Dinamani - தற்போதைய செய்திகள் - http://www.dinamani.com/latest-news/sub-latest-news/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2647786 தற்போதைய செய்திகள் தற்போதைய செய்திகள் திருவண்ணாமலை எம்.பி வனரோஜா பன்னீர் செல்வத்துக்கு ஆதரவு DIN DIN Saturday, February 11, 2017 10:01 PM +0530 முதல்வர் பன்னீர்செல்வத்துக்கு திருவண்ணாமலை  அதிமுக எம்.பியான வனரோஜா நேரில் சென்று ஆதரவு அளித்தார். கிரீன்வேஸ் சாலையிலுள்ள முதல்வர் இல்லத்துக்கு வந்து பன்னீர்செல்வத்தை சந்தித்து தனது ஆதரவை தெரிவித்தார் பின்  அங்கிருந்த செய்தியாளர்களிடம்  பேசிய வனரோஜா தொகுதி மக்களின் எண்ணங்களுக்கு ஏற்ப முதல்வர் பன்னீர் செல்வத்துக்கு ஆதரவளிப்பதாக தெரிவித்தார்.
முதல்வர் பன்னீர்செல்வத்துக்கு இதுவரை மைத்ரேயன், அசோக்குமார், சத்யபாமா, உட்பட 5 எம்பிக்கள் ஆதரவு தெரிவித்துள்ளனர்.

]]>
http://images.dinamani.com/uploads/user/imagelibrary/2017/2/11/w600X390/vanaroja.jpg http://www.dinamani.com/latest-news/sub-latest-news/2017/feb/11/திருவண்ணாமலை-எம்பி-வனரோஜா-பன்னீர்-செல்வத்துக்கு-ஆதரவு-2647786.html
2634429 தற்போதைய செய்திகள் தற்போதைய செய்திகள் ஷீனா போரா கொலை வழக்கு: பீட்டர் முகர்ஜியை விவாகரத்து செய்கிறார் இந்திராணி DIN DIN Wednesday, January 18, 2017 01:18 PM +0530
மும்பை: ஷீனா போரா கொலை வழக்கில் அவரது தாயார் இந்திராணி முகர்ஜி, இந்திராணியின் கணவர் பீட்டர் முகர்ஜி, முன்னாள் கணவர் சஞ்சீவ் கன்னா ஆகியோர் மீது மும்பை சிபிஐ சிறப்பு நீதிமன்றத்தில் செவ்வாய்க்கிழமை குற்றச்சாட்டுகள் பதிவு செய்யப்பட்டன.

சிபிஐ நீதிமன்றத்தில் நேற்று ஆஜர்படுத்தப்பட்ட போது,  பீட்டர் முகர்ஜியை விவாகரத்து செய்வதற்காக குடும்ப நல நீதிமன்றத்தை நாட தாம் விரும்புவதாக சிபிஐ நீதிமன்றத்தில் இந்திராணி முகர்ஜி தெரிவித்தார். மேலும், தனது சொத்துகளை சமூக நல அறக்கட்டளைக்கு எழுதிவைக்கும் வகையில் உயிலை மாற்றி எழுத விரும்புவதாகவும் அதற்கு அனுமதி வேண்டும் என்றும் அவர் தெரிவித்தார்.

அப்போது நீதிபதி கூறுகையில், விவாகரத்து மனு தாக்கல் செய்வதற்கோ, உயிலை மாற்றி எழுதுவதற்கோ சிறப்பு நீதிமன்றத்தின் அனுமதி தேவையில்லை என்று குறிப்பிட்டார்.

மும்பையைச் சேர்ந்த தனியார் தொலைக்காட்சி நிறுவனத்தின் தலைமைச் செயல் அதிகாரியான பீட்டர் முகர்ஜியின் மனைவி இந்திராணி. அவரது முதல் கணவர் சித்தார்த்த தாஸ் மூலம் பிறந்த மகள் ஷீனா போரா. அவர் கடந்த 2012-ஆம் ஆண்டு ஏப்ரல் 24-ஆம் தேதி கொலை செய்யப்பட்டார். அவரது உடல் மகாராஷ்டிர மாநிலம், ராய்கட் மாவட்டத்தில் உள்ள வனப்பகுதியில் எரிக்கப்பட்டது.

இந்தக் கொலை வழக்கை முதலில் மகாராஷ்டிர காவல்துறை விசாரித்து வந்தது. பின்னர் இவ்வழக்கு சிபிஐக்கு மாற்றப்பட்டது. இது தொடர்பாக நடத்தப்பட்ட விசாரணையின் அடிப்படையில் ஷீனா போராவைக் கொன்றதாக அவரது தாயார் இந்திராணி முகர்ஜி கடந்த 2015-இல் கைது செய்யப்பட்டார்.

மேலும், இந்தக் கொலையில் அவருக்கு உடந்தையாக இருந்ததாக கணவர் பீட்டர் முகர்ஜி, இரண்டாவது கணவர் சஞ்சீவ் கன்னா, கார் ஓட்டுநர் ஷியாம்வர் ராய் ஆகியோரும் கைது செய்யப்பட்டனர். அவர்களில் ஷியாம்வர் ராய் அப்ரூவராக மாறி குற்றத்தை ஒப்புக் கொண்டார். இந்தக் கொலை எவ்வாறு நிகழ்த்தப்பட்டது என்பதை அவர் சிபிஐ-யிடம் விரிவாக எடுத்துக் கூறினார். அதாவது, இந்திராணியின் மகளான ஷீனா போராவுக்கு, தன் தாயின் மூன்றாவது கணவரான பீட்டர் முகர்ஜிக்கு முதல் மனைவி மூலம் பிறந்த மகனான ராகுலுடன் தொடர்பு ஏற்பட்டது. இந்த விவகாரத்தால் கோபமடைந்த இந்திராணி தன் சொந்த மகளையே கொலை செய்யத் திட்டமிட்டார்.

அதன்படி தன் கணவர் பீட்டர் முகர்ஜி, முன்னாள் கணவர் சஞ்சீவ் கன்னா, கார் ஓட்டுநர் ஷியாம்வர் ராய் ஆகியோருடன் இணைந்து கொலை செய்தார். பின்னர் ஷீனாவின் உடலை காரில் எடுத்துச் சென்று ராய்கட் மாவட்டத்தில் உள்ள வனப்பகுதியில் எரித்துவிட்டனர். இந்த விவரங்கள் அனைத்தையும் கார் ஓட்டுநர் ஷியாம்வர் ராய் சிபிஐ அதிகாரிகளிடம் தெரிவித்தார்.

இந்நிலையில், மும்பை சிபிஐ நீதிமன்றத்தில் நீதிபதி ஹெச்.எஸ்.மகாஜன் முன்னிலையில் இந்திராணி முகர்ஜி, பீட்டர் முகர்ஜி, சஞ்சீவ் கன்னா, ஷியாம்வர் ராய் ஆகியோர் மீது செவ்வாய்க்கிழமை குற்றச்சாட்டுகள் பதிவு செய்யப்பட்டன. அப்போது அவர்கள் அனைவரும் நீதிமன்றத்தில் ஆஜராகியிருந்தனர். அவர்களிடம் என்னென்ன சட்டப்பிரிவுகளின் கீழ் குற்றச்சாட்டுகள் பதிவு செய்யப்பட்டுள்ளன என்பது விளக்கப்பட்டது. அப்போது, தாங்கள் குற்றமிழைக்கவில்லை என்றும் விசாரணையை எதிர்கொள்வதாகவும் அவர்கள் தெரிவித்தனர். இந்திராணி உள்ளிட்டோர் மீது குற்றவியல் சதி, கொலை, குற்றம் தொடர்பாக தவறான தகவலைக் கொடுத்தது, ஆதாரங்களை அழித்தது ஆகிய குற்றச்சாட்டுகள் பதிவு செய்யப்பட்டுள்ளன.

இது தவிர, ஷீனா போராவுக்கு ஆதரவாகச் செயல்பட்ட அவரது சகோதரர் மைக்கேல் போராவைக் கொலை செய்ய முயற்சி மேற்கொண்டதாக இந்திராணி மற்றும் சஞ்சீவ் கன்னா மீது கொலை முயற்சிக்கான சட்டப் பிரிவின் கீழ் நீதிமன்றத்தில் குற்றச்சாட்டுகள் பதிவு செய்யப்பட்டன. அதைத் தொடர்ந்து, இவ்வழக்கில் அடுத்த மாதம் (பிப்ரவரி) 1-ஆம் தேதி முதல் விசாரணை தொடங்கும் என்று நீதிபதி அறிவித்தார்.

 

]]>
http://images.dinamani.com/uploads/user/imagelibrary/2017/1/18/w600X390/sheena.JPG http://www.dinamani.com/latest-news/sub-latest-news/2017/jan/18/ஷீனா-போரா-கொலை-வழக்கு-பீட்டர்-முகர்ஜியை-விவாகரத்து-செய்கிறார்-இந்திராணி-2634429.html
2631644 தற்போதைய செய்திகள் தற்போதைய செய்திகள் ஆசான் கல்லூரியில் தேசிய இளைஞர் தினக் கொண்டாட்டம் DIN DIN Thursday, January 12, 2017 11:19 PM +0530 சுவாமி விவேகானந்தரின் 154-ஆவது பிறந்த தினத்தையொட்டி,  சென்னையில் உள்ள ஆசான் நினைவு கலை மற்றும் அறிவியல் கல்லூரியில் பல்வேறு நிகழ்ச்சிகள் வியாழக்கிழமை (ஜன.12) நடைபெற்றன.
விவேகானந்தரின் பிறந்த நாள் விழாவை ஆசான் கல்லூரியின் நாட்டு நலப் பணித் திட்ட மாணவர்கள் முன்னெடுத்து சிறப்பாக நடத்தினர்.
விழாவை முன்னிட்டு ஏற்கெனவே நடத்தப்பட்ட கட்டுரைப் போட்டி, கவிதைப் போட்டி ஆகியவற்றில் வெற்றிப் பெற்றவர்களுக்கு பரிசுகளும், சான்றிதழ்களும் வழங்கப்பட்டன.
பரிசு, சான்றிதழ்கள் வழங்கும் நிகழ்ச்சிக்கு கல்லூரி முதல்வர் எஸ்.ராமநாதன் தலைமை வகித்தார்.
நாட்டு நலப்பணித் திட்ட அதிகாரியும், தமிழ் துறைத் தலைவருமான பொன்.ரமேஷ் குமார், நிகழ்ச்சிக்கு நன்றி உரை வழங்கினார்.
விவேகானந்தர் பிறந்த தினம் தேசிய இளைஞர் தினமாகக் கொண்டாடப்பட்டு வருவது குறிப்பிடத்தக்கது.
]]>
http://images.dinamani.com/uploads/user/imagelibrary/2017/1/12/w600X390/college.jpg http://www.dinamani.com/latest-news/sub-latest-news/2017/jan/12/ஆசான்-கல்லூரியில்-தேசிய-இளைஞர்-தினக்-கொண்டாட்டம்-2631644.html
2625976 தற்போதைய செய்திகள் தற்போதைய செய்திகள் இலங்கை அரசைக் கவிழ்க்க முடியுமா: ராஜபட்சவுக்கு ரணில் சவால்  DIN DIN Monday, January 2, 2017 07:37 PM +0530 இலங்கை அரசை முடிந்தால் கவிழ்த்துப் பார்க்கட்டும் என்று  ராஜபட்சவுக்கு அந்நாட்டுப் பிரதமர் ரணில் விக்ரமசிங்க சவால் விடுத்துள்ளார்.

தாம் வெளிநாட்டுச் சுற்றுப்பயணம் மேற்கொள்ளும் ஒரு வார காலத்தில் ராஜபட்ச அதை செய்து முடிக்கிறாரா? என்பதை பார்க்கலாம் என்றும் அவர் தெரிவித்துள்ளார்.

இலங்கை அதிபர் மைத்ரிபால சிறீசேனா தலைமையிலான அரசுக்கு எதிரான போராட்டங்களை அந்நாட்டு முன்னாள் அதிபர் ராஜபட்ச முன்னெடுத்து வருகிறார். இலங்கை விடுதலைக் கட்சியில் இருந்து ஓரங்கட்டப்பட்ட நிலையில், தற்போது மீண்டும் அரசியல் பிரவேசம் செய்ய இத்தகைய நடவடிக்கைகளில் ராஜபட்ச ஈடுபட்டு வருகிறார்.

குறிப்பாக, இலங்கை - சீனா இடையே மேற்கொள்ளப்பட்ட சிறப்புப் பொருளாதார மண்டல ஒப்பந்தத்தின் சில அம்சங்களுக்கு அவர் எதிர்ப்புத் தெரிவித்துள்ளார். இந்தத் திட்டத்துக்காக அம்பணத்தோட்டம் பகுதி மக்களிடம் இருந்து நிலம் கையகப்படுத்துவதற்கு எதிராக ராஜபட்ச போராட்டம் நடத்தி வருகிறார்.

இதுதொடர்பாக அண்மையில் கருத்து தெரிவித்த அவர், மைத்ரிபால சிறீசேனா தலைமையிலான அரசை நிகழாண்டுக்குள் கவிழ்க்கப் போவதாகக் கூறினார். இந்நிலையில், கொழும்பில் திங்கள்கிழமை (ஜன. 2) நடைபெற்ற நிகழ்ச்சியொன்றில் பங்கேற்ற இலங்கை பிரதமர் ரணில் விக்ரமசிங்க, இதுகுறித்து கூறியதாவது:

அம்பணத்தோட்டம் பகுதியில் பொருளாதார மண்டலம் அமைப்பதற்கான வரைவுத் திட்ட ஒப்பந்தத்தில் இலங்கையும், சீனாவும் கையொப்பமிட்டுள்ளன. அதுமட்டுமன்றி, இரு நாடுகளுக்கும் இடையேயான வரி விதிப்புச் சலுகை தொடர்பான ஒப்பந்தத்துக்கு தற்போது இறுதி வடிவம் கொடுக்கப்பட்டு வருகிறது. விரைவில் அதுவும் கையெழுத்தாகும்.

மீண்டும் அரசியலுக்கு வருவதற்காக ராஜபட்ச பல்வேறு கருத்துகளைத் தெரிவித்து வருகிறார். அடுத்த வாரம் சுவிட்சர்லாந்து நாட்டுக்கு 7 நாள் சுற்றுப்பயணம் மேற்கொள்ள உள்ளேன். அந்த அவகாசத்தை ராஜபட்சவுக்கு வழங்குகிறேன். அதற்குள் முடிந்தால் அவர் ஆட்சியைக் கலைத்துப் பார்க்கட்டும் என்றார் அவர்.

]]>
http://www.dinamani.com/latest-news/sub-latest-news/2017/jan/02/இலங்கை-அரசைக்-கவிழ்க்க-முடியுமா-ராஜபட்சவுக்கு-ரணில்-சவால்-2625976.html
2615883 தற்போதைய செய்திகள் தற்போதைய செய்திகள் கருணாநிதி மருத்துவமனையில் அனுமதி DIN DIN Friday, December 16, 2016 12:13 AM +0530 சளித்தொல்லை காரணமாக திமுக தலைவர் கருணாநிதி மருத்துவமனையில் அனுமதிக்கப்பட்டார்.
கடந்த டிசம்பர் 1-ஆம் தேதி ஊட்டச்சத்து மற்றும் நீர்ச்சத்து குறைப்பாட்டின் காரணமாக, சென்னையில் உள்ள காவேரி மருத்துவமனையில் அனுமதிக்கப்பட்டு ஒரு வாரத்துக்கும் மேலாக சிகிச்சை பெற்று வந்தார்.சிகிச்சையில் உடல்நிலையில் முன்னேற்றம் ஏற்பட்டதைத் தொடர்ந்து புதன்கிழமை (டிசம்பர் 7) இரவு 10 மணியளவில் அவர் வீடு திரும்பினார். எனினும், சிகிச்சை அளித்த மருத்துவர்களால் வீட்டில் ஓய்வு எடுக்க அறிவுறுத்தப்பட்டது.மேலும் அவரின் உடல் நிலையைத் தொடர்ந்து கண்காணிக்கும் பணியையும் காவேரி மருத்துவமனை பணியாளர்கள் அவர் வீட்டிலேயே மேற்கொள்வார்கள் என்றும் மருத்துவர்கள் சார்பில் கூறப்பட்டது.  இந்நிலையில் சளித்தொல்லை காரணமாக இன்று (டிசம்பர்15 ) இரவு 11.15 மணி அளவில் மீண்டும் காவேரி மருத்துவமனையில் அனுமதிக்கப்பட்டார்.

தொண்டை, நுரையீரல் தொற்று காரணமாக மருத்துவமனையில் அனுமதிக்கப்பட்டதாகவும், நோய் தொற்றை குணப்படுத்த மருத்துவர்கள் சிகிச்சையளித்துவருவதாகவும்  மருத்துவமனை சார்பில் தெரிவிக்கப்பட்டுள்ளது.

]]>
http://images.dinamani.com/uploads/user/imagelibrary/2016/5/13/8/w600X390/Karunanidhi.jpg http://www.dinamani.com/latest-news/sub-latest-news/2016/dec/15/கருணாநிதி-மருத்துவமனையில்-அனுமதி-2615883.html
2614699 தற்போதைய செய்திகள் தற்போதைய செய்திகள் சென்னை, காஞ்சிபுரம், திருவள்ளூர் மாவட்ட பள்ளி, கல்லூரிகளுக்கு நாளை விடுமுறை DIN DIN Tuesday, December 13, 2016 07:44 PM +0530 சென்னை: வர்தா புயல் சீற்றத்தை அடுத்து சீரமைப்பு பணிகள் நடைபெற்று வருவதால் கடுமையாக பாதிக்கப்பட்டுள்ள சென்னை, காஞ்சிபுரம் மற்றும் திருவள்ளூர் மாவட்டங்களில் உள்ள பள்ளி, கல்லூரிகளுக்கு நாளை விடுமுறை அளிக்கப்பட்டுள்ளது.  
சென்னையில் நேற்று கோரத் தாண்டவம் ஆடிய வர்தா புயல் சீற்றத்தால் நேற்று மதியம் 11 மணி முதல் இரவு 8 மணி வரை பலத்த காற்று வீசியது. இதன் காரணமாக, பல கட்டடங்களின் கண்ணாடி ஜன்னல்கள் பிய்த்தெறியப்பட்டன. மேற்கூரைகள் காற்றில் பறந்தன. ஆயிரக்கணக்கில் மரங்கள் வேரோடு சாய்ந்தது. வீடுகளில், சாலைகளில் நிறுத்தப்பட்டிருந்த ஆட்டோ, கார், வேன் போன்ற பல வாகனங்கள் மரங்கள் விழுந்ததால் நொறுங்கி சின்னாபின்மானது. மேலும் மரங்கள் கட்டடங்கள் மீது விழுந்ததில் சுற்றுச் சுவர்கள் இடிந்து விழுந்தன.வீடுகளில் இருந்த நீர்த்தேக்க தொட்டிகள், பழைய கட்டடங்கள் பலவும் பலத்த காற்றால் இடிந்து விழுந்தது.
192 கிலோமீட்டர் வேகத்தில் வீசிய கடுமையான சூறைக் காற்று காரணமாக 15 ஆயிரத்துக்கும் மேற்பட்ட மரங்கள் வேரோடு சாய்ந்தன. 2 ஆயிரத்துக்கும் மேற்பட்ட மின்கம்பங்கள், மின்கம்பிகள் அறுந்தும், மின்மாற்றிகள் முறிந்து விழுந்தன. கம்பங்கள் விழுந்ததில் கேபிள் டிவி ஒயர்களும் அறுந்து நகரின் பல பகுதிகளில் சாலைகள், கட்டடங்களில் தொங்கிக் கொண்டிருக்கின்றன. இதனால், மின்சார சேவை முற்றிலும் முடங்கியுள்ளது.
வார்தா புயல் சீற்றம் காரணமாக சென்னை, திருவள்ளூர், காஞ்சிபுரம் மாவட்டங்கள் முழுமையாக பாதிக்கப்பட்டுள்ளன. இதையடுத்து சீரமைப்பு பணிகள் போர்க்கால அடிப்படையில் பணிகள் நடைபெற்று வருகின்றன.
இதையடுத்து சென்னை, திருவள்ளூர், காஞ்சிபுரம் மாவட்ட பள்ளி, கல்லூரிகளுக்கு நாளை விடுமுறை அறிவித்து உத்தரவிடப்பட்டுள்ளது. இதற்கான உத்தரவை தமிழக கல்வித்துறை அமைச்சர் மஃபா பாண்டியராஜன் தெரிவித்துள்ளார்.

]]>
http://images.dinamani.com/uploads/user/imagelibrary/2016/12/13/w600X390/download.jpg http://www.dinamani.com/latest-news/sub-latest-news/2016/dec/13/சென்னை-காஞ்சிபுரம்-திருவள்ளூர்-மாவட்ட-பள்ளி-கல்லூரிகளுக்கு-நாளை-விடுமுறை-2614699.html
2614697 தற்போதைய செய்திகள் தற்போதைய செய்திகள் பாலாற்றில் வெள்ளம்: 5 பேரை மீட்கும் பணி தீவிரம் DIN DIN Tuesday, December 13, 2016 06:53 PM +0530 மதுராந்தகம் அருகே பாலாற்றில் இன்று திடீர் வெள்ளப்பெருக்கு ஏற்பட்டது. இதில், ஆடு, மாடுகளை மேய்க்கச் சென்ற 70 வயது மூதாட்டி உள்பட 5 பேர் சிக்கிக் கொண்டனர். அவர்களை மீட்கும் பணியில் பேரிடர் மேலாண்மை குழுவினர், தீயணைப்பு படையினர் ஈடுபட்டுள்ளனர்.

இந்நிலையில், இன்று காலை வழக்கம்போல், ஆடு, மாடுகளை ஆற்றின் கரையோரம் மேய்க்கச் சென்றனர். அப்போது, பலத்த மழை காரணமாக செங்கல்பட்டு, அதனைச் சுற்றியுள்ள பகுதிகளில் பெய்த மழைநீர் கால்வாய்களின் வழியாக பாலாற்றின் இரு கரைகளை தொட்டபடி வெள்ளம் பெருக்கெடுது சென்றது.

இதில், சுமார் 20-க்கும் மேற்பட்ட ஆடுகளும், மாடுகளும் வெள்ளத்தில் அடித்துச் செல்லப்பட்டன. இதனைக் கண்ட பூதூர், எல்.என்.புரம் கிராமங்களைச் சேர்ந்த திலீப்குமார் (28), வினோத் (26), மதன் (26), சிலம்பரசன் (27), முனியம்மாள் (70) ஆகியோர் தங்களின் ஆடு, மாடுகளை காப்பாற்ற முயன்றனர்.

இதற்கிடையே, மாமல்லபுரத்தில் இருந்து இயந்திர படகு கொண்டு வந்தோ அல்லது ஹெலிகாப்டர் மூலமோ அவர்களை மீட்பதற்கு ஆலோசிக்கப்பட்டது. இதனால் பூதூர், எல்.என்.புரம் உள்ளிட்ட கிராம மக்கள் பதற்றத்தில் உள்ளனர்.

 

]]>
http://www.dinamani.com/latest-news/sub-latest-news/2016/dec/13/பாலாற்றில்-வெள்ளம்-5-பேரை-மீட்கும்-பணி-தீவிரம்-2614697.html
2614696 தற்போதைய செய்திகள் தற்போதைய செய்திகள் திருமலையில் தங்க மற்றும் வெள்ளி டாலரின் விலை குறைப்பு DIN DIN Tuesday, December 13, 2016 06:41 PM +0530 திருமலையில் தங்க டாலர்களின் விலை சற்று குறைந்தது. திருமலை திருப்பதி தேவஸ்தானம் ஏழுமலையான், பத்மாவதி தாயார் உருவம் பொறித்த 10 கிராம், 5 கிராம், 2 கிராம் தங்கம், வெள்ளி மற்றும் செப்பு டாலர்களை விற்று வருகிறது. இந்நிலையில் தங்கம், வெள்ளியின் சந்தை விலை குறைந்ததை அடுத்து டாலர்களின் விலை குறைந்துள்ளது.

 

 

]]>
http://www.dinamani.com/latest-news/sub-latest-news/2016/dec/13/திருமலையில்-தங்க-மற்றும்-வெள்ளி-டாலரின்-விலை-குறைப்பு-2614696.html
2614695 தற்போதைய செய்திகள் தற்போதைய செய்திகள் புயலால் பாதிக்கப்பட்டோருக்கு திமுக துணை நிற்கும்: மு.க.ஸ்டாலின் DIN DIN Tuesday, December 13, 2016 06:12 PM +0530 புயலால் பாதிக்கப்பட்ட மக்களுக்கு திமுக துணை நிற்கும் என்று அக் கட்சியின் பொருளாளர் மு.க.ஸ்டாலின் கூறியுள்ளார்.

இது தொடர்பாக செவ்வாய்க்கிழமை அவர் வெளியிட்ட அறிக்கை:

வர்தா புயல் சென்னை உள்ளிட்ட சுற்றுப்புற மாவட்டங்களில் கடும் பாதிப்பை ஏற்படுத்தி 10-க்கும் மேற்பட்டோரைப் பலியாக்கி இருப்பதுடன், பெரும் துயத்தையும் உருவாக்கிச் சென்றுள்ளது. புயல் தாக்கிய பகுதிகள் மொத்தமாக முடங்கியுள்ளன.

திமுகவினர் உதவ வேண்டும்: புயல் மற்றும் பலத்த மழையால் பாதிக்கப்பட்டுள்ள மக்களுக்கும், பாதுகாப்பு காரணங்களுக்காக முகாம்களில் தங்கியுள்ளோருக்கும் திமுகவினர் அந்தந்தப் பகுதிகளில் உள்ள அரசு அதிகாரிகள் மற்றும் பொதுநல அமைப்புகளுடன் இணைந்து தேவைப்படும் உதவிகளைச் செய்ய வேண்டும். அவர்களுக்கான பாதுகாப்பு பணிகளிலும் ஈடுபட வேண்டும்.

புயலால் சாலைகளில் விழுந்த மரங்களை அப்புறப்படுத்துமாறும், மின் விநியோகத்தைச் சீராக்குமாறும் அதிகாரிகளுக்கு மு.க.ஸ்டாலின் வேண்டுகோள் விடுத்தார்.

சட்டப்பேரவை உறுப்பினர்கள் பி.கே.சேகர்பாபு, ப.ரங்கநாதன் உள்பட பலர் இந்த நிகழ்ச்சியில் பங்கேற்றனர்.

]]>
http://images.dinamani.com/uploads/user/imagelibrary/2016/11/21/w600X390/stalin.jpg http://www.dinamani.com/latest-news/sub-latest-news/2016/dec/13/புயலால்-பாதிக்கப்பட்டோருக்கு-திமுக-துணை-நிற்கும்-முகஸ்டாலின்-2614695.html
2614693 தற்போதைய செய்திகள் தற்போதைய செய்திகள் வர்தா புயல் நிவாரணப் பணிகளை விரைவுபடுத்த வேண்டும்: அன்புமணி DIN DIN Tuesday, December 13, 2016 06:12 PM +0530 வர்தா புயல் நிவாரணப் பணிகளை தமிழக அரசு விரைவுபடுத்த வேண்டும் என்று பாமக இளைஞரணித் தலைவர் அன்புமணி ராமதாஸ் வலியுறுத்தியுள்ளார்.

இது தொடர்பாக செவ்வாய்க்கிழமை அவர் வெளியிட்ட அறிக்கை:

வர்தா புயல் பாதிப்புகளில் இருந்து மீண்டெழுந்து வரும் சென்னை மற்றும் புறநகர் மாவட்டங்கள் சேதங்களில் இருந்து மீள இன்னும் அதிக காலம் ஆகும்.

தமிழக அரசுக்குப் பாராட்டு: சென்னை மற்றும் புறநகர் மாவட்டங்களில் கடந்த ஆண்டு ஏற்பட்ட மழை வெள்ள பாதிப்புகளில் இருந்து பாடம் கற்றுக்கொண்ட தமிழக அரசும், உள்ளாட்சிகள் உள்ளிட்ட பிற அமைப்புகளும் இம்முறை போதிய முன்னெச்சரிக்கை நடவடிக்கைகளை மேற்கொண்டிருந்தன. இது பாராட்டப்பட வேண்டியதாகும்.

ஆனால், பெரும்பாலான இடங்களில் 120 கி.மீ. வேகத்திலும், சில இடங்களில் 182 கி.மீ. வேகத்திலும் தாக்கிய புயலால் சென்னை மாநகரமும், திருவள்ளூர் மற்றும் காஞ்சிபுரம் மாவட்டங்களில் பெரும்பாலான பகுதிகளும் மிகக் கடுமையாகப் பாதிக்கப்பட்டுள்ளன.

பத்துக்கும் மேற்பட்டோர் உயிரிழந்துள்ளனர். ஏராளமானோர் வீடுகளையும், உடைமைகளையும் இழந்துள்ளனர். உயிரிழந்தோரின் குடும்பங்களுக்கு தமிழக அரசு அறிவித்துள்ள ரூ.4 லட்சம் இழப்பீடு போதுமானது இல்லை. அதை ரூ.10 லட்சமாக உயர்த்தி வழங்க வேண்டும். வீடு மற்றும் உடைமைகளை இழந்தவர்களுக்கு போதிய இழப்பீடு வழங்கப்பட வேண்டும்.

காஞ்சிபுரம், திருவள்ளூர் மாவட்டங்களில் புயலால் சேதமடைந்த நெல்லுக்கு ஏக்கருக்கு ரூ.25,000 வீதமும், பணப் பயிர்களுக்கு அவற்றின் சந்தை மதிப்புக்கு ஏற்ற வகையிலும் இழப்பீடு வழங்க வேண்டும்.

சென்னையிலும், புறநகர் மாவட்டங்களிலும் புயலால் பாதிக்கப்பட்ட மக்களுக்கும் தேவையான உதவிகளை பாமகவினர் வழங்க வேண்டும் என்று அவர் கூறியுள்ளார்.

]]>
http://images.dinamani.com/uploads/user/imagelibrary/2015/10/18/0/w600X390/anbumani1.jpg http://www.dinamani.com/latest-news/sub-latest-news/2016/dec/13/வர்தா-புயல்-நிவாரணப்-பணிகளை-விரைவுபடுத்த-வேண்டும்-அன்புமணி-2614693.html
2614692 தற்போதைய செய்திகள் தற்போதைய செய்திகள் சென்னையில் முக்கிய சாலைகள் சீரமைக்கப்பட்டன! DIN DIN Tuesday, December 13, 2016 06:09 PM +0530  

 

வர்தா புயல் சீற்றத்தால் பாதிக்கப்பட்ட சென்னை சாலைகள் போர்க்கால அடிப்படையில்  சீரமைக்கப்பட்டுள்ளது.  சீரமகைப்பட்ட சாலைகளின் விபரங்களை  #Roadscleared https://twitter.com/search?q=%23Roadscleared&src=typd என்ற ஹாஷ்டேக் மூலம் தெரிந்து கொள்ளலாம்.

அண்ணா சாலை, காமராஜர் சாலை, பூந்தமல்லி நெடுஞ்சாலை, ராஜாஜி சாலை, ஆர்.கே.சாலை, சர்தார் படேல் சாலை மற்றும் லால்பகதூர் சாஸ்திரி சாலை ஆகிய சாலைகள் இன்று சீரமைக்கப்பட்டுவிட்டன என்று இந்த டிவிட்டர் பக்கத்தில் தெரிவிக்கிறது மாநில பேரிடர் மேலாண்மை வாரியம்.  

வர்தா புயலால் 3,300-க்கும் மேற்பட்ட சாலையோர மரங்கள்வேரோடு சாய்ந்து விழுந்து கிடந்தன. இந்த மரங்களை அகற்றும் பணியில் மாநகராட்சிப் பணியாளர்கள், தீயணைப்புப் படை வீரர்கள் மற்றும் போலீஸார் தீவிரமாக ஈடுபட்டுள்ளனர். இப்பணியில் இயந்திரங்கள் மூலமாக மரங்களை அறுத்து, ஜேசிபி இயந்திரங்கள் மூலமாக அவற்றை துரித கதியில் அகற்றி வருகின்றனர். ஒவ்வொரு பகுதியில் வசிக்கும் இளைஞர்களும் களத்தில் இறங்கியுள்ளதால், மரங்கள் அகற்றப்பட்டு, போக்குவரத்து சீராகத் தொடங்கியுள்ளது. 

சென்னை, காஞ்சிபுரம், திருவள்ளூர் ஆகிய மூன்று மாவட்டங்களிலும் கிட்டத்தட்ட மூன்றாயிரம் மின் கம்பங்கள் அடியோடு பெயர்ந்து விழுந்திருந்தன. போக்குவரத்து பாதிப்பு ஏற்பட்டு வாகனங்கள் வெவ்வேறு வழிகளில் திருப்பி விடப்பட்டன.

சென்னையின் முக்கிய சாலையான அண்ணா சாலையில் போக்குவரத்து இயல்பு நிலைக்கு வந்துவிட்டது. நெல்சன் மாணிக்கம் சாலை, நுங்கம்பாக்கம் மற்றும் ஆற்காடு சாலையிலும் போக்குவரத்து இயல்பு நிலைக்கு திரும்பிவிட்டது. வில்லிவாக்கம், வட சென்னைப் பகுதிகள், மந்தைவெளி, மயிலாப்பூர், பெருங்குடி மற்றும் ஓஎம்ஆர் பகுதிகளில் இன்னும் பேருந்துகள் மற்றும் ரயில் சேவைகள் தொடங்கப்படவில்லை. பாடி, அம்பத்தூர் பகுதிகளில் போக்குவரத்து நெரிசல் ஏற்பட்டுள்ளது. பல இடங்களில் மரங்களிலிருந்து விழுந்த இலைகளாலும் தேங்கிய மழை நீராலும் போக்குவரத்து மெதுவாக உள்ளது. விரைவில் அனைத்து சாலைகளும் சீராகி, வழமையான சேவைகளை போக்குவரத்து கழகம் தொடங்கிவிடும் என்று தெரிவித்துள்ளது மாநில பேரிடர் மேலாண்மை வாரியம்.  .

