Dinamani - செய்திகள் - http://www.dinamani.com/health/health-news/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2983039 மருத்துவம் செய்திகள் அடிக்கடி விக்கல் வருதா? தண்ணீர் அருந்தியும் நிற்கவில்லையா? அப்போ இதைப் படிங்க! கஸ்தூரி ராஜேந்திரன், தேனி. Saturday, August 18, 2018 04:40 PM +0530  

ஜீரண மண்டலத்தில் ஏதாவது பிரச்னை இருந்தால் அதற்கான எளிய அறிகுறி தான் விக்கல். இந்த விக்கல் எப்போதெல்லாம் வருகிறது என்று யோசித்துப் பாருங்கள்.

வயிற்றுக்கும், மார்புப் பகுதிக்கும் இடையில் உதரவிதானம் என்றொரு தடுப்புச் சுவர் போன்ற பகுதி உண்டு. இது தான் வயிற்றையும், நுரையீரலையும் தனித்தனியே பிரிக்கிறது. நாம் மூச்சை இழுக்கும் போது நுரையீரலுக்குள் ஆக்ஸிஜன் சரளமாகச் செல்வதற்கு வசதியாக இந்த உதரவிதானம் மேலும், கீழுமாக இயங்கக் கூடியது. இது நமது உடலுக்குள் சாதாரணமாக நடக்கும் ஒரு செயல்பாடு. சிற்சில சமயங்களில் மூச்சு விடும் போது உதரவிதானம் மேலும் கீழுமாக இயங்கும் சமயத்தில் நமது குரல்வளை மூடியிருந்தால் உடனே விக்கல் வந்து விடுகிறது.

விக்கல் வரக் காரணங்கள்...

  • நெடுநேரமாகப் பசியுடன் இருந்து விட்டு திடீரென உணவு கிடைத்ததும். அது காரமான உணவாக இருந்தபோதும் அள்ளியள்ளி வாயில் திணித்துக் கொண்டோமெனில் அப்போது திடீரென விக்கல் வரும்.
  • சிலருக்கு வயிறு முட்டச் சாப்பிட்டால் விக்கல் வரும்.
  • சிலருக்கு வயிறு முட்டத் தண்ணீர் குடித்தால் கூட விக்கல் வரும்.
  • சிலருக்கோ கண்களில் நீர் வரும் அளவுக்கு விழுந்து, விழுந்து சிரித்தால் கூட விக்கல் வரும்.
  • சிலருக்கு உளவியல் ரீதியிலான பிரச்னைகளோ அல்லது மன அழுத்தமோ இருந்தாலும் கூட விக்கல் வரும்.

பொதுவாக சாதாரண விக்கல் என்றால் தொடர்ச்சியாக சிறிது தண்ணீரை மொண்டு விழுங்கினாலே விக்கல் நின்று விடும். ஆனால், என்ன முயன்றும் விக்கல் நின்றபாடில்லை என்றால் நாம் நிச்சயம் மருத்துவரை அணுகித்தான் ஆகவேண்டும்.

தண்ணீர் அருந்தியும் விக்கல் நிற்கவில்லை என்றால்....

விக்கல் வந்த சில நிமிடங்களில் அது நின்று விட்டால் பிரச்னையில்லை. அது சாதாரண விக்கலாகத்தான் இருக்கும். ஆனால், ஒருமுறை விக்கல் வந்து அது 2 மூன்று நாட்கள் வரை நீடித்தால் நிச்சயம் உடலுக்குள் பிரச்னை இருக்கிறது என்று தான் அர்த்தம்.
அது காசநோய், கேன்சர், நுரையீரலில் நெறி கட்டுதல், உதரவிதானம் செல்லும் பெரினிக் நரம்பு பாதிப்பு என ஏதாவது தீவிரமான ஆரோக்யக் கோளாறின் அறிகுறியாகவும் இருக்கலாம். எனவே விக்கல் ஓரிரு முறைகளுக்கு மேல் நீடித்தால் உடனே மருத்துவரைக் கலந்தாலோசித்து விடுவதே நல்லது.

விக்கலுக்கு ஒரு எளிய பாட்டி வைத்திய முறை...

  • சாதாரண விக்கல் என்றால் இரண்டு டம்ளர் தண்ணீர் அருந்தினாலே நின்று விடும். இதை கிராமப் புறங்களில் 7 மடக்கு தண்ணீர், 9 மடக்குத் தண்ணீர் என்பார்கள். விக்கல் வந்ததும் ஒரு பெரிய டம்ளரில் தண்ணீரை எடுத்துக் கொண்டு மூச்சு விடாது 7 மடக்கோ 9 மடக்கோ விழுங்கினீர்கள் என்றால் விக்கல் நின்று விடும்.
  • சிலருக்கு விக்கல் வந்ததும் ஒரு ஸ்பூன் நிறைய சர்க்கரையை அள்ளி வாயில் திணித்துக் கொண்டு அப்படியே சுவைத்து விழுங்கி நீரருந்தினால் விக்கல் நிற்கும்.
  • கைக்குழந்தைகளுக்கு விக்கல் வந்தால் உச்சந்தலையில் சிறு துரும்பைக் கிள்ளி வைக்கச் சொல்வார்கள். பச்சிளம் சிசுக்களின் உச்சந்தலை மிக மிக மென்மையானது அந்தப்பகுதியில் துரும்பு வைத்தால் விக்கல் நிற்கும் என்பது ஐதீகம். இது பரம்பரையாகப் பாட்டி வைத்திய முறையில் கையாளப் படுகிறதேயன்றி காரணம் சரிவர விளக்கப்படுவதே இல்லை. வாசிக்கும் வாசகர்களுக்குத் தெரிந்தால் எங்களிடம் கமெண்டுகள் வாயிலாகப் பகிர்ந்து கொள்ளுங்கள்.
  • அக்கரகாரம், திப்பிலி இரண்டையும் சம அளவு எடுத்து பொடி செய்து கொள்ளவும். அதில் இரண்டு கிராம் எடுத்து தேன் கலந்து தினமும் சாப்பிட்டு வந்தால் நுரையீரல் சம்பந்தமான நோய்களில் இருந்து தீர்வு கிடைக்கும். 
  • அகத்திக் கீரையை அடிக்கடி உணவில் சேர்த்துக் கொண்டால் குடல் புண் ஏற்படுவதைத் தடுக்கலாம்.  
  • அகில் கட்டை, திப்பிலி, சுக்கு, சித்தரத்தை அனைத்தையும் சம அளவில் எடுத்து கஷாயம் வைத்துக் குடித்தால் நுரையீரல் நோய்கள் ஏற்படுவதைத் தடுக்கலாம்.
  • அம்மான் பச்சரிசிக் கீரையுடன் மஞ்சள், ஓமம் இரண்டையும் சேர்த்து அரைத்துச் சாப்பிட்டால் குடல் புண் குணமாகும். 
  • அருகம்புல் சாறு தினமும் குடித்து வருவதன் மூலம் வயிற்றில் புண் ஏற்படாமல் தடுக்கலாம். 
  • அல்லிக் கிழங்கை பொடி செய்து பாலில் கலந்து குடித்தால் தாகம் விலகும். 
  • அன்னாசிப் பழ இலையை இடித்து, சாறு எடுத்து, 15 மில்லி அளவுக்கு குடித்தால் தீராத விக்கல் தீரும். அன்னாசி பூவை பொடி செய்து இரண்டு கிராம் அளவுக்கு சாப்பிட்டு வந்தால் அஜீரணம், வயிறு மந்தம் புளித்த ஏப்பம் உள்ளிட்ட வயிறு சார்ந்த பிரச்னைகளுக்கு தீர்வு கிடைக்கும். 
]]>
விக்கல் நிற்க எளிய வழி, remedy for hiccups, health, http://images.dinamani.com/uploads/user/imagelibrary/2018/8/18/w600X390/hiccups.jpg http://www.dinamani.com/health/health-news/2018/aug/18/remedy-for-hiccups-2983039.html
2982981 மருத்துவம் செய்திகள் உங்கள் பற்களில் உண்டாகும் மஞ்சள் கரையை நீக்க இதோ ஒரு தீர்வு! கோவை பாலா Saturday, August 18, 2018 10:51 AM +0530  

அறிகுறிகள் : நம் உடலில் அரிப்பு உண்டானால் கிருமிகளின் தாக்கம் உள்ளது என்று பொருள். கிருமிகள் இல்லாமல் ஒருவருக்கு உடம்பில் அரிப்பு வராது.உடலில் சேரும் நுண்ணுயிர்கள் மூலமாகத் தான் உடலில் ஏற்படும்.அந்த நுண்ணுயிர்கள்  மூலம் உண்டாகும் மூக்கில் ஏற்படும் அரிப்பு, வாயில் மஞ்சள் பூச்சு மற்றும் நாக்கில் உண்டாகும் மஞ்சள் பூச்சு, பற்களில் உண்டாகும் மஞ்சள் பூச்சு ஆகியவற்றிலிருந்து விடுபட

மண்டலம் - சுவாச மண்டலம்
காய் - முருங்கை
பஞ்சபூதம் - காற்று
மாதம் - ஐப்பசி
குணம் - பணிவு
ராசி /லக்கினம் - துலாம்

சத்துக்கள் : நார்ச் சத்து , புரதச் சத்து  , சுண்ணாம்புச் சத்து , இரும்புச் சத்து  மற்றும் வைட்டமின்களும் மிக அதிக அளவில் உள்ளன.

தீர்வு : முற்றின முருங்கை விதை(5) ,ஒரு பீர்க்கங்காய் ( தோல் , சதை , விதை ) நன்றாக கழுவி நறுக்கி இரண்டையும் மிக்ஸியில் போட்டு தண்ணீர் ஊற்றி நன்றாக அரைத்து ஜூஸாக்கி வடிகட்டி வைத்துக்கொண்டு இரண்டு மணி நேரத்திற்கு ஒரு தடவை அரை டம்ளர் வீதம் குடித்து வரவும்.

வெற்றிலை (2), மிளகு(2), உலர் திராட்சை (5) இவை மூன்றையும் சேர்த்து தினமும் படுக்கப்போகும் முன் வாயில் போட்டு மென்று தின்று முழுங்கவும்.

குறிப்பு : பச்சை மிளகாய்க்கு மாற்றாக இஞ்சியையும் வரமிளகாய்க்கு மாற்றாக மிளகையும் பயன்படுத்தவும்.

கோவை பாலா
இயற்கை வாழ்வியல் நல ஆலோசகர்
96557 58609 / Covaibala15@gmail.com 

]]>
yellow teeth, tooth problem, பல் வலி, பல் மஞ்சள் கறை http://images.dinamani.com/uploads/user/imagelibrary/2018/8/18/w600X390/ShowImage.jpg http://www.dinamani.com/health/health-news/2018/aug/18/உங்கள்-பற்களில்-உண்டாகும்-மஞ்சள்-கரையை-நீக்க-இதோ-ஒரு-தீர்வு-2982981.html
2982343 மருத்துவம் செய்திகள் மூக்கடைப்பு, கீழ் உதடு வீக்கம் மற்றும் சுவை இழந்த நாக்கு ஆகிய பிரச்னைகளுக்கு தீர்வு இதுதான்! கோவை பாலா Friday, August 17, 2018 10:59 AM +0530  

அறிகுறிகள் : உடல் பயன்பாட்டிற்கு வராத கொழுப்பு உடலில் இருந்தால், அந்த இடத்தில் கொழுப்பு அடைத்துக் கொள்ளும். இதனால் உள்வாங்குதல், வெளியேறுதல் தடைபடும். இதற்கு அடைப்பு என்று பொருள். இதனால் உண்டாகக் கூடிய மூக்கடைப்பு, கீழ் உதடு வீக்கம் மற்றும் சுவை இழந்த நாக்கு இந்த குறைபாடுகள் நீங்க..

மண்டலம் - தோல் மண்டலம்
காய் - கோவக்காய்
பஞ்சபூதம் - நிலம்
மாதம் - புரட்டாசி
குணம் - தூய்மை
ராசி / லக்கினம் - கன்னி

சத்துக்கள் : வைட்டமின் ஏ, கால்சியம், போலிக் அமிலம், பாஸ்பரஸ், இரும்புச்சத்துக்கள் நிறைந்துள்ளன

தீர்வு : கோவைக்காய் (5), கொப்பரைத் தேங்காய் (50 கிராம்), கொத்தவரங்காய் (5), இவை மூன்றையும் மிக்ஸியில் போட்டு தண்ணீர் ஊற்றி நன்றாக அரைத்து ஜூஸாக்கி  காலை மற்றும் மாலை என இருவேளையும் குடிக்கலாம். கோவைக்காய் மற்றும் கொத்தவரங்காயை நீராவியில் வேக வைத்து பொறியலாக செய்து அவற்றில் தேங்காயை அதிகமாகப் போட்டு உணவிற்கு அதிகமாக  எடுத்துக்கொள்ளலாம். பின்பு பசித்தால் உணவு எடுத்துக் கொள்ளுங்கள்.

வெற்றிலை (2), மிளகு(2), உலர் திராட்சை (5) இவை மூன்றையும் சேர்த்து தினமும் படுக்கப்போகும் முன் வாயில் போட்டு மென்று தின்று முழுங்கவும்.

குறிப்பு : பச்சை மிளகாய்க்கு மாற்றாக இஞ்சியையும் வரமிளகாய்க்கு மாற்றாக மிளகையும் பயன்படுத்தவும்.

கோவை பாலா
இயற்கை வாழ்வியல் நல ஆலோசகர்
96557 58609 / Covaibala15@gmail.com 

]]>
lips swelling, cold, fat, உடலில் கொழுப்பு, கொழுப்பு பிரச்னை, மூக்கடைப்பு, உதடு வீக்கம் http://images.dinamani.com/uploads/user/imagelibrary/2018/8/17/w600X390/3C4CB4E000000578-4138234-image-a-2_1484865821508.jpg http://www.dinamani.com/health/health-news/2018/aug/17/மூக்கடைப்பு-கீழ்-உதடு-வீக்கம்-மற்றும்-சுவை-இழந்த-நாக்கு-ஆகிய-பிரச்னைகளுக்கு-தீர்வு-இதுதான்-2982343.html
2977920 மருத்துவம் செய்திகள் தோலில் காணப்படும் கரும்படை அகல இது உதவும்! Friday, August 10, 2018 05:36 PM +0530 உடல் உறுப்புகளில் வலி, சுளுக்கு இவை தீர, வாதநாராயணன் (வாதமடக்கி) இலை, பேய் மிரட்டி இலை, நொச்சிவேர் ஆகியவைகளைச் சேர்த்து அரைத்து, நல்லெண்ணெயில் போட்டுக் காய்ச்சி, வலியுள்ள இடங்களில் தடவினால் வலிகளும், சுளுக்குகளும் குணமாகும். 

பிரசவமான பெண்களுக்கு அடி வயிற்றில் வலியிருந்தால், முடக்கறுத்தான் (முடக்கத்தான்) இலையை நன்றாக அரைத்து, அடி வயிற்றில் பற்றுப் போட்டால் வலி தீரும்.

கீழே விழுந்து அடி பட்டதால் ஏற்படும் வீக்கம், வலி இவை தீர, முடக்கறுத்தான் (முடக்கத் தான்) இலையை நன்றாக அரைத்து, நல்லெண்ணெய்யில் போட்டுக் காய்ச்சி, இளஞ்சூட்டில் தேய்த்தால் வலி, வீக்கம் மறையும். 

கல்யாணமுருங்கை இலையை அரைத்துப் பிழிந்து சாறாகவோ, இலைகளை கீரை மசிய லாகவோ செய்து சாப்பிட்டால், சீதபேதி, சிறுநீர் எரிச்சல், வயிற்று வலி, கீல்வாதம் ஆகியவை குணமாகும். பெண்களுக்குத் தாய்ப்பால் பெருக இது ஓர் அருமருந்து.

அன்னாசிப் பழ இலையை சாறு பிழிந்து அருந்தினால், வாந்தி, வயிற்றுக்கடுப்பு, காமாலை போன்ற பித்த நோய்கள் அகலும்.

ஒரு டம்ளர் பாலுடன், இரண்டு ஸ்பூன் இஞ்சிச் சாற்றைக் கலந்து, பனங்கற்கண்டு சேர்த்து இரவு படுக்கப் போகுமுன் அருந்தினால் பித்த மயக்கம் தீரும். 

சின்ன வெங்காயம், கடுகு இரண்டையும் சேர்த்து அரைத்து, வலியுள்ள மூட்டுக்களில் தட வினால், மூட்டு வலி குணமாகும்.

தூதுவளை இலையைக் கஷாயம் செய்து, அதில் தேன் கலந்து அருந்தினால், சளித் தொல்லை தீரும். ஆஸ்துமா, பிரைமரி காம்ப்ளக்ஸ் போன்ற நோயிலிருந்தும் நிவாரணம் பெறலாம்.

வெகு நாட்களாக ஆறாத புண்கள் விரைவில் ஆற, மஞ்சளையும், வேப்பிலையையும் சேர்த்து அரைத்துத் தடவலாம்.

தோலில் காணப்படும் கரும்படை நோய் தீர, கசகசாவை எலுமிச்சைச் சாறுவிட்டு அரைத்து தடவினால் பலன் கிடைக்கும். 

மாங்கொட்டையிலுள்ள பருப்பைக் காயவைத்துத் தூளாக்கி, ஒரு ஸ்பூன் தூளுடன் ஒரு தேக்கரண்டி தேன் சேர்த்து சாப்பிட்டால் சீதபேதி, ரத்தபேதி, மூல நோய் குணமாகும்.
- கிரிஜா நந்தகோபால், திருச்சி

]]>
skin, skin problems, rash, pain, உடல் உறுப்பு, வலி, சருமம் http://images.dinamani.com/uploads/user/imagelibrary/2018/8/10/w600X390/75.jpg http://www.dinamani.com/health/health-news/2018/aug/10/தோலில்-காணப்படும்-கரும்படை-அகல-இது-உதவும்-2977920.html
2977849 மருத்துவம் செய்திகள் இந்திய முறை மருத்துவப் படிப்புகளுக்கு ஆக.14 முதல் விண்ணப்பங்கள் விநியோகம்! Friday, August 10, 2018 09:49 AM +0530 சித்த மருத்துவம், ஆயுா்வேத மருத்துவம் உள்ளிட்ட இந்திய முறை மருத்துவப் படிப்புகளுக்கு வரும் 14-ம் தேதி முதல் விண்ணப்ப விநியோகம் நடைபெற உள்ளது.

சித்த மருத்துவம், ஆயுா்வேதம், யுனானி, ஹோமியோபதி, யோகா மற்றும் இயற்கை மருத்துவம் ஆகிய இந்திய முறை மருத்துவப் படிப்புகளுக்கு தமிழகத்தில் 6 அரசுக் கல்லூரிகள் உள்ளன. இது தவிர 23 தனியாா் மருத்துவக் கல்லூரிகளும் உள்ளன.

பிளஸ் 2 மதிப்பெண் அடிப்படையில், இந்தப் படிப்புகளில் 2018-2019-ஆம் ஆண்டுக்கான மாணவா் சோ்க்கை பிளஸ் 2 கட்-ஆஃப் மதிப்பெண் அடிப்படையில் நடைபெற உள்ளது. இந்தப் படிப்புக்களுக்கு 396 அரசு இடங்களும், தனியாா் மருத்துவக் கல்லூரிகளில் 916 அரசு ஒதுக்கீட்டு இடங்களும் உள்ளன.

இது தொடா்பாக தமிழக அரசு வியாழக்கிழமை வெளியிட்டுள்ள அறிவிப்பு: இந்திய முறை மருத்துவப் படிப்புகளுக்கான விண்ணப்பப் படிவம் மற்றும் தகவல் குறிப்பேடு விநியோகம் வரும் 14-ம் தேதி தொடங்க உள்ளது. விண்ணப்பப் படிவங்கள் சென்னையில் 3 கல்லூரிகள், பாளையங்கோட்டை, மதுரை திருமங்கலம், கோட்டாறு ஆகிய இடங்களில் உள்ள 6 மருத்துவக் கல்லூரிகளில் விநியோகிக்கப்படும்.

நேரடி விண்ணப்ப விநியோகம் தவிர, சுகாதாரத் துறையின் இணையதளத்திலும் விண்ணப்பங்களைப் பதிவிறக்கம் செய்து கொள்ளலாம்.

கட்டணம்: விண்ணப்பங்களுக்கான கட்டணம் ரூ.500 ஆகும். சிறப்புப் பிரிவினருக்கு ரூ.100 ஆகும். தாழ்த்தப்பட்ட, பழங்குடியின மாணவா்களுக்கு கட்டணம் கிடையாது. விண்ணப்பங்களைப் பெறுவதற்கு செப். 5-ம் தேதி பிற்பகல் 3 மணி கடைசியாகும். பூா்த்தி செய்யப்பட்ட விண்ணப்பங்களை அதே தேதியில் (செப்.5) மாலை 5.30 மணிக்குள் சமா்ப்பிக்க வேண்டும். தாமதமாகப் பெறப்படும் விண்ணப்பங்கள் ஏற்றுக் கொள்ளப்படாது.

கல்லூரிகளில் உள்ள அரசு ஒதுக்கீட்டு இடங்கள் மத்திய அரசின் ஆயுஷ் துறையால் அங்கீகரிக்கப்படும் நிலையில் அரசு இடங்களின் எண்ணிக்கையில் மாற்றம் வர வாய்ப்புள்ளது.

]]>
alternate medicines, BAMS, siddha, ayurveda, colleges, சித்த மருத்துவம், ஆயுா்வேத மருத்துவம், இந்திய முறை மருத்துவப் படிப்பு http://images.dinamani.com/uploads/user/imagelibrary/2018/8/10/w600X390/ayush.jpg http://www.dinamani.com/health/health-news/2018/aug/10/இந்திய-முறை-மருத்துவப்-படிப்புகளுக்கு-ஆக14-முதல்-விண்ணப்பங்கள்-விநியோகம்-2977849.html
2967597 மருத்துவம் செய்திகள் இளம் தாய்மார்களின் கவனத்திற்கு: பசும்பால், புட்டிப்பால் எதுவும் தாய்ப்பாலுக்கு நிகராகாது! பொ.ஜெயச்சந்திரன் Wednesday, July 25, 2018 03:50 PM +0530 (உலகத்தாய்ப்பால் வாரம் ஆகஸ்ட் 1 முதல் 7 - ஆம் தேதி வரை)

தாய்மைக்கு பெருமை சேர்ப்பது தாய்ப்பால் ஏனென்றால் இந்த உலகில் அந்த தாய்ப்பாலுக்கு சரிசமான ஒன்று எதுவுமில்லை பிறந்த குழந்தையின் ஆரோக்கியத்திற்கும், அதன் வளர்ச்சிக்கும், பெரும்காரணமாக இருப்பது தாய்ப்பால் ஒன்றே என கருதி அதனுடைய அவசியத்தையும், முக்கியத்துவத்தையும் கருத்தில் கொண்டே சர்வதேச மருத்துவக்கழகம் 1990-ஆம் ஆண்டு முதல் ஒவ்வொரு ஆண்டுதோறும் உலகத்தாய்ப்பால் ஊட்டும் வாரத்தை ஆகஸ்ட் முதல் வாரத்தில் கொண்டாடி வருகிறது. இந்த கொண்டாட்டமானது உலகெங்கும் 170க்கும் மேற்ப்பட்ட நாடுகளில் நடைபெறுகிறது.

தாய்ப்பாலின் சத்துக்கள்

குழந்தை பிரசவமானவுடன் முதல் நாளான்று உருவாகும் சீம்பால் அடர்த்தியான சத்துக்களை கொண்டது அது மட்டுமல்ல பாக்டீரியா வைரஸ் போன்ற கிருமிகளில் இருந்து தாக்குதலை எதிர்கொள்கிறது.

தாய்ப்பால் புகட்டுவதால் சேய்க்கு மட்டும் பயன் கிடைப்பதில்லை அது தாய்க்கும் நல்ல பயன் தருகிறது, தாயின் ஆரோக்கியம் பாதுகாக்கப்படுகிறது. மார்பகம் மற்றும் கருப்பை புற்றுநோய் தாக்கத்திலிருந்தும் காக்கப்படுகிறது என்று பல ஆய்வுகள் கூறுகின்றன. குழந்தைகளுக்கு கட்டாயம் 6- மாதங்களுக்கு தொடர்ந்து தாய்ப்பால் கொடுக்கவேண்டும் அதற்கு பிறகு தான் பிற உணவுகள் சேர்த்து வழங்கப்பட வேண்டும் அதிலும் 2 ஆண்டுகள் வரை தாய்ப்பால் கொடுப்பது இன்னும் நல்லது.

இப்படி வழங்குவதால் உலக அளவில் குழந்தைகள் இறப்பு குறைந்து வரும் என்பது முற்றிலும் நிதர்சனம். பிறந்த குழந்தையின் ஆரோக்கியமான வளர்ச்சிக்குத் தேவையான அனைத்து வகை ஊட்டச்சத்துகளும் தாய்ப்பாலில் நிறைந்து இருப்பதால் தாய்ப்பால் புகட்டுவதை எக்காரணம் கொண்டும் குறைக்கவோ அல்லது நிறுத்தவோ கூடாது. பணமில்லாமல் கிடைக்கும் அமுதம்தான் தாய்ப்பால். இது குழந்தைகளின் சிறுவயதில் ஏற்படக்கூடிய நோய்கள் மட்டுமல்ல பிற்காலத்தில் வரக்கூடிய நோய்களிலிருந்தும் தடுக்கும் ஆற்றல் இதற்கு இருக்கிறது. சத்து மிகுந்த தாய்ப்பாலில் உள்ள என்ûஸம்கள்; மற்றும் நோய் எதிர்ப்புச்சத்துக்கள் ஆகியவை குழந்தைகளது மென்மையான உடலை பாதுகாத்து நோய் எதிர்ப்புச்சக்தியை அதிகரித்து பரிபூரண வளர்ச்சியை அளிக்க வல்லவையாகும்; தாய்ப்பாலில் ஊட்டச்சத்து மிகுந்து இருப்பதுடன் அது குழந்தைக்கு எளிதாகச் செரிக்க கூடியதாகும் மேலும் தாய்ப்பாலை குடித்து வளரும் குழந்தைக்கும்; அதன் தாய்க்கும் இடையே உள்ள பாசம் அதிகரிக்கும்.

மன அளவில் ஒரு தாய் குழந்தையிடம் அன்புடையவளாகவும், இளகிய குணமுடையவளாகவும் மாறுகிறாள் என பல உளவியில் ஆய்வாளர்கள் கூறுகின்றனர். பேறுகால இடைவெளியை தள்ளிவைக்கும் ஆற்றல் தாய்ப்பாலிற்கு இருக்கிறது குழந்தைகளின் மோசமான ஆரோக்கியம் என்பது அதன் குழந்தைப் பருவத்திலே சரிசெய்யப்பட தவறினால் பின்பு பல்வேறு நோய்களுக்கு அவதிப்பட்டாலும் வளர்ந்தபிறகும் அந்த நோயை கட்டுப்படுத்துவதில் சிக்கல் ஏற்படுகிறது.

இறப்பு விகித்தை குறைக்க வேண்டும்

இந்தியாவை பொருத்தவரைக்கும் இங்குள்ள குழந்தைகளை பாதிக்கும் விதிமுறைகளை இரண்டு பகுதியாக பிரிக்கலாம் ஒன்று ஊட்டச்சத்து குறைவு, மற்றொன்று குழந்தை ஆரோக்கியத்தில் மோசமான செயல்திறன்; தாயின் ஆரோக்கியத்தை அவளது குழந்தையின் ஆரோக்கியத்தில் இருந்து தொடர்பில்லாததாக இருப்பது இந்தியாவின் பொது சுகாதாரத்தில் உள்ள மிகப்பெரிய தோல்வியாகும். இதனால் தாயின் மோசமான உடல்நலம் அவளது குழந்தையையும் பாதிக்கிறது. கர்ப்பிணிகளில் தோராயமாக 10 முதல் 15 சதவீதம் நபர்களுக்கு அவசரக்கால மற்றும் பிரசவ சிக்கல்கள் ஏற்படுகின்றன. இந்நிலைமை எந்த கர்ப்பிணிகளுக்கு ஏற்படும் என்று முன் கூட்டியே கண்டறிய முடியாது. அப்படி தெரிந்தாலும் மருத்துவர்கள் பெண்கள் நலன் கருதி அத்தகவலை வெளியே சொல்லமாட்டார்கள் என்பது முற்றிலும் உண்மை. இது போன்ற மோசனமான நிலைகளை தடுப்பதற்கு பெண்கள் சரியான வயதில் திருமணம் செய்து கொள்ள வேண்டும். அதைவிட, கர்ப்பிணியாக இருக்கும் போது நல்ல காய்கறிகளையும் பழங்களையும் சாப்பிட வேண்டும். சர்வதேச மருத்துவக்கழகம் தாய்ப்பாலுக்கு மாற்றான உணவை ஏற்றுக்கொள்ளவேயில்லை.

பசும்பால், புட்டிப்பால் என எதனையும் தாய்ப்பாலுக்கு நிகராக கூறமுடியாது போதிய அளவு தாய்மார்களிடம் தாய்ப்பால் இல்லாததால் கடந்த 2014-ஆம் ஆண்டு தமிழக அரசால் சிறார் நல நிலையம், மற்றும் குழந்தைகள் நல மருத்துவமணையில் தாய்ப்பால் வங்கி என்னும் திட்டம் தொடங்கப்பட்டது இதனால் அதிகமானோர் மகிழ்ச்சியடைந்தனர். தாய்மார்கள் வெளிமாவட்டங்கள் மற்றும் பக்கத்து ஊர்கள் இப்படி பயணம்போகும்போது குழந்தைகள் தாய்ப்பாலுக்காக அழுதால் சில தாய்மார்கள் பாலுட்டுவதற்கு தயங்குகிறார்கள் இடமில்லாமல் தவிக்கின்றனர். இதனால் 2015 -ஆம் ஆண்டு ஆகஸ்ட் 1-ஆம் தேதியில் இருந்து தமிழக அரசு சார்பாக பாலூட்டுவதற்கு வசதியாக அரசு பேருந்து முனையங்கள்; நகராட்சி மற்றும் நகரப்பேருந்து நிலையங்கள்; மற்றும் பேருந்து பணிமணைகளுடன் கூடிய பேருந்து நிலையங்கள் ஆகியவற்றில் தனியாக தாய்ப்பால் ஊட்டும் அறை திறக்கப்பட்டு தற்போது நடைமுறை படுத்தப்பட்டு வருகிறது.

]]>
Mother, breast feeding, குழந்தை, baby, தாய்ப்பால், mother's feeding, தாய்மை http://images.dinamani.com/uploads/user/imagelibrary/2018/7/25/w600X390/First-6-Weeks-Baby.jpg http://www.dinamani.com/health/health-news/2018/jul/25/breast-feed-your-baby-for-healthy-life-of-your-loved-one-2967597.html
2967578 மருத்துவம் செய்திகள் எனது நீண்ட ஆயுளின் ரகசியம் இதுதான்! 101 வயதான இந்தியாவின் முதல் இதய மருத்துவரின் பேட்டி! பிஸ்மி பரிணாமன் Wednesday, July 25, 2018 12:55 PM +0530 இந்தியாவின் முதல் இதய மருத்துவர். இந்தியாவின் மூத்த இதய மருத்துவர். டாக்டர் சிவராமகிருஷ்ண ஐயர் பத்மாவதி. டாக்டர் பத்மாவதிக்கு வயது நூற்றி ஒன்று (101). பத்மாவதி 1917-இல் பர்மாவின் தலைநகரான மியான்மரில் (அன்றைய ரங்கூன்) பிறந்தவர். தற்போது, இந்தியாவில் இருக்கிறார். அறுபது ஆண்டுகளுக்கும் மேலாக நோயாளிகளுக்கு சிகிச்சையளித்து வருகிறார். வாரத்தில் திங்கள் முதல் வெள்ளி வரை டில்லியில் இருக்கும் தேசிய இருதய நிலையம் (நேஷனல் ஹார்ட் இன்ஸ்டிடியூட்) என்கிற மருத்துவமனைக்குச் சென்று சிகிச்சை அளித்து வருகிறார். இந்தியாவின் முதல் இதய மருத்துவமனையை ஆரம்பித்தவரும் இவரே. முதுமையைத் தோற்கடித்திருக்கும் பத்மாவதி இதய நோயாளிகளின் காவல் தெய்வமாக இருக்கிறார்.

'அப்பா சிவராமகிருஷ்ணன் ஐயர் வழக்கறிஞராக ரங்கூனில் பணிபுரிந்து வந்தார். அப்போது பெண்கள் மருத்துவம் அல்லது கலைக் கல்லூரி என ஏதோ ஒன்றில்தான் படிக்க முடியும். பொறியியல் கல்லூரி அங்கே கிடையாது. அப்பா என்னை மருத்துவம் படிக்கச் சொன்னதால் படித்தேன். மருத்துவம் படித்து முடித்த நிலையில், பர்மாவை ஜப்பான் தாக்கியது. வேறு வழியின்றி, நாங்களும் இந்தியா திரும்பினோம். குடும்பம் கோவையில் அமைந்தது. பிறகு மருத்துவத்தில் மேல் படிப்பிற்காக லண்டன் சென்றேன். அங்கே பட்டங்கள் பெற்று, அமெரிக்கா சென்றேன். அங்கே உலகப் புகழ்ப் பெற்ற மருத்துவர்கள் பலரிடம் பணி புரிந்தேன். ஹார்வர்டிலும் மருத்துவம் படித்தேன். ஆராய்ச்சிகள் செய்தேன். எனக்கு அம்மா அப்பாவிடம் ரொம்பப் பிரியம். தம்பி, சகோதரிகள் இந்தியாவில் இருந்ததும் இன்னொரு காரணம். பல அரிய வாய்ப்புகள் அமெரிக்காவில் கிடைத்தாலும், உதறிவிட்டு குடும்ப பாசம் காரணமாக இந்தியா திரும்பினேன்.

இந்தியா திரும்பியதும் அன்றைய சுகாதாரத்துறை அமைச்சர் ராஜகுமாரி அம்ரித்கவுர் டில்லியில் மருத்துவக் கல்லூரியில் விரிவுரையாளராகச் சேரச் சொன்னார். பிறகு அங்கேயே பேராசிரியர் ஆனேன். 1952 - லிலிருந்து இதயவியல் துறையில் எனது பயிற்சியைத் தொடங்கினேன். இந்தியாவில், முதல் இதயவியல் சோதனை மையத்தை ஏற்படுத்தினேன். டில்லி மருத்துவக் கல்லூரியில் முதல் இதயவியல் துறையையும் ஆரம்பித்தேன். இந்தியா முழுவதும் இதயம், அதற்கு வரும் நோய்கள் குறித்து விழிப்புணர்வு ஏற்படுத்த வேண்டும் என்பதற்காக முதன் முதலாக இந்தியாவின் முதல் 'ஹார்ட்' ஃபவுண்டேஷனையும் அமைத்தேன். என்னைக் கெளரவப்படுத்த இந்திய அரசு 1967 -இல் பத்மபூஷண் விருதினையும், 1992 -இல் பத்மவிபூஷண் விருதினையும் வழங்கியது. 1981- இல் நான் தொடங்கிய டெல்லி நேஷனல் ஹார்ட் இன்ஸ்டிட்யூட்டின் இயக்குநராகவும், ஆல் இந்தியா ஹார்ட் ஃபவுண்டேஷனின் நிறுவனர் மற்றும் தலைவராகவும் செயல்பட்டு வருகிறேன்.

'டில்லியில் ஆரம்ப காலத்தில் லேடி ஹார்டிங் மருத்துவக் கல்லூரியில் மருத்துவமனையில் பணி புரிந்தேன். என்னிடம் இதயத்தில் பிரச்னை உள்ள ஆண் நோயாளிகளும் வருவார்கள். அவர்களை ஆய்வு செய்ய, சிகிச்சை தர மருத்துவமனையில் தங்கச் சொல்வேன். 'பெண்களுக்கு மட்டுமான மருத்துவமனையில் ஆண்கள் தங்குவதா' என்று கேட்பார்கள். 'நோயாளிகளில் பால் வேற்றுமை பார்க்கக் கூடாது' என்பேன். என்னிடம் இதயத்தின் பிரச்னைகளுக்காக சிகிச்சை எடுத்துக் கொண்டவர்கள் மறைந்த முன்னாள் நிதி அமைச்சர் சி. சுப்பிரமணியம், பாதுகாப்பு அமைச்சர் கிருஷ்ண மேனன். இந்திரா காந்தியும் அடிக்கடி என்னிடம் வருவார். ஒருமுறை அமைச்சர் டி.பி. தர் என்பவர் சிம்லா சென்றபோது மாரடைப்பு ஏற்பட்டது. சிம்லாவிற்கு என்னை அழைத்துச் சென்றார்கள். சிகிச்சை செய்து தர்ரைக் காப்பாற்றினேன்.

'இப்போது தொழில்நுட்பம் மிக வேகமாக வளர்ந்துவிட்டது. அதுவும், இதயம் தொடர்பான துறையில் அதிவேக முன்னேற்றம். மருத்துவம் குறித்த நூல்களை வாசித்து மருத்துவ முன்னேற்றங்கள் குறித்து அறிந்து கொள்கிறேன். அத்துடன், சரித்திரம், பயணம், புவியியல் குறித்துள்ள நூல்களையும் வாசிப்பேன். எனது நீண்ட ஆயுளின் ரகசியம் என்ன என்று பலரும் கேட்பார்கள். எதையும், வாழ்க்கையின் ஓர் அங்கமாக எடுத்துக் கொள்வது. இன்பம், துன்பம் வாழ்க்கையின் இரண்டு துருவங்கள். இவையில்லாமல் வாழ்க்கையில்லை. இந்தப் புரிதலை பர்மாவின் புத்த மதம் என்னுள் ஏற்படுத்தியது. அடுத்தது நீந்துதல். ஆண்டில் முக்கால்வாசி மாதங்களில் நீச்சல் பயிற்சி மேற்கொண்டு வருகிறேன். குளிர் காலத்தில் நடைபயிற்சி. முன்பு டென்னிஸ் ஆடுவேன். இப்போது வயது அனுமதிப்பதில்லை. ஓய்வு நேரத்தில் கர்நாடக சங்கீதத்தில் லயிப்பேன்.

'கல்யாண பருவத்தில் மருத்துவ படிப்பு ஆய்வு, ஆராய்ச்சி என்று கவனம் திரும்பிவிட்டதால் திருமணம் பற்றி யோசிக்கவே இல்லை. நினைப்பும் எழவில்லை. உடன் பிறந்தவர்கள், அவர்களின் வாரிசுகள்தான் என் குடும்பம். மக்களின் வாழ்க்கை முறை பெரிய அளவில் மாறிவிட்டது. முன்பெல்லாம் இரு வேளை உணவுதான். இப்போது மூன்று வேளை. நடுவே தேநீர், காபி, சிற்றுண்டிகள், நொறுக்குத் தீனிகள்...

கொழுப்பும் உப்பும் அதிகமுள்ள உணவு வகைகள்தான் இதயத்தில் பிரச்னைகளை உருவாக்குகின்றன. பெரும்பாலும் யாரும் நடப்பதில்லை. நடக்க விரும்புவதில்லை. பஸ்ஸில் போகிறார்கள், இரண்டு, மூன்று, நான்கு சக்கர வாகனங்களில் சிறிய தூரத்திற்கும் பயணிக்கிறார்கள். உடல் பருமன் அடைவது, தவறான உணவு வகைகளை சாப்பிடுவது, புகை பிடித்தல் மது அருந்துதல், உடற்பயிற்சி இல்லாமல் இருத்தல்... இவைதான் இதயத்தின் பிரச்னைகளை ஏற்படுத்துகிறது. மருந்திடம் நம்மை ஒப்படைத்து விடக் கூடாது. அப்படி செய்தால் நாம் மருந்துக்கு அடிமையாகிவிடுவோம். மருந்துகளை உங்கள் முதலாளியாக மாறிவிட அனுமதிக்காதீர்கள். சென்ற தலைமுறைக்கு ஸ்டென்ட், பை பாஸ் அறுவை சிகிச்சை , மாரடைப்பு என்னவென்றே தெரியாது. இது குறித்து யாரும் சிந்திப்பதில்லை. இப்போது நாற்பது வயதுக்கும் குறைவானவர்களுக்கும் மாரடைப்பு வருகிறது. எனது ஆயுளின் ரகசியம் என்னவென்று கேட்பவர்கள் அதன்படி நடந்தால் இதய பிரச்னைகள் இல்லாமல் வாழலாம்’ என்கிறார் டாக்டர் பத்மாவதி.

]]>
heart problem, heart care, இதய நோய், இதயம், 101 years, Dr.Padmavathi, டாக்டர் சிவராமகிருஷ்ண ஐயர் பத்மாவதி http://images.dinamani.com/uploads/user/imagelibrary/2018/7/25/w600X390/DR_PADMAAVATHI_2060953.JPG http://www.dinamani.com/health/health-news/2018/jul/25/எனது-நீண்ட-ஆயுளின்-ரகசியம்-இதுதான்-101-வயதான-இந்தியாவின்-முதல்-இதய-மருத்துவரின்-பேட்டி-2967578.html
2966838 மருத்துவம் செய்திகள் உடல் சோர்வு ஏன் ஏற்படுகிறது? சுறுசுறுப்பாக ஒரு எளிய வழி! கோவை பாலா DIN Tuesday, July 24, 2018 10:53 AM +0530  

அறிகுறிகள் : ரத்த ஒட்டம் சரியில்லாத காரணத்தினால் மூளை மற்றும் உடலில் உள்ள செல்கள் சோர்ந்து விடுவதால் நரம்பு மண்டலம் பலவீனமடைந்து  உடல் சோர்வு அடிக்கடி உண்டாகும்.

மண்டலம் - ரத்த ஒட்ட மண்டலம்
காய் - வாழைக்காய்
பஞ்சபூதம் - நீர்
மாதம் - பங்குனி
குணம் - நற்குணங்கள் கிரகிப்பு
ராசி /லக்கினம் - மீனம் 

சத்துக்கள் : சோடியம், கார்போஹைட்ரேட் நார்ச்சத்து, சர்க்கரை, புரதம் வைட்டமின் (ஏ, பி6, சி, இ, கே)

தீர்வு : வாழைக்காய் (சிறியது), வெண்பூசணிக்காய் தோலுடன் (100 கிராம்), வெற்றிலை (2), புதினா (சிறிதளவு), மிளகு (2) இவை அனைத்தையும் சேர்த்து மிக்ஸியில் போட்டு தண்ணீர் ஊற்றி நன்றாக அரைத்து ஜூஸாக்கி அதனுடன் சிறிதளவு உப்பு (தேவைப்பட்டால்) சேர்த்துக் கொண்டு ஒரு வேளை உணவாக குடித்து வரவும். தினமும் மதிய உணவில் வாழைப்பூ, வாழைத்தண்டு ஆகியவற்றை நீராவியில் வேக வைத்து பொறியலாக அதிகம் எடுத்துக் கொள்ளவும்.

வெற்றிலை (2), மிளகு(2), உலர் திராட்சை (5) இவை மூன்றையும் சேர்த்து தினமும் படுக்கப் போகும் முன் வாயில் போட்டு மென்று தின்று முழுங்கவும்.

குறிப்பு : பச்சை மிளகாய்க்கு மாற்றாக  இஞ்சியையும் வரமிளகாய்க்கு மாற்றாக மிளகையும் பயன்படுத்தவும்.

கோவை பாலா
இயற்கை வாழ்வியல் நல  ஆலோசகர்
Cell  :  96557 58609
Covaibala15@gmail.com

]]>
blood circulation, tiredness, fatigue, உடல் சோர்வு, பலவீனம் http://images.dinamani.com/uploads/user/imagelibrary/2018/7/24/w600X390/123.jpg http://www.dinamani.com/health/health-news/2018/jul/24/உடல்-சோர்வு-ஏன்-ஏற்படுகிறது-சுறுசுறுப்பாக-ஒரு-எளிய-வழி-2966838.html
2966210 மருத்துவம் செய்திகள் இது பெண்களுக்கு நிம்மதியளிக்கும் செய்தி! சானிட்டரி நாப்கின் மீதான ஜி.எஸ்.டி. ரத்து! Monday, July 23, 2018 05:31 PM +0530  

மக்கள் அன்றாடம் பயன்படுத்தும் ஃபிரிட்ஜ், வாஷிங் மெஷின் உள்ளிட்ட பல்வேறு பொருள்களுக்கு சரக்கு-சேவை வரி விகிதம் (ஜிஎஸ்டி) குறைக்கப்பட்டுள்ளது. இதனால், அந்தப் பொருள்களின் விலை சற்று குறைய வாய்ப்புள்ளது.

சானிடரி நாப்கினுக்கு ஜிஎஸ்டி வரியில் இருந்து முழு விலக்கு அளிக்கப்பட்டுள்ளது. சானிடரி நாப்கின் மீதான ஜிஎஸ்டி வரியை ரத்து செய்ய வேண்டும் என்று பல்வேறு சமூக நல அமைப்பினர் கடந்த ஓராண்டாக கோரிக்கை விடுத்து வந்தனர். அதனை ஏற்று, இந்த முடிவு எடுக்கப்பட்டது.

நாடு முழுவதும் சரக்கு-சேவை வரி விதிப்பு முறை கடந்த ஆண்டு ஜூலை 1-ஆம் தேதி அமல்படுத்தப்பட்டது. அதிலிருந்து, பல்வேறு தரப்பினரின் கோரிக்கையை ஏற்று ஜிஎஸ்டி வரி விகிதங்கள் குறைக்கப்பட்டு வருகின்றன. இந்நிலையில், ஜிஎஸ்டி கவுன்சிலின் 28-ஆவது கூட்டம், மத்திய நிதியமைச்சர் பியூஷ் கோயல் தலைமையில் தில்லியில் நடைபெற்றது. இந்தக் கூட்டத்தில், மக்கள் அன்றாடம் பயன்படுத்தும் பல்வேறு பொருள்களின் மீதான ஜிஎஸ்டி வரியைக் குறைப்பதற்கு முடிவு செய்யப்பட்டது.

கூட்டத்தில் எடுக்கப்பட்ட முடிவுகளை அமைச்சர் பியூஷ் கோயல், பின்னர் செய்தியாளர்களிடம் விவரித்தார். அவர் கூறியதாவது: சானிடரி நாப்கின், ராக்கி கயிறுகள், சிறு கைவினைப் பொருள்கள் ஆகியவற்றுக்கு வரி விலக்கு அளிக்கப்பட்டுள்ளது. இதுவரை, சானிடரி நாப்கினுக்கு 12 சதவீதம் வரி விதிக்கப்பட்டிருந்தது.

ரூ.1000 வரையிலான மதிப்புள்ள காலணிகளின் மீதான வரி 5 சதவீதமாகக் குறைக்கப்பட்டுள்ளது. நடுத்தர வர்க்க மக்கள் அன்றாடம் பயன்படுத்தக் கூடிய பல்வேறு பொருள்களின் மீதான ஜிஎஸ்டி வரி குறைக்கப்பட்டுள்ளது. அதாவது, 68 செ.மீ. அளவு வரையிலான தொலைக்காட்சிப் பெட்டிகள், விடியோ கேம்கள், வாஷிங் மெஷின், ஃபிரிட்ஜ், ஏ.சி. இயந்திரங்கள், வாட்டர் ஹீட்டர், வேக்குவம் கிளீனர்கள், கிரைண்டர், மிக்ஸி ஆகியவற்றின் மீதான ஜிஎஸ்டி வரி 28 சதவீதத்தில் இருந்து 18 சதவீதமாகக் குறைக்கப்பட்டுள்ளது.

இதேபோல், வாசனை திரவியங்கள், அழகுசாதனப் பொருள்கள், முகச்சவர சாதனங்கள் ஆகிய பொருள்களின் மீதான வரியும் 28 சதவீதத்தில் இருந்து 18 சதவீதமாகக் குறைக்கப்பட்டுள்ளது. இது தவிர, மின்சார இஸ்திரி பெட்டிகள், லித்தியம் அயன் பேட்டரிகள், முடி உலர்த்தும் சாதனம் (ஹேர் டிரையர்) ஆகியவற்றின் மீதான வரிகளும் குறைக்கப்பட்டுள்ளன. எத்தனால் மீதான வரி 5 சதவீதமாகக் குறைக்கப்பட்டுள்ளது.

இதுதவிர, தரைகளில் பதிக்கப்படும் கோட்டா கற்கள் மற்றும் அதே தரம் கொண்ட உள்ளூர் கற்கள் ஆகியவற்றின் மீதான ஜிஎஸ்டி வரி 18 சதவீதத்தில் இருந்து 12 சதவீதமாகக் குறைக்கப்பட்டுள்ளது.  ஜூலை 27 முதல் அமல்: இந்தப் புதிய விரி விகிதங்கள், வரும் 27-ஆம் தேதி முதல் நடைமுறைக்கு வரவுள்ளது. ஆண்டுக்கு ரூ.5 கோடி வரை விற்றுமுதல் ஈட்டும் தொழில், வர்த்தக நிறுவனங்கள், காலாண்டு அடிப்படையில் வரிக் கணக்குகளைத் தாக்கல் செய்யலாம். இதனால், 93 சதவீத வரி செலுத்துவோர் பயனடைவார்கள்.மேலும் வரி கணக்கு தாக்கல் செய்யும் முறை எளிமையாக்கப்பட்டுள்ளது.

பதிலி வரி செலுத்தும் நடைமுறை: ஜிஎஸ்டி வரி விதிப்பு நடைமுறையில் பதிவுபெறாத நிறுவனங்களிடம் இருந்து பொருள்கள் அல்லது சேவையைப் பெறும் வர்த்தகர்கள், அந்த நிறுவனங்களுக்குப் பதிலாக ஜிஎஸ்டி வரியைச் செலுத்த வேண்டும். இதற்கு பதிலி வரி செலுத்தும் நடைமுறை (ரிவர்ஸ் சார்ஜ் மெக்கானிசம்) என்று பெயர். இந்த நடைமுறையை அடுத்த ஆண்டு செப்டம்பர் மாதத்துக்குப் பிறகு அமல்படுத்துவதற்கு முடிவு செய்யப்பட்டது என்றார் பியூஷ் கோயல். ஜிஎஸ்டி கவுன்சிலின் அடுத்த கூட்டம், வரும் ஆகஸ்ட் 4-ஆம் தேதி நடைபெறவுள்ளது.

தற்போது சானிட்டரி நாப்கினுக்கு ஜிஎஸ்டி விலக்கு அளிக்கப்பட்டுள்ளதற்கு, தமிழ்நாடு மற்றும் பாண்டிச்சேரி நரம்பியல் நிபுணா்கள் சங்கம் பாராட்டையும் நன்றியையும் தெரிவித்துள்ளது.

இது குறித்து தமிழ்நாடு மற்றும் பாண்டிச்சேரி நரம்பியல் நிபுணா்கள் சங்க தலைவரும், திருச்சி அரசு மருத்துவக் கல்லூரி முன்னாள் துணை முதல்வருமான டாக்டா் எம். ஏ. அலீம் விடுத்துள்ள அறிக்கை:

சானிட்டரி நாப்கினுக்கு ஜிஎஸ்டி விலக்கு அளிக்கப்பட்டுள்ளதால் பல மில்லியன் பெண்கள் பயனடைகின்றனா். சாமானியா் மற்றும் நடுத்தர குடும்பத்தைச் சோ்ந்த மகளிா் சானிட்டரி நாப்கினுக்கு அளிக்கப்பட்ட வரி விதிப்பால் கடும் அவதிக்கு உள்ளாயினா். இதனையடுத்து பல்வேறு தரப்பினரும் விடுத்த கோரிக்கையை ஏற்று சானிட்டரி நாப்கினுக்கு ஜி.எஸ்.டி. விலக்கு அளிக்கப்பட்டுள்ளது மிகுந்த வரவேற்பை பெற்றுள்ளது. இந்த நடவடிக்கை எடுத்தமைக்கு பிரதமா் மோடிக்கு பாராட்டு மற்றும் நன்றி என அதில் தெரிவிக்கப்பட்டுள்ளது.

]]>
sanitary pads, sanitary napkins, periods, சானிடரி நாப்கின், சானிடரி பேட் http://images.dinamani.com/uploads/user/imagelibrary/2018/7/23/w600X390/sanitary_pad.jpg http://www.dinamani.com/health/health-news/2018/jul/23/sanitary-napkins-now-exempt-from-gst-2966210.html
2962722 மருத்துவம் செய்திகள் ஹார்மோன் கோளாறுகளை நீக்க வல்லது இதுதான்! DIN DIN Wednesday, July 18, 2018 04:27 PM +0530 தமிழ் மருத்துவத்தில் இந்துப்பு பற்றி அறிந்திருப்போம். இதற்கு 'இமாலயன் உப்பு' என பெயர். ஆங்கிலத்தில் 'ராக்சால்ட்' என கூறப்படுகிறது. வழக்கமாக நாம் உணவில் சேர்த்துக்கொள்ளும் உப்பு கடல் நீரில் இருந்து தயாரிக்கப்படுகிறது. இதற்கு சோடியம் குளோரைடு எனப் பெயர். ஆனால் பாறை உப்பு, நேர்மாறானது. மலைத்தொடர்களில் கருங்கல் பாறைகளில் சில லேசாக இருக்கும். அந்த பாறைகளிலிருந்துதான் இந்த உப்பு கிடைக்கிறது. இமாலயன் ராக் சால்ட் என்றழைக்கப்படும் இந்த உப்பு உடலுக்கு நன்மை தரக்கூடியது.

இந்த உப்பு இமயமலைத் தொடரின் அருகில் உள்ள உப்பு மலைகளில் இருந்து பாறைகளாக வெட்டியெடுக்கப்படுகிறது. ராஜஸ்தான், இமாச்சல பிரதேசம், குஜராத் மாநிலங்களில் உள்ள சுரங்கங்களில் பூமிக்கு அடியில் இருந்து வெட்டி எடுக்கப்படுகின்றன. இந்துப்பு என்றழைக்கப்படும் இவை பழுப்பாக மங்கலாக இருக்கும். கால்சியம், அயோடின், சல்பர் உள்ளிட்ட தாதுக்கள் இதில் உள்ளன.

தமிழ் மருத்துவத்தில் வாதம், பித்தம், கபம் ஆகிய வியாதிகளைத் தீர்க்கும். இதன் மருத்துவக் குணங்கள்: தினமும் உணவில் சேர்ப்பதால் எளிதில் செரிமானம், தைராய்டு பாதிப்பு, கண்களுக்கு குளிர்ச்சி தரும். குளிப்பதற்கு முன்னதாக உடலில் இந்துப்பை தேய்த்து வைத்து சிறிதுநேரம்கழித்து குளித்தால் உடல் அசதி தீரும்.இந்துப்புவை இளஞ்சூடான நீரில் கலந்து வாய் கொப்பளித்து வந்தால் துர்நாற்றம், பல்வலி, ஈறுவீக்கம், வயிற்றுப்புண் தீரும்.

குறிப்பாக சர்க்கரை நோய்க்கு சிறந்தது. ஹார்மோன் கோளாறுகளை நீக்கும். உடலில் தேவையற்ற கழிவுகளை நீராக வெளியேற்றும். ரத்த அழுத்தம் வராது. நன்றாக தூக்கம் வரும். இயற்கையாகவே அனைத்து சத்துகளும் நிறைந்துள்ளதால் இந்துப்பை உணவில் சேர்த்து வர எந்த நோய்களும் வராது. சாதாரண உப்பை விட விலை அதிகம் என்றாலும் மருத்துவமனை செலவைக் குறைக்கலாமே..

]]>
black salt, rock salt, himalayan salt, இமாலயன் உப்பு, ராக்சால்ட், இந்துப்பு http://images.dinamani.com/uploads/user/imagelibrary/2018/7/18/w600X390/776e6c3bcef79b7d73849159d4418bfa.jpg http://www.dinamani.com/health/health-news/2018/jul/18/ஹார்மோன்-கோளாறுகளை-நீக்க-வல்லது-இதுதான்-2962722.html
2962721 மருத்துவம் செய்திகள் உடல் மெலிய வேண்டுமா? இதை ட்ரை பண்ணுங்க! Wednesday, July 18, 2018 04:23 PM +0530 வழக்கமாக சமையலுக்குப் பயன்படுத்தப்படும் புளி 'உரிகம் புளி' என்றழைக்கப்படுகிறது. ஆனால் குடம்புளி பற்றி பலருக்கும் தெரியாது. இதை கேரளத்தில் அதிகமாகப் பயன்படுத்துகின்றனர். இதை தினமும் உணவில் சேர்ப்பதால் நோய்கள் வராது. உடல் மெலிவுக்கு ஏற்றது. இதன் மற்றொரு பெயர் 'கொருகாப்புளி' . இதை உணவில் சேர்க்கும்போது சிறிது நேரம் மட்டுமே நீரில் கரைக்க வேண்டும். இல்லாவிட்டால் புளிப்புத்தன்மை அதிகரிக்கும். சாதாபுளி நீளவாக்கில் இருக்கும். இவை நெல்லிக்காய் வடிவில் காணப்படும்.

இப்புளியில் கால்சியம், பாஸ்பரஸ், இரும்பு, தயமின், ரிபோப்ளவின், நியாசின், ஹைட்ரோ சிட்ரிக் அமிலம் போன்றவை உள்ளன. இதை பயன்படுத்துவதால் கொழுப்பு குறையும். கர்ப்பிணிகள், 10 வயதுக்கு குறைவான குழந்தைகளுக்கு கொடுக்கக் கூடாது.

குறிப்பாக உடல் மெலிவுக்கு சிறந்த நிவாரணி. கறிவேப்பிலை, முருங்கையிலை,கருஞ்சீரகம் இவற்றை குடம்புளியுடன் சம அளவு எடுத்து உலர்த்தி, இடித்து பொடியாக்கி தினமும் காலை மாலை இருவேளை ஒரு தேக்கரண்டி எடுத்து வெந்நீரில் கலந்து அருந்தி வர உடல் எடைகுறையும். ஆறாத வெட்டுக்காயத்துக்கு இதன் இலையை அரைத்து கட்டினால் குணமாகும். மேலும், குடல்புண், வாதத்துக்கு சிறந்த மருந்து.
 தகவல்: ஆர். ரக்ஷனாசக்தி

]]>
tamarind, puli, koduka puli, உரிகம் புளி, புளீ, குடம்புளி http://images.dinamani.com/uploads/user/imagelibrary/2018/7/18/w600X390/aky-hero_1.jpg http://www.dinamani.com/health/health-news/2018/jul/18/உடல்-மெலிய-வேண்டுமா-இதை-ட்ரை-பண்ணுங்க-2962721.html
2961229 மருத்துவம் செய்திகள் நம் ஒவ்வொருவரின் இதயத் துடிப்பும் சீராக இருக்க, நாம் கடைபிடிக்க வேண்டிய விஷயம் இதுதான்! Monday, July 16, 2018 12:52 PM +0530 இந்தியாவில் இதய நோயால் உயிரிழந்தவர்களின் எண்ணிக்கை 34 சதவிகிதம் அதிகரிப்பு கடந்த 15 ஆண்டுகளில் இந்தியாவில் இதய நோயால் உயிரிழந்தவர்களின் எண்ணிக்கை 34 சதவிகிதம் அதிகரித்துள்ளதாக அமெரிக்கன் காலேஜ் ஆஃப் கார்டியாலஜி ஆய்வில் தகவல் வெளியாகி உள்ளது.

மேலும், இதய நோய் பாதிப்புகளால் ஏற்படும் மரணங்கள் அமெரிக்காவில் குறைந்தும், இந்தியாவில் அதிகரித்தும் வருவதாக அமெரிக்கன் காலேஜ் ஆஃப் கார்டியாலஜி ஆய்வில் தகவல் தெரியவந்துள்ளது.

ஆராய்ச்சிகளும் அதன் முடிவுகளும் ஒருபுறம் இருக்கட்டும், நம் ஒவ்வொருவரின் இதயத் துடிப்பும் சீராக இருக்க, நாம் கடைபிடிக்க வேண்டிய விஷயம் ஒன்றுதான். அது நம்பிக்கை, நம் மீதான நமக்கு இருக்க வேண்டிய அசைக்க முடியாத நம்பிக்கை. கருவிகள் ஒருபோதும் நம்மை கட்டுப்படுத்த அனுமதிக்கக் கூடாது. அதன் மீதான கவனத்தை நாம் உடனடியாக நிறுத்திவிட்டு உடல் பயிற்சியை இயல்பாக செய்யலாம்.

]]>
heart care, heart ache, இதய நோய், ஹார்ட் அட்டாக், இதயம் காப்போம் http://images.dinamani.com/uploads/user/imagelibrary/2018/7/16/w600X390/heart.jpg http://www.dinamani.com/health/health-news/2018/jul/16/heart-care-for-all-2961229.html
2959973 மருத்துவம் செய்திகள் உங்கள் கை, கால்களில் அடிக்கடி நடுக்கம் ஏற்படுகிறதா? இதோ எளிய தீர்வு! கோவை பாலா Saturday, July 14, 2018 10:53 AM +0530  

அறிகுறிகள் : சிறுநீரக மண்டலத்தின் உள்ள பிரச்சனையின்  பாதிப்பால் நரம்புக்கு வேண்டிய சூழ்நிலையில் பலவீனமடைந்து அதனால் உண்டாகும் கை, கால் நடுக்கம் நீங்க. 

மண்டலம் - சிறுநீரக மண்டலம் 

காய் - கத்தரிக்காய்

பஞ்சபூதம் - நிலம்

மாதம் - வைகாசி

குணம் - சகிப்புத்தன்மை

ராசி / லக்கினம் - ரிஷபம்

சத்துக்கள் : வைட்டமின்  B2, C, B6, தையமின், நியசின், மெக்னீசியம், பாஸ்பரஸ், காப்பர், பொட்டாசியம், மங்கனீசு, கால்சியம், இரும்புச் சத்து, போலிக் ஆசிட், நார்ச் சத்து.

தீர்வு : கொத்தவரங்காய் (3) அதனுடன் ஒரு  கத்தரிக்காயை (வரியுள்ள நாட்டு காய்)  எடுத்துக் கொண்டு, 15 நிமிடம் வெதுவெதுப்பான நீரில் ஊறப்போட்டு பின்பு எடுத்து நறுக்கி மிக்ஸியில் போட்டு அதனுடன் தக்காளி (1), மிளகு(4), கொஞ்சம் மஞ்சள் தூள் சேர்த்து அனைத்தையும் நன்றாக அரைத்து வடிகட்டி காலை மற்றும் மாலை என இருவேளையும் குடித்து வந்தால் நரம்பு பாதிப்பினால் உண்டாகும் கை, கால் நடுக்கம் நீங்கும். தேவைப்படுமெனில் உப்பு சேர்த்துக் கொள்ளவும்.

வெற்றிலை (2), மிளகு (2), உலர் திராட்சை (5) இவை மூன்றையும் சேர்த்து  தினமும் படுக்கப் போகும் முன் வாயில் போட்டு மென்று தின்று முழுங்கவும்.

குறிப்பு : பச்சை மிளகாய்க்கு மாற்றாக  இஞ்சியையும் வரமிளகாய்க்கு மாற்றாக மிளகையும் பயன்படுத்தவும்.

கோவை பாலா
இயற்கை வாழ்வியல் நல  ஆலோசகர் மற்றும்  காய்கறி சிகிச்சையாளர்.
Cell  :  96557 58609
Covaibala15@gmail.com

]]>
http://images.dinamani.com/uploads/user/imagelibrary/2018/7/14/w600X390/pain.jpg http://www.dinamani.com/health/health-news/2018/jul/14/உங்கள்-கை-கால்களில்-அடிக்கடி-நடுக்கம்-ஏற்படுகிறதா-இதோ-எளிய-தீர்வு-2959973.html
2958605 மருத்துவம் செய்திகள் இப்படி ஒரு மருத்துவரா? அங்கயற்கண்ணி ராஜூ DIN Thursday, July 12, 2018 01:22 PM +0530  

'என் இளைய மகன் சரவணன் தொடர்ந்து காய்ச்சலால் அவதிப்பட்டான். தொடர்ந்து காய்ச்சல் இருந்ததால் ரத்தம் பரிசோதனைக்கு அனுப்பப்பட்டது. மறுநாள் ரத்தப் பரிசோதனை நிலையத்திலிருந்து போன் செய்து உங்கள் மகனுக்கு டெங்கு காய்ச்சல் பிளேட்லெட் எண்ணிக்கை 50,000 உள்ளது. இன்னும் குறைந்தால் உயிருக்கே ஆபத்து என்றனர். நேற்று ஒரு சிறுவன் 40,000 இருந்து மருத்துவமனைக்குக் கொண்டு செல்வதற்குள் இறந்து விட்டான். அதனால் உங்கள் மகனை உடனே மருத்துவமனைக்கு அழைத்துச் செல்லுங்கள் என்றனர்.

உடனே நாங்கள் மருத்துவர் ரேணுகா அவர்களிடம் கேட்டதும், 'நீங்கள் குழந்தைகள் மருத்துவமனைக்கு (Child Trust HospitaI) அழைத்துச் செல்லுங்கள்; நானும் உடனே வருகிறேன்’ என்றார். நாங்கள் அடித்துப் பிடித்து அந்த மருத்துவமனையை அடைவதற்கு முன்பே அவர் அங்கு வந்து எங்களது குழந்தையை சேர்ப்பதற்கான எல்லா ஏற்பாடுகளைச் செய்து வைத்திருந்தார். அன்று அவர் எனக்கு கடவுளாகவே காட்சி தந்தார். சரியான நேரத்தில் குழந்தையைச் சேர்த்ததால் அவனைக் காப்பாற்ற முடிந்தது. அது மட்டுமல்லாமல் எனக்கு ரத்த பாதிப்பு (SLE) நோய் வந்து என்ன வியாதி என்று தெரியாமல் தவித்தோம்; அப்போதும், மருத்துவர் ரேணுகாவின் வழிகாட்டுதலின் பேரில் பரிசோதனைகள் செய்து சரியான நேரத்தில் கண்டுபிடித்து அதற்கு முறையாக மருத்துவம் பார்த்ததால் இன்று உயிர் பிழைத்து மன தைரியத்துடன் போராடி அந்த கொடுமையான வியாதியிலிருந்து தப்பித்து வந்து இக்கட்டுரையை எழுதிக் கொண்டிருக்கிறேன் என்றால் மருத்துவர் ரேணுகாவே அதற்கு முக்கிய காரணம். 

அன்புதான் உன் பலவீனம் என்றால் இந்த உலகின் மிகச் சிறந்த பலசாலி நீதான்' என்ற அன்னை தெரசாவின் கூற்றினை ஒற்றி மக்களின் சேவையே தனது வாழ்க்கையாகக் கொண்டிருக்கிறார் ரேணுகா இராமகிருஷ்ணன், தோல் நோய் மருத்துவர். 

ரேணுகா சிறுவயதில் கும்பகோணத்தில் படிக்கும்போதே ஏழைகளுக்கு உதவ வேண்டும், தொழுநோயாளிகளுக்கு உதவ வேண்டும் என்ற எண்ணத்துடனேயே வளர்ந்தாராம். பள்ளியில் மாறுவேடப் போட்டி நடந்தபோது தொழுநோயாளி வேடமிட்டிருக்கிறார். இந்திய ராணுவத்தில் பணியாற்றி நாட்டுக்குச் சேவை செய்த இவரது தந்தை, தன் மகள் மருத்துவம் படித்து மக்களுக்குச் சேவை செய்ய வேண்டும் என்று ஆசைப்பட்டாராம். அதுபோலவே ரேணுகா மருத்துவம் படித்தார். முதுகலைப் படிப்பில் தோல்நோய் தொடர்பாகப் படித்தார். 

ஒரு பெண்ணின் முன்னேற்றத்திற்குப் பின்னால் ஓர் ஆண் இருப்பார். மருத்துவர் ரேணுகாவின் கணவர் இராமகிருஷ்ணன் திருவண்ணாமலை அருகிலுள்ள மாதி மங்கலம் என்ற ஊரில் பிறந்தவர் . குக்கிராமத்தில் பிறந்த இவர் தனது கடின முயற்சியால் பிரிசியா மோலன் (PRECIA MOLAN) என்ற பெரிய நிறுவனத்தை உருவாக்கி பல நூற்றுக்கணக்கான மக்களுக்கு வேலை வாய்ப்பு அளிப்பதுடன், தன் தாய் தந்தையர் பெயரில் மங்கலம் ராஜம் நடேசன் அறக்கட்டளை ஏற்படுத்தித் தான் பிறந்த ஊருக்குப் பல முன்னேற்றப் பணிகளைச் செய்துள்ளார். ரேணுகா தனது கணவர் துணையோடு சமூக சேவையைத் தொடர்ந்து ஆற்றி வருகிறார். 

இடைவிடாத சேவைக்காகப் பல விருதுகளை பெற்றுள்ள ரேணுகா சுழற்சங்கம் அளித்த விருதினை பெறும்போது ஆற்றிய உரையில், 'நான் கருவுற்றிருந்த போது கூட தொழுநோயாளிகளுக்கு அமைக்கப்பட்டிருந்த முகாமில் தங்கியிருந்து சேவை செய்துள்ளேன். அப்படிச் செய்ய தைரியமாக என்னை அனுப்பி வைத்த என் குடும்பத்தாருக்கு நன்றி கூற இத்தருணத்தில் கடமைப் பட்டுள்ளேன்' என்று கூறியிருந்தார். இவரைத் தொடர்ந்து இவரது மகள் பிரதீபாவும் மருத்துவப் படிப்பை முடித்து மருத்துவச் சேவை புரியத் தொடங்கியுள்ளார்.

புயல் மழையால் 2015-ல் சென்னையே நீரினால் சூழப்பட்டு மக்கள் உணவு, உடை, குடிநீர் இன்றித் துன்பப்பட்ட போது மகளிர் சுழற்சங்கம் உதவியுடன் எல்லா இடங்களுக்கும் சென்று மருத்துவ முகாம்கள் அமைத்து இலவச மருந்துகள், உணவு, உடை, வீட்டுப் பொருள்கள் வழங்கியிருக்கிறார். கர்ப்பிணி பெண் ஒருவர் பிரசவ வலி எடுத்து மருத்துவமனைக்கு அழைத்து செல்ல முடியாமல் தவித்தபோது அந்தப் புயல் மழையையும் பொருட்படுத்தாமல் பிரசவத்திற்கு ஏற்பாடு செய்து கொடுத்தார். எல்லோரிடமும் அன்பாகப் பழகக் கூடியவர்; சிரித்த முகத்துடன் ஓடோடி வந்து உதவிகள் செய்வார். 

]]>
doctor, dr.renuka, ரேணுகா, டாக்டர், மருத்துவர் http://images.dinamani.com/uploads/user/imagelibrary/2018/7/12/w600X390/images.jpg http://www.dinamani.com/health/health-news/2018/jul/12/இப்படி-ஒரு-மருத்துவரா-2958605.html
2958586 மருத்துவம் செய்திகள் உங்கள் காதுக்குள் பூச்சி அல்லது வண்டு புகுந்து விட்டால் எப்படி வெளியேற்றுவது? - பா.பரத் Thursday, July 12, 2018 11:46 AM +0530 காதில் அழுக்கு எடுப்பது நல்லது என்று சிலர் காது குடைகிறார்கள். உண்மையில் அது அழுக்கு அல்ல. பாதுகாப்புக்காக காதில் சுரக்கும் மெழுகு. காது குடையும் போது, மெழுகு மேலும் உள்ளே தள்ளி, பெரிய அழுக்கு உருண்டைகளாக மாறிவிடும். ஏதேனும் பிரச்னை எனில், மருத்துவரிடம் சென்று, காதைச் சுத்தம் செய்துகொள்ள வேண்டும்.

காதின் உள்ளே 23 மில்லி மீட்டர் தூரத்தில் சவ்வு இருந்தாலும், சாதாரணமாக கன்னத்தில் விழும் அறையின் சத்தத்தில்கூட சவ்வு கிழிய வாய்ப்புகள் உண்டு. எனவே, சாவி, ஹேர்பின், கம்பி, குச்சி, பட்ஸ் போன்றவற்றை வைத்து, காதைக் குடைந்தால், காதில் உள்ள சவ்வு கிழிவதற்கான வாய்ப்புகள் அதிகம்.

இயர்போனின் நுனி, காதில் உள்ள கார்டிலேஜ் எலும்புகளை அழுத்துவதால் எலும்புகள் பாதிக்கப்படலாம். இதனால், உள்ளிருக்கும் மென்மையான பகுதிகளில் வீக்கம், கொப்புளங்கள் ஏற்படலாம். இயர்போன்களை 20-30 நிமிடங்களுக்கு மேல் பயன்படுத்தக் கூடாது.

டி.வி, தியேட்டர், செல்போன், மியூசிக் சிஸ்டம் போன்ற எதையும் அதிக சத்தத்துடன் கேட்கக் கூடாது. அதிக சத்தத்தால், காதில் உள்ள ஹேர் செல்கள் (Hair cells) பாதிக்கும். தொடர்ந்து அதிக சத்தமான சூழலில் இருந்தால் காது செவிடாகலாம்.

காது வலி வந்தால், உடனே காதுக்கான சொட்டு மருந்தைப் பயன்படுத்தக் கூடாது. இதனால், காதில் பூஞ்சைகள் உருவாகும். காது வலிக்குப் பல காரணங்கள் இருக்கலாம். மருத்துவரிடம் சென்று ஆலோசனை பெறுவதே சரி.
கிராமப்புறங்களில் சிலர், காதிலிருந்து அழுக்கு எடுக்கும் கைவைத்தியத்தைச் செய்கின்றனர். அதுபோல், குழந்தைகளை மடியில் போட்டு அழுத்தி, காதில் இருக்கும் அழுக்கை எடுக்கின்றனர். இது மிகவும் தவறான செயல். இதனால், காதின் மெல்லிய பகுதிகளில் பாதிப்புகள் ஏற்படக்கூடும்.

இரவு நேரத்தில் பேருந்து, டூவீலர் மற்றும் ரயிலில் பயணிக்கும்போது, காதில் பஞ்சு வைத்துக் கொள்வது நல்லது. சில்லென்ற காற்று தொடர்ந்து காதில் பட்டால், முகவாதம் வரலாம். இதனால், பாதி முகம் பக்கவாதத்தால் பாதிக்கப்படக்கூடும்.

பூச்சி, வண்டு, எறும்பு ஏதேனும் காதில் புகுந்துவிட்டால், உடனடியாக சுத்தமான தேங்காய் எண்ணெய்யைக் காது நிரம்பும் வரை ஊற்றலாம். பூச்சி இறப்பதற்குத் தண்ணீரை விட தேங்காய் எண்ணெய்யே பாதுகாப்பானது. இதை, முதலுதவியாக செய்த பின்,  மருத்துவரிடம் செல்ல வேண்டும்.

காதின் கதகதப்பு பாக்டீரியா உள்ளிட்ட கிருமிகள் வசிப்பதற்கு ஏற்ற சூழல். எனவே, நீச்சல் குளம், கிணறு, ஏரி, ஆறு, கடல் போன்ற இடங்களில் குளிப்பவர்கள், காதில் இயர் பிளக் (Ear plug) மாட்டிக்கொண்டு நீந்தலாம். இதனால், காதில் தண்ணீர் புகுந்து கொள்வதும், தண்ணீரால் தொற்று ஏற்படுவதும் தடுக்கப்படும்.

நாம் சாப்பாட்டை மெல்லும்போது ஏற்படும் அசைவுகளால் சிறிதளவு அழுக்குகள் தானாகவே நகர்ந்து வெளிவந்துவிடும். உணவை நன்றாக மென்று விழுங்கும் பழக்கத்தால், காதில் அதிக அழுக்கு சேர்வதைத் தடுக்க முடியும்.

]]>
காது பாதுகாப்பு, ear care, insect in ears, head phones, காதுக்குள் பூச்சி நீங்க http://images.dinamani.com/uploads/user/imagelibrary/2018/7/12/w600X390/check.jpg http://www.dinamani.com/health/health-news/2018/jul/12/உங்கள்-காதுக்குள்-பூச்சி-அல்லது-வண்டு-புகுந்து-விட்டால்-எப்படி-வெளியேற்றுவது-2958586.html
2957910 மருத்துவம் செய்திகள் தொடர் இருமலா? இதை செய்து பாருங்கள்! - உ.ராமநாதன். DIN Wednesday, July 11, 2018 03:38 PM +0530 சமையல் வகைகளுக்கு மணம், சுவையூட்டும் ஓமம், பல மருத்துவ குணங்கள் கொண்டது. இந்தியாவில் ஓமம் 2000 ஆண்டுகளாக இயற்கை மருந்தாக பயன்படுத்தப்பட்டு வருகிறது. ஓமத்தில் புரதம், கொழுப்பு சத்து, கால்சியம், பாஸ்பரஸ், இரும்புசத்து, வைட்டமின் ஏ, பி முதலியன அடங்கியுள்ளன.

மருத்துவ குணங்கள்

ஒரு மெல்லிய துணியில் கொஞ்சம் ஓமத்தை முடித்து, நுகர்ந்து வர சளித்தொல்லை குணமாகும். இது ஓர் இயற்கை இன்ஹேலர் ஆகும். ஓமத்திலுள்ள தைமால் என்ற வேதிப்பொருள், இருமலை ஏற்படுத்தும் தொற்று கிருமிகளைக் கொல்லும் ஆற்றல் உடையது. இது இருமல், மூக்கடைப்பை நன்கு குணப்படுத்தும்.

ஓமத்துடன் வெல்லம் வைத்து பொடித்து தின்றால் செரிமானக் கோளாறுகள் சீராகும். பசி ருசி ஏற்படும்.

வாயுத் தொல்லையைப் போக்கும் தன்மையுடைது ஓமம். சிறிது ஓமத்தை மென்று தின்றால் நல்லபலன் கிடைக்கும்.

ஓமம், சுக்கு, கருப்பட்டி சேர்த்து கஷாயம் செய்து குடித்து வர சாதாரண காய்ச்சல் குணமாகும்.

சிறிது ஓமத்தை மென்று தின்று, ஒரு தம்ளர் சூடான வெந்நீர் குடித்தால் வயிற்றுப் பொருமல் நீங்கும்.

ஓமத் தண்ணீர் குழந்தைகளுக்கு ஏற்படும் கோலிக் என்னும் கடும் வயிற்று வலியைக் குணமாக்கும்.

ஆரம்பநிலை ஆஸ்துமாவை ஓமம் குணமாக்கும் ஆற்றல் உள்ளது. மத்திமநிலை ஆஸ்துமாவை கட்டுக்குள் வைக்கும்.

ஓமத்துடன் தேங்காய்த் துருவல் சேர்த்து லேசாக வறுத்து பின்னர் மைய அரைத்து குழம்பு தயாரித்து சாதத்தில் ஊற்றி சாப்பிட்டுவர, தாய்ப்பால் அதிகம் சுரக்கும்.

ஓமத்துடன் சின்ன வெங்காயம் வைத்து விழுதாக அரைத்து பற்றிட, ஒற்றைத் தலைவலி ஓடிவிடும்.

]]>
carom seeds, omam, ஓமம் http://images.dinamani.com/uploads/user/imagelibrary/2018/7/11/w600X390/omam.jpg http://www.dinamani.com/health/health-news/2018/jul/11/medicinal-benefits-of-omam-2957910.html
2957893 மருத்துவம் செய்திகள் உங்கள் சருமத்தில் தடிப்பு, சிவப்பு நிறம், அரிப்பு ஏற்பட்டுள்ளதா? உடனடி நிவாரணம் இதோ! மாலதி சந்திரசேகரன். Wednesday, July 11, 2018 01:43 PM +0530 'கழுதைக்குத்  தெரியுமா கற்பூர வாசனை' என்கிற சொல் வழக்கில் உண்டு. கற்பூரத்தின் மகிமை கழுதைக்குத் தெரிய வேண்டாம். அட நமக்குத் தெரியணுமா இல்லையா? பல பேருக்கு அதனுடைய உபயோகங்கள் தெரிவதில்லை என்பது வருத்தப் படவேண்டிய விஷயம்தான். வீட்டிற்கு கற்பூரம் வாங்கினால் பூஜைக்கு மட்டும் தான் என்று நிறைய பேர் பயன்படுத்துகிறார்கள். அதற்கு பலவிதமான ரோகங்களை குணப்படுத்தும் மருத்துவக் குணங்கள் உண்டு என்பதை அறிந்து கொள்ளுங்கள்.

இருமல் வந்தாலோ, தும்மல் வந்தாலோ, ' இப்பொழுது வெதர் கண்டிஷன் சரியில்லை.மூக்கில் தண்ணியா வருது. வாய் ஓயாமல் தும்மல் வருது. தலை கனக்குது, நாக்கு கசக்குது, உடம்பு கணகணன்னு இருக்கு சாப்பாடு பிடிக்கல' இப்படி சொல்லிக் கொண்டு மருத்துவரைத் தேடி ஓடுகிறோம். உடனே அவரும் முழ நீளத்திற்கு மாத்திரை, மருந்து  லிஸ்ட், மார்பு எக்ஸ்ரே என்று பர்சை விளக்கெண்ணெய் குடிக்க வைத்து விடுகிறார்.

ஏங்க பணத்தையும் செலவழித்து மருந்து மாத்திரை சாப்பிட்டு உடம்பையும் கெடுத்துக் கொள்வானேன்? இருக்கவே இருக்கிறது, வீட்டிலேயே  உடலுக்குக் கேடு விளைவிக்காத மலிவு விலை நிவாரணி. அதை மறந்து விடுகிறோம்.  உடலுக்கு அப்படி என்ன நன்மை பயக்கின்றது என்று அறிந்து கொள்வோம்.

இடைவிடாத இருமலா? ஒரு டேபிள் ஸ்பூன் ஆலிவ் எண்ணையுடன், நான்கு சொட்டுக்கள் கற்பூர எண்ணையைக் கலந்து, நன்கு தொண்டைப் பகுதியிலும்,  மார்புப் பகுதியிலும் தடவுங்கள். பிறகு சில துளி கற்பூர எண்ணெய்யை சுடு நீரில் கலந்து ஆவி பிடியுங்கள். இருமல் கப்சிப் என்று அடங்கி விடும்.

