Dinamani - இனிய இல்லம் - http://www.dinamani.com/lifestyle/sweet-home/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3002854 லைஃப்ஸ்டைல் இனிய இல்லம் ஆட்டோமேடிக் போண்டா மேக்கர்... கஸ்தூரி ராஜேந்திரன், தேனி. DIN Tuesday, September 18, 2018 12:42 PM +0530  

யூ டியூபில் இளைஞர் ஒருவர் ஆட்டோமேடிக் பஜ்ஜி மெஷின் என்ற பெயரில் வீடியோ ஒன்றைப் பதிவிட்டிருந்தார். ஆனால் பார்ப்பதற்கு அது போண்டா மேக்கர் போலத்தான் இருக்கிறது. அந்த மெஷினில் மேலும் சில வசதிகளைச் செய்தால் மட்டுமே அதை ஆட்டோமேடிக் என்று சொல்ல முடியும். ஆனாலும் ஐடியா சிறப்பானதாகவே தோன்றியதால் தினமணி லைஃப்ஸ்டைல் வாசகர்களும் அறிந்து கொள்ளட்டும் என்று இங்கே பகிர்கிறோம்.

இப்போதைக்கு இதை செமி ஆட்டோமேடிக் போண்டா மேக்கர் என்று வைத்துக் கொள்ளுங்கள். விழாக்காலங்களில் அதிகளவில் பலகாரங்கள் செய்து குவிக்கும் இல்லத்தரசிகளுக்குக் கூட இந்த மெஷின் மிக்க உபயோகமுள்ளதாக இருக்கக் கூடும். அது மட்டுமல்ல சிறு, குறு ஹோட்டல் மற்றும் பலகாரக் கடைகளில் இந்த மெஷினை வைத்துக் கொண்டு போண்டா இட்டால் சாப்பிட விரும்புபவர்களோடு இதை வேடிக்கை பார்க்கவும் கூட்டம் நன்றாகக் கூடக்கூடும். பண்டம் சுவையானதாக இருந்தால் அவர்களில் பலர் ரெகுலராக சாப்பிடவும் செய்வார்கள். முக்கியமாக வேலைப்பளு குறையும். எளிதில் வேலையும் முடியும்.

ஆட்டோமேடிக் போண்டா மேக்கருக்கான விடியோ லிங்க்... 

 

தொலைக்காட்சிகளில் தற்போது ஏரளமான சமையல் நிகழ்ச்சிகள் ஒளிபரப்பாகி வருகின்றன. ஒவ்வொரு சேனலிலும் செஃப் தாமு, செஃப் வெங்கடேஷ் பட், சமையல் கலைஞர்கள் ரேவதி சண்முகம், நளபாக மகாராணி மல்லிகா பத்ரிநாத் உள்ளிட்ட பலர் ஏதாவது ஒரு சேனலில் ஏதாவது ஒரு பலகாரத்தை விதம் விதமாகச் சமைத்துக் காட்டிக் கொண்டே இருக்கிறார்கள். அடிப்படையில் மனிதர்கள் ருசிக்கு தம்மை ஒப்புக் கொடுத்தவர்கள். எனவே அவர்களுக்கு எத்தனை விதமான பலகாரங்கள் இருந்தாலும் மேலும் மேலும் அதன் மீதான ஆர்வம் தணிவதே இல்லை. அதை எளிமையாகச் செய்யும் உபாயங்களையும் அவர்கள் தேடிக் கொண்டே தான் இருக்கிறார்கள். தற்போது மார்க்கெட்டில் முறுக்குப் பிழிவதற்கான மெஷின் வந்து விட்டது. மெதுவடை போடக்கூட மெஷின் வந்து விட்டது. அப்படி இருக்கையில் ஆட்டோமேடிக் போண்டா மேக்கர் தானா அதிசயம்?! அதுவும் வந்து விட்டது. இதில் பஜ்ஜி இட வேண்டும் என்றால் வாழைக்காய் அல்லது உருளைக் கிழங்கு அல்லது வெங்காயமாவது சேர்க்கப் பட வேண்டும். அதற்கான ஆப்ஷன்களையும் அதில் சேர்க்க வேண்டும். அப்படிச் சேர்த்தால் மட்டுமே அது ஆட்டோமேடிக் என்ற பதத்திற்கு பொருத்தமானது. கூடிய விரைவில் அப்படியொரு கண்டுபிடிப்பும் வரலாம். வந்தால் யார் மகிழ்கிறார்களோ இல்லையோ பெண்கள் நிச்சயம் மகிழ்வார்கள்.

]]>
AUTOMATIC BONDA MAKER, SEMI AUTOMATIC BONDA MAKER, CHEFS, HOUSE WIVES, EASY SNACKS MAKER, ஆட்டோமேடிக் போண்டா மேக்கர், செஃப் இல்லத்தரசிகள், பலகாரக் கடைகள் http://www.dinamani.com/lifestyle/sweet-home/2018/sep/18/automatic-bonda-maker-its-very-simple-to-handle-3002854.html
3002845 லைஃப்ஸ்டைல் இனிய இல்லம் வெங்காயத் தைலம்... தலைமுடி உதிரும் பிரச்னை தீர எளிய உபாயம்! கஸ்தூரி ராஜேந்திரன், தேனி. Tuesday, September 18, 2018 12:12 PM +0530  

வீட்டு வேலைக்கு வரும் ப்ரியாவுக்கு... எங்கள் மேல் ஆகச்சிறந்த மனத்தாங்கல் எப்போதும் உண்டு. எங்கள் மேல் மட்டுமல்ல அவள் வேலைக்குச் செல்லும் எல்லா வீடுகளிலும் இந்தப் பிரச்னை இருப்பதால் எல்லோர் மேலும் அவளுக்கு இந்த மனத்தாங்கல் முற்றி வந்த வேலையில், ஒருநாள் எங்கள் வீட்டில், வீட்டு வேலைகளின் நடுவே மனம் பொறுக்க முடியாமல் சற்றே புலம்பி விட்டாள்.

‘ ம்மா... தோ பார்... அடுத்த மாசத்துல இருந்து நீ 500 ரூபா சேர்த்துக் குடு... இல்லாங்காட்டி மூலைக்கு மூலை சிக்கிக் கிடக்கிற முடிக்குவியலை சுத்தம் பண்றதாங்காட்டியும் எனிக்கு தாவு தீருது கண்டியோ! 

- என்றாள்.

என்னடா இது புது பூதம் என்கிற கதியில், நான் திரும்பி நின்று அவளை முறைக்க,  

‘சொம்மா கோச்சுக்காத கண்ணு, தோ நீயே பாரேன் இப்பத்தான் ஒரு பந்து எடுத்து தூரப் போட்டேன். தோ பார் பாப்பாக்கு தலை சீவி, நீயும் தலையைக் கட்டிக்கினியா... மறுக்கா ஒரு பந்து ஹால் மூலைல சுத்தி சுத்தி என்னை டபாய்க்குது. முட்டு வலி தாங்கலை இதும் பின்னால ஓடி!’

அவள் சுட்டிக் காட்டிய இடத்தில் கற்றையாக முடி ஃபேன் காற்றுக்கு அங்கும் இங்கும் ஓடி விளக்குமாற்றுக்குச் சிக்காமல் அவளை அலைகழித்துக் கொண்டிருந்தது. 

‘சரி தான் போ.. நானே எடுத்துப் போட்டுக்கறேன். நீ அடுத்த வேலையைப் பார்’

- என்று அவளை அத்துடன் கத்தரித்து அனுப்பிய பின் எனக்கு ஐயோடா என்றிருந்தது.

ஏனெனில் எங்கள் வீட்டில் பெண்களின் எண்ணிக்கை அதிகம். இப்போது சுத்தம் செய்தாலும் மாலையில் வந்து பார்த்தால் அறை மூலைகளில் நிச்சயம் கூந்தல் இழைகள் கேட்பாரற்று விச்ராந்தியாக காற்றில் ஆடிக் கொண்டும் கூட்டணி சேர்த்துக் கொண்டு இந்த மூலைக்கும் அந்த மூலைக்குமாகப் பேரணி நடத்திக் கொண்டும் தான் இருக்கும். இந்தப் பிரச்னையை எப்படித் தீர்ப்பது?

எப்படியாவது தீர்த்துத் தான் ஆக வேண்டும். இன்று அதற்கு ஒரு முடிவு கட்டலாம் என்று யோசித்த போது கிடைத்தது தான் இந்த ஐடியா. குறைந்த பட்சம் எங்கள் பிரச்னை தீர்வதற்காக இல்லாவிட்டாலும் ப்ரியாவின் பிர்ச்னையாவது தீர்ந்தே ஆக வேண்டும். பாவம் அவள் இன்னும் நான்கைந்து வீடுகளில் வேலை செய்பவள். அவளை இபடியோர் அல்ப விஷயத்துக்காக தொடர்ந்து துன்புறுத்தக் கூடாது தான் இல்லையா?!

வெங்காயச் சாற்றுத் தைலம்...

தேவையான பொருட்கள்...

  • கறிவேப்பிலை - 1 கப் (
  • மருதாணி இலைகள்- 1/2 கப் 
  • சின்ன வெங்காயம் - 4 முதல் 5 (வெங்காயத்தை தோல் நீக்கி நறுக்கி கல் அல்லது உலோகத்தால் ஆன ஒரு சிறு கை உலக்கையில் இட்டு நசுக்கிக் கொள்ளவும்.)
  • நெல்லிக்காய் - 1/2 கப் (நன்கு காய வைத்து எடுத்தது) 
  • வெந்தயம் - 1/2 கப்
  • செம்பருத்திப் பூ- 4 அல்லது 5 பூக்கள்
  • நல்லெண்ணெய் - 200 மில்லி லிட்டர் 
  • தேங்காய் எண்ணெய் - 200 மில்லி லிட்டர் 

மேற்கண்ட மூலப் பொருட்களின் பலன்கள்...

கறிவேப்பிலையில் பீட்டா கரோட்டினும் விட்டமின் C யும் நிறைந்தது) இது முடி வளர்ச்சிக்கு மட்டுமல்லாமல் கூந்தல் இழைகள் அடர்த்தியாகவும், உடையாது நீளமாக  இருக்கவும் உதவுகின்றன. மருதாணி இயற்கையான ஹேர் கண்டீஷனராகப் பயன்படுவதோடு முடிக்கு நிறத்தையும் அளிக்கிறது. அதோடு ஃப்ரெஷ் ஆக கூந்தல் வளரவும் உதவுகிறது. வெங்காயத்தில் அதிக அளவில் இருக்கும் சல்ஃபர் முடி வளர்ச்சியில் முக்கியப் பங்கு வகிக்கிறது. ஏனெனில் கூந்தலின் அடிப்படை அலகுகளில் சல்ஃபரும் ஒன்று எனவே இது வழுக்கைப் பிரச்னையைப் போக்கவும் கூந்தல் திக்காக வளரவும் உதவுகிறது. நெல்லிக்காய் நரை முடி பிரச்னையைத் தீர்ப்பதோடு ஆரோக்யமான முடி வளர்ச்சிக்கும் உதவுகிறது. முடி அடர்த்தியாக வளர விரும்புபவர்கள் தேவையெனில்  செம்பருத்திப்பூக்களைச் சேர்த்துக் கொள்ளலாம். நல்லெண்ணெய் கூந்தல் இழைகளின் வேர்ப்பகுதிகளில் ரத்த ஓட்டம் சீராக இருக்க உதவுகிறது. அதோடு உச்சந்தலை முதல் உள்ளங்கால் வரை உடல் சூட்டையும் தணிக்கிறது.
தேங்காய் எண்ணெய் கண்டீஷனராகப் பயன்படுவதோடு கூந்தலின் வடிவமைப்பையும் நேர்த்தியாக்குகிறது.

செய்முறை:

ஒரு கனமான அடிப்பாகமுள்ள வாணலியை எடுத்துக் கொள்ளவும். வாணலியை அடுப்பிலேற்றி தீயை மீடியமாக வைக்கவும். முதலில் நல்லெண்ணெயையும் பின்னர் தேங்காய் எண்ணெயையும் வாணலியில் விட்டு எண்ணெய் மிதமான சூட்டில் இருக்கும் போது அதில் முதலில் வெந்தயத்தை இடவும். வெந்தயம் சிவக்க பொறிந்ததும் அதில் அடுத்ததாக நசுக்கிய வெங்காயத்தைச் சேர்க்கவும். வெங்காயம் கருகக் கூடாதா அளவில் அதையும் மிதமாக வறுக்கவும். வெங்காயம் சிவக்க வறுபட்டதும் அடுத்ததாக காய்ந்த நெல்லிக்காய்த் துண்டுக்களைச் சேர்க்கவும். நெல்லிக்காய் பொறிந்ததும் அடுத்து கறிவேப்பிலை மற்றும் மருதாணி இலைகளைச் சேர்க்கவும். இலைகள் மொறு மொறுவென வறுபட்டதும் கடைசியாக செம்பருத்திப் பூக்களை இடவும். 5 அல்லது 6 நிமிடங்களுக்கு இதுவரை இட்ட பொருட்கள் அனைத்தும் சூடான எண்ணெய்க்குள் நன்கு மூழ்கி இருக்கட்டும். அப்போது தான் அவற்றிலிருக்கும் எசன்ஸ் மொத்தமும் எண்ணெய்க்குள் இறங்கும். இப்போது அடுப்பை சிம்மில் வைத்து மேலும் 5 நிமிடங்கள் கழித்து எண்ணெய் மஞ்சள் நிறத்திலிருந்து இளம்பச்சை நிறத்திற்கு மாறியதும் அடுப்பை அணைக்கவும்.

எண்ணெயில் சூடு முழுவதுமாகத் தணிந்ததும். ஈரப்பதமற்ற ஒரு சுத்தமான கண்ணாடி பாட்டிலில் எடுத்து வைத்துக் கொண்டு குறைந்த பட்சம் மூன்று மாதங்களுக்கு இந்த வெங்காயச் சாறு கலந்த கூந்தல் தைலத்தைப் பயன்படுத்தலாம்.

வெங்காயச் சாற்றுத் தைலம் பயன்படுத்தும் முறை...

கூந்தல் உதிராமல் இருக்க மேற்கண்ட வெங்காயச் சாற்றுத் தைலத்தை தலைமுடியின் வேர் முதல் நுனி வரை மென்மையாகத் தடவி மசாஜ் செய்ய வேண்டும். குறைந்த பட்சம் வாரம் இருமுறை முதல் இரவு படுக்கைக்குச் செல்லும் முன் இப்படி மசாஜ் செய்து மறுநாள் கூந்தலை ஷாம்பூவில் அலசினால் நல்ல பலன் கிடைக்கும். வெங்காயச் சாறு கலந்ததால் சற்றே அந்த வாசம் எண்ணெயில் இருந்தாலும் கூட அது ஷாம்பூ குளியலில் நீங்கி விடும். அப்போதும் நீங்கவில்லை என்று நினைத்தால் 14 நாட்களுக்கு ஒருமுறை ஆப்பிள் சைடர் வினிகரை தலைக்கு அப்ளை செய்து தலைமுடியை அலசினால் முற்றிலும் வாசம் நீங்கும். தலை முடி உதிர்தல் பிரச்னை இருப்பவர்கள் இந்த வெங்காயச் சாறு கலந்து தைலம் பயன்படுத்திப் பார்த்து விட்டு உங்கள் அனுபவங்களை எங்களுக்கு எழுதுங்கள்.

]]>
onion oil, hair grow, hair fall controle, healthy hair grow, வெங்காயத் தைலம், முடி உதிர்தல், ஆரோக்யமான கூந்தல், நீளமான கூந்தல் http://images.dinamani.com/uploads/user/imagelibrary/2018/9/18/w600X390/onion-hair-grow.jpg http://www.dinamani.com/lifestyle/sweet-home/2018/sep/18/வெங்காயத்-தைலம்-தலைமுடி-உதிரும்-பிரச்னை-தீர-எளிய-உபாயம்-3002845.html
3000915 லைஃப்ஸ்டைல் இனிய இல்லம் கோவையில் மத்தியதர வர்க்க இல்லத்தரசிகளை குஷிப்படுத்தி வரும் ரூ 2,500 மலிவு விலை வாஷிங் மெஷின்! கஸ்தூரி ராஜேந்திரன், தேனி. Saturday, September 15, 2018 03:33 PM +0530  

தொழில்நகரமான கோவையில் தனியார் நிறுவனமொன்று குறைந்த விலையில் வாஷிங் மெஷனைத் தயாரித்து விற்பனைக்குக் கொண்டு வந்துள்ளது. அந்த வாஷிங் மெஷினின் விலை என்ன? குறைந்த விலையில் வாஷிங்மெஷின் எப்படி சாத்தியம் என்று தெரிந்து கொள்வோமா?

கோவையில் டேபிள் டாப் வெட் கிரைண்டர் தயாரிக்கும் நிறுவனத்தை நடத்தி வருபவர் ரத்னபுரியைச் சேர்ந்த முருகேசன். வெட் கிரைண்டர் விற்பனையில் தொய்வு ஏற்பட்டதால் வேறு ஏதாவது ஒரு புதிய விஷயத்தை முயற்சித்துப் பார்க்க கலை இறங்கினார். ஒன்றரை ஆண்டுகள் பெரு முயற்சியில் அனைத்து தரப்பு மக்களும் பயன்படுத்தும் வகையில் 2500 ரூபாய்க்கு விற்பனை செய்யக்கூடிய வாஷிங் மெஷினைத் தயாரித்திருக்கிறார் முருகேசன். அதைப் பற்றிப் பேசுகையில் முருகேசன் தெரிவித்தது என்னவென்றால்...

நாங்கள் கடந்த 25 ஆண்டுகளாக டேபிள் டாப் மற்றும் கிச்சன் டாப் வெட் கிரைண்டர்களைத் தயாரித்து வருகிறோம். தேர்தல் சமயங்களில் அரசியல் கட்சிகள் மக்களிடம் ஓட்டு வாங்கும் முயற்சியில் இலவச வெட் கிரண்டர்கள் வழங்கத் தொடங்கியதில் எங்களுடைய தொழிலில் பெருத்த நஷ்டம் ஏற்பட்டது. அம்மாதிரியான சூழலில் அதே விலையில் வேறொரு புதிய பொருளை மக்களுக்குத் தரும் முயற்சியில் இறங்கினோம். அப்போது தான் இந்த மாதிரியான ஒரு ஐடியா தோன்றியது. அதற்காக கொஞ்சம் அதிகம் செலவு செய்து பொருட்களைத் தயாரித்து நாங்கள் விரும்பும் விலைக்குள் அதைக் கட்டுப்படுத்தி வைத்திருக்கிறோம்.

விலை குறைவு என்றாலும் மற்ற நிறுவனங்களின் வாஷிங் மெஷின்களோடு ஒப்பிடுகையில் தங்களது வாஷிங்மெஷின் தரத்திலும், வசதிகளிலும் குறைந்ததல்ல என்று உறுதி படக் கூறுகிறார் முருகேசன். பெரிய நிறுவனங்களின் வாஷிங் மெஷின்களில் கூட 4 அல்லது 5 சட்டைகளைத் துவைக்கும் போது அது துவைத்து முடித்து காய்ந்து டிரையரில் இருந்து வெளிவர குறைந்த பட்சம் 50 நிமிடங்கள் ஆகின்றது என்று கூறுகிறார்கள். ஆனால், எங்களது வாஷிங்மெஷினில் 7 நிமிடங்களுக்கு மேல் துவைக்கும் நேரம் தேவைப்படுவதில்லை. அந்த அளவுக்கு நாங்கள் இதில் வசதிகளை கட்டமைத்துள்ளோம் என்கிறார் முருகேசன்.

வாஷிங் மெஷின் விலை 2500 ரூபாய் ஜி எஸ் டி வரியுடன் சேர்த்து இதன் விலை 2950 ரூபாய். குறைந்த விலை வாஷிங்மெஷினுக்கு கோவைப் பகுதியின் நடுத்தர வர்க்க மக்களிடையே இல்லத்தரசிகளிடம் நல்ல வரவேற்பு கிடைத்துள்ளது. ‘மத்திய தர வர்க்கத்தைச் சேர்ந்தவர்களால் அதிக விலை கொடுத்து பெரிய நிறுவனங்களின் வாஷிங்மெஷின்களை வாங்கிப் பயன்படுத்த விலை கட்டுப்படியாவதில்லை. அப்படி இருக்கும் போது இப்படி ஒரு வாய்ப்புக் கிடைத்திருப்பது தங்களது அதிர்ஷ்டம் என அவர்கள் கருதுகிறார்கள். வாஷிங் மெஷின் விலை ரூ 2500 என்ற அறிவிப்பைப் பார்த்து சும்மா வேடிக்கை பார்க்க கடைக்குள் நுழைபவர்கள் கூட வாஷிங் மெஷினின் செயல்திறனையும், வடிவமைப்பையும் கண்டு உடனடியாக அதை வாங்க விருப்பம் கொள்கின்றனர் என்கிறார் முருகேசன். தங்களது தயாரிப்பான இந்த வாஷிங் மெஷின்களுக்கு ஓராண்டு வாரண்டியும் அளித்திருக்கிறார் முருகேசன்.

]]>
கோவை, மலிவு விலை வாஷிங் மெஷின், முருகேசன், covai, washing machine at affordable price, WASHING MACHINES AT Rs 2500, ரூ 2500 விலையில் வாஷிங் மெஷின்கள் http://images.dinamani.com/uploads/user/imagelibrary/2018/9/15/w600X390/murugesan_washing_machine.jpg http://www.dinamani.com/lifestyle/sweet-home/2018/sep/15/unbelievable-rs-2500-affordable-price-washing-machines-in-covai-3000915.html
2994696 லைஃப்ஸ்டைல் இனிய இல்லம் வாழ்க்கைல சிக்கல்னா அதுக்குப் பல தீர்வுகள்... ஆனா கூந்தல்ல சிக்கல்னா ஒரே தீர்வு சிகைக்காய் மட்டும் தான்!  கஸ்தூரி ராஜேந்திரன், தேனி. Wednesday, September 5, 2018 12:38 PM +0530  

நீங்க இதுவரைக்கும் உங்க கூந்தலுக்கு எத்தனை விதமான ஷாம்பூ உபயோகப் படுத்தியிருக்கீங்கன்னு சொல்லுங்க பார்க்கலாம்?! 

சந்திக்கக் கூடிய ஒவ்வொரு பெண்ணிடமும் ஏன் ஆண்களிடமும் கூடத்தான் இந்தக் கேள்வியைக் கேட்டுப்பாருங்களேன். நிச்சயம் ஒவ்வொருவருமே தனித்தனியாக குறைந்த பட்சம் இரண்டு மூன்று பிரபல ஷாம்பூக்களையாவது பயன்படுத்திப் பார்த்து அதன் மூலம் திருப்தி கிடைக்காமல்  சோர்ந்து போயிருப்பார்கள். ஒவ்வொன்றாகப் பயன்படுத்தி பார்த்து விட்டு கடைசியில் ஏதாவதொன்றில் முழு திருப்தி இல்லாமலே கூட நிலை பெற்றிருப்பார்கள். அப்படியானவர்களுக்காகத் தான் இந்தக் கட்டுரை.

ஷாம்பூக்கள் அனைத்துமே ரசாயனக் கலப்புகள் எனும் நிலையில் அவற்றுக்குச் சிறந்த மாற்றாக நமது பாரம்பர்யம் முன் வைப்பது சிகைக்காய்த் தூளைத்தான். டி.வி யில் சிகைக்காய் விளம்பரம் வரும் போதெல்லாம் இது நிஜமாகவே கூந்தலுக்கு நல்ல பலனைத் தருமா? உச்சந்தலையைக் குளிர வைத்து உடல் சூட்டைக் குறைக்குமா? பொடுகுத் தொல்லையை நிரந்தரமாக அகற்றுமா? கேசத்துக்குப் பள பளப்பைத் தருமா? போஷாக்கைத் தருமா? கூந்தல் இழைகளுக்கு வலுவூட்டுமா? என்று ஆயிரத்தெட்டு கேள்விகள் நம் மனதில் எழும். இதற்கு நமது பாட்டிகளும், அம்மாக்களும் வைத்திருக்கும் ஒரே ஒரு சமரசமான பதில் என்ன தெரியுமா? 

‘முதல்ல சிகைக்காய் யூஸ் பண்ணிப் பாருங்க... அப்புறம்...தெரியும். மத்த ஷாம்பூக்களைப் போல இதில் பக்க விளைவுகள் இல்லை என்கிறார்கள். 

அதோடு, சிகைக்காய் பயன்படுத்துவதால் கேசம் வளர்கிறதோ இல்லையோ... வளர்ந்த கேசம் உதிராமல் இருப்பதற்கு நிச்சயம் உத்தரவாதமுண்டு. என்கிறார்கள்.

சரி பாட்டிகள் தான் இவ்வளவு தூரம் சொல்கிறார்களே! பெரியவர்கள் சொன்னால் அது பெருமாள் சொன்ன மாதிரி ஆச்சே! என்ற மரியாதைக்காவது இதுவரை சிகைக்காய் பக்கமே எட்டிக் கூட பார்க்காதவர்களும் கூட ஒரே ஒருமுறை வீட்டிலேயே சிகைக்காய் அரைத்துப் பயன்படுத்தித் தான் பார்ப்போமே.

நேச்சுரல் ஷாம்பூ சிகைக்காயை வீட்டிலேயே தயாரிப்பது எப்படி?

சிம்பிளான முறையில் சிகைக்காய் தயாரிக்கத் தேவையான பொருட்கள்...

  • நன்கு காய்ந்த சிகைக்காய் - 1 கிலோ
  • காய்ந்த கறிவேப்பிலை + மருதாணி இலைகள் + ரோஜா இதழ்கள் - 200 கிராம்
  • வெந்தயம் - 200 கிராம்
  • பச்சைப் பயறு - 200 கிராம்
  • காய்ந்த நெல்லிக்காய் - 200 கிராம்
  • பூலாங்கிழங்கு - 2000 கிராம்
  • காய்ந்த ஆவாரம் பூ - 200 கிராம்
  • விதை நீக்கப்பட்ட புங்கங்காய் அல்லது பூந்திக் கொட்டை -  200 கிராம்.

இது வழக்கமான எல்லோருக்கும் பழக்கமான சாதாரண முறையில் சிகைக்காய் தயாரிக்கும் முறை. இதைத்தவிர நறுமண சிகைக்காய் தயாரிக்கும் முறை ஒன்றும் கூட உள்ளது. அதன்படி சிகைக்காய் தயாரித்தால் சைனஸ் உள்ளவர்களும் கூட சிகைக்காய் பயன்படுத்த முடியும் என்கிறார்கள்.

நறுமண சிகைக்காய் தயாரிக்கத் தேவையான பொருட்கள்....

  • சிகைக்காய் - 1/4 கிலோ
  • பூந்திக்கொட்டை - விதை நீக்கியது 15
  • சுருள் பட்டை - ஒரு சுருள்
  • சுக்கு - 1 சிறு துண்டு (உடல் சூட்டைக் குறைக்க)
  • பார்லி - 1 டேபிள் ஸ்பூன் (  இதில் செலினியம், அயர்ன்,காப்பர் இருப்பதால் கேசத்தைச் சுத்தம் செய்ய உதவும்)
  • ஆளி விதை - 1 டேபிள் ஸ்பூன் (நேச்சுரல் கண்டீசனராகச் செயல்பட்டு முடிக்கு பளபளப்பைத் தரும்)
  • கொத்தமல்லி விதை - 1 டேபிள் ஸ்பூன்
  • நெல்லிக்காய்கள் - 5 (விதை நீக்கி நன்கு காய வைத்த மலை நெல்லிக்காய்கள் நாட்டுமருந்துக் கடைகளில் கிடைக்கும்)
  • மிளகு - 1/2 டீஸ்பூன் ( கூந்தலின் வேர்ப்பகுதியில் ரத்த ஓட்டத்தை அதிகரிக்க உதவும், முடியில் பூஞ்சைத் தாக்குதல் அல்லது பொடுகு நீக்கியாகவும் இது உதவும்.)
  • நன்னாரி வேர் - 6 சிறு துண்டு (உடலைக் குளிர்விப்பதுடன் சிறந்த நறுமணத்தையும் தரக்கூடியது.
  • சீரகம் - 1/2 டீ ஸ்பூன்
  • பாதாம் பருப்பு - 7 முதல் 8 (பாதாமில் இருக்கும் புரதம் கூந்தல் வளர்ச்சிக்குத் தேவையான சத்துக்களைத் தருவதோடு வேர்ப்பகுதி வறண்டு போகாமல் ஈரப்பதத்துடன் இருக்கவும் உதவும்)
  • வெந்தயம் - 3 டேபிள் ஸ்பூன் ( சிகைக்காயில் நுரை வருவதற்கும் உச்சந்தலையில் சூட்டைத் தணிக்கவும் உதவும்)
  • கடலைப் பருப்பு - 3 டேபிள் ஸ்பூன் (கூந்தலிலுள்ள அழுக்கைப் போக்கி கூந்தல் மென்மையாக உதவும்)
  • பச்சரிசி - 3 டேபிள் ஸ்பூன் (சிகைக்காயை வடிகஞ்சியில் கலந்து கூந்தலில் தடவுவதற்குப் பதிலாக நேரடியாக பச்சரிசியும் சேர்க்கலாம்.. இது கூந்தலை சுத்தப் படுத்துவதோடு பளபளப்பையும் தரும்)
  • உளுந்து - 3 டேபிள் ஸ்பூன்

பொதுவாக சிகைக்காய் பொடி தயாரிப்பில் பயன்படுத்தக்கூடிய மூலப்பொருட்கள் அனைத்துமே உடலுக்குக் குளிர்ச்சி அளித்து உடல் சூட்டைக் குறைக்கக் கூடியவையாகவே இருக்கும். ஆனால், அது சைனஸ் பிரச்னை இருக்கக் கூடிய சிலருக்கு ஒத்து வராது. அப்படியான நேரங்களில் நாம் சிகைக்காய் பொடிக்கான அடிப்படைப் பொருட்களுடன் குளிர்ச்சியை சமப்படுத்தக்கூடிய வகையிலான சில பொருட்களையும் சேர்த்துக் கொள்ள வேண்டும்.

தலையில் நீர் கோர்த்து சளி பிடிக்காமல் இருக்க சேர்க்க வேண்டியவை...

  • வால்மிளகு - 1/4 டீஸ்பூன்
  • கிராம்பு - 1/4 டீஸ்பூன்
  • கருஞ்சீரகம் - 1/4 டீஸ்பூன்
  • கடுகு - 1/4 டீஸ்பூன்
  • வெட்டி வேர் - 1 சின்ன பாக்கெட் 
  • செம்பருத்தி இலை - 20 செம்பருத்தி இலை நன்கு காய வைத்தது.
  • வெள்ளை கரிசலாங்கண்ணி - காய வைத்த இலைகள் ஒரு கைப்பிடி அளவு
  • கறிவேப்பிலை - 1 கொத்து
  • வேப்பிலை - 1 கொத்து
  • நொச்சி இலை - 1 கைப்பிடி அளவு
  • துளசி - 1 கைப்பிடி
  • கற்றாழை - தோல் நீக்கி உள்ளிருக்கு சோற்றை வெட்டி எடுத்து மிக்ஸியில் அரைத்து மேலே சொல்லப்பட்ட பருப்புகளுடன் சேர்த்துக் காய வைக்கவும்.
  • எலுமிச்சை - 1 ( சாற்றை கற்றாழை போலவே பருப்புகளின் மீது பிழிந்து காய வைத்து விட்டு எலுமிச்சையை சிறு சிறு துண்டுகளாக்கி காய வைக்க வேண்டும். சாற்றுடன் காய வைத்தால் பூஞ்சை வரலாம்.
  • திரிபலா சூரணம் - சிகைக்காய் அரைத்த பின் அதில் 3 டீஸ்பூன் சேர்க்கவும்.
  • அதிமதுரப் பொடி -1 டீஸ்பூன்

செய்முறை....

