Dinamani - செய்திகள் - http://www.dinamani.com/lifestyle/lifestyle-news/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2826484 லைஃப்ஸ்டைல் செய்திகள் காட்டுப்பன்றி இறைச்சி உண்டதால் கோமா ஸ்டேஜுக்குப் போன நியூசிலாந்து இந்தியக் குடும்பம்! RKV DIN Thursday, December 14, 2017 06:00 PM +0530  

நியூஸிலாந்தில்  வசிக்கும் இந்தியக் குடும்பம் ஒன்று சமீபத்தில் காட்டுப்பன்றி ஒன்றை வேட்டையாடியது. வேட்டையாடியதோடு நில்லாமல் அவர்கள் அந்தப் பன்றியை பதப்படுத்தி வெகு ஆசையாக சமைத்தும் உண்டனர். உண்ட சில மணிநேரங்களிலேயே ஒவ்வொருவராக மயக்கநிலைக்குச் சென்றனர். அவர்களை மருத்துவமனையில் சேர்ப்பிக்கும் போது அவர்கள் கோமா ஸ்டேஜுக்குச் சென்று விட்டதாக மருத்துவர்கள் அறிவித்தார்கள். கோமா ஸ்டேஜுக்குச் செல்லத் தக்க அளவில் அவர்களுக்கு அப்படி என்ன பாதிப்பு? என மருத்துவர்கள் திகைக்க அவர்கள் உண்ட காட்டுப்பன்றி இறைச்சியால் தான் அவர்களுக்கு இந்த நிலை என்று பிறகு கண்டறிந்துள்ளனர். காட்டுப்பன்றி இறைச்சியால் பாட்டுலிஸம் எனும் அரிய வகை நோய்த்தாக்குதலுக்கு இவர்கள் உள்ளாகியிருக்கலாம், அதனால் தான் இவர்கள் கோமா ஸ்டேஜுக்குச் சென்றிருக்கக் கூடும் என மருத்துவர்கள் கூறியுள்ளனர்.

பாட்டுலிஸம் பாதிப்பு என்பது கூட ஒருவித சந்தேக அனுமானம் தான். பாதிக்கப்பட்டவர்களுக்கு பாட்டுலிஸத்தால் ஏற்படக்கூடிய விஷத்தன்மையை முறிக்கும் மருந்துகள் அளிக்கப்படுகையில் அது நன்கு வேலை செய்து அவர்களில் இருவரிடம் நல்ல முன்னேற்றம் தெரிந்ததால் மருத்துவர்கள் அந்த முடிவுக்கு வந்துள்ளதாகத் தெரிகிறது. முன்னேற்றம் என்றால் கண்களைத் திறந்து பார்த்திருக்கிறார்களே தவிர மற்றபடி இன்னும் இயல்பு நிலைக்குத் திரும்பியபாடில்லை. இதில் ஆச்சர்யம் என்னவென்றால் குழந்தைகள் அந்த இறைச்சியை உண்ணவில்லை என்பதால் அவர்களுக்கு எந்த பாதிப்பும் இல்லை. 

பாதிக்கப்பட்ட இந்தியரின் பெயர் சிபு கொச்சுமென், அவரது மனைவி சுபி பாபு, மற்றும் அவரது மாமியார் அலிக்குட்டி டேனியல் இவர்கள் மூவருமே காட்டுப்பன்றி இறைச்சியை உண்ட பின் மயக்கமாகி விட கொஞ்சம் சுதாரித்துக் கொண்ட கொச்சுமென் தான் மயக்கத்திலிருக்கும் போதே ஆம்புலன்ஸுக்கும் தகவல் அளித்தாரென்று சொல்லப்படுகிறது.

பாட்டுலிஸம் என்றால் என்ன?

பாக்டீரியம் கிளாஸ்டிரிடியம் பாட்டுலினம் எனும் நச்சுத்தன்மை வாய்ந்த பாக்டீரியாவால் பரவக்கூடிய நோய்த்தன்மை பாட்டுலிஸம் என்று வகைப்படுத்தப் படுகிறது. இந்த வகை பாக்டீரியா அவர்கள் உண்ட காட்டுப்பன்றி இறைச்சியில் இருந்த காரணத்தால் தான் அவர்களுக்கு இந்த நிலை. இந்த பாக்டீரியாத் தொற்று ஏற்பட்டால் முதலில் சோர்வாக உணர்வார்கள், பிறகு கை, கால்களை அசைக்கக் கூட முடியாது, கண்கள் மங்கலாகத் தெரியும். பேச்சு வராது. போன்ற மாறுதல்கள் எல்லாம் ஒவ்வொன்றாக ஏற்படும். சில சீரியஸான கேஸ்களில் கோமா ஸ்டேஜ் வரை சென்று பின்பு உயிருக்கே ஆபத்தாகக் கூட முடிய வாய்ப்பிருக்கக் கூடிய ஒருவித நோய்த்தொற்று இது. பெரும்பாலும் ஸ்டோர் செய்யப்படும் அசைவ உணவு வகைகள், பாட்டிலில் அல்லது ஜார்களில் நெடுநாட்களுக்கு ஸ்டோர் செய்யப்பட்டு தாமதமாகப் பயன்படுத்தும் விதை உணவுப் பொருட்கள் போன்றவற்றில் இந்த பாக்டீரியாக்கள் எளிதில் தொற்றி அதை உண்பவர்களை மேற்கண்ட சங்கடத்தில் ஆழ்த்தும் என மருத்துவர்கள் கூறுகின்றனர்.


 

]]>
THE INDIAN FAMILY GOES COMA AFTER EATING A WILD BOAR, காட்டுப்பன்றி இறைச்சி, நியூசிலாந்து இந்தியக் குடும்பம், பாட்டுலிஸம், bottulism http://images.dinamani.com/uploads/user/imagelibrary/2017/12/14/w600X390/australian_family.jpg http://www.dinamani.com/lifestyle/lifestyle-news/2017/dec/14/in-new-zealand-the-indian-family-goes--coma-after-eating-a-wild-boar-2826484.html
2825075 லைஃப்ஸ்டைல் செய்திகள் கூகுள் பிளே ஸ்டோரில் ஐஏஎஸ், ஐபிஎஸ் தேர்வுகளுக்கான மாதிரி வினா, விடைத்தாள்களுடன் இலவச ஆண்ட்ராய்டு செயலி அறிமுகம்! RKV DIN Tuesday, December 12, 2017 11:07 AM +0530  

முன்னாள் சென்னை மேயர் சைதை எஸ்.துரைசாமியால் நடத்தப்படும் மனிதநேயம் இலவச ஐஏஎஸ் அகாதெமி சார்பில் போட்டித் தேர்வுகளுக்கு உதவும் விதமாக இலவச ஆண்ட்ராய்டு செயலி ஒன்று அறிமுகப்படுத்தப்பட்டுள்ளது. இந்தச் செயலியின் மூலமாக இந்திய குடிமைப் பணிகளுக்குத் தயாராகும் மாணவர்கள் தங்களது வீட்டிலிருந்தபடியே படித்து ஐஏஎஸ், ஐபிஎஸ் உள்ளிட்ட நுழைவுத் தேர்வுகளுக்குத் தயாராகலாம்.

மனிதநேயம் அறக்கட்டளை சார்பாக நடத்தப்படும் இந்த ஐஏஎஸ் பயிற்சி வகுப்புகள் முற்றிலும் இலவசமானவை. இந்த வகுப்புகள் சென்னையில் நடத்தப்படுவதால், சென்னை வந்து பயிற்சி மேற்கொள்ள இயலாத பிற மாணவர்கள் தாங்கள் இருக்கும் இடத்திலிருந்தே குடிமைப் பணிகளுக்கான நுழைவுத் தேர்வுக்கு தயார் செய்ய இந்தச் செயலி உருவாக்கப்பட்டுள்ளது. ‘மனிதநேயம் ஐஏஎஸ் & ஐபிஎஸ் ஃப்ரீ கோச்சிங் சென்ட்டர்’ (Manithaneyam IAS & IPS free coaching centre) என்ற பெயரில் தற்போது அந்தச் செயலியை கூகுள் பிளே ஸ்டோரில் தரவிறக்கம் செய்து கொள்ள முடியும்.

இந்தச் செயலியில் மாக் டெஸ்டு வசதிகள் உண்டு.

இதன் மூலமாக தேர்வுக்குத் தயாராகும் மாணவர்கள் இந்தச் செயலியின் மூலமாக இலவச மாதிரி வினா, விடைத்தாள்களை ஆன்லைனிலேயே பெற்று, சோதனைத் தேர்வுகளை எழுத முடியும். அதோடு தேர்வின் வினாக்களுக்கான விடைகளையும் சரியா/தவறா என உடனடியாகச் சரி பார்த்து தேர்வுகளில் தாங்கள் பெற்றுள்ள மதிப்பெண்களையும் அறிந்து கொள்ள முடியும் விதத்தில் இந்தச் செயலி வடிவமைக்கப்பட்டுள்ளது.

இலவச மாதிரி வினாத்தாள்களும், விடைத்தாள்களும் ரெகுலராக அப்டேட் செய்யப்படுவதோடு வரப்போகும் போட்டித் தேர்வுகள் குறித்த அறிவிப்பையும் இந்தச் செயலியின் மூலமாக மாணவர்கள் உடனுக்குடன் அறிந்து கொள்ள முடியும் என மனிதநேயம் அறக்கட்டளை சார்பில் வெளியிடப்பட்டுள்ள செய்திக் குறிப்பு கூறுகிறது.

போட்டித் தேர்வுக்குத் தயாராகும் கிராமப்புற மாணவ, மாணவர்களுக்கான மிக அரிய வாய்ப்புகளுள் இதுவும் ஒன்று. 

இந்திய குடிமைப் பணித் தேர்வுகளுக்கு தயாராகும் ஆர்வமுள்ள மாணவர்கள் இந்தச் செயலியைப் பயன்படுத்தி தங்களது பயிற்சியை மேலும் வலுப்படுத்திக் கொள்ளலாம்.

]]>
free app for IAS aspirants, ஐஏஎஸ் ஐபிஎஸ் தேர்வுகளுக்கான ஆண்ட்ராய்டு செயலி, மனிதநேயம் அறக்கட்டளை, manithaneyam trust http://images.dinamani.com/uploads/user/imagelibrary/2017/12/12/w600X390/MODEL_QUESTION_APP.jpg http://www.dinamani.com/lifestyle/lifestyle-news/2017/dec/12/free-app-for-ias-aspirants-2825075.html
2783112 லைஃப்ஸ்டைல் செய்திகள் சுவாசிக்கப் பரிசுத்தமான, ஃப்ரெஷ்ஷான காற்றுப்பை... விலை ரூ.150 மட்டுமே! களை கட்டும் ஆன்லைன் விற்பனை! RKV ENS Friday, December 8, 2017 02:28 PM +0530  

கடந்த வருடம், ராக்கி மலைத்தொடர்களில் இருக்கும் சுத்தமான காற்றை 'விட்டாலிட்டி ஏர்' என்ற கனடாவைச் சேர்ந்த நிறுவனமொன்று விற்பனை செய்வதாக அறிவித்திருந்தது. இது ஒரு வருடத்திற்கு முந்தைய செய்தி. ஆனால் திடீரென சீனாவில் காற்று மாசுபாடு அதிகரித்ததையொட்டி, சீனாவைச் சேர்ந்த சகோதரிகள் இருவர், சுத்தமான காற்றை பையில் அடைத்து விற்பனை செய்து வருவதாக அறிவித்துள்ளனர். தங்களது காற்றுப்பை விற்பனையை ஆன்லைன் வழியாகத் தொடங்கி இருக்கிறார்கள் இவர்கள்! ஒரு காற்றுப்பையின் விலை ஜஸ்ட் 150 ரூபாய் தானாம். இதுவரை 100 பைகள் விற்றுத்தீர்ந்துள்ளன என்றால் பார்த்துக் கொள்ளுங்கள் இவர்களின் விற்பனையின் மவுசை! நாட்டில் தொடர்ந்து அதிகரித்து வரும் காற்று மாசுபாட்டிலிருந்து மனிதர்களைக் காக்க, இம்மாதிரியான முன்னெடுப்புகள் அவசியமானவை. சுத்தமான, சுகாதாரமான காற்றுக்கு விலையாக ஜஸ்ட் 150 ரூபாய் என்பது அப்படி ஒன்றும் அதிகமான விலையில்லை! என்ற அறிவிப்புடன் அந்தச் சகோதரிகள் தங்களது காற்றுப்பை விற்பனை மூலமாக பிரமாதமான பண அறுவடை செய்வார்கள் போலத் தெரிகிறது.

அந்தச் சகோதரிகள் இருவரும் மேற்கு சீனாவிலிருக்கும் ஹூங்காய் மாகாணத்தின், ஷினிங் பகுதியைச் சேர்ந்தவர்கள் என்பது தெரிய வந்தது. அவர்கள் முதலில் திபெத்திய பீடபூமியிலிருந்து புத்தம் புதிய, சுத்தமான காற்றை விற்பனை செய்யப்போவதாக ஆன்லைன் மூலமாக அறிவித்திருந்தனர்.  அதுமட்டுமல்ல; அவர்களிடம், சுத்தமான காற்றை வாங்க விரும்பும் வாடிக்கையாளர்களுக்கு சமவெளிக்காற்று அல்லது மலைப்பகுதிகளில் கிடைக்கக் கூடிய பரிசுத்தமான காற்று என வெரைட்டியான காற்றை வாடிக்கையாளர்களின் விருப்பத்துக்கும், தேவைக்கும் ஏற்ப விற்பனை செய்யும் முகாந்திரமும் அவர்களிடம் இருந்திருக்கிறது. உள்ளூர் மொழியில், சுத்தமான காற்றை அவர்கள் எவ்விதமாக மலைத்தொடர்கள், சமவெளிகள் மற்றும் பெரிய பூங்காக்களில் இருண்டு பிரித்தெடுத்துப் பிளாஸ்டிக் பைகளில் சேகரிக்கிறார்கள் என்பதைப் பற்றிய வீடியோ விளக்கப்படம் ஒன்றும் வெளியிடப்பட்டுள்ளதாம். அந்த வீடியோவில், சகோதரிகள் இருவரும் ஷினிங் பூங்காவில் இருந்து காற்றைச் சேகரிக்கும் விதம் விளக்கப்பட்டுள்ளதாம். உள்ளூர் பணத்துக்கு 15 யென்கள் விலை வைத்து விற்கப்படும் இந்தக் காற்றுப்பைகள் இந்திய ரூபாய் மதிப்பில் பை ஒன்றுக்கு 150 ரூபாய் என விலை வைக்கப்பட்டுள்ளது. அவர்கள் குறிப்பிட்டுள்ள விலைக்கே இதுவரை 100 க்கும் மேலான பைகள் விற்பனையாகியுள்ள நிலையில் மேலும் பைகள் ஜரூராக விற்பனை ஆகிக் கொண்டு தான் இருக்கின்றன என்கின்றன ஷாங்காய் ஊடகங்கள்.

அது மட்டுமல்ல; சுத்தமான காற்றுப்பைகளை விற்பனை செய்யும் அந்த்ச் சகோதரிகளின் நோக்கம் இதன் மூலமாக லாபம் சம்பாதிப்பதோ, அல்லது இதன் மூலமாகப் பிரபல்யம் தேடிக் கொள்வதோ கிடையாது. அவர்கள் மக்களிடையே காற்று மாசுபாட்டைப் பற்றிய விழிப்புணர்வை ஏற்படுத்தவே இப்படியொரு விற்பனையைத் துவக்கி இருப்பதாகத் தெரிவித்துள்ளனர்.

காற்றைக்கூட விலைக்கு வாங்கிப் பயன்படுத்தக் கூடிய கலி காலம் இதோ வந்து விட்டதே!

இப்படி காற்றைப் பைகளில் அடைத்து விற்க ஆரம்பித்திருப்பது, இவர்கள் மட்டுமே என்று நினைத்து விடாதீர்கள்! சீனாவில் இவர்களுக்கு முன்பே ஒரு கேன் சுத்தமான காற்றின் விலை 18 யென்கள் என விலை வைத்து விற்பனையாகிக் கொண்டு தான் இருந்திருக்கிறதாம். கூடிய விரைவில், ஆஸ்திரேலியாவிலிருந்து வந்த ஃப்ரெஷ் காற்றுப்பை, ஆஸ்திரேலியாவிலிருந்து கிடைத்த ரிச் ஃப்ரெஷ் ஏர் என விதம், விதமாய் காற்றுப்பைகள் விலைக்கு வந்தாலும் ஆச்சர்யமில்லை.

]]>
air pollution, fresh air bags, online sale, chinese sisters, காற்றுப்பைகள் விற்பனைக்கு, ஆன்லைன் விற்பனை, சீனச் சகோதரிகள், காற்று மாசுபாடு http://images.dinamani.com/uploads/user/imagelibrary/2017/10/2/w600X390/sisters-selling-air_759_miaopai-dot-com.jpg http://www.dinamani.com/lifestyle/lifestyle-news/2017/oct/02/to-breath-fresh-air-buy-airbag-just-rs-150-only-2783112.html
2822676 லைஃப்ஸ்டைல் செய்திகள் கல்லூரிக்குள் நுழைந்த மலைப்பாம்பு: உயிருடன் பிடித்துக் கொடுத்த பாட்டனி புரொஃபஸர்! RKV DIN Friday, December 8, 2017 11:00 AM +0530  

அலகாபாத், சியாமா பிரசாத முகர்ஜி அரசு கல்லூரி வளாகத்தில் நேற்று திடீரென 12 அடி நீள மலைப்பாம்பு ஒன்று நுழைந்து விட்டது. அழையா விருந்தாளியாக உள்ளே வந்து விட்ட திருவாளர் மலைப்பாம்பைக் கண்டு மாணவர்களும், ஆசிரியப் பெருமக்களும், அலுவலக உதவியாளர்களும் மிரட்சியில் தெறித்து ஓட அதே கல்லூரியில் பாட்டனி (தாவரவியல்) துறை பேராசிரியரான NB சிங் சிறிதும் பதற்றமின்றி மலைப்பாம்பை நேக்காகப் பிடித்து பாம்புக்கும், கல்லூரிக்கும் எவ்வித சேதாரங்களும் இன்றி வனத்துறையினரிடம் ஒப்படத்திருக்கிறார்.

பிடிபட்ட மலைப்பாம்பின் எடை 40 கிலோகிராம். கல்லூரிக்குள் மலைப்பாம்பைக் கண்டதும் பயத்தில் அலறிய மாணவர்களில் ஒருவர் புரஃபஸரை அலைபேசி மூலம் தொடர்பு கொண்ட அந்தத் தகவலைப் பகிர்ந்து கொண்ட அடுத்த நொடியில் அவர் துரிதமாக சம்பவ இடத்துக்கு விரைந்து பாம்பு பிடித்த காட்சி தான் இன்று சமூக வலைத்தளங்களில் வைரல் வீடியோவாகச் சிலாகித்துப் பகிரப்பட்டுக் கொண்டு இருக்கிறது. ஏன், என்றால் பாம்பைப் பிடிக்க பிடாரனைத் தேடுவது தான் வழக்கமான விஷயம், ஆனால் இங்கே பிடாரனுக்காக காத்திருக்காமல் கல்லூரி புரஃபஸரே களத்தில் இறங்கி பாம்பு பிடித்தது அதிசயமல்லாமல் வேறென்ன?

அந்த வீடியோவுக்கான லிங்க்...

மலைப்பாம்பைக் கண்டு அஞ்சாமல், தைரியமாகக் களத்தில் இறங்கி பாம்பு பிடித்துக் கொடுத்த புரஃபஸர் NB சிங் இதுவரை டஜன் கணக்கில் இப்படி பாம்பு பிடித்துக் கொடுத்தவராம். அவர் இந்த முயற்சியில் இறங்குவதற்கான முக்கியக் காரணமே, அச்சத்தில் இருக்கும் மனிதர்களிடம் இருந்து பாம்பையும் காப்பாற்ற வேண்டும், அதே சமயம் மிரட்சியில் இருக்கும் மலைப்பாம்பிடம் இருந்து மனிதர்களையும் சேதமின்றி காப்பாற்ற வேண்டும். அதோடு மலைப்பாம்புகள் மட்டுமல்ல எந்த ஒரு விலங்கினமும் நம்மால் தொந்திரவுக்கு உள்ளாக்கப்படும் போது தான் ஆபத்தானவையாக மாறுகின்றனவே தவிர, மற்றபடி அவற்றால் மனிதர்களுக்கு எவ்விதத் தொல்லையும் இல்லை என்பதை மனிதர்களுக்குப் புரிய வைக்க வேண்டும். என்பதே தனது நோக்கம் என்கிறார்.

மலைப்பாம்புகள் இந்தியாவின் நீளமான பாம்பு வகைகளில் ஒன்று. பொதுவாக இவற்றில் விஷமிருப்பதில்லை. ஆனால், இரையை பிடித்து வாலால் இறுக்கிச் சுழற்றி, நசுக்கி இரையைக் கொன்று விழுங்கக் கூடியது மலைப்பாம்பு. இவ்வகைப் பாம்புகள் ஆப்ரிக்கா, ஆசியா மற்றும் ஆஸ்திரேலியக் காடுகளில் அதிகம் காணப்படுகின்றன.

]]>
பாட்டனி புரஃபஸர், மலைப்பாம்பு, அலகாபாத் கல்லூரி, 12 feet phython, alahabad college, botony professor http://images.dinamani.com/uploads/user/imagelibrary/2017/12/8/w600X390/000000phytan_rescue.jpg http://www.dinamani.com/lifestyle/lifestyle-news/2017/dec/08/12-foot-python-scares-allahabad-college-professor-to-the-rescue-2822676.html
2819681 லைஃப்ஸ்டைல் செய்திகள் 'மன்னிப்பு' தமிழில் உங்களுக்கு மிகவும் பிடித்த வார்த்தையா? 12 ராசிகளின் சுவாரஸ்யமான குணங்கள்! DIN DIN Sunday, December 3, 2017 03:32 PM +0530
27 நட்சத்திரங்களும் 4 பாதங்களைக் கொண்டுள்ளது. ஆக மொத்தம் 108 நற்பண்புகள் உள்ளன. அவை 12 வகைகளாக பிரிக்கப்படுகிறது. அதுவே 12 ராசி மண்டலமாகும். அவை : மேஷம், ரிஷபம், மிதுனம், கடகம், சிம்மம், கன்னி, துலாம், விருச்சிகம், தனுசு, மகரம், கும்பம், மீனம் ஆகியவை.

ஒவ்வொரு ராசி மண்டலமும் தனித்துவம் வாய்ந்தவை. அதன் சிறப்பம்சங்களை பட்டியலாக கீழே கொடுக்கப்பட்டுள்ளது.

மேஷம் :

1. வைராக்கியம்  
2. தேசநலன்  
3. நிறைவேற்றுதல்  
4. துணிச்சல்  
5. கீழ்படிதல்  
6. வெளிப்படைத்தன்மை  
7. ஒழுங்குமுறை 
8. ஏற்றுக்கொள்ளுதல் 
9. ஆன்மிகம்  

மேஷராசி மண்டலமானது ஜீரண மண்டலத்தின் ஆதாரமாகும்

ரிஷபம் :

1. கருணை 
2. இரக்கம் 
3. காரணம் அறிதல்  
4. அக்கறை   
5. பெருந்தன்மை  
6. பண்புடைமை  
7. அஹிம்சை  
8. நல்ல துணையாக இருத்தல்  
9. சகிப்புத்தன்மை 

ரிஷபராசி மண்டலமானது சிறுநீரக மண்டலத்தின் ஆதாரமாகும்

மிதுனம் :

1. ஆர்வம் 
2. வளைந்து கொடுத்தல்  
3. நகைச்சுவை 
4. படைப்பிக்கும் கலை  
5. வழிமுறை 
6. எழுத்து கற்க பிரியம் 
7. காரணம்  
8. தந்திரமாக  
9. புரிந்து கொள்ளுதல்  

மிதுனராசி மண்டலமானது நரம்பு மண்டலத்தின் ஆதாரமாகும்.

கடகம் :

1. பிறர் நலம் பேணுதல் 
2. நன்மை செய்ய விரும்புதல் 
3. அறம்  
4. உதவுகின்ற மனப்பான்மை
5. தயாராக இருப்பது  
6. ஞாபகம் வைத்தல்  
7. தொண்டு செய்தல்  
8. இனிமையான சுபாவம் 
9. மன்னித்தல்  

கடகராசி மண்டலமானது ஐம்புலன் மண்டலத்தின் ஆதாரமாகும்.

சிம்மம் :

1. வாக்குறுதி  
2. ஒத்துழைப்பு  
3. சுதந்திரம்   
4. ஒருங்கிணைத்தல் 
5. பொறுப்பு  
6. ஒற்றுமை 
7. தயாள குணம் 
8. இனிமை 
9. பகிர்ந்து கொள்ளுதல் 

சிம்மராசி மண்டலமானது தசை மண்டலத்தின் ஆதாரமாகும்.

கன்னி :

1. சுத்தமாயிருத்தல்  
2. அருள் 
3. தனித்திருத்தல்  
4. சுதந்திரமான நிலை  
5. தனிநபர் உரிமை  
6. தூய்மை  
7. உண்மையாக  
8. ஸ்திரத்தன்மை  
9. நல்ஒழுக்கம்  

கன்னிராசி மண்டலமானது தோல் மண்டலத்தின் ஆதாரமாகும்.

துலாம் :

1. சமநிலை காத்தல் 
2. பாரபட்சமின்மை  
3. மனஉணர்வு  
4. உள்ளத்தின் சமநிலை 
5. நியாயம் 
6. நடுநிலையாக  
7. நீதி  
8. நன்னெறி  
9. நேர்மை 

துலாராசி மண்டலமானது சுவாச மண்டலத்தின் ஆதாரமாகும்.

விருச்சிகம் :

1. கவனமாக இருத்தல்
2. விழிப்புணர்வுடன் இருத்தல்  
3. எச்சரிக்கையாக இருத்தல்  
4. சீரிய யோசனை  
5. பகுத்தரிதல்  
6. உள் உணர்வு  
7. சிந்தனைமிகுந்த  
8. கண்காணிப்பு  
9. அறிவுநுட்பம்  

விருச்சகராசி மண்டலமானது நிணநீர் மண்டலத்தின் ஆதாரமாகும்.{pagination-pagination}

தனுசு :

1. லட்சியம்  
2. திடமான நோக்கம் 
3. உழைப்பை நேசிப்பது  
4. நம்பிக்கையுடன் இருப்பது 
5. விடாமுயற்சி  
6. சாத்தியமாகின்ற  
7. நம்பிக்கைக்கு பாத்திரமாவது
8. உறுதி  
9. ஊக்கத்துடன் முயற்சி  

தனுசு ராசி மண்டலமானது எலும்பு மண்டலத்தின் ஆதாரமாகும்.

மகரம்:

1. கண்ணியம் 
2. சாந்த குணம்  
3. அடக்கம்  
4. அமைதி  
5. சாதுவான  
6. மீளும் தன்மை 
8. பொறுமை  
9. செழுமை 

மகரராசி மண்டலமானது நாளமுள்ள சுரப்பி மண்டலத்தின் ஆதாரமாகும்.

கும்பம் :

1. சுய மரியாதை
2. பிறருக்கான மரியாதை   
3. திருப்தி
4. மதிப்பு  
5. கட்டுப்படுத்துதல் 
6. பொது கட்டுப்பாடு  
7. புலனடக்கம்  
8. தற்சார்பு  
9. தனித்துவம்

கும்பராசி மண்டலமானது நாளமிள்ளா சுரப்பி மண்டலத்தின் ஆதாரமாகும்.

மீனம் :

1. உருவாக்கும் கலை  
2. சார்ந்திருத்தல்  
3. முன்னறிவு  
4. நற்குணம்  
5. சந்தோஷம்  
6. ஞானம்  
7. நேர்மறை சிந்தனை 
8. முன்யோசனை  
9. விருந்தோம்பல்  

மீனராசி மண்டலமானது ரத்த ஒட்ட மண்டலத்தின் ஆதாரமாகும்.

]]>
12 Rasi, Rasi Palan, ராசி பலன்கள், 12 ராசிகள், கடகம், மீனம், துலாம் http://images.dinamani.com/uploads/user/imagelibrary/2017/12/3/w600X390/rasi_signs.jpg http://www.dinamani.com/lifestyle/lifestyle-news/2017/dec/03/12-rasi-and-their-characteristics-2819681.html
2818533 லைஃப்ஸ்டைல் செய்திகள் பாலிவுட் ஹீரோயின் ஆகும் விருப்பமில்லை, சிறந்த டாக்டராகவே விரும்புகிறேன்: மானுஷி சில்லார்! RKV DIN Friday, December 1, 2017 01:10 PM +0530  

இந்த ஆண்டு உலக அழகிப் போட்டிக்கான விழா நிகழ்வில் ஒரு இந்திப் பாடலுக்கு நடனமாடிய மானுஷி சில்லாரின் தேர்ந்த நடனத்தைக் கண்டவர்கள் அவரை ஒரு பாலிவுட் நடிகை என்றே நினைத்துக் கொண்டார்களாம். ஆனால் மானுஷி ஒரு மருத்துவ மாணவி என்பது தான் இன்று இந்தியா முழுக்கத் தெரியுமே! ஆனால் இந்தியாவைப் பொறுத்தவரை ஒரு நல்ல ராசி உண்டு, அது என்னவென்றால் உலக அழகிப்போட்டி( Miss World), அண்ட அழகிப் போட்டிகளில்( Miss Universe)  எல்லாம் ஜெயித்தவர்கள் உடனே அடுத்தாகச் சென்று செட்டிலாக விரும்பும் இடம் பாலிவுட் அல்லது ஹோலிவுட்டாகத்தான் இருக்கும். இந்த விஷயத்தில் முன்னோடிகளாக முன்னாள் உலக அழகிகள், அண்ட அழகிகள் என ஐஸ்வர்யா ராய் முதல் லாரா தத்தா, சுஷ்மிதா சென், ப்ரியங்கா சோப்ரா எனப் பலர் உதாரணங்களாக இருக்கையில் மானுஷியின் ஆசையும் அதுவாகவே இருக்கலாம் எனப் பலர் நினைக்கலாம். ஆனால், அவர்களது எண்ணத்தைப் பொய்யாக்கி இருக்கிறார் மானுஷி. 

