Dinamani - கண்டேன் புதையலை - http://www.dinamani.com/health/health-serials/kandaen-pudhaiyalai/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2784285 தொடர்கள் கண்டேன் புதையலை புதையல் 36 பிரியசகி DIN Saturday, September 30, 2017 10:00 AM +0530 மகிழ்ச்சியெனும் புதையல்!

(படித்து நல்ல வேலைக்குச் சென்று தன் தாயை நன்றாகப் பார்த்து கொள்ள வேண்டுமென்பதே தன் குறிக்கோள் என்று கூறிய விஷ்ணுவிடம் அறிவொளி குறிக்கோள் என்பது சுயநலம் சார்ந்ததாக மட்டும் இருக்கக் கூடாது என்றும் அது எப்படிப்பட்டதாக இருக்க வேண்டும் என்றும் விளக்கலானார்)

அறிவொளி : குறிக்கோள் என்பது தனக்கு மட்டுமோ தன்னைச் சார்ந்தவர்களுக்கு மட்டுமோ நன்மை தருவதாக இல்லாமல் இந்த சமுதாயத்துக்கு உதவக் கூடியதா இருக்கணும். ஒரு முறை இறையன்பு ஐ.ஏ.எஸ் அவர்கள் ஒரு கூட்டத்தில் பேசியதை  கேட்டேன். 'இளங்கலை பட்டப்படிப்புக்காக கல்லூரியில் நுழைந்த போது ஐ.ஏ.எஸ் ஆக வேண்டுமென்ற நோக்கமெல்லாம் எனக்கு கிடையாது. ஆனால் சமுதாயத்துக்கு பயன்படும் வகையில் ஏதாவது செய்ய வேண்டும் என்ற நல்ல எண்ணம் மட்டும் இருந்தது. அந்த எண்ணம் தான் என்னை ஐ.ஏ.எஸ் ஆக்கியது. ஆனால் ஐ.ஏ.எஸ் ஆகி நிறைய சம்பாதித்து நன்றாக வாழ்க்கையில் செட்டிலாக வேண்டும் என்று சுயநலமான குறிக்கோளோடு கல்லூரிக்குள் நுழைந்த யாருமே ஐ.ஏ.எஸ் ஆகவில்லை', என்றார். 

நம் எண்ணங்கள் மேலானதாக  குறிக்கோள் உயர்வானதாக  இருக்கும் போது அதை அடையத் தேவையான எல்லா உதவிகளும் இந்த உலகத்தில் எந்த முலையிலிருந்தாவது நமக்குக் கிடைச்சுடும் என்பதை நானே என் வாழ்க்கையில் அனுபவப்பூர்வமாக உணர்த்தியிருக்கிறேன்.

கார்த்திக் : சார் எனக்கும் கூடத்தான் பெரியவனான பிறகு என்னை மாதிரி ஏழை பசங்க படிப்புக்கு உதவி செய்யணும்னு ஆசை இருக்கு. ஆனா எனக்கோ படிப்பு மண்டையில ஏறவே மாட்டேங்குது. நான் எங்கிருந்து ஐ.ஏ.எஸ் படிப்பெல்லாம் படிக்குறது!

விஷ்ணு : ஏண்டா உனக்கு எவ்வளவு தான் சொன்னாலும் திருப்பி இதே மாதிரி நம்பிக்கையில்லாம பேசற. சார் தான், வருமானத்துறை ஆணையர்  நந்தகுமார் மாதிரி நிறையப் பேரைப் பத்தி சொல்லி இருக்காரே! உங்கிட்ட இல்லாததைப் பத்தியே கவலைப் பட்டுக்கிட்டிருக்கியே, இருக்கிறதைப் பத்தி சந்தோஷப்படவே மாட்டியா?

சந்தோஷ் : ரொம்ப சரியா சொன்ன விஷ்ணு. ஒரு கட்டிடத்துக்கு எப்படி பலமான அஸ்திவாரம் முக்கியமோ அதுபோல ஒரு மனிதனோட வெற்றிக்கு அவனோட மனப்பாங்கு (Attitude) ரொம்ப முக்கியம். 100% வெற்றியில் 85% சதவிகிதத்தைத் தீர்மானிப்பது மனப்பாங்கு தான். மீதமுள்ள 15% தான் அவனுடைய அறிவு, திறமை மற்றவை எல்லாம். ஆனா இப்பல்லாம் நம்ம நாட்டில் கல்விக்காக செலவிடப்படும் பணத்தில் பெரும் பகுதி அறிவை வளர்க்கும் புள்ளி விவரங்களை மாணவர்களின் மூளைக்குள் திணிப்பதற்காகத்தான் செலவிடறாங்களே தவிர நேர்மறையான மனப்பாங்கை வளர்க்க அல்ல. அதனாலதான் படிச்ச இளைஞர்களே ஆடம்பர செலவுக்காக கொலை கொள்ளையில் ஈடுபடுறாங்க.

விதைகள் நல்லதா இருந்தாலும் அது விழும் நிலத்தைப் பொறுத்துதான் பலன் தரும். பாறையில் விழுந்த விதை நல்ல விஷயங்கள் சொல்லப்படும் போது மகிழ்ச்சியோடு கேட்பவர்களைக் குறிக்கும். ஆனால் நம்பிக்கை என்ற வேரற்றுப் போவதால் கொஞ்ச நாட்களிலேயே சோர்ந்து போய் பழையபடி ஆகிடுவாங்க. முச்செடிகளுக்குள் விழுந்த விதை தீயபழக்கங்களுடைய நண்பர்கள், மற்றும் அன்றாட வாழ்வின் இன்ப துன்பங்களால் நெருக்கப்பட்டவர்களைக் குறிக்கும். நல்ல நிலத்தில் விழுந்த விதைகளோ நல்ல மனப்பான்மையோடு, நல்ல வார்த்தைகளைக் கேட்டு, மன உறுதியோடு அதைக் கடைப்பிடித்து பலமடங்கு பலன் தருபவர்களைக் குறிக்கும். அதனால கார்த்திக், எப்பவும் ஒரு விஷயத்துல தெளிவா இரு. உன்னோட வெற்றி என்பது நீ இப்போ இருக்கும் நிலையைப் பொறுத்ததல்ல. அது உன் மனநிலையைப் பொறுத்ததே.

கார்த்திக்: நல்ல நிலமா என் தகுதியை வளர்த்துக்க முயற்சி செய்றேன் சார்.

அறிவொளி : கார்த்திக், எதை உன் மனசு அதிகமா விரும்புதோ அதை நீ அடைந்தே தீருவாய். ஒரு முறை ஒரு ஜென் குரு ஆத்துல குளிச்சுக்கிட்டிருந்தப்போ ஒரு இளைஞன் அவரிடம், 'அய்யா வாழ்க்கையில நிறைய தோல்விகளை சந்திச்சிட்டேன். நான் வெற்றி பெற என்ன வழி?', என்று கேட்டான். அவர் அவனைப் பக்கத்துல கூப்பிட்டு, எதிர்பார்க்காத தருணத்துல தண்ணீருக்குள் பிடிச்சு அழுத்தினார். முதலில் மூச்சு திணறி கை காலை உதறியவன் பிறகு உயிர் பிழைப்பதற்காக ஆனமட்டும் பலங்கொண்டு அவரை உதைத்து தள்ளிவிட்டு தண்ணீருக்கு மேலே வந்தான். இரண்டு நிமிடம் தேவையான அளவு பிராணவாயுவை உள்ளிழுத்து தன்னைச் சமநிலைப் படுத்துக்கொண்டான். பின் குருவைப் பார்த்து கோபமா, 'இப்ப நான் என்ன தப்பா கேட்டுட்டேன்னு என்னைக் கொல்லப் பார்த்தீங்க?' என்றான். அவர் ரொம்ப அமைதியா ,'நான் எங்கே உன்னைக் கொல்லப் பார்த்தேன், நீ கேட்டதுக்குத்தான் நான் பதில் சொன்னேன்னார். அவன் நீங்க சொல்றது எனக்குப் புரியலையேன்னான். 

'நீ தண்ணிக்குள் இருந்தப்போ எதை அதிகமா விரும்பினாய்?'  

'காற்று'

'அது கிடைக்கலைன்னதும் என்ன செய்தே?'

காற்று எனக்குக் கிடைக்கத் தடையா இருந்த உங்களை உதைத்துத் தள்ளிவிட்டு மேலே வந்து எனக்குத் தேவையான காற்றை எடுத்துக்கிட்டேன்.'

'சரி, அதேதான் வெற்றிக்கான வழியும். எந்த அளவு காற்றை விரும்பினாயோ அதே அளவு வெற்றியை விரும்பு. அதை அடைய எந்தத் தடை வந்தாலும் அதைத் தகர்த்தெறிஞ்சுட்டு வெற்றியை நோக்கி உழை. குறிக்கோளை நோக்கிய தொடர் உழைப்பு உன்னை வெற்றியின் வாசலுக்கே கொண்டுபோய் விட்டுடும்.  ஆனால் அங்கேயே தேங்கி நின்று விடாமல் அதற்கடுத்த நிலைக்கு இலக்கைத் தொடர்ந்து நகர்த்திக் கொண்டே செல்ல வேண்டும்', என்றார். இது உனக்கான பாடம் கார்த்திக். 

சந்தோஷ் : சிறிய தீயால் அதிக வெப்பத்தைத் தர முடியாது. பலவீனமான ஆசையால் பெரிய விளைவுகளை ஏற்படுத்த முடியாது. சிறிய இலக்கு பெரிய குற்றம்னு நம்ம அப்துல் கலாம் அய்யாவே சொல்லியிருக்கார். பெரிய இலக்குக்காக ஆசைப்படுங்க. சார் சொன்ன மாதிரி அது உங்களைச் சார்ந்ததா மட்டுமில்லாம இந்த சமுதாயம் சார்ந்ததா இருக்கட்டும். அதை அடைஞ்சுட்டதாக ஒவ்வொரு நாளும் கற்பனை பண்ணிக்கோங்க. எல்லாத்துக்கும் மேல உங்களை முழுசா ஏற்றுக் கொண்டு அன்பு செய்யுங்க.

கார்த்திக்: என்னை நானே அன்பு செய்தா அதை சுயநலம்னு சொல்லிடுவாங்களே சார்! 

சந்தோஷ்: இல்லை கார்த்திக், தன்னை முழுசா ஏத்துக்குறவங்களால மட்டும் தான் மத்தவங்களை ஏத்துக்கிட்டு அன்பு செய்யவும், பிரதி பலன் எதிர்பார்க்காம உதவவும் முடியும்.

அறிவொளி : நிரந்தரமான மகிழ்ச்சியை அடைவது எப்படின்னு உங்களுக்குத் தெரியுமா?

விஷ்ணு : தெரியாது சார்.

அறிவொளி : அரட்டை அடிக்கிறது, சினிமாவுக்குப் போறது, ஹோட்டலுக்குப் போய் பிடிச்ச உணவை சாப்பிடுறது  இது மாதிரி ஐம்புலன்களால் கிடைக்கும் இன்பம் அந்த நேரம் மட்டுமே நமக்கு மகிழ்ச்சியைக்  கொடுக்கும். தனக்கு தனக்கு பிடித்த வேலையை செய்வது சிறிது காலம் நமக்கு மகிழ்ச்சியைக் கொடுக்கலாம் . ஆனால் எந்தவித எதிர்பார்ப்புமே இல்லாம மத்தவங்களுக்கு நீ செய்யக்கூடிய உதவிதான் உன் வாழ்க்கையில எப்ப நீ நினைச்சுப் பார்த்தாலும் நிரந்தரமான மகிழ்ச்சியைத் தரும் என்று  அமெரிக்காவின் தலைசிறந்த மனோத்தத்துவ நிபுணர் செலிங்மேன் சொல்லறார். இதுக்காக இவர் நிறைய உளவியல் ஆய்வுகள் செய்திருக்கார்.

விஷ்ணு : அப்படியா! என்ன ஆய்வு செத்திருக்கார் சார்? 

அறிவொளி : ஒரு நாள் தன் மாணவர்களிடம்   இன்னைக்கு உங்களுக்கு வகுப்பு கிடையாது நாம்  சினிமாவுக்கு போகலாம்னு அழைச்சுட்டுப் போனார். திரும்பி  வந்த பிறகு அவர்களுக்கு ஒரு கேள்வித் தாளை கொடுத்து அவங்களோட மனநிலையைப் பத்தி எழுதச் சொன்னார். அதில் அவங்க எல்லோருமே சந்தோசமாக இருந்ததா எழுதியிருந்தாங்க.

சில மாதங்கள் கடந்த பிறகு அதே மாணவர்களுடைய வகுப்புக்குப் போய் இன்னைக்கு உங்களுக்கு வகுப்பு கிடையாது, பக்கத்துல இருக்கும் தாய், தந்தை இல்லாத குழந்தைகள் வாழும் விடுதிக்குப் போகலாம் அங்க இருக்கும் அந்த குழந்தைகளுக்கு நீங்க எந்த விதமான உதவி வேணா செய்யலாம் என்று சொல்லி அழைத்துப் போனார். அங்கு மாணவர்கள் சிலர் குழந்தைகளோட பாட்டுப் பாடி, நடனம் ஆடி, கதை சொல்லி, குழந்தைகளுக்கு தேவையான பொருட்களை வாங்கிக் கொடுத்து எப்படியெல்லாம் முடியுமோ அப்படியெல்லாம் உதவி செய்து நேரத்தை செலவிட்டனர். இப்போதும்  செலிங்மேன் ஒரு வினாத்தாளைக் கொடுத்து அவர்களோட மகிழ்ச்சியை அளவிடச் சொன்னபோது உச்சக்கட்ட மகிழ்ச்சியைத் தான் அடைந்ததாக   எல்லோரும் கூறினார்கள்.

சில மாதங்கள் கழித்து இந்த இரண்டு நிகழ்வுகளையும் ஒப்பிட்டு எது அதிக மகிழ்ச்சியை கொடுத்தது என்று கேட்ட போது பலருக்கு தான் பார்த்த சினிமாவைப் பற்றிய பல விஷயங்கள் மறந்து போயிருந்தது. ஆனால் குழந்தைகளோடு செலவிட்ட ஒவ்வொரு வினாடியும் அவர்களால் மகிழ்ச்சியோடு  நினைவு கூற முடிந்தது . இப்படி அடுத்தவர்களுக்கு தன்னாலான உதவியை செய்து அவர்களை மகிழ்ச்சியுறச் செய்வதுதான் உண்மையான நிரந்தரமான மகிழ்ச்சியைத் தரும்  எனத்  தன் ஆய்வை நிறைவு செய்தார்.

சந்தோஷ் : கேட்கும் போதே ரொம்ப மகிழ்ச்சியா இருக்கு சார். பள்ளிக்கூடங்களும் கல்லூரிகளும் இந்த மாதிரியான அனுபவங்களை பிள்ளைகளுக்குக் கொடுத்தா எவ்வளவு நல்லா இருக்கும் இல்லையா?

அறிவொளி : ஆமா சந்தோஷ் அதனாலதான் அரசுப் பள்ளி, கல்லூரிகளில் செஞ்சிலுவை சங்கம், சாரணர் இயக்கம், நாட்டு நலத் திட்டம், தேசிய மாணவர் பசுமைப்படை போன்ற இயக்கங்களில் களப்பணிகளுக்கு அதிக முக்கியத்துவம் கொடுக்கிறார்கள் . புத்தகங்களில் பெறும் அறிவை விட பிள்ளைகளின் இந்தக் களப்பணிகளில் பெறக் கூடிய அறிவு அவர்களது வாழ்க்கைக்கு ரொம்ப உதவியா இருக்கும். பெற்றோர்களும் பள்ளிக்கூடங்களைத் தேர்ந்தெடுக்கும் போது வெறும் மதிப்பெண்களைக் குறி வைத்து மாணவ இயந்திரங்களை உருவாக்கும் பள்ளிகளைத் தேர்ந்தெடுக்காமல் முழு ஆளுமை வளர்ச்சிக்கும் உதவக் கூடிய பள்ளிகளைத் தேர்ந்தெடுக்கணும். முக்கியமா பிள்ளைகளை நன்றி உணர்வுள்ளவர்களாக வளர்க்கணும். இதில் பெற்றோர்களுக்கும் முக்கிய பங்கு இருக்கு.

கார்த்திக் :  எது பற்றிய நன்றியுணர்வு சார் ?

அறிவொளி : உன்கிட்ட இல்லாததைப் பத்தியே கவலைப் பட்டுக்கிட்டு இருக்கியே, இருக்கறதை பத்தி சந்தோஷப்பட மாட்டியானு விஷ்ணு உன்னை ஒரு கேள்வி கேட்டானே நினைவிருக்கா? அதைத்தான் நன்றியுணர்வுன்னு நான் சொல்றேன். நம்மிடம் இருப்பது எல்லாவற்றையும் குறித்து இறைவனுக்கோ, இயற்கைக்கோ நன்றி சொல்லணும்.

ரோண்டா பைர்ன் என்பவர் ஆங்கிலத்தில் 'சீக்ரட்' அப்படின்னு ஒரு புத்தகம் எழுதினார். ரொம்ப பிரபலமா பல லட்சக்கணக்கான பிரதிகள் விற்ற இப்புத்தகம் மாயாஜாலம் என்று தமிழிலும் மொழி பெயர்க்கப்பட்டது . இப்புத்தகத்தோட மையக் கருத்தே 'நேற்றும் இன்றும் நடந்தவற்றிற்காகவும், நாளை நடக்க வேண்டும் என நீங்கள் நினைக்கும் அனைத்திற்காகவும் நன்றி கூறுங்கள், அதிசயங்களைக் காண்பீர்கள்' என்பது தான்.  நீங்களும் ஒவ்வொரு நாளும் இரவு தூங்கப் போவதற்கு முன் அன்றைக்கு நீங்கள் சந்தித்த இரண்டு நல்ல விஷயங்களுக்காக நன்றி சொல்லி விட்டு படுங்கள்.

விஷ்ணு : யாருக்கு நன்றி சொல்லணும் சார் ?

அறிவொளி : கடவுள் மேல நம்பிக்கை இருப்பவர்கள் கடவுளுக்கும், அந்த நம்பிக்கை இல்லாதவர்கள் இயற்கைக்கும் நன்றி சொல்லலாம்.

கார்த்திக் : ஒரு வேளை அந்த நாளில் பெரிசா எதுவும் நல்ல விஷயம் நடக்காம ஒரு சாதாரணமான நாளாவோ   அல்லது துன்பமான நாளாவோ இருந்தா என்ன செய்யுறது?

அறிவொளி : நல்ல கேள்வி கார்த்திக், அந்த சாதாரண நாளை அல்லது இறப்பு முதலான துன்பமான நாளை அனுபவிக்க நாம உயிரோட இருக்கோம் என்பதே நன்றி சொல்லப்பட  வேண்டிய விஷயம் தானே !

கார்த்திக் : ஆமா சார், உண்மைதான்.

அறிவொளி : இப்படி ஒவ்வொன்னா நாம் யோசிக்க ஆரம்பிச்சா  நம் பெற்றோர், நமக்குக் கிடைத்த நல்ல ஆசிரியர்கள், நண்பர்கள், உண்ணும் உணவு, நாம் இருக்கும் இடம், சுவாசிக்கும் காற்று, நாம் நட்ட செடியில் பூத்த பூ, சாலையோரத்தில் பார்த்த அழகான  நாய்க்குட்டி என பெரியதில் ஆரம்பித்து ஒவ்வொரு  சின்ன விஷயத்துக்கும் நன்றி சொல்ல ஆரம்பித்துவிடுவோம்.

எல்லாவற்றிலும் நல்லதை மட்டுமே பார்த்து நன்றி கூறும் இந்த பழக்கம், எதிர்காலத்தில் நடக்க வேண்டும் என நீங்கள் நினைப்பவற்றைக் குறித்தும் நன்றி கூறும்படி உங்களை மாற்றிவிடும். அது உங்கள் வாழ்க்கையில் மிகப் பெரிய மாற்றங்களைக் கொண்டு வரும். சில வருஷங்கள் கழித்து யோசித்துப் பார்க்கும் போது, அடடா! இது எப்படி நடந்துச்சு என உங்களை மலைத்துப் போக வைக்கும். புரியுதா ?

கார்த்திக் : நல்லா புரிஞ்சது சார், நிச்சயமா இதையெல்லாம் நாங்க வாழ்க்கையில் பின்பற்றி நடப்போம் சார்.

விஷ்ணு : பள்ளிக்கூடமெல்லாம் முடிஞ்சுப் போனாலும் ஒரு நாள் பெரிய ஆளாகி  உங்களைக் கண்டிப்பா வந்து பாப்போம் சார்.

அறிவொளி : ஆசிரியர்களுக்கு இருக்கும் மிகப் பெரிய சந்தோஷமே இதுதான் தம்பிகளா. பல ஆண்டுகள் கழித்து மீண்டும் தன்னை வந்து பார்ப்பவனை இவன் என்னோட மாணவன் அப்படின்னு சொல்லிக்குறதுல தான் ஆசிரியர்களுக்கு சந்தோஷமே. அதை  நீங்க நிச்சயம்  தருவீங்கன்னு எங்களுக்கு நூறு சதவிகிதம் நம்பிக்கை இருக்கு. உங்களுக்குளே இருக்கும் திறமையை அடையாளம் கண்டு பிடிச்சு அந்தத் துறையில் தொடர்ந்து நம்பிக்கையோடு உழைப்பதோடு மற்றவர்களுக்கும் உதவும் குணத்தோடு வாழுங்க. நிரந்தர மகிழ்ச்சி என்னும் புதையல் நிச்சயம் கிடைக்கும்.

சரி நேரமாச்சு வீட்டுக்கு போயிட்டு வாங்க, நாளைக்கு பள்ளிக்கூடத்தில் பாப்போம்.

(விடை கூறி அனுப்பிய அறிவொளிக்கு சந்தோஷ், விஷ்ணு, கார்த்திக் மூவரும் நன்றி கூறி புறப்பட்டனர். அவர்களது விழிகளில் தெரிந்த நம்பிக்கை நிறைந்த நன்றியுணர்வையும், முகத்தில் இருந்த மகிழ்ச்சியையும் காணும் போது இனி சந்தோஷ் மிகச் சிறந்த ஆசிரியராக விளங்குவார் என்பதிலும், கார்த்திக்கும், விஷ்ணுவும் தானும் உயர்ந்து இச்சமுதாயத்தையும் உயர்த்துவார்கள் என்பதிலும் சிறிதும்  சந்தேகமில்லை. அவர்களோடு சேர்ந்து பல நல்ல விஷயங்களைக் கற்றுக் கொண்ட நீங்களும் வாழ்வில் இன்றிருக்கும் நிலையை விட பல மடங்கு உயரவும், பலருக்கும் பயனுள்ள விதத்தில்  நிரந்தர மகிழ்வுடன் வாழவும் மனமார்ந்த வாழ்த்துகள்.)

நிறைவுற்றது 

அன்பும் நன்றியும்,

பிரியசகி

]]>
Kanden Puthaiyalai, Children, Education, கற்றல், பாடம் http://images.dinamani.com/uploads/user/imagelibrary/2017/10/4/w600X390/dreams-in-literature.jpg http://www.dinamani.com/health/health-serials/kandaen-pudhaiyalai/2017/sep/30/kanden-puthaiyalai-2784285.html
2774769 தொடர்கள் கண்டேன் புதையலை புதையல் 35 பிரியசகி DIN Monday, September 18, 2017 11:26 AM +0530 எண்ணங்களே வாழ்வை வண்ணமயமாக்கும் !

(எட்டு விதமான அறிவுத் திறன்களைப் பற்றியும் அவற்றை வளர்த்துக் கொள்ளத் தேவையான பயிற்சிகள் பற்றியும் மிகத் தெளிவாக விளக்கிய அறிவொளிக்கு கார்த்திக், விஷ்ணு, சந்தோஷ் ஆகிய மூவரும் நன்றி கூறினர்.)

விஷ்ணு : கரடுமுரடான கல்லே ஆற்று நீரின் ஓட்டத்தில் உருண்டு உருண்டு வழவழப்பான கூழாங்கல்லாக மாறுவது போல, எங்க வாழ்க்கையிலும் இப்ப இருக்கக் கூடிய பிரச்னைகளே எங்களை முதிர்ச்சி உள்ளவங்களா மாத்தும்னு  புரிய வச்சதுக்கு நன்றி சார்.

அறிவொளி : ஆமா விஷ்ணு வறுமை எப்பவுமே முன்னேற்றத்துக்குத் தடை இல்லை. அமெரிக்காவின் புகழ்ப்பெற்ற அதிபர்களாக விளங்கிய ஜார்ஜ் வாஷிங்டன், ஆப்ரஹாம் லிங்கன், பிரெஞ்சுப் புரட்சியின் ஆன்மாவான ரூசோ, தன்னோட ஆராய்ச்சிகளுக்காக இரு முறை நோபல் பரிசு பெற்ற கியூரி அம்மையார், ரஷ்யாவின் சதர்மபுரட்சிக்குக் காரணமான லெனின், மாபெரும் அறிஞர் சாக்ரடிஸ், நம் தேசிய கவி பாரதி எல்லோரும் வறுமையில் வாழ்ந்த போதும் தங்களோட லட்சியப் பயணத்துக்குத் தடைக்கல்லா வறுமையை என்னைக்குமே நினைச்சதில்லை. ஏன் நம்ம முன்னாள் ஜனாதிபதியும் இளைஞர்களின் ஊக்க சக்தியுமா இருந்த அப்துல் கலாமே ஏழை படகோட்டியின் மகன்தானே. தளராத நெஞ்சுறுதி தான் அவங்களை வெற்றிப் பாதைக்கு வழி காட்டியது .

கார்த்திக் : விஷ்ணு மாதிரி வறுமை மட்டும் தான் பிரச்சனைன்னா பரவாயில்லை, எனக்கு படிப்பும் வரலைன்னு எல்லோரும் கிண்டல் பண்ணும் போது தான் ரொம்ப கஷ்டமா இருக்கும் சார். 

அறிவொளி : மற்றவங்களோட விமர்சனங்களுக்காக நாம மனம் சோர்ந்து போக வேண்டியதுதில்லை. கார்த்திக் பள்ளிக்கூட பரிட்சையில் எடுக்கும் மதிப்பெண்கள் மட்டும் வாழ்க்கையோடு வெற்றி தோல்விகளை நிர்ணயிப்பதில்லை. எழுத்துலக மேதை டால்ஸ்டாய் ஆயிரக்கணக்கான அறிவியல் கண்டுபிடிப்புகளுக்கு சொந்தக்காரரான தாமஸ் ஆல்வா எடிசன், தன் இயற்பியல் ஞானத்திற்காக நோபல் பரிசு பெற்ற ஐன்ஸ்டீன், அரசியல் மேதை வின்ஸ்டன் சர்ச்சில், நம் தேசத்தந்தை மஹாத்மா காந்தி இவங்க எல்லோருமே பள்ளி நாட்களில் மந்த புத்தி உடையவங்களாத்தான் இருந்தாங்க. அவங்களெல்லாம் அவமானங்களைக் கடந்து வந்ததால தான் வாழ்க்கையில் ஜெயித்து இன்னைக்கு வரலாற்றுல இடம் பிடிச்சிருக்காங்க.

சந்தோஷ் : திறமையும், பொறுமையும் இருப்பவங்க நிச்சயம் வாழ்க்கையில் ஜெயிப்பாங்க. கொழுத்த மீன் வரும் வரை ஒத்தைக்காலில் காத்திருக்கும் கொக்கு, மீன் வந்த பிறகு தவறாம பிடிக்கிறது போல நமக்குரிய வாய்ப்பு வரும் வரை காத்திருந்து கிடைத்த வாய்ப்பை நழுவ விடாம நம் திறமையை நிரூபிக்கணும்.

ஒரு முறை வகுப்புல மாணவர்களுக்கு இயற்கை மேல ஆர்வத்தை ஏற்படுத்த ஒவ்வொருத்தரும் ஒரு மரத்தையாவது நட்டு வளர்க்கணும். மரம் வளர்க்க இடமில்லைன்னா தொட்டியிலாவது செடி நட்டு வளர்க்கணும்னு சொன்னேன் . ஒரு பையன் எழுந்து, 'சார் நானும் எத்தனையோ தடவை செடி வளர்க்கணும்னு முயற்சி பண்ணிட்டேன். நான் விதைக்குற விதை ஒன்னு கூட முளைக்கவே மாட்டேங்குதுன்னான். விதை விதைச்சியே தண்ணி ஊத்துனியாப்பான்னு கேட்டேன் . ஓ ! ஒரு நாளைக்கு எட்டு வாளி தண்ணி ஊத்துனேன்னான் .

கார்த்திக் : அடப்பாவி எட்டு வாளி தண்ணி ஊத்தினா விதை அழுகிப் போயிடுமே! அப்புறம் எப்படி முளைக்கும் ?

சந்தோஷ் : நானும் இதே கேள்வியைத் தான் கேட்டேன் .  ஆனா ஒரு விதை கூட அழுகிப் போகலைன்னு  எனக்கு  நிச்சயமா தெரியும்னான். எப்படிடா இவ்ளோ உறுதியா சொல்றேன்னு கேட்டா நான் தான் விதை முளைச்சிருக்கான்னா அப்பப்ப எடுத்துப் பார்ப்பனேன்னான் .

விஷ்ணு : அடக்கடவுளே ! இப்படிக்கூடவா அறிவாளிங்க இருக்காங்க .

சந்தோஷ் : இப்படித்தான் இன்றைய இளைஞர்கள் நிறைய பேர் அவசர புத்தி உள்ளவர்களா இருக்காங்க. உடனடி காப்பி மாதிரி எல்லாத்துலயும் உடனடி பலன் எதிர்பார்க்குறாங்க. அவசர புத்தியைக் கைவிட்டு இலக்கை நோக்கி பொறுமையா உழைச்சா வெற்றி நிச்சயம்.

அறிவொளி : ஆமா இலக்கில்லாத பயணம் துடுப்பில்லாத படகு போன்றது. சின்ன வயசுல இருந்தே ஒரு குறிக்கோளை மனதில் நினைத்து அதை அடையத் தேவையான திறமைகளை எல்லாம் வளர்த்துக் கிட்டா நிச்சயம் நினைச்சதை சாதிக்கலாம். ரிச்சர்ட் எவலின் பயர்ட் என்பவர் 1900 ஆம் ஆண்டு தன்னோட டைரியில் 'நான் தான் வட துருவத்தை முதலில் அடையும் மனிதனாக இருக்க வேண்டும் என்று தீர்மானித்துவிட்டேன்' என எழுதினார் அப்போது அவருக்கு வயது பன்னிரெண்டு. அன்றைய தினத்திலிருந்து தன்னை  அதுக்காகத் தயார்படுத்த தொடங்கினார். கடைசியில் இரு துருவங்களிலும்  பறந்த  முதல் மனிதர் என்ற பெயரைப் பெற்றார்.

வெள்ளத் தனைய மலர் நீட்டம் மாந்தர்தம் 

உள்ளத் தனைய துயர்வு .

என்ற குறளின் படி நம்மோட எண்ணங்களே நம் வாழ்வை மேம்படுத்தும்.

விஷ்ணு : நீங்க ஏற்கனவே சொல்லிக்கொடுத்த மாதிரி நான் வாழ்க்கையில் பெரிய ஆளா ஆகணும், நிறைய சம்பாதிச்சு எங்க அம்மாவை நல்லா வைச்சிக் காப்பாத்தணும்னு மனசுக்குள்ள சொல்லிக்கிட்டேதான் இருக்கேன் சார். இதை நிச்சயம் அடைவேன்னு நம்பிக்கை இருக்கு.

அறிவொளி : நிறைய பணம் சம்பாதிச்சு அம்மாவைக் காப்பாத்தணும் என்பது நல்ல விஷயம் தான் விஷ்ணு ஆனா குறிக்கோள் என்பது இப்படி குறுகியதா, சுயநலம் சார்ந்ததா மட்டும் இருக்க்கக்கூடாது .

கார்த்திக் : வேற எப்படி இருக்கணும் சார் ?

(கார்த்திக்கின் கேள்விக்கு அவனுக்கு மட்டுமல்லாமல் அனைவருக்குமே பயனுள்ளதாக அமைந்த அறிவொளியின் விளக்கத்தை அடுத்த வாரம் காண்போம்)

தொடரும் 

பிரியசகி

priyasahi20673@gmail.com 

]]>
Priyasaki, kanden puthaiyalai, கண்டேன் புதையலை, பிரியசகி http://images.dinamani.com/uploads/user/imagelibrary/2017/9/18/w600X390/scientistII.jpg http://www.dinamani.com/health/health-serials/kandaen-pudhaiyalai/2017/sep/16/kanden-puthaiyalai-2774769.html
2754671 தொடர்கள் கண்டேன் புதையலை புதையல் 34 பிரியசகி DIN Saturday, August 12, 2017 10:00 AM +0530 இயற்கையோடு இணைவோம்!

(இயற்கையே சிறந்த ஆசான் என்பதை பல்வேறு உதாரணங்களுடன் விளக்கிய அறிவொளி இயற்கையிலிருந்து பாடம் படிக்கும் பயிற்சியை கார்த்திக், விஷ்ணு, சந்தோஷ் ஆகிய மூவருக்கும் கற்றுக் கொடுக்கலானார்)

அறிவொளி :  கண்களை மூடி அமைதியா ஒரு இடத்துல  உட்கார்ந்து நான் இனி சொல்லப் போவதையெல்லாம் உண்மையிலேயே நடப்பது போல மனக்காட்சியா பாருங்க.

நீங்க இப்ப மனித நடமாட்டமே இல்லாத ஒரு காட்டுப் பகுதியில நடந்து போய்க்கிட்டுருக்கீங்க. இயற்கை  எழில் சூழ்ந்த அப்பகுதியின் அழகை ரசித்தபடி நடந்து போறீங்க.

வழக்கமான பிரச்சனைகள், கவலைகளையெல்லாம் மறந்து விட்டு ஆழ்ந்து மூச்செடுத்தபடி ஐம்புலன்களும் விழிப்பு நிலையில் இருக்கும்படி  நடந்து போறீங்க.  

