Dinamani - மனநல மருத்துவம் - http://www.dinamani.com/health/mental-health/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2787844 மருத்துவம் மனநல மருத்துவம் அக்டோபர் 10: உலக மனநல தினம்! மன அழுத்தத்தை அதிகரிக்கின்றதா பணியிடங்கள்? Tuesday, October 10, 2017 03:27 PM +0530  

உலகம் முழுவதிலும் மனநலம் குறித்த விழிப்புணர்வை மக்களிடையே ஏற்படுத்த 1992-ம் ஆண்டு முதல் வருடந்தோறும் அக்டோபர் 10-ம் தேதி மனநல தினம் கடைப்பிடிக்கப்படுகிறது. உலக மனநல தினத்துக்கான இந்த வருடக் கருப்பொருளாக உலக சுகாதார மையம் அறிவித்திருப்பதாவது ‘பணியிடத்தில் மனநலம் பேணுதல்’ என்பதாகும். உலக சுகாதார மையத்துடன் இனைந்து தேசிய மனநல கூட்டமைப்பு ஆண்டுதோறும் ஒரு குறிப்பிட்ட கருத்தைப் பிரகடனம் செய்து மக்களிடையே விழிப்புணர்வை ஏற்படுத்தி வருகிறது.

உலகம் முழுவதிலும் 150-கும் மேற்பட்ட நாடுகளில் கடைப்பிடிக்கப்படும் இந்தத் தினம் ஆஸ்திரேலியா போன்ற ஒரு சில நாடுகளில் மட்டும் மனநல வாரமாகக் கருதப்படுகிறது. ஒவ்வொரு 40 விநாடிக்கும் ஒரு தற்கொலை நிகழ்கிறது, அதாவது ஆண்டுக்கு எட்டு லட்சம் பேர் தற்கொலை செய்து கொள்கிறார்கள் அதிலும் பெரும்பான்மையானோர் வேலையிடத்தில் ஏற்படும் மன அழுத்தத்தால் தற்கொலை செய்துகொள்பவர்கள் என்னும் அதிர்ச்சி தகவலை தருகிறது ஒரு ஆய்வு. உளவியல் ரீதியான மனநல விழிப்புணர்வை மக்களிடையே உண்டாக்குவதன் மூலம் இதுபோன்ற தற்கொலை எண்ணங்களைத் தவிர்க்கலாம் என்றும் உளவியல் ஆர்வலர்கள் கூறுகிறார்கள்.

ஒரு பிரபல நிறுவனம் நடத்திய கருத்துக்கணிப்பில் 33% பேர் தாங்கள் வேலையில் ஏற்படும் பிரச்னை காரணமாக மன உளைச்சலுக்கு ஆளாவதாகக் கூறியுள்ளார்கள். அவர்களில் 90% பேர் மன அழுத்தத்தாலும், 78% பேர் கவலையாலும், 60% பேர் மனச் சோர்வாலும், 52% பேர் தூக்கமின்மையாலும் பாதிக்கப்படுவதாகக் கணக்கிடப்பட்டுள்ளது. உலகம் முழுவதிலும் பெரும்பாலும் 8 முதல் 9 மணி நேரம் மட்டுமே வேலை நேரம் கடைப்பிடிக்கப்பட்டு வருகிறது, ஆனால் இதையும் தாண்டி பலர் அதிக நேரம் இரவு முழுவதும் அவர்கள் கண் விழித்து வேலை செய்வது மிகப் பெரிய அபாயத்தை ஏற்படுத்தும் என்பதை அறியாமல் இருக்கிறார்கள்.

தூக்கம் என்பது நாம் உடலுக்கு மட்டும் தருகின்ற ஓய்வு அல்ல, சதா சர்வ நேரமும் எண்ணற்ற விஷயங்களைப் பற்றி சிந்தித்துக் கொண்டே இருக்கும் மனதிற்கும் தருகின்ற ஓய்வாகும். அந்த வகையில் உறக்கம் என்பது மனிதர்களுக்கு மிக முக்கியமான ஒன்று. அந்த உறக்கத்தைத் தியாகம் செய்து பணி செய்வதால் கட்டாயம் மன அழுத்தம் மற்றும் மனச் சோர்வு ஏற்பட்டு இறுதியில் எந்த வேலைக்காக அவ்வளவு கஷ்டப்பட்டோமோ அந்த வேலையிலேயே கவனம் செலுத்த முடியாமல் போகும். இன்னிலையில் ஏற்கனவே இருந்த மனச் சோர்வு பிறகு வேலையில் கவனம் செலுத்த முடியாததால் ஏற்படும் மன அழுத்தம் இவையனைத்தும் சேர்ந்து மனநலத்தை முற்றிலும் பாதிக்கும். இது குறித்த விழிப்புணர்வை மக்களிடையே ஏற்படுத்தவே இந்த வருடம் ‘பணியிடத்தில் மனநலம் பேணுதல்’ என்ற கருப்பொருளை தேர்வு செய்திருக்கிறது உலக சுகாதார மையம்.  

இதில் இருந்து தங்கள் ஊழியர்களைக் காப்பாற்ற நிறுவனங்கள் வேலை நேரத்திற்கும் மேலாக ஒருவர் அதிக நேரம் பணி செய்வதை ஊக்குவிக்காமல், அதிக பணி சுமையை அலுவலர்களுக்குக் கொடுக்காமல், ஒருவேளை ஒருவர் மன சொர்வு அல்லது மன அழுத்தத்தால் பாதிக்கப்பட்டிருந்தால் அவர்களை உளவியல் ஆலோசகர்களிடம் ஆலோசனை பெற செய்து அதிலிருந்து அவர்கள் விடுபட உதவ வேண்டும். பணி செய்பவர்களுக்கு ஏற்றப் பணி சூழலை ஏற்படுத்தித் தந்து, அவர்கள் மன ஆரோக்கியத்தைச் சீர் படுத்த யோகா, தியானம் அல்லது ஆன்மிக பயிற்சிகளை அவர்களுக்குத் தர வேண்டும். மேலும் எப்பொழுதும் வேலை பற்றிய எண்ணம் மட்டும் இல்லாமல் சமூக பணிகளிலும் அவர்களை ஈடுபடச் செய்து அவர்களது தன்னம்பிக்கையை வளர்க்க வேண்டும்.

இந்தியாவைப் பொருத்த வரையில் மன நோயால் பாதிக்கப்பட்டவர்கள் நகரத்தைக் காட்டிலும் கிராமப்புறங்களிலேயே அதிகம். இதற்காகக் கிராமப்புறங்களில் மனநல சேவை மையங்களை அரசே துவங்கி நடத்தி வருகிறது. இங்கு விரைவாக மனநல பாதிப்பை கண்டறிந்து, அதற்குத் தகுந்த சிகிச்சையை வழங்கி வருகிறது தமிழக அரசாங்கம். குடும்பத்தினரும் ஒருவர் மன அழுத்தத்தால் பாதிக்கப்பட்டிருந்தால் அவர்களை ஒதுக்காமல், காய்ச்சல், இதய நோய் போன்று இதையும் கருதி அவர்களுக்குப் பக்கபலமாக இருந்து அதிலிருந்து அவர்கள் மீள உதவி செய்ய வேண்டும். 

]]>
http://images.dinamani.com/uploads/user/imagelibrary/2017/10/10/w600X390/69329_thumb115.jpg http://www.dinamani.com/health/mental-health/2017/oct/10/world-mental-health-day-2017-2787844.html
2773768 மருத்துவம் மனநல மருத்துவம் உங்களுக்கும் இந்த ஃபோபியா இருக்கலாம்! - அச்சத்தின் உச்சம்!!  பவித்ரா முகுந்தன் Friday, September 15, 2017 02:32 PM +0530  

நாம் அனைவருக்கும் அச்ச உணர்வு என்பது பொதுவானது. வாழ்நாள் முழுவதும் ஏதோ ஒன்றைப் பார்த்து நாம் பயந்துகொண்டுதான் இருக்கிறோம். ஆனால் ஃபோபியா என்பது பயத்தில் இருந்து சிறிது மாறு பட்டது, அதீதமான அச்ச உணர்வே ஃபோபியா எனப்படுகிறது, நம்மில் பலருக்கும் நம்மையே அறியாமல், இதுதான் ஃபோபியாவா என்று நமக்கே தெரியாமல் நமக்குள் பல பயங்கள், அதாவது இதயத்தையே உறைய வைக்கின்ற அளவிற்கான பயங்கள் மறைந்து கிடக்கின்றன. அதில் சிலவற்றை இங்குப் பார்ப்போம்.

1. பாதோஃபோபியா (Bathophobia):

ஆழத்தின் மீதுள்ள பயம். ஆழமான நீரில் தான் முழுகுவதைப் போல் நினைத்துப் பார்ப்பதே இவர்களுக்குள் அளவுக்கு மீறிய அச்சத்தை ஏற்படுத்தும். வாழ்நாளில் எப்போதாவது ஆழமான தண்ணீரில் மூழ்கி சுய நினைவை இழந்து உயிர் பிழைத்த அனுபவம் இருந்தால் அவர்களுக்கு இந்த ஃபோபியா இருப்பதற்கான வாய்ப்புண்டு. சில சமயங்களில் இருள் சூழ்ந்த முடிவு தெரியாத அரையைப் பார்ப்பதும் இவர்களுக்கு ஆழத்தை நினைவூட்டி அச்சத்தில் வேர்த்துக் கொட்ட செய்யும்.

2. ஏரோஃபோபியா (Aerophobia):

வானில் பறப்பதற்கு பயம். விமானம், ஹெலிகாப்டர் அல்லது ராட்சத பலூனில் வானில் பறப்பது என்பது இவர்களுக்கு என்றுமே ஒரு கெட்ட கனவுதான். இது உயரத்தினால் வரும் பயமல்ல இவர்களால் 500 அடி உயரமுள்ள மிகப் பெரிய கட்டிடங்களின் உச்சியில் நின்று கீழே எந்தவொரு பயமும் இல்லாமல் பார்க்க முடியும் ஆனால், தரையில் இருந்து 5 அடி உயரத்தில் காற்றில் பறப்பது என்பது இவர்களுக்கு அச்சத்தை ஏற்படுத்தும். 

3. லிகிரோஃபோபியா (Ligyrophobia):

சத்தத்தின் மீதுள்ள பயம். ஃபோனோஃபோபியா அல்லது லிகிரோஃபோபியா என்று சொல்லப்படுவது அதிகமான சத்தமுள்ள ஒலியினால் ஏற்படும் பயம். இவர்களால் சத்தமாக யாராவது பேசினால் கூட அவர்களையும் அறியாமல் இவர்களுக்குள் பயம் ஏற்படும், சிலருக்கு அவர்கள் சத்தமாக பேசுவதே அச்ச உணர்வை ஏற்படுத்தும். உதாரணத்திற்குத் தீபாவளி கொண்டாட்டத்தின் போது வெடிச் சத்தத்திற்கு பயந்து சில நாய்கள் பயந்து அழக்கூடச் செய்யும், அதுவே லிகிரோஃபோபியா.

4. சைனோஃபோபியா (Cynophobia):

நாயைக் கண்டால் ஏற்படும் பயம். இது நம்மில் பலருக்கும் இருக்கக் கூடிய ஒரு பயம். நாயைப் பற்றிய நினைப்பு வந்தாலே அச்சம் கொள்வது, தூரத்தில் இருந்தாலும் நாயை பாரத்தால் அப்படியே உரைந்து போவது, உறவினர்கள், நண்பர்கள் என யாராக இருந்தாலும் நாய் வளர்ப்பவர்களைத் தவிர்ப்பது, மேலும் நாயை அடிப்பது அல்லது துன்புறுத்த வேண்டும் என்ற எண்ணம் எழுவது இவை அனைத்தும் இந்த ஃபோபியா இருப்பதற்கான அறிகுறிகள் ஆகும். மிருகங்கள் மீதுள்ள பயத்தால் ஏற்படும் ஃபோபியாக்களில் 36% பேர் சைனோஃபோபியாவால் தான் பாதிக்கப்படுகிறார்கள் என்கிறது ஒரு ஆய்வு.

5. பிடியோஃபோபியா (Pediophobia):
 

   

பொம்மைகள் மீதுள்ள பயம். நமது ஊரு ‘வா அருகில் வா’ படமாக இருந்தாலும் சரி ஹாலிவுட் ‘அன்னாபெல்’ படமாக இருந்தாலும் சரி பேய் படங்களில் குழந்தைகள் விளையாடும் பொம்மைக்குள் பேய் புகுந்து நம்மையெல்லாம் படாத பாடு படுத்தியிருக்கும். இதனால் ஏற்பட்ட பாதிப்பு ஒரு சிலருக்கு ஆழமாக மனதில் பதிந்து பொம்மைகளைப் பார்த்தாலே நாக்கெல்லாம் வறண்டு, இதயத் துடிப்பு அதிகமாகி, வேர்த்து விறுவிறுத்து போகச் செய்யும். 

6. ஃபாஸ்மோஃபோபியா (Phasmophobia):

பேய் மீதுள்ள பயம். உலகில் உள்ள அனைவருக்கும் பேய் பயம் என்பது மிகவும் பொதுவான ஒன்றுதான். மூடப்பட்ட கதவுகளில் காற்றைப் போல் புகுந்து அந்தரத்தில் பறந்தவாறு, வெள்ளை உடையில் ரத்தக்காயங்களுடன் இருட்டில் திடீர் என்று நம் கண் முன் ஒரு உருவம் வரும் என்று நினைத்துப் பார்ப்பது அனைவரையும் சற்று அதிகமாகவே பீதி அடையத்தான் செய்யும். அதற்காகப் பேய் பயம் உள்ளவர்கள் அனைவரும் ஃபோபியாவால் பாதிக்கப்பட்டவர்கள் அல்ல, ஃபோபியா என்பது மிகவும் அதிகமான பயம், தன்னை மறந்து அப்படியே உறைந்து போய் நிற்பது, பேய் பற்றி பேசினாலே பதற்றமடைவது போன்றவையே இதற்கான அறிகுறிகள் ஆகும். 

7. எனோக்லோஃபோபியா (Enochlophobia):

கூட்ட நெரிசல் மீதுள்ள பயம். இந்த ஃபோபியா உள்ளவர்கள் இந்தியாவைல் வாழ்வது என்பது மிகவும் கடினம். திருவிழா, கோவில்கள், கடை வீதிகள், திரையரங்குகள், அரசியல் கூட்டங்கள் என அனைத்து இடங்களிலும் மக்கள் கூட்டம் அதிகமுள்ள நாடு இந்தியா. ஆனால் இந்த ஃபோபியாவால் பாதிக்கப்பட்டவர்கள் கூட்டத்தைப் பார்த்தாலே மயக்கம் போட்டு விழுந்துவிடுவார்கள். இந்த ஃபோபியா ஆண்களைவிடப் பெண்களையே அதிகமாகத் தாக்கும். 

8. நெக்டோஃபோபியா (Nyctophobia):

இருட்டின் மீதுள்ள பயம். இது அதிகமாகக் குழந்தைகளிடம் காணப்படும், சிறு வயதிலேயே இந்தப் பயத்தை சரி செய்யாவிட்டால் பெரியவர்கள் ஆனபிறகு இதன் தாக்கம் அதிகமாக இருக்கும். தூங்கும் போது கூட இவர்களால் இருட்டில் இருக்க முடியாது. இருள் நிறைந்த பேய் படங்கள், நைட் கிளப்புகள், இசை விழாக்கள் இவை அனைத்தையும் இவர்களால் கனவில் கூடத் தைரியமாக நினைத்துப் பார்க்க முடியாது. 

9. ஃபிலோஃபோபியா (Philophobia):

காதல் மீதுள்ள பயம். அன்பு, பாசம் மற்றும் காதல் போன்ற உணர்வுகள் இவர்களை அச்சம் அடையச் செய்யும். காதலில் தோல்வி அடைந்தவர்கள், அன்பானவர்களால் ஏமாற்றப்பட்டவர்கள், பசத்தின் பெயரால் வஞ்சிக்கப்பட்டவர்கள் ஆகியோருக்கு இந்த ஃபோபியாவின் தாக்கம் இருக்கும். இதனால் பாதிக்கப்பட்டவர்கள் பெரும்பாலும் மற்றவர்களை நம்புவதற்குத் தயங்குவார்கள்.

10. ஹீமோஃபோபியா (Hemophobia):

ரத்தத்தின் மீதுள்ள பயம். இந்த ஃபோபியா உள்ளவர்கள் ரத்தத்தைப் பார்த்தாலே மயங்கி விழும் சுபாவம் உடையவர்களாக இருப்பார்கள். பெரும்பாலும் விபத்துகளில் சிக்கி உயிர் பிழைத்தவர்கள் அல்லது தங்களது கண் முன்னரே ரத்த வெள்ளத்தில் யாராவது இறந்து கிடப்பதை பார்த்தவர்களை இந்த ஃபோபியா தாக்கும். ரத்தம் மட்டுமின்றி சில சமயங்களில் ரத்தச் சிவப்பு நிறத்தில் எந்தத் திரவத்தை பார்த்தாலும் இவர்களுக்குப் பதட்டம் அதிகரிக்கும். 

]]>
http://images.dinamani.com/uploads/user/imagelibrary/2017/9/15/w600X390/n00042904-b.jpg http://www.dinamani.com/health/mental-health/2017/sep/15/types-of-phobia-2773768.html
2767819 மருத்துவம் மனநல மருத்துவம் மன அழுத்தப் பிரச்னையா? மீண்டு வர என்ன செய்யலாம்? உமா பார்வதி Tuesday, September 5, 2017 03:18 PM +0530  

என்ன வாழ்க்கை இது என்று சில சமயம் நாம் மனச் சோர்வு அடைந்து செயலற்றுப் போய்விடுவோம். நாம் மிகவும் நம்பியவர்கள் நம்மை விட்டு விலகியிருக்கலாம். நாம் நேசித்த ஒருவர் பிரிந்து போயிருக்கலாம். அல்லது பொருளாதாரப் பிரச்னை, வாழ்வியல் சிக்கல், தீர்க்கமுடியாத வியாதி என்று ஏதேனும் ஒன்றால் நாம் நிலைகுலைந்து தடுமாறி நின்றிருக்கலாம். எந்த வழியிலும் திரும்பிப் போக முடியாத அளவுக்கு ஒருவழிப்பாதையில் சிக்கி  சூழல் கைதியாகியிருக்கலாம். தாங்கவே இயலாத துயர் நம்மை அல்லும் பகலும் சிறிது சிறிதாக கொன்றொழித்துக் கொண்டிருக்கலாம். இன்னும் இன்னும் எத்தனையோ பேரிடர்கள்..பெரும் பிரச்னைகள்...புதிக்கட்டங்கள் என எதுவொன்றிலோ நாம் சிக்கியிருக்கலாம். அதிலிருந்து மீள்வது எப்படி? புறச் சூழல்களின் அழுத்தத்தால் நம்மை தொலைத்துவிடாமல் விரைவில் மீண்டு எழுவது எப்படி?

தனிமையில் இருக்காதீர்கள்

தோல்வியிலும் துயரிலும் மனம் வாடியிருந்தீர்கள் என்றால் நிச்சயம் தனிமையில் இருக்கக் கூடாது. உங்களுக்கு மிகவும் நெருங்கிய நண்பர்கள், பெற்றோர்கள், ஆசிரியர்கள், அல்லது உறவினர்கள் என்று யாரேனும் ஒருவரின் உதவியை நாடுங்கள். வயதும் அனுபவமும் உள்ள முதியோரிடம் பிரச்னைளைச் சொல்லிப் பாருங்கள்.  உங்களுடைய பிரச்னையை முதலில் சொல்லத் தயங்கினாலும், சும்மாவேனும் எதாவது பேசிக் கொண்டிருங்கள். நீங்கள் சொல்லாவிட்டாலும் கூட உங்களுக்கு நெருக்கமானவர்களால் நிச்சயம் உங்கள் பிரச்னையை புரிந்துணர முடியும். எனவே இனி எல்லாம் முடிந்தது என்று நினைத்து உங்களை நீங்களே வருத்திக் கொண்டு தனிமையை தேடிச் செல்ல வேண்டாம்.  

தனிமை ஒரு போதும் தீர்வு தராது. சமுக உறவுகளை பேணுவது இத்தகைய மன அழுத்தத்தை போக்கும். உலகத்துடன் வாழ்க்கையுடன் தொடர்பில் இருங்கள். தவிர இச்சமயங்களில் தான் நண்பர் யார் துரோகி யார் என்றும் தெளிவாகத் தெரிந்து விடும். உங்கள் நண்பர்களில், சரியானவர் யார், தீங்கு செய்பவர் யார் எனக் கண்டறிந்து கொள்ளுங்கள். அனுபவம் தான் சிறந்த ஆசான். சில சமயம் மற்றவர்களின் அனுபவங்களிலிருந்து நாம் பாடம் படிக்க முடியும்.

வெளிச்சம் எந்தத் திசையிலிருந்து எந்தக் கணத்தில் வரும் என்று உங்களுக்குத் தெரியாது. எனவே காத்திருங்கள். நம்பிக்கை என்பது வெளியில் இல்லை. அது உங்களுக்குள் தான் பொதிந்து கிடக்கிறது. எது நேரினும் அழியாத ஒரு மனம் நம்மிடம் தான் உள்ளது.  

நேர்மறை எண்ணங்கள்

எனக்கு எப்படி துரோகம் செய்யலாம் என்று ஆத்திரத்தில் மனக் கொந்தளிப்பில் இருக்கிறீர்கள் என்றால் அது துரோகம் செய்து உங்களை விட்டு நீங்கியவர்களை பாதிக்காது. உங்களைத்தான் பாதிக்கும். உங்கள் உடல்நிலை இதனால் தளர்ந்துவிடும். நம்பிக்கை துரோகம் மகா பாதகச் செயல்தான். ஆனால் அதற்காக உங்கள் மனத்தை ஏன் சித்திரவதைக்கு உட்படுத்திக் கொள்ள வேண்டும்? உணர்வுகளின் உச்ச நிலைக்கும் கோபத்துக்கும் உள்ளாவது ரத்தக் கொதிப்பை ஏற்படுத்தும். அத்தகைய நிலை பழி வாங்கத் தூண்டும் செயல்களுக்கு இட்டுச் செல்லும்.

பழி வாங்குவதில் ஒருவித குரூர திருப்தியை சிலர் அடைவார்கள். ரத்தத்துக்கு ரத்தம், கண்ணுக்கு கண் என்பதாக தன்னை துன்பத்துக்கு உட்படுத்தியவர்களை உடல்ரீதியாகவோ உளவியல் ரீதியாகவோ அச்சுறுத்துவது ஒரு பழிவாங்கும் செயலாகக் கருதப்படுகிறது. சமயம் வரும் வரை காத்திருந்து முன்பு எனக்கு செய்தாயே அப்போது இப்படித்தான் வலித்தது என்பதை எதிரியை உணரச் செய்வதும் இன்னொரு வகைப் பழிவாங்குதல். பழிவாங்கும் குணமே ஒருவரின் நிம்மதியை குலைத்து சதா சர்வ காலமும் பகை உணர்வைச் சுமந்து எதிர்மறை எண்ணங்களால் மன அழுத்தத்துடன் வாழச் செய்துவிடும்.

உண்மையில் மன்னிப்பது தான் ஆகச் சிறந்த பழிவாங்குதல் என்பதை அறிந்து கொள்ளுங்கள். ஒருவர் செய்த தீங்கினை மறந்து மன்னித்துவிட்டால் அதைவிடவும் நேர்மறையான விஷயம் எதுவும் இருக்க முடியாது. அவர்களின் குற்றவுணர்வு தான் அவர்களுக்கான தண்டனை என்பது உண்மை. எனவே மனத்தை தூய்மையாக, நிம்மதியாக வைத்துக் கொள்ள நேர்மறை எண்ணங்களுடன் வாழ்தல் வேண்டும். 

உன்னை அறிந்தால்..உண்மை அறிந்தால் பிரச்னை தீரும்

உங்களிடம் உள்ள பலம் மற்றும் பலவீனங்களை முதலில் தெரிந்து கொள்ளுங்கள். பலவீனத்தை பலமாக மாற்றும் கலை எளிது. அது தொடர் முயற்சியால் சாத்தியப்படும். ஒவ்வொருவரின் வாழ்க்கையிலும் இன்றியமையாதது மாற்றம். அது தவிர்க்க முடியாத ஒரு விஷயம். எனவே வாழ்க்கை மாற்றத்தை ஏற்று அதன் நிறை குறைகளை அறிந்து செயல்படுகையில் மன அழுத்தம் குறையும்.

உங்கள் பாதை மற்றும் பயணத்தில் உறுதியாக இருங்கள். மற்றவர்களின் மனம் நோகாமல், அன்போடு வாழுங்கள். நல்ல பழக்க வழக்கங்களை சிறந்த பண்பு நலன்களை வளர்த்துக் கொள்ளுங்கள்.

மனத்தை லகுவாக்குங்கள்

மனத்தை லேசாக்குவதில் இசை முக்கிய பங்கு வகிக்கும். மனத்தில் வலி இருந்தால் வேறு எந்த வேலைகளையும் திறம்படச் செய்ய முடியாது. உங்களுக்கு மிகவும் பிடித்த இசையை கேளுங்கள். உறங்கும் நேரத்தைத் தவிர மற்ற நேரங்களில் தொடர்ந்து இசை கேட்பது உங்கள் மனத்தை லகுவாக்கும். இசை கேட்கப் பிடிக்கவில்லை என்றால் திரைப்படம் செல்லுங்கள். அல்லது இயற்கை காட்சியை ரசியுங்கள். தினமும் பீச் அல்லது பார்க் செல்லும் பழக்கத்தை ஏற்படுத்திக் கொள்ளுங்கள். அல்லது புதிய ஒன்றைக் கற்றுக் கொள்ளுங்கள்.

வேறு ஒரு விஷயத்தில் கவனத்தை திசை திருப்புவது உங்களை மீட்டெடுக்க வைக்கும் எளிய வழி. பிரச்னையை நேர்வழியில் எதிர் கொள்ளுங்கள். தவறு உங்கள் மீது இருந்தால் அதை தைரியமாக ஒப்புக் கொள்ளுங்கள். குற்றவுணர்வு உங்களை சிறுக சிறுக அழித்துவிடும். மன்னிப்பு கோருதல் ஒரு நல்ல பண்பு. இந்த உலகில் தவறு செய்யாதவர்கள் யாருமே இல்லை. எனவே அதிலிருந்து மீண்டு புதிய வாழ்க்கையைத் தொடங்குங்கள்.

மனச் சோர்விலிருந்து விடுபட நிச்சயம் உங்களுக்கு ஓய்வு தேவை. சிலருக்கு மன அழுத்தப் பிரச்னையால் உறக்கம் வராது. ஆனால் போதிய ஓய்வு எடுப்பதால் மூளை மற்றும் உடம்பு புத்துணர்ச்சி பெறும். முயற்சி செய்து ஓய்வு எடுத்து மன அழுத்தத்தை குறைத்துவிடுங்கள். இவைத் தவிர வாழ்க்கை முறையிலும் சில மாற்றங்களை செய்து பாருங்கள். நல்ல சத்தான உணவு, போதிய உறக்கம், தினமும் அரை மணி நேர உடற்பயிற்சி ஆகியவை சிறப்பான வாழ்க்கை முறைக்கு மிகவும் தேவை. இதை சரியாகச் செய்தால் மன அழுத்தத்தை மிக விரைவில் குறைக்கலாம். 

பயணம் செய்யுங்கள்

'உலகைச் சுற்றிப்பார் விழித் தெழுந்து,
மறுமுறையும் மனிதப் பிறப்பு வாய்க்குமா உனக்கு?
மனிதப் பிறப்பு தொடர்ந்தாலும்
மறுமுறையும் இளமை கிடைக்குமா உனக்கு?’
 

வெளி ஊருக்கு அல்லது வாய்ப்பு இருப்பவர்கள் வெளிநாட்டுக்கு பயணம் செய்யுங்கள். ஒரே இடம், ஒரே மனிதர்கள், ஒரே ஊரில் இருப்பது மனத்தை மேலும் இறுக்கமாக்கும். பயணம் உங்களை முற்றிலும் வேறொரு மனிதராக உணரச் செய்யும் அளவுக்கு நன்மை தரும். நாம் நம்பும் வாழ்க்கை அல்லது நாம் பார்க்கும் விஷயங்கள் மட்டுமல்ல வாழ்க்கை. அது மிகப் பெரியது. மிகவும் பிரம்மாண்டமானது என்பதை உணர்வுபூர்வமாகத் தெரிந்து கொள்வீர்கள்.

அனுபவங்கள் பெருகப் பெருகத் தான் மனம் விலாசமாகும். மனம் விலாசமானால் குப்பை கூளங்கள் தேங்காது. எவ்வித பிரச்னையையும் எதிர்கொள்ளும் ஆற்றல் உங்களுக்குக் கிடைக்கும். வாழ்க்கை மிகவும் எளிமையானது. சிக்கலற்றது அதை சிக்கலாக்குவது வேறு யாரும் இல்லை. சாட்சாத் நீங்களே தான் என்பதை உணர்ந்து அதற்கேற்றபடி வாழ்க்கையை வாழ முடிவெடுப்பீர்கள். இதற்கு பயணம் மட்டுமே ஆகச் சிறந்த வழி.

புத்தகம் படிக்கலாமே

புத்தகம் படிப்பதில் விருப்பமுள்ளவர்களாக இருந்தால் அதிக நேரம் படிப்பதில் செலவழியுங்கள். தன்னம்பிக்கை புத்தகங்களை இந்தச் சமயம் தேர்ந்தெடுக்க வேண்டாம். உங்கள் மனநிலைக்கு அது அதிக எரிச்சலை ஊட்டும் விதமாக அமைந்துவிடும். ஃபேண்டஸி கதைகள், அல்லது பயோகிராபி அல்லது காமிக்ஸ் போன்றவற்றை தேர்ந்தெடுங்கள். அது உங்கள் மனத்தை லேசாக்கும். புனைவினைப் படிப்பதால் இது போன்ற சமயங்களில் கடினமான வாழ்நிலைச் சூழலிலிருந்து தற்காலிகமாக தப்பிக்க முடியும்.

எழுத்தின் வழியே உங்களை நீங்கள் மறக்க முடியும். எழுத்து தரும் சிந்தனையால் உங்களை சற்று ஆசுவாசப்படுத்திக் கொள்ள முடியும். உலகத் தரமிக்க புதினங்களை படிக்க படிக்க நம்முடைய பிரச்னைகளை எதிர்கொள்ள மனப்பக்குவம் கிடைக்கும். குறைந்தபட்சம் மனம் கலக்கத்திலிருந்து மீண்டு தெளிவாகச் சிந்திக்க முடியும்.

வாசிப்பு எப்போதும் ஒரு புதிய சாளரத்தை திறந்து விடும் என்பதை புத்தகப் பிரியர்கள் உணர்ந்தே இருக்கிறார்கள். அதனால் தான் அவர்களுடைய அந்த பிரத்யேக உலகத்தில் தன்னை மறந்து பல மணி நேரம் அவர்களால் வசிக்க முடிகிறது. 

தியானம் பழகுங்கள்

யோகா தியானம் என்றெல்லாம் அடிக்கடி படிக்கிறோம், கேட்கிறோம். இதெல்லாம் மற்றவர்களுக்கானது என்று நினைத்து அதுபற்றி தெரிந்து கொள்ள எந்த முயற்சியும் எடுக்காமல் இருக்கிறீர்களா? நமக்கு கிடைத்த மிகப் பெரிய பொக்கிஷம் நம் உடல். ஒவ்வொரு நாளும் புதியதாகப் பிறக்கிறோம். எவ்வளவோ பாடுகளுக்கு இடையேயும் ஒரு சிறு துளி தேன் போன்று தித்திக்கும் வாழ்க்கையை அனுபவிக்க இந்த உடலையே சார்ந்திருக்கிறோம் அல்லவா? அத்தகைய உடலை போற்றுவதற்கான ஒரே சிறந்த வழி யோகா. எளிய யோகப் பயிற்சியை தினமும் 15 லிருந்து 30 நிமிடம் செய்தால் கூடப் போதும். அது உங்களிடம் செய்விக்கும் மாற்றத்தைப் பார்த்து ஆச்சரியப்படுவீர்கள். போலவே தியானம். தியானம் நம்மை யார் என்று நமக்கு புரிய வைக்கும் ஒரு கருவி.

இந்த உலகில் நாம் பிறந்தது இன்ப துன்பங்களை அனுபவித்து இறந்து போவதற்காக மட்டுமல்ல என்ற பேருண்மையை விளங்கச் செய்யும் ஒன்று. எல்லாவித மாயைகளிலிருந்து மனத்தை தூய்மைப்படுத்தி நாம் யார் என்ற கேள்விக்கு விடை கிடைக்கச் செய்யும் மந்திரச் சாவி அது. தேடுவதிலும் கூட ஒரு அகங்காரம் உள்ளது, எனவே சும்மாயிருப்பது எப்படி என்ற சூட்சுமத்தை உணர்த்தும். அடுத்தடுத்த படிநிலைகளுக்கு நம்மை உயர்த்திச் செல்லும் ஒரே விஷயம் தியானம் தான். அஞ்ஞானச் சேற்றிலிருந்து நம்மை விடுவித்து ஞானத்தின் பாதையில் நடக்கச் செய்வதும் தியானம் தான்.

ஒரே வரியில் சொல்வதெனில் எவ்வித சுமையும் இல்லாமல் எடையற்று மிதப்பது போல நம்மை உணரச் செய்வது தியானம் தான். அதை வார்த்தைகளில் சொல்லிவிட முடியாது. அனுபவத்தில் ஒருவர் உணர்ந்தால் மட்டுமே அதன் பலன்களை அறிவது சாத்தியம்.

பயம் வேண்டாம்

மரணம் என்பது இறுதி அல்ல. பிறப்பு என்றால் இறப்பு என்பது நிச்சயம். குழந்தைப் பருவம் இறந்து தான் பதின் வருத்துக்குள் நுழைகிறோம். அதுவும் முடிந்த நிலையில் இளமை. இளமையின் இறப்பு முதுமை. முதுமையின் இறப்பு உயிர் நீத்தல். நன்றாக வாழ்வது தான் மரணத்தை வரவேற்கும் ஒரு எளிய வழி. பிறப்பு, வாழ்வு, இறப்பு இந்த மூன்றே அத்தியாயங்களைக் கொண்டது தான் வாழ்க்கை. கருக்கதவைத் தட்டுவதில் தொடங்கி, மரணக் கதவை தட்டி இறக்கும் இவ்வாழ்க்கையில் இடைப்பட்ட நேரத்தில் என்ன செய்தோம் என்பதில் தான் முக்கியத்துவம் ஆகிறது மற்ற இரண்டும் என்பது உண்மைதானே? நன்றாக வாழ்வதென்பது மனத்தை பரிபக்குவ நிலையில் வைத்திருப்பது. இன்ப துன்பங்களுக்கு உட்படாமல் மனத்தை ஒருநிலையில் வைத்திருக்க பழக்குவது. அதெப்படி சாத்தியம் என்று நினைத்தால் ஒருபோதும் அற்புதங்கள் நடக்காது. எதுவும் சாத்தியம்.  

பிரச்னைகளைப் பார்த்து பயந்து கொண்டிருந்தால் ஒடுங்கிப் போய்விடுவோம். அதை எதிர்த்து நின்று போராடினாலும் அது மேலும் மேலும் புதிய வடிவத்தில் உருக்கொண்டு நம்மை உருக்குலைக்க முயற்சி செய்யும்.

பிரச்னையையும் அதன் தீவிரத்தையும் அலசி ஆராய்ந்து சமன் நிலை குலையாமல் தீர்ப்பவரே இவ்வாழ்வில் வெற்றி பெறுகிறார்கள். அவர்களுடைய பெயர்கள் சரித்திரத்தில் இடம்பெற்றிருக்க வேண்டும் என்பதில்லை. ஆனால் சற்று நிமிர்ந்து பார்த்தால் உங்கள் தலைக்கு மேலே ஒளிரும் நட்சத்திரங்கள் யாவும் அவர்களாக நிறைந்திருக்கிறார்கள். நீங்களும் நானும் கூட நட்சத்திரமாகலாம்.

இறுதியாக, இந்த சுலோகத்தை ஒரு முறை படித்துப் பாருங்கள். 

க்லைப்யம் மா ஸ்ம கம: பார்த்த
நைதத் த்வய்யுபபத்யதே |
ஷுத்ரம் ஹ்ருதயதெளர்பல்யம்
த்யக்த்வோத்திஷ்ட பரந்தப ||

அர்ஜுனா! பேடித்தனத்திற்கு இடம் தராதே. இது உனக்குப் பொருந்தாது. எதிரியை வாட்டுபவனே! அற்பமான இந்த மனத்தளர்ச்சியை உதறித் தள்ளிவிட்டு எழுந்திரு! (2:3)

இந்த ஒரு சுலோகத்தை ஒருவன் படித்தால் அவன் கீதை முழுவதையும் படித்த பயனைப் பெறுகிறான். ஏனெனில் இந்த ஒரு சுலோகத்தில் கீதையின் முழுச் செய்தியும் அடங்கியுள்ளது. எழுந்து நின்று போர் செய். ஓரடி கூடப் பின்வாங்கக் கூடாது. அது தான் கருத்து. எது வந்தாலும் சரி, போராடு. உலகம் முழுவதும் நம்மை எதிர்த்து நிற்கட்டும்! அதனால் என்ன? கோழைகளாவதால் ஒரு பயனையும் அடைய முடியாது. ஓரடி பின்வாங்குவதால் நீங்கள் எந்தத் தீமையையும் கடந்துவிட முடியாது. - சுவாமி விவேகானந்தர்

]]>
Depression, Sad, Stress, மன அழுத்தம், தியானம், வாழ்வியல் http://images.dinamani.com/uploads/user/imagelibrary/2017/9/5/w600X390/af1d9f23492e0239e192c078a266e6c4--overcoming-depression-a-natural.jpg http://www.dinamani.com/health/mental-health/2017/sep/05/how-to-overcome-depression-2767819.html
2765056 மருத்துவம் மனநல மருத்துவம் உங்கள் வாழ்க்கையிலிருந்து ரொமான்ஸ் தொலைந்துவிட்டதா? இதோ தீர்வு! Thursday, August 31, 2017 03:37 PM +0530  

ரொமான்ஸ் இல்லாத வாழ்க்கை சுத்த போர். ஆனால் பரபர வாழ்க்கையில் ஆசைகள் எல்லாம் வெகு சீக்கிரம் ஆவியாகிவிடுகின்றன. தேவதை மனைவி நார்மலாகத் தென்பட ஆரம்பிக்கும் சமயத்தில் தான் ரொமான்ஸ் மறைந்து ரியாலிட்டி விழித்துக் கொள்கிறது. வேலை, அதை சார்ந்த ஸ்ட்ரெஸ், பதவி உயர்வு, ஐபோன் முதல் ஆவடியில் லேண்ட் வரை வாங்கிக் குவித்த பொருட்களுக்காக கட்ட வேண்டிய தவணை என்று வாழ்க்கை ஒரு சக்கரத்துக்குள் சிக்கிவிடுகிறது. கண் திறந்து மூடுவதற்குள் ஸ்லிம் ப்யூட்டியாக இருந்த மனைவி குழந்தை பெற்ற பின் சற்று எடை கூடி பருமனாகிவிட, ரொமான்ஸ் என்பதெல்லாம் என்றோ நடந்து முடிந்துவிட்ட மத்தாப்பூ நினைவுகளாகி விட்டிருக்கும். ஆனால் உண்மை அப்படியில்ல. உங்கள் மனத்தை கூலாக வைத்திருந்தால், இன்று காதலிக்க ஆரம்பித்த ஒருவரின் மனநிலைக்குச் சென்று உங்கள் துணையை சந்தோஷக் கடலில் ஆழ்த்த முடியும். எனவே ரொமான்ஸ் விஷயங்களுக்குத் தடையாக இருப்பவை என்னவென்று முதலில் பார்க்கலாம். 

1. பாலியல் நாட்டக் குறைவு 

வேலை அல்லது குடும்பப் பிரச்னை காரணமாக மன அழுத்தம் ஏற்பட்டால் பாலியல் சார்ந்த விஷயங்களில் மனம் லயிக்காது. ஒரு நிறுவனத்தில் ஆள் குறைப்பு செய்தார்கள். நல்ல சம்பளத்தில் உயர் பதவியில் இருந்த ஒருவரும் பணி நீக்கம் செய்யப்பட்டார். மனத்தளவில் பெரிதும் பாதிக்கப்பட்ட அவருக்கு வீட்டில் மனைவியைப் பார்த்தாலே ஒரே எரிச்சல். அவர் சாதாரணமாக பேசினாலும் கூட இப்ப எதுக்கு என் பக்கத்துல வரே என்று தேவையில்லாமல் கோவப்படுவார். தாம்பத்ய விஷயங்களில் துளியும் ஆர்வம் இல்லாமல் போனார். சில மாதங்கள் கழித்து வேறு வேலை கிடைத்தவுடன் தான் அவரால் பழைய மனநிலைக்கு வர முடிந்தது. இதற்குக் காரணம் மன அழுத்தத்துக்கு உள்ளாகும் போது ஆண்களின் ஹார்மோன் அளவுகள் சீர்குலைந்துவிடும், இது தமனிகளைச் சுருக்கவும் வாய்ப்புள்ளது. தமனிகள் சுருக்கமடைந்து ரத்த ஓட்டம் தடைபட்டால் அது விருப்பன்மைக்கு வழிவகுக்கலாம்.

2. சலிப்பான வாழ்க்கைமுறை

சிலருக்கு ஒரே விதமான வாழ்க்கை முறை சலிப்பாகிவிடும். தினமும் ரொட்டீனாக செய்ததையே செய்து கொண்டிருப்பதும், குடும்பத்தை பாதுகாக்க சம்பாதித்தே ஆக வேண்டிய நிர்பந்தத்தில் இருக்கும் போதும் அவர்கள் எளிதில் சலிப்படைந்துவிடுவார்கள். தினமும் செய்யும் ஒரு விஷயம் போல ரொமான்ஸ் விஷயங்களையும் அணுகிவிடுவார்கள். அது துணையின் விருப்பம் சார்ந்த ஒன்று என்பது கூட அவர்கள் நினைப்பதில்லை. ரொமான்ஸை கடமை என்று நினைக்கும் கணவர்கள் உள்ளார்கள். இயந்திரத்தனமாக இவ்விஷயங்கள் இருந்தால் வாழ்க்கையில் சுவாரஸ்யம் இருக்காது.  

3. நெடுநாள் வியாதிகள்

நெடுநாளான வியாதிகள் அல்லது வலி போன்ற பிரச்னைகள் ஒருவருக்கு இருந்தால் ரொமான்ஸ் பற்றி யோசிக்கவே முடியாதபடி அவர் மனம் மரத்துப் போயிருக்கும். வியாதி குறித்த கவலையும், உயிர் பயமும் வேறெந்த சிந்தனையும் அவரை நெருங்கவிடாது. உடல் நலமடைந்தவுடன் மெள்ள பழைய வாழ்க்கைக்குத் திரும்ப அவர்கள் முயற்சி செய்ய வேண்டும். மனைவியுடன் வெளியூர்ப் பயணம்ம அதுவும் மலை வாசஸ்தலத்துக்கு செல்வது பலன் தரும்.

4. டெஸ்டோஸ்டிரோன்

டெஸ்டோஸ்டிரோன் ஆண்களின் விந்தணு உற்பத்தியைத் தூண்டும் முக்கியமான ஹார்மோன். இந்த டெஸ்டோஸ்டிரோனின் அளவு ஏதேனும் காரணத்தால் குறைந்துவிட்டால் (ஆண்ட்ரோஜன் குறைபாடு) ரொமான்ஸ் மூட் பாதிக்கப்படுகிறது. பொதுவாக வயது அதிகரிக்கும் போது இதன் அளவு குறைவது இயல்பு. ஆனாலும் இந்தப் பிரச்னை ஏற்பட்டால் உடனே மருத்துவரை நாடுவது ரொமான்ஸ் வாழ்க்கையை மீட்டெடுக்க உதவும். ரத்தத்தில் ஆண்ட்ரோஜன் குறைபாடு (குறைவான டெஸ்டோஸ்டிரோன் அளவு) இருப்பதாகக் கண்டறியப்பட்டால், டெஸ்டோஸ்டிரோன் மாற்று சிகிச்சை தேவைப்படலாம்.

5. மருந்துகளின் பக்கவிளைவு

சில உடல் வியாதிகளுக்காக எடுக்கப்பட்ட தொடர் சிகிச்சை, ரத்த அழுத்தம் மற்றும் மன இறுக்கத்திற்காக உட்கொண்ட மாத்திரைகள் போன்றவை சிலருக்கு பாதகமாக அமைந்துவிடலாம். அது ஹார்மோன் சமன்நிலையை பாதிக்கச் செய்தால் ரொமான்ஸ் என்பது ஒரு எரிச்சலான விஷயமாகிவிடும். 

மேற்சொன்ன பிரச்சனைகள் சமாளிக்க முடியாத அளவுக்கு அதிகரித்துவிட்டால் உடனடியாக மருத்துவரின் ஆலோசனை பெறுவது நல்லது. 

தீர்வு

ஒருவர் சந்தோஷமாக இருந்தால் தான் ரொமான்ஸ் மனநிலையில் இருக்க முடியும். சந்தோஷம் என்பதை விலை கொடுத்து வாங்க முடியாது. ஆரோக்கியமான உணவு, நல்ல உறக்கம், சமன் நிலை குறையாத மன நிலை, மனக் கட்டுப்பாடு, திருப்தியான வாழ்க்கை இவை இருந்தால் போதும் மகிழ்ச்சி உங்களிடம் எப்போதும் நிலைத்திருக்கும். தவிர உங்கள் துணையின் மீது நீங்காத அன்பும், விட்டுக் கொடுக்காத தன்மையும் இருந்தால் ரொமான்ஸ் என்பதெல்லாம் வார்த்தையாக இருக்காது, அழகான வாழ்க்கையாக இருக்கும். சரிதானே?

]]>
low libido, romance, boredom, பாலியல் நாட்டக் குறைவு, ரொமான்ஸ் ரகசியம் http://images.dinamani.com/uploads/user/imagelibrary/2017/8/31/w600X390/images.jpg http://www.dinamani.com/health/mental-health/2017/aug/31/male-low-libido-reasons-and-solutions-2765056.html
2759273 மருத்துவம் மனநல மருத்துவம் உங்கள் காதலி ஃபேஸ்புக்கிலேயே வாழ்கிறாரா? Tuesday, August 22, 2017 10:00 AM +0530  

ஃபேஸ்புக்கிற்கு அடிமையாக இருக்கும் காதலியை எப்படி மீட்பது என்று சில இளைஞர்கள் தங்களின் ஆதங்கத்தை வெளிப்படுத்தியிருக்கிறார்கள் (வேறெங்கே அதே ஃபேஸ்புக்கில் தான்) அவற்றின் சுவாரஸ்யமான தொகுப்பு :

தனது காதலிக்கு பேஸ் புக்கில் நிறைய நண்பர்கள் இருந்தால் கண்டிப்பாக ஆண்களுக்கு பாதுகாப்பின்மை உணர்வு தோன்றுமாம். யார் இவன் எதற்கு உனக்கு லைக் போடுகிறான் என்று ஆரம்பித்து தரமணி பட ஹீரோவைப் போல் பல கேள்விகள் கேட்கத் தொடங்குவார்கள். என்னுடன் பேசும் நேரத்தை விட உன் நண்பர்களுடன் அரட்டையடிக்கும் நேரம் தான் அதிகம் என்று மனம் வேதனைப்படுவார்கள். மேலும் சாட் செய்யும் போது மேசேஜ் தாமதமாக வந்தால், இந்த இடைப்பட்ட நேரத்தில் யாருடன் பேசிக்கொண்டிருப்பார் என்ற எண்ணம் தான் தோன்றும்! இதனால் எத்தனை அன்புள்ளவர்களாக இருந்தாலும் கூட அந்த சூழ்நிலையில் ஃபோனை அல்லது கணினியை ஆஃப் செய்துவிடுவார்கள். (வேறு எதற்கு நேரடியாகப் போய் ஒரு கை பார்த்துவிடலாம் என்றுதான்)

காதலர்களுக்குள் நடக்கும் பர்சனல் விஷயங்கள், புகைப்படங்களை எல்லாம் கூட நண்பர்களிடம் இருந்து லைக் வாங்குவதற்காக பேஸ்புக்கில் போடும் போது, நமக்குள் எந்த ஒரு விஷயமும் பர்சனாலாக இல்லையா? என்ற எண்ணம் தோன்றும். உங்களிடையே உள்ள இடைவெளி குறையும் என்கிறது ஒரு க்ரூப். இரவு எல்லாம் தூங்காமல், இன்னும் பேஸ் புக்கில் அப்படி என்ன தான் வேலை? என்று மனம் குமைந்து போகும் எண்ணங்கள் தொடர்ந்தால் மன அழுத்தம் ஏற்படும்.

பொழுதுபோக்க பயன்படும் ஃபேஸ்புக் உங்கள் வாழ்க்கையை பழுதடையச் செய்துவிடலாம். கவனமாக கையாளும் போது அதுவே உறவுப் பாலமாகிவிடும். அன்பின் இருப்பிடங்கள் எத்தனை எத்தனையோ அதில் மெய் நிகர் உலகமும் ஒன்றுதானே?

]]>
facebook, fb, முகநூல் http://images.dinamani.com/uploads/user/imagelibrary/2017/8/21/w600X390/fb.jpg http://www.dinamani.com/health/mental-health/2017/aug/22/facebook-creates-personal-life-problems-2759273.html
2757597 மருத்துவம் மனநல மருத்துவம் மன அழுத்தத்தால் மலட்டுத்தன்மையா? அல்லது மலட்டுத்தன்மையால் மன அழுத்தமா? கார்த்திகா வாசுதேவன் Friday, August 18, 2017 01:03 PM +0530  

பலருக்கும் இந்தக் குழப்பம் இருக்கக் கூடும். மன அழுத்தமே மலட்டுத் தன்மைக்கான மிக முக்கியமான காரணங்களில் ஒன்றாகக் கருதப்படுகிறது என்கிறார்கள் மருத்துவர்கள். ஆனால் பெரும்பாலானோருக்கு இப்போதெல்லாம் மலட்டுத்தன்மையால் தான் மன அழுத்தமே வருகிறது. அப்படியானால் மன அழுத்தத்துக்கு காரணம் மலட்டுத் தன்மையா? அல்லது மலட்டுத் தன்மையால் தான் மன அழுத்தம் ஏற்படுகிறதா? என்பது பெரும்பாலோரிடையே குழப்பத்திற்குரிய கேள்வியாக எஞ்சி விடுகிறது. இப்போது நீங்கள் சொல்லுங்கள் இந்தக் கேள்விக்கான பதிலை. கோழி வந்ததா? முதலில் முட்டை வந்ததா? கதை தான். சைவப் பட்ஷிணிகள் வேண்டுமானால்; காற்று வந்ததால் கொடி அசைந்ததா? கொடி அசைந்ததால் காற்று வந்ததா? என்று மாற்றிக் கேட்டுக் கொள்ளலாம். அத்தனைக்கு விடை காண முடியாத குழப்பம் இந்த விஷயத்திலும் நிலவுகிறது என்பதே நிஜம்!

சரி இப்போது மன அழுத்தம் என்றால் என்ன? அது ஏன் மனிதர்களுக்கு வருகிறது? என்று தெளிவாகப் புரிந்து கொள்ள முடிகிறதா... என்று பாருங்கள்;

மனிதர்களுக்கு மன அழுத்தம் எதற்கு வருகிறது? எத்தனை முயன்றாலும் செய்து முடிக்க முடியாத மிதமிஞ்சிய வேலைப்பளு, நெருங்கிய உறவுகளுடனான மன மற்றும் கருத்து வேறுபாடுகள், சண்டை, சச்சரவுகள், நெருங்கியவர்களுக்குச் செய்து விட்ட துரோகத்தை மனதில் பூட்டி வைக்கும் போது ஏற்படும் கலக்கம், உறவுகள் மற்றும் நட்புகளுக்கிடையே சந்தர்ப வசத்தில் வளர்ந்து விடும் தேவையற்ற சந்தேகம், தாழ்வு மனப்பான்மை, அறிந்தும், அறியாமலும் செய்து விட்ட தவறுகளுக்குப் பொறுப்பேற்கத் தயங்கும் கோழைத்தனம், மானுட வாழ்வின் பல்வேறு சிக்கல்களைக் கையாளத் தெரியாத தெளிவின்மை, புறக்கணிப்பு, பணம் மற்றும் கல்வியால் அமையும் வாழ்க்கைத் தரம் சார்ந்து ஏற்படக்கூடிய ஏற்றத்தாழ்வுகள் குறித்த கோபங்கள், சந்தான பாக்கியம் இல்லாத குறை இத்யாதி, இத்யாதி என்று மனிதனுக்கு மன அழுத்தம் வரத்தக்க, உண்டாக்கத்தக்க காரணங்களை நாம் நீட்டித்துக் கொண்டே செல்லலாம். சரி காரணங்களை அடுக்கிக் கொண்டே போகலாம் எனும் போது அவற்றுக்கான தீர்வுகளுக்கும் அங்கே இடமிருக்கிறது என்று தானே அர்த்தம். ‘மரத்தை வைத்தவன் தண்ணீர் ஊற்றுவான்’ என்ற பழமொழிக்கு இணங்க பிரச்னைகளைத் தருவது கடவுள் என நாம் நம்பினால் அதைத் தீர்ப்பதற்கான வழிகளையும் அவரே உண்டாக்கி வைத்திருப்பார் தானே?! அப்படி எடுத்துக் கொண்டு இந்த விஷயத்தை அணுகினால் மன அழுத்தம் வருவதற்காக காரணங்களை அடுக்கியது போல அதைத் தீர்ப்பதற்கான காரணங்களையும் நாம் அடுக்கிக் கொண்டே போகலாம்.

உள்ளுக்குள் அடக்கி வைக்க, வைக்கத்தான் அது அழுத்தம். அதையே வெளியே தூக்கிப் போட்டு விட்டால் ஒரே நிமிடத்தில் நீர்க்குமிழி போல எந்தப் பிரச்னையும் லேசாகிக் காற்றில் பறந்து காணாமலாகி உடையும்! பெரும்பாலும் அதை நாம் செய்வதில்லை. காரணம் நமது பிடிவாதங்கள். மனிதன் தனது தனி மனிதப் பிடிவாதங்களை மட்டும் சற்றே தளர்த்திக் கொள்வான் எனில் அவனுக்கு மன அழுத்தமாவது ஒன்றாவது. வேறு எந்தப் பிரச்னையுமே வராது தவிர்க்கலாம். சக மனிதர்களிடம் எத்தனை துவேஷமிருந்தாலும் தேவை ஏற்படும் பட்சத்தில் மனம் விட்டு உங்களது கவலைகளை எங்காவது நம்பிக்கையான ஓரிடத்தில் இறக்கி வையுங்கள். மனதை ரணமாக்கிக் கொண்டிருக்கும் பிரச்னைகளை வேறு எங்கும் மனமுவந்து பகிர்ந்து கொள்ள இயலாவிட்டாலும் கூட உங்களுக்கு நீங்களே கடிதம் எழுதிக் கொள்வதன் மூலமாகவாவது உங்கள் பிரச்னைகளை ஆழ் மனதிலிருந்து கொஞ்சம் இறக்கி வைக்கப் பழகுங்கள். பிறகு மன அழுத்தம் தரத்தக்க வாழ்வின் தடைகள் அனைத்தும் எங்கோ காணாமல் போகும். மன அழுத்தம் என்று மருத்துவரை அணுகுவது சிலருக்கு வேண்டுமானால் பயன் தரலாம். ஆனால், பலருக்கும் மன அழுத்தத்திற்கான மருந்து தங்களிடமே இருப்பது தெரிந்தே இருப்பதே நல்லது. ஏனெனில் பிறகு வெண்ணெயைக் கையில் வைத்துக் கொண்டு நெய்க்கு அலைந்த கதையாகி விடும். எவரெல்லாம், தங்கள் வாழ்வின் எந்தச் சூழலிலும் பிரச்னைகளை எதிர்கொள்ளத் தயங்காது, அவற்றுக்கான தீர்வுகளை நோக்கி முன் நகர்கிறார்களோ... அவர்களுக்கு மன அழுத்தம் என்பது நிரந்தரமாக வாய்ப்பே இல்லை. இதில் இன்னொரு விந்தையான விஷயம் என்னவென்றால், மன அழுத்தம் என்பது மனிதர்களுக்கு மட்டும் தானா? பிற உயிரினங்களுக்கிடையே இப்படி ஒரு விஷயமே கிடையாதா? என்பதும் யோசிக்க வேண்டிய விஷயமே! சரி இனி மலட்டுத்தன்மை பற்றிப் பார்க்கலாம்.

மலட்டுத்தன்மைக்கான காரணங்கள் என்ன?

இந்திய மருத்துவத்துறையின் பல்வேறு பிரிவுகளின் கீழ் எண்ணற்ற ஆய்வுகள் நடத்தப் பட்ட பின்னரும் கூட மனிதர்களில் மலட்டுத்தன்மைக்கு இன்னது தான் காரணம், அதைத் தீர்க்க இது தான் மருந்து என ஒன்று இதுவரை கண்டுபிடிக்கப் படவேயில்லை. இன்னதெல்லாம் காரணங்களாக இருக்க வாய்ப்பிருக்கிறது... இப்படியெல்லாம் சிகிச்சை எடுத்துக் கொண்டால் அதற்கு தீர்வு காணலாம் எனச் சில வழிமுறைகள் முன் வைக்கப் படுகின்றனவே தவிர, மலட்டுத்தன்மை நீங்க நிரந்தரத் தீர்வென்ற ஒன்று இதுவரை கண்டிபிடிக்கப் படவேயில்லை. போலவே; மலட்டுத்தன்மை இதனால் தான் வருகிறது என்பதற்கும் எந்த விதமான முகாந்திரங்களும் இதுவரை அறியப்படவில்லை. மன அழுத்தம், தீரா வியாதி, விபத்து, உணவுப் பழக்கம், வாழ்க்கை முறை மாற்றங்கள் முதற்கொண்டு தற்போது மடிக்கணினி, அலைபேசி, லேசர் விளக்குகளில் இருந்து கசியக் கூடிய ஒளி, ஒலி அலைகள் வரை பல காரணங்கள் மலட்டுத்தன்மைக்கான காரணிகளாகக் கருதப்பட்டாலும் அவையெல்லாம் தவிர்க்க முடியாத அங்கங்களாகி விட்ட இந்நாளில் மலட்டுத் தன்மை என்பதும் மனித வாழ்வின் தவிர்க்க முடியாத ஒரு அங்கமாகத் தான் ஆகிக் கொண்டிருக்கிறது. 

மலட்டுத்தன்மை என்பது ஒரு நோயல்ல; அது ஒரு குறைபாடு மட்டுமே. தகுந்த முறையில் உடல் அல்லது உள சிகிச்சை எடுத்துக் கொண்டால் அது தீரக்கூடியது தான். தீர்வு என்பதற்கான அர்த்தம்  உடனடியாக மலட்டுத்தன்மை நீங்கி தாங்களே பயலாஜிக்கலாக குழந்தை பெற்றுக் கொள்ள முடியும் என்பது மட்டுமே இல்லை. ஒருவேளை குழந்தைப் பேறு கிட்டாவிட்டாலும் கூட, தத்தெடுத்தல் அல்லது சோதனைக்குழாய் முறையில் குழந்தைப் பேறு அடைவதும் கூட மலட்டுத்தன்மையை வெல்வதற்கான வழி தான் என்பதை பாதிக்கப்பட்டவர்கள் மனதார நம்பவேண்டும். அப்படித்தான் இதனால் உண்டாகக்கூடிய மன அழுத்தத்தைக் கடக்க வேண்டும். 

மனித வாழ்வில் ஒன்றுக்கொன்று தொடர்பு கொண்ட இந்த இரு முக்கியமான பிரச்னைகளையுமே இவ்விதமாக அணுகுவதே நல்ல பயனைத் தரக்கூடும். அதை விடுத்து மீண்டும் முதலிலிருந்து மன அழுத்தத்தால் தான் மலட்டுத் தன்மை வருகிறது என்றோ அல்லது மலட்டுத்தன்மையால் தான் மன அழுத்தம் வருகிறது என்றோ எண்ணிக் கொண்டு தானும் குழம்பி தன்னைச் சார்ந்தவர்களையும் குழப்பி வாழ்க்கையை நரகமாக்கிக் கொள்ளத் தேவை இல்லை.


 

]]>
Stress, Infertility, stress VS infertility, மன அழுத்தம் VS மலட்டுத்தன்மை, மருத்துவம், ஹெல்த், health http://images.dinamani.com/uploads/user/imagelibrary/2017/8/18/w600X390/stress_infertility.jpg http://www.dinamani.com/health/mental-health/2017/aug/18/stress-vs-infertility-which-comes-first-2757597.html
2741670 மருத்துவம் மனநல மருத்துவம் உண்மையான மகிழ்ச்சி எதில் உள்ளது?  IANS Friday, July 21, 2017 06:57 PM +0530 பயணங்கள் வாழ்வின் தலைசிறந்த ஆசான். அதுவும் ஆன்மிகப் பயணங்களைப் பொருத்தவரையில் இன்னும் ஆழமானவை. காரணம் ஆன்மிகப் பயணம் என்பது சாதாரணமாக இடங்களைச் சுற்றிப் பார்ப்பதில் மட்டும் அடங்கிவிடுவதில்லை. ஒருவரின் ஞானத்தையும் தேடுதலையும் விரிவுபடுத்திவிடும் அற்புதத்தன்மை உடையவை பயணங்கள்.

புத்தம் என்பது மதமல்ல அது மகிழ்ச்சியை கண்டடையும் நல்வழி என்கிறார் பல நாடுகளுக்குப் பயணம் செய்து வரும் புத்தத் துறவியான கேயல்வா துகம்பா (Gyalwa Dokhampa). 'உங்களுடைய வாழ்வின் சந்தோஷத்தை கொண்டு வருவதில் பொருட்களின் பங்களிப்பு எந்தளவுக்கு முக்கியம் என்று நினைக்கிறீர்கள் என்று கேள்வி கேட்கிறார் 21 நூற்றாண்டில் தன் இளமையின் பெரும் பகுதியைக் கழித்த இந்த இளம் துறவி.