தற்போது ஹரியானாவில் வசிக்கும் மானுஷி சில்லார். சோனேபேட்டில் இருக்கும் பகத் போல்சிங் அரசு மருத்துவக் கல்லூரியில் மருத்துவம் படித்து வருகிறார். இறுதி ஆண்டு மருத்துவ மாணவியான மானுஷ் சில்லாருக்கு எதிர்காலத்தில் தானொரு சிறந்த இதய நோய் அறுவை சிகிச்சை நிபுணராகவும், பெண்களுக்கான மாதவிடாய் பாதுகாப்பு முறைகள் குறித்த விழிப்புணர்வு ஏற்படுத்த அது குறித்த சிறப்புப் பாடங்களிலும் பட்டங்கள் பெற்று மருத்துவச் சேவை செய்வதில் தான் விருப்பம் இருக்கிறதாம்.

அடிப்படையில் மிகச்சிறந்த கவிஞராகவும், ஓவியராகவும், குச்சிப்புடி நடனக் கலைஞராகவும் திகழும் மானுஷி சில்லார் தனது முன்னுரிமை மருத்துவப் படிப்புக்கும், பணிக்கும் தான். சினிமாவுக்கு அல்ல என்று அறிவித்திருப்பது அவரது புத்திசாலித்தனத்தை மட்டுமல்ல சேவை மனப்பான்மையையும் வெளிக்காட்டுவதாகவே உள்ளது.

]]>
manushi chhillar, cardiac surgeon, miss world 2017, மானுஷி சில்லார், உலக அழகி 2017, மருத்துவ மாணவி http://images.dinamani.com/uploads/user/imagelibrary/2017/12/1/w600X390/00000_manushi-chhillar-.jpg http://www.dinamani.com/lifestyle/lifestyle-news/2017/dec/01/really-not-given-bollywood-a-thought-manushi-chhillar-2818533.html
2817923 லைஃப்ஸ்டைல் செய்திகள் மழையில் சாலைகள் அனைத்தும் சல்லடைக் கண்கள், விரும்பி விபத்தைத் தேடிக் கொள்ளாதீர்கள்! கார்த்திகா வாசுதேவன் DIN Thursday, November 30, 2017 11:56 AM +0530  

சென்னை என்று இல்லை தமிழகத்தைப் பொறுத்தவரை எல்லா பெரு நகரங்களிலும் சாலைகள் சதா செப்பனிடப்பட்டுக் கொண்டும், புதிய சாலைகள் போடப்பட்டுக் கொண்டும் தான் இருக்கின்றன. ஆயினும் அந்தச் சாலைகள் அனைத்துமே ஒரே வருடத்தில் பல்லிளிக்கத் தொடங்கி விடுகின்றன. ஒரு பெரு மழையைத் தாங்காத இந்தச் சாலைகளை நம்பித்தான் லட்சோப லட்சம் மக்கள் தினமும் சாலைகளைப் பயன்படுத்தி வருகிறோம். இப்படிப்பட்ட லட்சணமான அதிரூப செளந்தர்யமிக்க சாலை வசதிகளைக் கட்டமைப்பதற்கும் சேர்த்துத் தான் வரி என்ற பெயரில் பொது மக்களிடம் பணம் வசூலிக்கிறது அரசு. ஆனால் ஒருமுறை கூடத் தரமான சாலைகளை அனுபவிக்கும் ஆனந்தத்தைப் பெற நம் மக்களுக்குக் கொடுப்பினை இல்லை. தரமற்ற சாலைகளால் சாதாரண காலங்களிலேயே விபத்துக்கள் நேர்வது அதிகம் எனும் போது, இந்த மழைக்காலங்களைப் பற்றிச் சொல்லவே தேவையில்லை. தினமும் நகரின் ஏதோ ஒரு மூலையில் சிறிதாகவோ, பெரிதாகவோ ஏதேனும் சில விபத்துக்கள் நடந்த வண்ணமே உள்ளன. விபத்து சிறிதோ, பெரிதோ ஆனால் அதனால் உண்டாகும் இழப்பு மட்டும் ஒரே விதமான துக்கத்தையே அளிக்க வல்லது. விபத்து நடந்து முடிந்த பின் நாம் எல்லோருக்குமே வரக்கூடிய பொதுவான ஒரு எண்ணம் இது நமக்கு வராமல் இருந்திருக்கலாமே! என்பது. ஆனால் , விபத்து நடந்து முடியும் தருணம் வரையிலும் அதைத் தடுப்பதற்கான அத்தனை முனைப்புகலும் நம்மிடமே இருந்திருக்கக் கூடும் என்பதைப் பல சமயங்களில் நாம் வசதியாக மறந்து விடுகிறோம் என்பது தான் இதில் வேடிக்கையான விஷயம்.

இன்றைய தேதிக்குச் சென்னையைப் பொறுத்தவரை பிரதான சாலைகள் முதல் கிளைச்சாலைகள் வரை எல்லாச் சாலைகளுமே பழுதாகித் தான் கிடக்கின்றன. அவற்றைச் செப்பனிட்டும் புண்ணியமில்லை. மீண்டும் ஒரே வார கெடுவுக்குள் வேறு ஏதேனும் காரணத்தை முன்னிட்டு சாலையோரங்களையோ அல்லது நடுச்சாலைகளை மறித்து பாதையை மாற்றி விட்டோ தோண்டத் துவங்கி விடுகிறார்கள். முன்பெல்லாம் சென்னை என்றாலே மெரினா பீச், கோல்டன் பீச், அண்ணா நினைவிடம், எம்ஜிஆர் நினைவிடம், உயிர் காலேஜ், செத்த காலேஜ், இவற்றோடு சேர்த்து வடபழனி முருகன் கோயில், மயிலை கபாலீஸ்வரர் கோயில், திருவல்லிக்கேணி, பார்த்தசாரதி கோயில், இப்படிச் சில இடங்கள் மட்டுமே சட்டென நினைவுக்கு வரும். ஆனால், இப்போது பட்டென நினைவுக்கு வருபவை சென்னையில் நீக்கமற நிறைந்திருக்கும் சாலைப் பள்ளங்களும், அங்கிங்கெனாத படி எங்கும், எப்போதும் திணறடிக்கத் தயாரான நிலையில் இருக்கும் போக்குவரத்து நெரிசல்களும் மட்டுமே நினைவுக்கு வருகின்றன. சென்னைக்கு புதிதாக வருபவர்களுக்கு இங்கிருப்பவர்கள் இதையெல்லாம் முன் கூட்டியே சொல்லி எச்சரித்து நகருக்குள் நுழையச் செய்யலாம். அந்த அளவுக்கு திடீரெனக் குறுக்கிடும் சாலைப் பள்ளங்களும், சிக்னலுக்கு சிக்னல் தேவுடு காக்க வைக்கும் போக்குவரத்து நெரிசல்களும் சென்னை மக்களின் அசாத்தியப் பொறுமையை நாளொரு மேனியும், பொழுதொரு வண்ணமுமாகச் சோதித்து வருகின்றன. 

சென்னை கிட்டத்தட்ட மும்பையாக மாறிக் கொண்டிருப்பதன் அறிகுறியாக இதைக் கருதலாமோ!

அதனால் சென்னைவாசிகள் நன்றாக மனதில் பதிய வைத்துக் கொள்ள வேண்டிய ஒரு விஷயம் என்னவென்றால், நமது ஊர் சிங்கப்பூர் அல்ல! இங்கு சாலைகள் அத்தனையும் சல்லடைக் கண்கள். எப்போது வேண்டுமானாலும் உள்ளே விழுந்து காணமல் போகும் வாய்ப்பு யாருக்கு வேண்டுமானாலும் வரலாம், ஆதலால் வாகன ஓட்டிகள் மழைக்கால போக்குவரத்தில் மிகுந்த நிதானத்தையும், பொறுமையையும் கடை பிடித்தால் உத்தமம். இல்லையேல் நாமே விரும்பி விபத்துக்களைத் தேடிக் கொண்டவர்கள் ஆவோம்!

இந்த மழைக்காலத்தில் விட்டு விட்டு மழை தொடர்ந்து கொண்டே இருப்பதால், பெரும்பாலான சாலைகள் அரித்துக் கொண்டு கரைந்த வண்ணம் இருக்கின்றன. பழகிய சாலை தானே, மதிய நேரங்களில் சாலைகள் வாகன நெரிசல்கள் ஏகாந்தமாக இருக்கின்றன என்றெண்ணி உங்கள் வாகனங்களின் ஆக்ஸிலேட்டர்களை முடுக்கி விட்டு ஜிவ்வெனப் பறக்கிறோம் என்ற பெயரில் எங்காவது சாலைக்குழிகளுக்குள் ஏடாகூடமாக விழுந்து வைக்காதீர்கள். விபத்துக்கள் அது சிறிதோ, பெரிதோ எந்த ரூபத்தில் வந்தாலும் பாதிப்பு ஒன்றே!

முதலாவது விபத்தால் நேரும் காயம் மற்றும் அதன் வலி;
இரண்டாவது வேலை கெடுதல். திட்டமிட்ட வேலைகள் அனைத்தையுமே விபத்துகள் நாசமாக்கி விடும்.
மூன்றாவது திடீர் பொருளாதார விரயம். மருத்துவருக்கு அழுவதோடு மட்டுமின்றி வாகனங்களில் ஏற்படும் சிதைவுகளுக்கும் சேர்த்து தண்டம் அழ வேண்டும். இன்ஸூரன்ஸ் செய்திருந்தால் கூட அதற்காக வேண்டி விரும்பி விபத்துக்களை தேர்ந்தெடுக்க வேண்டிய அவசியமில்லை தானே!

ஆதலால் மழைக்காலங்களில் வாகன ஓட்டிகள் கவனமாகப் பயணிக்க வேண்டும் என்ற விஷயத்தை ஒரு முறைக்கு இரு முறை மனதில் பதிய வைத்துக் கொண்டு அவரவர் வாகனங்களை இயக்கத் தொடங்குங்கள்.

]]>
damaged roads, chennai rain, சாலைப்பள்ளங்கள், சென்னை மழை, சேதமான சாலைகள், சாலை எச்சரிக்கை, ரொஅட் அலெர்ட், road alert http://images.dinamani.com/uploads/user/imagelibrary/2017/11/30/w600X390/0000damaged_roads.jpg http://www.dinamani.com/lifestyle/lifestyle-news/2017/nov/30/road-alert-for-chennai-2-wheeler-4-wheeler-riders-2817923.html
2817342 லைஃப்ஸ்டைல் செய்திகள் மக்களே உஷார்! கொலை, கொள்ளைக்கான புதுப்புது உத்திகளுடன் நடு நிசியில் காத்திருக்கும் திருடர்கள்! RKV DIN Wednesday, November 29, 2017 05:59 PM +0530  

நடு நிசியில் நீங்கள் அயர்ந்து உறங்கிக் கொண்டிருக்கையில், திடீரென உங்கள் வீட்டு வாட்டர் டேன்க் நிரம்பி தண்ணீர் லீக் ஆகிக் கொண்டிருப்பது போல் ஒரு சத்தம் மெலிதாகக் கேட்கத் தொடங்கினால் நீங்கள் என்ன செய்வீர்கள். முதலில் மின் மோட்டாரின் ஸ்விட்ச் வீட்டினுள்ளே இருந்தால், அது ஆஃப் செய்யப்பட்டுள்ளதா? என்று சோதிப்பீர்கள். அது ஆஃப் செய்யப்பட்டிருந்த போதும் மீண்டும் தொடர்ந்து தண்ணீர் லீக் ஆகும் சத்தம் வந்து கொண்டே இருந்தால் அது என்னவென்று தெரிந்து கொள்ளும் எண்ணம் நம் தூக்கத்தை நிச்சயம் கெடுக்கும். துணிச்சலானவர்கள் எனில் உடனே கதவையோ, ஜன்னலையோ திறந்து வெளியில் எட்டிப் பார்த்து உறுதி செய்து கொள்ளவும் தயங்க மாட்டோம். தண்ணீர் லீக் ஆவதற்கே மக்களின் ரியாக்‌ஷன் இதுவென்றால் ஒரு வேளை நடு நிசியில் வீட்டுக்கு வெளியே குழந்தை அழும் சத்தம் கேட்டால் நாம் என்ன செய்வோம். மனிதாபிமானிகள் எனில் அதிலும் கிராமத்திலிருந்து சமீபத்தில் தான் சென்னை வாழ்க்கைக்கு சிஃப்ட் ஆனவர்கள் எனில் உடனே உதவும் மூடுக்கு வந்து வெளியில் எட்டிப் பார்க்கத்தான் செய்வார்கள். அப்படிப்பட்டவர்கள் தான் இவர்களது டார்கெட்டாம். அப்படி வெளியில் வருபவர்களை மனிதத் தன்மையே இன்றி தாக்கி வீட்டுக்குள் நுழைந்து கொலை, கொள்ளை முதல் சகலவிதமான அராஜகங்களிலும் ஈடுபட சில திருட்டுக் கும்பல்கள் கிளம்பியுள்ளனவாம். அதற்கான ஆதாரங்கள் தான் இந்தப் புகைப்படங்கள். திருட்டுக் கும்பல்கள், திருடுவதற்காகத் தேர்ந்தெடுத்த வீடுகளின் முன்னால் காத்திருக்கும் காட்சி தான் இது. முகநூலில் நண்பர் ஒருவர் இந்தப் புகைப்படங்களைப் பகிர்ந்திருந்தார். இப்படியும் திருடர்கள் கிரியேட்டிவ்வாகச் சிந்திக்கத் தொடங்கி இருக்கிறார்கள். ஆதலால் பொது மக்கள் உஷாராக இருந்து கொள்ள வேண்டியது அவசியமாகிறது.

அதற்காக இரவில் தண்ணீர் டேங்க் ஓவர் ஃப்ளோ ஆகி தண்ணீர் வீணடிக்கப்பட்டாலும் பரவாயில்லை என்றோ, அல்லது நடு இரவில் தெருவில் குழந்தை அழும் சத்தம் கேட்டால் அதை அலட்சியப்படுத்த வேண்டும் என்றோ அர்த்தமில்லை. சமூகப் பொறுப்புணர்வுடனும், மனிதாபிமானத்தன்மையுடனும் இருப்பது முக்கியம் தான் ஆனால் அதே அளவுக்கு ஏமாளிகளாக ஆகி விடக் கூடாது, வினையை விலை கொடுத்து வாங்கியவர்களாக ஆகி விடக் கூடாது என்பதும் மிக முக்கியமானதே! ஆதலால் சக உயிர்களுக்கு உதவியே செய்வதாக இருந்தாலும் யோசித்து நிதானமாக பாதுகாப்பை உறுதி செய்து கொண்டு உதவிக் கரம் நீட்ட வேண்டியது அவசியமாகிறது.

]]>
alert, மக்களே உஷார், திருடர்கள் எச்சரிக்கை, http://images.dinamani.com/uploads/user/imagelibrary/2017/11/29/w600X390/0000_4.jpg http://www.dinamani.com/lifestyle/lifestyle-news/2017/nov/29/alert-2817342.html
2817326 லைஃப்ஸ்டைல் செய்திகள் உலகில் அதிக மக்கள் பேசக்கூடிய மொழியைக் கற்க ஆசையா? RKV DIN Wednesday, November 29, 2017 04:36 PM +0530  

உலகில் அதிக மக்களால் பேசப்படக் கூடிய மொழி எது? 

பெரும்பாலானோர் ஆங்கிலம் என்று பதில் சொல்வீர்களானால்.. அது தவறு.

உலகில் அதிகம் மக்களால் பேசப்படக்கூடிய மொழி என்ற பெருமை சீனாவின் மாண்டரீன் மொழிக்கே உரியது. சீனாவின் கலாச்சாரம், சீன மக்களின் வாழ்க்கைமுறை, அவர்களது பழக்க வழக்கங்கள் பழம்பெருமை வாய்ந்த சீனப் பண்பாடு இத்தனையையும் அறிந்து கொள்ள விரும்புபவர்கள் மாண்டரின் மொழியைக் கற்றுக் கொண்டால் மட்டுமே அதனை எளிதாகக் கைக்கொள்ள முடியும். உலகிலேயே கற்பதற்குக் கடினமான மொழி என்றால் அது சீனமொழியே என்போரும் உண்டு. ஏனெனில் சீன மொழியில் எழுத்துருவங்கள் ஒவ்வொன்றும் படம் வரைவதைப் போல சித்திர வடிவமாகவே இருக்கும். அவற்றை படித்து மனதில் இருத்துவது கடினம் என்று நினைப்போரும் உண்டு. ஆனால், இந்த எண்ணத்தைப் பொய்யாக்கும் வகையில் இந்தியாவிலேயே முதன்முறையாக சீனமொழியான மாண்டரினைக் கற்றுத் தர கொல்கத்தாவைச் சேர்ந்த தனியார் நிறுவனம் ஒன்று முடிவெடுத்துள்ளது.

அதன்படி மாண்டரின் கற்றுத்தர இந்தியாவின் முதல் கன்ஃபூசியஸ் பள்ளியொன்று கொல்கத்தாவில் நிறுவப்பட்டுள்ளது.  சீனாவுக்கான இந்தியத் தூதரான ஜெனரல் மா ஷான்வூ இந்த நிறுவனத்தைத் தொடங்கி வைத்தார். சீனாவில் இயங்கும் யுன்னான் நார்மல் பல்கலைக்கழகமும், கொல்கத்தாவைச் சேர்ந்த தனியார் நிறுவனம் ஒன்றும் இணைந்து இந்த முயற்சியில் இறங்கியுள்ளது. இந்த நிறுவனத்தின் மூலமாகக் கற்பவர்களுக்கு மொழிப்பாடம் மட்டுமன்றி சீன நடனம் மற்றும் மார்சியல் ஆர்ட்ஸ் என்று சொல்லப்படக் கூடிய தற்காப்புக் கலை உள்ளிட்டவையும் கற்றுத்தரப்படவிருக்கிறதாம். 

உலக மக்கள் தொகையில் முதலிரண்டு இடத்தைப் பெற்று கடல் போலப் பல்கிப் பெருகிக் கொண்டிருக்கும் இந்திய மற்றும் சீன மக்களிடையே நட்புறவை வளர்க்க இது ஒரு சிறிய முயற்சியே, இந்தியா, சீனா இடையே நட்பை வளர்க்க இந்தச் சிறு முயற்சி உதவலாம் என இந்தியாவுக்கான சீனத்தூதர் மா ஷான்வூ தெரிவித்தார்.

கன்ஃபூஷியஸ் என்பது ஒரு வாழ்க்கை முறைத் தத்துவம். அந்த தத்துவத்தின் அடிப்படையில் அமைந்த இப்பள்ளிகளில் கலாச்சாரம், இலக்கியம், புவியியல் உள்ளிட்ட பாடங்களுடன் இந்தோ, சீன கூட்டுக் கலாச்சாரத்தை வளர்த்தெடுக்க உதவும் விதமாக கலை சார்ந்த விஷயங்களும் கற்றுத்தரப்பட உள்ளதாக இந்தியாவுக்கான சீனத்தூதர் தெரிவித்தார்.

]]>
language, மொழி, கலாச்சரம், culture, http://images.dinamani.com/uploads/user/imagelibrary/2017/11/29/w600X390/00000_language.gif http://www.dinamani.com/lifestyle/lifestyle-news/2017/nov/29/do-you-want-to-learn-a-language-which-is-spoken-by-large-number-of-people-in-the-world-2817326.html
2807047 லைஃப்ஸ்டைல் செய்திகள் உயிர்வேலிகளை உருக்குலைத்து கம்பிவேலிகளை உருவாக்கி பயிர்களுக்கு உலை வைத்தவர்கள் அறிவார்களா இதை?! கொங்குநாடு DIN Monday, November 13, 2017 12:35 PM +0530  

நண்பர் ஒரு முகநூலில் பகிர்ந்து கொண்டிருந்த செய்தி, தற்கால விவசாயப் பிரச்னைகளுடனும், மக்களது வாழ்வியலுடனும் நெருங்கிய தொடர்புடையதாக இருந்ததால் தினமணி வாசகர்களும் அறிந்து கொள்ளுங்கள்.

கோவையில் நடந்த விவசாய விழிப்புணர்வு கூட்டத்தில். ஒரு பெண்மணி கேட்டார்.

மயில்கள் பெருகி பயிரை அழித்து வருகின்றனவே? வனத்துறை என்ன நடவடிக்கை எடுத்து வருகிறது? என்று?

முன்னொரு காலத்தில், அதிகமில்லை சுமார் முப்பது வருடங்கள் முன்பு, கிராமங்கள் இட்டேரிகளால் இணைக்கப்பட்டு இருந்தன. இட்டேரி என்பது கொங்கு நாட்டுச் சொல். இருபுறமும் அடர்ந்த வேலி. நடுவில் ஒற்றையடிப் பாதை அல்லது மாட்டுவண்டித் தடம். இதுவே இட்டேரி என்று இங்கே அழைக்கப்படும். மற்ற ஊர்களில் என்ன பெயர் என்று தெரியவில்லை. இந்த இட்டேரி என்பது "ஒரு தனி உலகம்." இதை நான் "Itteri eco-system" என்று அழைப்பேன். கள்ளி வகைகள், முள்ளுச்செடிகளுக்கு இடையே, வேம்பு, மஞ்சக் கடம்பு, நுணா, புரசு போன்ற மரங்கள், நொச்சி, ஆடாதொடை, ஆவாரம் போன்ற செடிவகைகள், பிரண்டை, கோவை போன்ற கொடிவகைகள், மற்றும் பெயர் தெரியாத எண்ணற்ற புற்பூண்டுகள் நிறைந்திருக்கும். இவை உயிர்வேலியாய் விவசாய நிலங்களை காத்து வந்தன. இங்கு எண்ணற்ற உயிர்கள் வாழ்ந்து வந்தன. கறையான் புற்றுகள் , எலி வங்குகள் நிறைய காணப்படும். நிழலும் ஈரமும், இலைக்குப்பைகளும் எப்போதும் காணப்படுவதால் எண்ணற்ற பூச்சியினங்கள் காணப்படும். இவற்றை உணவாக கொள்ள வண்டுகள், நண்டுகள், பாப்பிராண்டிகள், உடும்புகள், ஓணான்கள், கோழிகள், குருவிகள், அலுங்குகள், ஆமைகள், இப்படிப் பல உயிர்களும் இவற்றை உணவாக கொள்ள பாம்புகள் , பருந்துகள், நரிகள் போன்றவையும் இருந்தன.

மனிதர்களுக்கு கோவப்பழம், கள்ளிப்பழம், சூரிப்பழம், பிரண்டைப்பழம், போன்ற சுவையான கனிவகைகளும், கோவைக்காய், களாக்காய், பிரண்டை கொழுந்து, சீகைக்கொழுந்து என்று சமையலுக்கு உதவும் பொருட்களும், மூலிகைகளும் கிடைத்தன. இங்கே பலருக்கும் பள்ளிப் பருவத்தில் விடுமுறை நாட்களில் 

‘ஓணானைக் கண்டால் ஓட ஓட விரட்டு
பாப்பிராண்டி கண்டால் பாவம்ன்னு விடு’

- என்று ஓணான் வேட்டைக்குப் போன அனுபவம் கண்டிப்பாக இருக்கக் கூடும்.

இந்த வேலியில் வாழ்ந்த எண்ணற்ற குருவிகள், ஓணான்கள், தவளைகள் பயிர்களை சேதப்படுத்தும் பூச்சிகளை அழித்தொழித்தன.

பாம்புகளும், ஆந்தைகளும் எலிகளின் எண்ணிக்கையை கட்டுப்படுத்தின. பறவைகளின் எண்ணிக்கையைப் பாம்புகளும், வல்லூறுகளும் கட்டுப்படுத்தின.

பாம்புகளின் எண்ணிக்கையை மயில்கள் கட்டுப்படுத்தின.

"மயில்களின் எண்ணிக்கையை நரிகளும், காட்டுப்பூனைகளும் கட்டுப்படுத்தின."

ஆனால் இன்று?!

ஏலியன்கள் பூமியை அழிப்பது போல் வெறி கொண்டு இந்த உலகத்தை அழித்து விட்டோம். விவசாய நிலங்கள் பிளாட்டுகளாகவும், ஃப்ளாட்டுக்களாகவும் ஆன போது இந்த வேலிகளும் அழிந்தன. வண்டித்தடங்கள், தார்ச் சாலைகள் ஆன போது இட்டேரிகள் மறைந்தன. கொஞ்சநஞ்சம் மிஞ்சியிருக்கும் விவசாய நிலங்களுக்கு... உயிர்வேலிகளனைத்தையும் ஒட்டுமொத்தமாக அழித்து காக்காக்குருவி கூட கூடு கட்ட முடியாத கம்பிவேலிகள் அமைக்கப்பட்டன.

இதனால் எண்ணற்ற ஜீவராசிகள் வாழ இடமின்றி போனது.

அதில் முக்கியமானது குள்ளநரிகள். இவை மயில்களுக்கு முக்கியமான எதிரிகள். இவை மயில்களின் முட்டைகளையும், குஞ்சுகளையும் தந்திரமாக கவர்ந்து உணவாக்கிக்கொள்ளும்.

இவற்றை நாம் எங்கும் காண முடியவில்லை. காடுகளில் மட்டும் ஓரிரு ஜோடிகள் அங்கொன்றும் இங்கொன்றுமாக காணப்படுகின்றன.

விளைவு?

மயில்களின் எண்ணிக்கை பன்மடங்கு பெருகி விட்டன.

"நாம் விதைத்தது நாம் அறுவடை செய்கிறோம்."

கொள்ளிக்கட்டையால் சொரிந்து கொண்டால் புண்ணாகத்தான் செய்யும்.

மயில்களின் எண்ணிக்கையை கட்டுப்படுத்த வேண்டும் என்றால் மீண்டும் உயிர்வேலி முறைக்கு மாறுங்கள்.

இல்லையேல் இழப்புகளை அனுபவிக்கத்தான் வேண்டும்.

என்று அந்தக் கட்டுரையில் குறிப்பிடப்பட்டிருந்தது. 

சிறு வயதிலேனும் கிராமத்து வாழ்வியலுக்குப் பழகியவர்களுக்குத் தெரியக்கூடும் இந்த நிஜங்கள்.

கிராமங்களில் கூட உயிர்வேலி என்றொரு அம்சமே இன்று இல்லை என்பது நிஜம் தானே!

]]>
உயிர்வேலி, சூழலியல், வேளாண் அக்கறை, biogate, eco friendly lifestyle, ecology, http://images.dinamani.com/uploads/user/imagelibrary/2017/11/13/w600X390/uyirveli.jpg http://www.dinamani.com/lifestyle/lifestyle-news/2017/nov/13/உயிர்வேலிகளை-உருக்குலைத்து-கம்பிவேலிகளை-உருவாக்கி-பயிர்களுக்கு-உலை-வைத்தவர்கள்-அறிவார்களா-இதை-2807047.html
2807041 லைஃப்ஸ்டைல் செய்திகள் இந்தியாவில் உயர் ரத்த அழுத்தம், பக்கவாதம் வரக் காரணமான உப்பு அரக்கனை தலையில் தூக்கிச் சுமப்பவை இன்ஸ்டண்ட் நூடுல்ஸ்களே! ஹரிணி DIN Monday, November 13, 2017 11:59 AM +0530  

‘உப்பில்லாப் பண்டம் குப்பையிலே’ என்று தான் இதுவரை நாம் கேள்விப்பட்டிருக்கிறோம். ஆனால், சமைக்குப் போது மட்டுமல்ல சாப்பிடும் போதும் கூட உப்பே சேர்த்துக் கொள்ளத் தேவை இல்லை என்கிறார் இவர். அவர் யாரென்றால்? உப்பினால் அதிகரிக்கக் கூடிய உயர் ரத்த அழுத்தத்தை இல்லாமலாக்கும் முயற்சியில் தொடர்ந்து ஈடுபட்டு வரும் WASH எனும் உலக அமைப்பின் தலைமை நிர்வாகியான டாக்டர் கிரஹாம் மெக்கிரிகோர். கடந்த சனிக்கிழமையன்று சென்னை ஐஐடியில் நடைபெற்ற பதப்படுத்தப்படும் உணவுப் பொருட்கள் தயாரிப்பில் உப்பின் பயன்பாட்டைக் குறைப்பது எப்படி? எனும் தலைப்பிலான வொர்க்‌ஷாப் நிகழ்வில் பேசுகையில் அவர் அவ்விதமாகக் கூறினார். ஏனெனில் பதப்படுத்தலில் பயன்படுத்தப் படும் முதன்மையான சேர்மானம் உப்பே!