விழிப்பு நிலை உச்சத்தைப் பெற உங்களை ஒரு மானாக கற்பனை பண்ணிக்கோங்க. மான் எப்படி எச்சரிக்கையோடு சுற்றும் முற்றும்  பார்த்தபடி மெதுவா, அதே சமயம் புதரின் சின்ன அசைவுக்கும் ஓடத் தயாரான கால்களோட இருக்குமோ அதைப் போல் நடந்து போய் அமைதியா ஓரிடத்தில் உட்கார்ந்து ஆழ்ந்து மூச்செடுங்க. (இந்தப் பயிற்சி ஐம்புலன்களையும் விழிப்பு நிலையில் வைத்திருப்பதால் நமக்கு வரக்கூடிய நன்மை தீமைகளை முன்னறிவிக்கும் உள்ளுணர்வை கொடுக்கும்)

இப்போது ஆழ்ந்து மூச்செடுத்து, உடலைத் தளர்த்தி தலைக்கு மேல் பத்து சென்டிமீட்டர் உயரத்தில் உங்க  கவனம் முழுவதையும் கொண்டு வாங்க. உடல் லேசாகி காற்றில் பறப்பது போல ஒரு உணர்வு ஏற்படும். இப்போது உங்களை ஒரு பறவையா கற்பனை செய்துக்கோங்க. உங்களோட கவலைகள், பிரச்சனைகள் எல்லாவற்றையும் கீழேயே விட்டுட்டு மேலே மேலே உயரத்தில் பறக்கிறீங்க. உங்கப் பார்வை கழுகின் பார்வையைப் போல கூர்மையாகுது.

கீழே உள்ள பூமிப்பரப்பு முழுவதையும் இப்ப உங்களாலத் தெளிவா பார்க்க முடியுது. இந்தப் பரந்த தொலைநோக்குப் பார்வையோடு இருக்கும் போது உங்களோட வழக்கமான பிரச்னைகள் எல்லாம் ஒரு சின்ன புள்ளி போல அற்பமானதாகத் தெரியுது. அப்படியே கொஞ்ச நேரம் லேசான உடம்போடையும், மனத்தோடையும் பறந்த பிறகு பழைய நிலைக்குத் திருப்புறீங்க.

(இப்பயிற்சியின் மூலம் அன்றாட வாழ்வில் ஏற்படும் பிரச்னைகளை அனுபவங்களாகப் பார்ப்பதோடு அவற்றைத் தீர்ப்பதற்கான தெளிவான கண்ணோட்டத்தையும் பெற முடியும்)

ஒரு சிலர் சுயபரிதாபம் உடையவர்களாக எனக்கு மட்டும் ஏன் இவ்வளவு பிரச்னை வருது என மனம் நொந்து வாழ்க்கையை குழம்பிய குட்டையாக்கி கொள்ளுவாங்க. அவங்க தன்னை ஓடும் நதியா கற்பனை செய்துக்கணும். ஓடும் நதி மேடு பள்ளம் எங்கேயும் நிற்காம ஓடித்  தான் போகுமிடம் எல்லாம் வளமாக்கிக்கிட்டே போவது போல இன்பம் துன்பம் எதிலேயும் நின்றுவிடாமல்  தானும் வாழ்ந்து மத்தவங்களையும் வாழ வைக்க முடியும். 

(சில வினாடிகள் அமைதியாக இருந்த அறிவொளி பின் அவர்களை  ஆழ்ந்து மூச்செடுத்து விடச் செய்து மூன்று முறை கைகளைத் தேய்த்து கண்களின் மீது வைக்கச் செய்து புத்துணர்வு பெற்றுக் கொண்ட பின் இயல்பு நிலைக்குத்  திரும்ப செய்தார்)

என்ன இந்த பயிற்சி  அனுபவம்  எப்படி இருந்தது? 

கார்த்திக் : சான்ஸே இல்ல சார், இது மாதிரி ஒரு சூப்பரான அனுபவம் எனக்குக் கிடைச்சதே இல்லை. எனக்கு மழையில நனையுறதுன்னாலே ரொம்ப பிடிக்கும். நானே மழை நீரா மாறி ஆறா பெருக்கெடுத்து ஓடி பள்ளங்களையெல்லாம் நிரப்பினேன், நான் ஓடிய இடமெல்லாம் பசுமையான வயல்வெளிகளும், மரங்களும் சூழ்ந்ததா இருந்துச்சு. அங்கிருந்த மனுஷங்க எல்லோரும் சந்தோஷமா இருந்ததையும் பார்க்க முடிஞ்சது. எனக்குள்ள நான் சரியா படிக்கலைன்னு எப்பவுமே ஒரு தாழ்வு மனப்பான்மை இருக்கும். இப்ப அப்படி ஒரு எண்ணமே  இல்லை சார். எதிர்காலத்துல ஏதோ ஒரு விஷயத்துல நான் பெரிய ஆளா ஆகப்போகிறேன். மத்தவங்களுக்குப் பயனுள்ளபடி வாழப் போறேன். என்னை சுத்தி இருக்கவங்களை எல்லாம் சந்தோஷமா வெச்சுக்கப் போறேன்னு தோணுது சார். இந்த நம்பிக்கையைக் கொடுத்த உங்களுக்கு தான் நன்றி சொல்லணும். (கார்த்திக் உணர்ச்சிவசப்பட்டு பேசியது கேட்டு மற்ற மூவரும் கைகளைத் தட்டி அவனைப் பாராட்டினர்)

விஷ்ணு : எனக்கும் இந்தப் பயிற்சி ரொம்ப பிடிச்சுது சார். எப்பவுமே எங்கப்பா குடிச்சிட்டு வந்து எங்கம்மாவை அடிக்கிறது, என் வீட்டு பணக்கஷ்டம் இது மட்டும் தான் எனக்குப்  பெருசாத்  தெரியும். ஆனா நான் ஒரு பறவையா மாறி உயரத்துல பறந்தப்போ இந்த உலகம் எவ்வளவு பெரிசு, எனக்கான வாய்ப்புகள் எவ்வளவு அதிகமா இருக்குன்னு புரிஞ்சதால என் வீட்டு பிரச்சனை ரொம்ப குட்டியா கடுகளவா மாறிடுச்சு. நான் பெரிசாகி என் குடும்பத்தோட சூழ்நிலையை மாத்திட முடியும் என்ற நம்பிக்கை வந்துடுச்சு சார்.

அறிவொளி : வெரி குட் விஷ்ணு. நீங்க ரெண்டு பேரும் பேசுறதைக் கேட்டு ரொம்ப மகிழ்ச்சியா இருக்கு. சந்தோஷ் நீங்க எதுவுமே சொல்லலையே!

சந்தோஷ் : சார் உண்மையிலேயே நாங்க மூணு பேரும் ரொம்ப குடுத்து வச்சவங்க சார். ஏன்னா பெரிய நகரங்களில் பல ஆயிரக்கணக்கில் பணம் குடுத்து தான் இந்த மாதிரியான பயிற்சிகளை எல்லாம் பெற முடியும்னு எனக்குத்  தெரியும். அதை எல்லாம் நீங்க இலவசமா எங்களுக்கு சொல்லித் தர்றது பெரிய விஷயம். பொதுவா நான் ஒரு நல்ல ஆசிரியர்னு எல்லோரும் சொன்னாலும் நிறைய விஷயத்துல எனக்கு ரொம்ப கவனக் குறைவு உண்டுன்னு எனக்கேத்  தெரியும். மான் மாதிரி என்னை நான் கற்பனை பண்ணிக்கிட்டப்போ தூரத்துல இருக்கும் புதரோட சின்ன அசைவுக்கும்  கூட என் உடம்பு சிலிர்த்ததை என்னால உணர முடிஞ்சுது. இனி என்னை சுற்றி நடப்பவற்றைப் பற்றி நல்ல விழிப்புணர்வோட இருப்பேன்னு நம்பிக்கை இருக்கு சார்.

அறிவொளி : வெரி குட், எப்பவுமே நாம் இப்ப இருக்கும் நிலையை விட எவ்வளவு தூரம் முன்னேற்றம் அடையுறோம் என்பது தான் முக்கியம் இந்தப் பயிற்சிகள் மூலம் உங்களோட முன்னேற்றத்துக்கு உதவி செய்ததுல எனக்கும் மகிழ்ச்சி. இதே மாதிரி இயற்கையில் உள்ள ஒவ்வொரு பொருளோடும் நம்மை ஒன்றிக்கும் பயிற்சியை செய்தால் இயற்கைக்கும் நமக்கும் உள்ள தொடர்பையும் தெரிஞ்சிக்கவும்  முடியும். இயற்கையின் நற்குணங்களை நாம்  அடையவும் முடியும். இதோடு இன்னொரு பயிற்சியும் சொல்லிக் கொடுத்தா உங்களுக்கு உதவியா இருக்கும்னு நினைக்கிறேன்.

கண்களை மூடி உடம்பைத் தளர்வாக்கி, வசதியான நிலையில் உட்கார்ந்துகொண்டு ஆழ்ந்து மூச்செடுங்க. வெளிவரும் சூடான மூச்சுக்காற்றோடு உங்கப் பிரச்சனைகள்,  கவலைகளையும் சேர்த்து வெளியேற்றுங்க. ஐம்புலன்களையும் கூர்மையாக்கிக் கொள்ளுங்கள். என்னென்ன சத்தங்கள் காதில் கேட்குதுன்னு உற்று கவனிங்க. என்னென்ன வாசனைகளை உணர முடியுது? நாவில் என்ன சுவை மிச்சமிருக்கு? உங்களைச் சுற்றிலும் தட்பவெப்பம் எப்படி இருக்கு? இந்தச் சூழ்நிலை என்ன மாதிரியான உணர்வுகளை உங்க மனதில் ஏற்படுத்துதுன்னு யோசிங்க.

இப்ப இயற்கை எழில் சூழ்ந்த, மரங்கள் நிறைந்த ஒரு மலைப் பகுதியில் நீங்க இருப்பதா கற்பனை செய்துக்கோங்க. அந்த இடத்தில் உங்களைச் சுற்றிலும் என்னென்ன இருக்குன்னு உற்றுப் பாருங்க. பருவகால மாற்றங்களுக்கு உட்பட்ட பாறை, மரத்துண்டு என ஏதாவது ஒரு பொருளை கையில் எடுத்துக்கோங்க. காலம் அதன்மேல் ஏற்படுத்தியிருக்கும் கோடுகள், விரிசல்கள், டிசைன்கள், எல்லாவற்றையும் ஒரு குழந்தைக்கு இருக்கக் கூடிய ஆராய்ச்சி  கண்ணோட்டத்தோடு பாருங்க. அந்தப் பொருள் மீது இயற்கை ஏற்படுத்தியிருக்கும் மாற்றங்களை ஒப்பிடும்போது  நம் வாழ்க்கையில் ஏற்பட்டுள்ள மாற்றங்கள் ரொம்பவும் சாதாரணமானவைதான்னு உணர்வுபூர்வமா  ஏற்றுக்கொள்ளுங்க. ஏற்கனவே நடந்து முடிந்த நிகழ்வுகள் பற்றிய வருத்தம் கோபம், பழிவாங்கும் உணர்ச்சி, எதிர்காலத்தைப் பற்றிய பயம், எதிர்பார்ப்பு எல்லாத்தையும் மறந்து, 'நான் இப்போது இங்கே இருக்கிறேன்' (I am here and now) எனத் திரும்பத் திரும்ப சொல்லிக்கோங்க. மனம் லேசாகி நிம்மதி அடையும் வரை இந்தச் சூழலில் இருங்க.

இப்ப ஆழ்ந்து மூச்செடுத்து  மெதுவா கண்களைத் திறங்க.

(மூவரின் கண்களிலும் நிறைவும், புன்னகையும் காணப்பட்டது.)

கார்த்திக் :  சார், நிஜம்மாவே ஊட்டி, கொடைக்கானல் போயிட்டு வந்த மாதிரி இருக்கு.

அறிவொளி : வாய்ப்பு கிடைக்கும்போது நிஜம்மாவே போயிட்டு அங்கிருந்து சின்னப் பாறை, கூழாங்கல்,  மரத்துண்டுன்னு எதையாவது எடுத்துட்டு வந்து அதை வெச்சி தியானிக்கலாம். ஒரு கூழாங்கல் அவ்வளவு வழவழப்பா மாற எவ்வளவு மாற்றங்களை சந்திச்சிருக்கும்னு யோசிச்சுப் பாருங்க! மாற்றங்கள் மட்டுமே மாறாதது என்பதைப் புரிந்துகொண்டு இயற்கையோடு இணைந்த வாழ்வு வாழ்ந்தால், எத்தகைய சூழ்நிலையிலும் தெளிவான சிந்தனையுடன் வாழ்க்கைப் பயணத்தை மேற்கொள்ள முடியும்.

தொடரும்...

பிரியசகி 

priyasahi20673@gmai.com

]]>
Live the moment, be here, விழிப்பு நிலை, கற்றல் http://images.dinamani.com/uploads/user/imagelibrary/2017/8/13/w600X390/greennary.jpg http://www.dinamani.com/health/health-serials/kandaen-pudhaiyalai/2017/aug/12/i-am-here-and-now-living-in-the-moment-an-experiment-2754671.html
2751179 தொடர்கள் கண்டேன் புதையலை புதையல் 33 பிரியசகி DIN Saturday, August 5, 2017 10:00 AM +0530 இயற்கையே சிறந்த ஆசான்!

(எட்டு வித அறிவுத் திறனில் முதல் ஏழு திறன்களை மேம்படுத்தும் பயிற்சிகளைப் பற்றி  விளக்கிய அறிவொளி,  இறுதியான அறிவுத்திறனான இயற்கையோடு ஒன்றியிருக்கும் திறன் பற்றி சந்தோஷ், கார்த்திக், விஷ்ணு ஆகியோருக்கு விவரித்து உரைக்கலானார்.)

அறிவொளி : இறைவன் மனிதனுக்குக் கொடுத்த எட்டுவித அறிவுத்திறனில் கடைசித் திறன் இயற்கையோடு ஒன்றியிருக்கும் திறன் மற்ற ஏழு திறன்களில் ஒருவன் வல்லவனாக இருந்தாலும், தான் என்ற அகம்பாவத்தை விட்டு இயற்கையோடு ஒன்றிக்கும் போதுதான் மனிதன் முழுமையடைகிறான்.

சந்தோஷ் : ஆமா சார் இயற்கை தானே மனிதனோட முதல் தாய். தாயின் மடி எப்படி நம்மை மகிழ்விக்குதோ அதே மாதிரி இயற்கைக்கும் நம்மை மனத்துயர்களிலிருந்து விடுவிக்கும் சக்தி உண்டு. கார்த்திக், விஷ்ணு நீங்க இதை உணர்ந்திருக்கீங்களா? 

கார்த்திக் : நான் நிறைய தடவை உணர்ந்திருக்கேன் சார். தோட்டத்துல அன்னைக்குப் பூத்தப் பூவை பார்க்கும் போதும், என் நாய் குட்டி மணியோட விளையாடும் போதும் எனக்கு ரொம்ப சந்தோஷமா இருக்கும். உடம்பும் மனசும் எவ்வளவு களைப்பா இருந்தாலும் பார்க்குக்குப் போய் விளையாடிட்டு வந்ததும் ரொம்ப சுறுசுறுப்பாகிடுவேன் .

அறிவொளி :  சரியா சொன்ன கார்த்திக். மனிதர்களோட உடலமைப்பு இயற்கையை ஒட்டி வாழும் விதமாவே அமைக்கப்பட்டிருக்கு. காடுகளிலும், குகைகளிலும் இயற்கையோடு ஒன்றித்திருந்த மனிதன்  நாகரிக வளர்ச்சியால செயற்கையான கான்க்ரீட் காடுகளில் வாழத் தொடங்கி உணவு பழக்க வழக்க மாற்றங்களாலும், ரசாயனப் பொருள்களின் அதிகமான பயன்பாட்டாலும் புதுப்புது நோய்களோட இன்னைக்குப் போராடிக்கிட்டிருக்கான்.

சந்தோஷ் :  உண்மைதான் சார், சங்க இலக்கியங்களில் எட்டுத்தொகை நூல்களில்  ஒன்றான நற்றிணையில் 'மரஞ் சா மருந்தும் கொள்ளார்' என்று ஒரு வரி வருது. ஒரு மரத்தைக் கொன்று அதிலிருந்து கிடைக்கும் மருந்தினால் தான் தன்னால் உயிர் பிழைக்க முடியும் என்ற நிலையிலும் கூட மரத்தைக் கொல்லத் துணியாதவரே சிறந்த மனிதர் என்று என்பது அந்த பாட்டோட பொருள். தன் உயிரை விட ஒரு மரத்தோட உயிர் முக்கியம்னு அந்த காலத்தில் நினைச்சிருக்காங்க. இன்னைக்கு நிலைமை தலை கீழாகிடுச்சு.  

உலகம் தோன்றியது முதல் இன்னைக்கு வரைக்கும் இரண்டு விதமானப் போராட்டங்களைப் பார்க்குறோம். வெய்யில், மழை, குளிர் என இயற்கையிலிருந்து தன்னைக் காப்பாத்திக்க மனிதன் போராடியது முதல் வகை. இயற்கையை விட்டு விலகிப் போய் தன் பேராசை மிகுந்த செயல்களோட விளைவுகளான ஓசோன் ஓட்டை, பசுமை இல்லா விளைவு, அமிலமழை, அணு ஆயுதம், பூமி வெப்பமயமாதல் போன்றவற்றின் பாதிப்புகளை உணர்ந்ததால் மனிதனிடமிருந்து இயற்கையைக் காப்பாற்ற மனிதனே போராடுவது இரண்டாவது வகை. இந்த இரண்டாவது போராட்டம் வெற்றி பெற்றால் தான் உலகம் தப்பிப் பிழைக்கும்.

சந்தோஷ் :  இன்னைக்கு நகரத்துல வாழும் பிள்ளைகளுக்கு இயற்கை சார்ந்த அறிவு ரொம்ப குறைவாதான் இருக்கு. போன வாரம் சென்னையிலிருக்கும் சொந்தக்காரங்க வீட்டுக்குப் போயிருந்தேன் . அந்த வீட்டுக் குழந்தையோட பேசிக்கிட்டு இருந்தப்போ நமக்கு அரிசி எப்படி கிடைக்குதுன்னு கேட்டா மளிகை கடையிலிருந்து கிடைக்குதுன்னு சொல்றான்.

அறிவொளி :  குழந்தையைக் குறை சொல்லி பயனில்லை சந்தோஷ். நெல் விளையும் நிலத்தையே பார்த்திருக்காது அந்தக் குழந்தை. அரிசியை  மளிகைக் கடையில் மட்டுமே பார்த்திருக்குன்னா அதைத் தானே சொல்லும். அது குழந்தையோட தப்பில்லையே . அம்மா அப்பா குழந்தைகளை விடுமுறையில தாத்தா, பாட்டி, சொந்தங்கள் வாழும் கிராமங்களுக்கு கூட்டிட்டு போனா, இந்தப் பிரச்னை இருக்காது. நானும் பள்ளிக்கூடத்திலிருந்து பிள்ளைகளை கல்விச் சுற்றுலாவுக்கும், களப்பயணங்களுக்கும் அழைச்சிட்டுப் போக திட்டம் வச்சிருக்கேன்.

விஷ்ணு : ஜாலி ! எப்ப, எங்க சார் கூட்டிட்டுப் போவீங்க ? 

அறிவொளி :  ஒவ்வொரு வகுப்பிலயும் அவங்களுக்கு பாடத் திட்டத்துக்கு ஏற்ற மாதிரி இடங்களுக்கு கூட்டிப் போக நினைச்சிருக்கேன். கூடிய சீக்கிரம் சொல்றேன்.

சந்தோஷ் :  பள்ளியிலிருந்து கூட்டிட்டுப் போக கூடிய இடங்களுக்குக் பிள்ளைகளை கூட்டிட்டுப் போகலாம். நடைமுறையில் கூட்டிப் போக முடியாத இடங்களைப் பற்றி தகவல் சேகரிக்கச் சொல்லி குழு விவாதம் செய்யலாம். உதாரணமா வரலாற்றுப் பாடத்தில் கற்காலம், இரும்புக்காலம், மொஹஞ்சதாரோ, ஹரப்பா காலத்து நாகரீகம், திராவிட ஆரிய நாகரிகம் எனப் பலவித நாகரிகங்களைப் பற்றி படிக்கிறாங்க. தேர்வில் மதிப்பெண் வாங்குறதுக்காக மட்டும் இதையெல்லாம் படிக்குறதால என்னப் பிரயோசனம்?

மாணவர்களைப் பல குழுக்களாகப் பிரித்து ஒவ்வொரு குழுவுக்கும் ஒரு நாகரிகம் எனத் தலைப்புக் கொடுத்து அக்காலத்து மனிதர்களின் உணவு, உடை, பழக்கவழக்கம், வழிபாடு, இயற்கையோடு அவர்களுக்கு இருந்த நெருக்கம், சமுதாய அமைப்பு ஆகியவைப் பற்றிய தகவல்களை சேகரிக்கச் சொல்வோம். பிறகு குழுத் தலைவர்களை வகுப்பில் அது பற்றி பேசச் செய்யலாம். கடைசியில் ஆசிரியர்  அக்கால  நாகரிகங்களோடு இன்றைய சமுதாயத்தை ஒப்பிட்டு குறை நிறைகளை ஆராய்ந்து இன்றைய உணவுப் பழக்கம், கலாச்சார சீரழிவு, சுற்றுச் சூழல் மாசு ஆகியவற்றில் ஏற்படும் பாதிப்புகளை சுட்டிக் காட்டலாம் இதன் மூலம் மனிதன் இயற்கைக்குத் திரும்ப வேண்டியதன் அவசியத்தை மாணவர்களுக்கு உணர்த்த முடியும்.

அறிவொளி :  ரொம்ப சிறப்பா சொன்னீங்க சந்தோஷ். பிள்ளைகளை வன்முறையும் ஆபாசமும் நிறைந்த சினிமாக்களுக்கோ, நுகர்வுக் கலாச்சாரத்தை அதிகரிக்கும் ஷாப்பிங் மால்களுக்கோ, வெறும் பொழுதுபோக்கு அம்சங்கள் நிறைந்த தீம் பார்க்குகளுக்கோ கூட்டிகிட்டுப் போவதைவிட உயிரியல் பூங்கா, வனவிலங்கு காப்பகம் போன்ற இடங்களுக்கு அழைச்சிட்டுப் போகலாம். விலங்குகளும், தாவரங்களும் எப்படி வேறுபடுகின்றன? பறவைகளுக்கும், ஊர்வன, நடப்பனவற்றிற்கும் உள்ள ஒற்றுமை வேற்றுமைகள் என்ன? அவற்றின் உணவுப் பழக்கம், வாழ்க்கைமுறை எப்படிப் பட்டது? என்பதையெல்லாம் புத்தகங்களில் படித்தோ, ஆசிரியர் சொல்வதைக் கேட்டோ புரிஞ்சுக்குறதை விட நேரில் பார்த்து அனுபவ பாடமா  தெரிஞ்சுக்குறது அவங்க அறிவு வளர்ச்சிக்கு உதவும்.

உலகத்துலேயே பயோ டைவர்சிட்டினு சொல்லக் கூடிய பல்லுயிர் மிகுந்திருக்கும் பதினெட்டு இடங்களில் தமிழ்நாட்டின் மேற்குத் தொடர்ச்சி மலையும் ஒன்றுன்னு எத்தனை பேருக்குத் தெரியும்? இதையெல்லாம் பிள்ளைகளுக்கு சொல்லிக் கொடுக்க வேண்டியது பெற்றோர் மற்றும் ஆசிரியர்களின் கடமை.

சந்தோஷ் :  இந்தப் பெருமையையெல்லாம் நம்மோட வருங்காலத் தலைமுறை பார்க்க முடியாதோன்னு வருத்தப்படும் அளவு இயற்கை சீரழிவு நடந்துக்கிட்டிருக்கு. நாலு கால்கள் இருக்கும் சிந்திக்கத் தெரியாத மிருகங்கள் கூட இயற்கைக்கு ஏற்றபடி தன்னை மாத்திக்குதுங்க. சிந்திக்கத் தெரிந்த, இரண்டு கைகளுடைய மனிதன், தான் கண்டுபிடிச்ச கருவிகளோட பலத்தால இயற்கையை தனக்கேத்தபடி மாத்திக்கிட்டிருக்கான்.

இயற்கை தான் சிறந்த ஆசான். இயற்கையிலிருந்து நாம் கத்துக் கொள்ள வேண்டிய பாடங்கள் நிறைய இருக்கு. உள்ளுக்குள் தகிக்கும் வெப்பமும், அழுத்தமும் எரிமலைக் குழம்பா பீறிட்டாலும் அது குளிர்ந்த பிறகு கனிமப் பாறைகளா மனிதருக்குப் பயன்படுது. சூரியனும், மழையும் பிரதிபலன் எதிர்பார்க்காத பொதுநலத்தைக் கற்றுக் கொடுக்குதுங்க. இது மாதிரி இயற்கை நமக்கு வேறென்ன கத்துக் குடுக்குதுன்னு சொல்லுங்க பார்க்கலாம்  தம்பிங்களா!    

கார்த்திக் :  எறும்பும், தேனீயும் சுறுசுறுப்பைக் கத்துக்குடுக்குதுங்க.

விஷ்ணு :  திரும்பத்திரும்ப முயற்சி செய்யும் கடல் அலையும், சிலந்தியும் விடா முயற்சியைக் கத்துக் குடுக்குதுங்க.

கார்த்திக் :  வெட்டுப்பட்டாலும் மறுபடியும் வளரும் பல்லியின் வால் நம்பிக்கையையும்,  தனக்குக் கிடைச்ச கொஞ்ச சாப்பாட்டையும் பகிர்ந்து சாப்பிடும் காக்கா ஒற்றுமையையும் நமக்குக்  கத்துக் குடுக்குதுங்க சார். 

விஷ்ணு :  ஒவ்வொரு மரமும் ஆயிரக்கணக்கான உயிரினங்களுக்கு வாழ இடம் குடுத்து உதவும் குணத்தை நமக்குக் கத்துக்க குடுக்குதுங்க. எப்பவும் வகுப்புக்குள்ளேயே பாடம் நடத்தாம  அப்பப்ப மரத்தடியில பாடம் நடத்துனா எங்களுக்கெல்லாம் சந்தோஷமா இருக்கும் சார்.

அறிவொளி : சரி கார்த்திக், நிச்சயமா இனி நம்ம பள்ளியில மரத்தடி வகுப்புகள் நடக்கும். சரி, இயற்கையிலிருந்து பாடம் படிக்க ஒரு பயிற்சி சொல்லிக் கொடுக்கவா?

கார்த்திக் :  ஓ! சொல்லுங்க சார் காத்திருக்கோம்.

(என்ன பயிற்சி எனத் தெரிந்து கொள்ள நாமும் காத்திருப்போமா!)

தொடரும்...

பிரியசகி 

priyasahi20673@gmail.com

ஓவியம் நன்றி : அஜிம் சூலஜ் 

]]>
Learning skills, Nature learning, கற்றலில் புதுமை, இயற்கை கல்வி http://images.dinamani.com/uploads/user/imagelibrary/2017/8/7/w600X390/man-489744_960_720.jpg http://www.dinamani.com/health/health-serials/kandaen-pudhaiyalai/2017/aug/05/learning-strategies-2751179.html
2740970 தொடர்கள் கண்டேன் புதையலை புதையல் 32 பிரியசகி DIN Thursday, July 20, 2017 12:20 PM +0530 உலகம் உய்ய  ஒரே வழி...!

(தன்னைத்தானே மேம்படுத்திக் கொள்வது எப்படி என அறிவொளி விளக்குவதை ஆர்வமுடன் கவனித்து உள்வாங்கிக் கொண்டிருந்தனர் சந்தோஷ், கார்த்திக், விஷ்ணு ஆகிய மூவரும்.)

சந்தோஷ் :  சார், நிறைய பேர்  வயசானப் பிறகும்கூட இந்த உலகத்தைப் புரிஞ்சுக்கவே முடியலைன்னு புலம்புறாங்களே! சரியானபடி உலகத்தைப் புரிஞ்சுக்குறதுன்னா என்ன?

அறிவொளி : தன்னைப் பற்றி முழுமையா புரிஞ்சுக்கிட்டவங்களால தான் இந்த உலகத்தைப் பத்தியும் புரிஞ்சுக்க முடியும். அதைத்தான் சுய விழிப்புணர்வுன்னு சொல்வோம். மனிதன் இந்தத் திறனை வளர்த்துக் கொண்டதன் பலன் தான் அறிவு, மனம், ஆன்மிக வளர்ச்சி தொடர்பானத் தத்துவங்கள் எல்லாம். மனிதரில் சுயவிழிப்புணர்வுடன் வாழ்ந்து மறைந்த யாரையாவது உங்களுக்குத் தெரியுமா?

சந்தோஷ் :  புத்தரைத் தானே சார் அப்படி சொல்வாங்க?

அறிவொளி :  சரியா சொல்லிடீங்க சந்தோஷ்! புத்தர்கிட்ட  ஒருத்தர், 'அய்யா! நீங்க யாரு? நீங்க தான் கடவுளா ?' அப்படின்னு கேட்டார். அதுக்கு புத்தர் என்ன சொல்லியிருப்பாருன்னு சொல்லுங்க பாக்கலாம்?

சந்தோஷ் :  இன்னைக்கு இருக்குற சாமியார்களா இருந்தா  

ஆமா நான்தான் கடவுள்ன்னு, எல்லாரையும் தன் கால்ல  விழ வெச்சு அதுக்கு தனியா பணம்  வாங்கிட்டிருப்பாங்க.  புத்தர் என்ன சொல்லியிருப்பார்னு தெரியலையே சார்!

அறிவொளி : (சிரித்தவாறே)  புத்தர் நான் கடவுள் இல்லைனு தான் சொன்னார். கேட்டவர் நீங்க கடவுள் இல்லைனா அப்ப வேற யாரு? தீர்க்கதரிசியா, புனிதரா தயவு செய்து சொல்லுங்கன்னு சொன்னாராம். அதுக்கு புத்தர் நான் சுய விழிப்புணர்வு பெற்ற மனிதன், அப்படின்னு சொன்னாராம். அதனால் தான் அவரால் இந்த உலகத்தைப் புரிந்து கொண்டு அதன் மாயைகளிலிருந்து விடுபட என்ன வழி என்பதை உணர்ந்து, மக்களுக்கு வழிகாட்ட முடிந்தது. இது எல்லோருக்கும் எளிதல்ல.

சந்தோஷ் : உண்மைதான் சார், மூளையின் செயல்பாடுகளையும் அதன் திறன்களையும்  புரிந்து கொள்வது எவ்வளவு சிக்கலான காரியமோ  அதைவிட சிக்கலானது மனத்தைப்பற்றி புரிந்து கொள்வது.

அறிவொளி : ஆமாம் சந்தோஷ் மனத்தை நீரில் மிதக்கும் பனிக்கட்டிக்கு ஒப்பிடுறாங்க. ஏன்னா பனிக்கட்டியோட பெரும்பகுதி தண்ணீருக்குள் மூழ்கியே இருக்கும். ஒரு சிறு பகுதிதான் வெளியே பார்ப்பவருக்குத் தெரியும். அது போலவேதான் மனமும் நாம் விழித்திருக்கும் போது நம் நினைவு மனம் (conscious mind ) செயல்படுது இதைத் தவிர நினைவு நிலை தாண்டிய மனம் (sub conscious mind ) அப்படின்னு ஒன்னு இருக்கு . இதில் நாம மறக்க நினைக்கும் எண்ணங்கள் கூட மறைந்திருக்கும். நாம செய்ய விரும்பாத பல காரியங்களைச் செய்யத் தூண்டும் சக்தியும் இந்த மனதிற்கு உண்டு. தீய நினைவுகளையோ, கசப்பான அனுபவங்களையோ நாம மறக்க நினைக்கும்போது அது நினைவு தாண்டிய மனதில் போய் ஒளிந்து கொண்டு அதற்கு  ஏற்ற சரியான சந்தர்ப்பம் அமையும் போது வெளியே வந்து தொல்லை  கொடுக்கும்.

சந்தோஷ் : ஓ! அதனாலதான் சில நேரம் உணர்ச்சிவசப்பட்டு ஏன்  இப்படி மோசமா நடந்துக்கிட்டேன்னு தெரியலைன்னு வருத்தப்படுவோம் இல்லையா சார் .

அறிவொளி :  ஆமா , அப்படி யோசிக்கும் போது வெளிப்படையா காரணம் தோணலைன்னாலும் இது எப்போதோ மனதில் ஏற்பட்ட வடுவின் விளைவுதான் என்பதை நாம உணர்ந்து விழிப்புணர்வோட இருந்தா, திரும்பவும் அது மாதிரியோ, அதைவிடப் பெரிய தவறுகளோ ஏதும் ஏற்படாமல் பார்த்துக்கலாம் சின்ன வயதில் ஏற்பட்ட கசப்பான அனுபவங்கள் மனத்தை விகாரப்படுத்த அனுமதிக்காமல் மனத்தை வலுப்படுத்த உதவும் ஆயுதமாக்கலாம். சூழ்நிலை நம்மை உருவாக்குவது என்பது உண்மைதான் ஆனா அதைவிட மேம்பட்ட நிலை நமக்குத் தகுந்த சூழ்நிலையை நாமே   உருவாக்கிக் கொள்ள முடியும் என்பதுதான் நம் நினைவு கடந்த மனதில் பதிய வைக்கப்படும் நேர்மறையான எண்ணங்களுக்கு அவ்வளவு வலிமை உண்டு.

கார்த்திக் :  அப்ப ஒருத்தரோட சின்ன வயசுல ஏற்படக் கூடிய அனுபவங்கள் நல்லதா, கெட்டதா என்பதைப் பொறுத்து அவங்களோட நடத்தையும் மாறும் இல்லையா சார்?