]]>
வர்தா புயல், RoadsCleared, சாலைகள், போக்குவரத்து http://images.dinamani.com/uploads/user/imagelibrary/2016/12/13/w600X390/download.jpg http://www.dinamani.com/latest-news/sub-latest-news/2016/dec/13/சாலைகள்-சீரமைக்கப்பட்டன-2614692.html
2614689 தற்போதைய செய்திகள் தற்போதைய செய்திகள் 2 கப்பல்களில் நிவாரணப் பொருட்கள் சென்னைக்கு வந்தன DIN DIN Tuesday, December 13, 2016 05:02 PM +0530 வங்கக் கடலில் உருவான வர்தா புயலால், நேற்று மதியம் 11 மணி முதல் இரவு 8 மணி வரை பலத்த காற்று வீசியது. இதன் காரணமாக, பல கட்டடங்களின் கண்ணாடி ஜன்னல்கள் பிய்த்தெறியப்பட்டன. மேற்கூரைகள் காற்றில் பறந்தன. ஆயிரக்கணக்கில் மரங்கள் வேரோடு சாய்ந்தது. வீடுகளில், சாலைகளில் நிறுத்தப்பட்டிருந்த ஆட்டோ, கார், வேன் போன்ற பல வாகனங்கள் மரங்கள் விழுந்ததால் நொறுங்கி சின்னாபின்மானது. மேலும் மரங்கள் கட்டடங்கள் மீது விழுந்ததில் சுற்றுச் சுவர்கள் இடிந்து விழுந்தன.வீடுகளில் இருந்த நீர்த்தேக்க தொட்டிகள், பழைய கட்டடங்கள் பலவும் பலத்த காற்றால் இடிந்து விழுந்தது.
192 கிலோமீட்டர் வேகத்தில் வீசிய கடுமையான சூறைக் காற்று காரணமாக 15 ஆயிரத்துக்கும் மேற்பட்ட மரங்கள் வேரோடு சாய்ந்தன. 2 ஆயிரத்துக்கும் மேற்பட்ட மின்கம்பங்கள், மின்கம்பிகள் அறுந்தும், மின்மாற்றிகள் முறிந்து விழுந்தன. கம்பங்கள் விழுந்ததில் கேபிள் டிவி ஒயர்களும் அறுந்து நகரின் பல பகுதிகளில் சாலைகள், கட்டடங்களில் தொங்கிக் கொண்டிருக்கின்றன. இதனால், மின்சார சேவை முற்றிலும் முடங்கியுள்ளது.
இந்நிலையில், கடற்படைக்கு சொந்தமான 2 கப்பல்களில் நிவாரணப் பொருட்கள் சென்னை வந்து சேர்ந்தன.

]]>
http://www.dinamani.com/latest-news/sub-latest-news/2016/dec/13/2-கப்பல்களில்-நிவாரணப்-பொருட்கள்-சென்னைக்கு-வந்தன-2614689.html
2614683 தற்போதைய செய்திகள் தற்போதைய செய்திகள் பாலாற்று வெள்ளத்தில் சிக்கிய 5 பேர்: மீட்கும் பணியில் தீயணைப்புத் துறையினர் குமார் DIN Tuesday, December 13, 2016 03:16 PM +0530 மதுராந்தகம் அருகே பூதூர் பகுதி பாலாற்று வெள்ளத்தில் ஒரு மூதாட்டி உள்பட 5 பேரை மீட்கும் பணியில் தீயணைப்புத் துறையிர் ஈடுபட்டுள்ளனர்.

மதுராந்தகம் அருகே உள்ள கிராமத்தைச் சேர்ந்த 70 வயது மூதாட்டி, இன்று பகல் ஆடு மாடுகளை ஓட்டிச் சென்றபோது, எதிர்பாராதவிதமாக பாலாற்று வெள்ளத்தில் சிக்கிக்கொண்டார். இதைப் பார்த்த 4 இளைஞர்கள் வெள்ளத்தில் குதித்துச் சென்று மூதாட்டியைக் காப்பாற்ற முயன்றனர். ஆனால், அவர்களும் வெள்ளத்தில் சிக்கி தத்தளித்து வருகின்றனர்.

இத் தகவல் கிடைத்ததும் மதுராந்தகம், திருக்கழுக்குன்றம், செங்கல்பட்டு பகுதிகளில் இருந்து தீயணைப்புத் துறையினர் விரைந்து வந்து பாலாற்று வெள்ளத்தில் சிக்கி உயிருக்குப் போராடும் நான்கு பேரையும் மீட்கும் முயற்சியில் ஈடுபட்டு வருகின்றனர்.

]]>
http://www.dinamani.com/latest-news/sub-latest-news/2016/dec/13/பாலாற்று-வெள்ளத்தில்-சிக்கிய-5-பேர்-மீட்கும்-பணியில்-தீயணைப்புத்-துறையினர்-2614683.html
2614667 தற்போதைய செய்திகள் தற்போதைய செய்திகள் வர்தா புயலால் பசுமை இழந்த சென்னை! IANS DIN Tuesday, December 13, 2016 11:43 AM +0530 வர்தா புயலின் சீற்றத்தால் சென்னை மக்களுக்கு நேற்றைய தினம் (12.12.2016) மறக்க முடியாத ஒன்றாகிவிட்டது. வர்தா புயலின் கடுமையான பாதிப்பை முழுமையாக உணர்ந்த மக்கள் அச்சத்துடன் தான் உறங்கச் சென்றார்கள். காலையில் விழித்தவர்கள் கண்டதெல்லாம் கோரக் காட்சி. புயலால் சீர் குலைந்திருந்தது சிங்காரச் சென்னை.

சென்னையின் பசுமைக்கு காரணமாக இருந்த ஆயிரக்கணக்கான மரங்கள் வேருடன் சாய்ந்து வீதிகளில் விழுந்து கிடந்தன. வானுயர்ந்து வளர்ந்திருந்த மரங்களின் பெரிய கிளைகள் சாலைகளில் குறுக்கே சாய்ந்திருந்தன. இவை தவிர விளம்பர போர்ட்டுகள், உடைந்த சுவர்கள், வண்டிகள் என ஒவ்வொரு தெருக்களிலும் வெவ்வேறு பாதிப்புக்கள். மக்கள் சோகத்தை மேலும் அதிகரிக்கச் செய்தது மின்சாரம் மற்றும் பால் இல்லாத நிலை. இதனால் குழந்தைகள், வயதானவர்கள் பெரிதும் அவதிக்குள்ளானார்கள். இன்றும் (13.12.2016) மின்சாரம் வராத நிலையில் தண்ணீர் பிரச்னையும் சேர்ந்து பெரும் அவதிக்குள்ளானார்கள். ஒரே நாளில் இயல்பான வாழ்க்கையை புரட்டிப் போட்டுவிட்ட வர்தா புயலின் தாக்கத்தால் செய்வதறியாது திகைத்துக் கிடக்கிறார்கள் சென்னைவாசிகள். 

இவர்கள் வந்து சீர் செய்வார்கள், அவர்கள் வருவார்கள் என்று காத்திருக்காமல், பொதுமக்கள் நேரடியாக களத்தில் இறங்கி, தங்கள் வீடுகளை, தாங்கள் வசிக்கும் தெருக்களை சுத்தம் செய்யத் தொடங்கிவிட்டது ஆச்சரியமான உண்மை. புயல் அடித்து வீழ்த்தப்பட்ட மரங்களை சாலைகளிலிருந்து அப்புறப்படுத்தினர் இளைஞர்கள். இடிந்த சுவர்கள், பேனர்கள் ஆகியவற்றையும் சீர் செய்தனர்.  இலைகள் தழைகளால் சூழப்பட்டிருந்த தெருக்களை பெறுக்கி சுத்தப்படுத்தினர். 

தன்னுடைய பகுதியில் ஏற்பட்ட பாதிப்புக்களைப் சுற்றிப் பார்த்த ஏ.விஸ்வநாதன் என்பவர் குறிப்பிடுகையில், ‘எங்கே திரும்பினாலும் ஒடிந்து விழுந்து கிடந்த மரங்களைப் பார்க்கையில் காட்டின் நடுவே இருப்பதைப் போல ஓர் உணர்வு ஏற்படுகிறது’ என்றார். 

தமிழக முதலமைச்சர் ஓ.பன்னீர்செல்வம் திங்கட்கிழமையன்று வெளியிட்ட அறிக்கையில் சென்னையில் கிட்டத்தட்ட 400 மரங்கள் வீழ்ந்துள்ளன என்று குறிப்பிட்டிருந்தார். ஆனால் ஒவ்வொரு பகுதியிலும், வீடுகளிலும் வேரோடு விழுந்தும் கிளைகள் ஒடிந்தும் கிடக்கும் மரங்களின் எண்ணிக்கை அதைவிட மிக அதிகமாக இருக்கும் என்கின்றனர் மக்கள். 

பிரதான சாலைகளில் விழுந்திருந்த மரங்களை அரசு அதிகாரிகள் போர்க்கால நடவடிக்கையில் அப்புறப்படுத்தி, போக்குவரத்தை சீர் செய்து கொண்டிருக்கிறார்கள். ஆனால் குடியிருப்புப் பகுதிகளில் விழுந்துள்ள மரங்களை அப்புறப்படுத்த சில நாட்களாகும். பேருந்து சேவைகள் தற்போது தொடங்கிவிட்டாலும், சில பகுதிகளில் பாதிப்புக்கள் அதிகம் இருப்பதால், மரங்களை அப்புறப்படுத்துவரை அந்தச் சாலைகளுள் பேருந்துகள் செல்லாது என்று அறிவிக்கப்பட்டுள்ளது. நிலைமை முழுவதும் கட்டுக்குள் வந்து சீர் அடைய சில நாட்கள் ஆகலாம், அதுவரை மக்கள் ஒத்துழைப்பு நல்க வேண்டும் என்றனர் அதிகார்கள்.

முன்னாள் முதலமைச்சர் செல்வி.ஜெ.ஜெயலலிதாவின் நினைவிடம் இந்தக் கடுமையான புயலிலும் எவ்வித பாதிப்புமின்றி நல்லபடியாக உள்ளது. தற்காப்பு நடவடிக்கையாக வெள்ள நீர் புகாமல் இருக்க நிறைய மணல் மூட்டைகளை வைத்திருந்தார்கள். இன்று அதிகாலை முதல், நினைவிடத்துக்கு பார்க்க மக்கள் மீண்டும் வரத் தொடங்கியுள்ளார்கள்.

சென்னை, திருவள்ளூர், காஞ்சிபுரம் மாவட்டங்களில் பள்ளி, கல்லூரிகளுக்கு இன்றும் விடுமுறை என மாவட்ட நிர்வாகம் அறிவித்துள்ளது. கடைகள், உணவகங்கள் இன்று திறக்கப்பட்டன. ஆனால் சில உணவகங்களில் கடன் அட்டைகள் அனுமதிக்கப்படவில்லை. மின்சாரம் இல்லாத நிலையில் டெபிட் / க்ரெடிட் கார்டுகளை பயன்படுத்த முடியாததே காரணம் என்றனர்.

வர்தா புயலின் தாக்கத்தால் பல பாதிப்புக்கள் முழுவதும் சீர் செய்யப்பட்டிருக்காத நிலையில், மக்கள் அச்சத்திலிருந்து மெதுவாக வெளிவந்து, வேறு வழியின்றி பிழைப்பைப் பார்க்கக் கிளம்பிச் செல்ல ஆரம்பித்துவிட்டனர் என்பதே நிதர்சனம்.

]]>
Vardha Cyclone trees fallen, Disaster in chennai, வர்தா புயலால் சீர் குலைந்த சென்னை http://images.dinamani.com/uploads/user/imagelibrary/2016/12/13/w600X390/dc-Cover-a3s80mh5grsgtvp18qjj3nlq27-20161213023805.jpeg http://www.dinamani.com/latest-news/sub-latest-news/2016/dec/13/வர்தா-புயலால்-பசுமை-இழந்த-சென்னை-2614667.html
2614228 தற்போதைய செய்திகள் தற்போதைய செய்திகள் இன்று ரத்து செய்யப்பட்ட ரயில்களின் விபரம் DIN DIN Monday, December 12, 2016 12:23 PM +0530 வர்தா புயல் காரணமாக கனமழை பெய்து வருவதால் சென்னையில் ரயில் சேவையில் மாற்றமும், சில ரயில்களின் சேவை தற்காலிகமாக நிறுத்தி வைக்கப்பட்டுள்ளது. தென் மேற்கு வங்க கடலில் உருவாகிய வர்தா புயல் மணிக்கு 11 கிலோ மீட்டர் வேகத்தில் சென்னை நோக்கி நகர்ந்து வருகிறது. இன்னும் சில மணி நேரங்களில்  பழவேற்காடு அருகே புயல் கரையை கடக்கக்கூடும் என எதிர்பார்க்கப்படுகிறது. இதனிடையே சென்னையில் கனமழை பெய்து வருகிறது.

வர்தா புயல் காரணமாக சென்னையில் ரயில் சேவையிலும் மாற்றம் செய்யப்பட்டுள்ளது.சென்னை கடற்கரையிலிருந்து வேளச்சேரி செல்லும் ரயில்கள், சென்னை சென்ட்ரலிலிருந்து கும்மிடிபூண்டி மற்றும் சூளூர்பேட்டை செல்லும் ரயில்கள் தற்காலிகமாக நிறுத்தி வைக்கப்பட்டுள்ளன. மேற்கொண்டு தகவல் வெளியிடப்படும் வரையில் இவை புறப்படாது.   

சென்னை கடற்கரை – தாம்பரம் – செங்கல்பட்டு தடத்திலான சேவைகள் 45 நிமிடத்துக்கு ஒரு முறை புறப்படும்.

சென்னை சென்ட்ரலிலிருந்து அரக்கோணம் ரயில் சேவையில் தற்போது எந்தவித மாற்றமும் இல்லை. அவை வழக்கம் போல இயக்கப்படும். சென்னை மெட்ரோ ரயில் சேவையிலும் எந்த மாற்றமின்றி, வழக்கம் போல் இயக்கப்படும் என மெட்ரோ நிர்வாகம் தெரிவித்துள்ளது.

சென்னை சென்ட்ரலில் இருந்து விஜயவாடா செல்லும் ரயில் கூடூர் வரை மட்டுமே இயக்கப்படும். நவஜீவன் எக்ஸ்ப்ரஸ் (சென்னை - அகமதாபாத்) மற்றும் பூரிக்கு வாரம் ஒருமுறை இயக்கப்படும் சூப்பர்ஃபாஸ்ட் எக்ஸ்ப்ரஸ் ரயில் சேவைகள் இன்று மாற்று வழித்தடத்தில் கூடூர். ரேணிகுண்டா, அரக்கோணம் வழியே செல்லும் என தெற்கு ரயில்வே அறிவித்துள்ளது.  

]]>
புறநகர் ரயில்கள் ரத்து, Few Local trains canceled, வர்தா புயல் http://images.dinamani.com/uploads/user/imagelibrary/2016/12/12/w600X390/1-10.jpg http://www.dinamani.com/latest-news/sub-latest-news/2016/dec/12/இன்று-ரத்து-செய்யப்பட்ட-ரயில்களின்-விபரம்-2614228.html
2612255 தற்போதைய செய்திகள் தற்போதைய செய்திகள் திருவண்ணாமலை அருகே லாரி-கார் நேருக்கு நேர் மோதி விபத்து: 7 பேர் பலி சரவணபெருமாள் DIN Friday, December 9, 2016 05:42 AM +0530 திருவண்ணாமலை மாவட்டம் எடப்பாளையம் கிராமம் அருகே இன்று நள்ளிரவு 1 மணி அளவில் லாரி-கார் நேருக்கு நேர் மோதியதில்  காரில் பயணம் செய்த  3 ஆண், 3 பெண் , ஒரு சிறுமி உட்பட மொத்தம் 7 பேர் சம்பவ இடத்தில் பலியாகினர்.
விழுப்புரம் மாவட்டம் இலவனாசூர் கோட்டை ஏமம் கிராமத்தை சார்ந்த 10 பேர்  இரவு திருப்பதிக்கு சென்றனர். இவர்கள் பயணம் செய்த கார் திருவண்ணாமலை மாவட்டம் எடப்பாளையம் கிராமம் அருகே சென்று கொண்டிருந்தபோது ஓசூரிலிரிந்து விழுப்புரம் நோக்கி சென்று கொண்டிருந்த லாரியும் நேருக்கு நேர் மோதி பயங்கர விபத்து ஏற்பட்டது விபத்தில் காரில் பயணம் செய்த 7 பேர் சம்பவ இடத்தில் பலியாகினர் மேலும் மூன்று பேர் உயிருக்கு ஆபத்தான நிலையில் சிகிச்சைக்காக திருவன்ணாமலை அரசு மாவட்ட மருத்துவமனையில் சேர்க்கப்பட்டனர். இந்த விபத்து குறித்து அறிந்த திருவன்ணாமலை மாவட்ட ஆட்சியர் சம்பவ இடத்திற்கு விரைந்து பார்வையிட்டு வருகிறார். இந்த விபத்து குறித்து திருவன்ணாமலை கிழக்கு காவல் நிலைய போலீஸார் வழக்கு பதிவு செய்து விசாரணை நடத்தி வருகின்றனர். விபத்தில் படுகாயமடைந்த மூவரில் ஒருவர் விழுப்புரம் மாவட்டம் திருக்கோவிலூர் கோட்டாட்சியர் அலுவலகத்தில் பணிபுரிந்து வருவதாக தெரிகிறது.

]]>
http://images.dinamani.com/uploads/user/imagelibrary/2016/12/9/w600X390/axi.jpg http://www.dinamani.com/latest-news/sub-latest-news/2016/dec/09/திருவண்ணாமல-அருகே-லாரி-கார்-நேருக்கு-நேர்-மோதி-விபத்து-7-பேர்-பலி-2612255.html
2612173 தற்போதைய செய்திகள் தற்போதைய செய்திகள் புதுச்சேரியில் ஜெ.வுக்கு முழு உருவச்சிலை: முதல்வரிடம் அதிமுக எம்.எல்.ஏக்கள் கோரிக்கை DIN DIN Thursday, December 8, 2016 05:33 PM +0530 புதுச்சேரியில் ஜெயலலிதாவுக்கு முழு உருவ வெண்கலச் சிலையை நிறுவ வேண்டும் என அதிமுக எம்.எல்.ஏக்கள் குழு இன்று முதல்வர் நாராயணசாமியிடம் கோரிக்கை மனு அளித்தனர்.

சட்டப்பேரவை அதிமுக தலைவர் ஆ.அன்பழகன் தலைமையில் எம்.எல்.ஏக்கள் ஆ.பாஸ்கர், வையாபுரிமணிகண்டன் மற்றும் நிர்வாகிகள் சட்டப்பேரவை வளாகத்தில் முதல்வர் நாராயணசாமியிடம் கோரிக்கை மனு அளித்தனர்.
அதில் கூறியிருப்பதாவது:
அதிமுக நிரந்தர பொதுச் செயலாளரும், முதல்வருமான ஜெயலலிதா வாழ்நாள் முழுவதும் தமிழ் மக்கள் நலனுக்காக பாடுபட்டார். 6 முறை தமிழகத்தின் முதல்வராக செயல்பட்டு தேசிய தலைவராக விளங்கியவர் ஜெயலலிதா. இந்தியாவில் உள்ள அரசியல் தலைவர்களுக்கும், பெண் தலைவர்களுக்கும் எடுத்துக்காட்டாக திகழந்தவர்.
தமிழக மக்கள் தொடர்பான பிரச்னைகளில் சமரசம் செய்து கொள்ளாமல் தொடர்ந்து போராடி வெற்றி கண்டார். உலக தமிழ் மக்களின இதயமாக வாழ்ந்தவர்.
குடியரசுத் தலைவர், பிரதமர், காங்கிரஸ் துணைத் தலைவர், முதல்வர்கள் கட்சி வித்தியாசமின்றி நேரடியாக அஞ்சலி செலுத்தினர். இவ்வாறு தனிச்சிறப்பு மிக்க தலைவராக திகழந்த ஜெயலலிதாவுக்கு புதுச்சேரி மாநில அரசு சார்பில் கீழ்காணும் இடங்களில் முழுவுருவ வெண்கலச்சிலையை நிறுவ வேண்டும்.
கடற்கரைச் சாலை காந்தி சிலை, பழைய அஜந்தா சிக்னல் ரவுண்டானா, ராஜா தியேட்டர் சிக்னல் ரவுண்டானா உள்ளிட்ட பகுதிகளில் முழு உருவச் சிலையை வைக்க வேண்டும் என மனுவில் கோரியுள்ளனர்.
பின்னர் செய்தியாளர்களிடம் முதல்வர் வி.நாராயணசாமி கூறியதாவது:
மறைந்த முதல்வர் ஜெயலலிதாவுக்கு புதுச்சேரியில் சிலை வைக்க வேண்டும் என அதிமுக எம்.எல்.ஏக்கள் கோரிக்கை மனு அளித்துள்ளனர். இதுதொடர்பாக மாநில அமைச்சரவைக் கூட்டத்தில் உரிய முடிவெடுக்கப்படும் என்றார்.

]]>
http://www.dinamani.com/latest-news/sub-latest-news/2016/dec/08/புதுச்சேரியில்-ஜெவுக்கு-முழு-உருவச்சிலை-முதல்வரிடம்-அதிமுக-எம்எல்ஏக்கள்-கோரிக்கை-2612173.html
2610428 தற்போதைய செய்திகள் தற்போதைய செய்திகள் முதல்வர் ஜெயலலிதாவுக்கு மாரடைப்பு: லண்டன் டாக்டர் ஆலோசனையின் பேரில் தொடர் சிகிச்சை! DIN DIN Monday, December 5, 2016 08:08 AM +0530  

திடீர் மாரடைப்பு ஏற்பட்டு தீவிர சிகிச்சைப் பிரிவில் அனுமதிக்கப்பட்டுள்ள தமிழக முதல்வர் ஜெயலலிதாவுக்கு லண்டன் டாக்டர் ரிச்சர்ட் பீலே ஆலோசனையின் பேரில் சிகிச்சை அளிக்கப்பட்டு வருகிறது.

உடல் நலக் குறைவு காரணமாக செப்டம்பர் 22-ம் தேதி சென்னை அப்பல்லோ மருத்துவமனையில் முதல்வர் ஜெயலலிதா சேர்க்கப்பட்டார். சிகிச்சை முடிந்து விரைவில் வீடு திரும்புவார் என்று நினைத்த நிலையில், நேற்று (ஞாயிற்றுக்கிழமை) மாலை அவருக்கு திடீர் மாரடைப்பு ஏற்பட்டது. இதையடுத்து அவர் தீவிர சிகிச்சைப் பிரிவில் சேர்க்கப்பட்டு சிகிச்சை அளிக்கப்பட்டார்.

ஏற்கெனவே சென்னை வந்து ஜெயலலிதாவுக்கு சிகிச்சை அளித்த லண்டன் டாக்டர் ரிச்சர்ட் பீலேவைத் தொடர்புகொண்ட அப்பல்லோ மருத்துவர்கள், அவரது ஆலோசனையின் பேரில் ஜெயலலிதாவுக்கு தொடர் சிகிச்சை அளித்து வருகின்றனர். இவர்களுக்கு உதவியாக டெல்லியில் உள்ள எய்ம்ஸ் மருத்துவமனையில் இருந்தும் மருத்துவக் குழு சென்னை வர இருக்கிறது.

முதல்வருக்கு இதய மற்றும் மூச்சுயியல் சிகிச்சை அளிக்கப்பட்டு வரும் நிலையில், உயர் மருத்துவக் குழு அவரது உடல் நிலையைத் தொடர்ந்து கண்காணித்து வருகிறது. 4 முதல் 5 மணி நேர கண்காணிப்புக்குப் பிறகுதான் முதல்வர் ஜெயலலிதாவின் உடல் நிலை குறித்து தெளிவான அறிக்கை வெளியாகும் என்று எதிர்பார்க்கப்படுகிறது.

]]>
http://images.dinamani.com/uploads/user/imagelibrary/2016/10/26/w600X390/jayalalithaa.jpg http://www.dinamani.com/latest-news/sub-latest-news/2016/dec/05/முதல்வர்-ஜெயலலிதாவுக்கு-மாரடைப்பு-லண்டன்-டாக்டர்-ஆலோசனையின்-பேரில்-தொடர்-சிகிச்சை-2610428.html
2610364 தற்போதைய செய்திகள் தற்போதைய செய்திகள் மருத்துவமனையில் இருந்து ராஜ்பவன் திரும்பினார் ஆளுநர்! 7 மணிக்கு பணிக்கு வர போலீஸாருக்கு டிஜிபி உத்தரவு!! DIN DIN Monday, December 5, 2016 12:33 AM +0530 மருத்துவமனையில் இருந்து ராஜ்பவன் திரும்பினார் ஆளுநர்! 7 மணிக்கு பணிக்கு வர போலீஸாருக்கு டிஜிபி உத்தரவு!!

சென்னை அப்பல்லோ மருத்துவமனையில் ஜெயலலிதா உடல் நிலை குறித்து தமிழக ஆளுநர் வித்யாசாகர் ராவ் விவரம் கேட்டறிந்த பிறகு ராஜ்பவன் திரும்பினார்.

கடந்த 78 நாட்களாக சென்னை அப்பல்லோ மருத்துவமனையில் சிகிச்சை பெற்று வரும் முதல்வர் ஜெயலலிதாவுக்கு நேற்று மாலை திடீரென்று மாரடைப்பு ஏற்பட்டது. இதையடுத்து அவர் தீவிர சிகிச்சைப் பிரிவில் சேர்க்கப்பட்டு அவருக்கு சிகிச்சை அளிக்கப்பட்டு வருகிறது.

இதையடுத்து, மும்பையில் இருந்த தமிழக ஆளுநர் வித்யா சாகர் ராவ் விமானம் மூலம் அவசரமாக சென்னை வந்தார். விமான நிலையத்தில் இருந்து நேரடியாக அப்பல்லோ மருத்துவமனை சென்ற அவர், மருத்துவர்களுடனும் அப்பல்லோ தலைவர் பிரதாப் ரெட்டியுடனும் ஜெயலலிதா உடல் நிலை குறித்து விசாரித்தார். சுமார் 5 நிமிட நேரம் அங்கு இருந்த ஆளுநர், பிறகு அங்கிருந்து ராஜ்பவன் புறப்பட்டுச் சென்றார்.

இந்நிலையில், இந்த அசாதாரண சூழ்நிலை குறித்து உயர்மட்ட காவல் துறை அதிகாரிகளுடன் தமிழக டிஜிபி ராஜேந்திரன் ஆலோசனை நடத்தினார். தமிழகக் காவல் துறையில் உள்ள அனைத்து போலீஸாரும் காலை 7 மணிக்கு சீருடையுடன் பணிக்குத் திரும்ப உத்தரவு பிறப்பிக்கப்பட்டுள்ளது.

]]>
http://images.dinamani.com/uploads/user/imagelibrary/2016/12/5/w600X390/vidyasagarrao.jpg http://www.dinamani.com/latest-news/sub-latest-news/2016/dec/05/மருத்துவமனையில்-இருந்து-ராஜ்பவன்-திரும்பினார்-ஆளுநர்-7-மணிக்கு-பணிக்கு-வர-போலீஸாருக்கு-டிஜிபி-உத்தர-2610364.html
2610339 தற்போதைய செய்திகள் தற்போதைய செய்திகள் பள்ளி, கல்லூரிகளுக்கு இன்று விடுமுறை இல்லை; வதந்திகளை நம்பவேண்டாம்...! DIN DIN Monday, December 5, 2016 12:12 AM +0530 தமிழகத்தில் உள்ள பள்ளி, கல்லூரிகளுக்கு இன்று விடுமுறை ஏதும் அறிவிக்கப்படவில்லை என்றும், அத்தகைய வதந்திகளை யாரும் நம்ப வேண்டாம் என்றும் பள்ளிக் கல்வித் துறை அமைச்சர் மாஃபா பாண்டியராஜன் தெரிவித்துள்ளார்.

சென்னை அப்பல்லா மருத்துவமனையில் சிகிச்சை பெற்றுவரும் தமிழக முதல்வர் ஜெயலலிதாவுக்கு நேற்று மாலை திடீர் மாரடைப்பு ஏற்பட்டது. இதையடுத்து அவர் தீவிர சிகிச்சைப் பிரிவில் சேர்க்கப்பட்டு அவருக்கு சிகிச்சை அளிக்கப்பட்டு வருகிறது.

இந்த நிலையில், முதல்வர் உடல்நிலையைக் காரணம் காட்டி இன்று (திங்கள்கிழமை) பள்ளி, கல்லூரிகளுக்கு விடுமுறை விடப்பட்டுள்ளதாக செய்தி பரவியது. ஆனால், இதை தமிழக பள்ளிக் கல்வித் துறை அமைச்சர் பாண்டியராஜன் மறுத்துள்ளார். அத்தகைய செய்தி வதந்தி என்றும், அதை யாரும் நம்ப வேண்டாம் என்றும் அவர் வேண்டுகோள் விடுத்துள்ளார்.

]]>
http://images.dinamani.com/uploads/user/imagelibrary/2016/12/5/w600X390/school.jpg http://www.dinamani.com/latest-news/sub-latest-news/2016/dec/05/பள்ளி-கல்லூரிகளுக்கு-இன்று-விடுமுறை-இல்லை-வதந்திகளை-நம்பவேண்டாம்-2610339.html
2610321 தற்போதைய செய்திகள் தற்போதைய செய்திகள் முதல்வர் உடல்நலக் குறைவு: எய்ம்ஸ் மருத்துவர்கள் சென்னை விரைவு! DIN DIN Sunday, December 4, 2016 11:07 PM +0530 முதல்வர் ஜெயலலிதாவுக்கு திடீர் உடல் நலக் குறைவு ஏற்பட்டுள்ளதால், டெல்லியில் உள்ள எய்ம்ஸ் மருத்துவமனை சிறப்பு மருத்துவர்கள் குழு சென்னைக்குப் புறப்பட்டுள்ளது.

சென்னை அப்பல்லோ மருத்துவமனையில் சேர்க்கப்பட்டுள்ள முதல்வர் ஜெயலலிதாவுக்கு இன்று (சனிக்கிழமை) மாலை திடீர் மாரடைப்பு ஏற்பட்டு தீவிர சிகிச்சைப் பிரிவில் சேர்க்கப்பட்டுள்ளார். இதையடுத்து அவருக்கு அதுகுறித்த தீவிர சிகிச்சை அளிப்பதற்காக, எய்ம்ஸ் மருத்துவமனையில் இருந்து சிறப்பு மருத்துவர்கள் குழு சென்னைக்குப் புறப்பட்டுள்ளது என்று தகவல் அறிந்த வட்டாரங்கள் தெரிவித்துள்ளன.

]]>
http://images.dinamani.com/uploads/user/imagelibrary/2016/12/4/w600X390/aiims.jpg http://www.dinamani.com/latest-news/sub-latest-news/2016/dec/04/முதல்வர்-உடல்நலக்-குறைவு-எய்ம்ஸ்-மருத்துவர்கள்-சென்னை-விரைவு-2610321.html
2610305 தற்போதைய செய்திகள் தற்போதைய செய்திகள் அப்பல்லோ மருத்துவமனை முன் தொண்டர்கள் குவிந்தனர்! DIN DIN Sunday, December 4, 2016 10:40 PM +0530  

முதல்வர் ஜெயலலிதாவுக்கு மாரடைப்பு ஏற்பட்டு தீவிர சிகிச்சைப் பிரிவில் சேர்க்கப்பட்டுள்ள தகவல் தெரிந்ததும், அதிமுக தொண்டர்கள், சென்னை அப்பல்லோ மருத்துவமனை முன்பு குவிந்துள்ளனர்.

செப்டம்பர் 22-ம் தேதி அன்று உடல் நலக் குறைவு காரணமாக சென்னை, ஆயிரம் விளக்கு அப்பல்லோ மருத்துவமனையில் சேர்க்கப்பட்டார் முதல்வர் ஜெயலலிதா. முதலில் அவருக்கு மூச்சுத் திணறல் பிரச்னை இருந்ததாக அவருக்கு சிகிச்சை அளிக்கப்பட்டது. வெளிநாட்டில் இருந்து மருத்துவர்கள் வந்து அவருக்கு சிறப்புச் சிகிச்சைகள் அளித்தனர்.

தீவிர கண்காணிப்பில் சிறப்பு சிகிச்சைகள் காரணமாக முதல்வர் ஜெயலலிதாவின் உடல்நிலையில் நல்ல முன்னேற்றம் ஏற்பட்டதாகவும், அவரை தனி வார்டுக்கும் பிறகு அவரை சாதாரண வார்டுக்கும் மாற்றம் செய்வதாக மருத்துவமனை வட்டாரங்கள் தெரிவித்தன.

தமிழக ஆளுநர் உள்பட, பல முக்கிய அரசியல் கட்சித் தலைவர்கள் பலரும் மருத்துவமனைக்கு வந்து, முதல்வர் ஜெயலலிதாவுக்கு சிகிச்சை அளித்த மருத்துவர்களிடம் முதல்வரின் உடல் நலம் குறித்து விசாரித்தனர்.

வெகு விரைவில் முதல்வர் வீடு திரும்பலாம் என்றும், அதை ஜெயலலிதாவே முடிவு செய்வார் என்றும் அப்பல்லோ மருத்துவமனை தலைவர் பிரதாப் ரெட்டி தெரிவித்திருந்தார்.

இந் நிலையில், இன்று (சனிக்கிழமை) மாலை அவருக்கு திடீரென்று மாரடைப்பு ஏற்பட்டதாகவும் அவரை தீவிர சிகிச்சை பிரிவில் சேர்த்து சிகிச்சை அளிக்கப்பட்டதாகவும் தற்போது அவரது உடல் நிலை சீராக இருப்பதாகவும் மருத்துவமனை நிர்வாகம் அறிக்கை வெளியிட்டது.

முதல்வர் ஜெயலலிதா விரைவில் வீடு திரும்புவார் என்ற நம்பிக்கையுடன் இருந்த நிலையில் அவருக்கு மாரடைப்பு ஏற்பட்ட தகவல் பரவியதும் அதிமுக தொண்டர்கள் மிகுந்த கவலையுடன் அப்பல்லோ மருத்துவமனை முன்பு குவிந்த வண்ணம் உள்ளனர். பெரும்பாலானவர்கள் கண்ணீருடன் முதல்வர் நலம் பெற வேண்டும் என்று பிராத்தனை செய்து வருகின்றனர்.

