Dinamani - யோகா - http://www.dinamani.com/health/yoga/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2633827 மருத்துவம் யோகா யோகா மேட் (Mat) தேவையா? Tuesday, January 17, 2017 12:16 PM +0530 யோகா செய்யும்போது socks அணியலாமா? எப்படிப்பட்ட yoga mat பயன்படுத்த வேண்டும்?

சத்குரு : யோகப்பயிற்சி செய்யும்போது socks அணியத் தேவையில்லை. நீங்கள் சரியாக ஹடயோகா செய்தால், இது உங்கள் உடலில் அதிகமான உஷ்ணத்தை உருவாக்குகிறது. உடலிலுள்ள செல்களிலேயே உஷ்ணம் உற்பத்தியாகிறது, அதனால் குளிர்பிரதேசங்களாக இருந்தாலும் குளிரை நீங்கள் உணரமாட்டீர்கள்.

உடலில் குறிப்பிட்ட சில இடங்கள் உள்ளன, அவை ஒன்றையொன்று தொடும்போது சில விஷயங்கள் நடக்கின்றன. ஹடயோகா செய்யும்போது பல நிலைகளில் உங்கள் குதிகால்களும் கால் கட்டைவிரல்களும் ஒன்றையொன்று தொட்டிருக்கும். அதனால் அப்போது சர்க்யூட் போன்ற அமைப்பு ஏற்படுகிறது. நீங்கள் socks அணிந்தால் அந்த அமைப்பு உருவாவதற்கு அது தடையாக இருக்கும்.

பூமியுடன் ஒன்றியிருத்தல்

எல்லாவற்றுக்கும் மேலாக, யோகா செய்யும்போது, எல்லாவற்றுடனும் ஒன்றியிருப்பதன் முதல்படி இந்த பூமியுடன் ஒன்றியிருப்பது. பூமியுடன் தொடர்பிலிருப்பது முக்கியமானது. அப்படி உங்களால் செய்யமுடியாத பட்சத்தில், ஹடயோகா சிறந்த பலன் தர, மண்ணையும் கழிமண்ணையும் பயன்படுத்தி கட்டமைக்கப்பட்ட இடத்தில், அதிகம் பதப்படுத்தப்படாத பட்டு வகையான raw silk, அல்லது sanforizing செய்யப்படாத raw cotton வகையில் செய்யப்பட்ட yoga mat பயன்படுத்தி யோகா செய்யலாம். (sanforizing என்பது பருத்தியை முன்பே சுருக்குவதற்கு செய்யப்படும் செயல்முறை)

நீங்கள் மறந்திருக்கலாம், ஆனால் உடல் பூமியின் ஒரு துண்டு என்பது உடலுக்கு எப்போதுமே தெரிந்திருக்கிறது. நீங்கள் யோகா செய்யும்போது, இதை விழிப்புணர்வாக உணரவேண்டும் என்று விரும்புகிறீர்கள், நீங்கள் வாழும் இந்த பூமியின் ஒரு அங்கமாக உங்களை உணர விரும்புகிறீர்கள். உடல் ஆரோக்கியத்தின் 80 சதவிகிதம், பூமியுடன் எந்த அளவு நீங்கள் இசைந்து இருக்கிறீர்கள் என்பதைப் பொருத்தே இருக்கிறது. உங்கள் தீராத வியாதிகளில் 80 சதவிகிதம், பூமியுடன் சற்று ஒத்திசைவுடன் இருப்பதாலேயே மறைந்துவிடும் வாய்ப்பிருக்கிறது.

ரப்பர் yoga mat பயன்படுத்தலாமா?

ஈஷாவிலும் ரப்பர் yoga matகள் கிடைக்கின்றன என்று எனக்குத் தெரியும். “பருத்தி yoga mat அழுக்காகிவிடுகிறது சத்குரு, யார் துவைப்பார்கள்?” என்று என்னிடம் சொன்னார்கள், அதனால் நாங்களும் ரப்பர் yoga mat செய்தோம். என்னிடம், “இது விசேஷமான ரப்பர் சத்குரு, குளிரிலிருந்து பாதுகாப்புத் தரும்” என்றார்கள். நான் உங்களிடம் கேட்பதெல்லாம், “நீங்கள் வாழ்க்கையை அனுபவிக்க இங்கு இருக்கிறீர்களா அல்லது வாழ்க்கையிலிருந்து தப்பித்துக்கொள்ளவா?” நீங்களே அறியாமல் உங்களை பலவிதங்களில் வாழ்க்கையிலிருந்து தொலைவுபடுத்தி பாதுகாத்துக் கொள்கிறீர்கள். உங்களுக்கு இது ஏற்கனவே தெரிந்திருக்கலாம், உங்களுக்குள் இருக்கும் பேக்டீரியாக்களின் விகிதம் மற்ற அனைத்தையும் விட அதிகம். நுண்ணுயிர்கள் உங்களுக்குள் தங்குவது மட்டுமின்றி தொடர்ந்து உள்ளே செல்வதும் வெளியே வருவதுமாக இருக்கின்றன. உங்களை நீங்கள் தனிமைப்படுத்திக் கொண்டால், அதுவே ஒரு நோய். உங்களை உலகின் மீதியிலிருந்து பாதுகாத்துக்கொண்டால், உங்களின் ஆற்றல் தொடர்ந்து குறைகிறது. அதனால் நீங்கள் வீட்டிலேயே இருப்பவராக இருந்தால், தினமும் காலையில் ஒரே இடத்தில் விழிக்கிறீர்கள் என்றால், யோகா செய்ய cotton அல்லது raw silk yoga mat பயன்படுத்துவது சிறந்தது, இவை பூமியுடன் தொடர்பில் இருக்க உதவும். இயற்கை மூலப்பொருட்கள் பூமிக்கும் உங்களுக்கும் இடையிலான தொடர்புக்கு தடைசெய்யாதிருக்கும். 

நன்றி - http://isha.sadhguru.org/blog/ta/yoga-seyya-enna-yoga-mat-payanpaduthuvathu

]]>
யோகா, யோகா மேட், Yoga, Yoga mat http://images.dinamani.com/uploads/user/imagelibrary/2017/1/17/w600X390/yoga-seyya-enna-yoga-mat-payanpaduthuvathu.jpg http://www.dinamani.com/health/yoga/2017/jan/17/யோகா-மேட்-mat-தேவையா-2633827.html
2633288 மருத்துவம் யோகா ரமணர் சொன்ன இரண்டு 'ம்'கள் ! சுந்தர்ஜி பிரகாஷ் Monday, January 16, 2017 03:00 PM +0530 ரிஷிகேஷ் வசிஷ்ட குகையின் ஸ்வாமி சாந்தானந்த பூரியின் "Stories for Meditation" ல் அபூர்வமான பல கதைகளைப் படிக்க வாய்த்தது. அதிலிருந்து இரு கதைகள்.

முதலில் ரமணர் சொன்ன கதை. 

ரமண மகரிஷியின் அனுபூதியைப் பேச இந்த ஒரு கதை மட்டுமே போதும் என்று படித்த பின் தோன்றியது. கதை இதுதான்.

***

தியானம் என்றால் என்ன?அந்தச் சிறுவனுக்கு நெடு நாட்களாய்த் தீராத சந்தேகம். அந்தச் சிறுவனின் பெற்றோருக்கோ சிறுவனுக்குப் புரிந்த மொழியில் சொல்லமுடியாத இயலாமை.

ஒருநாள் மூவரும் ரமண மகரிஷியைச் சந்திக்கச் சென்றிருந்த போது சிறுவன் ரமணரை நெருங்கி, தன் கேள்வியை முன் வைத்தான். சிரித்துக் கொண்டே அந்தச் சிறுவனுக்கு இலையில் ஒரு தோசையைப் பறிமாறச் சொன்னார்.

சிறுவனிடம், "நான் எப்போ 'ம்' சொல்றேனோ அப்போ சாப்பிட ஆரம்பிக்கணும். அதே மாதிரி எப்போ 'ம்' சொல்றேனோ அதுக்கப்புறம் இலையில் தோசை இருக்கக் கூடாது. புரிஞ்சுதா?" என்றார் சிரித்துக் கொண்டே.

சிறுவனுக்கு ஒரே உற்சாகம். சுற்றியுள்ளோருக்குக் குழப்பம்.

மகரிஷியின் 'ம்' க்காகத் தோசையில் ஒரு கையை வைத்தபடி தவிப்புடன் அவர் முகத்தைப் பார்த்தபடி இருந்தான். சிறுவனைச் சிறிது காக்க வைத்து சற்றைக்குப் பின் 'ம்' சொன்னார் ரமணர்.

அடுத்த சில நிமிஷங்களுக்குள் இரண்டாவது 'ம்' வந்து விடக் கூடாதே என்ற பதைப்புடன் பெரிய பெரிய விள்ளல்களாக எடுத்து அவசர அவசரமாகத் திணித்துக் கொண்டே மகரிஷியின் முகத்தைக் கவனிப்பதும், தோசையைப் பிய்த்து உண்பதுமாக நேரம் கரைந்தது.

புன்னகை மாறாமல் அவனையே பார்த்துக் கொண்டிருந்தாரே ஒழிய 'ம்' சொல்வதாக இல்லை. தோசையோ சிறுத்து ஒரு சிறு விள்ளலாக மாறியிருந்தது இப்போது. சிறுவனும் அந்த விள்ளலில் கையை வைத்தபடி எப்படா இந்தத் தாத்தா 'ம்' சொல்லுவார் என்று காத்திருந்தான். சுற்றியுள்ளவர்களுக்கும் என்னதான் நடக்கப் போகிறது என்றறிய ஆவல்.

எதிர்பாராத ஒரு நொடியில் 'ம்' சொல்லவும் சிறுவன் சடாரென்று கடைசி விள்ளலை வாயில் போட்டுக் கொண்டான்.

‘இரண்டு 'ம்'களுக்கு நடுவில் உன் கவனம் எப்படித் தோசை மேலும் என் மேலும் இருந்ததோ, அதே போல் நீ எந்தக் காரியம் செய்தாலும் அடிநாதமாக இறைவன் மேல் கவனம் வைத்திருப்பாயானால் அதன் பேர் தியானம். புரிந்ததா இப்போ?’ என்றார் மகர்ஷி புன்னகைத்தபடி.

கதை முடிந்தது.

ரமணர் சொன்ன இரண்டு 'ம்'கள் வாழ்வும், சாவும் எனவும், இடைப்பட்ட காலத்தின் எல்லா நேரமுமே ஒருவன் தியானத்தில் அமிழ வாய்த்திருப்பதைப் புரிந்து கொள்ள முதிரும் காலமே வேறுபடுகிறது எனவும் எனக்குப் புரிந்தது.

ஆழமாகவும், எளிமையாகவும் செல்லும் தியானத்தின் பரிமாணங்களை சிவ சம்ஹிதையில் "திரிபுரா ரகஸ்யத்தில்" படிக்க முடிந்தது. அது வேறொரு சமயத்தில்.

**
இரண்டாவது.

ஒரு மன்னனின் அரசவையில் விசித்ரமான வழக்கு ஒன்று விசாரணைக்கு வந்தது.

புகார் அளித்தது ஒரு நாய்.

‘இன்றைக்குப் பக்கத்துத் தெருவில் நான் படுத்திருக்கும் போது, என்னை ஒரு பெருங் கல்லால் ஒரு துறவி அடித்து துன்புறுத்தினார். ரத்தம் எப்படிப் பெருகி ஒடுகிறது பாருங்கள் மன்னா? அவரைத் தண்டித்து எனக்கு நியாயம் வழங்க வேண்டும். என்னைத் தாக்கிய துறவி இன்னும் அங்கேதான் இருக்கிறார்’ என்று கண்ணீர் வடித்தது.

மன்னன் உட்பட எல்லோர்  மனதையும் அந்த நாயின் கண்ணீர் தொட்டது.

மன்னனின் உத்தரவின் பேரில் துறவி கைது செய்யப்பட்டு விசாரணைக்கு அழைத்து வரப் பட்டார்.

தனக்குப் போதிய இடமின்றி அந்த நாயே முழு இடத்தையும் ஆக்ரமித்துக் கொண்டதால் சினமுற்று கல்லால் தாக்கியதைத் துறவி ஒப்புக் கொள்ள, ஒரு துறவிக்கு இத்தனை சினம் ஆகாது என்று நினைத்த மன்னன், தன் மந்திரிகளிடம் அவருக்குத் தகுந்த தண்டனை அளிக்க உத்தரவிட்டான்.

மந்திரிகளோ அந்த நாய் விரும்பும் தண்டனையை அந்தத் துறவிக்கு அளிக்கலாம் என்று ஒரே குரலில் சொல்ல நாயின் வசம் வழக்கு திரும்பியது.

‘இங்கிருந்து நூறு மைல் தொலைவில் ஓர் மடாலயம் இருக்கிறது. நிரப்பப்படாதிருக்கிற அதன் தலைமைத் துறவியின் இடத்துக்கு இந்தத் துறவியை நியமியுங்கள்’ என்றது நாய் தன் தீர்ப்பில்.

எல்லோர் முகத்திலும் - எல்லாக் கதைகளிலும் இம்மாதிரியான தருணங்களில் வருவது போலக் - குழப்பம்.

‘அந்தத் தலைமைத் துறவி இறந்து போய் இரண்டு ஆண்டுகளாகியும் இன்னமும் அந்த இடம் நிரப்பப்படவில்லை.’

அதற்கும், தண்டனைக்கும் என்ன பொருத்தம் என்ற புதிர் இன்னும் நீடித்தது.

நாய் தொடர்ந்தது.

‘இரண்டு ஆண்டுகளுக்கு முன் இறந்து போன, அந்த மடாலயத்தின் தலைமைத் துறவி நான்தான். அதன் தலைமைத் துறவியாய் இருந்து மண், பொன், பெண் என்னும் எல்லாச் சுகங்களையும் அனுபவிக்காத ஒருவன் தேடினாலும் கிடைக்க மாட்டான். செய்த பாவங்களுக்கு இப்போது நாயாய்ப் பிறந்து அனுபவிக்கிறேன்’.              

]]>
Ramana Maharishi, ரமண மகரிஷி, ரிஷிகேஷ் வசிஷ்டர் குகை http://images.dinamani.com/uploads/user/imagelibrary/2017/1/16/w600X390/Vashista_cave_6.PNG http://www.dinamani.com/health/yoga/2017/jan/16/ரமணர்-சொன்ன-இரண்டு-ம்கள்--2633288.html
2624977 மருத்துவம் யோகா ஆனந்தமான 2017 சத்குருவின் புத்தாண்டு செய்தி Sunday, January 1, 2017 01:07 PM +0530 உங்களுக்குள் இருக்கும் படைப்பின் மூலத்தை செயல்பட அனுமதித்தால், நீங்கள் ஆனந்தமாக மட்டுமே இருக்கமுடியும்.