அறிவொளி :  ஆமா கார்த்திக், ஒரு குழந்தை முழுமையான ஆளுமைத் திறனுடன் வளர்வதில் பெற்றோரின் பங்கு ரொம்ப முக்கியம். அதிகப்படியான செல்லமோ, கண்டிப்போ குழந்தையோட மனவளர்ச்சியை பாதிக்கும். அதிக தண்டனையை அனுபவிக்கும் குழந்தை கண்டிக்கும் பெற்றோரை வெறுக்கும். பிடிவாதமும், முரட்டுத்தனமும் கொண்டதா இருக்கும். எப்போதோ அனுபவிச்ச தண்டனைக்கு  வேறு யாரையோ பழி வாங்குவாங்க. ஹிட்லர் சின்ன வயசில் அவங்க அப்பாவிடம் அனுபவிச்ச சித்ரவதைகள் தான் அவர் சர்வாதிகாரியா, ஒரு கொடுங்கோலனா இருந்ததுக்குக் காரணம்னு உளவியலாளர்கள் சொல்றாங்க. அதுமட்டுமில்ல குழந்தைங்க கை சப்புவது, படுக்கையில் சிறுநீர் கழிப்பது , தூக்கத்தில் உளறுவது, பல் கடிப்பது இதெல்லாம் கூட மன அழுத்தம், பாதுகாப்பின்மை போன்ற காரணங்களால்தான்.

விஷ்ணு :  அம்மா, அப்பா பசங்களுக்கு செல்லமும் கொடுக்கக் கூடாது, கண்டிக்கவும் கூடாதுன்னா, வேற என்னதான் செய்யணும்?

அறிவொளி :  சின்னப் பசங்க தப்பு பண்றது சகஜம். அதுக்கு தண்டனை ஒரு பரிகாரம் கிடையாது. அப்படியே கண்டிக்க வேண்டிய அவசியம் ஏற்பட்டாலும், ' ஏன் இப்படி ஒரு முட்டாள்தனமான காரியத்தை செய்தே?', என்று அவன் செய்த செயலைக் கண்டித்தால் அடுத்த முறை அதே செயலை செய்யும் போது கவனமா செய்வான்.. ஆனா ஏன்டா இப்படி முட்டாள் மாதிரி நடந்துக்குறேன்னு அவனைத் திட்டினா,  தான் ஒரு முட்டாள் என்ற தாழ்வு மனப்பான்மைதான் வரும். அப்பா எதுக்காக இந்த தண்டனையை எனக்குக் கொடுத்தாருன்னு குழந்தை புரிஞ்சுக்கிட்டுத் திரும்ப அதே தவறை செய்யாம இருக்கும்படியா எடுத்து சொல்ல வேண்டியது ரொம்ப அவசியம். பெற்றோர்களின் அன்பால் வழி நடத்தப்படாத குழந்தைகள் மனதளவில் குறைபாடு  உடையவர்களாகவே வளர்வாங்க. அப்படி என் குறைபாடுகளுக்கு என் அப்பா அல்லது அம்மாதான் காரணம்னு நான் நினைச்சா, இதே குறைபாடு என் பிள்ளைக்கு ஏற்படாம பாதுகாக்க வேண்டியது என்னுடைய பொறுப்பு.

சந்தோஷ் : எவ்வளவுதான் நான் அன்பா சொன்னாலும் இல்லை கண்டிச்சாலும் சில விஷயங்களை என் குழந்தையிடம் மாற்றவே முடியலைன்னு பெற்றோர்கள் ஒரு பட்டியலே வைச்சிருப்பாங்க . அதெல்லாம் எப்படி சரி செய்யறது சார் ?

அறிவொளி : உண்மைதான், கை விரல் சப்புவது, படுக்கையிலேயே பாத்ரூம் போறது, கையெழுத்து சரியில்லை, தவறான பழக்கங்கள் உள்ள நண்பர்களோட சேருவது, பெரியவங்களை மதிக்காம எதிர்த்து பேசுவது இப்படி மாற்ற வேண்டிய விஷயம் எதுவாக இருந்தாலும் முழிச்சிட்டு இருக்கும் போது அறிவுரை சொல்லித் திருத்த முடியாத பிள்ளையை  தூங்க வைத்து திருத்த முடியும்.

சந்தோஷ் : அது எப்படி சார் ?

அறிவொளி : சொல்றேன், ஆனா அதை முதலில் நீங்க நம்பனும் . எப்படியெல்லாமோ முயற்சி செய்துட்டேன், அதிலெல்லாம் திருந்தாதவன் இதுல எங்கத்  திருந்தப் போறான்னு நினைச்சா இது பலிக்காது. உதாரணமா உங்க மகன் பத்து வயது அஸ்வின், படிப்பிலும், விளையாட்டிலும் படு சுட்டி. ஆனால் வீட்டிலும் வெளியிலும் பெரியவர்களிடம் மரியாதையில்லாமல் பேசுகிறான், ' எல்லாம் எனக்குத் தெரியும், எனக்கு நீங்க எதுவும் சொல்லத் தேவையில்லை என்ற ரீதியில் நடந்து கொள்வது உங்களுக்கு ரொம்ப கவலையா இருக்குது. இதனால் குடும்பத்தில் பெரும் பிரச்சனையே நடக்குதுன்னா  கவலையை விடுங்க. இன்னும் ஒரு வாரத்திற்குள் உங்கள் பிரச்னை தீர்ந்து விடும்.

சந்தோஷ் : எப்படி சார்?

அறிவொளி :   உங்கள் மகன் தூங்க ஆரம்பித்து ஐந்து அல்லது பத்து நிமிடம் கழித்து அவனுக்குப் பக்கத்தில் இதமா அணைத்தபடி படுத்துக்கொண்டு அன்பான குரலில், 'அஸ்வின் நீ ரொம்ப நல்ல பையன், அம்மாவுக்கும் அப்பாவுக்கும் அஸ்வின் செல்லப் பிள்ளை . நீ எங்களுக்கு கடவுள் தந்த பரிசு. எப்பவும் உனக்குத் துணையா நாங்க இருக்கோம். நீ நல்லா படிக்கிற, நல்லா விளையாடுற (என்னென்ன நல்ல குணங்கள் இருக்கிறதோ அவ்வளவும் சொல்லுங்கள்) ஆனா ஒரே ஒரு விஷயம் தான் உன்னிடம் எங்களுக்கு பிடிக்கவில்லை. பெரியவங்களை மரியாதை இல்லாம பேசிடறே. பெரியவர்களிடம் பணிவுடன் பேசி அவர்களது ஆசீர்வாதத்தைப் பெறுவது நல்லது. உன்னிடம் இவ்வளவு நல்ல குணங்கள் இருந்தும் உன்னைப் பற்றி மற்றவர்கள் தவறாக நினைப்பதற்கு இது ஒரு காரணமாகிவிடும்.

அஸ்வின் என் செல்லம்தானே! அப்பா  சொல்றதைக்  கேட்டு இப்பலேர்ந்து பெரியவங்ககிட்ட மரியாதையா நடந்துக்கப் போறான். அப்பாவுக்கும் அம்மாவுக்கும் ரொம்ப சந்தோஷமா இருக்கு என நேர்மறையாக பேசுங்க. தூங்கும் போது நினைவு மனம் ஓய்வாகவும், நினைவு தாண்டிய மனம் செயல்பட்டுக் கொண்டும் இருக்கும். மனம் ஆல்பா நிலையிலிருந்து தீட்டா நிலைக்கு மாறியிருக்கும் இந்நேரத்தில் நீங்கள் சொல்லும் எந்த விஷயமும் மனதின் அடித்தளத்தில் பதிவாகி செயலாக்கம் பெறும். ஓரிரு தினங்களில் உங்கள் மகனின் நடவடிக்கையில் நல்ல மாற்றத்தைப் பார்க்கலாம். அப்போது அவனது மாற்றத்தையும் அதன் பலன்களையும் சுட்டிக்காட்டி உற்சாகப்படுத்த மறக்காதீங்க.

உங்கள் பிள்ளை எந்த வயதைச் சார்ந்தவராக இருந்தாலும் நடத்தை மாற்றம் பெற்று தன் ஆற்றலை முழுவதும் உணர்ந்து சுயவிழிப்புணர்வு பெற இந்தப் பயிற்சி  உதவும். ஒவ்வொரு தனிமனிதனும் சரியான முறையில் வளர்க்கப்படும் போது வீடும், நாடும், உலகமும் வளமடையும். மறுபடியும் ஞாபகப்படுத்துறேன், இந்தப் பயிற்சியால்  பலன் இருக்குமா என்ற கேள்வி உங்கள் மனத்தில் இருந்தால் நேர்மறை எண்ணங்களால் உங்கள் மனதை முதலில் பக்குவப்படுத்திக் கொண்டு அதுக்கப்புறம்  இப்பயிற்சியைத் தொடங்குங்கள். ஏனெனில் பெற்றோரின் எதிர்மறை எண்ணங்கள் குழந்தையை அதிகம் தாக்கும்.

சந்தோஷ் : நிறைய பேருக்கு ரொம்ப அவசியமான பயனுள்ளப் பயிற்சி இது. கண்டிப்பா நீங்க சொல்றபடியே செய்யறோம் சார்.

அறிவொளி :  தனது நிறைகுறைகளையும், இவ்வுலகில் தனது கடமைகளையும் பற்றி ஒரு மனிதன் சிந்திக்கத் தொடங்கும் போது இறைவனின் மிகப் பெரிய திட்டத்தில் தான் ஒரு சிறு  கருவி என்பது புலப்படும். இந்த ஞானம் வரும் போது மனிதன் சுயநலத்தை விட்டு, சகிப்புத்தன்மை, மன்னிக்கும் மனப்பான்மையை வளர்த்துக் கொண்டு பொதுநலவாதியாகிறான். நம்மை நாம் புரிந்து கொள்ளும் போது மற்றவர்களைப் புரிந்து கொள்வதும் எளிதாகிறது. அப்போது மற்றவர்களும் நம்மைப் புரிந்து கொள்ள முயற்சிப்பார்கள். உனக்குள்ளும் எனக்குள்ளும் இருப்பது ஒரே இறைவனின் உயிர் மூச்சுதான் என்பதை யாவரும் உணர்ந்தால் பிரிவினை பேதங்களுக்கு இடமே இல்லை. உலகம் உய்ய ஒரே வழி தன்னைத்தான் அறிதலே!

தொடரும்....

பிரியசகி 

priyasahi20673@gmail.com

 

]]>
குழந்தை வளர்ப்பு, buddha, life skills, கற்றல், புத்தர், Learning http://images.dinamani.com/uploads/user/imagelibrary/2017/7/20/w600X390/o-WHITE-PARENT-TALKING-TO-KID-facebook.jpg http://www.dinamani.com/health/health-serials/kandaen-pudhaiyalai/2017/jul/15/buddha-and-his-teachings-for-life-skills-2740970.html
2734791 தொடர்கள் கண்டேன் புதையலை புதையல் 31 பிரியசகி DIN Saturday, July 8, 2017 10:00 AM +0530 நம்மை நாமே கண்டறிவோமா!

(பிறருடன் கலந்து பழகுவதால் ஏற்படும் நன்மைகளையும் அத்திறனை வளர்த்துக் கொள்ளத் தேவையானப் பயிற்சிகளையும் சொல்லிக் கொடுத்தபின்  'தன்னைத்தான் அறியும் திறன்' பற்றி விளக்க ஆரம்பித்தார் அறிவொளி.)

அறிவொளி:  கார்த்திக், விஷ்ணு மற்ற எல்லா உயிரினங்களையும் விட மனிதன் சிறந்தவனாயிருக்க காரணம் என்ன சொல்லுங்க பார்க்கலாம்.

கார்த்திக்:  மனிதனோட சிந்திக்கும் திறமை தானே சார் காரணம்?

அறிவொளி:  ரொம்ப சரி கார்த்திக். சிந்திக்கும் திறனும், அதன் விளைவாக  எழும் தேடலும்தான் மனித வர்க்கத்தோட விஞ்ஞான, மெய்ஞான வெற்றிகளுக்கெல்லாம் காரணம்.

'ஆப்பிள் ஏன் மேலிருந்து கீழே விழுகிறது?' என்ற நியூட்டனின் கேள்விக்கும் 'நான் யார்?' என்ற பட்டிணத்தாரின் கேள்விக்கும் 'தேடும்' மனோபாவமே காரணம். பணம், புகழ், பதவி, புதிய கண்டுபிடிப்புகள் என ஒரு சாரார் தேடலைத் தொடரும் அதே நேரத்தில் இன்னொரு சாரார் , மனம் என்றால் என்ன? அதற்கு என்னென்ன சக்திகள் உண்டு? மனத்தைக் கட்டுப்படுத்துவதன் மூலம் என்ன சாதிக்க முடியும்? என்று ஆராய்ந்து கொண்டிருக்காங்க .

சந்தோஷ் : உண்மை தான் சார் அதனாலே தான் நாளுக்கு நாள் தியான மையங்களும், 'வாழும் கலை', ' வாழ்க வளமுடன்'  போன்ற பயிற்சி மையங்களெல்லாம் அதிகமாகிக்கிட்டு இருக்கு. ஒரு சிலர் வியாபார நோக்கோட இதை செய்தாலும் சிலர் கொடுக்கும் அகத்தாய்வுப் பயிற்சிகள் மக்களுக்கு சுய விழிப்புணர்வை உண்டாக்கி, மனதைப் பண்படுத்தவும், வாழ்க்கையை அர்த்தமுள்ளதாக உதவுது.

விஷ்ணு : உடற்பயிற்சி  செய்தா போதாதா சார்? நீங்க சொல்ற அகத்தாய்வு பயிற்சிகள் என்னன்னு புரியலையே ? 

சந்தோஷ் : உடற்பயிற்சி மூலம் உடலை உறுதிப்படுத்தறது எவ்வளவு முக்கியமோ அதை விட முக்கியம் மனப்பயிற்சிகள் மூலம் மனதை வலிமையாக்குவது. மகாத்மா காந்தியோட உடம்பில் தோலால் போர்த்தப்பட்ட எலும்புக் கூடு மட்டும் தான் இருந்தது . ஆனால்  ஆங்கில அரசரோட துப்பாக்கியும், பீரங்கியும் அவரைப் பார்த்து பயந்தது எப்படி? அதுக்கு அவரோட மனபலம் தான் காரணம். எலும்பு, தசைகளோட சக்தியும், உபயோகமும் ஒரு எல்லைக்குட்பட்டது. ஆனா பயிற்சிகள் மூலம் வலிமை பெற்ற மனதோட வலிமை கண்டம் விட்டு கண்டம் பாயக்கூடிய ஏவுகணையை விட அதிக சக்தி வாய்ந்தது. 

கார்த்திக் : நேத்து எங்க மாமா ஒரு வீடியோ காட்டினார் சார். அதுல ஒரு ஆள் தன்னோட தலைமுடியில பஸ்ஸையே கட்டி இழுத்தார். எப்படி இவரால மட்டும் முடியுதுன்னு கேட்டதுக்கு உடல் பலம் மட்டுமில்ல அவரோட மனபலமும் அதிகமா இருக்கிறதாலதான் இது முடியுது. இதுக்கு வருஷ கணக்கா மனதை ஒருமுகபடுத்தும் பயிற்சி எடுத்திருப்பார்னு எங்க மாமா சொன்னார்.

அறிவொளி : உங்க மாமா ரொம்ப சரியா சொல்லியிருக்கார் கார்த்திக். பஸ்ஸை இழுக்க மட்டுமில்ல பரிட்சையில் நல்ல மார்க் எடுக்கவும், வாழ்க்கையில் தன் குறிக்கோளை அடையவும் மனதை ஒரு முகப்படுத்துறது ரொம்ப முக்கியம்.

கார்த்திக் : ஆமா சார், படிச்சதெல்லாம் எக்ஸாம் நேரத்தில மறந்து போயிடுறதுதான் என்ன மாதிரி பசங்களுக்குப் பெரிய பிரச்சனையே நாங்க இதுக்கு என்ன பண்ணனும்னு சொல்லுங்க சார்.

அறிவொளி : படிச்சது மறந்து போறதுக்கு முக்கிய காரணம் படிக்கும் போது மனதை சிதற விடுவதும் , படிப்பில் ஆர்வம் இல்லாததும் தான். மூச்சு, உடல், மனம் இந்த மூன்றையும் தன் கட்டுப்பாட்டில் வைக்க தெரிந்தவர்களுக்கு கைவராத வித்தைகளே கிடையாது. உடலை வலுவாக்க யோகப்  பயிற்சிகளும் மனதை வலுவாக்க தியானப்  பயிற்சிகளும் எல்லோருக்கும் ரொம்ப அவசியம்.

கார்த்திக் : உடற்பயிற்சி, யோகா எல்லாம் ஸ்கூல்லயே சொல்லித் தராங்க.  தியானம் எப்படி செய்யணும்னு சொல்லுங்க சார்.

அறிவொளி : சரி சொல்றேன் .

(வட்டமாக இருக்கும் பூமியின் படம் ஒன்றை எடுத்து சுவரில் மாட்டினார்)

முதல் ஒரு வாரத்திற்கு இந்த மாதிரி வட்டமாக இருக்கும் ஏதாவது ஒரு படத்தை பயிற்சிக்குப்  பயன்படுத்திக்கோங்க. வசதியான ஒரு இடத்தில்  கண் மூடி அமர்ந்து ஆழ்ந்து மூச்செடுத்து உடலையும் மனதையும் முழுசா தளர்த்திக்கோங்க. மூச்சு சீர் அடைந்தால்  நாடி, இதய துடிப்பு சீரடையும். உடல் அமைதியாகும். இந்த அமைதி மனதிலும் பரவும். இப்ப கண்ணைத்திறந்து படத்தை உற்று பாருங்க. படத்தைப்பற்றிய எந்த விதமான ஆராய்ச்சி கண்ணோட்டமும் இல்லாமல் , வேறு எந்த சிந்தனையும் இல்லாமல் பார்வையையும், மனதையும் படத்தில் நிலைக்க வையுங்க. வேறு சிந்தனைகள் சில நேரம் வரக்கூடும் பரவாயில்லை. காத்தடிக்கும் போது நீர்க்குமிழிகள் காணாமல் போவது போல இந்த சிந்தனைகளும் தானே மறைந்து போகும். மனதை மறுபடியும் படத்தில் ஒருமுகப்படுத்துங்க. பத்து நிமிடம் இந்த பயிற்சியை செய்த பிறகு பழைய நிலைக்குத் திரும்புங்க. ஆரம்பத்தில் இது கொஞ்சம் சிரமமா இருந்தாலும் நாள் போகப் போக மனம் உங்கள் வசப்படும். ஒரு வாரத்துக்குப் பிறகு படத்துக்கு  பதிலா ஒரு வெண்கல மணியை அடித்து, அந்த ஒலியில் மனதை நிலைக்கச்  செய்யுங்க. அல்லது ஏதாவது ஒரு பொருளின் மீது மனதை ஒருநிலைப்படுத்தி பயிற்சி செய்யுங்க .

விஷ்ணு : இதனால என்ன பயன் சார்?

அறிவொளி : இந்தப்பயிற்சியால் மனதை ஒரு முகப்படுத்தும் திறன் அதிகமாவதால் செய்யும் வேலையில் தவறுகள் குறைந்து , படிப்பிலும் அன்றாட வாழ்விலும், செய்யும் தொழிலும் நல்ல முன்னேற்றம் ஏற்படும் .

சந்தோஷ் : இப்ப  ' முழுமனதுடன் இருத்தல்'  (mindfulness ) பயிலரங்குகள் நடத்துறோம்னு நிறைய விளம்பரம் வருது சார். முழுமனத்துடன் இருத்தல்னா  என்ன அர்த்தம்?

அறிவொளி : நாம செய்யும் எந்த செயலையும் எண்ணச் சிதறல்கள் இல்லாம முழுமையான விழிப்புணர்வுடன் செய்வதும், மூன்றாம் நபர் நிலையிலிருந்து நம்மை நாமே சீர்தூக்கிப் பார்ப்பதுமே 'முழு மனதுடன் இருத்தல்' என்பதன்  அர்த்தம்.

சந்தோஷ் : நாம எடுத்த முடிவு சரியான தப்பான்னு நமக்கே சில நேரம் சந்தேகம் வரும் போது என்ன செய்யுறது சார் ?

அறிவொளி : உணர்ச்சி வசப்பட்டு நாம எடுக்க கூடிய சின்னத் தவறான முடிவு கூட நம் வாழ்க்கையையே திசை திருப்பி விடக்  கூடும்.  அதனால உணர்ச்சிவசப்பட்ட நிலையிலோ அல்லது மனம் சோர்வா இருக்கும் போதோ எந்த முடிவும் எடுக்காம கொஞ்சம் ஆறப் போடுறது நல்லது. நாம செய்த இதே காரியத்தை வேற யாரவது செய்திருந்தா அதை நாம எப்படி விமர்சனம் செய்வோம்னு யோசிக்கணும். அப்ப  நாம எடுத்த முடிவு சரியா, இல்லை மாற்று வழி ஏதாவது இருக்கான்னு யோசிக்கத் தோணும். எப்படி நிழல் நம்மோடு ஒட்டாமலும்,ரொம்ப விலகிப் போகாமலும் இருக்கோ அதே மாதிரி, மனதளவில் நம்மை விட்டு நாமே கொஞ்சம் விலகி நின்னு, நம் செயலை உற்று நோக்கி சுயவிமர்சனம் செய்யப் பழகணும்.

கார்த்திக் :  அது எப்படி சார் நம்மை விட்டு நாமே விலகி நின்னுப் பார்க்க முடியும்? சினிமாவில் தான் மனசாட்சி பேசுவதை அப்படிக்  காட்டுவாங்க.

அறிவொளி : சினிமாவில் காட்டுவது போல உனக்குள்ளே இருந்து இன்னொரு கார்த்திக் வெளியே வந்து உனக்கு எதிரா நின்னு பேசலைன்னாலும், நீயே அப்படிக்  கற்பனை செய்துக்கலாம். தினசரி செய்யும் வேலைகளான பல் துலக்குவது, வீட்டை ஒழுங்கு படுத்துவது, சாப்பிடுவது போன்ற ஏதாவது ஒரு வேலையைத் தேர்ந்தெடுத்துக்கோங்க. வேற ஒருத்தர் இந்த வேலையைச்  செய்யும் போது அவரை எப்படிப் பார்ப்பீங்களோ அதே மாதிரி உங்களை நீங்களே மனக்கண்ணால் உற்றுப் பாருங்க. இந்த வேலை எப்ப முடியும்ன்னோ அல்லது இது முடிஞ்சப்பிறகு அடுத்த வேலை என்ன செய்யணும்னோ வேற சிந்தனைகளுக்கு இடம் கொடுக்காம, ஒவ்வொரு அசைவையும், அது உங்க உடம்பில் ஏற்படுத்தும் மாற்றங்களையும் கவனமா உற்றுப் பாருங்க. செய்த வேலை முடிஞ்சதும் இத்தனை நாளா நீங்க கடமையா நினச்சு செய்த வேலைக்கும், இப்ப அணுஅணுவா கவனித்து செய்த வேலைக்கும் உள்ள வித்தியாசத்தை யோசித்துப் பாருங்க.

சந்தோஷ் :  ஏதாவது ஒரு உதாரணம் சொல்லுங்களேன் சார்.

அறிவொளி : சரி, நீங்க பசியோட சாப்பிட உட்காருவதா நினைச்சுக்கோங்க. உங்க எதிரில் தட்டில் சுவையான உணவைப் பார்த்த மூளையின் கட்டளையால்  உடனே நாக்கில் எச்சில் சுரப்பதையும், அந்த உணவை ஜீரணிக்க வயிற்றில் ஹைட்ரோ குளோரிக் அமிலம் சுரப்பதையும், அதனால் பசி அதிகமாவதையும் உணருவீங்க. பிறகு உணவு பற்களால் அரைக்கப்பட்டு கூழ்நிலையில் உணவுக்குழல் வழியா இரைப்பை உள்ளே சென்று சீரண நொதிகளால் சீரணிக்கப்படுவதையும், ஆற்றல் வெளிப்படுவதையும் உணர முடியும். இதனால் பசிக்காக சாப்பிடுவதற்கும், ருசிக்காக சாப்பிடுவதற்கும் உள்ள வித்தியாசம் புரியும். உடலில் ஏற்படும் மாற்றங்களைத் தெளிவாக உணர முடிவதால் உடலுக்கு ஏற்ற உணவை மட்டும் சாப்பிட்டு உணவே மருந்தாக நோயற்ற வாழ்வு வாழலாம்.

சந்தோஷ் :  சாப்பிடும்போது ஏன் பேசக்கூடாது, டிவி பார்க்கக் கூடாதுன்னு பெரியவங்க சொல்றாங்கன்னு இப்பத்தான் புரியுது சார்.

அறிவொளி : ஆமா சந்தோஷ், பேசிக்கிட்டோ, டிவி பார்த்துக்கிட்டோ சாப்பிடும்போது என்ன சாப்பிடுறோம், எவ்வளவு சாப்பிடுறோம் என்ற விழிப்புணர்வே இருக்காது. இது ஒரு சின்ன உதாரணம்தான். இதே மாதிரி நம் தினசரி நடவடிக்கைகள் முதல், நம்மிடம் ஒப்படைக்கப்பட்ட முக்கியமான வேலைகள் வரை ஒவ்வொரு செயலையும் முழு மனத்துடன் உற்று நோக்கி விழிப்புணர்வோடு செய்தால், அந்த செயலின் சாதக பாதக விளைவுகளை உணர்ந்து தவறுகளைச் சரி செய்து நம்மை நாமே மேம்படுத்திக் கொள்ள முடியும். வேலை முடிந்த பிறகு நம்மை நாமே கேட்டுக் கொள்ள வேண்டியக் கேள்விகள்,

1. எந்த எதிர்பார்ப்புடன் என்னிடம் இந்த வேலை ஒப்படைக்கப்பட்டதோ அதை நான் முழுமையாகப் பூர்த்தி செய்திருக்கின்றேனா?

2. இந்த வேலை இன்னொரு முறை என்னிடம் கொடுக்கப்பட்டால்  வேறு என்னென்ன மாற்றங்களை செய்தால் இன்னும் சிறப்பாக இருக்கும்?

3. அதற்கு யார் யாருடைய உதவி தேவைப்படும்?

என்று நம்மை நாமே பார்த்து கேள்வி கேட்டு குறைகளைக் களைந்து நிறைகளைக் கூட்டி செயல்பட்டால் நமது திறன்களை மெருகேற்றிக் கொள்ளவும் முடியும், நம் முந்தைய  நிலையை விட  மேம்பட்ட நிலையை நாம் அடையவும் முடியும்.

(தம்மைத்  தாமே அறிதிறனால் 

அணுகா, அகலா நிழல் போல 

நம்முடன் நாமே அணுகாமல்  

நம்மை விட்டு நாமே  அகலாமல் 

நம்மை நாமே விமர்சித்து 

நம்முடன் நாமே போட்டியிட்டு 

நம்மிலும் நாமே மேம்படுவோம் ! )

தொடரும்...

பிரியசகி 

piriyasahi20673@gmail.com

 

]]>
Life Skills, Learning techniques, விழிப்புணர்வு, கற்றல் http://images.dinamani.com/uploads/user/imagelibrary/2017/7/10/w600X390/knowthyself.jpg http://www.dinamani.com/health/health-serials/kandaen-pudhaiyalai/2017/jul/08/life-skills-new-techniques-for-better-learning-and-living-2734791.html
2730999 தொடர்கள் கண்டேன் புதையலை புதையல் 30 பிரியசகி DIN Saturday, July 1, 2017 10:00 AM +0530 வையத்தில் வாழ்வாங்கு வாழ...!

(பிறர் மனதைப் படிப்பது எப்படி, மேடைப்பேச்சில்  சிறந்து விளங்குவது எப்படி, பிறர் மனதில் இடம் பிடிப்பது எப்படி என்பதையெல்லாம் உதாரணங்களுடன் விளக்கி முடித்தப் பின் வாழ்க்கையை ஜெயிப்பது எப்படி என்பது  பற்றி தெளிவு படுத்தலானார் அறிவொளி)

சந்தோஷ் : சிலரெல்லாம் மத்தவங்களோட சிரிச்சி பேசாம எப்பவும் இறுக்கமான முகத்தோடவே திரியுறாங்க. அது அவங்களை சுத்தி இருக்கறவங்களுக்கு மட்டுமில்லாம அவங்களுக்குமே  மன அழுத்தத்தை தராதா சார் ?

அறிவொளி : நிச்சயமா தரும் சந்தோஷ். இறுக்கமான முகம் அவங்களுக்குள்ளே இருக்கும் மன அழுத்தத்தோட வெளிப்பாடாகவும் இருக்கலாம். சிலர் ஒரு சூழல்ல அப்படி இருந்தாலும் வேறொரு சூழல்ல சகஜமா சிரிச்சுப் பேசுறவங்களா இருப்பாங்க.

கார்த்திக் : ஆமா சார். ராஜாராம் சார் போன வாரம் குடும்பத்தோட வெளியே  போறதைப் பார்த்தேன். அவர் பிள்ளைங்களோட அப்படி சிரிச்சு சிரிச்சு பேசிட்டு போறதைப் பார்த்தா எனக்கு  கோவமா வந்திச்சு. எங்ககிட்ட மட்டும் ஏன் இப்படி சிடுசிடுன்னு மூஞ்சிய வெச்சுக்கிட்டு  கடுப்பேத்துறார்னு தெரியல.

அறிவொளி : (புன்னகைத்தவாறே பேசுகிறார் )

நாம எல்லோருமே பிறந்ததுலேர்ந்து இறக்கும் வரைக்கும் நிறைய முகமூடிகளைப் போட்டுக்கிட்டுத் தான் இருக்கோம் கார்த்திக். நண்பர்களோட இருக்கும் போது ஒரு முகம். அலுவலகத்துல இருக்கும் போது இன்னொரு முகம்னு நமக்கு பல பொய் முகங்கள்  இருக்கு.

ராஜாராம் மாதிரி சிலபேர் வீட்டில் கலகலப்பா இயல்பா இருந்தாலும் பள்ளியில அந்த மாதிரி இருந்தா  பிள்ளைங்க தன்னை மதிக்க மாட்டாங்கன்னு கண்டிப்பானவரா நடந்துக்குவாங்க.  வேற சில பேர் நண்பர்களோட ஜாலியா இருந்தாலும் தன சொந்த வீட்டிலேயே சர்வாதிகாரியா நடந்துக்குவாங்க. தன் இயல்புக்கு மாறா நடக்கும் இவங்க காலப்போக்கில் அதுவே இயல்பா மாறிப் போய் சொந்த குடும்பத்தாராலேயே வெறுக்கப்படுவாங்க. ஆசிரியரா இருந்தா மாணவர்களாலும் சக ஆசிரியர்களாலும் வெறுக்கப்படுவாங்க. சில நேரம் பாதிக்கப்பட்டவர்களால் பழிவாங்கப்படுவதும் நேரும்.

சந்தோஷ் : எனக்கு தெரிஞ்ச ஒரு பள்ளிக்கூடத்து தலைமை ஆசிரியர் ஒருத்தர் பள்ளிக்கூடத்து மாணவர்களிடமும்  ஆசிரியர்களிடமும்  அளவுக்கு மீறி கண்டிப்பா நடந்துக்குவார். அதுக்கு அவர் சொல்லும் காரணம் முப்பது வருஷ ஆசிரியப் பணி  வாழ்க்கையில் என்னோட ஒரு மாணவன் கூட பெயிலானதே கிடையாது. காரணம் இராணுவக் கட்டுப்பாட்டோடு ஒழுக்கத்தையும் கடைபிடிக்க வைக்குறதுதான் என பெருமையா சொல்லிக்குவார். 

ஒரு நாள் பன்னிரெண்டாம் வகுப்புல ஒரு பையனும் பெண்ணும் தனியா நின்னு பேசிக்கிட்டுருப்பதைப் பார்த்தவர் விசாரிச்சிருக்கார். இனக்கவர்ச்சியால இருவரும் நெருங்கி பழகுறதைத் தெரிஞ்சிக்கிட்டு அந்தப் பொண்ணை எல்லோர் முன்னாடியும் ரொம்ப திட்டியிருக்கார். அந்த பையனையும் அவங்க நட்புக்கு உதவிய இன்னொரு பையனையும்  சட்டையைக் கழட்டிட்டு மைதானத்தில வெய்யில்ல நிக்க வச்சிருக்கார். எல்லோரும் தன்னைக் கேவலமா பார்த்து சிரிப்பதைக் கண்டு கூனிக்குறுகிப் போன அந்த இரண்டு பிள்ளைகளும் தற்கொலை பண்ணிக்கிட்டு இறந்து போய்ட்டாங்க. அவங்க எழுதி வச்சிருந்த உருக்கமான கடிதத்தில் எங்க மரணத்துக்கு தலைமை ஆசிரியர் தான் காரணம்னு அவர் பேரை எழுதியிருந்தாங்க டாக்டர் ஆகணும்னு கனவு கண்டுகிட்டிருந்த எம் புள்ளையை அநியாயமா கொன்னுட்டானே பாவின்னு இறந்து போன பிள்ளைகளோட பெற்றோர் அழுது புலம்பியது ரொம்பக் கொடுமையா இருந்தது. அந்த இரண்டு பேரோட சேர்ந்து தண்டனையை அனுபவிச்ச நண்பன் இந்த நிகழ்வால ரொம்ப மனசு பாதிக்கப்பட்டு தேர்வை சரியா எழுத முடியாம பெயிலாகிப்  போனான்.  இப்ப அந்த தலைமையாசிரியர் தன் இமேஜ் எல்லாம் உடைஞ்சிப்  போய் பத்திரிக்கைகளில்  நாறடிக்கப்பட்டு கோர்ட் , கேஸுன்னு அலைந்துக்கிட்டிருக்கார்.

சந்தோஷ் :  இந்த வயசுல இனக்கவர்ச்சி ஏற்படுவது சகஜம் தானே . அதை எப்படிக் கையாள்வது எப்படின்னு தெரியாத ஒரு ஆளால மூணு பிள்ளைங்களோட வாழ்க்கையே வீணாப் போச்சே. அந்தப் பிள்ளைகளும் உணர்ச்சிவசப்பட்டு முட்டாள்தனமான தற்கொலை முடிவை எடுத்திருக்க வேண்டாம்.  