]]>
http://images.dinamani.com/uploads/user/imagelibrary/2016/12/4/w600X390/WhatsApp_Image_2016-12-04_at_9.jpeg http://www.dinamani.com/latest-news/sub-latest-news/2016/dec/04/அப்பல்லோ-மருத்துவமனை-முன்-தொண்டர்கள்-குவிந்தனர்-2610305.html
2609827 தற்போதைய செய்திகள் தற்போதைய செய்திகள் 2.0 படப்பிடிப்பின் போது விபத்து: ரஜினிகாந்துக்கு காயம் DIN DIN Saturday, December 3, 2016 10:44 PM +0530 ரஜினிகாந்துக்கு காலில் காயம் ஏற்ப்பட்டதால் 2.0 படப்பிடிப்பு ரத்து செய்யப்பட்டுள்ளது. சென்னையில் உள்ள தனியார் மருத்துவமனையில் அனுமதிக்கப்பட்ட அவர் சிகிச்சைப் பெற்று வீடு திரும்பினார்.

 

]]>
http://images.dinamani.com/uploads/user/imagelibrary/2016/12/3/w600X390/1453722648_UJ6ZWy_Rajnikanth-8701.jpg http://www.dinamani.com/latest-news/sub-latest-news/2016/dec/03/20-படப்பிடிப்பின்-போது-விபத்து-ரஜினிகாந்துக்கு-காயம்-2609827.html
2608636 தற்போதைய செய்திகள் தற்போதைய செய்திகள் யுவ்ராஜ் சிங் திருமண ஆல்பம்! DIN DIN Thursday, December 1, 2016 05:57 PM +0530  

கிரிக்கெட் வீரர் யுவ்ராஜ் சிங்குக்கும் லண்டனைச் சேர்ந்த நடிகை ஹசல் கீச்சுக்கும் சீக்கிய முறைப்படி இன்று திருமணம் நடைபெற்றது.  

நேற்று, சண்டிகரில் முதல் வரவேற்பு நிகழ்ச்சி நடைபெற்றது. டெஸ்ட் போட்டி, நான்கு நாளில் முடிவடைந்ததால், கோலி உள்ளிட்ட இந்திய கிரிக்கெட் வீரர்கள் வரவேற்பு நிகழ்ச்சியில் கலந்துகொண்டார்கள். டிசம்பர் 2 அன்று ஹிந்து முறைப்படி கோவாவில் திருமணம் நடைபெறுகிறது. டிசம்பர் 7 அன்று டெல்லியில் பெரிய அளவில் வரவேற்பு நிகழ்ச்சி நடைபெறவுள்ளது.

 

 

 

 

 

 

 

 

 

 

 

]]>
http://www.dinamani.com/latest-news/sub-latest-news/2016/dec/01/யுவ்ராஜ்-சிங்-திருமண-ஆல்பம்-2608636.html
2604986 தற்போதைய செய்திகள் தற்போதைய செய்திகள் தமிழகத்தில் வறண்ட வானிலை நீடிக்கும்: வானிலை ஆய்வு மையம் DIN DIN Friday, November 25, 2016 09:56 PM +0530 வங்கக் கடலில் நிலை கொண்டிருந்த காற்றழுத்தத் தாழ்வு நிலையானது வலுவிழந்ததால், தமிழகத்தில் வறண்ட வானிலையே நிலவும் என்று சென்னை வானிலை ஆய்வு மையம் தெரிவித்துள்ளது.

இந்நிலையில் தமிழகத்தில் வறண்ட வானிலையே நிலவும் எனறு சென்னை வானிலை ஆய்வு மையம் அறிவித்துள்ளது.

தென்மேற்கு வங்கக் கடலில் உருவான காற்றழுத்தத் தாழ்வு நிலையானது வலுவிழந்துவிட்டது. எனவே, தமிழகம், புதுவையில் வறண்ட வானிலையே நிலவும்.

மேகங்கள் உருவாகாத காரணத்தினால், வெப்பநிலை குறைவாகக் காணப்பட்டு பனிப்பொழிவு நீடிக்கும். அடுத்த 4, 5 தினங்களுக்கு இதே நிலையே நீடிக்கும் என்று அவர்கள் தெரிவித்தனர்.

]]>
http://www.dinamani.com/latest-news/sub-latest-news/2016/nov/25/தமிழகத்தில்-வறண்ட-வானிலை-நீடிக்கும்-வானிலை-ஆய்வு-மையம்-2604986.html
2604985 தற்போதைய செய்திகள் தற்போதைய செய்திகள் வங்கிகள் நாளையும், நாளை மறுநாளும் விடுமுறை DIN DIN Friday, November 25, 2016 09:52 PM +0530 தமிழகத்தில் அனைத்து வங்கிக் கிளைகளுக்கும் சனி, ஞாயிறு ஆகிய இரண்டு நாள்களும் விடுமுறை விடப்பட்டுள்ளது. மாதத்தில் இரண்டாவது, நான்காவது சனிக்கிழமையன்று விடுமுறையாகவும், ஒன்றாவது, மூன்றாவது சனிக்கிழமைகள் வேலைநாளாகவும் வங்கிக் கிளைகள் செயல்பட்டு வருகின்றன. இந்த நடைமுறை கடந்த ஆண்டு ஆகஸ்ட் முதல் நடைமுறைக்கு வந்துள்ளன.

அதன்படி, நான்காவது சனிக்கிழமையான நவம்பர் 26-ஆம் தேதியன்று வங்கிக் கிளைகளுக்கு விடுமுறை அறிவிக்கப்பட்டுள்ளது. மேலும், ஞாயிற்றுக்கிழமை பொது விடுமுறை என்பதால் வங்கிக் கிளைகள் அனைத்தும் திங்கள்கிழமையன்றே (நவ.28) செயல்படும்.

]]>
http://www.dinamani.com/latest-news/sub-latest-news/2016/nov/25/வங்கிகள்-நாளையும்-நாளை-மறுநாளும்-விடுமுறை-2604985.html
2604984 தற்போதைய செய்திகள் தற்போதைய செய்திகள் முதல்வர் தாமாகவே சுவாசிக்கிறார்: பிரதாப் ரெட்டி DIN DIN Friday, November 25, 2016 09:48 PM +0530 முதல்வர் ஜெயலலிதா 90 சதவீதம் தாமாகவே சுவாசிக்கிறார் என்றும் இயன்முறை நிபுணர்களின் முயற்சியால் உடற்பயிற்சியில் ஈடுபட முயற்சிக்கிறார் என்று அப்பல்லோ மருத்துவமனையின் தலைவர் பிரதாப் சி.ரெட்டி கூறினார்.

அப்பல்லோ மருத்துவர்கள் குழுவினர் முதல்வருக்கு சிறப்பான சிகிச்சையை அளித்துள்ளனர். 6, 7 வாரங்கள் தீவிர சிகிச்சைப் பிரிவில் சிகிச்சை அளிக்கப்பட்ட பின்பு, அவர் சாதாரண வார்டுக்கு மாற்றப்பட்டுள்ளார்.

ஏற்கெனவே வழங்கப்பட்ட அதே சிகிச்சையே அவருக்குத் தொடர்ந்து தேவைப்படுகிறது. மருத்துவமனையைச் சேர்ந்த இருதயவியல், சிறுநீரகவியல், நுரையீரல் சிகிச்சை உள்ளிட்டத் துறை மருத்துவ நிபுணர்கள் இணைந்து முடிவெடுத்ததன் அடிப்படையில் அவர் சாதாரண வார்டுக்கு மாற்றப்பட்டுள்ளார். மருத்துவர்களின் தொடர் சிகிச்சையால் தற்போது முதல்வரின் அனைத்து உடல் உறுப்புகளும் சீராக இயங்குகின்றன.

]]>
http://www.dinamani.com/latest-news/sub-latest-news/2016/nov/25/முதல்வர்-தாமாகவே-சுவாசிக்கிறார்-பிரதாப்-ரெட்டி-2604984.html
2604983 தற்போதைய செய்திகள் தற்போதைய செய்திகள் ரூ.500, ரூ.1,000 நோட்டுகளை ரிசர்வ் வங்கியில் மட்டும் மாற்றலாம் DIN DIN Friday, November 25, 2016 09:45 PM +0530 தமிழகம் உள்பட நாடு முழுவதும் உள்ள ரிசர்வ் வங்கிகளில் பழைய ரூ.500, ரூ.1,000 நோட்டுகளை மாற்றிக் கொள்ளலாம்.

வங்கிகளில், தபால் அலுவலகங்களில் பழைய நோட்டுகளை மாற்றுவது நேற்றுடன் (நவ.24) முடிவுக்கு வந்ததைத் தொடர்ந்து, ரிசர்வ் வங்கியில் மட்டும் மாற்றிக் கொள்ளும் புதிய ஏற்பாட்டை மத்திய அரசு அறிவித்துள்ளது.

சென்னையில் உள்ள ரிசர்வ் வங்கியிலும் வரும் திங்கள்கிழமை முதல் ரூ.2,000 அளவுக்கு செல்லாத ரூபாய் நோட்டுகளை கொடுத்து கையில் மை இடப்பட்டு மாற்றிக் கொள்ளலாம்.

]]>
http://www.dinamani.com/latest-news/sub-latest-news/2016/nov/25/ரூ500-ரூ1000-நோட்டுகளை-ரிசர்வ்-வங்கியில்-மட்டும்-மாற்றலாம்-2604983.html
2604302 தற்போதைய செய்திகள் தற்போதைய செய்திகள் ஊருக்குள் புகுந்த சிறுத்தையை கொடூரமாக கொன்ற கிராம வாசிகள் DIN DIN Thursday, November 24, 2016 10:12 PM +0530 தேசியத் தலைநகர் வலயப் பகுதியான குர்கானில் இன்று சோனா கிராமத்துக்குள் புகுந்த சிறுத்தையை கிராம வாசிகள் கொடூரமாக அடித்துக் கொன்றனர்.
மந்தவர் கிராமத்திற்குள் இன்று காலை புகுந்த சிறுத்தை, அப்பகுதியில் இருந்த சில விலங்குகளை தாக்கியுள்ளது. இந்நிலையில், கசன் கி தானி, சுக்ரோலி கிராமத்தைச் சேர்ந்த சுமார் 1,500 பேர் அந்த சிறுத்தையை விரட்டச் சென்றனர்.
அப்போது, கம்பு, கோடரி, கற்கல் உள்ளிட்டவற்றால் சிறுத்தையை அவர்கள் தாக்கியுள்ளனர். சம்பவம் தொடர்பாக தகவல் கிடைத்ததை அடுத்து, மாவட்ட வனத்துறை அதிகாரி, 3 ஆய்வாளர்கள், கால்நடை மருத்துவர், சிறுத்தையை பிடிப்பதற்கான கூண்டு என தயார் நிலையில் வந்தோம்.
ஆனால், ஆக்ரோஷமான கிராம மக்கள் சிறுத்தையை தாக்கினர். இதை எங்களால் தடுக்க இயலவில்லை. சிறுத்தையும் பதிலுக்கு தாக்கியதில் வனக் காவலர் ஒருவரும், கிராமவாசிகள் 8 பேரும் காயமடைந்தனர். இறுதியில் கிராம மக்களின் கொடூரமான தாக்குதலில் அந்தச் சிறுத்தை உயிரிழந்தது.
சிறுத்தையிடம் சடலத்தை பிரேதப் பரிசோதனை செய்ய 3 மருத்துவர்கள் குழு நியமிக்கப்பட்டுள்ளது. சிறுத்தை கொல்லப்படுவதற்கு காரணமாக இருந்தவர்கள் மீது சட்ட ரீதியான நடவடிக்கை எடுக்கப்படும் என்றார்.

]]>
http://www.dinamani.com/latest-news/sub-latest-news/2016/nov/24/ஊருக்குள்-புகுந்த-சிறுத்தையை-கொடூரமாக-கொன்ற-கிராம-வாசிகள்-2604302.html
2604301 தற்போதைய செய்திகள் தற்போதைய செய்திகள் லஞ்சமாக வழங்கப்படும் பழைய ரூபாய் நோட்டுகள்! DIN DIN Thursday, November 24, 2016 10:02 PM +0530 உயர் மதிப்புள்ள பழைய ரூபாய் செலாவணிகளை ஒருசில அதிகாரிகள் லஞ்சமாகப் பெற ஆர்வம் காட்டி வருவதாக குற்றச்சாட்டு எழுந்துள்ளது.
500, 1000 ரூபாய் செலாவணிகளை செல்லாததாக கடந்த நவ.8-ஆம் தேதி பிரதமர் நரேந்திர மோடி அறிவித்தார். அதன் விளைவாக பணப் பரிமாற்றத்தில் தடுமாற்றம் ஏற்பட்டது.

பழைய ரூபாய் செலாவணிகளைச் செல்லாததாக அறிவித்ததால் வணிகம் மட்டுமல்லாது அரசு அலுவலகங்களில் லஞ்சம் பெறுவதும் குறைந்துள்ளதாகக் கூறப்படுகிறது. ஆனாலும், ஒருசில அரசு அதிகாரிகள், பழைய 500, 1000 ரூபாய் செலாவணிகளையே லஞ்சமாகப் பெற்றுக் கொள்ள ஆர்வம் காட்டி வருகின்றனர்.

பணப் பரிமாற்றம் கட்டுப்படுத்தப்பட்டிருக்கும் நிலையில், கையூட்டு வாங்கிப் பழகிப்போன ஒருசில அரசு அலுவலர்கள் பழைய ரூபாய் செலாவணிகளை பெற்றுக் கொண்டு பொதுமக்களுக்கு சேவை அளிக்கின்றனர். டிச.30-ஆம் தேதிவரை பழைய ரூபாய் செலாவணிகளை கையூட்டாக பெற்றுக் கொள்ள ஊழல் அதிகாரிகள் தயங்கமாட்டார்கள் என்றார்.

]]>
http://images.dinamani.com/uploads/user/imagelibrary/2016/11/24/w600X390/old_currency.jpg http://www.dinamani.com/latest-news/sub-latest-news/2016/nov/24/லஞ்சமாக-வழங்கப்படும்-பழைய-ரூபாய்-நோட்டுகள்-2604301.html
2600900 தற்போதைய செய்திகள் தற்போதைய செய்திகள் தமிழக பிரச்னைகளை எம்.பி.க்கள் நாடாளுமன்றத்தில் எழுப்ப வேண்டும்: ஜி.கே.வாசன் DIN DIN Friday, November 18, 2016 10:09 PM +0530 நாடாளுமன்ற குளிர்காலக் கூட்டத் தொடரில் தமிழகத்தின் முக்கியமான பிரச்னைகளை தமிழக எம்.பி.க்கள் எழுப்ப வேண்டும் என்று தமாகா தலைவர் ஜி.கே.வாசன் வலியுறுத்தியுள்ளார்.

நாடாளுமன்றத்தின் குளிர்கால கூட்டத்தொடர் வரும் புதன்கிழமை தொடங்குகிறது. இதில், நாட்டு மக்களின் பிரச்னைகள் குறித்தும், நாட்டின் முன்னேற்றத்துக்கான வழிமுறைகள் குறித்தும் முக்கியமாக கள்ளப் பணம்  ஒழிப்பு முறையினால் சாதாரண ஏழை, எளிய, நடுத்தர மக்களுக்கு சில்லறை பணம் கிடைப்பதில் உள்ள இன்னல்கள் குறித்தும் விவாதங்கள் நடைபெற வேண்டும்.
 இந்தக் கூட்டத்தொடரில் தமிழக நாடாளுமன்ற உறுப்பினர்கள் தமிழக பிரச்னைகள் குறித்தும், தேசிய அளவில் உள்ள பல்வேறு முக்கியப் பிரச்னைகள் குறித்தும் முறையிட வேண்டும் என்றார்.

]]>
http://www.dinamani.com/latest-news/sub-latest-news/2016/nov/18/தமிழக-பிரச்னைகளை-எம்பிக்கள்-நாடாளுமன்றத்தில்-எழுப்ப-வேண்டும்-ஜிகேவாசன்-2600900.html
2600899 தற்போதைய செய்திகள் தற்போதைய செய்திகள் ஈரோடு - சென்னை பகல் நேர ரயிலை நிறுத்த சேலம் ரயில்வே கோட்டம் முடிவு DIN DIN Friday, November 18, 2016 08:56 PM +0530 ஈரோடு - சென்னை பகல் நேர ரயிலுக்கு போதிய பயணிகள் வராததால், ரயில் சேவையை நிறுத்துவது குறித்து பரிசீலிக்கப்படும் என சேலம் ரயில்வே கோட்டம் தெரிவித்துள்ளது.
இதில், சராசரியாக 20 சதவீத இருக்கைகள் மட்டுமே பதிவு செய்யப்பட்டு, பெரும்பாலான இருக்கைகள் காலியாகவே உள்ளன. எனவே, ரயில் பயணிகள் இந்த ரயிலை பெருமளவில் பயன்படுத்திக் கொள்ள முன்வர வேண்டும். இந்த ரயிலைத் தொடர்ந்து இயக்குவது பற்றியோ அல்லது இதே ரயிலை வழக்கமான ரயில் சேவையாக மாற்றுவது குறித்தோ ரயில்வே நிர்வாகம் பரிசீலிக்க இயலும்.
இல்லாவிட்டால், இந்த ரயில் சேவையை நிறுத்துவது குறித்து ரயில்வே நிர்வாகம் பரிசீலிக்க நேரிடும் எனத் தெரிவிக்கப்பட்டுள்ளது.

]]>
http://www.dinamani.com/latest-news/sub-latest-news/2016/nov/18/ஈரோடு---சென்னை-பகல்-நேர-ரயிலை-நிறுத்த-சேலம்-ரயில்வே-கோட்டம்-முடிவு-2600899.html
2600896 தற்போதைய செய்திகள் தற்போதைய செய்திகள் நாசிக்கில் அச்சகத்தில் புதிய 1 ரூபாய் அச்சு DIN DIN Friday, November 18, 2016 08:48 PM +0530 சில்லரை தட்டுப்பாட்டை போக்க புதிய 1 ரூபாய் நோட்டை விரைவில் அறிமுகப்படுத்த ரிசர்வ் வங்கி திட்டமிட்டுள்ளது. ரூபாய் நோட்டுக்கள் அச்சிடும் நாசிக் அச்சகத்தில் புதிய 1 ரூபாய் நோட்டுக்கள் மீண்டும் அச்சிடப்பட்டுள்ளது.

இந்நிலையில் 30 ஆண்டுகளுக்குப் பிறகு நாசிக்கில் உள்ள ரூபாய் அச்சிடும் அச்சகத்தில் புதிய 1 ரூபாய் நோட்டு அச்சிடப்பட்டுள்ளது. மேலும் 10, 20 மற்றம் 50 ரூபாய் நோட்டுக்கள் அச்சிட மத்திய அரசு உத்தரவு பிறப்பித்துள்ளது.

]]>
http://images.dinamani.com/uploads/user/imagelibrary/2016/11/18/w600X390/rupee.jpg http://www.dinamani.com/latest-news/sub-latest-news/2016/nov/18/நாசிக்கில்-அச்சகத்தில்-புதிய-1-ரூபாய்-அச்சு-2600896.html
2600894 தற்போதைய செய்திகள் தற்போதைய செய்திகள் ஏடிஎம் கார்டு மூலம் பெட்ரோல் பங்க்குகளில் இனி பணம் பெறலாம் DIN DIN Friday, November 18, 2016 08:41 PM +0530 நாடு முழுவதும் உள்ள 686 பெட்ரோல் பங்க்குகளில் ஏடிஎம் கார்டு மூலம் ரூபாய் 2000 பணமெடுக்க பாரத ஸ்டேட் வங்கி ஏற்பாடு செய்துள்ளது. இதற்காக பாரத ஸ்டேட் வங்கி இந்தியன் ஆயில், பாரத் பெட்ரோலியம் மற்றும் ஹிந்துஸ்தான் ஆகிய 3 எண்ணெய் நிறுவனங்களுடன் உடன்படிக்கை செய்து கொண்டுள்ளது.

இந்த அறிவிப்பை அடுத்து வங்கிகளிலும், ஏடிஎம்களிலும் கால் கடுக்க காத்திருந்த மக்கள் இன்று பெட்ரோல் பங்க்குகளில் குவியத் தொடங்கினர். பெட்ரோல் போட வரும் வாகன ஓட்டிகள் மட்டுமின்றி, பணம் பெறுவதற்காக பங்க்குகளில் மக்கள் குவிந்ததால் அங்குள்ள ஊழியர்கள் சிரமத்திற்கு ஆளாகினர். எந்தெந்த பெட்ரோல் பங்க்குகளில் பணம் வழங்கப்படும் என்ற அறிவிப்பு தெளிவாக வெளியிடப்படாததால் ஒவ்வொரு பெட்ரோல் பங்க்காக அலைந்து வருவதாக பொதுமக்கள் குற்றஞ்சாட்டியுள்ளனர்.

தமிழகத்தில் 4470 பெட்ரோல் பங்க்கள் உள்ளன. இதில் எத்தனை பங்க்களில் பணம் எடுக்கலாம், சென்னையில் எந்தெந்த பங்க்களில் பணம் பெறலாம் என்ற விவரங்கள் இனிமேல் தான் தெரிய வரும்.

]]>
http://images.dinamani.com/uploads/user/imagelibrary/2016/10/21/w600X390/atm.jpg http://www.dinamani.com/latest-news/sub-latest-news/2016/nov/18/ஏடிஎம்-கார்டு-மூலம்-பெட்ரோல்-பங்க்குகளில்-இனி-பணம்-பெறலாம்-2600894.html
2600897 தற்போதைய செய்திகள் தற்போதைய செய்திகள் பழைய ரூ.500 நோட்டுகளை மீண்டும் புழக்கத்தில் விட வேண்டும்: மம்தா DIN DIN Friday, November 18, 2016 08:36 PM +0530 மக்களுக்கு ஏற்பட்டுள்ள அசெளகரியங்களைக் குறைக்க பழைய ரூ.500 நோட்டுகளை மீண்டும் புழக்கத்தில் விட வேண்டும் என்று மேற்கு வங்க முதல்வரும், திரிணமூல் காங்கிரஸ் தலைவருமான மம்தா பானர்ஜி தெரிவித்துள்ளார்.

புழக்கத்தில் இருந்த ரூ.500 மற்றும் ரூ.1,000 நோட்டுகள் செல்லாது என அறிவிக்கப்பட்டதைத் தொடர்ந்து மக்கள் கடும் அவதிக்குள்ளாகி வருகின்றனர். இந்தப் பிரச்னைக்கு நல்ல தீர்வு எட்டப்பட வேண்டும் என்றே நாங்கள் விரும்புகிறோம். தற்போது அறிமுகப்படுத்தப்பட்டுள்ள புதிய ரூபாய் நோட்டுகளுடன் சேர்த்து பழைய ரூ.500 நோட்டுகளையும் புழக்கத்தில் விட வேண்டும். அதேபோன்று ரூ.10 முதல் ரூ.100 வரை உள்ள நோட்டுகளும் எளிதில் கிடைக்கச் செய்ய வேண்டும்.

அத்தகைய நடவடிக்கைகளை மேற்கொண்டால் மக்களிடம் பணப்புழக்கம் ஏற்பட்டு இயல்பு நிலை திரும்பும் என்று அந்த அறிக்கையில் மம்தா தெரிவித்துள்ளார்.

]]>
http://images.dinamani.com/uploads/user/imagelibrary/2014/4/14/0/w600X390/mamta_banerjee.jpg http://www.dinamani.com/latest-news/sub-latest-news/2016/nov/18/பழைய-ரூ500-நோட்டுகளை-மீண்டும்-புழக்கத்தில்-விட-வேண்டும்-மம்தா-2600897.html
2600329 தற்போதைய செய்திகள் தற்போதைய செய்திகள் அகல் விளக்கு தயாரிப்புப் பணி தீவிரம் DIN DIN Thursday, November 17, 2016 10:10 PM +0530 திருவள்ளூர் மாவட்டத்தில் அகல் விளக்குகளை தயாரிக்கும் பணி தீவிரமாக நடைபெற்று வருகிறது. இதையொட்டி, திருவள்ளூர் மாவட்டத்தில் தற்போது அகல் விளக்குகளை தயார் செய்யும் பணி தீவிரமாக நடைபெற்று வருகிறது.

அளவுக்கு ஏற்றாற்போல் ரூ. 2 முதல் ரூ. 10 வரை அகல் விளக்குகள் விற்கப்படுகின்றன.

இந்நிலையில், கார்த்திகை தீபத்தையொட்டி பீங்கான் விளக்குகள், பிளாஸ்டிக் விளக்குகள் விற்பனைக்கு வந்துள்ளதால் பாரம்பரிய மண் விளக்குகளுக்கு மவுசு குறைந்து வருவதாக மண்பாண்டத் தொழிலாளர்கள் அதிருப்தி தெரிவித்துள்ளனர்.

]]>
http://www.dinamani.com/latest-news/sub-latest-news/2016/nov/17/அகல்-விளக்கு-தயாரிப்புப்-பணி-தீவிரம்-2600329.html
2600328 தற்போதைய செய்திகள் தற்போதைய செய்திகள் விவேகானந்தர் நினைவு மண்டபத்துக்கு வெளிநாட்டுப் பயணிகள் படகில் இலவசமாகச் செல்லலாம் DIN DIN Thursday, November 17, 2016 09:46 PM +0530 ரூ.500, ரூ.1,000 நோட்டு செல்லாது என்ற அறிவிப்பைத் தொடர்ந்து, வெளிநாட்டு சுற்றுலாப் பயணிகள் நலன் கருதி, கன்னியாகுமரி கடலில் அமைந்துள்ள விவேகானந்தர் நினைவு மண்டபம் மற்றும் திருவள்ளுவர் சிலைக்கு அவர்கள் இலவசமாக படகில் செல்லலாம் என மத்திய அரசு உத்தரவிட்டுள்ளது.

இந்தியாவில் நிலவும் பணத் தட்டுப்பாடு காரணமாக, கன்னியாகுமரிக்கு வருகை தரும் வெளிநாட்டு சுற்றுலாப் பயணிகள் பாதிக்கப்படாத வகையில், விவேகானந்தர் நினைவு மண்டபம் மற்றும் திருவள்ளுவர் சிலைக்குச் சென்றுவர அவர்களுக்கான கட்டணத்தை இன்று முதல் ரத்து செய்து மத்திய அரசு உத்தரவிட்டுள்ளது.

]]>
http://images.dinamani.com/uploads/user/imagelibrary/2016/11/17/w600X390/shrivivekananda.jpg http://www.dinamani.com/latest-news/sub-latest-news/2016/nov/17/விவேகானந்தர்-நினைவு-மண்டபத்துக்கு-வெளிநாட்டுப்-பயணிகள்-படகில்-இலவசமாகச்-செல்லலாம்-2600328.html
2600326 தற்போதைய செய்திகள் தற்போதைய செய்திகள் தங்கம் பவுனுக்கு ரூ.96 குறைவு DIN DIN Thursday, November 17, 2016 08:54 PM +0530 ஆபரணத் தங்கத்தின் விலை சென்னையில் பவுனுக்கு ரூ.96 குறைந்து, ரூ.22,920-க்கு விற்பனையானது. இன்றைய மாலை நிலவரப்படி, ஆபரணத் தங்கத்தின் விலை கிராமுக்கு ரூ.12 குறைந்து, ரூ.2,865-க்கு விற்பனையானது.

வெள்ளியின் விலை கிலோவுக்கு ரூ.60 குறைந்து, ஒரு கிலோ கட்டி வெள்ளி ரூ.41,595-க்கு விற்பனையானது.

]]>
http://www.dinamani.com/latest-news/sub-latest-news/2016/nov/17/தங்கம்-பவுனுக்கு-ரூ96-குறைவு-2600326.html
2600325 தற்போதைய செய்திகள் தற்போதைய செய்திகள் தென் மாவட்டங்களில் சமையல் கேஸ் சமையல் கேஸ் தட்டுப்பாடு ஏற்படும் அபாயம் DIN DIN Thursday, November 17, 2016 08:49 PM +0530 தூத்துக்குடியில் பாரத் கேஸ் கொண்டுசெல்லும் லாரி ஓட்டுநர்கள் வியாழக்கிழமை இரண்டாவது நாளாக போராட்டத்தில் ஈடுபட்டதால் திருநெல்வேலி, தூத்துக்குடி, கன்னியாகுமரி உள்ளிட்ட 7 மாவட்டங்களிலும், கேரள மாநிலத்திலும் சமையல் எரிவாயு உருளைகளுக்கான தட்டுப்பாடு ஏற்படும் அபாயம் ஏற்பட்டுள்ளது.
இரண்டாவது நாளாக வியாழக்கிழமையும் லாரி ஓட்டுநர்கள் போராட்டத்தை தொடர்ந்தனர். லாரிகள் ஏதும் ஆலைக்குள் சென்று கேஸ் நிரப்பாததால் சாலையோரத்தில் நூற்றுக்கும் மேற்பட்ட லாரிகள் நிறுத்தப்பட்டிருந்தன. இதனால், 7 மாவட்டங்களில் சமையல் கேஸ் தட்டுப்பாடு ஏற்படும் சூழல் உருவாகியுள்ளது.

]]>
http://www.dinamani.com/latest-news/sub-latest-news/2016/nov/17/தென்-மாவட்டங்களில்-சமையல்-கேஸ்-சமையல்-கேஸ்-தட்டுப்பாடு-ஏற்படும்-அபாயம்-2600325.html
2600324 தற்போதைய செய்திகள் தற்போதைய செய்திகள் தஞ்சாவூர், அரவக்குறிச்சி தொகுதியில் ஓய்ந்தது பிரசாரம் DIN DIN Thursday, November 17, 2016 08:42 PM +0530 தஞ்சாவூர், அரவக்குறிச்சி தொகுதியில் நடைபெற்று வந்த அனல் பறக்கும் தேர்தல் பிரசாரம் இன்று மாலை 5 மணியுடன் நிறைவடைந்தது.

தஞ்சாவூரில் பிரசாரம் நிறைவு

திமுக சார்பில் அக்கட்சியின் பொருளாளரும், சட்டப்பேரவை எதிர்க்கட்சித் தலைவருமான மு.க. ஸ்டாலின், எதிர்க்கட்சி துணைத் தலைவர் துரைமுருகன், திராவிடர் கழகத் தலைவர் கி. வீரமணி, தமிழ்நாடு காங்கிரஸ் தலைவர் எஸ். திருநாவுக்கரசர் உள்ளிட்டோர் பிரசாரம் செய்தனர்.

பிரசாரத்தின் நிறைவு நாளான இன்று மாலை ஸ்டாலின் தஞ்சாவூர் பழைய பேருந்து நிலையம் அருகேயுள்ள அண்ணா சிலை பகுதியிலும், அதிமுக அமைச்சர்கள் ரயிலடியில் உள்ள எம்.ஜி.ஆர். சிலை முன்பும், சீமான் கீழவாசல் காமராஜர் சிலை முன்பும் பிரசாரத்தை நிறைவு செய்தனர்.

அரவக்குறிச்சியில் பிரசாரம் நிறைவு

அரவக்குறிச்சி தொகுதியில் அதிமுக வேட்பாளர் வி.செந்தில்பாலாஜி அரவக்குறிச்சி பேருந்து நிலையம் முன் தனது இறுதிக் கட்ட பிரசாரத்தை நிறைவு செய்தார். திமுக வேட்பாளர் கே.சி. பழனிசாமி பள்ளபட்டி பேருந்து நிலையத்துக்கு முன்பும், தேமுதிக மற்றும் பாஜக வேட்பாளர்கள் அரவக்குறிச்சி வட்டாட்சியர் அலுவலகம் முன் இறுதிக்கட்ட பிரசாரத்தில் ஈடுபட்டனர். பாமக வேட்பாளர் பாஸ்கரன் ஈசநத்தம் நான்குரோடு பகுதியில் பிரசாரம் மேற்கொண்டார்.

]]>
http://www.dinamani.com/latest-news/sub-latest-news/2016/nov/17/தஞ்சாவூர்-அரவக்குறிச்சி-தொகுதியில்-ஓய்ந்தது-பிரசாரம்-2600324.html
2600323 தற்போதைய செய்திகள் தற்போதைய செய்திகள் முடங்கிய நிலையில் புதுச்சேரி ஏடிஎம் மையங்கள்: தொடர்ந்து மக்கள் தவிப்பு DIN DIN Thursday, November 17, 2016 08:13 PM +0530 புதுச்சேரியில் ஏடிஎம் மையங்கள் முடங்கி உள்ளதால் பொதுமக்களின் பாதிப்பு தொடர்ந்து வருகிறது.
கடந்த 8-ம் தேதி முதல் இரவு ரூ.500, ரூ.1000 நோட்டுக்கள் செல்லாது. எனவே அந்த நோட்டுக்களை வங்கிகளில் கொடுத்து மாற்றிக் கொள்ள வேண்டும் என பிரதமர் நரேந்திர மோடி அறிவிப்பு வெளியிட்டார். மேலும் புதிய ரூ.2 ஆயிரம் நோட்டுக்களும் அறிமுகம் செய்யப்பட்டது.
இதையடுத்து 10-ம் தேதி முதல் பொதுமக்கள் வங்கிகளுக்குச் சென்று தங்களிடம் உள்ள பழைய ரூ.500 ரூ.1000 நோட்டுக்களை வங்கிகளில் கொடுத்து மாற்றி வருகின்றனர்.
இதனால் அனைத்து வங்கிக் கிளைகளிலும் கூட்டம் அலைமோதியது. ரூ.100 நோட்டுக்கள் இல்லாததால் ஏடிஎம் மையங்கள் குறைந்த அளவிலேயே திறக்கப்பட்டன.
அதிலும் மக்கள் உடனுக்குடன் எடுத்துவிட்டதால் ஏடிஎம் மையங்களில் பணம் போடுவது நிறுத்தப்பட்டு விட்டது. இதனால் வங்கிகளில் கூட்டம் இருந்து வருகிறது.
பணம் மாற்றுவதற்கும், எடுப்பதற்கும் குறிப்பிட்ட தொகை மட்டுமே நிர்ணயிக்கப்பட்டுள்ளதால் பணத்தை எடுத்தவர்களே திரும்ப, திரும்ப வங்கிக்கு வரும் நிலை ஏற்பட்டது.