சருமத்தில் தடிப்பு, சிவப்பு நிறம், அரிப்பு அறியப்பட்டால், ஒரு கப் ஆலிவ் எண்ணெய்யுடன் ஒரு ஸ்பூன் கற்பூர எண்ணெய்யை சேருங்கள். தேவைப்படும் இடங்களில் தடவிக் கொள்வதற்கு முன்னால் அவ்விடத்தை  நன்கு சுத்தம் செய்து கொண்டு, ஐந்து நிமிடங்கள் மசாஜ் செய்வது போல் அப்ளை செய்யுங்கள். இரவு முழுவதும் அப்படியே விட்டு  விடுங்கள். மறுநாள் காலை வெதுவெதுப்பான தண்ணீரால் கழுவுங்கள். இந்த சிகிச்சை முறையை தாராளமாக முகத்திற்கும் செய்து கொள்ளலாம். எந்தவித பாதிப்பும் வராது என்பது உறுதி.

மூக்கில் நீர் கொட்டுகிறதா? மூச்சு விடும் பொழுது மூக்கு அடைக்கிறதா? கவலை வேண்டாம். சில துளிகள் கற்பூர எண்ணெய்யுடன் ஒரு ஸ்பூன் கடுகு எண்ணையை மிக்ஸ் பண்ணுங்கள். அதை மார்பு, முதுகு, தொண்டை பகுதியில் நன்கு தடவுங்கள். உடனடி நிவாரணம் கிடைக்கும்.

சிலருக்கு அடிக்கடி உதடுகளில் வெடிப்பு உண்டாகும். அந்த வெடிப்பு பேசும்பொழுது சிரிக்கும் பொழுது வலியை ஏற்படுத்தும். மூன்று ஸ்பூன் கற்பூர எண்ணெய்யுடன் ஒரு ஸ்பூன் தேங்காய் எண்ணெய்யை சேர்த்து, வைத்துக் கொள்ளுங்கள். தேவைப்படும் பொழுது சிறிது பஞ்சினை உருட்டி எண்ணையில் தோய்த்து தடவுங்கள். ஒரு நாளைக்கு மூன்று தடவை செய்ய வேண்டும்.வெடிப்பும் அதனால் ஏற்படும் வலியும் போய்விடும்.

சிறுமியர்களுக்கு தலையில் பேன் வந்து விட்டால், சீக்கிரத்தில் போகாது. தலைக்கும் கைக்கும் இருபத்து நான்கு மணி நேரமும் காண்டாக்ட் இருக்கும். பேனை ஒழிக்க சிறந்த வழி இருக்கிறது. ஒரு டேபிள் ஸ்பூன் கற்பூரத்தை நன்கு பொடி செய்யுங்கள். அதை உறைந்து போகாத திரவ நிலையில் இருக்கும் இரண்டு டேபிள் ஸ்பூன் தேங்காய் எண்ணெய்யுடன் கலக்குங்கள். அதை தலையில் சருமத்தில் வேர்க்கால்களில் படும் படி நன்கு தடவவும். இரவு படுக்க போவதற்கு முன்பாக ஷவர் காப் அல்லது மெல்லிய துணி கொண்டு தலையில் கட்டிக் கொண்டு இரவு முழுவதும் அப்படியே விட்டு விடவும். அடுத்த நாள் காலை தலையை அலசவும். வாரத்திற்கு மூன்று முறைகள் செய்தால், ஒரு மாதத்தில் பேன் தொல்லை அறவே ஒழிந்துவிடும்.

சிலருக்கு குனிந்து நிமிர்ந்தாலே அடிக்கடி தசை பிடிப்பு ஏற்பட்டுவிடும் ஒரு வேலையுமே செய்ய முடியாது. கை கால் கழுத்து இடுப்பு எங்கு வேண்டுமானாலும் பிடிப்பு உண்டாகும். அப்பொழுது ஐந்து துளிகள் கற்பூர எண்ணெய் ஒரு ஸ்பூன் சுட வைத்த ஆலிவ் எண்ணெய்  கலந்து பிடிப்பு உள்ள இடங்களில் தடவவும் .உருவி விட  வேண்டாம். ஒரு நாளைக்கு இரண்டு  முறை செய்து வர நல்ல பலன் உண்டாகும்.

நிறைய பெண்களுக்கு காலில் பித்த வெடிப்பு காணப்படும். அந்த வெடிப்பு வலியைக் கொடுப்பதோடு, புடவை கட்டிக் கொள்ளும் சமயத்தில், புடவை கரைகளில் மாட்டிக் கொண்டு அவஸ்தைப் படுத்தும். சில பெண்கள் கால் வெடிப்பை மறைக்க மிகவும் போராடுவார்கள். இந்த ப்ராப்ளம் உள்ளவர்களுக்காக இந்த செய்முறை. சூடான தண்ணீரை ஒரு டப்பில் எடுத்துக் கொண்டு, அதில் ஒரு கற்பூரக் கட்டியை போடுங்கள். பத்து நிமிடங்கள் காலை வெந்நீரில் அமிழ்த்தி வைத்துக் கொள்ளுங்கள். பிறகு ப்யூமிங் ஸ்டோன் கொண்டு வெடிப்புப் பகுதியை தேய்த்து வீட்டுக் கொள்ளுங்கள். பிறகு நல்ல நீரில் காலைக் கழுவிக் கொண்டு, மெல்லிய டவலினால் துடைத்துக் கொள்ளுங்கள்.

ஆண் பெண் இருபாலாரிலும் பலருக்கு கால்களில் கருப்பு நிற பாலுண்ணிகள் காணப்படுகின்றன. முன்னாட்களில், இதை எடுக்க குதிரை முடியை அதில் சுற்றி முடி போடுவது போல் அறுத்து எடுப்பார்கள். இப்பொழுது எல்லாமே டாக்டர் கைவண்ணம் தான். அவ்வுண்ணியை அகற்ற சுலபமான வழி இருக்கிறது. கால் கப் இளகிய தேங்காய் எண்ணெய், ஒரு ஸ்பூன் பைன் எண்ணெய், இரண்டு ஸ்பூன் கற்பூர எண்ணெய் மூன்றையும் ஒன்றாக்கவும். ஒரு அகன்ற டப்பில் சூடு நீருடன் சேர்க்கவும். கால்களை அதில் அமிழ்த்தி, ஐந்து நிமிடங்கள் ஊற விடவும்.பிறகு சுத்தமான நீரால் கால்களை கழுவவும். கால்களை துடைத்துக் கொண்டு, நீரில் சேர்ப்பதற்கு முன்னாள் கலந்த எண்ணெய் கலவையை, பாலுண்ணிகள் மேல் ஒரு நாளைக்கு மூன்று முறைகள் தடவி வரவும். பாலுண்ணிகள் உதிர்ந்து விடும்.

சில ஏரியாக்களில் கொசு மாற்று பூச்சித் தொல்லைகள் அதிகமாக இருக்கும். அவை கடித்தால், அந்த இடம் புண்ணாவதுடன், தொற்று உண்டாகவும் வாய்ப்பு ஏற்படுகிறது. அதைத் தவிர்க்க அரை கப் வெந்நீரில், இருபது சொட்டுக்கள் கற்பூர எண்ணெய்யை சேர்க்கவும்.அந்த திரவத்தினை, ஒரு ஸ்பிரே அடிக்கும் அடைப்பானில் ஊற்றி ரூம்களில் அடித்தால், கொசு மற்றும் பூச்சித் தொல்லை கட்டுப்படும்.

எவ்வளவு எளிமையான குறிப்புக்கள் பாருங்கள். கையில் வெண்ணெய்யை வைத்துக் கொண்டு நெய்க்கு அலைவானேன்? சுகாதாரமான, வீட்டிலேயே செய்துக்க கொள்ளக் கூடிய சிகிச்சையை விட்டு விட்டு டாக்டரைத் தேடி ஓடுவானேன்? பணத்தையும் விரயம் ஆக்குவானேன்? படிச்சீங்க இல்லையா? கப்புனு பிடித்துக் கொண்டீர்கள்தானே?

]]>
camphor, medical uses, கற்பூரம், மருத்துவக் குணங்கள் http://images.dinamani.com/uploads/user/imagelibrary/2018/7/11/w600X390/3DD1CBA800000578-0-image-a-61_1488329127591.jpg http://www.dinamani.com/health/health-news/2018/jul/11/உங்கள்-சருமத்தில்-தடிப்பு-சிவப்பு-நிறம்-அரிப்பு-ஏற்பட்டுள்ளதா-உடனடி-நிவாரணம்-இதோ-2957893.html
2954421 மருத்துவம் செய்திகள் தசை பிடிப்பினால் உண்டாகும் தலைவலி நீங்க இது உதவும் கோவை பாலா Friday, July 6, 2018 10:19 AM +0530 மண்டலம் - தசை மண்டலம்

காய் - அரசாணிக்காய், பரங்கிக்காய் , மஞ்சள் பூசணிக்காய்

பஞ்சபூதம் - நெருப்பு

மாதம் - ஆவணி

குணம் - அன்பு

சத்துக்கள்

வைட்டமின் பி1, பி2, பி6, டி, சி மற்றும் பீட்டா கரோட்டீன், நார்ச்சத்து, கனிமச்சத்துக்களான பொட்டாசியம், இரும்புச்சத்து, கால்சியம், காப்பர் மற்றும் ஜிங்க் போன்ற சத்துக்கள் நிறைந்துள்ளன.

தீர்வு    
 
100 கிராம் அளவு அரசாணிக்காய் மற்றும் 100 அளவு புடலங்காய் இரண்டையும் எடுத்து நன்றாக கழுவி தோலுடன் பொடியாக நறுக்கி மிக்ஸியில் போட்டு தண்ணீர் ஊற்றி ஜூஸாக அரைத்து ஒரு வேளை உணவாக குடிக்கவும்.

(பின்பு பசித்தால் உணவு எடுத்துக் கொள்ளுங்கள்)

இரவு படுக்கப் போகும் முன் வெற்றிலை (2), மிளகு (2), உலர் திராட்சை (5) இவை மூன்றையும் சேர்த்து தினமும் வாயில் போட்டு மென்று தின்று முழுங்கவும்.

குறிப்பு - பச்சை மிளகாய்க்கு மாற்றாக  இஞ்சியையும், வர மிளகாய்க்கு மாற்றாக  மிளகையும் பயன்படுத்தவும்.

கோவை பாலா
இயற்கை வாழ்வியல் நல  ஆலோசகர் மற்றும்  காய்கறி சிகிச்சையாளர்.
செல்போன்  :  96557 58609
Covaibala15@gmail.com

]]>
head ache, thalai vali, அரசாணிக்காய், பரங்கிக்காய் http://images.dinamani.com/uploads/user/imagelibrary/2018/7/6/w600X390/lady-with-headache.jpg http://www.dinamani.com/health/health-news/2018/jul/06/தசை-பிடிப்பினால்-உண்டாகும்-தலைவலி-நீங்க-இது-உதவும்-2954421.html
2953815 மருத்துவம் செய்திகள் நீண்ட நேரம் வேலை செய்யும் பெண்களுக்கு சர்க்கரை வியாதி வரும் வாய்ப்பு அதிகம் உள்ளது! ஆய்வு அறிக்கை Thursday, July 5, 2018 05:58 PM +0530  

 

45 மணி நேரத்துக்கும் மேலாக வேலை செய்யும் பெண்களுக்கு சர்க்கரை வியாதி வரும் வாய்ப்பு 70 சதவிகிதம் உள்ளது என்று அண்மையில் மேற்கொள்ளப்பட்ட ஆய்வு கூறுகிறது.

நீரிழிவு நோய் யாருக்கு வர வாய்ப்பு

* முந்தைய தலைமுறையில் நீரிழிவு நோய் உடையவர்கள்

* அதிக கார்போஹைட்ரேட், அதிக கொழுப்பு சத்து மிகுந்த உணவை உண்பவர்கள்

* டிரைகிளிசரைடு அதிகம் உள்ளவர்கள், குறைந்த எச்.டி.எல். உடையவர்கள்

* நீரிழிவு நோயின் முந்தைய கட்டத்தில் இருப்பவர்கள் ஆகியோருக்கு டி2டிஎம் டைப்-2 நீரிழிவு நோய் வரும் வாய்ப்பு அதிகம்.

* கபதோ‌ஷத்தை அதிகப்படுத்தும் உணவு முறை, வாழ்க்கை முறை

* மன அழுத்தம், பயம், துயரம் போன்ற உளவியல் காரணங்கள்.

மேற்சொன்ன காரணங்களால் நீரிழிவு நோய் வரலாம்.

* பால், தயிர் மற்றும் அவற்றாலான உணவு பொருட்களை அதிக அளவில் எடுத்துக் கொள்வது

* புதிதாக விளைந்த அரிசி மற்றும் தானியங்களை உண்ணல்

* கரும்பு, கரும்பிலிருந்து தயாரிக்கப்படும் பொருட்களை அதிகம் பயன்படுத்துதல்

* கார்போ ஹைட்ரேட் மிகுந்திருக்கும் பொருட்களை அதிகம் சாப்பிடுதல்

* அதிகமாக இனிப்பு வகைகளை எடுத்துக் கொள்ளல்

* நீரில், சதுப்பு நிலத்தில் வாழும் உயிரினங்களை அதிகம் உண்பது. (மிகவும் (ஹெவி) - செரிமானத்துக்கு கடினமான) சரிவிகிதத்தில் அமையாத உணவுகளை உண்பது.

மேற்சொன்ன பொருட்களின் அதிக பயன்பாட்டால் நீரிழிவு நோய் வரக்கூடும்.

* சிறுநீரில் வாதம் அதிகரித்திருப்பதற்கான அறிகுறிகள்.

* இதயம் பளுவாக இருப்பதாக உணரல்

* குளிர்ந்த பொருட்கள் மீதும், குளிர்ந்த சூழல் மீதும் விருப்பம்

* உடலில் அதிக எண்ணெய் பசை இருத்தல்

மேற்சொன்ன தன்மைகள் காணப்பட்டால் நீரிழிவு வரலாம்.

* அடிக்கடி உணவு உண்ண தோன்றுவது

தேன் போன்று இனிப்பும், துவர்ப்பும் கலந்த சுவையில் சிறுநீர் இருத்தல்
 

]]>
http://images.dinamani.com/uploads/user/imagelibrary/2018/7/5/w600X390/images_7.jpg http://www.dinamani.com/health/health-news/2018/jul/05/long-work-hours-may-hike-womens-diabetes-risk-by-70-2953815.html
2953078 மருத்துவம் செய்திகள் தூக்கமின்மையால் உண்டாகும் தலைவலிக்கு உடனடி தீர்வு கோவை பாலா  Wednesday, July 4, 2018 12:20 PM +0530 மண்டலம் -  வாயு மண்டலம்

காய் - புடலங்காய்
                                
பஞ்சபூதம்  - காற்று

மாதம்   -  ஆடி

குணம் - தியாகம் 

சத்துக்கள்

புடலங்காயில் வைட்டமின்கள் ஏ,பி,சி ஆகியவை காணப்படுகின்றன. மெக்னீசியம், மாங்கனீஸ், கால்சியம், இரும்புச்சத்து, பொட்டாசியம், அயோடின் முதலியவை உள்ளன. மேலும் இக்காய் அதிக அளவு நார்ச்சத்து, புரதம், குறைந்த அளவு எரிசக்தி ஆகியவற்றைக் கொண்டுள்ளது.

தலைப்பு  :   தலைவலி

அறிகுறிகள் - தூக்கமின்மையால் உண்டாகும் தலைவலி

தீர்வு    

இரவு வேளை உணவாக, 150 கிராம் அளவுக்கு புடலங்காயை எடுத்து நன்றாக கழுவி தோலுடன் பொடியாக நறுக்கி மிளகு (2), தக்காளி (1), எலுமிச்சம் பழம் தோலுடன் (அரை பழம்) சேர்த்து  மிக்ஸியில் போட்டு தண்ணீர் ஊற்றி ஜூஸாக அரைத்து  இரவு வேளை உணவாக குடிக்கவும்.

பின்பு பசித்தால் உணவு எடுத்துக் கொள்ளுங்கள்

(தேவைப்படுமெனில் உப்பு மற்றும் மஞ்சள் தூள் சேர்த்துக் கொள்ளவும்)

இரவு படுக்கப் போகும் முன்
 
வெற்றிலை (2), மிளகு (2), உலர் திராட்சை (5) இவை மூன்றையும் சேர்த்து தினமும் படுக்கப் போகும் முன்  வாயில் போட்டு மென்று தின்று முழுங்கவும்.

குறிப்பு
 
பச்சை மிளகாய்க்கு மாற்றாக இஞ்சியையும் வர மிளகாய்க்கு மாற்றாக மிளகையும் பயன்படுத்தவும்.

கோவை பாலா 
இயற்கை வாழ்வியல் நல  ஆலோசகர் மற்றும்  காய்கறி சிகிச்சையாளர்.
Cell  :  96557 58609
Covaibala15@gmail.com

]]>
தலைவலி, vitamins, head ache http://images.dinamani.com/uploads/user/imagelibrary/2018/7/4/w600X390/images.jpg http://www.dinamani.com/health/health-news/2018/jul/04/தூக்கமின்மையால்-உண்டாகும்-தலைவலிக்கு-உடனடி-தீர்வு-2953078.html
2952359 மருத்துவம் செய்திகள் எவ்வித காரணமும் இல்லாமல் உண்டாகும் தலைவலி குணமாக என்ன செய்யலாம்? கோவை பாலா  Tuesday, July 3, 2018 11:53 AM +0530  

மண்டலம் - நரம்பு மண்டலம்

காய் - கொத்தவரங்காய்

பஞ்சபூதம்  - காற்று 

மாதம் - ஆனி

குணம் - எளிமை

சத்துக்கள்

இரும்புச்சத்து, கால்சியம், பாஸ்பரஸ், வைட்டமின் ஏ, பி, சி நிறைந்துள்ளது.

தலைப்பு  :   தலைவலி

அறிகுறிகள் : எந்தவித காரணமில்லாமல் உண்டாகும் தலைவலி

தீர்வு  
     
கொத்தவரங்காய்யுடன் (4) ஒரு அரை எலுமிச்சம்பழம் (தோலோடு), இஞ்சி (1 துண்டு),  தக்காளி (1), மிளகு (2) இவை அனைத்தையும் பொடியாக நறுக்கி மிக்ஸியில் போட்டு  அதனுடன் தண்ணீர் அல்லது மோர் ஊற்றி  ஜூஸாக்கி அரைத்து தினந்தோறும் காலை வேளையில் குடித்து வரவும். (தேவைப்படுமெனில் உப்பு மற்றும் மஞ்சள் தூள் சேர்த்துக் கொள்ளவும்).

இரவு படுக்கப் போகும் முன் - வெற்றிலை (2), மிளகு(2), உலர் திராட்சை (5) இவை மூன்றையும் சேர்த்து  தினமும் படுக்கப்போகும் முன்  வாயில் போட்டு மென்று தின்று முழுங்கவும்.

குறிப்பு - பச்சை மிளகாய்க்கு மாற்றாக  இஞ்சியையும் வர மிளகாய்க்கு மாற்றாக  மிளகையும் பயன்படுத்தவும்.

கோவை பாலா 
இயற்கை வாழ்வியல் நல  ஆலோசகர் மற்றும்  காய்கறி சிகிச்சையாளர்.
Cell  :  96557 58609
Covaibala15@gmail.com

]]>
head ache, தலைவலி, கொத்தவரங்காய் http://images.dinamani.com/uploads/user/imagelibrary/2018/7/3/w600X390/images.jpg http://www.dinamani.com/health/health-news/2018/jul/03/எவ்வித-காரணமும்-இல்லாமல்-உண்டாகும்-தலைவலி-குணமாக-என்ன-செய்யலாம்-2952359.html
2951766 மருத்துவம் செய்திகள் தலைக்கு குளித்தால் உண்டாகும் தலைவலி தீர என்ன செய்ய வேண்டும்? கோவை பாலா DIN Monday, July 2, 2018 10:34 AM +0530  

எண் சாண் உடலுக்கு சிரசே பிரதானம். இந்நிலையில் தலைக்கு மேல் வேலையிருக்கும் போது தலைவலி வேறு வந்துவிட்டால் என்ன செய்வது? காரணம் என்னவாக வேண்டுமானாலும் இருக்கலாம். சில சமயம் தலைக்கு குளித்த பின் தலையில் நீர் கோர்த்துக் கொண்டிருக்கலாம். அப்படியாக இருந்தால் அதனை சரி செய்து கொள்ள இயற்கை வழியில் ஒரு தீர்வு உள்ளது. என்னவென்று பார்க்கலாமா?

பிரச்னை - தலைவலி

அறிகுறிகள் 

தலைக்கு குளித்தால் உண்டாகும் தலை வலி

தீர்வு       

  • ஒரு கத்தரிக்காயை (வரியுள்ள நாட்டு காய்)  எடுத்துக் கொள்ளவும். 
  • அதனை 15 நிமிடம் வெதுவெதுப்பான  நீரில் ஊறப் போடவும்.
  • பின்பு எடுத்து நறுக்கி, மிக்ஸியில் போட்டு அதனுடன்  தக்காளி (1), மிளகு(4), கொஞ்சம் மஞ்சள் தூள், சேர்த்து அனைத்தையும் நன்றாக அரைக்கவும்.
  • பின்பு வடிகட்டி  காலை மற்றும் மாலை என இரு வேளையும் குடித்து வரவும்.
  • தேவைப்படுமெனில் உப்பு சேர்த்துக் கொள்ளவும்

இரவு படுக்கப் போகும் முன்

வெற்றிலை (2), மிளகு(2), உலர் திராட்சை (5) இவை மூன்றையும் சேர்த்து  தினமும் படுக்கப் போகும் முன் வாயில் போட்டு மென்று தின்று முழுங்கவும்.

குறிப்பு: பச்சை மிளகாய்க்கு மாற்றாக  இஞ்சியையும் வர மிளகாய்க்கு மாற்றாக  மிளகையும் பயன்படுத்தவும்.

கத்திரிக்காயில் உள்ள சத்துக்கள்

வைட்டமின்  B2 , C , B6 , தையமின் , நியசின் , மெக்னீசியம் , பாஸ்பரஸ் , காப்பர் , பொட்டாசியம் , மங்கனீசு , கால்சியம் , இரும்புச் சத்து , போலிக் ஆசிட் , நார்ச் சத்து 

கத்தரிக்காயின் சிறப்புகள்

மண்டலம் - சிறுநீரக மண்டலம் 
பஞ்சபூதம் - நிலம்
மாதம் - வைகாசி
குணம் - சகிப்புத்தன்மை

- கோவை பாலா
இயற்கை வாழ்வியல் நல  ஆலோசகர் மற்றும்  காய்கறி சிகிச்சையாளர்.
அலைபேசி  - 96557 58609
மின்னஞ்சல் - Covaibala15@gmail.com

]]>
head ache, cure, தலைவலி, தீர்வு http://images.dinamani.com/uploads/user/imagelibrary/2018/7/2/w600X390/Headaches.jpg http://www.dinamani.com/health/health-news/2018/jul/02/how-to-heal-head-ache-caused-due-to-head-bath-2951766.html
2949872 மருத்துவம் செய்திகள் இந்தியாவில் இந்த மாநிலங்களில் எல்லாம் 50 சதவிகிதப் பெண்களுக்கு ரத்த சோகை உள்ளது! ஆய்வு அறிக்கை! சினேகா Friday, June 29, 2018 04:52 PM +0530  

இந்தியாவில் 100-ல் 70 பேர் ரத்த சோகையால் பாதிக்கப்பட்டுள்ளனர் என்கிறது உகல சுகாதார நிறுவனம் நடத்திய முந்தைய ஆய்வு. இந்தியாவில் பஞ்சாப், ஹிமாசலப் பிரதேசம், ஹரியானா, குஜராத், மத்திய பிரதேசம், உத்தரப் பிரதேசம், மேகாலயா, திரிபுரா, பீஹார், மேற்கு வங்காளம், ஜார்கண்ட், ஒடிஷா, ஆந்திரா, தெலுங்கானா, தமிழ்நாடு ஆகிய 15 மாநிலங்களிலுள்ள 50 சதவிகிதப் பெண்களுக்கு ரத்த சோகை உள்ளதாக அண்மைய ஆய்வு தெரிவிக்கிறது. ஆசிய நாடுகளில் பாகிஸ்தானைத் தவிர்த்து ரத்த சோகையால் பாதிக்கப்பட்ட கர்ப்பிணிகள் 75 சதவிகிதம் பேர் என்றும் அந்த ஆய்வு தெரிவிக்கிறது. 

‘பதினொரு வயதில் இருந்து 35 வயதுக்குள் பெண்கள் பூப்படைதல், திருமணம், குழந்தைப்பேறு போன்ற வாழ்வின் முக்கியமான விஷயங்களை கடக்கிறார்கள். இந்தக் காலகட்டத்தில் கவனத்துடன் இருந்தால் எதிர்காலத்தில் பல பிரச்னைகளில் இருந்து தப்பிக்கலாம்’ ஆனால் இந்தியாவைப் பொருத்தவரையில் பெண்களை அதிகம் தாக்கும் பிரச்னை ரத்த சோகை. இந்த ரத்த சோகை உடலில் ஹீமோகுளோபின் குறைபாட்டால் வருகிறது. உலகில் உள்ள மக்கள் தொகையில் 25 சதவிகிதம் ரத்த சோகையினால் பாதிக்கப்பட்டுள்ளனர். 

ரத்தத்தில் உள்ள சிவப்பு அணுக்களில் ஹீமோகுளோபின் என்ற நிறமிகள் இருக்கின்றன. நம் உடல் முழுவதும் செயல்பாட்டுக்குத் தேவையான ஆக்சிஜனை திசுக்களுக்கு எடுத்துச் செல்வது ஹீமோகுளோபின்கள்தான். ரத்தத்தில் சிவப்பு அணுக்களின் எண்ணிக்கை குறையும் போது ஹீமோகுளோபினின் செயல்திறன் குறைந்துவிடும். அதனால் ஆக்ஸிஜன் எடுத்துச் செல்லப்படுவதும் தடைபடுகிறது. இதனைத்தான் ரத்தசோகை என்கிறோம்.

தினமும் உடலுக்கு 10 முதல் 15 மில்லி கிராம் அளவுக்கு இரும்புச் சத்து தேவைப்படுகிறது. அதற்கும் குறைவான அளவில் இரும்புச் சத்து கிடைக்கும்போது ரத்தசோகை ஏற்படுகிறது. இதனால் ரத்தத்தில் உள்ள சிவப்பு அணுக்கள் மற்றும் ஹீமோகுளோபின் அளவு குறைகிறது. இரும்புச் சத்து குறைபாடு, மரபுவழியாக ரத்தம் தொடர்பான நோய்கள், சிறுநீரகச் செயலிழப்பு, உயிர்ச் சத்து குறைபாடு போன்றவையும் ரத்த சோகை ஏற்படக் காரணங்களாக அமைகின்றன.

சராசரி ஹீமோகுளோபின் அளவு

ஆண்களுக்கு – 14.5 முதல் 15.5gm/dl, பெண்களுக்கு – 13.5 முதல் 14.5 gm/dl,  குழந்தைகளுக்கு – 16 முதல் 17 gm/dl

ரத்த சோகை ஏற்படுவதற்கான அறிகுறியும் காரணமும்

கண்களைச் சுற்றி கருவளையும், அடிக்கடி ஜூரம்,  மூலம் சம்பந்தட்ட வியாதிகள், கல்லீரல் நோய்கள், அதிமகான உதிரப்போக்கு, காசநோய், புகையிலை பழக்கம் போன்ற பிரச்னைகளின் பக்கவிளைவாக ஒருவருக்கு ரத்த சோகை ஏற்படலாம். ரத்த சோகை வர பல காரணங்கள் இருந்தாலும் பெரும்பாலும் இரும்புச்சத்துக் குறைபாடே இதற்கு முக்கிய காரணமாய் இருக்கிறது.

ரத்த சோகையின் அறிகுறி - சோர்வு, உற்சாகம் இன்மை, உடல் மெலிவு. உடல் வெளுத்துப் போவது, மெலிவது, அடிக்கடி பெருமூச்சு ஏற்படுவது, மயக்கம் வருஅது, தலை சுற்றல், உணவில் நாட்டமின்மை, மாதவிடாய் சமயங்களில் அதிகமான உதிரப்போக்கு, சிலருக்கு அது அப்படியே நேர்மாறாக குறைவாக இருப்பது, மூச்சு வாங்குவது, உடல் சோர்வு இவையே பொதுவான காரணங்கள்.

உணவே நல்மருந்து
 
ஆட்டு இறைச்சி, அதன் எலும்பு, ஈரல், குடல் கோழி இறைச்சி, மீன், கீரை, மாதுளை, பேரீச்சம் பழம் போன்ற இரும்புச் சத்து அதிகம் உள்ள உணவுகளை எடுத்துக்கொள்வதன் மூலம் இரும்புச் சத்துக் குறைபாட்டைத் தவிர்க்கலாம். இதனுடன், வைட்டமின் சி உள்ள உணவுகளை எடுத்துக்கொள்ளுங்கள். இரும்புச் சத்தை கிரகிக்க அது உதவும்.


அரைக்கீரை, சிறுகீரை, மணத்தக்காளி, கரிசலாங்கண்ணி, பொன்னாங்கண்ணி, வெந்தயக் கீரை, அகத்திக் கீரை முருங்கைக் கீரை போன்ற கீரை வகைகளை தொடர்ச்சியாக உணவில் சேர்த்துக்கொள்ள வேண்டும். பழங்களில் அத்திப் பழக், மாதுளை, உலர் திராட்சை, ஆரஞ்சு, ஆப்பிள், நெல்லிக்காய், சுண்டைக்காய் போன்றவை அடிக்கடி சாப்பிட வேண்டும்

]]>
http://images.dinamani.com/uploads/user/imagelibrary/2018/6/29/w600X390/3e88fbd4ac30ad13f32061817bdb01b7.jpg http://www.dinamani.com/health/health-news/2018/jun/29/15-இந்திய-மாநிலங்களுக்கு-மேலாக-50-சதவிகிதப்-பெண்களுக்கு-ரத்த-சோகை-உள்ளது-ஆய்வறிக்கை-2949872.html
2948454 மருத்துவம் செய்திகள் உங்கள் பாதத்தின் அழகைக் கெடுக்கும் பித்த வெடிப்பை காணாமல் ஆக்க இதையெல்லாம் உடனே செய்யுங்கள்! என். சண்முகம் DIN Wednesday, June 27, 2018 04:05 PM +0530 பொதுவாக நாம் முகத்தை பராமரிப்பதைப் போன்று பாதங்களை பராமரிப்பதில்லை. இதனால், பாதங்களில் வெடிப்பு ஏற்பட்டு முகத்தின் அழகை பாதம் கெடுக்கிறது. அப்படியில்லாமல், வாரம் ஒருமுறை பாதங்களை கவனித்தால் மென்மையானப் பாதங்களைப் பெறலாம்.

மருதாணி இலைகள்: அந்தக் காலத்தில், ஒவ்வொரு வீட்டிலும் மருதாணி செடி இருக்கும். வாரம் ஒருமுறை அவற்றை பறித்து மைய அரைத்து கை, கால்களில் இட்டு அழகுப் படுத்துவார்கள். அதனால் பாதங்கள் நோய் தாக்குவதில் இருந்து பாதுகாக்கப்பட்டது.

மருத்துவ குணமுள்ள மருதாணி இலைகளை நன்றாக அரைத்து, பித்த வெடிப்பு உள்ள இடங்களில் தேய்த்து உலர விட வேண்டும். பின், தண்ணீரால் கழுவ வேண்டும். இவ்வாறு வாரம் ஒருமுறை செய்து வந்தால் நாளடைவில் பித்த வெடிப்பு மறைந்து பாதங்கள் அழகாக காட்சி அளிக்கும்.

மஞ்சளும், வேம்பும்: பாதங்களை பாதுகாப்பதில் மஞ்சளும், வேம்பும் மிக முக்கியமானவை. வேப்பிலையைப் பறித்து அதனுடன் மஞ்சள் மற்றும் சிறிதளவு சுண்ணாம்பு சேர்த்து அரைக்கவேண்டும். இந்த கலவையில் விளக்கெண்ணெய் சேர்த்து, பித்த வெடிப்பு உள்ள இடங்களில் பூசினால், பித்த வெடிப்பு நீங்கும்.

எண்ணெய்: விளக்கெண்ணெய், தேங்காய் எண்ணெய் ஆகியவற்றை சமஅளவில் எடுத்துக் கொள்ள வேண்டும். இதில் சிறிது மஞ்சள் தூளை கலந்து பேஸ்ட் போல் குழைத்து, அதை பாதத்தில் வெடிப்பு உள்ள இடங்களில் தடவி சிறிது நேரம் கழித்து கழுவ வேண்டும். இவ்வாறு செய்வதால், பித்த வெடிப்பு குணமாகும்.

வேப்ப எண்ணெய்யில், சிறிதளவு மஞ்சள் பொடியை கலந்து பேஸ்ட் போல் குழைத்து, பித்த வெடிப்பு உள்ள இடத்தில் தடவினால், பித்த வெடிப்பு குணமாகும்.

எலுமிச்சை: சுடுநீர், எலுமிச்சை, பப்பாளி பழத்தை நன்கு நைசாக அரைத்து, அதை பாதங்களில் வெடிப்பு உள்ள பகுதிகளில் தேய்க்க வேண்டும். அவை உலர்ந்ததும், பாதத்தை தண்ணீரில் நனைத்து தேய்க்க வேண்டும். இவ்வாறு தொடர்ந்து செய்து வந்தால், பித்த வெடிப்பு குணமாகும்.

கால் தாங்கும் அளவுக்கு தண்ணீரை சூடுபடுத்தி, அதில் சிறிது உப்பு மற்றும் எலுமிச்சை சாறு சேர்க்க வேண்டும். அந்த தண்ணீரில் பாதத்தை சிறிது நேரம் வைத்திருந்து, பின், பாதத்தை ஸ்கிரப்பர் போன்ற சொரசொரப்பானவற்றால் தேய்த்து கழுவினால் பாதத்தில் காணப்படும் இறந்துபோன செல்கள் உதிர்ந்து விடும். இதனால் பித்த வெடிப்பு ஏற்படுவதும் தவிர்க்கப் படுவதோடு, பாதம் மென்மையாகும்.

தேங்காய் எண்ணெய்: இரவு நேரத்தில் உறங்கப் போகும் முன் பாதங்களை நன்றாக தேய்த்து கழுவி, சிறிது தேங்காய் எண்ணெய்யைத் தடவிக்கொண்டு தூங்கப் போகலாம். இப்படி செய்தால் பித்த வெடிப்பு வராமல் தடுக்கலாம்.

தரமான காலணிகள்: தரம் குறைவான காலணிகளைப் பயன்படுத்தினாலும் சிலருக்கு பித்த வெடிப்பு ஏற்படும். எனவே காலணிகளை வாங்கும் போது, விலை மற்றும் டிசைனை மட்டும் கவனத்தில் கொள்ளாமல், தரமானதை பார்த்து கவனித்து வாங்குவது நல்லது.

குளித்து முடித்ததும், பாதங்களை ஈரமில்லாதவாறு துணியால் துடைக்க வேண்டும். பின், பாதத்தில் சிறிது விளக்கெண்ணெய் தேய்த்து வந்தால் வெடிப்பு வராமல் தடுக்கலாம்.

]]>
maruthaani, மருதாணி, பித்தவெடிப்பு, காலணி http://images.dinamani.com/uploads/user/imagelibrary/2018/6/27/w600X390/foot.jpg http://www.dinamani.com/health/health-news/2018/jun/27/உங்கள்-பாதத்தின்-அழகைக்-கெடுக்கும்-பித்த-வெடிப்பை-காணாமல்-ஆக்க-இதையெல்லாம்-உடனே-செய்யுங்கள்-2948454.html
2948451 மருத்துவம் செய்திகள் உடல் சூட்டினால் அவதிப்படுகிறீர்களா? இதோ ஒரு எளிய தீர்வு எல்.மோகனசுந்தரி Wednesday, June 27, 2018 03:45 PM +0530 பொன் மஞ்சள் நிறத்தில் பூத்துக்குலுங்கும் ஆவாரை தரிசு நிலங்களிலும் வயல் வரப்புகளிலும் மிகக் கடுமையான வறட்சியையும் தாங்கி தன்னிச்சையாக வளரக்கூடியது. ஆவாரையின் பூ, காய், பட்டை, வேர், இலை ஆகிய ஐந்து உறுப்புகளும் சேர்ந்து  ஆவாரைப் பஞ்சாங்கம் என்று அழைக்கப்படுகிறது.

ஆவாரைப் பஞ்சாங்கத்தை தினம் ஒரு மேஜைக் கரண்டியளவு எடுத்து வாயில் போட்டு வெந்நீர் பருகிவர சர்க்கரை நோய், உடல் சோர்வு, நாவறட்சி, அடங்காத தாகம், தூக்கம் இன்மை ஆகியவை நீங்கும்.

ஆவாரைப் பூத்திருக்க சாவாரைக் கண்டதுண்டோ' என்ற பழமொழியில் இருந்து ஆவாரம்பூவின் மருத்துவ குணங்களை அறியலாம். சிலருக்கு உடலில் துர் நாற்றம் வீசும். அவர்கள் ஆவாரம் பூவை உணவில் சேர்த்துக்கொள்ள உடல் துர்நாற்றம் நீங்கும். உடல் பொன்நிறமாகும். ஆவாரம் பூவுடன் ஊறவைத்த பாசிப்பயறு சேர்த்து அரைத்து குளித்தால் நமைச்சல் துர்நாற்றம் நீங்கும்.

ஆவாரம் பூக்களையும், கொழுந்தையும் சேர்த்து வெயிலில் காயவைத்து தூள் செய்து அதில் நீர் ஊற்றி, அடுப்பில் வைத்து கஷாயம் இறக்கி பால் சேர்த்து பருகிவந்தால் நீரிழிவு நோய் படிப்படியாக குடியும்.

உடல் சூட்டினால் அவதிப்படுபவர்கள் ஆவாரம் பூ கஷாயம் தவறாமல் குடித்து வர சூடு தணிந்து குளுமை அடையும். ஆவாரம் பூவை ஊறவைத்து குடிநீர் தயாரித்து அருந்த நாவறட்சி நீங்கும்.

சிலருக்கு உடல் சூட்டினால் கண் சிவந்து விடும். அவர்கள் ஆவாரம் பூவை உலர்த்திப் பொடி செய்து, நீர் விட்டு அரைத்துக் குழப்பிப் படுக்கும் முன் கண் புருவத்தின் மீது பற்றுப் போட கண்களின் சிவப்பு மாறும்.

ஆவாரம் பூவை நிழலில் உலர்த்தி பொடி செய்து, அதனுடன் அதே அளவு அருகம் புல்லை வேருடன் சேகரித்து சுத்தம் செய்து இடித்து சூரணம் செய்து, இரண்டு தூளையும் ஒன்றாய் கலந்து ஒரு பாட்டிலில் போட்டு வைக்கவும். தினமும் காலை, மாலை, அரைத்தேக்கரண்டியளவு பசு நெய் சேர்த்துக் குழைத்து சாப்பிட்டு வந்தால் மூலநோய் குணமடையும்.

ஆவாரம் பூக்களை சேகரித்து பாசிப்பருப்புடன் சேர்த்து கூட்டாக சமைத்து சாப்பிட சர்க்கரை நோயின் தாக்கம் குறையும்.

இவ்வாறு சகலவிதமான நோய்களையும் அகற்றும் அருமருந்தாக ஆவாரம்பூ பயன்படுகிறது.

]]>
avaraam poo, ஆவாரம் பூ http://images.dinamani.com/uploads/user/imagelibrary/2018/6/27/w600X390/avarampoo-or-senna-flowers-500x500.jpg http://www.dinamani.com/health/health-news/2018/jun/27/உடல்-சூட்டினால்-அவதிப்படுகிறீர்களா-இதோ-ஒரு-எளிய-தீர்வு-2948451.html
2944344 மருத்துவம் செய்திகள் இங்கு இனி கருக்கலைப்பு செய்து கொள்ளலாம்! ராஜி Thursday, June 21, 2018 05:40 PM +0530 அயர்லாந்து, கத்தோலிக்க கிருஸ்துவர்களை அதிகம் கொண்ட நாடு. இங்கு வாழும் மக்களுக்கு எவ்வளவு உரிமை உள்ளதோ, அதே போன்று கர்ப்பிணி பெண் வயிற்றில் வளரும் குழந்தைக்கும் முழு உரிமை உண்டு. அதன் அடிப்படையில், 1816-ஆம் ஆண்டு இந்த நாட்டில் கருக்கலைப்பு செய்து கொள்ள தடை விதிக்கப்பட்டது.

இதன் பயனாக 1983-ஆம் ஆண்டிலிருந்து 1,70,000 பெண்கள், வெளிநாடுகளுக்குச் சென்று அங்கு கருக்கலைப்பு செய்து கொண்டு, ரகசியமாய் திரும்பியுள்ளனர். ஆனால் நாட்டிற்குள்ளேயே, ரகசியமாக கருக்கலைப்பு செய்தால் அந்தப் பெண்ணுக்கு 14 ஆண்டுகள் சிறைவாசம் உண்டு. இதனால் பெண்கள் பல துன்பங்களை அனுபவித்து வந்தனர். 

இந்நிலையில், இந்திய பல் டாக்டரான சவிதாஹலப் பான்வர் (34), அயர்லாந்தில் கர்ப்பமானார். அவரது, வயிற்றில் வளரும் கருவிற்கு பிரச்னை ஏற்பட, ஒரு கட்டத்தில் உள்ளே வளரும் குழந்தையால் தாயின் உயிருக்கே ஆபத்து வரும் சூழல் எழுந்தது. இதனால் அயர்லாந்து மருத்துவமனையில் கருக்கலைப்புக்கு அவர் அணுகியபோது, நாட்டின் சட்டத்தைச் சொல்லி மருத்துவர்கள் மறுத்துவிட்டனர். இதனால், சவிதா இறந்துபோனார்.

இச்சம்பவம் பெண்களிடமும், பொதுமக்களிடமும் விழிப்புணர்வை ஏற்படுத்தியது. இதனிடையே இந்திய வம்சாவளியைச் சேர்ந்த, வர்டேகர் என்பவர், அயர்லாந்தின் பிரதமரானார். இவர் கிருஸ்துவர் அதே சமயம் இந்திய வழியில் அவசியமானால், பெண்களுக்கு கருச்சிதைவு செய்து கொள்ள முழு உரிமை உண்டு என்ற தெளிவான எண்ணம் கொண்டவர்.

இவர், இந்தப் பிரச்னையை மக்கள் வாக்கெடுப்புக்கு விட முடிவு செய்தார். ஏற்கெனவே, இரண்டு முறை, வாக்கெடுப்பு நடந்துள்ளது. அப்போதெல்லாம் மதம் குறுக்கீடு அதிகமாக இருந்து தோற்கடிக்கப்பட்டது. ஆனால், சமீபத்தில் புது வாக்கெடுப்பு நடத்தப்பட்டபோது, அதில் நீதி வென்றது. ஆமாம்! இனி பெண்கள் நியாயமான கோரிக்கையின் மூலம் கருக்கலைப்பு செய்து கொள்ளலாம். இதற்கு தற்போது 66 சதவிகிதத்தினர் ஆதரவு தெரிவித்துள்ளனர்.

இந்தியாவில் வசிக்கும் டாக்டர் சவிதாவின் பெற்றோர், இந்த முடிவு அறிந்து மகிழ்ச்சி தெரிவித்துள்ளனர். இனி சவிதாவின் ஆன்மா சாந்தியடையும் என கூறியுள்ளனர். இது பெண்களின் உரிமைக்கு கிடைத்த மற்றொரு வெற்றி.

]]>
pregnancy, abortion, கருக்கலைப்பு, கர்ப்பம் http://images.dinamani.com/uploads/user/imagelibrary/2018/6/21/w600X390/2d9c3aa7fe12e8349e339ff05692f3d8.jpg http://www.dinamani.com/health/health-news/2018/jun/21/இங்கு-இனி-கருக்கலைப்பு-செய்து-கொள்ளலாம்-2944344.html
2944339 மருத்துவம் செய்திகள் ஆண்களும், பெண்களும் சரி சமமாக பாதிக்கப்படுகிறார்கள்! விழிப்புணர்வு கட்டுரை! ஸ்ரீதேவி குமரேசன் Thursday, June 21, 2018 04:48 PM +0530 மார்பக புற்று நோய் குறித்து விழிப்புணர்வு ஏற்படுத்தும் வகையில் பார்வை திறன் குறைந்த கல்லூரி மாணவி திவ்யா வருகிற ஆகஸ்ட் 5-ம் தேதி பாண்டிச்சேரியில் இருந்து சென்னை வரை பிங்கதான் எனும் மாரத்தான் ஓட்டத்தை மேற்கொள்கிறார். 

பஜாஜ் எலெக்ட்ரிகல்ஸ் நிறுவனம் மற்றும் கலர்ஸ் டிவியும் இணைந்து 'கலர்ஸ் பிங்க்தான்' எனும் இந்த மாரத்தானை சென்னைத் தீவுத் திடலில் ஆகஸ்ட் 5-ஆம் தேதி ஏற்பாடு செய்துள்ளனர். காரணம், சமீபத்திய ஆய்வின்படி இந்தியாவில், அதிலும் குறிப்பாக சென்னையில் மார்பக புற்றுநோய் அதிகமாக பரவி வருகிறது. ஏனெனில் மார்பக புற்றுநோய் பற்றிய விழிப்புணர்வு இந்திய பெண்களிடம் அறவே இல்லை. 

மார்பகங்களில் உருவாகும் புற்றுநோய் கட்டிகளை சூடுகட்டி, வேர்குரு... என தவறாக கருதுகிறார்கள். இதனால் ஆண்களும், பெண்களும் சரி சமமாக பாதிக்கப்படுகிறார்கள். மேலும், வாழ்க்கை முறையும், தட்ப வெப்ப சூழ்நிலையும் பல மாற்றங்களை கொண்டு வந்திருப்பதால்... சிறு கட்டியாக இருந்தாலும்... அதை உடனே சோதித்து பார்க்க வேண்டிய கட்டாயத்தில் நாம் இருக்கிறோம். எனவே, மார்பக புற்றுநோய் குறித்து விழிப்புணர்வு ஏற்படுத்தும் இந்த பிங்கதான் ஓட்டத்தில் கலந்து கொள்வது பெருமையாக உள்ளது. 

இதில் யார் வேண்டுமானாலும் கலந்து கொள்ளலாம். 3கிமீ, 5 கிமீ மற்றும் 10 கிமீ உள்ளிட்ட பிரிவுகளைக் கொண்ட இந்த ஓட்டத்துக்கான ஆன்லைன் பதிவுகளை www.pinkathon.in/chennai வலைதளத்தில் செய்யலாம். 21 கிமீ ஓட்டத்துக்கான பதிவுகளுக்கு தளத்தில் தரப்பட்டுள்ள மின் அஞ்சல் முகவரிக்கு அனுப்பலாம். யுனைடெட் சிஸ்டர்ஸ் பவுண்டேஷன் ஏற்பாட்டில் மேக்ஸிமஸ் ஆதரவில் நடைபெறும் பெண்களுக்கான இந்தியாவின் மிகப்பெரிய ஓட்டமான மாரத்தான் இது. 

கடந்த 100 ஆண்டுகளுக்கும் மேலாக உலக சாதனை படைத்த இந்தியத் தட கள வீராங்கனை அறிமுக விழாவில் 102 வயது மன் கவுர், சென்னை அப்பல்லோ மருத்துவமனையைச் சேர்ந்த புற்றுநோய் அறுவை சிகிச்சை நிபுணர் டாக்டர் ஏ பி சுபாஷ் குமார் மற்றும் புற்றுநோய் மருத்துவர் டாக்டர் ரமணன் ஆகியோர் பங்கேற்கின்றனர். இது குறித்து திவ்யா கூறுகையில்:

'நான் கிராமப்புறத்தைச் சேர்ந்தவள், எனக்கு பார்வை திறன் குறையுள்ளது. தற்போது பன்னிரெண்டாம் வகுப்பு முடித்துவிட்டு ராணிமேரி கல்லூரியில் சேர்ந்துள்ளேன். எனக்கு ஏற்கெனவே ஓட்டப்பந்தயங்களில் கலந்துகொள்ள வேண்டும் என்ற ஆசையிருந்தது. தற்போது, இந்த ஓட்டத்தைப் பற்றி அறிந்ததும் உடனே ஒத்துக்கொண்டேன். பாண்டிச்சேரியில் இருந்து சென்னை வரை 150 கி.மீ. ஓட்டம். இதில் கலந்து கொள்வது அவ்வளவு எளிதல்ல, அதனால் பிங்கதான் அமைப்பைச் சேர்ந்தவர்கள், எனக்கு நீண்ட தூர ஓட்டத்துக்கான பயிற்சி அளித்து வருகிறார்கள். தற்போது தேசிய விருது பெற்ற ஜூடோ சாம்பியனான மகேஷ்வரி என்ற பார்வை திறன் குறையுடையவரும் என்னுடன் இணைந்துள்ளார். ஆக ஆகஸ்ட் 5-ஆம் தேதி பாண்டிச்சேரியில் தொடங்கி சென்னை வரை இருவரும் மார்பக புற்றுநோய்க்கான விழிப்புணர்வு ஓட்டத்தை மேற்கொள்கிறோம். எங்களுக்குத் துணையாக அனிதா என்கிற பயிற்சியாளர் பயிற்சியளித்து வருகிறார். 

இந்த விழிப்புணர்வு ஓட்டம் சென்னை தீவுத்திடலில் தொடங்கி 5 கி.மீ வரை பயணித்து மீண்டும் தீவுத்திடலிலேயே முடிகிறது. 3 நாள்கள் நடைபெறவுள்ள இந்த நிகழ்ச்சியின் கடைசி நாளான ஆகஸ்ட் 5-ஆம் தேதி நாங்கள் பாண்டிச்சேரியில் தொடங்கி சென்னையில் முடித்து வைக்கிறோம்.

பஜாஜ் எலெக்ட்ரிகல்ஸ் நிறுவனர் மிலிந்த் சோமன் இதுகுறித்து கூறுகையில் சென்னைக்கு ஐந்தாவது முறையாக கலர்ஸ் பிங்கதானைக் கொண்டு வருவதில் குதூகலம் அடைகிறோம். இந்நகரமும், மக்களும், எங்களை ஆதரிப்பார்கள் இந்த ஓட்டத்துக்கு மிகப் பெரிய வெற்றியை வழங்குவார்கள் என்றும் நம்புகிறோம். மாரத்தானை விடவும் பிங்கதான் பிரம்மாண்டமாகும். 21 கிமீ தூர ஓட்டங்களில் 10,000க்கும் மேற்பட்ட பெண்கள் பங்கேற்க உள்ளனர். ரன்னிங் கியருடன் ஓடலாம். புடவை, சல்வார் கம்மீஸ், என அவர்களுக்கு வசதியான மற்றும் பிடித்தமான எந்த உடையிலும் பெண்கள் ஓட அனுமதி உண்டு' என்றார்.

பஜாஜ் எலெக்ட்ரிகல்ஸ் இணை மேலாண் இயக்குநர் அனந்த் பஜாஜ் கூறுகையில், 'பெண்களுக்குச் சம உரிமை வழங்குவதையும் தாண்டியது பெண்களுக்கான ஆற்றலை அளிப்பது, சுய நம்பிக்கை கொள்ளும் அளவுக்குப் பெண்களுக்கு மன உறுதியை ஊட்டுவதுடன், சுயமாகச் செயல்பட்டு இன்னும் குறிப்பாகத் தங்களது உடல் ஆரோக்கியத்தையும், நலத்தையும் கவனித்துக் கொள்ளும் சுய கட்டுப்பாட்டையும் வளர்த்துக் கொள்ள விழிப்புணர்வு ஏற்படுத்துவதே இந்த மாரத்தானின் நோக்கமாகும். இந்த ஓட்டத்தில் கலந்து கொள்பவர்களுக்கு அப்பல்லோ மருத்துவமனை சார்பில் இலவச பரிசோதனைகள் மேற்கொள்ளப்படுகிறது' என்றார். 

]]>
pinkathon, chennai to pondy, breast cancer, மார்பக புற்றுநோய், புற்றுநோய் கட்டி http://images.dinamani.com/uploads/user/imagelibrary/2018/6/21/w600X390/pink.jpg http://www.dinamani.com/health/health-news/2018/jun/21/pinkathon-awareness-program-from-chennai-to-pondy-2944339.html
2943582 மருத்துவம் செய்திகள் 'நீ இந்த உணவை சாப்பிடக் கூடாது. ஏனென்றால் உனக்கு வயிறு இல்லை!’ நடாஷாவுக்கு நேர்ந்த கொடுமை! பிஸ்மி பரிணாமன் Wednesday, June 20, 2018 12:35 PM +0530 உடல் உறுப்புகளில் எது முக்கியம் எது முக்கியம் இல்லாததது என்று யாராலும் சொல்ல முடியாது. உணர்தல், சுவைத்தல், பார்த்தல், முகர்தல், கேட்டல், இவற்றிற்குக் காரணமாக அமைந்திருக்கும் மெய், வாய், கண், மூக்கு, செவி என்னும் ஐம்புலன்கள் மிக முக்கியமானவை. இந்த புலன்கள் அடங்கிய உடல் இயங்க சக்தி வேண்டும். அந்த சக்தியைக் கொடுப்பது சாப்பிடும் உணவு.

உட்கொள்ளும் உணவை ஜீரணித்து சத்துக்களை உறிஞ்சி உடலின் பல அவயவங்களுக்கும் அனுப்புவது இரைப்பை. அந்த இரைப்பை இல்லாமல் வாழ முடியுமா.? "முடியும்.. இரைப்பை இல்லாமல் நான் வாழ்கிறேனே' என்கிறார் நடாஷா. தான் சமைக்கும் உணவை கால் வயிறு கூட சாப்பிட முடியா விட்டாலும், குடும்பத்தினருக்காக வகைவகையான உணவு வகைகளை நளபாகத்தில் சமைத்துத் தள்ளுகிறார் நடாஷா. நடாஷாவுக்கு பிறக்கும் போது இரைப்பை இருந்தது. பிறகெப்படி இல்லாமல் போனது? நடாஷா மனம் திறக்கிறார்: 

'விதம் விதமான சுவையான உணவு வகைகள் தயாரிப்பது எனக்கு பிடித்தமான விஷயம். தவிர எனக்கு அருமையாக சமைக்கவும் வரும். எனது உணவு வகைகளுக்காக ஒரு ரசிகர்கள் கூட்டமே உள்ளது. எனது வலைதள பக்கத்தில் வகைவகையான உணவுவகைகளை மட்டுமே பதிவு செய்துவருகிறேன் என்றால் பார்த்துக் கொள்ளுங்கள். மருந்துக்குக் கூட வேறு விஷயம் இருக்காது. அந்த அளவுக்கு சமையல் பைத்தியம். ஆனால் என் துரதிர்ஷ்டம்... என்னதான் வகைவகையாக சமைத்தாலும், திருப்தியாக அவற்றை என்னால் உண்ண முடியாது. எப்படி இருக்கிறது என்று சுவை பார்க்கலாம். அவ்வளவுதான். எந்த உணவையும் ஊறுகாயைத் தொட்டுக் கொள்வது மாதிரி தொட்டுக் கொள்ளலாம். அதையும் மருத்துவரின் அனுமதியுடன்தான் செய்ய முடியும். சப்பு கொட்டி வயிறு நிறைய சாப்பிட வேண்டும் என்று ஆர்வம், ஆசையை ஒதுக்கி வைக்க எக்கச்சக்கமான கட்டுப்பாடுகள் இருந்தாலும், சமைப்பதை மட்டும் நான் நிறுத்தியதில்லை. 

நான் பிறந்தது, வளர்ந்தது, படித்தது மும்பையில். தற்சமயம் வசிப்பது புணேயில். இங்கே பல பிரபலமான உணவகங்களுக்கு சமையல் ஆலோசகராக பணிபுரிந்து வருகிறேன். கம கமவென்று சமைக்கவும் செய்கிறேன். 2010 வரை எல்லாரையும் போன்று வயிறு நிறைய சாப்பிட்டு வாழ்ந்தவள்தான். 2010-ல் இடது தோளில் வலி ஆரம்பித்தது. வலியென்றால் உயிர் போகிற வலி. சாப்பிடும்போது வலி உச்சத்தைத் தொடும். தோளில் வலி என்பதால் எலும்பு மருத்துவரைப் பார்த்தேன். எக்ஸ்ரே எடுக்கச் சொன்னார். வேறு பல பரிசோதனைகள் செய்து கொள்ளச் சொன்னார். அறுவை சிகிச்சையும் இரண்டு முறை செய்தார். பிஸியோதெரப்பியும் தொடர்ந்தது. ஆனால் வலி குறையவில்லை. வலியை உணராமல் இருக்க மாத்திரைகளை சாப்பிடத் தொடங்கினேன். வலி கொஞ்சம் குறைந்தது. 2010-க்கு முன்பு எனது எடை எண்பத்திதெட்டு கிலோவாக இருந்தது. வலியை உணர்ந்த சில மாதங்களில் எனது எடை முப்பத்தெட்டாக குறைந்து போனது. அல்ட்ராசவுண்ட், சோனோகிராஃபி என்று தொடர் சோதனைகள் நடத்தினாலும், வலி ஏன், எதனால் வருகிறது என்று கண்டுபிடிக்க முடியவில்லை. 

பல டாக்டர்களை மாற்றி மாற்றி பார்த்து கடைசியில் டாக்டர் எஸ். எஸ். பலேராவிடம் சென்றேன். அவரிடம் போகாமல் இருந்திருந்தால் நான் இல்லாமல் போயிருப்பேன். அவரது மருத்துவமனையில் படுக்கையில் முழங்கால்களை மடித்து உட்கார்ந்திருந்தேன். அப்படியிருந்தால் வலி குறைந்திருப்பதாக உணர்ந்ததால் அப்படி அமரத் தொடங்கினேன். நான் இருக்கும் நிலையைப் பார்த்த டாக்டர் பலேரா, உனக்கு வயிற்றில் அல்சர் ஏற்பட்டு ரணமாகியுள்ளது. அங்கிருந்து கசியும் ரத்தம்தான் உன்னை சித்திரவதை செய்யும் வலிக்கு மூல காரணம் என்றார். பரிசோதனை மூலம் டாக்டர் சொன்னது உண்மைதான் என்று தெரியவந்தது. 

மார்புப் பகுதியையும் வயிறையும் பிரிக்கும் சவ்வுப் பகுதியான உதரவிதானத்தில் இரண்டு விதமான புண்கள் ஏற்பட்டிருந்தன. புண்களிலிருந்து ரத்தமும் கசிய ஆரம்பித்துவிட்டது. வலியை உணராமல் இருக்க எனக்குத் தரப்பட்ட மாத்திரைகளினால் எனது வயிற்றின் உள்ளுறுப்புகள் சேதமாகி வேலை செய்வதை நிறுத்திக் கொண்டன. வலியை உணராமல் செய்யும் மாத்திரைகள் இரைப்பை, குடல்களுக்கு ஆபத்தை வரவழைக்கும் என்று அப்போதுதான் தெரிந்தது. உதரவிதானத்திலிருந்து தோள்பட்டையை இணைக்கும் நரம்பின் வழியாக வலி தோள்பட்டையைப் பாடுபடுத்தியது. அதை தோளின் எலும்பில் ஏற்பட்ட வலியென்று நான் மட்டுமல்ல இதர டாக்டர்களும் தவறாக முடிவு செய்துவிட்டோம். 

அறுவை சிகிச்சைதான் ஒரே வழி. ஆனால் அறுவை சிகிச்சையின்போது உயிரும் பிரியலாம் என்று டாக்டர் பலேரா சொன்னார். நானும் பெற்றோரும் வேறு வழியில்லாமல் அறுவை சிகிச்சைக்குச் சம்மதித்தோம். அறுவை சிகிச்சை ஒன்பது மணி நேரம் நீண்டது. முடிவில், அல்சர் புண்களால் சிதைந்து போயிருந்த இரைப்பையை நீக்கினார்கள். அதனால் பயந்த மாதிரி உயிருக்கு ஆபத்து ஏதும் வரவில்லை. அறுவை சிகிச்சை முடிந்த சில நாட்களில் நான் உணவை சாப்பிட முயன்ற போது, "நீ இந்த உணவை சாப்பிடக் கூடாது. ஏனென்றால் உனக்கு வயிறு இல்லை... அதாவது இரைப்பை இல்லை..' என்று அம்மா சொன்னார். 

அம்மா என்ன சொல்கிறார் என்று எனக்கு உடனே புரியவில்லை. வயிரைத் தொட்டுப் பார்த்தேன். வயிறு இருக்கிறதே... பிறகு ஏன் வயிறு இல்லை.. இரைப்பை இல்லை என்கிறார் என்று புரியாமல் விழித்தேன். அம்மா அறுவை சிகிச்சையின் போது நடந்தது என்ன என்று விரிவாகச் சொல்ல, எனக்குப் புரிந்தது. இரைப்பைத்தான் வயிற்றின் பிரதான உறுப்பு என்று எனக்குப் புரிய ஆரம்பித்தது. இரைப்பைத்தான் உண்ணும் உணவை அரைத்து பிசைந்து கூழாக்கி சத்துக்களை உறிஞ்சிக் கொண்டு குடலுக்கு அனுப்புகிறது. என்ன சாப்பிட்டாலும் இரைப்பை இல்லாததினால் உணவு நேரடியாக குடலுக்கு வந்துவிடும். குடல் அதை ஜீரணிக்க முயலும். பிறகு அதை வெளியேற்ற முயற்சி செய்து கொண்டே இருக்கும். அதனால் என்ன சாப்பிட்டாலும் சிறிது நேரத்தில் கழிவறைக்குப் போக வேண்டிய கட்டாயம் எனக்கு. அதனால், தினமும் சுமார் எட்டு முறை கொஞ்சம் கொஞ்சமாக உணவினைச் சாப்பிட்டு வருகிறேன். 

பெரும்பாலும் திரவ உணவை, காய்கறிகளை சார்ந்துள்ளேன். அடிக்கடி மருத்துவரை கண்டு பரிசோதனை செய்து கொள்கிறேன். வயிற்றில் தானே உருவாகும் விட்டமின் பி எனக்கு உருவாகாது. எனக்கு விட்டமின் டி குறைபாடும் உண்டு. அதனால் இந்த விட்டமின்களை மாதம் ஒருமுறை ஊசி மூலம் உடலில் ஏற்றிக் கொள்கிறேன். இனிப்புள்ள உணவு வகைகளை நான் ஒதுக்கியே ஆகவேண்டும். உடல் நான் விருப்பப்படுகிற மாதிரி ஒத்துழைக்காததால், உடலுக்கு ஏற்றவாறு என்னை மாற்றிக் கொண்டேன். அதனால் எனக்கும் பெற்றோர்க்கும் கணவருக்கும் ஏற்படும் சிரமத்தைத் தவிர்க்க முடிந்திருக்கிறது. எனது கணவர் சுவீடன் நாட்டுக்காரர். காதல் திருமணம். குழந்தைகள் வேண்டாம் என்று தீர்மானித்திருக்கிறோம்' என்கிறார் நடாஷா.

]]>
food, natasha, இரைப்பை, வயிறு, உணவு, நடாஷா http://images.dinamani.com/uploads/user/imagelibrary/2018/6/20/w600X390/be466cd883ad23612080d5542bdec095.jpg http://www.dinamani.com/health/health-news/2018/jun/20/natashas-problem-is-very-different-2943582.html
2942825 மருத்துவம் செய்திகள் விடியோ கேம் அடிக்‌ஷன், மிக மோசமான ‘மனநலச் சீர்கேட்டு நோய்’ என உலக சுகாதார நிறுவனம் அறிவிப்பு! RKV Tuesday, June 19, 2018 12:14 PM +0530  

மேலை நாடுகளிலுல், இந்தியாவிலும் நாளுக்கு நாள் பெருகி வரும் விடியோ கேம் போதையை மனநலச் சீர்கேட்டு நோயாக வரையறை செய்து அறிவித்திருக்கிறது உலக சுகாதார நிறுவனம். விடியோ கேம் போதையால் சிறுவர், சிறுமிகள், இளைஞர்கள் மாத்திரமல்ல தற்போது கையில் இண்டர்நெட் வசதியுடன் கூடிய ஸ்மார்ட் ஃபோன் வைத்திருப்பவர்கள் எவராயினும் கூட வயது வித்யாசமின்றி இந்த போதைக்கு நாளடைவில் அடிமையாகி விடுகிறார்கள். இதனால் பல்வேறு உடல்நலக் கோளாறுகள் ஏற்படுவதோடு சம்மந்தப்பட்டவர்களின் மனநலனிலும் குறிப்பிடத்தக்க அளவில் நெகட்டிவ்வான விளைவுகளை ஏற்படுத்தி விடுகிறது இந்த போதை.

முறையற்ற உணவுப் பழக்கம், போதுமான தூக்கமின்மை, சதா தூண்டப்பட்ட விளையாட்டு ஆர்வத்துடனேயே இருப்பதால் வீட்டிலும், வெளியிலும் ஒரு சாதாரண மனிதன் அன்றாடக் கடமைகளைக் கூட மறந்து விடும் போக்கு, நடைமுறைக் கடமைகளைக் நிறைவேற்ற முடியாததால் உண்டாகும் சுய கழிவிரக்கம். கேமிங் அடிக்‌ஷனால் வேலைகள் தடைபடும் போது தேங்கிப் போகும் வேலைப்பளுவினால் உண்டாகும் மன அழுத்தம், குழப்பம், சதா சர்வ காலமும் கேம் ஆடுவதைத் தவிர வேறு எந்த ஒரு வேலையும் நிம்மதி தராதோ எனும் சஞ்சல உணர்வு. இவற்றால் உண்டாகும் சுய கட்டுப்பாடற்ற நிலை. இப்படி அடுக்கிக் கொண்டே போகலாம் கேமிங் அடிக்‌ஷனால் மனித வாழ்வில் நிகழக் கூடிய மாற்றங்களை. இந்த மாற்றங்கள் அனைத்தும் ஒரு கட்டத்தில் மனிதர்களை நட்பால் இணைப்பதற்குப் பதிலாக தனித்தனி தீவுகளாக்கி தனிமைப் புதைகுழிக்குள் தள்ளி விடுவதற்கான வாய்ப்புகளாக மாறி விடுகின்றன என்கிறார்கள் இது குறித்த ஆய்வுகளை முன்னெடுத்து நடத்திய மருத்துவக் குழுவினர்.

உலக மக்கள் தொகையில் 7% பேர் தற்போது இந்நோயின் தீவிர தாக்குதலுக்கு ஆளாகியுள்ளார். மிக விரைவில் இந்த எண்ணிக்கை பன்மடங்காக வாய்ப்பிருக்கிறது என்கிறது அமெரிக்கன் சைக்கியாட்ரிக் அசோஸியேசன். அவர்கள் வெளியிட்டுள்ள டயக்னாஸ்டிக் & ஸ்டேட்டிக் மேனுவல் ஆஃப் மெண்டல் டிஸார்டர்ஸ் புத்தகத்தின் 4 வது தொகுதி உலகம் முழுவதும் இருக்கும் மனநல ஆலோகர்கள் மற்றும் மருத்துவர்களால் பைபிள் போன்ற விலைமதிக்க முடியாத தகவல் களஞ்சியமாகக் கருதப்படுகிறது. அந்தப் புத்தகம் WHO  அறிவிப்பு வெளிவருவதற்கு வெகி காலத்துக்கு முன்பாகவே கேமிங் அடிக்‌ஷனை மிக மோசமான மனநலச்சீர்க்கேட்டு நோயாகக் குறிப்பிட்டு பல முன்னெச்சரிக்கை நடவடிக்கைகளை வெளியிட்டிருந்தது. அதன் நீட்சி தான் இப்போதைய அறிவிப்பு என்கிறார் இண்டியன் சைக்ரியாட்டிக் சொஸைட்டியின் முன்னாள் தலைவரான பிரசாத் ராவ் G.

மேலும் அவர் பேசுகையில், புளூ வேல் போன்ற உயிர் கொல்லி ஆன்லைன் விளையாட்டுக்கள் உலவும் இந்தக் காலத்தில் பெற்றோர் தத்தமது பிள்ளைகளின் இணைய நடவடிக்கைகளை குறைந்தபட்சம் அவர்களது 18 வயது வரையிலாவது தொடர்ந்து கண்காணித்து கட்டுப்படுத்த வேண்டும் என்ற கோரிக்கையை முன்வைத்தார்.

SHUT (Service for Healthy use of Technology) அமைப்பின் கூடுதல் இணைப் பேராசியரான மனோஜ் குமார் ஷர்மா, எங்களிடம்.... சைக்கலாஜிகல் மற்றும் நடத்தைக் கோளாறுகளுக்காக சிகிச்சைக்கு வரும் பெரும்பாலானவர்களின் தினசரி நடவடிக்கைகளில் உடல் நல ரீதியாக மட்டுமன்றி மனநல ரீதியாகவும் பெரும் பாதிப்புகளை உண்டாக்குவதில் மிகப்பெரும் பங்கு இந்த ஆன்லைன் விளையாட்டு போதைக்கு உண்டு, அப்படிப்பட்டவர்களை திருத்தி மீண்டும் சரியான பாதைக்கு கொண்டு வருவதில் குடும்பத்தினரின் அக்கறைக்கும் முக்கிய பங்கு உண்டு என்கிறார்.

நேஷனல் மெடிக்கல் ஜர்னல் எனும் மருத்துவ இதழில் வெளியிடப்பட்டிருக்கும் ‘இளைஞர்களின் வாழ்வில் விடியோ கேம் அடிக்‌ஷன் விளைவுகள்’ (‘Video game addiction: Impact on teenagers)  எனும் தலைப்பிட்ட இவரது கட்டுரையில், அவர் குறிப்பிட்டுள்ளபடி 1990 க்குப் பின்பே இந்தியாவில் விடியோ கேம் போதை அதிகளவில் அதிகரித்துள்ளது எனத் தெரியவருகிறது.

விடியோ கேம் அடிக்‌ஷன் தனிநபர் வாழ்வை சீரழிப்பதோடு அல்லாமல் மனிதர்களது வாழ்க்கமுறை மற்றும் அவர்களது சமுதாயக் கடமைகளிலும் கூடுமான வரை தீமையான தாக்கங்களை ஏற்படுத்தி வருவதாகக் கூறுகின்றனர் இந்த மருத்துவர்கள். இளைஞர்களிடையே ஆரோக்யம் சீர்கெடுவது மட்டுமல்ல சகித்துக் கொள்ள முடியாத அளவிலான குறட்டை, மோசமான கொடுங்கனவுகளால் தூக்கம் பாதியில் தடைபடும் நிலை, தூக்கமற்ற நிலையில் பகல்நேர வேலைகளில் சரியாக ஈடுபட முடியாத நிலை. அதனால் உண்டாகும் குற்ற உணர்வு, தாழ்வுணர்ச்சி, மன அழுத்தம், உள்ளிட்ட அத்தனை பிரச்னைக்கும் ஒரே முழுமுதற்காரணமாக விடியோ கேம் போதை விளங்குகின்றது.

இதை ஆரம்பத்திலேயே அடையாளம் கண்டு கட்டுப்படுத்த முயற்சிக்கவில்லை எனில் நாளடைவில் நிலமை மோசமடைந்து நெகட்டிவ்வான பின்விளைவுகளை ஏற்படுத்து சம்மந்தப்பட்டவர்களின் மொத்த வாழ்வையும் சீர்குலைத்து விடக்கூடிய அபாயம் நிறைந்தவை இத்தைய விளையாட்டுக்கள். என்கிறார்கள் மருத்துவர்கள்.

புரிய வேண்டியவர்களுக்குப் புரிந்தால் சரி.

]]>
Gaming adiction as a mental disorder, விடியோ கேம் அடிக்‌ஷன் மனநலச்சீர்கேட்டு நோய், லைஃப்ஸ்டைல் நியூஸ், ஹெல்த், health, lifestyle news http://images.dinamani.com/uploads/user/imagelibrary/2018/6/19/w600X390/video_game_adiction.jpg http://www.dinamani.com/health/health-news/2018/jun/19/gaming-disorder-as-mental-health-condition-who-declares-2942825.html
2937680 மருத்துவம் செய்திகள் என் கல்யாண விடியோவைப் பார்க்க ஆசையா? நடிகை சமந்தா வெளியிட்டுள்ள ட்ரெய்லர் விடியோ! Thursday, June 14, 2018 03:48 PM +0530  

அண்மையில் சமந்தா நடிப்பில் வெளிவந்த இரும்புத் திரை மற்றும் நடிகையர் திலகம் ஆகிய இரண்டு படங்களுமே அவருக்கு ரசிகர்களிடையே பாராட்டுகளைப் பெற்றுத் தந்தது. தெலுங்கில் அவர் நடித்த ரங்கஸ்தலம் சூப்பர் ஹிட்டானது. 

சமந்தா, பிரபல நடிகர் நாக சைத்தன்யாவை காதலித்து, கடந்த ஆண்டு அக்டோபர் 7-ம் தேதி திருமணம் செய்து கொண்டார். கோவா கடற்கரையில், பல இவர்கள் திருமணம் நடைபெற்றது. இந்த நட்சத்திரத் தம்பதியரின் திருமணம் இந்து மற்றும் கிறிஸ்துவ முறைப்படி நடந்தது. 

திருமணத்தின் போது எடுக்கப்பட்ட புகைப்படங்கள் ஊடகங்கள் மற்றும் சமூக வலைத்தளங்களில் வெளியாகி வைரலானது. தற்போது திருமண விடியோவிலிருந்து சில க்ளிப்பிங்கிஸை தன்னுடைய இன்ஸ்டகிராம் பக்கத்தில் வெளியிட்டுள்ளார் சமந்தா. அவரது க்யூட்டான ரியாக்‌ஷன்கள், கொண்டாட்டமான காட்சிகள் ரசிக்கப்பட்டு வைரலாகி வருகிறது. இது வரையில் 1 கோடியே 2 லட்சத்துக்கும் மேற்பட்டோர் பார்த்துள்ளனர்.

விரைவில் முழு விடியோவையும் வெளியிடுவார் சமந்தா என்று ரசிகர்கள் எதிர்பார்க்கின்றனர். 

]]>
http://www.dinamani.com/health/health-news/2018/jun/14/என்-கல்யாண-விடியோவைப்-பார்க்க-ஆசையா-நடிகை-சமந்தா-வெளியிட்டுள்ள-ட்ரெய்லர்-விடியோ-2937680.html
2939515 மருத்துவம் செய்திகள் கர்ப்பிணிகளே! தயவு செய்து கருவில் இருக்கும் உங்கள் குழந்தையுடன் பேசுங்கள்.... கஸ்தூரி ராஜேந்திரன், தேனி. Thursday, June 14, 2018 12:44 PM +0530  

குழந்தை கருவாக, தாயின் கருவறையில் இருக்கும் போதே... தாய் அதனுடன் பேசத் தொடங்கி விட வேண்டும் என்று பல்லாண்டுகளாக மகப்பேறு மருத்துவர்கள் கூறி வருகிறார்கள். குழந்தை கருவறையில் உதிரக் கட்டியாக உதிக்கும் போதே அதற்கு தன் தாயின் குரலை தனித்து அடையாளம் காணத் தெரியும் என்பார்கள் வயதான பாட்டிகள். இது எத்தனை தூரம் நிஜமோ?! ஆனால் குழந்தை கருவில் இருக்கும் மூன்றாம் மாதத்தில் இருந்து தாயின் குரல் அதற்குக் கேட்கத் தொடங்கி விடும் என்கிறது அறிவியல். இதனால் தான், கருவுற்ற தாய்மார்கள் அக்காலங்களில் எவ்வித கவலைகளும் இன்றி கருவில் இருக்கும் குழந்தைக்காகவேனும் தங்களது மனதை அமைதியாகவும், நிர்மலமாகவும் வைத்துக் கொள்ள வேண்டியது அவசியமென்கிறார்கள் மருத்துவர்கள். மனம் அமைதியாக இருந்தால் மட்டும் போதாது... கருவில் இருக்கும் குழந்தையோடு அடிக்கடி பேசும் வழக்கத்தையும் அதன் தாய் பின்பற்றி வந்தால் பிறக்கப்போகும் குழந்தையின் எதிர்காலக் கற்றல் திறன் அதிகரிக்கும் என்கிறது இத்துறையில் சமீபத்தில் சமர்பிக்கப்பட்ட ஆய்வுக் கட்டுரை ஒன்று.

குழந்தையின் கற்றல் திறன் என்றதும், உடனே கருவிலிருக்கும் குழந்தையைக் கூட விட்டு வைக்க மாட்டீர்களா? அது பிறந்து பூமி தொடும் முன்பே அதற்கும் ஏ,பி,சி,டி கற்றுக் கொடுக்கச் சொல்கிறதா இந்த அவசர உலகம் என்று கேள்வி எழும்பலாம். இல்லை கற்றல் திறன் என்றால் பாடப்புத்தகங்களை மட்டுமே கற்பதல்ல, இந்த உலகத்தை, உறவுகளை, ஏனைய மனிதர்களைக் கற்கும் திறன் நமது குழந்தைகளுக்கு அவசியம். அதற்குப் பெயரும் கற்றல் தான். 

குழந்தை கருவில் இருக்கையில் அதன் தாய் அதனுடன் பாஸிட்டிவ்வான முறையில் இந்த உலக விஷயங்கள் அனைத்தைப் பற்றியும் பேசத் தொடங்கி விடலாம். ஆனால், ஞாபகமிருக்கட்டும், அத்தனையும் பாஸிட்டிவ்வாகவே இருக்க வேண்டும். நெகட்டிவ்வாகப் பேசி பிறப்பதற்கு முன்பே குழந்தையை தன்னம்பிக்கை இழந்த ஜீவனாகச் செய்து விடத் தேவையில்லை. பாஸிட்டிவ்வாகப் பேசுவதென்றால் என்ன? 

கருவிலிருக்கும் குழந்தையின் அசைவுகள் ஒரு தாய்க்கு எத்தனை இன்பத்தைத் தர முடியுமோ...அதற்கு ஈடான அதே அளவு இன்பத்தை ஒரு தாய், கருவிலிருக்கும் தன் குழந்தையுடனான தொடர் உரையாடலின் மூலமாக குழந்தைக்கும் தரமுடியும். அந்தக் குழந்தைக்கு என்ன தெரியும் என்று நினைத்து விடாதீர்கள்... குழந்தைக்கு தாயின் மொழி புரியும் என்கிறது மருத்துவம்.

இதற்கு புராண உதாரணமொன்றைச் சுட்டிக்காட்டினால் உங்களுக்கு எளிதாகப் புரியலாம்...

அபிமன்யூ தன் தாய் சுபத்ரையின் கருவில் இருக்கையில், கர்ப்பிணியான சுபத்ரைக்கு பத்ம வியூகம் பற்றி கேட்டுக் கொள்ளும் வாய்ப்பு கிடைக்கிறது. எப்படியெனில் அண்ணன் ஸ்ரீகிருஷ்ண பரமாத்மா மூலமாக... (பத்ம வியூகம் என்பது போர் வியூகங்களில் ஒன்று... பத்மம் என்றால் தாமரை... தாமரைப்பூவின் இதழ்களைப் போல போர் வியூகம் அமைத்து எதிரிகளைச் சுற்றி வளைப்பது). அப்படி அண்ணன் ஸ்ரீகிருஷ்ணன் மூலமாக பத்மவியூகத்தைப் பற்றி சுபத்ரை மட்டும் அறிந்து கொள்ளவில்லை, அவளது வயிற்றில் இருக்கும் குழந்தையான அபிமன்யூவும் அறிந்து கொள்கிறான். ஆனால், எதுவரை எனில் வியூகத்தின் உள்ளே நுழைவது வரை மட்டுமே அபிமன்யூ கேட்கிறான். வியூகத்தை உடைத்துக் கொண்டு வெளியேறுவது எப்படி என கிருஷ்ணன் சொல்லிக் கொண்டிருக்கும் போது சுபத்ரைக்கு தூக்கம் வந்து விடுகிறது. அவள் தூங்கி விடுகிறாள், அன்னை தூங்கும் போது கருவில் இருக்கும் குழந்தையும் தூங்கி விடுகிறது. எனவே சுபத்ரைக்கு மட்டுமல்ல, அபிமன்யூவுக்கும் பத்ம வியூகத்தில் இருந்து வெளிவருவது எப்படி எனத் தெரியாமலாகி விடுகிறது. கருவில் இருக்கும் குழந்தை போர் வியூகம் கற்றுக் கொண்டு என்ன செய்யப் போகிறது? பிறந்த பிறகு அதைக் கற்றுக் கொள்ள நாட்களே இல்லையா? என்று சிலருக்குத் தோன்றலாம். அது அப்படியல்ல, கருவிலிருக்கையில் கேட்டுக் கொண்ட அரைகுறை ஞானத்தின் துணை கொண்டு அபிமன்யூ பாரதப் போரில் கெளரவர்கள் வகுத்த பத்ம வியூகத்தினுள் நுழைந்து தீரமாகப் போரிடத் துவங்கி விடுகிறான். ஆனால், அவனால் அந்த வியூகத்தை உடைத்துக் கொண்டு வெளியில் வரத் தெரியாமல் போக, கடைசியில் கெளரவ சேனையின் மகாப்பெரிய ஜாம்பவன்கள் அனைவரும் இந்தச் சிறுவனை வளைத்துக் கொண்டு வதைக்க அவன் மிகக் கொடூரமாக இறக்கிறான்’ இத்தனைக்கும் காரணம் தாயின் அவன் கருவறையில் அவன் பெற்ற அரைகுறை ஞானத்தாலே! இதை எதற்காகச் சொல்லவந்தேன் என்றால், கருவில் இருக்கும் குழந்தையுடன் பேசும் தாய், தன் குழந்தையின் எதிர்கால வாழ்வை முன்னிட்டு முழுமையாகவும், பாஸிட்டிவ்வாகவும் ஒரு விஷயத்தைக் கற்றுத்தரவோ, பேசவோ முயல வேண்டும். அப்போது தான் அந்த கருவறை உரையாடல்  நல்ல முறையில் பலன் தரக்கூடும்.

