Dinamani - மகப்பேறு மருத்துவம் - http://www.dinamani.com/health/maternity/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2973660 மருத்துவம் மகப்பேறு மருத்துவம் கர்ப்பிணிகள் கட்டாயம் சாப்பிட வேண்டிய பழம் இதுதான்! Friday, August 3, 2018 04:11 PM +0530 கர்ப்பிணி பெண்கள், காலையில் சீக்கிரமே சாப்பிட வேண்டும்.  இதனால் ரத்தத்தில்  உள்ள சர்க்கரையின் அளவு குறையாமலிருக்கும். அடிக்கடி மயக்கமும் வராது.

வயிற்றில் குழந்தை வளர, வளர, அதிகமாக சாப்பிட முடியாது.  சீக்கிரம் பசியும் எடுக்காது. அதனால் சாப்பிடாமல் இருக்காமல், ஜூஸ், முளை கட்டிய தானியங்கள் போன்றவற்றை, பல வேளைகளாகப் பிரித்துச் சாப்பிட வேண்டும்.

பிரசவ காலத்துக்குப் பின் வயிற்று தசைகள் வலுப் பெற சின்ன சின்ன உடற்பயிற்சிகள் செய்வது நல்லது.

கர்ப்பிணிகள் உடலுக்கு இயற்கையான குளிர்ச்சியை வாழைப்பழம் தருகிறது. உடல்  சூடு  மட்டுமல்ல உணர்ச்சி வசப்படுவதாலும் உடலைப் பாதிக்கும் சூட்டை வாழைப் பழம் நீக்குகிறது.  இதனால் தாய்லாந்தில்  கர்ப்பிணி பெண்களின் தினசரி உணவில்  வாழைப்பழ ரெசிபிகள் விதவிதமாக இருக்குமாம். மேலும், வாழைப் பழத்தில் இருக்கும் பொட்டாசியம் சத்து குழந்தைகளின் மூளைத் திறனைத் தூண்டுகிறது.

கர்ப்பக் காலத்தில் மலச்சிக்கல் பிரச்னை வரும். அதைத் தவிர்க்க அதிகமாக தண்ணீர் குடிக்க வேண்டும். 

பிரசவம் முடிந்த சில நாட்களில், வயிறு  சுருங்க வேண்டும் என்பதற்காக பெரிய துணியை வயிற்றில் கட்டி விடுவார்கள். அது தவறு. இதனால் கருப்பை கீழிறங்கிட வாய்ப்பு உண்டு. இருமல் அல்லது தும்மலின்போது சிலருக்கு சிறுநீர் வெளியாவதற்கும் இதுதான் காரணம். எனவே, பிரசவம் முடிந்து ஆறு வாரம் கழித்துதான் அதற்கான பெல்ட்டை அணியலாம்.

]]>
pregnant, pregnancy, கர்ப்பிணிகள், குழந்தை, வாழைப்பழம் http://images.dinamani.com/uploads/user/imagelibrary/2018/6/14/w600X390/pregnant_woman.jpg http://www.dinamani.com/health/maternity/2018/aug/03/கர்ப்பிணிகள்-கட்டாயம்-சாப்பிட-வேண்டிய-பழம்-இதுதான்-2973660.html
2969589 மருத்துவம் மகப்பேறு மருத்துவம் அதென்ன 'திவாஸ்?’ தெரிந்து கொள்வோம்! - ஸ்ரீதேவி குமரேசன் Saturday, July 28, 2018 03:56 PM +0530 பெண்களுக்கான நீரிழிவு, கர்ப்பக்கால நீரிழிவு குறித்து பெண்களுக்கு விழிப்புணர்வு ஏற்படுத்தும் நோக்கத்துடன் கடந்த 7 ஆண்டுகளுக்கு முன்பு பெண்களுக்கு விழிப்புணர்வு என்ற அமைப்பு தொடங்கப்பட்டது. இந்த அமைப்பானது ஆண்டுதோறும் நீரிழிவு குறித்த கருத்தரங்கம் நடத்திவருகிறது. இந்த ஆண்டிற்கான கருத்தரங்கம் சமீபத்தில் சென்னையில் நடைபெற்றது. இது குறித்து "திவாஸ்' அமைப்பின் பொறுப்பாளர் மருத்துவர் மாலதி நம்முடன் பகிர்ந்து கொண்டவை:

'நீரிழிவைப் பொருத்தவரைக்கும் அது பரம்பரை நோயாக நினைக்கிறோம். ஆனால், உண்மையில் அப்படி எதுவும் இல்லை. நாம் என்ன மாதிரியான உணவு சாப்பிடுகிறோம், எவ்வளவு நேரம் உடற் பயிற்சி செய்கிறோம், என்ன மாதிரி மன அழுத்தத்தில் இருக்கிறோம். தூக்கமின்மை. எவ்வளவு நேரம் உட்கார்ந்து கொண்டே இருக்கிறோம் என்பதை பொருத்துதான் ஒருவருக்கு நீரிழிவு நோய் வருவதும், வராததும்.

முன்பெல்லாம் பெண்கள் அரைப்பது, இடிப்பது, புடைப்பது, துடைப்பது, பெருக்குவது என எல்லாம் அவர்கள் செய்து வந்தார்கள். அதுபோன்று முன்பெல்லாம் எங்கு செல்வதானாலும் பெரும்பகுதி தூரம் நடந்துதான் செல்ல வேண்டியிருந்தது. இப்போது நமது லைப் ஸ்டைல் மாறிவிட்டது.

