Dinamani - ஃபேஷன் - http://www.dinamani.com/lifestyle/lifestyle-fashion/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2820165 லைஃப்ஸ்டைல் ஃபேஷன் சர்வதேச சூப்பர் மாடல் பெண்ணுக்கு நம்மூர் 6 கஜப்புடவையின் மீது தான் கொள்ளைப் பிரியமாம்! ஹரிணி வாசுதேவ் Monday, December 4, 2017 11:03 AM +0530  

யார் அவர்?

ஃபேஷன் உலகில் நவோமி கேம்பெல்லைத் தெரியாதவர்கள் இருக்க வாய்ப்பில்லை. உலகின் டாப் 10 சூப்பர் மாடல்களில் ஒருவர் நவோமி. கறுப்பினப் பெண்ணான நவோமி மாடலிங் உலகில் ஜொலித்தது வெறும் அதிர்ஷடத்தின் துணையால் மட்டும் அல்ல அந்த இடத்தை அடைய அவர் கடுமையாக மெனக்கெட்டிருக்கிறார். அதற்காக அவர் பிற மாடல்களைப் போல உடலை வருத்திக் கொண்டு உணவுக் கட்டுப்பாடு, சதா சர்வகாலமும் ஜிம்மில் வொர்கவுட், நோ ஸ்மோக்கிங், நோ ஆல்கஹால் என்றெல்லாம் தன்னை வருத்திக் கொள்ளவில்லையாம். அதே சமயம் துக்கம் மேலிட்டால் நிச்சயம் வாய் விட்டு அழுது விடுவதிலும், பார்ட்னருடனான சண்டையின் போது மனதிலிருப்பதை தடித்த வார்த்தைகள் மூலம் கொட்டி விடுவதன் மூலமும் தன்னை ரிலாக்ஸ் செய்து கொள்ளவும் தயங்கியதில்லையாம் நவோமி. அவரது ஸ்ட்ரெஸ் தீர இது தான் மிகச்சிறந்த நிவாரணம் என்கிறார் அவர். எப்படியோ இந்த கறுப்பழகி தன் மனதை கவலைகள் இன்றி நிம்மதியாக வைத்துக் கொண்டால் சரி அவ்வளவு தானே! 

நவோமிக்கு இந்தியா என்றாலும் இந்திய உடைகள் என்றாலும் கூட கொள்ளைப் பிரியம். எத்தனை வேலைப்பளு என்றாலும் கூட சமயம் வாய்த்தால் இந்தியா வரத் தயங்குவதில்லை நவோமி. இந்தியா வருவதோடு மட்டுமல்ல, நம்மூர் 6 கஜப்புடவை, லெஹங்கா, டிசைனர் ஆர்ட் புடவைகள் என எதையும் ஒரு கை பார்த்து விடுவதும் வழக்கம். இதற்கு அவருக்கு உதவுபவர் மனிஷ் மல்ஹோத்ரா.

இந்தியாவின் செலிபிரிட்டி ஆடை வடிவமைப்பாளரான மனீஷ் மல்ஹோத்திரா நவோமியின் நண்பர் மட்டுமல்ல, நவோமி இந்தியா வருகையில் அவருக்கேற்ற வகையில் இந்தியப் புடவைகளையும் மற்ற பிற உடைகளையும் வடிவமைத்துக் கொடுப்பதும் அவரே தான்!

சமீபத்தில் இந்தியா வந்த நவோமி மேற்கண்ட புகைப்படத்தில் அணிந்திருக்கும் சிவப்பு நிற லெஹங்கா மனீஷ் மல்ஹோத்திராவின் கோச்சர் நிறுவனத்தின் தயாரிப்பு தான். 

நவோமி இந்தியா வரும் ஒவ்வொரு முறையில் மனீஷின் கோச்சரில் அவருக்குத் தேவையான புதுப் புது புடவைகள் டிசைன் செய்யப்பட்டு தயார்நிலையில் இருக்கும்.

இந்தப் புகைப்படத்தில் நவோமியின் சிவப்பு லெஹங்கா உடை அவரது நெற்றியில் மின்னும் செஞ்சிவப்புத் திலகத்துடன் மட்டுமே நிறைவுறுகிறது.

பிறப்பால் அந்நியராக இருந்தாலும் இந்திய ஃபேஷன் உலகுக்கு வருகை தருகையில் தவறாமல் புடவைகளை அணிந்து கொள்ள மறக்காத நவோமி பிரமிக்க வைக்கிறார். அவருக்கு வயது 47 என்றால் நம்பமுடிகிறதா?!

]]>
லைஃப்ஸ்டைல் ஃபேஷன், lifestyle fashion, நவோமி கேம்பெல், சர்வதேச மாடல், இந்தியப் புடவைகள், Naomi Campbell Still Loves Indian Fashion, international model, indian saree lover http://images.dinamani.com/uploads/user/imagelibrary/2017/12/4/w600X390/Naomi_Campbell.jpg http://www.dinamani.com/lifestyle/lifestyle-fashion/2017/dec/04/naomi-campbell-still-loves-indian-fashion-2820165.html
2818562 லைஃப்ஸ்டைல் ஃபேஷன் டாட்டூ போட்டுக்கறதுல மட்டுமில்லை அதை அழிக்கிறதுலயும் இந்தியா தான் ஃபர்ஸ்ட்! ஏன் தெரியுமா? ஹரிணி வாசுதேவ் Friday, December 1, 2017 05:15 PM +0530  

டாட்டூ கலாச்சாரம் பாட்டிகள் காலத்ததுன்னு நினைச்சுக்கிட்டிருந்தது ஒரு காலம். இப்போது டாட்டூ போட்டுக்கிறது ஃபேஷனோ ஃபேஷன். சமீபத்துல தமிழ்நாட்டுல டாட்டூ ஃபேஷன் மேலும் மும்முரமாகப் பரவ பிக் பாஸ் புகழ் ஓவியா, நமீதா முதல் காயத்ரி ரகுராம் வரை எல்லோருமே கூட ஒருவகையில் உதவினாங்கன்னு தான் சொல்லனும். பிக்பாஸ் வீட்டில் அவர்கள் அணிந்திருந்த உடைகளைக்கூட ரசிகர்கள் அத்தனை ஆர்வமாகப் பார்த்திருக்க வாய்ப்பில்லை. ஆனால் அவர்களின் புறங்கழுத்திலும், தண்டுவடத்தின் துவக்கப் பகுதியிலும் வரைந்திருந்த அழகு டாட்டூக்களை நிச்சயம் மிஸ் செய்திருக்க மாட்டார்கள். இவங்க மட்டுமில்லை இந்தியாவில் டாட்டூ பிரியர்களாக நிறைய நடிகர், நடிகைகள் இருந்திருக்கிறார்கள். த்ரிஷா, நயந்தாரா, தீபிகா படுகோன், கரீன கபூர், எல்லோருமே டாட்டூ லவ்வர்ஸ் தான். த்ரிஷா பூலோகம்னு ஒரு படத்துல உடல் முழுவதுமே டாட்டூ வரைந்து நடித்திருந்தார். நயன்தாரா இன்னும் ஒரு படி மேலே போய் தன்னுடைய முன்னாள் காதலர் பெயரையே கையில் டாட்டூவாக வரைந்து வைத்திருந்தார். டாட்டூக்களில் இரண்டு வகை உண்டு. ஒன்று தற்காலிகமானது எளிதில் அழிக்கக் கூடியது. இது கிட்டத்தட்ட பெயிண்டிங் மாதிரி. ஆனால் சில வகை டாட்டூக்கள் நிரந்தரமானவை அவற்றை அத்தனை எளிதில் அழித்து விட முடியாது. பெரும்பாலும் தீவிரமான காதலில் இருப்பவர்களே இப்படியான நிரந்தர டாட்டூக்களை வரைந்து கொள்வதுண்டு. 

சென்ற நூற்றாண்டில் நமது பாட்டிகளும், அம்மாக்களும், அக்காக்களும் கூட கையில் பச்சை குத்திக் கொள்வார்கள். கிராமத்தில் சில பாட்டிகள் பாவடையை தூக்கிக் கட்டிக் கொண்டு ஆற்றில் குளிக்கும் போது கண்டதுண்டு கை புஜங்களில் மகர மச்சம், காலின் ஆடுசதையிலும், முன் காலிலும் மறிமான்கள், புறங்கையில் அன்னப் பட்சிகள், நெற்றியில் நெற்றி வட்டம், என்று உடலில் வெயில் படும் வண்ணமிருக்கும் பகுதிகளில்  எல்லாம் பச்சை குத்தியிருப்பார்கள். இன்று வயதாகி தோல் வழண்டிருந்தாலும் கூட பார்க்க ஆச்சர்யமாக இருக்கும் அந்தப் பச்சை குத்தலில் இழையோடும் கலை நுணுக்கம். பாட்டிகளின் காலத்தின் பின் அம்மாக்கள் மற்றும் அத்தைகளின் காலத்தில் பள்ளி மற்றும் கல்லூரித் தோழிகளின் பெயர்களையும், இனிஷியல்களையும் பச்சையாகக் குத்திக் கொள்ளும் வழக்கம் இருந்தது. பெரும்பாலும் முன்கை சதைகளில் இந்த வகைப் பச்சைகள் இடம்பெறும். அதே சமயத்தில் தான் ஆண்களுக்கு தாங்கள் சார்ந்துள்ள கட்சிகளின் சின்னங்களை கைகளில் பச்சையாகக் குத்திக் கொண்டு கொள்கப் பற்றோடு இருக்கும் வழக்கமும் இருந்து வந்தது. பிறகு அக்காக்களின் காலம் வந்தது அவர்கள் எளிமையாக கட்டை விரலுக்கும், ஆட்காட்டி விரலுக்கும் மேலுள்ள திரளான சதைப்பற்றில் கும்பம், பிறைச்சந்திரன், சூரியன், என்று பச்சை குத்திக் கொண்டார்கள். 

பிறகு இன்டர்நெட் யுகம் வந்து உலகம் சுருங்கி குளோபல் வில்லேஜ் ஆனதோ இல்லையோ... பச்சை குத்திக் கொள்ளல் என்ற பெயர் புழக்கமே இல்லாமல் ஒழிந்தது. அன்றைக்கு பச்சை குத்துதல் என்பது குறவன், குறத்திகளின் தொழில், வீட்டுக்கு வந்து பச்சை குத்தி விட்டு கூலியாக படி நெல்லும், கம்பும், கேழ்வரகும் வாங்கிச் செல்வார்கள், பழைய துணிகள் கொடுத்தாலும் மறுக்காமல் வாங்கிச் செல்வார்கள். ஆனால் இன்று அதையே டாட்டூ என்ற பெயரில் இயற்கை அல்லது செயற்கை வண்ணங்கள் கலந்து வரைந்து கொள்ள அழகு நிலையங்களில் குறைந்தபட்சம் சின்னதாக ஒரு டாட்டூ வரைந்து கொள்ளவே 5000 ரூபாய் முதல் 1 லட்சம் ரூபாய் வரை வசூலிக்கிறார்களாம். இப்படிச் சென்று கொண்டிருக்கிறது டாட்டூக்களின் கதை.

சரி அதை விடுங்கள்;

உலக அளவில் டாட்டூ வரைந்து கொள்வதில் இந்தியாவிற்குத்தான் முதலிடம். போலவே ஆசைப்பட்டு வரைந்த டாட்டூக்களை மனம் வலிக்க வலிக்க அழித்துக் கொள்ள வருபவர்களின் எண்ணிக்கையும் இந்தியாவில் தான் அதிகம், இந்தியா தான் அதிலும் முதலிடம் வகிக்கிறது என இண்டர்நேஷனல் சொசைட்டி ஆஃப் பிளாஸ்டிக் சர்ஜன்ஸ் அஸோசியேஷன் புள்ளி விவரங்களை வெளியிட்டுள்ளது.
அதனடிப்படையில் 2016 ஆம் ஆண்டில் டாட்டூ அழித்துக் கொள்ள பிளாஸ்டிக் சர்ஜன்களை நாடியவர்களின் எண்ணிக்கை நாடு வாரியாகப் பிரிக்கப்பட்டு வெளியிடப்பட்டுள்ளது.

டாட்டூ நீக்கியவர்களின் புள்ளி விவரம்

  1. இந்தியா 22,860
  2. ஜப்பான் 20,159
  3. அமெரிக்கா 14,124
  4. இத்தாலி 11,356
  5. தைவான் 5,759
  6. மெக்சிகோ 4,739
  7. பிரேசில் 4,290
  8. துருக்கி 3,912
  9. எகிப்து 3,640
  10. கொலம்பியா 2,715

டாட்டூ நீக்குவதற்கான காரணம்...

மிக, மிக எளிதான ஒரு காரணம் மட்டுமல்ல வழமையான ஒரு காரணமும் கூடத்தான். சர்வதேச அளவில் டாட்டூக்களை நீக்குவதற்கு சம்மந்தப்பட்டவர்கள் சொல்லும் ஒரே காரணம்... முன்னால் காதலன் அல்லது காதலி பெயர்களையோ அல்லது இனிஷியல்களையோ தான் பச்சை குத்திக் கொண்டிருப்பதால் காதல் தோல்வி அல்லது முறிவுக்குப் பின் அந்த டாட்டூக்களை தொடர்ந்து மெயிண்டெயின் செய்வதில் பல்வேறு அகச்சிக்கல்கள் இருப்பதால் ஒரேயடியாக அவற்றை அழித்து விடப் பார்க்கிறார்கள் என்பதே! 

]]>
tattoos culture, டாட்டூ கலாச்சாரம், இந்தியா, உலகம், india, world http://images.dinamani.com/uploads/user/imagelibrary/2017/12/1/w600X390/0000_tattoos.jpg http://www.dinamani.com/lifestyle/lifestyle-fashion/2017/dec/01/worldwide-indians-are-first--to-erase-their-tattoos-2818562.html
2780745 லைஃப்ஸ்டைல் ஃபேஷன் அவரவர் ராசிகளுக்குப் பொருத்தமாக ஹேர்ஸ்டைல் செய்து கொண்டால் நல்லதாமே! ஹரிணி Wednesday, September 27, 2017 06:07 PM +0530  

நீங்கள் தினமும் பத்திரிகைகளில் ராசிபலன் பார்க்கிறவரா? அப்படியானால் உங்கள் ராசிப்படி எந்த நாளில், எந்த நிறத்தில் ஆடை அணிய வேண்டும் என்றெல்லாம் பார்ப்பவர் எனில் உங்களுக்கு இன்னொரு போனஸ் ஆச்சர்யம் இருக்கிறது எங்களிடம், இனிமேல் நீங்கள் முடி வெட்டிக் கொள்ள சலூனுக்கோ, பார்லருக்கோ செல்வதாக இருந்தால் அதையும் கூட உங்கள் ராசிபலன் படி செய்து கொள்ளலாம் என்பது தான் அது! அட... அவரவர் ராசிக்கு ஏற்றவாறு முடி வெட்டிக் கொள்ள முடியுமா? என்பீர்களானால், அட... ஆமாங்க, உங்கள் ராசிக்கு ஏற்றவாறு அதற்குப் பொருத்தமான வகையில் உங்கள் ஹேர் ஸ்டைல் இருந்தால் தானே அதற்கான பலன்கள் சரியாகக் கிடைக்கக் கூடும். (வாட் ஐ மீன்? நான் சொல்வது இந்த ஜாதகம், ஜோசியமெல்லாம் நம்புகிறவர்களுக்கு மட்டும்) அதன்படி இந்தப் பட்டியலைப் பாருங்கள், இதில் உங்கள் ராசிக்குத் தகுந்த ஹேர்ஸ்டைலை நீங்களே தேர்ந்தெடுத்துக் கொள்ளுங்கள்.

முதலில் மேஷ ராசிக்கான ஹேர்ஸ்டைல்...

மேஷம் (Aries)


சாகஸங்களில் ஆர்வமுள்ள மேஷ ராசி அன்பர்களே உங்களுக்கு நேரான, நீளமான கூந்தல் அமைய வாய்ப்பில்லை, எங்கும், எதிலும், எந்த விஷயத்தையும் சுவாரஸ்யமாகப் பதிவு செய்ய விரும்பும் உங்களுக்கு பறவையின் இறகுகளைப் போன்ற அடுக்கடுக்கான அலைகளாக விரியும் ஹேர்ஸ்டைல் பொருத்தமாக இருக்கும் என்பதோடு உங்கள் ராசிக்கான ஹேர்ஸ்டைலும் இது தான்.

ரிஷபம் - Taurus


பழகுவதற்கு இனிமையான சுபாவம் கொண்ட ரிஷப ராசிக்காரர்களே நீங்கள் எப்போதும் யாரையாவது சார்ந்திருக்க விருப்பமுள்ளவர்களாகவும், பிறருக்கு நம்பகமானவர்களாகவும் இருப்பீர்கள், எனவே உங்களுக்கு உங்கள் ராசிப்படி நீளமான லேயர் கட் பொருத்தமாக இருக்கும். ஏனெனில் இந்த வகை ஹேர் கட்டில் உங்களது கூந்தல் தேவையற்ற அதிக மாற்றங்களை அடையப்போவதில்லை.

மிதுனம் - Gemini


மிதுனராசிக்காரர்களுக்கு அழகான ஹேர்ஸ்டைல்கள் செய்து கொள்வதென்றால் கொள்ளை இஷ்டம். ஆனாலும் எப்போதுமே தலைமுடியை உயரத் தூக்கிக் கட்டி, பன் கொண்டை இட்டுக் கொள்வதென்றால் எளிதாக உணர்வீர்கள். ஏனென்றால் எங்கு செல்வதற்குத் தயாராவதென்றாலும் உங்களுக்கு அதிக நேரம் செலவளிக்கப் பிடிக்காது. சட்டு புட்டென்று எளிமையான ஹேர் ஸ்டைலில் நச்சென்று தயாராகி வெளியில் செல்வது உங்களுக்குப் பிடிக்கும் என்பதால் முடியை இப்படி சுருள், சுருளாக்கி சுதந்திரமாக விட அனுமதிக்கும் விதமான ஹேர் ஸ்டைல் உங்கள் ராசிக்கு மட்டுமல்ல உங்களது மனதிற்கும் பொருத்தமாக இருக்கும்.