புத்தம் என்பது சூழலியல் சார்ந்தது. மக்களிடையே நல்லிணக்கத்தையும், ஆண் பெண் சமத்துவத்தையும் வலியுறுத்துவது என்ற கருத்தை வெளிப்படுத்தியவர் கேயல்வாங் திருபா என்ற பெளத்த துறவி. கேயல்வாங் திருபா, கேயல்வாங் திருபாவின் குடும்பத்தைச் சேர்ந்தவர். திபெத்திய புத்த மதத் தலைவரான தலாய் லாமாவால் ஒன்பதாம் கேயல்வா துகம்பா என்ற அங்கீகாரத்தைப் பெற்றவர்.

'பெரும்பாலோருக்கு நிறைய பணம் சம்பாதிக்க வேண்டும். வெற்றியாளராக வலம் வர வேண்டும் என்ற லட்சியம் இருக்கும். ஏன் வெற்றியாளராக வேண்டும் என்று நினைக்கிறார்கள் என்று தெரியுமா? காரணம் ஒருவர் வெற்றியை அடைந்துவிட்டால் பிற்சேர்க்கையாக சந்தோஷமும் உடன் வரும் வசதி வாய்ப்புக்கள் என எல்லாம் கிடைக்கும் என்பதற்காக வெற்றியை மகிழ்ச்சியின் இலக்காக நினைக்கிறார்கள்.

ஆனால் சந்தோஷத்தை அப்படியெல்லாம் துரத்திச் சென்றுவிட முடியாது. இது எனக்குக் கிடைத்தால் மகிழ்ச்சியாக இருக்கும் என்று எண்ணி ஒன்றைத் துரத்தி செல்வோம் அதை அடைந்துவிடுவோம். ஆனால் அது போதாது. அது நம்மை முழுமையாக சந்தோஷப்படுத்தாது. வேறு ஒன்று நமக்கு தேவைப்படும். அதையும் நம்மால் அடைந்துவிட முடியும்...ஆனால் மறுபடியும் இன்னொன்று தேவையாக இருக்கும்.

ஆன்மிகத்தில் கிடைக்கும் மகிழ்ச்சிக்கு இணையாக பெரும் புகழ் அல்லது பொருள் கிடைக்கும் என்றால் அதனை விட்டுக் கொடுப்பீர்களா? மன மகிழ்ச்சி என்பது நட்பில், அன்பில், திருப்தி உணர்வில், மற்றவர்களுடைய தவறுகளை பொறுத்துக் கொள்வதில் என சில விஷயங்களில் அடங்கியுள்ளது. 

இளைஞர்கள் சிலர் நினைக்கலாம் வெற்றி பெற்ற சில முதியவர்கள் மகிழ்ச்சியாக இருக்கிறார்கள் என்று. வயதானால் என்ன? அவர்களும் தாம் முக்கியமாக கருதும் ஏதோ ஒன்றை இன்னும் கூட துரத்திக் கொண்டுதான் இருக்கிறார்கள். இப்படி வாழ்நாள் முழுதும் அடையவே முடியாத ஏதோ ஒன்றினை துரத்தியபடி இருக்கிறார்கள். 

இந்தப் போராட்டத்தில் அவர்கள் இழப்பது அவர்கள் முதலில் தேடிய சந்தோஷத்தைதான். அதன் பின் நட்பு, சிரிப்பு, ஆரோக்கியம் என நீளும் இந்தப் பட்டியல், இறுதியில் வாழ்க்கையையே தொலைக்கச் செய்துவிடும். எல்லாவற்றையும் இழந்து எதைப் பெறத் துடிக்கிறோம், இப்படி ஒன்றுமே பெற முடியாதவர்களாகி விடுவதற்காகவா இந்த வாழ்க்கை’ என்று கேள்வி எழுப்புகிறார் இந்த 36 வயதான குரு.

நேபாள் மற்றும் பூடானில் பெரும்பாலும் வசிக்கும் கேயல்வா துகம்பா தான் கற்றத் தேர்ந்த பழமையான பெளத்தம் சார்ந்த பாடங்களை மிகவும் எளிமைப்படுத்தி புதிய பார்வையுடன் எடுத்துரைக்கிறார். ஒருவருடைய சந்தோஷத்துக்கும் துயரத்துக்கு காரணம் அவரவர் மனம்தான் என்கிறார் இவர். மகிழ்ச்சி அல்லது திருப்தி வெளியிலிருந்து வருகிறதா அல்லது உள்ளிருந்தா என்று கவனித்துப் பாருங்கள் என்று வலியுறுத்துகிறார்.

'யாரேனும் உங்களுக்கு மில்லியன் டாலர்கள் தந்தால், உங்களுக்கு உடனே மிகவும் சந்தோஷமாக இருக்கும். ஏன் அவ்வளவு சந்தோஷம் கொள்கிறீர்கள்? காரணத்தை நீங்களே சொல்வீர்கள் நான் இப்போது மில்லினியர். ஆனால் பத்து நாட்களுக்குப் பிறகு உங்களுக்கு கேன்சர் வந்துவிட்டது. அதை குணப்படுத்த ஒரு மில்லியன் தேவை என்றால் அந்தப் பணத்தை என்ன செய்வீர்கள்? அந்த ஒரு மில்லியனை சந்தோஷத்துடன் கொடுத்து விடுவீர்கள் அல்லவா? 

இதிலிருந்து ஒன்றை நீங்கள் புரிந்து கொள்ள வேண்டும். சந்தோஷம் என்பது அந்த ஒரு மில்லியன் டாலரில் உங்களுக்குக் கிடைத்ததா அல்லது திருப்தி உணர்வில் கிடைத்ததா? ஒரு மில்லியன் டாலர் கையில் இருந்தால் ஒருவர் வெற்றியாளராகிவிட முடியுமா? அனைவருக்குமே வெற்றியாளராக வேண்டும் என்று ஆசைதான் ஆனால் அனைவராலும் பில்லியனாரவோ மில்லியனராகவோ முடியாது என்பது தானே உண்மை. அதற்காக நாம் என்ன தோல்வியுற்றவர்கள் ஆகிவிடுவோமா என்ன? இவ்விதமான வெற்றி என்பது புற வயமானது. உள்ளார்ந்த மகிழ்ச்சி தேவை எனில் வாழ்க்கையில் திருப்தியும் நிறைவும் இருக்க வேண்டும். அதற்கு இந்தத் தருணம் விழிப்புணர்வுடன் இருப்பதே ஒரே வழி’

சுற்றுச் சூழல் பாதுகாப்பை வலியுறுத்தி வருபவர் கேயல்வா துகம்பா. சூழல் பற்றிய விழிப்புணர்வு குறித்து இளைஞர்களிடம் கலந்துரையாடுவதை விரும்புகிறவர். கேயல்வா துகாம்பரைப் பொருத்தவரையில் இமாலயம் மற்றும் ஜம்மு காஷ்மீரிலுள்ள லடாக் ஆகிய இடங்கள் இந்தியாவுடன் 300 வருட காலத்துக்கும் மேலாக ஆழமான சரித்திர தொடர்புடையவை. 'இமய மலைப்பகுதி மற்றும் லடாக்கில் நாங்கள் நடைப்பயணம் மேற்கொண்ட போது, அங்கு பயணிகள் அதிகளவு குப்பை கூளங்களைப் போட்டுவிட்டு சென்றதைப் பார்த்தோம். அந்தக் குப்பைகள் அங்குள்ள ஆறு, குளம் மற்றும் சிற்றோடைகளில் விழுந்து அந்த நீர்நிலைகளை மாசுபடுத்திவிடுகிறது. இந்த ஆறுகள் மற்றும் சிற்றோடைகள் தான் 30 சதவிகிதத்திலிருந்து 40 சதவிகித உலக மக்களின் நீராதாராமாக விளங்குகிறது. எங்களுடைய பணி இந்தக் குப்பைகளை அகற்றுவதிலிருந்து ஆரம்பமாகிறது’ என்று கூறியுள்ளார் கேயல்வா துகம்பா.

ஆன்மிக தலைவராக மட்டும் இல்லாமல் செயல்வீரராகவும் இருப்பவர் கேயல்வா துகாம்பர். அவருடைய வாழ்வின் ஆரம்ப காலகட்டத்தில் டார்ஜிலிங்கில் கழித்தார். அமெரிக்கா, இங்கிலாந்து, வியட்நாம், மலேஷியா, ஹாங்காங் மற்றும் சிங்கப்பூர் ஆகிய உலக நாடுகளைச் சேர்ந்த மாணவர்களிடம் உரையாற்றி, நல்ல பல கருத்துக்களை கூறி வருகிறார். தீவிரமான ஆன்மிக நூல்கள் பலவற்றை எழுதி வெளியிட்டுள்ளார். 

அவர் சமீபத்தில் எழுதிய புத்தகம் ‘தி ரெஸ்ட்ஃபுல் மைண்ட் - எ நியூ வே ஆஃப் திங்கிங், எ நியூ வே ஆஃப் லைஃப்’ (The Restful Mind - A New Way of Thinking, A New Way of Life). இந்தப் புத்தகம் நவீன வாழ்க்கையின் அழுத்தங்களையும் அதிலிருந்து மீள வழிமுறைகளைச் சொல்லித் தருகிறது. தவிர இப்புத்தகம் மனத்தை அமைதியாக வைத்துக் கொள்வதற்கான ஒரு கையேடு எனலாம். 

It isn't about never being angry or upset, but about how much we hold on to such restless emotions.

"The Restful Mind", by His Eminence Gyalwa Dokhampa

]]>
Buddhist monk, Gyalwa Dokhampa, கேயல்வாங் திருபா, புத்த துறவி http://images.dinamani.com/uploads/user/imagelibrary/2017/7/21/w600X390/maxresdefault.jpg http://www.dinamani.com/health/mental-health/2017/jul/21/for-this-buddhist-monk-happiness-is-a-sense-of-satisfaction-within-2741670.html
2739627 மருத்துவம் மனநல மருத்துவம் இளமைக்கு என்ன கியாரண்டி? Tuesday, July 18, 2017 01:33 PM +0530 சிறியவர்களாக இருக்கும் போது நமக்கெல்லாம் ஒரே கனவு. நான் சீக்கிரம் வளர்ந்து பெரியவனாகிவிட வேண்டும் என்பதே அது. ஆனால் பெரியவர்களாகி வாழ்க்கையில் நாம் நினைத்தவை சில கிடைத்து, பல கிடைக்காமல் போகும் போது ஒரு ப்ளாஷ்பேக் போடுவோம். 'ஆஹா, என்னுடைய சின்ன வயசுல எவ்வளவு சந்தோஷமா இருந்தேன். நினைச்சது எல்லாமே எனக்கு கிடைச்சுது’ என்று ஏக்கப் பெருமூச்சு விடுவோம். இக்கரைக்கு அக்கரை பச்சை என்பது பால்யமும் இளமைக்காலமும் அதைக் கடந்த முதிய பருவமும் சொல்லிக் கொடுக்கும் பாடங்கள். வயது அதிகரிக்க அனுபவமும் நிறைவும் நமக்கு ஏற்பட வேண்டும், மாறாக ஏக்கமும் சுய பச்சாதபமுமே நம்மில் பெரும்பாலோருக்கு மிஞ்சுகிறது.

இதற்கு யார் காரணம்? ஏன் இப்படி எனக்கு மட்டும் நிகழ்கிறது? என்று யோசிக்கிறீர்களா? சாட்சாத் அதற்கு காரணம் நாம் தான். நம்முடைய சிக்கல்களுக்கும் தோல்விகளுக்கும் நாமே தான் காரணம். அடுத்தவர் மீதோ ஆண்டவன் மீதோ அல்லது விதியின் மீதோ பழியைப் போட்டுவிட்டு தப்பிக்க முடியாது. ஆழ்ந்து யோசித்துப் பார்த்தால் இன்றைய நம்முடைய நிலைக்கு வெளிக் காரணிகள் சில இருந்தாலும் உண்மையில் நாம் தான் காரணம். நம்முடைய தேர்வுகள் தான் நம்மை இந்த நிலைக்கு இழுத்துச் சென்றுள்ளது. ஏன் எனக்கு மட்டும் என்ற கேள்வியைக் கேட்காத மனிதர்கள் வெகு சிலரே. ஏன் என்றால் அதற்குக் காரணமும் நாம் தான். எதிலும் அதிருப்தி மற்றும் சுயநலம் இன்னும் சில குணக் கேடுகள் இவைதான். ஆச்சரியமாக உள்ளதா? ஆம். சிறிதும் சமரசம் இன்றி உங்களை நீங்கள் சுய பரிசோதனை செய்து பாருங்கள். கிடைக்கும் விடை உங்களை நிச்சயம் அதிர்ச்சிக்குள்ளாக்கும். 

வேலை, குடும்பம், அலுவலகம், சமூகம் என ஓடிக்கொண்டே இருக்கும் வாழ்க்கையில் உண்மையில் நமக்கு என்ன வேண்டும் என்ற புரிதல் கூட நமக்கு இருப்பதில்லை. அடிபடையாக ஒரு மனிதனுக்கு என்ன தேவை. உணவு, வசிப்பிடம், குடும்பம், நல்லுறவுகள் இவை போதாதா. இவற்றை சம்பாதித்துக் கொள்ள போதுமான பணம். ஆனால் அந்தப் போதுமான பணம் போதவே இல்லை என்பதால் தான் மேலும் மேலும் பணம் தேடி ஓடுகிறோம். அப்படி ஓடும் போது உயிர் வாழ்தலுக்கு அடிப்படை விஷயமான உணவைப் பற்றிய அக்கறை சிறிதும் இன்றி உணவை தவிர்ப்த்து அல்லது தாமதப்படுத்தி அல்லது குப்பை உணவுகளை சாப்பிட்டோ உடல் ஆரோக்கியத்தை கெடுத்துக் கொள்கிறோம். மன அழுத்தம், ரத்த அழுத்தம், இதயக் கோளாறு என விதம் விதமான நோய்கள் ஒவ்வொன்றும் இதோ நான் இருக்கிறேன் என்று தேடி வந்து ஒட்டிக் கொள்ளும் அளவுக்கு கவனக் குறைவாக இருக்கிறோம். 

எதற்காக சம்பாதிக்கிறோம்? ஆர அமர சாப்பிட வழியின்றி, ரசித்துப் பிடித்து வாழ வகையின்றி பந்தயத்துக்கு நேர்ந்துவிட்டது  போல் நமக்கு இந்த ஓட்டம் அவசரம் ஏன்? குடும்பத்துடன் அமர்ந்து நல்ல சத்தான உணவை சாப்பிடுவதில் என்ன பிரச்னை? காலை உணவைச் சாப்பிடச் சொல்லி நம் உடலில் இயங்கும் பயாலாஜிகல் க்ளாக் பசி உணர்வு எனும் அலாரத்தை அடிக்கும். போலவே எப்போதெல்லாம் தேவையோ மதியம் மாலை இரவு என அது உள்ளார்ந்த குரல் கொடுக்கும். ஆனால் அதை கண்டு கொள்ளாமல் இருக்கப் பழக்கப்பட்டால் ஒருகட்டத்தில் அது குழம்பி அலாரம் தருவதை நிறுத்திவிடும். நன்றாகப் பசியெடுத்து சாப்பிடுவதுதான் ஆரோக்கியத்துக்கு நல்லது. ஏதோ ஒரு நேரத்துக்கு என்னமோ ஒரு உணவு என வாழப் பழகிவிட்டால் உடல் நம்மை ஒரு கட்டத்தி பழிவாங்கிவிடுவது நிச்சயம். மேலும் குறிப்பிட்ட வயதுக்குப் பிறகு, நம் உடலில் கொழுப்புச்சத்து அதிகரிக்கத் தொடங்கும். எனவே, குறைந்த அளவு கொழுப்புச்சத்து உடைய உணவை மட்டுமே உட்கொள்ள வேண்டும்.

தினமும் ஆறு முதல் எட்டு க்ளாஸ் தண்ணீர் குடிப்பது நல்லது. அசைவப் பிரியராக இருந்தால் கோழி, இறைச்சி உணவுகள் அடிக்கடி சாப்பிடாமல் தினமும் மீன் உணவை சாப்பிடலாம். இதில் ஒமேகா எனும் அரிய சத்து உள்ளது. செல் மீட்டுருவாக்கத்துக்கு மிகவும் நல்லது. எனவே உணவு விஷயத்தில் மிகுந்த அக்கறையுடனும் கவனத்துடன் இருப்பது தான் இளமையை தக்க வைப்பதற்கான முதல் படி.

அடுத்து மனம் சார்ந்த அமைதியும் திருப்தி மிகவும் முக்கியம். அவனிடம் கார் இருக்கிறது, என்னிடம் பைக் கூட இல்லை. ஒரு சைக்கிளுக்காவது வழி இருக்கிறதா என்று நினைத்துப் பொறுமிக் கொண்டிருந்தால் நடக்கக் கூட முடியாத நிலைக்கு தள்ளப்படுவோம். காரணம் மனத்தில் எதிர்மறை எண்ணங்களான பொறாமை, கோபம், வெறுப்பு ஆகியவை ஒருபோதும் நம்மை ஏற்றமான வழிகளுக்கு இட்டுச் செல்லாது. அது ஒரு புதைகுழி போலத்தான். ஒருநாள் இல்லையெனில் மற்றொரு நாள் நம்மை அமிழ்த்திவிடும். நமக்கான அரிசியில் நம்முடைய பெயர் எழுதப்பட்டுள்ளது என்பது உண்மையிலும் உண்மை. நமக்குக் கிடைக்கவேண்டியதை நியாயமான முறையில் நமக்குக் கிடைக்கச் செய்வதுதான் வாழ்க்கையில் முக்கியமானது. அடித்துப் பிடுங்கி, ஊழல் செய்து, அடுத்தவர் வயிற்றில் அடித்து சம்பாதிக்கும் பணம் வந்த வழி தெரியாது போய்விடும்.

நம்மை மேன்மையான உயிர்களாக தக்க வைக்க எளிமையும், அன்பும், சக மனிதர்கள் மீதான அக்கறையும், எளியோர் மீதான கருணையும் தான். அன்பு, நன்றி, மன்னிப்பு இவை மூன்றும் நேர்மறையானவை. உங்களை முன்னேற்றப் பாதைக்கு மேன்மேலும் உயர்த்திச் செல்லும் மந்திரத்தன்மை உடையவை. இக்குணங்கள் எல்லோருக்கும் இயல்பில் இருப்பதுதான். ஆனால் அவற்றை முன்னெடுக்க விடாமல் ஈகோ தடுக்கும். நேர்முறை உணர்வுடன் வாழ்ந்தால் எப்போதும் மகிழ்ச்சி நிலைத்திருக்கும். அப்போது உள் அமைதியும் ஏற்படும். அது முகத்தில் புன்னகையாக வெளிப்படும். இயல்பாகவே சிரிப்புடன் இருப்பவர்களைப் பாருங்கள், அவர்களின் வயதைக் கணிக்கவே முடியாது. அவர்கள் ஆசீர்வதிக்கப்பட்டவர்கள். காலம் அவர்களின் வயதை தள்ளிப்போட்டுவிட்டது. இளமையும் வசீகரமும் அவர்களுக்கு இவ்வகையில் வசமானது. 

இத்தகைய இளமையுடன் இருக்க நம்மை நாமே உள்ளும் புறமும் சரியாக பேணுவோம். அப்போது நம்முடைய இளமைக்கு நாமே கியாரண்டி!

]]>
youth, young, beauty, அழகு, இளமை http://images.dinamani.com/uploads/user/imagelibrary/2017/7/18/w600X390/youth.jpg http://www.dinamani.com/health/mental-health/2017/jul/18/how-to-he-young-always-2739627.html
2736155 மருத்துவம் மனநல மருத்துவம் விடுப்பு எடுத்த பெண் ஊழியரின் மின்னஞ்சலுக்கு தலைமை நிர்வாக அதிகாரியின் பதில் என்ன? Wednesday, July 12, 2017 03:26 PM +0530 இந்த உலகம் எப்போதுமே கடுமையான ஓரிடமாக இருக்க வேண்டுமா என்ன? சில சமயம் இது போன்ற சம்பவங்களைக் கேள்விப்படும் போது அடடே என்று நம்மை வியப்பில் ஆழ்த்திவிடும். அத்தகைய ஒரு விஷயம் தான் இது.

மிச்சிகன் மாநிலத்தைச் சேர்ந்த மேட்லின் பார்கர் என்பவர் பெரிய நிறுவனம் ஒன்றில் வெப் டெவலப்பராக பணி புரிந்து வருகிறார். சமீபத்தில் மனது சரியில்லை என விடுப்பில் சென்ற அவர், தனது சக பணியாளர்களுக்கு ஒரு மின்னஞ்சல் அனுப்பியிருந்தார். அதில் தனக்கு  மனச் சோர்வினால்,  இரண்டு நாட்கள் பணி விடுப்பில் இருப்பதாகவும், விரைவில் மீண்டு வருவதாகவும் தெரிவித்திருந்தார். எதிர்பாராதவிதமாக, அந்த மின்னஞ்சலுக்கான பதிலை தலைமை நிர்வாக அதிகாரியே மேட்லினுக்கு அனுப்பியிருந்தார். அந்த மெயிலைப் படித்த மேட்லின் நெகிழ்ந்துவிட்டார். 

மேட்லின் இதனை தனது டிவிட்டர் பக்கத்தில் பகிர்ந்துள்ளார். 

'மனச் சோர்வு காரணமாக லீவில் இருந்த சமயத்தில், டீம் நண்பர்களுக்கு அனுப்பிய மெயிலுக்கு என்னுடைய தலைமை நிர்வாக அதிகாரி ஆதரவாக பதில் சொல்லியதுடன், பணி விடுப்பையும் உறுதிப்படுத்தியுள்ளார்’

இந்தப் பதிவு இணையத்தில் உடனே பரவத் தொடங்கி மேட்லினுக்கும் அவரது தலைமை நிர்வாக அதிகாரிக்கும் பாராட்டுக்கள் குவிந்தன. 

மேட்லின் பகிர்ந்திருந்த டிவீட்டுகளுக்கு குவிந்த வரவேற்பைப் படித்த அவருடைய தலைமை நிர்வாக அதிகாரி பென் காங்லிடன் மற்றொரு பதிவை எழுதினார். அதன் தலைப்பு - இந்த 2017-லும் கூட மன அழுத்தம் சார்ந்த பிரச்னைகள் இன்னும் பணி இடங்களில் விவாதிகப்படும் ஒன்றாகவே இருந்து வருகிறது.

இது 2017, இன்னும் கூட பணி இடங்களில் மன நலம் குறித்து வெளிப்படையாக பேச முடியவில்லை என்பதை என்னால் நம்ப
முடியவில்லை. இத்தனைக்கும் ஆறில் ஒரு அமெரிக்கருக்கு மன அழுத்தப் பிரச்னை உள்ளது.

இது 2017,  இன்னும் என்னால் முழுவதும் நம்ப முடியவில்லை. பணி செய்பவர்கள் விடுப்பில் செல்லும் போது அவருக்கு பணி ஊதியம் தர வேண்டுமா என்பது இன்னும் சர்ச்சைக்குள் தான் உள்ளது. 37 சதவிகித முழு நேரப் பணியாளர்கள் மட்டும்தான் சிக் லீவுக்கான சம்பளத்தைப் பெறுகின்றனர் என்பது உங்களுக்குத் தெரியுமா?

இது 2017. நாம் பொருளாதாரத்தில் தேர்ந்த அறிவு பெற்றிருக்கிறோம். நம்முடைய வேலைகள் நம் மனதையும் உடலையும் சக்கையாக பிழிந்துவிடக் கூடியதாக இருக்கிறது. ஒரு தடகள வீரர் காயமடைந்தால், அவர்கள் சிறிது நேரம் பெஞ்சில் அமர்ந்து ஓய்வு எடுத்த பின் சரியாகிவிடுவார்கள். ஆனால் மூளையால் செய்யக் கூடிய வேலைகள் அப்படியல்ல என்பதை நாம் தெரிந்து கொள்ள வேண்டும் அல்லவா?

]]>
Madalyn Parker, CEO, Sick Leave, மன நலப் பிரச்னை, பணி விடுப்பு http://images.dinamani.com/uploads/user/imagelibrary/2017/7/12/w600X390/madlyn_parker.jpg http://www.dinamani.com/health/mental-health/2017/jul/12/woman-requests-time-off-for-mental-health-boss-sends-the-perfect-reply-2736155.html
2729506 மருத்துவம் மனநல மருத்துவம் ஆசைகள், துன்பங்கள் எப்படி கையாள்வது? DIN DIN Friday, June 30, 2017 12:20 PM +0530 நிறைவேறாத ஆசைகள் நம்மை சோகத்தில் ஆழ்த்துகின்றன. இதை எப்படி சமாளிப்பது?

ஒன்றை சமாளிப்பது, அல்லது அடக்கி ஆள்வது என்றால் அதற்கு என்ன அர்த்தம்? அதன்மீது நீங்கள் ஏறி அமர்ந்து கொள்ள விரும்புகிறீர்கள். ஒரு பிரச்சினையின் மேல் நீங்கள் அமர்ந்து கொள்வதால், உங்கள் வாழ்க்கை எவ்வழியிலாவது மேன்மையடையும் என்று நினைக்கிறீர்களா? இல்லை. அதையெல்லாம் ஏற்கெனவே முயற்சி செய்து பார்த்து விட்டீர்கள் தானே? அது வேலை செய்வதில்லை. துயரத்தை எப்படி தவிர்ப்பது என்று என்னைக் கேட்காதீர்கள், ஆனந்தமாய் வாழ்வது எப்படி என்று கேளுங்கள்.

துயரங்கள் நீங்களே உருவாக்கிக் கொள்வது. அது உங்களுக்கு இயல்பாக ஏற்படுவதில்லை. உங்கள் மனதோடு குளறுபடிகள் செய்யாமல், இங்கு சும்மா அமர்ந்திருந்தால், நீங்கள் நன்றாகவே இருப்பீர்கள். ஆனால் இப்போது மனதுடன் மிகவும் சிக்கிப் போய் விட்டீர்கள், தொடர்ந்து மனதைக் கிளறிக்கொண்டே இருக்கிறீர்கள். ஒரு நொடி கூட அதைவிட்டு விலகி வர முடியவில்லை. அது தான் பிரச்சினை.

‘துயரத்தில் உழலாமல் இருப்பது எப்படி?’ என்பதே பொருத்தமற்ற கேள்வியாக இருக்கிறது. ஏனெனில் அதை உருவாக்குவதே உங்கள் மனம் தான். மனதைக் கட்டுப்பாட்டில் வைப்பதற்கான ‘ஸ்விட்ச்’ தெரியாமல், இருட்டில் துழாவிக் கொண்டிருக்கிறீர்கள். சிலநேரம் தற்செயலாக ஏதோ ஒன்றைத் தொட்டுவிட, எல்லாம் நன்றாக இருக்கிறது. சிலநேரம் வேறேதோ ஒன்றைத் தொட, அது துயரத்தை வரவழைக்கிறது. இதுதான் நடந்து கொண்டிருக்கிறது. இது நீங்கள் ஒரு ‘காரை’ வைத்திருந்து, ஆனால் அதை ஓட்டும் வழி தெரியாமல் இருப்பது போல. மனம் போனபடி கீழிருக்கும் அந்த மூன்று மிதிக்கட்டைகளை (க்ளட்ச், பிரேக், ஆக்ஸெலரேட்டர்)யும் மாற்றி மாற்றி மிதித்துக் கொண்டிருக்கிறீர்கள் என்றால் நீங்கள் எந்தளவு மோசமான ஓட்டுனராக இருப்பீர்கள் என்பதை அறிவீர்களா? பயணம் மிகவும் குலுங்கிக் குலுங்கித்தானே நடக்கும்? இப்போது உங்கள் உடலையும், மனதையும் அப்படித்தான் செலுத்திக் கொண்டிருக்கிறீர்கள் என்பதைப் புரிந்து கொள்ளுங்கள். அவை எப்படி செயல்படுகின்றன என்பதைப் புரிந்துகொள்ள முயற்சி எடுக்காமல், தற்செயலாக அவற்றைச் செலுத்திக் கொண்டிருக்கிறீர்கள்.

ஒரு காரை ஓட்டவேண்டும் என்றால் அதைப் பற்றி உங்களுக்கு நிறையத் தெரிந்திருக்க வேண்டும். அந்த எந்திரம் எப்படி வேலை செய்கிறது, அதை இயக்கும் விதிகள் என்ன என்பதெல்லாம் தெரிந்திருந்தால் அதை சுலபமாக இயக்கலாம். இது உங்கள் உடலிற்கும், மனதிற்கும், உங்கள் வாழ்வின் ஒவ்வொரு அம்சத்திற்கும் பொருந்தும்.

இன்று பரவலாய் ஒரு கலாச்சாரம் இருக்கிறது. நாம் விரும்பும் ஒன்று நடக்கவேண்டுமெனில், அதற்கு என்ன தேவையோ அதை செய்வதற்குப் பதிலாக, மற்றதை எல்லாம் செய்துவிட்டு, நாம் விரும்புவது நடந்துவிட வேண்டும் என்று வேண்டிக் காத்திருப்பதுதான். வாழ்க்கை எப்போதும் இப்படி நடக்காது என்பதை நீங்கள் புரிந்து கொள்வது நல்லது. குழந்தைகள் போல் இல்லாமல், இனியேனும் கொஞ்சம் முதிர்ச்சியோடு செயல்படுங்கள். ‘இன்று நான் கடவுளிடம் வேண்டிக் கொண்டுவிட்டேன், அதனால் இன்றைக்கு எதுவும் தவறாக நடக்காது’ இப்படிக் கூட நினைக்கிறீர்கள், இல்லையா? ஆனால் கடவுளை வேண்டிக் கொள்பவர்களும் தினமும் இறந்து கொண்டுதான் இருக்கிறார்கள் என்பதை நீங்கள் அறிந்திருக்கிறீர்கள் தானே? பிரார்த்தனை போன்ற விஷயங்கள் எல்லாம் வேறொரு காரணத்திற்காக செய்ய ஆரம்பித்தார்கள். ஆனால், காலப்போக்கில், இப்போது, எதற்கு எது என்பதே புரியாது ஏதேதோ செய்து கொண்டிருக்கிறீர்கள். ஓட்டுவது சரியாக நடக்கவில்லை, வேண்டிக் கொள்வதும் சரியாக நடக்கவில்லை, தியானமும் சரியாக நடக்கமாட்டேன் என்கிறது. ஏனெனில் என்ன செய்யவேண்டுமோ அதைச் செய்யாமல், வேறெதையோ நீங்கள் செய்து கொண்டிருக்கிறீர்கள்.

உங்களுக்குச் செடி வளர்க்க வேண்டுமென்றால், எல்லா பிரார்த்தனைகளும் செய்துவிட்டு, பிறகு விதையை மண்ணில் விதைக்காமல், அதைக் கூரையில் ஒட்டிவைக்கிறீர்கள். அது எப்போதாவது வளருமா? மண்ணில் தேவையான உரங்களைக் கலந்து, அதைச் சரியான பதத்தில் தயார் செய்து, அதில் வளரக்கூடிய விதையை விதைத்தால், அது வளரும். சரியான சூழ்நிலைகளை உருவாக்கிக் கொள்பவருக்குத் தான் வாழ்வின் புதையல்கள் கிட்டும். நீங்கள் நல்லவராகவோ, கெட்டவராகவோ இருப்பதால் செடியில் பூக்கள் மலராது. “அவன் கெட்டவன். ஆனால் அவனிடம் செல்வம் சேர்கிறது. எனக்கு மட்டும் ஏன் நடக்கமாட்டேன் என்கிறது” என்று பலர் அலுத்துக் கொள்வதைக் கேட்டிருப்பீர்கள். நீங்கள் நல்லவர் தான், ஆனால் முட்டாளாய் இருக்கிறீர்கள், என்ன செய்வது? சரியான விஷயங்களை செய்யாதவரை, உங்களுக்கு வேண்டியவை நடக்காது.

ஆனந்தமாக இருக்கவேண்டும் என்று நீங்கள் எண்ணினால், அதற்கு, உங்களுக்குள் என்ன செய்யவேண்டுமோ அதை நீங்கள் செய்யவேண்டும். வேண்டிக் கொள்வதாலோ, அல்லது அது ‘வேண்டும், வேண்டும்’ என்று ஆசை கொள்வதாலோ, அது உங்களுக்குக் கிடைத்துவிடாது. உங்களுக்குள் தேவையான சூழ்நிலையை நீங்கள் உருவாக்கிக் கொண்டால், ஆனந்தம் உங்களுக்குள் ஊற்றெடுக்கும். ஒரு மலரை உங்களால் மலரச் செய்யமுடியாது. ஆனால் அது மலர்வதற்குத் தேவையான சூழ்நிலைகளை உருவாக்கினால், ஒன்றல்ல ஓராயிரம் பூக்கள் மலரும். வாழ்வில் இதைத்தான் நீங்கள் செய்யமுடியும். அதைச் செய்தாலே போதும். வாழ்வில் ஏதோ ஒன்று உங்களுக்கு நடப்பதற்கு நீங்கள் வேறு எதையும் செய்யத் தேவையில்லை. உங்களுக்கு என்ன வேண்டுமோ, அதற்கு சரியான சூழ்நிலைகளை நீங்கள் அமைத்தால் போதும், தேவையானது நடந்துவிடும்.

உங்களுக்கு சாதம் சமைக்க வேண்டும் என்றால், கொஞ்சம் அரிசி, நீர், வெப்பம் இவற்றை எப்படி வைக்கவேண்டுமோ அப்படி வைத்தால், சாதம் தயார் ஆகிவிடும். அதை நீங்கள் போய் சமைக்கவேண்டாம். சரியான சூழ்நிலைகளை உருவாக்க நீங்கள் கற்றுக்கொண்டால் போதும், சமைப்பது தானாக நடந்துவிடும். முதல்முறை செய்தபோது சரியான சூழ்நிலைகள் என்னவென்று உங்களுக்குத் தெரியாமல் இருந்திருக்கலாம். அவ்வப்போது கையை உள்ளே விட்டு, அன்று சாதத்திற்கு பதிலாக கஞ்சியை உருவாக்கினீர்கள். ஆனால் நாட்கள் செல்லச்செல்ல, சரியான சூழ்நிலையை உருவாக்க நீங்கள் கற்றுக்கொண்ட பிறகு, அங்கே நீங்கள் நின்றுகொண்டிருக்க வேண்டும் என்றுகூட அவசியம் இல்லை. சரியான சூழ்நிலையை உருவாக்கிவிட்டு, நீங்கள் அக்கம்பக்கத்தில் பேசிக் கொண்டிருந்துவிட்டு வந்தாலும், சாதம் தயாராகி விடும். இது அவ்வளவு சுலபம். உங்கள் வாழ்வின் ஒவ்வொரு அம்சமும் கூட இதேபோன்று தான். எங்கெல்லாம் சரியான சூழ்நிலைகளை நீங்கள் அமைத்தீர்களோ, அங்கெல்லாம் நடக்கவேண்டியவை நன்றாகவே நடக்கிறது. எங்கெல்லாம் சரியான சூழ்நிலையை உங்களுக்கு அமைக்கத் தெரியவில்லையோ, அங்கெல்லாம் எவ்வளவு முயற்சி செய்தாலும், நீங்கள் தலைகீழாகவே நின்றாலும், அது நடப்பதில்லை.

ஒரு சிறு கடையில் 300 ரூபாய் வியாபாரத்தை தினமும் சமாளிப்பவருக்கு இரத்தக்கொதிப்பு ஏற்பட்டு, அது தாங்கமுடியாத பாரமாய் இருப்பதும், உலகெங்கும் 300 தொழில் ஸ்தாபனங்கள் நிறுவி, அவற்றை நேரில் சென்று பார்வையிடாமலேயே அவருக்கு எல்லாம் அற்புதமாய் நிகழ்வதையும் பார்த்திருக்கிறீர்கள் தானே? ஏன் இப்படி? இது ஏனெனில், தொழில்கள் வெற்றிகரமாக நடப்பதற்கு ஏதுவான சூழ்நிலையை எப்படி உருவாக்குவது என்பதை அவர் கற்றுக் கொண்டுவிட்டார். அந்த சூழ்நிலைகளை உருவாக்கிவிட்டு, அவை செயல்படுவதற்கு அனுமதித்தால், எல்லாம் நன்றாகவே நடக்கிறது. சரியான சூழ்நிலையை உருவாக்காமல், அதை சரியாக நானே நடத்துகிறேன் என்று முயற்சித்தால், உங்களுக்கு பித்துப் பிடித்துப் போகும். வாழ்வின் ஒவ்வொரு அம்சத்திலும் இதுதான் உண்மை. உங்களுக்கு எது வேண்டும் என்று நினைக்கிறீர்களோ, அது நடப்பதற்குத் தேவையான சூழ்நிலையை நீங்கள் உருவாக்க வேண்டும். இல்லையெனில் அது நடக்காது.

இப்போது ஆனந்தமாய் வாழவேண்டும், துயரத்தில் உழலக்கூடாது என்ற ஆசை உங்களுக்கு வந்திருக்கிறது. இதை உருவாக்கிக் கொள்ள எந்த மாதிரியான சூழ்நிலைகளை அமைத்துக் கொள்ளவேண்டும் என்பதை நீங்கள் புரிந்துகொண்டு, அப்படி அமைத்துக் கொள்ளவேண்டும். அப்போது அது நடக்கும். அவ்வாறு இல்லாமல், ஏதோ ஒன்றைக் கைவிட வேண்டும் அல்லது ஒதுக்கிவிட வேண்டும் என்று முயன்றால், இப்போது இருப்பதை விட இன்னும் ஆழமான துயரத்தில் நீங்கள் உழல்வீர்கள். ‘எப்படியேனும் நான் என்னை மாற்றிக் கொண்டே ஆக வேண்டும்’ என்று தன்னை கட்டாயப்படுத்தி முயல்பவர்கள், ஆனால் அதற்கான எந்த முயற்சியும் எடுக்காமல் சாதாரணமாய் வாழ்பவர்களை விட, அதிகமாக அவதியுறுவதைப் பார்த்திருக்கிறீர்களா? இப்படி இருக்கவேண்டும், அப்படி இருக்கவேண்டும் என்று தங்களுக்குத்தானே விதிகளை வகுத்துக் கொண்டு வாழ்பவர்கள், மற்றவர்களை விட மிக அதிகமாக துன்பத்தில் உழல்கிறார்கள். அதற்குக் காரணம், திட்டவட்டமாய் வகுக்கமுடியாதவற்றை வகுக்க நினைப்பதால் தான். என்ன வேண்டும் என்று நினைக்கிறீர்களோ, அது நடப்பதற்குத் தேவையான சூழ்நிலையை உருவாக்குங்கள். அது போதும், வேண்டியது நடக்கும்
 
இப்போது ஆனந்தமாய் வாழவேண்டுமெனில், அதற்கு எவ்வகையான சூழ்நிலையை உருவாக்கிக் கொள்ள வேண்டும்? இதில் ஒன்று, நாம் ஏற்கெனவே பார்த்தது போல், அடிப்படை ஆசை எப்போதும் எல்லையற்று விரியவே முயல்கிறது. அதனுடைய வழியில் நீங்கள் முட்டுக்கட்டை உருவாக்கினால், அது உங்களுக்குத் துயரத்தை உருவாக்கும். நிறைவேறாத ஆசை என்பது அப்படித்தான் நிகழ்கிறது. ஆசை என்றாலே அது ஒரு பெரிய மாளிகைக்கோ, தங்க அட்டிகைக்கோ உருவாவது என்பதல்ல. அது ஒரு சாதாரண கூழாங்கல்லிற்குக் கூட உருவாகலாம். அப்பொருளின் மதிப்பு துயரத்தை நிர்ணயிக்கவில்லை. ஆனால் விரிவடையவேண்டும் என்ற அந்த ஏக்கத்திற்கு தடை வந்துவிட்டது. அதுதான் அங்கே துயரத்தை விளைவிக்கிறது.

இந்தத் துயரம் எப்படி உருவாகிறது, ஆனந்தம் எப்படி உருவாகிறது என்று அவற்றின் இயக்கமுறையைப் பாருங்கள். ஏதோ ஒரு குறிப்பிட்ட பொருளை அடைந்துவிட்டால், அது எல்லையற்று விரிவதற்கு ஒரு படியென நினைத்தீர்கள். ஆனால் அது நிறைவேறவில்லை, துயரம் வந்துவிட்டது. இதைச் சற்று கவனியுங்கள். அந்த ஏதோ ஒன்று கிடைக்கவில்லை என்பதனால் துயரம் வரவில்லை. எல்லையற்று விரியும் அந்த ஆசை நிறைவேறவில்லை என்பதால் தான் துயரம் வந்தது.

எதன் மீது உங்களுக்கு ஆசை வருகிறது என்பது, எத்தகைய சூழ்நிலையில் உங்கள் வாழ்க்கையை அமைத்துள்ளீர்கள் என்பதைப் பொறுத்து அமைகிறது. ஒரு கூழாங்கல், ஒரு தங்க ஆபரணம், ஒரு ஆண், ஒரு பெண், அது எதுவாய் இருந்தாலும், நீங்கள் எதன் மீது ஆசைப்படுகிறீர்களோ, அது கிடைக்காதது உங்கள் துயரத்திற்குக் காரணமல்ல. எப்படியேனும் விரிவடைந்திட நீங்கள் கொண்ட ஏக்கம் நிறைவேறாது போனது தான் உங்கள் துயரத்தின் காரணம். பலநேரங்களில் நீங்கள் ஆசைப்படும் பொருளின் மீது கூட உங்கள் கவனம் நிலைத்திருப்பதில்லை. ஆனால் இக்கணமே அது கிடைக்காவிட்டால், அந்த ஒன்றே உங்கள் வாழ்க்கை என்பது போல், உங்கள் முழு கவனமும் அதில் படிந்துவிடும். நிஜத்தில் அந்தப் பொருள் உங்களுக்கு அவ்வளவு முக்கியமில்லை. அதைக் கொண்டு நீங்கள் சற்றே விரிவடைய நினைத்தீர்கள். அது தான் முக்கியம். ஆசை என்பது இந்த ‘விரிவடைதலுக்கு’ ஒரு வழி.

ஆனால் இந்த விரிவடையும் ஏக்கத்திற்கு பொருள்நிலையில் நீங்கள் வடிகால் தேடினால் அது நடக்காது. நொடிக்கு நொடி ஆசைகள் இதை, அதை என்று மாற்றி மாற்றிக் கேட்கும். அப்போது துயரம் தவிர்க்க முடியாததாக ஆகிறது. ஆம், உலகத்தில் இருக்கும் எல்லாவற்றையும் நீங்கள் அடைந்திட முடியாதே! உங்களிடம் என்னவெல்லாம் இருந்தாலும், உங்களிடம் இல்லாததும் இருக்கும் தானே! இவ்வழியில் நீங்கள் சென்றால், ஆனந்தமாய் வாழ்வதற்கு வாய்ப்பே இல்லை. ஆம், உங்களின் ஒரு ஆசை நிறைவேறும் போது, அந்த நிமிடம் சந்தோஷமாக இருந்தாலும், அடுத்த நொடியே வேறொன்றின் மீது ஆசை வருகிறது. ஆக ஆசைகள் ஒழுங்கற்ற முறையில் வெளிப்படுகிறது.

ஆசை என்பது சரியும் அல்ல தவறும் அல்ல. ஆசைக்கு பொருள் முக்கியமில்லை. அப்பொருளோடு உங்கள் ஆசையை இணைத்தது நீங்கள். இது வேண்டும், அது வேண்டும் என்ற பாகுபாடு எல்லாம் மனதில் தான் இருக்கிறது. இதன் மேல் ஆசை கொள்ளலாம், அதன்மேல் வேண்டாம் என்ற வரையறைகளை வகுத்தது யார்? கடவுளா? இல்லை. நீங்கள் தான். நீங்கள் ஏதோ ஒன்றைச் செய்கிறீர்கள் என்றால், அதற்கு பலன்கள் கிடைக்க வேண்டும் தானே. இந்த வரையறையை விதித்துக் கொண்டதால், உங்களுக்கு என்ன கிடைத்தது? ஒன்றுமில்லை. இன்னும் சொல்லப்போனால், பெறுவதற்கு பதிலாக இழந்திருக்கிறீர்கள், இம்முழு உலகத்தை, உங்கள் முழு வாழ்வை இழந்திருக்கிறீர்கள்.

நன்றி - சத்குரு ஜக்கி வாசுதேவ்

]]>
Desires, Wishes, Failure, ஆசை, தோல்வி http://images.dinamani.com/uploads/user/imagelibrary/2017/6/30/w600X390/asaigal-thunbangal-eppadi-kaiyalvathu.jpg http://www.dinamani.com/health/mental-health/2017/jun/30/desires-and-failures-how-to-handle-them-2729506.html
2729498 மருத்துவம் மனநல மருத்துவம் பெண்களிடம் (இந்த) ரகசியத்தை சொல்லாதீர்கள்! Friday, June 30, 2017 11:34 AM +0530 சராசரி பெண்களால் எந்தவொரு ரகசியத்தையும் 47 மணி நேரத்துக்கு மேல் காப்பாற்ற முடியாது என்கிறது ஒரு புதிய ஆராய்ச்சி. 

பெண்களிடம் நீங்கள் ஒரு ரகசியத்தைச் சொல்லிவிட்டு யாரிடமும் சொல்லிவிடாதே என்ற வார்த்தையையும் கூடுதலாக சொல்லிவிட்டால் போதும் அது உடனடியாக அவர்களுக்குள் ஒரு ரசாயன மாற்றத்தை ஏற்படுத்திவிடுகிறதாம். ஒரு விஷயம் தனக்கு மட்டும் தெரியும் என்ற நிலையில் அவர்களால் நீடித்திருக்க முடியாது. உடனே அவ்விஷயத்தை தனக்கு முக்கியமானவர்களிடம் சொல்லிவிட வேண்டும் என்ற ஆவல் அவர்களுக்கு கொழுந்துவிட்டு எரியும். 15 நிமிடத்திலிருந்து 47 மணி நேரத்துக்குள் அவர்களுக்குத் தெரிந்த எந்தவொரு பரம ரகசியத்தையும் யாரேனும் ஒருவரிடமாவது நிச்சயம் சொல்லிவிடுவார்கள் என்று அடித்துச் சொல்கிறது இந்த ஆய்வு.

அந்த ரகசிய செய்தி யாரைப் பற்றியது என்பதைப் பொருத்துதான் முதலில் யாரிடம் சொல்வது என்பதும் அமையும். உதாரணமாக ரகசியத்தை சொல்லத் துடிப்பது தங்களின் ஆண் நண்பர், காதலர் / கணவர், நெருங்கிய தோழி அல்லது அம்மா இவர்களுள் யாராவது ஒருவரிடம் சொல்லியே தீர்வார்களாம்.

18 வயதிலிருந்து 65 வயது வரையிலான 3000 பெண்களை வைத்து இந்த ஆய்வினை மேற்கொண்டனர். இதில் பத்தில் நான்கு பெண்கள் தங்களால் ரகசியத்தைப் பாதுகாக்க முடியாது என்று வெளிப்படையாக ஒப்புக் கொண்டனர். அது எவ்வளவு அந்தரங்கமானதும் ரகசியமானதாகவும் இருந்தாலும் கூட தங்களால் சில மணி நேரத்துக்கு மேல் அதை மனத்துக்குள் பூட்டி வைத்திருக்க முடியாது என்றனர். 

பத்தில் ஐந்து பெண்கள் ஒன்று அல்லது இரண்டு க்ளாஸ் வைன் குடித்தபின் தங்கள் மனத்தில் ஒளித்து வைத்திருந்த அத்தனை விஷயங்களும் வெளியில் கொட்டிவிடுவோம், அது எத்தகைய ரகசியமாக இருந்தாலும் கவலையில்லை என்றனர். 

இந்த ஆராய்ச்சியை மேற்கொண்ட 'வைன்ஸ் ஆஃப் சைல்' என்ற நிறுவனத்தைச் சார்ந்த மைக்கேல் காக்ஸ் என்ற ஆய்வாளர் இதைப் பற்றி கூறுகையில், ‘பெண்கால் ரகசியத்தை காப்பாற்ற முடியாது என்பது உலகறிந்த உண்மைதான். இதை ஆராய்ச்சி செய்து உறுதி செய்ய விரும்பினோம். எங்களால் ஒரு ரகசியத்தைப் பெண்களிடம் சொல்லி அதை வெளியில் சொல்கிறார்களா என்பதைக் கூட கண்டறிய முடிந்தது. ஆனால் அது எவ்வளவு விரைவாக வெளியே சொல்லப்படுகிறது அந்த காலகட்டம் என்னவாக இருக்கிறது என்பதை தான் பகுத்தாய முடியவில்லை. ஆனால் ஒன்று மட்டும் மிக உறுதியாக எங்கள் ஆய்வில் தெளிவானது. அது எவ்வளவு ரகசியமானதும் முக்கியத்துவம் வாய்ந்ததுமான செய்தியாக இருந்தாலும் சரி பெண்களிடம் சொல்லப்பட்ட 48 மணி நேரத்தில் வெளி உலகத்துக்கும் தெரிந்து வெட்ட வெளிச்சமாகிவிடுகிறது’ என்றார்.

ஒரு ரகசிய செய்தியை ரகசியம் என்றே ஒரு பெண் தன் தோழியிடம் சொல்ல, அதை அவர் அப்படியே இன்னொருவரிடம் சொல்ல, இப்படி வெளியில் விரைவில் காட்டுத்தீ போலப் பரவி விடுகிறது. தனக்கு சம்மந்தம் இருக்கும் விஷயமாக இருந்தாலும் சரி, துளி கூட சம்பந்தம் இல்லையென்றாலும் சரி, அதை ரகசியம் என்று மட்டும் சொல்லிவிட்டால் போதும் பத்தில் ஒன்பது பெண்கள் அதை மற்றவர்களிடம் சொல்லியே தீர்கிறார்கள்.

சுவாரஸ்யமான செய்தியாக இருந்தால், பெண்கள் மது அருந்தும் போது அதைப்பற்றி அக்கு வேறு ஆணி வேறாக பிரித்து மேய்ந்து விவாதிக்கிறார்கள் என்றனர் ஆராய்ச்சியாளர்கள். 

மற்ற பெண்களிடமிருந்து ஒரு பெண் மூன்று ரகசியங்களையாவது வாரத்தில் ஒரு நாள் பெறுகிறார் அதில் ஒன்றையாவது அவர்கள் மற்றவர்களிடம் பகிர்ந்து விடுகிறார்கள் என்று மேலும் கூறுகிறது இந்த ஆய்வு.

பத்தில் ஆறு பெண்கள் ஒரு ரகசியத்தை அதில் துளியும் சம்பந்தப்படாதவர்களிடம் சொல்கிறார்கள். காரணம் அவர்களுக்குத் தெரியாத விஷயத்தில் ஆர்வம் காட்டாமல் இருப்பதுடன் அதை மற்றவர்களிடம் சொல்ல மாட்டார்கள். அவர்களிடம் அந்த ரகசியம் தேங்கிவிடும் என்று நம்புகிறார்கள்.

பத்தில் மூன்று பேர் மற்றவர்களின் ரகசியத்தை வெளியில் சொல்ல விரும்புவர்களாக இருப்பதை ஒப்புக் கொண்டார்கள். கிட்டத்தட்ட பாதி பெண்கள் (45 சதவிகிதம்) ரகசியத்தை வெளியில் சொல்வதற்கான காரணம் அது தங்களை உறுத்திக் கொண்டே இருப்பதால் அதை வெளியே சொல்லிவிடுவதன் மூலம் நிம்மதியாக உணர்வதாக ஒப்புக் கொண்டனர்.

இதில் சில பெண்கள் மற்றவர்களிடம் சொல்லக் கூடாத ரகசியத்தைக் கூட வெளியில் சொல்லிவிடுவதால் குற்றவுணர்வுக்கு உள்ளாகித்  தவிப்பதாகத் தெரிவித்தனர்.

இந்த ஆராய்ச்சியில் பங்குபெற்ற கால்வாசி பெண்கள் ரகசியத்தை பாதுகாப்பதில் தங்களுக்கு ஒரு பிரச்னையும் இருந்ததில்லை என்றனர். இதில் 83 சதவிகிதத்தினர் தங்களின் நெருங்கிய தோழியிடம் சொல்வதன் மூலம் அந்த ரகசியம் காப்பாற்றப் படுகிறது என்றே நம்புகிறார்கள். தங்களையும் அவர்களையும் வேறுபடுத்திப் பார்க்க முடியாத நெருக்கமான நட்பில் அல்லது உறவில் இருக்கும் போது ரகசியங்கள் அவசியமற்றது என்று கூறுகிறார்கள். 

பத்தில் நான்கு பெண்கள் நெருங்கிய தோழியிடம் மற்ற தோழிகள் பற்றிய வம்புச் செய்திகளையும் ரகசியங்களையும் சொல்லிவிடுகிறார்கள். 

பத்தில் நான்கு பெண்கள் தங்கள் தோழியிடம் அவளுக்குத் தெரியாத நபரைப் பற்றிய ரகசியத்தை சொல்வதில் பிரச்னையில்லை என்றே நினைக்கிறார்கள். தன்னிடமிருந்து வெளியே சென்றுவிடும் அதே சமயம் அது தோழிக்கு தெரியாத நபர் என்பதால் அவர் அதை அவள் வெளியிலும் சொல்லப் போவதில்லை என்று நம்புகிறார்கள். இதே போல் சம்மந்தம் இல்லாத நபரைப் பற்றிய ரகசியத்தை 40 சதவிகிதத்தினர் தங்கள் கணவரிடம் சொல்வதில் ஆறுதல் அடைகின்றனர்.  

அந்தரங்கமான விஷயங்கள், அடுத்தவர்கள் வாங்கிய பொருள்களின் உண்மை விலை, கள்ளக் காதல்கள், போன்றவையே ரகசியங்களின் பட்டியலில் எப்போதும் முதலில் இருப்பவை. இதைச் சார்ந்த விஷயங்களைப் பற்றி தோழிகளிடம் நேரில் அல்லது ஃபோனில் ரகசியமாக அரட்டை அடிப்பது அல்லது குறுஞ்செய்திகளை அனுப்பி பகிர்வதை பெண்கள் அடிக்கடி செய்து வருகிறார்கள்.

27 சதவிகிதப் பெண்கள் மட்டுமே தங்களிடம் சொல்லப்பட்ட ரகசியத்தை அடுத்த நாளே மறந்துவிடுகிறார்கள்.

]]>
Women, Gossip, Secrets, பெண்கள், ரகசியம் http://images.dinamani.com/uploads/user/imagelibrary/2017/6/30/w600X390/A41.jpg http://www.dinamani.com/health/mental-health/2017/jun/30/women-cannot-keep-a-secret-for-longer-than-47-hours-2729498.html
2728974 மருத்துவம் மனநல மருத்துவம் திட்டமிட்டபடி ஒன்றும் நடப்பதில்லையே? நான் என்ன செய்வது?  Thursday, June 29, 2017 12:19 PM +0530 ‘எத்தனைதான் திட்டமிட்டாலும், வாழ்க்கை நான் விரும்பும்படி நடக்கமாட்டேன் என்கிறது. என்னதான் செய்வது?’ என்று புலம்புகிறவரா நீங்கள்? இந்தக் கட்டுரை உங்களுக்கானது தான்.

கேள்வி : என் வாழ்வில் ஒவ்வொன்றையும் நான் திட்டமிட்டுத்தான் செய்கிறேன். ஆனால் எத்தனை திட்டமிட்டாலும் நான் விரும்பும்படி எதுவும் நடப்பதில்லை. நான் என்ன செய்வது?

திட்டம் என்பது மனதில் உருவாக்குவது. ஆனால் கைகளில் என்ன இருக்கிறதோ, அதை வைத்துத்தான் நீங்கள் வேலை செய்யமுடியும். எவ்வளவு நேரம் திட்டமிடுவது, எவ்வளவு நேரம் வேலை செய்வது என்பதெல்லாம் அவரவரின் வாழ்வைப் பொறுத்து ஒவ்வொருவரும் முடிவுசெய்ய வேண்டும். நீங்கள் செயற்திட்டக் குழுவின் அங்கமாக இருந்தால் திட்டமிடுவதை மட்டுமே நீங்கள் செய்வீர்கள்… ஏனெனில் அதுமட்டும்தான் உங்கள் வேலை. அதற்குத் தேவையான செயல்களைச் செய்து, அதை நிறைவேற்றுவது வேறொருவரின் வேலை.

உங்கள் வேலை எப்படிப்பட்டதாக இருந்தாலும், வாழ்வைப் பொறுத்தவரை நீங்கள் இந்தநொடியில், இந்தக்கணத்தில், இப்போது மட்டும்தான் எதையும் செய்யமுடியும். இப்போது தான் சாப்பிடமுடியும், இப்போது தான் சுவாசிக்கமுடியும், இப்போது தான் வாழமுடியும். திட்டமிடுவதும் கூட, நீங்கள் இப்போதுதான் செய்யமுடியும். நீங்கள் நாளை பற்றி திட்டமிடலாம், ஆனால் ‘நாளைய நாளை’ திட்டமிட முடியாது.

வாழ்க்கை நாம் திட்டமிட்டபடிதான் நடக்கவேண்டுமா?

திட்டம் என்பது நம் மனத்தில் உருவாகும் ஒரு யோசனை… அவ்வளவுதான். அதுவும் அது நாம் ஏற்கனவே அறிந்திருப்பவற்றில் இருந்தே தோன்றுகிறது. என்னவொன்று, அது கடந்தகாலத்தின் மேம்படுத்தப்பட்ட அச்சு. அதாவது கடந்தகாலத்தின் ஏதோவொரு நிகழ்வை எடுத்து, அதை மெருகேற்றுவது போன்றது. இது வாழ்வை வாழ்வதற்கு பரிதாபமான வழி. அப்படியென்றால் வாழ்வில் திட்டமிடக்கூடாதா? அப்படியல்ல. திட்டங்கள் வேண்டும்தான். ஆனால் அந்தத் திட்டத்தின்படி மட்டும் உங்கள் வாழ்க்கை நடந்தால், நீங்கள் மிகவும் பரிதாபமான வாழ்க்கை வாழ்கிறீர்கள் என்று அர்த்தம். ஏனெனில், வாழ்க்கை என்பது நீங்கள் கற்பனை கூட செய்திராத விதத்தில் நடக்கவேண்டும்.

வாழ்வின் சாத்தியங்கள் கணக்கிலடங்காது. அந்த அளவிற்கு யாருமே திட்டமிட முடியாது. உங்கள் திட்டங்களை காப்பீட்டுத்திட்டம் போல் வைத்துக்கொள்ளுங்கள்… ஆனால் வாழ்வை அதன்வழியில் நடக்க அனுமதியுங்கள். இப்போது இருக்கும் நிலையில் அது வழங்கும் சாத்தியங்களை ஆராய்ந்து பாருங்கள். எப்படிப்பட்ட கதவுகள் வேண்டுமானாலும் திறக்க வாய்ப்பிருக்கிறது. இதுவரை எந்த மனிதருக்கும் நிகழ்ந்திராத ஏதோவொன்றும் கூட உங்களுக்கு நிகழலாம்.

ஆனால் நீங்கள் திட்டமிட்டபடி வாழ்க்கை நடக்கும்போது, இதுவரை இவ்வுலகில் நடந்த அதே அபத்தமான விஷயங்கள்தான் உங்களுக்கும் நடக்கும்… புதிதாக எதுவும் நடக்காது. ஏனெனில் திட்டம் என்பது உங்களுக்கு ஏற்கனவே தெரிந்ததிலிருந்தே வருகிறது. கடந்தகாலத்தில் நீங்கள் சேகரித்த விஷயங்கள் மற்றும் அனுபவங்களிலிருந்து வருகிறது.

எந்த அளவிற்குத் திட்டமிடுவது என்பதை நீங்கள் அறிந்திருக்க வேண்டும். எவ்விதத் திட்டமும் இல்லாமல் இருந்தால், நாளை என்ன செய்வதென்றே உங்களுக்குத் தெரியாது. அதனால் எதைத் திட்டமிடுவது, எதைப்பற்றி சிந்திக்காமல் அதன்போக்கில் விட்டு ஆனந்தமாய் வாழ்வது என்பதை நீங்கள் புரிந்துகொள்ள வேண்டும். இதற்கு ஒரு சமநிலையும், வாழ்க்கை பற்றிய புரிதலும், விவேகமும் தேவைப்படுகிறது.

பெரும்பாலான மனிதர்களின் திட்டங்கள் ஆழமான தொலைநோக்கின் காரணமாய் உருவானவையல்ல. எதிர்பாராததை சந்திக்க அவர்களுக்கு இருக்கும் பயத்தால் உருவானவை. வாழ்வில் மனிதர்களுக்கு இருக்கும் ஒரே துயரம், வாழ்க்கை அவர்கள் விரும்பும் விதத்தில் நடக்கவில்லை என்பதுதான். காலையில் காஃபி வேண்டும் என்று நினைத்தீர்கள், அது வரவில்லை, உடனே துயரத்தில் ஆழ்கிறீர்கள். ஆனால் அதே சமயத்தில் அங்கு அதிஅற்புதமான ஒரு சூரியோதயம் நடந்துகொண்டிருக்கிறது… அதைத் தவறவிடுகிறீர்கள். நீங்கள் நினைத்தது போல் உங்களின் ஏதோவொரு அற்பமான திட்டம்தான் வேலை செய்யவில்லை, ஆனால் பிரம்மாண்டமாக வேறொன்று நடந்து கொண்டிருக்கிறது.

இந்த அண்டவெளியின் விஸ்தாரத்தில், உங்களைச் சுற்றி நிகழும் வாழ்வெனும் நாட்டியத்தில், உங்கள் திட்டம் மிகவும் சிறியது. அதற்கு இத்தனை முக்கியத்துவம் தராதீர்கள். நாளை காலை என்ன செய்வது என்று தெரிவதற்கு நீங்கள் திட்டமிட வேண்டும்தான், ஆனால் அத்திட்டத்தின்படியே உங்கள் வாழ்க்கை நடக்கவேண்டும் என்று எதிர்பார்க்காதீர்கள். இதெல்லாவற்றிற்கும் மேலாக, உங்கள் வாழ்க்கை எப்போதுமே உங்கள் திட்டம், கற்பனை, எதிர்பார்ப்புகள் என எல்லாவற்றிகும் அப்பாற்பட்டு நடக்கவேண்டும் என்றே கனவு காணுங்கள்.