மாறாக, குழந்தை கருவில் இருக்கையில்... தாய், தான் அனுபவித்த கஷ்டங்களையும், நஷ்டங்களையும் விடாமல் ஜபித்துக் கொண்டிருந்தால் பிறக்கும் குழந்தைக்கும் அதே விதமான தாக்கங்களே அதிகமிருக்கும். தாய், மிகச் சோர்வுடன், எந்த வேலையும் செய்யாமல், உற்சாகமின்றி, எதிர்காலம் குறித்த அச்சத்துடனும், உறவுகளின் மேல் துவேஷத்துடனும் இருந்தால் பிறக்கும் குழந்தையும் அவளது அச்சாகவே பிறக்கும். எனவே... பிறக்கும் குழந்தைகள் செயற்கரிய செயல்களைச் செய்ய வேண்டும் என்றோ அல்லது மிகப்பெரிய கல்விமானாக வரவேண்டும் என்றோ ஆசைப்படும் பெற்றோர்கள் அதற்கான திட்டமிடலை கருவில் இருக்கும் குழந்தையின் ஆரம்ப நாட்களிலேயே தொடங்கி விடுவது உத்தமம்.

இதை தனது தொடர் ஆய்வாதரங்கள் வாயிலாக சில சோதனைகளை நடத்தி ஆய்வு முடிவாகக் கொண்டு  கட்டுரை சமர்பித்திருக்கிறார்  கேம்ப்ரிட்ஜ் பல்கலைக் கழக மருத்துவ மாணவி சாரா ஃபாலி.

சாரா முன்வைக்கும் ஆய்வுக் கட்டுரையில் தெள்ளத் தெளிவாக புரிதலுக்குள்ளான விஷயம் ஒன்றுண்டு அது என்னவெனில், கருவில் இருக்கும் குழந்தையுடன் அதன் தாய் தொடர்ந்து ஆரோக்யமான உரையாடல்களை நிகழ்த்திக் கொண்டே இருந்தால் கருவில் இருக்கும் குழந்தையின் இயக்கமும், செயல்பாடுகளும் சுறுசுறுப்பாக இருக்கும். அதே சமயம் தாய், தன் வேலைகளில் மூழ்கிப் போய், கருக்குழந்தையுடன் எந்த விதமான உரையாடல்களையும் நிகழ்த்தாவிட்டால் கருக்குழந்தை மந்தமாகி விடுவதோடு அதற்கு வெளி உலகத்தின் மீதான அறிமுகப் புரிதல் இன்றி பிறந்ததும் மிகவும் குழம்பிப் போகிறது என்பதே!

ஆகவே, கர்ப்பிணிகளே! தயவுசெய்து கருவில் இருக்கும் உங்கள் குழந்தையுடன் தொடர்ந்து ஆரோக்யமாகப் பேசி அதனைக் குதூகலமாக வைத்துக் கொள்ள முயலுங்கள். எல்லாம் உங்கள் குழந்தையின் எதிர்கால நன்மைகளுக்காகத் தான்.

]]>
கருவில் இருக்கும் குழந்தை, தாய் கருக்குழந்தை உரையாடல், prenatal interactions with babies, mother and foetus intereactions, Healthy foetus development, http://images.dinamani.com/uploads/user/imagelibrary/2018/6/14/w600X390/pregnant_woman.jpg http://www.dinamani.com/health/health-news/2018/jun/14/prenatal-interactions-with-baby-good-for-its-development-2939515.html
2938854 மருத்துவம் செய்திகள் கர்ப்ப காலத்தில் பெண்களுக்கு ஏற்படக் கூடிய திடீர் சிக்கல் என்ன? Wednesday, June 13, 2018 02:34 PM +0530  

'என்ன இப்படி இளச்சிட்டீங்க? ஷுகர் இருக்கா?' முப்பது வயசுதான் ஆகுது... அதுக்குள்ளயே தலமுடியெல்லாம் நரச்சி வயசான ஆளு மாதிரி இருக்குறான்.. ஷுகர் ஏதாச்சும் வந்துடுச்சா? சாப்பாடு கொஞ்சமாதான் சாப்பிட்டீங்க? போதுமா? என்ன ஏதாச்சும் டயட் கன்ட்ரோல்ல இருக்கீங்களா? இல்ல, சக்கர நோயா?' எங்கே சென்றாலும், இப்படி அன்றாட வேலைகள், உணவுப்பழக்கம் போன்றவற்றில் பல சந்தேகங்களைப் புகுத்திப் பாடாய்படுத்தும் சர்க்கரை நோயைக் கண்டும், தனக்கும் வந்து விடுமோ என்று பயத்துடனும்தான் பலர் வாழ்க்கையை ஓட்டிக் கொண்டிருக்கிறார்கள். 

சர்க்கரை நோய் எனப்படும் நீரிழிவு நோயைப் பற்றிய பல தகவல்களை பல்வேறு வகையான ஊடகங்களின் வாயிலாகவும், ஏற்கெனவே நீரிழிவு நோயாளிகளாக இருப்பவர்கள், நண்பர்கள்; மூலமாகவும் தினம் தினம் அனைவரும் கேட்டுக் கொண்டிருப்பதால், முதல் நிலை மற்றும் இரண்டாம் நிலை நீரிழிவு பற்றிய புரிதல் சற்று அதிகமாகவே இருக்கிறது.  ஆனால், கர்ப்பகாலத்தில் பெண்களுக்கு ஏற்படும் திடீர் சிக்கலான கர்ப்பகால நீரிழிவு பற்றியும், அதற்கான உணவுமுறை பற்றியும் முழுமையான தெளிவு பெண்களுக்கு போதுமான அளவில் இல்லை என்றே எண்ணவைக்கிறது அதிகரித்து வரும் தற்போதைய புள்ளிவிவரங்கள். 

இந்தியாவில் வெவ்வேறு இடங்களில், புவியமைப்பைச் சார்ந்து 3.8 % முதல் 21% வரை கர்ப்பகால நீரிழிவு நோய் பரவியுள்ளதாக சமீபத்திய புள்ளிவிவரம் தெரிவிக்கிறது. 

சென்னையில் 16.2 சதவிகிதமும், ஈரோட்டில் 18.8 சதவிகிதமாகவும் இருக்கிறது. இந்தியர்களிடமிருந்து முற்றிலும் மாறுபட்ட வாழ்க்கை முறையையும், உணவுப் பழக்கத்தையும் பின்பற்றும் அமெரிக்காவில், வருடத்திற்கு 1,00,000 பெண்கள் கர்ப்பகால நீரிழிவால் அவதிப்படுவதாக ஆய்வுகள் கூறுகின்றன. 
 

நீரிழிவு நோய் எப்படி வருகிறது?

கணையம் எனப்படுகின்ற உறுப்பானது, பீட்டா செல்களின் மூலம் இன்சுலின் என்ற ஹார்மோனை சுரக்கிறது. இந்த இன்சுலின் சுரப்பானது, ஒருவரின் உடலிலுள்ள சர்க்கரையை ஆற்றலாக மாற்றி உடலுக்கும் அன்றாட வேலைகளுக்கும் தேவையான சக்தியை உருவாக்கித்தருகிறது. இதனால் சர்க்கரையின் அளவு இரத்தத்தில் அதிகரிப்பது தவிர்க்கப்பட்டு ஒரு சராசரி நிலையில் வைக்கப்படுகிறது. 

இவ்வாறு சுரக்கப்படுகிற இன்சுலின் அளவு குறைவதாலோ அல்லது சுரக்கப்பட்ட இன்சுலின் வீரியம் இல்லாமலும் மற்றும் சரியாக பயன்படுத்த முடியாத ஒரு நிலை உடலுக்கு வருவதாலோ, இரத்தத்தில் சர்க்கரையின் அளவு கட்டுப்பாட்டிற்குள் இல்லாமல் அதிகமாகி விடுகிறது. இதனால், புரதம் மற்றும் கொழுப்பு போன்ற பிற சத்துக்களின் செயல்பாடுகளில் மாற்றம் ஏற்பட்டு பல்வேறு விதமான உடல் நலக் கோளாறுகள் ஏற்படுகின்றன. இந்த நிலையே சர்க்கரை வியாதி அல்லது நீரிழிவு நோய் அல்லது மதுமேகம் என்றழைக்கப்படுகிறது. 

கர்ப்பகால நீரிழிவு 

கர்ப்பகாலம் என்பது, அதிகளவு இன்சுலினை வெளியிடுவதாகவும் அதே சமயம் எதிர் இன்சுலின் ஹார்மோன்களான ஈஸ்ட்ரோஜன், புரோஜஸ்ட்ரான், பிளாசன்ட்டாவின் லாக்டோஜன், கார்டிசோன் மற்றும் வளர்ச்சியைத் தூண்டும் ஹார்மோன் போன்றவைகளின் செயல்பாட்டால், குறைந்த அளவு இன்சுலின் தாங்குதிறன் அல்லது செயல்திறன் கொண்ட நிலையாகவும் இருக்கிறது. கர்ப்பகாலத்தில் நீரிழிவு ஏற்படுவதற்கு, அப்பெண்ணின் முன்கர்ப்பகால ஆரோக்கியம், பணிச்சூழல், உணவுமுறை, சமூக மற்றும் பொருளாதார நிலை ஆகியவையும் காரணங்களாகின்றன. கர்ப்பகால நீரிழிவு நோய் உள்ள பெண்கள், பிரசவத்திற்குப் பிறகு இன்சுலின் சுரப்பு சீரடைந்து, இரத்தத்தில் சர்க்கரை அளவு இயல்பு நிலைக்குத் திரும்பினாலும், பின்னாளில், இரண்டாம் நிலை (TYPE 2) நீரிழிவுக்கான வாய்ப்புகள் சற்று அதிகம்தான். 

பொதுவாக கர்ப்பிணி பெண்களின் உடல் எடை 10 கிலோ முதல் 12 கிலோ வரையில், குறிப்பாக 20 வாரங்களுக்குப்பிறகு அதிகரிக்கும். இதற்குக் காரணம், குழந்தையின் வளர்ச்சி, உடலின் கொழுப்பு, தாய்ப்பால் சுரப்பிற்கு இயற்கையாகவே பெண்களின் உடலில் ஏற்படும் மாற்றங்கள் ஆகியவற்றைப் பொருத்ததாகும். 

கர்ப்பிணி பெண்களுக்கு, எந்த மாதத்திலும் நீரிழிவு நோய்க்கு வாய்ப்புகள் இருந்தாலும், 7, 8, 9 மாதங்களில் ஏற்படும் நீரிழிவானது, உடல் எடை அதிகமான பெரிய குழந்தைகளை பிரசவிக்கும் நிலை இருப்பதாக ஆய்வுகள் கூறுகின்றன. குறிப்பாக 35 வயதிற்குமேல் நீரிழிவு வரும் வாய்ப்புகள் 2% முதல் 7% வரை அதிகரிக்கிறது. பெண்கள் கருவுற்றிருக்கும்போது ஏற்படும் நீரிழிவு நோயானது, குழந்தை பிறப்பு வரை சில சிக்கல்களை ஏற்படுத்துகிறது.

25 வயதிற்கும் குறைவான பெண்களாகவும், எந்தவிதமான ஆபத்து காரணிகளும் (RISK FACTORS) இல்லாமல் இருந்தாலும் கர்ப்பகால நீரிழிவு பரிசோதனை தேவையா என்று கேட்டுக்கொண்டிருக்கும் பலர் இருந்தாலும், கர்ப்பகாலத்தில் செய்யும் முறையான பரிசோதனைகள், நீரிழிவு, அதிக இரத்த அழுத்தம், தைராய்டு நோய்கள், மரபணு சார்ந்த குறைபாடுகள் ஆகியவற்றை முன்கூட்டியே கண்டுபிடித்து, சரியான மருத்துவம் அளித்தால்தான், தாய், சேய் இருவரையும் ஆரோக்கியமாக வைத்திருக்கமுடியும் என்பதுதான் மருத்துவர்களின் கருத்து. 

கர்ப்பகால நீரிழிவு நோயை தொடக்கத்திலேயே கண்டுபிடித்து முறையான சிகிச்சையளிக்கத் தவறினால், அறுவை சிகிச்சை மூலம் பிரசவம், குழந்தைக்கு காயங்கள் ஏற்படுதல், குழந்தை இறந்து பிறத்தல் போன்றவைகள் நிகழும் அபாயம் இருக்கிறது. 

கர்ப்பிணிப் பெண்கள், தனக்கு நீரிழிவு வந்துவிட்டதை எண்ணி கவலைப்படுவதால், மனதளவிலும் உடலளவிலும் பாதிக்கப்பட்டு, அவர்களின் ஆரோக்கியமும், உள்ளிருக்கும் குழந்தையின் ஆரோக்கியமும் சீர்குலைகிறது. மாறாக, நீரிழிவு வந்துவிட்டபின், சரியான உணவுமுறை, அவற்றை எவ்வாறு பின்பற்றுவது என்பதுபற்றி உணவியல் வல்லுநர்களிடம் ஆலோசனைகளைப் பெற்று அதன்படி செயல்படுவதுதான் நல்லது. 

கர்ப்பகால நீரிழிவு உடைய பெண்கள் பின்பற்ற வேண்டிய ஒருநாளைக்குரிய உணவுப்பட்டியல் கீழே கொடுக்கப்பட்டுள்ளது. இந்த மாதிரி உணவுப்பட்டியலை அடிப்படையாக வைத்துக்கொண்டு தங்களது அன்றாட உணவுப்பபட்டியலை சற்றே மாற்றிக்கொள்ளலாம். 


கர்ப்பகால நீரிழிவுள்ள பெண்களுக்கான ஒருநாள் மாதிரி உணவுப்பட்டியல்
காலை 6.00 மணி - பலதானிய சத்துமாவு கஞ்சி (1 டம்ளர் 150மி.லி)
காலை 8.00 மணி - கேழ்வரகு தோசை (அ) சப்பாத்தி (3) புதினா சட்னி (2 தேக்கரண்டி )
முற்பகல் 11.00 மணி - காய்கறி கலந்த சூப்(1 கப்)
நண்பகல் 1.00 மணி - சாதம் (1 கப்) பொண்ணாங் 
கன்னி கீரைச் சாம்பார் 
(1 கப்) கொத்தவரங்காய் 
பொரியல் (1 கப்), பூண்டு 
ரசம், தயிர் (50 மி.லி) 
மாலை 4.00 மணி - சர்க்கரை இல்லாத பால் 
(150 மி.லி) கொண்டை 
கடலை சுண்டல் (1 கப்)
இரவு 8.00 மணி - இட்லி (அ) தோசை (அ) 
சோள உப்புமா, வெங்காய 
சட்னி (2 தேக்கரண்டி)
இரவு 10.00 மணி - சர்க்கரை இல்லாத பால்; 
(150 மி.லி) கொய்யாப்
பழம் (1)
 

அதிகம் சேர்த்துக்கொள்ள வேண்டியவைகள்:
கீரைகள், காய்கள் (குறிப்பாக பந்தல் வகை காய்கள்), வெந்தயம், சீரகம், சோம்பு, மஞ்சள், சுக்கு, திப்பிலி ஆகியவை அதிகமான நார்ச்சத்து உள்ளவை. 
 

குறைந்த அளவில் எடுத்துக் கொள்ள வேண்டியவைகள்

தானியங்கள், பருப்புகள், கிழங்கு வகைகள், பால் பொருட்கள், பழங்கள், இறைச்சி உணவுகள், முட்டை.
 

தவிர்க்க வேண்டிய உணவுகள்
சர்க்கரை, மைதா, தேன், பழ ஜாம், ஜெல்லி, கேக் வகைகள், செயற்கை பானங்கள், பதப்படுத்தப்பட்ட உணவுகள்
 

- ப. வண்டார்குழலி இராஜசேகர், உணவியல் நிபுணர், 
இந்திராகாந்தி அரசு பொது மருத்துவமனை மற்றும் ஆராய்ச்சி நிலையம், புதுச்சேரி.

 

]]>
diabetes, pregnancy, சர்க்கரை நோய், கர்ப்ப காலத்தில் நீரிழிவு நோய், ஷுகர் http://images.dinamani.com/uploads/user/imagelibrary/2018/6/13/w600X390/2.jpg http://www.dinamani.com/health/health-news/2018/jun/13/diabetes-during-pregnancy-period-2938854.html
2937631 மருத்துவம் செய்திகள் உங்கள் சமையல் அறையில் இருக்கும் உயிர்க்கொல்லி வில்லன் இது தான்! ஜாக்கிரதை ரிப்போர்ட்! உமா Monday, June 11, 2018 02:34 PM +0530  

உங்கள் சமையல் அறையில் சிறிய டவல்களை (கைப்பிடித் துணி / கரித்துணி) பயன்படுத்துகிறீர்களா? பாக்டீரியாக்களின் கூடாரமான, அதனால் ஃபுட் பாய்ஸன் உள்ளிட்ட பல உடல் நலப் பிரச்னைகள் ஏற்படுகிறது என்கிறார்கள் ஆராய்ச்சியாளர்கள்.

பாத்திரங்களை துலக்கியதும் ஈரத்தைத் துடைக்கப் பயன்படுத்தப்படும் துணி, அடிக்கடி கைகளைத் துடைக்க உபயோகிப்படும் டவல், தரையைத் துடைக்க பயன்படுத்தப்படும் துணிகள், என என எல்லாவற்றிலும் மிக அதிக அளவில் பாக்டீரியாக்கள் நீக்கமற உள்ளனவாம்.

கோலிஃபோர்ம்ஸ் (Coliforms (Escherichia coli) என்றழைக்கப்படும் இந்த வகை பாக்டீரியாக்கள் மிக அதிகளவில் கிச்சனில் பயன்படுத்தப்படும் கரித்துணிகளில் தான் உறைந்துள்ளது. அதுவும் அசைவம் சாப்பிடுவோரின் சமையல் அறைகளில் அவை இன்னும் அதிக அளவில் இருக்கிறது என ஆய்வாளர்கள் கூறியுள்ளனர்.

இந்த ஆய்வில் சமையல் அறையில் நுண் கிருமிகளின் ஆதிக்கம் அதிகம் உள்ளது எனவும், சுத்தமும் சுகாதாரமும் இல்லாத கிச்சன்கள் எல்லாம் பாக்டீரியாக்களின் உறைவிடமாக மாறும் என்று கூறியுள்ளார் மொரிஷியஸ் பல்கலைக்கழகத்தின் மூத்த பேராசிரியர் சுசீலா டி.பிராஞ்சியா-ஹுர்டயல்

மேலும் அவர் கூறுகையில், 'புட் ஃபாய்ஸனிங் ஏற்பட ஒரு முக்கிய காரணம் உணவு பரிமாறப்படும் இடங்களில் வைக்கப்பட்டிருக்கும் ஈரமான சமையலறை துண்டுகளின் மூலம் பரவும் கிருமிகள்தான். இவை உடல் நலப் பிரசனைகளை உருவாக்குவதில் மிகவும் முக்கியப் பங்கு வகிக்கிறது என்று கண்டறியப்பட்டது’ என்றார்.

மேலும் குறைந்த சமூக பொருளாதார நிலைமைகள் உள்ள குடும்பங்களிலும், அங்குள்ள குழந்தைகளுக்கும் எஸ்.ஆர்யூஸ் S. aureus (பாக்டீரியாவின் தாக்குதலால் ஏற்படும் நோய்த்தொற்று) அதிக விகிதத்தில் காணப்படுகிறது. இதனால் பலவிதமான பாதிப்புக்கள் ஏற்படும், இதனை அலட்சியப்படுத்தினால் உயிருக்கே ஆபத்து ஏற்படுத்திவிடும்.

கோலிஃபார்ம் மற்றும் எஸ்.ஆர்யூஸ் ஆகியவை அசைவ உணவுப் பொருட்களை உட்கொள்ளும் குடும்பங்களில் கணிசமான அளவில் அதிகமாக உள்ளது என்று கண்டறியப்பட்டன.

ஈஸ்செரிச்சியா கோலி எனும் நுண்கிருமி மலச்சிக்கல் உள்ளிட்ட பல பிரச்னைகளை உருவாக்கிவிரும். ஈஸ்செரிச்சியா கோலி (Escherichia coli ) எனும் நுண் கிருமி மனித குடலில் தாவரம் போல் படிந்திருக்கும் ஒரு சாதாரண பாக்டீரியாவாகும். சுகாதார நடைமுறைகளின் கவனம் இல்லையெனில் இப்பிரச்னை ஏற்படுகிறது. இது மனிதக் கழிவுகளில் பெருமளவில் வெளியேறிவிடுகிறது. 

அசைவ உணவுகளை சமைக்கும் போதும், பரிமாறும் போதும் மிகவும் சுத்தமாக இருக்க வேண்டும். சமையல் அறையை உடனுக்குடன் சுத்தப்படுத்திவிட வேண்டும். சமையல் அறையில் உணவுப் பொருட்களை கையாளும் போது, ​​சில தவறான பழக்கவழக்கங்களால் உடல் நலத்துக்கு ஆபத்து ஏற்படும் என்று இந்த ஆய்வு சுட்டிக்காட்டியது’ என்று சுசீலா கூறினார்.

ஜோர்ஜியாவில் நுண்ணுயிரியல் பற்றிய அமெரிக்க சங்கத்தின் வருடாந்தர கூட்டத்தில் வெளியிடப்பட்ட இந்த ஆய்வில் ஒரு மாதம் முழுவதும் பயன்படுத்தப்பட்ட 100 சமையலறை துண்டுகளைச் சேகரிக்கப்பட்டனர் ஆய்வுக் குழுவினர்.

அவற்றில் 49 சதவிகிதத் துண்டுகள் பாக்டீரியா வளர்ச்சியைக் கொண்டிருந்தன, இந்த சதவிகிதம் பெரிய குடும்பம் மற்றும் குழந்தைகள் அதிகம் இருக்கும் குடும்பங்களில் சற்று அதிகமாக காணப்பட்டது.

மேலும் 49 துணிகள் பாக்டீரியா வளர்ச்சிக்கான சாதக அம்சங்களைக் கொண்டிருந்தன. 36.7 சதவிகிதம் கோலிஃபார்ம்கள், 36.7 சதவிகிதம் எண்ட்கோக்கோகஸ் ஸ்பிபி மற்றும் 14.3 சதவிகிதம் எஸ். ஏரியஸ் என்ற வகை பாக்டீரியாக்கள் காணப்பட்டன.

'ஈரமான துண்டுகள் மற்றும் சமையலறை கைப்பிடித் துணிகளின் பயன்பாட்டினை குறைத்துக் கொள்ள வேண்டும் அல்லது தவிர்த்துவிட வேண்டும். குறிப்பாக குழந்தைகள் மற்றும் முதியவர்கள் உள்ள பெரிய குடும்பங்களில் சமையல் அறை சுகாதாரம் குறித்து மிகவும் விழிப்புணர்வுடன் இருக்க வேண்டும்,’ என்றும் சுசீலா கூறினார்.

]]>
சுகாதாரம், சமையல் அறை, உடல்நலம், kitchen towels, food poison, health awareness, கைப்பிடித் துணி http://images.dinamani.com/uploads/user/imagelibrary/2018/6/11/w600X390/Keeble.jpg http://www.dinamani.com/health/health-news/2018/jun/11/how-your-kitchen-towels-can-cause-food-poisoning-2937631.html
2935965 மருத்துவம் செய்திகள் ஓமந்தூரார் அரசு மருத்துவமனையில் 10 வயது சிறுவனுக்கு இதய மாற்று சிகிச்சை Saturday, June 9, 2018 02:50 AM +0530 அரசு மருத்துவமனைகளில் முதன்முறையாக, சென்னை ஓமந்தூரார் பல்நோக்கு சிறப்பு மருத்துவமனையில் 10 வயது சிறுவனுக்கு இதய மாற்று அறுவை சிகிச்சை மேற்கொள்ளப்பட்டுள்ளது.
காஞ்சிபுரம் மாவட்டத்தைச் சேர்ந்த கூலித் தொழிலாளியான முனுசாமி, ஜெசி தம்பதியரின் இளைய மகன் பிரவீண்குமார் (10). இந்தச் சிறுவனுக்கு 7 வயதாக இருக்கும்போது இதய நோய் இருப்பது கண்டறியப்பட்டது. மூன்று ஆண்டுகளாக மருந்து உட்கொண்டு வந்தாலும், இறுதியாக மருத்துவர்கள் இதய மாற்று அறுவை சிகிச்சை ஒன்றே தீர்வு என்று தெரிவித்தனர். தனியார் மருத்துவமனைகளில் செலவழிக்க பண வசதி இல்லாமல் தம்பதியர் தவித்து வந்தனர். அந்தப் பகுதி சட்டப்பேரவை உறுப்பினரின் பரிந்துரைக் கடிதத்தின் பேரில் சிறுவன் ஓமந்தூரார் பல்நோக்கு சிறப்பு மருத்துவமனையில் அனுமதிக்கப்பட்டான்.
இதுதொடர்பாக மருத்துவர்கள் கூறியது:
சிறுவனுக்கு இதயத் தசைகள் விரிவடைந்ததினால், இதயத்தில் ரத்த ஓட்டம் பாதிக்கப்பட்டுள்ளது கண்டறியப்பட்டது. இதனையடுத்து இதய மாற்று அறுவை சிகிச்சைக்கான பட்டியலில் சிறுவனின் பெயர் பதிவு செய்யப்பட்டது. 
அதன் அடிப்படையில் 26 வயதான மூளைச்சாவு அடைந்த நபரிடம் இருந்து தானமாகப் பெறப்பட்ட இதயம் சிறுவனுக்கு மே 24 -ஆம் தேதி பொருத்தப்பட்டது. நான்கு மணி நேரம் நடைபெற்ற அறுவை சிகிச்சைக்குப் பின்பு சிறுவன் நலமுடன் உள்ளான்.
ஓமந்தூரார் மருத்துவமனையில் இதுவரை 6 இதய மாற்று அறுவை சிகிச்சைகள் மேற்கொள்ளப்பட்டுள்ளன. குழந்தைகளுக்கான இதய மாற்று அறுவைச் சிகிச்சை நடைபெற்றுள்ளது அரசு மருத்துவமனைகளில் இதுவே முதன்முறை என்று தெரிவித்தனர்.

]]>
http://www.dinamani.com/health/health-news/2018/jun/09/ஓமந்தூரார்-அரசு-மருத்துவமனையில்-10-வயது-சிறுவனுக்கு-இதய-மாற்று-சிகிச்சை-2935965.html
2935724 மருத்துவம் செய்திகள் பெண்களுக்கு ஓர் எச்சரிக்கை! 35 வயதுக்கு மேல் குழந்தை பெற்றால், பிறக்கும் குழந்தைகளுக்கு இதய நோய்கள் தாக்கும் அபாயம்! RKV Friday, June 8, 2018 04:41 PM +0530  

35 வயதுக்கு மேல் குழந்தை பெற்றுக் கொள்ள நினைக்கும் பெண்களுக்கொரு ஒரு எச்சரிக்கை. குழந்தை பெற்றுக் கொள்ளும் வயது ஏற, ஏற பெண்களின் உடல்நிலையில் ஏற்படும் ஹார்மோனல் மாற்றங்களுக்கு ஏற்ப அவர்களது குழந்தை பெறும் திறனும் பாதிப்புக்கு உள்ளாகிறது எனப் பல்லாண்டுகளாகவே மருத்துவ ஆய்வுக் கட்டுரைகள் தொடர்ந்து வெளிவந்து கொண்டிருக்கின்றன. 35 வயதுக்கு மேல் ஒரு குழந்தையை கருப்பையில் தாங்கி 10 மாதம் சுமந்து போஷாக்காக வளர்த்து பிரசவிக்கும் திறன் பெண்களுக்கு குறைந்து விடுகிறது. வயது ஏற, ஏற கருப்பை தனது ஆரோக்யத்தைப் படிப்படியாக இழந்து கொண்டே வருகிறது. இதன் காரணமாகவே மகப்பேறு மருத்துவர்கள் திருமணமான தம்பதிகளிடையே விரைவில் குழந்தை பெற்றுக் கொள்ளும் ஆவலை ஊக்குவிப்பதோடு, பணி மாறுதல், உயர் கல்வி, வெளிநாட்டு வேலை வாய்ப்புக்காக காத்திருத்தல், உள்ளிட்ட காரணங்களுக்காக எல்லாம் குழந்தப்பேற்றை தள்ளிப்போட நினைக்கும் மனப்பான்மையையும் தொடர்ந்து கண்டித்து வருகிறார்கள்.

உடலியல் காரணங்களினாலோ அல்லது பொருளியல் காரணங்களினாலோ ஒரு பெண்ணுக்கு குழந்தைப்பேறு தள்ளிப் போய் காலதாமதாக குழந்தைப்பேறு நிலைக்கிறது எனில் குழந்தையைக் கருவில் தாங்கும் தாயின் வயதைப் பொறுத்து கருவிலிருக்கும் குழந்தையின் உடல் வளர்ச்சி, மூளை வளர்ச்சி மற்றும் உள்ளுறுப்பு வளர்ச்சிகள், இதய ஆரோக்யம் உள்ளிட்டவை அமைகின்றன என்கிறது சமீபத்தில் வெளிவந்துள்ள கனடா மருத்துவப் பல்கலைக்கழக ஆய்வு ஒன்று. 

அந்த ஆய்வின் அடிப்படையில் வயதான எலிகளிடையே இந்த சோதனை நடத்தப்பட்டதில் மேற்கண்ட ஆய்வு முடிவு நிரூபணமாகியுள்ளது. 35 வயதுடைய பெண்ணுக்கு சமமான கருப்பை திறன் கொண்ட வயதான பெண் எலிகளிடையே நடத்தப் பட்ட அந்த மருத்துவ ஆய்வில் வயதாக, ஆக பெண்களின் கருப்பை ஆரோக்யம் நிறைந்த, உடற்கோளாறுகள் அற்ற குழந்தைகளைப் பெற்றுத்தரும் திறனை படிப்படியாக இழந்து வருவது நிரூபணமாகியுள்ளதாக இந்த ஆய்வை நடத்திய மருத்துவக் குழுவின் தலைமை ஆய்வாளரான சாண்ட்ரா டாவிட்ஜ் தெரிவித்துள்ளார். இந்த ஆய்வின் மூலமாக நடுத்தர வயதுக்கு மேற்பட்டு வயதான பெண்களுக்கு பிறக்கும் குழந்தைகளுக்கு வரக்கூடிய ஆரோக்ய குறைபாடுகள் குறித்து மேலும் விளக்கமாக ஆராய முடிவதாக அவர் தெரிவித்துள்ளார்.

]]>
மகப்பேறு , 35 வயதுக்கு மேல் குழந்தைப் பேறு, ஆரோக்யமான குழந்தைப் பேறு, Pregnancy over 35, increases heart risks in children http://images.dinamani.com/uploads/user/imagelibrary/2018/6/8/w600X390/health_pregnancy_article.jpg http://www.dinamani.com/health/health-news/2018/jun/08/pregnancy-over-35-increases-heart-risks-in-children-2935724.html
2935695 மருத்துவம் செய்திகள் உங்கள் இதயத்தை இளமையாக வைத்திருக்க விரும்புகிறீர்களா? இதோ சிறந்த வழி! சினேகா Friday, June 8, 2018 12:40 PM +0530  

ஒரு நாளைக்கு ஏழு மணி நேரம் தூங்குவது உங்கள் இதயத்தின் வயதைக் குறைத்து இளமையுடன் வைத்திருக்கும், மேலும் இதய நோய்க்கான ஆபத்துக்களையும் குறைத்துவிடும் என்கிறார்கள் ஆராய்ச்சியாளர்கள். எனவே தினமும் இரவில் 7 மணி முதல் 8 மணி நேரம் வரை கட்டாயம் தூங்க வேண்டும்.

ஏழு மணி நேரத்திற்கும் குறைவான அல்லது அதிகமான தூக்கம் ஒருவருக்கு இருந்தால் அது அவர்களின் இதயத்தில் கார்டியோ வாஸ்குலர் பிரச்னைகளை விளைவிக்கலாம். குறைவான தூக்கம் ஒருவரின் இதயத்தின் வயதை அதிகரித்துவிடும். எனவே இரவில் தூக்கம் நன்றாக இருந்தால்தான் கார்டியோ வாஸ்குலர் பிரச்னைகளைத் தவிர்க்க முடியும் என்கிறது அந்த ஆய்வு.

ஜார்ஜியாவில் உள்ள எமரி பல்கலைக்கழகத்தை சேர்ந்த ஆய்வாளர் ஜூலியா தர்மர் கூறுகையில், ‘இந்த ஆய்வு முடிவுகள் முக்கியமானவை. காரணம் ஒருவரின் தூக்கத்தின் அளவுகோலின் மூலம் கார்டியோ வாஸ்குலர்  நோய் ஏற்படுவதற்குரிய அபாயத்தை கண்டுபிடிக்கும் ஒரு அளவீட்டு முறையாக இது விளங்குகிறது’ என்றார்.

ஸ்லீப் எனும் பத்திரிகையில் வெளியிடப்பட்ட இந்த ஆய்வில், 30-74 வயதுக்குட்பட்ட 12,775 வயதினரிடமிருந்து தரவுகள் சேகரிக்கப்பட்டுள்ளது. தாங்கள் எவ்வளவு நேரம் தூங்கினோம் என்று அவர்களே கூறியதன் அடிப்படையில், இந்த முடிவுகள் ஐந்து பிரிவில் முதலில் வகைமைப்படுத்தப்பட்டது. 5 மணி நேரம் அல்லது அதற்கும் குறைவாகவும், 6, 7, 8, 9 அல்லது அதற்கும் மேற்பட்ட மணி நேரம் தூங்கியவர்கள் என இவ்வாறு ஐந்து வகைகளாக தூக்க நேரங்கள் வரையறுக்கப்பட்டிருந்தன. ஒவ்வொரு நபரின் இதய வயதினையும் கணக்கிட, sex-specific Framingham heart age algorithm வழிமுறையைப் பயன்படுத்தி கணக்கிட்டனர் குழுவினர். இவ்வகையில் தூக்க காலத்திற்கும் இதய வயதுக்கும் இடையேயான தொடர்பை ஆய்வு செய்ய பலவகைப்பட்ட லீனியர் அல்லது லாஜிஸ்டிக் ரிக்ரஷனையும் பயன்படுத்தி முடிவுகளைக் கண்டறிந்தனர்.

இந்த ஆய்வின் முடிவில், 24 மணிநேரத்தில் 7 மணி நேரத்துக்கு குறைவான தூக்கத்தை உடையவர்கள் மிகவும் குறைவான இதய வயதைக் கொண்டிருந்தனர் என்பது உறுதியானது.

அமெரிக்காவைச் சேர்ந்த கொண்ட National Sleep Foundation எனும் அமைப்பின் கருத்துப்படி, உடல் எடை, புகைபிடித்தல் மற்றும் உடற்பயிற்சி பழக்கங்கள் ஆகியவற்றையெல்லாம் மீறி, ஒருவருக்கு தூக்கம் சரியில்லாமல் போனால் கார்டியோ வாஸ்குலர் அபாயம் மற்றும் கரோனரி இதயப் பிரச்னைகள் ஏற்படுகிறது என்று கூறுகிறது.

குறைந்த அளவிலான தூக்கம் ஆரோக்கியமான உடலைக் கூட சிதைத்துவிடும். குளுக்கோஸ், வளர்சிதைமாற்றம், ரத்த அழுத்தம் போன்றவற்றில் பாதிப்பினை ஏற்படுத்தும். மேலும் உயிரியல் செயல்முறைகளில் மாற்றங்கள் ஏற்படுத்த வல்லது தூக்கமின்மை. மாறாக நன்றாகத் தூங்கினால் இப்பிரச்னைகளை எதுவும் நெருங்காமல் தவிர்த்துவிடலாம்.

]]>
sleep, sound sleep, 7 hours sleep, தூக்கம், உறக்கம், தூக்கமின்மை, உறக்கமின்மை, இதய பிரச்னைகள் http://images.dinamani.com/uploads/user/imagelibrary/2018/6/8/w600X390/girl-in-street-holding-heart.jpg http://www.dinamani.com/health/health-news/2018/jun/08/sleep-for-7-hours-to-keep-your-heart-younger-study-2935695.html
2934952 மருத்துவம் செய்திகள் உணவு தெய்வத்திற்கு சமமானது! இப்படிச் சொன்னவர் யார்? தொடர்ந்து படியுங்கள்! சலன் Thursday, June 7, 2018 12:12 PM +0530 பிரபலங்கள் தங்கள் தாயார் குறித்து எழுதும் தொடர்:

மருத்துவர் பிரதாப். சி. ரெட்டியின் புதல்வி. அப்பல்லோ குழுமத்தின் துணைத்தலைவி. உடல் நல சிகிச்சை சம்பந்தப்பட்ட மைக்ரோசாஃப்ட் விருதினை பெற்றவர். எம்.ஜி.ஆர். மருத்துவப் பல்கலைகழகத்தினால் கெளரவ டாக்டர் பட்டம் வழங்கப் பெற்றவர். இவரது உடல் நல சேவைகளுக்காக பல நிறுவனங்களினால் பாராட்டும், விருதும் பெற்ற ப்ரீத்தா ரெட்டி தனது தாயார் பற்றி இங்கு கூறுகிறார்: 


"என் தாயார் பெயர் சுசரிதா ரெட்டி. இன்று நாங்கள் இருக்கும் வாழ்வுக்கு அவர் தான் காரணம் என்று சொன்னால் யாரும் நம்ப மாட்டார்கள். எல்லோருக்கும் எனது தந்தையாரை தெரியும். நாங்கள் நால்வரும், அதாவது என்னுடன் பிறந்த மூன்று பேர்களும் பெண்கள். நான் ப்ரீத்தா ரெட்டி, எனது சகோதரிகள் சிந்தூரி ரெட்டி, சங்கீதா ரெட்டி, சுனிதா ரெட்டி. ஆனால் எனது தாயாரை பலபேர்களுக்கு தெரியாது. ஆனால் அவர்தான் இந்த பெரிய ஆலமரத்தின் ஆணி வேர் என்று சொன்னால் பலருக்கும் ஆச்சரியமாக இருக்கும். அவரைப் பற்றி எதை சொல்வது எதை விடுவது என்று எனக்கு தெரியவில்லை. அவரை பற்றி சொல்ல வேண்டும் என்றால் எங்கள் சிறிய வயதை நோக்கி நான் பின்னால் பயணம் போக வேண்டும்.

அந்த காலத்தில் நாங்கள் சாதாரணமான குடும்பத்தில் பிறந்தவர்கள். எங்கள் தந்தையார் படிப்பில் சிறந்தவர். அவர் எங்கள் நால்வரையும் நல்ல நிலைக்கு கொண்டு வர வேண்டும் என்று மிகவும் விரும்பினார். அதற்காக இரவும் பகலும் உழைக்க தயாராக இருந்தார். அவருக்கு உறுதுணையாக இருந்தார் எங்களது தாயார். 

குழந்தைகளான எங்கள் நால்வருக்கும் எந்த சிறு பிரச்னை வந்தாலும் (குழந்தையாக இருந்தபோது குட்டிக் குட்டி சண்டைகள்) நாங்கள் எல்லோரும் செல்வது எங்கள் தாயாரிடம் தான். நான் பல முறை வியந்து பார்த்திருக்கிறேன். எந்தப் பிரச்னை என்றாலும் அதற்கு சரியான தீர்வு சொல்லக் கூடியவர் எனது தாயார்தான் . உழைப்பாளர் பிரச்னை என்றாலும் பதில் சொல்வார். குடும்பப் பிரச்னை என்றாலும் நல்லதொரு தீர்வு அவரிடம் இருக்கும். தங்களின் கீழ் வேலை செய்வோரிடம் ஏற்படும் எந்த விஷயம் குறித்தும் அவரிடம் நாம் ஆலோசனை கேட்கலாம். அவரது முடிவு மிகவும் சரியாக இருக்கும். நாங்கள் பலசமயம் தலையைப் போட்டு உடைத்துக் கொள்ளும் எந்த ஒரு விஷயத்திற்கும் இவரிடம் மிகவும் சாதாரணமாக அதே சமயம், சரியானத் தீர்வு கிடைக்கும். எப்படி இவருக்கு மட்டும் இந்த வகையாக யோசிக்க முடிகிறது என்று நான் நினைப்பதுண்டு. ஒன்று மட்டும் நிச்சயம் இவரிடம் நாங்கள் நால்வர் செய்யும் வேலையை கொடுத்தாலும் மிகவும் திறமையாக செய்து விட்டு அடுத்தது என்ன என்று எங்களை பார்ப்பார் என்று நான் நினைக்கிறேன். 

சில வருடங்களுக்கு முன் ஒரே சமயத்தில் நான் இரண்டு இடத்தில் இருக்க வேண்டிய நிலை. என்ன செய்வது என்று எனக்குத் தெரியவில்லை. இவரைப் பார்த்தால் அவர் வருத்தப்படுவார். அவரைப் போய் பார்த்தால் இவருக்கு கோபம் வரலாம். இந்த மாதிரி இக்கட்டான நிலையில் நான் என்ன செய்வது என்று புரியாமல் தவித்துக் கொண்டிருந்தேன். விஷயத்தை கேள்விப்பட்ட எனது தாயார் என்னை அழைத்து "நீ கவலை படாதே. யாராவது ஒருவரை இங்கே அழைத்து வந்து என்னிடம் விட்டுவிடு. நீ வரும் வரைக்கும் நான் அவர்களைப் பார்த்துக் கொள்கிறேன்' என்றார். உண்மையிலேயே நான் சந்தோஷப் பட்டேன். ஒருவரை அம்மாவிடம் விட்டுவிட்டு மற்றவரை சந்திக்க சென்றுவிட்டு வந்தேன். இருவருமே இன்றும் என்னுடன் மகிழ்ச்சியாக பேசிக் கொண்டிருக்கிறார்கள். 

வேலை செய்வதில் எனது தாயாருக்கு நிகர் எனது தாயார்தான். சளைக்காமல் வேலை செய்வார். அவருக்கு மற்றவர்கள் வேலை செய்வதைப் பார்க்கவும் பிடிக்கும். சரியாக செய்யவில்லை என்றால் நாசுக்காக அதை சுட்டிக் காட்டி திருத்தவும் தெரியும். யாரையும் அதட்டி நான் பார்த்ததில்லை. இன்று கூட அவரால் சும்மா உட்கார முடியாது. காலை சுமார் 8 மணிக்கு கிளம்பினார் என்றால் இரவு 8 மணிக்குத்தான் அவரால் வீட்டிற்கு வந்து சேர முடியும். ஒரு முறை நாங்கள் ஒரு புதிய ஆஸ்பத்திரிரையை கட்டிக் கொண்டிருந்தோம். அந்த ஆஸ்பத்திரியில் எந்த வசதிகள் எங்கெங்கு இருக்கவேண்டும் என்று முடிவு செய்து வைத்திருந்தோம். குறிப்பாக எக்ஸ்ரே, ரத்த பரிசோதனை போன்ற வசதிகளை மாடியில் வைத்திருந்தால் அது சரியாக இருக்கும் என்று நினைத்தோம். அப்பொழுது அங்கு வந்த எனது தாயார் என்னை சைகை செய்து அழைத்து வேறு ஒரு அறைக்கு அழைத்துச் சென்றார். அடுத்த அறைக்கு சென்றவுடன் இந்த மாதிரி விஷயங்கள் எல்லாம் கீழ் அறையிலேயே, அதாவது தரை தளத்திலேயே இருந்தால் நன்றாக இருக்கும் இல்லையா? நம்மிடம் தங்காதவர்களும் தேவை என்றால் கீழேயே தங்களுக்கு தேவையான விஷயங்களை செய்துகொண்டு செல்ல சௌகரியமாக இருக்கும் இல்லையா என்றார். இந்த சிறிய விஷயம் கூட அன்று எங்கள் மனதிற்கு தோன்றவில்லை. இன்று எங்கள் அப்போலோ மருத்துவமனை எங்கெல்லாம் இருக்கிறதோ அங்கெல்லாம் இடம் இருந்தால் தரை தளத்திலேயே இந்த வசதிகளை செய்துள்ளோம். மக்கள் செளகரியமாக வந்து செல்லவும், எங்களிடம் தான் தங்கவேண்டும் என்று இல்லை. எங்களிடம் உள்ள தரமான விஷயங்களை அவர்கள் உபயோகித்துக் கொண்டால் அதுவே எங்களுக்கு மகிழ்ச்சி.

எனது தாயார் தெய்வ பக்தி கொண்டவர். ஒரு நாளும் தெய்வத்திற்கு பூஜை செய்யாமல் அவரால் இருக்க முடியாது. உடல் சோர்வாக இருந்தாலும் சரி, அன்று ஒரு ஐந்து நிமிடங்களாவது வீட்டில் உள்ள பூஜை அறைக்கு வந்து, அவருக்கு தெரிந்த ஸ்லோகத்தை சொல்லி இரண்டு பூக்களை கையால் போடாமல் போகமாட்டார். அதே போன்று சென்னையில் இருந்தால் செவ்வாய், வெள்ளி, இந்த இரு தினங்களிலும் எங்கள் அப்போலோ ஆஸ்பத்திரியில் உள்ள கோயிலில் எனது தாயாரை எல்லோரும் பார்க்கலாம். காலை, மாலை இரு வேளையும் வந்து இவர் பூ போட்டு ஆண்டவனை வணங்குவது தவறாமல் நடக்கும். மற்ற தினங்களில் மற்ற மருத்துவமனைக்கும் இவர் செல்வார். இவரது இந்த பக்தியினால் தான் நாங்கள் எல்லோரும் இன்றும் நன்றாக இருக்கிறோம் என்று நினைக்கிறேன்.

சமையலில் எனது தாயார் எக்ஸ்பர்ட். எங்களது குழந்தைப் பருவ புகைப் படங்களைப் பார்த்தாலே தெரியும். நாங்கள் எல்லோருமே குண்டாக இருப்போம். எங்களை எல்லாம் சரியான நேரத்திற்கு உணவளித்து, ஒரு முறைக்கு இருமுறை பார்த்து எல்லாம் சரியாக இருக்கிறதா என்று பார்த்துப் பார்த்து ஊட்டுவார். தெலுங்கு சமையல் அனைத்தும் அவருக்கு அத்துப்படி. அதில் அவருக்கு தெரியாத சமையல் வகைகளே இல்லை என்று நான் நினைக்கிறேன். அதனால் மற்ற வகை சமையல் அவருக்கு தெரியாது என்று இல்லை. அவரது கைப் பக்குவம் எல்லா வகையான சமையலுக்கும் பொருந்தும். 

ஒருமுறை நான் கோபத்துடன் எனது தட்டில் வைக்கப்பட்ட உணவு வேண்டாம் என்றேன். அப்பொழுது எனது தாயார் என்ன சொன்னார் தெரியுமா? "உலகில் கோடான கோடி பேர் இந்த உணவு கூட இல்லை என்று வருத்தப்படுகிறார்கள். நீ ஏன் வேண்டாம் என்கிறாய்? உணவு தெய்வதிற்கு சமமானது. தட்டில் வைக்கப்படுவதற்கு முன் வேண்டாம் என்று சொல்ல வேண்டும். வைத்தபின் சாப்பிட வேண்டும். எந்த ஒரு உணவுப் பண்டத்தையும் நாம் வீணாக கொட்டக் கூடாது'' இந்த எண்ணம் எனது மனதில் பசுமரத்தாணி போல் பதிந்து விட்டது. இன்றும் நான் எந்த இடத்திற்கு சென்று சாப்பிட்டாலும் தேவைப்படும் அளவிற்கு மட்டுமே எடுத்துக்கொண்டு சாப்பிடுவேன்.

உணவை பற்றி சொல்லும் போது எனது தாயார், உணவு வகைகளை பற்றி இரண்டு புத்தகங்கள் ஆங்கிலத்தில் எழுதி உள்ளார்கள். அந்த புத்தகத்தின் பெயர் 'நாஸ்டால்ஜியா - குசின்' இரு தொகுதியாக வெளியாகி உள்ளது.

ஒரு முறை நான் உடல் நலமில்லாமல் இருந்தேன். மற்றவர்களைப் போல் அழுது ஆர்ப்பாட்டம் பண்ணாமல், என்னைப் பக்கத்தில் இருந்து பார்த்துக் கொண்டு, சரியான நேரத்துக்கு மருந்து மாத்திரைகளை கொடுத்து என்னை சரியாக்கிய தெய்வம் எனது தாயார்தான். ஆண்டவன் என் முன் தோன்றி ஒரு வரம் தருகிறேன் என்ன வேண்டும் என்று கேட்டால், நான் கேட்பது ஒன்றுதான். இதே பெற்றோரின் வயிற்றில் மீண்டும் பிறக்க வேண்டும் என்றே கேட்பேன்.

]]>
apollo hospital, அப்பல்லோ மருத்துவமனை, pratap c reddy, ப்ரீத்தா ரெட்டி http://images.dinamani.com/uploads/user/imagelibrary/2018/6/7/w600X390/Preetha-reddy.jpg http://www.dinamani.com/health/health-news/2018/jun/07/nostalgia-shared-by-preetha-reddy-about-her-mother-2934952.html
2930478 மருத்துவம் செய்திகள் இன்று மே 31, பேஸிவ் ஸ்மோக்கிங் பத்தி நீங்க கண்டிப்பா தெரிஞ்சிக்க வேண்டிய நாள்! RKV Thursday, May 31, 2018 12:01 PM +0530  


உலகில் புகையிலையின் பேராபத்திலிருந்து மக்களைக் காக்க வேண்டியது அரசின் கடமை. அந்தக் கடமையை அரசு, திரையரங்குகளில்... திரைப்படம் போடத் துவங்கும் முன் சில, பல புகையிலை ஒழிப்பு பிரச்சார விளம்பரங்கள் மூலமாக ஒழித்து விட முடியும் எனக் கருதுகிறது. ஆனால் அப்படி புகையிலையை ஒழிப்பதானால் புகையிலையை பல்வேறு வடிவங்களில் பயன்படுத்துவோரின் எண்ணிக்கை குறைந்திருக்க வேண்டுமே?! அப்படியொன்றும் குறைந்ததாகத் தெரியவில்லை. சர்வதேச அளவில் நாளுக்கு நாள் புகைபிடிப்போரின், புகையிலை பயன்படுத்துவோரின் எண்ணிக்கை அதிகரித்துக் கொண்டே தான் இருக்கிறதே தவிர குறையவே இல்லை என்பதே நிஜம். 

அஸ்ஸாமில் கடந்த சட்டமன்றத் தேர்தலின் போது தற்போது ஆட்சியமைத்திருக்கும் அரசியல் கட்சியின் முக்கியமான வாக்குறுதியே புகையிலையை மாநிலம் முழுதும் முற்றிலுமாக இல்லாதொழிப்பதே தங்களது முதல் கடமை என்பதாக இருந்தது. தேர்தலில் அந்தக் கட்சியின் வெற்றிக்கு இந்த வாக்குறுதியும் ஒரு காரணமாக அமைந்திருந்ததை சுட்டிக் காட்டில் சமீபத்தில் தனியார் தொண்டு நிறுவனம் ஒன்று மே 31 புகையிலையற்ற உலகை உருவாக்குவோம் எனும் சங்கல்ப தினத்தையொட்டி பொதுமக்களை போராட்டத்துக்கு அழைத்துள்ளது.

வாலண்டரி ஹெல்த் அசோஸியேசன் ஆஃப் ஆஃப் அஸ்ஸாம் ( VHAA)  என்ற பெயரில் இயங்கி வரும் அந்த தன்னார்வ தொண்டு அமைப்பு, அஸ்ஸாம் மாநிலத்தில், மத்திய புகையிலை எதிர்ப்பு நடவடிக்கையை உடனடியாக அமுல்படுத்துமாறு கோரிக்கை விடுத்திருக்கிறது. அதன் மூலமாக அஸ்ஸாம் மாநிலம் முழுவதும் புகையிலை சார்ந்த லாஹிரி வஸ்துக்களின் பயன்பாட்டை முற்றிலுமாகத் தடை செய்யக் கோரி மாநில அரசை நிர்பந்தித்து வருகிறது. VHAA அமைப்பின் கோரிக்கைகளில் தெளிவாகக் குறிப்பிடப்படும் விஷயங்கள் யாதெனில்,  அஸ்ஸாமில் பொது இடங்களில் புகைபிடித்தலை முற்றிலுமாகத் தடை செய்ய வேண்டும் என்பதோடு மைனர் சிறுவர்களுக்கு குறிப்பாக 18 வயதுக்கு குறைவாக உள்ள சிறுவர்களுக்கு சிகரெட் விற்பனை செய்வதும், புகையிலை சார்ந்த பொருட்களை உட்கொள்ள ஊக்குவிப்பதும் சட்டப்படி தண்டனைக்குரிய குற்றம், அதோடு பள்ளி, கல்லூரிகள் போன்ற கல்வி நிறுவனங்கள் இருக்கும் எல்லைகளில் சுமார் 100 கெஜ சுற்றளவில் புகையிலை சார்ந்த பொருட்களின் விற்பனை தடை செய்யப்பட வேண்டும். அந்தத் தடையை சட்டப்பூர்வமாக நிலைநிறுத்த மாநில அரசு COTPA (CIGARETTE AND OTHER TOBACCO PRODUCT ACT) சட்டத்தின் 4 மற்றும் 6 பிரிவுகளைப் பயன்படுத்தி ஆவன செய்ய வேண்டும் என VHAA  அமைப்பு அஸ்ஸாம் மாநில அரசை வலியுறுத்தியுள்ளது.

மே 31 ஆம் தேதி சர்வ தேச அளவில், புகையிலை இல்லா உலகை உருவாக்கும் தினமாக உலக சுகாதார நிறுவனம் மற்றும் அதன் உறுப்பு நாடுகளால் அங்கீகரிக்கப் பட்டுள்ளது. அதன்படி மே 31 ஆம் தேதியன்று புகையிலை மற்றும் புகையிலை சார்ந்த பொருட்களினால் ஏற்படக் கூடிய கொடுமையான ஆரோக்யக் கோளாறுகளைப் பட்டியலிட்டு மக்களுக்கு வெளிப்படுத்தி புகையிலையின் தீமையை உலகம் முழுக்க கொண்டு சேர்க்க வேண்டிய வேலையை அரசும் பலவேறு தனியார் தொண்டு நிறுவனங்களும் செய்து வருகின்றன.

புகையிலை என்பது அதைப் பயன்படுத்துகிறவர்களை மட்டுமல்ல, அவர்களைச் சார்ந்தவர்களையும் மிக பாதிக்கிறது. அதற்கு பேஸிவ் ஸ்மோக்கிங் என்று பெயரிட்டிருக்கிறார்கள். உங்களுக்கு புகை பழக்கம் இல்லாவிட்டாலும் கூட உங்களுக்கு நெருங்கியவர்களான அப்பாவோ, கணவரோ, சகோதரனோ, நண்பர்களோ புகை பழக்கத்திற்கு அடிமையானவர்களாக இருந்தால் அவர்கள் மூலமாக நீங்கள் பேஸிவ் ஸ்மோக்கிங் வகையறாவின் கீழ் மோசமான பாதிப்புக்கு உள்ளாக்கப் பட 90 சதவிகித வாய்ப்புகள் உள்ளன என புற்றுநோய் ஆராய்ச்சி மருத்துவர்கள் தெள்ளத் தெளிவாக பல்லாண்டுகளாகப் எச்சரிக்கைப் பிரச்சாரம் செய்து வருகின்றனர். புற்றுநோய் மட்டுமல்ல, புகைபிடிப்பவர்களுக்கும் அவரது அருகாமையில் தொடர்ந்து இருப்பவர்களுக்கும் கார்டியோ வாஸ்குலர் என்று சொல்லப்படக் கூடிய இதய நோய்கள் தாக்கவும் அதிக வாய்ப்புகள் உண்டு என்கிறார்கள்.

இந்த போராட்டத்தை அஸ்ஸாமில் முன்னெடுக்க தன்னார்வ நிறுவனம் கூறும் காரணம், அஸ்ஸாமின் அடல்ட் பாப்புலேஷனில் பாதிக்கும் மேற்பட்டோர் புகையிலை அடிமைகள். அவர்களால் புகையிலையை வெறுக்கும் மக்களும் கூட பேஸிவ் ஸ்மோக்கிங் முறையில் பாதிக்கப் படுகிறார்கள். புகைபிடிக்கும் பழக்கமுள்ள ஒரு நபர் புகை பிடிக்கும் பழக்கமே இல்லாத 30 நபர்களின் ஆரோக்யக் கேட்டுக்கு அவரை அறியாமலே காரணமாகிறார். இந்த அவலம் முறியடிக்கப் பட வேண்டும் என்ற நோக்கில் தான் பொதுமக்களை புகையிலைக்கு எதிராகப் போராட அழைப்பு விடுத்திருக்கிறோம் என அந்த தன்னார்வ தொண்டு நிறுவனம் குறிப்பிடுகிறது.

தமிழ்நாட்டிலும் புகைபழக்கத்துக்கு அடிமையானவர்களின் சதவிகிதம் கணிசமாக உயர்ந்து கொண்டே தான் இருக்கிறது.

சிகரெட் பழக்கத்தை ஒழிக்க எலக்ட்ரானிக் சிகரெட் எல்லாம் கொண்டு வந்து பார்த்தார்கள். புகைபழக்கமுள்ள நண்பர் ஒருவர் முகநூலில் அதெல்லாம் சுத்த வேஸ்ட் என்கிறார்.

'திருடனாய் பார்த்து திருந்தா விட்டால் திருட்டை ஒழிக்க முடியாது’ எனும் சொல்வழக்குக்கு ஏற்ப புகையிலை மற்றும் புகை பிடிக்கும் பழக்கத்தை முற்றிலுமாக ஒழிக்க வேண்டுமென்றால் சம்மந்தப்பட்ட நபரே புகையிலையின் தீங்குணர்ந்து அதை நிறுத்தினால் ஒழிய சட்டத்தின் மூலம் அதை ஒழிக்க முடியுமென்று தோன்றவில்லை என்கிறார் மற்றொரு நண்பர்.

சரி இப்போது புகைப்பழக்கத்தை கைவிடுவதைப் பற்றி மறைந்த தென்கச்சி சுவாமிநாதன் தனது ‘இன்று ஒரு தகவல்’ புத்தகத்தில் என்ன சொல்லியிருக்கிறார் என்றும் பார்த்து விடலாம்.

  • சில நாட்களுக்கு புகைப் பிடிக்கும் நண்பர்களின் பழக்கத்திலிருந்து விலகி இருக்கலாம், அதன் மூலமாக புகைப்பிடிக்க வேண்டும் என்ற எண்ணம் குறைந்து ஒருநாள் முற்றிலுமாக அந்த எண்ணம் ஒழிய வாய்ப்பிருக்கிறது.
  • புகைப்பழக்கத்தை எதிர்த்து தீவிரமாகப் பிரச்சாரம் செய்ய ஆரம்பித்து விட வேண்டும். அது பிறருக்கும் நல்லது, உங்களுக்கும் நல்லது. மீண்டு அந்த கெட்ட பழக்கத்தை தொடங்கி விடக்கூடாது என்ற உள்ள உறுதியை அது உங்களுக்கு ஏற்படுத்தக் கூடும்.
  • தினமும் இரண்டு தடவை குளிக்க வேண்டும், முதலில் வெதுவெதுப்பான நீர், பிறகு குளிர்ந்த நீர். இப்படி மாற்றி மாற்றிக் குளிக்கனும்.
  • தினமும் உடற்பயிற்சிகள் செய்யனும்.
  • தினமும் பிராணாயாமங்கிற மூச்சுப் பயிற்சியை மறக்காமல் செய்ய வேண்டும்.
  • சாப்பாடு மிதமாக இருக்க வேண்டும். மூன்று வேளையும் சாப்பாட்டில் காய்கறிகள் பழங்கள், கீரைகளைச் சேர்த்துக் கொள்ள வேண்டும், மொத்தமாகச் சாப்பிட்டுப் பழகாமல் சிறிது சிறிதாக உண்டு பழகி ரத்தத்தில் சர்க்கரையின் அளவைப் பராமரிக்கனும். இது நரம்புகளை அமைதிப்படுத்தும்.
  • நீண்ட நேரம் பசியோடு இருக்கக் கூடாது. புகைப்பழக்கத்தை நிறுத்த முயற்சித்துக் கொண்டிருக்கும் போது எடை குறைப்பு முயற்சிகளில் எல்லாம் ஈடுபடக் கூடாது.
  • காஃபீ, டீ, ஆல்கஹால், போதை வஸ்துக்கள் கலந்த உணவுப் பொருட்களை தவிர்த்து விட வேண்டும். கடுகு, மிளகு போன்ற காரமான உணவுப் பொருட்களையும் தவிர்த்து விட வேண்டும். ஏனென்றால் புகைப்பழக்கத்தை இவையெல்லாம் தூண்டக் கூடும்.
  • உணவில் உப்பைக் குறைக்க வேண்டும், குறைந்த பட்சம் நாளொன்றுக்கு 10 குவளை தண்ணீராவது குடிக்க வேண்டும். வெறும் நீர் புகைப்பிடிக்கும் ஆர்வத்தைத் தணிக்கும்.
  • கையிலே புகையிலை, சிகரெட் எது இருந்தாலும் உடனடியாக தூக்கியெறிந்து விட வேண்டும். இல்லாவிட்டால் அது அடிக்கடி புகைப்பிடிக்கும் ஆவலைத் தூண்டிக் கொண்டே இருக்கும்.
  • இறை நம்பிக்கை உள்ளவர்கள் புகைப்பிடிக்கும் ஆர்வம் வரும் போதெல்லாம் கடவுளைப் பிரார்த்தனை செய்ய ஆரம்பித்து விடலாம்.
  • உங்களுக்கு மிகவும் பிடித்தவர்களிடமெல்லாம், நீங்கள் புகைப்பிடிப்பதை நிறுத்தி விட்டதாகச் சொல்லி விடுங்கள். பிறகு அவர்கள் முன்னால் புகைபிடிக்க தயக்கம் வரலாம்.

மேலே சொன்ன இந்த 10 வழிமுறைகளையும் தென்கச்சி தனது இன்று ஒரு தகவல் நூலில் பகிர்ந்திருக்கிறார்.

உலக புகையிலை இல்லா தினமான இந்த நன்னாளில் அதை உங்களிடம் பகிர்ந்து கொள்ளாமல் வேறு எப்போது பகிர்ந்து கொள்வது?!

இதனால் எவரேனும் ஒருவருக்கு பலனுண்டு என்றாலும் அது தென்கச்சியின் வார்த்தைகளுக்கு கிடைத்த வெற்றி மட்டுமல்ல, அவரவர் சொந்த வெற்றியும் கூடத்தான்.

Image courtesy: NDTV.COM

*THANKS TO THENKACHI KO SWAMINATHAN'S INRU ORU THAGAVAL BOOK FOR TIPS.

]]>
Smoking is injurious to health, சிகரெட், World No Tobacco Day, 2018, புகைப்பழக்கம் உயிருக்கு கேடு விளைவிக்கும், உலக புகையிலை இல்லா தினம் மே 31, மே 31 2018, புகைப்பழக்கத்தை தவிர்க்க டிப்ஸ் http://images.dinamani.com/uploads/user/imagelibrary/2018/5/31/w600X390/passive_Smoking_day.jpg http://www.dinamani.com/health/health-news/2018/may/31/world-no-tobacco-day-2018-2930478.html
2929853 மருத்துவம் செய்திகள் குழந்தைப் பருவ ஒபிஸிட்டிக்கு பால் காரணமில்லை: புதிய ஆய்வு முடிவு வெளியீடு! RKV Wednesday, May 30, 2018 01:58 PM +0530  

குழந்தைப் பருவத்தில் பிற உணவுகளோடு ஒப்பிடுகையில் பால் அதிகம் அருந்தினால் அதனால் பலனேதும் இல்லை. உடல் பருமன் தான் அதிகரிக்கும் என்பது மக்களிடையே உள்ள பொதுவான நம்பிக்கை. முன்னொரு காலத்தில் பிறந்த பச்சிளம் குழந்தைக்கு கூட பசுவின் சுத்தமான பால் இருந்தால் போதும், வேறு போஷாக்கான உணவு தேவையில்லை. பசும்பால் குடித்து பயில்வானாகலாம் என்றொரு நம்பிக்கை வயதானவர்களிடையே நிலவியது. பிறகு வந்த அயல்நாட்டு ஆராய்ச்சி முடிவுகள் குழந்தைகளுக்கு பாலே கொடுக்கத் தேவை இல்லை. பிறந்த குழந்தைகளுக்கு தாய்ப்பால் போதும். அதைத் தவிர எதுவும் தேவையில்லை, பசும்பால் அருந்தும் பழக்கம் தொடர்ந்து நீடித்தால் ஒரு கட்டத்தில் உடலில் எடையைக் கூட்டும் ஹார்மோன்களின் செயல்பாடு அதிகரித்து குழந்தைப் பருவ ஒபிஸிட்டிக்கும் அது வழிவகுக்கும் என்றன. இதைக் கண்டு குழந்தைகளுக்கு பால் அருந்தத் தராமல் சத்து மாவுக் கஞ்சியை பழக்கப் படுத்திய அம்மாக்கள் நிறைந்திருந்தனர் நமது சம காலத்தில். இது ஒரு வகை. பாலை அடிப்படையாக் வைத்து எதற்கு இத்தனை குழப்பங்களும், சஞ்சலங்களும்?!

உண்மையில் பால் அருந்தினால் குழந்தைகள் குண்டாவார்களா? 

கடந்த 27 ஆண்டுகளாக இப்படி ஒரு கேள்வியைத் தங்களது ஆராய்ச்சியின் அடிப்படையாகக் கொண்டு ஆய்வு நடத்தி வருகிறார்கள் அமெரிக்காவைச் சேர்ந்த மருத்துவக் குழுவினர். இவர்களது சார்பாக ஊடகங்களிடம் பேசிய ஆய்வாளர் அனெஸ்டிஸ் டெளகஸ் தெரிவிப்பது என்னவென்றால், பால் மற்றும் பால் பொருட்களை தொடர்ந்து உட்கொள்வதால் குழந்தைப் பருவ ஒபிஸிட்டி வரும் என்பது கற்பனை. இது தொடர்பாக கடந்த 27 ஆண்டுகளாக நாங்கள் நிகழ்த்திய ஆய்வு முடிவுகளின் படி, பால் மற்றும் பால் பொருட்களில் இருந்து கிடைக்கும் மினரல்கள், நியூட்ரிஷன்கள் அனைத்துமே மனித வாழ்வின் பல்வேறு காலகட்டங்களில் அவர்களது உடல் ஆரோக்யத்துக்குத் தேவையான சத்துக்களை வழங்குவனவாக இருக்கின்றன. அப்படி இருக்கையில், பால் மற்றும் பால் பொருட்களைப் புறக்கணிப்பது நல்லதல்ல. என்கிறார் அவர். 

மனித ஆரோக்யத்தில் வாழ்நாள் முழுமைக்கும் தேவையான சத்துக்களைக் கொண்ட பாலை புறக்கணிக்க வைத்த இந்த கற்பனை நம்பிக்கை பரவியது எப்படி? என்பது குறித்து தெளிவாக ஆராய விரும்பி, 1990 முதல் 2017 வரையிலான ஆண்டுகளுக்கிடையில் பிறந்த குழந்தைகளை அடிப்படையாக வைத்து 32 விதமான நீள்வட்ட ஆய்வுகளையும் 43 விதமான குறுக்கு வெட்டு ஆய்வுகளையும் சேகரித்த தரவுகளின் அடிப்படையிலான 20 ரேண்டமைஸ்டு சோதனைகளின் வாயிலாக அதாவது இயற்கையாக மாடுகள் ஆடுகளில் இருந்து பெறப்பட்ட பால் மட்டுமல்லாது தாவரப் பொருட்களில் இருந்து செயற்கையாக உருவாக்கப்படும் பாலை அருந்தி வளர்ந்த குழந்தைகளுக்கிடையேயுமாக பால் அருந்துவதின் விளைவுகள் குறித்து தொடர்ச்சியாக ஆராய்ச்சிகள் மேற்கொள்ளப்பட்டன. அந்த ஆய்வு முடிவுகளில் தெரிய வந்தது என்னவெனில், எக்காரணம் கொண்டும் பால் அருந்தும் வழக்கத்தால் குழந்தைகளிடையே ஒபிஸிட்டி வருவதில்லை என்பதே.

எனவே இனியும் பால் அருந்துவதால் குழந்தைப் பருவ ஒபிஸிட்டி வரும் எனப் பயந்து பாலை புறக்கணிக்க வேண்டிய அவசியமில்லை என்கிறார்கள் இந்த மருத்துவக் குழுவினர்.

இது தொடர்பாக மேலும் ஆய்வுகள் நடந்த வண்ணம் இருக்கின்றன.

]]>
childhood obesity, குழந்தைப் பருவ ஒபிஸிட்டி, பால் மற்றும் பால் பொருட்கள், milk and milk products http://images.dinamani.com/uploads/user/imagelibrary/2018/5/30/w600X390/childhood_obesity.jpg http://www.dinamani.com/health/health-news/2018/may/30/dairy-not-responsible-for-childhood-obesity-2929853.html
2929837 மருத்துவம் செய்திகள் இது டயாபட்டிஸ் நோயாளிகளுக்கு உதவக் கூடும்! முயற்சி செய்து பாருங்கள்! ஸ்ரீ Wednesday, May 30, 2018 12:37 PM +0530

விதவிதமான ருசியான உணவு வகைகளை தயார் செய்து சாப்பிட வேண்டும் என்று சிலர் நினைப்பார்கள். ஆனால், அதை செய்வதற்கு நேரம் இருக்காது. குடும்பத்தில் உள்ள அனைவருக்கும் ஓட்டலில் வாங்கி கட்டுபடியும் ஆகாது. எனவே, நாம் வீட்டில் இருந்தபடியே தோசை மிக்ஸ், சத்து மாவு, பொங்கல் மிக்ஸ், திடீர் புட்டு, தோசை மிக்ஸ், இட்லி மிக்ஸ், ரவா தோசை மிக்ஸ், இடியாப்ப மிக்ஸ், பாதாம் மிக்ஸ், பாயசம் மிக்ஸ், மசாலா பொடி வகைகள் மற்றும் சாம்பார் பொடி, ரசப்பொடி, என பல வகையான ரெடிமிக்ஸ்களை தயார் செய்து விற்பனை செய்யலாம். இவை அனைத்தும் ஈரப்பதம் இல்லாமல் செய்வதால் எளிதில் கெடாது. இதற்கு பதப்படுத்தும் பொருளும் ஏதும் சேர்க்க வேண்டாம்.  

இதையே சற்று வித்தியாசமாக செய்தால் வரவேற்பு கூடுதலாக இருக்கும். அதாவது மூலிகைப் பொடி வகைகளான, புளியம் இலைப் பொடி, எலுமிச்சை இலைப் பொடி, வேப்பம் பூ பொடி, கொள்ளுப் பொடி, ஆவாரை இலைப் பொடி என பல்வேறு மூலிகைப் பொடி வகைகளை தயார் செய்யலாம்.  

டயாபட்டிக் உணவு: இது சிறுதானியத்தில் செய்யக் கூடியது. வரகு பொங்கல் மிக்ஸ், முத்து சோள ரொட்டி மிக்ஸ், கம்பு தோசை மிக்ஸ், கேழ்வரகு இட்லி மிக்ஸ் நவதானிய அடை மிக்ஸ் என பலவகையான டயாபட்டிக் ரெடி மிக்ஸ்களை தயாரித்து விற்பனை செய்யலாம். இது டயாபட்டிக் உள்ளவர்களுக்கு மட்டும் இல்லாமல் அனைவரும் சாப்பிட நல்ல தரமான உணவு பொருளாகும்.  

]]>
diet, diabetic, food forr diabetic patient., நீரிழிவு, டயாபடிக், டயாபடிஸ், சர்க்கரை வியாதி http://images.dinamani.com/uploads/user/imagelibrary/2018/5/30/w600X390/organic_fruits.jpg http://www.dinamani.com/health/health-news/2018/may/30/diet-ready-mix-foods-for-diabetic-patients-2929837.html
2925363 மருத்துவம் செய்திகள் மாதவிடாயின்போது பின்பற்ற வேண்டிய உணவுமுறைகள்! இன்று உலக மாதவிடாய் தினம் மே 28! ஜெயா ஷோமான் Monday, May 28, 2018 10:00 AM +0530
மாதவிடாய் என்பது பெண்களின் வழக்கமான உடல் செயல்பாடு என்கிற விழிப்புணர்வு மக்களிடம் இல்லை. இந்தியாவில் கடந்த 4ஆண்டுகளுக்கு முன்பு 2014 -ஆம் ஆண்டின் எடுக்கப்பட்ட ஒரு கணக்கெடுப்பின்படி சுமார் 42சதவித பெண்களுக்கு மாதவிடாய் பற்றிய போதிய விழிப்புணர்வு இல்லை என்பது தெரியவந்துள்ள தகவல். அதோடு மாதவிடாய் காலங்களில் உடலை எந்தளவுக்கு சுத்தமாக வைத்திருக்க வேண்டும் என்கிற விழிப்புணர்வும் அவர்களுக்கு இல்லை என்பது தெரியவந்துள்ளது.

மாதவிடாய் காலங்களில் சரியான முறையில் பராமரிக்கவில்லையென்றால் நோய் தாக்கம் ஏற்படும், மற்றும் இதனால் குழந்தை பெறுவதில் சிக்கலை ஏற்படுத்தும் என்று தெரியாமல் உள்ளனர். பெண்கள் இந்தியா போன்ற வளரும் நாடுகள் மட்டுமல்ல, வறுமையில் உழலும் ஆப்பிரிக்கா நாடுகளிலும், பணக்கார நாடான அமெரிக்காவிலும் மாதவிடாயால் பெண்கள் குறிப்பாக பள்ளி கல்லூரி செல்பவர்கள் அதிகம் பாதிப்படைகின்றனர் என்கிறது உலக சுகாதார நிறுவனம்.

மாதவிடாய்க்குப் பயன்படுத்தத் தேவையான சுகாதாரமான பொருட்கள் கிடையாமையாலும் தண்ணீர், துப்பரவு, சுகாதார வசதிகள் இல்லாமையாலும் ஆப்பிரிக்காவின் பல பகுதிகளில் சிறுமியர் ஐந்து நாட்கள் வரை பள்ளிக்கூடங்களுக்குச் செல்லாமல் இருக்கின்றனர். கடந்த 2015 -ஆம் ஆண்டு வங்காள தேசத்திலுள்ள ஒரு பள்ளியில் துப்பரவு வசதிகளை மேம்படுத்தியதால் அப்பள்ளியின் சிறுமியரின் சேர்க்கைப் 11சதவிகிதம் அதிகரித்தது என்பது குறிப்பிடத்தக்கது.

வளர்ந்து வரும் நாடுகளிலுள்ள பள்ளிகளில் மாதவிடாய்க் கழிவு அகற்றல் குறித்து அதிகம் கவனம் செலுத்தப்படுவதில்லை. உலகளவில் பள்ளிகளில் மாணவியர்களுக்குத் தண்ணீர் மற்றும் துப்பரவு வசதி 47சதவீதம் மட்டுமே கிடைக்கிறது. பள்ளிகளில் கழிவறைகள் இருந்தாலும் கூட அங்கு மாதவிடாய் கழிவுகளைச் சேகரிக்கும் கூடைகள் வைக்கப்பட்டிருப்பதில்லை. இதனால் பயன்படுத்தப்பட்டு அப்புறப்படுத்தப்பட்ட மாதவிடாய் அணையாடைகள் பள்ளி வளாகத்தில் பல்வேறு இடங்களிலும் கிடக்கிறது ஆனால் நம் தமிழகத்தில் இது போன்று பல இன்னல்கள் குறைவுதான் என்று சொல்லலாம். மக்களிடம் இது போன்று மாதவிடாய் குறித்து விழிப்புணர்வை ஏற்படுத்த வேண்டும் என ஜெர்மனியைச் சேர்ந்த வாஸ் என்கிற தனியார் சேவை நிறுவனம் தான் மே 28- ஆம் தேதியை உலக மாதவிடாய் சுகாதார நாளாக பல நாடுகளில் உள்ள சுகாதார அமைப்புகளின் ஆதரவோடு இந்த நாளை உருவாக்கி அறிவித்தது. அந்தத்தினத்தில் பல பேரணி, கருத்தரங்குகள், விழிப்புணர்வு நாடகம், கட்டுரைப்போட்டிகளை நடத்தி வருகிறது.
 

 மாதவிடாயின்போது பின்பற்ற வேண்டிய உணவுமுறைகள்!

கால்சியம் : அந்த நாட்களில் கால்கள் இழுப்பதும், அடி வயிற்றில் அதிக வலியும் இருக்கும். அதனால் கால்சியம் நிறைந்த உணவுகளான பால், தயிர், வெண்டைக்காய், பாதாம் ஆகியவற்றை சாப்பிடுங்கள். மேலும் கண்டிப்பாக ஏதேனும் கீரைகளை சேர்த்துக் கொண்டால் படிப்படியாக இந்தப் பிரச்னைகள் குணமடையும்.

வைட்டமின்: வைட்டமின் பி6 நமது உடலில் ஏற்படும் ஹார்மோன் பிரச்னைகளை சரி செய்கிறது, நோய் எதிர்ப்பு சக்தியை அதிகரிக்கிறது, "ப்ரி மென்ஸýரல் சின்ட்ரோம்'ஐ குறைக்கிறது. வைட்டமின் டி எலும்புகளை வலுவாக்கிறது. மிகவும் முக்கியமாக, மாதவிடாய்க்கு முன்பு மேற்கூறிய வைட்டமின் சத்துக்கள் அதிகம் இருக்கும் ஆரஞ்சு, நட்ஸ் வகைகள், வாழைப்பழம், மீன், தர்பூசணி, கீரை போன்றவற்றை சாப்பிடுங்கள். வலியில்லாத மாதவிடாய்க்கு தயாராக இந்த வைட்டமின்கள் தேவை.

தண்ணீர்: பலர் பீரியட்ஸின் போது கழிப்பறையை பயன்படுத்துவதை எரிச்சலான ஒரு விஷயமாக நினைத்து, அந்த நாட்களில் தண்ணீர் குடிப்பதை தவிர்ப்பார்கள். ஆனால், அந்த நாட்களில் நிறைய தண்ணீர் குடிக்க வேண்டும். எவ்வளவு தண்ணீர் குடிக்கிறோமோ அந்த அளவுக்கு வயிற்றுவலி குறையும். தண்ணீருக்கு பதில் ஜூஸ்களையும் பருகலாம்.

சாக்லெட்: நாம் மகிழ்ச்சியாகவும், டென்ஷன் இல்லாமலும் இருக்க மூளையில் செரட்டோனின் என்ற அமிலச்சுரப்பு அவசியம். இதற்கு, டார்க் சாக்லெட்டுகளைச் சாப்பிடுவதால் செரட்டோனின் அதிக அளவு சுரக்கிறது. அதனால் மாதவிடாயினால் ஏற்படும் டென்ஷன், பதட்டம் குறைய சாக்லேட் சாப்பிடலாம்.

கொழுப்பு உணவுகள் வேண்டாம்: அதிக கொழுப்புள்ள வெண்ணெய், கிரீம் போன்ற உணவுகள் பெண்களின் ஈஸ்ட்ரோஜென் ஹார்மோனைத் தூண்டிவிடும். மாதவிடாய் காலத்தில் இதனால் அதிக உதிரப் போக்கு ஏற்பட வாய்ப்புள்ளது.

ஃபைபர் : மாதவிடாய் காலத்தில் ஏற்படும் செரிமானப் பிரச்னையால் பலர் சாப்பிடவே மாட்டார்கள். சாப்பிடாமல் இருப்பதால் உடல் சோர்வு, பலகீனமாகும். அதனால் உணவில் பட்டாணி, கோதுமை, ரெட் பீன்ஸ், அவகோடா, கொய்யா, ப்ராக்கோலி போன்றவற்றை சேர்த்துக்கொள்ள மிக எளிதாக உணருவீர்கள்.

]]>
deit for periods days, periods, mensus, மாதவிடாய் http://www.dinamani.com/health/health-news/2018/may/28/diet-for-mensus-period-2925363.html
2927297 மருத்துவம் செய்திகள் ஆத்திர அவசரத்துக்குப் பொதுக் கழிவறைகளைப் பயன்படுத்துகிறீர்களா? ஒன் மினிட் ப்ளீஸ்! உமா பார்வதி Saturday, May 26, 2018 01:23 PM +0530  

ரயில் நிலையம், பஸ் ஸ்டாண்ட், நூலகம், தியேட்டர் உள்ளிட்ட பொது கழிவறைகளை நீங்கள் பயன்படுத்தும் போது சற்று கூடுதல் கவனத்துடன் இருப்பது அவசியம். காரணம் சுகாதாரமற்ற கழிப்பிடங்களைப் பயன்படுத்தும் போது உங்களுக்கே தெரியாமல் நோய்த்தொற்று ஏற்பட வாய்ப்புண்டு. சுத்தமில்லாத அத்தகைய இடங்களில் அதிகளவில் பாக்டீரியாக்கள் மற்றும் வைரஸ் கிருமிகள் உறைந்திருக்கும். இத்தகைய பொதுக்கழிப்பிடங்களின் சுத்தம் நம் கட்டுப்பாட்டில் இல்லை என்றாலும், சில விஷயங்களில் நாம் முன்னெச்சரிக்கையாக இருக்க முடியும் என்கிறார்கள் நிபுணர்கள்.

மருத்துவர் K. நாத் இது குறித்து கூறுகையில், 'ஆண்கள் மற்றும் பெண்கள் இருவருக்கும் இத்தகைய நோய்த்தாக்கம் இருக்கும் என்றாலும், பெண்கள் சிறுநீர் கழிக்கும் போது அவர்கள் வெஸ்டர்ன் டாய்லெட் இருக்கையில் நேரடியாக அமர்வதால் நோய்த்தாக்குதலுக்கான அதிக வாய்ப்புகள் அவர்களுக்கு உள்ளது, எனவே வெளியிடங்களில் பொதுக் கழிவறைகளைப் பயன்படுத்தும் போது முதலில் உங்கள் கைகளை நன்றாக கழுவிக் கொள்ளுங்கள். எப்போதும் சானிடைஸர்களை (sanitisers) கைவசம் வைத்திருப்பது நல்லது.’

Roca Bathrooms Products Pvt Ltd நிறுவனத்தின் நிறுவனர் கே. ரங்கநாதன் உங்கள் பொதுக் கழிவறை அனுபவம் ஆரோக்கியமானதாக விளங்க சில குறிப்புகள் கூறுகிறார்.

கதவுகள் மற்றும் கைப்பிடிகளை எப்படி கையாள்வது?

பொது கழிவறைகளின் கதவை நீங்கள்  திறக்கும் போது அதன் கைப்பிடியை தொடாமல் திறக்க முயற்சி செய்யுங்கள். காரணம் அக்கதவுகளின் கைப்பிடிகளை பலரும் பயன்படுத்துவதால், வகைவகையான கிருமிகள் அதில் படிந்திருக்கும். அவை தொற்றுகளை ஏற்படுத்தலாம். கைப்பிடியின் மீது ஒரு டிஷ்யூ பேப்பரை வைத்தபடி திறக்க முயற்சி செய்யுங்கள். டிஷ்யூ பேப்பர் இல்லாவிட்டால் கதவைத் திறந்த பின் முதலில் கைகளை நன்றாகக் கழுவி விடுங்கள்.

