Dinamani - கண்டேன் புதையலை - http://www.dinamani.com/health/health-serials/kandaen-pudhaiyalai/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2709770 தொடர்கள் கண்டேன் புதையலை புதையல் 26  பிரியசகி DIN Saturday, May 27, 2017 12:26 PM +0530 இசையால் இணைந்திருப்போம்! 

(வாழ்க்கையில் இசையின் முக்கியத்துவத்தைப் பற்றியும் கோபம், பதற்றம் என பீட்டா நிலையிலிருக்கும் மனதை ஆல்பா நிலைக்குக் கொண்டு வர இசை எவ்வாறு உதவுகிறது என்பதை அறிவொளி விளக்கிக்  கொண்டிருந்தார் )

அறிவொளி :  சினிமா பார்க்கும் போது நாம்  கதை, நடிப்பு, நகைச்சுவை, பாட்டு, டான்ஸ் இதையெல்லாம் ரசிக்கிறோமே தவிர பின்னணி இசையைப் பத்தி பெருசா யோசிக்கிறதே இல்லை. ஆனா பின்னணி இசை இல்லைன்னா படத்துல ஒரு சுவாரஸ்யமே இருக்காது. இப்ப சமீபத்துல வந்த வெற்றிப் படம் எதையாவது பின்னணி இசை இல்லாம எப்படி இருக்கும்னு யோசிச்சுப்பாருங்க. 

கார்த்திக் :  நேத்து ஒரு பேய் படம் பார்த்தேன் சார். நீங்க  சொன்னதும் பின்னணி இசை இல்லாம அந்த படத்தை கற்பனை பண்ணவே முடியல. ரொம்ப மொக்கையா இருக்கு.

அறிவொளி : ஆமா கார்த்திக் இசை சினிமாவுக்கு மட்டுமில்ல நம்ம வாழ்க்கைக்கு சுவை கூட்டவும் ரொம்ப முக்கியம். வாழ்க்கை ரொம்ப மெக்கானிக்கலா ஆயிடுச்சுன்னு புலம்பறவங்களுக்கு இப்ப சொல்லப் போற பயிற்சி ரொம்ப உதவும். ஒரு நாள் நிகழ்வு முழுக்க ஒரு தாளில் எழுதிட்டு ஒவ்வொரு நிகழ்ச்சிக்கும் பொருத்தமான இசையை மனசுக்குள் நாமே இசைத்துப் பார்த்தா சினிமாவை விட வாழ்க்கை ரொம்ப சுவாரஸ்யமா  ஆயிடும்.

விஷ்ணு :  சார் நம்ம ஸ்கூல் கமலா மிஸ் நிறைய நாள் லேட்டா வந்து ஹெட்மாஸ்டர்கிட்ட அடிக்கடி திட்டு வாங்குவாங்க. அந்த கோவத்தை எங்க மேல காட்டுவாங்க. ஒரு நாள் அவங்க இன்னொரு மிஸ் கிட்ட பேசிக்கிட்டிருந்ததைக் கேட்டேன், 

'காலைல ஐந்து  மணிக்கு எழுந்து அரக்க பரக்க சமையலை செய்யணும். அரை மணி நேரம் காட்டுக்கத்தலா கத்தி கணவரையும் பிள்ளைகளையும் எழுப்பி விட்டா எனக்கு உதவி செய்யலைனாலும் அவங்க வேலைகளையாவது அவங்களே பார்த்துக்குவாங்களானா அதுவும் கிடையாது.

அவங்களையெல்லாம் கிளப்பி அனுப்பறதுக்குள்ள போதும் போதும்னு ஆயிடும். அதுக்கப்புறம் நான் கிளம்பி வந்தா பஸ்ஸை மிஸ் பண்ணி ஆட்டோ பிடித்து வந்து சேர்றதுக்குள்ள பெல்லடிச்சுடுச்சு. சிடு மூஞ்சி ஹெட்மாஸ்டர்க்கிட்ட திட்டு வாங்கிட்டு டென்ஷனோட கிளாஸ்சுக்கு போனா முக்கால்வாசி பசங்க ஹோம் ஒர்க்கே முடிக்காம இன்னும் டென்ஷன் ஆக்குறானுங்க.' அப்பிடின்னு பேசிக்கிட்டுருந்தாங்க.

நீங்க சொல்ற மாதிரி இவங்களோட வேலைகளுக்கு ஒரு பின்னணி இசைப் போட்டா அவ்வை ஷண்முகி படத்துல கமல் பாடும் 'வேலை வேலை எப்போதும் வேலை' என்ற பாட்டுத்தான் சரியாக இருக்கும் இல்லையா சார். (எல்லோரும் சிரித்தனர்  )

அறிவொளி :  நல்ல கற்பனை விஷ்ணு. பாவம் கமலா மிஸ் இதே மாதிரி தொடர்ந்து பீட்டா அலைவரிசையின் உச்சத்துலயே அவங்க இருந்தா தலைவலி,  ரத்தக் கொதிப்பு, சர்க்கரை வியாதின்னு நோய்களால கஷ்டப்படுவாங்க.  அதோட வீட்லயும் உறவுகளுக்குள்ளே மன வருத்தம் தான் வரும்.  அதுக்கு பதிலா வழக்கமா எழுந்திருப்பதைவிட ஒரு மணி நேரம் முன்னாடி எழுந்து, கடவுளைக் கும்பிட்டு, பறவைகளோட கீச் கீச் இசையை ரசித்தபடி மனதில் புல்லாங்குழல் இசையை ஓட விட்டு அந்த நாளைத் தொடங்கினா எப்படி இருக்கும்!

கணவரையும் பிள்ளைகளையும் கூட சீக்கிரமே எழுப்பிவிட்டு கிளம்ப வைத்தா கமலா மிஸ்ஸின் சிரித்த முகத்தைப் பார்த்த சந்தோஷத்தில் அவங்களும்  உற்சாகமா கிளம்பிடுவாங்க. சீக்கிரம் வந்ததால ஸ்கூல்லேயும் ஹெட்மாஸ்டர் திட்றதுக்கு பதிலா பாராட்டுவாரு. அதுவே அவங்களை உற்சாகப்படுத்தும்.  அதே உற்சாகத்தோட பாடம் நடத்தினா பிள்ளைங்களும் படிக்க வேண்டியதெல்லாம் சரியா செய்துடுவாங்க. எல்லாமே ஒண்ணோட ஒண்ணு சங்கலி போல தொடர்புடையவை தான்.

இதே மாதிரி ஒவ்வொருத்தரும் காலைல எழுந்ததும் ஒரு மெல்லிசையை மனதில் ஓடவிட்டு அந்நாளைத் தொடங்கினா மனம் ஆல்பா நிலையில் அமைதியா இருப்பதால் அந்த நாள் முழுசும் அவங்களுக்கு மட்டுமில்லாம அவங்களைச் சார்ந்தவங்களும் மகிழ்ச்சியான நாளா அமையும்.

சந்தோஷ் : இந்த பயிற்சி ரொம்ப நல்லாயிருக்கு சார். கண்டிப்பா இதை தினமும் நாங்க பயிற்சி செய்வோம்.

அறிவொளி : நல்லது சந்தோஷ், அடுத்து நான் சொல்லப்போகும் பயிற்சி மூளையின் இசை மையத்தை பலப்படுத்தும் பயிற்சி.

கார்த்திக் :  அப்படியா நாங்க என்ன செய்யணும் சொல்லுங்கள் சார்.

அறிவொளி :  அமைதியா தியான நிலைல உட்கார்ந்து, சில நிமிடம் மூச்சினை உற்று நோக்கணும், கவலைகளை மறந்து, உடம்பை  நல்லா தளர்த்திக்கோங்க. உங்க கவனம் முழுவதையும் உடம்பின் கேட்கும் திறனுக்குக் கொண்டு வரணும்.

உடம்பின் எந்தெந்த பாகங்கள் கேட்கும் திறனோடு சம்பந்தப்பட்டுள்ளது என மனக் கண்ணால் பாருங்கள்.  உங்க மூளையில் கேட்கும் அறை, இசை அறை என இரு அறைகள் இருப்பதாகக் கற்பனை செய்துக்கோங்க. உங்க வலது காது தான் மூளையின் கேட்கும் அறைக்குப் போகும் வழி எனவும் உங்களோட உருவம் லிட்டில் ஜான் போல மிகச் சிறியதாகி, காதின் வழியாக கேட்கும் அறைக்கு நீங்க நடந்து போவதாகவும் நினைச்சுக்கோங்க.  அந்த அறையில் குப்பை கூளங்கள் நிறைந்து, சுவரில் சிலந்தி வலைகளும், தரையில் பழைய மெழுகு போன்ற பொருள் உறைந்தும் ஜன்னல்கள் மூடப்பட்டும் இருப்பதைப் பார்க்கறீங்க. அங்கே ஒரு முலையில் அறையைப் சுத்தப் படுத்தத் தேவையான அனைத்துப் பொருட்களும் இருக்குறதைப் பார்க்குறீங்க.

உடனே அறையை ஒட்டடை அடிச்சு, குப்பையையெல்லாம் சுத்தமா பெருக்கியெடுத்து, மெழுகை தேய்ச்சுக் கழுவி விட்டு ஜன்னல்களைத் திறந்து விடுறீங்க. ஜில்லுனு சுத்தமானக் காற்று உள்ளே வந்து மிச்சம் மீதி இருக்கும் தூசிகளையும் அடிச்சிட்டுப் போயிடுது. இப்போ உங்க கேட்கும் திறன் முன்னைவிட பல மடங்கு அதிகமானதை உணர்கின்றீங்க. 

சுத்தமாக்கப்பட்ட அறையில் சந்தோஷமா நடந்து போகும் போது ஒரு மூலையில் இன்னொரு கதவு மேல இசையறைனு எழுதி இருக்கு. உள்ளே நுழைந்தால் அந்த அறையும் இருண்டு, பாழடைந்த வாசனையோட, தூசும், உடைந்த இசைக்கருவிகளும் நிறைந்து காணப்படுகிறது. இப்போது இந்த அறையையும் சுத்தப்படுத்தி, ஜன்னல்களைத் திறந்து விடுகிறீர்கள். கேட்கும் அறையின் வழியாக சுத்தமான காற்றும் வெளிச்சமும் இசை அறைக்குள் நிரம்புகிறது. உங்களுக்கு பிடித்த இனிய இதமான இசை தானாக காற்றில் பரவி மனதை நிரப்புகிறது.

திருப்தி ஏற்படும்வரை இந்த சந்தோஷத்தில் திளைத்து விட்டு, நீண்ட நாள் உபயோகப்படுத்தாமலிருந்த இந்த அறைகளை தினமும் உபயோகப்படுத்த தயார் செய்த மகிழ்ச்சியுடன், ஜன்னல் கதவுகளைத் திறந்தவாறே வைத்துவிட்டு, இசையறையை விட்டு கேட்கும் அறை வழியாக வெளியே வந்து வலது காதின் வழியாக வெளி உலகத்திற்கு வந்து உங்கள் பழைய நிலையை அடைகிறீர்கள்.  மெதுவாக கண்களைத் திறந்து, உடலைத் தளர்த்தி பின், இசை அறையில்  கேட்ட இசையை நினைவுப் படுத்திப் பாருங்கள்.  இந்த அனுபவம் உங்களுக்குள்  என்ன மாற்றங்களை ஏற்படுத்தி இருக்குன்னு யோசிங்க.  

கார்த்திக் : சார் இதெல்லாம் கற்பனை மாதிரியே எனக்கு தோணல நிஜமாவே அந்த அறையில் குப்பையும், கை கால்ல எல்லாம் பிசுபிசுன்னு மெழுகும் ஒட்டிக்கிட்டு அருவெறுப்பா இருந்துச்சு. நல்லா தேச்சுக் கழுவி சுத்தம் பண்ணப் பிறகு தான் சந்தோசமா இருந்தது.

விஷ்ணு :  சார் எனக்கு லிட்டில் ஜான் படத்தைப் பார்த்தப்ப நாமும் இந்த மாதிரி நினைச்ச உடனே குள்ளமா ஆக முடிஞ்சா எவ்ளோ நல்லாயிருக்கும்னு நினைச்சிருக்கேன். இன்னைக்கு என்னை நானே அப்படி குட்டியா பார்க்க முடிஞ்சதும் நினைச்சவுடனே பழையபடி மாற முடிஞ்சதும் ரொம்ப ஜாலியா இருந்திச்சு.

சந்தோஷ் :  இருண்டு பாழடைந்த வாசனையோட இருந்த இசை அறையை சுத்தப் படுத்தி, ஜன்னல் திறந்து விட்டதுமே ஜில்லுனு காத்தோட எனக்கு ரொம்ப பிடிச்ச இளையராஜாவோட ‘இது ஒரு பொன் மாலை பொழுது’ என்ற பாட்டு கேட்டது எனக்கு ரொம்ப ஆச்சர்யமா இருந்தது சார்.

அறிவொளி : ஆமா சந்தோஷ், ஆராய்ச்சியாளர்களின் கருத்துப்படி நம்ம மூளைக்கு உண்மையாகவே நடப்பது போல் கற்பனை செய்யப்பட்டதற்கும், உண்மையில் நடப்பதற்கும் வித்தியாசம் தெரியாது.  இந்தப் பயிற்சியை தினமும் செய்பவர்களோட மிக நுட்பமான சத்தத்தையும் கேட்கும் திறன் அதிகரிக்கும் அதோட இசையை ரசித்து அனுபவித்து அதன் பலன்களை அனுபவிக்கும் திறனும் அதிகரிக்கும்.

கார்த்திக் :  யார் மீதாவது  ரொம்ப கோவம் இருந்தா அதை இந்த மாதிரி ஏதாவது பயிற்சி மூலம் சரி பண்ண முடியுமா சார் ?

அறிவொளி : ம்... செய்யலாம். யார் மேல உனக்கு ரொம்ப அதிகமா கோபம் இருக்கோ, அந்தக் கோபத்துக்கு காரணமான நிகழ்ச்சியை நினைவுக்குக் கொண்டு வா. இப்ப எதாவது ஒரு குத்துப் பாட்டையோ இந்த காட்சிக்கு பின்னணி இசையா போட்டு திரும்ப நிகழ்வை மனதில் ஓட்டிப் பார். இப்ப எப்படி இருக்கு?

கார்த்திக் : (கண்களை மூடியபடியே சிரித்துக் கொண்டிருந்தான்) ரொம்ப காமெடியா இருக்கு சார்.

அறிவொளி :  இப்ப சினிமா மாதிரி ஓடிக்கிட்டிருக்க நிகழ்வை படமா உறைய வை.  பளிச்சுனு தெரியும் படத்தை மங்கலாக்கு, அளவை சிறியதாக்கு மனதின் ஒரு முலைக்கு கீழே இறக்கு. இதே நபரோட சமாதானமா சந்தோஷமா இருந்த நிகழ்வை மனதில் கொண்டு வந்து அதை உறைய வைக்க அதை அளவில் பெரிதா பிரகாசமா ஆக்கு மனசு முழுக்க இந்த படம் பெரிசாக ஆக, முதலில் இருந்த கோபமான படம் சின்னதா கடுகு போல  மறைஞ்சே போயிடுச்சு.

எப்பவும் மனசு சந்தோஷமா இருக்கும் போது நீ கேக்க விரும்பும் பாட்டு இப்ப மனசுக்குள்ள கேக்குது.  இப்ப நீ ரொம்ப சந்தோஷமா இருக்குற மாதிரியே இனி எப்பவும் இந்த நபரோட சந்தோஷமா இருக்க போறே.  இனி சண்டை, கோபம் எதுவும் கிடையாது.  ஆழ்ந்து மூச்சை உள்ளிழுத்து வெளிவிட்டு கண்களை மெதுவா திற எப்படி இருக்கு கார்த்திக்?

கார்த்திக் : ரொம்ப தேங்க்ஸ் சார்,   ராகுல் என்ற ஒரு பையனோட மட்டும் எனக்கு எப்பவும் பிரச்னை வந்துக்கிட்டே இருக்கும்.  போய் பேசி சரி பண்ணலாம்னு நினைச்சாலும் ஏதோ ஒண்ணு தடுக்கும். நான் ஏன் முதல்ல பேசணும்,  அவன் வந்து பேசட்டுமேன்னு தோணும்.  ஆனா இப்ப அந்த சண்டை போட்ட நிமிஷம் மறந்து போய் அவனோட சந்தோஷமா விளையாடியது தான் நல்லா பளிச்சுன்னு தோணுது இப்ப நான் ரொம்ப சந்தோஷமா இருக்கேன் சார். ரொம்ப தேங்க்ஸ்.

சந்தோஷ் : நீ மட்டும் இல்ல கார்த்திக் பெரியவங்களே இது மாதிரி யாரோடையாவது சண்டை போட்டுட்டு மனசை பாரமாக்கி வச்சிருப்பாங்க. எத்தனையோ கணவன் மனைவியர் தங்களுக்குள்ள இருக்க சின்ன சின்ன பிரச்சனையை ஊதி ஊதிப் பெருசாக்கிடுவாங்க.  அவதானே முதல்ல சண்டையை ஆரம்பிச்சா, அவளே வந்து பேசட்டும்னு கணவனும், ஏன் அவர் வந்து பேசினா குறைஞ்சா போயிடுவாருன்னு மனைவியும் நினைச்சு கடைசிவரை பேசாமலே விவாகரத்து பண்ணி பிரிஞ்சு போனவங்ககூட உண்டு. பேசணும்னு நினைச்சாலும் ஈகோ தடுக்கும்.  இந்த பயிற்சியால முதல்ல மனசளவில் இருக்கற தடையை சரி செய்து அவங்களோட சந்தோஷமா இருந்த நாட்களை மனசில் முன்னிறுத்துக்கிட்டா பிறகு அவங்களை நேரில் பார்க்கும் போது பேசவோ சமாதானமா பேசவோ எந்த தடையும் இருக்காது.

கார்த்திக் :  உண்மை தான் சார் இனிமே ராகுலோட பேச எனக்கு எந்தத் தயக்கமும் கிடையாது.

விஷ்ணு :  இவங்க ரெண்டு பேர் மாதிரியே எல்லா டீச்சருங்களும் இருந்தா எவ்ளோ நல்லாயிருக்கும் இல்லடா கார்த்திக் ! 

கார்த்திக் :  ஆமாண்டா வாழ்க்கைக்குத் தேவையான எவ்ளோ நல்ல விஷயம் கத்துக்க குடுக்குறாங்க !

அறிவொளி :  அடடா! ரொம்ப உணர்ச்சி வசப்படாதீங்க தம்பிகளா இன்னும் நிறைய இருக்கே ! உடல் முழுக்க இசையைக் கேட்டு ரசிக்குறதுன்னா என்னன்னு தெரியும ?

விஷ்ணு : இசை மழையில் நனையறதுன்னு சொல்லிக் கேள்விப்பட்டிருக்கோம், உடல் முழுக்க இசையைக் கேக்குறதுன்னா எப்படி ? 

(எப்படி எனத் தெரிந்து கொள்ள அடுத்த வாரம் வரை காத்திருப்போம். அதற்கு இன்று அறிவொளி சொல்லிக் கொடுத்த பயிற்சிகளை மேற்கொண்டு பிறருடன் உள்ள மனஸ்தாபங்களை சரி செய்து கொள்வோமா? )

- பிரியசகி 

priyasahi20673@gmail.com  

 

]]>
Music, Learning disabilities, Mind management, இசை http://images.dinamani.com/uploads/user/imagelibrary/2017/5/27/w600X390/music.jpg http://www.dinamani.com/health/health-serials/kandaen-pudhaiyalai/2017/may/27/how-to-overcome-learning-disabilities-in-children-2709770.html
2705136 தொடர்கள் கண்டேன் புதையலை புதையல் 25 பிரியசகி DIN Saturday, May 20, 2017 10:00 AM +0530 இசையென்னும் அருமருந்து!

(உடலியக்கத் திறனை மேம்படுத்தும் பயிற்சிகளால் உற்சாகமான சந்தோஷ், விஷ்ணு, கார்த்திக் மூவரும் அறிவொளி மேலும் என்ன செய்ய போகிறார் எனக் கேட்க ஆர்வமாய்க் காத்திருந்தனர்)

அறிவொளி: மனிதனோட மனம், உடல் செயல்பாடுகளுக்கும் இசைக்கும் நெருங்கிய தொடர்பு உண்டு தெரியுமா ?

சந்தோஷ்: தெரியும் சார் கருவறையிலிருந்து கல்லறை வரைக்கும் தாலாட்டுல தொடங்கி ஒப்பாரியில் முடியிறது தானே மனுஷனோட வாழ்க்கை. ஆப்ரிக்க பழங்குடியினரோட தாள வாத்திய இசை முதல் இசைஞானியோட சிம்பொனி வரை எல்லாமே இசையோட வெவ்வேறு பரிமாணங்கள் தானே.

அறிவொளி : ஆமா, பாட்டு வகுப்புக்கு போய் ஸ ரி க ம ப த நி ஸா  காத்துக்கிட்டா தான் இசை பற்றிய அடிப்படை அறிவே மனிதனுக்கு கிடைக்கும்னு இல்லை.ஆராய்ச்சிகள் சொல்றதைப் பார்த்தா தாயின் கருவில் இருக்கும் போதே குழந்தை தன் தாயின் பேச்சு, சிரிப்பு, இதயத்துடிப்பொலி, இசை, சுற்றி  நிகழும் சம்பவங்களின் அதிர்வுகளுக்கேற்ப சில அசைவுகளைக் காட்டுகிறது. அழும் குழந்தையைத் தாய் அணைத்துக் கொள்ளும்போது தாயின் இதயத் துடிப்பொலியே இதமானத் தாலாட்டுப் பாடலாகக் குழந்தையை உறங்கச் செய்கிறது. மாறாகத் தாயின் அழுகையும், அதிக இரைச்சலான இசையின் அதிர்வுகளும் கருக்குழந்தையின் வளர்ச்சியைப் பாதிக்கும்.

சந்தோஷ் : ஆமா, தமிழர் கலாச்சாரத்தில் இசையென்பது ஒரு அங்கமாவேத்தான் இருக்கு.

கார்த்திக் : எப்படி சொல்றீங்க சார் ? எதாவது உதாரணம் சொல்லுங்களேன்.

சந்தோஷ் : 'மூங்கில் இலை மேலே, தூங்கும் பனி நீரே' என்று ஒரு ஏற்றக்காரர் பாடிய பாட்டு கவிச் சக்கரவர்த்தி கம்பரையே வியக்க வைச்சுது . அடுத்த வரி என்னவாக இருக்கும் என்ற எதிர்பார்ப்பை ஏற்படுத்தியது. அடுத்த நாள் கம்பர் காத்திருந்து கவனித்ததில், 'தூங்கும் பனி நீரை, வாங்கும் கதிரோனே ' ! என்று முடிந்த அந்த ஏற்றப் பாட்டு அவரை சிந்திக்கச் செய்தது. இப்படி உழைக்கும் வர்க்கத்தினர் களைப்பு தெரியாமலிருக்க நாற்று நட, களை பறிக்க, ஏற்றம் இறைக்க, அறுவடை செய்ய, படகு ஓட்ட என்று ஒவ்வொன்றுக்கும் பாட்டுக்கட்டி பாடுவார்கள். இசை என்பது தமிழர்களின் வாழ்வோடு இணைந்த ஒன்று.

விஷ்ணு : ஆமா சார் எங்கம்மா காலைல எழுந்ததும் தினமும் சாமி பாட்டுப் பாடிகிட்டே தான் வேலை செய்வாங்க, எனக்குமே எவ்ளோ களைப்பா இருந்தாலும் பிடிச்ச பாட்டைக் கேட்டதும் களைப்பெல்லாம் போய் புத்துணர்ச்சி வந்துடும்.

அறிவொளி : இசையால நோய்களைக் கூட குணப்படுத்த முடியும்னு நிரூபிச்சிருக்காங்க தெரியுமா?

கார்த்திக் : உண்மையாவா சார்?

அறிவொளி : ஆமா, எட்டு வித அறிவுத் திறனில் இசையறிவு மனித வாழ்வில் அதிகமா ஆதிக்கம் செய்யுது.

கார்த்திக் :  மூளை தானே சார் மனுஷனோட எல்லா செயல்பாட்டையும் கட்டுப்படுத்துது. இசையால நோயைக் குணப்படுத்த முடியும்னா அப்ப மூளையின் செயல்பாட்டுக்கும் இசைக்கும் ஏதாவது தொடர்பு இருக்கணும் இல்லையா?

அறிவொளி :  சரியா சொன்ன கார்த்திக், நம்ம தினசரி வாழ்க்கை நிகழ்வுகளுக்கு ஏத்த மாதிரி மூளை பலவிதமான மின் அதிர்வலைகளை உற்பத்தி செய்யுது. ஒவ்வொரு சூழ்நிலையிலேயும் நாம எப்படி நடந்துக்கணும் என்பதையும் இந்த அலைகளே தீர்மானிக்கின்றன. இந்த அலைகளோட அதிர்வெண்ணுக்கு ஏற்ப நம்ம மூளையோட செயல்நிலையை பீட்டா நிலை, ஆல்பா நிலை, தீட்டா நிலை, டெல்டா நிலை என நாலு நிலைகளாகப் பிரிக்கலாம். 

விஷ்ணு : இது நாலுத்துக்கும் என்ன சார் வித்தியாசம்?

அறிவொளி : சொல்றேம்பா பீட்டா நிலையில் மூளை அலைகளோட அதிர்வெண் வினாடிக்கு பதினாறிலிருந்து நாற்பது வரைக்கும் இருக்கும். நாம சாதாரணமா இருக்கும் போது பதினாறிலிருந்து இருபது வரைக்கும் இருக்கும்.

ஒரு வினாடிக்கு எத்தனை அலைகள் ஏற்படுது என்பதுதான் பொதுவா அதிர்வெண் என சொல்லுவோம். உணர்ச்சி வசப்பட்ட நிலையில் இருபத்திலிருந்து நாற்பது வரைக்கும் இருக்கும். இதனால தான் ரத்தக் கொதிப்பு . இதயநோய், சர்க்கரை நோய் உள்ளவர்களை மருத்துவர்கள் கோபத்தை குறைக்கணும், உணர்ச்சி வசப்படாதீங்கன்னு சொல்றாங்க. திருவள்ளுவரே தன் திருக்குறளில் சினத்தை சினமென்னும் சேர்ந்தாரைக் கொல்லி எனச் சொல்லியிருக்கார் இல்லையா !

கார்த்திக் : ஆமா சார். ஒரு சிலர் எதுக்கெடுத்தாலும் டென்ஷனாகிடுவாங்க கண்ணெல்லாம் சிவந்து மூச்சு வாங்கி, சத்தமா பேசி மத்தவங்களையும் டென்ஷனாக்கிடுவாங்க. அந்த நேரம் அவங்க முகத்தைப் பார்க்கவே பயமா இருக்கும்.

அறிவொளி : சாதாரணமா நாம எல்லோருமே எல்லா வேலைகளையும் பீட்டா நிலையிலிருந்து தான் செய்யுறோம். அவசரகதியில் இயந்திரத்தனமா வாழாம மூளையின் அதிர்வெண்ணைக் குறைத்து நிதானமா செயல்பட்டா நீண்ட நாள் நோயற்ற வாழ்வு வாழலாம்.

கார்த்திக் : அப்ப ஆல்பா நிலைனா என்ன சார் ?

அறிவொளி : ஆல்பா நிலையில் மூளை அலைகளோட அதிர்வெண் வினாடிக்கு பதினாலிலிருந்து எட்டு வரைக்கும் இருக்கும். கவலைகளை மறந்து நாம உடலும் மனமும் ஓய்வு நிலையில் இருக்கும் போது நம்ம மூளை ஆல்பா நிலையில் இருக்கும். இந்த நிலையில் நம்ம உள்ளுணர்வின் இயக்கம் மிகச் சிறந்து இருக்கும். பகுத்தறிவுக்கு அப்பாற்பட்ட நிலையில் சிலர் தரிசனக் காட்சிகளைக் காண்பது ஆல்பா நிலையில் தான்.

விஷ்ணு : சென்னையில இருக்க எங்க மாமா போன தடவை ஊருக்கு வந்தப்போ எனக்கு படிப்புல முழுசா கவனம் செலுத்திப் படிக்க முடியலைன்னு சொன்னேன். அதுக்கு அவர் வர்ற மே மாச லீவுல ஆல்பா தியான வகுப்புல சேர்த்து விடுறேன்னு சொன்னார். அப்போ அவர் என்ன சொல்லறாருன்னு எனக்கு புரியல. இப்போ தான் புரியுது சார்.

சந்தோஷ் : ரொம்ப நல்ல விஷயம் விஷ்ணு. இது மாதிரியான நல்ல விஷயங்களை நல்லா கத்துக்கிட்டு தினமும் பயிற்சி செய்தா வாழ்நாள் முழுக்கவே பயன் கொடுக்கும்.

கார்த்திக் : ஆல்பா, பீட்டா முடிஞ்சுடுச்சு. அடுத்தது காமாவா சார் ?

அறிவொளி : ஆல்பா, பீட்டா, காமா எல்லாம் கதிரியக்கங்கள் கார்த்திக். இங்கே  அடுத்திருப்பது  தீட்டா நிலையும் டெல்டா நிலையும் தான்.

கார்த்திக் : தீட்டா நிலைன்னா என்ன சார் ?

அறிவொளி :  தீட்டா அலைகளின் அதிர்வெண் ஏழு முதல் நான்கு வரை இருக்கும். இது ஆழ்ந்த உறக்கத்துக்கு முந்தைய நிலை அல்லது பகல்கனவு காணும் நிலைன்னும் சொல்லலாம். அடுத்தது டெல்டா நிலை. இந்த அலையின் அதிர்வெண் மூன்று முதல் ஒன்று வரை இருக்கும். தியான நிலைகளில் இதை சமாதி நிலைன்னும் சொல்லலாம். ஆழ்ந்த உறக்க நிலையில் மூளையோட செயல்பாடு இந்த நிலையில் தான் சிறப்பா இருக்கும். நம் ஆழ்மனதில் பதிந்த நினைவுகள் அல்லது காட்சிகள் கனவுகளா வெளிப்படுவது இந்த நிலையில் தான்.

கார்த்திக் : இந்த மூளை அலைகளும் இசையறிவுக்கும் என்ன சார் சம்மந்தம் ?

அறிவொளி : மூளையைப் பத்திய இந்த ஆராய்ச்சிகளின் முக்கிய கண்டுபிடிப்பு என்னன்னா, ஒரு மனிதனால் இந்த மூளை அலைகளை எந்தச் சூழ்நிலையிலும் ஒரு நிலையிலிருந்து மற்றொரு நிலைக்குத் தன் கட்டுப்பாட்டில் கொண்டு வந்து சூழ்நிலையைத் தனக்கேற்றபடி சாதகமாக்கிக்கொண்டு சாதிக்க முடியும் என்பது தான். இதில் முக்கிய பங்கு வகிப்பது இசை. ஒரு இசை அனுபவமானது லட்சக்கணக்கான மூளை செல்களைத் (நியூரான்கள்) தூண்டி, உடல் தசைகளைத் தளர்த்தி, நாடித்துடிப்பை சீராக்கி, நீண்ட கால ஞாபக சக்திக்கு உதவுது. கேட்கும் திறனும், மனதை ஒருமுகப்படுத்தும் திறனும், உணர்ச்சிகளைக் கட்டுப்படுத்தும் ஆற்றலும் அதிகரிக்கும். எவ்வளவு அதிகமா நியூரான்கள் தூண்டப்படுதோ அவ்வளவு அதிகமா புரிந்து கொள்ளும் ஆற்றலும், கற்கும் திறனும் அதிகரிக்கும்.

கார்த்திக் : அப்ப என்ன மாதிரி மந்த புத்தி கொண்டவங்களும் இசையறிவை வளர்த்துக்கிட்டா புத்திசாலி ஆகிட முடியுமா சார் ?

சந்தோஷ் : நீ மந்த புத்தி கொண்டவன்னு யார் சொன்னது கார்த்திக்? மதிப்பெண்ணை வெச்சு புத்திசாலி முட்டாள்னு சொல்லும்  காலமெல்லாம் மலையேறிப் போச்சு இசையறிவை வளர்த்துக்கிட்டா உன்னோட கற்கும் ஆற்றல் இன்னும் அதிகமாகும். அப்படித்தானே சார்?

அறிவொளி : உண்மை தான் சந்தோஷ் ஆனா அதுக்கு சில பயிற்சிகள் அவசியம். இசையறிவானது ஒலி அதிர்வுகளை உணர்ந்து உட்கிரகிக்கும் ஆற்றலைப் பொறுத்தது. வெறும் சத்தத்தை கேட்பதைக் கொண்டு  நம்மைச் சுற்றி என்ன நடக்குது என்று ஊகித்துக் கூற முடியும் இல்லையா. கார்த்திக் கண்ணை மூடிக்கிட்டு நான் என்ன செய்யுறேன்னு கண்டு பிடி பார்க்கலாம்.

(கார்த்திக் கண்களை மூடிக் கொள்ள  அறிவொளி பேப்பரைக் கிழித்தல், மேசையை நகர்த்துதல், புத்தகத்தாளை திருப்புதல், குவளையிலிருந்து தம்பளரில் தண்ணீர் ஊற்றுதல் என்று பத்து வேலைகளைச்  செய்ய கார்த்திக் அதில் எட்டு வேலைகளை மிகச் சரியாக கண்டு பிடித்துவிட்டான் )

அறிவொளி :  வெரிகுட்  கார்த்திக் பத்துக்கு எட்டு சரியா கண்டு பிடிச்சுட்டியே! இதே மாதிரி வார்த்தைகளைப் பயன்படுத்தாம வெறும் ஒலி எழுப்பிக் கோபம், எரிச்சல், ஆச்சரியம், மகிழ்ச்சி, சோகம், போன்ற உணர்வுகளை ஒருத்தர் வெளிப்படுத்த இன்னொருத்தர் கண்டுபிடிக்கணும். இந்த மாதிரி விளையாட்டுக்கள் மத்தவங்களோட மூச்சின் வேகம், பேசும் வார்த்தைகளின் அதிர்வலைகளைக் கொண்டு அவரது மனநிலை எப்படி உள்ளது, அவர் நம்மிடம் என்ன எதிர்பார்க்கிறார்னு உணர்ந்து அதுக்கேத்தபடி நடக்க உதவும். 

விஷ்ணு : அது சரி சார், இந்தப் பயிற்சியால மத்தவங்க உணர்ச்சிகளை அவங்க எந்த மனநிலையில இருக்காங்க என்பதை நாமத் தெரிஞ்சுக்க முடியும். ஆனா இசையறிவுக்கும் இதுக்கும் என்ன சம்பந்தம்.

அறிவொளி : அதைத் தான் இப்ப சொல்ல வரேன். அதுக்குள்ளே அவசரப்படுறியே விஷ்ணு. இசையறிவு என்பது சினிமாவுல பின்னணி பாடுறதோ, கர்நாடக சங்கீத மேடைகள்ல கச்சேரி பண்றதோ, டிவியில பாட்டு நிகழ்ச்சிகள்ல கலந்துக்கிறதோ மட்டும் கிடையாது. இசையறிவுக்கு தேவையான ஒலி அதிர்வுகளை உற்று கவனித்தல், உட்கிரகித்தல் உணர்வை வெளிப்படுத்துதல் போன்ற திறன்கள் அன்றாட வாழ்க்கையில் கூடவே இருக்கும் மனிதர்களோட உறவை பலப்படுத்திக்கவும் ரொம்ப அவசியம், கூட இருப்பவங்களை மதிக்காமல் உறவை முறிச்சுக்கிட்டு கச்சேரி பண்ணி பணமும் புகழும் சம்பாதிச்சு என்ன புண்ணியம். அத்தகைய திறன் வளர்க்கும் பயிற்சிகளை பத்தி தான் நான் இப்ப சொல்லப் போறேன் சரியா ? 

விஷ்ணு : சரி சார், இப்ப புரிஞ்சிருச்சு.

அறிவொளி : இசையறிவில் மேம்பட உற்று நோக்கலும், இசை நம்மில் ஏற்படுத்தும் உணர்வுகளை ஆராய்வதும் ரொம்ப முக்கியம். கர்நாடக சங்கீதம், இந்துஸ்தானி, நாட்டுப்புறப்பாடல், மேற்கத்திய இசை, கானாப்பாடல் என ஐந்து விதமான பாடல் தொகுப்புகளை தேர்ந்தெடுத்துக் கொள்ள வேண்டும். ஒவ்வொரு இசையையும் கேட்க ஐந்து நிமிடம் எடுத்துக் கொண்டு அவை என்ன மாதிரியான உணர்வுகளை உங்கள் உடலிலும் மனதிலும் ஏற்படுத்துகிறது என உற்று கவனிக்கணும். முடிஞ்சா உங்க நண்பரையும் அதே இசையை கேட்க வைத்து உங்க இரண்டு பேரோட உணர்வுகளும் ஒத்து போகுதா, வேறுபடுதான்னு பார்க்கணும். வேறுபடுதுன்னா அதுக்கு  என்ன காரணம்னு ஆராயணும். இந்த ஐந்து வித இசையிலும் எது  உங்க மனதை அமைதிப்படுத்தி ஓய்வு நிலைக்கு (பீட்டா நிலையிலிருந்து ஆல்பா நிலைக்கு) கொண்டு போகுதோ அதை தனியா எடுத்து வச்சுக்கோங்க. இதுக்கு அப்புறம் வரும் பயிற்சிகளுக்கு அது தேவைப்படும்.