]]>
http://www.dinamani.com/latest-news/sub-latest-news/2016/nov/17/முடங்கிய-நிலையில்-புதுச்சேரி-ஏடிஎம்-மையங்கள்-தொடர்ந்து-மக்கள்-தவிப்பு-2600323.html
2600321 தற்போதைய செய்திகள் தற்போதைய செய்திகள் 5 மாத காங்கிரஸ் ஆட்சியில் 500 சாதனைகள்: ஈவிகேஸ். இளங்கோவன் DIN DIN Thursday, November 17, 2016 08:10 PM +0530 5 மாத காங்கிரஸ் ஆட்சியில் 500 சாதனைகள் புரிந்துள்ளார் நாராயணசாமி என தமிழ்நாடு காங்கிரஸ் முன்னாள் தலைவர் ஈவிகேஎஸ். இளங்கோவன் கூறியுள்ளார்.
நெல்லித்தோப்பு தொகுதி வேட்பாளரான முதல்வர் நாராயணசாமிக்கு ஆதரவாக நேற்று இரவு தேர்தல் பிரசாரத்தில் அவர் பேசியதாவது:
முதல்வர் நாராயணசாமிக்கு வாக்கு கேட்டு வரவில்லை. அவருக்காக ஜான்குமார் தனது பதவியை ராஜிநாமா செய்த போதே அவர் வெற்றி உறுதியாகி விட்டது. புதுவை மாநிலத்துக்காக ஜான்குமார் இத்தகைய செயலை செய்துள்ளார்.
தமிழகத்தில் திமுகவும், புதுச்சேரியில் காங்கிரஸும் இடைத்தேர்தலில் மிகப்பெரிய வெற்றி பெறும். ஆட்சியமைத்த ஐந்து மாதங்களிலேயே 500 சாதனைகளை சாதனை படைத்தவர் நாராயணசாமி.
கூடங்குளம் அணுமின் நிலையத்தின் எதிர்ப்பாளர்களோடு இணைந்து அதிமுக அரசு செயல்பட்டது. ஆனால் நாராயணசாமி தனது விடா முயற்சியால் அங்கு மின் உற்பத்தி வர காரணமானார். தற்போது தமிழக அரசு கூடுதல் மின்சாரம் தருமாறு கோருவது வேடிக்கையாக உள்ளது.
ரூபாய் நோட்டுக்கள் செல்லாது என்ற பிரதமரின் அறிவிப்பால் பல்வேறு தரப்பு மக்களும் கடும் பாதிப்பு அடைந்துள்ளனர். கருப்பு பணத்தை ஒழிக்க வேண்டும் என்பதில் மாற்றுக்கருத்து இல்லை. ஆனால் முன்னேற்பாடுகள் இல்லாமல் அறிவிப்பு செய்து மக்களை துன்பத்தில் ஆழ்த்தியுள்ளார்.
புதுச்சேரியில் இருந்து நாட்டின் முக்கிய நகரங்களுக்கு ரயில் போக்குவரத்து ஏற்படுத்தப்பட்டது. மேலும் வரும் ஜனவரி மாதம் முதல் விமான போக்குவரத்தை தொடங்க நாராயணசாமி நடவடிக்கை எடுத்துள்ளார்.
அவரது தலைமையின் கீழ் புதுச்சேரி மாநிலம் துரிதமான வளர்ச்சியைப் பெறும். தமிழகத்தைச் சேர்ந்தவர்களே பொறாமைப்படும் அளவுக்கு புதுச்சேரி விளங்கும் என்றார் இளங்கோவன்.

]]>
http://www.dinamani.com/latest-news/sub-latest-news/2016/nov/17/5-மாத-காங்கிரஸ்-ஆட்சியில்-500-சாதனைகள்-ஈவிகேஸ்-இளங்கோவன்-2600321.html
2600319 தற்போதைய செய்திகள் தற்போதைய செய்திகள் அண்ணா மேம்பாலம் அருகே செல்போன் டவர் மீது ஏறி இளைஞர் தற்கொலை மிரட்டல் DIN DIN Thursday, November 17, 2016 07:55 PM +0530 ரூ.500 மற்றும் 1000 நோட்டுகள் செல்லாது என்று கடந்த 8-ம் தேதி இரவு மத்திய அரசு அறிவித்தது. அறிவிப்பைத் தொடர்ந்து நாடு முழுவதும் வங்கிகள் மற்றும் ஏ.டி.எம்.களில் பணம் எடுக்க மக்கள் குவிந்து வண்ணம் உள்ளனர். இதனால் பல்வேறு பகுதிகளில் புதிய ரூபாய் நோட்டுக்கள் வழங்கும் வகையில் ஏ.டி.எம். இயந்திரங்களில் மாற்றம் செய்யப்படாததால், பணம் எடுக்க முடியாமல் பொதுமக்கள் அவதிப்பட்டனர்.
 
இந்நிலையில் ரூபாய் 500 மற்றும் 1000 நோட்டு மாற்றத்திற்கு எதிர்ப்பு தெரிவித்து சென்னை அண்ணா மேம்பாலம் அருகே ரவிச்சந்திரன் என்பவர் செல்போன் டவர் மீது ஏறி தற்கொலை மிரட்டல் விடுத்து வந்தார். இதனால் அங்கே கடும் போக்குவரத்து நெரிசல் ஏற்பட்டது. தற்கொலை மிரட்டலைக் கைவிடும்படி போஸார் ரவிச்சந்திரனிடம் தொடர்ந்து பேச்சுவார்த்தை நடத்தி வருகின்றனர். இதனால் சென்னை மக்களிடையே பரபரப்பை ஏற்படுத்தியுள்ளது.

]]>
http://www.dinamani.com/latest-news/sub-latest-news/2016/nov/17/அண்ணா-மேம்பாலம்-அருகே-செல்போன்-டவர்-மீது-ஏறி-இளைஞர்-தற்கொலை-மிரட்டல்-2600319.html
2600318 தற்போதைய செய்திகள் தற்போதைய செய்திகள் பணம் தட்டுப்பாடு: ஊதியத்தை ரொக்கமாக அளிக்க தலைமை ஆசிரியர் சங்கம் கோரிக்கை DIN DIN Thursday, November 17, 2016 07:45 PM +0530 மத்திய அரசால் கடந்த வாரம் ரூ.500, ரூ.1000 பணத்தாள்கள் செல்லாது என அறிவித்துள்ள நிலையில், புதிய தாள்களைப் பெறுவதற்கும், ஏடிஎம் மையங்களில் எடுப்பதற்கும் நீடித்து வரும் தட்டுப்பாட்டைக் கருத்தில் கொண்டு ஆசிரியர்கள், அரசு ஊழியர்களுக்கான ஊதியத்தை ரொக்கமாக வழங்க தமிழக முதல்வர் நடவடிக்கை எடுக்க வேண்டுமென தமிழ்நாடு உயர்நிலைப்பள்ளி, மேனிலைப்பள்ளி தலைமை ஆசிரியர் சங்கம் கோரிக்கை விடுத்துள்ளது.

இது குறித்து அச்சங்கத்தின் மாநிலத்தலைவர், முனைவர் சாமி. சத்தியமூர்த்தி  தமிழக முதல்வருக்கு அனுப்பியுள்ள கோரிக்கை மனுவிவரம்:
மத்திய அரசு கடந்த வாரம் ரூ.500, ரூ. 1000 பணத்தாள்கள் செல்லாது என அறிவித்தது. அது மட்டுமின்றி தனிநபர் வங்கிகளில் பணப்பரிமாற்றம் செய்யவும் மிகுந்த கட்டுப்பாடுகளும் விதிக்கப்பட்டன. வங்கிகளில் பணம் எடுப்பதற்கு கூட்டம் அதிகமாக உள்ள நிலையில் ஏடிஎம் மையகளிலும் பணம் நிரப்புவதில் பிரச்சினைகள் இருப்பதால் மக்கள் ஏடிஎம் மையங்களில் பணம் எடுப்பதற்காக காத்திருக்க வேண்டிய சிரமமான சூழல் உள்ளது. பல ஏடிஎம் மையங்கள் இன்னும் சீராக இயங்கவில்லை. அலுவலகப் பணிக்கு செல்பவர்கள் ஏடிஎம் மையங்களில் பணம் எடுக்க முடியாத அசாதாரண சூழல் நிலவுகிறது.

இந்நிலையில் தமிழகத்தில் பணியாற்றிவரும் சுமார் 12 லட்சம் அரசு ஊழியர்கள், ஆசிரியர்களுக்கு மாதத்தின் முதல் வாரத்தில் வீட்டு வாடகை, மின்கட்டணம், தொலைபேசி, படிப்புக் கட்டணம், மருத்துவச் செலவுகள் போன்ற அத்தியாவசிய பொருளாதார தேவைகளை தங்கள் ஊதியத்திலிருந்தே அளிக்க வேண்டும். மாத ஊதியத்தை வங்கிக் கணக்கில் இருந்து எடுத்து செலவு செய்வது என்பது தற்போது நிலவி வரும் சூழ்நிலையில் மிகுந்த சிரமத்தை ஏற்படுத்தும். திடீரென ஏற்படும் அவசர செலவுகளை சமாளிக்க முடியாத நிலையும் உருவாகியுள்ளது.

வங்கிகளில் நீண்ட வரிசையில் காத்திருக்க வேண்டியதாலும், ஏடிஎம் மைங்களில் பணம் பெறுவதற்கான தனி நபருக்கான அளவீடு ரூ.2,500 என்ற கட்டுப்பாடு உள்ள நிலையிலும், வேலை நாட்களில் வங்கிக்கு சென்று பணம் எடுப்பதில் சிக்கல்கள் இருக்கின்றன. இந்த அசாதாரண சூழ்நிலையைக் கருத்தில் கொண்டு தமிழக அரசு ஆசி்ரியர்கள், அரசு ஊழியர்களுக்கு நவம்பர் மாதம் முதல் பிப்ரவரி வரையுள்ள 4 மாத ஊதியத்தை கையில் ரொக்கமாக வழங்கவும், நிலுவையில் உள்ள அகவிலைப்படியை வழங்கவும் தமிழக முதல்வர் உடனடியாக ஆணையிட வேண்டுமென வேண்டுகோள் விடுத்துள்ளார்.

]]>
http://www.dinamani.com/latest-news/sub-latest-news/2016/nov/17/பணம்-தட்டுப்பாடு-ஊதியத்தை-ரொக்கமாக-அளிக்க-தலைமை-ஆசிரியர்-சங்கம்-கோரிக்கை-2600318.html
2596064 தற்போதைய செய்திகள் தற்போதைய செய்திகள் பாலியல் தொழில் ஈடுபடுத்த 7-ம் வகுப்பு மாணவியைக் கடத்திய பெண்ணிற்கு 10 ஆண்டு கடுங்காவல் சிறைத் தண்டனை கோ.ஜெயக்குமார், ஸ்ரீவில்லிபுத்தூர். DIN Thursday, November 10, 2016 09:36 PM +0530 விருதுநகர் மாவட்டம், வத்திராயிருப்பில் 7-ம் வகுப்பு படித்து வந்த சிறுமியை பாலியல் தொழில் ஈடுபடுத்துவதற்காக கடத்திச் சென்ற பெண்ணிற்கு ஸ்ரீவில்லிபுத்தூரில் உள்ள மாவட்ட மகளிர் விரைவு நீதிமன்றத்தில் இன்று 10 ஆண்டுகள் கடுங்காவல் சிறைத் தண்டனை விதித்துத் தீர்ப்பு வழங்கியது.
தூத்துக்குடி மாவட்டம், கயத்தாறு, வடக்குத் தெருவைச் சேர்ந்தவர் புஷ்பராஜன் மனைவி லட்சுமி (27). இவர் மீது பாலியல் தொடர்பான பல வழக்குகள் மற்றும் கஞ்சா விற்றது தொடர்பான பல்வேறு வழக்குகள் உண்டு. இவர் வத்திராயிருப்பு நெண்டியம்மன் கோவிலில் வந்து குடியிருந்து வந்தார்.
இதே இடத்தில் குடியிருந்து வருபவர் முருகன் (43). இவரது மனைவி வெள்ளையம்மாள். இவர்களின் மகள் முத்துமாரி (12). இவர் இங்குள்ள தனியார் பள்ளியில் 7-ம் வகுப்பு படித்து வந்தார். 13.2.11-ம் தேதி மாலை முத்துமாரி வீட்டில் தாய் சத்தம் போட்டதால் கோபித்துக்கொண்டு வெளியே நின்று கொண்டிருந்தார். அப்போது லட்சுமி, முத்துமாரியை கடத்திச் சென்று பாலியல் தொழிலில் ஈடுபடுத்தி பணம் சம்பாதிக்கலாம் என்று எண்ணி, அவரிடம் இங்கிருந்தால் உன்னை உன் அம்மா சத்தம் போட்டுக் கொண்டே இருப்பாள். நீ என்னுடன் வா. உன்னை நல்ல வேலைக்குச் சேர்த்து விடுகிறேன் என்று ஆசை வார்த்தைகள் கூறி, பேருந்தில் வலுக்கட்டாயமாக ஏற்றி ஸ்ரீவில்லிபுத்தூருக்கு கூட்டி வந்துள்ளார். பின்னர் அங்கிருந்து திருச்செந்தூருக்கு கூட்டிச் சென்று, 14.2.11-ம் தேதி கோவில் மண்டபத்தில் தங்க வைத்து, தான் உடனே வந்து விடுவதாகக் கூறிச் சென்றவர் திரும்ப வரவில்லையாம்.
தன்னை தவறான செயலுக்கு கடத்தி வந்திருப்பதை அறிந்து அங்கிருந்த முத்துமாரி தப்பி, அங்குள்ள கிறிஸ்தவ ஆதரவற்றோர் இல்லத்தில் சேர்ந்துள்ளார். அங்கிருந்து முத்துமாரியின் பெற்றோர் அவரை 25.10.11-ம் தேதி அழைத்து வந்துள்ளார்கள். வத்திராயிருப்பு காவல் நிலையத்தில் தந்தை கொடுத்த புகாரின் பேரில் லட்சுமி மீது போலீஸார் வழக்குப் பதிவு செய்தனர். காவல் ஆய்வாளர், பாலியல் தொழிலில் ஈடுபடுத்தி பணம் சம்பாதிப்பதற்காக பாதிக்கப்பட்ட இளம் பெண் முத்துமாரியை கடத்திச் சென்றதாக லட்சுமி மீது நீதிமன்றத்தில் குற்ற அறிக்கை தாக்கல் செய்தார்.
வழக்கை விசாரித்த மகளிர் விரைவு நீதிமன்ற நீதிபதி என்.ராஜலட்சுமி, லட்சுமிக்கு எதிரான குற்றச்சாட்டு சந்தேகத்திற்கு இடமின்றி நிரூபிக்கப்பட்டுள்ளது என முடிவு செய்து, அவருக்கு 10 ஆண்டுகள் கடுங்காவல் சிறைத் தண்டனையும், ரூ.10 ஆயிரம் அபராதமும் விதித்துத் தீர்ப்புக் கூறினார். தண்டனைத் தொகையை செலுத்தவில்லையென்றால் அதற்கான ஓராண்டு சிறைத் தண்டனையை தனிய அனுபவிக்க வேண்டும் என்றும் நீதிபதி உத்தரவிட்டார்.

 

]]>
http://www.dinamani.com/latest-news/sub-latest-news/2016/nov/10/பாலியல்-தொழில்-ஈடுபடுத்த-7-ம்-வகுப்பு-மாணவியைக்-கடத்திய-பெண்ணிற்கு-10-ஆண்டு-கடுங்காவல்-சிறைத்-தண்டனை-2596064.html
2596063 தற்போதைய செய்திகள் தற்போதைய செய்திகள் ரூ.500, 1000 நோட்டுககளை மாற்ற புதுவை வங்கிகளில் அலைமோதிய மக்கள் கூட்டம் DIN DIN Thursday, November 10, 2016 09:33 PM +0530 ரூ.500, 1000 நோட்டுக்களை மாற்றுவதற்காக புதுச்சேரியில் பல்வேறு வங்கிகளில் இன்று காலை முதலே மக்கள் கூட்டம் அலைமோதியது.
நாட்டில் தற்போது புழக்கத்தில் உள்ள 500, 1000 ரூபாய்  நோட்டுக்கள் செவ்வாய்க்கிழமை நள்ளிரவு முதல் செல்லாது என பிரதமர் அறிவித்தார். இந்த அறிவிப்பு வெளியானது முதல் புதுச்சேரி ஏடிஎம் மையங்களில் மக்கள் நீண்ட வரிசையில் நின்று ரூபாய் நோட்டுக்களை வங்கியில் செலுத்தினர்.
மேலும் வங்கிகளில், தலைமை தபால் நிலையங்களில்  ரூ.500, 1000 நோட்டுக்களை வரும் டிசம்பர் 30-ம் தேதி வரை மாற்றிக் கொள்ளலாம் எனவும் மத்திய அரசு அறிவித்திருந்தது.
இந்நிலையில் பொதுமக்கள் தங்கள் வசம் உள்ள ரூபாய் நோட்டுக்களை மாற்றுவதற்காக இன்று காலை 8 மணியில் இருந்தே வங்கிகள் முன்பு நீண்ட வரிசையில் காத்திருந்தனர்.
புதுச்சேரி பாரத ஸ்டேட் வங்கி முதன்மை கிளையில் வாடிக்கையாளர்கள் நீண்ட வரிசையில் காத்திருந்தனர். பெரியகடை இன்ஸ்பெக்டர் ஜிந்தா கோதண்டராமன் தலைமையில் போலீஸார் பொதுமக்களை ஒழுங்குபடுத்தினர்.
ரூபாய் நோட்டுக்களை மாற்ற ஆவணம், விண்ணப்பத்துடன் வர வேண்டும் என அறிவிக்கப்பட்டிருந்ததால் வங்கி அருகிலேயே சில தன்னார்வலர்கள் விண்ணபங்களை இலவசமாக வழங்கினர்.
பாரத ஸ்டேட் வங்கியில் பழைய 500, 1000 ரூபாய் நோட்டுக்களை வாங்கிக் கொண்டு ரூ.100, ரூ.20, 10 நோட்டுக் கட்டுக்கள் வழங்கப்பட்டன. கனரா வங்கி, யூகோ வங்கிகளில் புதிதாக மத்திய அரசு அறிமுகம் செய்த ரூ.2000 நோட்டுக்கள் பொதுமக்களுக்கு விநியோகம் செய்யப்பட்டன.

பொதுமக்கள் கடும் அவதி
வங்கிகளில் ரூ.4000 வரை மட்டுமே பணப்பரிமாற்றம் செய்யப்பட்டதால் பொதுமக்கள், சுற்றுலா பயணிகள் கடும் அவதிக்கு ஆளாகியினர். தொடர்ந்து இரண்டாவது நாளாக வணிகர்கள், பெரியமார்க்கெட் வியாபாரிகள், அனைத்து பகுதிகளிலும் வியாபாரம் மந்தமாகவே இருந்தது. புதுச்சேரிக்கு வந்த சுறறுலா பயணிகள், வெளியூர் மக்கள் பணத்தை மாற்ற முடியாமல் தவிப்புக்கு ஆளாயினர்.

இதுகுறித்து பொதுமக்கள், வாடிக்கையாளர்கள் கூறியதாவது:

பவுலின்மேரி (அரியாங்குப்பம்): நான் அரசு ஊழியராக உள்ளேன். ஊதியம் வாங்கிய பின்னர் தற்போது ரூ.4000 வரை மட்டுமே மாற்ற முடியும் என்பதால் வேறு எந்த செலவுக்கும் பணம் போதாத நிலை உள்ளது.

பிலோமினாள் (நெல்லித்தோப்பு): வீட்டு வாடகையே ரூ.4500 செலுத்த வேண்டும். ஆனால் வங்கியில் ரூ.4000 மட்டுமே தருகின்றனர். இதனால் ஏழை, எளிய நடுத்தர மக்கள் தான் அதிகம் பாதிக்கப்படுகின்றனர். நீண்டகால நோக்கில் மோடியின் அறிவிப்பு பலன் தரும்.

நெவில் (மாஹே): புதுவையில் கால்பந்து போட்டியில் விளையாடுவதற்காக வந்தேன்.
என்னிடம் ரூ.500, 1000 நோட்டுக்களே உள்ளன. புதன்கிழமை ஓட்டல்களில் ரூ.100 இருந்தால் மட்டுமே உணவு தரமுடியும் எனக்கூறி விட்டனர். இதனால் பட்டினியாக இருந்தேன். வெளியூர்வாசிகள் அனைவருக்கும் பாதிப்பு தான்.
சனாதன பாபு (ஏனாம்): மோடியின் திட்டம் நல்ல திட்டம். கருப்பு பணம், கள்ள நோட்டுஅனைத்தும் அழிந்து விடும். ஆனால் ரூ.4000 மட்டுமே எடுக்க முடியும் என்ற அறிவிப்பு பொதுமக்களை கடுமையாக பாதிக்கும். இதை ரூ.10 ஆயிரமாக உயர்த்த வேண்டும்.

மேக்ஸ் ஜாப் (பென்சில்வேனியா-அமெரிக்கா): நானும் எனது மனைவியும் புதுவைக்கு சுற்றுலா வந்தோம். தற்போது பிரதமர் மோடியின் அறிவிப்பால் எங்களுக்கு சிரமம் ஏற்பட்டுள்ளது என்றார்.
அனைத்து தேசியமயமாக்கப்பட்ட வங்கிகள், தனியார் வங்கிகளிலும் ரூபாய் நோட்டுக்களை மாற்ற மக்கள் கூட்டம் அதிகமாக காணப்பட்டது.

]]>
http://www.dinamani.com/latest-news/sub-latest-news/2016/nov/10/ரூ500-1000-நோட்டுககளை-மாற்ற-புதுவை-வங்கிகளில்-அலைமோதிய-மக்கள்-கூட்டம்-2596063.html
2596062 தற்போதைய செய்திகள் தற்போதைய செய்திகள் நெல்லித்தோப்பில் அதிமுக வேட்பாளருக்கு ஆதரவாக ரங்கசாமி தீவிர பிரசாரம் DIN DIN Thursday, November 10, 2016 09:29 PM +0530 நெல்லித்தோப்பு தொகுதி அதிமுக வேட்பாளர் ஓம்சக்திசேகருக்கு இரண்டாவது நாளாக எதிர்க்கட்சித் தலைவர் ரங்கசாமி இன்று தீவிர பிரசாரம் மேற்கொண்டார்.
நெல்லித்தோப்பு தொகுதி இடைத்தேர்தல் வரும் 19-ம் தேதி நடைபெறுகிறது. இதில் காங்கிரஸ் சார்பில் முதல்வர் நாராயணசாமி, அதிமுக சார்பில் ஓம்சக்திசேகர், உள்பட 8 பேர் போட்டியிடுகின்றனர்.
இந்நிலையில இடைத்தேர்தலில் அதிமுக வேட்பாளர் ஓம்சக்திசேகருக்கு ஆதரவு தருவது என்று என்ஆர் காங்கிரஸ் கட்சி முடிவு செய்தது. இதையடுத்து தேர்தலில் அதிமுகவுக்கு ஆதரவாக என்ஆர் காங்கிரஸ் கட்சியினர் பிரசாரம் செய்து வருகிறார்கள்.
இந்த நிலையில் எதிர்க்கட்சித் தலைவர் ரங்கசாமி, பிள்ளைத்தோட்டம் பகுதியில் ஆனந்தமுத்துமாரியம்மன் கோயில் பகுதியில் நேற்று தனது தேர்தல் பிரசாரத்தை தொடங்கினார்.
தொடர்ந்து இரண்டாவது நாளாக சத்தியா நகர், வெண்ணிலா நகர், பகுதிகளில் வீடு வீடாகச் சென்று பொதுமக்களிடம் துண்டுப் பிரசுரங்களை வழங்கி இரட்டை இலை சின்னத்துக்கு வாக்களிக்குமாறு பிரசாரம் செய்தார்.
தமிழக அமைச்சர் எம்.சி.சம்பத், எஸ்.செம்மலை எம்.எல்.ஏ., இளைஞரணி துணைச் செயலர் சொரத்தூர் ராஜேந்திரன், கர்நாடக மாநில செயலர் புகழேந்தி, புதுவை மாநில செயலர் புருஷோத்தமன், எம்.பி. கோகுலகிருஷ்ணன்,  எம்.எல்.ஏ.க்கள் அன்பழகன், அசனா, வையாபுரி மணிகண்டன், என்.ஆர். காங்கிரஸ் பொதுச் செயலர் பாலன், எம்.எல்.ஏக்கள் ஜெயபால், டிபிஆர்.செல்வம், பிரியங்கா, சுகுமாறன், திருமுருகன் கோபிகா,  வேட்பாளர் ஓம்சக்திசேகர் உள்ளிட்டோர் உடனிருந்தனர்.

]]>
http://www.dinamani.com/latest-news/sub-latest-news/2016/nov/10/நெல்லித்தோப்பில்-அதிமுக-வேட்பாளருக்கு-ஆதரவாக-ரங்கசாமி-தீவிர-பிரசாரம்-2596062.html
2596061 தற்போதைய செய்திகள் தற்போதைய செய்திகள் நெல்லித்தோப்பு தொகுதியில் வீடு வீடாக பிரசாரம் நிறைவு செய்தார் முதல்வர் நாராயணசாமி DIN DIN Thursday, November 10, 2016 09:25 PM +0530 நெல்லித்தோப்பு தொகுதியில் வீடு வீடாக தான் மேற்கொண்டு வந்த பிரசாரத்தை முதல்வர் நாராயணசாமி நிறைவு செய்துள்ளார்.

நெல்லித்தோப்பு தொகுதி இடைத்தேர்தல் வரும் 19-ம் தேதி நடைபெறுகிறது. இதை முன்னிட்டு நாராயணசாமி கடந்த அக்டோபர் 21-ம் தேதி பிள்ளைத்தோட்டம் ஆனந்த முத்துமாரியம்மன் கோவிலில் வழிபாடு செய்து வீடு, வீடாக சென்று வாக்காளர்களை சந்தித்து வாக்கு சேகரிக்கும் பணியை தொடங்கினார்.

இருவார காலம் தொடர்ந்து காலையிலும், மாலையிலும் வீதி, வீதியாக சென்று வாக்காளர்களை அவர்களது வீடுகளிலேயே சந்தித்து கை சின்னத்திற்கு வாக்கு சேகரித்தார்.

இதற்கிடையே புதன்கிழமை மாலையுடன் நெல்லித்தோப்பு தொகுதியில் உள்ள அனைத்து வீடுகளுக்கும் சென்று வாக்காளர்களை நேரிடையாக சந்திக்கும் பணியை முதல்வர் நாராயணசாமி முடித்துள்ளார்.
இதனை அடுத்து தொகுதியில் உள்ள முக்கிய பிரமுகர்களை இரண்டாம் முறையாக   சென்று பார்த்து வாக்கு சேகரிக்கும் பணியை முதல்வர் நாராயணசாமி தொடங்கியுள்ளார்.

ஸ்டாலின்-திருநாவுக்கரசர் பிரசாரம்

இதன் தொடர்ச்சியாக தமிழ்நாடு காங்கிரஸ் தலைவர் திருநாவுக்கரசர் வெள்ளிக்கிழமையும்,  தமிழக எதிர்க்கட்சித் தலைவர் முக.ஸ்டாலின் வரும் ஞாயிற்றுக்கிழமை நாராயணசாமியை ஆதரித்து நெல்லித்தோப்பு தொகுதியில் தீவிர பிரசாரம் மேற்கொள்கின்றனர்.

]]>
http://www.dinamani.com/latest-news/sub-latest-news/2016/nov/10/நெல்லித்தோப்பு-தொகுதியில்-வீடு-வீடாக-பிரசாரம்-நிறைவு-செய்தார்-முதல்வர்-நாராயணசாமி-2596061.html
2595489 தற்போதைய செய்திகள் தற்போதைய செய்திகள் இரண்டு மனைவி இருந்தால் டி.என்.பி.எஸ்.சி தேர்வு எழுத தடை DIN DIN Wednesday, November 9, 2016 10:16 PM +0530 தமிழ்நாடு அரசு பணியாளர் தேர்வாணையம் வெவ்வேறு பணியிடங்களுக்கு தேர்வு நடத்தி வருகிறது. அந்த வகையில் இந்த ஆண்டிற்கான குரூப் 4 தேர்வுகள் குறித்த அறிவிப்பை தமிழ்நாடு அரசு பணியாளர் தேர்வாணையம் வெளியிட்டுள்ளது.

இதில் இளநிலை உதவியாளர், தட்டச்சர், சுருக்கெழுத்து தட்டச்சர், நிலஅளவையாளர் வரைவாளர் உள்ளிட்ட 5,451 காலிப் பணியிடங்களுக்கான பணியாளர்களை நியமனம் செய்யும் பொருட்டு, நடத்தப்படும் குரூப் 4 தேர்வுகள் குறித்த அறிவிப்பை தமிழ்நாடு அரசு பணியாளர் தேர்வாணையம் வெளியிட்டுள்ளது.

அதில் பல நிபந்தனைகளை அறிவித்துள்ளது. இதில் முதல் நடவடிக்கையாக

  • இரண்டு மனைவி வைத்திருப்பவர்கள் தேர்வு எழுத தடைவிதிக்கப்பட்டுள்ளது. விண்ணப்பதாரர் பெண்ணாக இருந்தால், ஏற்கனவே மனைவியுடன் வாழும் ஒருவரை திருமணம் செய்திருக்கக் கூடாது.
  • விடைத்தாளில் பெயர், பதிவெண் போன்றவற்றை நேரடியாகவோ, குறிப்பாகவோ, தேவையற்ற இடங்களில் எழுத கூடாது.
  • அனுமதிக்கப்பட்ட பேனாவை தவிர வண்ண பென்சில், பேனா, ஒயிட்னர், மார்க்கெர் போன்றவற்றை பயன்படுத்தக் கூடாது.
  • கறுப்பு அல்லது நீலம் இரண்டு வகை பேனாவில் ஒன்றை மட்டும் பயன்படுத்த வேண்டும்.
  • ஸ்மார்ட் வாட்ச், மோதிரம், மொபைல் போன், கால்குலேட்டர் போன்றவற்றை பயன்படுத்த தடை விதிக்கப்பட்டுள்ளது.
  • சிபாரிசுக்காக, தேர்வாணைய தலைவர், செயலர், உறுப்பினர்கள் மற்றும் அதிகாரிகள் உள்ளிட்டோரை சந்திக்கக் கூடாது.
  • விடைத்தாளில், தமிழ் அல்லது ஆங்கிலம் என, இரண்டில் எதில் வேண்டுமானாலும் எழுதலாம். மாற்றி எழுதக் கூடாது. விதிகளை மீறுவோர், ஐந்து ஆண்டுகள் வரை தேர்வு எழுத தடை விதிக்கப்படும் என தேர்வாணையம் தெரிவித்துள்ளது.
]]>
http://images.dinamani.com/uploads/user/imagelibrary/2016/11/9/w600X390/TNPSCab.jpg http://www.dinamani.com/latest-news/sub-latest-news/2016/nov/09/இரு-மனைவி-இருந்தால்-டிஎன்பிஎஸ்சி-தேர்வு-எழுத-தடை-2595489.html
2595448 தற்போதைய செய்திகள் தற்போதைய செய்திகள் 5 ரூபாய் காசு போட்டால் செல்போன் பேட்டரியை சார்ஜ் செய்து கொள்ளலாம்: கலசலிங்கம் மாணவர் சாதனை கோ.ஜெயக்குமார், ஸ்ரீவில்லிபுத்தூர் DIN Wednesday, November 9, 2016 06:02 PM +0530 5 ரூபாய் காசு போட்டால் செல்போன் பேட்டரியை சார்ஜ் செய்துகொள்ளும் திட்டத்தை கிருஷ்ணன்கோவில், கலசலிங்கம் பல்கலைக்கழக மாணவர் உருவாக்கி சாதனை படைத்துள்ளார்.

கலசலிங்கம் பல்கலைக்கழகத்தில் இ.சி.இ. மூன்றாம் ஆண்டு படித்து வருபவர் ஜி.கே.சுதர்ஸன். இவர் துறைத் தலைவர் சிவக்குமார், பேராசிரியர்கள் பெருமாள், பள்ளிகொண்ட ராஜசேகரன் ஆகியோர் வழிகாட்டுதலின் படி நாணயம் சார்ந்த மொபைல் சார்ஜர் புராஜக்ட் செய்துள்ளார்.
தற்போது செல்போன்கள் எண்ணிக்கை மக்கள்தொகையின் எண்ணிக்கையோடு பன்மடங்கு போட்டி போட்டு கூடிவருகிறது. மேலும் முழு நேரமும் நெட், கேமரா உள்ளிட்டவை பயன்பாட்டில் உள்ளதால் ஒரு நாள் இரண்டு, மூன்று முறை  செல்போன் பேட்டரியை சார்ஜ் செய்ய வேண்டியுள்ளது. நீண்ட பயணத்தின்போதும் ஆங்காங்கே சார்ஜ் செய்துகொள்வதற்கு, கடைகளில் காசுபோட்டு பேசும் தொலைபேசி போல, காசுபோட்டு சார்ஜ் செய்யும் இந்த புராஜக்ட்டை மாணவர் செய்து முடிக்க 6 மாதம் ஆனது. இதில் போடும் நாணயம் 15 முதல் 32 மி.மி விட்டம் 1.2 மி.மீ தடிமன் இருக்க வேண்டும். குறிப்பாக 5 ரூபாய் நாணயம் போட்டால் டி.சி 12 வோல்ட் மின்சார உற்பத்தியில் செல்போன் மிகக்குறைந்த அதாவது 15 நிமிடத்தில் 100 விழுக்காடு சார்ஜ் ஆகியவிடும் என்று மாணவர் உபகரணத்தை இயக்கி விவரித்தார்.
இந்தப் பெட்டியில் ஐ ஆர் சென்ஸார் நாணயத்தை போட்ட உடன் அதை உணர்ந்து ரிலே மூலம் தூண்டுதல் கிடைத்து சார்ஜிங் தொடங்கும். சார்ஜ் ஆகுவதை எல்.சி.டி. காட்சி உதவியுடன் சரிபார்க்கலாம்.
காசுபோட்ட உடன் சரியில்லை என்றால் உடனே வெளியே தள்ளிவிடும் நாணயம் கண்டறியதல் கருவி உள்ளது. மேலும் மைக்ரோ கண்ட்ரோலர், சார்ஜ் துடிப்பு, சுவிட்ச் பாகங்களும் இதில் இணைக்கப்பட்டுள்ளன.
இந்த ஒரு பெட்டியை செய்வதற்கு மொத்த செலவு ரூ.16 ஆயிரம் ஆனது என்றும், இதில் தற்போது வெளிவரும் புதிய மாடல்கள், அளவுகள் உள்ள செல்போன்களையும் வைத்து சார்ஜ் செய்துகொள்ளும் அடிப்படை மாற்றுத்தளம் உள்ளது என்றும் மாணவர் விளக்கினார்.
மாணவர் இந்த புராஜக்ட்டை மத்திய அறிவியல் கழகத்தின் சுய தொழில் முனைவோர் மையத்திற்கு அனுப்பி விண்ணப்பித்திருந்தார். இதனைத் தேர்ந்தெடுத்த மத்திய அறிவியல் கழகம் மாணவர்க்கு பாராட்டுச் சான்றிதழையும் ரூ.1 லட்சம் நிதியும் வழங்கியுள்ளது. இந்த புராஜக்டை புதுதில்லியில் உள்ள காப்புரிமை கழகத்திற்கு காப்புரிமை பெறுவதற்கு விண்ணப்பித்துள்ளதாக பல்கலைக்கழகத்தின் சுயதொழில் முனைவோர் மைய இயக்குநர் டாக்டர் மா.ஜெயக்குமரன் கூறினார்.
வளர்ந்து வரும் கைபசி பயன்பாடு குறித்த புதிய வணிக திட்டத்திற்கு ஏற்ப நாணயம் சார்ந்த கைபேசி சார்ஜரை உருவாக்கியுள்ள மாணவர் சுதர்ஸனை பல்கலைக்கழகத்தின் வேந்தர் கே.ஸ்ரீதரன், இயக்குநர் டாக்டர் எஸ்.சசி ஆனந்த், துணை வேந்தர் ச.சரவணசங்கர், பதிவாளர் வெ.வாசுதேவன், துணைப் பதிவாளர் பி.ஜி.குருசாமிபாண்டியன் ஆகியோர் பாராட்டினர்.