சுத்தமான கழிவறையைத் தேர்ந்தெடுங்கள்

திரையரங்குகளில் அல்லது நூலகத்தில் உள்ள கழிவறைக்குள் நுழையும் போது முதலில் ஒவ்வொரு டாய்லெட்டையும் சரிபார்த்து,. எது சுத்தமாக இருக்கிறதோ அதை தேர்ந்தெடுத்துப் பயன்படுத்துங்கள். ஈரமான தரையோ, அல்லது முன்பு பயன்படுத்தியவர் சுத்தமாக விடாமல் சென்றுவிட்டாலோ அதற்குள் நுழையவே நுழையாதீர்கள். மேலும் பொது கழிவறைகளில் இந்திய பாணியில் அமைந்துள்ள டாய்லெட்டைப் பயன்படுத்துவது நல்லது. வெஸ்டர்ன் டாய்லெட்டுகளை வெளியிடங்களில் பயன்படுத்துவதைக் கூடுமான வரையில் தவிர்த்துவிடுங்கள். வேறு வழியில்லாத நிலையில், டாய்லெட் சீட்டை கிருமிநாசினி பயன்படுத்தி சுத்தம் செய்துவிட்டுப் பயன்படுத்துங்கள். அது கைவசம் இல்லையென்றால் அங்கு வைக்கப்பட்டிருக்கும் டாய்லெட் பேப்பரால் இருக்கையை சுத்தமாகத் துடைத்தபின் பயன்படுத்துங்கள்.

எப்போது ஃப்ளஷ் செய்ய வேண்டும்?

சிலர் வெஸ்டர்ன் டாய்லெட்டில் சிறுநீர் கழித்தபின் அப்படியே அமர்ந்த நிலையில் ஃப்ளஷ் செய்வார்கள். இது தவறு. உள்ளாடைகளை அணிந்த பின்னர், அறையை விட்டு வெளியேறும் முன், டாய்லெட் இருக்கையின் மூடியை முழுவதும் மூடிய பின்னரே ஃப்ளஷ் செய்ய வேண்டும். காரணம் ஃப்ளஷ் செய்யும் போது காற்றில் பாக்டீரியாக்கள் பரவும். மேலும் ஃப்ளஷ் பட்டனை அழுத்தும் போதும் டிஷ்யூ பேப்பரை கைகளில் வைத்து அழுத்தவும். இதுவும் கிருமி தொற்றுவதைத் தவிர்க்க உதவும்.

பொறுமையாக காத்திருங்கள்

உங்களுக்கு முன்னால் ஒருவர் உள்ளே டாய்லெட்டைப் பயன்படுத்திவிட்டு வெளியேறுகையில், நீங்கள் உடனே பாய்ந்து உள்ளே செல்லாமல் சற்று பொறுமையுடன் காத்திருங்கள். அவசரம் என்றாலும் ஆரோக்கியமும் முக்கியம் அல்லவா? ஏற்கனவே அவர் ப்ளஷ் செய்துவிட்டு சென்றிருப்பதால் கிருமிகள் காற்றில் இருக்கும் எனவே நோய்த் தொற்று ஏற்படலாம். ஓரிரு நிமிடங்கள் கழித்துச் செல்வது நல்லது.

கைகளை நன்றாகக் கழுவி, உலர வைக்கவும்

கழிவறைக்குச் சென்றுவிட்டு திரும்பிய 20 நொடிகளுக்குள் கைகளை நன்றாக கழுவிவிடுங்கள். குழாய்களைப் பயன்படுத்தும் போது டிஷ்யூ பேப்பரால் அதைத் திறந்து மூடவும். ஆட்டோமெட்டிக் குழாயாக இருந்தால் பிரச்னையில்லை. எப்போதும் கைக்குட்டை அல்லது டிஷ்யூ பேப்பரை பயன்படுத்தி உங்கள் கைகளை நன்றாக துடைத்துக் கொள்ளுங்கள். ஈரம் என்றால் கிருமிகளுக்கு பிரியம் அதிகம் என்று சொல்லவும் வேண்டுமா?

உங்கள் உடைமைகள் பத்திரம்

பொது கழிவறைகளைப் பயன்படுத்தும் போது உங்கள் மொபைல் ஃபோன், பர்ஸ், கைப்பை உள்ளிட்ட பொருள்களையும் பத்திரமாக பாதுக்காக்க வேண்டும். கிருமிகள் அதன் மீதும் படிந்து பின்னர் உங்கள் மீதும் தொற்றிக் கொள்ள அதிக வாய்ப்புள்ளது. பொது கழிவறைகளின் தரை அல்லது சுவர்களில் ஒரு போதும் இவற்றையெல்லாம் வைக்காதீர்கள். எல்லாவற்றையும் ஹேண்ட் பேக்கில் பத்திரமாகப் போட்டு அதன் ஜிப்பை மூடி கைப்பையை தொங்க விடுவதற்கு கதவுக்குப் பின்னால் அமைக்கப்பட்டிருக்கும் ஆணியில் மாட்டிவிடுங்கள். சிலர் டிஷ்யூ பேப்பரால் ஹேண்ட் பேக்கை கூட துடைப்பார்கள். அவர்கள் சுத்த விஷயங்களில் தீவிரவாதிகளாக செயல்படுபவர்கள். அவர்களை விடுங்கள். உங்களால் முடிந்ததை நீங்கள் செய்தால் போதும்.

வெளியேறும் முன் ஒரு விஷயத்தை மறக்க வேண்டாம். உள்ளே சென்ற அதே முறையில் டிஷ்யூ பேப்பரால் கதவின் கைப்பிடியைத் திறந்து வெளியேறுங்கள்.

கைவசம் நிச்சயம் இது தேவை 

எப்போதும் உங்கள் கைப்பையில் ஹாண்ட் சானிடைஸர் வைத்திருங்கள். நீங்கள் போகும் எல்லா இடங்களிலும் தண்ணீர் வசதி இருக்கும் என்று சொல்ல முடியாது. எனவே கிருமித் தொற்றிலிருந்து உங்களைத் தற்காத்துக் கொள்ள ஒரே வழி இதுதான். குறிப்பாக பொதுக் கழிவறைகளைப் பயன்படுத்தி வெளியேறும் போது உங்கள் கைகளை ஹாண்ட் சானிடைஸர் பயன்படுத்தி சுத்தப் படுத்தினால் கிருமித் தொற்று பிரச்னையிலிருந்து தப்பித்துக் கொள்ளலாம்.

]]>
public toilets, பொது கழிவறை, பொதுக் கழிப்பிடங்கள், டாய்லெட் http://images.dinamani.com/uploads/user/imagelibrary/2018/5/26/w600X390/620x349.jpg http://www.dinamani.com/health/health-news/2018/may/26/say-no-to-germs-while-using-public-toilets-2927297.html
2926675 மருத்துவம் செய்திகள் நிபா வைரஸ் தாக்கி உயிர் இழக்கும் முன் கேரள நர்ஸ் எழுதிய உருக்கமான கடிதம்! உமா Friday, May 25, 2018 01:44 PM +0530  

கேரளாவை அச்சுறுத்திக் கொண்டிருக்கும் நிபா வைரஸ் பாதிப்பால் இதுவறை 10 பேர் உயிரிழந்துள்ளனர். அவர்களுள் நர்ஸ் லினி புதுச்சேரியும் ஒருவர். பெரம்பராவிலுள்ள தாலுக் மருத்துவமனையில் நிபா வைரஸ் தாக்கிய நோயாளிகளுக்கு சிகிச்சையளிக்கும் போது அவரையும் அவ்வைரஸ் தாக்கியுள்ளது. 

26 வயது நிரம்பிய லினி பெரம்பராவிலுள்ள ஹெல்த் செண்டரில் நர்ஸாக பணி புரிந்து வந்தார். மே மாதம் முதல் வாரத்தில் நிபா வைரஸ் தாக்கிய நோயாளிகள் அனுமதிக்கப்பட்டபோது அவர்களுக்கு சிகிச்சையளித்தார். உடனடியாக அவருக்கும் வைரஸ் கிருமி தாக்கியது. அவரது உடல் நிலை மோசமாகிக் கொண்டே இருந்த போது தன் கணவருக்கு ஒரு கடிதம் எழுதினார். அவரது கணவர் சஜீஷ் வளைகுடா நாட்டில் பணி புரிந்து வருகிறார். சஜீஷ் இந்தியா திரும்புவதற்குள், லினியின் நோய் தீவிரமடையவே அவரை தனியார் மருத்துவமனைக்கு அழைத்துச் சென்றார்கள். ஆனால் அங்கும் சிகிச்சை பலனின்றி லினி உயிரிழந்தார்.

லினி தன் கணவருக்கு எழுதிய கடிதத்தில், ‘சஜீஷ் ஏட்டா, நான் பிழைக்கப் போவதில்லை என்று தெரிகிறது. உங்களை எல்லாம் மீண்டும் பார்ப்பேன் என்று தோன்றவில்லை. என்னை மன்னித்துவிடுங்கள். குழந்தைகளை நல்லபடியாக நீங்கள் தான் வளர்க்க வேண்டும். மூத்த மகன் குஞ்சுவை உங்களுடன் வளைகுடாவுக்கு அழைத்துச் சென்றுவிடுங்கள். நம் அப்பா தனியாக இருந்தது போல ஒரு போதும் குழந்தைகளை தனித்து இருக்க விடாதீர்கள்...மிகுந்த அன்புடன்..

லினியின் மரணத்துக்கு பின்னர் அவரது உடலை மருத்துவர்கள் குடும்பத்தாரிடம் ஒப்படைக்கவில்லை. மருத்துவமனை நிர்வாகம் அவரது உடலை மின் தகனம் செய்துவிட்டது. நிபா வைரஸ் பரவக் கூடாது என்பதே காரணமாக தெரிவிக்கப்பட்டது.

]]>
Nipa virus, Kerala, Nurse Lini , நிபா, கேரளா, வைரஸ், நர்ஸ் லினி http://images.dinamani.com/uploads/user/imagelibrary/2018/5/25/w600X390/Lini.jpeg http://www.dinamani.com/health/health-news/2018/may/25/dying-nurse-linis-heartbreaking-letter-to-her-husband-2926675.html
2926652 மருத்துவம் செய்திகள் டயாபடீஸ் பேஷண்டுகளுக்கென பிரத்யேக டிஸைனர் செருப்புகள் அறிமுகம்! RKV DIN Friday, May 25, 2018 12:27 PM +0530  

உங்களுக்கு நீரழிவு நோய் இருக்கிறதா? அப்படியானால் அதற்கென பிரத்யேகமாக மருத்துவர்கள் பரிந்துரைக்கும் செருப்புகளையே நீங்கள் பயன்படுத்தி வருகிறீர்களா? நோயின் தாக்கத்திலிருந்து காத்துக்கொள்ள அந்த செருப்புகளைப் பயன்படுத்தி வந்தாலும் அவற்றின் டிஸைன் உங்களுக்குப் பிடிக்கவில்லையா? இதுநாள் வரை வேறு வழியின்றி அந்த செருப்புகளை வேண்டா வெறுப்பாகப் பயன்படுத்திக் கொண்டிருக்கிறீர்களா? இனிமேல் அந்தப் கவலை வேண்டாம். ராயபுரத்திலிருக்கும் நீரழிவு சிறப்பு மருத்துவமனையான M.V.ஹாஸ்பிடல் ஃபார் டயாபடிக்ஸும், மத்திய காலணி தொழில்நுட்ப நிறுவனமும் இணைந்து நேற்று, வியாழனன்று நீரழிவு நோயாளிகளுக்கான ஸ்பெஷல் டயாபடிக் காலணிகளின் இரண்டாவது ஸ்பெஷல் எடிஷன் கலெக்ஷனைத் திறந்து வைத்துள்ளன.

பொதுவாக மக்கள், அவர்கள் நீரழிவு நோயாளிகளோ அல்லது நார்மலான ஆரோக்யம் கொண்டவர்களோ எவராயினும் சரி தங்களுக்கான செருப்புகளைத் தேர்ந்தெடுக்கும் போது செளகர்யமாக இருக்கிறதா என்று பார்ப்பார்கள் அதோடு தங்களிடம் இருக்கும் செருப்புகள் பிறர் அணிந்திருப்பதைக் காட்டிலும் ஏதாவதொரு விதத்தில் சிறந்ததாக தனித்துத் தெரிய வேண்டும் என்றும் விரும்புவார்கள்.

ஒருவர் நீரழிவு நோயாளி என்பதால் மட்டுமே அவருக்கு ஏன் அத்தகைய ஆசைகள் மறுக்கப்பட வேண்டும். அதோடு கூட இப்போது நம் நாட்டில் நீரழிவு நோயாளிகளின் எண்ணிக்கையும் வழக்கத்தைக் காட்டிலும் அதிகரித்துக் கொண்டே தான் வருகிறது. ஆகவே நோயாளிகளின் மனதைத் திருப்திப் படுத்தும் விதமாக அவர்களது வழக்கமாக டயாபடிக் செருப்புகளுக்குப் பதிலாக தற்போது உலகத்தரமான டிஸைனர் வெரைட்டிகளில் அவர்களுக்கென்றே ஸ்பெஷல் கலெக்ஷன்களை வெளியிட்டிருக்கிறோம்.

இந்த கலெக்ஷனில் மொத்தம் 25 வெரைட்டிகள் உள்ளன. அதில் 13 வெரைட்டிகளை எக்ஸ்க்ளூசிவ்வாக பெண்களுக்கெனவும் 12 வெரைட்டிகளை எக்ஸ்க்ளூசிவ்வாக ஆண்களுக்கு எனவும் பிரத்யேகமாக தயாரித்து அளித்திருக்கிறோம்.

மத்திய காலணி தொழில்நுட்ப நிறுவனத்தின் கீழ் பயிலும் 25 மாணவர்கள் இணைந்து புத்தம் புதிய வடிவம், நிறம் மற்றும் கண்கவரும் ஃபேஷன் தொழில்நுட்பத்தைப் பயன்படுத்தி இந்த ஸ்பெஷல் டிஸைனர் செருப்புகளை உருவாக்கித் தந்துள்ளனர்.

மிக மென்மையான அடித்தளம் மற்றும் அழகான வெளிப்புறத் தோற்றத்துடன் கூடிய இந்த டிஸைனர் செருப்புகள் நீரழிவு நோயாளிகளை மட்டுமல்ல, அனைத்து விதமான மக்களையும் கவரக்கூடிய விதத்தில் உருவாக்கப்பட்டுள்ளன.

என மத்திய காலணி தொழில்நுட்ப ஆணையத்தின் இயக்குனர் கே.முரளி தெரிவித்தார்.
 

Image: Google

]]>
நீரழிவு நோயாளிகள், டிஸைனர் வியர் செருப்புகள், டயாபடிக் ஸ்பெஷல் செருப்புகள், diabetic special footwear, http://images.dinamani.com/uploads/user/imagelibrary/2018/5/25/w600X390/daibetic_footwear.jpg http://www.dinamani.com/health/health-news/2018/may/25/designer-footwear-for-diabetics-2926652.html
2926637 மருத்துவம் செய்திகள் மருந்து, மாத்திரைகள் இன்றி ரத்த அழுத்தத்தைக் குறைக்க இயற்கை வழிமுறை! RKV Friday, May 25, 2018 11:09 AM +0530  

50 வயதுக்கு மேல் பிரஸ்ஸர் மாத்திரைகள் போட்டுக் கொள்ளாத மனிதர்கள் இப்போது அரிதாகி வருகிறார்கள். பிரஸ்ஸர் மாத்திரைகள் என்பவை ரத்த அழுத்தத்தை சமநிலைப்படுத்த தினந்தோறும் உட்கொள்ளுமாறு மருத்துவர்களால் பரிந்துரைக்கப் படுகின்றன. இந்த மாத்திரைகளைப் போட்டுக் கொள்ளாமல் இயற்கையான முறையில் ரத்த அழுத்தத்தை குறைக்க ஏதாவது வழிமுறை இருக்கிறதா என்றால், இல்லாமலென்ன  தினமும் ஆலிவ் இலைச்சாற்றுக்கு ரத்த அழுத்தத்தைக் குறைக்கும் திறன் உண்டு என மருத்துவக் குழு ஒன்று தங்களது 8 வார தொடர் ஆய்வொன்றில் கண்டறிந்துள்ளது.

ரத்த அழுத்தத்தை சமநிலைப்படுத்துவதற்காக தற்போது மருத்துவர்கள் பரிந்துரைக்கும் கேப்டோப்ரில்லுடன் ஒப்பிடுகையில் ஆலிவ் இலைச்சாறு சிஸ்டோலிக் ரத்த அழுத்தத்தை 12 புள்ளிகள் வரை குறைப்பதில் முக்கிய பங்கு வகிப்பது கண்டறியப்பட்டுள்ளது.

இது தொடர்பான ஆய்வுகள் தொடர்ந்து நடைபெற்று வருகின்றன.

குறிப்பு: 

ரத்த அழுத்தம் என்பது சுத்த ரத்த நாளங்களில் உருவாகும் அழுத்த நிலை. இதயத்தால் வெளியேற்றப்பட்ட ரத்தம் ஆர்டெரிஸ் என்று சொல்லக்கூடிய சுத்த ரத்த நாளங்களில் ஏற்படுத்துகிற ஒரு அழுத்த நிலையை ஹைபர்டென்சன் என்கிறோம். இது இரண்டு எண்ணிக்கையில் குறிப்பிடப்படுகிறது. ஒன்று சிஸ்டோலிக் பிளட்பிரஷர். இது மேலே உள்ள எண்ணைக் குறிக்கும். அடுத்தது டயஸ்டோலிக் பிளட் பிரஷர். இது கீழே உள்ள எண்ணைக் குறிக்கும். உதாரணமாக மருத்துவர்கள் 120/80 mm of hg என்று எழுதுவார்கள். இதில் ஒன்றோ, இரண்டோ அல்லது இரண்டுமே அதிகமாக இருக்கலாம்.

பொதுவாக ஒரு மனிதனுக்கு 120/80 என்று ரத்த அழுத்தம் இருக்கும். இந்த ரத்த அழுத்தம் 140/90 என மாறும்போது ஹைபர்டென்சன் என்று குறிப்பிடப்படுகிறது.

]]>
பிளட் பிரஸ்ஸர், ரத்த அழுத்தம், கேப்டோப்ரில், ஆலிவ் இலைச்சாறு, olive leaf extract, captopril, blood pressure medication http://images.dinamani.com/uploads/user/imagelibrary/2018/5/25/w600X390/lower_bp.jpg http://www.dinamani.com/health/health-news/2018/may/25/how-to-lower-your-blood-pressure-naturally-2926637.html
2925350 மருத்துவம் செய்திகள் ஹை ஹீல்ஸ் அணிவதால் இவ்வளவு பிரச்னைகளா? கவிதா பாலாஜி Wednesday, May 23, 2018 11:18 AM +0530 குதிகால் செருப்புகள் பெண்களுக்கு கம்பீரமான தோற்றத்தை மட்டுமின்றி தைரியத்தையும், தன்னம்பிக்கையையும் கொடுக்கிறது! இதனால், குட்டையான பெண்கள் தங்களுக்கு உயரமும் கம்பீரமான தோற்றமும் கிடைக்க உயரமான குதிகால் செருப்புகளைத் தேடி அதிகவிலை கொடுத்து வாங்கி அணிகிறார்கள். அப்போது அசெüகரியம், ஆரோக்கிய சீர்கேடுகளையும் சந்திக்கிறார்கள்.

குதிகால் செருப்பணியும் 50 சதவீத பெண்கள் காலில் சுளுக்குடனும், குதிகால் வலியுடனும் அவதிப்படுவதுண்டு. மேலும், குதிகாலின் பின்பக்கம் சிலருக்கு சிவந்து வீங்கியிருக்கும். அவர்களது காயம் வெளியே தெரியாமல் குதிகாலின் உள்ளெலும்பில் கீறலோ அல்லது முறிவோ ஏற்பட்டிருக்கலாம்.

இயல்பு நிலை பாதிக்கும் வண்ணம் குதிகால் நரம்பில் 'நியுரோமா' எனப்படும் கடுமையான வலி ஏற்படலாம். குதிகால் செருப்புகளை நீண்டநேரம் அணியும்போது குதிகால் தசைநார்கள் சுருங்கிப் போகும். அதிக உயரமான குதிகால் செருப்புகளை நீண்டநேரம் அணியும் போது முதுகுத் தண்டில் விரிசல் ஏற்பட்டு அதிக அழுத்தம் ஏற்படுவதுடன், முழங்கால் மூட்டுவலியும் ஏற்படும். குதிகால் செருப்பில் அழகும், ஆபத்தும் அதிகளவில் உள்ளன. எனவே அதிக நேரம் குதிகால் செருப்பு அணிந்திருப்பதை தவிர்க்க வேண்டும். 
 

]]>
http://images.dinamani.com/uploads/user/imagelibrary/2018/5/23/w600X390/heels-pain-825x510.jpg http://www.dinamani.com/health/health-news/2018/may/23/wearing-an-high-heels-good-or-bad-for-health-2925350.html
2924761 மருத்துவம் செய்திகள் நிபா வைரஸிலிருந்து பொதுமக்கள் தங்களைத் தற்காத்துக் கொள்வது எப்படி? அரசு பொது சுகாதாரத் துறை எச்சரிக்கை! RKV Tuesday, May 22, 2018 03:29 PM +0530  

கடந்த சில நாட்களாக கேரளாவை அச்சுறுத்தி வரும் நிபா வைரஸ் குறித்து அண்டை மாநிலமான தமிழகத்திலும் கடும் பீதி நிலவுகிறது. இந்நிலையில் தமிழகத்தில் நிபா வைரஸ் தாக்குதல் குறித்த பீதியைப் போக்கும் விதத்தில் தமிழக அரசின் பொது சுகாதாரத்துறை சில முன்னெச்சரிக்கை நடவடிக்கைகளைப் பரிந்துரைத்துள்ளது. அவை முறையே;

  • நிபா வைரஸ் தொற்று இருக்கும் என சந்தேகிக்கும் இடங்களில் வாழும் பன்றிகளிடமிருந்து மனிதர்கள் விலகியிருத்தல் நல்லது. பன்றிக்கறி உண்பவர்கள் எனில் நிபா வைரஸ் தொற்று பீதி நீங்கும் வரை பன்றிக்கறியுண்ணும் ஆசைக்கு முற்றும் போடுவது நல்லது.
  • பழங்கள் மற்றும் காய்கறிகளை உண்பதற்கு முன் நன்றாக நீரில் கழுவிய பின்னரே உண்ண வேண்டும், அணில் மற்றும் வெளவால் கடித்த பழங்களை உண்ணக் கூடாது.
  • மூளைக்காய்ச்சல் & இன்ஃபுளூயன்ஸா வைரஸ் தொற்று இருப்பவர்களை ஆரம்ப நிலையிலேயே கண்டறிந்து போதிய சிகிச்சை அளித்துக் காக்க வேண்டும். ஏனெனில் இத்தகைய நோய்த்தொற்று உள்ளவர்களைத் தான் நிபா வைரஸ் எளிதில் டார்கெட் செய்கிறது. எனவே நோய் நாடி நோய் முதல் நாடி தீர்ப்பது பாதுகாப்பானது.
  • நிபா வைரஸ் தொற்றைத் தவிர்க்க வனத்துறை, கால்நடை வளர்ப்புத் துறை, வனவிலங்குப் பாதுகாப்புத்துறை என மூன்று துறை அதிகாரிகளும் ஒருங்கிணைந்து செயல்பட வேண்டும், காரணம் வனங்களில் வாழும் வெளவால்களிடமிருந்து பன்றிகளுக்கும் பிறகு பன்றிகளிடமிருந்து மனிதர்களுக்குமென இந்த வைரஸ் பரவுகிறது.
  • கேரளாவில் இந்த வைரஸ் தொற்றால் 10 பேர் இதுவரை உயிரிழந்திருக்கிறார்கள். எனவே நிபா வைரஸ் குறித்த விழிப்புணர்வை அண்டை மாநிலத்தவர்களான நம் தமிழக மக்களுக்கும் தொடர்ந்து ஏற்படுத்திக் கொண்டே இருக்க வேண்டும்.
  • நம்பகத்தன்மை வாய்ந்த தரமான ஆய்வகங்களில் மட்டுமே நிபா வைரஸ் தாக்கம் குறித்த சந்தேக ஆய்வு மேற்கொள்ளப்பட வேண்டும்.
  • வீடுகளில் கால்நடைகள் மற்றும் வளர்ப்பு மிருகங்கள் வளர்ப்பவர்கள் தங்களது விலங்களிடம் நிபா வைரஸ் தொற்று அறிகுறி இருக்கிறதா என கால்நடை மருத்துவர்களை அணுகி சோதித்துக் கொள்ள வேண்டும். ஏனெனில் வீட்டு விலங்குகள் வாயிலாகவே இந்த நோய் எளிதில் பரவுகிறது.
  • நோய்த்தாக்கம் ஏற்பட்ட நபரை உடனடியாகத் தனிமைப்படுத்தி சிகிச்சை அளிப்பது நல்லது.
  • நோயின் துவக்க கட்டத்திலேயே சிகிச்சை வழங்கத் தொடங்குவது உயிரிழப்பைத் தடுக்கும்.

 

நிபா வைரஸ் தொற்று அறிகுறிகள்...

  • நிபா வைரஸ் மனித உடலைத் தாக்கிய மாத்திரத்தில் 3 முதல் 14 நாட்களுக்குள் மனித உடலில் முழு வீச்சில் பரவி விடுகிறது.
  • நோய்த்தொற்று ஏற்பட்ட மூன்றாவது நாளில் இருந்தே காய்ச்சலும், தலைவலியும் தோன்றி விடும்.
  • பாதிக்கப்பட்டவர்கள் சதா அரைத்தூக்க நிலையில் இருக்க நேரிடும்.
  • நோய்த்தொற்று வீரியமானதாக இருந்தால் நோயாளி 28 மணி நேரத்தில் இருந்து 48 மணி நேரத்திற்குள் கோமா நிலைக்குச் சென்று விடுவார்.
  • சிலருக்கு ஆரம்ப நிலையில் சுவாசக் கோளாறுகளும் பிறகு நேரமாக, ஆக நோயின் வீரியம் கூடி அதிதீவிரமான நரம்பியல் பாதிப்புகளும் ஏற்படும்.
  • சிலருக்கு வலிப்பு வரும்.
  • கோமா நிலைக்குச் செல்லும் நோயாளிகள் பலர் உயிரிழக்க நேரிடும்.

சிகிச்சை...

நிபா வைரஸ் தாக்குதலில் இருந்து பூரணமாக விடுபட தடுப்பூசிகள் எதுவும் இதுவரை கண்டுபிடிக்கப்படவில்லை. நோய்த்தொற்று இருப்பது தெரியவந்தால், நோயாளியை தனிமைப்படுத்தி உரிய மருத்துவ சிகிச்சை எடுத்துக் கொள்வதொன்றை மட்டுமே இப்போது செய்ய இயலும். சிகிச்சை அளிக்கும் மருத்துவர்கள் போதிய தற்காப்பு உபகரணங்களை அணிந்து கொள்வது அவசியம்.

]]>
Nipah virus, prevention cure, kerala, tamilnadu, னிபா வைரஸ், தற்காப்பு முறைகள், தடுப்பு முறைகள், சிகிச்சை, அறிகுறி, கேரளா, தமிழ்நாடு, அரசு பொது சுகாதாரத்துறை http://images.dinamani.com/uploads/user/imagelibrary/2018/5/22/w600X390/000000000000niba_virus.jpg http://www.dinamani.com/health/health-news/2018/may/22/how-to-protect-from--nipah-virus-2924761.html
2924745 மருத்துவம் செய்திகள் செருப்பை கழற்றி விட்டு வீட்டுக்குள் நுழைந்தால் உடல் எடை குறையும், புதிய ஆய்வு முடிவு வெளியீடு! RKV Tuesday, May 22, 2018 01:21 PM +0530  

வீட்டுக்குள் நுழையும் போது செருப்பு மற்றும் ஷூக்களை வெளியில் கழற்றி விட்டு நுழைந்தீர்கள் எனில் உங்களது உடல் எடை குறைய அதிகபட்ச வாய்ப்புகள் இருப்பதாக சமீபத்திய பிரிட்டிஷ் மருத்துவ ஆய்வொன்று தெரிவித்துள்ளது. ஏனெனில் சுற்றுப்புறத்தில் நிலவும் ரசாயனங்கள் வீட்டுக்குள் நுழைந்து கண்ட, கண்ட இடங்களிலும் தங்காதிருக்க இந்த அருமையான பழக்கம் உதவுவதாகக் கண்டறிந்துள்ளனர். (இதைத் தானே நாம் இந்தியாவில் தொன்று தொட்டு செய்து வருகிறோம்... வெள்ளைக்காரர்கள் எல்லாவற்றிலுமே அட்வான்ஸ் திங்கிங் என்கிறார்கள், ஆனால் பாருங்கள் இந்த சின்ன விஷயத்தைக்  கூட அவர்கள் பலகோடி ரூபாய் செலவிட்டு செய்த ஆராய்ச்சியின் முடிவில் தான் கண்டுபிடித்திருக்கிறார்கள்) 

சமீபத்தில் பார்சிலோனாவில் செயல்பட்டு வரும் ஐரோப்பியன் சொஸைட்டி ஆஃப் என்டோகிரைனாலஜி மேற்கொண்ட ஒரு ஆய்வின் மூலம் இது நிரூபணம் ஆகியுள்ளது. அனைத்துப் பொருட்களிலும் தேங்கி இருக்கக் கூடிய உடல் எடையைக் கூட்டத்தக்க ஒபிஸொஜென்கள் மனித உடலில் சுரக்கும் ஹார்மோன்களின் செயல்பாடுகளில் தலையிட்டு உடலில் கொழுப்பு தேங்கும் படியான நிலையை உருவாக்குவதில் பெரும்பங்கு வகிக்கிறது. இந்த மகத்தான உண்மையை போர்ச்சுகலில் இருக்கும் அவியோரா மற்றும் பெய்ரா பல்கலைக் கழக ஆராய்ச்சியாளர்கள் தங்களது தொடர் ஆராய்ச்சி மற்றும் ஆய்வின் முடிவாகக் கண்டறிந்து வெளியிட்டுள்ளனர்.

நமது உணவுப்பழக்கம், வீட்டில் தேங்கும் தூசு தும்புகள், வீட்டைச் சுத்தப்படுத்த நாம் நாள்தோறும் பயன்படுத்தும் ரசாயனப் பொருட்கள், சமயலறையில் பயன்படுத்தும் உபகரணங்கள், அழகு சாதனப் பொருட்கள் உள்ளிட்ட அத்தனையிலுமே இந்த ஒபிஸோஜென்களின் தாக்கம் இருக்கிறதாம். இவற்றால் தான் மனிதர்கள் விரைவில் ஒபிஸிட்டிக்கு அடிமையாகிறார்கள் எனக் கண்டறியப்பட்டுள்ளது.

இந்த ஆராய்ச்சியில் ஈடுபட்ட மருத்துவக் குழுவினர்,  மனித உடலில் ஒபிசோஜென்களின் வளர்ச்சியைத் தவிர்க்க 7 விதமான வழிமுறைகளைப் பரிந்துரைக்கிறார்கள். 

அவற்றில் முதலாவது, இப்படி விரைவில் அசுத்தமடையக் கூடியனவும், உடல் எடையைக் கூட்டத்தக்க ஒபிஸோஜென்களை மனித உடலில் ஊடுருவ அனுமதிப்பதுமான பதப்படுத்தப்பட்ட உணவுப் பொருட்களை புறக்கணித்து விட்டு  இனிமேல் சுத்தமான, ஃப்ரெஷ் ஆர்கானிக் காய்கறிகள் மற்றும் பழங்களை மட்டுமே தேர்ந்தெடுத்து உண்ணும் பழக்கத்தை வளர்த்துக் கொள்வது கூட ஒபிஸோஜென்களைத் தவிர்ப்பதற்கான ஒருவழிமுறை தான் என்கிறார்கள்.

இரண்டாவதாக வெளியில் இருந்து வீட்டுக்குள் நுழையும் போது நமது கால்களில் அணிந்திருக்கும் ஷூக்கள் மற்றும் செருப்புகளை சினிமாக்களிலும், மெகா சீரியல்களிலும் காட்டுவதைப் போல வீட்டின் உட்புறம் வரை அணிந்து கொண்டு புழங்கி ஃபிலிம் காட்டாமல் முறையாக வீட்டு முகப்பில் அதற்குரிய இடங்களில் கழற்றி வைத்து விட்டு வீட்டுக்குள் நுழைந்தாலும் போதும் அனாவசியமாக ஷூக்கள் மற்றும் செருப்புகளின் வாயிலாக வீட்டுக்குள் நுழையவிருக்கும் அசுத்தங்களை நம்மால் தவிர்த்து விடமுடியும் என்கிறார்கள். 

அதுமட்டுமல்ல மூன்றாவதாக அவர்கள் அளிக்கும் டிப்ஸ்... அது வீடாக இருக்கட்டும் அல்லது அலுவலகமாக இருக்கட்டும் எங்கே என்றாலும் சரி மனிதர்கள் புழங்கக் கூடிய இடங்கள் அனைத்தும் அடிக்கடி சுத்தப்படுத்தப் பட வேண்டும். அது வாக்குவம் கிளீனராலோ அல்லது மனிதக் கரங்களாலோ இருக்கலாம். ஆனால் சுத்தம் செய்யப்பட வேண்டும் என்கிறார்கள். மரத்தரை என்றால் அவற்றின் மீது போடப்பட்டுள்ள கார்பெட்டுகளை குறிப்பிட்ட இடைவெளியில் வாரம் ஒருமுறையாவது சுத்தம் செய்ய வேண்டும் என்கிறது இந்த ஆய்வு முடிவு.

அதோடு, வீட்டில் பருப்பு வகைகள், மளிகைச் சாமான்களை நிரப்பி வைக்க பிளாஸ்டிக் கண்டெயினர்களைத் தவிர்த்து விட்டு அலுமினியம் அல்லது கண்ணாடி ஜார்களைப் பயன்படுத்தத் தொடங்கலாம். இதன்மூலம் மளிகைப் பொருட்களை நிரப்பி வைக்க சிந்தெட்டிக் பொருட்களை தொடர்ந்து பயன்படுத்துவதால் ஏற்படக்கூடிய ரசாயனத் தொற்றையும் நம்மால் தவிர்த்து விட முடியும் என்கின்றனர் இந்த மருத்துவ ஆராய்ச்சிக் குழுவினர்.

ஆராய்ச்சிக் குழுவின் தலைமை மருத்துவர் ஆனா காத்தரீனா செளசா இது குறித்து விளக்கமளிக்கையில்,  ஒபிஸோஜென் ஃப்ரீ லைஃப்ஸ்டைலைக் கட்டமைப்பதில் இது ஒரு துவக்க முயற்சி தான். ஆனாலும் இதையொரு நல்ல தொடக்கமென்றே சொல்ல வேண்டும் என்கிறார். 

அதற்கான முதல் ஸ்டெப்பாக தினந்தோறும் நமது உணவுப் பழக்கம் மற்றும் வீட்டுச் சுத்தம் இரண்டிலும் முக்கியமாகக் கவனம் செலுத்துவோம் என ஒவ்வொருவரும் உறுதியேற்க வேண்டும்.

வயது வந்தோர் நாளொன்றுக்கு 50 மில்லிகிராம் தூசுகளை உட்கொள்கிறார்கள்... சிறுவர்கள் மற்றும் குழந்தைகளைப் பற்றிச் சொல்வதென்றால் அவர்களை பெரியவர்களோடு ஒப்பிடும் போது மேலும் இரு மடங்கு தூசுகளை உட்கொள்கிறார்கள். எனவே வீட்டைச் சுத்தமாக வைத்துக் கொள்வதென்பதை நமது முதல் கடமையாகக் கருத வேண்டும். அதோடு வீட்டின் ஃபர்னிச்சர்களைத் துடைக்க எப்போதும் ரசாயன திரவங்களைப் பயன்படுத்துவதைக் காட்டிலும் பெரும்பாலும் ஈரத்துணிகளை மாத்திரமே பயன்படுத்தப் பழகுங்கள். ஏனெனில் ரசாயனங்கள் கலந்த சுத்தப்படுத்தும் திரவங்கள் ஒபிசோஜென்களை தூண்டிப் பெருகச் செய்யும் காரணிகளில் ஒன்று என்பதை எப்போதும் மறந்து விட வேண்டாம்.

பிரிட்டனின் ஒபிசிட்டி விகிதாச்சாரம் கடந்த இருபதாண்டுகளில் இரு மடங்காகப் பெருகியிருக்கிறது.. அங்கு சமீபத்தில் எடுக்கப்பட்ட ஆய்வொன்றில் வயது வந்தோரில் 63% பேர் அதிக எடை கொண்டவர்களாகவே கணிக்கப்பட்டுள்ளனர். இந்த விகிதாச்சாரம் 2025 ல் மும்மடங்காகவும் வாய்ப்பிருப்பதாகத் தகவல்.

முந்தைய ஆய்வுகளில் கண்டறிந்து தெரிவிக்கப்பட்டுள்ளபடி ஹார்மோன் செயல்பாடுகளைத் தூண்டக்கூடிய இந்த ஒபிசோஜென்கள் பூச்சிக்கொல்லி மருந்துகள், பிளாஸ்டிக் உள்ளிட்ட சிந்தெடிக் பொருட்கள்,  தீயணைப்பான்கள், கொசு மற்றும் பூச்சித் தடுப்பான்கள், சமையலறைப் பாத்திரங்கள் மற்றும் துணிகள், செயற்கை இனிப்பூட்டிகள் என எல்லாவிதமான வீட்டு உபயோகப் பொருட்களிலும் இருக்கின்றன. நாம் தான் அத்தகைய பொருட்களை அடையாளம் கண்டு தவிர்க்க வேண்டும்.

இந்த ஒபிசோஜென்களின் பாதிப்பு அதிகரிக்கும் முன் அவற்றைத் தவிர்க்கும் படியான ஆரோக்யமான லைஃப்ஸ்டைல் ஒன்றை ஏற்படுத்திக் கொள்ளவேண்டியது மனிதர்களான நமது கடமை என்கிறார்கள் பிரிட்டிஷ் ஆய்வாளர்கள்.
 

]]>
ஒபிஸிட்டி, ஒபிஸோஜென், பிரிட்டிஷ் ஆய்வு முடிவு, செருப்பு, வீடு, இந்தியப் பழக்கம், பிரிட்டிஷ் லைஃப்ஸ்டைல், செருப்பைக் கழற்றினால் ஒபிஸிட்டி குறையும், removing shoes may cut obesity, british invention, indian habit, http://images.dinamani.com/uploads/user/imagelibrary/2018/5/22/w600X390/0000000_remove_ur_shoes.jpg http://www.dinamani.com/health/health-news/2018/may/22/removing-shoes-outside-house-is-an-indian-habit-but-it-may-cut-obesity-is-a-new-scientific-invention-2924745.html
2920984 மருத்துவம் செய்திகள் ஆண்களே, ஒரு நிமிடம்! உங்கள் தலைமுடி உதிர்கிறதா? சினேகா Thursday, May 17, 2018 11:04 AM +0530  

அண்மையில் நடத்தப்பட்ட ஒரு ஆய்வில், எலும்பு முறிவு ஆபத்தை உண்டாக்கும் நோயான ஆஸ்டியோபொராஸிஸ் எனும் நோய்க்கு சிகிச்சை அளிக்கப் பயன்படும் என்று தயாரிக்கப்பட்ட மருந்தொன்று தலைமுடி உதிர்வதைத் தடுக்க பயன்படலாம் என்றுஆய்வாளர்கள் கூறுகின்றனர்.

அந்த மருந்து முடியின் வேர்கள் மீது வியத்தகு தாக்கத்தை செலுத்தி, முடி செழித்து வளர உதவுவது கண்டறியப்பட்டுள்ளது. தலைமுடி நீண்டு வளர்வதை தடுக்கும் ஒருவித புரதத்தை இலக்கு வைத்து செயல்பட்டு இந்த மருந்து வழுக்கை விழுவதைத் தடுக்கிறது.

மான்செஸ்டர் பல்கலைக்கழகத்தைச் சேர்ந்த இந்த ஆய்வின் தலைவர் நாடன் ஹாக்சா கூறுகையில், 'தலைமுடி கொட்டுவது அனைவருக்கும் சகஜம்தான். இந்தப் பிரச்சனையால் பெரிதும் தவிப்பவர்களுக்கு இந்தப் புதிய மருந்து நல்ல பயன் தரும்," என்று கூறியுள்ளார்.

இதுவரை தலைமுடி உதிர்தல் பிரச்னைக்கு தீர்வு காண இரண்டு விதமான மருந்துகளே இருந்துள்ளன. அவை, ஃபினாஸ்டரைட் (Finasteride) (ஆண்களுக்கு மட்டும்), மினோக்ஸிடில் (Minoxidil) ஆண்கள் மற்றும் பெண்களுக்கானது.  மேற்கண்ட இரண்டு மருந்துகளுக்கும் பக்க விளைவுகள் உள்ளன என்கின்றனர் ஆய்வாளர்கள். மேலும் அவை எப்போதும் முழுமையாகப் பலன் அளித்ததும் இல்லை.

பி.எல்.ஓ.எஸ் பயாலஜி எனும் பத்திரிகையில் வெளியிடப்பட்டுள்ள இந்த ஆய்வில், தலைமுடி மாற்று சிகிச்சை செய்து கொண்ட 40 ஆண்களின் உதிர்ந்த தலைமுடிகளைக் கொண்டு பரிசோதனை செய்யப்பட்டது. உறுப்பு மாற்று அறுவை சிகிச்சைக்குப் பின் புதிய உறுப்பை உடல் ஏற்றக் கொள்வதற்கான மருந்தாக 1980-களில் பயன்படுத்தப்பட்ட 'சைக்லோஸ்போரைன் ஏ' எனும் மருந்தின் மூலம் தலைமுடி உதிர்வைத் தடுக்க முயன்றனர்.

அது SFRP1 எனும் முடி வேர்களைப் பாதிக்கும் புரதத்தைத் தடுத்தது. ஆனாலும், இந்த மருந்தின் பக்கவிளைவுகளால் அதைப் பயன்படுத்த முடியாமல் போனது. பின்னர் WAY-316606 எனும் மருந்து, அந்தப் புரதத்தைச் சிறப்பாக கட்டுப்படுத்தியது இந்தப் பரிசோதனையில் தெரிய வந்தது. தலைமுடி உதிர்வது எதனால், என்ன செய்வது? இந்த மருந்து பயன்பாட்டுக்கு பாதுகாப்பானதா என்பதை அறிய மருத்துவ சோதனைகள் மேற்கொள்ள வேண்டும்’ என்று நாடன் ஹாக்சா பத்திரிகையாளர்களிடம் தெரிவித்தார்.

'தலைமுடி உதிர்வு மனிதர்களின் சுயமரியாதை மற்றும் தன்னம்பிக்கை ஆகியவற்றை பாதித்து மன அழுத்தத்தை ஏற்படுத்தும் என்று ஆய்வாளர்கள் கூறுவதால் இந்த புதிய ஆய்வு மிகவும் முக்கியமானது,’ என்று பிரிட்டன் தோல் சிகிச்சை நிபுணர்கள் கூட்டமைப்பின் செய்தியாளர்.

]]>
hair fall, hair loss, தலைமுடி, baldness, hair grow http://images.dinamani.com/uploads/user/imagelibrary/2018/5/16/w600X390/hi.jpg http://www.dinamani.com/health/health-news/2018/may/16/hairloss-and-treatments-2920984.html
2920952 மருத்துவம் செய்திகள் அடேங்கப்பா! எலுமிச்சைப் பழத்தில் இவ்வளவு நன்மைகளா? வேதவல்லி Wednesday, May 16, 2018 12:22 PM +0530  

சுப காரியங்களில் முதல் இடம் வகிக்கும் பழம் எலுமிச்சையாகும். விலை மலிவாகவும், எல்லா சத்துக்களும் உடைய பழங்களில் எலுமிச்சையும் ஒன்று. மனிதர்களுக்கு ஏற்படும் எல்லாவித நோய்களையும் குணமாக்கும் நிவாரணியாக எலுமிச்சை விளங்குகிறது. எலுமிச்சையில் அதிக கால்சியம், ஃபோலிக் அமிலம் மற்றும் சிட்ரிக் அமிலம் உள்ளது. இது தாகத்தைப் போக்க உதவும் பானமாகவும் மற்றும் பலவித மருத்துவக் குணங்கள் நிறைந்துள்ள பழமாகவும் உள்ளது. எலுமிச்சம் பழத்தைப் போல எலுமிச்சம் பழத்தின் தோலிலும் ஏராளமான நன்மைகள் உள்ளது.

மருத்துவ குணங்கள் :

  • தேள் கொட்டின இடத்தில் எலுமிச்சம் பழத்தை இரண்டு துண்டாக வெட்டி தேய்த்தால் விஷம் முறியும்.
  • எலுமிச்சம் பழத்திற்கு வாந்தி, குமட்டல், மயக்கம், நீர்வேட்கை, கண் நோய், காது வலி போன்றவற்றை குணப்படுத்தும் தன்மை உள்ளது.
  • எலுமிச்சம் பழச்சாற்றை தலையில் தேய்த்து குளித்தால் பித்தம், உடல் உஷ்ணம் போன்றவை குறையும்.
  • விரலில் நகச்சுற்று ஏற்பட்டவுடன் எலுமிச்சம் பழத்தை துளையிட்டு, விரலை அதனுள் சொருகி வைத்தால் வலி குறையும்.
  • எலுமிச்சம் பழச்சாற்றுடன் தேன் கலந்து குடித்து வந்தால் வறட்டு இருமல் தீரும்.
  • மருதாணியை அரைத்து எலுமிச்சம் பழச்சாற்றில் கலந்து பாதத்தில் தடவி வந்தால் எரிச்சல் ஏற்படுவது குறையும்.

  • எலுமிச்சம் பழத்தின் விதைகளை நீரில் போட்டு காய்ச்சி, அதில் இருந்து எழும் ஆவியை முகத்தில் படும்படி ஆவி பிடித்தால் முகம் பெலிவு பெறும்.
  • உயர்தர பொட்டாசியம், எலுமிச்சைச் சாற்றில் உள்ளதால் இதய நோயாளிகளின் இதயத்தை பலமாக்குகிறது.
  • வெளியூர் பயணத்தின்போது சிறுநீரகத் தொற்று ஏற்படாமல் இருக்க, எலுமிச்சைச் சாற்றை கையோடு எடுத்துச் செல்லலாம். எலுமிச்சைச் சாறு, சிறுநீரை அதிகரித்து, தொற்றுக்கள், நச்சுக்களை வெளியேற்றுகிறது.
  • எலுமிச்சை, ஆன்டி ஆக்ஸிடென்ட்டாக செயல்பட்டு, ரத்தத்தைச் சுத்திகரிக்கும்.

  • காலையில் வெந்நீரில் 5-10 மி.லி. எலுமிச்சை சாறு கலந்து குடிப்பது, உடலில் உள்ள நச்சுக்களை நீக்க உதவும். கொலஸ்ட்ரால், உயர் ரத்த அழுத்தத்தைக் குறைக்கும்.
  • எலுமிச்சைச் சாற்றை, மிதமான வெந்நீரில் கலந்து வாய் கொப்பளித்தால் வாய் துர்நாற்றம், பல் வலி, ஈறுகளில் ரத்தம் போன்ற பாதிப்புகள் இருந்தால் சரியாகும்.
  • கபம் அதிகம் இருந்தால் 10 மி.லி. எலுமிச்சைச் சாற்றுடன் ஐந்து மி.லி. இஞ்சிச் சாறு, சிறிது தேன் சேர்த்து, சுடுநீரில் கலந்து குடிக்கலாம்.

  • வயிற்றில் காற்று அடைத்ததுபோல், அழுத்தமாக இருந்தால் சுடுநீரில் எலுமிச்சைச் சாறு, வறுத்துப் பொடித்த சீரகம் அரை டீஸ்பூன், சிறிது தேன் கலந்து அருந்தலாம். சட்டென காற்று வெளியேறி, வயிறு லேசாகும்.
  • மூல நோய் இருப்பவர்கள் ஒரு மணி நேரத்துக்கு ஒருமுறை ஒரு எலுமிச்சம் பழத்தை இரண்டாக வெட்டி, அதில் கறுப்பு உப்பு கலந்து, வாயில் அடக்கிக்கொள்ளலாம். வலி, வீரியம் குறையும்.
]]>
பழச்சாறு, எலுமிச்சை, lemon, lime, லெமன், lemon juice http://images.dinamani.com/uploads/user/imagelibrary/2018/5/16/w600X390/Lemon-1.jpg http://www.dinamani.com/health/health-news/2018/may/16/health-benefits-of-lemon-2920952.html
2920939 மருத்துவம் செய்திகள் ஆஸ்துமா நோயாளிக்கு ஏற்ற உணவு வகைகள்! Wednesday, May 16, 2018 11:25 AM +0530 சென்ற வாரத் தொடர்ச்சி...

ஆஸ்துமா நோயாளிகளுக்குத் தேவையான முக்கிய சத்துக்களும் உணவுகளும் வழங்குகிறார் உணவியல் நிபுணர் ப.வண்டார்குழலி இராஜசேகர்.

ஆன்ட்டி ஆக்ஸிடன்ட்ஸ் எனப்படும் செல் சிதைவைத் தவிர்க்கும் உயிர்வளியேற்ற எதிர்ப்பொருட்கள் நிறைந்த உணவுகள், நுரையீரல் மற்றும் சுவாசப் பாதையில் ஏற்படும் செல் சிதைவைத் தவிர்க்கிறது. பச்சை காய்கறிகள், பழங்கள், கேரட், பெர்ரி வகை பழங்கள் போன்றவற்றில் இந்த ஆன்ட்டி ஆக்ஸிடன்ட்ஸ் அதிகமாக உள்ளன. 

ஒமேகா 3 கொழுப்பு அமிலம் மற்றும் ஒமேகா 6 கொழுப்பு அமிலம் ஆகியவை நுரையீரலிலுள்ள காற்றறைகள் மற்றும் மூச்சுக்குழல்களில் உற்பத்தியாகும் லுகோடிரையன்ஸ் (bronchoconstrictive leukotrienes) என்ற ஒவ்வாமையை உருவாக்கும் பொருளால் ஏற்படும் சுவாசக் குழாய்களின் இறுக்கத் தன்மையும், சுருக்கத்தையும் குறைக்கின்றன. இவ்விரண்டு சத்துக்களும், கானாங்கெளுத்தி, மத்தி போன்ற மீன்களிலும், ஆளி விதை, வால்நட், முட்டை, முழு தானியங்கள், எள் போன்ற உணவுகளிலும் போதுமான அளவு கிடைக்கின்றன. 

சுவாசப்பாதை மற்றும் சிறு காற்றறைகளில் ஏற்படும் அழற்சியைப் போக்கி, மென்மையாக தசைகளைக் காக்கும் நிவாரணியாக மக்னீசியம் சத்து உதவி செய்கிறது. இந்த குறிப்பிட்ட சத்தானது, அடர் பச்சை நிறமுள்ள கீரைகள் மற்றும் காய்கள், பரங்கி விதை, பாதாம் கொட்டை போன்ற உணவுகளில் இருக்கின்றது. குறிப்பாக தூதுவேளை, பொன்னாங்கன்னி, பசலை, வல்லாரை போன்ற கீரைகள் நன்மையளிக்கும். 

சுவாசக் குழலின் சுருக்கத்தைக் குறைத்து, சீரான சுவாசத்தைக் கொடுப்பதற்காக மூளைச் செல்களுக்கு உணர்வுகளை அனுப்ப உதவி புரியும் மீத்தைல்சான்தேன் (Methylxanthines) என்ற பொருள் காபிக் கொட்டையில் உள்ள கபின் என்ற உட்பொருளில் இருப்பதாக ஆய்வின் மூலம் கண்டறியப்பட்டுள்ளது. ஆகவே, கலப்படமில்லாத காபியை ஒரு நாளைக்கு ஒரு கப் மட்டுமே குடிப்பதால், ஆஸ்துமா நோயாளிகளுக்கு நன்மையே. 

ஆஸ்துமா நோயாளி, நீரிழிவு நோயாளியாக இல்லாத நிலையில், கலப்படமில்லாத சுத்தமான தேன், அதிலும் குறிப்பாக ஒரு வருடம் பழைய தேன் ஒரு தேக்கரண்டி, உணவிற்கு ஒரு மணிநேரத்திற்கு முன்னர் குடிப்பதால், இருமலால், தொண்டை மற்றும் உணவுக்குழலில் ஏற்பட்டிருக்கும் அழற்சி சரி செய்யப்படுகிறது. 

ஆஸ்துமா நோயாளிகளுக்கு நிவாரணமளிக்கும் மருந்துகளும் சில உணவுகளுடன் சேரும்போது ஏற்படும் சத்துக் குறைபாடு, சில குறிப்பிட்ட அழற்சிப் பொருட்கள் அதிகரித்தல் போன்றவைகளை கருத்தில் கொண்டே உணவுமுறை வரையறுக்கப்பட வேண்டும். இதில், நோயாளியினுடைய வயது, பாலினம், நோயின் தீவிரம், நோயின் நிலை ஆகியவை மிக முக்கியமாகும். எனவே, அவைகளுக்குத் தகுந்தவாறும், நோயாளியின் தனிப்பட்ட உணவுப் பட்டியல் தயாரித்தல் என்றும் நலம் பயக்கும். மேலும், ஆஸ்துமா நோய்க்குத் தரப்படும் மருந்துகளால் வாய் மற்றும் தொண்டை வறட்சி, குமட்டல், வாந்தி, அதிக சோடியத்தால் கால்களில் வீக்கம், பொட்டாசியம் சத்துக் குறைதல், வயிற்றுப்போக்கு, கை நடுக்கம், தலைவலி, தொடர்ச்சியான இருமலால் உணவு செரிமான மண்டலத்தில் கீழிறங்காமல் எதிர்த்திசையில் மேலேறி வாந்தி போல் வருதல் ஆகியவை பெரும்பாலும் ஏற்படும். எனவே அவற்றை சரிசெய்யும் விதத்தில் திட உணவுகளைத் தவிர்த்து, பழச்சாறு, சூப், மசித்த சோறு அல்லது காய்கள், கஞ்சி போன்ற திரவ நிலையில் இருக்கும் உணவுகள் இருமலைக் குறைப்பதுடன் எளிதில் செரிமானத்திற்கும் உதவி புரியும். 

ஆஸ்துமா நோயாளிகள், அவர்களுக்குத் தேவையான சத்துள்ள உணவுப் பொருட்களை அன்றாட உணவில் சேர்த்துக் கொள்வதுடன், அவ்வப்போது ஒரு குறிப்பிட்ட இடைவெளியில், தங்களது ஆரோக்கியத்தையும், ஊட்டச்சத்து குறைபாடுகள் நிவர்த்தியாகிவிட்டனவா என்றும் மருத்துவரிடமும், உணவியல் வல்லுநர்களிடமும் ஆலோசனைகள் பெற்றுவருவதால், ஆஸ்துமாவிற்கு நிரந்தரத் தீர்வு பெறுவதுடன் அன்றாட வாழ்க்கையை நிம்மதியுடன் வாழலாம். 

கீழே கொடுக்கப்பட்டுள்ள உணவுகள் ஆஸ்துமா நோயாளிகளுக்கு நிவாரணமளிக்கும்.

மஞ்சள், மிளகு மசாலா பால்

தேவையானவை: பால் - 100 மி.லி. , நாட்டு சர்க்கரை - 1 தேக்கரண்டி, பூண்டு - 3 பல், பொடி செய்வதற்கு: கொம்பு மஞ்சள் - இரண்டு துண்டுகள், மிளகு 1 தேக்கரண்டி, சீரகம் - 1 தேக்கரண்டி, திப்பிலி - 4, ஏலக்காய் - 3, சுக்கு - இரண்டு துண்டுகள்.

செய்முறை: பொடி செய்வதற்கு கொடுத்துள்ள அனைத்தையும், மிக்ஸியில் அரைத்து காற்று புகாத புட்டியில் வைத்துக் கொள்ளவும். பாலைக் கொதிக்க விட்டு, அதில் பொடியாக நறுக்கிய பூண்டு, நாட்டு சர்க்கரை மற்றும் அரைத்த பொடியில் அரை தேக்கரண்டி சேர்த்து ஒரு கொதிவிட்டு, வடிகட்டி பருகவும். பால் ஒவ்வாமை இல்லாதவர்கள் தினமும் இரவில் உறங்கச் செல்வதற்கு ஒரு மணி நேரத்திற்கு முன்னர், இந்தப்பாலை குடித்து வருவதால், அதிக அளவில் தேங்கியுள்ள சளி, இரத்தத்திலும் குடலிலும் உள்ள நச்சுக்கள் மற்றும் வாயு போன்றவை வெளியேற்றப்படுகின்றன. இதனால் நுரையீரலும் சுவாச மண்டலமும் நலம் பெற்று, நோயின் தீவிரம், அதனால் ஏற்படும் தொற்று ஆகியவற்றை கட்டுப்படுத்தப்படுகின்றன. 

தூதுவளை, இஞ்சி துவையல்

தேவையானவை: தூதுவளைக்கீரை - 2 கைப்பிடி, இஞ்சி - விரல் நீளத் துண்டு, சின்ன வெங்காயம் - 2, பச்சை மிளகாய் -1, பூண்டு - 5 பற்கள், கல் உப்பு - தேவையான அளவு, நல்லெண்ணெய் - ஒரு தேக்கரண்டி

செய்முறை: தூதுவளைக்கீரையை நன்கு சுத்தம் செய்யவும். இஞ்சி, சின்ன வெங்காயம், பச்சை மிளகாய், பூண்டு ஆகியவற்றை சிறிது நல்லெண்ணெயில் லேசாக வதக்கி, கடைசியில் தூதுவளைக்கீரையை சேர்க்கவும். சிறிதளவு நீர் மற்றும் உப்பு சேர்த்து மைய அரைத்துக் கொள்ளவும். மீதமுள்ள நல்லெண்ணெயில், அரைத்த விழுதைச் சேர்த்து இரண்டு நிமிடங்கள் வதக்கி, சூடு ஆறியபின் சுத்தமான பாத்திரத்தில் துவையலை மூடி வைத்துக்கொண்டு, தேவையானபோது உபயோகித்துக் கொள்ளலாம். ஒரு வாரம் நன்றாக இருக்கும்.
தூதுவளையில் அழற்சியைக் கட்டுப்படுத்தும் நுண்பொருட்கள், இஞ்சி மற்றும் பூண்டு ஆகியவை சுவாச மண்டலத்திற்கு நன்மையளிப்பதால், இந்தத் துவையலை ஆஸ்துமா நோயாளிகள் உணவாக சேர்த்துக் கொள்ளலாம். தொண்டை எரிச்சல் இருந்தால், மிளகாயைத் தவிர்க்கலாம். 

தொகுப்பு: சுஜித்

]]>
asthma, ஆஸ்துமா, diet for Asthma patients, food for asthma http://images.dinamani.com/uploads/user/imagelibrary/2018/5/16/w600X390/diet.jpg http://www.dinamani.com/health/health-news/2018/may/16/food-for-asthma-patients-2920939.html
2918400 மருத்துவம் செய்திகள் இப்படியெல்லாம் ஒரு நோயா? அதன் பெயர் 'ஃபைப்ரோ மையால்ஜியா'வா? சினேகா Saturday, May 12, 2018 04:15 PM +0530  

சமீபத்தில் என்னுடைய தோழி பத்மஜாவிடம் பேசிக் கொண்டிருந்த போது உடல் வலி அதிகம் இருக்கு, என்ன மருந்து சாப்பிட்டாலும் குணமாகலை, போதிய அளவு ஓய்வும் எடுத்துட்டேன், பிறகு தான் தெரிந்தது எனக்கு ஃபைப்ரோ மையால்ஜியா வந்திருக்கு என்று’ என்றார் கூலாக. எனக்கு தலைசுற்றியது. என்னது என்று மறுபடி கேட்டதும் தெளிவாக சொன்னார்...fibromyalgia என்று. அப்படின்னா என்று அவளிடம் கேட்க கூச்சப்பட்டு கூகிளைக் கேட்டபோது அதில் கொட்டிக் கிடக்கின்ற தகவல்கள்.

மனிதர்களுக்கு புது புது பிரச்னைகள் வருவது போல நவீன வாழ்க்கையில் புதுப் புது நோய்களும் உற்பத்தியாகின்றன. டாக்டர்களை தெய்வமாக நம்பிய காலம் மாறி டாக்டர்களைப் பார்க்கவே அஞ்சி நடுங்கும் காலமாகிவிட்டது. இப்படி பெயரே பயமாக இருக்கும் ஒரு வியாதியைப் பற்றி தெரிந்து கொள்ள விரும்பி அவளிடம் மீண்டும் கேட்டேன். அதன் அறிகுறிகளை முதலில் சொன்னாள்.

தொடர்ந்து தோள் வலி இருந்தது. உடலில் பல இடங்களில் ஒரே வலி. தசைப் பிடிப்பு மாதிரி. நீவி விட்டாலோ அல்லது சுளுக்கு என்று நினைத்து உருவி விட்டாலோ பிரச்னை அதிகமாகிடும். சிலருக்கு ஊசியால் குத்தியது போல வலிக்குமாம். உடலில் எந்த இடத்தில் வேண்டுமானாலும் இந்த வலி எடுக்கலாம். உடலில் ஏழு இடங்களுக்கு மேலாக அதீத வலி ஏற்பட்டால் அதன் பெயர் ஃபைப்ரோ மையால்ஜியாவாம். 

முதலில் சாதாரண பிரச்னை என்று ஒதுக்கிவிட்டேன். ஆனால் வலி விடாமல் தொடரவே வேறு வழியில்லாமல் ஒரு டாக்டரிடம் சென்றேன். அவர் பரிந்துரைப்படி எக்ஸ்ரே, ஸ்கேன் எடுத்துப் பார்த்தும் எல்லாம் சரியாக இருந்தது. பிரச்னை எதுவும் இல்லை என்று திருப்பி அனுப்பிவிட்டார். மறுபடியும் வலி ஏற்படவே பிஸியோதெரபிஸ்டிடம் சென்றேன். அவர் பரிந்துரைத்தபடி ஒரு நிபுணரிடம் சென்ன போது இது fibromyalgia வாக இருக்குமென அந்த மருத்துவர் ஊகித்தார். சில ஊசிகளை (டிரிகர் பாயின்ட்ஸ் ஊசிகள்) போட்டும், அவர் பரிந்துரைத்த மாத்திரைகளை சாப்பிட்டதும் தான் வலி குறையத் தொடங்கியது. ஆனால் இன்று வரை முழுவதும் குணமாகவில்லை. அப்பப்போ வலி வரும். போகும்’ என்றார் இந்த வியாதிக்கு பழக்கப்பட்டுவிட்ட தோழி.

மேலும் அவர் கூறுகையில், 'சிலருக்கு மருத்துவர்கள் உடற்பயிற்சி செய்யச் சொல்கிறார்கள். பயிற்சியே செய்ய முடியாத அளவுக்கு வலி பின்னிக் கொண்டிருக்கும் போது எக்ஸர்சைஸ் என்ற சொல்லே எரிச்சலைத் தரும். ஆனால் தினசரி வாழ்க்கை முறையில் சில பல மாற்றங்களை செய்து நடைப்பயிற்சி டாக்டர் சொன்ன உடற்பயிற்சி இவற்றை செய்த பின் வலி நீங்கும். பல நாட்கள் தூக்கம் இல்லாமல், வேலை சார்ந்து அல்லது வேறு பிரச்னைகளால் மன அழுத்தத்துடன் இருந்தால் இயற்கையாக சுரக்கக் கூடிய செரட்டோனின் எனும் ஹார்மோன் குறைந்துவிடும், அல்லது செரட்டோனின் போதுமான நேரத்துக்கு உடலில் தங்காது, இதனால், சப்ஸ்டன்ஸ் பி அளவு அதிகமாகி, கடுமையான வலியை உண்டாக்குகிறது (உணர்ச்சிகளை மூளையிலிருந்து நரம்புகளின் வழியாக உடலின் மற்ற பாகங்களுக்குக் கொண்டு செல்லும் பணியை `நியூரோ டிரான்ஸ்மீட்டர்ஸ்' என்கின்ற நரம்பியக் கடத்திகள் திறம்பட செய்துவருகின்றன. அதற்கு உதவுவது சப்ஸ்டன்ஸ் பி (substance p) மற்றும் செரட்டோனின் (serotonin) ஆகிய வேதிப்பொருள்கள்தாம் வலியைக் கடத்துவதில் முக்கியமானவை. சப்ஸ்டன்ஸ் பி, வலியை அதிகளவில் உணரச் செய்யவும், வலியுணர்ச்சியைக் குறைக்கவும் செரட்டோனின் பயன்படுகிறது). எனவே நன்றாகத் தூங்கி கவலை இல்லாமல் இருந்தாலே பாதி பிரச்னைகள் தீர்ந்துவிடும்'.

ஃபைப்ரோ மையால்ஜியா எந்த வயதினருக்கும் வரலாம் என்றாலும் 20 வயது முதல் 60 வயதுடைய பெண்களுக்கு அதிகமாக ஏற்படுகின்றது என்கின்றன ஆய்வுகள். ஏன் வருகிறது என குறிப்பிட்ட காரணமாக இதுவரை கண்டுபிடிக்கப்படவில்லை. சப்ஸ்டன்ஸ் பி வேதிப்பொருள் அளவு அதிகரிப்பதாலும், உறக்கமின்மை, சோம்ல், உடல் உழைப்பு இல்லாமல் இருப்பது, துயர் சோகம் போன்ற நெகடிவ் மனப்பான்மையால் பீடித்திருப்பது போன்றவை சில காரணிகளாக அறியப்படுகிறது. தொடர் வேலையும், திருப்தியின்மையும், வாழ்க்கையில் ஏதோ ஒரு வெற்றிடம் இருப்பது போன்ற மனநிலையும் கூட இதற்கான காரணம் என்கிறார்கள் இந்த வியாதியில் பாதிக்கப்பட்டவர்கள்.

இந்த ஃபைப்ரோ மையால்ஜியாவைப் பற்றிய ஆய்வுகள் தொடர்ந்து நடந்து வருகின்றன நிலையில் இதுவரை சரியான மருந்து கண்டுபிடிக்கப்படவில்லை. வலியைத் தள்ளிப் போடவும், மறக்கவும் வைக்க முடிகிறதே தவர, வலி குறித்த அச்சம் இந்த நோயாளிகளுக்கு ஆழமாக மனத்தில் பதிந்துள்ளதால் உடலும் அதற்கேற்ற வகையில் முழு நிவாரணம் கிடைக்காமல் அவ்வப்போது படாத பாடு படுத்தி எடுத்துவிடும். எனவே இந்த நோய் குறித்த அச்சங்களை தவிர்த்து விழிப்புணர்வினை அதிகரிக்கச் செய்யவேண்டும். இந்தியாவில் அதிகளவில் இல்லையென்றாலும் இதுதான் நோய் என்றே தெரியாமல் அவதியுற்று வருபவர்கள் பலர். 

வலிகள் அற்ற வாழ்வினை நாம் தான் நமக்கும் நம்மைச் சுற்றியிருப்பவர்களுக்கும் அளிக்க வேண்டும். 

]]>
மன அழுத்தம், pain, வலி, fibromyalgia, ஃபைப்ரோ மையால்ஜியா, உடல்வலி http://images.dinamani.com/uploads/user/imagelibrary/2018/5/12/w600X390/Fibromyalgia.jpg http://www.dinamani.com/health/health-news/2018/may/12/what-is-fibromyalgia-how-it-can-be-cured-2918400.html
2915742 மருத்துவம் செய்திகள் உங்கள் முழங்கையிலும், முழங்காலிலும் கருப்புத் திட்டுக்களா? இப்படி செஞ்சு பாருங்களேன்! மாலதி சந்திரசேகரன் Tuesday, May 8, 2018 11:26 AM +0530 பொதுவாக, பெண்கள் தான் தன்னை அழகுபடுத்திக் கொள்வதில் அக்கறை காட்டுவார்கள் என்பதுதான் பரவலான கருத்து. ஆனால் உண்மை அதுவல்ல. பெண்களுக்குச் சமமாக ஆண்களும் தங்களை அழகுபடுத்திக் கொள்வதில் அக்கறை எடுத்துக் கொள்கிறார்கள் என்பதுதான் உண்மை.

அழகுபடுத்திக் கொள்வது என்பது முகத்தில் க்ரீம்கள் தடவிக்கொண்டு சுருக்கம் தெரியாமல் இளமையாக வைத்துக் கொள்வதோ, தலைக்குச் சாயம் பூசிக்கொண்டு இளமையாகக் காட்டிக்கொள்வதோ மட்டும் இல்லை. இவற்றையெல்லாம் தாண்டி எத்தனையோ விஷயங்களில் கவனம் செலுத்த வேண்டும் என்பதை மறந்து விடுகிறோம். எல்லாமே சின்ன விஷயங்கள்தான். ஆனால் சிலது  கண்ணுக்குப் புலப்படுவது இல்லை. சிலதை  துணிதான் மறைத்துக் கொள்கிறதே என்று அசிரத்தையான விட்டு விடுகிறோம். 

அவைகளில் ஒன்றுதான் முழங்கையிலும், முழங்காலிலும் உண்டாகும் கருந்திட்டுக்கள். பாலின வேறுபாடின்றி இருபாலாருக்குமே இந்தக் கருமை வருகிறது. காரணம் என்ன? 

முழங்கையிலோ, முழங்காலிலோ எண்ணெய்ச் சுரப்பிகள் கிடையாது சருமத்தில் ஏற்படும் உயிரற்ற செல்கள், அவ்விடங்களில் தேங்கி விடலாம். அடிக்கடி ஏற்படும் உராய்வினால் இருக்கலாம். அல்லது அப்பாகங்கள் வெயிலினால் அதிகம் பாதிக்கப்பட்டிருக்கலாம். முழங்கையை கண்ணாடியில் தான் காண முடிகிறது. முழங்காலைப் பொறுத்தவரை பொதுவாக ஆடை மறைத்தாலும், பெண்கள் குட்டைப் பாவாடை அணியும் பொழுதும், ஆண்கள் ஷார்ட்ஸ் அணியும் பொழுதும் கருந்திட்டு அசிங்கமாகத் தெரியும் வாய்ப்பு உண்டாகிறது. 

இந்தக் கருப்பைப் போக்க, காஸ்ட்லி க்ரீமை வாங்கி உபயோகப்படுத்த வேண்டிய அவசியம் இல்லை. ஏனென்றால் சில க்ரீம்களால் ஒவ்வாமை ஏற்பட்டு, பக்க விளைவுகளால் பாதிப்பு உண்டாகும். அனைவரும் பயன் அடையும் வகையில் எளிதான நிவாரணம் நம் வீட்டிலேயே பெறலாம். சருமத்திற்கும் எந்தவித பக்கவிளைவோ பாதிப்பையோ உண்டாக்காது. 

காய்ந்து போகாத, நீருள்ள வெள்ளரிக்காயை வில்லையாக  நறுக்கிக் கொள்ளவும். அவ்வில்லையை முழங்கை, முழங்காலில் நன்கு தேய்த்து, பதினைந்து நிமிடங்கள் ஊற விடவும். பிறகு குளிர்ந்த நீரால் கழுவவும். 

வெள்ளரிச்  சாறு, எலுமிச்சை சாறு இரண்டையும் சம பங்கு எடுத்துக்கொண்டு, அந்தச் சாறினை தேவைப்படும் இடங்களில் தடவி இருபது நிமிடங்கள் ஊறிய பின்பு கழுவவும்.  

வெள்ளரிக்காயில் வைட்டமின் A, வைட்டமின் C இரண்டும் உள்ளது. வெள்ளரிக்கு, தோலினை வெளுக்க வைக்கும் ஆற்றல் உண்டு. எலுமிச்சம் பழத்தில் ஆண்டி ஆக்ஸிடண்ட் மற்றும் வைட்டமின் C நிறைந்துள்ளது. இவை இரண்டிற்குமே செல்களைப் புதுப்பிக்கும் சக்தி உண்டு. 

பேக்கிங் சோடாவிற்கு கருமை நிறத்தை மாற்றி, தோலினை செம்மைப்படுத்தும் ஆற்றல் உண்டு. ஆகையால், இரண்டாக நறுக்கிய எலுமிச்சம்பழத்தின் ஒரு பாதியில், ஒரு ஸ்பூன் பேக்கிங் சோடைவைத் தூவி, தேவைப்படும் இடங்களில் ஒரு நிமிடத்திற்குக் குறைவில்லாமல் தேய்த்து, பின் குளிர்ந்த நீரில் கழுவ வேண்டும். 

ஆலோவெரா என்று கூறப்படும் சோற்றுக் கற்றாழையில் இருக்கும் விழுதுடன் சிறிது பால் சேர்த்து குழைக்கவும். அந்தக் குழைவை படுக்கப்போகும் சமயத்தில் இரவில் தடவிக் கொள்ள வேண்டும். மறுநாள் காலை, தண்ணீரில் கழுவ வேண்டும். சோற்றுக் கற்றாழைக்கு பாக்டீரியாக்களை எதிர்க்கும் சக்தி உண்டு. பாலுடன் சேர்ந்து நல்ல நிறமியாகச் செயல்படுகிறது. 

உருளைக்கிழங்கு ஒரு நிறமி என்றே சொல்லலாம். உருளைக்கிழங்கினைத் துருவி, நன்கு பிழிந்துவிடவும். அந்தச் சாறினை மட்டும் தடவி, பதினைந்து நிமிடங்கள் ஊற விடவும். பிறகு குளிர்ந்த நீரால் கழுவவும். இந்தக்கிழங்கிற்கு, சொர சொரப்பான தோலை மென்மையாகி, தோலினை மெருகூட்டும் தன்மை உண்டு. 

மெலனின் என்னும் காரணியால்தான் தோல் கருமையாகி விடுகிறது. மஞ்சள், மெலனினை கட்டுப்படுத்துவதோடு, செல்களை புதுப்பிக்கும் பணியையும் மேற்கொள்கிறது. நல்ல சுத்தமான மஞ்சள் தூளுடன், பாலினை சேர்த்துக் குழைத்து, கருந்திட்டுக்களில் தடவி, நன்கு காயவிடவும். பின்னர் குளிர்ந்த நீரில் கழுவவும். 

தேங்காய் எண்ணெய்யில், ஃபேட்டி அமிலமும், வைட்டமின் E யும் நிறைந்துள்ளது. இவற்றிற்கு சருமத்தை சீர்படுத்தும் சக்தி உள்ளது. சிறிது தேங்காய் எண்ணெய்யுடன், அரை ஸ்பூன் எலுமிச்சம்பழ சாறினைக் கலந்து தோலில் தடவவும். தேவைப்படும் சமயத்தில் கழுவினால் போதும். 

தேன், ஒரு அருமையான இயற்கை நிவாரணி. இதற்கு சருமத்தை ஈரப்பசையுடன் வைக்கும் தன்மை உண்டு. இரண்டு டீஸ்பூன் தேனில், ஒரு ஸ்பூன் பேக்கிங் சோடா, அரை ஸ்பூன் எலுமிச்சம்பழ சாறு சேர்க்கவும். இந்தக் கலவையை கருந்திட்டுக்களில் தடவி முப்பது நிமிடங்கள் ஊறிய பின்பு, வெதுவெதுப்பான நீரால் கழுவவும். 

சிலருக்கு அக்குள் பகுதி கூட மிகவும் கருப்பாகக் காணப்படும் வெளியில் சொல்ல வெட்கப்பட்டுக் கொண்டு மனதிற்குள் புழுங்குவார்கள். அவர்களும் மேற்படி முறைகளைக் கையாளலாம். அவர்களுக்குக் கருமை குறைவதுடன் அப்பகுதிகளில் துர்நாற்றமும் விலகும். 

பார்லருக்குப் போகாமல், பணத்தை தண்டம் அழாமல் எவ்வளவு எளிமையான முறையில் உங்களை மெருகேற்றிக் முடிகிறது பாருங்கள். பிறகு என்ன? 'ஜிலு ஜிலு ஜிலு வென்று நானே ஜகத்தை மயக்கிடுவேனே’ என்று ஜாலியாகப் பாடலாமே! 

]]>
elbow skin darkness, skin care, knee care, beauty, கைமுட்டி கருப்பு, சரும அழகு, ஸ்கின் http://images.dinamani.com/uploads/user/imagelibrary/2018/5/8/w600X390/elbow.jpg http://www.dinamani.com/health/health-news/2018/may/08/tips-to-lighten-up-dark-skin-on-elbows-and-knees-2915742.html
2915736 மருத்துவம் செய்திகள் இதய நோய் வருவதற்கான அடிப்படை முதன்மைக் காரணங்கள் எவை? RKV Tuesday, May 8, 2018 11:08 AM +0530  

ஆரோக்ய உணர்வு இல்லாத நமது முறையற்ற உணவுப் பழக்கங்களால் சிறிது சிறிதாக உடலில் சேரும் கெட்ட கொழுப்புகள் இதய வால்வுகளின் சுவர்களில் (ஆர்ட்ரிஸ்) ஒரு படலம் போலப் படியத் துவங்குகின்றன. இந்தப் படலங்கள் மெல்லியதாகத் தான் இருக்கும். ஆனால், நாள்பட, நாள்பட படலங்கள் ஒன்றன் மீது ஒன்றாகப் படிந்து அவற்றின் தடிமன் அதிகரித்துக் கொண்டே செல்கையில் இதய வால்வுகளில் ரத்தம் தடையின்றிச் சென்று வர மிகப்பெரிய தடையாகி இதய வால்வுகளில் அடைப்புகளை ஏற்படுத்தி விடுகின்றன. இதை மருத்துவ மொழியில் 'ஆர்த்ரோக்ஸ்கிளிரோஸிஸ் ' என்பார்கள்.

அதாவது மெல்லிய படலங்களாக இதய வால்வுகளில் படியத் தொடங்கும் கொழுப்புகள் அல்லது கொலஸ்ட்ரால் ஒரு கட்டத்தில் தடிமன் அதிகரித்து இதய வால்வுகளை அடைத்துக் கொண்டு இதயத்துக்கு வரும் ரத்த ஓட்டத்தை தடை செய்யத் தொடங்கி விடும். இதயத்திற்கு வரும் ரத்த ஓட்டம் தடையானால் ரத்தச்சுத்திகரிப்புக்கும் தடை ஏற்பட்டு இதயத்தின் இயல்பான இயங்குமுறை தடுக்கப் படுகிறது. இதய நோய் வருவதற்கான முழு முதல் காரணம் இது தான்.

இதை ஆரம்ப நிலையிலேயே கண்டறிந்து இதய வால்வுகளின் சுவர்களின் கொழுப்பு படியாமல் தடுக்கும் வண்ணம் நமது உணவுப் பழக்க வழக்கங்களை முறைப்படுத்தி, மருத்துவர் ஆலோசனையுடன் எளிய உடற்பயிற்சிகள் சிலவற்றை நாள்தோறும் செய்து வந்தோமெனில் இந்த நிலை வராமல் தடுக்கலாம்.

ஆர்த்ரோஸ்கிளிரோஸிஸ் மட்டுமல்ல, சில சமயங்களில் உயர் ரத்த அழுத்தமும் கூட இதய நோய்க்கு அடிப்படைக் காரணமாகி விடுகிறது. ஒபிஸிட்டி, உயர் ரத்த சர்க்கரை, அதிக கொழுப்புச் சத்து போன்றவைகளாலும் பலருக்கு இதயநோயின் தாக்கம் ஏற்படுகிறது.

Image courtesy: TheHealthSite.com 

]]>
இதய நோய், அடிப்படைக் காரணம், heart disease, primary cause, primary cause of heart disease http://images.dinamani.com/uploads/user/imagelibrary/2018/5/8/w600X390/ZHEART_DISEASE.jpg http://www.dinamani.com/health/health-news/2018/may/08/primary-cause-of-heart-disease-2915736.html
2912607 மருத்துவம் செய்திகள் உங்கள் பக்கத்தில் படுத்திருப்பவர் கொர் கொர் என குறட்டை விடுகிறாரா? இதைப் படித்து அவருக்கு தீர்வு சொல்லுங்கள்! உமா Friday, May 4, 2018 11:17 AM +0530  

'நீங்க தூங்கும் போது ரொம்ப கொறட்டை விடறீங்க!" என்று சொல்லிப் பாருங்கள். நிச்சயம் உங்கள் துணை அந்த அவதூறை ஒப்புக் கொள்ளவே மாட்டார். கணவர் அல்லது மனைவி என இருபாலினரும் இந்த விஷயத்தில் ஒரே மாதிரிதான்.

குறட்டை என்பது கொடிய வியாதி அல்ல. அதை ஏன் ஒப்புக் கொள்ளாமல் இருக்க வேண்டும் என்று நினைத்தால் அங்கே தான் இருக்கிறது விஷயம். நாம் தூங்கும் போது குறட்டை விடுபவராக இருந்தாலும் மற்றவர்கள் குறட்டை விடுவதை நம்மால் சகிக்க முடியாது. ரயில், பஸ் என பொதுவிடங்களில் குறட்டை விட்டு ஜாலியாக தூங்குபவர்களைக் கண்டால் பலருக்கு எரிச்சல் வருவது உண்மை. எழுப்பி எச்சரிக்கை விடுத்தவர்களும் உண்டு.

இந்தக் குறட்டை விடும் பிரச்னை திருமண உறவை முறித்துக் கொள்ளும் வரை நீண்டுள்ளது என்பது உண்மை. இதற்கான எளிய தீர்வு வீட்டிலேயே உள்ளது. தேவைப்படுமாயின் மருத்துவரை அணுகி ஆலோசனைகளையும் சிகிச்சைகளையும் பெறலாம்.