‘புது வருடத்தில் நீங்கள் தொடும் அனைத்திலும் ஆனந்தத்தின் ஊற்றாய் இருந்திடுங்கள். பூமியில் இது நமது நேரம். வரும் வருடத்தை வண்ணமயமாக்குவோம்’- சத்குரு

எகிப்திய புராணக் கதைகளின்படி, ஒருவர் சொர்க்கத்திற்குள் நுழைவதற்கு முன் இரு கேள்விகள் கேட்கப்படும். உங்கள் பதில் ‘ஆம்’ என்றாலே ஒழிய உங்களுக்கு அனுமதி மறுக்கப்படும். முதல் கேள்வி: வாழ்க்கையில் ஆனந்தம் உணர்ந்திருக்கிறீர்களா? இரண்டாம் கேள்வி: உங்களைச் சுற்றியிருப்போருக்கு ஆனந்தம் அளித்திருக்கிறீர்களா? இந்த இரு கேள்விகளுக்கும் நீங்கள் ‘ஆம்’ என்று பதிலளித்தால், நீங்கள் சொர்கத்தில்தான் இருக்கிறீர்கள் என்று நான் சொல்வேன்.

உங்களுக்கும் உங்களைச் சுற்றியுள்ளோருக்கும் நீங்கள் செய்யக்கூடிய சிறந்த விஷயம், நீங்கள் ஆனந்தமான மனிதராக மாறுவதுதான். கோபம், வெறுப்பு, சகிப்பின்மை ஆகியவை பயங்கரமான வழிகளில் மக்களது தலைகளுக்குள் நுழைந்துகொண்டிருக்கும்போது, ஆனந்தமான மனிதர்கள் மட்டுமே நமக்கிருக்கும் ஒரே காப்பீடு. இனிமையாய் இருப்பதன் மகத்துவத்தை உணர்ந்தோர் மட்டுமே தன்னைச் சுற்றி இனிமையை உருவாக்க முனைவார்கள்.

நீங்கள் தொடும் அனைத்தும் ஆனந்தமாய் மாறும் நிறைவினை நீங்கள் பெறுவீர்களாக.

அன்பும் அருளும்,

சத்குரு

]]>
சத்குரு, ஜக்கி வாசுதேவ், Sadhguru Jaggi Vasudev, Isha Yoga, ஈஷா http://images.dinamani.com/uploads/user/imagelibrary/2016/12/31/w600X390/20110303_CHI_0364-e-e.jpg http://www.dinamani.com/health/yoga/2016/dec/31/ஆனந்தமான-2017-சத்குருவின்-புத்தாண்டு-செய்தி-2624977.html
2615836 மருத்துவம் யோகா வாயு முத்ரா Thursday, December 15, 2016 02:44 PM +0530 எப்படி செய்வது?

முதுகுத் தண்டு நேராக இருக்கும் படியான நிமிர்ந்து உட்கார்ந்து கொள்ளவும். அழுத்தங்கள் இன்றி லகுவாக சுகாசனத்தில் அல்லது சுலபமான நிலையில் இப்படி உட்கார வேண்டும்.

உள்ளங்கைகள் மேல்நோக்கி இருக்கும்படியாக  கைகளைத் தொடைகளில் வைத்து வைத்துக் கொள்ளவும்.

அதன் பின்னர் ஆட்காட்டி விரலின் நுனியை கட்டைவிரல் அடியில் வைத்து, கட்டைவிரலை ஆள்காட்டி விரல் மீது சுருட்டவும்.

இப்போது மற்ற மூன்று விரல்களையும் நேராக நீட்டவும். இரண்டு கைகளிலும் இப்படிச் செய்யவும்.

மூச்சை அதன் இயல்பில் விட வேண்டும். சில தடவை மெதுவாகவும் சில தடவைகள் ஆழமாகவும் எடுக்கும் போதும் இதே நிலையைத் தொடரவும். மூச்சு எப்படி இருந்தாலும் கவனம் அதில் இருக்குமாறு பார்த்துக் கொள்ளுங்கள்.

எவ்வளவு நேரம் செய்வது?

இந்த எளிமையான முத்திரையை தினமும் 30 முதல் 45 நிமிடங்கள் ஒரே சமயத்திலோ அல்லது 10-15 நிமிடங்கள் மூன்று பாகங்களாகவை செய்யலாம். வாயு முத்திரையை நாளின் எந்த நேரத்தில் வேண்டுமானாலும் செய்யலாம், இருந்தாலும் காலை நேரம் தான் இதை செய்வதற்கு சிறந்தது.

என்ன பலன்?

வாயு முத்ரா செய்வதால் மனம் சாந்தமடையும். பதற்றமான மனம் அமைதி அடையும். ஹார்மோன் ஏற்றத்தாழ்வுள் சீராகும். மூளையை சுறுசுறுப்படையச் செய்து நினைவாற்றலை அதிகரிக்கும். வாத உடல் அமைப்பு உடையவர்கள் இந்த முத்திரையை நிச்சயம் செய்யவேண்டும்.
 

]]>
vayu mudra, வாயு முத்ரா, வாயு முத்திரை http://images.dinamani.com/uploads/user/imagelibrary/2016/12/15/w600X390/Vayu_Mudra.jpg http://www.dinamani.com/health/yoga/2016/dec/15/வாயு-முத்ரா-2615836.html
2586700 மருத்துவம் யோகா சூரிய நமஸ்காரம்  Monday, October 24, 2016 04:08 PM +0530 சூரிய நமஸ்காரம் என்றால் என்ன?

24 ஆசனங்களை ஒன்றிணைந்தது தான் சூரிய நமஸ்காரம்.  உடல் நலத்துக்காக மட்டுமின்றி யோக நெறியில் இது மிகவும் முக்கியமானதாகும்.  

யார் செய்யலாம்?

சூரிய நமஸ்காரம் எல்லா வயதினரும் செய்யலாம்.  உடல் நோயை குணப்படுத்த சில காலம் மட்டும் வரை செய்துவிட்டு உடல் நலமானதும் பலர் யோகா செய்வதையே விட்டுவிடுவார்கள். அது சரியில்லை. யோகாவை தொடர்ந்து செய்வதால் தான் அதிக பலன் கிடைக்கும். தவிர மீண்டும் அந்த நோய் தாக்காமல் இருப்பதற்கு தொடர் பயிற்சி அவசியம். சூரிய நமஸ்காரம் செய்ய ஆரம்பித்தவுடன் அதை வாழ்க்கையின் ஒரு ஒழுக்கநெறியாகவே கடைபிடிக்க வேண்டும். அதை தொடர்ந்து செய்து கொண்டே இருக்க வேண்டும். அப்படி செய்தால் வாழ்க்கையின் ஒரு பகுதியாகவே  அது ஆகிவிடும்.நோய்கள் எதுவும் நெருங்காது நீண்ட காலம் மன அமைதியுடன் வாழ வழி செய்யும்.

எப்படி செய்வது?

1. கால்களை ஒன்றாக வைத்தபடி நிற்கவும். கைகளை தலைக்கு மேல் உயர்த்தவும். கைகளை ஒன்றாக இணைத்து மார்புக்கு நேராகக் கொண்டு வரவும். கைகளை வணங்குவது போல் கொண்டு வரவும். மீண்டும் கைகளை மேலாகத் தூக்கியபடி கீழே இறக்கவும். இந்த நிலையின் பெயர் பிராண வாசனம் என்பார்கள்.

2. மூச்சை உள் இழுத்தபடி, கைகளை மேலேத் உயர்த்தவும். கைகள் உங்கள் காதுகளை உராய்ந்தபடி இருக்க வேண்டும். மெதுவாக கைகளை பின்புறமாக வளைக்கவும். கைகளுக்கு இணையாக தலையும் கவிழ வேண்டும்.  இந்த ஆசன நிலைக்கு ஹஸ்த உட்டானாசனம் என்று பெயர்.

3. மூச்சை வெளியே விட்டபடி மீண்டும் பழைய நிலைக்குத் திரும்பவும். கைகளை கால்களுக்கு இணையாக தரையைத் தொடவும். தலை கால்களின் முட்டியைத் தொட்டபடி இருக்க வேண்டும். இதே நிலையில் ஒரு சில விநாடிகள் இருக்க வேண்டும். இது பாத ஹஸ்தாசனம்.

4. மூச்சை உள் இழுத்தபடி உங்களது வலது காலை பின்னோக்கி வைக்கவும். அதே சமயம் இரண்டு கைகளையும் இடது காலுக்கு இணையாக ஊன்றவும். தலையை மேல் நோக்கியவாறு பார்க்கவும். இதே நிலையில் ஒரு சில விநாடிகள் இருக்கவும். இது அஸ்வ சஞ்சலான ஆசனம்.

5. மூச்சை வெளியே விட்டபடி பின்னோக்கி செலுத்திய வலது காலுக்கு இணையாக இடது காலையும் எடுத்துச் செல்லவும். கைகளை நன்கு நீட்டி ஊன்றவும். இடுப்புப் பகுதி நன்று உயர்ந்த நிலையில் இருக்க வேண்டும். அதாவது வளைவு தூண் போன்று உங்கள் உடல் அமைப்பு இருக்க வேண்டும். இதற்கு துவிபாத அஸ்வ சஞ்சலான ஆசனம் என்று பெயர்

6. மீண்டும் மூச்சை உள்ளிழுத்தபடி உடலை தரையில் படுக்க வைக்கவும். கால்கள், முட்டி, கைகள், மார்பு மற்றும் நெற்றி ஆகியவை தரையை தொட வேண்டும். இடுப்புப் பகுதி மட்டும் சற்று உயர்ந்து இருக்க வேண்டும். இப்போது மூச்சை வெளியே விடவும். இது அஸ்டாங்க நமஸ்காரம்.

7. மூச்சை உள்ளிழுத்தபடி தலையை பின்புறமாக நீட்டவும். உங்கள் முதுகை எவ்வளவு முடியும் அவ்வளவிற்கு பின் பக்கமாக வளைக்கவும். இதைத்தான் புஜங்காசனம் என்று அழைப்பர். இதுவே புஜங்காசனம்.

8. மூச்சை வெளியே விட்டபடி, மெதுவாக கைகளை உயர்த்தவும். அதற்கேற்ப இடுப்பு மற்றும் தலையையும் உயர்த்தி மீண்டும் வளைவுத் தூண் அமைப்பை ஏற்படுத்தவும். இந்த நிலைக்கு அத முக்த சவாசனம் என்று பெயர்,

9. மெதுவாக மூச்சை உள்ளே இழுத்தபடி, வலது காலை ஒரு அடிக்கு முன்னாடி முட்டியை மடக்கியபடி கொண்டு வந்து வைக்கவும். தலையை மேலாகத் தூக்கி கைகளை நேராக வைக்கவும்.இது அஸ்வ சஞ்சலான ஆசனம்.

10. வெளியே மூச்சை விட்டபடி, வலது காலுக்கு இணையாக இடது காலையும் மடக்கியபடி கொண்டு வரவும். தலை முட்டியைத் தொட்டபடி இருக்க வேண்டும். இது பாத ஹஸ்தாசனம்

11. மூச்சை உள்ளே இழுத்தபடி மெதுவாக கைகளை உயர்த்தவும். பின்புறமாக வளைந்து கைகளைப் பார்த்தபடி தலை இருக்க வேண்டும். இது ஹஸ்த உட்டானாசனம்

12. மீண்டும் வணக்கம் செய்யும் நிலைக்கு வர வேண்டும்.

பின்னர் பழைய நிலைக்கு வர வேண்டும். இதுதான் சூரிய நமஸ்காரத்தின் முழுமையாகும். இதே முறையை அடுத்த காலுக்கு மாற்றி செய்யவும்.

என்ன பலன்கள்?

சூரிய நமஸ்காரம் உங்கள் நாடிகளைத் திறந்து, உங்களுக்குள் இருக்கும் சூரியனை தூண்டிவிடுகிறது, தினமும் சூரிய நமஸ்காரம் செய்வதன் மூலம் கணக்கிலடங்காத பலன்களைப் பெற முடியும். இதன் மூலம் நீங்கள் மிகவும் துடிப்பாக, உயிர்ப்புடன் இருக்க முடியும்.  தொடர்ந்து செய்து வர, அறிவுக் கூர்மை அதிகரிக்கும், உடல் மற்றும் மன நலத்திற்கும் ஏற்றது.   நாள்பட்ட நோய்களான ஆஸ்துமா, இரத்தக் கொதிப்பு, மூட்டு வலி குணமாகும்.

சூரியநமஸ்காரம் செய்தால், தூங்கும் நேரம் மிகவும் குறைந்து, எப்போதும் ஒரு உயர்ந்த நிலையிலேயே இருக்க முடியும். எந்த முயற்சியும் செய்யாமலேயே தூக்கம் 4 அல்லது 41/2 மணி நேரமாக மிகச் சுலபத்தில் குறைந்துவிடும்.

அடி வயிற்றில் உள்ள உறுப்புகளுக்கு நல்லது. ஜீரண சக்திக்கு உகந்தது.

தோலுக்கு புத்துணர்ச்சி அளித்து, தோல் வியாதிகளைத் தடுக்கும்.

முதுகெலும்பையும், மார்பெலும்பையும் சீராக இயக்குகிறது.

சில ஜீரண பிரச்சினைகளை சரி செய்கிறது.

சில வாரப் பயிற்சியிலேயே உங்கள் உற்பத்தித் திறனும், செயல்திறனும் மேம்பட்டுவிடும்.

யோகப் பயிற்சி செய்வதால், ஒருவர் நாள்பட்ட நோய்களான ஆஸ்துமா, இரத்தக் கொதிப்பு, மூட்டு வலி போன்றவற்றிலிருந்து விடுதலை பெற முடியும்.

எச்சரிக்கை

முதுகுப் புறத்தில் பிரச்சினை இருந்தாலோ, இடுப்பு எலும்புப் பிரச்சினை இருப்பவர்களும் இந்த ஆசனத்தை செய்ய வேண்டாம். 

சூரிய நமஸ்காரம் செய்வதற்கு முன்பு தெளிவான அறிவுரையைப் பெற வேண்டும். யோக பயிற்சியாளர்களிடம் நேரடியான ஆலோசனைகள் பெற்ற பின்னரே தொடர்ந்து செய்ய வேண்டும்.

