Dinamani - ஆயுள் காக்கும் ஆயுர்வேதம் - http://www.dinamani.com/health/health-serials/ayurvadham/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3037335 தொடர்கள் ஆயுள் காக்கும் ஆயுர்வேதம் நல்லெண்ணெய்: மனிதர்களுக்கு கிடைத்த வரப்பிரசாதம்! டாக்டர் எஸ். சுவாமிநாதன் DIN Thursday, November 8, 2018 12:00 AM +0530 தற்காலத்தில் ஐம்பது வயதுக்கு மேற்பட்டவர்கள், முக்கியமாகப் பெண்மணிகள் முழங்கால் மூட்டு தேய்வு காரணமாக மிகவும் துன்பப்படுவதைக் காண்கிறோம். இப்போதெல்லாம் KNEECAP REPLACEMENT SURGERY என்ற அறுவைச் சிகிச்சையும் சகஜமான நிவாரணம் ஆகியுள்ளது.

இயற்கையான முழங்கால் மூட்டிற்கு மாற்றாக உலோகத்திலான KNEECAP பொருத்தப்படுகிறது. மிகவும் அதிகச் செலவு வைக்கும் இத்தகைய அறுவைச் சிகிச்சை மேற்கொண்டவர்களும் திரும்பவும் திரும்பவும் அந்த செயற்கை KNEECAP- ஐ மாற்ற வேண்டி இருப்பதாகச் சொல்கிறார்கள் . உடல் எடை அதிகரித்துள்ளதே இதற்கான காரணம் என்பது உண்மையா? மரச்செக்கில் ஆட்டிய இயற்கையான நல்லெண்ணெய் வெறும் வயிற்றில் உட்கொள்வது பற்றி ஆயுர்வேதத்தில் தகவல்கள் உண்டா?

- சுப்ர. அனந்தராமன், சென்னை.

வழுவழுப்பை மூட்டுகளில் ஏற்படுத்தக் கூடிய தன்மையுடைய பொருட்களை வகைப்படுத்தி அவற்றைச் சீராக உட்கொள்வதையும், அதே வழுவழுப்பை வெளிப்புறமாக மூட்டுகளில் தடவி வருவதையும் வழக்கமாக்கிக் கொண்டால், நீங்கள் குறிப்பிடும் உபாதைகளிலிருந்து தக்கதொரு பாதுகாப்பை நாம் பெற முடியும். உளுந்து, எள்ளு, பால், கோதுமை, ஆளி விதை, மாமிசசூப்பு, அறுபதாம் குறுவை அரிசி (கார அரிசி), நெய், வெந்தயம், நல்லெண்ணெய், வெண்பூசணி, சுரைக்காய், வெள்ளரி, திராட்சை, மாதுளம்பழம், பேரீச்சம்பழம், இந்துப்பு போன்றவை நெய்ப்பை மூட்டுகளில் ஏற்படுத்தித் தருபவை. இவற்றிலுள்ள பசையை ஜாடராக்னி எனும் பசித்தீயில் வேக வைத்து குடல் வழியாக உறிஞ்சப்பட்டு, சிலேஷக கபம் எனும் மூட்டுகளை வழுவழுப்பாக வைத்திருக்கும் தோஷத்திற்கு ஏற்றாற்போல் மாறி சேர்க்கப்பட்டால், மூட்டுகளில் உராயும் தன்மையானது தவிர்க்கப்படும். இதைச் செய்வதற்கு ஆதார பூதமாக பசித்தீ இருப்பதால், மூட்டுகளில் வலியோ வீக்கமோ காணப்பட்டாலும் ஆரம்ப சிகிச்சை என்பது பசியை நேர்படுத்தி, குடல் சுத்தமாக ஆக்கப் பட்டபின்னரே, மூட்டுகளுக்கு சிகிச்சை செய்யப்பட வேண்டும் என்பது ஆயுர்வேதத்தின் கூற்றாகும். இதிலுள்ள சிரத்தைக் குறைவே, பலருக்கும் பல வகைகளில் உபாதைகளைத் தோற்றுவிக்கின்றது.

உடல் எடை அதிகரித்தவர்களுக்கு மூட்டுகள் விரைவாக கல கலத்துப் போவதற்குக் காரணமாக, மூட்டுகளில் உள்ள ஜவ்வு வெளிப்பிதுங்குவதாலும், ஜவ்வு கிழிவதாலும் ஏற்பட வாய்ப்புகள் அதிகமுள்ளன. அமர்ந்த நிலையில் தெரியாத கஷ்டம், நிற்கும் நிலையிலோ, நடக்கும் நிலையிலோ, மூட்டுகளில் ஏற்படுத்தும். இந்த நிலை மாற, தொடர்ந்து நெய்ப்பை அப்பகுதிக்கு தருவது ஒன்றே வழியாகும். ஆனால், இதிலுள்ள கஷ்டம், நெய்ப்பைத்தரும் பல பொருட்களும், உடல் பருமனை மேலும் வளர்க்கும் என்பது தான்.

அதனால் உடல் பருமனைக் குறைக்கும் வராதி கஷாயம், வரணாதி கஷாயம், குக்குலுதிக்தகம் கஷாயம், கைசோர குக்குலு, த்ரயோதசாங்க குக்குலு போன்ற மாத்திரைகள் அடிக்கடி சாப்பிடப்பட வேண்டியவை. இதன் மூலம், உடல் லேசாவதுடன், மூட்டுகளிலுள்ள ஜவ்வுகள் வீக்கம், வலி போன்ற பிரச்னைகளிலிருந்து விடுபடும். அதன் பிறகு, மூலிகை தைலத்தைக் கொண்டு, வறட்சி அடைந்துள்ள மூட்டுகளின் மீது இளஞ்சூடாகத் தடவி 1/2 மணி நேரம் ஊறலாம். பிறகு துடைத்து விடலாம். பிண்ட தைலம், கொட்டஞ்சுக்காதி தைலம், முக்கூட்டு தைலம் ஆகியவை இந்த ஏற்பாட்டிற்காக பயன்படுத்தத் தேவையானவை.

ஊடுருவும் தன்மை, செரிமானமாவதற்கு முன்பாகவே உடலில் பரவிவிடும் குணம், தோலின் வலிமை, கண்பார்வை சக்திக்கு வலுவூட்டுதல் (வெளி உபயோகத்தினால்), சூடான வீர்யம், தேய்த்துக் குளிப்பதால் உடல் மெலிந்தவர் பருப்பதும், உள் உபயோகத்தினால் பருத்தவர் இளைப்பதும், மலத்தை இறுக்குவதும், குடல் கிருமிகளை அழிப்பதும், மூலிகைகளால் காய்ச்சப்பட்டதும் பல நோய்களுக்கு அருமருந்தாகவும் பயனளிக்கக் கூடிய நல்லெண்ணெய், மனிதர்களுக்குக் கிடைத்துள்ள வரப்பிரசாதம் தான் ! 
(தொடரும்) 

பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே) 
செல் : 94444 41771

 

]]>
http://images.dinamani.com/uploads/user/imagelibrary/2018/6/26/w600X390/oil.jpg http://www.dinamani.com/health/health-serials/ayurvadham/2018/nov/08/நல்லெண்ணெய்-மனிதர்களுக்கு-கிடைத்த-வரப்பிரசாதம்-3037335.html
3002887 தொடர்கள் ஆயுள் காக்கும் ஆயுர்வேதம் கண்களை கவனியுங்கள்.. காதலியின் கண்களை அல்ல உங்கள் கண்களை! டாக்டர் எஸ். சுவாமிநாதன் DIN Thursday, September 20, 2018 12:00 AM +0530 என் மனைவி அடிக்கடி கண்களை மூடித் திறக்கிறார். இதற்கு முன் இந்தக் குறைபாடு இருந்ததில்லை. பிரபல கண் மருந்துவமனை ஒன்றிலும் காட்டியாகிவிட்டது. அவர்களுக்கும் தீர்வு சொல்லத் தெரியவில்லை. இதற்கு ஆயுர்வேத சிகிச்சை ஏதேனும் உள்ளதா?

-த.ரெங்கராஜன், மதுரை. 

கண்கள் வறண்டு விடாமலிருக்க, கண்ணீர் கசிவு எப்போதும் கண்களில் இருக்கும்படியான விதத்தில் நீர் சுரப்பிகள் வேலை செய்து கொண்டே இருக்கின்றன. கருவிழிகளில் இரத்த நாளங்கள் இல்லாமையினால், அதற்குத் தேவையான புத்துணர்ச்சி தரும் சத்தான பகுதிகள் வராததால், கண்ணீர் வழியாக அவை புத்துணர்வு பெறுகின்றன. அதனால் உங்கள் மனைவிக்குக் கண்களில் நீரின் வரத்து குறைந்து போனதற்கான வாய்ப்புகளிருப்பதால், இந்தக் குறைபாடு ஏற்பட்டிருக்கக் கூடும். ஒரே பொருளை உற்று நோக்க வேண்டிய சூழ்நிலையும், பல மணி நேரம் கணினி முன் அமர்ந்து அதையே பார்த்துக் கொண்டு,  குளிரூட்டப்பட்ட அறையில் வேலை செய்பவர்களுக்கும் இந்த உபாதை அதிகம் ஏற்பட வாய்ப்பிருக்கிறது. கண்களுக்குப் போதுமான அளவு ஓய்வு கொடுக்காதிருப்பதாலும் இந்த உபாதை தலைதூக்க வாய்ப்பிருக்கிறது.


கண்களை மூடிக் கொண்டு, வாயில் நீர் நிரப்பி, கண்களைத் தண்ணீரால் கழுவிவிடுவதால், கண்களுக்குப் புத்துணர்ச்சி ஏற்படும். இதை ஒரு நாளில் மூன்று அல்லது நான்கு முறைக் கூடச் செய்யலாம். கண் இமைகளில் இரத்த ஓட்டத்தைச் சீராக்கி, உள்ளங்கைகளை ஒன்றோடு ஒன்று நன்கு தேய்த்து, அதனால் ஏற்படும் சூட்டை கண் இமைகளின் மீது வைத்து ஒத்தடம் கொடுப்பது நலம். துணியை சிறிய பந்து போலச் சுருட்டி, வாயின் மீது வைத்து ஒத்தடம் கொடுப்பதை நீங்கள் பார்த்திருப்பீர்கள். அது போலச் செய்வதும் நல்லதே. ஒரு நாளில் இரண்டு மூன்று முறை செய்யலாம்.


தஞநஉ ரஅபஉத  எனும் பன்னீரில் உள்ள வைட்டமின் "ஏ' சத்து கண் இமைகளை வலுப்படுத்துகிறது. பன்னீரில் கைவிரல் நுனிகளை நனைத்து கண் இமைகளை மூடி, அதன் மீது ஒரு நாளில் இரு முறைதடவி விட்டு, இதமாக மசாஜ் செய்து கொள்ளலாம். ஆலிவ் எண்ணெய் அல்லது தூய தேங்காய் எண்ணெய்யையும் இது போலப் பயன்படுத்தலாம். உடலில் நீர்சத்து குறையாதிருக்க, நிறைய நீர்த் திரவங்களைப் பருக வேண்டும். 


மேலும்  ஈரப்பசையே இல்லாத காற்றுப் பகுதிகளில் சஞ்சரித்தல், கடும் கோடையில் வெயிலில் குளிர் கண்ணாடி அணியாமல் செல்லுதல், கால்களில் காலணி அணியாமல், சூடான தரையில் நடத்தல், தலைக்கு எண்ணெய் தடவாமல், வெந்நீரைத் தலைக்கு விட்டுக் குளித்தல், தலை கவிழ்ந்து உறங்குதல் போன்ற சில காரணங்களால், கண் இமைகள் வலுவிழந்து கொட்டக் கூடும்.

கண்களையும், கண் நரம்புகளையும் வலுப்படுத்தக் கூடிய பொன்னாங்கண்ணிக் கீரை, முருங்கைக் கீரை, முருங்கைப் பூ, பசும்பால், பசு நெய், கேரட், கோழி முட்டை, பப்பாளிப் பழம், நெல்லிக்கனி, இந்துப்பு போன்றவற்றை அதிகம் பயன்படுத்தலாம். உடலில் நீர்வறட்சி, கண்களையும் வறட்சியாக்குவதால், அதைத் தவிர்க்க - இளநீர், பனைநுங்கு, முலாம்பழம், வெள்ளரிப்பழம், வெள்ளரிப்பிஞ்சு சாப்பிடலாம். விலாமிச்சை, வெட்டிவேர் போட்ட பானை நீர் குடிக்கப் பயன்படுத்தலாம்.


மூக்கினுள் 4 சொட்டு க்ஷீரபலா தைலத்தைவிட்டு  உறிஞ்சுவது, தலைக்கு கார்ப்பாஸாஸ்த்யாதி தைலம் இளஞ்சூடாக தலையில் தேய்த்துக் குளித்த பிறகு, உச்சந் தலையில் ராஸ்னாதி சூரணம் பூசுவது, கண்களில் தர்பனம், புடபாகம், அஞ்சனம் போன்ற விசேஷ கண் சிகிச்சைகளைச் செய்து கொள்வது ஆகியவை தங்களுடைய மனைவிக்கு, குணம் தரக் கூடிய சிகிச்சை முறையாகும்.


தலையில் மூலிகைத் தைலமாகிய கார்ப்பாஸாஸ்த்யாதி அல்லது க்ஷீரபலாவை தேக்கிவைக்கும் முறையான "சிரோவஸ்தி' எனும் சிகிச்சை செய்து கொள்வதும் நலமே. வயிறு, குடலைச் சுத்தப்படுத்தும் வாந்தி, பேதி சிகிச்சை, உடலுக்கு எண்ணெய் தேய்த்து வியர்வையை ஏற்படுத்தும் சிகிச்சை முறைகளைச் செய்த பின் மாலையிலோ, காலையிலோ முழுங்கால் அளவு உயரமுள்ள இருக்கையில் அமர்த்தி, நெற்றியின் வழியாக தலையைச் சுற்றி துணி ஒன்றைக் கட்டி, அதன்மேல் தோல்பட்டையைக் கட்டுவார்கள். தோல்பட்டை தளராமலிருக்க நாடா ஒன்றினால் இறுக்கமாகச் சுற்ற வேண்டும். உளுந்து பிசைந்த மாவை அதைச் சுற்றிப்பூசினால், நன்கு பிடித்துக் கொள்ளும், எண்ணெய் வழியாது. இளஞ்சூடாக தைலத்தை தலை முடியின் வேரிலிருந்து மேலே இரண்டு அங்குல உயரம் தேங்கி நிற்கும்படி, சுமார் 45 நிமிடங்கள் முதல் ஒரு மணி நேரம் வரை, தலையில் வைத்திருக்க வேண்டும். தைலத்தின் சூடு ஆறினால், பிழிந்தெடுத்து, மறுபடியும் வெது வெதுப்பாக ஊற்றி வைக்க வேண்டும். இந்த வைத்திய முறையை தொடர்ச்சியாக மூன்று ஐந்து அல்லது ஏழு நாட்கள் வரை செய்யலாம்.


தலையைச் சார்ந்த வாத நோய்களை நீக்கவும், கண், காது போன்ற புலன்களுக்கு அதிகத் தெளிவு ஏற்படுத்துவதுடன், குரல், முகவாய்க்கட்டை, தலை இவற்றிற்கு வலுவையும் உண்டாக்குகிறது. 


 (தொடரும்) 

]]>
http://images.dinamani.com/uploads/user/imagelibrary/2017/1/17/w600X390/eyes1.jpg http://www.dinamani.com/health/health-serials/ayurvadham/2018/sep/20/கண்களை-கவனியுங்கள்-காதலியின்-கண்களை-அல்ல-உங்கள்-கண்களை-3002887.html
2998971 தொடர்கள் ஆயுள் காக்கும் ஆயுர்வேதம் பார்க்கின்ஸன்ஸ் நோய் பாதிப்புகள்! டாக்டர் எஸ். சுவாமிநாதன் DIN Thursday, September 13, 2018 12:00 AM +0530 என் மனைவிக்கு வயது 65. கடந்த ஆறு ஆண்டுகளாக பார்க்கின்ஸன்ஸ் எனும் நோயால் பாதிக்கப்பட்டு, படுக்கையிலிருந்து எழும் போது, நடப்பதற்கு மிகவும் சிரமப்படுகிறார். SYNCAPONE 100 எனும் ஆங்கில மாத்திரை சாப்பிட்டால் அரை மணி நேரம் கழித்து இயல்பான நிலைக்கு வருகிறார்கள். இந்த உபாதை நீங்க, கட்டுப்பாட்டுக்குள் இருக்க வழி என்ன?

-மா. தமிழ்மணி, திருநெய்ப்பேர், 
திருவாரூர் (மா)
 

மூளையை பாதிப்புறச் செய்யும் ஒரு வகை வாதநோய் இதுவென்பதாலும், அதன் சீற்றத்தை அடக்கி, மூளையிலுள்ள நரம்புகளை வலுப்பெறச் செய்து, அங்குள்ள சுரப்பிகளின் குறைபாடுகளைச் களைய வேண்டியிருப்பதாலும், மருத்துவத்தில் சில கடுமையான சிகிச்சை முறைகளான - மூலிகை நெய், தைல மருந்துகளைப் பருகுதல், நசியம் எனும் மூக்கில் மருந்து விடும் முறை, அனுவாஸன வஸ்தி எனும் ஆசனவாய் வழியாக மூலிகைத் தைலங்களை மலப்பையினுள் செலுத்துதல், அதனால் ஏற்படும் வாயுவினுடைய விடுபட்ட நிலையை நன்கறிந்து, கஷாயவஸ்தி எனும் மூலிகை கஷாயங்களை ஆசனவாய் வழியாக, மலப்பையினுள் செலுத்தி, அதை அவ்விடம் விட்டு வெளியேறச் செய்தல், தலை மற்றும் உடல் பகுதிகளில் மூலிகைத் தைலங்களை வெது வெதுப்பாகத் தேய்த்து ஊற வைத்து, நீராவிப் பெட்டியினுள் உட்கார வைத்து, வியர்வையை ஏற்படுத்துதல், சித்தாமுட்டி வேர்க் கஷாயத்தை, நவர அரிசியுடன் வேக வைத்து, பால் கலந்து மூட்டைகட்டி உடலெங்கும் தேய்த்துவிடும் சிகிச்சை முறை என்றெல்லாம் செய்ய வேண்டிய நிர்பந்தத்திற்கு அவர் ஆட்பட்டுவிடுகிறார். மருந்துவனிடம் என்னை நீ அவ்வளவு எளிதாக சரி செய்து விட முடியுமா? என்று சவால் விடும் நோய் இதுவாகும்.

மூளையை வலுப்படுத்த, இந்துகாந்தம் எனும் நெய் மருந்தை சுமார் 15 - 20 மி.லி. நீராவியில் உருக்கி, காலையில் வெறும் வயிற்றிலும், மாலையில் விதார்யாதி எனும் நெய் மருந்தை, 15 - 20 மி.லி. நீராவியில் உருக்கி வெறும் வயிற்றில் குறைந்தது 21 நாட்களாவது சாப்பிட வேண்டிய அவசியமிருக்கிறது. அதிக பட்சம் 48 நாட்கள் சாப்பிடலாம். ஒவ்வொரு முறையும் நெய் மருந்தை சாப்பிட்டதும், சிறிது வெந்நீர் அருந்த வேண்டும். இதனால், மருந்தானது விரைவில் செரித்து, குடல் வழியாக உறிஞ்சப்பட்டு, அதன் வீர்யமானது மூளையை வேகமாகச் சென்றடையும். நெய் மருந்தினுடைய முழு வீரியமும் உடலினுள் வந்தடைந்துள்ள விபரத்தை, அறிந்து கொள்ளக் கூடிய உபாயங்களையும் ஆயுர்வேதம் கூறியுள்ளது. பசி தீவிரமாக எடுத்தல், குடல் அழுக்குகள் முழுவதுமாக நீங்குதல், உடல் உட்புற உறுப்புகள் நன்கு வலுவடைதல், உடல் நிறம் தேறுதல் போன்றவை ஏற்படத் தொடங்கும்.

அதன் பிறகு, பசியினுடைய தன்மை சீராக இருப்பதாக அறிந்தால், எளிதல் செரிக்க முடியாததும், நாடி நரம்புகளை வலுப்படுத்தக் கூடிய மருந்துகளும் பரிந்துரைக்கப்படும். அந்த வகையில், காலையிலும் இரவிலும், உணவிற்குப் பிறகு, தசமூலரஸôயனம் எனும் லேகிய மருந்தை 1 - 2 ஸ்பூன் (5 - 10 கிராம்) அளவில் நக்கிச் சாப்பிட வேண்டும். தலைக்கு ,க்ஷீரபலா தைலம் பயன்படுத்தலாம். தலைக்குக் குளித்த பிறகு, ராஸ்னாதி சூரண மருந்தை, ஏலாதி சூரண மருந்துடன் சிறிது கலந்து, உச்சந் தலையில் பூசலாம்.
இந்த உபாதைக்கு என்ன தான் சிகிச்சையை வளைத்து வளைத்துச் செய்தாலும் குணம் காண்பது என்பது முழுவதுமாகக் கிடைப்பதரிதாகவே இருக்கிறது. மூளை - இதயம் - சிறுநீரகங்கள் ஆகிய மூன்று பகுதிகளுக்கு "த்ரிமர்மீயம்' என்று ஆயுர்வேதம் பெயரிட்டுள்ளது. ஆக மொத்தமுள்ள நூற்றியேழு உடல் மர்ம ஸ்தானங்களில், இம் மூன்று மட்டுமே மிகவும் முக்கியமானது. எளிதில் நோய் தாக்காதவாறு அவை நன்கு மறைக்கப்பட்டிருப்பதன் ரகசியமே, அவற்றின் செயல்பாட்டின் முக்கியத்துவத்தை நாம் உணரலாம்.

உணவில் காரம் - கசப்பு - துவர்ப்புச் சுவை குறைத்து இனிப்பு - புளிப்பு - உப்புச் சுவைகளை மிதமாகச் சேர்க்கலாம். தலைக்குக் குளிர்ந்த நீர் பயன்படுத்துவதை நிறுத்தி வெது வெதுப்பான தண்ணீரைப் பயன்படுத்தலே நலம். 

ஏசி அறையில் அதிக நேரம் படுத்து உறங்குவதையும் தவிர்க்க வேண்டும். ஓமம், சீரகம் , சுக்கு ஆகியவை தட்டிப்போட்டுக் காய்ச்சிய வெந்நீரைக் குடிப்பதற்குப் பயன்படுத்தலாம். 

(தொடரும்)
பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

 

]]>
http://images.dinamani.com/uploads/user/imagelibrary/2018/5/29/w600X390/meditationmay11.jpg http://www.dinamani.com/health/health-serials/ayurvadham/2018/sep/13/பார்க்கின்ஸன்ஸ்-நோய்-பாதிப்புகள்-2998971.html
2995381 தொடர்கள் ஆயுள் காக்கும் ஆயுர்வேதம் தலைபாரத்தைக் குறைத்திடும் விரலி மஞ்சள்! டாக்டர் எஸ். சுவாமிநாதன் DIN Thursday, September 6, 2018 10:36 AM +0530 ஆயுள் காக்கும் ஆயுர்வேதம்

இருபது வருடங்களாக தலைபாரத்தால் சிரமப்படுகிறேன். தலை எப்போதும் பாரமாகவே இருக்கிறது. இரவில் படுத்தால் தலை பாரமாக உள்ளது. எழுந்து 10 நிமிடம் உட்கார்ந்து பிறகு படுத்தால் தலை கனமாகிறது. இதனால் தூங்கவும் முடியவில்லை. இது எதனால்? எப்படி குணப்படுத்துவது?

 - ரவிக்குமார், விருதுநகர்.
 நிலம் மற்றும் நீரின் ஆதிக்கத்தினால் கனம் ஏறிய கபம் எனும் தோஷமானது, இயற்கையாக உடலின் கீழ் பாகத்தில் தான் இடம் பிடித்திருக்க வேண்டும். ஆனால் அது இதயத்திற்கு மேலிருந்து உச்சந் தலை வரை இடம்பிடித் திருப்பதாக ஆயுர்வேதம் ஒரு விந்தையான கருத்தை முன் வைக்கிறது! இது போன்ற இயற்கையான விந்தைகளும் உண்டு. உதாரணத்திற்கு, பனை மரத்தின் நுங்கும், தென்னை மரத்தின் இளநீரும் பகலில் எந்நேரமும் வெயிலில் காய்ந்து கொண்டிருந்தாலும், அவற்றை உள்ளுக்குச் சாப்பிட்டால் நம் உடல் குளிர்ச்சியடைகிறது. இஞ்சியும், பூண்டும் பூமிக்கடியில் விளையும் கிழங்குகள். சூரிய ஒளியினுடைய சூட்டை நேரடியாக பெறாதவை. ஆனால் அவற்றை நாம் உணவாக சமைத்து உண்டால் உடலில் அபரிமிதமான சூட்டை கிளப்பக் கூடியவை. இது போன்ற புதிரான பல விஷயங்களையும் நாம் பூமியில் காண்கிறோம். மனித உடலிலும் தலையைச் சார்ந்த தர்பகம் எனும் கபம், சுவையறியும் நாக்கில் அமைந்துள்ள போதகம் எனும் கபம் ஆகிய இரண்டும் உங்களுக்கு எளிதில் சீற்றம் அடைவதாகத் தெரிகிறது. இனிப்புச் சுவையினுடைய ஆதிக்க பூதங்களாகிய நிலமும் - நீரும், புளிப்புச் சுவையிலுள்ள நெருப்பும் - நிலமும், உப்புச் சுவையிலுள்ள நீரும் - நெருப்பும், உணவில் சேர்க்கும் பொழுது அவை நீர்க்கோர்வையாக ஏற்றமடைந்து மேற் குறிப்பிட்ட இரு வகை கப தோஷங்களையும் கனக்கச் செய்து, நீங்கள் குறிப்பிடும் உபாதையைத் தோற்றுவிக்கும். இதற்கு மாற்றாக, வாயுவும் ஆகாயமும் அதிகம் கொண்ட கசப்புச் சுவையும், நெருப்பும் காற்றும் கொண்ட காரச்சுவையும், நிலமும் காற்றும் அதிகம் கொண்ட துவர்ப்புச் சுவையும், கபத்தினுடைய கனமான தன்மையை உடைத்து நீர்த்துவிடச் செய்யும் தன்மையுடையவையாக இருப்பதால், இந்த மூன்று சுவைகளையுடைய உணவுப் பொருட்களைனைத்தும் உங்களுக்குப் பத்திய உணவாக அமைகின்றன.

 நெய்ப்பு, குளிர்ச்சி, கனம், மந்தம், வழவழப்பு, பிசுபிசுப்பு, நிலைப்பு ஆகியவற்றின் மேம்பட்ட தன்மை, உங்களுக்கு மிக சிறிய காரணங்கள் கொண்டும் வளர்ந்து விடுவதாகத் தெரிகிறது. நெய்ப்புக்கு எதிரான வறட்சியும், குளிர்ச்சிக்கு எதிரான சூடும், கனத்திற்கு எதிரான லேசும் மந்தத்திற்கு எதிரான ஊடுருவும் தன்மையும் மருந்தாகவும் செயலாகவும் அமைந்தால், உங்களுடைய பிரச்னைக்குத் தீர்வு கிடைக்க வாய்ப்பிருக்கிறது.
 அந்த வகையில், வாரணாதி கஷாயம் எனும் மருந்தை சுமார் 15 மிலி லிட்டர் எடுத்து அதில் 60 மிலி லிட்டர் கொதித்து ஆறிய தண்ணீர் கலந்து அரை ஸ்பூன் (2 ணீ மிலி) தேன் கலந்து காலை, மாலை வெறும் வயிற்றில் சுமார் 48 நாட்கள் சாப்பிடலாம். சுக்கு, மிளகு, திப்பிலி ஆகியவற்றை நன்கு பொடித்து நுண்ணிய சூரணமாக விற்கப்படும் திரிகடுகம் எனும் மருந்தை 5 கிராம் அளவில் எடுத்து, 10 மிலி லிட்டர் தேன் கலந்து காலை, இரவு உணவிற்கு பிறகு சாப்பிடலாம். பொதுவாகவே உணவைச் சாப்பிட்டு முடித்தவுடன் தொடங்கும் செரிமானத்தில், கபத்தினுடைய குணங்கள் இயற்கையாகவே சீற்றமடையும் நிலை ஏற்படுவதால், அதைக் குறைப்பதற்காகவே இரண்டு வெற்றிலையில் சுண்ணாம்பு தடவி பாக்குடன் சாப்பிடும் வழக்கம் இன்றும் கிராமப்புறங்களில் இருக்கிறது.

 தலைபாரத்தைக் குறைக்கக் கூடிய மூலிகைப் பற்றுகளாகிய ராஸனாதி சூரணம், ஏலாதி சூரணம் போன்றவற்றை இஞ்சிச் சாறுடனோ, வெற்றிலைச் சாறுடனோ குழைத்துச் சூடாக்கி நெற்றியில் சுமார் 1 மணி நேரம் பற்றுப் போட்டு வைக்கலாம். இதை இரவு உணவிற்குப் பிறகு உபயோகிக்கலாம். மூக்கினுள் விடும் நஸ்ய மருந்தாகிய அணு தைலத்தை நான்கு சொட்டுகள் வரை மூக்கினுள் விட்டு மெதுவாக உறியலாம். இதை காலை, இரவு பல் துலக்கிய பிறகு பயன்படுத்தலாம். தலை பாரத்தைக் குறைத்திடும் விரலி மஞ்சள், வசம்பு கட்டை, வால் மிளகு போன்றவற்றில் ஒன்றைப் புகைத்து மெதுவாக மூக்கினுள் செலுத்தலாம்.

 கோரைக் கிழங்கு, சுக்கு ஆகியவற்றை வகைக்கு பத்து கிராம் எடுத்து ஒரு லிட்டர் தண்ணீரில் கொதிக்க விட்டு அரை லிட்டராகக் குறுக்கி வடிகட்டி ஒரு நாளில் பலதடவை சிறிது சிறிதாகப் பருகலாம். தேன் கலந்த தண்ணீரையும் அது போலவே பயன்படுத்தலாம். செயல் முறையில் செய்ய வேண்டிய மாற்றங்கள் - குளிரூட்டப்பட்ட அறையில் படுத்துறங்காதிருத்தல், இரவில் தயிர், பால், குளிர்ந்த நீர் ஆகியவற்றை பயன்படுத்தாதிருத்தல், குளிப்பதற்கு முன் அசனவில்வாதி தைலம், அசன மஞ்சிஸ்டாதி தைலம், மரிசாதி தைலம் போன்றவற்றில் ஒன்றை வெது வெதுப்பாக தலைக்குத் தேய்த்து அரை மணிநேரம் ஊற வைத்து காலையில் குளிக்கவும்.

 (தொடரும்)

 பேராசிரியர் எஸ். சுவாமிநாதன்,
 ஸ்ரீஜயேந்திர சரஸ்வதி ஆயுர்வேதக் கல்லூரி,
 நசரத்பேட்டை - 600 123 (பூந்தமல்லி அருகே)
 செல் : 94444 41771
 
 

]]>
http://images.dinamani.com/uploads/user/imagelibrary/2017/12/23/w600X390/201712021105211597_1_turmeric.jpg http://www.dinamani.com/health/health-serials/ayurvadham/2018/sep/06/தலைபாரத்தைக்-குறைத்திடும்-விரலி-மஞ்சள்-2995381.html
2988701 தொடர்கள் ஆயுள் காக்கும் ஆயுர்வேதம் ரத்தக் குழாய்கள் வலுவடைய...! டாக்டர் எஸ். சுவாமிநாதன் DIN Thursday, August 30, 2018 12:00 AM +0530 என் வயது 83. எனக்கு திடீர் என்று மயக்கம் ஏற்படுகிறது. ஆனால் சில விநாடிகளில் நீங்கிவிடுகிறது. தும்மினாலும் கொட்டாவி விட்டாலும் பிடறியில் நரம்பு புடைக்கிறது. தலையை ஆட்டாமல் நேரே இருநிமிடம் பார்த்து தலையை வலது, இடது பக்கம் சாய்த்தால் சரியாகி விடுகிறது. இது எதனால்? குணப்படுத்த ஆயுர்வேத மருந்துகள் உள்ளனவா?

-சு. உலகநாதன்,  திருநெல்வேலி. 

தலைக்கு பிராணவாயுவை எடுத்துச் செல்லும் ரத்தக் குழாய்களின் சுருங்கிவிரியும் தன்மையில் ஏற்படும் தொய்வான செயலால், தாங்கள் குறிப்பிடும் வகையில் உபாதைகள் ஏற்படக் கூடும். அவற்றின் செயல் திறனை மேம்படுத்தக் கூடிய நெய்ப்பு மற்றும் சூடு எனும் குணங்களை வலுவடையச் செய்ய வேண்டும். இவை இரண்டும் வறட்சி மற்றும் குளிர்ச்சி எனும் குணங்களை அவ்விடம் விட்டு அகலச் செய்வதன் மூலம் ரத்தக் குழாய்களை சுறுசுறுப்பாக இயக்கக் கூடிய கிரியா ஊக்கிகளாவும் செயல்படும். ஒரு சில ஆயுர்வேத சிகிச்சை முறைகள் தங்களுக்குப் பயனளிக்க கூடும்.

கார்ப்பாஸாஸ்த்யாதி எனப்படும் மூலிகைத் தைலத்தை வெது வெதுப்பாக, பஞ்சில் முக்கி எடுத்து தலையில் சுமார் 1/2  மணி நேரம் ஊற வைப்பதன் வாயிலாக, தலையைச் சார்ந்த வாயு உபாதைகளைக் குறைத்திட உதவும். காதினுள் விடப்படும் வசாலசுனாதி எனும் தைல மருந்தும், தலையிலுள்ள நரம்புகளுக்கும், ரத்தக் குழாய்களுக்கும் வலுவூட்டக் கூடியது. இதை சற்று வெது வெதுப்பாக 5-8 சொட்டுகள், காலையில் பல் துலக்கிய பிறகு விட்டுக் கொள்ளலாம். வாயினுள், அரிமேதஸ் எனும் நல்லெண்ணெய்யுடன் காய்ச்சப்பட்ட மூலிகைத் தைலத்தையும் ஐந்து மில்லி லிட்டர் விட்டு, சுமார் 8 - 10 நிமிடங்கள் நிதானமாகக் குலுக்கித் துப்பி விடுவதாலும், தலை சார்ந்த ரத்தக் குழாய்கள் வலுப்பெற வாய்ப்பிருக்கின்றன.

மேற்கூறிய சிகிச்சைகளனைத்தும் வெளிப்புறமான வைத்திய முறைகளாகும். அதன் வழியாக நெய்ப்பையும், சூட்டையும் முழுவதுமாக பெற முடியாது என்பதால், உட்புறமாகவும் அவற்றைக் கொண்டு வர வேண்டிய அவசியமிருப்பதால், காலை உணவிற்கு ஒரு மணி நேரம் முன்பாக, இந்துகாந்தம் எனும் நெய் மருந்தையும், மாலையில் வெறும் வயிற்றில் விதார்யாதி எனும் நெய் மருந்தையும் நீராவியில் உருக்கி, சுமார் 5-10 மிலி எனும் அளவில், 48 நாட்கள் வரை சாப்பிடலாம். மருந்தைச் சாப்பிட்ட பின் சிறிது சூடான தண்ணீர் அருந்தினால், மருந்து விரைவில் செரிமானமாகி, அதன் வீர்யமானது, ரத்தக் குழாய்களின் உட்புறங்களில் விரைவாகச் சென்றடைந்து செயலாற்றும். இவற்றைச் செரிமானம் செய்யக் கூடிய சக்தி தங்களுக்குக் குறைவாக இருந்தால், லவணபாஸ்கரம் எனும் சூரண மருந்தை, 5 கிராம் அளவில் உப்பு போடாத மோர் சாதத்துடன் கலந்து, மதிய உணவுடன் சாப்பிடலாம்.

அஸ்வகந்தா எனும் சூரண மருந்து, தற்சமயம் பரபரப்பான விற்பனையிலுள்ளது. அதற்குக் காரணம், அதன் செயல் வலிமையானது, நரம்புகளை வலுவூட்டச் செய்வதாக இருக்கிறது.  நீங்கள் சர்க்கரை உபாதை இல்லாதவராக இருந்தால், சுமார் 5 கிராம் சூரணத்தை, 10 மிலி தேன் குழைத்து, ஒரு நாளில் பல தடவை சிறிது சிறிதாக, நக்கிச் சாப்பிடலாம். இதற்கு நேரம் காலம் என்றெல்லாம் பார்க்க வேண்டிய அவசியமில்லை. சர்க்கரை உபாதை இருந்தால், 5 கிராம் சூரணத்தை, 1/2 கிளாஸ் (150 மிலி) சூடான பாலுடன் கலந்து, இரவு படுக்கும் முன் சாப்பிடலாம். இப்படி உள்ளும் புறமுமாக மருந்தைச் சாப்பிட்டால், உங்களுக்கு ஏற்பட்டுள்ள பிரச்னைகள் விரைவில் குணமாக வாய்ப்புள்ளது. 

உணவுக் கட்டுப்பாடும் உங்களுக்குத் தேவையாக இருக்கிறது. வயோதிகத்தில் வாயுவினுடைய சீற்றம் இயற்கையாகவே அதிகமிருப்பதால், காரம், கசப்பு, துவர்ப்புச் சுவையுடைய உணவு வகைகள் வாயுவை, குடலில் அதிகப்படுத்தும் என்பதால், அது போன்ற சுவைகளை நீங்கள் தவிர்த்தல் நலம். இனிப்பு, புளிப்பு, உப்புச் சுவைகளை உணவில் மிதமாகச் சேர்க்கலாம். புலால் உணவுகளை நீர்த்தவடிவில், வெது வெதுப்பாகச் சாப்பிடலாமே தவிர, கனமாகவும் கெட்டியாகவும் சாப்பிடுவதைத் தவிர்க்கவும். குளிர்ந்த நீரில் தலை நனைக்கக் கூடாது. இளஞ் சூடான வெந்நீரில் குளிப்பதே நல்லது. குளிரூட்டப்பட்ட அறையில் படுத்துறங்குவதையும் பெருமளவு தவிர்த்தல் நல்லது. குடும்பத்திலுள்ள உறவினர்களின் அன்பும் ஆதரவும் அனுசரிப்பும் உங்களுக்கு இந்த வயதில் மிகவும் தேவை. வெளியில் செல்லும் போது, பாதங்கள் சில்லிப்பான தரையில் படாதவாறு காலணிகளைப் பயன்படுத்த வேண்டும். மழை, பனி நாட்களில் தலை, காது ஆகியவற்றை மறைக்கும் குல்லாய், மஃப்ளர் அணிவதும் நல்லதே. காபி, டீ, பால் போன்ற பானங்களை சூடாக அருந்தலாம். ஓய்வும், நல்உறக்கமும் அவசியமே.

 (தொடரும்) 

]]>
http://images.dinamani.com/uploads/user/imagelibrary/2016/11/30/w600X390/2015_prot_bloodclot_hero.jpg http://www.dinamani.com/health/health-serials/ayurvadham/2018/aug/30/ரத்தக்-குழாய்கள்-வலுவடைய-2988701.html
2977178 தொடர்கள் ஆயுள் காக்கும் ஆயுர்வேதம் நம்மை நாமே சரி செய்து கொள்ள ஆயுர்வேதம் சொல்லும் ரகசியம்.. ப்ளீஸ் படிச்சிட்டு யார் கிட்டயும் சொல்லாதீங்க! டாக்டர் எஸ். சுவாமிநாதன் DIN Thursday, August 9, 2018 10:44 AM +0530 நான் சிந்தனை செய்யும் பல விஷயங்களையும் செயலாகக் கொண்டு வர முடியவில்லை. உள்ளத்தில் ஏற்படும் பல உணர்வுகளும் கொந்தளிக்கும் நிலைக்குச் சென்று தவறு செய்யத் தூண்டுகின்றன. இதற்கு இன்று மிகவும் பிரபலமாக இருக்கக் கூடிய FACEBOOK, TWITTER, CINEMA, CELLPHONE, TELEVISION போன்றவை காரணமாக இருக்குமா? என்னை நான் திருத்திக் கொள்ள வழி என்ன?

-துரைராஜ், கோவை.

வாக்படர் எனும் முனிவர் குறிப்பிடுவதாவது: இரவு படுக்கும் முன் சிறிது சிந்தனை தேவை. இன்று பகல் பொழுதை கழித்த விதம், இரவைக் கழித்த விதம் இரண்டும் சிந்தனைக்குரியவை. நேரான முறையால் ஏற்பட்ட நன்மை மனநிறைவு, சீர்கெட்ட முறையால் ஏற்பட்ட உடல், மனம் இரண்டின் பின்விளைவுகள் இவற்றைச் சீர்தூக்கிப் பார்த்து அதன் அடிப்படையில் நமது வாழ்க்கை முறையை அமைத்துக் கொள்ள வேண்டியது.

இவை அனைத்தையும் தினமும் சிந்திக்க வேண்டும். சிந்திப்பது செயலுடன் நெருங்கி இருக்க வேண்டும். செயல் சிந்தனையுடன் நெருங்கி இருக்க வேண்டும். இப்படி நினைப்பவன் துக்கமடைவதில்லை.

சரகர் எனும் ஆயுர்வேத முனிவர் கூறுவதாவது: ஒரு செயலின் பின்விளைவு நன்மை தருவதாயின் அது நல்லதாகும். அது செயலாற்றும் போது சிரமம் தரலாம். பகுத்தறிவுடன் தீர விசாரித்து நடப்பவர்கள் நல்லதையே நாடுவார்கள்.