நன்றி - சத்குரு ஜக்கி வாசுதேவ்

]]>
வாழ்க்கை, plan, life, action, திட்டம், கனவு http://images.dinamani.com/uploads/user/imagelibrary/2017/6/29/w600X390/thittamittapadi-ondrum-nadappathillaiye-nan-enna-seivathu.jpg http://www.dinamani.com/health/mental-health/2017/jun/29/nothing-happens-as-per-plan-in-life-2728974.html
2728454 மருத்துவம் மனநல மருத்துவம் பிறருக்காக கவலைப்படுபவர்கள் முதலில் செய்ய வேண்டியது Wednesday, June 28, 2017 01:07 PM +0530 ‘உலகில் இத்தனை பேர் துயரத்தில் இருக்க, நான் மட்டும் எப்படி சந்தோஷத்தில் இருக்கமுடியும்?’ இந்த எண்ணம் பலரின் மனதை உறுத்துவது அவர்களின் மனிதாபிமானத்தை குறிக்கிறது! ஆனாலும், இது துன்பத்தில் இருப்பவருக்கு எந்தவிதத்தில் உதவிடக்கூடும்? அடுத்தவருக்கு உதவ நினைப்பவர்கள் முதலில் செய்யவேண்டியது என்ன? 

'முதலாளித்துவம்’ நிறைந்த நமது சமூகத்தில், லாப நோக்குடன் தான் செயல்பட வேண்டியிருக்கிறது. கடையில் பொருள்களைக் குறைந்த விலையில் வாங்கினால், என் சுயநலத்திற்காக, மற்றவர்களின் உழைப்பை சுரண்டுவதாக எண்ணுகிறேன். இதுபோன்ற சமூகங்கள்தான் ஏதோ ஒரு வகையில் உலகில் வன்முறையைத் தூண்டுகின்றன என்று எண்ணுகிறேன். இப்படி நினைக்கும்போது, என்னால் சந்தோஷமாக இருக்க முடியவில்லை. எனவே நான் என்னைப் பற்றி மட்டும் நினைக்கவும் உலகில் உள்ள மற்ற துயரங்களைப் புறக்கணிக்கவும் என்ன செய்வது?

ஒரு மனிதன், மனிதனாக ‘ஆக’ வேண்டும் என்பதை நீங்கள் புரிந்து கொள்ளவேண்டும். இங்கு பிறக்கும்போதே ஒருவர் மனிதராகப் பிறப்பதில்லை. மெதுமெதுவாக பண்பட்டு, அவர் மனிதனாக ‘ஆகிறார்’. மனித கருவில் இருந்து பிறப்பதால் மட்டும் நீங்கள் மனிதராவதில்லை. ‘மனிதன்’ என்பது மிக சிக்கலான ஆனால் அழகான ஒன்று. அதை நீங்கள்தான் உருவாக்க வேண்டும். அது உங்கள் பொறுப்பு. உங்கள் தாய் உங்களை அற்புதமான மனிதனாக பெற்றெடுப்பதில்லை. வெறும் ஒரு மூலப்பொருளாகத்தான் பெற்றெடுக்கிறாள். நீங்கள் எவ்வளவு அற்புதமான மனிதராக மாறுகிறீர்கள் என்பது, இந்த உயிரை நீங்கள் எப்படி நடத்திக் கொள்கிறீர்கள் என்பதைப் பொறுத்து தான் அமைகிறது. ஆக, அடுத்தவரின் துயரத்தை உணர ஆரம்பித்து இருக்கிறீர்கள். இது நல்லது தான். ‘மனிதனாகும்’ பாதையில் நடக்க ஆரம்பித்து விட்டீர்கள்.

பாதி உலகம் இன்று துயரத்தில் இருக்கிறது என்று வைத்துக் கொள்வோம். வைத்துக் கொள்வது என்ன, அதுதான் உண்மையான நிலை. இப்போது நீங்களும் சந்தோஷமாக இல்லை என்றால், நீங்கள் இருக்கும் பிரச்சினையை அதிகரிக்கிறீர்களா, குறைக்கிறீர்களா? மற்றவர்கள் ஒரு காரணத்திற்காக துயரத்தில் இருந்தால், நீங்கள் வேறொரு காரணத்திற்காக துயரத்தில் இருக்கிறீர்கள். இது இருக்கும் பிரச்சினைக்கான தீர்வல்ல. நீங்கள் பிரச்சினையை இன்னும் பெரிதாக்குகிறீர்கள்.

நீங்கள் ஆனந்தமாய் இருந்து, அழகான வாழ்க்கையை அமைத்துக் கொள்ளத் தெரிந்தவராய் இருந்தால்தானே, அடுத்தவருக்கும் அதை அமைத்துக் கொடுக்க முடியும்? உங்களுக்கே ‘சந்தோஷம் என்றால் என்ன’ என்று தெரியாவிட்டால், அதை அடுத்தவருக்கு எப்படி வழங்குவீர்கள்? உங்களை சுற்றி இருக்கும் உயிர்களைப் பற்றி உங்களுக்கு அக்கறை இருந்தால், முதலில் உங்களைப் பற்றி நீங்கள் அக்கறை கொள்ளவேண்டும். உங்கள் உயிர், உங்கள் வாழ்க்கையை உங்களால் சரியாக பார்த்துக் கொள்ளமுடியவில்லை என்றால், அடுத்தவரை நீங்கள் எப்படிப் பார்த்துக் கொள்வீர்கள்? உங்களை மிகச் சிறந்த நிலையில் வைத்துக்கொள்ள உங்களுக்குத் தெரிந்திருந்தால், அடுத்தவரை எப்படி நன்றாக வாழவைக்க வேண்டும் என்பதும் உங்களுக்குத் தெரியும். இல்லையெனில், உங்கள் நல்ல எண்ணங்களைக் கொண்டு, பிறருக்கு இன்னும் பாதிப்பை தான் உண்டு செய்வீர்கள். கெட்ட எண்ணத்தை விட நல்ல எண்ணங்கள் தான் இவ்வுலகிற்கு பெருமளவில் தீங்கு இழைத்திருக்கின்றன.
 
உலகில் வாழும் மற்றவர்களைப் பற்றி நீங்கள் அக்கறை கொண்டுள்ளீர்கள் என்றால், இப்படித்தான் எல்லோரும் இருக்க வேண்டும், இவற்றில் எது சிறந்தது: அவர்களையும் உங்களாகவே நினைத்து, அவர்கள் மீது அக்கறை கொள்வதா? அவர்களை ‘மற்றவர்’களாக எண்ணி விட்டுவிடுவதா? உங்கள் மீது நீங்கள் எப்படி அக்கறை கொள்கிறீர்களோ, அதேவிதமாக எல்லோர் மீதும் அக்கறை கொள்வது தானே சிறந்தது? அப்படியென்றால் இந்த உயிரை (உங்களை) முதலில் சரிசெய்து கொள்ளாமல், அந்த உயிரை (மற்றவரை) நீங்கள் சரி செய்யச்சென்றால், அது உங்களுக்கு புத்தி சொல்லும், ‘முதலில் உன்னை நீ சரியாக வைத்துக்கொள். நீ இப்படி இருந்து கொண்டு, எனக்கு என்ன முட்டாள்தனத்தை செய்ய நினைக்கிறாய்’ என்று.

எங்கு எதை செய்ய நினைத்தாலும், உடலளவிலும், மனதளவிலும் எந்த நிலையில் இருக்க நீங்கள் விரும்புவீர்கள்? ஆப்பிரிக்க நாட்டின் ஸியரா லியோன் பகுதியில் நாம் சில சமூகநல செயல்கள் செய்து வருகிறோம். உங்களை அவ்விடத்தில் விட்டு, இரண்டு ஆண்டுகள் நேரமும் கொடுத்து, அங்கிருக்கும் நிலையை சரி செய்யுங்கள் என்று சொன்னால், அங்கிருக்கும் பிரச்சினைகளில் நீங்கள் தொலைந்தே போவீர்கள். இதுபோன்ற செயலில் ஈடுபடுவதற்கென்றே, நான்கு ஐந்து வருடங்கள் பயிற்சி மேற்கொண்டு, தங்களை தயார் செய்து கொண்டவர்களை அங்கே சமூகப் பணியில் ஈடுபட அனுப்பியிருக்கிறோம். அங்கு சென்ற மூன்றே மாதங்களில், அவர்கள் அங்கு பெருமளவில் மாற்றம் ஏற்படுத்தினர். ஏனெனில் அவர்களுக்கு தங்களை எப்படி பார்த்துக் கொள்ளவேண்டும் என்றும் தெரியும், அங்கிருப்பவர்களுக்கு என்ன செய்ய வேண்டும் என்பதும் தெரியும். இந்த அளவிற்கு உங்கள் திறனை வளர்த்துக் கொள்ள நீங்கள் முயற்சி எடுக்க வேண்டும். இப்படி இல்லாமல், அதிகமாக உணர்ச்சி வசப்பட்டு, இருக்கும் சூழ்நிலையை சரிசெய்யப் பார்த்தால், அந்தப் பிரச்சினையில் நீங்கள் தொலைந்து போவீர்கள்.

ஒரு மாற்றத்தை உருவாக்க நினைத்தால், நல்ல எண்ணங்கள் மட்டும் போதாது, அதை நிகழ்த்துவதற்குத் தேவையான திறனும் வேண்டும். இல்லையென்றால் ஒன்றுமே நடக்காது. வீட்டிலே சும்மா உட்கார்ந்து கொண்டு எல்லாவற்றையும் குறை கூறிக் கொண்டிருக்க வேண்டியது தான். உண்மையிலேயே ஏதோ ஒன்று செய்ய நினைத்தால், முதலில் உங்கள் திறனை எப்படி வளர்த்துக் கொள்வது எனப் பார்த்து, உங்கள் வாழ்வை நல்ல நிலையில் நீங்கள் நடத்திக் கொள்ளவேண்டும். உங்களை நல்ல நிலையில் வைத்துக் கொள்ளாமல், மற்றவருக்கு நீங்கள் என்ன நல்லது செய்துவிட முடியும்? ஒவ்வொரு டீக்கடையிலும் அமர்ந்துகொண்டு, இந்நாட்டை எப்படி நடத்த வேண்டும் என்று பேசுகிறவர்கள் ஏராளம். அவர்கள் பிரதமருக்கு ஆலோசனை சொல்கிறார்கள், டென்டுல்கர் எப்படி மட்டை பிடித்து ஆட வேண்டும் என்று அவருக்கு பயிற்சியாளராகவும் ஆகிவிடுகிறார்கள். அங்கேயே, அந்த டீக்கடையிலேயே, புரட்சிகள் பல செய்து உலகத்தை மாற்றுகிறார்கள்… என்ன, டீ முடிந்தவுடன், புரட்சிகளும் அங்கேயே, அக்கணமே முடிந்து போகிறது. வெறும் அக்கறையும், உணர்ச்சிவசப் படுவதும் மட்டும் போதாது. நம் திறனை வளர்த்துக் கொண்டால் மட்டுமே தீர்வு கிடைக்கும். உங்கள் திறமையை வளர்த்துக்கொள்ள நீங்கள் நேரம் ஒதுக்காவிட்டால், இவ்வுலகின் நிலை மேன்மேலும் மோசமாகிக் கொண்டே தான் இருக்கும்.

மனித இனத்தின் மீது உங்களுக்கு உண்மையிலேயே அக்கறை இருக்கிறது என்றால், முதலில் உங்களைத் தயார் செய்து கொள்ளுங்கள். உங்களை எந்த மாதிரியான கடினமான சூழ்நிலையில் வைத்தாலும், நீங்கள் உடைந்து போக மாட்டீர்கள், தூள் தூளாக நொறுங்கிப் போக மாட்டீர்கள் என்ற அளவிற்கு உங்களை வளர்த்துக் கொள்ளுங்கள். அப்போது உங்கள் முழுத் திறனிற்கு நீங்கள் செயல்படுவீர்கள். அதனால், முதலில் உங்களை வளர்த்துக் கொள்ளுங்கள். அதற்குத் தான் யோகா – உங்களை நீங்களே வளர்த்துக் கொள்வதற்கான தொழில்நுட்பம்.

நன்றி - சத்குரு

]]>
Worries, mental health, கவலை http://images.dinamani.com/uploads/user/imagelibrary/2017/6/28/w600X390/pirarukkaga-kavalaippadubavargal-muthalil-seyya-vendiyathu.jpg http://www.dinamani.com/health/mental-health/2017/jun/28/stop-worrying-start-living-2728454.html
2727958 மருத்துவம் மனநல மருத்துவம் பதின் வயதில் இப்படித்தான் நடந்து கொள்வார்கள்! உமா பார்வதி Tuesday, June 27, 2017 04:31 PM +0530 சென்னையில் கடும் கோடை முடிந்த நிலையில் சில்லென்று காற்றடிக்கும் ஒரு மாலை. அண்ணாநகர் டவர் பார்க்குக்குச் சென்றிருந்தேன். வெகு நாள் கழித்து ஒரு தோழியை அங்கு சந்தித்ததும் மகிழ்ச்சி ரெட்டிப்பானது. ஆனால் தோழியோ எதையோ பறிகொடுத்தது போன்ற முகபாவத்தில் இருந்தாள். என்னவென்று கேட்கவே மடை திறந்த வெள்ளம் போல் தன் பிரச்னைகளை கொட்டித் தீர்த்தாள்.

'மகளுக்கு பதினைந்து வயது ஆகிறது. எப்போதும் சின்ன சின்ன விஷயங்களுக்கு கோபப்படுகிறாள். நன்றாகப் படிப்பதால் கம்யூட்டர் முதல் அவள் கேட்ட லேட்டஸ்ட் செல்போன் வரை வாங்கிக் கொடுத்துள்ளோம். ஆனால் இவள் எவ்வளவு தூரம் எடுத்துச் சொல்லியும் தூங்கும் வரை காதில் ஹெட் போன் மாட்டிக் கொண்டு பாடல்கள் கேட்கிறாள். தினமும் தூங்க இரவு பதினொன்றுக்கு மேல் ஆகிறது. காலை ஏழு மணிக்கு ஸ்கூலுக்கு கிளம்ப வேண்டும், சீக்கிரம் தூங்கும்மா என்றால் அதற்கும் ஒரு கோபம். கொஞ்சம் அதட்டினாலும் முகம் சிவந்துவிடும். பொதுவாகவே சாப்பாடு ரொம்பக் குறைவு. டிபன், ஜூஸ், ஸ்னாக்ஸ் இருந்தால் போதும். நாங்கள் எவ்வளவோ கெஞ்சிப் பார்த்துவிட்டோம், கோபப்பட்டும் சொல்லிவிட்டோம், ஆனால் எதற்கும் அவள் கேட்பதில்லை. அதற்கு மேல் எதாவது சொல்லிவிட்டால், எனக்கு இந்த வீட்டிலே இருக்கவே பிடிக்கலை என்கிறாள். தாத்தா பாட்டி வீடு அடுத்த ப்ளாட்டில் எப்போதும் அங்கு தான் இருப்பாள். ஆனாலும் லோன்லி என்ற வார்த்தையை அடிக்கடி சொல்கிறாள். கஷ்டமாக இருந்தாலும் இதை அவள் தந்திரமாகத் தான் பயன்படுத்துகிறாள் என்று புரிகிறது. இவளை எப்படி வளர்ப்பது, பேசாமல் வேலையை விட்டுவிடலாமா என்று பெரும் குழப்பத்தில் இருக்கிறேன். என்ன பண்றதுன்னே தெரியலை என்று அலுத்துக் கொண்டாள்.

இது அவளுடைய தனிப்பட்ட பிரச்னை மட்டுமில்லை. இன்றைய இளம் தலைமுறையினர் பலரும் இப்படித்தான் இருக்கிறார்கள். பத்திரிகை வேலையில் சில மன நல மருத்துவர்களை சந்தித்து அவர்களிடம் இது குறித்துப் பேசிய அனுபவத்தின் சாரத்தை மற்றும் எனக்குத் தெரிந்த சிலவற்றையும் அவளிடம் பகிர்ந்து கொண்டேன்.  

'அம்மா மகளுக்கு இடையில் எப்போதும் புரிதல் இருக்க வேண்டும். எவ்வளவு பிஸியாக இருந்தாலும் குழந்தைகளுக்கான நேரத்தை ஒருபோதும் குறைக்கக் கூடாது. அரை மணி நேரமாக இருந்தாலும் கூட, அதை குவாலிட்டி டைமாக அவர்களுடன் செலவழிக்க வேண்டும். முக்கியமான ஸ்கூல் விஷயங்கள், அவர்களுடைய தோழமைகளைப் பற்றி, டீச்சர்கள் பற்றி பேசி, அவர்களுடைய பிரதானமான விஷயங்களை உங்களுடன் பகிர்ந்துக் கொள்ளும்படி செய்ய வேண்டும். அவர்கள் உங்களிடம் பேசும் போது ஆர்வமாகக் கேட்டு தேவைப்படுமாயின், உங்கள் கருத்துக்கள் ஆலோசனைகளையும் சொல்லலாம். உங்கள் மகளை ஒரு நாள் பார்க் அல்லது பீச் அழைத்துச் சென்று மனம் விட்டுப் பேசுங்கள். வேலையை விட்டு விடலாமா என்று அவளிடமே அட்வைஸ் கேளுங்கள் (சும்மாவாச்சும்). அவளுக்கு 15 வயது, தன்னைப் பார்த்துக் கொள்வாள், தவிர பாட்டி வீடும் அருகில் உள்ளது என்கிறீர்கள். வேலையின் முக்கியத்துவம் நிச்சயம் அவளுக்கும் தெரிந்திருக்கும். எனவே வேலையை விடச் சொல்ல மாட்டாள்.

பிள்ளைகள் மீது நம்பிக்கை தேவை தான் ஆனால் அதற்காக சுதந்திரம் கொடுக்கிறேன் என்று அவர்களை கண்டும் காணாமல் இருந்துவிடக் கூடாது. அதற்கென்று ஒரேடியாக கண்டிப்புடனும் இருக்க வேண்டாம். பாலன்ஸ் செய்து அவர்கள் போக்கில் போகத் தெரிந்திருக்க வேண்டும். தனி அறையில் கம்ப்யூட்டர் பயன்படுத்த அனுமதிக்க வேண்டாம். ஹாலில் அல்லது டைனிங் ரூமில் வைத்திருக்க வேண்டும். அவ்வப்போது அவர்கள் என்ன செய்கிறார்கள், அவர்களின் நட்பு வட்டம் எத்தகையது எங்கு போகிறார்கள், ஃபோனில் யாரிடம், எவ்வளவு நேரம் பேசுகிறார்கள் என்பதை எல்லாம் நிச்சயம் கவனிக்க வேண்டும். இது கண்காணிப்பாக நினைக்க வேண்டாம். இவை குழந்தைகள் மீதான சந்தேகமும் இல்லை. பெற்றோரின் கடமை.

சில குழந்தைகள் கோபத்தை ஒரு ஸ்டைலாகவே நினைத்துக் கொள்கிறார்கள். அதை கேஷுவலாக எதிர்கொள்ளுங்கள். தீவிரமான கோபமாக இருந்து பொருட்களை தூக்கி எறியும் அளவிற்கு அவர்கள் போனால் நிச்சயம் கவுன்சிலிங் தேவைப்படும். இந்த வயதில் சாப்பாடு விஷயம் அவர்களுக்கு கசப்பு தான். பிடித்த உணவை, சத்தான ரெசிபிக்களை செய்து கொடுங்கள்.

தாத்தா பாட்டி அருகில் இருப்பதால் நிச்சயம் தனிமையாக அவள் இல்லை உங்களை குற்றவுணர்வுக்கு உட்படுத்த அப்படிச் சொல்லலாம். இத்தகைய எமோஷனல் ப்ளாக்மெயில்களுக்கு இடம் கொடுக்காதீர்கள். ஆரம்பத்திலேயே இப்பழக்கத்தை முளை விடாமல் பார்த்துக் கொள்ளுங்கள். ஆனால் வீட்டில் இருக்கப் பிடிக்கவில்லை என்று ஒரு பெண் குழந்தை சொல்லும் போது அதை முழுவதும் நிராகரிக்கக் கூடாது. இது வேறு எதாவது பிரச்னையில் க்ளூவாக இருக்கலாம். ஏன் பிடிக்கவில்லை என்ன நடந்தது என்பதை அன்பும் அணுசரணையுடன் கேட்டுப் பாருங்கள், பிரச்னை சாதாரணமாக இருந்தால் இதுக்குப் போயா இவ்வளவு டென்ஷன் என்று அவள் மனம் புண்படும்படி எதுவும் சொல்ல வேண்டாம். நம்முடைய மெச்சூரிட்டி லெவல் வேறு அவர்களின் மெச்சூரிட்டு வேறு என்ற வித்யாசத்தை நாம் உணர வேண்டும். வேறு எதாவது சிக்கலில் மாட்டிக் கொண்டிருந்தால் உடனடியாக அவளிடம் கோபத்தைக் காண்பிக்க வேண்டாம். தெளிவாக யோசித்து அதற்கான தீர்வை தேடித் தாருங்கள். பெற்றோர்களுக்கு சகிப்புத் தன்மையும் விட்டுக் கொடுக்கும் மனப்பான்மையும் அதிகம் தேவை.

நம்முடைய குழந்தைகளின் சந்தோஷம் தானே நம்முடைய சந்தோஷமும்?'

]]>
Teen talk, Teen age problems, பதின் வயது பிரச்னைகள், டீன் ஏஜ் http://images.dinamani.com/uploads/user/imagelibrary/2017/6/27/w600X390/iStock_Teenager_with_mom_and_laptop_XSmall.jpg http://www.dinamani.com/health/mental-health/2017/jun/27/teen-problems-and-solutions-2727958.html
2727437 மருத்துவம் மனநல மருத்துவம் ஆண்களுக்காக ஒரு ஆராய்ச்சி! பெண்கள் படிக்க வேண்டாம்! ராம் கிஷோர் Monday, June 26, 2017 04:24 PM +0530 உலகில் எந்த பிரச்னைக்கும் தீர்வு கண்டு பிடித்துவிடலாம் ஆனால் ஆண் பெண் உறவில் ஏற்படும் சிக்கல்களுக்கும் பிரச்னைகளுக்கும் முடிவென்பதே கிடையாது. 'கல்யாணமா அது ஒரு ஜெயில் வாழ்க்கை' என்று ஆண்களும், 'இப்ப கல்யாணத்துக்கு என்ன அவசரம்' என்று கூடுமானவரை அதை ஒத்திப் போடுவதில் பெண்களும் திருமண வாழ்க்கையை ஒவ்வாமையாக நினைத்து ஒதுக்குகிறார்கள் அல்லது தள்ளிப் போடுகிறார்கள். ஆனால் உண்மையில் பெண்களை விட ஆண்களுக்கு திருமண வாழ்க்கை மன அழுத்தத்தைக் குறைக்கிறது என்கிறது ஒரு ஆராய்ச்சி. 

திருமணம் முடிந்து சில மாதங்கள் வரை பலருக்கு வாழ்க்கை அழகாக போய்க் கொண்டிருக்கும். ஆனால் நாளாக ஆக ஒருவர் மற்றவரை குறை சொல்லத் தொடங்கி மெல்ல பிரச்னைகள் வேர் விடத் தொடங்கும். அது பெரிதாகி ஒரு கட்டத்தில் சண்டை சச்சரவு என்பது வாழ்வின் ஒரு அங்கமாகவே மாறிப்போய்விடும். கணவன் மனைவி ஜோக்ஸ், மீம்ஸ்கள் உருவாக்குவது ஆண்கள் தான் அதிகம். மிக சிலர் தவிர்த்து பெரும்பாலனவர்களுக்கு திருமண வாழ்க்கை என்பது பெரிய அட்ஜெஸ்ட்மெண்ட் தான். வேறு வழியில்லாமல் ஒரே கூரையின் கீழ் வாழும் தம்பதியினர் தான் உலகம் முழுவதும் இருக்கிறார்கள்.

தற்போதைய சூழலில் பிடிக்காத உறவுக்குள் யாரும் இருக்க விரும்பாத நிலையில் விவாகரத்து வழக்குகள் பெருகி வருகின்றன. விவாகரத்துக்குப் பின் பெண்கள் கூட ஓரளவுக்கு மீண்டு வருகின்றனர். ஆனால் ஆண்கள் சற்று அதிகம் பாதிப்படைகிறார்கள். எனவே ஆண்களை ரிலாக்ஸ் செய்வது திருமண உறவு தான் என்று இந்த ஆராய்ச்சி முடிவுகள் தெரிவிக்கின்றன. எந்த வயதிலும் பெண்களை விட ஆண்கள்தான் தாம்பத்திய வாழ்க்கையில் அதிக சுகமும்,  சந்தோஷமும் அடைகிறார்கள் என்று மேலும் இந்த ஆய்வு தெரிவிக்கிறது. 

ஆனால் பெண்களின் நிலை இதற்கு நேர்மாறாகவே உள்ளது. திருமணமான பெண்களை விட தனியே வாழும் பெண்கள்தான் சந்தோஷமாக இருக்கிறார்கள் என்கிறது ஆராய்ச்சி. வயதான காலத்தில் கணவருக்கு முன்னால் மனைவி இறந்துவிட்டால் பெரும்பாலான கணவர்கள் அந்த வாழ்க்கையை, மனைவி இல்லாத தனிமையை எதிர்கொள்வதில் கஷ்டப்படுகிறார்கள். காரணம் அவர்களின் ஒவ்வொரு தேவையையும் மனைவியே பூர்த்தி செய்பவராக இருந்துள்ளார். அவரின் மறைவுக்குப்  பின்னால் இவர்கள் எந்த வேலையும் செய்யத் தெரியாதவர்களாக பிள்ளைகளிடம் சார்ந்து வாழ்பவர்களாக இருக்க நேரிடுகிறது. பல முதியோர்கள் மனைவி இறந்த ஒரு சில ஆண்டுகளில் இறப்பதும் தனிமை போன்ற பிரச்னைகளால் தான்.

ஆனால், பெண்களைப் பொருத்தவரை கணவனை இழந்த பின்னரும் பல காலம் வாழ்வார்கள். குடும்பத்தைப் பேணி தன் குழந்தைகளையும் நன்றாக வளர்த்து படிக்க வைத்து, ஆளாக்கிவிடுவார்கள். பிள்ளைகள் பிரிந்து அவரவர் வழியே சென்றாலும் பெண்களை பொருத்தவரையில் தனிமை ஒரு பெரிய பிரச்னையாக இருப்பதில்லை. அக்கம் பக்கத்து பெண்களிடம் நட்புறவு பாராட்டி எப்படியோ தங்கள் காலத்தை சந்தோஷமாகவே கழித்துவிடுகிறார்கள். வோல்கா எழுதிய ‘துணை’ என்ற பிரபலமான சிறுகதையின் கதை இதற்குச் சான்று. 

உடலுறவு பற்றிய ஆராய்ச்சி கட்டுரைகள் Sex In America என்ற பெயரில் பெரிய புத்தகமாக 1994-ல் வெளியானது. அதில்  ஒரு கட்டுரையில் செக்ஸ் வாழ்க்கையில் அதிக சந்தோஷம் யாருக்குக் கிடைக்கிறது என்ற கேள்விக்கு 88 சதவிகிதம்  திருமணமானவர்கள்தான்  என்று கூறப்பட்டுள்ளது. எனவே திருமண உறவுதான் 100 சதவிகிதம் வெற்றி பெறும் என முடிவாக சொல்லிவிட முடியாது. அது அவரவர் வாழ்க்கை. திருமணத்தைப் பொருத்தவரை வெற்றி, தோல்வி என்பது சம்பந்தப்பட்ட தம்பதியரைப் பொருத்துதான் அமையும்

]]>
Men woman relationship, ஆண்கள், திருமண பிரச்னைகள் http://images.dinamani.com/uploads/user/imagelibrary/2017/6/26/w600X390/bad-relationshi.jpg http://www.dinamani.com/health/mental-health/2017/jun/26/marriage-life-is-good-for-men-2727437.html
2727387 மருத்துவம் மனநல மருத்துவம் ஃபேஸ்புக்கில் தேவையா? உமா பார்வதி Monday, June 26, 2017 01:20 PM +0530 சமீப காலங்களாக மனிதர்களின் வாழ்க்கை மிகவும் சுருங்கிப் போய்விட்டது. பெரும்பாலான மனிதர்கள் தங்கள் மொபைல் போனில் புதைந்து போய் விட்டனர். வெளியுலகில் நடமாடினாலும் மெய் நிகர் உலகில் தான் அவர்களின் இருப்பு. தொழில்நுட்பம் ஒன்றிற்கு இந்தளவுக்கு அவர்கள் அடிமையாகிப் போனது பெரும் சோகம். நான் இப்போது பூமியிலிருது 30,000 அடி உயரத்தில் இருக்கிறேன், இப்படி திருமண வாழ்வில் சிக்கிக் கொண்டாலும் சந்தோஷமாகவே இருக்கிறேன்...இன்று எனக்குத் மண நாள், இன்று சாப்பிட்ட தாஹி பூரியில் தயிர் ஒரே புளிப்பு, தோழிகளுடன் கடைகளுக்கு சென்று நான்கு கம்மல் வாங்கினேன் - இப்படி இன்னும் பல தகவல்கள் சொந்த விஷயங்களை ஃபேஸ்புக்கில் புகைப்படத்துடன் பதிவிடுவதில் என்ன கிடைக்கிறது?

நம் மனங்களில் எழும் எண்ணங்கள் அனைத்தையும் ஃபேஸ்புக் அல்லது வலைத்தளத்தில் பதிந்தாக வேண்டும் என்பது என்ன மாதிரியான மனநிலை? மகத்தான அனுபவங்களை பகிர்ந்து கொள்ளும் போதும், புதிய சிந்தனை அலைகளை எழுப்ப முடிகிறது எனில் அதை வெளிப்படுத்த இத்தகைய ஊடகத்தைப் பயன்படுத்தலாம். தவிர செய்திகளை மின்னல் வேகத்தில் தெரிவிக்கவும் ஒரு செய்தியைப் பற்றிய நமது பார்வையை பதிவிடவும் ஆக்கபூர்வமான விஷயங்களை எழுதுவதற்கும் ஃபேஸ்புக்கை பயன்படுத்தினால் நல்லது. ஆனால் நொடிக்கொருதரம் புகைப்படத்தை பகிரவும், மேற்கூறிய அர்த்தமற்ற, பயனற்ற குறிப்புக்களை பகிர்ந்து கொள்ளவும் நமக்கு பிரத்யேகமான டைரி போதுமானது, ஃபேஸ்புக் எதற்கு. பொருளற்ற பதிவுகளை எழுதிவிட்டு அதற்கு லைக்ஸ் வரவில்லை என்றால் மனம் உடைந்து போகிறவர்கள் எத்தனை எத்தனை பேர்? 

சமூக இணையதளங்களில் எழுதுவதன் மூலமும் தங்கள் கருத்துக்களை பதிவிடுவதன் மூலமும் ஒவ்வொரு நபரும் ஒரு நடமாடும் ஊடகமாகவே தங்களை நினைத்துக் கொள்கிறார்கள். எல்லாம் சரிதான். ஆனால் ஊடகம் என்பது ஒரு மாபெரும் சக்தி. தனி மனிதனாக ஒரு ஊடக வேலையை யாரும் செய்துவிட முடியாது. டிவிட்டர் மற்றும் முகநூல் பதிவர்களுள் காணப்படும் ஒரு நோய்க்கூறு எதையும் ஆராயமல் அப்படியே ஒரு விஷயத்தை வலையேற்றிவிடுவார்கள். இன்னார் இறந்தார் என்று எங்கேனும் ஒரு புரளி கேட்டால் போதும் தாங்கள் தான் முதன்முதலில் அந்தச் செய்தியை தரவேண்டும் என்ற அவசரத்தில் அச்செய்தியை உறுதி செய்யாமலேயே பதிவிட்டுவிடுவார்கள். சம்மந்தப்பட்ட நபர் நான் இன்னும் உயிருடன் தான் இருக்கிறேன் என்று கதறி மறுப்பு தெரிவித்தாலும் இவர்களைப் பொருத்தவரை போட்ட பதிவை அழிப்பார்களே தவிர அதற்கான மன்னிப்பு கோருதலோ அல்லது மனம் வருந்துவதோ இல்லை. எல்லாவற்றையும் செய்தியாகப் பார்ப்பதும், இன்று எதைப் பற்றி எழுதலாம் என்று சப்ஜெக்ட் தேடுவதும் இவர்களுக்கு பொழுதுபோக்கு. ஊடகம் செய்யும் வேலையை தனி நபர்கள் செய்ய முனையும் போது இத்தகைய அபத்தங்கள் நிகழ்கிறது.

இது ஒரு பக்கம் இருக்க, வைரல் என்ற வார்த்தை சமீப காலமாக மிகவும் வைரலாகிக் கொண்டிருக்கிறது. அதென்ன வைரல் என்று பார்த்தால் ஒரே விஷயத்தை சுற்றி சுற்றி வலைத்தளம் முழுக்க பரவ வைப்பதும், அதிகம் லைக் ஷேர் வாங்கிய ஒரு பதிவு ட்ரெண்ட் ஆகி அனைவரும் படிக்கப்பட்ட அல்ல பார்க்கப்பட்ட ஒரு பகிர்வு தான் வைரலாகிறது. முன்பெல்லாம் ஊடகங்கள் பிரபலங்களிடம் தேதி வாங்கி அவர்களின் நேர்காணலை சில எக்ஸ்க்ளூசிவ் புகைப்படங்களுடன் தங்கள் பத்திரிகையில் வெளியிடுவார்கள். இப்போதெல்லாம் பிரபலங்களே தங்கள் டிவிட்டர் / இன்ஸ்டாகிராம் பக்கங்களிலிருந்து தங்களைப் பற்றி அவ்வப்போது செய்திகளையும் நிறைய புகைப்படங்களையும் வெளியிட்டு நெட்டிசன்களின் தேவைகளை நேரடியாகப் பூர்த்தி செய்துவிடுகிறார்கள். பத்திரிகைகளுக்கு வேறு வழியில்லாமல் பிரபலங்கள் வெளியிட்ட அதே புகைப்படங்களை மறு வெளியீடு செய்து இணைய வசதியில்லாத வாசகர்களின் பார்வைக்கும் கவனத்திற்கும் கொண்டு வருவதை கடமையாகச் செய்கிறார்கள். 

நம் வாழ்க்கையை மேம்படுத்திக் கொள்வதில் நம் கவனம் இருக்க வேண்டுமே தவிர தேவையற்ற விஷயங்களில் சிக்கி, அடுத்தவர்களையும் அதைப் படிக்க வைப்பது எந்த வகையிலும் சரியில்லை. ஒவ்வொருவருக்கும் வாழ்க்கை ஒவ்வொரு விதம். நம்முடைய அனுபவங்கள் நமக்கானது மற்றவர்களுடையதும் அவ்வாறே. எனவே அடுத்தவர்களின் அனுபவங்களைப் படித்து நம் நேரத்தை ஏன் வீண் செய்யவேண்டும்? நம்முடைய வாழ்வானுபவத்தின் அளவு, நாம் எந்த அளவுக்கு ஒரு விஷயத்தை தீவிரத்துடன் அணுகிறோம் என்பதைப் பொருத்து அமைவது. தீவிரம் என்பது தன்னால் வராது. நம் வாழ்க்கையின் மின்சாரத்தை உயர்த்தாமல், நாம் விழிப்புணர்வுள்ளவர்களாக மாறமுடியாது. அப்படிப்பட்ட தீவிரத்தை அதிகரிக்க, நாம் முயற்சி செய்ய வேண்டியது தான் முக்கியமே தவிர முகநூல் போன்ற சமூக வலைத்தளங்களில் மல்லு கட்டுவது அல்ல. அது நம்மை நீர்த்துப் போகச் செய்துவிடும். எழுதலாம், நிச்சயம் அதில் தவறு இல்லை. ஆனால் நாம் எழுதியதை நாமே சிலாகித்துக் கொண்டு அதைப் படிப்பவர்களை நண்பர்களாகவும் படிக்காதவர்களை முட்டாள் என்றும், எதிர்ப்பவர்களை எதிரி என்றும் நினைக்கும் மனநிலை ஆபத்தானது. உளரீதியான பிரச்னைகளுக்குள் நம்மை அமிழ்த்திவிடும். விரைவில் மனச் சோர்வு ஏற்பட்டு வாழ்க்கையே சலித்துவிடும் நிலைக்குத் தள்ளப்படுவோம். எனவே நம் வாழ்க்கையின் ஒவ்வொரு கணமும் அர்த்தமுள்ளதாக இருக்க வேண்டும் என்றால் சலிக்காத வாழ்க்கை நிலையினை அமைத்துக் கொள்ள வேண்டும்.

தீவிரமாக சிந்தித்துப் பாருங்கள் நம்மை நம்மிலிருந்து வேறுபடுத்திவிடும் மெய்நிகர் உலகம் தேவைதானா?

]]>
முகநூல் , ஃபேஸ்புக், Facebook addiction http://images.dinamani.com/uploads/user/imagelibrary/2017/6/26/w600X390/n-FACEBOOK-ADDICTION-628x314.jpg http://www.dinamani.com/health/mental-health/2017/jun/26/facebook-addiction-2727387.html
2726003 மருத்துவம் மனநல மருத்துவம் மக்களை சரியான திசையில் செலுத்த என்ன வழி? Friday, June 23, 2017 11:08 AM +0530 'கோபப்படுவதால் ஏதேனும் செயல் நடந்தால், ஏன் கோபப்படக் கூடாது?! புரட்சி நடக்கணும்னா கோபம் அவசியம்தானே!' இது ஏதோ சரியான வாதம்போல தோன்றலாம்! அப்படித்தான் நடிகர் சித்தார்த்தும் கோபம் தொடர்பான தனது முதல் கேள்வியை சத்குருவிடம் கேட்கிறார். ஆனால் சத்குரு கூறிய பதிலோ முற்றிலும் மாறுபட்டது. அந்த பதிலை அறிய தொடர்ந்து படியுங்கள்!

சித்தார்த்: இன்றைய தலைப்பு 'இளைஞர்களும் உண்மையும்.' எந்த பகுதி இளைஞர், எந்த பகுதி உண்மை என்று நாம் சற்று முன் விவாதித்துக் கொண்டிருந்தோம். 

சத்குரு: நீங்கள் இளைஞர், நான் உண்மை! சித்தார்த்: அப்போ இந்த மாலையில் நான் இளைஞனாக இருக்கிறேன். 

சத்குரு: ஆனால் நான் இளைஞனும் ஆவேன். 

சித்தார்த்: இளைஞன் என்று உங்களை சொல்வது குறைத்து மதிப்பிடுவது ஆகிவிடும் சத்குரு. இளைஞர்களுக்கு கேள்விகள் ஏராளமாக இருக்கின்றன. இந்த தேசத்தில் ஒரு இளைஞனாக எனக்கு இருக்கும் ஒரு அடிப்படை கேள்வி கோபம் குறித்தது. எங்களில் பலருக்கும் அதிகமாக கோபம் இருக்கிறது. இறுதியில் அதை வைத்து என்ன செய்வதென்றும் தெரிவதில்லை.

'நீங்கள் ஆவேசத்தை விட்டால் எங்களில் ஒருவர்' என்பேன் நான். ஒருவரின் உள்நிலை என்ற ரீதியில் பார்த்தால் கோபத்தின் பங்கு என்ன?  எனக்கு இருக்கும் அடிப்படை புரிதல் என்ன என்றால் இந்த தேசத்தில் இப்பொழுது இளைஞர்களுக்கு இருக்கும் கோபம் போதாது, இன்னும் அதிகமாக கோபம் தேவை, கோபம் வெளிப்பட வேண்டும் என்பதே. நெறிப்படுத்தப்பட்ட கோபம் வெளிப்பட்டால் இந்திய தேசத்தில் இருக்கும் இளைஞர்களுக்கு குறிப்பிடத்தக்க தீர்வுகள் கிடைக்குமா?

சத்குரு: இளைஞர்கள் ஆவேசத்தில் இருப்பது ஒரு தீர்வு இல்லை. தொழில், வேலை, பணம் போன்ற அம்சங்களை பார்த்து இளைஞர்கள் வளரும் காலகட்டம் இது. சே குவேரா, 'நீங்கள் ஆவேசத்தில் இருந்தால் எங்களில் ஒருவர்' என்றார். ஆனால், 'நீங்கள் ஆவேசத்தை விட்டால் எங்களில் ஒருவர்' என்பேன் நான். ஏனென்றால் கோபம் கொள்ளும் பொழுது நீங்கள் உலகத்தை பிரிக்கிறீர்கள். ஏதோ ஒன்றின் மீது கோபம் கொண்டால் பாதி உலகத்தை, ஏன் முழு உலகத்தையும் அழித்துவிட நினைப்பீர்கள். இது தீர்வு அல்ல! இது ஒரு வலுவிழந்த மனிதனின் கருவி. சிறிது காலத்துக்கு பின் இது எந்த பலனும் இல்லாது குளிர்ந்து போகும். 

சித்தார்த்: உதவி செய்யும் தேவையில் எழும் கோபம் விளைவு ஏற்படுத்துமா? 

சத்குரு: ஒரு சூழ்நிலையை உங்களால் கையாள முடியவில்லை என்று வரும்பொழுதுதான் கோபம் வருகிறது. ஆனால் ஒரு சில சந்தர்ப்பங்களில், உங்கள் கோபத்தால் சில விஷயங்கள் நடப்பதை, மனிதர்கள் செயல்படுவதை நீங்கள் ருசித்துவிட்டீர்கள். எனவே இதுவே வழி என்று நினைத்து விட்டீர்கள். உங்களுக்கு ஏதோ ஒன்றை யாரோ கோபமாக சொன்னால் பிடிப்பதில்லை. ஆனால் உலகத்துக்கான தீர்வாக இந்த கோபத்தை நினைக்கிறீர்கள். அது ஒரு ஆற்றல் இல்லாத மனிதனின் கடைசி அஸ்திரம் அவ்வளவுதான்.

கோபம் இல்லாமல் இருக்க நீங்கள் விழிப்புணர்வோடு இருக்க வேண்டும். விழிப்புணர்வாக இருந்தால் இணைத்து கொள்வீர்கள். இணைத்துக் கொள்ளும் பொழுது நீங்களே ஒரு தீர்வுதான். நமது புத்திசாலிதனத்தை தீர்வுகள் தேடுவதில் செலவு செய்வதில்லை, அதை பிரச்சனைகள் உருவாக்குவதில் உபயோகப்படுத்துகிறோம்.

உதாரணமாக, டெல்லி சம்பவத்தை எடுத்துக்கொள்ளுங்கள், ஒரு பெண்ணுக்கு நிகழ்ந்த கொடூரம் அது. அந்த நிகழ்வு பலரை ஆவேசத்தில் தள்ளியது. தினமும் அது போல ஒன்று நிகழ்ந்து கொண்டிருந்தாலும் தலைநகரில் இது போல ஒரு கொடுமை நடந்தது சகித்துக் கொள்ள முடியவில்லை. மக்கள் ஆவேசம் அடைந்தனர். ஒட்டு மொத்த தேசத்தின் கவனம் இதை நோக்கி திரும்பியது. உணர்வினால் மக்கள் எழுச்சி அடையாமல், ஆவேசத்தால் மக்கள் எழுச்சி அடைந்தனர். இது ஒரு நல்ல விஷயம்தான். ஆனால் அந்த ஆவேசத்தால், அதனால் நிகழ்ந்த போராட்டத்தால், விளைவு மோசமாக இருந்திருக்க கூடும். பலர் இறந்திருக்க கூடும். 

எனவே ஒரு பிரச்சனை உருவாக்கி மற்றொரு பிரச்சனைக்கு தீர்வு காண முயல வேண்டாம். உணர்வுகளால் எழுச்சி கொள்வது அற்றுப் போனதால் கோபத்தை ஒரு அறமாக கருத ஆரம்பித்து விட்டோம். ஆனால் அது ஒரு அறம் அல்ல. மனிதனின் தரத்தை தாழ்த்துவது ஆகும். சமூகத்தில் நிலவும் உணர்ச்சி இன்மையால் மனிதன் தரம் தாழ்வது அறம் போல தோன்ற ஆரம்பித்து விட்டது.

*****

கடந்த வாரம்… 'கோபத்தால் இளைஞர்களுக்கு தீர்வு கிடைக்குமா?' என்ற கேள்வியை சத்குருவிடம் முன்வைத்த சித்தார்த், கோபத்தினால்தான் மக்களை தட்டி எழுப்ப முடியும் என்கிறார். இதற்கு சத்குரு என்ன விளக்கம் அளித்தார் என்பதை இங்கே தெரிந்துகொள்வோம்…

சித்தார்த்: கோபத்தை விடும் ஒருவர் உங்களில் ஒருவர் என்று சொன்னீர்கள். நான் கோபத்தை விட்டு விட்டேன் என்று வைத்துக் கொள்வோம். ஆனால் எரியும் பிரச்சனைகள் பல எனக்கு இருக்கிறது. பல கோடி மக்கள் நிறைந்த தேசத்தில், உங்களைப் போன்ற ஒருவர் இதை எப்படி முடிவாக மாற்றுவார். மக்களை தட்டி எழுப்ப பல ஆண்டுகள் ஆனது போல அவர்களை அமைதிபடுத்தவும் இன்னொரு நூற்றாண்டு ஆகுமா?

சத்குரு: மக்களை தட்டி எழுப்ப முடியும் என்றால் அதை கோபத்தினால் மட்டுமே செய்ய முடியும் என்ற தவறான புரிதல் உங்கள் மனதில், ஏன் பலரின் மனத்திலும் நிலை கொண்டிருக்கிறது. எழுச்சி என்றால் இன்னும் விழிப்பாக இருப்பது தானே. உறக்கம், எழுவது இரண்டுக்கும் உள்ள வித்யாசமே விழிப்புணர்வுதான். நீங்கள் தூங்கிக் கொண்டிருக்கிறீர்கள், உங்களை கொசு கடிக்கிறது. அது உங்களுக்கு தெரிவதில்லை. அதே ஒரு முதலை கடித்தால் உடனே தெரிந்துவிடும். அப்படியென்றால் நீங்கள் விழிப்பாகதான் இருக்கிறீர்கள் ஆனால் கொசுவை தெரியும் அளவுக்கு விழிப்பாக இல்லை.

அதனால் உறக்கத்தில் இருந்து விழிப்பு என்பது ஒரு ஒரு விதமான விழிப்புணர்வற்ற நிலையில் இருந்து விழிப்புணர்வு நிலைக்கு கடந்து செல்வது. எழுவது என்பது எப்பொழுதும் விழிப்புணர்வு நோக்கி நகர்வதாகவே இருக்க வேண்டும். ஆனால் கோபப்படும் பொழுது நீங்கள் விழிப்புணர்வாக இருப்பதில்லை. முட்டாள்தனமான காரியங்களை செய்கிறீர்கள். இல்லையா?

சித்தார்த்: நான் சில சமயம் கோபத்தில் நல்ல விஷயங்கள் செய்திருக்கிறேன், அது போல அமைதியாக இருந்த ஒரு சில தருணங்களில் மோசமான விஷயங்கள் செய்திருக்கிறேன். ஆனால் இது எனது தனிப்பட்ட அனுபவம்.

சத்குரு: நீங்கள் கோபப்படும் பொழுது உங்களிடம் ஒரு வேகம் இருக்கிறது, உணர்ச்சி இருக்கிறது, தீவிரம் இருக்கிறது. இதற்கு கணிசமான மருத்துவ, அறிவியல் சான்றுகள் மற்றும் மனிதர்கள் அனுபவங்கள் இருக்கிறது. நீங்கள் கோபப்படும் பொழுது இருக்கும் தீவிரத்தோடு அல்லது அதையும் விட பல நூறு மடங்கு தீவிரத்துடன், ஒரு அமைதியான மனதோடு இங்கே இருந்தால் பல அற்புதமான விஷயங்களை நிகழ்த்த முடியும். மக்களை சரியான திசையில் செலுத்த முடியும்.

நன்றி : ஈஷா மையம்

]]>
Anger, Siddharth, Sadhguru, கோபம், சித்தார்த், சத்குரு, ஈஷா http://images.dinamani.com/uploads/user/imagelibrary/2017/6/23/w600X390/makkalai-sariyana-thisaiyil-selutha-enna-vazhi.jpg http://www.dinamani.com/health/mental-health/2017/jun/23/actor-siddharth-meets-sadhguru-jaggi-vasudev-2726003.html
2725474 மருத்துவம் மனநல மருத்துவம் மூளைத்திறன் அதிகரிக்க என்ன செய்யலாம்? Thursday, June 22, 2017 01:23 PM +0530 அபாகஸ் கிளாஸ், மெமரி டானிக், செஸ் விளையாட்டில் களை கட்ட நுண்ணிய வித்தை, நூறு மார்க் வாங்குவதற்கு சிறப்பு ட்யூசன் என மூளையை பட்டை தீட்டிக் கொள்ள வந்த அத்தனை திட்டங்களுக்கும் கிராக்கிதான். ஆனால் தன்னகத்தே வெற்றியின் பார்முலாவைக் கொண்ட இந்த பயிற்சியை மட்டும் நாம் வயோதிகத்திற்கு ஒத்தி வைப்பது ஏன்? இதோ மூளையை தீட்ட ஒரு எளிமையான கோர்ஸ்…

நாம் யோகா என்று சொல்வது, உடற்பயிற்சிகளைப் பற்றியது இல்லை. யோகாவிற்கு பலவிதமான தன்மைகள் உள்ளன. நமது நலவாழ்வை உருவாக்க பலவிதமான கருவிகள் உள்ளன. அவற்றை நாம் யோகா என்று சொல்கிறோம்.

யோகா என்றால் காலையில் சிறிது நேரம் உட்கார்ந்து யோகப் பயிற்சிகளைச் செய்வது என்று இல்லை. நீங்கள் அலுவலகத்திற்குச் சென்றால், அதுவும் ஒரு யோகமாக இருக்க முடியும். எப்படியிருந்தாலும் காலையிலிருந்து மாலைவரை நீங்கள் சுவாசம் செய்கிறீர்கள் இல்லையா? இரவிலும் கூட அது நடக்கிறது. மூச்சை உள்ளே எடுத்து வெளியே விடுவதைக் கூட ஒரு யோகாவாக நீங்கள் செய்ய முடியும்.

எனவே நாள் முழுவதும் நீங்கள் யோகத்தில் இருக்க முடியும். அப்படி இருந்தால் மனஅழுத்தம் என்பது இருக்காது. இதை நாம் பயிற்சியாகச் செய்வதில்லை. வாழ்க்கையின் மிக அடிப்படையான தன்மையை முற்றிலும் மாற்றக்கூடிய ஒரு கருவியாகத்தான் நாம் வழங்கிக் கொண்டிருக்கிறோம்.

வாழ்வின் சில அம்சங்களைப் பற்றி அறிந்து கொள்வதற்கான கருவிகள் நவீன விஞ்ஞானத்திடம் இல்லை என்பதாலும், அவற்றைப் பற்றி உங்களுக்கு எதுவும் தெரியாது என்பதாலும் அப்படிப்பட்ட விஷயங்களே இல்லை என்று நீங்கள் மறுக்க முடியாது. ஆனால் உலகின் மனப்பான்மை தற்போது அப்படித்தான் இருக்கிறது.

இவ்வளவு வருடங்களாக யோகா என்றாலே அனைவரும் குறைத்து மதிப்பிட்டே வந்திருக்கிறார்கள். ஆனால் தற்போது விஞ்ஞானிகள் கூட யோகா என்பது வேலை செய்கிறது என்பதைப் பற்றிப் பேசுகிறார்கள். 

மூளையில் நடக்கும் விநோதம்:

ஈஷா யோகா வகுப்பில் நாம் கற்றுக் கொடுத்திருக்கும் ஷாம்பவி மஹாமுத்ரா என்ற பயிற்சியை மேற்கொண்ட சிலரின் மூளையை டெல்லியில் உள்ள மருத்துவர்கள் சிலர் பரிசோதித்துப் பார்த்தார்கள். அந்தப் பரிசோதனையில் ஈடுபடுத்தப்பட்டவர்களெல்லாம் ஷாம்பவி மஹாமுத்ரா பயிற்சியை ஏறத்தாழ மூன்று மாதங்களாக தொடர்ந்து செய்து வந்தவர்கள். அந்த பரிசோதனையின் அறிக்கை டெல்லியின் ஐஐடி நிறுவனத்திடமும் அளிக்கப்பட்டிருக்கிறது. அவர்களது மூளையின் தன்மையைப் பதிவு செய்த படத்தைப் பார்த்த மருத்துவர்களால் நம்பவே முடியவில்லை. ஏனென்றால் அவர்களது மூளையின் செயல்பாடு உச்சபட்சத்தில் இருந்தது. இதற்கு முன்னால் அவர்கள் இப்படிப் பார்த்ததே இல்லை. அவர்களுக்கு ஒரே ஆச்சர்யம். எப்படி இது? இவர்கள் எப்படிப்பட்ட மக்கள் என்று அவர்கள் ஆச்சர்யப்பட்டுப் போனார்கள்.

அவர்கள் தங்கள் மூளையை பயன்படுத்துகிறார்கள்” என்று நான் அவர்களிடம் சொன்னேன். பெரும்பாலான மனிதர்கள் தங்களுடைய மூளையில் 12% மட்டுமே பயன்படுத்திக் கொண்டு இருக்கிறார்கள் என்று நவீன விஞ்ஞானிகள் சொல்கிறார்கள். ஏனென்றால் இடது மூளைக்கும் வலது மூளைக்கும் எந்த ஒரு இணக்கமும் இல்லை. போதுமான தொடர்பு இரண்டு பக்க மூளைகளுக்கும் இடையே இல்லை. மூன்று நான்கு மாதப் பயிற்சிகளுக்குப் பின்னால் இந்த இரண்டு பக்க மூளைகளுக்கும் இடையே உள்ள தொடர்பு அதிகரிக்கும்போது அவர்கள் மூளையை உபயோகப்படுத்துவதும் சொல்லிக்கொள்ளும் அளவு அதிகரிக்கிறது.

ஷாம்பவி செய்யும் அற்புதம்:

இன்று உலகிற்குத் தேவை நல்ல மனிதர்கள் இல்லை. நமக்குத் தேவையானவர்கள் அறிவோடு செயல்படும் மனிதர்கள்தான். 12% என்பது சொல்லிக் கொள்ளத்தக்க வகையில் ஒரு நல்ல சதவீதம் இல்லைதானே? உண்மையில் நாம் ஒரு முட்டாள்தனமான மனிதகுலமாகத்தான் வாழ்ந்து கொண்டிருக்கிறோம். அதனால் நமக்குத் தேவையானது அறிவோடு வாழக்கூடிய மக்கள்தான்.
 
மதங்களும் சமூகக் குழுக்களும் எப்போதும் நல்ல மனிதர்களை உருவாக்கவே முயற்சித்துக் கொண்டிருக்கிறார்கள். நல்ல மனிதர்களால்தான் பிரச்சனைகள் உருவாகின்றன. உலகில் இதுவரை நடந்திருக்கும் தீமைகள் எல்லாம் நல்ல மனிதர்களால்தான் செய்யப்பட்டிருக்கின்றன. உங்களுக்குத் தேவைப்படுவது நல்லது அல்ல. உங்களுக்குத் தேவைப்படுவது அறிவோடு செயல்படுவது தான். அறிவோடு செயல்படும் மனிதர்கள் தான். அது நடக்க வேண்டுமானால் அவர்களது புத்திசாலித்தனத்தை உபயோகப்படுத்தும் திறமை அவர்களுக்கு உயரவேண்டும்.

யோகா என்பது அந்தப் பரிமாணத்தில் செயல்படும் ஒர் அற்புதமான கருவி. எனக்கு இது மிக நன்றாகத் தெரியும். அது மட்டுமல்ல பல மனிதர்களுக்கு இதை அனுபவரீதியாகவும் நிரூபித்திருக்கிறோம். இந்தப் பயிற்சியை செய்யுங்கள், மூன்று மாதகாலத்தில் நீங்கள் எப்படி செயல்படுகிறீர்கள் என்பதைப் பாருங்கள் என்று சொல்லியிருக்கிறோம். அனுபவரீதியாக அவர்கள் அதை உணர்ந்தும் இருக்கிறார்கள். தற்போது அறிவியல் ரீதியாக அதை பரிசோதித்துக் கொண்டிருக்கிறார்கள். தனிப்பட்ட முறையில் நான் இதை விரும்பவில்லை என்றாலும் மக்களுக்கு இதை உணரச் செய்ய நமக்கும் வேறு வழிகள் இல்லை.

நன்றி - ஈஷா மையம்

]]>
Brain power, மனஅழுத்தம், மூளைத்திறன் http://images.dinamani.com/uploads/user/imagelibrary/2017/6/22/w600X390/brain.jpg http://www.dinamani.com/health/mental-health/2017/jun/22/how-to-increase-the-power-of-our-brain-2725474.html
2724339 மருத்துவம் மனநல மருத்துவம் உற்சாகத்தில் மதி மயங்காதே மாலதி சந்திரசேகரன் Tuesday, June 20, 2017 11:54 AM +0530 நாம் ஒரு செயலை செய்து முடித்தபிறகு, நம்மை உற்சாகப்படுத்தினால் தான் நம்முடைய  செய்கையில் ஒரு உத்வேகம் பிறக்கும், மேலும் செய்வதற்கு ஆர்வம் தலை தூக்கும். இது இயற்கையான மனித சுபாவம்தான். தவறில்லை.

ஆனால், நாம் ஒரு காரியத்தை செய்து முடித்துவிட்ட பிறகு உற்சாகப்படுத்தும் நண்பர்களின் செயலில், உண்மையான எண்ணம் இருக்கிறதா என்று ஊர்ஜிதப் படுத்திக் கொள்ள வேண்டும்.

தவறான செயலுக்கு பக்கபலம் இருந்து அதை தூண்டும் வகையில் ஊக்கம் இருந்தால் விலக்கப்படவேண்டும்.

தன்னுடைய இயற்கையான திறமையே தன்னுடைய வாழ் நாளுக்கு முத்தாய்ப்பான  ஒரு சுவாரஸ்யமான கதையினை கூறப் போகிறேன்.

முட்டையிலிருந்து வெளிவந்த கொசு ஒன்று பறக்கும் நிலைக்குத் தயாராக இருந்தது. தன்னுடைய இறக்கையினை படபடவென்று அடித்துக் கொண்டது.

மெதுவாக அங்கும் இங்கும் பறந்து பறந்து தன்னுடைய சந்தோஷத்தினை வெளிக் காண்பித்தது.

'அம்மா, அம்மா, என்னைப்  பாரேன். எப்படி பறக்கிறேன் என்று. நான் பறப்பதைக் கண்டு எத்தனை பேர்கள் கையைத் தட்டுகிறார்கள் பார்த்தாயா? நான் என்னும் வேகமாய்ப் பறக்கப் போகிறேன்' என்றது குழந்தைக் கொசு.

'அட பைத்தியமே. அவர்கள் நீ பறப்பதைப் பார்த்து கையைத் தட்டவில்லை. அவர்கள் கைகளுக்குள் உன்னை சிக்க வைக்கப் பார்கிறார்கள். ஒரு இடத்தில் அமைதியாகப் போய் உட்கார்' என்றது அம்மா கொசு.

ஆனால் குழந்தைக் கொசு கேட்கவில்லை அம்மாவுக்குப் பொறாமை என்று நினைத்துக் கொண்டு தன்னிச்சையாக நடந்து கொண்டது.

அம்மா கொசு, கவலை கொண்டது, நல்லது எது கெட்டது எது என்று அறிந்து கொள்ளும் பக்குவம் வராத நிலையில்,  
ஒருவரின் கைகளில் சிக்கி உயிரை விட்டது.

சிறு வயதில் அனுபவமில்லாத விஷயத்தில், தனக்கு எல்லாம் தெரியும் என்கிற மமதையில், எந்த விதமான நஷ்டம் உண்டாகும் என்று தெரியாது. போலியைக் கண்டு அதுதான் உண்மை என்று ஏமாந்து போக வேண்டாம்.

- மாலதி சந்திரசேகரன்

]]>
story of a mosquito, மதி மயங்காதே, ஊக்கம் http://images.dinamani.com/uploads/user/imagelibrary/2017/6/20/w600X390/mosquito.jpg http://www.dinamani.com/health/mental-health/2017/jun/20/be-polite-dont-be-anxious-2724339.html
2723625 மருத்துவம் மனநல மருத்துவம் உண்மையான ஆனந்தம் என்றால் என்ன?  Monday, June 19, 2017 01:10 PM +0530 நான் எவ்வாறு உங்களுக்கு சொல்வது? பலவிதமான தாக்கங்களுக்கு உள்ளானதால் இப்படியொரு கேள்வியைக் கேட்கிறீர்கள். ஏனென்றால் மனநோய்க்கான மருந்துகள் கூட ஆனந்தம் என்ற பெயரில் வெளியிடப்படுகின்றன. நீங்கள் ஆனந்தம் என்று சொல்லும் பொழுது மேற்கத்திய நாடுகளில் ஒரு குறிப்பிட்ட மாத்திரையைப் பற்றி நீங்கள் பேசிக்கொண்டிருப்பதாக அவர்கள் நினைப்பார்கள். எனவேதான் உண்மையான ஆனந்தம் என்றால் என்ன என்ற கேள்வியைக் கேட்கிறீர்கள்.

ஆனந்தத்தில் உண்மையான ஆனந்தம், பொய்யான ஆனந்தம் என்று எதுவுமில்லை. நீங்கள் உண்மையில் நிலைத்திருக்கும்போது நீங்கள் ஆனந்தத்தில் திளைக்கிறீர்கள். நீங்கள் உண்மையோடு தொடர்பு கொள்ளும்பொழுது இயல்பாகவே நீங்கள் ஆனந்தத்தில்தான் இருப்பீர்கள். நீங்கள் உண்மையுடன் இருக்கிறீர்களா அல்லது உண்மையுடன் இல்லையா என்பதைப் பொறுத்தே நீங்கள் ஆனந்தத்தில் இருக்கிறீர்களா அல்லது ஆனந்தத்தில் இல்லையா எனத் தெரிந்துகொள்ள முடியும். இது ஒரு லிட்மஸ் பரிசோதனையைப் போன்றது. இந்தக் கேள்வி ஒரு குறிப்பிட்ட சிந்தனையிலிருந்து வந்திருக்கலாம். உதாரணமாக, நான் சூரிய அஸ்தமனத்தைப் பார்க்கும்பொழுது ஆனந்தமடைகிறேன். இது உண்மையான ஆனந்தமா? அல்லது தியானத்தில் இருக்கும் பொழுது நான் ஆனந்தமடைகிறேன். இதுதான் உண்மையான ஆனந்தமா? இப்படி நீங்கள் எப்படி ஆனந்தமடைகிறீர்கள் என்பது முக்கியமல்ல. எப்படியோ இப்பொழுது ஆனந்தத்தில் இருக்கிறீர்கள் அதுதான் முக்கியம்.