அறிவொளி : இவங்க மட்டுமில்ல சந்தோஷ் ஒவ்வோர் ஆண்டும் 15- 20 லட்சம் பேர் தற்கொலைக்கு முயற்சி செய்றாங்க. இதில் 15 - 20 ஆயிரம் பேர் இறந்து போறாங்க. அம்மா, அப்பா திட்டினாங்க, ஆசிரியர்கள் திட்டினாங்க, பரிட்சையில் தோல்வி, காதலில் தோல்வி, கடன் தொல்லை, குடும்பப் பிரச்னை  இப்படி ஏதாவது ஒரு காரணத்துக்காக நான்கு நிமிடங்களுக்கு ஒரு இந்தியன் தற்கொலை செய்து கொல்வதாகவும்  அதில் மூன்றில் ஒருவர் முப்பது வயதுக்குட்பட்ட இளைஞர்கள் தான் என்றும் புள்ளி விவரம் சொல்லுது. உலக சுகாதார நிறுவனத்தின் (WHO) தகவலின்படி உலகத்திலேயே அதிக தற்கொலை நடப்பது இந்தியாவில் தான். வானொலி புகழ் தென்கச்சி சாமிநாதன் அவர்களின் இன்று ஒரு தகவலின்படி தென்கிழக்கு ஆசியாவிலேயே அதிக தற்கொலைகள் நிகழும் இடம் தமிழ்நாடுதான் என்பதைக் கேட்டு நாம வெட்கி தலை குனியனும்.

கார்த்திக் : இந்தியா நல்ல விஷயங்களில் முதல் இடம் பிடிக்காம எய்ட்ஸ் நோயாளிகளின் எண்ணிக்கை, சர்க்கரை வியாதி உள்ளவர்களின் எண்ணிக்கை, தற்கொலை செய்பவர்களின் எண்ணிக்கை இப்படி கெட்ட விஷயத்துல எல்லாம் முன்னாடி இருக்குறது உண்மையிலேயே ரொம்ப அவமானமா இருக்கு சார்.

அறிவொளி : ஆமா கார்த்திக், பிரச்னைகளுக்கு சாகுறதுதான் தீர்வுன்னா உலகத்துல யாருமே உயிரோட இருக்க முடியாது. உயிரே போகும் பிரச்சனைன்னு நாம நினைக்கும் விஷயங்களுக்கு மேல உன்னதமான  விஷயங்கள் உலகத்துல எவ்ளவோ இருக்கு என்பதை இவங்க எல்லாம் புரிஞ்சிகிட்டா இப்படி ஒரு முடிவுக்கு போக மாட்டாங்க.

சந்தோஷ் : தற்கொலை மட்டுமில்ல சார் மணமுறிவுகளும் இப்ப ரொம்ப அதிகமாகிடுச்சு. முன்னாடி கூட்டுக்குடும்பங்கள் இருந்தப்போ பத்து பன்னிரண்டு பிள்ளைகள் இருந்தாலும் ஒருத்தரோட ஒருத்தர் விட்டுக் கொடுத்துப் போவது , மத்தவங்களை மரியாதையா பேசுவது, மத்தவங்க உணர்வுகளை மதித்து நடப்பது எல்லாம் குடும்பத்து உறவினர்கள் மூலமாவே பிள்ளைகளுக்கு கற்று கொடுக்கப்பட்டது. இப்ப ஒத்தைப் பிள்ளை அதுவும் செல்லப்பிள்ளையா இருப்பதாலே 'நான் ',  ' எனக்கு' என்ற தன்முனைப்பும், சுயநலமும் அதிகமாகி  பிள்ளைகள்  நீயா, நானா? என போட்டி போட்டு வாழ்க்கையே கேள்வி குறியாகிக்கிறாங்க.

விஷ்ணு : இந்த நிலையை மாத்த என்ன பண்ணனும் சார் ?

அறிவொளி :  நான் நினைப்பதெல்லாம் நடக்கணும், என்  எண்ணத்துக்கேத்தபடி மத்தவங்க  மாறணும்னு நினைக்காம  சூழ்நிலைக்கு  ஏத்தபடி  வளைந்து கொடுக்கவும், மத்தவங்களோட உணர்வுகளை மதித்து நடக்கவும் வீடும் , பள்ளியும் பிள்ளைகளுக்கு சின்ன வயசுலேர்ந்தே கற்று கொடுக்கணும். சாரி, ஓகே, தேங்க்யூ என்ற இந்த மூன்று மந்திராவார்த்தைகளை சரியா உபயோகிக்கத் தெரிஞ்சவங்களுக்கு பகைவர்களே இருக்க முடியாது. பிடிவாதம், சண்டை, கோபம் போன்ற எதிர்மறை குணங்களால சாதிக்க முடியாததை எல்லாம் இந்த மந்திர வார்த்தைகளால் சாதிக்க முடியும்.

சந்தோஷ் : ஒருசிலர் எப்பவும் இந்த உலகமே தனக்கு எதிரா இருப்பதா கற்பனை பண்ணிக்கிட்டு மன அழுத்தத்தோடவே இருப்பாங்க. அவங்க மாதிரி ஆட்களுக்கு நம்பிக்கையும் வாழ்க்கையில் பிடிப்பையும் ஏற்படுத்த ஏதாவது பயிற்சி இருக்கா சார் ?

அறிவொளி : இருக்கு சந்தோஷ் . மனஅழுத்தம் இருக்கும் யார் வேணாலும் இந்தப் பயிற்சியை செய்யலாம். இப்ப நீங்க தான் அந்த ஆள்னு சொன்னா உங்களுக்கு பிடித்த நபர் (நண்பர் அல்லது வாழ்க்கைத் துணை) ஒருவருடன் சற்று நேரம் மனம்விட்டு, ஒளிவு மறைவின்றி உங்களது இன்ப துன்பங்களை பகிர்ந்து கொள்ளுங்க. நம்பிக்கைக்குரிய இந்த நபரின் எதிரே உட்கார்ந்து, ஒருவரது கை கீழும் மற்றவரது கை அதன் மேலும் இருக்கும்படி பிடித்து , கண்களை மூடி ஆழ்ந்து மூச்செடுத்து உடலையும் மனதையும் தளர்த்துங்கள். உங்கள் மனக்கவலைகள், ஏக்கங்கள், எதிர்பார்ப்புகள் அனைத்தையும் மறந்து இணைந்திருக்கும் கரங்களின் மீது மட்டுமே கவனத்தை செலுத்துங்கள். இணைந்த கரங்களின் வழியாக புதிய ஜீவசக்தி உடல்முழுவதும் பாய்வதை உணருங்கள்.

உங்களிருவருக்கும் இருந்த சிறுசிறு பிரச்சனைகள் மறந்து, பிரிக்க முடியாத ஆழ்ந்த உறவு ஏற்படுவதை உணருங்கள். கண்களைத் திறந்து, ஏதும் பேசாமல் இந்தப்புதிய அனுபவத்திற்காக கண்களால் நன்றி கூறுங்கள். மீண்டும் கண்களை மூடி இணைந்திருக்கும் கைகளின் மீது கவனத்தை செலுத்துங்கள்.  ஆழ்ந்த மூச்செடுத்து உடலையும் மனதையும் தளர்த்துங்கள். மீண்டும் கண்களைத் திறந்து உங்கள் துணைவரின் இடத்தில் உங்களுக்கு அறிமுகமான அனைவரும் (பிடித்தவர், பிடிக்காதவர், உங்களுடன் பிரச்னை செய்பவர்கள் உங்களுக்கு முன்மாதிரிகளாக நினைப்பவர்கள் , வரலாற்றுத் தலைவர்கள்) இருப்பதாக கற்பனை செய்யுங்கள், யாவரும் வட்டமாக ஒருவரோடு ஒருவர் கைகோர்த்திருப்பதாகவும், யாருடனும் எந்த கசப்புணர்வும் இன்றி எல்லோருடைய முகமும் கவலையின்றி மலர்ந்திருப்பதாகவும் கற்பனை செய்யுங்கள்.

இந்த கற்பனையானது, நீங்கள் தனிநபரல்ல, தனித்தீவில் இல்லை, உங்களுக்கு உறுதுணையாக மனித சமுதாயம் முழுவதும் கைகோர்த்துள்ளது என்ற நம்பிக்கையைக் கொடுக்கும். இம்மாபெரும் அண்டத்தின் முக்கிய பகுதி நீங்கள் ‘உயிர்கள் வாழும் ஒரே கோள்' என்ற பூமியின் பெருமைக்கு நீங்களும் ஒரு கரணம் என்பதை உணருங்கள். நீங்கள் இன்னும் சாதிக்க வேண்டியது இன்னும் எவ்வளவோ உள்ளது. மனிதர் யாவருடனும் இணைந்த கரங்களால் கிடைத்துள்ள இப்புதிய தெம்பினால் உங்களால் எதையும் சாதிக்க முடியும் என்பதை உணருங்கள்.

உங்களுடன் கைகோர்த்துள்ள தலைவர்களின் வாழ்க்கையை அவர்கள் சந்தித்த அவமானங்களையும், தோல்விகளையும் அந்த அனுபவங்களின் படிப்பினையால் அவர்கள் பெற்ற வெற்றியையும் சிந்தித்து பாருங்கள். நாம் சந்தித்துள்ள தோல்வி மிகச் சாதாரணமானது. நம் வாழ்வின் வெற்றி பறிக்கப்படவில்லை. சற்று தாமதப்பட்டுள்ளது அவ்வளவே. வெற்றிக்கனி நம் கைக்கு மிக அருகிலேயே உள்ளது. சறுக்கி விழுந்த நாம் எழ முயற்சித்தாலே பாதி வெற்றி கிடைத்ததற்கு சமம். மீதி பிறருடன் இணைந்து செய்யும் கூட்டு முயற்சியால் தானாகவே நிறைவேறும். இந்த நம்பிக்கை உங்கள் மனதில் ஏற்பட்டதும் கண்களைத் திறந்து இப்பயிற்சியில் நீங்கள் பெற்ற அனுபவத்தை உங்கள் துணைவர் / நண்பரோட பகிர்ந்துக்கணும்.

சந்தோஷ் : எல்லோருக்கும் ரொம்ப உபயோகமானப் பயிற்சி சார். அரிது அரிது மானிடராய்ப் பிறத்தல் அரிதுன்னு நம்ம பெரியவங்க சொல்லியிருக்காங்க. அப்படிப்பட்ட இந்த அரிய மானிடப் பிறவியோடப் பயனை பிறருடன் கலந்து பழகி தனக்கும் மத்தவங்களுக்கும் பயனுள்ள வாழ்க்கையை வாழ்வதன் மூலம் வாழ்க்கையையே ஜெயிக்க முடியும்.

கார்த்திக் : வாழ்க்கையில் ஜெயிக்கறதுக்கும் வாழ்க்கையையே ஜெயிக்கறதுக்கும் என்ன சார் வித்தியாசம்.

அறிவொளி : திறமை, பணம், புகழ் மூலம் சமூகத்தில் உயர்ந்த நிலைக்கு வந்தவங்க யாருடைய பேராவது சொல்லுங்க பார்க்கலாம்.

விஷ்ணு : பில்கேட்ஸ், நாராயணமூர்த்தி, சச்சின் டெண்டுல்கர்  , இளையராஜா, ஏ.ஆர். ரகுமான் இப்படி நிறைய பேர் இருக்காங்க சார்.

அறிவொளி : சரி இவங்க எல்லாம் தனக்கு கிடைத்த வாய்ப்புகளை முழுமையா பயன்படுத்தி தன்னை உயர்த்திக்கிட்டு வாழ்க்கையில் ஜெயித்தவங்க.  தன்னையே இந்த சமுதாயத்துக்கு அர்பணித்தவங்க, தன்னலமற்ற சேவை செய்தவங்க, சமுதாயத்தை உயர்த்த வழி செய்தவங்க யார் பேராவது சொல்லுங்க பார்க்கலாம்.

கார்த்திக் : இயேசு, புத்தர், மகாத்மா காந்தி, அன்னை தெரசா இவங்க எல்லாம் தானே சார்.

அறிவொளி : ஆமா கார்த்திக் இந்த மானிட சமூகத்துக்காக தன் வாழ்க்கையையே அர்ப்பணித்த இவங்க தான் வாழ்க்கையையே ஜெயித்தவங்க. இறந்து பல்லாண்டுகள் ஆனாலும்  வாழ்வாங்கு வாழ்பவர்கள். தன்னைப்   பத்தி யோசிக்காம மத்தவங்களோட நலன் பத்தி எப்போதும் சிந்திக்கிறவங்க யாரும் இந்த உயர்நிலையை அடைய முடியும். அன்பு மட்டுமே பரஸ்பரம் கொடுக்க கொடுக்க குறையாமல் அதிகரிக்க கூடியது. என்னை அன்பு செய்ய யாரும் இல்லைன்னு நினைக்கிறவங்க கூட அதே அன்புக்காக தன்னைப் போல ஏங்குறவங்க இந்த உலகில் ஏராளமானவர்கள் உண்டு என்பதை உணர்ந்தா அவங்களோடக் கரம் கோர்த்து வாழ்க்கையை அர்த்தமுள்ளதா மாத்திக்க முடியும். வாழ்க்கையையே ஜெயிக்கவும் முடியும். சாதாரண மனிதன் சமுதாயத்தில் வளர்கிறான் சாதனை மனிதனோ சமுதாயத்தையே வளர்க்கிறான்.

(வாழ்க்கையில் புலம்பல்களோடு மரண தேவனுக்காக காத்துக் கொண்டிருப்பதோ மரணத்தையே வென்று வாழ்வாங்கு வாழ்வதோ நாம் தேர்வு செய்து கொள்வதைப் பொறுத்ததே. நீங்கள் எதைத் தேர்வு செய்யப் போகின்றீர்கள்.)

தொடரும்...

பிரியசகி 

priyasahi20673@gmail.com

]]>
happy life, வாழ்வாங்கு வாழ, புதையல் http://images.dinamani.com/uploads/user/imagelibrary/2017/7/3/w600X390/63602575302670104382666162_AWARENESS.jpg http://www.dinamani.com/health/health-serials/kandaen-pudhaiyalai/2017/jul/01/how-to-live-a-happy-life-2730999.html
2726523 தொடர்கள் கண்டேன் புதையலை புதையல் 29 பிரியசகி DIN Saturday, June 24, 2017 01:14 PM +0530 வாழ்க்கையில் ஜெயிக்க...!

(வாழ்க்கையில் ஜெயிக்க பிறருடன் கலந்து பழகுவது எவ்வளவு முக்கியம் என்பது பற்றி விளக்கி கொண்டிருந்தார் அறிவொளி.) 

விஷ்ணு : சார் மத்தவங்களோட எளிதா பழகுறதோ, மேடையில் பேசுறதோ எல்லோருக்கும் வர்றதில்லையே இதுக்கு என்ன செய்யணும் ?

சந்தோஷ் : நீ சொன்னது ரொம்ப சரி தான் விஷ்ணு, புதுசா பார்ப்பவர்களையும் நண்பர்களா ஆக்கிக்கவோ, மத்தவங்க கிட்ட நமக்கு ஆக வேண்டிய காரியத்தை சாதிக்கவோ இந்தத் திறன் ரொம்ப அவசியம். ஆனா, தான் சொல்ல வந்ததை மத்தவங்களுக்குப் புரியும்படி பளிச்சுன்னு சொல்றவங்க எத்தனை பேர்? உச்சரிப்பில் பிழை, வார்த்தைகளைத் தேர்ந்தெடுத்து பேசுவதில் பயிற்சி இல்லாதது, சொல்ல வந்த விஷயத்தில் தெளிவும், தீர்க்கமும் இல்லாததும், பதற்றம், தன் மீதும் கேட்டுக் கொண்டிருப்பவர்கள் மீதும் நம்பிக்கை இல்லாததும் தான் மேடைப்பேச்சில் ஜெயிக்க முடியாதவர்கள் சொல்லும் காரணங்கள்.

எந்த ஒரு காரியத்துக்கும் முன் தயாரிப்பு ரொம்ப முக்கியம். மேடையில பேசுறதுக்கு முன்னாடி  வீட்டில்  கண்ணாடிக்கு முன்னாடி நின்னு பலமுறை சரியான உடலசைவுகளோடப் பேசிப் பார்க்கணும். ராமனுக்காக சீதைகிட்ட தூது போறதுக்கு முன் அனுமன் கூட மனசுக்குள்ளேயே பேசி ஒத்திகை பார்த்துக்கிட்டு அப்புறமா தான் நேர்ல போய்  பேசியதா வால்மீகி ராமாயணத்துல இருக்கு. பேச்சுத்திறனை வளர்த்துக்க நிறைய புத்தகங்கள் படிக்கிறதும், மேடைப் பேச்சாளர்களோட பேச்சுகளைக் கேக்குறதும் ரொம்ப முக்கியம். இப்பதான் இன்டர்நெட் வசதி இருக்கே . உங்களுக்குப் பிடிச்ச பேச்சாளர்களோட பேச்சை 'யூ ட்யூப்' வழியா வீடியோவில் பார்த்து அவரோட நிறை, குறைகளை உங்களோட ஒப்பிட்டுப் பார்த்து உங்களை வளர்த்துக்க முடியும். யார் பேசினாலும் அவர் என்ன பேசுகிறார்னு உன்னிப்பா கவனிக்கணும்.

கார்த்திக் :  அது தான் சார் பிரச்சனையே சில நேரம் யாராவது பேசத் தொடங்கியதுமே மனசு வேற எதைப் பத்தியாவது யோசிக்கத் தொடங்கிடும். அவர் பேசி முடிச்சு எல்லோரும் கைதட்டும் போதுதான் திரும்ப கவனம் வரும்.

அறிவொளி : கவனத்தை சிதற விடாம மனதை ஒருமைப்படுத்துறது ரொம்ப முக்கியமான விஷயம் கார்த்திக். ஒரு வேளை பேச்சாளர் சரியா பேசலைனா கூட இவரை மாதிரி நாம பேசக் கூடாது என்பதையாவது கத்துக்க முடியும்.

விஷ்ணு : சரி சார் மத்தவங்க மனதில் என்ன இருக்குன்னு தெரிஞ்சுக்க முடியுமா? அதுக்கு ஏதோ பயிற்சி இருக்குன்னு சொன்னீங்களே, அதைப் பத்தி சொல்லுங்க சார்.

அறிவொளி : மத்தவங்க மனதில் இருப்பதைப் படிப்பது மந்திரவாதிகளுக்கோ, சினிமாவிலோ மட்டுமில்ல, பயிற்சியின் மூலம் நமக்கும் சாத்தியம்தான்.  நான் ஒரு பயிற்சிப் பட்டறைக்குப் போன போது கொடுக்கப்பட்டதை உங்களுக்கு காட்டுறேன்.

(கார்த்திக்,விஷ்ணுவிடம் ஆளுக்கொரு வெற்றுத்தாளையும் ஒரு பேனாவையும் கொடுத்த அறிவொளி அத்தாளை மூன்று பாகங்களாகப் பிரித்துக் கொள்ளச் சொன்னார். பின் ஒரு அச்சடிக்கப்பட்ட தாளை சந்தோஷிடம் கொடுக்க அவர் அதிலிருந்து உரக்க வாசித்தார்)

நான் பாலைவனத்தில் நடந்து கொண்டே, ‘கடவுளே என்னை இதிலிருந்து எடுத்து விடு’ எனக் கதறினேன். அப்போது கடவுளின் குரல் ,

‘இது பாலைவனம் அல்ல‘ என்றது. நான் கேட்டேன், ‘அப்படியானால் இந்த பரந்த மணற்பரப்பும், தகிக்கும் வெப்பமும், ஆள் அரவமற்ற இடமும்....’

மீண்டும் கடவுளின் குரல் சொன்னது, ‘இது பாலைவனமல்ல’ .

2) இப்போது உங்கள் தாளின் முதல் பாகத்தில் பின் வரும் கேள்விகளுக்கு பதில் அளியுங்கள்.

  • கொடுக்கப்பட்ட உரையாடலில் எந்த வார்த்தை அல்லது வாக்கியம் உங்களுக்கு முக்கியமானதாகப் பட்டது ?
  • இதைப் படிக்கும் போது என்ன மாதிரியான உணர்வுகள் ஏற்பட்டன?
  • உங்கள் வாழ்வை பாலைவனமாகும் எவற்றையெல்லாம் நீக்கி விட விரும்புகிறீர்கள் ?
  • எந்த நிகழ்வுகளால் அல்லது யாரால், உண்மையிலேயே நீங்கள் இருப்பது பாலைவனம் அல்ல என உணருகிறீர்கள் ?

3) இப்போது கண்களை மூடி உங்களை ஒரு பத்து வயது குழந்தையாக கற்பனை செய்து கொள்ளுங்கள். ஒரு குழந்தையின் கண்ணோட்டத்தில் அதே உரையாடலை மீண்டும் படித்து, தாளின் இரண்டாம் பாகத்தில் விடை எழுதுங்கள்.

4) மீண்டும் கண்களை மூடி உங்களை எழுபது வயது முதியவராக கற்பனை செய்து கொள்ளுங்கள். முதியவரின் கண்ணோட்டத்தில் கேள்விகளுக்கு பதில் அளியுங்கள்.

5) ஒரே உரையாடலின் பொருள் ஒவ்வொருவரின் கண்ணோட்டத்திலும் எவ்வாறு மாறுபடுகிறது எனப் பாருங்கள். மூன்று பதில்களுக்கும் உள்ள ஒற்றுமை வேற்றுமைகளை ஆராய்ந்து பாருங்கள்.

6) இதே உரையாடலை ஒரு குழந்தையிடமும், முதியவரிடமும் உங்கள் வயதொத்த மற்றொருவரிடமும் கொடுத்து பதிலளிக்க செய்து உங்களது கண்ணோட்டத்திற்கும் அவர்களது பதில்களுக்கும் உள்ள ஒற்றுமை வேற்றுமைகளை ஆராய்ந்து பாருங்கள்.

அறிவொளி : இந்தப் பயிற்சியை கவிதைகள், உரையாடல்களைக் கொண்டு மற்றவர்களோட  கண்ணோட்டங்களில் யோசித்துப் பழகினால் மற்றவங்க  என்ன நினைக்கிறாங்கன்னு  நம்மால் சரியாக யூகிக்க முடியும். பிறர் மனதைப் படித்தல் என்பது முக்கியமான தலைமைப் பண்புகளில் ஒன்று.

சந்தோஷ் : உண்மை தான் சார். மத்தவங்க என்ன நினைக்குறாங்கன்னு சரியாப் புரிஞ்சுக்கிட்டு சூழ்நிலைக்கு ஏத்தபடி நடந்தா பல நேரங்களில் பிரச்னைகளையும், உறவுச் சிக்கல்களையும் தவிர்க்க முடியும். அதே மாதிரி மத்தவங்க மனசு புண்படாம பேசுறதும் ரொம்ப முக்கியமான ஒரு பண்பு. அவசரப்பட்டு கோபத்துல வார்த்தைகளை விட்டுட்டு அப்புறமா வருத்தப்படுவதில் அர்த்தமே இல்லை. அதனால மத்தவங்களோட வெறுப்புக்கு ஆளாவது தான் மிச்சம். 

கார்த்திக்: சார் எப்பவும் நல்லொழுக்கக்  கருத்துக்களை கதை சொல்லி விளக்குவீங்களே, ஒரு கதை சொல்லுங்களேன்.

சந்தோஷ் : கதையா, சரி சொல்றேன். கழுதை ஒன்னு வேகமா ஓடிக்கிட்டிருப்பதை பார்த்த ஒரு குயில், 'என்னாச்சு கழுதை அண்ணா ? எங்கே இவ்ளோ வேகமா போறீங்க'ன்னு கேட்டுச்சாம். அதுக்கு கழுதை சொல்லுச்சாம், 'என்னைக் கண்டாலே இந்த ஊர்ல யாருக்கும் பிடிக்கலை. நான் வாயைத் திறந்து பேசினாலோ, பாடினாலோ எல்லோரும் காதைப் பொத்திக்கிறாங்க. என் குரல் வளத்தைக் கண்டு எல்லோருக்கும் பொறாமை. அதனாலதான் நான் இங்கிருந்து பக்கத்து ஊருக்கு போயிடலாமுன்னு பார்க்கிறே'ன்னு சொல்லுச்சாம்.

அதுக்கு குயில் கழுதையண்ணா நீங்க சத்தமா கத்தி மத்தவங்களைக் கஷ்டப்படுத்தினா இங்க மட்டுமில்ல எங்கப் போனாலும் உங்களை அடிச்சி விரட்டத்தான் செய்வாங்க. பேசும் போது கேக்குறவங்க சந்தோஷப்படுற மாதிரி நல்ல வார்த்தைகளை பேசினா தான் எல்லோருக்கும் நம்மைப் பிடிக்கும். இடம் மட்டும் மாறுவதால ஒரு பிரயோசனமும் இல்லை. நம் பழக்க வழக்கமும் பேசும் வார்த்தைகளும் நல்லதா மாறினா உங்களுக்கான மதிப்பும் மரியாதையும் தானே கிடைச்சுடும், அப்படின்னு சொல்லுச்சாம்.

கார்த்திக் : சூப்பர் கதை சார். எங்க அத்தை ஒருத்தர் இப்படித்தான் எப்ப வந்தாலும் ரெண்டு மணிநேரம் அவங்களைப் பத்தியே பெருமையாவும் மத்தவங்களைப் பத்தி மட்டமாவும் பேசுவாங்க. அவங்க வர்றதைப் பார்த்தாலே எங்கம்மா கடைக்குப் போறேன்னு கிளம்பிடுவாங்க இல்ல தலைவலிக்குதுன்னு படுத்துக்குவாங்க.

(எல்லோரும் சிரித்தனர்  )

அறிவொளி : உலகத்துல நிறைய பேர் இப்படித்தான் திரியிறாங்க. மேடைப் பேச்சாளர்களே சில பேர் பேச வந்த தலைப்பை விட்டுட்டு தன்னைப் பத்தி புகழ் பாடவும், தனக்குப் பிடிக்காதவங்களைத் திட்டவும் செய்து மத்தவங்களைக் கழுத்தறுப்பாங்க.  தான்  பேசுவது தனக்குப் பிடிச்சதா மட்டுமில்லாம கேக்குறவங்களுக்கு பிடிச்சதா, பயனுள்ளதா இருக்கான்னு பார்க்குறது ரொம்ப முக்கியம். இல்லைன்னா கழுதையை விரட்டுற மாதிரி நம்மையும் விரட்டியடிக்கத் தான் செய்வாங்க. பயனுள்ள விஷயங்களை சுவாரஸ்யமான விதத்தில் பேசக் கத்துக்கிட்டா குயிலோசையை ரசிப்பது போல நம் பேச்சையும் எல்லாருமே ரசிப்பாங்க. இதெல்லாம் வாழ்க்கையில் ஜெயிக்க ரொம்ப முக்கியம். ஆனா,வாழ்க்கையில் ஜெயிக்கிறதுக்கும் வாழ்க்கையையே ஜெயிக்கிறதுக்கும் நிறைய வித்தியாசம் இருக்கு. வாழ்க்கையை ஜெயிக்க பிறரோடு கலந்து பழகும் திறனில் வல்லவர்களாக இன்னும் சில பயிற்சிகள் அவசியம்.

(வாழ்க்கையையே ஜெயிக்க உதவும் பயிற்சிகளைத் தெரிந்து கொள்ள அடுத்த வாரம் வரைக் காத்திருப்போமா ! )

பிரியசகி 

priyasahi20673@gmail.com 

 

]]>
கண்டேன் புதையலை, கற்றல், Learning practises http://images.dinamani.com/uploads/user/imagelibrary/2017/6/24/w600X390/306e3c79-9669-40dc-891d-3c99ee968801.jpg http://www.dinamani.com/health/health-serials/kandaen-pudhaiyalai/2017/jun/24/புதையல்-29-2726523.html
2719161 தொடர்கள் கண்டேன் புதையலை புதையல் 28 பிரியசகி DIN Saturday, June 10, 2017 10:00 AM +0530 வாங்க பழகலாம்!

(லட்சிய வாழ்வு கைவரப் பெற அறிவொளி தரும் பயிற்சிகளின் முக்கியத்துவம் உணர்ந்த கார்த்திக் மற்றும் விஷ்ணு இருவரும் இனி தாங்களும் இப்பயிற்சிகளை மேற்கொண்டு நன்கு படிக்கப் போவதாக உறுதியளித்தனர்.)

கார்த்திக் : சார் படிக்குறதுக்கு எவ்வளவோ வழிமுறைகள் இருக்குன்னு உங்ககிட்டப் பேசும்போது தான் தெரியுது சார்.

அறிவொளி :  கற்றலுக்கான சூத்திரம் என்ன தெரியுமா கார்த்திக்?

கார்த்திக் :  தெரியாதே சார்.

அறிவொளி :  கற்றல் என்பது 10% படிப்பது, 20% கேட்பது, 30% பார்ப்பது, 50% பார்ப்பது மற்றும் கேட்பது, 70% பிறருடன் கலந்து உரையாடுவது, 80% நாமே அனுபவித்து உணர்வது, 95% நாம் உணர்ந்ததை பிறருக்குக் கற்றுக்கொடுப்பது.

விஷ்ணு :  உண்மைதான் சார். நான் தனியா  இருக்கும் போது கார்த்திக் மாதிரி யாரோடவாவது சேர்ந்து படிச்சாலோ அல்லது சொல்லிக் கொடுத்தாலோ நல்ல புரியும்.

சந்தோஷ் : நான் படிச்ச காலத்துல புரியாத விஷயமெல்லாம் கூட நான் ஆசிரியரான பிறகு தான் எனக்குப் புரிய ஆரம்பிச்சிருக்கு.

அறிவொளி : சரியா சொன்னீங்க சந்தோஷ். வகுப்புல கூட நல்லா படிக்கிற பிள்ளைகளை படிக்காத பிள்ளைகளுக்கு சொல்லிக் குடுக்க சொன்னா இரண்டு பேருமே பயனடைவாங்க. நான் என்ற தனி மனிதனா  இருக்கும்போது 50% மட்டுமே பூர்த்தியடையும் கற்றல், நாம் என்பதன் முக்கியத்துவம் உணர்ந்து பிறரோடு கலந்து பழகும் போது மட்டுமே முழுமையடையும். இன்றைய உலகமயமான காலகட்டத்தில் மத்தவங்களோடு கலந்து பழகுவது ரொம்ப ரொம்ப முக்கியம்.

சந்தோஷ் :  ஆமா, இப்பல்லாம் வேலைக்கான நேர்முகத் தேர்வுல ஒருத்தர் படிச்சி வாங்கின மார்க்குக்கு ஒரு குறிப்பிட்ட அளவு முக்கியத்துவம் மட்டுமே தரப்படுது. அவர் வேலை பார்க்கும் இடத்தில் மத்தவங்களோட எப்படி பழகுவார்?, குழு கலந்துரையாடலில் கொடுத்த தலைப்பில் எப்படி பேசுறார்?, சிக்கலான சூழலை எப்படிக் கையாள்வார்? தன்னோட கருத்தை மத்தவங்களுக்குத் தெளிவா புரிய வைக்க முடியுதா? குழுவா வேலை செய்யும் போது மத்தவங்களை வழி நடத்தும் தலைமைப் பண்பு இருக்கா? என்பதையெல்லாம் சோதிச்சுப் பாத்துதான் வேலை கொடுப்பாங்க.

கார்த்திக் :  எங்க வகுப்புலயே யுவராஜ்னு ஒரு பையன் இருக்கான் சார். எல்லாப் பாடத்திலும் 90-க்கு மேலத்தான் எடுப்பான். ஆனா யாரோடையும் பேசவே மாட்டான். அவனை மாதிரி பசங்க எல்லாம் இன்டெர்வியூவில் கஷ்டப்படுவாங்களா சார்?

சந்தோஷ் : ஆமா கார்த்திக், பிள்ளைங்க வெறும் புத்தகப் புழுக்களா மட்டுமில்லாம எல்லோரோடையும் கலந்து பழகி அனுபவ அறிவு பெறுவது அவசியம். ஏன்னா எவ்வளவு பெரிய பலசாலியும் தனக்கேற்ற ஓரு குழுவோட சேரும் போது தான் மிகப்பெரிய வெற்றி பெற முடியும். இந்தியர்கள்  தனித்தனியாக இருக்கும் போது பலசாலிகள், அறிவாளிகள், திறமைசாலிகள், ஆனால் யார் பெரியவன் என்ற போட்டி மனப்பான்மை, அடுத்தவன் தன்னை விட முன்னேறி விடக்கூடாது என்ற சுயநலம் காரணமாக குழுவாக இயங்க வேண்டிய சமயங்களில் பலமிழந்து போயிடுறாங்க. நம்ம இந்திய கிரிக்கெட் குழுவே இதுக்கு நல்ல உதாரணம்.

அறிவொளி :  உண்மை தான் சந்தோஷ். கிரிக்கெட் குழுவில்  மட்டுமில்ல பள்ளிக்கூடம், அலுவலகங்களில் எல்லாம் கூட இந்த மாதிரி மனநிலையைப் பார்க்கலாம். முழுக் குழுவும் வேலையைப் பகிர்ந்து செய்தா சுலபமா ஜெயிக்கலாம். ஆனா பல இடங்களில் யார் ஏமாளியோ அவங்களையே அதிகமா வேலை வாங்கும் பழக்கம் உண்டு. வேலை செய்றவனுக்கு வேலையைக் கொடு, வேலை செய்யாதவனுக்கு கூலியைக் கொடு என்பது தான் பல நிர்வாகங்கள் பின்பற்றும் தத்துவம். இவங்களை விட பறவைகளே மேலானவை.

விஷ்ணு : மனுஷனை விடப் பறவைகள் மேலானவையா எப்படி சார்? 

அறிவொளி : ஆமா, பறவைகள் கூட்டமா பறக்கும் போது எப்படி பறக்கும்னு கவனிச்சிருக்கியா ? 

கார்த்திக் : நான் பார்த்திருக்கேன் சார். கூட்டமா ஆங்கில எழுத்து V வடிவத்துல பறக்குங்க  . பார்க்கறதுக்கு ரொம்ப அழகா இருக்கும்.