‘உப்பை மட்டும் உங்கள் உணவிலிருந்து நீங்கள் அப்புறப்படுத்தி விட்டீர்கள் என்றால், பிறகு உங்களை எந்தவிதமான ஆரோக்யக் குறைபாடுமே அண்டாது’ ஏனெனில், மனிதனின் உடல் ஆரோக்யத்தில் உப்பினால் உண்டாகக் கூடிய கெடுதல் மற்ற அனைத்து வகையான கெடுதல்களைக் காட்டிலும் அதிகம் என்கிறார் இவர். அதற்கு அவர் கூறும் சிறந்த உதாரணங்கள் நம்முடைய மூதாதையர்களான சிம்பான்ஸிகள் மற்றும் கொரில்லாக்கள். அவை, தங்களது உணவில் உப்பு சேர்த்துக் கொள்ளாததால் அவற்றின் ரத்த அழுத்தம் என்றென்றும் 90/60 எனும் ஆரோக்யமான அளவைத்தாண்டுவதே இல்லை. இந்த விஷயத்தில் மனிதர்களும் அவற்றைத் தாராளமாகப் பின்பற்றலாம் என்கிறார் மெக்கிரிகோர்.

மனிதன் தோன்றிய காலத்தில், நாளொன்றுக்கு அவன் பயன்படுத்திய உப்பின் அளவு வெறும் 1/2 கிராம் மட்டுமே! ஆனால், இன்று நாளொன்றுக்கு தனிநபர் ஒருவர் பயன்படுத்தும் தினசரி அளவு 12 கிராம் ஆக உயர்ந்துள்ளது. இதில் முக்கியமாக நாம் கவனித்தாக வேண்டிய விஷயம், மேற்கத்திய நாடுகளில் இயங்கும் பன்னாட்டு உணவுத் தொழிற்சாலைகளின் மிக மோசமான லாபி அந்தந்த நாட்டு அரசாங்கங்களை உப்புகெதிரான கொள்கைகளையும், தடைகளையும் கொண்டு வருவதை கடுமையாகத் தடுக்கிறது. ஐக்கிய நாடுகளில் பல ஆண்டுகளுக்கு நீடித்த தொடர் போராட்டத்தின் பின் தற்போது அங்கே சீரியல்கள் என்று சொல்லக் கூடிய சைவை உணவுப் பொருட்களில் மட்டும் கிட்டத்தட்ட 50% ஆகக் குறைக்கப்பட்டுள்ளது. அதே போல ப்ரெட்டில் 30% குறைக்கப்பட்டுள்ளது. ஆனால், உணவு பதப்படுத்தலில் உப்பின் தேவை அதிகமிருப்பதால் பன்னாட்டு உணவுத் தொழிற்சாலைகள் தொடர்ந்து உப்பைக் குறைக்கும் முயற்சிகளுக்குக் பெருத்த தடையாகவே நீடித்து வருகின்றன. மக்கள் விழிப்புணர்வுடன் இருந்தாலொழிய இவ்விஷயத்தில் பூரண வெற்றி கிட்டாது.

WASH அமைப்பின் தொடர் போராட்டங்கள் மற்றும் விழிப்புணர்வு வொர்க் ஷாப்புகள் மூலமாகத் தற்போது உலகம் முழுவதும் ஆண்டு தோறும் 10,000 முதல் 11,000 உயிர்கள் காக்கப்பட்டு வருவது தனது அமைப்புக்குக் கிடைத்த வெற்றியாக மெக்கிரிகோர் கருதுகிறார்.

உப்பைக் குறைத்தால் உயர் ரத்த அழுத்தம் குறையுமென்கிறார்களே... உயர்ரத்த அழுத்தத்தால் அப்படி என்ன ஆகிவிடும் என்று அசட்டையாக இருப்பவர்கள் கவனத்துக்கு;

உயர் ரத்த அழுத்தப் பாதிப்பு அதிகம் இருப்பவர்களுக்குத் தான் ஸ்ட்ரோக் என்று சொல்லப்படக்கூடிய பக்கவாத நோய் தாக்கும் அபாயம் அதிகமிருக்கிறதாம்.

அப்படிப்பட்டவர்கள், தாங்கள் உட்கொள்ளும் உப்பின் அளவைக் குறைத்தாலே படிப்படியாகச் சில வாரங்களில் அவர்களது உயர் ரத்த அழுத்தப் பிரச்னையும் குறைந்து சீராகும்.

இந்தியாவில், இன்ஸ்டண்ட் நூடுல்ஸ் என்ற பெயரில் உலவும் அரக்கன் குறித்த கவனம் எவருக்கும் இருப்பதாகத் தெரியவில்லை. உயர் ரத்த அழுத்த நோயாளிகள் இந்த இன்ஸ்டண்ட் நூடுல்ஸை வகையறாக்களைத் தவிர்த்து விடுவது நல்லது. அதிலிருக்கும் உப்பின் அளவு உணவுத் தரக்கட்டுப்பாட்டு அமைப்பு நிர்ணயித்திருக்கும் அளவை விட நிச்சயம் அதிகம். உணவைப் பதப்படுத்த உப்பைத் தான் பயன்படுத்த வேண்டும் என்பதில்லை, அதைத் தவிர வேறு பல முறைகளும் உள்ளன. அவற்றையும் முயற்சிக்கலாம். என்கிறார் மெக்கிரிகோர்.

உப்பு எனும் உயிர்கொல்லியிடமிருந்து மக்களைக் காப்பாற்றும் வழிகளுக்கான முதல் முயற்சியாக, பதப்படுத்தப்பட்ட உணவுப் பொருட்களின் மீது அதில் பயன்படுத்தப்பட்டுள்ள உப்பின் அளவு குறித்து தெளிவாக நுகர்வோர் எளிதில் அறியும் விதத்தில் முதலிடம் கொடுத்து வெளியிடப்பட வேண்டும். உப்பின் பயன்பாட்டைக் குறைத்துக் கொள்வதால் மனிதனின் ஆரோக்யத்தில் உண்டாகக் கூடிய நன்மைகள் குறித்த விழிப்புணர்வு மக்களிடம் கொண்டு சேர்க்கப்பட வேண்டும். இல்லையேல் உயர் ரத்த அழுத்தத்தின் காரணமாக பக்கவாதம் வரும் வாய்ப்பும், அதனால் மக்கள் அவதிப்படும் வாய்ப்புகளும் அதிக என்கிறார்கள் மருத்துவர்கள்.

]]>
உப்பு அரக்கன், பக்கவாதம், உப்பைக் குறைப்பதன் அவசியம், salt monster, stroke, high bp risk http://images.dinamani.com/uploads/user/imagelibrary/2017/11/13/w600X390/SALT_REDUCE.jpg http://www.dinamani.com/lifestyle/lifestyle-news/2017/nov/13/one-of-the-culprits-in-india-is-instant-noodles-which-use-a-high-amount-of-salt-2807041.html
2805426 லைஃப்ஸ்டைல் செய்திகள் நமுத்துப் போன பிஸ்கெட்டுகளை என்ன செய்யலாம்? DIN DIN Friday, November 10, 2017 05:49 PM +0530 வீட்டில் தயாரித்த உணவுகள் சில சமயம் மீந்து போகும். அவற்றைத் தூற எறியவும் மனம் வராது, அப்படியே பயன்படுத்தவும் முடியாது. அத்தகைய உணவுகளை வேஸ்ட் ஆக்காமல் டேஸ்டியாக ஆக்க முடியும்.

பிரெட், பன் போன்றவை உலர்ந்து விட்டால் சிறிது தண்ணீரில் நனைத்து நன்றாகப் பிசையவும். அதில் நறுக்கிய பச்சை மிளகாய், இஞ்சி, வெங்காயம், உப்பு ஆகியவற்றைச் சேர்த்து, வடை போல் பொரித்தால் பிரெட் வடை தயார்.

தர்பூசணியின் தோலை எண்ணெயில் வதக்கி உப்பு, மிளகாய், புளி, உளுத்தம் பருப்பு சேர்த்து அரைத்தால் அருமையான சைட் டிஷ் தயார்

மோர்க்குழம்பு மீதமாகி விட்டால் கடலைமாவைப் பிசைந்து உருட்டி எண்ணெயில் பொரித்து குழம்போடு சேர்த்து வடகறி போல் சாப்பிடலாம்

முட்டைக்கோஸ் பொரியல் மீந்துவிட்டால் அதனை வடை மாவுடன் சேர்த்தால் மிகவும் சுவையாக இருக்கும்.

சாதம் மீந்துவிட்டால் அதை மிக்ஸியில் போட்டு சற்று தண்ணீர் தெளித்து அரைத்து எடுத்து கோதுமை மாவுடன் உப்பு, மிளகாய்ப்பொடி கலந்து பிசைந்து சப்பாத்திகளாகச் செய்யலாம். அல்லது அரைத்த சாதத்துடன் சிறிது கடலைமாவு, பொடியாக நறுக்கிய வெங்காயம், பச்சை மிளகாய், உப்பு சேர்த்து பக்கோடா செய்யலாம்.

மீந்த ஊறுகாய்களை ஒன்று சேர்த்து மிக்ஸியில் அரைத்து சிறிது வெல்லம் சேர்த்து வாணலியில் போட்டுக் கிளறி ஜாம் போல தயாரிக்கலாம். இதைச் சப்பாத்தி, தோசை, இட்லி, பூரி போன்றவற்றுக்கு தொட்டுக் கொள்ளலாம்.

பொரித்த அப்பளம் மீந்துவிட்டால், அதை மிக்ஸியில் போட்டு ஒரு சுற்று சுற்றி ஒரு கிண்ணம் தயிருடன் சேர்த்து உப்பு, பச்சை மிளகாய், இஞ்சியை அரைத்துச் சேர்த்தால் சுவையான பச்சடி தயார். இதை வெங்காயம், கேரட் துருவல், வெள்ளரிக்காய் துருவல் கலந்தும் தயாரிக்கலாம்.

தேங்காய் சட்னி மீதமாகிவிட்டால் புளித்த மோர், மஞ்சள் தூள் சேர்த்துக் கொதிக்க வைத்து பொரித்த அப்பளங்களை உடைத்துப் போட்டால் மோர்க் குழம்பு தயார்.

பண்டிகைக் காலங்களில் மைசூர்பாக், லட்டு, பர்பி செய்யும்போது விழும் துகள்களைச் சுண்டக் காய்ச்சிய பாலில் சேர்த்து பாயசமாகச் செய்யலாம்.

மோர்க்குழம்பு புளித்துவிட்டால் அதனை தோசை மாவுடன் கலந்து தோசையாக வார்த்தால் சுவையாக இருக்கும்.

நாவல்பழம் சாப்பிட்ட பின் அதன் கொட்டையை வெயிலில் காய வைத்துப் பொடித்து, தினமும் ஒரு தேக்கரண்டி சாப்பிட்டு வெந்நீர் குடித்தால் சர்க்கரை நோயைத் தடுக்கலாம்.

நமத்துப் போன பிஸ்கெட்டுகளை ஒன்றிரண்டாக பொடித்து பழங்களுடன் கலந்து ஃப்ரூட் - சாலட் செய்யலாம்.

- ஆர். கீதா

]]>
food, டிப்ஸ், useful tips, உணவு மீதமானால் http://images.dinamani.com/uploads/user/imagelibrary/2017/11/10/w600X390/Biscuits_1351.jpg http://www.dinamani.com/lifestyle/lifestyle-news/2017/nov/10/dont-waste-food-make-it-tasty-otherwise-2805426.html
2802824 லைஃப்ஸ்டைல் செய்திகள் 'M’ என்ற எழுத்தில் உங்கள் பெயர் ஆரம்பமாகிறதா? இது உங்களுக்குத்தான்! உமா DIN Monday, November 6, 2017 04:39 PM +0530 குழந்தை பிறந்ததும் பெற்றோர்களுக்கும் உறவினர்களுக்கும் சவாலாக இருப்பது பெயர் சூட்டுவதுதான். வாழ்நாள் முழுவதும் சொல்லி அழைக்க வேண்டிய பெயராதலால் சிறிதளவேனும் மெனக்கிடலும் ரசனையும் இருப்பது நல்லது. பேர் சொல்லும் பிள்ளைக்கு முதலில் தகுந்த பெயரை வைக்க வேண்டும். இல்லையெனில் எதிர்காலத்தில் வெளிநாடுகளுக்குச் சென்று வாழ நேரும் சூழ்நிலைகளில் அவர்கள் தங்கள் பெயர் பிடிக்காமல் அதனை மாற்றிக் கொள்ள முடிவெடுக்கக் கூடாது. சுருக்கமான பெயர்கள் தான் அனைவராலும் விரும்பப்படுகிறது.

முந்தைய தலைமுறையினருக்கு இந்தப் பிரச்னை இருந்ததில்லை. அவர்களின் பெற்றோர்களின் பெயர்களையே குழந்தைகளுக்கு சூட்டி மகிழ்வார்கள். சிலர் தங்கள் மனத்துக்கு மிகவும் நெருக்கமானவர்களின் பெயரை குழந்தைகளுக்கு வைத்துவிடுவார்கள். இன்னும் சிலர் குழந்தையின் அம்மா, அப்பா பெயரின் வார்த்தைகளை எடுத்து புதிய பெயரொன்றை உருவாக்கிவிடுவார்கள். இணையத்தில் தேடினால் ஆண் குழந்தை பெயர்கள் என்ற நீண்ட பட்டியலும் பெண் குழந்தைகளின் பெயர் இன்னொரு பெரிய பட்டியலாகவும் உள்ளது. பெயர், அதற்குரிய அர்த்தம் என்று விலாவரியாக விளக்கப்பட்டிருக்கும்.

ஜோதிட நம்பிக்கை இருப்பவர்களுக்கு சவால் அதிகம். இந்த எழுத்தில் பெயர் தொடங்க வேண்டும் என்று ஜோதிடர் சொல்லிவிட்டால் அதற்கென தனி ஆராய்ச்சி குழுவினரையே களத்தில் இறக்கி பெயர் தேடுவோர் ஏராளம். சமீபத்தில் M என்ற எழுத்தில் தொடங்கும் பெண் குழந்தைக்கு பெயர் வேண்டும் என்று உறவினர் ஃபோனில் கேட்கவே நிறைய பெயர்களைச் சொன்னேன். அவருக்கு எதிலும் திருப்தி ஏற்படவில்லை. அதன் பிறகு வாட்ஸ் அப்பில் சில பெயர்களை அனுப்பி வைக்கிறேன் என்று சொன்ன பிறகுதான் ஃபோனை வைத்தார்.

M என்ற எழுத்தில் பெயர்களைத் தேடும் போது, பேசாமல் எம் என்ற எழுத்தில் நம் பெயரையே மாற்றிக் கொள்ளலாமா என்று நினைக்கும் அளவுக்கு அப்பெயரின் மகத்துவம் குறித்து பல குறிப்புகள் கிடைத்தது. இந்த எழுத்து மட்டுமல்ல, ஜெ என்ற எழுத்தில் தொடங்கும் பெயர்களுக்கும் சில மகத்துவங்கள் உள்ளன என்கிறது இந்த ஆருடம். M பற்றிய இந்தப் பதிவு எம்மில் சிலருக்குப் பயன்படலாம்.  

M என்ற ஆங்கில எழுத்தில் தொடங்கும் பெயரைக் கொண்டவர்கள் கலாச்சாரம், பாரம்பரியம், ஒழுக்க விதிகள், நேர்மை, நாணயம், போன்ற விஷயங்களுக்கு அதிக முக்கியத்துவம் கொடுப்பார்கள். தன்னம்பிக்கை மிகுந்த இவர்கள் கடின உழைப்பாளிகளாகவும் இருப்பார்கள். தன்னுடன் பழகுபவர்களுக்கு பாதுகாப்பு உணர்வைத் தருபவர்கள். விசுவாச உணர்வும் இவர்களிடம் அதிகம் இருக்கும்.

தங்களுடைய உணர்வுகளை வெளியில் காட்டிக் கொள்ளும் இயல்புடையவர்கள் இல்லை. புதிய மனிதர்களிடம் அத்தனை எளிதில் பழகிவிட மாட்டார்கள். மேலும் காதல் போன்ற விஷயங்களில் ஓரடி தள்ளியே இருப்பார்கள். ஆனால் அதையும் மீறி காதலிக்கத் தொடங்கிவிட்டால் அவர்களது துணைக்காக எதை வேண்டுமானாலும் செய்வார்கள். தங்களுடைய நண்பர்களுக்கும் மனத்துக்கு நெருக்கமானவர்களுக்கும் ஏதாவது பிரச்னை ஏற்பட்டால் அதிலிருந்து அவர்களை மீட்கும் வரை ஓய மாட்டார்கள். 

தங்களுடைய வாழ்வின் அடுத்த கட்டத்தைப் பற்றிய கவனமான திட்டமிடல் எப்போதும் இவர்களிடம் இருக்கும். புதிய முயற்சிகள், பயணங்கள் ஆகியவற்றில் அதிக ஆர்வம் காட்டுவார்கள். மேலும் ப்ராக்டிகலாக யோசித்து நடைமுறை சாத்தியங்களை அறிந்தவர்களாக இருப்பார்கள். மற்றவர்களின் நம்பிக்கைக்கு பாத்திரமானவர்களாக இருக்கும் இவர்கள் எளிதில் மற்றவர்களை நம்ப மாட்டார்கள். முன் கோபம் சற்று அதிகமாக இருக்கும். இவர்களிடம் தேவையில்லாமல் வம்புக்கு போனவர்களை ஒருவழி செய்யாமல் விடமாட்டார்கள்.

குறை என்று சொல்வதெனில், இவர்கள் சீக்கிரமாக ஒரு முடிவை எடுக்க மாட்டார்கள். யோசித்து அதன் சாதக பாதகங்களைப் பட்டியல் இட்டு, பின்பு ஒருவழியாக எல்லா வகையிலும் தன் மனத்துக்குச் சரி என்று பட்ட பின்புதான் ஒரு முடிவை எடுப்பார்கள்.

]]>
alphabet M, Name Starting in M, பெயர், பேர் http://images.dinamani.com/uploads/user/imagelibrary/2017/11/6/w600X390/Alphabet_m.jpg http://www.dinamani.com/lifestyle/lifestyle-news/2017/nov/06/if-your-name-starts-with-alphabet-m-please-read-this-article-2802824.html
2801030 லைஃப்ஸ்டைல் செய்திகள் தனிநபர்  ‘சைபர் கிரைம் இன்ஸூரன்ஸ்’ காப்பீடு - ஆன்லைன் திருட்டுகளைச் சமாளிக்கப் பிறந்த புதிய திட்டம்!  RKV DIN Friday, November 3, 2017 02:26 PM +0530  

இந்தியாவில் முதன்முறையாக சைபர் கிரைம் எனப்படும் இணையம் அடிப்படையிலான குற்றங்களுக்கு எதிராக காப்பீடு செய்து கொள்ளும் வகையில் புதிதாக ‘தனிநபர் சைபர் கிரைம் காப்பீட்டுத் திட்டம்’ ஒன்று பஜாஜ் அல்லையன்ஸ் ஜெனரல் இன்ஸூரன்ஸ் நிறுவனத்தாரால் அறிமுகம் செய்யப்பட்டுள்ளது. இந்த  சைபர் கிரைம் இன்ஸூரன்ஸ் திட்டத்தின் மூலமாக ஆன்லைன் பணப்பரிமாற்றத்தின் போது தகவல்கள் திருடப்பட்டு ஏற்படும் பண இழப்பு, தனிநபர் அடையாளத் திருட்டு, ஆன்லைன் மூலமாக சம்மந்தப்பட்ட நபருக்குத் தெரியாமல் நடத்தப்படும் முறைகேடான பின் தொடர்தல், மால்வேர் தாக்குதல் போன்ற  சைபர் கிரைம் குற்றங்களினால் தனிநபருக்கு ஏற்படக்கூடிய பொருளிழப்பை ஈடு செய்ய முடியும் என்கிறது  பஜாஜ் அல்லையன்ஸ் நிறுவனம்.

கடந்த தலைமுமுறை வரை தனிமனிதர்களுக்கான பொருளாதார இழப்பு அச்சுறுத்தல் என்பது பெரும்பாலும் பிக்பாக்கெட் மாதிரியான திருட்டுக்களாகவே இருந்து வந்தது. ஆனால் இப்போது இணையப் புழக்கம் அதிகரித்து வரும் எதிர்காலங்களில் இணையம் மற்றும் இ- காமர்ஸ் பயனர்களின் எண்ணிக்கை அபிரிமிதமாகி வருகிறது. எனவே  இன்றைய காலகட்டத்தில் சைபர் கிரைம் குற்றங்களின் எண்ணிக்கையும் மிகுதியாகிக் கொண்டே செல்கிறது.

இன்றைய டிஜிட்டல் உலகில் பல்வேறு காரணங்களுக்காக லேப்டாப், ஸ்மார்ட் ஃபோன், டேப்லாய்டு, எனப் பலவகைகளில் நமது தனிப்பட்ட தகவல்களை சேமித்து வைக்க வேண்டியதாக இருக்கிறது. ஆன்லைனில் சேமிக்கப்படும் தகவல்கள் அதிகரிக்க, அதிகரிக்க அவற்றின் பாதுகாப்பு குறித்த அச்சங்களும் அதிகரித்துக் கொண்டே தான் செல்கிறது.

இந்த முறையில்  காப்பீடு செய்து கொள்வதற்கான குறைந்த பட்சக் காப்பீட்டுத் தொகை 1 லட்சம் ரூபாய் முதல் உச்ச வரம்பு 1 கோடி ரூபாய் வரை நிர்ணயித்திருக்கிறார்கள். காப்பீட்டுக்கான பிரீமியத்தொகைக்கான அட்டவணையை அந்நிறுவனம் இன்னும் வெளியிடவில்லை.  பிரீமியத் தொகைக்கான வரம்பு ஒவ்வொரு தனிநபரும் இணையத்தில் நாளொன்றுக்கு எத்தனை மணி நேரம் செலவிடுகிறார்கள் என்பதைப் பொறுத்து மாறும் எனக் கூறப்படுகிறது.

அதுமட்டுமல்ல இந்த முறையில் காப்பீடு செய்து கொள்ளும் நபர்கள் தங்களுக்கான ஆன்லைன் பணப்பரிவர்த்தனைகளை அவரவருக்குச் சொந்தமான தனிப்பட்ட ஸ்மார்ட் ஃபோன்கள் மற்றும் லேப் டாப்கள் அல்லது அலுவலக கம்ப்யூட்டர்கள் வாயிலாக மட்டுமே நிகழ்த்த வேண்டும் தவிர  பலர் புழங்கும் சைபர் கஃபேக்களிலோ அல்லது சந்தேகத்திற்கிடமான வேறு இடங்களிலோ ஆன்லைன் பணப்பரிவர்த்தனைகளை நிகழ்த்தக் கூடாது என்பது இம்முறையில் காப்பீடு செய்து கொள்பவர்களுக்கான விதியாக அறிவிக்கப்பட்டுள்ளது.

]]>
online cyber crime insurance scheme, தனிநபர் சைபர் கிரைம் இன்ஸூரன்ஸ் காப்பீடு http://images.dinamani.com/uploads/user/imagelibrary/2017/11/3/w600X390/cyber-insurance-min.png http://www.dinamani.com/lifestyle/lifestyle-news/2017/nov/03/cyber-crime-insurance-for-individual-2801030.html
2799808 லைஃப்ஸ்டைல் செய்திகள் மாற்றுத்திறனாளி மாணவிக்காக ரூ 14 லட்சம் செலவில் லிஃப்ட் வசதி அமைத்துத் தந்த பள்ளி! கார்த்திகா வாசுதேவன் DIN Wednesday, November 1, 2017 04:18 PM +0530  

வாசு பன்சால் மொஹாலியில் ஒரு தனியார் சிபிஎஸ்இ பள்ளியின் 8 ஆம் வகுப்பு மாணவி. 

வாசுவுக்கு இளமையில் போலியோ தாக்கியதில் கால்கள் செயலிழந்து விட்டன. எனவே பள்ளி செல்லத் தொடங்கிய ஆரம்ப நாட்கள் முதலே அவருக்கு சக்கர நாற்காலியும் உடலோடு இணைந்த பிற உறுப்புகளில் ஒன்றென ஆனது. தொடக்கப்பள்ளி வகுப்புகளில் பயிலும் வரை வாசுவுக்கு தனது சக்கர நாற்காலிப் பயணம் ஒரு பெரும் சுமையாகத் தோன்றியதில்லை. அப்படியே கழிப்பிடங்களுக்கோ அல்லது சக்கர் நாற்காலியற்று நடந்து கடக்க வேண்டிய வேறு சில இடங்களுக்கோ செல்வதாக இருந்தாலும் கூட அம்மாவோ அல்லது பள்ளியின் பெண் துப்புரவுப் பணியாளர்களில் ஒருவரோ வாசுவை தூக்கிச் சென்று உதவியதால் அப்போதெல்லாம் ஓரிடத்திலிருந்து பிறிதொரு இடத்துக்குச் செல்வது என்பது வாசுவுக்கு கடினமான காரியமாகத் தோன்றவில்லை. 

ஆனால் 8 ஆம் வகுப்பு வந்ததும் வாசுவுக்கு உடல் ரீதியான தர்ம சங்கடங்கள் ஆரம்பமாயின. முதலாவதாக சிறுமி வளர வளர அவரது உடல் எடை அதிகரித்தது. அதனால் அம்மாவாலோ, பணியாளர்களாலோ அவரை தூக்கிச் சென்று விடுவது சற்றுக் கடினமான காரியமாக மாறியது. அது மட்டுமல்ல வாசு படித்த பள்ளியில் சோதனைச் சாலைகள் அனைத்துமே மேல்மாடிகளில் இருந்தன. அறிவியல் சோதனை வகுப்புகளின் போது மட்டுமல்ல மொத்தப் பள்ளியும் சேர்ந்து ஈடுபடும் சில இண்டோர் விழாக்களும் கூட மேல்மடியின் விஸ்தாரமார கூடத்தில் நடத்தப் பட்டதால் வாசுவை அங்கே அழைத்துச் செல்வது என்பது கடினமான காரியமாக இருந்தது. இந்தக் காரணங்களை எல்லாம் முன்னிட்டு பள்ளி நிர்வாகம் இதற்கென்ன தீர்வு என ஆலோசிக்கத் தொடங்கியது.

சிபிஎஸ்இ பள்ளிக் கொள்கைகளில் ஒன்று மாற்றுத்திறனாளி மாணவ, மாணவிகளுக்காக லிஃப்ட் அல்லது ராம்ப் வசதி செய்து தரப்பட வேண்டும் என்பது. வாசுவின் பள்ளியில் ராம்ப் வசதி செய்து தர இடப்பற்றாக்குறை இருந்த காரணத்தால் அப்பள்ளி நிர்வாகத்தார் ரூ 14 லட்சம் ஒதுக்கி வாசு மாதிரியான மாற்றுத்திறனாளி மாணவ, மாணவிகளுக்கு உதவும் நோக்கில் தற்போது லிஃப்ட் வசதி செய்து கொடுத்துள்ளனர். இது வாசுவுக்காக மட்டும் அல்ல. சிபிஎஸ்இ பள்ளி விதிமுறைகளில் இதுவும் ஒன்றாக இருப்பதால் வாசு அதற்கு முன்னதி ஏர் ஆகி இருக்கிறார். வாசு மூலமாக உண்டான லிஃப்ட் வசதி பிற்காலத்தில் அப்பள்ளியில் பயிலும் பிற மாற்றுத்திறனாளி மாணவ, மாணவிகளுக்கும் மிகப் பயனுடையதாக விளங்கலாம்.

மாற்றுத் திறனாளி மாணவியின் தர்ம சங்கடங்களை உணர்ந்து பள்ளி நிர்வாகம் லிஃப்ட் அமைத்துக் கொடுத்தது பள்ளி விதிகளில் ஒன்று என்றாலும் காலத்தில் அந்த உதவியை நடைமுறைப்படுத்தியமைக்காக அந்தப் பள்ளியைப் பாராட்டினால் தவறில்லை!

Image courtesy: Hindusthan times.

Article concept: Uc news.

]]>
VASU BANSAL, DIFFERENTLY ABLED STUDENT, SCHOOL INSTALLS LIFT, வாசு பன்சால், மாற்றுத்திறனாளி மாணவி, சிபிஎஸ் இ பள்ளி, மாணவிக்காக லிஃப்ட் அமைத்த பள்ளி, http://images.dinamani.com/uploads/user/imagelibrary/2017/11/1/w600X390/0000_vasu_pansal.JPG http://www.dinamani.com/lifestyle/lifestyle-news/2017/nov/01/cbse-school-installs-lift-for-its-only-differently-abled-student-2799808.html
2788501 லைஃப்ஸ்டைல் செய்திகள் '10 Days' Hair Oil’ பத்து நாள் அதிசயம்! DIN DIN Tuesday, October 31, 2017 04:33 PM +0530 உங்கள் தலைமுடி உதிர்வதைத் தடுக்கவும் புது முடி விரைவில் வளரவும் நிரந்தர தீர்வு வேண்டுமா? தொடர்ந்து படியுங்கள்.