(ஒவ்வொரு பாடல்களாகப் போட்டு அவர்களைக் கேட்டு குறிப்பெடுக்க வைத்தார் அறிவொளி. அதற்குள் நாமும் நம் மனதை எந்த இசை அமைதிப்படுத்துகிறது எனக் கண்டறிந்து அடுத்த வாரம் சந்திப்போமா)

- பிரியசகி 

priyasahi20673@gmail.com 

]]>
Kanden Pudhaiyalai, Music therapy, இசை, ஆல்பா தியானம் http://images.dinamani.com/uploads/user/imagelibrary/2017/5/19/w600X390/music_heals.jpg http://www.dinamani.com/health/health-serials/kandaen-pudhaiyalai/2017/may/20/puthaiyal-25-2705136.html
2697286 தொடர்கள் கண்டேன் புதையலை புதையல் 24 பிரியசகி DIN Saturday, May 6, 2017 03:22 PM +0530 (விசையுறு பந்தினைப் போலே மனம் விரும்பியபடி செல்லும் உடலைப் பெறும் பயிற்சி முறைகளைக் கற்றுக்கொடுக்கும் அறிவொளி மேலும் என்ன சொல்லப்போகிறார் என்று ஆர்வமுடன் கேட்டுக் கொண்டிருந்தனர் சந்தோஷ், கார்த்திக் மற்றும் விஷ்ணு ஆகிய மூவரும்.)

கார்த்திக்: சார் உண்மையான பயிற்சி கற்பனையான பயிற்சி இதெல்லாம் நடைமுறையில் யாராவது வழக்கமா பயன்படுத்துறாங்களா சார்?

அறிவொளி:  ஆமா கார்த்திக், ஒலிம்பிக் போட்டிகளில் ஜெயிக்குறவங்க  இரண்டு முறை ஜெயிக்கிறாங்க. ஒன்னு மனதளவில், இன்னொருவாட்டி நிஜமா ஜெயிக்குறாங்க. தடகள வீரர்கள் அவங்க கடக்க வேண்டிய தூரத்தை மனதில் நினைத்து, குறிப்பிட்ட நேரத்தில் தான் அதை ஓடிக் கடந்து  வெற்றி பெறுவதாக கற்பனை செய்துக்குவாங்க. தான் இன்னும் அதிகமா பயிற்சி எடுக்கணும்னு நினைக்கும்போது உலகத்துலயே சிறந்த குரு ஒருத்தர் தன் தவறுகளைத்  திருத்தி தனக்கு நல்லா   சொல்லிக்  கொடுப்பது போலவும்  தான் ஒலிம்பிக்கில்  ஜெயிப்பது போலவும் மனக்காட்சிகளில் பார்ப்பாங்க. இந்த மனக்காட்சி அவங்களுக்கு அபரிமிதமான உத்வேகத்தையும், தன்னம்பிக்கையையும் கொடுக்கும். இப்படி மனத்தளவில் ஜெயிப்பவங்க மட்டும்தான் உண்மையிலும் ஜெயிப்பாங்க.

விஷ்ணு:  நாம கூட நமக்குத் தேவையான விஷயத்துல இதே மாதிரி பயிற்சி எடுக்கலாம் இல்லையா சார்?

அறிவொளி: ஆமா விஷ்ணு, நீ எதைக் கத்துக்கணும்னு நினைக்குறியோ, அதைக் கற்பனை ஆசிரியரிடம் கற்பது போல மனக்காட்சியில் பார்த்த  பிறகு, அதையே உண்மையா பயிற்சி செய்யணும். பத்து நிமிட கற்பனைப் பயிற்சி பத்து நிமிட உண்மை பயிற்சி என தொடர்ந்து கற்பனைக்கும் உண்மைக்கும் எந்த வித்தியாசமும் இல்லாதவரை இந்தப் பயிற்சியைத் தொடரலாம்.

சந்தோஷ்: மேடையில பேச பயப்படுறவங்க ஒரு ஐயாயிரம் பேர் இருக்க பெருங்கூட்டத்துக்கு முன்னாடி தான் பேசிக் கைத்தட்டல் வாங்குவது போலவும் எல்லாரும் தன்னைப் பாராட்டுவது போலவும் கற்பனை செய்துகொண்டு ஒத்திகை பார்த்து தயார் படுத்திக்கலாம்.

டெஸ்ட், எக்ஸாம்னாலே சில பசங்களுக்கு  ஜுரம் வந்துடும். அவங்க தான் அழகான கையெழுத்தோட தைரியமா பரிட்சை எழுத்துவதாகவும் நல்ல மார்க் எடுத்த தன்னை எல்லோரும் பாராட்டுவதாகவும் கற்பனை செய்துக்கணும். அதுவே அவங்களுக்கு நல்லாப் படிக்கணும் என்ற ஊக்கத்தைக் கொடுக்கும்.

இதே போல வேலைக்கான நேர்முகத்  தேர்வுக்குத் தன்னைத் தயாரிப்பவங்க அந்தச் சூழலை மனத்தில் கற்பனை செய்துகிட்டு  என்னென்ன கேள்வி கேட்பாங்க, அதுக்குத் தான் எப்படி பதில் சொல்லலாம்னு  மனதில் முன் தயாரிப்பு செய்துகிட்டா நிச்சயம் வெற்றி கிடைக்கும்.

கார்த்திக்:  சார் நீங்க ரெண்டுப் பேரும் நிறைய நல்ல விஷயங்கள் சொல்லித் தரீங்க. இருந்தாலும் எனக்குள்ள நிறைய முட்டுக்கட்டைங்க இருக்குதே. அதையெல்லாம் தாண்டி என்னால வாழ்க்கையில முன்னேற முடியுமான்னு சந்தேகமா இருக்கு. நான் என்ன பண்ணனும்னு சொல்லுங்களேன். 

அறிவொளி:  தடைகளைக் கண்டு பயந்து போகாதே  கார்த்திக். எல்லாமே சுலபமா கிடைச்சுட்டா  வாழ்க்கை ரொம்ப போரடிச்சுடும். பறக்குற பறவைக்கு காற்று ஒரு தடை தான். ஆனா காற்றே இல்லைன்னா பறவையால பறக்க முடியுமா?

கார்த்திக்:  அட, இது நல்லாயிருக்கே!

அறிவொளி: அதுதான் உண்மையும் கூட. தடைகளைத் தாண்டி வரும் அனுபவத்தில் தான் நம் வெற்றி தொடங்குகிறது.

கார்த்திக், விஷ்ணு ரெண்டு பேரும் கண்ணை மூடிக்கோங்க. எதெல்லாம் உங்களுக்கு முட்டுக்கட்டையா இருக்குன்னு நினைக்குறீங்களோ  அதையெல்லாம் மனசுக்குள்ள பட்டியல் போடுங்க.

(இருவரும் அமைதியாகப் பட்டியலிட ஆரம்பித்தனர். அதிக நேரம் நண்பர்களுடன் ஊர் சுற்றுவது, டிவி பார்ப்பது, தவறான பழக்கங்களுடைய நண்பர்களால் ஆபாச புத்தகங்கள் படித்தல், செல் போனில் ஆபாச படங்கள் பார்த்தலால் படிப்பில் கவனமின்மை, காலையில் சீக்கிரம் எழ மனமில்லாமை என பட்டியல் நீண்டு கொண்டே போனது.)

சரி, உங்கப் பட்டியலில் இருக்கும் ஒவ்வொன்னையும் ஒரு கல்லா நினைச்சுக்கோங்க. ஒன்னோட இன்னொன்னை சேர்க்கும் போது அது அளவில் பெரிய கல்லா மாறுது. எல்லாம் இப்ப மொத்தமா சேர்த்து ஒரு பெரிய பாறாங்கல்லா நீங்கப் போகவேண்டியப் பாதையை மறிச்சுக்கிட்டு  உங்க முன்னாடி இருக்கு. இதை எப்படித் தாண்டிப் போறதுன்னு நீங்க யோசிக்கும்போது உங்க கையில ஒரு பெரிய சுத்தியல்  கிடைக்குது. அதை வெச்சு கல்லை உடைச்சிட முடியும்னு நம்பிக்கை வருது. உங்க சக்தி மொத்தத்தையும் திரட்டி சுத்தியலைத் தூக்கி ஓங்கி ஒரு அடி போடுறீங்க. பாறாங்கல் தூள் தூளா உடைஞ்சுப் போயிடுச்சு. இனி நீங்கப் போக வேண்டியப் பாதையில எந்தத் தடை வந்தாலும் இதே மாதிரி உடைச்சு எறிந்திட முடியும்னு இப்ப நம்பிக்கை வந்துடுச்சு. உங்கக் குறிக்கோளை நிச்சயமா உங்களால அடைய முடியும். மூன்று முறை ஆழ்ந்து மூச்சை இழுத்து விட்டு கண்ணை மெதுவாத் திறங்க.

(அறிவொளி சொல்லச் சொல்ல அதற்கேற்ற உணர்ச்சிகளை  கார்த்திக் விஷ்ணு இருவரின் முகத்திலும் உடலிலும் காண முடிந்தது. கண்ணைத் திறக்கும் போது இருவரின் முகத்திலும் நம்பிக்கை ஒளி பிரகாசமாய்த் தெரிந்தது.)

கார்த்திக்:  சார் நிஜம்மாவே  இப்ப எனக்கு என் இலட்சியத்தை அடைய முடியும்னு நம்பிக்கை வந்துடுச்சு சார். 

விஷ்ணு:  எனக்கும் தான் சார்.

அறிவொளி:  ரொம்ப சந்தோசம்ப்பா. இந்தக் கற்பனையோட நிறுத்திடாம நிஜத்திலும் கடிவாளம் கட்டிய குதிரை போல கவனத்தை திசை திருப்பாம குறிக்கோளை மட்டும் கவனத்தில் வெச்சு செயல்பட்டா எந்தத் தடை வந்தாலும் தகர்த்தெறிஞ்சு வாழ்க்கையில் வெற்றி பெற முடியும்.

இது உங்க மூளையை உங்களுக்கு ஏத்தபடி ப்ரோக்ராம் பண்ற பயிற்சி. இதோடு மூச்சை உள்வாங்கி, மெதுவாக வெளிவிடும் கணக்கான திட்டமிட்ட மூச்சுப் பயிற்சியான பிராணாயாமத்தையும் தினமும் பயிற்சி செய்தா உடல் ஆரோக்கியமா இருக்கும்.

விஷ்ணு:  அதை எங்களுக்கும் சொல்லிக் குடுங்க சார்.

அறிவொளி:  சரி சொல்லிக் கொடுக்குறேன், அதுக்கு முன்னாடி ஒரு விஷயத்தைப் புரிஞ்சுக்கோங்க. நம்ம உடல் நிலம், நீர் , நெருப்பு, காற்று, ஆகாயம் என்ற பஞ்ச பூதங்களின் சேர்க்கையால் ஆனது. 'அண்டத்தில் உள்ளது பிண்டத்திலும்' என்பார்கள். நம்முள்  இந்த பஞ்ச பூதங்களின் விகிதாச்சாரம் சரியானபடி இருந்தா தான் நம் உடலும் ஆரோக்கியமா இருக்கும். அதற்கு இயற்கையோட இணைந்த வாழ்க்கை அவசியம். இப்ப நான் சொல்வதையெல்லாம் மனதில் உள்வாங்கி உடலின் ஒவ்வொரு செல்களிலும் உணர்வது ரொம்ப முக்கியம். புரியுதா?

விஷ்ணு:  புரியுது சார்.

அறிவொளி:  சரி, கண்ணை மூடி உடல் தளர்வான நிலைல உட்காருங்க.

(கார்த்திக், விஷ்ணு, சந்தோஷ் மூவரும் தியான நிலையில் அமர்ந்தனர்.){pagination-pagination}

வாழ்வை வளமாக்கும் மூச்சுப் பயிற்சி : 

அறிவொளி:  வலது கை கட்டைவிரலால் வலப்புற மூக்கை மூடி இடப்புற மூக்கு வழியாக மூச்சை மூன்று எண்ணிக்கை வரை உள்ளிழுத்து பின் ஆள்காட்டி விரலால் இடப்புற மூக்கை மூடி ஆறு எண்ணிக்கை வரை வலப்புற மூக்கு வழியாக நிதானமாக மூச்சை வெளி விடவும். மீண்டும் வலப்புற மூக்கு வழி மூன்று எண்ணிக்கை மூச்சை  உள்ளிழுத்து இடப்புற மூக்கு வழி  ஆறு எண்ணிக்கை வரை நிதானமா வெளிவிடனும். இதைத் தொடர்ந்து செய்து கொண்டே நம் காலின் கீழ் உள்ள நிலப்பரப்பை தியானிப்போம்.

நிலம்:

மூச்சினை உள்வாங்கும் போது நிலத்தின் உயிர் கொடுக்கும், வளமாக்கும் சக்தியினை சேர்த்து உள்வாங்கிப் பின் மூச்சினை வெளிவிடும் போது நிலத்தினுள் ஐக்கியமாவதாக உணர்வோம். எதையும் தாங்கும் பொறுமையும், 'வாழு வாழ விடு' என்ற நிலத்தின் உன்னத குணமும் நம்முள் குடிகொண்டு விட்டதை  உணர்வோம். இந்த வினாடி முதல் மிகப் பெரிய சக்தி ஒன்று நம் வாழ்வின் குறிக்கோளை நோக்கி நம்மை வழிநடத்துவதை உணர்வோம்.

(தியானிக்க பத்து வினாடிகள் இடைவெளி விட்டு மீண்டும் அறிவொளி பேசத்  தொடங்கினார்.)

நீர்:

மூக்கின் வழி மூச்சுக் காற்றை உள்வாங்கி மெல்லத் திறந்த உதடுகள் வழியே காற்றை வெளிவிடுவோம். உள்வாங்கும் மூச்சு உச்சந்தலை முதல் உள்ளங்கால் வரை  நீரின் உயிரளிக்கும் ஜீவஆற்றலைப் பாய்ச்சுவதாக உணர்வோம். இந்த வழிந்தோடும் குளிர்விக்கும் ஆற்றலுடன் சமாதானம், பிறரை அரவணைக்கும் பண்போடு  நடந்து கொண்டிருக்கும் இலட்சியப் பாதையில் நடப்போம்.

நெருப்பு:

ஆழ்ந்த மூச்சினை வாய் வழியாக உள்வாங்கி மூக்கின் வழியாக வெளிவிடுவோம். உள்ளிழுக்கும் பிராண வாயுவால் வயிற்றில் எரியும் நெருப்பு அதிகத் தீப்பிழம்புகளுடன் எரிவதாகவும், நம் மன அழுக்குகளெல்லாம் அதில் எரிந்து முற்றிலும் நாம் தூய்மையாகி விட்டதாகவும் உணர்வோம். மூச்சினை வெளிவிடும் போது அந்நெருப்பின் சக்தி நம் உடலின் எல்லா பாகங்களிலிருந்தும் எல்லாத் திசைகளிலிருந்தும் வெளிப்படுவதாக உணர்வோம். இவ்வொளி வெள்ளம் நம் வாழ்வின் இருளகற்றி நாம் செல்ல வேண்டியப் பாதையில் மேலும் நம்மை வழி நடத்துவதாக உணர்வோம்.

காற்று:

வாயின் வழியாக தூய காற்றினை  உள்வாங்கி வெளிவிடுவோம். மூச்சினை வெளிவிடும் போது நம் மனம், எண்ணம், உணர்ச்சி யாவற்றையும் காற்றில் விட்டு நிர்மலமான மனநிலையில் சில வினாடிகள் தாமதித்து பின் மீண்டும் மூச்சினை மூக்கின் வழி உள்வாங்குவோம். சிறிது நேரம் இதைத் தொடர்ந்து செய்வோம்.

ஆகாயம்:

மூக்கின் வழி மூச்சை சில வினாடிகள்  உள்வாங்கி வெளிவிட்டு  கவனம் முழுவதையும் நம் தலையிலிருந்து பத்து அங்குல உயரத்தில் நிறுத்துவோம். இது நாம் பறப்பது போன்ற ஓர் உணர்வை ஏற்படுத்தும். நம் குறுகிய மனப்பான்மையை காற்றில் கரைய விட்டு வானம் போன்ற பரந்த மனப்பான்மையைப் பெறுவோம். இந்நிலையில் நான், எனது என்ற சுயநலம் ஒழிந்து நாம் நமது என்ற பொதுநலம் மேலோங்கும். 

புடமிடப்பட்ட தங்கத்தைப் போன்ற  நம் தூய எண்ணங்களே நம் வாழ்வின் இலக்கினில் இனி நம்மைக் கொண்டு சேர்த்துவிடும். தியான வாழ்வின் மூலம் தனிமனித வெற்றியோடு சமூக முன்னேற்றம், மானுடநேயம், உயிர்க்குல அன்பு தழைத்தோங்கிடும். இவற்றையெல்லாம்  நடைமுறைப் படுத்த மீண்டும் கண்களை  மெல்லத் திறந்து நம் இயல்பு நிலைக்குத் திரும்புவோம். 

(அறிவொளியின் வசீகர குரலுக்குக் கட்டுப்பட்டு மெல்லக் கண்களைத் திறந்தனர் மூவரும். கண்களில் ஒளியுடன் வார்த்தைகளால் விவரிக்க முடியாத பரவச நிலையில் இருக்கும் இவர்களது அனுபவத்தைக் கேட்டுத்  தொல்லை செய்யாமல் இந்நிலை அடைய நாமும் முயன்று பார்ப்போம். அடுத்த வாரம் சந்திப்போமா!)

தொடரும்...

priyasahi20673@gmail.com   

 

]]>
learning disability, Priyasaki, புதையல், தியானம், Kanden Pudhayalai, பிரணாயாமம் http://images.dinamani.com/uploads/user/imagelibrary/2017/5/6/w600X390/breath-control-8-best-pranayama-techniques.jpg http://www.dinamani.com/health/health-serials/kandaen-pudhaiyalai/2017/may/06/kanden-pudhayalai-priyasaki-thodar-2697286.html
2693228 தொடர்கள் கண்டேன் புதையலை புதையல் 23 பிரியசகி DIN Saturday, April 29, 2017 11:14 AM +0530 விசையுறு பந்தினைப் போல  

(தன்னைப் பற்றித் தாழ்வான எண்ணம் கொண்டிருந்த கார்த்திக், முன்னேற துடிக்கும் விஷ்ணு, நல்லாசிரியராய் தன்னை மேம்படுத்திக் கொள்ள விழையும் சந்தோஷ் மூவரும் அறிவொளியின் ஊக்கமூட்டும் பேச்சினைக் கேட்டும், உளவியல் பயிற்சிகளை அனுபவித்தும் உற்சாகமாகி மேலும் அவர் சொல்லப் போகிறார் என்று ஆழ்ந்து கவனித்து கொண்டிருந்தனர்.)

அறிவொளி : உடலியக்கத் திறன் அப்படின்னா என்ன? அது யாருக்கு இருக்குன்னு நினைக்குறீங்க?

கார்த்திக் : உடல் சக்தியைப் பயன்படுத்துறதைப் பத்தி தானே சார் கேக்குறீங்க. மல்யுத்தம், குத்துசண்டை மாதிரியான விளையாட்டு வீரர்களுக்கு இந்தத் திறன் இருக்கும் சரியா?

அறிவொளி : மேலோட்டமாப் பார்த்தா அப்படித்தான் தோணும். ஆனா உடலியக்கத் திறன் அப்படின்னா நம்மைச் சுற்றி நடப்பதையெல்லாம் உடல் உறுப்புகள் மூலம் உணர்ந்து, உறுப்புகளின் இயக்கத்தைக் கட்டுப்படுத்துவதன் மூலம் சூழ்நிலையை நமக்கு தக்கபடி மாற்றியமைத்துக் கொள்ளும் திறன். மூளைக்கும் உடலுறுப்புகளுக்கும் உள்ள சரியான தொடர்பே இதற்குக்  காரணம்.

விஷ்ணு : இது எல்லோருக்குமே சரியாதானே சார் இருக்கும்?

அறிவொளி : இல்லை விஷ்ணு, மூளை வளர்ச்சி குறைந்த குழந்தைகள் தன்  உடல் இயக்கத்தைக் கட்டுப்படுத்த முடியாம  பெற்றோரைச் சார்ந்தே வாழ வேண்டியிருக்கு இல்லையா? தண்டுவடம் பாதிக்கப்பட்டவங்க உடலின் கீழ்ப் பகுதிகளை இயக்க முடியாம தன் அடிப்படைத் தேவைகளைக் கூடப் பூர்த்தி செய்து கொள்ள முடியாம மத்தவங்க உதவியை எதிர்பார்க்க வேண்டியிருக்கு. வயசான காலத்துல மூட்டுவலியால பக்கத்து அறைக்கோ, மாடிக்கோ போகணும்னு நினைச்சா கூட உடம்பு ஒத்துழைக்கிறதில்லைன்னு வருத்தப்படுறதைவிட சின்ன வயசுலிருந்தே பயிற்சிகள் மூலம் உடலுறுப்புகளை நம்மோட கட்டுப்பாட்டில் வைக்கமுடியும். இவ்வளவு ஏன் உடம்பைத் தளர்த்தும் பயிற்சிகளால் பிரசவ வலி இல்லாமலே சுகப் பிரசவத்தில் குழந்தை பெத்துக்க முடியும்னு நிரூபிச்சிருக்காங்க.

கார்த்திக் : நீங்க இதெல்லாம் சொல்லும் போது எனக்கு ஒரு விஷயம் ஞாபகத்துக்கு வருது சார். போன வாரம் விளையாடும் போது ஒரு கல்லுல பட்டுக் கால் சுண்டு விரல் நகம் பேத்துக்கிட்டு வலி உயிர் போயிடுச்சு சார். நடக்கவோ ஓடவோ சுண்டு விரல் கூட முக்கியம்னு அன்னைக்குத்தான் நான் உணர்ந்தேன் சார். வலியில வெளிய போக முடியாம டிவி முன்னாடி ஒரு நாள் முழுசும் உட்கார்ந்துக்கிட்டிருந்து வாழ்க்கையே வெறுத்துடுச்சு சார். ஒரு சில பசங்க எப்படித்தான் நாள் முழுசும் டிவி பார்த்துக்கிட்டே இருக்காங்கன்னு தெரியல.

சந்தோஷ் : ஆமா கார்த்திக் சின்ன வயசுலேர்ந்தே ஓடியாடி விளையாடாம டிவி, கம்ப்யூட்டர், செல்போன், பிளேஸ்டேஷன்னு உட்கார்ந்துக்கிட்டே இருக்கவங்க உடம்பு ரொம்ப குண்டாகி சின்ன வயசுலயே நிறைய நோய்களுக்கு ஆளாகிடுறாங்க. பேரன்ட்ஸ் தான் இதுக்கு முக்கியக் காரணம், பிள்ளைங்க பத்திரமா கண்ணு முன்னாடியே இருக்கணும்னு ஆசைப்பட்டு வெளிய விளையாடப் போக விடாம பிள்ளைங்க வாழ்க்கையையே பாழக்கிடுறாங்க. பிள்ளைங்க பத்தாவது , பன்னிரெண்டாவது வகுப்பு படிச்சா ஒரு சில பெற்றோர் அவங்களை விளையாடக் கூட விடாம எந்நேரமும் படிப்புன்னு நச்சரிப்பதும் தப்பு. உடம்பும் மனசும் புத்துணர்வு பெற விளையாட்டு ரொம்ப முக்கியம்.

சந்தோஷ் : இந்த உடல் இயக்கத்திறனை ஆசிரியர்கள் பாடம் நடத்த எப்படி பயன்படுத்தலாம் சார் ? 

அறிவொளி :  மொழிப்பெயர்ப்பு பாடம்  நடத்தும் போது வகுப்பை இரு குழுக்களா பிரிச்சுக்கோங்க. முதல் குழுவில் ஒருத்தருக்கு ஒரு பழமொழியைக் கொடுத்து, அதை அவர் வாயால் சொல்லாமல் உடல் அசைவுகளால் நடித்துக் காட்ட வேண்டும். அவர் நடிப்பதைக் கொண்டு சரியான பழமொழியையும் அதனுடைய ஆங்கில மொழிபெயர்ப்பையும் சொல்லிட்டா அவங்களுக்கு ஒரு மதிப்பெண். இப்ப உதாரணத்துக்கு கார்த்திக்குக்கு ஒரு பழமொழி கொடுக்கிறேன், இதை நடிச்சு காட்டு பார்க்கலாம்.

(ஒரு துண்டு சீட்டில் அறிவொளி எழுதிக் கொடுத்த பழமொழியைப் படித்த கார்த்திக், முறத்தை உயரத் தூக்கித் தூற்றுவது போல சைகை செய்தான்)

விஷ்ணு : நான் கண்டுபிடிச்சிட்டேன், ‘காற்றுள்ள போதே தூற்றிக் கொள்’. இதோட ஆங்கிலப்  பழமொழி ‘Strike the iron when it is hot’ சரியா சார்?

அறிவொளி : ரொம்ப சரி விஷ்ணு.  நீயும் ரொம்ப நல்லா ஆக்ஷன் செய்து புரிய வெச்சுட்டியே! கார்த்திக் குட். இதுமாதிரி விளையாட்டுப் போல சொல்லிக் கொடுக்கும் போது மாணவர்களுக்கு மொழிப்புலமையும் உண்டாகும். தான் நினைப்பதை உடல் அசைவுகள் மூலம் வெளிப்படுத்தும் உடலியக்கத்திறனும் அதிகரிக்கும். 

சந்தோஷ் : நான் பாடத்தில் வரும் கதை, நாடகங்களை பசங்களை நடிக்க சொல்லுவேன். அதே மாதிரி ஒரு சில பத்திரிக்கை செய்திகளை சொல்லி இந்த சூழ்நிலையில் நீங்க இருந்தா என்ன செய்வீங்கன்னு நடிச்சு காட்டச் சொல்வேன். பிள்ளைங்க ரொம்ப ஆர்வமா முன்வருவாங்க. அது அவங்க நடிப்புத் திறனை மேம்படுத்துவதோடு எந்த சூழல்ல  எப்படி நடந்துக்கணும், உணர்ச்சிவசப்பட்டு முடிவெடுக்கும் போது அதோட விளைவுகள் என்னாகும்னு யோசிக்கவும் உதவும்.

அறிவொளி : இது ரொம்ப நல்ல விஷயம் சந்தோஷ். படிப்புங்கறது வெறும் மதிப்பெண் எடுக்க இல்ல. அது வாழ்க்கைக்கான ஞானத்தை பிள்ளைங்களுக்கு குடுக்கணும். அதை உங்கள மாதிரி சில ஆசிரியர்கள்தான் சரியா செய்றாங்க.

சந்தோஷ் : எனக்கு கணக்கு சொல்லிக்கொடுத்த சீனிவாசன் என்ற வாத்தியாரை என்னால மறக்கவே முடியாது சார். கூட்டல்,கழித்தல் சொல்லிக் குடுக்கவும் பசங்களை இரு குழுவா பிரிச்சுட்டு குழு எண்ணிக்கை அதிகரிப்பது, குறைப்பது மூலமா சுலபமா சொல்லிக் கொடுத்துடுவார். வட்டம்,சதுரம், முக்கோணம், சாய்சதுரம் இது மாதிரி வடிவங்களை விளக்க தரையில் அந்த வடிவங்களை வரைஞ்சிட்டு மாணவர்களை கைகளை கோர்த்து அந்த வடிவங்கள் மேல நடக்க வைப்பார். அவர் வகுப்புக்குள்ள வந்தாலே எப்பவும் சந்தோஷமா உற்சாகமா இருக்கும்.

அறிவொளி :  சில ஆசிரியர்கள் பாடம் எடுக்கவே நேரம் பத்தலை , இதெல்லாம் எங்கே செய்ய முடியும்னுசொல்லுவாங்க. மனமிருந்தால் மார்க்கமுண்டு. மணிக்கணக்கா பேசிப் புரிய வைக்க முடியாத விஷயங்களை இது மாதிரியான விதங்களில் சுலபமா புரிய வைச்சுடலாம் என்பது இந்த ஆசிரியர்களுக்குப்  புரியனும்.

விஷ்ணு : சார் பி.டி மாஸ்டர் நேத்து பி.டி பீரியட் முடியும் போது லீவ்ல வாய்ப்பு கிடைக்குறவங்க யோகா, தியானம் கத்துக்கோங்க. உங்க மனசயும் உடம்பையும் கட்டுப்பாட்டில் வெச்சுக்கவும்  ஆரோக்கியமா வாழவும் அவை  ரொம்ப உதவும்னு சொன்னார். உடம்பு, மனசு, ஆரோக்கியம் இது மூணுத்துக்கும் என்ன தொடர்பு சார்?

அறிவொளி : நல்ல கேள்வி விஷ்ணு. இது மூணுத்துக்கும் ரொம்ப நெருங்கிய தொடர்பு உண்டு.  நம் உடலோட ஒவ்வொரு உறுப்பையும் மூளை தான் கட்டுப்படுத்துதுன்னு எல்லோருக்கும் தெரியும், அப்படின்னா உடல் ஆரோக்கியமும் மூளையின் இயக்கத்தைப் பொறுத்தது தானே. நம்ம மனசுலேர்ந்து தோன்றக்கூடிய எண்ணங்கள் மூளையின் செயல்பாடுகளையே கட்டுப்படுத்த முடியும். அப்படி கட்டளைகளைக் கொடுத்து மூளையை நமக்கு ஏற்றபடி ப்ரோக்ராம் பண்றத்துக்குப் பேர் இப்ப நியூரோ லிங்விஸ்டிக் ப்ரோக்ராம்னு சொல்றாங்க. அந்தக் காலத்துல நம்ம முன்னோர்கள் தியானம்னு சொன்னாங்க. பயிற்சி செய்யும் விதம் இரண்டுக்கும் வேறா இருக்கலாம். ஆனா பலன் ஒண்ணுதான்.

நாம எந்த வேலையை செய்தாலும் அதோடத் தொடர்புடைய உறுப்பு எப்படி வேலை செய்யுதுன்னு விழிப்புணர்வோடு கவனிக்கனும். உதாரணமா நடக்கணும்னு நினைக்கும்போதே மூளையிலிருந்து வரும் கட்டளைகள் நரம்புசெல்கள் மூலமா கால்களின் எலும்புகள், நரம்புகள், தசைகளை இயக்குவதை உணரனும். மெதுவா நடந்துக்கிட்டே பாதங்களின் ஒவ்வொரு அசைவையும் உற்று கவனிக்கணும். என் பாதங்கள் நன்றாக இயங்குகின்றன அப்படினு மனசுல சொல்லிக்கிட்டே, கால், மூட்டு, இடுப்பு எலும்புகள், கைகள் என ஒவ்வொரு உறுப்பும் நடக்கும் செயலோடு எப்படி சம்பந்தப்பட்டிருக்குன்னு கவனிக்கனும். அந்த ஒவ்வொரு உறுப்பும் நன்றாக செயல்படுகிறது என்று மனதிற்குள் கட்டளையைக் கொடுக்கணும்.

நம் உடலின் வலப்புற உறுப்புகளை இடப்புற மூளையும், இடப்புற உறுப்புகளை வலப்புற மூளையும் தான் கட்டுப்படுத்துது. செரிப்ரல் கார்டெக்ஸ் என்ற பகுதிதான் மூளையின் கட்டளையைத் தண்டுவடத்தின் வழியாக உடலின் பிறபாகங்களுக்கும், உடல்உறுப்புகள்  தெரிவிக்கும் உணர்ச்சிகளை தண்டுவடத்தின் வழியாக மூளைக்கும் அனுப்புது. அதனால இந்தப் பயிற்சியின்போது ஒவ்வொரு உறுப்பும் நன்றாக செயல்படுகிறது என நாம மனசுக்குக் கொடுக்கும் கட்டளை மூளையில் பதிவாகி, மூளை ஒவ்வொரு உறுப்பிலும் உள்ள இரத்த ஓட்டம்,வெப்ப ஓட்டம், காற்றோட்டம் ஆகியவற்றை சீராக்கி உறுப்புகள் ஆரோக்கியமாக செயல்படத் தூண்டுது.

விஷ்ணு :  கார்த்திக் கால் விரல்ல அடிபட்டு நடக்கவே முடியலைன்னு சொன்னானே, அந்த சமயத்துல இந்த மாதிரிப் பயிற்சி உதவுமா சார்?

அறிவொளி :  ஓ! நிச்சயமா முடியும் விஷ்ணு.  இப்ப நான் சொல்றதை செய்யுங்க. கண்ணை மூடி  உடலை மெதுவா தளர்த்தியபடி மூச்சுக்காற்று உள்ளே போவதையும்  வெளியே வருவதையும் கவனிங்க. மெதுவா வலது கையை உயர்த்துங்க. உயர்த்தும்போது நிகழும் ஒவ்வொரு அசைவையும் கண்களை  மூடி உற்று கவனிங்க . பிறகு  கையை இறக்கிவிடுங்க. இதே மாதிரி பத்து முறை செய்துட்டு வலது கையை உயர்த்துவது போல கற்பனை செய்யுங்க. முதலில் கையை  உயர்த்தியபோது ஏற்பட்ட அசைவுகளுக்கும் கற்பனைக்கையின் அசைவுகளுக்கும் எந்த வேறுபாடும் இல்லைனு நீங்க உணரும் வரை இந்தப் பயிற்சியைத் தொடர்ந்து செய்யுங்க.

(மூவரும் சில நிமிடங்கள் தொடர்ந்து செய்து முடித்தபின் கண்களைத் திறந்தனர்.)

இப்படியே ஒவ்வோர் உறுப்புக்கும் அசைவுகளைக் கொடுத்தப்பின் கற்பனையான அசைவுகளைக் கொடுத்து பயிற்சி செய்யணும். நாம உடம்பு சரியில்லாம இருக்கும்போதோ அல்லது அடிபட்டு படுக்கையில இருக்கும்போதோ இந்தக் கற்பனையான பயிற்சி உடல் சோர்வை நீக்கி இரத்தவோட்டத்தை சீராக்கும். அதனால உடம்பு சீக்கிரம் குணமாகும்.

சந்தோஷ் :  விசையுறு பந்தினைப் போல மனம் விரும்பிய படிச்  செல்லும் உடல் வேண்டும்னு பாரதியார் கேட்டார். மருந்தில்லாம உடம்பை ஆரோக்கியமா வெச்சுக்க இப்படியெல்லாம் கூட வழி  இருக்குன்னு  இப்பதான் சார் தெரியுது. ரொம்ப நன்றி சார்.

அறிவொளி :  இன்னும் எவ்வளவோ இருக்கு சந்தோஷ்.

சந்தோஷ் : சொல்லுங்க சார், காத்துக்கிட்டிருக்கோம்.

(இன்னும் தெரிந்துகொள்ள நாமும் காத்திருப்போம்.)

தொடரும்...

- பிரியசகி

priyasahi20673@gmail.com

 

]]>
Priyasaki, Learning techniques, Children, Education, பிரியசகி, கற்றல் திறன் http://images.dinamani.com/uploads/user/imagelibrary/2017/4/29/w600X390/bharathi.jpg http://www.dinamani.com/health/health-serials/kandaen-pudhaiyalai/2017/apr/29/புதையல்-23-2693228.html
2690159 தொடர்கள் கண்டேன் புதையலை புதையல் 22 பிரியசகி DIN Saturday, April 22, 2017 10:00 AM +0530 எல்லாமே உனக்குள் உண்டு!
 
(காட்சிவெளி மற்றும் கற்பனைத்திறன் பற்றி விளக்கிக் கொண்டிருந்த அறிவொளி அதற்கு அவசியமான உற்றுநோக்கும் திறனை வளர்க்கும் பயிற்சிக்காக கார்த்திக் மற்றும் விஷ்ணுவின் கைகளில் ஒரு வெள்ளைத் தாளையும் பென்சிலையும் கொடுத்தார்.)

அறிவொளி: ரெண்டு பேரும் ஒரு நிமிஷம் அமைதியா கண்ணை மூடி உங்க வீட்டை மனக்கண் முன்  கொண்டு வந்து மேசை, நாற்காலி உட்பட ஒவ்வொரு பொருளும் எங்க இருக்குன்னு பேப்பர்ல குறிச்சுக்கோங்க.

(சில நிமிடங்களில் இருவரும் வீட்டின் வரைபடத்தை வரைந்து முடித்தனர்.)

இன்னைக்கு வீட்டுக்குப் போனதும் நீங்க வரைஞ்சது எல்லாம் சரியா இருக்கான்னு பாருங்க. ஏதாவது தவறுகள் இருந்தா திருத்திக்கோங்க. மறுபடி கண்ணை மூடிக்கிட்டு வரைபடத்தை மனக்கண் முன் கொண்டு வந்து, எந்தப் பொருள் மேலும் இடிக்காம நடக்கணும். இடிச்சிட்டா மறுபடி கண்ணைத் திறந்து வரைபடத்தை நல்லா மனசுல பதிய வெச்சுக்கிட்டு பிறகு மறுபடியும் இந்தப் பயிற்சியைத் தொடரனும். இதில் வெற்றியடைஞ்சிட்டா கண்ணைக் கட்டிக்கிட்டு நம்பிக்கைக்குரிய ஒரு நண்பரோட வெளியே போங்க. சுற்றிலும் கேட்கக் கூடிய சத்தங்களை வைத்து எந்த இடத்தில் இருக்கீங்கன்னு சரியா சொல்ல முடியுதான்னு பாருங்க. கண்கள் மூடியிருக்கும் போது மத்த புலன்கள் எவ்வளவு கூர்மையா வேலை செய்யுதுன்னு இந்த மாதிரிப் பயிற்சிகளின் போது தெரிஞ்சுக்க முடியும்.

கார்த்திக்:  கண்ணை மூடிக்கிட்டு எது மேலயும் மோதாம திரும்பி பத்திரமா வீட்டுக்கு வந்து சேர்ந்துட முடியுமா சார்.

சந்தோஷ்:  எதையுமே சந்தேகக் கண்ணோடவே பாக்காதே கார்த்திக். நேர்மறை எண்ணங்கள் வாழ்க்கைக்கு ரொம்ப முக்கியம்.