]]>
Yoga, சூரிய நமஸ்காரம், suriya namaskaram http://images.dinamani.com/uploads/user/imagelibrary/2016/10/24/w600X390/Surya-Namaskar-633x319.jpg http://www.dinamani.com/health/yoga/2016/oct/24/சூரிய-நமஸ்காரம்-2586700.html
2583291 மருத்துவம் யோகா நடை பழகு Tuesday, October 18, 2016 06:09 PM +0530 யார் என்ற கேள்வியை முடக்கி,
நான் என்ற பொருள் ஏந்தி,
தான் என்ற அகங்காரம் விடுத்து,
உன் பயணம் தொடங்கு.

பிறர் உங்கள் மீது கொள்ளும் எண்ணங்களை எண்ணி எண்ணியே உங்களின் சுயம் தொலைத்து மற்றவர்களுக்காக  உங்கள் வாழ்கையில் ஓடாதீர்கள். மீறி ஓடினால் ஒரு நாள் மனம் தளர்ந்து நீங்கள் ஓடி வந்த பாதையை மட்டுமே எண்ணி வெறுப்படைந்து, காலம் இழப்பீர்கள். காலத்தின் தன்மை என்ன தெரியுமா? அதை புரிந்து கொண்டு அதில் செயல்படத் தொடங்குவது தான். காலங்கள் அது அழகானது  மூன்று பொருள் கொண்ட உள்ளடக்கம் உடையது. அது நேரத்தால் இயக்கப்படும் ஒரு கருவி, நேரத்தின் கரையில் நகரும் நீங்கள் தான் உங்களுடைய காலங்களை செதுக்குகிறீர்கள். இறந்த காலம் கற்றுத்தந்த பாடங்களில் தேர்ச்சி பெறுவதுதான், நிகழ் காலத்தின் இயல்பாகும், இனி வரப் போகும் காலம் பற்றி சிந்திக்க வேண்டாம் அதை அதன் போக்கில் விட்டு விட வேண்டும். எப்பொழுதும் விடியலுக்காக காத்திருக்காதீர்கள். அது வரும் போது அதனோடு ஐக்கியமாகுங்கள், இதையே மனத்தோடு தினம் பழகினால் அன்று உங்கள் மனம் வசப்படும், எண்ணங்கள் தெளிவாகும்.

உங்கள் மனம் ஒருபோதும் உங்களுக்கு வஞ்சம் செய்வதில்லை. ஆனால் கெட்ட எண்ணங்கள் தான் கேடு விளைவிக்கும். மனம் ஒரு அழகான பூந்தோட்டம் போன்றது, அதில் எண்ணங்கள் விதை போன்றது, அங்கு மண் என்ற பகுதி ஆழ் மனதிற்கு சம்மந்தப்பட்டது, அது நல்லது எது தீயது எது என இரண்டையும் பகுத்துதறியும் தன்மை கொண்டது. ஆனால், அது ஒரு போதும் உங்களிடம் எதுவும் சொல்ல முயலாது,  அந்தச் செயலும் நடக்காது.  அதை நீங்களே புரிந்துகொண்டு ஆழ் மனதோடு நல்ல எண்ணங்களையே அங்கு விதையாக விதைக்க வேண்டும். நீங்கள் விதைக்கும் விதைக்கு ஏற்பவே அது செயல்படும், நல்லதை விதைத்தால் நல்ல நறுமணம் கொண்ட மலரை பெறுவீர்கள், மாறாக தீயதை விதைத்தால் நச்சுத்தன்மை கொண்ட மலரையே பெறுவீர்கள்.அது உங்கள் பாதையை முடக்கி மற்றவர்களுக்கு இடையே பின் தங்கச் செய்யும் அங்கே உங்கள் மனம் உங்களை செயல்பட வைக்கத் தொடங்கும். நீங்கள் ஒரு விமானம் என்று வைத்துக் கொண்டால், உங்களை இயக்கும் தன்மை கொண்டது உங்கள் மதியாக இருக்க வேண்டும் அதில் ஒரு பகுதியே மனம் சம்மந்தப்பட்டது, மாறாக மனம் இயக்கினால் மதியை தொலைத்து நீங்கள் விபத்துகளை சந்திப்பீர்கள்.  ஆனால் அந்த மனம் காட்டும் நன்மைகள் பல பல, நீங்கள் ஒரு கலைஞன், நானும் ஒரு கலைஞன், ஏன் இந்த உலகில் உள்ள ஒவ்வொரு மனிதனும் கலைஞர்கள் தான்.

ஒரு கலைஞன் எப்போது முழுமை அடைகிறான்? எவன் ஒருவன் தன் மனக்கண்ணால் இந்த உலகை சந்திக்கிறானோ அன்று அவன் உண்மைகளை புரிந்து கொள்வான். உலகை அறிந்து கொள்வான், பிறரை தெரிந்து கொள்வதற்கு மாறாக புரிந்துகொள்ளும் தன்மையை அடைவான். பிறரை புரிந்து கொள்ளவது என்பது ஒரு கலை நிகழ்த்துவது போல அது ஒரு அற்புதமான செயல், அந்த செயலை பூர்த்தி செய்யும் போது உங்கள் படைப்புக்கள் யாவும் புகழ் பெறும். நீங்கள் முதலில் உங்களை முழுவதும் அறிந்து கொள்ளுங்கள். கண்ணாடியின் பிரதிபலிப்பு போல் காட்சி அளிக்கும் உங்களைப் பார்த்து பிறர் தன்னை அடைவர்.

ஒரு விளக்கின் சுடரைக் கொண்டு மற்றொரு விளக்கின் சுடரை ஏற்றுவது போல, அகலில் வெளிச்சம் ஏந்தும் நீங்கள் ஒரு தனி பாதையை அமைப்பீர்கள். அதில் மற்றவர் உங்களைத் தொடர்ந்து தன் இலக்கை அடைவர். ஆதலால், முகத்தால் மனித இனம் காட்டி, அகத்தால் மனித குணம் தாங்கி உங்கள் பயணம் யாவிலும் கலை நிகழ்த்தி, இந்த உலகத்திற்கு  அழகு சேர்த்திடுங்கள். உங்களைத் தாங்கும் இந்த உலகம் ஒருபோதும் விட்டு செல்வது இல்லை. ஆனால், நீங்கள் இந்த உலகத்தை விட்டு பிரியும் நாள் வரும் அன்று , உங்களை சுமந்த  இந்த உலகம் உங்கள் கலையையும், புகழையும் சுமந்து அதன் பயணத்தை தொடர்ந்து கொண்டு தான் இருக்கும். ஒரு கலைஞனாக நீங்கள் இந்த உலகில் செல்வம் கொடுத்தும் பெற இயலாத ஒன்றை அடைகிறீர்கள், அது தான் நேரம். உங்கள் கலை நயத்தில் மயங்கும் பிறர் தனது நேரத்தை ஒதுக்கி உங்கள் கலையை ரசிக்கின்றனர், அங்கே உங்களது கலை தாகம் முழுமை அடைகிறது. இதில் இருந்து அழகான ஒரு கருத்தும் வெளிப்படுகிறது. ‘நீங்கள் நேரத்தோடு உண்மையாக இருக்க பழகிக் கொள்ளுங்கள், நேரம் அது உங்களை அணைத்து அதன் கையில் அள்ளி கொள்ளும், உங்களுடைய அத்தனை முயற்சிகலுக்கும் அது வழி திறக்கும்’ - அந்த வெற்றியின் கதவை திறந்து நீங்கள் நடை பழக வேண்டும்... சிகரத்தின் உச்சிக்கு.

அன்று நீங்கள் அவ்வாறு செல்லும் போது உண்மையின் தன்மையில் உங்கள் மொழிகள் மழை போல் பொழியும், அதில் நீங்களே நனைந்து இன்பம் அடைவீர்கள். மொழிகள் என்று நான் சொல்ல முயல்வது உங்கள் புன்முறுவலைத் தான். மழலை கூட இந்த மொழியில் தான் மனம் திறக்கும். வார்த்தைகள் தேவை இல்லை இதை புரிந்து கொள்ளுங்கள். ‘புன்முறுவல் - உண்மையின் தன்மையில் சரி எது தவறு எது என்று, சுயத்தால் உணர்ந்தவன் மனித விளக்கு ஏந்தி முழுமை அடைகிறான்.  அதே மொழியை உள்வாங்கி கொள்ளும் ஆற்றலும் உணர்கிறான். சமூகத்தால் கட்டமைக்கப்பட்டுள்ள கயிறுகளை அவிழ்த்திடுங்கள், கண் காணும் தூரம் வரை நடைப்பழகு, வீசும் காற்றிடம் கதைப்பழகு நீ யார் என்று, அன்று நீ காற்றின் போக்கில் சுதந்திரம் கொள்வாய் வாழ்க்கை கனவில் இருந்து.

‘ஓடிடும் காலங்கள், தேய்ந்திடும் நேரங்கள்.
பகல் இருள் மாயங்கள்,

நகர்ந்திடும் வேகங்கள்.
மனதே ஆழம், எண்ணமோ ஆழங்கள்.
தொலைவினை தேடிடும்  தூரமும் பாரங்கள்
நிற்காது !!
நடைப்பழகு- அரை மனிதா,
நடைப்பழகு- குறை மனிதா,
நடைப்பழகு- நிலை மனிதா,
நடைப்பழகு- கலை மனிதா.’

- ராம் கணேஷ்

]]>
நடை பழகு, ராம் கணேஷ், spiritual walk http://images.dinamani.com/uploads/user/imagelibrary/2016/10/18/w600X390/maasai-walk-normal.jpg http://www.dinamani.com/health/yoga/2016/oct/18/நடை-பழகு-2583291.html
2571868 மருத்துவம் யோகா நவராத்திரி கொலுவும் ஸ்ரீமஹாசக்தியின் மகத்துவமும்! Tuesday, September 27, 2016 03:37 PM +0530 ஸ்ரீமஹாசக்தியின் பல லீலைகளில் ஒன்றுதான் இந்த நவராத்திரி பண்டிகை. உலக நலத்துக்காக, தன்னை நம்பும் பக்தர்களுக்காக ஸ்ரீமஹாதேவி பிரசன்னாமாகி மகிஷாசுரவதம் நடத்தி, தன் குழந்தைகளை எப்படியும் காப்பாற்றுவேன் என்று பறைசாற்றும் நாளே விஜயதசமி நன்நாளாகும். நம் தாய் ஆதிபராசக்தியே லக்ஷ்மி, சரஸ்வதி, பார்வதி என முப்பெரும் தேவிகளாக ரூபம் கொண்டு வாழத் தேவையான ஐஸ்வர்யம், ஞானம், வீரம் போன்றவற்றை அருள்கின்றார். ஆனால் அன்பின் சொரூபமான அவள் நம்மிடம் எதிபார்ப்பது ‘ஆத்ம நிவேதனம்' அல்லது ‘ஆத்ம சரணாகதி' என்ற தூய அன்பை மட்டுமே.

ஒருவர் இந்த நவராத்திரியில் தன் வீட்டீலேயே மாபெரும் பிரபஞ்ச சக்தியையும் ஐம்பூத சக்திகளையும் தருவித்து தெய்வீகசக்தியை நிலைப்பெறச் செய்து, ஆனந்தமாக வாழ நினைத்தால்; உடனே நல்வெற்றி வாழ்க்கை வழிகாட்டி, ஒம்ஸ்ரீமாஹாமாயி சித்தர், குருஜி சத்தியப் பிரணவயோகி அவர்களை சந்தித்து, என்ர்ஜீ கொலுவை உருவாக்கும் வழிமுறைகளைப் பெறலாம்.  

ஒருவர் பிரமிக்க வைக்கும், ஒம் எனும் ஒலியுடானான வான் வெளிநட்சத்திர கூட்டம், பிரமாண்டமான மலைகள், பலவகையான பாதாள குகைகள்,  நிறைய நீர்வீழ்ச்சிகளுடனான ஆறுகள், எரிமலை நெருப்பு, ஹோமகுண்ட அக்னியுடனா புகைமண்டலம், பாற்கடலில் மகாவிஷ்ணு, தியானசக்தி அதிர்வுகளுடன் சமுத்ரம், பிரமீடு குகை சப்தங்கள், புயல் & தென்றல் காற்று சக்தி, பலவித மிருகங்கள் பறவைகள் சத்தத்துடனான சந்தனகாடு, ஐஸ்வர்யலஷ்மி குகை, மஹாகாளியின் ராட்ஷசசம்ஹார மஹிஷாசுரமர்த்தினிக் கோலம், சம்ஹாரபைரவா¢ன் மிருக(அகங்கார) சம்ஹாரகோலம், பலவித சக்தி  ராக் கிரிஸ்டல்களால் உண்டான மலைகுகைகள், பலவித ரத்தினங்களால் கலர் ஸ்டோன்ஸ், பலவித ஸ்படிக லிங்கங்களால் உண்டான சக்தி குகை, பலவித சாலிகிராம கற்களை கொண்ட  ஆற்று ஊற்றுக்கள், ருத்திராட்ச மரங்கள், மற்றும் பலவித அதிசியசக்தி வாய்ந்த தெய்வீகப் பொருட்களுடன் பிரபஞ்சசக்தியை கொணர்ந்து; வீட்டு கொலுவிலும் மற்றும் வாழ்க்கையிலும் வெற்றி  உண்டாக்குவதற்கு வழிகாட்டி வருகிறார் குருஜி சத்தியப் பிரணவ யோகியார்.

நாம் வாழ்க்கையில் தினமும் பார்க்கும் ‘குழந்தை, பாலா, கன்யாபெண், சுமங்கலி, மகளிர்’ என அனவா¢டத்திலும், ஒம் ஸ்ரீமஹாமாயா சக்தியை கண்டு மதித்து, உண்மையான அன்புடன், நன்நடத்தையுடன் சேவை புரிவதே, தெய்வத்தாய் ஸ்ரீமாஹாமாயிக்கு நாம் செய்யும் நிஜமான நவராத்ரி பூஜையாகும் - ஸ்ரீமகமாயி சித்தர் குருஜி சத்தியப்பிரணவயோகி.

இந்த மாபெரும் பிரபஞ்ச சக்தியும் மற்றும் நம் ஆதார சக்தியான ஸ்ரீமஹாமாயி விஷ்வரூபிணி தாயின் முழு அருளை இந்த நவராத்திரி நாட்களில் அனைவரும் பெறவேண்டி ‘தெய்வீக சக்திவாய்ந்த  மிஸ்டிகல் கிரியேடிவ் கொலு' அமைக்கும் வழிமுறைகளை கற்றுத்தருகிறார்  குருஜி சத்தியப் பிரணவ யோகியார். ஸ்ரீ மாஹாமாயி ஆத்மமந்திர், குருஜி சத்தியப்பிரணவ யோகி போன் 9500064319 / 9789893015. அனைவர் வாழ்க்கையிலும் இந்த நவராத்ரி கொலு நாட்களில் இருந்து, ஸ்ரீமஹாசக்தி அருளால் நல்ல அறிவு, படிப்பு, ஆரோக்கியம், நல்உறவு, வேலை, ஐஸ்வர்யம், திருமணம், அன்பு, அமைதி, ஆனந்தம், மகிழ்ச்சியான குடும்ப வாழ்க்கை பெற பிரார்த்திக்கிறேன்.