கடகம் - cancer


கடகராசிக்காரர்கள் மிகவும் பொறுமைசாலிகள், வன்முறையில் நம்பிக்கையில்லாதவர்கள். பழகுவதற்கு இதமானவர்கள் என்பதோடு தனிமை விரும்பிகளும் கூட. கடக ராசிக்காரர்கள் கூட்டமாக ஓரிடத்தில் இருந்தார்களெனில் அவர்களை கண்டுபிடிப்பது கூடக் கஷ்டம். அப்படிப்பட்டவர்களுக்குப் பொருத்தமான ஹேர்ஸ்டைல் என்றால் அது ஆழமாக, குட்டையாக வெட்டப்படுவது அல்ல. உங்களது கூந்தல் உங்களுடனும் ஒவ்வொரு நிமிடமும் ரகசியமாகவும், கனவுகளைத் தொட்டெழுப்பக் கூடிய விதத்திலுமாக அலங்கரிக்கப்பட வேண்டும்.

கன்னி- virgo


தங்களது உடைகளாகட்டும், ஹேர் ஸ்டைலாகட்டும் அதிக அக்கறையுடன் பராமரிக்கக் கூடியவர்களான கன்னி ராசிக்காரர்களுக்கு எப்போதும், எதிலும் ஸ்டைலிஷான தோற்றம் வேண்டும் என நினைப்பார்கள். அதோடு அவர்களது கம்பீரத்தை மிளிரச் செய்ய மேலே உள்ள ஹேர்ஸ்டைல் தான் பொருத்தமாக இருக்கும்.

துலாம்- Libra


தங்களது தோற்றப் பொலிவில் கச்சிதமான அழகை விரும்பக் கூடியவர்களான துலாம் ராசிக்காரர்களுக்கு தோள்பட்டையோடு முடிந்து விடக்கூடிய விதத்திலான பாப் கட்டிங் ஹேர்ஸ்டைல் பொருத்தமாக இருக்கும். அந்த முடியைக் கொண்டு அவர்கள் விதம், விதமான ஹேர்ஸ்டைல் செய்து கொள்ளலாம்.

விருச்சிகம் - scorpio


கவர்ந்திழுக்கும் மர்மம் போன்ற குணாதிசயத்துக்குச் சொந்தமான விருச்சிக ராசிக்காரர்களுக்கு டச்சு மணப்பெண் போன்ற இந்த ஹேர்ஸ்டைல் பொருத்தமாக இருக்கும்.

தனுசு- sagittarius


தனுசு ராசிக்காரர்களுக்கு தங்களது கூந்தலை எந்தவிதமான இணைப்புகளையும் கொண்டு கட்டி வைத்துக் கொள்ள பிடிக்காது. அவர்களுக்கு கூந்தல் எப்போதும் சுதந்திரமாக காற்றில் அலையவேண்டும். எனவே மேற்கண்ட ஹேர்ஸ்டைல் அவர்களுக்குப் பொருத்தமாக இருக்கும்.

மகரம்- capricorn


தங்களது சோம்பலான இயல்பு மற்றும் மந்தமான செய்கைகளால் அடையாளம் காணப்படும் மகரராசிக்காரர்கள் பொதுவாக சமச்சீரற்ற பாப் கட்டிங் செய்து கொள்ளலாம். ஏனெனில் இந்த ராசிப்பெண்களுக்கு தாடைப்பகுதி கூர்மையாக இருக்கும் பட்சத்திலோ அல்லது ஓவல் ஷேப்பில் முகம் இருந்தாலோ அவர்கள் மீடியம் லெங்த் லேயர் கட் ஹேர் ஸ்டைலைத் தவிர்த்து விடுவது நல்லது.

கும்பம்- aquarius

சுதந்திரமான, எங்கும், எதிலும் பாகுபாடு காணாத மனநிலை கொண்ட கும்பராசிக்காரர்களுக்கு அவர்களுடைய மனதின் இயல்பு தேர்ந்தெடுக்கக் கூடிய ஹேர்ஸ்டைலிலும் கூட பிரதிபலிக்கும். பெளன்ஸிங் ஹேர்ஸ்டைலை விட புதுமையான முறையில் ஹேர்ஸ்டைலிங் செய்யப்பட்டு மிக மெதுவாக அசையும் தன்மை கொண்ட கூந்தல் இவர்களுக்கு மேலும் அழகு சேர்க்கக் கூடும். அத்தைகைய ஹேர்ஸ்டைல் இவர்களுக்குத் தவறாமல் பாராட்டுதல்களையும் பெற்றுத்தரும்.

மீனம் - pisces


மீனராசிக்காரர்களுக்கு தங்கள் கூந்தல் அலங்காரத்தில் பல்வேறு விதமான புதுமைகளைச் செய்து பார்ப்பதில் எப்போதுமே ஆர்வம் அதிகம். பிறர் என்ன நினைப்பார்களோ என்று அவர்கள் எப்போதும் யோசிப்பதே இல்லை. ஹேர் ஸ்டைலைப் பொருத்தவரை தங்களுக்குப் புதுமை எனத் தோன்றும் எல்லாவற்றையும் முயன்று பார்ப்பவர்கள் இவர்கள். பல்வேறு விதமான புதுமையான ஹேர் கட்டுகளை இவர்கள் முயன்றாலும் கூட இவர்களுக்குப் பொருத்தமான ஹேர்ஸ்டைல் என்றால் அது தோள்பட்டை வரை வெட்டப்பட்ட ஹேர்ஸ்டைல் தான்.

மேலே சொல்லப்பட்ட ஹேர்ஸ்டைல்களை அந்தந்த ராசிக்காரர்கள் முயன்று பாருங்கள். தவறாமல் அவற்றால் பலன் கிடைத்ததா? இல்லையா? என்பதையும் எங்களுடன் பகிர்ந்து கொள்ள மறவாதீர்கள் :)

]]>
லைஃப்ஸ்டைல் ஃபேஷன், hairstyles suitable for your zodiac signs, ராசிகளுக்குப் பொருத்தமான ஹேர்ஸ்டைல், life style fashion http://images.dinamani.com/uploads/user/imagelibrary/2017/9/27/w600X390/zodiac_hairstyles.jpg http://www.dinamani.com/lifestyle/lifestyle-fashion/2017/sep/27/hairstyles-suitable-for-your-zodiac-signs-2780745.html
2776514 லைஃப்ஸ்டைல் ஃபேஷன் சென்னையில் ரிலையன்ஸ் ரீடெய்லின் 'புராஜக்ட் ஈவ்' பெண்களுக்கான தனித்துவமான ஸ்டோர்! DIN Wednesday, September 20, 2017 12:54 PM +0530  

அனுபவித்துணரும் தனித்துவமான ஸ்டோர்

பெண்களுக்காகவே பிரத்யேகமாக வடிவமைக்கப்பட்டுள்ள ப்ரீமியம் அனுபவித்துணரும் ரீடெய்ல் சங்கிலிதொடர்

சென்னை, இந்தியா, செப்டம்பர் 16, 2017– இந்தியபெண்களின் ஷாப்பிங் அனுபவத்தை மறு நிர்ணயம் செய்யும் ஒரு முன்னோடித்துவ முயற்சியாக, புராஜக்ட் ஈவ் அதன் மூன்றாவது முதன்மை ஸ்டோரை சென்னையில் தொடங்கியிருக்கிறது. ஃபீனிக்ஸ் மார்க்கெட் சிட்டிமால்-ன் 2வது தளத்தில் அமைந்துள்ள இந்த ஸ்டோர், ப்ரீமியம் துறையில் ஒரு தனிச்சிறப்பான கருத்தாக்கமாக உருவாக்கப்பட்டுள்ளது. 25-லிருந்து 40 வயதுக்கு இடைப்பட்ட பிரிவைச் சேர்ந்த பெண்களுக்கு சுதந்திரமான, நவீனமான, வலுவான கூர் நோக்கத்தை ஏற்படுத்தும் விதமாக இந்த ஸ்டோர் வடிவமைக்கப்பட்டுள்ளது. ஒருபெண் சிறப்பாகத் தோன்றுவதற்கு மட்டுமல்லசிறப்பாக உணர்வதற்கும் தேவைப்படுகிற அனைத்து விஷயங்களையும் வழங்குவதற்காக முற்றிலும் பெண்கள் தொடர்பான விஷயங்கள் குறித்த ஒருரீடெய்ல் ஸ்டோராக ‘புராஜக்ட் ஈவ்’ அமைந்திருக்கிறது. 

இதன் நேர்த்தியான சூழல், ஸ்டோரிலேயே அமைந்திருக்கும் ஒருதனிப்பட்ட ஸ்டைலிஸ்ஸான சலூன் - பவுன்ஸ், வசதியான ட்ரையல் அறைகள், சிறப்பான வரவேற்பு அமைவிடம், ஆடைகள் மற்றும் அலங்காரத்துறையில் சிறப்பான பொருட்களின் தொகுப்பு, ஆகிய அம்சங்கள் மூலமாக இந்த ஸ்டோர் பெண்களுக்காகப் பிரத்யேகமாக இதுவரை அனுபவித்திராத உன்னதமான அனுபவத்தை வழங்குகிறது. இதன் சொந்த லேபிளான - புராஜக்ட் ஈவ் என்பது உட்பட இந்திய மற்றும் மேற்கத்திய ஆடைகளின் மிக விரிவான கலெக்ஷனை இந்த ஸ்டோர் கொண்டிருக்கிறது. 

விவேகமான முடிவுகளை மேற்கொள்ளும் அறிவார்ந்த பெண்களுக்காகவே உருவாக்கப்பட்டுள்ள இந்த ஸ்டோர், சம்போர், லோரியல் பாரிஸ்,இசடோரா ஆகிய பிரபல நிறுவனங்களிடமிருந்து தருவிக்கப்பட்டுள்ள ஆபரணங்கள் மற்றும் அழகுசாதனப் பொருட்களை வழங்குகிறது. பிவில்கேரி, இஸே மியாகே, ஹ்யூகோபாஸ், க்யூச்சி, எலிசபெத் ஆர்டன் ஆகிய நிறுவனங்களின் நறுமணங்கள் மற்றும் அவற்றுடன் தொடர்புடைய பல தயாரிப்புகளை இந்த ஸ்டோர் கொண்டிருக்கிறது. புராஜக்ட் ஈவ் என்பது பெண்களை மையப்படுத்தியதாக, பெண்களை முழுதாக உணர்ந்து கொண்டாடும் ஒரு அமைவிடமாக உருவாக்கப்பட்டுள்ளது. இந்த ஸ்டோரின் ஒவ்வொரு அம்சமும் பெண்களுக்காக உரத்தகுரலில் பேசுகிறது. அது சலூனாகவோ அல்லது ஆடைகள், உள்ளாடைகள், துணைப்பொருட்கள் அல்லது காலணிகளாகவோ, ஃபேஷன் அல்லது லைஃப்ஸ்டைல் ஆகியவற்றின் சிறப்பான தயாரிப்புகளின் அற்புதமான தொகுப்பை கொண்டிருப்பதன் மூலம் பெண்களைக் கொண்டாடுகிறது. 

பிரத்யேகத் தன்மைக்காக, இத்தொகுப்புகள் குறிப்பிட்ட அளவுகளை கொண்டதாகவும் சர்வதேச அனுபவமும், சூழலும் திகழும் அமைவிடமாக சிறப்பான ஸ்டோர் பணியாளர்கள் அல்லது2 ட்ரையல் அறைகள் கொண்டமிகச்சிறிய, ஆனால் அத்தியாவசிய அம்சம் கொண்டதாக இந்த ஸ்டோர் உருவாக்கப்பட்டுள்ளது. மொபைல் போன்களை சார்ஜிங் செய்வதற்கான வசதி மற்றும் அழகுசாதனப்பிரிவில் மிக விரைவாக பில்லிங் செய்து வெளியேறும் வசதி என்பவை இதன் சிறப்பம்சங்களாகும். விசாலமான ட்ரையல் அறைகள், பக்கவாட்டு மேஜைகள் அமர்வதற்கான இடம் மற்றும் பகல் மற்றும் மாலைநேர தோற்றத்தை வெளிப்படுத்தும் ஒளியமைப்புகள் ஆகியவை உட்பட சிறப்பான சிந்தனையின் அடிப்படையில் மிகசவுகரியமாக வடிவமைக்கப்பட்டுள்ளன. 

இந்தப் புதிய பிரிமீயம் ரீடெய்ல் ஸ்டோர் வடிவத்தை விரிவாக்கம் செய்வதற்கு ரிலையன்ஸ் ரீடெய்ல் தீவிரமான திட்டங்களைக் கொண்டிருக்கிறது. நாடெங்கிலும் முதன்மையான 10 நகரங்களில் இந்த ஸ்டோர்களை அமைத்து நவீனயுகப் பெண்களைச் சென்றடைய இது திட்டமிட்டிருக்கிறது. இந்த ஸ்டோரில் Cafe Noir இடம்பெற்றிருப்பது குறிப்பிடத்தக்கது. 

இதன் பிரத்யேக நோக்கம்... அழகியல் சார்ந்த தயாரிப்பு பொருட்களை வழங்குவது என்பதையும் கடந்து, புராஜக்ட் ஈவ்-ன் செயல்நோக்கம் பெரிதாக இருக்கிறது. ‘My Evespiration’ என்ற இந்தபிராண்டின் விளம்பரபரப்புரை என்பது... ஒருவர் மற்றொருவரை ஊக்குவித்து உத்வேகமளிக்கிற பெண்களை அடையாளம் காண்கிற மற்றும் கொண்டாடுகிற ஒரு சமூக இயக்கமாகும். தனிப்பட்ட அழைப்பிதழ்களோடு சேர்த்து நகரமெங்கும் இந்த ஸ்டோருக்குப் பெண்களை வரவேற்பதற்காகச் சிறப்பு காம்ப்ளிமெண்ட் பட்டன்கள் வைக்கப்பட்டுள்ளன. 

ரிலையன்ஸ் ரீடெய்ல் குறித்து...

ரிலையன்ஸ் இன்டஸ்ட்ரீஸ் லிமிடெட் (RIL)-ன் ஒரு துணை நிறுவனமான ரிலையன்ஸ் ரீடெய்ல் லிமிடெட் (RIL), 2006ம் ஆண்டு நவம்பர் மாதத்தில் அதன் முதல் ரீடெய்ல் ஸ்டோரைத் தொடங்கியது. 

2017 ஜூன் 30 அன்று 13.8மில்லியன் சதுரஅடிக்கும் அதிகமான பரப்பளவைக் கொண்டு 703 நகரங்களில் 3,634 ஸ்டோர்கள் என்ற மிகப்பெரிய வளர்ச்சியினை இது பெற்றிருக்கிறது. ரிலையன்ஸ் ரீடெய்ல்,இந்தியாவின் மிகப்பெரிய ரீடெய்ல் நிறுவனமாக, பல்வேறு முக்கிய துறைகளில் தனது தலைமைத்துவ நிலையை வலுவாக நிறுவியிருக்கிறது. ரிலையன்ஸ் பிரெஷ், ரிலையன்ஸ் டிஜிட்டல், ரிலையன்ஸ் டிரென்ட்ஸ் மற்றும் ரிலையன்ஸ் ஃபுட்பிரிண்ட் ஆகியவை அந்தந்த வகையின் பிரிவுகளில் மிக அதிக எண்ணிக்கையில் ஷோரூம்களைக் கொண்டு சந்தையில் முதன்மை வகித்து வருகின்றன. 

ரிலையன்ஸ் இன்டஸ்ட்ரீஸ் லிமிடெட் (RIL) குறித்து...

ரிலையன்ஸ் இன்டஸ்ட்ரீஸ் லிமிடெட் (RIL)என்பது, 2017 மார்ச் 31ம் தேதியுடன் முடிவடைந்த நிதியாண்டில் இந்திய ரூபாய் 330,180 கோடி ($50.9 பில்லியன்) என்ற ஒருங்கிணைக்கப்பட்ட விற்றுமுதலையும் மற்றும் ரூ.29,901 கோடி ($4.6பில்லியன்) நிகரலாபத்தையும் கொண்ட இந்தியாவின் மிகப்பெரிய தனியார்துறை நிறுவனமாகும்.

உலகின் மகிப்பெரிய நிறுவனங்கள் கொண்ட ஃபார்ச்சூன் 500 தரவரிசைப் பட்டியலில் வருவாய் வகையில் தற்போது 215 வது இடத்தையும் மற்றும் இலாபவகையில் 126வது இடத்தையும் வகிக்கும் ரிலையன்ஸ் இன்டஸ்ட்ரீஸ் லிமிடெட் (RIL) நிறுவனம் தான் இந்தியாவிலிருந்து இந்தப் பட்டியலில் இடம் பெறும் முதல் தனியார் நிறுவனமாகும். உலகின் மிகப்பெரிய நிறுவனங்கள் உள்ளடங்கிய ஃபினான்சியல் டைம்ஸ்-ன் 500 நிறுவனங்கள் தரவரிசைப்பட்டியலில் (215) RIL, 238வது இடத்தை வகிக்கிறது. ஃபோர்ப்ஸின் 2000 நிறுவனங்கள் அடங்கிய உலகத் தரவரிசைப் பட்டியலில் (2016) RIL 121 வது இடத்தை வகிக்கிறது. RIL -ன் செயல் நடவடிக்கைகளில் ஹைட்ரோகார்பன் (பெட்ரோலிய) ஆய்வு மற்றும் உற்பத்தி, பெட்ரோலியம் சுத்திகரிப்பு, பெட்ரோகெமிக்கல்கள், சில்லறை வர்த்தகம் மற்றும் 4ஜி டிஜிட்டல் சேவைகள் முதலியன உள்ளடங்கும்.