நம் நாட்டின் பாரம்பரியத்தை பாதுகாக்கும் சில விஷயங்களுள் ஆயுர்வேதம் முக்கிய பங்கு வகிக்கிறது. உச்சி முதல் உள்ளங்கால் வரை ஆயுர்வேதம் உடல்நலத்துக்குப் பெரிதும் உதவுகிறது. இன்றைய இளைஞர்களின் தலையாய பிரச்னை தலைமுடி உதிர்வதுதான். தலைமுடி உதிர்கிறதே என்று கவலைப்பட்டு அந்த மன அழுத்தத்தில் மேலும் முடி கொட்டிவிடும் நிலைதான் இன்று பலரின் அனுபவமாக இருந்து வருகிறது.

இதற்குக் காரணம் நல்ல தண்ணீர் கிடைக்காதது, உப்புத் நீரைப் பயன்படுத்துவது, தலை முடியை பராமரிக்காமலும், தலைக்கு எண்ணெய் தேய்த்து குளிக்காமலும் இருப்பது, ரசாயனக் கலப்பு நிறைந்த ஷாம்புக்களை பயன்படுத்துவது என பல காரணங்களால் தலைமுடி சிலருக்கு அதிகமாக உதிர்கிறது.

இன்றைய மருத்துவத் துறைக்கே சவாலான ஒரு விஷயம் – முடி கொட்டுவது, அதைவிட கடினமான விஷயம் மீண்டும் அதை முளைக்க வைப்பது. ஆனால் '10 Days' Hair Oil தலைமுடி உதிர்வைத் தடுப்பதுடன் புதிய முடி வளரவும் உதவுகிறது என்றால் ஆச்சரியமாக உள்ளது, அல்லவா?

GMP சான்றிதழ் பெற்றுள்ள ஆயுர்வேதத் தயாரிப்புக்கள் எப்பொழுதும் மிகச் சிறந்த பலன்களை தரும். அவ்வகையில் நாங்கள் GMP மற்றும் ஐஎஸ்ஓ சான்றிதழ் ஆகிய இரண்டு அங்கீகாரத்தையும் பெற்றுள்ளோம். ஆம்லா, கற்றாழை உள்ளிட்ட 76 மூலிகைகளை உள்ளடக்கிய '10 Days' Hair Oil’ முறையாக சோதனை செய்யப்பட்டு, மிகவும் சுத்தமான முறையில், எவ்வித ரசாயனக் கலப்புமின்றி கையாலேயே தயாரிக்கப்படுகிறது (இந்த ஆயிலைத் தயாரிக்க இயந்திரம் எதுவும் பயன்படுத்தப்படுவதில்லை) ஒரு முறை வாங்கிப் பயன்படுத்தியவர்கள் பலரும் வியந்து பாராட்டும் தரமான எண்ணெய் இது என்பதில் பெருமை கொள்கிறோம்.

ஆன்லைன் மூலம் நீங்கள் இந்த எண்ணெயை வாங்கிப் பயன்படுத்தத் தொடங்கிய பத்து நாட்களிலே நல்ல பலன்கள் கண்கூடாகத் தெரியத் தொடங்குவது தான் இதன் சிறப்பம்சம். இரண்டு வாரங்களில் புது முடி முளைப்பதுடன் பொடுகுப் பிரச்னைகள் முற்றிலும் சரியாகிவிடும். 100 ml பாட்டில்களில் இந்த எண்ணெய் கிடைக்கிறது.

கேரளாவின் பாரம்பரிய முறையில் தயாரிக்கப்படும் இந்த எண்ணெய் 100 சதவிகிதம் ஆயுர்வேத முறையில் தயாராகிறது. இதில் பக்கவிளைவுகள் எதுவும் கிடையாது. புதிய முடி வளர்ச்சிக்கு அத்தியாவசியமான 76 சக்தி வாய்ந்த மூலிகைகள் இதில் உள்ளன. இந்த எண்ணெயில் எவ்வித ரசாயனக் கலப்பும் இல்லை. 10 நபர்கள் கொண்ட சிறிய குழுவினரால் அந்தந்த நாளின் தேவைக்காக தினமும் புத்தம் புதிதாக தயாரிக்கப்படுகிறது இந்த எண்ணெய்.

10 நாட்கள் இந்த ஹேர் ஆயிலைப் பயன்படுத்துவதால் முடி உதிர்தல் குறைந்து புதிய முடி வளர்கிறதை நீங்களே உணர முடியும். தற்போது இந்தியாவில் ஏழாயிரத்துக்கும் மேலான வாடிக்கையாளர்களைத் தொட்டுவிட்ட நிலையில். அமெரிக்கா, இங்கிலாந்து, சிங்கப்பூர், துபாய் மற்றும் உலகின் பிற பகுதிகளிலிருந்து வாடிக்கையாளர்கள் அதிகரித்து வருகின்றனர். இதற்குக் காரணம் இந்த எண்ணெயின் தரம் மற்றும் அதனால் கிடைக்கும் உடனடி பலன்களே ஆகும்.

சமீபத்தில்தான் எங்கள் பிராண்டை ஆன்லைனில் அறிமுகப்படுத்தியுள்ளோம். இந்தியா முழுவதும் இதனை இலவசமாக அனுப்ப Fedex, Ecom Express, Aramex, டெல்லிவெரி போன்ற முதன்மையான கூரியர் நிறுவனங்களுடன் ஒப்பந்தம் செய்துள்ளோம். தற்போது ஆன்லைனில் மட்டுமே கிடைக்கும் இந்த எண்ணெயை வாங்க COD (Cash On Delivery) வசதியும் உண்டு.

இந்த எண்ணெயை உபயோகப்படுத்த சில வழிமுறைகள் கடைபிடிக்க வேண்டும். அவற்றை மிகச் சரியாக பின்பற்றினால் மட்டுமே சிறந்த பலன்கள் கிடைக்கும்.

இந்த ஆயிலை வாங்கிய பின் தொடர்ச்சியாக தினமும் பயன்படுத்த வேண்டும். ஒரு நாள் விட்டு ஒரு நாள் தேய்ப்பது கூடாது. தவிர தினமும் காலை வேளையில் தான் உபயோகப்படுத்த வேண்டும். '10 Days' Hair Oil’ தற்போது குறைந்த அளவே இருப்பில் உள்ளது. சலுகை விலையில் உடனடியாகப் பெற - https://m.10dayshairoil.com/offers/ முந்துங்கள்! 

இந்தக் கட்டுரையில் உள்ள தகவல்கள் '10 Days' Hair Oil’ நிறுவனத்தார் தந்த தகவல்களின் அடிப்படையில் எழுதப்பட்டது. தினமணி டாட் காம் இதன் சாதக பாதகங்களுக்குப் பொறுப்பேற்காது . மேலும் விரிவான விபரங்களை  இணையதளத்தில் பெறலாம் - https://www.10dayshairoil.com/product/oil

]]>
ஆயுர்வேதம், 10 Days' Hair Oil, Ayurvedhic cure for hair loss, தலை முடி உதிர்தல் http://images.dinamani.com/uploads/user/imagelibrary/2017/10/11/w600X390/21271100_1911600482423902_5653502531300728890_n.jpg http://www.dinamani.com/lifestyle/lifestyle-news/2017/oct/11/10-days-hair-oil-miracle-hair-oil-2788501.html
2798012 லைஃப்ஸ்டைல் செய்திகள் உடல் வலி குணமாக இதை முயற்சித்துப் பாருங்கள்! DIN DIN Sunday, October 29, 2017 02:31 PM +0530 புளிய இலைகளை தண்ணீரில் போட்டுக் கொதிக்க வைத்து, வெது வெதுப்பானதும் அந்த நீரில் குளித்து வந்தால் உடம்பின் வலி இருந்த இடம் தெரியாமல் போய்விடும். 
-  அமுதா அசோக்ராஜா

நொச்சி  இலையை கொதிநீரில் போட்டு ஆவி  பிடித்தால், சுவாச அவஸ்தையின்றி  இரவில் சுகமாக தூக்கம் வரும்.

மாதுளை பழத்தின் தோலை தண்ணீரில் போட்டு  பாதியாகச் சுண்டிப்போகும் வரை கொதிக்க விடவேண்டும். இந்த நீரைப் பருகினால் வயிற்றுப்  போக்கு குணமாகும். வயிற்றுப் பூச்சி, குடல் பூச்சிகள் அகலும்.

- கே.பிரபாவதி

கொய்யா  இலையை அரைத்து வாரம் ஒருமுறை குடித்தால் நோய் எதிர்ப்பு சக்தி உருவாகும்.

கொய்யா இலையுடன் வேப்பிலைகள் சிலவற்றைப்போட்டு, குவளைத்தண்ணீரை கால்பங்கு அளவு சுண்டச்செய்து, குடித்தால் சர்க்கரை நோய் அளவு கட்டுக்குள் இருக்கும்.

சோற்றுக் கற்றாழையின் உள்ளே உள்ள  ஜெல்லை எடுத்து இளநீரில் போட்டு குடித்தால் குடல் புண் குணமாகும்.

 - பாலாஜி கணேஷ்

சாப்பிட்ட உடன் ஐஸ்வாட்டர்  குடித்தால் சாப்பிட்ட உணவு செரிமானம் ஆகாமல் போய் பல கோளாறுகளை  உருவாக்கும்.

- பி.பரத்

உருளைக்கிழங்கின் சாறு வயிறு மற்றும் குடல் நோய்களைக் குணப்படுத்தும்.

முள்ளங்கி இலையை  பொரியல் செய்து உண்டால் நீரிழிவு கட்டுப்படும்.

‘ஆரோக்கியம் தரும் காய் மருத்துவம்' நூலிலிருந்து  - நெ.இராமன்

அசைவம் சமைத்த பிறகு பாத்திரங்களில் வீசும் துர்நாற்றத்தை நீக்க நுரையுடன் (சோப்பு நுரை) கூடிய கிளீனிங் பவுடரால் தேய்த்த பிறகு பாத்திரங்களை வெயிலில் காய வைத்தால் நாற்றம் நீங்கிவிடும்.

கத்தரிக்காயை ஹாட்பாக்ஸில் வைத்து மூடினால் காய் வாடாமல் நன்றாகவும் நிறம் மாறாமலும் இருக்கும்.

மழை நீரில் அரிசியை வேகவைத்தால் சாதம் வெண்மையாகவும், மிருதுவாகவும் இருக்கும்

வாழைக்காயை தண்ணீரில் போட்டு வைத்திருந்தால் ஒரு வாரம் வரை கெடாமல் இருக்கும். 

ஊறுகாய் கெடாமல் இருக்க சிறிது எண்ணெயை சூடாக்கி ஊறுகாய் மேல் ஊற்ற வேண்டும். பிறகு பாருங்கள் ஊறுகாய் கெடாமல் நீண்ட நாள் வரும்.

பாகற்காயில் இருக்கும் கசப்பை போக்க வேண்டுமானால் காயுடன் உப்பு சேர்த்து வேகவைத்து நீரை வடிகட்டிய பிறகு பொரியல் செய்தால் கசப்பு நீங்கிவிடும்.

பருப்புடன் சிறிது எண்ணெய்யும் சிறிது பெருங்காயத் தூளையும் சேர்த்து வேகவிட்டால் பருப்பு சீக்கிரம் வெந்துவிடும்.

வீட்டில் ரசம் வைத்த பிறகு அதில் அரை ஸ்பூன் சர்க்கரை கலந்தால் ரசம் சுவையாக இருக்கும்.

மிளகு, பொரிகடலை, சின்ன வெங்காயம், முள்ளங்கி, புதினா, மல்லித்தழை ஆகியவற்றை பச்சையாக மென்று சாப்பிட்டால் ஜலதோஷமும், மூக்கில் நீர் வருவதும் கட்டுப்படும்.

பப்பாளி இலைகளை அரைத்து சாறெடுத்து படர்தாமரையுள்ள  இடத்தில் காலையும் மாலையும் ஒரு வாரம் தடவினால் படர்தாமரை  மறையும்.
 - என்.கே.மூர்த்தி

]]>
Leaf, Body pain, Siddha, உடல் வலி, டிப்ஸ் டிப்ஸ் http://images.dinamani.com/uploads/user/imagelibrary/2017/10/29/w600X390/leaf_bath.jpg http://www.dinamani.com/lifestyle/lifestyle-news/2017/oct/29/for-body-pain-try-these-methods-2798012.html
2796270 லைஃப்ஸ்டைல் செய்திகள் இப்படியெல்லாம் சமைத்தால் உங்கள் உணவு விஷமாகிவிடும்! உமா DIN Thursday, October 26, 2017 12:55 PM +0530 ஆரோக்கியத்துக்கான முதல்படி நாம் உண்ணும் உணவுதான். ஆனால் இதில் முக்கியமானது நீங்கள் எந்த உணவை உட்கொள்கிறீர்கள் என்பது அல்ல, அது எப்படி சமைக்கப்படுகிறது என்கிற தயாரிப்பு முறையாகும். இந்திய பாரம்பரியத்தில், உணவுக்கு அதிக முக்கியத்துவம் கொடுத்துள்ளார்கள். ஒரு உணவை இப்படித்தான் தயாரிக்க வேண்டும் என்ற முறை உண்டு. ஒரு உணவை சமைக்கும் போது அதன் ஊட்டச்சத்த்துகளை இழந்து விடாமல் சமைக்க வேண்டும். ஆனால் ருசிக்காக நன்கு பொறிக்கப்பட்ட உருளைக்கிழங்கு அல்லது  ப்ரோக்கோலியால் உங்கள் உடலுக்கு எந்தப் பயனும் இல்லை. அது டாக்ஸின் எனப்படும் நச்சுக்களை உற்பத்து செய்து நாளாவட்டத்தில் கேன்சர் போன்ற நோய்களை உருவாக்கிக் விடக் கூடும். பின்வரும் சமையல் முறைகளைத் தவிர்த்துவிடுவது உடல் நலத்துக்கு நல்லது.

டீப் ஃப்ரை (Deep Fry)

எத்தனையோ புத்தகங்களில் படித்திருந்தும், மருத்துவர்கள் அறிவுரை கேட்டிருந்தும், பொறிக்கப்பட்ட உணவு வகைகளை பெரும்பாலானோர் அடிக்கடி சமைத்து சாப்பிடுகிறார்கள். அது தவறு. காரணம் அதிக நேரம் காய்கறிகளை எண்ணெயில் பொறிப்பதால், அக்காய்கறியில் இயற்கையில் உள்ள சத்துக்கள் இழக்கப்பட்டு கூடுதலாக கொழுப்புச் சத்தும் அதிகரிக்கும். இதயம் சம்மந்தப்பட்ட நோய்களை வரவழைத்துக் கொள்ள இத்தகைய சமையல் வழி வகுத்துவிடும்.

பேன் ஃப்ரை (Pan Fry)  

பேன்  பயன்படுத்தி காய்கறிகளை பொறிப்பதால் உணவின் சத்துக்கள் மொத்தமாக இழக்கப்படுவதுடன், நச்சுக்களையும் ஏற்படுத்திவிடும். பேனில் நீங்கள் ஃப்ரை செய்யும் போது உருவாகும் சில வேதியல் பொருட்கள் உடல் நலத்துக்கு மிகவும் தீங்கானது. அக்ரலமைட் (Acrylamide) எனும் இந்த வேதிப்பொருள், உணவுப் பொருள் அதிகபட்ச வெப்பத்தில் சமைக்கப்படும் போது தானே உருவாகும். இது கேன்சர் உள்ளிட்ட சில நோய்களுக்கான காரணியாகும். எந்த அளவுக்கு பொறித்த உணவுகளின் நிறம் அடர்த்தியாக உள்ளதோ அந்த அளவுக்கு அதிகமான அக்ரலமைட் உருவாகியுள்ளது என்று அர்த்தம்.

க்ரில்லிங் 

க்ரில்லிங் முறையில் சமைப்பது ஆரோக்கியம் என்று சிலர் நம்புவார்கள். ஆனால் எந்தந்த உணவை அம்முறையில் சமைக்கலாம் என்பதை அறிந்து சமைக்க வேண்டும். இறைச்சியை க்ரில்லிங் முறையில் தயாரிப்பது அவ்வுணவின் ஊட்டச்சத்தைக் கெடுப்பதுடன், கேன்சர் வருவதற்கான காரணியாகிவிடும். இறைச்சியில் சர்க்கரை, கிரியாடைன் மற்றும் அமினோ அமிலங்கள் இருப்பதால் அதிகமான வெப்பத்தில் சமைக்கும் போது ஹெடிரியோசைக்ளிக் அமைன்ஸ் (heterocyclic amines) எனும் வேதிப்பொருள் உருவாகும். இந்த வேதிப்பொருள் புற்றுநோயை உருவாக்கக் கூடிய தன்மையை உடையது. எனவே க்ரில்லிங் முறை அதிக கேடுகளை உடலுக்கு ஏற்படுத்தும்.

புகையவிடுதல் (ஸ்மோகிங்)

புகைப் பிடிப்பது ஆரோக்கியத்திற்கு தீங்கு விளைவிக்கும் என்பது நமக்குத் தெரிந்த விஷயம். சில உணவை புகைய விட்டுச் சமைப்பது அதன் ருசியை அதிகரிக்கும் என்று நம்புகிறார்கள். ஆனால் புகைபிடித்த உணவை சாப்பிடுவது மிகவும் ஆபத்தானது. புற்றுநோயை உருவாக்கும் கலவைகளான HCAs மற்றும்   polycyclic aromatic hydrocarbons (PAHs) போன்றவற்றை புகைத்த உணவு உருவாக்க காரணமாக உள்ளது

மைக்ரோவேவ்

மைக்ரோவேவில் சமைக்கும் போது அதிக அளவு நுண்ணலை கதிர்வீச்சு (ரேடியேஷன்) வெளிப்படுத்துவதாக பல ஆய்வுகள் தெரிவிக்கின்றன. எனவே அதில் சமைக்கப்படும் உணவு உடல் நலத்துக்கு தீங்கு விளைவிக்கும். 2011-ம் ஆண்டு உலக சுகாதார அமைப்பின் ஆய்வின் படி, சமைப்பதற்கு அல்லது சூடுபடுத்துவதற்காக தொடர்ந்து மைக்ரோவேவ் ஓவன்களைப் பயன்படுத்தும் போது அதன் கதிர்வீச்சுத் தாக்கத்தால் மூளைப் புற்றுநோய் ஆபத்தை ஏற்படுத்திவிடும்.

மேற்சொன்ன வகைகளில் உணவை சமைக்கும் போது நேரம் மிச்சப்படலாம், அல்லது ருசி கூடலாம். ஆனால் உடல் நலத்துக்கும் அதைத் தொடர்ந்து உயிருக்கும் பேராபத்தை சிறுக சிறுக விளைத்துவிடும் என்கிறார்கள் நிபுணர்கள். எனவே நம் பாரம்பரிய முறைப்படி சமைப்பதே நல்லது. அதற்காக விறகு அடுப்பில் சமைக்க வேண்டும் என்பதில்லை. நவீன கருவிகளை எந்த அளவுக்குப் பயன்படுத்த வேண்டுமோ அதற்கு மட்டும் பயன்படுத்த வேண்டும். மேலும் சமையல் செய்வதை ஒரு வேலையாகச் செய்யாமல் விருப்பத்துடன் செய்ய வேண்டும்.

ஆவியில், மிதமான வெப்பத்தில் சமைக்கப்படும் உணவுகள் ஆரோக்கியத்தை மேம்படுத்தும். மேலும் பழங்கள் மற்றும் காய்கறிகளைத் தேர்ந்தெடுப்பது உங்கள் ஆரோக்கியத்திற்கான சிறந்த வழியாகும்.

நன்றி - டெய்லி மிரர்

]]>
food, உணவு, ஆரோக்கியம், சமையல், Grilled food, Smoking http://images.dinamani.com/uploads/user/imagelibrary/2017/10/26/w600X390/Woman-cooking-pasta-sauce.jpg http://www.dinamani.com/lifestyle/lifestyle-news/2017/oct/26/few-cooking-methods-that-can-turn-your-food-toxic-2796270.html
2795717 லைஃப்ஸ்டைல் செய்திகள் ஒரு அன்றாடங்காய்ச்சியின் வருட வருமானத்திற்கு நிகராம் இந்த நட்சத்திர குழந்தையின் ஷூ விலை! சரோஜினி DIN Wednesday, October 25, 2017 05:02 PM +0530  

பிரபலம் என்றாலே எப்போதும் பிராப்ளம் தான்! அவர்கள் என்ன செய்தாலும் மக்கள் அவர்களை கவனித்துக் கொண்டே தான் இருப்பார்கள். அதிலும் வித்யாசமாக அவர்கள் எதையாவது அணிந்து கொண்டு பொது இடங்களுக்கு வந்து விட்டால் சும்மா விட்டு விடுவார்களா என்ன? சமீபத்தில் பாலிவுட் பாட்ஷா ஷாருக்கானின் மகள் சுஹானா கான் தனது தோழிகளுடன் ஷாப்பிங் சென்றிந்தார். சுஹானா மும்பையில் இருக்கிறார் என்றால் பரபரப்பாக எதையாவது செய்து நிச்சயம் ஒரு முறையாவது செய்திகளில் இடம்பெற்று விடக்கூடிய பாக்கியசாலி.

 

Photo by Varinder chawla.

இந்த முறை தனது தோழிகளுடன் நேரம் செலவளிக்க வீட்டை விட்டு வெளியே வந்த சுஹானா, அப்போது அவர் காலில் அணிந்திருந்த வித்யாசமான ஷூ ஒன்றுக்காக தற்போது மீண்டும் செய்திகளில் அடிபடும் பாக்யசாலி ஆகியிருக்கிறார். சுஹானா அணிந்திருந்த Jennifer’ wedge sneakers from Giuseppe Zanotti எனும் ஷூ பிராண்டின் அடக்க விலை அதிகமில்லை குறைந்த பட்சம் ரூ.69,000 தானாம். இந்த ஷூவின் டாலர் மதிப்பு $995.00. இந்தியாவில் ஒரு சாதாராண அன்றாடங்காய்ச்சியின் வருட நிகர வருமானமே அவ்வளவு தான். மிடில் கிளாஸ் மக்கள் என்றால் அந்தப் பணத்தில் ஒரு வருடாந்திர இந்திய டூர் சென்று திரும்பி இருப்பார்கள். அப்பர் மிடில் கிளாஸ் என்றால் வார இறுதியில் ஒரு முறை தாய்லாந்துக்கோ அல்லது மலேசியாவுக்கோ டூர் அடித்து திரும்பி இருப்பார்கள். இத்தனை அனுகூலங்கள் இருக்கக் கூடிய 69,000 ரூபாயை அந்தச் சிறுமி தனது ஷூவுக்காக செலவளித்திருந்தார் என்பது தான் அந்த ஷூவுக்கான ஹைலைட்!

ஷூ விலைக்கான ஆதாரம்...


Image courtesy: inuth.com, Varinder chawla.

]]>
ஷாருக்கான் மகள் சுஹானாவின் ஷூ, sukhana's costly shoes http://images.dinamani.com/uploads/user/imagelibrary/2017/10/25/w600X390/0000_suhana_khan.jpg http://www.dinamani.com/lifestyle/lifestyle-news/2017/oct/25/shukhana-khans-costly-shoes-gone-viral-2795717.html
2795686 லைஃப்ஸ்டைல் செய்திகள் ஷனா இக்பால்! தற்கொலைக்கு எதிரான தன்னம்பிக்கைப் போராளி சாலை விபத்தில் மரணித்தது விதியாலா? கவனக்குறைவாலா?! கார்த்திகா வாசுதேவன் DIN Wednesday, October 25, 2017 12:35 PM +0530  

சாகும் வயதில்லை ஷனாவுக்கு. வாழ்க்கையை அதன் அத்தனை ரசனைகளோடும் வாழத்துடிக்கும் 30 வயதுப் பெண்மணி. நேற்று, தன் கணவர் அப்துல் நதீமுடன் ஹைதராபாத், நர்சிங்கி எனுமிடத்தில் நெடுஞ்சாலை கார் விபத்தொன்றில் திடீரென மரணித்து விட்டார். ஷனாவைப் பற்றிச் சொல்வதென்றால் பேச நிறைய விஷயங்கள் உண்டு. தன்னந்தனியாக தனது மோட்டார் சைக்கிளில் இந்தியா முழுதும் சுற்றி வந்தவர் ஷனா. யூனியன் பிரதேசங்களைக் கூட விடவில்லை. மொத்த இந்தியாவையும் ஷனா ஏன் சுற்றி வந்தார் என்றால்... அதற்கொரு சுவாரஸ்யமான துவக்கம் உண்டு.

சில ஆண்டுகளுக்கு முன் தாங்க இயலாத மன அழுத்தத்தால் அவதிப்பட்ட ஷனா, சாலை விபத்தில் மரணமடைய வேண்டும் என்று முயற்சித்தார். அப்படித் தொடங்கியது தான் அவரது மோட்டார் சைக்கிள் பயணம். இந்திய நெடுஞ்சாலைகளினோரம் ஏதோ ஓரிடத்தில் சீறி வரும் வாகனம் ஏதோவொன்றால் தூக்கி வீசப்பட்டு நொடியில் மரணம் சம்பவிக்க வேண்டும் என்றெண்ணித்தான் ஷனா தனது நாடு தழுவிய மோட்டார் சைக்கிள் பயணத்தைத் துவக்கினார்.

ஆனால் பயணிக்க, பயணிக்க அவரது தற்கொலை வேகம் தணிந்தது மட்டுமல்ல நாட்டின் வெவ்வேறு கலாச்சாரங்களையும், மக்களது ஏழ்மையையும், கடினமான அவர்களது வாழ்க்கையும் கண்ணாரக் காணக் காண ஷனாவுக்கு தற்கொலையின் மீது வெறுப்பானது. விளைவு தனது பயணத்தின் முடிவில் ஷனா, தற்கொலை செய்து கொள்ள முயற்சிப்பவர்களௌக்கு மன நல ஆலோசனை வழங்கி அவர்களது தற்கொலை எண்ணத்தை முறித்துப் போகச் செய்யும் அளவுக்கு மிகச் சிறந்த தன்னம்பிக்கைப் பேச்சாளராக அடையாளம் காணப்படும் நிலையில் வந்து நின்றார். ஊடகங்கள் ஷனாவுக்கு வழங்கிய அடையாளம் இது தான். தற்கொலை எத்தனை கொடுமையான முடிவு என, அந்த முயற்சியில் ஈடுபட்டு அதிலிருந்து வெற்றிகரமாக மீண்டவர்களால் தானே உண்மையாக அறிந்திருக்க முடியும். ஷனா அறிந்திருந்தார் என்பதற்கு அவரது தன்னம்பிக்கைப் உரைகளே உதாரணம். 

ஷனாவின் நாடு தழுவிய மோட்டார் சைக்கிள் பயணம் குறித்த வீடியோ பதிவு...

 

இப்படி தன்னைப் போன்று தற்கொலை முயற்சியில் ஈடுபட்டு தோற்றுப்போன அனைவருக்கும் மட்டுமல்லாது அனைத்து இந்தியப் பெண்களுக்குமான முன்னுதாரணமாகத் திகழவல்ல திறமை கொண்ட ஷனா இக்பால், அவரே எதிர்பாராத தருணமொன்றில் அவர் முன்னெப்போதோ நினைத்த அல்லது எதிர்பார்த்திருந்த வகையில் தற்போது அவரது மரணம் நிகழ்ந்தது தான் சோகத்திலும் பெரும் சோகம். விபத்துக்கு காரணம் மிதமிஞ்சிய வேகம் எனக் கண்டறியப்பட்டுள்ளது. 

விபத்தில் ஷனா சம்பவ இடத்திலேயே உயிரிழக்க அவரது கணவர் அப்துல் நதீம் கடுமையான காயங்களுடன் தொலிசெளக்கியிலுள்ள ஆலிவ் மருத்துவமனையின் தீவிர சிகிச்சை பிரிவில் சிகிச்சை பெற்று வருகிறார். ஷனாவின் உடல் போஸ்மார்ட்டத்திற்காக உஸ்மானியா மருத்துவமனைக்கு மாற்றப்பட்டுள்ளது.

மிதமிஞ்சிய வேகத்தில் காரை இயக்கியதில் கார் டிவைடரில் கடுமையாக மோதியதால் விபத்து நேர்ந்திருக்கிறது. எனவே காவல்துறையினர் ஐபிசி 304 (மரணம் குறித்த அலட்சியத்தால் விபத்து நேர்வது) மற்றும் ஐபிசி பிரிவு 337 (பாதுகாப்பு குறித்த கவனமின்றி தன்னுடன் இருப்பவர்களையும் விபத்துக்கு உட்படுத்துதல்) எனும் இரு பிரிவுகளின் மேல் இந்த விபத்து குறித்து வழக்குப் பதியப்பட்டுள்ளது என தொலிசெளக்கி காவல் நிலையத்தின் சப் இன்ஸ்பெக்டர் சுதிர்குமார் செய்தியாளர்களிடம் தெரிவித்தார். 