மேலே சொல்லப்பட்ட பொருட்கள் அத்தனையையும் அதே அளவுகளில் எடுத்துக் கொண்டு அவற்றை இரண்டு நாட்கள் பொரிகிற வெயிலில் நன்கு காய வைத்து எடுங்கள். பிறகு மெஷினில் கொடுத்து நைஸாக அரைத்து வாங்குங்கள். 1 கிலோ சிகைக்காய்ப்பொடி அரைத்து வைத்தீர்கள் என்றால் அது குறைந்தத் 6, 7 மாதங்களுக்கேனும் வரும். மொத்தச் செலவு உங்களது 6,7 மாத ஷாம்பூ செலவோடு ஒப்பிடும் போது மிக, மிகக் குறைவாகவே இருக்கும். மற்றபடி கூந்தலின் ஆரோக்யத்துக்கும் 100% கியாரண்டி உண்டு.

மேலே சொல்லப்பட்ட அளவு பொருட்களை எடுத்துக்கொண்டால் அரை கிலோவுக்கும் அதிகமான நறுமண சிகைக்காய்த் தூள் கிடைக்கும். இவற்றை நன்கு காய வைத்து மெஷினில் கொடுத்து அரைத்து வாங்க வேண்டும். வீட்டில் மிக்ஸியில் அரைப்பது வேலைக்கு ஆகாது. அதோடு சிகைக்காய் அரைத்து வாங்கியதும் அதில் திரிபலா சூரணம் மூன்று டீஸ்பூன் சேர்த்துக் கொண்டால் வாதம், பித்தம், கபத்தினால் உண்டாகக் கூடிய தொல்லைகளையும் தவிர்க்கலாம். திரிபலா சூரணம் என்பது கடுக்காய், தான்றிக்காய், நெல்லிக்காயின் கலவையே! திரிபலாவை அடுத்து சிகைக்காய்த்தூளோடு அதிமதுரப் பொடியும் 1 டீஸ்பூன் சேர்த்தால் நேச்சுரல் ஹெர்பல் ஷாம்பூவான நறுமண சிகைக்காய்த்தூள் பயன்படுத்தத் தயாராகி விட்டது என்று அர்த்தம்.

நேச்சுரல் ஹெர்பல் சிகைக்காயை எப்படிப் பயன்படுத்துவது?

அவரவர் கூந்தலின் நீளத்துக்கு ஏற்ப 1 ஸ்பூனோ, 2 ஸ்பூன்களோ நறுமண சிகைக்காய் எடுத்துக் கொண்டு அதை வெது வெதுப்பான வெந்நீரில் கரைத்து தலையில் கூந்தலின் வேர்க்கால்கள் முதல் நுனி வரை படும் படி நன்கு தேய்க்கவும். சுமார் 20 நிமிடங்கள் அப்படியே காய விட்டு சிகைக்காயில் சேர்க்கப்பட்டுள்ள மூலிகைகள் மற்றும் வாசனைப்பொருட்களின் சத்துக்கள் எல்லாம் கூந்தலில் இறங்கும் வண்ணம் செய்யவும். பிறகு வெதுவெதுப்பான நீரில் கூந்தலை நன்கு அலசி எடுக்கவும். அவ்வளவு தான் வேறு எதுவும் செய்யத் தேவை இல்லை.

மேலே சொன்ன இரண்டு முறைகளில் அவரவருக்கு உகந்ததைத் தேர்ந்தெடுத்து சிகைக்காய் தயாரித்து பயன்படுத்திப் பார்த்து விட்டு எங்களுக்கு எழுதுங்கள்.

]]>
Natural Herbal Shampoo sikaikai preparation method!, homemade sikaikai, natural organic shampoo, சிகைக்காய் தயாரிக்கும் முறை, நேச்சுரல் ஹெர்பல் ஷாம்பூ, ஹோம்மேட் சிகைக்காய் தூள் http://images.dinamani.com/uploads/user/imagelibrary/2018/9/5/w600X390/perfumed_sikaikay.jpg http://www.dinamani.com/lifestyle/sweet-home/2018/sep/05/natural-herbal-shampoo-sikaikai-preparation-method-2994696.html
2989399 லைஃப்ஸ்டைல் இனிய இல்லம் வீட்டிலேயே எளிய முறையில் ‘ஆர்கானிக் கண்மை’ தயாரிப்பது எப்படி? கஸ்தூரி ராஜேந்திரன், தேனி. Tuesday, August 28, 2018 04:06 PM +0530  

உங்களுக்கு கண்மை இட்டுக் கொள்ளும் பழக்கம் உண்டா? ஒவ்வொருமுறையும் கண்மை தீர்ந்து போன பின்... நேரமின்றியோ அல்லது வேலைப்பளுவினாலோ மீண்டும்  கண்மை வாங்க மறந்து தவித்திருக்கிறீர்களா? அப்படித் தவிக்கும் போது எப்போதேனும் இப்படி யோசித்ததுண்டா? ஏன் நமக்குத் தேவையான கண்மையை நாமே வீட்டில் தயாரித்துக் கொள்ளக்கூடாது என! அப்படி யோசித்திருப்பீர்கள் எனில் இந்தக் கட்டுரை நிச்சயம் உங்களுக்குப் பயனுள்ளதாக இருக்கும்.

பயனைத் தாண்டியும் இதிலிருக்கும் மற்றொரு உபகாரம் என்னவென்றால் அது நம் கண்களின் ஆரோக்யம். கடைகளில் வாங்கி உபயோகிக்கக் கூடிய கண்மைகள் என்ன இருந்தாலும் ரசாயனக்கூட்டுபொருட்கள் தானே? பன்றிக் கொழுப்பிலிருந்து,  பல்வேறு விதமான தாவர எண்ணெய்கள், செயற்கை மெழுகுகள் முதல் அவற்றில் என்னென்ன விதமான ரசாயனங்கள் சேர்க்கப்படுகின்றன? அவை நம் கண்களுக்கும், புருவத்திற்கும் என்னென்ன விதமான பாதிப்புகளை ஏற்படுத்தக் கூடியவை என்றெல்லாம் அறியாமலே பயன்படுத்துவதைக் காட்டிலும் இது தேவலாம் இல்லையா? எனவே கூடுமான வரையில் இவற்றையும் வீட்டில் தயாரிக்க முயற்சித்துப் பாருங்கள்.

பாரம்பர்ய முறை...

தேவையான பொருட்கள்:

  • அகல்விளக்குகள் - 2
  • நல்லெண்ணெய் - 2 விளக்குகளை ஏற்றப் போதுமான அளவு
  • தடிமனான திரி - 2
  • எவர்சில்வர் தட்டு அல்லது மூடி - 1
  • எவர்சில்வர் டம்ளர்கள் - 2

கண்மைக்குத் தேவையான புகைக்கரி (charcoal)  தயாரிப்பு செய்முறை: 

2 அகல் விளக்குகளையும் ஏற்றி எரிய விட்டு அதன் நடுவில் இரண்டு எவர்சில்வர் டம்ளர்களை வைத்து அவற்றின் மீது எவர்சில்வர் தட்டால் மூடவும். சுமார் 1 மணி நேரம் விளக்குகளை எரிய விட்டால் மூடியின் மீது கணிசமான அளவு புகைக்கரி படியும். தேவையான அளவு புகைக்கரி கிடைத்ததும் விளக்குகளை அணைத்து மூடியை நீக்கி.. சூடு ஆறியதும் அதிலிருக்கும் புகைக்கரியை ஸ்பூனால் சுரண்டி எடுத்து ஒரு சிறு கோப்பையில் சேகரிக்கவும்.

மிகவும் மென்மையான இந்த புகைக்கரித் துகள்களுடன் 1/2 டீஸ்பூன் விளக்கெண்ணெய் விட்டு நன்கு பசை போல கலந்தால் குழந்தைகளுக்குப் பயன்படுத்தத் தோதான கண்மை கிடைக்கும். இதில் விளக்கெண்ணெய் சேர்ப்பதால் கண்களுக்கு மிகவும் நல்லது. கண்மை தயாரிப்பில் இது தான் நமது தென்னகத்து பாரம்பர்ய முறை.

பீ வேக்ஸ் பயன்படுத்தி கண்மை (காஜல்) தயாரிக்கும் மற்றொரு முறை:

அனைத்து சூப்பர் மார்கெட்டுகளிலும் பீ வேக்ஸ் என்று கேட்டால் கிடைக்கும். அதாவது தேன் கூட்டில் இருந்து எடுக்கப் படக்கூடிய ஒருவகை மெழுகு இது. இந்த மெழுமை வாங்கி ஃப்ரிஜ்ஜில் சேமித்து வைத்துக் கொண்டு அவ்வப்போது தேவையான அளவு துருவி எடுத்து கண் மை தயாரிக்கப் பயன்படுத்திக் கொள்ளலாம். 

தேவையான பொருட்கள்:

  • பீ வேக்ஸ் - ஒரு ஸ்பூன் 
  • புகைக்கரித்தூள் - 1 ஸ்பூன்
  • விளக்கெண்ணெய் - தேவையான அளவு அல்லது 1 1/4 ஸ்பூன்)

செய்முறை:

அடுப்பை ஆன் செய்து அதில் ஒரு கனமான பாத்திரத்தில் பாதியளவு நீர் நிரப்பி கொதிக்க விடவும். கொதிக்கும் நீரில் ஒரு சிறு எவர்சில்வர் கிண்ணத்தை மிதக்க விட்டு.. கிண்ணம் சூடானதும் அதில் ஒரு டீஸ்பூன் பீ வேக்ஸையும், 1 டீஸ்பூன் புகைக்கரித்தூளையும் சேர்த்து மேலும் சூடாக்கவும். சூட்டில் பீ வேக்ஸ் இளகி உருகி புகைக்கரித்தூளுடன் கலக்கத் தொடங்கும் போது ஒரு சிறு ஸ்பூனில் விளக்கெண்ணெயை மெதுவாக அந்தக் கலவையில் சேர்த்துக் கிளறிக் கொண்டே இருக்க வேண்டும். விளக்கெண்ணெயை அப்படியே மொத்தமாக விட்டு விடக்கூடாது. துளித்துளியாகச் சேர்க்க வேண்டும். விளக்கெண்ணெயின் அளவு 1/2 டீஸ்பூனில் இருந்து 1 அல்லது 1 1/2 டீஸ்பூன் அளவு தேவைப்படலாம். கண்மைக்கு நீரில் கரையாத தன்மை அதிகரிக்க வேண்டுமென்றால் பீ வேக்ஸின் அளவை அதிகரித்துக் கொள்ளலாம். இப்போது சூடுபடுத்துவதை நிறுத்தி விட்டு கிண்ணத்தில் உள்ள கலவையின் அடர்த்தியைச் சோதித்துக் கொள்ளவும். திக்னஸ் போதுமென்றால் கிண்ணத்தை பாத்திரத்தில் இருந்து இறக்கி விட்டு... அதிலிருக்கும் கலவையை சூடு ஆறியதும் ஒரு அழகான சிறு கண்ணாடி அல்லது டிரான்ஸ்ஃபரண்ட் பிளாஸ்டிக் ஜாரில் நிரப்பிக் கொள்ளவும். அது செட் ஆக 30 நிமிடங்கள் ஆகலாம். விரைவாகப் பயன்படுத்த வேண்டும் என்றால் கண்ணாடி ஜாரை ஓர் இரவு முழுதும் ஃப்ரிஜ்ஜில் வைத்து எடுங்கள். மறுநாள் நீங்களே உங்கள் கைகளால் தயார் செய்த கண்மையை பெருமையுடன் கண்களுக்கு இட்டுக் கொள்ளலாம்.

மேலே இரண்டு முறைகளில் கண்மை தயாரிப்பது எப்படி என்று கற்றுக் கொடுத்திருக்கிறோம். இரண்டில் முதலில் உள்ளது பாரம்பரிய முறை. அதிலுள்ள ஒரே ஒரு மைனஸ் என்னவென்றால் தண்ணீரில் கரையக் கூடிய தன்மை. இரண்டாவது முறையில் பீ வேக்ஸ் பயன்படுத்தப் பட்டிருப்பதால் அது தண்ணீரில் கரையாது. எனவே இந்த முறை இளம்பெண்களால் பெரிதும் விரும்பப் படலாம். கைக்குழந்தைகளுக்கு நெற்றிக்கு இடுவதற்கும், கன்னத்தில் இடுவதற்கும் முதலாவதாகச் சொன்ன முறையில் கண்மை தயாரித்துக் கொள்ளலாம். ஏனெனில் இதில் குழந்தையின் உடலுக்கு கேடு விளைவிக்கக் கூடிய எவ்விதமான ரசாயனங்களும் சேர்க்கப்படவில்லை என்பதால்.

Image courtesy: google

]]>
இனிய இல்லம், kajal preparation, home made kajal, oraganic method for kajal preparation, கண்மை தயாரிப்பு, ஆர்கானிக் முறையில் கண்மை தயாரிப்பு, ஹோம் மேட் கண்மை, ஹோமேட் காஜல் தயாரிப்பு, லைஃப்ஸ்டைல் இனிய இல்லம் http://images.dinamani.com/uploads/user/imagelibrary/2018/8/28/w600X390/kajal_at_home.jpg http://www.dinamani.com/lifestyle/sweet-home/2018/aug/28/how-to-prepare-kajal-at-home-by-organic-methods--2989399.html
2986752 லைஃப்ஸ்டைல் இனிய இல்லம் கடுமையான வாயுத் தொல்லையால் அவதிப்படுபவர்கள் கண்டிப்பாகத் தவிர்க்க வேண்டிய உணவுகள்! கஸ்தூரி ராஜேந்திரன், தேனி. Friday, August 24, 2018 03:46 PM +0530  

மொச்சை, கடலை, பட்டாணி, கடலைப் பருப்பு, பாசிப் பயறு, பீன்ஸ், சோயாபீன்ஸ், முட்டைக்கோஸ், வெங்காயம், காலிஃபிளவர், முந்திரிப்பருப்பு போன்ற கொட்டை வகைகள், வாழைக்காய், உருளைக் கிழங்கு, சேனைக் கிழங்கு, மரவள்ளிக் கிழங்கு, சர்க்கரைவள்ளிக் கிழங்கு, சாக்லேட், கேக், பிஸ்கட், பிரெட், பாப்கார்ன், செயற்கைப் பழச்சாறுகள், மென்பானங்கள், பாக்கெட்டுகளில் அடைக்கப்பட்ட மசாலா மிகுந்த உணவுகள், இறைச்சி, முட்டை, பால், பாலில் தயாரிக்கப்பட்ட பால் அல்வா, பால்கோவா, சீஸ் போன்ற உணவு வகைகள், அப்பளம், வடகம், வினிகர், பீர் ஆகியவற்றுடன் எந்த உணவைச் சாப்பிட்டால் உங்களுக்கு வாயு அதிகரிப்பதாகத் தோன்றுகிறதோ, அதையும் முடிந்தவரை குறைத்துக் கொள்ள வேண்டும்.

முதல்நாள் முழுதும் ஏதோ ஒரு காரணத்திற்காக போதுமான அளவில் மூன்று வேளைகளிலும் உணவு எடுத்துக்கொள்ள மறந்து மறுநாள் பசி மற்றும் சுவையின் காரணமாக மூன்று வேளையும் அதிகமாக உண்டாலும் வாயுத்தொல்லையால் அவதியுற நேரிடும். காலியான வயிற்றில் சேர்ந்த வாயு பிரிவதற்கு வழியற்றுப் போனால் உள்ளுறுப்புகளுக்குள் வாயு நகர்வதை நம்மால் உணர முடியும். அந்த வாயு வெளியேறும் வரை தொல்லை தான்.

உணவுப் பழக்கத்தால் வரும் வாயுத்தொல்லை சீராக...

வாயு மிகுந்தவை எனப் பட்டியலிடப்பட்டுள்ள மேற்கண்ட உணவுப் பொருட்களை உண்ணும் நாட்களில் உண்டு முடித்ததும் ஒரு கப் சூடான வெந்நீர் அருந்தலாம். (னாக்குப் பொறுக்குமளவு சூடு போதும்) பிறகு உண்ட உணவு செரிக்கும் அளவுக்கு சாப்பிட்டு முடித்த இரண்டு மணி நேரங்களுக்குப் பிறகு எளிதான உடற்பயிற்சிகளோ அல்லது நடைப்பயிற்சியோ மேற்கொண்டு உணட உணவை செரிக்க வேண்டும். உணவினால் உடலில் சேரும் கலோரிகள் முழுதும் எரிக்கப்பட்டு உடலில் சேருமாயின் பிறகு வாயுத்தொல்லை குறித்த கவலை தேவையில்லை.
 

]]>
இனிய இல்லம், வாயுத்தொல்லை, gas trouble, foods to avoid, தவிர்க்க வேண்டிய உணவுகள் http://images.dinamani.com/uploads/user/imagelibrary/2018/8/24/w600X390/gasceos_foods.jpg http://www.dinamani.com/lifestyle/sweet-home/2018/aug/24/if-you-want-to-reduce-gas-trouble-avoid-these-foods-2986752.html
2986748 லைஃப்ஸ்டைல் இனிய இல்லம் கர்ப்பிணிகள் பீட்ரூட் சாப்பிட்டால் குழந்தை சிவப்பாகப் பிறக்குமாம்! கஸ்தூரி ராஜேந்திரன், தேனி. Friday, August 24, 2018 03:05 PM +0530  

பீட்ரூட் மிகச்சிறந்த நார்ச்சத்து மிகுந்த ஆங்கிலக் காய்கறி வகைகளில் ஒன்று. சத்துக்கள் நிறைந்த காய்கறிகளில் ஒன்றாக இருந்த போதும் இந்திய சமையலறைகளில் பெரும்பாலும் பீட்ரூட்டுக்கு முன்னுரிமை அளிக்க இன்றும் கூட தயக்கமே நிலவுகிறது. காரணம் அதனால் உண்டாகும் இளஞ்சிவப்புக் கறை. ஆனால் அந்தக் கறை நல்லது என்று தெரிந்த போதும் பெண்கள் ஏன் பீட்ரூட்டைத் தவிர்க்கிறார்கள் எனில் பீட்ரூட்டை வைத்து அவர்களுக்கு அதிகமான ரெஸிப்பிகளில் சமைக்கத் தெரியாது என்பதாலும் தான். பொடியாக நறுக்கியோ அல்லது துருவியோ பொரிக்கலாம். மிஞ்சினால் சர்க்கரையும், நெய்யும் சேர்த்து பீட்ரூட் ஹல்வா செய்யலாம். அதைத் தாண்டி வேறென்ன செய்ய முடியும்?

பீட்ரூட் மில்க்‌ஷேக்

பீட்ரூட்டைக் கொண்டு பொரியல் தவிர, டீ தயாரிக்கலாம், மில்க் ஷேக் தயாரிக்கலாம். எலுமிச்சைச் சாறு கலந்து பீட்ரூட் ஜூஸ் தயாரிக்கலாம். அரைத்து கோதுமை மாவில் கலந்து பிசைந்து பூரிகள் இடலாம். அதன் சிவப்பு நிறம் குழந்தைகளை ஈர்த்து அதிகம் உண்ண வைக்கும். சாலட்களில் துருவிச் சேர்த்து பச்சையாகவோ அல்லது அரைவேக்காட்டில் வேக வைத்தோ தாராளமாக பீட்ரூட் சேர்க்கலாம். பீட்ரூட்டில் சூப் தயாரிக்கலாம். 

பீட்ரூட்  ‘சாய்’ அல்லது டீ

பீட்ரூட் டீ தயாரிக்க ரெஸிப்பி!

  • தேவையான பொருட்கள்...
  • பீட்ரூட் - 1
  • இஞ்சிச் சாறு - 1/4 டீஸ்பூன்
  • புதினாச்சாறு - 1 டீஸ்பூன்
  • எலுமிச்சைச் சாறு - 2 டீஸ்பூன்
  • சர்க்கரை அல்லது தேன் - தேவையான அளவு
  • ஏலக்காய்த்தூள் - 1 சிட்டிகை

செய்முறை:

பீட்ரூட்டைத் தோல் நீக்கி சிறு துண்டுகளாக நறுக்கி மிக்ஸியில் இட்டு அரைத்துச் சாறு எடுத்துக் கொண்டு அந்தச் சாற்றை அடுப்பிலேற்றிக் காய வைக்கவும். சாறு நன்கு சூடானதும் இறக்கி சற்று ஆற வைத்து அதில் புதினாச்சாறு, இஞ்சிச் சாறு, எலுமிச்சைச் சாறு, ஏலத்தூள் சர்க்கரை சேர்த்து நன்கு கலந்து பரிமாறவும். இந்த பீட்ரூட் சாற்றை குழந்தைகளுக்கு தினமும் அருந்தத் தந்தால் அவர்களுக்கு மலச்சிக்கல் பிரச்னை என்பதே வராது. அது மட்டுமல்ல கர்ப்பிணிகள் இந்த டீயை தினமும் அருந்தி வந்தால் அவர்களுக்குப் பிறக்கும் குழந்தை சிவப்பாக இருக்கும் என்றொரு நம்பிக்கையும் இங்கு நிலவுகிறது.

பீட்ரூட் சூப்

கர்ப்பிணிகள் பீட்ரூட்டைச் சாறு எடுத்து அதில் பூண்டு, சிறு வெங்காயம் நறுக்கிப் போட்டு ஒரு சிட்டிகை பெருங்காயத்தூளும், ஐந்தாறு கறிவேப்பிலை மற்றும் உப்புச் சேர்த்து சூப் செய்தும் அருந்தலாம்.

அப்படியே பச்சையாக சாலட் செய்தும் சாப்பிடலாம்.

திருமணத்திற்கு தயாராக இருக்கும் இளம்பெண்கள் எனில் பீட்ரூட் சாறு எடுத்து அதைத் தினமும் ஒருமுறை முகத்தில் அப்ளை செய்து காய்ந்ததும் வெதுவெதுப்பான நீரில் முக கழுவித் துடைத்து வந்தால் சருமம் மென்மையாவதோடு நிறமும் அதிகரிக்கும் என்றொரு நம்பிக்கையும் இங்கு நிலவுகிறது. பீட்ரூட் ஃபேஸியல் செய்து கொண்டால் முகச்சுருக்க்கங்கள் அகன்று சருமத்தின் இறந்த செல்கள் அகற்றப்பட்டு முகம் இளமைத்தோற்றம் பெறும்.

பீட்ரூட்டின் வரலாறு...

‘பீட்’ செடியின் முதன்மையான வளர்ந்த வேர்ப்பகுதியே பீட்ரூட் எனக் கூறப்படுகிறது. கரும்புக்கு அடுத்தபடியாக இனிப்புக்காக பயன்படுத்தும் சர்க்கரையின் மூலமாக பீட்ரூட் இருக்கிறது. பீட்ரூட்டின் இலைகளையே ஆதிகாலத்தில் சமையலுக்கு பயன்படுத்தியதாகத் தெரிகிறது. பீட் செடியின் வேர்ப்பகுதியை உணவுக்காக பயன்படுத்த ஆரம்பித்தவர்கள் ரோமானியர்கள். ரோமானிய நாடோடிகள் மூலமாக வட ஐரோப்பாவில் பீட்ரூட்டை உணவுக்காக பயிரிடுவது பரவியது. 19ம் நூற்றாண்டில் பீட்ரூட்டிலிருந்து சர்க்கரையைப் பிரித்தெடுக்கும் தொழில்நுட்பம் கண்டுபிடிக்கப்பட்டவுடன் இதன் தேவை மற்ற நாடுகளில் அறிமுகமானது. ஐரோப்பியர்களின் வருகைக்குப் பிறகே இந்தியாவிலும் பீட்ரூட் அறிமுகமானது. இந்தியாவில் ஐரோப்பியர்களின் காலநிலைக்கு ஒத்த குளிர்பிரதேசங்களில் இது பயிடப்படுகிறது.

சமைப்பதற்கு உகந்த பீட்ரூட்டை தேர்ந்தெடுப்பது எப்படி?

பீட்ரூட்டின் தோல் வறண்டு போகாமல், தோலை லேசாகக் கீறினால் உள்ளேயிருக்கும் காயின் சாறு உடனே வெளிப்பட வேண்டும். இதுவே சமைப்பதற்கு தோதான இளம் பீட்ரூட். முற்றிய பீட்ரூட் தோல் தடித்து கடினமானதாக இருக்கும். இதை வேக வைக்கும்போது கடினத்தன்மை அதிகமாகி விடும். சுவையும் சற்றும் குறைச்சலாக இருக்கும்.

பீட்ரூட்டில் உள்ள சத்துக்கள்

100கிராம் பீட்ரூட்டில் கார்போஹைட்ரேட் 9.96கி,நார்ச்சத்து 2.0கி, சர்க்கரை 7.96கி, கொழுப்பு 0.18கி. இவை தவிர, கால்சியம், இரும்பு, பொட்டாசியம், சோடியம், மாங்கனீஸ், பாஸ்பரஸ்,ஜின்க் போன்ற தனிம சத்துக்களும் வைட்டமின் ஏ, வைட்டமின் சி, வைட்டமின் பி காம்பளக்ஸ் போன்ற உயிர்சத்துக்களும் அடங்கியுள்ளன.


 

]]>
beetroot tea, beetroot chai, beetroot history, beet gives fair baby birth, பீட்ரூட், மருத்துவ பலன்கள், சிவப்பான குழந்தைகள், கர்ப்பிணிகள் http://images.dinamani.com/uploads/user/imagelibrary/2018/8/24/w600X390/beetroots_for_pregnant_women.jpg http://www.dinamani.com/lifestyle/sweet-home/2018/aug/24/if-pregnant-women-used-to-eat-beetroot-it-helps-to-give-birth-of-fair-and-glow-babies-2986748.html
2983034 லைஃப்ஸ்டைல் இனிய இல்லம் அக்ரஹாரம் இல்லை... இது அக்கரகாரம் எனும் மூலிகைச் செடி! RKV Saturday, August 18, 2018 04:18 PM +0530  

விக்கலைப் பற்றி கூகுளில் தேடிக் கொண்டிருந்த போது. அதற்கு கை வைத்தியமாக வீட்டிலேயே செய்து கொள்ள ஒரு எளிதான டிப்ஸ் கிடைத்தது. அந்த டிப்ஸில் அக்ரகாரத்தையும், திப்பிலியையும் சரி சமமான அளவு எடுத்துப் பொடி செய்து தேன் கலந்து தினமும் ஒரு ஸ்பூன் சாப்பிட்டு வந்தால் நுரையீரல் தொடர்பான சிக்கல்கள் அனைத்தும் தீரும். என்று சொல்லப்பட்டிருந்தது. விக்கலுக்கு முழு முதற்காரணமே நுரையீரல் பிரச்னை தானே... அது தீருமென்றால் இது விக்கலுக்கான அருமருந்து தானே என்று நினைத்தேன். 

ஆனால், திப்பிலி கேள்விப் பட்டிருக்கிறோம். இதென்ன அக்ரகாரம் என்றொரு புது வஸ்து. இது நிச்சயமாக அக்ரஹாரமாக இருக்க வாய்ப்பில்லை. அது தான் மூலிகையே இல்லையே! அப்படியெனில் அக்ரகாரம் என்றால் என்ன? என்று மேலும் தேடியதில் அப்படியொரு மூலிகை இருப்பது தெரிய வந்தது.

அக்கரகாரம் என்பது ஒருவகை மூலிகைச் செடி. 

விக்கல் தவிர அதன் பிற மருத்துவப் பயன்கள்...

  • அக்கரகாரம் பூ இலைகள் சாப்பிடும் போது உமிழ்நீர் சுரப்பு அதிகமாகும். ஒரு துண்டு வேரை ஊற வைத்து மென்று விழுங்க பல்வலி, மேல் அண்ண அழற்சி, தொண்டைக்கட்டு, தொண்டை வறட்சி, நா வறட்சி போன்ற பிரச்னைகள் தீரும்.அது மட்டுமல்ல அக்கரகாரம் பூவை எடுத்து வாயில் ஊற வைத்தீர்களென்றால் மின்சார ஒயரைக் கடித்தது போல நாக்கில் சுரு சுருவென்ற உணர்வு ஏற்படும்.
  • 30 கிராம் அக்கரகாரம் வேரைப் பொடியாக்கி 1 லிட்டர் தண்ணீரில் சுண்டக் காய்ச்சி தினந்தோறும் பற்கள் முழுவதையும் நனைக்கும் வண்ணம் வாய் கொப்பளித்து வந்தால் பல்வலி, பல் ஆட்டம் குறையும்.
  • அக்கரகாரம் மூலிகை ஆண்மையை பலப்படுத்தும் மாமருந்துகளில் ஒன்று.
  • இந்த மூலிகையின் சூரணம் நாட்டுமருந்துக் கடைகளில் கிடைக்கும்.
  • இந்த மூலிகைச் செடியை தற்போது நர்சரி கார்டன்களில் கூட சரளமாகப் பெற முடியும். இவற்றை விதைகள் மற்றும் தண்டுடன் கூடிய வேர்களைக் கொண்டும் வளர்க்க முடியும்.
]]>
அக்கரகாரம் மூலிகைச் செடி, akkarakaram herb, medicine for hiccups, விக்கலுக்கு மருந்து, http://images.dinamani.com/uploads/user/imagelibrary/2018/8/18/w600X390/akkarakaaram_herb.jpg http://www.dinamani.com/lifestyle/sweet-home/2018/aug/18/akkarakaram-herb-2983034.html
2966182 லைஃப்ஸ்டைல் இனிய இல்லம் செங்கல் செங்கல்லாக கெமிக்கல் சோப் எதற்கு? ஹோம்மேட் ‘நேச்சுரல் பாடி வாஷ்’ தயாரிக்க கத்துக்கோங்க பாஸ்! கஸ்தூரி ராஜேந்திரன், தேனி. Monday, July 23, 2018 01:17 PM +0530  

குளிர்காலமோ, வெயில் காலமோ எந்தக் காலமாக இருந்தாலும் சிலருக்கு எந்த குளியல் சோப்பும் ஒத்துக் கொள்வதே இல்லை. அவர்களும் தொலைக்காட்சி விளம்பரங்களில் காட்டப்படும் அத்தனை நிறங்களிலான சோப்புகளையும் ஒன்று விடாமல் பயன்படுத்தி ஓய்ந்திருப்பார்கள். சிலர் கலர், கலராக சோப் எதற்கு என்று வெள்ளை நிற சோப்புக்கு மாறிய பின்னரும் கூட சருமம் என்னவோ அவர்களது ஆசைப்படி பளபளக்காமல் மேலும் பொலிவிழந்து வறண்டும், வெடித்தும் தோற்றமளிப்பதைக் கண்டு மனச்சோர்வில் வீழ்ந்திருப்பார்கள். அப்படிப் பட்டவர்கள்... சோப்போடு நிறுத்திக் கொள்வதில்லை. சோப்பில் கிடைக்காத சரும மென்மை மாய்ஸைரைஸைர்களில் கிடைக்கிறதா பார்க்கலாம் என பல்வேறு நிறங்களில் மாய்ஸ்ரைஸர்களைப் பயன்படுத்தி சருமத்தை ஈரப்பதமாக வைத்துக் கொள்ள முயன்று கொண்டிருப்பார்கள். ஒருநாள் இவற்றைப் பயன்படுத்த மறந்தாலும் போதும் சருமம் வறண்டும், சுருங்கியும், பாளம் பாளமாக வெடித்தும் காட்சியளித்து மானத்தை வாங்கும்.