]]>
http://www.dinamani.com/latest-news/sub-latest-news/2016/nov/09/5-ரூபாய்-காசு-போட்டால்-செல்போன்-பேட்டரியை-சார்ஜ்-செய்து-கொள்ளலாம்-கலசலிங்கம்-மாணவர்-சாதனை-2595448.html
2595430 தற்போதைய செய்திகள் தற்போதைய செய்திகள் தில்லி மெட்ரோவில் நவம்பர் 11ம் தேதி வரை ரூ .500,1000 தாள்கள் ஏற்பு DIN DIN Wednesday, November 9, 2016 04:22 PM +0530 தில்லி மெட்ரோவில் நவம்பர் 11ம் தேதி நள்ளிரவு வரை ரூபாய் 500 மற்றும் 1000 தாள்கள் ஏற்று கொள்ளப்படும் என்று தெரிவித்துள்ளது.

வாடிக்கையாளர்கள்  தங்கள் மெட்ரோ கார்டு ரீசார்ஜ் செய்ய டோக்கன்கள் வாங்க ரூபாய் 500 மற்றும் 1,000 நோட்டுகளை இன்னும் 72 மணி நேரத்துக்கு ஏற்ப்போம் என்று தில்லி மெட்ரோ ரயில் தன் செய்தி குறிப்பில் தெரிவித்துள்ளது.

]]>
http://www.dinamani.com/latest-news/sub-latest-news/2016/nov/09/தில்லி-மெட்ரோவில்-நவம்பர்-11ம்-தேதி-வரை-ரூ-5001000-தாள்கள்-ஏற்பு-2595430.html
2595420 தற்போதைய செய்திகள் தற்போதைய செய்திகள் இஸ்ரேலிய ஜனாதிபதி இந்தியா வருகை IANS IANS Wednesday, November 9, 2016 03:32 PM +0530 இஸ்ரேலிய ஜனாதிபதி ருவென் ரிவ்லின் இந்திய ஜனாதிபதி பிரணாப் முகர்ஜி அழைப்பின் பேரில் நவம்பர் 14ம் முதல் 21ம் தேதி வரை அரசு முறை பயணமாக இந்தியாவுக்கு வர உள்ளார். கடந்த ஆண்டு அக்டோபர் மாதம் இஸ்ரேலுக்கு அரசு முறை பயனமாக சென்ற பிரணாப் முகர்ஜி விடுத்த அழைப்பை ஏற்று இந்தியா வர உள்ளார்.

தில்லியில் பிரதமர் நரேந்திர மோடியுடன் நவம்பர் 15ம் தேதி சந்தித்து இரு நாட்டின் பாதுகாப்பு மற்றும் வர்த்தகம் பிரச்சினைகள் குறித்து இருவரும் பேச்சுவார்த்தை நடத்த உள்ளனர், அதன் பிறகு இரு நாட்டு தலைவர்களும் கூட்டு அறிக்கை வெளியிடுகிறார்கள்.

பின் ஜனாதிபதி ருவென் ரிவ்லின் தாஜ் மஹால் செல்வார் என்று தெரிவிக்கப்பட்டுள்ளது. இருபது ஆண்டுகளில் இந்தியாவுக்கு வரும் முதல் ஜனாதிபதி இவரே என்பது குறிப்படதக்கது.

]]>
http://www.dinamani.com/latest-news/sub-latest-news/2016/nov/09/இஸ்ரேலிய-ஜனாதிபதி-இந்தியா-வருகை-2595420.html
2592548 தற்போதைய செய்திகள் தற்போதைய செய்திகள் பெட்ரோல் பங்க் உரிமையாளர்களின் போராட்டம் தற்காலிகமாக ஒத்திவைப்பு DIN DIN Friday, November 4, 2016 09:25 PM +0530 பெட்ரோல் பங்க் உரிமையாளர்களுக்கு கமிஷன் தொகையை உயர்த்தி வழங்க எண்ணெய் நிறுவனங்கள் முடிவு செய்யப்பட்டுள்ளதைத் தொடர்ந்து பங்க் உரிமையாளர்களின் போராட்டத்தை தற்காலிகமாக ஒத்தி வைத்துள்ளனர்.

பெட்ரோல் விற்பனை கமிஷன் தொகையை உயர்த்தி வழங்க வேண்டும் என்பன உள்ளிட்ட கோரிக்கைகளை வலியுறுத்தி பெட்ரோல் மற்றும் டீசல் விற்பனை நிலையங்கள் தொடர் போராட்டத்தில் ஈடுபட்டன. இதைதொடர்ந்து எண்ணெய் நிறுவனங்களிடம் இருந்து பெட்ரோல் கொள்முதல் செய்வதை இரண்டு  நாட்களுக்கு நிறுத்தி வைத்து போராட்டம் நடத்தினர். எனினும் எரிபொருள் தீர்ந்து போகும் நிலையம், எரிபொருள் தட்டுப்பாடு ஏற்படும் நிலையம் ஏற்பட்டது.

இந்நிலையில் எண்ணெய் நிறுவனங்களுடன் மும்பையில் இன்று இரண்டாவது நாளாக பேச்சுவார்த்தை நடைபெற்றது. இதில் பெட்ரோல் லிட்டருக்கு 13 காசுகளும், டீசல் லிட்டருக்கு 10 காசுகளும் உயர்த்தி வழங்க முடிவு செய்யப்பட்டுள்ளது. அதில் உடன்பாடு ஏற்பட்டதால், பங்க் உரிமையாளர்கள் தங்களது போராட்டத்தை தற்காலிகமாக ஒத்தி வைத்துள்ளனர். மேலும் ஆண்டிற்கு இருமுறை கமிஷன் தொகையை உயர்த்தி வழங்கவும் பேச்சுவார்த்தையில் ஒப்புதல் வழங்கப்பட்டது.

 

]]>
http://images.dinamani.com/uploads/user/imagelibrary/2016/6/16/10/w600X390/petrol.jpg http://www.dinamani.com/latest-news/sub-latest-news/2016/nov/04/பெட்ரோல்-பங்க்-உரிமையாளர்களின்-போராட்டம்-தற்காலிகமாக-ஒத்திவைப்பு-2592548.html
2592547 தற்போதைய செய்திகள் தற்போதைய செய்திகள் பவுனுக்கு ரூ.104 அதிகரிப்பு DIN DIN Friday, November 4, 2016 08:55 PM +0530 ஆபரணத் தங்கத்தின் விலை பவுனுக்கு ரூ.104 அதிகரித்து, ரூ.23,280-க்கு விற்பனையானது. சில நாள்களாக அதிகரித்த விலையில் நேற்று சற்று வீழ்ச்சியடைந்தது. ஆனால், மீண்டும் இன்று விலை அதிகரித்தது.

இந்த நிலையில், இன்றையை மாலை நிலவரப்படி, ஆபரணத் தங்கத்தின் விலை கிராமுக்கு ரூ.13 அதிகரித்து ரூ.2,910-க்கும், வெள்ளியின் விலை கிலோவுக்கு ரூ.325 அதிகரித்து ரூ.44,030-க்கும் விற்பனையானது.

]]>
http://www.dinamani.com/latest-news/sub-latest-news/2016/nov/04/பவுனுக்கு-ரூ104-அதிகரிப்பு-2592547.html
2592546 தற்போதைய செய்திகள் தற்போதைய செய்திகள் நிலுவைத் தொகையை வழங்குவது குறித்து தனியார் சர்க்கரை ஆலைகளுடன் பேச்சுவார்த்தை: மு.க.ஸ்டாலின் DIN DIN Friday, November 4, 2016 08:46 PM +0530 கரும்பு விவசாயிகளுக்கான நிலுவைத் தொகையை வழங்குவது குறித்து தனியார் சர்க்கரை ஆலைகளின் நிர்வாகத்துடன் அரசு உடனடியாக பேச்சுவார்த்தை நடத்த வேண்டும் என்று எதிர்க்கட்சித் தலைவரும், திமுக பொருளாளருமான மு.க.ஸ்டாலின் வலியுறுத்தியுள்ளார்.
இதுதொடர்பாக அவர் வெள்ளிக்கிழமை வெளியிட்ட அறிக்கை:
தமிழக கரும்பு விவசாயிகளுக்கு தனியார் சர்க்கரை ஆலைகள் ரூ.1,650 கோடிக்கு மேல் நிலுவை வைத்திருப்பதால் அவர்களின் வாழ்வாதாரம் பாதிக்கப்பட்டுள்ளது. நிலுவைத் தொகையை வழங்கக் கோரி 3 ஆண்டுகளாக கரும்பு விவசாயிகள் பல்வேறு போராட்டங்களை நடத்தி வருகின்றனர்.
இந்த நிலையில், தனியார் சர்க்கரை ஆலைகளுடன் பேச்சுவார்த்தை நடத்தி, நிலுவைத் தொகையை பெற்றுத் தர நடவடிக்கை எடுக்கப்படும் என்று தமிழக அரசு அண்மையில் உத்தரவாதம் அளித்தது.
ஆனால், இதுதொடர்பாக நேற்று (நவ.3) நடைபெறுவதாக அறிவிக்கப்பட்ட பேச்சுவார்த்தை திடீரென ஒத்தி வைக்கப்பட்டுள்ளது. இதன் மூலம் நிலுவைத் தொகை குறித்து தனியார் சர்க்கரை ஆலைகளுடன் பேச்சுவார்த்தை நடத்தப்படும் என்ற அரசின் உத்தரவாதமும் கைவிடப்பட்டுள்ளது.
மேலும், அரசு கூட்டுறவு சர்க்கரை ஆலைகளில் நிலுவையில் உள்ள ரூ.200 கோடியை வழங்குவது குறித்தும் எந்த அறிவிப்பும் இல்லை.
எனவே, தனியார் சர்க்கரை ஆலைகளுடனான பேச்சுவார்த்தையை உடனடியாக நடத்தவும், அரசு கூட்டுறவு சர்க்கரை ஆலைகளில் உள்ள நிலுவைத் தொகையை கரும்பு விவசாயிகளுக்கு வழங்கவும் அரசு நடவடிக்கை எடுக்க வேண்டும் என்று ஸ்டாலின் வலியுறுத்தியுள்ளார்.

]]>
http://images.dinamani.com/uploads/user/imagelibrary/2016/10/7/w600X390/stalin.jpg http://www.dinamani.com/latest-news/sub-latest-news/2016/nov/04/நிலுவைத்-தொகையை-வழங்குவது-குறித்து-தனியார்-சர்க்கரை-ஆலைகளுடன்-பேச்சுவார்த்தை-முகஸ்டாலின்-2592546.html
2592545 தற்போதைய செய்திகள் தற்போதைய செய்திகள் டி.என்.பி.எஸ்.சி. நடத்தும் குரூப் 4 தேர்வில் நவீன கருவிகளுக்கு அனுமதி மறுப்பு DIN DIN Friday, November 4, 2016 08:42 PM +0530 குரூப் 4 தேர்வு ஞாயிற்றுக்கிழமை நடைபெறுகிறது. இதை எழுதுவோர் செல்லிடப்பேசி உள்ளிட்ட நவீன கருவிகளை எடுத்து வரக்கூடாது என தமிழ்நாடு அரசுப் பணியாளர் தேர்வாணையம் (டி.என்.பி.எஸ்.சி.) அறிவித்துள்ளது.

5,451 காலிப் பணியிடங்களை நிரப்புவதற்காக ஞாயிற்றுக்கிழமை (நவம்பர் 6) நடைபெறும் தேர்வை சுமார் 15 லட்சம் பேர் எழுதவுள்ளனர். இந்தத் தேர்வுக்கான ஏற்பாடுகள் குறித்து தேர்வுக் கட்டுப்பாட்டு அலுவலர் வெ.சோபனா இன்று வெளியிட்ட தகவல்:

301 மையங்களில் தேர்வு நடக்கிறது. தேர்வுக்கூட நுழைவு சீட்டை இணையதளத்தில் பதிவிறக்கம் செய்துகொள்ளலாம். விண்ணப்பம் நிராகரிக்கப்பட்டிருந்தால் அதற்கான காரணத்தையும் இணையதளத்திலேயே  அறியலாம்.
 
செல்லிடப்பேசி, கால்குலேட்டர் உள்ளிட்ட எந்தவித மின்னணு சாதனங்களையும் தேர்வுக் கூடத்துக்குள் எடுத்துவரவோ, வைத்திருக்கவோ கண்டிப்பாக அனுமதி கிடையாது. மீறி வைத்திருந்தால் கடுமையான நடவடிக்கைக்கு ஆளாக நேரிடும் என்றார்.

 

]]>
http://www.dinamani.com/latest-news/sub-latest-news/2016/nov/04/டிஎன்பிஎஸ்சி-நடத்தும்-குரூப்-4-தேர்வில்-நவீன-கருவிகளுக்கு-அனுமதி-மறுப்பு-2592545.html
2592544 தற்போதைய செய்திகள் தற்போதைய செய்திகள் மைக்ரோசாஃப்ட் விண்டோஸ் 7, 8 மென்பொருள் விற்பனை நிறுத்தம் DIN DIN Friday, November 4, 2016 08:28 PM +0530 விண்டோஸ் 7 மற்றும் 8 இயங்குதளத்தின் விற்பனையை மைக்ரோசாஃப்ட் நிறுவனம் அதிரடியாக நிறுத்தியுள்ளது. இதன்மூலம் விண்டோஸ் 10 இயங்குதளத்தின் விற்பனையை அதிகரிக்கத் திட்டமிட்டுள்ளது.

சர்வதேச அளவில் கணினி பயன்பாட்டுக்கான மென்பொருள் தயாரிப்பில் மைக்ரோசாஃப்ட் நிறுவனம் முன்னிலையில் உள்ளது. இந்நிறுவனம் தயாரிக்கும் விண்டோஸ் மென்பொருட்களே பெரும்பாலான கணினிகளில் பயன்படுத்தப்படுகிறது. காலத்திற்கு ஏற்றவகையில், அவ்வப்போது விண்டோஸ் மென்பொருளில் அப்டேட் வடிவத்தை மைக்ரோசாஃப்ட் வெளியிடுவது வழக்கம். தற்போது விண்டோஸ் 11, 12 ஆகிய மென்பொருள் தயாரிப்பில் மைக்ரோசாஃப்ட் கவனம் செலுத்திவருகிறது. விண்டோஸ் 10 இயங்குதளம் மட்டுமே விற்கப்படும் என்ற தகவல் வெளியாகியுள்ளது.

விண்டோஸ் 7, 8 விற்பனை நிறுத்தப்பட்டுள்ளதே தவிர, விண்டோஸ் 7 இயங்குதளத்திற்கு 2020 ஆம் ஆண்டு வரையும், விண்டோஸ் 8.1 இயங்குதளத்திற்கு 2023 வரையும் சேவை வழங்கப்படும் என்று, மைக்ரோசாஃப்ட் தெரிவித்துள்ளது.

]]>
http://images.dinamani.com/uploads/user/imagelibrary/2012/9/20/7/w600X390/microsoft.jpg http://www.dinamani.com/latest-news/sub-latest-news/2016/nov/04/மைக்ரோசாஃப்ட்-விண்டோஸ்-7-8-மென்பொருள்-விற்பனை-நிறுத்தம்-2592544.html
2592542 தற்போதைய செய்திகள் தற்போதைய செய்திகள் இடைத்தேர்தல் முறைகேடுகள்: ஆளுநர் நேரடியாக தலையிட தவாக கோரிக்கை DIN DIN Friday, November 4, 2016 08:06 PM +0530 புதுச்சேரி நெல்லித்தோப்பு தொகுதி இடைத்தேர்தலில் முறைகேடுகளை தடுக்க துணைநிலை ஆளுநர் கிரண்பேடி நேரடியாக  தலையிட்டு நடவடிக்கை எடுக்க வேண்டுமென தமிழக வாழ்வுரிமைக் கட்சி வலியுறுத்தியுள்ளது.

அதன் மாநில தலைவர் ஸ்ரீதர் இன்று செய்தியாளர்களிடம் கூறியதாவது:
நெல்லித்தோப்பு தொகுதி இடைத்தேர்தலில் தமிழக வாழ்வுரிமை கட்சி யாருக்கும் ஆதரவு தரவில்லை. இந்த இடைத்தேர்தல் ஆளும் காங்கிரஸ் கட்சியால் மக்கள் மீது திணிக்கப்பட்ட தேர்தல்.
தேர்தலில் எப்படியும் வெற்றி பெற வேண்டும் என்பதற்காக முதல்வர் நாராயணசாமி பணத்தை தொகுதி முழுவதும் வாரி இறைத்து வருகிறார். நாராயணசாமியும் முன்னாள் எம்.எல்.ஏ. ஜான்குமாரும் சேர்ந்து தொகுதி முழுவதும் வாக்காளர்களுக்கு பணம் மற்றும் பரிசுப் பொருள்களை வழங்கி வருவதாகத் தெரிகிறது.
இதனை தேர்தல் ஆணையம் தடுக்கவில்லை. ஆளும் காங்கிரஸ் கட்சிக்கு ஆதரவாகவே தேர்தல் ஆணையம் செயல்படுகிறது. தேர்தல் ஆணையம் நடுநிலையாக செயல்படவில்லை. எனவே இத்தேர்தலில் துணைநிலை ஆளுநர் நேரடியாக தலையிட்டு நடவடிக்கை எடுக்க வேண்டும்.
தேர்தல் ஆணையம் நடுநிலையாக செயல்படாவிட்டால் தமிழக வாழ்வுரிமை கட்சி சார்பில்  தேர்தல் ஆணைய அலுவலகத்தை முற்றுகையிட்டு பூட்டு போடும் போராட்டத்தில் ஈடுபடுவோம் என்றார் ஸ்ரீதர்.

]]>
http://www.dinamani.com/latest-news/sub-latest-news/2016/nov/04/இடைத்தேர்தல்-முறைகேடுகள்-ஆளுநர்-நேரடியாக-தலையிட-தவாக-கோரிக்கை-2592542.html
2592541 தற்போதைய செய்திகள் தற்போதைய செய்திகள் நெல்லித்தோப்பு தொகுதி இடைத்தேர்தல் பொதுப் பார்வையாளர் நியமனம் DIN DIN Friday, November 4, 2016 08:04 PM +0530 புதுச்சேரி நெல்லித்தோப்பு தொகுதி இடைத்தேர்தலுக்கு பொதுப்பார்வையாளரை இந்திய தேர்தல் ஆணையம் நியமித்து உத்தரவிட்டுள்ளது.
இதுதொடர்பாக ஆட்சியரும், மாவட்ட தேர்தல் அதிகாரியுமான டாக்டர் சத்யேந்திர சிங் துர்சாவத் வெளியிட்டுள்ள அறிக்கை:
நெல்லித்தோப்பு தொகுதி இடைத் தேர்தலை அமைதியாகவும், நடுநிலையுடனும் நடத்தவும், நன்னடத்தை விதிமீறல்கள், காவல்துறையின் செயல்பாடுகள், வேட்பாளர்கள் தேர்தல் செலவுகளை கண்காணிக்கவும், பொது தேர்தல் பார்வையாளர் நியமிக்கப்பட்டுள்ளார்.
புதுச்சேரி பிராந்தியத்துக்குட்பட்ட பகுதிகளில் தேர்தல் நடத்தை விதிமீறல்கள் மற்றும் புகார்கள் ஏதெனும் இருப்பினும், பொதுமக்கள் மற்றும் அரசியல் கட்சிகள் கீழே குறிப்பிட்டுள்ள பொதுப் பார்வைாயளரை தொலைபேசி, செல்லிடப்பேசி, இ-மெயில் மூலம் 4-ம் தேதி முதல் 19-ம் தேதி வரை தொடர்பு கொண்டு தெரிவிக்கலாம்.
பொதுப்பார்வையாளர் அலோக் அவாஸ்தி ஐஏஎஸ், செல்லிடப்பேசி-7598423944, தொலைபேசி-0413-2273390, ஈ-மெயில்-ben172016generalobserver@gmail.com. சந்திக்கும் நேரம் காலை 10 மணி முதல் 11 மணி வரை.
தொடர்பு அலுவலர்: கதிர்வேல், செல்லிடப்பேசி-9488825971.
பொதுப்பார்வையாளர் தங்கியிருக்கும் இடம்: ஜிப்மர் தங்கும் விடுதி, கோரிமேடு, புதுச்சேரி.

]]>
http://www.dinamani.com/latest-news/sub-latest-news/2016/nov/04/நெல்லித்தோப்பு-தொகுதி-இடைத்தேர்தல்-பொதுப்-பார்வையாளர்-நியமனம்-2592541.html
2592540 தற்போதைய செய்திகள் தற்போதைய செய்திகள் அதிமுக செயல்பாடு குறித்து தலைமை தேர்தல் அதிகாரியிடம் காங். திமுக புகார் DIN DIN Friday, November 4, 2016 08:03 PM +0530 புதுச்சேரி நெல்லித்தோப்பு தொகுதியில் அதிமுகவினர் செயல்பாடுகள் குறித்து தலைமை தேர்தல் அதிகாரி டாக்டர் கந்தவேலுவிடம் காங்கிரஸ்-திமுகவினர் இன்று புகார் மனு அளித்தனர்.
நெல்லித்தோப்பு தொகுதியில் நேற்று தேர்தல் விதிகளை மீறி அதிமுகவினர் ஏராளமனோர் பிரசாரத்தில் ஈடுபட்டதாகக் கூறி அவர்களது 10-க்கு மேற்பட்ட வாகனங்களை காவல்துறையினர் பறிமுதல் செய்தனர். அதிமுகவினர் பின்னர் சாலை மறியலில் ஈடுபட்டதால் வாகனங்கள் விடுவிக்கப்பட்டன. இதனால் நெல்லித்தோப்பு தொகுதியில் பதட்டம் ஏற்பட்டது.
இந்நிலையில் இதுதொடர்பாக காங்கிரஸ், தி.மு.க., மற்றும் கூட்டணி கட்சியினர் தலைமை தேர்தல் அதிகாரி கந்தவேலுவை சந்தித்து மனு அளித்தனர்.
காங்கிரஸ் கட்சி சார்பில் எம்.எல்.ஏ.க்கள் லட்சுமிநாராயணன்,  ஜெயமூர்த்தி, அனந்தராமன், விஜயவேணி, பொது செயலாளர் ஏகேடி ஆறுமுகம், தி.மு.க.  தெற்கு மாநில அமைப்பாளர் சிவா எம்.எல்.ஏ, வடக்கு மாநில அமைப்பாளர் எஸ்.பி.சிவக்குமார், காரைக்கால் மாவட்ட செயலாளர் நாஜிம், முன்னாள் எம்.பி. திருநாவுக்கரசு, எம்.எல்.ஏ, கீதா ஆனந்தன், விடுதலை சிறுத்தைகள் கட்சி அமைப்புச் செயலாளர் தேவ பொழிலன், புதிய நீதிக்கட்சி பொன்னுரங்கம், ராஷ்ட்டிரிய ஜனதாதள சஞ்சீவி, மாணவர் கூட்டமைப்பு சதீஷ் ஆகியோர் உடன் சென்று இருந்தனர்.
மனு அளித்த பின்னர் காங்கிரஸ் கட்சியைச் சேர்ந்த லட்சுமிநாராயணன் எம்.எல்.ஏ. கூறியதாவது:
புதுச்சேரியில் நடைபெறும் நெல்லித்தோப்பு தொகுதி இடைத்தேர்தலுக்கு தமிழகத்தில் இருந்து 4 ஆயிரம் பேர், 400 வாகனங்களில் குவிந்துள்ளனர்.
இவர்கள் அனைவரும் அப்பகுதியில் உள்ள ஓட்டல்களுக்குச் சென்று  மிரட்டுகின்றனர். மேலும் நெல்லித்தோப்பு தொகுதியில் உள்ள வீடுகளுக்குச் சென்று  மக்களின் பெயர் என்ன? சாதி என்ன என்று கேட்டு விசாரிக்கின்றனர்.
அது வாக்காளர்களை மிரட்டுவதைப்போல் உள்ளது. எனவே தேர்தலை  நியாயமாக நடத்துவதற்கான நடவடிக்கைகளை எடுக்க வேண்டும் எனக்கோரி மனு அளித்தோம்.
தி.மு.க. தெற்கு மாநில அமைப்பாளர் சிவா எம்.எல்.ஏ, கூறியதாவது:
நடைபெற உள்ள இடைத்தேர்தலில் புதுச்சேரி மக்களின் மன நிலை பாதிக்கும் வகையில் அ.தி.மு.க.வினர் வன்முறையில் ஈடுபட்டு வருகின்றனர். தேர்தலை சீர்குலைக்கும் நோக்கில் குண்டர்களை இறக்கி அராஜகத்தில் ஈடுபட்டுள்ளனர். தேர்தலை அமைதியான முறையில் நடத்தவும், அ.தி.மு.க.வினர் மீது வழக்கு பதிவு செய்யவும் மனு அளித்தோம் என்றார்.

 

]]>
http://www.dinamani.com/latest-news/sub-latest-news/2016/nov/04/அதிமுக-செயல்பாடு-குறித்து-தலைமை-தேர்தல்-அதிகாரியிடம்-காங்-திமுக-புகார்-2592540.html
2592529 தற்போதைய செய்திகள் தற்போதைய செய்திகள் சொந்த மாநிலத்திற்கு ஸ்டாலின் கேடு செய்கிறார்: வைகோ குற்றச்சாட்டு கோ.ஜெயக்குமார், ஸ்ரீவில்லிபுத்தூர். DIN Friday, November 4, 2016 05:16 PM +0530 காவிரி நடுவர் மன்றத்திற்கும், மேலாண்மை வாரியத்திற்கும் உள்ள வித்தியாசம் தெரியாமல் கருத்துக்களை வெளியிட்டு சொந்த மாநிலத்திற்கு திமுக பொருளாளர் மு.க.ஸ்டாலின் கேடு செய்கிறார். இது எதிரிக்கு இலக்காரமாய் போய்விடும் என்று மதிமுக பொதுச் செயலாளர் வைகோ கூறினார்.
ஸ்ரீவில்லிபுத்தூரில் வெள்ளிக்கிழமை திருமண நிகழ்ச்சி ஒன்றில் கலந்து கொள்ள வந்த வைகோ, செய்தியாளர்களிடம் கூறியதாவது:
தமிழ்நாட்டிற்கு தற்போது சோதனை காலம். காவிரி உரிமைப் பிரச்னையிலும், அண்டை மாநிலங்களில் உள்ள நதி நீரில் தமிழகத்திற்கு உள்ள உரிமைகளைக் காப்பதிலும் முந்திய மத்திய காங்கிரஸ் அரசும், தற்போதையை நரேந்திரமோடி அரசும் மோசடி செய்கிறது. மேகதாதுவில் அணை கட்ட மத்திய அரசு மறைமுகமாக பச்சைக் கொடி காட்டியுள்ளது. கர்நாடக அரசு இதற்கு நிதி ஒதுக்கிவிட்டது. அணை கட்டடப்பட்டால் கபினி, கிருஷ்ணராஜசாகர், மேட்டூர் அணைகளுக்கு வெள்ள காலத்தில் கூட தண்ணீர் வராது. இதனால் டெல்டா மாவட்ட விவசாயத்திற்கு நீர் கிடைக்காது. சென்னை உள்ளிட்ட 15 மாவட்ட மக்கள் பாதிக்கப்படுவார்கள். எனவே தமிழகத்தின் நலனைக் காப்பது மத்திய அரசின் கடமையாகும். கர்நாடகாவைப் போல தமிழகத்தின் குரலும் ஒரே குரலாக ஒலிக்க வேண்டும்.
அனைத்துக் கட்சி கூட்டத்திற்கு அழைப்புவிடுத்த ஸ்டாலின், முதல் நாளில் ஏராளமான மாற்று கட்சியினர் திமுகவில் இணைந்ததாக செய்தி வெளியிட்டுவிட்டு, எங்களை அழைப்பது கோமாளித்தனமானது. தமிழக நலனை பாதுகாப்பதில் திமுக தவறிவிட்டது.
சிறுவாணி பிரச்னையில் அடிப்படை விஷயம் தெரியாமல் ஸ்டாலின் அறிக்கை வெளியிட்டுள்ளார்.
காவிரி நடுவர் மன்றத்திற்கும், மேலாண்மை வாரியத்திற்கும் வித்தியாசம் தெரியாமல் கருத்துக்களை வெளியிட்டு சொந்த மாநிலத்திற்கு திமுக பொருளாளர் ஸ்டாலின் கேடு செய்கிறார். இது எதிரிக்கு இலக்காரம் ஆகிவிடும்.
தமிழக உரிமைகளைப் பாதுகாப்பதில் தமிழக கட்சிகள் ஒன்றாக இல்லையே என உபதேசம் செய்யும் ஸ்டாலின், முதலில் பிரச்னைகளின் அடிப்படையை புரிந்து பேச வேண்டும்.
கடலில் வீணாகும் நீர் தமிழகத்திற்கு வந்து சேரும் விதத்திலும், மற்ற பிரச்னைகளிலும் நியாயமாக நடந்து கொள்வோம் என கேரளா அரசு கூறினால் அவர்களுடன் பேச்சு வார்த்தை நடத்தலாம்.
புதுச்சேரியில் நடைபெறும் தேர்தலில், மாநில அரசியல் நடவடிக்கை தமிழக மக்கள் நல கூட்டு இயக்கத்தின் செயல்பாடுகளில் சிறு நெறுடலைக்கூட ஏற்படுத்தாது என்றார் அவர்.

]]>
http://www.dinamani.com/latest-news/sub-latest-news/2016/nov/04/சொந்த-மாநிலத்திற்கு-ஸ்டாலின்-கேடு-செய்கிறார்-வைகோ-குற்றச்சாட்டு-2592529.html
2592528 தற்போதைய செய்திகள் தற்போதைய செய்திகள் வடகிழக்குப் பருவமழையில் மக்களை பாதுகாப்பு அரசு முழுக்கவனம் DIN DIN Friday, November 4, 2016 05:11 PM +0530 திருவாரூர் மாவட்டத்தில் வடகிழக்குப் பருவமழையால் மக்களுக்கு எவ்வித ஆபத்தும் ஏற்படாத வகையில் பாதுகாக்க அரசு முழுக்கவனம் செலுத்தி வருகிறது என்றார் பேரிடர் மேலாண்மை சிறப்பு அலுவலரும் ஐஜியுமான கருணாசாகர்.

திருவாரூர் மாவட்ட காவல் கண்காணிப்பு அலுவலகத்தில் இன்று நடைபெற்ற வடகிழக்குப் பருவமழை முன்னெச்சரிக்கை ஏற்பாடு குறித்த ஆலோசனைக் கூட்டத்துக்குப் பிறகு செய்தியாளர்களிடம் அவர் கூறியது:

வடகிழக்குப் பருவமழையில் மக்களுக்கு எவ்வித இடையூறும் ஏற்படாத வகையில் கண் காணிக்க மாவட்டந்தோறும் ஐஜி அளவில் சிறப்புஅலுவலரை தமிழக அரசு நியமித்துள்ளது. திருவாரூர் மாவட்டத்தில் பருவமழையை எதிர்கொள்ள என்னென்ன தேவையென்றும், மக்களுக்கான பாதுகாப்புகள் என்ன என்பது குறித்தும் அறிந்து கொள்ள முதல் கட்ட  ஆலோசனைக் கூட்டம் நடத்தப்பட்டது.

மாவட்டத்தில் ஆட்சியர் இல. நிர்மல்ராஜ், மாவட்ட காவல் கண்காணிப்பு அலுவலர் என். எம். மயில்வாகணன் முக்கிய பங்காற்றி வருகின்றனர். கூட்டத்தில் பேரிடர் மையங்கள் எத்தனை உள்ளது, எங்குள்ளது என்றும், மாவட்டத்தில் சுமார் 55 ஆபத்தான இடங்கள் கண்டறியப்பட்டுள்ளது என்பது அறியப்பட்டது.

மாவட்டத்தில் ஆயுதப்படை உள்ளிட்ட 70 காவலர்கள் பேர் பேரிடர் மேலாண்மை பயிற்சி பெற்று வந்துள்ளனர். இவர்கள் குழுவாக பிரிக்கப்பட்டு மாவட்டத்திலுள்ள பல்வேறு குழு வினருக்கு பயிற்சியளிப்பார்கள். இயற்கை இடர்பாடுகள் நடைபெறும் இடங்களுக்கு மீட்புக் குழுவினர் மிக விரைவில் செல்லும் வகையில் குழுக்கள் அமைக்கப்படுகிறது. கூட்டத்தில் சேகரிக்கப்பட்ட விவரங்கள் டிஜிபிக்கு தெரியப்படுத்தி தேவையான நடவடிக்கை மேற்கொள்ளப்படுமென்றார் கருணாசாகர்.