]]>
http://images.dinamani.com/uploads/user/imagelibrary/2017/10/25/w600X390/000_shana.jpg http://www.dinamani.com/lifestyle/lifestyle-news/2017/oct/25/shana-iqbal-dies-in-road-accidant-tuesday-2795686.html
2795674 லைஃப்ஸ்டைல் செய்திகள் மத்திய அரசின் ‘ஜன் ஒளஷாதி’ மருந்துக்கடைகள் ஏழை மக்களின் வரமா? RKV DIN Wednesday, October 25, 2017 11:22 AM +0530  

முகநூலில் ஜன் ஒளஷாதி மருந்துக்கடையில் தனக்குத் தேவையான மருந்துகளை வாங்கியதில் தனக்கு கிடைத்த பலனைப் பற்றி ஒருவர் பகிர்ந்து கொண்டிருந்தார். அதில், தனியார் மருந்துக்கடைகளில் ரூ 500 க்கும் அதிகமாக செலவளித்து வாங்கக் கூடிய மருந்துகள் அனைத்தையும் மத்திய அரசின் நலத்திட்டத்தின் கீழ் இயக்கப்படும் இந்த ஜன் ஒளஷாதி மருந்துக் கடைகளில் வாங்கும் போது வெறும் 60 ரூ தான் செலவாகிறது என்றும் அவர் குறிப்பிட்டிருந்தார். இத்தனை குறைவாக மத்திய அரசால் நாட்டு மக்களுக்குத் தேவையான மருந்துப் பொருட்களை தர முடியுமெனில் அது வரவேற்கப்பட வேண்டிய விஷயம் என்பதைத் தாண்டி இந்த வகையான மருந்துக்கடைகளை குறிப்பிட்ட சில இடங்களில் மட்டும் நிறுவாமல் நாடு முழுவதுமே வறுமைக்கோட்டுக்கு கீழான மக்கள் வாழும் பகுதிகள் அனைத்திலுமே இந்த திட்டத்தைப் பரவலாக்க மத்திய அரசு முயற்சி மேற்கொள்ளலாமே! ஏனெனில், இந்தியாவில் பணக்காரர்களை விட ஏழை மக்களின் குறிப்பாக வறுமைக் கோட்டுக்கு கீழே வாழும் மக்களின் சதவிகிதம் தான் அதிகம் என்கையில் இந்தக் கடைகளின் எண்ணிக்கை அதிகரித்தால் மட்டுமே இத்திட்டத்தால் நிஜமான பலன் கிடைக்கக் கூடும். 

மத்திய அரசின், ஏழை மக்கள் உயிர் காக்கும் சேவைத் திட்டங்களில் ஒன்றான இந்த ‘ஜன் ஒளஷாதி’ மருந்துக் கடைகள் நிறுவப்படும் இடங்களும் கூட பெரும்பாலும் வறுமைக் கோட்டுக்கு கீழ் வாழும் மக்கள் வசிக்கும் பகுதிகளாக இருந்தால் மட்டுமே அம்மக்கள் பெருவாரியாக இந்த மருந்துக்கடைகளைப் பயன்படுத்தி பலன் பெற வசதியாக இருக்கும். அப்படியல்லாது லாப நோக்கில் இந்த மருந்துக் கடைகளை நடத்துவதற்கான உரிமம் பெற்றவர்கள் நகர மையத்திலோ அல்லது மக்கள் கூட்டம் மிகுந்த இடங்களிலோ கட்டமைத்துக் கொண்டால் உண்மையில் மத்திய அரசு இந்த திட்டத்தை யாருக்காகத் தொடங்கியதோ அவர்கள் அதனால் பயன் பெற முடியாத நிலை ஏற்பட்டு விடலாம். 

ஜன் ஒளஷாதி மருந்துக்கடைகளைப் பற்றி இதுவரை அறியாதோர் கீழே உள்ள இரண்டு இணைப்புகளை அழுத்தி தமிழ்நாட்டிலும், சென்னையிலும் ‘ஜன் ஒளஷாதி மருந்துக்கடைகள் எங்கெங்கே அமைந்துள்ளன எனும் விவரங்களை அறிந்து கொள்ளலாம்.

தமிழ்நாட்டில் ஜன் ஒளஷாதி மருந்துக் கடைகள் அமைந்துள்ள இடங்கள்...

சென்னையில் ஜன் ஒளஷாதி மருந்துக் கடைகள் அமைந்துள்ள இடங்கள்...

ஜன் ஒளஷாதி திட்டம் பற்றி மேலதிக தகவல் பெற உதவும் இணையதளம்...

இந்த மருந்துக்கடைகளில் மக்களின் உயிர் காக்கும் அத்தியாவசியமான மருந்துகளின் விலையில் பிற தனியார் மருந்துக்கடைகளோடு ஒப்பிடுகையில் 80 % வரை விலை குறைவு என்று சில இணையதளங்களில் காண நேர்ந்தது. அது நிஜமா? நிஜமென்றால் இத்திட்டம் உண்மையில் ஏழை மக்களுக்குக் கிட்டிய வரமே! தினமணி வாசகர்களில் ஜன் ஒளஷாதி மருந்துக்கடைகளைப் பயன்படுத்திப் பலன் பெற்றவர்கள் எவரேனும் இருந்தால். அது குறித்த தங்களது நேர்மறை மற்றும் எதிர்மறைக் கருத்துகளை இங்கு பகிர்ந்து கொள்ளலாம். அது இத்திட்டத்தைப் பற்றி இதுவரை அறிந்திராத புதியவர்களுக்குப் பலனுள்ளதாக இருக்கக்கூடும்.

Image courtesy: google

]]>
jan aushadhi yojana, ஜன் ஒளஷாதி மருந்துக்கடைகள், தமிநாடு, சென்னை, http://images.dinamani.com/uploads/user/imagelibrary/2017/10/25/w600X390/Jan-Aushadhi-Scheme-Overview.jpg http://www.dinamani.com/lifestyle/lifestyle-news/2017/oct/25/jan-aushadi-2795674.html
2795183 லைஃப்ஸ்டைல் செய்திகள் நாளொன்றுக்கு 40 சிகரெட்டுகள் பிடித்த 2 வயதுக் குழந்தையின் இன்றைய நிலை?! RKV DIN Tuesday, October 24, 2017 04:31 PM +0530  

2010 ஆம் வருடத்தில் இந்தோனேசியாவைச் சேர்ந்த ஆர்டி ரிஸல் எனும் இந்த 2 வயதுச் சிறுவன் திடீரென ஊடகங்களில் பரபரப்புச் செய்தியானான். எதற்கென்று தெரியுமா? 2 வயது என்பதே குழந்தைப் பருவம் தான், அந்த அறியாக் குழந்தைப் பருவத்தில் இந்தச் சிறுவன் நாளொன்றுக்கு 40 சிகரெட் வரை தொடர்ந்து அசால்ட்டாக ஊதித் தள்ளிக் கொண்டிருந்தான். இந்த சிகரெட் கணக்குகள் கூட தோராயமாக அவனது பெற்றோர் சொன்ன அளவீடுகளே! அந்த அளவுக்கு சிகரெட் மீது அவனுக்கு அளவில்லாத மோகம் இருந்தது. சிகரெட் பழக்கம் மட்டுமல்ல ரிஸலுக்கு அளவில்லாமல் அபிரிமிதமாகச் சாப்பிடும் வழக்கமும் இருந்திருக்கிறது. இதனால் உடல்பருமனாலும் தொடர்ந்து அவதிப்பட்டுக் கொண்டிருந்திருக்கிறான்.

பின்னர், ஊடகங்களில் வெளியான அவனது கதை பலரது கோபங்களைத் தூண்டியது, அந்தக் கோபம்... இந்தோனேசிய அரசை குழந்தை பருவப் புகைப்பிடிக்கும் பழக்கத்துக்கு எதிராக ஒரு நிலைப்பாட்டை எடுக்கத் தூண்டியது. அதைத் தொடர்ந்து ரிஸலுக்கு புகைபிடிக்கும் பழக்கத்திற்காக சிகிச்சையும் அளிக்கப்பட்டது. புகைப்பழக்கத்துக்கு அடிமையாகும் போது ஆர்டிக்கு 2 வயது தான் ஆகியிருந்தது. புகை அடிமைப் பழக்கத்திலிருந்து அவனை மீட்டுக் கொண்டு வர மறுமலர்ச்சி நிலையத்துக்கு அனுப்பப்பட்டான். அங்கிருந்து தற்போது தனது புகை அடிமைத்தனத்திலிருந்து மீண்டிருக்கும் ஆர்டிக்கு இப்போது 8 வயதாகிறது. ஆனாலும் குழந்தைப் பருவத்திலிருந்து பழக்கமாகி விட்ட ஒரு அடிமைத்தனத்திலிருந்து மீள்வதென்பது அவனுக்கு அத்தனை எளிதான விஷயமாக இல்லை.

அப்படித்தான் புகைப்பழக்கத்திலிருந்து மீள்வதற்கு முயற்சித்து கடைசியில் ஆர்டி, தொடர்ந்து இடைவிடாமல் உண்ணும் பழக்கத்துக்கு அடிமையாகி விட்டான். இது எல்லோருடைய வாழ்க்கையிலுமே நிகழக்கூடிய ஒரு சோகம் தான். ஒரு அடிமைத்தனத்திலிருந்து விடுபட நினைத்து பிறிதொன்றில் மாட்டிக் கொள்வதை எப்படி மீட்சி என்று கருத முடியும். அதனால் ஆர்டியின் பெற்றோர் கவலையில் ஆழ்ந்தனர்.

ஆர்டியின் அம்மா டயானேவின் கூற்றுப்படி, இப்போது யாரேனும் ஆர்டியிடம் புகைப்பதற்கு சிகரெட்டுகள் வழங்கினார்கள் எனில், அவர்களிடம் ஆர்டி சொல்லும் பதில்; ஐ லவ் காக் செடொ (ஆர்டியின் மனநலவியல் மருத்துவர்களில் ஒருவர்) நான் புகைத்தால் அவர் மிகவும் மனம் வருந்துவார் என்பதோடு என்னை நானே சுகவீனனாகவும் ஆக்கிக் கொண்டவனாவேன்.’ அதனால் எனக்கு சிக்ரெட்டுகள் எப்போதுமே வேண்டவே வேண்டாம் என்கிறானாம். ஆர்டியைப் பொருத்தவரை இது மிக நல்ல முன்னேற்றம் தான்!

தற்போது தனது அளவில்லாமல் உண்ணும் பழக்கத்துக்காகவும் தொடர்ந்து சிகிச்சை எடுத்து வரும் ஆர்டி. கூடிய விரைவில் அந்த அடிமைத்தனத்திலிருந்தும் விடுபட்டு விடுவான் என நம்பிக்கை தெரிவித்திருக்கிறார் ஆர்டியின் அம்மா!

அன்று ஒபிசிட்டியால் அவதிப்பட்டுக் கொண்டிருந்த ஆர்டியின் இன்றைய தோற்றம் இது தான்.

Article concept & Image courtesy : allindiaroundup.com
 

]]>
2-year-old Ardi Rizal, smoke 40 cigarettes per day., ஆர்டி ரஸல், நாளொன்றுக்கு 40 சிகரெட், 2 வயதுக் குழந்தை http://images.dinamani.com/uploads/user/imagelibrary/2017/10/24/w600X390/Ardi-the-little-smoker.jpg http://www.dinamani.com/lifestyle/lifestyle-news/2017/oct/24/kid-who-use-to-smoke-40-cigarettes-a-day-this-is-how-he-looks-now-2795183.html
2795146 லைஃப்ஸ்டைல் செய்திகள் சல்வார் கமீஸ் உங்களுக்குப் பிடித்த உடையா? அப்படியெனில் இந்த 9 விஷயங்களையும் தெரிந்து கொள்ளுங்கள்! உமா DIN Tuesday, October 24, 2017 12:31 PM +0530 சல்வார்-கமீஸ் என்பது, சல்வார், கமீஸ் ஆகிய இரண்டு பகுதிகளை உடைய ஒரு உடை. இது இந்தியப் பெண்களுக்கு மிகவும் பாந்தமான உடை எனலாம். இதனைத் தைப்பதும், உடுத்திக் கொள்வதும் மிக எளிது என்று தோன்றினாலும், சல்வார் கமீஸை பொருத்தமாக அணிவதற்கு சில விஷயங்கலை நினைவில் வைத்துக் கொள்ள வேண்டும். மாடர்ன் ஸ்டைலிஷ் லுக் வேண்டுமெனில் உங்களுக்கு ஏற்ற மிகச் சரியான சல்வாரை தேர்ந்தெடுத்து அணிய வேண்டும். அதற்கு சில வழிமுறைகள் உள்ளன. அவை,

1. உடலுக்குப் பொருத்தமான அளவு 

சல்வார் கமீஸ் உடையின் வடிவமைப்பில் உள்ள சிறப்பு எதுவென்றால், அது அணிவதற்கு வசதியான ஒரு உடை. அணிந்து கொள்ளும் போது செளகரியமாக இருக்கும். இந்த உடையை டைட் ஃபிட்டிங் மற்றும் லூஸ் ஃபிட்டிங் என்ற இரண்டு வகையில் தைத்துக் கொள்ளலாம். உங்கள் உடல் வாகுக்கு எது பொருத்தமாக உள்ளதோ அப்படி அணிய வேண்டும்.

பொதுவாக சல்வார் கமீஸை கொஞ்சம் லூசாக, அதே சமயம் உடலுக்கு ஏற்ற வகையில் தைக்க வேண்டும். குர்தா மிகவும் இறுக்கமாக இருந்தால் அது சல்வாரின் அழகைக் கெடுத்துவிடும்.

நீங்கள் வழக்கமாக துணி தைக்க கொடுக்கும் கடையில் சல்வாரைத் தைத்துக் கொள்வது முக்கியம். காரணம் உங்களுக்குத் தேவையான மாற்றங்களையும் உள்ளடக்கி தைப்பார்கள்.

2. துணி வகை 

லினன், காட்டன் போன்ற துணி ரகங்கள் உங்களை பருமனாகக் காட்டக் கூடும். ஜார்ஜெட், ஷிஃபான், க்ரேப் போன்ற துணி வகைகளில் சல்வார் கமீஸ் தைத்துப் போட்டுக் கொள்ளும் போது உடலுக்கு கச்சிதமாக இருக்கும். உடலை உறுத்தாத துணி ரகங்களைத் தேர்ந்தெடுத்து அதன் பின் கமீஸ் தைத்துக் கொள்வது நல்லது.

3. அதிகப்படியான மேட்சிங் வேண்டாம்

மேட்சாக அணிகிறேன் என்று ஒரே நிறத்தில் தலை முதல் கால் வரை எல்லாவற்றையும் ஒரே கலரில் அணியக் கூடாது. உதாரணத்துக்கு கமீஸின் கலர் சிவப்பு என்று வைத்துக் கொண்டால், சிவப்பு துப்பட்டா, சிவப்பு வளையல்கள், சிவப்பு பொட்டு மற்றும் சிவப்பு காதணிகள் என்று ஒரே சிவப்பு மயமாகக் காட்சியளிக்க வேண்டாம். மேட்சிங் பார்ப்பவர்களின் கண்களை உறுத்தும் அளவுக்கு இருக்கக் கூடாது.

உடையின் டிசைனுக்கு ஏற்றவாறு வெவ்வேறு நிறத்தில் அணிகலன்களின் நிறம் பளிச்சென்று இருந்தால் பார்க்க பாந்தமாக இருக்கும்.

4. நீளமான குர்தாவுக்கு பாடியாலா அணியலாமா?

நிச்சயம் அணியக் கூடாது. நீளமான குர்த்தா பாட்டியாலாவுக்கு ஒத்து வராது. பாட்டியாலா சல்வாரின் அழகே அதிலுள்ள அழகான விரிவுகள் தான். நீளமான குர்தாவை அணிந்தால் பாட்டியாவிலுள்ள ஃப்ரில்ஸ் மறைந்துவிடும். பாடியாலா சல்வாரை அணியும் போது முட்டளவு அல்லது அதற்கு ஒரு இன்ச் கீழே உள்ள குர்தா அணிவது பொருத்தமாக இருக்கும். 

5. லைனிங் அவசியம்

சில ஆடைகளுக்கு லைனிங் கட்டாயம் தேவைப்படும். காரணம் அந்தத் துணி வகை மெல்லியதாக இருக்கும். குர்தாவின் அளவுக்கு ஏற்றபடி லைனிங் தைக்க வேண்டும். தவிர சிலர் லைனிங் தைக்காமல் அந்தந்த உடைக்கேற்ற நிறத்தில் நீளமான ஸ்லிப்பை அணிவார்கள். அது சரிதான், ஆனால் குர்தாவை விட ஸ்லிப் நீளமாக இருக்கக் கூடாது. அதற்கு லைனிங் வைத்த சல்வாரே பரவாயில்லை.

6. ஆடைக்கு ஏற்ற அணிகலன்கள்

ஆடைக்கு ஏற்ற பொருத்தமான அணிகலன்களை அணிவது அழகுக்கு அழகு சேர்க்கும் என்பது உண்மைதான். ஆனால் அது சற்று அதிகமாகிவிட்டால் அலங்கோலமாகிவிடும். மிதமான தேவையான அணிகலன்களை அணிவது தான் சல்வார் கமீஸ் போன்ற உடைகளுக்கு சிறப்பான தோற்றத்தை ஏற்படுத்தும்.

சல்வாரில் எம்ப்ராய்ட்ரி வேலைப்பாடுகள் இருந்தால் எளிமையான அணிகலன்கள் அணிந்தால் போதுமானது. கழுத்துப் பகுதியில் உள்ள டிசைன் தெரியவேண்டும் என்று நினைத்தால் நெக்லஸ் அணியாமல் இருப்பது நல்லது. 

7. துப்பட்டா தேவையா

சில சல்வார் கமீஸுக்கு துப்பட்டா அணிவது தேவையிருக்காது. காரணம் அதன் கழுத்துப் பகுதிகளின் டிசைன் மற்றும் வேலைப்பாடுகள் துப்பட்டா அணிந்தால் மறைந்துவிடும்.

ஆனால் துப்பட்டா அணிந்தே ஆக வேண்டும் என்ற சூழலில் மெல்லிய ஷிபான் வகை துப்பட்டாக்களை அணிந்து கொள்ளலாம். அது டிசைன்களை மேலும் எடுப்பாகக் காண்பிக்கும்.

8. துப்பட்டாவின் நீளம்

துப்பட்டாவின் நீளம் பொதுவாக 2.5 மீட்டர் கட்டாயம் இருக்க வேண்டும். சிலர் துப்பட்டாவுக்கு பதில் ஸ்டோல் அல்லது ஸ்கார்ஃப் பயன்படுத்துவார்கள். அவை சல்வாரின் அழகைக் கெடுப்பதுடன் மிகவும் குட்டையாக இருக்கும். குட்டைத் துப்பட்டா அணிந்தால் அது சல்வாரின் அழகை கெடுத்துவிடும்.

சல்வார் அணியும் போது நீளமான துப்பாட்டாவை போட்டுக் கொள்ளும் போதுதான் அது அந்த உடையின் அமைப்பை அழகாக்கும். துப்பட்டா கட்டாயம் உங்கள் முட்டு அளவாவது இருப்பது அவசியம். ஒரே பக்கமாக துப்பட்டாவை அணிந்தாலும் சரி மடித்து இரு தோளிலும் போட்டுக் கொண்டாலும் சரி, நீளமான துப்பட்டாக்களே சல்வார் கமீஸுக்கு பொருத்தமானது.

9.காலணியும் முக்கியம்

சல்வார் கமீஸ் அணியும் போது அதற்கேற்ற வகையில் செருப்பு அணிவதுதான் உடையலங்காரத்தை நிறைவு செய்யும் செயல்.

நீளமான சல்வார் போட்டால், அதற்கேற்ற வகையில் குதிகால் உயரமுள்ள காலணியை அணியலாம். முட்டளவு சல்வார் கமீஸ் அணிந்தால், உடைக்கேற்ற டிசைனர் ஜுட்டிஸ் செருப்புக்கள் நன்றாக இருக்கும்.

]]>
dress code, accessories, Salwar Kameez, Indian outfit, சல்வார் கமீஸ், உடை http://images.dinamani.com/uploads/user/imagelibrary/2017/10/24/w600X390/31685-green-bollywood-salwar-kameez-shop-online.jpg http://www.dinamani.com/lifestyle/lifestyle-news/2017/oct/24/9-things-to-not-do-when-wearing-a-salwaar-kameez-2795146.html
2793567 லைஃப்ஸ்டைல் செய்திகள் மைசூரு சுற்றுலாப் பயணிகளைப் பாதுகாக்க உருவாக்கப்பட்டுள்ள ‘டூரிஸ்ட் போலீஸ் / டூரிஸ்ட் மித்ரா’ திட்டங்கள்! RKV DIN Saturday, October 21, 2017 12:59 PM +0530  

கர்நாடக உள்துறை அமைச்சர் ராமலிங்க ரெட்டி உத்தரவின் பேரில் மைசூர் காவல்துறையில் புதிதாக ‘டூரிஸ்ட் போலீஸ்’ என்றொரு பிரிவு துவக்கப்பட இருக்கிறதாம். ஆண்டு தோறும் மைசூரு அரண்மனை, மைசூரு விலங்கியல் பூங்கா, சாமுண்டி ஹில்ஸ் உள்ளிட்ட சுற்றுலாத்தலங்களை பார்வையிட வரும் சுற்றுலாப் பயணிகளின் எண்ணிக்கை அதிகரித்துக் கொண்டே வருகிறது. மைசூரு அரண்மனையைப் பார்வையிட மட்டும் ஆண்டொன்றுக்கு 3.5 மில்லியன் சுற்றுலாப் பயணிகள் வந்து செல்கிறார்கள். அதற்குச் சற்றும் குறையாமல் மைசூர் விலங்கியல் பூங்காவைப் பார்வையிட 3 மில்லியன் சுற்றுலாப் பயணிகள் வந்து செல்கிறார்கள். விழாக்காலங்களில் மைசூரு சாமுண்டி ஹில்ஸ் கோயில் பகுதியில் நிலவும் நெருக்கடியோ சொல்லி மாளாது. லட்சக்கணக்கான மக்கள் சாமுண்டீஸ்வரியின் தரிசனம் காண வந்து செல்கிறார்கள்.

இப்படி மைசூருக்கு வரும் சுற்றுலாப் பயணிகள் மற்றும் அயல் மாநில பக்தர்கள் கூட்ட நெருக்கடியில் ஏமாற்றுக்காரர்கள் மற்றும் திருடர்கள் கையில் சிக்கி அவதிப்பட்ட கதைகள் மைசூரு காவல்துறை கிரைம் ஹிஸ்டரியில் நிறைய உண்டு. எனவே மைசூருக்கு சுற்றுலாவுக்காகவோ அல்லது தரிசனத்துக்காகவோ வரும் அயல் மாநில விருந்தினர்களை அவர்களது பயண நோக்கம் கெடாது பாதுகாத்து உபசரித்து அனுப்பி வைப்பது மைசூர் காவல்துறையின் கடமையும் கூட!

ஆனால் பெரும்பாலான பொதுமக்கள் சுற்றுலாத்தலங்களில் தங்களுக்கு நேரும் பொருட்கள் திருடு போதல் உள்ளிட்ட சிறு, சிறு பிரச்னைகளுக்காக காவல்துறையை அணுக விரும்புவதில்லை. ஏனெனில் பல இடங்களில் காவல்துறை, அயலூர் மக்களின் புகார்களுக்கு பெரிதாக ரெஸ்பாண்ட் செய்வதில்லை எனும் மனக்குறை பொதுமக்களுக்கு உண்டு. எனவே எதற்கு சுற்றுலா வந்த இடத்தில் தேவையற்ற பிரச்னை என்றெண்ணி பலரும் புகாரளிக்காமல் தவிர்த்து விடுவதே வழக்கம். 

எனவே மைசூரு நகரில் மட்டுமேனும், பொதுமக்கள் மற்றும் காவல்துறையினரிடையே நிலவும் இந்த பனிப்போரை தளர்த்தும் வண்ணம் காவலர்களுக்கு வழக்கமான யூனிஃபார்ம்களைத் தவிர்த்து, மக்கள் பார்வையில் நட்புணர்வை ஏற்படுத்தும் வண்ணம் ‘டூரிஸ்ட் போலீஸ்’ என்று பேட்ஜ் அணிந்து கொண்டு பணியிலிருந்தால் சுற்றுலாப் பயணிகளுக்கு வழக்கமாக காவல்துறை என்றாலே தோன்றக்கூடிய அலர்ஜி குறையும் என மைசூரு உள்துறை அமைச்சர் நினைத்தார்.

அந்த நினைப்பை உடனடியாகச் செயல்படுத்தச் சொல்லி மைசூரு கமிஷனர் A S ராவ்க்கு உத்தரவிடப்பட்டிருந்தது.

ஆனால் தற்போது மைசூரு சுற்றுலாத்துறை ‘டூரிஸ்ட் மித்ரா’ (சுற்றுலாப் பயணிகளின் நண்பன்)என்ற பெயரில் மைசூர் உட்பட 13 கர்நாடக மாவட்டங்களில் தேர்ச்சி பெற்ற சுற்றுலாப் பாதுகாவலர்களை நியமித்ததும் டூரிஸ்ட் போலீஸ் திட்டம் இப்போதைக்கு நிறுத்தி வைக்கப்பட்டுள்ளதாம்.

Thanks to ucnews.com.

]]>
tourist police, tourist mithra, mysuru police, டூரிஸ்ட் போலீஸ், மைசூரு போலீஸ், டூரிஸ்ட் மித்ரா http://images.dinamani.com/uploads/user/imagelibrary/2017/10/21/w600X390/mysuru_palaceEE.jpg http://www.dinamani.com/lifestyle/lifestyle-news/2017/oct/21/tourist-police-tourist-mithra-schemes-to-protect-mysuru-tourists-2793567.html
2792898 லைஃப்ஸ்டைல் செய்திகள் குழந்தைகள் சேட்டை செய்தால் அவர்களுக்கு மரணத்தைப் பரிசளிப்பதா? என்ன ஒரு அரக்கத்தனம்?! கார்த்திகா வாசுதேவன் DIN Friday, October 20, 2017 01:34 PM +0530  

அமெரிக்காவின் ஃபுளோரிடா மாகாணத்தைச் சேர்ந்த 69 வயது க்ரே ஸ்மித் எனும் பெண்மணி தன் 9 வயது மகள் டெரிகா லிண்ட்சே சேட்டை செய்கிறார் என்ற கோபத்தில் தனது உறவினரான 64 வயது வெரோனிகா போஸ்ஸி எனும் பெண்மணியைக் கொண்டு புது விதமாக மிரட்டி இருக்கிறார். எப்படி தெரியுமா?

9 வயதுச் சிறுமியின் மடியில் 64 வயது வெரோனிகாவை உட்காரச் சொல்லி இருக்கிறார். வெரோனிகாவின் எடை அதிகமில்லை... வெறும் 145 கிலோ தான்!!! பச்சை மண்ணான 9 வயதுச் சிறுமி இந்த எடையைத் தாங்குவாளா? இல்லையா? என்ற குறைந்த பட்ச ஞானம் கூட இல்லாத அம்மாவான க்ரே ஸ்மித் இப்போது மகளை இழந்து அழுது கொண்டிருக்கிறார்.

ஆம்... 145 கிலோ அதிக எடை கொண்ட வெரோனிகா 9 வயதுச் சிறுமி டெரிகாவின் மடியில் அமர்ந்ததில் முதலில் சிறுமிக்கு மூச்சுத்திணறல் ஏற்பட்டிருக்கிறது. அதைத் தொடர்ந்து எடையை மீறி சிறுமியால் எழுந்து விடுபட முடியாத காரணத்தால் பயத்தில் மாரடைப்பு ஏற்பட்டு சிறுமி இறந்து விட்டார். உறவினரான க்ரே சொல்கிறார் என்பதற்காக ஒரு பச்சிளம் சிறுமியை பயமுறுத்திய வெரோனிகா, இப்போது கொலைக் குற்றத்திற்காக கைது செய்யப்பட்டிருக்கிறார்.

‘அம்மா என்றாலே அன்பு என்று தான் அர்த்தம்’. ஆனால் க்ரே ஸ்மித் மாதிரியான அம்மாக்கள் பேசாமல் குழந்தையே பெற்றுக் கொள்ளாமல் தவிர்த்து விடலாம். குழந்தைகள் என்றால் சேட்டை தானே அவர்களது டிரேட் மார்க். அதற்காக இப்படி நூதன தண்டனை எல்லாம் கொடுத்து அவர்களது மரணத்திற்கே காரணமாகி விடும் அம்மாக்களை என்ன சொல்வது?! இதில் கொலைக்குற்றம் சாட்டப்பட வேண்டியது வெரோனிகாவின் மீது மட்டுமல்ல, எய்தவர்கள் இருக்க அம்பை மட்டும் நோவானேன்?! சிறுமியின் தாய் க்ரே ஸ்மித்தும் இவ்விஷயத்தில் கொலைக்குற்றவாளி தான்.

இன்றைய தாய்மார்களுக்கு குழந்தைப் பேறு அடைந்ததும், அவர்களுக்கு முதலில் தர வேண்டியது குழந்தையை எப்படிக் கையாள்வது, எத்தனை போஷாக்காக வளர்ப்பது என்பது குறித்த பயிற்சிகள் அல்ல, பெறப்போகும் குழந்தைகள் என்ன விதமான சேட்டைகள் எல்லாம் செய்யக்கூடும்? அவற்றை எப்படியெல்லாம் பொறுமையுடன் சமாளிக்க வேண்டும் என்ற பயிற்சிகளைத் தான். 