அறிவொளி : பார்க்கறதுக்கு மட்டும் அழகு இல்ல நாம கத்துக்க வேண்டிய ரொம்ப அழகான டீம் ஒர்க் அது.  ' V '  வடிவத்தின் முனையில் இருக்கும் பறவை தன் அலகாலும் இறக்கையாலும் காற்றைக் கிழிச்சுக்கிட்டு பறப்பதால் மற்ற பறவைகள் எளிதா பறக்கும்.  ஆனா அந்த முதல் பறவை சோர்ந்து போகும் போது  உடனே கடைசியில் இருக்கும் பறவை முதல்ல வந்துடும். முதல்ல இருப்பது கடைசிக்குப் போய் எளிதா பறக்கும்.  இப்படி ஓவ்வொன்னா மாத்தி மாத்தி முதல் வரிசைக்குப் போய் தலைமை ஏற்று கூட்டத்தை வழி நடத்துவதால் மொத்த கூட்டமும் எளிதா அடைய வேண்டிய இடத்தை அடைஞ்சிடும்.

சந்தோஷ் :  ரொம்ப அருமையான உதாரணம் சார். குடும்பம், அலுவலகம் எல்லா இடங்களிலும் ஒருசிலர் தானே எல்லா வேலைகளையும் இழுத்துப் போட்டுக்கிட்டு செய்றதை விட வேலையைப் பகிர்ந்து செஞ்சா அவங்களும் சோர்வடைய மாட்டாங்க. வேலையும் சுலபமா முடியும். இதுக்கு மத்தவங்களோட கலந்து பழகும் திறன் முக்கியம்.

அறிவொளி : கூட்டுக் குடும்பங்கள் இருந்த போது மற்றவர்களோட உணர்வுகளைப் புரிஞ்சுக்கிறது விட்டுக் குடுத்து போவது, பகிர்ந்து சாப்பிடுவது, குழுவா விளையாடுறது, சூழ்நிலைக்கேத்தபடி தன்னை மாத்திக்கிறது, பெரியவங்க சொல்வதைக்  கேட்டு நடப்பது, இது போன்ற குணங்கள் எல்லாம் பிள்ளைகளுக்குத் தானா வந்தது. ஆனா இப்பக் கூட்டுக் குடும்பங்கள் சிதைஞ்சுப் போய் தனித்தீவுகளானப் பின்னாடி இதையெல்லாம் பிள்ளைகளுக்குக் கத்துக் குடுக்குறது பெற்றோருக்கு சுமையாகிப் போச்சு.  குறைந்த பட்சம் குழந்தைகளை வீட்டுக்குள்ளேயே பொத்திப் பொத்தி வளர்க்காம குறைந்த பட்சம் பக்கத்து வீட்டுப் பிள்ளைகளோட விளையாடவாவது அனுமதிக்கணும். கார்த்திக், விஷ்ணு எந்தெந்த விளையாட்டுக்கள் குழு மனப்பான்மையை வளர்க்கும் சொல்லுங்க பார்க்கலாம்.

விஷ்ணு : கண்ணாம்மூச்சி, ஏழுகல், பச்சைகுதிரை, போலீஸ் திருடன் இப்படி நிறைய விளையாட்டுகள்  இருக்கு சார் .

சந்தோஷ் : சரி நான் இன்னொரு விளையாட்டு சொல்லித் தரவா?

கார்த்திக் : ஓ! தாராளமா சொல்லிக் குடுங்க சார்.

சந்தோஷ் : ஒரே வயதுல இருக்கக் கூடிய பிள்ளைகள் ஒரு குழுவுக்கு மூணு பேர்னு ரெண்டு குழுக்களா பிரிச்சுக்கணும். முதல் குழுவில் ஒருத்தரை திரைக்குப் பின்னால நிக்க வைச்சுட்டு அவர் கிட்ட இயற்கைக் காட்சி அல்லது மிருகங்கள் இருப்பது போல ஏதாவது ஒரு படத்தைக்  கொடுத்திடனும். இரண்டாவது ஆள்கிட்ட அதே படத்தை துண்டு துண்டா வெட்டி குடுத்துடனும். முதல் ஆள் திரைக்குப் பின்னால இருந்து அது என்ன உருவம், எந்த பாகத்துக்குப் பின்னால எதை வைக்கணும்னு சொல்ல சொல்ல இரண்டாவது ஆள் அதை எடுத்துக் கொடுக்க மூன்றாவது ஆள் சரியான உருவத்தை இரண்டு நிமிடங்களுக்குள் அமைக்கணும்.இரண்டு குழுவில் யார் சீக்கிரம் முழு உருவத்தையும் அமைக்கிறாங்களோ அவங்க தான் வெற்றி பெற்றவங்க.

கார்த்திக் : ரொம்ப சூப்பரா இருக்குது சார்..

சந்தோஷ் : இந்த மாதிரி போட்டிப் போட்டுக்கிட்டு குழுவா செயல்படும் போது குழந்தைகளுக்குத் தான் நினைப்பதை மத்தவங்களுக்கு சரியா புரிய வைக்கும் திறன் வளரும். அதோட வேகமா செயல்படும் திறனும், மற்றவர்களோட ஒத்துழைக்கும் திறனும் வளரும்.

கார்த்திக் : சார் எனக்கு ரொம்ப நாளா ஒரு சந்தேகம்.

அறிவொளி : என்ன கார்த்திக் சொல்லு .

கார்த்திக் : சந்திரமுகி படத்துல ரஜினி மத்தவங்க மனசுல நினைக்கறதெல்லாம் சரியா சொல்வாரே, அந்த மாதிரி நிஜமா செய்ய முடியுமா. இல்லை சினிமாவுக்காக அப்படி எடுத்தாங்களா ?

அறிவொளி : பிறர் மனதைப் படித்தல் என்பது ஒரு கலை கார்த்திக்.

கார்த்திக் : அதுக்கு ஏதாவது பயிற்சி இருக்கா சார்? இருந்தா சொல்லிக் குடுங்க சார்.

அறிவொளி : சரி சொல்றேன் ....

(பிறர் மனதைப் படிக்கும் கலையைக் கற்க ஒரு வாரம் காத்திருப்போமா!)

- பிரியசகி 

priyasahi20673@gmail.com

]]>
Learning tactics, Playing, Team spirit, விளையாட்டுக்கள் http://images.dinamani.com/uploads/user/imagelibrary/2017/6/12/w600X390/kids_play.jpg http://www.dinamani.com/health/health-serials/kandaen-pudhaiyalai/2017/jun/10/புதையல்-28-2719161.html
2714745 தொடர்கள் கண்டேன் புதையலை புதையல் 27 பிரியசகி DIN Saturday, June 3, 2017 10:00 AM +0530 கனவு மெய்ப்பட 

(இசையால் பெறக்கூடிய பலவிதமான பலன்கள் பற்றியும் அதற்குத் தேவையான பயிற்சிகள் பற்றியும் அறிவொளி விளக்கிக் கொண்டிருந்தார்.)

விஷ்ணு :  சார், இசையால் கிடைக்கும் பலன்கள் பற்றி நீங்க சொல்றதெல்லாம் கேட்க நல்லாத்தான் இருக்கு. ஆனா இதெல்லாம் நிரூபிக்கப்பட்ட விஷயமா?

அறிவொளி : வெரிகுட் விஷ்ணு,  எந்த விஷயத்தையும் மத்தவங்க சொல்றதுக்காக அப்படியே கண்ணை மூடிக்கிட்டு நம்பாம அது ஆதாரபூர்வமானதான்னு கேள்வி கேட்டு தெரிஞ்சுக்குறது நல்லது.

வாஷிங்டன் பல்கலைக்கழகம் 1994-ல் ஒரு அலுவலகத்தில் வேலை செய்பவர்களிடம் இசை பரிசோதனையை நடத்தியது. வெவ்வேறு விதமான இசையை கேட்கச் செய்ததில் சாஸ்திரீய இசையைக் கேட்ட மக்கள் அதிக அமைதியும் மனத்திருப்தியும் அடைந்தார்கள் என்று கண்டுபிடித்தார்கள்.  மனிதனின் உடலையும் மனதையும் இசைவிப்பதால் தான் அதற்கு இசை என்று பெயர்.

1993 ல் ஆஸ்திரிலேயாவில் பிரிஸ்போன் ராயல் சிறுவர் மருத்துவமனையில் இசையால் நோயை குணமாக்கும் துறையை ஆரம்பித்த ஜேன் எட்வர்ட், இசை நோயாளிகளை அமைதியடையச் செய்வதோடு அவர்கள் அனுபவிக்கும் வலியிலிருந்து மனத்தை வேறு திசைக்குத் திருப்புகிறது. நோயாளிகளின் ரத்த அழுத்தம், இதயத்துடிப்பு, சுவாசிப்பு, மூளை அலைகள் ஆகியவற்றை சீராக்கி நோய் எதிர்ப்பு சக்தியை அதிகரிக்கிறது. மனதை உற்சாகப்படுத்தி மருத்துவமனையில் இருப்பதால் ஏற்படும் மனச் சலிப்பை போக்குகிறது என்று சொல்லியிருக்கிறார். கண்களையும் மூளையையும் இணைக்கும் நரம்புகளைவிடக் காதுகளையும் மூளையையும் இணைக்கும் நரம்புகள் மூன்று மடங்கு அதிகம் என்கின்றனர் இசையால் நோயை குணமாக்குபவர்கள். புகழ்ப் பெற்ற நரம்பியல் மருத்துவரான ஆலிவர் சாக்ஸ் என்பவர் பாதிப்புக்குள்ளான மூளை நரம்புகளுக்கு புத்துயிரூட்டும் நுண்ணிய சக்தி இசைக்கு இருப்பதாகவும் அதனால் அல்சீமர் என்ற மறதி நோய் இருப்பவங்க அவங்களுக்குத் தெரிந்த பாட்டுகளைக் கேட்டா பழைய ஞாபகங்களை மீட்டெடுக்க ரொம்ப உதவியா இருக்குறதாகவும் சொல்றார். 

விஷ்ணு : இதெல்லாம் கேக்கவே ரொம்ப ஆச்சர்யமா இருக்கு சார்!

அறிவொளி : எதையும் முதல் முறையா கேட்கும் போது ஆச்சர்யமாகத்தான் இருக்கும் விஷ்ணு. உலகத்தில் நமக்குத் தெரியாம நிறைய விஷயங்கள் இருக்கும். 1993-ல் கலிபோர்னியா பல்கலைகழகத்தில் செய்யப்பட்ட ஒரு ஆராய்ச்சியில் மொஸார்ட்ஸ் பியானோ சொனடா 448 என்ற இசையைக் கேட்ட கல்லூரி மாணவர்களின் ஸ்பேசியல் ஐக்யு  குறிப்பிடத்தக்க அளவு அதிகரிச்சதாக பதிவு செய்திருக்காங்க. அதே பல்கலைக்கழகத்தில் 1994- ல் செய்த ஆய்வில் எல்கேஜி, யூகேஜி  படிக்கும் பிள்ளைகளுக்கு எட்டு மாதம் கீ போர்ட் சொல்லிக் கொடுத்த போது அவர்களுடைய ஸ்பேசியல் ஐக்யு 46% அதிகரிச்சதாகவும் கண்டு பிடிச்சிருக்காங்க. 

சந்தோஷ் :  டேவிட் டேம் என்பவர் எழுதிய 'தி சீக்ரட் பவர் ஆப் மியூசிக்' என்ற புத்தகத்தில் கிளாசிக்கல் இசையைத் தொடர்ந்து ஒலி பெருக்கி மூலம் தாவரங்களுக்குக் கொடுத்த போது அவை ஒலி பெருக்கியை நோக்கி சாய்ந்து வளர்ந்ததோடு விளைச்சலும் இரண்டு மடங்கு அதிகரிச்சதா சொல்லியிருக்காரு. ஆனா லெட் செப்பிலின் (Led Zeppelin), ஜிமி ஹென்றிக்ஸ் (Jimi Hendrix) போன்ற இசைகளை ஒலிக்கச் செய்தபோது தாவரங்கள் ஒலிபெருக்கியை விட்டு எதிர்ப்புறமாக சாய்ந்ததோடு சீக்கிரமா பட்டுப்போச்சாம். இவ்வளவு ஏன் நம்ம நாட்டுலேயே பல வருஷங்களுக்கு முன்னாடியே கர்நாடக சங்கீதத்துக்கு பயிர் நல்லா விளையும்னு நிரூபிச்சிருக்காங்களே!

விஷ்ணு :  சின்னப்பையன் தானே கேக்குறானு நினைக்காம எவ்வளவு பேர் ஆராய்ச்சி பண்ணி நிரூபிச்ச விஷயங்களை எல்லாம் நிமிஷத்துல விளக்கிட்டீங்களே ! ரொம்ப நன்றி சார்.

கார்த்திக் :  சார், நீங்க முழு உடலாலும் இசையைக் கேட்டு ரசிக்குறது எப்படின்னு சொல்ல வந்தீங்க. அதை பத்தி சொல்லுங்க.

அறிவொளி :  சரி சொல்றேன். இசை அதோட அதிர்வெண்ணுக்கு ஏற்ப கேட்பவருடைய உடலில் மாற்றங்களை ஏற்படுத்தும்னு சொன்னேன் இல்லையா. இதை நாமே பல சமயங்களில் உணர்ந்திருப்போம். பக்திப் பாடல்களைக் கேக்கும் போது மெய்சிலிர்த்து பரவசமாவோம். குத்து பாட்டுக்கு எழுந்து ஆடணும்னு தோணும். சோகமா இருக்கும் போது இதமான மெல்லிய புல்லாங்குழல் இசையைக் கேட்டா மனசு அமைதியாவதை உணரலாம்.

இப்ப நான் சொல்லித் தரப்போற பயிற்சிக்கு வார்த்தைகள் இல்லாத வெறும் இசைக் கருவிகளால் வாசிக்கப்பட்ட,  இதுவரை நீங்க கேட்காத ஆல்பம் பாடல்களைத் தேர்ந்தெடுக்கணும்.

கண்களை மூடி நல்லா ஆழ்ந்து மூச்செடுத்து, மனசை நல்லா தளர்த்திக்கோங்க. எந்தவிதமான கவலையுமில்லாம, 'நான் இப்போது இங்கே இருக்கின்றேன்' என்று மனசுக்குள்ள நினைச்சுக்கோங்க.

உடலின் ஒவ்வொரு பாகமா நினைச்சு தளர்த்திக்கிட்டே வாங்க. 

இப்ப உங்க காதின் உருவத்தை மனசுக்குள் கொண்டு வாங்க. அதன் அளவைப் பெரிதாக்கிக் கொண்டே வந்து கடைசியில் உங்க உடம்பு முழுவதுமே ஒரு பெரிய காதால் மூடப்பட்டதாக கற்பனை செய்துக்கோங்க.

இப்போ நான் தேர்ந்தெடுத்து வெச்சிருக்கும் ஆல்பத்தைப் போடப்போறேன். இந்த இசை உங்க மேலும் கீழும், உடல் முழுவதும் இருக்கும் பெரிய காது வழியா உங்களுக்குள் ஊடுருவிச் செல்கிறது.

உங்க உடல் முழுவதும் இசையென்னும் இதமானப் போர்வையால் போர்த்தப்பட்டுள்ளது. இசையின் தாளம், ஸ்ருதி எல்லாவற்றையும் உங்க உடம்பின் எல்லா பாகங்களாலும் எல்லா செல்களாலும் கேட்க முடியுது. கேட்க மட்டுமில்லாமல் உங்களால் இசையைப் பார்க்கவும், சுவைக்கவும், நுகரவும், தொட்டு உணரவும் முடியுது.

உங்க கவனம் முழுவதும் இசையை முழுமையா அனுபவிப்பதிலேயே இருக்கு. இப்படியே இசை முடியும்வரை இருந்தபின் இந்த அனுபவம் எப்படி இருந்தது என்று சொல்லவோ, எழுதவோ அல்லது படமாக வரையவோ வேண்டும்.

(விஷ்ணுவும் சந்தோஷும் ஆளுக்கு ஒரு தாளெடுத்துக் கொண்டனர். விஷ்ணு வரையவும், சந்தோஷ் எழுதவும் ஆரம்பித்தனர்.)

கார்த்திக் :  சார் என் உடம்பு முழுக்க ஒரு பெரிய காது இருப்பதைப் பார்த்து ரொம்ப வேடிக்கையா இருந்தது. ஆனா நீங்க மியூசிக்கைப் போட்டதும், ஷவரைத் தொறந்தா  தண்ணி மேல வந்து பட்ட உடனே சிலிர்க்குமே அந்த மாதிரி சிலிர்த்துடுச்சு. உடம்பு லேசாகி அப்படியே காத்துல மிதக்குற மாதிரி இருந்துச்சு. ஆனா நீங்க சொன்ன மாதிரி என்னால இசையை சுவைக்கவோ, நுகரவோ முடியலை சார்.

அறிவொளி :  முதல் நாளிலேயே எல்லாம் வந்துடாது கார்த்திக். தினமும் பயிற்சி பண்ணப் பண்ண உன்னாலும் உணர முடியும். சித்திரமும் கைப்பழக்கம், செந்தமிழும் நாப்பழக்கம்னு சும்மாவா சொன்னாங்க பெரியவங்க?

விஷ்ணு :  சார் பாடம் படிக்கக் கூட இசையை பயன்படுத்தலாம் இல்லையா சார்?

அறிவொளி :  ஓ! தாராளமா பயன்படுத்தலாம். மனப்பாடம் பண்ண வேண்டியதை மெட்டுப் போட்டு பாட்டா பாடினா சுலபமா மனப்பாடம் ஆகிடும். இன்னொரு வழியும் இருக்கு.

கார்த்திக்: அதென்ன வழி சார்?

அறிவொளி :  வாய்ப்பாடு, அறிவியல் விதிகள், அலகுகள்,வேதிச் சமன்பாடுகள், வரலாற்று வருடங்கள், முக்கியமானப் பெயர்கள்,தமிழ் ஆங்கில மனப்பாடப் பகுதிகள் இதெல்லாம் ஞாபகம் வெச்சுக்க கஷ்டப்படுற மாணவர்களுக்கு இந்தப் பயிற்சி உதவும்.

கார்த்திக் :  எனக்கு கண்டிப்பா உதவும். என்ன செய்யணும் சொல்லுங்க சார்.

அறிவொளி :  மனப்பாடம் பண்ண வேண்டிய பாடப்பகுதியை போன்ல மூணுதடவை ரெக்கார்ட் பண்ணிக்கோ. அமைதியா ஒரு இடத்துல தியான நிலையில உட்கார்ந்து ஆழ்ந்து மூச்செடுத்து உடலையும், மனசையும் தளர்த்திக்கோ.

உன் மனசுக்குப் பிடிச்ச இசையை ஒலிக்க வைத்து முழு கவனத்தையும் இசையில் நிறுத்தணும். இப்போ பதிவு பண்ணப்பட்ட பாடத்தைப்  போடணும். இப்பவும் உங்க கவனம் இசையில் இருக்கட்டும். இசைக்குப் பின்னணியா பாடம் இருக்கட்டும்.

மூன்று முறை பதிவு செய்யப்பட்ட பாடம் முழுக்க ஒலித்து முடித்தபின் இசையை நிறுத்தி விட்டு இயல்பு நிலைக்குத் திரும்பணும்.

மனம் ஓய்வு நிலையில் (ஆல்பா நிலை) இருக்கும் போது நீங்க கேட்ட பாடம் சாதாரண நிலையில் (பீட்டா நிலை) இருக்கும் போது படிப்பதை விட நல்லா மனதில் பதியும். 10, 11, 12 வகுப்பு போக இருக்கும் பிள்ளைகள் மே மாத விடுமுறையிலேயே ஒரு வரி வினாக்கள், மனப்பாடப் பகுதிகளை இந்த முறையில் படிச்சிடலாம்.

கார்த்திக் :  ரொம்ப தேங்க்ஸ் சார், நானும் இனி இந்த முறையில் முயற்சி பண்ணி பாக்குறேன்.

அறிவொளி :  இந்தப் பயிற்சி வெறும் பாடத்தை மனதில் பதிய வைக்கத்தான். உங்க மனதில் உள்ள லட்சியத்தை நனவாக்க இன்னொரு பயிற்சி இருக்கு சொல்லவா?

கார்த்திக் :  சொல்லுங்க சார், காத்துக்கிட்டிருக்கோம்.

(அமைதியான தியானத்திற்கு உதவும் மெல்லிய இசையை ஒலிக்கச் செய்தார் அறிவொளி.)

அறிவொளி :  ஆழ்ந்து மூச்செடுத்து உடலையும் மனதையும் தளர்த்துங்க.  மனதை ஒரு நிலைப்படுத்தி எதிர்காலம் பற்றி யோசிங்க.

மனக்கண்ணில் உங்க எதிர்காலம் வரிசையாகப் படிக்கட்டுகளுடன் கூடிய ஒருவழிப்பாதையா தெரியுது.

ஒவ்வொரு படிகளிலும் நீங்க இனி மேற்கொள்ளப்போகும் பயணம், நட்பு, படிப்பு, வருங்கால லட்சியம், குடும்ப மற்றும் சமூக உறவுகள், வேலை ஓய்வுக்குப் பிறகு உங்கள் நிலை, பொழுதுபோக்கு போன்றவை குறித்து ஆக்கப்பூர்வமான குறிக்கோள்களை எழுதுங்கள்.

இவற்றில் இன்றைக்கு எது மிக முக்கியம்னு நீங்க நினைக்கிறீங்களோ அதைத் தேர்ந்தெடுத்துக்கோங்க.

அதைக் குறித்த உங்கள் எண்ணங்கள், நம்பிக்கை, பயம், பலம், லட்சியம் பற்றி யோசிங்க. 

இந்த லட்சியத்திற்குத் தொடர்பான ஏதாவது ஒரு வாக்கியத்தைத் தேர்ந்தெடுங்க. உதாரணமா 1) ஏதாவது கண்டுபிடிக்கவேண்டும் - எனக்குள்ள ஒரு கொலம்பஸ் 2) பைலட் ஆக வேண்டும் - வானம் வசப்படும் 

3 ) பில்கேட்ஸ் போல் பணக்காரனாகணும்  -  கடமைச் செய். பலன் தானாய் வரும்.

4) இந்தியா வல்லரசாக நான் காரணமாக இருக்கணும் - கனவு மெய்ப்படும்.

இதெல்லாம் சில உதாரணங்கள். உங்களுக்கு ஏற்றது எதுன்னு உங்களுக்கு தோணுதோ அந்த வாக்கியத்தை வேறு எந்த சிந்தனையும் இல்லாமல் மந்திரம் போல் மறுபடியும் சொல்லணும்.

அந்த வாக்கியம் குறித்த அறிவு சார்ந்த ஆராய்ச்சி ஏதும் செய்யாமல் அதன் ஒலியிலும் அதிர்வுகளிலும் மட்டுமே கவனத்தை செலுத்துங்க.

மெதுவாக சொல்லத் தொடங்கி போகப் போக சத்தத்தைக் கூட்டி பின் மீண்டும் மெதுவா சொல்லணும்.

முடியுமானால் இம்மந்திரத்தை தாளத்துடன் கூடிய பாடலா பாடுங்க.

இந்த தாளமும் அதன் அதிர்வுகளும் உங்கள் உடலின் ஒவ்வொரு சொல்லிலும் பதிவாகி ஆழ்மனதில் நிலைக்கச் செய்திடும்.

மனதை பீட்டா நிலையிலிருந்து ஆல்பா மற்றும் தீட்டா நிலைக்கு கொண்டு செல்லும் இம்மந்திரம் உங்களோட இலட்சிய விதையை விருட்சமாக்கி  கனவை நனவாக்கும் தாரக மந்திரமாக விளங்கும்.

(இசையுடன் இயைந்த இலட்சிய வாழ்வு கைவரப் பெற நாமும் இப்பயிற்சிகளை முயன்று பார்ப்போமா!)

- பிரியசகி

 priyasahi20673@gmail.com

]]>
Music, Music research, இசை, இசை தெரபி http://images.dinamani.com/uploads/user/imagelibrary/2017/6/5/w600X390/maxresdefault.jpg http://www.dinamani.com/health/health-serials/kandaen-pudhaiyalai/2017/jun/03/புதையல்-27-2714745.html
2709770 தொடர்கள் கண்டேன் புதையலை புதையல் 26  பிரியசகி DIN Saturday, May 27, 2017 12:26 PM +0530 இசையால் இணைந்திருப்போம்! 

(வாழ்க்கையில் இசையின் முக்கியத்துவத்தைப் பற்றியும் கோபம், பதற்றம் என பீட்டா நிலையிலிருக்கும் மனதை ஆல்பா நிலைக்குக் கொண்டு வர இசை எவ்வாறு உதவுகிறது என்பதை அறிவொளி விளக்கிக்  கொண்டிருந்தார் )

அறிவொளி :  சினிமா பார்க்கும் போது நாம்  கதை, நடிப்பு, நகைச்சுவை, பாட்டு, டான்ஸ் இதையெல்லாம் ரசிக்கிறோமே தவிர பின்னணி இசையைப் பத்தி பெருசா யோசிக்கிறதே இல்லை. ஆனா பின்னணி இசை இல்லைன்னா படத்துல ஒரு சுவாரஸ்யமே இருக்காது. இப்ப சமீபத்துல வந்த வெற்றிப் படம் எதையாவது பின்னணி இசை இல்லாம எப்படி இருக்கும்னு யோசிச்சுப்பாருங்க. 

கார்த்திக் :  நேத்து ஒரு பேய் படம் பார்த்தேன் சார். நீங்க  சொன்னதும் பின்னணி இசை இல்லாம அந்த படத்தை கற்பனை பண்ணவே முடியல. ரொம்ப மொக்கையா இருக்கு.

அறிவொளி : ஆமா கார்த்திக் இசை சினிமாவுக்கு மட்டுமில்ல நம்ம வாழ்க்கைக்கு சுவை கூட்டவும் ரொம்ப முக்கியம். வாழ்க்கை ரொம்ப மெக்கானிக்கலா ஆயிடுச்சுன்னு புலம்பறவங்களுக்கு இப்ப சொல்லப் போற பயிற்சி ரொம்ப உதவும். ஒரு நாள் நிகழ்வு முழுக்க ஒரு தாளில் எழுதிட்டு ஒவ்வொரு நிகழ்ச்சிக்கும் பொருத்தமான இசையை மனசுக்குள் நாமே இசைத்துப் பார்த்தா சினிமாவை விட வாழ்க்கை ரொம்ப சுவாரஸ்யமா  ஆயிடும்.

விஷ்ணு :  சார் நம்ம ஸ்கூல் கமலா மிஸ் நிறைய நாள் லேட்டா வந்து ஹெட்மாஸ்டர்கிட்ட அடிக்கடி திட்டு வாங்குவாங்க. அந்த கோவத்தை எங்க மேல காட்டுவாங்க. ஒரு நாள் அவங்க இன்னொரு மிஸ் கிட்ட பேசிக்கிட்டிருந்ததைக் கேட்டேன், 

'காலைல ஐந்து  மணிக்கு எழுந்து அரக்க பரக்க சமையலை செய்யணும். அரை மணி நேரம் காட்டுக்கத்தலா கத்தி கணவரையும் பிள்ளைகளையும் எழுப்பி விட்டா எனக்கு உதவி செய்யலைனாலும் அவங்க வேலைகளையாவது அவங்களே பார்த்துக்குவாங்களானா அதுவும் கிடையாது.

அவங்களையெல்லாம் கிளப்பி அனுப்பறதுக்குள்ள போதும் போதும்னு ஆயிடும். அதுக்கப்புறம் நான் கிளம்பி வந்தா பஸ்ஸை மிஸ் பண்ணி ஆட்டோ பிடித்து வந்து சேர்றதுக்குள்ள பெல்லடிச்சுடுச்சு. சிடு மூஞ்சி ஹெட்மாஸ்டர்க்கிட்ட திட்டு வாங்கிட்டு டென்ஷனோட கிளாஸ்சுக்கு போனா முக்கால்வாசி பசங்க ஹோம் ஒர்க்கே முடிக்காம இன்னும் டென்ஷன் ஆக்குறானுங்க.' அப்பிடின்னு பேசிக்கிட்டுருந்தாங்க.

நீங்க சொல்ற மாதிரி இவங்களோட வேலைகளுக்கு ஒரு பின்னணி இசைப் போட்டா அவ்வை ஷண்முகி படத்துல கமல் பாடும் 'வேலை வேலை எப்போதும் வேலை' என்ற பாட்டுத்தான் சரியாக இருக்கும் இல்லையா சார். (எல்லோரும் சிரித்தனர்  )

அறிவொளி :  நல்ல கற்பனை விஷ்ணு. பாவம் கமலா மிஸ் இதே மாதிரி தொடர்ந்து பீட்டா அலைவரிசையின் உச்சத்துலயே அவங்க இருந்தா தலைவலி,  ரத்தக் கொதிப்பு, சர்க்கரை வியாதின்னு நோய்களால கஷ்டப்படுவாங்க.  அதோட வீட்லயும் உறவுகளுக்குள்ளே மன வருத்தம் தான் வரும்.  அதுக்கு பதிலா வழக்கமா எழுந்திருப்பதைவிட ஒரு மணி நேரம் முன்னாடி எழுந்து, கடவுளைக் கும்பிட்டு, பறவைகளோட கீச் கீச் இசையை ரசித்தபடி மனதில் புல்லாங்குழல் இசையை ஓட விட்டு அந்த நாளைத் தொடங்கினா எப்படி இருக்கும்!

கணவரையும் பிள்ளைகளையும் கூட சீக்கிரமே எழுப்பிவிட்டு கிளம்ப வைத்தா கமலா மிஸ்ஸின் சிரித்த முகத்தைப் பார்த்த சந்தோஷத்தில் அவங்களும்  உற்சாகமா கிளம்பிடுவாங்க. சீக்கிரம் வந்ததால ஸ்கூல்லேயும் ஹெட்மாஸ்டர் திட்றதுக்கு பதிலா பாராட்டுவாரு. அதுவே அவங்களை உற்சாகப்படுத்தும்.  அதே உற்சாகத்தோட பாடம் நடத்தினா பிள்ளைங்களும் படிக்க வேண்டியதெல்லாம் சரியா செய்துடுவாங்க. எல்லாமே ஒண்ணோட ஒண்ணு சங்கலி போல தொடர்புடையவை தான்.

இதே மாதிரி ஒவ்வொருத்தரும் காலைல எழுந்ததும் ஒரு மெல்லிசையை மனதில் ஓடவிட்டு அந்நாளைத் தொடங்கினா மனம் ஆல்பா நிலையில் அமைதியா இருப்பதால் அந்த நாள் முழுசும் அவங்களுக்கு மட்டுமில்லாம அவங்களைச் சார்ந்தவங்களும் மகிழ்ச்சியான நாளா அமையும்.

சந்தோஷ் : இந்த பயிற்சி ரொம்ப நல்லாயிருக்கு சார். கண்டிப்பா இதை தினமும் நாங்க பயிற்சி செய்வோம்.

அறிவொளி : நல்லது சந்தோஷ், அடுத்து நான் சொல்லப்போகும் பயிற்சி மூளையின் இசை மையத்தை பலப்படுத்தும் பயிற்சி.

கார்த்திக் :  அப்படியா நாங்க என்ன செய்யணும் சொல்லுங்கள் சார்.

அறிவொளி :  அமைதியா தியான நிலைல உட்கார்ந்து, சில நிமிடம் மூச்சினை உற்று நோக்கணும், கவலைகளை மறந்து, உடம்பை  நல்லா தளர்த்திக்கோங்க. உங்க கவனம் முழுவதையும் உடம்பின் கேட்கும் திறனுக்குக் கொண்டு வரணும்.

உடம்பின் எந்தெந்த பாகங்கள் கேட்கும் திறனோடு சம்பந்தப்பட்டுள்ளது என மனக் கண்ணால் பாருங்கள்.  உங்க மூளையில் கேட்கும் அறை, இசை அறை என இரு அறைகள் இருப்பதாகக் கற்பனை செய்துக்கோங்க. உங்க வலது காது தான் மூளையின் கேட்கும் அறைக்குப் போகும் வழி எனவும் உங்களோட உருவம் லிட்டில் ஜான் போல மிகச் சிறியதாகி, காதின் வழியாக கேட்கும் அறைக்கு நீங்க நடந்து போவதாகவும் நினைச்சுக்கோங்க.  அந்த அறையில் குப்பை கூளங்கள் நிறைந்து, சுவரில் சிலந்தி வலைகளும், தரையில் பழைய மெழுகு போன்ற பொருள் உறைந்தும் ஜன்னல்கள் மூடப்பட்டும் இருப்பதைப் பார்க்கறீங்க. அங்கே ஒரு முலையில் அறையைப் சுத்தப் படுத்தத் தேவையான அனைத்துப் பொருட்களும் இருக்குறதைப் பார்க்குறீங்க.

உடனே அறையை ஒட்டடை அடிச்சு, குப்பையையெல்லாம் சுத்தமா பெருக்கியெடுத்து, மெழுகை தேய்ச்சுக் கழுவி விட்டு ஜன்னல்களைத் திறந்து விடுறீங்க. ஜில்லுனு சுத்தமானக் காற்று உள்ளே வந்து மிச்சம் மீதி இருக்கும் தூசிகளையும் அடிச்சிட்டுப் போயிடுது. இப்போ உங்க கேட்கும் திறன் முன்னைவிட பல மடங்கு அதிகமானதை உணர்கின்றீங்க. 

சுத்தமாக்கப்பட்ட அறையில் சந்தோஷமா நடந்து போகும் போது ஒரு மூலையில் இன்னொரு கதவு மேல இசையறைனு எழுதி இருக்கு. உள்ளே நுழைந்தால் அந்த அறையும் இருண்டு, பாழடைந்த வாசனையோட, தூசும், உடைந்த இசைக்கருவிகளும் நிறைந்து காணப்படுகிறது. இப்போது இந்த அறையையும் சுத்தப்படுத்தி, ஜன்னல்களைத் திறந்து விடுகிறீர்கள். கேட்கும் அறையின் வழியாக சுத்தமான காற்றும் வெளிச்சமும் இசை அறைக்குள் நிரம்புகிறது. உங்களுக்கு பிடித்த இனிய இதமான இசை தானாக காற்றில் பரவி மனதை நிரப்புகிறது.