- ராஜகோபாலன் 9551555898.

]]>
kolu, golu, navaratri http://images.dinamani.com/uploads/user/imagelibrary/2016/9/27/w600X390/B_DSCN1551_-_Copy_-_Copy.JPG http://www.dinamani.com/health/yoga/2016/sep/27/நவராத்திரி-கொலுவும்-ஸ்ரீமஹாசக்தியின்-மகத்துவமும்-2571868.html
2571280 மருத்துவம் யோகா ஊடகத் துறையினருக்கான மாநாடு! Monday, September 26, 2016 05:06 PM +0530 ஊடகத்துறையைச் சேர்ந்த 1000 பேர் கலந்து கொண்ட பிரம்மா குமாரிகளின் தேசிய மாநாடு சுங்குவார்சத்திரத்தில் நடைபெற்றது.

'மகிழ்ச்சியான சமுதாயத்திற்கான பண்புகள் நிறைந்த ஊடகம்' எனும் தலைப்பிலான தேசீய மாநாடு பிரம்மா குமாரிகளின் ஊடகத்துறை சார்பாக சுங்குவார் சத்திரத்திலுள்ள பிரம்மாகுமாரிகளின் சிறப்புப் பயிற்சி மையமான ஹாப்பி வில்லேஜில் 25.09.2016 - ஞாயிற்றுக்கிழமை நடந்தது. தமிழகத்தின் பல பகுதிகளிலிருந்து பத்திரிக்கைத்துறையினர், எழுத்தாளர்கள், திரைப்படத் துறையினர் சுமார் 1000 பேர் கலந்து கொண்டனர்.

இம்மாநாட்டினை பிரசார் பாரதியின் தலைவர் முனைவர். சூர்யபிரகாஷ், (டில்லி) அவர்கள் துவக்கி வைத்து உரையாற்றினார். போலியாவால் பாதிக்கப்பட்டவர்களின் எண்ணிக்கையைக் குறைக்க அகில இந்திய வானொலி எடுத்துக்கொண்ட முயற்சிகளைப் பற்றிக் குறிப்பிட்டார். கிராமங்களில் கழிப்பறை வசதி ஏற்படுத்திக் கொடுத்த மோடி அரசின் முயற்சிகளைப் பாராட்டினார். வாட்ஸ்அப் ஊடகம் மூலமாக தவறான செய்திகளைப் பரப்புவதால் அப்பாவி மக்கள் பாதிப்படைவதைக் குறிப்பிட்டார்.

வெறுப்புணர்வைத் தவிர்க்கவும் கோபப்படுவதைத் தவிர்க்கவும் பிரம்மாகுமாரிகள் அமைப்பு கற்றுக்கொடுக்கும் தியானம் மிக உபயோகமாக இருக்கும் என்று பாராட்டினார்.  தமிழக தேர்வாணைக்குழு உறுப்பினரும், தமிழக செய்தி மற்றும் தகவல் தொடர்புத்துறையின்  முன்னாள் செயலாளருமான முனைவர். ராஜாராம் பேசுகையில் அதிர்ஷ்டம் தானாக வருவதல்ல, நாம் செய்யும் செயல்கள் தான் நமது நல்ல அதிர்ஷ்டத்தை உருவாக்குகிறது என்பதை பிரம்மாகுமாரிகள் இயக்கம் வலியுறுத்துவதாகக் குறிப்பிட்டார். 

பிரம்மாகுமாரிகள் இயக்கத்தின் ஊடகத்துறையின் தலைவர் ராஜயோகி பி.கு. கருணா (பி.கு. தலைமையகம் மவுண்ட் அபு, ராஜஸ்தான்) சிறப்புரை நிகழ்த்தினார். 147 நாடுகளில் இருக்கும் பிரம்மாகுமாரிகள் கிளைகள் மூலமாக ஒரு உலகம் ஒரு இறைவன் என்ற அடிப்படைத் தத்துவத்தை மக்களுக்குப் புரிய வைப்பதாகக் குறிப்பிட்டார். பிரம்மாகுமாரிகளின் பீஸ் ஆப் மைண்ட் என்ற டிவி சேனல் 24 மணி நேரமும் ஆன்மீகத்தின் மூலம் அமைதியை உலகத்தில் பரப்பிக்கொண்டிருப்பதைப் பற்றிக் குறிப்பிட்டார்.

அடுத்து சிறப்புரையாற்றிய தினமணி பத்திரிக்கை ஆசிரியர் வைத்தியநாதன் பேசுகையில், ஓம் என்ற வார்த்தை மதம் சார்ந்ததல்ல, அது மானுடம் சம்பந்தப்பட்டது என்பதை பிரம்மாகுமாரிகள் அமைப்பு உலகத்திற்குப் புரிய வைப்பதாகக் குறிப்பிட்டார். ஊடகத்துறையின் நோக்கம் சேவை என்பதைக் கடந்து வியாபார மயமாகிவிட்டது வருந்தத்தக்க விஷயம் என்று குறிப்பிட்டார். பரபரப்பான செய்திகளைக் கொடுத்தால்தான் ஊடகங்கள் முன்னேறும் என்ற கொள்கையைக் கடந்து தினமணி நல்ல செய்திகளை பல்லாண்டுகளாகக் கொடுத்து வருவதாகக் குறிப்பிட்டார். 

அடுத்து சிறப்புரையாற்றிய டெக்கான் குரோனிக்கிள் பத்திரிக்கை ஆசிரியர்             பகவான்சிங் பல துறைகளில் நடக்கும் குறைகளைச் சுட்டிக்காட்டுவதால் பத்திரிக்கைத் துறையினருக்கு பலவிதங்களில் இன்னல்கள் ஏற்படுவதாகவும், அநியாயங்கள் நடக்கும்போது அதைத் தட்டிக்கேட்பது பத்திரிக்கைத்துறை தர்மம் என்றும் குறிப்பிட்டார். 

'சமூகமாற்றத்தில் ஊடகத்தின் பங்கு' என்ற தலைப்பில் நடைபெற்ற மாநாட்டின் நிறைவு விழாவில் கலந்துகொண்ட தினமலர் பத்திரிக்கை ஆசிரியர் ராமசுப்பு (திருச்சி) அவர்கள் இது போன்ற மாநாடுகளை மற்ற ஊர்களிலும் நடத்துவதன் மூலம் நல்ல தாக்கத்தை ஏற்படுத்த முடியும் என்று குறிப்பிட்டார்.

இந்த மாநாட்டில் புதுச்சேரி இராஜயோகப் பயிற்சியாளர் பிரம்மாகுமாரி. கவிதா அவர்கள் மன அழுத்தமற்ற வாழ்க்கை வாழ்வதற்கான சிறப்புப் பயிற்சியளித்தார். கோபப்படுவதால் இதய நோய்கள் ஏற்படுகிறது. தியானம் செய்வதால் மன அமைதியோடு பண்புகளும் வளர்கிறது என்று குறிப்பிட்டார். இந்த மாநாட்டில் ராஜயோகப் பயிற்சியாளர் பிரம்மாகுமாரி. ரஞ்சனி அவர்கள் உடலுக்கும் மனதுக்கும் ஓய்வளிக்கும் மனஆற்றலை அதிகரிக்கும் சிறப்பு தியானப் பயிற்சியைக் கற்றுக்கொடுத்தார்.

பிரம்மாகுமாரிகளின் தமிழக மண்டல சேவை ஒருங்கிணைப்பாளர் பி.கு. பீனா மற்றும் மூத்த ராஜயோக ஆசிரியை பி.கு. கலாவதி அவர்களின் தலைமையில் நடைபெற்ற இந்த மாநாட்டில், இந்திய அரசின் ஊடகச் செய்திக்குழு துணை இயக்குனர் திரு. முத்துக்குமார், மாலை முரசு ஆசிரியர் திரு. குமார ராமசாமி, திரைப்பட இயக்குனர் திரு. வசந்தபாலன், திரைப்பட இயக்குனர் திரு. குகநாதன், அகில இந்திய வானொலி/தூர்தர்ஷனிலிருந்து தமிழகத்தின் பல பகுதிகளிலிருந்தும் முக்கிய அதிகாரிகள் மற்றும் பல முக்கியஸ்தர்கள் கலந்துகொண்டனர்.

]]>
Media conference, Brahma kumarigal http://images.dinamani.com/uploads/user/imagelibrary/2016/9/26/w600X390/DSC_0607.JPG http://www.dinamani.com/health/yoga/2016/sep/26/ஊடகத்-துறையினருக்கான-மாநாடு-2571280.html
2569109 மருத்துவம் யோகா ஊடகத்துறையினருக்கான தேசிய மாநாடு - 2016 Friday, September 23, 2016 02:16 PM +0530 ஊடகத்துறையின் மொத்த நோக்கம் சேவையாகவே இருக்க வேண்டும்.சேவை என்றால், சுகவீனத்திலிருந்து ஆரோக்கியம், தாழ்விலிருந்து முன்னேற்றம், எதிர்மறையிலிருந்து நேர்மறை, மூடப் பழக்கத்திலிருந்து அறிவியல் பூர்வம். துன்பத்திலிருந்து மகிழ்ச்சியான நிலை என்று கண்கூடான மாற்றத்தையும், விடுதலையையும் கொண்டு வருவதாகும்.- மகாத்மா காந்தி

இந்நாட்களில் ஊடகத்துறை குறிப்பாக மின்னணு மற்றும் சமூக வலைதளங்கள் மற்றும் பிற ஊடகங்கள் மக்களின் மன உணர்வுகள், கண்ணோட்டம், நடத்தை மற்றும் வாழ்க்கை நடைமுறையில் பெரும் தாக்கத்தை ஏற்படுத்தி வருகின்றன என்றால் அது மிகையாகாது. மேலும் மக்களின் பார்வை, எண்ணம், ஒழுக்க வாழ்வையும் பாதிப்பது, எதிர்மறையான ஆரோக்கியமற்ற சமுதாயத்தை உருவாக்கும் ஆபத்தான சூழ்நிலை ஏற்படுவது கவலைக்குரியதாகும்.

அமைதி, மற்றும் மகிழ்ச்சியுடன் வாழ்வது சமுதாயத்தில் வாழும் ஒவ்வொருவரின் லட்சியமாகும். ஆனால் தற்போது எல்லைக்குட்பட்ட, பெளதீகமான தற்காலிக ரீதியான அபிலாஷைகளுடன் மகிழ்ச்சியை நாடுவது வளர்ந்து வருகிறது. இம்முயற்சியில் தங்களிடையே, சமுதாயத்தில் நல் இணக்கத்தையும், ஆரோக்கியத்தையும், மகிழ்ச்சியையும் இழப்பதும் ஆபத்தானதே!

சமுதாயத்தின் ஓர் அங்கம் மனிதன் என்றால், மனிதனும் சமுதாயத்தை உருவாக்குகிறான். நல்ல சமுதாயத்தை உருவாக்குவதில் தனி மனிதனுக்கும் பெரும் பங்கு உண்டு. எனவே தனி மனிதர் ஒவ்வொருவரும் பண்பட்ட சமுதாயத்தை உருவாக்கும் பணியிலிருக்கும் போது அவர்களுக்குத் தேவை வாய்மை, நேர்மை மற்றும் நேர்மறை எண்ணங்களின் அடிப்படையிலான மனோ வலிமை, இத்தகைய சேவையை சமுதாயத்திற்கு தொடர்ந்து வழங்குவது பத்திரிகை மற்றும் சமூக வலைதளங்கள் போன்ற ஊடகங்களின் தலையாய கடமையாகும்.

எனவே, ஆரோக்கியமான நல்லிணக்கமான, மகிழ்ச்சி நிறைந்த சமுதாயம் மலர வேண்டுமாயின், நமது கண்ணோட்டம், மனோபாவம் மற்றும் வணிக நோக்க சிந்தனை போன்றவை தவிர்க்கப்படுவது இன்றியமையாததாகும். இத்தருணத்தில் இப்பணியில் தங்களை ஈடுபடுத்திக் கொள்ளும் ஊடகத் துறையினர் தமது ஆன்மிக சக்தியையும், ஒழுக்க நெறிகளையும் வளர்த்துக் கொள்வது அவர்களது தனி மனித வாழ்க்கையிலும், தொழில் வாழ்க்கையிலும் பெரிதும் உதவக் கூடியதாகும்.

மேற்கூறிய விஷயங்களும், பகிர்ந்து கொள்ளும் நோக்கத்துடனும், மன வலிமையை அதிகரிக்க உதவும் பயிற்சிகளை வழங்கிடவும் ஊடகத்துறையினர் கலந்து கொள்ளும் ஆரோக்கியம் மற்றும் மகிழ்ச்சியான சமுதாயத்திற்கான ஊடகம் எனும் தேசிய மாநாட்டினை பிரம்மா குமாரிகளின் ஊடகத்துறை ஏற்பாடு செய்துள்ளது. இம்மாநாடு செப்டம்பர் 25, ஞாயிறு 2016 அன்று சுங்குவார் சத்திரத்திலுள்ள பிரம்மாகுமாரிகளின் சிறப்புப் பயிற்சி மையமான ஹாப்பி வில்லேஜில் நடைபெறவுள்ளது.

இந்நிகழ்ச்சியில் யாரெல்லாம் கலந்து கொள்ளலாம்?

பத்திரிகைத் துறையினர், மின்னுணு ஊடகத்தினர், தகவல் தொடர்பு துறையினர் (IT) திரையுலகத்தினர், தொலைக்காட்சி, வானொலி, எப்.எம்.வானொலி, கேபிள் ஆபரேட்டர்ஸ், இயக்குநர்கள், நிகழ்ச்சி அமைப்பாளர்கள், எடிட்டர்கள், செய்தி ஆசிரியர்கள், நிருபர்கள், பத்திரிகைக் கட்டுரையாளர்கள், செய்தித் தொடர்பாளர்கள் (PROs), சுயச் செய்தி தகவலர்கள் (Freelancers) விளம்பரத் துறையினர், எழுத்தாளர்கள், புத்தக வெளியீட்டாளர்கள் மற்றும் நூலகத் துறையினர் போன்ற ஊடகத்துறையின் 1000க்கும் மேற்பட்டோர் பங்கேற்க உள்ளனர்.