கண், காது முதலியவற்றில் பட்டவுடனே மகிழ்ச்சி தருபவை, பிரியமானவை, அவற்றை நுகர்ந்த பின் கேடுதரக் கூடும். அதனால் கெடுதலே ஏற்படும். பின் விளைவைச் சரியாக புரிந்து கொள்ளாதவர், அதனை அறியத்தக்க அறிவில்லாதவர், மந்த உணர்ச்சியுடன் முன் - பின் யோசிக்காமல் பின்விளைவில் கெடுதலே ஏற்படுத்தும் எனத் தெரிந்தும் பிரியமானதையே நாடுவார்கள்.

இன்று நாம் அடைந்துள்ள விஞ்ஞான முன்னேற்றத்தால் நல்லதும் கெட்டதும் மனதில் பதிகிறது. ஆனால் நீங்கள் மனதில் பதிந்த அவற்றையெல்லாம் ஏற்றுக் கொள்ள வேண்டிய நிர்பந்தம் இல்லை. தவிர்க்க வேண்டியவற்றைத் தவிர்க்கவும், ஏற்க வேண்டியவற்றை ஏற்கவும், சிந்தித்து பகுத்தறிந்து செயல்படும் புத்தி உண்டு. மனம் கொண்டவற்றை எல்லாம் ஏற்கும் சபலம் இந்த புத்தியை தடுமாறச் செய்யலாம். பகுத்தறிவுடன் சிந்தித்து ஏற்றதைச் செயலளவில் கொண்டு செலுத்தும் திறமையை "திருதி' என்பர். மனச்சபலம் இதனையும் கவிழ்க்கும். பகுத்தறிந்தவை நமக்கு இந்த சூழ்நிலைக்கு ஏற்றவையா என எடைபோட முன் அனுபவம் உதவும். இந்த முன் அனுபவத்தை அறிவுக் கண்முன் கொண்டு வருவது "ஸ்மிருதி' எனும் ஞாபக சக்தி. மனச் சபலம் இந்த ஸ்மிருதியைப் புறக்கணிக்கத் தூண்டும். இதனைப்பற்றி "பிரஜ்ஞாபராதம்' - அறிவுத் தடுமாற்றம் என்பர். இந்தத் தடுமாற்றம் தொடர்ந்து தவறான வழியில் செல்லத் தூண்டும். பின்விளைவு மனமும் உடலும் எப்போதும் நோய்வாய்ப்படக் காரணமான உடல்நிலை சீர்கேடு என்கிறார் வாக்படர்.

நம்மை திருத்திக் கொள்ளும் வழியை சரகர் குறிப்பிடுகிறார்: 

"நன்மை எது என்பதனைக் கருத்துடன் விசாரித்து தேர்ந்தெடுப்பவனுக்கு கல்வி, அறிவு, ஞாபகசக்தி, செயல்திறன், மனோதிடம் நன்மை பயப்பதையே நாடும் சீரிய மனப்பாங்கு, சொல் தூய்மை, மனஅடக்கம், தைரியம் இவை எப்போதும் துணை நின்று கை கொடுக்கும். மனதிற்குப் பிடித்ததை நாடுபவனுக்கு இவை துணை நிற்க மாட்டா.

உண்மை பேசு, கோபப்படாதே, லாஹிரி மது பானங்களை தவிர்த்து விடு. பிறருக்கு தீங்கு நினையாதே, சொல்லாதே, செய்யாதே. உடலை அளவுக்கு மீறி வருத்தாதே. அமைதியாகப் பேசி இறைவனை வழிபடும் உடல், உடை உள்ளத் தூய்மை இரண்டும் மேலானது அவற்றைக் கடைபிடிப்பதில் நல்வழியில் தூண்டிச் செயலாற்று. இருப்பதை பகிர்ந்து கொள். கொடுப்பதை மனமுவந்து கொடு. வாழ்வு நன்கு அமைய வேண்டும் என்ற எண்ணத்தில் நிலைத்திரு. பொல்லாங்குக்கு ஆட்படாதே. உயிருள்ளவற்றுடன் பரிவுடன் பழகு.

தூக்கத்தையும், விழிப்பையும் சீராக அமைத்துக் கொள். உணவில் நெய், பால் அதிகம் சேர்த்துக் கொள். தேசத்தையும் காலத்தையும் ஒட்டி நடந்துகொள். பகுத்தறிவை வாழ்வில் பயன்படுத்து. அகந்தை கொள்ளாதே. நல்லோர்கள் செல்லும் பாதையில் செல். கலப்பட உணவை ஏற்காதே. உன் உள்ளே உள்ள ஆத்மாவின் வசப்படு. நெறிமுறை தவறாதே. இவை தினமும் கையாள தக்கச் சிறந்த ரசாயன முறைகள்''. இப்படி சரகர் கூறுவது போகாத ஊருக்கு செல்லும் வழியாக முதலில் தோன்றும். ஆனால் சரகர் சொல்வதை மதித்துச் சிறிது தூரம் சென்றதும் இதுதான் போக வேண்டிய ஊருக்கு வழி என தானே உணர்வோம்.

(தொடரும்)

பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2015/11/2/12/w600X390/forgive-and-move-on-to-deal-with-heartbreak.jpg http://www.dinamani.com/health/health-serials/ayurvadham/2018/aug/09/நம்மை-நாமே-சரி-செய்து-கொள்ள-ஆயுர்வேதம்-சொல்லும்-ரகசியம்-ப்ளீஸ்-படிச்சிட்டு-யார்-கிட்டயும்-சொல்லாதீ-2977178.html
2972257 தொடர்கள் ஆயுள் காக்கும் ஆயுர்வேதம் வயிற்றுப் பிரச்னைகளுக்கு இயற்கை வைத்தியம் இருக்க மாத்திரைகள் எதற்கு? டாக்டர் எஸ். சுவாமிநாதன் DIN Thursday, August 2, 2018 12:00 AM +0530
என்னால் நாட்டு மருந்துகள் தயாரிக்க முடியும். உணவுக் கட்டுப்பாடு இல்லாத தற்கால சூழலில் அதிகம் ஏற்படும் குடல் சார்ந்த மலக்கட்டு, வாயு பிடிப்பு, சீதக்கடுப்பு, வயிற்றுவலி, வயிற்றுக் கடுப்பு, குடல் புழு மற்றும் நீர்க்கட்டு கிராணி போன்ற உபாதைகளை நீக்கக் கூடிய இயற்கை வைத்திய முறைகள் உண்டா?

வி. ராமசாமி, திருவள்ளூர்.

தஞ்சாவூர் சரஸ்வதி மஹால் நூலக நிலையத்தாரால் பிரசுரித்து வெளியிடப்பட்டுள்ள சரபேந்திர வைத்திய முறைகள் எனும் பதின்மூன்றாவது நூலில் சில குறிப்புகள் நீங்கள் கேட்கும் கேள்விகளுக்கு விடை அளித்துள்ளது. அவை பற்றிய விவரம்:

1. வயிறு கழிய வாயுவிற்கு

சுக்கு, இந்துப்பு,  கடுக்காய் தோல்,  நெல்லிக்காய், மிளகு, திப்பிலி,  தான்றித் தோல்  இவற்றைச் சம அளவு எடுத்து இடித்து துணியால் சலித்துக் கொள்ளவும். இச்சூரணத்திற்கு சமனளவு சுத்திசெய்த சிவதை வேர்ச் சூரணம் (பாலில் அவித்தது) சேர்த்து ஒன்றாகக் கலந்து வைத்துக் கொள்ளவும். சுமார் ஒரு பலம் (48 - 50 கிராம்) எடுத்து, 200 மி.லி. வெந்நீருடன் கலந்து அதிகாலையில் அருந்தவும். நன்கு பேதியாகும். குடலிலுள்ள வாயுக் கட்டு, பெருமலம் நீங்கும்.

2. சீதம், இரத்தக்கடுப்பு வயிற்றுவலிக்கு

சுக்கை எடுத்து சூரணித்து எலுமிச்சம்பழச்சாறு விட்டு நன்றாக அரைத்து கொட்டைப்பாக்களவு உருண்டைகளாக உருட்டிக் காய வைத்து பின்பு ஒரு மண்ணகலிற்குள் வைத்து மூடி சீலைமண் செய்து புடம் போட்டு எடுக்கவும். 
இம்மருந்தை எருமைத் தயிருடனரைத்து உட்கொள்ளச் சீதக்கடுப்பு, இரத்தக் கடுப்பு, வயிற்று வலி முதலானவை போய்விடும்.

3. வயிற்றுக் கடுப்பிற்கு

இஞ்சியை தோல் சீவி அதன் நடுவில் பெருங்காயம் வைத்து சுண்ணாம்பில் பொதிந்து, அடுப்பில் போட்டுச் சுட்டு விடவும். இதனை எருமைத் தயிர் விட்டு நன்கு அரைத்துக் கொள்ளவும். அதைச் சாப்பிட கடுப்பு நிற்கும்.
எலுமிச்சம்பழத்தைச் சிமிழ் போல் செய்து அதனுள் பெருங்காயத்தை வைத்துச் சுண்ணாம்பு கவசம் செய்து காய வைத்து நெருப்பிலிட்டுச் சுட்டு எருமைத் தயிர் விட்டு நன்றாக அரைத்துச் சாப்பிட வயிற்று கடுப்பு நிற்கும்.

4. புழு விழ மருந்து

காவிக் கல்லை ஒரு கைப்பிடி அளவு எடுத்து சுத்தமான தண்ணீரில் ஊற வைத்து அதனுடன் புரசம் விதை ஒன்றும் போடவும். மறுநாள் சூரிய உதயத்தில் இந்த விதையை காவித் தண்ணீர் விட்டு நன்றாக அரைத்து குழப்பி உட்கொள்ளவும். வயிற்றில் இருக்கும் புழுக்கள் கூண்டுடனே விழும்.

5. சுகவிரேசனம்

ஆமணக்கெண்ணெய்யுடன் காற்றாழைச் சாறு, கடுக்காய்த்தூள் இவற்றை ஒன்று கலந்து கால்களிலும், கைகளிலும் நன்றாகத் தேய்க்கவும். வெகுநாட்பட்ட மலக்கட்டுகள் நீங்கி செளக்கியமுண்டாகும். 

6. மலசலகட்டிக்கு மருந்து 

மிளகை நெரித்துச் சட்டியிலிட்டு வறுத்து சுத்தமான தண்ணீரில் எட்டு மடங்கு சேர்த்து எட்டில் ஒன்றாக வற்ற வைத்துச் சாப்பிடவும். சலக்கட்டு, மலக்கட்டு ஆகியவை நீங்கும்.  முருங்கை ஈர்க்கு, மிளகு இவ்விரண்டையும் நசுக்கி ஒரு சட்டியிலிட்டு, எட்டு மடங்கு சுத்தமான தண்ணீர் விட்டு எட்டில் ஒன்றாகும் வரை எரித்து இறுத்துக்கொண்டு பொரித்த வெங்காரம் சிறிதளவு சேர்த்து உட்கொள்ளவும். 

7. குடல் கிராணி, வாய்வுக்கு மருந்து 

கடுக்காய்த்தோல், தான்றிக்காய் தோல், சுக்கு, ஓமம், திப்பிலி, பெருங்காயம், வாயுவிடங்கம் முதலானவற்றைச் சமமான அளவிலெடுத்து கல் உரலில் இட்டு இடித்து வஸ்திரகாயம் செய்து பத்திரப்படுத்தவும். இதில் மூன்று விரல் கொள்ளும் அளவு எடுத்து காலையில் தேனுடனும், சாயங்காலத்தில் பசுவின் நெய்யுடனும் குழப்பி உட்கொள்ளவும். 20 நாட்களுக்குள் குடல் கிராணிகள் (IBS, Tenesmus, Amoebiasis) வாயு முதலானவை  தீரும். 
(தொடரும்) 

]]>
http://images.dinamani.com/uploads/user/imagelibrary/2012/9/20/17/w600X390/stomach.jpg http://www.dinamani.com/health/health-serials/ayurvadham/2018/aug/02/வயிற்றுப்-பிரச்னைகளுக்கு-இயற்கை-வைத்தியம்-இருக்க-மாத்திரைகள்-எதற்கு-2972257.html
2968261 தொடர்கள் ஆயுள் காக்கும் ஆயுர்வேதம் படுத்தபடுக்கையாக இருப்பவர்களின் படுக்கைப் புண் விரைவில் ஆற...! டாக்டர் எஸ். சுவாமிநாதன் DIN Thursday, July 26, 2018 11:01 AM +0530
என் மனைவிக்கு 69 வயதாகிறது. 9 வருடம் முன்பு BRAIN STROKE ஏற்பட்டு, ஆபரேஷன் செய்தும் முன்னேற்றமில்லாமல் படுத்தபடுக்கையாக இருக்கிறாள். உணவு,  மூக்குக் குழாய் மூலம் திரவ உணவாக தரப்பட்டு வருகிறது. தற்போது 3 மாதமாக படுக்கைப் புண் (BEDSORE) வந்து அவதிப்படுகிறாள். OINTMENT முதலிய வகைகள் உபயோகப்படுத்தினாலும் முன்னேற்றமில்லை. இதற்கு ஆயுர்வேத மருந்துகள் ஏதேனும் உண்டா? 

 - ட.ஒ கமலசேகரன் ,  சென்னை - 64.


உடலில் எந்தப் பகுதியில் புண் ஏற்பட்டிருந்தாலும், அதனால் துன்பப்படுபவர்கள் படுத்திருக்கும் அறையானது தும்பு தூசியற்றதாகவும், கடும் சூரிய வெளிச்சம் வராதவாறும், அதிக அளவில் காற்றோட்டமில்லாதவாறும், படுத்திருக்கும் படுக்கை நல்ல சௌகர்யமாகவும், விஸ்தாரமாகவும், தலையை கிழக்குப் பகுதியில் வைத்து படுத்திருக்கும்விதம் அமைந்ததாகவும் இருக்க வேண்டும் என்று அறுவை சிகிச்சையின் தந்தை என போற்றப்படும் ஸýஸ்ருதர் எனும் ஆயுர்வேத முனிவர் குறிப்பிடுகிறார். 

அவர் மேலும் குறிப்பிடுகையில் - அவரைப் பார்க்க வரும் நண்பர்கள், உறவினர்கள், அவர் சுய நினைவுடன் இருக்கும் பட்சத்தில், பேசும் போது இனிமையான வார்த்தைகளை மட்டுமே பயன்படுத்த வேண்டும். அவர்களுடைய ஆறுதலான அந்தப் பேச்சின் மூலம், அவருக்கு ஏற்பட்டுள்ள உடல் துன்பமானது சற்று குறையக் கூடும். புண் உள்ளவர்கள் பொதுவாகவே பகலில் தூங்கக் கூடாது. சுய நினைவுடன் உள்ளவர்கள், படுத்த படுக்கையாக இருந்தாலும், மற்றவர்கள் பேசும் பண்புள்ள பேச்சு, பார்வைக் குறைவு இல்லாதிருந்தால், மகிழ்ச்சி தரும் தொலைக்காட்சி நிகழ்வுகள் ஆகியவற்றின் மூலம் பகல் தூக்கத்தைத் தவிர்த்திட முனைய வேண்டும். ஏனெனில்

பகல்தூக்கம், புண்ணில் அரிப்பையும், உடல் கனம், வீக்கம், வலி, புண்ணிலிருந்து நீர்க்கசிவு, சிவந்த நிறம் ஆகியவற்றையும் ஏற்படுத்தக்கூடும்.
புதிதாக அறுவடை செய்யப்பட்ட அரிசியைக் கஞ்சியாகவும், உளுந்து, எள்ளு, பட்டாணி, கொள்ளு, அவரை, கீரை வகை சூப்புகள், புளிப்பு, உப்பு, காரச் சுவை, வெல்லம், மாவுப் பண்டங்கள், உலர்ந்த மாமிச சூப்பு, உலர்ந்த கறிகாய்கள், ஆட்டு மாமிசம், நீர்வாழ் பிராணிகளின் மாமிசம், குளிர்ந்த நீர், பச்சைப்பயறுடன் வேக வைக்கப்பட்ட அரிசிக் கஞ்சி, பாயசம், தயிர், பால், மோர் போன்றவற்றை கூழாகவோ, நீர்வடிவத்திலோ அவருக்கு மூக்குக் குழாய் மூலம் கொடுக்கப்படக் கூடாது. இவை அனைத்தும் புண்ணை ஆறவிடாமல், நொச நொசத்த நிலையிலேயே வைத்திருக்கும்.

அவர் படுத்திருக்கும் அறையில் , கிருமிகளின் வரவைத் தவிர்ப்பதற்காக, எந்தவித சலிப்பும் படாமல், கடுகுடன் வேப்பிலை சேர்த்து, நெய் மற்றும் உப்பு பிசறி, அதன் மூலம் புகை உண்டாக்கி, பத்து நாட்களுக்குத் தொடர்ந்து, பகல், இரவு என இரு வேளை காட்ட வேண்டும். அவருடைய தலைப் பகுதியில், வசம்பும் கடுகும் மூட்டையாகக் கட்டிவைப்பதால், உடலில் கிருமிகளின் தொற்று ஏற்படாமல் தவிர்க்கலாம்.

பழைய பச்சரிசி (அறுவடை செய்து 4 - 6 மாதங்களானது)க் கஞ்சியை வெது வெதுப்பாக, 5 -10 மி.லி. திக்தகம் எனும் நெய் மருந்தை உருக்கிச் சேர்த்து, சிறிது இந்துப்புடன் வயிற்றுக்குக் கொண்டு சேர்ப்பதால், புண் விரைவில் ஆற வாய்ப்பிருக்கிறது. முற்றாத, இளைய முள்ளங்கியினால் தயாரிக்கப்பட்ட சூப்பையும் கொடுக்கலாம். மாதுளம் பழச்சாறு, நெல்லிக்கனி சாறு போன்றவற்றை  வயிற்றுக்குக் கொடுப்பதும் நலமே. வெறும் பச்சைப்பயறு சூப்பை, திரவ உணவாகச் செலுத்தலாம்.

கடுக்காய், நெல்லிக்காய், தான்றிக்காய் சேர்த்துச் தயாரிக்கப்படும் திரிபலை சூரணம், அதிமதுரத்தூள், கருங்காலிக் கட்டை, சிராத்தூள் ஆகியவை சேர்த்து, மொத்தமாக 60 கிராம் (அதாவது, திரிபலை 30 கிராம், அதிமதுரத்தூள் 10 கிராம், கருங்காலிக் கட்டை 20 கிராம்) எடுத்து, ஒரு லிட்டர் தண்ணீருடன் காய்ச்சி, 250 மிலி ஆகக் குறுகியதும் வடிகட்டி, வெது வெதுப்பாக புண்ணைக் கழுவப் பயன்படுத்தலாம். பஞ்சில் முக்கி, மெதுவாகப் பிழிந்து விட்டால் போதுமானது. சிறிது நாட்கள் தொடர்ந்து காலை, மாலை என இருவேளை கழுவி வர, புண் நன்றாக உலர்ந்துவிட்ட பிறகு, ஜாத்யாதி எனும் நெய் மருந்தை, பஞ்சில் முக்கி, புண் ஆறுவதற்காக வைத்து பிளாஸ்டரால் ஒட்டிவிடலாம். ஆலம்பட்டை, அரசம்பட்டை, அத்திப்பட்டை, இச்சிப்பட்டை, வேப்பம்பட்டை, சரக்கொன்றைபட்டை, புங்கம்பட்டை, ஏழிலைப் பாலைப்பட்டை, வேங்கைமரப்பட்டை ஆகியவை புண்ணை ஆற்றுவதில் தோல்வி அறியாதவை. நுண்ணிய தூளாகப் பொடித்து, புண் மீது தூவி வர, கிருமிகள், துர்நாற்றம் அண்டாது.

நோய் குணமாவதற்காகக் கொடுக்கப்படும் எந்த ஆங்கில மருந்தாக இருந்தாலும் அதனுடன் ஆயுர்வேத மருந்துகளை உடனே சேர்த்துக் கொடுக்கக்  கூடாது. சுமார் 1 -2 மணி நேரம் கழித்துக் கொடுக்கலாம். புண், சீழ், ஊண், நீர் போன்றவை குணமடைய ஆயுர்வேத  மருந்தாகிய ஆரக்வதாதி கஷாயத்தை, சுமார் 15 மி.லி.  எடுத்து, அதில் 60 மி.லி. வெது வெதுப்பான தண்ணீர் கலந்து, காலை மாலை, வயிறு காலியாக உள்ள நிலையில், குழாய் மூலம் செலுத்தலாம். புண்ணில் கிருமிகளை நசித்திடச் செய்யும் வில்வாதி குளிகையை, ஒன்றிரண்டு இந்த கஷாயத்துடன் நன்கு மைய அரைத்துச் சேர்த்தும் கொடுக்கலாம். இது போன்ற கழுவுதல், புகைபோடுதல், நுண்ணிய மூலிகைப் பொடி மருந்துகளைத் தூவுதல், உள் மருந்துகளை உணவுடனோ, தனியாகவோ கொடுத்தல் போன்ற சிகிச்சை முறைகளால் புண் விரைவில் ஆற வாய்ப்பிருக்கிறது.

(தொடரும்)

]]>
http://images.dinamani.com/uploads/user/imagelibrary/2015/6/30/15/w600X390/treat.jpg http://www.dinamani.com/health/health-serials/ayurvadham/2018/jul/26/படுத்தபடுக்கையாக-இருபடுக்கைப்-புண்-விரைவில்-ஆற-2968261.html
2962746 தொடர்கள் ஆயுள் காக்கும் ஆயுர்வேதம் தனித்துவம் வாய்ந்த 'ஞவரகிழி' சிகிச்சையின் பயன்கள்! டாக்டர் எஸ். சுவாமிநாதன் DIN Thursday, July 19, 2018 10:59 AM +0530 'ஞவரகிழி' என்ற ஆயுர்வேத சிகிச்சை முறை வேறு எந்த ஒரு சிகிச்சை முறையிலும் குறிப்பிடப்படாத தனித்துவம் வாய்ந்தது என்று கேள்விப்படுகிறேன். அது பற்றிய விவரம் கூறவும். - விஸ்வநாதன், ஆத்தூர்.

மூட்டுகளில் ஏற்படும் வாயுப் பிடிப்பு நீங்குவதற்காகவும், உட்புறக் குழாய்களில் ஏற்பட்டுள்ள அடைப்பை நீக்கி, அவற்றின் தொய்வான நிலையை மாற்றி வலுப்படுத்தவும், இரத்த ஓட்டத்தைச் சீராக்கி, உடலெங்கும் எடுத்துச் செல்லப்படும் திறனை அதிகரிக்கவும், தோலின் நிறத்தை மேம்படுத்துவதற்காகவும், பசியைத் தூண்டிவிடுவதற்காகவும், சீரண சக்தி நன்கு வளரச் செய்வதற்காகவும், சூம்பிப் போன கை, கால்கள் வலுவடைந்து புஷ்டிப்படுவதற்காகவும், உடல் வலு, தசை உருண்டு திரண்டு வலிமை அடைவதற்காகவும் 'ஞவரக்கிழி' எனும் சிகிச்சையை ஆயுர்வேத மருத்துவ முறை பரிந்துரைக்கிறது.

அறுபது நாளில் விளையக் கூடிய செந்நிற வகை அரிசியை ஞவர அரிசி என்று கேரளத்திலும், தமிழ்நாட்டில் ‘காரரிசி’ என்றும் பெயர் பெற்ற அபூர்வ வகை அரிசியைத்தான் இந்த சிகிச்சை முறைக்குப் பயன்படுத்துகிறார்கள். 'கிழி' என்றால் மூட்டை கட்டுதல் என்று பெயர். இதன் செய்முறை பற்றி நீங்கள் அறிந்து கொள்வது நலம். 

தேவையான பொருட்கள்

ஞவர அரிசி - 350 கிராம் 
சித்தாமுட்டிவேர் - 300 கிராம் 
(குறுந்தோட்டி )
தண்ணீர் - 4 லிட்டர் 
பசும்பால் - 1 லிட்டர்
காடாத்துணி - 3 
(18 x 18 அங்குலம் )

தயாரிப்பு முறை

300 கிராம் குறுந்தோட்டி எனும் சித்தாமுட்டி வேரை நன்கு கழுவி, சிறு துண்டுகளாக நறுக்கவும். நான்கு லிட்டர் தண்ணீரை சேர்த்துக் காய்ச்சி, ஒரு லிட்டர் மீதமாகும்படி கஷாயமாகக் குறுக்கி வடிகட்டவும்.

350 கிராம் ஞவர அரிசியில் அரை லிட்டர் குறுந்தோட்டி கஷாயத்தைச் சேர்த்து - அந்தக் கலவையில் அரை லிட்டர் பசும் பாலும் கலந்து, அடுப்பிலேற்றி கெட்டியான சாதம் ஆகும் பதத்தில் தயாரித்துக் கொள்ளவும். 

தயாராக உள்ள 3 காடாத் துணிகளின் மீது, இந்த சாதத்தை சம அளவாகப் பங்கிட்டு, மூட்டை கட்டிக் கொள்ளவும். 

மீதமுள்ள அரை லிட்டர் கஷாயத்தையும், பாலையும் பாத்திரத்தில் கலந்து அடுப்பிலேற்றி சூடாக்கவும். அதில் இந்த மூன்று மூட்டைகளையும் முக்கி, சூடாக்கி உடலெங்கும் தேய்ப்பதற்காகப் பயன்படுத்தவும் .

30 கிராம் நெல்லி முள்ளி சூரணத்தை நன்கு நெகிழும் பதத்தில் தண்ணீருடன் கலந்து இரவு முழுவதும் ஊற வைக்கவும். 

ஆயுர்வேத ஆஸ்பத்திரிகளில் இதைப் பற்றிய செய்முறை விளக்கம்

1. காலையில் நோயாளி இயற்கை உபாதைகளை நன்கு நீக்கிய பிறகு, மரப்பலகையில் அமர்ந்து கொள்ள வேண்டும்.

2. தலை, காதுமடல், கைகள், கால்கள் மற்றும் பாதங்களில் சிறிது மூலிகைத் தைலத்தை வெது வெதுப்பாகத் தடவி விடுவார்கள். 

3. பின்னர் உடல் முழுவதும் எண்ணெய்த் தேய்ப்பு செய்யப்படும்.

4. நெல்லிவிழுதை உச்சந் தலையில் பற்று போட்டு துணிவைத்து கட்டிவிடுவர்.

5. நோயாளியைப் படுக்க வைத்து இருபுறமும் இரண்டு மசாஜ் செய்யும் நபர்கள் நின்று கொண்டு, ஒரு மூட்டை, கஷாயம் மற்றும் பாலுடன் வெந்து கொண்டிருக்கும் நிலையில், மற்ற இரு மூட்டைகளை, ஆளுக்கு ஒன்றாக, கையில் பிடித்துக் கொண்டு உடல் முழுவதும் உருட்டி உருட்டி தேய்த்துவிடுவார்கள். மூன்றாவது நபர் மூட்டைகளின் சூடு ஆறாமல் இருப்பதற்காக, மூன்றையும் பால் கஷாயத்தில் முக்கி முக்கி எடுத்து மசாஜ் செய்பவர்களிடம் கொடுப்பதும் வாங்குவதுமாக செய்து கொண்டே இருப்பார். சுமார் 30 - 45 நிமிடங்கள் வரை, இந்த உருட்டல் முறையை மேலிருந்து கீழாகவும், கீழிருந்து மேலாகவும் செய்து கொண்டேயிருப்பார்கள். 

அதன் பிறகு, மூட்டைகளைப் பிரித்து உள்ளிருக்கும் சாதத்தை பால் கஷாயத்துடன் கலந்து, பசை போன்று செய்து உடலெங்கும் சுமார் 10 நிமிடங்கள் தேய்த்துவிடுவார்கள். அடுத்த 10 நிமிடங்கள் உடலிலேயே ஊற வைத்து, தென்னம் ஓலையால் வழித்துவிட்டு சிறிது எண்ணெய்யை மசாஜ் செய்து, வெந்நீரில் குளிக்கச் சொல்வார்கள். உடல் உபாதைக்குத் தக்கவாறு 7 (அ) 14 (அ) (21) நாட்கள் செய்யலாம். 

பேராசிரியர்  எஸ். சுவாமிநாதன்
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2017/10/5/w600X390/treat.jpg http://www.dinamani.com/health/health-serials/ayurvadham/2018/jul/19/தனித்துவம்-வாய்ந்த்-ஞவரகிழி-சிகிச்சையின்-பயன்கள்-2962746.html
2958575 தொடர்கள் ஆயுள் காக்கும் ஆயுர்வேதம் செக்கில் ஆட்டப்படும் எண்ணெய்களின் மருத்துவ குணங்கள்! டாக்டர் எஸ். சுவாமிநாதன் DIN Thursday, July 12, 2018 10:26 AM +0530 ஆயுள் காக்கும் ஆயுர்வேதம்

ஆயுர்வேதத்தின் அடிப்படையில் மரச்செக்கு மூலம் (COLD PROCESS) ரசாயனங்களை பயன்படுத்தாமல் தயாரிக்கப்பட்ட சமையல் எண்ணெய்களின் மருத்துவ குணங்கள் பற்றி கூறப்பட்டுள்ளனவா? 

-சுப்ர. அனந்தராமன், சென்னை-40. 

செயற்கை முறை தயாரிப்பில்லாமல் செக்கிலாட்டப்பட்ட நல்லெண்ணெய்யை உணவாகச் சாப்பிடப் பயன்படுத்தினால் ஏற்படும் நன்மைகள் - சுவையில் இனிப்பு மேலாகவும் கசப்பு துவர்ப்பு குறைவாகவும் உள்ளது. குடலில் செரிமான இறுதியிலும் இனிப்புச் சுவையுடன் தானிருக்கும். வயிற்றிலுள்ள பசித்தீயையும், தாதுக்களில் பொதிந்துள்ள நெருப்பையும் சீர் செய்யும். சூடான வீர்யமுடையது. உடலின் இயற்கையான சூட்டைப் பாதுகாக்கும். எளிதில் செரிக்காது. ஆனால் குடலில் செரிமானமாவதற்கு முன்பே தாதுக்களில் முழுவதுமாக சீக்கிரம் பரவும் சக்தியுடையது. உடல் உறுப்புகளுக்கு உறுதி, பலம், நல்ல நிறம், புஷ்டி, தெளிவு, உணவில் திருப்தி, குடல்களில் எண்ணெய்ப்பசை, வெளி - உள் மலங்களை வெளிப்படுத்துதல் போன்றவற்றை ஏற்படுத்தும். 

உடலெங்கும் வெது வெதுப்பாக தேய்த்துக் குளிப்பதால் - மூளைக்கு புத்தி மேதை, தோலுக்கு - மிருது, வழவழப்பு, பளபளப்பு, தசைகளுக்கு உறுதி, கண்களுக்கு தெளிவு, விசேஷ பலம் முதலியவை ஏற்படும். மூப்பு எனும் வயோதிகத்தை மிகவும் தள்ளிப்போடும்.

நல்லெண்ணெய்: குடல் பூச்சிகளையும், அழுக்கிலிருந்து வெளித் தோலில் ஒட்டிய அணுக்கிருமிகளையும் அப்புறப்படுத்தும். வெளிப்பூச்சினால் காணாக்கடி எனும் தோல் நோயைத் தடுக்கும். தலைவலி, காதுவலி ஆகியவற்றைத் தீர்க்கும். கருக்குழியைச் சுத்தப்படுத்தி மாதவிடாய் ஒழுக்கைச் சீர் செய்யும். பெண்களுக்கு ஏற்படும் வெள்ளைப்படுதலை குணமாக்கும். பலவித வெட்டுக் காயங்கள், சிதைவுகள், எலும்பு முறிவுகள், தடியடிகள், மிருகக் கடிப்புண்கள் முதலியவற்றின் வேதனையைக் குறைத்து முறைப்படி ஆற்றிவிடும்.

மேலும் - நீரிழிவு நோயில் சிறுநீர் அதிகம் போவதைக் குறைக்கும். கேசம் உதிர்வதைத் தடுத்து, வளர்த்து நன்றாக்கும். 

நல்ல சுகமான உறக்கத்தைக் கொடுத்து, உடல் களைப்பு சிரமத்தைப் போக்கும். வெளி, உட்புறப் பயன்பாட்டினால் வாயு தோஷத்தினால் ஏற்படும் உடல் வலி, குடல் வாயு ஆகியவை நீங்கும். உடல் உட்புறக் குழாய்களில் படிந்துள்ள கொழுப்பைச் சுரண்டி வெளியேற்றும் லேகனம் எனும் குணமிருப்பதால், உடல் கொழுப்பை அண்டவிடாது. நல்லெண்ணெய்க்கு சிறு குறைகளுமுண்டு - பித்தம் மேலிட்ட உடல் அமைப்புள்ளவர்கள், ரத்தக் கசிவு உபாதை, கபத்தினால் ஏற்படும் இருமல், கசிவுடன் கூடிய தோல் உபாதை, மூச்சிரைப்பு, மூக்கிலிருந்து நீர் ஒழுகுதல், குறைந்த ரத்த அழுத்த உபாதை, தலை சுற்றல், கிறுகிறுப்பு ஆகியவற்றுக்குத் தனியாக நல்லெண்ணெய் தேய்த்துக் குளிக்கப் பயன்படுத்தினால், இந்த உபாதைகள் அதிகமாகும். எல்லாவிதமான செயல்களையும் செய்து உடலைக் காத்தல், நோய்க்கு உட்படுத்தல், அழித்தல் ஆகிய முக்காரியங்களையும் வாயுதான் தலைவனாக இருந்து செய்கிறது. இந்த வாயுவை சீர் செய்யும் பொருள்களில் நல்லெண்ணெய் தான் தலை சிறந்தது. அதனால் மனித வாழ்க்கையில் நல்லெண்ணெய் இன்றியமையாத பொருளாக விளங்குகிறது.

தேங்காய் எண்ணெய்: பச்சைத் தேங்காயிலிருந்து எடுக்கப்படும் எண்ணெய்யில் ஜீவசத்து குறையாமல் நிறைந்து இருக்கும். மரச்செக்கில் மந்த வேகத்தில் ஆட்டி எடுக்கப்படும் எண்ணெய் ஜீவசத்து கொஞ்சம் குறைவாகும். எலெக்டிரிக் விசையில், ரசாயன சாரத் திரவங்கள் சேர்த்து வெகு வேகமாய் அரைத்து எடுக்கப்படும் எண்ணெய்யில் ஜீவசத்து மிகக் குறையும். தேங்காய் எண்ணெய்யை உள்ளுக்குச் சாப்பிட்டால் எளிதில் செரிக்கக் கூடியதல்ல. 
இளைத்த தாதுக்களுக்குப் புஷ்டி தந்து பெருக்கச் செய்யும். மூச்சிரைப்பு, இருமல், காச நோய், நீரிழிவு நோயாளிகளுக்குப் பத்தியமானது. மூளையின் ஞாபக சக்தியை வளர்க்கும். சுட்ட புண்கள், வெட்டுக் காயங்கள், சொறி சிரங்குகள், கரப்பான்களில் மேலுக்குப் பூசுவதினால் மிகவும் நல்ல குணம் கிடைக்கும். பித்த வாயுவின் சீற்றத்தை அடக்கும். கபத்தை சிறிது அதிகரிக்கும்.

கடலெண்ணெய்: பட்சண வகையறாக்களைத் தயாரிப்பதற்கு கடலெண்ணெய் உகந்தது. சமையலுக்கு கடலெண்ணெய்யைப் பயன்படுத்தினால் சமானன் மற்றும் அபானன் எனும் குடல் காற்றை அதிகரிக்கச் செய்யும் துர்குணம் கொண்டது. இதனால் மலச்சிக்கலும் நரம்புகளில் வாயுவினுடைய சீற்றமும் ஏற்பட வாய்ப்பிருப்பதால் சமையலுக்கு கடலெண்ணெய்யை விட நல்லெண்ணெய்யும் தேங்காய் எண்ணெய்யுமே உகந்தது.

(தொடரும்) 

பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2018/6/26/w600X390/oil.jpg http://www.dinamani.com/health/health-serials/ayurvadham/2018/jul/12/செக்கில்-ஆட்டப்படும்-எண்ணெய்களின்-மருத்துவ-குணங்கள்-2958575.html
2953784 தொடர்கள் ஆயுள் காக்கும் ஆயுர்வேதம் மருத்துவரைப் பார்க்கப் போகும் போது படபடப்பாக இருக்கிறதா? டாக்டர் எஸ். சுவாமிநாதன் DIN Thursday, July 5, 2018 01:07 PM +0530 நான் எப்போது டாக்டரைப் பார்க்கச் சென்றாலும் ஏதேனும் புதிய பிரச்னையைக் கூறிவிடுவாரோ என்ற பயத்திலேயே போகிறேன். பதட்டமான அந்த சூழலில் அவர் ரத்த அழுத்தம் சோதிக்கும் போது, அதிகமாகவே காட்டுகிறது. உடனே எனக்கு ரத்த அழுத்த உபாதையைக் குறைக்கும் மாத்திரைகளை எழுதிக் கொடுத்துவிடுகிறார். நார்மலான ரத்த அழுத்தம் என்பது என்ன? இதற்கு ஆயுர்வேத மருந்து உள்ளதா?

-ராமசாமி, நெய்வேலி. 

ரத்தக் கொதிப்பு, உடல் மனம் இவற்றின் சகிப்புத் தன்மையைக் கெடுத்துக் கொள்வதால் ஏற்படும் நோய்களில் ஒன்று. சுக, துக்கங்களின் தாக்குதல் மனத்தையும் உடலையும் பாதிக்கும் போது, அதற்கு ஈடுகொடுக்கும் சக்தி உடலில் குறைந்துவிட்டால் இந்நோய் ஏற்படுகிறது. 

இதயத்திலிருந்து ரத்தம் வெளியே அனுப்பப்பட்டு உடல் முழுவதும் சுற்றித் திரும்ப இதயத்தை அடைவதும் பிராண வாயுவின் சேர்க்கையால் சுத்தப்படுத்தப்பட்டுத் திரும்ப வெளியே அனுப்பப்படுவதுமாக இந்த ரத்த ஸம்வஹனம் எனும் ரத்த ஓட்டம் உடலில் இடைவிடாமல் நிகழும் ஓர் இயற்கைச் செயல். இந்நிகழ்ச்சியில் பங்கு கொள்ளும் உறுப்புகள் இதயமும் ரத்தக் குழாய்களும். பங்கு கொள்ளும் தாது ரத்தம். இப்பணியை நிறைவேற்றி வைக்கும் பொறுப்பு ரத்த ஓட்டத்தை இயக்கி வைக்கும் வியான வாயுவைச் சேர்ந்தது. ஒரே சீரில் இச்செயல் நடைபெற இம்மூன்றும் சம நிலையில் இருந்து ஒத்துழைக்க வேண்டும்.

நடு வயதினருக்கு ஒரு நிமிடத்திற்குச் சுமார் 70 தடவை இதயம் சுருங்கி விரிகிறது. ஒவ்வொரு தடவை விரியும் போது இதயத்தினுள் ரத்தம் நிரம்புகிறது. அசுத்தமான ரத்தம் உள் நிரம்புவதைச் சுத்தி செய்வதற்காக நுரையீரலுக்குள் அனுப்புவதும், சுத்தியாகி உள் நிரம்பிய ரத்தத்தை உடலின் எல்லாப் பகுதிகளுக்கும் அனுப்புவதும் இதயம் சுருங்கிவிரியும் போது நிகழும் செயல்களாகும். இந்த நிகழ்ச்சியின் பிரதிபலிப்பைக் கை நாடியில் எளிதில் உணர்கிறோம். 

ரத்த ஓட்டத்திற்காக இதயமும் ரத்தக் குழாய்களும் ஒரே சீரில் இடைவிடாது சுருங்கி விரியச் செய்யும் சக்தி வியானவாயுவிடம் உள்ளது. மனப் பதட்ட நிலையில் வியான வாயு கட்டுக்கு மீறிச் செயல்படும் போது இந்த வேலையில் ஏற்றம் ஏற்படுகிறது. வியான வாயு சக்தி இழந்த நிலையில் இவ்வேலை மந்தப்படுகிறது. வியான வாயு அளவுக்கு மீறி கோபமடைந்து அதிகமாகிச் செயல்பட்டால் ரத்தக் கொதிப்பு ஹை ப்ளட் பிரஷர் ஏற்படுகிறது. ஆக வியான வாயு, ரத்த ஓட்டத்தில் அதனுள் ஏற்படும் அழுத்தம் இவற்றின் ஏற்ற நிலை, சம நிலை, தாழ்வு நிலை என்ற இந்த மூன்றையும் அளக்க ஸ்பிக்மோமானோ மீட்டர் உதவுகிறது.

ரக்த அழுத்தம் இந்த மீட்டரில் இரண்டு நிலைகளில் அளக்கப்படுகிறது. ஒன்று இதயம் சுருங்கி ரத்தம் குழாய்களில் வேகமாகப் பாய்ச்சப்படும் போது ரத்தக் குழாய் சுவர்களில் ரத்த ஓட்டத்தின் வேகம் எவ்விதம் பிரதிபலிக்கின்றது என்பதை அறிவது, இந்த அழுத்தம் ஸிஸ்டலிக் பிரஷர் எனப்படும். மற்றொன்று இதயம் விரியும் போது ரத்த ஓட்ட வேகம் மந்தப்படும் நிலையில் ரத்தக் குழாய்ச் சுவர்களில் எவ்விதம் பிரதிபலிக்கிறது என்பதை அறிவது. இந்த அழுத்தம் டயஸ்டலிக் பிரஷர் எனப்படும். 

இந்த அளவு வசிக்குமிடத்தின் சீதோஷ்ண நிலை, மனிதனின் வயது, தொழில், வசிக்கும் சூழ்நிலை, தற்காலிக மனோநிலை முதலியவற்றுக்கேற்ப மாறுபடும். ஆனாலும் பொதுவாகக் கணக்கிட்டு ஒரு சராசரி விகிதத்தை அடிப்படையாகக் கொண்டுள்ளனர். சராசரி எனும் போதே இதை ஓரளவுதான் நம்ப முடியும் என்பதை அறிந்து கொள்ளலாம். 