கார்த்திக்: சின்ன வயசுல இருந்தே எங்க வீட்டுல இது உனக்கு வராது, அதை உன்னால செய்ய முடியாதுன்னு சொல்லி சொல்லி எனக்கும் அப்படியே பழகிடுச்சு சார். நானும்  மாத்திக்கணும்னு தான் பாக்குறேன், என்ன பண்றதுன்னு தான் தெரியலை.

சந்தோஷ்: உன் வலது கையை பக்கவாட்டில். நீட்டியபடியே கழுத்தை வலது பக்கம் திருப்பி எவ்வளவு தூரம் உன் விரல்  நுனியைப் பார்க்க முடியுதுன்னு குறிச்சுக்கோ. கண்ணை மூடிக்கிட்டு இன்னும் அதிக தூரம் பார்ப்பதா கற்பனை பண்ணிக்கோ. இப்போ மறுபடியும் கண்ணைத் திறந்து வலப்பக்கம் கையை நீட்டி எவ்வளவு தூரம் பார்க்க முடியுதுன்னு பார்.

கார்த்திக்: சார் மொதல்ல விட இப்ப என்னால ரொம்ப தூரம் பார்க்கமுடியுதே எப்படி சார்?

சந்தோஷ்:  நம்ப மனசு எதை பார்க்குதோ, எதை நம்புதோ அது கண்டிப்பா நடக்கும்னு சொல்றதுக்கு இது ஒரு எடுத்துக்காட்டு.

அறிவொளி:  ரொம்ப சரியா சொன்னீங்க சந்தோஷ். நிஜத்தில் நடக்காத ஒரு விஷயத்தை மனக்கண்ணால் பார்த்து அதன் பலனை நிஜ உலகில் கொண்டு வர முடியும். புகழ் பெற்ற விஞ்ஞானி ஆல்பர்ட் ஐன்ஸ்ட்டின் தான் சூரியக் கதிர்கள் மேல பயணிப்பதாக் கற்பனை செய்தப்பதான் தியரி ஆஃப் ரிலேட்டிவிட்டியைக் கண்டுபிடிச்சாராம். கார்த்திக், விஷ்ணு உங்களுக்கும் இந்த மாதிரி ஒரு விளையாட்டு விளையாட ஆசையா?

விஷ்ணு: ஆமா சார்.

அறிவொளி:  கண்ணை மூடி உங்களுக்குப் பிடிச்ச நிறத்துல ஒரு பலூனை மனக்கண்ணில் கற்பனையா பாருங்க. அந்த பலூனைத் தரையிலும், பக்கவாட்டு சுவரிலும் தட்டி விளையாடுவதா கற்பனை செய்துக்கோங்க. 

(இருவரும் இல்லாத பலூனைக் கற்பனை உலகில் கைகளால் தட்டி விளையாடத் தொடங்கினர்)

நீங்க பலூனை பெரிதாவோ, சின்னதாவோ ஆக்கவும் , நிறத்தை மாத்தவும் கூட முடியும். அது மேல ஏறிப் பயணம் போக வசதியா அதோட வடிவத்தையும் கூட மாத்திக்கலாம். சரி, இப்ப அது மேல ஏறி உக்காந்துக்கிட்டு, அது உங்களை எங்கெல்லாம் கூட்டிட்டுப் போகுது, அங்கே என்னென்னப் பாக்குறீங்கன்னு கவனிங்க. 
(இருவரின் முகத்திலும் பலவிதமான உணர்வுகளைக் காண முடிந்தது.)

இப்ப பழையபடி நிகழ்கால உலகத்துக்குத் திரும்புங்க. கற்பனை உலகில் என்னவெல்லாம் பார்த்தீங்க? எது உங்களை ஆச்சர்யப்பட வைத்தது?

கார்த்திக்: இந்த அனுபவம் ரொம்ப நல்லா இருந்துது சார். பள்ளிக்கூடத்துல பசங்க நாங்க சுதந்திரமா எதையுமே செய்ய முடியாத சூழ்நிலையில பலூனை எப்படி வேணும்னாலும் மாத்திக்கலாம்னு நீங்க சொன்னதே எனக்குப் பெரிய சுதந்திரம் கிடைச்ச மாதிரி இருந்துச்சு. பலூனோட வடிவத்தை எப்படி மாத்தலாம்னு யோசிச்சப்ப கதைகள்ல வர்ற பறக்கும் கம்பளம் தான் என் ஞாபகத்துக்கு வந்தது. உடனே என் பலூனை ஒரு பறக்கும் கம்பளமா மாத்தி அதுமேல உக்காந்து பறக்க ஆரம்பிச்சேன். மேலே மேலே பறந்து மேகங்களுக்குள்ளே போகவும் இவ்வளவு நாள் எனக்குப் பிரச்சனையா இருந்த கீழே உள்ள மனுசங்க சின்னச்சின்ன எறும்பு மாதிரி தெரிஞ்சதைப் பார்த்த பிறகு நாம உயரத்துக்குப் போக வேண்டியது அவசியம்னு புரிஞ்சுது. பிறகு கொஞ்சம் கீழே இறங்கிய கம்பளம் ஒரு பள்ளிக்கூடத்து மேல மெதுவா பறந்துச்சு. சாதாரணமா ஸ்கூலை விட்டு வெளியேப்  போகும்போது தானே பசங்க சந்தோஷமா ஓடுவாங்க! இந்த ஸ்கூல்ல உள்ளப் போகும் போது சந்தோஷமா போறாங்களே என்னடான்னு பார்த்தா பசங்க யாரும் புளிமூட்டை மாதிரி புத்தகங்களை சுமந்துக்கிட்டுப் போகலை. வாத்தியாருங்க எல்லாம் புள்ளைங்களோட ரொம்ப அன்பா இருக்காங்க. வீட்டுப்பாடம் இல்லை, அதனால பசங்க அடிவாங்குறதும் இல்லை. பிள்ளைங்களுக்கு நிறைய சுதந்திரம் இருக்குறதால நண்பன் படத்துல வர்ற பசங்க மாதிரி எல்லாரும் ரொம்ப புத்திசாலியா இருக்காங்க. எல்லா ஸ்கூலும் இந்த மாதிரியே இருந்தா எவ்ளோ நல்லா இருக்கும் இல்ல சார்?

அறிவொளி: ஆமா கார்த்திக், எல்லாப் பள்ளிக்கூடங்களும் இந்த மாதிரி மாற நீ பிற்காலத்துல ஏதாவது செய்ய முடியுமான்னு யோசி..

கார்த்திக்: நானே  தமிழ்நாட்டோட முதலமைச்சராவோ அல்லது கல்வி அமைச்சராவோ ஆனாதான் இதெல்லாம் செய்ய முடியும். பேசாம இதையே என் வாழ்நாள் லட்சியமா ஆக்கிக்குறேன் சார்.

அறிவொளி:  வெரிகுட் கார்த்திக், நாம அனுபவிக்காத நல்ல விஷயங்கள் நம்ம எதிர்காலத் தலைமுறைக்காவது  கிடைக்கனும்னு நினைக்குற உன் நல்ல எண்ணம் நிறைவேறட்டும். விஷ்ணு உன்னோட பயண அனுபவத்தைப் பத்தி நீ சொல்லவே இல்லையே?  

விஷ்ணு:  நான் என் பலூனை சிந்துபாத் கதையில வர்ற பெரிய கழுகு மாதிரி மாத்திட்டேன். அதுமேல ஏறி ஊர் ஊரா பறந்து போனேன். ஒரு ஊர்ல எல்லோருமே பெரிய பணக்காரங்களா இருந்தாங்க. அங்க இருந்ததுலயே ஒரு பங்களா ரொம்ப பெருசா, அழகாயிருந்தது. இந்த வீடு நமக்கு சொந்தமானதா இருந்தா எவ்ளோ நல்லாயிருக்கும்னு நான் நினைக்கும்போதே வீட்டு எஜமானி மாதிரி பட்டுப்புடவைக்கட்டி நிறைய நகையெல்லாம் போட்டுக்கிட்டு எங்கம்மா அந்த வீட்டுக்குள்ளே இருந்து வெளியே வந்தாங்க. எனக்கு ரொம்ப ஆச்சர்யமா இருந்துச்சு சார்.

அறிவொளி: நிஜம்மாவே உங்கம்மாவை அப்படிப் பார்க்கணும்னு ஆசைப்படுறியா விஷ்ணு?

விஷ்ணு: ஆமா சார்.

அறிவொளி: சரி, அப்படி நிஜத்துல நடக்க நீ என்ன பண்ண முடியும்னு நினைக்குறே?

விஷ்ணு:  நான் நல்லாப் படிச்சி, நல்ல வேலைக்குப் போய், நிறைய சம்பாதிச்சு எங்கம்மாவை ராணி மாதிரி வெச்சுக்குவேன் சார்.

அறிவொளி:  வெரி குட், இந்த மாதிரி ஒரு பெரிய குறிக்கோளை மனசுல பதிய வெச்சுட்டா என்ன தடைகள் வந்தாலும் அதையெல்லாம் தாண்டி குறிகோளிலிருந்து விலகி போகாம சாதிக்க முடியும். பல பிள்ளைகள் குறிக்கோள் இல்லாததால தான் திசை மாறி போறாங்க.

விஷ்ணு:  ஆமா சார் அப்துல்கலாம் கூட சொல்லிருக்கார் குறிக்கோள் இல்லாத வாழ்கை துடுப்பு இல்லாத படகு போன்றதுனு, இனிமே இந்த குறிக்கோளை அடையறதுக்கான எல்லா முயற்சிகளையும் எடுப்பேன் சார்.

சந்தோஷ்:  இப்ப நீங்க சொல்லித் தந்த வழிமுறை நம்ம மனசுல என்ன ஆசை மேலோங்கி இருக்குன்னு நாமே தெரிஞ்சுக்குறதுக்கும் அதை வாழ்வின் குறிக்கோளாகக் கொள்றதுக்கும் நல்லமுறை சார். இடையில் ஏற்படக்கூடிய பிரச்சனைகளில் சோர்ந்து போகாம இருக்க என்ன செய்யணும் சார்?  

அறிவொளி: நல்ல கேள்வி சந்தோஷ். முன்னாடி காலத்துல வயசானவங்களுக்கு வந்த முதுகு வலி, முட்டி வலி, தலைவலியெல்லாம் இப்ப உள்ள இளைஞர்களுக்கே வருது. இதுக்கு பெரும்பாலும் மனஇறுக்கம் தான் காரணம்னு மருத்துவர்கள் சொல்றாங்க. யோகா தியானம் போன்றவற்றோட விரும்பும் மனக்காட்சிகளை உருவாக்குவதும் மன இறுக்கத்தைக் குறைச்சி புத்துணர்வைக் கொடுக்கும்.

கார்த்திக்: மனக்காட்சினா என்னது சார்.

அறிவொளி: சொல்றேன், ஒரு மெழுகுவர்த்தியை எரிய வைத்துக் கொஞ்ச நேரம் அதோட ஒளிச்சுடரையே பார்த்துட்டு பிறகு கண்ணைமூடிக்கோ. உன் மனக்கண்முன் அந்த ஒளிச்சுடர் வரும். கொஞ்ச நேரத்துல அது மறைஞ்சதும் மறுபடியும் கண்ணைத் திறந்து ஒளிச்சுடரைப் பார். கண்ணை மூடினாலும் பத்து நிமிஷம் ஒளிச்சுடர் மனக்கண்ணில் தெரியும்வரை இந்த பயிற்சியை தொடர்ந்து தினமும் செய்யணும். ஒளிச்சுடருக்கு பதிலா இயற்கைக் காட்சி, கடவுளின் உருவம், நமக்குப் பிடிச்சவங்களோட உருவத்தையும் மனக்காட்சியில் பார்க்கலாம். கவலையோட இருக்கும் போதோ, வேலைப்பளுவால டென்ஷனா இருக்கும் போதே இந்தப் பயிற்சியை செய்தா மனசு பாரம் குறைஞ்சு லேசாவதை உணர முடியும். நல்ல நண்பர்கள் கிட்ட மனசுவிட்டு பேசுறதும்  மனபாரத்தை குறைக்கும்.  

சந்தோஷ்: சில நேரம் மன ஆறுதலுக்காக வேற யார்கிட்டையாவது நம்ம பிரச்சனைகளை சொல்லும் போது அவங்க அதை ரகசியமா   வைக்காம மத்தவங்ககிட்ட சொல்லி நம்மை ஒரு கேலிப்பொருளா ஆக்கிடுறாங்களே, என்ன செய்யுறது சார்?
                     
அறிவொளி:
நீங்க சொல்றமாதிரியும் சில நேரம் நடக்க வாய்ப்புண்டு நம்பிக்கைக்குரியவங்கன்னு  நினைக்கிற சில பேர் இப்படி நம்மைக் கஷ்டப்படுத்துறதுண்டு. இப்ப நான் சொல்லித்தரும் பயிற்சி உங்களுக்கு உதவும்னு நினைக்கிறேன்.

* உடம்பை நல்லா தளர்வான நிலையில் வசதியா உட்காருங்க.

* கண்களை மூடி நான் சொல்ற விஷயங்கள் உண்மையாவே நடக்குற மாதிரி மனக்காட்சியா பார்கனும்சரியா.

சந்தோஷ்: சரி சார்.

(மூவரும் கண்மூடி அமர்ந்தனர்.)

* நம்ம எல்லோரையும் ஸ்கூல்ல இருந்து ஊட்டிக்கு சுற்றுலா கூட்டிட்டுப்போறாங்க.

* பஸ்ல அவங்கவங்க நண்பர்களோட ஜாலியா அரட்டை அடிச்சிட்டு வர்றீங்க.

* கொஞ்சம் தூரம் போனதுமே சூடு குறைஞ்சு ஜன்னல் வழியா சில்லுன்னு இதம்மா காத்து வர ஆரம்பிக்குது.

கான்கிரீட் காடுகள் மறைந்து பச்சைப்பசேலுன்னு கண்ணுக்கு குளிர்ச்சியா இயற்கை காட்சிகள் தெரியுது. ஒரு இடத்திலே பிரம்மாண்டமான நீர்வீழ்ச்சி இரைச்சலோட விழுந்துக்கிட்டிருக்கு, அதோட சாரல் உங்க மேல் பட்டதும் உடம்பெல்லாம் சிலர்க்குது.

(அறிவொளி சொல்லச்சொல்ல அந்தக் காட்சிகளைத் தம் மனக்கண் முன் பார்த்து அனுபவிக்கிறார்கள் என்பதை அவர்களது முக பாவனையும் உடல்மொழியும் உணர்த்தியது)

போகும் வழியெல்லாம், மான், முயல் எல்லாம் அங்குமிங்கும் ஓடிக்கிட்டிருக்கு. ஒரு இடத்தில் மயில் ஒன்று தோகையை விரிச்சு நடனமாடிக்கொண்டிருக்கு. இந்தக்  கண் கொள்ளாக் காட்சிகளைப் பார்த்து ரசித்து மனசில் உள்ள பாரம் எல்லாம் குறைஞ்சி லேசாகிடுச்சு. கொஞ்சதூரம் போனதுமே ஒரு பெரிய பூங்கா பக்கத்தில் பஸ் அங்கே நிற்கவே எல்லோரும் இறங்கி பூங்காவுக்குள்ளே போறோம். பல வண்ண மலர்கள் பூத்துக் குலுங்க, பழ மரங்கள் ஆசையைத் தூண்ட, இயற்கையை ரசிக்க ஒவ்வொருவரும் தனித்தனியா பிரிஞ்சு போறாங்க. நீங்க மட்டும் தனியா அங்க இருக்கும் ஒரு மரபெஞ்சு மேலப் போய் உட்கார்ந்திருக்கீங்க. சுற்றி இருப்பதெல்லாம் ரொம்ப சந்தோசம் தரக்கூடியதா இருந்தாலும் அதை முழுசா அனுபவிக்க முடியாம எதோ ஒரு பாரம் மனசுல அழுத்திக்கிட்டே இருக்கே என்ன செய்யுறதுன்னு நீங்க யோசிக்கும் போதே யாரோ ஒருவர் உங்களை நோக்கி நடந்து வர்றதைப் பார்க்கறீங்க.  

இதுவரை அவரைப் பார்த்ததே இல்லை.ஆனாலும் அவரது தோற்றமே நாம பேசுறதை அவர் வேற யார்கிட்டேயும் சொல்ல மாட்டார் என்ற ஒரு மரியாதையையும் நம்பிக்கையும் அவர் மேல ஏற்படுத்துது. உங்கப் பிரச்சனைக்கு அவராலே தீர்வு கொடுக்க முடியும்னு தோணுது. அவர் கிட்ட வந்து உங்கப் பக்கத்துல உட்காருறார். அவரோட கனிவான பார்வையும், அனுபவமுள்ள முகத்தோற்றமும் உங்க பிரச்சனையை அவரோட பகிர்ந்துக்க வைக்குது. ரொம்ப அக்கறையோட கவனமா நீங்க சொல்றதையெல்லாம் கேட்குறவர் உங்க பிரச்னைக்குரிய நடைமுறைத் தீர்வு என்ன என்பதை ரொம்பத் தெளிவா விளக்குறார். அதைக் கேட்க கேட்க உங்க மனஅழுத்தம் குறைஞ்சு கவலையெல்லாம் காணாமப் போச்சு. உங்க முகம் தெளிவானதைப் பார்த்த அவர் உனக்கு எப்பப்ப என் உதவி தேவைப்படுதோ என்னைக் கூப்பிடு, நான் கண்டிப்பா வர்றேன்னு உங்க கையைப் பிடிச்சு சொல்லிட்டு காணாமப் போயிட்டார். அவர் பிடிச்ச அந்தப் பிடியோட அழுத்தத்தை உங்களாலே உணர முடியுது. அந்த அழுத்தம் உங்களால எதையும் சாதிக்க முடியும் என்ற நம்பிக்கையைக் கொடுக்குது. அந்த நம்பிக்கையோட எழுந்து நடந்து பூங்காவை விட்டு வெளியே வந்து பேருந்துல ஏறி உட்காருறீங்க. பேருந்து கிளம்பி வந்த வழியே மறுபடியும் இந்த இடத்துக்கு வந்து சேர்ந்துடுறோம். இப்ப இந்த இடத்தோட தட்ப வெப்பத்தை உங்களால உணர முடியுது. சுத்தியிருக்கும் சத்தத்தை கேட்க முடியுது, மெதுவா கண்ணைத் திறங்க.

(எல்லோரும் கண்ணைத் திறக்கிறார்கள்)

சந்தோஷ் இப்ப மணி என்ன ஆச்சு?

சந்தோஷ்:  மணி  ஏழாகுது சார்.

அறிவொளி:  கார்த்திக் மத்தியானம் என்ன சாப்பிட்ட?

கார்த்திக் :  சாம்பார் சாதம் சார்.

அறிவொளி: விஷ்ணு உனக்கு பிடிச்ச நிறம் என்ன?

விஷ்ணு:  நீலம் சார்.

அறிவொளி: என்னடா சம்மந்தமே இல்லாம ஏதேதோ கேக்குறானேன்னு நினைக்குறீங்கன்னு புரியுது. இவ்வளவு நேரம் கற்பனை உலகத்துல இருந்த உங்களை மறுபடியும் நிஜஉலகத்துக்குக் வர்றதுக்காகத் தான் இது. சரி இப்ப சொல்லுங்க, இந்த அனுபவம் எப்படி இருந்துது?

கார்த்திக்:  சார், நெஜம்மாவே ஊட்டிக்குப் போயிட்டு வந்த மாதிரியே இருந்துச்சு சார். பச்சைப் பசேல்னு மலை, கலர், கலரா எவ்ளோ பூ,  மான், மயில்னு ரொம்ப அழகா இருந்துது சார். அருவித் தண்ணி உண்மையாவே மேலப் பட்டா மாதிரி உடம்பெல்லாம் சிலிர்த்துடுச்சு சார்.

விஷ்ணு:  புதுசா வந்த அந்த நண்பரோடப் பேசுனது ரொம்ப நல்லாயிருந்துச்சு சார். அவர் இன்னும் என் கையைப் பிடிச்சுக்கிட்டிருக்க மாதிரியே இருக்கு.

சந்தோஷ்: ஆமா சார், நம்ப மனசுல இருப்பதை மறைக்காமப் பகிர்ந்துக்க நம்பிக்கையான ஒருவர், அதுவும் நம்மப் பிரச்சனைகளுக்குத் தீர்வு சொல்லக்கூடிய அனுபவமுள்ள ஒருவர் நண்பரா கிடைக்கிறது ரொம்பப் பெரிய வரம். இந்த அனுபவத்தைக் கொடுத்ததுக்கு ரொம்ப நன்றி சார். 

அறிவொளி:  மகிழ்ச்சிப்பா, உளவியல்ரீதியா பார்த்தா அந்த நபர் நமக்குள் இருக்கும் மனசாட்சி தான். 'நான்' என்ற நிலையிலிருந்து பிரச்சனையை அணுகாமல் கொஞ்சம் விலகி, மூன்றாம் நபர் நிலையிலிருந்து அணுகினால் எந்தச் சிக்கலுக்கும் தீர்வு காண்பது எளிது. அந்த மூன்றாம் நபர் நிலைதான் மனக்காட்சியில் நாம் பார்த்த நபர். கவலை இல்லாத வாழ்க்கையைத்தான் நாம எல்லோரும் விரும்பறோம். நம் எல்லா கவலைகளுக்குமானத் தீர்வு நமக்குள்ளேயே தான் இருக்கு. அதைத் தனக்குள்ளே உணர முடியாதவங்க தான் வெளியே கோவில்களிலேயோ அல்லது மத்த மனுஷங்ககிட்டயோ தேடுறாங்க. பிரச்சனைகளைக் கண்டு பயந்து ஓடாம நேர்மறையான மனோபாவத்தோட, சரியான அணுகுமுறையோட இருந்தா வாழ்க்கை ரொம்ப சுவாரஸ்யமானதா மாறிடும். 

(நம்ம வாழ்க்கையையே மாத்திப் போடுற மாதிரி இவ்ளோ நல்ல விஷயங்களை சொல்லும் இவர் இன்னும் என்ன சொல்லப் போகிறார் என்ற ஆவலோடு அறிவொளியைப் பார்த்துக் கொண்டிருந்தனர் சந்தோஷ், கார்த்திக்,விஷ்ணு மூவரும். நாமும் காத்திருப்போம். )

தொடரும்...

பிரியசகி 
priyasahi20673@gmail.com

]]>
http://images.dinamani.com/uploads/user/imagelibrary/2017/4/24/w600X390/boywriting.jpg http://www.dinamani.com/health/health-serials/kandaen-pudhaiyalai/2017/apr/22/புதைய-2690159.html
2678649 தொடர்கள் கண்டேன் புதையலை புதையல் 21 பிரியசகி DIN Saturday, April 15, 2017 03:48 PM +0530 விழிப்புடன் இருந்தால் உயிப்புடன் வாழலாம்!

(கணித / தர்க்க அறிவை வளர்ப்பது எப்படி, அதன் மூலம் தனி மனித வாழ்வியல் பிரச்சனைகளைத் தீர்ப்பது எப்படி என்று சந்தோஷ், கார்த்திக்,மற்றும் விஷ்ணுவுக்கு விளக்கிய அறிவொளி அடுத்து இடம் சார்ந்த காட்சித் திறன் பற்றி விளக்க ஆரம்பித்தார். )

அறிவொளி:  என் பழைய மாணவன் ஒருவன் மகேஷ்னு பேரு, பார்க்குறதையெல்லாம் ரொம்ப அழகா வரைஞ்சிடுவான். மேடை அலங்காரம் பண்ணனும்னா முதல்ல அவனைத்தான் தேடுவோம்.செஸ் விளையாட்டுக்குப் போனா எப்பவும் அவன் தான் ஜெயிப்பான். அவனுக்கு இருக்கும் அறிவுத்திறன் என்னன்னு சொல்லுங்க பார்க்கலாம்?

கார்த்திக்:  ஓவியத்திறனும் விளையாட்டுத்திறனும் தானே சார்?

அறிவொளி:  சாதாரணமா சொல்லும் போது அப்படித்தான் சொல்லுவோம் கார்த்திக். கார்ட்னரோட எட்டு விதமான அறிவுத்திறனைப் பொறுத்தவரை இதை விஸுவோ ஸ்பேசியல் இன்டெலிஜென்ஸ் அதாவது காட்சி மற்றும் கற்பனைத் திறன் அல்லது காட்சி வெளி சார்ந்த கற்பனைத்திறன்  என்றும் சொல்லலாம். நம்மைச் சுற்றியிருக்கும் உயிருள்ள , உயிரற்றப் பொருட்களின் வடிவம், தன்மை, நிறம் எல்லாத்தையும் புறக்கண்களால் உள்வாங்கி அகக்கண்களால் அனுபவித்து உணர்ந்து, மறுபடியும் அதைக் கலை வடிவில் வெளிக்கொணர்ந்து நம் வாழ்க்கை மேம்பாட்டுக்குப் பயன்படுத்திக் கொள்ளும் திறன் இது.

சந்தோஷ்:  ரொம்ப சரியா சொன்னீங்க சார். மொழியைக் கண்டு பிடிக்குறதுக்கு முன்னாடியே மனுஷன் தான் நினைப்பதை மத்தவங்களுக்குப் புரிய வைக்க ஓவியக்கலையைத் தானே பயன் படுத்தினான்.. குகை ஓவியங்கள் மூலமா பழங்கால மனிதர்களோட வாழ்க்கை முறை, பழக்கவழக்கமெல்லாம்  நம்மால தெரிஞ்சுக்க முடியுதே.

அறிவொளி:  ஆமா சந்தோஷ், வெளிநாட்டு உளவியலாளர்களான நான்சி, மைக் சாமுவேல் என்பவர்கள் எழுதிய 'மனக்கண்ணால் காணுதல்' என்ற புத்தகத்தில் மனித மனம் தன புறக்கண்களால் காணும் எதையுமே ஒரு ஸ்லைடு ப்ரொஜெக்டரில் இருக்கும் படங்கள் போல உருவங்களாகவே தன்னோட நினைவில் பதிக்கும் . அதனால தான்  ஆண்டுகளுக்கு முன்னால பார்த்தவங்களோட உருவத்தை நினைச்ச உடனே நம்மால ஞாபகப்படுத்திப் பார்க்க முடியுதுன்னு சொல்லியிருக்காங்க.

கார்த்திக்:  அப்படின்னா, நாம பாக்குறதையெல்லாம் படமா நினைவில் பதிய வெச்சு தேவையான போது ஞாபகப் படுத்த உதவுற இந்தத் திறன் இல்லைனா எல்லோரும் கஜினிப்பட ஹீரோ மாதிரி காமிராவும் கையுமா தான் அலையனும் இல்லையா சார்?

அறிவொளி:  ( சிரித்தவாறே...) நீ சொல்றது ஒரு விதத்துல சரி தான் கார்த்திக். நம் அனுபவங்கள் மூலமா ஒவ்வொரு வினாடியும் நம் நினைவில் பதிக்கப்படும் காட்சிகள் தான் நாம் யார்? நம்மைச்  சுற்றியுள்ள உலகம் எப்படிப்பட்டது ? என நமக்குப் புரிய வைக்குது. இதுக்கு நம் வலது பக்க மூளையோட செயல்பாடு தான் காரணம்.

சந்தோஷ்:  சின்ன வயசுல மேகங்களுக்குள் பல உருவங்களைக் கற்பனை செய்து கதை சொல்லியதும் , திருடன் போலீஸ் விளையாட்டில் தன்னைப் போலீசாகவோ அல்லது திருடனாகவோ கற்பனை செய்து கொண்டு விளையாடியதும் , டீச்சர் விளையாட்டில் எதிரில் இல்லாத குழந்தைக்குத் தன்னை டீச்சராக நினைத்துக் கொண்டு வீட்டுப்பாடம் செய்யாதக் குழந்தைகளை அடிக்கிறேன் என தரையில் அடித்து விளையாடுவது எல்லாம் கூட நமக்குள் இருக்கும் கற்பனைத் திறனின் வெளிப்பாடுதான். ஆனா வளர வளர இந்தக் கற்பனையான விளையாட்டுக்கள் எல்லாம் குழந்தைகளுக்குதான்னு பெரியவங்களால சொல்லப்பட்டதாலோ என்னவோ இத்திறனை நாம வளர்த்துக்காம அப்படியே உறங்கிப் போக விட்டுட்டோம்.

விஷ்ணு: அப்படி உறங்கிப்போன திறனை உசுப்பி எழுப்ப என்ன செய்யணும் சார் ?

(அறிவொளி தன் அலமாரியிலிருந்து மூன்று தாள்களை எடுத்து மூவரிடமும் கொடுத்தார்.அதில் பென்சில் கொண்டு முழுத்தாளிலும் கிறுக்கி இருந்தது.)

அறிவொளி:   மேகத்துக்குள் உருவங்களைக் கண்டுபிடிப்பது போல இந்தக் கிறுக்களிலிருந்தும் உருவங்களைக் கண்டுபிடிக்கணும். பிறகு கலர் பென்சில் அல்லது க்ரையான்ஸ் கொண்டு அந்த உருவங்களுக்கு கலர் பண்ணனும்.

(மூவரும் கலர் பென்சிலைக் கொண்டு தாம் கண்டு பிடித்த உருவங்களுக்கு வண்ணம் தீட்டிவிட்டு அதை அறிவொளியிடம் கொடுத்தனர்.கார்த்திக்கின் தாளில் மனித உடலும் நாயின் முகமும் கொண்ட உருவம் சுற்றி இருப்பவர்களைப் பார்த்து குரைப்பது போல இருந்தது.விஷ்ணுவின் தாளில் ஓர் எரியும் வீட்டுக்குள்ளே ஆணும் பெண்ணும் பேசுவது போல் இருந்தது.சந்தோஷின் தாளில் தலைப்பாகையுடன் கூடிய ஒருவர் கரும்பலகைப்பக்கத்தில் இருப்பது போலவும் அம்மனிதர் சந்தோஷின் சாயலை ஒத்தது போலவும் இருந்தது.)

அறிவொளி:   மூணு பேருக்கும் ஒரே பேப்பரோட ஜெராக்ஸ் காப்பியை தான் கொடுத்தேன். ஆனா மூணு பேரும் இந்தக் கிறுக்கல்களுக்குள்ளே வேறவேற உருவங்களைக் கண்டுபிடுச்சு வரைஞ்சிருக்கீங்க. சந்தோஷ் நீங்க என்ன வரைஞ்சிருக்கீங்க ?

சந்தோஷ்: டாக்டர் ராதாகிருஷ்ணன் பசங்களுக்கு பாடம் சொல்லிக் குடுக்குறார் சார்.

அறிவொளி:  தலைப்பாகை டாக்டர் ராதாகிருஷ்ணனோடது மாதிரி தான் இருக்கு. ஆனா முகஜாடை உங்களை மாதிரியே இருக்கே !

சந்தோஷ்:  அட ஆமா சார் ! நானே இப்பதான் கவனிக்கிறேன்.

அறிவொளி:  டாக்டர் ராதாகிருஷ்ணன் மாதிரி ஒரு மிகச் சிறந்த ஆசிரியரா விளங்கணும்னு ஆசைப்படுறீங்க. வாழ்த்துக்கள்.

சந்தோஷ்:  நன்றி சார்.

அறிவொளி:  கார்த்திக் நீ வரைஞ்ச உருவம் விநோதமா இருக்கே !  என்ன அர்த்தம் இதுக்கு ? 

கார்த்திக்:  எதையும் நினைச்சு நான் வரையலை . ஆனா இப்ப நீங்க கேட்ட பிறகு ஒரு வேளை ராஜாராம் சார் மாதிரி பசங்களை எப்பவும் திட்டிக்கிட்டேயிருக்க டீச்சராயிருக்கலாம்னு தோணுது சார்.

விஷ்ணு: அடப்பாவி ! ஹெட்மாஸ்டர்க்கிட்டயே ஒரு சாரைப் பத்தி இப்படி சொல்றியே, ரொம்ப தைரியம்டா உனக்கு.

கார்த்திக்:  சும்மா இருந்தவன் கையில பேப்பரைக்குடுத்து வரைய சொல்லி கேட்டா , என் மனசுல என்ன தோணுச்சோ அதை சொன்னேன் தப்பா !

அறிவொளி:  உன் தப்பு இல்லை கார்த்திக், உன் மனசுல இப்படி ஒரு உருவம் தோன்ற காரணமாயிருந்த ஆசிரியரோட தப்பு. சரி விஷ்ணு நீ என்ன வரைஞ்சுருக்கே?

விஷ்ணு: ஒரு ஆளும் , ஒரு பொம்பளையும் சண்டை போட்டுக்கிட்டிருக்காங்க சார்.

அறிவொளி: சரி வீடு ஏன் எரியுது ?

சந்தோஷ்: எப்பவும் சண்டை போட்டுக்கிட்டே இருந்தா அந்த வீடு ஒரு நரகம் தானே சார் !

அறிவொளி:  உங்க வீட்ல அப்பவும் அம்மாவும் ரொம்ப சண்டை போடுவார்களா ?

விஷ்ணு:  ஆமா சார். தினம் குடிச்சிட்டு வந்து காசு கேட்டு அம்மாவை அடிப்பார். நான் தடுத்தா என்னையும் அடிப்பார். நரகம் சார் அந்த வீடு. சரி உங்களுக்கு எப்படி சார் எங்க அப்பா அம்மா சண்டை போடுவாங்கன்னு தெரியும்?

அறிவொளி:  உங்க மனசுல எல்லாம் என்ன இருக்குன்றதைத்  தான் நீங்க வரைஞ்ச படங்களே சொல்லிடுச்சே.

இந்த உருவங்களை கொஞ்சம் கூர்ந்து பார்த்தால் நம் ஆழ்மனதில் பதிந்துள்ள எண்ணங்கள், அதன் விளைவுகள் தான் உருவங்களா வெளிப்பட்டிருப்பதைப் பார்க்கலாம். நமக்குள் என்ன மாற்றம் தேவைன்றதையும் உணர முடியும். மனநல ஆலோசகர்களை இதை சிகிச்சைக்கான உத்தியா கூடப் பயன்படுத்துறாங்க.

சந்தோஷ்: எங்க மனசில் என்ன இருக்குன்னு எங்களுக்கே புரிய வைச்சதுக்கு நன்றி சார்.

கார்த்திக்: சார் நானும் இனிமே டீச்சருங்களை பத்திக்  குறைசொல்லாம அவங்க எதுக்காக என்னைத் திட்டுறாங்களோ அதை மாத்திக்க முயற்சி பண்றேன் சார். ஒழுங்கா படிக்க மாட்டேங்குறேன்னு தான் திட்டுவாங்க. என்னா தான் படிச்சாலும் ஞாபகத்துல வைக்கவே முடியல. நான் என்ன தான் பண்றது சார்?

அறிவொளி: கவனம் சிதறாம, படிக்கறதோட அர்த்தம் புரிஞ்சு படிச்சா மறக்காது கார்த்திக். அதோட படிப்பதைக் காட்சிகளா மனதில் பதிய வைச்சாலும் மறக்காது.உதாரணமா அசோகர் கலிங்க தேசத்து  மேல படையெடுத்துப் போனதைப் பாடமா வெறும் தகவலா படிக்கிறதைவிட உன்னையே அசோகரா நினைச்சிக்கோ. நீ யாரோட போர் செய்யுற, போர் முடிவு என்ன ஆகுது, எல்லாத்தையும் சினிமா மாதிரி கற்பனை செய்து மனக்கண்ணில் படமா ஓட்டிப்பாரு. சினிமா படம் எப்படி மறப்பதில்லையோ அதே மாதிரி இதுவும் படம் மாதிரி பார்க்கறதாலே மறக்காது. இதே போல தேர்வு நேரத்தில் ஏதாவது கேள்விக்கு பதில்  மறந்துட்டா அந்த பதிலை நீ படித்த சூழ்நிலையை மனதில் கொண்டு வரணும். படிக்கும் அறையில் நீ உட்கார்ந்திருந்த விதம் , எந்தப் பாடத்தில் அந்தக் கேள்வி இருக்கு , அந்த பதிலில் உள்ள முக்கியத் தலைப்பு , துணைத் தலைப்புகள் , படங்கள் என ஒவ்வொரு கட்சியாக மனக்கண் முன் கொண்டு வந்தால் கண்டிப்பா படித்த பதிலும் நினைவுக்கு வந்துவிடும்.

சந்தோஷ்:  இன்றையகாலத்தில் பிள்ளைகளுக்கு கவனமும் , உற்று நோக்கும் திறனும் ரொம்ப குறைவா இருக்குறதும் மறதிக்கு முக்கிய காரணம் சார்.

கார்த்திக்:  எப்படி சார் சொல்றீங்க?

சந்தோஷ்: எப்படியா , நீ சுவத்துப்பக்கம் திரும்பு சொல்றேன்.

(சந்தோஷ் கார்த்திக்கை சுவற்றின் பக்கம் திரும்பி நிற்க வைத்தார்)

இப்ப சொல்லு, விஷ்ணு என்ன கலர் சட்டை போட்டிருந்தான்.

 (தலையை சொரிந்த கார்த்திக் .....)

கார்த்திக்:  அச்சச்சோ ! அதை நான் இவ்ளோ நேரம் பார்க்கவே இல்லையே சார்.

சந்தோஷ்: சரி பரவாயில்லை உங்க வீட்ல கடிகாரம் இருக்கா ?

கார்த்திக்:  ஒ! இருக்கே .

சந்தோஷ்: அது என்ன கம்பெனி கடிகாரம் ?

கார்த்திக்:  அது யாருக்குத் தெரியும். இதுவரைக்கும் கடிகாரத்துல நேரம் தான் பார்த்திருக்கேன், எந்த கம்பெனி தயாரிச்சதுன்னு பார்த்ததே இல்லையே ! 