இந்தத் தொல்லைகளை எல்லாம் தவிர்க்க வேண்டுமானால் கடைகளில் விற்கப்படும் விதம், விதமான செங்கக் கட்டிகளை தூக்கிக் கடாசி விட்டு நமக்கே, நமக்கேயான நேச்சுரல் பாடி வாஷை நாமே தயாரித்துக் கொள்வது ஒன்று தான் சிறந்த வழி. திரவ சோப்பின் சிறப்பு என்னவென்றால் அது சருமத்தோடு ஒட்டி உறவாடி பின் பிரிய மாட்டேன் என்று படிந்து சரும வறட்சிக்கு காரணமாவதில்லை. அதனால் தான் நட்சத்திர விடுதிகளில் பெரும்பாலும் திரவ சோப்களையே தங்கள் விருந்தினர்களுக்கு காம்ப்ளிமெண்ட்டரியாகத் தருகிறார்கள். சந்தேகமிருந்தால் திட சோப்கள் பயன்படுத்துவோர் சில வாரங்களுக்கு திரவ சோப்களைப் பயன்படுத்திப் பார்த்து விட்டு பிறகு தங்களுக்குத் தேவையான திரவ சோப் அல்லது பாடி வாஷை நேச்சுரலாக தாங்களே வீடுகளில் தயாரிக்க முயற்சி செய்யலாம். எப்படியாயினும் கெமிக்கல் சோப்களின் ஆதிக்கம் குறைந்து ஹோம்மேட் சோப்களின் கை வண்ணத்தில் அனைவரது சருமமும் விரும்பிய வண்ணம் பொலிவு பெற்றால் சரி தான்.

தேவையான பொருட்கள்:

  • தேங்காய் எண்ணெய்:  1/4 கப் 
  • தேன்: 1/4 கப்
  • லிக்விட் கேஸ்டைல் சோல் அல்லது திரவ சோப்: 1/2 கப்
  • விட்டமின் E: 1 டீஸ்பூன்
  • யூகலிப்டஸ் எஸன்சியல் ஆயில்: 15 துளிகள்
  • ஸ்வீட் ஆரஞ்சு எஸன்சியல் ஆயில்: 10 துளிகள்
  • லெமன் அல்லது நாரத்தை எஸன்சியல் ஆயில்: 10 துளிகள்
  • தேங்காய் எண்ணெயை விடச் சிறந்த பாடி மாய்ஸ்ரைஸர் உலகில் கிடையாது. மிகச்சிறந்த இயற்கை மாய்ஸ்ரைஸைரான தேங்காய் எண்ணெயில் சருமத்துக்கு தீங்கு விளைவிக்கக் கூடிய எந்தவிதமான பக்க விளைவுகளும் கிடையாது. சில கெமிக்கல் மாய்ஸ்ரைஸர்களைப் போல இது சருமத்துவாரங்களை அடைத்துக் கொள்ளாது. இதனால் உடலுக்கு கிடைக்கும் இயற்கை மணமும் அலாதியானதாக இருக்கும். 
  • தேன் எதற்கு என்றால்?  சருமத்திற்கு நோய்தொற்று எதிர்ப்பாற்றலை வழங்குவதில் தேன் முக்கிய பங்காற்றுகிறது. சருமத்தை ஊடுருவ நினைக்கும்/ சரும ஆரோக்யத்திற்கு கேடு விளைவிக்கக் கூடிய நுண்ணுயிர்களுக்கு தேன் மிகப்பெரும் எதிரி.

  • திரவ சோப்... சிலருக்கு என்ன தான் இயற்கை முறையில் தயாரித்த சோப் பயன்படுத்தினாலும் கூட தேய்த்துக் குளிக்கும் போது நுரையில்லா விட்டால் திருப்தியே வராது. அந்த நுரை எஃபெக்ட்டை கொண்டு வர இந்த லிக்விட் கேஸ்டைல் சோப் என்று சொல்லப்படக் கூடிய திரவ சோப் வழங்கும்.
  • எஸன்சியல் ஆயில்கள்... நேச்சுரல் சோப் தயாரிக்கும் போது அதனுடன் இடுபொருட்களாக சிட்ரஸ், யூகலிப்டஸ் அல்லது லெமன் எஸன்சியல் ஆயில் இவற்றில் ஏதாவதொன்றை சேர்த்துக் கொள்வது சரும பளபளப்பு மற்றும் போஷாக்குக்கு உகந்தது. 

எனவே நேச்சுரல் குளியல் சோப் தயாரிக்கையில் மேற்கண்ட பொருட்கள் அனைத்தையும் மறவாமல் சேர்க்க வேண்டும்.

தேன், தேங்காய் எண்ணெய் தவிர மற்ற அனைத்துப் பொருட்களையும் மெடிக்கல் ஷாப் மற்றும் டிபார்ட்மெண்டல் ஸ்டோர்களில் பெற முடியும். விட்டமின் E ஸ்கின் ஸ்கேர் மெடிக்கல் ஷாப்களில் கிடைக்கும்.

 

நேச்சுரல் சோப் தயாரிப்பு முறை:

தேங்காய் எண்ணெயை ஒரு மைக்ரோவேவ் கப்பில் எடுத்துக் கொண்டு அவனை மீடியம் செட்டிங்கில் வைத்து உருக வைக்க வேண்டும். பின்னர் அதனுடன் நீங்கள் விரும்பும் எஸன்சியல் ஆயில் சில துளிகளுடன், சுத்தமான தேன் மற்றும் விட்டமின் E சேர்த்து நன்கு கலக்கவும். கலந்த பின்னர் அதனுடன் லிக்விட் கேஸ்டைல் சோப் அல்லது திரவ சோப் கலந்து நன்கு கலக்கி ஒரு கண்ணாடி அல்லது பிளாஸ்டிக் பாட்டிலில் ஊற்றி வைத்துக் கொள்ளலாம்.
 

]]>
ஹோம்மேட் நேச்சுரல் பாடிவாஷ், நேச்சுரல் பாடி வாஷ் தயாரிப்பு முறை, நோ கெமிக்கல் ஒன்லி நேச்சுரல், ஸ்கின் கேர், சரும ஆரோக்யம், skin care, skin health, Homemade natural body wash, natural bodywash making tips, home sweet home, lifestyle, இனிய இல்லம், http://images.dinamani.com/uploads/user/imagelibrary/2018/7/23/w600X390/0000_body_wash_1.jpg http://www.dinamani.com/lifestyle/sweet-home/2018/jul/23/homemade-natural-body-wash-making-tips-2966182.html
2957906 லைஃப்ஸ்டைல் இனிய இல்லம் நடனமாடிக் கொண்டே ரசனையாகப் போக்குவரத்தை ஒழுங்கு செய்யும் சென்னை போலீஸ்! RKV DIN Wednesday, July 11, 2018 03:30 PM +0530  

சென்னை மாநகராட்சி கட்டடப் பகுதி சிக்னலில் போக்குவரத்துக் காவலராகப் பணிபுரியும் ராஜேஷ் அந்தப்பகுதியில் சாலையைக் கடக்கும் மக்களிடையே பிரபலமானவராகத் திகழ்கிறார். காரணம், பிற போக்குவரத்துக் காவலர்களைப் போல அல்லாது தினசரி போக்குவரத்தை ஒழுங்கு செய்வதில் அவர் பின்பற்றும் புதுமையான பாணி.

2003 ஆம் ஆண்டில் காவல்துறைப் பணியில் சேர்ந்த ராஜேஷ் 13 ஆண்டுகளாக சட்டம் ஒழுங்குத் துறையில் பணியாற்றினார் .பினர் 2016 ஆம் ஆண்டில் போக்குவரத்துக் காவலராகப் பணிமாற்றம் செய்யப்பட்ட இவர் சாலையில் போக்குவரத்தைக் கட்டுப்படுத்த தனது பாணியில் பின்பற்றும் நடனம் போன்ற உத்தி அந்தப் பகுதி மக்களால் வெகுவாக ரசிக்கப்படுகிறது. அதைப் பற்றிப் பேசுகையில் ராஜேஷ் தெரிவித்தது... அனைத்துப் போக்குவரத்துக் காவலர்களுமே அவரவர் பாணியில் அவர்களது வேலையை நன்றாகவே செய்து கொண்டிருக்கிறார்கள். நான் மட்டுமே நன்றாகச் செய்து கொண்டிருக்கிறேன் என்று கூற முடியாது.

சொல்லப்போனால் தமிழகக் காவல்துறையில் எனக்களிக்கப்படும் ஊக்கம் மற்றும் ஆதரவின் காரணமாகவே என்னால் இப்படி சுதந்திரமாகப் பணியாற்ற முடிகிறது. இந்த விஷயத்தில் இந்தப் பகுதி மக்கள் மற்றும் வீட்டில் என் மனைவி தரும் ஆதரவு இரண்டையுமே கூட நான் குறிப்பிட்டாக வேண்டும். அவையெல்லாம் தான் உற்சாகமாக என் வேலையைச் செய்ய வைக்கின்றன. என்கிறார். பெரிய மேடு காவல்பிரிவில் பணியாற்றும் ராஜேஷுக்கு மூன்று லட்சியங்கள் உண்டாம். அதில் முதல் லட்சியமாக அவர் குறிப்பிட்டது,  உலகின் எந்த மூலைக்குச் சென்று கேட்டாலும், உலகின் சிறந்த போலீஸ் யார் என்ற கேள்விக்கான பதில் தமிழக காவல்துறை என்பதாகவே இருக்க வேண்டும் என்பது, அடுத்ததாக தமிழகத்தில் ரிடையர்மெண்டுக்குப் பிறகு என்ன செய்வதென தெரியாமல் வீட்டோடு முடங்கிக் கிடக்கும் முதியோர்கள் பலர் உள்ளனர். அவர்களுக்கு சிறந்த வேலைவாய்ப்பை ஏற்படுத்தித் தரவேண்டும். அது மட்டுமல்ல எனது மூன்றாவது லட்சியத்தைப் பற்றி நான் இப்போது சொல்ல மாட்டேன். நேரம் வரும் போது நிச்சயம் உங்களுடன் பகிர்ந்து கொள்கிறேன். என பீடிகை போடுகிறார் ராஜேஷ்.

அரசுப் பணியாளர்களிடையே குறிப்பாகச் சொன்னால், காவல்துறைப் பணியிலிருப்பவர்களிடையே மிகுந்து வரும் எந்திரத் தன்மைக்கு நடுவே ராஜேஷ் போன்ற உற்சாகமான, கலகலப்பான ஊழியர்களும் நீடித்து பெயர் பெற்று வருவது அதிசயம் தான். ராஜேஷ் மட்டுமல்ல, எந்த ஒரு வேலையைச் செய்பவர்களும் கூட தாம் செய்யும் வேலை தமக்குப் பிடித்திருக்கிறதா? என்று பார்த்து விட்டு, அந்த வேலையில் சோர்வு வரும்போதெல்லாம் ராஜேஷ் மாதிரி அந்த வேலையில் ஏதாவதொரு புதுமையைப் புகுத்தி எந்திரமயமான வேலையையும் கூட நமக்குப் பிடித்தமான செளகர்யமான வேலையாக மாற்றிக் கொள்ள வேண்டும். அப்போது தான் வாழ்க்கை ரசிக்கக் கூடும்

]]>
tamilnadu police, traffic police, தமிழ்நாடு போலீஸ், டிராஃபிக் போலீஸ், நடனமாடும் டிராஃபிக் போலீஸ் http://images.dinamani.com/uploads/user/imagelibrary/2018/7/11/w600X390/traffic_police_dance.jpg http://www.dinamani.com/lifestyle/sweet-home/2018/jul/11/dancing-traffic-police-in-chennai-2957906.html
2957894 லைஃப்ஸ்டைல் இனிய இல்லம் துடைப்பக் காதை! துடைப்பத்தை இப்படி வைத்தால் வீட்டில் செல்வம் தங்காது! ஏன்?! கஸ்தூரி ராஜேந்திரன், தேனி. Wednesday, July 11, 2018 01:56 PM +0530  

அதென்ன துடைப்பக் காதை... அவ்வளவு பெரிய கதை சொல்ல துடைப்பத்தில் என்ன இருக்கிறது? என்று சிலருக்குத் தோன்றலாம். எங்கே ஒருநாள்... ஒரே ஒரு நாள் செளகர்யமற்ற துடைப்பத்துடன் வேலை செய்து பாருங்கள் அப்போது தெரியும் உங்களுக்கு இந்த துடைப்பக் கதையின் முக்கியத்துவம். இந்தியப் பெண்களிடையே துடைப்பத்திற்கான மவுசு என்றும் ஒரே சீராக நீடித்து வருகிறது. அதனால் தான் இந்தியச் சம்பிரதாய வரிசையில் ‘துடைப்பத்தில் மகாலட்சுமி வாசம் செய்கிறாள்’ எனும் நம்பிக்கை என்றும் நீடிக்கிறது. இந்த சொல்வழக்கை தர்க்கரீதியாக ஆய்வு செய்து பாருங்கள். மகாலட்சுமி எங்கெல்லாம் வாசம் செய்வாள்? அவள் சுத்தம் மற்றும் சுகாதாரத்தின் பிறப்பிடம், துடைப்பமும் அந்த வேலையைத்தான் தனது ஆயுள் முழுக்கச் செய்து வருகிறது. எனவே துடைப்பத்தில் போயா மகாலட்சுமி இருக்கிறாள் என்று எதிர்கேள்வி கேட்டு நேரத்தை வீணடிக்க வேண்டியதில்லை.

எல்லோருடைய வீடுகளிலும், ஏன் அலுவலகங்கள், மருத்துவமனைகள், பேருந்து நிலையங்கள் என எல்லா இடங்களிலும் தான் துடைப்பங்கள் காணக் கிடைக்கின்றன. துடைப்பங்களில் இருவகை உண்டு. ஒன்று உள்ளே பெருக்க உதவும், மற்றொன்று வெளியே பெருக்க உதவும். இரண்டுமே ஒரே மெட்டீரியலால் ஆனதல்ல. வீட்டுக்கு வெளியே பெருக்கிச் சுத்தம் செய்ய உதவும் துடைப்பம் பெரும்பாலும் தென்னங்கீற்றால் உருவாக்கப் பட்டிருக்கும், அல்லது ஈக்கிமார் என்று சொல்லப்படக் கூடிய எளிதில் உடையாத, தேய்ந்து போகாத புல்லாலும், பனங்கீற்றுகளாலும் உருவாக்கப்பட்டிருக்கும். இந்த இரண்டு துடைப்பங்களையும் வீட்டுக்கு வெளியே முற்றத்தைப் பெருக்கவும், மாட்டுத்தொழுவங்களைப் பெருக்கவும், போர்டிகோவைப் பெருக்கவும் பயன்படுத்துவார்கள்.

அதே வீட்டுக்குள் பெருக்க பூந்துடைப்பம் என்று சொல்லப்படக் கூடிய மென்மையான துடைப்பங்களைப் பயனபடுத்துவார்கள். இவை தென்னங்கீற்றுகளால் செய்யப்படுவதில்லை. மிக மென்மையான புல்லில் இருந்து தயாராகின்றன. வீட்டுக்குள் துடைக்க தற்போது தூசு விரவாத பிளாஸ்டிக் துடைப்பங்கள் கூட வந்து விட்டன. ஆயினும் கோரைப் புல் மற்றும் தர்ப்பைப் புல்லில் இருந்து உருவாக்கப்படும் துடைப்பங்களே வளவளப்பான தரையிலும் கூட மிக மென்மையாகப் படிந்திருக்கும் தூசு, துரும்புகளை அகற்றத் தோதானவை என்று இல்லத்தரசிகளால் கருதப்படுகின்றன.

கிராமங்களில் மக்கள் தங்களுக்குத் தேவையான துடைப்பங்களை தாங்களே தயாரித்துக் கொள்வது வழக்கம். நகரங்களில் அப்படியல்ல,  மக்கள் வீட்டின் உள்ளே பெருக்கிச் சுத்தம் செய்ய உதவும் துடைப்பங்களை 200 ரூபாய் கொடுத்துக் கூட விதம் விதமாக வாங்கத் தயங்கவே மாட்டார்கள். 200 ரூபாய்க்கு வாங்கிய துடைப்பத்தில் கைப்பிடி பிளாஸ்டிக்கில் வடிவமைக்கப்பட்டிருக்கும். அது உள்ளிருக்கும் புற்கட்டுடன் இறுக்கமாகக் கவ்வி பொருத்தப்படாவிட்டால் கைப்பிடி உருவிக் கொண்டு புற்கட்டு தனித்தனியே சிதறிக் கொட்டும். அதனால் மாதாமாதம் துடைப்பத்துக்கென 200 ரூபாய் ஒதுக்கும் நிலையும் சில வீடுகளில் உண்டு. பெரிதாகத் தொந்திரவு தராத ‘அருமையான துடைப்பம் அமைவதெல்லாம் இறைவன் கொடுத்த வரம்’ என்றெல்லாம் புலம்ப வைக்கும் திறன் கொண்ட துடைப்பங்களும் சில வீடுகளில் இருக்கக் கூடும். நகரங்களில் பெரும்பாலும் கணவன், மனைவி இருவரும் வேலைக்குச் செல்லக் கூடியவர்களாக இருக்கும் வீடுகளில் பணிப்பெண்களே வீட்டை உள்ளும், புறமுமாகப் பெருக்கிச் சுத்தம் செய்வார்கள். அவர்களது கைவரிசையைக் காட்டாமல் இருக்கும் வரை துடைப்பங்கள் தீர்க்காயுசுடன் இருக்கலாம். அந்தோ பரிதாபம் எஜமானிகளின் மேலிருக்கும் கோபத்தை அவர்கள் இந்தப் பாழும் துடைப்பங்களின் மீதெல்லாம் காட்டினார்கள் என்று வையுங்கள் பிறகு அவற்றுக்கு அற்பாயுள் தான். மீண்டும் ஒரு 200 ரூபாய் தண்டம் கட்டியே தீர வேண்டும். 

துடைப்பத்தை இப்படி வீட்டில் வைத்தால் செல்வம் தங்காது என்று சொல்லி ஆரம்பித்து விட்டு எதற்கிந்த அனர்த்தக் கதைகள் எல்லாம் என்று சிலர் அனத்தலாம். இருங்கள் முதலில் துடைப்பங்களால் ஏற்படக்கூடிய பாதிப்புகளைச் சொல்லி முடித்து விட்டுத்தானே அடுத்த சப்ஜெக்டுக்குத் தாவ முடியும். துடைப்பம் இருக்கும் ஒவ்வொரு வீட்டிலும் மேற்கண்ட கதை நடக்கவில்லை என்று சொல்லுங்கள் பார்க்கலாம். எல்லோருடைய வீடுகளிலுமே சொல்வதற்கென்று பிரத்யேகமாக ஒரு துடைப்பக் கதை இருக்கத்தான் செய்கிறது. நம்பவில்லை என்றால் தயவுசெய்து மனைவியிடமோ, அம்மாவிடமோ, பாட்டியிடமோ கேட்டுப் பாருங்கள். அத்தனை பேரிடமும் ஆயிரமாயிரம் துடைப்பக் காதைகள் இருக்கலாம் சொல்வதற்கு. அதனால் முடிந்த வரை ஹோம்மேட் துடைப்பங்கள் தயாரிக்க முடியுமா என்று யோசித்து அப்படியொன்றைச் தயாரித்து வைத்துக் கொண்டோமெனில் செலவுக்கு செலவும் மிச்சம், துடைப்பமும் பலநாட்களுக்கு நீடித்து உழைக்கும்.

ஹோம்மேட் தென்னந்துடைப்பம் தயாரிப்பது எப்படி?!

உங்கள் வீட்டிலோ அல்லது தோப்பிலோ தென்னைமரம் இருக்கிறதா? இருந்தால் காற்றுக்கு கீழே விழும் தென்னங்கீற்றுகளைப் பத்திரப் படுத்தி அதிலிருக்கும் கீற்றுகளை ஒடித்து ஒவ்வொரு கீற்றிலும் இருக்கும் காய்ந்த இலைப்பகுதிகளை கூர்மையான பிளேடு அல்லது கத்தியால் கிழித்தெடுங்கள். இப்போது ஈக்கி போன்ற நீளமான குச்சி கிடைக்கும். அதே வழிமுறையைப் பயன்படுத்தி உங்களுக்குத் தேவையான அளவு ஈக்கிகளைச் சேகரித்த பின் அதை ஒரு கனமான சரடு கொண்டு கட்டுங்கள். இப்போது தென்னந்துடைப்பம் தயார். துடைப்பத்தின் நுனிப்பகுதியில் தேவைக்கு அதிகமாக இருக்கும் நீளத்தை கச்சிதமாக நறுக்கிக் கடாசி விட்டு செளகர்யமாகப் பிடித்துக் கொண்டு பெருக்கத் தோதான துடைப்பமாக அதை மாற்றிக் கொள்வது அவரவர் கைத்திறன். இந்த வகைத்துடைப்பங்கள் விலைகுறைவு தான் சென்னையில் அனைத்து சூப்பர் மார்க்கெட்டுகளிலும் 16 ரூபாய் முதல் 25 ரூபாய் வரை விலை வைத்து விற்பனை செய்யப்படுகின்றன. 

வீட்டின் உள்ளே பயன்படுத்தக் கூடிய பூந்துடைப்பங்களையும் கூட வீட்டிலேயே தயாரிக்கலாம் தான். ஆனால், அவற்றுக்கான புல்லுக்கு எங்கே போவது? அதனால், தரமான பூந்துடைப்பங்களை தரமான விற்பனையாளர்களிடம் வாங்கிக் கொள்வதைத் தவிர வேறு வழியில்லை.

துடைப்பத்தை இப்படி வைத்தால் வீட்டில் செல்வம் தங்காது...

சில வீடுகளில் மாமியார்கள், மருமகள்கள் வீட்டைப் பெருக்கிய பின் துடைப்பங்களை நீளவாக்கில் தரையில் படுக்க வைத்தாற் போல விசிறி விட்டுச் சென்றால் கோபத்தில் பத்ரகாளிகளாகி விடுவார்கள். ‘ஏன் டீ நிறைஞ்ச வீட்ல இப்படியா துடைப்பத்தை படுக்கப் போடுவ? இப்படிப் பண்ணா மகாலட்சுமி வீடு தங்குவாளா? துடைப்பத்தை மூலையில சாச்சி வையேண்டீ’ என்று கறாராகச் சொல்வார்கள். அவர்களைப் பொருத்தவரை அவர்களது நம்பிக்கை அப்படிப்பட்டது என்பதைத் தவிர இதில் சொல்வதற்கு ஏதுமில்லை.

துடைப்பங்களைப் பராமரிப்பதில் இப்படி ஒரு ஐதீகம் தொன்று தொட்டு தென்னிந்தியாவில் நிலவுகிறது. இதற்கான காரண, காரியங்களைப்பற்றி பலரிடம் ஆலோசித்தும் உண்மையான காரணம் தெரியவில்லை. ஒவ்வொருவரும் அவரவருக்குத் தெரிந்த நம்பிக்கைகளைப் பட்டியலிடுகிறார்கள்.

துடைப்பம் குறித்து நிலவும் நம்பிக்கைகள்...

துடைப்பத்தை வாசலை அடைத்துக் கீழே படர விட்டு வைத்தால் வீட்டுக்குள் வரும் மகாலட்சுமி தன்னை அவமதிப்பதாக நினைத்துக் கொண்டு வேறிடம் சென்று விடுவாள் என்றொரு நம்பிக்கை நிலவுகிறது.

சிலர் துடைப்பத்தை கன்னி மூலையில் சாற்றி வைக்கக் கூடாது என்பார்கள். அப்படி வைத்தால் வீட்டுக்கு ஆகாது என்றொரு நம்பிக்கை உண்டு மக்களிடையே!

சேட்டுகளிடையே ஒரு வழக்கமுண்டு என்கிறார் வட இந்தியாவில் நெடுங்காலமாக வசிக்கும் உறவினர் ஒருவர். சேட்டுகளில் குடும்பத் தலைவராகப் பட்டவர் ஒரு அறை முழுக்க பணத்தைக் கொட்டி வைத்துக் கொண்டு அதை செருப்பாலும், துடைப்பத்தாலும் அடிப்பார். அப்படியொரு வழக்கம் தொன்று தொட்டு அவர்களிடையே நிலவுகிறது. காரணம் அவர்கள் துடைப்பத்தை மகாலட்சுமி வாசம் செய்யும் இடமாகக் கருதுவதால் என்றார்.

சிலர் ஈச்சந்துடைப்பங்களில் இருக்கும் ஈக்கிகளை உருவி அதைக் கொண்டு உடல்நிலை சரியில்லாத குழந்தைகளுக்கு மந்திரிக்கவும் செய்கிறார்கள். அப்படிச் செய்வதால் குழந்தையை சுற்றிப் படிந்திருக்கும் திருஷ்டி துடைப்பத்தால் தன்னை அவமதித்து விட்டார்களே என்று ஓடி விடுமாம். அப்படியொரு மூடநம்பிக்கை.

இந்தியர்கள் மட்டுமல்ல சீனர்களும் கூட துடைப்பங்களுக்கு பேயோட்டும் சக்தி உண்டு என்று நம்புகிறார்கள்.

]]>
துடைப்பம், நம்பிக்கை, மூட நம்பிக்கை, இந்தியா, துடைப்பக் கதை, broomstick, beliefs related to broomsticks in india, myths and reality http://images.dinamani.com/uploads/user/imagelibrary/2018/7/11/w600X390/broomstickkkk.jpg http://www.dinamani.com/lifestyle/sweet-home/2018/jul/11/துடைப்பக்-காதை-துடைப்பத்தை-இப்படி-வைத்தால்-வீட்டில்-செல்வம்-தங்காது-ஏன்-2957894.html
2956449 லைஃப்ஸ்டைல் இனிய இல்லம் தனிமையில் இருக்கும் பெண்களின் ஆபத்பாந்தவன் ‘பெப்பர் ஸ்ப்ரே’ அதை பக்காவாக வீட்டில் தயாரிப்பது எப்படி?! கஸ்தூரி ராஜேந்திரன், தேனி. Monday, July 9, 2018 12:56 PM +0530  

பெண்கள் தனியே இருக்கையில் மட்டுமல்ல பலர் சூழ்ந்திருக்கும் ஆள் நடமாட்டம் அதிகமிருக்கும் பகுதிகளிலும் கூட இப்போதெல்லாம் பாலியல் வன்முறைக்கு உள்ளாக்கப்படுகிறார்கள். சங்கிலித் திருடர்களால் தாக்கப்படுகிறார்கள். கடத்தல்காரர்களின் அச்சுறுத்தல்களுக்கு ஆளாகிறார்கள் எனும்படியான செய்திகளை அடிக்கடி கேள்விப்படுகிறோம். அப்படியான சமயங்களில் முன்னெச்சரிக்கை நடவடிக்கையாக பெண்கள் தற்காப்புக் கலைகளைப் பயில முன்வர வேண்டும் என அரசும், மகளிர் அமைப்புகளும் தொடர்ந்து பிரச்சாரத்தில் ஈடுபட்டு வருகின்றன. மகளிர் தன்னார்வ அமைப்புகள் மற்றும் சுய உதவிக் குழுக்களில் சில தனியாக இருக்கும் பெண்களுக்கு உதவியாக இருக்கும் பொருட்டு ‘பெப்பர் ஸ்ப்ரே’ போன்ற பாதுகாப்பு ஏற்பாடுகளை தயாரித்து அளிக்கும் முயற்சிகளிலும் ஈடுபட்டு வருகின்றன. மகளிர் சுய உதவிக்குழுக்களின் தயாரிப்புகளான இந்த பெப்பர் ஸ்ப்ரேக்கள் தற்போது மார்க்கெட்டில் அனைத்துப் பெரிய கடைகளிலும் விற்பனைக்கு கிடைக்கின்றன. என்றாலும் பெண்களில் பலருக்கு இந்த பெப்பர் ஸ்ப்ரேக்களை நாமே சொந்தமாக வீட்டிலேயே தயாரிக்க முடிந்தால் நன்றாக இருக்குமே என்ற எண்ணமிருக்கக் கூடும். அப்படி யோசிப்பவர்களுக்காகவே பிரத்யேகமாக இந்த தயாரிப்பு முறையை அளித்திருக்கிறோம். தேவை இருப்பவர்கள் பயன்படுத்திக் கொள்ளலாம்.

ஸ்ப்ரே தயாரிப்பில் இறங்கும் முன் முன்னெச்சரிக்கை நடவடிக்கையாக...

கைகளுக்கு கிளவுஸ் மற்றும் கண்களுக்கு கண்ணாடி அணிந்து கொள்வது அவசியம். ஏனெனில் சிலருக்கு மிளகாய்த்தூள், மிளகுத்தூள் நெடி கண்டமாத்திரத்தில் நெடி மூக்கிலேறி அடுக்குத் தும்மலோ, இருமலோ உண்டாகி பிராணனை வாங்கி விடும் அபாயம் உண்டு. எனவே பாதுகாப்புக் கவசங்களுடன் பணியில் இறங்குவதே உத்தமம்.

தேவையான பொருட்கள்

  • வினிகர் : 2 டேபிள் ஸ்பூன்
  • காய்ந்த மிளகாய் துகள்கள்: 2 டேபிள் ஸ்பூன்
  • மிளகாய் தூள்: 2 டேபிள் ஸ்பூன்
  • மிளகுத்தூள்: 2 டேபிள் ஸ்பூன்
  • எண்ணெய்: 2 டேபிள் ஸ்பூன்
  • பெளல் - 1
  • ஸ்ப்ரே பாட்டில்: 1


தயாரிக்கும் முறை

ஒரு பெளல் எடுத்துக் கொண்டு மேற்கண்ட பொருட்களை எல்லாம் அதில் கொட்டி நன்கு கலக்கவும். கலக்கும் போது பெப்பர் ஸ்ப்ரே தயாரிக்கும் பணியில் ஈடுபட்டிருப்பவர்களுக்கு மிளகாய்த்தூள் அலர்ஜி இருப்பின் நாசியை கைக்குட்டையால் கட்டிக் கொண்டு வேலையில் இறங்கவும். இல்லையேல் நீங்கள் தயாரிக்கக் கூடிய பெப்பர் ஸ்ப்ரே முதன்முதலாக உங்களையே பதம் பார்த்து விடக்கூடும். பொருட்கள் அனைத்தும் வினிகரில் நன்கு கலந்த பின் அதை அப்படியே எடுத்து துளி கீழே சிந்தாமல், சிதறாமல் ஸ்ப்ரே பாட்டிலில் ஊற்றவும். ஸ்ப்ரே பாட்டிலின் மூடிப்பகுதி இறுக்கமாக இருக்க வேண்டும். தளர்வாக இருந்தால் பெப்பர் ஸ்ப்ரே சிறிது, சிறிதாகக் கசிந்து தேவையற்ற உபத்ரவத்தை ஏற்படுத்தி விடக்கூடும். எனவே ஸ்ப்ரே கலவை பாட்டிலில் இருந்து கசியா வண்ணம் இறுக்கமான மூடியாகத் தேர்ந்தெடுத்து சோதித்துப் பார்த்து வாங்க வேண்டும். இப்போது நீங்களே உங்கள் கைகளால் தயாரித்த ‘பெப்பர் ஸ்ப்ரே’ ரெடி.

