Dinamani - முதியோர் நலம் - http://www.dinamani.com/health/elders-health/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2747174 மருத்துவம் முதியோர் நலம் இவர்களுக்கு ஒரு தேநீராவது வாங்கித் தர முடியுமா? உமா பார்வதி Monday, July 31, 2017 11:40 AM +0530 ஃபர்கட்டன் வுமன் (Forgotten Woman) என்ற தீலிப் மேதாவின் குறும்படம் சமீபத்தில் பார்த்தேன். கண்ணில் நீர் வழிய வைக்கும் ஆவணப் படம் அது. இதற்கெல்லாம் என்ன தீர்வு, அரசியல், சமூகம் என எல்லாரும் தானே பொறுப்பு? மனித நேயத்தையே கேள்விக்கு உட்படுத்திவிடும் படமிது. நிற்க இக்கட்டுரை அந்த ஆவணப்படத்தைப் பற்றியது அல்ல. 

கலாச்சாரம் தாய்மை என்று ஒரு புறம் கொண்டாடப்பட்டிருக்கும் ஒரு நாட்டில் ஒவ்வொரு விநாடியும் முதியவர்கள் கைவிடப்படுகிறார்கள் என்பது உண்மை. பல குடும்பங்களில் ஒதுக்கி வைக்கப்பட்டு தனிமையில் அவதியுறுகிறார்கள். அல்லது அதிக வேலைச் சுமை கொடுக்கப்பட்டு சுதந்திரம் மறுக்கப்பட்டு மிச்ச நாட்களை கழிக்கின்றனர். நூறு கோடிக்கும் அதிகமான மக்கள் தொகை உள்ள இந்த பாரதத் திருநாட்டில் ஒவ்வொரு இரண்டாவது மூத்த குடிமகனுக்கும் இந்த கதி என்பது எத்தகைய அவல நிலை. 

கிராமங்களில் கூட பரவாயில்லை. கடைசி வரை என் கையை நம்பிப் பிழைத்துக் கொள்வேன் என பல முதியோர்கள் தனிமையை தங்களுக்கே உரிய போர்க்குணத்துடனும் தன்னம்பிக்கையுடனும் கடக்கின்றனர். ஆனால் நகர்ப்புறத்தில் 1000 த்திற்கு 750 முதியவர்கள் தனித்து விடப்பட்டுள்ளனர். ஒரு ஆய்வறிக்கை நகர்ப்புறப் பகுதிகளில் 64.1 சதவிகிதம் முதியோர்கள் தங்கள் குடும்பத்தை விட்டு பிரிந்து வாழ்கிறார்கள் என்று கணித்துள்ளார்கள். இதுவே கிராமப்புறங்களில் 39.19 சதவிகிதமாக உள்ளது.

முதியோர்கள் ஏன் கைவிடப்படுகிறார்கள் என்று ஒவ்வொருவரும் யோசித்துப் பார்க்க வேண்டும். பள்ளியில் படிக்கும் போது ஒரு பாடம் படித்திருப்போம். வயதான பெற்றோர்க்கு பிளாஸ்டிக் தட்டில் சாப்பாடு வைக்கும் ஒரு குடும்பத்தில் உள்ள சிறுவன் அந்த தட்டை எடுத்து பத்திரப்படுத்தி தன் பெற்றோரிடம் உங்களுக்கு வயதானபிறகு இது பயன்படும் என்று கூறுவான். அப்போதுதான் அவர்களுக்கு தாங்கள் செய்த தவறு உரைக்கும். இதுதான் அனைவரின் நிலை. வயதின் காரணமாக தனிமைச் சிறையில் சிக்கி உடல் மற்றும் உளரீதியாக துயரினை அனுபவிக்கும் முதிய குடிமக்களின் நிலை மிகவும் அவலத்துக்குரியது.

இளம் வயதில் விதவையானவர் அவர். அரசாங்க வேலையும் சொந்த வீடும் அவருக்கு இருந்தது. பணி ஓய்வு கிடைத்ததும், கிடைத்த ஓய்வூதியத்தில் அவர் சிக்கலின்றி வாழ்ந்தார். ஆனால் அவரிடம் பணம் உள்ளது எனத் தெரிந்து அக்கம் பக்கத்தினர் அவருக்கு ஆதரவாக இருப்பது போல நடந்தனர். அவரிடம் நைச்சியமாக பேசி அவர் உடல் நலக் குறைவாக இருந்த போது அவருடைய பணம் சொத்து போன்றவற்றை சதி செய்து அபகரித்து அவரை வீதியில் விட்டுவிட்டார்கள். எதிர்த்துப் போராடவோ தட்டிக் கேட்கவோ அவருக்கு யாரும் இல்லை. மனநல மருத்துவமனையில் யாரோ சேர்த்துவிட, அங்கு அவர் பணம் போச்சு, ஏமாத்திட்டாங்க என்ற வார்த்தையை மட்டும் திரும்ப திரும்ப கூறிக் கொண்டிருக்கிறார். எத்தகைய கொடூர மனம் இருந்தால் பணத்துக்காக இப்படி ஒருவரை நிராதவராக்கி இருப்பார்கள். இது போல கணக்கற்ற கதைகள் நம் நாட்டின் ஒவ்வொரு வீதியிலும் உண்டு.

இது ஒரு புறமிருக்க தனியாக இருக்கும் வயோதிகர்களை குறிவைத்து அவர்களிடம் எஞ்சியிருக்கும் பணம் நகையை கொள்ளை அடிப்பதுடன் அவர்களை கொன்றும் விடுகிறார்கள். 2010-ஆம் ஆண்டு புதுதில்லியில் நேஷனல் க்ரைம் ரெக்கார்ட்ச் பீரோ (NCRB) நடத்திய ஆய்வில் ஐம்பது வயதுக்கு மேற்பட்ட 3339  முதியோர்கள் கொள்ளையடிக்கப்பட்டிருக்கிறார்கள் இதில் 35 நபர்கள் கொல்லப்பட்டுள்ளார்கள். ஒவ்வொரு ஆண்டும் இந்த எண்ணிக்கை அதிகரிக்கிறது எனும் போது இந்தச் சமூகம் இன்னும் என்னவெல்லாம் கொடுமைகளை பார்க்கப் போகிறதோ என்று பதற்றமாகவே இருக்கும். தங்களைத் தாங்களே பாதுகாத்துக் கொள்ளும் வலுவை இழந்த நிலையில் முதியோரைப் பாதுகாக்கும் பொறுப்பை யார் ஏற்றுக் கொள்வார்கள். அரசாங்கம் என்று குடும்பங்களும் அந்தந்த குடும்பங்கள் என்று அரசும் சாடிக் கொண்டிருப்பதை விடுத்து நிரந்தரமான ஒரு தீர்வுக்கு வழி வகை செய்யவேண்டும்.

முதியவர்களில் எத்தனையோ நபர்கள் தங்கள் குடும்பத்தினரோடு பேச்சுவார்த்தை இல்லாமல் மெளனமாக ஒரு வேளை உணவுக்காக தன்மானம் இழந்த நிலையில் இருக்கிறார்கள். உடல் நலமின்றி இருப்பவர்களை காசி ராமேஸ்வரத்துக்கு அழைத்துச் சென்று அங்கு நிராதவராக விட்டுவிட்டு வீடு திரும்பும் கல் நெஞ்சக்காரர்களைப் பற்றிய ஆவணப்படம் தான் மேற்சொல்லப்பட்ட ஃபர்கட்டன் வுமன்.  