சந்தோஷ்:  பாத்தியா இவ்ளோநேரம் உன் கூட இருந்த உன் நண்பன் என்ன கலர் சட்டை போட்டிருக்கான்னும் தெரியலை. இத்தனை வருஷமா உங்க வீட்டு சுவர்ல இருக்க கடிகாரத்துல மணி பார்க்குற . அதுக்குள்ள கம்பெனி பேர் கண்டிப்பா போட்டிருக்கும் அதையும் நீ இது வரை கவனிக்கலை.இதைத்தான் உற்று நோக்கும் திறன் குறைவுன்னு சொன்னேன். இதை நான் மட்டும் சொல்லலை, ஜோஷுவா பெல் என்ற அமெரிக்கர் ஆதாரவப்பூர்வமாவே நிருபிச்சிருக்கார். 

விஷ்ணு:  அப்படியா அவர் யார் என்ன செய்தார் சார் ?

சந்தோஷ்: அவர் ரொம்ப புகழ் பெற்ற அமெரிக்க நாட்டு வயலின் இசைக்கலைஞர். அவரோட  இசைக் கச்சேரிகளின் நுழைவுக் கட்டணம் எவ்வளவு டாலர் என்றாலும் எப்போதும் கூட்டம் நிரம்பி வழியும்.அவருக்கு திடீர்னு ஒரு சந்தேகம் வந்தது. மக்கள் எந்த சூழலிலும் தன்னோட இசையை ரசிப்பார்களானு  தெரிஞ்சுக்க ஆசைப்பட்டார். மக்கள் நடமாட்டம் அதிகம் இருக்கக் கூடிய ஒரு சுரங்க நடை பாதையில் நின்னு வயலின் வாசிக்க ஆரம்பிச்சார். வெளிநாட்டுல அதுமாதிரி இடங்கள்ல பிச்சைக்காரங்க இசைக்கருவிகளை வாசிப்பதும் அதை ரசிக்கும் மக்கள் பணம் போட்டுட்டு போவதும் வழக்கம். ஆயிரக்கணக்கான மக்கள் போவதும் வருவதுமா  இருந்தாலும் மணிக்கணக்கா வாசிக்கப்பட்ட அந்த இசையை ஆறு பேர் தான் கொஞ்ச நேரம் நின்னு கேட்டாங்க. அதிலும் ஒரே ஒரே பெண் தான் அவரை அடையாளம் கண்டுபிடிச்சாங்க. அதே இசையை இரண்டு நாள் கழித்து வாஷிங்டன் டிசி நகரத்தில்   அறிவிப்பு செய்துவிட்டு வாசிச்சப்ப  அங்கு ஆயிரக்கணக்கான மக்கள் மணிக்கணக்கில் காத்திருந்து கேட்டு ரசிச்சாங்க. உண்மையிலேயே விழிப்புணர்வுள்ள மக்களா இருந்திருந்தா சுரங்க நடைபாதையில வாசிச்சப்பவும் அவரையும் அவரோட இசையையும் அடையாளம் கண்டிருப்பாங்க. ஆனா தினசரி வாழ்க்கையில எப்பவும் இறந்தகாலத்தைப்  பத்தியோ எதிர்காலத்தைப் பத்தியோ யோசிச்சுகிட்டு இருக்குறதால நிகழ்காலத்துல  நம்மை சுத்தி யார் இருக்காங்க, என்ன நடக்குது என்ற எந்த உணர்வும் இல்லாம இயந்திரத்தனமா வாழ்ந்துக்கிட்டிருக்காங்க. நிகழ்காலத்துல வாழறவங்க மட்டும் தான் தன்னை சுத்தி நடப்பதை ஐம்புலன்களால்  உள்வாங்கி  வாழ்க்கையை முழுமையா ரசிச்சு வாழ்வாங்க.

விஷ்ணு:  அறிவொளி சார் நம்ம ஸ்கூலுக்கு வந்த முதல் நாள் அசெம்பிளியில 'இங்கே இப்போதே'னு ஒரு மந்திரம் சொல்லிக் குடுத்தாரே அதுவும் இதுக்காகத் தானே சார்?

சந்தோஷ்:  ரொம்ப சரி விஷ்ணு. அது நிகழ்காலத்தில் உயிர்ப்போட வாழறதுக்கான மந்திரம்தான். அதை நடைமுறைப் படுத்துறதுக்கு சில பயிற்சிகள் இருக்கு.

கார்த்திக்:  அது என்ன பயிற்சி சார்?

சந்தோஷ்:  சொல்றேன்ப்பா. உங்க ஆர்வம் எனக்கு ரொம்ப சந்தோஷமா இருக்கு.

(நிகழ்காலத்தில் உயிர்ப்புடன் வாழ உதவும் பயிற்சியைத் தெரிந்துகொள்ள நாமும் காத்திருப்போம். )

தொடரும்...

-பிரியசகி 

priyasahi20673@gmail.com

]]>
http://images.dinamani.com/uploads/user/imagelibrary/2017/4/4/w600X390/clould1.jpg http://www.dinamani.com/health/health-serials/kandaen-pudhaiyalai/2017/apr/08/புதைய-2678649.html
2676478 தொடர்கள் கண்டேன் புதையலை புதையல் 20 பிரியசகி DIN Tuesday, April 4, 2017 05:51 PM +0530  

தர்க்க சிந்தனை தெளிவை தந்திடும்!

(தர்க்க / கணித அறிவுத்திறனை வளர்ப்பது எப்படி எனக் கலந்துரையாடிக் கொண்டிருந்தனர் அறிவொளி, சந்தோஷ், கார்த்திக் மற்றும் விஷ்ணு.  அறிவொளியிடமிருந்து நாணயங்களைப் பெற்றுக் கொண்ட விஷ்ணு அவற்றைத் தரையின் மீது வைத்து புதிர் போட ஆரம்பித்தான்.) 

விஷ்ணு: இந்தப் பத்து நாணயங்களில் மூன்று நாணயங்களை மட்டும் இடத்தை மாற்றித் தலைகீழான முக்கோணத்தைக் கொண்டு வரணும். யார் செய்றீங்க ?

(கார்த்திக், சந்தோஷ், அறிவொளி மூவரும் வெவ்வேறு வகையில் முயற்சித்தும் சரியான விடை கண்டுபிடிக்க முடியாததால் விஷ்ணுவே சரியான விடையைக் கற்றுக்கொடுத்தான்.)

விஷ்ணு:  சரி, உங்களுக்குத் தெரியலைனா கஷ்டப்பட வேண்டாம். நானே சொல்லிடுறேன்.   

அறிவொளி:  ரொம்ப நல்ல புதிர் விஷ்ணு. இது மாதிரியானப் புதிர்களெல்லாம் நம்மை வெவ்வேறு கோணங்களில் யோசிக்க வைக்கும்.  மூளையின் சிந்திக்கும் திறனை கூர்மையாக்கும். சரி நான் ஒரு புதிர் சொல்றேன். யார் பதில் சொல்றீங்கன்னு பாக்கலாம்! கீழே உள்ளக்கட்டங்களில் 1 முதல் 8 வரை உள்ள எண்களில் அடுத்தடுத்த எண்கள் பக்கத்துக் கட்டங்களில் குறுக்காகவோ, நெடுக்காகவோ மூலை விட்டங்களிலோ சந்திக்காமல் அமைக்கனும்.

     
     
     

(விஷ்ணுவும், சந்தோஷும் கையிலுள்ள காகிதத்தில் பல முறை முயற்சித்துப்பார்க்க, கார்த்திக் மட்டும் முயற்சியே செய்யாமல் மற்றவர்களை வேடிக்கைப் பார்த்துக் கொண்டிருந்தான்.)

அறிவொளி: கார்த்திக் நீ ஏன் முயற்சி செய்யாம சும்மா வேடிக்கை பார்த்துக்கிட்டிருக்கே ?

கார்த்திக்: சார் எனக்கு இதெல்லாம் வராது சார். கணக்குல நான் ரொம்ப வீக்.

அறிவொளி: முயற்சியே பண்ணாம ஒரு முடிவுக்கு வராதே கார்த்திக். முதல் முறையே சரியான விடை கண்டுபிடிக்க முடியலைன்னாலும் திரும்பத் திரும்ப முயற்சி செய்யும் போது நமக்கு விடைக்கான வழி புரியும். இது வெறும் புதிருக்காக மட்டும் சொல்லல. வாழ்க்கையிலும் ஒரு பிரச்சனை வரும் போது அதைச் சரி செய்ய வெவ்வேறு வகையில் நாம முயற்சி செய்தா கடைசியில் நாம யோசிக்காத திசையிலிருந்து கூட தீர்வு கிடைக்கலாம் முயற்சியே செய்யலைனா சோர்ந்து போய் பிரச்சனையில் மூழ்கிப் போவோம். அதன் விளைவாக  மனஅழுத்தமும் அதனால புது நோய்களும் தான் வரும்.

விஷ்ணு: சார் நான் கண்டுபிடிச்சுட்டேன்.

(அவனுடைய தாளைக் கொண்டுவந்து காண்பித்தான்.)

1 3 5
7   8
2 4 6


சந்தோஷ்: வெரி குட் விஷ்ணு நான் சில எண்களைக் கொடுக்குறேன் அதை  நல்லா பார்த்து நினைவில் வச்சு திரும்ப அதேவரிசையில உங்களால சொல்ல முடியுதான்னு பாருங்க.

1914194219491969198420001109261212151116 0117

கார்த்திக்: ஐயையோ ! சார் நாலஞ்சு நம்பர் கொடுத்தாலே ஞாபகம் வச்சுக்கறது கஷ்டம்.  நீங்க இவ்ளோ குடுக்கிறீங்க !

சந்தோஷ்: எதையும் பார்த்த உடனே பயந்துடாதே கார்த்திக். பயம் உன்னோட யோசிக்கும் திறனைக் குறைச்சிடும். இதை ஞாபகம் வச்சிக்க எதாவது லாஜிக் உன்னால கண்டுபிடிக்க முடியுதான்னு முயற்சி பண்ணு . சாவி இல்லாத பூட்டோ, தீர்வு இல்லாத பிரச்சனையோ கிடையாது. வேணும்னா ஒரு க்ளூ குடுக்கிறேன். நாலு நாலு எண்ணா பிரிச்சுக்கிட்டு அந்த வருடத்தோட அல்லது தேதி மாசத்தோட தொடர்புடைய வரலாற்று முக்கியத்துவம் வாய்ந்த சம்பவத்தை நினைவுக்கு கொண்டு வர முயற்சி செய்யுங்க. உங்களுக்கு தெரிந்த  விஷயங்களைத்தான் நான் கொடுத்திருக்கேன்.

கார்த்திக்: ஓ  ! அப்படியா சார். அப்ப முயற்சி பண்ணிப் பாக்குறோம்.

(நான்கு நான்கு எண்களாக ஒரு தாளில் எழுதிக் கொண்டு இருவரும் யோசிக்க ஆரம்பித்தனர். சிறிது நேரத்திற்கு பின்...)

விஷ்ணு: சார் , ஒரு சிலது மட்டும் தெரியலை மீதியெல்லாம் கண்டு பிடிச்சுட்டோம்.

சந்தோஷ்: சரி தெரிஞ்சதை முதல்ல சொல்லுங்க.

விஷ்ணு: 1914 - முதல் உலகப் போர் துவங்கிய வருஷம்.

1942 - வெள்ளையனே வெளியேறு இயக்கம். 

கார்த்திக்:  1947 - இந்தியா சுதந்திரம் வாங்கிய வருடம்.

அடுத்த இரண்டும் தான் என்னன்னு தெரியல! உனக்குத் தெரியுமா விஷ்ணு?

விஷ்ணு:  எனக்கும் தெரியலைடா!

சந்தோஷ்:  1969 தான்  முதன்முதலில்  நிலாவில் கால் வைத்தவருடம். 1984 - இந்தியாவின்  இரும்பு மங்கை இந்திராகாந்தி சுட்டுக் கொல்லப்பட்ட வருடம். மத்ததெல்லாம் தெரியுமா?

விஷ்ணு:  ஓ! தெரியும்சார்! 2000 - இருபதாம் நூற்றாண்டின் முடிவு.

11.09 -  செப்டெம்பர் பதினொன்னாம் தேதி  அமெரிக்காவின்  இரட்டை கோபுரம் தகர்க்கப்பட்ட நாள்.

கார்த்திக்:  26.12 - சுனாமியால் லட்சக்கணக்கான மக்கள் மடிந்த நாள்.

12.15 - 2015 டிசம்பர் மாதம் தமிழ்நாட்டின் கடலோர மாவட்டங்கள் எல்லாம் பெருவெள்ளத்தில் தத்தளிச்சுது. இளைஞர்கள் பத்தி தப்பா நினச்சுக்கிட்டிருந்தவங்க எல்லாம் அவங்களை ரொம்ப பாராட்ட ஆரம்பிச்ச நேரம் அது.

12.16 - முதல்வரா இருந்த ஜெயலலிதா  இறந்து குழப்பங்களுக்கு  காரணமா ஆகிட்டாங்க.

01-17 - மாணவர்களோட வலிமையை உலகமே திரும்பிப் பார்க்க வெச்ச தைப்புரட்சி ஏற்பட்ட மாதம். சரியா சார்.

அறிவொளி: ரொம்ப சரி, நீங்க ரெண்டு பேரும் உலக நிகழ்வுகள், நாட்டு நடப்புகளை இவ்வளவு நல்லா தெரிஞ்சு வச்சிருக்குறது ரொம்ப சந்தோசம்பா.

சந்தோஷ்: இப்ப உங்களால இந்த எண்களை இதே வரிசையில சொல்ல முடியுமா?

கார்த்திக்: இதே வரிசையில மட்டுமில்ல சார், தலைகீழா கூட சொல்ல முடியும்.

சந்தோஷ்: குட், இப்படித் தகவல்களை ஒன்னோடஒன்னா தொடர்புபடுத்தி சங்கிலி போல கோர்த்துக்கிட்டா மறக்கவே மறக்காது. தெரியாத விஷயங்களை தெரிந்த விஷயங்களோடு தொடர்பு படுத்திக் கொள்வதும் ஞாபகசக்தியை வளர்க்க இன்னொரு வழி.

கார்த்திக்: அது எப்படி சார். ஒரு உதாரணம் சொல்லுங்களேன்.

அறிவொளி: அணுவுக்கும் மூலக்கூறுக்கும் உள்ள வித்தியாசத்தை சொல்ல அணு - பூந்தி மாதிரி தனித்தனியா இருக்கும். மூலக்கூறு - லட்டு மாதிரி ஒண்ணா சேர்ந்து இருக்கும்னு சொல்லலாம்.

கார்த்திக்: சூப்பர் சார் ஜென்மத்துக்கும் மறக்காது. லட்டுன்ற பேரைக் கேட்டதுமே இனி மூலக்கூறு ஞாபகம் வரும்.

அறிவொளி: படிச்சதெல்லாம் மறந்துடுது ஞாபக சக்தியே எனக்கு இல்லைனு நிறைய பிள்ளைகள் சொல்வாங்க. ஆனா பயிற்சியால அடைய முடியாத விஷயம் எதுவுமே இல்லை. இருபது பொருட்களையோ, படங்களையோ மேசை மேல் வச்சுட்டு என்னென்ன இருக்குன்னு ஒரு நிமிடம் உற்றும் பார்த்து மனதில் பதிய வைக்கணும். பிறகு என்னென்ன பார்த்தோம் என எழுதணும். முதல் ஓரிரு முறை சிலவற்றை விட்டுட்டாலும் தொடர்ந்து பயிற்சி எடுத்தா  எல்லாத்தையும் சரியா எழுதிடமுடியும். முதல் முறையே சரியா எழுதுறவங்களுக்கு ஞாபக புலின்னு பட்டம் கொடுத்திடலாம்.

சந்தோஷ்: இதே போல இருபது தலைவர்களின் பெயர்களை மாணவர்களிடம் கொடுத்து வரிசைப்படுத்த சொல்லணும் சார். அரசியல் முக்கியத்துவம், பிறந்தநாள், இறந்தநாள், நாட்டுக்கு செய்த நன்மைகள், எத்தனை வருஷம் உயிர் வாழ்ந்தாங்க இப்படி எந்த காரணங்களுக்காக அவங்க வரிசைப்படுத்தினாங்க என்று  பிள்ளைகளை விளக்க சொன்னா நாம நினைச்சுப் பார்க்காத அளவு பலவித காரணங்களை சொல்வாங்க. இது பிள்ளைகளோட லாஜிக்கல் திங்கிங்ன்னு சொல்லக் கூடிய தர்க்க ரீதியான சிந்தனையை வளர்க்கும்.

 

அறிவொளி: சரியா சொன்னீங்க சந்தோஷ் இதேப் போல பொதுப்படையான விஷயங்களிலிருந்து ஒவ்வொரு தனிப்பட்ட பிரச்சனைக்கும் தீர்வு காணும் அறிவைப் பெற அட்டவணைப்படுத்திப் பழகுதல் அவசியம். உதாரணமா கடந்த சில வருடங்களில் தனிமனித வாழ்விலோ அல்லது சமுதாயத்திலோ மாற்றங்களை ஏற்படுத்திய முப்பது நிகழ்வுகளை முதலில் எழுதிக்கணும். ஒவ்வொரு மாற்றத்துக்கும் ஒரு அடையாளம் வச்சுக்கணும். எடுத்துக்காட்டா

Ø  பொருளாதார மாற்றம்       

v  கலாச்சார மற்றம்

§  அரசியல் மாற்றம்  

o   கல்வித்துறையில்மாற்றம் 

ü  கலாச்சார மாற்றம்  

·  மதம்சார்ந்த மாற்றம்

இப்படிகுறிச்சிக்கணும். பிறகு ஐந்து வரிசை கொண்ட ஒரு அட்டவணை தயார் செய்து ஒவ்வொரு மாற்றத்துக்கும் தகுதியான நிகழ்வுகளை அட்டவணையில் வரிசைபடுத்தனும்.

ஒவ்வொரு மாற்றத்தைப் பற்றியும் அது தனி மனித வாழ்வில், சமுதாய வாழ்வில் எத்தகைய விளைவுகளை ஏற்படுத்தி இருக்குன்னு ஆராயனும். நேர்மறையான விளைவாய் இருந்தால் அதை இன்னும் எப்படி மேம்படுத்தலாம் என்றும்  எதிர்மறை விளைவாயிருந்தா அதைக் குறைக்க அல்லது தவிர்க்க என்ன செய்யணும் என்றும்  நம் கருத்துக்களை எழுதனும்.

கடைசியா இந்த அட்டவணையிலிருந்து நாம கத்துக்கிட்டது என்னன்னு யோசிக்கணும் ? 

இதே அட்டவணையை நம்முடைய வாழ்க்கையில் ஒருவருட, ஒருமாத, ஒரு வார காலத்தில் ஏற்பட்ட மாற்றங்களை சீர்தூக்கிப் பார்த்து ,சரியானதை தொடர்ந்து செய்தும். தவறான செயல்களைத் தவிர்த்தும் நம்மை நாமே மேம்படுத்திக் கொள்ளலாம்.

சந்தோஷ்: நல்ல ஐடியா சார், இதே மாதிரி புத்தகங்கள் வாசிக்க பிள்ளைகளை ஊக்கப்படுத்தனும். அதிலும் கதை புத்தகம் வாசிப்பதா இருந்தா அத நான்கு பாகங்களை பிரிச்சு ஒவ்வொரு பாகம் முடியும் போதும் அடுத்து என்ன நடக்கும்னு அப்படி நடக்க என்ன காரணம் என தர்க்கரீதியில் யோசிச்சு அது கதையோட ஒத்துப் போகுதானு நண்பர்களோட பெட் கட்டி விளையாடலாம். விளையாட்டா நாம் பெற்ற இந்த அனுமானிக்கும் திறன் நம்மோட தினசரி வாழ்க்கையிலும் பயன்படும். ஆசிரியர்களோ, பெற்றோர்களோ, கூட வேலை செய்றவங்களோ, நம்ம உயரதிகாரிகளோ அன்னைக்கு எப்படி உடை உடுத்தியிருக்காங்க, முகபாவனை எப்படியிருக்கு, பேசும்விதம் இதெல்லாம் வைத்து நமக்கு அன்றைய நாள் எப்படியிருக்கும், நாம நினைத்த காரியத்தை அவர்களைக் கொண்டு சாதிக்க முடியுமா என்பதையெல்லாம் தீர்மானிக்க முடியும். 

கார்த்திக்: மத்தவங்களை வெச்சு முடிவு பண்றது இருக்கட்டும் சார், என் பிரச்சனைகளை நானே தீர்த்துக்க என்ன செய்யணும்.

அறிவொளி: நல்ல கேள்வி கார்த்திக். நம் துன்பங்களுக்கு நம்மை நாமே சில கேள்விகள் கேட்டு பதில் தேடுறதால நம்  பிரச்சனைகளுக்கு தீர்வு காணமுடியும். ஒரு பேப்பர் எடுத்து 

1. அடுத்த பத்தாண்டுகளுக்குள் நான் தீர்க்க வேண்டிய பிரச்சனைகள் என்ன?  

2. என் எதிர்காலத்தில் எதிர் நோக்கப் போகும் மிகப் பெரிய பிரச்சனை எது?

3. கனவில் கூட என்னை பயமுறுத்தக் கூடிய பிரச்சனை எது?

4.இது ஒன்றைத் தவிர வேறு பெரிய கவலை எனக்கில்லைனு நான் எதைப் பற்றி நினைக்கிறேன்?

5. அதை தீர்க்க நான் என்ன செய்ய வேண்டும்?

இந்தக் கேள்விகளுக்கு மூன்று, நான்கு பதில்கள் கிடைத்தால் முதலில் மேலோங்கி இருக்கும் பதிலை மட்டும் எழுதி வைச்சு அதைத் தீர்க்க முயலனும்.

ஒவ்வொரு நாளும் தூங்கப் போகும் முன் நம்மை நாமே சுய பரிசோதனை செய்யணும்.

விஷ்ணு: சுய பரிசோதனையா? அப்படின்னா ...?

அறிவொளி: இன்னைக்கு காலைல எழுந்ததுலேர்ந்து நான் என்னென்ன செய்தேன்? யார் யாரோட பேசினேன்? என்ன நல்ல விஷயம் நடந்துச்சு? அதுக்கு நான் யாருக்கு நன்றி சொல்லணும்? என்ன கெட்ட விஷயம் நடந்துச்சு? அதுக்கு நான் எந்த அளவு காரணமாயிருந்தேன்? நான் எப்படி நடந்திருந்தா அந்தப்  பிரச்சனையைத் தவிர்த்திருக்க முடியும்? இது மாதிரி இன்னொரு தடவை நடக்காம இருக்க நான் என்ன செய்யணும்? எதைத் தவிர்க்கணும் என டைரியில் எழுதணும். இந்த பதில்களை உண்மையா, உறுதியா வாழ்க்கையில் கடைபிடிக்க முயற்சி செய்யணும்.

கார்த்திக்: மத்தவங்க நமக்கு அட்வைஸ் பண்ணாதான் சார் எரிச்சலும் கோபமும் வரும். நம்மை நாமே சரி செய்துக்க  நல்ல வழி தான் இது.

சந்தோஷ்: உண்மைதான் சார் ஒவ்வொரு நாள் அனுபவத்திலும் பாடம் கற்று, நல்லவற்றை தொடர்ந்து செய்து, தீயவற்றை விலக்கி , தெளிவான ஆக்கப்பூர்வமான சிந்தனைகளோடு பிரச்சனைகளை புதிய கோணத்தில் அணுகினால் வாழ்க்கை நிச்சயம் சுவாரஸ்யமானதா இருக்கும். முன்னேற்றம் நிச்சயம் இருக்கும் என்பதில் சந்தேகமில்லை.

தொடரும்...

- பிரியசகி 

piriyasahi20673@gmail.com

 

 

                    

 

 

]]>
Priyasaki, பிரியசகி, புதையல், கற்றல், pudhaiyal http://images.dinamani.com/uploads/user/imagelibrary/2017/4/4/w600X390/puzzle.png http://www.dinamani.com/health/health-serials/kandaen-pudhaiyalai/2017/apr/01/புதையல்-21-2676478.html
2672041 தொடர்கள் கண்டேன் புதையலை புதையல் 19 பிரியசகி DIN Friday, March 24, 2017 05:46 PM +0530 கணிதம் கவலை தீர்க்குமா!

(மொழித்திறன் மனிதனை எப்படி முழுமையாக்குகிறது என அற்புதமாக விளக்கிய அறிவொளி அடுத்து என்ன சொல்ல போகிறார் என ஆர்வமுடன் கேட்கக் காத்திருந்தனர் கார்த்திக்,விஷ்ணு மற்றும் சந்தோஷ்)

கார்த்திக்: சார் எட்டுவித அறிவுத்திறனில் மொழித்திறன் என்கிட்டே இயல்பாவே இருக்குறதால கேட்க ரொம்ப ஆர்வமா இருந்துச்சு. இரண்டாவது திறன் கணிதத்திறன் தானே சொன்னீங்க, கணக்குன்னாலே எனக்கு அலர்ஜியாச்சே !

அறிவொளி: இரண்டாவதா இருப்பது Logical / Mathematical Intelligence னு ஆங்கிலத்தில் சொல்வோம். தமிழ்ல தர்க்க / கணித அறிவுத்திறன்னு சொல்லலாம். ஆனா தர்க்க அறிவு வழக்கறிஞர்களுக்கு மட்டுமே உரியதுன்னோ கணித அறிவுன்னா வடிவியல், முக்கோணவியல், கூட்டல், கழித்தல்,பெருக்கல், வகுத்தல் மட்டுமோ கிடையாது. தர்க்க/கணித அறிவென்பது வாழ்க்கையில் நம்மை எதிர்நோக்கும் பிரச்சனைகளுக்கான காரணங்களை அலசி ஆராய்ந்து, அனுமானித்து, அறிவியல் முறைகளைப் பயன்படுத்தி புதிர் விடுவிக்கும் திறன் புரியுதா?

விஷ்ணு: புரியுது ஆனா புரியலையே சார் !

(அறிவொளி சிரித்தவாறே விஷ்ணுவின் முதுகில் தட்டிக் கொடுத்தார்)

அறிவொளி:  சரி, புரியறமாதிரி சொல்றேன். நம்மில் பலரும் பிரச்னைகளைத் தீர்க்க என்ன வழின்னு யோசிக்காம ஐயோ! என் வாழ்கை இப்படி ஆயிடுச்சே. இனி மத்தவங்க முகத்தில எப்படி முழிப்பேன்னு பிரச்சனையின் விளைவுகள் பத்தி மட்டுமே யோசிச்சு அதிலேயே மூழ்கிப் போய் தன்னோட  வாழ்க்கையையே நாசமாக்கிக்கிறாங்க. இதைத் தவிர்க்க சின்ன வயசுலேருந்தே பிரச்சனைகளை தீர்க்கும் திறனை (Problem solving skill) வளர்த்துக் கொள்ளணும். இப்படி மூளையின் சிந்திக்கும் திறனை அதிகப்படுத்த கூர்மையாக்க நிறைய பயிற்சிகள் இருக்கு.

கார்த்திக்: அப்படியா சார் !

அறிவொளி: ஆமா கார்த்திக். உதாரணமா 

1) கோழியிலிருந்து முட்டை வந்ததா, முட்டையிலிருந்து கோழி வந்ததா.

2) நமக்கு  பிடித்தமான உணவைத் தயாரிக்க எந்தெந்த பொருட்களை எந்த விகிதத்தில் கலக்கணும் என சின்னச்சின்ன விஷயங்களை விவாதிக்க ஆரம்பித்து 

3) வளரும் இந்தியாவை எதிர் நோக்கியுள்ள பிரச்சனைகள் என்ன? என அலசி ஆராய்ந்து அவற்றுக்கான தீர்வுகளைக் காண பிள்ளைகளை விவாதிக்க செய்யணும்.

தீர்க்கப்பட வேண்டிய ஒரு பிரச்சனையை நாம எதிர் கொள்ளும் போது அந்த வினாடியே நம்மூளை ஓர் உயர்ரக கணிப்பொறியைப் போல வேலை செய்து பிரச்சனைக்கான தீர்வைத் தர முயற்சிக்கும்.

பூமிக்குள்ள இருக்க வரைக்கும் வைரம் கூட பளபளப்பு இல்லாமத்தான் இருக்கும். பட்டை தீட்டும் போது தான் அதோட மதிப்பு உயரும். அதுபோல சின்ன வயசுலேர்ந்தே பயிற்சிகள் கொடுக்க கொடுக்க மூளையின் சிந்திக்கும் திறன் அதிகமாகி பிள்ளைகள் கூர்மையான அறிவோட இருப்பாங்க.

சந்தோஷ்: உண்மைதான் சார், தகுதி உள்ளவங்க மட்டும் தான் நிலைச்சு நிக்க முடியும் என்ற நிலை உள்ள  போட்டிகள் நிறைந்த உலகில் நுழைவுத்தேர்வுகள், நேர்காணல்களில் தர்க்க ரீதியிலான, புதிர் விடுவிக்கும் அறிவுக்கு எவ்வளவு முக்கியத்துவம் இருக்குன்னு உணர்ந்து தான் மத்திய அரசும், தமிழக அரசும் அரசுப்பள்ளி மாணவர்களையும் போட்டித் தேர்வுகளுக்கு தயார் செய்யணும்னு ஆசிரியர்களுக்கு சொல்லியிருக்காங்க. National means cum merit scholarship (NMMS) பற்றிய தகவல்களை www.tndge.in என்ற இணையதள முகவரியில் பெறமுடியும். இந்தத் தேர்வுகளில் தகுதி பெறும் மாணவர்களுக்கு அரசாங்கம் மாதம் 500 ரூபாய் உதவித்தொகை கொடுக்குறாங்க. எட்டாம் வகுப்பு மாணவர்களுக்கான தேர்வு இது. கேள்விகள் ஏழாம் வகுப்பு மற்றும் எட்டாம் வகுப்பு பாட புத்தகங்களிலிருந்து கேட்கப்படும். இது தவிர பொது அறிவு கேள்விகளும் தர்க்க ரீதியிலான புதிர் விடுவிக்கும் கேள்விகளும் கேட்கப்படும். ஏழாம் வகுப்பு முதலே பயிற்சி எடுக்க ஆரம்பித்தால் எட்டாம் வகுப்பில் எளிதாக தேர்ச்சி பெற்றுவிட முடியும். என் மாணவர்களுக்கு தினசரி பத்து பொது அறிவு கேள்விகளும், பக்கவாட்டு சிந்தனைகளைத் தூண்டும் கேள்விகளும், கணித புதிர்களும் கொடுத்து விடை கண்டுபிடிக்க சொல்வேன். பாடத்தில் பின் தங்கியிருக்கும் பிள்ளைகள் கூட இது மாதிரியான கேள்விகளுக்கு ரொம்ப ஆர்வமா பதில் சொல்வாங்க. அவங்களே புதுசு புதுசா கேள்விகளும் கேட்பாங்க.

அறிவொளி: உங்கள மாதிரி ஆசிரியர்கள் இருப்பதாலதான் கிராமங்களிலிருந்தும் விஞ்ஞானிகளும் மேதைகளும் இந்த உலகத்துக்கு கிடைக்கிறாங்க சந்தோஷ்.  

கார்த்திக்: என்னென்ன கேள்விகள், பயிற்சிகள்னு சொன்னா நாங்களும் கத்துக்குவோமே சார்.

சந்தோஷ்: சில கேள்விகள் சொல்றேன். ஹேபர் முறையில் அம்மோனியா தயாரிக்கும் போது  சோதனைக் கூடத்தின் கதவை திறந்துவைத்துக் கொண்டு செய்தால் என்பது நிமிடங்களில் முடியும். ஆனால்  கதவை மூடிவிட்டு செய்தால்  ஒரு மணி இருபது நிமிடங்கள் ஆகும் ஏன் ?

கார்த்திக்:  ஏன் சார் கதவு திறந்திருந்தால் காத்தடிக்கும், அதனாலே வினை சீக்கிரமா நடக்குமோ?

விஷ்ணு: அதெல்லாம் கிடையாது, சார் நான் சொல்றேன். என்பது நிமிடமும் ஒரு மணி இருபது நிமிடமும் ஒன்னு தான்.

சந்தோஷ்: வெரி குட், என்ன கார்த்திக் விஷ்ணு சொன்னது சரி தானே !

கார்த்திக்: சார் கேள்வி கேட்டது நீங்களா இருக்கறதாலே நான் ரொம்ப அறிவுப்பூர்வமா யோசிச்சேன். ஆனா நீங்க இப்படி மொக்க போட்டுடீங்களே சார்! 

சந்தோஷ்: எப்பவும் ஒரே கோணத்துல யோசிக்க கூடாது கார்த்திக். பிரச்சனைகளுக்கு தீர்வு நாம யோசிக்காத திசையில ரொம்ப சுலபமானதா கைக்கெட்டும் தொலைவுல கூட இருக்கலாம். விஷ்ணு நீ எப்படி இதுக்கு பதில் சொன்ன ?

விஷ்ணு: சார், சந்திரமுகி படத்தில ஒரு காமடி வரும். சளி புடிச்சா மருந்து சாப்பிட்டா ஒரு வாரத்துல சரியாகிடும். மருந்து சாப்பிடலைனா ஏழு நாள்ல சரியாகும்னு சொல்லுவாங்க..நீங்க கேள்வி  கேட்டதும் எனக்கு அந்த ஞாபகம் வந்தது. அதே மாதிரி யோசிச்சதும் பதில் கிடைச்சிருச்சு.

அறிவொளி:  நீங்க சொல்ற மாதிரி வழக்கமான முறையில யோசிக்காம வித்தியாசமா யோசிக்கிறவங்க தான் வெற்றியாளரா இருப்பாங்க. விண்வெளியில் ஏதாவது எழுதணும்னா வழக்கமான பேனாவால எழுத முடியாதுன்னு அமெரிக்கர்கள் ரொம்ப முயற்சி பண்ணி பலகோடி ரூபாய் செலவுல வெற்றிடத்தில் வேலை செய்யக்கூடிய புதிய பேனாவைக் கண்டுபிடிச்சாங்க. இதே பிரச்சனை ரஷ்யர்களுக்கு வந்தபோது ஒரு விண்வெளி வீரர் சர்வசாதாரணமா பேனா எதுக்கு, பென்சில் எடுத்துட்டுப் போகவேண்டியதுதானேனு கேட்டாராம். ஒரே பிரச்சனைக்கு ஒரு நாடு பலகோடி ரூபாய் செலவழிச்சது. இன்னொரு நாடு இரண்டு ரூபாய்ல தீர்வு கண்டுடுச்சு. இப்படி வித்தியாசமா சிந்திச்சு சிக்கனமான சுலபமான வழிகளைக் கண்டு பிடிக்குறவங்க தான்  எல்லாத் துறையிலும் வெற்றிபெற முடியும்.

விஷ்ணு: இந்தத் திறன் பிறக்கும்போதே இருக்குமா, இல்லை வளர்த்துக்க முடியுமா சார்?

அறிவொளி: சிலருக்கு இயல்பாவே இருக்கும். மத்தவங்களும் பயிற்சி மூலம் வளர்த்துக்க முடியும். ஆயுதம், அழகு சாதனம், நாகரிக உடைகள், உணவுப்பொருட்கள், சினிமாத்துறை என எல்லாவற்றிலும் யூதர்கள் சாமர்த்தியசாலிகள். இதற்குக் காரணம் தனக்குப் பிறக்கப்போகும் குழந்தை அதிமேதாவியா இருக்கணும்னு யூத கர்பிணிப்பெண் தன்னையே தயாரிச்சுக்குறாங்க . கர்ப்ப காலத்தில் எப்பவும் பாட்டு பாடிக்கிட்டும், பியானோ வாசிச்சுக்கிட்டும், கணவனோடு சேர்ந்து கணக்குப் புதிர்களுக்கு விடை கண்டுபிடிச்சுக்கிட்டும் சுறுசுறுப்பா இருப்பாங்க. குழந்தை பிறந்தபிறகு ஆரோக்கியமான வாழ்க்கை முறையை பின்பற்றும் இவர்கள், குழந்தைகளுக்கு ஹீப்ரு, அரபிக், ஆங்கிலம் ஆகிய மூன்று மொழிகளைக் கற்றுக்கொடுக்குறாங்க. சின்ன வயசுலேர்ந்தே  பியானோ, வயலின் போன்ற ஏதாவது ஒரு இசைக்கருவியை வாசிக்கக் கற்றுக் கொடுக்குறாங்க. இசை அதிர்வுகள் மூளையைத் தூண்டிவிட்டு அதன் செயல்பாட்டை அதிகரிப்பதால் யூதர்களிடையே மேதைகள் அதிகம். பள்ளிக்குழந்தைகள் முதல் வகுப்பிலிருந்து ஆறாம் வகுப்புவரை வணிகக் கணிதவியலைப்  படிக்கிறாங்க. விஞ்ஞானப்பாடம் முன்னுரிமை பெறுது. வில்வித்தை, துப்பாக்கி சுடுதல் போன்ற உடல் மற்றும் மனம் சார்ந்த விளையாட்டுகளில் பயிற்சி கொடுக்குறாங்க. இதெல்லாம் அவங்க மனதை ஒருமுகப்படுத்தவும், தேவையானபோது துல்லியமான, நுட்பமான முடிவு எடுக்கவும் உதவுகின்றன.

சந்தோஷ்: இஸ்ரேலில்  உயர்நிலைப் பள்ளியில் மாணவர்கள் விஞ்ஞானம் படிக்க அதிகம் விரும்புறாங்க.