குறட்டை என்பது ஒருவரின் சுவாசம் மூக்கின் வழியாக செல்லாமல் வாய் வழியாக செல்வதால் ஏற்படுகிறது. சிலர் புஸ் புஸ் என்ற சத்தத்துடன் குறட்டை விடுவார்கள். இப்படி ஆரம்பிக்கும் அவரது குறட்டை வாழ்வு மெள்ள விஸ்வரூபம் எடுத்து அந்தச் சத்தம் அந்தக் குறட்டையின் ஓசை அடுத்த அறை வரை, அப்பார்ட்மெண்டாக இருந்தால் அடுத்த வீடு வரை கூட கேட்கும். இத்தகைய இம்சை அரசர்களை சமாளிக்க வழி தெரியாமல் வீட்டினர் தூக்கம் கெடும். ஏன் குறட்டை விடுகிறார்கள் என்ற காரணத்தை ஆராய்ந்தால் தீர்வு எளிமையாகும். சிலருக்கு இருமல், சளி மற்றும் ஆஸ்துமா பிரச்னை இருந்தால் குறட்டை விடுவார்கள். இன்னும் சிலருக்கு குடிப் பழக்கம் அல்லது சிகரெட் குடிக்கும் பழக்கத்தால் இரவில் கொர் கொர் என்பார்கள். முதுமையும் ஒரு காரணம், வயோதிகர்கள் பெரும்பாலும் அவர்களுக்கு சுவாசக் கோளாறுகள் ஏற்பட்டு குறட்டை விடுவதை ஆனந்தமான பழக்கமாக்கிக் கொள்வார்கள். இப்படி பலவிதமாக பாதிப்படைந்தவர்கள் குறட்டை விட்டு விட்டு சோர்ந்தே போவார்கள். அது அவர்களுக்கே தெரியாமல் மன உளைச்சல் மற்றும் இதயம் சம்பந்தப்பட்ட பிரச்னைகளை விளைவிக்கும்.

குறட்டை இனி விட மாட்டேன் என்று உறுதி பூண்டால் நிச்சயம் சில விஷயங்களை கடைபிடிக்க வேண்டும். தினமும் சாப்பிடும் உணவில் அக்கறையுடன் இருக்க வேண்டும். எளிதில் செரிமானம் ஆகும் வகையில் சாப்பிட வேண்டும். வயிரை குப்பைத் தோட்டி போல நினைக்காமல் நல்ல உணவுகளையே சாப்பிடவேண்டும். சிகரெட், மது போன்ற பழக்கங்களை கைவிட வேண்டும். தூங்கும் போது ஒரே சைடில் படுக்காமல், அவ்வப்போது திரும்பி படுக்க வேண்டும். இவையெல்லாம் செய்ய கஷ்டமாக இருந்தால் அருகில் உள்ள நாட்டு மருத்துக் கடைக்குச் சென்று ஓமம் அல்லது கற்பூரவல்லியை வாங்கி அதனுடன், பச்சைக்கற்பூரத்தை வாங்கி குறட்டை விடுபவர்கள் அதனை சுவாசிக்கும் வகையில் மூக்கின் அருகே எடுத்து வைக்க வேண்டும். இந்த மூன்று மூலிகைகளின் வாசனை மூக்கின் வழியே உள்ளே சென்று, சுவாசக் கோளாறுகளை சீர் செய்துவிடும். எளிமையான இந்த மருத்துவத்தால் எளிதாக குறட்டை பழக்கத்தை நிறுத்திக் கொள்ள முடியும். ஆயுர்வேத மருத்துவரின் பரிந்துரைப்படி இந்த முறையை சரியாகத் தெரிந்து கொண்டு பின்பற்றுவது நல்லது.

]]>
snoring habit, குறட்டை http://images.dinamani.com/uploads/user/imagelibrary/2018/5/3/w600X390/images_8.jpg http://www.dinamani.com/health/health-news/2018/may/03/say-goodbye-to-snoring-2912607.html
2909967 மருத்துவம் செய்திகள் உள்ளாடை தானே எப்படி இருந்தால் என்ன என்று அலட்சியம் காட்டாதீர்கள்! இதைப் படியுங்கள் முதலில்! மாலதி சந்திரசேகரன் Wednesday, May 2, 2018 04:35 PM +0530  

சமீபமாக ஒரு துணிக்கடையில், காலேஜ் பெண்கள் இருவர், உள்ளாடைகள் வாங்க வந்திருந்தார்கள். அவர்கள் தேர்வு செய்த ப்ரா, ஜட்டி இரண்டுமே செயற்கை இழை துணி வகையைச் சேர்ந்தது. அதாவது சின்தெடிக் வகைத் துணிகள். 

கலர் கலராக பார்க்க மிகவும் அழகாக இருந்தது என்னவோ உண்மைதான். ஆனால் அதனால் ஏற்படும் சருமப் பிரச்சனைகளை எப்படி சமாளிப்பார்கள்? என்பதே என்னுடைய கவலையாக இருந்தது. தனியாக அவர்களிடம் பேசிப் பார்த்தேன். கண்ட பலன்? சுட்டெரிக்கும் பார்வையை வீசிவிட்டு பில் தொகையை செலுத்தச் சென்று விட்டார்கள்.

அதன் விளைவே இந்தக் கட்டுரை.

தவழும் வயதிலிருந்தே குழந்தைகளுக்கு ஜட்டி போடத் தொடங்குகிறோம். காரணம், பேஷன் மட்டும் அல்ல. பிறப்பு உறுப்புக்களில் கை வைக்கும் பழக்கம் குறையும். மேலும் தரையில் உள்ள பாக்டீரியாக்கள் பிறப்பு உறுப்புக்குள் சென்று தொற்று ஏற்படுவது தவிர்க்கப்படும் .

பள்ளி, காலேஜ் செல்லும் பெண்கள், காலை முதல் மாலை வரை ஒரே ஜட்டியைத்தான் அணிய வேண்டி வருகிறது. இந்த வயதில் பெண்களுக்கு...

 1.பிறப்பு உறுப்பிலிருந்து வெளியேறும் கசிவானது, தோலின் மேல் பட்டு, 'fungus infection of external genetalia ' என்கிற தொற்று உண்டாகிறது

2. சிறுநீர் கழிக்கும் பொழுதோ, சுத்தம் செய்து கொள்ளும் பொழுதோ, சருமத்தில் படும் நீரானது பிறப்பு உறுப்பு  ரோமங்களில் தங்கி,  நமச்சலைக் கொடுக்கிறது.

3. மாதவிடாய் காலங்களில், உபயோகப்படுத்தப்படும் நாப்கின், சின்தெடிக் ஷீட்டால் செய்யப்பட்டது. அது போன்ற நாட்களில், இரண்டாவதாக சிந்தெடிக் ஜட்டி உபயோகப்படுத்துதல் எந்த வகையில் நியாயம்?

பெண்களுக்கு, சிறுநீர் துவாரம், பிறப்புறுப்பு, மலத்துவாரம் மூன்றுமே அருகருகே இருப்பதால், ஒன்றில் பிரச்னை வந்தாலும், தொற்று விரைவாகப் பரவும் வாய்ப்புகள் அதிகம்.

பருத்தி ஆடை ஒன்றால் மட்டுமே ஈரத்தை உறிஞ்சிக்கொள்ள முடியும். நம் சருமத்தில் ஏற்படும் ஈரப்பசையைத் தவிர்த்து, உலர்ந்த சருமமாக இருந்தால்தான் அனாவசிய தோல் சம்பந்தப்பட்ட பிரச்னைகள் அணுகாது. முக்கியமாக பெண்கள் ஜட்டி அணிவதைத் தவிர்த்து, 'பேன்ட்டீஸ்' போன்ற கால் வைத்த உள்ளாடைகளை அணிவது நல்லது. ஏனென்றால், ஜட்டியினால், தொடை இடுக்குகளில் உராய்வு உண்டாகி, 'டெர்மடைஸ்' என்னும் தோல் வியாதி உண்டாவதால், தோலின் நிறம் கறுப்படைவதோடு, துர்நாற்றமும் ஏற்படுகிறது. 

இப்பொழுது ப்ரா விஷயத்திற்கு வருவோம். அநேகப் பெண்கள், மார்பகங்கள், சிக்கெனத் தெரிய வேண்டும் என்பதற்காக மார்பகங்களைப் பிடிக்கும்படியான ப்ராவை அணிகிறார்கள். இவ்வாறு அணிவதால், மார்புப் பகுதியில் ரத்த ஓட்டம் குறைகிறது. இதன் விளைவாக மார்பகங்களில் வீக்கமும், வலியும் உண்டாகிறது.  சிலர் பாடெட் ப்ராவையும் அணிகிறார்கள். இந்த அழகில், சிந்தெடிக் ப்ராவையும்  அணிந்தால்...?  இனி வெயில் நாட்களில், வியர்வையும் அதிகமாக இருக்கும். வியர்க்குருவும் அதிகமாக இருக்கும்.

ஆகையால், பெண்களே, பருத்தியினால் ஆன உள்ளாடைகளையே அணிந்து கொள்ளுங்கள். சாதாரண அளவைவிட ஒரு இன்ச் கூடுதலான அளவுள்ள உள்ளாடைகளையே அணியுங்கள். சருமத்தை உலர்வாக வைத்துக்கொண்டு, சரும வியாதிகளுக்கு பை சொல்லி விடுங்கள்.

இதைப் படிக்கும் பெண்கள், தங்கள் அறிந்துகொள்வதோடு நின்றுவிடாமல், பிறருக்குத் தெரியப்படுத்தவும் வேண்டும். 

]]>
cotton inners, inner wears for summer, synthetic bras, பருத்தி உள்ளாடைகள், உள்ளாடை, சருமப் பிரச்னை http://images.dinamani.com/uploads/user/imagelibrary/2018/4/29/w600X390/panties.jpg http://www.dinamani.com/health/health-news/2018/apr/29/beware-of-your-innerwares-2909967.html
2906683 மருத்துவம் செய்திகள் உங்கள் பற்களில் மஞ்சள் கறை உள்ளதா? இதைப் படியுங்கள் முதலில்! சினேகா Tuesday, April 24, 2018 01:23 PM +0530  

முகத்தின் அழகை வெளிப்படுத்துவது சிரிப்புதான். நீங்கள் பேரழகு கொண்டிருந்தாலும் முகத்தில் சிரிப்பில்லை என்றால் அதில் பெருமைப்பட ஒன்றுமில்லை. சிலர் சிரிக்க தயங்குவதற்குக் காரணம் அவர்கள் பற்களின் நிறம். இது ஒரு சிறிய பிரச்னை தான். பற்கள் கறை படிந்தும், மஞ்சளாகவும் இருப்பதற்குப் பாரம்பரிய காரணங்களுடன், அடிக்கடி தேநீர், காபி அருந்துவது, புகைப்பிடிப்பது போன்றவற்றாலும் வரும். இதற்காக சிலர் அடிக்கடி பல் மருந்துவரிடம் பிளீச் செய்து சுத்தமாக்கி கொள்வார்கள். அது கேடு விளைவிக்க கூடியது. மஞ்சள் கறையினை நீக்க பல இயற்கை வழிகள் உள்ளன. 

  • எலுமிச்சை சாருடன் உப்புக் கலந்து பற்களை சில நிமிடங்கள் தேய்த்து வந்தால் நல்லது. பின் குளிர் நீரில் நன்கு கொப்பளித்தால் கறை போய்விடும் 
  • தினம் ஓர் ஆப்பிள் சாப்பிட்டு வந்தாலும் கறைகள் நீங்கும்.
  • உப்பை அதிகம் பயன்படுத்தாமல், சாதாரண சுத்த சாம்பலைக் கொண்டு  வாரம் ஒருமுறை தேய்த்தாலும் கறைகள் நீங்கும்
  • ஆரஞ்சுப்பழத் தோலைக் கொண்டு இரவில் பல் தேய்த்தால் கறைகள் நீங்கும்.
  • சாதாரண டூத் பேஸ்ட் 1 ஸ்பூன் எடுத்துக் கொள்ளுங்கள். ரெண்டு சிட்டிகை உப்பு, ஒரு சிட்டிகை பேக்கிங் சோடா, எலுமிச்சை சாறு சில சொட்டுகள் என இவற்றை கலந்து உங்கள் டூத் ப்ரஷ்ஷில் வைத்து 5 நிமிடம் மென்மையாக பல் துலக்குங்கள். தினமும் இப்படி தொடர்ந்து செய்து வர, மஞ்சள் கறை நீங்கி பற்கள் பளிச் அழகு பெறும்.

  • மஞ்சள் பொடி, தேங்காய் எண்ணெய் கலந்து டூத் ப்ரஷ்ஷில் 5 நிமிடம் தேய்த்தபின் வழக்கமான பேஸ்ட்டால் மீண்டும் ஒரு முறை துலக்குங்கள். பலன் கண்கூடாகத் தெரியும்.
  • 1/2 டீஸ்பூன் பேக்கிங் சோடாவை சிறிதளவு நீர் விட்டு நன்றாக குழைக்கவும். இதனை வழக்கமான டூத் ப்ரஷ்ஷை பயன்படுத்தாமல் பேபி ப்ரஷ்ஷால் மென்மையாக பற்களை துலக்குங்கள். வாரம் ஒரு முறை செய்தால் கூட போதும்.
  • கரிப்பொடியை சிறிதளவு எடுத்து அதனை தேங்காய் எண்ணெயுடன் கலந்து பேஸ்ட் போலச் செய்து, ப்ரஷ் செய்யுங்கள். நாக்கு, பற்கள் என கருப்பாகிவிடும், பரவாயில்லை தினமும் இதில் பல் துலக்கினால் மஞ்சள் கறை நீங்கிவிடும்.
  • 2 டேபிள் ஸ்பூன் பேக்கிங் சோடா சிறிதளவு டூத் பேஸ்ட், அரை மூடி எலுமிச்சை சாறு ஒரு டேபிள் ஸ்பூன் ஆப்பிள் சிடார் வினிகர் மற்றும் ஒரு டீஸ்பூன் தேங்காய் எண்ணெய் இவற்றை எல்லாம் சேர்த்து நன்றாக கலக்கவும். அலுமினிய ஃபாயில் பேப்பரை பற்களின் அளவுக்கு கத்தரித்து அதில் இந்த பேஸ்டை ஊற்றி அப்படியே பற்களில் வைத்து மூடவும். பத்து நிமிடங்கள் கழித்து மிச்சமிருக்கும் பேஸ்டால் டூத் ப்ரஷ் பயன்படுத்தி பற்களை நன்றாக துலக்குங்கள். இது பற்காறைகளை அகற்றி பற்களின் படிந்துள்ள அனைத்துவித கறைகளையும் நீக்கிவிடும். 
     
]]>
Tooth Care, teeth, dental, பல், பற்கள் பாதுகாப்பு, மஞ்சள் பற்கள் http://images.dinamani.com/uploads/user/imagelibrary/2018/4/24/w600X390/download_1.jpg http://www.dinamani.com/health/health-news/2018/apr/24/how-to-remove-yellow-stains-in-your-tooth-2906683.html
2906633 மருத்துவம் செய்திகள் மறந்துடாதீங்க... வயசானவங்களோட மூளை சுறுசுறுப்பா செயல்படனும்னா நிறையத் தண்ணீர் குடிக்கனும். கார்த்திகா வாசுதேவன் Tuesday, April 24, 2018 11:32 AM +0530  

உடற்பயிற்சியில் ஆர்வமுடைய வயதானவர்கள் தினமும் தங்களது உடல் எடைக்குத் தக்க அதிக அளவில் நீர் அருந்தினால் மட்டுமே உடற்பயிற்சியினால் அவர்களுக்கு கிடைக்கக் கூடிய புலனுணர்வின் முழு பலனும் கிடைக்கும் என பாஸ்டனில் நடைபெற்ற சமீபத்திய மருத்துவ ஆய்வொன்றில் கண்டறியப்பட்டுள்ளது.

அமெரிக்காவின் சாண்டியாகோவில் அமைந்துள்ள அமெரிக்கன் பிசியாலஜிக்கல் சொஸைட்டியின் வருடாந்திரக் கூட்டத்தில் வயதான பெரியோர்களின் உடல்நிலையில் அவர்களது உடற்பயிற்சியின் விளைவாக ஏற்படும் மாற்றங்கள் உடற்பயிற்சி செய்வதற்கு முன்பு பின்பு என இரு நிலைகளில் ஆய்வுக்கு எடுத்துக் கொள்ளப்பட்டு நிகழும் மாற்றங்கள் ஆராயப்பட்டன.

அப்போது மனித உடலில் நீர்ச்சத்துக் குறைபாடு அதாவது டிஹைட்ரேசன் ஏற்பட்டால் அத்தகையவர்களுக்கு உடற்பயிற்சியில் ஆர்வமிழப்பு ஏற்படுவதோடு மூளைச்செயல்திறனிலும் கணிசமான பாதிப்பு உண்டாவது கண்டறியப்பட்டது. இது முன்பே இளைஞர்களிடத்தில் நடத்தப்பட்ட ஆய்வில் கண்டறியப்பட்டது தான் எனினும் வயதானவர்களிடையேயும் இதே விதமான மாற்றங்கள் ஏற்படுத்தும் என்பது இந்த ஆய்வில் தெரியவந்துள்ளது.

நடுத்தரவயதுடையோர் மற்றும் வயதானவர்களிடையே அடிக்கடி தண்ணீர் அருந்த வேண்டும் எனும் தாக உணர்வு ஏற்பட்டால் அவர்களுக்கு நீர்ச்சத்துக் குறைபாடு இருப்பதன் அறிகுறி அது என உணர வேண்டும். அப்போது தேவையான நீர் அருந்தாவிட்டால் தொடரும் தாக உணர்வு அவர்களது உடற்பயிற்சியினால் கிடைக்கவிருக்கிற நற்பலன்களைக் கூட குறைத்து விடும் என்கிறார்கள் பிராண்டன் யாட்ஸ் எனும் அமெரிக்க மருத்துவர்.

இந்த விவரங்களை வயதானவர்களிடையே தெளிவாக புரிய வைக்க மருத்துவக்குழுவினர் ஒரு புழுக்கமான நாளொன்றில் 55 வயதுக்குட்பட்டவர்களிடையே பொழுதுபோக்கு சைக்கிள் பயிற்சிக்கு ஏற்பாடு செய்தனர்.

இந்தப் பயிற்சியின் போது சைக்கிள் ஓட்டுவதற்கு முன்பும், பின்பும் அவர்களது உடலில் நிகழும் மாற்றங்கள் குறித்து ஆராய அவர்களது சிறுநீர் சாம்பிள் ஆராய்ச்சிக்காகப் பெறப்பட்டது. அது மட்டுமல்ல அவர்கள் தங்களது சைக்கிள் பயிற்சியை குறிப்பிட்ட காலக்கெடுவுக்குள் எத்தனை விரைவாக முடிக்கிறார்கள் என்பதும் கணக்கிடப்பட்டது. நிகழ்வின் முடிவில் ஆய்வில் பதிவு செய்யப்பட்ட தகவல்களின் அடிப்படையில் போட்டியில் கலந்து கொண்டவர்களின் உடல் மற்றும் மனநலனில் நிகழ்ந்த மாற்றங்கள் கணக்கிடப்பட்டன. அதனடிப்படையில் பார்க்கையில், அடிக்கடி நீர் அருந்த வேண்டும் எனும் தாக உணர்வைப் புறம் தள்ளி தங்களது சைக்கிள் பயிற்சியை விரைவாக முடித்தவர்களுக்கும், உரிய நேரத்தில் நீர் அருந்தி தங்களது தாகத்தை ஒத்திப் போடாதவர்களுக்கும் இடையே அவர்களுக்கு இடப்பட்ட டாஸ்கை முடிப்பதில் பெரிதாக வேறுபாடு இல்லையென்றாலும் உடற்பயிற்சியின் காரணமாக அவர்களுக்கு கிடைக்கவிருக்கிற புலனுணரும் திறனில் மிகப்பெரிய மந்தநிலை காணப்படுவது கண்டறியப்பட்டது. காரணம் அவர்களின் உடலின் தேவையை புறக்கணித்து அதன் நீர்ச்சத்துக் குறைப்பாட்டை தாங்களே வரவழைத்துக் கொண்டவர்களாகி விட்டார்கள். இவர்களால் பயிற்சியின் ஆரம்ப கட்டங்களில் நீர்ச்சத்துக் குறைபாடு இல்லாதவர்களுக்கு இணையாக செயல்பட முடியுமே தவிர நேரமாக ஆக நீர்ச்சத்துக் குறைவால் மூளை விரைவாகச் சோர்வடைந்து உற்சாகம் குன்றி மிகுந்த உடற்சோர்வுக்கும், மனச்சோர்வுக்கும் ஆளாகி விட நேர்கிறது. இது அவர்களது ஆரோக்யத்தில் மாபெரும் பின்னடைவை ஏற்படுத்துகிறது. 

அது மட்டுமல்ல, உடற்பயிற்சி செய்வது எதற்காக? உடல் ஆரோக்யம் மேம்படத்தானே? அப்படியிருக்கையில் உடற்பயிற்சியின் போது சரியாக தண்ணீர் அருந்தாமல் இவர்கள் புறக்கணித்தால் என்ன பலன் கிடைக்கக் கூடும்?! வயதானவர்களில் பலருக்கு அவ்வப்போது நீர் அருந்த வேண்டும் என்ற உணர்வு இருந்தாலும் கூட பலரும் அடிக்கடி சிறுநீர் கழிக்க வேண்டியதாக இருக்கிறது என்பதற்காகவும் சில நேரங்களில் இதற்காகவும் பிறரது உதவியை நாட வேண்டியதாக இருக்கிறதே என்ற மனச்சங்கடத்தாலும் தாக உணர்வைத் தள்ளிப்போடுவதை வழக்கமாக்கி வைத்திருக்கிறார்கள். இது முற்றிலும் தவறு. இளமையில் மட்டுமல்ல வயதான பின்னும் நமது உடலுக்குத்தேவையான நீர்ச்சத்து சரியான அளவில் பராமரிக்கப் பட்டால் தான் உடற்பயிற்சி செய்வதன் பலன் பூரணமாகக் கிடைக்கும். இல்லையேல் உடல் ஆரோக்யமாக இருப்பது போலத் தோன்றினாலும் மூளை உடலுடன் ஒத்துழைக்காது மந்த நிலை ஏற்பட்டு அது சிக்கம் தரும் தனிப்பிரச்னையாக மாறி விடும். பிறகு உடற்பயிற்சி செய்து பெற்று பலன் தான் என்ன? அது வீண் வேலை என்று இந்த மருத்துவ ஆய்வின் முடிவு தனது தரவுகளை முன் வைக்கிறது.

]]>
முதியோர் நலம், டிஹைட்ரேசன், நீர்ச்சத்துக் குறைபாடு, மூளைச் செயல்திறன், senior citizen health, dehydration, mental health, exercising seniors http://images.dinamani.com/uploads/user/imagelibrary/2018/4/24/w600X390/drink_water.jpg http://www.dinamani.com/health/health-news/2018/apr/24/drinking-water-may-help-exercising-seniors-stay-mentally-sharp-2906633.html
2904093 மருத்துவம் செய்திகள் அறுவை சிகிச்சை காயங்களை 60 நொடிகளில் மறைய வைக்கும் அற்புத பிசின் கண்டுபிடிப்பு! கார்த்திகா வாசுதேவன் Friday, April 20, 2018 01:48 PM +0530  

 

அறுவை சிகிச்சையில் மிக நூதனமாகச் செய்ய வேண்டிய ஒரு விஷயம் சிகிச்சையின் போது வெட்டப்பட்ட இடங்களை மீண்டும் பழையபடி இணைத்துப் பொருத்தி அதில் தையலிடுவது. இதில் சில அறுவை சிகிச்சை நிபுணர்கள் கைதேர்ந்தவர்களாக இருப்பார்கள். அவர்கள் இட்ட அறுவை சிகிச்சைத் தையல்களால் நோயாளிகளுக்கு பின்னாட்களில் எந்த விதமான உபத்திரவமும் நேராத அளவுக்கு மிகத் திறமையாக தையலிட்டு அறுவை சிகிச்சைக் காயங்களை ஆறச் செய்து விடுவார்கள். ஆனால் சில சந்தர்பங்களில் மருத்துவருக்கு தையல் இடுவதில் போதிய பயிற்சியோ, முன் அனுபவமோ அல்லது திறனோ இல்லாத சமயங்களில் அவர்களிடம் அறுவை சிகிச்சை செய்து மாட்டிக் கொள்ளும் நோயாளிகளின் கதி அதோ கதி தான்.

விபத்துக்களின் போது மட்டும் தான் தையல் இடப்படுகிறது என்று சொல்வதற்கில்லை தற்போது பெருகி வரும் மகப்பேறு அறுவை சிகிச்சைகளின் போது கர்ப்பிணிகளுக்கு குழந்தைப் பேற்றின் பின் அடிவயிற்றில் தையலிடப்படுகிறது. இந்தத் தையல் உறுதியானதாகவும், திறன் வாய்ந்த மருத்துவரால் போடப்பட்டதாகவும் இருந்தால் அந்த இளம் தாய் தனது மகப்பேறு அறுவை சிகிச்சையைக் கூட சுகப்பிரசவம் போன்றே ஆனந்தமான அனுபவமாகத் தான் எண்ணிக் கொள்வார். ஆனால், சில தாய்மார்களுக்கு அந்தக் கொடுப்பினை அமைவதில்லை. கொடுமையான மருத்துவர்கள் கையில் சிக்கி, மகப்பேறு அறுவை சிகிச்சை முடிந்தபின் தையல் சரியாக இடப்படாததால் அறுவை சிகிச்சைக் காயம் ஆறாமல் ரத்தக் கசிவு, புண்கள், சீழ் வடிதல் என்று பிரசவத்துக்குப் பிறகு தான் அதிகம் துன்பப்படுவார்கள். நான் ஏதோ பயமுறுத்துவதற்காகச் சொல்கிறேன் என்று எண்ணி விட வேண்டாம். மகப்பேறு அறுவை சிகிச்சையின் பின் தையல் சரியாக இடப்படாததால் மேற்படி பிரச்னைக்கு உள்ளான பல பெண்களை நான் அறிவேன். இதற்கு மருத்துவர்களை மட்டுமே குற்றம் சொல்லி விட முடியாது. சில சந்தர்பங்களில் அறுவை சிகிச்சைக்கு உள்ளாகும் பெண்கள் தரப்பிலும் அறியாமையினால் உண்டாகும் தவறுகள் நிறைய இருக்கலாம். உதாரணமாக மருத்துவர் சுட்டிக் காட்டிய வழிமுறைகளைப் பின்பற்றாமலோ, அல்லது மருந்துகளை சரிவர உண்ணாமலோ, அறுவை சிகிச்சைக் காயங்களின் மீது தடவப்பட வேண்டிய மருந்துகளை சரிவர எடுத்துக் கொள்ளாத காரணத்தாலோ கூட அவர்கள் தங்களுடைய மகப்பேறு அறுவை சிகிச்சை அனுபவங்களை மரண பீதி தந்த அனுபவங்களாக எண்ணிக் கொள்ள நேர்ந்திருக்கலாம். எனவே தவறு இரண்டு தரப்பிலுமே நேர வாய்ப்பு உண்டு.

இதை எதற்காக குறிப்பிடுகிறேன் எனில், இனிமேல் விபத்தென்றாலும் சரி, மகப்பேறு அறுவை சிகிச்சையோ அல்லது வேறு ஏதேனும் உயிர் காக்கும் அறுவை சிகிச்சையோ எதுவானாலும் சரி சிகிச்சைக் காயங்களை எண்ணியும், அதில் இடப்படும் தையல்களை எண்ணியும் நோயாளிகள் பயந்து கொள்ளத் தேவையில்லை. கிழிந்த காகிதத்தைப் பசையால் ஒட்ட முடிவதைப் போல இனி அறுவை சிகிச்சைக் காயங்களையும் சர்ஜிக்கல் குளூ என்று சொல்லப்படக் கூடிய அறுவை சிகிச்சைப் பிசின் கொண்டு எளிதில் ஒட்டி விட முடியும் என்கிறார்கள் மருத்துவர்கள்.

அதற்கான காணொளி...

 

ஆம்... அப்படி ஒரு அதிசயப் பிசினை மருத்துவர்கள் தற்போது கண்டறிந்திருக்கிறார்கள். வெறும் 60 நொடிகளில் இந்த சர்ஜிக்கல் குளூவைப் பயன்படுத்தி அறுவை சிகிச்சைக் காயங்களை ஒட்டச் செய்ய முடியுமாம். மெத்தா கிரைலயோல் ட்ரொப்போ எலாஸ்டின் சுருக்கமாக மெட்ரோ என்று மருத்துவர்களால் குறிப்பிடப்படும் இந்த ஹைபிரிட் எலாஸ்டிக் புரோட்டினை உள்காயம் மற்றும் வெளிக்காயங்களை ஒட்டப் பயன்படுத்தலாம் என்கிறார்கள். அறுவை சிகிச்சைக் காயங்களை கண் மூடித் திறக்கும் நேரத்தில் நிமிடத்தில் ஒட்டச் செய்யும் ஆற்றல் இதற்கு உண்டு என்று அந்த மருத்துவர்கள் நிரூபித்திருக்கிறார்கள். இந்த சர்ஜிக்கல் குளூவின் சிறப்பு அது அதிவேகமாக காயங்களை ஒட்ட வைத்து மறைக்கும் என்பது மட்டுமல்ல, அப்படி ஒட்டும் போது மனிதத் தோலின் இயல்பான சுருங்கித் தளரும் இயல்பில் அது எவ்வித பாதிப்பையும் ஏற்படுத்துவதில்லை என்பது தான். அதுமட்டுமல்ல இந்த மெட்ரோ குளூவை காயங்களின் மேல் அப்ளை செய்யும் போது அது உடனடியாக வழுக்கிச் செல்லாமல் அப்படியே ஒரு ஜெல் போல படிந்து ஒட்டிக் கொள்வதும் இதன் சிறப்பியல்புகளில் ஒன்று என்கிறார்கள் இதைக் கண்டறிந்த சர்வதேச மருத்துவக் குழு நிபுணர்கள்.

தற்போது விலங்குகளில் மட்டுமே ஆய்வு ரீதியாகப் பயன்படுத்தி வெற்றி காணப்பட்டுள்ள இந்த சர்ஜிக்கல் குளூவை வெகு விரைவில் மனிதர்களிடையேயும் பயன்படுத்தி வெற்றி காண திட்டமிடப்பட்டுள்ளதாகத் தெரிகிறது. முதற்கட்டமாக பன்றியின் நுரையீரல் காயத்தை சீராக்க இந்த சர்ஜிக்கல் குளூவைப் பயன்படுத்தி வெற்றி கண்ட காணொளியொன்றை மருத்துவ நிபுணர்கள் குழு வெளியிட்டுள்ளது. வெகு விரைவில் இந்த தொழில்நுட்பம் மனிதர்களிலும் பயன்படுத்தப் படும் நாள் வெகு தொலைவில் இல்லை.

கார் மற்றும் இருசக்கர வாகன விபத்துக்கள், போர்க்காயங்கள், அறுவை சிகிச்சை காயங்கள் என அத்தனை காயங்களுக்கும் உடனடி நிவாரணம் தரக்கூடிய விதமாக இந்த குளூ வடிவமைக்கப்பட்டுள்ளது.

இந்த சர்ஜிக்கல் ஜெல் மேலும் மேம்படுத்தப்பட்டு மனிதர்களுக்குப் பயன்படுத்தப் படும் நாள் வரின் இது மிக நிச்சயமாக நம் அனைவரது முதலுதவிப் பெட்டியிலும் இடம் பெற வேண்டிய முக்கியமாக உயிர் காக்கும் மருந்துகளில் ஒன்றாக இருக்கும் என இதைக் கண்டறிந்த மருத்துவர்கள் குழு கூறுகிறது.

கூடிய விரைவில் இந்த ஜெல்லை மனிதர்களுக்குப் பயன்படுத்திப் பார்த்து வெற்றிகண்ட பின் மருத்துவமனைகள், மருந்தகங்களில் கூட கிடைக்கக் கூடிய பொருளாகச் செய்யவிருக்கிறார்களாம்.

இந்த ஆய்வுக் கட்டுரை சயின்ஸ் டிரான்ஸ்லேஷனல் மெடிசின் ஜர்னலில் வெளியிடப்பட்டிருந்தது. கடந்த ஆண்டே இந்தக் கண்டுபிடிப்பு பற்றிய செய்திகளை உலக அறிவியல் சஞ்சிகைகள் வெளியிட்டிருந்தன. பல்லாண்டுகளாக நிகழ்த்தப்பட்ட ஆய்வுகளின் விளைவாக கண்டறியப்பட்ட அறிய கண்டுபிடிப்பு இது என்கிறார்கள் இதைக் கண்டறிந்த அமெரிக்க மற்றும் ஆஸ்திரேலிய மருத்துவக்குழு மருத்துவர்கள்.

]]>
Quick healing surgical glue, MeTro, அறுவை சிகிச்சை காயங்களை எளிதில் மறைய வைக்கும் ஜெல், காயங்களை ஒட்டும் பிசின், மெட்ரோ, http://images.dinamani.com/uploads/user/imagelibrary/2018/4/20/w600X390/metro-gel-1_1024.jpg http://www.dinamani.com/health/health-news/2018/apr/20/quick-healing-surgical-glue-closes-wounds-in-seconds-2904093.html
2902662 மருத்துவம் செய்திகள் என் ரத்தத்தின் ரத்தமே! சர்வதேச ரத்தம் உறையாமை தினத்தன்று உறைய வைக்கும் சில உண்மைகள் அறிவோம்! - அஸ்ட்ரோ சுந்தரராஜன் DIN Wednesday, April 18, 2018 11:26 AM +0530  

ஏப்ரல் 17-ம் தேதி உலகம் முழுவதும் சர்வதேச உலக ரத்தம் உறையாமை நோய் எனப்படும் ஹீமோபீலியா (hemophilia) எனும் நோய் தினமாக அனுசரிக்கப்படுகிறது.

ஹீமோபிலியா என்றால் என்ன?

ஹீமோபிலியா ரத்தத்தில் உறையும் தன்மை குறைபாட்டினால் வரும் ஒரு பரம்பரை குறைபாடு. இது ரத்தம் எளிதில் உறையாத அரிதான ஒரு நோய். ஓருவருக்கு ஹீமோபிலியா இருந்தால், காலில் ஒரு ஆணி குத்தினால் சுவற்றில் இடித்துக் கொண்டால், காயத்தில் ரத்தம் நிற்காமல் வந்துக் கொண்டே இருக்கும். அடிபட்ட இடத்தில், 5 முதல் 10 நிமிடத்திற்குள் ரத்தம் உறைவது என்பது இயற்கை. ஹீமோபிலியா இருந்தால், ரத்தம் உறையாமல் உயிருக்கே ஆபத்தாக முடியும். ஹீமோபிலியா அதாவது பெற்றோர்களிடமிருந்து குழந்தைகளுக்கு மரபணுக்கள் மூலமாக வருகிறது.

ஹீமோபிலியா உள்ள மனிதர்களுக்கு ரத்தம் உறையும் திறன் குறைவாக இருக்கும். அல்லது உறையவே உறையாது. இந்த குறைபாடு உள்ளவர்களுக்கு சிறு காயங்களினாலோ, அடிபடுவதனாலோ அல்லது தானாகவோ தொடர்ந்து ரத்தக்கசிவு ஏற்படும். ஹீமோபிலியாவை முற்றிலும் குணப்படுத்த முடியாது. ஆனால் முறையான சிகிச்சையினால் கட்டுப்படுத்த முடியும்.

இது பெண்களைவிட ஆண்களையே அதிகம் பாதிக்கும். காரணம், ரத்த உறைவுக் காரணி VIII  (8) மற்றும் IX (9) ஐ உற்பத்தி செய்யும் மரபணுக்கள், எக்ஸ் குரோமோசோமில் உள்ளது. எக்ஸ் குரோமோசோம் என்பது ஆணுக்கான குரோமோசோம். இந்த எக்ஸ் குரோமோசோமில் ஃபேக்டர் 8 அல்லது 9-ஐ உற்பத்தி செய்யும் மரபணு இல்லாதிருந்தால், அவர்களுக்கு ஹீமோபிலியா பாதிப்பு ஏற்படுகிறது. பெண்களில், மரபணுக் குறைபாடுடைய ஒரு எக்ஸ் குரோமோசோம் இருந்தாலும், மற்றொரு எக்ஸ் குரோமோசோம் இயல்பான உற்பத்திகளைச் செய்வதால், ஹீமோபிலியா பாதிப்பு ஏற்படுவது இல்லை. எனினும், அடுத்தத் தலைமுறைக்கு மரபணுக் குறைபாடுடைய எக்ஸ் குரோமோசோமைக் கடத்துவதால், அவர்களை நோய் கடத்தி என்று அழைக்கிறோம்.’
 
எப்படி கண்டறிவது? 

சில குழந்தைகள் தவழும்போதோ அல்லது நடக்க ஆரம்பிக்கும்போதோ, கை, கால் பகுதியில் ரத்தக் கசிவு ஏற்பட்டு நீல நிறத் தழும்புகள் தென்படலாம். பல் விழுந்து முளைக்கும் நேரங்களிலோ அல்லது பல்லைப் பிடுங்க நேரிடும் போதோ, ஈறுகளில் தொடர்ந்து ரத்தக் கசிவு ஏற்படுவது இதற்கான அறிகுறி. தடுப்பூசி போடும்போது வீக்கம் ஏற்பட்டு வலி உண்டாகலாம். இப்படி ஏதாவது ஓர் அறிகுறி தென்பட்டாலும் உடனடியாக ஹீமோபிலியா இருக்கிறதா என்று பரிசோதிப்பது மிகவும் அவசியம்.

அறிகுறிகள்: 

மூட்டுகளில் ரத்தக் கசிவு ஏற்படலாம். அடுத்தடுத்து ஏற்படும் ரத்தக் கசிவு, மூட்டுகளின் உராய்வு இயக்கத்துக்குத் தேவையான திரவத்தை உற்பத்தி செய்யும் சவ்வுகளில் ஒவ்வாமையை ஏற்படுத்தும். இதனால் மூட்டுகளில் வீக்கமும் செயலற்ற தன்மையும் ஏற்படும். தசைகளில் ரத்தக் கசிவு தானாகவும் அல்லது அடிபடுவதாலும் ஏற்படலாம். இவை பல நாட்கள் தொடர்ந்து இருந்தால், தசைகளில் அழுத்தம் உண்டாக்கி, நரம்புகளும் ரத்தக் குழாய்களும் பாதிப்படையும்.சிறுநீர், மலத்திலும் ரத்தக் கசிவு தென்படலாம். மூளையில் ரத்தக் கசிவு தானாகவோ, அடிபடுவதாலோ ஏற்படலாம். இதனால் உயிருக்கே ஆபத்து ஏற்படவும் கூடும்.’

‘ரத்தக் கசிவு ஏற்பட்டால், குறைபாடுடைய காரணிகளை நிவர்த்தி செய்வதுதான் சரியான சிகிச்சை. காரணிகள் இல்லாத நேரத்தில், புதிய முழுமையான ரத்தம், புதிய உறைந்த நிணநீர், கிரையோ போன்றவற்றைப் பயன்படுத்தலாம். 

தவிர்ப்பது எப்படி?

‘நெருங்கிய உறவுகளில் திருமணம் செய்யக் கூடாது. வழிவழியாக வரும் பல மரபு நோய்களில் ஹீமோபிலியா முக்கியமானது என்பதால், நெருங்கிய உறவுகளுக்கு இடையேயான திருமணத்தைத் தடுக்க வேண்டும்.  அதேபோல் ஹீமோபிலியா பாதிப்பு ஏற்பட வாய்ப்புள்ள பெண் கருவுற்றால், 11-14 வாரங்களில்  பிரத்யேகப் பரிசோதனை செய்ய வேண்டும். வைட்டமின் C மற்றும் வைட்டமின் K  நிறைந்த உணவுகளை அதிகம் சாப்பிட வேண்டும்.
 

- அஸ்ட்ரோ சுந்தரராஜன்

செல்பேசி - 9498098786
வாட்ஸ் அப் 9841595510

]]>
hemophilia, blood, ரத்தக் கசிவு, ரத்த உறையாமை, ஹீமோபீலியா http://images.dinamani.com/uploads/user/imagelibrary/2018/4/18/w600X390/Hemophilia_and_Thrombosis.jpg http://www.dinamani.com/health/health-news/2018/apr/18/என்-ரத்தத்தின்-ரத்தமே-சர்வதேச-ரத்தம்-உறையாமை-தினத்தன்று-உறைய-வைக்கும்-சில-உண்மைகள்-அறிவோம்-2902662.html
2902652 மருத்துவம் செய்திகள் உடல் எடையைக் குறைக்க வேண்டுமா! தினமும் ஒரு ஸ்பூன் இதை சாப்பிடுங்க! மாலதி சந்திரசேகரன் Wednesday, April 18, 2018 10:54 AM +0530 உப்பில்லாப் பண்டம் குப்பையிலே என்று ஒரு பழமொழி உண்டு என்பது நினைவிருக்கிறதா? உப்பு என்பது  ருசிக்காக  மட்டும் உட்கொள்ளப்படுவது அல்ல அது, உடல் ஆரோக்கியத்திற்கும் மிகவும் உறுதுணையாக இருக்கிறது. நாம் அன்றாடம் சமையலுக்குப் பயன்படுத்தும் உப்பிற்கு, 'சோடியம் குளோரைடு’ என்று பெயர். ஒரு நபருக்கு,  ஒரு நாளைக்கு, பத்து கிராம் உப்பு மட்டுமே போதுமானது என்று மருத்துவக் குறிப்புகள் கூறுகின்றன. ஆனால், நாம் உணவில், ஊறுகாய், சிப்ஸ், பதப்படுத்தப்பட்ட உணவுகளை வஞ்சனை இல்லாமல் சேர்த்துக் கொள்கிறோம். அதனால், ரத்தக் கொதிப்பு போன்றவை நம்மை அணுகி விடுகின்றன.

இனிப்பு என்றால்,  சர்க்கரைக்குப் பதில் வெல்லம் , கருப்பட்டி போன்றவைகளையும், காரம் என்றால்,மிளகாய்க்குப் பதிலாக மிளகு போன்றவற்றையும் சேர்த்துக் கொள்கிறோம். ஆனால், உப்பிற்கு பதிலாக வேறு எதையாவது உபயோகிக்க முடியுமா? உவர்ப்பு என்னும் சுவை உப்பின் மூலம் மட்டுமே கிடைக்கும். பொதுவாக கடல் நீரிலிருந்துதான் உப்பு பெறப்படுகிறது. ஆனால், பாறைகள் மூலமும்  உப்பு பெறப்படுகிறது என்றால் ஆச்சர்யமாக இல்லை?

இமய மலைப் பகுதிகளிலிருந்தும், நேபாளப் பகுதியிலிருந்தும் ஒரு வகை உப்பு எடுக்கப்படுகிறது. ஆம். இவ்வகை உப்பிற்கு கருப்பு உப்பு [Black Salt] என்று பெயர். இதில் இருப்பதும் சோடியம் குளோரைடு தான். கருப்பு உப்பில், கடல் உப்பைவிட சோடியம் குறைவாகக் காணப்படுகிறது. வட இந்தியாவில் 'காலா நமக்’ என்று பெயர் கொண்ட கருப்பு உப்பையே அதிகம் உணவில் சேர்த்துக் கொள்கிறார்கள். இந்த வகை, சோடியம் குறைவான கருப்பு உப்பு, நமக்கு என்ன நன்மைகளைத் தருகிறது? மேலே படியுங்கள்.

  • மூட்டு வலி, தசை பிடிப்பிற்கு, கருப்பு உப்பை வெறும் வாணலியில் நன்றாக வறுக்கவும். அதை, கொட்டி விடாதபடி ஒரு கெட்டியான துணியில் மூட்டையாகக் கட்டிக் கொள்ளவும். வலி இருக்கும் இடங்களில் உப்பு ஒத்தடம் கொடுத்தால், நல்ல பலன் தெரியும்.
  • சாப்பிட்ட பின், வயிறு உப்புசம், போன்ற பிரச்னைகள் இருந்தால், சமையலில் கடல் உப்பிற்குப் பதிலாக கருப்பு உப்பைச் சேர்த்துக் கொள்ளவும். மருந்துக்கு கடைகளில் விற்கும் ஜீரண மாத்திரைகளில், கருப்பு உப்பு தான் சேர்க்கப்படுகிறது.
  • ஆஸ்துமா, அலர்ஜி, சைனஸ் தொந்திரவு, ஏன் சாதாரண ஜலதோஷத்திற்குக் கூட, மூச்சு விடுவதில் சிரமம் இருக்கும். அந்த நேரங்களில், இன்ஹேலரில், கருப்பு உப்பினை பொடித்துப் போட்டு சுவாசித்தால், மூச்சுத்திணறல் இருக்காது.
  • உடல் எடையைக் குறைக்க, உணவில் கருப்பு உப்பு மட்டுமே சேர்த்து சமைப்பது உசிதமானது. ஏனென்றால், உடல் எடை குறைவதை கண் கூடாகப் பார்க்கலாம்.
  • மலச்சிக்கலுக்கு ஏற்ற மருந்தாகவும் பயன்படுகிறது. சிறிது கருப்பு உப்பை நீரில் கரைத்துக் கொண்டு, அத்துடன், இஞ்சி, எலுமிச்சை சாறினை சேர்த்துப் பருகினால், மலம் இளகி வெளிப்பட்டுவிடும்.
  • கெட்ட கொழுப்புத்  தன்மையை மட்டுப்படுத்துகிறது. கருப்பு உப்பினை உணவில் சேர்த்துக் கொள்வதால்,  கொலாஸ்ட்ரல் அளவு அடிக்கடி வேறுபடாமல், ஆரோக்கியமான ஒரே நிலையில் பாதுகாக்கப் படுகிறது.  சீரான ரத்த ஓட்டம் உடலுக்குக் கிடைக்கிறது. 
  • நெஞ்செரிச்சல்  நீங்குகிறது. வயிற்றில் அமிலத்தன்மை கூடுவதால்தான் நெஞ்சரிச்சல் உண்டாகிறது. கருப்பு உப்பில், ஆல்கலைன் நிரம்பி இருப்பதால், அதற்கு அமிலத் தன்மையைக்  கட்டுப் படுத்தும் தன்மை உண்டு.
  • ஆகாரம் உண்டவுடன், ஜீரணம் ஆகாமல், மேலுக்கு உணவு எதிர்த்து வரும் சங்கடம் சிலருக்கு இருக்கும். அந்த அவஸ்தையில் இருந்து விடுபட, ஒரு தாமிரப் பாத்திரத்தில் சிறிது கருப்பு உப்பைப் போட்டு, மிதமான தீயில் வைக்கவும். உப்பு நிறம் மாறியவுடன், தீயிலிருந்து நீக்கி, அந்த உப்பினை சிறிது எடுத்து, நீரில் கரைத்துக் குடித்தால், உணவு மேலே வருவது நிற்கும்.
  • தூக்கமின்மையா? கவலை வேண்டாம். மனோதத்துவ நிபுணர்கள், அதற்கும் உபாயம் கூறி இருக்கிறார்கள். கருப்பு உப்பை உட்கொள்வதால், உறக்கத்தினைத் தரும் செரோடினின், மெலோடினின் ஆகிய இரு ஹார்மோன்களையும் பாதுகாப்பான நிலையில் வைத்துக் கொள்ளும் சக்தி அந்த உப்பிற்கு இருக்கிறதாம்.
  • நீரிழிவு நோய்காரர்களை  இன்சுலின் போட்டுக் கொள்வதிலிருந்து விடுவிக்கிறது. கருப்பு உப்பை உணவில் சேர்த்துக் கொள்வதால், ரத்தத்தில் உள்ள சர்க்கரையின் அளவு அதிகப்படுத்தப்படாமல், பாதுகாப்பு வளையத்திற்கு உள்ளேயே வைத்திருக்கிறது.
  • இவை  மட்டுமல்ல முடி கொட்டுகிறதா? முடியின் நுனியில் வெடிப்பு உண்டாகிறதா? கருப்பு உப்பை உணவில் சேர்த்துக் கொண்டால், நல்ல கருமை  நிறம் முடிக்கு  கிடைப்பதோடு, வெடிப்பும் நின்று போகும்.
  • தினமும், தக்காளி ஜூஸில், கருப்பு உப்பு கலந்து குடித்து வந்தால், பொடுகுத் தொல்லையிலிருந்து விடுதலை பெறலாம்.
  • குளிக்கும் நீரில் கருப்பு உப்பைக் கலந்து குளித்தால், சருமத்தில் வெடிப்புகள் விழாமல், வழவழப்பாக இருக்கும்.
  • கால் பாதங்கள் வீங்கி, வெடிப்புக்கள் இருந்தால், சிறிது கருப்பு உப்பை, வெந்நீரில் கலந்து, பாத்திரத்தில் நிரப்பி, பாதத்தினை நீருக்குள் மூழ்கினாற்போல் வைத்திருந்தால், வீக்கமும் குறையும். வெடிப்புக்களும் மறையும்.
  • கருப்பு உப்பில் இத்தனை நன்மைகள் இருந்தாலும் தென் இந்தியாவில் இதன் உபயோகம் மிகமிகக் குறைவு என்றே சொல்லலாம்.
  • ஏனென்றால், இந்த உப்பில் முட்டையின் மணம் இருப்பதால்,  சைவ விரும்பிகள் இந்த உப்பை உட்கொள்வதில்லை. மணம் மட்டுமல்ல, முட்டையின் குணங்கள் அனைத்தும் இந்த உப்பிற்கு உண்டு. ஆரோக்கியத்திற்கு ஏற்ற உப்பு என்பதை பலரும் மறந்து விடுகிறார்கள் என்பதுதான் வருந்தத்தக்க விஷயம். 
  • இவ்வளவு நன்மைகள் கொண்ட கருப்பு உப்பினை சாட் ஐட்டம், ரெய்த்தா, மோர் இவற்றிலாவது சிறிது சேர்த்துக் கொண்டு பழக்கிக்  கொள்ளலாம். பழங்களின் மேல் தூவி சாப்பிடலாம். 

ஆரோக்கியம் காப்போம், அவதிகளைத் தவிர்ப்போம்.

]]>
black salt, karuppu uppu, கருப்பு உப்பு, ப்ளாக் சால்ட் http://images.dinamani.com/uploads/user/imagelibrary/2018/4/18/w600X390/black_salt.jpg http://www.dinamani.com/health/health-news/2018/apr/18/black-salt-and-its-uses-2902652.html
2898797 மருத்துவம் செய்திகள் நடுத்தர வயதில் நடுங்கச் செய்யும் மெனோபாஸ் பிரச்னையை எப்படி சமாளிக்கலாம்? Dr. சாந்தி விஜய்பால் Thursday, April 12, 2018 04:03 PM +0530 சில பேருக்கு சுதந்திரத்தையும், சில பேருக்கு பிரச்னையையும் பலருக்கு தொல்லையையும் தருகிறது இந்த மெனோபாஸ். மெனோபாஸ் என்றால் என்ன என்றும் அது குறித்த அச்சங்களையும் தீர்வுகளையும் விரிவாகப் கூறுகிறார் ஆயுர்வேத மருத்துவர் சாந்தி விஜய்பால்.

Dr. சாந்தி விஜய்பால்

ஆயுர்வேதத்துல மெனோபாஸ் என்பதை ரஜோ நிவ்ருத்தி காலம் என்று கூறுவார்கள்.  இது நான்கு வகைப்படும். 

சுபாவிகா - இயல்பாக மாதவிடாய் ஒரு பெண்ணுக்கு 45 - 50 வயதில் நின்றுபோவது
சாரீரிகா - உடல் சம்பந்தப்பட்ட பிரச்னை ஏற்பட்டு நின்று போவது
மானஸிகா - இது மனம் சம்பந்தப்பட்டது. திடீர் அதிர்ச்சி அல்லது அதிக துயர் போன்ற காரணங்களால் நிற்பது
ஆகன்துஜா - எதாவது விபத்து, அறுவை சிகிச்சை போன்றவற்றால் பீரியட்ஸ் நின்று போவது

எளிமையாக புரியும்படி சொல்ல வேண்டும் என்றால், மாதா மாதம் ஏற்படும் மாதவிடாய் நின்றுபோகும் நிலையே மெனோபால். இது ஒரு வியாதியல்ல. மிகவும் இயற்கையான ஒன்று. இளமையும் ஆரோக்கியமும் இருக்கும் போது ஒரு பெண் கருவுருவாள். ஆனால் வயதாக ஆக, அவளது உடலில் இருக்கும் கருமுட்டை அதாவது சினைப்பையில் உள்ள கருமுட்டை தீர்ந்துவிடும். எப்போது கடைசி கருமுட்டை தீர்ந்து போகிறதோ, அதன்பின் மாதவிடாய் வரவே வராது. இதுதான் மெனோபாஸ். ஒவ்வொரு பெண்ணுக்கும் இது மாறுபடும். ஆனால் எல்லா பெண்களுக்கும் கட்டாயம் வந்தே தீரும். 45 வயதிலிருந்து 54 வயது வரை எப்போது வேண்டுமானால் மெனோபாஸ் வரலாம்.

எவை எல்லாம் மெனோபாஸை நிர்ணயிக்கிறது?

பிறக்கும் போதே குறிப்பிட்ட அளவு சினை முட்டைகளுடன் தான் ஒரு பெண் பிறப்பாள். அது வளர்ச்சி அடையாத சின்ன சினைமுட்டைகளாக இருக்கும்.
வளர் இளம் பருவத்தில், வயதுக்கு வந்தபின், ஒவ்வொரு மாதம் ஒவ்வொரு சினை முட்டை உருவாகத் தொடங்கும். நிறைய பேருக்கு அதைப் பொருத்து தான் மெனோபாஸ் காலகட்டம் அமையும். அம்மாவுக்கு எந்த வயதில் மாதவிடாய் நிற்கிறதோ மகளுக்கும் அதே வயதில் நிற்கலாம். ஒன்றிரண்டு வருடம் வித்யாசம் இருக்கலாம்.  மெனோபாஸ் மூன்று வகைப்படும், அவை

ப்ரீ மெனோபாஸ்

கடைசி மாதவிடாய் எப்போது நிற்கிறதோ அதை ப்ரீ மெனோபாஸ் வருடம் என்று சொல்வோம். இது ஏதோ குறுகிய காலம் கிடையாது. கொஞ்சம் கொஞ்சமாக மாதவிடாய் வருவது தாமதப்படும். ஒவ்வொரு மாதமும் தவறாமல் வரும் மாதவிடாய் அதன் பின் 40 நாளுக்கு ஒரு மூறை, 60 நாளுக்கு ஒரு தடவை, மூன்று மாதங்களில் ஒரு தடவை என்று விட்டு விட்டு வரும். எப்போது ஒரு வருடம் வரை வராமல் இருக்கிறதோ அது பெரி மெனோபாஸ் என்று சொல்வோம். ஒரு வருடம் தாண்டிவிட்டால் போஸ்ட் மெனோபாஸ் என்று சொல்வோம்.

எர்லி மெனோபாஸ்

சில பேருக்கு எர்லி மெனோபாஸ் ஏற்படலாம். சீக்கிரம் வயதுக்கு வந்துவிட்டவர்கள், ஹார்மோன் பிரச்னை இருப்பவர்கள், குழந்தை பேறு இல்லாதவர்களுக்கு சீக்கிரம் மெனோபாஸ் வந்துவிடும். இதுதான் எர்லி மெனோபாஸ்

சர்ஜிகல் மெனோபாஸ்

கர்ப்பப்பை எடுத்துவிட்டவர்களுக்கு அது ஒரு மெனோபாஸ் போலத்தான்.. கர்ப்ப்பை மற்றும் சினைப்பை எடுத்துவிட்டால் அதன் வேலை இருக்காது. இது மெனோபாஸ் போலத்தானே? இதை சர்ஜிகல் மெனோபாஸ் என்போம்.

மெனோபாஸின் அறிகுறிகள் என்ன?

நமக்கு மெனோபாஸ் வந்துவிட்டதா என்பதை எப்படி தெரிந்து கொள்வது? இதற்கான அறிகுறிகளைப் பார்க்கலாம்.
 
உடல் சம்பந்தப்பட்ட அறிகுறி (Physical Symptoms)

  • இரவில் தூக்கத்தில் சில்லென்று வியர்வை உருவாகி எழுந்திடுவார்கள். தூக்கம் சரியாக வராது.
  • எப்போதும் அமைதியின் வடிவமாக இருப்பவர்கள் கூட கோபமாக இருப்பவர்கள். அடிக்கடி எரிச்சல் அடைவார்கள். 
  • மாதவிடாய் வருவதற்கு முன்னால் கால் வீக்கம் அடையும். சூடு பரவும், மெனோபாஸ் காலகட்டம் நெருங்க நெருங்க, இல்லற வாழ்க்கையில் ஆர்வம் குறையும். இது கணவருக்கு எரிச்சல் தரும். பிரச்னை பெண்களிடத்தில் இல்லை, மெனோபாஸால் தான் என்பதை அவர்கள் புரிந்து கொள்ள வேண்டும்.

மனம் சம்பந்தப்பட்ட அறிகுறி (Mental Symptoms)

பெண்ணுக்கே உரித்தான ஒரு விஷயம் கருவுறுதல். அது இனி இல்லை எனும்போது அவர்களுக்கே தெரியாமல் ஒரு தாழ்வு மனப்பான்மை ஏற்படும். இதனால்  இதனால் ஏதோ ஒருவிதமான பாதுகாப்பற்ற உணர்வுநிலையும் ஏற்படும். அதன் காரணமாக சிலருக்கு தாழ்வு மனப்பான்மை உருவாகி, மனத்துக்குள் பாதிப்படைவார்கள். தேவையில்லாத பதற்றம், எரிச்சல், கோபம் உள்ளிட்ட உணர்வு அழுத்தங்கள் ஏற்பட்டு பலவீனமாக காணப்படுவார்கள். ஹிட்டன் ஸ்ட்ரெஸ் (மறைவாக மனத்தின் அடியாழத்திலுள்ள மன அழுத்தம்) ஏற்படும்.

எம்டினெஸ்ட் சிண்ட்ரோம் (Emptyness Syndrome)

வீட்டில் உள்ளவர் அவரவர் வேலை படிப்பு என மிகவும் பரபரப்பாக இருக்கையில், நடுத்தர வயதுப் பெண்கள் திடீரென தங்கள் வாழ்க்கை வெறுமையாகிவிட்டதாக உணர்கிறார்கள். இப்படி தனக்கு யாரும் இல்லை என்ற நினைப்பே அவர்களை சுய பச்சாதம் கொள்ளச் செய்துவிடும். அதனை தொடர்ந்து கடுமையான தாழ்வு மனப்பான்மை ஏற்படும். எரிச்சல், சுய பரிதாபம், தற்கொலை எண்ணம் போன்றவை உருவாகும். சிறிய விஷயங்களையும் பெண்கள் பூதாகராகமாக புரிந்து கொள்வார்கள். ஹார்மோன் சுரப்பு இல்லாததால் பிறப்புறுப்பு ஈரத்தன்மை இழந்து வறண்டுவிடும். இதனால் கிருமித் தொற்று ஏற்படும். அடிக்கடி சிறுநீர்த் தொற்றுப் பிரச்னை ஏற்படும். 

மேற்சொன்ன அறிகுறிகளில் ஒன்று அல்லது அதற்கு மேற்பட்டவை உங்களுக்கு ஏற்பட்டால் அது மெனோபாஸ் எனப் புரிந்து கொள்ளலாம். மேலும் மெனோபாஸ் வியாதி கிடையாது என்பதையும் நீங்கள் புரிந்து கொள்வது அவசியம். 

மெனோபாஸ் பெரும்பாலான பெண்களுக்கு பிரச்னையாக இருந்தாலும், சமச்சீரான உணவு, உடற்பயிற்சி செய்வோருக்கு இது அதிகளவு பிரச்னைகள் தருவதில்லை. 100 பேரில் 90 பேருக்கு, இக்காலகட்டத்தில் உடலில் சூடாக வெப்பம் பரவுவது போலிருக்கும் அல்லது சில்லென்று வியர்ப்பது போலிருக்கும். மீதமிருக்கும் பத்து சதவிகிதத்திக்கு இது ஏற்படாது. அதிக உடற்பயிற்சி இல்லாதது, உடல் பருமன், இரவு வெகு நேரம் கண் விழிப்பவர்கள், மாதவிடாய் தள்ளிப் போக மாத்திரை மருந்துகள் எடுத்துக் கொள்ளும் பழக்கமுடையவர்களுக்கு மெனோபாஸ் பிரச்னையாக இருக்கும்.

இது உடல் பிரச்னை மட்டுமல்ல. இது மனத்தையும் சேர்த்து பாதிக்கும். அம்மாவுக்கு அல்லது உங்களுக்கு தெரிந்த பெண்களுக்கு இது இருந்தால் அவர்கள் மனத்துக்கு நீங்கள் ஆறுதலாக இருக்க வேண்டும். நிறைய ஆண்களுக்கு இது தெரியாது. 'எப்படி நடந்துக்கறா பண்றா பாரு’ என்று சொல்லி திட்டுவார்கள். பெண்கள் வேண்டும் என்றே இப்படி செய்வதில்லை. இது ஹார்மோன் பிரச்னை என புரிந்து கொண்டு அதற்கேற்ப நீங்கள் நடந்து கொண்டால் பெண்கள் எளிதாக இதிலிருந்து வெளியே வந்துவிடுவார்கள். 

தாம்பத்ய உறவில் பிரச்னை ஏற்படுமா?

மெனோபாஸ் காலகட்டத்தில் உடலுறவு இருந்தால் கருவுற்று விடுவோமோ என்ற பயம் சிலருக்கு உள்ளது. உடலுறவே இனி தேவை இல்லை என்ற முடிவுக்கும் சிலர் வந்துவிடுவார்கள். இந்த இரண்டும் தேவை இல்லை. மெனோபாஸ் வந்துவிட்டதால் கருவுருதல் முற்றுப்புள்ளி பெற்றுவிடும். எனவே பயப்படத் தேவையில்லை. தாம்பத்திய உடலுறவு என்பது கணவன் மனைவி இருவரின் அன்பின் வெளிப்பாடு எனவே இதற்கு மெனோபாஸ் தடையில்லை. பிறப்புறுப்பு வறண்டு இருப்பதால் பெண்களுக்கு எரிச்சல் ஏற்பட்டு உறவு கொள்வதில் பிரச்னை இருக்கலாம். இதற்கு சரியான தீர்வு தேங்காய் எண்ணெய். சிறிதளவு அதைத் தடவினால் போதும்.

மெனோபாஸ் பிரச்னைக்கு என்ன சிகிச்சை?

ஆயுர்வேத்தத்தில் பொதுவாக இதற்கான சிகிச்சை என்னவென்று பார்ககலாம்

புத்துணர்வு தெரபி (Rejunuvation Therapy)

ப்ரீ மெனோபாஸ் காலகட்டத்தில் மாதவிடாய் ஏற்படும் போது ஹார்மோன்கள் சமச்சீரின்றி இருக்கும், இதனால் மாதவிடாய் ஒழங்கற்று இருக்கும். இச்சமயங்களில் சரியான சமச்சீர் உணவு பரிந்துரைக்கப்படும். உணவுப் பரிந்துரை என்பது ஒவ்வொருவருக்கும் மாறுபடும். பொதுவாக உடல் எதிர்ப்பு சக்தியை அதிகரிக்கச் செய்ய சிலருக்கு டானிக்குகளும் பரிந்துரைப்போம்.

உணவுப் பரிந்துரைகள்

அதிகமாக கருவாடு, புளிப்பு உப்பு அதிகமான உணவுப் பொருட்கள் சேர்த்த மீன் குழம்பு, ஊறுகாய் சாப்பிட்டால் ஹாட் ப்ளஷ் எனப்படும் பிரச்னை அதிகரிக்கும். சிலருக்கு திட உணவு சாப்பிட்டால் வேலை செய்ய முடியாது என்ற காரணத்தால், அடிக்கடி, காபி, டீ குடிப்பார்கள். ஆனால் மெனோபாஸ் காலகட்டத்தில் சர்க்கரை அதிகம் பயன்படுத்துவது, குளிர்பானம் குடிப்பது உடலுக்கு நல்லது அல்ல. காரணம் அவை எலும்புகளை வலுவிழக்கச் செய்துவிடும். இது போன்ற பழக்கங்களால் ஒரு வருடம் முன்னதாகவே மெனோபாஸ் வந்துவிடும். போலவே அதிகளவு கஃபைனுள்ள காபி குடிப்பதால், பாஸ்போரிக் அமிலம் உள்ள பானங்களை குடிப்பதாலும் எலும்பில் பிரச்னைகள் ஏற்படும். எலும்பு பலவீனமடையும். சிலர் நடக்கும் போது கீழே விழுந்துவிடுவார்கள். அதனால் எலும்பு முறிவு ஏற்படுவதும் உண்டு. 

சிலருக்கு மைதாவில் செய்த உணவு வகைகளை சாப்பிடப் பிடிக்கும். ஆனால் நல்ல சுவையான உணவெல்லாம் மைதாவில் இருந்தாலும், அதை தவிர்ப்பதே நல்லது. மைதாவில் சமைக்கப்படும் உணவு வகைகளை சாப்பிடும்போது ஹார்மோன் பிரச்னைகள் அல்லது ஒவ்வாமை ஏற்படும். காரணம் மைதாவை சமையலுக்கு ஏற்றவாறு லகுவாகவும் மென்மையாகவும் மாற்ற அலக்ஸான் எனும் வேதிப்பொருளை சேர்ப்பார்கள். தவிர, நிறைய புரதம் சேர்ப்பார்கள், வெண்மையாக்க ப்ளீச் செய்வார்கள். இவ்வாறு தயாரிக்கப்பட்ட மைதாவை பிரதானப் பொருளாகக் கொண்டு தயாரிக்கப்பட்டவை இன்ஃப்ளாமெட்டரி ஃபுட் எனப்படும். அது ஹார்மோன் சுழற்றியை பாதிக்கும், தூக்கமின்மை ஏற்படுத்தும், தைராய்ட் பிரச்னைகள் உருவாக்கும் இப்படி பல பக்க விளைவுகளுக்கும் காரணி மைதா எனும் போது மெனோபாஸ் காலகட்டத்தில் மட்டுமல்லாமல் எப்போதும் அதைத் தவிர்ப்பது நல்லது.

பெண்கள் இரவில் தாமதமாக தூங்குவார்கள். ஆனால் காலையில் எழுந்திருக்க வேண்டிய கட்டாயம் ஏற்படும். இதனால் தைராய்ட் உள்ளிட்ட பல பிரச்னைகளை சந்திக்க நேரிடும். தைராய்ட் வந்தாலே அதனைத் தொடர்ந்து ஓவேரியன் ஹார்மோன் பிரச்னைகள் ஏற்படும். இதனால் மாதவிடாய் அதிகரிக்கும்.

45 - 55 வயதில் பிரச்னையில்லாமல், எலும்பு உடையாமல் சாதாரணமாக மெனோபாஸ் முடிய வேண்டும் என்று நீங்கள் விரும்பினால், 35 வயதிலிருந்தே அதற்கான ஹோம் வொர்க்கை தொடங்கிவிட வேண்டும்.

காலையில் சூரிய உதயமாகி ஒரு மணி நேரத்துக்குப் பின் உங்களுக்காக தினமும் 15 நிமிடம் செலவழிக்க வேண்டும். எவ்வித சாக்கு போக்கும் சொல்லாமல், அந்தக் காலை வெயில் படும்படி நடக்க வேண்டும். அதுவும் வேக வேகமாக நடக்க வேண்டும். நன்றாக வியர்க்க வேண்டும். இந்த நடைப்பயிற்சி உங்களுக்கே தெரியாமல் உங்களுக்கு பலவிதமான நன்மைகளைத் தரும். 

15 நாட்களுக்கு ஒரு முறை ஆயில் மசாஜ் செய்து கொள்ள வேண்டும். இதனால் தசைகள் பளபளப்பாகும். மெனோபாஸால் பொதுவாக தோல் வறண்டு போய் அடிக்கடி அரிப்பு ஏற்படும். ஆயில் மசாஜ் செய்து கொள்வதால் தோல் வறட்சி நீங்குவதுடன் சருமத்தில் புத்துணர்வு ஏற்படும். மேலும் நன்றாகப் பசிக்கும். சரியாக ஜீரணம் ஆகும். தலைக்கு மசாஜ் செய்தால் மன அழுத்தம் குறைந்து, இரவில் தூக்கம் நன்றாக வரும். தூக்கம் சரியில்லை எனில் ஹார்மோன் பிரச்னை அதிகரிக்கும் என்பதால் நன்றாக தூங்கிவிட வேண்டும்.

இரவு சாப்பாடு சீக்கிரம் முடித்துக் கொள்ள வேண்டும். கூடுமானவரை 7.30 மணிக்குள் சாப்பிட்டு முடித்துவிட வேண்டும். அதற்கு பின் பாலில் பனங்கற்கண்டு சேர்த்து குடிக்கலாம்.

கேரட்டை நன்றாக அரைத்து பாலில் கலந்து குடிப்பது நல்லது. பீட்ரூட் ஜூஸ் வாரம் ஒரு முறை குடிக்க வேண்டும். நெல்லிக்காய் ஜூஸ் குடிக்கலாம். கற்றாழைச் சாறை குடிக்கலாம்.

இரவில் பாதாம் பருப்பு 5 ஊற வைத்து, காலையில் தோல் உரித்து 2 மிளகு, 2 ஏலம், அரிசி விதை எல்லாம் சேர்த்து அரைத்து - பாலோடு சேர்த்து (சர்க்கை சேர்க்காமல்) வெதுவெதுப்பாக இருக்கும் போது தேன் சேர்த்து குடித்துவிடுங்கள் இது எல்லாப் பிரச்னைக்கும் தீர்வாகும்.

அதிமதுரம் மிகவும் நல்லது. மாதவிடாய் பிரச்னையிலிருந்து எளிதாக வெளியில் வர வைத்துவிடும். தண்ணீர்விட்டு கொதிக்க வைத்து பாலோடு சேர்த்து சாப்பிடலாம். அல்லது சூரணமாகவும் சாப்பிடலாம்.

சிலர் மெனோபாஸ் பிரச்னைக்காக ஹார்மோன் ரீப்ளேஸ்மெண்ட் தெரபிக்கு செல்வார்கள். அது குறிப்பிட்ட கால அளவுக்குத் தான் செயல்படும். அதன்பின் மீண்டும் பிரச்னை தொடரும். அந்த தெரபியில் செயற்கையாக தரப்படும் ஈஸ்ட்ரோஜன் சுரப்பை இயற்கையாக ஆயுர்வேத வைத்தியத்தில். அவை உணவின் வழி ஃபைட்டோனாஸ்ட் ஈஸ்ட்ரோஜன் என்ற வடிவில் கிடைக்கும். எள் மற்றும் பப்பாளியில் இது அதிகளவு உள்ளது.  

அடுத்து உளுந்தம் களி,  ராகி களி, எள் உருண்டை, வேக வைத்த முட்டை சோயா போன்ற உணவுகளில் இயற்கையாகவே ஈஸ்ட்ரோஜன் உள்ளது. சோயாவில் அதிகளவு இயற்கையான ஈஸ்ட்ரோஜன் உள்ளது. பலர் சோயா பால் குடிப்பார்கள். ஆனால் அது செயற்கை முறையில் தயாரிக்கப்படுவதால் அதை தவிர்ப்பது நல்லது. அதற்கு பதில் சோயா விதைகளை வாங்கி ஊற வைத்தபின் நன்றாக காய வைத்து அரைத்து அதன்பின் சப்பாத்தி மாவுடன் சேர்த்து சமைக்கலாம், இல்லையெனில் சோயாவை வேக வைத்து வெங்காயம் தக்காளி சேர்த்து சாப்பிடமால் ஆண்களுக்கு சோயா நிறைய தரக் கூடாது. காரணம் பெண்களுக்கு தேவையான ஈஸ்ட்ரோஜன் இதிலுள்ளதால் இது ஆண்களுக்கானதல்ல. மேலும் ஆண்மை குறைய வாய்ப்பு உள்ளது என்கிறது ஒரு ஆய்வு.

பப்பாளி, எள் உருண்டை தினமும் சாப்பிட வேண்டும். மெனோபாஸ் காலகட்டத்தை அதிக வலிகள் மற்றும் பிரச்னைகள் இல்லாமல் எளிதாக கடந்து செல்ல ஆயுர்வேதத்தில் நிறைய மருந்துகள் மற்றும் தீர்வு உண்டு. ஆனால் அதற்குரிய சரியான மருத்துவரை நாடுங்கள், சுய மருத்துவமுறையில் நீங்களே மருந்து வாங்கி சாப்பிடாதீர்கள். அருகில் உள்ள ஆயுர்வேத மருத்துவரை நாடி உங்களுக்கு ஏற்ற மருந்துகளை அறிந்து சாப்பிடுங்கள். அவர்கள் பரிந்துரைக்கும் உடற்பயிற்சி மற்றும் உணவின் வழியே இதனை சரி செய்து விடலாம். அல்லது மெனோபாஸ் காலகட்டத்தை அதிக சிரமமின்றி கடந்துவிடலாம்.

டாக்டர் சாந்தி விஜய்பால்

]]>
மெனோபாஸ், Menopause, overcoming menopause, ஆயுர்வேத சிகிச்சை http://images.dinamani.com/uploads/user/imagelibrary/2018/4/12/w600X390/images_11.jpg http://www.dinamani.com/health/health-news/2018/apr/12/menopause-and-its-ayurvedic-solutions-2898797.html
2897474 மருத்துவம் செய்திகள் உஷார்! சரியான தூக்கமில்லா விட்டால் மனித மூளை தன்னைத் தானே சாப்பிடத் தொடங்கி விடுமாம்!  RKV Tuesday, April 10, 2018 02:16 PM +0530  

மனித மூளையின் ஆரோக்யமான  செயல்பாடுகளுக்கு ஒவ்வொரு நாளின் முடிவிலும் போதுமான பரிபூரண தூக்கம் அவசியம். அப்படி தேவையான நேரங்களில் உடலும், மனமும் தூக்கத்துக்காகக் கெஞ்சக் கெஞ்ச அதைப் பொருட்படுத்தாமல் அசட்டை செய்து நாம் மேலும், மேலுமென தூக்கத்தைத் தள்ளிப்போட்டுக் கொண்டே இருந்தோமெனில் நமது மூளை ஒரு கட்டத்தில் தன்னைத்தானே சாப்பிடத் தொடங்கி விடும் என்கிறார்கள் மருத்துவர்கள்.

குறைவான தூக்கம் கணிசமான அளவில் மூளையின் முக்கியமான நியூரான் இழப்பிற்கு காரணமாகி விடுகிறது.

அது மட்டுமல்ல மூளையின் லட்சக் கணக்கான சினாப்டிக் பரிமாற்றங்களையும் அது தடுத்து விடுகிறது. இப்படியொரு அசம்பாவிதம் நிகழ ஒருமுறை நாம் அனுமதித்து விட்டோம் எனில் மீண்டும் அதை சரி செய்து கொள்வதென்பது முடியவே முடியாத காரியமாம். பிறகு நீங்கள் ஆற, அமர நன்கு தூங்கி ஓய்வெடுத்தாலும் பயனில்லை என்கிறார்கள் மருத்துவர்கள். 

அதோடு தூக்கமின்மை என்பது மனிதர்களிடையே அதிகளவில் அல்சைமர் நோயின் தாக்குதல் மற்றும் நரம்பியல் தொடர்பான குறைபாடுகள் அதிகரிக்கவும் காரணமாக அமைந்து விடுகிறது. 

மிகக்குறைவான தூக்கத்தால் ஆஸ்டோசைட்ஸ் பாதிப்பு வரவும் வாய்ப்பிருக்கிறது. ஆஸ்ட்ரோசைட்ஸ் பிரச்னை இருந்தால் அதனால் பாதிப்படைந்தவர்கள் பார்ப்பதற்கு துறுதுறுவென்று சுறுசுறுப்பாக இருப்பவர்களைப் போல தோன்றினாலும் அவர்களது மூளைச் செல்களுக்குள் மிகப்பெரிய ஆபத்து இருப்பது அவர்களுடன் பழகும் மனிதர்களுக்கே தெரிய வாய்ப்பில்லை என்கிறார்கள் மருத்துவர்கள். ஏனெனில் இந்தப் பிரச்னை இருப்பவர்களுக்கு மூளையின் தகவல் பரிமாற்றங்களில் முக்கியப்பங்காற்றும் சினாப்டிக் செல்கள்  குழப்பமடைந்து மூளையை தனக்குத் தானே ரீமாடல் செய்து கொள்வதால் அவர்கள் அவ்விதமாக இயங்குகிறார்களே தவிர அவர்களுடைய உற்சாகமென்பது அணையப் போகிற விளக்கில் திடீரென அதிக சுடரொளி தெரிவதைப்போன்றது  தானாம்.

மருத்துவர்களால் வரையறுக்கப்பட்டுள்ள குறைந்தபட்ச தூக்க நேரமான 8 மணி நேரத் தூக்கத்தை நாம் நிராகரித்தோம் என்றால் மிக மோசமாக மீண்டும் மீண்டும் அலைக்கழிக்கும் உள்ளார்ந்த மீள் எண்ணங்களால் மிகுந்த தொல்லைக்கு உள்ளாகும் அபாயம் ஏற்படும். இதனால் மனிதர்கள் உள்ளார்ந்த கவலைகள் மற்றும் மன உளைச்சல்களுக்கு ஆட்பட்டு சுயவிசாரத்தில் இறங்கும் அபாயம் அதிகரிக்கும். 

இப்படி மனிதர்கள் தமக்குள் சுயவிசாரங்களில் ஆழ்ந்து போகும் போது அவர்களுடைய வாழ்நாள் அளவு தானாகக் குறைந்து விடுகிறது என்பதோடு வாழ்வின் தரமும் குறைந்து விடுகிறது. அதாவது உப்புச் சப்பில்லாமல் வாழ்ந்து மடிய வேண்டிய நிலைக்கு ஆளாகி விடுகிறார்கள்.

இம்மாதிரியான ஆழ்மன விசாரங்கள் தன்னைத்தானே உருக்கிக் கொள்வதோடு முடிந்து விடுவதில்லை, தன் சக மனிதர்களையும் தன்னை அணுக விடாது தன்னைச் சுற்றி மனதளவில் ஒரு வேலியிட்டுக் கொண்டு மனநோய் உள்ளிட்ட உளவியல் நோய்களில் வீழ இட்டுச் செல்லும். 

சுருக்கமாகச் சொல்வதென்றால் சரியான தூக்கமின்றி ஆண்டுக்கணக்காக வாழ நேர்பவர்கள் ஒருபாதி மனநோயாளிகளாகி விடுகிறார்கள். அவர்களுக்குத் திடீரென கோபம் வரும், திடீரென நன்றாகப் பேசுவார்கள், சட்டென மூர்க்கமாகி எப்பேர்ப்பட்ட நட்பையும், உறவையும் துண்டித்துக் கொள்ளத் தயங்க மாட்டார்கள். ஒரு நிலையான பாதுகாப்பான மனநிலையின்றி மனதளவில் ஊசலாடிக் கொண்டே இருப்பார்கள். மனநல மருத்துவர்களின் கணிப்பின் படி குறைவான தூக்கத்துக்கும் மனநலப் பிரச்னைகளுக்கும் மிக நெருங்கிய தொடர்புண்டு என்பது கண்டறியப்பட்டுள்ளது. 

அதனால் தான் மனநல மருத்துவர்கள் முதல் அனைத்து மருத்துவர்களும் எல்லாவித உடல் நலக் கோளாறுகளுக்கும் போதுமான தூக்கமின்மையையே முதல் காரணமாக முன் வைத்து நோயாளிகளின் ஆரோக்யமான தூக்க நேரத்தைப் பற்றி அறிவுறுத்துவதை வழக்கமாக்கிக் கொண்டுள்ளார்கள். 

தூக்கமின்மை என்பது மனித உடலின் நோய் எதிர்ப்பு சக்தி மையம், இதயத்தின் ஆரோக்யமான செயல்பாடு, மற்றும் பாலியல் ஈடுபாடு உள்ளிட்ட விவகாரங்களில் கூட குறிப்பிடத்தக்க அளவில் மோசமான விளைவுகளை ஏற்படுத்தக் கூடியது என்கிறார்கள் மருத்துவர்கள். நாளடைவில் அதே நிலை நீடிக்குமானால் கேன்சர் நோயின் தாக்கத்துக்கு தூக்கமின்மையும் ஒரு காரணமாக வாய்ப்பிருக்கிறது என்கிறார்கள். இப்படி தூக்கமின்மை என்ற ஒரு விஷயம் மனிதனை பல்வேறு உடல் மற்றும் மனநலன் சார்ந்த ஆரோக்யக் கேடுகளுக்கு இட்டுச் செல்கிறது என்பதை மக்கள் உணர்ந்தார்கள் எனில் நிச்சயம் இனியொரு முறை தங்களது தூக்க நேரத்தை ஒத்திப்போடவோ அசட்டையாக நிராகரிக்கவோ மாட்டார்கள் என நம்புவோம்.

]]>
sleep enough, brain literaly eating itself, தூக்கமின்மை, மனநல வியாதிகள், ஆரோக்யக் கேடு, un healthy http://images.dinamani.com/uploads/user/imagelibrary/2018/4/10/w600X390/00000sleep_enough.jpg http://www.dinamani.com/health/health-news/2018/apr/10/enough-sleep-otherwise-your-brain-literaly-starts-eating-itself-2897474.html
2896798 மருத்துவம் செய்திகள் நாய் கடித்தவுடன் செய்ய வேண்டியது என்ன? உமா பார்வதி Monday, April 9, 2018 05:27 PM +0530  

தெருநாய் என்பவை இல்லாத தெருக்கள் இல்லையெனலாம். ஒவ்வொரு தெருவிலும் இந்த நாய்களின் ராஜ்ஜியம் நடக்கும். சில தெருக்களில் இவை சிங்கங்கள் போல கர்ஜித்துக் கொண்டிருக்கும். வெறி நாய் எது சாதாரண நாய் எதுவென்று கணிக்க முடியாதபடியும் இருக்கும். நாம் அதை சீண்டாதவரை நம்மை ஒன்றும் செய்யாது என்று தான் நினைப்போம். ஆனால் நாய்க்கடி செய்திகளைப் படிக்கும் போதோ, கேள்விப்படும் போது பீதியடைவதை தவிர்க்க முடியாது. நாய் கடிக்கு மருந்து உள்ளது என்றாலும், தீவிரமாக ஒரு வெறி நாய் கடித்து குதறிவிட்டால் அந்த மனிதர் பிழைப்பது கடினம் தான். 