பிரம்மா குமாரிகள் இயக்கம் பற்றி...

பிரம்மாகுமாரிகள் இயக்கம் 1973 ஆண்டு ஆரம்பிக்கப்பட்டு மனித குல சேவை புரிந்து வரும் ஓர் ஆன்மிக, சமூக, கல்வி மற்றும் கலாச்சாரத் தொண்டு நிறுவனமாகும். உலககெங்கிலும் சுமார் 147 நாடுகளில், 9500 கிளைகள் மூலம் சேவை புரிந்து வரும் ஓர் ஆன்மிக, சமூக, கல்வி மற்றும் கலாச்சாரத் தொண்டு நிறுவனமாகும். உலகெங்கிலும் சுமார் 147 நாடுகளில், 9500 கிளைகள் மூலம் சேவை புரிந்து வருகிறது. ஐக்கிய நாடுகள் சபையின் அரசு சார்பற்ற நிறுவனமாக அங்கீகாரம் பெற்றுள்ளது. மேலும் UNICEF, ECOSOC போன்ற நிறுவனங்களின் ஆலோசனைக் குழுவிலும் இடம் பெற்றுள்ளது. 

இதன் உலக அமைதிக்கான சேவைகளுக்காக ஐ.நா. சபையின் ‘அமைதி தூதுவர்’ பட்டத்தைப் பெற்றுள்ளது. இதன் அகில உலக தலைமையகம் ராஜஸ்தானில் மவுண்ட் அபுவில் அமைந்துள்ளது. தமிழ்நாட்டிலும் சுமார் 300 கிளை நிலையங்கள் மூலமாக இந்த அரிய சேவை நடைபெற்று வருகின்றது.

மாநாடு நடைபெறும் வளாகம் பற்றி...

சென்னை - பெங்களூரு நெடுஞ்சாலையில் சுங்குவார் சத்திரத்தை அடுத்து 3 கி.மீ தூரத்தில் கோமளாஸ் உணவகம் எதிரில் நகரத்திலிருந்து சற்று விலகி, சுற்றுச் சூழல் மாசுகளற்ற அமைதியான சூழ்நிலையில், மனத்தில் ஆன்மிக மகிழ்ச்சியையும், உற்சாகத்தையும் பொங்க வைக்கும் பிரம்மா குமாரிகளின் சிறப்பு தியானப் பயிற்சி வளாகமான ஹாப்பி வில்லேஜ் அமைந்துள்ளது.

நிகழ்ச்சி நிரல் : ஞாயிறு, செப்டம்பர் 25, 2016

காலை 8.00 மணி - வருகைப் பதிவு

காலை 8.30 மணி - சிற்றுண்டி

காலை 9.00 மணி - துவக்க விழா : சமூக மாற்றத்தில் ஊடகத்தின் பங்கு

காலை 11.00 மணி - இடைவேளை

காலை 11.15 மணி - மன ஓய்வு மற்றும் மன ஆற்றலை அதிகரிக்கும் தியானம்!

பகல் 01.00 மணி - மதிய உணவு

பிற்பகல் 2.00 மணி - ஊடகத்துறையில் மன அழுத்தத்தை நீக்கும் வழிகள்

பிற்பகல் 3.00 மணி : நிறைவு விழா -  மகிழ்ச்சியான சமுதாயத்திற்கான பண்புகள் நிறைந்த ஊடகம்

மாலை 4.30 மணி : தேநீர் & விடை பெறுதல்

பதிவு செய்து கொள்ளும் முறை :

ஊடகத்துறையினர் கலந்து கொள்ள கட்டணம் ஏதுமில்லை. ஆனால் தங்கள் பெயரை முன்பதிவு செய்வது அவசியமாகும். வலைதளத்தில் பதிவு செய்ய : http//www.happy-village.org/Register.html அல்லது அருகாமையிலுள்ள பிரம்மா குமாரிகள் கிளைநிலையங்களிலும் செப்டம்பர் 20,2016 வரை பதிவு செய்யலாம்.

விபரங்களுக்கு அணுகவும் : 9850643201 / 9790956505 / 9444960845

]]>
brahmakumaris http://images.dinamani.com/uploads/user/imagelibrary/2016/9/22/w600X390/retreat-centres3.jpg http://www.dinamani.com/health/yoga/2016/sep/22/ஊடகத்துறையினருக்கான-தேசிய-மாநாடு---2016-2569109.html
2569078 மருத்துவம் யோகா ப்ரசரித்த படோட்டாசனம் Thursday, September 22, 2016 02:49 PM +0530 ஒரு விரிப்பின் மீது இரண்டு கால்களையும் அகலமாக விரித்து வைத்து நிற்கவும்.

பின்னர் முன் பக்கமாகக் குனிந்து இரண்டு கைகளையும் விரிப்பின் மீது வைத்து விரல்களை விரித்து ஊன்றவும்.

தலையை உயர்த்திப் பார்த்து நீண்ட நெடும் சுவாசங்கள் எடுக்கவும்.

பின்னர் தலையைக் குனிந்து உச்சந்தலை விரிப்பின் மீது படியுமாறு வைத்து மீண்டும் நெடும் சுவாசங்கள் எடுக்கவும். பின்னர் மெதுவாக கால்களைச் சேர்த்து நிமிரவும்.

மீண்டும் இரண்டு அல்லது மூன்று முறை இதைச் செய்யவும்.

பலன்கள்

கால்களை அகலமாக விரித்திருக்கும் போது மூட்டு எலும்புகளின் ஜவ்வுகள் விரிவடையும். ரத்த ஓட்டம் மூட்டுகளுக்கு நன்றாக ஓடும். மூட்டு வலிகள் குணமாகும்.

கைகள் ஊன்றப்பட்டிருப்பதால் கை எலும்புகள் உறுதியடையும்.

இதயமும் நுரையீரல்களும் படுக்கையாக சாய்க்கப்படுவதால் இதயம் பாரம் குறைந்து இதமாகத் துடிப்பதற்கு ஏதுவாகிறது.

நன்றி : பிராணாயாமம் 

]]>
prasarita padottanasana http://images.dinamani.com/uploads/user/imagelibrary/2016/9/22/w600X390/17678276740_4054a10610_z.jpg http://www.dinamani.com/health/yoga/2016/sep/22/ப்ரசரித்த-படோட்டாசனம்-2569078.html
2562405 மருத்துவம் யோகா தொப்பை குறைய இரண்டு ஆசனங்கள்! DIN DIN Saturday, September 10, 2016 01:12 PM +0530 உடல் பருமன் என்பது உலகப் பிரச்னையாகிவிட்ட நிலையில், நம் உடல் மீதான அக்கறை மட்டுமே இதிலிருந்து காக்க முடியும். தினமும் அரை மணி அல்லது ஒரு மணி நேரம் செலவழித்து நம் உடம்பை சீர் செய்வது ஆரோக்கியத்தை மேம்படுத்தும். அழகாக இருந்து என்ன பயன், தொப்பை ஒரு பெரிய குறை. அதைக் கரைக்க சாப்பாட்டில் மட்டும் கவனம் செலுத்தினால் போதாது, பயிற்சியும் செய்ய வேண்டும். அனைவராலும் செய்யக் கூடிய மிக எளிமையான யோகப் பயிற்சிகள் இரண்டு தொப்பையைக் குறைக்க உதவும். செய்து பாருங்கள், அதன் பின் கண்ணாடியில் தெரிவது நாம் தானா என்ற சந்தேகம் ஏற்படுவது உண்மை.

பச்சிமோத்தாசனம்

கால்களை நீட்டி நேராக உட்காரவும். இரு கைகளும் மேலே உயர்த்தி மெதுவாக மூச்சை இழுத்து விட்டுக்கொண்டே கைவிரல்களால் கால் பாதத்தையோ அல்லது கட்ட விரலையோ பிடித்து கொள்ளவேண்டும். கால்களை மடக்க கூடாது. இந்த நிலையில் 3 முதல் 5 நிமிடங்கள் வரை இருங்கள்.
பலன்கள்: தொப்பை குறைய நல்ல வழி இது, இடுப்பு பகுதியில் இருக்கும் தசைகள் குறையும். 

புஜங்காசனம்

தரையில் குப்புற படுக்கவும். கைகளைதரையில் ஊன்றி தலையை மட்டும் உயர்த்தவும். வயிற்று பகுதியை தூக்க கூடாது.

பலன்கள்: தினமும் இந்த ஆசனம் செய்து வந்தால் வயிற்று பகுதியில் உள்ள  தேவையற்ற கொழுப்பு நீங்கும், சதை குறைந்து ரத்த ஓட்டம் அதிகரிக்கும். 

குறிப்பு - யோகாசனங்களைப் பொருத்தவரையில் காணொலியில் கண்டும், ஆசனங்களைப் பற்றிப் படித்தும் வெவ்வேறு பலன்களைத் தெரிந்து கொள்ளலாம் அவ்வளவே. ஆனால் யோகாவை வாழ்க்கை முறையாக தேர்ந்தெடுத்துவிட்டால் நிச்சயம் தகுதி பெற்ற குருவின் துணையுடன் செய்வது தான் நல்லது.

]]>
weight loss yoga, tummy, pachimothasana, bujangasana http://images.dinamani.com/uploads/user/imagelibrary/2016/9/10/w600X390/ar129355095872305.jpg http://www.dinamani.com/health/yoga/2016/sep/10/தொப்பை-குறைய-இரண்டு-ஆசனங்கள்-2562405.html
2562401 மருத்துவம் யோகா புன்னகைக்கும் புத்த கிரியா (Smiling Buddha kriya) Saturday, September 10, 2016 12:47 PM +0530 முதுகுத் தண்டு நேராக இருக்கும்படி சுகாசனத்தில் அமரவும். அதாவது காலை சம்மணமிட்டு வசதியாக அமரவும். தேவையெனில் சுவற்றில் சாய்ந்தும் அமர்ந்து கொள்ளலாம். 

படத்தில் உள்ளது போல் இரண்டு கைகளிலும் மகா ஞான முத்திரை செய்யவும். அதாவது மோதிர விரலையும் சுண்டு விரலையும் கட்டை விரலுக்கு அடியில் வைத்திருக்கவும். மற்ற இரண்டு விரல்கள் மேல் நோக்கி நேராக இருக்க வேண்டும். 

இதே நிலையில் இரண்டு கைகளையும் பக்கவாட்டில் தோளுக்கு மேல் மெல்ல உயர்த்தவும். கை முட்டிகள் லேசாக மடங்கிய நிலையில் கைகளை 30 டிகிரி கோணத்தில் இருக்க வேண்டும்.
 
கண்களை மூடி சாம்பவி முத்ராவை செய்யவும். அதாவது மனத்தை நெற்றிப் பொட்டில் (மூன்றாவது கண் எனச் சொல்லப்படும் இடம்) கவனம் குவித்து தியானம் செய்யவும். கூடுமானவரையில் அழுத்தம் ஏற்படுத்தாமல் கண்களை உள்முகமாக திருப்ப வேண்டும். கண்கள் களைப்படைந்துவிட்டால் உடனடியாக முத்திரையை விடுவித்து மீண்டும் சில நமிடங்கள் கழித்து தொடரவும்.

இந்நிலையில் புன்னகைக்கவும். (இந்த கட்டத்தை மறக்காமல் நிச்சயம் செய்யவேண்டும்)

மனத்துக்குள் 'ச, ட, ந, ம’(Sa Ta Na Ma) என்ற மந்திரத்தை சொல்லிக் கொண்டிருக்கவும். இது தான் குண்டலினி யோக மந்திரத்தின் அடிப்படை மந்திரம்.  (ச என்றால் எல்லையில்லாத, ட என்பது வாழ்க்கை, ந என்பது மரணம் மற்றும் ம என்பது மறுபிறவியைக் குறிப்பவை. இந்த மந்திரத்தைத் தொடர்ந்து மனத்துக்குள் உச்சரிக்க வேண்டும்.

தியானம் செய்யும் நேரம் முழுவதும் இறுக்கமின்றி தளர்வாக இருக்கவும்.  மூச்சு எப்போதும் போல் சாதாரணமாகவே இருக்கட்டும்.மந்திரம் முழுவதும் ஆக்கிரமிக்க இடம் கொடுக்கவும். அதன் பின் மெல்ல மெல்ல உள் அமைதியும், ஆனந்தமும், பரவசமும் பெருகுவதை உணர முடியும். இது ஒரே நாளில் வந்துவிடாது. விடா முயற்சியுடன் கூடிய தொடர் பயிற்சியில் மட்டுமே சாத்தியம்.

மூன்று நிமிடம் மந்திரத்தை நினைத்தபடி அமர்ந்திருக்கவும். முடிந்தால் 11 நிமிடங்கள் அப்படியே தொடரவும். 11 நிமிடங்கள் அமர முடியவில்லை எனில் கவலைவேண்டாம். 3 நிமிடமே போதும் முழு சக்தியும் பெற.

பயிற்சி முடிந்ததும் மூச்சை நன்றாக உள் இழுக்கவும். அதே போல வெளியே விடவும். கண்களை இப்போது மெதுவாகத் திறக்கவும். உள்ளங்கைகளை பரபரவென்று சூடு ஏற்படும்படி தேய்த்து கண்களில் ஒற்றிக் கொள்ளவும். அல்லது கைகளை முஷ்டி போல் செய்து சில மணித்துளிகள் திறந்து மூடி மறுபடியும் திறந்து மூடவும். அதன் பின் முழுவதும் நார்மலான நிலைக்கு வர

பலன்கள் :

மனம் விட்டு ஆத்மார்த்தமாக சிரிக்க முடியும்.
உங்களைச் சுற்றி எப்போதும் பாசிட்டிவ் எனர்ஜி இருக்கும்.
தன்னம்பிக்கை அதிகரிக்கும்
சக்திநிலை சமன்படும்
விழிப்புணர்வு உச்சத்தில் இருக்கும்
தெளிவான பார்வை கிடைக்கும். 

எப்போதும் அன்பும், நிறைந்த அமைதியும், நீடித்த ஆனந்தமும், மாறாப் புன்னகையுடனும் இனிதாக வாழ்க! இன்பமே சூழ்க!