திருப்தி ஏற்படும்வரை இந்த சந்தோஷத்தில் திளைத்து விட்டு, நீண்ட நாள் உபயோகப்படுத்தாமலிருந்த இந்த அறைகளை தினமும் உபயோகப்படுத்த தயார் செய்த மகிழ்ச்சியுடன், ஜன்னல் கதவுகளைத் திறந்தவாறே வைத்துவிட்டு, இசையறையை விட்டு கேட்கும் அறை வழியாக வெளியே வந்து வலது காதின் வழியாக வெளி உலகத்திற்கு வந்து உங்கள் பழைய நிலையை அடைகிறீர்கள்.  மெதுவாக கண்களைத் திறந்து, உடலைத் தளர்த்தி பின், இசை அறையில்  கேட்ட இசையை நினைவுப் படுத்திப் பாருங்கள்.  இந்த அனுபவம் உங்களுக்குள்  என்ன மாற்றங்களை ஏற்படுத்தி இருக்குன்னு யோசிங்க.  

கார்த்திக் : சார் இதெல்லாம் கற்பனை மாதிரியே எனக்கு தோணல நிஜமாவே அந்த அறையில் குப்பையும், கை கால்ல எல்லாம் பிசுபிசுன்னு மெழுகும் ஒட்டிக்கிட்டு அருவெறுப்பா இருந்துச்சு. நல்லா தேச்சுக் கழுவி சுத்தம் பண்ணப் பிறகு தான் சந்தோசமா இருந்தது.

விஷ்ணு :  சார் எனக்கு லிட்டில் ஜான் படத்தைப் பார்த்தப்ப நாமும் இந்த மாதிரி நினைச்ச உடனே குள்ளமா ஆக முடிஞ்சா எவ்ளோ நல்லாயிருக்கும்னு நினைச்சிருக்கேன். இன்னைக்கு என்னை நானே அப்படி குட்டியா பார்க்க முடிஞ்சதும் நினைச்சவுடனே பழையபடி மாற முடிஞ்சதும் ரொம்ப ஜாலியா இருந்திச்சு.

சந்தோஷ் :  இருண்டு பாழடைந்த வாசனையோட இருந்த இசை அறையை சுத்தப் படுத்தி, ஜன்னல் திறந்து விட்டதுமே ஜில்லுனு காத்தோட எனக்கு ரொம்ப பிடிச்ச இளையராஜாவோட ‘இது ஒரு பொன் மாலை பொழுது’ என்ற பாட்டு கேட்டது எனக்கு ரொம்ப ஆச்சர்யமா இருந்தது சார்.

அறிவொளி : ஆமா சந்தோஷ், ஆராய்ச்சியாளர்களின் கருத்துப்படி நம்ம மூளைக்கு உண்மையாகவே நடப்பது போல் கற்பனை செய்யப்பட்டதற்கும், உண்மையில் நடப்பதற்கும் வித்தியாசம் தெரியாது.  இந்தப் பயிற்சியை தினமும் செய்பவர்களோட மிக நுட்பமான சத்தத்தையும் கேட்கும் திறன் அதிகரிக்கும் அதோட இசையை ரசித்து அனுபவித்து அதன் பலன்களை அனுபவிக்கும் திறனும் அதிகரிக்கும்.

கார்த்திக் :  யார் மீதாவது  ரொம்ப கோவம் இருந்தா அதை இந்த மாதிரி ஏதாவது பயிற்சி மூலம் சரி பண்ண முடியுமா சார் ?

அறிவொளி : ம்... செய்யலாம். யார் மேல உனக்கு ரொம்ப அதிகமா கோபம் இருக்கோ, அந்தக் கோபத்துக்கு காரணமான நிகழ்ச்சியை நினைவுக்குக் கொண்டு வா. இப்ப எதாவது ஒரு குத்துப் பாட்டையோ இந்த காட்சிக்கு பின்னணி இசையா போட்டு திரும்ப நிகழ்வை மனதில் ஓட்டிப் பார். இப்ப எப்படி இருக்கு?

கார்த்திக் : (கண்களை மூடியபடியே சிரித்துக் கொண்டிருந்தான்) ரொம்ப காமெடியா இருக்கு சார்.

அறிவொளி :  இப்ப சினிமா மாதிரி ஓடிக்கிட்டிருக்க நிகழ்வை படமா உறைய வை.  பளிச்சுனு தெரியும் படத்தை மங்கலாக்கு, அளவை சிறியதாக்கு மனதின் ஒரு முலைக்கு கீழே இறக்கு. இதே நபரோட சமாதானமா சந்தோஷமா இருந்த நிகழ்வை மனதில் கொண்டு வந்து அதை உறைய வைக்க அதை அளவில் பெரிதா பிரகாசமா ஆக்கு மனசு முழுக்க இந்த படம் பெரிசாக ஆக, முதலில் இருந்த கோபமான படம் சின்னதா கடுகு போல  மறைஞ்சே போயிடுச்சு.

எப்பவும் மனசு சந்தோஷமா இருக்கும் போது நீ கேக்க விரும்பும் பாட்டு இப்ப மனசுக்குள்ள கேக்குது.  இப்ப நீ ரொம்ப சந்தோஷமா இருக்குற மாதிரியே இனி எப்பவும் இந்த நபரோட சந்தோஷமா இருக்க போறே.  இனி சண்டை, கோபம் எதுவும் கிடையாது.  ஆழ்ந்து மூச்சை உள்ளிழுத்து வெளிவிட்டு கண்களை மெதுவா திற எப்படி இருக்கு கார்த்திக்?

கார்த்திக் : ரொம்ப தேங்க்ஸ் சார்,   ராகுல் என்ற ஒரு பையனோட மட்டும் எனக்கு எப்பவும் பிரச்னை வந்துக்கிட்டே இருக்கும்.  போய் பேசி சரி பண்ணலாம்னு நினைச்சாலும் ஏதோ ஒண்ணு தடுக்கும். நான் ஏன் முதல்ல பேசணும்,  அவன் வந்து பேசட்டுமேன்னு தோணும்.  ஆனா இப்ப அந்த சண்டை போட்ட நிமிஷம் மறந்து போய் அவனோட சந்தோஷமா விளையாடியது தான் நல்லா பளிச்சுன்னு தோணுது இப்ப நான் ரொம்ப சந்தோஷமா இருக்கேன் சார். ரொம்ப தேங்க்ஸ்.

சந்தோஷ் : நீ மட்டும் இல்ல கார்த்திக் பெரியவங்களே இது மாதிரி யாரோடையாவது சண்டை போட்டுட்டு மனசை பாரமாக்கி வச்சிருப்பாங்க. எத்தனையோ கணவன் மனைவியர் தங்களுக்குள்ள இருக்க சின்ன சின்ன பிரச்சனையை ஊதி ஊதிப் பெருசாக்கிடுவாங்க.  அவதானே முதல்ல சண்டையை ஆரம்பிச்சா, அவளே வந்து பேசட்டும்னு கணவனும், ஏன் அவர் வந்து பேசினா குறைஞ்சா போயிடுவாருன்னு மனைவியும் நினைச்சு கடைசிவரை பேசாமலே விவாகரத்து பண்ணி பிரிஞ்சு போனவங்ககூட உண்டு. பேசணும்னு நினைச்சாலும் ஈகோ தடுக்கும்.  இந்த பயிற்சியால முதல்ல மனசளவில் இருக்கற தடையை சரி செய்து அவங்களோட சந்தோஷமா இருந்த நாட்களை மனசில் முன்னிறுத்துக்கிட்டா பிறகு அவங்களை நேரில் பார்க்கும் போது பேசவோ சமாதானமா பேசவோ எந்த தடையும் இருக்காது.

கார்த்திக் :  உண்மை தான் சார் இனிமே ராகுலோட பேச எனக்கு எந்தத் தயக்கமும் கிடையாது.

விஷ்ணு :  இவங்க ரெண்டு பேர் மாதிரியே எல்லா டீச்சருங்களும் இருந்தா எவ்ளோ நல்லாயிருக்கும் இல்லடா கார்த்திக் ! 

கார்த்திக் :  ஆமாண்டா வாழ்க்கைக்குத் தேவையான எவ்ளோ நல்ல விஷயம் கத்துக்க குடுக்குறாங்க !

அறிவொளி :  அடடா! ரொம்ப உணர்ச்சி வசப்படாதீங்க தம்பிகளா இன்னும் நிறைய இருக்கே ! உடல் முழுக்க இசையைக் கேட்டு ரசிக்குறதுன்னா என்னன்னு தெரியும ?

விஷ்ணு : இசை மழையில் நனையறதுன்னு சொல்லிக் கேள்விப்பட்டிருக்கோம், உடல் முழுக்க இசையைக் கேக்குறதுன்னா எப்படி ? 

(எப்படி எனத் தெரிந்து கொள்ள அடுத்த வாரம் வரை காத்திருப்போம். அதற்கு இன்று அறிவொளி சொல்லிக் கொடுத்த பயிற்சிகளை மேற்கொண்டு பிறருடன் உள்ள மனஸ்தாபங்களை சரி செய்து கொள்வோமா? )

- பிரியசகி 

priyasahi20673@gmail.com  

 

]]>
Music, Learning disabilities, Mind management, இசை http://images.dinamani.com/uploads/user/imagelibrary/2017/5/27/w600X390/music.jpg http://www.dinamani.com/health/health-serials/kandaen-pudhaiyalai/2017/may/27/how-to-overcome-learning-disabilities-in-children-2709770.html
2705136 தொடர்கள் கண்டேன் புதையலை புதையல் 25 பிரியசகி DIN Saturday, May 20, 2017 10:00 AM +0530 இசையென்னும் அருமருந்து!

(உடலியக்கத் திறனை மேம்படுத்தும் பயிற்சிகளால் உற்சாகமான சந்தோஷ், விஷ்ணு, கார்த்திக் மூவரும் அறிவொளி மேலும் என்ன செய்ய போகிறார் எனக் கேட்க ஆர்வமாய்க் காத்திருந்தனர்)

அறிவொளி: மனிதனோட மனம், உடல் செயல்பாடுகளுக்கும் இசைக்கும் நெருங்கிய தொடர்பு உண்டு தெரியுமா ?

சந்தோஷ்: தெரியும் சார் கருவறையிலிருந்து கல்லறை வரைக்கும் தாலாட்டுல தொடங்கி ஒப்பாரியில் முடியிறது தானே மனுஷனோட வாழ்க்கை. ஆப்ரிக்க பழங்குடியினரோட தாள வாத்திய இசை முதல் இசைஞானியோட சிம்பொனி வரை எல்லாமே இசையோட வெவ்வேறு பரிமாணங்கள் தானே.

அறிவொளி : ஆமா, பாட்டு வகுப்புக்கு போய் ஸ ரி க ம ப த நி ஸா  காத்துக்கிட்டா தான் இசை பற்றிய அடிப்படை அறிவே மனிதனுக்கு கிடைக்கும்னு இல்லை.ஆராய்ச்சிகள் சொல்றதைப் பார்த்தா தாயின் கருவில் இருக்கும் போதே குழந்தை தன் தாயின் பேச்சு, சிரிப்பு, இதயத்துடிப்பொலி, இசை, சுற்றி  நிகழும் சம்பவங்களின் அதிர்வுகளுக்கேற்ப சில அசைவுகளைக் காட்டுகிறது. அழும் குழந்தையைத் தாய் அணைத்துக் கொள்ளும்போது தாயின் இதயத் துடிப்பொலியே இதமானத் தாலாட்டுப் பாடலாகக் குழந்தையை உறங்கச் செய்கிறது. மாறாகத் தாயின் அழுகையும், அதிக இரைச்சலான இசையின் அதிர்வுகளும் கருக்குழந்தையின் வளர்ச்சியைப் பாதிக்கும்.

சந்தோஷ் : ஆமா, தமிழர் கலாச்சாரத்தில் இசையென்பது ஒரு அங்கமாவேத்தான் இருக்கு.

கார்த்திக் : எப்படி சொல்றீங்க சார் ? எதாவது உதாரணம் சொல்லுங்களேன்.

சந்தோஷ் : 'மூங்கில் இலை மேலே, தூங்கும் பனி நீரே' என்று ஒரு ஏற்றக்காரர் பாடிய பாட்டு கவிச் சக்கரவர்த்தி கம்பரையே வியக்க வைச்சுது . அடுத்த வரி என்னவாக இருக்கும் என்ற எதிர்பார்ப்பை ஏற்படுத்தியது. அடுத்த நாள் கம்பர் காத்திருந்து கவனித்ததில், 'தூங்கும் பனி நீரை, வாங்கும் கதிரோனே ' ! என்று முடிந்த அந்த ஏற்றப் பாட்டு அவரை சிந்திக்கச் செய்தது. இப்படி உழைக்கும் வர்க்கத்தினர் களைப்பு தெரியாமலிருக்க நாற்று நட, களை பறிக்க, ஏற்றம் இறைக்க, அறுவடை செய்ய, படகு ஓட்ட என்று ஒவ்வொன்றுக்கும் பாட்டுக்கட்டி பாடுவார்கள். இசை என்பது தமிழர்களின் வாழ்வோடு இணைந்த ஒன்று.

விஷ்ணு : ஆமா சார் எங்கம்மா காலைல எழுந்ததும் தினமும் சாமி பாட்டுப் பாடிகிட்டே தான் வேலை செய்வாங்க, எனக்குமே எவ்ளோ களைப்பா இருந்தாலும் பிடிச்ச பாட்டைக் கேட்டதும் களைப்பெல்லாம் போய் புத்துணர்ச்சி வந்துடும்.

அறிவொளி : இசையால நோய்களைக் கூட குணப்படுத்த முடியும்னு நிரூபிச்சிருக்காங்க தெரியுமா?

கார்த்திக் : உண்மையாவா சார்?

அறிவொளி : ஆமா, எட்டு வித அறிவுத் திறனில் இசையறிவு மனித வாழ்வில் அதிகமா ஆதிக்கம் செய்யுது.

கார்த்திக் :  மூளை தானே சார் மனுஷனோட எல்லா செயல்பாட்டையும் கட்டுப்படுத்துது. இசையால நோயைக் குணப்படுத்த முடியும்னா அப்ப மூளையின் செயல்பாட்டுக்கும் இசைக்கும் ஏதாவது தொடர்பு இருக்கணும் இல்லையா?

அறிவொளி :  சரியா சொன்ன கார்த்திக், நம்ம தினசரி வாழ்க்கை நிகழ்வுகளுக்கு ஏத்த மாதிரி மூளை பலவிதமான மின் அதிர்வலைகளை உற்பத்தி செய்யுது. ஒவ்வொரு சூழ்நிலையிலேயும் நாம எப்படி நடந்துக்கணும் என்பதையும் இந்த அலைகளே தீர்மானிக்கின்றன. இந்த அலைகளோட அதிர்வெண்ணுக்கு ஏற்ப நம்ம மூளையோட செயல்நிலையை பீட்டா நிலை, ஆல்பா நிலை, தீட்டா நிலை, டெல்டா நிலை என நாலு நிலைகளாகப் பிரிக்கலாம். 

விஷ்ணு : இது நாலுத்துக்கும் என்ன சார் வித்தியாசம்?

அறிவொளி : சொல்றேம்பா பீட்டா நிலையில் மூளை அலைகளோட அதிர்வெண் வினாடிக்கு பதினாறிலிருந்து நாற்பது வரைக்கும் இருக்கும். நாம சாதாரணமா இருக்கும் போது பதினாறிலிருந்து இருபது வரைக்கும் இருக்கும்.

ஒரு வினாடிக்கு எத்தனை அலைகள் ஏற்படுது என்பதுதான் பொதுவா அதிர்வெண் என சொல்லுவோம். உணர்ச்சி வசப்பட்ட நிலையில் இருபத்திலிருந்து நாற்பது வரைக்கும் இருக்கும். இதனால தான் ரத்தக் கொதிப்பு . இதயநோய், சர்க்கரை நோய் உள்ளவர்களை மருத்துவர்கள் கோபத்தை குறைக்கணும், உணர்ச்சி வசப்படாதீங்கன்னு சொல்றாங்க. திருவள்ளுவரே தன் திருக்குறளில் சினத்தை சினமென்னும் சேர்ந்தாரைக் கொல்லி எனச் சொல்லியிருக்கார் இல்லையா !

கார்த்திக் : ஆமா சார். ஒரு சிலர் எதுக்கெடுத்தாலும் டென்ஷனாகிடுவாங்க கண்ணெல்லாம் சிவந்து மூச்சு வாங்கி, சத்தமா பேசி மத்தவங்களையும் டென்ஷனாக்கிடுவாங்க. அந்த நேரம் அவங்க முகத்தைப் பார்க்கவே பயமா இருக்கும்.

அறிவொளி : சாதாரணமா நாம எல்லோருமே எல்லா வேலைகளையும் பீட்டா நிலையிலிருந்து தான் செய்யுறோம். அவசரகதியில் இயந்திரத்தனமா வாழாம மூளையின் அதிர்வெண்ணைக் குறைத்து நிதானமா செயல்பட்டா நீண்ட நாள் நோயற்ற வாழ்வு வாழலாம்.

கார்த்திக் : அப்ப ஆல்பா நிலைனா என்ன சார் ?

அறிவொளி : ஆல்பா நிலையில் மூளை அலைகளோட அதிர்வெண் வினாடிக்கு பதினாலிலிருந்து எட்டு வரைக்கும் இருக்கும். கவலைகளை மறந்து நாம உடலும் மனமும் ஓய்வு நிலையில் இருக்கும் போது நம்ம மூளை ஆல்பா நிலையில் இருக்கும். இந்த நிலையில் நம்ம உள்ளுணர்வின் இயக்கம் மிகச் சிறந்து இருக்கும். பகுத்தறிவுக்கு அப்பாற்பட்ட நிலையில் சிலர் தரிசனக் காட்சிகளைக் காண்பது ஆல்பா நிலையில் தான்.

விஷ்ணு : சென்னையில இருக்க எங்க மாமா போன தடவை ஊருக்கு வந்தப்போ எனக்கு படிப்புல முழுசா கவனம் செலுத்திப் படிக்க முடியலைன்னு சொன்னேன். அதுக்கு அவர் வர்ற மே மாச லீவுல ஆல்பா தியான வகுப்புல சேர்த்து விடுறேன்னு சொன்னார். அப்போ அவர் என்ன சொல்லறாருன்னு எனக்கு புரியல. இப்போ தான் புரியுது சார்.

சந்தோஷ் : ரொம்ப நல்ல விஷயம் விஷ்ணு. இது மாதிரியான நல்ல விஷயங்களை நல்லா கத்துக்கிட்டு தினமும் பயிற்சி செய்தா வாழ்நாள் முழுக்கவே பயன் கொடுக்கும்.

கார்த்திக் : ஆல்பா, பீட்டா முடிஞ்சுடுச்சு. அடுத்தது காமாவா சார் ?

அறிவொளி : ஆல்பா, பீட்டா, காமா எல்லாம் கதிரியக்கங்கள் கார்த்திக். இங்கே  அடுத்திருப்பது  தீட்டா நிலையும் டெல்டா நிலையும் தான்.

கார்த்திக் : தீட்டா நிலைன்னா என்ன சார் ?

அறிவொளி :  தீட்டா அலைகளின் அதிர்வெண் ஏழு முதல் நான்கு வரை இருக்கும். இது ஆழ்ந்த உறக்கத்துக்கு முந்தைய நிலை அல்லது பகல்கனவு காணும் நிலைன்னும் சொல்லலாம். அடுத்தது டெல்டா நிலை. இந்த அலையின் அதிர்வெண் மூன்று முதல் ஒன்று வரை இருக்கும். தியான நிலைகளில் இதை சமாதி நிலைன்னும் சொல்லலாம். ஆழ்ந்த உறக்க நிலையில் மூளையோட செயல்பாடு இந்த நிலையில் தான் சிறப்பா இருக்கும். நம் ஆழ்மனதில் பதிந்த நினைவுகள் அல்லது காட்சிகள் கனவுகளா வெளிப்படுவது இந்த நிலையில் தான்.

கார்த்திக் : இந்த மூளை அலைகளும் இசையறிவுக்கும் என்ன சார் சம்மந்தம் ?

அறிவொளி : மூளையைப் பத்திய இந்த ஆராய்ச்சிகளின் முக்கிய கண்டுபிடிப்பு என்னன்னா, ஒரு மனிதனால் இந்த மூளை அலைகளை எந்தச் சூழ்நிலையிலும் ஒரு நிலையிலிருந்து மற்றொரு நிலைக்குத் தன் கட்டுப்பாட்டில் கொண்டு வந்து சூழ்நிலையைத் தனக்கேற்றபடி சாதகமாக்கிக்கொண்டு சாதிக்க முடியும் என்பது தான். இதில் முக்கிய பங்கு வகிப்பது இசை. ஒரு இசை அனுபவமானது லட்சக்கணக்கான மூளை செல்களைத் (நியூரான்கள்) தூண்டி, உடல் தசைகளைத் தளர்த்தி, நாடித்துடிப்பை சீராக்கி, நீண்ட கால ஞாபக சக்திக்கு உதவுது. கேட்கும் திறனும், மனதை ஒருமுகப்படுத்தும் திறனும், உணர்ச்சிகளைக் கட்டுப்படுத்தும் ஆற்றலும் அதிகரிக்கும். எவ்வளவு அதிகமா நியூரான்கள் தூண்டப்படுதோ அவ்வளவு அதிகமா புரிந்து கொள்ளும் ஆற்றலும், கற்கும் திறனும் அதிகரிக்கும்.

கார்த்திக் : அப்ப என்ன மாதிரி மந்த புத்தி கொண்டவங்களும் இசையறிவை வளர்த்துக்கிட்டா புத்திசாலி ஆகிட முடியுமா சார் ?

சந்தோஷ் : நீ மந்த புத்தி கொண்டவன்னு யார் சொன்னது கார்த்திக்? மதிப்பெண்ணை வெச்சு புத்திசாலி முட்டாள்னு சொல்லும்  காலமெல்லாம் மலையேறிப் போச்சு இசையறிவை வளர்த்துக்கிட்டா உன்னோட கற்கும் ஆற்றல் இன்னும் அதிகமாகும். அப்படித்தானே சார்?

அறிவொளி : உண்மை தான் சந்தோஷ் ஆனா அதுக்கு சில பயிற்சிகள் அவசியம். இசையறிவானது ஒலி அதிர்வுகளை உணர்ந்து உட்கிரகிக்கும் ஆற்றலைப் பொறுத்தது. வெறும் சத்தத்தை கேட்பதைக் கொண்டு  நம்மைச் சுற்றி என்ன நடக்குது என்று ஊகித்துக் கூற முடியும் இல்லையா. கார்த்திக் கண்ணை மூடிக்கிட்டு நான் என்ன செய்யுறேன்னு கண்டு பிடி பார்க்கலாம்.

(கார்த்திக் கண்களை மூடிக் கொள்ள  அறிவொளி பேப்பரைக் கிழித்தல், மேசையை நகர்த்துதல், புத்தகத்தாளை திருப்புதல், குவளையிலிருந்து தம்பளரில் தண்ணீர் ஊற்றுதல் என்று பத்து வேலைகளைச்  செய்ய கார்த்திக் அதில் எட்டு வேலைகளை மிகச் சரியாக கண்டு பிடித்துவிட்டான் )

அறிவொளி :  வெரிகுட்  கார்த்திக் பத்துக்கு எட்டு சரியா கண்டு பிடிச்சுட்டியே! இதே மாதிரி வார்த்தைகளைப் பயன்படுத்தாம வெறும் ஒலி எழுப்பிக் கோபம், எரிச்சல், ஆச்சரியம், மகிழ்ச்சி, சோகம், போன்ற உணர்வுகளை ஒருத்தர் வெளிப்படுத்த இன்னொருத்தர் கண்டுபிடிக்கணும். இந்த மாதிரி விளையாட்டுக்கள் மத்தவங்களோட மூச்சின் வேகம், பேசும் வார்த்தைகளின் அதிர்வலைகளைக் கொண்டு அவரது மனநிலை எப்படி உள்ளது, அவர் நம்மிடம் என்ன எதிர்பார்க்கிறார்னு உணர்ந்து அதுக்கேத்தபடி நடக்க உதவும். 

விஷ்ணு : அது சரி சார், இந்தப் பயிற்சியால மத்தவங்க உணர்ச்சிகளை அவங்க எந்த மனநிலையில இருக்காங்க என்பதை நாமத் தெரிஞ்சுக்க முடியும். ஆனா இசையறிவுக்கும் இதுக்கும் என்ன சம்பந்தம்.

அறிவொளி : அதைத் தான் இப்ப சொல்ல வரேன். அதுக்குள்ளே அவசரப்படுறியே விஷ்ணு. இசையறிவு என்பது சினிமாவுல பின்னணி பாடுறதோ, கர்நாடக சங்கீத மேடைகள்ல கச்சேரி பண்றதோ, டிவியில பாட்டு நிகழ்ச்சிகள்ல கலந்துக்கிறதோ மட்டும் கிடையாது. இசையறிவுக்கு தேவையான ஒலி அதிர்வுகளை உற்று கவனித்தல், உட்கிரகித்தல் உணர்வை வெளிப்படுத்துதல் போன்ற திறன்கள் அன்றாட வாழ்க்கையில் கூடவே இருக்கும் மனிதர்களோட உறவை பலப்படுத்திக்கவும் ரொம்ப அவசியம், கூட இருப்பவங்களை மதிக்காமல் உறவை முறிச்சுக்கிட்டு கச்சேரி பண்ணி பணமும் புகழும் சம்பாதிச்சு என்ன புண்ணியம். அத்தகைய திறன் வளர்க்கும் பயிற்சிகளை பத்தி தான் நான் இப்ப சொல்லப் போறேன் சரியா ? 

விஷ்ணு : சரி சார், இப்ப புரிஞ்சிருச்சு.

அறிவொளி : இசையறிவில் மேம்பட உற்று நோக்கலும், இசை நம்மில் ஏற்படுத்தும் உணர்வுகளை ஆராய்வதும் ரொம்ப முக்கியம். கர்நாடக சங்கீதம், இந்துஸ்தானி, நாட்டுப்புறப்பாடல், மேற்கத்திய இசை, கானாப்பாடல் என ஐந்து விதமான பாடல் தொகுப்புகளை தேர்ந்தெடுத்துக் கொள்ள வேண்டும். ஒவ்வொரு இசையையும் கேட்க ஐந்து நிமிடம் எடுத்துக் கொண்டு அவை என்ன மாதிரியான உணர்வுகளை உங்கள் உடலிலும் மனதிலும் ஏற்படுத்துகிறது என உற்று கவனிக்கணும். முடிஞ்சா உங்க நண்பரையும் அதே இசையை கேட்க வைத்து உங்க இரண்டு பேரோட உணர்வுகளும் ஒத்து போகுதா, வேறுபடுதான்னு பார்க்கணும். வேறுபடுதுன்னா அதுக்கு  என்ன காரணம்னு ஆராயணும். இந்த ஐந்து வித இசையிலும் எது  உங்க மனதை அமைதிப்படுத்தி ஓய்வு நிலைக்கு (பீட்டா நிலையிலிருந்து ஆல்பா நிலைக்கு) கொண்டு போகுதோ அதை தனியா எடுத்து வச்சுக்கோங்க. இதுக்கு அப்புறம் வரும் பயிற்சிகளுக்கு அது தேவைப்படும்.

(ஒவ்வொரு பாடல்களாகப் போட்டு அவர்களைக் கேட்டு குறிப்பெடுக்க வைத்தார் அறிவொளி. அதற்குள் நாமும் நம் மனதை எந்த இசை அமைதிப்படுத்துகிறது எனக் கண்டறிந்து அடுத்த வாரம் சந்திப்போமா)

- பிரியசகி 

priyasahi20673@gmail.com 

]]>
Kanden Pudhaiyalai, Music therapy, இசை, ஆல்பா தியானம் http://images.dinamani.com/uploads/user/imagelibrary/2017/5/19/w600X390/music_heals.jpg http://www.dinamani.com/health/health-serials/kandaen-pudhaiyalai/2017/may/20/puthaiyal-25-2705136.html
2697286 தொடர்கள் கண்டேன் புதையலை புதையல் 24 பிரியசகி DIN Saturday, May 6, 2017 03:22 PM +0530 (விசையுறு பந்தினைப் போலே மனம் விரும்பியபடி செல்லும் உடலைப் பெறும் பயிற்சி முறைகளைக் கற்றுக்கொடுக்கும் அறிவொளி மேலும் என்ன சொல்லப்போகிறார் என்று ஆர்வமுடன் கேட்டுக் கொண்டிருந்தனர் சந்தோஷ், கார்த்திக் மற்றும் விஷ்ணு ஆகிய மூவரும்.)

கார்த்திக்: சார் உண்மையான பயிற்சி கற்பனையான பயிற்சி இதெல்லாம் நடைமுறையில் யாராவது வழக்கமா பயன்படுத்துறாங்களா சார்?

அறிவொளி:  ஆமா கார்த்திக், ஒலிம்பிக் போட்டிகளில் ஜெயிக்குறவங்க  இரண்டு முறை ஜெயிக்கிறாங்க. ஒன்னு மனதளவில், இன்னொருவாட்டி நிஜமா ஜெயிக்குறாங்க. தடகள வீரர்கள் அவங்க கடக்க வேண்டிய தூரத்தை மனதில் நினைத்து, குறிப்பிட்ட நேரத்தில் தான் அதை ஓடிக் கடந்து  வெற்றி பெறுவதாக கற்பனை செய்துக்குவாங்க. தான் இன்னும் அதிகமா பயிற்சி எடுக்கணும்னு நினைக்கும்போது உலகத்துலயே சிறந்த குரு ஒருத்தர் தன் தவறுகளைத்  திருத்தி தனக்கு நல்லா   சொல்லிக்  கொடுப்பது போலவும்  தான் ஒலிம்பிக்கில்  ஜெயிப்பது போலவும் மனக்காட்சிகளில் பார்ப்பாங்க. இந்த மனக்காட்சி அவங்களுக்கு அபரிமிதமான உத்வேகத்தையும், தன்னம்பிக்கையையும் கொடுக்கும். இப்படி மனத்தளவில் ஜெயிப்பவங்க மட்டும்தான் உண்மையிலும் ஜெயிப்பாங்க.

விஷ்ணு:  நாம கூட நமக்குத் தேவையான விஷயத்துல இதே மாதிரி பயிற்சி எடுக்கலாம் இல்லையா சார்?

அறிவொளி: ஆமா விஷ்ணு, நீ எதைக் கத்துக்கணும்னு நினைக்குறியோ, அதைக் கற்பனை ஆசிரியரிடம் கற்பது போல மனக்காட்சியில் பார்த்த  பிறகு, அதையே உண்மையா பயிற்சி செய்யணும். பத்து நிமிட கற்பனைப் பயிற்சி பத்து நிமிட உண்மை பயிற்சி என தொடர்ந்து கற்பனைக்கும் உண்மைக்கும் எந்த வித்தியாசமும் இல்லாதவரை இந்தப் பயிற்சியைத் தொடரலாம்.

சந்தோஷ்: மேடையில பேச பயப்படுறவங்க ஒரு ஐயாயிரம் பேர் இருக்க பெருங்கூட்டத்துக்கு முன்னாடி தான் பேசிக் கைத்தட்டல் வாங்குவது போலவும் எல்லாரும் தன்னைப் பாராட்டுவது போலவும் கற்பனை செய்துகொண்டு ஒத்திகை பார்த்து தயார் படுத்திக்கலாம்.

டெஸ்ட், எக்ஸாம்னாலே சில பசங்களுக்கு  ஜுரம் வந்துடும். அவங்க தான் அழகான கையெழுத்தோட தைரியமா பரிட்சை எழுத்துவதாகவும் நல்ல மார்க் எடுத்த தன்னை எல்லோரும் பாராட்டுவதாகவும் கற்பனை செய்துக்கணும். அதுவே அவங்களுக்கு நல்லாப் படிக்கணும் என்ற ஊக்கத்தைக் கொடுக்கும்.

இதே போல வேலைக்கான நேர்முகத்  தேர்வுக்குத் தன்னைத் தயாரிப்பவங்க அந்தச் சூழலை மனத்தில் கற்பனை செய்துகிட்டு  என்னென்ன கேள்வி கேட்பாங்க, அதுக்குத் தான் எப்படி பதில் சொல்லலாம்னு  மனதில் முன் தயாரிப்பு செய்துகிட்டா நிச்சயம் வெற்றி கிடைக்கும்.

கார்த்திக்:  சார் நீங்க ரெண்டுப் பேரும் நிறைய நல்ல விஷயங்கள் சொல்லித் தரீங்க. இருந்தாலும் எனக்குள்ள நிறைய முட்டுக்கட்டைங்க இருக்குதே. அதையெல்லாம் தாண்டி என்னால வாழ்க்கையில முன்னேற முடியுமான்னு சந்தேகமா இருக்கு. நான் என்ன பண்ணனும்னு சொல்லுங்களேன். 

அறிவொளி:  தடைகளைக் கண்டு பயந்து போகாதே  கார்த்திக். எல்லாமே சுலபமா கிடைச்சுட்டா  வாழ்க்கை ரொம்ப போரடிச்சுடும். பறக்குற பறவைக்கு காற்று ஒரு தடை தான். ஆனா காற்றே இல்லைன்னா பறவையால பறக்க முடியுமா?

கார்த்திக்:  அட, இது நல்லாயிருக்கே!

அறிவொளி: அதுதான் உண்மையும் கூட. தடைகளைத் தாண்டி வரும் அனுபவத்தில் தான் நம் வெற்றி தொடங்குகிறது.

கார்த்திக், விஷ்ணு ரெண்டு பேரும் கண்ணை மூடிக்கோங்க. எதெல்லாம் உங்களுக்கு முட்டுக்கட்டையா இருக்குன்னு நினைக்குறீங்களோ  அதையெல்லாம் மனசுக்குள்ள பட்டியல் போடுங்க.

(இருவரும் அமைதியாகப் பட்டியலிட ஆரம்பித்தனர். அதிக நேரம் நண்பர்களுடன் ஊர் சுற்றுவது, டிவி பார்ப்பது, தவறான பழக்கங்களுடைய நண்பர்களால் ஆபாச புத்தகங்கள் படித்தல், செல் போனில் ஆபாச படங்கள் பார்த்தலால் படிப்பில் கவனமின்மை, காலையில் சீக்கிரம் எழ மனமில்லாமை என பட்டியல் நீண்டு கொண்டே போனது.)