அது அறுபது வயதிற்கு மேற்பட்டு சிலருக்கு இந்த அளவு குறையும். சிலருக்கு இதே சீரில் இருக்கும். உடல் பருத்துப் புஜம் பருத்துள்ளவருக்கு இந்த அளவைவிட 10- 15 மி. மீ அதிகம் இயற்கை அளவாகக் கொள்ளப்படுகிறது.

டாக்டரைப் பார்க்க க்யூவில் அமர்ந்திருக்கும் போது, மனதில் அமைதியுடன் நீங்கள் இருந்தால், ரத்தக் கொதிப்பை டாக்டர் பரிசோதிக்கும் போது சரியான ரத்த அழுத்தம் தெரிய வரும்.

(தொடரும்)

]]>
http://images.dinamani.com/uploads/user/imagelibrary/2017/9/3/w600X390/highbloodpressure.jpg http://www.dinamani.com/health/health-serials/ayurvadham/2018/jul/05/மருத்துவரைப்-பார்க்கப்-போகும்-போது-படபடப்பாக-இருக்கிறதா-2953784.html
2949106 தொடர்கள் ஆயுள் காக்கும் ஆயுர்வேதம் எதைச் சாப்பிட வேண்டும்? எதைத் தவிர்க்க வேண்டும்?  டாக்டர் எஸ். சுவாமிநாதன் DIN Thursday, June 28, 2018 10:55 AM +0530 (சென்ற இதழ் தொடர்ச்சி)

எண்ணெய்ப் பசையுள்ள உணவு, புலன்களை உறுதிப்படுத்துகிறது. உடலை வளர்க்கிறது. கிழத்தன்மையைப் போக்குகிறது. வலிவை கொடுக்கிறது. நிறத் தெளிவைத் தோற்றுவிக்கிறது. 

எளிதில் சீரணிக்கக் கூடிய உணவு, இயற்கை முதலியவற்றால் உடலைக் கெடுக்காமல், தோஷங்களைச் சீற்றமடையச் செய்யாமல் சீரணமடையச் செய்கிறது. அது கெட்டிருந்தாலும் தீமைகளைச் சிறிதளவே விளைவிக்கிறது.
சூடான உணவு சுவையூட்டுகிறது. கபத்தை வற்றச் செய்கிறது. தாமதமாகச் சாப்பிட்டால் திருப்தி ஏற்படுவதில்லை. அளவுக்கு மீறி உண்டுவிடுகிறான். அதிகம் தாமதித்துச் சாப்பிட்டாலோ உணவு குளிர்ந்துவிடுகிறது. சரி வர சீரணிப்பதில்லை. 

மிக விரைவாகவும், பேசிக் கொண்டும், சிரித்துக் கொண்டும் மனதை வேறிடத்தில் செலுத்தியபடியும் உண்ட உணவு முறையே நேராகச் செல்ல வேண்டிய தாதுக்களினிடத்திற்குச் செல்லாமல் வேறு இடத்திற்குச் சென்று விடுகிறது. சீரணம் சரியாக ஆவதில்லை. சரியான நிலையிலிருப்பதில்லை. 
இது எனக்குப் பொருந்தும், இந்த உணவு எனக்குப் பொருந்தாது என்று சோம்பலில்லாமல் எப்பொழுதும் தன்னை நன்கு கவனித்து உண்பது என்பதன் கருத்து:

பொருந்துவது (ஸாத்ம்யம்) என்பதற்கு பழக்கத்தின் விளைவாக தன்னுடன் ஒன்றி விடுகிறது என்றும், பொருந்தாதது (அஸாத்ம்யம்) என்பதற்கு உடலுக்கு ஒத்துக் கொள்ளாதது என்றும் விளக்கம் கூறுகின்றனர் சிலர். மற்றும் சிலர், இயற்கை, வயது, இடம், பருவங்கள், தோஷங்கள், நோய், இவற்றின் பிரிவுகளை ஒட்டி பொருந்துவது பலவிதம் எனக் கருதுகின்றனர்.

சீரணத்திற்கு ஏற்ற வகையில் முதலில் திரவப் பொருட்கள் அல்லது உலர்ந்த பொருட்களைப் புசிக்க வேண்டும். செரிப்பதற்கு கடினமானவையும், இனிப்புச் சுவையுடையதும், எண்ணெய்ப் பசையுள்ளதுமான பொருட்களை முன்பே உண்ண வேண்டும்.

புளிப்பு, உப்புச் சுவை கொண்ட பொருட்களை இடையிலும், காய்ந்ததும், திரவமானதும், மற்ற சுவையுள்ளதுமான பொருட்களை முடிவிலும் சாப்பிட வேண்டும். சீரண சக்தி குறைந்தவன் முதலில் சூடான திரவப் பொருட்களை அருந்த வேண்டும். அதனால் அவனது சீரணசக்தி வளர்ச்சி பெறுகிறது. உட்கொண்ட பொருட்களும் நன்கு சீரணமாகின்றன.

உணவு அருந்திய பின், தணலில் சூடாக்கி, வறுத்த தானியங்கள், அவல், அரிசி மாவினால் ஆன பொருட்கள் இவற்றை ஒரு பொழுதும் உண்ணக் கூடாது. 

கீரை வகை, காரம், புளிப்பு, துவர்ப்பு, உப்புச் சுவையுள்ள பொருட்கள் இவற்றை உணவில் அதிகமாக சேர்க்கக் கூடாது. ஒரே சுவையுள்ள பொருளையே பழக்கப்படுத்திக் கொள்ளக் கூடாது. செரிப்பதற்கு கடினமுள்ள உலர்ந்த உணவை விலக்க வேண்டும். அதிகப் பசையினாலும், கடினமான செரிக்கக் கூடிய தன்மையினாலும், உடலிலுள்ள தாதுக்களை எரிக்கச் செய்யும் குணமுள்ள பொருட்கள், மலம் - சிறுநீர் இவற்றைக் கட்டி வயிற்றுப் பொருமல் முதலானவற்றை உண்டாக்கும் பொருட்கள், குடலில் நன்கு சீரணமாகாமல் உள்ளே அழற்சியைக் கொடுக்கக் கூடிய பொருட்கள், குளிர்ச்சி தரும் பொருட்கள், வறட்சியைத் தோற்றுவிப்பவை, தயிர், உலர்ந்த மீன் (கருவாடு), பச்சை முள்ளங்கி, அழற்சி தரும் பொருட்கள், மாவுப்பொருட்கள், முளைத்த தானியங்கள் இவை யாவற்றையும் பயன்படுத்தக் கூடாது.

சம்பா அரிசி, கோதுமை, அறுபது நாட்களில் விளையும் அரிசி, இளம் பச்சை முள்ளங்கி, கடுக்காய், நெல்லிக்காய், திராட்சை, புடல், பயறு, சர்க்கரை, நெய், மழை நீர், பால், தேன், மாதுளை, இந்துப்பு, இவற்றை உணவாகச் சேர்த்துக் கொள்ளவும்.

கடுக்காய், நெல்லிக்காய், தானிக்காய் இவற்றை தேன், நெய் இவற்றுடன் கலந்து இரவில் உண்டால் கண்கள் வலிவு பெறும். மிகுதியான வறண்ட உணவு, வலிமை, நிறம் இவற்றைப் போக்குகிறது. தோலில் வறட்சியைத் தோற்றுவிக்கிறது. வாதம், மலம் இவற்றைத் தடுக்கிறது. அதிக எண்ணெய்ப் பசையுள்ள உணவு, கபத்தை அதிகரிக்கச் செய்கிறது. உமிழ் நீர், மார்பில் கனம் , சோம்பல், சுவையின்மை இவற்றை உண்டாக்குகிறது.

அதிக சூடான வீரியம் கொண்ட உணவு, வெறி, எரிச்சல், நாவறட்சி, வலிமைக்குறைவு, தலை சுற்றல், இரத்த பித்தம் இவற்றைத் தோற்றுவிக்கிறது.
மிகுதியாகக் குளிர்ச்சி தரும் உணவு, உடல் தளர்ச்சி, சுவையின்மை, பசித்தீ குறைவு, மனத்தளர்ச்சி, மலக்கட்டு இவற்றை ஏற்படுத்தும். மிகக் கடினமான உணவு, சிறுநீர், மலம் இவற்றைக் கட்டும். அதிருப்தியை உண்டாக்கும். உடல் முழுவதும் பரவாது. விரைவில் சீரணிக்காது. இருமல், கண்ணீர் ஒழுக்கு நோய் இவற்றை உண்டாக்கும். பசியினுடைய வலுவைக் குறைக்கும்.

மிக இனிப்புச் சுவையுள்ள உணவு பசியைத் தணிக்கும். உடலுடன் ஒன்றிப்போகாத உணவு உடல் வளர்ச்சியைத் தராது. மிக உப்புச் சுவையுள்ள உணவு கண்களுக்கு நல்லதல்ல. முன் கூறப்பட்ட உணவு முறையைப் பின்பற்றி, உடல் வலிமைக் கேற்றவாறு உண்பவனை, சிறுநோயும் அண்டுவதில்லை. அவன் நூறாண்டுகளுக்கு மேல் வாழ்கிறான்.

(தொடரும்) 

]]>
http://images.dinamani.com/uploads/user/imagelibrary/2018/6/21/w600X390/wheat_rava_uppma_recipi.jpg http://www.dinamani.com/health/health-serials/ayurvadham/2018/jun/28/எதைச்-சாப்பிட-வேண்டும்-எதைத்-தவிர்க்க-வேண்டும்-2949106.html
2944263 தொடர்கள் ஆயுள் காக்கும் ஆயுர்வேதம் பசித்ததும் சாப்பிடுகிறோம்; அதில் இவ்வளவு விஷயம் இருக்கிறதா? டாக்டர் எஸ். சுவாமிநாதன் DIN Thursday, June 21, 2018 11:07 AM +0530 ஆயுள் காக்கும் ஆயுர்வேதம்

ஆயுர்வேதம் சில காய்கறிகளை, உணவுகளை கண்டிப்பாக தவிர்க்கச் சொல்கிறது. ஆனால் இன்று இருக்கும் பல மாற்று மருத்துவ முறைகளும் அவற்றை எல்லாம் சாப்பிட வேண்டும் என்கிறது. நலமான, நோயற்ற , நிம்மதியான வாழ்விற்கு உணவே அடிப்படை என்று ஆயுர்வேதம் உட்பட பல மாற்று மருத்துவங்களும் சொல்கிற போது, எதைச் சாப்பிட வேண்டும், எதைத் தவிர்க்க வேண்டும், எந்த உணவு நோயற்ற வாழ்விற்கு தேவை, அதற்கான வழிமுறைகளும் மனிதனுக்கான உணவு கோட்பாடு என்ன என்பதையும் ஆயுர்வேதம் சொல்லும் முறை என்ன?

-எ.தாவீது ராஜா, பொன்னேரி.

நீண்ட ஆயுளுக்குக் காரணம் - நீண்ட ஆயுள் நிலைப்பதற்கு முக்கிய காரணமான முறையான உணவு, குடிநீர் முறைகளையும், புலன்களுக்கு இதமான புலப் பொருட்களைப் பற்றிய விவரங்களும் "அஷ்டாங்க சங்கிரகம்' எனும் ஆயுர்வேத நூல் விவரித்திருக்கிறது.

ஓஜஸ் எனும் உடலிலுள்ள ஏழு தாதுக்களின் சாரம், ஒளி, தாதுக்கள், புலன்கள், பலம், மகிழ்ச்சி, வளர்ச்சி, சமயோசித அறிவு, இன்ப வாழ்வு இவற்றிற்கு உணவு, குடிநீர் முறை காரணமாகின்றன.

இம்மாதிரியான முறையான எரி பொருள்களில் தான் இவ்வுடல் நிலைத்திருப்பதற்கு அடிப்படைக் காரணமான பசித்தீ எனும் சடராக்கினி நிலைத்திருக்கிறது.

இயற்கை, சேர்க்கை, பக்குவம் செய்யும் முறை, அளவு, இடம், காலம், பயன்படுத்துதல் என்ற ஏழுவித உணவு பயன்படுத்தும் முறைகள் நோயற்ற வாழ்விற்கும், நோயுற்ற வாழ்விற்கும் காரணமாவதால், புலனடக்கம் உள்ளவன் அவற்றை நன்கு ஆராய்ந்து நலம் தருவதையே பின்பற்ற வேண்டும்.

இயற்கை, சேர்க்கை முதலியவற்றின் விளக்கம் - இயற்கை - மழைநீர், செந்நிற அரிசி, அறுபது நாளில் விளையும் அரிசி, பயிறு, மான் இறைச்சி, சிறு பறவை
களின் மாமிசம் இவை எளிதாக செரிக்கக் கூடியவை.

பால், நெய், கரும்பு, நெல், உளுந்து, நீர்ப்பாங்கான இடங்களில் வாழும் பிராணிகளின் மாமிசம் செரிப்பதற்குக் கடினமானவை .

எளிதில் செரிக்க கூடிய பொருட்கள், சேர்க்கை முதலிய சிறப்பினால் எளிதில் செரிக்காமலாவதும், செரிப்பதற்கு கடினமான பொருட்கள், எளிதில் செரிக்கக் கூடியவையாகவும் மாறுதலை அடைகின்றன.

சேர்க்கை - இரண்டு அல்லது பல பொருட்களின் கலப்பு சேர்க்கையெனப்படும். இந்தச் சேர்க்கைப் பொருட்கள் தமது தனித்தன்மையை விட்டு விட்டு சிறப்பான செயல்களைச் செய்கின்றன.

பக்குவம் செய்யும் முறை - நீர், நெருப்பின் சேர்க்கை, சுத்தப்படுத்துதல், கடைதல், இடம், காலம், ஊற வைத்தல், பாத்திரங்கள் ஆகியவற்றால் பொருட்களில் ஏற்படும் குணமாற்றம் ஸம்ஸ்காரமாகும்.

அளவு - இது இரண்டு வகைப்படும். ஒன்று பொருட்களின் கூட்டளவு, மற்றொன்று பொருட்களின் தனி அளவு.

இடம்- பொருட்கள் தோன்றுமிடம், அவற்றைப் பயன்படுத்துபவன் தோன்றிய இடம் என இது இரண்டு வகைப்படும். பயன்படுத்துபவன் நோயுள்ளவனா நோயற்றவனா என்பதையும் அவனுடைய இயற்கை உடல் நிலையையும் சோதிக்க வேண்டும்.

காலம் - பருவம், நோய், சீரணம், அசீரணம் இவற்றின் நிலையைப் பொருத்ததாகும்.

பயன்படுத்துதல் - அசீரணத்தில் உணவு உட்கொண்டால் முன் உண்ட உணவின் மாறுபடாத சீரணமாகாத உணவுச்சத்து, பின்பு உண்ட உணவின் சத்துடன் சேர்ந்து விரைவில் எல்லா தோஷங்களாகிய வாத, பித்த, கபங்களை சீற்றமடையச் செய்கின்றன.

உண்பதற்கேற்ற காலம் - முன் உண்ட உணவு சீரணித்த பின்னும், வாதம் முதலிய தோஷங்கள் தமது இடங்களை அடைந்திருக்கும் பொழுதும், வாதம் சரியான நிலையில் இருக்கும் பொழுதும், சிறுநீர், மலம் இவற்றைச் சரியாகக் கழித்த பின்பும், ஏப்பம் சுத்தமான பின்பும், இதயம், உடல் துவாரங்கள், முகம், புலன்கள் இவை தெளிவுற்றிருக்கும் பொழுதும், உடல் இலேசாக இருக்கும் பொழுதும், பசித்தீ நன்கு வளர்ந்திருக்கும் பொழுதும், பசி எடுத்த பின்பும், அருந்தும் உணவு தோஷங்களைச் சீற்றமடையச் செய்யாமல் ஆயுள், வலிவு, நிறம் இவற்றை வளர்க்கின்றது. இவ்வாறு உரிய காலத்தில் உட்கொள்ளும் உணவு உடலில் தோஷங்களைச் சீற்றமடையச் செய்யாமல் ஆயுள், உடல்வலிமை, பொலிவு இவற்றை வளர்க்கிறது. இதுதான் உண்ணுவதற்கு உகந்த காலமாகும்.

காலம் தவறி உணவு உட்கொண்டால், வாயு தடைபெற்று அசீரணத்தை ஏற்படுத்துகிறது. உணவு, நேரம் கழித்துச் சீரணமாகிறது. உடலை இளைக்கச் செய்கிறது. உணவில் அருவருப்பைத் தோற்றுவிக்கிறது.

(இக்கேள்விக்கான பதில் அடுத்த வாரமும் தொடரும்) 

பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2017/6/8/w600X390/baby-eating.jpg http://www.dinamani.com/health/health-serials/ayurvadham/2018/jun/21/பசித்ததும்-சாப்பிடுகிறோம்-அதில்-இவ்வளவு-விஷயம்-இருக்கிறதா-2944263.html
2938813 தொடர்கள் ஆயுள் காக்கும் ஆயுர்வேதம் பேலியோ டயட் பின்பற்றுவோருக்கு ஆயுர்வேதம் சொல்லும் அறிவுரை டாக்டர் எஸ். சுவாமிநாதன் DIN Wednesday, June 13, 2018 10:48 AM +0530 ஆயுள் காக்கும் ஆயுர்வேதம்

கடந்த இரண்டு மாதங்களாக, நீரிழிவு நோயைக் குணப்படுத்திக் கொள்வதற்காக, ஒரு பிரபல அலோபதி நீரிழிவு சிகிச்சை நிபுணரின் ஆலோசனைகளின்படி முழுவதும் அரிசி, கோதுமை, ரவை, சிறு தானியங்கள், இனிப்புகள், கிழங்குகள் எல்லாவற்றையும் அறவே தவிர்த்துவிட்டு, வேகவைத்த பச்சை காய்கறிகள், நிறைய வெண்ணெய், பனீர் (COTTAGE CHEESE) ஆகியவற்றையும், வெள்ளரி போன்றவற்றை உண்டு வருகிறேன். PALIO DIET என்ற இந்த வகை உணவே மருந்து என்ற சிகிச்சை பற்றிய ஆயுர்வேத அடிப்படையில் தங்கள் கருத்து என்ன?

-சுப்ர. அனந்தராமன், சென்னை-40.

நீங்கள் குறிப்பிடும் உணவுப் பொருட்களில் இனிப்பு சுவை மிகக் குறைவு என்பது மட்டுமல்ல காரணம். 


PALIO DIET உணவுப் பொருட்கள் வயிற்றிலுள்ள அமிலத் திரவங்களின் வழியாக செரிக்கப்படும் போது அவற்றிலிருந்து இனிப்பு வெளிப்படாது. மேலும் இது போன்ற உணவின் சத்து தனியே பிரிக்கப்பட்டு ரத்தத்துடன் கலந்த பின்னரும் புலப்படாத அளவிற்கு சிறிய அளவிலேயே இனிப்பு உருவாகும். ஆயுர்வேதம் இவ்வகை உணவுகளை மூன்று ரகமாகப் பிரிக்கிறது. சுவையில் இனிப்பில்லாதவை, சீரண இறுதியிலும் இனிப்பாக மாறாதவை (இதற்கு விபாகம் என்று பெயர்), உணவுச் சத்தாக மாறிய நிலையிலும் இனிப்பை வெளிக்காட்டாதவை (இதற்கு நிஷ்டாபாகம் என்று பெயர் ).

இதற்கு நேர் மாறாக உள்ள கார்போஹைட்ரேட் வகை உணவுகளை இரண்டு கூறுகளாகப் பிரிக்கலாம். சர்க்கரை, மாச்சத்துள்ளவை என. பால், கரும்பு, திராட்சை முதலியவைகளின் இனிப்புப் பகுதி சர்க்கரையாகும். அரிசி, ரவை, கோதுமை, சோளம் முதலியவைகளிலும் ஒரு வகை சர்க்கரை உண்டு. இதை தானிய சர்க்கரை என்பர். இந்த சர்க்கரை ஜீரண காலத்தில் வெளியாகும். அரிசியை வாயிலிட்டுச் சுவைக்கும் போது அரிசிமா உமிழ் நீரில் கலந்துள்ள ஜீரண சக்தி உள்ள திரவத்துடன் கலக்கும் போது அந்த மா சர்க்கரையாகப் பக்குவமடைகிறது. இது PALIO DIET உணவுகள் மூலமாக ஏற்படுவதில்லை.

தானியங்களை முளைகட்டியோ, இட்லி முதலியவற்றுக்கான மாவாக அரைத்துப் புளிக்க வைத்தோ, உடலினுள் நடைபெற வேண்டிய ஜீரணத்தில் ஓரம்சத்தை வெளியிலேயே நடத்திவிடுகிறோம். அதனால் இட்லி எளிதில் ஜீரணமாக கூடியது, ராகிமால்ட் எளிதில் ஜீரணமாகக் கூடியது என்று கூறுகிறோம். அதாவது அவை ஓரளவு ஜீரணிக்கப் பெற்றவை (PREDIGESTED) என்ற கருத்து. ஜீரணம் சரியே இல்லாத பசி மந்த நிலையில் இந்த மால்டுகளும் இட்லியும் நல்ல உணவாகின்றன என்பது இதன் கருத்து.

வேக வைத்த காய்கறிகளை நீங்கள் சாப்பிடும் போது, ஜீரணதிரவங்களுக்கு அவற்றை செரிக்கவைப்பதில் கஷ்டமிருக்காது. ஆனால் அவற்றை இட்லிமாவு போல, புளிக்கவைத்து, ஜீரணிக்க அனுப்பி வைக்கும் சிறப்பை நீங்கள் இழப்பதால், சீரண கேந்திரங்களுக்கு ஏற்படக் கூடிய நெய்ப்பு, வழுவழுப்பு, நீடித்த நிலைப்பு போன்ற நன்மை தரும் பல குணங்களும் கிட்டாது போகின்றன. 

மாவுப்பண்டங்களையும், நீங்கள் குறிப்பிடும் PALIO DIET வகைகளையும் ஜீரணிக்கும் சக்தி உமிழ் நீரிலும் அக்னியாசயம் எனும் பாங்கிரியாசில் சுரக்கும் ஜீரண திரவங்களையும் சார்ந்தே இருக்கிறது. இந்தத் திரவங்களின் சக்தி குறைந்தால் இரைப்பையினுள் சென்று அங்குள்ள புளிப்பான ஜீரண திரவங்களின் வசப்பட்டு, புளிப்பு எல்லை மீறும் போது வயிற்றுவலி, வேக்காளம் முதல், யூரீமியா என்ற ரத்தப் புளிப்பு நிலைவரையிலுள்ள நிலைகளுக்குக் காரணமாகிறது. செரிமான இயந்திரங்களைச் சுறு சுறுப்பாக வைத்திருக்க உதவும் பெருங்காயம், சீரகம், ஓமம், கடுகு, சோம்பு, கிராம்பு, சுக்கு, மிளகு, குண்டுமிளகாய், ஏலக்காய் போன்ற பொருட்கள் PALIO DIET இல் இருக்கிறதா? இருந்தால் கால ஓட்டத்தில், செரிமானக் கோளாறுகள் ஏதும் ஏற்படாமல், உங்களை நீங்கள் பார்த்துக் கொள்ளலாம்.

வேக வைக்காத வெள்ளரி, வெங்காயம், தக்காளி போன்றவை பச்சையாக உட்கொள்வதாக கூறுகிறீர்கள். அவை உரம் போடாமல் இயற்கையாக வளர்க்கப்பட்டவையா? அவற்றினுள் உரமிருந்தால் திறந்திருக்கும் பாத்திரத்தில் வேகவைக்கும் போது அவை வெளியேறக் கூடும். பச்சையாகச் சாப்பிட்டால் உரம் வயிற்றினுள் சென்று ஏற்படுத்தும் கெடுதிகளை நீங்கள் நன்கு அறிந்திருப்பீர்கள். உளுந்தும், சோளமும் கடலைப்பருப்பும் சற்று கனமான உணவுப் பொருட்கள். அவை எளிதில் ஜீரணமாவதற்காகச் செய்யப்படும் பாகங்களே ஊற வைத்தும் , புளிக்க வைத்தும் ஆவியில் வேக வைத்தும் சுட்டும் செய்யப்படும் பாக முறைகள். ஆகவே அவை எளிதில் செரிக்கின்றன. நிறைய வெண்ணெயும், பனீரும் (COTTAGE CHEESE) சாப்பிடும் நீங்கள், அவற்றை ஜீரணிக்கும் சக்தியற்ற நிலையிலிருந்தால், சர்க்கரை அதிகரிக்காது. ஆனால் அவை செரிமானமாகாமல், ரத்தத்திலும் உடல் உட்புறக் குழாய்களில் படிவங்களாலும் மாறி துன்பத்தை ஏற்படுத்தும்.

உமிழ் நீரிலிலுள்ள ஜீரணத்திரவம் நெருப்பில் வெந்த அல்லது சுட்ட பதார்த்தங்களைத் தான் ஜீரணிக்க முடியும். ஆனால் இந்த அக்னியாசய திரவம் நெருப்பில் பக்குவமாகாததைக் கூட ஜீரணித்துவிடும். அதனால் நீங்கள் எந்த வகையான DIET சாப்பிட்டாலும், செரிமானத்தினுடைய சக்தியை இழக்காத வரையில் ஆரோக்கியத்தை நிலைநிறுத்திக் கொள்ளலாம். சர்க்கரையின் அளவையும் கூடாமல் பார்த்துக் கொள்ளலாம். 

(தொடரும்)

]]>
http://images.dinamani.com/uploads/user/imagelibrary/2015/7/9/15/w600X390/balanced-diet.jpg http://www.dinamani.com/health/health-serials/ayurvadham/2018/jun/14/பேலியோ-டயட்-பின்பற்றுவோருக்கு-ஆயுர்வேதம்-சொல்லு-2938813.html
2934972 தொடர்கள் ஆயுள் காக்கும் ஆயுர்வேதம் உணவுகளை சமைக்க எந்த பாத்திரம் சரியானது? டாக்டர் எஸ். சுவாமிநாதன் DIN Thursday, June 7, 2018 02:49 PM +0530 குளிர்சாதனப் பெட்டியில் சாதம், குழம்பு, பொரியல் ஆகிய சமைத்த உணவு வகைகளை வைத்திருந்து உண்பது ஆரோக்கியத்திற்கு கேடு என்பது சரிதான். ஆனால் காலையில் வடித்த சாதம் மீந்துபோனால், அதில் சுத்தமான தண்ணீர் ஊற்றி வைத்து மறுநாள் காலை, அதில் சிறிது நல்லெண்ணெய் சேர்த்து, தொட்டுக் கொள்ள சின்ன வெங்காயம், பச்சை மிளகாயுடன் சாப்பிடலாம் என்று இயற்கை வைத்தியர்களும் அறிவுரை அளித்துள்ளார்களே?

-எஸ். பாலாம்பாள், விருகம்பாக்கம்.

இந்தக் கேள்வியின் மூலம் சுமார் 40 ஆண்டுகள் பின்னோக்கி அழைத்துச் சென்று கும்பகோணம் - குடவாசல் அருகிலுள்ள மஞ்சக்குடி கிராமத்தில் விட்டுவிட்டீர்கள் ! மீந்துபோன சாதம், குழம்பு போன்றவற்றை பாட்டி, எருக்கஞ் சட்டியில் போட்டு மூடி வைத்திருந்து, மறுநாள் காலை, கெட்டியான தயிர் விட்டு சாதத்தைப் பிசைந்து, உள்ளங்கையில் போடுவார். நடுவில் குழிகுழித்து, மீந்துபோன சாம்பாரை ஊற்றி, சாப்பிடச் சொல்வார். அதில் கிடைக்கும் ஆனந்த அனுபவத்தை இன்றளவும் மறக்க முடியவில்லை. அதன் ருசியும் இன்றைய ஒரு உணவுப் பொருளிலும் கிடைக்கவில்லை! 

அன்று கிடைத்த அரிசியின் தரம் இன்றுள்ளதா? தண்ணீர் சுத்தமாக, ரசாயனக் கலவை மூலம் சுத்தப்படுத்தப் படாமல் கிடைக்கிறதா? அவை வைக்கப்பட்டிருந்த எருக்கஞ்சட்டி பாத்திரம் கிடைக்கிறதா? இவை அத்தனையும் மீறி, பாட்டியின் அன்பான பரிமாறல் தான் இன்று கிடைக்குமா? இவை அனைத்தும் ஏக்கமாகிப் போனது தான் மிச்சம் !

பழைய சாதத்தினுடைய ருசியைக் குறைவில்லாமல் கூட்டித் தருவதின் சிறப்பே எருக்கஞ்சட்டியின் மகிமையாகும். அதற்கு மாக்கல் என்று வேறு ஒரு பெயர் உண்டு. மூன்று வகையான விஷயங்கள், அவை அடங்கியுள்ள பாத்திரத்திற்கு ஏற்றாற்போல் வேலை செய்யும் என்று ஆயுர்வேதம் அவை - சஸ்த்ரம் (ஆயுதம்) - சாஸ்த்ரம் (கல்வி) - சலிலம் (தண்ணீர்). ஆயுதம் தீமை செய்ய வேண்டும் என்ற எண்ணத்துடன் பயன்படுத்தினால், அது தீமையே செய்யும். உதாரணத்திற்கு தீக்குச்சியின் நெருப்பால் ஒரு குடிசையை எரிக்கலாம். நன்மை செய்ய எண்ணினால் அதே நெருப்பினால் இருண்டுள்ள ஒரு வீட்டில் விளக்கேற்றினால், வீடே பிரகாசமாகிறது. பிளாஸ்டிக் பாட்டிலில் வைக்கப்பட்டுள்ள தண்ணீரை விட, மண்பானைத் தண்ணீர் தரத்திலும் குணத்திலும் சிறப்பாகிறது. நீங்கள் குறிப்பிடும் உணவு வகைகள் குணம் செய்ய, பாத்திரத்தைத் பொருத்தே அமைந்துள்ளது. ஸ்டீல் பாத்திரத்தை விடவும் குளிர்சாதனப் பெட்டியை விடவும் முன் குறிப்பிட்ட எருக்கஞ்சட்டி பாத்திரத்தில் வைக்கப்பட்ட பழைய சாதம், குழம்பு போன்றவை மறுநாள் எவ்வகையிலும் கெடுவதில்லை, மாறாக ருசி கூடுகிறது. அவற்றை உண்பதால் - வயிற்றிலுள்ள அபரிமிதமான சூடு தணிகிறது. நாக்கிலுள்ள ருசிக் கோளங்கள் சுத்தமாகின்றன. சுத்தமான எச்சில் சுரப்பானது ஏற்படுகிறது. குடலிலுள்ள பித்த ஊறலை மட்டுப்படுத்தி, பசியின் செரிமானத் திரவங்களைச் சீராக்குகிறது. மனதை அமைதியுறச் செய்கிறது. கல்லீரல் - மண்ணீரலின் சுறுசுறுப்பானது கூடுகிறது. குடலிலுள்ள தேவையற்ற அழுக்குகளைச் சுரண்டி வெளியேற்றுகிறது. உட்புறக் குழாய்களில் பொதிந்துள்ள அணுக்களின் வளர்ச்சிப் பரிணாமத்தை துரிதப்படுத்துகிறது. அந்த நீராகாரத்தில் சிட்டிகை, உப்பு, சீரகத்தூளும் சேர்த்துச் சாப்பிட, மலச்சிக்கலை நீக்குகிறது. நீங்கள் குறிப்பிடுவது போல, நல்லெண்ணெய் சேர்ந்தால், குடல் கிருமிகளை நசித்து, உடலைத் தேற்றுகிறது. சின்ன வெங்காயம் சேர்க்கும் போது, மூல உபாதையிலிருந்து வரக் கூடிய சில உபாதைகளான ரத்தக்கசிவு, வலி போன்றவை குணமடைகின்றன. பச்சை மிளகாயைக் கடித்து பழைய சாதம் சாப்பிட்டால், குடலிலுள்ள மந்தமான நிலையை மாற்றி விறுவிறுப்படையச் செய்கிறது.

நீராகாரம், சாத்தூத்தம் என்றெல்லாம் அழைக்கப்படும் ஏழைகளின் உணவாகிய இந்த பழைய சாதத்தின் பெருமையை உணர்ந்தவர்கள், அதைச் சாப்பிட்ட பிறகு, அதிலுள்ள சத்து நன்கு உடலில் சேருவதற்காக, வயல்காட்டிற்குச் செல்வது, வீட்டை சுத்தப்படுத்துவது, சைக்கிள் சவாரி செய்வது என்று ஏதேனும் வேலையில் ஈடுபட்டு, அந்த உணவை விரைவாகச் செரிக்கும்படி செய்துவிடுவார்கள்.

செயற்கையான முறையில் பழைய உணவுகளில் ஏற்படுத்தப்படும் குளிரூட்டப்படும் தன்மையால் அவற்றில் அனுக்கிருமிகளின் செழிப்பான வளர்ச்சி ஏற்படக் கூடும் என்ற பயத்தால் தான், உணவைப் பதப்படுத்துகிறார்கள் அது போன்ற ஒரு சூழலை உருவாக்காமல், இயற்கையின் அரணாக விளங்கக் கூடிய குளிர்ச்சியை, பாத்திரத்தின் வழியாக, உணவு வகைகள் பெறும்பொழுது, நாம் நன்மையே அடைகிறோம். அதனால், அற்புதமான பாத்திரத்தின் பெருமையை நாம் உணவுகளின் வழியாக மேம்படுத்திக் கொள்வது அவசியமாகும். இது சம்பந்தமாக நிறைய ஆராய்ச்சிகள் செய்யப்படுகின்றன. 

ஆயுர்வேத மருந்துகளின் தரம் குறையாதிருக்க அவற்றின் தயாரிப்பு முறை முடிந்ததும், பீங்கான் ஜாடி, மண் குடுவை, கண்ணாடி பாட்டில் போன்றவையே முன்பெல்லாம் பயன்படுத்தப்பட்டன. தற்சமயம் கால நிலைக்கு ஏற்ப பயன்படுத்தத் தொடங்கிவிட்டார்கள். சூழ்நிலை, கால நிலை - மனிதர்களின் உடல் உட்புற த்ரிதோஷங்களாகிய வாத - பித்த- கபங்களின் நிலை போன்றவை அறிந்து உணவை பாத்திரங்களின் வழிமேம்படுத்திச் சாப்பிட்ட நம் முன்னோர் வழி அறிவது சிரமமே! 

(தொடரும்)

]]>
http://images.dinamani.com/uploads/user/imagelibrary/2016/8/31/w600X390/sema_food.jpg http://www.dinamani.com/health/health-serials/ayurvadham/2018/jun/07/உணவுகளை-சமைக்க-எந்த-பாத்திரம்-சரியானது-2934972.html
2930469 தொடர்கள் ஆயுள் காக்கும் ஆயுர்வேதம் கை மரத்துப் போவது ஒரு நோயா? தீர்வு உண்டா?? டாக்டர் எஸ். சுவாமிநாதன் DIN Thursday, May 31, 2018 11:00 AM +0530 என்னுடைய தொழில் அபிவிருத்திக்காக அதிக தூரம் இருசக்கர வாகனத்தில் அடிக்கடி செல்ல வேண்டிய நிர்பந்தத்தில் இருக்கிறேன். அப்படி பயணம் செய்யும் போது, வலது கை முழுவதும் மரத்துப் போகிறது. வண்டி ஓட்டும் போதே, கையை கீழே தொங்கவிட்டு, மெதுவாக உதறிக் கொண்டால் சரியாகிறது. மறுபடியும் ஓட்டும் போது ஏற்படுகிறது. இது எதனால்? எப்படி குணப்படுத்தலாம்?
 -சாய்ராம், சேலம்.

தலை, உடலுடன் உட்காரும் கழுத்தின் முதுகுத் தண்டுவடப் பகுதியில் அமைந்துள்ள எலும்புகளின் இடையேயுள்ள வில்லைகளின் உயரம் குறைதல், அவற்றிலுள்ள நீர்ப்பசையான தன்மை வறண்டு, விரிசலடைதல், அவை தம் இடம் விட்டு நழுவி, சுற்றியுள்ள நரம்புக் கூட்டங்களில் அழுத்தத்தை ஏற்படுத்துதல், எலும்பு அடுக்குகளின் உட்புற விட்டம் குறைதல் போன்றவை, நீங்கள் குறிப்பிடும் உபாதை தோன்றுவதற்குக் காரணங்களாகலாம். 

வலது தோள்பட்டையினுள்ளே அமைந்துள்ள ஜவ்வுப்பகுதியின் அடர்த்தியின் குறைவு காரணமாகவும் கை எலும்புப் பந்து போன்ற பகுதி, தான் பதிந்துள்ள குழியினுள்ளே ஏற்படுத்தும் உரசல்களாலும், அப்பகுதியைத் தாங்கி, கையை உயரே தூக்கவும், தாழ்த்தவும், நீட்டவும், மடக்கவும் உதவக் கூடிய தசை நார்களில் ஏற்படும் வலுவின்மையாலும் இந்த உபாதை ஏற்படக் கூடும். கழுத்து எலும்புத் தண்டுவடப் பகுதியில் ஒரு விதமான அழுத்தத்தையும், எளிதில் தலையை இடம், வலம், மேல், கீழ் என்ற வகையில் உருட்ட முடியாத அளவிற்குச் சிறுவலியையும் நீங்கள் உணர்ந்தால், அந்த குறுத்தெலும்புப் பகுதியை, MRI SCAN  எடுத்துப் பார்க்க வேண்டிய அவசியமிருக்கிறது. இந்த ஸ்கேன் ரிப்போட்டில், அப்பகுதியிலுள்ள அனைத்துப் பிரச்னைகளையும் நாம் நன்கு அறியலாம். வலது தோள்பட்டைக்கும்  இது போலவே ஸ்கேன் செய்து பார்த்தால் விவரம் நன்கு அறிய முடியும்.

தலையிலுள்ள எலும்பு, மூளை ஆகியவற்றின் கனத்தை, கழுத்திலுள்ள குறுத்தெலும்புகளே தாங்க வேண்டிய நிர்பந்தமிருப்பதால், அதன் கனத்தைக் குறைக்கும் வகையில், நிறைய நேரம் படுக்கையில் படுத்து, தலையணையில் தலையை வைத்துக் கொண்டால், தலையிலுள்ள கனமானது தலையணைக்கு மாற்றப்படுவதால், கழுத்திலுள்ள தண்டுவட எலும்புகளுக்கு ஏற்படும் அழுத்தமானது குறைகிறது. அவற்றிற்கு ஓய்வும் கிடைப்பதால், தற்சமயம் மருத்துவர்கள், இந்த உபதேசத்தை, உங்களைப் போன்றவர்களுக்கு அதிகம் வழங்குகிறார்கள். பிரத்யேக வடிவத்தில் இந்த அழுத்தத்தை குறைப்பதற்காகவே, தலையணைகள் செய்யப்படுகின்றன.

வண்டி ஓட்டும் போது, வலது கையை THROTTLE செய்தால் தான் வண்டி சீரான வேகத்தில் ஓடும். HANDLE BARலிருந்து கையை எடுத்து தொங்க விட்டாலோ, உதறினாலோ வண்டியினுடைய வேகம் குறைவதற்கு வாய்ப்புள்ளதால், பின்னால் வரும் வாகனங்கள், பக்க வாட்டில் வரும் வாகனங்களின் தூரம் ஆகியவற்றையும் கவனித்தறிந்து மிக கவனமாக ஓட்ட வேண்டியிருப்பதால், ஒருவித பதட்டம் மனதளவில் எழக்கூடும். இதனால், நீங்கள் வாகனம் ஓட்டும் போது, இடது பக்கமாக சாலையில் சீரான வேகத்தில் மட்டுமே செல்வது நல்லது. நல்ல தரமான தலைக்கவசம் அணிதலும் அவசியமாகும். 

கழுத்து வில்லைப் பகுதிகளையும், தோள்பட்டைப் பகுதியையும் வலுவூட்டக் கூடிய நல்ல மூலிகைத் தைலங்கள் பலவுள்ளன. உங்களுடைய உடல் தன்மைக்கு ஏற்ப தேர்ந்தெடுத்து, மூக்கினுள் விட்டு உறிஞ்சி, நெற்றியில் இதமான வெந்நீரில் பிழிந்தெடுத்த துணியைக் கொண்டு ஒத்தடமிடுதல், தலையில் மூலிகைத் தைலத்தை வெது வெதுப்பான ஊறவிடும், "பிசு' எனும் சிகிச்சை முறை, கழுத்து எலும்பு, தோள் பட்டைகளில், தைலத்தை இளஞ்சூடாக, சுமார் முக்கால் மணி நேரம் ஊற வைத்து அப்பகுதியில் மூலிகை வேர்களைக் கொண்டு காட்டப்படும் நீராவி சிகிச்சை முறை, குடலில் வாயுவினுடைய சீற்றம் ஏற்படாத வகையில் உணவு முறை மாற்றம், ஆசனவாய் வழியாக செலுத்தப்படும், தைலம் மற்றும் கஷாயங்களால் குடல்களில் தங்கியுள்ள காற்று மற்றும் மலங்களை வெளியேற்றுதல், சித்தாமுட்டி வேர்க் கஷாயத்தை, நவர அரிசியுடன், பாலுடனும் வேக வைத்து, அந்த சாதத்தைக் கொண்டு, கிழிகட்டி கழுத்தெலும்பு மற்றும்  தோள் பட்டையில் இதமாகவும், பதமாகவும் வெது வெதுப்பாகவும் உருட்டித் தேய்த்தல் போன்ற சிறப்பான ஆயுர்வேத சிகிச்சை முறைகளால் நீங்கள் பயனடைய வாய்ப்புள்ளது. உள் மருந்துகள், நபருக்கு நபர் இவ்விஷயத்தில் மாறக் கூடுமென்றாலும், நல்ல தரமான ஆயுர்வேத மருந்துகளுமுள்ளன. 