அமெரிக்காவைப் பொருத்தவரை கடந்த வாரத்தில் நிகழ்ந்த சிறுமிகளுக்கு எதிரான வன்முறையில் இது இரண்டாவது சம்பவம்;

முதல் சம்பவம், 

கேரளாவைச் சேர்ந்த மென்பொறியாளர் ஒருவர், தான் தத்தெடுத்த மூன்று வயதுச் சிறுமி ஒருத்தி, சரியாகச் சாப்பிட மாட்டேன் என்கிறாள், பால் அருந்த மறுக்கிறாள் என்ற காரணத்துக்காக அவளை தனது வீட்டின் வெளியில் உள்ள தோட்டப்பகுதியில் மரத்தினடியில் தனியாக நிற்க வைத்து தண்டனை அளித்து விட்டு வீட்டுக்குள் சென்று விட்டிருக்கிறார். சில நிமிடங்களில் திரும்பி வந்து பார்த்தால், குழந்தையைக் காணோம். இன்று வரையிலும் அந்தச் சிறுமி கிடைத்தபாடில்லை. மூன்றே வயது நிரம்பிய சிறுமியை, யாராவது அப்படி இரவு நேரத்தில் வீட்டின் வெளியில் தனியாக நிற்க வைத்து விட்டுச் செல்வார்களா? அமெரிக்காவின் வீட்டுத் தோட்டங்களைப் பற்றிச் சொல்லவே வேண்டியதில்லை. அங்கெல்லாம் வீட்டின் பின்புறத் தோட்டங்கள் எனில் அவை மினி காடுகள் போல அளவில் பிரமாண்டமானவை என்று பலர் சொல்லக் கேள்வி! இரவுகளில் கரடிகள் நடமாட்டம் கூட இருப்பதுண்டு என அரசு எச்சரிக்கை எல்லாம் செய்யும் என்று கூட உறவினர்கள் சிலர் சொல்லக் கேள்விப்பட்டிருப்போம். அப்படியான சூழலில் அதிலும் தத்துச் சிறுமியை மிரட்ட வேண்டிய அவசியமென்ன? அந்தச் சிறுமி ஒரு மாற்றுத்திறனாளி என்று வேறு சொல்லப்படுகிறது. இப்படி சின்னஞ்சிறு விஷயங்களுக்காகவெல்லாம் அறியாக் குழந்தைகள் சிரமத்துக்கு உள்ளாக்கப்படும் போது அந்தச் செய்திகள் வாசகர்களை மிகுந்த கொதிப்புக்கு உள்ளாக்குகின்றன.

“குழந்தைகளுக்கு என்று இயற்கையாக உள்ள இயல்புகளோடு அவர்களை வாழ அனுமதிப்பதே கூடாது என்றாகி விட்டது இன்று!”

இப்படியான செய்திகளைக் காணும் போதெல்லாம்,

‘இன்றைய பெற்றோர்கள், தங்களால் ஒரு குழந்தையை பொறுமையும், சகிப்புத் தன்மையும் கொண்டு வளர்க்க முடிந்தால் மட்டுமே குழந்தைகளைப் பெற்றுக் கொள்ள வேண்டுமே தவிர; டைம் பாஸுக்கு குழந்தை பெறத் தேவையே இல்லை, அத்தகைய பெற்றோர் கடுமையாகத் தண்டிக்கப்படுவர்’

- என அரசாங்கங்கள் சட்டம் இயற்றினாலும் தேவலாம் என்று தான் சொல்லத் தோன்றுகிறது.

]]>
குழந்தைகள் நலம், குழந்தைகளுக்கெதிரான வன்முறை, child care, child abuse, Veronica Posey, Dericka Lindsay http://images.dinamani.com/uploads/user/imagelibrary/2017/10/20/w600X390/veronika.jpg http://www.dinamani.com/lifestyle/lifestyle-news/2017/oct/20/குழந்தைகள்-சேட்டை-செய்தால்-அவர்களுக்கு-மரணத்தைப்-பரிசளிப்பதா-என்ன-ஒரு-அரக்கத்தனம்-2792898.html
2789094 லைஃப்ஸ்டைல் செய்திகள் ஆன்லைன் ஷாப்பிங்கில் நிபுணராக விரும்புகிறீர்களா? உமா பார்வதி DIN Thursday, October 12, 2017 12:26 PM +0530  
ஆன்லைன் ஷாப்பிங் சமீப காலமாக அதிகரித்து வருகிறது. மக்கள் வீட்டிலிருந்தே தங்களுக்குத் தேவையான பொருட்களை வாங்கிக் கொள்ள முடிவதால் அது நெட்டிசன்களின் வரவேற்பைப் பெற்றுள்ளது. மக்களின் சேமிப்புத் திறனையும் இது மேம்படுத்துகிறது. ஆனால் நிறைய தளங்கள், எக்கச்சக்கமான பொருட்கள். எது தரமானது? எப்படி நமக்கு ஏற்ற பொருட்களை வாங்குவது? அது அத்தனை கடினமான ஒரு விஷயமல்ல. ஆன்லைனில் பொருட்களை வாங்குவதற்கு முன்பாக சிலவற்றை கவனத்தில் வைத்து ஷாப்பிங் செய்வது அதி முக்கியம்.

ஆன்லைனில் பொருட்களை வாங்கும் போது கண்கவரும் சில விஷயங்களை அது தேவையா இல்லையா என்பதைப் பற்றி யோசிக்காமல் அவசரத்தில் வாங்கி விடுவோம். அது பணத்தையும் நேரத்தையும் வீணாக்கிவிடும். மேலும் சிலர் ஆன்லைனில் பொருட்களை அடிக்கடி பார்ப்பதும் அதை விருப்பப் பட்டியலில் (விஷ் லிஸ்ட்) போட்டு வைப்பதும், திடீரென்று நினைவுக்கு வந்து அதை வாங்குவதுமாக ஒருவித அடிக்‌ஷன் மனநிலைக்கு போய்விடுவார்கள். இதுவும் தேவையற்றது. ஆன்லைனில் ஸ்மார்ட் ஷாப்பிங் செய்வது ஒரு கலை. அதில் நீங்கள் நிபுணராக முடியும், அதற்கு நீங்கள் முதலில் சில டிப்ஸை நினைவில் வைத்துக் கொள்ள வேண்டும். 

சிறந்த சலுகைகளை கண்டறியுங்கள் 

ஊசி முதல் ஊஞ்சல் வரை, காப்பி பொடி முதல் காசு மலை வரை அனைத்து பொருட்களையும் பல்வேறு ஆன்லைன் நிறுவனங்கள் இணையத்தில் விற்கின்றன. நீங்கள் ஆன்லைனில் இருக்கும்போது, ​​ஒரே ஒரு வலைத் தளத்தில் பொருட்களை வாங்காமால், வெவ்வேறு வலைத்தளத்தில் அந்த பொருட்களின் விலையை பாருங்கள். மற்ற வலைத்தளங்களில் அந்தப் பொருட்களுக்கு உரிய சலுகைகளையும் நீங்கள் காணலாம்.

பெரும்பாலும் நாம் பெரிதும் நம்பும் அல்லது அடிக்கடி பொருட்களை வாங்கும் வலைத்தளத்தை மட்டுமே அதிகம் பயன்படுத்துவோம். ஆனால் மற்ற வலைத்தளங்களில் அதிக சலுகைகளில் அதே பொருளைப் பெற முடியும். இதில் நமக்குத் தேவை கொஞ்சம் பொறுமை மட்டுமே.

கூப்பன்களில் ஒரு கண் வைத்திருங்கள்

ஆன்லைன் ஷாப்பிங் செய்யும் போது தற்போதைய சலுகைகள் மற்றும் கூப்பன்கள் மூலம் வழங்கப்படும் தள்ளுபடி பற்றிய தகவல் வழங்கும் பல வலைத்தளங்கள் உள்ளன, எனவே நீங்கள் பொருட்களைத் தேர்ந்தெடுப்பதற்கு முன் கூப்பன் தேடலில் சிறிது நேரம் செலவிட சிறந்தது. பொருளுக்கு வரும் இலவசங்கள் பற்றியும் தெரிந்து கொள்ளுங்கள்.

பொருட்களை திருப்பி அனுப்பும் வசதி

ஆன்லைன் மூலம் வாங்கும் போது Return Policy அந்த தளத்தில் உள்ளதா என்பதை கவனித்து வாங்குங்கள். இது மிகவும் முக்கியமான விஷயம். காரணம் ஆடை, மோதிரம், காலணி, போன்ற சில பிரத்யேகப் பொருட்களை வாங்கும் போது அளவு சரியாக இல்லை என்றால் அதை திருப்பி அனுப்பி வேறு ஒன்றை வாங்கும் வசதி அந்த தளத்தில் இருக்க வேண்டும். இல்லையென்றால் பணம் வீணாவதுடன் மனக் கஷ்டமும் ஏற்படும்.

தொகுக்க மறக்கக் கூடாது

சில வலைத்தளங்களின் விலைகள் ஒப்பீட்டு வடிவில் ஒரே இடத்தில் காண்பிக்கப்படுகின்றன. இதன் படி, ஸ்மார்டான பயனர்கள் வெவ்வேறு வலைத்தளங்களில் உள்ள அந்த பொருளை ஒப்பிட்டு விலைப்பட்டியலை சரிபார்த்து, சலுகைகள் கூப்பன்கள் உள்ளிட்ட அனைத்து விஷயங்களையும் சரிபார்த்துவிட்டு தங்களுக்கு உகந்த சரியான பொருட்களைத் தேர்ந்தெடுக்க வேண்டும். தரமான பொருட்களை குறைந்த விலையில் ஒப்பிட்டுப் பார்த்து வாங்குவதே புத்திசாலித்தனம்.

கால அவகாசம்

நீங்கள் ஆர்டர் செய்த பொருள் அதிகபட்சம் 15 அல்லது 20 நாட்களுக்குள் உங்கள் கைக்கு வந்து சேர வேண்டும். அதற்கு மேல் அதிக நாட்கள் ஆகும் என்று தளத்தில் காண்பித்தால் நீங்கள் வேறு தளத்தில் சென்று ஷிப்பிங் டைம் எத்தனை நாட்கள் என்று பார்த்து வாங்கலாம். சென்னை போன்ற பெரு நகரங்கள் என்றால் ஒரு பொருள் நான்கு அல்லது ஐந்து நாட்களுக்குள் கிடைத்து விடும்.
அப்படி ஆர்டர் செய்த பொருட்கள் தகுந்த சமயத்தில் கிடைக்கவில்லை என்றால் ஏதோ பிரச்சினை என்பதை நீங்கள் உணரவேண்டும். உடனடியாக பொருள் எங்கே உள்ளது என்பதை டிராக் செய்து பாருங்கள். இன்னும் அந்த பொருட்களை அவர்கள் அனுப்பவில்லை என்றால் உடனடியாக கேன்சல் செய்து விடுங்கள்.

பணம் திரும்பக் கிடைக்க வேண்டும்

ஒரு பொருளை ஆர்டர் செய்தவுடன் நமக்கு தேவையில்லை அவசரப்பட்டு வாங்கிவிட்டோமே என்று தோன்றினால் நீங்கள் ஆர்டர் செய்த பொருட்களை கேன்சல் செய்யும் வசதியை குறிப்பிட்ட தளம் உங்களுக்கு வழங்குகிறதா என்று கவனியுங்கள். அதோடு முழுப்பணமும் உங்களுக்கு வந்து சேரும்படி இது இருக்க வேண்டும். பெரும்பாலும் ஒரு வாரம் அல்லது பத்து நாட்களுக்குள் உங்கள் பணம் திரும்பக் கிடைத்துவிடும்.

இறுதியாக, ஆர்டர் குறித்து உங்களுக்கு வரும் மின்னஞ்சல்கள் மற்றும் குறுஞ்செய்திகளை பொருட்கள் உங்களிடம் வந்து சேரும் வரை அழிக்காமல் பத்திரமாக வைத்திருங்கள்.

இவையே ஆன்லைன் ஷாப்பிங் போது மிக முக்கியமாக கவனிக்க வேண்டிய விஷயங்கள்.  

]]>
தீபாவளி, ஆன்லைன் ஷாப்பிங், Online shopping, purchase http://images.dinamani.com/uploads/user/imagelibrary/2017/10/12/w600X390/online-shopping_3.jpg http://www.dinamani.com/lifestyle/lifestyle-news/2017/oct/12/take-care-of-these-things-before-shopping-online-2789094.html
2787814 லைஃப்ஸ்டைல் செய்திகள் ஒரு மில்லினர் வீட்டு ‘ஸோ சிம்பிள்’ திருமணம்... இரண்டு கம்ப்யூட்டர்கள் மட்டுமே திருமணச் செலவாம்! RKV DIN Tuesday, October 10, 2017 11:53 AM +0530  

இந்தியா என்றதும் வெளிநாட்டுக்காரர்களுக்கு உடனடியாக ஞாபகம் வருவது என்னவென்று நினைக்கிறீர்கள்? முதலில் சென்னையின் இட்லி, தோசை, சாம்பார் என்று நினைத்து விடாதீர்கள். அதெல்லாம் வட இந்தியர்களுக்கு மட்டும் தான் ஞாபகம் வரும். பொதுவாக இந்தியா என்றதும் உலகத்தின் பொதுப்பார்வை என்ன தெரியுமா? பிரியாணி, பாலிவுட், படாடோபமான நமது பகட்டுத் திருமணங்கள் இவ்வளவு தானாம். இந்த மூன்று விஷயங்களுக்குள் அடங்கிப் போகிறதாம் இந்தியர்களின் வாழ்க்கை. தென்னிந்தியர்களையும் இப்போது இந்த பிரியாணி வகைகள் ஒரேயடியாய் மயக்கித் தான் வைத்திருக்கின்றன என்பதற்கு நமது திருமணங்களில் தவறாது பரிமாறப்படும் பிரியாணிகளே சாட்சி! இன்றைய தேதிக்கு பிரியாணி இல்லாமல் ஒரு திருமணத்தை நிறைவாக நடத்தி முடித்து விடத்தான் முடியுமா என்ன? அதை, விடுங்கள்... அப்புறம் நமது திருமணங்கள்... அடடே ரகம். பணமதிப்பிழப்பு இக்கட்டு நேரங்களில் கூட கர்நாடகாவைச் சேர்ந்த பாஜக பிரமுகரான ஜனார்த்தன ரெட்டியால், தன் மகளது திருமணத்தை 500 கோடி ரூபாய் செலவிட்டு டாம்பீகமாய் நடத்தி முடிக்க முடிந்தது என்றால் இந்தியத் திருமணங்களில் ஆடம்பரம் எத்தகைய இடத்தை வகிக்கிறது என்பதை நீங்கள் புரிந்து கொள்ளலாம். இந்தியாவில் திருமணங்கள், பல குடும்பங்களைக் கடனாளியாக்கி தவிக்க விட்டிருக்கின்றன என்று சொன்னால் நம்பித்தான் ஆக வேண்டும்.

இந்தியத் திருமணங்கள் என்றாலே, விதம், விதமான பட்டும், நகைகளும், ஊரை அசத்தும் கல்யாணச் சாப்பாட்டு மெனுக்களுமாக பகட்டு பலவிதங்களில் பல்லைக் காட்டும். இந்தியத் திருமணங்கள், இரு மனங்களை இணைக்கும் சங்கம விழாக்கள் மட்டுமல்ல, இரு குடும்பங்களின், சொத்து மதிப்பை பொருட்காட்சியாக்கி ககை விரிக்கக் கிடைத்த ஒரு வாய்ப்பாகவும் கூடப் பார்க்கப் படுகிறது. இரு குடும்பங்கள் என்று கூறி திருமண வீட்டாரை மட்டும் குறை சொல்வானேன். திருமணத்தில் கலந்து கொள்ளச் செல்வோரையும் சேர்த்தே கற்பனை செய்து பாருங்கள். அவர்களுக்கும் கூட திருமண விழாக்களில் கலந்து கொள்வது என்பது, தங்களிடமுள்ள நகைகளையும், விதம் விதமான விலையுயர்ந்த ஆடைகளையும் சமூகத்திற்குக் காட்டி தங்களது அந்தஸ்தைப் பறைசாற்றிக் கொள்ளக் கிடைத்த ஒரு வாய்ப்பே என்றால்... அது மிகையில்லை.

இந்தியத் திருமணங்களின் பொது இலக்கணம் இப்படியாக இருக்கும் போது, யாராவது, அதிலும் குறிப்பிட்டுச் சொல்வதென்றால், ஒரு கோடீஸ்வரர், தமது மகனுக்கு எவ்விதப் பகட்டுகளுமின்றி மிக எளிமையாக பதிவுத் திருமணம் செய்து வைத்தால் அது நிச்சயம் அதிசயமான விஷயமாகத்தான் கருதப்படும்.

கேரளாவைச் சேர்ந்த தொழிலதிபரான பொறிஞ்சு வெலியத் என்பவரது மகன் சன்னி வெலியத்தின் திருமணம் தான் அத்தனை எளிய திருமணமாக நடந்து முடிந்திருக்கிறது. பொறிஞ்சு வெலியத், சுமார் 1200 கோடி ரூபாய் சொத்துக்கு அதிபதி என அவரது புரோஃபைல் காட்டுகிறது.

தனது மகனது திருமணம் குறித்து பொறிஞ்சு வெலியத் வெளியிட்டுள்ள ட்விட்டர் பதிவில்; 

இன்று என் மகனது திருமணம் கேரளாவில், சார் பதிவாளர் அலுவலகத்தில் இனிதே நடந்து முடிந்தது. சார் பதிவாளர் வேண்டுகோளின் படி, அலுவலகத்துக்கு என இரண்டு கம்ப்யூட்டர்களை வாங்கி அன்பளிப்பாக அளித்தோம். திருமணத்திற்கான செலவென்றால் அது ஒன்று மட்டும் தான் :)

என்று தெரிவித்துள்ளார்.

ஒரு கோடீஸ்வரராக இருந்து கொண்டு, மகனுக்கு இத்தனை எளிமையாகத் திருமணம் நடத்தி வைத்ததில் ஏதாவது உள்நோக்கம் உண்டா? என்ற கேள்விக்கு பதிலளிக்கையில்; ‘ இதில் எந்த உள்நோக்கமும் இல்லை, என் திருமணமும் இப்படித்தான் நடந்தது. அது மட்டுமல்ல என் மகன் அமெரிக்காவில் பணிபுரிகிறார். அவர், திருமணம் முடிந்ததும் விரைவாக அமெரிக்கா திரும்ப வேண்டிய நெருக்கடியில் இருந்தார். உடனடியாகச் சென்று முடித்தாக வேண்டிய அலுவல் அங்கிருந்தது. எனவே மணமகள் வீட்டாரிடம் பதிவுத் திருமணத்திற்கு சம்மதமா? என்று கேட்டதற்கு அவர்களும் ஒப்புக் கொண்டார்கள். அதனால் எளிமையாக திருமணத்தை முடித்துக் கொண்டோம். அதோடு திருமணம் என்றில்லை பொதுவாக எல்லா விஷயங்களிலுமே மக்கள் அவரவர் அறிவிற்கும், ஞானத்திற்கும் உட்பட்ட வகையில் முடிவெடுத்துச் செயலாற்றுகிறார்கள். அவ்வளவு தானே தவிர, இதில் பிரமாதமாகப் பேச ஒன்றுமில்லை’. என்ற ரீதியில் பதில் அளித்திருக்கிறார் பொறிஞ்சு வெலியத்.

பொரிஞ்சு வெலியத் ஈக்விட்டி இண்டலிஜென்ஸ் எனும் நிறுவனத்தின் ஸ்தாபகராகவும், செயல் தலைவராகவும் செயல்பட்டு வருகிறார். இந்தியாவில் வளர்ந்து வரும் சிறிய அளவிலான பங்கு வர்த்தக நிறுவனங்களில், மிக வேகமாக முன்னேற்றமடைந்து வரும் ஸ்தாபனங்களில் இவருடையதும் ஒன்று எனக் கருதப்படுகிறது.

திருமணம் ஒரு மனிதனுக்கும் சரி, குடும்பத்துக்கும் சரி சந்தோசத்தைத் தருவதாக இருக்க வேண்டுமே தவிர, கடனாளியாக்கக் கூடாது. என்று நினைப்பவர்கள்  இப்படிப்பட்ட எளிமையான திருமண முறைகளைத் தேர்ந்தெடுக்கலாமே!

Image courtesy: thebetterindia.com

]]>
http://images.dinamani.com/uploads/user/imagelibrary/2017/10/10/w600X390/simple_weddinggg.jpg http://www.dinamani.com/lifestyle/lifestyle-news/2017/oct/10/kerala-millionaire-holds-registered-marriage-for-his-son-2787814.html
2787238 லைஃப்ஸ்டைல் செய்திகள் ஹெல்மெட் அணியாதவர்களுக்கு லக்னெள போலீஸார் அளித்த வித்யாசமான விழிப்புணர்வுப் பரிசு! RKV DIN Monday, October 9, 2017 05:57 PM +0530  

நேற்று வட இந்தியாவில் சில மாநிலங்களில் கர்வா செளத் பண்டிகை கொண்டாடப்பட்டது. இது 4 நாட்களுக்கு நடைபெறும் ஒரு புராதனப் பண்டிகை. இதன் நோக்கம், கர்வ செளத் பண்டிகை தினத்தில் சுமங்கலிப் பெண்கள் காலையில் கண் விழித்தது முதலே பல்லில் பச்சைத் தண்ணீர் கூடப் படாமல் விரதம் இருந்து தமது கணவரின் ஆரோக்யம் மற்றும் பாதுகாப்புக்காக கடவுளை வேண்டிக் கொள்ள வேண்டும் என்பதாக வரையறுக்கப்பட்டிருக்கிறது.  அதன் படி விரதமிருக்கும் பெண்கள் மாலையில் முழு நிலவு தோன்றியதும், ஒரு வெள்ளி சல்லடை வழியாக முழு நிலவைப் பார்த்த கையோடு அப்படியே அதை இறக்கி அதன் வழியே தங்களது கணவரின் முகம் கண்டு, அவரது கையால் இனிப்பை உண்ட பின் விரதத்தை முடித்துக் கொள்ள வேண்டும். இது தான் இந்த விரதமுறை. நேற்று அந்தப் பண்டிகை ராஜஸ்தான், உத்தரப் பிரதேசத்தின் சில பகுதிகள், ஹரியானா, பஞ்சாப், இமாச்சலப் பிரதேசம் உள்ளிட்ட மாநிலங்களில் கோலகலமாகக் கொண்டாடப் பட்டது. 

இதில், இந்தப் பண்டிகையை முன்னிட்டு உத்தரப் பிரதேச மாநிலம் லக்னெள போலீஸார் கையாண்ட புதுமையான விழிப்புணர்வுப் பிரச்சாரம் தான் பண்டிகையின் ஹைலைட்!

லக்னெள போக்குவரத்துப் போலீஸார், நேற்று சாலையில் தங்களைக் கடந்த வாகனங்களில் ஹெல்மெட் அணியாமல் சென்ற தம்பதிகளை எல்லாம் மடக்கிப் பிடித்து ஃபைன் போட்டதோடு மட்டுமல்லாமல், அவர்களது மனைவிமார்களிடம் இனிமேல் கணவர்கள் ஹெல்மெட் இல்லாமல் வாகனம் ஓட்ட முயன்றால் அதைக் கவனித்து பொறுப்பாக அவர்களிடம் ஹெல்மெட்டின் அவசியத்தை எடுத்துரைத்து ஹெல்மெட் அணிவதின் பாதுகாப்பு அம்சத்தை உணர்த்த வேண்டியது மனைவிகளின் கடமை என போதித்தனர். அதோடு மட்டுமல்ல, ஃபைன் வசூலித்த அத்தனை பேருக்குமே தலா ஒரு ஹெல்மெட் வேறு இலவசமாக அளித்து அனுப்பினார்களாம். இது நிச்சயம் புதுமை தான். ஏனெனில், போக்குவரத்துப் போலீஸார் என்றாலே, ஃபைன் வசூலிப்பதை மட்டும் தான் கடமையாகச் செய்யக்கூடியவர்கள் என்றொரு பழிச்சொல் அவர்கள் மீது உண்டு. ஆனால் இம்முறை, அவர்கள் வித்யாசமாக யோசித்து, லக்னெள தம்பதிகளிடையே ஹெல்மெட் விழிப்புணர்வை ஏற்படுத்திய விதம் நிச்சயம் பாராட்டப்பட வேண்டியதே!

Image courtesy: better india.com

]]>
Lucknow Police , Helmet-Less Couples, Karva Chauth, கர்வா செளத் பண்டிகை, ஹெல்மெட் அணியாத கணவர்கள், லக்னெள போக்குவரத்துப் போலீஸார், பரிசு, ஹெல்மெட் http://images.dinamani.com/uploads/user/imagelibrary/2017/10/9/w600X390/luknow_police.jpg http://www.dinamani.com/lifestyle/lifestyle-news/2017/oct/09/ஹெல்மெட்-அணியாதவர்களுக்கு-லக்னெள-போலீஸார்-அளித்த-வித்யாசமான-விழிப்புணர்வுப்-பரிசு-2787238.html
2787225 லைஃப்ஸ்டைல் செய்திகள் தீபாவளிக்கு நகை வாங்கப் போகிறீர்களா?! ஹரிணி DIN Monday, October 9, 2017 04:34 PM +0530  

தீபாவளி வந்து விட்டது...

அட்சய திருதியைக்கு மட்டுமல்ல, இப்போதெல்லாம் எல்லா விதமான விழாக்கள் மற்றும் கொண்டாட்டங்களின் போதும் கூட மக்கள் நகைகள் வாங்க விரும்புகின்றனர். தங்கம், வெள்ளி, வைரம், வெள்ளைத்தங்கம், பிளாட்டினம் என சில உலோகங்கள் மட்டும் தான் எப்போதுமே இந்தியர்களான நமது ஏகதேச விருப்பங்களாக இருக்கின்றன. இந்த வகைகளிலும் கூட வைரம் என்பது கோடீஸ்வரர்கள் மற்றும் லட்சாதிபதிகளுக்கானவை என்றும் தங்க மட்டுமே சகலருக்குமானது என்றும் மக்களே தங்களுக்குள் தரம் பிரித்துக் கொண்டு விட்டார்கள். அதனால் தான் தங்கத்தின் விலை மட்டும் குறைவேனா என்கிறது. அதனால் தான் தங்கம் வாங்க தக்க தருணம் என்ற ஒன்றை இனம் பிரித்துப் பார்க்கவே முடியாமல் எல்லா நாளுமே திருநாட்களைப் போல தங்க நகைக்கடைகளில் கூட்டம் கும்மி நெரிகிறது. சரி இந்தத் தீபாவளிக்கு நீங்களும் கூட அந்தக் கூட்டத்தில் ஒருவராக இருக்க நேரலாம்... யாருக்குத் தெரியும்?! யார் எப்போது தங்கம் வாங்கப் போகிறார்கள் என?! முன்னைப்போல இல்லை, இப்போது நினைத்துக் கொண்டால் மக்கள் தங்கம் வாங்கக் கிளம்பி விடுகின்றனர்.

காரணம் தங்கம் எப்போதுமே மிகச் சிறந்த முதலீடு என மக்கள் நினைப்பதால்! 

சரி... இந்த தீபாவளிக்கு நகை வாங்கப் போகிறீர்களா? ஆமாம் என்றால்... என்ன டிசைனில் வாங்கப் போகிறீர்கள்? அட அதைப் பற்றியெல்லாம் ஒன்றும் தெரியாதா? அடடா என்ன சார் நீங்கள்? அதையெல்லாம் தெரிந்து வைத்துக் கொள்ள வேண்டாமா என்ன? 

இதோ பார்த்தீர்களா? நகை வடிவமைப்பில் இந்த டிசைனின் பெயர் ஃபிலிகிரீ நகை டிசைன்...

அதாவது குட்டிக் குட்டியாக தங்க உருண்டைகளை, அல்லது தங்கக் கம்பிகளை நெருக்கமாக இணைத்து நமது விருப்பத்துக்குத் தகுந்த மாதிரியான டிசைன்களை உருவாக்குவதை ஃபிலிகிரீ டிசைன் என்கிறார்கள். இம்மாதிரியான நகை டிசைன்களை உருவாக்குவதற்கு மிகுந்த பொறுமையும், கவனமும் தேவை. வரலாற்றில் இம்மாதிரியான டிசைன்களை விரும்புகிறவர்கள் என எகிப்தியர்கள், இத்தாலியர்கள், மற்றும், ஸ்பெயின் நாட்டைச் சேர்ந்தவர்கள் அடையாளம் காணப்படுகிறார்கள். இந்தியாவிலும் வரலாற்றுக் காலத்தின் ஆரம்ப நூற்றாண்டுகளில் ஃபிலிகிரி வேலைப்பாடுகள் புழக்கத்தில் இருந்திருக்கின்றன.

சாம்பிளுக்குச் சில ஃபிலிகிரீ நகை டிசைன்களைப் பாருங்கள்...

இது ஃபிலிகிரீ நெக்லஸ்...

இது ஃபிலிகிரீ காது தொங்கல் (தொங்கட்டான்)

நகை வாங்கச் செல்பவர்களில் எத்தனை பேருக்குத் தாம் வாங்கப் போகும் நகைகள் இன்னின்ன விதமான டிசைன்களில் எல்லாம் கிடைக்கும் என்ற பொது அறிவு இருக்குமெனத் தெரியவில்லை. இதெல்லாமும் கூட ஒரு விதமான ஆர்வம் தானே?!. இந்த ஆர்வம் இருந்தால் தானே, நாம் வாங்கும் நகைகளுக்காக நாம் செலவிடக்கூடிய தொகை சரியானதா? இல்லையா? என்ற தெளிவு கிடைக்கக் கூடும்.