வயோதிகர்களில் கணவனை இழந்த மனைவியரை விட, மனைவியை இழந்த கணவர்கள் அதிகப் பிரச்னைகளை எதிர்கொள்கின்றனர். அவர்கள் பலவிதமான உளவியல் சிக்கல்களுக்கு தள்ளப்படுகிறார்கள். மூத்தக் குடிமக்கள் என்று அவர்களுக்கு அரசாங்கம் சில சலுகைகளை அளித்தாலும் அவர்களின் வாழ்வாதாரத்துக்கு வழி வகை செய்து தருவதில்லை. உழைக்க முடியாத பலீவனத்தில் பலர் பிச்சையெடுத்து வாழும் இழிநிலைக்கும் தள்ளப்படுகிறார்கள்.

மனித உயிர் எல்லாவற்றையும் விட மகத்தானது என்கிறார்கள். ஆனால் பெற்ற உயிரை வீதிகளில் விடும் கொடுமையை என்னவென்று சொல்வது. வறுமை என்பது அல்ல பிரச்னை, சுயநலம் தான் இதற்கான காரணம். நன்றி மறந்த பிள்ளைகள் இருக்கும்வரை இதுபோன்று முதியவர்களை வீதியில் காணப்படுவது தொடரத்தான் செய்யும். முதியோர் இல்லங்களின் தனிமைச் சிறைகளிலிருந்து அவர்களது ஹீனமான குரல் மெல்லியதாக கேட்டு சமூகத்தின் ஆன்மாவை கீறிக் கொண்டுதானிருக்கும்.

வீதிகளில், மரத்தடிகளில், கோவிலில், ஏடிஎம் வாசல்களில் சோர்வாக உட்கார்ந்திருக்கும் ஒரு முதியவரை நாம் பார்க்க நேர்ந்தால் நம்மால் முடிந்த வரையில் ஏதேனும் உதவிகள் செய்யலாம். முடியவில்லை எனும்போது ஒரு தேநீராவது வாங்கிக் கொடுக்கலாம். குறைந்தபட்சமாக ஆறுதலாக ஒரு வார்த்தை அல்லது ஒரு புன்சிரிப்பு அது போதும் அவர்களின் நொந்த மனத்துக்கு சிறு வெளிச்சம் கிடைக்கும். 

]]>
Forgotten woman, old people, senior citizens, முதியோர்கள், மூத்த குடிமக்கள் http://images.dinamani.com/uploads/user/imagelibrary/2017/7/31/w600X390/d051d19952e435e44611cf6983611eff935ed226.jpg http://www.dinamani.com/health/elders-health/2017/jul/31/forgotten-woman-a-documentary-by-dilip-mehta-2747174.html
2738984 மருத்துவம் முதியோர் நலம் 60 வயதை கடந்தும் சுறுசுறுப்பாக இருப்பதற்கான உடற்பயிற்சி! Monday, July 17, 2017 03:17 PM +0530  

இன்றைய காலகட்டத்தில் 45 வயதைக் கடந்துவிட்டாலே எண்ணற்ற பெயர் தெரியாத நோய்கள் கூட வந்துவிடுகிறது, இதைப்பற்றி மருத்துவரிடம் கேட்டால் ‘வயது முதிர்ச்சிதான் காரணம், இன்னும் சின்னப்பிள்ளை போல் ஓடி ஆடாமல் பக்குவமாக இருந்துகொள்ளுங்கள்’ என்பார்கள்.

ஆனால் உங்கள் தாத்தா பாட்டிகள் 70 வயது வரைகூட கடினமான பணிகளைக்கூட இளம் வயதினர் போல் உற்சாகமாகச் செய்திருப்பார்கள், இதற்கெல்லாம் காரணம் அறிவியல் முன்னேற்றம் நமது உடல் உழைப்பைக் குறைத்துவிட்டது. குறைந்தது அதை ஈடு கட்டுவதற்காகவாவது நாம் தினமும் உடற்பயிற்சி போன்றவற்றை செய்திருந்தால் இந்த உடல் என்ற இயந்திரம் இன்னும் சில ஆண்டுக் காலம்  சுறுசுறுப்பாக இயங்கியிருக்கும். பல நாட்கள் உபயோகிக்காமல் வைத்திருக்கும் ஒரு பொருள் எப்படி பழுதாகி பயனற்று போகிறதோ அதைப் போல்தான் நமது உடலும். 

பக்கத்துத் தெரு கடைக்குச் செல்வதற்கு கூட மோட்டார் பைக், கோவிலிற்குச் சென்றால் சிறிது நேரம் நிற்பதற்குக் கூட நேரமில்லாமல் பணம் கொடுத்துச் சிறப்பு தரிசனம், உடலுக்குத் தேவையான குறைந்தது 6 மணி நேரத் தூக்கம் கூடத் தராமல் பிற வேலைகளில் ஈடுபடுவது இவ்வாறெல்லாம் அந்த உடலைப் படாத பாடு படுத்தினால் அதுவும் என்ன செய்யும் பாவம். சரி கவலை வேண்டாம், இனிமேலும் நமக்கு வயதாகிவிட்டது என்று ஓய்ந்து போய் உட்காராமல் இதற்கு மேலும் உடல் கெட்டு போகாமல் மிதமுள்ள வாழ்நாளை ஆரோக்கியமாக நகர்த்த, இதோ சில எளிய உடற்பயிற்சிகள்.

எந்த ஒரு உடற்பயிற்சி கூடத்திற்கும் போகாமல் வீட்டிலிருந்தவாறே, உடலை ஆரோக்கியமாக வைத்துக்கொள்ளப் பல வழிகள் உள்ளது. அவற்றில் சில, 

வயிற்றுத் தசைகளை வலிமைப்படுத்த:

நன்கு ஆழமாக மூச்சை இழுத்து, வயிற்றைச் சுருக்கியவரே ஒரு மூன்று வினாடிகளுக்கு மூச்சை நிலை நிறுத்தி பின்பு பொறுமையாக மூச்சை விடுவிக்கவும். இவ்வாறு தினமும் 10 முறை செய்ய வேண்டும்.

மார்பு மற்றும் தோள் பட்டைகளை வலிமைப்படுத்த:

சுவரை நோக்கியவாறு ஒரு மூன்று அடி தொலைவில் நிற்க வேண்டும், பின் உங்களது தோல் பட்டைக்கு நேராக இருக் கைகளையும் சுவரில் வைத்து பொறுமையாக சுவரை நோக்கு உடலைச் சாய்க்க வேண்டும். சாயும் பொழுது முதுகெலும்பு வளையாதவாறு பார்த்துக்கொள்ளுங்கள். பின்னர் சுவரில் கையை நன்கு அழுத்தி உங்கள் உடலைப் பின் தள்ளுங்கள். இந்தப்பயிற்சியை 10 முறை செய்ய வேண்டும்.

பின்புறத்துத் தசைகளை வலிமைப்படுத்த:

முச்சை உள்ளிழுத்து அதை நிலை நிறுத்தியவாறே முன்னால் குனிய வேண்டும், மூன்று வினாடிகள் அந்த நிலையில் இருந்த பின்பு பொறுமையாக நிமிர்ந்து நிற்க வேண்டும். இந்தப் பயிற்சியை 8 முதல் 12 முறை செய்யவும்.

கால் தசைகளை வலிமைப்படுத்த:

நாற்காலியில் அமர்ந்தவாறே, தரையில் உங்கள் கால் விரல்களை நன்கு ஊன்றியவாறே முடிந்த அளவிற்குக் குதி காலை உயர்த்தியவாறே சில நிமிடங்கள் இருக்க வேண்டும். இவ்வாறு செய்வது கால்களில் சுத்தமான ரத்தம் பாய வழிசெய்யும். ஓய்வு எடுக்கும் நேரங்களில் ஒரு 20 முறை இவ்வாறு செய்ய வேண்டும். 