வில்லைகளை வலுப்படுத்தும் மஹாராஜ பிரசாரணி எனும் கேப்ஸ்யூல் மருந்தை ஒரு பொது மருந்தாக காலை, இரவு உணவிற்குப் பிறகு வெது வெதுப்பான தண்ணீருடன் சில மாதங்கள் தொடர்ந்து சாப்பிட்டு வரலாம்.
(தொடரும்)

பேராசிரியர்  எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2015/6/20/10/w600X390/helmet1.jpg http://www.dinamani.com/health/health-serials/ayurvadham/2018/may/31/கை-மரத்துப்-போவது-ஒரு-நோயா-தீர்வு-உண்டா-2930469.html
2924065 தொடர்கள் ஆயுள் காக்கும் ஆயுர்வேதம் நோயின்றி வாழ உதவும் ஒரே விஷயம்.. வேப்பம் பூ... இலை... பட்டை டாக்டர் எஸ். சுவாமிநாதன் DIN Thursday, May 24, 2018 12:00 AM +0530 எனக்கு 58 வயதாகிறது. கடந்த பல வருடங்களாக உடல் முழுவதும் அரிப்பு இருக்கிறது. ஆங்கில வழி வைத்தியங்கள் அவ்வப்போது தான் நிவாரணம் தருகின்றன. சிலர் கூறியதால் வேப்ப இலை, குப்பை மேனி இலையை அம்மியில் அரைத்து உடலில் பூசுகிறேன். ஓரளவு சுமாராக உள்ளது. வேப்ப இலை தினமும் பூசலாமா? அது உஷ்ணமா? குளிர்ச்சியா? தங்களது வேறு யோசனைகள் இருக்கின்றனவா?

- சிவ. இளவரசி, சிதம்பரம்.

"கையதேவ நிகண்டு' எனும் ஆயுர்வேத நூலில் வேப்ப மரத்தினுடைய மருத்துவ குணங்களைப் பற்றிய விவரங்கள் விரிவாகக் காணப்படுகின்றன. கசப்புச் சுவையுடைய வேப்பம் பட்டை, சீரண இறுதியில் காரமாக மாறிவிடும். செரிப்பதற்கு எளிதானது. குளிர்ச்சியான வீரியமுடையது. பசியைத்தூண்டி விடும். குடல் வாயுவை அதிகரிக்கச் செய்யும். மலத்தைக் கட்டும். ஆனால் இதயத்திற்கு நன்மை தரும். சீற்றமடைந்துள்ள பித்தம் மற்றும் கப தோஷங்களை அமைதியுறச் செய்யும் சர்க்கரை உபாதையின் தாக்கத்தை குறையச் செய்யும். காய்ச்சல் மற்றும் குடல் கிருமிகளை நீக்கும்.

தோல் உபாதைகளான அரிப்பு, படை, சொறி, சிரங்கு ஆகியவற்றை குணப்படுத்தும். சளியால் ஏற்படும் இருமல், நாக்கில் சுவையறியாமை, மூச்சிரைப்பு, நெஞ்சு படபடப்பு, உடல் வீக்கம், புண் ஆகியவற்றை குணப்படுத்தும்.

வேப்பிலைக் கொழுந்து - உள்ளிற்குச் சாப்பிட்டால், மலம் கட்டும். அதனால் பேதி நிற்பதற்கு உதவும். உடலிலிருந்து திடீரென்று ஏற்படும் ரத்தக்கசிவை நிற்கச் செய்யும். கப தோஷத்தினுடைய சீற்றத்தால் தொண்டை, மூக்கு, தலைப்பகுதிகளில் ஏற்படும் கிருமித் தொற்றை நசிக்கச் செய்யும். பொதுவாகவே, குஷ்ட உபாதைகளை அகற்றும் சிறப்புடைய கொழுந்து வாயுவை குடலில் சீற்றமுறச் செய்தாலும், கண் சார்ந்த பல உபாதைகளுக்கு நல்ல நிவாரணம் தரும். கொழுந்தைப் போலவே, முற்றிய இலைகளும் இதே குணங்களைக் கொண்டதாயினும், விசேஷமாக, அதன் காய்ந்த இலைச் சருகுகளைக் கொண்டு தீ மூட்டி, புகையை, கொச கொசத்துப்போன, சீழுடன் கூடிய புண்கள் மீது காட்ட, அவை விரைவில் வறண்டு, புண் ஆறிட உதவிடும்.

உடல் உட்புற, வெளிப்புற கிருமிகளை அழிப்பதற்காக நம் முன்னோர், வேப்பிலைகளை பல விதங்களிலும் பயன்படுத்தி குணம் கண்டனர்.

வேப்பம்பூ - கண்களுக்கு இதமானது. காய்ந்து போன பூக்களை, நெய்யில் "மொற மொற' என்று வறுத்துச் சாப்பிடலாம். குடல் கிருகளால் சிறுபிள்ளைகள், ஆசனவாய் அரிப்பு, பற்களை உறக்கத்தில் நற நற வென்று கடித்தல், உடலில் வட்ட வட்டமான தடிப்புகள் ஏற்படுதல் போன்ற நிலைகளில், பூக்களை மேற் குறிப்பிட்டது போலப் பயன்படுத்தி, குணம் பெறலாம். வேப்பம் பூவைக் கஷாயமாகக் காய்ச்சி, வாய் கொப்பளித்தால், நாக்கினுடைய ருசி கோளங்களில் படிந்துள்ள மாவுப்படலம் விலகி, ருசியை உணர்த்திடச் செய்யும்.

வேப்பங்காய்ப் பட்டை, இலை, பூ ஆகியவற்றிலிருந்து மாறுபட்ட சில குணங்களைச் செய்கிறது. கசப்பான சுவையுடையது. சீரண இறுதியில் காரமான சுவையாக மாறுகிறது. மலக்கட்டை உடைத்து வெளியேற்றுகிறது. செரிப்பதற்கு எளிதானது. உடல் நீர்ப்பசையை வற்றச் செய்யாது. சூடான வீரிய முடையது. தோல்சார்ந்த உபாதைகளை பலவற்றையும் குணமாக்கும் சிறப்புடையது. குடலில் வாயு பந்துபோன்று சுருண்டு ஏற்படுத்தும் வலியை நீக்கும், மூலம், குடல் கிருமி, சர்க்கரை உபாதைகளை அழிக்கும் திறனுடையது.

பழுத்த வேப்பம் பழம் - இனிப்பும், சிறிது கசப்பும் கொண்ட சுவையுடையது. நல்ல நெய்ப்பு தரும் பொருள். ரத்தத்தில் பித்த சீற்றத்தினால் ஏற்படும் காந்தல், கசிவு, சூடு ஆகியவற்றை நீக்கும் கப உபாதைகளை மாற்றும் திறன் கொண்டது. கண் சார்ந்த பல உபாதைகளையும், பழம் குணப்படுத்தும். வழுவழுப்பான, வேப்பம் கொட்டையுடன் ஒட்டியிருக்கும் சுளையான பகுதியை, வாயில் போட்டு மெதுவாகச் சாப்பிட்டால் - குடல்கிருமி, குஷ்ட உபாதைகள் நீங்கும். காச நோய்க்கு மருந்தாகும். செரிப்பதில் தாமதமாகும். வழுவழுப்பான தன்மை, வாயில் அதே தன்மையை ஏற்படுத்தும்.

வேப்பெண்ணெய் அத்தனை சூடானதல்ல. கசப்பான சுவையினால் கிருமி, குஷ்ட, கப உபாதைகளை நசிக்கும். தலைக்குத் தேய்த்துக் குளிப்பதாலும், மூக்கினுள் நான்கு சொட்டு விட்டுக் கொள்வதாலும், பத்திய உணவாக, பால்சாதம் அதிகம் சாப்பிட்டு வந்தால், தலைமுடி நரையை மாற்றும். தன்வந்தரி நிகண்டுவில் - வேப்பெண்ணெய்யை இளம்சூடாக, உள்ளுக்குச் சாப்பிட்டு, மேல் தேய்ப்பதால் வாதரக்தம் எனும் பூட்டுகள் சார்ந்த வலிகள் குணமாவதாகவும், மத்துபிடித்த நிலை, முக, உடல் வாட்டத்தினால் களையிழந்த உடல் நிலையை மாற்றி, உடல் வசீகரத்தை ஏற்படுத்தும் என்றும் காணப்படுகிறது.

அதனால், நீங்கள் வேப்ப இலையை தினமும் பயன்படுத்தி குணமடையலாம். பல ஆயுர்வேத மருந்துகளிலும் வேப்பம்பட்டை சேர்க்கப்படுகிறது.

(தொடரும்)
பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி,
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2016/3/22/11/w600X390/neem_flowers_veppam_poo1.jpg http://www.dinamani.com/health/health-serials/ayurvadham/2018/may/24/நோயின்றி-வாழ-உதவும்-ஒரே-விஷயம்-வேப்பம்-பூ-இலை-பட்டை-2924065.html
2924063 தொடர்கள் ஆயுள் காக்கும் ஆயுர்வேதம் சிறுநீரக நோய்களுக்குப் பூசணிக்காய்! டாக்டர் எஸ். சுவாமிநாதன் DIN Thursday, May 17, 2018 12:00 AM +0530 எனக்கு பூசணிக்காய் சாம்பார், மோர்குழம்பு, கூட்டு என்ற வகையிலெல்லாம் சாப்பிட மிகவும் பிடிக்கும். ஆனால் அதன் மருத்துவ பயன்கள் பற்றி தெரியவில்லை. ஆயுர்வேதத்தில் இது பற்றிய விவரங்கள் உள்ளதா?

- சுஜிதா, கோவை. 

பாவபிரகாசர் என்ற ஆயுர்வேத வித்தகர், பூசணிக்காய் பற்றிய வர்ணனையில் - "உடலுக்குப் புஷ்டியைத் தருகிறது, ஆண்களுக்கு விந்தணு வளர்ச்சியைத் தூண்டுகிறது, செரிப்பதில் கடினமானது, பித்த ஊறலை குடலில் கட்டுப் படுத்துகிறது, ரத்தவாதம் எனும் வாயு, ரத்தத்தில் சேர்ந்து ஏற்படுத்தும் உடல் வலியைக் கட்டுப்படுத்துகிறது என்று கூறுகிறார்.

முற்றாத சிறிய பூசணிக்காய் - பித்தத்தை நன்கு கட்டுப்படுத்தும், நல்ல குளிர்ச்சியான வீர்யமுடையது. நடுத்தர வளர்ச்சியை உடைய பூசணிக்காய்- கபத்தை அதிகரித்து தலைபாரம், தலைவலி, மூக்கிலிருந்து நீர் ஒழுகுதல் போன்ற உபாதைகளுக்குக் காரணமாகலாம். நல்ல முற்றிய அல்லது நன்கு வளர்ந்த பூசணிக்காய், அத்தனை குளிர்ச்சியானது அல்ல, இனிப்புச் சுவையுடையது, பசியைத் தூண்டிவிடும், எளிதாக செரிமானமாகிவிடும். எல்லா வகையான பூசணிக்காய்களுமே, சிறு நீர்ப்பையைச் சார்ந்த உட்புற அழுக்குகளை அகற்றி சுத்தப்படுத்துபவை; மனதிற்கு இத மூட்டுபவை, மன உபாதைகளுக்கு நல்ல உணவாகவும், மருந்தாகவும் பயன்படும், மூவகை தோஷங்களாகிய வாத பித்த கபங்களை- பெரியவகை பூசணிக்காய் (நன்கு வளர்ந்த) சமநிலையில் நீடிக்கச் செய்பவை' என்று மேலும் கூறுகிறார்.

நிகண்டு ரத்னாகரத்தில் - "மனிதர்களுடைய உடலிலுள்ள சப்த தாதுக்களாகிய ரஸம் - ரக்தம் - மாம்ஸம் - மேதஸ் - எலும்பு - மஜ்ஜை - விந்து ஆகியவற்றை வளர்க்கச் செய்கிறது. சிறுநீரை உற்பத்தி செய்யும் சிறுநீரகங்களில் ஏற்படும் உள்காயங்களை ஆற்றிவிடும். சர்க்கரை உபாதையுள்ளவர்களுக்கு நல்ல உணவு. சிறுநீரகக் கற்களை உடைக்கும், சிறுநீர் கழிப்பதில் ஏற்படும் தாமதத்தைக் குணப்படுத்தும். தண்ணீர் தாகத்தை நீக்கும். நாக்கில் ஏற்படும் ருசியின்மையை மாற்றும். குடல் வாயுவுடன் சேர்ந்து பித்தம் ஏற்படுத்தும் வேக்காளத்தை அடக்கும். பித்த ரக்தம் எனும் பித்த சூட்டை ரத்தத்தில் அதிகப்படுத்தி உடலெங்கும் ஏற்படும் எரிச்சலைக் குணப்படுத்தும். விந்தணுக்களில் வாயுவின் வரவால் ஏற்படும் வறட்சி, அவற்றில் ஏற்படும் குறைபாடுகளை சரி செய்துவிடும்' என்று கூறுகிறது.

தன்வந்தரி நிகண்டுவில் - "கொடியினத்தைச் சார்ந்த காய்களில், பூசணிக்காய் மிகவும் உயர்ந்தது. குடல் சார்ந்த வாத பித்த தோஷ சீற்றத்தை அடக்கக் கூடியது' என்று வர்ணிக்கிறது.

ராஜ நிகண்டுவில் - "பழது பட்டுப்போன உடல் உறுப்புகளை புஷ்டிப்படுத்தும் திறனுடையது' என்று கூறப்பட்டுள்ளது.

ஆயுர்வேத மருந்துகளில் பழுத்த கல்யாணப் பூசணிக்காயைக் கொண்டு - கூச்மாண்ட ரசாயனம் என்ற மருந்து மிகவும் பிரசித்தமானது. இந்த மருந்து வறட்டு இருமல், விக்கல், காய்ச்சல், மூச்சிரைப்பு, ரத்தபித்தம், நெஞ்சுப்புண், காசநோய் ஆகியவற்றைப் போக்கும். நெஞ்சுக் கூட்டிற்கு நல்ல வலுவூட்டும். ஞாபக சக்தி, எத்தனை பழைய விஷயமாக இருந்தாலும் நினைவுபடுத்தி எடுத்துக் கூறும் திறமை, உடல் மற்றும் மன வலுவைக் கூட்டும் சக்தி உடையது. அச்வினி தேவர்கள் எனும் மிகச் சிறந்த ஆயுர்வேத மருத்துவர்களால் கூறப்பட்டதாகும். இதயத்திற்கு ஏற்றதாகும்.

வட இந்தியாவில் பூசணிக்காய் அல்வா மிகவும் விரும்பி சாப்பிடப்படுகிறது. நல்ல இனிப்புச் சுவையுடைய இந்த அல்வா, உடலை வளப்படுத்துகிறது. தோலை நல்ல நிறமாக மாற்றுகிறது. மன மகிழ்ச்சியை ஏற்படுத்துகிறுது. அதனால் நீங்கள் பூசணிக்காய் சாப்பிடுவதால் நல்ல பலன்களை உடல் ரீதியாகவும், மன ரீதியாகவும் பெறுகிறீர்கள் என்பதில் சந்தேகமில்லை.

க்ஷயம் எனும் கடுமையான இருமல் உபாதையால் ஏற்படும் உடல் பலவீனம், இளைப்பு, பெண்களுக்கு ஏற்படும் கடும் உதிரப்போக்கு, ருசியின்மை, மூலம் போன்ற உபாதைகளுக்கு - வெண் பூசணிச்சாறு 3.2 லிட்டர், வெல்லம் 3 கிலோ சேர்த்து பாகு வைத்து, வெண் பூசணி துருவல் நெய்விட்டு வறுத்து - 750 கிராம் சேர்த்துக் கிளறி, லேகிய பதம் வரும் போது, ஏல அரிசி, கிராம்பு, மிளகு, ஓமம், சுக்கு, பச்சிலை, திப்பலி ஆகியவை வகைக்கு 50 கிராம், கற்கண்டு 400 கிராம், நெய் 200 மி.லி. சேர்த்துக் கிளறி, பசித்தன்மைக்கு ஏற்ப 5 முதல் 10 கிராம் வரை சாப்பிட குணமாகும்.

(தொடரும்)
பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2017/5/11/w600X390/koluthum-veyilukku-ugantha-poosani.jpg http://www.dinamani.com/health/health-serials/ayurvadham/2018/may/17/சிறுநீரக-நோய்களுக்குப்-பூசணிக்காய்-2924063.html
2916477 தொடர்கள் ஆயுள் காக்கும் ஆயுர்வேதம் உணவு பொருட்களை ஃப்ரிட்ஜில் வைக்கலாமா? ஆயுர்வேதம் சொல்வது இதுதான்! டாக்டர் எஸ். சுவாமிநாதன் DIN Wednesday, May 9, 2018 05:58 PM +0530 வேகவைத்த சாதம், குழம்பு, பொரியல், கூட்டு ஆகியவற்றையும் எல்லாவிதமான சமைத்த பண்டங்களையும் FRIDGE என்ற குளிர்சாதன பெட்டிக்குள் வைத்து ஒரு வாரம், பத்து நாட்கள் வரை கூட வைத்து சாப்பிடும் பழக்கம் இப்போது அதிகமாகியுள்ளது. இது வரவேற்கத்தக்கதா?

 -சுப்ர. அனந்தராமன், அண்ணாநகர்,  சென்னை.

"அன்னாத் புருஷ:' என்று வேதம். அதாவது உடலை சோற்றால் ஆன சுவர் என்று குறிப்பிடலாம். புதிதாக சமைத்த உணவினுடைய சூடு ஆறுவதற்குள் கிழக்கு முகமாக, தரையில் சம்மணம் போட்டு அமர்ந்து இடது கையை பூமியில் படாதவாறு இருகால்களுக்கு நடுவே வைத்துக் கொண்டு, மேலே மின்விசிறி ஓடாமல், ஏசி அறையில் அமராமல், பேசாமலும் சிரிக்காமலும் உண்ணும் உணவில் மட்டுமே கவனம் வைத்து, உணவின் நடுவே நீர் அருந்திச் சாப்பிட்ட, நம் முன்னோர்களின் சிறப்பான உணவு உண்ணும் முறை மறந்து, இன்றைய தலைமுறை பாழ்பட்டுப் போனது வேதனையான விஷயம் தான்.


கேட்டால் காலத்தின் கட்டாயம் என்று கூறுவர். ஆனால் காலத்திற்கு ஏற்றாற் போல் மனித உடல் உட்புற உறுப்புகள் மாறவில்லையே என்ற கேள்வி எழத்தான் செய்கிறது. "யாதயாமம் கதரஸம்  பூதி பர்யுஷிதம் சயத் உச்சிஷ்டமபி ச மேத்யம் போஜனம் தாமஸப்ரியம்' என்கிறது பகவத்கீதை. அதாவது ஓர் இரவு தங்கிப்போனதும், சுவையிழந்ததும், கிருமிகளால் ஆக்ரமிக்கப்பட்டு துர்நாற்றமடைந்ததும்,  சாப்பிட்டு மீந்துபோன மலினமான உணவு- மனதைச் சார்ந்த தாமஸம் எனும் சோம்பலையும், சுறுசுறுப்பற்ற தன்மையும், அதிக உறக்கத்தைத் தருபவையும், எதிர்மறையான எண்ணங்களையும் (NEGATIVE THOUGHTS) உருவாக்கும் குணத்தை தூண்டச் செய்யும் என்று அர்த்தம் கூறலாம். அதனால் குளிர்சாதனப் பெட்டியில் வைத்த உணவைச் சாப்பிடுவதால், உடலுடன் சேர்ந்து மனதும் கெட்டுப் போகிறது என்பது உறுதியாகிறது. 

அது போன்ற உணவு வகைகளை, நாங்கள் மறுபடியும் சூடாக்கித் தானே சாப்பிடுகிறோம் என்று கூறுபவர்களுக்கு,  "உஷ்ணீ கிருதம் புன:' அதாவது மறுபடியும் சூடு செய்யப்பட்ட உணவுப் பொருள் - நிஷித்த போஜனம் - மட்டமான உணவு என்று ஆயுர்வேதம் குறிப்பிடுகிறது. இதுபோன்ற உணவுப் பொருட்களை, பசித் தீயில் வேகவைப்பதற்காக வாய் வழியாக, உட்செலுத்தினால் அதை செரிமானம் செய்ய முடியாமல், பசித்தீ தடுமாறக் கூடும். கையெடுத்துக் கும்பிட்டு, ஆளைவிடு என்று பசித்தீ படுத்துக் கொண்டால் உண்ட உணவு வாந்தியுமாகாமல், பேதியுமாகாமல், செரிமானமுமாகாமல், வயிற்றிலேயே கெட்டுப்போய் கிடந்து, மப்பு நிலையை ஏற்படுத்தக் கூடும். அப்படியல்லாமல், சில நேரங்களில், திடீரென்று வாந்தியாகும், பேதியுமாகும், உடலெங்கும் ஊசியால் குத்துவது போன்ற வலியையும் ஏற்படுத்தும். அதோடு மட்டும் விடாது - உட்புற குழாய் அடைப்பு, உடல் பலவீனமடைதல், உடல் கனத்தல், குடலில் வாயுவினுடைய அசைவுகள் தடையுறுதல், சோம்பல், அஜீரணம், அதிக அளவில் எச்சில் சுரத்தல், அதை துப்பிக் கொண்டேயிருத்தல், உட்புற மலங்கள் வெளியேறாமல் தடையுறுதல், ருசியின்மை, சுறுசுறுப்பில்லாதிருத்தல் போன்ற உபாதைகளையும் நீங்கள் குறிப்பிடும் உணவு வகைகள் ஏற்படுத்தும். 

 உடலெங்கும் கொழுப்புக் கட்டிகள் உருவாவதும், பசி மந்தமாகி உடல்மெலிந்து, அவற்றிற்கான காரணம் புரியாமல் தவிப்பவர்களும், கொழுப்பு ரத்தத்தில் கூடுவதும் இதுபோன்ற உணவு வகைகளால் ஏற்படக் கூடும். இதுபோன்ற கெடுதிகளை நீக்க, ஆயுர்வேதம் குறிப்பிடும் நெய்ப்புள்ள பொருட்களாகிய நெய் - எண்ணெய்} வûஸ - மஜ்ஜை போன்றவற்றில், தேவைக்கு ஏற்ப தேர்ந்தெடுத்து பருக  வைத்து, அவை உடலில் முழுவதுமாக சேர்ந்து விட்ட உணர்வை அறிந்தவுடன், வியர்வை சிகிச்சை செய்து, உட்புறப் படிவங்களை நீராக உருக்கி, குடலுக்குக் கொண்டு வந்த பிறகு, வாந்தி அல்லது பேதி சிகிச்சை செய்தும், வஸ்தி எனும் எனிமா சிகிச்சை மூலமாகவும், மூக்கினுள் விடப்படும் நஸ்ய சிகிச்சையும், ரத்தக் குழாய்களைக் கீறி, கெட்டுப் போன ரத்தத்தை வெளியேற்றும் அட்டைப்பூச்சி வைத்திய முறையாலும், உடல் உட்புற சுத்தத்தை வரவழைத்து, உடல் உபாதைகளை ஏற்படுத்திய உணவு முறைகளை மறுபடியும் தொடராமல், அன்றே  சமைத்த புதிய உணவுகளின் நிறம், தரம், சூடு குறையாத நிலையில் புசித்து, ஆரோக்கியத்தை மேம்படுத்திக் கொள்வதே சிறந்த வழி.

 (தொடரும்)

பேராசிரியர்  எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2017/8/15/w600X390/Woman-Taking-Broccoli-From-Fridge.jpg http://www.dinamani.com/health/health-serials/ayurvadham/2018/may/09/உணவு-பொருட்களை-ஃப்ரிட்ஜில்-வைக்கலாமா-ஆயுர்வேதம்-சொல்வது-இதுதான்-2916477.html
2912571 தொடர்கள் ஆயுள் காக்கும் ஆயுர்வேதம் தலைப்பாரத்துக்கு பார்க்காத சிகிச்சையில்லையா? இதோ தீர்வு டாக்டர் எஸ். சுவாமிநாதன் DIN Thursday, May 3, 2018 12:25 PM +0530 வயது 65. இருபது வருடங்களாக தலை கனத்தால் சிரமப்படுகிறேன். தலை எப்போதும் பாரமாகவே இருக்கிறது. தலையை வலப்புறம் திருப்பினால் தண்ணீர் அசைவது போன்ற சத்தம் வருகிறது. பார்க்காத சிகிச்சை இல்லை. இதை எப்படிக் குணப்படுத்துவது ?

-ஜெயகுமார், சாக்கோட்டை, கும்பகோணம். 

மூவகை தோஷங்களாகிய வாத பித்தம் கபம், உடலெங்கும் பரவியிருந்தாலும், நிலம் மற்றும் நீரினுடைய ஆதிக்க முடைய கபம் எனும் தோஷமானது தன் குணங்களாகிய நெய்ப்பு, குளிர்ச்சி, கனம், மந்தம், வழுவழுப்பு, கொழ கொழப்பு, நிலைப்பு ஆகியவற்றை, இந்த இரு மகாபூதங்களின் வரவால் வலுப் பெற்று, தன் இருப்பிடமாகிய மார்பு முதல் உச்சந் தலை வரை ஆட்கொள்கிறது. இதில் வியப்பான விஷயமென்னவென்றால், கனத்திற்கு அடித்தளம் அமைத்துத் தரும் கபம் - மனித உடலில் மேல்பாகத்திலும், லேசான தன்மையுடைய வாயுவானது, உடலில் கீழ்ப்பகுதியில் ஆதிக்கம் செலுத்துவது தான்! 

மேற்குறிப்பிட்ட குணங்களுக்கு நேர் எதிரான குணங்களை உணவாகவும், மருந்தாகவும், செயலாகவும் செய்ய நேர்ந்தால், தலைக் கனம் குறைவதற்கான வாய்ப்புகள் பிரகாசமாகின்றன. அந்த வகையில் - உணவில் இனிப்பு, புளிப்பு, உப்புச் சுவை குறைவாகவும், காரம் - கசப்பு - துவர்ப்புச் சுவை அதிகமாகவும் சேர்க்க வேண்டிய நிலையில் நீங்கள் இருக்கிறீர்கள். வாரணாதி கஷாயம் - குக்குலுதிக்க கஷாயம் - தசமூலகடுத்ரயம் கஷாயம்- திரிகடு சூரணம் - அக்னி குமாரரஸம் குளிகை - கற்பூராதி சூரணம் - ராஸனாதி சூரணம் - வாஸாரிஷ்டம்- தசமூலாரிஷ்டம்- அகஸ்திய ரசாயனம் போன்ற சில மருந்துகள் - தங்களுக்கு நல்ல பலனைத் தரக் கூடும். அதற்கு மருத்துவரின் ஆலோசனை தேவை. ஆறிய வெந்நீரை தலைக்குவிட்டுக் கொள்வது, குளிரூட்டப்பட்ட அறையில் படுக்காதிருப்பது, தலைமுடியை அடர்த்தியாக இல்லாமல், கிராப்பு வெட்டிக் கொள்வது ஆகியவற்றை நீங்கள் கடைப்பிடிக்க வேண்டும். 

கண் நரம்புகளின் செயல் திறன் குன்றுவதாலும், கழுத்து நரம்புகளில் ஏற்படும் நரம்புப் பிடிப்பாலும், மூளையிலுள்ள நுண்ணிய நரம்பு மண்டலங்களில் ஏற்படும் நீர்க் கோர்வையினாலும் தலைப்பகுதியில் ஏற்படும் நீர் அழுத்தத்தினாலும் தலை கனக்கக் கூடும். அதுபோன்ற நிலைகளில் மூக்கினுள் விடப்படும் மூலிகைப் புகை , நெற்றியில் மூலிகைப் பற்றிடுதல் , காதினுள் வெது வெதுப்பாக மூலிகைத் தைலங்களை விடுதல், வாயில் நல்லெண்ணெய் விட்டுக் குலுக்கித் துப்புதல் போன்றவை நரம்பு மண்டலத்தை வலுப்படுத்த உதவிடும் சிகிச்சை முறைகளாகும்.

மனதில் எழும் எண்ணக் குமுறல்களாலும், அடக்க முடியாத சினத்தாலும், பயத்தாலும், காமக் குரோதத்தினாலும் சிலருக்கு தலைபாரம் ஏற்படுகிறது. மனதை அமைதியுறச் செய்யும் மூலிகை நெய் மருந்துகளை அருந்துதல், மனதை வலுப்படுத்த உதவிடும் குளிகைகள் அவர்களுக்குத் தேவைப்படலாம்.

ஐம்புலன்களின் இருப்பிடமாகிய தலையை, மர்மஸ்தானம் அதாவது உடல் உறுப்புகளில் ஒரு முக்கிய அங்கமாக ஆயுர்வேதம் எடுத்துரைக்கிறது. அதிகமான சத்தம் அல்லது சத்தத்தை கேட்காமலேயே இருத்தல், கேட்கக் கூடாத வகையில் சொற்களைக் கேட்டல் ஆகியவற்றால் செவிப்புலன் வழியாக ஏற்படும் பாதிப்புகள் பல மூளையை பாதிப்புறச் செய்து, தலை பாரமாக ஆவதற்குக் காரணமாகலாம். அது போலவே அதிக ஒளியைப் பார்க்க நேர்வதும், எந்த ஒரு பொருளையும் பார்க்காமலேயே இருப்பதும், பார்க்கக் கூடாத பொருட்களை அடிக்கடி பார்க்க நேர்வதும் கண்கள் வழியாக, மூளை பாதிக்கப்பட்டு கனக்கலாம். துர்நாற்றத்தை அடிக்கடி முகர வேண்டிய நிலையும், அதிக அளவில் வாசனாதி திரவியங்களை முகர்வதும் நாசிகையினால் மூளை பாதிக்கப்பட்டும் பாரமாகலாம். இவை அனைத்தும் தவிர்க்கப்பட வேண்டியவை. மூளையின் அருகே இப்புலன்கள் அமைந்திருப்பதால் இதில் கவனம் தேவை என்று ஆயுர்வேதம் வலியுறுத்துகிறது. 

தலைப்பகுதிக்கு மட்டுமே சிகிச்சை செய்து மாற்றிவிடக் கூடிய நிலை தங்களுக்கு இல்லாமல் போவதற்கான வாய்ப்புகளுமுண்டு. பலகாலமாக இந்த உபாதை இருப்பதால், குடல் சுத்தி முறைகள் செய்வதும், ஆசனவாய் வழியாக வஸ்தி செய்யும் சிகிச்சையினாலும், உட்புற குழாய்களில் உள்ள அடைப்புகள் நீக்கப்பட்டு, அதன் பிறகு, தலைப் பகுதிக்கான சிகிச்சை முறைகளால், நிவாரணம் எளிதில் கிடைக்கக் கூடும். நெற்றிப் பரப்பில் விடப்படும் மூலிகைத் தைலங்களால், தலை கனம் குறைய வாய்ப்பிருக்கிறது.

CT Scan report-ல் எந்தப் பிரச்சனையுமில்லை என்று மருத்துவர்கள் கூறியுள்ளதாக கடிதத்தில் குறிப்பிட்டுள்ளீர்கள். அதனால் சிந்தனையானது மேலும் கூர்மையாகிறது. அப்பட்டமான காரணம் விளங்காததால் மேற்குறிப்பிட்ட சிகிச்சை முறைகளில் பலதும் செய்ய வேண்டிய நிர்பந்தமிருக்கிறது. 

யோகப்பயிற்சி, பிரணாயாமம் ஆகியவை உதவிடக் கூடும். 

(தொடரும்)

 

]]>
http://images.dinamani.com/uploads/user/imagelibrary/2013/2/23/14/w600X390/headache.jpg http://www.dinamani.com/health/health-serials/ayurvadham/2018/may/03/தலைப்பாரத்துக்கு-பார்க்காத-சிகிச்சையில்லையா-இதோ-2912571.html
2908105 தொடர்கள் ஆயுள் காக்கும் ஆயுர்வேதம் குடல் வாதம் எனும் நோயும், அதற்கான சிகிச்சை முறைகளும்.. விரிவான பார்வை டாக்டர் எஸ். சுவாமிநாதன் DIN Thursday, April 26, 2018 06:02 PM +0530 'குடல்வாதம்' என்று ஒரு நோய் உண்டு என்றால், அதன் அறிகுறிகள் எவ்வாறு இருக்கும்? அதற்கான மருத்துவம் என்னவென்று கூறுங்கள்?

-கே. வேலுச்சாமி, தாராபுரம். 

பைஷஜ்ய ரத்னாவளி எனும் ஆயுர்வேத நூலில் - குடல்வாதம் ஏற்படத்தக் கூடிய காரணங்களும், அவற்றின் வகைகளும், சிகிச்சைகளும் விரிவாக எடுத்துரைக்கப்பட்டுள்ளன. வறண்ட மாமிச வகை உணவுகள், முள்ளங்கி, மீன், நீர்வற்றிப் போன கறிகாய்கள், பச்சைப் பயறு, கொண்டைக் கடலை, கிழங்குகள், இனிப்பான பழங்கள், ஒவ்வாமை உணவுகள்( உதாரணம் - மீனும் பாலும், பாலும் உப்பும், வாழைப்பழமும் மோரும்), மலச்சிக்கலையும் செரிமான தாமதத்தையும் ஏற்படுத்தும் மைதா, ரவை போன்றவை, உடல் உட்புற நீர்த்திரவங்களை தடுத்து வெளியேற்றாமல் செய்யும் உணவு, வாந்தியை வலுக்கட்டயமாக அடக்குதல், அதிக அளவில் தண்ணீரையும் மற்ற திரவங்களையும் அருந்துதல் போன்ற சில காரணங்களால் குடல்வாதம் ஏற்பட அதிக வாய்ப்பிருக்கிறது.

உடல் முழுவதும் மூலிகைத் தைலத்தை வெது வெதுப்பாகத் தடவி, மூலிகை நீராவிக் குளியல் மூலம் குடல் வாயுவை பெருமளவு குறைக்கலாம். இதன் மூலம் உடல் உட்புற குழாய்கள் மிருதுவான தன்மையை அடைந்து, குடல் வாயுவை கீழ்ப்புறமாக வெளியேற்றி, மலச்சிக்கலையும் நீக்குவதால், இன்று ஆயுர்வேத மருந்துவமனைகளில் இந்த சிகிச்சை, முக்கிய அங்கமாக விளங்குகிறது.

தசமூலம் எனும் பத்து வகை வேர்களால் தயாரிக்கப்பட்ட கஷாயத்தை, அரிசியுடன் வேகவைத்து, வெது வெதுப்பாக சாதம் வடித்து, மாமிச சாறு கலந்து சாப்பிடுவதன் மூலமாகவும் குடல் வாயுவை வெளியேற்றலாம். மாமிச சாறு விரும்பாதவர்கள், ரசம் மோர் போன்றவற்றை ஒன்றன்பின் ஒன்றாகக் கலந்து சாப்பிடலாம்.

நார்த்தங்காய் சாறு பிழிந்து அதில் சிட்டிகை- பெருங்காயம், மாதுளம் பழச்சாறு, இந்துப்பு கலந்து காலை, மாலை வெறும் வயிற்றில் சிறிது பருகி வர குடல்வாதம் நன்கு குணமடையும். 

23 கிராம் சுக்குத்தூள், 23 கிராம் எள்ளு பொடி, 46 கிராம் வெல்லம் ஆகியவை கலந்து உருண்டை பிடித்து, சிறிது சூடான பாலுடன் மாலையில் உணவிற்கு முன் சாப்பிட்டு வர, குடல்வாதத்திற்கு நல்ல மருந்தாகும்.

200 மி.லி. சூடான பாலுடன் 25 மி.லி. நல்ல விளக்கெண்ணெய் கலந்து வாரமிருமுறை காலையில் சாப்பிட, குடல்வாயுவும் மலச்சிக்கலும் முழுவதுமாக நீங்கிவிடும்.

187 கிராம் தோல் நீக்கிய சிறியவகை பூண்டு, 750 மி.லி. பால் மற்றும் 750 மி.லி. தண்ணீருடன் கலந்து கொதிக்கவிட்டு, பால் அளவு குறுகியதும் வடிகட்டி, ஒரு நாளில் பல தடவை சிறிது சிறிதாக பருகி வர, குடல்வாதம், ஏப்பம், இடுப்பிலிருந்து பின் தொடைவழியாக இறங்கும் நஇஐஅபஐஇஅ நரம்புவலி, முறைக்காய்ச்சல், இதய நோய்கள், கட்டிகள், வீக்கம் போன்ற உபாதைகளை குணப்படுத்தும்.

15 கிராம் உலர்திராட்சையை, 500 மி.லி. தண்ணீரில் கொதிக்கவிட்டு, 100 மி.லி. வற்றியதும் வடிகட்டி, 15 கிராம் வெல்லம் கலந்து காலையில் பருக, குடல்வாதத்துடன் பித்தம் சேர்ந்து ஏற்படும் எரிச்சலைக் குணப்படுத்திவிடும். அதுபோல 15 கிராம் திரிபலா சூரணத்தை 500 மி.லி. தண்ணீருடன் காய்ச்சி, 100 மி.லி. ஆகக் குறுகியதும் வடிகட்டி, 5 கிராம் சிவதை வேருடன் சாப்பிட நீர்பேதியாகி, பித்தம் மற்றும் வாயுவினால் ஏற்படும் குடல்வாதத்தைக் குணப்படுத்தும்.

பித்த எரிச்சலுடன் கூடிய ஏப்பம், கீழ்காற்று வேக்காளத்துடன் வெளியேறுவது போன்றவை குடல்வாயுவுடன் பித்தமும் கலந்துள்ளதை அறிவிக்கின்றன. அது போன்ற நிலையில் - உலர்திராட்சை, கடுக்காய் தோல் ஆகியவை 10 கிராம் வீதம் எடுத்து, 500 மி.லி. தண்ணீரில் கொதிக்கவிட்டு 100 மி.லி. ஆக வற்றியதும் வடிகட்டி, 5 கிராம் வெல்லம் கலந்து பருக, ஓரிருமுறை நீர் பேதியாகி, குணப்படுத்திவிடும். திரிபலை சூரணம் 5 கிராம், சர்க்கரை 5 கிராம் தேன் 5 கிராம் குழைத்துச் சாப்பிடுவதும் நல்லதே.

50 மி.லி. நெல்லிக்காய் சாறுடன் 5 கிராம் சர்க்கரை கலந்து சாப்பிடுவதன் மூலம் முன் குறிப்பிட்ட பித்தம் கலந்த குடல்வாதம் குணமாகும்.

ஆசனவாய் வழியாக எண்ணெய் கொடுப்பதும் கஷாயம் கொடுப்பதும் குடல்வாதத்தை குணப்படுத்தும் சிறந்த சிகிச்சை முறையாகும்.

இன்றைய வாழ்க்கை முறையில் மனிதர்கள் செய்யக் கூடிய சில தவறான செயல்கள் மற்றும் உணவுகளாகிய அதிக நடனம், பாட்டு, பேச்சு, உடற்பயிற்சி, ஒரே இடத்தில் பல மணிநேரம் அமர்ந்திருத்தல், அதிக குளிர்பானம் அருந்துதல், கொடிக் காய்களாகிய பாகற்காய், அவரைக்காய், பீன்ஸ், பரங்கிக்காய் போன்றவற்றை உணவாக சமைத்து ஆறிய நிலையில் சாப்பிடுதல். உணவில் அதிகம் காரம், கசப்பு மற்றும் துவர்ப்புச் சுவை ஆகியவை அதிக அளவில் சாப்பிடுதல் போன்றவற்றால் குடல்வாதம் எனும் நோய் ஏற்படக் கூடும்.

(தொடரும்) 

]]>
http://images.dinamani.com/uploads/user/imagelibrary/2018/4/22/w600X390/kadhir5.jpg http://www.dinamani.com/health/health-serials/ayurvadham/2018/apr/26/குடல்-வாதம்-எனும்-நோயும்-அதற்கான-சிகிச்சை-முறைகளு-2908105.html
2902029 தொடர்கள் ஆயுள் காக்கும் ஆயுர்வேதம் உடல் எடையைக் குறைக்க ஆயுர்வேதம் இருக்க கவலை எதற்கு? டாக்டர் எஸ். சுவாமிநாதன் DIN Thursday, April 19, 2018 12:00 AM +0530
என் உயரம் 5 அடி நான்கு அங்குலம். எடை 99 கிலோ கிராம். க்ருதம் எனப்படும் நெய் மருந்துகள் உட்கொண்டால் பேதி ஆகிறது. எந்த எந்த நெய் மருந்துகளால் உடல் எடையைக் குறைத்திட முடியும்?

-ந. பாலாம்பாள், 
விருகம்பாக்கம் , சென்னை- 92.

"ருணம் க்ருத்வா க்ருதம் பிபேத்' என்று சமஸ்கிருதத்தில் ஒரு பழமொழி உண்டு. கடன் வாங்கியாவது நெய் சாப்பிடு என்று அதற்கு அர்த்தம் கூறலாம். நெய்க்கு அத்தனை முக்கியத்துவம் உணவில் வழங்கப்பட்டுள்ளது. பொதுவாக நெய்யால் பேதி ஆகாது. நெய்யில் அடங்கியுள்ள மருந்துகளால் ஆகலாம். சூடான நெய், கையில் பட்டதும் "நெய் சுட்டுவிட்டது' என்கிறோம். நெய் ஒரு பொழுதும் சுடாது. ஏனென்றால் நெய் வீர்யத்தில் குளிர்ச்சியானது. நெய்யினுள் அடங்கியுள்ள சூடான தன்மை தான் கையைச் சுட்டு விட்டது. அதனால், நீங்கள் சாப்பிடும் நெய் மருந்துகள், எடையைக் குறைப்பதற்காகவா?அப்படியென்றால் அவற்றின் பெயர்கள் எவை? தங்களுடைய வயது?பசியின் தன்மை? போன்ற நிறைய விவரங்கள் தேவைப்படுகின்றன. 

