜன் நரசிம்மன், கும்பகோணத்தைச் சேர்ந்த வெங்கட்ராமன் ஆகியோர் உயர் நீதிமன்றத்தில் வழக்கு தொடர்ந்தனர். இந்த வழக்குகளை விசாரித்த சிறப்பு அமர்வு, சிலை கடத்தல் வழக்குகளை சிபிஐ விசாரணைக்கு மாற்ற இடைக்கால தடை விதித்து உத்தரவிட்டு, காவல்துறை டி.ஜி.பி மற்றும் தமிழக அரசு பதிலளிக்க உத்தரவிட்டிருந்தது.
உள்நோக்கம் இல்லை: இந்த வழக்கு நீதிபதிகள் ஆர்.மகாதேவன், பி.டி.ஆதிகேசவலு ஆகியோர் அடங்கிய சிறப்பு அமர்வு முன் விசாரணைக்கு வந்தது. அப்போது அரசு தரப்பில் அரசு கூடுதல் தலைமை வழக்குரைஞர் பி.ஹெச்.அரவிந்த்பாண்டியன் ஆஜரானார். அப்போது, தமிழக அரசின் உள்துறைச் செயலாளர் சார்பில் இணைச் செயலாளர் எம்.முருகன் தாக்கல் செய்த பதில் மனுவில் தெரிவிக்கப்பட்டுள்ளதாவது:
சிலை கடத்தல் தொடர்பான புலன் விசாரணையை நீர்த்துப் போகச் செய்யும் எண்ணத்திலோ, திசை திருப்ப நினைத்தோ இந்த வழக்குகளை சிபிஐ விசாரணைக்கு மாற்றி தமிழக அரசு அரசாணை பிறப்பிக்கவில்லை. சிலை கடத்தல் தொடர்பான வழக்குகள் அதிகரித்து வருகின்றன. மேலும், இந்தக் கடத்தல் சம்பவம் தொடர்பாக வெளிநாடுகளிலும், வெளிமாநிலங்களிலும் நேர்மையான, சுதந்திரமான விசாரணை நடத்த வேண்டியுள்ளது. எனவேதான் இந்த வழக்குகளை சிபிஐ விசாரணைக்கு மாற்றி உத்தரவிடப்பட்டுள்ளது.
ஓராண்டாக: சிலை கடத்தல் வழக்குகளை விசாரித்து வரும் ஐ.ஜி.பொன் மாணிக்கவேல், கடந்த ஓராண்டாக அரசுக்கு எந்தவொரு அறிக்கையும் அளிக்கவில்லை. மேலும் காவல் துறை டி.ஜி.பி நடத்தும் ஆய்வு கூட்டங்களிலும் அவர் பங்கேற்பதில்லை. பலமுறை அரசு கேட்டும்கூட அவர் தான் மேற்கொண்ட விசாரணைகள் குறித்த விவரங்களை இதுவரை அளிக்கவில்லை. இதுவரை நடத்தப்பட்டுள்ள புலன்விசாரணையில் 113 வழக்குகள் நிலுவையில் உள்ளன. இந்த வழக்குகளின் ஆவணங்கள் மத்திய அரசுக்கு அனுப்பி வைக்கப்பட்டு, அதன் பதிலுக்காகக் காத்திருக்கிறோம். 
கொள்கை முடிவில்: எனவே, அரசின் கொள்கை முடிவில் நீதிமன்றம் தலையிட முடியாது. சிலை கடத்தல் தடுப்புப்பிரிவை கலைக்கும் எண்ணம் அரசுக்குக் கிடையாது என அந்தப் பதில் மனுவில் தெரிவிக்கப்பட்டிருந்தது. இதையடுத்து, மனுதாரர்கள் தரப்பில் பதிலளிக்க உத்தரவிட்டு விசாரணையை அடுத்த வாரத்துக்கு நீதிபதிகள் ஒத்திவைத்தனர்.
 