சாதாரணமானவர்கள் வீட்டில் கூட இப்போது மிக்ஸியும், கிரைண்டரும், மாப்பும் இருக்கிறது. இதெல்லாம் பெண்களின் சுமையைக் குறைத்துவிட்டது என்பது மகிழ்ச்சியாக இருந்தாலும், தற்போது இதுவே பெண்களின் நீரிழிவுக்கு காரணமாகி இருபதும் மறுக்க முடியாதது.

இது தவிர, தற்போது பெரும்பாலான பெண்கள் வேலைக்குச் செல்பவர்களாக இருப்பதனால் அலுவலகம், வீடு, குழந்தைகள் என அவர்களுக்கு இடத்துக்குத் தகுந்த மனஅழுத்தம் இருந்து கொண்டே இருக்கிறது. வீடு திரும்பியதும் மீண்டும் அவர்களுக்காக வீட்டு வேலைகள் காத்திருக்கிறது. இது தொடர்கதை ஆகி போனது. அதுபோன்று பெண்களின் வாழ்க்கைமுறையைப் பார்த்தாலும் பூப்பெய்துதல், மாதவிலக்கு, கர்ப்பம், பிரசவம், மாதவிலக்கு நின்று போதல் என்று எல்லாமும் ஏனோ பெண்களுக்கே பணிக்கப்பட்டுள்ளது.

இதனால்தான் உலகளவில் பார்த்தால், பெரும்பகுதி பெண்களுக்குதான் அதிகமாக ஹார்ட் அட்டாக் வருகிறது, வாதம் வருகிறது, மன அழுத்தம் ஏற்படுகிறது, நீரிழிவு ஏற்படுகிறது, பெண்களின் இறப்பு விகிதமும் அதிகமாக உள்ளது. தற்போது உலகளவில் 400 மில்லியன் பேருக்கு நீரிழிவு உள்ளது என்றால் அதில் சரிபாதி பெண்களுக்கு உள்ளது.

அதே போன்று நம்மூர் பெண்கள் 60 - 70 சதவீதம் கிராமத்தில் இருப்பவர்கள்தான். பண வசதி குறைவாக இருக்கும். அதனால் அவர்கள் தங்களின் கணவரையும், குழந்தைகளை கவனிப்பதிலும்தான் அதிக கவனம் செலுத்துகிறார்களே தவிர, தங்கள் உடல்நலன் மீது அக்கறை கொள்வதில்லை. அதுபோன்று சிறு வயதில் அப்பாவை சார்ந்திருப்பார்கள், பிறகு கணவர், பிறகு தனது குழந்தைகள் என அடுத்தவர்களை சார்ந்தே இருப்பதும், அடுத்தவர்களுக்கு கஷ்டம் கொடுக்கக் கூடாது என்ற எண்ணமும் தான் தனக்காக செலவு செய்துகொள்ள நினைப்பதில்லை. இதன் அடிப்படையில்தான் உடலில் ஏதவாது பிரச்னை இருந்தாலும் மருத்துவமனைக்குச் செல்லாமல், இது இதனால்தான் வந்திருக்கும் என்று அவர்களாகவே ஒரு முடிவுக்கு வந்துவிடுகிறார்கள். நோய் முதிர்ந்த நிலையில் செல்லும்போது அவர்களை காப்பாற்ற முடியாமல் போகிறது.

கடந்த ஆண்டு 30 மில்லியன் குழந்தைகள் பிறந்துள்ளனர். அவர்களில் 15 சதவீத கர்ப்பிணி பெண்களுக்குக் கர்ப்பகால நீரிழிவு உள்ளது என்று கண்டறியப்பட்டுள்ளது. இது அந்த தாயையும் பாதிக்கும், குழந்தையையும் பாதிக்கும். கர்ப்பக் கால நீரிழிவு உள்ள பெண்களுக்கு பிறக்கும் குழந்தைகளுக்கு 15-20 வயதிலேயே நீரிழிவு நோய் வர வாய்ப்புள்ளது. இது குறித்து பெண்களிடையே விழிப்புணர்வு ஏற்படுத்த வேண்டும் என்ற எண்ணத்தில் தான் 'திவாஸ்' தொடங்கினோம். பள்ளி, கல்லூரிகள், அலுவலகங்கள் என எந்த இடத்தில் எல்லாம் பெண்களுக்கு நீரிழிவு குறித்து விழிப்புணர்வு ஏற்படுத்த முடியுமோ அங்கெல்லாம் சென்று உணவு பழக்கங்கள், உடல் பயிற்சி, மன அழுத்தம், கொழுப்பு, கர்ப்பகால பராமரிப்பு, பிபி போன்றவற்றை பற்றி எல்லாம் பேசி வருகிறோம்.

பெண்கள் நீரிழிவு வராமல் தற்காத்துக் கொள்ள, ஹைஸ் ஸ்கூல் வந்துவிட்டாலே அவர்கள் ஜங்க் புட் எல்லாம் சாப்பிடாமல், காய்கறிகள், பழங்கள் சாப்பிட வேண்டும், சுறுசுறுப்பாக இருக்க வேண்டும், கட்டாயமாக 14- 15 வயதிலிருந்தே உடற்பயிற்சி தொடங்க வேண்டும். சரியான நேரத்தில் தூங்கி எழுந்திருக்க வேண்டும்.கூடிய மட்டும் நடைப்பயிற்சி செய்ய வேண்டும் , அதுபோன்று சின்னச் சின்ன வீட்டு வேலைகளை சிறுவயதிலேயே பழக்கிக் கொள்ள வேண்டும். கூடிய மட்டும் பாரம்பரிய உணவு வகைகளை சாப்பிட பழக வேண்டும். முன்பெல்லாம் சமையலில் பெரும்பாலும் நல்லெண்ணெய் சேர்த்துக் கொண்டார்கள், கடலெண்ணெய்யும், தேங்காய் எண்ணெய்யும் சமையலில் மாறிமாறி வரும். அதுதான் சரியான முறை. ஆனால் நாம் இப்போது ஒரே எண்ணெய்யைத்தான் சமையலுக்கு உபயோகப்படுத்துகிறோம். அப்படி செய்யக் கூடாது. இவையும் நீரிழிவும், இதய நோயும் ஏற்பட வாய்ப்பாக அமைந்துவிடும். என்பதையெல்லாம் எடுத்து கூறுகிறோம்.