பித்த தோஷத்தினுடைய குணங்களாகிய சிறிது நெய்ப்பு, ஊடுருவும் தன்மை, சூடானவீர்யம், லேசு, துர்நாற்றம், குடலிலிருந்து எளிதாக நழுவும் தன்மை மற்றும் நீர்த்தநிலை போன்றவை உங்களுக்கு அதிகமிருந்தால், பசியினுடைய தீவிரத் தன்மையானது கூடுதலாக இருக்கும். அது போன்ற நிலையில், கசப்புச் சுவையுடைய சில நெய் மருந்துகளாகிய திக்தகம் க்ருதம், மஹாதிக்தகம் க்ருதம் போன்றவை சாப்பிட உகந்தவை. வாயு மற்றும் ஆகாயத்தை உள்ளடக்கிய கசப்புச் சுவையான மூலிகைகளைக் கொண்டு தயாரிக்கப்படும் இம் மருந்துகளின் வரவால் , குடலிலுள்ள நெருப்பின் இருப்பிடமாகிய பித்தம் குறைந்துவிடும். பசி சாதாரண நிலைக்கு வந்துவிடும். கசப்புச் சுவை, உடலிலுள்ள தேவையற்ற ஊளைச்சதைப் பகுதியை நீர்க்கச் செய்துவிடும் தன்மையுடையது. இரத்தத்திலுள்ள கொழுப்பையும் குறைத்து, அங்குள்ள விஷப்பொருட்களையும் உறிஞ்சி எடுத்து வெளிக் கொண்டுவரும் சக்தி உடையது. இதனால், தோலிலுள்ள உபாதைகளையும் குணப்படுத்திவிடும்.  உடல் எடையும் குறையும். பேதியாகாது.

வாயு தோஷத்தினுடைய குணங்களாகிய வறட்சி, லேசு, குளிர்ச்சி, சொரசொரப்பு, நுண்ணியது, நகரும் தன்மை ஆகியவற்றால் பசித்தீயினுடைய தன்மையானது சில நேரங்களில் பசி சரியாக எடுப்பதும், பசி சரிவர எடுக்காமலிருப்பதும் போன்ற நிலையைக் குடலில் ஏற்படுத்தும். இப்படி ஏற்றக் குறைவுடன் கூடிய பசித்தீயினுடைய தன்மைக்கு ஏற்ப, அந்தக் குணங்களுக்கு எதிரிடையான தன்மையுடைய தாடிமாதி க்ருதம், குக்குலுதிக்தகம் க்ருதம் போன்ற மருந்துகளின் வரவால், குடலில் வாயுவானது மட்டுப்பட்டு, உடல் பருமனுக்கான காரணமாகிய சதை ஊட்டத்தைக் குறைத்துவிடும்.
கபதோஷத்தினுடைய ஆதிக்க குணங்களாகிய நெய்ப்பு, குளிர்ச்சி, கனம், மந்தம், வழுவழுப்பு, கொழுகொழுப்பு, நிலைப்பு ஆகியவற்றால் குடலிலுள்ள பசியானது மந்த நிலையிலேயே இருக்கும். சிறு அளவு உணவு சாப்பிட்டாலே, போதும் என்ற எண்ணம் தோன்றும் அதை மாற்றுவதற்கு, வரணாதி க்ருதம், இந்துகாந்தம் க்ருதம் போன்றவை பயனளிக்கக் கூடும். கபதோஷத்தினுடைய குணங்களைக் குறைத்து, உடல் ஊட்டத்தைக் கரைத்துவிடும் செயலையும் இவை செய்துவிடுகின்றன.

உங்களுடைய பசியானது இம்மூன்று நிலையிலும் அல்லாமல், சீரான அளவிலேயே இருக்கின்றன. மூன்று வேளை உணவும் குறிப்பிட்ட நேர அமைப்பில் செரிமானமாகி விடுகிறது என்று நீங்கள் குறிப்பிட்டால், அதற்கு சமாக்னி என்று பெயர். அது போன்ற நிலையிலும், உடல் எடையைக் குறைக்க, கால நிர்ணயம் செய்து அதற்கேற்றாற் போல் மருந்து சாப்பிட வேண்டும். அதாவது காலையில் கப தோஷத்தினுடைய ஆதிக்கம் இயற்கையாகவே இருப்பதால், அப்பொழுது வரணாதிகிருதம், மதியம் பித்த தோஷ ஆதிக்க காலத்தில் திக்தகம் மஹாதிக்தகம் க்ருதமும், மாலையில் வாத தோஷ ஆதிக்ய காலத்தில் குக்குலுதிக்தக க்ருதமும் சாப்பிட்டு நீங்கள் பயன்பெறலாம். ஆயுர்வேத மருத்துவருடைய ஆலோசனைப்படி, அளவும், உணவிற்கு முன் அல்லது பின் போன்ற விவரங்களையும் கேட்டறிந்து கொண்டு சாப்பிடுவது நல்லது. 

(தொடரும்) 
பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2018/4/14/w600X390/k13.jpg http://www.dinamani.com/health/health-serials/ayurvadham/2018/apr/19/உடல்-எடையைக்-குறைக்க-ஆயுர்வேதம்-இருக்க-கவலை-எதற்கு-2902029.html
2898156 தொடர்கள் ஆயுள் காக்கும் ஆயுர்வேதம் நீரிழிவு மாத்திரைகளுக்கும் வாய் வறட்சிக்கும் சம்பந்தமா? டாக்டர் எஸ். சுவாமிநாதன் DIN Thursday, April 12, 2018 11:25 AM +0530 என் வயது 71. சர்க்கரை உபாதை கட்டுப்பாட்டிலிருந்தாலும், நடு இரவில் வாய், நாக்கு முழுவதுமாக உலர்ந்து போய்விடுகிறது. தண்ணீர் குடித்தாலும் கூட பிளாட்டிங் காகிதத்தைக் கொண்டு ஒத்தி எடுத்தாற்போல, மீண்டும் வாயின் உட்புறம், நாக்கு உலர்ந்து போய்விடுகிறது. இதற்கு என்ன காரணம், நிவாரணம் என்ன?

சுப்ர. அனந்தராமன் 
அண்ணாநகர்.

சர்க்கரை உபாதையைக் கட்டுக்குள் வைத்திருக்கும் மருந்துகளே, சில நேரங்களில் வாய், நாக்கு உலர்ந்து போவதற்குக் காரணமாகிவிடுகின்றன. இரவில், உமிழ்நீர் கோளங்கள் வறண்டு போய், எச்சில் சுரக்க முடியாமல் போவதற்குக் காரணம் - இரவு உணவும், மாத்திரைகளும் தான். வாயிலுள்ள உமிழ்நீர்கோளங்கள் நீரை நிறையச் சுரப்பதற்கு நிலம் மற்றும் நீர் சார்ந்த பொருட்களை மட்டுமே நம்பியிருக்கின்றன. இனிப்பான உணவுப் பொருட்களில் மட்டுமே, அதிக அளவில் இந்த இரு மகாபூதங்கள் பொதிந்திருப்பதாலும், அவை மூலம் தூண்டிவிடப்பட்ட கபதோஷத்தின் குணங்களாகிய நெய்ப்பு, குளிர்ச்சி, கனம், மந்தம், வழுவழுப்பு, கொழகொழப்பு, நிலைப்பு போன்றவை உமிழ்நீர் கோளங்களிலிருந்து உற்பத்தியாகும் நீரை, சுண்டவிடாமல் வாயில் நிரப்புவதாலும், வாய் உலர்ந்து போகும் தன்மையானது தடுக்கப்படுகிறது. சர்க்கரை உபாதை உள்ளவர்கள் இனிப்பு சாப்பிட்டால், சர்க்கரையின் அளவு கூடிவிடுமோ என்ற பயத்தின் காரணமாக, அதிக நெய்ப்பில்லாத வறண்ட உணவை பெரும்பாலும் பகலிலும், இரவிலும் தேர்ந்தெடுப்பதால், நிலம் மற்றும் நீர் ஆகியவற்றிற்கு எதிரான நெருப்பு, வாயு மற்றும் ஆகாயம் எனும் மகாபூதங்கள் கூடுவதால், பித்தமும் வாயுவும் இயற்கையாகவே கூடுகின்றன. உமிழ்நீர்க் கோளங்களை கடுமையாக வற்றச் செய்து, வாயை வறட்சியாக்குகின்றன. இரவில் எவ்வளவுதான் தண்ணீர் அருந்தினாலும், தண்ணீருடைய சிறப்பான குணங்களை உடல் வாங்கிக் கொள்ளாதவாறு இந்த மூன்று மகாபூதங்களும் தடுத்துவிடுகின்றன. 

அதனால் இரவு சாப்பாட்டில் சிறிது பசுநெய் சேர்த்துச் சாப்பிடுவதால், வாதம் மற்றும் பித்ததோஷங்களைக் கட்டுக்குள் கொண்டுவந்து வாயிலுள்ள போதகம் எனும் கபதோஷத்தினுடைய ஆளுமையைக் குறையாமல் பாதுகாக்கலாம். கோதுமை மாவை சப்பாத்திக்காகப் பிசையும் போது, ஆயுர்வேத மருந்தாகிய தான்வந்தரம் எனும் நெய் மருந்தை சிறிது உருக்கிச் சேர்த்துப் பிசைந்து, சப்பாத்தி இட்டு சாப்பிட்டால், சர்க்கரையின் அளவு கூடாமலும் உமிழ்நீர் வறட்சி ஏற்படாமலும் நரம்புத் தளர்ச்சி உண்டாகாமலும் பாதுகாக்கும். 

வெட்டிவேர் போட்டு ஊற வைத்த மண் பானைத் தண்ணீரை இரவு படுக்கும் முன் சிறிது அருந்துவதால், வாய் வறட்சி ஏற்படாமல் கவனித்துக் கொள்ளலாம். மாலையில், நல்ல சீரகம், கொத்துமல்லி விதை, நன்னாரிவேரின் பட்டை, ரோஜா புஷ்பம், தாமரை புஷ்பம் இவற்றை எல்லாவற்றையுமோ, கிடைத்தவற்றை மட்டுமோ சிறிதளவு மண்பானைத் தண்ணீரில் ஊறப் போட்டு வைத்து, இரவு படுக்கும்முன் சிறிது அருந்திப் படுத்தால், நடு இரவில் வாய் உலர்ந்து போகும் தன்மையைத் தவிர்த்து, வாயினுள் ஏற்படும் நுண்ணுயிரிகளையும் அழித்து, வாயைச் சுத்தமாகவும், ஈரப்பசையுடனும் வைத்திருக்கும்.
ஜலநஸ்யவிதி என்று ஒன்று இருக்கிறது. இரவு படுக்கும் முன் மல்லாந்து படுத்துக்கொண்டு சுமார் ணீ - 1 டீஸ்பூன் அளவு சுத்தமான நீரை மூக்கின் இரு துவாரங்களிலும் ஊற்றி சுவாசத்துடன் உள்ளே உறிஞ்சிக் கொள்ள வேண்டும். நீர் தொண்டை வழியே வாயில் வரும். அதைத் துப்பிவிடவேண்டியது. பேனாவிற்கு மசி நிரப்பும் குப்பியை (Ink filler) இதற்காக மட்டும் பயன்படுத்தி வர உடலில் தொய்வு ஏற்படாது. முடி நரைக்காது, கருடனுக்குச் சமமான கண்பார்வையுண்டாகும். மகத்தான அறிவாற்றலுடன் விளங்குவர் என்றெல்லாம் யோகசாஸ்திரம் வர்ணிக்கிறது. 
(தொடரும்)

பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771
 

]]>
http://images.dinamani.com/uploads/user/imagelibrary/2018/4/12/w600X390/drinkingglassofwater.jpg http://www.dinamani.com/health/health-serials/ayurvadham/2018/apr/12/நீரிழிவு-மாத்திரைகளுக்கும்-வாய்-வறட்சிக்கும்-சம்பந்தமா-2898156.html
2889124 தொடர்கள் ஆயுள் காக்கும் ஆயுர்வேதம் மூட்டுத் தேய்மானத்தைச் சரி செய்ய...! டாக்டர் எஸ். சுவாமிநாதன் DIN Thursday, March 29, 2018 12:00 AM +0530 எனது மனைவிக்கு 73 வயதாகிறது. நடக்க முடியாமல் மிகவும் கஷ்டப்படுகிறார். மூட்டுத் தேய்மானம் உள்ளது. முடிந்தவரை நடக்கட்டும். முடியாமல் போனால் அறுவை சிகிச்சை செய்து கொள்ளலாம் என மூட்டுவலி டாக்டர் கூறிவிட்டார். இதற்கு ஆயுர்வேத மருந்துவம் உள்ளதா?

- முனுசாமி,  கே. கே நகர், சென்னை. 

மூட்டுப் பகுதியில் எலும்புகளுக்கிடையிலான உராய்வு ஏற்படாமலிருக்கவும், "சிலேஷகம்' என்ற ஒரு கபம் அவ்விடத்தில் வழுவழுப்பை ஏற்படுத்தி, பாதுகாப்பான அரணாக விளங்குகிறது. வயோதிகத்தில், உணவினுடைய செரிமான விசேஷத்தினால் இப்பகுதிக்கு வர வேண்டிய ஊட்டச் சத்தான குணங்களாகிய நெய்ப்பு, கனம், மந்தம், வழவழப்பு போன்றவை வராமல் போவதால் தான்... இந்த சிலேஷகம் என்ற கபம் தன் செயல்திறன் குன்றி, வாயுவினுடைய குணங்களாகிய வறட்சி, லேசு, குளிர்ச்சி, சொர சொரப்பு ஆகியவற்றிற்கு வழி விடுவதால், மூட்டுத் தேய்மானம் ஏற்படுகிறது. 

மேற்குறிப்பிட்ட ஊட்டச் சத்தான குணங்களை, பாசகம் எனும் உணவைச் சீராக செரிமானம் செய்யும் பித்தத்தை, வயோதிகத்தில் மனிதர்கள் பொதுவாக இழப்பதால், நாம் என்னதான் சாப்பிட நேர்ந்தாலும், சீரான செரிமானம் சரிவர ஏற்படாததால், அவை கழிவுகளாக மாறி, மலம் , சிறுநீர், வியர்வை போன்றவற்றின் வழியாக வெளியேறுகின்றன. அதனால், மூட்டுத் தேய்மானம் ஏற்படும் நிலையில், பலரது சிந்தனையும் மூட்டுப் பகுதியை நோக்கியே குவிகிறது என்பதாலும், செரிமான விசேஷத்திற்கு அத்தனை முக்கியத்துவம் கொடுக்காமல் போவதாலும், மூட்டுத் தேய்மானம் என்பதை நிரந்தரமாக குணப்படுத்த இயலாமல் போகிறது.

அதனால், நாம் முதலில் கவனம் செலுத்த வேண்டியது, "பாசகம்' எனும் பித்தத்தைத் தூண்டிவிட்டு, குடலில் உள்ள வறட்சியையும், மலத் தேக்கத்தையும் அப்புறப்படுத்தி எதையும் செரிக்கக் கூடிய அளவிற்கு, பசித்தீயை மூட்டிவிட வேண்டும். கந்தர்வஹஸ்தாதி எனும் விளக்கெண்ணெய் மருந்தை, சுமார் 15 மி.லி. வரை, அவருடைய குடல் அமைப்பை ஊகித்து அறிந்த பிறகு, காலை, மாலை வெறும் வயிற்றில் சில காலம் கொடுத்துவரலாம். நாக்கில் ருசி கோளங்களைத் திறந்துவிட்டு, பசித்தீயைத் தூண்டி, குடல் வாயுவையும், மலத்தேக்கத்தையும் ஆசனவாய் வழியாக, நன்றாக வெளியேற்றிவிடும். இம் மருந்தை சுமார் 21 நாட்கள் வரை சாப்பிடலாம். இம் மருந்தை சாப்பிடும் நாட்களில், காலையில் சூடான புழுங்கலரிசிக் கஞ்சியில், பசு நெய்யும், இந்துப்பும் கலந்து சாப்பிட்டு, மேல் வெந்நீர் அருந்தி வர வேண்டும். அந்த வெந்நீரும் சுக்கும், தனியாவும் போட்டுக் காய்ச்சியதாக இருந்தால் நல்லது. மதியம் மிளகு ரசம், சூடான சாதம், கறிவேப்பிலை, கொத்துமல்லி அரைத்த துவையல், வெண்ணெய் நீக்கிய மோர், வேக வைத்த கறிகாய் கூட்டு, நார்த்தங்காய் ஊறுகாய் என்ற வகையில் அமைத்துக் கொள்வதையும், இரவு, மிளகு சீரகம் தனியா பொடித்த சூரணத்தை, சூடான சாதத்துடன் நெய் கலந்து சாப்பிடுவதையும் ஓமம் தாளித்த இந்துப்பு கலந்த மோரையும் பருக வேண்டும்.
பசித்தீயானது நன்கு தூண்டப்பட்ட நிலையில், ஊட்டத்தை பூட்டுகளுக்கு எடுத்துச் செல்லும் வகையில் காலையில் அரிசி, உளுந்து, எள்ளு பொடித்த கஞ்சியில் பாலும், விதார்யாதி கிருதம் எனும் நெய் மருந்துடன் சாப்பிடுவதையும், மதியம் சூடான சாதத்துடன் 10 - 15 சொட்டு க்ஷீரபலா 101 எனும் நெய் மருந்தைக் கலந்து, சாம்பார் சாதமாகச் சாப்பிடுவதும், மாலையில் அஸ்வகந்தா சூரணத்தை, சூடான சர்க்கரை கலந்த பாலுடன் ஐந்து கிராம் கலந்து சாப்பிடுவதையும், இரவில் சப்பாத்தி சப்ஜியில் சேர்க்கப்பட்ட இந்துகாந்தம் எனும் நெய் மருந்தையும் சாப்பிட பழகிக் கொண்டால், ஊட்டமானது மருந்தின் வழியாகவும் உணவின் வழியாகவும், பசித்தீயில் நன்றாக வேக வைக்கப்பட்டு, எடுத்துச் செல்லப்படுவதால், அவற்றின் முழுச் சத்தும் பூட்டுகளுக்கு வந்து சேர்ந்து விடும். இதனால், பூட்டுகளின் உட்புற நெய்ப்பை வளர்த்து இழந்து போன, வழுவழப்பை மீட்டெடுக்கலாம். வெளிப்புற பிண்டதைலம், முரிவெண்ணெய் ஆகியவற்றை மூட்டில் பொத்தி வைக்க வேண்டிய சிகிச்சை முறைகளாலும், உங்கள் மனைவி பயனுறக் கூடும்.

]]>
http://images.dinamani.com/uploads/user/imagelibrary/2018/3/19/w600X390/old-age.jpg http://www.dinamani.com/health/health-serials/ayurvadham/2018/mar/29/மூட்டுத்-தேய்மானத்தைச்-சரி-செய்ய-2889124.html
2885617 தொடர்கள் ஆயுள் காக்கும் ஆயுர்வேதம் பித்தத்தால் வரும் தலை சுற்றல், பாத எரிச்சல்: பித்தம் கெட்டால்... ரத்தம் கெடும்! டாக்டர் எஸ். சுவாமிநாதன் DIN Thursday, March 22, 2018 05:39 PM +0530 ஆயுள் காக்கும் ஆயுர்வேதம்

என் வயது 53. கண் எரிச்சல், தலை சுற்றல், பாத எரிச்சல் போன்ற உபாதைகளால் கஷ்டப்படுகிறேன். கால் கட்டை விரல், நரம்பு கூச்சம் முழங்கால் மூட்டுக்குக் கீழ் கணுக்கால் வரை உளைச்சல் வலது கை ஆள்காட்டி விரல் மேல் நரம்பு உளைச்சல் உள்ளது. ரத்த அணுக்கள் 19% உள்ளது.
 -ஆரோக்யசாமி, பந்தல்குடி

வயிற்றில் பித்த ஊறல் தன் நிலையிலிருந்து கூடும் போது, அதன் இயற்கைத் தன்மையாகிய ஊடுருவும் தன்மையும், சூடான வீர்யமும், இரத்தத்தின் வழியாகவும், செரிமானத்திலிருந்து வெளிப்படும் உணவின் சாரம்சமான பகுதிகளின் வழியாகவும் உடலின் பல பகுதிகளுக்கும் எடுத்துச் செல்லப்படும்போது, கண் எரிச்சலாகவும், தலை சுற்றலாகவும், பாத எரிச்சலாகவும், அப்பகுதிகளில் தன் கோபத்தை வெளிப் படுத்துகிறது.

இந்த கோபத்திற்கான காரணம், உணவில் சூடான வீர்யம் கொண்ட பொருட்களை ஆர்வம் காரணமாக உட் கொள்வதால், அவற்றில் பொதிந்துள்ள நெருப்பு எனும் பஞ்சமஹா பூதங்களின் அம்சமானது, பித்தத்தினுடைய நெருப்பான தன்மைக்கு உகந்ததாக இருப்பதால், அவை ஒன்றோடு ஒன்று இணைந்து, உடலெங்கும் செல்வதால் வந்த வினை எனக் கூறலாம்.

சிவப்பு ரத்த அணுக் குறைபாடு தங்களுக்கு ஏற்பட்டுள்ளது. பிராண வாயுவை, உடலெங்கும் எடுத்துச் செல்ல வேண்டிய கடமை இந்த அணுக்களுக்கு இருப்பதால், அவற்றின் அளவு தேவையான நிலையில் தங்களுக்கு இல்லாதிருப்பதால், நரம்பு உளைச்சல் ஏற்பட்டுள்ளதாகத் தெரிகிறது. பித்தமும் ரத்தமும் நெருங்கிய நண்பர்களாக மனித உடலில் இருப்பதாக ஆயுர்வேதம் கூறுகிறது. பித்தம் கெட்டுப்போனால், ரத்தமும் கெட்டுவிடும். அதனால், உங்களுடைய உடல் உபாதைக்கான தீர்வை, பித்த ஊறல் கட்டுப்பாட்டின் மூலமாகவும், இரத்த அணுக்களின் வளர்ச்சியை மேம்படுத்துவதன் மூலமாகவும் செய்ய வேண்டி இருக்கிறது.

விரேசனம் எனும் பேதி சிகிச்சை மூலம், பித்தம் கழிவை வெளியேற்றுவது, சிறந்த சிகிச்சை முறையாக ஆயுர்வேதம் கண்டறிந்துள்ளது. அவிபத்தி எனும் சூரண மருந்தை பத்து கிராம் வீதமெடுத்து, அதில் இருபது மில்லிலிட்டர் தேன் குழைத்து, மதிய வேளையில், காலை உண்ட உணவு செரித்த நிலையில் மதியம் பசி வந்துள்ள நிலையையும் நன்கு அறிந்து, சிறிது சிறிதாக நக்கிச் சாப்பிட சிறந்தது. இதன் மூலம் பித்த கழிவின் தேக்கத்தை குடலிலிருந்து பேதி மூலமாக அகற்றலாம். பதினைந்து நாட்களுக்கு ஒரு முறை, நல்ல பலமுள்ள உடல்வாகு உள்ளவர்கள் இவ்வாறு செய்வதால், கண் எரிச்சல், தலை சுற்றல், பாத எரிச்சல் போன்ற பித்தம் சார்ந்த உபாதைகளைக் குணப்படுத்திக் கொள்ளலாம். திரிவிருத் லேகியம், கல்யாண குலம், மாணிபத்ரம் லேகியம், திரிபலை கஷாயம் சிவதைவேர்ப் பொடியுடன் சாப்பிடக் கூடிய, சிறப்பான மருந்துகளாலும் பித்த ஊறலை வெளிப்படுத்தலாம். இவற்றில் ஒன்றை தேர்ந்தெடுத்துத் தரக் கூடிய திறமை, ஆயுர்வேத மருத்துவர்களுக்கு மட்டுமே உள்ளது. எவ்வித பக்க விளைவுகளையும் ஏற்படுத்தாத முன் குறிப்பிட்ட, அவிபத்தி சூரணம் பொதுவாக எல்லோருக்கும் உகந்ததாக இருக்கக் கூடியது என்பதால், அதை தனியாக குறிப்பிட வேண்டியிருந்தது.

பசு நெய், தனது குளிர்ச்சியான வீர்யத்தால் பித்த ஊறலைக் கட்டுப்படுத்தும். 2 - 3 டீ ஸ்பூன் அளவில் சூடான சாதத்துடன் தினமும் சாப்பிடக் கூடியதே. இந்துகாந்தம் கிருதம், விதார்யாதி கிருதம், தாடிமாதி கிருதம், கல்யாணக்கிருதம் போன்ற நரம்பு வாயுப் பிரச்னைகளையும், எரிச்சல் பிரச்னையையும் தீர்க்க கூடிய தரமான மருந்துகளில், உங்களுக்கு எது தேவையானவையோ, அதை மருந்துவரிடம் கேட்டறிந்த பிறகு, சாப்பிட உகந்ததாகும். இம்மருந்துகள் பேதி மூலமாக பித்தத்தை அகற்றக் கூடியவையல்ல. சமனம் எனும் சாந்தப்படுத்தும் சிகிச்சை முறையாகும். நோயாளிக்கு, உடலில் அதிகம் வலு இல்லாத இடங்களில், முன் குறிப்பிட்ட சோதன சிகிச்சையை விட, மேல் குறிப்பிட்ட சிகிச்சை முறையும் சிறப்பானதுதான்.

நரம்புகளில் ஏற்பட்டுள்ள உளைச்சலை குறைக்க, க்ஷீரபலா கேப்ஸ்யூல் எனும் மருந்தை தொடர்ந்து, 2 நாட்கள் சாப்பிட்டு வர, நரம்பு கூச்சம், உளைச்சல் போன்றவை குணமாகும். இதற்கான அனுபானம், பாலா அல்லது வெந்நீரா என்பதை மருத்துவரிடம் கேட்டறிந்து கொள்ளவும். தலைக்குக் ஷீரபலா தைலம், ஹிமசாகர தைலம், சந்தனாதி தைலம், அமிருதாதி தைலம் போன்றவற்றில் ஒன்றை பயன்படுத்துவதன் மூலம், பித்த ஊறலால் ஏற்படும் எரிச்சலும், பாதத்தினால் ஏற்படும் நரம்புக்கூச்சம், உளைச்சல் போன்றவற்றை மட்டுப்படுத்தலாம்.

உணவில் காரம், கசப்புச் சுவை குறைக்க வேண்டும். நீர்க்காய்களான புடலை, சுரைக்காய், வெள்ளரிக்காய், பீர்க்கங்காய், அதிகம் பயன்படுத்தலாம். புலால் உண வைத் தவிர்க்க வேண்டும். பகல் தூக்கம் கூடாது. மண்பானைத் தண்ணீரை குடிக்கப் பயன்படுத்த வேண்டும். இரவு உறக்கம், மிக முக்கியமானது என்பதால், எந்தக் காரணம் கொண்டும் அதை நன்கு அனுபவித்து சுகம் பெறலாம். கழுத்தில் ஸ்படிக மணிமாலை, ருத்ராட்ச மாலை அணிவதால், உடல் எரிச்சலும், நரம்புத் தளர்ச்சியும் குறைய வாய்ப்புள்ளது.

(தொடரும்)

பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி,
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2018/1/8/w600X390/Cute-Flying-Bird-Tattoo-On-Foot.jpg http://www.dinamani.com/health/health-serials/ayurvadham/2018/mar/22/பித்தத்தால்-வரும்-தலை-சுற்றல்-பாத-எரிச்சல்-பித்தம்-கெட்டால்-ரத்தம்-கெடும்-2885617.html
2880548 தொடர்கள் ஆயுள் காக்கும் ஆயுர்வேதம் மஞ்சள் தேய்த்தால் முகத்தில் அரிப்பு! ஆயுர்வேதத்தில் தீர்வு டாக்டர் எஸ். சுவாமிநாதன் DIN Thursday, March 15, 2018 12:00 AM +0530 கல்லூரியில் படித்து வரும் எனது மகளுக்கு வயது 21. அவளுக்கு முகம் மற்றும் உடலில் மஞ்சள் தேய்க்கப்பட்டால் உடல் முழுவதும் சிவப்பு அடைந்து, அரிப்பு எடுத்துவிடுகிறது. அதனால் மஞ்சள் முகத்திலோ, உடலிலோ தேய்ப்பதில்லை. இதற்கு ஏதாவது மருத்துவம் உள்ளதா? மேலும் தற்போது சிறிய பருக்கள் அடிக்கடி வருகின்றன. இதற்கு ஏதாவது ஆயுர்வேத மருத்துவம் உண்டா? 

-எம்.கண்ணன், ஐயர் பங்களா - மதுரை. 

பசுமையான மஞ்சள் கிழங்கைப் பாடம் படுத்த தற்போது சிக்கனத்தையும் செüகர்யத்தையும் முன்னிட்டு மஞ்சள் உற்பத்தியாளர்களும் மொத்த வியாபாரிகளும் நாக-காரீயச் சத்து கலந்த செயற்கை ரசாயனப் பொருள்களைச் சேர்க்கின்றனர். இவை விஷப் பொருள்கள். இவற்றால் பாடம் செய்யப்பட்ட மஞ்சளை அரைத்து பூசிக்கொள்ளும்போதும், உள்ளுக்குச் சாப்பிடும்போதும் நோய்கள் ஏற்படுவதில் விந்தையில்லை. நாக-காரீயச் சத்துள்ளவை பெரும்பாலும் தோல்நோயையும் வயிற்றுப் புண்ணையும் உண்டாக்குபவை. தற்போது குங்குமம் தயாரிக்கக் கடையில் வாங்கப்படும் மஞ்சளும் அந்தக் கலப்படப் பொருளே. அதனால் குங்குமமும் தோல்நோயை உண்டாக்குகின்றது. முன் காலத்தில் பசுமஞ்சளை சாணம்பூசி, குழியில் போட்டு மூடி, மேல் செத்தைகளைப் போட்டுப் பொசுக்கிப் புழுங்க வைப்பர். அவரவர்கள் வீட்டில் பசு மஞ்சளை சாணப் பாலில் வேகவைத்து அலம்பி உலர்த்திக்கொள்வதும் உண்டு. இவ்விரு முறைகளிலும் பாடம் செய்யப்பட்ட மஞ்சள், தோலைப் பாதுகாக்கும், புண்ணையும் ஆற்றும். இந்த மஞ்சளைக் கொண்டே தான் உணவுப்பொருள், பூச்சுப் பொருள், குங்குமம் முதலியவற்றைத் தயாரித்துக் கொள்ள வேண்டும். காரீய-நாகசத்து கலந்த மஞ்சளை உபயோகிக்கவே கூடாது. 

மஞ்சள் தேய்ப்பதால் தோலில் ஏற்படும் சிவப்பு சினப்புகள், அரிப்பு போன்றவை அகல, வெள்ளை மிளகையும், கார்போக அரிசியையும் தூள் செய்து கொண்டு, தேங்காய் பாலிலோ, தயிரின் மேல் நிற்கும் தண்ணீரிலோ, குழைத்துப் பூசலாம். கருஞ்சீரகத்தையும் இதில் சேர்த்துக் கொள்ளலாம். உள்ளுக்குத் திக்தகம் கிருதம், மஹாதிக்தகம் கிருதம் போன்ற நெய் மருந்துகளையும் சாப்பிடலாம். 21 வயதில் பெண்களுக்கு முகத்தில் பருக்கள் வருவது இயற்கையே. இருந்தாலும் சிலருக்கு பருக்கள் பார்ப்பதற்குப் பெரிதாகவும் முக அழகைக் கெடுப்பதாகவும் தோன்றினால், குளிக்கும் முன் தோலுக்கு ஊட்டமளிக்கும் ஆலிவ் எண்ணெய், நால்பாமராதி தைலம், தூர்வாதி தைலம் ஆகியவற்றில் ஒன்றை, பஞ்சினால் முக்கி முகத்தில் தடவி, இதமாக முக தசைகளைப் பிடித்துவிட்டு, 15 - 20 நிமிடங்கள் ஊறிய பிறகு, கடலை, பயறு, அரிசி, இவற்றின் மாவு, வெந்தயத்தின் தூள், இவற்றைத் தனித்தனியே அரைத்து வைத்துக் கொண்டு, முகத்தில் பூசிய எண்ணெய்ப் பிசுக்கை அகற்ற, மாறி மாறி அரிசி வடித்த கஞ்சியுடன் குழப்பிப் பூசி, முகத்தைச் சுத்தப்படுத்திக் கொள்ளலாம். இப்படி எண்ணெய் பிசுக்கு அகற்ற உபயோகப்படுத்தும் பொருள் உடலின் இயற்கை நெய்ப்பை அகற்றாமலிருக்கிறதா என்று கவனிப்பது அவசியம். 

முகத்தைத் துடைத்துக்கொள்ளும் துண்டு, கடுங்காரங்களாலான இன்றைய டிடர்ஜண்ட் தூள்களால் சுத்தம் செய்ய நேர்ந்தால், அதை நல்ல தண்ணீரில், அந்த மணம் - கலவை அகலும் வரை பல தடவை அலசி உலர்த்திய பிறகு பயன்படுத்தவும். முகத்தில் ஏற்படும் வியர்வை துர்நாற்றம், பருக்கள், வறட்சி, அரிப்பு நீங்கவும், மென்மை, மணம், வலிவு கூடவும், கஸ்தூரி மஞ்சள், பச்சிலை, கிளியூரம்பட்டை, ஜடாமாஞ்சி, பூலாங்கிழங்கு, பூஞ்சாந்துப்பட்டை, கோரைக்கிழங்கு, சோம்பு, அன்னாசிப்பூ, லவங்கப்பத்திரி, வெட்டிவேர், நன்னாரிவேர், சிறுநாகப்பூ, கார்போகரிசி, தாளீசபத்திரி, செண்பகமொட்டு, வெண்கோஷ்டம், கிராம்பு, கவுளா, மாகாளிக்கிழங்கு, லவங்கப்பட்டை, ஏலக்காய், ஜாதிக்காய், பாச்சோத்திப்பட்டை வகைக்கு 20 கிராம், மஞ்சிட்டி, மருக்கொழுந்து, மருவு, மகிழம்பூ, ரோஜா மொட்டு வகைக்கு 40 கிராம், விலாமிச்சை வேர், திரவியப்பட்டை, வெந்தயம், எலுமிச்சம்பழத்தோல் உலர்ந்தது, சந்தனத்தூள் வகைக்கு 80 கிராம், எல்லா சரக்குகளையும் ஒன்று சேர்த்து வெய்யிலில் உலர்த்தி இடித்து வஸ்திராயணம் செய்து, சூர்ணத்தை வாயகன்ற கண்ணாடி ஜாடியில் அமுக்கமாக மூடி வைக்கவும். 

உடல் உட்புற கழிவுகள் நிறைய சேரக்கூடிய இந்த இளம் பருவத்தில், அவற்றை அகற்ற, காலையில் குடித்த கஞ்சி செரிமானம் ஆன பிறகு, மதியம் திரிவிருத்லேஹ்யம் எனும் பேதி மருந்தை, சுமார் 20 - 25 கிராம் வரை சாப்பிட்டு குடலைச் சுத்தம் செய்வது நல்லது. இரு மாதங்களுக்கு ஒருமுறை இவ்வாறு செய்வது நலம்.

நன்னாரிவேர்ப்பட்டை, சுக்கு, கடுக்காய் ஆகியவற்றைக் கொண்டு தயாரிக்கப்படும் கஷாயத்தை காலை, மாலை என இருவேளை தொடர்ந்து சாப்பிட்டு வந்தால், ரத்தம் சுத்தமடையும். முகப்பருக்களும் வாடி, மறைந்துவிடும். 

(தொடரும்)

]]>
http://images.dinamani.com/uploads/user/imagelibrary/2017/12/23/w600X390/201712021105211597_1_turmeric.jpg http://www.dinamani.com/health/health-serials/ayurvadham/2018/mar/15/மஞ்சள்-தேய்த்தால்-முகத்தில்-அரிப்பு-ஆயுர்வேதத்தில்-2880548.html
2872513 தொடர்கள் ஆயுள் காக்கும் ஆயுர்வேதம் வயோதிகத்தில் ஏற்படும் வாயு உபாதை! டாக்டர் எஸ். சுவாமிநாதன் DIN Thursday, March 1, 2018 05:46 PM +0530 என் வயது 82. சென்ற 5 வருடங்களாக என் கால் பாதங்கள் இரண்டும் இறுக்கமாக இருக்கின்றன. சிறிது சிறிதாகக் கூடி, தற்சமயம் 4 மாதங்களாக அதிக இறுக்கமாகவும் பாதத்தின் அடிப்பகுதி தோல் மென்மையாகவும், சிறு அரிசி கிடந்தால் கூட, அதன் மீது நடந்தால் வலி கூடுகிறது. எழுந்து உடனடியாக நடக்க முடியவில்லை. இது எதனால்? குணப்படுத்த ஆயுர்வேத மருந்துகள் உள்ளனவா?

அ.சந்திரகுருசாமி, மதுரை. 

முதுகுத் தண்டுவடத்தின் கீழ்ப்பகுதியிலிருந்து புறப்படும் நரம்புகள், கிளைகளாக மாறி கால்களின் வழியே, பாதம் வரை செல்கின்றன. இந்த நரம்புகளின் ஊட்டத்தைப் பெறச் செய்வதற்கும், அவற்றின் செயல் திறனை மழுங்கடிக்கச் செய்யும் செயலையும் வாயுவே செய்வதாக ஆயுர்வேதம் எடுத்துரைக்கிறது. நிலம் மற்றும் நீரின் தன்மையே ஊட்டத்தைத் தரும், வாயுவும், ஆகாயமும் அவற்றை வற்றச் செய்யும். நெருப்பானது இவற்றை உணவு மற்றும் செயல் வடிவங்களின் வழியாகப் பெறும் போது, அவற்றைப் பக்குவப்படுத்தி, சேர வேண்டிய பகுதிகளுக்கு, பிரித்து எடுத்துக் கொடுக்கும் பணியை ஆற்றுகிறது. ஆக, பஞ்ச பௌதிக சித்தாந்தத்தின் அடிப்படையின் மூலமாகத்தான் மனிதர்கள் ஊட்டத்தைப் பெறுவதையும் அவற்றை இழுப்பதையும் அடைகிறார்கள். உடல் எனும் இந்த வாகனத்தின் எஜமானனாகவும், ஓட்டியாகவும் ஆன்மா இருந்து கொண்டு, செயல் மூலம் பெரும் கர்ம வாசனைகளை சூட்சுமமான மனதின் வழியாகச் சம்பாதித்து, உடலை விட்டுப் பிரியும் போது, செயலுக்கு ஏற்ப, அடுத்த புதிய உடலைத் தேடிச் செல்கிறது.

மேற்குறிப்பிட்ட நரம்புக் கூட்டங்களின் செயல் திறனை மேம்படுத்தும் வகையில், தலை மற்றும் முதுகுத்தண்டுவடப் பகுதிகளை வலுவூட்டும், நிலம் மற்றும் நீரின் சேர்க்கையை நீங்கள் பெற வேண்டிய அவசியம் இருக்கிறது. பிரச்னையானது பாதத்தில் தென்பட்டாலும், அங்கு மட்டுமே சிகிச்சை செய்தால் போதாதா? என்று கேட்டால், போதாது என்றே சொல்ல வேண்டும். இருந்தாலும் அப்பகுதிக்கான உணர்வுகளைத் தரும் நரம்புக் கிளைகளையும் நாம் உதாசீனப்படுத்தக் கூடாது. அதனால் இப்பிரச்னையானது ஒரு பகுதியில் தென்பட்டாலும், அதன் ஆளுமையைக் கொண்ட பிற பகுதிகளுக்கும் சேர்த்தே சிகிச்சை செய்தால் தான், பலனைப் பெறலாம்.

அந்த வகையில், தலைக்கு க்ஷீரபலாதைலம் எனும் மூலிகைத் தைலத்தை, வெது வெதுப்பாகத் தலையில் 1/2 - 3/4 மணி நேரம் ஊறவிடுவதையும், முதுகுத்தண்டு வடப் பகுதி முழுவதையும் பிரபஞ்சன விமர்தனம் குழம்பு எனும் மூலிகைத் தைலத்தால், வெது வெதுப்பாக இதமாகத் தேய்த்து அதே தைலத்தை பஞ்சில் முக்கி தண்டுவடப் பகுதி முழுவதும் இளஞ்சூடாக 1/2 - 3/4 மணி நேரம் ஊற வைப்பதாலும் வாயுவினுடைய வாயு - ஆகாசம் எனும் ஆதிக்கத்தின் அளவைக் குறைக்கலாம். வெளிப்புற சிகிச்சையின் வெளிப்பாடாக, நரம்புகளிலுள்ள வாயு அகன்றாலும், ஊட்டத்திற்கு இவை போதுமானதாக இருப்பதில்லை. அதனால், உட்புற ஊட்டத்தை நீங்கள் நிலம் மற்றும் நீரின் வாயிலாக, பசித்தீயின் செரிமான சக்தியினால் குடல் வழியாக உட்செலுத்தி, பாத நரம்புகளை வலுப்படுத்த வேண்டிய அவசியமும் இருக்கிறது. அந்த வகையில், விதார்யாதி எனும் நெய் மருந்தை, நீராவியில் உருக்கி, காலை மாலை சுமார் 15 மிலி அளவில் தொடர்ந்து சாப்பிட்டு வர, பாத நரம்புகள் வலுப்பட ஏதுவாகயிருக்கும். செரிமானத்தில் கனமான இந்த நெய் மருந்தால், பசித்தீயானது சற்றே தடுமாறக் கூடும் என்பதால், இந்த நெய் மருந்தை சாப்பிட்ட பிறகு, அதை எளிதாக செரிக்கச் செய்வதற்கு சிறிது சூடான தண்ணீர் பருகவும்.

ஹிங்குவசாதி எனும் சூரண மருந்தை 1/2 - 1 ஸ்பூன் அளவில், சூடான சாதத்துடன் கலந்து, 5 மிலி இந்துகாந்தம் எனும் நெய் மருந்தை உருக்கிச் சேர்த்து காலையில் முதல் உருளையாக சாப்பிட்டு வர, எதையும் செரிக்கும் சக்தியை பசித்தீ பெற்றுவிடும். மேலும் குடலில் வாயு சேராமல் தடுக்கவும் செய்யும்.