இந்தியாவில் கிடைக்கக் கூடிய பொதுவான சில ஆபரண டிசைன்களைப் பற்றித் தெரிந்து கொள்ளுங்கள்;

  • ஆன்டிக் வகை நகைகள் (பழமை வாய்ந்த டிசைன்கள்)

  • பீட்ஸ் டிசைன் நகைகள் (முத்து, பவளம் கோர்த்த நகைகள்)

  • ஃபிலிகிரீ டிசைன்கள் (தங்க உருண்டைகள் மற்றும் கம்பிகளை இணைத்து உருவாக்கப்படும்)

  • மீனாகரி டிசைன்கள்( விலையுயர்ந்த கற்களைச் சுற்றி தங்க நகைகளில் எனாமல் கலந்து செய்யும் டிசைன்)

  • குந்தன் டிசைன் நகைகள் (குந்தன் கற்களை இணைத்து உருவாக்கப்படும் டிசைன்)

  • டெம்பிள் டிசைன் நகைகள்( விலையுயர்ந்த கற்கள் பதித்த நகை டிசைன்கள்

  • ஜேட் டிசைன் நகைகள்

  • டிரைப்ஸ் டிசைன் நகைகள்

  • ஃபேஷன் நகைகள்

  • நவரத்னா டிசைன் (நவரத்னங்கள் பதித்த நகைகள்)

  • ஐவரி டிசைன் (தந்தத்தினாலான நகைகள்) இத்யாதி... இத்யாதி...


இவற்றில், இந்த ஃபிலிகிரீயையே எடுத்துக் கொள்ளுங்கள். டிசைன்கள் பார்க்க அழகாகத் தான் இருக்கின்றன. ஆனால் இவற்றைப் பராமரிப்பது என்று எடுத்துக் கொண்டால் சற்றுச் சிரமம் தான்.

ஃபிலிகிரீயின் பிளஸ் & மைனஸ்...

  • இந்த வகை டிசைன்களில் சீக்கிரமே அழுக்கு சென்று தங்கிவிடும்.  ஒவ்வொரு முறை பயன்படுத்திய பிறகும் சுத்தமாக ஒரு மென்மையான வெண்ணிறத்துணியால் திடைத்து பத்திரப்படுத்துவதே சிறந்த பராமரிப்பு முறை. எனவே பராமரிக்கச் சோம்பல் படுகிறவர்கள் எனில் தயவு செய்து இந்த டிசைன்களைத் தவிர்த்து விடலாம்.
  • அது மட்டுமல்ல, இந்த வகை டிசைன்களைச் செய்யும் போது மிகவும் பொறுமையாகவும், கவனமாகவும் செய்ய வேண்டுமென்பதால் செய்கூலி இவற்றில் அதிகமிருக்கும்.
  • அதோடு கூட இந்த வகை நகை வடிவமைப்பில் அதிகமும் சிறு, சிறு தங்க உருண்டைகள் மற்றும் கம்பிகள் பயன்படுத்தப் படுவதால் அவற்றை நகையில் பொருத்தவும், இணைக்கவும் வேறு உலோகங்களையும் தங்கத்துடன் சற்றுக் கலக்க வேண்டியது வரலாம். எனவே இம்மாதிரி நகைகளை வாங்கும் போது தூய 22 கேரட் ஆபரணத் தங்கத்திற்கான பிஸ் ஹால்மார்க் முத்திரை இருக்கிறதா? என நகையை ஒன்றிற்குப் பலமுறை சோதித்துப் பார்த்த பிறகே வாங்க வேண்டும்.
  • அதோடு இம்மாதிரி நகைகளில் சேதாரமும் அதிகம் கணக்கிடப்படலாம், ஏனெனில் வேலைப்பாடு மிக்க இந்த நகைகளை உருவாக்கும் போது ஃபினிஷிங் கச்சிதமாக அமைவதற்காக பிசிறுகள் நீக்கப் படும் போது சேதாரம் அதிகமாக வாய்ப்பு உண்டு.

எனவே, நகை வாங்கச் செல்லும் முன் ஒன்றிற்கு இருமுறை, என்ன நகை வாங்கப் போகிறோம்? எந்த டிசைனில் வாங்கப் போகிறோம், வாங்கும் நகைகளின் பயன்பாடு எல்லாவற்றையும் வீட்டிலேயே யோசித்து ஒரு தெளிவான தீர்மானத்திற்கு வந்த பிறகே இனிமேல் நகைகள் வாங்கச் செல்லுங்கள்.

Image courtesy: financial express, cultural india.com.

]]>
diwali jewellery purchase, filigree, தீபாவளி நகை பர்சேஸ் டிப்ஸ், ஃபிலிகிரீ வேலைப்பாடு, jewellery purchase tips, indian jewllery designs, இந்திய நகை டிசைன்கள் http://images.dinamani.com/uploads/user/imagelibrary/2017/10/9/w600X390/diwali_gold_purchase.jpg http://www.dinamani.com/lifestyle/lifestyle-news/2017/oct/09/are-you-going-to-buy-gold-jewels-for-this-diwali-2787225.html
2787201 லைஃப்ஸ்டைல் செய்திகள் உங்களுக்கு என்ன கலர் பிடிக்கும்? DIN DIN Monday, October 9, 2017 03:09 PM +0530 சிறு வயதில் வண்ணங்கள் என்றாலே ஆச்சரியமான ஒரு விஷயம். குழந்தைகள் நிறங்களுக்கு அறிமுகமாகும் காலகட்டத்தில் ஒவ்வொரு நிறத்தையும் கண்கள் விரிய பார்த்து ரசிப்பார்கள். படம் வரைந்து கலர் செய்வதை விரும்பாத குழந்தைகளே இல்லை எனலாம். அவ்வகையில் குழந்தைப் பருவம் முதல் வாழ்வின் இறுதிவரை வண்ணங்கள் நம்முடன் உறவாடிக் கொண்டிருக்கும். இத்தகைய வண்ணங்களுடன் நம் எண்ணங்களுக்கும் தொடர்பு உள்ளது எனும் போது ஆச்சரியமாக இருக்கிறது அல்லவா?

உண்மைதான், நிறங்களுக்கு பல குணங்களுண்டு.  பளிச்சென்று ஒரு புத்தாடையை அணியும் போது நம்முடைய உணர்வுநிலையில் சில மாற்றங்கள் தோன்றும் என்கிறார்கள் நிபுணர்கள். ஆள் பாதி ஆடை மீது எனும் பழமொழியைப் போல நாம் அணிகிற ஆடைதான் நம்மை அடையாளப்படுத்தும். அதுவும் அந்தந்த இடத்துக்கு ஏற்ப ஆடை அணிகிறபோது நம்முடைய மதிப்பு உயரும். அழகுணர்ச்சியுடன் நிறங்களைத் தேர்ந்தெடுத்து ஆடைகளை அணிய வேண்டும், அடுத்தவர் கண்களைப் பறிக்கும் விதமாகவும் ஆடை அணிந்து செல்வதும் சரிவராது. இடத்துக்கும், பொழுதுக்கும், சூழலுக்கும் தகுந்தாற் போல் ஆடை அணிவதுதான் சிறப்பு.

சிலர் தங்களுக்கு பிடித்த நிறம் சிவப்பு என்றால் தொடர்ந்து அதே நிறத்தில் ஆடைகள் வாங்கிக் குவிப்பார்கள். வீட்டிலும் திரைச்சீலையிலிருந்து மிதியடிவரை சிவப்புதான் ஆட்சி செய்யும். அப்படியும் ஒரேடியாக ஒரே வண்ணத்தையும் பயன்படுத்துவது கண்களை உறுத்திக் கொண்டிருக்கும். எனவே எல்லா நிறங்களுக்கும் இடம் கொடுப்பது நல்லது. சிலர் கலகலப்பாகப் பழகும் தன்மை உடையவர்களாக இருப்பார்கள். அவர்கள் பெரும்பாலும் தங்களுக்கு அடர் நிறங்களையே தேர்வு செய்வார்கள். தலைமைப் பொறுப்பில் இருப்பவர் என்றால் வெள்ளை நிறம் அல்லது சந்தன நிற உடைகளை விரும்புவார்கள். என்ன என்ன நிறங்களுக்கு எவ்வித தன்மை உள்ளது என்பதைப் பார்க்கலாம்.

  • பச்சை நிறம் மனதிற்கு தன்னம்பிக்கையையும், எதையும் தாங்கும் மனோபலத்தையும் தருகிறது. (உதாரணம் மருத்துவமனைகளில் பெரும்பாலும் பச்சை நிறம் பயன்படுத்தப்படுகிறது)
  • வெள்ளை நிறம் தூய்மையான ஒரு நிறம். மனதிற்கு அமைதியை தரும். மனதுக்குள் உறைந்திருக்கும் தெய்விக குணங்களை உள்ளிருந்து வெளிப்படுத்தும்.
  • மஞ்சள் நிறம் அனைவரையும் வசீகரிக்கும் சக்தி கொண்டது. எழுச்சி நிறம் என்றும் சொல்லப்படுகிறது. மங்கலத்தின் அடையாளமான இந்த நிறம் அனைவரையும் ஈர்க்கும் சக்தி கொண்டது.
  • நீல நிறம், மகிழ்ச்சியின் தூதன். இந்த நிறத்தை விரும்புகிறவர்கள் மகிழ்ச்சியானவர்கள்.
  • காக்கி நிறம் சேவை உணர்வை தூண்டும். பெரும்பாலான சீருடைகள் காக்கி நிறத்திலிருப்பது இதனால்தான்.
  • காவி நிறம், மனதை ஒருநிலைப்படுத்த உதவுகிறது.
  • சிவப்பு, உக்ரமான நிறம். கருப்பு நிறம் வருத்தம், சோகம், எதிர்ப்பை வெளிப்படுத்தும்.
  • இளஞ்சிவப்பு (பிங்க்) நிறம், மென்மையான உணர்வைத் தூண்டும். காதல், கருணை என்ற பொருளிலும் அதை எடுத்துக்கொள்ளலாம்.
  • கரும்பச்சை நிறம், மனோபலம், தைரியத்தைக் கொடுக்கும்.
  • இளம்பச்சை, புத்துணர்ச்சி தரும். புதுமையான எண்ணங்களை தோற்றுவிக்கும்.
]]>
colours, Red, Blue, Yellow, நிறம் http://images.dinamani.com/uploads/user/imagelibrary/2017/10/9/w600X390/splash-of-color-670x415.jpg http://www.dinamani.com/lifestyle/lifestyle-news/2017/oct/09/colour-colour-what-colour-do-u-choose-2787201.html
2787176 லைஃப்ஸ்டைல் செய்திகள் யார் இந்த டீசல் ராணி? கார்த்திகா வாசுதேவன் DIN Monday, October 9, 2017 12:47 PM +0530  

கடந்த சில மாதங்களாக அனைத்துத் தொலைக்காட்சிகளிலும் ஒளிபரப்பாகிக் கொண்டிருக்கும் ஒரு விளம்பரம் கொஞ்சம் கவனம் ஈர்ப்பதாக இருந்தது. காரணம் அதில் வரும் வயதான பெண்மணி, அவர், விளம்பரத்தில் தன் பெயரை ‘டீசல் ராணி’ என்று குறிப்பிடுவார். பல நாட்களாக இந்த டீசல் ராணியைப் பற்றி இணையத்தில் தேட வேண்டும் என்று நினைத்துக்கொண்டே இருந்ததில் இன்று தான் அவரைப்பற்றியும் அந்த விளம்பரம் பற்றியும் தெரிந்து கொள்ள முடிந்தது. அவரைப் பற்றிச் சொல்வதற்கு முன்; முதல் முறை இந்த விளம்பரத்தை தொலைக்காட்சியில் பார்த்த போது; இதென்ன மதுரை மீனாட்சி மிஷன் மருத்துவமனைக்கும் கூட விளம்பரம் தேவைப்படுகிறதா? மதுரையின் பாரம்பரியமிக்க அடையாளங்களில் ஒன்றான இம்மாதிரியான ஒரு மருத்துவமனை கூட தனது எதிர்கால வளர்ச்சிக்கு தொலைக்காட்சி விளம்பரங்களை நம்பித்தான் இருக்கிறதா? என்று தோன்றி மறைந்தது. மீனாட்சி அம்மன் கோயிலைப் போலவே, மீனாட்சி மிஷன் மருத்துவமனைக்கும் விளம்பரங்கள் தேவையற்றவை இதெல்லாம் காலத்தின் கோலம் என்று தோன்றியது. ஆனால், இன்று டீசல் ராணியைத் தேடும் போது தான் தெரிய வந்தது. அது மருத்துவமனைக்கான விளம்பரம் அல்ல; ‘டெலிமெடிசின்’ என்ற அவர்களது கிராமப்புற மருத்துவ சேவைத்திட்டத்துக்கான விளம்பரம் என்று. ‘அறம் செய்து பழகு’ என்ற தலைப்பில் அவர்கள் இது போன்ற நிஜ சம்பவங்களை வீடியோ பதிவாக்கி தங்களது அதிகாரபூர்வ இணையப்பக்கத்தில் வெளியிட்டுள்ளனர். பாராட்டப் பட வேண்டிய திட்டம் தான்.

ஏனெனில், தமிழகத்தில் எளிதில் மருத்துவ வசதி கிடைக்காத வகையில் இன்னும் பல கிராமங்கள் உள்ளன. நகரங்களைப் போல ஆபத்துக்கு உடனடி ஆம்புலன்ஸ் வசதிகளோ, தடுக்கி விழுந்தால் மருத்துவமனை வசதிகளோ அந்தக் கிராமங்களில் கிடைப்பதில்லை என்பது தொடங்கி கிராமந்தோறும் கட்டப்பட்டுள்ள அரசு ஆரம்ப சுகாதார நிலையங்களில் கூட போதுமான மருத்துவர்கள் மட்டுமல்ல ஒரே ஒரு மருத்துவர் மட்டும் கூட இருக்க  வாய்ப்பில்லை எனும் நிலையே இப்போதும் பல இடங்களில் நீடித்து வருகிறது. 

டீசல் ராணி, அந்த ஊரில்... தனித்து வாழும் பெண்மணி. டீசல் கேன்களைச் சுமந்து கொண்டு, அந்த ஊரிலிருக்கும் மக்களுக்கு டீசல் விற்று தன் வயிற்றுப்பாட்டை பார்த்துக் கொள்கிறவர். காசு விஷயத்தில் டீசல் ராணி ரொம்பவே கறார் என்பதால், அவருக்கு சொந்தக்காரர்கள் சகவாசமே இல்லாமல் போய்விட்டது. ஊர்க்காரர்களுக்கும் டீசல் ராணி என்றால் அவர் ஒரு சவடால் பெண்மணி என்ற அளவுக்கே பரிச்சயம். சொந்தங்கள் தான் இல்லையே தவிர டீசல் ராணியைச் சுற்றி எப்போதுமே ஆதரவற்ற குழந்தைகள் சில சுற்றிக் கொண்டிருக்கும். ஆத்திர, அவசரத்துக்கு அவர்கள் தான் டீசல் ராணிக்குத் துணை. இப்படிச் சென்று கொண்டிருந்தது டீசல் ராணியின் வாழ்க்கை. டீசல் ராணிக்குத் திடீரென ஒரு நாள் நெஞ்சு வலி வரவே... அப்போதும் அவருக்காக வருத்தப்பட்டது அந்த ஆதரவற்ற குழந்தைகள் தான்.. அவர்களில் ஒருவனான பாலு என்ற சிறுவன், தனது பள்ளிக்கு சிறப்பு விருந்தினராக வருகை தந்த மீனாட்சி மிஷன் மருத்துவமனையின் சேர்மன் குருஷங்கரிடம், டீசல் ராணிக்காக மட்டுமல்ல, அவரைப் போல, கிராமப் புறங்களில் போதுமான மருத்துவ வசதிகள் கிடைக்கப்பெறாமல் திண்டாடும் ஏழை, எளிய மக்களுக்காக மருத்துவர்களும், மருத்துவமனைகளும் என்ன செய்யவிருக்கின்றன? என்ற கேள்வியை எழுப்புகிறான். அப்போது அந்தச் சிறுவனிடம்; கிராமப்புற மக்களுக்காக ‘டெலிமெடிசன்’ என்றொரு சிறப்பான மருத்துவத் திட்டத்தை மீனாட்சி மிஷன் மருத்துவமனை கையிலெடுத்துச் செயல்படுத்தி வரும் விஷயத்தை அவர் கூறுகிறார். 

டெலிமெடிசின் என்றால் என்ன?

இது சற்றேறக்குறை மொபைல் ஹாஸ்பிடல் டெக்னிக் தான். அதாவது போதிய மருந்து, மாத்திரைகள் வசதிகளோடும், தேர்ந்த செவிலியர்களோடும் கிராமப்புறப் பகுதிகளுக்கென மொபைல் ஹாஸ்பிடல்கள் அமைத்து, தேவைப்படும் மக்கள் தொலைபேசி வாயிலாகத் தொடர்பு கொள்ளும் போது உடனடியாக அவர்களை அடைந்து அவர்களுக்குத் தேவையான சேவைகள் வழங்குவது என்பதே இதன் கான்செப்ட். அதாவது ஆம்புலன்ஸ்கள் போலவே வேன்களில் மொபைல் ஹாஸ்பிடல்களை இயக்குவது. இந்த மொபைல் ஹாஸ்பிடலுக்குள் இணைய வசதியும் செய்யப்பட்டிருப்பதால், அதிலிருக்கும் செவிலியர்கள், உதவி தேவைப்படும் நோயாளிகளின் நோய்த்தன்மையைப் பொறுத்து இணையம் வாயிலாகவே மதுரையில் இருக்கும் மருத்துவ நிபுணர்களிடம் ஆலோசனைகளைப் பெற்று சிறப்பான சிகிச்சைகளை வழங்க முடியும் என்கிறது மருத்துவமனையின் அதிகார பூர்வ விளம்பரப் பதிவு. அப்படி மீனாட்சி மிஷன் மருத்துவமனையின் டெலிமெடிசின் திட்டத்தின் மூலமாக; தனது இதயத்தில் இருந்த 10 அடைப்புகள், அறுவை சிகிச்சை முறையில் அகற்றப்பட்டு சிகிச்சைக்குப் பின் மறுபடி ஜனித்து வந்தவர் தான் டீசல் ராணி.

டீசல் ராணி மாதிரியான ஏழை, எளிய மக்களுக்கு அவர்களது உயிரை மீட்டுத் தர உதவுவதே; ‘அறம் செய்து பழகு’ எனும் டெலிமெடிசின் பிரச்சாரத்தின் நோக்கம் என்கிறார்கள்.

இதன் மூலமாக கிராமப் புற மக்களின் மருத்துவக் கனவுகள் நனவாகுமானால் இது நிச்சயம் பாராட்டப்பட வேண்டிய திட்டமே!

]]>
diesel rani, telemedicine van, Meenakshi Mission Hospital and Research Centre, Aram Seidhu Pazhagu, டீசல் ராணி, மதுரை மீனாட்சி மிஷன் மருத்துவமனை, அறம் செய்து பழகு, டெலிமெடிசின் http://images.dinamani.com/uploads/user/imagelibrary/2017/10/9/w600X390/diesel_rani.jpg http://www.dinamani.com/lifestyle/lifestyle-news/2017/oct/09/who-is-this-diesel-rani-2787176.html
2787161 லைஃப்ஸ்டைல் செய்திகள் கால்களில் முடியோடு ஷூ விளம்பரத்தில் நடித்ததால் பாலியல் அச்சுறுத்தலுக்கு உள்ளான ஸ்வீடிஷ் பெண் மாடல்! RKV DIN Monday, October 9, 2017 11:24 AM +0530  

அர்விதா பிஸ்ட்ரம், 26 வயது ஸ்வீடிஷ் பெண் மாடல். சமீபத்தில் பிரபல ஷோ பிராண்டுகளில் ஒன்றான அடிடாஸ் தனது புதிய விளம்பரமொன்றில் நடிக்க அர்விதாவை ஒப்பந்தம் செய்தது. அந்த விளம்பரத்தில் புதுமையாக இருக்குமென்று எண்ணி அர்விதா, தனது கால் சருமத்தில் இருக்கும் மென்முடிகளை சவரம் செய்யாமல் அப்படியே இயற்கையாக முடியோடு இருக்கும் அந்தக் கால்களோடு அடிடாஸ் ஷூக்களை அணிந்து விளம்பரத்தில் நடித்திருந்தார். நடித்தது மட்டுமல்லாமல், அந்த விளம்பர வீடியோவையும், புகைப்படத்தையும் தனது இன்ஸ்டாகிராம் பக்கத்திலும் பகிர்ந்திருந்தார்.

சமூக ஊடகமான இன்ஸ்டாகிராம் வலைத்தளத்தில், இதைக் கண்டு கடுப்பான சில ஆண்கள், கால்களில் முடியோடு ஒரு பெண், ஷூ விளம்பரத்தில் நடித்ததற்கு கடுமையாக எதிர்ப்பு தெரிவிக்கும் வகையில் மிக, மிக மோசமாக அர்விதாவுக்கு பாலியல் அச்சுறுத்தல் விடுக்கும் வகையிலான கமெண்ட்டுகளை அள்ளித் தெளித்து விட்டனர்.

இதைக் கண்டு அதிர்ந்து போன அர்விதா, ஏன் ஒரு பெண்ணுக்கு, அவள் மாடலாக இருந்த போதிலும், தான் நடிக்கும் விளம்பரத்தில் எப்படித் தோன்ற வேண்டும் என்ற உரிமை இல்லையா? அவளென்ன அடிமையா? உலகத்தில் உள்ள ஆண்கள் அனைவரும் விரும்பும் விதமாகத் தான் அவள் விளம்பரங்களில் நடிக்க வேண்டுமென்று சட்டமா என்ன? என்று கொதித்துப் போய் கேள்வி எழுப்பி இருக்கிறார். அர்விதாவின் இந்த கொதிப்பான கேள்விக்கு 21,000 இன்ஸ்டாகிராம் பயனாளிகள் விருப்பக் குறியிட்டு வரவேற்றுள்ளனர்.

அது மட்டுமல்ல அர்விதா, தனக்கு வந்த பாலியல் அச்சுறுத்தல்களுக்கு எதிராகத் தனது கருத்தை யூடியூபில் வீடியோ பதிவாகவும் வெளியிட அந்த வீடியோவும் 5 லட்சம் முறை பல்லாயிரக்கணக்கானோரால் பார்க்கப் பட்டு பகிரப்பட்டுள்ளது. அந்த வீடியோவில் அர்விதா; 

 

‘பெண்ணியம் என்பது நமது கலாச்சாரத்தின் ஒரு அங்கம். எல்லாப் பெண்களுக்குமே தங்களது பெண்மைக்குரிய செயல்களைச் செய்யும் உரிமை உண்டு. ஆகவே நான் பெண்மையுடன் இருப்பேன்’ என்று குறிப்பிட்டுள்ளார்.

வர வர சமூக ஊடகங்களில் எந்தெந்த பிரச்னைகளை எல்லாம் வைரலாக்குவது? என்ற விவஸ்தையே இல்லாமல் போய் விட்டது. இது எங்கே போய் நிற்கிறது என்றால் புதுமை என நினைத்துக் கொண்டு இப்படிப் பட்ட விளம்பரங்களில் நடிக்கும் மாடல்களுக்கு எல்லாம் சமூக ஊடங்களில் மோசமான பாலியல் அச்சுறுத்தல் விடுக்கும் நிலையில் வந்து நிற்கிறது. அவரென்ன செய்வார் பாவம்?! விளம்பர இயக்குனர் என்ன சொன்னாரோ அதைத்தானே அர்விதா செய்திருக்க முடியும்?! 

அர்விதா ஒரு மாடல் மட்டுமல்ல அவர் ஒரு சிறந்த புகைப்படக்காரராகவும், கலைஞராகவும் கூட தனது திறமையை நிரூபித்தவராம்.

 

Image courtesy: Evening standard.
 

]]>
Arvida Byström, Disgusting, swedish model, rape threats through instgram, adidas advt, அடிடாஸ் ஷூ விளம்பரம், அர்விதா பிஸ்ட்ராம், பாலியல் அச்சுறுத்தல்கள், இன்ஸ்டாகிராம், http://images.dinamani.com/uploads/user/imagelibrary/2017/10/9/w600X390/arvitha1.jpg http://www.dinamani.com/lifestyle/lifestyle-news/2017/oct/09/swedish-model-gets-rape-threats-for-ad-featuring-unshaven-legs-2787161.html
2786670 லைஃப்ஸ்டைல் செய்திகள் தீபாவளிக்கு புதுத் துணி வாங்கியாச்சா? DIN DIN Sunday, October 8, 2017 04:44 PM +0530 தீபாவளி குழந்தைகள் முதல் பெரியவர்கள் வரை அனைவரும் கொண்டாடி மகிழும் பண்டிகை. தீபாவளியில் முக்கியமாக அனைவரும் விரும்புவது புத்தாடை தான்.  மழை அவ்வப்போது தமிழகத்தில் பெய்து வந்தாலும் மால்களிலும், பிரபல துணிக்கடைகளிலும் ஷாப்பிங் களை கட்டுகிறது. நண்பர்கள் சந்தித்தால் தீபாவளிக்கு ட்ரெஸ் எடுத்தாச்சா என்று தான் உரையாடலை தொடங்குகிறார்கள்.

பெண்களைப் பற்றி கேட்கவே வேண்டாம். இந்த வருஷ தீபாவளிக்கு என்ன ப்ளான் என்று குடும்பத்தில் கூடிக் கூடி திட்டம் போட்டு விவாதித்து ஆர்வத்துடன் புதிய ஆடைகளை வாங்கிக் குவிப்பார்கள். இப்படி தீபாவளியில் முக்கிய பங்கு வகிக்கும் புத்தாடைகளை சரியாகத் தேர்ந்தெடுத்து வாங்குவது எப்படி? இதோ சில டிப்ஸ்

கூட்டுக் குடும்பத்தில் தீபாவளி ஷாப்பிங் போகும் போது கூடுமானவரை அனைவரும் ஒன்றாகப் போவது நல்லது. காரணம் ஒருவர் வரவில்லையென்றாலும் அவர்களுக்காக மற்றவர்கள் தேர்ந்தெடுத்தால், சம்பந்தப்பட்டவருக்குப் பெரும்பாலும் அது பிடிப்பதில்லை. எனவே ஒரு லீவ் நாளினைத் தேர்ந்தெடுத்து அனைவரும் ஒன்றாகச் சேர்ந்து கொண்டாட்டத்தை ஷாப்பிங்கிலிருந்து தொடங்குங்கள்.

பெண்கள் ஷாப்பிங் செய்வதில் எப்போதுமே விற்பன்னர்கள்தான். ஆனால் அவர்களே கூட சில சமயம் ஏதாவது ஒரு விஷயத்தில் கோட்டை விட்டுவிடுவது உண்டு. எனவே ஷாப்பிங் செல்வதற்கு முன் மார்க்கெட்டில் என்ன ஃபேஷன் நிலவுகிறது, எவ்வகை ஆடைகள் ட்ரெண்டிங்கில் உள்ளன, புது டிசைன்கள் என்னென்ன வந்துள்ளது என்பதை தெரிந்து கொள்ளுங்கள். அதன் பின்னர் கடைகளுக்குப் போவது நேரத்தை மிச்சப்படுத்துவதுடன் அவசரமாக எதையும் வாங்கிவிட்டு பின்னர் ஏமாற்றத்துக்கு உள்ளாகாமல் இருக்கலாம்.

உங்களுக்குப் பிடித்த உடையை தேர்வு செய்யும்போது, என்னவெல்லாம் கவனிக்க வேண்டியது அவசியம் என்று முதலில் தீர்மானம் செய்துக் கொள்ளுங்கள். அதற்கு முதலில் பட்ஜெட், சைஸ், கலர் போன்றவற்றை மனத்துக்குள் பட்டியல் போட்டுக் கொண்டு, ஷாப்பிங் செல்லத் தயாராகுங்கள்.

குழந்தைகளுக்கு தனி நேரம் ஒதுக்கி அவர்களுக்குப் பிடித்தமான ஆடைகளை வாங்கித் தந்துவிடுங்கள். இல்லையெனில் உங்கள் வீட்டு வாண்டுகள் உங்களை ஒருவழி செய்துவிடுவார்கள்.

பண்டிகைக்கு வாங்குவதால் சிறப்பான ஆடைகளை நல்ல தரத்தில் இருக்குமாறு தேர்ந்தெடுத்து வாங்குங்கள். மேலும் நீங்கள் வாங்கவிருக்கும் ஆடை உங்கள் உடலுக்கும் நிறத்துக்கும் பொருத்தமாக உள்ளதா என்பதை ஒரு தடவை ட்ரையல் ரூமில் அணிந்து பாருங்கள். உடை சரியான அளவில் இருக்கும்படி ஒன்றுக்கு இரண்டு முறை சரிபார்த்துக் கொள்வது தவறில்லை.