அதுபோன்று ஒரு பெண்ணுக்கு திருமணம் செய்ய வேண்டும் என்று முடிவு செய்ததுமே, குறைந்தது ஆறுமாத காலமாவது சரியான நேரத்துக்கு சரியான உணவுகளை சாப்பிட வேண்டும். உடல் எடை அதிகம் இருந்தால் குறைக்க வேண்டும். குறைவாக இருந்தால் அதிகரிக்க வேண்டும். ரத்த சோகை இருக்கிறதா என்பதை கவனிக்க வேண்டும், மன அழுத்தம், ரத்த அழுத்தம், சரியான தூக்கம் போன்றவற்றில் எல்லாம் கவனம் செலுத்தி தங்களை தயார்ப்படுத்திக் கொள்ளவேண்டும். இப்படி செய்வதன் மூலம் பெரும்பாலான பெண்களின் கர்ப்பக்கால நீரிழிவு மட்டுமில்லாமல், குழந்தையின்மையும் தடுக்க முடியும்' என்றார்.

]]>
pregnancy, diabetes, நீரிழிவு, diabetic, கர்ப்பக்கால நீரிழிவு, பெண்களுக்கு விழிப்புணர்வு http://images.dinamani.com/uploads/user/imagelibrary/2018/7/28/w600X390/f7771aba4f99f27160e5c2ca23b13ebb.JPG http://www.dinamani.com/health/maternity/2018/jul/28/diabetes-during-pregnancy-2969589.html
2943579 மருத்துவம் மகப்பேறு மருத்துவம் கர்ப்பகால நீரிழிவுக்கான உணவுமுறைகள்! Wednesday, June 20, 2018 11:57 AM +0530 (சென்ற வார தொடர்ச்சி)

கர்ப்பகால நீரிழிவுநோய் உள்ள பெண்களின் உணவு முறையானது, மற்றவர்களின் உணவுமுறையிலிருந்து மிகச் சிறிதளவே மாற்றம் பெற்றது. அதனால், இவர்கள் கவலையடைவதையும், மன அழுத்தத்திற்கு உள்ளாவதையும் அறவே தவிர்க்க வேண்டும்.

இப்பெண்களின் ஒருநாளைக்குரிய உணவானது, அவர்களுடைய வயது, உடல் எடை, உயரம், உடல் உழைப்பு ஆகியவற்றை பொருத்தே நிர்ணயிக்கப்படுகிறது.
நீரிழிவுள்ள கர்ப்பிணி பெண்கள் தங்களுடைய மொத்த கர்ப்பகால எடையானது 10-12 கிலோவிற்கு அதிகமாகாமல் கவனமாக இருக்க வேண்டும். இவர்களின் உடல் எடையானது, பரிந்துரைக்கப்பட்ட எடையிலிருந்து 10 சதவிகிதம் குறைவாக இருக்குமளவிற்கு உணவு முறை கடைபிடிக்க வேண்டும். 

ஒரு நாள் உணவு பட்டியலில் கிடைக்கும் மொத்த கலோரியானது 55-65% மாவுப் பொருட்களிலிருந்தும், 15-20% புரத உணவுகளிலிருந்தும், 20-25% கொழுப்பு உணவுகளிலிருந்தும் கிடைக்குமாறு பார்த்துக்கொள்ள வேண்டும்.

குறைந்தபட்சம் 200 கிராம் காய்கள், 200 கிராம் கீரைகள், இவர்களுடைய உணவில் இருக்குமாறு பார்த்துக் கொள்ள வேண்டும். நாட்டுக்காய்களும், பந்தல் வகைக்காய்களும் இவர்களுக்கு ஏற்றதாகும். செயற்கை முறையில் தவிடு நீக்கப்படாத முழுதானியங்கள் போதுமான அளவு நார்ச்சத்தை அளிக்க வல்லவை. 

அதிக கலோரி மற்றும் மாவுச்சத்து நிறைந்த கிழங்கு வகைகளான கருணைக்கிழங்கு, உருளைக்கிழங்கு, சர்க்கரைவள்ளி, மரவள்ளி, அக்ரோட் ஆகியவற்றை தவிர்க்க வேண்டும். 

சாதாரண அளவு வெப்பநிலையில் திடமாக இருக்கும் கொழுப்பு பொருட்களான நெய், வெண்ணெய், தேங்காய் எண்ணெய், வனஸ்பதி ஆகியவை நிறைவுற்ற கொழுப்புகளைக் கொண்டிருப்பதால், இரத்தத்தில் கொழுப்பின்; அளவை அதிகரித்து, உடல் எடையை எளிதில் அதிகரிக்கும் தன்மையுடையவை. எனவே, அவற்றை தவிர்க்க வேண்டும்.

தாவர எண்ணெய்களான சூரியகாந்தி எண்ணெய், கடுகு எண்ணெய், அரிசி தவிடு எண்ணெய், மணிலா எண்ணெய், ஆலிவ் எண்ணெய் ஆகியவைகள் ஒற்றை நிறைவுறா கொழுப்பைக் கொண்டிருப்பதால் அவை உடலுக்கு நன்மையளிக்கின்றன. நீரிழிவுள்ள கர்ப்பிணிப்பெண்கள் அசைவமாக இருப்பின், சிறு மீன்கள், தோல் நீக்கிய கோழி இறைச்சி ஆகியவற்றை சேர்த்துக் கொள்ளலாம்.