பாத நரம்புகளை நேரடியாக வலுப்படுத்த, க்ஷீரபலா 101 எனும் சொட்டு மருந்தை, 10 - 15 சொட்டுகள் 100 மி.லி. சூடான பாலுடன், காலை இரவு உணவிற்கு 1/2 மணி முன் சுமார் 3 மாத காலம் சாப்பிடலாம். வாத மர்த்தனம் குழம்பு எனும் தைல மருந்தை கால் பாதங்களில் இதமாகத் தடவித் தேய்த்து சிறிது நேரம் ஊறிய பிறகு, உப்பு கலந்த வெந்நீரில் பாதங்களை 10 - 15 நிமிடங்கள் வைத்திருந்து, துடைத்து விடுவதும் நல்லதே.

உணவில் வாயுவை அதிகரிக்கச் செய்யும் பருப்பு, கொண்டைக் கடலை, பச்சைப்பயறு, வேர்க்கடலை, கடலை எண்ணெய், உருளை, வாழை, மொச்சை, கொத்தவரை, காராமணி, சேப்பங்கிழங்கு போன்றவற்றைத் தவிர்க்கவும். இனிப்பு, புளிப்பு, உப்புச் சுவைகளை மிதமாகச் சேர்க்கலாம். மேற்குறிப்பிட்ட வாயுப்பொருட்களைச் சாப்பிட நேர்ந்தால், வெது வெதுப்பான நிலையில் சாப்பிடலாம். மறுபடியும் சூடாக்கி சாப்பிடக் கூடாது. குளிர்ந்த நீரில் குளிப்பதை விட, ஆயுர்வேத மூலிகைத் தைலங்களை உடலில் தடவி, நீவிவிட்ட பிறகு, இதமான வெந்நீரில் குளிப்பதே நல்லது. குஷன் போன்ற பாத அணிகளை அணிவதே நல்லது.

ஆயுர்வேத மருந்துவமனைகளில் சில நாட்கள் தங்கியிருந்து, உடலுக்கும் தலைக்கும் மசாஜ் செய்து, நீராவிக் குளியல் செய்வதால் வயோதிகத்தில் ஏற்படும் பல வாயு உபாதைகளைக் குறைக்க முடியும். 

(தொடரும்)

]]>
http://images.dinamani.com/uploads/user/imagelibrary/2018/2/2/w600X390/old_people.jpg http://www.dinamani.com/health/health-serials/ayurvadham/2018/mar/01/வயோதிகத்தில்-ஏற்படும்-வாயு-உபாதை-2872513.html
2869473 தொடர்கள் ஆயுள் காக்கும் ஆயுர்வேதம் முகங்களைப் போலவே பாதங்களையும் கவனிக்க வேண்டும்.. பித்த வெடிப்புக்கு இதோ தீர்வு!  டாக்டர் எஸ். சுவாமிநாதன் DIN Thursday, February 22, 2018 12:00 AM +0530 எனது குதிகாலின் விளிம்புப் பகுதிகளில் பாளம் பாளமாக பித்த வெடிப்பு உள்ளது. மேல் தோல் உரிந்து பயங்கர வலி, இதைக் குணப்படுத்த என்ன வழி?

- ஸ்ரீராம் பராசரன்,
விருகம்பாக்கம், சென்னை- 92.

 பனி வறட்சியும், உடல் உட்புற வறட்சியும் இதற்குக் காரணமாகலாம். நாம் முகத்தை அடிக்கடிப் பார்த்து அழகுறச் செய்துகொள்வது போல, பாதத்தைச் செய்து கொள்வதில்லை.

 குதிகால், பாதம், பாத விரல் இடுக்கு, விரல் நக இடுக்கு ஆகிய பகுதிகளில் சிறிதும் அழுக்கு சேராதவாறு பார்த்துக் கொள்வது நல்லது என்பது ஆயுர்வேத உபதேசம். அப்பகுதிகளில் தோல் மென்மையை அதிகப்படுத்தி, வறட்சியாகாமல் பார்த்துக் கொள்வது நலம். கால் பாதத்தை இதமாகப் பிடித்து விடுவதால், ரத்த ஓட்டமானது சுறுசுறுப்படைகிறது.

 வறட்சியாகக் காண்பதற்குக் காரணம், வாயுவின் குணங்களாகிய வறட்சி, லேசான தன்மை, குளிர்ச்சி, சொர சொரப்பு போன்றவற்றின் ஆதிக்க இருப்பிடமாகப் பாதம் இருப்பதால் தான். மென்மையையும், வறட்சியைப் போக்கும் ஆயுர்வேத களிம்பு மருந்துகள், இந்தப் பிரச்னைக்குத் தீர்வைத் தரலாம். உங்கள் உடல்தன்மையை மருந்துவரிடம் கண்டறிந்து, ஜீவந்தியாதி யமகம், சததௌதகிருதம், சிந்தூராதிலேபம் ஆகியவற்றில் ஏதேனும் ஒன்றைப் பயன்படுத்தலாம்.

 அதிக உடல் எடையினால் குதிகால்களில் ஏற்படும் அழுத்தம் காரணமாகவும் வெடிப்பு ஏற்படும். அதுபோன்ற நிலைகளில் மேற்குறிப்பிட்ட களிம்புகளின் பயன்பாடு மட்டும் போதாது. உடல்பருமனையும் குறைக்க வேண்டும். வெடிப்பு, வலி, உடல்பருமன் ஆகியவற்றைக் குணப்படுத்தும் வகையில் சிறிது குக்குலுதிக்தகம் எனும் நெய்மருந்தை, 48 முதல் 60 நாள்கள் வரை பயன்படுத்தலாம். கால்களுக்கு காலணி மட்டும் உபயோகப்படுத்துவது போதாது. காலுறை அணிந்து அதன் மேல் கேன்வாஸ் ஷூ அணிவதால், பாதங்களிலுள்ள மென்மையைப் பாதுகாக்கலாம்.

உடல் சூட்டினுடைய அதிகப்படியான சீற்றத்தாலும், பித்தத்தினுடைய சீற்றத்தாலும் சிலருக்கு பித்தவெடிப்பும், குதிகால் வலியும் ஏற்படலாம். அப்போது பித்தசூட்டைக் குறைக்கும் வகையில், இனிப்பு, கசப்பு, துவர்ப்புச் சுவையை முக்கிய உணவாகக் கொள்வதாலும், பித்தத்தை வெளியேற்றும் பேதி மருந்துகளாகிய அவிபத்தி சூரணம், திருவருத்லேஹ்யம், மாணிபத்ரம் எனும் லேஹிய மருந்துகளை மருந்துவர் ஆலோசனைப்படி சாப்பிடுவதாலும் நிவாரணம் பெறலாம்.

கால் பகுதிகளில் ரத்தக்குழாய் சுருட்டல்களால் ரத்த ஓட்டத் தடையின் காரணமாக, சிலருக்குப் பித்த வெடிப்பு ஏற்படலாம். நீண்ட நேரம் நிற்பதும், கால்களை அதிக நேரம் தொங்கவிட்டபடி அமர்ந்திருப்பதாலும், கால் பாதங்களுக்கு வந்து சேர வேண்டிய ஊட்டத் தடையின் விளைவாக, பாளம் பாளமாக வெடிக்கக் கூடும். பிண்டதைலம், முரிவெண்ணெய் போன்ற தைலங்களைக் கலந்து முட்டியிலிருந்து பாதம் வரை வெது வெதுப்பாகத் தடவி, சுமார் 20 முதல் 30 நிமிஷங்கள் பாதங்களைப் பிடித்து விட்டு, வெது வெதுப்பான தண்ணீரால் கழுவுவதால், ரத்த ஓட்டத் தடை நீங்கி, பாதங்கள் வலும்பெறும்; வெடிப்புகளும் மறையும்.

தரையிலுள்ள சில்லிப்பான தன்மையால் குதிகால் பகுதிகளில் தோல் வறண்டு வெடித்து விடக்கூடும். வெடிப்பினுடைய உட்பகுதிகளில் அழுக்கும் அண்டக்கூடும். அதனால், கால் பாதங்களுக்குக்கு மென்மை தரும் காலணிகளை வீட்டினுள் ஒன்றும், வெளியே செல்லும்போது ஒன்றுமாகப் பயன்படுத்தினால் பித்த வெடிப்பைத் தவிர்க்கலாம்.

ஒரு சில பயிற்சிகள் மூலமாக கால் பாதங்களில் உள்ள நரம்புகளையும் தசைகளுக்கான ஊட்டத்தையும் பெற இயலும். கீழே படுத்த நிலையில் பாதங்களை உயரத் தூக்கி மேலும் கீழுமாகவும் குறுக்குவாட்டிலும் உருட்டி உருட்டி அசைத்து சுமார் 5 முதல் 10 நிமிஷங்கள் செய்து வந்தால் ரத்தத்தின் வழியாக ஊட்டச்சத்து சென்று தசைகள் வலுப்பெறும். அதன் பிறகு சிறிது விளக்கெண்ணெய்யைத் தடவி வெதுவெதுப்பான உப்பு கரைத்த வெந்நீரில் கால் பாதங்களை முக்கி சிறிது நேரம் வைத்திருந்து இதமாகப் பிடித்து விடுவதால் பாதம் வளவளப்பாகும்.

(தொடரும்)

]]>
http://images.dinamani.com/uploads/user/imagelibrary/2016/7/2/16/w600X390/Diabetic-Foot-Care1.jpg http://www.dinamani.com/health/health-serials/ayurvadham/2018/feb/22/முகங்களைப்-போலவே-பாதங்களையும்-கவனிக்க-வேண்டும்-பித்த-வெடிப்புக்கு-இதோ-தீர்வு-2869473.html
2869482 தொடர்கள் ஆயுள் காக்கும் ஆயுர்வேதம் பருப்புகளினால் ஏற்படும் வாயுவில் இருந்து தப்பிக்க எளிய வழி டாக்டர் எஸ். சுவாமிநாதன் DIN Thursday, February 15, 2018 12:00 AM +0530 பருப்பு வகைகள் பலதும் வாயுவை அதிகபடுத்தும் என்று பல கட்டுரைகளில் நீங்கள் தெரிவித்து வருகிறீர்கள். எப்படி சாப்பிட்டால் வாயுவைக் குறைக்க முடியும்? ஒரு சில மருத்துவ குணங்களை விவரிக்க முடியுமா?

- சிவகாமி, திருச்சி.

பருப்பு வகைகள் அனைத்துமே ஜீரணமாகத் தாமதமாகுபவை. புளிப்பையும் எரிச்சலையும் அதிகப்படுத்துபவை. வயிற்றில் வாயு அழுத்தத்தை அதிகமாக்குபவை. இவற்றைத் தண்ணீரில் ஊற வைத்துத் துணியில் இறுகக் கட்டி முளைக்க வைத்துப் பின் குத்திப் புடைத்து வைத்துக் கொள்வதுண்டு. முளை நீங்குவதால் இவை எளிதில் செரிக்கும். வறுத்து உபயோகிக்க மேலும் லேசான தன்மையை அடைகிறது. நெய்யில் சேர்த்துச் சாப்பிட வறட்சி தராது. இவற்றில் உளுந்து நல்லது. காய்ச்சல் உள்ள நிலையில் பச்சைப் பயறு நல்லது. களைப்பு சோர்வுள்ள நிலையில் பச்சைப் பயறும், துவரம் பருப்பும் நல்லது. மாதவிடாய் சிக்கல், இரவில் அதிகம் சிறுநீர் போகுதல் இவற்றிற்கு எள்ளு நல்லது. வாயில் பற்களிடுக்கில், தொண்டையில், மலத்தில் ரத்தக் கசிவிருந்தால் துவரம் பருப்பு நல்லது. மூலம் சிறுநீர்த் தாரையில் கல்லடைப்பு, விக்கல், மூச்சுத்திணறல் முதலியவற்றுக்கு கொள்ளு நல்லது.

துவரை- நல்ல வலிமை தரும் பொருள். படுக்கையிலேயே வெகு நாட்கள் நோய் வாய்ப்பட்டிருந்தவர், மிக மெலிந்தவர் திரும்பவும் வலுவடைய ஏற்றது. பட்டினி முடிவிற் சேர்க்கத்தக்க பத்திய உணவு. உடலுரம் கூடச்செய்யும். உள் அழற்சி ஆற்றும். அதனால் உணவு வரிசையில் இதற்கு முதல் இடம். தோல் நீக்கிய பருப்பு உணவாகிறது. மிக பலவீனமானவர், வயிற்றில் வாயு சேர்பவர் இதனை லேசாக வறுத்துச் சேர்ப்பர். காரம், புளிப்பு, உப்பு இவை இரைப்பையைப் புண்படுத்தாமலிருக்க துவரம் பருப்பு அவற்றிற்கு நடுவே நின்று உதவுகின்றது.

துவரம் பருப்பை வேக வைத்து அதன் தண்ணீரை இறுத்து அதில் மிளகு, பூண்டு சேர்த்து ரசம் வைத்துச் சாப்பிடலாம். இப்படிச் சாப்பிடும் போதும், பருப்பை வறுத்து அரைத்து துவையலாகச் சாப்பிடும் போதும், வாயு அழுத்தம் குறையும். 
காராமணி- இனிப்பும் குளிர்ச்சியும் உள்ளது. சிறுநீர் பெருக்கி. உப்பும் வெல்லமும் சேர்த்து வேகவைத்து உண்பதுண்டு. வாயுத் தொந்தரவு, பேதி உள்ளவர்களுக்கு ஏற்றதல்ல. 

உளுந்து- நல்ல புஷ்டி தரும் புரதசத்து நிறைந்தது. செரிப்பதற்குத் தாமதமாகும். உடல் மூட்டுகளுக்கு எண்ணெய்ப் பசையை உருவாக்கித் தரும். இதில் பெரும் பகுதி மலமாக மாறுவதால் அதிக அளவில் உபயோகித்தால் சிறுநீரும் மலமும் அதிகமாகி அடிக்கடி வெளியாகும். 

நரம்புகளிலும் தசைகளிலும் வலியும் எரிச்சலும் உள்ள நிலையில் உளுந்தை வேக வைத்துச் சூட்டுடன் தேய்க்க வலி நீங்கும். உளுந்து சேர்த்து தயாரிக்கப்படும் மஹாமாஷ தைலம், தசைகளிலும் மூட்டுகளிலும் ரத்தக் குழாய்களிலும் வறட்சி அதிகமாகி எண்ணெய் பசையில்லாமல் அசைக்கக் கூட முடியாத நிலையில், இது எண்ணெய்ப் பசையை அளித்து வறட்சியைப் போக்கி, உட்புற பூச்சையும் பிசுபிசுப்பையும் அளித்து தசைகளைத் தளர்த்தி வேதனையை குறைக்கும். உளுந்தையும் கொள்ளையும் வேக வைத்து அதன் கஷாயத்தால் வலி உள்ள இடத்தில் ஒத்தடம் கொடுப்பது வலியை குறைக்க உதவும்.

கொள்ளும், அரிசியும் சேர்த்துக் காய்ச்சிய கஞ்சி நல்ல பசி, உடல் பலம், விந்தணு வீர்ய வளர்ச்சி, சுறுசுறுப்பு தரக்கூடியது. பச்சைக் கொள்ளை நீர் சேர்த்து இடித்துப் பிழிந்த சாற்றைத் தினம் பருகிவர வற்றிய உடல் பருக்கும். தூண்போல் உரத்து நிற்கும், வறட்சி, சளியுடன் இருமல், சளியால் மூச்சுத்திணறல், ஜலதோஷம் இவற்றை நீக்கும். ஒரு பங்கு கொள்ளை பத்து பங்கு தண்ணீரில் நீர்த்த கஞ்சியாக்கி இந்துப்பு சேர்த்துச் சாப்பிட சிறுநீரகம், பித்தப்பை முதலான இடங்களில் ஏற்படும் கற்கள் கரைந்து வெளியாகும். பிரசவ அழுக்கு வெளியேற இந்த நீர்த்தக் கஞ்சி உதவும். 

கடலை - நல்ல புஷ்டி தரும் பருப்பு. அதிக அளவில் வயிற்று உப்புசம், பெருங்குடலின் கடைசிப் பகுதியில் அழுத்தம், ஜீரணமில்லாத பெருமலப் போக்கு, தலைசுற்றுதல் இவற்றையும் ஏற்படுத்தும். 

பச்சைக்கடலை - நல்ல வாளிப்பைத் தரும். உடலை ஊட்டப்படுத்தி தசைகளை நிறைவுறச் செய்யும். நுரையீரலுக்குப் பலம் தரும். கடலையைச் சற்றுக் கருக வறுத்து பொடித்துச் சாப்பிட வயிற்றுப் பொருமல், மூத்திரத்தடை நீங்கும். கடலையை லேசாக வேக வைத்து மென்று சாப்பிட்டு மேல் பால் சாப்பிட நீர்க்கோர்வையும் இருமலும் விலகும்.

(தொடரும்)
பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2015/10/25/4/w600X390/dall.jpg http://www.dinamani.com/health/health-serials/ayurvadham/2018/feb/15/பருப்புகளினால்-ஏற்படும்-வாயுவில்-இருந்து-தப்பிக்க-எளிய-வழி-2869482.html
2859177 தொடர்கள் ஆயுள் காக்கும் ஆயுர்வேதம் ஏப்பம்.. தும்மல்.. கொட்டாவி.. அடக்கினால் என்னவாகும்? டாக்டர் எஸ். சுவாமிநாதன் DIN Thursday, February 8, 2018 12:00 AM +0530 இயற்கை உந்துதல்களாகிய ஏப்பம், தும்மல், கொட்டாவி போன்றவை அலுவலக நேரத்தில் பலபேர் முன்னிலையில், வந்துவிட்டால் மரியாதைக் குறைவும் பிறர் கேலி செய்வாரோ என்றும் எண்ணி நான் வலுக்கட்டாயமாக அடக்கிவிடுகிறேன். இதனால் எனக்கு பிரச்னைகள் ஏற்படுமா?
-மணிசேகரன், சென்னை.

வயிற்றில் உள்ள உணவு ஜீரணமாகி அவ்விடம் காலியாக இருக்கும்பொழுது அங்குள்ள வாயுவின் ஓர் அம்சம் உணவு உண்டவுடன் வெளிப்படுகிறது. நல்ல பசி வந்துள்ளதையும் சிறு ஏப்பம் அறிவிக்கும். மேல்வாய் வழியாக சிறு சப்தத்துடன் வெளியாகும் இவ்வித ஏப்பம் இயற்கை வேகம். இதை வாயு வெளிவராத படிக்கு வாயையும் தொண்டையையும் இறுக்கி மூடிக்கொண்டு அடக்கவே கூடாது. அடக்கினால் உள்ளே தங்கிய பெரிய வாயுவினால் வயிறு முழுவதும் கெட்டுவிடும். வயிற்றையே தூக்கிப்போடும் விக்கல்களும், வயிறு உப்புசம், மாரடைப்பு, உடல் நடுக்கம், மூச்சிறைப்பு, இருமல், ருசியின்மை போன்றவை ஏற்படும்.

ஏப்ப வேகத்திற்கான உபாதைகளை சிகிச்சை மூலம் சரி செய்வது என்பது சுலபமல்ல. ஏப்பத்தை அடக்கியதால் வயிற்றில் ஏற்பட்டுள்ள விக்கல் குணமாக ஆயுர்வேத மருந்துகளாகிய ஹிங்குவசாதி சூரண மருந்தை சிறிது சூடான தண்ணீருடன் கரைத்து உணவிற்கு முன்பும் , உப்புசம் முதலிய வாயு தோஷங்களைக் குணப்படுத்துவதற்கு தான்வந்திரம் குளிகை எனும் மாத்திரையை காலை, இரவு உணவிற்குப் பிறகு வெந்நீருடன் பருகுவது நல்லது.

இந்த இயற்கை ஏப்ப வேகம் தவிர வயிற்றில் வாயுவின் கெடுதியினால் அடிக்கடி, சிலநேரத்தில் தூங்கும் பொழுதுகூட, மிகப்பெரிய சப்தத்துடன் வாய்வழியே தொடர்ந்து 10 - 12 ஏப்பங்கள் வரும். இது தனி வியாதி, சிகிச்சைக்கு எளிதில் வசமாவதில்லை. வரும் ஏப்பத்தை அடக்கவே முடியாது. 10 - 12 ஏப்பங்கள் வந்த பிறகு தானே நிற்கும்.

சுவாசக் காற்று நாசியின் உள்ளே சென்று அது திரும்ப வெளிவருவதில் சுவாசக் குழாயின் மேல்புறத்தில் ஏதாவது அலுவலக தூள் தூசி நெடி உண்டாக்கும் வஸ்து கலந்த காற்று சம்பந்தத்தினால் தடங்கல் ஏற்பட்டபொழுது, அந்த நெடி காரத்தை உதறி வெளிப்படுத்துவதற்காக சுவாசக்குழலைச் சுத்தம் செய்வதற்காக உள்ளே இருக்கும் சுவாசக் காற்று மூக்கு முகத்தை எல்லாம் சட்டென குலுக்கி, சுண்டி, விசை வேகத்துடன் வெளியாகிறது. இயற்கை வாயு மூலம் உடலுக்குச் செய்யும் உதவி தும்மல் வேகம். இதை அடக்குவது மிகக் கெடுதல். சுவாச வாயுவில் தானே பிராணன் நிற்கிறது?

தும்மல் வேகத்தை அடக்கினால் கழுத்துப் பிடரிப்பக்கம் அசைவுகளில் வலி, தலை பூராவும் வலி, ஒற்றைத் தலைவலி, அர்திதம் எனப்படும் கோணவாய் நோய், கண் முதலிய கழுத்துக்குமேல் இருக்கும் புலன்களுக்கு பலமின்மை முதலிய தொந்தரவுகள் வரும்.

இதில் அடக்கப்பட்ட தும்மலைத் திருப்பி உண்டாக்க வேண்டியது முக்கியம். சுவாசக்குழல், தும்மலினால் சுத்தம் செய்யப்படும். சூரிய கிரணங்கள் மூக்குத் துவாரத்தில் படும்படியாக சூரியனைப் பார்த்தால் உடனே தும்மல் உண்டாகும். மிளகைக் கொளுத்தி அணைத்து அதிலிருந்து கிளம்பும் புகையை மூக்கில் நுழையும்படிச் செய்தல், புகையிலைப் பொடியையும் சுண்ணாம்பையும் நவச்சாரத்தையும் கரைத்த நீரின் வாயு இவற்றை முகர்தல், சூடான வீரியமுள்ள மூக்கிலிடும் முறை இவை எல்லாம் தும்மலை உடனே கிளப்பும். சில தும்மல்கள் வெளிவந்து அடங்கிய பிறகு தலைவலி தொடர்ந்தால் நல்லெண்ணெய் சுட வைத்து கழுத்து மென்னி தலை பூராவும் தேய்த்து வெந்நீரில் நனைத்துப் பிழிந்து துணியினால் ஒத்தடம் கொடுக்கவும். நாராயண தைலம் போன்ற வாயுவை சமனம் செய்யும் தைலம் வெறும் நல்லெண்ணெய்யை விட மிகவும் தரம். இந்த உஷ்ணம் உடலைத் தாக்காமலிருக்க பிறகு 2 - 3 நாட்கள் இருவேளையும் உணவிற்குப் பிறகு நெய் தனியே ஜீரணசக்திக்குத் தகுந்தபடி குடிக்கவும்.

வேலை செய்து ஓய்வு எடுக்க, உடலில் ஏற்படும் உணர்ச்சி வேளையில் அசதி சோம்பல் தூக்கம் வரும். வாயுவினால் உண்டாக்கப்படும் இயற்கை வேகம் கொட்டாவி, எல்லாப் புலன்களும் தளர்ந்துள்ள தருணத்தில் சுவாசம் மூக்கின் வழியாக உள்ளும் வெளியும் போய்வருவதில் சிறிது அதிக அளவிலும் நீண்டதாகவும் திறந்த வாய் வழியாக உள்ளே சென்று வெளியாவது இயல்பு. இந்த இயற்கை வேகத்தை உதடுகளைச் சேர்த்து இறுக்கி மூடிக்கொண்டு அடக்கினால் விளையும் கெடுதல்கள் - தும்மல் வேகத்தை அடக்குவதில் வரும் நடுக்கம் முதலிய தொந்தரவுகளே. ஆனால் சிகிச்சை தும்மலைக் கிளப்புவதுபோல் கொட்டாவியைக் கிளப்புவதல்ல; உடனே ஓய்வு எடுத்துக் கொண்டு பிறகு வாயு சமனம் செய்து கொள்ள வேண்டியது.

கொட்டாவி ஏற்படும்பொழுது வாய் வழியே மூச்சு போய்வருவதற்காக வாய் திறந்திருப்பதால் வாய் வழியே தூசி, சிறு கொசு, பூச்சி காற்றுடன் நுழைய ஏதுவுண்டு. இதைத் தடுக்க கொட்டாவி வரும்பொழுது பிறர் அறியாவண்ணம் ஒரு கைக் குட்டையால் வாயை மறைத்து விடுவது நல்லது.

தலைக்கு க்ஷீரபலா தைலம், வாயினுள் அரிமேதஸ் தைலம், மூக்கினுள் அனுதைலம் விடுதல், கண்களில் இளநீர்குழம்பு விடுதல் போன்ற சிகிச்சை முறைகளால் தங்களுக்கு ஏற்படக் கூடிய பல உபாதைகளையும் நீக்கிக் கொள்ளலாம்.

(தொடரும்)
பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி,
நசரத்பேட்டை - 600 123 (பூந்தமல்லி அருகே)
செல் : 94444 41771
 

]]>
http://images.dinamani.com/uploads/user/imagelibrary/2018/2/7/w600X390/thummal.jpg http://www.dinamani.com/health/health-serials/ayurvadham/2018/feb/08/ஏப்பம்-தும்மல்-கொட்டாவி-அடக்கினால்-என்னவாகும்-2859177.html
2855406 தொடர்கள் ஆயுள் காக்கும் ஆயுர்வேதம் தோலுக்கு வலுவூட்ட... செய்ய வேண்டிய முக்கிய விஷயங்கள் டாக்டர் எஸ். சுவாமிநாதன் DIN Thursday, February 1, 2018 05:43 PM +0530 ஓய்வூதியரான எனது வயது 72. மணிக்கட்டுகள், புறங்கைகள் மற்றும் தலைமுடி ஆகியவற்றில் ஓயாத அரிப்பு உள்ளது. சொறிந்தால் வெள்ளை நிற செதில்கள் உதிர்கின்றன. இதற்கு ஆயுர்வேத மருத்துவம் பற்றி விளக்கக் கோருகிறேன். 
- த. நாகராஜன் - சிவகாசி.

தோலில் ஏற்படக்கூடிய புதிய அணுக்களின் உற்பத்தியானது வயோதிகத்தில் குறைந்துவிடும். தோலைச் சார்ந்த ப்ராஜதம் எனும் பித்தத்தினுடைய ஊட்டச்சத்தானது வயிற்றிலிருந்து செயல்படக்கூடிய பாசகம் எனும் பித்தத்தினுடைய சீரான செயல்பாட்டின் மூலமே பெற முடியும் என்பதால், தங்களுடைய அடிப்படை ஆரோக்கியமானது உட்புற வயிற்றிலிருந்து ஆரம்பிக்கப்பட வேண்டியிருப்பதால் நீங்கள் பசியை சீராக வைத்திருக்கக் கூடிய பாசகபித்தத்தினுடைய சிறப்பான அம்சங்களை வயோதிகத்தில் இழக்காதிருக்க வேண்டும். அதற்கு உணவில் நெய்ப்பு தரக் கூடிய நெய், உளுந்து, எள்ளு, தேங்காய்ப்பால் போன்றவையும், ஊடுருவும் தன்மையைக் கொண்ட இஞ்சி, கொத்துமல்லி, கறிவேப்பிலை போன்றவையும், பித்தத்தினுடைய சூட்டைப் பாதுகாக்கக் கூடிய மசாலாப் பொருட்கள், நார்த்தங்காய் வற்றல் ஆகியவையும், எளிதில் செரிக்கக் கூடிய உணவு வகைகளாகிய கசப்பு மற்றும் துவர்ப்புச் சுவைகளை முறையான அளவில் சேர்த்துக் கொள்வதும், திரவப்பொருட்களாகிய மோர், பழரசங்கள் போன்றவையும் மிகுந்த கவனத்துடன் குடலில் சேர்க்கப்படுமேயானால், தங்களுடைய பாசகபித்தத்தினுடைய சிறப்பான செயல்களைப் பாதுகாப்பதுடன், அதன் வழியே கிடைக்கக் கூடிய ஊட்டச் சத்தும் தோலுக்கு வந்து சேர்வதால், முன் குறிப்பிட்ட ப்ராஜகம் எனும் பித்தம் நன்கு செயல்படத் தொடங்குவதால் ஏற்பட்டிருக்கக் கூடிய ஓயாத அரிப்பும், சொறிந்தால் வெள்ளை நிறச் செதில்கள் உதிர்வதும் குறைந்துவிடுவதற்கான வாய்ப்புகள் உள்ளன. 

பாசகபித்தத்தினுடைய கெடுதல்களை நீக்கக் கூடிய ஆயுர்வேத மருந்தாகிய மாணிபத்ரம் எனும் லேகிய மருந்தை மதியவேளைகளில் உணவிற்கு சுமார் ஒருமணிநேரம் முன்பாக பத்து முதல் பதினைந்து கிராம் வரை வாரம் இருமுறை நக்கிச் சாப்பிடுவதால், இரண்டு மூன்று முறை கழிச்சல் ஏற்பட்டு பித்தமானது சுத்தமடைந்துவிடும். கசப்புச் சுவையுடைய திக்தகம் எனும் நெய்மருந்தை காலை, மாலை இருவேளைகளிலும் சுமார் பத்து முதல் பதினைந்து மில்லி லிட்டர் வரை நீராவியில் உருக்கி வெறும் வயிற்றில் 48 நாட்கள் வரை சாப்பிடலாம். இதன் மூலமாகவும் தோலில் ஏற்பட்டிருக்கக் கூடிய கெடுதல்கள் நீங்குவதுடன் பித்தமும் சீராகச் செயல்படும். இவை இரண்டு மருந்துகளும் தோல்களில் உள்ள அணுக்களின் கெடுதிகளைப் போக்கி நெய்ப்பு தரக்கூடியவை. உட்புற சுத்தத்தை மேம்படுத்தக்கூடிய இந்த லேகிய மருந்தும் குடலில் உள்ள அழுக்குகளை வெளியேற்றக் கூடிய இந்த நெய் மருந்தினுடைய உபயோகமும் மட்டுமே போதுமானவையல்ல. 

தோல்களுக்கு வலுவூட்டி அங்குள்ள கெடுதிகளை அகற்றக் கூடிய நால்பாமராதி எனும் தேங்காய் எண்ணெய்யில் காய்ச்சக் கூடிய மூலிகைத் தைலமும், தலைக்கு அருகம்புல் கொண்டு தயாரிக்கப்படும் தூர்வாதி எனும் தேங்காய்எண்ணெய் மருந்தும் உபயோகிக்கச் சிறந்தவை. காலையில் இவ்விரு எண்ணெய்களையும் வெதுவெதுப்பாகத் தேய்த்து சுமார் அரை மணி முதல் முக்கால் மணி வரை ஊறிய பிறகு வெதுவெதுப்பான மூலிகைத் தண்ணீராகிய வேப்பம்பட்டை, சரக்கொன்றைப்பட்டை, கருங்காலிக்கட்டை, புங்கம்பட்டை, நால்பாமரப்பட்டை எனப்படும் ஆலம்பட்டை, அரசம்பட்டை, அத்திப்பட்டை, இத்திப்பட்டை ஆகியவற்றில் கிடைத்த மட்டில் சேர்த்து குளித்த பிறகு முன்குறிப்பிட்ட மூலிகை நெய் மருந்தைச் சாப்பிட்டு அதன்மேல் கருங்காலிக்கட்டை சுமார் பதினைந்து கிராம் எடுத்து ஒரு லிட்டர் தண்ணீரில் காய்ச்சி அரை லிட்டராகக் குறுக்கிய மூலிகைத் தண்ணீரை நூறு மில்லி லிட்டர் வரை வெதுவெதுப்பாக அருந்தவும். இதேபோல மாலையிலும் நெய்மருந்தை அருந்திய பிறகு மூலிகைத் தண்ணீரை வெதுவெதுப்பாகக் குடிக்கவும். 

தவிர்க்கக் கூடிய உணவு வகைகளாகிய புளித்த தயிர், நல்லெண்ணெய், கடுகு, புலால் உணவு, கத்திரிக்காய் போன்றவற்றைச் சேர்க்க வேண்டாம். பகல் தூக்கத்தைத் தவிர்க்கவும். இரவில் எந்தக் காரணம் கொண்டும் புளிப்புப் பொருட்களாகிய புளியோதரை, புளித்த தயிர், புளிப்பான ஊறுகாய் வகைகள், பழைய சாதம் போன்றவற்றை சாப்பிட வேண்டாம். பருத்தி ஆடைகளை அணிவதே நல்லது. அவற்றையும் சோப்புத்துகள் நன்றாக அகலுமாறு தண்ணீரில் அலசி வெயிலில் உலர்த்திய பிறகே பயன்படுத்துவது என்ற விஷயத்தில் நீங்கள் கவனமாக இருத்தலும் நலமாகும். காலில் அணியக் கூடிய பாத அணிகள் அதிகமான அளவில் தடிமனாகவும், தோல்பொருட்களால் தயாரிக்கப்பட்டதாகவும் அல்லாமல், மிருதுவான காலணிகளையே அணியவும். வெயிலில் செல்லும்பொழுது கருப்பு அல்லாத மற்ற நிறங்களில் குடையைப் பயன்படுத்தவும். குளிர் கண்ணாடிகளை கண்களில் அணிவதால் உடல் சூடு அதிகரிக்காமல் பாதுகாக்கும். தங்கம் அல்லாத பிற ஆபரணங்களை அணிய வேண்டாம்.  
(தொடரும்)


பேராசிரியர்  எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2017/3/25/w600X390/summer_skin.jpg http://www.dinamani.com/health/health-serials/ayurvadham/2018/feb/01/தோலுக்கு-வலுவூட்ட-கவனிக்க-வேண்டிய-முக்கிய-விஷயங்கள்-2855406.html
2849229 தொடர்கள் ஆயுள் காக்கும் ஆயுர்வேதம் கார்த்திகை, மார்கழியில் ஏற்படும் உடல் உபாதைகளுக்குத் தீர்வு? டாக்டர் எஸ். சுவாமிநாதன் DIN Thursday, January 18, 2018 12:00 AM +0530 கார்த்திகை - மார்கழி - தை மாதங்களில் ஏற்படும் மழை - பனி நாட்களில் தசைப்பிடிப்பு - முழங்கால் மூட்டுப்பிடிப்பு, இடுப்பு, கழுத்து விலாபிடிப்பு ஏற்பட்டு அவதியுறுகிறேன். ஏன் இம்மாதங்களில் இப்படி ஏற்படுகிறது? இவை வராதிருக்க என்ன செய்வது?

-சிவகுருநாதன், தஞ்சாவூர்.

ஆண்டு முழுவதும் நடைபெறும் பிறப்பு இறப்புக்களின் விகிதம் கார்த்திகை மார்கழி மாதங்களில் அதிகமாகக் காணப்படும். கார்த்திகையை பிறப்பு மாதம் எனவும் மார்கழியைச் சூனிய மாதம் எனவும் குறிப்பிடுவதுண்டு. அதிக அளவு மரண விகிதத்தைக் கொண்ட மாதம் என்பதால் மார்கழி சூனியமாகும். திருமணங்கள் நடைபெறாததால் விருந்துகள் கிடைக்க வாய்ப்பில்லாததாலும் சூனியமாகலாம். கேளிக்கை விருந்துகளுக்கேற்ற மாதம் இவையல்ல. உணவுக் கட்டுப்பாடு மிக அதிகமாகத் தேவையான மாதங்கள் இவை. குடல் அழற்சி, வயிற்றுப்போக்கு, வயிற்றுவலி, வயிற்றுக்கடுப்பு போன்ற குடல் கோளாறுகள் சிறுவர்களுக்கும் பெரியவர்களுக்கும் இயற்கை மாறுதலால் ஏற்படும் வாய்ப்புள்ள காலம் இவை.

சாரங்கதரர் என்ற வைத்தியத் தொகுப்பு நூலாசிரியர் குறிப்பிடுவதாவது:

கார்த்திகையின் கடைசி எட்டு நாட்களும் மார்கழியின் முதல் எட்டு நாட்களும் யமனின் தெற்றுப்பற்கள். இதில் மிதமான உணவை ஏற்பவன் வாழ்வான் என்கிறார். அதாவது யமனின் பிடியில் அகப்படாதிருக்க உணவை மிதமாகக் கொள்க என்று கூறுகிறார்.

மழை நின்றதும் ஏற்படும் பனி கடுமையாவதற்கு முன்பே பருவ மாற்றத்திற்கேற்ப ஜீரண உறுப்புகள் தம்மைச் சீரமைத்துக் கொள்ள சிறிது இடைவெளிதேவை. அப்போது இரைப்பையிலும் குடலிலும் அழற்சி ஏற்படாமல், அடைசல் ஏற்படாமல் பாதுகாப்பது அவசியம். இந்தப் பாதுகாப்பு மார்கழியைப் பின் தொடரும் தையிலும் கடைபிடிப்பது அவசியமாகிறது.

பனி வாடை காரணமாக உள்ளுறுப்புகளும் வெளியுறுப்புகளும் மந்தமாக இயங்கும் என்பதால் நீங்கள் குறிப்பிடும் உபாதைகள் தோன்றக் கூடும். நம் விருப்பப்படி தசைகளை இயக்க முடியாதபடி பிடிப்பும் இறுக்கமும் இந்த மாதத்தின் கோளாறு. இந்த மந்தத்தைப் போக்க, சுறுசுறுப்பை ஊட்ட, மூட்டுகளுக்குத் தேவையான சூட்டையும் நெகிழ்வையும் தர, கற்பூராதி தைலம், நாராயண தைலம், ஸஹசராதி தைலம் போன்றவற்றில் ஒன்றை வெதுவெதுப்பாக, தசை இறுக்கம், மூட்டுப் பிடிப்பு ஏற்பட்டுள்ள பகுதிகளில் நன்றாக நீவிவிட்டுப்பிடித்து, வெந்நீரில் குளிப்பது நல்லது.

பனிக்காலத்தில் இரவு நீண்டு பகல் குறைவதால், குறுகிய பகலை நீட்ட விடியற் காலையிலேயே எழுந்து கொள்வது நல்லது. குளிரைத் தாங்க பயன்படுத்தப்படும் கனத்த உடைகளாலும், பனியாலும் ஏற்படும் தோல் வறட்சியால் உடலின் உட்சூடானது அதிகரிக்கிறது. வயிற்றின் உட்புறங்களில் இந்தச் சூடு சூழ்ந்து பசியை அதிகமாகத் தூண்டும். ஆனால் தசை இயக்கம் மந்தமாவதால் ஜீரணப்பணி தாமதமாகும். இப்படி எதிரிடையான இரு இயக்கங்கள் ஜீரண கோசங்களின் அழற்சிக்குக் காரணமாகலாம். அதனால் நீங்கள் எளிதில் செரிக்கும் உணவை மிதமாக காலமறிந்து உட்கொள்வதில் கவனமாக இருக்க வேண்டும். கிழங்கு, அதிகம் எண்ணெய் கலந்த உணவுப்பண்டம், கனமான உணவு இவற்றை அளவில் மிகக் குறைவாகக் கொள்வதே மிக நல்லது.

பனிக்காலத்தில் காலை இளம் வெயிலில் காய்வது சிலருக்கு இதமாக இருப்பது போலத் தோன்றும். ஆனால் அதனால் ஏற்படும் பின்விளைவுகள் - தலையில் பித்தவேகம் ஏறி தலைவலி, பின் மண்டையில் இறுக்கம், தலை கனம், தோல் வறட்சி, அரிப்பு, சொறி சிரங்கு, உணவில் வெறுப்பு, உட்குளிர் என்றெல்லாம் ஏற்படக்கூடும். அதனால் அதைத் தவிர்ப்பதே நலம்.

பெருங்குடல், இடுப்பு, தொடைப்பகுதி, காது, எலும்புகள் மற்றும் தோல் ஆகிய பகுதிகள் இயற்கையாகவே வாயுவினுடைய இருப்பிடங்களாகும். அதிலும் முக்கியமாக பெருங்குடல் பகுதி வாயுவின் ஆதிக்கம் அதிகமுள்ள இடமாகும். வாயுவினுடைய குணங்களாகிய வறட்சி, லேசு, குளிர்ச்சி, முறமுறப்பு, நுண்ணியது, அசையும் தன்மை ஆகியவற்றால் மழை பனி நாட்களில் அவற்றின் அளவு உடலில் கூடுவதால், தசைப்பிடிப்பும் மூட்டுப்பிடிப்பு போன்றவையும் ஏற்படுகின்றன. வாயுவின் குணாதிசயங்களை மட்டுப்படுத்தும் இந்துகாந்தம் நெய் மருந்து, தசமூலாரிஷ்டம், வாயுகுளிகை, மூலிகைத் தைலங்கள் போன்றவற்றின் பயன்பாடு, கார்த்திகை, மார்கழி, தை மாதங்களில் நன்மை தரும். 

நீங்கள் ஈரக்கசிவற்ற கல் தரை, சிமெண்டுத்தரை, கருங்கல் தரை, இரும்பு முதலியவற்றாலான நாற்காலி முதலியவற்றில் மேல் விரிப்பின்றி உட்காருதல், படுத்தல் முதலியவற்றைத் தவிர்த்தல் நலம். தசை இறுக்கம், ஜீரண உறுப்புக்களின் மந்தம் இவற்றைக் கண்ணோட்டத்தில் கொண்டு, நடை, உடை, உணவுகளை அமைத்துக் கொள்வது நலம். 