அதிக தகவலுக்கு தொடர்புகொள்க (ஊடகத்தினர் மட்டும்): 
நம்ரதா ஷா 
ரிலையன்ஸ் இன்டஸ்டிரிஸ் லிமிடெட்
9004085188 / Namrata.shah@ril.com

 

]]>
Reliance retails ' Project Eve' outlet exclusive for women!, 'புராஜக்ட் ஈவ், சென்னையில் ரிலையன்ஸ் ரீடெய்லின் 'புராஜக்ட் ஈவ்', எக்ஸ்ளூசிவ் ஃபார் வுமென், பெண்களுக்கான பிரத்யேக அவுட்லெட் http://images.dinamani.com/uploads/user/imagelibrary/2017/9/20/w600X390/Project_eve_Store_Launch-1.jpg http://www.dinamani.com/lifestyle/lifestyle-fashion/2017/sep/20/reliance-retails--project-eve-outlet-exclusive-for-women-2776514.html
2769078 லைஃப்ஸ்டைல் ஃபேஷன் விதம் விதமாய், ரகம் ரகமாய் லேட்டஸ்ட் ஃபேன்ஸி காதணி சாய்ஸ்கள்... ஹரிணி Thursday, September 7, 2017 06:00 PM +0530  

ஒவ்வொரு முறை புதுப்புது உடைகள் வாங்கும் போது சரி, அதோடு நிறைவடைந்து விடுவதில்லை நமது ஷாப்பிங். உடை வாங்கினால் அதற்குப் பொருத்தமாக காதணிகளும், கழுத்தணிகளும் கூட வாங்கித்தானாக வேண்டும். சில சமயங்களில் உடைகள் மிக கிராண்டாக அமைந்து விட்டால் கழுத்தணிகள், கை வளையல்களைக் கூட தவிர்த்து விடலாம். ஆனால் என்றைக்கும் காதணிகளை மட்டும் நாம் தவிர்க்கவே மாட்டோம். இப்போது தான் பெண்கள் மட்டுமல்லாமல் ஆண்களும் கூட பழைய காலங்களைப் போல காதுகளில் ஒற்றைக் கம்மல் அணிந்து கொள்ளத் தொடங்கி விட்டார்களே! பிறகு பெண்களைப் பற்றிச் சொல்லவா வேண்டும்?!

அதெல்லாம் சரி தான், ஆனால் யாருக்கு எந்த மாதிரியான காதணிகள் பொருத்தமாக இருக்கும், எந்த விதமான உடைகளுக்கு என்ன விதமான காதணிகள் அணிந்தால் பார்க்க அழகாக இருக்கும் என்பதையெல்லாம் முடிவு செய்து செய்து கொண்டு தான் பிறகு காதணிகளைத் தேர்ந்தெடுத்து வாங்க வேண்டும். இல்லா விட்டால் பொருத்தமற்ற காதணிகளை ஒருமுறைக்குப் பின் அணியப் பிடிக்காமல் யாருக்காவது தானமளிக்கவோ அல்லது  டிரெஸ்ஸிங் டேபிள் செல்ஃபுகளில் பயனற்று வீணாகப் பதுக்கி வைக்க வேண்டியதாகவோ ஆகி விடும் நிலமை.  இதோ... உங்களுக்குப் பொருத்தமான காதணிகளைத் தேர்ந்தெடுக்க பயனுள்ள சில டிப்ஸ்கள்...

ஃபிலிக்ரீ டைப் காதணிகள்...

 

இந்த வகைக் காதணிகளை நீண்ட கழுத்துடையவர்கள் அணியலாம். இவற்றை அணியும் போது வேறு கிராண்டான நகைகள் எதுவும் தேவைப்படாது. இந்தக் காதணியே ஹெவியாக இருப்பதால் திருமண விழாக்களில் கலந்து கொள்ள இவற்றை அணிந்து செல்லும் போது, கிராண்டான சல்வார் போன்ற உடைகளுக்கு இது மட்டும் அணிந்தாலும் கூடப் போதும். சல்வார்களுக்கு மட்டுமல்ல டெனிம் ஜீன்ஸ், சற்று ஆழமான கழுத்துப் பகுதி கொண்ட டாப்ஸ்கள் அணியும் போதும் கூட இந்தக் காதணிகளை அணிவது பொருத்தமாகவே இருக்கும்.

கிராஸ் டிஸைன் காதணிகள்...

பல தசாப்தங்களாக, கிராஸ் டிஸைன் காதணிகள் நமது கல்லூரி பயிலும் மாணவிகளின் சிறந்த சாய்ஸ்களில் ஒன்றாக இருந்து வருகிறது.

கப் ஆஃப் லோப் டைப் காதணிகள்...

இப்போது கல்லூரி மாணவிகள் மட்டுமல்ல, அலுவலகம் செல்லும் இளம்பெண்கள் கூட இந்த வகை காதணிகளை கலாச்சார விழாக்கள் மற்றும் கெட் டுகெதர்கள் நடைபெறும் போது அணிந்து செல்ல விரும்புகின்றனர்.

ஹூப்ஸ் டைப் காதணிகள்...

இது பெரும்பாலும் கல்லூரி மாணவிகள் மற்றும் பள்ளி மாணவிகளுக்குப் பிடித்தமான எளிய காதணி வகைகளுள் ஒன்றாக விளங்குகிறது. லைட் வெயிட் மற்றும் ஸ்டைல் லுக்கிங் இதன் தனிச்சிறப்பு.

ஃபெதர் டைப் காதணிகள்...

பள்ளி மற்றும் கல்லூரிகளில் ஃபேஷன் வாக், அல்லது கல்ச்சுரல் நிகழ்வுகள் நடைபெறும் போது அணிந்து கொள்ளத் தோதான காதணி வகைகளில் ஒன்று...

ஸ்டட் டைப் சிம்பிள் காதணிகள்...

முத்துக்கள் மட்டுமே பதித்த காதணிகள்...

சாண்ட்லியர் டைப் காதணிகள்...

ஜிமிக்கி வகைகள்...

சந்த்பாலிஸ் டைப் காதணிகள்...

 

 

]]>
fancy earring types, ஃபேன்ஸி காதணி வகைகள், lifestyle fashion, fashion http://images.dinamani.com/uploads/user/imagelibrary/2017/9/7/w600X390/earring1.jpg http://www.dinamani.com/lifestyle/lifestyle-fashion/2017/sep/07/latest-fancy-earrings-2017-2769078.html
2769070 லைஃப்ஸ்டைல் ஃபேஷன் ஃபேஷன் அப்டேட்ஸ்... டிரெண்டியான ஹேர் கிளிப்புகள் மற்றும் ஹேர் ஜூவல்லரிகள்! ஹரிணி Thursday, September 7, 2017 04:55 PM +0530  

ஹேர் பேண்டுகள் மற்றும் கிளிப்புகளில் எத்தனை வெரைட்டி இருந்தாலும், நம்மிடம் இருப்பவற்றுள் நமக்கு எப்போதுமே திருப்தியே வருவதில்லை. ஒவ்வொரு முறையும் திருமண விழாக்கள், நண்பர்களுடனான சந்திப்புகள், அலுவலக கெட் டுகெதர்கள், பிறந்தநாள் பார்ட்டிகள், இலக்கியச் சந்திப்புகள், சுற்றுலாக்கள் என எங்கே செல்வதாக இருந்தாலும்... நமது ஆண்களுக்கு என்ன பாக்கெட் சீப்பில் அப்படி ஒரு இழுப்பு, இப்படி ஒரு இழுப்பாக தலைமுடியை வாரிக் கொண்டால் போதும் அவர்கள் ரெடி. 

ஆனால் பெண்களுக்கு அப்படி தலைவாறுதல் என்பது அத்தனை எளிதாகவா முடிந்து விடுகிறது? என்ன தான் முடியை பாப் கட் செய்து கொண்ட போதும் சில பெண்களுக்குத் தலைமுடியை அழகாக்கிக் காட்ட ஹேர் கிளிப்புகள் மற்றும் மெட்டல் பேண்டுகள் போன்றவை தேவைப்படுகின்றன. அதிலும் கூட கைக்குச் சிக்கும் ஏதோ ஒன்றை அணிந்து கொண்டு அவசரக் கோலத்தில் விழாக்களுக்குக் கிளம்ப எந்தப் பெண்களுக்கும் மனம் வராது. தம்மை அழகாகக் காட்டிக் கொள்வது, பெண்கள் மட்டுமல்ல ஆண்களுக்குமான உரிமையும் கூட. அதனால் அதில் எந்தக் குறையும் சொல்வதற்கில்லை. 

ஆனால் சில சமயங்களில், மாலையில் கலந்து கொள்ளப் போகும் விழாவில் அணிந்து கொள்வதற்காக நாள் முழுக்க ஷாப்பிங் மால்களில் தேடினாலும் கூட நாம் விரும்பிய வண்ணம், நமது மனதுக்குத் திருப்தியாக ஒரு ஹேர் கிளிப்பையோ அல்லது ஹேர் பின்னையோ அல்லது சென்ட்டர் கிளிப்பையோ கூட நம்மால் உடனே வாங்கி விட முடியாது. முதலில் மனத்திருப்தி அமையாது என்பது ஒரு பக்கம் இருந்தாலும் ட்ரெண்டியான தலை அலங்கார ஜோடனைப் பொருட்கள் கிடைக்கும் இடங்களைப் பற்றிய நினைவூட்டலும் நமக்கு அப்போது கிட்டாமல் போய்விடும். இதனால் நேர விரயம் ஆவதோடு, மனம் விரும்பிய பொருள் கிட்டாத ஏமாற்ற உணர்வும் நமக்கு ஏற்பட்டு விடும். அதனால் விழாக்களுக்குச் செல்வதாக இருந்தால், முக்கியமாக பெண்களுக்கு, தலை அலங்கார ஜோடனைப் பொருட்களின் மீது ஆர்வமிருந்தால் அவர்கள் குறிப்பிட்ட காலத்திற்கு முன்பே தமக்குரிய ஃபேஷன் அலங்காரப் பொருட்களை வாங்கி வைத்துக் கொள்வது நல்லது.

இதோ இங்கே சில தலை அலங்கார ஃபேஷன் ஜூவல்லரி பரிந்துரைகளை உங்களுக்காகத் தருகிறோம். இங்கே புகைப்படத்தில் காட்டப்பட்டிருக்கும் ஃபேஷன் கிளிப்புகள் அனைத்தும் சென்னையின் அனைத்து ஷாப்பிங் மால்களில் இருக்கும் ஷோ ரூம்கள் மற்றும் பெரிய ஃபேஷன் ஜூவல்லரி கடைகளில் கிடைக்கக் கூடியவை தான்.

இவற்றில் தங்களுக்குப் பொருத்தமானவை எவை எனத் தேர்ந்தெடுத்து, அதை முன் கூட்டியே வாங்கி வைத்துக் கொண்டு தேவையான போது பயன்படுத்துவது மட்டுமே பெண்களுக்கான சாமர்த்தியம்!

சிக் ஹேர் ஸ்டட்ஸ்...

குட்டையான கூந்தல் இருப்பவர்கள் ‘சிக் ஹேர் ஸ்டட்ஸ்’ என்று சொல்லப்படக் கூடிய இந்த வகை ஹேர் கிளிப்புகளைப் பயன்படுத்தலாம்.

ஃபுளோரல் ஹெட் பேன்ட்ஸ்...

வின்டேஜ் ஹேர்பின்ஸ்...

ஸ்போர்ட்டி பேன்ட்ஸ்...

கிரெளன் பேன்ட்ஸ்...

ஹெட் பேன்ட்ஸ் வித் பீட்ஸ்...

பிரீசியஸ் ஹேர் ஜூவல்லரி...

சில்வர் & கோல்டு மெட்டல் பேன்ட்ஸ்...

போவ்ஸ்& ரிப்பன்ஸ்...

முகத்தை மறைக்கும் நெட்டுடன் கூடிய ஹேர் கிளிப்புகள்...

இம்மாதிரியான ஹேர் கிளிப்புகள் மற்றும் ஹேர்பின்களை நாம் அணியும் உடைகளுக்குத் தகுந்தவாறு தேர்ந்தெடுத்து நாம் கலந்து கொள்ளவிருக்கும் விழாக்களுக்கும், கொண்டாட்டங்களுக்கும் ஏற்றவாறு பொருத்தமாக அணிந்து செல்லலாம்.

]]>
ஹேர் கிளிப்ஸ், ஹேர் ஜூவல்லரிஸ், ஃபேஷன் அப்டேட்ஸ், லைஃப்ஸ்டைல் ஃபேஷன், lifestyle fashion, fashion updates, trendy hair clips& pins http://images.dinamani.com/uploads/user/imagelibrary/2017/9/7/w600X390/trendy_hair_clips.jpg http://www.dinamani.com/lifestyle/lifestyle-fashion/2017/sep/07/trendy-hair-clips-and-hair-accessories-2769070.html
2760471 லைஃப்ஸ்டைல் ஃபேஷன் அடேங்கப்பா கண்டுபிடிப்பு! பெண்கள் அணிந்து கொள்ளும் புதிய நகையொன்று! ஹரிணி Wednesday, August 23, 2017 02:10 PM +0530  

நெயில் ஆர்ட் தெரியும்... ஆனால் இது அதை விட அட்வான்ஸ் முயற்சி போல!; இதில் பின்பற்றப்பட்டிருக்கும் கலையுணர்வு நெயில் ஆர்ட்டிலிருந்து நெயில் ஜூவல்லரிக்கு முன்னேறியிருக்கிறது பெண்களின் ரசனை. இந்தப் புகைப்படங்களைப் பார்த்தால் எல்லாப் பெண்களுக்குமே இதைப் போன்ற அழகான நெயில் நகைகளை வாங்கி அணிந்து கொள்ள ஆர்வம் வரத்தானே செய்யும். பார்க்கப் பார்க்கக் கொள்ளை அழகு. ஆனால் இது இன்றைக்கு புதிதாக கண்டுபிடிப்பென்று கூறி விட முடியாது.

அந்நாளில் எகிப்து மற்றும் கிரேக்கப் பெண்களுக்கு உலோகத்தில் பட்டை தீட்டப்பட்ட நகங்களை அணியும் வழக்கம் இருந்திருக்கிறது. அதை அவர்கள் நெயில் நகை என்ற கண்ணோட்டத்தில் பயன்படுத்தவில்லை என்றாலும் அப்போதிருந்தே நகங்களைச் சோடிக்கும் வழக்கம் பெண்களிடையே இருந்திருக்கிறது என்பதற்கு உறுதியான ஆதாரங்கள் பல உள்ளன. அது மட்டுமல்ல, சத்ரபதி சிவாஜி தன்னை உறவாடிக் கொல்ல உத்தேசித்த எதிரியான அப்சல்கானைக் கூட தனது நகங்களில் மாட்டிக் கொண்ட புலி நகங்களால் தான் கொலை செய்தார் என்பது வரலாறு. ஆகவே ஆபரணமாக அல்லாது உலோகங்களால் போலி நகங்களைச் செய்து மாட்டிக் கொள்வது தொன்று தொட்டே இந்தியாவில் மட்டுமல்ல இந்தியாவுடன் வியாபாரத் தொடர்பில் இருந்த பிற தேசங்களிலும் வழக்கமான ஒன்றாகவே இருந்து வந்திருக்கிறது.

ஆகவே ஆண்கள் யாரும் இதென்னடா நமது பர்சுக்கு வந்த புதுச் சோதனை என பீதியாக வேண்டாம்.

ஏற்கனவே புழக்கத்தில் இருந்து பின் ஏதோ ஒரு காரணத்தால் அல்லது அசெளகரியத்தால் மறைந்து போயிருந்த பழக்கமொன்று இப்போது புனர்ஜென்மமெடுத்திருக்கிறது அவ்வளவு தான்.

பெண்கள் அணிந்து கொள்ள கிடைத்த புதிய நகையென்று இதைச் சொன்னாலும் கூட இதை அணிந்து கொள்வதில் இருக்கும் அசெளகரியத்தையும் பெண்கள் உணர்ந்தே இருப்பார்கள்.

தங்கம், வெள்ளி, பிளாட்டினம் உள்ளிட்ட உலோகங்களில் வைரக் கற்களைப் பதித்து இவ்வகை நெயில் ஆபரணங்களைச் செய்தால் பார்க்க அழகாக இருக்கும். அணிந்து கொள்ளும் போது கம்பீர உணர்வையும் தரும்.
 

]]>
Nail Jewelery,Nail Art,Fashion Design,நெயில் ஜூவல்லரி,நெயில் ஆர்ட், ஃபேஷன் http://images.dinamani.com/uploads/user/imagelibrary/2017/8/23/w600X390/gold_fake_nails.jpg http://www.dinamani.com/lifestyle/lifestyle-fashion/2017/aug/23/nail-jewellery-among-women-2760471.html
2759923 லைஃப்ஸ்டைல் ஃபேஷன் லாக்மே ஃபேஷன் வீக் 2017 பாலிவுட் தேவதைகளின் ராம்ப் வாக்! கார்த்திகா வாசுதேவன் Tuesday, August 22, 2017 04:22 PM +0530  

சென்சேஷனலான திரைப்படங்கள் மூலமாக மட்டுமல்ல, வர்ண ஜாலத்தில் மெய் மறக்கச் செய்யும் அனுபவங்களுடன் தனது ஃபேஷன் ஷோக்களுக்காகவும் புகழ்பெற்றது பாலிவுட். அந்த வகையில் சமீபத்தில் நடைபெற்ற லாக்மே ஃபேஷன் வீக் 2017 க்காக கம்பீரமான சிவப்பு, அமர்த்தலான கருப்பு, அசர வைக்கும் தங்கம் மற்றும் வெள்ளி நிற ஷேட்களுடனான ஆடைகள், மிருதுவான ஐவரி, குளுமை தரும் ஐவரி என அத்தனை நிறங்களிலும் பறந்து விரிந்த கவுன்களை ஆடையென அணிந்து வந்து அனைவரது தூக்கத்தையும் கெடுத்திருக்கிறார்கள் என்று தான் எண்ணிக் கொள்ள வேண்டும். கீழே லாக்மே ஃபேஷன் வீக்கில் பாலிவுட் தேவைதைகள் ராம்ப் வாக்கிய... அதாவது ஒய்யார நடையிட்ட புகைப்படங்களைக் கண்டால், உங்களுக்கே புரியக் கூடும்.