கர்ப்பகாலத்தில் அனைத்து பழங்களையும் உண்பதால் உயிர்சத்துக்கள் போதுமான அளவு கிடைக்கும் என்றாலும், எளிதில் இரத்தத்தில் சர்க்கரையை அதிகரிக்கும் பழங்களான ஆப்பிள், பப்பாளி, சப்போட்டா, அன்னாசி, திராட்சை, வாழைப்பழம், பேரீச்சை, உலர் திராட்சை ஆகியவற்றை அதிக அளவிலும், தினந்தோறும் சாப்பிடுவதைவிட வாரம் இரண்டு அல்லது மூன்று நாட்கள் குறைந்த அளவில் எடுத்துக்கொள்ளலாம். இவற்றைத்தவிர, மாதுளம், கொய்யா, நெல்லிக்கனி, நாவல், ஆரஞ்சு, எலுமிச்சை ஆகிய பழங்களை தினமும் உண்ணலாம். 

கர்ப்பகாலத்தில் நீரிழிவு உள்ள பெண்கள், மேற்கூறிய உணவுமுறையுடன், போதுமான உடற்பயிற்சி அல்லது மூச்சுப்பயிற்சி, அன்றாட வீட்டு வேலைகளை உற்சாகத்துடன் செய்யும் பழக்கம், மகிழ்ச்சியான மனநிலை மற்றும் நிம்மதியான உறக்கம் ஆகியவை ஒருசேர கடைபிடித்தார்களானால், கர்ப்பகால நீரிழிவை வென்று ஆரோக்கியமான குழந்தையைப் பெறலாம். 

]]>
pregnant, pregnant woman, pregnancy diet, கர்ப்பகால உணவு, கர்ப்பிணிகள் http://images.dinamani.com/uploads/user/imagelibrary/2018/6/20/w600X390/dr.jpg http://www.dinamani.com/health/maternity/2018/jun/20/diet-during-pregnancy-2943579.html
2775914 மருத்துவம் மகப்பேறு மருத்துவம் இரும்புச்சத்து மாத்திரை சாப்பிட்டால் குழந்தை கறுப்பாக பிறக்குமாமே? Tuesday, September 19, 2017 11:34 AM +0530
இரும்புச்சத்து மாத்திரை சாப்பிட்டால் குழந்தை கறுப்பாக பிறக்குமாமே?

தாய் சேய் இருவருக்கும் இரும்புச்சத்து மிக அவசியம். அதுதான் ரத்த சோகை வராமல் காக்கும். கர்ப்பத்திலுள்ள குழந்தையின் கல்லீரலில் இரும்புச்சத்து சேர்த்து வைக்கப்படுவதால் பிறந்த பிறகு முதல் மூன்று மாதங்களுக்கு இச்சத்தையே குழந்தை பயன்படுத்திக் கொள்கிறது. குழந்தை கருப்பாகப் பிறப்பதற்கு, இரும்புச்சத்து, மாத்திரைகள் மற்றும் டானிக் ஆகியவை எந்த வகையிலும் காரணமில்லை. குழந்தையின் சரும நிறம், வடிவம், உடல்வாகு, அறிவுத்திறன் மற்றும் குணங்கள் ஆகிய அனைத்தும் பெற்றோரிடமிருந்து வருபவையே.

கர்ப்பமாக இருக்கும்போது சூடான பானங்கள் சாப்பிட்டால் வயிற்றில் இருக்கும் குழந்தைக்கு சூடு தெரியுமா?

கர்ப்பிணிகள் என்றில்லை, பொதுவாகவே மிதமிஞ்சிய சூட்டில் பானம் - உணவுப் பொருள்களை சாப்பிடும் பழக்கம், ஒரு சிலருக்கு இருக்கலாம். அப்படி சாப்பிடும்போது உணவுக்குழாய் புண்ணாகி அல்சர் வர வாய்ப்புள்ளது.

கர்ப்பிணிகள் சர்க்கரைக்குப் பதிலாக தேன் கலந்து சாப்பிடலாமா?

தேனில் ஆன்ட்டி - ஆக்சிடன்டுகள் அதிகமிருப்பதால் ஆக்ஸிஜன் ப்ரீ - ரேடிக்சின்களைக் கட்டுப்படுத்தி, மூளை, இதயத்திற்குச் செல்லும் ரத்தக்குழாய் செல்களை ஒழுங்காக இயங்க வைக்கும். ரத்த சர்க்கரை அளவில் இன்சுலின் குறைவாக இருப்பவர்கள், சர்க்கரைக்குப் பதிலாக தேன் பயன்படுத்தலாம். இது 'ரத்த சர்க்கரை' அதிகமாக இருப்போருக்கு, ரத்தத்தில் சர்க்கரையின் அளவு மேலும் அதிகரித்து, வயிற்றில் இருக்கும் குழந்தை பாதிக்கப்படும்.

கர்ப்ப காலத்தில் கார்போ ஹைட்ரேட்டு மிகுந்த உணவுகளை அதிகம் சாப்பிட்டால், உடல் எடை கூடுமா?

இது முற்றிலும் தவறு. வயிற்றிலிருக்கும் குழந்தையின் போஷாக்கிற்கு கார்போ ஹைட்ரேட்டுகள் மிகவும் அவசியம். உடம்பின் ரத்த சிவப்பணுக்கள் மற்றும் மூளை செல்கள் ஆகியவை, தங்களுக்கான இயங்கு சக்திக்கு கார்போ ஹைட்ரேட்டுகளையே பெரிதும் நம்பி உள்ளன.