எப்படி தக்கவைத்துக் கொள்வது? அதை எப்படி தக்கவைத்துக்கொள்ள வேண்டும் என்பதே இப்போதைய கேள்வி. பெரும்பாலானவர்கள் இன்பத்தை ஆனந்தம் என தவறாக புரிந்துகொள்கிறார்கள். நீங்கள் இன்பத்தை எப்பொழுதும் தக்க வைத்துக் கொள்ள முடியாது. அது பற்றாக்குறையாகவே எப்பொழுதும் இருக்கும். ஆனால் ஆனந்தம் என்பது எதையும் சார்ந்து இருப்பதில்லை. இன்பம் என்பது எதையோ அல்லது யாரையோ சார்ந்தே இருப்பது. ஆனந்தம் என்பது எதையும் சாராதிருப்பது. அது உங்கள் இயல்பான தன்மை. ஆனந்தத்திற்கு உண்மையில் வெளியிலிருந்து எந்தவிதமான தூண்டுதலும் தேவையில்லை. நீங்கள் ஒருமுறை ஆனந்தத்தைத் தொட்டுவிட்டால் உங்களுடைய முந்தைய தேவைகள் அனைத்தும், ஆனந்தம் அடைவதற்கான உங்களுடைய குழந்தைத்தனமான முயற்சிகள் தான் எனத் தெரிந்துகொள்வீர்கள்.

நீங்கள் ஆனந்தத்துடன் இருந்தால், அதுதான் முழுமை. மேலும் ஆனந்தம் என்பது எங்கோ வெளியிலிருந்து சம்பாதிப்பதல்ல. உங்களுக்குள்ளேயே மிக ஆழமாகச் சென்று கண்டுகொள்வது. அது ஒரு கிணறு தோண்டுவது போன்றது. மழை பெய்யும் பொழுது மழைத்துளிக்காக நீங்கள் வாய் திறந்து காத்திருந்தால் சில துளிகள் செல்லக்கூடும். ஆனால் உங்கள் தாகத்தைத் தணிப்பதற்காக மழைநீருக்கு வாய் திறந்திருப்பது ஒரு விரக்தியான மனநிலையை அளிக்கும். மழை எப்போதும் தொடர்ந்து பெய்துகொண்டிருக்கப் போவதுமில்லை. ஒரு மணி நேரமோ, இரண்டு மணி நேரமோ பெய்துவிட்டு நின்றுவிடும். அவ்வளவுதான். அதனால்தான் வருடம் முழுவதும் நீர் கிடைக்கிற மாதிரி உங்களுக்குச் சொந்தமாக ஒரு கிணறு தோண்டிக் கொள்ளுங்கள். நீங்கள் உண்மையான ஆனந்தம் எனக் குறிப்பிடுவதெல்லாம் இதுதான். நீங்களே உங்கள் சொந்தக் கிணற்றிலிருந்து தண்ணீர் எடுத்து கொள்கிறீர்கள். அது உங்களுக்கு எப்பொழுதும் தண்ணீர் கொடுத்துக் கொண்டே இருக்கும். மழை பெய்யும்பொழுது நீருக்கு வாய் திறந்திருப்பது போல இல்லை இது. எப்போதும் தண்ணீரை உங்களுடன் வைத்திருக்கிறீர்கள். அதுதான் ஆனந்தம்.

- சத்குரு ஜக்கி வாசுதேவ்

]]>
Happiness, உண்மையான ஆனந்தம் http://images.dinamani.com/uploads/user/imagelibrary/2017/6/19/w600X390/unmaiyana-anandam-endral-enna.jpg http://www.dinamani.com/health/mental-health/2017/jun/19/what-is-true-happiness-means-2723625.html
2722403 மருத்துவம் மனநல மருத்துவம் வாழ்வில் ஏற்படும் ஏற்றத் தாழ்வுகளை எப்படி கையாள்வது?  Saturday, June 17, 2017 10:36 AM +0530 'வாழ்வில் ஏற்ற இறக்கமெல்லாம் சாதாரணம்ப்பா…! டேக் இட் ஈஸி' இப்படி பலர் போகிற போக்கில் அட்வைஸ் செய்துவிட்டு செல்வதைப் பார்க்கிறோம். ஆனால், ஒருவர் துன்பப்படும்போது அதற்கான தீர்வையும், துன்பம் உருவானதற்கான மூல காரணத்தையும் பற்றி யாரும் கவனம் கொள்வதில்லை. நம் வாழ்வில் ஏற்படும் ஏற்ற தாழ்வுகளை எப்படி கையாள்வது? இதோ சத்குரு சொல்லும் தீர்வு!

ஏற்றத் தாழ்வுகள் இல்லை சூழ்நிலைகள் மட்டுமே… 

ஏற்ற இறக்கங்கள் என்று எதுவுமில்லை. வாழ்வெனும் நதி பல வழிகளில் பாய்கிறது. உலகம் என்பது சூழ்நிலைகளால் ஆனது. ஒவ்வொரு நாளும் வெவ்வேறு சூழ்நிலைகள் அமைகின்றன. அவைகளை எதிர்கொள்ளும் உங்கள் மனநிலைதான் ஏற்ற இறக்கங்கள் கூடியதாக இருக்கிறது. நீங்கள் உங்கள் மனதை சமநிலைக்கு கொண்டு வந்துவிட்டால் அழகான மலைகளின் உயரத்தையும் பள்ளத்தாக்குகளின் ஆழத்தையும் ஒரேமாதிரி வியந்து ரசிக்க முடியும். ஆனால் இப்போது வாழ்வின் சூழ்நிலைகள் உயர்ந்திருந்தாலும், தாழ்ந்து இருந்தாலும் நீங்கள் துன்புறுகிறீர்கள். உங்கள் வாழ்க்கை பாதிக்கப்பட்டதன் காரணமாகவே நீங்கள் இந்த கேள்வியை என் முன் வைத்திருக்கிறீர்கள். ஆனால் உங்கள் துன்பத்திற்கு விஷேசமாக எந்த காரணமும் தேவையில்லை.

ஏன் துன்பம்? 

வாழ்வில் நடப்பவற்றை உங்கள் அனுபவத்தில் நீங்கள் எப்படி எதிர்கொள்கிறீர்களோ அதைப் பொறுத்துத்தான் வாழும்போதும் சரி, சாகும்போதும் சரி, நீங்கள் நிம்மதியாகவோ மகிழ்ச்சியாகவோ இல்லை. நீங்கள் எப்போதுதான் துன்பப்படாமல் இருந்திருக்கிறீர்கள்? உங்களுக்கு துன்பம் ஏற்படுகிறது. உடம்பில் ஏற்படும் வலியானது வெளியிலுள்ள சூழ்நிலைகளால் ஏற்படக்கூடும். ஆனால் துன்பப்படுதல் என்ற உணர்ச்சி மனதால் நாமே ஏற்படுத்திக் கொள்வதாகும். உண்மையில் அகநிலை நடைமுறைகளை, மாற்றங்களை நாமே உருவாக்கிக் கொள்ளமுடியும். சரியான விழிப்புணர்வுடன் மனதை நாம் கையாண்டால் புறசூழ்நிலை எப்படி இருந்தாலும் நாம் அமைதியாகவும் சந்தோஷமாகவும் இருக்க முடியும். ஆனால் மனம் உங்கள் கட்டுக்குள் இல்லாதிருக்கும்போது, நடக்கின்ற விஷயங்கள் எப்படி இருந்தாலும் அது உங்களுக்கு துன்பம் விளைவிப்பதாக இருக்கிறது. 

யோசித்துப் பாருங்கள், எதை எடுத்தாலும் உங்களுக்கு கஷ்டமாகத்தான் இருக்கிறது, அல்லவா? திருமணமாகவில்லையே என்று கவலைப்படுகிறீர்கள், திருமணம் ஆனபிறகும் அதனால் கஷ்டப்படுகிறீர்கள், குழந்தைகள் இருந்தாலும் துன்பம், இல்லையென்றாலும் துன்பம். வேலை கிடைத்தாலும் கிடைக்கவில்லை என்றாலும் கஷ்டம். வாழும்போதும் சரி, சாகும்போதும் சரி, நீங்கள் நிம்மதியாகவோ மகிழ்ச்சியாகவோ இல்லை. நீங்கள் எப்போதுதான் துன்பப்படாமல் இருந்திருக்கிறீர்கள்?

சரியான உள்சூழ்நிலை உருவாக்குங்கள் எது நடந்தது எது நடக்கவில்லை என்பதல்ல பிரச்சனை. நடப்பதை நீங்கள் எப்படி உணர்கிறீர்கள் என்பதுதான். இப்போது உங்கள் எண்ண ஓட்டங்களை உங்கள் கட்டுப்பாட்டில் வைத்துக் கொள்ளமுடியும் என்று நீங்கள் புரிந்து கொண்டுவிட்டால், கட்டாயமாக உங்களுக்கு வேண்டிய வகையில் தான் அதை அமைத்துக் கொள்வீர்கள். உங்களுக்கு வேண்டிய வகையில் உங்கள் எண்ணத்தை அமைத்துக்கொள்ள முடியும் என்றால், பின் சூழ்நிலை எப்படி நிகழ்ந்தாலும், அதையும் இனிமையாய் நீங்கள் நிச்சயம் மாற்றிக் கொள்வீர்கள். அப்போது சூழ்நிலையை நல்லது என்றும் கெட்டது என்று பிரித்துப் பார்க்க மாட்டீர்கள். 

‘நான் நினைப்பது போல் நடக்கவில்லையே’ இதுதானே உங்கள் கவலை? உங்கள் உள்நிலையை நீங்கள் சரியாகக் கையாள முடிந்தால், வெளிச்சூழ்நிலை எதிர்பாராத விதங்களில் நடந்தாலும், உங்கள் முழுத்திறனிற்கு அனுசாரமாய் அதை நீங்கள் சமாளிக்க முடியும். எந்த ஒரு மனிதனும் அதிகபட்சமாய் அதைத் தான் செய்யமுடியும். வாழ்வின் சூழ்நிலை எப்படி அமைந்தாலும், தன்னை அமைதியாகவும் சந்தோஷமாகவும் வைத்திருக்க ஒருவன் அறிந்திருந்தால், அவன் ஆன்மீகப் பாதையில் அடியெடுத்து வைத்துவிட்டான் என்றே அர்த்தம். அப்போது முக்தியை யாரும் அவனுக்கு தடை செய்ய முடியாது.

நன்றி : ஈஷா மையம்

]]>
Balance in lilfe, ஏற்றத் தாழ்வுகள், டேக் இட் ஈஸி http://images.dinamani.com/uploads/user/imagelibrary/2017/6/17/w600X390/vaazhvil-aerpadum-aetrathazhvugalai-eppadi-kaiyalvathu.jpg http://www.dinamani.com/health/mental-health/2017/jun/17/how-to-handle-ups-and-downs-in-life-2722403.html
2721155 மருத்துவம் மனநல மருத்துவம் விவாகரத்து செல்ஃபியா? இதென்ன கொடுமை! உமா பார்வதி Thursday, June 15, 2017 03:41 PM +0530 ஒரு உறவை உருவாக்குவது எவ்வளவு கஷ்டமோ அதைவிட கடினம் அதை முறித்துக் கொள்வது. வருடக்கணக்காக ஆசையும் அன்பும் சேர்ந்து வளர்ந்த உறவு வலியுடன் முறிந்து போவது துயரம். உலகமெங்கும் சமீப காலமாக விவாகரத்து வழக்குகள் அதிகரித்து வருவது அனைவரும் அறிந்த செய்திதான். திருமணம் முடிந்த சில மாதங்களில் விவாகரத்து என்ற நிலைமாறி வாரக்கணக்கிலும் நாட்கணக்கிலும் கூட பிரிவுகள் நிகழ்வதுதான் சோகம். 

கோபம், ஆற்றாமை, வெறுப்பு போன்ற மனநிலையில் தான் தம்பதிகள் முன்பு பிரிந்து வந்தனர். ஆனால் சில ஜோடிகள் தங்கள் பிரிவையும் பாசிட்டிவ்வாக எடுத்துக் கொண்டு சமூக வலைத்தளங்களில் கொண்டாடும் கலாச்சாரம் சமீபத்தில் பரவி வருகிறது. டிவோர்ஸ் செல்ஃபிக்கள் என்று இன்ஸ்டாகிராமிலும் ஃபேஸ்புக்கிலும் இணையதளங்களிலும் வலம் வரும் புகைப்படங்களில் விவாகரத்தான தம்பதியரின் மகிழ்ச்சியான புகைப்படங்கள் இதற்குச் சான்று. இந்தப் புகைப்படங்களில் அவர்கள் முகம் கொள்ளாச் சிரிப்புடனும், விரல்களை உயர்த்தி தம்ஸ் அப் சின்னம் காட்டியும் தங்கள் வெற்றியையும் விடுதலையையும் காட்சிப் படுத்துகிறார்கள். (எதற்கான வெற்றி, எதிலிருந்து விடுதலை என்ற புரிதல் இருந்திருந்தால் விவாகரத்து வரை சென்றிருக்க மாட்டார்கள் அல்லவா!)

அதென்ன டிவோர்ஸ் செல்ஃபி? தம்பதிகள் எப்போது எடுக்கிறார்கள் என்று விசாரித்துப் பார்த்ததில், குடும்ப நீதிமன்றத்தில் வழக்கு முடிந்து, ஒருவரிடமிருந்து மற்றவர்க்கு முழுமையான விடுதலை சட்டரீதியாக கிடைத்தபின், கடைசியாக ஜோடியாக எடுத்துக் கொள்ளும் செல்ஃபிதான் இந்த டிவோர்ஸ் செல்ஃபி. சிலர் விவாகரத்து முடிந்த கையோடு லைவ் காட்சிகளாக அதை ட்வீட் செய்வதும், சிறியதாக ஒரு வீடியோ ஷூட் எடுத்து சமூக வலைத்தளங்களிலும் பதிவிடுவதிலும் மும்முரமாகியுள்ளனர். இது பார்க்கவும் கேட்கவும் வினோதமாக இருந்தாலும், இப்படிச் செய்வதால் விவாகரத்துப் பெற்ற தம்பதிகளுக்கு ஒருவித ஆசுவாசம், ஒரு ரிலீஃப் கிடைப்பதாக பதிவு செய்கிறார்கள். தவிர அவர்களது தோழமைகளிடமிருந்தும் குடும்பத்தாரிடமிருந்தும் ஆறுதல் கிடைப்பதும் அவர்களை இந்த மன அழுத்தத்திலிருந்து விரைவில் வெளியேற வைத்துவிடுகிறது என்கிறார்கள்.

படங்கள் மட்டுமல்ல, அதற்கு ஏற்ற சில கேப்ஷன்களும் அவர்களே தருவது புதுமை. முகத்தை கோணலாக வைத்துக் கொண்டு, விவாகரத்தான கணவருடன் நெருக்கமாக ஃபோஸ் கொடுத்தபடி ஒரு பெண் தனது பேஸ்புக் பக்கத்தில் எழுதியது, ‘இப்போது நாங்கள் நாடக நடிகர்கள், அவ்வளவுதான்’. இன்னொரு பெண் இப்படி எழுதுகிறார், ‘பிரிந்து வாழப் போகும் மிச்ச வாழ்க்கைக்கு ஒரு பெரிய சியர்ஸ்’.
 
நல்ல வேளை நம் நாட்டில் இன்னும் இந்தக் கலாச்சாரம் வரவில்லை. ஆனால் நம்ப முடியாது இந்தக் கட்டுரைக்குப் பின் அது நடந்தாலும் நடக்கலாம், நான் பொறுப்பல்ல!

]]>
Divorce Selfie, Social networking viral, டிவோர்ஸ் செல்பி, விவாகரத்துக்குப் பின் வாழ்க்கை http://images.dinamani.com/uploads/user/imagelibrary/2017/6/15/w600X390/divorce-selfie_759.jpg http://www.dinamani.com/health/mental-health/2017/jun/15/divorce-selfie-2721155.html
2719815 மருத்துவம் மனநல மருத்துவம் சந்தோஷமா இருக்க ஆசையா? இதோ மகிழ்ச்சியான வாழ்க்கைக்கு 5 டிப்ஸ்! உமா பார்வதி Tuesday, June 13, 2017 03:31 PM +0530 சந்தோஷம் என்ற வார்த்தையில் இருக்கும் சந்தோஷ நொடி கூட பலரது வாழ்க்கையில் இல்லாமல் போவது சோகம். அதெப்படி தொடர்ந்து துயரில் இருக்கும் வாழ்க்கை உண்டா என்று இந்தப் பக்கம் இருப்பவர்கள், அதாவது சந்தோஷத் தருணங்களை அதிகப்படியாக உணர்ந்தவர்கள் நினைக்கலாம். சந்தோஷம் துக்கம் ரெண்டும் மாறி மாறி வருவது தான் வாழ்க்கை என்று சிலர் தத்துவார்த்தமாகச் சொல்லலாம். ஆனால் வெகு சிலர் எப்போதும் எதையோ பறிகொடுத்தது போலவே சந்தோஷம் வரும் போது பெரிய பூட்டாகப் போட்டுத் தன்னை மறைத்துக் கொண்டு அதன் இருப்பை மறந்து விடுகின்றனர். அவர்களுக்கான பதிவு இது.

1. உங்கள் வாழ்க்கையை நீங்கள் வாழுங்கள், அடுத்தவர் வாழ்க்கையை அல்ல!

'நான் மட்டும் அன்னிக்கு எனக்கு பிடிச்ச படிப்பை படிச்சிருந்தா... இந்நேரத்துக்கு என்ன ஆயிருப்பேன் தெரியுமா?', 'அப்பவே சொன்னேன் எனக்கு அந்த வேலை தான் செட் ஆகும்னு ஆனா இவர் சொன்னதாலே அதை தட்டிக் கழிச்சிட்டு இப்ப சிரமப்படறேன்’, 'எத்தனை வருஷம் காதலிச்சோம், எல்லாத்தையும் எதிர்த்து போராடி அன்னிக்கே ஒரு முடிவு எடுத்திருந்தா இப்படி பொருந்தாத மனசோடு ஒரு திருமண வாழ்க்கையில் சிக்கியிருக்க மாட்டேன்’, இதில் ஒன்றினை வாழ்க்கையின் ஏதேனும் ஒரு கணத்தில் உணர்ந்திருப்பீர்கள். தேர்ந்தெடுக்கும் சுதந்திரம் மறுக்கப்பட்டு வேறு வழியே இல்லாத இக்கட்டான நிலையை கடந்து வந்திருக்காதவர்கள் யாருமில்லை.

அதன்பின் ட்ரெட்மில்லில் ஓடுவது போல் அன்றிலிருந்து இன்று வரை வாழ்க்கையில் ஓடிக் கொண்டே இருப்பது போன்ற நிலைதான் பெரும்பாலோருக்கும். தினம் தினம் செய்ய வேண்டிய வேலைகளின் பட்டியல் நீண்டு கொண்டே இருக்க, ஆயுள் ஒரு பக்கம் குறைந்து கொண்டே இருக்க, ஆசைகளின் கனம் மட்டும் அதிகரித்துக் கொண்டிருக்கும். இந்த முன்முனைப் போராட்டத்தில் யார் ஜெயிப்பது யார் தோற்பது? ரெண்டுமே நீங்கள் தான்.

ஆசைகளை கனவுகளை நிறைவேற்றிக் கொள்ள முடியாத வாழ்க்கை என்பது சாபம். உங்கள் கனவுகளை வெட்டிச் சாயக்க சமூக, குடும்ப, கலாச்சார காரணங்கள் இருக்கலாம். ஆனால் ஒரு பழக்கப்பட்ட வாழ்க்கையின் கூண்டுக்கிளியாக உங்களை நீங்கள்தான் வடிவமைத்துக் கொண்டு விட்டீர்கள். ஆனால் நன்றாக யோசித்துப் பாருங்கள். அன்று உங்கள் உணர்வுகளுக்கும் முடிவுகளுக்கும் முக்கியத்துவம் கொடுத்திருந்தால் இன்று புலம்பித் தவித்துக் கொண்டிருக்க வேண்டாம். எதிலும் நிறைவின்றி வாழ்ந்து கொண்டிருக்க வேண்டாம்.

கடந்த ஒன்றை மாற்ற இயலாது எனவே இப்போதுள்ள வாழ்க்கையை புகார்கள் இன்றி ஏற்றுக் கொள்ளுங்கள். பழைய வலிகளிலிருந்து கற்றுக் கொள்ள பாடங்கள் உள்ளது. அதன் பின்னான உங்கள் வாழ்க்கை புத்தம் புதியது. உங்களுக்கே உரிய பிரத்யேகமானது, மகிழ்ச்சியின் அலைகள் உங்கள் மீது விழ முதலில் உங்களை அனுமதியுங்கள். அதற்கு முதலில் உங்களை நேசிக்கத் தொடங்குங்கள். வாழ்க்கையை முழுமையாக வாழுங்கள். சந்தோஷம் நிம்மதி எல்லாம் தானாகவே வரும், போகும் மீண்டும் வரும். புரிந்ததா? 

2. வேலை வாழ்க்கை இரண்டையும் சமமாகப் பாருங்கள்!

சிலர் எப்போதும் வேலை வேலை என்று வாழ்நாள் முழுக்க தங்கள் அலுவலக வேலைக்காக தங்களை அப்படியே ஒப்புக் கொடுத்துவிடுவார்கள். வாரக்கணக்காக, வருடக்கணக்காக ஓய்வு ஒழிச்சலின்றி ஒரு இயந்திரம் போல வேலை செய்பவர்களைப் பார்த்திருக்கிறீர்களா? ஆனால் வேறு வழி? ஆறு நபர்கள் சாப்பிட வேண்டும்? படிக்க வேண்டும், மானத்துடன் வாழ வேண்டும் என்ற பதில் சுடும் நிஜம் தான். ஆனால் அதற்கென்று இப்படி ஒரேடியாக சந்தோஷங்களைப் புதைத்து தியாகியாக உங்களை உருவகப்படுத்திக் கொண்டு சின்ன சின்ன சந்தோஷங்களையும் தூற எறிந்துவிடாதீர்கள். அப்படி செய்தால் ஒரு நாள் வேலையிலிருந்து ஓய்வு பெற்று வீட்டில் உட்காரும் போதுதான் உங்களுக்குத் தெரிய வரும்.

எத்தனை நாள்கள் வேலைப் பளுவில் உறங்கிவிட்டு மறுநாள் காலை அதே வேகத்துடன் ஓடியதால் விளைந்த பயன். சிறிதளவு பணம் கையிருப்பு நிச்சயம். ஆனால் காலம்? குடும்பத்தை ஒதுக்கிப் பழக்கப்படுத்தியதால் அதே குடும்பம் இப்போது உங்களுடன் ஒட்டாது. அவர்கள் ஒருபக்கம் நீங்கள் மறுபக்கம் என இரு பிரிவுகளாக மாறியிருப்பதை கண்கூடாகக் காண்பீர்கள்.

மனைவி குழந்தைகளுடன் மகிழ்ச்சியாக உட்கார்ந்து பேச மறுத்து, வெளியூர்களுக்குச் சென்று திரும்பி என அனேக விஷயங்கள் இல்லாமல் காலமும் கடந்துபோய் கசப்பான மனநிலை மட்டுமே எஞ்சி நிற்கக் கூடும். இனியாவது என்ன செய்யவேண்டும் என்று விழிப்புணர்வுடன் செயல்படுங்கள். வேலை முக்கியம் தான். ஆனால் அதைவிட எதற்காக வேலை முக்கியம் என்னும் சிந்தனை முக்கியம். உங்களை நம்பி வந்தவர்களை, நீங்கள் உருவாக்கிய உங்கள் குடும்பத்தை அரவணைக்க வேண்டும். நேசிப்பதும் நேசிக்கப்படுவதும் தான் உங்களை மன மகிழ்ச்சியுடன் வைத்திருக்கும் முக்கியமான விஷயம். 

3. உண்மையாக இருங்கள்!

உங்கள் உணர்வுகளை நேரடியாக வெளிப்படுத்துபவராக இருங்கள். மனத்தில் ஒன்று நினைத்தும் வெளியில் ஒன்றைச் சொல்லியும் முகமூடிகளுடன் வாழ்ந்தீர்கள் என்றால் உங்கள் சந்தோஷமும் புஸ்வானம் போலத்தான். பெரிதாக பொங்கி வரும் ஆனால் நிலைத்திருக்காது.

நீங்கள் புத்திசாலியாக இருக்கலாம் ஆனால் புத்திஜீவிகள் அதிகமாக சந்தோஷப்படுவதில்லை. அதை முட்டாள்தனம் என நினைப்பார்கள். நடந்து போகும்போது மழைச் சாரல் ஏற்பட்டு ஒரு வானவில்லை பார்த்துவிட்டால் அதைவிட மகிழ்ச்சியான கணம் எது இருக்க முடியும்? ஆனால் புத்தியால் வாழும் நீங்கள் அப்படி இருக்க மாட்டீர்கள். எப்போதும் மூளைக்கு மட்டும் இடம் கொடுக்காமல் மனத்தாலும் வாழப் பழகுங்கள்.

உங்கள் உடல் சொல்வதையும் மனம் சொல்வதையும் கேட்கப் பழகுங்கள். உடலுக்கு ஓய்வு தேவை என்றால் நிச்சயம் அது சோர்வின் மூலம் எடுத்துரைக்கும். அப்போது கொஞ்சம் ரிலாக்ஸ் செய்துகொள்வது தான் அதற்கு மகிழ்ச்சி அளிக்கும். மன அழுத்தம், பிரச்னையில் சிக்கிக் கொள்வது போன்ற தருணங்களில் அதிலிருந்து விடுபட மனதே வழிவகுக்கும். நீங்கள் சும்மா ஒப்புக் கொடுக்க வேண்டும். எதிர் முயற்சிகள் செய்யாமல் என்ன நடக்கிறது என்று பார்க்கக் கற்றுக் கொள்ளுங்கள். உங்களுடைய உணர்வுகளை உண்மையாக இருங்கள். அதுவே மகிழ்ச்சியை விதைத்து அறுவடையும் கொடுக்கும்.

4. நண்பர்களுடன் தொடர்பில் இருங்கள்!

'நாங்க எவ்வளவு நெருக்கம்னு தெரியுமா? ஒரே டீ ஷர்ட்டை ரெண்டு பேரும் பயன்படுத்தினோம்’ என்று ப்ளாஷ்பேக் சொல்லிக் கொண்டிருக்காமல் அந்த நட்பை இன்றைய தேதியில் என்ன செய்தோம் என்று நினைத்துப் பாருங்கள். தொடர்பில் இருங்கள் என்று செல்போனில் குறுஞ்செய்தியாக பதிவிடும் அந்த வார்த்தையை உண்மையில் செய்கிறீர்களா என்று யோசியுங்கள்.

ஆங்கிலத்தில் அழகான ஒரு பழமொழி உள்ளது. உங்கள் தோட்டத்தின் அழகு அதில் எத்தனை பூக்கள் இருக்கின்றன என்பதில் தான் உள்ளது. உங்கள் தினங்கள் அருமையாக அமைய, அதில் எத்தனை பொன்னான தருணங்கள் இருந்தன என்பது முக்கியம். உங்கள் வாழ்க்கை அர்த்தமுள்ளதாக இருக்க அதில் எத்தனை சந்தோஷமான புன்னகையுடன் இருந்தீர்கள் என்பது தான் சிறப்பு. மேலும் உங்கள் வயது ஏறாமல் அப்படியே இருக்க, எத்தனை நண்பர்கள் உங்களை சுற்றி இருக்கின்றனர் என்பது தான் விஷயம்.

ஆத்மார்த்தமாக உங்களுடன் இணைந்திருக்கும் நல்ல நட்புகள் கிடைப்பது அபூர்வம். அதை பொத்தி வைத்திருக்கப் பழகுங்கள். நண்பர்கள் என்பது நம்பர்களிலும் இல்லை. ஆழமான நட்பில் தான் உள்ளது. அதன் பின் மகிழ்ச்சி எப்படி தொலைந்து ஆகும்? எப்போதும் மகிழ்ச்சி வெள்ளம் தான்!

5. எப்போதும் சந்தோஷமாக இருப்பேன் என்று உறுதியாக முடிவு எடுங்கள்!

சந்தோஷம் என்பது உங்கள் தேர்வு. ஆம். அதைத் தேர்ந்தெடுத்து நமதாக்கிக் கொள்ள வேண்டும். இனிமேல் நான் சந்தோஷமாகவே இருப்பேன் என்று ஒரு தீர்மானம் உறுதியாக எடுத்து, அதைக் கடைபிடித்துப் பாருங்கள். அது உங்களுடனே பயணப்பட்டுக் கொண்டிருக்கும். அதற்கு எதிராக எதாவது நடந்தால், உடனடியாக சந்தோஷத்தை உதறிவிட்டு கோபத்துக்கோ வெறுப்புக்கோ தாவி விடுவது யார்? சாட்சாத் நீங்களே தான். உங்களைச் சுற்றி எது நடந்தாலும் உடனடியாக நீங்கள் தானே ரியாக்ட் செய்கிறீர்கள்? ஏன் அப்படி? ஒரு நிமிடம் நின்று நிதானித்து காரண காரியங்களை யோசித்ததுண்டா? இது வரை இல்லையென்றால், இனிமேலாவது அப்படிச் செய்து பாருங்கள். உங்களுடைய அனுமதி இல்லாமல் யாரும் உங்களை துன்பப்படுத்திவிட முடியாது. அது உங்கள் கைகளில் இருக்கும் போது ஏன் மற்றவர்களை அனுமதிக்கிறீர்கள்? 

எல்லாவற்றையும் மீறி சந்தர்ப்ப சூழலில் பிரச்னை துயர் வந்துவிட்டால் அது எப்படி வந்ததோ வந்த வழியே போய்விடும். அதில் மூழ்கிப் போகாமல் இருங்கள். மனத்தை சமன் நிலை குலையாமல் பாதுகாத்துக் கொள்ளுங்கள். மற்ற படிப்பு எல்லாம் படிப்பல்ல, தன்னை எப்படி நடத்திக் கொள்வது எனும் தெளிவுதான் சிறந்த படிப்பு. ஆக்கபூர்வமாக இருங்கள். நேர்மறை சிந்தனைகளால் எப்பேர்ப்பட்ட இக்கட்டான சூழலிலும் விடுபடும் வழி கிடைக்கும். அல்லது அந்த சூழ்நிலையைத் தாக்குப்பிடிக்கும் மனப்பக்குவம் வாய்க்கும்.  

நம்மால் மாற்ற முடிந்த விஷயங்களை துணிவுடன் போராடி மாற்றும் திறனும், மாற்ற முடியாத விஷயங்களை உள்ளவாறு அப்படியே ஏற்றுக் கொள்ளும் மனப் பக்குவமும், எதை மாற்ற முடியும், எதை அப்படியே ஏற்றுக் கொள்ளவேண்டும் எனும் ஞானமும் இருந்தால் வாழ்தல் இனிது.

]]>
5 tips for happiness, சந்தோஷம், மகிழ்ச்சியான வாழ்க்கை, வாழ்தல் இனிது http://images.dinamani.com/uploads/user/imagelibrary/2017/6/13/w600X390/healthy_woman.jpg http://www.dinamani.com/health/mental-health/2017/jun/13/5-tips-for-happy-life-2719815.html
2719782 மருத்துவம் மனநல மருத்துவம் ஃபேஸ்புக் இப்படிப்பட்ட வேலைகளைச் செய்யலாமா? IANS Tuesday, June 13, 2017 11:18 AM +0530 சமூக இணைய தளங்களில் உலகம் முழுவதிலும் மிக அதிகமான பயனாளர்களைக் கொண்டுள்ள ஃபேஸ்புக் ரகசியமாக ஒரு வேலையைத் தொடங்கியுள்ளது. அதாவது உங்கள் கணினியின் வெப்காம் அல்லது உங்கள் ஸ்மார்ட்ஃபோனிலுள்ள கேமராவின் மூலம் உங்களை ரகசியமாகக் கண்காணித்து சிலவற்றை பதிவும் செய்யப் போகிறது என்றால் அதிர்ச்சியாக இருக்கிறது அல்லவா?

ஃபேஸ்புக் நிறுவனத்தின் இந்தப் புதிய போக்கைப் பற்றி அதன் பயனாளிகளுக்குத் தெரியப்போவதில்லை. இது ஒரு புதிய தொழில்நுட்பம் எனும் அளவில் தான் அறிமுகமாக உள்ளது. நீங்கள் உங்கள் நண்பரின் ஒரு புதிய புகைப்படத்தைப் பார்த்து லேசாக புன்முறுவல் பூத்தால் உடனே உங்கள் முக உணர்வுகள் படம் பிடிக்கப்பட்டு, நீங்கள் விரும்பிய அந்தப் புகைப்படம் அல்லது அதை ஒத்த புகைப்படங்கள் உங்கள் பார்வையில் படும் படி அடிக்கடி ந்யூஸ் ஃபீடில் வந்து கொண்டிருக்கும்’ என்று ஃபேஸ்புக் நிறுவனத்தின் புதிய ஆராய்ச்சியைப் பற்றி பதிவு செய்துள்ளது Independent.co.uk எனும் இந்த இணையதளம்.

உங்கள் முகத்தைப் படம் பிடித்ததுடன் இல்லாமல் அதை ஆய்ந்து எது உங்கள் விருப்பப் பதிவுகள் என்பதை அலசி நீங்கள் சைட்டில் வெகு நேரம் இருப்பதற்கான மறைமுக வேலையைச் செய்வது தான் அதன் நோக்கம். உதாரணமாக ஏற்கனவே சொன்னபடி, உங்கள் நண்பரின் புகைப்படத்தை பார்த்து சந்தோஷத்தில் நீங்கள் சிரித்துக் கொண்டிருந்தால், ஃபேஸ்புக்கின் அல்காரிதம் அந்தத் தகவலை பதிவு செய்து அதே போன்ற புகைப்படங்களை உங்கள் காட்சிக்கு தந்து கொண்டிருக்கும். அதே போல் ஒரு பூனை விளையாடிக் கொண்டிருப்பதை நீங்கள் பார்த்துக் கொண்டிருக்கிறீர்கள் அது உங்களுக்குப் பிடிக்கவில்லை அல்லது உங்களைக் கவரவில்லை என்று முகத்தை வேறு பக்கம் திருப்பினாலும் கூட அதையும் பதிவு செய்து கொண்டிருக்கும் வெப்காம் உங்கள் பார்வைக்கு ஒருபோதும் அத்தகைய காட்சிகளைக் கொண்டு வராமல் கவனமாகப் பார்த்துக் கொள்ளும்’. உங்கள் முக மாற்றத்துக்கு ஏற்றபடி புகைப்படங்கள் தேர்வு செய்யப்படும். சிரிப்பதும் முறைப்பதும் பதிவு செய்யப்பட்டு அதற்கேற்றாற் போல உங்கள் மனத்துக்கு மகிழ்ச்சி அளிக்கக்கூடிய விஷயங்களை மட்டும் உங்கள் பார்வைக்கு கொண்டு வரப்படும்.

அதாவது உங்கள் விருப்பு வெறுப்புக்களுக்கு உட்பட்டு இயங்கும் ஒரு சாதனமாக ஃபேஸ்புக் உருமாறிக் கொண்டிருக்கிறது. இது நல்லதுதானே என்று நினைக்கத் தோன்றுகிறதா? நிச்சயமாக இல்லை. அதிலுள்ள ப்ரொக்ராம்கள் மூலம் ஒரு உளவாளியைப் போல உங்கள் முகம் படம் பிடிக்கப்பட்டு, உங்களை எலியைப் போல ஒரு பொறியில் சிக்க வைக்கும் தந்திரம் தான் இது. நீண்ட நேரம் சமூக வலைத்தளங்களில் அடிமைப்பட்டு கிடந்தால் உங்கள் மனநலம் மற்றும் உடல் நலம் பாதிப்படைந்துவிடும். ஃபேஸ்புக்குக்கு தேவை பயனர்கள். அவ்வளவே ஆனால் அதற்கு நம்முடைய பொன்னான நேரத்தையும் வாழ்க்கையையும் ஒப்புக் கொடுப்பது எத்தகைய முட்டாள்தனம்?

இன்னும் ஃபேஸ்புக் இதனைப் பயன்பாட்டுக்குக் கொண்டுவந்திருக்கவில்லை. ஆனால் எந்த நேரமும் அது இந்த திட்டத்தைச் செயல்படுத்திவிடும் என்றே எதிர்பார்க்கப்படுகிறது. அதற்கு முன் நீங்கள் விழிப்புணர்வுடன் செயல்பட்டு தேவையற்ற விஷயங்களுக்கு வாழ்க்கையிலும் சரி ஃபேஸ்புக்கிலும் சரி இடம் கொடுக்காதீர்கள். இந்த பரந்து பட்ட உலகில் செய்ய வேண்டிய பயனுள்ள வேலைகள் எத்தனையோ இருக்கின்றன. தேடிக் கண்டடைய நெகிழ்ந்து கரைய வேண்டிய தருணங்கள் எவ்வளவோ மிச்சம் உள்ளன. மெய் நிகர் உலகை மறந்து நிகழ் நிறை உலகில் என்றென்றும் துடிப்புடனும் மகிழ்வுடனும் வாழுங்கள்.

]]>
Facebook tracking users, webcam, ஃபேஸ்புக், வெப்காம் http://images.dinamani.com/uploads/user/imagelibrary/2017/6/13/w600X390/fb.jpg http://www.dinamani.com/health/mental-health/2017/jun/13/facebook-considering-secret-tracking-via-webcam-2719782.html
2717357 மருத்துவம் மனநல மருத்துவம் பணம் வந்தால் கஷ்டமும் கூட வரும்! இது உண்மையா?  Friday, June 9, 2017 11:06 AM +0530 பொருள் சேர்க்கத் துவங்கிவிட்டால் பிறகு வாழ்க்கையில் துன்பங்களும் சேர்ந்துவிடுமா? பணம் உங்களுக்குத் துன்பத்தை வரவழைப்பதில்லை. முட்டாள் தனம் தான் துன்பத்தை வரவழைக்கிறது. பணம் உங்கள் வாழ்க்கையில் நுழையும்போது, முட்டாள்தனமும், அதனால் துன்பமும் சேர்ந்து வரலாம். அதற்காக, பணம் வந்துவிட்டாலே துன்பமும் வந்தாக வேண்டும் என்று கிடையாது.

ஆனால், வசதிகள் ஏன் துன்பமாக மாற வேண்டும்? நாம்தானே வசதியை நாடினோம்? நாம் விரும்பியதே நமது துன்பத்துக்கு ஏன் காரணமாக வேண்டும்? மனிதர்களின் பெரிய பிரச்சனை இது. பல நேரங்களில் இரண்டு விஷயங்கள் சேரும்போதுதான் சமநிலை கிடைக்கிறது. ஆனால் நாம் ஒன்றை வைத்துக்கொள்கிறோம். அதனுடன் இணைந்த மற்றொன்றை முழுவதுமாய் மறந்து விடுகிறோம். காலையில் சாப்பிட உட்காருகிறீர்கள். ஊறுகாய் சுவையாக இருக்கிறது. மற்றவற்றை மறந்துவிட்டு, ஊறுகாயை மட்டுமே வயிறு நிரம்பச் சாப்பிட்டால், மாலையே பிரச்சனை ஆரம்பித்துவிடும்தானே. அதேபோலத்தான் செல்வமும் செழுமையும்!
 
ஏராளமானோர் தினமும் கோவில், மசூதி, தேவாலயம் செல்கிறார்கள். அங்கிருந்து திரும்பி வரும்போது அவர்கள் முகத்தைக் கவனித்திருக்கிறீர்களா? அவர்கள் முகம் மகிழ்ச்சியாக மாறியிருக்கிறதா? நான் 11 வயதாக இருக்கும்போது இது என்னை மிகவும் குழப்பியிருக்கிறது. அந்த வயதில் நான் ஒரு பெரிய கோவில் வாசலில் நிறைய நேரம் உட்கார்ந்துகொண்டு கோவிலிலிருந்து திரும்பி வருபவர்களைப் பார்த்துக்கொண்டே இருப்பேன். கடவுளைப் பார்த்து வந்த பின் அவர்கள் முகம் பிரகாசமாக மாறியிருக்கிறதா என்று கவனிப்பேன். கோவிலிலிருந்து திரும்பி வரும்போது கடவுளைப்பற்றி பேசுவதைவிட கோவிலில் பார்த்த மற்ற மனிதர்களைப் பற்றிய வம்புகளுடன் வெளிவருவதைத்தான் நான் அப்போது கவனித்தேன். அல்லது அவர்கள் விட்டுச்சென்ற செருப்பு வேறு யாரோடாவது நடந்து போய்விட்டால் இந்த உலகத்தை, ஏன் கடவுளைக்கூட சபிக்க ஆரம்பித்துவிடுவதைப் பார்த்திருக்கிறேன்.

கோவிலிலிருந்து வெளிவரும் மனிதர்களின் முகத்தைவிட ஹோட்டலிலிருந்து வெளிவரும் மனிதர்களின் முகம் அதிகப் பிரகாசமாக இருக்கிறது. அதிக மகிழ்ச்சியுடனும் திருப்தியுடனும் வெளிவருகிறார்கள். இது மிகவும் வெட்கக்கேடானது இல்லையா? தெய்வீகத்தைவிட தோசை அவர்களுக்கு அதிக திருப்தியைத் தந்திருக்கிறது. எனவே தெய்வீகமா, தோசையா என்பதல்ல கேள்வி. மனிதர்கள் விஷயங்களை மோசமாகக் கையாண்டால் எப்படியும் துன்பம் நிச்சயம் வருகிறது

துன்பம் செழுமையால் வரவில்லை. பணம் அவர்களின் சட்டைப் பைக்குள் போவதற்கு பதிலாக அவர்கள் தலைக்குள் போனதால்தான் துன்பம். பணத்தை சட்டைப்பைக்குள் வைத்துக்கொண்டு இந்த உலகில் அற்புதமான பணிகள் பலவற்றைச் செய்ய முடியும்.

உலகில் மனிதர்களுக்கிடையே இதுதான் பெரிய போராட்டமாக இருக்கிறது. உலகின் மேற்குப் பகுதியையும், கிழக்கு பகுதியையும் பார்த்தீர்கள் என்றால், மேற்குப் பகுதியில் உள்ளவர்கள் உள்நிலையைச் சரியாகக் கையாள்வதில்லை. அமெரிக்க நாட்டில் உள்ளவர்களில் 40 சதவிகித மக்கள் அவர்களின் வாழ்க்கையில் ஏதாவது ஒரு முறையாவது மன அழுத்தத்துக்கான மருந்தை எடுத்துக் கொள்கிறார்கள் என்று அறிகிறோம். சமநிலையில் இருப்பதற்கு 40 சதவிகித மக்கள் மருந்து உட்கொள்கிறார்கள். இது மனித நலனுக்கு உகந்த விஷயமாக இல்லை. மேற்குப் பகுதியில் உள்ளவர்களோ, வெளியில்தான் அனைத்தும் இருக்கின்றன என நினைத்து உள்சூழ்நிலையைக் கவனிக்க மறந்துவிடுகிறார்கள். எனவே, அவர்களுக்கு வாழ்க்கையே குழப்பமாகி விடுகிறது.

இங்கு, இந்தியாவில் வேறுவிதமான தவறு நடக்கிறது. எல்லாவற்றையும் சொர்க்கமாக நினைத்து வாழ்க்கையை மறந்துவிடுகிறார்கள். இங்கு பெரிய கோவிலைக் கட்டுவார்கள், ஆனால், சரியான கழிவறை இருக்காது. இது இந்தியர்களின் பிரச்சினை. எல்லாமே சொர்க்கத்தில் இருக்கிறது என்று நினைத்து வாழும் உலகை மறந்துவிடுகிறார்கள், எனவே அதற்கான விலையைக் கொடுக்கிறார்கள். எனவே, இந்த இரண்டுக்கும் இடையிலான ஒரு சமநிலை இருந்தால், துன்பத்தின் கதவுகளை செல்வம் திறக்காது!

நன்றி : ஈஷா மையம்

]]>
money, பணம், செல்வம், நிம்மதி http://images.dinamani.com/uploads/user/imagelibrary/2017/6/9/w600X390/cash2-kMHD--621x414LiveMint.JPG http://www.dinamani.com/health/mental-health/2017/jun/09/is-money-a-problem-or-a-solution-2717357.html
2715467 மருத்துவம் மனநல மருத்துவம் உடலுறவு இல்லாமல் 'உறவு' சாத்தியமில்லையா?  Tuesday, June 6, 2017 12:57 PM +0530 அன்றைய காலத்தில் தேவதாசிகள், இன்றோ ஒவ்வொரு மாநகரிலும் இதற்கென்று ஒதுக்கப்பட்ட இடங்கள். சினிமா, டிவி, பத்திரிக்கை எனப் பார்க்கும் இடமெங்கும் காமம் சார்ந்த விஷயங்கள் பரவிக் கிடக்கின்றன. காமம் மகத்தான மனித உணர்வென ஒரு சாரார் உரக்க பேசுகிறார்கள். பலரது வாழ்க்கை திசை மாற இது காரணமாய் மாறிவிடுகிறது. இப்படிப்பட்ட காமம் எதற்கு?

இயற்கை காம இச்சையை தூண்டுவதற்கான முக்கிய காரணம் இனப்பெருக்கம். ஆனால், இன்று உடலுறவு கொண்டாலும் பிள்ளை பெறாமல் இருக்க பல சாதனங்கள் வந்தாயிற்று. அதனால், உடலுறவு என்பது பிள்ளை பெறுவதற்காக என்பதை ஒரு பக்கம் வைத்துவிட்டு இதை சற்றே ஆராய்வோம்.
 
உடலுறவு எதற்கு என்று பார்த்தால், அதில் கிடைக்கும் இன்பம் ஒரு காரணம், இரு மனிதர்களுக்கு இடையேயான பந்தத்தின் வெளிப்பாடாக அது இருப்பது இரண்டாவது காரணம், தத்தமது எல்லைகளை நிலைநாட்டுவது போல் தன் உரிமையை மனிதர்கள் பதிப்பது மூன்றாவது காரணம். இந்த மூன்றாவது காரணம், பிழைப்பை சரியாய் நிகழ்த்திக் கொள்வதற்கான ஒரு அமைப்பு. இனப்பெருக்கம் செய்வதற்கான அமைப்பு. இது இல்லையென்றால், உங்கள் குழந்தைகள் மற்ற உயிரினங்கள் போல் திறனோடு ஸ்திரமாக வளர்வது இயலாமல் போய்விடும்

மனிதன் எல்லை வகுப்பது ஏன்?

ஒரு நாய், குட்டி போட்டால், மூன்றே நாட்களில் அவை ஓடி விளையாடத் துவங்கிவிடும். பதினைந்தே நாட்களில், அந்தக் குட்டிகள் தன் உணவைத் தேடிக் கொண்டு, தன் வாழ்வை நடத்திக் கொள்ள ஆரம்பித்துவிடும். ஆனால், மனிதக் குழந்தைகள் அவ்வாறல்ல. அவர்கள் வளர்ந்து தம் வாழ்வை பார்த்துக் கொள்வதற்கு பல காலம் பிடிக்கும். அதுவரை அவர்கள் வளர ஒரு பாதுகாப்பான சூழல் தேவைப்படும். இதனால்தான் மனிதர்கள் எல்லைகளை வகுத்துக் கொள்வது அத்தியாவசியமாகிறது.

'யாருடன் நான் உடலுறவு கொள்கிறேனோ, அவன் அல்லது அவள் எனக்குச் சொந்தம்.' இப்படிப்பட்ட மனநிலை ஒரு குழந்தை வளர்வதற்கு பாதுகாப்பான சூழலை அமைத்துக் கொடுக்க முடியும். ஆனால், இன்றைய 'தனிமனித சுதந்திரம்' போன்ற எண்ணங்களால், இந்த பாதுகாப்புச் சுவர் உடைக்கப்படுவதால், நம் குழந்தைகள் அவதியுறுகின்றனர். இப்படி ஒரு நிலையற்ற, பாதுகாப்பற்ற சூழ்நிலையில் குழந்தைகள் வளர்வது ஆரோக்கியமான விஷயம் அல்ல. ஆனால், அதுவே இன்று சகஜமான நிலையாய் மாறிக் கொண்டிருப்பதால், இன்னும் சிறிது காலத்தில் இதற்கு நாம் பெரிய அளவில் விலை கொடுக்க நேரிடும். நிலையான, பாதுகாப்பான சூழலில் வளராத குழந்தைகள், பெரியவர்களாகும் போது, சமுதாய சீர்கேடுகள் நிகழ்வது உறுதி. அதுவே சமுதாயத்திற்கு பேரழிவையும் உண்டாக்கும்.

அதனால் உடலுறவு கொள்வது, நம் எல்லையை நிர்ணயித்துக் கொள்வது போல. 'இது என் எல்லை' என்று வெறும் வாய் வார்த்தையில் சொன்னால் போதாது. உடலளவில் பதித்து, இதை உறுதி செய்துகொள்ள வேண்டும். கல்யாணமே செய்து கொண்டாலும், உடலுறவு கொண்டால் மட்டுமே அந்த உறவு முழுமை பெறும். அப்போதுதான் அது உண்மையான திருமணம். நமக்குத்தான் திருமணம் நடந்துவிட்டதே, நாம் சும்மா கைகோர்த்து சந்தோஷமாக வாழ்வை வாழ்வோம் என்றால் ஆகாது. அப்படிப்பட்ட எண்ணத்தை மடமை, நிறைவில்லா வாழ்க்கை, இயற்கைக்கு விரோதமானது எனச் சொல்கிறார்கள். எனவே, இந்த உறவிற்கு பாதுகாப்பாய், எல்லைகளை தெளிவாகக் காட்டும் வண்ணம் உடலுறவு என்னும் விஷயம் நம் சமுதாயத்தில் அணுகப்பட்டது. திருமண வாழ்வில் இந்தப் பாதுகாப்பை நிலைநிறுத்த பல கலாச்சாரங்கள் பல நிலைகளில் உறவுமுறையை புனிதப்படுத்தின. இயற்கை ஏற்படுத்தும் உந்துதலை, கலாச்சார வாயிலாக அங்கீகரித்தன.

சிலருக்கு உடலுறவு வைத்துக் கொள்வது, தங்கள் அன்பை ஆழமாக்கிக் கொள்வது போல. உடலுறவு வைத்துக் கொள்ளாவிட்டால், ஒருவரை விட்டு ஒருவர் விலகிச் சென்றுவிட்டதாக மக்கள் எண்ணுகிறார்கள், இது உண்மையல்ல. ஆனால் உடலுறவு எனும் அம்சம் இல்லாவிட்டால், மனதளவிலும் விரிசல் ஏற்படும் என்று பரவலாகப் பேசப்படுவதால், மக்களை பயம் பீடித்துக் கொண்டுவிடுகிறது. உடலளவில் எவ்வித தொடர்புமே இல்லாமல் உங்களால் ஒருவரிடத்தில் மிக ஆழமான உறவை வைத்துக் கொள்ளமுடியும் தானே? வேடிக்கை பாருங்கள், உடலுறவு இல்லாவிட்டால், உண்மையில் அங்கு நிலவுவது உறவே அல்ல என்று மேற்கத்திய கலாச்சாரங்கள் அறிவிக்கின்றன.

மேற்கத்திய கலாச்சாரத்தின் தாக்கம்

உடலுறவு இல்லாவிட்டால் ‘உறவு’ என்பது சாத்தியமில்லை என்பது அவர்கள் வாதம். உண்மையில் உங்கள் உடலோடு எவ்வித தொடர்புமே இல்லாமல், என்னால் உங்களுடன் ஒரு ஆழமான உறவை ஏற்படுத்திக் கொள்ளமுடியும். உங்கள் உடலால் எவ்வகையிலும் ஈர்க்கப்படாமல், அதேநேரத்தில் உங்களோடு ஒரு ஆழமான உறவை வைத்துக் கொள்ளமுடியும். ஆனால், இந்தச் சாத்தியங்களை மேற்கத்தியர்கள் அறவே தகர்த்து விட்டனர். உறவு என்றாலே அது உடல் சம்பந்தப்பட்டது என்று அடித்துப் பேசுகின்றனர். உடலிற்கு மிக அதிகமாக முக்கியத்துவம் கொடுத்து, நம் அடையாளத்தை உடலளவில் வைத்துக் கொள்வதால் வந்திருக்கும் வினை இது.

ஒருகாலத்தில் இந்தியாவில் குடும்பம் என்றால், அது 300-400 பேரைக் கொண்டதாக இருக்கும். இன்றும்கூட வடஇந்தியாவில் இதுபோன்ற சில குடும்பங்கள் இருக்கின்றன. அப்பா, அம்மா, தாத்தா, பாட்டி, மாமா, மாமி, சித்தப்பா, சித்தி, பெரியப்பா, பெரியம்மா அவர்கள் பிள்ளைகள், ஒண்ணுவிட்ட தாத்தா, ஒண்ணுவிட்ட பாட்டி என அனைவரும் ஒன்றாக வாழ்ந்தனர். இவர் நெருங்கிய சொந்தம், அவர் தூரத்து சொந்தம் என்ற பிரிவினையெல்லாம் இருக்காது. எல்லாரும் ஒரே குடும்பம் என்ற உணர்வுடன் வாழ்ந்தார்கள்.

பிறகு, மேற்கத்திய கலாச்சாரத்தின் வாடை வீசியது. குடும்பம் என்றால் அப்பா, அம்மா, தாத்தா, பாட்டி, நம் பிள்ளைகள் மட்டும் என்றானது. அதன்பின், பெண் வீட்டார் நம்மவர் இல்லை, அவர்கள் வேற்று மனிதர்கள் என ஒதுக்கினர். விடுவார்களா பெண்கள்? கொஞ்ச காலம் சென்றவுடன், கணவனின் பெற்றோர்களையும் வெளியாளாக்கினர். ஆக, இப்போது குடும்பம் என்றால், கணவன், மனைவி, பிள்ளைகள் என்றாகிவிட்டது. இதிலும், இன்று குழந்தைகள் இடைஞ்சலாக இருப்பதாக மக்கள் நினைப்பதால், வளர்ந்ததும் அவர்களையும் வெளியனுப்பிவிட்டு, நீயும் நானும் மட்டும்தான் குடும்பம் என்னும் நிலைமை மேற்கத்திய நாடுகளில் ஏற்பட்டுக் கொண்டிருக்கிறது. இதுவும் பிரச்சினையாகி, வாரம் முழுவதும் தனித்தனியாக இருப்போம். சனி ஞாயிறு மட்டும் சந்திப்போம் என்று சொல்லி உறவினை காப்பாற்றி வருகிறார்கள். ஏழு நாளும் ஒன்றாக இருப்பது சாத்தியமில்லையே!

எதனால் இப்படியொரு சூழ்நிலை உருவாகி இருக்கிறது?

'நான்' என்ற எண்ணம், கர்வம் சற்றே அதிகமாகி வருகிறது. இதுபோன்ற 'தனித்துவமயமான' எண்ணங்கள் உங்களை, உங்கள் உடல்சார்ந்த நிலையில் செயல்பட தூண்டுகிறது. உடலுடனான அடையாளம் மிக ஆழமாக இருப்பதால், உடல்சார்ந்த உறவுகள் மட்டுமே உயரியது என்று எண்ணுகிறீர்கள். இதனால் இழப்பது என்ன என்று பலருக்கும் புரிவதில்லை. உடல் மட்டும் சம்பந்தப்படாவிட்டால் ஆயிரமாயிரம் மனிதர்களோடு அற்புதமான உறவுகளை ஒருவர் வைத்துக் கொள்ளலாம். உறவினுள் உடல் புகுந்துவிட்டால், மிக சிலரோடு மட்டுமே உங்களால் உறவு கொள்ள முடியும். எவ்வளவுதான் உங்களுக்கு மோகம் இருந்தாலும், காமம் இருந்தாலும் எண்ணிக்கையில் சொற்ப அளவிலான மனிதர்களுடன் மட்டுமே உறவு கொள்ள முடியும். இதுவே, உடல் சம்பந்தப்படாத பட்சத்தில், எண்ணிலடங்கா மனிதர்களுடன் மிக அழகான உறவுகளை ஏற்படுத்திக் கொள்ளமுடியும்! 

எனவே, உடலுறவு அத்தியாவசியம் என்றல்ல. தனிமனிதருக்கு இருக்கும் தேவையை அனுசரித்து அதை அணுகலாம்.

- சத்குரு ஜக்கிவாசுதேவ்

]]>
Relationship, உடலுறவு, ஆண் பெண் உறவு, உறவு http://images.dinamani.com/uploads/user/imagelibrary/2017/6/6/w600X390/udaluravu-illamal-uravu-sathiyamillaiya.jpg http://www.dinamani.com/health/mental-health/2017/jun/06/is-relationship-possible-without-sex-2715467.html
2711305 மருத்துவம் மனநல மருத்துவம் இப்படிப்பட்ட ஃபேஸ்புக் தேவையா? IANS IANS Tuesday, May 30, 2017 04:01 PM +0530 ஃபேஸ்புக் பற்றிய புதிய ஆராய்ச்சி ஒன்று சமீபத்தில் வெளிவந்துள்ளது. பெரும்பாலானவர்கள் பேஸ்புக்கில் தங்கள் புகைப்படங்களை ஃப்ரொஃபைல் படமாக வைத்திருப்பார்கள். சிலர் ஒரே ஃபோட்டோவை நிரந்தரமாக வைத்திருப்பார்கள். சிலர் எப்போதாவது புகைப்படத்தை மாற்றுவார்கள். இன்னும் சிலர் தினமும் புகைப்படத்தை மாற்றிக் கொண்டே இருப்பார்கள். ஒரே புகைப்படத்தை வைத்திருப்பவர்களுக்கும், எப்போதாவது ஃபோட்டாவை மாற்றுபவர்களுக்கும் எந்த பிரச்னையும் இல்லை. ஆனால் அடிக்கடி தங்கள் ஃபோட்டோவை அப்லோட் செய்பவர்களுக்குத் தான் அனேக பிரச்னைகள் என்கிறது இந்த ஆராய்ச்சி.

இப்படி அடிக்கடி, நொடிக்கு நொடி தங்களுடைய ஃபேஸ்புக் பக்கத்தில் ஃப்ரொஃபைல் படம் மாற்றுபவர்கள் ஒரு கட்டத்தில் மன பாதிப்புக்களுக்கு உள்ளாகி கடுமையான சோகத்துக்கும் காரணம் தெரியாத ஒருவித நடுக்கத்துக்கும் உள்ளாகிறார்கள் என்றும் அவர்களின் மன நலமும் பாதிப்படைகிறது என்றும் யேல் பல்கலைகழகம் மற்றும் சான் டியகோவிலுள்ள கலிஃபோர்னியா பல்கலைக்கழகம் சேர்ந்து  ஃபேஸ்புக் பயன்பாடுகளைப் பற்றிய ஆராய்ச்சி முடிவு தெரிவிக்கிறது. இந்த ஆய்வினை மேற்கொண்டவர்கள் பேராசிரியர்களான ஷாக்யா மற்றும் நிகோலஸ் க்றிஸ்டாகிஸ் ஆகியோர். இதற்காக ஃபேஸ்புக் 5208 பதிவர்களை 2013 ஆண்டிலிருந்து 2015 ஆண்டு வரை இவர்கள் தொடர்ந்து கண்காணித்து வந்தனர்.

அதிகப்படியாக ஃபேஸ்புக்கை பயன்படுத்துபவர்கள் கூடிய விரைவில் நிகழ்காலத்தை மறந்துவிடுகிறார்கள். எப்போதும் மானிட்டரில் வாழும் அவர்கள் சமூக அக்கறையை இழக்கிறார்கள், மேலும் அவர்களது உடல் மற்றும் மன நலனும் பெருமளவு பாதிப்படைகிறது என்று பதிவு செய்கிறது மெட்ரோ.கோ.யூகே (Metro.co.uk ) எனும் இணையதளம்.

மேலும் அடிக்கடி தங்களுடைய புகைப்படங்களை ஃபேஸ்புக்கில் பதிவிடுவது அல்லது மற்றவர்களுடைய பதிவுகளுக்கு அதிகப்படியாக லைக் போடுவது, போன்ற செயல்கள் ஃபேஸ்புக் பிரியர்களை நாளாவட்டத்தில் கடுமையான மனச் சிக்கல்களுக்குள் இழுத்துச் சென்றுவிடும் என்கிறது இந்த ஆய்வு. 

இந்த ஆராய்ச்சி முடிவு அமெரிக்கன் ஜர்னல் ஆஃப் எபிடெமியாலஜியில் வெளியிடப்பட்டுள்ளது.