கை, கால் மணிக்கட்டினை வலிமைப்படுத்த:

இந்தப் பயிற்சியையும் நாற்காலியில் அமர்ந்தவாறே, வலது காலை தூக்கி வலப்புறமாக ஒரு ஐந்து முறை, பின் இடப்புறமாக ஒரு ஐந்து முறை சுழற்ற வேண்டும். இதே போல் இடது கால் மற்றும் இருக் கைகளுக்கும் செய்ய வேண்டும், இதன் மூலம் இணைப்பு தசைகள் வலுப்பெறும். 

கழுத்து தசைகளை வலிமைப்படுத்த:

சமமான பரப்பில் கால்களை நன்கு பதிய வைத்து, தோள்பட்டையை அகலமாக விரித்து, இருக் கைகளையும் இருபக்கத்தில் நீட்டி, உங்கள் தலையை மெதுவாக வலதுபுறமாகத் திருப்பவும், 10 முதல் 20 விநாடி அப்படியே நிறுத்திய பிறகு இப்போது மறு திசையில் திருப்பவும். இவ்வாறு ஒரு ஐந்து முறை செய்ய வேண்டும், இது தசைகளை வலிமைப்படுத்துவதோடு, கழுத்தில் வலி ஏதேனும் இருந்தாலும் சரி செய்துவிடும்.

ஆரம்பத்தில் இந்த உடற்பயிற்சிகளைச் செய்யும்போது தேவைப்பட்டால் துணைக்கு யாரையாவது வைத்துக் கொள்ளவும், பின்பு இது பழக பழக மிக எளிதாக நீங்களாகவே இதைச் செய்துவிடலாம்.

]]>
http://images.dinamani.com/uploads/user/imagelibrary/2017/7/17/w600X390/Old-Age-Pension-Scheme.jpg http://www.dinamani.com/health/elders-health/2017/jul/17/daily-exercise-for-elders-2738984.html
2727946 மருத்துவம் முதியோர் நலம் 50 வயதை கடந்தவர்களின் கவனத்துக்கு! Tuesday, June 27, 2017 02:58 PM +0530 ஐம்பது வயதுக்குப் பிறகு சிலருக்கு நினைவுத் திறன் குறைந்துவிடுவது ஏன்?

ஞாபக மறதி என்பது 58 வயதிற்குப் பிறகு சகஜமான ஒன்றுதான். இது பரம்பரையாக வரக் கூடும். இதை MCI – (Mind Cognitive Impairment) அதாவது சிறிய அளவில் ஏற்படும் ஞாபக மறதி என்று மருத்துவம் கூறுகிறது.

ஆனால் இது பின்னாளில் இது மன உளைச்சல், அல்லது, நரம்பியல் பிரச்சனைகள் அல்லது அல்ஜெமர் (Alzheimers) எனப்படும் ஞாபக மறதி பிரச்சனையில் கொண்டு விடலாம். வேலை ஸ்டெரெஸ், குழந்தைகளின் படிப்பு, எதிர்காலம் பற்றிய கவலை, இதனால் ஏற்படுகின்ற மன உளைச்சல், ஆகியவற்றால் இத்தகைய ஞாபக மறதி ஏற்படலாம்.

ஞாபக மறதி அதிகரிக்க பயம் ஏற்பட்டு, அதனால் பதற்றம் அடைவார்கள். பதற்ற நிலையில் இருந்தால் நிச்சயம் நினைவுத் திறன் குறையும். இது ஒரு விஷ வட்டம் போலத் தான். எனவே மறதியைப் பற்றி அதிகம் கவலைப்பட வேண்டாம், தன்னம்பிக்கையும் தைரியமும் இருந்தால் எளிதாக இதை எதிர்க்கொள்ள முடியும்.

சில டிப்ஸ்

வாழ்க்கை முறையை மாற்றியமைத்துக் கொள்ள வேண்டும். அன்றாடம் செய்யும் வேலைகளில் சில ஒழுங்கு முறைகளைக் கடைப்பிடித்தால் மறதியை கட்டுக்குள் வைக்கலாம். உதாரணமாக ஒரு வேலையைத் தொடங்கும் முன் அதற்குரிய முன்னேற்பாடுகளை செய்து முடித்து விடுவது நல்லது. பொருட்களையும் அதனதன் இடத்தில் வைத்துவிட்டால் தேட வேண்டிய அவசியம் இருக்காது.

ஒவ்வொரு நாளும் செய்ய வேண்டிய வேலைகளை பட்டியல் இட்டு, ஒரு தாளில் எழுதி வைத்துக் கொள்ள வேண்டும், அந்த வேலையைச் செய்து முடித்ததும் அதில் ஒரு டிக் போடுங்கள்.

உடலை உறுதியாக பராமரிப்பது போல், நமது எண்ணங்களை நினைவில் வைக்கும் திறனை அதிகரிக்க வைக்க வேண்டும். செஸ், கேரம் போர்டு, குறுக்கெழுத்துப் போட்டி போன்ற விளையாட்டுகள் மூளையை கூர்மையாக்கும். நினைவுத் திறன், கவனம், ஒரு செயலின் மீது கருத்தை நிலை நிறுத்துதல் போன்றவற்றை மேம்படுத்தும்.

போதுமான தூக்கத்தை பெறவில்லையெனில் மறதி அதிகரிக்கும். தூக்கத்தில் ஏதேனும் நினைவுகள் மன அழுத்தத்தை ஏற்படுத்தினால் முழுமையான தூக்கத்தை பெற முடியாது.

சத்தான காய்கறிகள், பழங்கள், வால்நட், பாதாம் பருப்பு போன்றவை நினைவுத் திறனை அதிகரிக்கச் செய்யும்.

]]>
Memory loss, Dementia, நினைவு, ஞாபக மறதி http://images.dinamani.com/uploads/user/imagelibrary/2017/6/27/w600X390/Senior-Couple-Being-Served-Meal.jpg http://www.dinamani.com/health/elders-health/2017/jun/27/article-for-50-years-and-above-2727946.html
2705694 மருத்துவம் முதியோர் நலம் அல்ஜீமர் நோயைத் தடுக்க இதை சாப்பிடுங்க! ஷக்தி Saturday, May 20, 2017 04:33 PM +0530 ஒமேகா 3 கொழுப்பு அமிலம் அதிகமுள்ள உணவு வகைகளை சாப்பிட்டு வந்தால் அல்ஜீமர் நோய்க்கு நோ என்ட்ரி சொல்லிவிடலாம் என்கிறது ஒரு மருத்துவ ஆய்வு. காரணம் ஒமேகா 3 நினைவாற்றல் செல்களை அதிகரித்து மூளையை சுறுசுறுப்பாக்க உதவுகிறது, அதனால் அல்ஜீமர் நோய் பாதிப்புக்களிலிருந்து தப்பலாம் என்பதே அந்த ஆராய்ச்சியின் முடிவு.

அல்ஜீமர் என்றாலே அது கொஞ்சம் கொஞ்சமாக ஞாபக சக்தியை இழக்கச் செய்து ஒரு கட்டத்தில் நாம் யாரென்றே மறக்க செய்துவிடும் அளவுக்கு கொடுமையானது. நினைவாற்றல் மற்றும் மூளைத் திறனை முற்றிலும் பாதிப்படையச் செய்துவிடும் நோய் அது. இந்த நோயைத் தடுக்க ஒமேகா 3 கொழுப்பு அமிலம் மத்தி, நெத்திலி, கெளுத்தி மற்றும் சால்மன் வகை மீன்களில் உள்ளது. சைவத்தில் ப்ளக்ஸ் விதை, வால்நட், சோயா பீன்ஸ் மற்றும் புதினா ஆகியவற்றை காணப்படுகின்றது.  மூளையின் ஆரோக்கியத்துக்கு இந்த சத்து மிகவும் அவசியம்.