போர்த்தடவாளங்கள்,மருத்துவம், தொழில்நுட்பம் ஆகியவற்றில் செயலாக்கங்கள்(Projects), புதிதாக பொருட்கள் செய்வது (Product creation) என்று பல்வேறு முறைகளில் படித்தவற்றை நடைமுறைப்படுத்துறாங்க. இந்தத் திட்டங்கள் உயர் கல்வி நிறுவனங்களிலும்,பல தொழில்நுட்ப கழகங்களிலும் அறிமுகப்படுத்தப் படுகிறது. வணிகவியல் படிக்கும் மாணவர்கள் கடைசி வருடம் ஒரு செயல்முறை திட்டத்தை நடைமுறை படுத்திக் காட்டணும். பத்துபேர் அடங்கிய அவர்கள் குழுமத்திற்கு இத்திட்டத்திலிருந்து பத்து மில்லியன் யு.எஸ் டாலர் லாபம் கிடைத்தால் தான்  அவர்கள் தேர்வு செய்யப்படுவாங்க. இதனாலதான் உலக வர்த்தகத்தில் பெருமளவு யூதர்கள் கையில் இருக்கு. யூதர்கள் பிரார்த்தனை செய்யும் போது  தலையை அசைத்து அசைத்து பிரார்த்தனை செய்வாங்க. இதனால் மூளை தூண்டிவிடப்பட்டு மூளைக்கு அதிக ஆக்ஸிஜன் கிடைக்குமாம். இஸ்ரேல் நாட்டில் சிகரெட் பிடிப்பது விலக்கப்பட்ட தீய பழக்கமா கருதப்படுது. இது போல  அரசாங்கமும் பெற்றோர்களும் சரியான  வழிமுறைகளைப் பின்பற்றினால் நம்மாலும் சிறந்த அறிவார்ந்த தலைமுறையை உருவாக்க முடியும். 

கார்த்திக்:  கவலைப்படாதீங்க சார், உங்க கனவை நாங்க நிறைவேத்துறோம். நாங்க என்ன செய்யணும்னு மட்டும் சொல்லுங்க.

அறிவொளி: பார்க்கும்  எந்தப் பொருளையும் அதன் செயலுக்கோ, வடிவத்திற்கோ தொடர்பில்லாத வகையில் சிந்திக்கும் திறன் பக்கவாட்டு சிந்தனை எனப்படும் (lateral thinking ). ஒரு பூவைக் கையில் வைச்சு ரசிக்கும் போது இந்தப் பூவைப்போல என் வீடு இருந்தா எப்படியிருக்கும்? அல்லது நான் உட்கார்ந்திருக்கும் நாற்காலி நினைக்கும் இடத்துக்குப் பறந்து போகக் கூடியதா இருந்தா எப்படியிருக்கும் என்று யோசிப்பது பல ஆக்கபூர்வ சிந்தனைகளுக்கு வழிவகுக்கும். நியூட்டன் ஈர்ப்பு விசையைக் கண்டுபிடிச்சதும். எடிசன் மின்சாரவிளக்கைக் கண்டுபிடிச்சதும், மெண்டல் மரபியலைக் கண்டுபிடிச்சதும் இது மாதிரியான கேள்விகளாலத்தான்.

விஷ்ணு: இது மாதிரி தீக்குச்சி வைச்சி, நாணயங்களை வைச்சி நான் கூட நிறைய கணிதப் புதிர்களை சொல்வேன்.

(அறிவொளி ஒரு டப்பாவிலிருந்து கை நிறைய நாணயங்களை கொண்டு வந்து விஷ்ணுவிடம் தந்தார்.)

அறிவொளி: எங்கே இந்த நாணயங்களை வைச்சு புதிர் சொல்லு பார்க்கலாம்.

(உற்சாகமாக அவற்றை வாங்கி கொண்ட விஷ்ணு தரையில் வைத்து அடுக்கி புதிர் போட ஆரம்பித்தான். பின் கார்த்திக், சந்தோஷ் என ஒவ்வொருவராகத் தனக்குத் தெரிந்த புதிர்களைக் கூற இறுதியில் அறிவொளி கற்று தந்த ஒரு பயிற்சி வாழ்வில் பிரச்சனைகளை எதிர் கொள்ள மிகத் தேவையானதாக இருந்தது.அது என்னவென்று தெரிந்து கொள்ள காத்திருப்போம்.)

தொடரும்...

பிரியசகி

priyasahi20673@gmail.com.

]]>
Priyasaki, கண்டேன் புதையலை, kanden pudhaiyalai http://images.dinamani.com/uploads/user/imagelibrary/2017/3/24/w600X390/lateral.jpg http://www.dinamani.com/health/health-serials/kandaen-pudhaiyalai/2017/mar/25/புதையல்-19-2672041.html
2660563 தொடர்கள் கண்டேன் புதையலை புதையல் 18 பிரியசகி DIN Sunday, March 5, 2017 04:50 PM +0530 மனிதனை முழுமையாக்கும் மொழி!

அறிவொளி: மனிதர்களுக்கு எட்டு விதமான அறிவுத்திறன் இருக்கு கார்த்திக். ஒவ்வொருவருக்கும் இதில் ஏதாவது இரண்டோ அல்லது மூன்றோ திறன்கள் கண்டிப்பா இருக்கும். முயற்சியும் பயிற்சியும் இருந்தால் தன்னிடம் இயல்பாக இருக்கும் திறனை இன்னும் மெருகேற்றிக் கொள்ளவும் முடியும், இல்லாத திறனை வளர்த்துக் கொள்ளவும் முடியும்.

கார்த்திக்: அது என்ன சார் எட்டு விதமான அறிவுத்திறன்?

அறிவொளி: மொழித்திறன், கணிதத்திறன், இடம் சார்ந்த காட்சித் திறன், உடல் இயக்கத் திறன், இசைத் திறன், பிறருடன் கலந்து பழகும் திறன், தன்னைத்தான் அறியும் திறன், இயற்கையோடு ஒன்றியிருக்கும் திறன் என்று எட்டு வகை இருக்குப்பா. இதில் முதலில் இருப்பது மொழித் திறன்.

சந்தோஷ்: ஆமா சார்! மனிதனோட பரிணாம வளர்ச்சியில் அடித்தளமா இருப்பது மனிதக் கண்டுபிடிப்புகளிலேயே மிக முக்கியமான மொழி தானே! சைகைகள், குகை ஓவியங்கள் மூலமா தான்  நினைப்பதை மத்தவங்களுக்கு புரிய வைச்சுக்கிட்டிருந்த மனுஷன் மொழியைக் கண்டுபிடிச்ச பிறகுதான் விலங்குகளிலிருந்து வேறுபட்டு அறிவு சார்ந்த நிலையில் முன்னேறத் தொடங்கினான் இல்லையா?

அறிவொளி: அதுமட்டுமில்லை சந்தோஷ், தான் நினைப்பதை அடையக் கூடிய வல்லமையை மனிதருக்குக் கொடுத்ததும் மொழிதான்.

விஷ்ணு: சார், நீங்க இரண்டு பேரும்  ஏதோ பெரிய லெவல்ல பேசுறீங்க. எனக்கு எதுவும் புரியலை.

அறிவொளி: ஓ! சாரி விஷ்ணு, உனக்குப் புரியும்படி சொல்றேன். எப்பவும் நாம எதைப்பத்தி பேசிக்கிட்டு, நினைச்சுக்கிட்டு, எழுதிக்கிட்டு இருக்கோமோ அதை நம்மால உருவாக்க முடியும். உதாரணமாக நமக்கு சுதந்திரம் கிடைக்குறதுக்குப் பல ஆண்டுகள் முன்னாடியே

‘ஆடுவோமே பள்ளு படுவோமே

ஆனந்த சுதந்திரம் அடைந்துவிடோமென்று’

என்று பாடியவர் நம் பாரதியார். அவருடைய சுதந்திரக் கனவு நினைவேறிவிட்டது இல்லையா!

சந்தோஷ்: வார்த்தைகளின் வலிமைக்கு இன்னொரு புகழ் பெற்ற உதாரணம் உண்டு. 1960-ஆம் ஆண்டின் தொடக்கத்தில் அமெரிக்க ஜனாதிபதி ஜான் கென்னடி ஒரு பொதுக்கூட்டத்தில், 'இன்னும் பத்தாண்டுகளுக்குள் நாம் நிலவில் கால் பதித்து விடுவோம்', என்றார். 1969 ஆம் ஆண்டு ஜூலை 16-ல் அந்த வார்த்தைகள் வடிவம் பெற்று செயலானது. மனிதன் நிலவில் கால் பதித்தான். இந்த நிகழ்ச்சி எதிர் காலத்தில் நடக்கும் என உணர்த்த பாரதி பல ஆண்டுகளுக்கு முன்பே

‘வானையளப்போம் கடல் மீனையளப்போம்

சந்திர மண்டலத்தியல் கண்டு தெளிவோம்’ என்று தீர்க்கதரிசனம் கூறினார்.

கார்த்திக்: நம்ம அப்துல் கலாம் ஐயா கூட 2020-ல் இந்தியா வல்லரசாகும்னு சொன்னாரே. அது நடக்குமா சார்.

சந்தோஷ்: சார் சொன்ன மாதிரி இந்தியர்கள் எல்லோரும் அதைப்பத்தியே நினைச்சிக்கிட்டு, பேசிக்கிட்டு, அதற்கான முயற்சிகள் செய்துகிட்டிருந்தா கண்டிப்பா நடக்கும். ஆனா எங்கே, நமக்குத்தான் நாளுக்கொரு பிரச்சனை நிமிஷத்துக்கு ஒரு பிரேக்கிங் நியூஸ்ன்னு பொழுது போய்க்கிட்டிருக்கே.

அறிவொளி: உன் மொழி அறிவை வளர்த்துக் கொள்ள நிறைய புத்தகங்கள் படி. புத்தகங்கள் நம்மை குறுகிய வட்டத்திலிருந்து வெளிக்கொண்டுவந்து விசாலமான உலகத்தை நமக்கு அறிமுகப்படுத்தும். தான் படித்ததை மற்றவர்களோடு கலந்து பேசுவதாலும், விவாதிப்பதாலும், தனி மனித, சமுதாய பிரச்சனைகளுக்குத் தீர்வு காண முடியும்.

விஷ்ணு: புத்தகம் படிப்பதைத் தவிர மொழி அறிவை வேறு எப்படி வளர்த்துக்க முடியும் சார்?

அறிவொளி: நம்ம மூளையை இடது வலது என இரண்டு சம பாகமா பிரிச்சா இடது பக்க மூளைதான் மொழியறிவுக்கான இடம் விஷ்ணு. விடுகதை, கவிதை, நகைச்சுவை, கதை சொல்வது, கதை எழுதுவது, இலக்கணம், இலக்கியம், சங்கேத மொழிகளைப் பயன்படுத்துவது, பட்டிமன்றத்தில் கலந்து விவாதிப்பது போன்ற செயல்கள் எல்லாமே நம் இடப்புற மூளையைத் தூண்டி மொழியறிவை வளர்க்க உதவும். சரி நான் ஒரு விடுகதை கேக்குறேன் பதில் சொல்றீங்களா பார்ப்போம்.

கார்த்திக்: ஓ! நான் ரெடி சார்.

அறிவொளி: உலகிலேயே மிக வேகமானதும், மெதுவாகச் செல்பவனும் நான்தான். மிக நீளமானதும், மிகக் குறுக்கியவனும் நான்தான். அதிகத் தேவையிருந்தும் மக்களால் அதிகம் வீணாக்கப்படுபவனும் நான்தான். நான் யார்?

கார்த்திக்: ரயில் பெட்டியா...? இல்லையே!

விஷ்ணு: நாக்கு... வார்த்தையா சார்? தெரியலை நீங்களே சொல்லிடுங்க சார்.

கார்த்திக்: சார். நான் கண்டு பிடிச்சிட்டேன். அதிகத் தேவையிருந்தும் அதிகமா வீணாக்கப்படுவது நேரம் தான். கரெக்ட்டா சார்?

அறிவொளி: ரொம்ப சரியா சொல்லிட்டே கார்த்திக். நண்பர்கள் நீங்க ஒண்ணா சேர்ந்து பேசும் போதோ, வகுப்பறையில் ஆசிரியர்கள் இல்லாத நேரத்திலோ வெட்டி கதை பேசி நேரத்தை வீணாக்குவதை விட இது போல விடுகதைகளை சொல்லி விளையாடினா நேரமும் வீணாகாது, மொழியறிவும் வளரும்.

சந்தோஷ்: நானும் வகுப்புல ஒரு சில மொழி சார்ந்த விளையாட்டுக்களை விளையாட வைப்பதுண்டு சார்.

அறிவொளி:என்னன்னு சொன்னா எங்களுக்கும் பயன்படும் சந்தோஷ்.

சந்தோஷ்: பசங்களை செய்தித்தாள் கொண்டு வரச் சொல்வேன். அதில் இரண்டு அரசியல்வாதிகளோடப் படம் இருந்தா அவங்க என்ன பேசியிருப்பாங்கன்னு பசங்களை கற்பனையா பேச சொல்வேன். நாம நினைச்சே பார்க்காத அளவு ரொம்ப நகைச்சுவையாகவும் சில நேரம், அடடா! உண்மையிலேயே இப்படி பேசியிருந்தா எவ்ளோ நல்லாயிருக்கும்னு நாம் யோசிக்கிற மாதிரியும் ரொம்ப நல்லா பேசுவாங்க. சின்னச் சின்ன கதை புத்தகங்களைக் கொடுத்து பாதி வரை படிக்க சொல்லிட்டு அடுத்து என்ன நடக்கும்னு பசங்களை மீதி கதை சொல்ல சொல்வேன். உண்மையில் அவங்க சொல்ற கதை ரொம்ப சுவாரஸ்யமா இருக்கும்.

கார்த்திக்: சூப்பர் சார். இதே மாதிரி நாங்களும் சில விளையாட்டுக்கள் விளையாடுவோம். பத்து பேர் இருந்தா இரு குழுக்களா பிரிச்சுக்கிட்டு குழுவுக்கு ஒரு தலைவனைத் தேர்ந்தெடுத்துக்குவோம். ஏதேனும் ஒரு எழுத்தைத் ஆரம்ப எழுத்தாகக் கொண்டு ஒவ்வொருவரும் ஒரு வாக்கியத்தை சொல்லணும். உதாரணமா,

1) அடிமை வாழ்வை ஒழித்திடுவோம்.

2) அன்னை பூமியைப் பாதுகாப்போம்.

இது போல மாற்றி மாற்றி சொல்லணும்.யாரு சொல்லையோ அவங்க அவுட்.

விஷ்ணு: இதே மாதிரி இங்கிலீஷ்லயும் விளையாடுவோம். முதல் ஆள் ‘teacher I can't come to school today.because I've got allergies’ என்று சொன்னால் அடுத்தடுத்த ஆட்கள் லீவுக்கான காரணத்தை அகர வரிசையில் சொல்லிக்கிட்டே வரணும். உதாரணமா இரண்டாவது ஆள் Allergies, backpainனு சொல்லணும். மூணாவது ஆள் allergies. backpain, and coughனு சொல்லணும். இப்படியே Z வரை சொல்லணும்.யாருக்குத் தெரியலையோ அவங்க அவுட்.

சந்தோஷ்: வெரிகுட் விஷ்ணு இதே மாதிரி பத்திரிகைகளில் வரும் குறுக்கு புதிர் போட்டிகளை எழுதிப் பார்க்கலாம்.வகுப்புக்குள்ளேயே கையெழுத்துப் பிரதி நடத்தலாம். அகராதியில் ஏதேனும் ஒரு வார்த்தையைத் தேர்ந்தெடுத்து அதன் பொருள் என்ன, அதை எப்படி உச்சரிக்க வேண்டும் எனத் தெரிந்து கொண்டு சிறிது நேரத் தயாரிப்புக்குப் பின் அவ்வார்த்தையை தலைப்பாகக் கொண்டு பேச வேண்டும்.அடிக்கடி இப்பயிற்சியில் ஈடுபட நினைத்த நேரத்தில் எதைப்பற்றியும் பேச வல்லவர்களாகிவிடுவோம். 

ஏதேனும் ஒரு தலைப்பை எடுத்துக் கொண்டு நண்பர்களுடன் விவாதிக்கலாம். உண்மை எதுவாக இருந்தாலும் நாம் விவாதத்திற்கு எடுத்துக்கொண்ட தலைப்பு தான் சரியென பிறர் நினைக்கும் வகையில் விவாதிக்க வேண்டும்.உதாரணமாக டாக்டர் அப்துல் கலாம் விஞ்ஞானியாயிருந்ததை விட ஜனாதிபதி ஆனதால் தான் இந்தியா அதிகப் பயனடைந்தது என ஒருவரும் அவர் விஞ்ஞானியாகவே இருந்திருந்தால் இந்தியா இன்னும் அதிகம் பயன் அடைந்திருக்கும் என மற்றொருவரும் விவாதிக்க வேண்டும்.

அறிவொளி: இதுவும் நல்ல வழிதான். பிள்ளைகளை அவர்கள் பார்க்கும் ஒவ்வொரு பொருளையும் 6S ஆக (sight,smell, sound, sense, size, speciality) வர்ணிக்க கற்றுக் கொடுக்க வேண்டும். அதாவது ஒரு வாழைப்பழத்தை சாப்பிடக் கையில் எடுத்தால் அது பார்க்க எப்படி உள்ளது? அதைத் தட்டினால் என்ன விதமான ஒலி உண்டாகிறது? என்ன மணம் கொண்டுள்ளது? தொட்டுப் பார்த்தால் மென்மையாக உள்ளதா? கடினமாக உள்ளதா? எவ்வளவு பெரிதாக உள்ளது? கனமாக உள்ளதா?  அதன் முக்கியத்துவம் என்ன? அதை உண்பதால் என்னென்ன நமைகள் உண்டாகும்? என்ற கேள்விகளை எழுப்ப வேண்டும். 6s க்கு என ஒரு நோட்டு புத்தகம் வைத்து, பார்க்கும் பொருட்களையெல்லாம் வர்ணிக்க ஆரம்பித்தால் நாளடைவில் கவிஞர்களாகிவிடுவோம்.

சந்தோஷ்: நல்ல ஐடியா சார் இது.  இதே மாதிரி ஏதேனும் ஒரு பொருளை எடுத்துக்கொண்டு

1. இது ஐம்பது மடங்கு பெரிதாக இருந்தால் அதை எதற்குப் பயன் படுத்தலாம்?

2. ஐம்பது  மடங்கு சிறியதாக இருந்தால் எதற்குப் பயன்படுத்தலாம்?

3. இதனுடைய பாகங்களை இடம் மாற்றினால் வேறு எதாவது உருவாக்க முடியுமா?

4. வேறு என்னென்ன  விதத்தில் இப்பொருளைப் பயன் படுத்த முடியும்?

ஒவ்வொரு பொருளுக்கும் இத்தகைய கேள்வி எழுப்புவதன் மூலம் புதிய ஆக்கப் பூர்வ சிந்தனைகள் உருவாகும். பார்வையின் புதிய கோணங்கள் புதிய கண்டுபிடிப்புகளுக்கு வழி வகுக்கும்.

பிள்ளைகளை இருபொருள் தரும் சொற்கள் என்னென்ன என்று அகராதியில் கண்டுபிடித்து வரச் சொல்லலாம்.அந்த காலத்தில் காளமேகப்  புலவர் சிலேடைச் சொற்களாலேயே பாடல் இயற்றுவதில் வல்லவராக இருந்தார் இல்லையா. அதே போல முன் பின் எப்படி படித்தாலும் ஒரே அர்த்தம் தரக் கூடிய வார்த்தைகளை கண்டுபிடித்து வரச் சொல்லலாம்.

கார்த்திக்: விகடகவி மாதிரி தானே சார் சொல்றீங்க. இது மாதிரியான வார்த்தைகளை வைத்து ஒரு பாட்டு முழுவதையும் நம்ம கவிஞர் வைரமுத்துவோடப் பையன் மதன் கார்க்கி எழுதியிருக்காரே! ரொம்ப யோசிச்சு எழுதியிருக்கார்.

சந்தோஷ்: பரவாயில்லையே கார்த்திக், இது மாதிரி தகவலெல்லாம் விரல் நுனியில் வெச்சிருக்கியே !

கார்த்திக்; சினிமா பாட்டெல்லாம் ரெண்டு வாட்டி கேட்டாலே மனப்பாடம் ஆகிடும் சார். பாடம் படிக்குறது தான் பிரச்சனையே.  

விஷ்ணு: சார் கார்த்திக் டங் ட்விஸ்ட்டர் ( tongue twister ) எல்லாம் சூப்பரா சொல்வான் கேளுங்க.

அறிவொளி: அப்படியா எங்க சொல்லு பார்க்கலாம் கார்த்திக். 

(வெட்கம் கலந்த புன்னகையுடன்  கார்த்திக் மடமடவென சொல்ல ஆரம்பித்தான்.)

1. She sells sea shells on the sea shore.

2. Betty bought some butter,

    The butter was so bitter,

    So Betty bought some better butter,

    to make the bitter butter better.

3.  Road roller lorry

4.  யார் தைத்த சட்டை,

     இது எங்க தாத்தா தைத்த சட்டை.

5.  ஏழைச்  சிறுவன் வாழைப்  பழத் தோலால் வழுக்கி விழுந்தான்.

 

(சிறிதும் தடுமாற்றமின்றி தெளிவான உச்சரிப்புடன் கார்த்திக் சொல்லும் அழகில் பிரமித்து மற்ற மூவரும் கைகளைத் தட்டிப்  பாராட்டினர்.

அறிவொளி: வெரி குட் கார்த்திக், எல்லோராலும் செய்ய முடியாததை நீ எவ்வளவு சுலபமா செய்ற பார்த்தியா! நீ முயற்சி  செய்தா உன்னால முடியாத அல்லது உனக்கு பிடிக்காத பாடத்தை, வேலையை , ஆட்களையெல்லாம் கூட உனக்குப் பிடிச்சதா மாத்திக்க முடியும்.

கார்த்திக்: அப்படியா அது எப்படின்னு சொல்லுங்க சார்.

(கார்த்திக், விஷ்ணு, சந்தோஷ் மூவருக்கும் நான்கு வெள்ளை தாள்களும் பேனாவும் கொடுத்து கண்களை மூடி தியானிக்க சொன்னார் அறிவொளி.)

அறிவொளி: உங்களுக்கு பிடிக்காத (செயல்கள், நபர்கள், சம்பவங்கள், பொருட்கள், நம்பிக்கைகள் பிறர் மீது கொண்ட எண்ணங்கள் )பத்து விஷயங்களை உங்கள் கையில் இருக்கும் முதல் பேப்பரில் எழுதுங்க.

இப்ப எழுதினத்துக்கு நேர் எதிரான உங்களுக்கு பிடித்த பத்து விஷயங்களை இரண்டாவது பேப்பரில் எழுதுங்க.

இப்ப மூன்றாவது பேப்பரை எடுத்து முதல் பேப்பரில் எழுதப்பட்ட ஒவ்வொன்றையும் எப்படி மாத்தினா அது உங்களுக்குப்  பிடிச்சதா மாறும்னு எழுதுங்க. 

இப்ப முதல் பேப்பரை கிழிச்சுப்  போட்டுருங்க. கிழிக்கும் சமயத்தில் அந்த பத்து எதிர் மறையான விஷயங்களும் உங்களை விட்டுப் போனதாகவும் அதே நேரம் உங்களுக்குப்  பிடிக்காததையெல்லாம் பிடிச்சதாக்கும் புதிய பாதையில் நீங்கள் பயணிப்பதாகவும் கற்பனை செய்துக்கணும்.

மூன்றாவது பேப்பரில் எழுதி இருப்பதில் மாற்றுவதற்கு மிக எளிதான ஒரு செயலை முதலில் தேர்ந்தெடுத்து அதை நான்காவது பேப்பரில் எழுதுங்க.

கண்களை மூடி உங்க வாழ்க்கையில் எந்த இடத்தை ரொம்ப அதிகமா விருப்புவீங்களோ அங்கு நீங்க இருப்பதா கற்பனை செய்துக்கோங்க. நீங்க தேர்தெடுத்த அந்த பிடிக்காத காரியம் பிடிச்சதா மாற என்னென்ன மாற்றங்கள் தேவையோ அதெல்லாம் இப்ப உங்களுக்குள்ளே நடந்துக்கிட்டிருப்பதாக உங்க ஆழ்மனதுக்கு கட்டளையை அனுப்புங்க. இந்த கட்டளை உங்க உடலில் ஒவ்வொரு செல்லிலும் பாய்ந்து பரவுவதாக உணருங்கள். முழுமையான மாற்றம் உங்களுக்குள் ஏற்பட்டு விட்டதாக நீங்கள் உணரும் வரை இந்த கட்டளையை திரும்பத்திரும்ப சொல்லிக்கொண்டே இருங்கள். 

(அப்படியே அமைதியான சூழலில் ஓரிரு நிமிடங்கள் அவர்களை தியானித்திருக்க செய்து விட்டு பின் மூன்று முறை உள்ளங்கைகளைத் தேய்த்து கண்கள் மீது தேய்த்த பிறகு மெதுவாக கண்களைத் திறக்கச் சொன்னார் அறிவொளி.)

இப்ப எப்படி பீல் பண்றீங்க.

கார்த்திக்: சார் நிஜமாவே ரொம்ப பிரெஷ்ஷா உணர முடியுது. எனக்குள்ளே இருந்த நெகட்டிவான விஷயமெல்லாம் போய்ட்டதாகவும் என் உடம்புக்குள்ளே ஏதோ மாற்றம் வந்த மாதிரியும் தோணுது சார்.

விஷ்ணு: சார் எனக்கு எங்க பாட்டி வீட்டுக்குப்  போறது   ரொம்ப பிடிக்கும். நீங்க பிடிச்ச இடத்தில இருக்கிறதா நினச்சிக்க சொன்னப்ப நிஜமாவே எங்க பாட்டி வீட்டு தோட்டத்துல உட்கார்த்திருந்த மாதிரியே இருந்துச்சு சார். இதே மாதிரி நமக்கு பிடிக்காத விஷயங்கள் பிடிச்சதா மாறிடுச்சின்னு நாம நினைக்க நினைக்க அது நிஜமாவே மாறிடும், அப்படித் தானே சார்.

அறிவொளி: ஆமா விஷ்ணு இதே மாதிரி நீ எழுதின மற்ற பிடிக்காத விஷயங்களும் பிடிச்சதா  மாறும் வரைக்கும் தினமும் இந்த பயிற்சியை தொடர்ந்து  செய்யணும் சரியா.

கார்த்திக்: நிச்சயம் செய்றோம் சார். 

சந்தோஷ்: நமக்குள்ளே மாற்றங்கள் தொடர்ந்து ஏற்படும் போது நம்மைச்  சுற்றி உள்ள உலகம் எவ்வளவு உன்னதமானதுன்னு உணர முடியுது. இந்த நல்ல அனுபவத்தைக் கொடுத்ததுக்கு ரொம்ப நன்றி சார்.

அறிவொளி: இதுக்கே நன்றி சொல்லி முடுச்சுடாதீங்க சந்தோஷ் இன்னும் நிறைய இருக்கே !

[‘மனிதன் கருவிகளை உபயோகப்படுத்தும் ஒரு மிருகம் அவனது முக்கிய கருவி மொழி இக்கருவி மூலம் மனிதனின் வாழ்க்கையையே மாற்றி அமைக்க முடியும். மனிதன் மொழியை உருவாக்கினான்.மொழி மனிதனை ஒரு முழுமையான மனிதனாக்குகிறது’ - லேயர்ட்  ]

தொடரும்... 

பிரியசகி 

priyasahi20673@gmail.com

]]>
Priyasaki, கண்டேன் புதையலை http://images.dinamani.com/uploads/user/imagelibrary/2017/3/5/w600X390/438354.jpg http://www.dinamani.com/health/health-serials/kandaen-pudhaiyalai/2017/mar/05/புதைய-2660563.html
2652372 தொடர்கள் கண்டேன் புதையலை கண்டேன் புதையலை 17 பிரியசகி DIN Sunday, February 19, 2017 06:29 PM +0530 முயற்சியே  முன்னேற்றத்தின் முதற்படி !

(நம் முன்னோர்கள் சாமி கும்பிடும்போது கூட புலன்கள் பயிற்சி பெறும் வகையில் தான் பல விதமான பழக்க வழக்கங்களை ஏற்படுத்தி வைத்திருந்தார்கள் என்று கூறிய தன்னை  வியப்புடன் நோக்கிய விஷ்ணுவுக்கு அது பற்றிய விளக்கமளித்தார் அறிவொளி.) 

அறிவொளி:  விஷ்ணு,  கோயிலுக்கு போகும் போது செருப்பை வாசல்லையே கழட்டிட்டுதான் உள்ளே  போறோம். அந்தக் கருங்கல் தரையில் வெறுங்காலோட நடக்கும் போது உள்ளங்காலில் கிடைக்கும் அழுத்தத்தினால் உடலில் ரத்தவோட்டம் சீரடைகிறது. இனிய பாடல்களையும் மந்திரங்களையும் காதால் கேட்கிறோம். பூமாலையின் மணத்தினை மூக்கால் நுகர்கிறோம். கர்பக்கிரகத்தில் கடவுளைக் காண்கிறோம். கற்பூர தீபாராதனையை கையால் தொட்டு கண்ணில் ஒற்றிக்  கொள்கிறோம். துளசித் தீர்த்ததையும் பிரசாதத்தையும்  சுவைக்கிறோம். இப்படி ஐம்புலன்களும் அங்கே முழுமையா விழிப்போடு  இருந்து, மனம் ஒன்றி தியானிக்கையில் நாம நினைச்சது பலிக்குது.

சந்தோஷ்: உண்மைதான் சார். நம்ம பெரியவங்க எதை செய்தாலும் அதுக்கு அறிவியல் பூர்வமான விளக்கம் இருக்கும். சும்மா சொன்னா கேக்காத மக்கள் சாமி பேரைச்  சொல்லிட்டா கேள்வி கேட்காம பின்பற்றுவாங்க இல்லையா?

அறிவொளி:  இந்தப் பயிற்சிகளை இன்னும் விரிவுபடுத்தி பார்த்தல்,சுவைத்தல், கேட்டல், நுகர்தல், உணர்தல் என எல்லாப் புலன்களையும் ஒரே நேரத்தில் பயிற்றுவிக்க முடியும். உதாரணமா ஒரு கல்யாண வீட்டுக்குப்  போகும் போது பலரையும் பார்க்கிறோம்., மேள, நாதஸ்வர இசையைக் கேட்கிறோம். தோரணங்கள் மற்றும் மாலையில் உள்ள பூக்களின் மணத்தை நுகர்கிறோம். ஹோம குண்டப் புகையையும் அதன் வெப்பத்தையும் உணர்கிறோம். சாப்பாட்டை ருசித்து சாப்பிடுறோம். இந்தச் சூழலில் பந்தியில் சாப்பிடும் போதே சுற்றிலும் யார்யார் இருக்கிறார்கள் எனப் பார்த்துக் கொண்டே இசையை ரசித்தவாறே உணவில் என்னென்ன வித்தியாசமான வாசனைகள் உள்ளன என நுகர்ந்து பார்க்கணும். சில வினாடிகள் நிறுத்திவிட்டு வாசனையை நுகர்ந்த சமயத்தில் என்னென்ன சத்தங்களை கவனிக்காமல் விட்டீர்கள் என கூர்ந்து கவனிக்கணும். பிறகு சத்தத்தை கவனித்தபோது நம்மைச் சுற்றியிருப்பவர்களில் யாரைக் கவனிக்காம விட்டிங்கன்னு பாருங்க. இந்தப் பார்த்தல், கேட்டல், நுகர்தல், நடந்த போது கவனிக்காம விட்ட உணவின் சுவையையும் ,அறையின் வெப்பநிலையையும் இப்போ கவனிக்கணும். பிறகு ஐந்து புலன்களின் வேலையையும் ஒருசேர செய்து பார்த்து அதில் திருப்தி கிடைக்கும் வரை இதைத் தொடர்ந்து செய்யலாம்.

கார்த்திக்: ஒரு நேரத்துல ஒரு வேலைய செய்றதே கஷ்டமாயிருக்கு எல்லாத்தையும் ஒரே நேரத்துல செய்யச் சொல்றிங்களே சார்!

அறிவொளி: இதெல்லாமே நாம எப்பவும் செய்துக்கிட்டுத் தான் இருக்கோம் கார்த்திக். ஆனா அதை விழிப்புணர்வோட செய்யணும்னுதான் சொல்றோம். உயிரோட இருக்கவங்க எல்லோருமே முச்சு விட்டுக்கிட்டுதான் இருக்கோம். ஆனா தியானம் பழகும் போது மூச்சை கவனிக்கச் சொல்வாங்க அப்படி விழிப்புணர்வோட செய்யும் செயல்களுக்குப் பலன் நிறைய உண்டு.  மனம் உன் கட்டுப்பாட்டில் வரும். மனக்கட்டுப்பாடு உள்ளவர்கள் எதையும் சாதிக்க முடியும். நீ இதுக்கே புலம்புறியே, புலன்களுக்குத் தொடர்பில்லாத செயல்களிலும் நாம் பயிற்சி பெற முடியும்னு நேத்து ஒரு புத்தகத்தில் படிச்சேன். 

விஷ்ணு:  புலன்களுக்குத் தொடர்பில்லாத விஷயங்களில் பயிற்சியா? அது எப்படி சார்?

அறிவொளி:  இப்ப நீ  பஸ்ல போய்க்கிட்டிருக்கேன்னு வெச்சுக்க, அதில் பளிச்சுனு டிரஸ் போட்டிருக்க யாரையாவது செலக்ட் பண்ணிக்கோ. அந்த நிறத்தை நல்லா உற்றுப் பார்த்து உள்வாங்கிக்கிட்டு அதைத் தொடுவது போல கற்பனைப் பண்ணிக்கணும். ஒவ்வொரு நிறத்துக்கும் குறிப்பிட்ட அலைநீளம் உண்டு. அதை உட்கிரகித்து அந்த குறிப்பிட்ட நிறத்துக்கான ஒலிஅலைகளைக் கேட்க முயற்சிக்கணும். கேட்டபின் அந்நிறத்தை நுகர்ந்து, சுவைக்கணும். இதுபோல் புலன்களுக்குத் தொடர்பில்லாத செயல்களில் பயிற்சி கொடுப்பதால் ஐம்புலன்களின் சக்தி பலமடங்கு அதிகமாகும். 

கார்த்திக்;  சார் எனக்கு கண்ணாலப் பார்த்தே  கலரை ஒழுங்கா சொல்லத் தெரியாது. நீங்க என்னடான்னா நிறத்தைக் கேக்கணும், நுகரணும் , சுவைக்கணும்னு எல்லாம் சொல்றீங்க. இதெல்லாம் நடக்குற விஷயமா சார்?

சந்தோஷ்:  மேலோட்டமா பாத்தா அப்படித்தான் தோணும் கார்த்திக். இன்டர்நெட்டில் நான்கூட நடுமூளையைத் தூண்டும் பயிற்சிகள் பத்திய தகவல்களையும் சில வீடியோக்களையும் பார்த்து ஆச்சர்யப்பட்டுப் போனேன். இந்தப்  பயிற்சிகளால் ஒருவரின் உட்கிரகிக்கும் திறன், படைப்பாற்றல், நினைவாற்றல், செயலாற்றும்  திறன் தன்னபிக்கை எல்லாமே அதிகரிக்கும். இதெற்கென நிறைய பயிற்சி மையங்கள் உண்டு. அவற்றில் பயிற்சி பெறும் பிள்ளைகள் கண்கள்  கட்டப்பட்டிருக்கும் போதே எதிரில் காட்டப்படும் பலூனின் நிறம் என்று சரியா சொல்லறாங்க. அட்டையில் காட்டப்படும் வாக்கியம் என்ன என்று படிக்காமலே சொல்வதைப்பார்த்து எனக்கே ரொம்ப ஆச்சர்யமாயிருந்தது. முயற்சியும், பயிற்சியும்  இருந்தா எல்லாம் சாத்தியமே என்பதற்கு இதெல்லாம் எடுத்துக்காட்டுகள் .

இதையெல்லாம் விட இன்னுமொரு விஷயம்  சொன்னா  உனக்கு ரொம்ப நல்லா புரியும். கண் பார்வை இல்லாத மாற்றுத்  திறனாளிகள்  ரூபாய் நோட்டை தொட்டுப் பார்த்து அதன் மதிப்பு என்னன்னு சரியா சொல்லிடுவாங்க. இங்க கண் செய்ய வேண்டிய வேலைய தொடு உணர்வு மூலமா  செய்றாங்க. மத்தவங்களோட காலடி சத்தத்தை கேட்டு, வர்றது  யாருன்னு சரியா சொல்லிடுவாங்க. கண் சொல்ல வேண்டிய வேலைய இங்க காது செய்யுதில்ல! ஏன், தசாவதானிகள் ஒரே நேரத்தில ஒன்பது விதமான வேலைகளை சரியா நினைவில் வைத்து செய்றாங்களே!  ரொம்ப சிம்பிளா சொல்லனும்னா எங்க சித்தி குழம்பு  கொதிக்கும் வாசனையை வைத்தே குழம்புல உப்பு,காரம் சரியா இருக்கான்னு சொல்லிடுவாங்க. 

கார்த்திக்: ஆமா சார் எங்க அம்மா கூட கறி,மீன் சாப்பிடமாட்டாங்க. ஆனா எங்களுக்காக ரொம்ப ருசியா சமைச்சு குடுப்பாங்க. எப்படிம்மா சாப்பிட்டுப் பாக்காமலே  இவ்வளவு டேஸ்ட்டா சமைக்குறீங்கன்னு கேட்டா குழம்பு கொதிக்கிற வாசனையை வைத்தே என்னால உப்பு, புளி, காரம் எல்லாம் கண்டுபிடிக்க முடியும்னு சொல்லுவாங்க. 

அறிவொளி: பார்த்தியா ருசி அறிவது நாக்கோட வேலை. ஆனா மூக்கால வாசனையை முகர்ந்தே நாக்கு செய்ய வேண்டிய வேலையை செய்யும் போது கண்ணாலே கேட்பதும், சுவைப்பதும், நுகர்வதும், உணர்வதும் கூட சாத்தியம்தானே! இதே போல நம் உள்ளுணர்வையும் கூட பயிற்றுவிக்க முடியும்.