இவற்றை முற்றிலுமாகத் தவிர்த்துவிட்டு, நீங்களாகவே ஒரு டயட் பின்பற்றினால், உடம்பில் மாவுச்சத்து பற்றாக்குறை ஏற்பட்டு கர்ப்பகால மலச்சிக்கல், மார்னிங் சிக்னஸ் போன்ற அவதிகள் வரும்.

கர்ப்பகாலத்தில் ரத்தத்தில் இன்சுலின் - உப்பின் அளவு திடீரென்று கூடுவது ஏன்?
சிலருக்கு ஒபிசிட்டி - மரபியல் காரணமாக இப்படி நிகழலாம். அப்பாவுக்கோ, தாத்தாவுக்கோ இரத்த சர்க்கரை இருந்து, அது அம்மாவின் வழியாக கருவில் இருக்கும் குழந்தைக்கும் பரவ வாய்ப்பு உண்டு. அப்படி பரவும்போது குறைப்பிரசவம், கருப்பையிலேயே குழந்தை இறந்து போதல் போன்ற சிக்கல்கள் ஏற்படும் கருவில் இருக்கும் குழந்தைக்கு அம்மாவின் மூலமாக ரத்தத்தில் உப்பின் அளவு அதிகமாவது 'இன்ட்ராயூட்டரின் குரோத்ரி டார்டேஷன்'. 

உப்பின் அளவு அதிகரிப்பால், கருவிலேயே குழந்தை இறந்துவிடும் நிலைக்கு 'இன்ட்ராயூட்டரின் டெத்' என்று பெயர். அதனால் கர்ப்ப காலங்களில் குறிப்பிட்ட இடைவெளியில், தொடர்ந்து "செக்-அப்' செய்து வர வேண்டும்.

கருவைச் சுமந்திருக்கும் பெண்கள் மல்லாக்க படுத்தால், கருவை நஞ்சுக்கொடி சுற்றிக் கொள்ளும் என்கிறார்களே, உண்மையா? எப்படி படுக்க வேண்டும்?

மல்லாந்த நிலையில் படுக்கக்கூடாது என்பது சரிதான். ஆனால் அதற்காக கூறப்படும் காரணம்தான் சரியல்ல. மல்லாந்த நிலையில் படுத்தால், கனமான கருப்பை இதயத்துக்கு ரத்தம் எடுத்துச் செல்லும் ரத்தக்குழாய்களை அழுத்தும். அப்போது இதயத்துக்குத் தேவையான ரத்தம் போய்ச் சேராமல் பி.பி. இறங்கும். இதனால் தலை சுற்றி மயக்கம் வரும். இடது பக்கமாக ஒருக்களித்துப் படுப்பதே தாய் - சேய் இருவருக்கும் நல்லது.

(பவித்ரா எழுதிய 'பெண்களுக்கான கர்ப்ப  கால ஆலோசனைகள்' நூலிலிருந்து...  வெளியீடு: அருணா பப்ளிகேஷன்)

 

]]>
Pregnancy, Iron, மகப்பேறு, இரும்புச் சத்து, ரத்த சோகை, கர்ப்பிணி http://images.dinamani.com/uploads/user/imagelibrary/2017/9/19/w600X390/pregnancy_620x350_71485332521.jpg http://www.dinamani.com/health/maternity/2017/sep/19/pregnancy-care-frequently-asked-questions-2775914.html
2674997 மருத்துவம் மகப்பேறு மருத்துவம் தலைப்பிரசவமா? பயம் வேண்டாம்! Wednesday, March 29, 2017 03:32 PM +0530
 
பிரசவம் என்பது மறுபிறவி மாதிரி... அதை உடல் வலுவுடனும், மனவலுவுடனும் தாங்க வேண்டும் என்பதற்காகவே நம் இந்திய பாரம்பரியத்தில் எத்தனயோ விஷயங்களைப் பார்த்து பார்த்து செய்து வைத்திருக்கின்றார்கள்.
 
அவை ஆச்சரியமானவை மட்டுமல்ல, விஞ்ஞான ரீதியாக நிரூபணம் செய்யப்பட்டவை என்பதுதான் இன்னும் அதிசயமானவை என்று சொல்ல வேண்டும்.
 
மனதுக்கான நல்ல விஷயங்களும் நம்முடைய பாரம்பரியத்தில் நிறைய அடங்கியிருக்கின்றன. முக்கியமாக, பிரசவத்துக்கு முன்பு வளைகாப்பு நடத்துகிற விஷயத்தையே சொல்லலாம். வளைகாப்புக்கு நிறைய பெண்கள் கூடி, கர்ப்பவதிக்கு மூத்த சுமங்கலிகள் வளையல் போடுவார்கள். இதற்கான காரணங்கள் பல சொல்லப்பட்டாலும், 'எங்களை எல்லாம் பார்...நாங்கள் எத்தனை பிள்ளைகளைப் பெற்று உன் முன் நிற்கிறோம்?! நீயும் உன் பிரசவத்தை சுலபமாக கடப்பாய்... தைரியமாக இரு!' என்பதை இங்கு நாம் எடுத்துக் கொள்ளலாம்.
 
இந்தச் சடங்கில் ஒரு சுவாரஸ்யமான ஒற்றுமையையும் கவனிக்கலாம். வளையல் இடும் பெண்ணின் கையை கர்ப்பப்பைக்கு ஒப்பிட்டுப் பாருங்கள். கை விரல்களை கூப்பி, வளையல்களை உள்ளே செலுத்தும்போது சற்று சுலபமாக இருக்கும். வளையலை மணிக்கட்டுப் பகுதிக்குச் செலுத்தும்போது சற்று கடினமாகி, அந்த வலியைச் சற்றே சற்று பொறுத்துக் கொண்டால்...  அடுத்த நிமிடமே கரங்களில் வளையல் ஏறிவிடும். இப்படித்தான் பிரசவமும்!
 