]]>
http://www.dinamani.com/tamilnadu/2018/aug/17/சிலை-கடத்தல்-வழக்கு-தமிழக-அரசு-பதில்-மனு-தாக்கல்-2981878.html
2981877 தமிழ்நாடு தகுதி நீக்கம் செய்ய பேரவைத் தலைவருக்கு அதிகாரம் இல்லை: 18 எம்.எல்.ஏ.க்கள் சார்பில் முறையீடு DIN DIN Friday, August 17, 2018 01:30 AM +0530
தேர்தல் ஆணையம் அதிமுகவை முடக்கி பிறப்பித்திருந்த உத்தரவு நிலுவையில் இருந்த போது அந்த உத்தரவை மீறி எம்.எல்.ஏக்களை தகுதி நீக்கம் செய்ய பேரவைத்தலைவருக்கு அதிகாரம் இல்லை என 18 எம்.எல்.ஏக்கள் தரப்பில் வாதங்கள் முன் வைக்கப்பட்டன.
டிடிவி தினகரன் தரப்பு ஆதரவு எம்.எல்.ஏக்கள் 18 பேர் தகுதி நீக்கம் செய்யப்பட்டதை எதிர்த்து தொடரப்பட்ட வழக்கு நீதிபதி எம்.சத்தியநாராயணன் முன் விசாரணைக்கு வந்தது. இந்த வழக்கில் தகுதிநீக்கம் செய்யப்பட்ட எம்.எல்.ஏ.-க்கள் சார்பில் ஆஜரான மூத்த வழக்குரைஞர்கள் வாதம் நிறைவடைந்த நிலையில், பேரவைத் தலைவர் சார்பில் ஆஜரான மூத்த வழக்குரைஞர் ஆர்யமா சுந்தரம், தமிழக முதல்வர் தரப்பில் ஆஜரான மூத்த வழக்குரைஞர் சி.எஸ்.வைத்தியநாதன், அரசு கொறடா தரப்பில் ஆஜரான மூத்த வழக்குரைஞர் முகுல் ரோஹ்தகி ஆகியோர் தங்கள் தரப்பு வாதங்களை முன்வைத்தனர். இதனைத் தொடர்ந்து 18 எம்.எல்.ஏக்கள் தரப்பில் பதில் வாதம் செய்ய நீதிபதி உத்தரவிட்டிருந்தார்.
நோக்கம் என்ன?: இந்த நிலையில், தகுதி நீக்கம் செய்யப்பட்ட எம்.எல்.ஏ.-க்கள் சார்பில் ஆஜரான மூத்த வழக்குரைஞர், மோகன் பராசரனின் வாதம்: இந்திய தேர்தல் ஆணையருக்கு சட்டப்பேரவைத் தலைவரை விட அதிகமான அதிகாரம் உள்ளது. இந்த நிலையில், அதிமுவை முடக்கி இந்தியத் தேர்தல் ஆணையம் பிறப்பித்திருந்த உத்தரவு நிலுவையில் இருந்தபோது, அந்த உத்தரவையும் மீறி எம்.எல்.ஏ.-க்களை தகுதி நீக்கம் செய்ய பேரவைத் தலைவருக்கு அதிகாரம் இல்லை.
ஆட்சியைக் கவிழ்க்கும் எண்ணம் இல்லை: தேர்தல் ஆணையத்தில் ஒரு வழக்கு நிலுவையில் இருக்கும் போது அதில் நீதிமன்றம் கூட தலையிட முடியாது. முதல்வரை மாற்றக் கோரி தான் எம்.எல்.ஏக்கள் 18 பேரும் கோரிக்கை விடுத்தனரே தவிர, ஆட்சியைக் கவிழ்க்க வேண்டும் என்ற எண்ணமோ, உள்நோக்கமோ அவர்களுக்கு இல்லை என வாதிட்டார். இதனையடுத்து விசாரணையை நீதிபதி ஒத்திவைத்து உத்தரவிட்டார்.
 

]]>
http://www.dinamani.com/tamilnadu/2018/aug/17/தகுதி-நீக்கம்-செய்ய-பேரவைத்-தலைவருக்கு-அதிகாரம்-இல்லை-18-எம்எல்ஏக்கள்-சார்பில்-முறையீடு-2981877.html
2981873 தமிழ்நாடு ராகுல் பாதுகாப்பு விவகாரம்: மத்திய, மாநில அரசுகளுக்கு நோட்டீஸ் DIN DIN Friday, August 17, 2018 01:29 AM +0530
மறைந்த திமுக தலைவர் கருணாநிதியின் உடலுக்கு அஞ்சலி செலுத்த சென்னை வந்த, காங்கிரஸ் கட்சித் தலைவர் ராகுல் காந்திக்கு வழங்கப்பட்ட பாதுகாப்பு குறைபாடு விவகாரம் தொடர்பாக தொடரப்பட்ட வழக்கில், மத்திய, மாநில அரசுகள் பதிலளிக்க நோட்டீஸ் பிறப்பித்து, சென்னை உயர் நீதிமன்றம் உத்தரவிட்டுள்ளது.
இதுதொடர்பாக வழக்குரைஞர் ஏ.பி.சூரியபிரகாசம் உயர் நீதிமன்றத்தில் தாக்கல் செய்த மனுவில், திமுக தலைவர் கருணாநிதி கடந்த ஆகஸ்ட் 7 -ஆம் தேதி காலமானார். பொதுமக்கள் அஞ்சலிக்காக அவரது உடல் ராஜாஜி அரங்கில் வைக்கப்பட்டிருந்தது. அவரது உடலுக்கு தேசிய கட்சிகளின் தலைவர்கள், பல்வேறு மாநில முதல்வர்கள் அஞ்சலி செலுத்தினர். கருணாநிதியின் உடலுக்கு அஞ்சலி செலுத்த காங்கிரஸ் கட்சியின் தலைவர் ராகுல் காந்தி வந்தபோது அவருக்கு உரிய பாதுகாப்பு வழங்கப்படவில்லை. போலீஸாரின் கவனக் குறைபாட்டால், அவருக்கு வழங்கப்பட்ட பாதுகாப்பில் பெரும் குளறுபடி ஏற்பட்டது. ராகுல் காந்திக்கு எஸ்பிஜி எனப்படும் சிறப்பு பாதுகாப்பு வழங்கப்பட்டு வருகிறது.
தேசிய அளவிலான தலைவர்களுக்கு வழங்கப்படும் பாதுகாப்பில் குறைபாடு ஏற்பட்டால் அது பெரும் ஆபத்தை உண்டாக்க நேரிடும். எனவே, ராகுல் காந்திக்கு பாதுகாப்பு குறைபாடு ஏற்படுத்திய அதிகாரிகள் மீது நடவடிக்கை எடுக்க மத்திய, மாநில அரசுகளுக்கு உத்தரவிட வேண்டும்.
பாதுகாப்பு குறைபாடு குறித்து நீதி விசாரணைக்கு உத்தரவிட வேண்டும், கருணாநிதியின் உடலுக்கு அஞ்சலி செலுத்த வந்தபோது, கூட்ட நெரிசலில் சிக்க உயிரிழந்தவர்களின் குடும்பத்துக்கு தலா ரூ.20 லட்சம் இழப்பீடு வழங்க வேண்டும்' எனக் கோரியிருந்தார்.
இந்த மனு நீதிபதிகள் எஸ்.மணிக்குமார், சுப்ரமணியம் பிரசாத் ஆகியோர் அடங்கிய அமர்வு முன் விசாரணைக்கு வந்தது. வழக்கை விசாரித்த நீதிபதிகள், இதுதொடர்பாக மத்திய, மாநில அரசுகள் பதிலளிக்க நோட்டீஸ் பிறப்பித்து உத்தரவிட்டு, விசாரணையை வரும் செப்டம்பர் 14 -ஆம் தேதிக்கு ஒத்திவைத்தனர்.
 