Image courtesy: DIY Youtube chanel.

]]>
பெப்பர் ஸ்ப்ரே தயாரிப்பது எப்படி?, ஹோம் மேட் பெப்பர் ஸ்ப்ரே, பெண்கள் பாதுகாப்பு, homemade pepper Spray, women's safety, pepper spray http://images.dinamani.com/uploads/user/imagelibrary/2018/7/9/w600X390/homemade_pepper_spray.jpg http://www.dinamani.com/lifestyle/sweet-home/2018/jul/09/how-to-prepare-your-own-pepper-spray-2956449.html
2942143 லைஃப்ஸ்டைல் இனிய இல்லம் ஊர் சுற்றும் வேலையில் இருக்கிறீர்களா? உடம்பு வலி தாங்கலையா? நொச்சிச் செடி இருக்க பயமேன்?! கஸ்தூரி ராஜேந்திரன், தேனி. Monday, June 18, 2018 04:57 PM +0530  

பெருநகரங்களில் மார்க்கெட்டிங் துறை சார்ந்த அலுவல்களில் மாட்டிக் கொள்கிறவர்கள் பாடு படு அனர்த்தம். நாள் முழுக்க ஒன்று உள்ளூரில் அலைய வேண்டும் அல்லது ரயிலிலோ, விமானத்திலோ வெளியூர், வெளிமாநிலம், வெளிநாடு என சதா அலைந்து கொண்டே இருக்க வேண்டும். மாதத்தில் குறைந்தபட்சம் 15 நாட்களாவது இப்படித்தான் இருக்கிறது அவர்களது வாழ்க்கை. சதா சர்வ காலமும் பயணம் தான். இப்படி ஊர்சுற்றி உத்யோகங்களில் மாட்டிக் கொள்கிறவர்களின் உடம்பு வலி பற்றி சொல்லியா தெரிய வேண்டும். சதா முதுகுவலி, கை, கால், மூட்டு வலி, கழுத்தெலும்பு வலி, என்று உடலில் எந்நேரமும் அலுப்பு இருந்து கொண்டே இருக்கும். சிலர் வலி தாங்க முடியாமல் என்ன செய்கிறார்கள் என்றால் ஸ்பா போன்ற மசாஜ் செண்ட்டர்களுக்குச் செல்லத் தொடங்கி... பிறகு நாளடைவில் அந்த மசாஜ் சுகம் பழகிப் போய் அதை விட முடியாமல் காசைக் கொட்டி தண்டம் அழுகிறார்கள். இதனால் தனியார் ஸ்பா செண்ட்டர்களில் லாபம் கொழிக்கிறதே தவிர... சம்மந்தப்பட்டவர்களின் உடல் வலி தீர்கிறதா என்றால் அது தான் இல்லை. மாதாமாதம்... வீட்டுக்கும், வாகனத்துக்கும் இஎம் ஐ கட்டுகிறார் போலே இந்த ஸ்பா செண்ட்டர்களும் ஒரு குறிப்பிட்ட தொகையை இஎம் ஐ போல எடுத்து வைக்க வேண்டியதாகி விடுகிறது.

இம்மாதிரியான நஷ்டங்களில் இருந்தெல்லாம் எப்படி நம்மை நாமே காத்து ரட்சித்துக் கொள்வதோ! என்கிற கவலை நம் எல்லோருக்குமே இருக்கிறது. இதற்குத்தான் வீட்டில் பாட்டி வைத்யம் தெரிந்த பெரியவர்கள் யாரேனும் இருக்க வேண்டுமென்கிறது. இருந்தால்... அவர்கள் நிச்சயம் ஏதேனும் ஒரு உபாயம் சொல்வார்கள் இல்லையா?

இது என் பாட்டி எனக்குச் சொன்ன உபாயம்...

‘உடம்பு வலி தீர வீட்டுக்கொரு நொச்சிச் செடி வளர்க்கனும் கண்ணு... நொச்சிக் காத்துப் பட்டா ஆனானப் பட்ட ஆனை மிதிச்ச வலியும் காத்தோட கரையும்... உடம்பு சும்மா இறுக்கிக் கட்டின பிரம்புக் கட்டில் மாதிரி கின்னுன்னு நிக்கும்.’ 

நொச்சி இலைகளை குளிக்கும் தண்ணீரில் போட்டுக் காய்ச்சி அதில் குளித்து வந்தால் உடம்பு வலி, அலுப்பு, சோர்வு, கை, கால் வீக்கம் எல்லாம் தீரும்.

பல ஊர்களில் பலப்பல தண்ணீர் குடித்து பழகியதால் சளித்தொல்லை அதிகமிருப்பவர்கள் இந்த நொச்சி இலைகளைப் போட்டுக் காய்ச்சிய தண்ணீரில் ஆவி பிடித்தால் சளித்தொல்லை அறவே அகன்று சுவாசம் புத்துணர்வாக இருக்கும்.

இப்படி நொச்சி இலைகளை வைத்து பல்வேறு விதமாக பாட்டி வைத்யம் செய்யலாம். எதற்கெடுத்தாலும் மருத்துவர்களிடம் ஓடுவதை விட்டு விட்டு நமக்கு உகந்த முறையில் முன்பே நமது முன்னோர்களுக்குப் பழகியதான இத்தகைய பாரம்பர்ய எளிய வீட்டு மருத்துவமுறைகளைப் பின்பற்றினால் செலவும் குறைவு. பலனும் நிறைவாக கிடைத்த திருப்தி.

நொச்சி இலைகள் உடல் வலியை மட்டுமே தீர்ப்பதில்லை. அது தவிரவும் வேறு பலன்களும் அவற்றால் உண்டு. காய்ந்த நொச்சி இலைகளைப் பெளடர் செய்து வைத்துக் கொண்டு அவற்றை வீட்டில் சாம்பிராணி போடுகையில் அந்தத் தணலில் இந்த பெளடரையும் போட்டு தூபம் காட்டினால் வீட்டில் இருக்கும் கொசுக்கள், புத்தக அலமாரிகளில் தென்படும் சில்வர்ஃபிஷ் மாதிரியான சிறு பூச்சிகள் போன்றவை அகன்று விடும்.

நொச்சியில் இலை, வேர், பட்டை, பூக்கள், தண்டு என செடியின் அத்தனை பகுதிகளுமே மருத்துவக் குணம் கொண்ட தாவரமாகவே கருதப்படுகின்றது.

]]>
இயற்கை ஸ்பா, நொச்சிச் செடி வளர்ப்பு, நொச்சியின் மருத்துவ பலன்கள், Vitex plant, medicinal usages of vitex plant http://images.dinamani.com/uploads/user/imagelibrary/2018/6/18/w600X390/nochi_sedi.jpg http://www.dinamani.com/lifestyle/sweet-home/2018/jun/18/do-you-have-heavy-body-pain-than-must-grow-vitex-plant-2942143.html
2940282 லைஃப்ஸ்டைல் இனிய இல்லம் ஹோம்மேட் டூத் பெளடர் தயாரிக்கலாமா? குறைந்த பட்சம் குழந்தைகள் நலனுக்காக! கஸ்தூரி ராஜேந்திரன், தேனி. Friday, June 15, 2018 02:24 PM +0530  


ஒவ்வொருநாளும், தினமும் காலையில் எழுந்ததும் நாம் செய்யக்கூடிய முதல் வேலை பல் துலக்குவதாகத் தான் இருக்கும். பல் துலக்க இப்போது எல்லோருடைய வீடுகளிலும் டூத் பேஸ்டுகளைத் தான் பயன்படுத்துகிறோம். இந்தத் தலைமுறையினருக்கு பல் துலக்குதல் என்றாலே பேஸ்ட் தான் கண் முன் வரும். பேஸ்ட்... இந்தியாவில் சகஜமாகப் புழக்கத்திற்கு வந்து கிட்டத்தட்ட 30 அல்லது 40 வருடங்கள் இருக்கலாம். அதற்கு முன்பு... இந்தியர்களான நாம் விதம். விதமான பொருட்களைக் கொண்டு பற்களைச் சுத்தப் படுத்தி வந்திருக்கிறோம்.

ஆலும், வேலும் பல்லுக்குறிதி என நாலடியாரில் கண்டிருந்தபடி அந்தக் காலப் பெரியவர்கள் ஆலங்குச்சியையும், வேலங்குச்சியையும் பயன்படுத்தி பல்துலக்கினார்கள். அவர்களது பற்கள் திடமாகவும், ஆரோக்யமாகவும் இருந்தன. ஆனால், கிராமப் புறங்களில் பெண்கள் நாலாடியாரின் சொல்லைப் புறக்கணித்து செங்கல், அடுப்புக் கரிச்சாம்பல், தெள்ளு மணல் பொடி, உள்ளிட்ட பொருட்களை எல்லாம் பல் துலக்கப் பயன்படுத்திய காலகட்டத்தில் அறிமுகமானது கோபால் பல்பொடி. பயோரியா பல்பொடி, கோல்கேட் பல்பொடி உள்ளிட்டவை. இப்போது இந்தப் பற்பொடி வகைகள் எல்லாம் காலாவதியாகி எல்லோருமே ஏதோ ஒரு பேஸ்டில் வந்து நிற்கிறோம். அந்த டூத் பேஸ்ட்...

கோல்கேட், பெப்ஸோடெண்ட், க்ளோஸ் அப், விக்கோ வஜ்ரதந்தி, சென்ஸோடைன், சென்ஸோடெண்ட், பிராமிஸ், எனும் பிராண்டுகளில் எதுவாக வேண்டுமானாலும் இருக்கலாம்.

பற்களைத் தூய்மை செய்து கொள்ள நாம் கண்மூடித்தனமாக இந்த பேஸ்டுகளை மட்டுமே நம்பிக் கொண்டிருக்கிறோம். அப்படியும் பற்சொத்தை, பற்குழிகள், வாய் துர்நாற்றமெல்லாம் வராமல் இருக்கிறதா? என்றால் அதுவுமில்லை. நமது முந்தைய தலைமுறையினரைக் காட்டிலும் இந்தத் தலைமுறையில் தான் பல் மருத்துவர்கள் பல்கிப் பெருகி நகரின் எல்லா மூலைகளிலும் பல் மருத்துவமனைகள் கிளைத்து முளைத்திருக்கின்றன. இப்படியான சூழலில் ஒரு மாற்றத்திற்காகவேனும் நாமே சொந்தமாக டூத் பெளடர் தயாரித்து அதைப் பயன்படுத்தி பார்த்தால் என்ன? என்று யாருக்கேனும் தோன்றினால் அந்த எண்ணத்தை தயவு செய்து சிரமம் கருதி நிராகரித்து விடாதீர்கள். டூத் பெளடர் தயாரிப்பது அப்படி ஒன்றும் பிரமாதமான வேலையெல்லாம் இல்லை. ஈஸி தான்.

தேவையான பொருட்கள்...

ஹோம்மேட் டூத் பெளடர் தயாரிக்க டிப்ஸ்...
நெல்லிக்காய் பெளடர் - 1 டேபிள் ஸ்பூன்
வேப்பிலைப் பெளடர் - 1 டேபிள் ஸ்பூன்
கிராம்பு பெளடர் - 1 டேபிள் ஸ்பூன்
லவங்கப்பட்டை - 1 டேபிள் ஸ்பூன்
பேக்கிங் சோடா/சமையல் உப்பு - 1 டேபிள் ஸ்பூன்
பிங்க் இமாலயன் சால்ட் - 1 டேபிள் ஸ்பூன்
டீ ட்ரி ஆயில் - சில துளிகள்
புதினா இலை பெளடர் - 1 டீஸ்பூன்

செய்முறை...

மேலே கூறப்பட்டுள்ள பெளடர்கள் அனைத்துமே சூப்பர் மார்க்கெட்டுகளில் கிடைக்கும். ஒருவேளை கிடைக்காவிட்டாலும் கவலையில்லை. இவை அனைத்துமே சமையற்கட்டில் பயன்பாட்டில் உள்ள பொருட்கள் தான், எனவே அவற்றை எடுத்துக் காய வைத்து அரைத்துப் பொடி செய்து கொள்ளலாம். அப்படிப் பொடி செய்தவற்றை மேலே சொன்ன அளவுகளில் எடுத்துக் கொண்டு ஒரு பெளலில் இட்டு நன்றாகக் கலந்து கொள்ளவும். இப்போது நீங்கள் விரும்பும் உங்களது டூத் பெளடர் தயார். இந்தப் பெளடரைப் பயன்படுத்தி தினமும் இருவேளை நீங்கள் பல் துலக்கி வந்தீர்களானால் புன்னகை அரசி கே ஆர் விஜயா போல உங்களது பல் பளீரிடும் என்பதோடு டூத் பேஸ்டுகளால் விளையும் பக்க விளைவுகளையும் தவிர்க்கலாம்.

ஏனெனில் இப்போது மார்கெட்டுகளில் கிடைக்கும் டூத்பேஸ்டுகளில் அதிக அளவில் கலந்துள்ள ஃப்ளோரைடு எனும் வேதிப்பொருள் உடல் நலனுக்கு உகந்ததல்ல.

கமர்சியல் டூத் பேஸ்டுகளில் உடல் நலனுக்கு ஊறு விளைவிக்கக் கூடிய சோடியல் லாரைல் சல்ஃபேட், ப்ரொப்பிலீன் கிளைக்கால், ஃபுளோரைடு மற்றும் செயற்கை இனிப்பூட்டி ரசாயனங்கள் போன்றவை சேர்க்கப்படுகின்றன. அவற்றினால் விளையும் பக்க விளையும் மிக மோசமானவை. அந்த ஆபத்தில் இருந்து நமது பற்களை காத்துக் கொள்ள வேண்டுமெனில் நாம் இனிவரும் காலங்களில் நமக்குத் தேவையான பற்பொடிகளை மேற்கூறிய விதத்தில் நாமே தயாரித்துக் கொண்டால் நல்லது.

மேற்கண்ட பொருட்களின் சிறப்புகள்...

நெல்லிக்காயில் விட்டமின் சி நிறைந்துள்ளது. இது பல் மற்றும் வாயின் உட்புறக்காயங்களை எளிதில் ஆற்றக்கூடியது. அதுமட்டுமல்ல இதன் ஆண்ட்டி பாக்டீரியல் மற்றும் ஆண்ட்டி மைக்ரோபியல் குணங்களால் பற்குழிகள் வராமல் காக்கும்.

வேப்பிலைப் பெளடரில் இருக்கும் ஆண்ட்டி பாக்டீரியல் மற்றும் ஆண்ட்டி வைரல் தன்மையானது வாய்க்குள் இருக்கும் பாக்ட்டீரியாக்களை அழிக்கக் கூடிய திறன் கொண்டது.

அடுத்ததாக கிராம்பு மற்றும் லவங்கப் பட்ட இரண்டையும் நாம் சமையலுக்கு மட்டுமே பயன்படுத்தத் தேவையில்லை. பற்பொடி தயாரிப்பதற்கும் பயன்படுத்தலாம். இரண்டுமே பற்களுக்கு மிகவும் நன்மை செய்யக்கூடியவை. கிராம்பு பல்வலி மற்றும் ஈறுகளில் வலி ஏற்பட்டால் அதைத் தீர்க்கும் திறன் கொண்டது.அதோடு அதன் ஆண்ட்டி செப்டிக் திறன் காரணமாக வாய்க்குள் ஏற்படும் பாக்டீரியா மற்றும் வைரஸ் தொற்றுகளை களையும் சக்தியும் இதற்கு உண்டு.

லவங்கப் பட்டைக்கு பற்சொத்தை மற்றும் வாய்துர்நாற்றத்தை அகற்றும் திறன் உண்டு. அது மட்டுமல்ல இதன் இனிப்புச் சுவை குழந்தைகளுக்கு இந்தப் பற்பொடியை விரும்பத் தக்கதாக மாற்றும்.
பேக்கிங் சோடா வாயினுள் உமிழ்நீரில் இருக்கும் அமிலத்தன்மையைக் குறைத்து வாய்துர்நாற்றத்தை அகற்றும் என்பதோடு பற்களில் படிந்துள்ள கறையை நீக்கி வெண்மையாக்கவும் உதவும்.

உப்பு, வாயினுள் காயங்கள் இருப்பின் அதை ஆற்றும் திறன் கொண்டது. சிலர்... உப்பு தேவையில்லை என்று நினைத்தால் அதைத் தவிர்த்து விடலாம்.

]]>
Homemade tooth powder making, ஹோம்மேட் டூத் பெளடர் தயாரிப்பு, டூத் பெளடர், ஆர்கானிக் டூத் பெளடர், டூத் பேஸ்ட், ஃப்ளோரைடு அரக்கன், http://images.dinamani.com/uploads/user/imagelibrary/2018/6/15/w600X390/homemade_tooth_powder.jpg http://www.dinamani.com/lifestyle/sweet-home/2018/jun/15/home-made-tooth-powder-making-tips-2940282.html
2929189 லைஃப்ஸ்டைல் இனிய இல்லம் வெங்காயம் நறுக்கும் போது கண்களில் கண்ணீர் வராமல் இருக்க என்ன செய்யலாம்? Tuesday, May 29, 2018 05:40 PM +0530 நீண்ட நேரப்​ப​ய​ணத்​திற்​குப் பின் களைப்பு ஏற்​பட்​டால், அந்​தக் களைப்​பைப் போக்க, உப்பு பெரு​ம​ளவு உத​வு​கி​றது. ஒரு பெரிய பேசி​னில் வெது​வெ​துப்​பான நீர் எடுத்து, அதில் சிறி​த​ளவு உப்பு கலந்து, ஒரு பதி​னைந்து நிமி​டங்​கள் கால்​கள் நனை​யும்​படி உட்கார்ந்​தால், கால்​வலி, களைப்பு எல்​லாம் பறந்​து ​போ​கும்.

வெ​து​வெ​துப்​பான நீரில் சிறிது ஆலிவ் ஆயில் கலந்து, குழந்​தை​க​ளைக் குளிப்​பாட்​டி​னால் குழந்​தை​க​ளின் தோலின் மென்​மையை ஆலிவ் ஆயில் பராமரிக்கும்.

தி​ராட்​சைப்​ப​ழம் கிட்னிக்​குப் பாது​காப்பு அளிக்​கும் பழம், மல​மி​ளக்​கி​யா​க​வும் பயன்​ப​டும். இதை, பழ​மா​கவோ, பழ​ர​ச​மா​கவோ உண்​டால், நேரடி பலன் கிடைக்கும்.

இ​ரவு மீந்​து​போன சாதத்தை ஹாட்பேக்​கில் வைத்​தி​ருந்து, காலை​யில் சைனீஸ் ஃப்ரைட் ரைஸ் செய்​ய​லாம் அல்​லது. சிறிது நீர்​விட்டு மசித்து, ஸாலட் அல்​லது உரு​ளைக்​கி​ழங்கு மசி​ய​லோடு கலக்​க​லாம்.

கு​ழந்​தை​யைக் குளிப்​பாட்​டும்​போது, தண்​ணீ​ரில் சிறி​த​ளவு டெட்டா​லை​யும், சிறி​த​ளவு உப்​பை​யும் கலந்து குளிப்​பாட்​டி​னால் குழந்​தை​யின் மென்​மை​யான தோல் மேலும் மென்​மை​யாக ஆவ​து​டன், எந்​த​வித தோல் வியா​தி​க​ளும் வராது. தண்ணீரை விளா​வி​ய​பின்பு தான் டெட்டா​லை​யும், உப்​பை​யும் சேர்க்க வேண்டும்.

தர்​பூ​ச​ணித் தோல், பரங்​கிக்​காய் தோல், பீர்க்​கங்​காய்த் தோல், வெந்த உரு​ளைக்​கி​ழங்கு அல்​லது பச்சை உரு​ளைக்​கி​ழங்கு தோல், சுரைக்​காய் தோல் போன்​ற​வற்​றி​லி​ருந்து, வங்​கா​ளி​கள் வித​வி​த​மான துவை​யல்​கள் செய்​கின்​ற​னர்.

தி​னந்​தோ​றும் காலை​யில் வெறும் வயிற்​றில், வெது​வெ​துப்​பான நீரில் ஒரு மூடி எலு​மிச்​சை​யைப் பிழிந்து அருந்​தி​னால், நாள் முழு​வ​தும் புத்துணர்ச்சியோடு இருக்​க​லாம்.

க​ரு​வுற்ற தாய்​மார்​கள் ஆறாம் மாதத்​திற்​குப் பின், அரை லிட்டர் நீரைக் கொதிக்க வைத்து, அதில் இரண்டு தேக்​க​ரண்டி பார்லி அரி​சியை மிக்​ஸி​யில் போட்டு பொடி செய்து, கொதிக்​கும் நீரில் போட்டு, கொதிக்​க​வைத்து எடுத்து, ஆறி​ய​பின் ஒரு தேக்​க​ரண்டி எலு​மிச்​சைச் சாறும், உப்​பும் சேர்த்து காலை, மாலை அருந்தி வர, நீர் சுருக்கு நீங்கி, கால் வீக்​கம் வடி​யும். மேற்​படி பார்லி நீரை காலை​யி​லேயே தயார் செய்து வைத்​துக் கொண்டு, தேவை​யா​ன​போது, சூடு செய்து, எலு​மிச்​சைச் சாறும், உப்​பும் கலக்​க​லாம். எலு​மிச்​சைச் சாறும், உப்​பும் கலந்து வைத்​து​விட்​டோ​மா​னால், வெகு சீக்​கி​ரம் புளிப்பு ஏறி, அசி​டிடி உருவாகும்.

தக்​காளி சூப் தயா​ரிக்​கும்​போது, சிறிது கச​க​சாவை நெய்​யில் வறுத்து, பொடித்​துப்​போட்​டால், சூப் மண​மா​க​வும், மிகுந்த சுவை​யு​ட​னும் இருக்​கும்.

எள், கச​கசா இரண்​டும் ஒவ்​வொரு தேக்​க​ரண்டி, அரை தேக்​க​ரண்டி ஓமம், கால் தேக்​க​ரண்டி மிளகு ஆகி​ய​வற்றை சிறிது நெய் அல்​லது எண்​ணெய்​யில் மணம் வரும்​வரை வறுத்து, உப்பு சேர்த்து, கர​க​ரப்​பாக பொடித்து, சூடான சாதத்​தில் போட்டு பிசைந்து சாப்​பிட்​டால், புது​வி​த​மான சுவை​யும், மண​மும் கிடைக்​கும். வயிற்​றுப்​புண் ஆறும். கபம் நீங்​கும். வெயி​லில் அலைந்த களைப்​பும் நீங்​கும்.

தானியம் மற்றும் பயறு வகைகளை எட்டு மணி நேரம் ஊற வைத்து தண்ணீர் வடித்து ஹாட் பேக்கில் போட்டு மூடி மறுநாள் திறந்து பார்த்தால் முளை கட்டிய
தானியம் தயார். தானியங்களை முளை கட்டுவதற்கு ஒரு எளிய வழி.

கோடை காலத்தில் மதிய உணவில் வெஜிடபிள் சாலட் அவசியம் சேர்க்க வேண்டும். அதிக எண்ணெயில் பொரித்த உணவு வகைகளைத் தவிர்க்க வேண்டும்

வெள்ளி ஆபரணங்களுடன் சிறிது கற்பூரத்தைப் போட்டு வைப்பதால் வெள்ளி ஆபரணங்கள் கறுப்பாவதைத் தடுக்கலாம்.

வீட்டில் எறும்புப் புற்று இருந்தால் அங்கே கொஞ்சம் பெருங்காயத் தூளைத் தூவிவிட்டால் எறும்புத் தொல்லை இருக்காது.

தலைப்புக்கு வரலாமா? வெங்காயம் நறுக்கும் போது சூயிங்கம் சாப்பிட்டால் கண்ணீர் வராது.

- சர​சு​வதி பஞ்​சு​

]]>
Onion, வெங்காயம், டிப்ஸ், Tips, useful tips http://images.dinamani.com/uploads/user/imagelibrary/2017/6/1/w600X390/Onion-Paste.jpg http://www.dinamani.com/lifestyle/sweet-home/2018/may/29/how-to-avoid-tears-while-chopping-onion-2929189.html
2929192 லைஃப்ஸ்டைல் இனிய இல்லம் அடடே! செம்புப் பாத்திரத்தில் இவ்ளோ நன்மைகளா? Tuesday, May 29, 2018 05:14 PM +0530 அந்தக் காலங்களில் நம் சித்தர்கள் செம்பு குடங்களில் தான் தண்ணீரை பிடித்து வைப்பார்கள். ஆனால் இன்றோ, நாடே நவீன மயமாகிவிட்டதால், கேன் வாட்டர், மினரல் வாட்டர் என்று பல தண்ணீர்கள் முந்திக்கொண்டு வர செம்புக் குடங்கள் இருந்த இடம் தெரியாமல் போய் விட்டன.

சித்தர்கள் தண்ணீரை செம்பு குடங்களில் பிடித்து வைப்பார்கள் ஏன் தெரியுமா?

செம்புப் பாத்திரத்தில் 24-மணி நேரம் குடிநீரைவைத்திருந்து பரிசோதித்துப் பார்த்ததில், மனிதர்களுக்குப் பாதிப்பு ஏற்படுத்தும் நுண்ணுயிரிகள் எதுவும் அந்த நீரில் இல்லை என்று தெரியவந்தது. கிணத்துல கிடைக்கின்ற தண்ணி, செம்புக் குடத்துக்குப் போனதும் 'மினரல் வாட்டர்' மாதிரி அருமையாக மாறிவிடுகிறதாம். மாசம் நூற்றுக்கணக்கான ரூபாய் மிச்சமாகும்.

அந்தக் காலத்துல பல வீடுகளில் செம்புக்குடம்தான். இன்றைக்கும் சில கிராமங்களில் செம்பு குடத்தில்தான் தண்ணிர் குடிக்கிறார்கள்.

தாமிரம் அல்லது செம்பு பாத்திரத்தில் நிரப்பப்பட்ட தண்ணீரை குடித்தால் நாம் ஆரோக்கியமாக இருக்கலாம் என்பது பழங்காலமாக இந்தியாவில் நிலவி வரும்
நம்பிக்கையாகும். பானை அல்லது குடம் வடிவத்தில் உள்ள தாமிர பாத்திரத்தில் நம் தாத்தா பாட்டி தண்ணீர் பருகுவதை நாம் கண்டிருப்போம்.

தாமிர பாத்திரத்தில் நிரப்பப்பட்ட தண்ணீரால் கிடைக்கும் உடல் நல பயன்களை பெறுவதற்கு பலரும் தண்ணீரை தாமிர கோப்பையில் நிரப்பி பருகுகின்றனர். ஆனால் இந்த நம்பிக்கையில் அறிவியல் சார்ந்த உண்மை ஏதேனும் உள்ளதா? வாங்க பார்க்கலாம்!

பண்டைய அறிவியல் படி, உடம்பில் உள்ள மூன்று தோஷங்களான வாதம், பித்தம், கபம் போன்றவற்றை சரியான அளவில் சமநிலையுடன் வைத்திருக்க தாமிரம் உதவுகிறது. அதனால் தாமிர பானையில் இருந்து தண்ணீரை குடித்தால், உங்கள் உடலில் உள்ள இந்த தோஷங்கள் சமநிலையுடன் பராமரிக்கப்படும்.

இதுப்போக, தண்ணீர் மக்கி போகாமல் இருக்க தாமிரம் ஒரு எலெக்ட்ரோலைட்டாக செயல்படும். அதனால் தாமிர பாத்திரத்தில் வைத்துள்ள தண்ணீர், நாட்கணக்கில் நற்பதத்துடன் விளங்கும். தாமிர பாத்திரத்தில் வைத்துள்ள தண்ணீரை பருகுவதனால் கிடைக்கும் பல்வேறு உடல்நல பயன்கள் கீழ்வருமாறு:

பாக்டீரியாக்களை கொல்லும் தண்ணீரில் உள்ள நோய் கிருமிகளை ஒழிக்கும் குணத்தை கொண்டுள்ளது தாமிரம். முக்கியமாக வயிற்று போக்கினால் உண்டாகும் ஈ-கோலி போன்ற பாக்டீரியாக்களுக்கு எதிராக இது சிறப்பாக செயல்படும். அதனால் தாமிர பானையில் வைக்கப்பட்டுள்ள தண்ணீர் இயற்கையாகவே சுத்தமானவையாக இருக்கும்.

தைராய்டு செயல்பாட்டை ஒழுங்குப்படுத்தும் தாமிரம் என்பது அரியக் கனிமமாகும். தைராய்டு சுரப்பி சீராக செயல்பட இது அதிமுக்கியமானதாக கருதப்படுகிறது. பல நேரங்களில், தாமிர குறைபாடு இருக்கையில், தைராய்டு சம்பந்தப்பட்ட பிரச்சனைகள் உண்டாகும். தாமிர பானையில் உள்ள தண்ணீரை
குடிப்பதால் உடல்நல பிரச்சனைகளை சமநிலையில் வைத்திடும்.

கீல்வாத வலியை குணப்படுத்தும் தாமிரத்தில் அழற்சி நீக்கும் குணங்கள் அளவுக்கு அதிகமாக அடங்கியுள்ளது. கீல்வாதத்தினால் மூட்டுக்களில் ஏற்படும்
வலியை குணப்படுத்த இது பெரிதும் உதவுகிறது.

புண்களை வேகமாக குணப்படுத்தும் புதிய அணுக்களை உருவாக்கி அதனை வேகமாக வளரச் செய்ய தாமிரம் உதவும். இதனால் புண்கள் வேகமாக குணமாகும். இதிலுள்ள வைரஸ் நீக்கி மற்றும் பாக்டீரியா நீக்கி குணங்கள் தொற்றுக்களின் வளர்ச்சியை தடுக்கும்.

மூளை நடவடிக்கைகளை ஊக்குவிக்கும் மூளையில் உள்ள நரம்பணுக்களுக்கு மத்தியில் உள்ள இடைவெளிகளை பாதுகாக்க மயலின் உறைகள் அதனை மூடும். இந்த மயலின் உறைகளை உருவாக்க கொழுப்பு வகைப் பொருட்களை தொகுக்க தாமிரம் உதவுகிறது. இது போக வலிப்பு வராமலும் அது தடுக்கும்.

செரிமானத்தை மேம்படுத்தும் வயிற்றை மெதுவாக சுருக்கி விரிவாக்க ஊக்குவிக்கும் அறிய குணத்தை தாமிரம் கொண்டுள்ளது. இதனால் செரிமானம் சிறப்பாக நடைபெறும். அதனால் தான் தாமிரம் கலந்துள்ள தண்ணீரை பருகினால் ஆரோக்கியமான செரிமான அமைப்பை பெற்றிடலாம்.