ஒமேகா 3ல் ALA (A Linolenic Acid), EPA (Eicosa Pentaenoic Acid), DHA (Aocosa Hexaenoic Acid) என்ற 3 வகைகள் உள்ளன. கடல் உணவுகளில் EPA, DHA வகைகள் இருக்கின்றன. சைவத்தில் ALA மட்டும் இருக்கிறது. இந்த ஆராய்ச்சியில் ஒமேகா 3 யின் EPA+DHA நிலை, மூளை திரவ நிலை மற்றும் மூளையின் அறிவாற்றல் நிலை ஆகியவற்றை ஒன்றிணைத்து சாதகமான விளைவுகளை ஏற்படுத்துகிறது என்கிறது இந்த ஆய்வு.

மருந்து மாத்திரைகள் மூலமாகவும் ஒமேகா 3 பெற முடியும். மீனில் இருந்து தயாரிக்கப்படும் மீன் எண்ணெய்மாத்திரைகளில் ஒமேகா 3 இருக்கிறது. ஆனால் உணவின் வாயிலாகக் கிடைக்கும் சத்து தான் மிகவும் நல்லது. காரணம் உணவுடன் சேர்ந்து பெறும் போது உணவில் உள்ள மற்ற ஊட்டச்சத்துகளும் கிடைத்துவிடும். கர்ப்பிணிகள் தேவையான அளவு ஒமேகா 3  எடுத்துக்கொள்ளாத பட்சத்தில்  பிறக்கும் குழந்தைகள் கவனக்குறைபாட்டுப் பிரச்னைக்கு ஆளாகலாம். கர்ப்ப காலத்தில் ஒமேகா 3 உணவுகளை சாப்பிட்ட பெண்களுக்குப் பிறந்த குழந்தைகள் புத்திக்கூர்மையுடன் இருப்பதும் முந்தைய ஆராய்ச்சிகளில் கண்டறியப்பட்டுள்ளது.

ஒமேகா 3 உணவு உட்கொண்டவர்களின் செய்த வேலைகள் அறிவாற்றலுடன் இருந்தது. நவீன கண்டுபிடிப்பான SPECT (Single photon emission computed tomography) எனும் இமேஜிங் தொழில்நுட்பத்தைப் பயன்படுத்தி மூளை ஆராய்ச்சியை ஆய்வாளர்கள் மேற்கொண்டனர். இதில் உடலில் ஒமேகா 3 சத்து அதிகமுள்ள 166 நபர்கள் பங்கேற்றனர். அவர்களின் அறிவாற்றல் திறன், மூளையின் ரத்த ஓட்டம் மற்றும் நரம்பியல் சோதனைகள் ஆய்வுக்கு உட்படுத்தப்பட்டது. 

ஜர்னல் ஆஃப் அல்ஜீமர் டிசீஸ் (Journal of Alzheimer's Disease) எனும் பத்திரிகையில் இந்த ஆய்வறிக்கை வெளியிடப்பட்டது. ஒமேகா 3 கொழுப்பு அமிலத்தால் மன நலன் மேம்படுகின்றது என்றும் ஆய்வு முடிவில் தெரிவித்துள்ளனர்.

]]>
Omega 3, Alzheimer's disease, அல்ஜீமர் நோய் http://images.dinamani.com/uploads/user/imagelibrary/2017/5/20/w600X390/omega_3.jpg http://www.dinamani.com/health/elders-health/2017/may/20/omega-3-foods-may-help-prevent-alzheimers-disease-2705694.html
2700322 மருத்துவம் முதியோர் நலம் மூட்டுவலியை  குணப்படுத்தும் வழி! Thursday, May 11, 2017 11:53 AM +0530 இன்றைய நிலையில், பெரும்பாலான மக்களை சப்தமில்லாமல் ஆட்டிப்படைக்கும் நோய்களுள் ஆர்த்ரைடிஸ் எனும் மூட்டு நோய் மிக முக்கிய பங்கு வகிக்கிறது. இந்த நோயின் வகைகளையும், இதை குணப்படுத்துவதற்கான வழிமுறைகளையும் நமக்கு விளக்குகிறது இந்தக் கட்டுரை. 

ஆர்த்ரைட்டிஸ் (மூட்டு நோய்கள்) என்றால் என்ன? 

ஆர்த்ரைட்டிஸ் (மூட்டு நோய்கள்) என்பது மூட்டு இணைப்புகளைச் சேதப்படுத்தும் பல நோய்களைக் குறிக்கிறது. 

இந்தச் சேதம் எதனால் நிகழ்கிறது? 

மூட்டு இணைப்புகளை மூடி பாதுகாக்கும் மென்மையான திசுக்கள் தேய்ந்து எலும்புகள் ஒன்றுடன் ஒன்று உராய்ந்து கடும் வலியை உண்டாக்குகிறது. இந்தத் திசுக்கள் தேய்வதற்கான சரியான காரணங்கள் இன்னமும் கண்டுபிடிக்கப்படவில்லை. ஆனால், ஆரோக்கியமற்ற எலும்பு மற்றும் தசை, அதிக உடற்பருமன், ஆரோக்கியமற்ற வாழ்க்கைமுறை மற்றும் பரம்பரை காரணங்கள் ஆகியவை இந்த திசு தேய்மானத்துக்குக் காரணமாக இருக்கின்றன என நம்பப்படுகிறது.

மூட்டு நோய்களின் பொதுவான வகைகள் ஆஸ்டியோ ஆர்த்ரைட்டிஸ் – இது நோய்க் கிருமிகள் மற்றும் மூப்பு, மூட்டு இணைப்புகளில் அடிபடுவதால் ஏற்படுகிறது. ருமடாய்ட் ஆர்த்ரைட்டிஸ் – உடலின் நோய் எதிர்ப்புச் சக்தி உடலுக்கு எதிராகவே இயங்கும்போது இந்த நோய் ஏற்படுகிறது. செப்டிக் ஆர்த்ரைட்டிஸ் – மூட்டு இணைப்புகளை நோய்க் கிருமிகள் தாக்கும்போது ஏற்படுகிறது. கௌட்டி ஆர்த்ரைட்டிஸ் – இது யூரிக் அமிலத்தின் படிமங்கள் மூட்டு இணைப்புகளில் படிவதால் ஏற்படுகிறது. மன அழுத்தம் எவ்வகையான மூட்டு நோயையும் அதிகப்படுத்துவதோடு, இதுவே நோய் ஏற்படுவதற்கும் முக்கியக் காரணமாகவும் அமைவதாக ஆய்வுக் குறிப்புகள் தெரிவிக்கின்றன.

மூட்டு நோய்களால் ஏற்படக்கூடிய பிரச்சனைகள் 

இந்த நோய் ஏற்படும்போது வலி, மூட்டு இணைப்புக்களை அசைக்க முடியாமை மற்றும் மூட்டு இணைப்புகளில் வீக்கம் ஆகியவை ஏற்படும். இதனால் அத்தியாவசியமான வேலைகளைக்கூட செய்ய முடியாமல் போகும். ருமடாய்டு ஆர்த்ரைட்டிஸ் நோய் உடலின் மற்ற பாகங்களையும் பாதிப்பதால் ஆயுள் குறையும் ஆபத்து உள்ளது. 