நவீன ரகத்தில் வடிவமைக்கப்பட்ட டிஸைனர் ஆடைகளுக்காக மட்டுமல்ல அவற்றில் பயன்படுத்தப்பட்ட கிரியேட்டிவ்வான வண்ணங்களின் சங்கமமும் கூடத்தான் லாக்மே ஃபேஷன் 2017... என்பதை உணர்த்தும் வகையில் சுமார் 14 மாடலிங் அழகிகள் மேடையில் அவரவர் பிரத்யேக டிஸைனர்கள் வடிவமைத்த ஆடைகளுடன் படு ஸ்டைலாக ராம்ப் வாக் செய்தனர். மாடலிங் அழகிகளோடு, பாலிவுட் ஸ்டார்களும் கண்களைக் கொள்ளை கொண்டது அழகு!

1. வண்ணங்களின் மீதான காதல்...

2. வாணி கபூர்:

லாக்மே ஃபேஷன் வீக் 2017 க்காக படு ஃப்ரெஷ் ஆன இளஞ்சிவப்பு நிற வெட்டிங் கவுனில் வலம் வரும் வாணி கபூர்.

3. நர்கிஸ் ஃபஹ்ரி...

டிஸைனர் அனுஸ்ரீ ரெட்டியின் கைவண்ணத்தில் உருவான, மென்மையான மஞ்சளில், தங்க நிறச் சரிகை வேலைப்பாடுகளுடன் கூடிய அழகான வெட்டிங் கவுனில் வலம் வந்தார் நடிகை நர்கிஸ் ஃபஹ்ரி.

4.திஷா பதானி...

டிஸைனர் ரீத்து குமாரின் கைவண்ணத்தில் உருவான வெள்ளையில் இளஞ்சிவப்பு பூக்கள் எம்பிராய்டரி செய்யப்பட்ட கேஷுவல் கவுனில் திஷா பதானி.

5. சித்ராங்கதா சிங்... 

நேஹா அகர்வாலின் பிரத்யேக டிஸைனான பழங்குடித் தேவதைத் தனமான ஒரு அடர் நீல வண்ண நீண்ட கவுனில் ஓவியம் போல ஒய்யாரமாக வலம் வந்தார் நடிகை சித்ராங்கதா சிங்...

6. ஸ்ரீதேவி & குஷி கபூர்...

தங்களது குடும்ப நண்பரான மனிஷ் மல்ஹோத்ராவின் ஆர்ப்பாட்டமில்லாத ஃபுளோரல் கவுனில் குஷி கபூரும், ஐவரி நிற பிரின்ஸஸ் டாப் உடையில் ஸ்ரீதேவியும் மனிஷுடன் கை கோர்த்து ராம்ப் வாக் செய்தது கம்பீர அழகுடனிருந்தது.

7. ஷ்ரத்தா கபூர்...

ராகுல் மிஸ்ரா வடிவமைத்த செர்ரி பிளாஸம் நிறத்து பார்ட்டி வியர் நீளக் கவுனில் ஒரு தேவதையாகவே ஜொலித்தார் நடிகை ஷ்ரத்தா கபூர்...

8. மலாய்க்கா அரோரா...

 

 

 

 

 

ரித்தி மெஹராவின் முழு அடர் சிவப்பு நிற டிஸைனர் உடையில் மலாய்க்கா அரோரா ராம்ப் வாக்கிய ஒவ்வொரு நொடியும் பார்வையாளர்களைப் பரவசத்தில் ஆழ்த்தியது. 

9. க்ரிதி செனான்...

டிஸைனர் அர்பிதா மேதாவின் கருப்பும், ரோஸும் கலந்த லெஹங்கா உடையில் மாடல் க்ரிதி செனான் நிச்சயம் அனைவரது உள்ளத்தையும் கொள்ளை கொண்டிருப்பார் என நம்பலாம்.

10. கல்கி கோச்சலின்...

 

டிசைனர் நிகிதா மாசல்கரின் ஐவரி நிற பார்ட்டி அவுட்ஃபிட்டில் படு கிளாமர் லுக்கில் அசத்தினார் நடிகை கல்கி கோச்சலின்.

11. இலியானா டி குரூஸ்...

டிஸைனர் நான்ஸி லுகருவாலாவின் அடர் கறுப்பு நிற வெட்டிங் கவுனில் இழையோடிய தங்கம் மற்றும் வெள்ளி நிறப் பூச்சரிகை வேலைப்பாடு கொண்ட ஆடையில் பார்வையாளர்களை மெர்சலாக்கினார் நடிகை இலியானா டி குரூஸ்.

12. தியா மிர்ஸா...

டிஸைனர் குஸும் மற்றும் கரிஷ்மா லுகருவாலாவின் வடிவமைப்பில் தயாரான ஃபேபியான லேபிளுடன் கூடிய கிரீமி நிற கவுனில் என்றும் 16 ஆக ஒட்டுமொத்த பார்வையாளர்களின் விருப்பத்தையும் அள்ளிக் கொண்டார் நடிகை தியா மிர்ஸா.

13. பூமி பெமினேஹர்...

ருசேரு லேபிளின் கீழ் வடிவமைக்கப்பட்ட அடர் சிவப்பு நிற உடையுடன் கம்பீரமாக வலம் வந்த நடிகை பூமி பெட்னேஹர் தான் ஷோ டாப்பராம்.

14. அதிதி ராவ் கிதாரி...

ஜெயந்தி ரெட்டியின் ராயல் கிரியேஷன் சார்பாக வடிவமைக்கப் பட்ட கரும்பட்டும், வெள்ளிச்சரிகை வேலைப்பாடுகளும் ஊடாடிய நீண்ட கவுண் அதிதியின் அழகைப் பன்மடங்காக்கிக் காட்டியது.

15. ஜாக்குலின் ஃபெர்னாண்டஸ்...

கடைசியாக ராம்ப் வாக் செய்த நடிகை ஜாக்குலின் ஃபெர்னாண்டஸ் டிஸைனர் மனிஷ் மல்ஹோத்ராவின் கருப்பு நிற ஃஃபுளோரல் டிஸைன் கவுனில் ராம்ப் வாக் செய்த விதம் பலரையும் ஈர்ப்பதாக இருந்தது.

]]>
லாக்மே ஃபேஷன் வீக் 2017, பாலிவுட் தேவதைகள், ராம்ப் வாக், lakme fashion week 2017, ballywood divas http://images.dinamani.com/uploads/user/imagelibrary/2017/8/22/w600X390/0001sradha_kaboor.jpg http://www.dinamani.com/lifestyle/lifestyle-fashion/2017/aug/22/lakme-fashion-week-2017--bollywood-divas-ramp-walk-with-their-favorite-designer-2759923.html
2738978 லைஃப்ஸ்டைல் ஃபேஷன் கோலாப்புரி செருப்புகளுக்கும், நாட்டுப்பற்றுக்கும் ஏதாவது சம்பந்தமிருக்கிறதா? கார்த்திகா வாசுதேவன் Monday, July 17, 2017 02:15 PM +0530  

கடந்த வருடம் சென்னையில் நடைபெற்ற TNPL போட்டிகளின் துவக்க விழாவில் கடவுள் வாழ்த்துப் பாட என் மகள் படிக்கும் பள்ளியின் கர்நாடக இசைப்பிரிவு மாணவிகளுக்கு அழைப்பு வந்தது. ஆஹா... பிரபல திரையிசைப் பாடகர் கார்த்திக்குடன் சேர்ந்து பாடக் கிடைத்த வாய்ப்பு என்று மாணவிகளுக்கெல்லாம் ஒரே குதூகலமாகி விட்டது. அப்புறம் இந்த நிகழ்ச்சி ஸ்டார் டி.வியில் ஒளிபரப்பாகும் என்று வேறு ஒரே ஆனந்தம்... பரமானந்தம் எனும் நிலையில் இருந்தார்கள் மாணவிகளனைவரும். நடுவில் ஒரே ஒரு சின்ன கண்டீஷன்... கடவுள் வாழ்த்துப் பாடும் மாணவிகள் அனைவரும் நமது தமிழ் பாரம்பரியப் படி பட்டுப்பாவடை, சட்டை, வங்கி, ஒட்டியாணம், வளையல்கள், நெத்திச்சுட்டி, கழுத்துக்கு நெக்லஸ் எல்லாம் அணிந்து வர வேண்டும். இது ஒரு சாதாரணமான கண்டீஷன் தான் என்பதால் பெற்றோர்களான எங்களால் உடனடியாக இதை ஒப்புக் கொள்ள முடிந்தது. சென்னையில் தடுக்கி விழுந்தால் ஃபேன்ஸி ஸ்டோர்கள், கோல்டு கவரிங் செட் கடைகள், வெரைட்டி சென்ட்டர்கள் என அனேகம் உண்டே! அதனால் ஒப்புக் கொண்டோம். ஆனால் மியூசிக் டீச்சர்களுக்கு... விழாக்குழுவினரிடமிருந்து மற்றுமொரு கட்டளை வந்தது, பெற்றோர்கள் அனைவரும் அவரவர் பிள்ளைகளை அழைத்துக் கொண்டு வீட்டுக்குத் திரும்பவிருந்த நிலையில் மேலுமொரு உப கண்டீஷன்! அது என்னவென்றால், நிகழ்ச்சியில் பங்கேற்கவிருக்கும் அத்தனை மாணவிகளும் கோலாப்புரி செருப்புகள் மட்டுமே தான் அணிந்து வர வேண்டும். என்பதே அந்த கட்டளை! 

எனக்கு அது வரை இந்தி நடிகை பத்மினி கோலாப்புரியை மட்டும் தான் தெரிந்திருந்தது. கோலாப்புரி என்ற பெயரில் ஒரு பிரசித்தி பெற்ற செருப்பு பிராண்டு ஒன்று இருப்பதை அந்த நிமிடம் வரை அறிந்திராத அஞ்ஞான அம்மாவைப் பெற்றதில் என் மகளுக்கு ஒருவேளை மனக்கஷ்டங்கள் இருந்திருக்கலாம்... ஆனால் அவள் அப்படி எதுவும் சொல்லாமல் களைத்துப் போய் தூங்கி விட்டதால், எப்படியாவது அந்தச் செருப்பை குழந்தைக்கு வாங்கித் தந்தே ஆக வேண்டும் என்றொரு மன உறுதி பிறந்தது. ஒரு வேளை நம்ம ஊர் நதியா கம்மல், நதியா கொண்டை, குஷ்பூ இட்லி போல இதேதோ அந்த நடிகையின் பெயரால் அப்படி ஒரு செருப்பு வடநாட்டில் ஃபேமஸ் போல என்று நினைத்துக் கொண்டு, அந்தச் செருப்புகள் எங்கே கிடைக்கும்? என மியூசிக் டீச்சர்களிடம் விசாரித்தோம். அப்போதே நேரம் இரவு 9 மணியை நெருங்கி இருந்தது. அவர்களோ... டிசைனர் ஃபுட்வேர் கடைகளில் தேடிப் பாருங்கள் மேடம், இல்லாவிட்டால் டி.நகரில் பெரிய செருப்புக் கடைகளில் தேடிப்பாருங்கள் கண்டிப்பாகக் கிடைக்கும் என்றார்கள். என்னது டி.நகர் செருப்புக் கடைகளிலா... இந்நேரம் அதெல்லாம் சாத்தியமில்லை எனச் சில பெற்றோர்கள் உஷ்ணமானாலும், ‘வேறு வழியில்லை மேடம்... பார்த்தீர்கள் இல்லையா? அவர்கள் இந்த நிகழ்ச்சிக்காக எவ்வளவு ஏற்பாடுகள் செய்து வைத்திருக்கிறார்கள் என்று!... தயவு செய்து அந்தச் செருப்புகளை ஏதாவது கடைகளில் தேடி வாங்கி மாணவிகளைப் போட்டுக் கொண்டு வரச்சொல்லுங்கள். நாளை மாலை வரை உங்களுக்கு நேரமிருக்கிறதே!’ என்று கூறி விட்டுச் சென்று விட்டார்கள்.

எங்களில் சிலர், சுமார் நான்கைந்து மாணவிகளின் பெற்றோர் சேர்ந்து, நேரு ஸ்டேடியத்திலிருந்து கிளம்பியது முதல் வீடு திரும்பும் வழி நெடுக கோலாப்புரி செருப்புகள் எந்தக் கடையில் கிடைக்கும் எனத் தேடிக் கொண்டே வந்தோம்... பல கடைகளிலும் இல்லை என்றோ அல்லது இப்போது வேண்டுமானால் ஆர்டர் கொடுங்கள் அடுத்த வாரம் வாங்கி உங்களுக்கு அனுப்புகிறோம் என்றோ தான் பதில் வந்து கொண்டிருந்தது. சரி இனி கோலாப்புரி செருப்புகள் கிடைக்காது, நாளை காலையில் பார்த்துக் கொள்ளலாம் என்று முடிவெடுத்த அடுத்த நொடியில் அமைந்தகரையில் ஒரு செருப்புக் கடையில் அந்தச் செருப்பு இருப்பதாக மியூசிக் டீச்சர் வாட்ஸப்பில் புகைப்பட ஆதாரம் அனுப்பி இருந்தார். உடனே அங்கே சென்றோம்.

ஒரு வழியாக முகப்பில் சிவப்புக் குஞ்சம் வைத்த அந்தச் செருப்புகளை பார்த்ததும் பல கடைகள் இதற்காக ஏறி இறங்கி அலுத்த பின்... இலக்கை அடைந்து விட்ட திருப்தியில் எனக்கு பரமாத்வையே நேரில் கண்டு விட்டதைப் போல அத்தனை ஆசுவாசமாக இருந்தது. அதற்கேற்றாற் போல செருப்பும் முதல் பார்வையிலேயே மனதுக்கு மிக நெருக்கமான உணர்வை அளிப்பதாக இருந்தது. ஆனால் அங்கிருந்த கோலாப்புரிகளில் எதைத் தேர்ந்தெடுப்பது என்ற குழப்பத்தில்; இன்னும் வேறு சில கடைகளிலும் வேண்டுமானால் தேடிப் பார்த்து விடலாமா? என்ற யோசனையில் இருக்கையில், எங்கே நாங்கள் செருப்பௌ வாங்காமல் போய் விடப்போகிறோமோ என்னவோ என்ற அவசரத்தில் கடைக்காரர் சொன்னார்... ‘மேடம் இது பியூர் லெதர் செருப்பு மேடம்... மேட் இன் இண்டியா, நாட்டுப்பற்று இருக்கிற எல்லாரும் இந்தச் செருப்பைத் தான் வாங்கிப் போட்டுக்குவாங்க... குட் லுக்கிங் ஃபுட்வியர், நீங்களும் வாங்கி யூஸ் பண்ணி உங்க நாட்டுப்பற்றை நிரூபிங்க மேடம் என்றாரே பார்க்கலாம். அம்மாக்களான எங்களில் சிலர் அப்படியே வாயடைத்துப் போனோம். அப்போது நேரம் இரவு 10 ஐ நெருங்கிக் கொண்டிருந்தது. மேற்கொண்டு அவரிடம் இந்தச் செருப்பு எப்படிங்க நாட்டுப்பற்றை நிரூபிக்கும்? என்றெல்லாம் அசட்டுப் பிசட்டென்று எதுவும் கேட்டு வைத்து நேரத்தை வீணாக்க வகையின்றி அப்படியே கப் சிப்பென்று வாயை மூடிக் கொண்டு செருப்பை வாங்கி கொண்டு வீடு வந்து சேர்ந்தோம்.

மற்றவர்களுக்கு எப்படியோ? எனக்கு வீடு திரும்பிய பின்னும் அந்தக் கடைக்காரர் சொன்ன விசயம் மூளையிலிருந்து கழன்று மறைவேனா? என்று உறுத்திக் கொண்டே இருந்தது. கோலாப்புரி செருப்பு வாங்கிப் போட்டுக் கொண்டால் அது எப்படி நாட்டுப்பற்றாகும்? என்று உடனே தெரிந்து கொண்டே ஆக வேண்டியதாயிருந்தது எனக்கு. பிறகென்ன இணையத்தில் தேட வேண்டியது தானே பாக்கி! தேடினேன். கிடைத்த சங்கதிகள் ஒருபாடு கொஞ்சம் பயனுள்ளதாகவே இருந்தன.

கோலாப்புரி ஹேண்ட்கிராஃப்டேட் செருப்புகள்...

கோலாப்புரி அல்லது கோல்ஹாப்புரி செருப்புகள் என்பவை இயந்திரங்களால் அல்ல முழுக்க, முழுக்க மனிதக் கைகளினால் தயாரிக்கப்படும் நேச்சுரல் ஃபுட்வியர் வகையைச் சேர்ந்தவை. அதாவது இது ஒரு ஹேண்ட்கிராஃப்ட் வகைச் செருப்பு. மேலும் இதில் பயன்படுத்தும் வண்ணங்களை எடுத்துக் கொண்டால் அவையும் இயற்கையான முறையில் காய்கறிகள் மற்றும் பழங்களின் சாற்றிலிருந்து பெறப்படக் கூடியவையே தவிர செயற்கை ரசாயன வண்ணங்கள் இந்த செருப்பு தயாரிப்பில் பயன்படுத்தப் படுவதில்லை. மஹாராஷ்டிரத்தின் தென் மாவட்டங்களில் ஒன்றான கோல்ஹாப்பூர் அல்லது கோலாப்புரியில் இருந்து தயாராகி வரும் இந்தச் செருப்புகள் டி ஸ்ட்ராப் எனப்படும் அடிப்படை வடிவத்திலேயே எப்போதும் வடிவமைப்படுவது வழக்கம். விரல்களும், நகங்களும் வெளித்தெரியும் வண்ணம் பாதங்களை வெளிக்காட்டிக் கொண்டு நடக்க இந்த கோலாப்புரி செருப்புகள் உதவும். மஹாராஷ்டிரர்கள் இவற்றைப் பெரும்பாலும் பண்டிகைக்காலத்துக்கான செருப்புகளாகவே பத்திரமாகக் கையாண்டனர். ஏனெனில் இவை பியூர் லெதர் வகை செருப்புகள் என்பதால் மழைக்காலத்தில் இவற்றை அணிவது உசிதமல்ல. அப்படி அணிந்தால் செருப்பின் ஆயுள் குறைந்து சீக்கிரமே செருப்பு டேமேஜ் ஆகக் கூடும்.