]]>
http://images.dinamani.com/uploads/user/imagelibrary/2018/5/29/w600X390/MadrasHighCourt.jpg http://www.dinamani.com/tamilnadu/2018/aug/17/ராகுல்-பாதுகாப்பு-விவகாரம்-மத்திய-மாநில-அரசுகளுக்கு-நோட்டீஸ்-2981873.html
2981869 தமிழ்நாடு கேரள வெள்ளப் பாதிப்பு: விஷால் ரூ.10 லட்சம் நிவாரண நிதி DIN DIN Friday, August 17, 2018 01:27 AM +0530
கேரள வெள்ளப் பாதிப்புக்கு நடிகர் விஷால் ரூ. 10 லட்சம் நிதியுதவி அளித்துள்ளார்.
தொடர்மழை காரணமாக ஏற்பட்டுள்ள வெள்ளப் பெருக்கால் கேரள மாநிலத்தின் பல்வேறு மாவட்டங்கள் கடுமையான பாதிப்பைச் சந்தித்துள்ளன. 50-க்கும் மேற்பட்டோர் உயிரிழந்துள்ள நிலையில், பலர் வீடுகளை இழந்துள்ளனர். வரலாறு காணாத இயற்கைச் சீற்றத்தை சந்தித்து வரும் கேரள மக்களுக்கு தமிழ்த் திரை உலகம் உதவி வருகிறது.
தென்னிந்திய நடிகர் சங்கம், நடிகர்கள் கமல், சூர்யா, கார்த்தி, நடிகை ரோஹிணி ஆகியோர் ஏற்கெனவே நிதியுதவி அளித்துள்ளனர். இந்த நிலையில், தமிழ்த் திரைப்படத் தயாரிப்பாளர் சங்க தலைவரும், நடிகர் சங்கப் பொதுச் செயலாளருமான நடிகர் விஷால், கேரள முதல்வரின் வெள்ள நிவாரண நிதிக்கு ரூ.10 லட்சம் அளித்துள்ளார். மேலும், திரைத் துறையினரும், ரசிகர்களும் கேரள மக்களுக்கு முடிந்த உதவிகளைச் செய்ய வேண்டும் என்றும் அவர் கேட்டுக் கொண்டுள்ளார்.