]]>
smiling Buddha Kriya, Kundalini Mudra http://images.dinamani.com/uploads/user/imagelibrary/2016/9/10/w600X390/6a0120a64c43d5970b013486fd845f970c1.jpg http://www.dinamani.com/health/yoga/2016/sep/10/புன்னகைக்கும்-புத்த-கிரியா-smiling-buddha-kriya-2562401.html
2559975 மருத்துவம் யோகா வருண முத்ரா DIN DIN Thursday, September 8, 2016 10:00 AM +0530 நமது உடல் பஞ்ச பூத சக்தியால் ஆனது என்பது நம் அனைவருக்கும் தெரியும். இந்த ஐந்து சக்திகளில் ஏதேனும் ஒரு சக்தியில் குறைபாடு ஏற்பட்டாலும் நோய் எதிர்ப்பு தன்மை குறைந்து வியாதிகள் தோன்றுகிறது.

முத்ரா பயிற்சியானது மின்காந்த அலைகளை உடலில் ஏற்படுத்தி உடலில் சில மாற்றங்களை விளைவிக்கிறது. முத்ரா பயிற்சியை எந்த நேரத்திலும் செய்யலாம். இரத்த சோகை உள்ளவர்கள் இந்த முத்ரா பயிற்சியை செய்யலாம்.

சிறுவர் முதல் பெரியோர் வரை இரத்த சோகையால் பாதிக்கப்பட்டவர்கள் பலர். இதிலும் அதிகமான பெண்கள் சோகை நோயால் பாதிக்கப்பட்டுள்ளனர் என்று ஆய்வு கூறுகிறது. அதற்கு காரணம் ஊட்டச்சத்து குறைபாடே ஆகும். இந்த சோகை நோயை விரட்ட சத்துள்ள ஆகாரங்களை எடுத்து கொள்வதோடு, சில எளிய முத்ரா பயிற்சியை மேற்கொள்வதன் மூலம் இதை சரிசெய்யலாம். சோகை பிரச்னை உள்ளவர்கள் வருண முத்ரா பயிற்சியை செய்யலாம்.

வருண முத்ரா செய்யும் முறை;

முதலில் பத்மாசன முறையில் அமர்ந்து கொள்ளுங்கள். பின்பு கைகளில் உள்ள விரல்களில் சுண்டு விரலை மடக்கிக் கொள்ளுங்கள் கட்டை விரலின் முனையை சுண்டு விரலின் முனையோடு இணையுங்கள், மற்ற மூன்று விரல்களும் நேராக நிமிர்த்தி வையுங்கள். இந்த பயிற்சி தினமும் 15 நிமிடம் முதல் 45 நிமிடம் வரை செய்யலாம்.

பயன்கள்:

தோல் சம்பந்தமான நோய்கள், இரத்த சோகை, இரத்தக் கோளாறு, கண்கள் வறட்சி, செரிமான பிரச்னை, மாதவிடாய் பிரச்னை போன்ற குறைபாடுகளுக்கு இந்த முத்ரா பயிற்சி பயனுள்ளதாக இருக்கும்.

சிலருக்கு வாய், தொண்டை அடிக்கடி வரண்டு போகும் இவர்கள் தொடர்ந்து இந்த முத்ராவை செய்வதன் மூலம் இந்த பிரச்னையை சரிசெய்யலாம்.

]]>
varuna mudra, mudra benefits http://images.dinamani.com/uploads/user/imagelibrary/2016/9/5/w600X390/varun_mudra_1.jpg http://www.dinamani.com/health/yoga/2016/sep/08/வருண-முத்ரா-2559975.html
2560421 மருத்துவம் யோகா தலைசுற்றல் உள்ளவர்களுக்கு ஏற்ற முத்ரா Tuesday, September 6, 2016 11:20 AM +0530 பொதுவாக நம் உடலில் உள்ள பிரச்னைகள் அனைத்திற்குமே மருத்துவரை நாடி செல்வதைவிட சில எளிய பயிற்சிகள் மேற்கொள்வதின் மூலம் அவற்றை சுலபமாக சரிசெய்யலாம்.

இக்காலத்தில் சிறியவர்கள் முதல் பெரியவர்கள் வரை அனைவருக்கும் தலைசுற்றல் பிரச்னை ஏற்படுகிறது. உடலில் ஏதேனும் குறைபாடு இருந்தால் முதலில் தலைசுற்றலில் தான் ஆரம்பிக்கும். ரத்தசோகை உள்ளவர்களுக்கும் இந்த பிரச்னை ஏற்படும். இக்காலகட்டத்தில் 80 சதவீத பெண்கள் ரத்தசோகையால் பாதிக்கப்பட்டுள்ளனர். இதனால் தலைசுற்றல், மனச்சோர்வு ஆகிய பிரச்னைகள் ஏற்படுகிறது. சூன்ய முத்ரா பயிற்சி செய்வதன் மூலம் தலைசுற்றல் பிரச்னையை சரி செய்யலாம்.

செய்யும் முறை; நடுவிரலை மடக்கி கட்டை விரலை அதன் மீது பதிய வையுங்கள். மற்ற மூன்று விரல்களையும் நேராக நிமிர்த்தி வையுங்கள். இதுவே சூன்ய முத்ரா ஆகும். இந்த பயிற்சி தினமும் 45 நிமிடம் செய்து வந்தால் நல்ல பலன் கிடைக்கும்.

இந்த முத்ரா பயிற்சியை செய்வதன் மூலம் காதுவலி, காதில் சீழ் வடிதல், சரியான முறையில் காது கேளாமை போன்ற குறைபாடுகளை இந்த முத்ரா சரி செய்யும். அதுமட்டுமில்லாமல் பயண நேரங்களில் வரும் களைப்பு, தலைசுற்றல் ஆகிய பிரச்னைகளுக்கு தீர்வாக இந்த முத்ரா அமைகிறது.

]]>
soonya mudra, head ache cure http://images.dinamani.com/uploads/user/imagelibrary/2016/9/6/w600X390/shunya_mudra.jpg http://www.dinamani.com/health/yoga/2016/sep/06/தலைசுற்றல்-உள்ளவர்களுக்கு-ஏற்ற-முத்ரா-2560421.html
2559973 மருத்துவம் யோகா நலம் தரும் முத்ரா! Tuesday, September 6, 2016 11:03 AM +0530 இன்று மருத்துவத்துறை வணிகமயமாகிவிட்டது என்று எல்லாரும் சொல்கிறார்கள். நீங்கள் மருத்துவமனை சென்றாலும் செலவைப் பற்றி கவலைப்படாமல் இருக்க காப்பீட்டுத்துறையும் உங்களை கவனிக்கத் தொடங்கி விட்டது. ஆனால் இது எதுவுமே தேவை இல்லை. நீங்களே உங்கள் விரல்களின் மூலம் உங்கள் நோயைச் சரி செய்து கொள்ளலாம் என்று தைரியமாகக் கூறுகிறார், உலக தமிழ் ஆராய்ச்சி நிறுவனத்தின் டாக்டர் பட்டம் பெற்ற பாசு கண்ணா. அவர் முத்திரைகளின் மூலம் நமது நோயை நாமே தீர்த்துக்கொள்ளும் முறை பற்றி கூறுகிறார்:

'உடம்பைப் பொருத்தவரை இரண்டே இரண்டு தான் நமக்கு மிக முக்கியம். ஒன்று நோய் வந்தால் சரி செய்து கொள்வது எப்படி? மற்றது நோய்வரும் முன் காப்பது எப்படி? இந்த இரண்டும் நமக்குத் தெரிந்தால் நமக்கு நாமே சிறந்த மருத்துவர். 

எனக்குச் சிறுவயது முதலே ஆராய்ச்சி என்றால் பிடிக்கும். என் மனைவி ஒரு சித்த மருத்துவர். ஒரு முறை நான் ஆராய்ச்சி செய்வதைப் பார்த்த அவர், இது நல்ல விஷயம், தொடருங்கள் என்று ஊக்கப்படுத்தினர். நமது விரல்களே நமக்கு மருத்துவம் பார்க்க முடியும் என்றால் நம்மில் பலரும் ஆச்சரியப்படுவீர்கள். ஆனால் அது உண்மை. ஆரம்பத்தில் நான் ஆராய்ச்சி மாணவனாக இருந்த போது முத்திரைகளைப் படிக்கப் படிக்க என் மனமும் அறிவும் விசாலமடைந்தது மட்டுமல்லாமல், உடம்பில் வித்தியாசமான ஓர் உணர்வும் ஏற்பட்டது. இதை டாக்டர் என்ற முறையில் எனது மனைவியிடம் பகிர்ந்து கொள்ள, அவர் மேலும் என்னை உற்சாகப்படுத்தினார். அன்றிலிருந்து இன்று வரை நான் முத்திரைகளைச் செய்து எனக்குத் தெரிந்த பலரையும் குணப்படுத்தி உள்ளேன். சுமார் 3000 முத்திரைகள் உள்ளன. ஒரு மனிதனுக்கு என்ன நோய்கள் வருமோ அதை சரி செய்ய தேவைப்படும் என்று பார்த்துப் பார்த்து முத்திரைகளை தொகுக்க ஆரம்பித்தேன். ஒரு முத்திரை ஆராய்ச்சி என்றால் அதற்கு கிட்டத்தட்ட 90,000 ரூபாய் செலவு ஆகும். ஆராய்ச்சி என்றால் மற்றவர்களை இதைச் செய்யச் சொல்லி அவர்களின் ரத்தம், மலம், சிறுநீர் பரிசோதனை மற்றும் அவர்களின் உடல் நிலையைக் கண்காணிக்க மட்டும் அல்லாமல், மற்ற செலவுகளையும் சேர்த்து ஆகும் செலவு இது. ஒரே வேளையில் என்னால் ஒரு முத்திரையை மட்டுமே ஆராய்ச்சி செய்ய முடிந்தது. இதற்குக் காரணம் பொருளாதாரம் மட்டும் அல்லாமல்,வேறு பல பிரச்னைகளும் ஏற்பட்டன. கடந்த 10 வருடங்களுக்கு மேலாக நான் இப்படி ஆராய்ச்சி செய்ததன் பயனாக 226 முத்திரைகளைத் தேடித் தேடி கண்டுபிடித்து அதன் பயன்கள் எவை என்றும் எழுதி வைத்தேன்.

இந்த முத்திரைகள் எல்லாமே நம் சரீரத்தில் ஏற்படும் நோய்கள் அனைத்திற்கும் மருந்தாக அமையும். நான் அலோபதி, சித்தா, ஆயுர்வேதம், ஹோமியோபதி மற்றும் பல்வேறு வகையான சிகிச்சை முறைகளையும் என்னுடைய ஆராய்ச்சியில் இணைத்து, அந்த அந்த முறைகளை விட நம் கை விரல்களே நமக்கு எவ்வளவு முக்கியமானது, உபயோககரமானது, சிறந்தது என்று நிரூபிக்கும் வகையில் செய்ததால், இதை பலரும் பின்பற்றுகிறார்கள். இந்த முத்திரைகளைச் செய்ய ஆண், பெண் என்ற பாகுபாடு கிடையாது. வலி உள்ளவர்கள் மட்டும்தான் செய்ய வேண்டும் என்ற கட்டுப்பாடும் கிடையாது. வரும்முன் காப்போம் என்று நான் முன்பே சொன்னேன் அல்லவா? அது போல நோய் இல்லாதவர்களும், நோய் வரும் என்று நினைப்பவர்களும், 'உதாரணமாக சார் எனக்கு ஜுரம் வரும் போல இருக்கு... தொண்டை கரகரனு இருக்கு சார், இருமல்ல கொண்டு போய் விட்டுடுமோ?' என்றெல்லாம் கேட்பவர்களுக்கு இந்த முத்திரைகள் மிக மிக உபயோகமாக இருக்கும். குறிப்பாக ஒரு விஷயத்தை நான் தெளிவுபடுத்த வேண்டும்.

முத்திரைகளால் 21 நாட்களில் ரத்த குழாய் அடைப்பைச் சரி செய்ய முடிந்திருக்கிறது. அது மட்டும் அல்லாமல், வேலை செய்யாத சிறுநீரகத்தை இந்த முத்திரைகள் வேலை செய்ய வைத்திருக்கின்றன. இப்படி பல உதாரணங்களை என்னால் சொல்லிக் கொண்டே போக முடியும்.முத்திரைகளை நாம் உட்காரும்போது மட்டுமே செய்ய வேண்டும். நடக்கும் போதோ அல்லது படுக்கும் நிலையிலோ செய்வது சரி அல்ல. ஒரு முத்திரையை சுமார் 20 மற்றும் 30 நிமிடங்களுக்கு செய்தால் நலம். உணவு உண்ட பின் சுமார் அரை மணிநேரம் அல்லது ஒரு மணி நேரத்திற்குப்பின் செய்தால் பலன் அதிகமாகும்.

என் மகள் அம்ருதவானி பிட்ஸ் பிலானியில் படித்துக் கொண்டு இருக்கிறாள். ஒரு நாள் அவளுக்குத் தலைவலி. அவளது அறை தோழி ஒரு சில முத்திரைகளைச் சொல்லி இதை செய்தால் உனக்கு குணமாகிவிடும் என்றாள். எங்கிருந்து இந்த முத்திரைகளைக் கற்றாள் என்று என் மகள் அவளிடம் கேட்டாள். 'நான் டிவியில் பார்த்தேன். யூடியூபிலும் இருக்கிறது. நீ தைரியமாகப் பண்ணலாம். உன் தலை வலி பறந்து விடும்' என்று சொல்ல என் மகள் உடனே எனக்கு தொலைபேசியில் அழைத்து, 'டாடி உங்கள் முயற்சி வீண் போகவில்லை' என்று பெருமையுடன் கூறினாள். நான் செலவு செய்தாலும் எல்லாரும் இன்புற்றிருப்பதே என் நோக்கம் என்று ஒரு கால கட்டத்திலிருந்து யார் கேட்டாலும் இலவசமாக முத்திரைகளைச் சொல்லித் தருகிறேன். அது மட்டுமல்லாமல், 108 முத்திரைகளை அதன் படங்களுடன், பலன்களையும் சேர்த்து ஒரு புத்தகமாகத் தயாரித்து வெளியிட்டு விட்டேன். யார் வேண்டுமானாலும் பார்த்து, செய்து பயன் பெறலாம். முத்திரை பலவும் கற்று கொள்வோம் முதுமையில் கூட நோயில்லா வாழ்வை பெற்று மகிழ்வோம்' என்கிறார் டாக்டர். பாசு கண்ணா. 
 -சலன் 

]]>
mudra, benefits of mudra http://images.dinamani.com/uploads/user/imagelibrary/2016/9/5/w600X390/k2.jpg http://www.dinamani.com/health/yoga/2016/sep/05/நலம்-தரும்-முத்ரா-2559973.html
2559071 மருத்துவம் யோகா யோகாவும் தியானமும்  Wednesday, August 31, 2016 03:05 PM +0530 யோகாசனம், தியானப் பயிற்சி, ஆன்மிகம், பிரார்த்தனை ஆகியவை தனிமனிதன் நலமுடன் வாழ்வதற்கு உகந்தவை என்று குடியரசு துணைத் தலைவர் ஹமீது அன்சாரி கூறினார்.