கோலாப்புரி செருப்பின் வரலாறு...

வரலாற்று ஆவணங்களின் படி கோலாப்புரி செருப்புகள், கோல்ஹாப்புரி அல்லது கோலாப்புரி என்ற பெயரைப் பெற்றது 13 ஆம் நூற்றாண்டின் துவக்க காலத்திலிருந்து தான்.. அதற்கு முன்பு இந்த வகைச் செருப்புகளுக்கு கபஷி, பாய்தான், கச்கடி, பக்கல்னலி, புகாரி என்று அவை தயாராகும் ஊர்கள் மற்றும் கிராமங்களின் பெயர்களைப் பூர்வீகமாகக் கொண்டு வேறு வேறு பெயர்கள் இருந்தன. 

ஒரு செருப்பு தயாரிக்க ஆகும் காலம்...

ஒரு ஜோடி கோலாப்புரி செருப்புகள் தயாரிக்க சுமார் 6 வார காலம் தேவைப்படும். ஒரிஜினல் கோலாப்புரி செருப்புகள் என்றால் அவை எருமைத்தோலைப் பதப்படுத்தி செய்யப்படக் கூடியவையாகவே இருப்பதால் ஒரு ஜோடி செருப்புகளின் எடை சுமார் 2 கிலோவாக இருக்கும். ஏனெனில் இந்தச் செருப்புகள் மகாராஷ்டிரத்தின் மலைகளும், வறண்ட சமவெளிப்பகுதிகளுமான நில அமைப்பிற்கும், மாறி மாறி வந்து வாட்டும் கடும் வெயிலும், கடும் குளிருமான தட்ப வெப்ப நிலைக்கும் ஏற்றாற்போல பிற செருப்புகளைக் காட்டிலும் தடிமனான வகையில் வடிவமைக்கப் பட்டவை. 

கோலாப்புரி செருப்புகளின் இன்றைய வடிவம் மற்றும் ஆயுள்...

இன்று நாம் தென்னகத்தில் காணும் கோலாப்புரி பிராண்ட் செருப்புகளில் பழைய பாரம்பரிய வடிவமைப்பைப் பெரும்பாலும் காண இயலாது. ஏனெனில் பழைய ஒரிஜினல் கோலாப்புரி அதிக எடை கொண்டது. தற்போதைய இளம் தலைமுறை நுகர்வோர் அத்தனை எடை மிக்க செருப்புகளை அணிந்து கொள்ள விரும்புவதில்லை. எனவே இன்றைய நவீன ஃபுட்வியர் வடிவமைப்பாளர்கள், மராட்டியர்களின்  பழம்பெருமை மிக்க கோலாப்புரியின் எடையை எத்தனைக்கெத்தனை குறைக்க முடியுமோ அத்தனைக்கத்தனை குறைத்து, சற்று வேகமாகக் காற்றடித்தாலே நழுவிக் கொண்டு பறக்கும் வகையிலான அளவில் மலிவு விலையில் லைட் வெயிட், ஸ்லீக் மாடலில் கோலாப்புரியை வடிவமைத்து செருப்புகளுக்கான சந்தையில் உலவ விட்டிருக்கிறார்கள். இன்றைய நிலையில் ஒரிஜினல் கோலாப்புரி வேண்டுமெனில் நாம் மகாராஷ்டிரத்திலிருந்து அதன் ஒரிஜினல் கோலாப்புரி கலைஞர்களிடமிருந்து தான் ஆர்டர் செய்து வரவழைத்துக் கொள்ள வேண்டும் போல! அப்படியாகி விட்டது நிலமை. அதற்கேற்றாற் போல ஒரிஜினல் ஹேண்ட்கிராப்ட் ஆன கோலாப்புரி செருப்பு தயாரிப்பாளர்களின் எண்ணிக்கையும் பெருமளவில் குறைந்து இப்போது தேடிக்கண்டு பிடிக்க வேண்டிய நிலையில் அந்தக் கலை ஷீணித்துக் கொண்டிருக்கிறது.

கோலாப்புரியின் மைனஸ்...

கோலாப்புரி செருப்புகள் என்ன தான் கடுமையாக உழைத்தாலும் ஒருமுறை மழையில் நனைந்தாலும் போதும்... அப்புறம் அந்த செருப்புகளின் கதி அதோ கதி தான். இந்த குறைப்பாடே கூட இந்த வகைச் செருப்புகள் தற்காலத்தில் அறுகி விட்டதற்கான காரணமாகவுமிருக்கலாம். ஆனால் 70 களில் ஐக்கிய அமெரிக்க நாடுகளில் ஹிப்பி கலாச்சார அலை உச்சத்திலிருந்த போது இந்த கோலாப்புரி செருப்புகள் அணிந்து கொள்வது அமெரிக்காவில் மிகப்பெரிய டிரெண்ட் ஆக இருந்து வந்தது. தற்போது அந்த டிரெண்ட் தேய்ந்து காணாமலே போய் விட்டது என்று தான் சொல்ல வேண்டும். இன்று ஃபேஷன் அணிவகுப்புகளில் வரும் மாடல்கள் மட்டுமே ‘டோ ரிங் செப்பல்’ என்ற பெயரில் இந்த வகைச் செருப்புகளை ராம்ப் ஷோக்களில் பயன்படுத்தி வருகின்றனர்.

கோலாப்புரி செருப்புகளுக்கான இன்றைய வியாபார வாய்ப்புகள்...

இன்று இந்தியாவில் மாறி விட்ட அரசியல் சூழலில் மாட்டுத் தோலுக்கு நிலவும் தட்டுப்பாடு காரணமாக கோலாப்புரி செருப்புகளின் தயாரிப்பு முற்றிலுமாகக் குறைந்து விட்டது. தொழில் நசிந்ததால் இந்த செருப்பு தயாரிப்பில் ஈடுபட்டிருந்த பெரும்பாலான குடும்பங்கள் அவற்றைக் கைவிட்டு வேறு தொழில்களுக்கு மாறி வரும் சூழல் நிலவுவதால் இப்போதிருக்கும் தலைமுறையினர் தான் ஒரிஜினல் கோலாப்புரி செருப்பு தயாரிப்பாளர்களின் இறுதிக் கலைஞர்களாக இருப்பார்களாயிருக்கும். மாட்டுத்தோலுக்கான பஞ்சம் மற்றும் செருப்புத் தயாரிக்க தேவைப்படும் கால எல்லை இவையெல்லாம் கணக்கிலெடுத்துக் கொண்டு காணும் போது கோலாப்புரி செருப்புகளில் நிகழ்ந்த கலாச்சார மாற்றத்தை, வடிவமைப்பில் மாறிப்போன பழைய பாரம்பரியத்தை இனி மீட்டெடுக்க முடியாமல் போகும் நிலையும் வரலாம்.

மேட் இன் இந்தியா என்பதால் நாட்டுப்பற்று நிரூபணமாகிறதா?

எல்லாம் சரி தான் ஆனால் கடைசி வரை கோலாப்புரி செருப்பை வாங்கினால் நாட்டுப்பற்றை எப்படி நிரூபித்திருக்க முடியும் என்று மட்டும் எனக்குப் புரியவே இல்லை. இந்த வட இந்திய செருப்பு வியாபாரிகள் என்னவெல்லாம் சொல்லி மூளைச்சலவை செய்து தங்களது பொருட்களை மக்களிடம் விற்பனை செய்து கொண்டிருக்கிறார்கள் என்று நினைத்த போது ஒரே வியப்பாகி விட்டது. அப்புறமும் அவர்களது விற்பனை உத்தியை ஒரேயடியாகப் புறம்தள்ளவும் முடியாமல்... ஒரு வேளை  ‘மேட் இன் இந்தியா’ என்பதால் செருப்புக்கடைக்காரர் அப்படிச் சொன்னாரோ? இந்தியாவின் பாரம்பரிய கைவினைத் திறன்களில் இதுவும் ஒன்று என்பதால் அப்படிச் சொன்னாரோ? என யோசனைகள் நீண்டன. எது எப்படியோ இன்றைக்கு மார்கெட்டில் கிடைக்கக் கூடிய கோலாப்புரி செருப்புகளை வாங்கிப் பயன்படுத்த நினைப்போர் காலடியில் சரியாகப் பிடிமானம் கிடைக்கிறதா? என்று சோதித்துப் பார்த்து விட்டு பின்னர் அணிந்து கொண்டு அவரவர் தெருக்களில் ராம்ப் வாக்குங்கள் ஏனெனில் நாங்கள் வாங்கிய செருப்பு சாதாரண மண் தரையில் கூட பயங்கரமாக வழுக்கும் தன்மையுடன் இருந்தது. அப்புறம் ஒருமுறை மழையில் நனைந்து விட்ட இந்த வகை செருப்புகள் என்றால் நாய்களுக்குக் கொள்ளைப் ப்ரியம். எனவே நாட்டுப்பற்றை நிரூபிக்க நினைப்பவர்கள் அதையும் தான் மனதில் வைத்துக் கொள்ள வேண்டியதாயிருக்கிறது.

]]>
kolhapuri chappals, kolapuri chappals, patroitism, நாட்டுப்பற்று, கோலாப்புரி செருப்புகள், டிசைனர் வியர் செருப்புகள், கைத்தொழில், http://images.dinamani.com/uploads/user/imagelibrary/2017/7/17/w600X390/kolapuri_2.jpg http://www.dinamani.com/lifestyle/lifestyle-fashion/2017/jul/17/is-there-any-relationship-between-kolhapuri-chappals-and-patriotism-2738978.html
2716766 லைஃப்ஸ்டைல் ஃபேஷன் ‘ரிசார்ட் வியர்’ டிசைனர் நிதி முனிமின் புது அவதாரம்! ஹரிணி Thursday, June 8, 2017 02:25 PM +0530  

தீபிகா படுகோன், சன்னி லியோன், நர்கீஸ் பஃஹ்ரி உள்ளிட்ட பிரபலங்களைக் கவர்ந்த ரிசார்ட் வியர் டிசைனர் நிதி முனிம், லேட்டஸ்டாக காலணி வடிவமைப்பில் இறங்க உள்ளார். பிரபல காலணி தயாரிப்பு நிறுவனமான கிராக்ஸுடன் இணைந்து நிதி இனி காலணிகளையும் வடிவமைக்கவிருக்கிறார். முன்னதாக அவர் கிராக்ஸ் நிறுவனத்தின் டிஜிடல் பிராண்ட் அம்பாஸிடராக நியமிக்கப் பட்டுள்ளார். அதோடு கிராக்ஸுடன் இணைந்து நேற்று, புதன் அன்று, 2018 ஆம் ஆண்டுக்கான ஸ்பிரிங் சம்மர் கலெக்சன்ஸ் எனும் நிகழ்வில், நடிகையும், மாடலுமான கெளகர் கான் ஷோ டாப்பராக வலம் வர, காலணி வடிவமைப்பில் தனது முதல் ராம்ப் வாக் அறிமுகத்தையும் நடத்தி முடித்திருக்கிறார்.

காலணி வடிவமைப்பாளர் எனும் தனது இந்த புதிய அவதாரத்தைப் பற்றிப் பேசுகையில் முனிம்; கிராக்ஸுடன் இணைந்த இந்த புதிய அத்யாயம் தனக்கு மிகுந்த மகிழ்ச்சி அளிப்பதாகவும், காலணி வடிவமைப்பில் இனி அழகான, படு ஸ்டைலான, அணிய விருப்பமுள்ள பல புதுமைகளை தாங்கள் செயல்படுத்தி வருவதாகவும்... இது ஒரு எதிர்பாராத கூட்டணி என்றாலும், காலணி வடிவமைப்பில் மிக அருமையான விளைவுகளைத் தரப்போகும் கூட்டணி இதுவாக இருக்கும் எனத் தான் உணர்வதாகவும் கூறினார்.

புதன் அன்று நடத்தப்பட்ட ராம்ப் வாக்கில் தாங்கள் முன்னதாக அறிமுகப்படுத்திய DIY கிராக்ஸ் கலெக்ஸன்களுடன் காதலை சித்தரிக்கும் வகையிலான காலணிகளை வடிவமைக்கும் முயற்சியிலும் இறங்கவிருப்பதால் எங்களது வடிவமைப்புகளை அணிபவர்களுக்கு அது முற்றிலும் ஒரு புதிய அனுபவமாக இருக்கும் என்றும் அவர் தெரிவித்தார்.

தனது டிசைனிங் அனுபவங்களில் எப்போதும் புதுமையையும், புத்துணர்ச்சியையும் விரும்பும் நிதி முனிம் போன்ற டிசைனருடன் இணைந்து காலணி வடிவமைப்பில் இறங்கியது தங்களுக்கு மிகுந்த மகிழ்ச்சி அளிப்பதாக கிராக்ஸின் இந்திய செயல் இயக்குனர் தீபக் சாப்ரா தெரிவித்துள்ளார்.

]]>
ஃபேஷன், லைஃப்ஸ்டைல், காலணி வடிவமைப்பு, கிராக்ஸ், நிதி முனிம், footwear debut, nidhi munim, resort wear designer, crocs http://images.dinamani.com/uploads/user/imagelibrary/2017/6/8/w600X390/nidhi_munim.jpg http://www.dinamani.com/lifestyle/lifestyle-fashion/2017/jun/08/nidhi-munim-debuts-in-footwear-designing-2716766.html
2696735 லைஃப்ஸ்டைல் ஃபேஷன் பாகுபலிக்கும் அம்ராபலிக்குமான சுவாரஸ்யமான தொடர்பு... கார்த்திகா வாசுதேவன். Friday, May 5, 2017 03:21 PM +0530  

பாகுபலி 2 திரைப்படம் வெளியாகி இன்றோடு ஒரு வாரம் முடிந்து விட்டது. இந்தியாவெங்கிலும் பெருநகர மக்களிடையே இன்னும் படத்தைப் பற்றிய பிரஸ்தாபங்கள் மட்டும் ஒழிந்தபாடில்லை. நான்கைந்து பேர் கூடிப் பேசிக்கொண்டிருக்கையில் நிச்சயமாக ஓரிரு வார்த்தைகளாவது பாகுபலி பற்றிப் பேசாமல் அவர்களது சம்பாஷனைகள் முற்றுப் பெறுவதில்லை. பாகுபலி 1 & 2 திரைப்படங்களைப் பொறுத்தவரை பலரும் பல விசயங்களுக்காக நேர்மறையாகவும், எதிர்மறையாகவும் படத்தைப் பற்றி விமர்சித்து வருகிறார்கள். எது எப்படியாயினும் மொத்தத்தில் பாகுபலி ஒரு டிரெண்ட் செட்டர் திரைப்படம் என்பதில் எவருக்கும் எந்த வித ஐயமும் இல்லை.

யாருக்குத் தெரியும்? இன்னும் சில நாட்களில் பாகுபலி ஹேர் ஸ்டைல், பாகுபலி நகைகள், பாகுபலி புடவைகள், பாகுபலி ஸ்டைல் பொட்டுகள், வளையல்கள், என ஒவ்வொரு விசயமாக விழாக்கால சிறப்புத் தள்ளுப்படிகளாக மாறி மாகரங்களில் கடை விரிக்கப் படுமோ என்னவோ? டிரெண்டுகள் வெவ்வேறாயினும் அதை உருவாக்கிய பிராண்ட் பாகுபலி மட்டுமே!

பாகுபலி இரண்டாம் பாகம் படம் வெளியாவதற்கு முன்பே முதல் பாகத்தை அடிப்படையாகக் கொண்டு எழுதப்பட்ட கிராபிக் நாவல் வெளியிடப்பட்டது, வாசிப்பில் ஆர்வமுள்ள சிறுவர்களை ஈர்க்க காமிக்ஸ் புத்தகங்கள் வெளியாகின. பாகுபலி பிராண்ட் சித்திரம் பொறித்த டி. ஷர்ட்டுகள் தயாராகின. இவற்றை தயாரித்த நிறுவனங்களுக்கும் இப்போது பாகுபலியால் வியாபாரம் எகிறியிருக்கும் என்பது நிஜம் தான். அந்த வகையில் பாகுபலியால் பிரபலமாகி விட்ட இன்னொரு விசயம் அம்ராபலி நகைக்கடை. 

ஜெய்பூரை தலைமையிடமாகக் கொண்டு இயங்கும் இந்த நகைக்கடையின் கிளைகள் இந்தியாவெங்கும் முக்கிய நகரங்களில் கடை விரித்துள்ளன. இங்கு தயாராகும் நகைகளில் பெரும்பாலானவை வெள்ளியில் தங்க முலாம் பூசப்பட்டவை. வெகு சில நகைகளை வாடிக்கையாளர்களின் வேண்டுகோளுக்கு இணங்க தங்கத்திலும் வடிவமைத்துத் தருகிறார்கள். பாகுபலி முதல் பாகத்தில் ராஜமாதா சிவகாமி, பிங்கல தேவர், கட்டப்பா, பல்லாள தேவன், அமரேந்திர பாகுபலி, அவந்திகா, சிவுவின் தாய் சங்கா உள்ளிட்ட கதாபாத்திரங்கள் அணிந்து வரும் நகைகள் வித்யாசமான புதுமையான வடிவமைப்பில் இருந்தன. முதல் பாகத்துக்கு சற்றும் குறைந்ததல்ல இரண்டாம் பாகத்திலும் அந்த கதாபாத்திரங்கள் அணிந்து வரும் நகைகள். முதல் பாகத்தை விட இரண்டாம் பாகத்தில் தான் அதிகப்படியான நகைகளுக்கு ஆர்டர் கொடுக்கப் பட்டிருக்கக் கூடும் என நம்பலாம். அந்த நகைகளை வடிவமைத்தவர்கள் ஹைதராபாத்தைச் சேர்ந்த அம்ராபலி நகை வடிவமைப்பாளர்கள் தானாம். இந்த திரைப்படத்தைப் பொறுத்தவரை சிவகாமி தேவி, தேவசேனா கதாபாத்திரங்களுக்காகத் தான் அதிகமான நகைகளை வடிவமைக்க வேண்டி இருந்ததாம். மொத்தமும் ஆண்டிக் வகை நகைகள். பழங்கால அரச குடும்பங்களை நினைவுறுத்தும் வகையிலான இந்த நகைகளை வடிவமைக்க இவர்கள் மிகவும் மெனக்கெட்டிருக்கிறார்கள் என்பது படத்தில் அந்த நகைகளைப் பார்க்கும் போது புரிகிறது. 