]]>
http://images.dinamani.com/uploads/user/imagelibrary/2018/4/19/w600X390/Vishal.jpg http://www.dinamani.com/tamilnadu/2018/aug/17/கேரள-வெள்ளப்-பாதிப்பு-விஷால்-ரூ10-லட்சம்-நிவாரண-நிதி-2981869.html
2981867 தமிழ்நாடு மத்திய அமைச்சர் பங்கேற்கும் இலக்கிய கருத்தரங்கம்: புதுவை அரசின் நிலைப்பாட்டை முதல்வர் தெரிவிக்க வேண்டும் DIN DIN Friday, August 17, 2018 01:27 AM +0530
மத்திய அமைச்சர் பங்கேற்கும் இலக்கியக் கருத்தரங்கத்துக்கு எதிர்ப்பு வலுத்துள்ள நிலையில், புதுவை அரசு, காங்கிரஸ் கட்சியின் நிலைப்பாட்டை முதல்வர் நாராயணசாமி விளக்க வேண்டும் என்று எழுத்தாளர் ரவிக்குமார் கேட்டுக் கொண்டார்.
புதுச்சேரி அலையன்ஸ் பிரான்ஸிஸ் அமைப்பு சார்பில், "தி பாண்டி லிட் பெஸ்ட்' என்ற தலைப்பில் 3 நாள்கள் இலக்கிய மாநாடு புதுச்சேரியில் வெள்ளிக்கிழமை (ஆக. 17) மாலை தொடங்குகிறது.
மத்திய ஜவுளித் துறை அமைச்சர் ஸ்மிருதி இரானி பங்கேற்று விழாவைத் தொடங்கிவைக்கிறார். நிகழ்ச்சியில் துணைநிலை ஆளுநர் கிரண் பேடி, முதல்வர் நாராயணசாமி மற்றும் பலர் கலந்து கொள்கின்றனர். நாடு முழுவதிலும் இருந்து 80-க்கும் மேற்பட்ட அறிவியல், வரலாறு, கலை, ஆங்கிலம் உள்ளிட்ட பல்வேறு துறை நூலாசிரியர்கள் பங்கேற்று உரையாற்ற உள்ளனர்.
கருத்தரங்கில் வலதுசாரி சிந்தனையாளர்களை பங்கேற்கச் செய்வதாகக் குற்றஞ்சாட்டி, இந்திய கம்யூனிஸ்ட், மார்க்சிஸ்ட் கம்யூனிஸ்ட் கட்சி, விடுதலைச் சிறுத்தைகள், இந்திய கம்யூனிஸ்ட் (எம். எல்), திராவிடர் கழகம் ஆகியவை போராட்டம் நடத்தப் போவதாக அறிவித்துள்ளன. இந்த நிலையில், எழுத்தாளர்கள் இந்த நிகழ்ச்சிக்கு எதிர்ப்புத் தெரிவித்துள்ளனர்.
பிரபல எழுத்தாளர்களான கி. ராஜநாராயணன், பா. செயபிரகாசம், ரவிக்குமார், மாலதி மைத்ரி உள்படப் பலர் விழாவைப் புறக்கணிக்க வலியுறுத்தியுள்ளனர்.
இதுதொடர்பாக எழுத்தாளர் ரவிக்குமார் செய்தியாளர்களிடம் கூறியதாவது:
புதுச்சேரியைச் சேர்ந்த எழுத்தாளர்கள் இந்த மாநாட்டில் பங்கேற்பதில்லை என்று தெரிவித்துள்ளனர்.
அரசியலமைப்புச் சட்டத்துக்கு எதிராக ஆளுநர் மாளிகை இந்த நிகழ்ச்சியை ஒருங்கிணைப்பதால் கிரண் பேடி பகிரங்க மன்னிப்பு கோர வேண்டும்.
முதல்வரிடம் நேரடியாகச் சென்று இந்த நிகழ்ச்சி தொடர்பாகத் தெரிவித்துள்ளோம். அவர், தனது நிலைப்பாட்டையும், மாநில அரசு மற்றும் காங்கிரஸ் கட்சியின் நிலைப்பாட்டையும் தெரிவிக்க வேண்டும்.
வகுப்புவாத சக்திகளுக்கு எதிராக காங்கிரஸ் தலைமை செயல்படும் சூழலில், இந்த நிகழ்ச்சி தொடர்பாக புதுவை பிரதேச காங்கிரஸ் கருத்து தெரிவிக்காதது வருத்தம் அளிக்கிறது என்றார் அவர்.
 

]]>
http://www.dinamani.com/tamilnadu/2018/aug/17/மத்திய-அமைச்சர்-பங்கேற்கும்-இலக்கிய-கருத்தரங்கம்-புதுவை-அரசின்-நிலைப்பாட்டை-முதல்வர்-தெரிவிக்க-வேண்-2981867.html
2981864 தமிழ்நாடு சிலை கடத்தல் தடுப்புப் பிரிவு தொடர்ந்து செயல்படும்: அமைச்சர் க.பாண்டியராஜன் DIN DIN Friday, August 17, 2018 01:26 AM +0530
தமிழகத்தில் சிலை கடத்தல் தடுப்புப் பிரிவு தொடர்ந்து செயல்படும். அந்தப் பிரிவை தமிழக அரசு மூடவில்லை என்று தமிழ் வளர்ச்சித் துறை அமைச்சர் க.பாண்டியராஜன் கூறினார்.
இதுகுறித்து சென்னையில் வியாழக்கிழமை அவர் அளித்த பேட்டி:
தமிழகத்தில் கடத்தப்பட்ட சிலைகளை மீட்கும் பணிகளில் எந்தத் தொய்வும் ஏற்படாது. இதுவரை மீட்கப்பட்ட சிலைகள் அனைத்தும் சிலை கடத்தல் தடுப்புப் பிரிவின் கண்காணிப்பில் உள்ளன. சிலைகளை அந்தந்த கோயில்களில் கொண்டு சேர்ப்பது தொடர்பாக நீதிமன்ற உத்தரவுக்கு காத்திருக்கிறோம்.
கடத்தப்பட்டுள்ள பிற சிலைகளை மீட்பதற்காக சிலை கடத்தல் தடுப்புப் பிரிவு தொடர்ந்து செயல்படும். அந்தப் பிரிவை தமிழக அரசு மூடவில்லை. எனவே, அந்தத் துறையின் பணிகளில் எந்தவித தொய்வும் ஏற்படாது. அதில் ஐ.ஜி. பொன். மாணிக்கவேல் நீடிப்பாரா என்பது குறித்து கருத்து தெரிவிக்க முடியாது.
சிலை கடத்தல் தடுப்புப் பிரிவின் ஒரு சில வழக்குகள் மட்டுமே சிபிஐ விசாரணைக்கு மாற்றப்படுகிறது. அது குறித்து நீதிமன்றத்திலும் விளக்கம் அளித்துள்ளோம். 
இது தொடர்பான சில வழிமுறைகளை நீதிமன்றம் வழங்கியுள்ளது. சிலைகள் கடத்தப்பட்டது யார் ஆட்சியிலும் நடந்திருக்கலாம். ஆனால், கடத்தப்பட்ட சிலைகள் அதிமுக ஆட்சியில் தான் மீட்கப்பட்டு வருகின்றன என்றார் அவர்.
 