]]>
Facebook, mental health facebook, ஃபேஸ்புக் பிரச்னைகள் http://images.dinamani.com/uploads/user/imagelibrary/2017/5/30/w600X390/face.jpg http://www.dinamani.com/health/mental-health/2017/may/30/face-book-addition-leads-to-depression-2711305.html
2711278 மருத்துவம் மனநல மருத்துவம் வாழ்க்கை வெற்றிகரமாக நடக்க DIN DIN Tuesday, May 30, 2017 12:47 PM +0530 ஈஷாவில் எப்போது மீட்டிங் இருந்தாலும், அசத்தோமா சத்கமய உச்சாடனத்துடன் துவங்கச்சொல்லி நான் வலியுறுத்துவேன். இது ஏதோவொரு கலாச்சாரம் கொண்டுவருவதற்காக அல்ல. அசத்தோமா சத்கமய என்பது ஒரு உள்ளெழுச்சிப்பாடலும் ஒரு நினைவூட்டலுமாக இருக்கிறது. நீங்கள் உருவாக்குவது எல்லோருடைய நல்வாழ்வுக்காகவும் வேலைசெய்யுமா செய்யாதா என்பதற்கான நினைவூட்டலது. நாம் உருவாக்கும் எல்லாவற்றுக்கும் இது பொருந்தும் – நமக்குள் உருவாக்கும் எண்ணங்களும் உணர்வுகளுமாக இருந்தாலும், வெளியில் பணம் சம்பாதிப்பது, தொழில் செய்வது, பிழைப்பை சம்பாதிப்பது, அல்லது பெரிய அரங்கில் நிகழும் விஷயங்களான அரசியல், பொருளாதாரம், போர், என்று எல்லாவற்றுக்கும் இது பொருந்தும். சூழ்நிலை என்னவாக இருந்தாலும், அடிப்படையான கேள்வி, 'இது எல்லோருடைய நலனுக்காக வேலை செய்கிறதா இல்லையா?' அல்லது குறைந்தபட்சம் அது பெரும்பாலான மக்களின் நலனுக்கு வேலை செய்கிறதா? ஏதோவொன்றை அது எப்படி வேலை செய்கிறதோ அப்படியே நீங்கள் செய்யவேண்டும் என்றால், வாழ்க்கையின் அந்த அம்சம் குறித்த உண்மையை நீங்கள் கண்டுணர வேண்டும். இதை உங்களைச் சுற்றியுள்ள உலகம், உங்கள் உள்தன்மை என்று இருவிதங்களிலும் நீங்கள் உணர்ந்திருக்க வேண்டும்.

வேலை செய்வது எதுவாயினும் எனக்கு அவற்றின் மீது ஆர்வமுண்டு. பொதுவாக இயந்திரங்கள் சரியாக இயங்கக்கூடியவை. அதனால் நான் சில சமயங்களில் கார் விளம்பரங்கள் வாசிப்பேன். ஆனால் பொதுவாக நான் அவற்றில் காண்பதெல்லாம் அதிலுள்ள ஸ்டீரியோ அமைப்பு, சீட் அமைப்பு, விசேஷ வண்ணப்பூச்சு, என்று கூடுதல் வசதிகள் குறித்த தகவல்களே. இந்நாட்களில் மக்களுக்கு பாதுகாப்பு குறித்த பதற்றம் தொற்றிவிட்டதால் அதன் ஏர்பேக் அமைப்பு குறித்த தகவலும் விளம்பரப்படுத்தப்படுகிறது. எஞ்ஜின் அமைப்பு, டிரான்ஸ்மிஷன், ஓட்டுவதில் அந்த காரிலிருக்கும் நுட்பங்கள் போன்றவை குறித்த ஒரு வார்த்தை கூட வருவதில்லை. பெரும்பாலான மக்கள் வாழும் வாழ்க்கையின் அறிகுறியாகவே இதை நான் காண்கிறேன். அவர்களுக்கு தோற்றத்தின் மீதும் கேட்ஜெட்கள் மீதும் ஆர்வம். மக்களுக்கு ஆயுள் காப்பீடு இருக்கிறது, ஆனால் ஆயுள்காலத்தில் வாழ்வதற்கு வாழ்க்கையில்லை. அவர்கள் தங்கள் துயரத்தைத்தான் காப்பீடு செய்கிறார்கள்.

உங்களுக்கு உண்மையிலேயே முக்கியமானவற்றுக்கு முக்கியத்துவம் கொடுத்து, உங்களைப் பற்றிய எல்லாவற்றையும் ஒருங்கிணைத்து, எல்லாம் நல்லவிதத்தில் இயங்கும்விதமாகச் செய்வதே ஆன்மீக செயல்முறை. உங்களுக்கு உண்மையில் முக்கியமானவற்றுக்கு நீங்கள் முக்கியத்துவம் தராத பட்சத்தில், அமைதியாக அமர்வது எப்படி என்பதைக் கூட நீங்கள் அறியமாட்டீர்கள். மக்களில் கிட்டத்தட்ட தொண்ணூறு சதவிகிதத்தினருக்கு அமைதியாக இருப்பது எப்படி என்பதற்கு பாடம் தேவை. ஒரு பசுவும் கழுதையும் வயிறு நிறைந்துவிட்டால் அமைதியாக உட்கார்ந்துகொள்ளும், ஆனால் மனிதர்கள் அதற்கு போராடுகிறார்கள். வெளி உதவி இல்லாமல், மக்கள் தங்களுக்குத் தாங்களே சொல்லமுடியாத துயரங்களை உருவாக்கிக் கொள்கிறார்கள். ஏதோவொன்று அவர்களுக்கு விருப்பமில்லாதது நடந்துவிட்டால், மக்கள் துயரமடைவார்கள். ஏதோவொன்று அவர்களுக்கு விருப்பமானது நடக்காவிட்டால், அவர்கள் இன்னும் அதிகமாக துயரமடைவார்கள். ஆன்மீக செயல்முறை என்பது வேறொரு இடத்திற்கு செல்வது குறித்ததல்ல. அது எல்லாவற்றையும் சரியாக உள்வாங்கிக்கொள்வது குறித்தது. எல்லாவற்றையும் நீங்கள் இருக்கும்படியே பார்த்தீர்களானால், உரிய வரிசைப்படி முக்கியமானவற்றுக்கு முறையே முக்கியத்துவம் வழங்கப்படும்.

ஒரு மரம் வளர்க்க விரும்பினால், சட்டென கண்களுக்குத் தென்படும் பாகங்களான இலைகள், கிளைகள் மற்றும் தண்டிற்கு நீங்கள் கவனம் செலுத்த வேண்டுமா, அல்லது சாதாரணமாக கண்ணிக்குத் தெரியாத வேருக்கு ஊட்டமளிக்க வேண்டுமா? தோராயமாக நாற்பது ஆண்டுகளுக்கு முன்பு, மைசூர் அருகில் எனக்கு பண்ணை இருந்தபோது, அதிசய திரவம் என்று சொல்லிக்கொண்டு என்னிடம் ஒரு பொருளை விற்பனை செய்ய சிலர் முயன்றார்கள். என் தோட்டத்தில் நிறைய மாமரங்கள் இருந்தன. நான் இந்த திரவத்தை அந்த பழங்கள் மீது தெளித்தால், அவை பெரிதாகிவிடும் என்றார்கள். நான் அப்போது ஞானோதயம் அடையாதபோதும், எனக்கு இதை உணரப் போதுமான அறிவுக்கூர்மை இருந்தது. அவர்களுடைய வாசகம், 'வேருக்கில்லை, பழத்திற்கு' என்பதே. இந்த எண்ணமே மிக அபத்தமாக இருந்ததால், இது எங்கள் பகுதியில் மிகப்பெரிய கேலிக்கூத்தாகிவிட்டது. இதை அவர்கள் உணர்ந்ததும் அவர்கள் திட்டத்தை கைவிட்டுவிட்டனர். இதற்கு நேர்மாறானதே உண்மை. வேருக்கு நீங்கள் ஊட்டமளித்தால், பழத்தைப் பற்றி நீங்கள் கவலைப்படத் தேவையில்லை, அது இயற்கையாகவே நிகழும்.

ஒருநாள் நான் ஒருவரை சந்தித்தபோது அவர்களிடம் விளையாட்டாக இப்படிக் கேட்டேன், 'நீங்கள் செய்யும் பணிகளுக்கு உங்களை போற்றுகிறார்களா?' அவர் சொன்னார், “என்ன செய்தாலும் சரி, ஈஷாவில் எதற்கும் எவரும் எவரையும் புகழ்வதில்லை. என்ன தவறாகிப்போனது என்பதை மட்டும்தான் சொல்கிறார்கள்.” அதற்கு நான் சொன்னேன், 'இந்த ஒரு கலாச்சாரத்தை அவர்கள் என்னிடமிருந்து கற்றுக்கொண்டது நல்லது. எது வேலை செய்யவில்லையோ அதற்கு மட்டும்தான் கவனம் தேவை.' நீங்கள் நன்றாக செய்யும் செயலுக்காக நான் உங்களை புகழவேண்டிய அவசியமில்லை. எப்படியும் பழங்கள் கனிந்து அதனை நீங்கள் ருசிப்பீர்கள். நீங்கள் செய்யும் செயல் படைப்பின் அடிப்படைகளுடன் ஒத்திசைவாக இல்லாத விதமாக இருந்தால், அது வேலைசெய்யாது. வேர்களின் வீரியம் தான் பழத்தை உற்பத்தி செய்கிறது. சிலநாட்களிலேயே பழத்தை செயற்கையாக பெரிதாக்கக்கூடிய ஒரு ரசாயனத்தை நீங்கள் கண்டுபிடித்தாலும், அது அம்மரத்தையும் வேரையும் எப்படி பாதிக்கும் என்பது நமக்குத் தெரியாது.
 
ஆன்மீகம் என்பது, இது வேர் பற்றியது, பழத்தைப் பற்றியதல்ல என்பதைப் புரிந்துகொள்வது. இது எப்படியென்றால், செயலின் பலன் பற்றி நீங்கள் கவலைப்படக்கூடாது என்று கீதை சொல்கிறது. 'யோகஸ்த குரு கர்மானி' என்றும் கீதை சொல்கிறது. அதாவது முதலில் உன்னை நீ யோகத்தில் வேரூன்றிக்கொள், பிறகு என்ன வேண்டுமானாலும் செய், அது வேலை செய்யும். யோகத்தில் வேரூன்றி இருப்பது என்றால், சங்கமத்தில் வேரூன்றியிருப்பது. அதாவது உங்களைச் சுற்றியுள்ள எல்லாவற்றுடனும் நீங்கள் ஒன்றியிருப்பது. இந்த விழிப்புணர்வுடன் என்ன வேண்டுமானாலும் செய்யுங்கள். விழிப்புணர்வு என்பது ஒரு கோட்பாடு கிடையாது. யோக அனுபவத்தில் நீங்கள் வேரூன்றி இருந்தால், நீங்கள் என்ன செய்தாலும் சரி, வாழ்க்கையின் பழத்தை ருசிப்பீர்கள். 

எப்படிப்பட்ட பழம் வரும் என்பது நீங்கள் எப்படிப்பட்ட மரம் என்பதைப் பொருத்தது. நீங்கள் தென்னை மரமாக இருந்து மாம்பழத்திற்குக் கனாக்கண்டால், தோல்வி நிச்சயம். ஒரு தேங்காய் வந்தால், அதை ஒரு பழமாக அடையாளம் காணமாட்டீர்கள். பல மனிதர்களுக்கு இப்படி நடப்பதை நான் காண்கிறேன். மிக அற்புதமான விஷயங்கள் அவர்கள் வழி வரும்போது, அவற்றை அடையாளம் காணும் சாமர்த்தியம் அவர்களுக்கு இருப்பதில்லை. அவர்களுக்கு நடக்கவே முடியாத ஒன்றிற்கு அவர்கள் ஆசைப்படுவார்கள். இங்கு இருக்கும் பழத்தை எப்படி ருசிப்பது என்று தெரியாமல், வராத ஒரு பழத்தை எதிர்பார்த்திருப்பதில் வாழ்க்கை வீணாகிப்போகும். தவறான எதிர்பார்ப்புகள் மக்களை பைத்தியம் பிடிக்கும் நிலைகளுக்குத் தள்ளுகிறது. இப்படி நடப்பதற்குக் காரணம், சமுதாயங்கள் இலக்கில் மட்டுமே கவனம் கொண்டவையாக மாறிவிட்டன. மக்களுக்கு அவர்கள் எப்படி இருக்கவேண்டும் என்பதில் கவனமில்லை, அவர்களுக்கு என்ன கிடைக்கவேண்டும் என்பதில் மட்டுமே கவனம். இன்று சமுதாயம் உங்களிடம் என்ன இருக்கிறது என்பதற்காகவே உங்களை அங்கீகரிக்கிறது, நீங்கள் யாராக இருக்கிறீர்கள் என்பதற்காக அங்கீகரிப்பதில்லை. யாரோ ஒருவரை அவர் 'பெரிய ஆளு' என்றால், அவருக்கு பெரிய மூளை, பெரிய இதயம், மிகுந்த விவேகம் இருக்கிறது என்று அர்த்தமல்ல, அவருக்கு பெரிய வங்கிக்கணக்கு இருக்கிறது. 'அவரிடம் என்ன இருக்கிறது?' என்பது மட்டுமே இன்று ஒரு பொருட்டாக இருக்கிறது. தங்களை மேம்படுத்திக்கொள்வதற்கான ஒரே வழி, மென்மேலும் எதையாவது சேர்த்துக்கொள்வது என்றே மக்கள் நினைக்கிறார்கள்.

நம்மிடம் இருக்கும் எல்லாவற்றையும், நாம் பூமியிலிருந்தே கொள்ளையடித்தோம். நம் பிழைப்பிற்குத் தேவையானதை நாம் ஓரளவு செய்தாகவேண்டும். ஆனால் இங்கே சும்மா அமர்ந்தபடி எப்படி முழுமையான பேரானந்தத்தில் இருப்பது என்பதை நாம் அனைவரும் அறிந்திருந்தால், நாம் எல்லாவற்றையும் எந்த அளவு தேவைப்படுகிறதோ அந்த அளவு மட்டுமே செய்வோம், அதற்கு அதிகமாகவும் செய்யமாட்டோம், குறைவாகவும் செய்யமாட்டோம். நீங்கள் யாரென்பதை உங்களைச் சுற்றியுள்ள தட்டுமுட்டுப் பொருட்களும் பிற பொருட்களும் நிர்ணயிக்கும்போது, நீங்கள் எல்லாவற்றையும் மிகையாகச் செய்து பூமியை அழித்துக்கொண்டு இருப்பீர்கள். அதனை உங்களால் கட்டுப்படுத்த இயலாது. ஏனென்றால் ஒருவர் ஆடம்பரம் என்று நினைக்கும் ஒன்றை இன்னொருவர் அத்தியாவசியம் என்று நினைக்கிறார். அவரவர் சமுதாய அனுபவங்களுக்கேற்ப கண்ணோட்டங்கள் மாறுபடுகின்றன. ஆனால் அது உங்கள் வாழ்க்கை தரத்தை நிர்ணயிப்பதில்லை. அதனால்தான் 'அசத்தோமா சத்கமய'. முதலில் உங்களை நீங்களே 'உண்மை'யில் நிலைநாட்டுங்கள், பிறகு உங்களைச் சுற்றியுள்ள உலகிற்குள் பிரவேசியுங்கள். உங்களுக்குள் நீங்கள் வேரூன்றி இருக்கவில்லை என்றால், இறுதியில் உங்களுக்கு எதிராக வேலைசெய்யக்கூடிய விஷயங்களையே நீங்கள் செய்வீர்கள். 

அன்பும் அருளும்,
சத்குரு

]]>
sadhguru, success in life, ஈஷா, சத்குரு, அசத்தோமா சத்கமய http://images.dinamani.com/uploads/user/imagelibrary/2017/5/30/w600X390/maxresdefault.jpg http://www.dinamani.com/health/mental-health/2017/may/30/asatoma-sadgamaya-chanting-of-vedic-hymns-secrets-to-success-2711278.html
2711273 மருத்துவம் மனநல மருத்துவம் மனதை எப்படிக் கட்டுப்படுத்துவது? ரஜினியிடம் கேட்கப்பட்ட கேள்வி! Tuesday, May 30, 2017 12:19 PM +0530 மனதை எப்படிக் கட்டுப்படுத்துவது? ஒரு பத்திரிகையாளர் சந்திப்பில் சூப்பர்ஸ்டார் ரஜினியிடம் இக்கேள்வி கேட்கப்பட்ட போது அவர் வழக்கமான ஸ்டைலுடன் ஒரு சிரிப்பு சிரித்துவிட்டு சொன்ன பதில் இது :

'இந்த கேள்வியை நிறைய பேர் என்கிட்ட கேட்டு இருக்காங்க. என்னை என்னவோ பெரிய யோகி, சாதுன்னு நினைச்சுட்டாங்க.

சில பேர் அதை ட்ரை பண்றாங்க. அதை கட்டுப்படுத்த முடியாது!

அதுக்கப்புறம் கட்டுப்படுத்த முடியாம, இன்பீரியாரிட்டி காம்ப்ளெக்ஸ் வந்துடுது.

அது தேவையே இல்லை.

அதைப்பத்தி கவலைப்படாதீங்க!

காலையில எழுந்தரிச்சவுடனே ஒரு அஞ்சு நிமிஷம் பிக்ஸ் பண்ணிக்கோங்க.

அப்படியே உட்கார்ந்துகிட்டு ஜஸ்ட் உங்க மனசை மட்டும் ·பாலோ பண்ணுங்க.

அது எங்காவது போகட்டும்.

எது பின்னால வேணும்னாலும் போகட்டும்

யாரு பின்னால வேணும்னாலும் போகட்டும்.

ஜஸ்ட் அப்சர்வ் பண்ணுங்க. பிறகு எழுந்திடுச்சுடுங்க.

அதை கன்டினியூ பண்ணுங்க.

அதை பண்ண பண்ண அது அப்படியே வந்து மனசு உங்க கண்டோரல்ல வரும்.

அப்ப வந்து உங்க .இஷ்ட தெய்வம் அனுமந்திரம் பத்தி கான்ஸன்ட்ரேட் பண்ணமுடியும்.

இது எப்படின்னு சொன்னா... ஒரு குப்பைத் தொட்டி இருக்கு, அதிலே ஏதாவது புதுசா போடணும்னு சொன்னா, முதலிலே தொட்டில்ல இருக்கிற குப்பையை எடுக்கணும். அதை எடுத்த பிறகு தானே புதுசா போடமுடியும். ஆக, அதெல்லாம்
போகட்டும். அது வந்து இயற்கை. அதைப் பத்தி எந்த இன்பீரியாரிட்டி காம்ப்ளக்ஸ் வெச்சுக்காதீங்க. நீங்க ஜஸ்ட் அதை பாலோ பண்ணுங்க போதும்'.

- சூப்பர் ஸ்டார் ரஜினிகாந்த்

]]>
mind power, Rajinikanth, Superstar, ரஜினிகாந்த் http://images.dinamani.com/uploads/user/imagelibrary/2017/5/30/w600X390/22rajanikant7.jpg http://www.dinamani.com/health/mental-health/2017/may/30/how-to-control-your-mind-superstar-rajinikanth-answers-2711273.html
2707273 மருத்துவம் மனநல மருத்துவம் வாழ்க்கை சிறக்க 10 வழிமுறைகள் Tuesday, May 23, 2017 12:30 PM +0530 வாழ்க்கை சிறக்க பத்து வழிமுறைகள் இருந்தால் சொல்லுங்களேன்? என்ற கேள்வியை சத்குருவிடம் ஒருவர் கேட்க, அதற்கு அவர் அளித்த பதில் என்னவாக இருக்கும்… இது போன்ற மேலும் இரு சுவாரஸ்யமான கேள்விகளுக்கும் பதில் இங்கே.

வாழ்க்கையைச் சிறப்பாக நடத்த பத்து எளிய வழிமுறைகள் இருந்தால் சொல்லித் தாருங்களேன்

சில சூத்திரங்கள், சில கோட்பாடுகள், சில கோஷங்கள், சில விதிமுறைகள், இவற்றைச் சுற்றியே வாழ்க்கையைப் பின்னப் பார்க்கிறீர்கள். வாழ்க்கை அப்படி நடக்காது. உங்கள் வாழ்க்கையை அதன் அடிப்படைத் தன்மையை உணர்ந்து வாழத் தலைப்பட்டீர்கள் என்றால் தான் வாழ்க்கை அதன் உண்மையான முகத்தைத் தங்களுக்குக் காட்டும்.

காலை ஆறு மணிக்கு எழுந்திரு. மனைவியிடம் பத்து முறை ‘ஐ லவ் யூ’ என்று சொல், குழந்தையுடன் பத்து நிமிடங்களாவது செலவு செய். பக்கத்து வீட்டுக்காரர்களைப் பார்க்கையில் புன்னகைத்துக் காலை வணக்கம் சொல். என்றெல்லாம் சில வழிமுறைகளைப் பின்பற்றப் பார்த்தீர்கள் என்றால், சில நாட்களுக்குள் அது உங்களைத் தின்றுத் துப்பிவிடும். நீங்கள் மனைவிக்காக ஒதுக்கிய நேரத்தில் அவள் உங்களுடன் செலவு செய்யத் தயாராக இல்லாமல் இருந்தால், வாழ்க்கை நரகமாகிவிடும்.

சூத்திரங்களைக் கடைப்பிடித்து வாழ்பவர்கள் சில நேரம் நினைத்ததை சாதிக்கலாம். ஆனால், அவர்கள் வாழ்வது உயிர்ப்புடன் கூடிய வாழ்க்கை அல்ல. உயிரற்ற இயந்திரத்தனமான வாழ்க்கை. இயந்திரத்தனமாக வாழ்பவர்கள் அதிலேயே மூழ்கடிக்கப்பட்டு சந்தோஷமற்ற முகங்களுடன் வளைய வருவதை நீங்கள் பார்க்கலாம். சூத்திரங்களை விட்டுத் தள்ளுங்கள். வாழ்க்கையை அந்தந்தத் தருணத்துக்கு ஏற்றபடி உணர்வுப்பூர்வமாக, முழுமையான விழிப்புணர்வுடன் வாழத் துவங்குங்கள்.

போட்டி, பொறாமை உணர்வுகளிலிருந்து எப்படி என்னை விடுவித்துக் கொள்வது?

உங்களிடம் இல்லாத ஒன்று மற்றவரிடம் இருப்பதைக் கண்டால் பொறாமை வருகிறது. உங்களை விட அவர் அதிகம் வைத்திருப்பதாக நீங்கள் நினைப்பதால், இந்த உணர்வு வருகிறது. அதாவது இட்டு நிரப்ப உங்களிடம் இன்னும் பல காலியிடங்கள் இருப்பதாக நீங்கள் உணர்வதால் தான் மற்றவருடன் ஒப்பிட்டுப் பார்த்து வேதனை கொள்கிறீர்கள். ஒப்பிடுவதால் தான், போட்டி பொறாமை எல்லாம் உருவாகிறது. நீங்கள் எந்தப் பற்றாக்குறையும் கொண்டவராக உணராமல், முழுமையடைந்தவராக உணர்ந்து விட்டால், இந்த வேண்டாத எண்ணங்கள் ஏன் நெருங்கப் போகின்றன?

இதற்கு என்ன செய்வது? பொதுவாக நீங்கள் பூரண மகிழ்ச்சியாக இருக்கும்போது, மற்றவரைப் பார்த்துப் பொறாமை வருகிறதா என்று யோசியுங்கள். இல்லை. உங்கள் உயிர்ச்சக்தி ஒவ்வொரு கணமும் ஆனந்தமாக இருக்கவே விழைகிறது. அதை கவனித்து செயல்படுங்கள். பொறாமையை ஒழித்துக் கட்டுவதற்கு முனைவதை நிறுத்திவிட்டு, நீங்கள் எப்படி எப்போதும் ஆனந்தமாக இருப்பது என்று யோசியுங்கள். பொறாமை என்பதே இல்லாமல் போய்விடும்.

]]>
10 tips for success in life, success, secret of success, வாழ்க்கையின் ரகசியம், வெற்றியின் ரகசியம் http://images.dinamani.com/uploads/user/imagelibrary/2017/5/23/w600X390/--10-.jpg http://www.dinamani.com/health/mental-health/2017/may/23/ten-tips-for-successful-life-2707273.html
2706792 மருத்துவம் மனநல மருத்துவம் இளைஞர்களை அலைக்கழிக்கும் இன்ஸ்டாக்ராம்! IANS IANS Monday, May 22, 2017 04:43 PM +0530 சமூக வலைத்தளங்களிலேயே ஆக மோசம் என ஒன்றை சுட்டிக் காட்ட விரும்பினால், அது நிச்சயம் இன்ஸ்டாக்ராம் பயன்பாடுதான். இளம் வயதினர் பலருக்கு இரவுத் தூக்கம் இதைப் பயன்படுத்தாமல் இருந்தால் வராது. அந்தளவுக்கு இதனால் பலர் மனம் பாதிப்படைந்துள்ளனர் என்கிறது பிபிசி.

இந்த வாக்கெடுப்பை நடத்தியவர்கள் ராயல் சொசைட்டி ஃபார் பப்ளிக் ஹெல்த். இதற்காக 14 லிருந்து 24 வயதுக்குட்பட்ட 1,479 இளைஞர்களை வரவழைத்தனர். அவர்களிடம் பலதரப்பட்ட கேள்விகள் கேட்கப்பட்டன. யூட்யூப், இன்ஸ்டாக்ராம், ஸ்னாப்சாட், ஃபேஸ்புக் மற்றும் டிவிட்டர் பயன்பாடுகள் குறித்து பேசினார்கள். அவர்களிடம் ஒவ்வொரு பிரிவிலும் 14 மார்க்குகள் வாங்கும்படி அறிவுறுத்தபட்டது.

இந்த ஒப்பீட்டில் மனநலனைப் பொருத்தவரையில் யூட்யூப் மட்டுமே ஆக்கபூர்வமாகப் பயன்படுத்தப்பட்டிருந்ததை கண்டறிந்தனர். அதற்கு அடுத்ததாக ட்விட்டர் மற்றும் ஃபேஸ்புக் இருந்தது. ஆனால் ஸ்னாப்சாட் மற்றும் இன்ஸ்டாக்ராம் இரண்டுமே மோசமான மதிப்பெண்களைப் பெற்றுள்ளது.

சமூக வலைத்தளம் இளைஞர்களை கடுமையான மன அழுத்தப் பாதிப்புக்களுக்கு உள்ளாக்குகிறது பிபிசி என்று பதிவு செய்தது.  இணையதளங்களை நல்லவற்றுக்கும் பயன்படுத்த முடியும் ஆனால் கட்டற்ற சுதந்திரமும் விரல் நுனித் தகவல்களும் அவர்களை தீயவற்றுக்கு எளிதில் நெருங்கும்படியாக்கிவிடுகிறது. எனவே இணைய நிறுவனங்கள் தங்களின் தளங்களின் பாதுகாப்பு முறைகளை மேலும் பலப்படுத்தவேண்டும் என்றும் கூறுயது. இணையப் பயனாளர்களில் 90 சதவிகிதத்தினர் இளம் வயதினர்தான். அவர்களுக்கு எது சரி எது தவறு என்று பகுத்து உணர முடியாத வயது. ஆர்வக் கோளாறு மிகுந்து இருக்கும் அந்தக் காலகட்டத்தில் இணையத்தின் வழியே அவர்களுக்கு கிடைக்கும் பல தவறான விஷயங்கள் அவர்களின் ஒட்டுமொத்த வாழ்க்கையை பாதித்துவிடுகிறது. சுயமோகம் அதிரித்து அடுத்தவர்களின் நலனில் சிறிதும் அக்கறையின்றி இருப்பார்கள். இதை ஆரம்பத்திலேயே தடுத்துவிட்டால் நல்லது. பெற்றோர்களும் பள்ளி ஆசிரியர்களும் சமூகத்தினரும் இப்பிரச்னைக்கு ஒரு தீர்வை கண்டு பிடிக்க வேண்டும். இல்லாவிட்டால் அதன் விளைவுகள் பல சமூக சீர்கேடுகளுக்கு வித்திடும் என்று வருந்துகிறார்கள் சமூக ஆர்வலர்கள்.

]]>
Instagram, Social Network, You tube, இன்ஸ்டாக்ராம், சமூக வலைத்தளம் http://images.dinamani.com/uploads/user/imagelibrary/2017/5/22/w600X390/instagram-icon-2016z.jpg http://www.dinamani.com/health/mental-health/2017/may/22/usage-of-instagram-by-young-generation-2706792.html
2706786 மருத்துவம் மனநல மருத்துவம் நம் பேராசையை வெல்வதற்கு எது சிறந்தவழி?  Monday, May 22, 2017 04:23 PM +0530 புத்தர் ஆசையை அறவேவிடச் சொன்னார். நீங்கள் அத்தனைக்கும் ஆசைப்படு என்ற பெயரில் தொடர் எழுதினீர்கள், ஏன்?

சத்குரு: 2500 ஆண்டுகளுக்கு முன்னால் புத்தர் என்ன சொன்னாரோ, யார் அதை எப்படித் திரித்து சொன்னார்களோ, யாருக்குத் தெரியும்? இங்கே உங்கள் கண் முன்னால் ஒன்று நடப்பதை இன்னொருவரிடம் அங்கே அப்படி நடந்தது என்பீர்கள். அவர் அதை இன்னொருவரிடம் அவர் பாணியில் விளக்கிச் சொல்வார். இப்படியே அது ஒரு சுற்று சுற்றி மீண்டும் உங்கள் காதுக்கே வரும்போது, நீங்கள் சொன்னது முழுவதும் மாறி இருக்கும். உங்களுக்கே அது பெரும் வியப்பாக இருக்கும்.

நான் பேசுவதை உட்கார்ந்து கேட்டுவிட்டு, வீட்டில் போய் அவர்களுக்குப் புரிந்தவிதமாகப் போதிக்கத் தொடங்குவார்கள். ஒரேநாளில் நான் பேசியதை மாற்றிக் கூறிவிடுவார்கள். அப்படி இருக்கும்போது 2500 வருடங்களில் எவ்வளவோ நடந்திருக்க முடியும், இல்லையா?

நீங்கள் ஆசையை விட்டுவிட்டு இங்கே இருக்க முடியுமா? ஆசையை விடவேண்டும் என்பதே ஒரு மிகப்பெரும் ஆசைதானே! துன்பங்கள், ஆசைகளால் வருவதில்லை. நிறைவேறாத ஆசைகளால்தான் வருகின்றன. ஆசையை விட்டுவிட வேண்டும் என்ற ஆசை எப்போதுமே நிறைவேறப் போவதில்லை. அப்படியானால் புத்தர் முட்டாள்தனமாய் கூறியிருக்க முடியுமா? அவரது வாழ்க்கையை சிறிது ஆழமாய்ப் பாருங்கள். அவர் ஞானம் பெற்ற நாளில் இருந்து ஏறத்தாழ 40 வருடங்கள், தேசத்தின் எல்லாப் பகுதிகளுக்கும், கிராமம், கிராமமாக ஒவ்வொரு பகுதிக்கும் நடந்தே சென்றார். ஆசையே இல்லாத மனிதன் எதற்காக இப்படிச் செயல்பட வேண்டும்? அந்த மனிதருக்கு ஆசை இருக்கவில்லை என்றா நினைக்கிறீர்கள்?

பேராசை வைத்திருந்தார் அவர். எனக்குக் கிடைத்த பேரானந்தம் எல்லோருக்கும் கிடைக்க வேண்டும் என்ற பேராசை அவருக்கு. எனக்கும் அப்படித்தான். ஒவ்வொரு உயிரும் என்னைப் போல் ஆனந்தமாய் இருக்க வேண்டும் என்ற ஆசை எனக்கு. நீங்கள் சின்னச் சின்ன ஆசை வைத்துக்கொள்கிறீர்கள். ஆசையில் ஏன் கஞ்சத்தனம்? என் நலனில் எப்படி எனக்கு ஆசையோ… அதேவிதமாக எல்லா உயிர்களின் நலன்மீதும் ஆசை வந்துவிட்டால் அது பேராசைதான். அதனால்தான் ‘அத்தனைக்கும் ஆசைப்படு’.

நம் பேராசையை வெல்வதற்கு எது சிறந்தவழி? 

நீங்கள் பேராசையை வெல்லக்கூடாது. அதை இன்னும் அதிகரித்துக் கொள்ளவேண்டும். நீங்கள் பேராசையை வெல்லவேண்டாம் என்று நான் சொல்லக் காரணம், அதை வெல்வது நடக்காத காரியம். ‘நான் பேராசையை அடக்கிவிட்டேன்’ என்பதெல்லாம் வெறும் நடிப்பு. பேராசை என்றால் என்ன? இருப்பவை எல்லாம் உங்களுக்கே வேண்டும். ‘உங்களுக்கே’ என்பது என்ன? நீங்கள், உங்கள் குடும்பம்… சிலநேரங்களில் உங்கள் சமூகம். நான் சொல்வதெல்லாம், உங்கள் பேராசையில் எல்லோரையும் சேர்த்துக் கொள்ளுங்களேன்!

எதற்காக பேராசையைத் துறக்க நினைக்கிறீர்கள்? எல்லோரையும் சேர்த்துக் கொண்டால், பேராசையும் நல்லது தான். எல்லாவற்றிற்கும் ஆசைப்படுவது, இந்த முழு பிரபஞ்சத்திற்குமே ஆசைப்படுவது பேராசையின் உச்சம் தான், இல்லையா? இதுதான் ஆன்மீகம். அதனால் இப்போது உங்களுக்கிருக்கும் பேராசை போதாது. தயவுசெய்து உங்கள் பேராசையை அதிகரித்துக் கொள்ளுங்கள்.
உங்கள் பேராசையை சுருக்க நினைக்காதீர்கள். அதை எவ்வளவு முடியுமோ, எந்த அளவிற்கு அது விரிவடையுமோ, அந்த அளவிற்கு அதை விரியச் செய்யுங்கள்… அப்போது நீங்கள் அற்புதமாக வாழ்வீர்கள். நான் மிகுந்த பேராசைக்காரன். இங்கிருக்கும் ஒவ்வொருவரும் நான் அறிந்திருப்பது போல் வாழ்வை அறிந்து அனுபவிக்க வேண்டும் என்று நான் விரும்புகிறேன். ஒரே ஒருவர் கூட இந்த சாத்தியத்தை உணராமல் இருக்கக் கூடாது என்று விரும்புகிறேன். எப்படியாவது இது அனைவரையும் சென்றடைய வேண்டும் என்பதை உறுதி செய்ய விரும்புகிறேன். ஏனெனில் நான் மிகமிக அதிகமாக பேராசை கொண்டவன். ஒரு பத்து பேரையோ, பத்தாயிரம் பேரையோ இல்லை பத்து லட்சம் பேரையோ இது எட்டினாலும் போதாது. இவ்வுலகில் இருக்கும் ஒவ்வொரு உயிரையும் இது சென்றடைய வேண்டும் என்று நான் விரும்புகிறேன்.

நன்றி - ஈஷா மையம்

]]>
wishes, desires, aasai, பேராசை, அத்தனைக்கும் ஆசைப்படு, சின்னச் சின்ன ஆசை http://images.dinamani.com/uploads/user/imagelibrary/2017/5/22/w600X390/asaiyai-vidu-vs-athanaikum-asaipadu-ethu-sari.jpg http://www.dinamani.com/health/mental-health/2017/may/22/நம்-பேராசையை-வெல்வதற்கு-எது-சிறந்தவழி-2706786.html
2705140 மருத்துவம் மனநல மருத்துவம் தோல்வி அச்சம் – மீள்வது எப்படி? Friday, May 19, 2017 12:44 PM +0530 ஒரு செயலை ஆரம்பிப்பதற்கு முன்பே அந்த செயல் தோல்வியில் முடிந்து விடுமோ என்று பயப்படுகிறேன். எனவே உருப்படியாக எதையும் செய்யாமல் இருக்கிறேன். இதிலிருந்து மீள்வது எப்படி?

வெற்றியும் தோல்வியும் நன்மைக்கே…

யார் ஒருவர் இந்த வாழ்க்கையை ஒரு உயர்ந்த தன்மையை அடைவதற்குரிய ஒரு படியாக பார்க்கிறாரோ அவருக்கு தோல்வியே கிடையாது. வாழ்வின் சின்ன சின்ன விஷயங்களையே தன் லட்சியமாக கொண்டவருக்குத்தான் வெற்றியும், தோல்வியும். இந்த வாழ்க்கையை ஒரு உயர்ந்த தன்மையை அடைவதற்குரிய ஒரு படியாக பார்ப்பவர், வெற்றி கிடைத்தால், அதை தன் நன்மைக்குத்தான் பயன்படுத்துவார். தோல்வி கிடைத்தால் அதையும் தன் நன்மைக்குத்தான் பயன்படுத்துவார்.

பொருளாதாரம் நல்லநிலையில் இருந்தபோது, முட்டாள்கள் கூட வாழ்க்கையை வெற்றிகரமாக நடத்தினர். இடையே பொருளாதாரம் சிறிது வீழ்ச்சி கண்டபோது தொழிலில் நிலைத்திருக்கவும் வெற்றி பெறவும் புதிய திறமை தேவைப்பட்டது. மக்கள் தோல்வி குறித்து பயப்படுவதாக கூறுகிறார்கள். தோல்வி என்பதே துயரம்தான். அதில் பயம் என்ற மசாலாவை வேறு ஏன் தடவுகிறீர்கள்? வெற்றி என்பது எல்லோருடைய விருப்பம்தான். ஆனால் வெறும் விருப்பத்தினால் மட்டும் வெற்றி வருவதில்லை. திறமை இருந்தால்தான் வெற்றி.

எந்த சூழ்நிலையும் அழகானதுதான்…

நீங்கள் சொல்லலாம். 'என் திறமையில் எந்த சந்தேகமும் இல்லை. ஐந்தாண்டுகளுக்கு முன் என் பணித்திறனை நீங்கள் பார்த்திருக்க வேண்டும். அசந்து போயிருப்பீர்கள்..!' உண்மைதான். ஆனால் இப்போது நிலைமை மாறிவிட்டது. புதிய சூழலை சமாளிக்கவும் ஒரு வகையான திறமை தேவைப்படுகிறது, இல்லையா? பொருளாதாரம் சிறப்பாக இருந்தபோது பணப்புழக்கம் அதிகமாக இருந்தது. அப்போதே பணம் குறித்த வேட்கையை நீங்கள் குறைத்திருக்கலாம். இப்போது பொருளாதாரம் வீழ்ச்சியடைந்து பணவரவு குறைந்துவிட்டது. அதனால் என்ன? நிறைய பணம் கையில் இருந்தபோது வாழ்க்கையில் எதற்கும் நேரம் இல்லாமல் இருந்தீர்கள். இப்போது உங்களுக்கு நிறைய நேரம் இருக்கிறது. இப்போதாவது தியானம் செய்ய முடிகிறதே என்று பாருங்கள். எனவே வாழ்க்கையில் என்ன நடந்தாலும் பரவாயில்லை. உயர்ந்த நிலையை அடைவதற்கு அது ஒரு படிநிலை என்று பார்த்தால் எந்த சூழ்நிலையும் மிகவும் அழகானதுதான். மிகவும் பயன் தருவதுதான்.

முன்பெல்லாம் ஒவ்வொரு வேளைக்கும் விருந்து போல் உணவு… இப்போதோ ஏதோ சுமார்தான். ஆனால் நீங்கள் விரும்பினால் இதையும் கூட மகிழ்ச்சியுடன் சாப்பிடலாம். நிறைய பேர் இது போல் எளிய உணவை முழு விருப்பத்துடன் தேர்வு செய்கிறார்கள். கையில் அதிக பணம் இல்லாவிட்டால் என்ன? சிறிய கார், சிறிய வீடு, எளிமையான உணவு என்று வாழ முடியும். கார் இல்லாவிட்டால் நடந்து போகலாமே! கோவையில் 100 வயது கடந்த ஒருவரை 100-வது பிறந்த நாளில் பேட்டி எடுத்தார்கள். அவர் இப்போதும் உறுதியாகவும், ஆரோக்கியமாகவும் இருப்பதைக் கண்டு, 'உங்கள் ஆரோக்கியத்தின் ரகசியம் என்ன?' என்று கேட்டார்கள். அதற்கு walking தான் காரணம், நான் ஒரு walk-king” என்று பதிலளித்தார்.

விவசாயி கேட்ட வரம்

ஒரு விவசாயி இருந்தார். இயற்கை சக்திகள் தன் பயிரை ஆள்வதை குறித்து துயரம் கொண்டார். எனவே ஒருநாள் அவர் சிவனை அழைத்து, “இயற்கை சீற்றங்களால் எனக்கு மிகவும் தொல்லையாக உள்ளது. இந்த விவசாயியின் துயரம் உங்களுக்கு புரியாது. ஏனென்றால் நீங்கள் ஒரு விவசாயி அல்ல. ஒரு வேடன் என்று கேள்விப்பட்டிருக்கிறேன். எப்போது மழை பெய்ய வேண்டும். எப்போது சூரியன் வர வேண்டும் என்று எல்லாமே எனக்கு நன்றாகத் தெரியும். வேடனும், பித்தனுமான உங்களுக்கு இந்த விஷயங்கள் எல்லாம் புரிவது கஷ்டம்தான். எனவே இயற்கை சக்திகளை என்னிடமே விட்டுவிடுங்கள்” என்று வேண்டிக் கொண்டார். சிவனும் நல்ல மனநிலையில் இருந்ததால் அந்த வரத்தை கொடுத்துவிட்டார்.

விவசாயி நன்றாக திட்டமிட்டார். சோளம் விதைத்தார். 'மழை!' என்றார். மழை பெய்தது. ஆறு அங்குலம் நிலம் நனைந்தவுடன், 'மழை நிற்கட்டும்' என்றார். மழை நின்றது. நிலத்தை உழுதார். விதை விதைத்தார். இரண்டு நாட்கள் கழித்து மீண்டும் மழை என்றார். பெய்தது. 'இன்று நான் வயலில் வேலை செய்ய வேண்டும். என்ன வெயில்…! வெயில் வேண்டாம். மேக மூட்டம் வேண்டும்' என்றார். அப்படியே ஆனது. மிகவும் மகிழ்ச்சியானார். பசேலென பயிரும் வளர்ந்து வந்தது. இயற்கை எப்போதுமே விவசாயியின் கையில் இருப்பதுதான் நல்லது என்று சொல்லிக் கொண்டார்.

அறுவடைக்கான நேரம் வந்துவிட்டதா என்று பார்த்தபோது, ஒரு பறவையைக் கூட காணவில்லை. அதையும் கட்டளை போட்டு விட்டாரே, பறவைகளே வரக்கூடாது என்று… அருகில் சென்று பெரிய பெரிய சோளக்கருதுகளை தொட்டுப் பார்த்தார். மெதுவாக அதை திறந்து பார்த்தார். ஒரு மணி சோளம் கூட இல்லை. “என்ன நேர்ந்தது? வெயில், மழை எல்லாம் நான் சரியாகத்தானே நிர்வகித்தேன். சிவனிடமே கேட்போம்” என்று சிவனிடம் சென்று, 'எல்லாம் சரியாக இருந்தும், ஒரு சோளம் கூட விளையவில்லை. நீங்கள்தான் கெடுத்தீர்களா?' என்று கேட்டார். 'நீ செய்வதை எல்லாம் நான் பார்த்துக் கொண்டுதான் இருந்தேன். நீயே எல்லாவற்றுக்கும் பொறுப்பெடுத்துக் கொண்டாய். எனவே நான் சிறிதும் தலையிட விரும்பவில்லை. மழை, வெயில் எல்லாம் சிறப்பாகத்தான் செய்தாய். ஆனால் காற்றை முழுவதுமாக நிறுத்திவிட்டாய். நான் நிர்வாகம் செய்தபோது அதிக வலுவான காற்றை அனுப்புவேன். பயிர்கள் வீழ்ந்துவிடும் போல் நிலை ஏற்படும். அவை தம்மை நிலைநிறுத்திக் கொள்ள வேர்களை ஆழமாக நிலத்தில் செலுத்திக் கொள்ளும். வேர் உள்செல்வதால் பயிர் நன்றாக விளைந்து சோளமும் வரும். ஆனால், இப்போது சோளக்கருது மட்டும் உள்ளது. சோளம் எதுவும் இல்லை” என்றார்.
 
எனவே, உங்கள் வாழ்க்கையில் பல சூழ்நிலைகள் ஏற்படலாம். அவற்றை பயன்படுத்தி நீங்கள் வலிமையடையலாம். அல்லது உட்கார்ந்து அழலாம். இந்த இரண்டு வாய்ப்புகள் தாம் உள்ளன. உங்கள் வாழ்க்கையில் நடக்கும் சின்னச் சின்ன விஷயங்களை வாழ்க்கையில் படிக்கற்களாக மாற்றிக் கொள்ளலாம். உண்மையில் தோல்வி என்று எதுவும் கிடையாது. அது உங்கள் எண்ணம் மட்டுமே. உண்மையில் வெற்றி என்பதும் கூட உங்களின் முட்டாள்தனமான எண்ணம்தான்.

வெற்றி – தோல்வி என்னும் கருத்துக்கள்

எது வெற்றி, எது தோல்வி என்பது உங்கள் கருத்து மட்டுமே. உலகையும், சூழ்நிலைகளையும் மாற்றுவதைக் காட்டிலும் உங்கள் கருத்தை மாற்றிக் கொள்ளலாம் அல்லவா? அப்படி மாற்றிக் கொண்டால் உங்களுக்கு நடக்கும் எல்லாமே நன்மைதான். ஒரு பிச்சைக்காரனுக்கு இருபது ரூபாய் கொடுத்தால் ஹோட்டலுக்கு சென்று மசால் தோசை சாப்பிடுவது வெற்றியின் உச்சம் போன்றது அல்லவா? ஆனால் அதுவா வெற்றியின் உச்சம்? சொல்லுங்கள்..

இதை ஏன் சொல்கிறேன் என்றால், நீங்கள் சமூகத்தின் கருத்துக்களுக்கு அடிமையாகி விட்டீர்கள். எனவே முதலில் வெற்றி தோல்வி குறித்து மற்றவர்களின் எண்ணத்திற்கு அடிமையாவதை நிறுத்துங்கள். வெற்றி தோல்வி மட்டும் அல்ல. நீங்கள் கொண்டுள்ள ஒவ்வொரு கருத்தும், ஒவ்வொரு எண்ணமும், ஒவ்வொரு உணர்வும் எங்கோ வெளியிலிருந்து தான் எடுத்துக் கொண்டீர்கள். அவை இப்போது உங்களுக்குள்ளிருந்து உங்களையே ஆட்டிப் படைக்கின்றன. உங்கள் முதல் வெற்றி எது தெரியுமா? நீங்கள் யாருடைய கருத்துக்கும் அடிமை இல்லை என்பதுதான்! வாழ்வில் என்ன சூழ்நிலை வேண்டுமானால் வரட்டும். நீங்கள் உயிரோடு இருக்கிறீர்கள் என்றால், அதுவே ஒரு வெற்றிதான். நான் சொல்வது சரிதானே?

உங்களுக்கு வாழ்க்கை குறித்து எதுவும் தெரியவில்லை. உயிர் பற்றி எதுவும் புரியவில்லை. எனவே, தான் பங்குச் சந்தையின் ஏற்ற இறக்கங்களுக்கு அழுது கொண்டு இருக்கிறீர்கள். நிறைய பணம் இழந்து விட்டேன் என்று உயிரை மாய்த்துக் கொள்ள நினைக்கிறீர்கள். பணம், வசதி போன்றவை எல்லாம் சமூக விஷயங்கள். குடும்பம், சமூகம் போன்றவை எல்லாம் உங்கள் நலத்திற்காக ஏற்படுத்தப்பட்டவை. உங்கள் உயிரை எடுப்பதற்காக அல்ல. அவை எல்லாம் நீங்கள் உருவாக்கியவை. நீங்கள் உருவாக்கியவற்றை உங்களை விட மிகவும் முக்கியம்போல் ஆக்கிவிட்டீர்கள். படைத்தவனின் அற்புதமான படைப்புகளில் நீங்களும் ஒன்று. ஆனால் உங்களுக்குள் உள்ள அற்புதத்தை பார்க்காமல் சிறிய விஷயங்களுக்கும் துன்பப்படுகிறீர்கள். காரணம் உங்கள் அறியாமையே.

எனவே தோல்வி என்று எதுவும் கிடையாது. அது உங்கள் எண்ணம் மட்டுமே. வெற்றி என்பதும் கூட கிடையாது. அதுவும் கூட உங்கள் முட்டாள்தனமான எண்ணம்தான். சமூகத்தின் கருத்துக்களுக்கு அடிமையாகி உங்கள் எண்ண ஓட்டமும் இப்படி ஆகிவிட்டது. எனவே வெற்றி என்று நினைத்து ஒன்றை பெரிதாக கொண்டாடுவதும் தோல்வி என்று நினைத்து உட்கார்ந்து கண்ணீர் வடிப்பதும் தேவையற்றது.

நன்றி : ஈஷா மையம்

]]>
Fear, Failure, வெற்றி, தோல்வி, அச்சம் http://images.dinamani.com/uploads/user/imagelibrary/2017/5/19/w600X390/tholvi-acham-meelvathu-eppadi.jpg http://www.dinamani.com/health/mental-health/2017/may/19/how-to-overcome-fears-and-failures-2705140.html
2703844 மருத்துவம் மனநல மருத்துவம் பகையை வெல்லும் வழி? Wednesday, May 17, 2017 10:15 AM +0530 'பகையாளியை உறவாடிக் கெடு!' என்ற பழமொழியில் எந்த அளவிற்கு உண்மை இருக்கிறது; பகையாளியை உறவாடிக் கெடுத்துவிட முடியுமா?’ இந்தக் கேள்வியை சத்குருவிடம் கேட்ட போது, பழமொழி சொல்லப்பட்ட காலகட்டத்தையும், அது இன்றைய சூழ்நிலையில் பொருந்துமா என்பதையும் விளக்குகிறார்.

பல துறைகளில், இன்று போட்டியாளர்களை எதிரிகளாகப் பார்க்கும் அபத்தம் நேர்கிறது. போட்டியாளர் என்பவர் உங்கள் திறமையை முழுமையாக வெளிக் கொணர்வதற்கு உதவுபவர். உங்கள் குறைபாடுகள் என்ன என்பதை உங்களுக்கு உணர்த்த வல்லவர், போட்டியாளர்.

அவர் உங்களுடன் ஓடி வருபவர். ஒன்று அவர் உங்கள் பின்னால் இருக்கலாம் அல்லது உங்களைத் தாண்டிப் போகலாம். அவருடைய ஆர்வம் உங்களைப் பற்றியதல்ல. அவரைப் பற்றியது. உங்களுக்கு முன்பாகப் போக வேண்டும் என்பதே அவர் குறிக்கோள்.

ஆனால், பகைவன் அப்படியல்ல. அவர் உங்கள் பாதையை மறித்து எதிரில் ஓடி வருபவர். குறுக்கில் விழுந்து மறிப்பவர் கோபம், ஆத்திரம் இவற்றை முன்வைத்து அவர் உங்களைத் தாக்க வருகிறார்.
 
சில சமயம் உங்களை அறியாமலேயே நீங்கள் எதிரிகளை சம்பாதித்து விடுவீர்கள். எந்த உள்நோக்கமும் இல்லாமலேயே நீங்கள் நடக்கும் பாதையில் சிலர் உங்களால் அடிபட்டுப் போவார்கள். காயப்பட்டுப் போவார்கள். அவர்களோ, அவர்களுடன் தொடர்பு கொள்பவர்களோ உங்களை பகையாகக் கருதக்கூடும். உங்களை அவர்கள் முன்பின் பார்த்திராமல் இருந்தால்கூட, பகையை வளர்த்துக் கொண்டிருப்பார்கள்.

ஒரு காலத்தில் தன் நாட்டை விரிவுபடுத்திக் கொள்ள விரும்பும் அரசன், ஒருவிதப் போர்த் தந்திரமாக, அடுத்த நாட்டுக்கு ஒற்றர்களை அனுப்புவான். ஒற்றனின் வேலையே எதிரியிடம் நட்பை சம்பாதிப்பதுதான். அந்த நட்பையும், உறவையும் பயன்படுத்தி, எதிரியைப் பற்றி அறிந்து தன் நாட்டுக்கு உளவு சொல்வான் அவன். அந்த அடிப்படையில் இந்த அரசன் போர் தொடுப்பான். எதிரியை வெற்றி கொள்வான்.

அதற்காகச் சொல்லப்ட்ட வாசகமாக இதை நினைப்பவர்கள் இருக்கலாம். மனித இனம் இவ்வளவு வளர்ச்சி பெற்ற பிறகும், எதிரியிடம் நண்பனாக நடித்து, அவன் அயர்ந்த நேரம், அவனை அழித்துவிடு என்று இதற்கு அர்த்தம் செய்து கொள்வது வெகு விபரீதமானது. உங்கள் எதிரியை அழித்துவிட வேண்டும் என்று நீங்கள் புறப்பட்டால், அதில் எவ்வளவு தூரம் வெற்றி பெறுவீர்கள் என்று சொல்ல முடியாது. யார் கண்டது. அந்த முயற்சி எதிரியை அழிப்பதற்கு பதிலாக உங்களையே அழித்துவிடக்கூடும்.

எல்லா உயிரினங்களிடத்திலும் தன்னைக் காத்துக் கொள்ள வேண்டும் என்ற உந்துதல் இருக்கும். நீங்கள் பகைவனாக நினைப்பவரிடமும் அந்த எதிர்ப்பு இருக்கும். அவரை அழிக்கப் பார்த்தால், அவர் கடைசி வரை உங்களை அடக்கிவிடப் போராடுவார். வாழ்வா, சாவா என்று வந்துவிட்டால், அவருடைய எதிர்ப்பு வலிமை மிக்கதாகிவிடும். அதனால், பகைவனை அழிப்பதற்கு பதிலாக அவர் மீது நீங்கள் பாராட்டும் பகையுணர்ச்சியை அழித்துவிடுங்கள். ஒருவர் மீது பகைமை இல்லாதபோது, அவர் அதற்கு மேல் பகைவனாகத் தொடர இயலாமல் போகிறது. அடிப்படையில் இருக்கும் பகைமையை ஒழித்துவிட்டால், ஒருவேளை அவர் உங்களுக்கு நண்பனாகி விடலாம். உங்களுக்கு பலம் சேர்க்கலாம்.

நன்றி : ஈஷா மையம்

]]>
Enemity, Enemies, பகை, பகைவன், பகையை வெல்லும் வழி? http://images.dinamani.com/uploads/user/imagelibrary/2017/5/17/w600X390/29-nov-13.jpg http://www.dinamani.com/health/mental-health/2017/may/17/how-to-treat-your-enemies-2703844.html
2703178 மருத்துவம் மனநல மருத்துவம் என் மனதை நான் எப்படிக் கட்டுப்படுத்துவது? Tuesday, May 16, 2017 10:40 AM +0530 முதலில் உங்கள் மனதை ஏன் கட்டுப்படுத்த முயற்சிக்கிறீர்கள்? உங்கள் சிறு வயதிலிருந்தே, குறிப்பாக ஆன்மீகவாதிகள் என்று சொல்லப்படுபவர்கள் 'கெட்ட விஷயங்களை நினைக்கக்கூடாது. உங்கள் மனதை நீங்கள் கட்டுப்படுத்த பழகவேண்டும்' என்றெல்லாம் சொல்லி வந்திருக்கிறார்கள். ஆனால் அப்படிச் செய்யும்போது மனம் அந்த விஷயங்களைத்தான் முழு நேரமும் நினைக்க ஆரம்பிக்கிறது. உங்கள் மனதின் செயலைப் பொறுத்தவரையில், வகுத்தல் கழித்தல் எல்லாம் கிடையாது. அங்கே கூட்டல், பெருக்கல் மட்டும்தான். உங்கள் மனதிலிருந்து அதிரடியாக ஒரு எண்ணத்தையாவது உங்களால் நீக்க முடியுமா? முடியவே முடியாது. இல்லையா?

ஏதாவது ஒன்றைக் குறித்து இன்று நினைக்கக்கூடாது என்று நீங்கள் முடிவு செய்தால் அன்று முழுவதும் அதுதான் நடக்கிறது. நீங்கள் முயற்சித்துப் பாருங்கள். இன்று சிகப்பு நிறத்தைப் பற்றி சிந்திக்கக் கூடாது என்று முடிவு செய்யுங்கள். திடீரென்று உங்கள் அக்கம்பக்கம் எல்லாம் சிகப்பு நிறமாக இருப்பதைப் பார்க்கலாம். மனதின் அடிப்படைத் தன்மைகளை புரிந்து கொள்ளாமல் நாம் இப்படியே பலவாறு முயற்சித்துக் கொண்டிருக்கிறோம்.

தியானத்தில் உட்காரும் போது, என் இதயம் துடிப்பதை நிறுத்த வேண்டும் என எண்ணுகிறீர்களா? என் சிறுநீரகம் தனது செயலை நிறுத்த வேண்டும் என எப்போதாவது நினைத்திருக்கிறீர்களா? கிடையாது. அவையெல்லாம் தமது செயலை தொடர்ந்து நடத்த அனுமதித்தீர்கள்தானே? பிறகு மனதையும் அது தனது வேலையைச் செய்ய ஏன் நீங்கள் அனுமதிக்கக்கூடாது? தியானம் செய்ய உட்காரும்போது மட்டும் மனம் நின்று விட வேண்டும் என நினைக்கிறீர்கள். இது மிகவும் தவறான அணுகுமுறை. மனதை கட்டுப்படுத்த வேண்டும் என்று மக்கள் எப்போதும் உங்களுக்கு சொல்லி வந்திருக்கிறார்கள். உங்களால் எப்போதும் அப்படி மனதைக் கட்டுப்படுத்த முடியாது. மற்றவர்கள் யாராவது தன் மனதைக் கட்டுப்படுத்தி இருக்கிறார்கள் என்று நீங்கள் நம்புகிறீர்களா? யாரும் அப்படி செய்ததில்லை, தெரியுமா? இயல்பாகவே அப்படிச் செய்யவும் முடியாது.

இந்த மனம் ஒரு புழுவிலிருந்து, ஒரு பூச்சியிலிருந்து, ஒரு குரங்கிலிருந்து, தற்போது மனிதன் வரை இத்தகைய பரிணாம வளர்ச்சி அடைய இலட்சக்கணக்கான வருடங்கள் எடுத்திருக்கிறது. இவ்வளவு மகத்தான முயற்சிக்குப்பின் இத்தகைய மனம் உங்களுக்குக் கிடைத்திருக்கும்போது, அதை ஏன் கட்டுப்படுத்த முயற்சிக்கிறீர்கள்? அது முழுத் தீவிரத்துடன் இருக்கவேண்டும் என்றுதான் நான் விரும்புகிறேன். ஆனால் அற்புதமாக இருக்க வேண்டிய மனம் தற்போது உங்களுக்கு துன்பத்தை உற்பத்தி செய்கிற இயந்திரமாக மாறிவிட்டது.

உங்களுடைய அனைத்து துன்பங்களும் உங்கள் மனதில்தானே உற்பத்தியாகின்றன? அப்படியென்றால் அதை எப்படி இயக்குவது என்று உங்களுக்குத் தெரியவில்லை. இந்த மனதை வைத்து ஆனந்தம் எப்படி உற்பத்தி செய்வது என்று தெரிந்துவிட்டால் பிறகு அதை கட்டுப்படுத்த எண்ணுவீர்களா? ஒருபோதும் மாட்டீர்கள். எனவே உங்கள் மனதை எப்படி சரியாக இயக்கவேண்டும் என்பதைத்தான் நீங்கள் முதலில் கற்றுக்கொள்ள வேண்டும்.

யோகாவில் உங்கள் மனதை கட்டுப்படுத்தத் தேவையில்லை. சில எளிமையான பயிற்சிகள் உள்ளன. அவற்றை கடைப்பிடித்தால் போதும். அப்போது ‘நான்’ என்னும் தன்மை, உங்கள் உடல், மனம் ஆகியவற்றிலிருந்து சிறிது விலகியிருப்பதை பார்க்கமுடியும். அந்த இடைவெளியை நீங்கள் உருவாக்கிவிட்டால், பிறகு உங்கள் துன்பங்கள் அனைத்தும் நிரந்தரமாக முடிவுக்கு வந்துவிடும்.

நன்றி : ஈஷா மையம்
 

]]>
Mind, Manam, Meditation, மனதைக் கட்டுப்படுத்த, தியானம் http://images.dinamani.com/uploads/user/imagelibrary/2017/5/16/w600X390/en-manathai-nan-eppadi-kattupaduthuvathu.jpg http://www.dinamani.com/health/mental-health/2017/may/16/how-to-control-my-mind-2703178.html
2700393 மருத்துவம் மனநல மருத்துவம் நன்றி உணர்வு என்றால் என்ன?  DIN DIN Thursday, May 11, 2017 05:57 PM +0530 நன்றி உணர்வு என்றால் என்ன? உங்களுடைய கண்களை நன்றாகத் திறந்து உங்கள் வாழ்க்கை நடக்கும் விதத்தை சற்று கூர்ந்து கவனியுங்கள். உங்கள் வாழ்க்கை நடப்பதற்கு யாரெல்லாம் எவையெல்லாம் ஈடுபடுத்தப் பட்டிருக்கிறார்கள் என்று தெளிவாகப் பாருங்கள். அப்படிப் பார்க்க முடிந்தால், உங்களால் நன்றி உணர்வு இல்லாமல் இருக்க முடியாது. ஒரு உதாரணத்திற்கு, உங்கள் முன்னால் ஒரு தட்டு நிரம்ப உணவு வைக்கப்பட்டிருக்கிறது என்று வைத்துக் கொள்வோம். இந்த உணவைத் தயாரிப்பதற்கு எவ்வளவு மக்கள் என்னென்ன வேலை செய்திருக்கிறார்கள் என்று தெரியுமா? விதைகளை விதைத்தவர், பயிரை அறுவடை செய்தவர், தானியத்தை கடைகளுக்குக் கொண்டுச் சென்றவர், அங்கிருந்து வாங்கியவர், என்று பலதரப்பட்ட மக்கள் பலவிதமான பணிகளில் ஈடுபடுத்தப் பட்டிருக்கிறார்கள் என்று சிறிது பாருங்கள்.

'என்ன பெரிய விஷயம், நான் அதற்குப் பணம் கொடுத்துவிட்டேன். அதனால் அது எனக்குக் கிடைக்க வேண்டும்” என்று நீங்கள் நினைக்கலாம். ஆனால் இந்த மனிதர்கள் இல்லையென்றால் அல்லது அவர்கள் செய்ய வேண்டியவற்றைச் செய்யவில்லையென்றால், நீங்கள் எவ்வளவுதான் பணம் கொடுத்தாலும் இவையெல்லாம் உங்களுக்குக் கிடைத்திருக்காது. எனவே நான் பணம் கொடுத்து விட்டேன் என்று நினைக்காமல், உங்கள் வாழ்க்கையின் ஒவ்வொரு நேரத்திலும், நீங்கள் மகிழ்ந்து அனுபவிக்கும் எல்லா விஷயங்களிலும், உங்களுடைய மூச்சிலிருந்து உணவு வரையிலும், இதைச் சற்றுப் பாருங்கள். இந்த உலகத்திலும், அதற்கு அப்பாலும் உள்ள அனைத்துவிதமான ஜீவராசிகளாலும் நீங்கள் எப்படி பேணி வளர்க்கப்பட்டு, காப்பாற்றப்படுகிறீர்கள் என்று உங்கள் கண்களைச் சற்றுத் திறந்து பாருங்கள். இப்படிச் செய்தால், நன்றி உணர்வுக்கான மனப்பான்மையை வளர்த்துக் கொள்ள உங்களுக்குத் தேவையிருக்காது.