மூட்டு நோய்கள் தடுப்பு 

மூட்டு நோய்கள் வரும் அபாயத்தைக் குறைக்க பல வழிகள் உள்ளன. அவற்றில் பல வாழ்க்கை முறை சார்ந்தவை.

உடல் எடைக் குறைப்பு 

அதிகப்படியான உடல் எடை, உடல் எடையைத் தாங்கக்கூடிய மூட்டுகளின் இணைப்பை சேதமாக்குவதோடு இணைப்புகளின் இயற்கையான கட்டமைப்பையும் சேதப்படுத்துகிறது. சரியான உடல் எடை நிர்வாகம், முழங்கால்கள், மற்றும் இடுப்பு, கைகளில் வரக்கூடிய மூட்டு வலிகளைத் தடுக்கிறது. 

உடற்பயிற்சி 

தொடர்ந்து உடற்பயிற்சி செய்வது மூட்டு தசைகள் ஆரோக்கியமாக இருக்கச் செய்வதோடு, உடல் எடை சீராக இருக்கவும் உதவுகிறது. மேலும் இவை மூட்டுகள் வீங்குவதையும் மூட்டுத் தசைகள் விறைப்படைவதையும் தடுக்கிறது.

ஆரோக்கியமான உணவு 

ஒருவருக்கு மூட்டு வலி வருவதில் அவருடைய உணவுப் பழக்கம் முக்கியப் பங்கு வகிக்கிறது. காய்கறிகள், பழங்கள், தானியங்கள், சர்க்கரை, உப்பு, கரையக்கூடிய கொழுப்புகள் ஆகியவை சரியான விகிதத்தில் அடங்கிய ஆரோக்கிய உணவை உண்ண வேண்டும். 

வைட்டமின் மற்றும் தாது உப்புக்கள் (மினரல்ஸ்) சரியான அளவில் நம் உணவில் இருக்குமாறு பார்த்துக்கொள்ள வேண்டும்.

சமைக்காத பச்சைக் காய்கறிகள்/பழங்கள்/இயற்கை உணவுகள் இந்த நோய்க்கு அருமருந்தாக விளங்குகிறது. 

கிழங்கு வகைகள் தவிர்த்தல் வேண்டும்.

மேலும் சில யோசனைகள் 

மூட்டு இணைப்புகளுக்குச் சேதம் ஏற்படாமல் பார்த்துக்கொள்ள வேண்டும். உங்கள் உடல் எடை அனைத்துப் பக்கமும் சீராக இருக்கும்படி உங்கள் உடல் அமரும் நிலை மற்றும் இதர உடல் நிலைகளை அடிக்கடி மாற்றிக்கொள்ளவும். கடுமையான வேலைக்குப் பிறகு நன்கு ஓய்வு எடுத்துக் கொள்ளவும். உடற்பயிற்சி செய்யும் முன் அதற்கான தகுந்த ஆரம்பப் பயிற்சிகள் (warming up exercises) செய்யவும். 

மூட்டு நோய்கள் பற்றிய சில தவறான நம்பிக்கைகள் 

இந்த நோய் வயதானவர்களுக்கு மட்டும் வரும் என்பதில்லை. இந்த நோய் எந்த வயதினரையும் தாக்கும். மூட்டு ஜவ்வு தேய்வதால் ஏற்படக்கூடிய மூட்டுவலி குறிப்பாக வயதானவர்களுக்கு வருகிறது. ஆனால், மற்ற மூட்டுவலி வகைகளான ருமடாய்டு, ரியேக்டிவ் ஆர்திரைட்டிஸ் போன்றவை இள வயதினருக்கும் வருகிறது. 

குளிர் காலநிலையால் வருகிறது 

குளிர்கால நிலையால் மூட்டு நோய்கள் வருவதாக பலர் நினைக்கிறார்கள். அது உண்மை அல்ல. குளிர்கால நிலையில் மூட்டு இணைப்புகளின் விறைப்புத்தன்மை அதிகமாகி அதனால் வலி அதிகமாகலாம். ஆனால், அதுவே மூட்டுவலியை உண்டாக்குவதில்லை. குளிர்கால நிலையால்தான் மூட்டுவலி வரும் என்றால், குளிர்ப்பிரதேசத்தில் வாழும் அனைவருமே இந்த நோயால் பாதிக்கப்பட்டிருக்க வேண்டுமே!

மூட்டு நோய்களுக்கு சிகிச்சை இல்லை 

மூட்டு நோய்களின் ஒவ்வொரு வகைக்கும் தற்போது மருந்துகள் உள்ளன. சிகிச்சையால் நோயின் தன்மை குறைகிறது. மூட்டுவலி நோயாளிகள் உடற்பயிற்சி செய்யும்போது வலி எடுப்பதால், அவர்கள் உடற்பயிற்சி செய்யக் கூடாதா? இது உண்மை அல்ல. உண்மையில், இவர்கள் தினசரி உடற்பயிற்சி செய்வது மிகவும் அவசியம். பயிற்சிகள் மூட்டு இணைப்புகளிலுள்ள விறைப்புத் தன்மையைக் குறைத்து மூட்டுகளின் அசையும் தன்மையை அதிகரிக்கிறது. 

மூட்டு நோய்கள் பெண்களுக்கு மட்டுமே வரும் 

இல்லை. மூட்டுநோய்கள் ஆண்களையும் பாதிக்கும்.

யோகாவும் மூட்டு வலியும்

மூட்டு நோய்கள் வராமல் தடுப்பதற்கும், குணப்படுத்துவதற்கும் மூட்டு இணைப்புகளை உறுதிப்படுத்துவது மிகவும் அவசியம். யோகாசனங்கள் மூட்டு இணைப்புகளை உறுதிப்படுத்துகிறது. யோகாசனங்கள் செய்பவரின் மூட்டு இணைப்புகள் அசாதாரணமான சூழ்நிலைகளிலும் இயல்பாகச் செயல்படுவதால் மூட்டு தசைகள் விறைப்படைவது குறைகிறது.

உடலில் யூரிக் அமிலத்தின் அளவை யோகப் பயிற்சிகள் ஒழுங்குபடுத்துகின்றன. யோகப் பயிற்சிகள் மூலம் உடற்பருமன் அடைவதைத் தடுக்க முடியும். யோகா மூலம் கிடைக்கும் ஆரோக்கியமான வாழ்க்கைமுறை உடலின் எதிர்ப்புச்சக்தியை அதிகரிக்கிறது. இந்த எதிர்ப்புச்சக்தி மூட்டு வலியிலிருந்து மட்டுமல்லாமல் மற்ற நோய்களிலிருந்தும் பாதுகாக்கிறது. மூட்டு நோயால் அவதிப்படுபவர்களின் வலி மற்றும் இயலாமையால் ஏற்படும் மன அழுத்தத்தைக் குறைத்து நேர்மறை உணர்வுகள் அதிகரிக்க உதவுகிறது.

யோகப் பயிற்சிகளில் உள்ள ஒருங்கிணைக்கப்பட்ட அசைவுகள், விறைப்படைந்த மற்றும் சேதமடைந்த மூட்டு இணைப்புகளுக்கு நிவாரணம் அளிக்கின்றன. மேலும் சுவாசத்தை உபயோகித்துச் செய்யக்கூடிய யோகப் பயிற்சிகள், மூட்டு இணைப்புகளைப் பாதுகாக்கும் தசைகளுக்கு ஓய்வு/தளர்வு அளிக்கிறது.