ரத்த சோகையை எதிர்க்கும் நம் உடலில் இரத்த சிவப்பணுக்களின் உற்பத்தியின் அதிகரிக்க தாமிரம் உதவுகிறது. இரத்த சோகையை எதிர்க்க இரும்பு மிக முக்கியமான கனிமமாகும். இதற்கு தாமிரமும் சிறிய அளவில் தேவைப்படும்.

கர்ப்ப காலத்தில் உங்களையும், உங்கள் குழந்தையும் பாதுகாக்க உங்கள் நோய் எதிர்ப்பு சக்தி விசேஷ சவாலை சந்திக்கும். அதனால் கர்ப்ப காலத்தில் தாமிர பானையில் உள்ள தண்ணீரை குடித்தால், தொற்றுக்கள் மற்றும் நோய்வாய் படாமல் பாதுகாப்போடு இருக்கலாம்.

புற்றுநோய்க்கு எதிராக பாதுகாக்கும் தாமிரத்தில் சிறப்பான ஆன்டி-ஆக்ஸிடன்ட் குணங்கள் அடங்கியுள்ளது. அதனால் தான் புற்றுநோய் அணுக்கள் வளர விடாமல் அது பாதுகாக்கிறது. மேலும் இயக்க உறுப்புகளால் உடலில் ஏற்பட்டுள்ள பாதிப்புகளை சரி செய்ய இது உதவும்.

வயதாகும் செயல்முறை குறையும் தாமிரத்தில் உள்ள ஆன்டி-ஆக்ஸிடன்ட் குணங்கள், சருமத்தில் ஏற்படும் சுருக்கங்கள் மற்றும் திட்டுகளை சிறப்பாக கையாளும். கூடுதல் அளவிலான தாமிரத்தால், உங்கள் சருமம் மற்றும் முடிக்கு இயற்கையான இரத்த ஓட்டம் கிடைக்கும்.

நன்றி - உமா கண்ணன்
 

]]>
sembu, vessel, செம்பு http://images.dinamani.com/uploads/user/imagelibrary/2018/5/29/w600X390/tambe-ka-bartan-650x433.jpg http://www.dinamani.com/lifestyle/sweet-home/2018/may/29/அடடே-செம்புப்-பாத்திரத்தில்-இவ்ளோ-நன்மைகளா-2929192.html
2899445 லைஃப்ஸ்டைல் இனிய இல்லம் அடிக்கடி பவர் கட்டா? மிக்ஸி, கிரைண்டரில் அரைக்காமலே தேங்காய்ப் பால் எடுக்க எளிய டிப்ஸ்! கஸ்தூரி ராஜேந்திரன், தேனி. Friday, April 13, 2018 01:07 PM +0530  

சென்ற ஆண்டுகளைப் போலவே இப்போதெல்லாம் அடிக்கடி பல இடங்களில் பவர் கட் பிரச்னை வந்து விட்டது. 

கோடை காலம் வந்தாலே இது ஒரு பெரிய தொல்லையாகி விடுகிறது. கோடையில் தான் நமக்கெல்லாம் விடுமுறை நாட்கள் அதிகம் இருக்கும். அப்போது தான் வீட்டுக்கு வராத விருந்தினர்கள் எல்லாம் வந்து போக நேரிடும். வராதவர்கள் வந்தால் என்ன செய்வோம்? நான்கந்து நாட்கள் நம் வீட்டில் தங்க வைத்து, வாய்க்கு ருசியாக சமைத்து அசத்தி, ஊர் சுற்றிக் காட்டி, புதுத் துணிமணிகள் எடுத்துத் தந்து வந்த விருந்தினர்களைச் சந்தோஷத்தில் ஆழ்த்த நினைப்போம். இந்த பாழாய்ப்போன பவர்கட்டால் அந்தக் கனவுகளில் எல்லாம் மண் விழுந்து விட்டால் எப்படி? அதற்காக என்ன செய்யச் சொல்கிறீர்கள். கோடை என்றால் தமிழ்நாட்டில் பவர் கட் பிரச்னை இலவச இணைப்பாச்சே! அதையெல்லாம் தலைகீழாக நின்றாலும் நம்மால் மாற்ற முடியாது என்கிறீர்களா? 

அதுவும் சரி தான். இப்போதெல்லாம் இன்வெர்டர்கள் வந்தாச்சு. ஆனாலும் இந்த மிக்ஸி, கிரைண்டர்களை அதில் பயன்படுத்தினோம் என்றால் அவை அதிக நேரம் தாக்குப் பிடிக்க முடியாது. பிறகு மிக்ஸி, கிரைண்டரில் அரைத்துச் சமைக்க ஆசைப்பட்டு இன்வெர்ட்டரில் பேட்டரி தீர்ந்து பிறகு கரண்ட் வரும் வரை  ஃபேன் இல்லாமல் வியர்த்து வழிந்து கொண்டு அரசாங்கத்தையும், மின் வாரியத்தையும் சபித்துக் கொண்டு உட்கார வேண்டியது தான்.

சரி... இப்போது இந்த பவர் கட் வேளையில் குறைந்த பட்சம் உங்கள் விருந்தினர்களுக்கு தேங்காய்ப் பால் பிரியாணி செய்து போட்டு அசத்த வேண்டும் என்று உங்களுக்கு ஆசை! ஆனால், பவர் கட். என்ன செய்யலாம் இப்போது?

தேங்காய்ப் பால் அரைத்தெடுக்க மிக்ஸி வேண்டாம், கிரைண்டர் வேண்டாம். தேங்காய்த்துருவி மட்டும் போதும்.

துருவியால் முற்றிய தேங்காயை நன்கு துருவி தேங்காய்ப்பூ எடுத்துக் கொள்ளுங்கள்.

ஒரு டம்ளர் தண்ணீரை ஒரு சிறு வாயகன்ற பாத்திரத்தில் கொதிக்க வைத்து அந்தக் கொதிக்கும் நீரில் துருவி வைத்த தேங்காய்ப்பூவைப் போடுங்கள். 

தேங்காய்ப்பூ ஊறிய நீர் கை பொறுக்கும் சூடு வந்தவுடன் ஒரு மெல்லிய வெள்ளைத்துணியில் அதை வடிகட்டினால் மிதமான சூட்டுடன் கெட்டியான தேங்காய்ப்பால் கிடைக்கும். இதைக் கொண்டு அனைத்து வகை பிரியாணி, தக்காளிச்சாதம், புதினாச்சாதம், பாயசம், காரக் குழம்பு வகைகள், எனச் செய்து அசத்தலாம்.
 

]]>
பவர் கட், தேங்காய்ப்பால், அரைக்காமல் தேங்காய்ப் பால் எடுக்க டிப்ஸ், coconut milk, without grinding, power cut http://images.dinamani.com/uploads/user/imagelibrary/2018/4/13/w600X390/coconut-milk.gif http://www.dinamani.com/lifestyle/sweet-home/2018/apr/13/அடிக்கடி-பவர்-கட்டா-மிக்ஸி-கிரைண்டரில்-அரைக்காமலே-தேங்காய்ப்-பால்-எடுக்க-எளிய-டிப்ஸ்-2899445.html
2898804 லைஃப்ஸ்டைல் இனிய இல்லம் குளியல் சோப்பை கடையில் தான் வாங்கனுமா? ஹோம்மேடாக வீட்டில் தயாரித்துப் பழகலாம் வாங்க! கஸ்தூரி ராஜேந்திரன், தேனி. Friday, April 13, 2018 11:12 AM +0530                                              

                                                           முதலில் ஒரு வெள்ளைப் பேப்பரை எடுத்துக் கொண்டு லிஸ்ட் போடுங்கள், உங்களுக்குப் பிடித்த சோப் ஃபிளேவர் எது என்று, நீங்கள் வழக்கமாகப் பயன்படுத்தும் சோப் உங்களுக்குப் பிடித்த ஃபிளேவரில் தான் இருக்கிறதா? உங்களுக்குப் பிடித்த நிறத்தில் தான் இருக்கிறதா? நீங்கள் விரும்பும் சிகப்பழகையும், உடல் நறுமணத்தையும், மென்மையையும், ஆரோக்யத்தையும் தர வல்லதாகத்தான் இருக்கிறதா? என்றெல்லாம் யோசித்துப் பாருங்கள். நிச்சயம் பலரது பதிலும்  ‘இல்லை’ என்பதாகத் தான் இருக்கக் கூடும். அப்படியானவர்கள் அவரவர்க்குப் பிடித்த குளியல் சோப்களை வீட்டிலேயே தயாரித்துக் கொள்ள முடிந்தால் எத்தனை சந்தோஷப் படுவார்கள் என யோசித்துப் பாருங்கள். அதற்கு எங்களால் ஆன சிறு உதவி தான் இந்த ஹோம்மேட் பப்பாயா சோப் தயாரிப்பு பற்றிய எளிய செய்முறை விளக்கம். விருப்பம் இருப்பவர்கள் இதில் கூறப்பட்டுள்ளவாறு தயாரித்துப் பலன் பெறுங்கள்...

தேவையான பொருட்கள்:

  • பப்பாளிப் பழத்துண்டுகள் - 4
  • தேங்காயெண்ணெய் - 1 டீஸ்பூன்
  • சர்க்கரை- 1 டீஸ்பூன் (சர்க்கரையை நன்கு கரைத்துக் கொள்ள வேண்டும்)
  • வோட்கா (ஆல்கஹால்) - 1 டீஸ்பூன்
  • கிளிசரின் - 1/2 டீஸ்பூன் அல்லது சில துளிகள் உங்கள் விருப்பத்துக்கேற்ப
  • நறுமண எண்ணெய் - சில துளிகள்

செய்முறை:

முதலில் நன்கு கனிந்த பப்பாளிப்பழம் ஒன்றை எடுத்துக் கொண்டு அதில் விதைகளை நீக்கி விட்டு நான்கு மீடியம் சைஸ் துண்டுகளை அதிலிருந்து வெட்டி எடுத்துக் கொள்ளுங்கள். அந்தத் துண்டுகளை மிக்ஸியில் இட்டோ அல்லது கையாலோ நன்கு மசித்த பிறகு ஜூஸ் வடிகட்டியால் விரல்களால் அழுத்திப் பிழிந்து வடிகட்டவும். பழத்துண்டுகளில் இருக்கும் நார்கள் இதன் மூலம் வடிகட்டப் பட்ட பின் உங்களுக்கு கிளியரான பப்பாளிக் கூழ் கிடைக்கும். இந்தப் பப்பாளிக் கூழுடன் 1 டீஸ்பூன் தேங்காயெண்ணெய் சேர்த்து நன்கு கலக்கி விட்டு அதனுடன் 1 டீஸ்பூன் சர்க்கரை சேர்க்கவும். சர்க்கரை நன்கு கரைய வேண்டும். கரைந்த பின் அதனுடன் 1 டீஸ்பூன் வோட்காவும் 1/2 டீஸ்பூன் கிளிசரினும் சேர்த்து மீண்டும் ஸ்பூனால் நன்கு கலக்கவும். கிளிசரின் சேர்ப்பதும், சேர்க்காததும் உங்களது விருப்பத்தைப் பொறுத்தது. கிளிசரினை அடுத்து நறுமண எண்ணெய்களில் உங்களது விருப்பம் சார்ந்து ஏதாவதொன்றை சில துளிகள் சேர்க்கவும். சந்தையில் லெமன், சந்தனம், ரோஜா, பாதாம் என நறுமணமூட்டும் எண்ணெய்கள் நிறையக் கிடைக்கும். அதில் உங்களுக்குப் பிடித்தமான ஏதாவதொன்றை சில துளிகள் கலந்து கொள்ளவும்.

அதன் பின் உங்களுக்குப் பிடித்தமான நிறமூட்டிகளில் ஒன்றைத் தேர்ந்தெடுத்து சில துளிகள் கலந்து கொள்ளுங்கள். உதாரணம் சிவப்பு, ஆரஞ்சு (இரண்டிலும் சில துளிகளையும் சேர்க்கலாம்)

மொத்தக் கலவையையும் நன்கு கலக்கவும். இதில் நிறமூட்டிகளைச் சேர்ப்பதும், சேர்க்காததும் கூட உங்களது விருப்பமே. 

பின்னர் ரெகுலர் சைஸ் டிரான்ஸ்பரண்ட் கிளிசரின் பேஸ் பார் சோப் வாங்கி அதை மெல்லிய ஸ்லைஸ்களாக துண்டாக்கிக் கொள்ளவும். இந்த சோப்பை நீங்கள் சரும ஆரோக்யத்துக்கான குளியல் சோப்களை விற்பனை செய்யும் மருந்தகங்களிலோ அல்லது அழகு நிலையங்களிலோ பெறலாம். ஸ்லைஸ் செய்த சோப் துண்டுகளை டபுள் பாய்லிங் முறையில் நன்கு சூடாக்கினால் அது உருகி விடும். உருகிய சோப் கலவையுடன் நீங்கள் வீட்டில் தயாரித்து வைத்துள்ள பப்பாயா சோப்புக்கான கலவையையும் கலந்து நன்கு கலக்கவும். சோப் கலவையின் சூடு கைபொறுக்கும் பதமானதும் அதை உங்களுக்குப் பிடித்த மோல்டுகளில் ஊற்றி அறைவெப்ப நிலையில் ஆற விடவும். ஆறிய பின் எடுத்து துண்டுகளாக்கி உங்களுக்குப் பிடித்த நபர்களுக்கு அதைப் பரிசளிக்கலாம்.

இந்த தயாரிப்பில் குழந்தைகளையும் இணைத்துக் கொண்டால் அது அவர்களுக்கு மிகச்சிறந்த விடுமுறை தினப் பொழுது போக்காக இருக்கும்.

]]>
home made, ஹோம்மேட் பப்பாயா குளியல் சோப், natural home made pappaya bath soap, பப்பாளி சோப் http://images.dinamani.com/uploads/user/imagelibrary/2018/4/12/w600X390/homemade_pappaya_soap.jpg http://www.dinamani.com/lifestyle/sweet-home/2018/apr/12/homemade-pappaya-soap-making-2898804.html
2881870 லைஃப்ஸ்டைல் இனிய இல்லம் தயவு செய்து இவற்றையெல்லாம் பாத்திரம் தேய்க்கும் சிங்க், வாஷ்பேசினில் போடாதீர்கள்! மாலதி சந்திரசேகரன் Friday, March 16, 2018 05:01 PM +0530  

ஒரு பொண்ணு கல்யாணம் ஆகி வீட்டுக்கு வந்து, நல்ல முறையில் வீட்டிற்கு இணக்கமாக இருந்தால், வந்த புதுப்பெண் நன்றாக குப்பை கொட்டுகிறாள் என்று
சொல்வார்கள். எதை நினைத்து  அப்படி சொன்னார்களோ புரியவில்லை. ஆனால் இன்றைய நாட்களில், பெண்கள், குப்பையை மட்டும் அல்ல, எல்லாவற்றையும், சிங்க் கண்ணில் படும் எல்லா இடங்களிலும் கொட்டுவதுதான் வேதனையைத் தருகிறது. 

பெண்களைப் பொறுத்தவரை, சமையல் அறை சிங்க் என்பது அவர்களுக்கு ஒரு வரப்பிரசாதமாகவே இருக்கிறது. சாதாரணமாக, கை கழுவ, பாத்திரம் தேய்க்க, காய்கறி சுத்தம் செய்ய போன்ற உபயோகங்களைத் தவிர அதில் செய்யப்படும் அழிச்சாட்டியங்கள் கணக்கில் அடங்காது. 

அதற்கு வாய் மட்டும் இருந்தால், 'என்னை விட்டுடுங்க' என்று கதறிக்கதறி அழுதுவிடும். ஒரு தாய்,  குழந்தைக்கு சாதம் ஊட்டுவதற்காக, சாதத்தில் பருப்பைக் கொட்டி, நெய்யையும் நிறைய ஊற்றி, பிசைந்து கொண்டு வருவாள். சாதத்தை இரண்டு வாய் சாப்பிட்டுவிட்டு, மூன்றாவது வாய் சாப்பிடும் பொழுது, வாந்தி எடுக்கத் தொடங்கிவிடும். குழந்தையை இரண்டு சாற்று சாற்றி விட்டு, மீதம் உள்ள சாதத்தை வழித்து அப்படியே சிங்க்கில் கொட்டி விட்டு குழாயையும் திறந்து விட்டு சாதப்பருக்கைகள் சுத்தமாகி விட்டதா என்று தான் கவனிப்பாள், அந்தத் தாய். 

சிங்க்கில் சுத்தம் செய்யும் பொருட்டு, தண்ணீரை  ஊற்றும் பொழுது, சிங்க்கில் தெரியும் பண்டங்கள் தண்ணீருடன் கலந்து குழாய் வழியாக இறங்கிவிடுகிறது
என்றுதான் எல்லோரும் நினைத்துக் கொள்கிறோம். ஆனால், எல்லாமே தண்ணீருடன் சுலபமாக குழாயில் இறங்குவதில்லை. அரிசி, சாதம், பாஸ்தா போன்றவை ஊறும் தன்மை உடையவை. சிங்க்கிலிருந்து நேராகக் கீழே இறங்காமல் பாதியில் அடைத்துக் கொண்டு இருக்கும்.

சப்பாத்தி, பூரி போன்ற மாவுப்பண்டங்களை உபயோகித்த மீதியை சிங்க்கில் கொட்டி, தண்ணீரைக் கொட்டி விடுகிறோம். மாவு தண்ணீருடன் சேர்ந்தால், அதற்கு ஒரு பிசுக்குத்தன்மை வந்துவிடும். இது கழிவுக் குழாயில் ஒட்டிக்கொண்டு, நீரைக்கூட வெளியேற்றாமல் தடுத்து நிறுத்தும். முட்டை உபயோகிப்பவர்கள், சிறு சிறு முட்டை ஓட்டுத் துகள்களை சிங்க்கில் போட்டு விடுவார்கள். அவை கழிவு நீர்க் குழாய்களில் ஓரங்களில் ஒட்டிக்கொண்டு பிரச்னை கொடுக்கும்.

பழங்கள் போன்ற உணவுப்பண்டங்களில் இருக்கும் ஸ்டிக்கர்களை சிங்க்கில் போடக்கூடாது. அவைகளில் இருக்கும் பசைத்தன்மை கழிவுக் குழாய்களில் நன்றாக ஒட்டிக்கொண்டு, கழிவு நீரை வெளியேற்றாது. 

இவற்றையெல்லாம் விட முக்கியமாக மிஸ்டர் முடி இருக்கிறாரே, அவரைப் பற்றி சொல்லியே ஆக வேண்டும். தலையை வாரி, எவ்வளவு ஜாக்கிரதையாக முடியைக் குப்பைத் தொட்டியில் போட்டாலும், அது எப்படியோ சிங்க் முதல் எல்லா இடங்களிலும் நீக்கமற நிறைந்திருக்கும். 

சிங்க் கழிவு நீர்க் குழாயில் தங்கும் முடியானது, ஒரு சிறிய பந்தாக உருவெடுத்து, வடிகட்டி போல் செயல்படத் தொடங்கிவிடும். ஆகையால் கசடுகள் அப்படியே தங்கிவிடும். அவை பார்ப்பதற்கே அருவருப்பாக இருப்பதுடன் துர்நாற்றம் வீசத்தொடங்கிவிடும். 

சிங்க் மட்டுமல்ல, டாய்லெட்டில் உள்ள பீங்கான் ஒதுக்கிடத்தையும் (க்ளாசெட்) ஜாக்கிரதையாகக் கையாள வேண்டும். மாதவிலக்கு நாட்களில், பெண்கள், உபயோகிக்கும் சானிட்டரி நாப்கின்களை, உபயோகித்த பிறகு பீங்கானில் போட்டு அப்படியே ஃப்ளஷ் செய்வது தவறான செய்கையாகும். அதில் இருக்கும் பஞ்சு, நீரை உறிஞ்சும் தன்மை கொண்டது. அதில் இருக்கும் பிளாஸ்டிக்கோ மக்காத தன்மை கொண்டது. இரண்டும் சேர்ந்து அடைத்துக் கொண்டால், மலக்கழிவுகள் வெளியேறாது. 

அடுத்து, ஆணுறை சாதனம். இதை உபயோகிப்பவர்கள், கண் மறைவாக கழிப்பதாக எண்ணிக்கொண்டு, டாய்லெட் பீங்கானில் போட்டுவிடுவார்கள். ஆணுறையானது, விரிந்து கொடுக்கும் தன்மையை உடையது. அதில் கழிவுகள் தங்கிவிட்டால் சுலபமாக அடைப்பு ஏற்பட்டுவிடும். மேலும் இவை 'லாடெக்ஸ்'
என்னும் பொருளால் உருவாக்கப்படுவதால், இவைகளுக்கு கரையும்தன்மை கிடையாது. சிறிய தவறுகள் பெரிய செலவுகளை உண்டாக்கிவிடும். 

மக்கும் குப்பை, மக்காத குப்பை, திடக்கழிவுகள் ஆகியவற்றை தனித்தனியாகப் பிரித்து, சேர்க்க வேண்டிய இடத்தில் சேர்த்துவிடுவது நன்மையைப் பயக்கும். இல்லாவிட்டால் கழிவுக் குழாய்களை உடைத்துவிட்டு செப்பனிட வேண்டிவரும். நேரமும், பணமும் விரயமாவதுடன், நோய்களுக்கும் வந்து சேரும். 

ஆகையால் வாசகர்களே, சிறிது சோம்பேறித்தனத்துக்கு குட் பை சொல்லிவிட்டு, சமயோசிதமாகச் செயல்படுங்கள். சிங்க்கை மட்டுமல்லாமல் நம் சுற்றுப்புறத்தை தூய்மையாக வைத்திருங்கள்.

]]>
Sink, dish, டிஷ், சிங்க், வாஷ்பேசின் http://images.dinamani.com/uploads/user/imagelibrary/2018/3/16/w600X390/1.jpg http://www.dinamani.com/lifestyle/sweet-home/2018/mar/16/clean-your-sink-2881870.html
2856732 லைஃப்ஸ்டைல் இனிய இல்லம் பாத்ரூம் டைல்ஸ்களைச் சுத்தம் செய்ய உதவும் ஹோம் மேட் கிளீனிங் பவுடர்! பரணி Saturday, February 3, 2018 03:37 PM +0530  

தேவையான பொருட்கள்:

வாஷிங் சோடா: 400 கிராம்

சமையல் சோடா: 400 கிராம்

தூள் உப்பு: 100 கிராம்

சிட்ரிக் ஆசிட்/ எலுமிச்சம் பழம்: 100 கிராம்/ ஒரு முழு எலுமிச்சம் பழம்

தயாரிப்பு முறை:

ஒரு கப்பில் 400 கிராம் அளவுக்கு வாஷிங் சோடா எடுத்துக் கொள்ளவும். இதனுடன் 400 கிராம் அளவுக்கு சோட உப்பு எடுத்துக் கொள்ளவும். இதில் 100 கிராம் அளவுக்கு சமையலுக்கு பயன்படுத்தும் தூள் உப்பை எடுத்துக் கொள்ளவும். அயோடைஸ்டு உப்பாக இல்லாமலிருந்தால் நல்லது. இவற்றுடன் 100 கிராம் சிட்ரிக் அமிலம் சேர்த்துக் கொள்ளுங்கள். இவை துகள்களாகக் கடைகளில் கிடைக்கும். அப்படிக் கிடைக்காவிட்டால் 1 முழு எலுமிச்சம் பழத்தைப் பிழிந்து மேலே சொல்லப்பட்ட பொருட்களுடன் சேர்த்து ஒரு நாள் முழுமையும் வெயிலில் காய வைத்து எடுத்துக் கொள்ள வேண்டும். மேலே சொல்லப்பட்ட பொருட்கள் அனைத்தையும் ஒரு கரண்டியால் நன்கு கலந்து ஒரு பெரிய ஜாரில் எடுத்து வைத்துக் கொண்டால் பலநாட்களுக்குப் பயன்படுத்திக் கொள்ளலாம். பாத்ரூம் சுவர் மற்றும் தரைகளைச் சுத்தம் செய்ய இந்த கலவை மிக அருமையாக உங்களுக்கு உதவக்கூடும்.

யூ டியூப் தளத்தில் ‘ஆஸ்க் ஜான்ஸி’ என்ற பெயரிலான கிளீனிங் டிப்ஸ் வீடியோக்கள் பிரபலம். அதில் சில சுமாராக இருந்தாலும் இந்த டிப்ஸ் அனைவரும் பயன்பெறக் கூடிய விதத்திலும் குறைவான ரசாயணக் கலப்புடனும் இருந்ததால் பலருக்கும் பயன் தரலாம். 

ஜான்சியின் கிளீனிங் டிப்ஸை நீங்களும் பயன்படுத்திப் பாருங்கள்.

நன்றி: ஆஸ்க் ஜான்ஸி!

]]>
bathroom cleaning, home made cleaning powder for bathroom tiles, homw sweet home, பாத்ரூம் கிளீனிங், இனிய இல்லம், ஹோம் மேட் கிளீனிங் பவுடர் http://images.dinamani.com/uploads/user/imagelibrary/2018/2/3/w600X390/home_made_cleaning_powder.jpg http://www.dinamani.com/lifestyle/sweet-home/2018/feb/03/how-to-prepare-home-made-cleaning-powder-2856732.html
2828628 லைஃப்ஸ்டைல் இனிய இல்லம் மனைவியிடம் கணவன் எதிர்பார்ப்பது என்ன? இந்த 7 விஷயம் ரொம்ப முக்கியம்! உமா பார்வதி Monday, December 18, 2017 12:21 PM +0530  

நீங்கள் பார்க்குக்கு போகும்போது அங்கு வரக்கூடிய முதிய தம்பதிகளைப் சிறிது நேரம் கவனித்துள்ளீர்களா? ஒருவர் கையை மற்றவர் ஆதரவுடன் பற்றிச் செல்வார்கள். அப்படி செல்பவர்களாக இருந்தால் அவர்கள் மண வாழ்க்கையில் நிறைவாக வாழும் தம்பதியர் என்று நாம் புரிந்து கொள்ளலாம். இளமையில் ஒற்றுமையாக வாழ்ந்தவர்களால்தான் முதுமையிலும் அதைத் தொடர முடியும். ஒருசிலருக்கு, ஆரம்பத்தில் பிரச்னைகள் ஏற்பட்டிருந்தாலும், ஏதோ ஒரு புள்ளியில் அவர்கள் ஒருவரை மற்றவர் உணர்ந்தவர்களாக மாறியிருக்கலாம். அல்லது இளமைக் காலம் முழுவதும் சண்டைக் கோழிகளாக இருந்துவிட்டு முதுமையிலாவது நிம்மதி தேடும் பறவைகளாக மாறியிருக்கலாம். எது எப்படியோ பற்றிய கரங்களை ஒருபோதும் விட்டு விடாமல் கடைசி மூச்சு வரை தொடர்வது என்பது ஒரு அழகான தாம்பத்தியம் என்பது உண்மைதானே? கணவன் மனைவிக்குள் இந்த சில விஷயங்கள் முக்கியம் என்கிறார்கள் உளவியல் நிபுணர்கள். 

1) நேர்ப்பேச்சு

சில பெண்கள் நேரடியாக ஒரு விஷயத்தைக் கூறாமல் சுற்றி வளைத்துப் பேசுவார்கள். ஆண்களுக்கு பெரும்பாலும் அதைக் கேட்பதற்கு பொறுமை இருப்பதில்லை. இப்ப என்ன தான் சொல்ல வர்றே? என்று கத்துவார்கள். ஜாடை பேசுவது, பொருட்களை நங்கென்று வைப்பது, பிள்ளைகளை அல்லது வேறு யாரையோ திட்டும் சாக்கில் கணவனை இடித்துரைப்பது போன்றவற்றை மனைவியானவள் தொடர்ந்து செய்து கொண்டிருந்தால் அந்த இல்லறத்தில் விரிசல் விழக் கூடிய சாத்தியங்கள் அதிகம் உண்டு. ஒரு சில வார்த்தைகளில் சொல்ல வேண்டிய விஷயத்தை பளிச்சென்று சொல்வதே சிறப்பு. மேலும் எல்லா விஷயங்களும் இருவரும் ஒளிவு மறைவின்றி விவாதிக்க வேண்டும். Transparency என்பது திருமண உறவுக்குள் மிகவும் முக்கியம்.

2) கேள்விகள்

அனேக ஆண்கள் கேள்விகள் கேட்கப்படுவதை விரும்புவதில்லை. வீட்டிலிருந்து மனைவி செல்ஃபோனில் பேசும் போது எடுத்தவுடன் எங்க இருக்கீங்க? என்ன செய்யறீங்க போன்ற கேள்விகளைத் தவிர்க்கலாம். தேவையிருப்பின் அவர்களே கூறுவார்கள். வீட்டுக்குள் நுழையும் போதும், ஏன் இவ்ளோ லேட்? எங்க ஊர் சுத்திட்டு வர்றீங்க? அல்லது நீங்க எங்க போயிருப்பீங்கன்னு தெரியும் போன்ற கேள்விகள் கணவர்களை எரிச்சலுக்குள்ளாக்கும். ஒருவருக்கொருவர் மீதான அசைக்க முடியாத நம்பிக்கையுடன் வாழ்தல் வேண்டும். கணவரும் தமது நிகழ்ச்சி நிரல்கள் மொத்தத்தையும் ஒப்பிக்க முடியாவிட்டாலும், இந்த நேரத்தில் இங்கிருப்பேன், இந்த நேரத்துக்கு வீடு திரும்புவேன் என்பதை மனைவிக்கு தெரிவித்துவிட்டால் அவர்கள் ஏன் நச்சரிக்கப் போகிறார்கள்?

3) தேவையில்லாத சச்சரவு

யார் போன்ல உங்க தங்கச்சியா என்று ஃபோன் பேசி முடியும் வரை அருகிலேயே இருப்பது, கணவரின் பெற்றோர்களை மதிக்காமல் இருப்பது போன்ற விஷயங்கள் குடும்ப ஒற்றுமைக்கு நல்லதல்ல. கணவன் மனைவி இருவரும் ஒருவர் பெற்றோர்களை மற்றவர்கள் மதித்து நடக்க வேண்டும். சீரியலில் பார்க்கும் சண்டைகளை குடும்பத்துக்குள் இழுத்து வரக் கூடாது.

கணவன் எடுக்கும் முயற்சிகளுக்கு மனைவி உறுதுணையாக இல்லாவிட்டாலும் கூட பரவாயில்லை, அது சரிப்பட்டு வராது, உங்களால் முடியாது என்று முட்டுக்கட்டை போடும் மனைவிகள் மீது கணவருக்குத் தீராத எரிச்சல் ஏற்படும். மாறாக கணவர் அகலக்கால் எடுத்து வைக்கிறார் என்று மனைவி நினைத்தால், அதனைக் காரண காரியத்துடன் பொறுமையாக விளக்கி  அவருக்குப் புரிய வைக்க வேண்டும். சிலருக்கு பட்டால்தான் புத்தி வரும் என்று தோன்றினால் பட்டுத் தெளிய விட்டுவிட வேண்டும். அதன் பின் நான் தான் அப்பவே சொன்னேனே நீங்க கேட்டாதானே என்று தோல்வியுற்ற சமயத்தில் மீண்டும் இடித்துரைக்கக் கூடாது. பரவாயில்லை எவ்வளவோ கஷ்டப்பட்டுட்டோம், இதையும் கடந்துட முடியும் என்று நம்பிக்கையுடன் ஒரு மனைவி தோள் கொடுக்க வேண்டும்.