நன்றியுடைமை ஒரு மனப்பான்மை அல்ல, அது ஒரு செயலும் அல்ல. நன்றி உணர்வு என்பது உங்களுக்கு என்னென்ன கிடைக்கிறதோ அவற்றால் நீங்கள் மூழ்கடிக்கப்படும் போது உங்களுக்கு உள்ளிருந்து நிரம்பி வழிந்து ஓடுவதாகும். அது வெறும் மனப்பான்மை அல்லது நடத்தையாக இருந்தால் வெறுக்கத்தக்கதாகும். நீங்கள் எல்லாவற்றுக்கும் எப்போதும் வெறுமனே நன்றி, நன்றி, நன்றி…' என்று சொல்வீர்களே, அப்படிக் கிடையாது.

கூர்ந்து கவனியுங்கள்… 

இந்த பிரபஞ்சத்தில் உள்ள எல்லாமே ஒன்றுடன் ஒன்று தொடர்பு கொண்டு உங்களை உயிருடன், நல்லவிதமாய் வைத்திருக்கிறது. உதாரணமாக உங்களுக்கு உணவு கிடைக்கும் விஷயத்தையே கூர்ந்து பாருங்களேன். உங்கள் தொடர்பிலேயே இல்லாத பல மனிதர்களும் பல விஷயங்களும் உங்களுக்காக உங்கள் வாழ்வின் ஒவ்வொரு ஷணத்திலும் பங்கு பெற்றிருக்கின்றனர். இதையெல்லாம் பார்க்கும்போது உங்களால் நன்றி உணர்வில் மூழ்காமல் இருக்க முடியாது.

ஆனால் நீங்கள் மேம்போக்காக உங்களை இந்த பூமியின் அரசனாக நினைத்தால், நீங்கள் எல்லாவற்றையும் பார்க்கத் தவறி விடுவீர்கள். உங்கள் கவனம் உங்களைப் பற்றியே முழுமையாக இருந்தால், இந்த வாழ்க்கை முறையை கவனிக்கத் தவறவிடுவீர்கள். அப்படி இல்லாமல் நீங்கள் சற்றே கண்களைத் திறந்து பார்த்தாலே இந்த நன்றி உணர்வால் மூழ்கடிக்கப்படுவீர்கள். எப்போது நீங்கள் நன்றி உணர்வுடன் இருக்கிறீர்களோ, அப்போது எதையும் ஏற்றுக்கொள்ளும் தன்மையிலும் இருப்பீர்கள். நீங்கள் யாரிடமாவது நன்றி உணர்வுடன் இருந்தால், அவரை மிகுந்த மதிப்புடன்தானே பார்ப்பீர்கள். அப்படி மதிப்புடன் பார்க்கும்போது அவரை ஏற்றுக்கொள்ளும் தன்மை உடையவராகவும் இருப்பீர்கள். எனவே எப்போது உங்களுக்கு நன்றி உணர்வு பொங்குகிறதோ அப்போது ஏற்றுக்கொள்ளும் தன்மையும் பொங்கி வழியும்.

ஏற்றுக்கொள்ளும் தன்மை பெற… 

என்னை பொறுத்தவரை உங்கள் நன்றி உணர்வில் உண்மையில் எனக்கு எந்த ஈடுபாடும் இல்லை. ஆனால் உங்களுக்கு அதிகமான ஏற்றுக்கொள்ளும் தன்மை இருக்க வேண்டும் என்று ஆசைப்படுகிறேன். யோகாவின் முழுச் செயல்முறையே, நீங்கள் இதுவரை அறிந்திராத வகையில், இன்னும் ஆழமான வழிகளில், ஏற்றுக் கொள்ளும் தன்மை உடையவராகச் செய்வதே ஆகும். இதுதான் யோகாவின் ஒரே இலக்கு. ஏற்றுக்கொள்ளும் தன்மையைப் பெற, நன்றி உணர்வால் மூழ்குவது நிச்சயமாக ஒரு அழகான வழி. ஒரு குறிப்பிட்ட எல்லைக்கு அது உங்கள் மனதைத் திறந்துவிடும்.

யாராவது கொடுப்பதாக இருந்தாலும் அதைப் பெறுவதற்கான தகுதி வேண்டும். ஞானோதயப் பாதையின் கடினமான பகுதியே ஏற்றுக்கொள்ளும் தன்மை உடையவராய் ஆவதே. இந்த உலகில் உள்ள அனைவரும் முழு ஏற்றுக்கொள்ளும் தன்மை உடையவராய் இருந்தால், ஒரு க்ஷணத்தில் நான் இந்த உலகத்தையே ஞானோதயம் அடையச் செய்து விடுவேன். அவர்கள் ஏற்றுக்கொள்ளும் நிலையில் இருக்கும்போது அவர்களுக்கு வேண்டியதைக் கொடுப்பது மிகவும் எளிதாக உள்ளது. பசியுடன் இருப்பவரை சாப்பிட வைப்பது கடினமல்ல. அதற்கு ஒரு முயற்சியும் செய்ய வேண்டாம். ஆனால், அவருக்கு பசியை உண்டாக்குவது மிகக் கடினமான வேலை.

நன்றி : ஈஷா மையம்

]]>
Gratitude, நன்றியுணர்வு http://images.dinamani.com/uploads/user/imagelibrary/2017/5/11/w600X390/nandri-unarvu-endral-enna.jpg http://www.dinamani.com/health/mental-health/2017/may/11/what-is-gratitude-2700393.html
2700384 மருத்துவம் மனநல மருத்துவம் இதற்கெல்லாம் கூட ஆப் இருக்கா?  ஷக்தி Thursday, May 11, 2017 05:20 PM +0530 சமீப காலத்தை ஆப்களின் காலம் என்றே சொல்லலாம். முன்பெல்லாம் நம்மை தினமும் காலையில் எழுப்பி விட, ஒரு வட்ட வடிவ டேபிள் க்ளாக் இருக்கும். அதில் பெரிய முள் சிறிய முள் இரண்டையும் ஒருவழியாக திருகி, அலாரம் வைத்து, அது ஊரையே கூட்டும் அளவுக்கு பெரும் சத்தத்தில் அலறி அடிக்க, அதை எப்படியோ தட்டி, ஒருவழியாக கண் விழிப்போம். கால மாற்றத்தின் விளைவாக இப்போது துயில் எழ மட்டுமல்லாமல் உடற்பயிற்சி செய்ய, சரியான அளவு தண்ணீர் குடிக்க, மாதவிலக்கு தினங்களை ட்ராக் செய்ய, உடற்பயிற்சி செய்ய, கார் புக் பண்ண, இன்னும் இன்னும் என எதற்கெடுத்தாலும் ஆப், ஆப் என ஆப்களால் சூழ்ந்த உலகத்தில் நவீன சொகுசு வாழ்க்கையை வாழ்கிறோம்.

ஆண்டவா இதையெல்லாம் கேட்க நீ எங்கே தான் இருக்கிறாய் என்று தேடிப் பார்க்க நினைத்தால்,  ஒரு ஆப் நம் போனிலிருந்து இங்கே தான் உள்ளேன் என்று பதில் சொல்கிறது. ஆம் கோவிந்தா என்று ஒரு ஆப் உள்ளது. சாட்சாத் ஏழுமலையானை கண்டு அடைய நீங்கள் அதைப் பயன்படுத்தலாம். அப்பப்பா எத்தனை எத்தனை ஆப்கள் என்று வியந்து போகிறீர்களா, அல்லது டெக்னாலஜி உண்மையில் வரமா சாபமா என்று ஆராய்ச்சியில் இறங்கப் போகிறீர்களா? எது வேண்டுமானலும் செய்து கொள்ளுங்கள். ஆனால் அதற்கு முன் இந்த மாய எதார்த்த ஆப்களின் உலகத்தில் சமீபத்தில் வந்து இறங்கியுள்ள ஒரு விசித்திரமான ஆப்பை பற்றி தெரிந்து கொள்ளுங்கள். 

இ-சைக்ளினிக் டாட் காம் (ePsyClinic.com) என்ற நிறுவனத்தினர் தான் இந்த புதிய ஆப் வெளியிட்டுள்ளார்கள். இந்த ஆப் தரவிறக்கம் செய்து பயன்படுத்தினால் ஸ்ட்ரெஸ் சம்பந்தப்பட்ட எல்லா பிரச்னைகளிலிருந்தும் விடுபட்டு மன அமைதியுடன் திகழலாம் என்று உறுதி கூறுகிறது ஆப்பைத் தயாரித்த டெக்னிகல் டீம். 

இந்த ஆப்பின் தீம் என்னவெனில் ‘ஐ வில்’ அதாவது ‘என்னால் முடியும்’ என்பதே. எதையும் சமாளிக்கும் மனப்பக்குவத்தை வளர்த்தெடுப்பதே இந்த ஆப்பின் முக்கிய பணி. சட்டென்று உணர்ச்சி வசப்படுதல், கோபம் வந்து உச்ச குரலில் கத்துதல், உயர் ரத்த அழுத்த பாதிப்புக்களுக்குள் சிக்குதல் போன்ற பிரச்னைகளிலிருந்து விடுபட இந்த ஆப் மிகவும் பயன்படும். இவைத் தவிர இந்த ஆப் ஒவ்வொருவரின் தனிப்பட்ட தேவைக்கு ஏற்ப வடிவமைக்கப்பட்டுள்ளதாம்.

'எங்களுடைய பிரதான நோக்கம், பயன்பாட்டாளர்கள் தங்கள் மனம் மற்றும் உணர்வு ரீதியிலான பிரச்னை, ஸ்ட்ரெஸ் ஆகியவற்றிலிருந்து விடுபட்டு, மகிழ்ச்சியாகவும் சுதந்திரமாகவும் தங்கு தடையற்ற மனப்பாங்குடனும் இருக்க வேண்டும். அவர்களைச் சுற்றி தெரிந்தோ தெரியாமலோ உருவாகியிருக்கும் சமூக வலைகளிலிருந்து விடுபட்டு மன மகிழ்வுடன் இருக்க வேண்டும் என்பதற்காகத் தான் இந்த ஆப்பை கவனத்துடன் உருவாக்கியிருக்கிறோம்’ என்றார் இ-சைக்ளினிக் டாட் காமின் நிறுவனர் ஷிப்ரா தவார்.
 
இந்த ஆப்பை ஆண்ட்ராய்ட் வசதி உள்ள செல்ஃபோன்களில் தரவிறக்கம் செய்து கொள்ளலாம்.

]]>
மன அழுத்தம், App for stress release, app in android phone, ஆண்ட்ராய்ட் ஆப் http://images.dinamani.com/uploads/user/imagelibrary/2017/5/11/w600X390/maxresdefault.jpg http://www.dinamani.com/health/mental-health/2017/may/11/download-an-app-to-release-your-stress-2700384.html
2695457 மருத்துவம் மனநல மருத்துவம் கோபம் இருக்கும் இடத்தில் தான் குணம் இருக்கும் Wednesday, May 3, 2017 12:54 PM +0530 நம்மிடம் யாரேனும் கோபப்பட்டு கத்தினால், நாம் எரிச்சலைடைந்து கத்துவது வழக்கம்தான். இதற்கு வீட்டில் உள்ள பெரியவர்கள், 'கோபம் இருக்கிற இடத்துல தான் குணமும் இருக்கும்' – என்ற அஸ்திரத்தை எடுத்துவிட்டு நம்மை சமாதானப் படுத்துவர்கள். அப்படியென்றால் கோபம் ஒரு மேன்மையான குணமா? – இதைப் பற்றி சத்குருவிடம் கேட்டபோது…

கோபத்தை ஆதரிக்க இப்படியெல்லாம் கருத்துக்கள் உருவாக்கினாலும் அதை எவ்விதத்திலும் கொண்டாட முடியாது. சினிமாக்களில் கதாநாயகர்கள் சட்டென்று கோபப்படுவதைப் பார்த்து, கோபத்தை ஒரு மேன்மையான சக்தி என்று நினைத்து விட்டீர்களா, என்ன?

உங்களுக்குக் கோபம் எப்போது வருகிறது? நீங்கள் நினைத்தது நடக்கவில்லை என்றால், அல்லது மற்றவர்கள் நீங்கள் நினைத்தது போல் நடக்கவில்லை என்றால் தான் கோபம் வருகிறது.

கண்களை மூடுங்கள். உங்கள் மனதை எதன் மீதாவது சில நிமிடங்களுக்கு தொடர்ந்து நிலைநிறுத்த முடிகிறதா என்று பாருங்கள். முடியவில்லை அல்லவா?

உங்கள் மனமே உங்கள் விருப்பத்தை மீறி எங்கெங்கோ அலைபாயும் போது, சுற்றி உள்ளவர்கள் எப்படி உங்களுக்குக் கட்டுப்படுவார்கள்? உங்களைத் தலைவனாக ஏற்று, மற்றவர்கள் எப்போது உங்களுக்குக் கட்டுப்படுவார்கள்? உங்களிடம் இருக்கும் தெளிவும், தொலைநோக்கும் தங்களிடம் இல்லை என்று அவர்கள் நினைத்தால்தானே? அப்படி அவர்கள் உங்களைத் தலைவனாக ஏற்று, உங்களுக்குக் கட்டுப்பட்டால், அது ஒருவிதத்தில் உங்களுக்குப் பெருமையாக இருந்தாலும், மற்றொரு விதத்தில் அதுவே உங்களுக்குச் சுமையாகவும் இருக்கிறது. சந்தோஷமாக சுமக்கத் தெரியாதவர்களுக்குத் தான், சுலபத்தில் கோபம் வரும்.

மற்றவர்கள் கருத்துக்கு மாறாக நீங்கள் முடிவு எடுக்கும்போதும், அது அவர்கள் நலனுக்காகத்தான் என்பதை அவர்கள் புரிந்து கொள்ளும்படி நீங்கள் அன்பாக நடந்து கொள்ளுங்கள். அப்படிச் செய்தால், அவர்கள் உங்களுடன் உறுதியாக இணைந்து நிற்பார்கள். தொடர்ந்து ஒத்துழைப்பும் கொடுப்பார்கள்.

ஒரு பறவையை நோக்கி கல்லை விட்டெறிந்தால், சுற்றியுள்ள நூறு பறவைகளும் பறந்து விடும். ஒரே ஒருவரிடம் நீங்கள் கோபத்தைக் காட்டினால் கூட, மற்றவர்களுக்கு உங்கள் மீது இருக்கும் நம்பிக்கை போய் விடும். ஏதாவது தவறாகும்போது, உங்களைக் குற்றம் சாட்டிவிட்டு, எல்லோரும் தனித்தனியே உதிர்ந்து போவார்கள்.

தன்னைப் பற்றிய பொறுப்பு ஒருவனுக்கு வந்தால்தான் மற்றவர்களுக்கும் அவன் பொறுப்பேற்று வழிநடத்த முடியும். அதனால், கோபத்தை ஒரு பெருமையான குணமாக நினைக்க வேண்டாம். விரட்டியடிங்கள்.

]]>
Yoga, தியானம், Anger, Angry, கோபம், குணம் http://images.dinamani.com/uploads/user/imagelibrary/2017/5/3/w600X390/-----.jpg http://www.dinamani.com/health/mental-health/2017/may/03/how-to-control-anger-2695457.html
2694859 மருத்துவம் மனநல மருத்துவம் மனம் எப்படி கர்மவினையை உண்டாக்குகிறது?! DIN DIN Tuesday, May 2, 2017 10:51 AM +0530 மனதால்கூடத் தீமை நினைக்காதே! அது அந்தத் தீமையைச் செய்வதற்குச் சமம்’ என்று ஓர் ஆன்மீகப் புத்தகத்தில் படித்தேன். என்னால் ஏற்றுக்கொள்ள முடியவில்லை. செய்யாத செயலுக்கு ஏது விளைவு? மனதால் நினைத்தாலே அதற்குச் செயலைச் செய்ததன் விளைவு எப்படி வரும்?

செயல் என்பது நான்கு விதமாக நடக்கிறது. உடலின் செயல், மனதின் செயல், உணர்வின் செயல், சக்தியின் செயல். மற்றவற்றை ஒப்பிடும்போது, உடலின் செயலுக்குத் தாக்கம் குறைவு

யார் மீதோ கோபம். கோபத்தின் தருணத்தில் அவரைப் பொளேர் என்று அடித்தீர்கள். அது ஒருவிதமான கர்மா. ஆனால் அந்தத் தருணத்தில் சூழ்நிலை சரியாக இல்லாமலோ, தைரியம் இல்லாமலோ அடிக்காமல் விட்டுவீட்டீர்கள். மாறாக, அவனை அடிக்க வேண்டும்… அடிக்க வேண்டும் என்று சதா மனதில் திட்டமிட்டுக்கொண்டு இருக்கிறீர்கள். அது மிகப்பெரிய கர்மா. ஊரிலேயே பெரிய செல்வந்தர் அவர். குருவை நாடி வந்தார். ‘குருவே இவ்வளவு வசதிகள் இருந்தும் மற்றவர்கள் செய்த துரோகம், நான் சந்தித்த ஏமாற்றங்கள், தோல்விகள் என்று என் மனம் முழுவதும் ரணங்கள். என்னால் நிம்மதியாகத் தூங்க முடியவில்லை. எனக்கு வழிகாட்டுங்கள்’.

குரு அங்கு விளையாடிக்கொண்டிருந்த சேரிக் குழந்தையைக் காட்டி, ‘அதைப்போல் வாழ்’ என்றார்.

செல்வந்தர் குழம்பினார். ‘எல்லாச் செல்வங்களையும் துறந்து ஏழையாகச் சொல்கிறீர்களா?’

இல்லை மகனே! இங்கிருந்தாலும், எங்கிருந்தாலும் குழந்தைகள் ஒன்றுபோலத்தான் இருக்கின்றன. அழத் தோன்றினால், ஓவென்று அழும். சிரிக்க நினைத்தால், வாய்விட்டு சிரிக்கும். அச்சம், அழுக்காறு, ஏமாற்றம், வன்மம் என்று எதுவும் குழந்தைகளின் மனதில் நிரந்தரமாகக் குடியேறுவதில்லை. உணர்ச்சிகளை அவ்வப்போது வெளிப்படுத்திவிட்டு, தங்கள் இதயங்களில் சுமை இல்லாமல், அடுத்தக்கட்ட சாகசத்துக்குத் தயாராகிவிடுவதைக் குழந்தைகளிடம் கற்றுக்கொள்’ என்றார் குரு.

ஒருவரைத் தலையில் தட்ட வேண்டும் என்று அவசியப்படும்போது கோபம் இல்லாமல், மனதில் எந்த வன்மமும் பாராட்டாமல் தட்டினால், அதற்குப் பெரிய விளைவு இல்லை. ஆனால் மனதில் அடிக்கத் திட்டமிட்டு அது செயலாக அமையும்போது, மேலோட்டமாக இல்லாமல் மிக ஆழமாகப் போகிறது. கோபம், வெறுப்பு, பழிவாங்கும் உணர்ச்சி எல்லாவற்றையும் சுமந்துகொண்டு செயலற்று உட்கார்ந்திருப்பதன் மூலம் உங்களுக்கு ஏற்படும் பாதிப்பு. அடித்திருந்தால்கூட ஏற்பட்டு இருக்காது. இப்படிச் செய்வது, வீட்டில் இருந்துகொண்டு வெளியில் இருப்பவன்மீது, கண்ணை மூடிக்கொண்டு கல்லை வீசுவதைப்போல்தான். அந்தக் கல் மறுபடி மறுபடி உங்கள் வீட்டுக்குள்ளேயே விழுந்து எதையாவது உடைத்துக்கொண்டு இருக்கும். பாதிப்பு அவனுக்கா… உங்களுக்கா?

அந்தக் கல்லை வீசுவதற்கு எவ்வளவு தூரம் கவனத்தைச் செலுத்தினீர்கள்? எந்த அளவுக்கு உங்கள் சக்தியைப் பயன்படுத்தினீர்கள்? கடைசியில் அத்தனை சக்தியும் உங்களையே காயப்படுத்துவதற்கு அல்லவா பயன்பட்டுவிட்டது! உடலிலும் மனதிலும் வலு இல்லாதவர்களுக்குத்தான் கோபமோ, வெறுப்போ, ஆத்திரமோ பொங்கிவருகிறது. தம் சக்தியைச் சரிவரப் பயன்படுத்திக்கொள்ளத் தெரியாதவர்களுக்குச் சும்மா உணர்ச்சிவசப்படுவது மட்டுமே சுலபமாகச் சாத்தியமாகிறது.

உண்மையில், ஒரு செயலைவிட அதன் நோக்கம்தான் அதன் பலனைத் தீர்மானிக்கிறது.

அந்த இளைஞன் உணவு விடுதியில் இருந்து வெளிப்பட்டான். தெருவில் 100 ரூபாய் நோட்டு ஒன்று கிடந்தது. யாரும் அதைத் தேடி வராதது கண்டு, அதை பாக்கெட்டில் போட்டுக்கொண்டான். தன் பைக்கை நிறுத்தியிருந்த இடத்துக்குப் போனான். பைக்கைக் காணவில்லை. இங்கே வண்டிகளை நிறுத்தக்கூடாது என்று போலீஸ் அதை இழுத்துக்கொண்டு போய்விட்டது. இதை எல்லாம் ஒரு சாது கவனித்துக் கொண்டிருந்தார்.

‘தெருவில் கிடந்த பணம் வேறு ஒருவருடையது. அதை எடுத்ததால்தான் இப்போது செலவு வந்துவிட்டது’ என்று அச்சம் கொண்டான். அந்தப் பணத்தை சாதுவின் தட்டில் போட்டான். சாது சொன்னார், ‘நீ எடுத்தது பாவம் இல்லை. கொடுத்தது புண்ணியம் இல்லை’. பணத்தை இளைஞன் எடுத்தபோது, யாரிடம் இருந்தும் அதைக் களவாடும் எண்ணத்தில் செய்யவில்லை. சாதுவுக்குக் கொடுத்த செயல் அச்சத்தினால் விளைந்தது. கருணையினால் நேரவில்லை. வெளியில் செய்யும் செயல் ஒரு முறையோடு முடிந்துபோகிறது. அதற்கான விளைவு ஏற்படாது என்று சொல்லவில்லை. அதையே மனதில் செய்யப் பார்க்கும்போது திருப்தியுறாமல், மறுபடி மறுபடி கற்பனையில் நிகழ்ந்து, அது அங்கேயே தங்கி, வேர் பிடித்துவிடுகிறது.

எதிரில் இருப்பவனைச் சாகடிக்க விஷத்தை எடுத்தீர்கள். ஆனால் அதை நீங்கள் அருந்திவிட்டு, அவன் சாகவேண்டும் என்று எதிர்பார்த்தீர்கள். நல்லவேளையாக வாழ்க்கை அப்படி நடப்பதில்லை. அடுத்தவனுக்கானது என்று மனதில் சொல்லிவிட்டு நீங்கள் அருந்திக்கொண்டு இருக்கும் விஷம் ஒருநாள் உங்களைத்தான் கொன்றுபோடும். 

தந்தையும் ஆறு வயது மகனும் மலைச் சாரலில் நடந்துகொண்டு இருந்தனர். மகனை ஒரு கல் தடுக்கியது. ‘ஒழிந்து போ!’ என்று கோபத்தில் அதை எட்டி உதைத்தான் மகன். ‘ஒழிந்து போ!’ என்று எங்கிருந்தோ பதில் குரல் வந்தது. அப்பா பக்கத்தில் இருக்கும் தைரியத்தில், ‘எதிரில் வந்தால், உன் முகரையைப் பெயர்த்துவிடுவேன்’ என்று கத்தினான். அதே மிரட்டல் பதிலாக வந்தது. பையன் இந்த முறை மிரண்டான். அப்பாவின் கையைப் பற்றிக்கொண்டான். ‘என்னைக் கவனி’ என்றார் அப்பா. உன்னை மிகவும் விரும்புகிறேன் என்று கத்தினார். ‘உன்னை மிகவும் விரும்புகிறேன்’ என்று அதே வார்த்தைகள் திரும்ப வந்தன. அவர் அடுத்தடுத்து, அன்பாகப் பேசிய வார்த்தைகள் அதேபோல் திரும்ப வந்தன. மகனிடம் சொன்னார்… ‘விஞ்ஞானத்தில் இதை எதிரொலி என்று சொல்வார்கள். ஆனால் உண்மையில் இதுதான் வாழ்க்கை. 

அன்போ, கோபமோ, துரோகமோ, நீ மற்றவர்களுக்கு என்ன வழங்குகிறாயோ, அதுதான் உனக்குத் திரும்பி வரும். உனக்கு என்ன வேண்டுமோ, அதையே மற்றவர்களுக்கும் வழங்கக் கற்றுக்கொள்’ என்றார். உண்மையில் தங்களை நல்லவர்களாகக் காட்டிக்கொள்ளும் பலர், கடைசிவரை உள்ளுக்குள் ஒன்று வைத்து, வெளியில் வேறுவிதமாக நடந்துகொள்ளும் ஏமாற்றுக்காரர்களாகவே விளங்குகிறார்கள். இவர்களுடைய மனதில் தந்திரங்களும், கள்ளத்தனங்களும் சதா உற்பத்தியாகிக்கொண்டு இருக்கின்றன. எல்லாவற்றையும் மனதிலேயே செய்து பார்த்துவிடுவதால், இவர்கள் கர்மவினையில் இருந்து தப்பிக்கமுடியும் என்று நினைத்திருந்தால், அது மிகத் தவறான கருத்து. அவர்களுடைய கர்மவினைதான் மிகத் தீவிரமானது. 

கர்மவினை என்பது உடல் செயலினால் மட்டும் எற்படுவது இல்லை. மனதின் விருப்பத்தால்தான் முக்கியமாக ஏற்படுகிறது. நல்ல எண்ணங்கள் கொண்டு நல்லதைச் செய்வதற்கும், தகாத எண்ணங்களை மனதில் புதைத்துவிட்டு, வெளியில் நல்ல செயல்களைச் செய்வதற்கும் வெகுவாக வித்தியாசம் இருக்கிறது. இதை நினைவில்கொண்டு மனதாலும் உடலாலும் செயல்பட்டால், வாழ்க்கை நலமாகும்'.

நன்றி : ஈஷா மையம்

]]>
Karma, கர்மவினை, மனம் http://images.dinamani.com/uploads/user/imagelibrary/2017/5/2/w600X390/karma-thumbnail-10-10.jpg http://www.dinamani.com/health/mental-health/2017/may/02/what-is-karma-2694859.html
2694297 மருத்துவம் மனநல மருத்துவம் ஜென் புதிரை விளக்கும் பாகுபலி கதை Monday, May 1, 2017 05:50 PM +0530 பாகுபலி பற்றி ஓர் அற்புதமான கதை உள்ளது. பாகுபலி பல போர்களைச் சந்தித்தவன். ஒரு கட்டத்தில் சொந்த சகோதரனுடனேயே போர் மூண்டது. அந்தப் போரில் ஆயிரக்கணக்கான வீரர்கள் தலைசாய்க்கப்பட்டார்கள். போர்க்களம் எங்கும் மரித்த உடல்கள்..! ரத்த ஓடைகள்..!
 
எல்லாவற்றையும் பார்த்ததும் பாகுபலிக்கு திடீரென்று தொண்டை அடைத்தது. அவனுள் ஒரு மாற்றம் நிகழ்ந்தது. ‘எதற்காக இத்தனை உயிர்களை பலி வாங்கினேன்..?’ என்று பதிலில்லாத ஒரு கேள்வி முளைத்தது. அடுத்த கணம், எல்லாவற்றையும் துறந்துவிட்டு தியானத்தில் நின்றுவிட்டான்.

முழுமையான கவனத்துடன் அங்குலம் கூட அசையாமல் பாகுபலி பதினான்கு வருடங்கள் தியானத்தில் ஆழ்ந்தான். அந்தச் சாதனையின் மேன்மையில் அவன் பற்று கொண்டிருந்த எத்தனையோ விஷயங்கள் தகர்ந்து விழுந்தன.

உலகையே ஆள நினைத்த அந்த மனிதன் இப்போது ஒரு கழுதைக்குக்கூட தலைவணங்கத் தயாராக இருந்தான். ஆனாலும், அவனுக்கு ஞானோதயம் நடக்கவில்லை. பதினான்கு வருடங்கள் நின்றவன் யாருடனும் பேசவில்லை. எதற்காகவும் தன் நிலையை மாற்றிக்கொள்ளவில்லை. அப்படியிருக்கையில், ‘ஏன் இன்னும் தனக்கு ஞானோதயம் கிடைக்கவில்லை..?’ என்று புரியாமல் அவன் நின்றிருந்தபோது, அந்தப் பக்கம் ஒரு குரு கடந்து போனார்.

‘இன்னும் நான் என்ன செய்ய வேண்டும்..? என்னுடைய அத்தனையையும் துறந்துவிட்டேனே..!’ என்று பாகுபலிக்கு அந்த குருவிடம் கேட்க வேண்டும் போல் இருந்தது. ஆனால், பதினான்கு வருடமும் யாருடனும் பேசாமல் இருந்தவனுக்கு குருவிடம் மட்டும் வாயைத் திறந்து கேள்விகள் கேட்க மனம் வரவில்லை. குரு அவனைத் திரும்பிப் பார்த்தபோது, பாகுபலியின் இடது கண்ணிலிருந்து ஒரே ஒரு கண்ணீர்ச் சொட்டு வெளியில் வந்து புரண்டது. ‘என்னுடைய ராஜ்ஜியத்தை இழந்துவிட்டேன்..! என் குடும்பம், அரண்மனை, வசதிகள் எல்லாவற்றையும் விட்டெறிந்துவிட்டேன். ஒரு பூச்சிக்குக்கூட தலைவணங்கும் அளவு உள்ளே உருகிவிட்டேன். இன்னும் என்னுள் நடக்க வேண்டியது என்ன இருக்கிறது..?’ என்ற கேள்வி அந்த கண்ணீர்த் துளியில் பொதிந்திருந்ததை குரு புரிந்துகொண்டார்.

குரு அவனைத் திரும்பிப் பார்த்தபோது, பாகுபலியின் இடது கண்ணிலிருந்து ஒரே ஒரு கண்ணீர்ச் சொட்டு வெளியில் வந்து புரண்டது. ‘என்னுடைய ராஜ்ஜியத்தை இழந்துவிட்டேன்..! என் குடும்பம், அரண்மனை, வசதிகள் எல்லாவற்றையும் விட்டெறிந்துவிட்டேன். ஒரு பூச்சிக்குக்கூட தலைவணங்கும் அளவு உள்ளே உருகிவிட்டேன். இன்னும் என்னுள் நடக்க வேண்டியது என்ன இருக்கிறது..?’ என்ற கேள்வி அந்த கண்ணீர்த் துளியில் பொதிந்திருந்ததை குரு புரிந்துகொண்டார். 

குரு நின்றார். 'நீ அற்புதமான மனிதனாக மாறிவிட்டாய்..! ஒரு புழுவுக்கோ, பூச்சிக்கோ கூட அடிபணியும் அளவு உனக்குள் மாற்றம் நிகழ்ந்துவிட்டது. ஆனால், இதே விருப்பத்துடன் உன்னுடைய சகோதரனிடம் உன்னால் பணிந்து போக முடியுமா..? இயலாது..! அதுதான் உன்னை இழுத்துப் பிடித்திருக்கிறது..' என்றார். பாகுபலிக்கு தன்னுடைய நிலை புரிந்தது. சகோதரனிடம் இருந்த வெறுப்பு காரணமாகக் கொண்ட பற்றைக் களைந்தான். அந்தக் கணமே ஞானோதயம் பெற்றான். 

இப்படித்தான் பலர், வீடு, வசதிகள், பணம், மனைவி, கணவன் என்ற உறவு, குழந்தைகள் மீதுள்ள பற்று, எல்லாவற்றையும் விட்டெறிந்துவிட்டு ஆசிரமத்தை நாடுவார்கள். ஆனால், ஏதோ ஒன்றை விடமுடியாமல் பிடித்து வைத்துக்கொள்வார்கள். எவ்வளவோ பேர் சிறிய வயதிலேயே அந்த வயதுக்குரிய சுகங்களை எல்லாம் துறந்துவிட்டு, ஆசைப்பட்டதைச் சாப்பிடாமல், போதைப் பழக்கம் இல்லாமல், காமத்துக்கு அடிமையாகாமல், இரவு, பகல் பாராமல், தான் என்கிற அகங்காரம் இல்லாமல் வேலை செய்வார்கள். ஆனால் ஏதோ ஒன்று அவர்களை அறியாமல் அவர்களிடம் தங்கியிருக்கும்! சமயத்தில் பார்க்கும்போது, ரத்தக் கண்ணீர் வரும். ‘அர்த்தம் இல்லாத ஏதோ ஒன்றை எதற்கு இவர்கள் பற்றிக் கொண்டிருக்கிறார்கள்..?’ என்று கவலைப்படுவேன். 

ஒரு பரிமாணத்திலிருந்து இன்னொரு பரிமாணத்துக்கு மாறும்போது, முன் பின் அனுபவமற்ற ஒரு பிரதேசத்துக்குள் நுழையும்போது, தன்னிச்சையாக ஏற்படுகிற அச்சம் காரணமாக, தனக்கு ஏற்கெனவே பழக்கமான ஏதோ ஒன்றை விட்டுவிட முடியாமல் மனம் கெட்டியாகப் பிடித்துக்கொள்கிறது. அவர்களுடைய இறந்த காலத்திலிருந்தோ, அல்லது அவர்கள் கற்றறிந்த விஷயத்திலிருந்தோ, அல்லது அவர்கள் ரசித்த ஏதோ ஒன்றையோ பிடித்து வைத்துக்கொள்வார்கள்.

சொர்க்கத்துக்கே அழைத்துச் சென்றாலும், அவர்களுடைய சுண்டுவிரல் மட்டும் இன்னும் ஏதோ ஒன்றைச் சுற்றி பற்றிக்கொண்டிருக்கும். அது, பணமாகத்தான் இருக்க வேண்டும் என்ற அவசியம் இல்லை. சிலருக்கு அவர்கள் பயன்படுத்தும் போர்வையாகக் கூட இருக்கலாம். அல்லது ஒரு செல்ஃபோனைப் பிடித்து வைத்துக்கொள்வார்கள். அல்லது தனக்கான இடம் என்று ஓரிடத்தைப் பார்த்து, அங்கே உட்கார்ந்துதான் தியானம் செய்வார்கள். உடல் முழுவதும் வந்துவிட்டாலும், வால் மட்டும் சிக்கிப் போவது இப்படித்தான்! அந்த வாலை, சரியான நேரம் பார்த்துக் கத்தரித்துவிட்டால், அவர்களுக்கு ஞானோதயம் ஏற்பட்டுவிடும். இதைத்தான் அந்த ஜென் குரு தனது சீடர்களுக்கு, கதையாக விளக்கிச் சொன்னார்.

நன்றி : சத்குரு

]]>
bahubali , Zen story, பாகுபலி http://images.dinamani.com/uploads/user/imagelibrary/2017/5/1/w600X390/bahu.jpg http://www.dinamani.com/health/mental-health/2017/may/01/bahubali-and-zen-story-2694297.html
2694231 மருத்துவம் மனநல மருத்துவம் நீங்கள் வேலை செய்யும் இடம் சிறப்பாக இருக்க சில டிப்ஸ் Monday, May 1, 2017 12:58 PM +0530 நீங்கள் ஒரு நிறுவனத்தின் தலைமை பொறுப்பிலோ அல்லது தொழிலாளர்களில் ஒருவராகவோ இருந்தால், உங்களைச் சுற்றி ஒரு ஆனந்தமான பணியிடத்தை உருவாக்கும் பொறுப்பு உங்களுக்கு இருக்கிறது. இதை செய்வதற்காக சத்குருவிடமிருந்து சில குறிப்புகள் இதோ…

1. கடின உழைப்பு வேண்டாம்

குழந்தைப் பருவத்திலிருந்தே, சந்தோஷமாக படி என்றோ, ஆனந்தமாக வேலை செய் என்றோ யாரும் நம்மிடம் சொல்லவில்லை. மக்கள் எப்பொழுதும் நம்மிடம் “படிக்கும் பொழுது நன்றாக படி, வேலை செய்யும் பொழுது கடினமாக உழைத்து செய்” என்றே சொல்லியிருக்கிறார்கள். மக்கள் எல்லாவற்றையும் கடினமாக செய்துவிட்டு, பின்னர், வாழ்க்கை எளிதாக இல்லை என்று வருத்தத்துடன் ஒரு முடிவுக்கு வருகின்றனர்.

அகங்காரத் தன்மையானது, எல்லாவற்றையும் கடினமாக செய்ய விரும்புகிறது, ஏனெனில், மற்றவரைவிட ஒரு படி மேலே இருக்கவேண்டும் என்பதே அதன் ஒரே கவலை. இப்படி வாழ்வது துரதிருஷ்டவசமானது. இதுவே முழு முயற்சி ஆகும் பொழுது, மக்கள் இயல்பாகவே எல்லாவற்றையும் கஷ்டமாக செய்வதின் மூலம் மனநிறைவு அடைகின்றனர். அவர்கள் மகிழ்ச்சியாக செயல்களை செய்தால், தாங்கள் எதுவும் செய்யவில்லை போன்று உணர்கிறார்கள்.

நீங்கள் பல செயல்களை செய்துவிட்டு, எதையும் நீங்கள் செய்யவில்லை போல உணர்வது அற்புதமான ஒன்றுதானே? அப்படிதான் இருக்க வேண்டும். நீங்கள் இருபத்திநான்கு மணிநேரம் வேலை செய்தாலும், ஒன்றுமே செய்யவில்லை என்று உணர்ந்தீர்கள் என்றால், நீங்கள் எந்த சுமையையும் உங்கள்மீது எடுத்துக்கொள்ளவில்லை என்று அர்த்தம். அப்படி உங்கள் தலைமீது எடுத்துக்கொண்டால், உங்களுடைய திறமைகள் ஒருபோதும் முழுமையாக வெளிப்படாது. மேலும், நீங்கள், இரத்தஅழுத்தம், நீரிழிவு மற்றும் அல்சரை உங்களுக்கு வரவழைத்து கொள்வீர்கள்.

2. போட்டிக்கு அப்பாற்பட்டு செல்லுதல்

மனிதனுடய உண்மையான திறமைகள் போட்டியில் வெளிப்படாது. நீங்கள் யாரோ ஒருவருடன் போட்டியிடும்பொது, அவரைவிட ஒருபடி முன்னே செல்ல வெண்டும் என்று மட்டுமே நினைக்கிறீர்கள். அவ்வளவுதான். உங்களுக்குள் மறைந்துள்ள உண்மையான ஆற்றலை பற்றி நினைப்பதில்லை. மனிதனுடய உண்மையான திறமைகள் மகிழ்ச்சியாக இருக்கும் பொழுதுதான் முழுமையாக வெளிப்படும். உள்ளுக்குள் அமைதியாகவும், ஆனந்தமாகவும் இருந்தால், உங்கள் உடல், மனம் சிறப்பாக வேலை செய்யும். பொதுவாக மக்களை தளர்வாக இருக்க சொன்னால், சோம்பேறி ஆகிவிடுகிறார்கள். தீவிரமாக இருக்க சொன்னால் இறுக்கமாகிவிடுகிறார்கள். இதன் வித்தியாசத்தை உணரமுடிகிறதா? நீங்கள் தளர்வாகவும், தீவிரமாகவும் இருக்க கற்றுக் கொள்ளவேண்டும். நீங்கள் தளர்வாகவும், தீவிரமாகவும் இருந்தால், உங்களுடைய எல்லா திறமைகளையும் முழுமையாக பயன்படுத்த முடியும்.

3. தன்னார்வ கலையை கற்றுக்கொள்ளுங்கள்

நீங்கள் தானாக முன்வந்து ஒரு வேலையை மேற்கொள்ளும் போது அது ஒரு அர்ப்பணிப்பாகிறது. ஆனால், அதே வேலையை வீட்டிலோ, பணியிடத்திலோ செய்யும்பொழுது அசிங்கமான செயலாக இருக்கிறது. அதே வேலைதான், அதே ஆள்தான். ஆனால், துன்பமாக செய்யலாமா அல்லது ஆனந்ததமாக செய்யலாமா என்ற தேர்வு உங்கள் கையில்தான் இருக்கிறது. எனவே வேலையிடத்தில் நீங்கள் என்ன செய்தாலும் அது ஏன் ஒரு அர்ப்பணிப்பாக செய்யகூடாது? எது உங்களை தடுக்கிறது?

நீங்கள் எப்போதும் தன்னார்வத்துடன் இருக்கவேண்டும். உங்கள் வாழ்க்கையை விருப்பத்துடன் நடத்திக்கொள்வதுதான் தன்னார்வம். இப்போது, நீங்கள், “நான் ஒரு தன்னார்வத்தொண்டர்” என்றால், அதற்கு, “நான் என்ன செய்கிறேனோ அதை விரும்பி செய்கிறேன்” என்று அர்த்தம். உங்கள் வாழ்க்கையை விருப்பத்துடன் நடத்திக் கொள்வதா விருப்பமில்லாமல் நடத்திக்கொள்வதா என்பதை நீங்களே தேர்வு செய்துகொள்ளுங்கள். விரும்பிச் செய்தால் வாழ்க்கை பேரின்பமாகவும், சொர்க்கமாகவும் மாறும். விருப்பமில்லாமல் இருந்தால் நரகமாகும். தன்னார்வத்துடன் இருப்பது என்பது ஈஷா யோகா வகுப்பில் பாத்திரங்களை கழுவுவதிலோ, காய்கறிகளை வெட்டுவதிலோ இல்லை. அது, வாழ்க்கையின் எல்லா சூழ்நிலைகளிலும், ஒவ்வொரு கணத்திலும் எப்படி விருப்பத்துடன் நட்த்திக்கொள்வது என்பதில் உள்ளது. ஏனென்றால், விருப்பமில்லாமல் இருந்தால், உங்களுக்கு நடந்து கொண்டிருக்கும் அழகான விஷயம்கூட எரிச்சலாக இருக்கும்.

4. உங்களுடைய சக ஊழியர்களிடமிருந்து சிறந்ததை பெறுங்கள்

நீங்கள் ஒரு தொழில் செய்தாலோ, குடும்பத்தில் இருந்தாலோ, வேறு என்ன செய்தாலும், உங்களுக்கு ஒரு வேலை ஆக வேண்டும் என்றால், உங்களை சுற்றியுள்ளவர்கள் ஏதோ ஒருவகையில் உங்கள் மீது அன்பு கொண்டிருந்தால்தான் அந்த வேலை சிறப்பாக நடக்கும். ஆனால், அவர்கள் உங்கள் மீது அன்பு செலுத்துவதற்கு முன், அவர்கள் எப்படிபட்டவர்களாக இருந்தாலும், நீங்கள் அவர்களிடம் அன்பு கொள்ள வேண்டும். அவர்கள் உங்களை நேசித்தால்தான், அவர்களிடமிருந்து சிறப்பானவற்றை நீங்கள் பெறமுடியும்.

 நன்றி - ஈஷா மையம்
 

]]>
tips for successful job, வேலை செய்யும் இடம் http://images.dinamani.com/uploads/user/imagelibrary/2017/5/1/w600X390/neengal-velai-seyyum-idam-sirappaga-irukka-sila-tips-2.jpg http://www.dinamani.com/health/mental-health/2017/may/01/நீங்கள்-வேலை-செய்யும்-இடம்-சிறப்பாக-இருக்க-சில-டிப்ஸ்-2694231.html
2691984 மருத்துவம் மனநல மருத்துவம் நீ தனி ஆளா? Thursday, April 27, 2017 04:25 PM +0530 குருஜி கூறுகிறார், ‘ நீ ஒரு தனி ஆள் அல்ல. நீ ஒரு கும்பல் தான். ‘நான்’ என்று கூறும்போது கூட அங்கு ஒரு ‘நான்’ இல்லை. பல ‘நான்கள்’ உனக்குள் இருக்கிறார்கள். காலையில் ஒரு நான். மதியம் ஒரு நான். மாலையில் ஒரு நான். இந்தக் குழப்பத்தை ஒரு போதும் நீங்கள் உணர்ந்து கொள்வதில்லை. ஏனெனில் அதை உணரும்படியான மையம் உங்களிடம் இருப்பதில்லை.

கும்பலாக இல்லாமல் தனி நபராக இருக்கும் போது மட்டுமே அமைதி சாத்தியம்!

நீங்கள் ஒரு கும்பல். ஒரு கும்பலானது எந்தக் கணத்திலும் கலைந்து சிதறிவிட முடியும். என்ன நேர்ந்தாலும் இருந்த இடத்திலேயே இருக்கிற ஒரு பாறையைப் போன்ற ஒன்று உங்களிடம் இல்லை. எனவே பாறையாக இல்லாமல் பலமான அடித்தளம் இல்லாமல் நீங்கள் பிழைத்துக் கொண்டிருக்கிறீர்கள்.

அடித்தளமற்ற வீடு எப்போதும் அச்சத்தில் தான் இருக்கும். லேசான காற்று கூட உங்களை அசைத்து அழித்துவிட முடியும். எனவே தான் ந்க்களை நீங்களே காத்துக் கொள்ள வேண்டியதிருக்கிறது.

இந்த ஓயாத தற்காப்பின் காரணமாகத்தான் உங்களால் அன்பு செய்ய முடியவில்லை. நட்பாக இருக்க முடிவதில்லை. நண்பர்கள் பலர் இருக்கலாம். ஆனால் நட்பு இருப்பதில்லை. யோக ஒழுங்குகள் அனைத்தும் உங்களையே உங்கள் அதிகாரியாக ஆக்கும் பொருட்டான ஒரு முயற்சிதான்.

அன்பு காட்டுவோம்!

எப்போது மனிதன் பிறரிடமிருந்து அன்பை எதிர்பாராது, தான் பிறரிடம் அன்பு செலுத்த ஆரம்பிக்கிறானோ, அப்போதுதான் அவன் முதிர்ச்சியடைந்தவன் ஆகிறான். அவனிடம் ஏற்படும் அன்பு நிரைந்து வழிகிறது. ஆகவே அதைப் பிறருக்கு பங்கிட்டு வழங்கி மகிழ முற்படுகிறான்.

அவன் பிறரைச் சார்ந்து இல்லை. அடுத்தவர் அன்பு செலுத்தினாலும், செலுத்தாவிட்டாலும், அவன் அன்பைக் கொடுத்துக் கொண்டே இருப்பான். ஒரு அடர்ந்தக் காட்டில் யாருமே புகழ்வதற்கு இல்லாத நிலையில், யாருமே அதன் நறுமணத்தை அறியாத தன்மையில், அது எவ்வளவு அழகானது என்று சொல்ல யாரும் இல்லாத நிலையில் அதன் அழகைக் கண்டு ஆனந்தமடைய, பங்கிட்டுக் கொள்ள யாரும் இல்லாத வெறுமை நிலையில், ஒரு அழகிய மணமுள்ள மலர்ந்த மலருக்கு என்ன நேரிடும்?

ஆனாலும் அவை மலர்ந்து கொண்டே தான் இருக்கும்.

அதைத்தவிர அவற்றுக்கு வேறொன்றும் தெரியாது. அவை எப்போதும் தனது மகிழ்ச்சியைக் கடவுளுக்கு அர்ப்பணித்துக் கொண்டே தான் இருக்கும்!

நீங்கள் அன்புக்காகப் பிறரை சார்ந்து இருந்தால் அது எப்போதும் துன்பத்தையே கொடுக்கும். ஏனெனில் சார்ந்து இருப்பது ஒரு வகை அடிமைத்தனம் தான்.

பிறகு, நீங்கள் உங்கள் ஆழ்மனத்தில் அவரை வஞ்சம் தீர்க்க முயல்கிறீர்கள். வழி தேடுகிறீர்கள். ஏனெனில் நீங்கள் சார்ந்திருந்த அவர், உங்களை ஆதிக்கம் செலுத்த அதிகாரம் உடையவராகிறார். பிறர் தன்னை அதிகாரம் செய்வதை யாருமே விரும்ப மாட்டார்கள். அந்த நிலையில் அன்புப் பரிமாற்றம் எப்படி ஏற்படும்?

அன்பு என்பது ஒரு சுதந்திரமான மலர்!

இந்த அதிகாரச் சண்டைதான் கணவன் மனைவிக்கிடையே எப்போதும் நடந்து கொண்டிருக்கிறது.

- ஓஷோ

(நன்றி – பிரணாயாமம்)

]]>
osho, அன்பு காட்டுவோம் http://www.dinamani.com/health/mental-health/2017/apr/27/osho-discourse-2691984.html
2690796 மருத்துவம் மனநல மருத்துவம் வாழ்க்கையில் இன்னும் எவ்வளவோ இருக்கிறது! Tuesday, April 25, 2017 11:49 AM +0530 நான் எங்கு சென்றாலும், மனிதர்கள் அவர்கள் மொபைல் போனுடன் கட்டுண்டு கிடப்பதைக் காண்கிறேன். தொழில்நுட்பம் என்பது அதுவாகவே நல்லதோ கெட்டதோ கிடையாது, அதை நாம் எப்படி பயன்படுத்துகிறோம் என்பதில்தான் எல்லாம் இருக்கிறது. தங்களுடைய புகைப்படங்களையும், அவர்கள் மனங்களில் எழும் எண்ணங்கள் அனைத்தையும் சமூக வலைதளத்தில் பதிந்தாக வேண்டும் என்ற நிர்பந்தமும் அவசரமும் மனிதர்களுக்கு ஏன் வந்தது? அடிப்படையில் அவர்கள் வாழ்க்கை அனுபவம் அவர்கள் எண்ணங்கள் மற்றும் உணர்வுகளின் எல்லைகளைக் கடக்காததால்தான். அவர்கள் குப்பையை பிறரிடம் பகிர்ந்துகொள்வதைவிட அர்த்தமுள்ளது எதுவும் அவர்களுக்குத் தெரியவில்லை. மக்கள் தங்கள் வாழ்க்கையில் நடந்தவற்றை டைரியாக பதிந்த நாட்கள் உண்டு. அப்போதெல்லாம் எவராவது அவர்களது டைரியைத் திறந்து படித்துவிட்டால் “என் வாழ்க்கையைப் பற்றி நீ எப்படி படிக்கலாம்?” என்று மனமுடைந்து போவார்கள். ஆனால் இப்போதோ, அவர்கள் முகநூலில் பதிந்ததை எவரும் படிக்கவில்லை அல்லது லைக் செய்யவில்லை என்றால் மனமுடைந்து போகிறார்கள்.

உங்கள் வாழ்க்கையின் ஒவ்வொரு கணமும் என்ன செய்தீர்கள், எங்கு சென்றீர்கள் என்று எல்லாவற்றையும் எல்லோரும் தெரிந்துகொள்ள வேண்டும் என்று நினைக்கிறீர்கள். மகத்துவம் ஏதும் இல்லாத இடத்தில் மகத்துவம் தேட முயல்கிறீர்கள். வாழ்க்கை மகத்துவம் வாய்ந்ததாக இருக்கப்போவது, உங்கள் மன மற்றும் உணர்வு கட்டமைப்பைக் கடந்து உணரும் திறனை மேம்படுத்தும்போது மட்டுமே. பெரும்பாலான மனிதர்கள் தங்கள் எண்ணங்களிலும் உணர்வுகளிலுமே சிக்குண்டபடி தங்கள் வாழ்நாள் முழுவதையும் வாழ்ந்து செல்கிறார்கள். அவர்கள் வேறெதையும் உணராமல், இதுமட்டுமே உண்மை என்று நினைக்கிறார்கள். எண்ணங்களும் உணர்வுகளும் நீங்கள் நடத்தும் மனோரீதியான நாடகம். உதாரணத்திற்கு, இப்போது ஏதோவொன்று தவறாகிவிட்டது என்று நீங்கள் நினைத்தால், உண்மையில் எதுவும் நடக்காவிடிலும் நீங்கள் உடனே வேதனைப்பட ஆரம்பித்துவிடுவீர்கள். மாறாக, உண்மையிலேயே உங்களைச் சுற்றி ஏதோவொன்று தவறாகிப் போனாலும் எல்லாம் சரியாக இருப்பதாக நீங்கள் நினைத்தால், நீங்கள் நலமாகவே இருப்பீர்கள். உங்கள் எண்ணங்களும் உணர்வுகளும் உங்கள் உருவாக்கம், நிஜத்திற்கும் அதற்கும் எவ்விதத்திலும் தொடர்பு கிடையாது.

அதேபோல, மற்றவர்களின் அனுபவங்களைப் பார்த்து உங்கள் நேரத்தை வீணாக்காதீர்கள். வேறொருவருக்கு நடப்பதற்கு நீங்கள் கவனம் செலுத்தினால், உங்களுக்கு எதுவும் நடக்காது. பார்வையாளராக இருக்காதீர்கள் – வாழ்க்கையில் பங்கேற்பாளராக இருங்கள். நீங்கள் செய்யும் செயலின் தீவிரத்தை அதிகரிக்கமுடியுமா என்று பாருங்கள். சும்மா முயன்று பாருங்கள். நீங்கள் ஏதோவொன்றை பார்த்துக்கொண்டு இருக்கிறீர்கள் என்று வைத்துக்கொள்வோம் – அதை பத்து சதவிகிதம் அதிக தீவிரத்துடன் பார்க்கமுடியுமா என்று பாருங்கள். எல்லோருடைய கண்களும் அதே விஷயங்களைக் காண்பதில்லை. உங்கள் அனுபவத்தின் அளவு, நீங்கள் எந்த அளவு தீவிரத்துடன் ஏதோவொன்றைச் செய்கிறீர்கள் என்பதைப் பொருத்தது. உங்கள் தீவிரத்தை அதிகரிக்க, நீங்களாக சற்று முயற்சியும் முனைப்பும் கொள்வது தேவைப்படுகிறது.

பெரும்பாலான மனிதர்கள் எங்கும் போய்ச்சேருவதில்லை, ஏனெனில் அவர்கள் எப்படியோ ஒரு படி முன்னால் கால்வைப்பார்கள், பிறகு ஒரு படி பின்னால் செல்வார்கள். நீங்கள் தெளிவான நோக்கத்துடன் ஒரு படி முன்னால் சென்று அதனை அங்கீகரித்தால், அடுத்த படி எடுப்பதற்கான உத்வேகம் பிறக்கும். தீவிரம் என்பது தன்னால் வராது. உங்கள் வாழ்க்கையின் மின்சாரத்தை உயர்த்தாமல், நீங்கள் அதிக விழிப்புணர்வாய் மாறமுடியாது. உங்களால் ஏதோவொன்றை எந்த அளவு அனுபவித்துணர முடிகிறது என்பது நீங்கள் எவ்வளவு விழிப்புணர்வாக இருக்கிறீர்கள் என்பதைப் பொருத்தது. 

நீங்கள் இப்போது உங்கள் விழிப்புணர்வை முழுவதுமாக இழந்துவிட்டால், நீங்கள் இங்கு இருப்பதும் உங்களுக்குத் தெரியாது, உங்களைச் சுற்றி ஒரு உலகம் இருப்பதும் தெரியாது. நீங்கள் ஓரளவு விழிப்புணர்வாக இருக்கிறீர்கள், அதனால்தான் நீங்கள் இங்கு இருப்பதும் உங்களுக்குத் தெரிகிறது, உங்களைச் சுற்றி ஒரு உலகம் இருப்பதும் உங்களுக்குத் தெரிகிறது. உங்கள் தீவிரத்தை நீங்கள் துரிதப்படுத்தினால், உங்கள் விழிப்புணர்வும் அதிகரிக்கும். நீங்கள் இதுவரை சாத்தியம் என்று நினைத்துக்கூட பார்த்திராத விஷயங்களை கிரகித்துக்கொள்ளத் துவங்குவீர்கள். உங்கள் வாழ்க்கையின் ஒவ்வொரு கணமும் உண்மையாகவே அர்த்தமுள்ளதாக இருக்கவேண்டும் என்பதே என் ஆசையும் ஆசியும். சலிப்பினால் இறப்பதை விட உற்சாகப்பெருக்கால் இறப்பது மேலானது.

நன்றி : சத்குரு ஜக்கி வாசுதேவ்

]]>
Face book, social media addiction, முகநூல், சமூக வலைதளம் http://images.dinamani.com/uploads/user/imagelibrary/2017/4/25/w600X390/addiction.jpg http://www.dinamani.com/health/mental-health/2017/apr/25/face-book-and--social-media-addition-2690796.html
2686029 மருத்துவம் மனநல மருத்துவம் வெற்றி வேண்டுமா? இதோ 5 டிப்ஸ் DIN DIN Monday, April 17, 2017 03:57 PM +0530 'எல்லாம் செய்துவிட்டேன், ஆனாலும் வெற்றி கழுவும் மீனில் நழுவும் மீனாக இருக்கிறது' என்பவர்கள் இங்கே வாருங்கள். சத்குரு சொல்லும் இந்த 5 வழிமுறைகளில் ஒன்றைப் பற்றிக்கொண்டால் உங்கள் வாழ்க்கையில் இனி வெற்றி வெற்றி வெற்றி மட்டும்தான். வெற்றியைத் தேடுபவர்களுக்குப் புதிய பொன்மொழிகள் இதோ.

சில சமயங்களில் எதேச்சையாக, அதிர்ஷ்டவசமாக, சில விஷயங்கள் உங்களுக்குச் சாதகமாக நிகழ்ந்துவிடலாம். அப்படிக் காற்று உங்கள் பக்கம் வீசும் சமயத்திற்காக நீங்கள் காத்திருந்தால், நல்ல விஷயங்கள் உங்கள் கல்லறையில்தான் நடக்கும், ஏனென்றால் அச்சமயம் வராமல் கூட போய்விடலாம்.

1. கைகளை நம்புவோம்! கைரேகையை அல்ல

உங்களுக்கு தெரியுமா? கோடான கோடி தடவை ஒரு திடமான சுவரின் ஊடே நடந்து அதைக் கடக்க முயன்றால், அதில் ஒரு முறை நீங்கள் கடந்துவிட முடியுமென்று குவான்டம் கோட்பாடு (Quantum Theory) கூட சொல்கிறது. அதில் சிறிய சிக்கல் அந்த கோடான கோடி தடவையைத் தொடும்முன் உங்கள் மண்டையோடு உடைந்திருக்கும்.

நீங்கள் அதிர்ஷ்டத்தை நம்பி வாழும்போது, நீங்கள் பயத்திலும் பதற்றத்திலும் வாழ்கிறீர்கள். நீங்கள் தெளிவான நோக்கத்துடனும் திறமையுடனும் வாழும்போது உங்களுக்கு எது நடந்தாலும் நடக்காவிட்டாலும், உங்களுக்கு நடப்பவை மேல் உங்களுக்கு ஆளுமை இருக்கும். அதுதான் ஸ்திரமான வாழ்க்கை.

2. தோல்வியில் தொலைவதை நிறுத்துங்கள்

உறுதியோடு இருக்கும் ஒரு மனிதனுக்குத் தோல்வி என்பதே கிடையாது. ஒரு நாளுக்கு 100 முறை நீங்கள் கீழே விழுந்தால், அவை நீங்கள் கற்கும் 100 பாடங்களாகிவிடும். நீங்கள் விரும்புவதை உருவாக்குவதில் உறுதியுடன் இருந்தால், உங்கள் மனம் ஒரே திசையில் நிலைத்துவிடும். உங்கள் மனம் இருக்கும் திசையில் உங்கள் உணர்ச்சிகளும் ஒன்றிவிடும். ஏனென்றால் நீங்கள் சிந்திக்கும் விதமாகத்தான் நீங்கள் வாழ்க்கையை உணரும் விதமும் இருக்கும். உங்கள் எண்ணமும் உணர்வுகளும் ஒன்று சேர்ந்தால், உங்கள் சக்திகளும் உங்கள் உடலும்கூட அத்திசையில் ஒருங்கிணைந்துவிடும். இவை அனைத்தும் ஒருமுகமாகின்ற போது, நீங்கள் விரும்புவதை உருவாக்கி உங்கள் கனவை நிஜமாக்கும் திறமை அபாரமாகிவிடும். பல விதங்களில் நீங்கள் படைப்பாளராகி விடுவீர்கள்.

3. தேவை தெளிவு குருட்டு நம்பிக்கை அல்ல

ஒரு மனிதனுக்குத் தேவை தெளிவு, குருட்டு நம்பிக்கை அல்ல. ஒரு கூட்டத்தின் நடுவே நீங்கள் நடக்கும்போது, உங்கள் பார்வை தெளிவாக இருந்தால், ஒவ்வொருவரும் எங்கு இருக்கிறார் என்று உங்களால் பார்க்க முடிந்தால், கூட்டத்தில் ஒருவரைக் கூடத் தொடாமல் நீங்கள் மிகச் சுலபமாக நடந்து சென்றுவிடுவீர்கள். உங்கள் பார்வைத் தெளிவாக இல்லை, ஆனால் நீங்கள் அதீத நம்பிக்கை உடையவர் என்கிறபோது, எல்லோர் மீதும் நடந்து செல்வீர்கள். தெளிவில்லாத காரணத்தால், தன்னம்பிக்கை நல்ல மாற்றுப்பொருள் என்று கருதுகிறீர்கள். அது ஒருக்காலமும் அப்படி ஆக முடியாது.

உதாரணமாக, நீங்கள் உங்கள் வாழ்க்கையின் முக்கியமான முடிவுகளையெல்லாம் இப்படி எடுக்கிறீர்கள் என்று வைத்துக் கொள்வோம். ஒரு நாணயத்தைச் சுண்டிவிடுங்கள். “சரி, தலை விழுந்தால் முதல் திட்டப்படி செயல்படுவோம், ஒருவேளை பூ விழுந்துவிட்டால் இரண்டாம் திட்டப்படி செயல்படுவோம்,” என்று நீங்கள் முடிவெடுத்து செயல்பட்டால், உங்கள் திட்டம் வேலை செய்ய 50 சதவிகிதம் வாய்ப்பிருக்கிறதா இல்லையா? வாழ்க்கையில் 50 சதவிகிதம்தான் நீங்கள் சரியாக இருக்கிறீர்கள் என்கிறபோது, நீங்கள் இரண்டு தொழில்கள்தான் செய்ய முடியும். ஒன்று நீங்கள் வானிலை அறிக்கையாளராகவோ அல்லது ஜோசியக்காரராகவோ இருக்க முடியும். இந்த பூமியில் நீங்கள் வேறெந்த வேலையும் செய்ய முடியாது.