மூட்டு இணைப்புகளில் ரத்த ஓட்டத்தை அதிகப்படுத்துவதால், தேவையற்ற நச்சுப் பொருட்கள் நீங்கி, வலி மற்றும் விறைப்புத்தன்மை குறைய உதவுகிறது. மருந்து மற்றும் மருத்துவ உதவியோடு, யோகப் பயிற்சிகளையும் இணைத்துக் கொள்ளும்போது, நிவாரணம் துரிதமாகும்!

மூட்டு நோய்கள் ஒருவரின் உடற்செயல்களை முடக்கி, அன்றாடச் செயல்களுக்கும் அடுத்தவரைச் சார்ந்திருக்க நேரிடும் எனப் பலர் நினைக்கின்றனர். ஆனால் மூட்டுவலி ஸ்ட்ரோக் போல் செயல்படாது. மூட்டுவலி தாக்கும்போது, மூட்டு இணைப்புகள் மிகவும் வலிக்கலாம். ஆனால், அதற்காக அவர்களின் உடற்செயல்கள் முடக்கப்பட்டுவிட்டது என்று பொருள் அல்ல. மூட்டு நோய்கள் இருப்பினும் அவர்கள் தகுந்த உணவு மற்றும் வாழ்க்கைமுறையைக் கடைப்பிடித்தால், வாழ்க்கையில் மற்றவர்போல் இயங்க முடியும். 
 
மூட்டு நோய்கள் பற்றி சத்குரு: 

யோகா: 

எல்லா வகையான மூட்டு நோய்களுக்கும் ஒரே காரணம் இல்லை. மன அழுத்தத்தால் ஏற்படும் மூட்டு நோய்களுக்கு யோகா மூலம் விரைவில் தீர்வுகாண முடியும். நோய்க் கிருமிகள் மற்றும் வேறுகாரணங்களால் ஏற்படும் மூட்டு நோய்களுக்கு மருந்துகளும் தேவைப்படுகின்றன. எந்தக் காரணத்தினால் ஏற்பட்ட மூட்டு நோயாக இருந்தாலும், யோகப் பயிற்சிகள் மூலம் ஓரளவு அல்லது முழுமையான நிவாரணம் அளிக்க முடியும். ‘அம்’ மந்திர உச்சாடணை: இது உடலளவிலும் மனதளவிலும் சமநிலையை ஏற்படுத்துவதால், மூட்டு நோய்களிலிருந்து விடுபட உதவுகிறது.

உணவு: 

தக்காளி மற்றும் உருளைக்கிழங்கு ஆகியவை பூஜ்ஜிய பிராண உணவுகள். இவற்றை ஆரோக்கியமானவர்கள் ருசிக்காகச் சேர்த்துக்கொள்ளலாம். ஆனால், மூட்டு இணைப்புகளில் வீக்கமோ வலியோ அல்லது உட்காரும்போதோ, நிற்கும்போதோ மூட்டு இணைப்புகளில் வலி உணர்பவர்கள், மற்றும் அதிக நேரம் உட்காரும்போது கால்களில் வீக்கம் ஏற்படுபவர்கள், இவற்றை உண்ணுவதைத் தவிர்க்க வேண்டும். ஏனெனில், இவை மூட்டு நோய்களின் பிரச்சனையை அதிகப்படுத்தும்!
 
நன்றி - டாக்டர்.பவானி பாலகிருஷ்ணன், ஈஷா மையம்
 

]]>
Arthritis, knee pain, joint pain, மூட்டு வலி http://images.dinamani.com/uploads/user/imagelibrary/2017/5/11/w600X390/----.jpg http://www.dinamani.com/health/elders-health/2017/may/11/how-to-prevent-arthritis-2700322.html
2558247 மருத்துவம் முதியோர் நலம் ரத்தக் கொதிப்பு என்றால் என்ன? Thursday, August 25, 2016 12:49 PM +0530 ரத்தம் உடல் முழுவதும் செல்வதற்கு ஒரு குறிப்பிட்ட அளவு அழுத்தம் தேவை. இந்த அழுத்தம் அதிகமாகும்போது, அதையே ரத்தக் கொதிப்பு என்கிறோம்.

ரத்த அழுத்தம் எவ்வளவு இருக்கலாம்?

ரத்த அழுத்தத்தில் சுருக்கழுத்தம் (systolic blood pressure) விரிவழுத்தம் (Diastolic blood pressure) என இரண்டு அலகுகள் உள்ளன.
 
2-வது வகையில் உள்ளவர்கள் ரத்தக் கொதிப்பு வராது தடுக்க வேண்டுமானால், உணவு மற்றும் வாழ்க்கை முறையில் அதிகக் கவனம் செலுத்த வேண்டும்.அதிக ரத்த அழுத்தத்தைக் குறைப்பதற்கு உணவில் பொட்டாசியம், மெக்னீசியம், கால்சியம் ஆகிய தனிமங்கள் அதிக அளவிலும், கொழுப்பு குறைவான அளவிலும் இருக்க வேண்டும்.

ரத்தக் கொதிப்பை ஏற்படுத்தக்கூடிய காரணிகள்

இயற்கையாகவே வயதாக ஆக ரத்த நாளங்கள் அதனுடைய ஜவ்வுத்தன்மையை இழப்பதால், நாளங்களின் அகலம் குறுகி ரத்த அழுத்தம் அதிகரிக்கிறது. மரபணுக்களால் மட்டுமின்றி, அதே உணவு, உடற்பயிற்சியின்மை, புகைபிடித்தல் என்று பெற்றோர் வாழ்ந்த சூழ்நிலையிலேயே வாழும்போது குழந்தைகளுக்கும் அந்த நோய்கள் வரும் வாய்ப்பு அதிகமாகிறது. தற்போதைய வாழ்க்கைமுறையில் அதிக ரத்த அழுத்தத்திற்கு மன அழுத்தமே முக்கியக் காரணமாகக் கருதப்படுகிறது.

•   உடல் எடை அதிகரிப்பால் ரத்தக் கொதிப்பு வரும் வாய்ப்பும் அதிகரிக்கிறது
•   உணவில் அதிகம் உப்பு சேர்த்துக் கொள்ளுதல்
•   அதிகக் கொழுப்பு மற்றும் குறைவான நார்ச் சத்துள்ள உணவுகள்
•   மது மற்றும் புகைப் பழக்கம்
•   சரியான உடற்பயிற்சி இன்மை
•   நீரிழிவு நோய்
 

ரத்தக் கொதிப்பின் வகைகள்:

வகை 1: பெரும்பான்மையோருக்கு வரும் ரத்தக் கொதிப்பு இந்த வகைதான். இதற்கு இன்னமும் காரணம் கண்டறியப்படவில்லை.

வகை 2: இது சீறுநீரகம் மற்றும் நாளமில்லாச் சுரப்பிகளில் ஏற்படும் பாதிப்புகள் மற்றும் சில வகை மருந்துகளால் ஏற்படுகிறது. கர்ப்பக் காலத்தில் வரும் ரத்தக் கொதிப்பும் இந்த வகைதான்.

ரத்தக் கொதிப்பு வருவதற்கான அறிகுறிகள்: பொதுவாக இது எந்தவித அறிகுறிகளையும் ஏற்படுத்துவதில்லை. மற்ற பல காரணங்களுக்காக உடலைப் பரிசோதிக்கும்போது இது கண்டு பிடிக்கப்படுகிறது. எனினும் சிலருக்கு ரத்த அழுத்தம் அதிகமாகும்போது தலை சுற்றல், தலைவலி போன்றவை ஏற்படலாம்.

ரத்தக் கொதிப்பால் ஏற்படும் விளைவுகள்: மாரடைப்பு, இதயத் துடிப்பில் கோளாறு, இதயம் பெரிதாகுதல், பக்கவாதம், மூளையில் ரத்தக் கசிவு, ரத்த நாளங்களில் நோய்கள், சிறுநீரகத்தில் பாதிப்பு, மற்றும் கண்களில் பாதிப்பு போன்றவை.