படம் பார்த்து விட்டு அம்ராபலி நகை டிசைன்களால் ஈர்க்கப்பட்டு அதை கூகுளில் தேடிப் பார்த்தால் நகையை விட சுவாரஸ்யமான விசயமெல்லாம் வந்து விழுந்தது. பாகுபலிக்கு அம்ராபலி நகையா? பெயர் பொருத்தம் ரிதமிக்காக இருக்கிறதே என்று யோசித்தால்... அது மட்டுமில்லை கி.மு. 500 ஆம் ஆண்டு வாக்கில் அம்ராபலி என்ற பெயரில் வைஷாலியில் ஒரு பேரழகி இருந்திருக்கிறாள் என்று குறிப்புகளை அள்ளித் தந்து தலையில் நறுக்கென கொட்டுகிறது கூகுள். யாரந்த பேரழகி என்று தேடினால் 60 களில் வைஜயந்திமாலாவை வைத்து அம்ராபலியின் வாழ்வை திரைப்படமாகவே ஆக்கி வைத்திருக்கிறார்கள் பாலிவுட்காரர்கள். தூர்தர்ஷனும் தன் பங்குக்கு 80 களில் அம்ராபலியின் கதையை ‘WOMAN OF INDIA' என்ற பெயரில் மெகாத் தொடராக்கி இருக்கிறது. அம்ராபலியாக நடித்து தொடரை இயக்கி இருப்பது அப்போதைய பாலிவுட் டாப் ஹீரோயின் ஹேமாமாலினி. 

யாரந்த அம்ராபலி?  

வைஷாலி குடியரசின் அரசவை நர்த்தகியான அந்தப் பேரழகியின் பெயரை ராஜஸ்தான் நகைக்கடைக் காரர்கள் எதற்கு தங்களது கடைக்குச் சூட்டி பெருமிதப் பட வேண்டும்? என்று தோன்றும் தானே? எல்லாம் சாம்ராட் அசோகா டைப் கதை தான். வைஷாலியின் அழகுப் பெட்டகம் அம்ராபலியின் மீது தாங்கொணா மயக்கம் கொண்டிருந்த அரசன் அவள் தனியொருவருக்குச் சொந்தமாக இருக்க மனமொப்பவில்லை. வைஷாலியின் இளவயது காதலைக் கொலை செய்து விட்டு அவளை அரசவை நர்த்தகியாக்கி வைஷாலி ஜனபத கல்யாணியாக்குகிறான். இது அங்கே தென்னகத்தின் தேவதாசி முறைக்குச் சற்றும் குறையாத ஒரு பட்டம். அம்ராபலியின் அழகில் வைஷாலி அரசன் மட்டுமல்ல மகதத்தின் பிம்பிசாரனும் கூட  தேனில் விழுந்த வண்டாக மயக்கம் கொள்கிறான். பிம்பிசாரன் அந்நாளில் வீணை கற்றுக் கொண்டு கலையில் தேர்ந்தவனாகவும் இருந்ததால் அவனை அம்ராபலியும் விரும்பத் தொடங்குகிறாள். இதற்கு நடுவில் தந்தையின் ஆணையை நிறைவேற்ற வைஷாலி ராஜ்ஜியத்தின் மீது படை கொண்டு வருகிறான் பிம்பிசாரன். பெரும்போர் நடைபெறுகிறது. பல்லாயிரக் கணக்கானோர் போரில் மாண்டு போகிறார்கள். வைஷாலி தீக்கிரையாக்கப் படுகிறது. இதனால் மனமுடைந்து போன அழகி அம்ராபலி மன அமைதி வேண்டி புத்தரை நாடிச் செல்கிறாள். ஆரம்பத்தில் பெளத்தத் துறவிகள் அவளை ஏற்றுக் கொள்ளாவிட்டாலும் புத்தர் அம்ராபலியின் குற்றமற்ற தன்மையைப் பற்றி விளக்கியதும் பெளத்த துறவிகளில் ஒருவராக அம்ராபலியும் ஏற்றுக் கொள்ளப் படுகிறார். இப்போதும் கூட அம்ராபலி புத்தரைச் சந்தித்த மாமரச் சித்திரம் பெளத்த ஜாதகக் கதைகளில் குறியீடாகப் பயன்படுத்தப் படுகிறது.

சமஸ்கிருதத்தில் அம்ரா என்றால் மாங்கனி என்று பொருளாம். அம்ராபலி பிறந்ததுமே அவளது தாய் அவளை ஒரு மாமரத்தின் அடியில் கிடத்தி கை விட்டுச் செல்கிறாள். பிறகு அம்ராபலி வைஷாலியைச் சேர்ந்த அரசவை நடன ஆசிரியரான குமார் பட்டால் வளர்க்கப்பட்டு வாழ்வின் அழகியலையும், துன்பியலையும் ஒரு சேர அனுபவித்து முடிவில் அமைதி நாடி புத்தரைத் தேடிச் சென்று துறவியாவதாக பெளத்தக் கதைகள் சொல்கின்றன.

அந்த அம்ராபலியின் நினைவாகத் தான் இந்த ஜெய்பூர் நகைக்கடைக்கு இந்தப் பெயர் அமைந்திருக்கிறது. பாகுபலி ரசிகர்கள் கவனத்துக்கு ஒரு டிப்ஸ்... சென்னையில் அம்ராபலியின் கிளை நுங்கப் பாக்கம் காதர்நவாஸ்கான் சாலையில் இருக்கிறதாம். கூகுளாண்டவர் சொல்கிறார். நகைகளின் விலைகள் ரூ 600 தொடங்கி பாகுபலியின் அனுஷ்கா அணிந்து வந்த நகைகளைப் போல என்றால் 60000, 70000 ரூபாய் வரையிலும் வெரைட்டியாக கிடைக்கிறதாம். பாகுபலிக்காக வடிவமைத்த டிசைன்களில் படப்பிடிப்புத் தேவை போக எஞ்சிய நகைகளெல்லாம் கூட தற்போது விற்பனைக்கு வைக்கப்பட்டுள்ளனவாம். விரும்புவோர் வாங்கிச் செல்லலாம் என அறிவித்திருக்கிறார்கள்.

பாகுபலிக்காக மட்டும் இல்லை இதற்கு முன்பே பாலிவுட்டின் ராம்லீலா திரைப்பட்த்துக்கும், ஹாலிவுட்டில் ட்ராய் திரைப்படத்துக்கும் இவர்கள் நகைகளை வடிவமைத்துக் கொடுத்திருக்கிறார்கள் என்பது குறிப்பிடத்தக்கது.

அவ்வளவு தான் பாகுபலிக்கும், அம்ராபலிக்குமான தொடர்பு!
 

Image courtsy: Google

]]>
bahubali , chennai, பாகுபலி, jaipur, அம்ராபலி, பெளத்தம், நகைக்கடை, பெளத்த பிக்குணி, amrapali, amrapali jewell shop, haydrabad http://images.dinamani.com/uploads/user/imagelibrary/2017/5/5/w600X390/amrapali_j1.jpg http://www.dinamani.com/lifestyle/lifestyle-fashion/2017/may/05/interesting-link-between-tha-bahubali-amrapali-2696735.html
2677871 லைஃப்ஸ்டைல் ஃபேஷன் பெட்டிகோட்களுக்கு முடிவு கட்டுங்கள், சேலைக்கு பெல்ட் போதும்... புது ஃபேஷன் புரட்சி! கார்த்திகா வாசுதேவன் Monday, April 3, 2017 01:36 PM +0530  

ஆறு கெஜப் புடவைகளை ஒரே மாதிரியாக 8 ஃப்ளீட்ஸ் வைத்து இடுப்பில் சொருகியும், 6 ஃப்ளீட்ஸ் மடிப்பு வைத்து மேலாக்காக மடித்துப் போட்டுக் கொள்வதையும் தவிர்த்தால் புடவையை வைத்து வேறு எந்த விதமான ஃபேஷனையும் உருவாக்க முடியாது. மிஞ்சிப் போனால் வட இந்திய பாணியில் மேலாக்கை பின்புறமாகப் படர விடாமல் முன்புறமாக விசிறிப் போட்டுக் கொள்வது ஒரு பெரிய ஃபேஷன் மாற்றம் என்று ஒப்புக் கொள்ள முடியாது. தமிழ்நாட்டில் திருமண வரவேற்புகளில் மட்டும் இப்படி கலாச்சாரப் மாற்றம் நடக்கும். மற்றபடி புடவை என்றால் மேலே சொன்னபடி தான் உடுத்துவது என்பது மரபு.

அதை உடைத்து, ஒரு மாற்றத்துக்காக, புடவைகளை வேறு, வேறு விதமாக உடுத்திப் பழகினால் என்ன? என்கிறார்கள் ஃபேஷன் டிஸைனர்கள். அவர்கள் சொல்வதிலும் தவறில்லையே! ஆறு கெஜம் புடவைகளை எப்படியெல்லாம் மாற்றி, மாற்றி ஸ்டைலாக உடுத்தலாம் எனச் சொல்கிறார்கள் வூனிக் நிறுவனத்தின் சீப் ஸ்டைலிஸ்ட் பவ்யா சாவ்லாவும், ஸ்டைல்டேக்.காமின் நிறுவனர் மற்றும் இயக்குனரான யசோதரா ஷெரிப்பும்;

  • பாரம்பரியமாக புடவைக்கு மேட்ச் ஆக இடுப்பைக் காட்டும் பிளவுஸ் அணியும் வழக்கத்தை தூக்கிக் கடாசி விட்டு, சிக்கென்று உடலுக்குப் பாந்தமாய் கிரப் டாப் ஜாக்கெட் வகையறாக்களைப் பயன்படுத்தலாம். இவற்றை வயிற்றுப் பகுதியை மறைக்கும் விதமாகவும் வடிவமைக்கலாம். புடவை இடுப்பில் நழுவாமல் நிற்கச் செய்ய பெட்டிகோட் அணிவார்கள். அந்த வழக்கத்தையும் இனி உதறி விட்டு, சேலைக்குப் பொருத்தமாக கிரப் டாப் அணிந்து, அதற்குப் பொருத்தமாக பெட்டிகோட்டுகளுக்குப் பதிலாக பெல்ட்டுகளை தேர்ந்தெடுத்து உடுத்தலாம். பார்க்க புது ஃபேஷனாக இருப்பதோடு அணிந்து கொண்டு நடமாடவும் எளிதாக இருக்கும். கிரப் டாப் தேர்ந்தெடுக்கும் போது, டாட்டட் பிரிண்ட்டுகள், மோனோகுரோம் பிரிண்டுகள் உள்ளவற்றுக்கு முன்னுரிமை தரலாம். மேலும் இந்த முறையில் புடவைகளை அணிய கிரப் டாப்புகள் தவிர பெப்லம் வகை டாப்ஸ்களையும் பயன்படுத்தலாம். புதுமையாக இருக்கும்.

  • அது மட்டுமல்ல சுஷ்மா ஸ்வராஜ் கோட் அணியும் ஸ்டைலில், புடவைகளுக்கு மேட்ச் ஆக ஜாக்கெட்டுகள் அல்லது ஃபீமேல் ஷர்ட்டுகள் அணியலாம். அந்த ஜாக்கெட்டுகளுக்கு வெல்வெட், டெனிம், அல்லது எம்பிராய்டரி செய்யப்பட்ட காலர்களை புடவைகளுக்கு மேட்ச் ஆக டிஸைன் செய்து உடுத்தலாம். உடலை முழுதாக கவர் செய்யும் ஜாக்கெட்டுகள் மற்றும் முழுதாக பிரிண்ட் வொர்க் செய்யப்பட்ட ஷர்ட்டுகளை புடவைகளுக்கு மேட்ச் ஆக அணிந்தால் அது புது டிரெண்டாக இருக்கும். உதாரணமாக பிளெயின் புடவைகளுக்கு மேட்ச் ஆக ஹெவியாக எம்பிராய்டரி செய்யப்பட்ட ஜாக்கெட்டுகளையும், விக்டோரியன் ஹை காலர் வைத்த நீண்ட ஸ்லீவ்கள் கொண்ட ஜாக்கெட்டுகளையும் பயன்படுத்தலாம். அது தரும் ரிச் லுக் அலாதியானது. 

  • புடவைகளுக்கு பெல்ட் அணியும் ஸ்டைல்: புடவைகளுக்கு பொருத்தமாக பெல்ட் தேர்ந்தெடுத்து அணிந்தால் அது தரும் கிளாஸி லுக் அபாரமாக இருக்கும். மெல்லிய உலோக பெல்ட்டுகள், லெதர் பெல்ட்டுகள், துணி பெல்ட்டுகள் என எந்த மெட்டீரியலைப் பயன்படுத்தி வேண்டுமானாலும் பெல்ட் அணியலாம். முக்கியமாகப் பின்பற்ற வேண்டிய விசயம், பெல்ட் உங்களது இடுப்புக்கு சற்றே மேலிருக்க வேண்டும். இந்தன் முக்கியமான பயன் என்னவெனில், முன்புற பிளீட்ஸ்களை நகராமல் மடிப்பு கலையாமல் பாதுகாத்து கச்சிதமான உடலமைப்பை அழகாக வெளிப்படுத்தும். அதோடு பள்ளு டிஸனையும் அழகாக விசிறி போல உடுத்த உதவும்.
  • பெட்டிகோட் அணியும் வழக்கத்தை குழி தோண்டி புதைத்து விட்டு உங்கள் புடவைகளுக்கு மேட்ச் ஆக பலாஸோக்கள், தோத்திகள் மற்றும் ஜீன்ஸ்களைப் பயன்படுத்தலாம். புடவைகளை இவற்றோடு மிக்ஸ் செய்து அணியும் போது அவை தரும் தோற்றம் நிச்சயம் வேறு விதமாக இருக்கும்.
  • வழக்கமாக உடுத்தும் காஞ்சிபுரம் மற்றும் ஜார்ஜெட் புடவைகளை விட்டு விட்டு ஒரு மாற்றத்துக்கு டெனிம் அல்லது ஜீன்ஸ் துணியாலான புடவைகளை முயற்சிக்கலாம். டெனிம், ஜீன்ஸ் மட்டுமல்ல எண்ணிலடங்கா வகையில் குவிந்துள்ள வேறு வகையான ஃபேப்ரிக்குகளையும் புடவைகளாக டிஸைன் செய்து வித்யாசமாக உடுத்தி புது ஸ்டைல் கிரியேட் செய்யலாம்.
]]>
belt your sari, ditch the petticoats, fashion trend, change tradition, மாற்றம் ஃபேஷன் முன்னேற்றம், புடவைகளுக்கு பெல்ட், விக்டோரியன் ஹை காலர் ஜாகெட்டுகள் http://images.dinamani.com/uploads/user/imagelibrary/2017/4/3/w600X390/1_crop_top_fashion.jpg http://www.dinamani.com/lifestyle/lifestyle-fashion/2017/apr/03/பெட்டிகோட்களுக்கு-முடிவு-கட்டுங்கள்-சேலைக்கு-பெல்ட்-போதும்-புது-ஃபேஷன்-புரட்சி-2677871.html
2651261 லைஃப்ஸ்டைல் ஃபேஷன் ஷாலினி விசாகனின் சுவஸ்திரா டிசைன் ஸ்டுடியோ வழங்கும் மாற்றுத்திறனாளிகளுக்கான ஃபேஷன் அணிவகுப்பு! கார்த்திகா வாசுதேவன் Friday, February 17, 2017 03:56 PM +0530  

அழகிப் போட்டிகளும், பொருட்களை அறிமுகம் செய்விக்கும் புரமோஷன் மேடை அணிவகுப்புகளும் அதிகரித்து வரும் இன்றைய நாட்களில் ‘ராம்ப் வாக்’ என்றால் என்னவென்று எல்லோருக்கும் புரிந்தே இருக்கும். ராம்ப் வாக் என்றால் அதில் அழகிகள் மட்டும் தான் பங்கேற்க வேண்டும் என்று சட்டமில்லை. பிரபல டிசைனர்களில் ஒருவரான ஷாலினி விசாகன் சுவஸ்திரா என்ற பெயரில் தனது பிரத்யேக பிராண்டுகளில் புதுப் புது வகையான ஆடைகளை வருடம் தோறும் அறிமுகப்படுத்தி வருகிறார். அந்த வகையில் இந்த முறையும் ஷாலினி மாற்றுத் திறனாளிகளுக்கான ஸ்பெஷல் ஆடைகளை வடிவமைத்து அந்த ஆடைகளின் அறிமுக விழா அணிவகுப்புகளிலும் மாற்றுத் திறனாளிகளையே பங்கேற்க வைத்திருப்பது வரவேற்கத்தக்கது. 

இந்த முயற்சியில் ஷாலினியுடன் கைகோர்த்திருப்பவர்கள் சர்வ தேச அளவில் மார்பகப் புற்றுநோயால் பாதிக்கப்பட்ட பெண்களுக்கு என்றே பிரத்யேகமாக ‘மாஸ்டெக்டோமி’ வகை ரவிக்கைகளை வடிவமைத்த ஃபேஷ்ன் இரட்டையர்களான ஷிவன்& நரேஷ். புகழ்பெற்ற நீச்சல் ஆடை வடிவமைப்பாளர்களான இவர்கள் இந்த முறை ஷாலினியுடன் இணைந்து குழந்தைகள் மற்றும் மாற்றுத்திறனாளிகளுக்கான செளகரியமான புது ஆடை வகைகளை வடிவமைத்து அவற்றை அறிமுகப்படுத்தி இருக்கிறார்கள்.