இந்த வளையல்கள் ஏற்படுத்தும் அதிர்வு ஓசை, கருவில் வளரும் குழந்தைக்கு நல்ல தாலாட்டு. நம் தாய் நம்முடன் இருக்கிறாள் என்று குழந்தைக்கு அது கொடுக்கும் பாதுகாப்பு உணர்வு, அழகானது என்பது அறிவியல்பூர்வமாக நிரூபிக்கப்பட்ட உண்மை.
 
அந்தக் காலத்தில் வீடு என்பது பெரியதாக இருந்தது. பிரசவத்துக்கு முன்பு அடிக்கடி உறக்கம் கலைந்து, அந்தப் பெண்ணுக்கு சிறுநீர் கழிக்க வேண்டியிருக்கும். இரவு நேரத்தில் கர்ப்பமான பெண் அறையைக் கடந்து, கூடத்தைக் கடந்து, பின்புறமிருக்கும் கழிவறைக்குப் போகும்போது அந்த வளையல் சப்தம் அந்த பெண் எங்கே செல்கிறாள் என்பதை சட்டென்று சுட்டிக்காட்டும்.  'ஏன்டி, என்னை எழுப்பக்கூடாதா... இரு நானும் வர்றேன்' என்று உதவிக்குச் செல்வார்கள் வீட்டில் இருக்கும் பெண்கள்.
 
வளையல் போட்ட 'கையோடு' கர்ப்பிணிகள் பிரசவத்துக்காக தாய் வீட்டுக்குச் செல்வதிலும் அடங்கி இருக்கின்றன அவர்களின் மனநலம் சம்பந்தப்பட்ட நுணுக்கங்கள். இந்திய நாட்டில் மட்டுமின்றி, ஆசிய நாடுகளில் எல்லாம் பிரசவம் என்று வந்தாலே அந்தப் பெண் தாய் வீட்டுக்குச் சென்று விடுவது வழக்கமாக இருக்கிறது. ஆம்... பிரசவமாகும் பெண்ணின் உடல்நலம் மட்டுமல்ல, மனநலத்தையும் பாதுகாக்கிற பணி, தாய் வீட்டுக்குத்தான் என்று பார்த்துப் பார்த்து இந்த ஏற்பாட்டை செய்து வைத்துள்ளனர் நம் முன்னோர்கள்.
 
நம் அம்மா, அப்பா, கணவர், சொந்தங்கள், மருத்துவர் எல்லாம் நம்மைப் பிரசவம் எனும் அந்த பெருநிகழ்வில் இருந்து பத்திரமாக மீட்பார்கள்...' என்ற நம்பிக்கைதானே அன்று அட்டவணைகள் இல்லாமல், செக்கப்புகள் இல்லாமல், மருந்து - மாத்திரைகள் இல்லாமல் எல்லா பிரசவங்களையும் சுகப்பிரசவமாக்கின!
 
அந்த நம்பிக்கையை கர்ப்பிணிகளின் மனத்தில், அவளைச் சுற்றியுள்ளவர்களே ஆழமாக விதைக்கலாம். அதையெல்லாம் செய்து பாருங்கள்... இரண்டு, நான்கு, ஆறு... என்று மாதங்கள். அவர்களுக்குத் தெரியாமலே சுகப்பிரசவத்தை நோக்கி ஓடிக் கொண்டிருக்கும்....
 
ஆரோக்ய வாழ்வுக்கு பாரம்பரிய வாழ்க்கைமுறை அவசயம் என்பதை அனைவருக்கும் தெரியப்படுத்தி ஆரோக்ய பாரதத்தை உறுவாக்குவோம்.....!

ச.பாலகிருஷ்ணன், கோவை

]]>
http://images.dinamani.com/uploads/user/imagelibrary/2017/3/29/w600X390/bangles.jpg http://www.dinamani.com/health/maternity/2017/mar/29/தலைப்பிரசவமா-பயம்-வேண்டாம்-2674997.html
2671340 மருத்துவம் மகப்பேறு மருத்துவம் பிரசவத்தின் போதான மரணத்தை தடுக்கும் புதிய மருந்து! Thursday, March 23, 2017 01:31 PM +0530 பெண்கள் பிரசவத்தின் போது மரணமடைவது பெரும்பாலும் பிரசவத்திற்குப் பிறகு ஏற்படும் மேலதிகமான ரத்தப் போக்கு, நோய்க்கிருமிகளின் தாக்கம், உயர் ரத்த அழுத்தம் போன்ற பிரச்னைகளால்தான். இதற்குத் தீர்வாக சமீபத்தில் இன்ஹேலர் வடிவில் புதிய மருந்து ஒன்றினை மருத்துவத் துறை ஆராய்ச்சியாளர்கள் கண்டுபிடித்துள்ளனர். இதன் மூலம் பெண்கள் பிரசவத்தின் போது ஏற்படும் அதிகளவு ரத்தப்போக்கினால் விளையும் திடீர் மரணத்தைத் தடுத்துவிட முடியும் என்கிறார்கள் இவர்கள்.

ஊசி மூலம் செலுத்தப்பட்டுவந்த ஆக்ஸிடோசின் எனும் மருந்து, இப்போது தூள் வடிவில் தயாரித்துள்ளார்கள். இந்த தூளை இன்ஹேலரில் அடைத்து.  பிரசவத்துக்கு முன் இந்த மருந்தை வாய் வழியே இன்ஹேலரின் துணையுடன் உறுஞ்சுவதன் மூலம் பிரசவ சமயத்தில் ஏற்படக்கூடிய போஸ்ட்பார்டம் ஹெமரேஜ் postpartum haemorrhage (PPH)அல்லது போஸ்ட்பார்டம் ப்ளீடிங் (postpartum bleeding)போன்ற பிரச்னைகளால் ஏற்படும் உயிரிழப்பைத் தவிர்த்துவிடலாம். 