சிகிச்சை முறைகள்:

ரத்தக் கொதிப்பு உள்ளவர்கள் மருத்துவரை அணுகி, பரிசோதித்து, தவறாது மருந்துகள் உட்கொள்ள வேண்டும். 40 வயதுக்கு மேற்பட்டவர்கள் ஆறு மாதங்களுக்கு ஒருமுறை தவறாது ரத்த அழுத்தத்தைப் பரிசோதனை செய்துகொள்ள வேண்டும். ரத்தத்தில் சர்க்கரை மற்றும் கொழுப்பின் அளவைக் கட்டுப்பாட்டில் வைத்திருப்பது அவசியம். கர்ப்பிணிப் பெண்கள் கர்ப்பக் காலம் முழுவதிற்கும் ரத்த அழுத்தத்தைப் பரிசோதனை செய்துகொள்ள வேண்டும்.

‘அம்’ மந்திர உட்சாடணை தெளிவையும், ஸ்திரத்தன்மையையும் தருவதால், நாட்பட்ட நோய்களான ஆஸ்துமா,நீரிழிவு, வாதம், ரத்தக் கொதிப்பு மற்றும் சைனஸ் போன்றவற்றிலிருந்து விடுபடலாம்.

உணவு முறைகள்:

அதிக ரத்த அழுத்தத்தைக் குறைப்பதற்கு உணவில் பொட்டாசியம், மெக்னீசியம், கால்சியம் ஆகிய தனிமங்கள் அதிக அளவிலும், கொழுப்பு குறைவான அளவிலும் இருக்க வேண்டும். பொதுவாகப் பல்வேறு காய்கறிகளையும் பழங்களையும் உணவில் சேர்த்துக் கொண்டாலே இவை கிடைத்துவிடும். சோடியம் என்னும் தனிமத்தைத் தவிர்ப்பது நல்லது. சமையல் உப்பு, பேக்கரியில் உபயோகப்படுத்தப்படும் சோடா உப்பு, சைனீஸ் உணவில் பயன்படுத்தப்படும் அஜினோமோட்டோவில் சோடியம் அதிகம் இருக்கும். எனவே, இவற்றைத் தவிர்க்கவும். வடகம், ஊறுகாய், சாஸ், கெட்சப், பீட்ஸா, பர்கர் போன்ற பதப்படுத்தப்பட்ட உணவுகளையும் தவிர்ப்பது நல்லது. இவற்றில் உப்பு அதிகம் இருக்கும்.

உடற்பயிற்சி

ஒரு வாரத்திற்கு குறைந்தபட்சம் 3 முறையாவது, 20 நிமிடங்கள் வீதம் மிதமான ஓட்டம், வேக நடை, நீச்சல் போன்றவற்றில் ஈடுபட வேண்டும்.

யோகப் பயிற்சி

ஆசனங்கள், ‘அம்’ மந்திர உட்சாடணை, மூச்சுப் பயிற்சிகள், கிரியைகள், தியானம் அனைத்துமே ரத்த அழுத்தத்தைச் சீர்செய்ய பெரிதும் உதவுகின்றன. சூன்ய தியானம் மற்றும் ஷக்தி சலனக் கிரியை பயிற்சிகளால் ரத்தக் கொதிப்பு குறைவதாக மருத்துவ ஆய்வின் மூலம் கண்டறியப்பட்டுள்ளது.

யோகா எவ்வாறு உதவுகிறது?

தொடர் யோகப் பயிற்சிகளால் குறைந்தபட்சம் 10 முதல் 15 அளவு வரை ரத்த அழுத்தம் குறைவதாக ஆய்வுகள் தெரிவிக்கின்றன.யோகப் பயிற்சிகளால் உடல் எடை சீராவதால், ரத்த அழுத்தமும் சீராகும் வாய்ப்பு அதிகரிக்கிறது. இரவில் அனைவருக்கும் ரத்த அழுத்தம் பொதுவாகக் குறைந்தாலும் ரத்தக் கொதிப்பு உள்ளவர்களுக்கு மட்டும் இரவிலும்கூட ரத்த அழுத்தம் குறைவதில்லை. யோகா இந்த நிலையை மாற்றுகிறது.தொடர் யோகப் பயிற்சிகள் மன அழுத்தத்தைக் குறைக்கிறது. எனவே மன அழுத்தத்தால் ஏற்படும் அதிகப்படியான ரத்த அழுத்தம் நீங்குகிறது.

யோகா தளர்வு நிலையை அளிப்பதால் மன அழுத்தம் நீங்கும் வாய்ப்பு அதிகரிக்கிறது. யோகப் பயிற்சிகள் அனைத்துமே தானியங்கி நரம்பு மண்டலத்தைச் சமன்செய்வதால் ரத்த அழுத்தம் சீராக இருக்க உதவுகிறது.

மனதளவில் ஏற்படும் பாதிப்புகள் உடலிலும் பிரதிபலிக்கின்றன. அப்பாதிப்பு ஒருவருக்கு நீரிழிவாகவும், இன்னொருவருக்கு வயிற்றில் புண்ணாகவும், இன்னொருவருக்கு ரத்தக் கொதிப்பாகவும் வெளிப்படுகிறது.

நீங்கள் விரும்பியபடி விஷயங்கள் நடக்காதபோது, உங்கள் உடல், மனம் அனைத்துமே போராட்டத்துக்கு உள்ளாகிறது. இதனால் உடலில் வளர்சிதை மாற்றம் தீவிரமாகி நாட்பட்ட நோய்க்குக் காரணமாகிறது. யோகப் பயிற்சிகள் தொடர்ந்து செய்து வரும்போது, உங்கள் உடல், மனம் அனைத்துமே அமைதியாகவும் விழிப்பாகவும் மாறும். எனவே மன அழுத்தம் உண்டாகும் என்னும் பேச்சுக்கே இடமில்லை. மனம் எப்படியோ…. உடலும் அப்படியே! 

நாள்பட்ட நோய்களான நீரிழிவாகட்டும், ஆஸ்துமாவாகட்டும், அல்லது ரத்தக் கொதிப்பாகட்டும், அனைத்துநோய்களுக்கும் அதே யோகப் பயிற்சிகள்தான் பரிந்துரைக்கப்படுகிறது. சக்தி உடலில் ஏற்படும் பாதிப்பு உடலில் நோயாக வெளிப்படுகிறது. ஆசனப் பயிற்சிகள், சக்தி உடலில் முழு அதிர்வுகளையும் சரியான சமநிலையையும் பெறச் செய்கிறது. எனவே உடலில் நோய் ஏற்பட வாய்ப்பில்லை.

நன்றி - ஈஷா காட்டுப்பூ

]]>
yoga, blood pressure, food control http://images.dinamani.com/uploads/user/imagelibrary/2016/8/25/w600X390/yoga-and-blood-pressure.jpg http://www.dinamani.com/health/elders-health/2016/aug/25/ரத்தக்-கொதிப்பு-என்றால்-என்ன-2558247.html
3204 மருத்துவம் முதியோர் நலம் இதயம் காப்போம்... test Tuesday, August 9, 2016 04:20 PM +0530 வேலை விஷயமாக அல்லது சொந்தக் காரணங்களுக்காக வெளியூர் செல்ல வேண்டிய சூழலில் இதய நோயாளிகள் கடைபிடிக்க வேண்டியவற்றைப் பற்றி விளக்குகிறார் மதுரை இதய நோய் நிபுணர் பாலசுப்ரமணியன்.