4) நினைவுத் திறன்

பெண்களுக்குப் பொதுவாக நினைவுத் திறன் அதிகம். அதற்காக அன்னிக்கு அப்படி சொன்னீங்களே, மூணு வருஷத்துக்கு முன்னாடி அப்படி இப்படி நடந்தவரு நீங்க தானே என்பது போன்ற குத்திக் காட்டல்களை ஆண்கள் விரும்புவதில்லை. நல்ல விஷயங்களை எதுவும் சொல்லிக் காட்டாமல் கணவர் சறுக்கிய விஷயங்களை அலசி ஆராய்ந்து அவ்வப்போது சுறுக்கென்று குத்தும் இயல்பு இருந்தால் உடனடியாக மாற்றிக் கொள்ளுங்கள். மன்னிப்பதும் மறப்பதும் இனிய தாம்பத்தியத்தின் அத்தியாவசிய குணங்கள்.

5) புரிந்துணர்வு

நீங்க எப்ப தான் என்னை புரிஞ்சுக்கப் போறீங்களோ என்று அடிக்கடி சொல்லும் மனைவியைப் பார்த்தால் கணவனுக்கு கோபம்தான் வரும். காரணம் அவர்களும் அதே நிலையில் தான் இருப்பார்கள். நீ தான் என்னை புரிஞ்சி நடத்துக்கணும் என்று இருவருமே ஏட்டிக்குப் போட்டியாக நின்றால் நாளாவட்டத்தில் குடும்ப நீதிமன்ற வாசலில்தான் நிற்க வேண்டிவரும். எனவே நான் நீ என்ற பேதமைகளை மறந்து நாம் என்ற ஒற்றுமையான புரிந்துணர்வு இருவருக்கும் தேவை.

6) பாராட்டுதல்

சில பெண்கள் குற்றம் குறைகளை பூதக் கண்ணாடி போட்டுப் பார்பார்கள். ஆனால் தன் கணவர் செய்யும் சில நல்ல விஷயங்களை ஒரு போதும் கண்டு கொள்ள மாட்டார்கள். ஒருவருக்கொருவர் தட்டிக் கொடுப்பதும், பாராட்டிக் கொள்வதும் உற்சாகத்துடன் வாழ்க்கையை நடத்திச் செல்ல வைக்கும். போலவே, ஒருவருக்கு ஒருவர் நன்றி சொல்லிக் கொள்வதும் ஒரு நல்லியல்புதான். வார்த்தைகளில் சொல்லவில்லை என்றாலும் உணர்வுகளில் அது கூடி இருக்கலாம். நம் கணவர் குடும்பத்துக்காக இப்படி ஓடியோடி உழைக்கிறார் என்றும், மனைவி தனக்காக வேலைக்குச் சென்று தன் சுமையைக் குறைக்கிறாள், வீட்டையும் திறமையாக நிர்வகிக்கிறாள் என்று கணவரும் நினைக்க வேண்டும்.

7) அன்பு

ஒரு குடும்பத்தில் அதிகாரம் ஆட்சி செலுத்தினால் அங்கு சந்தோஷம் தங்காது. அன்பின் பகிர்தல்களே ஆனந்தத்தின் அடிப்படை. இனிய தாம்பத்தியத்தில் உடல்மொழிகளை விட மனத்தின் ஒத்திசைவுகளே அழகைக் கூட்டும். ஈகோ, பொறாமை, கோபம், வெறுப்பு போன்ற எதிர்மறை உணர்வுகளை ஒருபோதும் கணவன் மனைவி இருவருக்கிடையில் அனுமதிக்கக் கூடாது. 

கணவன் மனைவிக்கு இடையே எவ்வித பிரச்னை ஏற்பட்டாலும் அதை அவர்களே பேசித் தீர்த்துக் கொள்ள வேண்டும். வார்த்தைகள் தடிக்க விடாமல், நிதானமாக யார் மீது தவறு உள்ளது என்பதை உணர்ந்து அதைத் தவிர்த்துவிட்டால் இல்லறம் என்ற நல்லறம் என்றென்றும் தொடர்ந்திருக்கும். 

]]>
Married life, Husband and wife, tips for life, கணவன் மனைவி, மண வாழ்க்கை http://images.dinamani.com/uploads/user/imagelibrary/2017/12/18/w600X390/couple.jpg http://www.dinamani.com/lifestyle/sweet-home/2017/dec/18/tips-for-happy-married-life-between-husband-and-wife-2828628.html
2821375 லைஃப்ஸ்டைல் இனிய இல்லம் வீட்டுப் பராமரிப்பில் நம்மை டென்சனில் தள்ளும் சில விடாப்பிடிக் கறைகளை நீக்கச் சில எளிய வழிகள்! கஸ்தூரி ராஜேந்திரன், தேனி. Wednesday, December 6, 2017 01:00 PM +0530  

கோகோ கோலா  கொண்டு சில விடாப்பிடி கறைகளை அகற்றும் முறை...

  • தலைமுடியில் சூயிங்கம் ஒட்டிக் கொண்டால் அதை பிரித்தெடுப்பது எத்தனை சிரமம் என்று எல்லோருக்கும் தெரியும். மிக எரிச்சலை உண்டாக்கக் கூடிய அச்சமயத்தில் வீட்டில் கோகோ கோலா இருந்தால் அதில் சூயிங்கம் ஒட்டிக் கொண்ட இடத்தில் குளிரத் தேய்த்து ஊற விடுங்கள். நிமிடத்தில் சூயிங்கத்தை எளிதாகப் பிரித்தெடுத்து விடலாம்.

  • பாலோ, காஃபீயோ ஊற்றி வைத்த ஃப்ளாஸ்கை கழுவ மறந்து விட்டீர்களா? அடடா, ஃபிளாஸ்க்கின் உட்புறத்தில் காய்ந்து போன கஃபீ & டீ மிச்சங்கள் அப்படியே உறைந்து ஒட்டிக் கொண்டு எத்தனை தேய்த்துக் கழுவினாலும் நீக்க முடியாத பிடிவாதக் கரையாகி வலுவாக ஒட்டிக் கொள்ளும். அதற்கும் கோகோ கோலா தான் தீர்வு, கரை மூழுகுமாறு கோகோ கோலாவை ஊற்றி சில நிமிடங்கள் ஊற வைத்து பிறகு தேய்த்துக் கழுவினீர்கள் எனில் ஃபிளாஸ்க்கின் உட்புறம் பளிச்சென மின்னும்.

  • வீட்டு டாய்லெட் பீங்கான் கோப்பையில் விடாப்பிடி மஞ்சள் கறை படிந்து போவேனா என்கிறதா? அதற்கும் கோகோகோலா அருமருந்து. கோலாவை கோப்பையின் உள்ளே அப்ளை செய்து 5 நிமிடங்கள் கழித்து ஃபிளஷ் அவுட் செய்தால் போதும் அப்புறம் கறை போயே போச்சு!

  • வீட்டில் இருக்கும் ஸ்பேனர், ஸ்க்ரூ டிரைவர், கத்தரி உள்ளிட்ட உபகரணங்கள் துருப்பிடித்துப் பார்க்க அவலட்சணமாக இருக்கிறதா? உடனே எடுங்கள் கோகோ கோலாவை, குறிப்பிட்ட உபகரணங்களை கோலாவில் ஊற வைத்து பிறகு டிஷ்வாஸர் கொண்டு தேய்த்துக் கழுவினால் உபகரணங்கள் புத்தம் புதிது போலப் பளிச்சென மின்னத் தொடங்கி விடும்.

டீ பாத்திரம் அடிப்பிடித்து தீய்ந்து அடிப்பிடித்தால் கறை நீக்குவது எப்படி?

டீ பாத்திரம் தீய்ந்து அடிப்பிடித்து காய்ந்த பின்னால் அதை சுத்தம் செய்வது படு கஷ்டம். அம்மாதிரியான சூழலில் டீ பாத்திரத்தில் கறை முங்குமாறு தண்ணீர் ஊற்றி அதை கொதிக்க விட்டு இறக்கி அதன் மீது டிஷ்யூ பேப்பரைப் போட்டு மூழ்க விட்டுப் பின் துடைத்து எடுத்தால், தேய்த்துக் கழுவ வேண்டிய அவசியமில்லாமல் கறை சுத்தமாகக் கழன்று வந்து டிஷ்யூ பேப்பரில் ஒட்டிக் கொள்ளும். 

சுவர் மட்டும் வீட்டுத் தரையில் குழந்தைகளின் கிறுக்கல் கறைகளை நீக்குவது எப்படி?

சுவர், ஷோபாக்கள் மற்றும் தரைகளில் குழந்தைகள் பென்சில், ஸ்கெட்ச், பேனா, மார்க்கர் கொண்டு கிறுக்கினால் அவற்றைச் சுத்தமாகத் துடைத்து அழிப்பது மிகச்சிரமமான காரியம். இதற்கென WD 40 என்ற திரவ அழிப்பானைப் பயன்படுத்தலாம். ஜெர்மானியத் தயாரிப்பான இந்த கறை நீக்கி திரவ அழிப்பான் இந்தியாவிலும் தற்போது கிடைக்கிறது. பிடிலைட் நிறுவனத்துடன் கூட்டு வைத்துள்ள இந்த நிறுவனத்தின் தயாரிப்புகள் பிடிலைட்டுடன் இணைந்து கிடைக்கின்றன. அவற்றை வாங்கிப் பயன்படுத்தினால் கறைகளைப் பற்றிய கவலையின்றி இருக்கலாம். (WD - Water DIsplacement)

  • இந்த WD 40 கொண்டு ஷூ கால்களால் அழுத்தி மிதிக்கப்பட்டு கார்பெட்டில் ஒட்டிக் கொண்ட சூயிங்கம் கறைகளைக் கூட சுத்தமாகத் துடைத்தெடுக்க முடியும்.

 

 

காய்கறி நறுக்கப் பயன்படும் மூங்கில் பலகையை துர்நாற்றமும், கறைகளும் இன்றி சுத்தம் செய்வது எப்படி?

  • எலுமிச்சம் பழத்தை நறுக்கி அரைப்பழத்தை பிழிந்து மூங்கில் பலகை மேல் தடவவும், அதன் மீது பரவலாகத் தூள் உப்பைத் தூவி நன்றாக ஸ்கிரப் செய்து கழுவினால் பலகையில் உள்ள துர்நாற்றமும், கறைகளும் போயே போச்சு!
]]>
house keeping, stain removal, வீட்டுப் பராமரிப்பு, கறை நீக்குதல், இனிய இல்லம், home sweet home http://images.dinamani.com/uploads/user/imagelibrary/2017/12/6/w600X390/1corpet_stain.jpg http://www.dinamani.com/lifestyle/sweet-home/2017/dec/06/how-to-remove-stains-while-house-keeping-2821375.html
2820763 லைஃப்ஸ்டைல் இனிய இல்லம் உங்கள் பெயிண்ட் நச்சு வாயுக்களை வெளியேற்றக் கூடியதா? தெரிஞ்சிகிட்டு வீட்டுக்கு பெயிண்ட் அடிங்க பாஸ்! கார்த்திகா வாசுதேவன் Tuesday, December 5, 2017 11:31 AM +0530  

வீட்டுக்குப் பெயிண்ட் அடிக்கப் போறீங்களா? அப்படியானால், நீங்கள் தேர்ந்தெடுத்திருக்கும் பெயிண்ட் கொந்தளிப்பான ஆர்கானிக் சேர்மங்கள் (volatile organic compounds)  கலந்த பெயிண்டா அல்லது நச்சுத்தன்மை குறைவான பெயிண்ட்டா என்று தெரிந்து கொண்டு பிறகு வீட்டுக்குப் பெயிண்ட் அடிக்கத் துவங்குங்கள்.. ஏனெனில் மேற்கண்ட கொந்தளிப்பான ஆர்கானிக் சேர்மங்களின் சதவிகிதம் அதிகமிருக்கும் பட்சத்தில் உங்களது பெயிண்ட் அறை வெப்பநிலையிலேயே கூட பதங்கமாகி நச்சுத்தன்மை நிறைந்த வாயுக்களை வெளிவிடக்கூடிய தன்மை கொண்டதாக இருக்கும். ஒருநாள், இரண்டு நாள் என்றில்லை அந்த பெயிண்ட்டை நீங்கள் அடித்த நாள் முதலாய் இந்த வேலை நடந்து கொண்டே இருக்கும்.

நீங்கள் உங்கள் வீட்டு பெயிண்ட்டின் அழகை ரசித்துக் கொண்டிருக்கும் அதே வேலையில் மூக்கை நெருடும் புத்தம் புது பெயிண்ட் வாசத்தோடு சேர்த்து இந்த நச்சு வாயுக்களும் உங்கள் நுரையீரலைப் பதம் பார்க்கத் தொடங்கும். நாளொரு மேனியும், பொழுதொரு வண்ணமுமாக நச்சு வாயுக்கள் ஸ்லோ பாய்சனாக நமது உடலில் ஊடுருவ இது நல்ல வாய்ப்பை ஏற்படுத்தித் தரும். இதனால் என்னென்ன பின் விளைவுகள் ஏற்படக்கூடும் என்று அறிந்தால் அதிர்ந்து போவீர்கள்;

பின் விளைவுகள்...

  • கேன்சர்
  • கல்லீரல் செயல் இழப்பு
  • நுரையீரல் குறைதிறன்
  • ஆஸ்துமா
  • மூளைச்செயல்திறன் குறைதல்

இவையெல்லாம் வேண்டாத விருந்தாளிகளாக நம் உடல் நலனுக்கு ஊறு விளைவிக்கலாம்.

சரி முதலில் இந்த கொந்தளிப்பான ஆர்கானிக் சேர்மானங்கள் என்றால் எவையெவை என்று தெரிந்து கொள்ளுங்கள், தெரிந்தால் தானே தவிர்க்க முடியும்.

பெயிண்ட்டில் ஃபார்மால்டிஹைட் இருந்தால் அது அறை வெப்பநிலையில் ஆவியாகிக் கசியும் போது குவார்ட்ஸை வெளியிடும். குவார்ட்ஸ் மிக மிகக் குறைவான வெப்பநிலையான - 2 டிகிரி ஃபாரன்ஹீட்டிலேயே பதங்கமாகி அறையில் நிரம்பியுள்ள காற்றில் கலந்து வீட்டிலுள்ள பொருட்கள் முதல் மனித நுரையீரல் வரை அனைத்திலும் படியத் தொடங்கும். இது ஆரோக்யத்துக்கு உகந்தது இல்லை. மேலும் இப்படிப்பட்ட கொந்தளிப்பான ஆர்கானிக் சேர்மங்கள் பெயிண்டில் கலப்பது என்வது இருவகைகளில் நிகழ்கிறது.

முதல் வகையில் இயற்கையாகவே சில வகை பெயின்டுகளில் சேர்க்கப்படும் சேர்மானங்கள் தனக்குத் தானே மிக எளிதில் பதங்கமாகும் தன்மை கொண்டவையாக இருக்கும்.

இரண்டாவது வகையில் மனிதர்களே அப்படியான கொந்தளிப்பான ஆர்கானிக் சேர்மங்களை பெயிண்ட் தயாரிக்கும் போது உருவாக்குவார்கள்.
 
இந்த இரண்டு முறையில், எந்த வழியாக இந்த சேர்மங்கள் நமது உடல் உள்ளுறுப்புகளில் ஊடுருவுவதாக இருப்பினும் அது நிச்சயம் உடனடியாக எந்தவிதமான மோசமான உடல்நலக்கோளாறுகளையும் உண்டாக்கி விடப் போவது இல்லையெனினும் இத்தகைய சேர்மங்களால் விளையக்கூடிய கொடிய பாதிப்புகள் தாமதமாகவே தெரிய வரும்.

அதனால் பெயிண்ட்டைத் தேர்ந்தெடுக்கையில் முதலாவதாக நாம் தேர்ந்தெடுக்கும் பெயிண்ட்டில் கொந்தளிப்பான ஆர்கானிக் சேர்மங்களின் சதவிகிதம் இருக்கிறதா? எனத் தெரிந்து கொண்டு மிகக் குறைவான அளவில் அவற்றின் சேர்மானங்கள் இருந்தால் மட்டுமே அவற்றைப் பயன்படுத்த வேண்டும். 


 

]]>
இனிய இல்லம், பெயிண்ட், கொந்தளிப்பான ஆர்கானிக் சேர்மங்கள், home sweet home, paint, volatile organic compounds, lifestyle, லைஃப்ஸ்டைல் http://images.dinamani.com/uploads/user/imagelibrary/2017/12/5/w600X390/paint_voc.jpg http://www.dinamani.com/lifestyle/sweet-home/2017/dec/05/volatile-organic-compound-paints-are-harmful-to-human-health-environment-2820763.html
2812857 லைஃப்ஸ்டைல் இனிய இல்லம் பேக்கிங் சோடா அலைஸ் சோடியம் பை கார்பனேட்டை சமையலறை தாண்டி வேறு எதற்கெல்லாம் பயன்படுத்தலாம்?! கஸ்தூரி ராஜேந்திரன், தேனி. Wednesday, November 22, 2017 11:37 AM +0530  

பேக்கிங் சோடாவை நாம் முக்கியமாக வீடுகளில் எதற்குப் பயன்படுத்துகிறோமோ அதே காரணத்துக்காகத் தான் பேக்கரிகளிலும் பயன்படுத்துகிறார்கள். பேக்கிங் சோடா எனப்படும் சோடியம் பை கார்பனேட் பிரெட், கேக், பிஸ்கட், ரஸ்க் போன்ற பொருட்களை உப்பச் செய்து அவற்றை மென்மையானதாகவும் மொறு மொறுப்பானதாகவும் மாற்றப் பயன்படுகிறது. அதனால் தான் பேக்கரிகள் தவிர வீட்டிலேயே கூட  வடை அல்லது பகோடாக்கள் செய்யும் போது மிகக் குறைந்த அளவில் நாம் பயன்படுத்தும் சமையல் உப்புடன் இந்த பேக்கிங் சோடாவும் கலந்து பயன்படுத்தப்பட்டு வருகிறது. பேக்கிங் சோடாவுக்கு இந்தப் பயன்கள் மட்டும் தான் உண்டு என்பதில்லை. இது தவிரவும் அவற்றால் வேறு சில நல்ல உபயோகங்களும் உண்டு. அவற்றை ஒவ்வொன்றாகப் பார்ப்போம்.

  • பற்களை வெண்மையாக்க உதவும்
  • முகச்சருமத்தைப் பாழாக்கும் சிவப்பு மற்றும் கருப்புத் தேமல்களை இல்லாமலாக்கும்
  • நகைகளை சுத்தப்படுத்தி பளிச் என மாற்ற உதவும்.

இவை தவிர;

  • பேக்கிங் சோடா முகத்துக்கான மிகச்சிறந்த ஸ்கிரப்பராகவும் பயன்படுகிறது. சில ஸ்பூன்கள் பேக்கிங் சோடாவை வெது வெதுப்பான தண்ணீரில் கலந்து அந்தத் தண்ணீரால் முகத்திலடித்து முகத்தைக் கழுவி துடைக்காமல் அப்படியே உலர வைத்து விட்டால் தண்ணீரில் கரைந்திருக்கும் பேக்கிங் சோடா முகத்திலுள்ள இறந்த செல்களை அகற்றி முகத்தைப் பொலிவானதாக மாற்றி விடத்தக்கதாம்.
  • அப்போது தான் பிழிந்தெடுத்த எலுமிச்சைச் சாறு அல்லது தண்ணீரில் பேக்கிங் சோடாவைக் கலந்து பேஸ்ட் போன்ற பதம் வந்ததும். அதை அப்படியே டூத்பிரஷ் உதவியுடன் பற்களில் தடவி 1 சில நிமிடங்களில் தேய்த்துக் கழுவி வாய் கொப்பளித்தால் பற்கள் முன்னை விடப் பொலிவானதாகவும் கூடுதல் வெண்மையானதாகவும் காட்சியளிக்கும்.
  • பேக்கிங் சோடா நாம் பயன்படுத்தும் மெத்தைகளில் இருந்து வரும் துர்நாற்றத்தையும் போக்கவல்லது. பேஸ்ட் போன்ற பதத்தில் தயார் செய்யப்பட்ட பேக்கிங் சோடாவை அப்படியே மெத்தையில் முழுதாகத் தடவும் போது அது மிகச்சிறந்த நாற்ற நீக்கியாகப் பயன்படுகிறது. கூடுதலாக இதனுடன் சில துளிகள் லாவண்டர் அல்லது ஜாஸ்மின் பெர்ஃப்யூம் சேர்த்துக் கொண்டால் மெத்தையிலிருந்து புத்துணர்ச்சியான வாசமும் கிடைக்கும்.
  • பேக்கிங் சோடாவை நீரில் கரைத்து அதில் தங்க நகைகளை சற்று நேரம் ஊற வைத்து தேய்த்துக் கழுவினால் போதும் நகைகள் புதியது போலப் பள பளக்கும்
  • வெகு நாட்களாக சுத்தம் செய்யப்படாமல் இருக்கும் ஓவன்களைக் கூட பேக்கிங் சோடா கொண்டு அருமையாகச் சுத்தப்படுத்தலாம். பேக்கிங் சோடா கலந்த நீரை ஓவன்களில் விடாப்பிடிக் கறைகள் ஒட்டிக் கொண்டிருக்கும் பகுதிகளில் தெளித்து ஊற வைத்து சற்று நேரம் கழித்து தேய்த்துக் கழுவும் போது ஓவனில் நீண்ட நாட்களாக நீடித்து வரும் முடை நாற்றமும், விடாப்பிடி கறைகளும் கூட மறைந்து விடும்.
  • டியோடரண்ட் இல்லாத சமயங்களில் எட்டில் ஒரு பங்கு பேக்கிங் சோடாவை எடுத்து அதில் நீரைத்தொட்டு அது கரையும் முன் கையிடுக்குகளில் தடவிக் கொண்டால் வியர்வை நாற்றத்தைப் பற்றிக் கவலைப் படத்தேவையில்லை. டியோடரண்டுகளின் வேலையை பேக்கிங் சோடா செய்யும்.
  • பூச்சிக்கடி அல்லது தோல் அரிப்புக்கும் பேக்கிங் சோடா சிறந்த நிவாரணம் தரும். பேஸ்ட் போன்ற பதத்தில் கரைக்கப்பட்ட பேக்கிங் சோடாவை பாதிக்கப்பட்ட சருமப் பகுதிகளில் தேய்த்தால் உடனடி நிவாரணம் கிடைக்கும்.
  • கூந்தலுக்கு ஷாம்பூ போட்டுக் குளிக்கையில் ஷாம்பூவைத் தலையில் தேய்ப்பதற்கு முன்பு சிறிதளவு பேக்கிங் சோடாவை கையில் தெளித்துக் கொண்டு அதன் மேல் நாம் வழக்கமாகப் பயன்படுத்தும் ஷாம்பூவையும் சேர்த்து தலைக்குத் தேய்த்துக் குளித்தால் தலைமுடி சிக்கு விழும் அவஸ்தையிலிருந்து மீளும். மேலும் வறண்ட கூந்தலை பட்டுப்போன்ற மென்மையான கூந்தலாக மாற்றும் சக்தியும் பேக்கிங் சோடாவுக்கு உண்டு.
]]>
பேக்கிங் சோடா, சோடியம் பை கார்பனேட், baking soda, sodium bicarbanate, uses of baking soda( NaHCO3) http://images.dinamani.com/uploads/user/imagelibrary/2017/11/22/w600X390/baking-soda-e1462990338656.jpg http://www.dinamani.com/lifestyle/sweet-home/2017/nov/22/uses-of-baking-soda-nahco3-2812857.html
2802782 லைஃப்ஸ்டைல் இனிய இல்லம் மழைக்கால இலவச இணைப்புகளான கொசுக்கள், ஈக்கள், கரப்பானை ஒழிக்க ஆபத்தில்லாத மிக எளிய டிப்ஸ்! கஸ்தூரி ராஜேந்திரன், தேனி. DIN Monday, November 6, 2017 11:15 AM +0530  

மழைக்காலம் என்றாலே வீடு, அலுவலகம், மருத்துவமனைகள், பேருந்து நிலையங்கள், நிறுத்தங்கள், சிறூ மளிகைக் கடைகள் முதல் பெரும் டிபார்ட்மெண்டல் ஸ்டோர்கள் உள்ளிட்ட வியாபார கேந்திரங்கள் வரை எங்கு பார்த்தாலும் ஒரே ஈரப்பதமாகத் தான் இருக்கும். ஒரேயடியாக மழை நின்று இரண்டு நாட்களேனும் முற்று முழுதாக வெயில் அடித்தால் ஒழிய இந்த ஈரப்பதம் குறையவே வாய்ப்பில்லை.

ஈரமான இடங்கள் என்றால் அவற்றினோட இலவச இணைப்பாக எங்கு பார்த்தாலும் ஈக்களுக்கும், கொசுக்களுக்கும், இன்னபிற பூச்சி இனங்கள் சகதிப் புழுவினங்கள் என்று சில ஜீவராசிகளுக்கு ஒரே கொண்டாட்டம் தான். வீட்டிற்கு வெளியே துவைத்தை துணிகளைக் கூட காய வைக்க வாய்ப்பில்லாது ஈக்களும், கொசுக்களும் அடை போல வந்து அவற்றின் மீது அப்பிக் கொள்ளும். இதனால் சுகாதாரம் கேடு மட்டுமல்ல ஆரோக்யக் கேடும் மிகுதியாகும். கடந்த ஆண்டுகளை விட இந்த ஆண்டு தமிழகத்தில் அதிகரித்து விட்ட டெங்கு காய்ச்சல் நோயாளிகளின் எண்ணிக்கை அதற்கொரு உதாரணம்.

டெங்கு மட்டுமல்ல இந்தப் பூச்சிகள் மற்றும் கண்ணுக்குத் தெரியாத பல்வேறு பாக்டீரியாக்கள் மற்றும் வைரஸ்கள், பூஞ்சைகளுக்கும் கூட ஈரப்பதமான இடங்கள் உற்ற நண்பனாக விளங்குவதால் மழையினால் உண்டாகும் ஈரப்பதத்தை நம்மால் தடுக்க முடியாது என்றாலும் அங்கே ஒட்டி உறவாடும் கிருமிகள் மற்றும் பூச்சிகளையாவது சுயநலம் கருதியாவது  நாம் தடுத்துத் தான் ஆக வேண்டும்.

தடுப்பதென்றால் எப்படி? நாங்கள் தான் ஏற்கனவே கண்ணுக்குத் தெரியாத கிருமிகளை ஒழிக்க கருப்பு& சிவப்பு ஹிட் பூச்சிக் கொல்லி மருந்துகள், டோமெக்ஸ் ஃபீனால், ஹார்பிக், லைஸால்,  டெட்டால், கொசுக்களை ஒழிக்க குட்நைட் ஆக்டிவ், ஆல் அவுட், டார்ட்டாஸ் கொசுவத்திச் சுருள் வரை எல்லாவிதமான முயற்சிகளையும் எடுத்துக் கொண்டு தானே இருக்கிறோம்... அப்படியும் அவையெல்லாம் எங்கே ஒழிகின்றன. அந்த மருந்துகளைப் பயன்படுத்தி எங்களுக்குத் தான் விஷத்தன்மை அதிகரிக்கிறதே தவிர அவையெல்லாம் இந்த மருந்துகளை ஊட்டச்சத்து பானங்களைப் போல பருகி விட்டு மேலும் உரத்துடன் பல்கிப் பெருகி தங்களது புஜபல பராக்கிரமத்தை முன்னை விட அதிகமாக அல்லவா காட்டத் தொடங்கி விடுகின்றன?! இவற்றின் தொல்லைகளில் இருந்து எப்படித்தான் தப்புவதோ தெரியவில்லையே! என்று தலையில் கை வைத்து உட்கார்ந்து விடுகிறீர்களா?! இனி அப்படியொரு நிலை உங்களுக்கு வேண்டவே வேண்டாம்.

இதோ ஈரமான இடங்களில் வாழும் கண்ணுக்குத் தெரியாத கிருமிகளையும், ஈக்களையும், கொசுக்களையும் முற்றிலுமாக ஒழித்தழிக்க புதிதாக ஒரு வழிமுறை; இதையும் தான் ஒருமுறை பின்பற்றிப் பாருங்களேன்!

தேவையான பொருட்கள்:

ஷாம்பு- 1/2 கப்
தாவர எண்ணெய் - 1/2 கப் (ஆலிவ் எண்ணெய்)
வினிகர்- 1/2 கப்

தயாரிப்பு முறை:

மேற்கண்ட மூன்று பொருட்களையும் சொல்லப்பட்ட அளவுகளில் நன்கு கலந்து ஒரு பிளாஸ்டிக் ஸ்ப்ரே பாட்டிலில் எடுத்து வைத்துக் கொள்ளவும். கொசுக்கள், கரப்பான் பூச்சிகள், ஈக்கள் அடிக்கடி அதிகமாக வரக்கூடிய இடங்களில் இந்த ஸ்ப்ரே அடித்து விடுங்கள். பிறகு பாருங்கள் மேற்கண்ட ஜந்துக்கள் எல்லாம் இருந்த இடம் தெரியாமல் காணாமலே போய்விடும். தினமணி வாசகர்கள் இந்த வழிமுறையைத் தங்களது வீடுகளில் செயல்படுத்திப் பார்த்து விட்டு எங்களுக்கு எழுதுங்கள். 

குறிப்பு:

இந்த ஸ்ப்ரே குறித்தான வரவேற்கத்தக்க அம்சங்களில் முக்கியமானது இது வளர்ப்புப் பிராணிகளுக்கோ அல்லது குழந்தைகளுக்கோ ஆபத்தானது இல்லை. பிற பூச்சிக் கொல்லி மருந்துகளைப் போல தவறுதலாக இவற்றை குழந்தைகளோ அல்லது வளர்ப்புப் பிராணிகளோ வாயில் வைத்து விட்டால் மோசமான விளைவுகளை இவை ஏற்படுத்தாது என்பது ஆறுதலான விஷயம்.

]]>
ஈரப்பதமான இடங்கள், கிருமிகள், கொசுக்கள் ஈக்கள் கரப்பானை ஒழிக்க டிப்ஸ், to avoid mosquitoes flies cockroaches, home sweet home, இனிய இல்லம், லைஃப் ஸ்டைல் http://images.dinamani.com/uploads/user/imagelibrary/2017/11/6/w600X390/to_kill_germs_and_flies.jpg http://www.dinamani.com/lifestyle/sweet-home/2017/nov/06/to-avoid-mosquitoes-flies--cockroaches-during-rainy-season-2802782.html
2800368 லைஃப்ஸ்டைல் இனிய இல்லம் வெள்ளைத்துணிகளில் விடாப்பிடி கறையா? நொடியில் போக்க என்ன செய்யலாம்? கார்த்திகா வாசுதேவன் Thursday, November 2, 2017 03:15 PM +0530  

பிற மாநிலங்களில் எப்படியோ நம் தமிழக சட்டமன்றத்தை தொலைக்காட்சியில் பார்த்தீர்களானால் அனைத்து அமைச்சர்களும் சுத்த வெண்மையில் பளிச்சென்று தெரிவார்கள். அவர்கள் அணிந்துள்ள வெண்ணிற வேஷ்டி, சட்டைகளின் தயவால் பளீரென்ற வெண்மை பார்ப்பவர்களின் கண்களைப் பறிக்கும். தங்கள் வாழ்வின் வெறெந்த இருட்டு மூலையிலும் பளீரிடும் சுத்த வெள்ளையை அனுமதித்திராத அரசியல்வாதிகள் கூட குறைந்தபட்சம் தங்கள் உடைகளிலாவது அவற்றை அனுமதித்தது ஆறுதலான விஷயம் தான். இல்லையா பின்னே! சரி அதை விடுங்கள்.. கட்டுரை மோசமான அரசியல்வாதிகளைப் பற்றியது அல்ல. உடைகளில் இழந்த வெண்மையை எப்படி மீட்டெடுப்பது என்பதைப் பற்றியது.