]]>
http://images.dinamani.com/uploads/user/imagelibrary/2018/6/14/w600X390/mafa-pandiyarajan.jpg http://www.dinamani.com/tamilnadu/2018/aug/17/சிலை-கடத்தல்-தடுப்புப்-பிரிவு-தொடர்ந்து-செயல்படும்-அமைச்சர்-கபாண்டியராஜன்-2981864.html
2981858 தமிழ்நாடு வாஜ்பாய் மறைவு: புதுவையில் இன்று விடுமுறை DIN DIN Friday, August 17, 2018 01:24 AM +0530 முன்னாள் பிரதமர் வாஜ்பாய் மறைவையொட்டி, புதுவையில் வெள்ளிக்கிழமை பொதுவிடுமுறை அறிவிக்கப்பட்டுள்ளது.
புதுவை அரசு சார்பில் 7 நாள்கள் துக்கம் கடைப்பிடிக்கப்படுகிறது. புதுவை மாநிலத்தில் வெள்ளிக்கிழமை (ஆக.17) அரசு விடுமுறை அறிவிக்கப்பட்டுள்ளது. இது குறித்து முதல்வர் நாராயணசாமி கூறும்போது, முன்னாள் பிரதமர் வாஜ்பாய் மறைவையொட்டி, மத்திய அரசை பின்பற்றி புதுவையில் 7 நாள்கள் துக்கம் கடைப்பிடிக்கப்படுகிறது. மேலும், புதுவை மாநிலம் முழுவதும் வெள்ளிக்கிழமை (ஆக.17) அரசு விடுமுறை விடப்படுகிறது என்றார்.

]]>
http://www.dinamani.com/tamilnadu/2018/aug/17/வாஜ்பாய்-மறைவு-புதுவையில்-இன்று-விடுமுறை-2981858.html
2981856 தமிழ்நாடு குரூப் 2ஏ தேர்வு: 27-இல் சான்றிதழ் சரிபார்ப்பு DIN DIN Friday, August 17, 2018 01:24 AM +0530
குரூப் 2ஏ தேர்வில் தேர்ச்சி பெற்றோருக்கான சான்றிதழ் சரிபார்ப்பு வரும் 27 -ஆம் தேதி நடைபெறும் என்று தமிழ்நாடு அரசுப் பணியாளர் தேர்வாணையம் (டிஎன்பிஎஸ்சி) அறிவித்துள்ளது.
இதுகுறித்து டிஎன்பிஎஸ்சி தேர்வுக் கட்டுப்பாட்டு அலுவலர் ஆர்.சுதன் வியாழக்கிழமை வெளியிட்ட அறிவிப்பு: குரூப் 2ஏ தேர்வுக்கான அறிவிக்கை கடந்த ஆண்டு ஏப்ரலில் வெளியிடப்பட்டு, எழுத்துத் தேர்வு ஆகஸ்ட் மாதம் நடைபெற்றது. தேர்வு முடிவுகள் கடந்த மார்ச் மாதம் வெளியானது. தேர்ச்சி பெற்றோரின் விவரங்கள் தேர்வாணைய இணையதளத்தில் வெளியிடப்பட்ட நிலையில், அவர்களது மூலச் சான்றிதழ் சரிபார்ப்பு மற்றும் கலந்தாய்வு ஆகிய நடைமுறைகள் சென்னையில் உள்ள தேர்வாணைய அலுவலகத்தில் வரும் 27 -ஆம் தேதி நடைபெறும். 
விண்ணப்பதாரர்கள் சான்றிதழ் சரிபார்ப்பு மற்றும் கலந்தாய்வுக்கு வரத் தவறினால் அவர்களுக்கு மறுவாய்ப்பு அளிக்கப்படமாட்டாது என்று தேர்வுக் கட்டுப்பாட்டு அலுவலர் சுதன்
தெரிவித்துள்ளார்.
 