(தொடரும்)

]]>
http://images.dinamani.com/uploads/user/imagelibrary/2013/12/29/10/w600X390/cold.jpg http://www.dinamani.com/health/health-serials/ayurvadham/2018/jan/18/கார்த்திகை-மார்கழியில்-ஏற்படும்-உடல்-உபாதைகளுக்குத்-தீர்வு-2849229.html
2841834 தொடர்கள் ஆயுள் காக்கும் ஆயுர்வேதம் வயிற்று நோய்களும்... உணவுக்கட்டுப்பாடும்! டாக்டர் எஸ். சுவாமிநாதன் DIN Tuesday, January 9, 2018 04:30 PM +0530 ஆயுள் காக்கும் ஆயுர்வேதம்
எனக்கு அடிக்கடி வயிற்றில் மப்பு நிலை ஏற்பட்டு கீழ் வாயுத் தடை, ஏப்பம், செரிமானக் குறைவு, நெஞ்செரிச்சல், நூலாக சளி வெளியேறுவது போன்ற பலவகை உபாதைகளால் அடிக்கடி கஷ்டப்படுகிறேன். இது எதனால் ஏற்படுகிறது? இதை எப்படிக் குணமாக்குவது?

சக்திவேல், காஞ்சிபுரம்.

உங்களுக்கு உணவைச் செரிக்கச் செய்யும் ஜீரண சக்தி குறைந்துள்ளதாகத் தோன்றுகிறது. ஜீரண சக்தி என்பது உட்செல்லும் உணவை உடலுக்கேற்றதாக மாற்றி அதை உடலின் பகுதியாக அமைப்பதே. உணவை அன்னச்சத்தாக மாற்றுவதுடன் நிற்காமல் அதனை ரத்தமாக , தசையாக, எலும்பாக, உடலிலுள்ள ஒவ்வொரு பகுதியாக மாற்றும் சக்தி இது. வெளிப் பொருளை -உணவை- உடலாக மாற்றும் திறமை இதற்கு உண்டு. இதை ஜாடராக்னி (ஜடாரம் - வயிறு), இரைப்பை முதல் பெருங்குடல் வரை உள்ள பகுதி, அதிலுள்ள சூடு என்று அழைக்கப்படுகிறது. மப்பு நிலை ஏற்பட உணவை அதிக அளவில் சாப்பிடுவது மட்டுமே காரணமாகாது. தனக்குப் பிடிக்காத வெறுப்பான உணவை பிறருடைய கட்டாயத்தினால் சாப்பிட நேர்வதாலும், குடலில் வாயுவையும் மலக்கட்டையும் ஏற்படுத்தக் கூடிய சூடு ஆறிய நிலையிலுள்ள கிழங்குகளைச் சாப்பிடுவதாலும், அதிகம் வெந்தததையும், வேகாததையும் சேர்த்துப் புசிப்பதாலும், எளிதில் செரிக்காத , வறட்சி மற்றும் குளிர்ச்சி நிறைந்த பொருளை உண்பதாலும், சுத்தமல்லாத பொருளை உணவாகச் சாப்பிடுவதாலும், குடல் உட்புறங்களில் வேக்காட்டை ஏற்படுத்தும் காரக்குழம்பு, ஊறுகாய் போன்றவற்றாலும், வறண்டு போனதும், அதிக நேரம் தண்ணீரில் ஊறிக் கிடப்பதையும் வருத்தம், கோபம், அதிகப்பசி போன்ற நிலையில் சாப்பிடப்படும் உணவும் செரிக்காமல் ஜாடராக்னியைக் கெடுத்து மப்புநிலை ஏற்படக் காரணமாகிறது.

செரிமானத்துக்கு உதவும் வயிற்றிலுள்ள ஸமானன் எனும் வாயுவுடன் இந்த மப்புநிலை அடைந்த உணவு கலந்தால், வயிற்றுவலி, வயிற்று உப்புசம், வாயு அசைவற்று நின்றுவிடுதல் போன்ற உபாதைகளைத் தோற்றுவிக்கும். பித்தம் சீரணமாகாத உணவுடன் சேர்ந்தால் உணவில் கெட்ட நாற்றத்தை உண்டு பண்ணி, எரிச்சலுடன் கூடிய ஏப்பத்தை ஏற்படுத்தும். வயிற்றில் குழகுழப்பும், கனமும் உண்டாகும். "க்லேதகம்' எனும் கபத்துடன் செரிக்காத உணவு கலந்து விட்டால், உணவு அழுக்கடைந்ததும், நூல் போன்றும், கெட்டியாகவும், பிசுபிசுப்பாகவும் ஒட்டிக் கொள்ளும் தன்மையுடையதாகவுமிருக்கும்.

அதனால் ஜாடராக்னிக் குறைவினால் இரைப்பையில் உணவும், உணவின் முதல் சாரமான அன்னச்சத்து முழுவதும் சீரணமாகாமல், குடல் வழியாக உட்புறப் பகுதிகளுக்கு எடுத்துச் செல்லப்படும்போது, குழாய்களின் அடைப்பு, பலக்குறைவு, உடல் கனத்தல், கீழ் வாயுத்தடை, சோம்பல், தாதுக்களில் செரிக்காத நிலை, உமிழ்நீரைத் துப்புதல், மலம் வெளியேறாமல் தங்குதல், ருசியின்மை, ஆயாசம் போன்ற குறிகளை வெளிப்படுத்தும்.

உட்புறங்களில் பகைமை குணங்களைக் கொண்ட மப்புநிலையை ஜீரணிக்கச் செய்தல், ஜாடராக்னியை வளர்த்தல், சூடும், ஊடுருவும் தன்மையும் கொண்ட மருந்துகளால் தயாரித்த எண்ணெய் வகை, வியர்வை சிகிச்சை இவற்றால் மப்பான நிலையை ஜீரணிக்கச் செய்து, இளக்கி, குடலுக்குள் கொண்டு வந்து, வாந்தி மற்றும் பேதி மூலமாக வெளியேற்றுதல், தலைப்பகுதிக்கு வந்து சேர்ந்தால் மூக்கில் எண்ணெய் மருந்தைச் செலுத்தி வெளிக் கொணருதல் போன்ற சிகிச்சை முறைகளால் வெளியேற்ற வேண்டும்.

இத்தனை கஷ்டமான சிகிச்சை முறைகளுக்கு காரணமாக அமைவது, நாக்கின் சபலத்தால் வயிற்றிலுள்ள ஜாடராக்னியை கெடுத்துக் கொள்வதால்தான். அதனால் நீங்கள் உணவில் கட்டுப்பாடும், செரிமானக் கோளாறுகள் ஏற்படா வண்ணம் கவனத்துடன் இருத்தலும் அவசியமாகும்.
(தொடரும்)

பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி,
நசரத்பேட்டை - 600 123 (பூந்தமல்லி அருகே)
செல் : 94444 41771
 

]]>
http://images.dinamani.com/uploads/user/imagelibrary/2017/7/4/w600X390/food.png http://www.dinamani.com/health/health-serials/ayurvadham/2018/jan/11/வயிற்று-நோய்களும்-உணவுக்கட்டுப்பாடும்-2841834.html
2833959 தொடர்கள் ஆயுள் காக்கும் ஆயுர்வேதம் யாரெல்லாம் பகலில் தூங்கலாம்? டாக்டர் எஸ். சுவாமிநாதன் DIN Thursday, December 28, 2017 12:00 AM +0530 என் வயது 37. பகலில் அதிகமாகத் தூக்கம் வருகிறது. அலுவலகம், பேருந்துப் பயணம், ரயில் பயணம் என்று எதுவாக இருந்தாலும் பகலில் தூங்கித் தூங்கி வழிகிறேன். இதனால் சட்டைப் பையிலிருந்த அலைபேசியைக் கூட பயணத்தின்போது திருடர்களால் இழந்திருக்கிறேன். பகல் தூக்கம் நல்லதா? கெட்டதா?

ராஜேந்திரன், கோவை.

மதிய உணவிற்குப் பிறகு சிறிது ஓய்வும் உறக்கமும் சுமார் 15 - 20 நிமிட நேரம் தூங்கி உடனே விழித்தெழுந்து சுறுசுறுப்பாகப் பணிகளில் ஈடுபடுபவர் உண்டு. இவர்களுக்கு இந்த உறக்கம் மாலைப் பணிகளில் சுறுசுறுப்புடன் இயங்க உதவும். இது நல்லதே. ஆனால் அலைபேசி, மணி பர்ஸ் போன்றவற்றைப் பத்திரமாக வைத்துக் கொள்ள வேண்டும். பகல் தூக்கத்தை சுமார் ஒரு மணி நேரம் நீட்டித்தால் உடல் பருமன், அசதி, கொழுப்பு அடைப்பு, சோம்பல் போன்ற உபாதைகளை தோன்றச் செய்துவிடும். உடல் இளைத்து வறண்டிருப்பவருக்கு பகல் தூக்கத்தினால் உடல் பருமன் ஏற்படும்.

பொதுவாக பகலில் தூக்கமும் இரவில் விழிப்பும் கெட்டதே. இயற்கை விளைவான விழிப்பு ரஜோ குணத்தின் பகல் ஆதிக்கத்தால் ஏற்படுவதால், பகலில் சுறுசுறுப்பும், இரவில் தமோ குணத்தின் ஆதிக்கத்தால் தூக்கம் நம்மை இயற்கையாகவே தழுவிக் கொள்கிறது. அதனால் தமோ குணத்தில் வேலை செய்து, ரஜோ குணத்தில் தூங்குபவர்களுக்கு எண்ணற்ற உபாதைகளுக்கான விதையை உடலில் தூவத் தொடங்கி விடுகிறார்கள்.

சிலருக்கு இரவு உணவு தாமதமாகலாம். காலையில் வயிறு கனத்திருக்கிறது என்றால், மேலும் சிறிது நேரம் தூங்கி எழுந்தால் வயிற்றிலுள்ள உணவு செரித்து நல்ல பசி ஏற்பட்டுள்ளதை உணர்ந்தால், அந்த அளவில் பகல் தூக்கம் நல்லதே. இளம் வயதினர் பலரும் இன்றைய நிலையில் இரவில் தாமதமாகச் சாப்பிட்டு படுக்கைக்குச் செல்வதைக் காண முடிகிறது.

பகல் தூக்கம் சிலருக்கு நன்மை தரும் என்று ஆயுர்வேதம் கூறுகிறது. பாடுவதில் அதிகம் ஈடுபடுபவர் மூச்சுக்காற்றை அதிகம் பயன்படுத்துவதால் பிராண சக்தியை அதிகம் செலவிடுகின்றனர். அதனால் திரும்பப் பெற பகல் தூக்கம் உதவும். வேதம் ஓதுதல், வாய்விட்டு உரக்கப் படிதல், திரும்பத் திரும்ப ஒன்றையே சொல்வதும் செய்வதும், உடல் உழைப்பு அதிகம் தேவையான தச்சு, கொத்து, வெட்டுதல், தோண்டுதல் முதலிய தொழில்கள், சுமைதூக்கிச் செல்லுதல், அதிகதூரம் வழி நடத்தல் முதலியவற்றால் பிராண சக்தியை அதிகம் செலவு செய்யாதவர்கள் பகலில் தூங்கி, இழந்ததை மீண்டும் பெறலாம்.
வயிற்று வலி, அஜீரண நோயுள்ளவர், அடிபட்டு ரத்தம் அதிகம் சேதமானவர், உடல் இளைத்தவர், நோய்களால் பலம் இழந்தவர், மூச்சு விடுவதற்குக் கஷ்டம் தரும் இளைப்பு, விக்கல் உபாதையுள்ளவர், உயரத்திலிருந்து கீழே விழுந்தோ, அடிபட்டோ கடும் வேதனைக்குள்ளானவர், மனக்கலக்கமுள்ளவர், கோபம், சோகம், பயம் முதலிய உணர்ச்சிக் கொந்தளிப்பால் துன்புற்றவர், இவர்களுக்கு வேதனை குறையவும் இழந்த அமைதியை மீண்டும் பெறவும் உடல் இயக்கம் சுறுசுறுப்படையவும் பகல் தூக்கம் நல்லதே.

பகல் நீண்டு இரவு குறைந்த நாட்களான கோடை முதலிய பருவங்களில் வெப்ப மிகுதியால், உடலிலுள்ள புஷ்டிச் சத்து குறைந்து வறண்டுவிடும். பகல் தூக்கத்தால், கப சக்தி மிகுந்து உடல் மீண்டும் வலிவு பெறும். இரவு நேரம் குறைவாக இருப்பதால் ஏற்பட்ட தூக்கக் குறைவை பகல் தூக்கததால் ஈடு செய்து கொள்ள முடியும்.

இரவுத் தூக்கம் கெட்டுவிட்டால், மறுநாள் பகல் லேசான உணவைச் சாப்பிட்டு, இரவு விழித்திருந்த நேரத்தில் பாதி நேரம் மட்டும் தூங்குவது நல்லது. களைப்பு இல்லாதிருந்தால் அந்தத் தூக்கமும் அவசியமில்லை. 

வயதானவர்கள், குழந்தைகள், சிறுவர்கள் ஆகியோருக்கும் பகல் தூக்கம் மன அமைதியையும் பலத்தையும் தரும். வயதானவர்களுக்கு உணவால் தேய்வை ஈடுகட்ட முடியாது. ஓய்வால் தேய்வைக் குறைக்கலாம். அதனால் நல்ல ஓய்வு தரும் பகல் தூக்கம் இதமாகிறது. சிறுவர்களுக்கு வளர்ச்சியின் வேகத்தைத் துரிதப்படுத்தவும், தேய்வைக் குறைக்கவும் பகல் தூக்கம் உதவுகிறது.

நீங்கள் வயோதிகருமல்ல, சிறுவனுமல்ல என்பதாலும் பகல் தூக்கம் ஏற்பட்டு கஷ்டப்படுவதாலும், மூளையில் தமோ குண ஆதிக்கத்தால் துன்பப்படுவதாகத் தெரிகிறது. மூக்கினுள் அணுதைலம் நான்கு முதல் ஆறு சொட்டுகள் உணவிற்குப் பிறகுவிட்டு உறிஞ்சவும். நெற்றியில் ராஸ்னாதி சூரணம் இஞ்சிச் சாறுடன் குழைத்துச் சூடாக்கிப் பற்று இடவும். இரவில் வாயினுள் அரிமேதஸ்தைலம் விட்டுக் கொப்பளித்துத் துப்பவும். உணவிற்குப் பிறகு, வசம்பு அல்லது விரளி மஞ்சள் கட்டையைப் புகைத்து மூக்கினுள் விட்டுக் கொள்ளவும். உணவில் இனிப்பு, புளிப்பு, உப்புச்சுவை குறைக்கவும். இளநீர் 1-2 சொட்டு கண்களில் விடவும். இரவு படுக்கும் முன் இவை தமோ குணத்தைக் குறைக்க உதவும்.

]]>
http://images.dinamani.com/uploads/user/imagelibrary/2016/12/4/w600X390/sleepless-1.jpg http://www.dinamani.com/health/health-serials/ayurvadham/2017/dec/28/யாரெல்லாம்-பகலில்-தூங்கலாம்-2833959.html
2822038 தொடர்கள் ஆயுள் காக்கும் ஆயுர்வேதம் தும்மல், மூக்கில் நீர் வடிதல் போன்ற ஒவ்வாமைக்கு ஆயுர்வேதத்தில் மருந்து! டாக்டர் எஸ். சுவாமிநாதன் DIN Thursday, December 7, 2017 04:17 PM +0530 ஆயுள் காக்கும் ஆயுர்வேதம்

எனக்கு வயது 24. நான் சில மாதங்களாக அலர்ஜியால் பாதிக்கப்பட்டுள்ளேன். தும்மல் அதிகமாக உள்ளது. மூக்கிலும் நீர் வடிகிறது. இதை எப்படிக் குணப்படுத்துவது?

- ரெஜினா, திருச்சி.

உடலின் சகிப்புத்தன்மை ஒரு வகையில் குறைந்து போவது தான் இந்த உபாதைக்கான அடிப்படைக் காரணம். உடலில் எந்த உபாதை உண்டானாலும் அத்துடன் போராடி அந்த உபாதையைப் போக்கிட, இயற்கையாகவே நமது உடல் முனையும். தும்மல், மூக்கிலிருந்து நீராக ஒழுகுவது போன்ற போராட்டத்தைக் குறைக்க உதவி புரிவது பொதுவாக இரத்தத்திலுள்ள வெண்ணிற ஜீவ அணுக்கள். இவற்றுள் 'ஈஸினோபைல்' என்பது ஒரு வகை. சாதாரணமாக, முதல் 4 அல்லது 5 சதவிகிதம் வரை இருக்கும். இவை, நீங்கள் குறிப்பிடும் அலர்ஜி உபாதையின்போது, படை விஸ்தரிப்பு யுத்த காலத்தில் மேற்கொள்ளப்படுவது போல, தன் எண்ணிக்கையை அதிகரித்துக் கொண்டே போய், போராடி வெற்றி பெற முயலும். 

அதனால் இந்த ஈஸினோபைல்களைக் குறைக்கக் கூடிய மருந்துகளைக் கொடுப்பது தவறாகும், வந்துள்ள அலர்ஜி உபாதைக்கான மருந்துகளைக் கொடுத்தால், போராடிக் கொண்டிருக்கும் படைச்செல்வமாகிய ஈஸினோபைல்களுக்கும் உதவியாக இருக்கும். இரு வகையும் சேர்ந்து வியாதியைச் சீக்கிரத்தில் குணப்படுத்த வழி எளிதில் பிறக்கும். அந்த வகையில் - வில்வத்தின் இலை, துளசி இவற்றில் ஒன்றையோ இரண்டையுமோ தனித்தனியாக இடித்துப் பிழிந்த சாறை சம அளவாக எடுத்து. அவற்றிற்குச் சமமான அளவில் நல்லெண்ணெய் சேர்த்து அடுப்பில் ஏற்றி மணல் பாகத்தில் வரும் போது இறக்கி வடிகட்டி, தலைக்குத் தேய்த்துக் குளித்து வர பயன்படுத்தவும்.

இதல் சில துளிகளை காதில் விட, காது குத்தல், சீழ் வடிதல் பிரச்னையும் தீரும். ஒரு தேக்கரண்டி வாயில் விட்டு கொப்பளித்து வர டான்ஸில் உள்ளவருக்கு நல்லது. அஸனவில்வாதி எனும் தைலத்தையும் தலைக்குத் தேய்த்து வர தும்மல், ஜலதோஷம் குறையும். மேலும், எளிதில் ஜலதோஷம் சீழ் இவற்றையும் போக்கும். முன் குறிப்பிட்ட தைல உபயோகத்தைப் போல, இந்த தைலத்தையும் பயன்படுத்தலாம்.

அதிமதுரத்தின் சிறியதொரு துண்டையோ, சித்தரத்தை அல்லது சுட்ட கடுக்காயின் தோல் இவற்றில் ஒன்றையோ வாயிலிட்டு அடக்கிக் கொண்டிருப்பதால், தும்மல், ஜலதோஷம் சீக்கிரம் குணமாகும். அஸ்வகந்தா லேகியம் 5 முதல் 10 கிராம் வரை தினம் இரண்டுவேளை, உணவிற்கு முன் சாப்பிட்டு, சிறிது சூடான வெள்ளாட்டுப் பால் குடித்தால் உங்களுடைய அலர்ஜி பிரச்னை குணமாகும். பால் கிடைக்காவிட்டால் வெந்நீராவது அருந்தவும். அடிக்கடி வரும் ஜலதோஷம், அடுக்குத் தும்மல், சளி, இருமல், ஆஸ்துமா, ஏறிக்கொண்டே போகும். ஈஸினோபைல் இவற்றிற்கு மிகவும் பயனுள்ள அனுபவப்பூர்வமான மருந்து.

ஆயுர்வேத மருந்துக்கடைகளில் விற்கப்படும் கூச்மாண்ட ரசாயனம் எனும் லேகிய மருந்தும் சாப்பிட உகந்ததாகும். தினம் 2 முதல் 4 வேளை வரை , சுமார் 10 கிராம் வரை சாப்பிட்டு வர, தும்மல் முதல் ஆஸ்துமா வரை குணமாகும்.

டல் சகிப்புத் தன்மை வளரும். உடல் பருக்கும். தசமூலாரிஷ்டம் 30 மி.லி. வரை காலை, இரவு உணவிற்குப் பிறகு சாப்பிட்டு வர, நுரையீரல், இதயம் இவற்றைச் சுத்தமாகவும், நல்ல நிலையிலும் வைத்துக் கொள்ள உதவும். பசியெடுக்கும், ருசி பிறக்கும். மலச்சிக்கல் குணமாகும். ஒரு சில வெளி பிரயோகங்களால் நீங்கள் பயன் அடையலாம். ராஸ்னாதி சூரணம் மற்றும் ஏலாதி சூரண மருந்துகளை சம அளவில் கலந்து இஞ்சி சாறுடன் குழைத்து லேசாக சூடாக்கி நெற்றிப் பரப்பு முழுவதும் பற்று இடுவதன் மூலமாக, தும்மல் மற்றும் ஜலதோஷம் குறைய நிறைய வாய்ப்பிருக்கிறது. 

உணவில் இனிப்பு, புளிப்பு, உப்புச் சுவை குறைக்கவும். இனிப்பிலுள்ள நிலமும் நீரும், புளிப்பிலுள்ள நிலமும் நெருப்பும், உப்பிலுள்ள நீரும், நெருப்பும் கபதோஷத்தை அதிகப்படுத்தும் தன்மையுடையவை. அதனால் தும்மலும், ஜலதோஷமும் அதிகரிக்கும். அதற்கு மாற்றாக காரம், கசப்பு, துவர்ப்புச் சுவையை உணவில் அதிகம் சேர்க்கவும். இரவில் படுக்கும் முன் திரிகடுக சூரணம் எனும் சுக்கு மிளகு திப்பிலி சூரணத்தை 5 கிராம் எடுத்து 10 மிலி தேனில் குழைத்துச் சாப்பிட்டுவர, அலர்ஜி உபாதை குறைந்துவிடும்.

(தொடரும்)
பேராசிரியர் எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2017/1/24/w600X390/cold_flu.jpg http://www.dinamani.com/health/health-serials/ayurvadham/2017/dec/07/தும்மல்-மூக்கில்-நீர்-வடிதல்-போன்ற-ஒவ்வாமைக்கு-ஆயுர்வேதத்தில்-மருந்து-2822038.html
2812892 தொடர்கள் ஆயுள் காக்கும் ஆயுர்வேதம் ரசாயன உணவுகளின் பாதிப்பு: வெல்வது எப்படி? டாக்டர் எஸ். சுவாமிநாதன் DIN Wednesday, November 22, 2017 05:21 PM +0530 இன்று பலவித PRESERATIVE  ரசாயனங்கள் சேர்க்கப்பட்டு பாக்கெட் பால் வகைகள் மக்களுக்கு விநியோகிக்கப்படுவதாக கேள்விப்படுகிறோம். உடல் நலத்துக்குத் தீங்கு செய்யக் கூடிய ரசாயனங்களால் வயது, உடல்பருமன், முழங்கால் மூட்டு நோய்கள், சர்க்கரை நோய் போன்றவற்றுடன் வாழ்பவர்கள் இவற்றால் மேலும் பாதிப்படைய வாய்ப்புள்ளதால் அவர்களைப் பாதுகாப்பது எப்படி?

சுப்ர.அனந்தராமன், 
அண்ணாநகர், சென்னை-40
.


நம் முன்னோர்கள் கண்டறியாத, கேட்டறியாத ரசாயனங்களை நவீன வாழ்க்கை காரணமாக நாம் இன்று சாப்பிடவும், அருந்தவும் வேண்டிய கட்டாயத்திலிருக்கிறோம். அவற்றை நாம் குடல் வழியாக இரத்தத்தில் உள் வாங்கி, த்ரிதோஷங்களாகிய வாத, பித்த, கபங்களின் சீரான செயல்பாடுகளுக்குக் குந்தகம் விளைவிக்கும் வகையிலும், சப்த தாதுக்களாகிய ஏஸ-ரக்த -மாம்ஸ - மேத - எலும்பு- மஜ்ஜை - விந்துவிற்குச் செயல் நாசத்தையும், மலங்களாகிய மலம் - சிறுநீர் - வியர்வை போன்ற கழிவுகளின் அடைப்பிற்குமான ஏற்பாடுகளைச் செய்து கொண்டு வருகிறோம். உடலைத் தாங்கி நிறுத்தக் கூடிய ஆணி வேர்களாகிய தோஷ - தாது - மலங்களையே ஆட்டி அசைத்துப் பிடுங்கக் கூடிய இந்த ரசாயனக் கலவைகளே நம் எதிர்காலச் சந்ததிகளுக்கு பெரும் ஆபத்தை விந்தணுக்கள் மூலமாகவும் சினை முட்டை வாயிலாகவும் செய்யக் காத்திருக்கின்றன.

உடலில் ரசாயனச் சேர்க்கையை எதிர்த்துப் போராடக் கூடிய திறனை ஐந்துவகையான நபர்களால் மட்டுமே செய்ய இயலும் என்று ஆயுர்வேதம் குறிப்பிடுகிறது.

1.தினமும் உடற்பயிற்சி செய்பவர்கள்
2. நெய்ப்பை உடலில் நன்கு சம்பாதித்துக் கொண்டவர்கள்.
3. பசித்தீ கெடாமல் பார்த்துக் கொள்பவர்கள்
4. இளமைப் பருவத்தை உடையவர்கள்
5. பலசாலிகள் உடற்பயிற்சி என்பது நடையாகலாம், யோகப் பயிற்சியாகலாம், விளையாட்டாகலாம், தண்டால் , குஸ்தியாகலாம். எதுவாக இருந்தாலும், உட்புற ரசாயனக் கழிவுகளை வியர்வை மூலமாக வெளியேற்றி விட வேண்டும். தசைகள் முறுக்கேறி, உடல் லேசாகி, செயல்களை எளிதாகச் செய்ய முடிவதும், தேவையற்ற கொழுப்பை அகற்றுவதும் உடற்பயிற்சியின் விளைவாக ஏற்படுமாயின், நோய் எதிர்ப்பு சக்தியானது உடலில் நன்கு ஏற்பட்டு, எந்த ரசாயனத்தையும் உடல் எதிர் கொண்டு பக்க விளைவுகளை முறியடித்துவிடும். அதனால், சோம்பேறியாய் எந்த வேலையையும் செய்யாமல், எதையாவது எந்நேரமும் கொறித்துக் கொண்டு ஊர் வம்பு பேசிக் கொண்டிருப்பவர்களுக்குத்தான் இது போன்ற ரசாயனங்களால் உடல் அழிவு காத்திருக்கிறது.

உடல் நெய்ப்பைத் தரும் உணவுப் பொருட்களாகிய எள், தேங்காய்ப் பால், உளுந்து, கோதுமை, அரிசி போன்றவற்றை சீரான அளவில் நெய், பால், வெண்ணெய் ஆகியவற்றுடன் கலந்து உண்பதாலும், நல்லெண்ணெய்யை வெதுவெதுப்பாகத் தலை முதல் உள்ளங்கால் வரை தடவி, ஊற வைத்துக் குளிப்பதாலும், ரசாயனப் பொருட்களால் அடங்கியுள்ள வறட்சி எனும் குணத்தை வெல்வதும், தாமரை இலைத் தண்ணீரைப் போல உடலில் ஒட்டி உறவாடச் செய்யாமலும் பாதுகாக்கக் கூடியது.

தன் பசி நிலையறிந்து உணவைத் தக்க அளவில் ஏற்று, பசியின் திறன் குன்றாமல் பாதுகாப்பதின் மூலம், ரசாயனங்களை எரித்து பஸ்மமாக்கி வெளியேற்றிவிடலாம். நாக்கிற்கு அடிமையாகி, இஷ்டம் போல உண்பவர்களுக்கு, பசித்தீ கெட்டு, ரசாயனங்களை வெளியேற்ற முடியாமல் அவற்றின் கிடங்காக மாற்றி விடுவார்கள்.

சுறுசுறுப்பும், துறுதுறுப்பும், துடிப்பும் நிறைந்த இளமைப் பருவத்தை, வயோதிகத்திலும் தக்க வைத்துக் கொள்ள முன் குறிப்பிட்ட உடற்பயிற்சி, நெய்ப்பு, பசித்தீ ஆகியவற்றைத் தொடர்ந்து கடைப்பிடிப்பதொன்றே வழியாகும். அப்படிச் சம்பாதித்துக் கொண்டவர்களை வாலிப வயோதிக அன்பர்கள் என்று குறிப்பிடலாம். 

தாய் தந்தையிடமிருந்து கிடைக்கும் ஸகஜ பலம் - பருவகாலங்களுக்குத் தக்கவாறு உணவு - செயல்முறை மாற்றம் வழியாகக் கிடைக்கும் காலபலம் மற்றும் புத்தியைப் பயன்படுத்தி உடலுக்கு நன்மைதரும் உணவு - செயல்- மருந்து மூலம் கிடைக்கும் யுக்தி பலம் ஆகியவற்றைச் சிரத்தையுடன் காப்பாற்றுவதின் மூலம், ரசாயனங்களை எளிதில் எதிர்கொண்டு வெற்றி பெறலாம்.

(தொடரும்)

]]>
http://images.dinamani.com/uploads/user/imagelibrary/2017/7/28/w600X390/milk_testing.jpg http://www.dinamani.com/health/health-serials/ayurvadham/2017/nov/23/ரசாயன-உணவுகளின்-பாதிப்பு-வெல்வது-எப்படி-2812892.html
2796298 தொடர்கள் ஆயுள் காக்கும் ஆயுர்வேதம் அனைத்து வியாதிகளும் மது அருந்தினால் குணமாகுமா? டாக்டர் எஸ். சுவாமிநாதன் DIN Thursday, October 26, 2017 05:56 PM +0530 ஆயுள் காக்கும் ஆயுர்வேதம்

சர்க்கரை உபாதையைக் கட்டுக்குள் வைத்திருப்பதற்காக காலையில் ஆறு கிலோமீட்டர், மாலையில் ஆறு கிலோமீட்டர் நடக்கிறேன். இதனால் மூட்டு தேய்மானம் ஏற்படுமா? அனைத்து வியாதிகளும் மது அருந்தினால் குணமாகுமா? அல்சர் வர  காரணமென்ன?

 - கா. திருமாவளவன், 
திருவெண்ணெய் நல்லூர்.

நாம் எளிதாக நடப்பதற்காகவும், எலும்புகள் ஒன்றோடு ஒன்று உரசாமலிருப்பதற்காகவும் சிலேஷகம் எனும் ஒரு கபம்  மூட்டுகளைப் பாதுகாக்கிறது. இதனுடைய இயற்கை குணங்களாகிய நெய்ப்பு, குளிர்ச்சி, கனம், மந்தம், வழுவழுப்பு, கொழகொழப்பு, நிலைப்பு போன்றவை, அதிக தூரமான நடையால், வறட்சி, சூடு, லேசு, ஊடுருவும் தன்மை, சொர சொரப்பு,  அசைவு போன்ற எதிரான குணங்களைச் சந்திக்க நேருவதால் அவற்றுள் கடுமையான பலப் பரீட்சையைத் தோற்றுவிக்கின்றன. எந்தெந்த குணங்கள் அவற்றிற்கு எதிரான குணங்களை வீழ்த்துகிறதோ, அதற்கு ஏற்றாற் போல் மூட்டுகளில் மாற்றங்கள் ஏற்பட்டு விளைவுகளை  ஏற்படுத்துகின்றன. அதனால், தங்களுடைய விஷயத்தில், உணவின் சீரான வரவால் ஏற்படுத்தப்பட்ட மூட்டுகளின் குணாதிசயங்கள், மூட்டுகளின் தாங்கக் கூடிய திறனையோ, அவை கலகலத்து வீழ்வதையோ, செயலின் மூலமாக தீர்மானிக்கக் காத்திருக்கின்றன.

இனிப்பு, புளிப்பு, உப்புச் சுவைகளினால் ஏற்றம் பெறும் மூட்டுகளின் சிலேஷக கபமானது, அதிக தூர நடையினால் வீழ்ச்சியடைகின்றது. சர்க்கரை உபாதையைக் கட்டுக்குள் வைத்திருக்க, இனிப்புச் சுவை கூடாது என்பதால், மூட்டுகளிலுள்ள கபம் இயற்கையாகவே நெய்ப்பைப் பெற முடியாமல் வறண்ட நிலைக்குத் தள்ளப்படும். அதிக தூர நடையால், வறட்சி மேலும் கூடுவதால், தாங்களுக்கு மூட்டுகளில் பெரிய ஆபத்தை ஏற்படுத்துமோ என்ற அச்சத்தைத் தோற்றுவிக்கிறது. உட்புற வழியாக வர வேண்டிய நெய்ப்பு எனும் எண்ணெய்ப் பசை வராமல் போனால், வெளிப்புற வழியாக அதைச் சம்பாதித்துக் கொள்வதே சிறந்தது. எதிர்காலப் பாதுகாப்பும் கூட. அந்தவகையில், சில ஆயுர்வேத தைலப் பூச்சுகள் உதவிடக் கூடும். 

மஹாமாஷ தைலம் எனும் உளுந்தை முக்கிய உட்பொருளாக  மூட்டுகளில் தடவி, சுமார் அரை மணி முதல் முக்கால் மணி நேரம் வரை ஊறிய பிறகு, வேறு ஒரு துணியால் துடைத்து விடுவதையோ, வெது வெதுப்பான நீரால் கழுவிவிடுவதையோ தொடர்ந்து செய்து வந்தால், மூட்டுகளின் நெய்ப்பு காப்பாற்றப்படலாம். புழுங்கலரிசியுடன், கோதுமைக் குருணை, ஜவ்வரிசி, உளுந்து, எள்ளு ஆகியவற்றைச் சம அளவில் கலந்து, கஞ்சி காய்ச்சி, அந்தக் கஞ்சியைத் தைலம் தேய்த்து ஊறிய மூட்டுகளின் மீது இதமாக உருட்டி உருட்டித் தேய்த்து சுமார் அரை மணி நேரம் ஊறிய பிறகு, கழுவிவிடுவதும் நல்லதே. இந்த முறை நீரால் கழுவிவிடுவதை விட சிறந்ததாகும்.

க்ஷீரபலா 101 எனும் கேப்ஸ்யூல் மருந்தை, காலை, மாலை வெறும் வயிற்றில் வெது வெதுப்பான பாலுடன் பருகுவதால், மூட்டுகளின் உட்பகுதியிலுள்ள வழுவழுப்பான தன்மை குறையாமல் பாதுகாக்கலாம். தொடர்ந்து சாப்பிட்டுவந்தால் தான் குணத்தை எதிர்பார்க்க முடியும்.

நடைக்குப் பிறகும் மூட்டுகளுக்கு ஓய்வு தராமல்  நடப்பதையோ, நிற்பதையோ செய்தால், தேய்மானம் விரைவில் ஏற்பட்டு, முடக்கிவிடும் என்பதால், உழைப்பிற்கு பிறகு ஓய்வு, ஓய்விற்குப் பிறகு உழைப்பு என்ற வகையில் வாழப் பழகுவதே நலம் என்று ஆயுர்வேதம் கூறுகிறது.

மது அருந்துவதால்,  ஒருவர் நோயற்ற வாழ்வை வாழ முடியும் என்று நினைப்பது மாயையே. சூடான வீர்யம் கொண்ட மது, கபத்திற்கு எதிரான குணங்களையே அதிகம் கொண்டிருப்பதால், நடையைப் போலவே, மூட்டுகளிலுள்ள கபத்தை வளரச் செய்யும். அதனால் மூட்டுகளை கலகலக்கச் செய்து வலுவிழக்கும்.

அல்சர் எனும் வயிற்றுப்புண் உபாதை உட்பகுதிகளிலுள்ள சவ்வுப்பகுதியில் ரத்தக் கசிவையும் ஏற்படுத்தக் கூடும். அதிக காரம், புளிப்பு, உப்புச்சுவை, புலால் உணவு, எண்ணெய்யில் பொரித்தவை, வயிற்றுப் புண் உபாதையை தோற்றுவிக்கக் கூடும். சந்தனாதி லேஹ்யம், அப்ரகபஸ்மம், விதார்யாதி கிருதம் போன்ற ஆயுர்வேத மருந்துகள் அல்சர் உபாதைக்குப் பயன்படுத்தத் தக்கவை.

(தொடரும்)
பேராசிரியர்  எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

 

]]>
http://images.dinamani.com/uploads/user/imagelibrary/2015/8/8/10/w600X390/drinks.jpg http://www.dinamani.com/health/health-serials/ayurvadham/2017/oct/26/அனைத்து-வியாதிகளும்-மது-அருந்தினால்-குணமாகுமா-2796298.html
2788511 தொடர்கள் ஆயுள் காக்கும் ஆயுர்வேதம் உடலிலுள்ள பூட்டுகளை கலகலக்கச் செய்வது எது? சரி செய்ய வழி உள்ளதா? டாக்டர் எஸ். சுவாமிநாதன் DIN Thursday, October 12, 2017 12:00 AM +0530 ஆயுள் காக்கும் ஆயுர்வேதம்


என் வயது 68. மணிக்கட்டில் நல்லவலி. வலி ஒரே மாதிரி ஒரே இடத்தில் இருப்பதில்லை. இன்று 2 விரல், நாளை 1 விரல், அப்புறம் மணிக்கட்டு என்று மாறுபடும். செம்பு வளையம் போட்டால் பலன் இருக்குமா? BYSONIA செடி வலிகளுக்கு நல்லது என்று அடிக்கடி உணவில் சேர்த்துக் கொள்கிறேன். வலியிலிருந்து நிவாரணம் கிடைக்க என்ன வழி?

லோகநாயகி, கோவை.

உணவில் உப்பு, புளி, காரம், மசாலா, நெய்ப்பு, சூடு, எளிதில் செரிக்காதவை, நீர்ப்பாங்கான பகுதிகளைச் சார்ந்த மாமிசம், பிண்ணாக்கு, முள்ளங்கி, கொள்ளு, உளுந்து, இறைச்சி, கரும்பு, தயிர், காரக் குழம்பு, ஒவ்வாமை வகைகள் (உதாரணம், பால், உப்பு, சூடாக்கிய தயிர்) போன்றவற்றை அதிகம் சேர்ப்பதாலும், முன் உணவு செரிமானமாகாத நிலையிலேயே அடுத்த உணவைச் சாப்பிடுவதும், கோபம், பகலில் தூங்குவது- இரவில் கண்விழிப்பது ஆகியவற்றாலும் வாதமெனும் உடல் தோஷமும், இரத்தமும் சீற்றமடைந்து, உடலிலுள்ள பூட்டுகளை கலகலக்கச் செய்து, வலியை ஏற்படுத்தும்.

உட்புறக் குடலில் எரிச்சலுடன் வாயுவைக் கிளறிவிடும் பொருட்களைச் சாப்பிட்டு, பேருந்து, இரு சக்கரவாகனம், ரயில் பிரயாணம், நெடுந்தூரம் விமானப் பயணம் போன்றவை அடிக்கடி செய்ய நேர்ந்தால், அந்த உணவுப் பொருட்கள், செரித்த நிலையில், உடனே இரத்தத்தை சூடாக்கி, சவாரியினால் ஏற்பட்ட களைப்பினால் தளர்ந்துள்ள பாதங்களின் குழாய்களில் சேருகிறது. கெட்டுப்போன சீற்றமடைந்த வாயுவினோடு, இரத்தமும் சேர்ந்து, நீங்கள் குறிப்பிடும் வகையில் உபாதையைத்தோற்றுவிக்கும்.

சிலருக்கு கால்களில் தொடங்கி, வேகமாக மற்ற பூட்டுகளில் பரவுவதை போல, வேறு சிலருக்கு, கை மணிக்கட்டில் தொடங்கி, மற்ற பூட்டுகளுக்குப் பரவும், ஓர்இடத்திலிருந்து மற்றோர்இடத்திற்கு அடிக்கடி வலி மாறிக் கொண்டேயிருப்பது, வாயுவினுடைய இயற்கையான தன்மையினால்தான்.

ஆரம்ப நிலையில் மேற்புற தாதுக்களாகிய ரஸ- ரத்த- மாமிசங்களைப் பிடிக்கும் இந்த உபாதையானது, சிகிச்சை செய்யாமலிருந்தால், ஆழமான தாதுக்களாகிய மேதஸ்- எலும்பு- மஜ்ஜை என்ற அளவில் உள் இறங்கி பெரும் துன்பத்தை விளைவிக்கும் என்று சரகர், ஸுச்ருதர் போன்ற முனிவர்கள் குறிப்பிடுகின்றனர்.

பூட்டுகளுக்கு நெய்ப்பு ஏற்படுத்தும் மூலிகை மருந்துகளாகிய இந்துகாந்தம் கிருதம், விதார்யாதி கிருதம், கல்யாண கிருதம் ஆகியவற்றில் ஒன்றை சிலகாலம் சாப்பிடக் கொடுத்து, அம் மருந்தினுடைய வீர்யமானது பூட்டுகளில் நன்கு வந்து சேர்ந்துவிட்டதற்கான அறிகுறிகளை அறிந்த பிறகு, மணிகட்டின் இரண்டு அங்குலத்திற்கு மேலாக உள்ள காரிரத்தக் குழாய்களைக் கீறி, அட்டைப்பூச்சியை வைத்து, இரத்தம் குடிக்கச் செய்து, இரத்தத்திலுள்ள கெடுதிகளை நீக்க வேண்டுமென்றும், இரத்தம் எடுப்பது சிறிய அளவில் மட்டுமே ஆனால் பல தடவை செய்ய வேண்டும் என்றும் வாக்படர் எனும் முனிவர் குறிப்பிடுகிறார். இதனால் வாயுவின் சீற்றம் ஏற்படாமல் பாதுகாக்கலாம்.