பேட்டியின் போது திருச்சி மத்திய மண்டல காவல் தலைவர் வெ. வரதராஜூ, மாவட்ட காவல் கண்காணிப்பாளர் என்.எம். மயில்வாகணன், கூடுதல் காவல் கண்காணிப்பாளர் அப்துல்லா ஆகியோர் உடனிருந்தனர்.

இதையடுத்து பருவமழையில் இடர்பாடுகளை எதிர்கொள்ள தேவையான உபகரணங்களான கயிறு, ஏணி, டியூப், பைனாகுழல், மின்சார கட்டர், அரிவாள் உள்ளிட்டவை ஆய்வு செய்யப்பட்டது. முன்னதாக மாவட்ட ஆட்சியர் இல. நிர்மல்ராஜ் மாவட்ட காவல் கண்காணிப்பு அலுவலகத்துக்கு வந்து பேரிடர் மேலாண்மை சிறப்பு அலுவலர் கருணாசாகரிடம் ஆலோனை நடத்தினார்.

]]>
http://www.dinamani.com/latest-news/sub-latest-news/2016/nov/04/வடகிழக்குப்-பருவமழையில்-மக்களை-பாதுகாப்பு-அரசு-முழுக்கவனம்-2592528.html
2591930 தற்போதைய செய்திகள் தற்போதைய செய்திகள் 3 தொகுதி தேர்தல்: வாக்குப்பதிவு தினத்தன்று ஊதியத்துடன் விடுமுறை: தமிழக அரசு DIN DIN Thursday, November 3, 2016 09:37 PM +0530 தமிழகத்தில் தேர்தல் நடைபெறும் மூன்று தொகுதிகளில் உள்ள வாக்காளர்களுக்கு வாக்குப் பதிவு தினமான வரும் 19 ஆம் தேதியன்று ஊதியத்துடன் கூடிய விடுமுறை அளிக்கப்படும் என தலைமைச் செயலாளர் ராம மோகன ராவ் உத்தரவிட்டுள்ளார்.

கரூர் மாவட்டம் அரவக்குறிச்சி, தஞ்சாவூர், மதுரை மாவட்டம் திருப்பரங்குன்றம் ஆகிய மூன்று தொகுதிகளுக்கு வரும் 19 ஆம் தேதியன்று தேர்தல் நடைபெற இருக்கிறது. மத்திய உள்துறை அமைச்சகத்தின் அந்நிய செலவாணி முறிச்சட்டம் 1881-ன் கீழ் சனிக்கிழமையான (நவ. 19) அன்றைய தினம், மூன்று தொகுதிகளுக்கும் பொது விடுமுறை அளிக்கப்படுகிறது.

]]>
http://www.dinamani.com/latest-news/sub-latest-news/2016/nov/03/3-தொகுதி-தேர்தல்-வாக்குப்பதிவு-தினத்தன்று-ஊதியத்துடன்-விடுமுறை-தமிழக-அரசு-2591930.html
2591929 தற்போதைய செய்திகள் தற்போதைய செய்திகள் புதிய வன்கொடுமை தடுப்பு விதிகளில் திருத்தம் தேவை: ராமதாஸ் DIN DIN Thursday, November 3, 2016 09:00 PM +0530 புதிய வன்கொடுமை தடுப்பு விதிகளில் திருத்தங்கள் மேற்கொள்ள வேண்டும் என்று பாமக நிறுவனர் ராமதாஸ் வலியுறுத்தியுள்ளார்.

இது தொடர்பாக வியாழக்கிழமை அவர் வெளியிட்ட அறிக்கை:

தமிழக அரசிதழில் பட்டியலினம் மற்றும் பழங்குடியினர் (வன்கொடுமை தடுப்பு) விதிகள்-2016 வெளியிடப்பட்டுள்ளன. ஒடுக்கப்பட்ட மக்களுக்கு உரிமைகளைப் பெற்றுத் தருவதற்காக இவை உருவாக்கப்பட்டுள்ளன என்ற போதிலும், நோக்கத்தை நிறைவேற்றுவதை விட, பழிவாங்குவதற்கே இவை அதிகம் பயன்படுத்தப்படும் என்பது கவலையளிக்கிறது.

கடந்த 2011-ஆம் ஆண்டு வெளியிடப்பட்ட விதிகளின் படி 22 வகையான செயல்கள் மட்டுமே தீண்டத்தகாதவையாகவும், வன்கொடுமையாகவும் குறிப்பிடப்பட்டிருந்தன. தற்போது வெளியிடப்பட்ட விதிகளில் கூடுதலாக 45 அம்சங்கள் சேர்க்கப்பட்டுள்ளன.

வன்கொடுமைப் பட்டியலில் புதிதாக சேர்க்கப்பட்டுள்ள பல அம்சங்கள் காலங்காலமாக இயல்பான விஷயங்களாகக் கருதப்படுபவை ஆகும். தமிழகம் மட்டுமின்றி ஒட்டுமொத்த இந்தியாவிலும் வன்கொடுமை தடுப்புச் சட்டம் தவறாகப் பயன்படுத்தப்படுவது அனைவரும் அறிந்த விஷயம். இதை நாடாளுமன்றத்தில் மத்திய அரசும் ஒப்புக் கொண்டுள்ளது.

வன்கொடுமை தடுப்புச் சட்டத்தில் உரிய திருத்தம் செய்யும்படி மகாராஷ்டிர மக்கள் நடத்திய போராட்டங்களின் விளைவாக, அம்மாநில அரசு சட்டத்தில் உரிய திருத்தம் செய்யும்படி மத்திய அரசுக்கு பரிந்துரைத்துள்ளது.

ஆனால், தமிழக அரசோ சட்டத்தை தவறாகப் பயன்படுத்தும் வகையில் மேலும் விதிகளைத் தளர்த்தியுள்ளது. எனவே, வன்கொடுமை தடுப்புச்சட்டம் தவறாக பயன்படுத்தப்படுவதைச் தடுக்கும் வகையில், தேவையான திருத்தங்களை மத்திய, மாநில அரசுகள் மேற்கொள்ள வேண்டும் என்று கூறியுள்ளார்.

]]>
http://www.dinamani.com/latest-news/sub-latest-news/2016/nov/03/புதிய-வன்கொடுமை-தடுப்பு-விதிகளில்-திருத்தம்-தேவை-ராமதாஸ்-2591929.html
2591927 தற்போதைய செய்திகள் தற்போதைய செய்திகள் தங்கம் பவுனுக்கு ரூ.40 குறைவு DIN DIN Thursday, November 3, 2016 08:57 PM +0530 ஆபரணத் தங்கத்தின் விலை சென்னையில் வியாழக்கிழமை பவுனுக்கு ரூ.40 குறைந்து, 23.176-க்கு விற்பனையானது. இந்நிலையில் தங்கம், வெள்ளியின் விலை சற்று வீழ்ச்சியடைந்துள்ளது.
இன்றைய நிலவரப்படி, தங்கத்தின் விலை கிராமுக்கு ரூ.5 குறைந்து, ரூ.2,897-க்கு விற்பனையானது. வெள்ளியின் விலை கிலோவுக்கு ரூ.725 குறைந்து, ஒரு கிலோ கட்டி வெள்ளி ரூ.43,705-க்கு விற்பனையானது.

]]>
http://www.dinamani.com/latest-news/sub-latest-news/2016/nov/03/தங்கம்-பவுனுக்கு-ரூ40-குறைவு-2591927.html
2591926 தற்போதைய செய்திகள் தற்போதைய செய்திகள் கந்தசஷ்டித் திருவிழாவையொட்டி பழனியில் நாளை மருநாள் சூரசம்ஹாரம் DIN DIN Thursday, November 3, 2016 08:48 PM +0530 பழனியில் கந்தசஷ்டித் திருவிழாவையொட்டி சனிக்கிழமை சூரசம்ஹாரமும், ஞாயிற்றுக்கிழமை திருக்கல்யாணமும் நடைபெறுகிறது.

பழனி மலைக்கோயிலில் கந்தசஷ்டி விழா கடந்த திங்கள்கிழமை காப்புக்கட்டுடன் தொடங்கியது. இதையொட்டி அங்குள்ள கார்த்திகை மண்டபத்தில் தினமும் ஆன்மிக சொற்பொழிவுகளும், உச்சிக்காலத்தின் போது கல்பபூஜையும், மாலையில் சண்முகர் தீபாராதனையும் நடைபெற்று வருகிறது. வெள்ளிக்கிழமை தங்கமயில் வாகனத்தில் சுவாமி புறப்பாடு நடைபெறுகிறது. ஆறாம் நாள் நிகழ்ச்சியாக சனிக்கிழமை (நவ. 5) சூரசம்ஹாரம் நடக்கிறது. அன்று மதியம் உச்சிக்கால பூஜையைத் தொடர்ந்து சாயரட்சை பூஜை நடத்தப்பட்டு சூரர்களை வதம் செய்ய மலைக்கொழுந்து அம்மனிடம்  சின்னக்குமாரசாமி வேல்வாங்கும் விழா நடைபெறும். தொடர்ந்து பிற்பகல் 3 மணிக்கு மலைக்கோயில் நடை அடைக்கப்பட்டு சின்னக்குமாரசாமி பராசக்திவேலுடன் அடிவாரம் வந்தடைவார். அதே போல பெரியநாயகியம்மன் கோயிலில் இருந்து அருள்மிகு முத்துக்குமாரசாமி வள்ளி, தேவசேனா சமேதராக மயில் வாகனத்தில் அடிவாரம் வந்தடைவார். வேலுக்கு சிறப்பு பூஜைகள் முடிந்த பின், மாலை 6 மணிக்கு மேல் வடக்கு கிரிவீதியில் தாரகாசூரவதமும், கிழக்கு கிரிவீதியில் பானுகோபன்வதமும், தெற்கு கிரிவீதியில் சிங்கமுகசூரவதமும், மேற்கு கிரிவீதியில் சூரபத்மன் வதமும் நடைபெறுகிறது.

ஞாயிற்றுக்கிழமை காலை 11 மணிக்கு மலைக் கோயிலில் வள்ளி, தேவசேனா சமேதர் சண்முகருக்கு திருக்கல்யாணம் நடைபெறுகிறது. இரவு 7 மணிக்கு பெரியநாயகியம்மன் கோயிலில் வள்ளி, தேவசேனா சமேதர் முத்துக்குமாரசாமிக்கு திருக்கல்யாணம் நடைபெறுகிறது.

]]>
http://www.dinamani.com/latest-news/sub-latest-news/2016/nov/03/கந்தசஷ்டித்-திருவிழாவையொட்டி-பழனியில்-நாளை-மருநாள்-சூரசம்ஹாரம்-2591926.html
2591923 தற்போதைய செய்திகள் தற்போதைய செய்திகள் ஜம்மு-காஷ்மீர் முன்னாள் துணை முதல்வர் மங்கத் ராம் சர்மா காலமானார் DIN DIN Thursday, November 3, 2016 08:04 PM +0530 ஜம்மு-காஷ்மீர் மாநில முன்னாள் துணை முதல்வர் மங்கத் ராம் சர்மா (85), உடல்நலக் குறைவு காரணமாக இன்று காலை காலமானார். அவருக்கு 6 மகன்கள் உள்ளனர்.

காங்கிரஸ் கட்சியின் மூத்த தலைவரும், ஜம்மு-காஷ்மீர் மாநில முன்னாள் துணை முதல்வருமான மங்கத் ராம் சர்மா, சிறிது காலமாக உடல்நலக் குறைவால் பாதிக்கப்பட்டிருந்தார். இந்நிலையில், இன்று காலை அவர் காலமானார். அவரது இறுதிச் சடங்கு, ஸ்ரீநகரின் சாஸ்திரி நகரில் வெள்ளிக்கிழமை நடைபெறுகிறது.

கடந்த 2002-ஆம் ஆண்டு, முஃப்தி முகமது சயீது தலைமையிலான பிடிபி-காங்கிரஸ் கூட்டணி அரசில் துணை முதல்வராகப் பதவியேற்ற அவர், குலாம் நபி ஆசாத் தலைமையிலான காங்கிரஸ் ஆட்சியில் மாநில சுகாதாரத் துறை அமைச்சராகவும் இருந்துள்ளார்.

]]>
http://www.dinamani.com/latest-news/sub-latest-news/2016/nov/03/ஜம்மு-காஷ்மீர்-முன்னாள்-துணை-முதல்வர்-மங்கத்-ராம்-சர்மா-காலமானார்-2591923.html
2591921 தற்போதைய செய்திகள் தற்போதைய செய்திகள் அதிமுக வேட்பாளர் ஓம்சக்தி சேகர் சொத்து மதிப்பு விவரம் DIN DIN Thursday, November 3, 2016 08:01 PM +0530 புதுச்சேரி நெல்லித்தோப்பு தொகுதியில் போட்டியிடும் அதிமுக வேட்பாளர் ஓம்சக்தி சேகரின் சொத்து மதிப்பு விவரம்:

ஓம்சக்தி சேகருக்கு கடந்த 2015-16-ல் ரூ.9.89,345 வருவாயும், தனது மனைவிக்கு 2014-15-ல் ரூ.4,90,116-ம் வருவாய் கிடைத்தாகத் தெரிவித்துள்ளார்.
கடன்கள் மற்றும் பொறுப்பு வகையில் ஓம்சக்திசேகருக்கு ரூ.28,82,275-ம், மனைவிக்கு ரூ.6,16,317-ம் உள்ளதாகத் குறிப்பிட்டுள்ளார்.
அசையாச் சொத்துகள் வகையில் ஓம்சக்திசேகருக்கு ரூ.2,53,70,725 கோடி மதிப்பிலும், மனைவி பெயரில் ரூ.81,28,239 மதிப்பிலான சொத்துக்கள் உள்ளதாக வேட்பு மனுவுடன் தாக்கல் செய்த பிரமாண பத்திரத்தில் ஓம்சக்தி சேகர் தெரிவித்துள்ளார்.

]]>
http://www.dinamani.com/latest-news/sub-latest-news/2016/nov/03/அதிமுக-வேட்பாளர்-ஓம்சக்தி-சேகர்-சொத்து-மதிப்பு-விவரம்-2591921.html
2591920 தற்போதைய செய்திகள் தற்போதைய செய்திகள் நெல்லித்தோப்பு தொகுதி இடைத்தேர்தல்: காங்கிரஸ் வேட்பாளரும், முதல்வருமான நாராயணசாமி சொத்து மதிப்பு DIN DIN Thursday, November 3, 2016 07:35 PM +0530 நெல்லித்தோப்பு தொகுதி இடைத்தேர்தலில் போட்டியிடும் காங்கிரஸ், அதிமுக வேட்பாளர்கள் தாக்கல் செய்துள்ள சொத்து மதிப்பு விவரம்:

முதல்வரும், காங்கிரஸ் வேட்பாளருமான நாராயணசாமி:
கடந்த 2015-16 ஆண்டு வருவாய் ரூ.19,89,150.
ரொக்கம், கையிருப்பு: ரூ.1 லட்சம்.
வங்கிகளில் வைப்புத் தொகை: ரூ.8,19,238.
தேர்தல் கணக்கு: ரூ.15 லட்சம்.
எல்.ஐ.சி காப்பீடு: ரூ.5,58,488.
கார்: ரூ.9,18,845.
காலமான அவரது மனைவி பெயரில் ரூ.4.25 லட்சம் மதிப்புள்ள கார்.
தங்க நகைகள் 200 கிராம்: ரூ.5,72,400.
அசையாச் சொத்துக்கள்:
நாராயணசாமி: ரூ.5,62 கோடி மதிப்புள்ள சொத்துக்கள்.
மனைவியின் பெயரில்:ரூ.3.55 கோடி மதிப்புள்ள சொத்துக்கள்.

]]>
http://images.dinamani.com/uploads/user/imagelibrary/2013/10/23/1/w600X390/narayanaswamy.jpg http://www.dinamani.com/latest-news/sub-latest-news/2016/nov/03/நெல்லித்தோப்பு-தொகுதி-இடைத்தேர்தல்-காங்கிரஸ்-வேட்பாளரும்-முதல்வருமான-நாராயணசாமி-சொத்து-மதிப்பு-2591920.html
2591919 தற்போதைய செய்திகள் தற்போதைய செய்திகள் நெல்லித்தோப்பு தொகுதி இடைத் தேர்தல்: காங்., அதிமுக உள்பட 9 வேட்புமனுக்கள் ஏற்பு, 2 மனுக்கள் தள்ளுபடி சுஜீத் DIN Thursday, November 3, 2016 07:28 PM +0530 நெல்லித்தோப்பு தொகுதி இடைத்தேர்தல் தொடர்பாக வேட்புமனுக்கள் பரிசீலனை இன்று நடைபெற்றது. இதில் காங்கிரஸ், அதிமுக உள்பட 9 பேரின் மனுக்கள் ஏற்கப்பட்டன. 2 மனுக்கள் தள்ளுபடி செய்யப்பட்டன.

நெல்லித்தோப்பு தொகுதி இடைத் தேர்தல் வரும் 19-ஆம் தேதி நடைபெறவுள்ளது. இதற்கான வேட்பு மனுத்தாக்கல் கடந்த அக்டோபர் 26-ஆம் தேதி தொடங்கி நேற்று முடிவடைந்தது.

காங்கிரஸ் கட்சி சார்பில் முதல்வர் வி.நாராயணசாமி, அதிமுக சார்பில் ஓம்சக்திசேகர், அவருக்கு மாற்று வேட்பாளராக தமிழ்ச்செங்கோலன், உள்பட மொத்தம் 11 பேர் மனுத்தாக்கல் செய்திருந்தனர். முதல்வர் நாராயணசாமி 4 மனுக்களை தாக்கல் செய்திருந்தார்.

மேலும் ஐக்கிய ஜனதா தளம் சார்பில் ஆறுமுகம் (எ) சரவணனும், நாம் தமிழர் கட்சி சார்பில் ரவி அண்ணாமலையும், மாற்று வேட்பாளராக விஜயலட்சுமியும் மனு தாக்கல் செய்தனர்.

கலியமூர்த்தி, கணேஷ் (எ) ஞானசம்பந்தம், வெங்கடேசன், மாசிலாமணி (எ) குப்புசாரி, சேகர் (எ) ஞானசேகரன் ஆகிய சுயேச்சைகளும் வேட்புமனு தாக்கல் செய்தனர். ஒட்டுமொத்தமாக 11 பேர் வேட்புமனு தாக்கல் செய்துள்ளனர்.

தொகுதி தேர்தல் அலுவலர் வ.மலர்க்கண்ணன் தலைமையில் மனுக்கள் மீது பரிசீலனை நடைபெற்றது. காங்கிரஸ் வேட்பாளர் நாராயணசாமி, அதிமுக வேட்பாளர் ஓம்சக்திசேகர், உள்பட 9 பேரின் மனுக்கள் ஏற்கப்பட்டன. அதிமுக மாற்று வேட்பாளர் தமிழ்ச்செங்கோலன், சுயேச்சை வேட்பாளர் வெங்கடேசன் ஆகியோரின் 2 மனுக்கள் தள்ளுபடி செய்யப்பட்டன.

இதுகுறித்து தொகுதி தேர்தல் அதிகாரி மலர்க்கண்ணன் கூறியதாவது:

நெல்லித்தோப்பு தொகுதி இடைத்தேர்தலில் போட்டியிட தாக்கல் செய்யப்பட்டுள்ள 14 வேட்பு மனுக்களில் 2 மனுக்கள் நிராகரிப்பட்டன. 12 மனுக்கள் ஏற்றுக்கொள்ளப்பட்டுள்ளன.

மொத்தம் 11 வேட்பளர்களில் 2 வேட்பாளர்களின் மனுக்கள் நிராகரிக்கப்பட்டு, 9 வேட்பாளர்கள் தேர்தல் போட்டியிட தகுதியானவர்கள். வரும் சனிக்கிழமை மனுக்களை திரும்பப் பெற இறுதி நாளாகும். அப்போது இறுதி வேட்பாளர் பட்டியல் வெளியிடப்படும் என்றார்.

]]>
http://www.dinamani.com/latest-news/sub-latest-news/2016/nov/03/நெல்லித்தோப்பு-தொகுதி-இடைத்-தேர்தல்-காங்-அதிமுக-உள்பட-9-வேட்புமனுக்கள்-ஏற்பு-2-மனுக்கள்-தள்ளுபடி-2591919.html
2591918 தற்போதைய செய்திகள் தற்போதைய செய்திகள் புயல் எச்சரிக்கை: புதுச்சேரி துறைமுகத்தில் 1ஆம் எண் கூண்டு ஏற்றம் சுஜீத் DIN Thursday, November 3, 2016 07:21 PM +0530 வங்கக்கடலில் புதியதாக உருவாகியுள்ள குறைந்த காற்றழுத்த தாழ்வு நிலை காரணமாக புதுச்சேரி துறைமுகத்தில் 1ஆம் எண் புயல் எச்சரிக்கை கூண்டு ஏற்றப்பட்டுள்ளது.

வங்ககடலில் குறைந்த காற்றழுத்த தாழ்வுநிலை உருவாகியுள்ளது. இதனால் கடல் சீற்றமாக உள்ளதால் மீனவர்களுக்கு எச்சரிக்கை விடுக்கும் வகையில் துறைமுகத்தில் 1-ஆம் எண் புயல் எச்சரிக்கை கூண்டு ஏற்றப்பட்டுள்ளது.

கடல் சீற்றத்தால் 3-வது நாளாக இன்று மீனவர்கள் மீன்பிடிக்க செல்லவில்லை. இந்நிலையில் புதுச்சேரி நகர் பகுதியில் காலை முதல் மிதமான மழை பெய்து வருகிறது.

கிராமப்பகுதிகளில் விட்டுவிட்டு மழை பெய்து வருகிறது. கடந்த ஆண்டு புதுச்சேரியில் கனமழை பெய்தபோது நகரப்பகுதி பெரும் வெள்ளத்திற்குள் சிக்கியது. அதனை தடுக்கும் விதமாக கடந்த இரண்டு மாதங்களாக புதுச்சேரி நகரம் முழுவதும் வாய்க்கால்கள் துர்வாரப்பட்டு வருகின்றன.

இதனால் இம்முறை கனமழை பெய்தாலும் புதுச்சேரி பாதிக்காது என பொதுமக்கள் நம்பிக்கை தெரிவித்துள்ளனர்.

]]>
http://images.dinamani.com/uploads/user/imagelibrary/2016/10/31/w600X390/maprain.jpg http://www.dinamani.com/latest-news/sub-latest-news/2016/nov/03/புயல்-எச்சரிக்கை-புதுச்சேரி-துறைமுகத்தில்-1ஆம்-எண்-கூண்டு-ஏற்றம்-2591918.html
2591917 தற்போதைய செய்திகள் தற்போதைய செய்திகள் நெல்லித்தோப்பில் கும்பலாக தேர்தல் பிரசாரத்தில் ஈடுபட்ட அதிமுகவினர் விரட்டியடிப்பு: DIN DIN Thursday, November 3, 2016 07:12 PM +0530 நெல்லித்தோப்பு தொகுதியில் இன்று மாலை கும்பலாக தேர்தல் பிரசாரத்தில் ஈடுபட்ட அதிமுகவினரை போலீஸார் விரட்டி அடித்தனர். இதையடுத்து ஆட்சியர், காவல்துறையினர் ஒருதலைபட்சமாக செயல்படுவதாக அதிமுகவினர் குற்றம் சாட்டியுள்ளனர்.

இடைத்தேர்தல் நடைபெறும் நெல்லித்தோப்பு தொகுதியில் புதுச்சேரி மாவட்ட ஆட்சியர் சத்தியேந்திர சிங் துர்சாவத் பலத்த போலீஸ் பாதுகாப்புடன் இன்று மாலை ஆய்வு மேற்கொண்டார்.

அப்போது நெல்லித்தோப்பு மார்கெட் வீதியில் அதிமுகவை சேர்ந்தவர்கள் 100-க்கும் மேற்பட்டோர் வாக்கு சேகரிக்கும் பணியில் ஈடுபட்டடிருந்தனர். அப்போது தேர்தல் விதிமுறைகளை மீறுவதாக கூறி காவல்துறையினர் அவர்களை விரட்டியத்து அங்கிருந்து அப்புறப்படுத்தினார்கள். மேலும் அதிமுகவினர் பயன்படுத்திய நான்கு தமிழக பதிவெண் கொண்ட வாகனங்கள் பறிமுதல் செய்தனர். இதனால் அப்பகுதியில் சிறிது நேரம் பரபரப்பு ஏற்பட்டது.

தகவல் அறிந்து சம்பவ இடத்திற்கு விரைந்து வந்த அதிமுக வேட்பாளர் ஓம்சக்தி சேகர் மற்றும் அதிமுகவினர் மாவட்ட ஆட்சியரிடம் வாக்குவாதத்தில் ஈடுபட்டனர். அப்போது காங்கிரஸ் திமுகவினர் எங்களைவிட அதிக நபர்களுடன் வாக்கு சேகரிப்பில் ஈடுபட்டு வருவதாகவும் அவர்கள் மீது ஏன் இதுபோன்ற நடவடிக்கை எடுக்கவில்லை என்று கூறி வாக்குவாதத்தில் ஈடுபட்டனர். அதனை தொடர்ந்து மாவட்ட ஆட்சியர் சத்தியேந்திர சிங் துர்சாவத் அதிமுகவினரை சமாதானம் செய்து அனுப்பி வைத்தனர்.

பின்னர் செய்தியாளர்களிடம் பேசிய அதிமுக வேட்பாளர் ஓம்சக்தி சேகர், முதல்வர் நாராயணசாமி தோல்வி பயத்தின் காரணமாக அதிகார துஷ்பிரயோகத்தில் ஈடுபடுகின்றார் என்றும், எத்தனை தாக்குதல் நடத்தினாலும் பொருத்திருந்து வெற்றி பெறுவோம் என்றும் கூறினார். மேலும் தேர்தல் கண்ணியமாகவும் நியாயமாக நடத்த தேர்தல் ஆணையத்தை நாட உள்ளதாக தெரிவித்தார்.

இதைத் தொடர்ந்து அதிமுக அமைப்பு செயலாளர் செம்மலை, தமிழக அமைச்சர்கள் எம்.சி.சம்பத், சி.வி.சண்முகம் ஆகியோர் தலைமை செயலகத்தில் உள்ள தலைமை தேர்தல் அதிகாரி கந்தவேலிடம் புகார் மனு அளித்தனர். அதில் மாவட்ட ஆட்சியரும், காவல்துறையும் ஒருதலைபட்சமாக நடப்பதாகவும் அதிமுகவினர் விரட்டிய அடித்தவர்கள் மீது நடவடிக்கை எடுக்க வேண்டும் என புகார் அளித்தனர்.

]]>
http://www.dinamani.com/latest-news/sub-latest-news/2016/nov/03/நெல்லித்தோப்பில்-கும்பலாக-தேர்தல்-பிரசாரத்தில்-ஈடுபட்ட-அதிமுகவினர்-விரட்டியடிப்பு-2591917.html
2591916 தற்போதைய செய்திகள் தற்போதைய செய்திகள் பாம்பன் துறைமுக அலுவலகத்தில் 1-ஆம் எண் புயல் எச்சரிக்கை கூண்டு ஏற்றம் DIN DIN Thursday, November 3, 2016 07:09 PM +0530 பாம்பன் கடல் பகுதியில் சூறாவளி வீசி வருவதால், துறைமுக அலுவலகத்தில் வியாழக்கிழமை 1 ஆம் எண்  புயல் எச்சரிக்கை கூண்டு ஏற்றப்பட்டது.

வங்கக் கடலில் குறைந்த காற்றழுத்தத் தாழ்வு மண்டலம் உருவாகியுள்ளது. இதனால், பாம்பன் கடலில் கடந்த புதன்கிழமை முதல் பலத்த சூறாவளி வீசி வருகிறது. அப்பகுதியில் காற்றின் வேகம் அதிகரித்துள்ளதால், பாம்பன் துறைமுக அலுவலகத்தில் 1-ஆம் எண் புயல் எச்சரிக்கை கூண்டு ஏற்றப்பட்டது.

மீனவர்கள் ஆழ்கடல் பகுதிக்குச் சென்று மீன்பிடிக்க வேண்டாம் எனவும், கரையோரங்களில் வசித்து வரும் மீனவர்கள் பாதுகாப்பாக இருக்கவும், துறைமுக அதிகாரிகள் அறிவுறுத்தியுள்ளனர்.

]]>
http://www.dinamani.com/latest-news/sub-latest-news/2016/nov/03/பாம்பன்-துறைமுக-அலுவலகத்தில்-1-ஆம்-எண்-புயல்-எச்சரிக்கை-கூண்டு-ஏற்றம்-2591916.html
2591913 தற்போதைய செய்திகள் தற்போதைய செய்திகள் கேரளம் அணை கட்ட நிரந்தர தடை விதிக்க வேண்டும்: மு.க.ஸ்டாலின் DIN DIN Thursday, November 3, 2016 07:05 PM +0530 சிறுவாணி ஆற்றின் குறுக்கே கேரள அரசு அணை கட்டுவதற்கு மத்திய அரசு நிரந்தரமாகத் தடை விதிக்க வேண்டும் என்று எதிர்க்கட்சித் தலைவரும், திமுக பொருளாளருமான மு.க.ஸ்டாலின் வலியுறுத்தியுள்ளார்.

இதுதொடர்பாக அவர் வியாழக்கிழமை வெளியிட்ட அறிக்கை:

சிறுவாணி ஆற்றின் குறுக்கே கேரள அரசு அட்டப்பாடியில் அணை கட்டுவது தொடர்பாக சுற்றுச்சூழல் ஆய்வு மேற்கொள்ளலாம் என்று மத்திய சுற்றுப்புறச் சூழல் மற்றும் வனத்துறை அமைச்சக வல்லுநர் மதிப்பீட்டுக்குழு பரிந்துரை அளித்திருந்தது. இந்தப் பரிந்துரையை தாற்காலிகமாக நிறுத்தி வைக்க மத்திய அரசு உத்தரவிட்டுள்ளது. இது வரவேற்கக்கூடியது என்றாலும், சுற்றுச்சூழல் ஆய்வு மேற்கொள்ள நிரந்தரமாக அனுமதி மறுக்கப்படவில்லை என்பது பெரும் கவலையாக இருக்கிறது.

காவிரி நதிநீர் பங்கீடு தொடர்பாக நடுவர் மன்ற இறுதி ஆணையை எதிர்த்து தமிழக அரசு உச்ச நீதிமன்றத்தில் தொடர்ந்துள்ள வழக்கு முடியும் வரையிலோ அல்லது தமிழக அரசின் அனுமதி பெறும் வரையிலோ இந்த வல்லுநர் குழுவின் பரிந்துரையை தற்போதைக்கு நிறுத்தி வைப்பதாக மட்டுமே மத்திய அரசு தனது கடிதத்தில் தெரிவித்திருப்பது நெருடலாகவே இருக்கிறது.

எனவே, கேரள அரசுக்கு நிரந்தரமாக அனுமதி மறுக்கும் உத்தரவை மத்திய அரசு வெளியிட, தமிழக அரசு அழுத்தம் தர வேண்டும் என்று ஸ்டாலின் கூறியுள்ளார்.

]]>
http://images.dinamani.com/uploads/user/imagelibrary/2016/9/27/w600X390/stalin.jpg http://www.dinamani.com/latest-news/sub-latest-news/2016/nov/03/கேரளம்-அணை-கட்ட-நிரந்தர-தடை-விதிக்க-வேண்டும்-முகஸ்டாலின்-2591913.html
2591910 தற்போதைய செய்திகள் தற்போதைய செய்திகள் பங்குச்சந்தைகளில் இன்று சரிவுடன் வர்த்தகம் முடிவு DIN DIN Thursday, November 3, 2016 06:58 PM +0530 அமெரிக்காவில், அதிபர் பதவிக்கான தேர்தல் பிரசாரம் உச்சக்கட்டத்தை எட்டியுள்ள நிலையில், கடந்த சில நாட்களாக, சர்வதேச பங்குச்சந்தைகளில் வர்த்தகம் மந்தநிலையில் காணப்படுகிறது. ஆசிய பங்குசந்தைகளில் ஏழு வாரங்களில் இல்லாத அளவுக்கு சரிவு காணப்பட்டன. அமெரிக்காவில் ஓட்டுப்பதிவுக்கு ஓரிரு நாட்களுக்கு முன்பு கருத்து கணிப்பில் ட்ரம்ப் முந்துவதை முதலீட்டாளர்கள் விரும்பவில்லை.

அன்றாட பயன்பாட்டுப் பொருட்கள் துறை தவிர, மற்றத் துறை பங்குகளும் விலை குறைந்து முடிந்தன. குறிப்பாக, எண்ணெய் மற்றும் எரிவாயுத் துறை சார்ந்த பங்குகள் அதிகளவு விலை சரிவை சந்தித்தன. ஹீரோ மோட்டோகார்ப், ஐடிசி, ரெட்டீஸ் லேபராட்டரீஸ், டிசிஎஸ், ஹெச்டிஎப்சி வங்கி ஆகியவை விலை உயர்ந்தும், அதானி போர்ட்ஸ், ஓஎன்ஜிசி, டாடா ஸ்டீல், ஏசியன் பெயிண்ட்ஸ் ஆகிய பங்குகள் விலை சரிந்தும் வர்த்தகம் ஆகின.

வர்த்தக முடிவில், மும்பை பங்குச்சந்தை குறியீடு சென்செக்ஸ் 100 புள்ளிகள் சரிந்து, 27,430 புள்ளிகளாக இருந்தது.

]]>
http://images.dinamani.com/uploads/user/imagelibrary/2016/9/9/w600X390/bse.jpg http://www.dinamani.com/latest-news/sub-latest-news/2016/nov/03/பங்குச்சந்தைகளில்-இன்று-சரிவுடன்-வர்த்தகம்-முடிவு-2591910.html
2591287 தற்போதைய செய்திகள் தற்போதைய செய்திகள் பாகிஸ்தானுக்கு ஜேட்லி கடும் எச்சரிக்கை DIN DIN Wednesday, November 2, 2016 07:27 PM +0530 இந்தியா மீது தொடர்ந்து தாக்குதல் நடத்திக் கொண்டே வந்தால், மோசமான பின்விளைவுகளை பாகிஸ்தான் சந்திக்க நேரிடும் என்று மத்திய நிதியமைச்சர் அருண் ஜேட்லி எச்சரித்துள்ளார்.