கேரள மாநிலம், திருவனந்தபுரத்தை அடுத்த போத்தங்கோட்டில் உள்ள சாந்திகிரி ஆசிரமத்தை நிறுவிய ஸ்ரீகருணாகர குருவின் 90-ஆவது பிறந்தநாள் விழா, அந்த ஆசிரமத்தில் செவ்வாய்க்கிழமை கொண்டாடப்பட்டது. அந்த விழாவில் சிறப்பு விருந்தினராகக் கலந்துகொண்டு பேசிய அன்சாரி மேலும் கூறியதாவது:
 ஆன்மிகம், ஒருவரது வாழ்வை மேலும் சிறந்ததாக மாற்றும் சக்தி கொண்டது. சிலர் சிறைவாசம், போர் போன்ற இக்கட்டான சூழல்களை தங்களது வாழ்வில் எதிர்கொண்ட நேரத்தில் ஆன்மிகப் பாதை மூலம் துன்பங்களில் இருந்து விடுதலை பெற்றனர்.

யோகாசனப் பயிற்சி மேற்கொள்வதால் மனஅழுத்தம், கவலை, பதற்றம் ஆகியவை குறைகின்றன. ரத்த அழுத்தமும் கட்டுப்பாட்டுக்கு வருகிறது.
 இதேபோல், தியானப் பயிற்சியும் ஒருவருக்கு அமைதியைக் கொடுக்கிறது; ஒருங்கிணைப்புத் திறனும், கவனமும் மேம்படுகிறது. தியானப் பயிற்சி மேற்கொள்வதால், ஒருவரது மூளையின் நரம்பு மண்டலச் செயல்பாடு அதிகரிப்பதாக ஆராய்ச்சியாளர்கள் கூறியுள்ளனர். அதனால், மனஅழுத்தம் குறைவதுடன் நோய் எதிர்ப்புச் சக்தியும் கூடுகிறது.

பிரார்த்தனை, ஒருவருக்கு நம்பிக்கை, இரக்கம், நன்றியுணர்வு ஆகியவற்றை அளிக்கிறது. மொத்தத்தில் யோகாசனம், தியானம், ஆன்மிகம், பிரார்த்தனை ஆகியவை தனிமனிதனின் நல்வாழ்வுக்கு உகந்தவை என்றார் ஹமீது அன்சாரி.

]]>
Yoga, meditation http://images.dinamani.com/uploads/user/imagelibrary/2016/8/31/w600X390/yoga_650x400_71448396097.jpg http://www.dinamani.com/health/yoga/2016/aug/31/யோகாவும்-தியானமும்-2559071.html
2558955 மருத்துவம் யோகா விபாசனா தியானம் Tuesday, August 30, 2016 06:11 PM +0530 1) மற்ற தியானங்களைப் போலவே விபாசனா தியானத்திற்கும் அதிக குறுக்கீடுகள் இல்லாத அமைதியான இடத்தைத் தேர்ந்தெடுங்கள். சத்தங்களே இருக்கக்கூடாது என்பதல்ல நம்மை அதிகமாக அலைக்கழிப்பது போன்ற சத்தங்கள் இருக்கக் கூடாது என்பது முக்கியம்.

2) உங்களுக்கு வசதியானபடி சம்மணமிட்டோ, பத்மாசனத்திலோ, நாற்காலியிலோ அமருங்கள். நீண்ட நேரம் அமர்கையில் உங்களுக்கு சிரமமாக இருக்கும்படியாக மிக இறுக்கமாக அமராதீர்கள். அதே நேரம் கூன் போட்டோ, விறைப்பாகவோ இல்லாமல் முடிந்த அளவு நேராக நிமிர்ந்து இருங்கள். உதாரணத்திற்கு வயலின் தந்தி மாதிரி இருக்கச் சொல்கிறார்கள். ஒரேயடியாக இறுக்கமாகவோ, தளர்ச்சியாகவோ இல்லாமல் இருக்க வேண்டும் என்கிறார்கள்.

3) உங்கள் வலது உள்ளங்கை இடது உள்ளங்கையின் மீது இருக்கும்படியாக கைகளை திறந்த நிலையில் மடியில் வைத்துக் கொள்ளவும் கைகளை இறுக்கிப் பிடித்துக் கொள்ள வேண்டாம். கண்களை மூடியோ, லேசாகத் திறந்தோ வைத்துக் கொள்ளலாம்.

4) உங்கள் கவனத்தை வயிற்றுப் பகுதியில் வையுங்கள். உங்கள் உள் வாங்கும் மூச்சினால் உங்கள் வயிறு விரிவடைவதையும், வெளி விடும் மூச்சினால் வயிறு குறுகுவதையும் கவனியுங்கள். உங்கள் கவனத்தை அதைத் தவிர வேறெதிலும் வைக்க வேண்டாம். ஆரம்ப நாட்களில் அதை “விரிவடைகிறது”, “குறுகுகிறது” என்று மனதில் பெயரிட்டு கவனத்தை பலப்படுத்தலாம். ஆனால் அதற்கு மேல் உங்கள் மூச்சை அலசப் போக வேண்டாம். ’உள் மூச்சு ஆழமாகிறது” “வெளிமூச்சு முழுமையாக இல்லை” போன்ற விமரிசனங்களுக்குப் போகாதீர்கள்.

5) போகப் போக அந்த பெயரிட்டு அழைப்பதையும் நிறுத்தி வயிற்றின் அசைவுகளை மட்டும் உணர ஆரம்பியுங்கள். இது படிக்க சுலபமாக இருக்கலாம். ஆனால் நடைமுறையில் அவ்வளவு சுலபமில்லை. வேண்டுமானால் உங்கள் கைகளை முன்பு சொன்ன நிலையிலேயே வயிற்றை ஒட்டினாற் போல் வைத்துக் கொள்ளலாம். கைகளாலும் அந்த அசைவுகளை உணர்வது தியானத்தை ஆழப்படுத்த உதவும்.

6) மூச்சை நீங்களாகக் கட்டுப்படுத்த முயலாதீர்கள். அது இயல்பாக இருக்கட்டும். மூச்சினால் ஏற்படும் வயிற்றசைவில் மட்டும் வைக்கையில் நீங்கள் நிகழ்காலத்தில் இருக்கிறீர்கள். அப்போது அடுத்த அசைவைப் பற்றி சிந்திக்காதீர்கள். உதாரணமாக உள்மூச்சின் அசைவில் கவனம் வைக்கையில் வெளிமூச்சின் அசைவைப் பற்றி முன்பே நினைக்க ஆரம்பிக்காதீர்கள். உங்களைப் பொறுத்த வரை அந்த ஒரு கணம் மட்டுமே கவனமிருக்கட்டும். மனம் ஆரம்பத்தில் முரண்டு பிடிக்கும். கடந்த காலத்திலும், எதிர்காலத்திலும் கவனத்தை பெரும்பாலும் சிதற வைக்கும் மனதிற்கு நிகழ்காலம், அதுவும் சுவாரசியம் இல்லாத இந்த மூச்சு ஏற்படுத்தும் அந்த ஒரே அசைவில் கவனம் வைப்பது இமாலயப் பிரயத்தனமாகவே இருக்கும். ஆனால் அவசரமில்லாமல், அலைபாயாமல் அந்த நிகழ்கால கணத்தின் அந்த அசைவில் மட்டுமே மனம் வையுங்கள்.

7) மனம் எத்தனை முறை அலைபாய்ந்தாலும் சலிக்காமல் அதைத் திரும்ப வயிற்றின் அசைவுக்குக் கொண்டு வாருங்கள். இதெல்லாம் நமக்கு சரிப்படாது என்று ஆரம்பத்தில் தோன்றலாம். அது இயற்கையே. ஆனால் எந்தப் புதிய வித்தையும் ஆரம்பத்திலேயே சுலபமாகக் கை கூடாது என்கிற போது அது கைகூடுகிற வரை பொறுமையுடன் பயிற்சி செய்யத் தான் வேண்டும் என்கிற போது இந்த தியானப் பயிற்சியில் ஆரம்பத்திலேயே வெற்றி கிடைக்க வேண்டும் என்று எதிர்பார்ப்பது வீண் அல்லவா?

8) சில நாட்கள் இப்படியே இந்த தியானத்தை சுமார் 15 முதல் 20 நிமிடங்கள் செய்யுங்கள். பின் அடுத்த கட்டமாக மனம் எப்போதெல்லாம் மூச்சின் அசைவை விட்டு வேறு விஷயங்களில் கவனம் செலுத்துகிறதோ அதன் செயலுக்கு ஒரு பொதுவான பெயரை வைத்து உணர்ந்து திரும்ப மூச்சின் அசைவுக்கே மனதைக் கொண்டு வாருங்கள். உதாரணத்திற்கு கவனம் வெளியே ஒரு குழந்தை அழும் சத்தம் கேட்பதிற்கு சென்றால், சுருக்கமாக “சத்தம்” என்று மட்டும் என்று பெயரிடுங்கள். அடுத்த கணம் மீண்டும் மூச்சின் அசைவுக்கு கவனத்தைக் கொண்டு வாருங்கள். மனம் வேறு எதையோ நினைக்கிறது என்று எடுத்துக் கொண்டால் ’நினைப்பு என்று பெயரிட்டு மறுபடியும் மூச்சின் அசைவுக்குக் கொண்டு வாருங்கள். கால்வலிக்கிறது என்று மனம் சொன்னால் “வலி” என்று பெயரிட்டு உடனடியாக கவனத்தை மீண்டும் திருப்புங்கள்.

9) நீங்கள் கவனச் சிதறல்களுக்கு வைக்கும் பெயர் எப்போதும் பொதுவாகவும் ஒரு சொல் அளவாகவே இருக்கும்படி சுருக்கமாகவும் இருக்கட்டும். வேறெதையும் நினைக்கவே கூடாது என்று தீர்மானமாக உட்கார்ந்தால் கண்டிப்பாக தோற்றுப் போவீர்கள். மனம் கட்டுப்பாடுகள் அதிகமாக அதிகமாக முரண்டும் அதிகமாகவே பிடிக்கும். மாறாக ஒவ்வொரு கவனச்சிதறலையும் நீங்கள் அறிந்திருந்து, அதற்கு ஒரு பெயர் வைத்து அங்கீகரித்து, சலிக்காமல் உங்கள் கவனத்தை உடனடியாக மீண்டும் திருப்புவதே பெரிய வெற்றி.

10) கவனம் சிதறுகிறது என்பதை உடனடியாக உணர்வதும், அது எது விஷயமாக என்று பொதுவாக அறிந்திருப்பதும், அது விஷயமாக மேற்கொண்டு சிந்தனையை நீட்டிக்காமல் எங்கு கவனம் வர வேண்டுமோ அங்கு உடனடியாக மனதைக் கொண்டு வர முடிவதுமே தியானத்தில் முதல் பெரிய வெற்றி. கவனச் சிதறல் எதிலோ ஆரம்பித்து அதிலேயே தொடர்ந்து சில நேரம் இருந்து அதை அறியாமலேயே இருப்பது தான் தியானத்தின் எதிர்மாறான நிலை.

11) உட்கார்ந்த நிலை சில நிமிடங்கள் கழித்து அசௌகரியத்தை ஏற்படுத்தினால் தாராளமாக மாறி உட்கார்ந்து கொள்ளுங்கள். ஆனால் அந்த எண்ணம் தோன்றியவுடனேயே மாற்றம் என்று பெயரிட்டு அந்த எண்ணத்தை அங்கீகரித்து முழுக் கவனத்துடன் மாறி உட்கார்ந்து மறுபடியும் வயிற்றின் அசைவிற்கு கவனத்தைக் கொண்டு வாருங்கள்.

12) இப்படி இந்த உள்நோக்கு தியானம் உங்கள் கவனம் செல்லுமிடங்களைக் கூர்மையாக அறியச் செய்வதுடன் கவனத்தின் மீது உங்கள் ஆளுமையை வளர்த்த உதவுகிறது.

13) நாளடைவில் தியானத்தில் இருக்காத நேரங்களிலும் உங்களுக்குள் ஏற்படும் உணர்வுகளை அறிந்திருக்க இந்த தியானப் பழக்கம் உதவுகிறது. கோபம் வருகிற போது “கோபம்” என்று பெயரிட்டு அறியும் அளவு விழிப்புணர்வு இருந்தால் கூட மனதிற்கு கவனத்தை அதிலிருந்து வேண்டும் இடத்திற்கு திருப்பவும் எளிதில் முடியும் என்பது அனுபவம்.

விபாசனா என்னும் இந்த உள்நோக்கு தியானம் வாழ்க்கை முறையாக பரிணமிக்கும் போது வாழ்க்கை ஆழப்படுகிறது. அதைப் பற்றி ஒரு புத்தகமே எழுதக் கூடிய அளவு மேலும் பல பயிற்சிகள் இருக்கின்றன .

]]>
meditation, vipassana http://images.dinamani.com/uploads/user/imagelibrary/2016/8/30/w600X390/AAEAAQAAAAAAAANFAAAAJDQzNGI4ZTc1LTNlZTUtNDcxNy1iYzMyLTZhMDk3MmRlMjAyNw.jpg http://www.dinamani.com/health/yoga/2016/aug/30/விபாசனா தியானம்-2558955.html
2557835 மருத்துவம் யோகா கல்வி அறிவும் வாழ்க்கை அறிவும் DIN DIN Tuesday, August 23, 2016 11:34 AM +0530 பணத்திற்காக நாம் படிப்பது கல்வி அறிவு ஆனால் சிறப்பான ஆளுமை, நல்ல ஆரோக்யம், நல்லுறவு சார்ந்த விஷயங்களுக்காக நாம் அவசியம் படிக்க வேண்டியது என்னவெனில் வாழ்க்கை அறிவு.