மேற்குறிப்பிட்ட சுத்தி முறைகளைச் செய்தபிறகே, மருந்துகளைச் சாப்பிட வேண்டும் என்ற குறிப்பும் ஆயுர்வேத நூல்களில் கூறப்பட்டுள்ளன.

எடுத்த எடுப்பிலேயே இன்றைய மருத்துவர்கள் சிகிச்சை செய்வதாலேயே, நோய்மாறாமல் நிற்பதாகத் தெரிகிறது. இரத்த சுத்தியும் வாயுவின் சீற்றமும் கட்டுப்படுத்திய பிறகு, பூட்டுகளில் ஏற்பட்டுள்ள வலியைக்குணப்படுத்தும் மருந்துகளாகிய ராஸ்னா ஏரண்டாதி கஷாயம், மஹாராஸ்னாதி கஷாயம், ராஸ்னா ஸப்தகம் கஷாயம், சப்தஸாரம் கஷாயம் போன்றவை சாப்பிட வேண்டும்.

அதுவும் மருத்துவர் ஆலோசனைப்படி தகுந்த மேம்பொடி எனும் கஷாயத்துடன் சேர்த்து சாப்பிடப்படும் மருந்துகளையே சாப்பிட வேண்டும். க்ஷீரவஸ்தி எனும் பால்கலந்த மூலிகைகளால், ஆஸனவாய் வழியாக உட்செலுத்தும் சிகிச்சையும் சிறப்பானதே. கந்தகபஸ்மம், கோகிலாக்ஷம் கஷாயம் உள்ளுக்குச் சாப்பிடலாம்.

பிண்ட தைலம் வெளிப்புற பூச்சுக்கு உகந்ததைலம். சதகுப்பையை புளித்த மோருடன் அல்லது பூட்டுகளில் எரிச்சல் இருந்தால், பாலுடன் அரைத்து பற்று இடலாம். நோயினுடைய தன்மைக்கேற்ப மருந்துகள் விரிவாகக் கூறப்பட்டு செம்புவளையம், BYSONIA பற்றிய விவரங்கள் அவை பற்றிய நவீன ஆராய்ச்சியாளர்கள் கருத்தை அறிவதே நலம். ஆயுர்வேதத்தில் இவை பற்றிய கருத்துகளை காணமுடியவில்லை. 

(தொடரும்)
பேராசிரியர்  எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

 

]]>
http://images.dinamani.com/uploads/user/imagelibrary/2017/10/11/w600X390/legpain.jpg http://www.dinamani.com/health/health-serials/ayurvadham/2017/oct/12/உடலிலுள்ள-பூட்டுகளை-கலகலக்கச்-செய்வது-எது-சரி-செய்ய-வழி-உள்ளதா-2788511.html
2773219 தொடர்கள் ஆயுள் காக்கும் ஆயுர்வேதம் வறட்சி... உட்புறமும் தோலிலும்! டாக்டர் எஸ். சுவாமிநாதன் DIN Thursday, September 14, 2017 10:33 AM +0530 எனக்கு உடலில் பல இடங்களில் தோல் வெடித்து காய்ந்து போய் வறண்டுவிட்டது. எண்ணெய் தேய்த்துக் குளித்துப் பழக்கமில்லை. தேய்த்துக் குளித்தால் வறட்சி நீங்கும் என என் அம்மா கூறுகிறார். உடல் உட்புற வறட்சியால் இது ஏற்படுவதாக எனக்கு தோன்றுகிறது. இதை எப்படி குணப்படுத்தலாம்? ஹீமோகுளோபின் குறைவாக உள்ளது.

-மாயா, சென்னை.

உங்களைப் போன்ற உடல் நிலையுள்ளவர்கள் வெகுநாட்கள் எண்ணெய்க்குளியல் இல்லாமலிருந்து திடீரென எண்ணெய்க் குளியல் எடுத்துக் கொள்வதானால் உடலை அதற்குத் தகுந்ததாக்கிக் கொள்ள வேண்டும். தொடர்ந்து எண்ணெய்க் குளியல் எடுத்துக் கொள்பவர்கள் கூட கடுமையான நோய், விரதம், குடும்பசூழ்நிலை, அன்புக்குரியவரின் மரணம், சோகம் முதலியவற்றால் அதனை விடநேரிடலாம். உள்ளும் புறமும் வறண்டு விடும். அப்போது "கிருஸரம்' என்ற உணவு வகையை ஆயுர்வேதம் பரிந்துரை செய்கிறது. அரிசி, உளுந்தம் பருப்பு, எள்ளு இந்த மூன்றையும் 4:2:1 என்ற அளவில் சேர்த்து, லேசாக வறுத்து பெருந்தூளாக்கிக் கொள்ளவும். இதனைக் கஞ்சியாக்கி வெல்லச் சர்க்கரை சேர்த்துக் காலையில் வெறும் வயிற்றில் சாப்பிடவும். இதனால் உடலின் உட்புற வறட்சியும் நெய்ப்பின்மையும் குறையும். உடலை எண்ணெய்குளியலுக்கு ஏற்றதாக்கும். எண்ணெய் தேய்த்துக் கொண்டால் உட்புறச் சூடு அதிகமாவதாகச் சிலர் கூறுவர். அவர்கள் இம்முறையைக் கையாண்டால் இந்த பாதிப்பு ஏற்படாது.

உடல், மனம், புலன்கள், ஆத்மா என்று நான்கு கூட்டுப் பொருள்கள் அடங்கியது வாழும் இந்த உடல். இந்த நான்கின் கூட்டையே பிராணன் என்று குறிப்பிடுவார்கள். பிராணன் உடலில் தங்கவும், பிராணனின் இயக்கம் உடலில் சரியே நடக்கவும் உடலுக்கு நெய்ப்பு தேவைப்படுகிறது. உடலில் இந்த நெய்ப்பு உள்ளவரை தான் உறுப்புகள் உரசல் இல்லாமல் மெதுவாக ஒன்கொன்று பிடிப்புடன் இருக்கின்றன. உயிரே இதனால் தான் உடலில் இருப்பதாக ஸூச்ருதர் எனும் ஆயுர்வேத முனிவர் குறிப்பிடுகிறார். அதனால் நீங்கள் எடுத்துள்ள தீர்மானம் மிகவும் சரியானது தான்.

மனிதனின் தோலில் லேசான மெழுக்குப்பூச்சு உண்டு. அதில் சேர்ந்துள்ள அழுக்கை அகற்றி, மெழுகுப்பூச்சு கரையாமல் பாதுகாக்கவே தோலுக்கு எண்ணெய் தடவுகிறோம். தோலில் எண்ணெய்ப் பதமும் தராமல் சோப்புத் தேய்த்துக் குளிக்கும் போது தோல் வறண்டுவிடுகிறது, வெடித்துவிடுகிறது, சிதில் சிதல்களாகப் பிரிந்து உதிர்கிறது. இவற்றின் விளைவுகளே தலையில் பொடுகு, உள்ளங்கால் வெடிப்பு, தோல் வறட்சி முதலியவை. அதனால் நீங்கள் எடுத்துள்ள முடிவு வரவேற்கத்தக்கதே.

ரத்த அணுக்கள் குறைவதாலும் தோல் வறட்சி, வெடிப்பு போன்றவை ஏற்படலாம். அதனால் இந்தக் குறைபாட்டை நிவர்த்தி செய்ய நெய்யில் காய்ச்சப்பட்ட மூலிகை மருந்துகளைத்தான் முதலில் கொடுக்க வேண்டும் என்று ஆயுர்வேதம் வலியுறுத்துகிறது. உடல் நிலைக்குத் தக்கவாறு தாடிமாதிகிருதம், திக்தகம்கிருதம், பஞ்சகவ்யம் கிருதம் போன்றவற்றில் ஒன்றை நோயாளி அருந்த வேண்டும் என்று கூறப்பட்டுள்ளது. நெய்ப்பினுடைய வரவு உடலில் நன்கு உணரப்பட்டதும், உலர் திராட்சையை தண்ணீரில் இரவு முழுவதும் ஊறவைத்து, மறுநாள் காலை கசக்கிப்பிழிந்து வடிகட்டி, நோயாளியை குடிக்கச் செய்து பேதி செய்ய வேண்டும் என்றும், அதன் பிறகே ரத்த அணுக்களின் வளர்ச்சிக்கு உதவிடும் கஷாயங்களும் சூரணங்களும் மாத்திரைகளும் பரிந்துரைக்கப்படுகின்றன.

திராஷாதி லேஹ்யம், சியவனப்பிராஸம் லேஹ்யம், தசமூலஹரீதகீ லேஹ்யம் போன்ற நெய்ப்பு தரும் மருந்துகள் மூலமாகவும் குடல் உட்புற வறட்சியை நீக்கி அதன் வழியாக தோலில் ஏற்பட்டுள்ள வெடிப்பு, வறட்சி போன்ற உபாதைகளையெல்லாம் நீக்கிக் கொள்ளலாம். ஆயுர்வேத மூலிகை எண்ணெய் மருந்துகளாகிய மஹாமாஷ தைலம், தான்வன்திரம் தைலம், பிரபஞ்சன விமர்தனம் குழம்பு ஆகியவற்றில் ஒன்றிரண்டை கலந்து உடலில் வெதுவெதுப்பாகத் தேய்த்துக் குளிப்பதின் மூலமாகவும் தோல் வறட்சியைக் குறைக்க முடியும்.

தேங்காய்ப்பால், எள்ளு, உளுந்து போன்ற நெய்ப்பு தரும் பொருட்களை உணவில் சற்று அதிகமாகச் சேர்த்தால் உட்புற வறட்சியை நீக்கிக் கொள்ளலாம். வறட்சி தரும் கசப்புச் சுவை, காரம், துவர்ப்புச் சுவைகளைக் குறைப்பது நல்லது. "தைலதாரா' எனப்படும் பிரசித்தி பெற்ற சிகிச்சை தற்சமயம் ஆயுர்வேத மருத்துவமனைகளில் செய்யப்படுகிறது. தோலில் மென்மையை ஏற்படுத்தி வலுவூட்டும் இந்த முறை தங்களுக்கு நல்ல பலனைத் தரலாம்.

(தொடரும்)

]]>
http://images.dinamani.com/uploads/user/imagelibrary/2017/9/6/w600X390/coconut_oil.jpg http://www.dinamani.com/health/health-serials/ayurvadham/2017/sep/14/றட்சி-உட்புறமும்-தோலிலும்-2773219.html
2749736 தொடர்கள் ஆயுள் காக்கும் ஆயுர்வேதம் ஆயுர்வேதத்தில் கண் நோய்க்கு மருந்து! டாக்டர் எஸ். சுவாமிநாதன் DIN Thursday, August 3, 2017 12:00 AM +0530 எனது பேத்தியின் வயது 10. பிறந்த சில வருடங்களில் NYSTAGMUS-SQUINT EYES கண்டறியப்பட்டு அறுவை சிகிச்சை தான் வழி என கண்மருத்துவமனையில் கருத்து கூறியுள்ளனர். ஆயுர்வேத மருத்துவத்தால் குணப்படுத்த இயலுமா?
-த. நாகராஜன், சிவகாசி.

கழுத்திற்கு மேற்பட்ட, தொண்டை மற்றும் தலையைச் சார்ந்த உபாதைகளில் "நஸ்யம்' எனும் மூக்கினுள் மருந்து விடும் முறையே மிகவும் நல்லது என்று ஆயுர்வேதம் குறிப்பிடுகிறது. தலைக்கு மருந்தை நேரடியாக எடுத்துச் செல்லும் ஒரே வழியானது மூக்கினுள் அமைந்துள்ள வெற்றிடப்பாதை என்பதாலேயே அதற்கு இத்தனை சிறப்பு. மூன்று வகையான நஸ்யப் பிரயோகங்களாகிய "விரேசனம்',  "ப்ரம்ஹனம்',  "சமனம்' ஆகியவற்றில் தங்களுடைய பேத்திக்கு எதைத் தேர்ந்தெடுத்துச் செயல்படுத்துவது என்பதை மருத்துவரால் மட்டுமே கூற இயலும். இம்மூன்றிலும் ப்ரம்ஹணம் எனும் நஸ்யப்பிரயோகம் பற்றிய வர்ணணையில் - வாதத்தினுடைய ஆதிக்கத்தால் ஏற்படும் தலைவலிக்கும், சூர்யாவர்த்தம் எனும் வெயில் ஏற ஏற உண்டாகும் தலை வலிக்கும்,  குரல்வளை குன்றிய நிலையில் பேசமுடியாமல் அவதியுறும் நபர்களுக்கும், மூக்கு உட்புறம் வறண்டு போவதிலும், வாய் வறண்டு போகும் நிலையிலும், திக்கு வாயிலும், கண் இமைகள் பிரித்து விரிக்க முடியாத உபாதையிலும், தோள் பட்டை சதை காய்ந்து போவதால் கைகளை உயர்த்த முடியாத கஷ்டத்திற்கும் நல்ல பலனை உண்டாக்கக்கூடியது என்று கூறப்படுகிறது. இந்த ப்ரம்ஹண நஸ்யம் தங்களுடைய பேத்திக்கு குணமளிக்க ஏதேனும் வாய்ப்பிருக்கிறதா? என்று முயற்சி செய்து பார்க்கலாம்.

கண் உபாதைக்குத் தக்கவாறு மருந்துகளைத் தேர்வு செய்து தயாரிக்கப்பட்ட கொழுப்பு அல்லது நெய் மருந்துகள், மருந்துகளை அரைத்து உருண்டையாக்கி அந்த கொழுப்பு அல்லது நெய் மருந்துகளுடன் கலந்து உசிதமான கஷாயமும் சேர்த்து, ஆடு, முயல், வெள்ளை நிறப்பன்றி, அவற்றின் இரத்தம் ஆகியவை கலந்து கூட்டாக சேர்த்து செய்யப்படும் ப்ரம்ஹண நஸ்யம் பயன்படுத்த உகந்ததாகும்.

மேற்குறிப்பிட்ட மூக்கில் மருந்துவிடும் முறையால், கண்களைச் சார்ந்த அழுக்குகள் ஏதேனும் இருந்தால், நெகிழ வாய்ப்பிருக்கிறது. அதைச்  சரி செய்து கொள்ள திரிபலை எனும் கடுக்காய், நெல்லிக்காய், தான்றிக்காய் ஆகியவற்றைக் கொண்டு தயாரிக்கப்படும் திரவமான மருந்தை கண்ணில் சிறிது தாரையாக ஊற்றுவது, ஆச்யோதனம் எனும் சிகிச்சை முறையாகும். இதனால் கண்ணில் உண்டாகும் வலி, குத்தல், அரிப்பு, உறுத்தல், நீர்க்கசிவு, அழற்சி, சிவப்பு ஆகியவை நீங்கும்.

அஞ்சனம் எனும் கண்களில் மை எழுதுதல் எனும் சிகிச்சை முறையும் ஆயுர்வேதம் கண் நோய்களுக்கான பிரச்னைகளுக்குத் தீர்வு தரக்கூடியது என்றும் கூறுகிறது. கண்ணில் ஏற்படும் வீக்கம், அதிக அரிப்பு, பிசுபிசுப்பு, உறுத்தல், கசிவு, சிவப்பு இவை குறைந்து பீளை அதிகரித்தல், பித்தம், கபம், இரத்தம் மற்றும் விசேஷமாக வாயுவால் ஏற்பட்ட உபாதைகள் ஆகியவற்றில் நல்ல பலனைத் தரக்கூடியது.

மேற்குறிப்பிட்ட ஆச்யோதன அஞ்சன பிரயோகங்களால் கண்களுக்கு பலக்குறைவு ஏற்படலாம். அது நீங்க தர்ப்பண புடபாகம் எனும் சிகிச்சை முறைகளாலும் கண்களுக்கு வலுவூட்டலாம். கண்கள் வாட்டமடைதல், தம்பித்தல், காய்ந்திருத்தல், வடுபோதல், அடிபட்டிருத்தல், வாத பித்த தோஷங்களால் வருத்தமடைதல், கண்கள் வளைந்திருத்தல், இமைமயிர் உதிர்தல், கலங்கிய பார்வை, சிரமப்பட்டு கண்விழித்தல், வெண்பகுதியில் சிவந்த கோடுகளுடன் வீக்கம், வேதனை, எரிச்சல் காணப்படுதல், எந்நேரமும் கண்ணீர் ஒழுகுதல், கண்பார்வை மங்குதல், வெண்பகுதியில் சிவப்புப்புள்ளி காணப்படுதல், கண்கூசுதல், மென்னி, கண்பொட்டு அல்லது மற்ற இடங்களிலிருந்து கண்ணில் வேதனையைத்தோற்றுவித்தல், புருவத்திலும் கண்ணிலும் வாயு மாற்றி மாற்றிச் சென்று விசேஷமாகக் கடுமையான வேதனை, குத்தல், கிளர்ச்சி  இவை அடங்கிய நிலையில் யவை எனப்படும் வாற்கோதுமையுடன் உளுந்து சேர்த்து அரைத்து, கண்களில் வெளிப்புறத்தில் இரண்டு அங்குல உயரத்திற்கு சமமாக வரம்பு ஒன்று உறுதியாக அமைத்து, நோய்களுக்கு ஏற்றவாறு தயாரிக்கப்பட்ட நெய்யை நீராவியில் உருக்கி, கண்களை மூடச் செய்து ஊற்றுவதால் பேத்திக்கு நிவாரணம் கிடைக்குமா என்பதை செய்து பார்த்தால்தான் தெரிய  வாய்ப்பிருக்கிறது. 

கண்களை வலுப்படுத்துவதற்கான சில விசேஷ பயிற்சி முறைகளும் உள்ளன. அவற்றையும் சற்று நிதானமாகச் சொல்லிக் கொடுத்து தொடர்ந்து முயற்சி செய்துவந்தாலும் முன்னேற்றம் ஏற்பட வாய்ப்புள்ளது. ஒருசில மருந்துகளை உள்ளுக்குச் சாப்பிட்டு, முன் குறிப்பிட்ட சிகிச்சை முறைகளையும் செய்வதால், கண்சார்ந்த உபாதைகளுக்கு நல்ல நிவாரணம் கிடைக்கலாம். இவை அனைத்தும் செய்து குணமடையாவிட்டால், அறுவை சிகிச்சையைத் தவிர வேறு வழி இருப்பதாகத் தெரியவில்லை. 
(தொடரும்)
பேராசிரியர்  எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

 

]]>
http://images.dinamani.com/uploads/user/imagelibrary/2016/9/3/w600X390/child-eye.jpg http://www.dinamani.com/health/health-serials/ayurvadham/2017/aug/03/ஆயுர்வேதத்தில்-கண்-நோய்க்கு-மருந்து-2749736.html
2745116 தொடர்கள் ஆயுள் காக்கும் ஆயுர்வேதம் இந்துப்பின் மருத்துவ குணங்கள் பற்றி அறியலாம்! டாக்டர் எஸ். சுவாமிநாதன் DIN Thursday, July 27, 2017 04:32 PM +0530 'சேந்தாநமக்' என்ற பெயரில் தற்சமயம் ஓர் உப்பு விற்கப்படுகிறது. விசாரித்ததில் அது  இந்துப்பு என்று கடையில் கூறினார்கள். இந்துப்பைப் பற்றிய விவரம் ஆயுர்வேதத்தில் கூறப்பட்டுள்ளதா? இதன் மருத்துவகுணங்கள் எவை? மற்ற உப்புகளிலிருந்து இது எவ்வாறு மாறுபடுகிறது? 

- கோ.ஸ்ரீதர், காஞ்சிபுரம்.

"அஷ்டாங்கஹ்ருதயம்' எனும் ஆயுர்வேதநூலில் உப்பினுடைய பொது குணம் பற்றிய வர்ணனையில் எல்லா உப்புக்களும் கபத்தை இளக்கும், உட்புறக் குழாய்களில் துளைத்துக் கொண்டு ஊடுருவிச் செல்லும் தன்மை உடையவை. மலச்சிக்கல் உபாதையைப் போக்கக் கூடியவை. மிருதுவான தன்மையுடையவை. குடல் வாயுவைக் கட்டுப்படுத்தும். எளிதில் செரிக்கும். சூடான வீரியம் கொண்டவை. நாக்கிலுள்ள ருசிக்கோளங்களைத் திறந்து ருசியை உண்டு பண்ணுபவை என்றும், கபம் மற்றும் பித்த தோஷங்களைத் தூண்டிவிடும் தன்மை உடையவை என்றும் கூறப்பட்டுள்ளது. 

நீங்கள் குறிப்பிடும் சேந்தாநமக் எனும் இந்துப்பானது,  சிறிது இனிப்பான சுவையுடையது. ஆண்மையைப் பெருக்கும். இதயத்திற்கு நன்மை செய்யும். மூன்று தோஷங்களாகிய வாத, பித்த, கபங்களைப் போக்கும். எளிதில் செரிக்கும். சிறிதே உஷ்ணவீரியம் உள்ளது. நெஞ்சு எரிச்சலை ஏற்படுத்தாது. பசியைத் தூண்டிவிடும் என்றும் கூறப்பட்டுள்ளது. மற்ற உப்புக்களை விட இந்துப்பு கண்களுக்கு நல்லது. ஆயுர்வேதத்தில் பல மூலிகை மருந்து தயாரிப்புகளில் இந்த இந்துப்பு சேர்க்கப்படுகிறது. இதனால் அந்த மருந்தினுடைய வீரியமானது வேகமாக உட்புற உடலில் எடுத்துச் செல்லப்பட்டு வேலை செய்வதற்கு உதவுகிறது.

உதாரணத்திற்கு ஹிங்குவசாதி எனும் சூரணமருந்தில் இந்துப்பு சேர்க்கப்படுகிறது. இதனால் இதய உபாதைகள், விலாவலி, கழுத்தினுடைய குருத்தெலும்பு மற்றும் இடுப்பிலுள்ள வில்லைகளில் ஏற்படும் வலி ஆகியவற்றை இந்த சூரணமருந்து நீக்குகிறது. மாதவிடாயின் பொழுது ஏற்படும் கருப்பை வலி மேலும் ஆசனவாய் வலி, வாயு மற்றும் கபங்களால் ஏற்படும் குடல் உபாதைகள் ஆகியவற்றை நீக்கும். மலம் மற்றும் சிறுநீரை விடுவிக்கும் தன்மையுடையது. நெஞ்சுபிடிப்பு, சோகை, உணவில் விருப்பமின்மை, மூலம், விக்கல், விதைவாதம், மூச்சிரைப்பு, இருமல், பசியின்மை ஆகியவற்றை குணப்படுத்தும் தன்மை இந்துப்பினால் மேம்படுத்தப்படுகிறது. 

நாக்கில் ருசி, பசி ஆகியவை இல்லாமல் குடல் வாயுவினாலும், மலச்சிக்கலினாலும் அவதியுறும் நபர்களுக்கு கந்தர்வஹஸ்தாதி எனும் கஷாயம் கொடுக்கப்படும் தறுவாயில் அதில் இந்துப்பும், வெல்லமும் ஒரு சிட்டிகைச் சேர்த்துக் கொடுக்கப்படுவதால் மருந்தினுடைய செயல்பாடானது குடலில் துரிதப்படுத்தப்படுகிறது. சிரிவில்வாதி எனும் கஷாயம் வெளிமூலம் மற்றும் உள்மூல பிரச்னைகளுக்குக் கொடுக்கப்படும்போது இந்துப்பு சேர்த்தே கொடுப்பது வழக்கம். இதனால் மூலத்தில் ஏற்படும் வலி, மலச்சிக்கல் ஆகியவை விரைவில் நீங்குவதோடு பசியும் நன்றாக எடுக்கத் தொடங்கும். 

வைஷ்வானரம் எனும் சூரண மருந்திலும் இந்துப்பு ஒரு முக்கிய மருந்தாகச் சேர்க்கப்படுகிறது. அரை, ஒரு ஸ்பூன் இந்த சூரண மருந்தை சிறிது வெந்நீருடன் கலந்து காலை, இரவு உணவிற்கு அரைமணி முன் சாப்பிடுவதால் குடல் சார்ந்த வாயு உபாதைகள் பசியின்மை, மலச்சிக்கல் போன்றவை நீக்கப்பட்டு உடலின் ஆரோக்கியத்தை மேம்படுத்துகிறது. அதுபோலவே, அஷ்டசூரணம் எனும் ஆயுர்வேத மருந்திலும் இந்துப்புச் சேர்க்கப்படுவதால் குடலில் வாயு  பந்து போன்று உருண்டு ஒருபகுதியில் உந்தப்பட்டு பெரிதாகக் காணப்படும் உபாதையையும்,  பசியின்மையையும் குணப்படுத்துவதில் பெரும் பங்கு வகிக்கிறது. 

இந்துப்பு தற்சமயம் சுத்திகரிக்கப்பட்டு விற்பனைக்கு கடைகளில் கிடைக்கிறது. இதை பழங்களை நறுக்கி அதில் தூவியும் சாப்பிடலாம். பழங்களால் ஏற்படும் குளிர்ச்சியும், கனமான தன்மையும் இந்துப்பினால் நீக்கப்பட்டு விரைவில் செரிமானத்திற்கு உதவுகிறது. கண்களுக்கு நல்லது என்பதால் பல ஆயுர்வேதக் கண்சொட்டு மருந்துகளிலும் இந்துப்பு சேர்க்கப்பட்டே தயாரிக்கப்படுகின்றன. ஒரு சிட்டிகை இந்துப்பைச் சூடாக்கப்பட்ட மூலிகைத் தைலங்களில் சேர்த்து நன்றாகக் கரைத்து அதன் பின்னர் வலியுள்ள மூட்டு போன்ற பகுதிகளில் தடவினால்,  சிறந்த வலிநிவாரணியாக அந்தத் தைலம் செயல்படும். 

(தொடரும்)
பேராசிரியர்  எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை -  600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2013/3/13/13/w600X390/ayurveda.png http://www.dinamani.com/health/health-serials/ayurvadham/2017/jul/27/இந்துப்பின்-மருத்துவ-குணங்கள்-பற்றி-அறியலாம்-2745116.html
2715506 தொடர்கள் ஆயுள் காக்கும் ஆயுர்வேதம் உண்ணாதீர்கள்... பகைப் பொருட்களை! டாக்டர் எஸ். சுவாமிநாதன் DIN Thursday, June 8, 2017 12:00 AM +0530 பாலுடன் மீன், உளுந்துடன் தயிர், இரவில் தயிர், உப்புடன் பால்பொருட்கள் போன்றவை பகைப்பொருட்கள் என்று எழுதியிருந்தீர்கள். அப்படி சாப்பிட்டால் உடலில் என்ன நேரும்? என்னென்ன வியாதிகள் வரும்? ஏனெனில் என் மனைவி (5 அடி 90 கிலோ), மகன் (5. 6 அடி எடை 105கிலோ) இருவரும் இரவிலும் பகலிலும் இட்லி, தோசை, சப்பாத்தியுடன் கெட்டித்தயிர் இல்லாமல் சாப்பிடுவது இல்லை. இதனால் என்ன கெடுதிகள் ஏற்படும்?  

சந்தான கோபாலன், சென்னை-8.

ஒன்றோடு ஒன்று சேராத உணவுப்பொருட்களைச் சாப்பிடும் போது அவை பகைப் பொருட்கள் என்ற பெயரில் அழைக்கப்படுகின்றன. அவற்றை உண்ணும்போது - உடலில் உள்ள தோஷங்களாகிய வாத- பித்த- கபங்களை அவை இருக்கும் இடத்திலிருந்து நெகிழ வைத்துக் கிளறி விட்டு அதை முற்றிலும் வெளிப்படுத்தாமல் உடலிலேயே தேக்கி வைக்கும் பொருள்களே பகைப்பொருட்கள் எனப்படும். அந்த பொருட்கள், மனிதர்களுக்கு ஆதாரமாகி உடலின் நிலையை நிறுத்தக் கூடிய ஏழு தாதுக்களான- ரஸம், ரக்தம், மாமிசம், மேதஸ், எலும்பு, மஜ்ஜை, மற்றும் விந்து ஆகியவற்றிற்கு எதிரிடையானவை. இரு உணவுப்பொருட்களின் சக்தி வாய்ந்த பரஸ்பர குணங்கள் ஒன்றுக்கொன்று விஷமமாயிருந்தால் (எதிரிடையானது), சமமாயிருத்தல் (மாறுபடாத ஒரே தன்மையுடையது),

சிலகுணங்கள் சமமாகவும், சில விஷமமாகவும் கலந்திருத்தல், மேலும், செய்முறை, அளவு, தேசம், காலம், சேர்க்கை அதுபோல் இயற்கையாகவே ஒவ்வாதிருத்தல் ஆகிய காரணங்களால் பகைமை ஏற்படுகிறது. 

 இவற்றிற்கு உதாரணமாக - பால், கொள்ளுடன் விஷம குணம் கொண்டிருப்பதால் பகையாகிறது. பால், பலாப்பழத்துடன் சம குணங்களால் பகையாகிறது. பால், மீனுடன் சில விஷமமாகவும் சில சமமாகவுமுள்ள குணங்களால் பகையாகிறது.

தயிரைச் சூடாக்குவது செய்முறையால் பகை குணமாகும். சம அளவில் தேனும் நெய்யும் சேர்ப்பது அளவால் எதிரிடையானது. உவர்ப்பு நிலமும் நீரும் தேசத்தால் ஒன்றுக்கொன்று ஒவ்வாதவை. இரவில் சத்துமாவைப் புசிப்பது காலத்தால் தீமையானது. இதே சத்துமாவை இடை இடையே நீர் அருந்திச் சாப்பிட்டால் சேர்க்கையால் பகைகுணமாகிறது. இயற்கையாகவே வாற்கோதுமை அல்லது பார்லியைத் தனியாக சமைத்துப் புசித்தாலும் கேடுவிளைவிக்கும்.

 பகைமையிலுள்ள பொருட்களாலான உணவு, வைசூரி, உடல்வீக்கம், வெறி, பெரியகட்டி, குன்மம், எலும்புருக்கி நோய் போன்றவை ஏற்படுத்தும். உடல் ஒளி, வலிமை, நினைவாற்றல், அறிவுப்புலன், மனோபலம் ஆகியவற்றை அழித்து, காய்ச்சல். இரத்தக்கசிவு, எண்வகைப் பெருநோய்களான- வாதநோய், மூலம், குஷ்டம், நீரிழிவு, பவுத்திரம், நீர்ப்பீலிகை, கிராணி, நீரடைப்பு ஆகியவற்றைத் தோற்றுவிக்கும். நஞ்சைப் போல உயிரையும் மாய்க்கும்.

 மேற்குறிப்பிட்ட உபாதைகளை நீக்குவதற்குத்தக்க மருந்துகளைப் பயன் படுத்தி, வாந்தி செய்வித்தல், பேதிக்குக் கொடுத்தல் போன்றவற்றை விரைவில் செய்து, உடலைச் சுத்தம் செய்ய வேண்டும், அல்லது அத்தகைய பகைமைப் பொருட்களுக்கு எதிரிடையான பொருட்களால் நோயைத் தணிக்கச் செய்வது அல்லது அந்தப்பொருட்களைக் கொண்டே முன்னதாக உடலைப் பண்படுத்த வேண்டும் என்று ஆயுர்வேதம் அறிவுறுத்துகிறது. 

பகைப்பொருட்களும் சிலருக்கு தீமையை உண்டு பண்ணுவதில்லை. உடற்பயிற்சி செய்பவர்கள், எண்ணெய்ப் பசையுண்டாக்கும் சிகிச்சை செய்து கொண்டவர்கள், பசித்தீ நன்கு வேலை செய்கின்ற நிலையிலுள்ளவர்கள், நடுவயதை உடையவர்கள், நல்ல உடல் வலிமை பெற்றவர்கள் இவர்கள் விஷயத்தில் பகைப்பொருட்கள் தீங்கை விளைவிப்பதில்லை. அதுபோலவே உடலுக்கு ஏற்ற உணவும், அளவில் குறைந்த உணவும் கூட விரோதகுணம் உள்ளதாயினும் கெடுதலைத் தருவதில்லை.

தீங்கிழைக்கும்  இயல்புள்ள பொருட்களை உண்ணும் பழக்கத்தை நீக்க, முன்பு உண்ட பொருளில் நாலில் ஒரு பங்கை அல்லது சிறிது சிறிதாகக் குறைத்து அதற்குப் பதிலாக நன்மை பயக்கும் பொருட்களைப் பயன்படுத்த வேண்டும். அப்படியே இடையில் ஒரு நாள், இரண்டு நாள், மூன்று நாள் என முறையே விட்டுவிட்டு பழக்கப்படுத்திக் கொள்ள வேண்டும். இதனால் தோஷங்கள் விலகிக் குணங்கள் வளர்கின்றன. தீங்கும் ஏற்படுவதில்லை.
(தொடரும்)

பேராசிரியர்  எஸ். சுவாமிநாதன்,
ஸ்ரீஜயேந்திர சரஸ்வதி ஆயுர்வேதக் கல்லூரி, 
நசரத்பேட்டை - 600 123 (பூந்தமல்லி அருகே)
செல் : 94444 41771

]]>
http://images.dinamani.com/uploads/user/imagelibrary/2016/9/5/w600X390/vegetables_and_fruits.jpg http://www.dinamani.com/health/health-serials/ayurvadham/2017/jun/08/உண்ணாதீர்கள்-பகைப்-பொருட்களை-2715506.html
2559959 தொடர்கள் ஆயுள் காக்கும் ஆயுர்வேதம் அரிப்புக்குக் காரணம்... உட்புறக் கழிவுகள்! டாக்டர் எஸ். சுவாமிநாதன் DIN Monday, September 26, 2016 04:07 PM +0530 என் வயது 71. ஓய்வூதியர். இரண்டு கை மணிக்கட்டு, புறங்கைப் பகுதிகளில் அரிப்பு அதிகமாக இருக்கிறது. பிடறியிலும் அதே அறிகுறி உள்ளது. இதற்கான சிகிச்சைமுறையைத் தெரிவிக்க வேண்டுகிறேன்.
 த.நாகராஜன், சிவகாசி.

வயோதிகத்தில் உப்புசத்து உடலில் அதிகரிக்க வாய்ப்பிருக்கிறது. சிறுநீரகங்களின் வழியாக வெளியேற வேண்டிய தேவையற்ற உப்பு மற்றும் தாதுப்பொருட்கள் தேக்கமடைந்தால் அது உடலில் எந்த பகுதி தளர்ந்திருக்கிறதோ, அந்தப் பகுதியில் குடிகொண்டு அரிப்பை ஏற்படுத்தும். அதனால் வெளிப்புறப்பூச்சுகள் மட்டும் இதில் பயன்பெறுவதில்லை. திரிதோஷங்களாகிய வாத, பித்த, கபங்களின் சமச்சீரான நிலையில் நோய்கள் ஏதும் தோன்றுவதில்லை என்றும், அவற்றில் ஏற்படும் ஏற்றமும் இறக்கமுமே நோயாக மாறுவதாக ஆயுர்வேதம் குறிப்பிடுகிறது. அந்தவகையில் வாயு அதிகரிக்கக் கூடிய வயதில் தங்களுக்கு கபத்தினுடைய சேர்க்கையும் சேருமானால் அதுவே தோலில் அரிப்பை ஏற்படுத்தக் கூடும். இவ்விரு தோஷங்களையும் சமநிலைப்படுத்தக் கூடிய ஏலாதி என்ற பெயரிலுள்ள தைல மருந்தை காலை, மாலை இருவேளை வெளிப்புறப் பூச்சாகப் பயன்படுத்தி சுமார் அரை  மணிநேரம் ஊற வைத்து ஏலாதி சூரணம் என்ற மருந்துடன் கடலை மாவு கலந்து தயிர் மேலில் நிற்கக் கூடிய தண்ணீருடன் குழைத்து அந்த எண்ணெய்ப் பசையை அகற்றுவதற்காக நீங்கள் பயன்படுத்தலாம்.

உட்புற உறுப்புகளின் செயல்திறன்பாடானது குறையும் பட்சத்தில் இந்த உபாதை தோல்புறத்தில் பிரதிபலிக்கலாம். அதிலும் முக்கியமாக குடலின் உட்புற சவ்வுகளில் தேங்கும் அழுக்கினால் தோல் அரிப்பு ஏற்படும் என்றும் ஒரு வினோதமான குறிப்பை ஆயுர்வேதம் வெளிப்படுத்துகிறது. அதனால் குடல் சுத்தம் தாதுக்களில் படிந்துள்ள கண்ணுக்குத் தெரியாத அழுக்குகள், மலம், சிறுநீர், வியர்வை ஆகிய பகுதிகளைத் தாங்கக் கூடிய பை மற்றும் குழாய்களில் படியும் படிவங்களையும் நீக்கினால் வெளிப்புறத்தில் ஏற்பட்டுள்ள தோல் அரிப்பானது மறைந்துவிடும். குடல் சுத்தத்தை நேரடியாகச் செய்யக்கூடாது என்ற நியமம் இருப்பதால் ஆயுர்வேத மூலிகை நெய் மருந்தாகிய திக்தம் அல்லது மஹாதிக்தகம் ஆகியவற்றில் ஒன்றை சுமார் பதினைந்து மில்லி லிட்டர் காலை, மாலை வெறும் வயிற்றில் 48 நாட்கள் சாப்பிட உட்புறபடிவங்களை நெகிழ வைத்து அவற்றைக் குடலுக்குக் கொண்டு வரக்கூடிய அளவிற்கு இந்த நெய் மருந்துகள் மாற்றித் தரும். நெருப்பினுடைய சம்பந்தமில்லாமல் வியர்வையை வரவழைக்கக் கூடிய கம்பளியைப் போர்த்திக் கொள்ளுதல், வேகமான நடைப் பயிற்சி, சிலம்பாட்டம் போன்றவற்றின் மூலமாக நன்றாக வியர்வையை உடலில் ஏற்படுத்தி அதன்மூலம் உட்புறக் கழிவுகளை திரவமாக்கி குடல் உட்புறப் பகுதிகளில் விரைவாக எடுத்துச் செல்லும் வழியை இந்த வியர்வையின் மூலமாகப் பெறலாம். குடல் பகுதியில் குவிந்துள்ள அழுக்குகளை ஆசனவாய் வழியாக நீர்பேதியாக வெளியேற்றும் த்ரிவிருத் லேஹ்யம், அவிபத்தி சூரணம், மிஸ்ரகஸ்நேஹம், மாணிபத்ரம் குடம் போன்றவற்றில் ஒன்றை மருத்துவர் ஆலோசனைப்படி சாப்பிட்டு அதன் மூலம் பெறும் குடல் சுத்தமானது தோலில் ஏற்பட்டுள்ள அரிப்பை நீக்குவதற்கான சிறந்த சிகிச்சை முறையாகும். அரிப்பு குறைந்தாலும், வேப்பெண்ணெய்யைச் சிறிதுகாலம் இளஞ்சூடாக அரிப்பு ஏற்பட்டுள்ள பகுதியில் பூசி அரை முக்கால் மணிநேரம் ஊறிய பிறகு குளிக்கலாம்.

 உணவில் புளித்த தயிர், கத்தரிக்காய், நல்லெண்ணெய், கடுகு, உளுந்து சேர்க்கக் கூடிய இட்லி, தோசை, வடை, புலால் உணவு, பகல் தூக்கம், கனமான பொருட்களாகிய மைதா, பன்-பட்டர்-ஜாம், பிஸ்கட்டுகள், இனிப்பு வகைகள் ஆகியவை தவிர்க்கப்பட வேண்டியவை. குடிக்கக்கூடிய தண்ணீரையும் ஒரு மூலிகைத் தண்ணீராக மாற்றினால் சிறப்பாக அமையும். அந்தவகையில் கருங்காலிக் கட்டை, சரக்கொன்றைப்பட்டை, நன்னாரிவேர்ப்பட்டை ஆகியவற்றை வகைக்கு ஐந்து கிராம் வீதம் எடுத்து ஒரு லிட்டர் தண்ணீரில் கொதிக்க வைத்து அரை லிட்டராகக் குறுக்கி வடிகட்டி ஒருநாளில் பலதடவை சிறுகச் சிறுகப் பருகுவதால் குடல் உட்புற சுத்தம் பெறுவதுடன் இரத்தமும் சுத்தமாகும். அங்குமிங்கும் ஒட்டியிருக்கக் கூடிய கபதோஷத்தின் குணங்களாகிய நெய்ப்பு, குளிர்ச்சி, கனம், மந்தம் போன்ற குணங்களுக்கு நேரெதிராகச் செயல்பட்டு அவற்றை நீர்க்கச் செய்து சிறுநீர் மலம் மற்றும் வியர்வையின் மூலமாக இந்த தண்ணீரே வெளியேற்றிவிடும் சிறப்பு வாய்ந்தது. நால்பாமரப்பட்டை எனப்படும் ஆலம்பட்டை, அரசம்பட்டை, அத்திப்பட்டை, இத்திப்பட்டை மற்றும் வேப்பம்பட்டை, புங்கம்பட்டை, ஏழிலம்பாலைப்பட்டை, வில்வமரப்பட்டை ஆகியவற்றைக் கொண்டு தயாரிக்கப்பட்ட தண்ணீரை, குளிப்பதற்காக பயன்படுத்தினால் அரிப்பு குறைவது திண்ணம்.
 (தொடரும்)

 பேராசிரியர் எஸ். சுவாமிநாதன்,
 ஸ்ரீஜயேந்திர சரஸ்வதி ஆயுர்வேதக் கல்லூரி,
 நசரத்பேட்டை - 600 123 (பூந்தமல்லி அருகே)
 செல் : 94444 41771
 
 

]]>
http://images.dinamani.com/uploads/user/imagelibrary/2016/8/30/w600X390/ayurveda1.jpg http://www.dinamani.com/health/health-serials/ayurvadham/2016/sep/06/அரிப்புக்குக்-காரணம்-உட்புறக்-கழிவுகள்-2559959.html