ஒவ்வோர் ஆண்டும் உலகெங்கும் 60 ஆயிரம் பேர் வெறி நாய்க்கடியால் இறந்து போகிறார்கள். இதில் இந்தியாவில் மட்டும் 20 ஆயிரம் பேர். இதில் 50 சதவிகிதத்தினர் 15 வயதுக்கு கீழுள்ள குழந்தைகள். 5 முதல் 10 வயதுக்கு உட்பட்டவர்கள் என ஆய்வுகள் கூறுகின்றன என்றார் டாக்டர் ம.ராஜா. நாய்க்கடிக்கு என்ன சிகிச்சை உள்ளிட்ட பல முக்கியமான விஷயங்களை கூறினார்.

கடுமையான விஷம்

நாய்க்கடிக்கு அரசு மருத்துவமனைகளில் அளிக்கப்படும் சிகிச்சைகளை முறையாக, தொடர்ந்து எடுத்துக் கொண்டால், உயிர் இழப்புகளைத் தவிர்க்கலாம். நாய்க்கடி கடுமையான விஷமாகும்.

நாய்க்கடியால் ஏற்படும் ரேபீஸ் வைரஸ் கிருமிகளின் தாக்கம், அதற்கான சிகிச்சை குறித்து விரிவாகப் பார்க்கலாம் :-

மூளையை நோக்கி நகரும் வைரஸ்

ரேபிஸ் வைரஸ் என்பது மூளையைத் தாக்கும் ஒரு நோயாகும். Lyssavirus எனப்படும் ரேபிஸ் வைரஸ், பாதிக்கப்பட்ட விலங்குகளின் எச்சிலில் இருக்கும். அவை வாய், மூக்கு, கண்களிலோ, காயங்களிலோ, காயங்கள் மூலமாக ரத்தத்தில் படும்போது மனிதர்களுக்கும் மற்ற விலங்குகளுக்கும் பரவும். காயங்களிலிருந்து நரம்புகள் மூலமாக ஒரு நாளைக்கு 0.3 மில்லிமீட்டர் நகர்ந்து மூளையை நோக்கி பயணம் செய்யும். அதனால் முகத்தில், தலையில் கடித்தால் வேகமாக மூளையை வந்தடையும். கால், கைகளில் கடித்தால் மூளையை வந்தடைய மாதங்கள், வருடங்கள் கூட ஆகலாம்.

தசை செல்களில் தொடங்கி

முதலில் தசை செல்களில் பல்கிப் பெருகும் கிருமிகள், பிறகு நரம்பு செல்களை வேகமாகத் தொற்றிக் கொள்ளும். நரம்பு செல்களில் மிக வேகமாக நகரும். 2 முதல் 12 வாரங்களுக்குள் நோயினால் தாக்கப்பட்ட விலங்குகள் கடித்தவுடன் நோய் வெளிப்படலாம்.

காயத்தின் தன்மையை பொருத்து

காயத்தின் ஆழம், கடித்த இடம், நோய்க் கிருமியின் அளவு போன்ற பல காரணங்களினால் சிலருக்கு 6 ஆண்டுகள் தாமதமாக கூட நோய் வரலாம். நோயின் அறிகுறி ஆரம்பித்த 2 முதல் 10 நாள்களுக்குள் மரணம் நிச்சயம்.

நாய் கடித்தவுடன் செய்ய வேண்டியது

வெறி நாயோ தெரு நாயோ வீட்டில் வளர்க்கும் நாயோ, பூனையோ, எலியோ, கடித்த இடத்தை ஓடும் தண்ணீரில் 10 முறை சோப்பு போட்டுக் கழுவ வேண்டும். விலங்குகளைத் தாக்கும் ரேபீஸ் கிருமி, அதன் எச்சில் மூலமாகத் தான் பரவும். உடலில் தோல் கிழியாத பட்சத்தில் எந்தக் காயத்திலும் நோய்க் கிருமி பரவாது. பயப்படத் தேவையில்லை.

கட்டு போடலாமா?

ஆனால் இந்த விலங்குகள் காலை நக்கிக் கொண்டே இருக்கும். அதனால் நகக்கீறலோ, பல் கடியோ, தோல் கிழிந்து ரத்தத்தில் எச்சில் பட்டாலே அதன் மூலம் கிருமி பரவ வாய்ப்பு உள்ளது. காயத்தை நன்றாக கழுவிய பிறகு ரத்தம் அதிகமாக வந்து காயம் ஆழமாக இருந்தால் மருத்துவரை அணுகும் வை கட்டுப் போடலாம். இல்லையெனில் திறந்த புண்ணே மேலானது. நாய் நக்குவதால், தோல் கிழிந்து இருக்காவிட்டால் நாய்க்கு உணவு அளிப்பதால், தொடுவதால் பிரச்னை கிடையாது. தடுப்பூசி தேவையில்லை. தோல் முழுமையாக இருந்தால் பிரச்னை இல்லை. தோல் கிழிந்து இருந்தால் தடுப்பூசி போட்டுக் கொள்ள வேண்டும். தோல் கிழிந்து முகத்துக்கு அருகில் ஆழமான காயம் என்றால் உடனே தடுப்பூசி போட வேண்டும்.

தடுப்பூசிகள் (ARV Anti Rabies Vaccine)

நாய் கடித்து காயம் படுவதற்கு முன்பாக, நாய் வளர்க்க ஆசைப்படுபவர்கள், கால்நடை மருத்துவர்கள், உடஹ்வியாளர்கள், தற்காப்பாகப் போட்டுக் கொள்ளும் ஊசிகள். இது 3 மட்டும் போதுமானது. விலங்குகள் கடித்தபின் 5 ஊசிகள் கண்டிப்பாக போட வேண்டும் (1,3,7,14,28 நாள்கள்). வெறும் தோல் மட்டும் கிழிந்திருந்தால் தடுப்பூசி மட்டும் போதுமானது. இந்தத் தடுப்பூசி நோய் எதிர்ப்பு சக்தியை அதிகரித்து, வைரஸ் கிருமிகளை அழித்து நரம்பு மண்டலத்தை பாதுகாக்கும். ஆழமாக, முகத்துக்கு அருகில் என்றால் Rabbies Immune Globulin என்ற தடுப்பூசியை காயத்தை சுற்றிலும் போடுவது அவசியம். இதன் மூலம் காயத்தைச் சுற்றி தசைகளில் உடனடியாக கிருமிகள் பெருகுவதை முழுமையாக தடுக்க முடியும்.

நாய்க்கு தடுப்பூசி போட்டிருந்தாலும்

பொதுவாக நாய்க்கு தடுப்பூசி போட்டிருந்தால், கடிபட்டவர்களுக்கு தடுப்பூசி வேண்டாம் என்பது தவறு. அவர்களும் தடுப்பூசி போட்டுக் கொள்ள வேண்டும். 10 நாள், 20 நாள் நாயைப் பார்த்துக் கொண்டால் போதும் என்பதும் தவறானது.

5 தடுப்பூசிகள் அவசியம் : கடித்தால் 5 தடுப்பூசிகள் அவசியம். நாய்க்கு நோய் வராமலே நாயின் உடலில் கிருமிகள் இருக்கலாம். அவை மனித உடலில் பரவி, உடனே நோயாக மாறும். கீறினால் தடுப்பூசி தேவையில்லை என்பது தவறு. கீறினாலும் அவசியம், நகத்தை நக்கிச் சுத்தம் செய்வதால் எச்சிலில் நகத்தை பரவு கிருமி காயத்தில் பட்டால் நோய் பரவும். தோல் கிழிந்த விலங்கு கடித்த காயத்துக்கு 5 தடுப்பூசிகள் அவசியம். 3 தடுப்பூசிகள் போட்டால் போதாது.

5 ஆண்டுகள் மட்டுமே வீரியம் : இவ்வாறு எடுத்துக் கொண்ட 5 தடுப்பூசி 5 ஆண்டுகளுக்கு மட்டுமே வீரியத்துடன் இருக்கும். 5 ஆண்டுக்குள் ஊசி போட்ட ஓராண்டு கழிந்து மீண்டும் கடிபட்டால், ஒரு ஊசி போட்டுக் கொள்ள வேண்டும். 5-வது ஆண்டுகளுக்குப் பிறகு மீண்டும் கடிபட்டால் 5 ஊசிகளும் அவசியம். எந்த உணவுக் கட்டுப்பாடும் நாய்க்கடிக்குத் தேவையில்லை.
 

]]>
Rabbies, Dog bite, Street Dogs, வெறி நாய், நாய், தெரு நாய் http://images.dinamani.com/uploads/user/imagelibrary/2018/4/9/w600X390/dogs.jpg http://www.dinamani.com/health/health-news/2018/apr/09/treatment-for-street-dog-bite-2896798.html
2895497 மருத்துவம் செய்திகள் உங்களுக்கு எஸ்கலேட்டர்ல ஏறப் பயமா? அப்போ இது உங்களுக்காகத்தான்! கார்த்திகா வாசுதேவன் Saturday, April 7, 2018 12:27 PM +0530  

சென்னையில் 15 வருடங்களுக்கு முன்பு ஸ்பென்சர் பிளாஸா மாதிரி சில இடங்களில் மாத்திரமே எஸ்கலேட்டர் இருந்தது. ஒருமுறை நாங்கள் அங்கே சென்றிருந்த போது எனக்கு எஸ்கலேட்டர் குறித்த பயம் இருந்தாலும் அப்போது எப்படியோ அந்தப் பயத்தைப் பற்றி பொருட்படுத்தாது என் 70 வயதுப் பாட்டியுடன் அதில் ஏறிச் சென்றேன். எஸ்கலேட்டரில் ஏற எனக்குத்தான் பயமே தவிர பாட்டி ரொம்ப ஜாலியாக அதில் ஏறி வந்தார். இறங்கியதும் இதென்னடா? அவ்வளவு தானா? நாம கீழ இறங்கும் போதும் இதிலேயே இறங்கலாம் என்றவாறு அப்புசாமியின் மாடர்ன் சீதாப்பாட்டி ஸ்டைலில் புன்னகை பூத்தார். ஒரே ஒரு முறை... அது தான் முதல் முறையும் கூட...  அப்படி ஒரே ஒரு எஸ்கலேட்டர் பயணத்திலேயே எனக்கு நெஞ்சுக்குள் ஐஸ் கத்தியை இறக்கியதைப் போல மனமெல்லாம் எப்போதடா பத்திரமாக அதிலிருந்து கீழே இறங்குவோ என்று பரபரப்பாக இருந்தது. அதாகப் பட்டது அப்போது நான் நன்கு உணர்ந்து கொண்டேன், எனக்கு எஸ்கலேட்டரில் பயணிப்பது என்றால் ரொம்பப் பயம் என்று! அதற்குப் பின் இப்போதெல்லாம் சென்னையில் பல இடங்களில் எஸ்கலேட்டர் வந்து விட்டது. இன்னும் சில வருடங்களில் தடுக்கி விழுந்தால் ஏதாவதொரு எஸ்கலேட்டரில் தான் விழுந்து எழுவோமோ என்னவோ! அப்படியான நாட்கள் வந்து விட்டன. ஆனால், எனக்கு எஸ்கலேட்டர் பீதி மட்டும் இன்னும் தீரவே இல்லை. எங்கு சென்றாலும் எஸ்கலேட்டர் இருந்தால் உடனே அங்கே மாடிப்படிகளோ அல்லது மின் தூக்கியோ( லிஃப்டோ) இருக்கிறதா? எனத் தேடத்துவங்கி விடுகிறேன். அவை இரண்டும் இல்லாமல் வெறும் எஸ்கலேட்டரில் தான் மாடிகளைக் கடக்கவேண்டுமெனில் அங்கே ஷாப்பிங் செய்யவே தேவையில்லை எனப் புறக்கணிக்கக் கூட தயாராக இருக்கிறேன் நான். காரணம் எனக்கிருக்கும் எஸ்கலேட்டர் பயம் தான்.

உலகில் நான் மட்டும் அல்ல. இன்னும் பலருக்கும் கூட இந்த பயம் இருக்கிறதெனச் சொல்கின்றன கூகுளும், யூ டியூபும் இன்னபிற அறிவியல் சஞ்சிகைகளும். இதை மருத்துவப் பெயரில் சொல்வதென்றால் ‘எஸ்கலோஃபோபியா’ என்கிறார்கள். எஸ்கலோஃபோபியா இருப்பவர்களுக்கு எஸ்கலேட்டரில் பயணிக்க பயம் இருக்கும். அந்தப் பயம் சாதாரணமானது தான் எனில் உரிய துணை இருப்பின் அதாவது எஸ்கலேட்டர் பயன்படுத்த உங்களை ஊக்குவிக்கக் கூடிய அளவில் கணவரோ / மனைவியோ, நெருங்கிய நண்பர்களோ, உறவினர்களோ, உங்களது குழந்தைகளோ இருந்து அவர்களது துணையுடன் நீங்கள் எஸ்கலேட்டர் பயத்தைக் கடந்து விட்டீர்கள் எனில் உங்களது எஸ்கலோஃபோபியா குறித்து நீங்கள் அஞ்ச வேண்டியதே இல்லை. உங்களால் அந்த பயத்தை எளிதில் கடக்க முடியும்.

மாறாக எந்தவிதத்திலும் உங்களது எஸ்கலேட்டர் பயம் மறையவே இல்லை... நாளுக்கு நாள் கூடிக் கொண்டே தான் போகிறது. எஸ்கலேட்டரைக் கண்ட மாத்திரத்தில் தலைசுற்றி மயக்கம் வருகிறது என்று வைத்துக் கொள்ளுங்கள், அப்படியான சமயங்களில் நீங்கள் நிச்சயம் உங்களது பயத்தை எதிர்கொண்டு போராடி வெல்லத்தான் வேண்டும். ஏனெனில், இனி வரும் உலகில் எஸ்கலேட்டர்கள் எனும் நகரும் படிக்கட்டுகளின்றி உங்களால் சில இடங்களுக்குச் செல்லவே முடியாமல் ஆகலாம். ஒவ்வொருமுறையும் படிகளையும், லிஃப்டையும் தேடி அலைந்து கொண்டிருக்க முடியாது.

எஸ்கலோஃபோபியா சாயலில் இன்னும் சில ஃபோபியாக்கள் இருக்கின்றன அவற்றைப் பற்றியும் கொஞ்சம் அலசலாமா?

  • பாத்மோஃபோபியா - இந்த வகை ஃபோபியா இருப்பவர்களுக்கு உயரமான படிகள் மற்றும் பள்ளத்தாக்குகளைக் கண்டாலே பயத்தில் கை, கால்கள் உதறலெடுக்கும். அந்தப் பயத்திலிருந்து அவர்களை மீட்பது கடினம்.
  • கிளைமோஃபோபியா - இவர்களுக்கு உயரமான இடங்களுக்கு படிகளிலோ அல்லது லிஃப்டிலோ அல்லது எஸ்கலேட்டரிலோ அல்லது நடந்தோ ஏறிச் செல்வதென்றாலே அதீத பயமிருக்கும், அத்தகைய சமயங்களில் பயத்தில் தங்களது கட்டுப்பாட்டை இழந்து இவர்கள் தவறிப் போய் உயரத்திலிருந்து விழ்ந்து விபத்து நேரிடக்கூடிய சந்தர்பங்கள் அதிகம்.
  • அக்ரோஃபோபியா - கிளைமோஃபோபியாக்காரர்களுக்கு கீழிருந்து மேலாக உயரத்தில் ஏறிச் செல்லச் செல்ல பயம் என்றால் அக்ரோஃபோபியாக்காரர்களுக்கு தாங்கள் வெகு உயரத்தில் மலை உச்சியில் இருக்கும் என்கிற நினைப்பே அதீத பய உணர்வைத் தரக்கூடியதாக இருக்குமாம். உயரத்தில் இருப்பதை இவர்கள் உணராதவரை அனைத்தும் நார்மலாக இருக்கக் கூடும். தாங்கள் எவ்வளவு உயரத்தில் இருக்கிறோம் என உணர்ந்த அடுத்த நொடியே அவர்கள் பீதியடையத் தொடங்கி விடுவார்கள்.
  • இலிங்கோஃபோபியா -  செங்குத்தான படிகள், மலைகள், பாறைகள் போன்ற இடங்களைக் கடப்பதில் இவர்களுக்கு அதீத பயம் இருக்கும்.

கிட்டத்தட்ட இந்த நான்கு வகை ஃபோபியாக்களிலும் பயத்துக்கான காரணங்கள் ஒன்றே போலத் தோன்றினாலும் பயம் தோன்றும் அல்லது நிகழும் இடங்களைப் பொறுத்து இவை ஒன்றுக்கொன்று மாறுபடுகின்றன. இந்த பயங்களை முற்றிலுமாக விரட்டியடிப்பது சற்றுச் சிரமமான காரியமே என்றாலும் ஒருமுறை நீங்கள் உங்களது ஃபோபியாவை எதிர்த்து வென்று விட்டீர்கள் எனில் காலத்துக்கும் அந்தப் பயம் மீண்டும் உங்களை அச்சுறுத்தவே முடியாது என்பதை உணர்ந்தீர்களானால் நீங்கள் அதற்காகப் போராடத் துவங்கி விடுவீர்கள். தகுந்த நிபுணர்களைக் கொண்டு ஃபோபியாக்களை விரட்டும் பயிற்சிகளை சிறிது சிறிதாக துவக்கலாம். சிலருக்கு இந்த விஷயத்தில் மருத்துவ ஆலோசனை தேவைப்பட்டால் அதற்கான தகுந்த மருத்துவர்களையும் நீங்கள் நாடலாம்.

மருத்துவர்களை நாட வேண்டிய அவசியம் எப்போது வருகிறது ?

நாம் இதுவரை நம்பிக் கொண்டிருப்பதைப் போல ஃபோபியாக்கள் பல நேரங்களில் மனதோடும், உள்ளுணர்வுகளோடும் மட்டுமே சம்மந்தப்பட்டவை இல்லை. சில சந்தர்பங்களில் அவை மனிதர்களின் உடல் ஆரோக்யத்துடனும் நெருங்கிய தொடர்பு கொண்டவையாகவே இருக்கின்றன. அப்படியான சமயங்களில் நாம் அவற்றைத் தவறாக அனுமானித்துக் கொண்டு சாதாரண போஃபியா தானே என சிகிச்சை எடுத்துக் கொள்ளாமல் இருந்து விடக்கூடிய தவறுகளைச் செய்து விடக்கூடாது. 

எஸ்கலோஃபோபியா இருக்கும் சிலருக்கு கண் பார்வை நரம்பியல் கோளாறுகள் இருக்கலாம், தன்னம்பிக்கை உணர்வு குறைவாக இருக்கலாம், நரம்புத்தளர்ச்சியினால் கை, கால் நடுக்கம் இருக்கலாம். இந்தக் காரணங்களினால் கூட அவர்களுக்கு எஸ்கலோஃபோபியா வந்திருக்கக் கூடும்.

எனவே உங்களுக்கு இம்மாதிரியான ஃபோபியாக்கள் ஏதேனும் இருந்தால் உடனடியாக அந்த ஃபோபியாக்களில் இருந்து விடுபட முடியுமா? என முயன்று பாருங்கள். அப்போது தான் அதற்கான உண்மைக் காரணம் மனமா? உடல் ஆரோக்யக் குறைபாடா? எனத் தெரியவரும். பிறகு அதற்கான சிகிச்சையோ அல்லது பயத்தை விரட்டப் பயிற்சியோ எடுத்துக் கொள்வது சுலபமாக இருக்கும்.

ஆனால் எக்காரணம் கொண்டும் ஃபோபியாக்களை இவற்றால் என்ன ஆகி விடப்போகிறது. அந்தந்த ஃபோபியாக்களை உண்டாக்கக் கூடிய காரணிகளைத் தவிர்த்து விட்டால் போதும் என அப்படியே கண்டும், காணாமல் மட்டும் விட்டுவிடக் கூடாது. பின்னாளில் வாழ்க்கையில் இவற்றால் பேராபத்துகள் ஏதேனும் நேர்ந்து விடக்கூடிய சாதக அம்சங்களை நாமே உருவாக்கி விடக் கூடிய சாத்தியங்கள் அதில் அதிகம்.

ஆகவே ஃபோபியாக்களை விரட்டுங்கள் வாழ்நாள் முழுதும் மனதளவிலும், உடலளவிலும் போஷாக்காக இருங்கள்!


 

]]>
எஸ்கலேட்டர் பயம், எஸ்கலோஃபோபியா, escalator, escalaphobia http://images.dinamani.com/uploads/user/imagelibrary/2018/4/7/w600X390/00000escalofobia.jpg http://www.dinamani.com/health/health-news/2018/apr/07/the-fear-of-escalators---know-about-escalaphobia-2895497.html
2894870 மருத்துவம் செய்திகள் கீமோதெரபி கேன்சர் நோயாளிகளின் வரமல்ல, சாபம்! என்கிறாரே இந்த அமெரிக்க மருத்துவர் அது நிஜமா? RKV Friday, April 6, 2018 05:33 PM +0530  

கேன்சர் நோயாளிகளை நோயின் பிடியிலிருந்து காக்கும் வரமாகக் கருதப்படும் கீமோதெரபி சிகிச்சைக்கு அமெரிக்க மருத்துவர் ஒருவர் வன்மையாகக் கண்டனம் தெரிவித்துள்ளார். அமெரிக்காவில் மட்டும் 14 மில்லியன் கேன்சர் நோயாளிகள் இருக்கிறார்கள். அவர்களில் பலர் நோயால் இறப்பதைக் காட்டிலும் கீமோதெரபி சிகிச்சைமுறையால் கடும் அவதிக்குட்பட்டு விரைவில் மரணமடைகிறார்கள் என்கிறார் டாக்டர் ஹார்டின். பி.ஜோன்ஸ்.

கீமோதெரபி  என்பது நச்சு ரசாயணங்களை உடலில் செலுத்தும் முறைதானே தவிர அதன் மூலமாக நோயாளிகளுக்கு கடுமையான வலியாலும், பீதியாலும் துடித்து இறப்பதைத் தவிர எந்தவிதமான பலனும் இல்லை. கீமோதெரபி பரிசளிப்பது வலியையும் மரணத்தையும் என்கிறார் டாக்டர் ஹார்டின். இதை இவர் போகிற போக்கில் சும்மா சொல்லி விட்டுப் போகவில்லை. தனது நீண்ட நெடிய மருத்துவ ஆராய்ச்சியின் முடிவாக கீமோதெரபி சிகிச்சை முறையின் பாதங்கள் என ஒரு ஆய்வுக்கட்டுரையாக முன் வைத்திருக்கிறார்.

கேன்சர் மருத்துவ சிகிச்சை என்பது தற்போது உலகிலுள்ள லாபம் கொழிக்கும் மற்ற வியாபாரத் துறைகளைப் போலவே லாபத்தை மட்டுமே நோக்கமாகக் கொண்டு நிறுவனமாக வளர்ந்து வருகிறது. மருத்துவர்கள், மருத்துவமனைகள், மருந்து நிறுவனங்கள் மற்றும் அவற்றின் பங்குதாரர்கள் ஆகியோரே இதன் மூலம் பெருத்த லாபம் சம்பாதிப்பவர்கள். இவர்களுக்கு லாபம் மட்டுமே முக்கியம். நோயாளிகளின் நோய் குணமாவதைப் பற்றியெல்லாம் அக்கறை இல்லை. ஒவ்வொரு முறையும் ஒரு நோயாளி வழக்கமான கீமோதெரபி சிகிச்சைமுறைக்கு ஒப்புக் கொண்டு கைழுத்திடும் போதும் அது ஒரு லாபக் குறியீடாகவே கருதப்படுகிறது.

பெரும்பாலான சிகிச்சைமுறைகளில் கீமோதெரபி ரசாயணங்கள் உடலுக்குள் இஞ்சக்சன் மூலமாக செலுத்தப்படுகிறது. அல்லது கதிர்வீச்சு முறையில் உடலில் உள்ள கேன்சர் செல்கள் ஊடுருவி அழிக்கப்படுகின்றன. அல்லது கேன்சர் செல்கள் பரவிய உடலுறுப்புகள், உள்ளுறுப்புகள் வெட்டி எடுக்கப்படுகின்றன. சில நோயாளிகளுக்கு சிலசமயங்களில் இந்த மூன்று விதமான சிகிச்சைமுறைகளும் பின்பற்றப்படுகின்றன. அப்போதெல்லாம் மருத்துவர்கள் தங்களிடம் சிகிச்சை பெறும் நோயாளிகளிடம் பொய் சொல்கிறார்கள், ‘நீங்கள் நோயை எதிர்த்துப் போராடிக்கொண்டு இருக்கிறீர்கள் என!’ ஆனால், உண்மை என்னவென்றால் நீங்கள் உங்களது நேரத்தை, வாழ்நாளை கடன்வாங்கி நீட்டித்துக் கொண்டிருக்கிறீர்கள் என்பது தான். சிகிச்சையின் தாக்கம் முடிந்த பின் மீண்டும் அதே பழைய கடுமையான நோய்த்தாக்குதல் தொடங்குகிறது. முடிவில் மரணமே எஞ்சுகிறது. இதில் சோகத்துக்குரிய விஷயம் நீங்கள் நோயால் இறப்பதைக் காட்டிலும் நோய்க்கான சிகிச்சையால் மிகுந்த வலியுடனும், மோசமான முறையிலும் இறக்க நேரிடுகிறது என்பது தான்.

இப்படி ஒரு ஆராய்ச்சி முடிவை வெளியிட்டுள்ள டாக்டர் ஹார்டின் ஜோன்ஸ் அமெரிக்காவின் கலிஃபோர்னியா பல்கலைக்கழகத்தின் மெடிக்கல் ஃபிசிக்ஸ் மற்றும் ஃபிசியாலஜி துறைப்பேராசிரியர் என்பதோடு கடந்த 25 ஆண்டுகளுக்கும் மேலாக கேன்சர் நோயாளிகளின் வாழ்நாள் நீட்டிப்பு குறித்த ஆராய்ச்சியிலும் தொடர்ந்து ஈடுபட்டு வந்தவர் என்பது குறிப்பிடத்தக்கது. தமது ஆராய்ச்சியின் முடிவாக அவர் தமது ஆய்வுக் கட்டுரையில் முன் வைப்பது மக்களின் நெடுங்கால நம்பிக்கையான கீமோதெரபி சிகிச்சைமுறை கேன்சர் நோயாளிகளின் நோய்த்தீவிரத்தையோ அல்லது மரணத்தையோ எந்தவிதத்திலும் ஒத்திப் போடாது. மொத்தத்தில் அது கதைக்கு ஆகாத சிகிச்சை. அதனால் பலனேதும் இல்லை என்பதே.

அவர் தனது தொடர் ஆராய்ச்சியில் கண்டறிந்ததாகக் கூறுவது கீமோதெரபிக்கு உள்ளாகும் நோயாளிகள் அனைவரும் மிகச் சித்ரவதைப்பட்டே நோயுடன் போராடி உயிரிழக்கின்றனர் என்பதே. தற்போது இவர் இந்த உண்மையைச் சொல்ல முன்வந்தது தினமும் பல பில்லியன் டாலர்கள் புழங்கும் கேன்சர் மருத்துவ வர்த்தகத்தின் உண்மை முகத்தை தோலுரித்துக் காட்டி மக்களுக்கு விழிப்புணர்வு ஊட்டத்தான் என்கிறார்.

கீமோதெரபி சிகிச்சைக்கு ஒத்துக் கொள்ளாத அல்லது மறுக்கும் கேன்சர் நோயாளிகள், ஒப்புக் கொண்டு கீமோதெரபி சிகிச்சைக்கு உட்படும் கேன்சர் நோயாளிகளைக் காட்டிலும் 12 முதல் 12 1/2 வருடங்கள் ஆயுள் நீட்டிப்பு பெறுகிறார்கள். கூடுதலாக கீமோவில் பெறக்கூடிய கடுமையான வலிகளில் இருந்து தப்பிக்கிறார்கள் என டாக்டர் ஹார்டின் தனது ஆய்வுக் கட்டுரையில் குறிப்பிட்டுள்ளார்.இந்த ஆய்வுக்கட்டுரை நியூயார்க் அகாதெமி ஆஃப் சயின்ஸ் இதழில் பிரசுரிக்கப்பட்டுள்ளது.

கீமோதெரபி சிகிச்சைமுறைக்கு ஒப்புக் கொள்ளும் நோயாளிகளில் பலர் குறைந்த பட்சம் சிகிச்சை எடுத்துக் கொண்ட மூன்றாண்டுகளில் இறந்து போகிறார்கள். இன்னும் சிலர் சிகிச்சை எடுத்துக்கொண்ட சில வாரங்களுக்குள்ளாக இறந்து விடுகிறார்கள் எனவும் டாக்டர் ஹார்டின் தமது ஆய்வுக்கட்டுரையில் குறிப்பிட்டுள்ளார்.

மார்பகப் புற்றுநோயால் பாதிக்கப்பட்டுள்ள கேன்சர் நோயாளிகளில் கீமோவுக்கு ஒப்புக் கொள்ளாதவர்கள் கீமோவுக்கு ஒப்புக் கொண்ட நோயாளிகளைக் காட்டிலும் உத்தரவாதமாக 4 மடங்கு கூடுதல் வாழ்நாள் நீட்டிப்பைப் பெறுகிறார்கள். இந்த உண்மைகளை எல்லாம் நீங்கள் மீடியாக்கள் மூலமாகத் தெரிந்து கொள்ள முடியாது. அவை எப்போதும் போல விளம்பர வருமானத்திற்காக உலகின் தலைசிறந்த, வலியற்ற அதி நவீன கீமோதெரபி சிகிச்சை குறித்து உங்களை மூளைச்சலவை செய்து கொண்டிருக்கலாம். ஏனெனில் கேன்சர் சிகிச்சைக்கான மருத்துவ வர்த்தகத்தின் இன்றைய ஆண்டு மதிப்பு 130 கோடியில் தொடங்கி 1000 கோடி வரை பெருகி வளர்ந்து கொண்டே செல்கிறது. இதை அறியும் போதாவது வாசிப்பவர்களுக்கு மூளைக்குள் அலார்ம் அடித்தால் சரி.

அமெரிக்க மருத்துவப் பேராசிரியர் டாக்டர் ஹார்டின் வெளியிட்டுள்ள இந்த அதிர்ச்சிகரமான ஆய்வுக்கட்டுரை முன்வைப்பது கீமோதெரபி கேன்சர் நோயாளிகளின் வரமல்ல சாபம் என்பதே!

கட்டுரையின் நோக்கம் ஹீமோதெரபி குறித்த பயத்தை கேன்சர் நோயாளிகளிடம் உண்டாக்குவது அல்ல. கீமோதெரபியைப் பற்றி நன்கு படித்துப் பட்டம் பெற்றவரான ஒரு மருத்துவப் பேராசிரியர் இப்படி ஒரு ஆய்வுக் கட்டுரையை வெளியிட்டுள்ளார். அதிலிருக்கும் சாதக, பாதகமான வாதங்கள் என்ன? அவர் சொல்வது உண்மையா? எனத் தெரிந்து தெளிவு பெறத்தான்.

அவரது வாதத்தை மறுத்து தமிழக மருத்துவர்கள் கீமோதெரபிக்கு ஆதரவாக அதன் நன்மைகளை விளக்கி மறுப்புக் கட்டுரையோ அல்லது பதிலோ எழுதி அனுப்பினால் தினமணி அதை வெளியிடத் தயாராக இருக்கிறது. அனுப்ப வேண்டிய மின்னஞ்சல் முகவரி dinamani.readers@gmail.com.

]]>
கேன்சர், chemotherapy, Journal of Clinical Oncology, கேன்சர் சிகிச்சை, கீமோதெரபி http://images.dinamani.com/uploads/user/imagelibrary/2018/4/6/w600X390/00000000000_chemotherapy.jpg http://www.dinamani.com/health/health-news/2018/apr/06/ஹீமோதெரபி-கேன்சர்-நோயாளிகளின்-வரமல்ல-சாபம்-என்கிறாரே-இந்த-அமெரிக்க-மருத்துவர்-அது-நிஜமா-2894870.html
2892863 மருத்துவம் செய்திகள் 5 மணி நேரத்துக்கு குறைவாகத் தூங்கினால் ஆயுள் குறையுமா? எச்சரிக்கை ரிப்போர்ட்! உமா பார்வதி Tuesday, April 3, 2018 11:30 AM +0530  

மைக்கேல் மோஸ்லே என்பவர் மருத்துவக் கட்டுரைகள் எழுதும் பத்திரிகையாளர், எழுத்தாளர் மற்றும் தொலைக்காட்சியில் மருத்துவ நிகழ்ச்சிகளைத் தொகுத்து வழங்கி வருபவர். இவர் அண்மையில் இந்தியாவுக்கு ஒரு நிகழ்ச்சியில் பங்கேற்க வந்திருந்தார்.

அந்நிகழ்ச்சியில் அவர் பேசுகையில், ஒவ்வொரு மனிதருக்கும் தூக்கம் மிகவும் அவசியம் குறிப்பாக இந்தியர்கள் கடந்த சில ஆண்டுகளாக உறக்கப் பிரச்னையில் தவிக்கிறார்கள். இரவென்பது தூக்கத்திற்காகவும் ஓய்வுக்காகவும் எனும்போது, நன்றாகத் தான் தூங்குங்களேன் என்று அறிவுரை கூறினார்.

மேலும் அவர் கூறியது, ‘இந்தியர்களுக்கு நான் சொல்ல விரும்புவது என்னவென்றால் இரவில் அதிக நேரம் விழித்திருக்காதீர்கள். அமைதியாகவும் ஆழ்ந்தும் நன்றாக தூங்குங்கள். பலர் தினமும் 5 அல்லது 6 மணி நேர உறக்கம் போதும் என்று நினைக்கிறார்கள். அதையும் மீறி தூக்கம் வரும்போது காபி அல்லது எனர்ஜி பானங்களைக் குடித்து சிரமப்பட்டு விழித்திருக்கிறார்கள். ஆனால் இது சரியில்லை என்றார் மோஸ்லே.

'உங்களுடைய வேலைகள் மற்றும் நீண்ட பயணங்களுக்கு இடையே தூக்கத்தையும் முக்கியமான ஒன்றாக நினைத்துக் கொள்ளுங்கள். 5 மணி நேரத்துக்கும் குறைவாக தூங்கினால் நாளாவட்டத்தில் அது சர்க்கரை நோய் உள்ளிட்ட பல பிரச்னைகளுக்கு வழி வகுத்துவிடும். மேலும் டிமென்ஷியா எனும் மறதி நோய்க்கு முக்கிய காரணம் உடலுக்கு போதுமான அளவு தூக்கம் இல்லாததுதான். உறக்கமின்மை சிறிது சிறிதாக உங்களை ஆக்கிரமித்து உங்கள் நினைவாற்றல் திறனை அழிக்கத் தொடங்கிவிடும்.

முந்தைய காலங்களில் இது ஒரு பெரிய பிரச்னையாக கருதப்படவில்லை. வயதானால் மறப்பது இயல்புதானே என்று சொல்வார்கள். ஆனால் எந்த வயதிலும் ஞாபக சக்தியுடன் வாழ்வதுதான் வரம். அதை நாமே கெடுத்துக் கொள்ளக் கூடாது. சரிவர தூங்காமல் இருந்தால் எந்த வயதிலும் ஞாபக மறதி ஏற்படலாம்’ என்றார் மோஸ்லே.

உலக நாடுகளுள் அதிக தூக்கமின்மை பிரச்னையில் இந்தியர்கள்தான் முன்னணியில் உள்ளனர் என்கிறது ஒரு ஆராய்ச்சி. இது தொடர்ந்தால் அவர்களுக்கு கடுமையான மன அழுத்தப் பிரச்னைகள் ஏற்படுவதுடன், வேலை மற்றும் வாழ்க்கையிலும் அதன் பாதிப்புக்கள் தொடரும் என்கிறது அந்த ஆய்வு. எனவே பிரச்னை பெரிதாகும் முன்னால் விழித்துக் கொள்ளுங்கள்! அதாவது நன்றாகத் தூங்குங்கள்!

மோஸ்லே சர்வதேச அளவில் புகழ் பெற்ற மூன்று புத்தகங்களை எழுதியுள்ளார். அவை தி ஃபாஸ்ட் டயட், ஃபாஸ்ட் எக்ஸர்சைஸ், மற்றும் தி ப்ளட் சுகர் டயட் ஆகியவை. இவை 42 நாடுகளுக்கும் அதிகமாக, விற்பனையில் சாதனை படைத்து வருகிறது.

உணவு, உடல் நலன் குறித்து பல விஷயங்களை நம்பிக்கைகளை, தவறான பழக்கங்களைப் பற்றி மோஸ்லே தொடர்ந்து அழுத்தமாகப் பதிவு செய்து வருகிறார் என்பது குறிப்பிடத்தக்கது.

]]>
sleeplessness, dementia, உறக்கமின்மை, தூக்கமின்மை, Michael Mosley, இரவு http://images.dinamani.com/uploads/user/imagelibrary/2018/4/3/w600X390/blue.jpg http://www.dinamani.com/health/health-news/2018/apr/03/not-sleeping-enough-beware-of-dementia-michael-mosley-2892863.html
2892232 மருத்துவம் செய்திகள் தீவிர ஆசை மற்றும் காமம் சரியா தவறா? ராகவி Monday, April 2, 2018 05:48 PM +0530  

உலகிலுள்ள ஒவ்வொரு உயிரும் தன்  சந்ததியை வளர்க்கும் நோக்கத்துடன் தான் செயல்படுகிறது. அதுதான் இயல்பு அதுதான் இயற்கை. காமம் என்பது உயிர்கள் ஜனிக்க இயற்கை தந்த ஓர் உணர்வு. அதில் தவறு ஏதும் இல்லை. ஆனால் தவறு எங்கே நிகழ்கிறது எனில் அது முறைக் கேடாகும் போதும், வன்முறையாகும் போதும், அதிக நேரம் அதைப் பற்றியே நினைத்துக் கொண்டிருப்பதும்தான். 

மக்கள் காமம் பற்றிய செய்கைகளை விட, அதைப் பற்றிய சிந்தனைககளில் தான் அதிக நேரத்தை செலவழிக்கிறார்கள். சிலர் மனத்தளவில் காம உணர்வில் மூழ்கியிருப்பார்கள். அவர்கள் எண்ணத்தில் எப்போதும் காமமே நிரம்பியிருக்கும். மறைமுகமாக யாரும் அறியாமல் அவர்கள் இது போன்ற எண்ணற்ற செயல்களை செய்து கொண்டிருப்பார்கள். இவர்கள் இறைவனையோ அல்லது தங்களுடைய குருவையோ நினைத்துக் கொண்டிருப்பதன் மூலம் மனத்தில் ஆழப் படிந்திருக்கும் காமத்திலிருந்து தன்னை விடுவித்துக் கொள்ள முடியும். காம உணர்வுகள் மனத்தில் தோன்றுவதற்கு காரணமாய் உள்ளவைகளைக் கண்டறிந்து அவற்றிலிருந்து மனத்தை விடுவிக்க வேண்டும்.

இந்த வாழ்வின் உண்மையான நோக்கம் என்ன? ஒரு தடவையாவது யோசிக்க வேண்டும். அவ்வாறு செய்தால்தான் அதற்குரிய விடை கிடைக்கும். இன்று இல்லையென்றாலும் என்றேனும் நிச்சயம் வாழ்தலுக்கான காரணம் தட்டுப்படும்.

மனிதர்கள் ஒவ்வொருவரும் தங்கள் உள்ளத்தை பக்தி பூர்வமாகவும் தூய்மையாகவும் வைத்துக் கொள்ள வேண்டும். எல்லா உணர்வுகளும் தோன்றும் உற்பத்தி ஸ்தானத்தை, மூல காரணத்தை நாம் எப்போதும் நினைவில் கொள்ள வேண்டும். இவ்வுலகில் நாம் என்ன செய்து கொண்டிருக்கிறோம்? உண்மையில் தெய்விகமான தன் ஆன்வாவை அல்லது தன்னைத் தானே அறிந்து கொள்வதே வாழ்வின் குறிக்கோளாகும். இந்நிலையை ஒருவர் உணர்ந்துவிட்டால் அவர் மீண்டும் பிறவி எடுப்பதில்லை. நம்மை நாம் உயர்த்திக் கொள்வதற்கு இவ்வுலக வாழ்வின் அனுபவங்கள் தேவை என்பதால் நாம் அனைவரும் இவ்வுலக வாழ்வை அனுபவித்துக் கொண்டிருக்கிறோம்.

]]>
காதல், love, Lust, ஆன்மிகம், காமம் http://images.dinamani.com/uploads/user/imagelibrary/2018/4/2/w600X390/kadal-paduthum-padu-1.jpg http://www.dinamani.com/health/health-news/2018/apr/02/is-lust-right-or-wrong-2892232.html
2892205 மருத்துவம் செய்திகள் இவை இதய நோயின் அறிகுறிகளாகவும் இருக்கலாம்! முன்கூட்டியே அறிந்து கொள்ளுங்கள்! டாக்டர் ஏ.மாதவன் Monday, April 2, 2018 04:05 PM +0530  

வாழ்க்கை முறை மாற்றம், உணவுப் பழக்க வழக்கங்கள், உடற்பயிற்சியின்மை, மன அழுத்தம் போன்றவற்றால் மனிதர்களுக்கு இளம் வயதிலேயே இதய நோய்கள் தாக்குகின்றன. மாரடைப்பு, ரத்தக்குழாய் அடைப்பு, பக்கவாதம் உள்ளிட்ட பாதிப்புகள் ஏற்படுகின்றன. இதயத்தில் உருவாகும் பிரச்னைகளை சரியாக கவனிக்காமல் விடும்போது, அது மாரடைப்பு உள்ளிட்ட பெரும் பாதிப்புக்களில் கொண்டு விட்டுவிடலாம்.

முன்கூட்டியே கண்டறிவது அவசியம்

இதே போன்று நாள்பட்ட சர்க்கரை நோய், உடல் பருமன், புகைப்பழக்கம் போன்றவற்றாலும், தீவிர இதய நோய் பிரச்னைகள் வருவதற்கு அதிக வாய்ப்புக்கள் உண்டு. மேலும் படபடப்பு உயர் ரத்த அழுத்தம், இதயத்துடிப்பு அதிகரித்தல் போன்றவற்றையும் சரியான நேரத்தில் கண்டறிய வேண்டும். இவை இதய நோயின் அறிகுறிகளாகவும் இருக்கலாம்.

உயிர் காக்க உதவும் நவீன பரிசோதனைக் கருவிகள்

இதய நோய்க்கு தற்போது பல்வேறு நவீன சிகிச்சை முறைகள் கண்டுபிடிக்கப்பட்டுள்ளன. நேலும் இதய நோய் பாதிப்புக்களைக் கண்டறியவும், அதற்குச் சிகிச்சை அளிக்கவும் அதி நவீன கருவிகள் கண்டறியப்பட்டுள்ளன. இந்தக் கருவிகளின் உதவியால் இதய நோயை சரியான நேரத்தில் கண்டறிந்து, அதற்கு சிகிச்சை அளிக்க முடிகிறது. இதனால் இதய நோயால் பாதிக்கப்பட்டவர்களின் உயிரை காக்க முடிகிறது.

உலகத் தரத்துக்கு இணையாக

மதுரை வேலம்மாள் மருத்துவக் கல்லூரி மருத்துவமனையில் நவீன உயர் ரக கருவிகளின் உதவியுடன் இதய நோயாளிகளுக்கு சிகிச்சை அளிக்கப்படுகிறது. மேலும் ஜப்பான் நாட்டு மருத்துவமனை, அமெரிக்க மருத்துவமனையோடு புரிந்துணர்வு ஒப்பந்தமும் ஏற்படுத்தப்பட்டுள்ளது. 

இதன் மூலம் வெளிநாடுகளில் இதய சிகிச்சைக்கு அறிமுகமாகும் சிகிச்சை முறைகள் இங்கும் நடைமுறைப்படுத்தப்படுகின்றன. மிகவும் சிக்கலான நேரங்களில் வெளிநாடுகளின் மருத்துவ நிபுணர்கள் வரவழைப்பட்டு சிகிச்சை அளிக்கும் வசதியும் உண்டு.

இதய நோய்களுக்கு ஆஞ்சியோகிராம், ஆஞ்சியோ ப்ளாஸ்டி, அடைப்புகளை துல்லியமாகக் கண்டறியும் கேமரா மூலம் ஆஞ்சியோ ப்ளாஸ்டி, ரத்தக் குழாய் சுவற்றில் படிந்துள்ள சுண்ணாம்புக் கற்களை உடைத்து அகற்றும் ட்ரில்லிங் ஆஞ்சியோ ப்ளாஸ்டி, எலக்ட்ரோ ஃபிஸியாலஜி, ஆல்கஹால் அப்லேஷன், செயற்கை இதயக் கருவி பொருத்துதல், பெரிபரல் ஆஞ்சியோ ப்ளாஸ்டி போன்ற சிகிச்சைகள் சிறப்பாக அளிக்கப்படுகின்றன.

இதய நோயாளிகளுக்கான சிகிச்சைகள் அனைத்தும் நிபுணத்துவம் பெற்ற மருத்துவர் குழுவால் அளிக்கப்படுகிறது. மேலும், இதய நோய்களுக்கான தடுப்பு மருத்துவமும் சிறப்பாக வழங்கப்படுகிறது.

- டாக்டர் ஏ.மாதவன், இதய மருத்துவத் துறை இயக்குநர், வேலம்மாள் மருத்துவக் கல்லூரி மருத்துவமனை, மதுரை

]]>
heart attack, heart care, heart pain, இதயம், இதய நோய், ஹார்ட் அட்டாக், நெஞ்சு வலி http://images.dinamani.com/uploads/user/imagelibrary/2018/4/2/w600X390/20171211085501551.jpg http://www.dinamani.com/health/health-news/2018/apr/02/preventing-heart-problems-2892205.html
2892183 மருத்துவம் செய்திகள் ஆட்டிச நிலைக் குழந்தைகளுக்கும், அவர்தம் பெற்றோருக்கும் துணை நிற்போம் சரவணன் பார்த்தசாரதி Monday, April 2, 2018 02:51 PM +0530  

இன்று (ஏப்ரல்-2) உலக ஆட்டிச விழிப்புணர்வு நாள். இந்த நாளில் இதுபற்றிய உரையாடல் சரியாக இருக்குமென்றே இதனைத் தொடங்குகிறேன். சில மாதங்களாகவே நான் பேருந்துகளின் பின்புறம், செய்தித்தாள்கள், தொலைக்காட்சிகள் என பல இடங்களில் ஆட்டிசத்தைக் குணப்படுத்துவதாகச் சொல்லும் ‘மாற்று மருத்துவ’ விளம்பரங்களைப் பார்த்து வருகிறேன். அவற்றில் சில, நவீன மருத்துவத்திற்கு சவால் விடுவதை நோக்கமாகக் கொண்டிருந்தன. முதலில் எது மாற்று மருத்துவம் என்பதை வரையறுத்துக் கொள்வோம்.

தங்களுடைய மருத்துவமுறைகளில் இருக்கும் போதாமைகளை ஒப்புக்கொண்டு, அலோபதி மருத்துவத்தின் முன்னேற்றங்களான நோயறிதல் முறைகளை ஏற்றுக் கொண்டு, அதன் வழியே நோய்களைத் தீர்க்கும் வல்லமை கொண்ட சித்தா, ஆயுர்வேதம், யுனானி, ஹோமியோபதி போன்ற மருத்துவமுறைகளை நான் மாற்று மருத்துவம் என்று ஏற்றுக் கொள்கிறேன். நம்பிக்கையை மட்டுமே தீர்வாகக் கொண்டு செயல்படும் எந்தவொரு நோய்தீர்க்கும் முறையையும் மாற்று மருத்துவம் என்று ஏற்றுக் கொள்ள வேண்டிய அவசியம் இல்லை. நிருபிக்கப்பட்ட அறிவியல் முறைகளை ஏற்றுக் கொள்ளாதவர்கள்தான் இப்படிப்பட்ட குணப்படுத்தும் விளம்பரங்களைக் கொடுக்கிறார்கள். 

உண்மையும் நம்பிக்கையும்

ஆட்டிசம் தொடர்பான விழிப்புணர்வு குறைவாக இருந்த நாட்களைவிடவும் இப்போது இப்படி ஏமாறும் மக்களின் எண்ணிக்கை அதிகரிக்கவே செய்கிறது. எனக்குத் தெரிந்த மெத்தப்படித்த ஒரு தம்பதியினரும் இப்படியான விளம்பரங்களை நம்பி, லட்சக்கணக்கான பணத்தை இழந்திருக்கிறார்கள். மனநல ஆலோசனைக்கு வரும் பல பெற்றோர் இப்படியான விளம்பரங்களைப்பற்றி விசாரிப்பதும் அடிக்கடி நிகழ்கிறது. அவர்களையும் குற்றம் சொல்லமுடியாது. எதைத் தின்றால் பித்தம் தெளியும் என்ற நிலையில் இருக்கும் பெற்றோரின் ஏக்கத்தைப் புரிந்துகொண்ட சிலர், சிகிச்சை என்ற பெயரில் அவர்களிடம் இருந்து பணம் பறிக்கும் பணியைத் தீவிரமாகத் தொடங்கிவிட்டனர்.

பொதுவாக மருத்துவர்கள் ஒரு குழந்தையிடம் காணப்படும் நடவடிக்கை சார்ந்த அறிகுறிகளின் அடிப்படையில் அதற்கு ஆட்டிசத்தின் பாதிப்பு இருக்கலாம் என்ற முடிவுக்கு வருகிறார்கள். இது தொடர்பான சோதனைகள் மத்திய அரசின் நிப்மெட் (NIEPMD), நிமான்ஸ் (NIMHANS) (இவை குழந்தைகள் சார்ந்த எல்லாவிதமான பிரச்னைகளுக்கும் சிறப்பான ஆலோசனைகளையும் வழிகாட்டவும் செய்யும் அரசு அமைப்புகள்) போன்ற இடங்களில் மேற்கொள்ளப்படுகின்றன. சோதனைகளின் போது பெற்றோர் மற்றும் குழந்தைகளிடம் தொடர் கேள்விகள் கேட்கப்படும்.

இச்சோதனைகளின் முடிவில் அவர்கள் அக்குழந்தைக்கு மருத்துவச் சோதனைக்கு உட்படுத்தக்கூடிய நரம்பியல் சிக்கல் ஏதும் இருக்கிறதா? என்று பார்ப்பார்கள். அப்படி ஏதேனும் இருந்தால் அக்குழந்தைக்குத் தேவையான மருத்துவ மேல்சிகிச்சைப் பரிந்துரைகள் வழங்கப்படுகின்றன. அப்படி அல்லாமல் ஆட்டிசம் மாதிரியான குறைபாடுகள் கண்டறியப்பட்டால் அவர்கள் அதைப் பெற்றோரிடம் தெரிவிப்பதோடு, அது எவ்வளவு தீவிரமானது என்பது உட்படப் பல தகவல்கள் அடங்கிய ஓர் அறிக்கையையும் அவர்களிடம் அளிக்கிறார்கள். 

அவ்வறிக்கையின்படி, மருத்துவர் அக்குழந்தையின் பெற்றோரிடம் அடுத்த கட்டமாக என்னவெல்லாம் செய்ய வேண்டும் என்பதையும் எடுத்துச் சொல்வார்.
அப்போது அவர் இக்குறைபாடுகளைக் ‘குணப்படுத்த’ (Cure) முடியாது என்ற உண்மையைப் பெற்றோரிடம் கூறுவதில்லை. அது அப்பெற்றோருக்கு அதிர்ச்சியளிக்கும் செய்தியாக இருக்கும் என்பதால், போகப்போகச் சரியாகும் என்றே கூறுவார். ‘எப்போது?’ என்று கேட்கும் பெற்றோரிடம் பயிற்சிகளின் வழியே அக்குழந்தையைச் சராசரி வாழ்விற்கு மீட்டெடுப்பதுபற்றிப் பேசுவார். அவரது ஆலோசனையின்படி, பெற்றோரும் தங்கள் குழந்தைக்கு  தேவையான ஆகுபேஷன் தெரபி, சிறப்புக்கல்விப் பயிற்சி, பேச்சுப்பயிற்சி போன்ற பயிற்சிகளை அளிக்கத் தொடங்குவார்கள். 

ஆட்டிசத்தின் தீவிரத்தன்மையைப் பொருத்தும், எவ்வளவு விரைவாக அடையாளம் காணப்பட்டு பயிற்சிகள் தொடங்கப்படுகிறதோ அதற்கேற்பவும் குழந்தைகளிடம் முன்னேற்றம் காணப்படும். பயிற்சிகளின் வெற்றி சதவிகிதம், காத்திருப்பு, சமூகம் தரும் அழுத்தம் ஆகியவை இக்குழந்தைகளின் பெற்றோரிடம் சோர்வையும், மன இறுக்கத்தையும் ஏற்படுத்துகின்றன. இந்நிலையில் மேற்கண்ட விளம்பரங்களில் இடம்பெற்றிருக்கும் ‘உடனடி விளைவு’ குறித்த சில மந்திரச்சொற்கள் அவர்களை ஈர்ப்பதில் ஆச்சர்யம் ஏதுமில்லை. இவர்கள்தான் ‘குணமாக்கும் கூட்டத்திடம்’ சென்று விழுகிறார்கள்.

பயிற்சி தவிர்த்து வேறு தீர்வே இல்லையா?

இன்றைய நிலையில் ‘இல்லை’ என்பதே கசப்பான உண்மை. இந்தியாவில் மட்டுமல்ல, உலகில் எங்குமே இதற்கு வேறு முழுமையான தீர்வுகள் கண்டுபிடிக்கப்படவில்லை. ஆட்டிசக் குறைபாடுகொண்டோர் உலகம் முழுவதும் இருப்பதால், அது தொடர்பான ஆராய்ச்சிகளும் பல்வேறு நாடுகளில் நடந்து வருகின்றன. ஆட்டிசத்தை விரைந்து கண்டறிவது, அவர்களின் குறைபாடுகளில் இருந்து அவர்களை மீட்டெடுப்பது, அங்கிருந்து முழுமையான தீர்வை நோக்கிப்போவது என்று பல நிலைகளில் இவ்வாராய்ச்சிகள் நடைபெறுகின்றன. 

எட்டு வயதிற்குள் குழந்தைகளின் மூளை வளர்ச்சியில் பெரும்பகுதி முழுமையடைந்துவிடும் என்பதால் எவ்வளவு விரைவாக ஆட்டிசக் குறைபாட்டைக் கண்டறிகிறோமோ, அவ்வளவு எளிதாக நாம் வழங்கும் தொடக்கநிலைப் பயிற்சிகளின் (Early Intervention) வழியே அவர்களைச் சராசரி வாழ்க்கை வாழச் செய்துவிட இயலும். இந்தியா உட்பட உலகம் முழுவதிலும் ஆட்டிசம் இருக்கிறதா என்று அறிய ‘நடத்தை சார்ந்த பகுப்பாய்வுகளே’ (Behavior Analysis) அதிகமாக நடைமுறையில் உள்ளன. இதற்குள் அக்குழந்தைக்கு இரண்டு அல்லது அதற்கு மேல் வயதாகிவிடுகிறது. அதன்பின் பெற்றோர் மருத்துவரை சந்திக்கும் காலம் இன்னும் தாமதப்படும்போது, குழந்தையின் முன்னேற்றமும் தாமதப்படும் என்பதை பலர் அறிவதில்லை. குழந்தையின் நடவடிக்கையில் சந்தேகம் தோன்றியதுமே பெற்றோர் மருத்துவரின் ஆலோசனையைப் பெறுவதே சிறந்தது.

நம்பிக்கை தரும் ஆய்வுகள்

சமீபத்தில் மருத்துவ ஆராய்ச்சியாளர்கள் சிலர் அமெரிக்கக் குழந்தைகளிடையே ஓர் ஆய்வை நடத்தியுள்ளனர். அதன்படி, 38 ஆட்டிசக் குழந்தைகள் உட்பட 68 குழந்தைகளின் ரத்தம் மற்றும் சிறுநீர் மாதிரிகள் சேகரிக்கப்பட்டு ஆய்வுக்கு உட்படுத்தப்பட்டன. அதில் கண்டறியப்பட்ட தகவல்களை மென்பொருள்கள் துணைகொண்டு பகுத்து ஆராய்ந்தபோது, குழந்தைகளின் இரத்தத்தட்டுகளில் இருக்கும் ஒரு வகைப் புரதம் சிதைவதற்கும், ஆட்டிசக் குறைபாட்டிற்கும் தொடர்பு இருப்பதைக் கண்டறிந்தனர். 90 சதவிகிதத் துல்லியம் கொண்ட இம்முறையினைக்கொண்டு ஒரு குழந்தைக்கு ஆட்டிசக் குறைப்பாடு இருக்கிறதா என்று கண்டு கொள்ள இயலும். வருங்காலத்தில் இதன் வெற்றி விகிதம் இன்னும் அதிகரிக்கும்போது உலகம் முழுவதும் இம்முறை நடைமுறைக்கு வரும். 

மரபணு ஆராய்ச்சிகள்

ஆட்டிசம் ஏற்படுவதற்குக் காரணமான மரபணுக்கள் பற்றிய பல ஆய்வுகள் நடைபெற்றுவருகின்றன. இப்போது கலிபோர்னியா பல்கலைக்கழகத்தைச் சேர்ந்த மூளை நரம்பியல் ஆராய்ச்சியாளரான அதிதி தேஷ்பாண்டே இது தொடர்பான புதிய கண்டுபிடிப்பை வெளியிட்டுள்ளார். மனித செல் ஒவ்வொன்றும் 23 இணை குரோமோசோம்களால் ஆனது. இவற்றைப் பற்றி ஆராய்ந்து வரும் அதிதி, அவற்றில் பொதிந்திருக்கும் மரபணுக்களில் ஏற்படும் மாற்றங்களுக்கும், மூளை வளர்ச்சிக்குமான தொடர்புகளை எடுத்துக் கூறியுள்ளார். பொதுவாக மரபணுக்கள் பிரதி எடுக்கப்படுவதும் (Copy), அழிக்கப்படுவதும் (Deletion) இயல்பாக நடக்கும் நிகழ்வுகள்தான். அப்படி ஒரு குறிப்பிட்ட மரபணுப்பகுதி அழிக்கப்பட்டுவிடும்போது, அந்தக் குழந்தையின் தலை பெரிதாகிறது. இதனால் மூளை வளர்ச்சி பாதிக்கப்பட்டு ஆட்டிசம் தோன்றுகிறது. இதற்கு மாறாக சிலசமயம் ஒன்றுக்கு மேற்பட்ட பிரதிகள் எடுக்கப்பட்டுவிடும்போது, அக்குழந்தையின் தலை சிறுத்துப்போய்விடும். இவர்களுக்கு ஆட்டிசம் ஏற்படுவதுடன், ஸ்கிட்ஸோஃப்ரேனியா (Schizophrenia) ஏற்படும் வாய்ப்பும் அதிகரிக்கிறது. இந்த இரண்டு நிலைகளுமே மூளைச்செல்களான ந்யூரான்களின் தோற்றத்தில் சில மாறுதல்களை ஏற்படுத்துகின்றன. இதனால் அவற்றின் திறன் பாதிக்கப்பட்டு, ஆட்டிசம் போன்ற வளர்ச்சிநிலைக் குறைபாடுகள் (Development Disorders) ஏற்படுவதாக அதிதி கண்டறிந்துள்ளார்.

குறிப்பிட்ட குரோமோசோமிற்கும் மூளை வளர்ச்சிக்குமான தொடர்பு உறுதிப்பட்டுள்ள நிலையில், ஏன் இப்படிப்பட்ட அழித்தல், அதிகப்பிரதி எடுத்தல் நிகழ்வுகள் நடைபெறுகின்றன என்ற கேள்விகளுக்கு விடை இல்லை. பதில் தேடும் வகையிலான ஆராய்ச்சிகள் தொடர்கின்றன. பதில் கிடைத்துவிட்டால் நம்மால் இக்குறையைச் சரி செய்யவும் முடியும் என்று சொல்லும் ஆராய்ச்சியாளர்கள் அதை நோக்கியே உழைத்து வருகின்றனர்.

மெய்நிகர் உலகம் தரும் தீர்வுகள்

ஆட்டிசத்தை விரைவாகக் கண்டறிதல் எவ்வளவு முக்கியமோ அதே அளவு பயிற்சிகளையும் விரைந்து தொடங்குதல் முக்கியம் என்பதால் அவை சார்ந்த ஆராய்ச்சிகளிலும் பல நிறுவனங்கள் ஈடுபட்டுள்ளன. 

ஜார்ஜ் வாஷிங்டன் பல்கலைக்கழகத்தைச் சேர்ந்த டேனியல் யாங் என்ற ஆய்வாளர், இளம் ஆட்டிச நிலையாளர்களின் சமூக உறவுகளை மேம்படுத்துவது தொடர்பாக ஆராய்ந்து வருகிறார். ஆட்டிச நிலையாளர்கள் பொது இடங்களில் சந்திக்கும் சிக்கல்களைத் தீர்க்கும் வகையில் சில பயிற்சிகளை உருவாக்க வேண்டியது அவசியம் என்கிறார் அவர். அதன்படி பொது இடங்களில் நாம் சந்திக்கும் சூழல்களான நட்பு பாராட்டுதல், மோதல்களைத் தவிர்த்தல், சமூக விதிகளைப் புரிந்து கொள்ளல், ஏமாற்றுவோரை அடையாளம் காணுதல் போன்றவற்றைக் காட்சிகளாக மாற்றி, அச்சம்பவங்களை கணினி விளையாட்டுகளில் இடம்பெறச் செய்ய வேண்டும். பின்னர் ஆட்டிச நிலையாளர்களை இவ்விளையாட்டுகளில் பங்கேற்கச் செய்வதன் மூலம் அவர்களுக்கான சிறப்புப் பயிற்சிகளை வழங்கலாம் என்கிறார். மெய்நிகர் (virtual reality) விளையாட்டுகளில் வரும் காட்சிகளை ஒத்த சூழல் இயல்பு உலகில் நடைபெறும்போது அவர்கள் அதற்குச் சிறப்பான முறையில் மறுமொழி அளிப்பதுடன், சிக்கலான சூழலைச் சமாளிக்கும் திறனையும் பெறுவதை அவர் தனது ஆராய்ச்சிகளின் மூலம் உறுதி செய்துள்ளார்.

நாம் என்ன செய்யவேண்டும்?

நான் தொடர்ச்சியாகச் சந்தித்து வரும் ஆட்டிசக் குழந்தைகளின் பெற்றோரில் பெரும்பாலோர் உலகெங்கும் நடைபெறும் ஆராய்ச்சிகள் குறித்த விழிப்புணர்வு அறியாதவர்களாகவும் நமது ஊரில் காணக் கிடைக்கும் போலியான தீர்வுகளில் நம்பிக்கை கொண்டோராகவும் இருப்பதைக் காண்கிறேன். என்னுடைய நண்பர் ஒருவரின் குழந்தைக்கு நரம்பியல் சிக்கல் இருப்பதை உணர்ந்து, அக்குழந்தையை NIEPMD-ற்கு அழைத்துச் செல்லுமாறு கேட்டுக் கொண்டேன். அவரோ குழந்தையின் பாதத்தில் மசாஜ் செய்து நரம்பியல் சிக்கலைத் தீர்க்கும் ஒருவரிடம் அழைத்துச் சென்றார். இன்று அக்குழந்தை கிட்டத்தட்ட கைவிடப்பட்டுவிட்டது. 

நரம்பியல் சிக்கல் சார்ந்த குறைபாடுகளோடு பிறந்து, முறையான பயிற்சிகளின் வழியே சமூகத்தில் சிறப்பாக வாழும் எத்தனையோ பேரை எனக்குத் தெரியும். மேற்கண்ட ஆய்வு முடிவுகளைப் பார்க்கும்போது அறிவியல் விரைவிலேயே இதற்கான நிரந்தரத் தீர்வுகளைக் கொண்டு வரும் என்று தோன்றுகிறது. அதுவரை பெற்றோராகிய நீங்கள், போலியான வாக்குறுதிகளைத் தரும் நபர்களைத் தவிர்த்துவிட்டு, முறைப்படுத்தப்பட்ட பயிற்சிகளில் கவனம் செலுத்துங்கள். அதுவே நீங்கள் அக்குழந்தைகளுக்குச் செய்யும் மிகப்பெரிய உதவி. போலியான விளம்பரங்களை யாரும் வெளியிடாதபடி அரசு தீவிர நடவடிக்கைகளை எடுக்க வேண்டும். மேலும் போலியோ விழிப்புணர்விற்கான விளம்பரங்களுக்குச் செலவிடப்படுவதைபோல், ஆட்டிச விழிப்புணர்வுக்கும் அரசு கொஞ்சம் செலவு செய்யலாம். அரசு மட்டுமல்ல, நாமும் ஆட்டிச நிலைக் குழந்தைகளுக்கும், அவர்தம் பெற்றோருக்கும் துணை நிற்போம். ஏனெனில் இது அவர்களுக்கான உலகமும்தான்.

- சரவணன் பார்த்தசாரதி (குழந்தைகள் நல உளவியலாளர்)
மின்னஞ்சல்: sarathy.saravanan@gmail.com / தொலைபேசி எண்: 9176689907

]]>
child care, குழந்தைகள், autism, ஆட்டிசம், World Autism day http://images.dinamani.com/uploads/user/imagelibrary/2018/4/2/w600X390/autism4.jpg http://www.dinamani.com/health/health-news/2018/apr/02/autism-children-and-their-growth-2892183.html
2891600 மருத்துவம் செய்திகள் சுட்டெரிக்கும் கோடை வெயிலிலிருந்து உங்கள் சருமத்தை பாதுகாப்பது எப்படி? மாலதி சந்திரசேகரன் Sunday, April 1, 2018 11:53 AM +0530
                       
பொதுவாக ஒரு பெண்ணுக்கு தன்னுடைய சருமமும், கூந்தலும் அழகாக இருக்க வேண்டும் என்கிற எண்ணம் எப்பொழுதுமே ஓங்கி இருக்கும். எல்லா காலங்களையும் விட கோடை காலங்களில், சருமம் அதிக பாதிப்புக்கு உள்ளாகும். மேலும் சருமம் பொலிவிழந்தும் போகும். அதனால், கோடை காலம் வந்துவிட்டால், சருமத்தை எப்படி பாதுகாப்பாக வைத்துக் கொள்வது என்கிற கவலை பெண்களுக்கு  வந்து விடும். அதுவும் இளம் வயது பெண்கள் என்றால் கேட்கவே வேண்டாம். விளம்பரங்களில் வரும் க்ரீம்கள் வீட்டில் அடைக்கலம் புகுந்து விடும்.

எல்லாவற்றையும் விட இயற்கை வைத்தியமாக இருந்தால், பின் விளைவுகளைப்  பற்றி கவலைப்படாமல் இருக்கலாம். ஏனென்றால் ரசாயனம் கலந்த செயற்கை க்ரீம்கள் சிலருக்கு ஒவ்வாமையை ஏற்படுத்தி விடும். அதனால் சருமம் மேலும் பாதிக்கப் படலாம்.

வெய்யில் அதிகமாக இருக்கும் பொழுது தோலில் வறட்சித் தன்மை,  சுருக்கம், அழற்சி, கருமை போன்றவை  ஏற்படும். இவற்றை நீக்குவதற்கு, வீட்டிலேயே, சருமத்தில் தடவிக் கொள்ளும்படியான  சில உபாயங்களைக் கையாளலாம். 

வெளியில் சென்று விட்டு வந்தால், தோலின் நிறம் கருத்துக் காணப்படும். அந்தக் கருமையைப் போக்க, பார்லியை நன்கு பவுடர் பதத்திற்கு பொடித்துக் கொள்ளவும். சிறிது எலுமிச்சம் பழச் சாற்றினை  எடுத்து, க்ரீம் பதத்திற்குக் குழைத்துக் கொள்ளவும். கருமை மற்றும் தேவையான இடங்களில் தடவி பதினைந்து நிமிடங்கள் ஊறிய பிறகு, பயிற்றம் மாவு அல்லது கடலை மாவு கொண்டு நீரில் முகத்தினைக் கழுவவும்.

முகத்தில் கரும் புள்ளிகள் அல்லது பருக்கள் உண்டானால், வெள்ளரிச் சாறு, எலுமிச்சம் பழச் சாறு இரண்டையும்  சம அளவு எடுத்துக் கொண்டு சிறிது கஸ்தூரி மஞ்சளுடன் குழைத்துக் கொள்ளவும். இந்தக் குழைவை முகத்தில் தடவி, இருப்பது நிமிடங்கள் ஊறவும். பின்பு குளிர்ந்த நீரால் முகத்தைக் கழுவவும். கழுவும் பொழுது, இரண்டு கைகளாலும், தண்ணீரை முகத்தில் அடித்துக் கழுவவும். பின்பு மெல்லிய துணியால், ஈரத்தைத் தேய்க்காமல் ஒற்றி எடுக்கவும். 

சருமத்தில் சுருக்கங்கள் உண்டானால், சந்தனப் பொடியை பன்னீருடன் கலக்கவும். இந்தக் கலவையை, முகத்தில் மற்றும் சுருக்கம் இருக்கும் இடங்களில் தடவவும். சந்தனம் காய்ந்த பிறகு தோல், வர வரவென்று இழுக்கும். நன்கு காய்ந்தபின் முகத்தைக் கோணல் செய்து கொள்ளவோ பேசி சிரிக்கவோ கூடாது. ஏனென்றால், தோலின் அசைவுகளுக்கேற்ப சருமத்தில் சுருக்கங்கள் விழ வாய்ப்புண்டு.

வெய்யிலில் அலைந்து விட்டு வந்தாலோ வியர்வை அதிகமாக  இருந்தாலோ, உடலை சுத்தம் செய்து கொள்ள வேண்டும். இல்லாவிடில், உப்பு, பிசுபிசுப்பு சேர்ந்து தேமல் நோய்க்கு அடிகோலும். அதிகமான வியர்வை வெளியேறி தோற்று ஏற்படாமல் இருக்க, பெரியதாக இருக்கும் வெட்டி வேரை நறுக்கிக், காய வைத்து, பொடித்துக் கொள்ளவும். ஒரு பங்கு வெட்டி வேர் என்றால், ஒரு பங்கு தண்ணீர் என்னும் விகிதத்தில் குழைத்துப்  பூசி வரவும். சந்தனக்  கல்லில் கடுக்காயுடன், கசகசாவைச் சேர்த்து உரசி, அந்தக் குழைவை பாலோடு சேர்த்து, பேக் [pack] போல்  தடவி, அரை மணி நேரம் ஊறிய பிறகு  குளிர்ந்த நீரில் முகத்தைக் கழுவவும் .

சருமப் பராமரிப்பிற்கு வெளிப்புற பராமரிப்புப் பற்றி பார்த்தோம். சரும ப் பராமரிப்பிற்கு நாம் இந்தக் கோடை நாட்களில் எந்த விதமான உணவினை உண்ண  வேண்டும் என்பது பற்றி Dr . வர்ஷா [Chair Person , Indian Institute of Nutritional Sciences], என்ன கூறுகிறார் பார்ப்போம்.

உடலில் ஏற்படும் மாற்றங்களை உடனுக்குடன்  தெரிவிக்கும் ஒரு அற்புத அங்கம் நம் சருமம். தான் என்றால் மிகையே இல்லை. கோடை நாட்களில் சரும பராமரிப்பு என்பது மிகவும் இன்றியமையாதது. உண்ணும் உணவின் மூலம் சருமத்திற்கு  பல உன்னதமான சத்துக்களை நாம் பெற முடியும். அவற்றில் சிலவற்றினை நாம் பார்ப்போம். 

வைட்டமின் C : ஆரோக்கியமான சருமத்திற்கு வைட்டமின் C மிகவும் முக்கியமானதொன்று. இது ஒரு எதிர் ஆக்ஸிகரணியாகச் ஆகச் செயல் படுகிறது. சருமத்தினை மிருதுவாகவும், அங்கத்தினை வளைப்பதற்கு ஏற்றாற்போல் வளைந்து கொடுக்கவும் உதவுகிறது. மேலும், ஆரோக்கியமான தோல் போல் பார்வைக்குத் தெரிய இந்த வைட்டமின் மிகவும் உதவுகிறது. பச்சைக் காய்கள், கரும் பச்சையான கீரை வகைகள், குடை மிளகாய், புளிப்பான பழங்கள் மற்றும் கொட்டையில்லாப் பழங்களில் வைட்டமின் C நிறைந்து இருக்கிறது.

வைட்டமின் A : சிலருக்கு இளம் வயதிலேயே வயதானவர்களின் சருமம் போல் காணப்படும். சருமத்தின்  செல்களை புதுப்பிக்கவும், லேசான மஞ்சள் கலந்த நிறத்தினை தருவதும் இந்த வைட்டமின்தான். இந்த வைட்டமின்,  எதிர் ஆக்சிகரணியாகவும், கொலாஜென் என்னும் ஜவ்வு போன்ற பசை நம் தோலுக்கு பாதுகாப்பு அளிக்கும் சேவகனுமாகச் செயல்படுகிறது. பூசணிக்காய், கேரட், சர்க்கரை வள்ளிக் கிழங்கு, கரும்பச்சை நிறக்  கீரை வகைகள், முட்டையின் மஞ்சள் கரு, வெண்ணெய் ஆகியவற்றில் நிறைந்து காணப்படுகிறது.

துத்த நாகச் சத்து : இந்தச் சத்து அருமையான செயல்பாட்டினைச் செய்கிறது. ஹார்மோன்களை சரியான விகிதத்தில் வைப்பதோடு, சருமம் [சுரப்பிகள்] தயாரிக்கும் எண்ணெய் சத்தினை அளவுக்கு மீறாமல் பாதுகாக்கிறது. அதுவுமில்லாமல் சருமத்தில் உண்டாகும் தழும்புகள் மறைவதற்கும் உதவி புரிகிறது. பூசணி விதைகள், தர்பூசணி விதைகள், அவரைக்காய்,  பூண்டு, எள்ளு, கொண்டைக் கடலை, காளான், பன்றிக் கறி, மாட்டுக் கறி, ஆட்டுக் கறி இவைகளில் காணப் படுகிறது.

கொழுப்பு அமிலங்கள் [fatty acids]  :  நமக்குத்  தேவையான கொழுப்பு அமிலங்கள் எதையுமே நம் உடல் உற்பத்தி செய்வதில்லை இவை அனைத்துமே நாம் உண்ணும் உணவின் மூலம் தான் உடலுக்குக் கிடைக்க வேண்டும். முக்கியமான இரண்டு கொழுப்பு அமிலங்கள் Omega 3 மற்றும் Omega 6 ஆகும்.  தோலில் ஈரப் பசையை சரியான பக்குவத்தில் வைப்பதும், பரு, சோரியாசிஸ் போன்றவைகளிலிருந்து பாதுகாப்பு அளிக்கிறது. ஆளி விதை, மீன் எண்ணெய் மட்டி எனக் கூறப்படும் கிளிஞ்சல் பூச்சி ஆகியவற்றில் இந்த கொழுப்பு அமிலங்கள் காணப்படுகின்றன.

ஒன்றை நாம் நினைவில் கொள்ள வேண்டும். பராமரிப்பிற்காக நாம் எதை வேண்டுமானாலும் செய்யலாம். போஷாக்கான ஆகாரம், தேவையான அளவு தண்ணீர், போதுமான அளவு தூக்கம் இவைகளை அலட்சியப்படுத்தாமல் பின்பற்ற வேண்டும். எந்த செய்கையும் ஒரு நாள் இரண்டு நாட்களில் பலன் காண்பிக்காது. ஆகையால் பிணிக்கு மருந்து என்று ஒன்றைச் சாப்பிட்டால், பலன் தெரிய பொறுமையைக் கையாளும் பக்குவமும் இருக்க வேண்டும்’

என்ன வாசர்களே புரிந்ததா? கோடையில் சருமத்தைச்  சமாளிக்கும் வித்தையைத்  தெரிந்து கொண்டீர்களா? குழந்தை பாக்கியம் வேண்டி அரச மரத்தினைச் சுற்றி வந்து விட்டு உடனே அடி  வயிற்றைத் தொட்டுப் பார்ப்பது என்று ஒரு  வழக்குச் சொல் உண்டல்லவா? . அது போல் அல்லாமல், பொறுமையுடன் செயல் பட்டால் பலன் நிச்சயம் உண்டு. 

]]>
summer, skin care, tips for skin, சரும பராமரிப்பு, ஸ்கின் http://images.dinamani.com/uploads/user/imagelibrary/2018/4/1/w600X390/5.jpg http://www.dinamani.com/health/health-news/2018/apr/01/சுட்டெரிக்கும்-கோடை-வெயிலிலிருந்து-உங்கள்-சருமத்தை-பாதுகாப்பது-எப்படி-2891600.html
2888471 மருத்துவம் செய்திகள் பற்களின் பளீர் புன்னகையைக் காக்க சாப்பிட வேண்டிய ஐந்து எளிய உணவுப் பொருட்கள்... கார்த்திகா வாசுதேவன் Friday, March 30, 2018 12:16 PM +0530
 
1. செலரி...
 

இதைப் பொடியாக நறுக்கி பிரியாணி மற்றும் நான்-வெஜ் கிரேவிகளின் மீது தூவி இருப்பதைப் பார்த்திருப்பீர்கள். இந்த செலரி விலையும் அப்படி ஒன்றும் பிரமாதமானதில்லை. மலிவான விலையில் சூப்பர் மார்க்கெட்டுகள் மற்றும் காய்கறி மொத்தவிலைக் கடைகளில் கிடைக்கும். 

செலரியை வாயிலிட்டு மெல்லும் போது அரிசிச் சாதம் போலவோ, மைசூர் பாகு போலவோ வாயிலிட்டதும் உடனே கரைந்து விடாது. நன்றாக மென்று விழுங்க வேண்டிய உணவு இது. அப்படி மெல்லும் போது சுரக்கும் அதிகப்படி உமிழ்நீர் பற்குழியை உருவாக்கக் கூடிய ஸ்ட்ரெப்ட்டோகாக்கஸ் மியூட்டன்ஸ் எனும் பாக்ட்டீரியாவின் செயல்களை நியூட்ரலாக்கி கட்டுப்படுத்துகிறது. இதனால் செலரியை உணவில் எந்தவகையில் சேர்த்துக் கொண்டாலும் அவை பற்குழியை கட்டுப்படுத்த உதவுகின்றன. பற்குழி இல்லா வாழ்வைப் பெற செலரி சாப்பிடலாம். தினமும் நமது பல் துலக்கும் நேரங்களை சந்தோசமாக்கிக்  கொள்ளலாம் .
 
2. க்ரீன் டீ...
 


நாம் வீடுகளிலும் டீக்கடைகளிலும் வழக்கமாக சாப்பிடும் ரெட் டீயைக் காட்டிலும் க்ரீன் டீ பல வகைகளில் உடல் நலனுக்கு ஆரோக்கியமானது. பற்களின் நலனைப் பொறுத்தவரை க்ரீன் டீ ஒரு வரப்பிரசாதம். க்ரீன் டீயில் இருக்கும் "கேட்டசின்கள்" எனப்படும் மூலக்கூறுகள் பல்வேறு வகையான உணவுப் பொருட்களை உண்பதனால் வாயில் உருவாகும் பாக்டீரியாக்களை அழிப்பதுடன் வாய் துர்நாற்றத்தை ஏற்படுத்தக் கூடிய பாக்டீரியாக்களையும் முற்றிலுமாக ஒழித்துக் கட்டுகிறது என்பதால் ரெட் டீக்குப் பதிலாக எல்லோரும் தினம் ஒரு முறை க்ரீன் டீ சாப்பிட்டுப் பழகலாம்.
 
3. கிவி பழங்கள்...
 


கிவி பழம் ஆரஞ்சு, லெமன் போல விட்டமின் 'சி' சத்துக்கள் நிரம்பிய பழ வகையைச் சேர்ந்தது, நாளொன்றுக்கு நமது உடலின் ஆரோக்கியப் பயன்பாட்டுக்குத் தேவைப்படும் விட்டமின் 'சி' யைக் காட்டிலும் 100  மடங்கு அதிகமான விட்டமின் 'சி' இந்தக் கிவி  பழத்தில் அபிரிமிதமாக தேங்கியுள்ளது.

பல் ஈறுகளில் ரத்தக் கசிவு ஏற்பட முக்கியக் காரணமாக இருப்பது இந்த விட்டமின் சி குறைபாடு தான். அத்தகைய விட்டமின் 'சி' சத்துக்கள் இந்தப் பழத்தில் நிறைந்திருப்பதால் கிவி பழங்களை வாரத்திற்கு மூன்று நாட்கள் பிற பழங்களோடு சேர்த்து உண்ண ஆரம்பிக்கலாம், ஏனெனில் பல் ஈறுகளின் பொலிவையும் பலத்தையும் தகர்க்கக் கூடிய பெரியோடென்டல்(periodontal ) நோய்களில் இருந்து பற்களைக் காக்கின்றன இந்த கிவி பழங்கள் .
 
விட்டமின் 'சி' சத்துக்கள் நிரம்பிய பிற கனி வகைகள் - ஆம்லா(நெல்லிக்கனி) கோவா(கொய்யாப் பழம்)
 
4. சீஸ்...
 


குழந்தைகளுக்கு தினசரி உணவில் ப்ரெட் அல்லது சப்பாத்தி மற்றும் நான் வகைகளில் சீஸ் தடவி சாப்பிடத் தரலாம். சீஸ்க்கு வாயின் அமிலகாரத் தன்மையை (PH) சமநிலைப் படுத்தும் தன்மை உண்டு என்பதால் வாய்ப்புண்கள் வராமல் தடுக்கும் என்பதோடு சீஸ் சாப்பிடுவதால் பற்களின் எனாமல் பாதுகாக்கப் படுவதோடு சீஸ்  சுவையானது வாயில் உமிழ் நீர் சுரப்பையும்  அதிகரிக்கும். இதனால் உணவை மென்று விழுங்குவது எளிதாகும்.
 
5. தண்ணீர்...