காஷ்மீரில் உரி தாக்குதலுக்கு பதிலடியாக பாகிஸ்தான் ஆக்கிரமிப்பு காஷ்மீரில் இந்திய ராணுவம் அதிரடி தாக்குதலை நடத்தியது. இதற்குப் பதில் நடவடிக்கையாக அந்நாட்டு ராணுவம் தொடர்ந்து இந்திய எல்லையில் அத்துமீறி நுழைந்து தாக்குதலை நடத்தி வருகிறது.

அந்த வகையில், சர்வதேச எல்லையை ஒட்டியுள்ள சம்பா, ஜம்மு மாவட்டங்களைச் சேர்ந்த ராம்கர், ஆர்னியா பகுதிகளில் செவ்வாய்க்கிழமை பாகிஸ்தான் ராணுவத்தினர் நடத்திய தாக்குதலில் அப்பாவி பொதுமக்கள் 8 பேர் உயிரிழந்தனர்.

கடந்த 2003-ஆம் ஆண்டு இந்தியாவுக்கும், பாகிஸ்தானுக்கும் இடையே ஏற்படுத்தப்பட்ட போர் நிறுத்த ஒப்பந்தத்தை பாகிஸ்தான் மீறி வருகிறது.
இரு நாடுகளுக்கும் இடையே ஏற்படுத்திக் கொண்ட போர் நிறுத்த ஒப்பந்தத்தை மீறி தாக்குதல் நடத்தியது சரியா? தவறா? என்று தெரியாமல் செய்து வந்தீர்கள். ஆனால் இன்றோ அத்துமீறி தாக்குதல் நடத்துவது உங்கள் உரிமையாக மாறிவிட்டது.

காலம் மாறிவிட்டது; எனவே இந்தியா மீது தொடர்ந்து அத்துமீறி போர் தொடுத்து வந்தால், அதற்குப் பதிலாக மோசமான பின்விளைவுகளை பாகிஸ்தான் சந்திக்க நேரிடும்.

]]>
http://www.dinamani.com/latest-news/sub-latest-news/2016/nov/02/பாகிஸ்தானுக்கு-ஜேட்லி-கடும்-எச்சரிக்கை-2591287.html
2589631 தற்போதைய செய்திகள் தற்போதைய செய்திகள் இந்தியா - நியூசிலாந்து அணிகளுக்கு இடையிலான கடைசி ஒருநாள்  போட்டி: தொடரை கைப்பற்றியது இந்திய அணி DIN DIN Saturday, October 29, 2016 08:13 PM +0530 இந்தியா - நியூசிலாந்து அணிகளுக்கு இடையிலான கடைசி ஒருநாள் கிரிக்கெட் போட்டி விசாகப்பட்டினத்தில் நடைபெற்றது.
 
இந்த போட்டியில் டாஸ் வென்று பேட்டிங் தேர்வு செய்த இந்திய அணி 50 ஒவர்கள் முடிவில் 6 விக்கெட்டுகளை இழந்து 269 ரன்கள் எடுத்தது. இந்திய அணியில் அதிகபட்சமாக ரோஹித் சர்மா 70 ரன்கள் எடுத்தார்.
 
இதனையடுத்து 270 ரன்கள் எடுத்தால் வெற்றி என்ற இலக்குடன் களமிறங்கிய நியூசிலாந்து அணி 23.1 ஓவர்களில் 79 ரன்களுக்கு அனைத்து விக்கெட்டுகளை இழந்து தோல்வியை தழுவியது.  
 
இந்திய அணி சார்ப்பில் அமித் மிஸ்ரா 5 விக்கெட்கள் எடுத்து அசத்தினார். இந்த வெற்றியின் மூலம் இந்திய அணி ஒரு நாள் தொடரை 3 - 2 என்ற கணக்கில் கைப்பற்றியுள்ளது.
]]>
http://images.dinamani.com/uploads/user/imagelibrary/2016/10/29/w600X390/5th-ODI.jpg http://www.dinamani.com/latest-news/sub-latest-news/2016/oct/29/இந்தியா---நியூசிலாந்து-அணிகளுக்கு-இடையிலான-கடைசி-ஒருநாள்--போட்டி-தொடரை-கைப்பற்றியது-இந்திய-அணி-2589631.html
2589146 தற்போதைய செய்திகள் தற்போதைய செய்திகள் தேசிய உணவு பாதுகாப்பு சட்டம் ஏற்பு: மாநில உரிமைகளை தாரை வார்ப்பதா? DIN DIN Friday, October 28, 2016 07:11 PM +0530 மத்திய அரசின் தேசிய உணவுப் பாதுகாப்புச் சட்டத்தை ஏற்றுக் கொள்வதாகவும், தமிழகத்தில் இச்சட்டம் நவம்பர் ஒன்றாம் தேதி முதல் செயல்படுத்தப்படும் என்றும் தமிழக அரசு அறிவித்திருக்கிறது. இதனால் தமிழக மக்களுக்கு எந்த பாதிப்பும் ஏற்படாமல் பார்த்துக் கொள்ளப்படும் என தமிழக அரசு அறிவித்துள்ள போதிலும், இச்சட்டத்தை ஏற்றதன் மூலம் மாநில உரிமைகள் தாரைவார்க்கப்பட்டுள்ளன.
 
பா.ம.க. நிறுவனர் மருத்துவர் இராமதாசு அறிக்கை வருமாறு:
 
நாட்டில் உணவுப் பாதுகாப்பை உறுதி செய்வதற்காக தேசிய உணவுப் பாதுகாப்புச் சட்டம் முந்தைய ஐக்கிய முற்போக்கு கூட்டணி ஆட்சியில் 2013ஆம் ஆண்டு கொண்டு வந்து நிறைவேற்றப்பட்டது. இத்திட்டம் பல மாநிலங்களுக்கு சாதகமானது என்ற போதிலும், தமிழகத்திற்கு மிகவும் பாதகமானது ஆகும். தமிழகத்தில் அனைத்து குடும்பங்களுக்கும் பொது வினியோகத்திட்டம் செயல்படுத்தப்பட்டு வரும் நிலையில், மத்திய அரசின் உணவுப் பாதுகாப்புத் திட்டப்படி கிராமப்புறங்களில் 75% மக்களுக்கும், நகர்ப்புறங்களில் 50% மக்களுக்கும் மட்டும் தான் உணவு தானியங்களை வழங்க முடியும். தமிழகம் நகரமயமாக்கப்பட்ட மாநிலம் என்பதால் மத்திய அரசின் திட்டப்படி 50.55% மக்களுக்கு மட்டும் தான்  உணவு தானியங்களை வழங்க முடியும். அதனால் தான் உணவுப் பாதுகாப்பு சட்டத்தை, தமிழகத்திற்கு முழுமையாக பயனளிக்கும் திட்டமாக மாற்றியமைக்க வேண்டும் என தொடர்ந்து வலியுறுத்தி வந்தேன். இதே காரணத்திற்காகத் தான் தமிழக அரசும் உணவுப் பாதுகாப்பு திட்டத்திற்கு எதிர்ப்பு தெரிவித்தது.
இத்தகைய சூழலில், தேசிய உணவுப் பாதுகாப்பு திட்டத்தில் சேர்வதாக தமிழக அரசு அறிவித்திருப்பதன் காரணத்தை புரிந்து கொள்ள முடியவில்லை. கடந்த மாதம் நடந்த மத்திய அமைச்சரவைக் கூட்டத்தில், தேசிய உணவுப் பாதுகாப்புத் திட்டத்தை ஏற்றுக் கொள்ளாத மாநிலங்களுக்கு, வறுமைக் கோட்டுக்கு மேல் வாழ்வோருக்கான அரிசி விலையை கிலோ 8.30 ரூபாயிலிருந்து, ரூ.22.54 ஆக உயர்த்தியது. அதுமட்டுமின்றி, உணவுப் பாதுகாப்பு திட்டத்தின் நிபந்தனைகளை ஏற்று இந்த திட்டத்தில் இணையும்படி தமிழக அரசுக்கு மத்திய அரசு அழுத்தம் கொடுத்ததாகவும், அதற்கு பணிந்து தான் இத்திட்டத்தில் அரசு இணைந்ததாகவும் கூறப்படுகிறது. உணவுப் பாதுகாப்புத் திட்டத்தில் இணைந்ததன் மூலம், உணவு சார்ந்த விஷயங்களில் முடிவெடுக்கும் அதிகாரம் மற்றும் உரிமையை மத்திய அரசிடம் தமிழக அரசு தாரைவார்த்துள்ளது. இது தமிழகத்தின் சுயாட்சி உரிமைக்கு வைக்கப்பட்ட வேட்டு ஆகும்.
தேசிய உணவுப் பாதுகாப்புத் திட்டத்தை முதலமைச்சர் ஜெயலலிதா கடுமையாக எதிர்த்து வந்தார். 2011&ஆம் ஆண்டு முதலமைச்சராக பதவியேற்ற பின்னர் 20.12.2011 அன்று அப்போதைய பிரதமர் மன்மோகன் சிங்குக்கு எழுதிய கடிதத்தில்,‘‘ இந்தியா போன்று கூட்டாட்சி தத்துவம் கடைபிடிக்கப்படும் நாடுகளில் மாநில அரசுகள் தான் மக்களுடன் நேரடியாகவும், நெருக்கமாகவும் தொடர்பு வைத்துள்ளன. இத்தகைய சூழலில் மக்களுக்கான நலத்திட்டங்களை உருவாக்கி செயல்படுத்தும் அதிகாரம் மாநில அரசுகளுக்கு வழங்கப்பட வேண்டும். மாறாக மாநில அரசுகளின் அதிகார எல்லையை ஆக்கிரமிக்கவோ, அத்தகைய தோற்றத்தை ஏற்படுத்தவோ மத்திய அரசு முயலக்கூடாது’’ என ஜெயலலிதா கூறியிருந்தார்.
அதன்பின் 24.08.2013 அன்று மன்மோகன்சிங்கிற்கு எழுதிய கடிதத்திலும், 03.06.2014, 07.08.2015 ஆகிய தேதிகளில் பிரதமர் நரேந்திர மோடியிடம் தாக்கல் செய்த மனுக்களிலும், ‘‘உணவுப் பாதுகாப்பு சட்டத்தில் உறுதியளிக்கப்பட்டதை விட அதிக உணவு தானியங்களை தமிழகம் ஏற்கனவே பெற்று வரும் நிலையில், அதே அளவு தானியங்களை தொடர்ந்து வழங்க மத்திய அரசு உறுதியளிக்க வேண்டும்.  அந்த தானியங்களுக்கு கிலோ ரூ.3 என்ற விலை மட்டுமே வசூலிக்கப்பட வேண்டும். நகர்ப்புறங்களில் வாழும் மக்களில் அனைவருக்கும் இத்திட்டப்படி உணவு வழங்கப்பட வேண்டும். இத்திட்டத்திற்கான மத்திய அரசின் மானியம் 3 ஆண்டுகளுக்கு பதிலாக 10 ஆண்டுகளுக்கு வழங்கப்பட வேண்டும்’’ என ஜெயலலிதா வலியுறுத்தியிருந்தார். இதை வலியுறுத்தி 29.09.2015 அன்று அவர் மீண்டும் கடிதம் எழுதினார். ஆனால், தமிழக அரசின் கோரிக்கைகள் எதையும் மத்திய அரசு ஏற்றுகொள்ளவில்லை.  
அவ்வாறு இருக்கும்போது இத்திட்டத்தை ஏற்றுக்கொண்டதன் மூலம் மத்திய அரசிடம் தமிழக அரசு சரணடைந்து விட்டது. உணவுப் பாதுகாப்புத் திட்டத்தில் தமிழகத்திற்கு இழைக்கப்பட்ட துரோகத்தை எதிர்த்து அதிமுக அரசு போராடியிருக்க வேண்டுமே தவிர, பணிந்து போயிருக்கக் கூடாது. தேசிய உணவு பாதுகாப்புத் திட்டத்தின் முக்கிய அம்சங்களில் ஒன்று, அடுத்த சில ஆண்டுகளில் உணவு வழங்கும் முறையை கைவிட்டு, அதற்கு பதிலாக நேரடியாக மானியம் வழங்கும் திட்டத்தை செயல்படுத்த வேண்டும் என்பதாகும். இத்திட்டத்தை செயல்படுத்தினால் தமிழகத்தில் உள்ள அனைத்து நியாயவிலைக் கடைகள் மற்றும் நேரடி நெல் கொள்முதல் நிலையங்களை மூட வேண்டியிருக்கும். உணவுப் பாதுகாப்புத் திட்டத்தை ஏற்றுக் கொண்ட தமிழக அரசு இந்த நிபந்தனையையும் செயல்படுத்தி உழவர்களுக்கும், மக்களுக்கும் மீண்டும் துரோகம் இழைக்குமா? என்பதையும்  தெரிவிக்க வேண்டும்.
தமிழகத்தின் கடன்சுமை அதிகரித்துள்ள நிலையில், உணவுக்காக மேலும் ரூ.1200 கோடி மானியம் வழங்குவது தமிழகத்தின் நிதிநிலைமையை கடுமையாக பாதிக்கும். மாறாக, மத்திய அரசுடன் பேச்சு நடத்தி தமிழகத்திற்கு சாதகமாக உணவுப்பாதுகாப்பு திட்டத்தை திருத்த நடவடிக்கை எடுக்க வேண்டும்.
]]>
http://www.dinamani.com/latest-news/sub-latest-news/2016/oct/28/தேசிய-உணவு-பாதுகாப்பு-சட்டம்-ஏற்பு-மாநில-உரிமைகளை-தாரை-வார்ப்பதா-2589146.html
2589144 தற்போதைய செய்திகள் தற்போதைய செய்திகள் புதுச்சேரி விற்பனைக் குழு ஊழியர்கள் கூட்டுப் போராட்டக் குழு கஞ்சி காய்ச்சும் போராட்டம் சுஜீத் DIN Friday, October 28, 2016 07:01 PM +0530 ஊழியர்களுக்கான நிலுவையில் உள்ள 4 மாத  சம்பள தொகையையம்,  போனஸ் தொகையையும் உடனே வழங்க வேண்டும் உள்பட பல்வேறு கோரிக்கைகளை வலியுறுத்தி புதுச்சேரி விற்பனைக் குழு ஊழியர்கள் கூட்டுப் போராட்டக்குழு சார்பில் தட்டாஞ்சாவடியில் உள்ள விற்பனைக்குழு அலுவலகம் முன்பு இன்று கஞ்சி காய்ச்சும் போராட்டம் நடைபெற்றது.

புதுச்சேரி தட்டாஞ்சாவடியில் உள்ள விற்பனைக் குழுவில் மொத்தம் 174 ஊழியர்கள் பணிபுரிந்து வருகின்றனர். விற்பனைக் குழுவின் செயலர், அரசாணை மற்றும் விதிகளை மதிக்காமல் செயல்பட்டு வருகின்றார் என்று புகார் கூறிய அவர்கள்,குழு வருவாய் மற்றும் ஊழியர்களின் ஊதியங்களை வழங்காமல் பல்வேறு முறைகேடுகள் புரிந்துள்ளனர்.
ஊழியர்களுக்கு நிலுவையில் உள்ள  கடந்த 4 மாத ஊதியத்தையும்,வாங்க வேண்டிய போனஸ் தொகையையும் உடனடியாக வழங்கக்கோரி, தட்டாஞ்சாவடியில் உள்ள விற்பனைக்குழு அலுவலகம் முன்பு காஞ்சி காய்ச்சும் போராட்டத்தில் ஈடுபட்டனர்.
உடனடியாக தங்களுக்கான ஊதியம் வழங்கப்படவில்லை என்றால் ஆளுநர் மாளிகை முன்போ அல்லது, முதல்வர் நாராயணசாமியின் வீட்டு முன்போ குடும்பத்துடன் உண்ணாவிரதம் மேற்கொள்ளப்போவதாக எச்சரித்தனர்.
மேலும் போராட்டத்தின் போது சம்பளம்வ, போனஸ் வழங்ககோரியும் கோஷங்கள் எழுப்பப்பட்டன.

]]>
http://www.dinamani.com/latest-news/sub-latest-news/2016/oct/28/புதுச்சேரி-விற்பனைக்-குழு-ஊழியர்கள்-கூட்டுப்-போராட்டக்-குழு-கஞ்சி-காய்ச்சும்-போராட்டம்-2589144.html
2589143 தற்போதைய செய்திகள் தற்போதைய செய்திகள் நெல்லித்தோப்பு தொகுதியில் அதிமுக தேர்தல் பிரசாரம் தொடக்கம் சுஜீத் DIN Friday, October 28, 2016 06:59 PM +0530 நெல்லித்தோப்பு தொகுதியில் அதிமுக வேட்பாளர் ஓம்சக்திசேகர் இன்று பிற்பகல் தனது தேர்தல் பிரசாரத்தை தொடங்கினார்.
நெல்லித்தோப்பு தொகுதி இடைத்தேர்தலில் காங்கிரஸ் சார்பில் முதல்வர் நாராயணசாமியும், அதிமுக சார்பில் ஓம்சக்தி சேகரும் போட்டியிடுகின்றனர். நாராயணசாமி ஏற்கெனவே கடந்த 21-ம் தேதி முதல் தீவிரமாக பிரசாரம் மேற்கொண்டு வருகிறார்.
இந்நிலையில் அதிமுக வேட்பாளர் ஓம்சக்திசேகர் வெள்ளிக்கிழமை வேட்புமனுத் தாக்கல் செய்தார். அதன் பின்னர் நெல்லித்தோப்பு தொகுதியின் சனி மூலையாக கருதப்படும் பிள்ளைத்தோட்டம் ஆனந்தமுத்துமாரியம்மன் கோயில் அருகே இருந்து தேர்தல் பிரசாரத்தை தொடங்கினார்.
திருவளளுவர் சாலையிலும் வீடு வீடாகச் செனறு துண்டுப் பிரசுரங்களை வழங்கி வாக்கு சேகரித்தார். தமிழக அமைச்சர்கள் சிவி.சண்முகம், எம்.சி.சம்பத், எஸ்.செம்மலை எம்.எல்.ஏ., கோகுலகிருஷ்ணன் எம்.பி., முன்னாள் எம்.பி. சொரத்தூர் ராஜேந்திரன், புதுவை மாநில செயலாளர் பி.புருஷோத்தமன், அசனா எம்.எல்.ஏ. மற்றும் நிர்வாகிகள் உடன் சென்றனர்.
சனிக்கிழமை தீபாவளி பண்டிகை ஆதலால் பிரசாரப்பணி நிறுத்தப்படும். மீண்டும் ஞாயிற்றுக்கிழமை தொடங்கும் எனத்தெரிகிறது.

]]>
http://www.dinamani.com/latest-news/sub-latest-news/2016/oct/28/நெல்லித்தோப்பு-தொகுதியில்-அதிமுக-தேர்தல்-பிரசாரம்-தொடக்கம்-2589143.html
2589142 தற்போதைய செய்திகள் தற்போதைய செய்திகள் புதுச்சேரி சட்டப்பேரவையில் குழுக்களை அமைக்க ஸ்டாலின் வலியுறுத்துவாரா? சுஜீத் DIN Friday, October 28, 2016 06:58 PM +0530 புதுச்சேரி சட்டப்பேரவையில் பல்வேறு குழுக்களை அமைக்க தமிழக எதிர்க்கட்சித் தலைவர் வலியுறுத்துவாரா என அதிமுக கேள்வி எழுப்பி உள்ளது.
புதுவை சட்டப்பேரவை அதிமுக கட்சித் தலைவர் ஆ.அன்பழகன் எம்.எல்.ஏ. வெள்ளிக்கிழமை செய்தியாளர்களிடம் கூறியதாவது:
தமிழக சட்டப்பேரவையி்ல் மதிப்பீட்டுக்குழு, மனுக்கள் குழு, பொதுக்கணக்கு குழு உள்பட பல்வேறு குழுக்களை அமைக்கவில்லை எனக்கூறி சட்டப்பேரவைத் தலைவர் மீது நம்பிக்கை இல்லா தீர்மானம் கொண்டு வரப்படும். மேலும் தமிழக ஆளுநரிடம் புகார் செய்வோம் என எதிர்க்கட்சித் தலைவர் ஸ்டாலின் கூறியுள்ளார்.
இவ்வாறு செய்வதற்கு முன்பு அவர் தங்களது கட்சி கூட்டணி வைத்துள்ள புதுச்சேரியில் ஆட்சி செய்யும் காங்கிரஸ் அரசு செயல்பாடுகள் குறித்து அவர் அறிந்திருக்க வேண்டும். புதுவைில் தேர்தல் நடைபெறறு 5 மாதங்கள் ஆகின்றன. சட்டப்பேரவையில் மனுக்கள் குழு, மதிப்பீட்டுக்குழு, பொதுக்கணக்கு குழு உள்பட 12-க்கு மேற்பட்ட குழுக்களை இதுவரை அமைக்க நாராயணசாமி அரசு நடவடிக்கை எடுக்கவில்லை.
காங். அரசுக்கு ஆதரவை வாபஸ் பெற வேண்டும்
மேலும் பொதுக்கணக்கு குழு, மதிப்பீட்டுக்குழு, மனுக்கள் குழுக்களுக்கு முறையாக பேரவையில் தேர்தல் நடத்த வேண்டும். ஆனால் எதையும் காங்கிரஸ் அரசு மேற்கொள்ளவில்லை. இதுகுறித்து தமிழக எதிர்க்கட்சித் தலைவர் ஸ்டாலின் வலியுறுத்து வாரா. காங்கிரஸ் அரசுக்கு அளித்து வரும் ஆதரவை திமுக வாபஸ் பெறுமா என்பதை ஸ்டாலி்ன் தெளிவுபடுத்த வேண்டும்.
நெல்லித்தோப்பில் பணவிநியோகம்
நெல்லித்தோப்பு தொகுதியில் காங்கிரஸ் கட்சி சார்பில் பணவிநியோகம் தீவிரமாக நடைபெற்று வருகிறது. ஒரு ரேஷன் அட்டைக்கு தலா ரூ.2000 வழங்கப்பட்டுளளது. இதுகுறித்து தேர்தல் துறையினர் எந்த நடவடிக்கையும் எடுக்கவில்லை.
முதல்வர் நாராயணசாமிக்கு ஆதரவாக ஒருதலைபட்சமாக தேர்தல் துறை செயல்படுகிறது.
புதுச்சேரி காவல்துறை பாதுகாப்போடு பணம் விநியோகம், பொருள்கள் விநியோகம் தடையின்றி நடக்கிறது. எனவே மத்திய துணைராணுவ படையினர் பாதுகாப்போடு தேர்தல் பணிகளை மேற்கொள்ள வேண்டும்.
பாப்ஸ்கோ பட்டாசு வாங்கியதில் ரூ.4 கோடி முறைகேடு
முந்தைய ஆட்சியிர் பாப்ஸ்கோ நிறுவனத்தில் நடைபெற்ற பொருள்கள் வாங்கியதில் ரூ.40 கோடி முறைகேடுகள் தொடர்பாக விசாரணை செய்யப்படும் என முதல்வர் நாராயணசாமி அறிவித்தார். ஆனால் விசாரணை செய்வதற்கான எந்த நடவடிக்கையும் எடுக்கவில்லை.
தற்போது தீபாவளியை முன்னிட்டு தரமற்ற பட்டாசுகளை ரூ.4 கோடி அளவுக்கு வாங்கி உள்ளனர். இதில் கையூட்டு பெற்றுள்ளனர். பாப்ஸ்கோ விவகாரத்தில் முந்தைய அரசு செய்த தவறுகளையே காங்கிரஸ் அரசு செய்து வருகிறது. பாப்ஸ்கோ முறைகேடு குறித்து விசாரணைக்கு ஆளுநரே உத்தரவிட வேண்டும்.
சிலைக்கடத்தல் விவகாரம்
புதுச்சேரியில் சிலைக்கடத்தல் சம்பவம் தொடர்பாக தீவிர விசாரணை நடத்த வேண்டும்.
15 ஆண்டுகளுக்கு முன்பு பதுவை அரசு அருங்காட்சியகத்தில் இருந்து பல்வேறு சிலைகளை புதுப்பித்து வருகிறோம் என ராஜஸ்தான் மாநிலத்துக்கு கொண்டு சென்றனர். ஆனால் இதுவரை அவை திரும்பி வரவில்லை. இதில் ஒரு முன்னாள் ஐஏஎஸ் அதிகாரிக்கும் தொடர்புள்ளது. இதுகுறித்தும் விசாரிக்க வேண்டும் என்றார் அன்பழகன்.

]]>
http://www.dinamani.com/latest-news/sub-latest-news/2016/oct/28/புதுச்சேரி-சட்டப்பேரவையில்-குழுக்களை-அமைக்க-ஸ்டாலின்-வலியுறுத்துவாரா-2589142.html
2589141 தற்போதைய செய்திகள் தற்போதைய செய்திகள் நெல்லித்தோப்பு இடைத்தேர்தல்: வாக்குகள் எண்ணப்படவுள்ள பாரதிதாசன் மகளிர் கல்லூரியில் ஆட்சியர் ஆய்வு சுஜீத் DIN Friday, October 28, 2016 06:56 PM +0530 நெல்லித்தோப்பு தொகுதி இடைத்தேர்தல் வாக்குகள் எண்ணப்பட உள்ள பாரதிதாசன் மகளிர் கலைக்கல்லூரியில் மாவட்டஆட்சியர் டாக்டர் சத்யேந்திர சிங் துர்சாவத் இன்று முதல்கட்ட ஆய்வு மேற்கொண்டார்.

நெல்லித்தோப்பு தொகுதி இடைத்தேர்தல் வரும் நவம்பர் 19-ம் தேதி நடைபெறுகிறது. காங்கிரஸ் சார்பில் முதல்வர் நாராயணசாமி, அதிமுக சார்பில் ஓம்சக்திசேகர் போட்டியிடுகின்றனர். வேட்பு மனுத்தாக்கல் 26-ம் தேதி தொடங்கி வரும் நவம்பர் 2-ம் தேதி வரை நடக்கிறது.
வாக்குகள் எண்ணிக்கை வரும் நவம்பர் 22-ம் தேதி பாரதிதாசன் அரசு மகளிர் கலைக்கல்லூரியில் நடக்கிறது. வாக்கு எண்ணிக்கை மையத்தில் உள்ள வசதிகள், கட்டமைப்பு குறித்து ஆட்சியர் சத்யேந்திர சிங் ஆய்வு மேற்கொண்டார்.
வாக்கு எண்ணிக்கை அறை, மின்னணு வாக்குப் பதிவு இயந்திரங்களை பாதுகாப்பாக வைப்பதற்கான ஸ்ட்ராங் ரூம் உள்ளிட்டவை குறித்து அவர் ஆய்வு செய்தார்.
மாவட்ட துணை ஆட்சியர் பி.தில்லைவேல், தொகுதி தேர்தல் அதிகாரி வ.மலர்க்கண்ணன், வட்டாட்சியர் செந்தில்குமார் மற்றும் அதிகாரிகள் உடனிருந்தனர்.
பின்னர் ஆட்சியர் துர்சாவத் செய்தியாளர்களிடம் கூறியதாவது:
பாரதிதாசன் மகளிர் கல்லூரியில் நெல்லித்தோப்பு தொகுதி இடைத்தேர்தலில் பதிவாகும் வாக்குகள் எண்ணப்படும். இதுதொடர்பாக முதல் கட்ட ஆய்வு செய்யப்பட்டது.
இப்பணியில் தொடர்புடைய துறைகளாந உள்ளாட்சி, பொதுப்பணித்துறை, மின்துறை, காவல்துறை, தீயணைப்புத் துறை,தேர்தல் துறை அதிகாரிகளுடன் மேற்கொள்ள வேண்டிய பணிகள் குறித்து ஆய்வு செய்யப்பட்டது.
3 அடுக்கு போலீஸ் பாதுகாப்பு
வாக்குகள் எண்ணிக்கையின் போது இக்கல்லூரியில் 3 அடுக்கு போலீஸ் பாதுகாப்பு போடப்படும். எத்தனை காவலர்கள் என்பது தேர்தல் ஆணைய வழிகாட்டுதல் படி மேற்கொள்ளப்படும்.
2 கம்பெனி மத்திய போலீஸ் படையினர்
தேர்தல் பாதுகாப்பு பணிக்காக 2 கம்பெணி மத்திய ஆயுதப் போலீஸ் படையினர் (200 வீரர்கள்) வருவார்கள் என எதிர்பார்க்கிறோம். தேர்தலுக்கு 8 நாள்களுக்கு முன்பு அவர்கள் வருவர்.
தேர்தல் பணியில் ஈடுபடும் அதிகாரிகள், ஊழியர்கள் தொடர்பாக மாவட்ட நிர்வாகம் உரிய நடவடிக்கை எடுத்து வருகிறது என்றார் துர்சாவத்.

]]>
http://www.dinamani.com/latest-news/sub-latest-news/2016/oct/28/நெல்லித்தோப்பு-இடைத்தேர்தல்-வாக்குகள்-எண்ணப்படவுள்ள-பாரதிதாசன்-மகளிர்-கல்லூரியில்-ஆட்சியர்-ஆய்வு-2589141.html
2588557 தற்போதைய செய்திகள் தற்போதைய செய்திகள் பச்சிளம் குழந்தைக்கு எலும்பு முறிவு: தந்தை போலீஸில் புகார் DIN DIN Thursday, October 27, 2016 09:16 PM +0530 திருத்தணி அரசு பொது மருத்துவமனையில் அறுவை சிகிச்சை மூலமாகப் பிறந்த குழந்தையின் காலில் எலும்பு முறிவு ஏற்பட்டதைத் தொடர்ந்து, தந்தை போலீஸில் புகார் கொடுத்துள்ளார்.

திருத்தணியை அடுத்த பெருகுமி கிராமத்தைச் சேர்ந்தவர் ரமேஷ். இவரது மனைவி பிரியா, கடந்த 19-ஆம் தேதி திருத்தணி அரசு மருத்துவமனையில் பிரசவத்துக்காக சேர்க்கப்பட்டார்.

இந்நிலையில், குழந்தையின் இடது கால்தொடையில் எலும்பு முறிவு ஏற்பட்டுள்ளதாகவும், மேல்சிகிச்சைக்கு சென்னை எழும்பூர் அரசு மருத்துவமனைக்கு கொண்டு செல்லுமாறும் மருத்துவர்கள் அறிவுறுத்தினர்.

இதனிடையே, மருத்துவர்களின் கவனக்குறைவால் தான் குழந்தைக்கு எலும்பு முறிவு ஏற்பட்டுள்ளது என குழந்தையின் தந்தை ரமேஷ் சென்னை உயர்நீதிமன்றத்தில் வழக்கு தொடர்ந்துள்ளார்.


மேலும், திருத்தணி போலீசிலும் புகார் கொடுத்துள்ளார். இதுகுறித்து, போலீஸார் விசாரனை மேற்கொண்டுள்ளனர்.

]]>
http://www.dinamani.com/latest-news/sub-latest-news/2016/oct/27/பச்சிளம்-குழந்தைக்கு-எலும்பு-முறிவு-தந்தை-போலீஸில்-புகார்-2588557.html
2588556 தற்போதைய செய்திகள் தற்போதைய செய்திகள் அரக்கோணம் ரயில் நிலையத்தில் இலவச வைஃபை வசதி DIN DIN Thursday, October 27, 2016 08:32 PM +0530 அரக்கோணம் ரயில் நிலையத்தில் இன்று முதல் இலவச வைஃபை வசதி அறிமுகப்படுத்தப்பட்டுள்ளது.

சென்னை சென்ட்ரல் ரயில் நிலையத்தில் இலவச வைஃபை வசதி செய்யப்பட்டு, அதனை பயணிகள் பயன்படுத்தி வருகின்றனர். இந்நிலையில் கடந்த பத்து நாள்களாக ரயில் டெல் நிறுவனத்துடன் இணைந்து அரக்கோணம் ரயில் நிலையத்தில் இலவச வைஃபை வசதியை ஏற்படுத்தும் நடவடிக்கைகள் தொடர்ந்து நடைபெற்று வந்தன. செயல்முறையாக கடந்த நான்கு நாள்களாக பொதுமக்களும் இந்த வசதியை அனுபவித்து வந்தனர். இந்நிலையில் அக்டோபர் 27-ஆம் தேதி முதல் அரக்கோணம் ரயில் நிலையத்தில் இலவச வைஃபை வசதி செயல்படும் என ரயில்வே நிர்வாகம் அதிகாரப்பூர்வமாக அறிவித்துள்ளது.

]]>
http://www.dinamani.com/latest-news/sub-latest-news/2016/oct/27/அரக்கோணம்-ரயில்-நிலையத்தில்-இலவச-வைஃபை-வசதி-2588556.html
2588554 தற்போதைய செய்திகள் தற்போதைய செய்திகள் சிரியாவில் வான்வழித் தாக்குதலில் 35 பேர் பலி DIN DIN Thursday, October 27, 2016 08:24 PM +0530 சிரிய அதிபர் ஆசாத் தலைமையிலான அரசு படைகள் மற்றும் ரஷியாவின் படைகள் இணைந்து ஐ.எஸ் அமைப்பினருக்கு எதிராக போரிட்டு வருகின்றனர். இந்நிலையில் போராளிகளின் கட்டுப்பாட்டில் உள்ள இட்லிப் மாகாணத்தில், சிரிய மற்றும் ரஷ்ய படைகள் நேற்று வான்வழித் தாக்குதலில் ஈடுபட்டனர். இதில் பள்ளிக்கூடம் ஒன்றின் மீது நடத்தப்பட்ட தாக்குதலில் பள்ளிச் சிறுவர்கள் உள்பட 35 பேர் பலியானதாக சிரியா மனித உரிமைகள் கண்காணிப்பு அமைப்புதெரிவித்தது.

சிரியாவின் கிழக்கு எல்லையோரத்தில் அமைந்துள்ளது இத்லிப் மாகாணம். இராக்கையொட்டியுள்ள அந்நாட்டின் எல்லைப்புறப் பகுதிகள் இஸ்லாமிய தேச பயங்கரவாதிகளின் கட்டுப்பாட்டில் இருந்து வருகிறது. அதன் காரணமாக அங்கு சிரியா போர் விமானங்களும் ரஷிய போர் விமானங்களும் கடுமையாகத் தாக்குதல்கள் நிகழ்த்தி வருகின்றன.