நம்மில் பலருக்கும் கூட வெண்ணிற உடைகள் என்றால் இஷ்டம் தான். ஆனால் அவற்றை பராமரிப்பதில் காட்டப்பட வேண்டிய சிரத்தையை முன்னிட்டு அந்த நிறத்தை நாம் பெரும்பாலும் தவிர்த்து விடுவோம். வெண்மை தூய்மையின் நிறம். ஒரு சிறு கரும்புள்ளியோ அல்லது அழுக்கோ அந்த உடைகளில் எங்கேனும் ஒரு மூலையில் இருந்தாலும் கூட அது அந்த உடையின் வெண்மைத்தன்மையை குறைத்து விடக் கூடும். அதனால் தான் வெள்ளுடுப்புகளைப் பெரும்பாலோர் தவிர்த்து விடுகின்றனர்.

ஆனால் சிலருக்கு எத்தனை முயன்றாலும் வெள்ளை உடுப்புகளைத் தவிர்க்க முடியாது. கல்லூரிகளில் அறிவியலை முதன்மைப் பாடமாக எடுத்த மாணவ, மாணவியருக்கு சோதனைச் சாலைகளில் அணிய வெள்ளை நிற டாக்டர் கோட் ஒன்று தரப்படும். மூன்றாண்டுப் படிப்போ அல்லது 5 ஆண்டுப் படிப்போ எதுவானாலும் வருட இறுதியில் அந்த கோட்டை அதன் நிஜ நிறம் மாறாமல் காப்பது பெரும் சாதனை. சில மாணவ, மாணவியருக்கு வருட இறுதிக்குள் வெள்ளை கோட், டிடர்ஜெண்டுகள், சொட்டு நீலங்கள், ஒயிட்டனர்கள் எனப் பலத்த சித்ரவதைகளுக்குட்பட்டு கிட்டத்தட்ட பழுப்பு கோட் ஆகியிருக்கும். இதிலிருக்கும் வேதனை என்னவென்றால்... ஆஃப்டர் ஆல் ஓரிரு பீரியட்களுக்கு மட்டுமே அணியும் கோட் தானே அது வெள்ளையாக இருந்தால் என்ன பழுப்பாக இருந்தால் என்ன என்று விட்டு விட முடியாது. அது வெண்மைக்கே உரிய பிரத்யேக குணம். நம்மால் அந்த வெண்மையின் பரிசுத்தத்தைப் பாதுகாக்கவோ, பராமரிக்கவோ முடியாவிட்டால் அதுவே பிறகு தொடர்ந்த மனச்சுமையாகவே கூட மாறி விடும். கல்லூரிக்காலத்தில் இளங்கலை அறிவியல் பயிலும் போது ஆய்வக வகுப்பு நேரத்தின் போது ஒவ்வொரு முறையும் பழுப்பு கோட் அணிய நேர்கையில் இது அனுபவ ரீதியாக நான் அறிந்த உண்மை. சரி அப்படியென்றால் சுத்த வெண்மையை வேறெப்படித்தான் பராமரிப்பதாம்? 

டிடர்ஜெண்டுகள் கூடாது...
ஒயிட்டனர்களும் கூடாது
சொட்டு நீலம் அறவே கூடாது...
பிறகெப்படி 
வெண்மை...வெண்மை... சுத்த வெண்மை சாத்தியமாகும்?

இதோ அதற்கான சில இயற்கை வழிமுறையிலான எளிய டிப்ஸ்கள்...

சமையல் சோடா...

ஒரு பிளாஸ்டிக் டப்பில் 4 லிட்டர் தண்ணீர் நிரப்பி அதில் ஒரு கப் சமையல் சோடாவைப் போட்டு கலக்குங்கள். சமையல் சோடா நன்கு கரைந்ததும் அதில் கறை படிந்த வெண்ணிற ஆடைகளை நனைத்து ஊற வைக்கவும். சில நிமிடங்களிலேயே கறை ஆடைகளிலிருந்து பிரிந்து தண்ணீருக்குள் கரைவது நமக்கு கண் கூடாகத் தெரியக்கூடும். வெண்ணிற ஆடை சிறிது சிறிதாக சில நிமிடங்களில் தனது இயல்பான நிறத்தைத் திரும்பப் பெற்று விடும்.

ஆஸ்பிரின் மாத்திரை...

என்ன தான் சமையல் சோடா கொண்டு ஊற வைத்து அலசியும் சில விடாப்பிடி கறைகள் உண்டு. ஒயின், காஃபிக்கறை, இங்க் கறை, குருமா, கிரேவி கொட்டியதால் உண்டான கறை, எண்ணெய்க்கறை போன்றவற்றை அத்தனை எளிதில் அகற்றி விட முடியாது. அவற்றை அகற்ற வேண்டுமானால் மிக, மிக எளிதான டிப்ஸ் ஒன்று உள்ளது. அதன்படி ஒரு பிளாஸ்டிக் டப்பில் இருக்கும் தண்ணீரில் 6 ஆஸ்பிரின் மாத்திரைகளை நங்கு பொடி செய்து கரைத்து கலக்கவும். ஆஸ்பிரின் கலந்த அந்த தண்ணீரில் விடாப்பிடிக் கறையுள்ள வெண்ணிற ஆடைகளை சுமார் 30 நிமிடங்களுக்கு நனைத்து ஊற வைத்த பின் வழக்கம் போல உங்களது வாடிக்கையான டிடர்ஜெண்ட் சோப் கொண்டு துணிகளைத் தோய்த்து எடுத்து பின் நீரில் அலசினால் போதும் வெண்மை டாலடிக்கும்.

எலுமிச்சை சக்தி மற்றும் வினிகர்...

எலுமிச்சை சாறு மற்றும் வினிகரை சம அளவு எடுத்துக் கலந்து அதை பிளாஸ்டிக் பக்கெட்டில் இருக்கும் தண்ணீரில் கலந்து அதில் விடாப்பிடிக் கறை படிந்த வெண்ணிற உடைகளை முக்கி நனைத்து துவைத்தெடுத்தால் கறை போயே போச்சு!

இம்முறையில் துவைப்பதால் கறை மட்டும் நீங்குவதில்லை, உடைகளில் ஏதாவது துர்நாற்றம் இருந்தால் அதுவும் நீங்கி உடைகளில் எலுமிச்சையின் நறுமணம் சேகரமாகும் என்பதும் உபரி நன்மை!

இங்கே சொல்லப்பட்டுள்ள எளிய முறைகள் தவிர உங்களுக்கே உங்களுக்கென பிரத்யேகமாக வெள்ளை உடைகளில் படிந்துள்ள விடாப்பிடி கறைகளை அகற்ற ஏதேனும் டிப்ஸ் தெரிந்தால் அதை எங்களுடன் பகிரலாம்.

Image Courtesy: you tube.

Article Concept Courtesy: youtube.
 

]]>
how to remove stain in white dress?, remove stains from white, stain, white dress, விடாப்பிடி கறை, வெண்மை, கறை நீக்குதல், இனிய இல்லம், http://images.dinamani.com/uploads/user/imagelibrary/2017/11/2/w600X390/0000_WHITE_STAIN.jpg http://www.dinamani.com/lifestyle/sweet-home/2017/nov/02/tips-to-remove-stains-from-white-dresses-2800368.html
2799799 லைஃப்ஸ்டைல் இனிய இல்லம் வாவ் சூப்பர் ஐடியா! வீட்டின் மூலையில் இடத்தை அடைக்காமல் நமக்கே நமக்காக ஒரு சின்னஞ்சிறிய லிஃப்ட்! கார்த்திகா வாசுதேவன் Wednesday, November 1, 2017 03:21 PM +0530  

லைஃப்ஸ்டைல் லிஃப்ட்!

யூ டியூபில் காணக்கிடைத்த இந்த புது ஐடியா கொஞ்சமல்ல நிறையவே கவனம் ஈர்க்கிறது.

யோசித்துப் பாருங்கள். வீட்டின் மூலையில் இடத்தை அடைக்காமல் கைக்கு அடக்கமாக நமக்கே நமக்காய் ஒரு சின்னஞ்சிறிய லிஃப்ட் வசதி அருமையான ஐடியா தான் இல்லையா?

இனி வரும் காலங்களில் வீட்டிலுள்ள மற்ற அத்யாவசியப் பொருட்களான கட்டில், பீரோ, ஃப்ரிஜ், வாஷிங் மெஷின், சோஃபா செட் போல இந்தக் குட்டி லைஃப்ஸ்டைல் லிஃப்ட்டும் வீட்டின் அழகுபடுத்தும் புராஜக்டுகளில் ஒன்றாகி விடக்கூடும்.

இந்த வசதி இன்னும் இந்தியாவுக்கு வந்ததாகத் தெரியவில்லை. தற்போது இங்கிலாந்தில் விற்பனைக்கு கிடைக்கும் இத்தகைய லிஃப்டுகள் நம் இந்தியாவுக்கு ஒத்து வருமா?! என்றும் தெரியவில்லை. பார்க்க அழகாக இருப்பதோடு அடிப்படையில் அதன் கட்டமைப்பு  திட்டமிட்ட வகையிலும் கூட  இது வயதானவர்கள் மற்றும் மாற்றுத்திறனாளிகள் இருக்கும் வீடுகளுக்கு மிகப் பயனுள்ள ஒன்றாக இருக்கும் என்பதில் ஐயமில்லை.

ஆனால் வீட்டின் ஏதாவது ஒரு மூலையைக் கணக்கில் கொண்டு டிசைன் செய்யப்பட்ட இந்த தானியங்கி லிஃப்ட் இயங்குவது ஹைட்ராலிக் முறையிலா அல்லது மின்சாரத்திலா என்பது குறித்து அங்கே தகவல்களை காணோம். அதுமட்டுமல்ல, லிஃப்ட் இயங்கிக் கொண்டிருக்கையில் அது கட்டமைக்கப்பட்டுள்ள மூலையில் வீட்டின் வளர்ப்புப் பிராணிகளோ அல்லது சிறுவர், சிறுமிகளோ, குழந்தைகளோ கவனமின்றி சென்று நின்று விட்டால் மேலிருந்து வரும் லிஃப்ட் ஆட்டோமேட்டிக்காக சென்ஸார் உதவியால் தானே இயக்கத்தை நிறுத்தி அப்படியே அந்தரத்தில் நிற்குமா அல்லது பொத்தென்று கீழே வந்து நின்று நம் பிரியத்துகந்தவர்களை விபத்தில் சிக்க வைக்குமா என்பதற்கும் அந்த தளத்தில் பதிலில்லை. மின்சாரத்தில் இயங்கும் லிஃப்ட் என்றால் இடையில் ஸ்டக் ஆகி நிற்கையில் வீட்டிற்குள்ளே சிறையில் மாட்டிக் கொண்ட உணர்வு தான்.

இப்படி இந்த லைஃப்ட்ஸ்டைல் லிஃப்ட் குறித்த சந்தேகங்கள் நீண்டு கொண்டே சென்றாலும் கூட ஒரு புதுமையான ஐடியா என்ற வகையில் இம்மாதிரியான எக்கானாமிகல் லிஃப்ட் முயற்சியைப் பாராட்டலாம். உண்மையில் இம்மாதிரியான முயற்சிகள் மேலும் பல கட்ட சோதனைகளுக்குப் பிறகு மேற்கண்ட சந்தேகங்கள் எல்லாம் நிவர்த்தி செய்யப்பட்டு முழுமையாக வாடிக்கையாளர்களுக்குப் பயன் தரும் வகையில் மாற்றம் செய்யப்பட வேண்டும். வளர்ந்து வரும் தொழில்நுட்பம் அதற்கு உதவலாம்.

சென்னை, மும்பை மாதிரியான நகரங்களில் குறுகிய இடங்களில் மாடி மேல் மாடி கட்டி சதுரமான வீடுகளுக்குப் பதிலாக குதுப்மினார் மாதிரியான நீளமான உயர்ந்த கட்டிடங்களில் வாழப் பணிக்கப்பட்டவர்களுக்கு இந்த ஐடியாக்கள் எதிர்காலத்தில் பெரும் உதவியாக இருக்கக் கூடும். 

இன்றைய காலகட்டத்தில் அபார்ட்மெண்டுகளில் லிஃப்ட் அமைக்க அங்கு வசிக்கும் மக்கள் எண்ணிக்கையைப் பொறுத்து குறைந்த பட்சம் 100 சதுர அடி இட வசதியாவது தேவைப்படும். வீட்டின் பரப்பே 400 சதுர அடிகள் தான் என்கையில் அப்படிப்பட்ட வீடுகளில் வசிப்போரின் கதியை யோசித்துப் பாருங்கள். மும்பை போன்ற பெருநகரங்களில் வெறும் 250 சதுர அடிக்குள் அதிலும் மூன்றாம் அல்லது நான்காம் மாடியில் கட்டப்பட்ட வீடுகளில் வசிப்போருக்கு குறிப்பாக முதியவர்களுக்கு இடத்தை அடைக்காத இம்மாதிரியான சின்னஞ்சிறு லைஃப்ஸ்டைல் லிஃப்டுகள் வரப்பிரசாதங்களே தான்!

லைஃப்ஸ்டைல் லிஃப்ட் இயங்கும் முறைக்கான வீடியோ காட்சி...

 

இந்த லிஃப்டுகள் இந்தியாவுக்கு எப்போது விற்பனைக்கு வரும் என்று தெரியவில்லை. அப்படியே வந்தாலும் கூட மேலே சொல்லப்பட்ட குறைகளும், சந்தேகங்களும் நிவர்த்தி வேறு செய்யப்பட்டிருக்க வேண்டும்.

]]>
இடத்தை அடைக்காத லிஃப்டுகள், லைஃப்ஸ்டைல் லிஃப்ட், lifestyle lift, cute lifestyle lift for single house, cute simple life for elders http://images.dinamani.com/uploads/user/imagelibrary/2017/11/1/w600X390/0000_lifestyle_lifts.jpg http://www.dinamani.com/lifestyle/sweet-home/2017/nov/01/cute--comfotable-lifestyle-lifts-fpr-elder-people-2799799.html
2773761 லைஃப்ஸ்டைல் இனிய இல்லம் உங்கள் குக்கரை இப்படியெல்லாம் பராமரிக்கலாமே! Friday, September 15, 2017 01:27 PM +0530  

  • குக்கரைக் கவிழ்த்துப் போட்டுத் தேய்க்கக் கூடாது. அப்படித் தேய்த்தால் மேல்பகுதி தரையில் உராயும்போது காஸ்கட் வளையம் விரிந்து விடும். 
  • குக்கரில் காஸ்கட் தளர்ந்து போய்விட்டால் பிரிஜ்ஜில் ஒருநாள் வைத்திருந்து பிறகு போட்டுப்பார்த்தால் சரியாக இருக்கும்.
  • குக்கரின் அடியில் பழுப்பு நிறம் சேர்ந்துவிட்டால் அதை எலுமிச்சைத் தோலால் தேய்த்துவிட்டு பிறகு காலி மாத்திரை அட்டைகளால் தேய்த்தால் மிகவும்  பளிச்சென்று ஆகிவிடும்.
  • பிரஷர் குக்கரில் உள்ள ‘காஸ்கெட்’டை சமையல் முடிந்ததும் தொட்டி நீரில் போட்டுவிட்டு எப்போது தேவையோ அப்போது எடுத்து உபயோகித்தால் நீண்ட நாள் உழைக்கும்.
  • புதிய காஸ்கெட் வாங்கிய உடன் பழைய காஸ்கெட்டை எறிந்து விட வேண்டும். இல்லையென்றால் நமக்கே தெரியாமல்  மாற்றி பயன்படுத்த வாய்ப்புள்ளது.
  • குக்கரின் கைப்பிடியில் இருக்கும் ஆணிக்கு மாதம் ஒரு முறை எண்ணெய் விட வேண்டும். அப்போது தான் துருப்பிடிக்காமல் இருக்கும்.
  • குக்கரின் வெயிட்டை ஒவ்வொரு முறையும் பயன்படுத்தும் போதும் தூசி, அடைப்புகள் முதலியன இல்லாமல் இருக்கிறதா என்று பார்த்த பிறகே பயன்படுத்த வேண்டும்.
  • குக்கர் மூடியில் பொங்கி வருவது ஒன்றும் பெரிய பிரச்னையில்லை. பருப்பு வேக வைத்தால் உடன் பொங்கி வென்ட் பைப் வழியாகத் தண்ணீர் வெளிவரும். பருப்பு வேக வைக்கும் போது ஒரு கரண்டி நல்லெண்ணெய் ஊற்றினால் பொங்காது.
  • குக்கரில் காய்கறி வேகும் போது அது முங்கும் அளவுக்கு தண்ணீர் ஊற்ற வேண்டும்.

சில சமயம் குக்கரின் உட்புறம் நிறம் மாறிப் போகிறேதே ஏன்?

குக்கரின் உள்பாகத்தில் கறை படிந்து கறுப்பாகக் காணப்பட்டால் கவலைப்படத் தேவையில்லை. புளித்த மோரைக் கறையுள்ள அளவு ஊற்றி 2,3 நாட்கள் ஊற வைத்தால் அந்தக் கறை நீங்கி குக்கர் பளிச்சென்று இருக்கும்.

தரம் குறைந்த அலுமினிய உள்பாத்திரம், டிரிவெட்டை உபயோகிப்பதால் நிறம் மங்கிக் காணப்படும்.

சமையல் செய்யும் போழுது குக்கரில் ஊற்றப்படும் நீரில் சிறிதளவு புளி அல்லது நறுக்கிய எலுமிச்சைத் துண்டு ஒன்றைப் போட்டு விட்டால் மீண்டும் பழைய பளபளப்பை அடையும்.

 - நெ.இராமன்

]]>
Pressure cooker, cooker tips, குக்கர் http://images.dinamani.com/uploads/user/imagelibrary/2017/9/15/w600X390/cooker.jpg http://www.dinamani.com/lifestyle/sweet-home/2017/sep/15/cooker-maintenance-tips-2773761.html
2749120 லைஃப்ஸ்டைல் இனிய இல்லம் சொந்த வீட்டில் சுகமாக வாழ்வதற்கு என்ன செய்ய வேண்டும்? உமா Thursday, August 3, 2017 02:44 PM +0530 முண்டாசுக் கவிஞன் பாரதியின் அழகான வரிகளை தமிழராக பிறந்த ஒருவரும் மறக்க முடியாது. ‘காணி நிலம் வேண்டும் பராசக்தி, காணி நிலம் வேண்டும்’ என்ற பராசக்தியிடம் அவர் வேண்டுவது போல நாமும் அனுதினமும் வேண்டிக் கொண்டு தான் இருக்கிறோம். ஆனால் காணி நிலம் கூட வேண்டாம், ஒரு சிறிய ப்ளாட் போதும் என்ற அளவில் வேறுபாடு உள்ளது.

வீட்டை கட்டிப் பார் கல்யாணத்தை முடித்து பார் என்று முன்பெல்லாம் சொல்வார்கள். பிரம்ம பிரயத்தனம் செய்துதான் அப்போது வீடு கட்ட வேண்டியிருக்கும். ஆனால் தற்போது எல்லாம் சுலபமாகவே நடந்து விடுகின்றது. வங்கிக் கடன், அந்தக் கடன் இந்தக் கடன் என பலவகையான கடன்களை வாங்கி பில்டர்களிடம் பணத்தைக் கொடுத்தால் போதும். மீதி விஷயத்தை அவர்களே பார்த்துக் கொள்வார்கள். தனி வீடு என்பது குதிரைக் கொம்பாகிவிட்ட நிலையில், நகரத்துக்கு உள்ளே அல்லது புறநகர்ப் பகுதியென்று அவரவர் வசதிக்கு ஏற்ப ஒரு ப்ளாட்டினை வாங்கிய பின் அதனை எப்படி அலங்கரிக்கலாம் என்று திட்டமிட வேண்டும்.

எலி வளையானாலும் தனி வளையாக இருக்க வேண்டும் எனும் சொலவடைக்கு ஏற்ப நமக்கே நமக்கான ஒரு புத்தம் புது வீடு தயாராகிவிட்டது. இதில் நம்முடைய ரசனைகளுக்கு உயிர் கொடுத்து பார்த்து பார்த்து ஒவ்வொரு இடத்தையும் செதுக்கி உருவாக்கிக் கொள்ளலாம். அழகியலுடன் நம் முழுத் திறமையைக் கொட்டி அலங்கரிக்கப்படும் வீடு நமக்கு பெரும் நிறைவையும் மகிழ்ச்சியையும் தரும்.

வீட்டை ரசனையுடன் அலங்கரித்தால் உள்ளே நுழையும் போதே நம்முடைய சோர்வு நீங்கி புத்துணர்ச்சி ஏற்படும். ஏனோ தானோவென்று அலங்கரித்தால் வீட்டினுள் வரும்போதே நமக்கும் அந்த மனப்பான்மை தொற்றிக் கொள்ளும். எளிமையாக நமக்குத் தகுந்த வகையில் அலங்கரித்தல் நல்லது. ஒவ்வொறு பொருளையும் அதிக விலை கொடுத்து ஆங்காங்கே நிறுத்தி பொருட்களின் கூடாராமாக்கிவிட்டால் அது வீடல்லாமல் பொருள்காட்சியகமாக மாறிவிடும். நமக்குத் தேவையான அத்தியாவசியப் பொருட்களுடன் சில அழகுப் பொருட்களையும் இணைத்து வீட்டை ரம்யமாக வடிவமைக்கலாம். வாழ்வின் பெரும்பகுதி அந்த வீட்டில்தான் நாம் கழிக்கப் போகிறோம். உழைத்துக் களைத்து வரும் போது அந்த வீடு தான் நம்மை மடியாகத் தாங்கிக் கொள்ளும். எனவே சிரத்தையுடன் வீட்டை அலங்கரித்தால் அது மனத்துக்கு சந்தோஷம் தரக்கூடியதாக மாறும். நமக்கேயான தேர்வுகள், பிரத்யேக ரசனைகள் மற்றும் ஆசைப்பட்ட விஷயங்களை செயல்படுத்தும் ஆற்றல்தான் இதற்கு முக்கியமாகத் தேவை.

வீட்டில் வளர் பருவத்தில் குழந்தைகள் இருந்தால், புது வீட்டின் சூழலை மேலும் மகிழ்ச்சி பெருகும் நந்தனவனமாக மாற்றிக் கொள்ளலாம். நம்முடைய அறையை பொறுமையாக அலங்கரித்துக் கொள்ளலாம். முதலில் பிள்ளைகளின் அறையை ஒழுங்குப்படுத்திவிட வேண்டும். குழந்தைகளின் அறையில் அழகியல் என்பது இரண்டாம்பட்சமாக இருக்கட்டும். முதலில் பாதுகாப்பு தான் முக்கியம். கண்ணாடி கதவுகள், கண்ணாடி ஜன்னல்கள் என முழுக்க முழுக்க கண்ணாடியில் ஆன அறையை குழந்தைகளின் பயன்பாட்டுக்கு அமைத்துத் தர வேண்டாம். விளையாடும் போதோ அல்லது கோபத்திலோ அவர்கள் அதை உடைத்துவிடக் கூடும். அது எதிர்பாராத ஆபத்தை கொண்டுவந்துவிடலாம். மரக் கதவுகள், கைக்கு எட்டாத உயரத்தில் ஜன்னல்கள் இருக்கும்படியான அறை குழந்தைகளுக்கு ஏற்றது.

குழந்தைகளின் அறையில் உள்ள சுவர்களில் பளிச்சென்ற வண்ணங்களில் பெயிண்ட் அடிக்க வேண்டும். அது அவர்களுக்கு புத்துணர்ச்சி தந்து நேர்மறை எண்ணங்களை உருவாக்கும். அனேக குழந்தைகள் சுவற்றில் க்ரேயான்கள் கொண்டு வரைந்து தள்ளுவார்கள். அது அவர்களின் அறை. எனவே எதுவும் சொல்லவேண்டாம். அல்லது எளிதில் துடைக்கும் லெடெக்ஸ் வகைப் பெயிண்ட்களை உபயோகப்படுத்துங்கள். குழந்தைகள் பென்சிலால் கிறுக்கி வைத்திருந்தாலோ, அழுக்குக் கைகளை சுவற்றில் பதித்திருந்தாலோ எளிதில் அதனை துணி கொண்டு துடைத்து எடுத்துவிடலாம்

தரையைப் பொறுத்தவரை எளிதில் சுத்தப்படுத்தக்கூடிய வகையில் லாமினேட். டைல்ஸ், மரம் அல்லது லினோலியம் என எது ஏற்றதாகத் அந்த அறைக்கு உள்ளதோ அதனைத் தேர்ந்தெடுங்கள்.  

குழந்தைகளின் பாட புத்தகங்கள், விளையாட்டுச் சாமான்கள் போன்றவற்றை பத்திரப்படுத்த போதுமான அலமாரிகள் இருக்கும்படி பார்த்துக் கொள்ளுங்கள். இல்லாவிட்டால் பிள்ளைகள் அறையின் ஓரத்தில் எல்லாவற்றையும் போட்டுவிட்டு செல்வார்கள். அறையின் இடவசதி குறைவதோடு இல்லாமல் அழகையும் கெடுக்கும். எனவே அவர்களின் உடை, புத்தகம், மற்றும் விளையாட்டுப் பொருட்களுக்குத் தனித் தனியாக கப்போர்டுகள் தந்துவிடுங்கள்.

பர்னிச்சர்களும் அவர்களின் உயரத்துக்கும் தேவைக்கும் ஏற்ற வகையில் அமைத்துத் தாருங்கள். சிறிய சேர், எழுதப் படிக்க பயன்படும் மேஜை, புத்தக அலமாரி தேவைப்பட்டால் ஒரு சிறிய சோபா என்று சுட்டிகளின் விருப்பப்படி வாங்கிப் போடுங்கள். அவர்களது அறையை அவர்களே பராமரிக்க கற்றுக் தந்துவிடுங்கள். அவர்களின் பாடப் புத்தகங்களை மற்றும் விளையாட்டுப் பொருட்களை அந்தந்த இடங்களில் வைக்கக் கற்றுக் கொடுங்கள்.. எனக்கே டைம் இல்லை, என்னைப் போய் இதையெல்லாம் செய்ய சொல்றீங்க என்று உங்கள் பிள்ளைகள் அடம்பிடித்தால் அதை எல்லாம் கண்டு கொள்ளாதீர்கள். சில சமயம் ஒழுக்கம் போன்ற விஷயங்களைக் கற்றுத் தரும் போது ராணுவ விதிகளைத் தான் கடைபிடிக்க வேண்டும். அப்போதுதான் எதிர்காலத்தில் அவர்கள் நல்ல பிள்ளைகளாக மட்டுமில்லாமல் குடிமக்களாகவும் இருப்பார்கள்.

குழந்தைகளின் படுக்கை செளரியமானதாக இருக்கும்படி பார்த்துக் கொள்ளுங்கள். அதிக வேலைப்பாடுகள் உள்ள பொருட்கள் எல்லாம் அவர்களுக்கு ஒருபோதும் தேவையில்லை. அடிப்படை வசதிதான் முக்கியம். அவர்களின் அறையில் ஒரு பாத்ரூம் இருக்க வேண்டும். அவர்கள் வளரும் வரை இரவில் பெற்றோர் அல்லது வீட்டுப் பெரியவர்கள் யாராவது அவர்களின் அறையில் இருக்க வேண்டும். காரணம் குழந்தைகள் தனிமைப்படுத்தப்பட்டால் பயப்படுவார்கள். பெற்றோர்களுக்கும் குழந்தைகளுக்குமான பிணைப்பு இல்லாமல் போகும். நாம் இத்தனை பாடுபட்டு உழைத்து ஒரு வீட்டினை கட்டி குழந்தைகளுக்கும் சுதந்திரமான ஒரு இடத்தை அமைத்துக் கொடுப்பது அவர்களை சந்தோஷப்படுத்துவதற்காக மட்டுமே இருக்க வேண்டும்.

இந்தியா போன்ற நாடுகளில் உறவுகளுக்கும் பாசப் பிணைப்புக்கும் அதிக முக்கியத்துவம் கொடுப்போம். வீட்டின் வெளிப்புறம் வெஸ்டர்னாக இருக்கலாம். நீங்கள் உண்ணும் உணவு கூட பாஸ்தா பர்கர் பீட்ஸா போன்ற வகையில் இருக்கலாம். ஆனால் நம் மனங்கள் இந்தியத் தன்மையுடன் எப்போதும் இருக்க வேண்டும். இப்படித்தான் சாப்பிட வேண்டும், இவ்வகையில் தான் உட்கார வேண்டும்,  இப்படித்தான் மூச்சுப் பயிற்சி செய்ய வேண்டும் என ஒவ்வொரு விஷயத்திலும் நம் முன்னோர்கள் கற்றுக் கொடுத்து விட்டுச் சென்றுள்ளனர். நம்முடைய வேர்கள் ஆழமானவை. அந்நிய விஷயங்களில் கவரப்பட்டு சுகமான வெளிப்புற விஷயங்களில் ஈர்க்கப்படலாம். ஆனால் நம்முடைய நாட்டில் காலகாலமாக நமக்குச் சொல்லித் தரப்பட்ட விஷயங்களைப் புறக்கணிக்கக் கூடாது. எனவே குழந்தைகளை அரவணைத்து அவர்களின் இளம் மனத்தில் நம்முடைய பாரம்பரியத்தையும் கலாச்சாரத்தையும் கற்றுக் கொடுங்கள். மாற்றம் வளர்ச்சி எல்லாமும் தேவை தான். அவை எதில் தேவை என்பதில் முதலில் நாம் தெளிவாக இருக்க வேண்டும்.

அடுத்து வீட்டின் ஹால். வரவேற்பறைகளில் பொருட்களைக் குறைவாக வைத்திருப்பது அழகாகவும் பளிச்சென்றும் இருக்கும். தவிர ஹாலை விசாலமாகக் காட்ட உதவும்.