சந்தோஷ்: அது எப்படி சார்?

அறிவொளி: அமைதியா ஒரு இடத்திலே உட்கார்ந்து கண்களை மூடி நம் புலன்களைப் புறஉலகை விட்டு உள்மனம் நோக்கி திருப்ப வேண்டும். உள்ளுக்குள் ஒவ்வொரு செல்லாக பாய்ந்து வரும் விழிப்புணர்வின் சீரான ஓசையைக் கேட்கவேண்டும். கேட்க ஆரம்பித்ததும் நம் கற்பனையான ரிமோட்டின் ஓசையை அதிகரிக்கும் பட்டனை அழுத்தி ஓசையை அதிகரித்து தெளிவாக கேட்கணும். பிறகு படிப்படியாக குறைத்து பழைய நிலைக்கு வரணும். இந்த உள்ளுணர்வின் ஒலியும், அதிர்வுகளும் பயிற்சி மூலம் நமக்கு பழகப் பழக எந்த செயலையும் செய்ய தொடங்கும் போதே அது நல்லதா கெட்டதா, அதன் விளைவுகள் என்னவென்று நம் உள்ளுணரவு எச்சரிப்பதை நம்மால் தெளிவாக உணர முடியும். 

கார்த்திக்: சார் இதெல்லாம் நடைமுறைக்கு சாத்தியமா?

அறிவொளி: இதெல்லாம் சாத்தியமான்னு கேட்டுக்கிட்டே இருந்திருந்தால் மனிதன் குரங்காகவே தான் இருந்திருப்பான். முக்காலத்தையும் உணரும் முனிவர்கள் பற்றியும் , கூடு விட்டு கூடு பாய்ந்த ஆதிசங்கரர் பத்தியும் நாம் படிச்சிருக்கோமே! பல அற்புத வித்தைகள் செய்யக்கூடிய  சித்தர்கள் மந்திரவாதிகள் பத்தியெல்லாம் கேள்விப்பட்டிருக்கோமே!. எந்த விஷயமா இருந்தாலும் அதைக் கத்துக்க ஆர்வமும், என்னால் முடியும்  என்ற நம்பிக்கையும்  ரொம்ப முக்கியம். அதை செய்து முடிக்க முயற்சியும் பயிற்சியும் ரொம்ப ரொம்ப  முக்கியம். இதையெல்லாம் இன்னைக்கே நீ செய்தாகணும்னு நான்  சொல்லல. இதெல்லாம் கூட உலகத்துல சாத்தியம்னு தான் சொன்னேன். இனி நான் சொல்லப்போகும் சின்னசின்ன விஷயங்கள் உங்களுக்கு சுலபமாத்தான் இருக்கும். அதெல்லாம் ரொம்ப அவசியமான முக்கியமான பயிற்சிகளும் கூட.

கார்த்திக்: அப்படியா ! அது எதைப்பற்றிய பயிற்சி சார்?

(அறிவொளி என்ன பயிற்சி பற்றி  சொல்லியிருப்பார் எனத் தெரிந்து கொள்ள நாமும் காத்திருப்போம்.)

தொடரும்

பிரியசகி 

 priyasahi20673@gmail.com.

 

]]>
Priya saki, கண்டேன் புதையலை, பிரியசகி, Meditation http://images.dinamani.com/uploads/user/imagelibrary/2017/2/19/w600X390/meditation-8.jpg http://www.dinamani.com/health/health-serials/kandaen-pudhaiyalai/2017/feb/19/கண்டேன்-புதையலை-17-2652372.html
2647781 தொடர்கள் கண்டேன் புதையலை புதையல் 16 பிரியசகி DIN Saturday, February 11, 2017 07:25 PM +0530 புலன்களைப் பயிற்றுவித்து  புவனத்தை ஆள்!

(அறிவொளியின் ஊக்கமூட்டும் வார்த்தைகளால் உற்சாகம் அடைந்த கார்த்திக் மற்றும் விஷ்ணுவுடன் ஆசிரியர் சந்தோஷும் சேர்ந்துகொண்டார்.)

அறிவொளி : வாங்க சந்தோஷ், நீங்க என் வீட்டுக்கு வந்தது ரொம்ப சந்தோஷம்.

சந்தோஷ் :  இந்தப்  பக்கம் கடைக்கு வந்தேன், நீங்க புதுசா குடிவந்திருக்கீங்க. ஏதாவது உதவி தேவையான்னு பார்த்துட்டு போலாம்ன்னு வந்தேன் சார்.

அறிவொளி : ரொம்ப நன்றி சந்தோஷ். குறைவான சுமைகள் சுகமான பயணத்துக்கு அவசியம்னு சொல்லுவாங்க வாழ்க்கையும் ஒரு பயணம்தானே. என்னோட தேவைகள் ரொம்பக் குறைவு. ஏதாவது வேணும்னா நான் கண்டிப்பா உங்ககிட்ட  சொல்றேன்.

சந்தோஷ் : நல்லதுங்க. இவங்க ரெண்டு பேரும் இங்க என்ன செய்துக்கிட்டுருக்காங்க? கார்த்திக் முகத்துல இவ்வளவு சந்தோஷத்தை நான் இன்னைக்கு தான் பார்க்கறேன்.

கார்த்திக் : பொதுவா பசங்க சந்தோஷப்படுற மாதிரி டீச்சர்ஸ் எதுவும் சொல்றதில்லை. குறைதான் சொல்வாங்க. ஆனா சார் நாங்க வாழ்க்கையில ரொம்ப பெரிய ஆளா வருவோம்னு சொல்லியிருக்கார். எங்களுக்கும் இப்ப அதில் நம்பிக்கை வந்துடுச்சு. அப்புறம் சந்தோஷமாதானே இருப்போம்.

சந்தோஷ் : உண்மைதான் கார்த்திக், சாரோட கொஞ்ச நேரம் பேசினாலே அவரோட உற்சாகம் கூட இருக்கவங்களுக்கு ஒட்டிக்கிட்டு அவங்களும் மகிழ்ச்சியாகிடுவாங்க.

விஷ்ணு :  ஆமா சார், யாராவது அட்வைஸ் செய்தா எனக்கு ரொம்ப கோவம்தான் வரும். ஆனா சார் நிறைய பேருடைய வாழ்க்கைய உதாரணமா காட்டியதால, அவங்களால சாதிக்க முடிஞ்சப்ப எங்களாலயும் முடியும்னு நம்பிக்கை வந்துடுச்சு.

கார்த்திக் :  சார், நான் நல்லா படிக்க என்ன செய்யணும்ன்னு சொல்லுங்க சார்.

அறிவொளி : கார்த்திக், நமக்கு எல்லா தகவலுக்கும் ஐம்புலன்கள் மூலம்தான் கிடைக்குது. உன் புலன்களை விழிப்பு நிலையில் வைக்கக் கத்துக்கிட்டா படிப்புல மட்டுமில்ல வாழ்க்கையிலும் ஜெயிச்சிடலாம் கார்த்திக்.

விஷ்ணு : புலன்கள்னு நீங்க சொல்றது கண், காது, மூக்கு, நாக்கு, தோல் தானே சார்.

அறிவொளி: ஆமா  விஷ்ணு.

விஷ்ணு : இதையெல்லாம் விழிப்பு நிலையில் வைக்க என்ன பண்ணனும்? பயிற்சி எதாவது இருக்கா சார் ?

அறிவொளி : ம்.. இருக்கு. சரி இந்த ரூம்ல என்னென்ன உன்னால உணர முடியுதுன்னு சொல்லு.

விஷ்ணு : இங்கே  நம்ம நாலு பேர் இருக்கோம். சோபா, சேர் டேபிள்ன்னு சில பொருட்கள்   இருக்கு.

அறிவொளி : பாத்தியா நான் உன்னால என்ன உணர முடியுதுன்னு கேட்டேன். நீ கண்ணால பார்த்ததை மட்டும் சொன்ன. சரி இப்ப என்னென்ன சத்தம் கேக்குதுன்னு உன்னிப்பா கேட்டு சொல்லு.

(விஷ்ணு கண்களை மூடிக் கொண்டு உற்று கவனித்து பின் பதில் கூறினான்.) 

நீங்க பேசுறது கேக்குது, அப்பறம் சமயலறையில் குக்கர் சத்தம் கேக்குது.  

அறிவொளி : டிவியில ரிமோட்ல ஒரு பட்டனை அமுக்கினா சத்தம் அதிகமாகும் இல்லையா, அதே மாதிரி உன் கேட்கும் சக்தியை அதிகமாக்க உன்கிட்ட ஒரு ரிமோட் இருக்கற மாதிரி கற்பனை பண்ணிக்க இப்ப அதை அழுத்திகிட்டே வேற என்ன சத்தம் கேக்குதுன்னு பாரு.

விஷ்ணு : வெளிய ஒரு புல்லட் வண்டி போகும் சத்தம் கேக்குது சார்.

அறிவொளி : வெரிகுட், இன்னும் கொஞ்சம் பட்டனை அமுக்கி வேறு சத்தம் கேக்குதானு நல்லா கவனி.

(கண்களை மூடிய நிலையிலேயே உற்று கவனித்த விஷ்ணு பின் பேசலானான்)

ஆமா சார், பேன் ஓடும் சத்தம் கூடக் கேக்குது சார்.

அறிவொளி : பாத்தியா, சாதாரண நிலையில் கேக்காத சத்தங்கள் நீ உற்று கவனிக்கும் போது கேட்குது இல்லையா?

விஷ்ணு : அட ஆமா சார். எனக்கே ஆச்சர்யமா இருக்கு.

சந்தோஷ் :  சார், நான் என் பிள்ளைகளோட கேட்கும் திறனை அதிகப்படுத்த ஒரு விளையாட்டு விளையாடுவேன். சிறு டப்பாக்களில் கடுகு, உளுந்து, கடலைப்பருப்பு, மொச்சை போன்றவற்றைத் தனித்தனியாக எடுத்துக்கொண்டு காதுக்கு  பக்கத்தில் ஆட்டி எது எப்படி சத்தம் கேட்குது என கவனிக்கச்  சொல்வேன். பிறகு கண்களை மூடிக் கொண்டு டப்பாவை ஆட்டும் போது வரும் சத்தத்தை வைத்து அதில் என்ன பொருள் இருக்குது என சரியா கண்டு பிடிக்கணும். இது விளையாட்டாக இருப்பதால் பிள்ளைங்க ஆர்வமாகவும் விளையாடுவாங்க, அதே சமயம் கூர்ந்து கவனிக்கும் திறனும் அதிகமாகும்.

அறிவொளி : கார்த்திக் நீ இதே மாதிரி உன் நுகரும் சக்தியை அதிகரிக்க என்னென்ன வாசனை இங்க உன்னால உணரமுடியுதுன்னு பாரு.

கார்த்திக் : இந்த ரூம்ல ஊதுபத்தி வாசனை வருது சார்.

அறிவொளி :  சரி, புலன்களுக்கான உன் ரிமோட்டில் நுகரும் சக்தியை அதிகரிக்கும் பட்டனை அமுக்குவதா கற்பனை பண்ணிக்கிட்டு வேறென்ன வாசனை வருதுன்னு பாரு.

கார்த்திக் : (நெற்றியை சுருக்கி, உற்று கவனித்தபடி...)

உங்க வீட்ல இன்னைக்கு வெங்காய சாம்பாரா சார்? சூப்பரா வாசனை வருது!

அறிவொளி : வெரிகுட், வேற ஏதாவது வாசனை வருதா?

கார்த்திக் :  ம் ... அப்புறம் .... ம் ... ஏதோ சென்ட் `வாசனை வருது.

விஷ்ணு :  டேய், சூப்பர்டா. நேத்து எங்க மாமா ஊர்லேருந்து வாங்கிட்டு  வந்த சென்ட்டை லேசா போட்டேன். எங்கம்மாவுக்குத் தெரிஞ்சா திட்டப்  போறாங்கன்னு ரொம்ப கொஞ்சமாத்தான் போட்டேன். நீ கண்டு புடிச்சிட்டியேடா!

அறிவொளி : இதே மாதிரி ருசி அறியும் சக்தி, தொடு உணர்வு இதையும் அதிகரிக்க பயிற்சி இருக்கு.

விஷ்ணு :  டேஸ்டு ஈஸியா கண்டுபிடிச்சிடலாம்..தொடு உணர்வை  எப்படி சார் அதிகப்படுத்துறது.

அறிவொளி : இதை விளையாட்டாவே செய்யலாம். உன்னோட புறங்கையில்  என் ஆட்காட்டி விரல் நடுவிரலால் தடவிக்கொண்டே என் பெயரை சொல்வேன். மூன்று முறை இப்படி செய்வேன். என் தொடுதல் எப்படி இருக்கு என நீ கவனிக்கணும். அதேமாதிரி கார்த்திக்கும், சந்தோஷ் சாரும் ஒவ்வொருத்தரா அவங்க பேரை  சொல்லிக்கொண்டே மூன்று முறை உன் புறங்கையில் தடவுவாங்க. ஒவ்வொருவரின் தொடுதலுக்கும் உள்ள வித்தியாசத்தை நீ கவனமா உள் வாங்கிக்கனும். பிறகு கண்ணை மூடிக்கணும். எங்கப் பெயரை சொல்லாம நாங்க அதே மாதிரி உன் கையில் தடவும் போது யார் உன்னைத் தொடுறாங்கன்னு சரியா கண்டு பிடிச்சிட்டா நீ வெற்றி பெற்றதா அர்த்தம் ஓகேவா ?

விஷ்ணு : ஓகே சார்,நான் ரெடி.

(விளையாட்டை ஆரம்பிக்க, முதலில் ரெண்டு மூன்று முறை தவறாக சொல்லிய விஷ்ணு பிறகு கூர்ந்து கவனித்து சரியாக சொல்ல ஆரம்பித்தான். பிறகு கார்த்திக், சந்தோஷ், அறிவொளி என ஒவ்வொருவராக முறைமாற்றி  விளையாடவே ஒரே கலகலப்பாக இருந்தது. அதே சமயம் தொடு உணர்வுப்பயிற்சியும் நடந்தது.)

கார்த்திக் : ரொம்ப நல்லாயிருக்கு சார் இந்த விளையாட்டு.

அறிவொளி : இதே போல கூர்ந்து பார்க்கும் திறனை அதிகரிக்கும் விளையாட்டை விளையாடுவோமா? 

கார்த்திக் : நாங்க ரெடி சார்.

அறிவொளி :  கார்த்திக், விஷ்ணு நான்  1,2,3 சொன்னதும் சிவப்பு நிறத்துல என்னென்னவெல்லாம் கிடைக்குதோ என்கிட்டக் கொண்டு வந்து கொடுக்கணும். ஒரு நிமிஷத்துக்குள்ள யார் அதிகமான பொருட்களைக் கொண்டு வர்றீங்களோ அவங்க தான் ஜெயிச்சவங்க. சரியா?

கார்த்திக் : ஓகே,ரெடி சார்.

(அறிவொளி தன் கைக்கடிகாரத்தில் நேரத்தைப் பார்த்தபடியே ஆட்டத்தைத் துவக்கி வைக்க இருவரும் சிவப்பு நிற பொருட்களை தேடித்தேடி எடுத்து  வந்து அறிவொளியிடம் கொடுத்தனர். ஒரு நிமிட முடிவில் விஷ்ணு ஒன்பது பொருட்களையும், கார்த்திக் மூன்று பொருட்களையும் வைத்திருக்க விஷ்ணு வெற்றிபெற்றான்.

அறிவொளி : சந்தோஷ் நீங்க தான் பார்வையாளரா இருந்தீங்க. நீங்க  சொல்லுங்க, விஷ்ணு அதிகமான பொருட்களும் கார்த்திக் குறைவான பொருட்களும் சேகரித்ததற்கு என்ன காரணம்?

சந்தோஷ் : நீங்க விளையாட்டைப் பற்றி விளக்கும் போதே விஷ்ணு உஷாராகி அறையைச் சுற்றிலும் என்னென்ன சிவப்பு நிறப் பொருட்கள் இருக்குன்னு பார்க்க ஆரம்பிச்சுட்டான். விளையாட்டைத்  தொடங்கியதுமே அவன் பதற்றமில்லாமே ஓடி ஒவ்வொன்னா எடுத்து வந்தான். கார்த்திக் அதைச் செய்யாம விளையாட்டு தொடங்கின பிறகு பதற்றமா அங்குமிங்கும் ஓடி பொருட்களைத் தேடி நேரத்தை வீணாக்கினான். அதனால அவனால குறைவான பொருட்களைத் தான் எடுக்கமுடிஞ்சது.

அறிவொளி : ரொம்ப சரியா சொன்னீங்க சந்தோஷ். எந்த ஒரு விஷயத்தையும் ஆரம்பிக்கிறதுக்கு முன்னாடி நாம என்ன செய்யப் போறோம் என்பதில் தெளிவா இருந்தா பதற்றமில்லாம ஆரம்பிக்கலாம். பதறாத காரியம் சிதறாது. எந்த செயலையும் சிறப்பா செய்ய கூர்ந்து பார்க்கும் திறன் ரொம்ப முக்கியம். திருடறவங்களுக்குக் கூட  பால பாடமே புலன்களை கூர்மையா வச்சுக்கணும்கறதுதான். ஒரு வீட்டுக்கு திருடப் போனா எந்த பொருள் எங்க இருக்குன்னு கூர்ந்து  பார்க்கணும். சின்ன சத்தத்தையும்  உன்னிப்பா கேட்கணும். இல்லைன்னா மாட்டிக்கிட்டு உதை வாங்கறது நிச்சயம். 

(எல்லோரும் சிரித்தபடியே அறிவொளியின் பேச்சை ரசித்தனர்.)

சந்தோஷ் : சார் இதே மாதிரி இன்னொரு விளையாட்டு சொல்லட்டா?

அறிவொளி : தாராளமா சொல்லுங்க சந்தோஷ்.

சந்தோஷ் : கார்த்திக் நீ என் தலை முதல் கால் வரை நல்லா பார்த்துக்கோ. பிறகு நீ கண்ணை முடிக்கணும். நான் என் உடையிலோ இல்லை என்கிட்ட இருக்கும் பொருட்களின் இடத்திலோ எதாவது மாற்றம் செய்வேன். நான் என்ன மாற்றம் செய்து இருக்கேன்னு நீ கண்டுபிடிக்கணும். சரியா?

கார்த்திக் : சரி சார்.

(கார்த்திக் சந்தோஷை உற்று நோக்கியபின் கண்களை மூடிக் கொள்ள, சந்தோஷ் தன்  தலைமுடியை கலைத்து விட்டார். சட்டையின் மடக்கி இருந்த கையை நீட்டி விட்டார். இடக்கையிலிருந்த கடிகாரத்தை வலக்கைக்கு மாற்றினார். நேராக உட்கார்ந்திருந்தவர் சற்று திரும்பி கால் மீது கால் போட்ட படி அமர்ந்தார்.)

சந்தோஷ் :  கார்த்திக் கண்ணைத்  திறந்து என்னிடம் என்னென்ன மாற்றம் இருக்குன்னு சொல்லு பார்க்கலாம். 

(கார்த்திக் அவரைத் தலை முதல் கால் வரை உற்று கவனித்தான்.)

கார்த்திக் : சார் முதல்ல நேரா உட்கார்ந்திருந்தீங்க. இப்ப திரும்பி கால் மேல கால் போட்டிருக்கீங்க. தலை கலைஞ்சிருக்கு. அப்புறம் ... சட்டை கை முதல்ல மடிச்சு இருந்துச்சு. ( திரும்பவும் தலை முதல் கால் வரை பார்த்தான். அதற்குள் ஒரு நிமிடம் முடிந்து விட்டதாக அறிவொளி அறிவிக்க...)

அவ்வளவுதான் சார் வேற எதுவும் மாற்றம் இல்லை.

சந்தோஷ் : எல்லாம் சரியா சொல்லிட்ட  கார்த்திக். ஒன்றை  மட்டும் விட்டுட்ட.  கடிகாரத்தை இடக் கையிலிருந்து வலக்கைக்கு மாத்தியிருக்கேன்.

கார்த்திக் : அடடா,  அதை மட்டும் கவனிக்காம விட்டுட்டேனே! 

அறிவொளி : ஒண்ணும் பிரச்னை இல்லை கார்த்திக். இது  விளையாட்டுதானே. இதே மாதிரி அடிக்கடி  விளையாட நம் புலன்களெல்லாம் கூர்மையாகும். நாளடைவில் ஒருவரை  நாம் சந்திக்கும் போது அந்த நபரைப் பற்றிய அத்தனைத்  தகவல்களும் நம் புலன்கள் வழியாக நம் மூளைக்குள் பதிவாகிவிடும்.  நம் முன்னோர்கள் விளையாட்டு முதல் சாமி கும்பிடுவதுவரை எல்லாவற்றிலும்  புலன்களுக்குப்  பயிற்சி கொடுப்பது போலத்தான் உருவாக்கி வச்சிருக்காங்க. நாம அதையெல்லாம் மறந்து போனதாலத்தான் இப்ப கஷ்டப்படுறோம்.

விஷ்ணு : விளையாட்டு சரி, சாமி கும்பிடும்போது எப்படி சார்  புலன்களுக்குப்  பயிற்சி தர முடியும்.

அறிவொளி : சொல்றேம்பா ...

(என்ன சொல்லி இருப்பார்...?  அடுத்த வாரம் வரை காத்திருப்போம்…

தொடரும்

பிரியசகி

priyasahi20673@gmail.com

]]>
கண்டேன் புதையலை, பிரியசகி, Kanden Puthaiyalai http://images.dinamani.com/uploads/user/imagelibrary/2017/2/11/w600X390/IMG_0995.jpg http://www.dinamani.com/health/health-serials/kandaen-pudhaiyalai/2017/feb/11/புதையல்-16-2647781.html
2640379 தொடர்கள் கண்டேன் புதையலை புதையல் 15 பிரியசகி DIN Monday, January 30, 2017 08:52 AM +0530 எதுவாக நினைக்கிறாயோ அதுவாகவே  மாறிவிடுவாய்!

(படிக்கும்  காலத்தில் பல தோல்விகளைக் கண்டிருந்தாலும் துவண்டு போகாமல் அவற்றைத் தன் வெற்றிக்குப் படிக்கட்டுகளாக மாற்றிக்கொண்டு, தான் கடந்துவந்த  கரடுமுரடானப் பாதைகளைச் செப்பனிட்டுத் தனக்குப் பின் வரும் தலைமுறைக்கான மலர்ப்பாதையாகவும் மாற்றியிருக்கும் திரு.அருண் பெர்னாண்டஸ் பற்றி அறிவொளி சொல்வதை ஆர்வமுடன் கேட்டுக் கொண்டிருந்தனர் கார்த்திக்கும் விஷ்ணுவும்.)  

கார்த்திக் :  ஒரு கல்லூரிப் பேராசிரியரா மட்டும் இருந்தா அவரைப் பத்தி இவ்வளவு அதிகமா சொல்ல மாட்டீங்களே சார்.  சமூகத்துக்குப் பயனுள்ள மாதிரி வேற ஏதாவது செய்துக்கிட்டிருக்காரோ?

அறிவொளி : ஆமா கார்த்திக், நீ சொல்றது உண்மைதான். படிக்கவே ரொம்பவும் போராடி இடம் வாங்கிய கல்லூரியில் பேராசிரியர் வேலை பார்க்கும் அளவு உயர்ந்த பிறகு, அதே இடத்துல தேங்கிப் போவதை விரும்பாத அருண் அந்த வேலையை ராஜினாமா செய்துவிட்டு இப்ப   'பிளிங்க் ' (blink) என்ற நிறுவனத்தை  சொந்தமா அதே கல்லூரி வளாகத்துக்குள்ள நடத்திக்கிட்டிருக்கார். அதில் கரு முதல் கல்லறை வரைன்னு ஒரு பெரிய திட்டம் வச்சிருக்கார். ஒரு குழந்தை கருவா உருவானதிலிருந்து கடைசி காலம்வரைக்கும் அக்குழந்தை அமைதியான வாழ்க்கை வாழ, மகிழ்ச்சியான  உலகை உருவாக்கத் தேவையான அனைத்து உதவிகளையும் ஏற்படுத்திக் கொடுப்பதே இவரது நிறுவனத்தின் முக்கிய  நோக்கம்.

விஷ்ணு : ஒரு குழந்தை பிறந்தா அதுக்கு  சாப்பாடு போட்டு வளர்க்கிற வேலையை  குழந்தையைப்  பெத்தவங்க  பார்த்துக்கப் போறாங்க. கல்வி, ஒழுக்கமெல்லாம் சொல்லிக் குடுக்குற வேலையை  ஸ்கூல், காலேஜ்ல பார்த்துக்கப் போறாங்க. நல்லாப் படிச்சா தானே வேலை கிடைக்கப் போகுது. இதுல இவர் என்னப் பண்ண போறார்? என்னப் பண்ண முடியும்?

அறிவொளி :   மேலோட்டமா பார்த்தா அப்படித் தான் எல்லோருக்கும் தோணும். ஆனா நீ சொல்றபடி எல்லாம் சரியா நடந்தா நாட்டில் பிரச்சனையே இருக்காதே! இந்திய சுகாதாரத் துறையின் 2015 ஆம் ஆண்டு அறிக்கையின் படி தமிழ்நாட்டில் ஐந்து வயதிற்கு குறைந்த குழந்தைகளில் 23.3% வளர்ச்சி குறைத்தவர்களாகவும் 23,3% பேர் எடை குறைவானவர்களாகவும் இருக்காங்க. சத்துப் பற்றாக்குறை உள்ள பிள்ளைகளோட உடல் வளர்ச்சி, அறிவு வளர்ச்சி எல்லாமே பாதிக்கப்படும். உடல் வளர்ச்சி குறைந்த, எடை குறைந்த பிள்ளைகள் பிற்காலத்தில் கற்றலில் குறைபாடு உள்ளவர்களாக, அதிக எடை கொண்டவர்களாக, இதய நோய், சர்க்கரை நோய் கொண்டவர்களாக மாற அதிக வாய்ப்பு உள்ளதாக சொல்றாங்க. உடலளவு பாதிப்புதான் இப்படி இருக்குன்னு பார்த்தா உளவியல் பாதிப்புகள் உள்ள பிள்ளைங்க நிறைய பேர் இருக்காங்க.

விஷ்ணு :  எதனால உளவியல் பாதிப்புகள் வருது சார்?

அறிவொளி :  பள்ளி, கல்லூரியில் படிக்கும் பிள்ளைகளிடம் நடத்திய ஆய்வுகளில் மூவாயிரம் பேரில் முந்நூற்றைம்பது பேர், 'இந்த உலகத்தில நான் தேவையே இல்லை, என்னை யாருக்குமே பிடிக்கலை',  என்ற விரக்தி மனப்பான்மையோட இருக்காங்களாம்.  

கார்த்திக் :  நானே நிறைய தடவை அப்படித்தான் நினைச்சிருக்கேன் சார். ஒவ்வொரு தடவையும் ரிப்போர்ட் கார்டுல எங்கப்பாகிட்ட கையெழுத்து வாங்கும் போது, 'நீயெல்லாம் எதுக்குடா பூமிக்கு பாரமா இருக்கே, உன்னால ஒரு பிரயோசனமும் இல்லை'னு திட்டும் போது, சே! நாம ஏன் உயிரோட இருக்கணும்னு, செத்து போயிடலாமான்னு தான் தோணும். 

அறிவொளி :  பாத்தியா,  பெத்தவங்களோ இல்லை சுத்தி இருக்கும் மத்தவங்களோ இது போல எதிர்மறையா  சொல்ல சொல்ல ஆழ்மனசுல அவங்களுக்கு தன்னைப் பத்திய சுயமதிப்பு குறைஞ்சு தன்னைத்தானே வெறுக்க ஆரம்பிச்சிடுவாங்க.

விஷ்ணு : நீங்க சொல்ற மூவாயிரம் பேர்ல முந்நூற்றைம்பது பேரும் கார்த்திக் மாதிரி படிக்க கஷ்டப்படுறவங்களா சார்? 

அறிவொளி :  வேற காரணங்களும் இருக்கலாம் விஷ்ணு. ஆண்  குழந்தையை எதிர்பார்த்த குடும்பத்தில்  பெண் குழந்தையா பிறந்திருக்கலாம். குடும்பம் ரொம்ப வறுமையிலோ, அதிக பிரச்சனையிலோ இருக்கும் போதோ, கணவன், மனைவி ஒரு குழந்தைக்குத்  தயாரா இல்லாத போதோ பிறந்த குழந்தையா இருக்கலாம். எனக்குத் தெரிஞ்ச ஒரு குடும்பத்துல கருப்பா இருக்க ஒரே காரணத்துக்காக பெத்த அம்மாவே தன் பொண்ணை வெறுக்குறதை, வார்த்தைகளால் அவ மனசை நோகடிக்குறதை  கண் கூடாப்  பார்த்திருக்கேன். இது போல பல வித காரணங்களுக்காக தவறான வார்த்தைகளைப் பெற்றோர் பயன்படுத்தும் போது அது பிள்ளைகளின் ஆழ்மனதில் பாதிப்புகளை ஏற்படுத்தி அவங்களோட ஆளுமையை பாதிக்கும், நோய்களா கூட மாறிடும். இதுக்காகத்தான் பெற்றோராகப் போகும் தம்பதியினருக்கு குறிப்பா கருவுற்றிருக்கும் தாய்மார்களுக்கு 'பிளிங்க்' மூலமா நிறைய பயிற்சி கொடுக்குறாங்க. சந்தோசமான மனநிலையோட குடும்பத்திற்குள் வரவேற்கப்படும், வளர்க்கப்படும் குழந்தைகளோட வளர்ச்சி முழுமையானதா இருக்கும்.

கார்த்திக் :  அது சரி, பள்ளி, கல்லூரிகளில் தான் பாடம் சார்ந்த பயிற்சிகள், நல்லொழுக்கம் முதற்கொண்டு  பாடம் சாராத எல்லா பயிற்சிகளும் குடுக்குறாங்களே அங்கபோய் இவங்க என்னப்  பண்ணப் போறாங்க?

அறிவொளி :  அப்படித்தான் எல்லோரும் நினைக்குறோம் கார்த்திக். அந்தப்  பயிற்சிகள் போதுமானதா இருந்தா இளைஞர்கள் மத்தியில் ஏன் வன்முறை ரொம்ப அதிகமா இருக்கு? 

விஷ்ணு :  உண்மைதான் சார். பசங்க இப்பல்லாம் வாயால பேசுறதைவிட கையால பேசுறதுதான் அதிகம். எதுக்கெடுத்தாலும் சண்டையில் இறங்கிடுறாங்க. நம்ம கார்த்திக்கே அப்படித்தான் நேத்து ஒரு பையன் கிண்டல் பண்ணான்னு அவனை அடிச்சதுல  மூக்கிலிருந்து இரத்தம் வந்துடுச்சு.

அறிவொளி :   இதுக்காகத்தான் அருண் கல்லூரியில படிக்கும் இளைஞர், இளம்பெண்களுக்குப் பயிற்சி குடுத்து பள்ளிக்கூடங்களுக்கு அனுப்பி நல்லொழுக்கத்தைப் பாடமா நடத்தாம செயல்பாடுகள் (Activities), விளையாட்டுகள் மூலமா கத்துக்குடுக்குறார். அதுமட்டுமில்லாம  உலக நடப்புகள் தொடர்பான மாணவர்களோட  எல்லா சந்தேகங்களுக்கும் தகுந்த துறைசார்ந்த நபர்கள் மூலமா விளக்கம் கொடுக்குறாங்க.

கார்த்திக் : சூப்பர் சார், இதுமாதிரி எல்லாம் இருந்தா பசங்க ஸ்கூலுக்கு ஆர்வமா வருவாங்க. சும்மா எப்பப் பாத்தாலும் படி, படிச்சதை டெஸ்ட் எழுதுன்னு உயிரை எடுக்கறதாலதான்  எப்படா ஸ்கூல் முடியும், எப்படா சனிக்கிழமை வரும்னு பசங்க காத்துக்கிட்டிருக்காங்க. அப்புடியே கஷ்டப்பட்டுப் படிச்சி நல்ல மார்க் வாங்கினாலும் நாட்ல எங்க சார் வேலை கிடைக்குது? பலபேர் விஐபியா தான் சுத்திக்கிட்டிருக்காங்க. ஏன் சார்  நாட்ல வேலைக்கு இவ்ளோ பஞ்சமாயிருக்கு?

அறிவொளி :  வேலைக்கு பஞ்சமில்லை கார்த்திக். வேலை நிறைய இருக்கு. வேலை பார்க்க தேவையான திறன்கள் தான் நம்ம இளைஞர்கள்கிட்ட இல்லை. வெறுமே பாடத்தை மனப்பாடம் பண்ணி மார்க் எடுத்துடுறாங்களே தவிர படிச்சதை எப்படி நடைமுறை வாழ்க்கையில் பயன்படுத்தனும் என்ற அறிவுத்திறன் ரொம்ப கம்மியாத்தான் இருக்கு. இந்தியாவின் மக்கள் தொகையில் 60% பேர் பதினாறிலிருந்து முப்பத்தைந்து வயதுக்குள்ள இருக்கவங்க தான். உலகிலேயே அதிக மனித வளம் நிறைந்த நாடுகள்ல இந்தியாவும் ஒன்னு. முழுமையான பயிற்சி கொடுக்கப்பட்டா, முறையா பயன்படுத்தப்பட்டா 2050 ல் உலகின் தொழில்திறன்  மிக்கவர்களில் 25 % பேரை கொண்ட நாடு என்ற பெருமை இந்தியாவுக்கு கிடைக்கும். ஆனா இன்றைக்கு 3 % பேர் தான் இத்தகைய திறனுடையவர்களா இருக்காங்க. ஏன்னா நம் நாட்டு பள்ளிகளோ, கல்லூரிகளோ இத்தகைய பயிற்சிகளைக் குடுக்குறதில்லை. இங்க இருக்கும் பத்து லட்சம் பொறியியல் பட்டதாரிகளில் நான்கு சதவீதம் பேர் தான் வேலைக்குத் தகுதியானவர்களா இருக்காங்க.

விஷ்ணு :  ஏன் சார் இந்த நிலைமை, இது சரியாக என்ன பண்ணனும் ?

அறிவொளி :  எதையுமே ஆர்வத்தோட,சந்தோஷமான மனநிலைல இருந்தா தான் முழுமையா கத்துக்க முடியும் விஷ்ணு. இங்க இன்ஜினீயரிங் காலேஜ்ல படிக்கறவங்கள்ல 25 %  பேர் தான் விருப்பப்பட்டு அந்தத் துறையில சேர்த்திருக்காங்க, மத்தவங்க விருப்பமில்லாம பெற்றோரோட கட்டாயத்துக்காகவோ, தான் விருப்பப்பட்ட குரூப் கிடைக்காததாலயோ இல்லை தான் விருப்பப்பட்ட கல்லூரியில இந்த குரூப் தான் கிடைச்சிதுன்னோ   முழு ஈடுபாடு இல்லாம படிக்கறதால அரைகுறையான அறிவோடு கல்லூரியை  விட்டு வெளியே வர்றாங்க. இதனால தான் அருண்  பள்ளிக் கல்லூரி மாணவ மாணவியருக்கு மென்திறன் பயிற்சிகள் கொடுத்து வேலைக்குத் தகுதியுள்ளவர்களா மாற்றி அவர்களுக்கு ஆர்வமுள்ள துறையில் வேலை வாய்ப்பும் ஏற்படுத்திக் கொடுக்கிறார்.

பெற்றோருக்குப் பயிற்சியளிப்பது, குழந்தை பிறந்த பிறகு பலவித விளையாட்டுகள் மூலமா அதோட முழுமையான ஆளுமைத்திறன் வெளிப்படத் தேவையான சூழலை உருவாக்குவது, கற்றல் குறைபாடுள்ள பிள்ளைகளுக்குக் குறைதீர் கல்விப் பயிற்சியளித்து பள்ளி நாட்களை சந்தோஷமானதா மாற்றுவது, இயற்கையிலேயே  மாணவர்களிடம் இருக்கும்  திறமைகளைக் கண்டறிந்து அவர்களுக்குத்  தேவையானத்  திறன்களில் பயிற்சியளிப்பது, திறமைக்கேற்ற வேலை வாய்ப்பளிப்பது, பணித்தளத்தில் ஏற்படும் சிக்கல்களைத் தீர்க்க ஆலோசனை வழங்குவது என ஒரு குழந்தை இவ்வுலகில் மகிழ்ச்சியான நபராக வாழத் தேவையான அனைத்து உதவிகளையும் செய்வதே அவரது நிறுவனத்தின் வேலை. ஒவ்வொரு நபரும் மகிழ்ச்சியாக உள்ளார்ந்த அமைதியுடன் வாழும் போது அது சங்கிலித் தொடராகப் பரவி வீடு, ஊர், மாநிலம், நாடு, உலகம் என ஒட்டு மொத்த பிரபஞ்சமே அமைதியும், சமாதானமும் கொண்டதாகிவிடும் என்பதே இதன் மையக் குறிக்கோள்.

கார்த்திக் :  எவ்வளவு நல்ல எண்ணம் சார். தான் மட்டும் நல்லாயிருக்கணும்னு நினைக்காம உலகத்திலுள்ள  எல்லோரும் நல்லாயிருக்கணும்னு நினைக்குறது ரொம்ப பெரிய விஷயம் சார்.