]]>
http://www.dinamani.com/tamilnadu/2018/aug/17/குரூப்-2ஏ-தேர்வு-27-இல்-சான்றிதழ்-சரிபார்ப்பு-2981856.html
2981779 தமிழ்நாடு திருப்பத்தூர் அருகே சித்திரங்கள் நிரம்பிய 2 நடுகற்கள் கண்டெடுப்பு DIN DIN Friday, August 17, 2018 01:00 AM +0530
திருப்பத்தூர் அருகே நத்தம் கிராமத்தில் சித்திரங்கள் நிரம்பிய 2 நடுகற்கள் கண்டெடுக்கப்பட்டுள்ளன.
திருப்பத்தூர் தூயநெஞ்சக் கல்லூரியின் தமிழ்த் துறைப் பேராசிரியர்கள் க.மோகன் காந்தி, வீரராகவன், காணிநிலம் மு.முனிசாமி மற்றும் சமூக ஆர்வலர் ஜானகிராமன் ஆகியோர் திருப்பத்தூ ரை அடுத்த நத்தம் கிராமத்தில் மேற்கொண்ட கள ஆய்வின்போது, பழைமையான 2 நடுகற்களைக் கண்டறிந்துள்ளனர்.
இதுகுறித்து பேராசிரியர் க.மோகன்காந்தி கூறியதாவது: 
திருப்பத்தூரிலிருந்து தருமபுரி செல்லும் வழியில் 15-ஆவது கி.மீ. தொலைவில் உள்ள நத்தம் கிராமத்தில் ஒய்சாளர் காலத்தைச் சேர்ந்த கி.பி 13-ஆம் நூற்றாண்டில் போரில் வீரமரணம் அடைந்த வீரர்களுக்கு எடுக்கப்பட்ட 2 நடுகற்கள் கண்டெடுக்கப்பட்டுள்ளன. இந்த நடுகற்கள் இரண்டும் வேப்ப மரம் சாய்ந்த காரணத்தால் உடைந்த நிலையில் நிலத்தில் படுக்கவைக்கப்பட்டுள்ளன. 2 நடுகற்களும் 6 அடி உயரத்தில் 5 அடி அகலத்துடன் உள்ளன. இந்த 2 நடுகற்களிலும் வீரமரணம் அடைந்த வீரனோடு அழகான பல சிற்பங்கள் செதுக்கப்பட்டுள்ளன. 
முதல் நடுகல் 6 அடி வட்ட வடிவ கல்லில் வலது பக்கக் கொண்டையுடன் வலது கையை மார்பில் வைத்த நிலையிலும், இடது கை உடைந்த நிலையிலும் காட்சித் தருகிறது. இடையில் குறுவாள் உள்ளது. வீரனின் இடது கால் செதுக்கப்பட்டுள்ள கல் உடைந்த நிலையில் காணப்படுகிறது.
நடுகல்லில் மேற்பகுதியில் 3 பெண்கள் விளையாடும் காட்சி சித்தரிக்கப்பட்டுள்ளது. கல்லின் வலது பக்க ஓரத்தில் 2 பணிப் பெண்கள் பல்லக்கைத் தூக்கிச் செல்கின்றனர். அதற்கு கீழே குதிரை உருவம் பொறிக்கப்பட்டுள்ளது. 
அதற்கும் கீழே பல்லக்கில் அரசி அமர்ந்துள்ளார். அரசியை வணங்கிய நிலையில் பணிப்பெண் ஒருவர் நிற்கிறார். அதற்கும் கீழாக மத்தளத்தை ஒரு பெண் கொட்ட, நாகசுரத்தை ஒரு பெண் ஊதும் காட்சி இடம்பெற்றுள்ளது. இக்காட்சி ஒய்சாளர் காலத்தில் இசைக் கலை மேம்பட்டிருந்ததையும், தமிழக இசைக் கலைஞர்கள் மதிப்புடன் போற்றப்பட்ட செய்தியையும் எடுத்துக்காட்டுகின்றது. 
மேலும், வலது கைப்பக்கத்தில் ஒரு மனித உருவமும், வலது கால்பக்கம் 3 மனித சிறு உருவங்களும் உள்ளன.
2-ஆவது நடுகல் 6 அடி உயரமும், 5 அடி அகலமும் உள்ளது. இக்கல்லில் வீரன் வலது பக்கம் கொண்டையிட்டு, இடது கையில் வில்லுடன் காட்சி தருகிறான். இடையில் குறுவாள் உள்ளது. அணிந்திருக்கும் ஆடை வடிவமைப்பு அழகாக சித்தரிக்கப்பட்டுள்ளது. வலது கால் அருகில் பெண் ஒருவர் அமர்ந்த நிலையில் தவக்கோலத்தில் உள்ளார். அவரை ஒருவர் வணங்கும் நிலையில் நின்று கொண்டிருக்கிறார். அதற்கும் சற்று மேலாக குதிரை உருவம் உள்ளது. குதிரைக்கு அருகே மனித உருவம் ஒன்று உள்ளது. இவ்வாறாக இந்த இரு நடுகற்களும் கி.பி. 13-ஆம் நூற்றாண்டில் போரின் போது, குதிரை, இசைக் கலைஞர்கள் வீரர்களோடு இடம்பெற்றிருக்கும் காட்சி பண்டைத் தமிழரின் சிறப்புகளை எடுத்துரைக்கின்றன. இந்த நடுகற்களை இவ்வூர் மக்கள் வேடியப்பன் என்று அழைக்கின்றனர் என்றார் அவர்.