சரி, உங்கப் பட்டியலில் இருக்கும் ஒவ்வொன்னையும் ஒரு கல்லா நினைச்சுக்கோங்க. ஒன்னோட இன்னொன்னை சேர்க்கும் போது அது அளவில் பெரிய கல்லா மாறுது. எல்லாம் இப்ப மொத்தமா சேர்த்து ஒரு பெரிய பாறாங்கல்லா நீங்கப் போகவேண்டியப் பாதையை மறிச்சுக்கிட்டு  உங்க முன்னாடி இருக்கு. இதை எப்படித் தாண்டிப் போறதுன்னு நீங்க யோசிக்கும்போது உங்க கையில ஒரு பெரிய சுத்தியல்  கிடைக்குது. அதை வெச்சு கல்லை உடைச்சிட முடியும்னு நம்பிக்கை வருது. உங்க சக்தி மொத்தத்தையும் திரட்டி சுத்தியலைத் தூக்கி ஓங்கி ஒரு அடி போடுறீங்க. பாறாங்கல் தூள் தூளா உடைஞ்சுப் போயிடுச்சு. இனி நீங்கப் போக வேண்டியப் பாதையில எந்தத் தடை வந்தாலும் இதே மாதிரி உடைச்சு எறிந்திட முடியும்னு இப்ப நம்பிக்கை வந்துடுச்சு. உங்கக் குறிக்கோளை நிச்சயமா உங்களால அடைய முடியும். மூன்று முறை ஆழ்ந்து மூச்சை இழுத்து விட்டு கண்ணை மெதுவாத் திறங்க.

(அறிவொளி சொல்லச் சொல்ல அதற்கேற்ற உணர்ச்சிகளை  கார்த்திக் விஷ்ணு இருவரின் முகத்திலும் உடலிலும் காண முடிந்தது. கண்ணைத் திறக்கும் போது இருவரின் முகத்திலும் நம்பிக்கை ஒளி பிரகாசமாய்த் தெரிந்தது.)

கார்த்திக்:  சார் நிஜம்மாவே  இப்ப எனக்கு என் இலட்சியத்தை அடைய முடியும்னு நம்பிக்கை வந்துடுச்சு சார். 

விஷ்ணு:  எனக்கும் தான் சார்.

அறிவொளி:  ரொம்ப சந்தோசம்ப்பா. இந்தக் கற்பனையோட நிறுத்திடாம நிஜத்திலும் கடிவாளம் கட்டிய குதிரை போல கவனத்தை திசை திருப்பாம குறிக்கோளை மட்டும் கவனத்தில் வெச்சு செயல்பட்டா எந்தத் தடை வந்தாலும் தகர்த்தெறிஞ்சு வாழ்க்கையில் வெற்றி பெற முடியும்.

இது உங்க மூளையை உங்களுக்கு ஏத்தபடி ப்ரோக்ராம் பண்ற பயிற்சி. இதோடு மூச்சை உள்வாங்கி, மெதுவாக வெளிவிடும் கணக்கான திட்டமிட்ட மூச்சுப் பயிற்சியான பிராணாயாமத்தையும் தினமும் பயிற்சி செய்தா உடல் ஆரோக்கியமா இருக்கும்.

விஷ்ணு:  அதை எங்களுக்கும் சொல்லிக் குடுங்க சார்.

அறிவொளி:  சரி சொல்லிக் கொடுக்குறேன், அதுக்கு முன்னாடி ஒரு விஷயத்தைப் புரிஞ்சுக்கோங்க. நம்ம உடல் நிலம், நீர் , நெருப்பு, காற்று, ஆகாயம் என்ற பஞ்ச பூதங்களின் சேர்க்கையால் ஆனது. 'அண்டத்தில் உள்ளது பிண்டத்திலும்' என்பார்கள். நம்முள்  இந்த பஞ்ச பூதங்களின் விகிதாச்சாரம் சரியானபடி இருந்தா தான் நம் உடலும் ஆரோக்கியமா இருக்கும். அதற்கு இயற்கையோட இணைந்த வாழ்க்கை அவசியம். இப்ப நான் சொல்வதையெல்லாம் மனதில் உள்வாங்கி உடலின் ஒவ்வொரு செல்களிலும் உணர்வது ரொம்ப முக்கியம். புரியுதா?

விஷ்ணு:  புரியுது சார்.

அறிவொளி:  சரி, கண்ணை மூடி உடல் தளர்வான நிலைல உட்காருங்க.

(கார்த்திக், விஷ்ணு, சந்தோஷ் மூவரும் தியான நிலையில் அமர்ந்தனர்.){pagination-pagination}

வாழ்வை வளமாக்கும் மூச்சுப் பயிற்சி : 

அறிவொளி:  வலது கை கட்டைவிரலால் வலப்புற மூக்கை மூடி இடப்புற மூக்கு வழியாக மூச்சை மூன்று எண்ணிக்கை வரை உள்ளிழுத்து பின் ஆள்காட்டி விரலால் இடப்புற மூக்கை மூடி ஆறு எண்ணிக்கை வரை வலப்புற மூக்கு வழியாக நிதானமாக மூச்சை வெளி விடவும். மீண்டும் வலப்புற மூக்கு வழி மூன்று எண்ணிக்கை மூச்சை  உள்ளிழுத்து இடப்புற மூக்கு வழி  ஆறு எண்ணிக்கை வரை நிதானமா வெளிவிடனும். இதைத் தொடர்ந்து செய்து கொண்டே நம் காலின் கீழ் உள்ள நிலப்பரப்பை தியானிப்போம்.

நிலம்:

மூச்சினை உள்வாங்கும் போது நிலத்தின் உயிர் கொடுக்கும், வளமாக்கும் சக்தியினை சேர்த்து உள்வாங்கிப் பின் மூச்சினை வெளிவிடும் போது நிலத்தினுள் ஐக்கியமாவதாக உணர்வோம். எதையும் தாங்கும் பொறுமையும், 'வாழு வாழ விடு' என்ற நிலத்தின் உன்னத குணமும் நம்முள் குடிகொண்டு விட்டதை  உணர்வோம். இந்த வினாடி முதல் மிகப் பெரிய சக்தி ஒன்று நம் வாழ்வின் குறிக்கோளை நோக்கி நம்மை வழிநடத்துவதை உணர்வோம்.

(தியானிக்க பத்து வினாடிகள் இடைவெளி விட்டு மீண்டும் அறிவொளி பேசத்  தொடங்கினார்.)

நீர்:

மூக்கின் வழி மூச்சுக் காற்றை உள்வாங்கி மெல்லத் திறந்த உதடுகள் வழியே காற்றை வெளிவிடுவோம். உள்வாங்கும் மூச்சு உச்சந்தலை முதல் உள்ளங்கால் வரை  நீரின் உயிரளிக்கும் ஜீவஆற்றலைப் பாய்ச்சுவதாக உணர்வோம். இந்த வழிந்தோடும் குளிர்விக்கும் ஆற்றலுடன் சமாதானம், பிறரை அரவணைக்கும் பண்போடு  நடந்து கொண்டிருக்கும் இலட்சியப் பாதையில் நடப்போம்.

நெருப்பு:

ஆழ்ந்த மூச்சினை வாய் வழியாக உள்வாங்கி மூக்கின் வழியாக வெளிவிடுவோம். உள்ளிழுக்கும் பிராண வாயுவால் வயிற்றில் எரியும் நெருப்பு அதிகத் தீப்பிழம்புகளுடன் எரிவதாகவும், நம் மன அழுக்குகளெல்லாம் அதில் எரிந்து முற்றிலும் நாம் தூய்மையாகி விட்டதாகவும் உணர்வோம். மூச்சினை வெளிவிடும் போது அந்நெருப்பின் சக்தி நம் உடலின் எல்லா பாகங்களிலிருந்தும் எல்லாத் திசைகளிலிருந்தும் வெளிப்படுவதாக உணர்வோம். இவ்வொளி வெள்ளம் நம் வாழ்வின் இருளகற்றி நாம் செல்ல வேண்டியப் பாதையில் மேலும் நம்மை வழி நடத்துவதாக உணர்வோம்.

காற்று:

வாயின் வழியாக தூய காற்றினை  உள்வாங்கி வெளிவிடுவோம். மூச்சினை வெளிவிடும் போது நம் மனம், எண்ணம், உணர்ச்சி யாவற்றையும் காற்றில் விட்டு நிர்மலமான மனநிலையில் சில வினாடிகள் தாமதித்து பின் மீண்டும் மூச்சினை மூக்கின் வழி உள்வாங்குவோம். சிறிது நேரம் இதைத் தொடர்ந்து செய்வோம்.

ஆகாயம்:

மூக்கின் வழி மூச்சை சில வினாடிகள்  உள்வாங்கி வெளிவிட்டு  கவனம் முழுவதையும் நம் தலையிலிருந்து பத்து அங்குல உயரத்தில் நிறுத்துவோம். இது நாம் பறப்பது போன்ற ஓர் உணர்வை ஏற்படுத்தும். நம் குறுகிய மனப்பான்மையை காற்றில் கரைய விட்டு வானம் போன்ற பரந்த மனப்பான்மையைப் பெறுவோம். இந்நிலையில் நான், எனது என்ற சுயநலம் ஒழிந்து நாம் நமது என்ற பொதுநலம் மேலோங்கும். 

புடமிடப்பட்ட தங்கத்தைப் போன்ற  நம் தூய எண்ணங்களே நம் வாழ்வின் இலக்கினில் இனி நம்மைக் கொண்டு சேர்த்துவிடும். தியான வாழ்வின் மூலம் தனிமனித வெற்றியோடு சமூக முன்னேற்றம், மானுடநேயம், உயிர்க்குல அன்பு தழைத்தோங்கிடும். இவற்றையெல்லாம்  நடைமுறைப் படுத்த மீண்டும் கண்களை  மெல்லத் திறந்து நம் இயல்பு நிலைக்குத் திரும்புவோம். 

(அறிவொளியின் வசீகர குரலுக்குக் கட்டுப்பட்டு மெல்லக் கண்களைத் திறந்தனர் மூவரும். கண்களில் ஒளியுடன் வார்த்தைகளால் விவரிக்க முடியாத பரவச நிலையில் இருக்கும் இவர்களது அனுபவத்தைக் கேட்டுத்  தொல்லை செய்யாமல் இந்நிலை அடைய நாமும் முயன்று பார்ப்போம். அடுத்த வாரம் சந்திப்போமா!)

தொடரும்...

priyasahi20673@gmail.com   

 

]]>
learning disability, Priyasaki, புதையல், தியானம், Kanden Pudhayalai, பிரணாயாமம் http://images.dinamani.com/uploads/user/imagelibrary/2017/5/6/w600X390/breath-control-8-best-pranayama-techniques.jpg http://www.dinamani.com/health/health-serials/kandaen-pudhaiyalai/2017/may/06/kanden-pudhayalai-priyasaki-thodar-2697286.html
2693228 தொடர்கள் கண்டேன் புதையலை புதையல் 23 பிரியசகி DIN Saturday, April 29, 2017 11:14 AM +0530 விசையுறு பந்தினைப் போல  

(தன்னைப் பற்றித் தாழ்வான எண்ணம் கொண்டிருந்த கார்த்திக், முன்னேற துடிக்கும் விஷ்ணு, நல்லாசிரியராய் தன்னை மேம்படுத்திக் கொள்ள விழையும் சந்தோஷ் மூவரும் அறிவொளியின் ஊக்கமூட்டும் பேச்சினைக் கேட்டும், உளவியல் பயிற்சிகளை அனுபவித்தும் உற்சாகமாகி மேலும் அவர் சொல்லப் போகிறார் என்று ஆழ்ந்து கவனித்து கொண்டிருந்தனர்.)

அறிவொளி : உடலியக்கத் திறன் அப்படின்னா என்ன? அது யாருக்கு இருக்குன்னு நினைக்குறீங்க?

கார்த்திக் : உடல் சக்தியைப் பயன்படுத்துறதைப் பத்தி தானே சார் கேக்குறீங்க. மல்யுத்தம், குத்துசண்டை மாதிரியான விளையாட்டு வீரர்களுக்கு இந்தத் திறன் இருக்கும் சரியா?

அறிவொளி : மேலோட்டமாப் பார்த்தா அப்படித்தான் தோணும். ஆனா உடலியக்கத் திறன் அப்படின்னா நம்மைச் சுற்றி நடப்பதையெல்லாம் உடல் உறுப்புகள் மூலம் உணர்ந்து, உறுப்புகளின் இயக்கத்தைக் கட்டுப்படுத்துவதன் மூலம் சூழ்நிலையை நமக்கு தக்கபடி மாற்றியமைத்துக் கொள்ளும் திறன். மூளைக்கும் உடலுறுப்புகளுக்கும் உள்ள சரியான தொடர்பே இதற்குக்  காரணம்.

விஷ்ணு : இது எல்லோருக்குமே சரியாதானே சார் இருக்கும்?

அறிவொளி : இல்லை விஷ்ணு, மூளை வளர்ச்சி குறைந்த குழந்தைகள் தன்  உடல் இயக்கத்தைக் கட்டுப்படுத்த முடியாம  பெற்றோரைச் சார்ந்தே வாழ வேண்டியிருக்கு இல்லையா? தண்டுவடம் பாதிக்கப்பட்டவங்க உடலின் கீழ்ப் பகுதிகளை இயக்க முடியாம தன் அடிப்படைத் தேவைகளைக் கூடப் பூர்த்தி செய்து கொள்ள முடியாம மத்தவங்க உதவியை எதிர்பார்க்க வேண்டியிருக்கு. வயசான காலத்துல மூட்டுவலியால பக்கத்து அறைக்கோ, மாடிக்கோ போகணும்னு நினைச்சா கூட உடம்பு ஒத்துழைக்கிறதில்லைன்னு வருத்தப்படுறதைவிட சின்ன வயசுலிருந்தே பயிற்சிகள் மூலம் உடலுறுப்புகளை நம்மோட கட்டுப்பாட்டில் வைக்கமுடியும். இவ்வளவு ஏன் உடம்பைத் தளர்த்தும் பயிற்சிகளால் பிரசவ வலி இல்லாமலே சுகப் பிரசவத்தில் குழந்தை பெத்துக்க முடியும்னு நிரூபிச்சிருக்காங்க.

கார்த்திக் : நீங்க இதெல்லாம் சொல்லும் போது எனக்கு ஒரு விஷயம் ஞாபகத்துக்கு வருது சார். போன வாரம் விளையாடும் போது ஒரு கல்லுல பட்டுக் கால் சுண்டு விரல் நகம் பேத்துக்கிட்டு வலி உயிர் போயிடுச்சு சார். நடக்கவோ ஓடவோ சுண்டு விரல் கூட முக்கியம்னு அன்னைக்குத்தான் நான் உணர்ந்தேன் சார். வலியில வெளிய போக முடியாம டிவி முன்னாடி ஒரு நாள் முழுசும் உட்கார்ந்துக்கிட்டிருந்து வாழ்க்கையே வெறுத்துடுச்சு சார். ஒரு சில பசங்க எப்படித்தான் நாள் முழுசும் டிவி பார்த்துக்கிட்டே இருக்காங்கன்னு தெரியல.

சந்தோஷ் : ஆமா கார்த்திக் சின்ன வயசுலேர்ந்தே ஓடியாடி விளையாடாம டிவி, கம்ப்யூட்டர், செல்போன், பிளேஸ்டேஷன்னு உட்கார்ந்துக்கிட்டே இருக்கவங்க உடம்பு ரொம்ப குண்டாகி சின்ன வயசுலயே நிறைய நோய்களுக்கு ஆளாகிடுறாங்க. பேரன்ட்ஸ் தான் இதுக்கு முக்கியக் காரணம், பிள்ளைங்க பத்திரமா கண்ணு முன்னாடியே இருக்கணும்னு ஆசைப்பட்டு வெளிய விளையாடப் போக விடாம பிள்ளைங்க வாழ்க்கையையே பாழக்கிடுறாங்க. பிள்ளைங்க பத்தாவது , பன்னிரெண்டாவது வகுப்பு படிச்சா ஒரு சில பெற்றோர் அவங்களை விளையாடக் கூட விடாம எந்நேரமும் படிப்புன்னு நச்சரிப்பதும் தப்பு. உடம்பும் மனசும் புத்துணர்வு பெற விளையாட்டு ரொம்ப முக்கியம்.

சந்தோஷ் : இந்த உடல் இயக்கத்திறனை ஆசிரியர்கள் பாடம் நடத்த எப்படி பயன்படுத்தலாம் சார் ? 

அறிவொளி :  மொழிப்பெயர்ப்பு பாடம்  நடத்தும் போது வகுப்பை இரு குழுக்களா பிரிச்சுக்கோங்க. முதல் குழுவில் ஒருத்தருக்கு ஒரு பழமொழியைக் கொடுத்து, அதை அவர் வாயால் சொல்லாமல் உடல் அசைவுகளால் நடித்துக் காட்ட வேண்டும். அவர் நடிப்பதைக் கொண்டு சரியான பழமொழியையும் அதனுடைய ஆங்கில மொழிபெயர்ப்பையும் சொல்லிட்டா அவங்களுக்கு ஒரு மதிப்பெண். இப்ப உதாரணத்துக்கு கார்த்திக்குக்கு ஒரு பழமொழி கொடுக்கிறேன், இதை நடிச்சு காட்டு பார்க்கலாம்.

(ஒரு துண்டு சீட்டில் அறிவொளி எழுதிக் கொடுத்த பழமொழியைப் படித்த கார்த்திக், முறத்தை உயரத் தூக்கித் தூற்றுவது போல சைகை செய்தான்)

விஷ்ணு : நான் கண்டுபிடிச்சிட்டேன், ‘காற்றுள்ள போதே தூற்றிக் கொள்’. இதோட ஆங்கிலப்  பழமொழி ‘Strike the iron when it is hot’ சரியா சார்?

அறிவொளி : ரொம்ப சரி விஷ்ணு.  நீயும் ரொம்ப நல்லா ஆக்ஷன் செய்து புரிய வெச்சுட்டியே! கார்த்திக் குட். இதுமாதிரி விளையாட்டுப் போல சொல்லிக் கொடுக்கும் போது மாணவர்களுக்கு மொழிப்புலமையும் உண்டாகும். தான் நினைப்பதை உடல் அசைவுகள் மூலம் வெளிப்படுத்தும் உடலியக்கத்திறனும் அதிகரிக்கும். 

சந்தோஷ் : நான் பாடத்தில் வரும் கதை, நாடகங்களை பசங்களை நடிக்க சொல்லுவேன். அதே மாதிரி ஒரு சில பத்திரிக்கை செய்திகளை சொல்லி இந்த சூழ்நிலையில் நீங்க இருந்தா என்ன செய்வீங்கன்னு நடிச்சு காட்டச் சொல்வேன். பிள்ளைங்க ரொம்ப ஆர்வமா முன்வருவாங்க. அது அவங்க நடிப்புத் திறனை மேம்படுத்துவதோடு எந்த சூழல்ல  எப்படி நடந்துக்கணும், உணர்ச்சிவசப்பட்டு முடிவெடுக்கும் போது அதோட விளைவுகள் என்னாகும்னு யோசிக்கவும் உதவும்.

அறிவொளி : இது ரொம்ப நல்ல விஷயம் சந்தோஷ். படிப்புங்கறது வெறும் மதிப்பெண் எடுக்க இல்ல. அது வாழ்க்கைக்கான ஞானத்தை பிள்ளைங்களுக்கு குடுக்கணும். அதை உங்கள மாதிரி சில ஆசிரியர்கள்தான் சரியா செய்றாங்க.

சந்தோஷ் : எனக்கு கணக்கு சொல்லிக்கொடுத்த சீனிவாசன் என்ற வாத்தியாரை என்னால மறக்கவே முடியாது சார். கூட்டல்,கழித்தல் சொல்லிக் குடுக்கவும் பசங்களை இரு குழுவா பிரிச்சுட்டு குழு எண்ணிக்கை அதிகரிப்பது, குறைப்பது மூலமா சுலபமா சொல்லிக் கொடுத்துடுவார். வட்டம்,சதுரம், முக்கோணம், சாய்சதுரம் இது மாதிரி வடிவங்களை விளக்க தரையில் அந்த வடிவங்களை வரைஞ்சிட்டு மாணவர்களை கைகளை கோர்த்து அந்த வடிவங்கள் மேல நடக்க வைப்பார். அவர் வகுப்புக்குள்ள வந்தாலே எப்பவும் சந்தோஷமா உற்சாகமா இருக்கும்.

அறிவொளி :  சில ஆசிரியர்கள் பாடம் எடுக்கவே நேரம் பத்தலை , இதெல்லாம் எங்கே செய்ய முடியும்னுசொல்லுவாங்க. மனமிருந்தால் மார்க்கமுண்டு. மணிக்கணக்கா பேசிப் புரிய வைக்க முடியாத விஷயங்களை இது மாதிரியான விதங்களில் சுலபமா புரிய வைச்சுடலாம் என்பது இந்த ஆசிரியர்களுக்குப்  புரியனும்.

விஷ்ணு : சார் பி.டி மாஸ்டர் நேத்து பி.டி பீரியட் முடியும் போது லீவ்ல வாய்ப்பு கிடைக்குறவங்க யோகா, தியானம் கத்துக்கோங்க. உங்க மனசயும் உடம்பையும் கட்டுப்பாட்டில் வெச்சுக்கவும்  ஆரோக்கியமா வாழவும் அவை  ரொம்ப உதவும்னு சொன்னார். உடம்பு, மனசு, ஆரோக்கியம் இது மூணுத்துக்கும் என்ன தொடர்பு சார்?

அறிவொளி : நல்ல கேள்வி விஷ்ணு. இது மூணுத்துக்கும் ரொம்ப நெருங்கிய தொடர்பு உண்டு.  நம் உடலோட ஒவ்வொரு உறுப்பையும் மூளை தான் கட்டுப்படுத்துதுன்னு எல்லோருக்கும் தெரியும், அப்படின்னா உடல் ஆரோக்கியமும் மூளையின் இயக்கத்தைப் பொறுத்தது தானே. நம்ம மனசுலேர்ந்து தோன்றக்கூடிய எண்ணங்கள் மூளையின் செயல்பாடுகளையே கட்டுப்படுத்த முடியும். அப்படி கட்டளைகளைக் கொடுத்து மூளையை நமக்கு ஏற்றபடி ப்ரோக்ராம் பண்றத்துக்குப் பேர் இப்ப நியூரோ லிங்விஸ்டிக் ப்ரோக்ராம்னு சொல்றாங்க. அந்தக் காலத்துல நம்ம முன்னோர்கள் தியானம்னு சொன்னாங்க. பயிற்சி செய்யும் விதம் இரண்டுக்கும் வேறா இருக்கலாம். ஆனா பலன் ஒண்ணுதான்.

நாம எந்த வேலையை செய்தாலும் அதோடத் தொடர்புடைய உறுப்பு எப்படி வேலை செய்யுதுன்னு விழிப்புணர்வோடு கவனிக்கனும். உதாரணமா நடக்கணும்னு நினைக்கும்போதே மூளையிலிருந்து வரும் கட்டளைகள் நரம்புசெல்கள் மூலமா கால்களின் எலும்புகள், நரம்புகள், தசைகளை இயக்குவதை உணரனும். மெதுவா நடந்துக்கிட்டே பாதங்களின் ஒவ்வொரு அசைவையும் உற்று கவனிக்கணும். என் பாதங்கள் நன்றாக இயங்குகின்றன அப்படினு மனசுல சொல்லிக்கிட்டே, கால், மூட்டு, இடுப்பு எலும்புகள், கைகள் என ஒவ்வொரு உறுப்பும் நடக்கும் செயலோடு எப்படி சம்பந்தப்பட்டிருக்குன்னு கவனிக்கனும். அந்த ஒவ்வொரு உறுப்பும் நன்றாக செயல்படுகிறது என்று மனதிற்குள் கட்டளையைக் கொடுக்கணும்.

நம் உடலின் வலப்புற உறுப்புகளை இடப்புற மூளையும், இடப்புற உறுப்புகளை வலப்புற மூளையும் தான் கட்டுப்படுத்துது. செரிப்ரல் கார்டெக்ஸ் என்ற பகுதிதான் மூளையின் கட்டளையைத் தண்டுவடத்தின் வழியாக உடலின் பிறபாகங்களுக்கும், உடல்உறுப்புகள்  தெரிவிக்கும் உணர்ச்சிகளை தண்டுவடத்தின் வழியாக மூளைக்கும் அனுப்புது. அதனால இந்தப் பயிற்சியின்போது ஒவ்வொரு உறுப்பும் நன்றாக செயல்படுகிறது என நாம மனசுக்குக் கொடுக்கும் கட்டளை மூளையில் பதிவாகி, மூளை ஒவ்வொரு உறுப்பிலும் உள்ள இரத்த ஓட்டம்,வெப்ப ஓட்டம், காற்றோட்டம் ஆகியவற்றை சீராக்கி உறுப்புகள் ஆரோக்கியமாக செயல்படத் தூண்டுது.

விஷ்ணு :  கார்த்திக் கால் விரல்ல அடிபட்டு நடக்கவே முடியலைன்னு சொன்னானே, அந்த சமயத்துல இந்த மாதிரிப் பயிற்சி உதவுமா சார்?

அறிவொளி :  ஓ! நிச்சயமா முடியும் விஷ்ணு.  இப்ப நான் சொல்றதை செய்யுங்க. கண்ணை மூடி  உடலை மெதுவா தளர்த்தியபடி மூச்சுக்காற்று உள்ளே போவதையும்  வெளியே வருவதையும் கவனிங்க. மெதுவா வலது கையை உயர்த்துங்க. உயர்த்தும்போது நிகழும் ஒவ்வொரு அசைவையும் கண்களை  மூடி உற்று கவனிங்க . பிறகு  கையை இறக்கிவிடுங்க. இதே மாதிரி பத்து முறை செய்துட்டு வலது கையை உயர்த்துவது போல கற்பனை செய்யுங்க. முதலில் கையை  உயர்த்தியபோது ஏற்பட்ட அசைவுகளுக்கும் கற்பனைக்கையின் அசைவுகளுக்கும் எந்த வேறுபாடும் இல்லைனு நீங்க உணரும் வரை இந்தப் பயிற்சியைத் தொடர்ந்து செய்யுங்க.

(மூவரும் சில நிமிடங்கள் தொடர்ந்து செய்து முடித்தபின் கண்களைத் திறந்தனர்.)

இப்படியே ஒவ்வோர் உறுப்புக்கும் அசைவுகளைக் கொடுத்தப்பின் கற்பனையான அசைவுகளைக் கொடுத்து பயிற்சி செய்யணும். நாம உடம்பு சரியில்லாம இருக்கும்போதோ அல்லது அடிபட்டு படுக்கையில இருக்கும்போதோ இந்தக் கற்பனையான பயிற்சி உடல் சோர்வை நீக்கி இரத்தவோட்டத்தை சீராக்கும். அதனால உடம்பு சீக்கிரம் குணமாகும்.

சந்தோஷ் :  விசையுறு பந்தினைப் போல மனம் விரும்பிய படிச்  செல்லும் உடல் வேண்டும்னு பாரதியார் கேட்டார். மருந்தில்லாம உடம்பை ஆரோக்கியமா வெச்சுக்க இப்படியெல்லாம் கூட வழி  இருக்குன்னு  இப்பதான் சார் தெரியுது. ரொம்ப நன்றி சார்.

அறிவொளி :  இன்னும் எவ்வளவோ இருக்கு சந்தோஷ்.

சந்தோஷ் : சொல்லுங்க சார், காத்துக்கிட்டிருக்கோம்.

(இன்னும் தெரிந்துகொள்ள நாமும் காத்திருப்போம்.)

தொடரும்...

- பிரியசகி

priyasahi20673@gmail.com

 

]]>
Priyasaki, Learning techniques, Children, Education, பிரியசகி, கற்றல் திறன் http://images.dinamani.com/uploads/user/imagelibrary/2017/4/29/w600X390/bharathi.jpg http://www.dinamani.com/health/health-serials/kandaen-pudhaiyalai/2017/apr/29/புதையல்-23-2693228.html
2690159 தொடர்கள் கண்டேன் புதையலை புதையல் 22 பிரியசகி DIN Saturday, April 22, 2017 10:00 AM +0530 எல்லாமே உனக்குள் உண்டு!
 
(காட்சிவெளி மற்றும் கற்பனைத்திறன் பற்றி விளக்கிக் கொண்டிருந்த அறிவொளி அதற்கு அவசியமான உற்றுநோக்கும் திறனை வளர்க்கும் பயிற்சிக்காக கார்த்திக் மற்றும் விஷ்ணுவின் கைகளில் ஒரு வெள்ளைத் தாளையும் பென்சிலையும் கொடுத்தார்.)

அறிவொளி: ரெண்டு பேரும் ஒரு நிமிஷம் அமைதியா கண்ணை மூடி உங்க வீட்டை மனக்கண் முன்  கொண்டு வந்து மேசை, நாற்காலி உட்பட ஒவ்வொரு பொருளும் எங்க இருக்குன்னு பேப்பர்ல குறிச்சுக்கோங்க.

(சில நிமிடங்களில் இருவரும் வீட்டின் வரைபடத்தை வரைந்து முடித்தனர்.)

இன்னைக்கு வீட்டுக்குப் போனதும் நீங்க வரைஞ்சது எல்லாம் சரியா இருக்கான்னு பாருங்க. ஏதாவது தவறுகள் இருந்தா திருத்திக்கோங்க. மறுபடி கண்ணை மூடிக்கிட்டு வரைபடத்தை மனக்கண் முன் கொண்டு வந்து, எந்தப் பொருள் மேலும் இடிக்காம நடக்கணும். இடிச்சிட்டா மறுபடி கண்ணைத் திறந்து வரைபடத்தை நல்லா மனசுல பதிய வெச்சுக்கிட்டு பிறகு மறுபடியும் இந்தப் பயிற்சியைத் தொடரனும். இதில் வெற்றியடைஞ்சிட்டா கண்ணைக் கட்டிக்கிட்டு நம்பிக்கைக்குரிய ஒரு நண்பரோட வெளியே போங்க. சுற்றிலும் கேட்கக் கூடிய சத்தங்களை வைத்து எந்த இடத்தில் இருக்கீங்கன்னு சரியா சொல்ல முடியுதான்னு பாருங்க. கண்கள் மூடியிருக்கும் போது மத்த புலன்கள் எவ்வளவு கூர்மையா வேலை செய்யுதுன்னு இந்த மாதிரிப் பயிற்சிகளின் போது தெரிஞ்சுக்க முடியும்.

கார்த்திக்:  கண்ணை மூடிக்கிட்டு எது மேலயும் மோதாம திரும்பி பத்திரமா வீட்டுக்கு வந்து சேர்ந்துட முடியுமா சார்.

சந்தோஷ்:  எதையுமே சந்தேகக் கண்ணோடவே பாக்காதே கார்த்திக். நேர்மறை எண்ணங்கள் வாழ்க்கைக்கு ரொம்ப முக்கியம்.

கார்த்திக்: சின்ன வயசுல இருந்தே எங்க வீட்டுல இது உனக்கு வராது, அதை உன்னால செய்ய முடியாதுன்னு சொல்லி சொல்லி எனக்கும் அப்படியே பழகிடுச்சு சார். நானும்  மாத்திக்கணும்னு தான் பாக்குறேன், என்ன பண்றதுன்னு தான் தெரியலை.

சந்தோஷ்: உன் வலது கையை பக்கவாட்டில். நீட்டியபடியே கழுத்தை வலது பக்கம் திருப்பி எவ்வளவு தூரம் உன் விரல்  நுனியைப் பார்க்க முடியுதுன்னு குறிச்சுக்கோ. கண்ணை மூடிக்கிட்டு இன்னும் அதிக தூரம் பார்ப்பதா கற்பனை பண்ணிக்கோ. இப்போ மறுபடியும் கண்ணைத் திறந்து வலப்பக்கம் கையை நீட்டி எவ்வளவு தூரம் பார்க்க முடியுதுன்னு பார்.

கார்த்திக்: சார் மொதல்ல விட இப்ப என்னால ரொம்ப தூரம் பார்க்கமுடியுதே எப்படி சார்?

சந்தோஷ்:  நம்ப மனசு எதை பார்க்குதோ, எதை நம்புதோ அது கண்டிப்பா நடக்கும்னு சொல்றதுக்கு இது ஒரு எடுத்துக்காட்டு.

அறிவொளி:  ரொம்ப சரியா சொன்னீங்க சந்தோஷ். நிஜத்தில் நடக்காத ஒரு விஷயத்தை மனக்கண்ணால் பார்த்து அதன் பலனை நிஜ உலகில் கொண்டு வர முடியும். புகழ் பெற்ற விஞ்ஞானி ஆல்பர்ட் ஐன்ஸ்ட்டின் தான் சூரியக் கதிர்கள் மேல பயணிப்பதாக் கற்பனை செய்தப்பதான் தியரி ஆஃப் ரிலேட்டிவிட்டியைக் கண்டுபிடிச்சாராம். கார்த்திக், விஷ்ணு உங்களுக்கும் இந்த மாதிரி ஒரு விளையாட்டு விளையாட ஆசையா?

விஷ்ணு: ஆமா சார்.

அறிவொளி:  கண்ணை மூடி உங்களுக்குப் பிடிச்ச நிறத்துல ஒரு பலூனை மனக்கண்ணில் கற்பனையா பாருங்க. அந்த பலூனைத் தரையிலும், பக்கவாட்டு சுவரிலும் தட்டி விளையாடுவதா கற்பனை செய்துக்கோங்க. 

(இருவரும் இல்லாத பலூனைக் கற்பனை உலகில் கைகளால் தட்டி விளையாடத் தொடங்கினர்)

நீங்க பலூனை பெரிதாவோ, சின்னதாவோ ஆக்கவும் , நிறத்தை மாத்தவும் கூட முடியும். அது மேல ஏறிப் பயணம் போக வசதியா அதோட வடிவத்தையும் கூட மாத்திக்கலாம். சரி, இப்ப அது மேல ஏறி உக்காந்துக்கிட்டு, அது உங்களை எங்கெல்லாம் கூட்டிட்டுப் போகுது, அங்கே என்னென்னப் பாக்குறீங்கன்னு கவனிங்க. 
(இருவரின் முகத்திலும் பலவிதமான உணர்வுகளைக் காண முடிந்தது.)