 
நாளொன்றுக்கு குறைந்த பட்சம் 3 லிட்டர் தண்ணீர் குடிப்பது உடலின் மொத்த இயக்கத்துக்கான நீர்த் தேவையை நிறைவேற்றும் என்பது எல்லோருக்கும் தெரிந்த பொதுவான தகவல்.ம்அப்படி ஒவ்வொரு முறை நீர் அருந்தும் போதும் பல் ஈறுகளின் ஈரப் பதம் பாதுகாக்கப் பட்டு உமிழ்நீர் சுரப்பது  தூண்டப் படுகிறது மேலும் எந்த உணவானாலும் சாப்பிட்டு முடித்த பின் எப்போதும் வாய் கொப்பளிப்பதை வழக்கமாக்கிக் கொள்வதன் மூலம் பல் இடுக்குகளில் சிக்கியுள்ள உணவுத் துணுக்குகள் அகற்றப் பட்டு வாய்துர்நாற்றம் ஏற்படும் நிலை தவிர்க்கப் படுகிறது. எல்லாக் காரணங்களையும் தாண்டி தண்ணீர் குடித்தே உயிர் வாழ்வோரும் உண்டு அதனால் தான் நீரின்றி அமையா உலகு என்று திருவள்ளுவரும் கூறி இருக்கிறார். எனவே எப்படிப் பட்ட  பிஸியான நேரங்களிலும் சரி தினமும் நமது உடலின் சமநிலைக்குத் தேவையான குறைந்த பட்ச தண்ணீரை குடிக்க மறக்கவே கூடாது அதே போல ஒவ்வொரு முறை எதை உண்டாலும் உண்டு முடித்த பின் வாய் கொப்பளிக்க வேண்டும். இதை தவறாது செய்தால் பற்களின் நலன் பாதுகாக்கப் படும்.
 
தண்ணீர் உட்பட மேலே குறிப்பிடப் பட்ட நான்கு வகை எளிய உணவுப் பொருட்களும் மிக எளிதாக நமக்குக் கிடைக்கக் கூடியவையே, பெரியவர் முதல் குழந்தைகள் வரை அனைவரும் உணவில் சேர்த்துக் கொள்ளத்தக்க வகையிலான மிக எளிமையான உணவுப் பொருட்களும் கூட. இவற்றை உண்பதால் உடல் எடை கூடி விடும் என்று அஞ்சத் தேவையின்றி அரிசி சாதம், சப்பாத்தி, ரொட்டி  போன்றவற்றோடு சேர்த்து கடைசியில் உண்ணத் தக்க இரண்டாம் நிலை உணவுப் பொருட்கள் தான். ஆகவே பற்களைத் தூய்மையாக்கி பற்குழியைக் இல்லாமலாக்கி வாய் துர்நாற்றத்தை கட்டுப் படுத்தும் செலரி, க்ரீன் டீ மற்றும் கிவி பழம், சீஸ் போன்றவற்றுக்கு இன்று முதல் ரசிகர்களாகி பளீர் புன்னகையால் நாம் நடமாடும் இடங்களை எல்லாம் ஒளிமயமாக்குவோம்.

]]>
healthy teeths, ஆரோக்யமான பற்கள், பற்களின் ஆரோக்ய உணவுகள், 5 easy foods for healthy teeths http://images.dinamani.com/uploads/user/imagelibrary/2018/3/27/w600X390/tooth_health.jpg http://www.dinamani.com/health/health-news/2018/mar/27/five-simple-food-items-to-eat-to-protect-the-bluish-smile-of-teeth--2888471.html
2889094 மருத்துவம் செய்திகள் கெஞ்சும் பாதங்களின் வலி நீக்கிக் கொஞ்சும் பீட்ஸ் தெரபி! கார்த்திகா வாசுதேவன் Wednesday, March 28, 2018 12:48 PM +0530  

அலுவலகத்தில் இருந்து அலுத்துக் கலைத்து போய் எப்போதடா வீட்டுக்குப் போய்ச் சேரலாம் என்று ஆவலோடு பேருந்து நிறுத்தம் வருகிறீர்கள், நிறுத்தத்தில் பேருந்துக்காக காத்திருக்கும் மழைக்கால ஈசல் போன்ற பெருங்கூட்டத்தை பார்த்ததும் வீட்டுக்குப் போகும் ஆவலையும் மீறிக் கொண்டு கால் மூட்டுகளும், பாதங்களும் ஐயோ! இத்தனை கூட்டமா உட்கார கொஞ்சம் இடம் கிடைத்தால் தேவலாம் என்று கெஞ்ச ஆரம்பித்து விடுகின்றன.

எப்போதாவாது உடனே சீட் கிடைத்து உட்காரப் போனாலும் கூட  பக்கத்திலேயே தள்ளாத வயதில் ஒரு பாட்டி நின்று கொண்டிருப்பதைப் பார்த்தால் இரக்க சுபாவிகள் நாம் மனிதாபிமானத்தைப் பற்றியெல்லாம் யோசித்து ஐயோ பாவம்! என்று அவர்களை உட்கார வைத்து விட்டு நின்று கொண்டே வீடு வந்து சேர வேண்டியதாகி விடுகிறது. எப்படியோ பாதங்களின் கெஞ்சல் ஓய்வதே இல்லை .
 
ஒரு வழியாக வீடு வந்து சேர்ந்த பின்னும் கூட பெரும்பாலும் என்ன செய்கிறோம் ?
 
அப்படியே கொஞ்ச நேரம் காலாற உட்காருவோம். பிறகு இருக்கவே இருக்கிறது டின்னர் தயாரித்தல், சாப்பிடுதல், பத்துப்பாத்திரம் தேய்த்துக் கழுவுதல், படுக்கைக்கு ஆயத்தமாகுதல் என்று அப்புறமும் நித்ய கடமைகள் காத்திருக்கின்றன. இதில் எங்கிருந்து பாதங்களின் கெஞ்சல் காதில் விழப் போகிறது. ஆனால் மனதிற்குத் தெரியும், அது அதன் பாட்டில் கால் வலிக்கிறது, கால் வலிக்கிறது கொஞ்சம் ஆயின்ட்மென்ட் தடவேன், கொஞ்சம் வெந்நீரில் காலை முக்கியெடுத்து மசாஜ் செய்து கொள்ளேன், என்று முணுமுணுத்துக் கொண்டே இருக்கும், நாம் அதை காதில் போட்டுக் கொள்ளாமல் நமது வேலைகளைத் தொடர்ந்து கொண்டிருப்போம். 

இதனால் என்னவாகிறது?!  

இந்நிலை நீடித்தால் ஒருநாள் ஆர்த்தரைட்டிஸில் கொண்டு போய் தள்ளும். 

இது தேவையா? அவ்வப்போது செய்ய வேண்டிய சின்ன சின்ன பயிற்சிகளை செய்தாலே போதும் கால் பாதங்கள் பெருமளவில் வலியிலிருந்து தப்பலாம்.
 
மூட்டு வலி மற்றும் பாதங்களின் சோர்வைப் போக்க வெறுமே காலாற நீட்டி நிமிர்ந்து படுத்து ஓய்வெடுத்தால் மட்டுமே போதாது. அதற்கென்று தனியான பிரத்யேக கவனிப்புகள் தேவைப்படுகின்றன. ஸ்பா போன்ற காஸ்ட்லியான மசாஜ் சென்ட்டர்களுக்குச் செல்லும் அவசியம் இன்றி எளிதாக அலுவலகம் போய் விட்டு வந்து வீட்டிலேயே நாம் செய்து கொள்ளக் கொள்ளக் கூடிய வகையில் மிக எளிமையான நிவாரணமுறைகள் மூன்றை இந்த இதழில் பார்ப்போம்.
 
1 .பாதங்களுக்கு டிசென்டிங் (decending ) முறையில்  மிதமான அழுத்தத்தில் மசாஜ்...


 
இரண்டு பாதங்களையும் தொடர்ந்து வளைத்து  நிமிர்த்தி வளைத்து நிமிர்த்தி இயங்க விடுங்கள், பிறகு மருத்துவர்கள் பரிந்துரைத்த தரமான பாத மசாஜ் கிரீம்களில் ஏதாவதொன்றை உபயோகித்து ஒவ்வொரு பாதமாக... பாத விளிம்புகளில் தொடங்கி பாதங்களின் கணுக்கால் வளைவுகள் வரை இதமாக கீழிருந்து மேலாக அழுத்தி அழுத்தி மசாஜ் செய்ய ஆரம்பியுங்கள், இந்த மசாஜ் பத்து நிமிடங்களுக்கு அழுத்தத்தை கூட்டி குறைத்து தொடரட்டும், பத்து நிமிடங்களின் முடிவில் மெதுவாக இதமாக எல்லா விரல்களையும் இழுத்து சொடக்கெடுத்து மசாஜின் இறுதிக் கட்டம் சுண்டு விரலில் வந்து முடியட்டும். இந்த மசாஜ் சோர்வான பாதங்களின் வலியைப் போக்கி நமது சுறு சுறுப்பை மீட்டெடுத்து  குழந்தைகளின் மாலைப்பொழுது விளையாட்டு நேரங்கள் வீணாகாமல் நம்மை அவர்களோடு உற்சாகமாகப் பங்கேற்க வழி செய்யும் .
 
ப்ரூ காப்பி விளம்பரம் ஒன்று பார்த்திருப்பீர்கள். அலுவலகத்தில் இருந்து வீடு திரும்பும் வழியில் கார் ரிப்பேர் ஆகி விட, நடந்தே  வீடு வந்து சேர்ந்தேன் என்று சொல்லி விட்டு மனைவி சோபாவில் அலுத்துப் போய் கால்களை மோடாவில் நீட்டிக் கொண்டு உட்கார்ந்து கண்களை மூடிக் கொள்வாள். அப்போது ப்ரூ அருந்திக் கொண்டிருக்கும் கணவன் அந்த காப்பியின் இதமான சுவையில் தன் மனைவியின் மீது காதல் பொங்கி வழிய அவளது பாதங்களை ஆதரவாக பிடித்து விடத் தொடங்குவான். பாதங்களை உள்ளார்ந்த அன்போடு இதமாகப் பிடித்து விடுவதும் மசாஜ் தானே! அதிலும் பாதங்களை பிடித்து விடுவது கணவன் என்கையில் மனைவிகளுக்கு வலி பஞ்சாய் பறந்து போகாதோ!

இப்படியான பொன்னான தருணங்களை மீட்டெடுக்க எந்தத் தம்பதிகளுக்கு தான் ஆசை இருக்காது?! ஆகவே கணவர்களே உங்களுக்கான அருமையான வாய்ப்பாக இந்த பாத மசாஜ் நேரங்களைப் பயன்படுத்திக் கொள்ளுங்கள் .
 
2. பீட்ஸ் தெரபி...


 
தனக்குத் தானே பாதங்களை மசாஜ் செய்து கொள்ளும் பொறுமை இல்லாதவர்கள் இரண்டாவது வகை நிவாரணமான இந்த பீட்ஸ் தெரபியை பயன்படுத்தி  தங்களது ஐயோ! வலி... வலி என்று கதறும் பாதங்களின் கெஞ்சல்களில் இருந்து விடுபடலாம். இதை ‘கோலிக்குண்டு தெரபி’ என்றும் கூட சொல்லிக் கொள்ளலாம். கை நிறைய கோலிக் குண்டுகளை அள்ளி உங்கள் ஷூக்களில் நிரப்புங்கள். கோலிக்குண்டுகள் நிரப்பிய ஷூக்களை போட்டுக் கொண்டு உங்கள் அறையில் சிறிது நேரம் நடக்க ஆரம்பியுங்கள். கோலிக்குண்டுகளின் சத்தம் முதலில் கொஞ்சம் நாராசமாய் இருந்தாலும் கூட சிறிது சிறிதாக நடக்க நடக்க பாதங்களில் குண்டுகள் அழுத்த அழுத்த வலி போயே போச்!, போயிந்தே, இட்ஸ் கான் என்று பறந்து போகும் போது மிக இதமாக உணர்வீர்கள். தம்பதிகள் என்றால் ஒருவர் மாற்றி ஒருவர் காப்பி விளம்பரத்தில் காண்பிப்பதைப் போல பாதங்களை மசாஜ் செய்து கொள்ளலாம் பேச்சிலர்கள் என்ன செய்வார்களாம். அவர்களுக்கு இது தொல்லையில்லாத எளிய முறையினாலான நிவாரணம் தான் சரியானதாக இருக்கும் இல்லையா?!
 
3 .ஹாட் அண்ட் கோல்ட் வாட்டர் தெரபி...


 


மேலே சொன்ன  இரண்டு நிவாரண முறைகளையும் பின்பற்ற நேரமில்லாதவர்கள் அல்லது சந்தர்ப்பம் வாய்க்காதவர்கள் இந்த மூன்றாவது முறையைப் பயன்படுத்தி வலி நீங்கப் பெறலாம். இது ரொம்ப சிம்பிள் மெத்தட் இரண்டு வாளிகளில் ஒன்றில் குளிர் நீர் ஒன்றில் இளஞ் சூடான நீர் என்று பாதங்கள் மூழ்கும் அளவில் நீரால் நிரப்புங்கள். இரண்டு வாளிகளிலும் பாதங்களை மாற்றி மாற்றி குறிப்பிட்ட இடைவெளியில் பாதங்களை அமிழ்த்தி வைத்துப் பிறகு எடுங்கள். இந்த முறையை பத்து நிமிடங்களுக்கு தொடர்ந்தார் போல செய்யுங்கள். இந்த நிவாரண முறையும் மிக எளிமையானது என்பதோடு வலியில் இருந்து விடுதலையும் அளிக்கக் கூடியது. இளஞ் சூடான நீரில் பாதங்களின் வலியைப் போக்க சிலர் உப்பை கூட கலப்பார்கள்.

இந்த மூன்று நிவாரண முறைகளும் கெஞ்சும் பாதங்களை எளிமையாகக் கொஞ்சிக் கெஞ்சி  சமாதானப்படுத்தும் முழுமையான நிவாரண முறைகளாகும். இந்த முறைகளைப் பின்பற்றுவதால் எதிர்மறை பக்க விளைவுகள் எதுவும் வருவதில்லை. பாதுகாப்பான பயனுள்ள முறைகள் என்பதால் தொடர்ந்தும் பின்பற்றலாம். இதன் மூலம் பல நாட்கள் சோர்வினாலும் அலுப்பினாலும் விட்டுப் போய் கிடப்பில் போட்டிருந்த குழந்தைகளுடனான மாலை விளையாட்டு நேரங்களை மீட்டெடுப்பதோடு, பெட் அனிமல் வளர்ப்பவர்கள் எனில் உங்கள் வளர்ப்புப் பிராணிகளுக்கு ஒரு அருமையான மாலை நேர வாக்கிங்கைப் பரிசாக்கி அவற்றையும் சந்தோசப் படுத்தி நாமும் வலி நீங்கி நமது மாலை நேரங்களை உற்சாகமாகக் கழிக்கலாம். சரிதானே!

]]>
foot masage techniques, beads masage for foot, hot cold water masage for foot, பாதங்களின் வலி, கால்வலி, கால்வலிக்கான பீட்ஸ் தெரபி http://images.dinamani.com/uploads/user/imagelibrary/2018/3/28/w600X390/Foot-Massage.jpg http://www.dinamani.com/health/health-news/2018/mar/28/beads-therapy-for-foot-to-reduce-pain-2889094.html
2884905 மருத்துவம் செய்திகள் வழக்கத்தைவிட அதீத சோர்வாக உள்ளதா? லிவர் பிரச்னைக்கான அறிகுறிகள் இவை! மாலதி சந்திரசேகரன் Wednesday, March 21, 2018 04:19 PM +0530  

மனிதனின் உள் உறுப்புக்களில், பெரிய உறுப்பாக அமைந்திருப்பது, கல்லீரல்தான் (லிவர்). மிகப் பெரிய நீர்மம் சுரக்கும் சுரப்பியாக செயல்படும், இந்த உறுப்பின் பங்களிப்பு அளவிடமுடியாதது. அப்படி என்ன தான் அதீதமான வேலைகளைச் செய்கிறது இந்தக் கல்லீரல் என நினைக்கத் தோன்றுகிறதல்லவா? 

நாம் உண்ணும் உணவு செரிமானம் ஆவதற்கு பித்த நீர் சுரக்க வேண்டும். அந்த பித்த நீரை தயாரிப்பது கல்லீரல்தான். ரத்தத்தில் உள்ள 80 சதவிகித கொழுப்பை, பித்த நீராக மாற்றி, பித்தப்பையில் சேமித்து வைக்கிறது. நாம் உட்கொள்ளும் உணவிலிருந்து சத்துக்களை, நம் உடலுக்கு ஏற்ற முறையில் மாற்றித் தருகிறது. உணவிலிருந்து பெறப்படும் ஊட்டச்சத்துக்கள் அனைத்தும் கல்லீரல் வழியாகத்தான் உடலின் பல பாகங்களையும் சென்றடைகிறது. 

பிளாஸ்மாவை ரத்தமாக மாற்றும் வேலையைச் செய்கிறது. ஆற்றலை சேமித்து வைக்கும் கிளைக்கோஜன் என்னும் வேதிப்பொருளை இந்த உறுப்புதான் சேமித்து வைக்கிறது. வேண்டாத நுண்ணுயிர்களை அழித்து, ரத்தத்தில் உள்ள சிவப்பணுக்களைச் சீர் செய்து, ரத்தத்தை தூய்மைப்படுத்துகிறது. கார்போஹைடிரேட், புரதச்சத்து, கொழுப்புச்சத்து, வைட்டமின்கள், மினரல்களை சேமித்து வைக்கிறது. 

ஒரு மனிதனின் கல்லீரல், சராசரி 1.3 கிலோ கிராம் முதல் 1.6 கிலோ கிராம் எடை இருக்கும். இது அதிக எடை கொண்ட உள்ளுறுப்பு என்றே சொல்லலாம். இந்த உறுப்பு சரியாகத் தன் வேலைகளைச் செய்து  வந்தால், உடலில்  நமக்கும் எந்த உபாதையும் ஏற்படாது. ஆனால் சற்றே தவறிவிட்டால் போதும். தொடர்கதையாக உறுப்புக்களில் பாதகங்கள் ஒவ்வொன்றாகத் தலை தூக்கத் தொடங்கும். 

இத்தனையொரு உன்னதமான உறுப்பினை நாம் எவ்வளவு ஜாக்கிரதையாகப் பராமரிக்க வேண்டும்? கல்லீரல் சரியாகப் பராமரிக்கப்படாமல் இருந்தால், கல்லீரல் நோய்கள் அறிகுறிகள் என்னென்ன? 

1. தோலில் மஞ்சள் நிறம். 
2. மஞ்சள் காமாலை. 
3. பசியின்மை. 
4. வழக்கத்தைவிட அதிகமான சோர்வு. 
5. உடல் எடை  கூடுதல் . 
6. வாயில், நாக்கில் வரட்சித்தன்மை. 
7. அடர்ந்த நிறத்தில் சிறுநீர் வெளியேறுவது. 
8. வயிற்றுப்போக்கு. 
9. மூட்டுகளில் வலி.
10. அடி வயிற்றுப்  பகுதிகளில் ஒரு இம்சை. 
11. ஆண்களுக்கு மார்பக வளர்ச்சி. 
12. ரத்தம் உறைவதில் பிரச்சனை. 
13. காலில் நீர் தேங்குதல். 
14. நிறம் மாறி மலம் கழித்தல். 

இவைகளைப் போன்ற அறிகுறிகள் தோன்றினால், நீங்கள் உடல் நலத்தில், அதுவும் முக்கியமாக கல்லீரலைப் பேணுவதில், அக்கறை காட்டவில்லை என்று தெரிந்து கொள்ளுங்கள்.  நம்மால் என்ன செய்ய முடியும் என்பதுதானே உங்கள் எண்ணம்? கவலை வேண்டாம். நாம் உண்ணும் உணவின் மூலம் அவ்வுறுப்பிற்கு பராமரிப்பைத் தர முடியும்.

கேரட்

இதில் மூன்று வகையான அமினோ அமிலங்கள் (amino acids) இருப்பதால், எதிர் ஆக் சிகரணியாகச் ( anti oxidant) செயல்படுகிறது. அதனால் நச்சுக்கள் சேர்வது தவிர்க்கப்படுவதுடன், வைட்டமின் ஏ சக்தியும் உடலுக்குக் கிடைக்கிறது. 

தக்காளி

இதில் இருக்கும் எதிர் ஆக்சிகரணி, கல்லீரலில் நச்சுப்பொருட்கள் இருந்தால் வெளியேற்றுவதோடு, புற்று நோயை எதிர்த்து போராடுகிறது. 

சிகப்பு திராட்சை

இப்பழத்தில், பதினெட்டு வகையான எதிர் ஆக்சிகரணிகள் இருப்பதால் கல்லீரலில் நச்சுத்தன்மையை  நீக்கும்  தன்மை அதிக அளவில் காணப்படுகிறது. உடலுக்கு   வைட்டமின் சி யும்  நிறைய கிடைக்கிறது.

பசலைக்கீரை

பொதுவாக கீரை வகைகள் உடலுக்கு நல்லது என்றாலும், இந்த வகைக் கீரை நச்சுக்கழிவுகளை வெளியேற்றும் சக்தி கொண்டது. இதில் இரும்புச் சத்தும் நிறைந்திருக்கிறது. 

முட்டைக்கோஸ்

இக்காய்க்கு கல்லீரலை சுத்தப்படுத்தும் தன்மை உண்டு. அதைத்தவிர, அழற்சியை எதிர்க்கும் தன்மையும் இருப்பதால், பல விதமான நோய்களிலிலிருந்தும்  நமக்கு பாதுகாப்பு கொடுக்கிறது. 

ஆப்பிள்

இப்பழம் குடலை சுத்தகரிப்பதால், கல்லீரல், சிரமப்படாமல் தன் வேலையைச் செய்ய முடிகிறது. 

பூண்டு

இதில் சல்ஃபர் நிறைந்திருப்பதால் கல்லீரலை சுத்தப்படுத்தும் வேலையைச் செய்கிறது. இதில் அல்லிசென், செலினியம் ஆகிய மினரல்கள் இருப்பதால், கல்லீரலை நச்சுகள் அணுகாமல் பாதுகாக்கிறது. 

சாப்பிடும் பொழுது வயிறு நிறைய சாப்பிட வேண்டும் என்பதில்லை. உடலுக்குத் தேவையான போஷாக்கான உணவினை தேர்ந்தெடுத்து உண்ண வேண்டும் என்பதுதான் முக்கியம். நம்முடைய ஆரோக்கியம் நம் கையில்தான் உள்ளது என்பதை புரிந்து கொண்டீர்களா? உடல் நலம் பேணுவோம். ஆரோக்கியமான வாழ்வுக்கு அடிகோலுவோம். 

]]>
liver, liver diseases, cure liver, liver care, லிவர், கல்லீரல், லிவர் பிரச்னை http://images.dinamani.com/uploads/user/imagelibrary/2018/3/21/w600X390/tired-women.jpg http://www.dinamani.com/health/health-news/2018/mar/21/liver-problems-and-symptoms-2884905.html
2879251 மருத்துவம் செய்திகள் தூக்கம் ஒரு சுகானுபவம்! நிம்மதியாக ஆழ்ந்து சுகமாக தூங்கினால் என்ன நடக்கும்? சினேகா Monday, March 12, 2018 04:52 PM +0530  

எந்தத் தகவல் உங்களுக்குத் தேவைப்பட்டாலும், அது உங்களிடமே இருந்து யோசித்து நினைவுப் படுத்திக் கொள்ளும்படியாக உங்கள் அறிவாற்றல் திறன்களை வலுப்படுத்த விரும்புகிறீர்களா? அது சாத்தியம்தான். உறக்கச் சுழற்றியின் மூலம் நீங்கள் புதிதாக கற்றுக் கொண்ட எந்த விஷயத்தையும் நினைவில் ஆழமாகப் பதித்துக் கொள்ள முடியும். தேவைப்படும் சமயத்தில் அந்த தகவல் உங்கள் நினைவின் மேற்பரப்புக்கு வந்து உங்களுக்குக் கைக் கொடுக்கும் என்கிறனர் ஆராய்ச்சியாளர்கள். இதை யோக முறைப்படி யோகநித்ரா என்பார்கள்.

மனிதர்களுக்கு சராசரியாக எட்டு மணி நேரத் தூக்கம் தேவை என்கிறார்கள். ஆனால் எவ்வளவு நேரம் தூங்கினோம் என்பது முக்கியமில்லை. எத்தகைய ஆழ்நிலையில் உறங்கினோம் என்பதுதான் முக்கியம். உடலில் உள்ள உள் உறுப்புகள் யாவும் தம்மைத் தாமே புதுப்பித்துக் கொண்டு புத்துணர்ச்சியுடன் விளங்க நல்ல உறக்கம் தேவை. நன்றாக உறங்கும்போது ப்ரோலேக்ட்டின் எனும் ஹார்மோன் சுரப்பி வெளிப்படும். அதுவே மன அழுத்தங்களை குறைக்கவல்ல ஹார்மோன் ஆகும்.

எட்டு மணி நேரம் தூங்க முடியாமல் போனாலும் பரவாயில்லை. அன்றாடம் உங்களுடைய வேலைகளை எப்படி பிரித்து செய்கிறீர்களோ, அது போல தூக்கத்தையும் பிரித்து உறங்க வேண்டும் என்கிறார்கள் ஆராய்ச்சியாளர்கள். கனவுகளில்லா உறக்கம் என்பது சாத்தியமில்லை என்பது எந்தளவுக்கு உண்மையோ, போலவே ஒருவராலும் எட்டு மணி நேரம் தொடர்ந்து தூங்கவும் முடியாது. உறக்கத்தின் இடையே பல சுழற்சிகள் உண்டு என்கின்றனர் ஆராய்ச்சியாளர்கள்.

உறக்கம், விழிப்பு,  மீண்டும் உறக்கம் என்னும் சுழற்சி முறையில்தான் உறக்கம் வரும். மேலும் மாதத்தில் ஒரு வாரம் ஆழ்ந்த உறக்கம் அடுத்த வாரம் மிதமான உறக்கம் மீண்டும் அடுத்த வாரம் ஆழ்ந்த உறக்கம் என்றும் சிலருக்கு ஏற்படும். இத்தகைய உறக்க சுழற்சியில் தாக்கம் ஏற்பட்டால் உடல்நல பிரச்னைகள் வரலாம். எனவே இயற்கையான முறையில் நல்ல உறக்கம் ஒவ்வொருவருக்கும் அத்தியாவசியமானது.

இதற்கு முன்னால் மேற்கொள்ளப்பட்ட ஆராய்ச்சியில் உறக்கச் சுழற்சியின் எண்ணிக்கையைப் பொருத்துதான் ஒருவரது அன்றைய தினத்தின் நினைவுத் திறன் அமைகிறது என்பதும் கண்டறியப்பட்டது. இதற்காக ஆய்வொன்று நடத்தப்பட்டது.

ஒரு பரீட்சைக்கு முன்னால் 90 நிமிடங்கள் சிலரை உறங்கச் சொன்னார்கள். மற்றவர்கள் உறங்காமல் நேரடியாக அந்த பரீட்சையை எதிர்கொண்டனர், நன்றாக உறங்கி விழித்த பின் பரீட்சையை வெகு துல்லியமான தரவுகளுடன் அவர்கள் விடைகள் அமைந்திருந்தன. உறங்காமல் நேரடியாக பரீட்சை எழுதியவர்கள் அவர்களை விட சற்று குறைவான மதிப்பெண்களே பெற்றிருந்தனர். இதிலிருந்து உறக்கச் சுழற்சி முறையினால் மூளைக்குள் சில மின்னணு மாற்றங்கள் ஏற்பட்டு நினைவுத் திறன் மேம்படுகிறது என்ற முடிவுக்கு வந்தனர் ஆய்வாளர்கள்.

உறக்க சுழற்சி முறையினால் ஆழ்ந்த உறக்கம் ஏற்படுவது மட்டுமல்லாமல், உடல் மற்றும் மன நலம் மேம்படுகிறது, நினைவுத் திறன் அதிகரிக்கவும் உதவுகிறது. மேலும், இது உங்கள் மன அழுத்தங்களை குறைத்து அறிவாற்றல் திறனை அதிகரிக்கவும் செய்கிறது. 

]]>
தூக்கம், நினைவுத் திறன், deep sleep, sleep spindles, memory retention, உறக்கச் சுழற்சி http://images.dinamani.com/uploads/user/imagelibrary/2018/3/12/w600X390/sleep.jpg http://www.dinamani.com/health/health-news/2018/mar/12/sleep-spindles-may-help-in-improving-memory-retention-2879251.html
2876220 மருத்துவம் செய்திகள் சர்க்கரை நோயாளிகளின் மாம்பழ ஆசை தீர்க்க வந்த ஊதா நிற மாம்பழங்கள்! RKV Wednesday, March 7, 2018 02:18 PM +0530  

இந்திய மாம்பழங்களை பிளாக் பெர்ரி பழங்களின் மரபியல் காரணியுடன் இணைத்து உருவாக்கப்பட்டவையே ஊதா நிற மாம்பழங்கள். இயல்பில் மஞ்சள் நிறத்திலிருக்கும் மாம்பழங்களுக்கு ஊதா நிறம் கிடைத்ததின் பின்னணி இது தான். பார்ப்பதற்கு கண்ணைக் கவரும் ஊதா நிறத்தில் விளையும் இந்த மாம்பழங்கள் சர்க்கரை நோயாளிகளுக்கென பிரத்யேகமாக உருவாக்கப்பட்டுள்ளவை என்று கூறப்படுகிறது. வழக்கமான மஞ்சள் நிற மாம்பழங்களில் இருக்கும் இனிப்புச் சுவையின் சதவிகிதத்தில் வெறும் 25 % மட்டுமே இந்த ஊதா நிற மாம்பழங்களில் இருக்குமாம். தற்போது இந்தியாவின் உத்தரகாண்ட் மாநிலத்தின் நைனிடால் பகுதியில் அமோகமாக விளைவிக்கப்பட்டு வரும் இந்த வகை மாம்பழங்கள் கூடிய விரைவில் ஆசியாவின் பிற பகுதிகளிலும் விளைவிக்கப்படவிருப்பதாகத் தகவல்.

சாதாரண வகை மாம்பழங்களில் 96 சதவிகிதம் குளுகோஸ் இடம் பெற்றிருக்கும். ஆனால், சர்க்கை நோயாளிகளுக்கென விளைவிக்கப்படக் கூடிய இவ்விதமான சிறப்பு வகை மாம்பழங்களில் 82 சதவிகிதம் சுக்ரோசும், 18 சதவிகிதம் குளுகோஸும் இருக்கும். இந்த மாம்பழங்களுக்கு யூரியா, உரம் என எதுவும் தேவையில்லை.இயற்கையாகவே இந்த வகை மாம்பழங்கள் நோய் எதிர்ப்பு சக்தி மிகுந்த  பாக்டீரியாக்களைத் தன்னகத்தே  கொண்டுள்ளதால் இது இயற்கையாகவே ஊட்டமாக வளரும். இவ்வகை மாம்பழங்கள் தற்போது மாம்பழம் சார்ந்து உருவாகக் கூடிய பழரசத் தயாரிப்பு மற்றும் ஜாம் தயாரிப்பு உள்ளிட்ட பிற உணவுப் பொருள் சந்தையிலும் முக்கியத்துவம் பெற்றுள்ளது. 

இந்திய சீதோஷ்ண நிலையில் மிக அருமையான மகசூலைத் தரும் வகையில் வளரக்கூடிய இவ்வகை மாம்பழங்கள் இந்தியாவிலிருக்கும் அனைத்து விதமான மண் வகைகளிலும் வளர்வதற்கு ஏற்றது. இதில் சர்க்கரையின் அளவு குறைவு என்றாலும் நம் நாட்டு மாம்பழங்களோடு சுவையில் போட்டியிடக்கூடியதாக இன்னும் இது வளரவில்லை. சுவை மற்றும் சத்துக்கள் விஷயத்தில் இயற்கையான முறையில் விளைவிக்கப்படும் நாட்டு மாம்பழங்கள் தான் என்றுமே சிறந்தவை. ஆனால், சர்க்கரை நோயாளிகளைப் பொருத்தவரை அவ்வகை மாம்பழங்களில் இயற்கையாகவே இருக்கும் அதீத சர்க்கரை ஆபத்தானது என்பதால் இவ்வகை ஊதா நிற மாம்பழங்களுக்கு உலகச் சந்தையில் மிகுந்த முக்கியத்துவம் கிட்டியுள்ளது என்பதை மறுக்க முடியாது.

உத்தரப் பிரதேச மாநிலம், மலிகாபாத்தில் இருக்கும் தோட்டக்கலைத்துறை ஆராய்ச்சி நிறுவன மாணவர்களும், பேராசிரியர்களும் இணைந்து 2007 ஆம் ஆண்டு முதல் 2010 ஆம் ஆண்டு வரையிலான தொடர் ஆய்வுகளின் பயனாக கண்டுபிடித்தது தான் இந்த ஊதா நிற மாம்பழ வகைகள். அவர்களது ஆராய்ச்சியின் ஒரே நோக்கம் உலகம் முழுதும் உள்ள சர்க்கரை நோயாளிகளின் மாம்பழ தாகத்தைத் தீர்ப்பதே! ஆகவே அவர்களும் பயமின்று ரசித்து உண்ணும் வகையில் இப்படியோர் மாம்பழத்தை புளூ பெர்ரி பழத்துடன் இணைத்துக் கண்டறிந்தனர். இனி உலகம் முழுவதிலும் உள்ள சர்க்கரை நோயாளிகளின் மாம்பழ ஆசையைத் தீர்க்க உலகளவில் அதிகமாக ஏற்றுமதி செய்யப்படக்கூடிய பழமும் இதுவாகவே இருக்கக் கூடும்.

]]>
sugarfree purple mangoes, ஊதா நிற மாம்பழங்கள், சர்க்கரை நோயாளிகளுக்கான ஸ்ப்ஷல் ஊதா நிற மாம்பழங்கள், purple mango http://images.dinamani.com/uploads/user/imagelibrary/2018/3/7/w600X390/purple_mangoes.jpg http://www.dinamani.com/health/health-news/2018/mar/07/சர்க்கரை-நோயாளிகளின்-மாம்பழ-ஆசை-தீர்க்க-வந்த-ஊதா-நிற-மாம்பழங்கள்-2876220.html
2875525 மருத்துவம் செய்திகள் யாருக்கு வேண்டுமானாலும் வரலாம் தொண்டை புற்றுநோய்! இதையெல்லாம் தவிர்த்தால் நம்மை அண்டாது! சினேகா Tuesday, March 6, 2018 01:10 PM +0530  

புற்றுநோய் அனைவரையும் அச்சுறுத்தி வரும் நோயாக விஸ்வரூபம் எடுத்துள்ளது. ஒவ்வொரு வருடமும் முந்தைய ஆண்டுகளைவிட 20 சதவிகிதம் புற்றுநோயாளிகளின் எண்ணிக்கை அதிகரித்து வருகிறது, 2020-ம் ஆண்டுக்குள் இது மேலும் அதிகரிக்கும் என்கிறது உலக சுகாதார நிறுவனம்.

மனித உடல் பலவகையான உயிரணுக்களால் ஆனது. உடல் வளரவும், நோய் தாக்காமல் ஆரோக்கியமாக இருக்கவும் உதவுகிறது இந்த உயிரணுக்கள்தான். இவை உடலில் வளர்ந்து பெருகி, மேலும் பல உயிரணுக்களை உருவாக்குகின்றன. இந்தப் பணியில் ஏதாவது கோளாறு ஏற்பட்டால், புதிய உயிரணுக்கள் அதிகமாக உருவாகி விடும். பழைய உயிரணுக்கள் அவற்றின் கால அளவை மீறி உயிர் வாழும். இந்த அதிகப்படியான உயிரணுக்கள் உடலில்  ஏதாவது ஒரு பாகத்தில் கட்டிகளாக முளைக்கின்றன. கேன்சர் ஏற்பட காரணங்களுள் முக்கியமான ஒன்றுதான் இத்தகைய கட்டிகள்.

ஆனால் எல்லா கட்டிகளுமே புற்றுநோயை உருவாக்கிவிடக் காரணமாகும் கட்டிகள் அல்ல. புற்றுநோய் அல்லாத சில கட்டிகளால் உயிருக்கு ஆபத்து இல்லை. இத்தகைய தேவையற்ற கட்டிகளை ஆபரேஷன் செய்து அகற்றிவிட்டால் அவை மீண்டும் தோன்றாது. உடலின் மற்ற பாகங்களுக்குப் பரவாது. ஆனால் சிகிச்சை எதுவும் செய்யாமல் அது என்ன கட்டி என்றே அறியாமல் அப்படியே விட்டுவிடக் கூடாது. உடலிலுள்ள அக்கட்டிகளால் புற்றுநோய் உயிரணுக்கள் கட்டுப்பாடின்றி வளர்ந்துவிடும். அவை உடலுள்ள ஏனைய திசுக்களை தாக்கி அழிக்கத் தொடங்கிவிடும். அவை ரத்தம் மற்றும் சீழாக உடலின் மற்ற பகுதிகளுக்கும் பரவும். உடல் உறுப்புகள் பாதிக்கப்பட்டு, புற்றுநோயின் கடைசி கட்டமாக, நோயால் பாதிக்கப்பட்டவருக்கு மரணம் ஏற்படும்.

என்ன காரணம்?

புற்றுநோய் ஒருவரைத் தாக்க, ஒருசில குறிப்பிட்ட காரணங்கள் மட்டும் சொல்ல முடியாது. அடிப்படைக் காரணமான உயிரணுக்களின் வளர்ச்சி மற்றும் இறப்பைக் கட்டுப்படுத்தும் மரபணு மாற்றம் தவிர்த்து கீழ்க்கண்ட சில காரணங்கள் உள்ளிட்ட பலவிதமான உடல் கூறு பிரச்னைகளால் புற்றுநோய்த் தோன்றுகிறது என்கின்ற ஆய்வு முடிவுகள்.

  • நாம் உண்ணும் உணவில் வைட்டமின் குறைவுகள் ஏற்படுவது.
  • நல்ல சத்தான உணவுகளை சாப்பிடாமல் இருப்பதுடன் உப்பு மற்றும் மசாலா உணவு அதிகப்படியாக உட்கொள்வது. நவீன உணவு வகைகளான பீட்சா, பரோட்டா, பர்கர் போன்ற மைதாவை அடிப்படையாக வைத்து தயாரிக்கப்பட்ட உணவுகளை அடிக்கடி அல்லது எப்போதும் சாப்பிடுவது. 
  • அதிக மன அழுத்தம், உடல் பருமன் உள்ளிட்ட வாழ்க்கை முறை பிரச்னைகள்.
  • நச்சுத்தன்மையுடைய பணி இடம், குறிப்பாக கல்நார் உற்பத்தி, கந்தக அமிலம் போன்றவை, சூரியனின் கதிர்வீச்சு, ரசாயனப் பாதிப்புகள் மற்றும் மாசு உள்ளிட்ட சுற்றுப்புறச் சூழ்நிலை.
  • உடலில் நோய் எதிர்ப்பு சக்தி இல்லாமல் மிகவும் பலவீனமாக இருப்பது. Fanconi anemia எனப்படும் பிரச்னை ஏற்படுதல்.

  • புகையிலை பயன்படுத்துதல், புகைத்தல், மது அருந்துதல், போதை பழக்கத்துக்கு உட்படுதல், பென்சீன், சோடா, எண்ணெய் பொருட்கள், பினொலிக் ரெசின்கள்.
  • மரபணு மாற்றங்களினால் பெற்றோர்களிடம் இருந்து பரம்பரையாகவும் வரலாம். நெருங்கிய உறவினர்களுக்குப் புற்றுநோய் இருந்தாலும் அந்நோய் ஏற்படும் வாய்ப்பு உள்ளது
  • நாள்பட்ட அழற்சி நோய்கள், ஈ.பி.வி (EBV), எச்.பி.வி (HPV infection - a sexually transmitted virus) போன்ற சில வைரஸ்களும், புற்றுநோய் ஏற்படும் வாய்ப்பை அதிகரிக்கின்றன.  

புற்றுநோயின் ஆரம்ப அறிகுறிகள்: 

புற்றுநோயில் ஆரம்ப கட்டத்தில் வலி ஏற்படுவதில்லை. அது உடலில் பரவிய பிறகுதான் வலி ஏற்படும். உடலில் உள்ள மச்சங்கள் அல்லது மருக்கள் பெரிதாகத் தொடங்கும். மேலும் உடலில் புற்றுநோய் ஏற்படும் பாகத்தைப் பொறுத்து அறிகுறிகள் மாறுபடும். கீழ்க்கண்ட அறிகுறிகள் புற்றுநோய் தவிர மற்ற நோய்களிலும் ஏற்படலாம். புகை மற்றும் புகையிலைப் பழக்கம் உள்ளவர்கள் மாதத்துக்கு ஒருமுறையாவது தாங்களே கண்ணாடியின் உதவியுடன் வாயைப் பரிசோதித்துக்கொள்வது நல்லது. ஆறாத புண் கட்டி, தடிப்பு ஈறு, நாக்கு மற்றும் வாயின் பிற பகுதிகள் வெள்ளை அல்லது சிவப்பு நிறமாகுதல் போன்ற அறிகுறிகள் இருந்தால், மருத்துவரை அணுகிப் பரிசோதித்துக்கொள்வது நல்லது. 

குரலில் திடீர் மாற்றம், தொடர் இருமல், குரலில் கரகரப்பு, இருமும் போது ரத்தம் வருதல், மூச்சடைப்பு வீசிங் பிரச்னைகள், உணவு அல்லது நீர் விழுங்குவதில் சிரமம், விழுங்கும் போது வலி, தொண்டையில் அடைப்பு போல் தோன்றுதல் நாக்கை அசைப்பதில் சிரமம் ஏற்படுதல். உடலில் கட்டி தோன்றி அது குணமடையாமல் இருத்தல், காரணம் இல்லாமல் உடல் எடை இழத்தல், கண்கள், தொண்டை, கழுத்து, வாய்ப் பகுதிகளில் வீக்கம், காது வலி போன்றவை இதன் அறிகுறிகள். இத்தகைய அறிகுறிகளில் ஒன்று அல்லது அதற்கு மேற்பட்டவை இருந்தால் உடனடியாக மருத்துவரை அணுகி அதற்கான சிகிச்சையை தொடங்க வேண்டும். இல்லையென்றால் 7 செண்டிமீட்டர் வரை வளரக் கூடிய அந்த புற்றுநோய்க் கட்டி தொண்டையில் வளர்ந்து, அங்கேயே உறைந்துவிடுவதுடன்,  உடலின் மற்ற பாகங்களுக்கும் பரவி உயிருக்கு அபாயத்தை விளைவிக்கும்.

சிகிச்சை

எவ்வளவு தூரம் முந்திச் செல்கிறோமோ இந்நோயிலிருந்து முழுவதும் மீண்டுவிடலாம். குறிப்பிட்ட நோயாளி கேன்சரின் எந்த ஸ்டேஜில் மருத்துவரை அணுகியுள்ளார் என்பதைப் பொருத்துதான் உயிருக்கு உத்திரவாதம் கிடைக்கும். கேன்சர் வந்துவிட்டதே என்று பயந்து மரணத்தை ஏற்பதைவிட அதனை எதிர்த்து, இது ஒரு நோய் அதனுடன் போராடுவேன் என்று மன வலிமையை முதலில் ஏற்படுத்திக் கொள்ள வேண்டும். மனமுடைந்து போனால் பாதிப்பிலிருந்து வெளிவர நீண்ட காலம் ஆகலாம். எனவே பிரச்னையை உணர்ந்து அதற்கேற்ற தீர்வை தேட வேண்டும்.

மூன்று விதமான சிகிச்சை முறைகள் உள்ளன. முதலில் அறுவை சிகிச்சைமூலம் கேன்சர் கட்டியை நீக்குவது. அடுத்து கதிரியக்கச் சிகிச்சை (Radiotherapy) இதில் சக்தி வாய்ந்த கதிர்களை செலுத்துவதன் மூலம் புற்றுநோய் உயிரணுக்கள் கொல்லப்படுகின்றன. அதற்கு அடுத்தபடியாக கீமோதெரபி (chemotherapy) மருந்துகள் மூலம் இச்சிகிச்சை அளிக்கப்படுகிறது. நாளமில்லாச் சுரப்பிகள் சிகிச்சை மூலமாகவும் புற்றுநோய் உயிரணுக்கள் வளர்வது தடுக்கப்படுகிறது. இவற்றில் ஒன்று அல்லது எல்லாவற்றையும் கலந்தும் சிகிச்சை அளிக்கப்படலாம். 

மிகவும் ஆரம்பக்கட்ட நிலையில் சிகிச்சையை தொடங்கி விட்டால், நோய் முழுவதும் குணமாகிவிடும். ஆனால் சில பக்க விளைவுகள் ஏற்படும். அதனை சரி செய்ய மருத்துவரின் ஆலோசனையுடன் அவற்றை எதிர்கொள்ள வேண்டும். கேன்சர் சிகிச்சைக்குப் பின் நோயாளிகளுக்கு அதிக சோர்வும் மன அழுத்தமும் ஏற்படும். வலி, நினைவுத் திறன் குறைதல், நரம்பு தொடர்பான பிரச்னைகள், சக்தியின்மை, அடிக்கடி தலைசுற்றல் இன்னும் அந்தந்த நோயாளிக்கேற்ற பிரத்யேகமான பிரச்னைகள் ஏற்படுவதுண்டு. அவற்றை துணிவுடன் எதிர்கொள்ள வேண்டும். கேன்சரிலிருந்தே மீண்டுவிட்டோம், இவை பக்க விளைவுகள் மட்டுமே. எனவே எதிர்மறை எண்ணங்களை விட்டொழித்து, நாம் சரியானால் எதையும் நம்மால் சரி செய்துவிட முடியும், மீண்டெழுந்து புத்தம் புதிய ஒரு உலகத்தை உருவாக்க முடியும் என்று நம்ப வேண்டும். மருத்துவர் பரிந்துரைத்த உணவு முறைகளை கடைபிடிப்பதுடன், தினசரி மூச்சுப் பயிற்சி செய்வது உடல் ஆரோக்கியத்தையும் மன நலனையும் சீராக்கும். எதுவும் நிரந்தரம் அல்ல, என்ற மன உறுதியுடன் போராடினால் வெற்றி நிச்சயம் நமக்குத்தான், கேன்சருக்கு அல்ல. .

]]>
cancer, புற்றுநோய், No Smoking, Throat Cancer, தொண்டை புற்றுநோய், புகைத்தல் http://images.dinamani.com/uploads/user/imagelibrary/2018/3/6/w600X390/smoking_kills.jpg http://www.dinamani.com/health/health-news/2018/mar/06/what-are-the-facts-about-throat-cancer-2875525.html
2875095 மருத்துவம் செய்திகள் 'மஞ்சள் காமாலை என்பது நோயல்ல' Tuesday, March 6, 2018 02:36 AM +0530 மஞ்சள் காமாலை என்பது நோயல்ல; அது கல்லீரல் பாதிப்புக்கான அறிகுறி என்று சென்னை ராஜீவ்காந்தி அரசு பொதுமருத்துவமனையின் கல்லீரல் சிகிச்சைப் பிரிவு தலைவர் டாக்டர் நாராயணசாமி கூறினார்.
மருத்துவர்கள் மற்றும் பொதுமக்கள் இடையேயான கலந்துரையாடல் நிகழ்ச்சி, சென்னை ராஜீவ்காந்தி அரசு பொது மருத்துவமனையில் ஒவ்வொரு திங்கள்கிழமையும் நடைபெற்று வருகிறது. இதில், கல்லீரல் மருத்துவத் துறையின் சார்பில் திங்கள்கிழமை கலந்துரையாடல் நடைபெற்றது.
நிகழ்ச்சியில் கல்லீரல் நோய்கள், அவற்றின் அறிகுறிகள், கல்லீரல் பாதுகாப்பு உள்ளிட்டவை குறித்து பொதுமக்களுக்கு எடுத்துரைக்கப்பட்டது. கல்லீரல் பாதிப்பை விளக்கும் மாதிரிகளும் நிகழ்ச்சியில் இடம்பெற்றிருந்தன. மேலும், பொதுமக்களின் சந்தேகங்களுக்கும் மருத்துவர்கள் விளக்கம் அளித்தனர்.
நிகழ்ச்சியில் டாக்டர் நாராயணசாமி பேசியது: உடலின் மிகப்பெரிய உறுப்பான கல்லீரலானது நாள்தோறும் பல்வேறு பணிகளைச் செய்கிறது. உணவின் மூலம் கிடைக்கும் ஆற்றலை ரத்தக் குழாய்கள் மூலம் அந்தந்த உறுப்புகளுக்கு அனுப்பி அவற்றுக்கு உயிரூட்டுகிறது. மஞ்சள் காமாலை என்பது நோயல்ல; அது கல்லீரல் பாதிப்பைத் தெரிவிக்கும் ஓர் அறிகுறியாகும்.
மேலும் கல்லீரல் பாதிப்புக்கென்று குறிப்பிட்ட அறிகுறிகள் எதுவும் கிடையாது. பசியின்மை, தூக்கமின்மை உள்ளிட்ட சாதாரண அறிகுறிகளே தோன்றும். இதன் முக்கிய அறிகுறி மஞ்சள் காமாலைதான். 
கல்லீரலைப் பாதுகாக்க சரிவிகித உணவுமுறையைக் கடைப்பிடிக்க வேண்டும்; மதுப் பழக்கத்தைக் கைவிட வேண்டியதும் அவசியம்.
கல்லீரலைப் பரிசோதனை செய்யும் சிறப்பு ஸ்கேன் கருவி தென்னிந்தியாவிலேயே முதன்முறையாக 2012 -ஆம் ஆண்டு, ராஜீவ்காந்தி அரசு பொதுமருத்துவமனையில் நிறுவப்பட்டது. அதன் மூலம் இதுவரை 5,000 நோயாளிகளுக்கு பரிசோதனை மேற்கொள்ளப்பட்டுள்ளது. 'ஹெபடைடிஸ் பி' பாதிப்பிலிருந்து தற்காத்துக் கொள்வதற்கான தடுப்பூசி இம்மருத்துவமனையில் ஒவ்வொரு சனிக்கிழமையும் காலை 10 மணி முதல் 12 மணி வரை போடப்படுகிறது. பொதுமக்கள் இதனைப் பயன்படுத்திக் கொள்ள வேண்டும் என்றார் அவர்.
 

]]>
http://www.dinamani.com/health/health-news/2018/mar/06/மஞ்சள்-காமாலை-என்பது-நோயல்ல-2875095.html
2872127 மருத்துவம் செய்திகள் அரிதான நோய்களுக்கான ஒருங்கிணைந்த சிகிச்சை மையம் Thursday, March 1, 2018 02:51 AM +0530 அரிதான மரபணு நோய்களுக்கான ஒருங்கிணைந்த சிகிச்சை மையம் தரமணி வி.ஹெச்.எஸ். மருத்துவமனையில் புதன்கிழமை தொடங்கப்பட்டது. தமிழகத்திலேயே முதன்முறையாக இதுபோன்ற சிகிச்சை மையம் விஹெச்எஸ் மருத்துவமனையில் தொடங்கப்பட்டுள்ளது.
'மெடிஸ்கேன்' நிறுவனத்துடன் இணைந்து இந்த சிகிச்சை மையம் தொடங்கப்பட்டுள்ளது. இந்த மையத்தின் மூலம் குறைந்த கட்டணத்தில் அரிதான மரபணு நோய்களுக்கான சிகிச்சை, அறுவை சிகிச்சை, மறுவாழ்வு சேவைகள் என அனைத்தும் வழங்கப்பட உள்ளது. 
புறநோயாளிகள் சிகிச்சைப் பிரிவு, உள்நோயாளிகள் சிகிச்சைப் பிரிவு என இரண்டின் மூலமாகவும் இந்தக் குறைபாடுகளுக்கு சிகிச்சை எடுத்துக் கொள்ளும் வசதியும் தொடங்கப்பட்டுள்ளது.
மையத்தின் தொடக்க விழாவில், மெடிஸ்கேன் நிறுவனத்தின் மரபணு பரிசோதனைகள் துறையின் தலைவர் டாக்டர் சுஜாதா ஜெகதீஷ், மருத்துவமனையின் செயலாளர் டாக்டர் எஸ்.சுரேஷ், இந்திய டவுண் சின்ட்ரோம் கூட்டமைப்பின் இணை நிறுவனர் ரேகா ராமச்சந்திரன் உள்ளிட்டோர் பங்கேற்றனர்.

]]>
http://www.dinamani.com/health/health-news/2018/mar/01/அரிதான-நோய்களுக்கான-ஒருங்கிணைந்த-சிகிச்சை-மையம்-2872127.html
2867120 மருத்துவம் செய்திகள் உங்கள் எடை அதிகரிப்புக்கு நான்-ஸ்டிக் பாத்திரங்கள் கூட காரணமாகலாம் Tuesday, February 20, 2018 06:00 PM +0530
நமது உடலை கச்சிதமாக வைத்துக் கொள்ள எத்தனையோ பிரயத்தனங்களை செய்தாலும், அது கட்டுக்கடங்காமல் போக எண்ணற்றக் காரணங்கள் உள்ளன.

அதற்கு அன்றாடம் நாம் பயன்படுத்தும் பல உணவு பொருட்களும் காரணமாக இருக்கலாம். அதே சமயம், வீட்டில் சமைக்கப்படும் உணவுகளிலும் நம் கண்ணுக்குத் தெரியாத பல எதிரிகள் இருக்கலாம்.

இதற்கு ஒரு உதாரணம்தான் நான்-ஸ்டிக் பாத்திரங்கள். உடலுக்கு மிகவும் உகந்த ஒரு உணவு பொருளை நான்-ஸ்டிக் பாத்திரத்தில் சமைப்பது அல்லது பிளாஸ்டிக் காகிதம் சுத்தப்பட்ட சத்தான உணவுப் பொருளை வாங்கி சாப்பிடுவது இரண்டுமே நமது உடலுக்கு நன்மை பயக்காது.

இவற்றால், நமது உடல் எடை அதிகரிக்கச் செய்யும் என்பதோடு, உடல் எடை குறைப்புக்காக நாம் எடுக்கும் எந்த முயற்சியையும் இது நிறைவேற விடாது என்பது கூடுதல் தகவல்.

மிகக் கடுமையான உணவுக் கட்டுப்பாட்டில் இருந்தும் உடல் இளைக்காத பெண்களின் ரத்தத்தில் கலந்திருக்கும் அதிகப்படியான perfluoroalkyl substances (PFAS) என்பது, நான்-ஸ்டிக் பாத்திரங்கள், உணவுப் பொருட்களை சுற்றி வரும் பிளாஸ்டிக் காகிதங்கள், பிளாஸ்டிக் பைகளில் அதிகளவில் கலந்திருப்பது கண்டுபிடிக்கப்பட்டுள்ளது. இரு பாலரிடமும் நடத்தப்பட்ட ஆய்வில், இந்த PFAS காரணமாக பெண்களின் உடலில் பல்வேறு மாற்றங்கள் ஏற்படுவதும் கண்டறியப்பட்டுள்ளது.

]]>
http://images.dinamani.com/uploads/user/imagelibrary/2015/12/29/12/w600X390/large-feet-on-a-weight-scale.jpg http://www.dinamani.com/health/health-news/2018/feb/20/உங்கள்-எடை-அதிகரிப்புக்கு-நான்-ஸ்டிக்-பாத்திரங்கள்-கூட-காரணமாகலாம்-2867120.html
2866471 மருத்துவம் செய்திகள் சாக்லேட் முதல் காஃபி வரை இந்த 10 உணவுப் பொருட்களை கண்ட நேரத்தில் சாப்பிட்டால் உங்கள் உயிருக்கே ஆபத்து!! Tuesday, February 20, 2018 10:34 AM +0530  

நீண்ட நாட்கள் எந்த நோய் நொடியும் இல்லாமல் சந்தோஷமா வாழணுமா? அப்போ ஆரோக்கியமான உணவுப் பொருட்களை சாப்பிடுங்கள் அப்படினு பலரும் சொல்லி கேட்டிருப்போம், அது உண்மையும் தான். ஆனால், அதே சமயம் எவ்வளவு ஆரோக்கியமான உணவாக இருந்தாலும் அதைச் சாப்பிடுவதற்கும் ஒரு நேரம் காலம் உள்ளது. நமக்கு உடம்பு சரியில்லாமல் போனால் அதைக் குணப்படுத்த எடுத்துக் கொள்ளும் மருந்து மாத்திரையைச் சாப்பிடுவதற்கு கூட ஒரு குறிப்பிட்ட நேரம் சொல்லப் படுகிறது. அப்படியிருக்கையில் கண்ட நேரத்தில் அதாவது தவறான நேரத்தில் இந்த 10 உணவுப் பொருட்களை சாப்பிடுவது உங்கள் ஆரோக்கியத்தைக் கெடுத்து உங்கள் உயிருக்கே ஆபத்தாகவும் அமையலாம் என்கிறது ஆராய்ச்சி முடிவுகள்.

இந்த 10 உணவு வகைகள் கிடைப்பதற்கே அரிதான பொருட்கள் அல்ல நம் அன்றாட வாழ்வில் சாப்பிடும், தவிர்க்கவே முடியாத இடத்தைப் பிடித்த உணவுகள் தான் அவை. வாருங்கள் அந்த 10 என்னவென்று தெரிந்துகொள்வோம்.

1. வாழைப்பழம்:

எல்லாப் பருவங்களிலும் எல்லா இடத்திலும் மிகவும் எளிமையாக கிடைக்கக் கூடிய ஒரு பழம் வாழை. நமது ஜீரண சக்தியை அதிகரிப்பது முதல் வயிற்று பிரச்னைகளில் இருந்து நம்மைப் பாதுகாப்பது வரை வாழைப்பழத்திற்குப் பல மருத்துவ குணங்கள் உண்டு. அதிக பொட்டாஷியமும், நார் சத்தும் நிறைந்த வாழைப்பழத்தைக் காலை உணவாகவே பலரும் வெறும் வயிற்றில் சாப்பிடுகிறோம், அதன் ஆபத்து தெரியாமல். வாழைப்பழம் அமிலத் தன்மை கொண்டது, இதை வெறும் வயிற்றில் உட்கொண்டால் குடல் பிரச்னைகளை இது உண்டாக்கும். அதே போல் வாழைப்பழத்தில் சர்க்கரை அளவும் அதிகமாக இருப்பதால் சில மணி நேரத்திலேயே உங்கள் உடலின் எனர்ஜி குறைந்து உங்களைப் பலவீனமாக்குவதோடு, சோர்வான உணர்வைத் தரும். பின் நாட்களில் குடல் புண், அல்சர் போன்ற பிரச்னைகள் வராமல் தடுக்க வெறும் வயிற்றில் வாழைப்பழம் சாப்பிடுவதை தவிருங்கள்.

2. தயிர்:

வெயில் காலம் வந்துவிட்டாலே வெப்ப சலனத்தில் இருந்து நமது உடலைப் பாதுகாக்க நாம் நாடும் உணவு வகைகளில் மிகவும் முக்கியமானது தயிர். ஒரு சிலருக்கு தயிர் இல்லாமல் சாப்பாடே இறங்காது. ஆனால், என்னதான் ஆரோக்கியமானதாக இருந்தாலும் தயிரை இரவு நேரத்தில் சாப்பிடுவது உடல் உஷ்ணத்தை அதிகரிக்கும். இரவு உறங்கச் செல்வதற்கு முன்பு தயிர் சாப்பிட்டால் தயிரில் இருக்கும் லாக்டிக் ஆசிட் செரிமான பிரச்னையை உண்டாக்கி, மூச்சுக் குழாயில் அடைப்பு, இரும்பல் ஆகிய சிக்கல்களை ஏற்படுத்தும்.

3. கிரீன் டீ:

உடல் எடை குறைய வேண்டுமா? ‘என்னுடைய அழகான உடல் அமைப்பிற்குக் காரணம் கிரீன் டீ!’ என்று பல சினிமா பிரபலங்கள் சொல்லக் கேட்டு பிடித்தும் பிடிக்காமலும் அந்த கிரீன் டீ குடிப்பவர்கள் பலர். ஆனால் காலையில் எழுந்தவுடன் வெறும் வயிற்றில் கிரீன் டீ குடிப்பது மிகவும் ஆபத்து என ஆராய்ச்சி முடிவுகள் சொல்கின்றன. அதில் இருக்கும் கஃபைன் உடலில் உள்ள நீர் சத்தை குறைத்து தலை சுற்றல், வாந்தி போன்ற பிரச்னைகளை உண்டாக்கும். அது மட்டுமின்றி 3 அல்லது 4 மணி நேரத்திலேயே உடல் சோர்வை ஏற்படுத்தி நம்மைப் பலவீனமாக்கி விடும்.  

4. சாதம்:

நீரிழிவு, ரத்த கொதிப்பு எனப் பல பிரச்னைகளுக்கு மருத்துவர்கள் சொல்லும் முதல் கண்டிஷன் இரவில் சாதம் சாப்பிடாதீர்கள் என்பது தான். ஏன் நாள் முழுக்க நாம் சுறுசுறுப்புடன் செயல்படத் தேவையான கர்போஹைட்ரேட்டை தருவது இந்தச் சாதம் தான், ஆனால் அதே சமயம் இரவு நேரத்தில் சாதம் சாப்பிட்டால் அதில் அதிகமாக இருக்கும் ஸ்டார்ச் செரிமானக் கோளாறுகளை ஏற்படுத்தி, உடல் எடையை அதிகரிக்கும். அதிகமான உடல் எடை பின் நாட்களில் ரத்த அழுத்தம், இதய நோய் என நம் உயிருக்கே ஆபத்தாகக் கூடிய பல நோய்களை வரவழைக்கும்.

5. பால்:

எந்தச் சத்து உடலில் குறைந்தாலும் சரி அது சரி செய்யப் பால் மட்டுமே போதும். கால்சியம், பொட்டாசியம், வைட்டமின், புரதம் மற்றும் கொழுப்பு என அனைத்துச் சத்துக்களும் பாலில் நிறைந்துள்ளது. பாலை இரவு உறங்கப் போவதற்கு முன்பு குடித்தால் நல்ல நிம்மதியான தூக்கம் வருவதோடு பாலில் உள்ள மொத்த சத்துக்களையும் உடல் ஈர்த்துக்கொள்ளும், ஆனால் அதே சமயம் பகல் வேலையில் பால் குடிப்பது மந்தமான உணர்வைக் கொடுக்கும். 

6. ஆப்பிள்:

நாள்தோறும் ஒரு ஆப்பிள் சாப்பிடுவதால் நமக்கு எவ்வளவு நன்மைகள் உண்டு என்பதை நமது பள்ளி காலம் முதலே நாம் படித்து இருப்போம். ஆனால் அத்தனை ஆரோக்கியமான ஆப்பிளைக் கூட இரவு நேரத்தில் சாப்பிடக் கூடாது. ஆப்பிளில் இருக்கும் ஆண்டி-ஆக்ஸிடண்ட்ஸ் வயிற்று எரிச்சலை ஏற்படுத்தித் தூக்கத்தை கெடுக்கும். இரவு வேளையில் உணவு செரிமானம் ஆக மிகவும் நேரம் எடுக்கும் என்பதால் அமிலம் நிறைந்த இந்த ஆப்பிள் நீண்ட நேரம் நம் வயிற்றில் தங்கி வயிற்றுக் கோளாறுகளை ஏற்படுத்தும்.  

7. சாக்லேட்:

சாக்லெட்டில் இருக்கும் ஆர்கானிக் கலவைகள் உடல் ஆரோக்கியத்தை அதிகரித்து, இதய நோய்களில் இருந்து நம்மைப் பாதுகாக்கும். ஆனால் டார்க் சாக்லேட்டில் குறைவாக இருக்கும் சர்க்கரை மற்றும் அதிகமான கோகோ பொருட்கள் இரவில் சாப்பிட்டால் ரத்த அழுத்தத்தைக் குறைத்து தூக்கத்திலேயே உங்கள் சுயநினைவை நீங்கள் இழக்க நேரிடும். ஆகையால் இனிமேல் இரவு உணவிற்குப் பிறகு டெஸர்ட்டாக சாக்லேட் சாப்பிடும் பழக்கம் உங்களுக்கு இருந்தால் அதை முதலில் நிறுத்தி விடுங்கள், அல்லது மிகவும் குறைவாக சாப்பிடுவது மிகப் பெரிய பிரச்னை ஏதும் ஏற்படாமல் நம்மைப் பாதுகாக்கும்.

8. காஃபி:

நம்மில் பலருக்கும் இரவு நேரத்தில் ஏதேனும் வேலை இருந்தால் தூங்காமல் இருக்க 2, 3 அல்லது அதற்கும் அதிகமான கப் காஃபி குடிக்கும் பழக்கம் உள்ளது. ஆனால் இது மிகவும் தவறான ஆரோக்கியத்திற்கு கேடு விளைவிக்கக் கூடிய ஒன்றாகும். காஃபியில் இருக்கும் கஃபைன் செரிமானக் குழாயில் எரிச்சலை ஏற்படுத்தி இரவு முழுவதும் அமைதியற்ற ஒரு நிலையை உண்டாக்கும். காஃபிக்கு பதிலாக இரவில் பால் குடிப்பது ஆரோக்கியத்திற்கும் நன்மை தரக்கூடிய ஒன்றாகும்.

9. ஆரஞ் ஜூஸ்:

ஆரஞ் பழச்சாற்றில் வைட்டமின் ‘சி’ சத்து அதிகமாக இருப்பதால் இதைப் பகல் வேளையில் குடிப்பது உடலின் சக்தியை அதிகரித்து உங்களைச் சுறுசுறுப்புடன் செயல்பட வைக்கும். அதே சமயம் ஆரஞ்சில் இருக்கும் ஃபாலிக் அமிலம் மற்றும் வைட்டமின் ‘டி’ உடலின் மெட்டபாலிஸத்தின் அளவையும் அதிகரிக்கும். ஆனால் இதை இரவில் குடிப்பது வயிற்றில் அமில சுரப்பை அதிகரித்து வயிற்றெரிச்சலை உண்டாக்கும்.

10. சர்க்கரை:

நீங்கள் உங்களது காலை உணவில் எவ்வளவு வேண்டுமானாலும் சர்க்கரை சேர்த்துக் கொள்ளுங்கள் (உங்களுக்குச் சர்க்கரை நோய் இல்லையென்றால்) அது உங்களது ஆற்றலை அதிகரிக்கும் ஆனால் அதே சமயம் இரவு உறங்குவதற்கு முன்பு குடிக்கும் பால் அல்லது உணவிலோ சர்க்கரை சேர்த்துக் கொள்வது தேவையில்லாத கொழுப்பை உங்கள் உடலில் தங்கச் செய்யும். இந்தத் தேவையில்லாத கொழுப்பு இதய நோய் முதல் பல நோய்களை வரவழைக்கும் என்பது நாம் அனைவரும் அறிந்ததே.

இந்த 10 உணவுகள் மட்டும் இல்லை ஒவ்வொரு உணவையும் சாப்பிடுவதற்கு என ஒரு கால நேரம் இருக்கிறது, அதை உணர்ந்து உண்பதே உங்களைத் தேவையில்லாத பிரச்னைகளில் இருந்து பாதுகாக்கும்.

]]>
உணவு, wrong time, to eat, தவறான, நேரம் http://images.dinamani.com/uploads/user/imagelibrary/2018/2/19/w600X390/1426001296990-tile.jpg http://www.dinamani.com/health/health-news/2018/feb/19/when-to-eat-what-2866471.html
2857258 மருத்துவம் செய்திகள் உலகப் புற்றுநோய் தினத்தை முன்னிட்டு நடிகை கெளதமியின் நடைப்பயணம்!  உமா Sunday, February 4, 2018 04:14 PM +0530  

மக்களை பெரிதும் அச்சுறுத்தலுக்குள்ளாக்கும் நோய்களின் பட்டியலில் எய்ட்ஸுக்குப் பிறகு புற்றுநோய்தான் உள்ளது எனக் கூறலாம். காரணம் இது நோயாளிகளுக்கு மரண பயத்தையும் கடுமையான மன அழுத்தத்தையும் ஏற்படுத்திவிடும். இன்றளவும் புற்றுநோய் குறித்த விழிப்புணர்வு போதிய அளவில் மக்கள் மத்தியில் ஏற்படாதது வருத்தமான விஷயம்தாம். 

புற்றுநோயால் பாதிக்கப்பட்டு அதிலிருந்து மீண்டு வந்த பலர் அதன் பின்னரான வாழ்க்கையை மகிழ்ச்சியுடனும் துணிவுடன் எதிர்கொள்கின்றனர். திரையுலகிலும் நடிகை லிசா ரே, மணிஷா கொய்ராலா, கோலிவுட்டில் நடிகை கெளதமி போன்றோர் புற்றுநோயால் பாதிக்கப்பட்டாலும், அதனை எதிர்த்துப் போராடி முழுமையாக குணம் அடைந்துள்ளனர். குறிப்பாக நடிகை கெளதமி புற்றுநோய் குறித்த விழிப்புணர்வை தனது தொண்டு நிறுவனமான லைஃப் அகெய்ன் ஃபவுண்டேஷன் மூலம் செயல்படுத்திவருகிறார்.

அதன் ஒரு பகுதியாக நடிகை கெளதமி இன்று காலை பெசன்ட்நகர் கடற்கரையில் விழிப்புணர்வு நடைப்பயிற்சியை (வால்கதான்) தொடக்கி வைத்தார். இதில் புற்றுநோயால் பாதிக்கப்பட்டவர்கள், அவர்களின் குடும்பத்தினர், புற்றுநோயால் பாதிக்கப்பட்டு சிகிச்சைக்குப் பின் மீண்டவர்கள் உள்ளிட்ட ஆயிரத்திற்கும் மேற்பட்டோர் பங்கேற்றனர். கெளதமியுடன் நடிகை தேவயானியும் இந்நிகழ்ச்சியில் கலந்து கொண்டார். நடிகர் விஜய் இந்நிகழ்விற்கு தனது டிவிட்டரில் வாழ்த்து தெரிவித்துள்ளார்.

இந்நிகழ்ச்சியில் பேசிய கெளதமி, 'புற்றுநோய் குறித்த விழிப்புணர்வு அனைவரிடமும் இருக்க வேண்டும். இந்த நோய் வந்தால் இறந்து விடுவோம் எனப் பயந்து, மனம் தளர்ந்து வீட்டில் முடங்கிப் போய் விடக் கூடாது. ஆரம்ப நிலையிலேயே புற்றுநோயை கண்டறிந்து விட முடியும். பின்னர், தொடர்ந்து சிகிச்சை பெற்றால் நிச்சயம் குணமடையலாம். பதினைந்து வருடங்களுக்கு முன்பு எனக்கு புற்றுநோய் வந்தது. அப்போது அதை எதிர்த்து போராடி சிகிச்சை பெற்று முழுமையாக குணமடைந்து, இதோ உங்கள் முன்னால் நிற்கிறேன். புற்றுநோயிலிருந்து முழுமையாக குணமடைய முடியும் என்பதற்கு நானே சாட்சி. 

இருபது ஆண்டுகளுக்கு முன்பே புற்றுநோய் வந்து குணமடைந்து வரும் ஒருவரும் கெளதமியுடன் இந்நிகழ்ச்சியில் பங்கேற்றார். புற்றுநோயால் பாதிக்கப்பட்டவர்கள் வாழ்க்கையில் மனம் தளர்ந்து விடக்கூடாது. புற்றுநோய்க்கு சிகிச்சை பெற அரசு மருத்துவமனைகளில் வசதி உள்ளது, தன்னார்வத் தொண்டு நிறுவனங்கள் விழிப்புணர்வு முகாம்களை நடத்தி வருகின்றன. புற்றுநோய் ஒரு உயிர்கொல்லி அல்ல, தொடக்கத்தில் கண்டறிந்து போதிய சிகிச்சை மேற்கொண்டால் நிச்சயம் புற்றுநோயை வெற்றிக் கண்டுவிடலாம் என்பதை உரக்கச் சொல்லும் விதமாக இந்த நடைப்பயிற்சி விளங்கியது.

]]>
cancer, கெளதமி, புற்றுநோய், Gautami, விழிப்புணர்வு, LifeAgainFoundation http://images.dinamani.com/uploads/user/imagelibrary/2018/2/4/w600X390/Gauthami.jpg http://www.dinamani.com/health/health-news/2018/feb/04/உலகப்-புற்றுநோய்-தினத்தை-முன்னிட்டு-நடிகை-கெளதமியின்-நடைபயணம்-2857258.html
2789113 மருத்துவம் செய்திகள் இரவில் ஏன் நிர்வாணமாகத் தூங்க வேண்டும் என்பதற்கான 4 முக்கிய காரணங்கள்! Saturday, February 3, 2018 04:32 PM +0530  

இந்த உலகில் வெறும் 8% பேர் மட்டுமே இரவில் ஆடைகளின்றி நிர்வாணமாக உறங்குகிறார்கள், ஆனால் இப்படி ஆடைகளின்றி உறங்குவதில் பல நன்மைகள் உள்ளதாகத் தெரிவிக்கிறது சமீபத்திய ஆய்வு முடிவு. இரவில் நிம்மதியாக உறங்குவதால் நல்ல உடல் ஆரோக்கியம், சிறந்த தாம்பத்திய உறவு, காயங்களில் இருந்து விரைவான விடுதலை,  தெளிவான நினைவாற்றல் போன்ற பல நன்மைகள் கிடைக்கும். 

அந்த நிம்மதியான தூக்கத்தை பெற வேண்டும் என்றால் நீங்கள் நிர்வாணமாகத் தூங்குவதே சிறந்த வழி என்கிறார்கள் விஞ்ஞானிகள். நீங்கள் ஏன் நிர்வாணமாகத் தூங்க வேண்டும் என்பதற்கான அந்த 4 காரணங்கள் என்னவென்று பார்ப்போமா?

1. நல்ல தூக்கம் கிடைக்கும்:

இரவில் நன்றாகத் தூங்குவது நம்முடைய மூளையின் செயற்பாட்டு திறனை அதிகரிக்கும். உறக்கம் என்பது நமது மூளை நரம்பணுக்களில் இருக்கும் நச்சுக்களை நீக்குகின்ற ஒரு செயல், இந்த நச்சுக்கள் நமது மூளையில் தங்கினால் அது நம்முடைய சிந்திக்கும் திறனையே பாதிக்கக் கூடும். இந்த பாதிப்பில் இருந்து நீங்கள் தப்பிக்க இரவில் ஆடைகளின்றி தூங்குவது ஒரு சிறந்த தீர்வு என்கிறது இந்த ஆராய்ச்சி முடிவு. ஏனெனில் அறிவியலின் அடிப்படையில் இவ்வாறு நிர்வாணமாக உறங்குவது என்பது உங்கள் உடலின் வெப்ப அளவைக் குறைத்து நல்ல நிம்மதியான தூக்கத்தை தரக் கூடியது.

2. மன அழுத்தத்தைக் குறைக்கும்:

அன்றாட வாழ்க்கையில் நாம் அனைவரும் எண்ணற்ற பிரச்னைகளையும் சிக்கல்களையும் சந்திக்கின்றோம். அதனால் ஏற்படும் மன அழுத்தம் பின்னாளில் நம்முடைய உடல் ஆரோக்கியத்தையே சிதைக்க தொடங்கிவிடும். மன அழுத்தத்தில் இருந்து விடுபடத் தூக்கம் ஒன்றே ஒரு நல்ல மருந்தாகும், அந்த நிம்மதியான தூக்கம் ஆடைகளின்றி உறங்குவதால் எளிதில் கிடைக்கும்.

3. உடல் எடை குறையும்:

உடலைக் குளிர்ச்சியாக வைத்துக்கொள்வது உடல் எடை அதிகரிப்பதைக் கட்டுப்படுத்தி, பின்னாளில் உடல் பருமனையும் குறைக்கக் கூடும். ஆடைகளின்றி தூங்குவதன் மூலம் இரவு முழுவதும் நமது உடலின் வெப்ப அளவு குறைந்து உடலை குளிர்ச்சி அடையச் செய்கிறது. மேலும் அழுத்தமான ஆடைகளை அணியாததால் உடலின் ரத்த ஓட்டம் சீராகி அனைத்து உறுப்புகளுக்கும் ரத்தம் பாய  இது ஒரு வாய்ப்பாகவும் அமைகிறது.

4. தன்நம்பிக்கையை அதிகரிக்கும்:

அனைவரும் அவர் அவருடைய உண்மையான ஒப்பனைகள் இல்லாத அழகின் மீது நம்பிக்கைக் கொள்ள வேண்டும், அதற்கு இப்படி ஆடைகளின்றி உறங்குவது ஒரு நல்ல தீர்வாகும். இதனால் உங்கள் உடலின் மீதான நம்பிக்கையும், உங்களின் தன்னம்பிக்கையும் அதிகரிக்கும் என்கிறார்கள் உளவியலாளர்கள்.

]]>
தூக்கம், நிர்வாணம், ஆடைகளின்றி, நன்மைகள், sleeping, naked, benefits http://images.dinamani.com/uploads/user/imagelibrary/2017/10/12/w600X390/1-woman-asleep.jpg http://www.dinamani.com/health/health-news/2017/oct/12/what-happens-to-your-brain-when-you-sleep-naked-according-to-science-2789113.html
2856301 மருத்துவம் செய்திகள் இதய அறை பலவீனம் அடைந்த முதியவருக்கு சென்னை அரசு மருத்துவமனையில் அறுவை சிகிச்சை Saturday, February 3, 2018 02:39 AM +0530 இதய அறை தசை பலவீனம் அடைந்தும் இதயத்தில் ரத்தக் குழாய் அடைப்பும் ஏற்பட்ட முதியவருக்கு அறுவை சிகிச்சை செய்து சென்னை அரசு பொது மருத்துவமனை மருத்துவர்கள் சாதனை படைத்துள்ளனர்.
சின்ன காஞ்சிபுரம், அஸ்தகிரி தெருவைச் சேர்ந்த கண்ணாமூர்த்தி (61), தனியார் கேண்டீன் ஊழியர். இவர் பணிக்காக சென்னை வந்தபோது, நெஞ்சு வலி ஏற்பட்டுள்ளது. ஊருக்குச் சென்ற பின்னரும் நெஞ்சு வலி, மூச்சுத் திணறல் இருந்துள்ளது. அவருக்கு மாரடைப்பு ஏற்பட்டது தெரியவந்தது. மேல் சிகிச்சைக்காக சென்னை அரசு பொது மருத்துவமனையில் அனுமதிக்கப்பட்டார்.
பரிசோதனையில், இதயத்தில் இரு ரத்தக் குழாய்களில் அடைப்பு ஏற்பட்டிருப்பதும், ஒரு ரத்தக்குழாயில் முழு அடைப்பு இருந்ததால் இதயத்தின் ஒரு பகுதி தசைகள் பலவீனம் அடைந்து வீக்கமடைந்திருந்தன. இதனால் இதயம் 70 சதவீதம் செயல்பாட்டை இழந்திருந்ததும் தெரியவந்தது. இதையடுத்து அவருக்கு பை-பாஸ் மற்றும் எண்டோ வெண்ட்ரிகுலர் பேட்ச் பிளாஸ்டி (endoventricular circular patch plasty) அறுவை சிகிச்சை செய்யப்பட்டது.
இதுகுறித்து இதய அறுவைச் சிகிச்சைத் துறைத் தலைவர் பா.மாரியப்பன் செய்தியாளர்களிடம் வெள்ளிக்கிழமை கூறியது: 
என் தலைமையில் டாக்டர்கள் இளவரசன், கணேஷ் ஆகியோர் கொண்ட குழு சுமார் 3 மணி நேரம் அறுவைச் சிகிச்சை செய்தனர். இதயத்தில் தனி அறை போல் ஒன்றை உருவாக்கி, பலவீனம் அடைந்து செயல்படாமல் இருந்த தசைகள் சவ்வு மூலம் தனியாகத் தடுக்கப்பட்டது. 2 ரத்தக் குழாய்களின் அடைப்புகளும் சரி செய்யப்பட்டன.
தமிழக அரசு மருத்துவமனைகளில் முதல் முறையாக இங்குதான் இந்த அறுவை சிகிச்சை செய்யப்பட்டுள்ளது. தனியார் மருத்துவமனையில் இதுபோன்ற அறுவை சிகிச்சை செய்ய ரூ.5 லட்சம் வரை செலவாகும்.
அறுவை சிகிச்சை செய்த மருத்துவக் குழுவினரை அரசு பொது மருத்துவமனை டீன் ஆர்.ஜெயந்தி, கண்காணிப்பாளர் டாக்டர் நாராயணசாமி ஆகியோர் பாராட்டினர்.

 

]]>
http://images.dinamani.com/uploads/user/imagelibrary/2018/2/3/w600X390/doctor.jpg இதய அறுவை சிகிச்சை செய்யப்பட்ட சின்னகாஞ்சியை சேர்ந்த கண்ணாமூர்த்தி (வலமிருந்து 2ஆவது). உடன் சென்னை அரசு பொது மருத்துவமனை டீன் ஆர்.ஜெயந்தி, மருத்துவ கண்காணிப்பாளர் நாராயணசாமி உள்ளிட்டோர். http://www.dinamani.com/health/health-news/2018/feb/03/இதய-அறை-பலவீனம்-அடைந்த-முதியவருக்கு-சென்னை-அரசு-மருத்துவமனையில்-அறுவை-சிகிச்சை-2856301.html
2854017 மருத்துவம் செய்திகள் சிறுநீரக நோய்கள் யாரை அதிகம் பாதிக்கும்? உமா Tuesday, January 30, 2018 04:32 PM +0530  

ஒவ்வொரு மனிதருக்கும் இரண்டு சிறுநீரகங்கள் உள்ளது. அவை ஒவ்வொன்றும் 150 கிராம் எடை உடையது. அவரை விதை வடிவத்தில் உள்ள சிறுநீரகமானது உடலின் பின்பகுதியில் அமைந்துள்ளது. ரத்தத்தை பெறுவதும் வெளி அனுப்புவதும் இதன் முக்கியப் பணிகளாகும்.

சீறுநீரகத்தின் செயல்பாடுகள்

  • உடலில் உற்பத்தி ஆகும் நச்சுப் பொருட்களை பிரித்தல்
  • நீர்நிலை சமப்படுத்துதல்
  • உப்பைச் சமப்படுத்துதல்
  • அமிலத்தன்மையை சமம்படுத்துதல்
  • ரத்தக் கொதிப்பை சீர் செய்தல்

தெரியுமா?