4. கொஞ்சம் வளைந்து கொடுங்கள்

நம் வாழ்க்கையில் பலவிதமான சூழ்நிலைகளைக் கையாள்வதற்கு, நமக்கு வெவ்வேறு விதமான ஆளுமை குணங்கள் தேவை. அதில் நீங்கள் நீரோடைபோல் வளைந்துகொடுக்கும் தன்மையுடன் இருந்தால், நீங்கள் எடுத்திருக்கும் பாத்திரத்தில் உங்களால் முழு திறனுடன் செயல்பட முடியும். அதில் சிறிதும் சிக்கலிருக்காது. ஆனால் பலருக்கோ சூழ்நிலைக்கேற்றவாறு வளைந்து கொடுக்க முடியாமல் கட்டுண்டு கிடக்கிறார்கள். அவர்களுக்கு பிடிக்காதவற்றையும் புரியாதவற்றையும் எதிர்கொள்ளும்போது, அவர்கள் சொல்ல முடியாத பாதிப்பிற்கு உள்ளாகிறார்கள். நீங்கள் அதை உடைக்க வேண்டுமென்றால், நீங்கள் அதை முற்றிலும் வேறுவிதமாக அணுக வேண்டும். நீங்கள் செய்யக்கூடிய மிக எளிமையான செயல் இது: உங்களுக்குப் பிடிக்காத ஒருவருடன் சேருங்கள். அவர்களுடன் சிறிது நேரம் செலவிடுங்கள், மிக அன்பாக, ஆனந்தமாக! உங்களுக்குப் பிடிக்காதவற்றைச் செய்யுங்கள், உங்களுக்குப் பிடிக்காதவர்களுடன் இருங்கள். அந்த சூழ்நிலையிலும் நீங்கள் புத்தியுடன், அன்புடன், ஆனந்தத்துடன் வாழக் கற்றுக் கொண்டால் அதுவே உங்களுக்கு வெற்றி.

5. எனக்கு என்ன கிடைக்கும்?

உயர்ந்த மனிதனாக ஆக வேண்டும் என்கிற பேராவல் உங்களுக்கு இருக்கத் தேவையில்லை. நீங்கள் யாராக இருக்கிறீர்கள் என்பதன்மேல் உள்ள கவனத்தைத் தாண்டி உங்கள் குறிக்கோளையும், நீங்கள் இயங்கும் வளையத்தையும் விரிவுபடுத்திவிட்டால், எப்படியும் நீங்கள் உயர்ந்த மனிதராகத்தான் இருப்பீர்கள். உயர்ந்த நிலையை அடைய வேண்டும் என்று சில மனிதர்கள் ஏங்கியதில்லை. அவர்கள் பார்வை “எனக்கு என்ன கிடைக்கும்?” என்பதைத் தாண்டி இருந்தது. 'எனக்கு என்ன கிடைக்கும்?' என்ற இந்த ஒரு கணக்கை மட்டும் நீங்கள் கைவிட்டுவிட்டு, உங்கள் திறமையின் உச்சத்தில் செயல்பட்டால், ஏதோ ஒருவிதத்தில் நீங்கள் உயர்ந்தவராகத்தான் இருப்பீர்கள் . அப்போது இயல்பாகவே 'என்னைச் சுற்றியிருக்கும் உயிர்களுக்கு நான் என்ன செய்ய முடியும்?' என்று பார்க்கத் துவங்கிவிடுவீர்கள். உங்கள் திறமைகளையும் இயல்பாகவே அதிகரித்துக் கொள்வீர்கள், ஏனென்றால் செய்வதற்கு அவ்வளவு செயல்கள் இருக்கும்!

நன்றி - ஈஷா மையம்

]]>
Tips for success, வெற்றிக்கான வழிகள் http://images.dinamani.com/uploads/user/imagelibrary/2017/4/17/w600X390/vetri-venduma.jpg http://www.dinamani.com/health/mental-health/2017/apr/17/5-tips-for-success-2686029.html
2686027 மருத்துவம் மனநல மருத்துவம் தாங்க்யூ சொல்லுங்க! ஷக்தி Monday, April 17, 2017 03:41 PM +0530 நீங்கள் உங்கள் நட்பு சூழ் உலகை பத்திரமாக உள்ளங்கையில் பொத்தி வைத்திருக்க ஆசைப்படுகிறீர்களா? நெருக்கமான உறவுகள் எப்போதும் மகிழ்ச்சிக் கடலில் இருக்க வேண்டும் என எண்ணுகிறீர்களா? கவலை வேண்டாம். இது மிகவும் சுலபம். இதை சாதிக்க ஒரு வார்த்தை போதும். அன்பின் உறவுகள் யாவும் ஒருபோதும் நம்மை விட்டு நீங்காது. அந்த ஒரு வார்த்தையான மறைவார்த்தை என்னவெனில் ‘நன்றி’. ஆம். மற்றவர்கள் நமக்கு செய்த உதவியை என்றென்றும் மறக்காமல் இருப்பதும், அவர்களிடம் அதைப்பற்றி நினைவு கூறி மகிழ்வதும் அவ்வுறவின் சிறப்பை மேம்படுத்தும். தவிர நன்றி என்ற சொல் மகத்தான விளைவுகளை தரும் மந்திரச் சொல். அது நம் மனத்துக்கும் மகிழ்ச்சியை அளிக்கும். இதைத் தான் வள்ளுவர் செய்நன்றி அறிதல் எனும் அதிகாரம் முழுவதும் கூறியுள்ளார், சமீபத்திய ஆய்வு ஒன்றும் இதையே கண்டுபிடித்துள்ளது.

இந்த ஆய்வு முடிவுகள் ரெவ்யூ ஜர்னல் ஆஃப் கம்யூனிகேஷன் எனும் பத்திரிகையில் வெளிவந்துள்ளது. வாழ்க்கையையும் உறவுநிலைகளையும் மேம்படுத்தும் சக்தி நன்றி உணர்வுக்கு உள்ளது. ஒருவர் செய்த உதவியை மறக்காமல் அவருடன் இணக்கமாக நன்றியுடன் இருக்கையில் நீண்ட காலம் அவ்வுறவு பேணப்படுகிறது என்கிறது அந்த ஆராய்ச்சி.

நம்முடைய உடல் நலத்தை மேம்படுத்த தடுப்பூசிகளை போட்டுக் கொள்வது போல மனநலத்தையும் ஆரோக்கியமாக வைத்துக் கொள்ள நம்மை சார்ந்த அனைத்து உறவுகளிடம் ஆழ்ந்த நன்றியுணர்வுடன் இருந்தால் போதும். அது பல நன்மைகளை நமக்கே தெரியாமல் விளைவித்துவிடும். அதுவும் முக்கியமாக காதலர் அல்லது வாழ்க்கைத் துணையிடம் நேசத்துடனான நன்றியுணர்வுடன் வாழ்வது நீண்ட கால பந்தத்துக்கு உறுதி அளிக்கும் விஷயம் என்று ஆணித்தரமாக கூறுகிறது இந்த ஆய்வு.

நன்றியுணர்வு என்பதை எப்படியெல்லாம் எந்தந்த தருணத்தில் வெளிப்படுத்தலாம் என்று யோசிக்கிறீர்களா? உங்களுக்கு ஒருவர் பரிசு அளித்தாலோ, அல்லது உங்களுக்காக ஒரு செயலை செய்து உதவினாலோ, உங்கள் அன்பை நன்றியாகத் தெரிவிப்பீர்கள் தானே. அதை ஒருமுறையாக மட்டும் குறிக்கிக் கொள்ளாமல் அதை உங்கள் மனத்தில் எப்போதும் பதித்துக் கொள்வதும் அந்த நபரை சந்திக்கும் போது அவர் செய்த நன்றியை மறக்காமல் இருப்பது நல்ல குணம். அதான் ஒரு தடவை நன்றி சொல்லிவிட்டோம் இனி அவர் யாரோ நாம் யாரோ என்று நினைத்தால் அது நல்ல உறவு நிலையை வளர்த்தெடுக்காது. எப்போதெல்லாம் சந்தர்ப்பம் கிடைக்கிறதோ அதை நேரடியாகவோ அல்லது குறிப்புணர்வாகவோ கூட அவர்களுக்கு உணர்த்தலாம். அல்லது அவரிடம் பிரத்யேகமாகவும் நன்றி சொல்லலாம் சில சமயம் உங்களுக்கு உதவி செய்தவரின் பொதுநலச் செயலையும் தயாள குணத்தையும் மற்றவர்களும் அறிந்து கொள்ளும்படி வெளிப்படையாக அனைவருக்கு மத்தியிலும் கூறலாம். அந்தந்த சூழலுக்கு தகுந்தபடி நாம் நடந்து கொள்வது நல்லது.

நன்றி உணர்வு என்பது வேறு மகிழ்ச்சியாக இருப்பதும் வேறு வேறு. நன்றி உணர்வு என்பது பிறர் நமக்காக ஒரு செயலை செய்யும் போது ஏற்படும் உணர்வு. நமக்காக மற்றவர்கள் செய்த நன்மையை உள்ளார்ந்து நினைத்துப் பார்க்க வேண்டும். பிரதி உபகாரமாக நாம் அதை வாய் வார்த்தையாகவோ அல்லது சமயம் கிடைக்கும் போது சிறு உதவிகள் செய்வதன் மூலமாகவோ சம்பந்தப்பட்டவர்களுக்கு தெரிவிக்கலாம். அவரைப் பார்க்கும் போதெல்லாம் அவர் நமக்கு செய்த ஒரு நல்லது உடனடியாக நினைவுக்கு வருமே, அதுவே நன்றியுணர்வு என்கிறார் அமெரிக்க தன்னார்வு அமைப்பான நேஷனல் கம்யூனிகேஷன் அசோசியேஷனைச் சேர்ந்த ஸ்டீபன் எம்.யோஷிமுரா.  

நன்றியறிவித்தல் என்பது மிகவும் நேர்மறையான ஒரு விஷயம். நாம் ஒருவருக்கு கடமைப்பட்டிருக்கிறோம் எனில் அவர்களிடம் அதை உணர்த்திவிடுவது நல்லது. இது உளவியல்ரீதியாக பல நன்மைகளை இருதரப்புக்கும் ஏற்படுத்தும். மேன்மேலும் பல உதவிகளையும் பெற்றுத் தரும். நன்றி என்ற வார்த்தையை ஒருவரிடம் சொல்லும் போது அவர் உள்ளம் பூரிப்படையும், சொல்லுவோருக்கும் அந்த வார்த்தை போதாது என்றே நினைக்கத் தோன்றும். தருவதும் பெறுவதுமான இந்த நீண்ட வாழ்க்கையில் நன்றி என்பது நீரூற்று. அது குளிர்ச்சியான மனநிலையை உடனடியாக உருவாக்கிவிடும். ஒருவர் மீதான பிரியத்தையும் உறவையும் அழகாக்கும் வழி அவரிடம் தாங்யூ சொல்வதுதான்’ என்கிறார் யோஷிமுரா.
  
நன்றியுணர்வுடன் நடந்து கொள்வது ஒருவருடைய சமூகத் தொடர்புடைமை அதிகரிக்கும். தவிர அவர்களுக்கு உடல் நலப் பிரச்னைகள் அதிகம் ஏற்படுவதில்லை. அவர்களுக்கு மன பாரம் ஏதுமிருக்காது. நன்றாக உறக்கம் வரும் என்கிறார்கள் ஆய்வாளர்கள். நன்றியை தருவதும் பெறுவதும் மனித மனங்களில் நல்விதைகளாகும். உறவு நிலைகளில் அழகான மாற்றங்களுக்கு அது வழிவகுக்கும். அது வாழ்க்கையை திருப்திகரமாக வாழ வைப்பதுடன் எதிர்மறை விஷயங்களை தவிர்க்கும். மன அழுத்தம், பதற்றம், பொறாமை, வேலை சார்ந்த நெருக்கடி எனப் பல பிரச்னைகளையும் நன்றியுணர்வு வென்றெடுக்கும் என்கிறார்கள் ஆராய்ச்சியாளர்கள்.

]]>
Gratitude, Thank you, நன்றி, செய்நன்றி http://images.dinamani.com/uploads/user/imagelibrary/2017/4/17/w600X390/gratitude-appreciation-article.jpg http://www.dinamani.com/health/mental-health/2017/apr/17/expressing-gratitude-may-help-boost-your-relationship-2686027.html
2684960 மருத்துவம் மனநல மருத்துவம் இளம் வயதிலேயே சிகிச்சை! ஸ்மார்ட்ஃபோன் அபாயம்! Saturday, April 15, 2017 04:11 PM +0530 அமெரிக்காவில் பதிமூன்று வயதுக்கு உட்பட்ட குழந்தைகள் ஸ்மார்ட்ஃபோன், வீடியோ கேம் போன்ற பல டிஜிடல் விஷயங்களுக்கு அதி வேகமாக அடிமையாகிவருகின்றனர். அதிலிருந்து அவர்களை மீட்டெடுக்க முடியாமல் அவதியுறுகிறார்கள் பெற்றோர்கள். இவர்களுக்கான சிகிச்சை சமீபத்தில் அறிமுகமாகிவிட்டது என்கிறது அமெரிக்க மீடியா செய்தி.

சியாட்டில் அருகில் ‘தி ரீஸ்டார்ட் சென்டர்’ (The reSTART Life Centre) எனும் மையம் தொடங்கப்பட்டுள்ளது. இங்கு டிஜிட்டல் டெக்னாலஜி மற்றும் வீடியோ கேம்களுக்கு தீவிரமாக அடிமையாகிவிட்ட இளைஞர்களுக்கான சிகிச்சையை வழங்கப்படுகிறது என்கிறது ஸ்கை ந்யூஸ்.

13 வயதிலிருந்து 18 வயது வரையுள்ள இளைஞர்களுக்கான இந்தச் சிகிச்சைக்கு செரினிட்டி மவுண்டன் (Serenity Mountain) என்று பெயரிடப்பட்டுள்ளது.

மெய்நிகர் உலகில் எந்த திசையிலிருந்து, எத்தகைய ஆபத்து ஏற்படும், அது எந்த அளவுக்கு இளம் வயதினரை பாதிப்படையச் செய்துவிடும் என்பதை வரையறுத்துச் சொல்ல முடியாது. ஆனால் அவற்றிலிருந்து ஒதுங்கி இயற்கை எழில் மிக்க ஓரிடத்தில் இளைஞர்கள் சிகிச்சை பெறும் போது அது அவர்களின் மன அமைதியை மீட்டுத் தரும் என்கிறார்கள் ரீஸ்டார்ட் மையத்தினர்.

ஸ்மார்ட்ஃபோன் உள்ளிட்ட டெக்னாலஜி விஷயங்களில் இளைஞர்களின் கவனம் திரும்பிவிட்டால் அவர்கள் அதற்கு எளிதில் அடிமையாகிவிடுகின்றனர். வேறு எதிலும் அவர்களுக்கு இயற்கையான நாட்டம் குறைந்துபோய்விடும். இயல்பாக இருக்க வேண்டிய சில உணர்வுகள் கூட நாளாவட்டத்தில் மந்தமாகிவிடும் ஆபத்து ஃபோனில் நீண்ட நேரம் விளையாடுவதில் உள்ளது. தவிர மொபைல் ஃபோன்களில் உள்ள வண்ணங்களும் சப்தங்களும் இளம் வயதினரை வெகுவாக ஈர்த்துவிடுகிறது. ஒரு கேமை அவர்கள் விளையாடத் தொடங்கினால் மணிக்கணக்காக அதில் மூழ்கிவிடுகின்றனர். யாரேனும் அவர்களை அழைத்தால் கூட அவர்களுக்கு அந்தச் சமயத்தில் காதில் விழாது, அப்படியே விழுந்தாலும் சரியாக பதில் சொல்ல மாட்டார்கள். ஃபோனை நீங்கள் வாங்கிவிட்டால் அவர்களின் அதீத கோபத்துக்கு உள்ளாவீர்கள். அவர்களை கண்டிப்பதும் தண்டிப்பதும் ஒரு பயனும் அளிக்காத நிலையில் ரீஸ்டார்ட் போன்ற மையங்களின் தேவை அதிகரித்து வருகிறது என்று ஸ்கை நியூஸிடம் தெரிவித்தார் இந்த மையத்தின் தலைவர் டாக்டர் ஹிலாரி கேஷ்.

இளைஞர்களின் இந்த நவீன பிரச்னைக்கு இங்கு பிரத்யேகமாக சிகிச்சை அளிக்கப்படுகிறது. அனுமதிக்கப்படும் இளைஞரின் பொதுவான குணநலன்களும், அவருடைய குடும்பப் பின்னணியும் முதலில் விசாரிக்கப்படும். ஒவ்வொரு விபரமாக சேகரித்து 8-12 வாரங்கள் வரையில் முதல் கட்ட ஆய்வில் பதிவு செய்வார்கள்.

இந்த காலகட்டத்தில் திறமையான மருத்துவ நிபுணர் குழுவொன்று இவர்களை ஆய்வு செய்யும். அவர்களிடமும் அவர்களின் குடும்பத்தாரிடமும் மனம் விட்டுப் பேசி பல கேள்விகள் கேட்பதன் மூலம் டிஜிட்டல் மீடியாவுக்கு அவர்கள் எந்த அளவுக்கு அடிமைப்பட்டுள்ளார்கள் என்பதை முதலில் கண்டறிவார்கள். பிரச்னையின் தீவிரம் தெரிந்தால் தான் சிகிச்சை அளிப்பது எளிது. அவர்களின் தீவிரத்தன்மைக்கு ஏற்றபடி அவர்களுக்கான மருத்துவ சிகிச்சைகளும் கவுன்சிலிங்கும் தொடங்குவார்கள். முதலில் அவர்களையே மாற்றத்துக்குத் தயாராகும் மனநிலையை உருவாக்கிய பின்னர் தான் சிகிச்சை ஆரம்பிக்கப்படும்.

சில இளைஞர்களுக்கு டிஜிட்டல் மீடியாவின் நன்மை தீமைகளை புரிய வைப்பது மிகவும் கடினம். தங்களுக்கு எல்லாம் தெரியும் என்றே அவர்கள் கருதுவார்கள். அவர்களை அணுகிப் பேசிப் புரிய வைப்பதற்கே நீண்ட காலம் ஆகும். சில சமயம் ஒருவருடம் கழித்தும் கூட தாங்கள் பிடித்த பிடியிலிருந்து சற்றும் கீழிறங்க மாட்டார்கள். இப்படி விதவிதமான இளைஞர்ளின் டிஜிட்டல் சார்ந்த புதுப் புது பிரச்னைகளை தீர்க்கவே ரீஸ்டார்ட் செயல்படுகிறது. சமீப காலமாக ஸ்பார்ட்ஃபோன் அடிக்‌ஷன் தான் இளைஞர்களை கவலைத்தரக்க அளவில் பாதித்துள்ளது.

அளவுக்கு அதிகமாக ஸ்மார்ட்ஃபோனைப் பயன்படுத்துபவர்கள் சொந்த வாழ்க்கையில் மட்டுமல்லாமல், வேலை செய்யும் இடங்களில் மற்றும் சமூகத்தில் என எல்லா இடங்களிலும் பிரச்னையை சந்திப்பார்கள் என்கிறது இன்பர்மேஷன் சிஸ்டம்ஸ் ஜர்னலில் வெளியாகியுள்ள புதிய ஆராய்ச்சியொன்றின் முடிவு.

]]>
Smart phone, Teen agers, Phone Addiction , ஸ்மார்ட்போன், செல்ஃபோன் பாதிப்புக்கள் http://images.dinamani.com/uploads/user/imagelibrary/2017/4/15/w600X390/young_amican_kids.jpg http://www.dinamani.com/health/mental-health/2017/apr/15/smartphone-addiction-of-youngsters-2684960.html
2682121 மருத்துவம் மனநல மருத்துவம் மகிழ்ச்சியான வாழ்க்கைக்கு 5 டிப்ஸ்! Tuesday, April 11, 2017 08:11 AM +0530 1. எது முதலில் நடக்க வேண்டும் – நிர்ணயித்துக் கொள்ளுங்கள்


உங்கள் முன்னுரிமைகளை நிர்ணயித்துக் கொள்ளுங்கள். உங்களுக்கு எது வேண்டாம் என்பதைப் பற்றி சிந்திக்க வேண்டாம். நீங்கள் எப்படி இருக்க விரும்புகிறீர்கள் என்று பாருங்கள், அதனை நோக்கி வேலை செய்யுங்கள். உங்கள் திறமை, தகுதி, நீங்கள் வாழும் சூழ்நிலைக்கு ஏற்றாற் போல நிலைமை வழிக்கு வரும். எந்தவிதமான வீட்டில் வாழ வேண்டும், எந்தவிதமான செயல் செய்ய வேண்டும் என்று நினைப்பதை விட்டு விட்டு, 'நான் ஆன்மீக நோக்கத்தில் இருக்க விரும்புகிறேன், நலமாக, மகிழ்ச்சியாக வாழ விரும்புகிறேன்' என்று சொல்லத் தொடங்குங்கள். மற்ற விஷயங்கள் இதைச் சுற்றி தானாக சீரடையும்.

2. மகிழ்ச்சியாக வாழ்வதே முக்கியம்

நீங்கள் அன்றாடம் பத்து மைல் நடக்கலாம், ஒரு விலை உயர்ந்த கார் வைத்திருக்கலாம் அல்லது ஒரு சைக்கிளில் பவனி வரலாம் – அதுவல்ல முக்கியம். உங்கள் வாழ்க்கையை மகிழ்ச்சியாக வாழ்வது, அதன் ஒவ்வொரு அம்சத்தையும் அனுபவிப்பது அதுதான் முக்கியம், இல்லையா? மற்ற விஷயங்கள் எல்லாம் சௌகரியத்திற்காக நாம் செய்து கொள்ளும் ஏற்பாடுகள் மட்டுமே.

3. 'அவனைவிட நன்றாக இருக்க வேண்டும்' எனும் நோய்

இன்னொருவரை விட நன்றாய் வாழ்வதே நல்வாழ்வு என்று, அதைப் பற்றி புரிந்து கொள்ளாதவர்கள் நினைக்கிறார்கள். இன்னொருவரை விட நன்றாக இருக்க வேண்டும் என்று விரும்புவது நல்வாழ்வு அல்ல, அது ஒரு நோய். உலகை இந்த நோய் மோசமாக பீடித்துள்ளது. வேறு யாரும் வைத்துக் கொள்ள முடியாது என்பதற்காகவே பல பொருட்களை வைத்துக் கொள்ள மக்கள் விரும்புகின்றனர். உலகில் இருப்பதிலேயே பெரிய வைரத்தை உங்களுக்கு கொடுக்கிறேன் என்று வைத்துக் கொள்வோம், எதுவும் தெரியாமல் அதைப் பார்த்தால் அது வெறும் கல். ஆனால், சந்தையிலோ அதற்கு ஏகப்பட்ட கிராக்கி ஏற்படுத்திவிட்டோம், மதிப்பு கொடுத்துவிட்டோம். தெருவில் கிடக்கும் ஒரு சாதாரண கருங்கல்லை நீங்கள் கவனமாக பார்த்தால், அதுவும் அழகானதாகவே இருக்கிறது. நிறைய கிடைப்பதால் அதற்கு மதிப்பில்லாமலும் போய்விட்டது. உலகில் மிகக் குறைவான எண்ணிக்கையிலேயே வைரங்கள் கிடைக்கின்றன. எல்லோரும் வாங்கவும் முடியாது. அதனால், அதை கழுத்தில், காதில், மூக்கில் அணிந்து கொள்கிறீர்கள். அது அழகாக இருப்பதால் அல்ல என்பதே யதார்த்தமான உண்மை.

4. வாழ்க்கையை வீணாக்காதீர்கள்

வாழ்க்கை குறித்த தவறான கருத்துக்களால் மனித வாழ்வு விஷமாகிக் கொண்டிருக்கிறது. இன்னொருவரை விட, நன்றாக இருக்க முயற்சி செய்து பலர் தங்களைத் தாங்களே அழித்துக் கொள்கின்றனர். இன்னொருவரை விட நன்றாக காட்சியளிக்க வேண்டும் என்பதற்காக எத்தனையோ மனிதர்கள் தங்கள் வாழ்வை வீணாக்கி இருக்கிறார்கள். உங்கள் வாழ்க்கையை அப்படி வீணாக்காதீர்கள்.

5. உங்கள் முழு திறனோடு செயலாற்றுங்கள்

இன்னொருவரை விட நன்றாக இருக்க வேண்டும் என்பதையே நினைத்துக் கொண்டிருந்தால் உங்கள் முழுத் திறன் மலராது. வாழ்க்கையில் உங்களுக்கு எது முன்னுரிமை என்று உறுதி செய்து கொண்டபின், அதனை விட்டுவிடுங்கள். உங்கள் முழுத் திறனோடு என்ன செய்ய முடியுமோ அதைச் செய்யுங்கள். என்ன நடக்க வேண்டுமோ, அது நிச்சயம் நடக்கும்.

நன்றி : ஈஷா மையம் 

]]>
வாழ்க்கை, Tips, Happy life, மகிழ்ச்சி http://images.dinamani.com/uploads/user/imagelibrary/2017/4/10/w600X390/tips_for_happiness.jpg http://www.dinamani.com/health/mental-health/2017/apr/10/மகிழ்ச்சியான-வாழ்க்கைக்கு-5-டிப்ஸ்-2682121.html
2676842 மருத்துவம் மனநல மருத்துவம் உலகம் முழுவதும் 300 மில்லியன் மக்களுக்கு மனஅழுத்தப் பிரச்னை! உமா ஷக்தி Saturday, April 1, 2017 02:27 PM +0530 உலக சுகாதார நிறுவனம் சமீபத்தில் ஒரு மதிப்பீடு அறிக்கையை வெளியிட்டுள்ளது. அதில் உலகெங்கும் 300 மில்லியன் மக்களுக்கு மேல் மன அழுத்தப் பிரச்னையில் பாதிக்கப்பட்டுள்ளார்கள் என்கிறது அந்த அறிக்கை.

உலக ஆரோக்கிய தினம் நெருங்கிக் கொண்டிருக்கும் இந்த வேளையில், மார்ச் 31 அன்று இவ்வறிக்கையை யு.என் ஏஜென்சி வெளியிட்டது,

இந்த எண்ணிக்கை அச்சுறுத்தும் வகையில் உள்ளது. உடனடியாக அனைத்து நாடுகளும் உளவியல் சிக்கல்களுக்கான மருத்துவத்துக்கு முக்கியத்துவம் அளிக்க வேண்டும் என்றும், உதவி தேவைப்படுவோருக்கு உரிய சிகிச்சை அளிக்கவும் முன் வரவேண்டும் என்றார் உலக சுகாதார அமைப்பின் ஆய்வாளர் ஜின்ஹுவா.

மன அழுத்தப் பிரச்னையில் பாதிக்கப்பட்டோரின் சதவிகிதம் 2005 லிருந்து 2015-ஆம் ஆண்டுகள் வரை கணக்கில் எடுத்தால், இது 18 சதவிகிதத்துக்கு மேலாக அதிகரித்துள்ளது என்கிறது உலக சுகாதார நிறுவனம். ஏப்ரல் 7 உலக ஆரோக்கிய தினத்தை முன்னிட்டு மன அழுத்தப் பிரச்னையைப் பற்றி விரிவாக பேச முடிவெடுத்துள்ளது இந்நிறுவனம். இதன் மூலம் இப்பிரச்னையால் பாதிக்கப்பட்டோருக்குத் தேவையான உதவிக் கரங்களைப் பெற வேண்டும் என்பதே ஒருவருட காலமாக இந்தப் பிரச்சாரத்தில் ஈடுபட்டுள்ள உலக சுகாதார நிறுவனத்தின் குறிக்கோள்.

கைவிடப்பட்ட மனநிலை, யாருமற்ற தனிமை போன்ற பல மனோவியாதிகளுக்கு எளிதில் தீர்வும் சிகிச்சையும் உள்ளது. ஆனால் அது குறித்த விழிப்புணர்வு இல்லாத நிலையில் பெரும்பாலான மக்கள் துன்புறுகின்றனர். ஆரோக்கிய நலவாழ்வைப் பற்றிய விழிப்புணர்வு தான் அவர்களுக்கு நிச்சயம் தேவை.

மன அழுத்தப் பிரச்னையின் தொடர்ச்சியாக பலருக்கு தற்கொலை எண்ணமும் தலைதூக்கிவிடும் அபாயம் உள்ளது.  இது ஒவ்வொரு வருடமும் ஆயிரமாயிரம் உயிர்களை பலிவாங்கியுள்ளது என்கிறது ஆய்வறிக்கை.

இந்த நிலையிலிருந்து அவர்களை மீட்டெடுக்க முதல் கட்டமாக பிரச்னையின் மூலத்தை கண்டறிய வேண்டும். பாரபட்சமும் ஒடுக்குமுறையும் மேலோங்கியிருக்கும் சமூகங்களில் சராசரி வாழ்க்கையை நகர்த்துவதே பெரும் சோதனை. எனவே அடிப்படை விஷயமான வாழ்தல் சார்ந்த பிரச்னைகளுக்கும் தீர்வு கிடைக்க வழி செய்யவேண்டும்.

’மன அழுத்தம் – வாங்க பேசலாம்’ (Depression: let's talk) இதுவே எங்கள் பிரச்சாரத்தின் வாசகம் என்றார் சேகர் சக்ஸேனா. இவர் உலக சுகாதார நிறுவனத்தின் மன நலப் பிரிவின் இயக்குநராவார்.

மன அழுத்தப் பிரச்னையில் சிக்கித் தவிக்கும் ஒருவரை குணமாக்க முதலில் அவர்களிடம் மனம் விட்டுப் பேச வேண்டும். அவர் சொல்வதை பொறுமையாக காது கொடுத்துக் கேட்க வேண்டும். அவரின் நம்பிக்கையை பெற்ற பின்னர் தான் சிகிச்சையை தொடங்க முடியும். தொடர் சிகிச்சைக்குப் பின்னரே அவர்களை முழுமையாக குணப்படுத்த முடியும் என்றார் சக்சேஸனா.

பெரும்பாலான நாடுகள் மனநலப் பிரச்னைகளால் பாதிக்கப்பட்டோருக்கான ஆதரவை அளிக்க முன்வருதில்லை. அறியாமை மட்டும் இதற்குக் காரணமல்ல, இதற்கென நிதி ஒதுக்க முடியாத பொருளாதார நெருக்கடிகளும்தான் பூதாகரமாக உள்ளது. ஆனால் பொருளாதாரத்தில் நிலைப் பெற்ற நாடுகளில் கூட 50 சதவிகித மக்கள் மன அழுத்தப் பிரச்னைக்கான சிகிச்சை கிடைக்கப்பெறாமல் அவதியுறுகிறார்கள் என்பது பெரும் சோகம்.

சராசரியாக, அரசாங்கத்தின் 3 சதவிகித நிதி வளம் மட்டுமே மன நலத் துறைக்கு ஒதுக்கப்படுகிறது. அதிலும் பொருளாதாரத்தில் மிகவும் பின் தங்கிய நாடுகளில் இது ஒரு சதவிகிதமும், பொருளாதாரத்தில் மேம்பட்ட நாடுகளில் 5 சதவிகிதம் என்றும் கணக்கிடப்பட்டுள்ளது.

]]>
WHO, Depression - Lets Talk, Saxena, மன அழுத்தப் பிரச்னை http://images.dinamani.com/uploads/user/imagelibrary/2017/4/1/w600X390/depress.jpg http://www.dinamani.com/health/mental-health/2017/apr/01/உலகம்-முழுவதும்-300-மில்லியன்-மக்களுக்கு-மனஅழுத்தப்-பிரச்னை-2676842.html
2670026 மருத்துவம் மனநல மருத்துவம் பிரச்னையை கண்டு ஓடாதீர்கள்! Wednesday, March 22, 2017 10:46 AM +0530 வாழ்க்கையில் ஏதேனும் பிரச்னை என்றால் அதை விட்டுத் தூர விலகவே நாம் எத்தனிப்போம். நம்முடன் இருப்பவர்களும் கூட, 'பிரச்னைக்கு தீர்வு தெரியவில்லை என்றால், அதை விட்டுவிடு. நடப்பது நடக்கட்டும் என்று சரணடைந்து விடு' என்றே சொல்கிறார்கள். பிரச்சினையை நீங்கள் விட்டுவிடுவீர்கள்… ஆனால் பிரச்னை பலநேரங்களில் உங்களை அவ்வளவு சுலபமாக விட்டுவிடாதே! வங்கியில் கடன் வாங்கிவிட்டு, அதைத் திரும்பக் கட்டமுடியாமல் தவிப்பவர்களைப் பார்த்திருப்பீர்கள் தானே? அக்கடனை விட்டு அவர்கள் ஓடநினைத்தாலும், வங்கி அவர்களை விடுவதில்லையே! வாழ்க்கையும் இதுபோலத்தான் – வாழ்வில் நீங்கள் சந்திக்க நேரிடும் சூழ்நிலைகளும் ‘கடன்’ போன்றதுதான். அதற்கான விலையை நீங்கள் கொடுக்கத்தான் வேண்டும் – பணத்தைக் கொண்டு அல்ல, உங்கள் வாழ்வைக் கொண்டு. நீங்கள் புத்திசாலியாக இருந்தால் அதற்கென ஒருவிலை தருவீர்கள், இல்லையேல் அதற்கு வேறுவிலை தர நேரிடும்… எது எப்படியோ… அதற்கான விலையை மட்டும் தந்தே ஆகவேண்டும்.

நமக்கிருக்கும் பிரச்னைகள் எல்லாம் பிரச்சினையாக இருப்பது, அவற்றை நாம் பிரச்னையாகப் பார்ப்பதால்தான். நிஜத்தில் பார்த்தால் வாழ்வில் பிரச்னைகள் என்று எதுவும் கிடையாது… இருப்பது சூழ்நிலைகள் மட்டும்தான். ஆம்… ஒவ்வொன்றும் ஒவ்வொருவிதமான சூழ்நிலை. அவற்றைப் ‘பிரச்னை’யாகப் பார்த்தால், அவை பிரச்னையாக மாறிவிடும். ஆனால் அதையே அற்புதமான வாய்ப்பாகப் பார்த்தால், அது அவ்வாறே அற்புதமான வாய்ப்பாக மாறிடும். இப்போது எங்கோ யாருக்கோ கல்யாணம் நடக்கிறது என்று வைத்துக்கொள்வோம். ஆனால் அவருக்கோ அதில் சிறிதும் இஷ்டமில்லை. இது அவருக்கு பெரும் பிரச்னையாக ஆகிறது. இது அவருள் எந்த அளவிற்கு பாதிப்பை உருவாக்கும் என்று உங்களுக்குத் தெரியுமா? இதுவே வேறொருவர் விருப்பத்தோடு கல்யாணம் செய்கிறார் என்று வைத்துக் கொள்ளுங்கள்… அவரின் வாழ்வில் அதுவே பொன்னாளாக உருவெடுக்கும். ஒரே சூழ்நிலைதான்… ஆனால் அதை பிரச்னையாக மாற்றிக் கொள்வதும், அற்புதமாக வைத்துக் கொள்வதும், அதை நீங்கள் எப்படி அணுகுகிறீர்கள் என்பதைப் பொருத்தே அமைகிறது.

இங்கு பலரின் பிரச்னை… அவர்களுக்கு அந்த சூழ்நிலை வேண்டும், ஆனால் அதற்கான விலையைக் கொடுக்க அவர்கள் தயாராக இல்லை. உதாரணத்திற்கு, கடையில் நீங்கள் பார்க்கும் துணிகள் உங்கள் மனதைக் கவர்கின்றன… ஆனால் அதன் விலையை ஏற்க உங்களுக்கு மனமில்லை. இதற்கான ஒரே தீர்வு திருட்டுதான். ‘சரி!’ என்று திருடனாகிவிட்டால், எல்லாமே இலவசம்தான்… ஆனால் ஒன்று, எப்போது ‘அரசு விருந்தாளி’ ஆக நேருமோ என்ற பயத்திலேயே ஒவ்வொரு கணத்தையும் கழிக்கநேரிடும். வாழ்வில் எது வேண்டும் என்றாலும், அதற்கென ஒரு விலை உண்டு. அந்த விலை உங்கள் வாழ்விற்கு ஏற்கக்கூடியதாக இருக்கிறதா, இல்லையா என்பதை நீங்கள்தான் முடிவுசெய்ய வேண்டும்.

ஒரு பொருள் பத்து ரூபாய் என்றால், அதை நீங்கள் வாங்க நினைக்கலாம்… ஆனால் அதுவே பதினொன்று ரூபாய் என்றால் அதை நீங்கள் வாங்க மறுக்கலாம். இது முழுக்க முழுக்க உங்கள் தீர்மானம். அதே போல்தான் வாழ்வின் ஒவ்வொரு சூழ்நிலையும். இது பணம் சார்ந்த சூழ்நிலைகளுக்கு மட்டுமல்ல. வாழ்வின் ஒவ்வொரு சூழ்நிலைக்குமே ஒரு விலை உண்டு. அந்த விலை ஏற்கக்கூடியதா, இல்லையா என்பதை நீங்கள்தான் தீர்மானிக்க வேண்டும். அதை நீங்கள் மட்டும்தான் முடிவுசெய்ய முடியும். வேறொரு கோணத்திலிருந்து பார்த்துவிட்டு, அதைத் தேவையற்ற, வீணான செயலாக நான் கருதலாம்… ஆனால் அதே சூழ்நிலை உங்களுக்குப் பெருமதிப்புள்ளதாக இருக்கலாம். அதனால் இது வேறுயாரோ முடிவு செய்வதல்ல.

அந்த சூழ்நிலைக்குத் தேவையான விலையைக் கொடுக்க உங்களுக்கு விருப்பமா, இல்லையா என்பதை முடிவு செய்யுங்கள். முடிவெடுத்த பின், சந்தோஷமாக அந்த விலையைக் கொடுத்துவிடுங்கள். விருப்பமின்றி அந்த விலையைக் கொடுத்தால், அது கிடைத்தும் நீங்கள் அவதியுறுவீர்கள். ஒரு முடிவை எடுத்தபின் அதில் சரி, தவறு என்று எதுவுமில்லை. ‘நல்ல வாழ்க்கை’ என்றெல்லாம் எதுவுமில்லை. ஆனால் ஏதோ ஒன்றில் முழுமனதோடு உங்களை நீங்கள் ஈடுபடுத்திக் கொண்டால், உங்கள் வாழ்க்கை உங்களுக்கு அற்புதமாகவே இருக்கும். எவ்வளவு சிறிய விஷயமாக இருந்தாலும் அதில் முழுமையாய் நீங்கள் ஈடுபட்டால் உங்கள் அனுபவத்தில் அது அற்புதமாகவே இருக்கும். வேறொருவருக்கு நீங்கள் செய்வது அர்த்தமற்றதாக இருக்கலாம், முட்டாளத்தனமாகக் கூடத் தோன்றலாம். ஆனால் உங்கள் அனுபவத்தில் அது உயரியதாக இருக்கிறது… அவ்வளவுதான் வேண்டும்.
 
எந்த ஒரு சூழ்நிலையும் வளைக்கமுடியாத, மாற்றமுடியாத ஒன்றல்ல. உங்களுக்குப் பிடிக்காத, அல்லது வேண்டாத சூழ்நிலையில் தற்போது இருக்கிறீர்கள்… அதில் இருக்கவேண்டாம் என்று எண்ணுகிறீர்கள் என்றால், அந்தச் சூழ்நிலையை சற்றே கூர்ந்து கவனியுங்கள். அதிலிருந்து விடுபடுவதற்கான வழிகள் உங்களுக்குத் தென்படும். உதாரணத்திற்கு, மிகவும் அடைத்து வைத்தாற் போன்று உணர்கிறீர்கள்… கொஞ்சம் காற்று வேண்டும் என்று தோன்றுகிறது என்றால், ஜன்னலைத் திறந்து வையுங்கள். அதுவே போதும். இல்லை… அங்கிருந்து வெளியே செல்லவேண்டும் என்றால், கதவைத் திறந்துகொண்டு வெளியே செல்லுங்கள். இது முழுக்க முழுக்க உங்கள் தேர்வுதான். ஆனால் இதில் நீங்கள் எதைத் தேர்ந்தெடுத்தாலும், அதற்கென்று குறிப்பிட்ட பின்விளைவுகள் இருக்கும். அதைச் சந்திக்க நீங்கள் தயாராக இருக்கிறீர்களா? என்பதுதான் கேள்வியே.

வாழ்க்கை என்பது சூழ்நிலைகளின் கோர்வை. நீங்கள் தொடர்ந்து முன்னேற்றப் பாதையில் செல்லும்போது, நீங்கள் எதிர்கொள்ளும் சூழ்நிலைகள் உங்களுக்குப் பரிச்சயமற்றதாக இருப்பதற்கான சாத்தியங்கள் மிக அதிகம். அவற்றை எப்படிக் கையாளவேண்டும் என்று உங்களுக்குத் தெரியாத பட்சத்தில், அவை உங்களுக்குச் சவாலாக அமையலாம்… ஆனால் அவையே பிரச்னைகள் அல்ல. உண்மையில் பிரச்னை என்பது உங்கள் வாழ்வில் ‘புதுப்புது’ சூழ்நிலைகள் இல்லாமற் போவதுதான். அப்போது வாழ்க்கை தேங்கி நின்றிடும். தொடர்ந்து முன்னேற்றப் பாதையில் நீங்கள் இருக்க விரும்பினால், உங்களுக்குப் பரிச்சயமல்லாத, உங்களுக்குக் கையாளத் தெரியாத புதுப்புது சூழ்நிலைகளை எதிர்கொண்டு கொண்டே இருப்பீர்கள். அதனால் உங்கள் வாழ்வில் ‘பிரச்னை’களை அதிகம் எதிர்கொள்கிறீர்கள் என்றால், உங்கள் வாழ்வை மாபெரும் சாத்தியக்கூறாக நீங்கள் மாற்றிக் கொண்டிருக்கிறீர்கள் என்று அர்த்தம்.

நன்றி : ஈஷா மையம்

]]>
problem, problems and solutions, பிரச்னைகள், தீர்வுகள்ம் http://images.dinamani.com/uploads/user/imagelibrary/2017/3/21/w600X390/670px-Solve-Problems-Using-Mind-Maps-Step-1.jpg http://www.dinamani.com/health/mental-health/2017/mar/21/பிரச்னையை-கண்டு-ஓடாதீர்கள்-2670026.html
2669997 மருத்துவம் மனநல மருத்துவம் ஒரு நிமிடம் கூட பேஸ்புக் பார்க்காமல் இருக்க முடியவில்லையா? Tuesday, March 21, 2017 11:58 AM +0530  

நீங்கள் சமூக வலைதளங்களில், அதிலும் முக்கியமாக ஃபேஸ் புக்கில் தீவிரமாக இயங்குபவர்களா? உங்களுக்குத் தான் இந்த பதிவு. தயவு செய்து சிறிது நேரம் ஒதுக்கி முழுவதும் படித்துவிடுங்கள்.

நீங்கள் எழுதிய ஃபேஸ்புக் பதிவுகளை அடிக்கடி படித்தும், அதற்கு என்ன என்ன பதில்கள், விருப்பக் குறிகள் வந்துள்ளன என்பதை எல்லாம் அடிக்கடி பார்ப்பது, வண்டி ஓட்டும் போது, அலுவலக கூட்டத்தில், அல்லது பயணத்தில் என எப்போதும் எங்கும் கையில் மொபைலுடன் இருக்கிறீர்கள் எனில் உங்களுக்கே தெரியாமல் சில பிரச்னைகளை நீங்கள் விரைவில் சந்திக்கக் கூடும்.

இதனால் மனிதனின் இரண்டு மூளையின் இடையே உள்ள செயல்பாட்டுத்திறன் சமநிலையில் இருக்காது என அமெரிக்க பல்கலைக்கழகம் நடத்திய ஆராய்ச்சியொன்றில் அதிர்ச்சிகரமான தகவல் வெளியாகியுள்ளது. எவ்வளவுக்கு எவ்வளவு அதிகமான பயன்பாடோ அந்தளவுக்கு அதிகமான பாதிப்புக்கள் நிகழக் கூடும். அது அவர்களின் சிந்தனையோட்டத்திலும் அதனை தொடர்ந்து செயல்பாடுகளிலும் வெளிப்படும்.

ஃபேஸ்புக்கில் அதிக நேரம் இருக்கும்  341 மாணவர்களை ஆய்வுக்கு உட்படுத்தினர் ஆராய்ச்சியாளர்கள். முதல் செமஸ்டர் முடிந்த நிலையில் இந்த ஆராய்ச்சியைத் தொடங்கிய அவர்கள் ஒவ்வொரு மாணவரின் படிப்பு மற்றும் மதிப்பெண்களை அதன்பின் தொடர்ந்து ஒருவருடம் முழுவதும் கவனிக்க ஆரம்பித்தனர்.  

ஆராய்ச்சியின் முடிவில் அதிகமாக ஃபேஸ்புக் பயன்படுத்தும் மாணவர்களின் மூளையில் நடந்த மாற்றங்களால் நுண் உணர்வுகள் வெகுவாகப் பாதிக்கப்பட்டிருப்பதை கண்டறிந்தனர். இதில் 76 சதவிகித மாணவர்கள் ஃபேஸ்புக்கை வகுப்புகளிலும், 40 சதவிகிதத்தினர் வாகனம் ஓட்டும் போதும் பயன்படுத்தியிருந்தனர்.   தொடர்ந்து ஃபேஸ்புக்கில் மூழ்கி தன்னை மறந்த நிலையில் அவர்களின் நடத்தையிலும் பல மாற்றங்கள் இருந்தன. அறிவாற்றலிலும் பலவீனமான  கூறுகள் ( இருப்பதைப் பார்த்து அதிர்ச்சி அடைந்தனர். மூளையின் இரண்டு பகுதிகளுக்கான ஒத்திசைவு குறைந்துவிட்டதால், மாணவர்கள் சமன் நிலை இழந்து, பெரிய அளவில் பாதிக்கப்படுவதாகவும் அவர்கள் தெரிவித்துள்ளனர். இதனால் மாணவர்களின் மதிப்பெண்கள் மிகவும் குறைந்து அவர்களின் படிப்பும் சமூகத்தில் பழகும் தன்மையும் பாதிக்கப்படுகிறது என்றார் அமெரிக்காவிலுள்ள கலிஃபோர்னியா பல்கலைக்கழகத்தின் பேராசிரியர் ஓஃபிர் டூரில் 

மாணவர்களின் நிலை இதுவென்றால், மற்றவர்களில் 63 சதவிகித மக்கள் ஒருவருடன் மற்றவர் உரையாடிக் கொண்டிருக்கும் போது தவிர்க்க முடியாமல் தங்கள் மொபைலை பயன்படுத்திக் கொண்டிருப்பார்கள். 65 சதவிகிதத்தினர் அலுவலக வேலை நேரத்தில் முக்கியமாக செய்ய வேண்டிய வேலை செய்வதற்கு பதில் ஃபேஸ்புக் பார்த்துக் கொண்டும், படித்துக் கொண்டும் இருக்கிறார்கள் என இந்த ஆய்வு அறிக்கை கூறுகிறது. பேஸ்புக் உள்ளிட்ட சமூக வலைதளங்களை அதிகம் பயன்படுத்துவதால், மூளையின் செயல்பாடுகள் பாதிக்கப்படுகிறது என்று ஆய்வுபூர்வமாக தெரிந்துவிட்டதால் அவற்றை அளவாக பயன்படுத்தும் படி மக்களுக்கு ஆய்வாளர் அறிவுறுத்தியுள்ளனர். 

இந்த ஆய்வு அறிக்கை ஜெர்னல் ஆஃப் மேனேஜ்மெண்ட் இன்ஃபர்மேஷன் சிஸ்டம்ஸில் வெளிவந்துள்ளது (Journal of Management Information Systems.

இனி அடுத்த முறை ஃபேஸ்புக்கைத் திறந்து, எத்தனை லைக்ஸ், எவ்வளவு ஷேர்ஸ், எத்தனை புதிய நட்புக் கோரிக்கை என்று பார்க்காதீர்கள்! கருவிகளுக்கு அடிமையாகாமல், மனக் கட்டுப்பாட்டுடன் அவற்றை உங்கள் தேவைகளுக்காகவும் தொழில்நுட்பமாக மட்டுமே பயன்படுத்தினால் அது வளர்ச்சிக்கான பாதையில் உங்களை அழைத்துச் செல்லும் என்பது உண்மையிலும் உண்மை!

]]>
Face Book addiction, முகநூல் பிரச்னைகள், ஃபேஸ்புக் அடிமை http://images.dinamani.com/uploads/user/imagelibrary/2017/3/21/w600X390/brain_fb.jpg http://www.dinamani.com/health/mental-health/2017/mar/21/ஒரு-நிமிடம்-கூட-பேஸ்புக்-பார்க்காமல்-இருக்க-முடியவில்லையா-2669997.html
2667159 மருத்துவம் மனநல மருத்துவம் குறை என்பதையே அறிய மாட்டார்கள்! Thursday, March 16, 2017 06:18 PM +0530 மன நலம் காப்போம் -8

எஸ்.வந்தனா பதிலளிக்கிறார்


எனக்கு வயது 30, என் மனைவியின் வயது 28. திருமணம் ஆகி இரண்டு ஆண்டுகள் ஆகின்றன. என் மனைவி எந்த வேலை செய்தாலும் நீண்ட நேரம் எடுத்துக்கொள்கிறார். சமைத்தல், குளித்தல், வீடு கழுவுதல், துடைத்தல், துணி துவைத்தல், மேக்கப் செய்து வெளியே கிளம்புதல் இப்படி எந்த வேலையாக இருந்தாலும் அளவுக்கு அதிகமாக நேரம் செலவழிக்கிறார். மிகவும் சுத்தமாக இருக்க வேண்டும் என்பதற்காக தாமதம் செய்வதாக கூறுகிறார். இதனால், எங்கள் இருவருக்கும் அடிக்கடி சண்டைகள் நிறைய பிரச்னைகள் வருகின்றன. இதை எவ்வாறு சரி செய்வது? 
- வாசகர், திருமுல்லைவாயல்.


நீங்கள் சொல்வதைப் பார்க்கும் போது, ஒவ்வொரு முறையும் நீங்கள் அவரை குறை சொல்வதால் அவருக்குப் பதற்ற நோய் ஏற்பட்டிருக்கலாம் என்பது தெரிகிறது.

முதலில் நீங்கள் அவரின் பெற்றோரிடம் அவரைப் பற்றிய விஷயங்களை எடுத்துச் சொல்லி, குழந்தை பருவத்திலிருந்தே அவர் இப்படித்தான் இருக்கிறாரா? என்பதை அறிய வேண்டும். சில சமயம் இந்த மாதிரியான குறைபாடுகள் பதற்றத்தினால் ஏற்படும். இதை மன சுழற்சி நோய் (obessive compusive disorder) என்று சொல்வோம். பொதுவாக இந்த மனநிலையில் இருப்பவர்கள் எதைச் செய்தாலும் சுத்தமாக இருக்க வேண்டும் என்பதற்காக செய்த வேலையை திரும்ப திரும்ப செய்வார்கள். அடிக்கடி கை கழுவுவது, வீடு துடைப்பது, குளிப்பது, அதைச் செய்ய நிறைய நேரம் எடுத்துக் கொள்வார்கள். இதுதான் அவர்களுடைய பிரச்னை. இதனால், தன்னுடைய அன்றாட செயல்களில் தன்னைப் பற்றியும், சமுதாயத்தைப் பற்றியும், வேலை பற்றியும் முக்கியத்துவம் தரமாட்டார்கள். இது ஒரு குறை என்பதையே அவர்கள் அறியவும் மாட்டார்கள் அதுதான் பெரியகுறை. அவர்களைப் பற்றி நன்கு தெரிந்தவர்களால் மட்டும்தான் இக்குறையைக் கண்டு பிடிக்க முடியும். இந்த பிரச்னை வருவதற்கு நிறைய காரணங்கள் இருக்கின்றன. பொதுவாக குழந்தைப் பருவத்தில் இவ்வித பாதிப்பு சில வேளைகளில் மருத்துவ பிரச்னைகளால் கூட ஏற்பட வாய்ப்பு உண்டு. மனநல மருத்துவரிடம் சென்று இதற்கான சிகிச்சை முறை, மாத்திரைகள், சைக்கலாஜிகள் சிகிச்சை மூலமாகவும் இதைக் கட்டுப்படுத்த முடியும்.  இது குழந்தை முதல் முதியவர் வரை யாருக்கும் வர வாய்ப்பு உண்டு.

நான் ஒரு தாய், என்னுடைய மகளுக்குத் தற்பொழுது குழந்தை பிறந்து இருக்கிறது. குழந்தை பிறந்து 1 மாதம் ஆகிறது. குழந்தை பிறந்ததிலிருந்து என்னுடைய மகள் அதிகப்படியான கோபம், எரிச்சல், அழுகை, குழந்தையைப் பற்றிய அக்கறை இல்லாமல் இருக்கிறாள். நான் என்ன செய்வது என்று தெரிவில்லை!
- சரஸ்வதி, சங்கரன்கோவில்.  

அம்மா, உங்கள் மனநிலை எனக்குப் புரிகிறது. நீங்கள் இது அவருடைய முதல்  குழந்தையா அல்லது இரண்டாவது குழந்தையா என்று கூறவில்லை. குழந்தை பிறப்பு  என்பது மிக முக்கியமான மகிழ்ச்சியான தருணம். பொதுவாக குழந்தை பிறக்கும் போது பயம், கவலை வருவது இயல்பு. குழந்தை பிறப்பின் போது அவர்கள் மனநிலையிலும் உடல் அளவிலும் நிறைய மாற்றங்கள் ஏற்படும். அந்த மாற்றங்களால் அவர்களின் எண்ணத்திலும், உணர்ச்சியிலும் மாற்றம் ஏற்படுகின்றது. அது அப்படியே தொடர்ந்து 1 அல்லது 2 வாரங்களுக்கு மேல் கோபம், வெறுப்பு, தூக்கமின்மை, அழுகை, அக்கறையின்மை போன்றவை இருக்கலாம். ஆனால், இவை தொடர்ந்து நீடித்தால் அல்லது அன்றாட நடவடிக்கை பாதிக்கப்பட்டால் உடனடியாக மனநல மருத்துவரிடம் அழைத்துச் செல்லுங்கள். அவர்கள் தரும் மாத்திரைகள் மூலம் மனநிலையில், எண்ணத்தில் நல்ல மாற்றம் வரும். நீங்கள் இதை நினைத்துக் கவலைப்பட வேண்டாம். இது விரைவில் சரியாகக் கூடிய பிரச்னைதான்.

நான் ஓர் ஆசிரியர். என் வகுப்பில் ஒரு மாணவி எதற்கெடுத்தாலும் அச்சம், பயம்,  கூச்ச சுபாவம், தாழ்வு மனப்பான்மை உடையவளாக இருக்கிறாள். யாரிடமும் பேசமாட்டாள். எப்போதும் உம்மென்று இருப்பாள். நான் கடந்த 3 வருடங்களாக பார்த்து வருகிறேன். படிப்பும் சுமாராகத்தான் வருகிறது. அவளை எப்படித் தேற்றுவது சரி செய்வது?
- சேகர், தருமபுரி

எனக்கு மிகவும் மகிழ்ச்சியாக உள்ளது. ஓர் ஆசிரியர் தன்னுடைய வகுப்பு மாணவிக்காக இவ்வளவு அக்கறை எடுத்துக்கொள்வதை எண்ணிப் பெருமையடைகிறேன். தற்பொழுது நிறைய காரணங்களால் மாணவர்கள் பயம் மற்றும் கூச்ச சுபாவத்திற்கு ஆளாகின்றனர். 

மரபு மற்றும் சுற்றுச்சூழல் காரணமாக இருக்கலாம். முதலில் நீங்கள் அவளுடைய குடும்ப நிலை, உடன் பிறப்பு, யார் யார் எல்லாம் அவளுடன் இருக்கின்றனர், அவளை எப்படிப் பார்த்துக் கொள்கிறார்கள் என்பதை அறிந்துகொள்ளுங்கள். தாங்கள் ஒரு தந்தையைப் போன்று, அவளுடன் ஒரு நல்ல உறவுமுறையில் இருக்கிறீர்கள். இன்னும் கொஞ்சம் அக்கறையுடன் அவளிடம் பேச வேண்டும். அவளுடைய படிப்பு, அவளுடைய விருப்பத்தில் அக்கறை காட்ட வேண்டும். அவளுக்குப் படிப்பதில் பிரச்னையாக இருக்கலாம் (slow learner) புரிந்து கொள்வதில், எழுதுவதில் அல்லது கணிதப் பாடம் பிரச்னையாக இருக்கலாம். எழுதும்போது நிறைய பிழைகள் இருக்கலாம். 

உதாரணமாக, said என்றால் sed என்றும் what  என்றும் எழுதுவார்கள். நீங்கள் அவளுடைய முந்தைய வகுப்பு படங்களைப் பார்க்க வேண்டும். அதன்பின், அவள் எந்த நிலையில் உள்ளார் என்பதை அவளுடைய பெற்றோரிடம் கூறி உடனடியாக மனநல ஆலோசகரிடம் சென்று நுண்ணறிவுத் திறன் (INTELLIGENCE) மற்றும்  கற்றலில் உள்ள குறைபாடு (SLOW LEARNER) கண்டறிந்து இதற்குப் பயிற்சிகள் கொடுக்க வேண்டும். படிப்பில் அவள் முயன்றால்  அடுத்தபடியாக உள்ள அவளுடைய தாழ்வு மனப்பான்மை மற்றும் நடத்தையில் மாற்றம் வரும். 

(பதில்கள் தொடரும்)

]]>
obessive compusive disorder, மன சுழற்சி நோய், வந்தனா, மன நலம் காப்போம் http://images.dinamani.com/uploads/user/imagelibrary/2017/3/16/w600X390/vandana.jpg http://www.dinamani.com/health/mental-health/2017/mar/16/குறை-என்பதையே-அறிய-மாட்டார்கள்-2667159.html
2665905 மருத்துவம் மனநல மருத்துவம் அச்ச நோய்களை அறிந்து கொள்ள ஓர் இணையதளம்! Tuesday, March 14, 2017 02:47 PM +0530 பயம் தேவையற்றது என்று பொதுவாகச் சொன்னாலும், எல்லாருக்கும் அவ்வப்போது ஏதாவதொரு பயம் வந்து செல்வதுண்டு. சிலருக்குச் சிறிய விஷயங்களுக்கு எல்லாம் பயம் வருகிறது. இந்தப் பயத்தால் அவர்கள் அடையும் துன்பம் அதிகமானது. சிலருக்குக் கரப்பான் பூச்சியைக் கண்டால் பயம், சிலருக்குத் தண்ணீரைக் கண்டால் பயம், சிலருக்குப் பூனையைக் கண்டால் பயம், சிலருக்கு இரத்தத்தைக் கண்டால் பயம், சிலருக்குப் பயணம் செய்ய பயம், சிலருக்குப் படிப்பை நினைத்தால் பயம், சிலருக்கு உயரமான இடத்தில் நின்று கீழே பார்த்தால் பயம்... என்று ஏதாவதொரு பொருளைப் பார்த்தோ அல்லது செயலை நினைத்தோ  பயம் கொண்டு துன்பப்படுவதை அச்ச நோய் (Phobia) என்று சொல்கின்றனர்.

குடும்பத்தில் அல்லது சுற்றுப்புறத்தில் ஏற்படுகின்ற நிகழ்வுகள், மனதிற்குள் ஏற்படுத்தும் குழப்பமான எண்ணங்கள் போன்றவற்றாலும், வளரும் பருவத்தில் மனதில் ஆழமாகப் பதிந்த அல்லது பாதித்தவைகளால் ஏற்படுத்தும் விளைவுகளாலும் இந்த அச்ச நோய்கள் ஏற்படுகின்றன. இத்தகைய அச்ச நோய்களைப் பட்டியலிட்டு ஓர் இணையதளம் செயல்பட்டு வருகிறது. 

இந்த இணையதளத்தில் அகர வரிசையிலான அறிவியல் - அச்ச நோய் (Alphabetized Scientific  Phobia), அகவரிசைப்படுத்தப்பட்ட அச்ச நோய்  அறிவியல் (Indexed Phobia  Scientific) எனும் இரு வகையான பட்டியல்கள் இடம் பெற்றிருக்கின்றன. 

அகர வரிசையிலான அறிவியல்  அச்ச நோய் எனும் தலைப்பில் சொடுக்கினால் திறக்கும் பக்கத்தில் ஆங்கில எழுத்துக்களின் அகர வரிசையில் பல அச்ச நோய்களின் அறிவியல் பெயர்கள் பட்டியலிடப்பட்டிருக்கின்றன. ஆங்கிலத்திலான அப்பெயர்கள் தொடங்கும் ஆங்கில எழுத்தின் வழியாக வரிசைப்படுத்தப்பட்டு, ஒவ்வொரு அச்ச நோய்க்கும் அடிப்படையான காரணங்கள் குறித்த சிறு குறிப்பும் கொடுக்கப்பட்டிருக்கின்றன. 

இந்த இணையதளம் அச்ச நோய் குறித்த முழுமையான செய்திகளைக் கொண்டிருக்காவிட்டாலும், எத்தனை விதமான அச்ச நோய்கள் இருக்கின்றன? அவற்றுக்கான அடிப்படைக்காரணங்கள் எவை? என்பதைப் பற்றி முழுமையாகத் தெரிந்து கொள்ள உதவுவதாக இருக்கிறது. இந்த இணையதளத்திற்குச் செல்ல விரும்புபவர்கள் http:phobialist.com  எனும் இணைய முகவரியைப் பயன்படுத்தலாம். 
- மு. சுப்பிரமணி

]]>
Website, நோய்களை அறிய இணையதளம் http://images.dinamani.com/uploads/user/imagelibrary/2017/3/14/w600X390/afd4beb47d2db310bf0d2f9f8cc5827d.jpg http://www.dinamani.com/health/mental-health/2017/mar/14/அச்ச-நோய்களை-அறிந்து-கொள்ள-ஓர்-இணையதளம்-2665905.html
2658891 மருத்துவம் மனநல மருத்துவம் மன நலம் காப்போம் 6 Thursday, March 2, 2017 12:32 PM +0530 மனதில் குழப்பம் இருந்தால்..!  எஸ்.வந்தனா பதிலளிக்கிறார்.