அறிவொளி :  இந்த சேவைகளுக்காக அருண்  பல விருதுகளை வாங்கியிருந்தாலும்  தன்னை முன்னிறுத்திக் கொள்ளாம  பல்வேறு  துறைகளில் திறமையானவர்களை ஒருங்கிணைத்து செயல்படுறார் என்பது  தான் ரொம்ப பாராட்டப்பட வேண்டிய விஷயம். தான் கற்றல் குறைபாடுகளோட படிக்கக் கஷ்டப்பட்ட காலத்துல தனக்கு ரொம்பவும் ஊக்கம் கொடுத்து பாஸ் பண்ண உதவி செய்த  தன் பள்ளிக்கூட முதல்வர் திருமதி.ஜெயஸ்ரீ அசோக் இப்போ தன் நிறுவனத்துல கற்றல் குறைபாடுள்ள பிள்ளைகளுக்கு குறைதீர் கல்வி வழங்கும் பிரிவின் தலைவரா இருக்காங்க என்பதை ரொம்பப் பெருமையா சொல்றார்.

எப்பவுமே தன்னலமில்லாம பிறர்நலன் கருதி நாம செய்யக்கூடிய எந்தவேலையும் வெற்றி பெறும்னு சொல்றதுக்கு இவங்க எல்லோருமே நல்ல முன்னுதாரணங்கள். நல்ல எண்ணங்கள் தான் எல்லா நல்ல செயல்களுக்கும்  அடிப்படை ஆதாரம். 

          வெள்ளத்  தனைய மலர் நீட்டம் மாந்தர் தம் 

            உள்ளத் தனையது உயர்வு.

அப்படின்னு வள்ளுவரே சொல்லியிருக்கார் இல்லையா.   

கார்த்திக் :  நாங்களும் கண்டிப்பா வெங்கடேஷ்பட் சார், நந்தகுமார் சார், அருண் பெர்னாண்டஸ் சார் மாதிரி தோல்வி கண்டு துவண்டு போகாம, தன்னம்பிக்கையோட  இந்த சமுதாயத்துக்குப் பயன்படுறா மாதிரி வாழுவோம் சார்.

அறிவொளி :  வெரிகுட் அப்ப நீங்க இன்னும் பத்து வருஷம் கழிச்சி என்னை வந்து பார்க்கும் போது சமுதாயத்துல பெரிய ஆளா இருப்பீங்கன்றது உறுதி.

(அறிவொளியின் நம்பிக்கை தரும் வார்த்தைகளை மகிழ்ச்சியுடன் கேட்டு, பிரகாசமான தம் எதிர்காலத்தை மனக்கண் முன் காட்சிகளாகக் காணத் தொடங்கினர் கார்த்திக் விஷ்ணு இருவரும். நாம் எதுவாக நினைக்கிறோமோ அதுவாகவே மாறிவிடுவோம் என்பது உண்மைதானே! )

தொடரும்

 

பிரியசகி 

 priyasahi 20673@gmail.com 

]]>
kanden puthaiyalai, கண்டேன் புதையலை, பிரியசகி http://images.dinamani.com/uploads/user/imagelibrary/2017/1/29/w600X390/f9.jpg http://www.dinamani.com/health/health-serials/kandaen-pudhaiyalai/2017/jan/29/புதையல்-15-2640379.html
2636005 தொடர்கள் கண்டேன் புதையலை புதையல் 14 பிரியசகி DIN Saturday, January 21, 2017 12:30 PM +0530 முயற்சி திருவினையாக்கும்

(கற்றல் குறைபாடு இருந்தும் பல தடைகளைத் தாண்டி வாழ்வில் மிக உயர்ந்த நிலையை அடைந்துள்ள வெங்கடேஷ் பட், நந்தகுமார் ஐ.ஆர்.எஸ் ஆகியோரைப் பற்றி அறிவொளி கூறுவதையெல்லாம் வியப்புடன் கேட்டுக் கொண்டிருந்த கார்த்திக்கும் விஷ்ணுவும் மேற்கொண்டு அவர் யாரைப் பற்றிக் கூறப்போகிறார் என்று அறிந்து கொள்ளும் ஆர்வத்துடன் அமர்ந்திருந்தனர்.)

அறிவொளி : இவங்க ரெண்டு பேர் மட்டுமில்ல தம்பிகளா படிப்பு வரலைன்னு சோர்ந்து போகாமல் விடாமுயற்சியோட போராடிய பல இளைஞர்கள் பல்வேறு துறைகளில் இன்னைக்கு சாதிச்சுக்கிட்டிருக்காங்க. அதில் சமீபத்தில் நான் சந்திச்ச அருண் பெர்னாண்டஸ்  என்ற இளைஞரைப் பத்தி சொன்னா உங்களுக்கு இன்னும் கொஞ்சம் டானிக் குடிச்ச மாதிரி ஆகிடும்.

கார்த்திக் : யார் சார் அவர்? என்ன பண்றார்?

அறிவொளி : கார்த்திக் இன்னைக்கு இவர் தன் சொந்த நிறுவனத்தை வெற்றிகரமா நடத்தி கொண்டிருக்கும் ஒரு தொழிலதிபர். நீயாவது பத்தாவது வரைக்கும் இந்த பள்ளிக்கூடத்தில் படிச்சிக்கிட்டிருக்க, ஆனா இவர் எட்டாவதுக்கு மேல சாதாரண பள்ளிக்கூடத்துல  தாக்குப்  பிடிக்க முடியாம சிறப்பு பள்ளியில சேர்ந்து படிச்சாராம்.   எட்டாவது வரைக்கும் ஒன்பது பள்ளிக்கூடம் மாறிட்டார்.

கார்த்திக் : எட்டாவதுக்குள்ள ஒன்பது ஸ்கூல்லா, அப்ப நான் பரவாயில்ல போல இருக்கே. பழைய ஸ்கூல்ல படிக்கலைன்னு அனுப்பின பையனை புது ஸ்கூல்ல எப்படி சேத்துக்கிட்டாங்க  சார்?

அறிவொளி : கல்வியும் இப்பெல்லாம் வியாபாரமாத்தானே இருக்கு. இவரோட அப்பா பெரிய தொழிலதிபர் என்பதால் அவரோட செல்வாக்கு ஒரு காரணமாய் இருக்கலாம். ஒவ்வொரு தேர்விலும் அத்தனைப் பாடத்திலும் பெயிலாகும் இவரிடம் ஒரு டீச்சர், 'நீ ஒவ்வொரு வருஷமும் பாஸாகுறேன்னா அதுக்கு ஒரே காரணம் உங்கம்மாதான். அவங்க முகத்துக்காகத்தான் உன்னை பெயிலாக்காம இருக்கேன்' அப்படின்னு சொன்னாங்களாம். ஏன்னா இவரோட எல்லா டீச்சர்களோடேயும் அவங்கம்மா நல்லா பேசி ப்ரெண்டாயிடுவாங்க. இன்னொரு காரணம் இவரோட உடலியக்கத்திறன் (Bodily kinesthetic Intelligence) பள்ளி நாட்களில் இவர் ரொம்ப நல்லா டென்னிஸ் விளையாடுவாராம். அதோட சிறந்த தடகள வீரரும் கூட. எந்த போட்டிக்குப் போனாலும் பரிசோடத்தான் வருவார் இவர்.

விஷ்ணு :  அப்ப இவர் ஸ்போர்ட்ஸ்ல சூப்பர் ஸ்டார்னு சொல்லுங்க.

அறிவொளி : ஆமா, ஆனா ஜூலை, ஆகஸ்ட் மாதம் ஸ்கூல் ஸ்போர்ட்ஸ்டே முடியும் வரைக்கும் சூப்பர் ஸ்டாரா இருக்கவன் அதுக்கப்புறம் பவர்ஸ்டாரா ஆகிடுவேன்னு அவரே ஒரு பேட்டியில சொல்லியிருக்கார். அவங்கப்பாவே அவரோட நண்பர்கள் கிட்ட இவரைப் பற்றிப் பேசும் போது எம்புள்ள டென்னிஸ் சூப்பரா ஆடுவான், நல்லா ஓடுவான் ஆனா படிப்பைப் பத்தி மட்டும் கேக்கக் கூடாது, சுத்த வேஸ்டுன்னு தான் சொல்வாராம். 

கார்த்திக் :  சே ரொம்ப மோசம், வீட்லயே அவருக்கு சப்போர்ட் இல்லையா?

அறிவொளி : அப்பா மட்டும்தான் அப்படி, அவரோட அம்மா எப்பவும் அவருக்கு ரொம்ப சப்போர்ட் பண்ணுவாங்களாம். ஒரு படத்துல சரண்யா சொல்லுவாங்களே 'ஆடி போயி ஆவணி வந்தா எம்மகன் டாப்ல வந்துருவான்னு' அதே மாதிரி  'நீ கண்டிப்பா பெரிய ஆளா வருவேடா', அப்படின்னு அவங்கம்மா எப்பவும் சொல்லிகிட்டே இருப்பங்களாம். அவங்களோட இந்த வார்த்தைகள் சோர்ந்து போன நேரத்தில் எல்லாம் தனக்கு ரொம்ப பெரிய ஊக்கமா இருந்ததா அருண் சொல்றார்.

விஷ்ணு : நந்தகுமார் சாருக்கு டாக்டர் வீட்ல நடந்த அவமானம் திருப்புமுனையா இருந்த மாதிரி இவருக்கு ஏதாவது இருக்கா சார்?

அறிவொளி : பத்தாவது பாஸ் பண்ணதே திருப்புமுனைதான்னு இவர் சொல்றார். 'ஏன்னா நான் படித்த மெட்ரிகுலேஷன் பள்ளியில தமிழ் I, தமிழ் II, ஆங்கிலம்I, ஆங்கிலம் II, கணக்கு I,  கணக்கு II அப்படின்னு மொத்தம் பன்னிரெண்டு பாடங்கள் இருக்கும். மாதந்திரத் தேர்வுகள், காலாண்டு,  அரையாண்டு, வகுப்புத் தேர்வுகள் இது தவிர வகுப்புத் தேர்வுகள்னு  ஒரு வருஷத்துக்கு குறைந்தது நூறு தடவையாவது தேர்வு எழுதினாலும் அத்தனை முறையும் சிங்கள் டிஜிட் மார்க்தான் எடுத்திருக்கேன். ஒவ்வொரு முறையும் பேப்பரை கையில் வாங்கும் போதும் கிண்டல், கேலி, அவமானம்னு நிறைய அழுதிருக்கேன்.  எட்டாவது வரைக்கும் என்னோட விளையாட்டுத் திறமைக்காக ஸ்கூல்ல வச்சிக்கிட்டிருந்தவங்க பத்தாவதுல  ஸ்கூல் ரிசல்ட் என்னால போயிடக் கூடாதுன்னு ஒன்பதாவதுலயே பள்ளியை விட்டு வெளியே அனுப்பிட்டாங்க. அதுக்கப்புறம் டிஸ்லெக்சியா இருக்கும் பிள்ளைகளுக்கான ஸ்பெஷல் ஸ்கூல்ல படிச்சதுனால அரசு கொடுத்த சலுகைகள் உதவியோட 85% மார்க் எடுத்து பத்தாவது பாஸ் பண்ணிட்டேன். என்னாலயும் பாஸ் பண்ண முடியும் என்ற நம்பிக்கையே எனக்கு அப்பத்தான் வந்துச்சு. என்னை நான் நம்பவும், மத்தவங்க என்னை நம்பவும் அது தான் காரணமா இருந்துச்சு. அதுக்கப்புறம் பன்னிரெண்டாவதுல காமர்ஸ் குரூப் எடுத்து அதுல 65% மார்க் எடுத்து பாஸ் பண்ணிட்டேன்', அப்படின்னு சொல்றார்.

கார்த்திக் : அதென்ன சார் அரசாங்க சலுகைகள்னு ஏதோ சொன்னீங்களே?

அறிவொளி : ஆமா, டிஸ்லெக்சியா இருக்கின்ற மாணவர்களுக்கு அவர்களோட  குறைபாட்டின் தீவிரத்தைப் பொறுத்து அரசு பொதுத் தேர்வுல சில சலுகைகள் உண்டு. ஒருமணி நேரம் அதிகம் குடுப்பாங்க. கால்குலேட்டர் பயன்படுத்தலாம். தமிழ் மீடியம் படிக்கறவங்க ஆங்கிலம் எழுதத் தேவையில்லை. அதே போல ஆங்கில மீடியம் படிக்கறவங்க தமிழ் எழுதத் தேவையில்லை. எழுத்துப் பிழை, இலக்கண பிழைக்கெல்லாம் மார்க் குறைக்க மாட்டாங்க. பாதிப்பு ரொம்ப அதிகமா இருக்குறவங்களுக்கு ஸ்க்ரைப் (scribe) கொடுப்பாங்க.

விஷ்ணு :   அதென்ன சார் ஸ்க்ரைப்?

அறிவொளி :  எப்படி கண் பார்வைத்திறன் குறைந்த மாற்றுத் திறனாளிகளுக்கு தேர்வுகளில் அவங்க சொல்லச் சொல்ல இன்னொருத்தர் எழுதுவாங்களோ அதே மாதிரி இவர்களுக்கும் அந்த சலுகை உண்டு.

கார்த்திக் : அடடா! இந்த சலுகையெல்லாம் கிடைச்சா நான்கூட எல்லாத்துலயும் என்பது தொண்ணூறு மார்க் வாங்கிடுவேனே, எழுதுறதுதானே  எனக்குப் பிரச்சனையே !

அறிவொளி : உனக்கு டிஸ்லெக்சியா இருக்குன்னு அரசு மருத்துவர்கள் யாராவது சர்டிபிகேட் குடுத்தாதான்  இந்த சலுகைகள் கிடைக்கும்.  சி.பி.எஸ்.இ ஸ்கூல்ல படிக்குறவங்க  டாக்டர் சர்டிபிகேட் வாங்கத் தேவையில்லை. ஆர்.சி ஐ  (Rehabilitation council of India)  நம்பர் வெச்சிருக்க  சிறப்பு ஆசிரியர் யார்கிட்டயாவது  வாங்கினாப்போதும். தமிழக அரசும் சமச்சீர் கல்விமுறையில் படிக்கும் பிள்ளைகளுக்கு  இந்த சலுகையை கொடுத்தா நிறைய பேருக்குப்   பயன்படும். ஆனா அரசாங்கம் என்னதான் சலுகை கொடுத்தாலும், சர்டிபிகேட்ல டிஸ்லெக்ஸியானு சீல் குத்திடுவாங்கன்ற ஒரே காரணத்துக்காக, எந்த சலுகையும் வேணாம், எம்புள்ளை பெயில் ஆனாலும் பரவாயில்லைன்னு நினைக்குற பெற்றோர்களும் உண்டு. 

கார்த்திக் :   ஓ! சர்டிபிகேட்ல சீல் போட்டுடுவாங்களா?

அறிவொளி : ஆமா கார்த்திக். ஆனா அதில் ஒரு பிரச்சனையும் இல்லை. உண்மையை ஒத்துக்குறதில் என்ன தயக்கம்? அருணும் இதையே தான் சொல்றார். 'நான் டிஸ்லெக்ஸியா உள்ளவன்னு சொன்னாதான் மத்தவங்களுக்கு என் சிரமம் புரியும். சலுகைகள் கிடைச்சாதான் என்னால பாஸ் பண்ண முடியும். பாஸ் பண்ணாதான் மேற்கொண்டு முன்னேற முடியும்.  நான் மத்தவங்களை விட  வித்யாசமானவன்னு சொல்லறதுல எனக்கு எந்த தயக்கமும் கிடையாது.  மத்தவங்க எழுதிப் பாஸ் பண்ணா நான் வாயால சொல்லிப் பாஸ் பண்றேன். மத்தவங்க அசைன்மென்ட்  எல்லாம் கையால எழுதினா நான் கம்ப்யூட்டர்ல டைப் பண்ணிக் கொடுப்பேன். ஏன்னா அதில் ஸ்பெல்லிங் செக் பண்ணிக்கலாம். நான் வித்தியாசமானவன், மத்தவங்ககிட்ட இல்லாத நிறைய திறமைகள் என்கிட்டே இருக்கு என்பதில் எனக்குப் பெருமை உண்டு' என்று சொல்றார்.

விஷ்ணு :  காலேஜ் அட்மிஷன்ல இவருக்கு பிரச்னையில்லையா  சார்.

அறிவொளி : இருந்துச்சு. ரெகுலர் ஸ்கூல்ல படிச்சு  ஆயிரம் மார்க்குக்கு மேல எடுத்தவங்களுக்கே நல்ல காலேஜ்ல பி.காம்  சீட் கிடைக்கிறது சிரமம். இவரு ஒன்பது ஸ்கூல்ல  படிச்சிட்டு சென்னையிலேயே பெஸ்ட் காலேஜ்ல தான்  பி.காம்  படிப்பேன்னு அடம் பிடிச்சா எப்படி ஈசியா  சீட்  கிடைக்கும். 

கார்த்திக் : ஏன் சார் அப்படி அடம்  பிடிச்சார்?

அறிவொளி : அவரோட அப்பாவுக்கு தன் மகன் ஸ்பெஷல் ஸ்கூல்ல படிக்கிறான்னு சொல்றதுக்கு ரொம்ப கௌரவப் பிரச்சனையா இருந்துச்சாம். அதனால காலேஜாவது  தன் அப்பா பெருமைப்படற மாதிரி நல்ல காலேஜ்ல, நல்ல குரூப் எடுத்துப்  படிக்கணும்னு ஆசைபட்டாராம். 

கார்த்திக் : ஆசைப்பட்டது நடந்துச்சா?

அறிவொளி : அவ்வளவு ஈஸியா நடக்கல, ஆனா  அது நடக்கற வரைக்கும் இவரும் விடலை .

விஷ்ணு : என்னப்  பண்ணார் சார்?

அறிவொளி : இந்த மார்க்குக்கு பி.காம்  சீட்டெல்லாம் குடுக்க முடியாதுன்னு துரத்தின அந்த காலேஜ் ப்ரின்சிபால்  வீட்டுக்கு தினமும் காலையில ஆறு மணிக்கெல்லாம் போய்டுவாராம். அவர் எங்கெல்லாம் போறாரோ அங்கெல்லாம் போய் அவர் கண்ல படுற இடத்துல நிற்பாராம். ஒரு வாரம்  தொடர்ந்து இப்படியே செய்யவே தொல்லை தாங்க முடியாம அவர் இவரைக் கூப்பிட்டு உனக்கு என்னதான்டா வேணும்னு கேட்டாராம். பி.காம்  சீட்தான்  வேணும்னு அப்பவும் இவரு உறுதியா இருக்கறதை பார்த்திட்டு, சரி முதல் செமஸ்டர் வரைக்கும் பார்ப்பேன். நீ எல்லாத்துலயும் பாஸ் ஆகலேன்னா வேற குரூப்ல மாத்திடுவேன்னு சொல்லி ஒரு வழியா சீட்  குடுத்துட்டாராம்.

விஷ்ணு : முயற்சி திருவினையாக்கும்னு இதைத்தான்  சொல்லுவாங்க போலருக்கு.  சொன்ன மாதிரி எல்லாத்துலயும் பாஸ் பண்ணாரா?

அறிவொளி : போராட்டம்தான். மத்த எல்லாத்துலயும் பாஸ் பண்ணாலும் அக்கவுண்ட்ஸ் பேப்பர்ல  பெயில் ஆயிடுவாராம். ஒரு ப்ரொபசர் எப்பவுமே, 'நீ எல்லாம் ஏன்டா  இந்த  குரூப் எடுத்து எங்க உயிர வாங்குற, சோசியாலஜி மாதிரி எதாவது  ஈஸியான  குரூப்பா எடுக்க வேண்டியதுதானே.'  அப்படின்னு திட்டுவாராம்.  ஒரு வழியா நாலஞ்சு டியூஷன் வச்சு எல்லா பேப்பரும் பாஸ் பண்ணி கடைசியில அந்த காலேஜ்லயே லெக்ச்சரர்  வேலைக்கும்   சேந்துட்டாராம். முதல் நாள் ஸ்டாப் ரூம்ல இவர் உட்கார்ந்திருப்பதைப்  பார்த்துட்டு அதே ப்ரொபசர் இவரிடம் வந்து, 'ஸ்டூடென்ட்ஸ் எல்லாம் உள்ளேயே வரக்கூடாது, நீ  என்ன இங்க வந்து உட்கார்ந்துட்டு இருக்கே'.  என்று கேட்டாராம்.  இவர்  ரொம்ப அமைதியா, 'இல்லை  சார் நானும் இங்க இப்போ லெக்ச்சரர்தான்'   என சொன்னாராம். 

கார்த்திக் : ஆஹா! சூப்பர் சார், அப்ப அவர் முகத்தை பார்த்திருக்கணுமே! 

அறிவொளி : ஆமா  கார்த்திக், அருண் தன்னோட பேட்டியில் கடைசியா சொல்லியிருக்குறது, 'நம்மை பார்த்து யாராவது ஏளனமா சிரிச்சா, அவங்க மேல கோவப்படாம நம்மை பார்த்து ஆச்சர்யப்படுறமாதிரி வாழ்க்கைல உயர்ந்து காட்டணும். முடியலன்னு சோர்ந்து போய் எங்கேயும் நின்னுடக் கூடாது. ஒரு வழி இல்லன்னா பல வழிகள்ல முயற்சிக்கணும். ஜெயிக்கிறதுதான் முக்கியமே தவிர எந்த வழியில போய் ஜெயிக்கிறோம்ங்றது முக்கியம் இல்ல. அந்த வழியும் எல்லோரும் போகிற வழியாத்தான் இருக்கணுமென்பது அவசியம் இல்ல. யாரும் போகாத புது வழியை  நாமே கூட உருவாக்கலாம். அந்த வழி மத்தவங்களுக்குப் பயன்படக் கூடியதா இருக்கட்டுமே,' என்கிறார். இதைத் தான் ஆங்கிலத்தில் லேட்டரல் திங்கிங் (lateral thinking) என்று சொல்றோம்.  

கார்த்திக் : சூப்பர் சார், சரி வெறுமனே ஒரு காலேஜ் லெக்ச்சரரா இருந்தா நீங்க இவ்ளோ பெருசா சொல்ல மாட்டீங்களே! இவர் வேற ஏதாவது முக்கியமா சமுதாயத்துக்குப் பயன்படுறா மாதிரி செய்துக்கிட்டிருக்காரோ சார்?

அறிவொளி : ரொம்ப சரியா சொல்லிட்ட கார்த்திக். இவர் இப்ப செய்துக்கிட்டிருப்பதைப் பத்திக்  கேட்டா ரொம்ப ஆச்சர்யப்படுவீங்க!

விஷ்ணு : அப்படியா! சொல்லுங்க சார்.

(அவர் சொல்லப் போவதைக் கேட்க ஆர்வத்துடன் காத்திருந்தனர் கார்த்திக்கும் விஷ்ணுவும். நாமும் காத்திருப்போமா?)

பிரியசகி 

priyasahi20673@gmail.com

]]>
Dyslexia, கற்றல் குறைபாடு, பிரியசகி http://images.dinamani.com/uploads/user/imagelibrary/2017/1/21/w600X390/DYSLEXIA.jpg http://www.dinamani.com/health/health-serials/kandaen-pudhaiyalai/2017/jan/21/புதையல்-14-2636005.html
2632787 தொடர்கள் கண்டேன் புதையலை புதையல் 13 பிரியசகி DIN Sunday, January 15, 2017 02:21 PM +0530 தடைகள் தாண்டுவதற்கே!

(மாலை தன் வீட்டுக்கு வந்தால் இன்னும் நிறைய சாதனை இளைஞர்களைப் பற்றிக் கூறுகிறேன் என்று அறிவொளி கூறியிருந்ததால், எப்போது பள்ளி முடியுமெனக் காத்திருந்த  விஷ்ணுவும் கார்த்திக்கும் பள்ளி முடிந்ததும் வீட்டுக்குச் சென்று புத்தகப்பையை வைத்துவிட்டு பெற்றோரிடம் தகவல் சொல்லிவிட்டு அறிவொளியின் வீட்டுக்குச் சென்றனர். அவர்களது ஆர்வத்தைக் கண்ட அறிவொளி மகிழ்ச்சியுடன் அவர்களை வரவேற்றார்.)

அறிவொளி :    வாங்க, தம்பிகளா, சொன்னபடியே கரெக்ட்டா வந்துடீங்களே !

கார்த்திக் :     ஆமா சார் நீங்க காலைல பேசுனதுலேர்ந்து எனக்கு ரொம்ப உற்சாகமாயிருக்கு சார். என்னைவிட படிப்புல மோசமாயிருந்த ஒருத்தர் இன்னைக்கு ரொம்ப பெரிய ஆளா இருக்கார்னா என்னாலயும் எதாவது  ஒரு விஷயத்தில பெரிய ஆளா ஆக முடியும்னு நம்பிக்கை வந்துடுச்சு. இவர் மட்டுமில்ல இன்னும் நிறைய பேர் இவரை மாதிரியே பெரிய ஆளா ஆகியிருக்காங்கன்னு சொன்னதுனால அவங்களை பத்தியும் தெரிஞ்சுக்கணும்னு ஆர்வத்துல விளையாடக் கூடப் போகாம இங்க வந்துட்டோம் சார். 

அறிவொளி :   வெரிகுட். வாழ்க்கையின்  முன்னேற்றத்துக்கு முதல்படியே இந்த ஆர்வம்தான். ஐம்புலன்களையும் விழிப்போட வச்சு உலகத்தில நடக்குறதையெல்லாம் உற்று கவனிச்சு, தனக்கான முன்னுதாரணங்களை மனதில் வச்சு உழைக்க ஆரம்பிச்சா வெற்றி நிச்சயம்.

விஷ்ணு :   சார் இன்னைக்கு தமிழ் ஐயா கூட முயற்சியைப் பத்தி  பாடம் நடத்தும்போது நந்தகுமார் அப்படிங்கறவரைப்  பத்தி சொன்னார். அவரும் படிப்பு ஏறலைன்னு ஸ்கூலை விட்டு நின்னு மெக்கானிக் கடைல எல்லாம் வேலை பார்த்து அப்புறம் பிரைவேட்டா எழுதி 10வது, 12வது பாஸ் பண்ணி அப்புறம் காலேஜ் எல்லாம் படிச்சு ஐ.ஏ.எஸ் தேர்வுல இந்தியாவுல முதல் ரேங்க் எடுத்து பாஸ் பண்ணாருன்னு கேட்டப்போ ரொம்ப ஆச்சர்யமா இருந்துச்சு சார்.

அறிவொளி :   ஆமா அவரோட வாழ்க்கை  உங்கள மாதிரி பசங்களுக்கெல்லாம் ரொம்ப பெரிய உந்து சக்தியா இருக்கும்.

விஷ்ணு :    படிப்பு வரலைன்னு ஆறாவதோட ஸ்கூல விட்டே நின்னவரு எப்படி சார் ஐ.ஏ.எஸ் ஆனார்.

அறிவொளி :   ஓவ்வொரு மனுசனுக்கும் வாழ்க்கையில ஏதாவது ஒரு நிகழ்ச்சி திருப்புமுனையா அமையும். அதுபோல, இவர் ஸ்கூலுக்குப் போகாம மெக்கானிக் கடையில வேலைக்குப் போனப்போ இவர் கூட படிச்ச பசங்க நல்லா அழகா யூனிபார்ம் போட்டுட்டு போகும் வழியில இவரோட அழுக்குப் படிஞ்ச கிழிஞ்ச டிரஸ்ஸைப் பார்த்துக் கிண்டல் பண்ணினாங்க அந்தப் பசங்களோட பெற்றோர் இவனோட சேர்ந்தா நீயும் இப்படித்தான் ஆயிடுவ என சொல்லி இவரோட பேச விடாம செய்ததும் அவர் மனசை ரொம்ப பாதிச்சிருக்கு. ஒருமுறை உடம்பு சரியில்லாம ஒரு டாக்டர் வீட்டுக்குப் போயிருக்கார். அந்த டாக்டரோட பையன் சிவில் சர்வீஸ் போட்டித் தேர்வுக்கு தயாரிக்கிறவர் போல. பெருசு பெருசா நிறைய புத்தகங்களை அலமாரியில் அடுக்கி வச்சிருக்கிறதைப் பார்த்ததும் ஆசையா அதைக் கையில எடுத்துப் பார்த்திருக்கார். அப்ப அந்த வீட்ல இருந்த ஒருத்தர் அதைப் பார்த்துட்டு யாரை கேட்டு நீ புக்கை எடுத்தேன்னாராம். இவர் ஆசையா இருந்துச்சு சும்மா பார்க்கலாம்னு எடுத்துட்டேன், ஸாரின்னாராம். அவர் உடனே தரையில உப்பை போட்டு அது மேல முட்டி போட வைச்சாராம். 

கார்த்திக் :  அடப்பாவி புக்கை கையில எடுத்துப் பாத்ததுக்கு உப்பு மேல முட்டி போட வச்சானா அந்த ஆளு. நானா இருந்தா கையில கிடைக்கிறதை எடுத்து ஓங்கி ஒரு அடி போட்டுட்டு ஓடிப் போயிருப்பேன்.

அறிவொளி : அங்கதான் சாதாரணமானவங்களுக்கும் சாதனையாளர்களுக்கும் வித்தியாசம் இருக்கு கார்த்திக். அவர் உன்னை மாதிரி கோபப்படல.  அந்த அனுபவத்தை வைராக்கியமா மாத்திக்கிட்டார். எந்த படிப்புக்கான புக்கை என்னைத் தொடக்கூடாதுன்னு சொன்னாங்களோ அதைப்  படிச்சே ஆவேன்னு ஒரு வைராக்கியம்  அவர் மனசில தீப்பொறியா எரிய  ஆரம்பிச்சிது. அதுதான் அவர் வாழ்க்கைக்கே திருப்புமுனையாச்சு.

விஷ்ணு :  அப்புறம் என்னாச்சு சார்.

அறிவொளி :  அதுக்கு பிறகு 8வது,1 0வது, 12வது எல்லாம் பிரைவேட்டா படிச்சு எக்ஸாம் எழுதி பாஸானார். பிரைவேட்டா படிச்சதால அரசு கல்லூரியில தமிழ் அல்லது ஆங்கில இளங்கலை பட்டப்படிப்பு எடுத்து படிக்க மட்டும் வாய்ப்பிருந்தது.  தமிழ் இவருக்கு சுத்தமா வராதுங்கறதால வேற வழியில்லாம ஆங்கில இளங்கலைப் பிரிவுல சேர்ந்தாராம். ஒருவாக்கியம் கூட இங்கிலீஷ்ல ஒழுங்கா தப்பில்லாம வாசிக்கவோ, பேசவோ, எழுதவோ தெரியாததால இவரோட கல்லூரிப் பேராசிரியர் இவரைக் கூப்பிட்டு ஒன்னுமே தெரியாம நீயெல்லாம் எப்படி பாஸாகப்போற? பேசாம நீ ஏற்கனவே பாத்துக்கிட்டிருந்த வேலைக்கே போயிடு. உனக்கு மூணுவருஷம் வீணாகாமையாவது இருக்கும்னாராம். இதுமாதிரியான எந்த உதாசீனங்களுக்கோ, அவமதிப்புகளுக்கோ சோர்ந்து போயிடாம இருந்ததுனால தான் அவரால பிஏ, எம்ஏ முடிச்சு சிவில் சர்விஸ் எக்ஸாம்ல புவியியல்ல இந்தியாவிலேயே முதல் ஆளா வர முடிஞ்சுது. ஆனா அவரை புக்கை தொட்டதுக்காக முட்டிப்போடச் சொன்ன அந்த டாக்டரோடப் பையன் அப்பவும் சிவில் சர்விஸ் பாஸ் பண்ண முடியாம இவர் கிட்ட வந்து,  'நந்தகுமார் இத்தனை வருஷம் ஆகியும் என்னால எக்ஸாம் பாஸ் பண்ண  முடியல. நீ ஈஸியா பாஸ் பண்ணிட்டியே எப்புடி?  எனக்கு கொஞ்சம் சொல்லிக்குடு'ன்னு கேட்டாராம். 

கார்த்திக்:  சூப்பர் சார், கடவுள் இருக்காருன்னு இந்த மாதிரி சமயத்துலதான் நம்ப முடியுது.

விஷ்ணு : சார் அவருக்கு டிஸ்லெக்ஸியா என்ற கற்றல் குறைபாடு இருந்ததாகவும், இந்த குறைபாடு இருக்கவங்களுக்கு எழுத, படிக்கப் பிரச்சனைகள் இருக்கும், எழுத்துப் பிழைகள் நிறைய இருக்கும்னு எல்லாம் தமிழ் அய்யா சொன்னார். ஐஏஎஸ் எக்ஸாமுக்கெல்லாம் நிறைய படிக்க, எழுத வேண்டி இருந்திருக்குமே, எப்படி நந்தகுமார் சாரால்   முடிஞ்சுது?

அறிவொளி :    நீ சொல்றது போல டிஸ்லெக்ஸியா இருக்கறவங்களுக்கு இந்தப் பிரச்சனைகள் இருக்கும்தான் கார்த்திக். ஆனா அவங்களுக்கு அந்தக் குறைகளை ஈடுகட்டுவது போல வேற ஏதாவது திறமை இருக்கும். இவருக்கு நல்ல விஷுவோ ஸ்பேசியல் இன்டெலிஜென்ஸ் (Visuvo Spacial Intelligence) அதாவது பார்க்கும் பொருளை முப்பரிமாண தன்மையுடன் (Three dimensional effect) வரையக்கூடிய ஆற்றல் இருந்ததால் தேர்வுகள்ல பக்கம் பக்கமா விளக்க வேண்டிய கேள்விகளை ஒரு சில படங்கள் மூலமா அழகா விளக்கிடுவாராம். மெக்கானிக் கடையில் வேலை பார்த்த அனுபவமும்  தனக்கு படிக்கும் போது உதவியதா ஒரு பேட்டியில் சொல்லியிருக்கார். 

கார்த்திக் :  மெக்கானிக் கடைக்கும் படிப்புக்கும் என்ன சார் சம்மந்தம்?

அறிவொளி :   இருக்குப்பா, ஒருமுறை, நந்தகுமார்  ரிப்பேரான ஒரு வண்டியைப்  பிரிக்கப் போகும் போது அவரோட முதலாளி முதல்ல வண்டியை ஸ்டார்ட் பண்ணி சத்தத்தை கவனிக்கச் சொன்னாராம். எதுக்கு அப்படி  சொல்றாருன்னு அவருக்குப் புரியாததால, வண்டியை ஸ்டார்ட் பண்ணி ஆக்சிலேட்டரை முடுக்கியதும் நல்ல வண்டியில இருந்து வர்ற சத்தத்துக்கும் ரிப்பேரான வண்டியில இருந்து வர்ற சத்தத்துக்கும்  உள்ள நுணுக்கமான வித்தியாசத்தை உற்று  நோக்கவும், அந்த சத்தத்தைக் கொண்டே வண்டியில் என்ன பிரச்சனையை என்பதைக் கண்டு பிடிக்கவும் சொல்லிக் கொடுத்தாராம். இந்தத் திறன் படிக்கும் போது எதையும் உற்று நோக்கி, ஆழ்ந்து கவனித்து, தெரிந்த விஷயத்தோடு  தெரியாததை தொடர்பு படுத்திக்  கற்றுக்கொள்ள, அர்த்தம் புரிந்து படிக்க உதவியதாம்.

தொழில் கற்றுக் கொடுத்த  அந்த முதலாளி மேல அவர் ரொம்ப மரியாதை வெச்சிருந்தார். படிக்கனும்னு  முடிவெடுத்தப் பிறகு வேலையை விட்டு நிக்கிறேன்னு சொன்னதும் அவர் முதலாளி, 'படிச்சி என்னத்தடா  கிழிக்கப்போறே, என் பாக்கெட்ல எவ்ளோ காசு இருக்குப்பாரு. என் கூடவே இருந்தா எனக்கப்புறம் உனக்கு தான் இந்த கடை', அப்படின்னு சொன்னாராம். ஆனா தான் என்னவாகனும் என்ற தன்னோட இலக்குல உறுதியா இருந்த நந்தகுமார் அந்தச் சின்ன மீனுக்கு ஆசைப்படாம இருந்ததால தான் இன்னைக்கு விண்மீனா பிரகாசிக்குறார்.

விஷ்ணு :  சார், முடிஞ்சா அவரை நம்ம ஸ்கூலுக்கு ஏதாவது ஒரு விழாவுக்கு சிறப்பு விருந்தினரா கூப்பிடுங்களேன் சார். அவரைப் பாக்கணும்னு ஆசையா இருக்கு.

அறிவொளி : கண்டிப்பா செய்யலாம் விஷ்ணு. பள்ளிகளுக்கு, அதுவும் நம்ம பள்ளி மாதிரி ஏழைப்பிள்ளைகள் படிக்கும் பள்ளிகளுக்கு வந்து மாணவர்களோடப் பேச   அவர் ரொம்ப விரும்புவார். அவர் படிக்குற காலத்துல யாரோடையும் ரொம்ப பேசவே மாட்டாராம். லாட்டரி சீட்டு விக்கும் வேலை பாத்தபோது தான் ஒவ்வொரு  ஆளையும்  ஒரு சீட்டு வாங்க வைக்க நிறைய பேசிப்பேசி தன்  பேச்சுக்கலையை வளர்த்துக்கிட்டாராம். இன்னைக்கு அவர் ஒரு நண்பன் போல சாதாரண பேச்சுநடைல தன்  வாழ்க்கையைப் பற்றி நகைச்சுவையா சொல்லி, 'ஸ்கூலுக்கே போகாத மக்கு நானே இந்த நிலைக்கு வந்துட்டேன், உங்களால முடியாதா'னு கேக்கும் போது மாணவர்களுக்கு சுயமதிப்பும், தன்னம்பிக்கையும் அதிகமாகுது. ஐஏஎஸ் படிக்கும் ஏழை மாணவர்களுக்கு இவர் பயிற்சி கொடுக்குறார். நிறைய தடவை எழுதியும் பாஸ் பண்ண முடியாம சோர்ந்து போன பலர் இவரோட பயிற்சிக்குப் பிறகு சிவில் சர்விஸ் பாஸ் பண்ணி இன்னைக்கு  நல்ல நிலைல இருக்காங்க. 