 

நாள் முழுக்க சக்கர நாற்காலியிலேயே கழிக்க வேண்டிய நிர்பந்தம் உள்ள மாற்றுத் திறனாளிகள், குறிப்பாக முதுகுத் தண்டுவட பாதிப்ப்புள்ளவர்கள், கைகள் அல்லது கால்களில் சீரான இயக்கம் இல்லாதவர்கள், தங்களது ஆடைகளின் பட்டன்களையோ, ஷிப்களையோ போட்டுக் கொள்ள முடியாதவர்கள் போன்றவர்களுக்கென்றே ஸ்பெஷலாக காந்தங்களையும், ஒட்டும் பட்டன்களையும் பயன்படுத்தி ஆடைகள் வடிவமைக்கப்பட்டுள்ளன.


 
தேசிய ஃபேஷன் டிசைனர் பள்ளி மாணவியான 30 வயது ஷாலினி மனந்து கொண்டதும் ஒரு மாற்றுத் திறனாளியைத் தான். ஷாலினியின் கணவர் ஜஸ்டின் விஜய் ஜேசுதாஸ் ஒரு மாற்றுத்திறனாளி என்பதால் அவருக்கு வசதியாக ஆடைகளை வடிவமைக்கத் தொடங்கியது தான் இந்த முயற்சியின் தொடக்கம் என ஷாலினி தெரிவித்தார். தனது கணவருக்காக ஸ்பெஷல் லூப்கள் வைத்து முதன்முதலாக ஷாலினி ஒரு ஆடையை வடிவமைத்தார். பின்பு தண்டுவடப் பாதிக்கப்பட்ட தனது பக்கத்துவீட்டுப் பெண்மணிக்காக எளிதில் உடுத்துக் கொள்ளும் வகையிலான ஒரே பீஸ் துணியால் ஆன புடவையை வடிவமைத்துக் கொடுத்தார். இப்படித் தொடங்கியது தான் பின்னர் முழுக்க முழுக்க மாற்றுத் திறனாளிகளின் செளகரியத்தை மட்டுமே மனதில் வைத்து ஆடைகளை வடிவமைக்கும் எண்ணத்துக்கு உந்துகோளானது.

ஷாலினியின் டிசைன் ஸ்டுடியோவில் தற்போது மாற்றுத் திறனாளிகளில் பெண்களுக்கான கிரப் டாப்ஸ், மேக்ஸி ஸ்கர்ட்டுகள், பல்லாஸோக்கள் மற்றும் ஆண்களுக்கான குர்தாக்கள், ஷெர்வானிகள், வேஷ்டிகள் உள்ளிட்டவை குறைந்த பட்சமாக 1000 ரூபாயிலிருந்து கிடைக்கிறது. எல்லா உடைகளிலும் மேனுவலான ஷிப்கள் தவிர்க்கப்பட்டு, அவற்றுக்குப் பதிலாக ஆடைகளில் காந்தங்கள் பயன்படுத்தப்பட்டுள்ளன.

ஷாலினியின் சுவஸ்திரா டிசைன் ஸ்டுடியோ ஆடைகளை வாங்கிப் பயன்படுத்த விரும்பும் மாற்றுத்திறனாளிகள் 9962318808 என்ற எண்களில் தொடர்பு கொள்ளலாம்.

]]>
ramp walk, suvasthra design studio, shalini visakan, மாற்றுத்திறனாளிகளுக்கான ஆடைகள், ஷாலினி விசாகன், சுவஸ்திரா http://images.dinamani.com/uploads/user/imagelibrary/2017/2/17/w600X390/shalini_visakan.jpg http://www.dinamani.com/lifestyle/lifestyle-fashion/2017/feb/17/ஷாலினி-விசாகனின்-சுவஸ்திரா-டிசைன்-ஸ்டுடியோ-வழங்கும்-மாற்றுத்திறனாளிகளுக்கான-ஃபேஷன்-அணிவகுப்பு-2651261.html
2622171 லைஃப்ஸ்டைல் ஃபேஷன் குழந்தைங்க கண்ல படாம பார்த்துக்குங்க... இல்லைன்னா உங்க பர்ஸ் பழுத்துடும்! கார்த்திகா வாசுதேவன் Monday, December 26, 2016 05:02 PM +0530 உங்கள் வீட்டில் ஐந்து வயதுக்குட்பட்ட குழந்தைகள் இருக்கிறார்களா? அப்படியானால் நிச்சயமாக குறைந்த பட்சம் ஐந்தாறு பார்பி பொம்மைகள், இரண்டு மூன்று எல்சா பொம்மைகள், கணக்கு வழக்கற்று ஃபர்ரில் தயாரான டெடி பியர் பொம்மைகள், நாய்க்குட்டி பொம்மைகள் எனக் கூடை நிறைய பொம்மைகள் வைத்திருப்பீர்கள். அதிலும் பெண் குழந்தைகள் இருக்கும் வீடென்றால் சொல்லவே தேவையில்லை நிச்சயம் பார்பிகளும், எல்சாக்களுமாக விடுமுறைநாட்களில் வீடு முழுக்க பொம்மைகள் இரைபடும். வெறும் பார்பிகள் மட்டுமென்றால் கூட அவற்றை கைக்கோ, காலுக்கோ சிக்கும் போதெல்லாம் அவ்வப்போது எடுத்து வைத்து விடலாம். ஆனால் இந்த பார்பிகளுக்கும், எல்சாக்களுக்குமாக அவற்றைத் தயாரிக்கும் நிறுவனத்தார் அள்ளி வழங்கும் ஈடு இணையற்ற இணைப் பொருட்கள் அரை டஜன் இருக்கும். அவை

சிறு முகம் பார்க்கும் கண்ணாடி
இரண்டு மூன்று விதமான ஹை ஹீல்ஸ் ஷூக்கள்
பார்பி ஹேண்ட் பேக்
பார்பிக்களுக்கு பொருத்தமாக இரண்டு மூன்று செட் உடைகள்
பார்பிக்களுக்கு தலை வார ஒரு ஸ்பெஷல் சீப்பு
எல்சா பொம்மைகளுக்கு தலையில் ஒரு குட்டி கிரீடம்
கழுத்துக்கு குட்டி நெக்லஸ் வேறு!

இவற்றை பத்திரப் படுத்துவதற்குள் சில அம்மாக்களுக்கும், குழந்தைகளுக்கும் போதும், போதுமென்றாகி விடும்!. இவையெல்லாம் பார்க்க அழகாகத் தான் இருக்கின்றன, ஆனால் மூன்றூ வயதுக்குட்பட்ட குழந்தைகள் இருக்கும் வீடென்றால் அந்தக் குழந்தைகள், அளவில் சின்னஞ் சிறியவையான இந்த பார்பி துணைப் பொருட்களை வாயில் போட்டு விழுங்கி விடக் கூடாதே என்பது வேறு அனாவசியமான பீதி! இதுவரை பார்பி பொம்மைகள் குறித்து அப்படியான எதிர்மறை செய்திகள் எதுவும் பதிவானதாகத் தெரியவில்லை. ஆனாலும் அம்மாக்களுக்கு என்றே இருக்கும் பொதுவான பயத்தைப் பற்றியும் நாம் யோசிக்க வேண்டும் தானே? 
பார்பி பொம்மைகள் அறிமுகப்படுத்தப் பட்ட காலம் தொட்டே உலகம் முழுதும் இன்றளவிலும் அதற்கு மிகப்பெரிய வரவேற்பிருக்கிறது. கிடைத்த வரவேற்பை என்றென்றைக்குமாக தக்க வைத்துக் கொள்ளவென்றே பார்பி பொம்மை தயாரிப்பாளர்கள் குழந்தைகளை ஈர்ப்பதற்கென்றே புதிது, புதிதாக எதையாவது கண்டுபிடித்து குழந்தைகளின் பொம்மை வாங்கும் ஆர்வத்தை தூண்டிக் கொண்டே இருக்கிறார்கள் எனவும் சொல்லலாம். அந்த வகையில் பார்பியின் சமீபத்திய கண்டு பிடிப்பு ‘ஹலோ பார்பி டிரீம் ஹவுஸ்’

பார்பி பொம்மைகளுடன் இணைக்கப்பட்டு வரும், கைக்கண்ணாடி, சீப்பு, ஷூக்கள், உடைகள் இவற்றைத் தாண்டி இப்போது பார்பிகளுக்கென்றே லிஃப்ட் வசதியுடன் குட்டியாக ஒரு பொம்மை வீட்டையும் பார்பி நிறுவனத்தார் வடிவமைத்து குழந்தைகளுக்கான விளையாட்டுப் பொருட்களுக்கான சந்தையில் விற்பனைக்கு விட்டுள்ளனர். இதன் பெயர் தான் ‘ஹலோ பார்பி டிரீம் ஹவுஸ்’ இந்த டிரீம் ஹவுஸில் என்ன ஸ்பெஷல் என்கிறீர்களா?  இந்த பொம்மை வீட்டில் லிஃப்ட் இருக்கிறது. பாத்ரூமில் ஷவ்ர் இருக்கிறது, பார்பி பொம்மைகளைத் தூங்க வைக்க அருமையான பெட் ரூம் கூட உண்டு. அதோடு வீட்டிற்கு லிஃப்ட் தவிர மாடிப்படிகளும் உண்டு. தேவைப்பட்டால் படிகளை சறுக்கு மரம் போல மாறச் செய்து பொம்மைகள் வீட்டின் முதல் மாடியிலிருந்து சரிந்தும் இறங்கலாமாம்! பார்பிகள் ஹோம் வொர்க் செய்ய அழகான ஸ்டடி ரூம் உண்டு. இந்த பொம்மை வீட்டின் எல்லா அறைகளிலும் விளக்குகள் பொறுத்தப் பட்டுள்ளன. இந்த ‘ஹலோ பார்பி டிரீம் ஹவுஸை’ மொபைல் ஆப் மூலம் கட்டுப்படுத்தலாம். மேலும் குழந்தைகள் கூகுள் வாய்ஸ் தேடுதல் பொறி முறையைப் பயன்படுத்துவது போல இந்த ஹலோ பார்பி டிரீம் ஹவுஸ் செயல்பாடுகளை தங்களது குரல் மூலம் கட்டுப்படுத்த முடியும். 

பார்பி டிரீம் ஹவுஸ் வசதிகள் அனைத்தும் குழந்தைகளை ஈர்ப்பதாகத் தான் இருக்கின்றன. ஆனால் அதன் கட்டமைப்பில் முதற்கட்டமாக என்ன கோளாறுகள் இருந்தனவோ தெரியவில்லை. நேற்றைய கிறிஸ்துமஸ் நாளில் உலகம் முழுக்க இந்த பொம்மை வீட்டை வாங்கியவர்களிடையே மிகப் பெரும் ஏமாற்றமாகி விட்டது. கிறிஸ்துமஸ் தினமும் அதுவுமாக விடுமுறை நாளில் குழந்தைகளால் இந்த ஹலோ பார்பி டிரீம் ஹவுஸில் நேற்று சரி வர விளையாட முடியவில்லையாம். குழந்தைகளின் குரலுக்கு கட்டுப்படாமல் பார்பி டிரீம் ஹவுஸ் மெளனம் சாதித்தால் என்ன அர்த்தம்?! விளையாட முடியாமல் ஏமாற்றமடைந்த குழந்தைகளின் பெற்றோர் இந்த பொம்மை வீடுகளைத் தயாரிக்கும் மேட்டல் நிறுவனத்திடம் புகார் அளித்தனர். புகாருக்கு பதிலளித்த மேட்டல் தனது வாடிக்கையாளர்களுக்கு;

குறைந்த பட்சம் 15 நொடிகளுக்கு தங்களது ஹலோ பார்பி டிரீம் ஹவுஸின் மின் இணைப்பை, துண்டித்து மீண்டும் இயக்கச் சொல்லி வேண்டுகோள் விடுத்திருக்கிறது. இப்படிச் செய்ததால் பிரச்சினை தீர்ந்ததா என்பது குறித்து போதிய தகவல்கள் இல்லை.

எது எப்படியோ குழந்தைகளை ஈர்ர்க்கவென்று  பொம்மை தயாரிப்பாளர்கள் புதிது, புதிதாக எதையெல்லாம் சிந்திக்கிறார்களோ? அவையெல்லாம் குழந்தைகளுக்கு சிறந்த பொழுது போக்கு சாதனங்களாக இருக்கின்றதோ இல்லையோ? பெற்றோர்களின் பர்ஸை கணிசமாகப் பதம் பார்க்கக் கூடிய வகையானதாகவே இருக்கின்றன.

ஹலோ பார்பி டிரீம் ஹவுஸில் எப்படி விளையாடுவதென்று தெரிந்து கொள்ள இந்த வீடியோ உதவலாம்...

இந்த ஹலோ பார்பி டிரீம் ஹவுஸ் பார்க்க வெகு அழகாக இருக்கிறது. ஆனால் ஒரே விதமான விளையாட்டு அனுபவத்தை மட்டுமே தான் தரக் கூடியதாக இருக்கும் போல் தெரிகிறது. இதனால் குழந்தைகளிடம் பெரிதாக என்ன சந்தோசத்தை விளைவித்து விட முடியுமென்று தான் தெரியவில்லை.

]]>
பார்பி பொம்மைகள், ஹலோ பார்பி டிரீம் ஹவுஸ், barbie dolls, hallo barbie dream house http://images.dinamani.com/uploads/user/imagelibrary/2016/12/26/w600X390/barbie_dream_house.jpg http://www.dinamani.com/lifestyle/lifestyle-fashion/2016/dec/26/குழந்தைங்க-கண்ல-படாம-பார்த்துக்குங்க-இல்லைன்னா-உங்க-பர்ஸ்-பழுத்துடும்-2622171.html
2600304 லைஃப்ஸ்டைல் ஃபேஷன் டைட்டன்ல இனி புடவைகளும் வாங்கலாமாமே! Thursday, November 17, 2016 04:26 PM +0530 டைட்டன் நிறுவனம் சோதனை முயற்சி அடிப்படையில் இனிமேல் பெண்களுக்கான பாரம்பரிய உடைகளை விற்பனை செய்யும் நிலையங்களையும் தொடங்க இருக்கிறதாம். டாட்டா குழுமத்தைச் சார்ந்த டைட்டன் முன்பே ஃபாஸ்ட் டிராக் உள்ளிட்ட பிற பிராண்ட் கைக்கடிகாரங்களை டைட்டன் பிராண்டின் கீழ் விற்பனை செய்வது நமக்குத் தெரிந்த விசயமே! இந்நிறுவனம் ’தனிஷ்க்’ என்ற பெயரின் கீழ் நகை விற்பனையும், டைட்டன் ஐ பிளஸ் என்ற பெயரில் ஸ்டைலிஷ் ஆன மூக்குக் கண்ணாடிகளும் விற்பனை செய்து வருகிறது. வெற்றிகரமான பிற முயற்சிகளைப் போலவே இனி வருங்காலத்தில் தனிஷ்க் ஷோரூம் செல்லும் பெண்கள் அங்கேயே தங்களுக்குத் தேவையான பட்டுப்புடவைகள் அல்லது பிராண்டட் உடைகளையும் தேர்வு செய்து வாங்கிக் கொள்ளும் வசதி வந்து விடும். ரிலயன்ஸ் நிறுவனத்தார் ரிலயன்ஸ் டிரெண்ட்ஸ், ரிலயன்ஸ் ஃப்ரெஷ், ரிலயன்ஸ் கிரீன் டிரெண்ட்ஸ் என்று ரீடெயில் மார்கெட்டில் தங்களது எல்லைகளை விரித்துக் கொண்டே செல்வது போலவே டாட்டாவும் தனது எல்லைகளை  விரித்துக் கொண்டே செல்கிறது. இதனால் பொதுமக்களுக்கு என்ன பலன் என்று பார்த்தால்... பெரிதாக ஒன்றுமில்லை என்று தான் சொல்ல வேண்டியிருக்கிறது. 

சரவணா ஸ்டோர்ஸ், போத்தீஸ், போன்ற பெரிய ஜவுளிக் கடல்கள் நகைக்கடை, துணிக்கடை, அழகு சாதனப் பொருட்களுக்கான கடை, கேண்டீன் என்று ஒரே இடத்தில் அனைத்தையும் விற்று மக்களை செலவு செய்யத் தூண்டுவதைப் போலத்தான் இதுவும். வாட்ச் வாங்கலாம் என்று டைட்டன் ஷோரூம் செல்பவர்கள் இனிமேல் தனிஷ்க் அவுட்லெட்டில் ஏதாவதொரு நகையும், டைட்டன் ஐ பிளஸில் உடைக்குப் பொருத்தமாக லென்ஸ்களும் வாங்கி மாட்டிக் கொள்ள வேண்டியது தான் பாக்கி. ஃபேஷன் உலகுக்கு டைட்டனில் இருந்து இன்னொரு தரமான பிராண்ட் கிடைத்தது என்ற வகையில் இந்த முயற்சியைப் பாராட்டலாம்.                                                                   
 

]]>
titan women's ethnic wear, டைட்டனில் புடவை விற்பனை http://images.dinamani.com/uploads/user/imagelibrary/2016/11/17/w600X390/titan_pilot_effort.jpg http://www.dinamani.com/lifestyle/lifestyle-fashion/2016/nov/17/டைட்டன்ல-இனி-புடவைகளும்-வாங்கலாமாமே-2600304.html
2588534 லைஃப்ஸ்டைல் ஃபேஷன் புத்தம் புது மோஸ்தர் நகை விரும்பிகளுக்கு ஜோயாவின் கிருஷ்ணா கலெக்‌ஷன்ஸ்! கார்த்திகா வாசுதேவன் Tuesday, November 1, 2016 12:41 PM +0530 நகை வடிவமைப்பு அப்படி ஒன்றும் எளிதான வேலையில்லை, இதில் போட்டிகள் நிறைய இருந்தாலும் ஒரு நகையை வாடிக்கையாளர் விருப்பத்திற்கும், திருப்திக்கும் ஏற்ப வடிவமைத்து வெற்றி காண்பதென்பது மிகவும் சவாலான விசயம். இதைச் சொல்வது யார் தெரியுமா?  டாட்டாவின் ’ஜோயா’ ஜூவல்லரி கலெக்சன்ஸின் தலைமை நகை வடிவமைப்பாளரான சங்கீதா திவான்.