எனக்கும் என் கணவருக்கும் மூன்று ஆண்டுகள் முன்பு திருமணம் நடைபெற்றது. கண் திருஷ்டி, நல்ல சகுனம் இதிலெல்லாம் எனக்கு நம்பிக்கையில்லை. ஆனால், என் கணவர் எதற்கெடுத்தாலும் சகுனம் பார்க்கிறார். சமைக்கும்போது அடுப்பில் ஏதாவது தீய்ந்து போனால், நல்ல சகுனம் பார்த்து மளிகை சாமான் வாங்கி வரவில்லை என்று திட்டுகிறார். அவருடன் வெளியே எங்கு சென்றாலும் அழுது கொண்டே சென்று அழுதுகொண்டே வீடு திரும்புவதாக அமைகிறது. அவரின் மனநிலையை எப்படி மாற்றுவது?
-சூரியகலா, மதுரை

உங்களுடைய மனநிலை எனக்குப் புரிகிறது. பொதுவாகவே ராகு காலம், நல்ல நேரம், சகுனம், திருஷ்டி போன்றவை நம் கலாசாரத்தில் ஒன்றிணைந்த ஒன்றாக இருக்கிறது. நிறைய நபர்கள் இதை கடைப்பிடிப்பார்கள். இது போன்ற விஷயங்களால் மற்றவர்களுக்காக, சம்பந்தப்பட்டவர்களுக்கு பிரச்னை ஏற்படாதவரைக்கும் இவை அனைத்தும் இயல்பான விஷயம். ஆனால், இந்த விஷயங்களால் கூட இருப்பவர்களுக்கு பிரச்னை ஏற்படும்போது, இவற்றை சாதாரணமான ஒன்றாக ஏற்றுக்கொள்ளக் கூடாது. உங்கள் கணவரைப் பொருத்தவரை நீங்கள் கவனிக்க வேண்டிய விஷயம். இவருக்கு சிறுவயதில் இருந்தே இந்த விஷயத்தை கடைப்பிடித்து இருக்கிறாரா? எப்போதிருந்து இதைக் கடைப்பிடிக்கிறார்? இதனால் இவருக்கும் மற்றவர்களுக்கும் படிக்கும் போதோ, வேலை செய்யும் இடத்திலோ பாதிப்பு ஏற்பட்டு உள்ளதா என்பதை நீங்கள் அறிய வேண்டும். உங்கள் கணவர் உங்களிடம் மட்டுமே இப்படி நடந்துகொள்கிறாரா அல்லது அனைவரிடமும் இப்படி இருக்கிறாரா என்பதை தாங்கள் அறிந்து கொள்ள வேண்டும். முதல் கட்டமாக இவ்விஷயத்தைப் பற்றி அவரிடமே நல்லவிதமாக பேச வேண்டும். இது போன்ற விஷயங்கள் இயல்பாக இருக்கலாம்; சில சமயங்களில் மன நோயின் ஆரம்ப அறிகுறியாகவும் இருக்கலாம். ஆதலால் நீங்கள் மனநல ஆலோசகரைப் பார்ப்பது நல்லது. 

என் வயது 48. என் கணவரின் வயது 53. அவர் வெளியூரில் வேலை பார்த்து வருகிறார். நானும், எங்கள் இரண்டு குழந்தைகளும் மட்டும் சேலத்தில் வசித்து வருகிறோம். இரவில் உறங்கச் செல்லும்போது, தலையணையில் தலை வைத்தவுடன் ஏதோ ஒரு பாட்டு சத்தம் மெலிதாகக் கேட்கிறது. டக்கென்று எழுந்து உட்கார்ந்தால் பாட்டுச் சத்தம் நிற்கிறது. மீண்டும் படுத்தால் சத்தம் கேட்கிறது. இது எதனால் ஏற்படுகிறது. வீட்டில் ஏதும் அமானுஷ்ய சக்தி இருந்தால் இப்படி நடக்குமா அல்லது இது என் மனப் பிரமையா என்ன காரணமாக இருக்கும்?                             
-வாசகி, சேலம்.

நீங்கள் கூறியுள்ளது என்னவென்றால் உங்கள் கணவர் வெளியூர் செல்லும் போது  மட்டும் பாட்டு கேட்கிறது என்கிறீர்கள், இவற்றிற்கு பல காரணங்கள் உள்ளது. முதல் கட்டமாக பயத்தினால் கூட இதுபோல் ஏற்பட வாய்ப்புகள் உள்ளன. இல்லையெனில் தங்களுக்கு இப்பொழுது வேறு ஏதாவது பிரச்னை உள்ளதா? (உதாரணமாக: பணப் பிரச்னை அல்லது உடம்பு சம்பந்தப்பட்ட (மாதவிடாய் போன்ற) பிரச்னை ஏதாவது இருக்கிறதா?) இவ்வாறு ஏதாவது இருந்தால் அதை நீங்கள் சரி செய்ய வேண்டும். இவ்விதமான பாட்டு சத்தம் உங்களுக்கு மட்டுமே கேட்கிறதா? குழந்தைகளுக்கும் கேட்கிறதா? எத்தனை நாட்களாக இவ்வாறு உள்ளது என்பதை நீங்கள் தெளிவாக கூறவில்லை. ஆகையால் முதல் கட்டமாக உங்கள் மனதில் ஏதாவது குழப்பம் இருந்தால் இதைப்பற்றி உங்கள் கணவரிடம் பகிர்ந்து கொள்ள வேண்டும். ஏனெனில் இப்படி பகிரும் போது இவ்வாறான பிரச்னைகள் தானாக குறையும். சில நேரங்களில் தூக்கம், உணவு, பிரச்னைகள் காரணமாக இவ்வாறு ஏற்பட வாய்ப்புகள் உள்ளது. ஆகையால் உங்கள் குடும்பநல மருத்துவரை அணுகவும்.

திருமணமாகி 4 ஆண்டுகள் வரை என் கணவரின் சொந்த வீட்டில் மாமனார் மாமியாருடன் கூட்டுக்குடும்பமாக இருந்தோம். கணவரின் உறவினர்கள் என்னைத் தவறாக  விமர்சித்ததால், என் விருப்பத்தைக் கணவர் ஏற்று இருவரும் வாடகை வீடு எடுத்து, தனிக்குடித்தனம் சென்றோம். இப்போது மீண்டும் சொந்த வீட்டிற்கே போகலாம் என்கிறார் கணவர். அங்கே போனால் எனக்கு மதிப்பு இருக்குமா என் மன உளைச்சலை கணவர் புரிந்துகொள்ள மறுக்கிறார். அவருக்கு எப்படிப் புரியவைப்பது?
- வாசகி, திருவண்ணாமலை.

திருமண வாழ்க்கையில் விட்டுக் கொடுத்தல், புரிந்துக்கொள்ளுதல், பொறுமையுடன் இருத்தல் மிக முக்கியமானதாகும். பொதுவாக கூட்டுக் குடும்பத்தில் இந்த மாதிரியான பிரச்னைகள் வருவது இயல்பு. உங்கள் கணவர் முதலில் உங்களின் உணர்வுகள் மற்றும் கவலையைப் புரிந்து தனிக்குடித்தனம் வந்திருக்கிறார். 

ஆனால் அவருக்கு தற்பொழுது என்ன பிரச்னை என்று தெரியவில்லை. அவரது பிரச்னைக்கு முக்கியத்துவம் தரவேண்டிய பொறுப்பு உங்களுக்கும் உண்டு. பணப்பிரச்னையா, வேலைக்கு செல்லும் தொலைவு அதிகமா, மறுபடியும் உறவினர்கள் ஏதாவது சொல்கிறார்களா என்பதை முதலில் நீங்கள் அறிய வேண்டும். அதற்கு முதலில் நீங்கள் முன்பு நடந்த விஷயத்தைப் பிரச்னைகளை மறக்க வேண்டும். உங்கள் கணவர் ஏன் மறுபடியும் அங்கு செல்ல வேண்டும் என்று சொல்கிறார் என்பதை இருவரும் சேர்ந்து மனம் விட்டுப் பேசி முடிவு எடுப்பது நல்ல பயனைத் தரும்.


(பதில்கள் தொடரும்)
- ரவிவர்மா

]]>
மன நலம், சகுனம், Mental health http://images.dinamani.com/uploads/user/imagelibrary/2017/3/2/w600X390/3239c380e8dce77a9a29a71e00748930.jpg http://www.dinamani.com/health/mental-health/2017/mar/02/மன-நலம்-காப்போம்-6-2658891.html
2656944 மருத்துவம் மனநல மருத்துவம் மாந்தீரிகம் வேண்டாம்!  மன நல ஆலோசகரை அணுகுங்கள்! Monday, February 27, 2017 11:49 AM +0530 மனரீதியான பிரச்னை இருந்தால், மாந்திரீகர்களை அணுகாமல், அரசு தலைமை மருத்துவமனையில் இயங்கி வரும் மன நல மருத்துவரையே அணுகுவதே சிறந்தது.

இன்றைய காலத்தில் ஓய்வில்லாமல் உழைப்பது, குடும்பப் பிரச்னை, பண நெருக்கடி, காதல் பிரச்னை உள்ளிட்ட பல்வேறு காரணங்களால் பெரும்பாலானோர் மனநிலை பாதிப்புக்கு ஆளாகின்றனர். இதனால் அவர்கள் இயல்புநிலை தவறி நடந்துகொள்வர். இதுபோன்ற குழப்பங்களில் சிக்குபவர்கள் இப்பிரச்னையில் இருந்து விடுபட காத்து, கருப்பு, பில்லி, சூனியம், ஏவல் என மக்கள் ஏதாவது ஒரு பெயரை வைத்து மாந்திரீகர்களிடம் சென்று பனத்தை இழக்கின்றனர். மேலும், உரிய தீர்வும் கிடைக்காமல் அவதிப்படுகின்றனர்.

மேலும் கவனப்பற்றாக்குறை உள்ள சிறுவர்கள், அதீத சுறுசுறுப்பு உள்ள சிறுவர்களை பெற்றோர்கள் முறையாக கவனித்து, தகுந்த சிகிச்சை அளிக்காமல் மாந்திரீகர்களிடம் அழைத்துச் செல்கின்றனர். இது என்றுமே நிரந்தர தீர்வாகாது.

இதுகுறித்து திருவள்ளூர் மாவட்ட அரசு தலைமை மருத்துவமனை மன நல மருத்துவர் எஸ்.எம் பதூர் மொய்தீன் தினமணி நிருபருக்கு அளித்த சிறப்புப் பேட்டி:

நாட்டில் தற்கொலைகளை தடுக்கும் நோக்கிலும், மனரீதியான பிரச்னைக்கு தீர்வு காணும் வகையிலும் ஒவ்வொரு அரசு தலைமை மருத்துவமனை, வட்டங்களில் உள்ள மருத்துவமனைகளுக்கு மன நல ஆலோசகரை நியமித்துள்ளது.

மாவட்டத்தில் தற்கொலை செய்யும் எண்ணம் தோன்றுபவர்களின் நண்பர்கள், உறவினர்கள் முன்கூட்டியே அறிந்தால், அந்த நபரை இதுபோன்ற மையங்களுக்கு அழைத்து வரலாம்.

அவர்களுக்கு உரிய ஆலோசனைகள் வழங்கி, இந்த எண்ணத்தில் இருந்து மீட்டு விடுகிறோம். அதே போல் சிலர் தங்களுக்கு அடிக்கடி தற்கொலை எண்ணம் தோன்றுவதாக வந்தால், அவர்களையும் அந்த நினைப்பில் இருந்து மீட்டு நல்ல நிலையில் வாழ வைக்கிறோம்.

பொதுவாக மனநல பிரச்னை என்றாலே வெறும் ஆலோசனை மட்டுமே வழங்கப்படும் என்ற தவறான கருத்து மக்களிடையே உள்ளது. ஆனால் ஆலோசனையுடன் சிறந்த மாத்திரைகளும் வழங்கப்படுகின்றன. மாத்திரைகள், ஆலோசனைகள் மூலமாகவே பிரச்னைகள் தீர்க்கப்படும்.

சிறுவர்களுக்கான பிரச்னை : மற்றவர்கள் தங்களிடம் பேசும்போது கேட்காதது போல் இருத்தல், விவரங்களை கூர்ந்து கவனிக்க இயலாமை, கவனமின்றி தவறுகள் செய்தல், முக்கியமான பொருள்களை தொலைத்தல், அடிக்கடி கோபப்படுதல், அடக்க முடியாத அளவில் அடம்பிடித்தல், எப்போதும் எதன் மீதாவது ஏறிக் குதித்தல் உள்ளிட்ட பல்வேறு செயல்கள் சிறுவர்களிடம் காணப்படும்.

இந்த செயல்களுக்கு மருத்துவ ரீதியாக கவனக்குறைபாடு, அதீத சுறுசுறுப்பு என இருவகை பாதிப்பே காரணம். இதுபோன்ற பாதிப்புகளுக்குரிய சிறுவர்களை பெற்றோர்கள் உரிய மருத்துவர்களிடம் அழைத்துச் செல்லாமல் மாந்திரீகர்களிடம் அழைத்துச் செல்கின்றனர்.

அங்கு அவர்களுக்கு தாயத்து வாங்கிக் கட்டுகின்றனர். இதுபோன்ற செயல்களை தவிர்த்து, மருத்துவரை அணுகினால் நல்ல பலன் கிடைக்கும். பாதிப்புக்குரிய சிறுவர்களை ஸ்கேன் செய்து, அவர்களின் நரம்பு மண்டலங்களுக்கு ஏற்ற வகையில் மாத்திரை, மருந்துகளை வழங்கி தேவையான நரம்புகளை தூண்டிவிட்டால் அந்த சிறுவர்கள் இயல்பான நிலைக்கு வந்துவிடுவார்கள். எனவே, பெற்றோர்கள், பொதுமக்கள் மன ரீதியான பிரச்னைகளுக்கு பில்லி, சூனியம், ஏவல் என நினைத்து பணத்தையும், நேரத்தையும் வீணடிக்காமல், அரசு மன நல மருத்துவமனையில் உள்ள மன நல ஆலோசகரை அணுகலாம் என்றார்.

]]>
mental health, மனநல மருத்துவம், Black magic, மாந்திரீகம் http://images.dinamani.com/uploads/user/imagelibrary/2017/2/27/w600X390/mental-health-us.jpg http://www.dinamani.com/health/mental-health/2017/feb/27/மாந்தீரிகம்-வேண்டாம்--மன-நல-ஆலோசகரை-அணுகுங்கள்-2656944.html
2654235 மருத்துவம் மனநல மருத்துவம் மன நலம் காப்போம் 5 Wednesday, February 22, 2017 06:23 PM +0530
எங்கள் மூத்த மகன் (வயது-13) ஆட்டிசம் நோயால் பாதிக்கப்பட்டிருப்பதாக மருத்துவர்கள் கூறியுள்ளார்கள். இது இளைய மகனுக்கும் (வயது -10) பரவுமா..? ஆட்டிசம் நோயின் அறிகுறிகள் என்ன..? எவ்வாறு கண்டுபிடிப்பது..? குணப்படுத்துவது..? 
- வாசகர், சேலம்.

ஆட்டிசம் நோய் என்பது 13 வயதில் பாதிக்கக்கூடியதல்ல; இரண்டு அல்லது மூன்று வயதில் ஏற்பட வாய்ப்பு உண்டு. ஒருவேளை, அதை நீங்கள் தாமதமாக உணர்ந்து அறிந்திருக்கலாம். 10 வயது மகனுக்குப் பரவுமா என்று கேட்டிருக்கிறீர்கள். இது பரவக்கூடியது அல்ல! ஆட்டிசம் என்பது மதியிறுக்க நோய். இது மூளையின் முக்கிய செயல்பாடுகளான பேச்சுத்திறன், சமுதாயத் தொடர்பு மற்றும் புலன் உணர்வுகளை பாதிக்கும் ஒரு வளர்ச்சி குறைவு நோயாகும். இந்த நோய் பாதித்த ஒவ்வொருவரும் வேறுபடுவர். குழந்தைகள் வளரும்போதே இதை அறிய முடியும். வளர்ந்த பிறகு அல்ல. 

என் வயது 30. தனியார் நிறுவனத்தில் வேலை பார்க்கிறேன். எனக்கு நண்பர்களே இல்லை. யாருடன் பழகினாலும் சீக்கிரம் பிரிந்து விடுவார்கள். என் மனைவி உள்பட என்னைப் புரிந்து கொள்ள இந்த உலகத்தில் யாருமே இல்லை என்ற எண்ணம் அடிக்கடி ஏற்படுகிறது. இந்த விரக்தி மனப்பான்மையிலிருந்து நான் மீள்வது எப்படி?
- பாலன், நாகர்கோவில்.

மற்றவர்களுடன் நமக்கு கருத்து வேறுபாடு ஏற்படுவது என்பது இயல்பு. ஆனால், அக்கருத்து வேறுபாடு தொடர்ந்து எல்லாரிடமும் ஏற்பட்டால் அது பிரச்னைதான். அதை முதலில் ஆராய்தல் வேண்டும். எந்த சமயத்தில், எந்த சூழ்நிலையில் அவ்வாறு தொடர்ந்து நடக்கிறது என்பதை அறிந்து, அச்செயலினை மாற்றுதல் அவசியம். இதுபோன்ற பிரச்னை ஏற்படுவதற்கான காரணங்கள்:

மற்றவர்களை அதிகமாக சார்ந்து இருப்பது. உங்களுடைய தனித்தன்மையை நீங்கள் அறியாமல் பிறரை மிகவும் நாடுதல். நீங்கள் மற்றவர்களிடம் மிகவும் எதிர்பார்ப்புடன் பழகுவதும் உங்களுக்கு ஏமாற்றத்தைத் தந்திருக்கிறது.

உங்கள் தன்னம்பிக்கையை வலிமையாக மாற்றும் முறைகள்:

முதலில் உங்களை நீங்களே நேசித்தலும், பாராட்டுதலும் மிகவும் தேவையானது. பின்பற்றக்கூடிய SWOT Analysis வலிமை (Strength)  அறிதல், பலவீனம் (Weakness) அறிதல், வாய்ப்புகளை (Opportunity) அறிதல், அச்சுறுத்தல் (Threat வெளிப்படுத்துவதிலும், பிறரின் உணர்வுகளை காயப்படுத்தாமல் பேசுவதிலும் கவனம் வேண்டும்.

எங்கள் குழந்தை அர்ஜுனுக்கு நான்கு வயது ஆகிறது எல்.கே.ஜி. படிக்கிறான். மனவளர்ச்சி குறைபாடுள்ள குழந்தை. அவன் செயல்பாடுகள், புரிந்துக் கொள்ளும் தன்மை நன்றாக உள்ளது. ஆனால் பேசும் திறன் மட்டும் சரிவரவில்லை. வாரம் இரு நாள்கள் பழனி அருகே உள்ள ஆயக்குடிக்கு அழைத்துச் சென்று பேச்சுப்பயிற்சி  அளித்து வருகிறோம். அவன் பேசும் திறன் பெறுவதற்கு ஆலோசனை தாருங்கள்!
- எஸ்.புவனேஸ்வரி, திண்டுக்கல்

மூளை வளர்ச்சிக் குறைபாடு ஏற்பட பல காரணங்கள் உண்டு. நீங்கள் உங்களின் குழந்தை மூளை வளர்ச்சிக் குறைபாட்டுடன் இருக்கிறது என்று கூறினீர்கள். ஆனால்,  அக்குழந்தையின் அறிவு ஆற்றலின் அளவு எவ்வளவு? அதை யாரேனும் மருத்துவரிடம், மனநல ஆலோசகரிடம் பரிசோதனை செய்தீர்களா? அவ்வாறு பரிசோதனை செய்வது மிகவும் முக்கியம். அவ்வாறு அளவு தெரிவதன் மூலம் நீங்கள் பயிற்சியையும், பயிற்சி அளித்தலின் முறையையும் தேர்ந்தெடுக்கலாம். நீங்கள் மருத்துவரின் ஆலோசனையின்படி விழிப்புணர்வுடன் பேச்சு பயிற்சி மையத்தில் சேர்த்துள்ளீர்கள். மற்ற குழந்தைகளிடம் காணப்படும் சமமான வளர்ச்சியை இக்குழந்தையிடம் உங்களால் காண இயலாது. அவ்வாறு எதிர்பார்ப்புகள் இருப்பின், உங்களுக்கு ஏமாற்றத்தைதான் தரும். எனவே,  இப்பயிற்சியின் பலன் உங்களுக்கு மெதுவாகத்தான் தெரியும். அதற்கு சிறிது காலம்  பொறுமையாக இருத்தல் அவசியம். குழந்தையின் பேச்சுத்திறனுக்கான பயிற்சிகள் சிலவற்றினை இங்கு குறிப்பிடுகிறேன்:

குழந்தைகளுக்கு படங்களைக் காட்டி உச்சரித்தலும் பயிற்சியளித்தல் வேண்டும்.

வண்ணங்களையும், பலப் பொருட்களையும், சுட்டிக்காட்டி உச்சரித்தல் (நாவை நன்றாக அசைத்தல்) சொல்லிக் கொடுக்க வேண்டும். குழந்தையிடம் நன்றாக பேசுங்கள், அதனின் தேவைகளை வெளிப்படுத்த ஓரிரு  வார்த்தைகளை முதலில் சொல்லித் தர வேண்டும். அதன் முயற்சிக்கு  நல்ல  பாராட்டு அளித்தல் வேண்டும்.

அவனைப் போன்ற பல குழந்தைகளுடனும், பலரிடமும் பழக விடுவது முக்கியம். அப்பொழுது அவன் பேச முயல்வான்.

உங்களுடைய சவுகரியத்துக்கு ஏற்றவாறு மருத்துவரிடம் அன்றாடம் ஆலோசனையுடன் செயல்படுங்கள்.

குழந்தைக்கு  வளர்ச்சி அடைய மெழுகு ஊதுவது, உறியும் குழல் (ஸ்ட்ரா) போன்ற பயிற்சி அளிக்கலாம்.
(பதில்கள் தொடரும்)
-ரவிவர்மா 

]]>
http://images.dinamani.com/uploads/user/imagelibrary/2017/2/22/w600X390/ThinkstockPhotos-464406320.jpg http://www.dinamani.com/health/mental-health/2017/feb/22/மன-நலம்-காப்போம்-5-2654235.html
2650694 மருத்துவம் மனநல மருத்துவம் தூக்கமும் மன ஆரோக்கியமும்! Thursday, February 16, 2017 05:40 PM +0530
இதைச் சாப்பிடு, இந்த டிரஸ்ஸை போட்டுக்கொள், என்று சாப்பாடு, உடைகள் விஷயத்தில் அளவுக்கு அதிகமாக யாராவது வற்புறுத்தினால் எனக்குக் கடும் கோபம் வருகிறது... இதை எப்படி கட்டுப்படுத்துவது..?
-பாக்யா, திருச்சி.

கோபம், என்பது ஓர் இயல்பான ஆரோக்கியமான உணர்வு. கோபம் என்பது சில நபர்களிடம் சில சந்தர்ப்பத்தில் சில சூழ்நிலையில் வெளிப்படுத்தக் கூடிய எதார்த்தமான உணர்வு. அவ்வாறு கோபப்படுவதன் மூலம் நமது உணர்ச்சியை பிறரிடம் வெளிப்படுத்துகிறோம் அது முற்றிலும் ஏற்கக் கூடியதே ஆகும். பிற உணர்வுகளைப் போல கோபமும் நம் உடல் அளவிலும் மன அளவிலும் பல மாற்றங்கள் ஏற்படுத்துகிறது.

(எ.டு): இதய துடிப்பு,  ரத்த அழுத்தம் அதிகரித்தல்,  ரசாயன மாற்றம் இவை நீடிக்கும் நிலையில் நமது உடலின் நோய் எதிர்ப்பு சக்தியும் குறைகின்றன. கோபத்தினால் நாமோ அல்லது பிறரோ பாதிப்படைவாரேயானால் அக்கோபம் தவறானது.

கோபத்தை அணுகும் மூன்று வழிகள்: 1. கோபத்தை வெளிப்படுத்துதல். 2.கோபத்தை அடக்குதல். 3.கோபத்தை நிதானப்படுத்துதல். எனவே, நீங்கள் கோபப்படுவர்களிடம் நேரடியாக சென்று, உங்களின் உணர்வுகளையும், நியாயங்களையும், கருத்துகளையும், பிறரின் உணர்வுகளையும் மதித்து, உங்களின் உணர்வுகளையும் தெளிவாக வெளிப்படுத்துதல் வேண்டும். இது ஒரு வழிமுறை. அடுத்த கட்ட வழிமுறையாக உங்களுடைய கோபத்தினை சிறிது நேரத்திற்குக் கட்டுப்படுத்திக் கொண்டு, பின் மற்றவர்களின் நிலையிலிருந்து ஆலோசித்துப் பார்த்து செயல்படவும். சில நேரங்களில் உங்களின் கோபத்தை அளவுக்கு அதிகமாக கட்டுப்படுத்துதல் கூட உடல் மற்றும் மன நல பாதிப்பிற்கு காரணமாகலாம். எனவே, கோபத்தை கையாளும் வலிமையான முறைகளைக் கடைப்பிடிக்கவும்.

என் வயது 47. என் மனைவியின் வயது 42. இரண்டு பெண் குழந்தைகள் உள்ளனர். திருமணமானது முதல் என் மனைவி தொடர்ந்து ஏதாவது ஒரு நோயினால் பாதிக்கப்படுகிறார். ஓயாத வைத்திய செலவு மற்றும் மன உளைச்சல். இதனால் எனக்கு வாழ்க்கையில் நிம்மதி இல்லை. இதை சகித்துக் கொண்டு வாழலாமா... அல்லது தற்கொலை செய்து கொள்ளலாமா? என்று அடிக்கடி தோன்றுகிறது..! 
- வாசகர், மன்னார்குடி.

ஆரோக்கியமான வாழ்வு, ஒவ்வொரு மனிதனின் வாழ்விலும் முக்கியமான அங்கத்தினை கொண்டுள்ளது. ஆரோக்கியம் என்பது ஒருவரின் உடல், மனம் மற்றும் சுற்றுச்சூழல் கொண்டே உருவானதாகும். நீங்கள் உங்களுடைய மனைவியின் நோயைப் பற்றி விரிவாக எதுவும் கூறவில்லை. ஆனால், நீங்கள் பல வருடங்களாக, அவர்களின் உடல் நல பராமரிப்பில் உங்களை ஈடுபடுத்திக் கொள்கிறீர்கள். உடல் ஆரோக்கியமற்றவரை கவனித்துக் கொள்வது கடினமான வேலையே ஆகும். இக்கடினமான வேலையை பல ஆண்டுகளாக ஒரு தனி நபராக மிகவும் ஈடுபாட்டுடன் செய்து கொண்டு வருகிறீர்கள். இவ்வாறு பிறரை பராமரிக்கும் பணியில் உள்ள தன்னை எவரும் கவனிப்பதில்லை. இவ்வாறு தொடர்ந்து நமது அன்றாடத் தேவைகளை (உடல் மற்றும் மனரீதியான) பூர்த்திச் செய்யாதிருப்பதால் ஒரு விதமான மன உளைச்சலுக்கு ஆளாகிறோம். இதை உளவியல் ரீதியாக "கேர் டேக்கர் பர்டன்' என்று கூறுவார்கள். இம் மனஉளைச்சளிலிருந்து வெளியேறுவதற்கு சில வழிமுறைகள்:

தங்களின் மனைவியின் ஆரோக்கியத்தைப் பராமரிப்பதற்கு மற்றவர்களின் உதவியை நாட வேண்டும். தங்களின் வேலையை பலருடன் பகிர்ந்து செயல்படுத்துதல் வேண்டும். பல வருட காலமாக, உங்களின் செயல்களுக்கு நீங்களே உங்களை பாராட்டவில்லை. எனவே, இதுவே உங்களின் மன உளைச்சலுக்கு ஒரு காரணமாகும்.

தினமும், உங்களுக்கென சில மணி நேரத்தை உங்களுக்காகவே நீங்கள் ஒதுக்க வேண்டும். அந்நேரத்தை உங்களுக்கு மிகவும் பிடித்த செயல்பாடுகளில் ஈடுபடுத்திக் கொள்ள வேண்டும். இவ்வழிமுறைகளை பின்பற்றுங்கள். இவைகளைப் பின்பற்றியப் பின்பும் உங்களால் மன உளைச்சலிலிருந்து வெளியேற முடியவில்லை என்றால் மனநல ஆலோசகரை அணுகவும்.

நாங்கள் 4 பேர் நண்பர்கள். 8-ஆம் வகுப்பு படிக்கிறோம். 36 மாணவர்களுடன் விடுதியில் தங்கியுள்ளோம். நாங்கள் நண்பர்களாக இருப்பது மற்றவர்களுக்கு பிடிக்கவில்லை.  அவர்களுக்குப் படிப்பு சரியாக வராமல் இருப்பதால் நன்றாகப் படிக்கும் எங்களுடன்  சண்டைக்கு வருவதாக நண்பன் கூறுகிறான். இப்படியும் இருப்பார்களா?
 - கணேஷ், மதுரை.

நீங்கள் இக்கேள்வியில் கூறியுள்ளது போன்று உங்களுடைய பார்வையிலேயே நீங்கள்  படிப்பவர்கள் ஒரு குழுவாகவும் மற்றவர்கள் வேறு ஒரு குழுவைப்  போன்றும் கூறியுள்ளீர்கள். எனவே, இது போன்ற கருத்து வேறுபாடுகள் உடைய பார்வை அவர்களிடம் மட்டுமில்லை; நீங்களும் அப்படித்தான் வேறுபாட்டுடன் இருக்கிறீர்கள். சிறு வயதில் அதிக மதிப்பெண் எடுப்பவரும், குறைந்த மதிப்பெண் எடுப்பவரும் சிறு சண்டையுடன் காணப்படுவது இயல்பு. இது போன்ற எண்ணங்கள், ஆசிரியர்களும், பிற விடுதி அதிகாரிகளும் படிக்கும் மாணவர்களையும் குறைந்த மதிப்பெண் எடுக்கும் மாணவர்களையும் நடத்தும் விதமே இப்படியான குழந்தைகளிடையே வேறுபாட்டினை விதைக்கிறது. அதுவும் இல்லாமல் உங்களுடைய நண்பனான ஒரு பையனின் பேச்சை ஆராயாமல் நம்புவது தவறு. தனிப்பட்ட முறையில் பிற மாணவர்களை சந்தித்து பொறுமையுடன் நேரடியாகப் பேசுவது நல்லது. உங்களுடைய விடுதியில் இருக்கும் அனைவரும் நட்புடன் இருக்க அவர்களை பார்க்கும் பொழுது நல்ல வார்த்தைகளையும், அன்பையும், ஒரு உண்மையான சிரிப்புடன் வெளிப்படுத்துதல் உங்களிடையே நட்பை வளர்க்கும். பகைமை உணர்வை வளர்க்காமல், அனைவரையும் நண்பர்கள் என்ற வரிசையிலேயே வையுங்கள். உணவு உண்ணும்போது அனைவருடனும் பேசிக்கொண்டே பிறருடன் (அதாவது நீங்கள் 4 பேரை தவிர்த்து) மற்றவர்களுடன் அமர்ந்து பேசுங்கள். மற்றவர்களுக்கு கடினமாகத் திகழும் பாடத்தினை ஒரு குழுவாக அமர்ந்து பகிர்ந்து படியுங்கள். உங்களுக்குத் தெரியாதவற்றை அவர்களிடம் சென்று கற்றுக் கொள்ளுங்கள். மற்றவர்கள் செய்யும் சிறு நல்ல செயலுக்கும் மனமார்ந்த பாராட்டினைத் தெரிவியுங்கள். இச்செயல் அவர்களிடத்திலும் மாற்றத்தை ஏற்படுத்தும். மற்றவர்களின் உணர்வை காயப்படுத்தாமல் பேசுங்கள், பழகுங்கள் என்றும் நட்புடன் வளர என்னுடைய வாழ்த்துகள்.

எங்கள் வீட்டில் பெரியவர்கள் முதல் குழந்தைகள் வரை நள்ளிரவு ஒரு மணி வரை விழித்திருப்பது வழக்கம். இதனால் தூக்கம் வருவது தாமதமா
கிறது. குறைவான நேரம் தூங்குவது நல்லதா... விளக்கவும்..?
- வாசகி, திருப்பூர்.

தூக்கம் என்பது உயிரியல் சார்ந்த செயல்பாடு. உணவைப் போல் தூக்கமும் மிக அவசியமான ஒன்று. ஒவ்வொரு மனிதனும் தன் வாழ்நாளில் 3இல் 1 பங்கை தூக்கத்திற்கு செலவிடுகின்றனர். பொதுவாக, மக்கள் படுத்தவுடன் 10-15 நிமிடத்தில் உறங்கி விடுகின்றனர். ஆனால், தூக்கப் பிரச்னை உள்ள மனிதர்கள் உறங்குவதற்கு நீண்ட நேரம் ஆகிறது. பொதுவாக 30 நிமிடத்திற்கு மேல் தூங்குவதற்கு நேரம் பிடித்தால், மனநல பிரச்னை உள்ளது என்று அர்த்தம். மனிதர்கள் உணவு இல்லாமல் 2 மாதம் கூட இருக்க முடியும், ஆனால், தூங்காமல் 11 நாட்களுக்கு மேல் இருக்க முடியாது என்பது ஆய்வில் நிரூபனம் ஆனதாகும். மனிதர்கள் மட்டுமே உயிரினங்களில் தங்கள் உறக்கத்தை தள்ளிப் போட கூடியவர்கள் ஆவர். மனிதர்களின் "பயோலாஜிகல் கிளாக்' பாதிக்கப்படும் போது உடல் மற்றும் மன ரீதியான பிரச்னை ஏற்படுகின்றது. மனநலக் கோளாறுகள் ஏற்படுவதற்கும் தூக்கமின்மை முக்கிய காரணம். இதனால் இதர தூக்க கோளாறுகள் ஏற்படக்கூடும். இதனை தக்க முறையில் கண்டறிந்து உளவியல் ரீதியான தீர்வு காணவேண்டும் இல்லையேல் குழந்தைகள் மற்றும் பெரியவர்கள் இடையே இதைச் சார்ந்த விளைவுகள் அதிகரிக்க கூடும். தூக்கம் மற்றும் மன ஆரோக்கியம் இரண்டுக்கும் இடையே பரஸ்பர உறவுள்ளது. ஒன்று பாதித்தால், மற்றொன்று பாதிக்கும் என்பதை உணர்ந்து செயல்படவும்.

- எஸ். வந்தனா  

படம் - ரவிவர்மா

]]>
தூக்கமின்மை, sleeplessness http://images.dinamani.com/uploads/user/imagelibrary/2017/2/16/w600X390/vandana.jpg http://www.dinamani.com/health/mental-health/2017/feb/16/தூக்கமும்-மன-ஆரோக்கியமும்-2650694.html
2625916 மருத்துவம் மனநல மருத்துவம் உறவுகள் மேம்பட! Monday, January 2, 2017 03:15 PM +0530  

குடும்பத்திலும் சரி, அலுவலகத்திலும் சரி மனித உறவுகளில் விரிசல்கள் ஏற்படாமல் இருக்கவும், ஏற்பட்ட விரிசல்கள் மேலும் பெரிதாகாமல் இருக்க பின் வரும் விஷயங்களில் கவனம் செலுத்த வேண்டும்.

நானே பெரியவன், நானே சிறந்தவன் என்ற அகந்தையை (Ego) வை விடுங்கள்.

அர்த்தமில்லாமலும் பின் விளைவு அறியாமலும் பேசிக்கொண்டே இருப்பதை விடுங்கள் (Loose Talks).

எந்த விஷயங்களையும் பிரச்னைகளையும் நாசூக்காக கையாளுங்கள் (Diplomacy). விட்டுக் கொடுங்கள் (Compromise).

சில நேரங்களில் சில சங்கடங்களை சகித்துத்தான் ஆகவேண்டும் என்று உணருங்கள் (Tolerance).

நீங்கள் சொன்னதே சரி, செய்ததே சரி என்று வாதாடாதீர்கள் என்று உணருங்கள் (Adamant Argument) குறுகிய மனப்பான்மையை விட்டொழியுங்கள் (Narrow Mindedness).

உண்மை எது, பொய் எது என்று விசாரிக்காமல் இங்கே கேட்டதை அங்கே சொல்வதையும் அங்கே கேட்டதை இங்கே சொல்வதையும் விடுங்கள் (Carrying Tales).

மற்றவங்களை விட உங்களையே எப்போதும் உயர்த்தி நினைத்து கர்வப்படாதீர்கள் (Superiority Complex).

அளவுக்கு அதிகமாய் தேவைக்கதிகமாய் ஆசைப்படாதீர்கள் (Over Expectation)

எல்லோரிடத்திலும் எல்லா விஷயங்களையும், அவர்களுக்கு சம்மந்தம் உண்டோ, இல்லையோ சொல்லிக் கொண்டிருக்காதீர்கள்.

கேள்விப்படுகிற எல்லா விஷயங்களையும், நம்பி விடாதீர்கள். அற்ப விஷயங்களை பெரிது படுத்தாதீர்கள்.

உங்கள் கருத்துகளில் உடும்புப் பிடியாய் இல்லாமல், கொஞ்சம் தளர்த்திக் கொள்ளுங்கள் (Flexibility)

மற்றவர் கருத்துக்களை, செயல்களை, நடக்கின்ற நிகழ்ச்சிகளைத் தவறாக புரிந்து கொள்ளாதீர்கள் (Mis understanding).

மற்றவர்களுக்குரிய மரியாதை காட்டவும் இனிய இதமான சொற்களைப் பயன்படுத்தவும் தவறாதீர்கள் (Courtesy).

புன்முறுவல் காட்டவும் சிற்சில அன்புச் சொற்களை சொல்லவும் கூட நேரமில்லாதது போல் நடந்து கொள்ளாதீர்கள்.

பேச்சிலும், நடத்தையிலும் பண்பில்லாத வார்த்தைகளையும், தேவையில்லாத மிடுக்கையும் காட்டுவதைத் தவிர்த்து அடக்கத்தையும், பண்பையும் காட்டுங்கள்.

அவ்வப்போது நேரில் சந்தித்து மனம் திறந்து பேசுங்கள்.

பிரச்னைகள் ஏற்படும் போது அடுத்தவர் முதலில் இறங்கி வர வேண்டும் என்று காத்திருக்காமல் நீங்களே பேச்சைத் துவக்க முன் வாருங்கள்.

- தத்துவஞானி வேதாத்திரி மகரிஷி

]]>
உறவுகள் மேம்பட, Relationship, Vedhathri, வேதாத்ரி மகரிஷி http://images.dinamani.com/uploads/user/imagelibrary/2017/1/2/w600X390/shri_vethathiri_maharishi_10.gif http://www.dinamani.com/health/mental-health/2017/jan/02/உறவுகள்-மேம்பட-2625916.html
2625890 மருத்துவம் மனநல மருத்துவம் மனதை நிறுத்துவதும் இயக்குவதும் Monday, January 2, 2017 12:41 PM +0530 மனம் பல எண்ணங்களாலும் பல வார்த்தைகளாலும் நிரம்பியிருக்கிறது. நீ எந்த கம்ப்யூட்டரை வேண்டுமானாலும் நிறுத்தலாம், இயங்கச் செய்யலாம். ஆனால் உனது மனத்தை நிறுத்தச் செய்ய உன்னால் முடியாது. அதற்கான பட்டன் இல்லை. கடவுள் இந்த உலகத்தை, மனிதனை, உருவாக்கும்போது மனத்தை நிறுத்துவதற்கான பட்டனை எங்கே வைத்தார் எனற விவரமே இல்லை. அதனால் மனத்தின் இயக்கத்தை கட்டுப்படுத்த முடியாது. அதற்கான சுவிட்சு இல்லை. அதனால் பிறப்பிலிருந்து இறப்பு வரை அது ஓடிக் கொண்டே இருக்கிறது.

இந்த தொணதொணப்புக்கு காரணம் நமது கல்வி முறைதான். அது அடிப்படையிலேயே தவறானது. ஏனெனில் அது எப்படி மனதை உபயோகிப்பது என்று ஒரு பாதியை மட்டுமே சொல்லித் தருகிறது – அதை ஓய்வெடுக்க கூடியதாக நிறுத்துவது எப்படி என்பதை கற்றுக் கொடுப்பதில்லை. ஏனெனில் அது நீ தூங்கும்போதும் தொடர்ந்து செயல் பட்டுக் கொண்டே இருக்கிறது. அதற்கு தூங்கத் தெரிவதில்லை. எழுபது வருடங்கள் அல்லது எண்பது வருடங்கள் அது தொடர்ந்து செயல் படுகிறது.

நம்மால் அதையும் சொல்லிக் கொடுக்க முடிந்தால்… அது சாத்தியம்தான். இதைதான் நான் உங்களிடம் வற்புறுத்த விரும்புகிறேன். நாம் அதை தியானம் என அழைக்கிறோம். மனது தேவைப்படாத போது அதை நிறுத்தும் ஒரு பட்டனை உருவாக்க முடியும். அது இரண்டு வழிகளில் உதவும். நீ இதுவரை அறிந்திராத ஒருவிதமான அமைதியை, ஒருவிதமான மௌனத்தை அது உனக்கு கொடுக்கும். உன்னைப் பற்றிய ஒரு அறிமுகத்தை உனக்கு கொடுக்கும். எப்போதும் தொணதொணத்துக் கொண்டிருக்கும் மனதினால் அந்த அறிமுகம் கிடைக்காமல் இருக்கிறது. அது உன்னை எப்போதும் ஆக்ரமித்துக் கொண்டிருக்கிறது.

இரண்டாவதாக, இந்த தியானம் மனதுக்கு ஓய்வை கொடுக்கும். மனதுக்கு ஓய்வை கொடுக்கும்போது அது விஷயங்களை மேலும் அதிக திறமையோடும், அதிக புத்திசாலித்தனத்தோடும் செய்யும் வலிமை பெறும். ஆக இரு விதமாகவும் நீ  மனதின் விதமாகவும் இருப்பின் விதமாகவும்  பயன் பெறுவாய். எப்படி மனதின் இயக்கத்தை நிறுத்துவது, எப்படி அதனிடம், போதும் நான் விழித்துக் கொண்டிருக்கிறேன், நான் பார்த்துக் கொள்கிறேன் கவலைப்படாதே  நீ ஓய்வெடுத்துக் கொள், என்று கூறுவது எனக் கற்றுக் கொள்ள வேண்டும். அவ்வளவுதான்.

தேவைப்படும்போது மட்டும் மனதை உபயோகப்படுத்து. பின் அது எப்போதும் இளமையாகவும், புதிதாகவும், மிகவும் சக்தியோடும், புத்துணர்வோடும் இருக்கும். பின் நீ சொல்வது எதுவும் வற்றிப் போனதாக இராது. அதில் உண்மையும் நேர்மையும் இருக்கும், அது ஆணித்தரமானதாக, ஆழ்ந்த பொருள் கொண்டதாக இருக்கும். அதனுள் வாழ்விருக்கும். நீ அதே வார்த்தைகளை உபயோகிக்கலாம், ஆனால் ஓய்வெடுத்ததன் மூலமாக மனம் மிகவும் சக்தி பெற்றிருப்பதால் ஒவ்வொரு வார்த்தையும் நெருப்பு போல மிகவும் வீரியமாக வெளி வரும்.

தேஜஸ் என்பது சக்தி சேகரித்துக்கொள்வது. எந்த மனது ஓய்வெடுத்து சக்தியை சேகரித்து கொள்கிறதோ அதற்கு இந்த உலகில் தேஜஸ் கிடைக்கிறது. அப்போது அது பேசும்போது அது கவிதையாகிறது, அது போதனையாகிறது. அது சொல்லும் விஷயங்களுக்கு எந்த ஆதாரமும் தர்க்கமும் தர தேவையில்லை. மக்களுக்கு புரிய அதன் சக்தி மட்டுமே போதும். மக்களால் அது இதுதான் எனக் குறிப்பிட்டு சொல்ல முடியாவிட்டாலும் இது ஏதோ ஒன்று என்று அவர்களுக்கு புரிந்திருக்கிறது. அதைதான் அவர்கள் தேஜஸ் என்றழைகின்றனர்.

முதன் முறையாக நான் தேஜஸ் என்றால் என்ன என்று உங்களிடம் கூறியிருக்கிறேன். நான் இதை அனுபவத்தின் வாயிலாக உணர்ந்திருக்கிறேன். இரவும் பகலும் வேலை செய்துகொண்டே இருக்கும் மனது வலிமையற்றதாக, சோர்வாக, இழுபறியோடுதான் இருக்கமுடியும். அது பயன்படும். அவ்வளவுதான். நீ காய்கறி வாங்கப் போகலாம். அது பயனுள்ளதாக இருக்கும். அதற்குமேல் அதற்கு சக்தி இருக்காது. அதனால் கோடிக்கணக்கான மக்கள் ஆணித்தரமின்றி, தேஜஸ் வலிமையின்றி, சொல்லாற்றல் இன்றி இருக்கிறார்கள்.

மனதை மௌனத்தில் வைத்து அது தேவைப்படும்போது மட்டும் உபயோகப்படுத்த முடிந்தால் – அது சாத்தியம்தான் – அப்போது அது வீரியத்தோடு வெளிப்படும். அது மிக அதிக சக்தியை பெற்றிருப்பதால் அதன் வார்த்தைகள் இதயத்தை ஊடுருவும். தேஜஸ் பெற்றவர்கள் மற்றவர்களை மனோவசியம் செய்து விடுவதாக மக்கள் நினைக்கிறார்கள். ஆனால் அது அப்படியல்ல. அவர்கள் வசியம் செய்வதில்லை. அவர்கள் மிகவும் புத்துணர்வோடும், இளமையோடும் இருப்பதால் அப்படி நிகழ்கிறது. இது மனதிற்கு நிகழ்வது.

இருப்பில் இந்த அமைதி ஒரு அழிவற்றதை, ஒரு நிலையான பிரபஞ்சத்தை நீ ஒரு வரமாக நினைக்கும் ஒரு விஷயத்தை உன்னுள் திறக்கிறது. அதனால் தியானம்தான் மிகத்தேவையான மதம், ஒரே மதம் என்று நான் வலியுறுத்துகிறேன்.  வேறு எதுவும் தேவையில்லை. மற்ற எல்லாமே தேவையற்ற சடங்குகள்தான்.

தியானம் தான் அடிப்படை, மிக அடிப்படையானது. தியானம் உன் உள்ளிருப்பின் உலகத்தில் மிகவும் வளமையை உருவாக்கித் தரும். அதோடு உன்னுடைய திறன்களை உன்னுடைய மனதின் மூலமாக வெளிப்படுத்தும் சக்தியை பெற்றுத் தரும். ஒவ்வொருவரும் ஒரு குறிப்பிட்ட விதமான திறனுடன்தான் பிறக்கிறார்கள். அவன் தனது திறனை முழுமையாக வாழ்ந்தால் தவிர அவனுள் ஏதோ ஒன்று குறையாகவே இருக்கும். ஏதோ ஒன்று. மனதுக்கு ஓய்வு கொடு. அதற்கு அது தேவை. அது மிகவும் எளிது. அதற்கு ஒரு சாட்சியாக இரு. அது உனக்கு பல விஷயங்களை கொடுக்கும்.

மெதுமெதுவாக மனம் மௌனமாக இருக்க கற்றுக் கொள்ளும். ஒருமுறை அமைதியாக இருக்க அது கற்றுக் கொண்டு விட்டால் பின் அது மிக சக்தி வாய்ந்ததாக இருக்கும். பின் அதன் வார்த்தைகள் வார்த்தைகள் அல்ல. முன் எப்போதும் இல்லாத ஒரு தன்மை அதில் இருக்கும். அது சரியானதாகவும் வளமானதாகவும் இருக்கும். அவை ஒரு அம்பு போல துளைத்துக் கொண்டு போகும். அது எல்லா தடைகளையும் கடந்து இதயத்தை சென்றடையும்.பின் மனமானது மௌனத்தின் மூலம் அளப்பரிய ஆற்றல் பெற்ற ஒரு வேலையாள் ஆகும். அதன் பின் இருப்பு முதலாளியாகும். அதற்கு தேவைப்படும்போது மனதை உபயோகிக்கவும், தேவைப்படாத போது மனதின் இயக்கத்தை நிறுத்தி வைக்கவும் முடியும். 

- ஓஷோ

]]>
ஓஷோ, மனம், osho http://images.dinamani.com/uploads/user/imagelibrary/2017/1/2/w600X390/13-Interesting-Facts-about-Dreams-bubbles.jpg http://www.dinamani.com/health/mental-health/2017/jan/02/மனதை-நிறுத்துவதும்-இயக்குவதும்-2625890.html
3305 மருத்துவம் மனநல மருத்துவம் மனவளம் பெற தினமும் யோகாசனம் செய்யுங்கள்! மதி Thursday, August 11, 2016 12:46 PM +0530 மனவளம், மன அமைதியைப் பெற தினமும் யோகாசனம் செய்யுங்கள் என்று பள்ளி மாணவ - மாணவிகளுக்கு மாவட்ட வருவாய் அலுவலர் சா.பழனி அறிவுரை வழங்கிப் பேசினார்.

தமிழ்நாடு விளையாட்டு மேம்பாட்டு ஆணையத்தின் திருவண்ணாமலை மாவட்டப் பிரிவு, மாவட்ட செஞ்சிலுவைச் சங்கம், மாவட்ட யோகா சங்கம் இணைந்து சர்வதேச யோகா தின விழாவை புதன்கிழமை நடத்தின. மாவட்ட விளையாட்டு அரங்கில் நடைபெற்ற இந்த விழாவுக்கு மாவட்ட செஞ்சிலுவைச் சங்கத் தலைவர் பா.இந்திரராஜன் தலைமை வகித்தார்.

மண்டல விளையாட்டு ஆணைய முதுநிலை மேலாளர் ப.சிவக்குமார், மாவட்ட யோகா சங்கத் தலைவர் மு.மண்ணுலிங்கம், மாவட்ட விளையாட்டு அலுவலர் க.புகழேந்தி ஆகியோர் முன்னிலை வகித்தனர்.

மாவட்ட வருவாய் அலுவலர் சா.பழனி சிறப்பு அழைப்பாளராகக் கலந்துகொண்டு, யோகக் கலை குறித்த விழிப்புணர்வு துண்டுப் பிரசுரங்களை வெளியிட்டு, யோகாசன பயிற்சிகளைத் தொடங்கி வைத்தார்.

தொடர்ந்து, மாணவ - மாணவிகளுக்கு அறிவுரை வழங்கி சா.பழனி பேசுகையில், 5 ஆயிரம் ஆண்டுகளுக்கு முந்தையது யோகக்கலை. யோகக்கலையின் தாயகம் இந்தியா என்பதை மாணவ - மாணவிகள் நினைவில் கொள்ள வேண்டும். பள்ளி, கல்லூரி மாணவ - மாணவிகளுக்கு நினைவாற்றலை தரும் வல்லமை யோகாசனத்துக்கு உண்டு.

எனவே, ஒழுக்கம், ஆளுமைத் திறன், மன வளம், மன அமைதியைப் பெற மாணவ - மாணவிகள் தினமும் குறைந்தது 5 நிமிடமாவது யோகாசனம் செய்ய வேண்டும். இளமையில் தொடர்ந்து யோகாசனம் செய்து வந்தால், முதுமையில் இளமையோடு இருக்கலாம் என்றார்.

தொடர்ந்து, சிறந்த முறையில் யோகாசனம் செய்த பள்ளி மாணவ - மாணவிகள் 7 பேருக்கு மாவட்ட வருவாய் அலுவலர் சா.பழனி பரிசுகள் வழங்கிப் பாராட்டினார். முன்னதாக, மாணவ - மாணவிகள் அனைவரும் யோகாசன உறுதிமொழியேற்றனர்.

யோகா தலைமைப் பயிற்சியாளர் டி.சவுந்தரராஜன், பயிற்சியாளர்கள் என்.செந்தில்குமார், எஸ்.வெங்கடேசன் ஆகியோர் மாணவ - மாணவிகளுக்கு யோகா பயிற்சி அளித்தனர்.

விழாவில், செங்கம் சக்தி பாலிடெக்னிக் கல்லூரி தலைவர் செ.வெங்கடாசலபதி, கிருஷ்ணா வித்யா மந்திர் மெட்ரிக் பள்ளி நிறுவனர் கிருஷ்ண கஜேந்திரன், ஹெப்ரான் மெட்ரிக் பள்ளி பி.டி.எல்.சங்கர், மாவட்ட யோகா சங்கப் பொருளாளர் கு.ப.நாகராஜன், செயலர் கோ.அருள்மணி உள்பட பலர் கலந்துகொண்டனர்.

]]>
Yoga http://images.dinamani.com/uploads/user/imagelibrary/2016/8/11/w600X390/india-yoga-teacher-training-certification.png http://www.dinamani.com/health/mental-health/2016/aug/11/மனவளம்-பெற-தினமும்-யோகாசனம்-செய்யுங்கள்-3305.html
3199 மருத்துவம் மனநல மருத்துவம் நவீன  உளவியல்! dn Tuesday, August 9, 2016 12:47 PM +0530 மனித மனத்தை ஆராய்வது உளவியல் (Psychology). இதை மேற்கத்திய கல்விப் பின்புலத்துடன் அறிவியல் துறையாக இந்தியாவில் அறிமுகம் செய்தவர் நரேந்திரநாத் சென் குப்தா.

வங்க மாநிலத்தின் ஃபரித்பூரில் 1889, டிச. 23-இல் பிறந்தார் நரேந்திர நாத் சென் குப்தா. சுதேசிக் கல்வி எழுச்சியால்  கொல்கத்தாவில் உருவான வங்க தேசியக் கல்லூரியில் (இதன் முதல்வராக இருந்தவர்தான் அரவிந்தர்) தனது இடைநிலைக் கல்வியை முடித்த நரேந்திரநாத்துக்கு, இளம் வயதிலேயே அறிவியலை செயல்முறைப் பயன்பாட்டுக்கு உகந்ததாக மாற்றுவதில் ஆர்வம் மிகுந்திருந்தது. அவரது முறையான உடற்பயிற்சி, வலிமையான உடலையும் திடமான சிந்தனைகளையும் அவருக்கு அளித்தது.

மேற்படிப்புக்காக அமெரிக்காவின் ஹார்வர்டு பல்கலைக்கழகத்துக்கு நரேந்திரநாத் சென்றார். 1910 முதல் 1913 வரை அங்கு படித்த அவர் பி.ஏ. பட்டம் பெற்றார். சிறந்த கல்வித் தகுதிக்காக, ரிச்சர்டு மானிங் ஹாட்ஜஸ் கல்வி உதவித்தொகை அவருக்கு அளிக்கப்பட்டது. தவிர, பெருமைக்குரிய பை பேட்டா கப்பா சங்கத்தின் உறுப்பினராக அவர் சேர்த்துக் கொள்ளப்பட்டார். 

ஹார்வர்டிலேயே 1914-இல் எம்.ஏ. பட்டம் பெற்ற நரேந்திரநாத், உலகப் புகழ் பெற்ற ஜெர்மானிய அமெரிக்கரான உளவியல் நிபுணர் ஹூகோ மன்ஸ்டெர்பர்க்கின் வழிகாட்டுதலில் உளவியலில் ஆராய்ச்சி செய்தார். அவரது 'Anti-Intellectualism: A Study in Contemporary Epistemology’ என்ற தலைப்பிலான ஆய்வேட்டுக்காக அவருக்கு 1915-இல் பிஎச்.டி. பட்டம் வழங்கப்பட்டது.

பிறகு நாடு திரும்பிய அவர், 1916-இல் கொல்கத்தா பல்கலைக்கழகத்தில் உளவியல் துறை விரிவுரையாளராகச் சேர்ந்தார். அதேசமயம் அங்கு புதிதாகத் துவங்கப்பட்ட பரிசோதனை உளவியல் (Experimental Psychology) துறையின் தலைவராகவும் அவர் நியமிக்கப்பட்டார். பல்கலைக்கழகத்தில் உளவியல் மற்றும் தத்துவம் பயிற்றுவித்தல், உளவியல் ஆய்வகத்தில் ஆராய்ச்சி ஆகியவை அவரது பணிகளாக இருந்தன. அதே ஆண்டில் கமலாவை அவர் மணம் புரிந்தார்.

அவரது ஆய்வக ஆராய்ச்சியின் அங்கங்களாக, முப்பரிமாண தொலைவு உணர்திறன் (Depth Perception), உளவு உடலியல் (PsychoPhysics), கவனக்கூர்மை (Attention) ஆகியவை இருந்தன.

உளவியலின் அறிவியல் தன்மையை வெகுவாக வலியுறுத்தி வந்த நரேந்திரநாத், 1923-இல் கூடிய இந்திய அறிவியல் காங்கிரஸில் பங்கேற்று, உளவியலை அறிவியலின் ஒரு துறையாக அங்கீகரிக்கச் செய்வதில் வெற்றி பெற்றார். அதில் துவங்கப்பட்ட உளவியல் தனிப்பிரிவுக்கு அவரே தலைவராகப் பொறுப்பேற்றார்.

உளவியலின் வளர்ச்சிக்காக, நரேந்திரநாத்தின் தீவிர முயற்சியால்  இந்திய உளவியல் சங்கம் 1924-இல் துவங்கப்பட்டது; அதன் சஞ்சிகையாக, Indian Journal of Psychology-ஐ 1925-இல் துவக்கி, அதன் நிறுவன ஆசிரியராகப் பொறுப்பேற்றார்.

பரிசோதனை உளவியலில் நிபுணராக இருந்தபோதும், சமூகம் சார்ந்த, இன அடிப்படையிலான, கல்விப் பின்புலம் கொண்ட, குற்றம் தொடர்பான, சமயம் சார்ந்த உளவியல் பிரிவுகள் தொடர்பாகவும் அவர் பல ஆய்வுக் கட்டுரைகளை வெளியிட்டுள்ளார்.

லக்னோ பல்கலைக்கழகத்தில் நிர்வாகப் பொறுப்பேற்க 1928-இல் கொல்கத்தாவிலிருந்து சென்றார். அங்கு பிரபல சமூகவியலாளரான ராதாகமல் முகர்ஜியுடன் இணைந்து சமூக உளவியல் குறித்த நூலை நரேந்திரநாத் சென் குப்தா எழுதினார். Introduction to Social Psychology: Mind in Society என்ற அந்த நூல், இந்தியாவில் எழுதப்பட்ட சமூக உளவியல் நூல்களில் முதல் நூலாகும். மேற்கத்திய நாடுகளின் அனுபவ ஆதாரங்களின் அடிப்படையிலேயே அந்நூல் எழுதப்பட்டது; அதில் இந்திய அனுபவங்கள் குறைவே என்று நூல் விமர்சகர்கள் குறிப்பிட்டனர்.

1929-இல் லக்னெள பல்கலைக்கழகத்தில் உளவியல் பேராசிரியராக அவர் நியமிக்கப்பட்டார்; அப்போது, தத்துவவியல் (Philosophy) துறையில் உளவியலை ஒரு பாடமாகச் சேர்க்க முயன்று, அதில் வெற்றி பெற்றார். மேலும் அங்கு பரிசோதனை உளவியல் ஆய்வகத்தை 1940-இல் அமைத்தார்.

அங்கு அவரிடம் பயிற்சி பெற்ற  ராஜ்நாராயண், ஹெச்.எஸ்.ஆஸ்தானா போன்ற பலர் தேசிய அளவில் புகழ் பெற்ற உளவியல் நிபுணர்களாக உருவாகினர்.

பின்னாளில் அவரது கவனம், சமயம் சார்ந்த உளவியலில் குவிந்தது. யோக சாதனா குறித்த அவரது ஆய்வுகள் குறிப்பிடத் தக்கவை. சமஸ்கிருதம், பாலி மொழிகளில் அவர் பெற்றிருந்த பாண்டித்தியம் அவருக்கு உதவிகரமாக இருந்தது. பாரதத்தின் பண்டைய சமய நூல்களை ஆராய்ந்த அவர், கிறிஸ்தவ மாயாவாதத்தையும் அதனுடன் ஒப்பிட்டு பல ஆய்வுக் கட்டுரைகளை எழுதினார்.

அவர் கடைசியாக எழுதிய உச்ச இன்பத்தின் பின்புலம் (Mechanisms of Ecstasy) என்ற சமய உளவியல் நூல் கைப்பிரதியாக இருந்தது. 1944, ஜூன் 13-இல் பக்கவாதத்தால் பாதிக்கப்பட்டு நரேந்திரநாத் சென் குப்தா காலமானார். அப்போது நேரிட்ட குழப்பத்தில் அந்த நூல் காணாமல் போனது, பெரிய இழப்பாகும். 

உளவியல், தத்துவவியல், கல்வி, மானுடவியல் துறைகளில் முக்கியமான பங்களிப்புகளை அளித்தவர் நரேந்திரநாத்.  அவரது சமூக உளவியல் -ஓர் அறிமுகம் (1928), மனவளர்ச்சியும் மனச்சிதைவும் (1940), மனப்பண்புகளில் பரம்பரைத் தாக்கம் (1942) ஆகியவை முக்கியமான நூல்களாகும்.

சென்னை பல்கலைக்கழகத்தில் உளவியல் துறையை 1943-இல் துவக்கிய குணமுதியன் டேவிட் போஸ் (1908- 1965) உடன் சேர்த்து, இந்தியாவில் நவீன உளவியலின் நிறுவனராக நரேந்திரநாத் சென் குப்தா போற்றப்படுகிறார்.

- வ.மு.முரளி

]]>
Pshychology, mental health http://images.dinamani.com/uploads/user/imagelibrary/2016/8/9/w600X390/MP900444180.JPG http://www.dinamani.com/health/mental-health/2016/aug/09/நவீன -உளவியல்-3199.html