கார்த்திக் : நான் கஷ்டப்பட்டேன், இன்னைக்கு நல்லா இருக்கேன்னு கம்முனு இருக்காம  எங்களை மாதிரி பசங்களைத் தேடி வந்து பயிற்சி கொடுக்குறாரே, ரொம்ப பெரிய மனசு சார் அவருக்கு!  இவங்களைப் பத்தியெல்லாம் கேட்டபிறகு தான் எனக்கே எம்மேல ஒரு நம்பிக்கை வருது சார்.

அறிவொளி :  இன்னொருத்தரைப் பத்தி தெரிஞ்சா நீ இன்னும் சந்தோஷப்படுவே கார்த்திக்.

கார்த்திக் :  அப்படியா! யார்  அவர், சொல்லுங்க சார்.

(யாரென்று தெரிந்துகொள்ள  கார்த்திக்கும் விஷ்ணுவும் ஆர்வமாய் காத்திருந்தனர். நாமும் காத்திருப்போமா!)

தொடரும்...

பிரியசகி 

priyasahi20673@gmail.com

]]>
கண்டேன் புதையலை, பிரியசகி, கற்றல் குறைபாடு, dinamani thodar http://images.dinamani.com/uploads/user/imagelibrary/2017/1/15/w600X390/maxresdefault_1.jpg http://www.dinamani.com/health/health-serials/kandaen-pudhaiyalai/2017/jan/15/புதைய-2632787.html
2627723 தொடர்கள் கண்டேன் புதையலை புதையல் 12 பிரியசகி DIN Saturday, January 7, 2017 10:00 AM +0530 உள்ளதைக் கொண்டு உலகை வெல்வோம்!

(காலை அறிவொளி பள்ளிக்கு சீக்கிரமே  வந்து விட, அங்கு தனக்கு முன்பாகவே வந்து அமர்ந்திருந்த கார்த்திக்கையும் விஷ்ணுவையும் கண்டு வியந்தார். எப்போதும் பள்ளிக்கு தாமதமாக வரும் அம்மாணவர்கள் இருவரும் பள்ளிக்கு ஒரு மணி நேரத்திற்கும் முன்னதாகவே வந்துவிட்டதை  ஆச்சரியமாகப்  பார்த்தவாறு அவர்களை நோக்கி நடந்தார்)

அறிவொளி : என்ன தம்பிகளா ரொம்ப சீக்கிரம் வந்திட்டீங்க?

கார்த்திக் : ஆமா சார், வருஷா வருஷம் நிறைய புது வருட உறுதிமொழி எடுக்கிறோம். ஆனா எதையும் காப்பாத்தறது இல்ல. இந்த வருஷமாவது காப்பாத்தலாமுன்னு பார்க்கிறோம். அதான்...

அறிவொளி : ரொம்ப சந்தோஷம்! என்ன உறுதிமொழி எடுத்திருக்கீங்கன்னு தெரிஞ்சிக்கலாமா?

விஷ்ணு  : நேத்து உங்க கூட பேசுனதுக்கு அப்புறம்தான் இந்த ஐடியா வந்துச்சு சார்,  கார்த்திக்கை தினம் ஸ்கூல் முடிஞ்சதுக்கப்புறம் ஒருமணி நேரம் படிக்க வைக்கிறேன்னு சொன்னேன்  இல்லையா! அதைக்  காலையில ஒருமணி நேரம் படிக்கிறதுன்னு மாத்திக்கிட்டோம்? காலையில பிரெஷ்ஷா படிச்ச மாதிரியும் இருக்கும், ஸ்கூலுக்கு சீக்கிரம் வந்த   மாதிரியும் இருக்கும்  இல்லையா? நல்ல விஷயத்தை தள்ளி போட வேண்டாம்னு இன்னையிலருந்தே ஆரம்பிச்சிட்டோம். ஆனா இவன் தான் அப்பப்ப பஞ்சர் ஆன டயர் மாதிரி டல்லாயிடுறான். என்னால பாஸாக முடியுமான்னு கேக்குறான்.

அறிவொளி : ஏன் கார்த்திக் என்னாச்சு?

கார்த்திக் : ஆமா சார், நான் சரியா  படிக்கமாட்டேங்குறேன்னு பெத்தவங்களும் மத்தவங்களும் திட்டிக்கிட்டே இருக்காங்க. நல்ல மார்க் வாங்கணும்னு எனக்கும்  ஆசையா தான் இருக்கு. ஆனா  படிக்க உட்கார்ந்த கொஞ்ச நேரத்திலேயே தூக்கம் சொக்குது. மூஞ்சியக் கழுவி,  டீ  குடிச்சு, கவனமா படிக்கணும்னு நினைச்சுக்கிட்டு தான் படிக்க  ஆரம்பிக்கிறேன். ஆனா   நல்ல படிக்கிற பசங்க பத்து  நிமிஷத்துல படிக்கிற அதே கேள்வியை எனக்குப்  படிச்சு மண்டையில ஏத்த ஒருமணி நேரம் ஆகுது. படிச்ச கொஞ்சமும்  எக்ஸாம்ல கொஸ்டின் பேப்பரை பார்த்த உடனே மறந்து போகுது. இவ்ளோ கஷ்டப்பட்டும் பாஸாக முடியலையேன்னு நெனச்சா  நாமெல்லாம் எங்க உருப்படப் போறோம்னு எனக்கே எம்மேல வெறுப்பும் என்னைத் திட்றவங்க மேல கோவமும்தான் வருது சார்.

அறிவொளி : கார்த்திக் பெத்தவங்களோ, மத்தவங்களோ யார் உன்னைப் பத்தித்  தவறா சொன்னாலும் உனக்கு உன்னைப் பற்றி உயர்வான எண்ணங்கள் இருக்கணும். தன்னை முழுசா நிறை குறைகளோட ஏத்துக்கறவங்களால மட்டும் தான் வாழ்க்கையில ஜெயிக்க முடியும். நல்லா படிச்சு  அதனால் கிடைக்குற மதிப்பெண்ணால பெரிய ஆளா ஆனவங்க நிறையபேர் உண்டுதான்.ஆனா அவங்க மட்டும் தான் ஜெயிக்க முடியும்னு எந்த விதியும் கிடையாது.

கார்த்திக் : சார் உண்மையாவா சொல்றீங்க?

அறிவொளி : ஆமாம்பா உலகப் பெரும் பணக்காரரான பில்கேட்ஸ் எந்த பல்கலைக்கழகத்திலேயும் பட்டம் வாங்கல. அவர் வகுப்புல முதல் ரேங்க் வாங்கின ஒரு  நண்பர் பில்கேட்ஸ்ஸோட  மைக்ரோசாப்ட்  நிறுவனத்தில சம்பளத்துக்கு வேலை பார்த்தார். பல நட்சத்திர ஓட்டல்களுக்கு சொந்தக்காரரான ஓபராய் முதல்ல ஒரு சின்ன  ஓட்டல்ல சர்வரா வேலை பார்த்தவர். ஹிந்தி சூப்பர் ஸ்டார் ஷாருக்கான் இருக்க இடம் இல்லாம பெஞ்சுல படுத்து தூங்கி, பிலிம் சிட்டிக்கு போகக்கூட  காசில்லாம தன் ஃப்ரெண்டுகிட்ட இருபது ரூபா கடன் வாங்கிக்கிட்டு போனவர்தான்.

விஷ்ணு : சார் நம்ம ஊர் சூப்பர்ஸ்டாரே பஸ் கண்டக்டரா  இருந்தவர் தானே!

கார்த்திக் : ஆமா  சார், சச்சின் டெண்டுல்கர், ஏ.ஆர் .ரகுமான் கூட பத்தாவது பெயிலானவங்க தான்னு கேள்விப்பட்டிருக்கேன்.

அறிவொளி : பாத்தியா  உனக்கே தெரியுது. இவங்க மட்டும் கிடையாது இன்னைக்கு தமிழ் சினிமா உலகில் பல வெற்றி படங்களை இயக்கி கொண்டிருக்கும் இயக்குனர் பாண்டிராஜ் இயக்குனர் ஆவதற்கு  முன்னாடி  ஏவிஎம்  ஸ்டுடியோவில் வாட்ச்மேன் வேலை பார்த்தவர். அவர் தன் அப்பாவைப் பற்றி சொல்லும் போது, ‘நான் எதற்குமே ஆக மாட்டேன் என்ற கவலையோடே வாழ்ந்து, கடைசிவரை நான் என்ன ஆனேன் என்றே தெரியாமலே இறந்து போனார்’ அப்படின்னு சொல்லியிருக்கார். ஒரு சின்ன கிராமத்தில் பிறந்து கடுமையான போராட்டங்களுக்கு பிறகு இயக்குனரான இவரோட முதல் படமான பசங்க மூன்று தேசிய விருதுகளை வாங்குச்சு. சிறந்த திரைக்கதை வசனகர்த்தாவுக்கான விருதை வென்ற முதல் தமிழ் இயக்குனர் இவர்தான். 16வது சர்வதேச குழந்தைகள் திரைப்பட திருவிழாவில் ஆசிய அளவிலான சிறந்த இயக்குனருக்கான தங்க யானை விருதும் பெற்ற முதல் தமிழ் திரைப்பட இயக்குனரும் இவர் தான். இதே படம் ஐம்பதுக்கும் மேற்பட்ட விருதுகளைப் பெற்றதும் பெருமையான விஷயம் இல்லையா!

விஷ்ணு : ஆமா சார்! சினிமாவுல தான் ஒரே பாட்டுல ஏழையா இருந்தவங்க  பெரிய பணக்காரரா ஆயிடுவாங்க.ஆனா இவர் நிஜ வாழ்க்கையில வாட்ச்மேனா இருந்து பெரிய ஆளா ஆயிருக்காரே!

அறிவொளி : ஆமா, எதையாவது சாதிக்கணும் என்ற வெறி, அதற்கான கடுமையான உழைப்பு, எதுக்காகவும் சோர்ந்து போயிடாத மனஉறுதி இதெல்லாம் தான் அவரோட வெற்றியின் ரகசியம்.  இன்னொருத்தரைப் பற்றி சொன்னா இன்னும்  ஆச்சரியப்படுவீங்க.

கார்த்திக் : யாரு சார் சொல்லுங்க.

அறிவொளி : விஜய் டிவியில சமையல் நிகழ்ச்சிகளில்  வரும் வெங்கடேஷ்பட் என்றவரைத் தெரியுமா உங்களுக்கு?

கார்த்திக் : என்ன சார் இப்படி கேக்கிறீங்க. அவரைத் தெரியாம இருக்குமா! எவ்வளவு பெரிய ஆளு அவரு, ஃபைவ் ஸ்டார் ஹோட்டலோட சி.இ.ஓ  அவரு. அவரோட ப்ரோக்ராம் முடியும்வரை எங்கம்மா வேற எந்த சேனலும் மாத்த விட மாட்டாங்க. எனக்கே அவர் கலகலன்னு பேசிக்கிட்டே சீக்கிரமா, விதவிதமா சமையல் பண்றதைப் பார்க்க ரொம்பப்  பிடிக்கும்.

அறிவொளி : நீ சொன்ன அவ்ளோ பெரிய ஆளு நாலாவதுல ஒருதடவை . எட்டாவதுல ஒருதடவை  ஒன்பதாவதுல ரெண்டு தடவை  பெயிலானவர்னு தெரியுமா?

கார்த்திக் :   ஐயையோ! நிஜமாவா சார் சொல்றீங்க!

அறிவொளி : ஆமா கார்த்திக், மூணாவது வருசம் ஒன்பதாவதுலயே படிக்கனும்னதும் அவர் அழுதுகிட்டே  வீட்ல போய், என்னோட பள்ளிக்கூடம் சேர்ந்தவன் எல்லாம் பன்னிரெண்டாவது முடிச்சிட்டான். நான் திரும்ப ஒன்பதாவது படிக்க மாட்டேன்னு அடம்பிடிச்சு ஸ்கூலைவிட்டு நின்னுட்டார். பிறகு  ஒரு டுடோரியல்ல சேர்ந்து பத்தாவதும், பன்னிரெண்டாவதும் பர்ஸ்ட் கிளாஸ்ல பாஸ்  பண்ணாராம்.

விஷ்ணு : ஸ்கூல்ல நாலு, ஐந்து பாடம் பெயிலானவரு எப்படி ப்ரைவேட்டா எழுதி பர்ஸ்ட் கிளாஸ்ல பாஸ் பண்ணார்?

அறிவொளி : நல்ல கேள்வி, ப்ரைவேட்டா எழுதும் போது நமக்கு கஷ்டமான பாடங்களை விட்டுட்டு சுலபமான பாடங்களை தேர்ந்து கொள்ளலாம். அவர் தனக்கு வராத கணக்கு, அக்கௌன்டன்சி  பாடங்களை விட்டுட்டு ஹிஸ்டரி, காமர்ஸ், அட்வான்ஸ் இங்கிலிஷ் போன்ற தனக்கு பிடிச்சப் பாடங்களைத் தேர்தெடுத்துப் படிச்சதால் பாஸாகிட்டார். அதுக்கப்புறம் ஹோட்டல் மேனேஜ்மென்ட் கோர்ஸ் எடுத்துப் படிச்சாராம்.

கார்த்திக் : அது ஏன் குறிப்பா ஹோட்டல் மேனேஜ்மென்ட் கோர்ஸ் எடுத்தார் சார்.

அறிவொளி : அவங்க அம்மா எப்பவுமே, குடும்பத்தில எல்லோரும் நல்லா படிச்சிருக்காங்க நீ மட்டும் படிக்கவே இல்லை உனக்கு யாருடா பொண்ணு குடுப்பாங்க, எப்படி உனக்கு கல்யாணம் பண்றதுன்னு ரொம்ப கவலைப்படுவாங்களாம். அவரோட அப்பா ஹோட்டல் வச்சிருந்தார் அதனாலே சின்ன வயசுலேர்ந்தே அடிக்கடி ஹோட்டலுக்கு போய் சமைக்கிறதை பார்ப்பதற்கும்,  பார்த்ததை வீட்ல வந்து செய்யவும்  ஆர்வமும், வாய்ப்புகளும் அதிகமா இருந்தது. அதனால தனக்குத்  தெரியாத பாடத்தை எடுத்து கஷ்டப்படுறதை விட  ஏற்கனவே கொஞ்சம் தெரிஞ்ச ஹோட்டல் மேனேஜ்மென்ட் படிப்பைத்  தேர்ந்தெடுத்தார்..

விஷ்ணு : அப்ப அவரோட  அப்பாவும் சந்தோசப்பட்டிருப்பார் இல்லையா?

அறிவொளி : அதான் இல்லை, அவங்கப்பா, ‘நீ சும்மா ஜாலியா சுத்தறதுக்குத்தான் காலேஜ் போறேன்னு சொல்ற. நீ ஒழுங்கா படிக்கமாட்டேன்னு எனக்குத் தெரியும். நீ ஹோட்டல்ல தட்டு கழுவத் தான் லாயக்கு. ஒழுங்கா நம்ம ஹோட்டலுக்கு வேலைக்கு வந்துடு. காலேஜ் எல்லாம் உனக்கு சரிப்பட்டு வராது’ன்னு சொல்லிட்டாராம். 

கார்த்திக் : அச்சச்சோ!அப்புறம்  என்னாச்சு?

அறிவொளி : அப்புறம் அவரோட பெரியப்பாகிட்டப் போய் அழுது, அவரை அவங்கப்பாகிட்ட பேச சொல்லி சம்மதிக்க வச்சிருக்கார்.

கார்த்திக் : காலேஜ்ல எப்படி பாஸானாரா? இல்லை, ஸ்கூல்ல இருந்த  மாதிரியே தானா சார்?

அறிவொளி : ஹோட்டல் மேனேஜ்மென்ட் பொறுத்தவரை படிச்சு மனப்பாடம் பண்ணி எழுதணும் என்ற அவசியம் கிடையாது. நிறைய ப்ராக்டிகலா செய்ய வேண்டியதுதான். அதுல அவருக்கு ஏற்கனவே ஆர்வம் நிறைய இருந்ததுனால பெஸ்ட் ஸ்டூடெண்ட்ஸ்ல அவரும் ஒருத்தரா இருந்தாரு. இந்தத்  துறைக்கு ரொம்ப அவசியமான கலகலப்பா எல்லோரோடயும் நல்லா பேசி கவரக் கூடிய பிறரோடு கலந்து பழகும் திறனும், நல்லா ஆங்கிலம் பேசக் கூடிய மொழித் திறனும், எதோட எதை எந்த விகிதத்துல சேர்த்தா சமையல் நல்லா இருக்கும்னு யோசிச்சு சமையல் செய்யும் லாஜிக்கோ மேத்தமேடிகல் ஸ்கில்லும் (logico mathematical skill) இயல்பாகவே அவருக்கு இருந்ததால இந்த துறையில அவரால சுலபமா முன்னேற முடிஞ்சது.

விஷ்ணு : இது மட்டும் தானா, இல்லை இவரோட வெற்றிக்கு வேற ஏதாவது  முக்கியமான காரணம் இருக்கும்னு   நீங்க  நினைக்கிறீங்களா  சார்? 

அறிவொளி : இதைப்பத்தி அவரே தன்னோட ஒரு பேட்டியில் சொல்லியிருக்கார். ‘என் வகுப்பில் படிப்பில் எப்போதும் கடைசி ஆள் நான்தான். கிரிக்கெட் நல்லா விளையாடுவேன். ஆனா எங்க வீட்ல, என்ன எப்பப் பாத்தாலும் விளையாடிக்கிட்டே இருக்கே, போய் உக்காந்து படின்னு திட்டுவாங்க. அவங்களுக்காக கையில புக்கை வெச்சுக்கிட்டு உக்காந்திருப்பேன். ஆனா நாலு மணிநேரம் ஆனாலும் என்னால நாலு வரிகூட சொல்ல முடியாது. அதுக்காக நிறைய அடியும் திட்டும் வாங்கியிருக்கேன். சொந்தக்காரர்கள் வீட்டுக்கு எப்போது போனாலும் முதல்ல  கேக்குறது, என்ன இந்த வருஷமும் பெயிலாயிட்டியா! அம்மா உன்னைப் பத்திதாண்டா எப்பவும் கவலைப்படுறாங்க ஒழுங்கா படிடா அப்படின்னு சொல்லுவாங்க. அதையெல்லாம் எப்பவுமே ஒரு காதுல வாங்கி இன்னொரு காதில் விட்டுடுவேன். மூளையில் பதிய வெச்சு  மனசை பாரமாக்கிக்கிட்டு இருந்தா வாழ்க்கையே வேறுவிதமா மாறிப்போயிருக்கும். சொல்றவங்க என்னவேனா சொல்லட்டும்னு நான் பாட்டுக்கு எனக்கு எது சந்தோஷத்தைத் தருமோ அதையெல்லாம் செய்துக்கிட்டு இருந்தேன்.  படிப்பு எனக்கு வராதுன்னு நல்லா தெரிஞ்சு போச்சு. படிப்பால சாதிக்க முடியாததை  என்னோட  வேற  பல திறமைகளால  சாதிக்க முடியும்னு உறுதியா நம்பினேன். என்கிட்ட எது இல்லையோ அதைப்பத்திக் கவலைப்படாம என்ன  இருக்கோ அதையே வாழ்க்கைக்கான மூலதனமா பயன்படுத்திகிட்டேன்.

முன்னாடியெல்லாம் படிப்பு மட்டும் தான் வாழ்க்கைன்னு எல்லோரும் நினைச்சு படிக்க சிரமப்படும் பிள்ளைகளை ரொம்பக்  கொடுமைப்படுத்தினாங்க. இப்போ நிறைய பெற்றோர்கள் மாறிட்டாங்க. பிள்ளைகளோட திறமையை வெளிக்கொண்டுவர முயற்சிக்குறாங்க. எல்லோரும் அப்படி மாறுனா நல்லாயிருக்கும். பிள்ளைகளும் தன்  பலத்தை உணர்ந்து, தன்னால சாதிக்கக் கூடிய துறையைத் தெரிந்தெடுத்து அந்த துறைக்குத் தேவையான தகுதிகளை வளர்த்துக்கணும்னு ரொம்ப அழகா அந்தப் பேட்டியில சொல்லியிருந்தார். என்ன கார்த்திக் புரிஞ்சுதா?

கார்த்திக் : ஓ! நல்லா புரிஞ்சுது சார். இதைச் செய் அதை செய்யாதேன்னு அட்வைஸ் பண்ணா பசங்க கேக்க மாட்டாங்கன்னு படிப்புல என்னை விட மோசமா இருந்தும் வாழ்க்கையில வெற்றிகரமா முன்னேறுன ஒருத்தரோட வாழ்க்கையை உதாரணமாக காட்டி எனக்கு புரியவச்சிடீங்க, ரொம்ப தேங்க்ஸ் சார். இனிமே நானும் மத்தவங்க பேசுறதைப் பத்திக் கவலைப்படாம என்னால என்ன நல்லா செய்ய முடியுமோ அதுல கவனம் செலுத்துவேன் சார்.

விஷ்ணு : ஆமா சார் டைரக்டர் பாண்டிராஜ், வெங்கடேஷ்பட் பத்தியெல்லாம் இவ்ளோ நல்லா தெரிஞ்சு வச்சிருக்கீங்களே எப்படி சார்? அவங்க உங்க ப்ரெண்ட்ஸா?

அறிவொளி : (புன்னகையுடன்) இன்டர்நெட் பயன்படுத்தத்  தெரிஞ்சா போதும். உலகத்துல இருக்க யாரைப்பத்தியும் நம்மால தெரிஞ்சிக்க முடியும் விஷ்ணு. யூ ட்யூப்ல (You Tube) இவங்களைப் பத்தி செய்திகள் நிறைய இருக்கு. இவங்க மட்டுமில்ல இன்னும் நிறைய இளைஞர்கள் படிக்குற காலத்துல ரொம்ப கஷ்டப்பட்டாலும்  இப்போ பெரிய ஆளா இருக்காங்க தெரியுமா?

கார்த்திக் : அப்படியா! யார் யாருன்னு சொல்லுங்க சார். (கார்த்திக் கேட்கவும் பள்ளி மணி அடிக்கவும் சரியாக இருந்தது.)

அறிவொளி : இப்போ மணி அடிச்சிருச்சு. வகுப்புக்கு போயிட்டு சாயங்காலம் எங்க வீட்டுக்கு வேணா வாங்க நாம நிறைய பேசலாம்.சரியா ?

கார்த்திக் : ஓகே சார்!

(மகிழ்ச்சியுடன் வகுப்புக்குச் சென்ற கார்த்திக்கும், விஷ்ணுவும் மற்ற சாதனை இளைஞர்களைப் பற்றி தெரிந்து கொள்ள எப்போது மாலையாகும் எனக் காத்திருந்தனர். நாமும் காத்திருப்போமா!)

தொடரும் ...

பிரியசகி 

priyasahi20673@gmail.com.

]]>
கண்டேன் புதையலை http://images.dinamani.com/uploads/user/imagelibrary/2017/1/5/w600X390/bill-gates-433921.jpg http://www.dinamani.com/health/health-serials/kandaen-pudhaiyalai/2017/jan/07/புதையல்-12-2627723.html
2609771 தொடர்கள் கண்டேன் புதையலை புதையல் 8 பிரியசகி DIN Saturday, December 3, 2016 10:55 AM +0530 நீங்க  ஜீவாவா? தனசேகரா ?

(வாழ்நாளில் மறக்க முடியாத ஆசிரியர் யாராவது நினைவுக்கு வருகிறார்களா என்று அறிவொளி கேட்டதும் பலருடைய முகத்திலும் நூறு வாட்ஸ் பல்பு எரிந்தது.)

அறிவொளி :  எல்லோருமே வாழ்க்கையில் நிறைய ஆசிரியர்களைக் கடந்து வந்திருப்போம். ஆனா எல்லோருக்குமே  மறக்க முடியாத ஆசிரியர்கள் யாராவது ஒருத்தராவது கண்டிப்பா இருப்பாங்க இல்லையா? ஏன் அவரை உங்களால மறக்க முடியலைன்னு சொல்ல விரும்புறவங்க  சொல்லலாம்.

சந்தோஷ்: என் வாழ்க்கையில மறக்கவே முடியாதவங்க ரெண்டு ஆசிரியர்கள். ஒருத்தர் மேல எனக்கு  அளவுகடந்த வெறுப்பு இருக்கு. இன்னொருத்தர் இன்னைக்கு நான் மனுஷனா, ஒரு ஆசிரியரா இருக்கேன்னா அதுக்கு அவர்தான் காரணம். எனக்கு ஒரு  வயசு இருக்கும் போதே எங்கம்மா இறந்துட்டாங்க. என்னைப் பாத்துக்க முடியலைன்னு எங்கப்பா இன்னொரு கல்யாணம் பண்ணிக்கிட்டாரு. வழக்கமான சித்தி கொடுமைகளை எல்லாம் நான்  நிறைய அனுபவிச்சேன். சந்தோஷ்னு பேரு வெச்ச எங்கப்பா  என்னை சந்தோஷமா வெச்சுக்கிட்டதேயில்ல. என் சித்தி சொல்றத கேட்டுகிட்டு நான் செய்யாத தப்புக்கெல்லாம் என்னை பெல்ட்டால அடிப்பாரு. வீட்டு வேலை, தம்பி தங்கச்சிகளை பாத்துக்குற வேலை எல்லாம் முடிச்சிட்டு பாடம் படிக்கவோ, வீட்டுப்பாடம் எழுதவோ நேரமே இல்லாம நெறைய நாட்கள் ஸ்கூல்லயும் அடிவாங்குவேன். என் தெருவிலேயே குடியிருந்த ஜீவானந்தம் சார் தான் எங்கப்பாவை கூப்பிட்டு அறிவுரை சொல்லறது எனக்கு ஹோம்ஒர்க் செய்ய, படிக்க  உதவுறதுன்னு ரொம்ப ஆறுதலா இருந்தாரு.

பத்தாவது படிக்கும்போது  தனசேகர்னு ஒரு கணக்கு  வாத்தியார் வீட்டுப்பாடம் முடிக்காத பசங்கள  ரொம்பக் கொடூரமா அடிப்பார், காலால எட்டிஉதைப்பார், கெட்ட வார்த்தையால திட்டுவார். பசங்க அவர பழிவாங்க வாய்ப்பு கிடைக்குமான்னு காத்துக்கிட்டிருந்தாங்க.

ஒருநாள் கணக்கு வகுப்புல வீட்டுப்பாடம் முடிக்காதவங்கள எல்லாம் எழுந்து நிக்கச்சொல்லி அடிச்சுக்கிட்டிருந்தார். வீட்ல திட்டு வாங்கின கடுப்புல நான் ஏதோ யோசனைல இருந்தேன். நான் உட்க்கார்ந்துக்கிட்டிருக்குறதைப் பார்த்து பக்கத்தில் வந்தவர், என்ன துரை ஹோம்ஒர்க் முடிச்சுடீங்களா, எப்பவும் வீட்ல இருக்க சித்தியப் பத்தியே யோசனை போலருக்கேன்னு என்னை சித்தியோட சேத்து வெச்சு  தப்பா பேச ஆரம்பிச்சார். என்னை எவ்வளவு அடிச்சாலும் ஒரு வார்த்தை எதிர்த்து பேசாத நான் அவர் பேசிய கேவலமான வார்த்தைகளால் கோபம் தலைக்கு ஏற அவர் சட்டையை பிடிச்சு மூஞ்சியில ஓங்கி ஒரு குத்துவிட்டுட்டு அங்கேர்ந்து ஓடிட்டேன். அவர் ஹெட்மாஸ்டரிடம்போய் வீட்டுப்பாடம் செய்யாததைக் கேட்டதுக்கு  அடிச்சுட்டான்னு புகார் பண்ணவும் என்னைப் பள்ளியைவிட்டு பத்து நாளுக்கு இடைநீக்கம் பண்ணிட்டாங்க.

வழக்கம் போல எங்கப்பா என்னை எதுவும் விசாரிக்காமல் ஸ்கூல்ல சொன்னதைக் கேட்டுட்டு  பெல்ட்டால அடிக்கவும் எனக்கு ரொம்ப ஆத்திரம் வந்து அவர் கையை பிடிச்சி தடுத்து,  நான் எதுக்கு அவரை அடிச்சேன்னு தெரியுமா உங்களுக்கு? எதுவுமே தெரியாம என்ன அடிக்க மட்டும் கையை ஓங்கிட்டு மொத ஆளா வந்துடுவீங்களான்னு கேட்டேன். இத்தனை வருஷமா புள்ளபூச்சி போல இருந்தவன் இப்ப  எதிர்த்து கேள்வி கேக்குறதை அவரால தாங்கிக்க முடியல .  எப்ப நீ பாடம் சொல்லிக்குடுக்குற வாத்தியார அடிக்கற அளவு, பெத்த அப்பன கையை மடக்குற அளவு வளந்துட்டியோ இனிமே உனக்கு இந்த வீட்ல இடம் இல்ல, வெளிய போடா நாயேன்னு என்னைக் கழுத்தை பிடிச்சி வெளியே தள்ளிட்டார்.

கையில காசு இல்லை, மாத்த துணி இல்லை, எங்க போறது, என்ன பண்றது எதுவுமே புரியல. காலைல இருந்து  சாப்பிடாதது பசி வயித்த கிள்ள வெயில் மண்டைய பிளக்க தலை சுத்தி  மயக்கம் வந்து கீழே விழுந்த வரைக்கும் தான் ஞாபகம் இருக்கு. . முழுச்சிப் பாத்தா ஜீவா சார் வீட்ல படுத்திருந்தேன்.

நடுரோட்ல விழுந்து கிடந்த என்னை அவரு தன்னோட வீட்டுக்குத் தூக்கிட்டுப் போய் மயக்கத்தை தெளியவெச்சி  சாப்பாடு குடுத்தார். அப்பா வீட்டை விட்டுத் துரத்திட்டாரே என்ற கோபம், அவமானம், எதிர்காலத்தைக் குறித்த கவலை எல்லாம் சேர்ந்து துக்கம் தொண்டையை அடைக்க சாப்பிடமுடியாமல் தேம்பித்தேம்பி அழுத என்னைத் தன் மடியில் சாய்த்து தலையைத் தடவிக் கொடுத்தார். பிறந்ததிலிருந்து அப்படி ஒரு பாசமானத் தொடுதலை உணராத நான்,  ஒரு தந்தையோட உண்மையான அன்பும் அரவணைப்பும் எப்படி இருக்கும்னு அன்னைக்குதான் உணர்ந்தேன். 

‘சந்தோஷ் நல்லா படிக்கக் கூடிய அறிவும் திறமையும் உள்ள மாணவன் நீ. உன் சூழ்நிலை சரியில்லாம தான் நீ இப்படி இருக்கேன்னு எனக்குத் தெரியும். இங்கே இருந்தா உன் எதிர்காலமே வீணாகிடும். நான் உன்னை சென்னைல ஒரு பள்ளியில சேர்த்துவிடுறேன். நல்லா படிச்சு நீ நிறைய பேருக்கு உதவி செய்யக்கூடிய நிலைக்கு வரணும்னு ஆசைப்படுறேன். போய்ப் படிக்குறியான்னு  கேட்டதும் கடவுளே நேர்ல வந்து பேசுற மாதிரி இருந்துச்சு. சொன்ன மாதிரியே தன் செல்வாக்கைப் பயன்படுத்தி சென்னையில இருந்த ஒரு விடுதியோட கூடிய பள்ளியில சேர்த்து விட்டார். கூட தங்கியிருந்த மாணவர்கள் எல்லாவிதமான ஒழுக்கக்கேடான பழக்கங்களும் கொண்டிருந்ததோட எனக்கும் அதைப் பழக்கப்படுத்த முயற்சி செய்தாங்க.  ஆனா ஜீவா சார் என்மேல வெச்ச நம்பிக்கையக் காப்பாத்தணும்னு எந்தவித சபலங்களுக்கும் இடம் குடுக்காம நல்லா படிச்சேன். பன்னிரெண்டாவது முடிச்சதும் மெடிக்கல், இன்ஜினியரிங் இரண்டுமே கிடைச்சாலும் ஜீவா சார் மாதிரி ஒரு நல்ல ஆசிரியரா தான் நான் ஆகணும்னு உறுதியோட  இருந்ததால இன்னைக்கு உங்க முன்னாடி ஒரு ஆசிரியரா நிக்குறேன். 

என் மாணவர்கள் சோர்ந்துபோன முகத்தோட படிக்காம வீட்டுப்பாடம் முடிக்காம வந்தா என்னோட சின்ன வயசு அனுபவங்கள்தான் ஞாபகத்துக்கு வரும். அவங்களைக் கூப்பிட்டு பேசி காரணம் என்னன்னு பாத்து என்னால என்ன உதவி செய்ய முடியுமோ அதை செய்யுறேன்.

(பேசி முடித்து சந்தோஷ் அமர்ந்த பிறகும் கைதட்டல் அடங்க சில நிமிடங்கள் ஆனது.

ஆனந்த் : சந்தோஷ் சார் உங்களுக்குள்ள இவ்ளோ அழுத்தமான, ஆழமான கதை இருக்குறது இத்தனை வருஷமா தெரியாமப்  போயிடுச்சே! நீங்க வகுப்பறையைத் தாண்டியும் பிள்ளைகளுக்காக நிறைய நேரம் செலவு பண்ணும் போது  நான் கூட இவர் ஏன் இப்படி ஓவரா சீன் போடுறாரேன்னு நினைச்சிருக்கேன். அதுக்கான காரணம் இப்பதான் புரியுது.  

சந்தோஷ்: இத்தனை வருஷம் இதையெல்லாம் சொல்ல அவசியம் வந்ததில்லை. இன்னைக்கு நம்மால மறக்க முடியாத ஆசிரியர்கள் பத்திய பேச்சு வந்ததால் ஆசிரியர்கள் யாரும்  தனசேகர் சார் மாதிரி இருக்கக் கூடாது, ஜீவா சார் மாதிரி இருக்கணும்னு சொல்லத் தோணுச்சு. அதான் சொன்னேன்.

அறிவொளி: உங்க வாழ்க்கை அனுபவங்களை பகிர்ந்துக்கிட்டதுக்கு ரொம்ப நன்றி சந்தோஷ் சார்.

எந்தக் காரணமும் இல்லாம எந்த மாணவனும் வேணும்னே படிக்காம இருக்கிறதோ, மோசமா நடக்கிறதோ இல்லை. கண்டிப்பா அதுக்குக் காரணம் இருக்கும். காரணத்தைக் கண்டுபிடிச்சி சரிசெய்தால் அவர்களும் சரியாகி விடுவார்கள் என்பதை ரொம்ப எளிமையா அழகா சொல்லிட்டிங்க. உளவியலில் நடத்தை மாற்ற சிகிச்சையின் அடிப்படையே இதுதான். இந்த நுணுக்கத்தை புரிஞ்சுக்கிட்டா ஆசிரியர்களுக்கு எந்த மாணவனையும் கையாள்வது எளிது.

அதேபோல நீங்க சொன்னதுல ரொம்ப முக்கியமான விஷயம், ஜீவா சார் உங்கமேல வெச்ச நம்பிக்கைதான் உங்களை இந்த நிலைக்கு உயர்த்துச்சுன்னு சொன்னீங்க பாருங்க அதுதான். இந்த நம்பிக்கையை தான் உளவியலில் ‘பிக்மாலியன் விளைவு’னு சொல்றாங்க. உன்னால இதை செய்ய முடியும்னு நான் உறுதியா நம்புறேன்னு சொல்லும்போதே அது அவங்களுக்குள்ளே நிச்சயம் மாற்றத்தை ஏற்படுத்தும். அந்த நம்பிக்கையை காப்பாத்த அவங்க எடுக்கும் முயற்சிகள் நல்ல விளைவுகளைத் தரும். இதுக்கெல்லாம் நேரிடை சாட்சியா நம்ம சந்தோஷ் சாரே இருக்கார். அவர் இன்னைக்கு  ஜீவா சாரை நினைச்சு பாக்குறா மாதிரி  நம் மாணவர்கள் பிற்காலத்தில் நம் பேரை நினைச்சுப் பார்த்தங்கன்னா அதுதான் நம்முடைய வெற்றி. அதுக்கான வழிமுறைகளை வகுப்பதற்கும்  செயல்படுத்தவும் ஒன்றிணைந்து திட்டமிடுவோம். இந்த நேர்மறை சிந்தனைகளோடு இன்றைய கூட்டத்தை நிறைவு செய்வோம். இன்றைக்குப் பேசிய விஷயங்கள் பற்றியோ அல்லது பள்ளிக்கும் மாணவர்களுக்கும் பயன் தரக்கூடிய எந்த விஷயமானாலும் நீங்க எப்ப வேணாலும் என்னிடம் வந்து பேசலாம். நன்றி.

(உதவித் தலைமை ஆசிரியர் நன்றி உரை கூற, தேநீரோடு எல்லோரும் இருவர் மூவராய் பேசியவாறு கலைந்து சென்றனர். எல்லோர் மனதிலும் ஏன் அந்த அறை முழுவதுமே நேர்மறை எண்ணங்கள் நிறைந்து இருந்தது. இதைப் படிக்கும் ஆசிரியப் பெருமக்கள் தங்களையே கேட்டுக்கொள்ள வேண்டிய கேள்வி நான் ஜீவாவா? தனசேகரா? என்பது தான்.)

தேடலாம்..

- பிரியசகி 

priyasahi20673@gmail.com

 

]]>
கண்டேன் புதையலை, பிரியசகி, Learning methods http://images.dinamani.com/uploads/user/imagelibrary/2016/12/3/w600X390/goverment_school.jpg http://www.dinamani.com/health/health-serials/kandaen-pudhaiyalai/2016/dec/03/புதைய-2609771.html