வாழ்க்கையை வாழ்வதற்கு பணம் மிகமிக முக்கியம்தான்; தொழில் செய்தால் தான் பணம் கிடைக்கும், படித்தால்தான் வேலை என்று தொ¢ந்த நாம் 21 வருடம் லட்சக்கணக்கில் செலவு செய்து, பள்ளி-கல்லூரிகளுக்குச் சென்று அகடமிக் கல்வி படிக்கிறோம். அனைத்தும் இருந்தாலும் நிம்மதியாக வாழ எது மிக மிக முக்கியம் என்பதை படிக்க மறப்பதால், வாழ்க்கையில் கஷ்டப்படுகிறோம்.  காசு கொடுத்து வாங்க முடியாதவைகளில் மிக முக்கியமானது அன்பு, விழிப்புணர்ச்சி, மகிழ்ச்சி, திருமண வாழ்க்கை மற்றும் நிம்மதி! இந்த அடிப்படை உண்மை தொ¢யாததால் 21 வருடம் அனைவரும் பள்ளி கல்லூரிகளில் வெறும் அகடமிக் கல்வியுடன், மாய உலகத்தில் இருந்து அகங்காரம் & ஆணவத்தையும் படித்து பின்பு, உடம்பில் வியாதி, மனத்தில் வியாதி, உறவில் வியாதி, குடும்பத்தில் வியாதி, வாழ்க்கையில் வியாதி என வாழ்க்கையே வியாதியாக்கி வலியில் துடி துடிக்கிறோம். 

திடகாத்திரத்தோடு பிறந்தும், நாம் ஏன் நம் தவறான செயல்களால் நம் உடல், மனம் மற்றும் உறவு நிலைகளில் ஆரோக்யத்தை கெடுத்து கொள்கிறோம்? யோசித்துப் பாருங்கள். இதற்கு முக்கிய காரணம் அறியாமை, அகங்காரம், பல வகையான கெட்டப் பழக்கங்கள், மாஸ் மீடியாவுக்கு அடிமையாதல் போன்ற கர்மாக்களால் வாழ்க்கையையேஅழித்துக்கொள்கிறோம்! எளிமையான உண்மை பு¡¢யாமல், கவர்ச்சியான பொய்யை நிஜம் என நம்பி ஏமாறுகிறோம்!   தன்னையே சா¢யாக தொ¢யாமல், உலகமே தொ¢யும் என நினைக்கிறோம்! கண் முன் உள்ள நல்லவர்களை புரிந்து கொள்ளாமல், கடவுளையே புரிந்தது போல வாழ்கிறோம்! ஒருவர் தனது உணர்ச்சிகள், உணர்வுகள், செய்கைகள், செயல்கள் மற்றும் எண்ணங்களை கட்டுப்படுத்த முடியாதபோது வாழ்க்கை எப்படி கட்டுப்பாட்டில் இருக்கும்? 

வாழ்க்கை தெரியும் என்றால், நாம் ஏன்:  1) நம் கண் முன்னால் தெய்வம் போல் பிறக்கும் குழந்தைகள் வளரும் போது கெட்டு கஷ்டப்படுவதை வேடிக்கை பார்க்கிறோம்?   2) நம் கண் முன்னால் ஆசையாக திருமணம் செய்து கொண்டவர்கள், ஒருவரை ஒருவர் சரிவரி புரிந்துக் கொள்ள முடியாமல் கஷ்டப்படுவதை வேடிக்கை பார்க்கிறோம்?    3) குழைந்தைகளுக்காக அனைத்தையும் கொடுத்த பெற்றோர் வயதான காலத்தில் உதவியின்றி கஷ்டப்படுவதைப் வேடிக்கை பார்க்கிறோம்? போதும், இஷ்டம் போல் வாழ்வது இல்லை வாழ்க்கை, ஒரு நாள் கர்மா சுனாமிப்போல் கேள்வி கேட்கும் -  அதை எதிர்கொள்ள நீங்கள் தெரிந்து கொள்ள வேண்டிய முக்கியமான ஒன்று தான் GSPY!

21 வருடம் 1) பள்ளி கல்லூரிகள் மூலம் கிடைக்கும் அறிவுதிறன், 2) பயிற்சிகள் மூலம் கிடைக்கும் செய்திறன், 3) விளையாட்டுதிறன் 4) செல்வாக்கு, போன்றவைகளால் கிடைக்கும் தகுதியை வைத்து,  பணம் சம்பாதிக்கமுடியும். ஆனால் நல்வெற்றிவாழ்க்கைக்கு மிகவும் முக்கியமானவை 1) நல்ஆரோக்யம் 2) நல்உறவுமுறை 3) விவேகம் 4) மனநிம்மதி 5) காஸ்மிக் சக்தி 6) பாதுகாப்பு 7) சுயவிழிப்புணர்ச்சி 8) ஆனந்தமான குடும்பம். இவை யாவும் வேண்டும் என்றால் உலகத்திலேயே ஒரே ‘ஹொலிஸ்டிக் ரகசிய வாழ்க்கை கல்வி அறிவை’ தரும் ஒரே சக்தி ‘சுயவிழிப்புணர்ச்சி & ஆரோக்யவாழ்க்கை சிஸ்டம்’ மிக மிக முக்கியம். . இதை அனைத்து குடும்பங்களும் நன்றாக இருக்க வேண்டும் என்ற எண்ணத்தில் பிரபஞ்சசக்தியிடம் தேடி கண்டுபிடித்து தருகிறார் ‘நல் வெற்றி வாழ்க்கை வழிகாட்டி கிராண்ட் மாஸ்டர் குருஜி சத்திய பிரணவ யோகி அவர்கள்’.

உங்களுக்குத் தொ¢ந்தவர்களின் 'குழந்தைகள் மற்றும் குடும்பத்தில் உள்ளவர்கள்' அனைவரும் ‘வெற்றியுடன் நல்ஆரோக்கியம், நல்படிப்பு-வேலை, மகிழ்ச்சியான திருமணம், அன்புகுடும்பம், ஆனந்த மயமான வாழ்க்கை போன்றவைகளுடன் எந்நிலையிலும் வெல்லும் வல்லமை’ பெற குருஜி சத்திய பிரணவ யோகி அவர்களிடம் இருந்து ‘அளவிடமுடியாத கோடிக்கணக்கான ரூபாய்களுக்கு சமமான’ இந்த பிரபஞ்ச வாழ்க்கை சக்தியைப் பெற உதவும்.

மேலும் விவரங்களுக்கு குருஜி சத்யப் பிரணவ யோகி 9500064319 / 9789893015. அனைவரும் இன்புற வாழ்த்துக்கள் ராஜகோபாலன் 9551555898.

- ராஜகோபாலன் பத்ரிநாராயணன்

]]>
GSPY, yogic, spiritual http://images.dinamani.com/uploads/user/imagelibrary/2016/8/23/w600X390/Happiness-325x325.jpg http://www.dinamani.com/health/yoga/2016/aug/23/கல்வி-அறிவும்-வாழ்க்கை-அறிவும்-2557835.html
2557688 மருத்துவம் யோகா சவாசனம் செய்யலாம்! DIN DIN Monday, August 22, 2016 06:16 PM +0530 ஆசனங்களிலேயே மிக மிக முக்கியமானது இந்த சாந்தி ஆசனம். நீங்கள் யோகாசனம் செய்யும்போது, இடையிடையே இந்த சாந்தி ஆசனத்தில் சற்று நேரம் ஓய்வெடுத்துவிட்டு, பிறகு அடுத்த ஆசனத்தைத் தொடரலாம்.

செய்முறை:

ஒரு விரிப்பின் மீது அமர்ந்து, இடது புறமாக ஒருக்களித்துப் படுத்து, பிறகு மல்லாந்து படுக்கவும்.

ஆங்கில எழுத்து 'வி’ வடிவில் கால்களை விரித்து, தளர்வாக்கவும்.

கைகளையும் உடம்பின் இரு பக்கவாட்டுகளில் விரித்துத் தளர்த்திக்கொள்ளவும்.

கண்களை மூடி, சீராக மூச்சு விட வேண்டும். மூச்சு, இயல்பாக இருக்கட்டும்.

அப்படியே சில நிமிடங்கள் படுத்திருக்கவும்.

பிறகு, கால்களைச் சேர்த்து, கைகளையும் உடலோடு சேர்க்கவும்.

மீண்டும், இடதுபுறம் திரும்பி, ஒருக்களித்துப் படுக்கவும்.

இடது கையைத் தலைக்கு மேலே நீட்டி, வலது கையை முன்புறம் வைத்து ஊன்றி, எழ வேண்டும்.

குறிப்பு: மல்லாந்து படுத்தபடி எழுந்திருக்கக் கூடாது. எப்போதுமே இடதுபுறம் திரும்பிப் படுத்து, இடதுபுறமாகத்தான் எழுந்திருக்க வேண்டும்.

பலன்கள்:

இந்த ஆசனத்தில் இருக்கும்போது, நம் உச்சந்தலையில் இருந்து உள்ளங்கால் வரை ரத்த ஓட்டம் சீராக இருக்கும். மூளை ஓய்வுபெறும். மனம் அமைதியாக இருக்கும். 

ஓடி விளையாடும் இந்த வயதில், உடலையும் மனதையும் ரிலாக்ஸ் செய்ய, சாந்தி ஆசனம் அவசியம். 10 நிமிடங்கள் உடலை அசைக்காமல் சாந்தி ஆசனம் செய்வது, 30 நிமிடங்கள் யோகாசனம் செய்வதற்குச் சமம்.

யோகா பயிற்சிகளை வெறும் தரையில் செய்யக் கூடாது. ஒரு சிறிய பாயைப் பயன்படுத்தவும். அதிகாலை அல்லது மாலையில் செய்வது நல்லது. சில பயிற்சிகளைச் செய்யும்போது, தகுந்த பயிற்சியாளர் அல்லது நிபுணர்களைக் கலந்து ஆலோசிப்பது முக்கியம்.

-விஜயா

]]>
http://images.dinamani.com/uploads/user/imagelibrary/2016/8/22/w600X390/savasana.jpg http://www.dinamani.com/health/yoga/2016/aug/22/சவாசனம்-செய்யலாம்-2557688.html
2557671 மருத்துவம் யோகா பெண்களுக்கான எளிய யோகா! Monday, August 22, 2016 03:37 PM +0530 பெண்கள் குடும்பத்தின் தூண்கள். அவர்கள் தான் ஆதர்ச சக்திகள். தங்கள் உடல் நலனில் அக்கறை செலுத்த வேண்டும். அதுவும் குறிப்பாக பாதங்கள். அனைவருக்குமே பாதமும் பாத விரல்களும் மிக முக்கியமான ஒன்றாகும். அதை ஆரோக்கியமாக பராமரிக்கு ஒரு எளிய வழி இருக்கிறது.

நன்றாக ஒரு விரிப்பில்,   இரு கால்களை நீட்டி... இடது கால் தொடை மீது வலது காலை மடக்கி அமரவும்.

வலது காலின் பெரு விரலை மெதுவாக கண்களை மூடய படி மேலிருந்து கீழ் அழுத்தி விடவும்.. இப்படியே ஒவ்வொரு விரல்களாக மெதுவாக அழுத்தி விடவும்...

பின் பாதம் முழுவதும் அழுத்தி விடவும்..  பின் முட்டி, முட்டிக்கு கீழ் என இரு புறமும் அழுத்தி விடவும்.  இது மிக முக்கியமான ஒன்றாகும்.

காலை மடக்கி தொடை வரை இருபுறமும் அழுத்தி விடவும்.

பின் காலை மாற்றி இடது காலுக்கு இதே மாதிரி செய்யவும்.

இப்படி செய்தால் காலுக்கு மட்டும்மின்றி உடல் முழுவதும் நல்ல ரத்த ஓட்டம் மற்றும் ஓய்வு தரும் அற்புதமான பயிற்சி இது.

]]>
easy yoga http://images.dinamani.com/uploads/user/imagelibrary/2016/8/22/w600X390/03-cramping-COMP-3376025.jpg http://www.dinamani.com/health/yoga/2016/aug/22/பெண்களுக்கான-எளிய-யோகா-2557671.html
3265 மருத்துவம் யோகா யோகா மூலம் புற்றுநோய் குணமாகும்! test Wednesday, August 10, 2016 12:54 PM +0530 யோகா செய்தால் புற்றுநோய் போன்ற நோய்கள் குணமாகும் என்பது ஆய்வு ஒன்றில் நிரூபிக்கப்பட்டுள்ளதாக மத்திய அமைச்சர் ஸ்ரீபாத் நாயக் தெரிவித்தார்.
 கோவாவில் தேசிய மருத்துவக் கண்காட்சி சனிக்கிழமை தொடங்கியது. இதில் மத்திய ஆயுஷ் மருத்துவத் துறை அமைச்சர் ஸ்ரீபத் நாயக் கலந்துகொண்டு பேசியதாவது: ஆயுர்வேதம், யோகா, நேச்சுரோபதி, யுனானி, சித்தா ஆகியவற்றை உள்ளடக்கிய ஆயுஷ் மருத்துவத்தை மாற்று மருத்துவ சிகிச்சையாகப் பயன்படுத்திக் கொள்ள வேண்டும். ஆயுஷ் மருத்துவம் என்பது அலோபதிக்கு எதிரானது அல்ல.

நோயாளிகளை குணப்படுத்துவதே அனைத்து மருத்துவ சிகிச்சை முறைகளின் நோக்கமாக இருக்க வேண்டும். புற்றுநோய், நீரிழிவு, உடல் பருமன் போன்ற குறைபாடுகளை குணப்படுத்த வேண்டுமெனில் மருந்துகளை ஒருங்கிணைத்து பயன்படுத்த வேண்டும். ஆயுஷ் மருத்துவ சிகிச்சை முறைகளைப் பயன்படுத்தி புற்றுநோயை குணப்படுத்துவது தொடர்பாக ஆராய்ச்சி செய்வது குறித்து அமெரிக்காவுடன் விரைவில் ஒப்பந்தம் செய்யவுள்ளோம். யோகா மூலம் புற்றுநோயை குணப்படுத்தலாம் என்று பெங்களூரில் உள்ள ஆராய்ச்சி நிறுவனம் ஒன்று தனது ஆய்வு முடிவில் நிரூபித்துள்ளது.

ஆயுஷ் மருத்துவ சிகிச்சை முறையின் சிறப்புகளை விளக்குவது தொடர்பாக மத்திய அரசுடன் இணைந்து செயல்பட உலக சுகாதார அமைப்பு விருப்பம் தெரிவித்துள்ளது. தில்லியில் எய்ம்ஸ் மருத்துவமனை உள்ளதுபோல், அனைத்து மாநிலங்களிலும் ஆயுஷ் மருத்துவ சிகிச்சைக்கான எய்ம்ஸ் மருத்துவமனைகளை அமைக்கத் திட்டமிடப்பட்டுள்ளது என்றார் ஸ்ரீபாத் நாயக்.

]]>
yoga, health, cancer http://images.dinamani.com/uploads/user/imagelibrary/2016/8/10/w600X390/doris-metastatic-breast-cancer-1280.jpg http://www.dinamani.com/health/yoga/2016/aug/10/யோகா-மூலம்-புற்றுநோய்-குணமாகும்-3265.html