சிறுநீரகத்தில் சுரக்கும் ஒருவித ஹார்மோன் ரத்த உற்பத்திக்கு காரணமாகிறது. 
வைட்டமின் டியின் உதவியால் எலும்புகளை உறுதிப்படுத்துகிறது

சிறுநீரகக் கோளாறின் அறிகுறிகள்

  • முகத்தில் வீக்கம்
  • சிறுநீர்க் குறைவு
  • கால்களில் வீக்கம்
  • சிறுநீரில் ரத்தம்
  • சிறுநீர் கழிப்பதில் சிரமம்
  • பசியின்மை
  • வாந்தி
  • உடல் அழற்சி
  • தூக்கமின்மை
  • அரிப்பு
  • சிறுநீர் கழிக்கும் போது எரிச்சல்

பரிசோதனைகள்

  • மேற்சொன்ன அறிகுறிகளில் ஏதேனும் சில உங்களுக்கு இருக்குமாயின் உடனடியாக மருத்துவரை அணுகி முதலில் ஆலோசனைகளைப் பெறுங்கள்.
  • ரத்தம் மற்றும் சிறுநீர் பரிசோதனைகளை மருத்துவரின் பரிந்துரையின் படி மேற்கொள்ளவும்.
  • இதற்கான பரிசோதனைகள் சுலபமானது. குறைந்த செலவில் செய்து கொள்ள முடியும்.

யாரை அதிகம் பாதிக்கும்?

சர்க்கரை நோய் இருப்பவர்கள் கவனமாக இருக்க வேண்டும்.
அதிக ரத்த கொதிப்பு உள்ளவர்களுக்கும் இது வரும் வாய்ப்பு அதிகமுள்ளது.

தற்காப்பு

  • சீரான உணவு முறை சிறுநீரகப் பராமரிக்கு அனுகூலமானதாகும்
  • புகை பிடிப்பதை நிறுத்தவும். மது அருந்துவதைத் தவிர்க்க வேண்டும்.
  • சுய மருத்துவம் ஒருபோதும் செய்யாதீர்கள். குறிப்பாக வலி நிவாரணிகளை உட்கொள்வதைத் தவிர்த்துவிடுங்கள்.
  • உணவில் உப்பை குறைத்து சாப்பிடுங்கள்.
  • தினமும் நடப்பதோ அல்லது உடற்பயிற்சி செய்ய வேண்டும்.
  • நிறைய தண்ணீர் குடியுங்கள்.

உங்கள் கவனத்துக்கு

  • ரத்த கொதிப்பு 120 / 180 இருக்க வேண்டும்
  • வெறும் வயிற்றில் ரத்தத்தில் சர்க்கரை 110 mg/dlக்கு குறைவாக இருக்க வேண்டும்
  • ரத்தத்தில் கிரியாடினின் அளவு 0.6 - 1.2 mg/dl இருக்க வேண்டும்.

மருத்துவர் என்ன செய்வார்?

  • உங்களுக்கு சிறுநீரக கோளாறு வர வாய்ப்பு உள்ளதா என்று கூறுவார்.
  • ஆரம்ப நிலையில் நோயை கண்டுபிடிப்பார்.
  • சிறுநீரகங்களைப் பாதுகாக்க மருந்துகளை அளிப்பார்.
  • நோயை தடுக்கவும் பல நாட்களுக்கு தவிர்க்கவும் ஆலோசனை அளிப்பார்கள்.

சிறுநீரகம் பற்றி மேலும் பல விஷயங்களைத் தெரிந்து கொள்ளவும், இலவசமாக கவுன்சிலிங் மற்றும் ஆரம்ப கட்ட பரிசோதனைகளை செய்து கொள்ளவும் அம்பத்தூரில் இயங்கிவரும் டாங்கர் விழிப்புணர்வு அமைப்பை அணுகலாம். தொலைபேசி 044 - 2625 0727 / 4231 5115

நன்றி - திருமதி ராஜலட்சுமி ரவி, டாங்கர் அமைப்பின் விழிப்புணர்வு மற்றும் பாதுகாப்புச் செயல்பாடுகளின் தலைவர்.
 

]]>
kidney problems, renal problems, கிட்னி, சிறுநீரகப் பிரச்னைகள் http://images.dinamani.com/uploads/user/imagelibrary/2018/1/30/w600X390/kidney_problems.jpg http://www.dinamani.com/health/health-news/2018/jan/30/kidney-problems-and-solutions-2854017.html
2849859 மருத்துவம் செய்திகள் எச்சரிக்கை! தும்மல் வரும் போது மூக்கைப் பொத்தினால் காது சவ்வு கிழியும் அபாயம்!! Tuesday, January 23, 2018 03:33 PM +0530  

'அச்ச்ச்ச்ச்ச்ச்...’ என சத்தம் போட்டு பொது இடத்தில் தும்முவதை கூட இப்போது அநாகரீகம் என்று கருதுகிறோம். கூட்ட நேரிசல் மிக்க பேருந்திலோ, கம்பியூட்டர் கீபோர்டுகளில் டைப் அடிக்கும் சத்தம் மட்டுமே நிறைந்திருக்கும் அமைதியான அலுவலகத்திலோ யாரவது சத்தம் போட்டுத் தும்மிவிட்டால் போதும் அவர் ஏதோ கொலை குற்றம் செய்ததைப் போல் அனைவரது பார்வையும் அவர் மீது பாயும்.

முத்து படத்தில் ரஜினி சொல்வதைப் போல் “இந்த தும்மலு, இருமலு, விக்கலு, பொறப்பு, இறப்பு.......! இதெல்லாம் கேட்டு வராது, தானா வரும் வந்தாலும் ஏனு கேட்க முடியாது, போனாலும் தடுக்க முடியாது. எச்செச்ச எச்செச்ச கச்செச்ச கச்செச்சா...” ஆனால் சபை நாகரீகம் கருதி பலர் தும்மலை அடக்க முயற்சிக்கிறோம், அதன் ஆபத்து புரியாமல்.

சமீபத்தில் அமெரிக்காவில் உள்ள ஒரு பல்கலைக்கழகத்தில் நடத்தப்பட்ட ஆராய்ச்சியில் தும்மலை அடக்க மூக்கையும், வாயையும் பொத்துவதன் மூலம் காது சவ்வு கிழிந்துவிடும் அபாயம் இருப்பதாக கண்டுபிடிக்கப் பட்டுள்ளது. மேலும் இது மூளைக்குச் செல்லும் ரத்த நாளங்களையும் பாதிக்கும் எனவும் தெரியவந்துள்ளது.

தும்மலை நாம் அடக்கும் போது நமது நுரையீரல்களுக்குள் அடைபட்டுப் போகும் காற்று வெளியேற வேறு வழியைத் தேடும். அப்போது காது துவாரம் வழியாக வெளியே செல்ல அதீத அழுத்தத்துடன் காற்று முந்தும், அப்படி அழுத்தம் நிறைந்த இந்தக் காற்று ஒன்று Ear drum எனப்படும் நமது காது சவ்வைக் கிழிக்கவோ அல்லது அப்படியே மேலேறி மூளைக்குச் செல்லும் ரத்த நாளங்களைத் தாக்கவோ அதிக வாய்ப்பு உள்ளது. 

34-வயது நிரம்பிய இளைஞர் ஒருவர் இப்படித் தும்மலை அடக்க முயற்சித்து தனது மூக்கையும் வாயையும் ஒரே நேரத்தில் மூடி உள்ளார். உடனே அவரது தொண்டையில் ஏதோ வீக்கம் ஏற்பட்டுள்ளது. அதைத் தொடர்ந்து இருமலும், வாந்தி வருவதைப் போன்ற உணர்வும் இவருக்கு ஏற்பட்டுள்ளது, உடனே மருத்துவரின் உதவியை இவர் நாடியுள்ளார். பரிசோதித்த மருத்துவர்கள் இவருடைய தொண்டையின் பிற்பகுதியில் முறிவு ஒன்று ஏற்பட்டிருப்பதாகத் தெரிவித்துள்ளனர். இதனால் தன்னுடைய குரலை இழந்து, உணவுப் பொருட்களை கூட இவரால் விழுங்க முடியாத நிலைக்குச் சென்றுள்ளார்.

பின்னர் டோமோகிராஃபி ஸ்கேன் மூலம் இவர் தும்மலை அடக்கிய போது காற்று குமிழ்கள் இவரது தொண்டை மட்டும் இல்லாமல் விலா எலும்பு வரை பாதிப்பை ஏற்படுத்தியுள்ளது என்பதைக் கண்டறிந்துள்ளனர். உடனே இவரை மருத்துவமனையில் தீவிர கண்காணிப்பின் கீழ் வைத்துத் தொடர்ந்து 7 நாட்களுக்குக் குழாய் மூலமாக உணவை ஊட்டி அந்த வீக்கம் குறைந்த பிறகு இனி தும்மல் வந்தால் அதை அடக்காதீர்கள் என அறிவுரை வழங்கி வீட்டிற்கு அனுப்பி வைத்துள்ளனர்.

இதைப் போன்ற எந்த ஆபத்தில் நீங்கள் சிக்காமல் இருக்க இனியாவது தும்மல் என்பது ஒரு இயற்கையான விஷயம் தான், தும்முவதால் யாருடைய கௌரவத்திற்கும் குறைவு ஏற்படாது என்பதை உணர்ந்து கொள்ளுங்கள்.

]]>
danger, sneeze, ear drum, தும்மல், காது சவ்வு http://images.dinamani.com/uploads/user/imagelibrary/2018/1/23/w600X390/man-sneezing-cold-tissue-760x507.jpg http://www.dinamani.com/health/health-news/2018/jan/23/holding-nose-while-sneezing-may-burst-your-ear-drum-2849859.html
2849203 மருத்துவம் செய்திகள் தினமும் பீர் சாப்பிட்டா கிட்னி ஸ்டோன் வராதுன்னு யார் சொன்னது? கார்த்திகா வாசுதேவன் Monday, January 22, 2018 01:16 PM +0530  

கிட்னி ஸ்டோன்கள் என்பவை சிறுநீரில் இருக்கக் கூடிய சிறு, சிறு கிரிஸ்டல் போன்ற உப்புப் படிமங்கள் ஒன்றிணைவதால் உண்டாகும் மீச்சிறு துகள்கள். இவற்றின் அளவு சிறுநீர்த்தாரை வழியே வெளியேற முடியாத அளவுக்குச் சற்றுப் பெரிதாகும் போது தான் கிட்னி ஸ்டோன் பிரச்னை ஏற்படுகிறது. 

கிட்னி ஸ்டோன் பாதிப்பு எங்கே தோன்றும்?

மனிதர்களுக்குப் பெரும்பாலும் சிறுநீரகம், சிறுநீர்த்தாரை, சிறுநீரகப்பை இந்த மூன்று இடங்களிலும் கிட்னி ஸ்டோன்கள் தோன்ற வாய்ப்பிருக்கிறது. அகஸ்மாத்தாக சிலருக்கு சிறுநீர் வடிகுழாயிலும் கூட கிட்னி ஸ்டோன் தோன்ற வாய்ப்பு உண்டு.

காரணம்...

தினமும் ஆல்கஹால் அருந்தும் நபர்களுக்கு கிட்னி ஸ்டோன் பாதிப்பு மிக விரைவிலேயே வரக்கூடும். ஆல்கஹாலை அளவுக்கு மீறி அருந்துவதால் மனிதர்கள் தங்கள் உடலுக்குத் தேவையான தண்ணீரை அருந்த மறந்து விடுகிறார்கள். இதனால் உடலில் நீரிழப்பு ஏற்பட்டு அப்படியானவர்களுக்கு கிட்னி ஸ்டோன் பாதிப்பு ஏற்படும். ஆல்கஹால் அருந்துவதால் மட்டுமல்ல, நமது உணவுப் பழக்கத்தின் வாயிலாகவும் கூட கிட்னி ஸ்டோன் வரலாம். முக்கியமாகப் பாலக்கீரை, பச்சைத் தக்காளி உள்ளிட்ட உணவுகளை அப்படியே சமைக்காமல் உண்பீர்களானால் கிட்னி ஸ்டோன் உண்டாவதற்கான சாத்தியக்கூறு மிக அதிகம். சமைத்து உண்ணும் போது வாய்ப்புகள் குறைவு, அது மட்டுமல்ல சின்னஞ்சிறு விதைகள் கொண்ட பழங்கள் மற்றும் காய்கறிகளை உண்பதாலும் கூட கிட்னி ஸ்டோன் வருவதற்கான வாய்ப்புகள் அதிகரிக்கிறதென மருத்துவர்கள் கூறுகின்றனர்.

கிட்னி ஸ்டோன் பரம்பரை நோயா?

இல்லை, இது பெரும்பாலும் நமது உணவுப் பழக்கவழக்கம், உடற்பயிற்சி போதாமை, உடலின் நீரிழப்பு உள்ளிட்ட காரணங்களால் வரக்கூடியது. பிறகு ஏன் இதை பரம்பரை நோயாகக் கருதுகிறார்கள்? என்றால் ஒரே குடும்பத்தைச் சேர்ந்த அப்பா, மகன், தாத்தா அனைவருமே ஒரே விதமான உணவுப் பழக்கத்தையே பின்பற்றுவதால் மூவருக்குமே சில நேரங்களில் கிட்னி ஸ்டோன் பிரச்னை வரலாம். அதனால் இது பரம்பரை நோயாகக் கருதப்படலாம். ஆனால் அது நிஜமல்ல.

கிட்னி ஸ்டோனைத் தவிர்க்க என்ன செய்ய வேண்டும்?

மிக முக்கியமான தீர்வுகளில் ஒன்று, உங்கள் உடல் எடைக்குத் தக்க தினமும் போதுமான அளவு நீர் அருந்த வேண்டும். ஒருவேளை வேலைப்பளுவாலோ அல்லது மறதியாலோ நீர் அருந்த மறப்பீர்கள் எனில் குறிப்பிட்ட இடைவெளிகளில் நீர் அருந்த வேண்டுமென்பதை ஞாபகமூட்டும் வகையில் உங்களது ஸ்மார்ட் ஃபோன்களில் அலார்ம் செட் செய்து கொள்ள வேண்டும். ஏனெனில், தேவையான நீர் அருந்தும் பழக்கம் இருந்தால் உடலில் சிறுநீர்க்குழாயில் கிரிஸ்டல்கள் தோன்ற வாய்ப்பே இல்லை. உண்டாகும் சிறு, சிறு கிரிஸ்டல்களைக் கூட தேவையான நீர் முற்றிலுமாக அடித்துச் சென்று சிறுநீராக வெளியேற்றி விடும்.

கிட்னி ஸ்டோன் உருவாவதற்கான ஆரம்ப அறிகுறிகள் இருப்பவர்கள் அதிகமாக சிறு, சிறு விதைகள் கொண்ட பழங்களைச் சாப்பிடுவதைத் தவிர்த்து விட வேண்டும். ஏனெனில் அவை ஸ்டோன்கள் உருவாவதற்கான வாய்ப்புகளை அதிகரிக்கக் கூடியவை.

ஒரு வேளை உங்களுக்கு கிட்னி ஸ்டோன் இருந்தால் முதுகுப் புறத்திலிருந்து மிகக்கடுமையான வலி உருவாகி இடுப்பின் இருபக்கமும் அலையெனப் பரவி முன்புறம் பிறப்புறுப்பு வரை சுரீரென வலியுண்டாகும். இந்த வலி தாங்க முடியாத வலியாக இருப்பின் அது நிச்சயம் கிட்னி ஸ்டோனுக்கான வலி தான். கடுமையான வலியோடு வியர்த்துக்கொட்டி, கை, கால்களை இயல்பாக மடக்கி நீட்ட முடியாத அளவுக்கு தசைப்பிடிப்பும் இருந்தால் அது நிச்சயமாக கிட்னி ஸ்டோன் வலி தான். அந்நிலையில் உங்களால் இயல்பாகச் சுவாசிக்கக் கூட முடியாது. அதைத் துல்லியமாகக் கண்டறிய அல்ட்ரா சவுண்டு ஸ்கேன் செய்யப்படுகிறது. அதில் உங்களது உடலில் இருக்கும் கிட்னி ஸ்டோனின் அளவைத் துல்லியமாகக் கண்டறியலாம்.

கிட்னி ஸ்டோனுக்கான சிகிச்சை...

கிட்னி ஸ்டோன் எளிதில் கரைக்கக் கூடிய அளவில் இருந்தால் நெஃப்ராலஜிஸ்டுகள் மிக எளிமையான மாத்திரைகள் சிலவற்றைப் பரிந்துரைப்பார்கள். கரைக்க முடியாத அளவுக்குப் பெரிய கிட்னி ஸ்டோன் என்றால் லேசர் சிகிச்சைமுறையில் எளிதில் அறுவை சிகிச்சை முறையில் கரைப்பார்கள். இந்த இரு முறைகளைத் தாண்டி ஆயூர்வேதம் கிட்னி ஸ்டோனுக்கு மிக எளிய மருத்துவ உபாயங்களை அளிக்கிறது.

பீர் சாப்பிட்டா கிட்னி ஸ்டோன் வராதா?

ஒரு சிலர் தினமும் பீர் சாப்பிடும் பழக்கம் இருப்பவர்களுக்கு கிட்னி ஸ்டோன் வருவதற்கான சாத்தியக்கூறு குறைவு என்கிறார்கள். ஆனால் அது தவறான நம்பிக்கை. கிட்னி ஸ்டோன் பாதிப்பு இருப்பவர்கள் குறிப்பிட்ட அளவு பார்லி நீர் அருந்துவதை வாடிக்கையாகக் கொண்டால் அவர்களுக்கு கிட்னி ஸ்டோன் தோன்ற வாய்ப்புகள் குறைவு என்பது ஆய்வாளர்கள் கருத்து. பீர், அடிப்படையில் பார்லி வடிநீர் எனக்கருதப்படுவதால் பீர் அருந்துபவர்களுக்கு கிட்னி ஸ்டோன் வராது எனக் கருதப்படுகிறது. ஆனால், பார்லியில் இருந்து பீர் தயாரிக்கப் படுவது பழைய முறை. இன்று பார்லி தவிர மேலும் பல்வேறு விதமான மூலப்பொருட்களில் இருந்தெல்லாம் கூட பீர் தயாரிக்கப்படுகிறது. எனவே பீர் அருந்தினால் கிட்னி ஸ்ட்டொன் வராது என்று நினைப்பதெல்லாம் மூடநம்பிக்கை. பீருக்க்ப் பதிலாக நேரடியாக பார்லி நீரை அருந்தினால் நிச்சயம் ஸ்டோன் அபாயத்தில் இருந்து தப்பலாம்.

]]>
KIDNY STONE, BEER, MYTH, REALITY, கிட்னி ஸ்டோன், பீர், கற்பனை, உண்மை, http://images.dinamani.com/uploads/user/imagelibrary/2018/1/22/w600X390/BEER_1.jpg http://www.dinamani.com/health/health-news/2018/jan/22/தினமும்-பீர்-சாப்பிட்டா-கிட்னி-ஸ்டோன்-வராதுன்னு-யார்-சொன்னது-2849203.html
2844808 மருத்துவம் செய்திகள் தொப்புளைச் சுற்றி எண்ணெய் தேய்த்தால் அழகோடு ஆரோக்கியமும் சேர்ந்து மேம்படும்! எப்படித் தெரியுமா? Monday, January 15, 2018 02:56 PM +0530  

ஒரு உயிரின் தொடக்க புள்ளியாகக் கருதப்படுவது தொப்புள். அனைத்துப் பாலூட்டி உயிரினங்களுக்கும் தொப்புள் இருந்தாலும் மனிதர்களுக்கு மட்டுமே இது தெளிவாக தெரியும்படி அமைந்திருக்கிறது. தாயின் வயிற்றில் சேய் இருக்கும் போது அவர்கள் இருவரையும் இணைக்கும் பந்தமாகவும் இது விளங்குகிறது. 

அப்படிப் பார்த்தால் நம் அனைவரது வாழ்வும் ஆரம்பமாகும் இடம் அது தான். அந்த ஆரம்ப புள்ளியில் நாம் எதைச் செய்தாலும் அதன் பாதிப்பு நமது உடல் முழுவதும் ஏற்படும் என்பது உண்மைதானே. அதனால் தான் ஒவ்வொரு வாரமும் உச்சந்தலை மற்றும் தொப்புளில் எண்ணெய் தேய்த்து தலைக்குக் குளிக்க வேண்டும் என்று நம் முன்னோர்கள் கூறியுள்ளனர். 

அதே சமயம் தொப்புளில் ஒவ்வொரு வகையான எண்ணெய் தேய்ப்பதன் மூலம் வெவ்வேறு விதமான பலன்களை நாம் பெற முடியும். எந்தெந்த எண்ணெய்க்கு எதன் மாதிரியான பலன்கள் கிடைக்கும் என்பதைப் பார்ப்போமா?

வேப்ப எண்ணெய்:

தினமும் 3 அல்லது 4 முறை தொப்புளை சுற்றித் தேய்க்க வேண்டும்.

பொதுவாகவே நமது அழகிற்கும் சரி ஆரோக்கியத்திற்கும் சரி வேப்ப இலையால் பல நன்மைகளைத் தர முடியும். பொலிவான சருமம் பெற, கண் தொடர்பான பிரச்னைகள் தீர, வயிற்றுக் கிருமிகள் மற்றும் புழுக்களை கொல்ல என வெப்ப மரத்தின் பயன்களை சொல்லிக் கொண்டே போகலாம். 

வேப்ப மரத்தில் இருந்து தயாரிக்கப்படும் வேப்ப எண்ணெய்யைத் தொப்புளை சுற்றித் தடவுவதன் மூலம் முகத்தில் உள்ள கரும்புள்ளிகள், முகப்பருக்கள், தேம்பல்கள் ஆகியன நீங்கும்.  மேலும் முடி உதிர்வு போன்ற பிரச்னைகளுக்கும் ஒரு நல்ல தீர்வாகும். 

பாதாம் எண்ணெய்:

தினமும் 2 அல்லது 3 முறை  தொப்புளை சுற்றி மசாஜ் செய்ய வேண்டும்.

நமது உடலுக்கு மிகவும் தேவையான சரும ஆரோக்கியத்தைப் பாதுகாக்கும் ஊட்டச்சத்தான ‘வைட்டமின் ஈ’ பாதம் கொட்டையில் அதிகம் நிறைந்துள்ளது. இந்த எண்ணெய்யைத் தினமும் தொப்புளைச் சுற்றி தேய்ப்பதன் மூலம் முகத்தில் சுருக்கம் விழாமல் பாதுகாத்து சரும பொலிவும் அதிகரிக்கும். முகம் பளிச்சிட மற்றும் கூந்தல் மிருதுவாக பாதாம் எண்ணெய் பயன் படுத்துவது நல்ல பலனை தரக் கூடியது.

தேங்காய் எண்ணெய்:

வாரம் 3 முறை தொப்புளை சுற்றித் தேய்த்தால் போதும்.

தேங்காய் எண்ணெய்யைத் தேய்ப்பதன் மூலம் கர்ப்பப் பை வலுப்பெற்று குழந்தை பேறு பிரச்சினைகள் நீங்கும். சரியாக மாதவிலக்கு இல்லாதவர்கள் தங்களது தொப்புளைச் சுற்றி சுத்தமான தேங்காய் எண்ணெய் தடவுவதால் 28 நாட்கள் சுழற்சியும் சீராக இயங்கும்.

கடுகு எண்ணெய்:

தினமும் 2 அல்லது 3 முறை தொப்புளில் தடவவும்.

கடுகு எண்ணெய் தேய்ப்பதன் மூலம் குடல் அடைப்பு போன்ற பிரச்னைகள் தீர்ந்து செரிமானத்தை அதிகரிக்கும். மேலும் உடலில் உள்ள நச்சுகளை வெளியேற்றி நோய் எதிர்ப்பு சக்தியையும் பெருக்கும்.

வெண்ணெய்:

ஒரு நாளைக்கு ஒரு முறை தொப்புளை சுற்றித் தேய்த்தால் போதும்.

சுத்தமான பசும் பாலில் இருந்து எடுத்த வெண்ணெய்யைத் தொப்புளில் தடவுவதன் மூலம் சருமம் ஊட்டச்சத்து அடைந்து மிருதுவாக மாரும். பொதுவாகவே முகத்தில் வெண்ணெய்யைத் தேய்ப்பதன் மூலம் குழந்தையை போன்ற மிகவும் மென்மையான சருமத்தை பெற இயலும்.
 

ஒரு ஆராய்ச்சியில் நமது தொப்புளில் மட்டுமே 2,200-க்கும் அதிகமான பாக்டீரியா கிருமி வகைகள் இருப்பதாக கண்டுபிடிக்கப் பட்டுள்ளது. ஆகையால் தினமும் எண்ணெய் தேய்ப்பதன் மூலம் தொப்புளில் அழுக்கு சேராமல் பார்த்துக் கொள்வதால் கிருமிகளின் தாக்கமும் குறையும். 

72,000-த்திற்கும் அதிகமான நரம்புகள் தொப்புளில் வந்து இணைகிறது. இது தொப்புளே நமது மொத்த உடலின் மையப் புள்ளி என்பதை நமக்கு உணர்த்துகிறது. இதில் செய்யும் எந்தவொரு வைத்தியமும் முழு உடலையும் சென்றடையும் என்பதற்கு இதைவிட வெறு எந்தச் சான்றும் தேவையில்லை.

]]>
navel, belly button, oil, applying, தொப்புள், எண்ணெய், தடவுவது http://images.dinamani.com/uploads/user/imagelibrary/2018/1/15/w600X390/For-Kirsten-Benefits-Of-Applying-Oils-To-The-Belly-Button-770x402.jpg http://www.dinamani.com/health/health-news/2018/jan/15/benefits-of-applying-oil-in-navel-2844808.html
2843016 மருத்துவம் செய்திகள் இரைப்பை புற்றுநோய் யாருக்கு வரும்? இந்த அறிகுறிகள் உள்ளதா என்று பரிசோதித்துப் பாருங்கள்! உமா Thursday, January 11, 2018 02:14 PM +0530  

நோயைக் காட்டிலும் அது ஏற்படுத்தும் பயமும் பதற்றமும் கொடுமையானது. நவீன காலத்தில் வித விதமான நோய்களும், அது குறித்த சந்தேகங்களும், தயக்கங்களும் பலருக்கு உள்ளன. இதெல்லாம் எனக்கு வராது என்று நாம் ஒருபோதும் அலட்சியமாக இருந்துவிட முடியாது. போலவே எனக்கு இது வந்துடுமோ என்று பயந்தபடியும் வாழ முடியாது. இதற்கு என்னதான் தீர்வு? நோய்களைப் பற்றியும் நவீன வாழ்வியல் பற்றியும் சரியான புரிதலும் விழிப்புணர்வும் ஒவ்வொருவருக்கும் தேவை. ஆரோக்கியமான வாழ்க்கையே நோயைத் தவிர்ப்பதற்கான முதல்படி என்பதை உணர்ந்து கொண்டு அதற்கேற்றபடி நம்முடைய வாழ்க்கையை அமைத்துக் கொள்ள வேண்டும்.

இரைப்பை புற்றுநோய் யாருக்கு வரும்? அதன் அறிகுறிகள் என்ன? இந்தப் புற்றுநோயை முற்றிலும் குணப்படுத்திவிடமுடியுமா என்று சென்னையில் நடந்த மருத்துவ நிகழ்ச்சியொன்றில் கலந்து கொண்ட மருத்துவர் சந்திரமோகன் பேசினார். டாக்டர் சந்திரமோகன் சென்னை அரசு பொது மருத்துவமனையின் இரைப்பைக் குடலியல் அறுவை சிகிச்சை மையத்தின் முன்னாள் இயக்குனர் ஆவார். தற்போது ஈசோ இந்தியா எனும் அமைப்பிற்குத் தலைவராக உள்ளார். இரைப்பைப் புற்றுநோய் பற்றிய விழிப்புணர்வை ஏற்படுத்தும் பணியை ஈசோ இந்தியா செயல்பட்டு வருகிறது. 

இரைப்பை புற்றுநோய் பற்றி அண்மையில் சென்னையில் நடந்த விழிப்புணர்வு நிகழ்வொன்றில் டாக்டர் சந்திரமோகன் கூறியது, 'பசிக்கவில்லை, உணவை விழுங்குவதில் சிரமம் உள்ளது என்றால் உடனடியாக மருத்துவமனைக்குச் செல்லுங்கள். ஐந்தே நிமிடங்களில் எடுக்கக் கூடிய எண்டோஸ்கோப்பி எனும் பரிசோதனையின் மூலம் ஒருவரது இரைப்பையைச் சோதித்து, புற்றுநோயின் அறிகுறிகளைக் கண்டறிந்துவிடலாம். அந்த அறிகுறிகள் தென்பட்டால் உடனடியாக மருத்துவத்தைத் தொடங்கி, பாதிப்பு எந்த அளவில் உள்ளதோ அதற்குரிய முறிஅயில் சிகிச்சையைத் தொடங்கிவிடலாம். இந்நோயை ஆரம்பத்திலேயே கண்டறிந்தால் முற்றிலும் குணப்படுத்திவிடலாம்’ என்றார்.

இரைப்பை புற்றுநோய் குறித்த கட்டுரைகளை ஈசோ இந்தியா அனுப்பலாம். ஜனவரி 20-க்குள் கட்டுரைகளை அனுப்ப வேண்டும். இது குறித்து அமைப்பின் தலைவரும் இரைப்பை-குடல் சிகிச்சை நிபுணருமான சந்திரமோகன் வெளியிடப்பட்டுள்ள அறிக்கை:- 'வயிறு-உணவுக் குழாய் புற்றுநோயைத் தடுக்க முடியும்-குணப்படுத்த முடியும்-இதை உலகம் உணரட்டும்' எனும் தலைப்பில் ஒரு பக்க அளவில், தமிழ் அல்லது ஆங்கில மொழியில் 1,500 வார்த்தைகளுக்கு மிகாமல் ஜனவரி 20-க்கு முன்னதாக அனுப்பி வைக்க வேண்டும்.   

info@esoindia.org என்ற மின்னஞ்சல் முகவரியிலோ அல்லது 'டாக்டர் எஸ்.எம்.சந்திரமோகன், 103, பூந்தமல்லி நெடுஞ்சாலை, சென்னை-84' என்ற முகவரிக்கு தபாலிலோ கூரியரிலோ அனுப்பலாம்.

கூடுதல் தகவல்களுக்கு  www.esoindia.org   என வலைதள முகவரியைப் பார்க்கலாம் என்று கூறியுள்ளார்

]]>
cancer, awareness, புற்றுநோய், இரைப்பை புற்றுநோய் http://images.dinamani.com/uploads/user/imagelibrary/2018/1/11/w600X390/00_critical_illness_plan_0.jpg http://www.dinamani.com/health/health-news/2018/jan/11/stomach-cancer-awareness-2843016.html
2841154 மருத்துவம் செய்திகள் தினமும் 5 நிமிடம் இதைச் செய்தால் போதும்; இதய நோய் முதல் கால் வீக்கம் வரை அனைத்தும் சரியாகும்! Monday, January 8, 2018 01:07 PM +0530  

நமது உடலை எந்த ஒரு நோய் தாக்கமும் இல்லாமல் ஆரோக்கியமாக வைத்திருக்கவே அனைவரும் விரும்புகிறோம். அதற்காக நாம் எவ்வளவோ மெனக்கெடவும் செய்கிறோம். உதாரணத்திற்குக் காலையில் எழுந்ததும் உடற் பயிற்சி, யோகா செய்வது, சுடு தண்ணீர், பழச் சாறுகள் குடிப்பது என ஆரோக்கியத்தைப் பாதுகாக்க பல முயற்சிகளை எடுக்கிறோம். தினமும் வெறும் 5 நிமிடம் இதைச் செய்து பாருங்கள் இதய பிரச்னை முதல் கால் வீக்கம் வரை சீராகும்.

காலை எழுந்தவுடன் வெறும் வயிற்றில் சுவருக்கு அருகில் ஒரு துணியை விரித்து சுவரை பார்த்தாற் போல் எதிர்த் திசையில் படுங்கள். பின் கால்களை நேராக உயர்த்தி சுவரின் மேற்பரப்பில் சமமாக வையுங்கள். அதாவது உங்களது உடல் பார்ப்பதற்கு ‘L' வடிவில் சரியாக 90 டிகிரி கோணத்தில் இருக்க வேண்டும். 

இந்த நிலையில் சுமார் ஒரு 5 நிமிடங்கள் நீடிக்க வேண்டும். இந்தக் கால வேலையில் கண்களை மூடி மூச்சை நன்கு உள்ளிழுத்து பொறுமையாக வெளியிட வேண்டும். தலை முதல் கால் வரை ரத்த ஓட்டம் சமமாக பாய்வதை ஆழ்ந்து கவனிக்க வேண்டும். 

பயன்கள்:

  • இதயத் துடிப்பை சீர்ப் படுத்தி எந்தக் கோளாறும் இல்லாமல் இதயத்தைச் செயல்பட வைக்கும்.
  • கால்களை உயர்த்துவதன் மூலம் வயிற்றுப் பகுதியில் ஏற்படும் அழுத்தம் குடல்களில் ஏதேனும் அடைப்பு இருந்தால் அதைச் சரி செய்து அதன் செயல்பாட்டை சரி செய்யும்.
  • கால்களில் ஏதேனும் வீக்கம் இருந்தால் ரத்தம் சீராக பாய்வதன் மூலம் அந்த வீக்கம் குறையும்.
  • இதனால் ரத்தம் உடல் முழுவதும் சீராக பாய்வதால் ரத்த அழுத்த பிரச்னையில் இருந்தும் விடுபடலாம்.

சுவர் இருந்தால் தான் சித்திரம் வரைய முடியும் என்பது பழமொழி. அதற்கேற்ப தினமும் ஒரு 5 நிமிடத்தை உங்களது உடலிற்காக ஒதுக்கி தொடர்ச்சியாக இதைச் செய்து பயன் பெருங்கள்.

]]>
healthy, 5 mins http://images.dinamani.com/uploads/user/imagelibrary/2018/1/8/w600X390/dfafda.jpg http://www.dinamani.com/health/health-news/2018/jan/08/do-this-for-5-mins-and-get-healthy-life-2841154.html
2839500 மருத்துவம் செய்திகள் ஆஃப் பாயில் முட்டையின் ருசிக்கு இணையில்லை என்றாலும் அதை தினமும் சாப்பிடலாமா கூடாதா? ஆய்வு முடிவுகள்! சினேகா Friday, January 5, 2018 05:28 PM +0530  

சிறப்பான, எளிதான காலை உணவு என்றாலே சட்டென்று நம் நினைவிற்கு வருவது ரொட்டி, முட்டை மற்றும் பால்தான். உடலில் நோய் எதிர்ப்பு சக்தியை அதிகரிக்கும் லுடீன் (Lutein), ஜீ ஜான்தின் (Zeaxanthin) ஊட்டச்சத்துக்கள் முட்டையில் உள்ளன.

மேலும் உடலுக்குத் தேவையான ஏழு அமினோ அமிலங்களும் முட்டையில் மட்டுமே நிறைவாக இருக்கின்றன. இவற்றில் லியூடின் மற்றும் ஜீ ஜான்தின் ஆகிய ஆன்டி ஆக்ஸிடன்ட்டுகள் கண் நோய் வராமல் பாதுகாக்கும்.

முட்டை, பால் இரண்டிலும் புரதச் சத்து அதிகம் உள்ளது. இது காலை நேரத்தில் நமது உடலுக்குத் தேவையான சத்துக்களை அள்ளித் தருவதுடன் இதனை சாப்பிடுவதும் எளிது. ஒன்று அல்லது இரண்டு முட்டைகளுடன் ஒரு துண்டு ரொட்டி, மற்றும் ஒரு தம்ளர் பால் குடித்தால் போதும் வயிறு நிறைந்து விடும். ஆனால் முட்டை, பால் சாப்பிடுவதிலும் சில வரைமுறைகள் உண்டு. 

கண்டிப்பாக முட்டையை வேக வைக்காமல் சாப்பிடக் கூடாது. சிலர் முட்டையை அப்படியே உடைத்து பச்சையாகவே குடித்து விடுவார்கள்.

சமைக்காத முட்டையை சாப்பிடுவதால் சில சமயங்களில் பாக்டீரியா தொற்று ஏற்பட்டு விடலாம். அது மட்டுமல்ல சமைக்காத முட்டையை பாலில் கலந்து அருந்தினால் அது வயிற்று உப்பிசத்தில் கொண்டு போய் நிறுத்தும்.

வேக வைக்காத முட்டைகளைத் தொடர்ந்து சாப்பிட்டால், செரிமானக் கோளாறும் ஏற்படும். பச்சை முட்டை அல்லது அரைவேக்காட்டில் வேக வைத்த முட்டைகளை குழந்தைகள், கர்ப்பிணிகள், முதியோருக்கு உண்ணக் கூடாது. காரணம் முட்டை முழுமையாக வேகாததால், அதிலுள்ள பாக்டீரியாக்களும் முழுமையாக அழிக்கப்பட்டிருக்காது.

சிலருக்கு வாயுத் தொல்லை அடிக்கடி ஏற்பட்டு உடல் பாதிப்படைவார்கள். அதற்கு முக்கிய காரணம் வாயுவய் உண்டாக்கக் கூடிய உணவு வகைகளாகத் தேர்ந்தெடுத்து உண்பதால்தான். முட்டையைப் பொறுத்தவரை சமைக்காத முட்டையால் வாயுத் தொல்லை ஏற்டும். இருபதாயிரம் முட்டைகளில் ஒரு முட்டையில் `சல்மோனில்லா’ எனும் பாக்டீரியா இருக்க வாய்ப்புள்ளது என்றும் இந்த பாக்டீரியா உள்ள முட்டையைச் சாப்பிட்டால் வாந்தி, உடலில் நீர் வறட்சி, கடுமையான வயிற்றுப்போக்கு ஏற்படும் என்றும், கடும் காய்ச்சல் ஏற்படும் என்கின்றன அமெரிக்க ஆய்வுக் கட்டுரைகள். 

முட்டை சாப்பிட்டால் அதாவது அவித்த அல்லது பொரித்த முட்டை சாப்பிட்டால் பால் அருந்தலாம். சமைக்காத முட்டையைச் சாப்பிடும் போது கண்டிப்பாகப் பால் அருந்துவதைத் தவிர்க்கவும்.

சிக்ஸ் பேக் வைக்க வேண்டும் என்று விரும்புகிறவர்கள்தான் தங்களது உடலின் கட்டுறுதி குலையாமல் இருக்க பச்சை முட்டை சாப்பிடுவார்கள். ஆனால் இந்திய புராதன ஆயுர்வேத மருத்துவ சாஸ்திரம் பச்சை முட்டையும், பாலும் கலந்து உண்பது உடல் நலனுக்கு கேடு என்கிறது. வேக வைத்த முட்டையால் எவ்வித தொல்லையும் ஏற்படாது.

]]>
egg, முட்டை, சத்துணவு, Half Boiled Eggs, Omelette, ஆம்லெட், ஹாஃப் பாய்ல் http://images.dinamani.com/uploads/user/imagelibrary/2018/1/5/w600X390/munanpaisto.jpg http://www.dinamani.com/health/health-news/2018/jan/05/half-boil-good-or-bad-for-health-2839500.html
2838122 மருத்துவம் செய்திகள் இந்த உணவுப் பொருட்களை ஃபிரிட்ஜில் வைப்பதால் ஆபத்து நமக்குத் தான்! எப்படித் தெரியுமா? Wednesday, January 3, 2018 01:37 PM +0530  

“இந்த ஃபிரிட்ஜ் வந்தாலும் வந்துது ஒரு வாரத்துக்குத் தேவையான மாவ அரச்சி உள்ள வெச்சு தினமோ இட்லி, தோசையே போட்ராங்கனு” பலர் புலம்ப கேட்டு இருப்போம். இன்று வீட்டில் இருக்க வேண்டிய அத்தியாவசிய பொருட்களில் ஒன்றாகவே மாறிவிட்டது இந்த குளிர் சாதனப் பெட்டி. எது மீந்தாலும் அதை எடுத்து ஃபிரிட்ஜில் வைத்து விடலாம் என்று பலர் நினைத்துக் கொண்டிருக்கிறோம், ஆனால் நம்மில் பலருக்கு ஒரு சில உணவுப் பொருட்களை ஃபிரிட்ஜில் வைத்து பயன்படுத்தக் கூடாது என்கிற உண்மை தெரிவதில்லை.

ஏன் இதை ஃபிரிட்ஜில் வைக்கக் கூடாது? கெட்டுப் போகாமல் பாதுகாக்கத் தானே ஃபிரிட்ஜ்? என்று கேள்வி கேட்கிறீர்கள் என்றால் உங்கள் கேள்விக்கான பதில்களை இன்று தெரிந்து கொள்ளுங்கள். இந்தப் பொருட்களை ஃபிரிட்ஜில் வைக்கக் கூடாது என்பதற்கு சில காரணங்கள் இருக்கிறது.

தக்காளி:

தக்காளி விலை குறைவாக இருக்கும் போதே வாங்கி விட வேண்டும், பின்னர் கிடு கிடுவென விலையேறி விடுகிறது என்று யோசித்து கிலோ கணக்கில் வாங்கி ஃபிர்ட்ஜில் வைக்கிறோம். அது மிகவும் தவறு. தக்காளியை ஃபிரிட்ஜில் வைத்து பதப்படுத்தவேக் கூடாது, ஏனென்றால் அது தக்காளியில் உள்ள சத்துக்களை ஆவி ஆக்கி அதன் சுவையையும், மணத்தையும் குறைத்து விடுகிறது.

பூண்டு:

பூண்டில் சிறிது ஈரப்பதம் நிலைத்தாலே அது முளைவிட துவங்கி விடும். அது மட்டுமின்றி ஃபிரிட்ஜில் வைத்துப் பயன்படுத்தும் பூண்டு அதன் சுவையை இழந்து இருக்கும், மேலும் பிரிட்ஜில் இருக்கும் அனைத்துப் பொருட்களிலும் பூண்டு வாசனை வீசும்.

ஜாம்:

கெட்சப்பை போல் இல்லாமல் ஜாமை ஃபிரிட்ஜில் வைப்பது அதனுள் கிருமி வளர வழி செய்யும். ஏற்கனவே நீண்ட நாட்களுக்குக் கெட்டு போகாமல் இருக்கப் பதப்படுத்த தேவையான பல பொருட்கள் ஜாமில் சேர்க்கப் பட்டுள்ளதே இதற்குக் காரணம். குறிப்பாக இறுக்கமாக மூடப்பட்டிருக்கும் அந்த ஜாம் பாட்டிலினுள் இருக்கும் சிறிது வெப்ப காற்று பாக்டீரியா பொன்ற கிருமிகள் வளர்வதற்கான தகுந்த சூழலை ஏற்படுத்தித் தரும்.

ரொட்டி:

நம்மில் பலர் பிரெட்/ரொட்டி போன்றவற்றை ஃபிரிட்ஜில் வைப்பதால் அது நீண்ட நாட்களுக்குச் சாப்பிட குடிய நிலையில் இருக்கும் என்று நினைக்கிறோம், அது மிகவும் தவறு. ஃபிரிட்ஜினுள் இருக்கும் குளிர்ந்த நிலை பிரெட்டில் இருக்கும் ஈரப்பதத்தை உலரச் செய்து அதைச் சீக்கிரமே கெட்டுப் போக செய்து விடும். அதே சமயம் ஃபிரீஸர் (Freezer) உள் பிரெட்டை ஒரு மாதம் வரை வைக்கலாம், பிரெட்டை உறையச் செய்து அதனுள் புஞ்சை போன்றவை வளராமல் தடுப்பதோடு உறைந்த ஐஸ் கட்டிகள் உருகியதும் கெட்டு போகாமல் நல்ல நிலையில் இருக்கும்.

உருளைக் கிழங்கு: 

உருளைக் கிழங்கை குளிர்ச்சியான இடத்தில் தான் வைக்க வேண்டும் என்றாலும் அதே சமயம் அந்த  இடம் ஈரத்தன்மை இல்லாமல் இருக்க வேண்டும். ஃபிரிட்ஜில் உருளைக் கிழங்கை வைப்பதால் அது அதன் சர்க்கரை அளவை அதிகரித்து புற்று நோய் வருவதற்கான அபாயத்தை ஏற்படுத்தும்.

காபித் தூள்:

காபித் தூள் ஒரு டியோடரண்டை போல் செயல் பட்டு ஃபிரிட்ஜில் இருக்கும் அனைத்து நாற்றங்களை உறிந்து விடும். ஆகையால் ஃபிரிட்ஜில் துர்நாற்றம் வீசினால் அதைச் சரி செய்யக் காபி தூளை உள்ளே வைக்கலாம் ஆனால் பயன்படுத்த போகும் காபி தூளை ஃபிரிட்ஜில் வைப்பது தவறு.

வெங்காயம்:

உருளைக் கிழங்கு, பூண்டைப் போல் ஃபிரிட்ஜின் உள் இருக்கும் ஈரப்பதம் வெங்காயத்தில் உள்ள ஸ்டார்ச்சை சர்க்கரையாக மாற்றி அதை மென்மையாக மாற்றி முளைவிடவும் செய்துவிடும். மேலும் ஃபிரிட்ஜை துறந்தாலே வெங்காய நாற்றம் வீசச் செய்யும்.

தேன்:

தேனை ஃபிரிட்ஜில் வைத்தால் அது இறுகிப் போக நேரிடும், இதனால் அது பார்ப்பதற்கு பளிங்குக் கல்லை போல் ஆகிவிடும்.

ஆப்பிள்:

ஃபிரிட்ஜில் வைப்பதால் ஆப்பிளின் சத்துகளை இழக்கச் செய்யும். மேலும் அதன் தோல் வறண்டு மெல்வதற்குக் கடினமாக அதை மாற்றி விடும்.

அடுத்த முறை ஃபிரிட்ஜை திறந்து எந்தப் பொருளையாவது உள்ளே வைப்பதற்கு முன் சற்று யோசியுங்கள், இதை உள்ளே வைக்கலாமா என்று. அதுவே உங்களது ஆரோக்கியத்திற்கு நல்லது.

]]>
குளிர் சாதனப் பெட்டி, உணவு, வைக்க கூடாது, fridge, food, don't store http://images.dinamani.com/uploads/user/imagelibrary/2018/1/3/w600X390/gettyimages-175448913.jpg http://www.dinamani.com/health/health-news/2018/jan/03/things-you-should-not-store-in-fridge-2838122.html
2837515 மருத்துவம் செய்திகள் இந்த 7 வைட்டமின்களும் உங்கள் அழகை மேன்மேலும் மெருகேற்றும்! இன்றே முயற்சி செய்து பாருங்கள்! உமா Tuesday, January 2, 2018 01:45 PM +0530  

பொதுவாக வைட்டமின்கள் ஆரோக்கியத்திற்கானவை என்றே நினைத்திருப்பீர்கள். ஆரோக்கியமாக இருப்பதே அழகுக்கு அடிப்படை என்பதும் உண்மைதான். இந்த வைட்டமின்கள் ஆரோக்கியத்துடன் போனஸாக உடல் அழகையும் தருகின்றன. உங்கள் தோற்றம் இளமைப் பொலிவுடன் சிறக்க வேண்டுமெனில், இந்த 7 வைட்டமின்கள் உள்பட பிற வைட்டமின் சத்துக்களையும் உங்கள் அன்றாட உணவில் சேரும்படி பார்த்துக் கொள்ளுங்கள்.

காரணம் வைட்டமின் சத்துக்கள்தான் இளமைக்கு உத்திரவாதம் தரும் வேலைகளைச் செய்கின்றன. அதாவது உடலில் செல்களைப் புதுப்பிக்கத் தேவையான கலோரிகளை பெறுவதற்கு இந்த வைட்டமின்கள் உதவி செய்கின்றன. உடலிலுள்ள இறந்த செல்களை அகற்றி, சருமத்தை மென்மையாகவும், இளமையாகவும் வைத்திருக்க உதவும் வைட்டமின்களைப் பற்றி விரிவாகப் பார்க்கலாம். 

வைட்டமின் பி1

சிலர் அறுபதி வயதிலும் அதிக முதுமையடையாமல் எனர்ஜியுடன் இருப்பார்கள். ஆனால் சிலர் முப்பது வயதிலேயே முதிர்ச்சியாகக் காணப்படுவார்கள். சிலருக்கு நாற்பதுகளில் முதிய தோற்றம் வதுவிடும். இதற்குக் காரணம் தயமின். இது இளம் வயதில் முதுமையாகக் தோற்றமளிப்பதை பி1 என்ற வைட்டமின் தடுக்கும். கோதுமை,  ஓட்ஸ், சிவப்பு அரிசி, சோயா, முந்திரிப் உள்ளிட்ட உணவில் இது அதிகமாகக் கிடைக்கும்.

வைட்டமின் பி2

இளமையான தோற்றத்துக்கு முதலில் நீங்கள் அக்கறை எடுக்க வேண்டியது சருமத்துக்குத்தான். அதற்கு வைட்டமின் பி12 அதிகம் உதவு. சருமத்தில் புத்துணர்வுக்கு இது மிகவும் முக்கியம். பால், பச்சைக் காய்கறிகள், முட்டை,  மீன், இறைச்சி, தானியங்கள் ஆகியவற்றில் பி12 அபரிதமாகக் கிடைக்கும்.

வைட்டமின் பி3 & பி4

இந்த வைட்டமின் சத்தை நியாசின் என்றும் சொல்வார்கள். இதன் முக்கிய செயல்பாடு மாவுச் சத்தை கிரகித்துக் கொள்ளும். மேலும் உடலிலுள்ள இறந்த செல்களை அழிப்பதுடன் அவற்றை நீக்கி புது செல்களை உருவாக்கும். கொலீன் எனும் வைட்டமின் பி4 நிறைந்த உணவுகள், ஒரு சிலருக்கு அழற்சியை ஏற்படுத்தக்கூடியவை. உணவியல் நிபுணர்களிடம் தகுந்த ஆலோசனை பெறுவது நலம்.
 

கோதுமை, சிவப்பு அரிசி, நட்ஸ், பட்டாணி, கீரை மீன், கோழி இறைச்சி உள்ளிட்ட உணவு வகைகளில் இச்சத்து கிடைக்கும்.  

வைட்டமின் பி5

சருமத்தை சுத்தமாகவும் மிருதுவாகவும் வைத்திருக்க உதவும் எண்ணெயை உற்பத்தி செய்வதற்கு பி5 வைட்டமின்கள் உதவுகின்றன. முகப்பரு உருவாகாமல் தடுப்பதற்கும் இந்த வைட்டமின்கள் உதவும். சீஸ், தக்காளி, முட்டைகோஸ், மக்காச்சோளம், முட்டை, இறைச்சி ஆகியவற்றில் இந்தச் சத்து பெருமளவில் கிடைக்கிறது.

வைட்டமின் பி6 

குளிர்காலத்தில் சிலருக்கு அதிகமாக தோல் வறட்சி அகையும். அல்லது உரிந்துவிடும். இந்தப் பிரச்னைகளை சரி செய்ய வைட்டமின் பி6 உதவும். நட்ஸ், உலர் திராட்சை, வேர்க்கடலை, ஏலக்காய், பச்சை பயிறு, வாழைப்பழம், பருப்புக்கள், முழு தானியங்கள், போன்றவற்றில் கிடைக்கும்.  

வைட்டமின் பி7

தலைமுடி அடர்த்தியாக வளரவும், நகம் மற்றும் சருமம் பொலிவுடன் இருப்பதற்கு உதவக் கூடியது வைட்டமின் பி7 ஆகும். இவை தக்காளி, கேரட் உள்ளிட்ட பச்சைக் காய்கறிகள், மாதுளம் பழம், நட்ஸ், சீஸ், பயறு, கிழங்கு, முட்டை ஆகியவற்றில் கிடைக்கும்.
 

புகைப்படம் நன்றி : லைஃப் இதழ் - நடிகை கொல்ஷிவ்டெ ஃபராஹனி (Golshifteh Farahani) 

]]>
அழகு குறிப்பு, vitamins, Vitamin B, Healthy and beauty, வைட்டமின்கள், வைட்டமின் பி http://images.dinamani.com/uploads/user/imagelibrary/2018/1/2/w600X390/cute.jpg http://www.dinamani.com/health/health-news/2018/jan/02/benefits-of-vitamins-for-beauty-and-health-2837515.html
2835232 மருத்துவம் செய்திகள் சர்க்கரை சாப்பிடுவதை திடீரென நிறுத்தினால் உங்கள் உடலில் என்னென்ன மாற்றங்கள் ஏற்படும் தெரியுமா? DIN DIN Friday, December 29, 2017 04:13 PM +0530  

சர்க்கரை, அறுசுவைகளில் அனைவருக்கும் மிகவும் பிடித்த சுவையான இனிப்பு சுவையை கொண்டது. இனிப்பாக எந்த உணவைப் பார்த்தாலும் பார்ப்பவரின் கண்களை கவர்ந்து வாயில் நீர் சுரக்க செய்யும் சக்தி இதற்கு உண்டு. நம் அன்றாட வாழ்வில் நாள் ஒன்றிக்கு நாம் 40 டீஸ்பூன்களுக்கும் அதிகமான சர்க்கரையை சாப்பிடுகிறோம் என்கிறது ஒரு ஆராய்ச்சி முடிவு. 

சர்க்கரை சாப்பிடுவதால் பல ஆரோக்கிய சீர்கேடுகள் இருக்கிறது என்று தெரிந்தும், வெகு சிலரால் மட்டும் நாவை அடக்கி சர்க்கரையை தங்கள் வாழ்வில் இருந்து நீக்க முடிகிறது. அதுவும் படிப்படியாகத்தான். சர்க்கரை என்பது ஐஸ் கிரீம், கூள் டிரிங்ஸ் போன்றவற்றில் இறுக்கு சர்க்கரையையும் சேர்த்துத் தான். ஒருவேளை நாம் சர்க்கரை சாப்பிடுவதையே நிறுத்திவிட்டால் என்னவாகும் என்று யோசித்தது உண்டா? அப்படி நிறுத்தினால் நமது உடலில் எந்த மாதிரியான மாற்றங்கள் எல்லாம் ஏற்படும் என்று தெரியுமா? வாருங்கள் பார்ப்போம்.

முதல் நாள்: சாதாரண விஷயங்களுக்கு கோவப்படுவது போன்ற திடீர் மனநிலை மாற்றங்கள் (Mood swings) ஏற்படுவது குறையும். உங்களின் செரிமான சக்தி அதிகரிக்கும்.

மூன்றாவது நாள்: உங்கள் உடலின் சக்தி அதிகரித்து சுறு சுறுப்புடன் இருப்பதைப் போல் உணர்வீர்கள். மேலும் உடலின் பலமும் பன்மடங்கு அதிகரித்து இருக்கும்.

ஏழாவது நாள்: இரவில் நல்ல தூக்கம் வரும். நடு ராத்திரியில் எழுந்திருப்பது போன்ற எந்த ஒரு இடையூறும் இல்லாமல் தூங்குவீர்கள். அதனால் காலையில் எந்தவித சோர்வும் இல்லாமல் படுக்கையைவிட்டு இறங்குவீர்கள்.

பத்தாவது நாள்: உங்களது உடல் எடை 1-2 கிலோ வரை குறையும். ரத்த அழுத்தமும் சீராக மாறி இருக்கும்.

முப்பதாவது நாள்: உங்களுடைய முகர்தல் உணர்ச்சி மற்றும் சுவை உணர்ச்சி அதிகரித்து இருக்கும். சரியாக ருசி பார்ப்பது மற்றும் நறுமணத்தை வைத்தே பொருள் என்னவென்று யூகிப்பது போன்ற திறன்கள் வளர்ந்திருக்கும்.

முப்பத்தைந்தாவது நாள்: முகத்தில் உள்ள பருக்கள், தழும்புகள், கரும்புள்ளிகள் மறைந்து முகம் பொலிவடைந்திருக்கும்.

ஒரு வருடத்தில்: உடலில் தேவையற்ற கொழுப்புகள் நீங்கி அழகான உடல் தோற்றத்தை பெற்றிருப்பீர்கள். மேலும் உங்களது நோய் எதிர்ப்பு சக்தி அதிகரிப்பதோடு உங்களது மூளையின் செயல்பாடும் அதிகரிக்கும். எப்போதும் எச்சரிக்கையாக மிகவும் துடிப்புடன் இருப்பீர்கள்.

இதை நினைவில் கொள்ளுங்கள்: ஆரம்பத்தில் சர்க்கரையை விடுவது என்பது சுவையே இல்லாத ஒரு வாழ்க்கைக்குள் செல்வதை போல் உங்களுக்குத் தோன்றும், ஆனால் இவை அனைத்தும் உங்களின் உடல் ஆரோக்கியத்திற்கு என்று நம்புங்கள். ஆரம்பத்தில் ஒரு நாளைக்கு 25 கிராமை விட அதிகமான சர்க்கரை எடுத்துக் கொள்வது இல்லை என்று முடிவு செய்யுங்கள். பின்னர் படி படியாக உங்களை நீங்களே எளிதாக கட்டுப் படுத்திக் கொள்ள முடியும்.

]]>
சர்க்கரை, பலன், sugar, stop, benefits http://images.dinamani.com/uploads/user/imagelibrary/2017/12/29/w600X390/is-added-sugar-bad-2.jpg http://www.dinamani.com/health/health-news/2017/dec/29/what-will-happen-to-us-when-we-stop-eating-sugar-2835232.html
2835207 மருத்துவம் செய்திகள் தினமும் காலை வெறும் வயிற்றில் நெய் சாப்பிட்டால் என்னவாகும்? ஆராய்ச்சியும், ஆயுர்வேதமும் சொல்லும் உண்மை! Friday, December 29, 2017 01:23 PM +0530  

நீங்கள் தினமும் காலை எழுந்து பல் துலக்கிய பின்னர் என்ன செய்வீர்கள்? இந்தக் கேள்விக்கு ஒவ்வொருவரிடம் ஒவ்வொரு பதில் இருக்கும். சிலர் ஒரு சொம்பு நிரைய தண்ணீர் குடிப்பீர்கள், சிலர் காஃபி குடித்தால் தான் அந்த நாள் வேலையே ஆகும் என்பார்கள், வேறு சிலர் நேராகக் காலை உணவைச் சாப்பிடுவார்கள்.

இதுவே உடலை ஆரோக்கியமாக வைத்துக் கொள்ள ஏதாவது செய்ய வேண்டும் என்று நினைப்பவர்களாக இருந்தால் காலை எழுந்தவுடன் ஒரு கிளாஸ் தண்ணீரில் தேன் கலந்து குடிப்பது, பாலில் தேன் கலப்பது, அருகம் புல் ஜூஸ், வாழத்தண்டு ஜூஸ் எனப் பல வீட்டு மருத்துவத்தைக் கடைப்பிடிப்பார்கள். ஏனென்றால் வெறும் வயிற்றில் நாம் சாப்பிடும் எந்தவொரு உணவும் நமது உடலில் பல மாற்றங்களை உண்டாக்கும் ஆற்றலைக் கொண்டது.

பெரும்பாலும் யாரும் காலை எழுந்ததும் வெறும் வயிற்றில் காரமான உணவுப் பொருட்கள் எதையும் சாப்பிட மாட்டோம், அதே போல் நெய் சாப்பிடுவதையும் நினைத்துப் பார்த்திருக்க மாட்டோம். ஆனால் சமீபத்திய பல ஆராய்ச்சி முடிவுகளும், நமது ஆயுர்வேதமும் நாம் எதிர் பாராத ஒரு விஷயத்தைத் தெரிவிக்கிறது. காலையில் வெறும் வயிற்றில் நெய் சாப்பிட்டு ஒரு கிளாஸ் தண்ணீர் குடிப்பதில் பல நன்மைகள் கிடைக்கும் என்பதே அது.

ஒரு ஸ்பூன் நிறைய நெய் சாப்பிட்டு ஒரு கிளாஸ் சுடு தண்ணீர் குடிக்க வேண்டும். இதைச் சாப்பிட்டு ஒரு 30 நிமிடங்கள் கழித்தே வேறு எந்த உணவையும் சாப்பிட வேண்டும். முதலில் இதனால் உங்களுக்குக் கிடைக்கும் நன்மைகள் என்னென்ன என்று பார்ப்போம். 

செல்களின் செயல்பாட்டை அதிகரிக்கும்:

நமது ஆயுர்வேதத்தில் கூறப்பட்டிருப்பதின் படி பார்த்தால் நெய்யில் இருக்கும் ‘ரசா’ என்னும் சத்து உடலில் இருக்கும் செல்களை புத்துயிர் அடையச் செய்கிறது. ஆகையால் காலையில் நெய் சாப்பிடுவதன் மூலம் நமக்குப் புத்துணர்ச்சி கிடைப்பதுடன் செல்களை பராமரித்து நம்மை ஆரோக்கியமாக வைத்துக் கொள்ள உதவும்.

சருமத்தை பொலிவடைய செய்யும்:

செல்கள் இறந்து போவதால் நமது சருமம் பொலிவிழந்து வாடிப் போய் விடிகிறது. நெய் சாப்பிடுவதால் செல்கள் புத்துயிர் பெற்று சருமத்திற்கு இயற்கையான பொலிவை தருகிறது. மேலும் சருமம் ஈரப்பதத்தைத் தக்க வைத்துக் கொள்ள நெய் உதவுகிறது. சொரியாஸிஸ் போன்ற தோல் நோய்களையும் இது குணப்படுத்தும் ஆற்றல் கொண்டது.

மூட்டு வலி மற்றும் வாத நோயில் இருந்து காப்பாற்றும்:

நெய் ஒரு இயற்கையான மசகு எண்ணெய் ஆகும், ஆதனால் இது முட்டி போன்ற எலும்புக் கூடும் பகுதிகளில் இருக்கும் தசைகள் வறட்சி அடையாமல் பாதுகாத்து வழுவழுப்பு தன்மையை தக்க வைக்கிறது. இதனால் மூட்டு வலி அல்லது வாதங்கள் ஏற்படாமல் நம்மைப் பாதுகாத்து கொள்ளலாம். நெய்யில் இருக்கும் ஒமேகா-3 கொழுப்பு சத்து எலும்புகளின் வலிமை அடையச் செய்யும்.

மூளை செல்களை சுறுசுறுப்படைய செய்யும்:

காலை வெறும் வயிற்றில் நெய் சாப்பிடுவது மூளையில் உள்ள அணுக்களைத் தூண்டிவிட்டு மூளையைச் சுறு சுறுப்படைய செய்யும். மூளை வேகமாகச் செயல்படுவதால் நரம்பு மண்டலங்கள் புத்துணர்ச்சி பெற்று ஞாபக சக்தியை அதிகரிக்கும். டிமென்ஷியா மற்றும் அல்சைமர் போன்ற மூளையைப் பாதிக்கும் நோய்க்குறிகளிடம் இருந்து நம்மை இது பாதுகாக்கும்.

உடல் எடையைக் குறைக்கும்:

பல ஆண்டுகளாகச் சொல்லப்படும் நெய் சாப்பிட்டால் உடல் எடை அதிகரிக்கும் என்கிற கூற்றுக்கு மாறாகத் தினமும் காலை 5-10 மி.லி நெய்யை வெறும் வயிற்றில் சாப்பிட்டால் உடல் எடை குறையும் என்பது ஆராய்ச்சி முடிவுகள். மெடபாலிக் அளவை அதிகரித்து உங்கள் உடலில் இருக்கும் தேவையற்ற கொழுப்புகளை இது வெளியேற்றி உடல் எடையைக் குறைக்கிறது.

முடி உதிர்வைத் தடுக்கும்:

தினமும் காலை எழுந்தவுடன் நெய் சாப்பிடுவது உங்கள் கூந்தலின் ஆரோக்கியத்தை அதிகரிக்கும். முடியை மிருதுவாகவும், நீளமாகவும் மாற்றி வேர்கால்களை வலிமை அடையச் செய்யும். இதனால் முடி உதிர்வு குறைந்து வளர்ச்சி அதிகரிக்கும்.

பால் மற்றும் பால் சம்பந்தப்பட்ட பொருட்களைச் சாப்பிடுவதையே வெறுப்பவர்கள் கூட எந்தவொரு பயமும் இல்லாமல் நெய்யைச் சாப்பிடலாம். பால் தொடர்பான பொருட்களைச் சாப்பிடுவதால் வாந்தி வரும் என்பவரா நீங்கள், கவலை வேண்டாம் ‘லேக்டோ இண்டாலரன்ஸ்’ உள்ளவர்கள் கூட நெய்யைச் சாப்பிடலாம் என்று ஆராய்ச்சி முடிவுகள் சொல்கின்றன. நமது உடலில் புற்று நோய் செல்கள் உருவாவதைத் தடுத்து நோய் எதிர்ப்பு சக்தியும் இதனால் அதிகரிக்கும்.

]]>
பலன் , நெய், uses, காலை, ghee, morning, daily http://images.dinamani.com/uploads/user/imagelibrary/2017/12/29/w600X390/1200x628_FACEBOOK_13_Surprising_Health_Benefits_of_Ghee.jpg http://www.dinamani.com/health/health-news/2017/dec/29/what-happens-when-you-eat-ghee-on-an-empty-stomach-in-the-morning-2835207.html
2834798 மருத்துவம் செய்திகள் மூளைச் சாவு அடைந்த இளைஞரின் உடல் உறுப்புகள் தானம் Friday, December 29, 2017 02:31 AM +0530 வேலூரில் நிகழ்ந்த விபத்தில் காயமடைந்து மூளைச் சாவு அடைந்த இளைஞரின் உடல் உறுப்புகள் வியாழக்கிழமை தானம் செய்யப்பட்டன.
வேலூர் சத்துவாச்சாரி பகுதியைச் சேர்ந்த ஆனந்தன் (14), இவரது உறவினர் விஜய் (17), அதே பகுதியைச் சேர்ந்த பாலாஜி (21) ஆகிய மூவரும் பைக்கில் புதன்கிழமை அதிகாலை வேலூர் நேதாஜி மார்கெட்டுக்குச் சென்று கொண்டிருந்தனர். 
காகிதப்பட்டரை பகுதி அருகே சென்ற போது பின்னால் வந்த மற்றொரு பைக் மோதியது. 
இதில் 3 பேரும் நிலைத்தடுமாறி விழுந்தனர். அப்போது அவ்வழியாக வந்த லோடு ஆட்டோ இவர்கள் மீது மோதியது. இதில் ஆனந்தன் நிகழ்விடத்திலேயே இறந்தார். விஜய் லேசான காயமடைந்தார். பலத்த காயமடைந்த பாலாஜி வேலூர் சிஎம்சி மருத்துவமனையில் சேர்க்கப்பட்டார். 
இந்நிலையில், பாலாஜி வியாழக்கிழமை மூளைச் சாவு அடைந்தார். இதையடுத்து அவருடைய உடல் உறுப்புகளை தானம் செய்ய அவரது பெற்றோர்கள் ஏழுமலை, மரகதம் ஆகியோர் ஒப்புதல் அளித்தனர். 
பின்னர், இவருடைய இருதயம் மற்றும் நுரையீரல் சென்னை போர்டீஸ் மலர் மருத்துவமனைக்கும், ஒரு சிறுநீரகம், கல்லீரல் சிஎம்சி மருத்துவமனைக்கும், மற்றொரு சிறுநீரகம் சென்னை அப்போலோ மருத்துவமனைக்கும் தானமாக வழங்கப்பட்டன.
இதையடுத்து, சிறப்பு மருத்துவக் குழுவினர் இருதயம், மற்ற உடல் உறுப்புகளை சிறப்பு ஆம்புலன்ஸ் வாகனம் மூலம் சென்னைக்கு கொண்டு சென்றனர்.
 

]]>
http://images.dinamani.com/uploads/user/imagelibrary/2017/12/29/w600X390/balaji.jpg http://www.dinamani.com/health/health-news/2017/dec/29/மூளைச்-சாவு-அடைந்த-இளைஞரின்-உடல்-உறுப்புகள்-தானம்-2834798.html
2833982 மருத்துவம் செய்திகள் உங்களுக்கு நாற்பது வயதென்றால் நிச்சயம் இதைப் படித்துவிடுங்கள் உமா Wednesday, December 27, 2017 05:42 PM +0530  

சிலருக்கு எழுபது வயதிலும் நிறைந்த ஆரோக்கியம் இருக்கும். ஒருசிலருக்கு முப்பது வயதுக்கு மேல் சில உடல் உபாதைகள் ஏற்படத் தொடங்கி நாற்பதில் ஒரு வியாதியஸ்தராக மாறிப்போயிருப்பர்.

எனவே நாற்பது வயதுக்கு மேல் உடல் நலத்தில் அக்கறை எடுத்து தேவையானா ஹெல்த் செக் அப் செய்து கொள்ள வேண்டும். அதிலும் குறிப்பாக நாற்பது வயதில் ஆண்களுக்கு இதய நோய் ஏற்படுகிறது என்கிறது ஒரு சமீபத்திய ஆய்வு. இதற்குக் காரணம் மன அழுத்தம், வேலையில் ஏற்படக் கூடிய ஸ்ட்ரெஸ், உணவுகளில் அக்கறை காட்டாதலால் ஏற்பட்டுள்ள உடல் பருமன் போன்றவையாகும். மேலும் சிலருக்கு இளம் வயதிலேயே தலைமுடி நரைத்துவிடும் அல்லது வழுக்கை விழும். இதுவும் இதயம் சம்பந்தப்பட்ட நோய்களுக்கான ஒரு அறிகுறி என்கிறது அந்த ஆய்வு.

இந்தியாவில் 40 வயது நிறைந்த ஆண்களை இரண்டாயிரம் பேரை  ஒருங்கிணைத்து ஆய்வொன்றினை மேற்கொண்டனர். பிரிட்டிஷ் இதய அறக்கட்டளையின் இணை மருத்துவ இயக்குனர் மைக் நாப்டன் தலைமையில் இந்த ஆய்வு நடந்தது. ஆய்வு முடிவில் தலைமுடி அதிகம் இருப்பவர்களை விட, இளநரை அல்லது வழுக்கை விழுந்த ஆண்களுக்கு இதயம் சம்பந்தப்பட்ட நோய்கள் அதிகம் வந்துள்ளதாக கண்டுபிடிக்கப்பட்டுள்ளது. இதற்குக் காரணம் வாழ்வியல் பிரச்னைகள், அதிகரித்து வரும் மன அழுத்தப் பிரச்னைகள் என்றனர் ஆய்வாளர்கள். 
 
வேலை செய்யாமல் வாழ முடியாது. எனவே வேலை சார்ந்த மன அழுத்தம் என்பது இன்றைய தினத்தின் மாற்றி அமைக்க முடியாத ஒன்றாகிவிட்டது. ஆனாலும் அதில் கவனத்துடன் செயல்பட முடியும். உணவு விஷயங்களில் கட்டுப்பாடும் மிகவும் முக்கியம். அதிக கொழுப்பு மற்றும் ரத்த அழுத்தம் போன்ற ஆபத்து காரணிகளை அது குறைக்கச் செய்யும். எதிலும் வேகம் என்றில்லாமல் சற்று நிதானமான முறையில் ஒருவரது வாழ்க்கை முறையை மாற்றிக் கொள்ளலாம். இவை நாற்பது வயதைக் கடந்தோர் கவனம் கொள்ள வேண்டிய ஒரு விஷயம்’ என்று மைக் தெரிவித்தார்.

]]>
Men's health, Heart attack, ஆரோக்கியம், இதய நோய், நாற்பது வயது http://images.dinamani.com/uploads/user/imagelibrary/2017/12/27/w600X390/40.jpg http://www.dinamani.com/health/health-news/2017/dec/27/health-care-for-men-above-40-years-2833982.html
2833341 மருத்துவம் செய்திகள் முகப் பொலிவு முதல் இதய ஆரோக்கியம் வரை எதற்கெல்லாம் ‘வைட்டமின் - ஈ’ எண்ணெய்யைப் பயன் படுத்தலாம் தெரியுமா? Tuesday, December 26, 2017 01:15 PM +0530  

நமது உடல் மற்றும் சரும ஆரோக்கியத்திற்கு எண்ணெய் சத்து மிகவும் அவசியம். ஒவ்வொரு வகையான எண்ணெய்யிலும் பல நன்மைகள் நிறைந்திருக்கின்றன. அதில் வைட்டமின் - ஈ எண்ணெய்யில் இருந்து நமக்குக் கிடைக்கும் பயன்களைப் பற்றி பார்ப்போம்.

நமது சருமத்திற்கு இயற்கையான பொலிவை தருவது, மென்மையான கூந்தல் மற்றும் புற்று நோய் முதல் இதய நோய் வரையிலான பிரச்னைகளில் இருந்து நம்மைப் பாதுகாப்பது என நீங்கள் நினைத்துக் கூட பார்க்காத அளவு நன்மைகளை வாரி வழங்கக் கூடியது வைட்டமின் - ஈ எண்ணெய். 

இந்த எண்ணெய்யை இரு முறைகளில் நாம் பெறலாம் ஒன்று செயற்கையாக சில கெமிக்கல்களை பயன்படுத்தித் தயாரிப்பது, மற்றொன்று இயற்கையாகவே வைட்டமின் - ஈ சத்து நிறைந்துள்ள உணவுப் பொருட்களில் இருந்து எண்ணெய்யைப் பிரித்தெடுப்பது என. இப்போதெல்லாம் மெடிக்கல் ஷாப்கள் முதல் அழகு சாதன பொருட்கள் விற்கும் கடைகள் வரை இந்த எண்ணெய் கிடைக்கிறது, ஆகையால் சரியான எண்ணெய்யைத் தேர்ந்தெடுத்து வாங்க வேண்டியது மிகவும் அவசியம். 

சருமம் பளிச்சிடும்:

வைட்டமின் - ஈ எண்ணெய் தேய்த்து மசாஜ் செய்வதன் மூலம் முகத்தில் இருக்கும் நரம்புகள் வலுப்பெற்று ரத்த ஓட்டம் அதிகரிப்பதால் சரும ஆரோக்கியமும் அதிகரிக்கும் என்று மருத்துவர்கள் தெரிவிக்கிறார்கள். ரத்த ஓட்டம் சீராக இருந்தால் முகம் தனது இயற்கையான பொலிவை திரும்பப் பெற்று பளிச்சிடும்.

தழும்புகள் மறையும்:

குழந்தை பெற்றதால் வயிற்றில் வரும் தழும்புகள், உடற் பயிற்சிகள் மூலம் கை கால்களில் வரும் தழும்புகள் என அனைத்தையும் வைட்டமின் - ஈ எண்ணெய்யைப் பயன்படுத்தி மறையச் செய்யலாம். இந்த எண்ணெய்யில் இருக்கும் ஊட்டச்சத்துகள் சருமத்திற்கு ஊடுருவி இந்தத் தழும்புகளை மறையச் செய்கிறது என மருத்துவர்கள் தெரிவிக்கிறார்கள்.

தோலில் சுருக்கம் விழாமல் பாதுகாக்கும்:

சுற்றுச்சூழல் மாசு, கெமிக்கல்கள் நிறைந்த அழகு சாதன் பொருட்களைப் பயன்படுத்துவது போன்ற காரணத்தால் இப்போதெல்லாம் சீக்கிரமாகவே முகத்தில் சுருக்கங்கள் ஏற்படுகின்றன. வைட்டமின் - ஈ எண்ணெய்யைப் பயன்படுத்துவதன் மூலம் இந்த பிரச்னை பற்றிய கவலை இல்லாமல் இருக்கலாம் என்று டெர்மடாலிஜிஸ்ட்களே பரிந்துரைக்கிறார்கள்.

இதய நோயில் இருந்து விடுபட:

நமது உடலில் வைட்டமின் - ஈ சத்து அதிகமாக இருந்தால் அது இதய நோய் வருவதற்கான சாத்தியக் கூறுகளை பன்மடங்கு குறைக்கும் என்று ஆராய்ச்சி முடிவுகள் கூறுகின்றன. இதய நோய் மட்டுமில்லாமல் இந்த எண்ணெய்யைத் தொடர்ச்சியாக பயன் படுத்தினால் டைப் 2 நீரிழிவு நோய், கொலஸ்ட்ரால், புற்று நோய் போன்ற பிரச்னைகளில் இருந்தும் விடுபடலாம்.

வெடிப்புகள் ஏற்படாமல் தடுக்கும்:

இந்த எண்ணெய் பிசுப் பிசுப்பு தன்மை அற்றது என்பதால் நீங்கள் குளித்து முடித்த பிறகு ஒரு மாய்ஸ்ட்ரைஸரை போல இதை உங்கள் உடல் முழுவதும் தடவினால் சில வினாடிகளிலேயே இந்த எண்ணெய்யைச் சருமம் உள் இழுத்துக் கொண்டு மிகவும் மென்மையாக மாறுவதை நீங்களே உணர முடியும். பனிக்காலங்களில் உதட்டில் தடவினால் வெடிப்புகள் ஏற்படாது.

மேக் அப்பை முற்றிலுமாக அகற்ற:

நாம் போடும் மேக் அப் குறைந்தது 8 மணி நேரமாவது தாக்கு பிடிக்க வேண்டும் என்று 9-5 அழகு சாதன பொருட்களைப் பயன்படுத்துகிறோம். ஆனால் கடைசியாக முகத்தைக் கழுவினாலும் கண்ணில் வைத்த மை, லைனர் போன்றவை போவதில்லை. அதை அழிக்கப் படாத பாடு பட வேண்டி இருக்கும், இனி இந்தக் கவலை வேண்டாம் வைட்டமின் - ஈ எண்ணெய்யைச் சிறிதளவு முகத்தில் தேய்த்து மசாஜ் செய்த பின்னர் முகத்தைக் கழுவி பாருங்கள் எந்தத் தடயமும் இல்லாமல் உங்கள் மேக் அப் கலைந்திருக்கும். மேலும் கரு வளையப் பிரச்னைக்கும் இது ஒரு சிறந்த தீர்வாகும். 

இன்று பயன் படுத்திய உடனே நாளையே பலனை கண்டுவிட வேண்டும் என்று ஆசைப் படாதீர்கள். வைட்டமின் - ஈ எண்ணெய் நமது உடலுக்குள் சென்று தேவையான மாற்றங்களை ஏற்படுத்த ஒன்று அல்லது இரண்டு மாதங்கள் தேவைப்படும், அதுவரை பொறுமையாக காத்திருந்து பலனை அனுபவியுங்கள்.

]]>
vitamin E, எண்ணெய், சருமம், வைட்டமின் ஈ, oil http://images.dinamani.com/uploads/user/imagelibrary/2017/12/26/w600X390/7WaysToUseVitaminECapsules45.jpg http://www.dinamani.com/health/health-news/2017/dec/26/the-benefits-of-vitamin-e-oil-2833341.html
2832793 மருத்துவம் செய்திகள் மீன் சாப்பிட்டால் நன்றாகத் தூக்கம் வருமா! ஆய்வு முடிவுகள் என்ன சொல்கின்றன? உமா Monday, December 25, 2017 12:56 PM +0530  

நீங்கள் மீன் உணவுகளை விரும்பி சாப்பிடும் வழக்கம் உள்ளவரா? இது உங்களுக்கான நல்ல செய்தி.

வாரத்தில் ஒரு நாளாவது மீன் வகையறாக்களைச் சமைத்துச் சாப்பிடுவோருக்கு, இரவில் நல்ல உறக்கம் வரும், குழந்தைகள் இதனை சாப்பிடும் போது அவர்களின் ஐக்யூ மேம்படும் என்று அண்மையில் வெளியிடப்பட்ட ஒரு ஆய்வு அறிக்கை கூறுகிறது.

பெனிசில்வேனியாவில் உள்ள பல்கலைக்கழகம் முன்னெடுத்த இந்த ஆய்வில், மீன் வகை உணவுகளை அதிகம் சாப்பிடும் குழந்தைகளின் நுண்ணறிவுத் திறன் (ஐக்யூ) மற்ற குழந்தைகளை விட மிகச் சிறப்பாக இருப்பதாக கண்டறிந்துள்ளனர்.

ஒமேகா 3S (Omega 3s) என்ற சத்து வகை வகையான மீன் உணவுகளை சமைத்து சாப்பிடுவதால் உடலுக்குக் கிடைக்கிறது.

இது மீன் உணவுகள் மூலம் மட்டுமே பெரிதும் கிடைக்கக் கூடிய சத்து என்பது குறிப்பிடத்தக்கது.

பிரபல ஆய்வாளர் ஜியாங்ஹாங் லியூ என்பவரின் தலைமையில் சீனாவில் இந்த ஆய்வு நடைபெற்றது.  9-லிருந்து 11-வயதுக்குட்பட்ட, 541 குழந்தைகள் இந்த உணவுப்  பரிசோதனைக்கு உட்படுத்தப்பட்டனர்.

இதில் 54 சதவிகிதம் சிறுவர்களும், 46 சதவிகித சிறுமியரும் தங்களுக்குத் தரப்பட்ட கேள்வித்தாளில் ஒரு மாதத்தில் அவர்கள் மீன் உணவுகளை எத்தனை தடவை சாப்பிடுகிறார்கள், எப்படி சாப்பிடுகிறார்கள் என்பதை பதிவு செய்தார்கள்.

இதுவரை மீன் சாப்பிட்டதே இல்லை, எப்போதாவது சாப்பிடுவேன், வாரம் ஒரு முறையேனும் கட்டாயம் சாப்பிடுவேன் என்பதாக அந்தக் கேள்வித் தாள் வடிவமைக்கப்பட்டிருந்தது.

இந்தக் கேள்வித்தாளுக்கு விடை அளித்த பின்னர் அவர்களுக்கு நுண்ணறிவுச் சோதனை நடைபெற்றது. பேச்சுத்திறன், அறிவுத்திறன் உள்ளிட்ட பலவிதமான தேர்வுகள் மூலம் அவர்களின் ஐக்யூ சோதிக்கப்பட்டது.

இக்குழந்தைகளின் பெற்றோர்களையும் அழைத்து இரவில் அவர்கள் எப்படி தூங்குகிறார்கள், எத்தனை மணிக்கு படுக்கச் செல்கிறார்கள், எத்தனை மணிக்கு காலையில் எழுந்து கொள்கிறார்கள் என்பதை எல்லாம் கேட்டறிந்து அத்தகவல்களையும் பதிவு செய்தனர்.

இந்தச் சோதனைகளின் முடிவில், வாரம் ஒரு முறையேனும் மீன் உணவுகளைச் சாப்பிட்ட குழந்தைகள் ஐக்யூ தேர்வில் 4.8 புள்ளிகள் பெற்றிருந்தனர்.

மீன் எப்போதாவது சாப்பிடும் குழந்தைகளும், ஒருபோதும் சாப்பிடாத குழந்தைகளும் இந்த நுண்ணறிவுப் போட்டியில் 3.3 புள்ளிகளே பெற்றிருந்தனர். இவர்களின் தூக்கமும் குறைந்த அளவே இருந்துள்ளது என்பதையும் ஆய்வின் முடிவில் கண்டறிந்தார்கள்.

நன்றாகத் தூங்கி நல்ல ஓய்வெடுத்தால்தான் உற்சாகத்து