ஒவ்வொரு வருடமும் உலகம் முழுதும் 3,00,000 பெண்கள் பிரசவத்தின் போது மரணமடைந்துள்ளனர். பொருளாதரீதியாக பின் தங்கிய நாடுகளில் மிக அதிக அளவில் பெண்கள் பிரசவத்தின் போது மரணம் அடைகிறார்கள் என்கிறார்கள் ஆராய்ச்சியாளர்கள். இதற்குக் காரணம் போதிய மருத்துவ வசதி இல்லாதாதும், அத்தியாவசிய மருந்துகளை உரிய முறைகளில் பாதுகாக்க முடியாததும் என்பது வருத்தமடையச் செய்யும் உண்மை. இதற்குக் தீர்வாக இந்த கண்டுபிடிப்பு இருக்கும் காரணம் முன்பு ஊசி வடிவத்தில் ஆக்ஸிடோசின் இருந்ததால் அதை பாதுகாப்பது கடினமாக இருந்துவந்தது. தவிர திறமையான மருத்துவர்களால் மட்டுமே அதை கவனமாகக் கையாள முடியும். ஆனால் இப்போது இன்ஹேலர் வடிவில் வந்துவிட்ட ஆக்ஸிடோசினை பாதுகாப்பதும் எளிது, பயன்படுத்துவதும் சுலபம். 

இந்த கண்டுபிடிப்பால் குறைந்த மருத்துவ வசதி இருக்கும் இடங்களில் கூட இன்ஹேலரைப் பயன்படுத்தி தேவையற்ற உயிர் இழப்புகளைத் தடுத்துவிடலாம் என்றார் ஆராய்ச்சிக் குழு தலைவர் மிஷல் மெக்டோஷ். இந்த ஆராய்ச்சி முடிவுகள் மூலம் ஆக்ஸிடோசின் இன்ஹேலர் அல்லது ஊசி மூலம் செலுத்தப்படலாம், ஆனால் அந்தந்த சூழல்களுக்கு ஏற்ப, அந்தப் பயன்பாடு இருக்கும். தவிர இந்த ஆராய்ச்சியை மேலும் தொடர்ந்து புதிய மருந்தொன்றை தயாரிக்கவேண்டும் எனவும் அதற்கு அதிக செலவாகும் என்றும் குறிப்பிட்டுள்ளார்.

கர்ப்பமடையாத சில பெண் தன்னார்வலர்களுக்கு இரண்டு விதத்திலும் ஆக்ஸிடோசின் தரப்பட்டது. இன்ஹேஸர் மூலம் கொடுக்கப்பட்ட மருந்து ஊசி மூலம் செலுத்தப்பட்டது இரண்டும் ஒரே பலனைத் தந்தது என கண்டறிந்தனர்.  இந்த ஆராய்ச்சி முடிவுகள் தென் ஆப்ரிகாவிலுள்ள ராயல் கல்லூரியில் செய்வாக்கிழமை வெளியிடப்பட்டது. (Royal College of Obstetricians and
Gynaecologists World Congress in Cape Town, South Africa)

MIPSஐ சேர்ந்த ஆராய்ச்சியாளர்களுடன் இணைந்து லண்டன் க்ளாஸ்கோ ஸ்மித்க்ளைன் (GlaxoSmithKline) நிறுவனம் இந்த தூள் வடிவ இன்ஹேலர் வகை ஆக்ஸிடோசின் மருந்தை தயாரித்துள்ளது.
 

]]>
பிரசவம், பேறுகாலப் பிரச்னைகள், Pregnancy death, Oxytocin http://images.dinamani.com/uploads/user/imagelibrary/2017/3/23/w600X390/baby.jpg http://www.dinamani.com/health/maternity/2017/mar/23/பிரசவத்தின்-போதான-மரணத்தை-தடுக்கும்-புதிய-மருந்து-2671340.html
2664256 மருத்துவம் மகப்பேறு மருத்துவம் பேறுகால பலன் திட்டம் முதல் குழந்தைக்கு மட்டுமா? Saturday, March 11, 2017 11:13 AM +0530 பேறுகாலப் பலன் திட்டத்தின் (எம்பிபி) கீழ் நடைமுறையில் இருக்கும் முறையை மாற்றி முதல் பிரசவத்துக்கு மட்டும் முழு பலனையும் அளிக்கும் வகையிலான முடிவு எதுவும் எடுக்கப்படவில்லை என்று மத்திய அரசு தெரிவித்தது.

மாநிலங்களவையில் இதுதொடர்பாக மத்திய பெண்கள், குழந்தைகள் நலத் துறை அமைச்சர் மேனகா காந்தி கூறுகையில், "நாடு முழுவதும் பேறுகாலப் பலன் திட்டத்தை அமல்படுத்துவதற்கான வழிகாட்டுதல் நடைமுறைகள் வரைவு தயாரிக்கப்பட்டு வருகிறது. அந்தத் திட்டத்தின்படி முதல் இரண்டு பிரசவங்களுக்கும் பெண்களுக்கு நிதி உதவி அளிக்கப்படும். நிதி உதவியை முதல் பிரசவத்துக்கு மட்டுமாக குறைக்கலாம் என்ற முடிவு எதுவும் எடுக்கப்படவில்லை' என்றார்.