 

]]>
http://images.dinamani.com/uploads/user/imagelibrary/2018/8/17/w600X390/stone.JPG திருப்பத்தூர் அருகே கண்டெடுக்கப்பட்ட நடுகற்கள். http://www.dinamani.com/tamilnadu/2018/aug/17/திருப்பத்தூர்-அருகே-சித்திரங்கள்-நிரம்பிய-2-நடுகற்கள்-கண்டெடுப்பு-2981779.html
2981756 தமிழ்நாடு வாஜ்பாய் மறைவு மனவருத்தத்தை ஏற்படுத்தியுள்ளது: நடிகர் ரஜினிகாந்த் ட்வீட் DIN DIN Thursday, August 16, 2018 06:23 PM +0530  

முன்னாள் பிரதமர் அடல் பிகாரி வாஜ்பாய் உடல்நலக் குறைவு காரணமாக  தில்லி எய்ம்ஸ் மருத்துவமனையில் வியாழக்கிழமை மாலை 05.05 மணியளவில் காலமானார். அவருக்கு வயது 93. 

இந்நிலையில், நடிகர் ரஜினிகாந்த் வெளியிட்டுள்ள இரங்கல் செய்தியில் குறிப்பிட்டுள்ளதாவது:

மிகப்பெரிய ராஜ்ஜியத்தின் தலைவரான திரு.வாஜ்பாய் அவர்களின் மறைவு மனவருத்தத்தை ஏற்படுத்தியுள்ளது. அவரது ஆன்மா சாந்தியடைய வேண்டுகிறேன் என்று தனது ட்விட்டர் பக்கத்தில் பதிவிட்டுள்ளார்.

]]>
http://images.dinamani.com/uploads/user/imagelibrary/2018/6/7/w600X390/rajini_2017dec_1.jpg http://www.dinamani.com/tamilnadu/2018/aug/16/வாஜ்பாய்-மறைவு-மனவருத்தத்தை-ஏற்படுத்தியுள்ளது-நடிகர்-ரஜினிகாந்த்-ட்வீட்-2981756.html
2981746 தமிழ்நாடு ஜெயலலிதாவுக்கு சிகிச்சை அளித்த எய்ம்ஸ் மருத்துவர்கள் ஆஜராக ஆறுமுகசாமி ஆணையம் சம்மன்   DIN DIN Thursday, August 16, 2018 05:26 PM +0530  

சென்னை: ஜெயலலிதாவுக்கு சிகிச்சை அளித்த எய்ம்ஸ் மருத்துவர்கள் மூவர் ஆஜராக நீதிபதி ஆறுமுகசாமி ஆணையம் சம்மன் அனுப்பியுள்ளது.

மறைந்த தமிழக முதல்வர் ஜெயலலிதாவின் மரணத்தில் மர்மம் இருப்பதாக எழுந்த சந்தேகங்களை அடுத்து, ஓய்வு பெற்ற உயர் நீதிமன்ற நீதிபதி ஆறுமுகசாமி தலைமையில் ஒரு நபர் விசாரணை ஆணையம் அமைக்கப்பட்டது. இந்த ஆணையமானது ஜெயலலிதாவோடு தொடர்புடைய பல்வேறு தரப்பினருக்கும் சம்மன்கள் அனுப்பி விசாரித்து வருகிறது.

இந்நிலையில் ஜெயலலிதாவுக்கு சிகிச்சை அளித்த எய்ம்ஸ் மருத்துவர்கள் மூவர் ஆஜராக நீதிபதி ஆறுமுகசாமி ஆணையம் சம்மன் அனுப்பியுள்ளது.

எய்ம்ஸ் மருத்துவர்கள் கில்நானி, அஞ்சன் ட்ரிக்கா மற்றும் நிதிஷ் நாயக் ஆகிய மூவரும் ஆகஸ்ட் 23 மற்றும் 24 ஆகிய தேதிகளில் ஆஜராகுமாறு சம்மன் அனுப்பப்பட்டுள்ளது.