படுக்கை அறை, சமையல் அறை, பூஜை அறை போன்ற அறைகளை உங்கள் ரசனைக்கு ஏற்ற வகையில் அலங்கரித்துக் கொள்ளுங்கள். பொதுவான சில டிப்ஸ் :

  • பொருட்களின் விலை குறைவாக கிடைக்கிறது என்று தேவையற்றப் பொருட்களால் வீட்டை நிரப்பாதீர்கள். தேவை கருதியும், வீட்டின் அளவையும் நினைவில் நிறுத்தி பொருட்களை வாங்குங்கள்.
  • காற்றும் வெளிச்சமும் எல்லா அறைகளுக்குள் அதிகம் உள்ளே வருமாறு பார்த்துக் கொள்ளுங்கள். 
  • எந்த சாமானை எங்கே வைத்தால் பொருத்தமாக இருக்கும் என்ற அடிப்படை தேர்வுமுறை உங்களுக்கு இருந்தால் போதும். உங்கள் இல்லத்தை நீங்கள் அற்புதமாக்கிவிடுவீர்கள்.
  • அந்தந்த பொருட்களை அந்தந்த இடத்தில் வைத்துவிட்டு தேவைப்பட்டால் வீட்டு அலங்காரப் பொருட்களையும் வைத்து மெருகூட்டலாம். எல்லாவற்றையும் விட முக்கியமானது வீட்டினுள் காற்று வெளிச்சம் வர வேண்டும்.

வீட்டை பிடித்த வகையில் அலங்கரித்தபின் சற்று சிரமமான விஷயம் அதைப் பராமரிப்பது. சொர்க்கம் என்பது நமக்கு சுத்தமுள்ள வீடுதான் எனவே, வீட்டை சுத்தம் செய்ய நேரம் ஒதுக்குங்கள். சிலர் ஆரம்பத்தில் பார்த்து பார்த்து அலங்கரிப்பார்கள், நாளாக ஆக சலித்துப் போவார்கள். வீட்டுப் பராமரிப்பு என்பது நம்மையே பராமரித்துக் கொள்வது போலத்தான். சோம்பல் நிலை, அல்லது அலுப்பு வேலைக்காகாது. மேலும் கணவன் மனைவி இருவருமே வேலைக்குச் செல்லும் வீடுகளில் வீட்டை அழகாக்க ஒவ்வொரு முறையும் அதற்கான நேரம் ஒதுக்குதல் என்பதும் சிரமம். நேரம் கிடைக்கும் போது இருவரும் சேர்ந்து வீட்டினை ஒழுங்குப்படுத்தலாம். ஆறு மாதங்களுக்கு ஒரு முறை சின்ன சின்ன மாற்றங்களை வீட்டினுள் செய்து பாருங்கள். பீரோ, சோஃபா, புத்தக அலமாரி ஆகியவற்றின் இடத்தை மாற்றிப் பாருங்கள். புதிய கர்டன்கள் வாங்கிப் போடுங்கள்.  சின்ன மாற்றம் கூட பளிச்சென்று தோன்றச் செய்யும்.

நம்முடைய வீடு ஒரு கோவிலாக இருக்க நம்முடைய எண்ணங்களும் தூய்மையாக இருக்க வேண்டும். நல்லதையே நினைத்து நல்ல சூழலை உருவாக்கினால் வீட்டில் சுபிட்சம் பெறுகும்.

 

 

]]>
சொந்த வீடு , Flat, own house, kids room, வீட்டை அலங்கரித்தல் http://images.dinamani.com/uploads/user/imagelibrary/2017/8/3/w600X390/48549936.jpg http://www.dinamani.com/lifestyle/sweet-home/2017/aug/03/decorate-your-house-lifestyle-is-very-important-2749120.html
2741663 லைஃப்ஸ்டைல் இனிய இல்லம் கடுமையான வெயிலோ, அடைமழையோ எதையும் சமாளிக்கும் விண்டோ மேஜிக் uPVC விண்டோக்கள்!! RKV Friday, July 21, 2017 04:54 PM +0530  

10 மாடி அபார்ட்மெண்டின் மொட்டைமாடியில் நின்று கொண்டு வானத்தைப் பார்ப்பது என்பது எல்லோருக்கும் எப்போதுமே சற்றுத் த்ரில்லான விஷயமே! ஆனால் யோசித்துப் பாருங்கள், நீங்கள் எப்போது உங்களது அபார்ட்மெண்ட்டின் மொட்டைமாடிக்குச் சென்றீர்கள் என்பதை! யோசிப்பது கொஞ்சம் கஷ்டம் தான், சென்ற மழைக்காலத்தில் அங்கே சுவர்களையும், கிரில் கம்பிகளையும் சோதிக்கச் சென்றிருப்பீர்கள். அதன் பின் அந்தப் பக்கம் எட்டிக் கூட பார்த்திருக்க மாட்டீர்கள். ஏனெனில் வெயிலாலும், தொடர் மழையாலும், குளிராலும் அங்கே என்னவெல்லாம் மராமத்து வேலைகள் எல்லாம் செய்யவேண்டி இருக்குமோ எனும்படியான ஒரு விதப் பதட்டம் நம்மைத் தொற்றிக் கொள்வதால் தான் நாம் அவற்றையெல்லாம் அடிக்கடி சென்று கவனிப்பதில்லை. 

இது எதில் போய் முடிகிறது எனில்; உதாரணத்துக்கு டெல்லி போன்ற நகரங்களில் எல்லாம் ஒருவர் புது வீடு வாங்கவோ, விற்கவோ போகிறார் என்றால், அது அத்தனை எளிதல்ல. வீட்டை வாங்கப் போகிறவர்களுக்கு... வாங்கப் போகும் வீடு ஸ்திரமாக, வலுவாக இருக்கிறதா? இல்லையா? என்பதில் எந்தவிதக் குழப்பமும் வந்து விடக்கூடாது, அதே போல விற்பவர்களுக்கும் பழுதான ஜன்னல்கள், பட்டுப்போன இரும்பு கேட்கள் என வீட்டின் விலையைக் குறைக்கும் முயற்சிக்கான எந்தவிதமான தொல்லைகளும் இருந்து விடக்கூடாது. வீடு வாங்குவதும்/விற்பதும் இரு தரப்பும் நிம்மதியாகவும், திருப்தியாகவும் இருக்க வேண்டும். அப்படி ஒரு சமரசம் இவ்விசயத்தில் நிலவ வேண்டுமானால் நமது வீடும் சரி, வீட்டிலிருக்கும் கதவு, ஜன்னல், இரும்பு கேட்கள் போன்றவையும் சரி எல்லாமே பெர்ஃபெக்ட் தரத்தில் இருக்க வேண்டும். வீட்டையும், வீட்டின் கட்டுமானத்தையும் பெர்ஃபெக்ட்டாக வைத்துக் கொள்ள நமக்கு உதவும் விஷயங்களில் ஒன்று தான் விண்டோ மேஜிக்!

விண்டோ மேஜிக்கின் திறன் வாய்ந்த தயாரிப்புகளான uPVC விண்டோக்கள் நம் நாட்டின் மாறுபட்ட சீதோஷ்ண நிலைகளையும் சமாளிக்கக் கூடிய வகையில் தயாரிக்கப்படுகின்றன. இப்போதெல்லாம் மும்பை, டெல்லி, சென்னை போன்ற பெருநகரங்களில் சொந்தமாகவோ அல்லது வாடகைக்கோ வீடு தேடும் மக்களின் முக்கியமான எதிர்பார்ப்புகளில் ஒன்றாகி வருகிறது இந்த uPVC விண்டோக்கள். ஏனெனில் அம்மாதிரியான விண்டோக்கள் இருந்தால் மட்டுமே அந்த வீடுகள் கடும் வெயிலையும், கடுமையான மழையையும் தாங்கக் கூடிய வண்ணம் இருக்கும் என மக்கள் நம்புகின்றனர்.

விண்டோ மேஜிக் இந்தியாவில் uPVC விண்டோக்களை முதன்முதலில் அறிமுகம் செய்த நிறுவனங்களில் ஒன்று. அது தற்போது ஜெர்மனியைத் தலைமையிடமாகக் கொண்ட உலகின் முன்னணி கண்ணாடி நிறுவனமொன்றுடன் கைகோர்த்து தரமான விண்டோக்கள் மற்றும் கதவுகளை தயாரித்து தனது வாடிக்கையாளர்களுக்கு வழங்கி வருகிறது. ஸ்டேட் ஆஃப் தி ஆர்ட் தொழில்நுட்பத்தில் உருவாக்கப் பட்டு வரும் இந்தக் கதவுகள் மற்றும் விண்டோக்கள் தரக்கட்டுப்பாட்டு சோதனைக்குட்படுத்தப் பட்டது.

ஏன் விண்டோ மேஜிக் கதவுகள் மற்றும் விண்டோக்களைப் பயன்படுத்த வேண்டும்? விண்டோ மேஜிக்கின் uPVC விண்டோக்கள் மறுசுழற்சிக்கு உட்படக்கூடியவை சாதாரண முறையில் தயாராகும் அனைத்து கதவுகள் மற்றும் விண்டோக்களும் காரீய ஸ்டெபிளைசர்களுக்குப் பதிலாக கால்சியம் ஸ்டெபிளைசர்கள் பயன்படுத்தி தயாரிக்கப் பட்டவை. ஆனால் விண்டோ மேஜிக்கிஒன் uPVC கதவுகள் மற்றும் விண்டோக்கள் நச்சுத்தன்மையல்லாத சூழலைப் பாதிக்காத காரணிகளுடன் ‘’Green line" முத்திரையுடன் வெயில், மழை, புயல் என அனைத்தையுமே எதிர்கொள்ளும் விதத்தில் தயாராகின்றன. எனவே இவற்றில் நச்சுத் தன்மை மட்டுமல்ல வேறு எந்த கெட்ட தன்மைகளும் இல்லை.

விண்டோ மேஜிக் அதிகாரபூர்வ இணையதளத்தில் மேலதிக விவரங்கள் தேவைப்படுவோர் கீழ்கண்ட தளத்துக்குச் சென்று தேவையான விவரங்களைப் பெறலாம்.

http://www.windowmagicindia.com/

]]>
window magic uPVC windows, quality and durability, விண்டோ மேஜிக் uPVC விண்டோக்கள், இனிய இல்லம், home sweet home http://images.dinamani.com/uploads/user/imagelibrary/2017/7/21/w600X390/window_magic_1.jpg http://www.dinamani.com/lifestyle/sweet-home/2017/jul/21/window-magic-brings-you-windowsdoors-designed-for-this-season-2741663.html
2724331 லைஃப்ஸ்டைல் இனிய இல்லம் உணவு எப்போதுமே அருமையான அனுபவமாக இருக்க வேண்டும்! RKV Tuesday, June 20, 2017 11:28 AM +0530  

இதைச் சொன்னது யார் தெரியுமா? பாலிவுட் டான் ஷாருக்கானின் அன்பு மனைவி கெளரி கான். கெளரிக்கு இன்டீரியர் டிசைனிங்கில் ஆர்வம் மிகுதி என்பதால் அதை தனது ஹாபியாகவும், தொழிலாகவும் வைத்திருக்கிறார். சமீபத்தில் மும்பையில் ஆலியா ஹாஸ்பிடாலிட்டி பிரைவேட் லிமிடெட்டின் ‘அர்த்’ எனப்படும் நவீன உணவகத்துக்கு இன்டீரியர் டிசைனிங் பணிகளை மேற்கொண்டார். அந்த உணவகத்தின் திறப்பு விழாவுக்கு வருகை தந்திருந்த சமயத்தில் தான் மேற்கண்ட அந்த வாக்கியத்தை கெளரி சொன்னார். அவர் சொன்னபடி பெரும்பாலான போஜனப் பிரியர்களுக்கு நாவின் ருசி மட்டுமே முக்கியமல்ல, அமர்ந்து உணவருந்தும் இடத்தின் அழகியலும் மிக, மிக முக்கியமே! உணவருந்தும் இடத்தில் எப்போதுமே உணவுக்காக உள்ளே நுழைபவர்களைக் கவர்ந்து இழுக்கும் அம்சங்கள் இருக்க வேண்டும்.  விசாலமான சாப்பாட்டு அறை, அதில் அளவான, மிதமான வெளிச்சம், சாப்பாட்டுக் கூடத்தின் நடுவே பல பரிமாணங்களில் வெளிச்சத்தை அள்ளி வீசும் பழங்கால சாண்ட்லியர் விளக்குகள். இவை அனைத்தும் சேர்ந்து பரிமாறப்படும் அத்தனை ருசியாக உணவு வகைகளுக்கும் ஒரு புது அழகைத் தரும். உள்ளே நுழைபவர்கள் எவராயினும் நிச்சயம் சாப்பாட்டு அறையின் அழகியலுக்காகவாவது நிச்சயம் எதையாவது உண்ணாமல் வெளியேறவே முடியாது. அது தான் ஒரு நல்ல சாப்பாட்டு அறையின் கச்சிதமான வடிவமைப்புக்கும், அழகுக்கும் பெருமை சேர்க்கக் கூடியது. என்கிறார் கெளரி.

இந்த விழாவில் அவரது ஸ்டார் கணவரான ஷாருக்கான், மகன் ஆர்யன், மகள் சுஹானா, நண்பர்களான அனில் கபூர், சோனம் கபூர். அர்ஜூன் கபூர், சங்கி பாண்டே, டைனோ மொரியா, ஸ்வேதா நந்தா உள்ளிட்டோர் கலந்து கொண்டனர்.

கெளரி சொன்னதில், எந்த உணவை உண்பது என்பதில் வேண்டுமானால் ஒவ்வொருவருக்கும் மாற்றுக் கருத்துகள் இருக்கலாம். ஆனால் ‘உணவு எப்போதுமே அருமையான அனுபவமாக இருக்க வேண்டும்’ என்பதில் யாருக்கும் மாற்றுக் கருத்தே இருக்க முடியாது.

]]>
கெளரி கான், ஷாருக் கான், அர்த் இன்டீரியர், போஜனம், சாப்பாடு, அனுபவம், gowri khan, sharuk khan, dining must be delightful experience, arth interior, sweet home, இனிய இல்லம் http://images.dinamani.com/uploads/user/imagelibrary/2017/6/20/w600X390/dining.jpeg http://www.dinamani.com/lifestyle/sweet-home/2017/jun/20/dining-must-be-delightful-experience-says-gauri-khan-2724331.html
2716774 லைஃப்ஸ்டைல் இனிய இல்லம் பாகுபலி இயக்குனருக்காக உருவாகிக் கொண்டிருக்கும் புது ராஜ்ஜியம்! சரோஜினி Thursday, June 8, 2017 04:06 PM +0530  

பாகுபலிக்காக மகிழ்மதி, குந்தளம் எனும் கற்பனை தேசங்களை உருவாக்கிக் காட்டிய இயக்குனர் எஸ்.எஸ்.ராஜமெளெலி இப்போது தனக்கே தனக்கான ஒரு கற்பனை பிரதேசத்தை கனவு கண்டு கொண்டு இருக்கிறாராம். ஆம் அது ஒரு அழகான பண்ணை வீடு.

தனது அழகான கனவை நிஜமாக்க தெலங்கானா மாநிலத்தின் ‘தோனபந்தா’ கிராமத்தில் ராஜமெளலி 100 ஏக்கர் நிலம் வாங்கி இருக்கிறாராம். அங்கே தன் குடும்பத்துக்கான அழகான பண்ணை வீடு ஒன்றை கட்டிக் கொண்டு நகரத்தின் கசடுகள் படியாத தூரத்திலிருக்கும் அந்த கிராம ராஜாங்கத்துக்கு இடம்பெயரவிருக்கிறார்.

ராஜமெளலியின் சகோதரரும், இசையமைப்பாளருமான கீரவாணியும் அதே கிராமத்தில் பண்ணை வீடு கட்ட நிலம் வாங்கி இருக்கிறார் என்றொரு செய்தியும் உண்டு. அப்படியானால் பாகுபலியின் ராஜாக்களைப் போல, ராஜமெளலியின் குடும்பம் அந்த கிராமத்தை ஆட்சி செய்யப் போகிறதா என்று தெலுங்கானா ரசிகர்கள் ஹாஸ்யக் கதை கட்டிக் கொண்டிருக்கிறார்கள். தனக்காக அருமையான பண்ணை வீடு கட்டி முடிக்கும் வேலையை பிரபல இயக்குனர் ரவீந்தரிடம் ஒப்படைத்திருக்கிறாராம் ராஜமெளலி. பணமிருந்தால் போதுமா? அதைக் கொண்டு ரசனையாகத் திட்டமிட்டு அழகான பண்ணை வீடு கட்ட திறமையான மனமும் இருக்க வேண்டுமே?!

]]>
எஸ்.எஸ்.ராஜமெளலி, பண்ணை வீடு, கனவு இல்லம், தோன பந்தா கிராமம், s.s.rajamouli, donabandha, thelangana, dream farm house, bhagubali, mahishmadhi, magizh madhi http://images.dinamani.com/uploads/user/imagelibrary/2017/6/8/w600X390/rajamouli_dream_house.jpg http://www.dinamani.com/lifestyle/sweet-home/2017/jun/08/rajamouli-and-family-shifting-into-farm-house-in-donabandha-village-near-telangana-2716774.html
2586695 லைஃப்ஸ்டைல் இனிய இல்லம் கார் வீடு! ந.ஜீவா Monday, October 24, 2016 03:27 PM +0530 அமெரிக்காவின் கலிஃபோர்னியா மாகாணத்தில் உள்ளது சாண்டா பார்பரா நகரம். இங்கே வாழ்ந்தவர் டான் லின்ஸ். மனைவி மார்லின். ஒரு வயதுக் குழந்தை. எட்டு ஆண்டுகளுக்கு முன்பு, சாண்டா பார்பராவில் இருந்த அவர்களுடைய வீட்டை விற்றுவிட்டார்கள். ட்ரெய்லர் இணைக்கப்பட்ட ஒரு காரை வாங்குகிறார்கள். அந்த கார்தான் அப்போதிருந்து அவர்கள் வீடு. காரை எங்கே நிறுத்துகிறார்களோ, அதுதான் அவர்களுடைய ஊர்.

எட்டு ஆண்டுகளுக்குப் பிறகு, இப்போது அவர்களுடைய குடும்பம் பெரிதாகிவிட்டது. டான் லின்ஸ், மார்லின் லின்ஸ் தவிர, மூன்று குழந்தைகள். கூடவே ஒரு பூனைக்குட்டி. இந்த ஐவரும் வட அமெரிக்காவின் பல பகுதிகளை இந்த எட்டு ஆண்டுகளாகச் சுற்றிக் கொண்டிருக்கிறார்கள்.

இப்படியே சுற்றிக் கொண்டிருந்தால்... வேலை?

இப்போது அமெரிக்காவில் உள்ள ஒரு வங்கிக்கு சென்னை ஐடி கம்பெனியிலிருந்து வேலை செய்வதில்லையா? அதுபோலதான். லின்ஸ் ஒரு வெப் டிசைனர். மார்லின் ஒரு மருந்துக் கம்பெனி வேலையை ஆன்லைனில் செய்கிறார். வருமானம் வங்கிக் கணக்கில் விழுந்துவிட, போகிற இடங்களில் தேவைப்படும்போது ஏடிஎம்}இல் எடுத்துக் கொள்கிறார்கள்.

25 அடி நீளமுள்ள காரின் பின் இணைப்பாக 200 சதுர அடி உள்ள ட்ரெய்லர். ட்ரெய்லரில் துணிகள், கம்ப்யூட்டர், மெக்ஸிகோவில் வாங்கிய ஒரு கிதார், நாற்காலிகள், ஏணி ஒன்று என மொத்த வீட்டு உபயோகப் பொருட்கள் அடங்கிவிடும்.

பகலில் டைனிங் டேபிளாக பயன்படுத்துவதை இரவில் கட்டிலாக மாற்றி அதில் படுத்துக் கொள்கிறார்கள் டான் லின்ஸியும், மார்லினும். குழந்தைகள் படுக்க ஒரு பரண் படுக்கை. பூனை எங்காவது ஒரு மூலையில் சுருண்டு கொள்ளும்.

காரே வீடு என்றால் மின்சாரத்துக்கு என்ன செய்வது? சூரிய ஒளி பேனலைப் பொருத்தியிருக்கிறார்கள். 300 வாட்ஸ் கரண்ட் அதிலிருந்து கிடைக்கும். கரண்ட் பில் கட்ட, கால்கடுக்க வரிசையில் நிற்கத் தேவையில்லை.

எட்டு ஆண்டுகளாக வரலாற்று முக்கியத்துவம் வாய்ந்த இடங்கள், காடுகள், அறிவியல் காட்சிக் கூடங்கள், பூங்காக்கள் எனச் சுற்றிக் கொண்டேயிருக்கிறார்கள்.

"நாங்கள் இருவருமே வேலைக்குப் போகிறவர்கள். ஒரு வீட்டில் தங்கி வேலைக்குப் போய் வந்து கொண்டிருந்தால், குழந்தைகளுடன் கொஞ்ச நேரம்தானே செலவழிக்க முடியும்? இப்போது பாருங்கள், 24 மணி நேரமும் குழந்தைகளுடனேயே இருக்கிறோம்'' என்கிறார் டான் லின்ஸ் பெருமையுடன்.

குழந்தைகளின் படிப்பு?

படிப்பெல்லாம் காரில்தான்... இல்லையில்லை... கார் வீட்டில்தான். இப்போது எல்லாம் ஆன்லைனில் கிடைக்கிறதே? குழந்தைகளுக்குத் தேவையான எல்லாவற்றையும் ஆன் லைனில் பதிவிறக்கம் செய்து, சொல்லிக் கொடுக்கிறார்கள்.

"பள்ளியில் படிப்பதைவிட குழந்தைகள் மிக நன்றாக, நிறைய கற்றுக் கொள்கிறார்கள். எப்படி என்கிறீர்களா? ஒரு வகுப்பில் இருபது மாணவர்கள் என்று வைத்துக் கொள்ளுங்கள். ஓர் ஆசிரியை ஒரு குழந்தைக்கு ஒரு மணி நேர வகுப்பில் அதிகபட்சம் 3 நிமிடங்கள்தாம் ஒதுக்க முடியும். ஆனால் நாங்கள் குழந்தைகளுக்காக அதிக நேரம் ஒதுக்குகிறோம். அதுமட்டுமல்ல, புத்தகங்களில் படிக்கக் கூடிய பலவற்றை நாங்கள் நேரிலேயே குழந்தைகளுக்குக் காட்டிவிடுகிறோம். உதாரணமாக வரலாற்றுப் புகழ்மிக்க ஓர் இடத்தைப் புத்தகத்தில் படித்துத் தெரிந்து கொள்வதைவிட நேரிலேயே பார்ப்பது அறிவை வளர்க்கும் அல்லவா?'' என்று கேட்கிறார்கள் டான் லின்ஸும், மார்லினும்.

எல்லாருக்கும் ஆண்டுக்கு ஒருமுறையோ, இரண்டு முறையோ தான் விடுமுறை வரும். அப்போதுதான் ஊர் சுற்றிப் பார்க்க கிளம்ப முடியும். ஆனால் இவர்களுக்கோ எப்போதுமே விடுமுறைதான்.

]]>
கார் வீடு, வீடே கார், car house, economic lifestyle, sweet home, http://images.dinamani.com/uploads/user/imagelibrary/2016/10/24/w600X390/car_house.jpg http://www.dinamani.com/lifestyle/sweet-home/2016/oct/24/கார்-வீடு-2586695.html
2558310 லைஃப்ஸ்டைல் இனிய இல்லம் ஃபிரிட்ஜ் பராமரிப்பு! கீதா ஹரிஹரன் Friday, September 2, 2016 02:32 PM +0530 • ஃபிரிட்ஜை காற்றோட்டம் உள்ள அறையில் மட்டுமே வைக்க வேண்டும். ஃபிரிட்ஜின் உள்ளே குறைந்த பொருட்களை வைத்தால் மின்சாரம் குறைவு என்பது தவறான கருத்தாகும்.
• ஃபிரிட்ஜில் உணவுப் பொருட்களை சூட்டோடு வைக்காமல் குளிர்ந்தபின்தான் வைக்க வேண்டும்.
• வாழைப் பழத்தை எக்காரணம் கொண்டும் ஃபிரிட்ஜில் வைக்கக் கூடாது.
• பொரித்த பப்படம், சிப்ஸ், பிஸ்கட் போன்றவை அதிகநாட்கள் மொறுமொறுப்பாக இருக்க வேண்டுமானால் அவற்றை ஒரு பாலிதீன் கவரில் போட்டு ஃபிரிட்ஜில் வைக்க வேண்டும்.
• ஃபிரிட்ஜின் உட்பகுதியை சுத்தம் செய்யும்போது கண்டிப்பாக  சோப்புகளை உபயோகப்படுத்தக் கூடாது. இது உட்சுவர்களை உடைக்கும். மாறாக சோடா உப்பு கலந்த வெந்நீரை உபயோகிக்கலாம்.
• ஃபிரிட்ஜின் பின்பக்கம் உள்ள  கம்பி வலைகள் சுவரை ஒட்டி இருக்கக் கூடாது. அந்த வலையில்  தண்ணீர் படக் கூடாது. ஃபிரிட்ஜின் பின்புறம் படியும் ஒட்டடையை மெதுவாக தென்னந்துடைப்பம் மூலம் அகற்ற வேண்டும்.
• ஃபிரிட்ஜை சமையலறையில் வைக்கக் கூடாது. புகைப்பட்டு ஃபிரிட்ஜின் நிறம் சீக்கிரத்தில் மங்கிவிடும்.
• ஃபிரிட்ஜின் காய்கறி ட்ரேயின் மீது ஒரு கெட்டித் துணி விரித்து பச்சைக் காய்கறிகளைப் பாதுகாத்தால் வெகுநாள் காய்கறிகள் அழுகிப் போகாமல் இருக்கும்.
• ஃபிரிட்ஜுக்கு கண்டிப்பாக நில இணைப்புகள் (Earth) கொடுக்க வேண்டும்.
• ஃபிரிட்ஜிலிருந்து துர்நாற்றம் வீசாமல் இருக்க அதனுள் எப்போதும் சிறிது புதினா இலையோ, அடுப்புக் கரித்துண்டுகளையோ அல்லது சாறு பிழிந்த எலுமிச்சம் பழ தோலையோ போட்டு வைக்கலாம்.
• அதிக ஸ்டார்கள் உள்ள ஃபிரிட்ஜை வாங்கினால் மின்சாரத்தை அதிக அளவு மிச்சப்படுத்தலாம்.

]]>
http://images.dinamani.com/uploads/user/imagelibrary/2016/8/26/w600X390/frige.jpg http://www.dinamani.com/life-style/sweet-home/2016/aug/26/ஃபிரிட்ஜ்-பராமரிப்பு-2558310.html
2556445 லைஃப்ஸ்டைல் இனிய இல்லம் பெற்றோருக்கு பிரபு தேவாவின் அன்புப்பரிசு! கார்த்திகா வாசுதேவன் Monday, August 15, 2016 02:15 PM +0530 பிள்ளைகள் தங்களது அப்பா அம்மாவுக்கு என்னென்ன விதமான பரிசுகள் தரலாம்? இதற்கென்று தனி லிஸ்ட் எல்லாம் இல்லை. வானத்துக்கு கீழே உள்ள எதையும் அதன் மதிப்பு ஒரே ஒரு ரூபாய் தான் என்றாலும் கூட பாசத்திற்குரிய பிள்ளைகள் தந்தால் பெற்றோருக்கு அது மிகப்பெரிய சந்தோசமே! வாய்ப்புக்கு கிடைக்கும் போதெல்லாம் அதைச் சொல்லி சொல்லி மகிழ்வார்கள். எதற்காக இதைச் சொல்கிறேனென்றால் சமீபத்தில் பிரபுதேவா மாஸ்டர் தனது பெற்றோருக்காக மைசூரில் ஒரு அழகான வீட்டைப் பரிசளித்திருக்கிறார். வீடு அழகு தான் அதை விட அழகு அந்தப் பெற்றோரின் முகத்தில் வெளிப்படும் பெருமகிழ்ச்சி!


பிரபுதேவாவின் தந்தை சுந்தரம் மாஸ்டரின் பூர்வீகம் மைசூர். தமிழ் மட்டுமன்றி தெலுகு, கன்னடம், மலையாளம், இந்தி என இந்திய சினிமாக்களில் தனது மகன்கள் வெற்றிகரமாக தலையெடுத்த பின் நடன இயக்கத்தில் இருந்து ஒதுங்க நினைத்த சுந்தரம் மாஸ்டர் தன் மனைவியோடு சொந்த ஊரான மைசூரில் விவசாயம் செய்து கொண்டு அமைதியாக வாழ ஆசைப்பட்டார். அவரது ஆசையை உணர்ந்த பிரபுதேவா அழகான ஒரு வீட்டைக் கட்டி அதில் கோத்ரெஜ் நிறுவனம் மூலம் உள்ளலங்காரங்கள் செய்து தனது பெற்றோருக்கு பரிசளித்துள்ளார்.

மகனின் அன்புப் பரிசான அந்த விசாலமான வீட்டில் சுந்தரம் மாஸ்டர் தம்பதியர் முழு மனநிறைவோடு இருக்கிறார்கள் என்பதற்கு இந்தப் புகைப்படங்களே சாட்சி. வீடு என்றால் அது வெறும் வீடு மட்டுமல்ல. 'வீடெனப்படுவது யாதெனில் அது பிரியம் சமைக்கிற கூடு' என்று கவிஞர் ஒருவர் கூறினார் ; அதற்கேற்ப இந்த வீடு பிரபுதேவாவின் அன்பை உலகறிய வைக்கும்.

புகைப்படத்தில் வீட்டைப் பார்த்தீர்களா? வீடு பிரமாண்டமாக இருப்பது முக்கியமில்லை, அதில் இருக்கப் போகிறவர்களுக்கு மனநிறைவைத் தரும்படியாக சவுகர்யமாக இருக்க வேண்டும் என்பதே முக்கியம். அதற்கேற்ப தென்னிந்திய பாரம்பர்யத்துடன் கட்டப்பட்டுள்ள இந்த வீட்டில் காற்றோட்டத்துக்கும் வெளிச்சத்துக்கும் குறைவே இல்லை, சமையலறை நவீன வசதிகளோடு விசாலமாக இருப்பது சிறப்பு.

வரவேற்பறை மற்றும் படுக்கை அறைகளில் புதிதாகப் போடப்பட்ட அலங்கார மேஜைகள் அன்னப்பறவை வடிவொத்த நாற்காலிகள் முதற்கொண்டு கட்டில்கள் வரை பளபளப்பு குறையாது வசீகரிக்கின்றன. வீட்டைப் பொறுத்தவரை எங்கும் எதிலும் தன் பெற்றோரின் வசதியே முக்கியம் என பிரபுதேவா தீர்மானித்ததால் பிரமாண்டத்தை விட  அவரது அன்பே பிரதானமாய் தெரிந்தது. வீட்டிலிருக்கும் ஒவ்வொரு வினாடியும் உற்சாகமாய் உணர வைப்பதாய் அந்த வீடு பார்ப்போர் கண்களை நிறைக்கிறது.

இந்திய சினிமாவின் பிரபலமான நடன இயக்குனர், தமிழ், தெலுங்கு, இந்தி சினிமாக்களின்  மோஸ்ட் வான்டட் திரைப்பட இயக்குனர், தென்னக மைக்கேல் ஜாக்சன் எனும் பாராட்டுக்கள் எல்லாவற்றையும் சற்றே  தூரத்தில் நிறுத்தி பெற்றோருடன் நேரம் செலவழிக்கும் இந்த அன்பான மகனை எத்தனை பாராட்டினாலும் தகும்!

]]>
http://images.dinamani.com/uploads/user/imagelibrary/2016/8/13/w600X390/alter_11.jpg http://www.dinamani.com/life-style/sweet-home/2016/aug/13/பெற்றோருக்கு-பிரபு-தேவாவின்-அன்புப்பரிசு-2556445.html