]]>
http://images.dinamani.com/uploads/user/imagelibrary/2016/10/27/w600X390/syria.jpg http://www.dinamani.com/latest-news/sub-latest-news/2016/oct/27/சிரியாவில்-வான்வழித்-தாக்குதலில்-35-பேர்-பலி-2588554.html
2588555 தற்போதைய செய்திகள் தற்போதைய செய்திகள் தமிழகத்தில் எய்ம்ஸ் கோரி பிரதமரை எம்.பி.க்கள் சந்திக்க வேண்டும்: கி.வீரமணி DIN DIN Thursday, October 27, 2016 08:19 PM +0530 தமிழகத்தில் எய்ம்ஸ் மருத்துவமனையை அமைக்கக் கோரி, பிரதமரை எம்.பி.க்கள் சந்தித்து வலியுறுத்த வேண்டும் என்று தி.க. தலைவர் கி.வீரமணி வலியுறுத்தியுள்ளார்.

எய்ம்ஸ் மருத்துவமனையை அமைக்க 8 நகரங்களை தமிழக அரசு தேர்ந்தெடுத்து அனுப்பி, மருத்துவமனைக்கான உள்கட்டமைப்பு வசதிகளையும் செயது தருவதாக மத்திய அரசிடம் உத்தரவாதம் அளித்தது.

இடங்களை மத்தியக் குழுவினர் ஆராய்ந்த நிலையில், மதுரை, ஈரோடு மாவட்டத்தில் உள்ள இடங்கள் ஏற்றவையாகத் தேர்வு செய்யப்பட்டன.

இந்த நிலையில், தமிழகத்தில் உள்ள எந்த நகரமும் எய்ம்ஸ் மருத்துவமனை அமையத் தகுதி உடையதாக இல்லை என்றும், கர்நாடகத்துக்கோ- ஆந்திரத்துக்கோ கொண்டு செல்ல முழுவீச்சில் ஏற்பாடுகள் நடைபெறுவதாகவும் கூறப்படுகிறது.

எனவே, தமிழகத்தைச் சேர்ந்த நாடாளுமன்ற உறுப்பினர்கள் கட்சி வேறுபாடுகள் இன்றி உடனடியாக பிரதமரைச் சந்தித்து, எய்ம்ஸ் மருத்துவமனை அமைப்பதாக மத்திய அரசு கூறிய உறுதிமொழியைக் காற்றில் பறக்கவிடக் கூடாது என கோரிக்கை வைக்க வேண்டும் என்று கூறியுள்ளார்.

 

]]>
http://www.dinamani.com/latest-news/sub-latest-news/2016/oct/27/தமிழகத்தில்-எய்ம்ஸ்-கோரி-பிரதமரை-எம்பிக்கள்-சந்திக்க-வேண்டும்-கிவீரமணி-2588555.html
2588553 தற்போதைய செய்திகள் தற்போதைய செய்திகள் தமிழகத்திலிருந்து 40 அகதிகள் மறுவாழ்வுக்காக இலங்கை பயணம் DIN DIN Thursday, October 27, 2016 07:58 PM +0530 தமிழகத்தில் அகதிகள் முகாம்கள் மற்றும் வெளியிடங்களிலிருந்தும் 40 அகதிகள், மறுவாழ்வுக்காக இலஙகை புறப்பட்டுச் சென்றனர்.

இலங்கையிலிருந்து விடுதலைப்புலிகள் மற்றும் ராணுவத்தினருக்கு இடையேயான உள்நாட்டுப் போரின் போது அகதிகளாக இந்தியா வந்த லட்சக்கணக்கானோர், பல்வேறு பகுதிகளில் உள்ள அகதிகள் முகாம்களில் வசித்து வருகின்றனர். அவர்கள் மறு வாழ்வுபெறும் வகையில் தாயகம் திரும்புவதற்கான ஏற்பாடுகளை, ஐக்கியநாடுகள் சபையின் அகதிகள் மறுவாழ்வு ஆணையம் செய்து வருகின்றது. ஏராளமானோர் இதுவரையில் தமிழகத்திலிருந்து இலங்கை அனுப்பப்பட்டு வருகின்றனர்.

அந்த வகையில் இன்று திருச்சியிலிருந்து ஸ்ரீலங்கன் விமானம் மூலம் 40 பேர் இலங்கையில் உள்ள தங்களது சொந்த ஊர்களுக்கு புறப்பட்டுச் சென்றனர். இதில், திருச்சி கொட்டப்பட்டு முகாமிலிருந்து, ஸ்ரீகுமார் மற்றும் அவரது குடும்பத்தினர் மற்றும் முருகானந்தம் மற்றும் அவரது குடும்பத்தினர் என 7 பேரும், வாழவந்தான்கோட்டை முகாமிலிருந்து, கார்த்திகேயன் மற்றும் ஜெயக்குமார் குடும்பத்தினர் 10 பேரும், ஈரோடு பவானிசாகர் முகாமிலிருந்து பொன்னையா, செல்வநாயகம், சியாமளா, புஷ்பமலர் குடும்பங்களைச் சேர்ந்த 11 பேர், சேலம் சித்தர்கோயில் முகாமிலிருந்து பிரேமானந்த் குடும்பத்தைச் சேர்ந்த 4 பேரும், கடலூர் மாவட்டம் விருத்தாசலம் முகாமிலிருந்து குகநாதன், தர்மபுரி மாவட்டம் தம்பளஹள்ளி முகாமிலிருந்து ராஜேஷ்வரன் மற்றும் சென்னை வெளியிடங்களில் தங்கியிருந்த சோதிலிங்கம் மற்றும் ராஜேஸ்வரி குடும்பங்களைச் சேர்ந்த 6 பேரும் அடங்குவர்.

 

 

]]>
http://www.dinamani.com/latest-news/sub-latest-news/2016/oct/27/தமிழகத்திலிருந்து-40-அகதிகள்-மறுவாழ்வுக்காக-இலங்கை-பயணம்-2588553.html
2585061 தற்போதைய செய்திகள் தற்போதைய செய்திகள் இயக்குநர் அகத்தியனின் மனைவி காலமானார்! DIN DIN Friday, October 21, 2016 03:41 PM +0530 வான்மதி, காதல் கோட்டை, விடுகதை, போன்ற திரைப்படங்களை இயக்கியுள்ள இயக்குநர் அகத்தியனின் மனைவி ராதா இன்று சென்னையில் திடீர் உடல் நலக் குறைவால் காலமானார். அவருக்கு வயது 68. இறுதி ஊர்வலம் நாளை அவரது கோடம்பாக்கம் இல்லத்திலிருந்து  துவங்குகிறது.

அகத்தியன் ராதா தம்பதியருக்குகார்த்திகா, விஜயலட்சுமி, நிரஞ்ஜனி என  மூன்று மகள்கள் உள்ளனர். 

]]>
அகத்தியன் மனைவி காலமானார் http://images.dinamani.com/uploads/user/imagelibrary/2016/10/21/w600X390/ahathian.jpg http://www.dinamani.com/latest-news/sub-latest-news/2016/oct/21/இயக்குநர்-அகத்தியனின்-மனைவி-காலமானார்-2585061.html
2583293 தற்போதைய செய்திகள் தற்போதைய செய்திகள் நிதி அமைச்சர் ஓ.பன்னீர்செல்வம் தலைமையில் நாளை கூடுகிறது அமைச்சரவை DIN DIN Tuesday, October 18, 2016 08:18 PM +0530 சென்னை

நிதி அமைச்சர் ஓ.பன்னீர்செல்வம் தலைமையில் நாளை காலை அமைச்சரவை கூட்டம் கூடுகிறது.  

தமிழக முதல்வர் ஜெயலலிதா கடந்த செப்டம்பர் 22-ம் தேதி உடல்நிலை குறைவு காரணமாக மருத்துவமனையில் அனுமதிக்கப்பட்டார். தொடர்ந்து அவர் சிகிச்சையில் இருந்து வருவதால் கடந்த 11-ம் தேதி முதல்வரின் துறைகள் நிதியமைச்சருக்கு ஒதுக்கீடு செய்யப்பட்டது.

இந்நிலையில் நாளை காலை அமைச்சரவை கூட்டம் நிதி அமைச்சர் ஓ.பன்னீர்செல்வம் தலைமையில் நடைபெற உள்ளதாக அறிவிக்கப்பட்டுள்ளது. முதல்வரின் துறைகள் நிதியமைச்சருக்கு ஒதுக்கீடு செய்யப்பட்டதையடுத்து, முதன்முறையாக நாளை அமைச்சரவை கூடுகிறது என்பது குறிப்பிடத்தக்கது.

இந்த கூட்டத்தில், காவிரி நீர் விவகாரம் குறித்தும், உள்ளாட்சி அமைப்புகளுக்கு அதிகாரிகள் நியமனம் குறித்தும் விவாதிக்க வாய்ப்பு உள்ளதாக கூறப்படுகிறது.. 

]]>
http://images.dinamani.com/uploads/user/imagelibrary/2016/6/21/17/w600X390/ops.jpg http://www.dinamani.com/latest-news/sub-latest-news/2016/oct/18/நிதி-அமைச்சர்-ஓபன்னீர்செல்வம்-தலைமையில்-நாளை-கூடுகிறது-அமைச்சரவை-2583293.html
2583297 தற்போதைய செய்திகள் தற்போதைய செய்திகள் செம்மரக் கட்டைகளை கடத்தல்: 7 பேர் கைது DIN DIN Tuesday, October 18, 2016 06:39 PM +0530 திருப்பதி, 

திருப்பதி அருகே செம்மரக் கட்டைகளை கடத்திச் சென்றதாக 7 பேரை போலீஸôர் கைது செய்தனர்.திருப்பதியை அடுத்துள்ள கல்லூர், குடிபாலா, வரதய்யபாளையம் வனப் பகுதிகளில் கடந்த இரண்டு நாள்களாக போலீஸôர் வாகனச் சோதனையில் ஈடுபட்டனர்.

அப்போது, ஆறு வாகனங்களில் செம்மரக் கட்டைகளை சிலர் கடத்திச் சென்றது தெரியவந்தது. இதையடுத்து, போலீஸர் அந்த வாகனங்களை தடுத்து நிறுத்தி சோதனையிட்டனர். இதில், ஒரு டன் எடையுள்ள செம்மரக்கட்டைகள் இருந்தது தெரியவந்தது.

இதையடுத்து, அந்த வாகனங்களையும், செம்மரக்கட்டைகளையும் போலீஸôர் பறிமுதல் செய்தனர். மேலும், இவற்றை கடத்திச் சென்ற 7 பேர் மீது வழக்குப்பதிவு செய்து அவர்களைக் கைது செய்தனர்.

கைது செய்யப்பட்டவர்களில் 6 பேர் ஆந்திரத்தைச் சேர்ந்தவர்கள் என்றும், ஒருவர் சென்னையைச் சேர்ந்தவர் என்றும் போலீஸôர் தெரிவித்தனர்.

]]>
http://www.dinamani.com/latest-news/sub-latest-news/2016/oct/18/செம்மரக்-கட்டைகளை-கடத்தல்-7-பேர்-கைது-2583297.html
2583295 தற்போதைய செய்திகள் தற்போதைய செய்திகள் புவனேஸ்வர் மருத்துவமனையில் தீவிபத்து: தீவிர விசாரணை மேற்கொள்ள முதல்வர் உத்தரவு DIN DIN Tuesday, October 18, 2016 06:31 PM +0530 ஒடிசா மாநிலம், புவனேஸ்வர் நகரில் உள்ள தனியார் மருத்துவ கல்லூரி மருத்துவமனையில் தீ விபத்து ஏற்பட்டது.

இந்த தீ விபத்தில் 22 பேர் வரை உயிரிழந்திருக்கக் கூடும் என்று அஞ்சப்படுகிறது. 30-க்கும் அதிகமானோர் காயமடைந்துள்ளனர். அவர்களில் சிலரது நிலைமை கவலைக்கிடமாக உள்ளது. இந்த தீ விபத்தில் உயிரிழந்தோரின் குடும்பத்தினருக்கு பிரதமர் நரேந்திர மோடி இரங்கல் தெரிவித்துள்ளார். 

இந்நிலையில், தீ விபத்தில் இறந்தவர்களின் குடும்பங்களுக்கு தலா 5 லட்சம் ரூபாய் நிவாரணமாக வழங்கப்படும் என மருத்துவக்கல்லூரி துணை வேந்தர் அமித் பானர்ஜி அறிவித்துள்ளார். மேலும் காயமடைந்தவர்களுக்கு அனைத்து மருத்துவ செலவுகளையும் ஏற்பதாக தெரிவித்துள்ளார்.

இந்த விபத்து குறித்து அவர் மேலும் கூறுகையில், “நடந்த சம்பவம் மிகவும் வேதனை அளிப்பதாக உள்ளது.  மீட்பு நெறிமுறைகளைப் பின்பற்றி விரைவாக மீட்பு பணிகளை மேற்கொண்டோம். இல்லாவிட்டால் மேலும் பலர் உயிரிழந்திருப்பார்கள்.

தீ தடுப்பு ஏற்பாடுகள் முறையாக செய்யப்பட்டு பராமரிக்கப்படுகின்றன. 9 முதல் 10 நோயாளிகளுக்கு செயற்கை சுவாசம் மூலம் அளிக்கப்பட்டது. தீ விபத்து ஏற்பட்டதால், அவர்களில் பலர் மூச்சுத்திணறல் ஏற்பட்டு இறந்துவிட்டனர். தீ தடுப்பு அதிகாரி உள்ளிட்ட 4 பேரை பணியிடை நீக்க்கம் செய்துள்ளோம் என்றார்.

மேலும் தீ விபத்து ஏற்பட்ட மருத்துவமனைக்கு சென்ற அம்மாநில முதல்வர் நவீன்பட்நாயக் நேரில் சென்று பார்வையிட்டார். பாதிக்கப்பட்ட மக்களுக்கு ஆறுதல் கூறிவந்த அவர் உரிய மருத்துவ சிகிச்சைக்கான ஏற்பாடுகளை விரைந்து செயல்படுத்தவும் தீவிர விசாரணை மேற்கொள்ளவும் உத்தரவிட்டார்.

]]>
http://images.dinamani.com/uploads/user/imagelibrary/2016/10/18/w600X390/after_fire.jpg http://www.dinamani.com/latest-news/sub-latest-news/2016/oct/18/புவனேஸ்வர்-மருத்துவமனையில்-தீவிபத்து-தீவிர-விசாரணை-மேற்கொள்ள-முதல்வர்-உத்தரவு-2583295.html
2583287 தற்போதைய செய்திகள் தற்போதைய செய்திகள் வெடிகுண்டு வீச்சு சம்பவத்தைக் கண்டித்து நவம்பர் 1-ல் கண்டன ஆர்ப்பாட்டம் சமூக பொதுநல அமைப்புகள் முடிவு DIN DIN Tuesday, October 18, 2016 05:41 PM +0530 புதுச்சேரி, 

புதுச்சேரியில் நடைபெறும் தொடர் வெடிகுண்டு வீச்சு சம்பவங்களைக் கண்டித்து வரும் நவம்பர் 1-ம் தேதி கண்டன ஆர்ப்பாட்டம் நடத்த சமூகநல அமைப்புகள் முடிவு செய்துள்ளனர்.

பல்வேறு கட்சிகள், சமூக பொதுநல அமைப்புகள், இயக்கங்கள் சார்பில் புதுச்சேரி செகா கலைக்கூடத்தில் ஆலோசனைக் கூட்டம் செவ்வாய்க்கிழமை நடைபெற்றது.

முன்னாள் அமைச்சர் பெ.ராஜவேலு தலைமை தாங்கினார். பொதுநல அமைப்புகளின் நிர்வாகிகள் லட்சுமிகாந்தன், கோ.அ.ஜெகந்நாதன், இரா.அழகிரி, கோ.அழகர், கோ.சுகுமாரன், பெ.சந்திரசேகரன், பெ.ரகுபதி உள்பட பலர் கலந்து கொண்டனர். 

கூட்டத்தில் எடுக்கப்பட்ட முடிவுகள்:

முன்னாள் எதிர்க்கட்சித் தலைவர் பெ.உத்திரவேலுவின் சகோதரரும், முன்னாள் அமைச்சருமான பெ.ராஜவேலு, மகன் லட்சுமிகாந்தன் ஆகியோர் தேர்தலில் தோல்வியுற்ற நிலையிலும் தொடர்ந்து மக்கள் பணியாற்றி வருகின்றனர். 

ஆனால் கடந்த 8-ம் தேதி சுதானா நகரில் உள்ள அவரது வீட்டில் மர்ம நபர்கள் நாட்டு வெடிகுண்டு வீசி தாக்கி உள்ளனர். இச்சம்பவத்தில் கைது செய்யப்பட்டவர்கள் மாமூல் கேட்டு வெடிகுண்டு வீசியதாக கூறியுள்ளது சந்தேகத்தை எழுப்புகிறது. இதில் உண்மைக் குற்றவாளிகளை கைது செய்ய வேண்டும். 

இவ்வழக்கில் காவல்துறை திசை திருப்ப திட்டமிட்டு செயலாற்றி வருகிறது. உண்மை நிலை தொடர்பாக அறிக்கை தர மாவட்ட நிர்வாகம் நடவடிக்கை எடுக்க வேண்டும். மேலும் புதுவையில் ரெüடிகள் அராஜகம் பெருகி வருகிறது. வெடிகுண்டு வீச்சு சம்பவங்கள் அதிகரித்து வருகின்றன. பொதுவாழ்வில் ஈடுபடும் தலைவர்கள் பணிகளையும், செய்லபாடுகளை முடக்க முயல்கின்றனர். வெடிகுண்டு வீசி மிரட்ட நினைப்பவர்கள் மீது நடவடிக்கை எடுக்காமல் அரசும், காவல்துறையும வேடிக்கை பார்க்கிறது.

ஆளுநர் தலையிட்டு உரிய பாதுகாப்பு வழங்க வேண்டும். இதை வலியுறுத்தி வரும் நவம்பர் 1-ம் தேதி புதுச்சேரி தலைமை தபால் நிலையம் முன்பு அனைத்து ஜனநாயக இயக்கங்கள், அரசியல் கட்சிகள், பொதுநல அமைப்புகள் சார்பில் என தீர்மானிக்கப்பட்டது.
 

]]>
http://www.dinamani.com/latest-news/sub-latest-news/2016/oct/18/வெடிகுண்டு-வீச்சு-சம்பவத்தைக்-கண்டித்து-நவம்பர்-1-ல்-கண்டன-ஆர்ப்பாட்டம்-சமூக-பொதுநல-அமைப்புகள்-முடிவ-2583287.html
2583285 தற்போதைய செய்திகள் தற்போதைய செய்திகள் தற்கால சூழலில் மனநலத்தை பாதுகாக்க வேண்டும்: ஜிப்மர் இயக்குநர் பரிஜா DIN DIN Tuesday, October 18, 2016 05:41 PM +0530 புதுச்சேரி, 

தற்கால சூழலில் மனநலத்தை ஒவ்வொருவரும் கவனமாக பாதுகாக்க வேண்டும் என ஜிப்மர் இயக்குநர் டாக்டர் எஸ்.சி.பரிஜா தெரிவித்துள்ளார்.

ஜிப்மர் செவிலியர் கல்லூரியில் உலக மனநல நாள் கருத்தரங்கம் செவ்வாய்க்கிழமை நடைபெற்றது. இயக்குனர் டாக்டர் பரிஜா துவக்கி வைத்து பேசியது:

இன்றைய சூழ்நிலையில் மனநலத்தை பாதுகாப்பது அவசியம் ஆகும். தற்போது பணியிடங்கள், வெவ்வேறு இடங்களில் உள்ள சூழ்நிலையால் மனிதர்களுக்கு மன அழுத்தம், நெருக்கடி உண்டாகிறது.  

இதனால் பல்வேறு நோய்கள் உண்டாகி, இயல்பு வாழ்கை பாதிப்படைகிறது. நல்ல ஆரோக்கியமான வாழ்க்கை என்பது நல்ல மனநலத்தையும் உள்ளடக்கியது.

ஆரம்பத்திலேயே மன சிதைவிற்கான அறிகுறிகளை கண்டுணர்ந்து தேவையான சிகிச்சைகளை அளிப்பதன் மூலம் இளைய சமுதாயத்தினரை தற்கொலை மற்றும் இதர சமூக விரோத எண்ணங்களில் இருந்து காப்பாற்ற முடியும் என்றார்.

டாக்டர் டி.கே. சுப்பிரமணியன் உலக மனநல நாள் குறித்து அனைவருக்கும் உளவியல் மற்றும் மனநல முதலுதவி என்ற தலைப்பில் உரையாற்றினார். இதை முன்னிட்டு நடந்த பல்வேறு போட்டிகளில் வெற்றி பெற்ற மாணவ, மாணவிகளுக்கு பரிசுகள் மற்றும் சான்றிதழ்களை இயக்குனர் பரிஜா வழங்கினார். 

மனநல மருத்துவ துறையின் துணை பேராசிரியர் டாக்டர் ரவிபிலிப் ராஜ்குமார் மற்றும் டாக்டர் பீரித்தி கந்தசாமி ஆகியோர் மனநல முதலுதவி பற்றி விளக்கினர். செவிலியர் கல்லூரி முதல்வர் டாக்டர் எம்.ஜெ. குமாரி உள்பட பலர் கலந்து கொண்டனர்.

]]>
http://www.dinamani.com/latest-news/sub-latest-news/2016/oct/18/தற்கால-சூழலில்-மனநலத்தை-பாதுகாக்க-வேண்டும்-ஜிப்மர்-இயக்குநர்-பரிஜா-2583285.html
2580431 தற்போதைய செய்திகள் தற்போதைய செய்திகள் சிதம்பரம் நடராஜப் பெருமானுக்கு மகாபிஷேகம் DIN DIN Thursday, October 13, 2016 10:17 PM +0530 சிதம்பரம் நடராஜர் கோயிலில் புரட்டாசி மாத மகாபிஷேகம் வெள்ளிக்கிழமை நடைபெறுகிறது. இதையொட்டி, அதிருத்ர மகா யாகம் நடைபெறுகிறது.

இந்தக் கோயிலில் சித்சபையில் உள்ள மூலவரான ஸ்ரீசிவகாமசுந்தரி சமேத ஸ்ரீமந் நடராஜமூர்த்திக்கு சித்திரை, ஆனி, ஆவணி, மார்கழி, மாசி, புரட்டாசி மாதங்களில், ஆண்டுக்கு 6 முறை மகாபிஷேகம் நடைபெறுவது வழக்கமாகும்.

ஆனித் திருமஞ்சனம், மார்கழி திருவாதிரை தரிசனம் ஆகிய 2 விழாக்களின்போது ஆயிரங்கால் மண்டபத்தின் முகப்பில் அதிகாலை சூரிய உதயத்துக்கு முன்பும், மற்ற மாதங்களில் மாலை வேளையில் சித்சபையின் வெளியே உள்ள கனகசபையிலும் மகாபிஷேகம் நடைபெறுவது வழக்கம்.

இதன்படி, புரட்டாசி மாத மகாபிஷேகம் கனகசபையில் வெள்ளிக்கிழமை மாலை 6.30 மணிக்கு தொடங்கி நடைபெறுகிறது. ஸ்ரீசிவகாமசுந்தரி சமேத ஸ்ரீமந் நடராஜமூர்த்திக்கு பால், சந்தனம், தேன், தயிர், இளநீர், பன்னீர்  பஞ்சாமிர்தம், புஷ்பம், விபூதி உள்ளிட்டவை அபிஷேகம் செய்யப்பட்டு மகா தீபாராதனை நடைபெற உள்ளது.

]]>
http://www.dinamani.com/latest-news/sub-latest-news/2016/oct/13/சிதம்பரம்-நடராஜப்-பெருமானுக்கு-மகாபிஷேகம்-2580431.html
2580430 தற்போதைய செய்திகள் தற்போதைய செய்திகள் தீபாவளிப் பண்டிகையை முன்னிட்டு சிறப்புப் பேருந்துகள் இயக்கம் DIN DIN Thursday, October 13, 2016 10:03 PM +0530 தீபாவளிப் பண்டிகையை முன்னிட்டு, பொதுமக்களின் வசதிக்காக வருகிற அக். 26 முதல் 28-ஆம் தேதி வரை மூன்று நாள்களுக்கு சிறப்புப் பேருந்துகள் இயக்கப்படவுள்ளன.

கோயம்பேடு பேருந்து நிலையத்தில் ஏற்படும் நெரிசல், காலதாமதத்தை தவிர்க்கும் வகையில் வேலூர் மற்றும் வேலூர் வழியாக பிற பகுதிகளிலிருந்து சென்னைக்குச் செல்லும் பேருந்துகள் பூந்தமல்லி பேருந்து நிலையத்தில் நிறுத்த முடிவெடுக்கப்பட்டுள்ளது.

அதேபோல, சென்னையிலிருந்து வேலூர் வழியாக திருப்பத்தூர், குடியாத்தம், பேர்ணாம்பட்டு, ஆம்பூர், கிருஷ்ணகிரி, ஒசூர், தருமபுரிக்குச் செல்லும் அனைத்துப் பேருந்துகளும் பூந்தமல்லியிலிருந்து இயக்கப்படும்.

ஏற்கெனவே சென்னையிலிருந்து வேலூர் வழியாகச் செல்ல முன்பதிவு செய்யப்பட்ட பேருந்துகளும் பூந்தமல்லி பேருந்து நிலையத்திலிருந்து இயக்கப்படவுள்ளதால் பொதுமக்கள் இதனைப் பயன்படுத்திக் கொள்ளலாம் என அதில் தெரிவிக்கப்பட்டுள்ளது.

]]>
http://images.dinamani.com/uploads/user/imagelibrary/2016/10/9/w600X390/bus.jpg கோயம்பேடு பேருந்து நிலையத்தில் நிறுத்தி வைக்கப்பட்டிருந்த பேருந்துகள். http://www.dinamani.com/latest-news/sub-latest-news/2016/oct/13/தீபாவளிப்-பண்டிகையை-முன்னிட்டு-சிறப்புப்-பேருந்துகள்-இயக்கம்-2580430.html
2580429 தற்போதைய செய்திகள் தற்போதைய செய்திகள் எத்தனால் கலந்த பெட்ரோல் விற்பனைக்கு மத்திய அரசு இசைவு DIN DIN Thursday, October 13, 2016 09:23 PM +0530 எத்தனால் கலந்த பெட்ரோலை விற்பனை செய்ய எண்ணெய் நிறுவனங்களுக்கு மத்திய அமைச்சரவை ஒப்புதல் அளித்துள்ளது.

தில்லியில் பிரதமர் நரேந்திர மோடி தலைமையில் அமைச்சரவை கூட்டம் இன்று நடைபெற்றது. அதில் பல்வேறு திட்டங்களுக்கும் ஒப்புதல் அளிக்கப்பட்டன. இதில் குறிப்பாக எத்தனால் கலந்த பெட்ரோல் விற்பனை செய்ய எண்ணெய் நிறுவனங்களுக்கு மத்திய அமைச்சரவை ஒப்புதல் அளித்துள்ளது. நாட்டில் பெட்ரோலிய பொருட்களின் பயன்பாடு பலமடங்கு உயர்ந்து இருப்பதால் அதிக அளவில் இறக்குமதி செய்ய வேண்டி உள்ளது. இதனால் செலவு அதிகரித்தது. இதை கட்டுப்படுத்த எத்தனாலை பெட்ரோலில் கலந்து விற்பனைக்கு அனுப்பி வைக்க மத்திய அரசு முடிவு செய்தது.

அதே போல‌ ஜம்முவில் ஐஐஎம் தொடங்கவும் மத்திய அரசு ஒப்புதல் அளித்துள்ளது.

]]>
http://images.dinamani.com/uploads/user/imagelibrary/2016/9/15/w600X390/petrol_sep-15.jpg http://www.dinamani.com/latest-news/sub-latest-news/2016/oct/13/எத்தனால்-கலந்த-பெட்ரோல்-விற்பனைக்கு-மத்திய-அரசு-இசைவு-2580429.html
2580428 தற்போதைய செய்திகள் தற்போதைய செய்திகள் தங்கம் பவுனுக்கு ரூபாய் 32 அதிகரிப்பு DIN DIN Thursday, October 13, 2016 08:58 PM +0530 ஆபரணத் தங்கத்தின் விலை சென்னையில் இன்று பவுனுக்கு ரூ.32 அதிகரித்து, ரூ.22,736-க்கு விற்பனையானது.
இன்றைய மாலை நிலவரப்படி, சென்னையில் ஆபரணத் தங்கத்தின் விலை கிராமுக்கு ரூ.4 அதிகரித்து, ரூ.2,842க்கு விற்பனையானது.
வெள்ளியின் விலை கிலோவுக்கு ரூ.215 குறைந்து, ஒரு கிலோ கட்டி வெள்ளி ரூ.42,370 விற்பனையானது.

]]>
http://images.dinamani.com/uploads/user/imagelibrary/2016/9/30/w600X390/gold2.jpg http://www.dinamani.com/latest-news/sub-latest-news/2016/oct/13/தங்கம்-பவுனுக்கு-ரூபாய்-32-அதிகரிப்பு-2580428.html
2580427 தற்போதைய செய்திகள் தற்போதைய செய்திகள் தாய்லாந்து மன்னர் பூமிபோல் அதுல்யதேஜ் மறைவு DIN DIN Thursday, October 13, 2016 08:55 PM +0530 உலகிலேயே மிக நீண்ட காலம் ஆட்சி செய்த தாய்லாந்து மன்னர் பூமிபால் அதுல்யதேஜ் உடல் நலக்குறைவால் இன்று காலமானார். அவருக்கு வயது 88.

கடந்த சில மாதங்களாகவே அவருக்கு பல்வேறு உடல் நலக்கோளாறுகள் காரணமாக சிகிச்சை அளிக்கப்பட்டு வந்தது. நேற்று முதல் செயற்கை சுவாசம் அளிக்கப்பட்டு வந்தது. தொடர்ந்து அவரது உடல் நிலை மிகவும் மோசமடைந்து வந்தது, இதில் சிகிச்சை பலனின்றி அவர் மரணமடைந்தார். அவரது மறைவுக்கு பல்வேறு தலைவர்களும் இரங்கல் தெரிவித்துள்ளனர்.

]]>
http://images.dinamani.com/uploads/user/imagelibrary/2016/10/13/w600X390/thailand.jpg http://www.dinamani.com/latest-news/sub-latest-news/2016/oct/13/தாய்லாந்து-மன்னர்-பூமிபோல்-அதுல்யதேஜ்-மறைவு-2580427.html
2580426 தற்போதைய செய்திகள் தற்போதைய செய்திகள் டேங்கர் லாரி கவிழ்ந்து வீணானது பெட்ரோல்! DIN DIN Thursday, October 13, 2016 08:40 PM +0530 காஞ்சிபுரம் அருகே டேங்கர் லாரி கட்டுப்பாட்டை இழந்து சாலையோர பள்ளத்தில் கவிழ்ந்த விபத்தில் 2000 லிட்டர் வெள்ளை பெட்ரோல் சாலையில் வடிந்து வீணாகியது.

விழுப்புரத்தைச் சேர்ந்தவர்கள் அன்புமணி (40), அன்பழகன் (30). லாரி ஓட்டுநர்களான இவர்கள் இருவரும் புதன்கிழமை நள்ளிரவில் சென்னை துறைமுகத்தில் இருந்து டேங்கர் லாரியில் வெள்ளை பெட்ரோல் ஏற்றிக் கொண்டு பெங்களூரு நோக்கிச் சென்று கொண்டிருந்தனர்.

அதிகாலை காஞ்சிபுரம் அருகே உள்ள தேசிய நெடுஞ்சாலையில் சேக்கான்குளம் அருகே சென்றபோது லாரி கட்டுப்பாட்டை இழந்து சாலையோரப் பள்ளத்தில் கவிழ்ந்தது. மேலும், டேங்கரில் ஓட்டை ஏற்பட்டு 2,000 லிட்டர் வெள்ளை பெட்ரோல் சாலையோர பள்ளத்தில் கசிந்து வீணாகியது.

 

]]>
http://www.dinamani.com/latest-news/sub-latest-news/2016/oct/13/டேங்கர்-லாரி-கவிழ்ந்து-வீணானது-பெட்ரோல்-2580426.html
2580370 தற்போதைய செய்திகள் தற்போதைய செய்திகள் பிரிக்ஸ் மாநாட்டு சிறப்பு அழைப்பாளராக ஆங் சான் சூச்சி 16-ல் இந்தியா வருகை dn DIN Thursday, October 13, 2016 11:09 AM +0530 புதுதில்லி: பிரிக்ஸ் மாநாட்டு சிறப்பு அழைப்பாளராக மியான்மர் வெளியுறவுத்துறை அமைச்சர் ஆங் சான் சூச்சி 16-ஆம் தேதி இந்தியா வருகிறார்

கோவாவில் 16-ஆம் தேதி நடைபெற உள்ள பிரிக்ஸ் மாநாட்டில் சிறப்பு அழைப்பாளராக மியான்மர் வெளியுறவுத்துறை அமைச்சர் ஆங் சான் சூச்சி கலந்து கொள்கிறார். 4 நாட்கள் அரசுமுறை பயணமாக வரும் 16-ஆம் தேதி இந்தியா வரும் ஆங் சான் சூச்சி, அக்டோபர் 19-ஆம் தேதி வரை இந்தியாவில் அவர் சுற்றுப் பயணம் மேற்கொள்ள உள்ளதாக வெளியுறவுத்துறை அமைச்சகம் தரப்பில் தெரிவிக்கப்பட்டுள்ளது.

மாநாட்டிற்கு பின், தில்லி வரும் அவர், குடியரசுத் தலைவர் பிரணாப் முகர்ஜி, மத்திய வெளியுறவுத்துறை அமைச்சர் சுஷ்மா சுவராஜை சந்தித்து பேசுகிறார்.
இந்த பயணத்தின் மூலம் இரு நாடுகளின் நட்புறவு மேம்படும் வகையிலான பேச்சுவார்த்தைகள் நடைபெறும் என எதிர்பார்க்கப்படுகிறது.

]]>
http://www.dinamani.com/latest-news/sub-latest-news/2016/oct/13/பிரிக்ஸ்-மாநாட்டு-சிறப்பு-அழைப்பாளராக-ஆங்-சான்-சூச்சி-16-ல்-இந்தியா-வருகை-2580370.html