நகை வடிவமைப்பில் கிட்டத்தட்ட 20 முழு ஆண்டுகள் பரிச்சயமும், அனுபவமும் உள்ள சங்கீதா சொன்னால் அது சரியாகத் தான் இருக்கும். ஏனெனில் பெண்கள் தங்களுக்கான நகைகளைத் தேர்வு செய்வதில் அத்தனை எளிதாக திருப்தி அடையவே மாட்டார்கள் என்பதற்கு நம் ஊர் நகைக்கடைகளே மவுன சாட்சிகள். சங்கீதாவின் நகை வடிவமைப்பு மேன்மைக்கு சிறந்த உதாரணமாக ’ஜோதா அக்பர்’ திரைப்படத்தில் ஜோதாவாக வரும் ஐஸ்வர்யாவின் நகை மாதிரிகளைக் கூறலாம்.

அண்ணாச்சி பலசரக்குக் கடை ரேஞ்சில் இப்போதெல்லாம் பெரு நகரம், சிறு நகரம் எங்கு பார்த்தாலும் மூலை, முடங்குகளில் கூட நகைக்கடைகள் எங்கிருந்தோ முளைத்து விடுகின்றன. தங்கமோ, வைரமோ விலை ஏறினாலும், இறங்கினாலும் மக்களிடையே நகை வாங்கிக் குவிக்கும் ஆர்வம் மட்டும் ஒரு குறையும் இன்றி போஷாக்காக பேணி வளர்க்கப்படுகிறது. அதற்கு முதல் காரணம் தங்கத்திலும், வைரத்திலும் பணத்தைக் கரைப்பது செலவே அல்ல அது ஒரு முதலீடு என்ற ஆழமான அடிப்படை எண்ணம் தான். 

தங்கமும், வைரமும் முதலீடு என்பதற்காக அதை அப்படியே தங்க பிஸ்கட்டுகளாகவோ, தனிக் கற்களாகவோ சேமிக்க முடியும் தான். ஆனால் அதை நண்பர்களிடம் காட்டிப் பெருமை கொள்ள முடியாதே. அங்கே தான் நகை வடிவமைப்பிற்கான தேவை முக்கியத்துவம் பெறுகிறது. ஆரம்பத்தில் பூக்கள், இலைகள், முக்கோணம், வட்டம், கோளம் கணித வடிவங்கள் என்று திருப்தி அடைந்த மக்கள் இப்போது நகைகளில் நாளுக்கொரு புது மோஸ்தர் தேடுகிறார்கள். கற்பனைக்கு எட்டாத கலைநயமிக்க பல நகை வடிவமைப்பு மாதிரிகளுக்கு மக்களின் அல்லது வாடிக்கையாளர்களின் தணியாத இந்த ஆர்வம் தான் மிகப்பெரிய உந்துசக்தி.

அதற்கொரு உதாரணமாக டாட்டாவின் சமீபத்திய ஜோயா பிராண்ட் நகை கலெக்‌ஷனான ’கிருஷ்ணா’வைச் சொல்லலாம். கிருஷ்ணனைப் பற்றிய பாரதக் கதைகள், பாகவத புராணக் கதைகள் இவற்றிலிருந்தெல்லாம் சம்பவங்களை ஒருங்கமைத்து அதைச் சார்ந்து நகை வடிவமைப்பு செய்திருக்கிறார்கள். அதாவது கோகுலத்தில் மரத்தடியில் கன்றோட்டிக் கொண்டு புல்லாங்குழல் இசைக்கும் கண்ணன் தங்கமாகவும், வைரமாகவும் இழைக்கப்பட்டு குட்டி பென்டண்ட்டாக நம் கழுத்தில் ஆடினால் கசக்குமா நமக்கு?! குழலூதும் கண்ணன் மட்டுமல்ல கோபிகைகளுடன் ஆடும் கண்ணன், ராதையுடன் ஏகாந்தமாய் ஊஞ்சலில் ஆடும் கண்ணன்...

விளையாட்டுப் பிரியனான பிருந்தாவனக் கண்ணனின் பிள்ளைக் குறும்புகள், கோவர்த்தன மலையைத் தூக்கும் கண்ணன், மைக்ரோ பகவத் கீதை பென்டண்ட், மயிற்பீலி அணிந்த மாயோனின் புன்னகை முகம் இத்தனையையும் அணிவதற்கு எளிதாக காம்பாக்ட் டிஸைன்களில் வடிவமைப்பது நகை வடிவமைப்பாளர்களுக்கு மிகப்பெரும் சவால் மட்டுமல்ல சாதனையும் கூடத்தான் இல்லையா?

நெய்க்குடமும், பால்குடமும் சுமந்து செல்லும் ஆயர்குலப் பெண்களைப் பாருங்கள்...

ஒரு தேர்ச்சி பெற்ற நகை வடிவமைப்பாளராக தன்னை கவர்ந்திழுப்பவை இத்தகைய சவால்கள் தான் என்கிறார் சங்கீதா திவான். ஏனெனில் மக்களிடையே பணப் புழக்கம் பெருகி விட்ட இந்நாட்களில் தேவைக்காக நகை வாங்குவதைத் தாண்டி விருப்பதிற்காக நகை வாங்கும் பழக்கம் மற்றும் அடிக்கடி நகைகளை எக்சேஞ்ச் செய்யும் பழக்கம் பெருகி வருகிறது. இப்படியான சூழலில் வாடிக்கையாளர்களின் விருப்பம் சில சமயங்களில் புதுமையையும், பழமையையும் ஒருசேர எதிர்பார்க்கிறது. ஜோயாவின் கிருஷ்ணா கலெக்‌ஷன் நகைகள் அத்தகைய விருப்பங்களை நிறைவேற்றுவதற்கு என்றே உருவாக்கப்பட்டுள்ளன. அதனால் தான் இதற்கு ‘கேப்ஸூல் கலெக்‌ஷன்ஸ்’ என்று பெயரிடப்பட்டுள்ளது என்றும் சங்கீதா கூறினார்.

ஜோயாவின் ’கிருஷ்ணா கேப்சூல் கலெக்‌ஷன்ஸ்’ நகைகளைக் காண்பதற்கான யூ டியூப் வீடியோ இணைப்பை இங்கு தரிசிக்கலாம்.

அதெல்லாம் சரி தான் ஆனால் இந்த வகை நகைகளின் விலையை அறிந்தால் கொஞ்சம் மலைப்பாகத் தான் இருக்கிறது, ஏனெனில் சங்கீதா ’கிருஷ்ணா’ கலெக்‌ஷனுக்காக உருவாக்கிய தங்கம் மற்றும் வைர நகைகளின் விலை 1.5 லட்சத்தில் இருந்து தொடங்குகிறதாம். வடிவமைப்பு, வைரங்களின் எண்ணிக்கை மற்றும் கலைநயத்தைப் பொறுத்து 15 லட்சம் வரை விலைப் பட்டியல் நீள்கிறது.

]]>
கிருஷ்ணா கலெக்‌ஷன்ஸ் நகைகள், ஜோயா பிராண்ட், டாட்டா, சங்கீதா திவான், நகை வடிவமைப்பாளர், krishna collections, zoya brand, tata collections, sangeeta dewan http://images.dinamani.com/uploads/user/imagelibrary/2016/10/27/w600X390/krishna_pendants.jpg http://www.dinamani.com/lifestyle/lifestyle-fashion/2016/oct/27/புத்தம்-புது-மோஸ்தர்-நகை-விரும்பிகளுக்கு-ஜோயாவின்-கிருஷ்ணா-கலெக்zwnjஷன்ஸ்-2588534.html
3291 லைஃப்ஸ்டைல் ஃபேஷன்  லேட்டஸ்ட் வெட்டிங் லெஹங்கா ஸ்பெஷல்! கார்த்திகா வாசுதேவன் Monday, August 15, 2016 12:24 PM +0530 வீட்டில் திருமணமா? முதல் வேலையாக நாம் எல்லோரும் திட்டமிடத் தொடங்குவது உடைகளுக்காகத் தான். மணமகன், மணமகள் மட்டுமல்ல இரு வீட்டு அம்மா, அப்பாக்கள், மகள்கள், மருமகன்கள், மருமகள்கள், அவர்களது வாரிசுகள், நெருங்கிய உறவினர்கள் என்று தொடங்கி  நெருங்கிய நண்பர்கள் வரை எல்லோருக்குள்ளும்  சந்தோஷக் கற்பனைகளை விரியச் செய்வது உடைகளாகத் தான் இருக்கும். திருமண வைபவத்தன்று கலந்து கொள்ளும் அனைவரது உடைகளுமே அத்தனை ஸ்பெஷல். 

எல்லா நாட்களையும் போல ஏனோ...தானோ என்று அன்றைக்கு யாரும் கவனமில்லாது ஆடைகளைத் தேர்ந்தெடுப்பதில்லை. இன்டர்நெட், வைபை என்று உலகம் சுருங்கி நமது சுட்டு விரல் நுனியின் கீழ் வந்து விட்டதால் திருமணத்திற்கு பாரம்பரியமான பெரிய ஜவுளிக்கடைகளைத் தேடிப்போய் ஆடைகளைத் தேர்வு செய்த காலமெல்லாம் போயே போச்சு. கூகுளில் தேடினால் பிரபலமான ஆடை வடிவமைப்பாளர்களின் ஆன்லைன் விற்பனை அங்காடிகள்  கண்ணுக்கு குளிர்ச்சியாக  கணக்கற்ற கலெக்சன்களை அள்ளி வீசுகின்றன. எல்லா பிரிவு மக்களிடையேயும் பிரத்யேக ஆடை வடிவமைப்பாளர்களின் ஆடைகளுக்கான வரவேற்பு அதிகரித்துக் கொண்டே தான் வருகிறது.

அதையொட்டி கடந்த  வாரம் மும்பையில் 'இந்திய ஆடை வடிவமைப்பாளர்கள் வாரம் 2016' என்ற பெயரில் இந்தியாவின் பிரபல ஆடை நிபுணர்களின் வடிவமைப்பில் உருவான  பிரத்யேக திருமண உடைகளுக்கான அறிமுகவிழா கொண்டாடப்பட்டது. இதற்கான ஃபேஷன் அணிவகுப்பில் பிரபல நடிகைகள் மற்றும் மாடல்கள்  புதிதாக அறிமுகப்படுத்தப்பட்ட ஆடைகளை அணிந்து கொண்டு வலம் வந்தனர். 

முன்பெல்லாம் பெண்களுக்கு திருமணமென்றால் அம்மாக்களின் கவலை மகள்களின் கழுத்து எலும்பில் வந்து நிற்கும். ’பார் திருமணத்திற்காக இப்படியா மெலிந்து போவாய், கழுத்து எலும்பெல்லாம் துருத்திக் கொண்டு இருப்பதால் எத்தனை அழகாக ஜாக்கெட் தைத்தாலும் பார்க்க அம்சமாகவே இல்லை’ என்று குறைபட்டுக் கொள்வார்கள். அவர்களுக்கு ஒரு இன்ப அதிர்ச்சி! இப்போதைய புது டிரெண்ட் என்ன தெரியுமா? தைரியமாக கழுத்து எலும்பை வெளியில் காட்டிக் கொள்ளலாம், அது கூட ஒருவகையில் அழகே! என்ற நோக்கில் உருவாக்கப்பட்ட புத்தம் புதிய திருமண உடைகள். அந்த விழாவில் அணிந்து வரப்பட்ட பெரும்பாலான உடைகள் கழுத்து எலும்பு வெளித்தெரியும் வகையில் வடிவமைக்கப் பட்டிருந்தன. நிகழ்ச்சியில் மும்பை மற்றும் டெல்லியின் புகழ் பெற்ற ஆடை வடிவமைப்பாளர்கள் மற்றும் டிசைனர்களான மனிஷ் மல்ஹோத்ரா, தருண் தகிலியானி, அனிதா டோங்கரி, நிகில் தம்பி, போன்றோர் வடிவமைத்த புத்தம் புதிய கலெக்சன்களை அணிந்து வந்து மாடல்கள் ஃபேஷன் அணிவகுப்பை வண்ண மயமாக்கினார். 

மனிஷ் மல்கோத்ராவின் 'பெர்சியன் கனெக்ட்' எனும் உடையை அணிந்து வந்த தீபிகா படுகோன் அனைவரது கவனத்தையும் கொள்ளை கொண்டார். மெரூன் நிறத்தில் தாமிர நிற ஜரிகை வேலைப்பாட்டுடன் கூடிய இந்த லெஹங்கா அழகோ அழகு! கழுத்து எலும்புகள் மட்டுமல்ல அகலமான வழ வழப்பான தோள்களும் வெளித்தெரியும் வகையில் இந்த ஆடை வடிவமைப்பட்டிருந்தது, இந்த ஆடையை வடிவமைக்க மனிஷ் பெர்சியன் கலை அம்சங்களை பயன்படுத்தி இருப்பது உடைக்கு வெகு பாந்தம்! ஆனால் இதன் விலையைப் பார்த்து தயவு செய்து மூர்ச்சை ஆகி விடாதீர்கள்! அப்படியொன்றும் அதிகமில்லை சுமார் ரூ 5.30 லட்சத்தில் இருந்து தொடங்குகிறதாம்! வாங்கி அணிந்து கொள்ளத் திறனுடையவர்கள் புது டெல்லியில் இருக்கும் மனிஷ் மல்கோத்ரா ஸ்டோர்ஸில் இந்த ஆடையை ஆர்டர் செய்து பெற்றுக் கொள்ளலாம். தொடர்புக்கு -09818684859.


இது டெல்லியைச் சேர்ந்த மற்றொரு பிரபல ஆடை வடிவமைப்பாளர் கவுரவ் குப்தா வடிவமைத்த ’சாம்பெயின் கோடேட் லெஹங்கா’. ஆழமான 'வி' வடிவக் கழுத்துடன் விரியும் இந்த உடையின் சிறப்பு அதன் ஆர்கன்ஸா பள்ளு (முந்தானை). இந்த உடையின் இன்னொரு சிறப்பு அணியும் போது அதிகமாக நகைகள் தேவைப்படாது. சுத்தமாக நகைகள் அணியாவிட்டால் கூட நகைகளற்ற குறையை இந்த உடையுடன் கூடிய உங்களது சிறுபுன்னகை  நிவர்த்தி செய்து விடும். இதன்இ விலை ரூ 2.5 லட்சத்தில் இருந்து ஆரம்பிக்கிறது.  ஆடையை வாங்கும் ஆர்வம் இருப்பவர்கள் தொடர்புக்கு  gauravguptastudio.com எனும் இணையதளத்தை அணுகலாம்.

 

 

 

இந்த ராயல் மெரூன் உடை  மும்பையைச் சேர்ந்த ஆடை வடிவமைப்பாளர் நிகில் தம்பியின்  சமீபத்திய அறிமுகம். மெரூன் நிறத்தில் தங்க நிற ஜரிகைப் பூக்கள் மின்னும் இந்த ஸ்கர்ட் வெகு அழகு! இந்த உடைக்கான துப்பட்டா  தூக்கலாகத்  தெரியும் வண்ணம்தங்க நிற பிளைன்  நெட் என்பதால் இதற்குப் பொருத்தமாக இதன் சட்டைப் பகுதியில் மெரூன் நிறத்தில் நீளமான  கைகள் வடிவமைக்கப்பட்டுள்ளன. இந்த வகையான உடைகளை அணியும் போது நீளக்கைகள் மறைப்பதால் அதிகமான வளையல்கள் அணியாத தேவை இருக்காது. இதன் விலை ரூ 70,000 லிருந்து  தொடங்குகிறது. இதை ஆர்டர் செய்ய perniaspopupshop.com எனும் இணையதளத்தை அணுகலாம்.

டெல்லியைச்  சேர்ந்த ஆடை வடிவமைப்பாளர் மணவ் கங்வானியின் சமீபத்திய அறிமுக ஆடையான இந்த ஆனியன் பிங்க்  லெஹங்காவைப் பாருங்கள். இதை திருமணத்திற்கு மட்டுமல்ல பிறந்த நாள் வைபவங்களில் அணியலாம். ஆடையின் வட்டக் கழுத்துப் பகுதி மற்றும் நீளமான ஸ்கர்ட்டின் கீழ்பகுதியைச் சுற்றிலும் பதிக்கப்பட்டுள்ள  கிரிஸ்டல் கற்கள் ஆடையின் அழகை மேலும்அதிகப் படுத்துகின்றன. இதன் விலை ரூ 1,20,000 இதை ஆர்டரில் பெற perniaspopupshop.com எனும் இணையதளத்தை அணுகலாம்.

அடுத்ததாக அனிதா டோங்கிரியின் இந்த சிவப்பு நிற திருமண லெஹங்காவைப் பாருங்கள். கழுத்தை சுற்றி பதிக்கப்பட்டுள்ள தங்க நிற வின்டேஜ்  ஜம்க்கிகள்  இதன் சிறப்பு, அதோடு கிரிஸ்டல் மற்றும் தங்க ஜரிகை வேலைப்பாட்டுடன் கூடிய சிவப்பு  ஜார்ஜெட்  துப்பட்டா  உடைக்கு மிகப் பொருத்தம் .இந்த உடையில் கோட்டா பட்டி எம்பிராய்டரி அதிகம் பயன்படுத்தப்பட்டிருப்பது உடையை பிரமாண்டமாக உணரச் செய்கிறது. இதன் விலை ரூ 2 லட்சத்தில் இருந்து தொடங்குகிறது. இதைப் பெற eshop@anitadongre.com  எனும் இணைய முகவரியை அணுகலாம். 

]]>
deepika padukone, manish malhothra, clavicle bone trend, wedding collection, india couture 2016 http://images.dinamani.com/uploads/user/imagelibrary/2016/8/11/w600X390/Gaurav_Gupta.jpg http://www.dinamani.com/life-style/lifestyle-fashion/2016/aug/11/nbspலேட்டஸ்ட்-வெட்டிங்-லெஹங்கா-ஸ்பெஷல்-3291.html