புத்தாண்டு தினத்தையொட்டி, கடந்த ஆண்டு டிசம்பர் 31-ஆம் தேதி நாட்டு மக்களுக்கு பிரதமர் நரேந்திர மோடி உரை நிகழ்த்தியபோது, பேறுகாலப் பலன் திட்டம் நாடு முழுவதும் விரிவுப்படுத்தப்படும் என்று உறுதி அளித்திருந்தார்.

இந்தத் திட்டமானது கடந்த 2010-ஆம் ஆண்டிலிருந்து நாடு முழுவதும் 56 மாவட்டங்களில் சோதனை அடிப்படையில் செயல்படுத்தப்பட்டு வருகிறது. பேறுகாலப் பலன் திட்டத்தின் கீழ், பெண்களுக்கு பிரசவ காலத்திலும், குழந்தைக்கு பாலூட்டும் காலத்திலும் சில நிபந்தனைகளின் அடிப்படையில் ரூ.6,000 நிதி உதவித் தொகை வழங்கப்படும். முதல் இரண்டு பிரசவத்துக்கு இந்த நிதி உதவி வழங்கப்படும்.
நிகழ் நிதியாண்டில் (2017-18) தாக்கல் செய்யப்பட்ட பட்ஜெட் அறிக்கையில், இந்தத் திட்டத்தை செயல்படுத்த ரூ.2,700 கோடி ஒதுக்கீடு செய்யப்பட்டுள்ளது.

]]>
Maternity Benefits, பேறுகால பலன் திட்டம் http://images.dinamani.com/uploads/user/imagelibrary/2017/3/11/w600X390/b45c0c904d6331c0f8ec65e8da9d3c6c.jpg http://www.dinamani.com/health/maternity/2017/mar/11/பேறுகால-பலன்-திட்டம்-முதல்-குழந்தைக்கு-மட்டுமா-2664256.html
2638782 மருத்துவம் மகப்பேறு மருத்துவம் கர்ப்ப காலத்தில் சர்க்கரை நோய் Thursday, January 26, 2017 05:32 PM +0530 பெண்களுக்கு மனதிலும் உடலிலும் பல மாற்றங்கள் ஏற்படும் காலம் கர்ப்ப காலம். இச்சமயத்தில் சில பெண்களுக்கு அழையா விருந்தாளியாக சர்க்கரை நோய் வந்துவிடும். பொதுவாக நாம் சாப்பிடும் உணவு குளுகோஸாக மாறி, ரத்தத்தில் கலக்கிறது. கணயத்தில் சுரக்கும் இன்சுலின் இந்த குளுகோஸை உடல் திசுக்கள் பயன்படுத்தும்படியாகச் செய்கிறது. கர்ப்ப காலத்தில் நஞ்சுக்கொடி, குழந்தையின் வளர்ச்சிக்காகப் பல்வேறு ஹார்மோன்களை சுரக்கிறது. அதன் காரணமாக இன்சுலின் செயல்பாடு பாதிக்கிறது. ரத்தத்தில் சர்க்கரை அளவை அதிகரிக்கச் செய்துவிடுகிறது. இதைத்தான் மருத்துவர்கள் கர்ப்ப கால சர்க்கரை நோய் என்கிறார்கள். கர்ப்ப காலத்தில் 20 வது வாரத்தில் இது ஏற்படும். பிரசவத்துக்குப் பின் சரியாகிவிடும்.

கர்ப்ப காலத்தில் ஏற்படும் இந்த சர்க்கரை நோயை உடற்பயிற்சிகள் மூலமாகவும் சத்துணவுகளாலும் கட்டுப்படுத்தலாம்.. 25 வயதுள்ளவர்கள், பெற்றோருக்கு சர்க்கரை நோய் உள்ளவர்கள், உடல் பருமன் உடையவர்கள் போன்றோர் கர்ப்ப கால ஆரம்பத்திலேயே அதைப்பற்றி மருத்துவரிம் கூறிவிட வேண்டும். கருவுற்ற பெண்கள் அனைவரும் ரத்தத்தில் சர்க்கரை அளவைப் பரிசோதித்துக் கொள்வது மிகவும் முக்கியம். கருத்தரித்த 24-வது வாரத்தில் இருந்து 28-வது வாரத்துக்குள்ளாக இனிஷியம் குளுகோஸ் சேலன்ஜ் டெஸ்ட் செய்து கொள்ள வேண்டும். அதன் பின் சில நாட்கள் கழித்து குளுகோஸ் டாலரன்ஸ் டெஸ்ட்டும் எடுத்து விட வேண்டும். உடல் எடையை கட்டுக்குள் வைத்திருந்தால் கர்ப்ப காலத்தில் சர்க்கரையைத் தவிர்க்கலாம். உணவில் நார்ச்சத்து அதிகம் இருக்கும்படி பார்த்துக் கொள்ளவேண்டும். நார்சத்து நிறைந்த உணவுகளாகிய தானிய வகைகள், பழங்கள், முக்கியமாக ஆரஞ்சு, ஆப்பிள், காய்கறிகளான அவரை பச்சை பட்டாணி, ப்ரோக்கோலி, பசலை கீரை போன்றவற்றை அதிகம் சேர்த்துக் கொள்ள வேண்டும். கலோரிகள் சரியாகக் கிடைக்கும் உணவை சாப்பிடவேண்டும். கொழுப்புச்சத்தும் அதிகரித்துவிடாமல் உணவு விஷயங்களில் கவனமாக இருக்க வேண்டும்.

]]>
கர்ப்ப கால சர்க்கரை நோய், diabetes, Pregnancy http://images.dinamani.com/uploads/user/imagelibrary/2017/1/26/w600X390/stream_img.jpg http://www.dinamani.com/health/maternity/2017/jan/26/கர்ப்ப-காலத்தில்-சர்க்கரை-நோய்-2638782.html