இப்ப பழையபடி நிகழ்கால உலகத்துக்குத் திரும்புங்க. கற்பனை உலகில் என்னவெல்லாம் பார்த்தீங்க? எது உங்களை ஆச்சர்யப்பட வைத்தது?

கார்த்திக்: இந்த அனுபவம் ரொம்ப நல்லா இருந்துது சார். பள்ளிக்கூடத்துல பசங்க நாங்க சுதந்திரமா எதையுமே செய்ய முடியாத சூழ்நிலையில பலூனை எப்படி வேணும்னாலும் மாத்திக்கலாம்னு நீங்க சொன்னதே எனக்குப் பெரிய சுதந்திரம் கிடைச்ச மாதிரி இருந்துச்சு. பலூனோட வடிவத்தை எப்படி மாத்தலாம்னு யோசிச்சப்ப கதைகள்ல வர்ற பறக்கும் கம்பளம் தான் என் ஞாபகத்துக்கு வந்தது. உடனே என் பலூனை ஒரு பறக்கும் கம்பளமா மாத்தி அதுமேல உக்காந்து பறக்க ஆரம்பிச்சேன். மேலே மேலே பறந்து மேகங்களுக்குள்ளே போகவும் இவ்வளவு நாள் எனக்குப் பிரச்சனையா இருந்த கீழே உள்ள மனுசங்க சின்னச்சின்ன எறும்பு மாதிரி தெரிஞ்சதைப் பார்த்த பிறகு நாம உயரத்துக்குப் போக வேண்டியது அவசியம்னு புரிஞ்சுது. பிறகு கொஞ்சம் கீழே இறங்கிய கம்பளம் ஒரு பள்ளிக்கூடத்து மேல மெதுவா பறந்துச்சு. சாதாரணமா ஸ்கூலை விட்டு வெளியேப்  போகும்போது தானே பசங்க சந்தோஷமா ஓடுவாங்க! இந்த ஸ்கூல்ல உள்ளப் போகும் போது சந்தோஷமா போறாங்களே என்னடான்னு பார்த்தா பசங்க யாரும் புளிமூட்டை மாதிரி புத்தகங்களை சுமந்துக்கிட்டுப் போகலை. வாத்தியாருங்க எல்லாம் புள்ளைங்களோட ரொம்ப அன்பா இருக்காங்க. வீட்டுப்பாடம் இல்லை, அதனால பசங்க அடிவாங்குறதும் இல்லை. பிள்ளைங்களுக்கு நிறைய சுதந்திரம் இருக்குறதால நண்பன் படத்துல வர்ற பசங்க மாதிரி எல்லாரும் ரொம்ப புத்திசாலியா இருக்காங்க. எல்லா ஸ்கூலும் இந்த மாதிரியே இருந்தா எவ்ளோ நல்லா இருக்கும் இல்ல சார்?

அறிவொளி: ஆமா கார்த்திக், எல்லாப் பள்ளிக்கூடங்களும் இந்த மாதிரி மாற நீ பிற்காலத்துல ஏதாவது செய்ய முடியுமான்னு யோசி..

கார்த்திக்: நானே  தமிழ்நாட்டோட முதலமைச்சராவோ அல்லது கல்வி அமைச்சராவோ ஆனாதான் இதெல்லாம் செய்ய முடியும். பேசாம இதையே என் வாழ்நாள் லட்சியமா ஆக்கிக்குறேன் சார்.

அறிவொளி:  வெரிகுட் கார்த்திக், நாம அனுபவிக்காத நல்ல விஷயங்கள் நம்ம எதிர்காலத் தலைமுறைக்காவது  கிடைக்கனும்னு நினைக்குற உன் நல்ல எண்ணம் நிறைவேறட்டும். விஷ்ணு உன்னோட பயண அனுபவத்தைப் பத்தி நீ சொல்லவே இல்லையே?  

விஷ்ணு:  நான் என் பலூனை சிந்துபாத் கதையில வர்ற பெரிய கழுகு மாதிரி மாத்திட்டேன். அதுமேல ஏறி ஊர் ஊரா பறந்து போனேன். ஒரு ஊர்ல எல்லோருமே பெரிய பணக்காரங்களா இருந்தாங்க. அங்க இருந்ததுலயே ஒரு பங்களா ரொம்ப பெருசா, அழகாயிருந்தது. இந்த வீடு நமக்கு சொந்தமானதா இருந்தா எவ்ளோ நல்லாயிருக்கும்னு நான் நினைக்கும்போதே வீட்டு எஜமானி மாதிரி பட்டுப்புடவைக்கட்டி நிறைய நகையெல்லாம் போட்டுக்கிட்டு எங்கம்மா அந்த வீட்டுக்குள்ளே இருந்து வெளியே வந்தாங்க. எனக்கு ரொம்ப ஆச்சர்யமா இருந்துச்சு சார்.

அறிவொளி: நிஜம்மாவே உங்கம்மாவை அப்படிப் பார்க்கணும்னு ஆசைப்படுறியா விஷ்ணு?

விஷ்ணு: ஆமா சார்.

அறிவொளி: சரி, அப்படி நிஜத்துல நடக்க நீ என்ன பண்ண முடியும்னு நினைக்குறே?

விஷ்ணு:  நான் நல்லாப் படிச்சி, நல்ல வேலைக்குப் போய், நிறைய சம்பாதிச்சு எங்கம்மாவை ராணி மாதிரி வெச்சுக்குவேன் சார்.

அறிவொளி:  வெரி குட், இந்த மாதிரி ஒரு பெரிய குறிக்கோளை மனசுல பதிய வெச்சுட்டா என்ன தடைகள் வந்தாலும் அதையெல்லாம் தாண்டி குறிகோளிலிருந்து விலகி போகாம சாதிக்க முடியும். பல பிள்ளைகள் குறிக்கோள் இல்லாததால தான் திசை மாறி போறாங்க.

விஷ்ணு:  ஆமா சார் அப்துல்கலாம் கூட சொல்லிருக்கார் குறிக்கோள் இல்லாத வாழ்கை துடுப்பு இல்லாத படகு போன்றதுனு, இனிமே இந்த குறிக்கோளை அடையறதுக்கான எல்லா முயற்சிகளையும் எடுப்பேன் சார்.

சந்தோஷ்:  இப்ப நீங்க சொல்லித் தந்த வழிமுறை நம்ம மனசுல என்ன ஆசை மேலோங்கி இருக்குன்னு நாமே தெரிஞ்சுக்குறதுக்கும் அதை வாழ்வின் குறிக்கோளாகக் கொள்றதுக்கும் நல்லமுறை சார். இடையில் ஏற்படக்கூடிய பிரச்சனைகளில் சோர்ந்து போகாம இருக்க என்ன செய்யணும் சார்?  

அறிவொளி: நல்ல கேள்வி சந்தோஷ். முன்னாடி காலத்துல வயசானவங்களுக்கு வந்த முதுகு வலி, முட்டி வலி, தலைவலியெல்லாம் இப்ப உள்ள இளைஞர்களுக்கே வருது. இதுக்கு பெரும்பாலும் மனஇறுக்கம் தான் காரணம்னு மருத்துவர்கள் சொல்றாங்க. யோகா தியானம் போன்றவற்றோட விரும்பும் மனக்காட்சிகளை உருவாக்குவதும் மன இறுக்கத்தைக் குறைச்சி புத்துணர்வைக் கொடுக்கும்.

கார்த்திக்: மனக்காட்சினா என்னது சார்.

அறிவொளி: சொல்றேன், ஒரு மெழுகுவர்த்தியை எரிய வைத்துக் கொஞ்ச நேரம் அதோட ஒளிச்சுடரையே பார்த்துட்டு பிறகு கண்ணைமூடிக்கோ. உன் மனக்கண்முன் அந்த ஒளிச்சுடர் வரும். கொஞ்ச நேரத்துல அது மறைஞ்சதும் மறுபடியும் கண்ணைத் திறந்து ஒளிச்சுடரைப் பார். கண்ணை மூடினாலும் பத்து நிமிஷம் ஒளிச்சுடர் மனக்கண்ணில் தெரியும்வரை இந்த பயிற்சியை தொடர்ந்து தினமும் செய்யணும். ஒளிச்சுடருக்கு பதிலா இயற்கைக் காட்சி, கடவுளின் உருவம், நமக்குப் பிடிச்சவங்களோட உருவத்தையும் மனக்காட்சியில் பார்க்கலாம். கவலையோட இருக்கும் போதோ, வேலைப்பளுவால டென்ஷனா இருக்கும் போதே இந்தப் பயிற்சியை செய்தா மனசு பாரம் குறைஞ்சு லேசாவதை உணர முடியும். நல்ல நண்பர்கள் கிட்ட மனசுவிட்டு பேசுறதும்  மனபாரத்தை குறைக்கும்.  

சந்தோஷ்: சில நேரம் மன ஆறுதலுக்காக வேற யார்கிட்டையாவது நம்ம பிரச்சனைகளை சொல்லும் போது அவங்க அதை ரகசியமா   வைக்காம மத்தவங்ககிட்ட சொல்லி நம்மை ஒரு கேலிப்பொருளா ஆக்கிடுறாங்களே, என்ன செய்யுறது சார்?
                     
அறிவொளி:
நீங்க சொல்றமாதிரியும் சில நேரம் நடக்க வாய்ப்புண்டு நம்பிக்கைக்குரியவங்கன்னு  நினைக்கிற சில பேர் இப்படி நம்மைக் கஷ்டப்படுத்துறதுண்டு. இப்ப நான் சொல்லித்தரும் பயிற்சி உங்களுக்கு உதவும்னு நினைக்கிறேன்.

* உடம்பை நல்லா தளர்வான நிலையில் வசதியா உட்காருங்க.

* கண்களை மூடி நான் சொல்ற விஷயங்கள் உண்மையாவே நடக்குற மாதிரி மனக்காட்சியா பார்கனும்சரியா.

சந்தோஷ்: சரி சார்.

(மூவரும் கண்மூடி அமர்ந்தனர்.)

* நம்ம எல்லோரையும் ஸ்கூல்ல இருந்து ஊட்டிக்கு சுற்றுலா கூட்டிட்டுப்போறாங்க.

* பஸ்ல அவங்கவங்க நண்பர்களோட ஜாலியா அரட்டை அடிச்சிட்டு வர்றீங்க.

* கொஞ்சம் தூரம் போனதுமே சூடு குறைஞ்சு ஜன்னல் வழியா சில்லுன்னு இதம்மா காத்து வர ஆரம்பிக்குது.

கான்கிரீட் காடுகள் மறைந்து பச்சைப்பசேலுன்னு கண்ணுக்கு குளிர்ச்சியா இயற்கை காட்சிகள் தெரியுது. ஒரு இடத்திலே பிரம்மாண்டமான நீர்வீழ்ச்சி இரைச்சலோட விழுந்துக்கிட்டிருக்கு, அதோட சாரல் உங்க மேல் பட்டதும் உடம்பெல்லாம் சிலர்க்குது.

(அறிவொளி சொல்லச்சொல்ல அந்தக் காட்சிகளைத் தம் மனக்கண் முன் பார்த்து அனுபவிக்கிறார்கள் என்பதை அவர்களது முக பாவனையும் உடல்மொழியும் உணர்த்தியது)

போகும் வழியெல்லாம், மான், முயல் எல்லாம் அங்குமிங்கும் ஓடிக்கிட்டிருக்கு. ஒரு இடத்தில் மயில் ஒன்று தோகையை விரிச்சு நடனமாடிக்கொண்டிருக்கு. இந்தக்  கண் கொள்ளாக் காட்சிகளைப் பார்த்து ரசித்து மனசில் உள்ள பாரம் எல்லாம் குறைஞ்சி லேசாகிடுச்சு. கொஞ்சதூரம் போனதுமே ஒரு பெரிய பூங்கா பக்கத்தில் பஸ் அங்கே நிற்கவே எல்லோரும் இறங்கி பூங்காவுக்குள்ளே போறோம். பல வண்ண மலர்கள் பூத்துக் குலுங்க, பழ மரங்கள் ஆசையைத் தூண்ட, இயற்கையை ரசிக்க ஒவ்வொருவரும் தனித்தனியா பிரிஞ்சு போறாங்க. நீங்க மட்டும் தனியா அங்க இருக்கும் ஒரு மரபெஞ்சு மேலப் போய் உட்கார்ந்திருக்கீங்க. சுற்றி இருப்பதெல்லாம் ரொம்ப சந்தோசம் தரக்கூடியதா இருந்தாலும் அதை முழுசா அனுபவிக்க முடியாம எதோ ஒரு பாரம் மனசுல அழுத்திக்கிட்டே இருக்கே என்ன செய்யுறதுன்னு நீங்க யோசிக்கும் போதே யாரோ ஒருவர் உங்களை நோக்கி நடந்து வர்றதைப் பார்க்கறீங்க.  

இதுவரை அவரைப் பார்த்ததே இல்லை.ஆனாலும் அவரது தோற்றமே நாம பேசுறதை அவர் வேற யார்கிட்டேயும் சொல்ல மாட்டார் என்ற ஒரு மரியாதையையும் நம்பிக்கையும் அவர் மேல ஏற்படுத்துது. உங்கப் பிரச்சனைக்கு அவராலே தீர்வு கொடுக்க முடியும்னு தோணுது. அவர் கிட்ட வந்து உங்கப் பக்கத்துல உட்காருறார். அவரோட கனிவான பார்வையும், அனுபவமுள்ள முகத்தோற்றமும் உங்க பிரச்சனையை அவரோட பகிர்ந்துக்க வைக்குது. ரொம்ப அக்கறையோட கவனமா நீங்க சொல்றதையெல்லாம் கேட்குறவர் உங்க பிரச்னைக்குரிய நடைமுறைத் தீர்வு என்ன என்பதை ரொம்பத் தெளிவா விளக்குறார். அதைக் கேட்க கேட்க உங்க மனஅழுத்தம் குறைஞ்சு கவலையெல்லாம் காணாமப் போச்சு. உங்க முகம் தெளிவானதைப் பார்த்த அவர் உனக்கு எப்பப்ப என் உதவி தேவைப்படுதோ என்னைக் கூப்பிடு, நான் கண்டிப்பா வர்றேன்னு உங்க கையைப் பிடிச்சு சொல்லிட்டு காணாமப் போயிட்டார். அவர் பிடிச்ச அந்தப் பிடியோட அழுத்தத்தை உங்களாலே உணர முடியுது. அந்த அழுத்தம் உங்களால எதையும் சாதிக்க முடியும் என்ற நம்பிக்கையைக் கொடுக்குது. அந்த நம்பிக்கையோட எழுந்து நடந்து பூங்காவை விட்டு வெளியே வந்து பேருந்துல ஏறி உட்காருறீங்க. பேருந்து கிளம்பி வந்த வழியே மறுபடியும் இந்த இடத்துக்கு வந்து சேர்ந்துடுறோம். இப்ப இந்த இடத்தோட தட்ப வெப்பத்தை உங்களால உணர முடியுது. சுத்தியிருக்கும் சத்தத்தை கேட்க முடியுது, மெதுவா கண்ணைத் திறங்க.

(எல்லோரும் கண்ணைத் திறக்கிறார்கள்)

சந்தோஷ் இப்ப மணி என்ன ஆச்சு?

சந்தோஷ்:  மணி  ஏழாகுது சார்.

அறிவொளி:  கார்த்திக் மத்தியானம் என்ன சாப்பிட்ட?

கார்த்திக் :  சாம்பார் சாதம் சார்.

அறிவொளி: விஷ்ணு உனக்கு பிடிச்ச நிறம் என்ன?

விஷ்ணு:  நீலம் சார்.

அறிவொளி: என்னடா சம்மந்தமே இல்லாம ஏதேதோ கேக்குறானேன்னு நினைக்குறீங்கன்னு புரியுது. இவ்வளவு நேரம் கற்பனை உலகத்துல இருந்த உங்களை மறுபடியும் நிஜஉலகத்துக்குக் வர்றதுக்காகத் தான் இது. சரி இப்ப சொல்லுங்க, இந்த அனுபவம் எப்படி இருந்துது?

கார்த்திக்:  சார், நெஜம்மாவே ஊட்டிக்குப் போயிட்டு வந்த மாதிரியே இருந்துச்சு சார். பச்சைப் பசேல்னு மலை, கலர், கலரா எவ்ளோ பூ,  மான், மயில்னு ரொம்ப அழகா இருந்துது சார். அருவித் தண்ணி உண்மையாவே மேலப் பட்டா மாதிரி உடம்பெல்லாம் சிலிர்த்துடுச்சு சார்.

விஷ்ணு:  புதுசா வந்த அந்த நண்பரோடப் பேசுனது ரொம்ப நல்லாயிருந்துச்சு சார். அவர் இன்னும் என் கையைப் பிடிச்சுக்கிட்டிருக்க மாதிரியே இருக்கு.

சந்தோஷ்: ஆமா சார், நம்ப மனசுல இருப்பதை மறைக்காமப் பகிர்ந்துக்க நம்பிக்கையான ஒருவர், அதுவும் நம்மப் பிரச்சனைகளுக்குத் தீர்வு சொல்லக்கூடிய அனுபவமுள்ள ஒருவர் நண்பரா கிடைக்கிறது ரொம்பப் பெரிய வரம். இந்த அனுபவத்தைக் கொடுத்ததுக்கு ரொம்ப நன்றி சார். 

அறிவொளி:  மகிழ்ச்சிப்பா, உளவியல்ரீதியா பார்த்தா அந்த நபர் நமக்குள் இருக்கும் மனசாட்சி தான். 'நான்' என்ற நிலையிலிருந்து பிரச்சனையை அணுகாமல் கொஞ்சம் விலகி, மூன்றாம் நபர் நிலையிலிருந்து அணுகினால் எந்தச் சிக்கலுக்கும் தீர்வு காண்பது எளிது. அந்த மூன்றாம் நபர் நிலைதான் மனக்காட்சியில் நாம் பார்த்த நபர். கவலை இல்லாத வாழ்க்கையைத்தான் நாம எல்லோரும் விரும்பறோம். நம் எல்லா கவலைகளுக்குமானத் தீர்வு நமக்குள்ளேயே தான் இருக்கு. அதைத் தனக்குள்ளே உணர முடியாதவங்க தான் வெளியே கோவில்களிலேயோ அல்லது மத்த மனுஷங்ககிட்டயோ தேடுறாங்க. பிரச்சனைகளைக் கண்டு பயந்து ஓடாம நேர்மறையான மனோபாவத்தோட, சரியான அணுகுமுறையோட இருந்தா வாழ்க்கை ரொம்ப சுவாரஸ்யமானதா மாறிடும். 

(நம்ம வாழ்க்கையையே மாத்திப் போடுற மாதிரி இவ்ளோ நல்ல விஷயங்களை சொல்லும் இவர் இன்னும் என்ன சொல்லப் போகிறார் என்ற ஆவலோடு அறிவொளியைப் பார்த்துக் கொண்டிருந்தனர் சந்தோஷ், கார்த்திக்,விஷ்ணு மூவரும். நாமும் காத்திருப்போம். )

தொடரும்...

பிரியசகி 
priyasahi20673@gmail.com

]]>
http://images.dinamani.com/uploads/user/imagelibrary/2017/4/24/w600X390/boywriting.jpg http://www.dinamani.com/health/health-serials/kandaen-pudhaiyalai/2017/apr/22/புதைய-2690159.html
2609771 தொடர்கள் கண்டேன் புதையலை புதையல் 8 பிரியசகி DIN Saturday, December 3, 2016 10:55 AM +0530 நீங்க  ஜீவாவா? தனசேகரா ?

(வாழ்நாளில் மறக்க முடியாத ஆசிரியர் யாராவது நினைவுக்கு வருகிறார்களா என்று அறிவொளி கேட்டதும் பலருடைய முகத்திலும் நூறு வாட்ஸ் பல்பு எரிந்தது.)

அறிவொளி :  எல்லோருமே வாழ்க்கையில் நிறைய ஆசிரியர்களைக் கடந்து வந்திருப்போம். ஆனா எல்லோருக்குமே  மறக்க முடியாத ஆசிரியர்கள் யாராவது ஒருத்தராவது கண்டிப்பா இருப்பாங்க இல்லையா? ஏன் அவரை உங்களால மறக்க முடியலைன்னு சொல்ல விரும்புறவங்க  சொல்லலாம்.

சந்தோஷ்: என் வாழ்க்கையில மறக்கவே முடியாதவங்க ரெண்டு ஆசிரியர்கள். ஒருத்தர் மேல எனக்கு  அளவுகடந்த வெறுப்பு இருக்கு. இன்னொருத்தர் இன்னைக்கு நான் மனுஷனா, ஒரு ஆசிரியரா இருக்கேன்னா அதுக்கு அவர்தான் காரணம். எனக்கு ஒரு  வயசு இருக்கும் போதே எங்கம்மா இறந்துட்டாங்க. என்னைப் பாத்துக்க முடியலைன்னு எங்கப்பா இன்னொரு கல்யாணம் பண்ணிக்கிட்டாரு. வழக்கமான சித்தி கொடுமைகளை எல்லாம் நான்  நிறைய அனுபவிச்சேன். சந்தோஷ்னு பேரு வெச்ச எங்கப்பா  என்னை சந்தோஷமா வெச்சுக்கிட்டதேயில்ல. என் சித்தி சொல்றத கேட்டுகிட்டு நான் செய்யாத தப்புக்கெல்லாம் என்னை பெல்ட்டால அடிப்பாரு. வீட்டு வேலை, தம்பி தங்கச்சிகளை பாத்துக்குற வேலை எல்லாம் முடிச்சிட்டு பாடம் படிக்கவோ, வீட்டுப்பாடம் எழுதவோ நேரமே இல்லாம நெறைய நாட்கள் ஸ்கூல்லயும் அடிவாங்குவேன். என் தெருவிலேயே குடியிருந்த ஜீவானந்தம் சார் தான் எங்கப்பாவை கூப்பிட்டு அறிவுரை சொல்லறது எனக்கு ஹோம்ஒர்க் செய்ய, படிக்க  உதவுறதுன்னு ரொம்ப ஆறுதலா இருந்தாரு.

பத்தாவது படிக்கும்போது  தனசேகர்னு ஒரு கணக்கு  வாத்தியார் வீட்டுப்பாடம் முடிக்காத பசங்கள  ரொம்பக் கொடூரமா அடிப்பார், காலால எட்டிஉதைப்பார், கெட்ட வார்த்தையால திட்டுவார். பசங்க அவர பழிவாங்க வாய்ப்பு கிடைக்குமான்னு காத்துக்கிட்டிருந்தாங்க.

ஒருநாள் கணக்கு வகுப்புல வீட்டுப்பாடம் முடிக்காதவங்கள எல்லாம் எழுந்து நிக்கச்சொல்லி அடிச்சுக்கிட்டிருந்தார். வீட்ல திட்டு வாங்கின கடுப்புல நான் ஏதோ யோசனைல இருந்தேன். நான் உட்க்கார்ந்துக்கிட்டிருக்குறதைப் பார்த்து பக்கத்தில் வந்தவர், என்ன துரை ஹோம்ஒர்க் முடிச்சுடீங்களா, எப்பவும் வீட்ல இருக்க சித்தியப் பத்தியே யோசனை போலருக்கேன்னு என்னை சித்தியோட சேத்து வெச்சு  தப்பா பேச ஆரம்பிச்சார். என்னை எவ்வளவு அடிச்சாலும் ஒரு வார்த்தை எதிர்த்து பேசாத நான் அவர் பேசிய கேவலமான வார்த்தைகளால் கோபம் தலைக்கு ஏற அவர் சட்டையை பிடிச்சு மூஞ்சியில ஓங்கி ஒரு குத்துவிட்டுட்டு அங்கேர்ந்து ஓடிட்டேன். அவர் ஹெட்மாஸ்டரிடம்போய் வீட்டுப்பாடம் செய்யாததைக் கேட்டதுக்கு  அடிச்சுட்டான்னு புகார் பண்ணவும் என்னைப் பள்ளியைவிட்டு பத்து நாளுக்கு இடைநீக்கம் பண்ணிட்டாங்க.

வழக்கம் போல எங்கப்பா என்னை எதுவும் விசாரிக்காமல் ஸ்கூல்ல சொன்னதைக் கேட்டுட்டு  பெல்ட்டால அடிக்கவும் எனக்கு ரொம்ப ஆத்திரம் வந்து அவர் கையை பிடிச்சி தடுத்து,  நான் எதுக்கு அவரை அடிச்சேன்னு தெரியுமா உங்களுக்கு? எதுவுமே தெரியாம என்ன அடிக்க மட்டும் கையை ஓங்கிட்டு மொத ஆளா வந்துடுவீங்களான்னு கேட்டேன். இத்தனை வருஷமா புள்ளபூச்சி போல இருந்தவன் இப்ப  எதிர்த்து கேள்வி கேக்குறதை அவரால தாங்கிக்க முடியல .  எப்ப நீ பாடம் சொல்லிக்குடுக்குற வாத்தியார அடிக்கற அளவு, பெத்த அப்பன கையை மடக்குற அளவு வளந்துட்டியோ இனிமே உனக்கு இந்த வீட்ல இடம் இல்ல, வெளிய போடா நாயேன்னு என்னைக் கழுத்தை பிடிச்சி வெளியே தள்ளிட்டார்.

கையில காசு இல்லை, மாத்த துணி இல்லை, எங்க போறது, என்ன பண்றது எதுவுமே புரியல. காலைல இருந்து  சாப்பிடாதது பசி வயித்த கிள்ள வெயில் மண்டைய பிளக்க தலை சுத்தி  மயக்கம் வந்து கீழே விழுந்த வரைக்கும் தான் ஞாபகம் இருக்கு. . முழுச்சிப் பாத்தா ஜீவா சார் வீட்ல படுத்திருந்தேன்.

நடுரோட்ல விழுந்து கிடந்த என்னை அவரு தன்னோட வீட்டுக்குத் தூக்கிட்டுப் போய் மயக்கத்தை தெளியவெச்சி  சாப்பாடு குடுத்தார். அப்பா வீட்டை விட்டுத் துரத்திட்டாரே என்ற கோபம், அவமானம், எதிர்காலத்தைக் குறித்த கவலை எல்லாம் சேர்ந்து துக்கம் தொண்டையை அடைக்க சாப்பிடமுடியாமல் தேம்பித்தேம்பி அழுத என்னைத் தன் மடியில் சாய்த்து தலையைத் தடவிக் கொடுத்தார். பிறந்ததிலிருந்து அப்படி ஒரு பாசமானத் தொடுதலை உணராத நான்,  ஒரு தந்தையோட உண்மையான அன்பும் அரவணைப்பும் எப்படி இருக்கும்னு அன்னைக்குதான் உணர்ந்தேன். 

‘சந்தோஷ் நல்லா படிக்கக் கூடிய அறிவும் திறமையும் உள்ள மாணவன் நீ. உன் சூழ்நிலை சரியில்லாம தான் நீ இப்படி இருக்கேன்னு எனக்குத் தெரியும். இங்கே இருந்தா உன் எதிர்காலமே வீணாகிடும். நான் உன்னை சென்னைல ஒரு பள்ளியில சேர்த்துவிடுறேன். நல்லா படிச்சு நீ நிறைய பேருக்கு உதவி செய்யக்கூடிய நிலைக்கு வரணும்னு ஆசைப்படுறேன். போய்ப் படிக்குறியான்னு  கேட்டதும் கடவுளே நேர்ல வந்து பேசுற மாதிரி இருந்துச்சு. சொன்ன மாதிரியே தன் செல்வாக்கைப் பயன்படுத்தி சென்னையில இருந்த ஒரு விடுதியோட கூடிய பள்ளியில சேர்த்து விட்டார். கூட தங்கியிருந்த மாணவர்கள் எல்லாவிதமான ஒழுக்கக்கேடான பழக்கங்களும் கொண்டிருந்ததோட எனக்கும் அதைப் பழக்கப்படுத்த முயற்சி செய்தாங்க.  ஆனா ஜீவா சார் என்மேல வெச்ச நம்பிக்கையக் காப்பாத்தணும்னு எந்தவித சபலங்களுக்கும் இடம் குடுக்காம நல்லா படிச்சேன். பன்னிரெண்டாவது முடிச்சதும் மெடிக்கல், இன்ஜினியரிங் இரண்டுமே கிடைச்சாலும் ஜீவா சார் மாதிரி ஒரு நல்ல ஆசிரியரா தான் நான் ஆகணும்னு உறுதியோட  இருந்ததால இன்னைக்கு உங்க முன்னாடி ஒரு ஆசிரியரா நிக்குறேன். 

என் மாணவர்கள் சோர்ந்துபோன முகத்தோட படிக்காம வீட்டுப்பாடம் முடிக்காம வந்தா என்னோட சின்ன வயசு அனுபவங்கள்தான் ஞாபகத்துக்கு வரும். அவங்களைக் கூப்பிட்டு பேசி காரணம் என்னன்னு பாத்து என்னால என்ன உதவி செய்ய முடியுமோ அதை செய்யுறேன்.

(பேசி முடித்து சந்தோஷ் அமர்ந்த பிறகும் கைதட்டல் அடங்க சில நிமிடங்கள் ஆனது.

ஆனந்த் : சந்தோஷ் சார் உங்களுக்குள்ள இவ்ளோ அழுத்தமான, ஆழமான கதை இருக்குறது இத்தனை வருஷமா தெரியாமப்  போயிடுச்சே! நீங்க வகுப்பறையைத் தாண்டியும் பிள்ளைகளுக்காக நிறைய நேரம் செலவு பண்ணும் போது  நான் கூட இவர் ஏன் இப்படி ஓவரா சீன் போடுறாரேன்னு நினைச்சிருக்கேன். அதுக்கான காரணம் இப்பதான் புரியுது.  

சந்தோஷ்: இத்தனை வருஷம் இதையெல்லாம் சொல்ல அவசியம் வந்ததில்லை. இன்னைக்கு நம்மால மறக்க முடியாத ஆசிரியர்கள் பத்திய பேச்சு வந்ததால் ஆசிரியர்கள் யாரும்  தனசேகர் சார் மாதிரி இருக்கக் கூடாது, ஜீவா சார் மாதிரி இருக்கணும்னு சொல்லத் தோணுச்சு. அதான் சொன்னேன்.

அறிவொளி: உங்க வாழ்க்கை அனுபவங்களை பகிர்ந்துக்கிட்டதுக்கு ரொம்ப நன்றி சந்தோஷ் சார்.

எந்தக் காரணமும் இல்லாம எந்த மாணவனும் வேணும்னே படிக்காம இருக்கிறதோ, மோசமா நடக்கிறதோ இல்லை. கண்டிப்பா அதுக்குக் காரணம் இருக்கும். காரணத்தைக் கண்டுபிடிச்சி சரிசெய்தால் அவர்களும் சரியாகி விடுவார்கள் என்பதை ரொம்ப எளிமையா அழகா சொல்லிட்டிங்க. உளவியலில் நடத்தை மாற்ற சிகிச்சையின் அடிப்படையே இதுதான். இந்த நுணுக்கத்தை புரிஞ்சுக்கிட்டா ஆசிரியர்களுக்கு எந்த மாணவனையும் கையாள்வது எளிது.

அதேபோல நீங்க சொன்னதுல ரொம்ப முக்கியமான விஷயம், ஜீவா சார் உங்கமேல வெச்ச நம்பிக்கைதான் உங்களை இந்த நிலைக்கு உயர்த்துச்சுன்னு சொன்னீங்க பாருங்க அதுதான். இந்த நம்பிக்கையை தான் உளவியலில் ‘பிக்மாலியன் விளைவு’னு சொல்றாங்க. உன்னால இதை செய்ய முடியும்னு நான் உறுதியா நம்புறேன்னு சொல்லும்போதே அது அவங்களுக்குள்ளே நிச்சயம் மாற்றத்தை ஏற்படுத்தும். அந்த நம்பிக்கையை காப்பாத்த அவங்க எடுக்கும் முயற்சிகள் நல்ல விளைவுகளைத் தரும். இதுக்கெல்லாம் நேரிடை சாட்சியா நம்ம சந்தோஷ் சாரே இருக்கார். அவர் இன்னைக்கு  ஜீவா சாரை நினைச்சு பாக்குறா மாதிரி  நம் மாணவர்கள் பிற்காலத்தில் நம் பேரை நினைச்சுப் பார்த்தங்கன்னா அதுதான் நம்முடைய வெற்றி. அதுக்கான வழிமுறைகளை வகுப்பதற்கும்  செயல்படுத்தவும் ஒன்றிணைந்து திட்டமிடுவோம். இந்த நேர்மறை சிந்தனைகளோடு இன்றைய கூட்டத்தை நிறைவு செய்வோம். இன்றைக்குப் பேசிய விஷயங்கள் பற்றியோ அல்லது பள்ளிக்கும் மாணவர்களுக்கும் பயன் தரக்கூடிய எந்த விஷயமானாலும் நீங்க எப்ப வேணாலும் என்னிடம் வந்து பேசலாம். நன்றி.

(உதவித் தலைமை ஆசிரியர் நன்றி உரை கூற, தேநீரோடு எல்லோரும் இருவர் மூவராய் பேசியவாறு கலைந்து சென்றனர். எல்லோர் மனதிலும் ஏன் அந்த அறை முழுவதுமே நேர்மறை எண்ணங்கள் நிறைந்து இருந்தது. இதைப் படிக்கும் ஆசிரியப் பெருமக்கள் தங்களையே கேட்டுக்கொள்ள வேண்டிய கேள்வி நான் ஜீவாவா? தனசேகரா? என்பது தான்.)

தேடலாம்..

- பிரியசகி 

priyasahi20673@gmail.com

 

]]>
கண்டேன் புதையலை, பிரியசகி, Learning methods http://images.dinamani.com/uploads/user/imagelibrary/2016/12/3/w600X390/goverment_school.jpg http://www.dinamani.com/health/health-serials/kandaen-pudhaiyalai/2016/dec/03/புதைய-2609771.html