அதேசமயம் அப்பல்லோ மருத்துவர்களான அருள் செல்வன் மற்றும் ரவி குமார் ஆகிய இருவரும் ஆகஸ்ட் 20-ஆம் தேதியும், பாஸ்கர் மற்றும் செந்தில் வேலன் ஆகிய இருவரும் ஆகஸ்ட் 21-ஆம் தேதியும் மற்றும் அப்பல்லோ மருத்துவமனை தலைமை மருத்துவ அதிகாரி சுப்பையா ஆகஸ்ட் 24-ஆம் தேதியும் ஆஜராகுமாறு ஆறுமுகசாமி ஆணையம் சம்மன்களை அனுப்பியுள்ளது  

]]>
jayalalithaa, death, arumugasamy commission, enquiry, AIIMS, doctors, summons, ஜெயலலிதா, மரணம், மர்மம், ஆறுமுகசாமி ஆணையம், எய்ம்ஸ் மருத்துவர்கள், சம்மன் http://images.dinamani.com/uploads/user/imagelibrary/2016/12/4/w600X390/jayalalaithaa1.jpg http://www.dinamani.com/tamilnadu/2018/aug/16/ஜெயலலிதாவுக்கு-சிகிச்சை-அளித்த-எய்ம்ஸ்-மருத்துவர்கள்-ஆஜராக-ஆறுமுகசாமி-ஆணையம்-சம்மன்-2981746.html
2981742 தமிழ்நாடு கர்நாடகாவில் இருந்து தமிழகத்துக்கு காவிரியில் பாய்ந்து வரும் 2 லட்சம் கன அடி நீர்: மேலும் உயர வாய்ப்பு! DIN DIN Thursday, August 16, 2018 04:54 PM +0530
கர்நாடகாவில் காவிரியின் பிறப்பிடமான தலைக்காவிரி உள்ளிட்ட பகுதிகளில் பெய்து வரும் கன மழை காரணமாக காவிரியில் வெள்ளம் கரைபுரண்டு ஓடுகிறது.

கர்நாடக அணைகள் ஏற்கனவே நிரம்பிவிட்டதால், அணைக்கு வரும் நீர் முழுக்க உபரி நீராக காவிரியில் திறந்துவிடப்பட்டுள்ளது. தற்போது கர்நாடகாவில் இருந்து தமிழகத்துக்கு காவிரி ஆற்றில் வினாடிக்கு 2 லட்சம் கன அடி நீர் திறந்துவிடப்பட்டுள்ளது. இது 2.40 லட்சமாக உயரும் என்று கூறப்படுகிறது.

ஒகேனக்கல்லில் 20 அடி உயரத்துக்கு தண்ணீர் ஆர்ப்பறித்துக் கொண்டு கொட்டுகிறது. காவிரி கரையோரங்களில் வெள்ளம் கரைபுரண்டு ஓடுகிறது.

தமிழகத்தில் 11 மாவட்டங்களுக்கும் புதுச்சேரியில் காரைக்கால் மாவட்டத்துக்கும் வெள்ள அபாய எச்சரிக்கை விடுக்கப்பட்டுள்ளது. ஒரு சில வாரத்தில் காவிரி கரையோர பகுதிகளில் மத்திய நீர்வள ஆணையம் 4வது முறையாக வெள்ள அபாய எச்சரிக்கையை விடுத்துள்ளது.

மேட்டூர் அணையின் தற்போதைய நீர்மட்டம் 120.30 அடியாக உள்ளது. மேட்டூர் அணையில் இருந்து திறக்கப்படும் நீரின் அளவு 1.70 லட்சத்தில் இருந்து தற்போது 1,65,800 லட்சம் கன அடியாகக்  குறைக்கப்பட்டுள்ளது. மேட்டூர் அணைக்கு வினாடிக்கு 1,65,000 கன அடி நீர் வந்து கொண்டிருக்கிறது.

பவானி சாகர் அணை நிரம்பி பவானி ஆற்றில் வெள்ள நீர் திறந்துவிடப்பட்டிருப்பதால் ஈரோடு மாவட்டம் கொடிவேரி உள்ளிட்ட கிராமங்களில் வெள்ளம் பாய்ந்தது. பவானிசாகர் அணையில் இருந்து அதிகளவில் தண்ணீர் திறக்கப்பட்டதால் வேளாண் நிலங்களில் வெள்ளம் புகுந்துள்ளது. இதனால் தென்னை, வாழை போன்ற விளைபொருட்கள் வெள்ளத்தில் அழுகும் அபாயம் ஏற்பட்டுள்ளது.

நெல்லை மாவட்டம் பாபநாசம் அணையில் இருந்து 4000 கன அடி நீரும், சேர்வலாறு அணையில் இருந்து வினாடிக்கு 8,814 கன அடி நீரும் திறந்துவிடப்பட்டுள்ளது. அதே போல ராமநதி, கடனா நதியிலும் தலா 1000 கன அடி நீர் திறந்து விடப்பட்டுள்ளது.
 

]]>
http://images.dinamani.com/uploads/user/imagelibrary/2018/6/17/w600X390/hogenakkal-.jpg http://www.dinamani.com/tamilnadu/2018/aug/16/கர்நாடகாவில்-இருந்து-தமிழகத்துக்கு-காவிரியில்-பாய்ந்து-வரும்-2-லட்சம்-கன-அடி-நீர்-மேலும்-உயர-வாய்ப்-2981742.html