சிலர் மாரடைப்பு வந்து அறுவை சிகிச்சை எடுத்துக்கொண்ட பின்னரும், பயம் நீங்காமல் தனக்கு இனி எல்லாம் முடிந்துவிட்டது என்று முடிவெடுத்து கடைசி நாட்களை எதிர்நோக்கி படுக்கையை விட்டு எழும்பாமல் இருப்பார்கள். இன்னும் சிலர் தங்களுக்கு நெஞ்சு வலி சரியாகிவிட்டது என்றவுடன் துளி கூட அதைப் பற்றிப் பயப்படாமல் எவ்விதக் கட்டுப்பாடும் இல்லாமல் பழைய வாழ்க்கைக்குத் திரும்பிவிடுவார்கள். முன்பு போலவே உணவில் அதிகக் கொழுப்பு, மது, புகை, உடற்பயிற்சி இல்லாத வாழ்க்கை என்று திரும்ப அதே போல வாழத் தொடங்கிவிடுவார்கள். இவை இரண்டுமே சரியில்லை. கூடுமானவரை இதயம் சம்மந்தப்பட்ட பிரச்னைகள் வராமல் நம்மைத் தற்காத்துக் கொள்ள வேண்டும். வந்துவிட்டால் எவ்வளவு கவனமாகவும் பாதுகாப்புடனும் இருக்க  முடியுமோ அந்த அளவு நம்மை பத்திரமாக பார்த்துக்கொள்ள வேண்டியது உயிர்த் தேவை. அதற்காக இயல்பாக செய்ய வேண்டியவற்றை தவிர்க்க சொல்லப் போவதில்லை. மாரடைப்பு வந்தாலும் ட்ராவல் செய்யலாம், நமக்கான சந்தோஷங்களை விட்டுக்கொடுக்காமல்புத்துணர்ச்சியுடன்  புதிய வாழ்க்கை முறை வாழலாம். 

இதய அறுவை சிகிச்சைக்குப் பின் கவனிக்க வேண்டிய விஷயங்கள்

மீண்டும் மாரடைப்பு வருவதற்கான வாய்ப்புக்களை குறைக்க வேண்டும்.

மாரடைப்பின் மனத்தளர்ச்சி பயம் போன்றவற்ரிலிருந்து விடுதலை அடைய வேண்டும். பாசிட்டிவாக இருக்க வேண்டும்.

யோகா உடற்பயிற்சி தியானம் போன்றவற்றின் மூலம் உடலையும் உள்ளத்தையும் புத்துணர்ச்சியாக வைத்திருக்க வேண்டும்.

டாக்டர்கள் பரிந்துரைத்த மாத்திரைகளை தொடர்ந்து எடுத்துக் கொள்ள வேண்டும்.

ரத்த கொதிப்பு சர்க்கரை போன்ற பிரச்னைகளை கட்டுக்கள் வைத்திருக்க வேண்டும்.

இல்லற வாழ்வில் மீண்டும் புத்துணர்வோடு ஈடுபடலாம். இயல்பு வாழ்க்கைக்கு திரும்பி விடவேண்டும். அவரவர் உடல் நிலைக்கு ஏற்ப, மருத்துவரின் பரிந்துரைப்படி வேலைக்கு மறுபடியும் போகலாம்.

வெளியூர் செல்லும் போது கவனிக்க வேண்டியவை

1) நீண்ட தூர‌ப்பயணங்களைத் தவிர்ப்பது நல்லது. தவிர்க்க முடியாத பயணங்களின் போது டாக்டர் பரிந்துரைத்த மாத்திரைகளை போதிய அளவு கையில் எடுத்துச் செல்வது நல்லது. மருத்துவ குறிப்புகள், டாக்டரின் தொலைபேசி எண், போன்ற தகவல்களை எப்போதும் தங்கள் வசம் வைத்திருக்க வேண்டும். குறிப்புகளை தங்கள் மொபைலில் கூட சுருக்கமாக வைத்திருக்கலாம்.

2) கையில் எப்போதும்  விலாசம் அவசர எண் ஆகியவற்றை கட்டாயம் வைத்திருக்க வேண்டும்.

3) பயணத்தின் போது எவ்வித பரபரப்புக்கும் உள்ளாகாமல், தேவையற்ற விவாதங்களில் ஈடுபடாமல் மனதை அமைதியாக வைத்திருப்பது நலம்.

4) ரத்த அழுத்தம், சர்க்கரை போன்ற பிரச்னைகள் இருந்தால் கிளம்புவதற்கு முன் ஒரு முறை பரிசோதனை செய்து மருத்துவரின் பரிந்துரைக்குப் பின் டூருக்குக் கிளம்புது நல்லது.

5) ரயில் அல்லது விமானப் பயணம் நல்லது. நீண்ட தூரம் பஸ்சில் அமர்ந்து பயணிப்பது உடல் அசெளரியத்தை ஏற்படுத்தலாம்.

6) மருந்து தீர்ந்து போனால் அதே மாத்திரைகள் வாங்க வேண்டும். மாற்று மருந்து அல்லது டோசேஜ் மாறினால் பிரச்னையாகிவிடலாம்.

7) இரண்டு நாள் தானே என்று உணவுக்கட்டுப்பாட்டை மீறிவிட வேண்டும். எங்கே இருந்தாலும் மருத்துவர் பரிந்துரைக்கும் உணவு முறையை மட்டுமே கடைப்பிடிக்க வேண்டும்.

உணவு முறை

உப்பும் கொழுப்பும் குறைவாக உள்ள உணவு வகைகளை சிறிய அளவில் சிறு இடைவெளிவிட்டு எடுத்துக் கொள்ளலாம்.

தவிர்க்க வேண்டிய உணவுகளை சாப்பிடவேண்டாம்..எப்போதும் எங்கு இருந்தாலும் ஒரே விதமான உ ணவு முறையை பின்பற்ற வேண்டும். ஒரு ஸ்பூன் அதிகமோ குறைவோ சாப்பிட்டாலும் அது உடல் நிலையை பாதிக்கும். உணவு விஷயத்தில் அதிக எச்சரிக்கையாக இருக்க வேண்டியது அவசியம்

மருத்துவரின் பரிந்துரைப்படி சில‌ உடற்பயிற்சிகளை எங்கே இருந்தாலும் மறக்காமல் தினமும் செய்ய வேண்டும். வாக்கிங் செல்லவேண்டும்.

மூன்று வேளை உணவைப் பிரித்து ஐந்து வேளையாக எடுத்துக்கொண்டால் நல்லது.

விருந்தும் வேண்டாம், விரதமும் தேவையற்றது

தவிர்க்க வேண்டிய உணவுகள்

1. புகை, புகையிலை பொருட்கள். போதை வஸ்துக்கள்

2. எண்ணெயில் வறுத்த பொறித்த உணவுகள், காய்கறி மற்ரும் மாமிசம். 

3. கேக், க்ரீம் சாக்லெட், பிஸ்கெட்

4.  கொட்டை வகைகளான முந்திரி, நிலக்கடலை

5.  குளிர்பானங்கள் -  பாட்டில் டிரிங்க்ஸ்

6.  சிப்ஸ், ஊறுகாய், அப்பளம், உப்பு அதிகமுள்ள எந்த உணவுப் பொருளும்

7. சீஸ், சாஸ், பன்னீர்

]]>
heart care, old age, health article http://images.dinamani.com/uploads/user/imagelibrary/2016/8/9/w600X390/heart-care-partner-heartinfo-800.jpg http://www.dinamani.com/health/elders-health/2016/aug/09/இதயம்-காப்போம்-3204.html