உடை பொருத்தமாக இருந்துவிட்டால் மட்டும் போதாது. அணிவதற்கும் வசதியான டெக்ஸ்சரில் இருக்கும்படியான ஆடைகளைத் தேர்ந்தெடுங்கள். அந்த துணியின் வகை மற்றும் ரகத்தை ஆராய்வது நல்லது. ஆடை வடிவமைப்பிலும் கொஞ்சம் கவனம் செலுத்த வேண்டும். 

எல்லாவற்றையும் விட முக்கியமான ஒரு விஷயம் என்னவென்றால் நீங்கள் தேர்ந்தெடுத்த ஆடையில் டேமேஜ் எதுவும் உள்ளதா என்பதை சரி பார்க்க வேண்டும். துணியில் ஏதேனும் சுருக்கம் அல்லது நிறம் மங்கியிருக்கிறதா என்று கவனிப்பது மிக அவசியம். எங்காவது தையல் பிரியும்படி லூசாக தைக்கப்பட்டிருக்கிறதா? அல்லது தையல் இறுக்கமாக இல்லாமல் பிரியும்படி இருக்கிறதா என்று சரிபார்த்துக் கொள்ள வேண்டும்.

நீங்கள் ஆயத்த ஆடைகளை வாங்கப் போகிறீர்களா இல்லை துணி வாங்கித் தைத்துக் கொள்ளப் போகிறீர்களா என்பதை முன்னாலேயே முடிவெடுத்து அதற்கேற்றபடி ஆடைகளை வாங்குங்கள். மேலும்  உங்களுக்கு பிடித்த டிசைனில் ஆடை உள்ளதா என்பதில் அதிக கவனம் செலுத்துங்கள். பாக்கெட், தோள்பட்டை, காலர், பட்டன்கள் போன்றவற்றையும் சரி பார்த்து வாங்குங்கள். அவசரத்தில் வாங்கிவிட்டு அதன் பின் பட்டன் சரியில்லை, ஸ்டிச்சிங் பிரிந்துவிட்டது என்று கவலைப்படுவதில் அர்த்தம் இல்லை.

]]>
Diwali, தீபாவளி, Shopping for diwali, new dress, புத்தாடை http://images.dinamani.com/uploads/user/imagelibrary/2017/10/8/w600X390/diwali.jpeg http://www.dinamani.com/lifestyle/lifestyle-news/2017/oct/08/purchase-of-new-dresses-for-diwali-2786670.html
2784938 லைஃப்ஸ்டைல் செய்திகள் குண்டூர் மருத்துவர்கள் நிகழ்த்திய ‘பாகுபலி பிரெய்ன் சர்ஜரி’! RKV DIN Thursday, October 5, 2017 01:48 PM +0530  

திரைப்படங்கள், பொதுமக்களிடையே ஏற்படுத்தும் தாக்கங்கள் சொல்லி மாளாது. அதீத வன்முறை மற்றும் ஆபாசமான திரைப்படங்களைப் பார்த்து அதன் ஆதிக்கத்தில் கெட்டுக் குட்டிச்சுவர் ஆனவர்களும் உண்டு. ஒரு சில நல்ல திரைப்படங்களால் மனம் திருந்தி, வாழ்விற்கான உத்வேகம் பெற்று எதிர்கால வாழ்வை நன்றாக அமைத்துக் கொண்டவர்களும் கூட உண்டு. அப்படி ஒரு செய்தியைப் பற்றித்தான் இப்போது நாம் அறிந்து கொள்ளப் போகிறோம். ஆந்திராவைச் சேர்ந்த 43 வயது செவிலியரான வினயா குமாரியின் வாழ்வில் ஒரு திரைப்படம் ஏற்படுத்திய தாக்கம் இன்று அவரது உயிரையே காப்பாற்றித் தந்திருக்கிறது என்று சொன்னால் அது மிகையில்லை. ஆம்;

ஆந்திர மாநிலம், குண்டூரைச் சேர்ந்த செவிலியரான வினயாகுமாரிக்கு மூளையில் கட்டி. வலிப்பு நோய்க்காக சிகிச்சை எடுத்துக் கொள்ளச் சென்ற போது தான் மூளையில் அபாயகரமான கட்டி இருப்பது கண்டுபிடிக்கப் பட்டது. கட்டியை உடனடியாக அறுவை சிகிச்சை மூலம் அகற்றியாக வேண்டும். அதிலும் மயக்க மருந்து கொடுத்து அறுவை சிகிச்சை செய்தாலும் கூட நோயாளி விழிப்புடன் இருக்க வேண்டும் என மருத்துவர்கள் எச்சரித்திருந்தனர். மூளைக்கட்டியை அகற்றும் சிக்கலான அறுவை சிகிச்சையின் போது நோயாளி தூங்கி விட்டால் கட்டியை அகற்றுவதால் ஏற்படும் பின் விளைவுகள் குறித்து துல்லியமாக அறிந்து கொள்ள முடியாது... எனவே அம்மாதிரியான அறுவை சிகிச்சையின் போது நோயாளி மயக்கத்தில் இருந்தாலும் விழிப்புடன் இருப்பது அவசியம் என்றிருக்கிறார்கள் மருத்துவர்கள். அதெப்படி மயக்க மருந்து அளித்தால் வலியத் தூக்கம் கண்களைத் தழுவுமே! அப்படியிருக்கையில் விழிப்பு நிலையில் இருப்பது எப்படி சாத்தியம்?! என வினயா குடும்பத்தினருக்கு குழப்பமாகி விட்டது.

அப்போது தான் மருத்துவர்களுக்கு உதித்தது ஒரு மகத்தான ஐடியா! வினயாவுக்கு மயக்க மருந்து கொடுத்து வழக்கம் போல அறுவை சிகிச்சையைத் தொடங்கி விட்டு, தங்களிடமிருந்த மடிக்கணினியில் ‘பாகுபலி தி கன்க்ளூசன்’ திரைப்படத்தை ஓட விட்டு, வினயாவை அதைப் பார்த்துக் கொண்டிருக்க அனுமதித்திருக்கிறார்கள். மூளைக்கட்டியை அகற்றும் சிக்கலான அறுவை சிகிச்சை வெற்றிகரமாக முடிய ஒன்றரை மணி நேரமானது. அதுவரை வினயா மயக்கமடையவே இல்லை என்கிறார்கள் மருத்துவர்கள். மயக்க மருந்தால் உடல் மரத்துப் போய் வலியின்றி இருந்தாரே தவிர, வினயாவுக்கு சுயநினைவு இருந்தது. எனவே அவரால் படத்தை ரசித்துப் பார்த்துக் கொண்டு இடையிடையே அதில் இடம்பெற்ற பாடல்களைக் கூட ஹம் செய்திருக்கிறார். ஒரு வழியாக படமும் முடிந்தது. அதோடு சேர்ந்து வினயாவின் மூளைக்கட்டியும் வெற்றிகரமாக நீக்கப்பட்டது. 

பாகுபலி திரைப்படத்தால் தான் இந்த அறுவை சிகிச்சையை வெற்றிகரமாக நடத்தி முடிக்க முடிந்தது என்பதால் குண்டூர் மருத்துவர்கள். வினயாவுக்கு நடத்தி முடித்த அறுவை சிகிச்சைக்கு ‘பாகுபலி பிரெய்ன் சர்ஜரி’ என்று பெயரிட்டு தங்கள் வெற்றியைக் கொண்டாடி மகிழ்ந்திருக்கிறார்கள்.

 

Image Courtesy: Times of India

]]>
BAAHUBALI BRAIN SURGERY, GUNTUR HOSPITAL, VINAYA KUMARI, பாகுபலி பிரெய்ன் சர்ஜரி, குண்டூர் மருத்துவமனை, வினயா குமாரி, திரைப்படங்களின் தாக்கம், மனித வாழ்க்கை http://images.dinamani.com/uploads/user/imagelibrary/2017/10/5/w600X390/000_bagubali_brain_surgery.jpg http://www.dinamani.com/lifestyle/lifestyle-news/2017/oct/05/guntur-hospital-doctors-performs-baahubali-brain-surgery-2784938.html
2781316 லைஃப்ஸ்டைல் செய்திகள் மத்திய அமைச்சர் வெறும் கைகளால் புகையிலைக் கறையைக் கழுவினால் அதெப்படி ‘தூய்மை இந்தியா’ வுக்கான முன்னுதாரணம் ஆகும்?! RKV DIN Thursday, September 28, 2017 11:20 AM +0530  

இன்று சில ஊடகங்களில் முக்கியச் செய்தியாக இடம்பெற்றிருந்த செய்தியொன்று, மத்தியச் சுற்றுலாத்துறை அமைச்சரான அல்ஃபோன்ஸ் கண்ணந்தனம் என்பவர் பிரதமர் மோடியின் ‘தூய்மை இந்தியா’ திட்டப்பணிகளை செயல்படுத்தும் அமைச்சர்களில் ஒருவராக, டெல்லி மாநகரில் தூய்மைப் பணியில் ஈடுபட்டுள்ளார். எப்படித் தெரியுமா? அவருடன் இணைந்து தூய்மைப் பணியில் ஈடுபட்ட துப்புறவு ஊழியர்களெல்லாம் கைகளில் பாதுகாப்பு உறை மாட்டிக் கொண்டு துப்புறவுப் பணியில் ஈடுபட்டுக் கொண்டிருக்க மத்திய அமைச்சர் மாத்திரம் வெறும் கைகளாலேயே புகையிலைக் கறை படிந்த சுவர்களைச் சுத்தம் செய்யத் தொடங்கி விட்டாராம். இது அங்கிருந்த மக்களுக்கு ஆச்சரியத்தை அளித்தது என சில நாளிதழ்களில் செய்தி வெளியாகியுள்ளது. இதில் ஆச்சர்யப்பட என்ன இருக்கிறது?! 

சுவர்களில் இருக்கும் புகையிலைக் கறையை நீக்க வேண்டுமானால், அதற்குத் தோதான இரும்பு ஸ்கிரப்பர்கள் கொண்டும் அதற்கான தூய்மை சோப்புகளோ அல்லது திரவங்களையோ பயனப்டுத்தித் தானே சுத்தம் செய்தாக வேண்டும். அதிலும் நீண்ட காலங்களாகச் சுத்தப் படுத்தாமல் சுவர்களில் தங்கி விட்ட புகையிலைக் கறைகளில் நிச்சயம் கிருமிகளின் தாக்கம் இருக்கும். அத்தகைய கறைகளைச் சுத்தம் செய்யும் போது நாட்டின் மத்திய அமைச்சராகப் பட்டவர் கைகளில் பாதுகாப்பு உறை மாட்டிக் கொள்வதோடு அல்லாமல் நீண்ட கைப்பிடி கொண்ட ஸ்கிரப்பர்கள் உபயோகித்து தானே சுத்தம் செய்திருக்க வேண்டும்! அது தானே பொதுமக்களுக்கு சிறந்த முன்னுதாரணமாகவும் இருந்திருக்கக் கூடும்.

மத்திய அமைச்சர் ஒருவர், அவரது உதவியாளர்களோ அல்லது இதர துப்புரவுப் பணியாளர்களோ ஸ்கிரப்பர் கொண்டு வந்து தருவதற்குள், அவசரப்பட்டு வெறும் கைகளால் சுவர்களில் இருந்த புகையிலைக் கறைகளை தேய்த்துக் கழுவி சுத்தம் செய்த விதம் மக்களுக்கு எந்த விதத்தில் பயனளிக்கக் கூடும்?! வெறுமே பரபரப்பான பேச்சுக்கு மட்டுமே இம்மாதிரியான விஷயங்கள் இடமளிக்கக் கூடும். இதெல்லாம் தூய்மை இந்தியா நிர்வாகிகளுக்குத் தெரியாதா? திட்டத்துக்கான பெயரை ‘தூய்மை இந்தியா’ என வைத்துக் கொண்டு எது உண்மையான தூய்மை எனத் தெரியாமல் செயல்பட்டால் எப்படி?!

Thanks to NDTV.Com

]]>
central minister, தூய்மை இந்தியா திட்டம், alphones kannanthanam, tourism minister, அல்ஃபோன்ஸ் கண்ணந்தனம், மத்திய சுற்றுலாத்துறை அமைச்சர் http://images.dinamani.com/uploads/user/imagelibrary/2017/9/28/w600X390/alphons-kannanthanam.jpg http://www.dinamani.com/lifestyle/lifestyle-news/2017/sep/28/central-minister-alphons-kannanthanam-cleans-tobacco-stained-walls-with-bare-hands-2781316.html
2779549 லைஃப்ஸ்டைல் செய்திகள் சந்தோஷமாக வாழ்வதற்கு புத்தர் கூறிய அறிவுரை என்ன? DIN DIN Monday, September 25, 2017 05:47 PM +0530 மலேஷியாவில் 1964-ல் புத்த தர்ம பிரசாரகர் தம்மானந்தர் தொடர் சொற்பொழிவுகளை ஆற்றினார். பலர் பங்கு கொண்டு தங்கள் சந்தேகங்களைக் கேட்டு விளக்கமும் பெற்றனர்.

சந்தோஷத்தை அடைய உதவும் வழிகளைப் பற்றி புத்தரிடம் கேட்கப்பட்ட போது அவர் கூறியது இந்த நான்கு விஷயங்களையும் தம்மானந்தர் தம் உரையில் விளக்கமாகக் கூறினார்.

உத்தான சம்பதம்

ஒரு மனிதன் இவ்வுலகில் வாழ்வதற்கு தேவையானவை திறமை, தொழில் நேர்த்தி, ஆர்வம், உடல் சக்தி ஆகிய நான்கும் ஒருங்கே அவனுக்கு இருக்க வேண்டும். இதுவே உத்தான சம்பதம்.

அர்த்த சம்பதம்

பாடுபட்டு ஈட்டிய பணத்தை அறவழியில் அதைப் பத்திரமாகப் பாதுகாக்க வேண்டும். இதுவே அர்த்த சம்பதம்.

கல்யாண மித்தம்

அன்பு, புரிதல் ஆகிய பண்புகளை உடைய நல்ல நண்பர்கள் ஒருவனை தீய வழிகளில் செல்ல விட மாட்டார்கள். அத்தகைய நட்பு ஒருவனுக்கு வாழ்நாள் முழுவதும் இருக்க வேண்டும். இதுவே கல்யாண மித்தம்.

சம ஜீவிகதம்

சம்பாதிக்கும் பணத்துக்கு ஏற்ற வகையில் நியாயமான வழியில் முறையாக செலவழிக்க வேண்டும். பணம் உள்ளதே என்று மிக அதிகமாகச் செலவு செய்தலும், அதே சமயம் கஞ்சத்தனம் கொண்டு மிகக் குறைவாகவும் செலவழிக்கக் கூடாது. தன் வருவாய்க்கு தகுந்தாற் போல் வரவு செலவுகளை சமமாக பாவிக்க வேண்டும். இதுவே சம ஜீவிகதம்.

இந்த நான்குமே நீடித்த சந்தோஷத்தை அடைவதற்கான நல்வழிகள். இவை இந்த உலகில் வாழும் போது கடைபிடிக்க வேண்டியவை. அதற்குப் பின்னரும் சில வழிமுறைகள் உள்ளன. அவை 

சிரத்தை

ஒழுக்கம், ஆன்மிகம் மற்றும் அறிவு ஆகியவற்றில் மனிதர்கள் நம்பிக்கையும் விசுவாசமும் கொண்டிருக்க வேண்டும். இதுவே சிரத்தை.

சீலம்

பொய், புரட்டு, திருட்டு, வஞ்சகம், ஏமாற்றுதல், பிறன் மனை நோக்குதல் போன்ற தீய குணங்கள் ஒருவனுக்கு இருக்கக் கூடாது. மது அருந்துவது, போதை பழக்கத்துக்கு ஆட்படுத்துவது தவறாகும். நல்லொழுக்கத்துடன் வாழ்தல் வேண்டும். இதுவே சீலம். 

ககா

மனிதன் எப்போதும் தர்மத்தை கடைபிடிக்க வேண்டும். தர்ம சிந்தையுடன் வாழ்தல் வேண்டும். பொருள்ரீதியான வாழ்க்கையின் மீது பற்று வைக்காமல் தாரளமான மனத்துடன் வாழ வேண்டும். இதுவே ககா.

பன்னா

துயரத்தை அழிக்கும் ஞானம் ஒருவனுக்கு வாய்க்கப் பெற வேண்டும். அதுவே அவனை முழு மனிதனாக்கும். தூமையான நிர்வாணத்திற்கு வழி வகுக்கும். இதுவே பன்னா.

எனவே சிரத்தா, சீலம், ககா, பன்னா ஆகிய நான்கையும் ஒருவன் வாழ்நாள் முழுவதும் கடைப்பிடித்தால் இவ்வுலக வாழ்விற்குப் பின்னரும் சந்தோஷம் அடையலாம் என்று புத்தர் கூறியுள்ளார்.

]]>
Dhammananda, Buddha, புத்தர், தம்மானந்தர், பெளதம், பஞ்ச சீலம் http://images.dinamani.com/uploads/user/imagelibrary/2017/9/25/w600X390/Buddha_teaching_the_group_of_five-1400-px.jpg http://www.dinamani.com/lifestyle/lifestyle-news/2017/sep/25/four-noble-principles-of-buddha-2779549.html
2779506 லைஃப்ஸ்டைல் செய்திகள் எய்ட்ஸ் கை குலுக்குவதன் மூலமோ / ஒரே அலைபேசி பயன்படுத்துவதன் மூலமோ பரவுமா? ஆம், பரவும் என்கிறது இந்த பஞ்சாப் பிரச்சாரம்! RKV DIN Monday, September 25, 2017 03:20 PM +0530  

இந்தியா முழுவதும், எய்ட்ஸ் நோய்க்கு எதிரான விழிப்புணர்வு பிரச்சாரங்கள் அனைத்திலும் எய்ட்ஸ் நோய் , அந்நோய் பாதிப்பு அடைந்தவர்களுடனான கை குலுக்குதலின் மூலமாகவோ, அல்லது அவர்கள் பயன்படுத்திய பாத்திரங்களைப் பயன்படுத்துவதாலோ பரவுவதில்லை. அதனால் எய்ட்ஸ் பாதிப்புக்குள்ளானவர்களை மேற்கண்ட காரணங்களைக் கூறு தனிமைப்படுத்தி அவர்களது நோயின் தாக்கத்தை அதிகரித்து விடக்கூடாது எனும் மனிதாபிமானமுள்ள பிரச்சாரங்கள் முன்னெடுக்கப் பட்டுக் கொண்டிருக்கையில் பஞ்சாப் மாநில எய்ட்ஸ் கட்டுப்பாட்டு அமைப்பு ( PSACS) சமீபத்தில் வெளியிட்ட அதன் எய்ட்ஸ் பிரச்சாரக் கையேடு ஒன்றில் அச்சிடப்பட்டிருக்கும் எய்ட்ஸ் காரணிகள் உலகம் முழுக்க வாழும் எய்ட்ஸ் விழிப்புணர்வு பிரச்சாரகர்களை வெட்கித் தலைகுனிய வைத்துள்ளது.

அந்தப் பிரச்சாரக் கையேடு எய்ட்ஸ் நோய்க்காரணிகளாக குறிப்பிட்டிருப்பது உலகின் தொன்று தொட்ட மூடநம்பிக்கைகளையே; இதுநாள் வரை அந்த மூட நம்பிக்கைகளை எதிர்த்து தான் எய்ட்ஸ் விழிப்புணர்வு பிரச்சாரகர்கள் உலகம் முழுக்கப் பல்வேறு விழிப்புணர்வு முகாம்கள், மேடை நாடகங்கள், குறும்படங்கள், பாடல்கள் எனப் பல்வேறுவிதமாகத்  தமது  எதிர்ப்புணர்வைக் காட்டி வருகிறார்கள். அவற்றின் மூலமாக மக்கள் சிறிது, சிறிதாக மனமாற்றம் அடைந்து எய்ட்ஸ் நோய் என்பது இன்னின்ன விதங்களில் எல்லாம் பரவாது. அது நோய்ப்பாதிப்பு கொண்டவரோடு உடல் ரீதியான உறவு கொள்ளும் போதும், ரத்த தானம் பெறும் போதும் மட்டுமே பரவும் என ஒரு முடிவுக்கு வந்திருந்தார்கள். இந்நிலையில் தற்போது ஒரு மாநில அரசின் பிரச்சார அமைப்பு கொஞ்சம் கூட பொறுப்புணர்வே இல்லாமல் மக்களின் பழைய மூடநம்பிக்கைகளுக்கு வலுச்சேர்க்கும் விதத்தில் மீண்டும் அவற்றை உண்மை என அச்சிட்டு பிரச்சாரக் கையேடுகளை வழங்கி இருப்பதை என்னவென்று சொல்ல;

பஞ்சாப் மாநில எய்ட்ஸ் விழிப்புணர்வு பிரச்சார அமைப்பு வெளியிட்டுள்ள அந்தப் கையேட்டுப் பிரதியிலுள்ள வாசகங்களை நீங்களும் தெரிந்து கொள்ளுங்கள்;

  • எய்ட்ஸ் நோயால் பாதிக்கப்பட்டவருடன் கை குலுக்கினால் அந்த நோய் பிறருக்கும் பரவக்கூடும்.
  • எய்ட்ஸ் பாதிக்குள்ளானவர்கள் பயன்படுத்திய பாத்திரங்களைப் பயன்படுத்தினாலும் கூட எய்ட்ஸ் பிறருக்கு பரவும்.
  • எய்ட்ஸ் நோயாளிகள் பயன்படுத்திய அலைபேசிகள் மற்றும் கணினி உள்ளிட்ட பொருட்களைப் பிறர் பயன்படுத்தினாலும் கூட எய்ட்ஸ் பரவக்கூடும்.
  • எய்ட்ஸ் நோயாளிகள் பயன்படுத்திய கழிவறைகளைப் பயன்படுத்தினால் கூட பிறருக்கும் அந்நோய் பரவக்கூடும்.  இத்யாதி, இத்யாதி...

இப்படி... மருத்துவ ரீதியான ஆதாரங்கள் எதுவுமற்ற மேற்சொன்ன காரணங்களை எதிர்த்து தான் காலங்காலமாக மேன்மையான கல்வியாளர்களும், சமூக சேவை அமைப்பைச் சார்ந்தவர்களும், எய்ட்ஸ் நோயாளிகள் மேல் கருணை கொண்டவர்களும் போராடி வருகிறார்கள். ஆனால் அவர்களையும் அவர்களது சமூகப் பங்களிப்பையும் கொஞ்சமும் மதிக்காமல், எய்ட்ஸ் நோயாளிகளை மேலும் பீதியில் ஆழ்த்தி தனிமைப்படுத்தும் விதமாக இப்படி ஒரு கையேட்டைத் தயாரித்து விநியோகித்து வருகிறது பஞ்சாப் மாநில எய்ட்ஸ் விழிப்புணர்வுப் பிரச்சார மையம் (PSACS) !

Article courtsy: India Today

]]>
எய்ட்ஸ் விழிப்புணர்வுப் பிரச்சாரம், பஞ்சாப் மாநில எய்ட்ஸ் பிரச்சாரம், பழைய மூடநம்பிக்கைகள், PSCAS, PUNJAB CAMPAIGN, pamphlet, AIDS http://images.dinamani.com/uploads/user/imagelibrary/2017/9/25/w600X390/aids_pomphlet.jpg http://www.dinamani.com/lifestyle/lifestyle-news/2017/sep/25/எய்ட்ஸ்-கை-குலுக்குவதன்-மூலமோ--ஒரே-அலைபேசி-பயன்படுத்துவதன்-மூலமோ-பரவுமா-ஆம்-பரவும்-என்கிறது-இந்த-2779506.html
2776512 லைஃப்ஸ்டைல் செய்திகள் நல்லன எல்லாம் நல்கும்  நவராத்திரி வழிபாடு மாலதி சந்திரசேகரன் DIN Wednesday, September 20, 2017 12:46 PM +0530  

இந்துக்களின் வழிபாட்டு முறைகளில் சக்தி வழிபாட்டிற்கு மகத்துவம் அதிகம் என்றால், அது மிகையில்லை. இச்சா சக்தி, ஞான சக்தி, க்ரியா சக்தி ஆகிய மூன்று சக்திகளுக்கும் ஆதி சக்தியாக விளங்கும், ஸ்ரீ லலிதா தேவியின் ஆராதனை மகோற்சவக் காலம்தான் நவராத்திரி பண்டிகை. அந்தந்த குலத்திற்கேற்ப, அவரவர் சம்பிரதாயப்படி இந்த நவராத்திரி பூஜையை செய்கிறார்கள்.

முதல் நாள், பொம்மைகளைப் படியில் எடுத்து வைக்கும் பொழுது சொல்ல வேண்டிய ஸ்லோகம்:
 
வித்யா: ஸமஸ்தாஸ்தவ தேவி பேதா, ஸ்த்ரிய: ஸமஸ்தா: ஜகத்ஸு

இதற்கு அர்த்தம், 'கலைகள் அனைத்தும் உன் வெளித்தோற்றமே. உலக மாதர்கள் அனைவரும் உன் வடிவங்களே. அன்னையே உன்னை ஆராதிக்கிறேன்' என்பதாகும்.

கொலு வைக்கும் இடத்தில் கோலம் போடும் பொழுது சொல்ல வேண்டிய ஸ்லோகம். 

பூஜாம் க்ருஹாண ஸுமுகி,  நமஸ்தே சங்கர ப்ரியே ,  ஸர்வார்த்த மயம் வாரி ஸர்வதேவ ஸமந்விதம்

(புருஷார்த்தமான தர்ம, அதர்ம, காம, மோக்ஷ எனப்படும், அறம், பொருள், இன்பம், வீடு ஆகிய சௌபாக்கியங்கள் எனக்கு சம்பவிக்குமாறு சங்கரியே நீ அருள்வாய்) 

புஷ்பம் சார்த்தும்பொழுது  சொல்ல வேண்டிய ஸ்லோகம். 

பத்ம ஸங்கஜ புஷ்பாதி ஸதபத்ரைர் விசித்ரிதாம், புஷ்பமாலாம் ப்ரயச்யாமி க்ருஹாணத்வம் ஸுரேஸ்வரி

(பலவித மலர்களாலும், ஆயிரம் இதழ்கள் கொண்டான் தாமரை மலர்களாலும் உன்னை ஆராதிக்கிறேன். என் வேண்டுதலை நிறைவேற்றி காத்தருள்வாய்)

பண்டிகை முடிந்து, பொம்மைகளை படியிலிருந்து எடுத்து, சுற்றி, உள்ளே வைக்கும் பொழுது சொல்ல வேண்டிய ஸ்லோகம். 

ஏஹி துர்கே மஹாபாகே ரக்ஷார்த்தம் மமசர்வதா, ஆவாஹயாமயஹம் தேவீ ஸர்வ காமார்த்த ஸித்தயே

(துர்கா, உன்னை அடைய வேண்டி, அதற்கான ப்ரயத்தனங்களை நிறைவேற்றி, எனக்கு மோக்ஷத்தைக் காட்டி ரக்ஷிக்க வேண்டுமாய் வேண்டிக்கொள்கிறேன்) 

மேற்கண்ட ஸ்லோகங்களைக் கூறி அனுகூலங்களைப் பெற்றுக் கொள்ளலாம். இந்த ஒன்பது நாட்களிலும், அம்பாளுக்கு உகந்ததாகக் கூறப்படும் வஸ்துக்கள் என்னவென்று பார்ப்போம். ஒன்பது நாட்களும் சமர்ப்பிக்க வேண்டியவை.  

முதல் நாள்,  தேவிக்கு கூந்தல் அலங்கார திரவியங்கள். 

இரண்டாம் நாள், மங்கல சூத்திரங்கள், வஸ்திரங்கள், நறுமணத் தைலங்கள். 

மூன்றாம் நாள், கண்ணாடி, சிந்தூரம். 

நான்காம் நாள், மதுபர்க்கம், திலகம், கண் மை. 

ஐந்தாம் நாள், அங்கங்களில் பூசிக்கொள்ளும் வாசனைத் திரவியங்கள். 

ஆறாம் நாள், வில்வங்களால் அலங்காரம். 

ஏழாம் நாள், கோஷங்களுடன் ஆடிப்பாடி மகிழ்வித்தல். 

எட்டாம் நாள், உபவாசம் இருந்து, அவரவர் சக்திக்கு ஏற்றவாறு, அம்பாளை ஆராதனை செய்தல். 

ஒன்பதாம் நாள், சண்டி தேவியை ஆத்மார்த்தமாக ஆராதித்து, பூஜையை முடித்த பின்னர்,  பூசணிக்காய், குங்குமம் கலந்து, வாசலில் உடைக்க வேண்டும். 

பத்தாம் நாள், அவசியமாக, புனர்பூஜை செய்ய வேண்டும்.

கொலு என்பது சம்பிரதாயமாக சிரத்தையுடன் கொண்டாட வேண்டிய பண்டிகை. இந்த நன்னாட்களில், துர்கா, லக்ஷ்மி, சரஸ்வதியைப் போற்றி,  பூஜைகளை முறைப்படி செய்தால்,  எல்லாம் வல்ல சர்வேஸ்வரி, நமக்கு சகல க்ஷேமத்தையும் தவறாமல் கொடுப்பாள் என்பதில் ஐயமில்லை. 

]]>
Navarathri, Kolu, Durga, நவராத்திரி, துர்க்கை, கொலு http://images.dinamani.com/uploads/user/imagelibrary/2017/9/20/w600X390/golu.jpg http://www.dinamani.com/lifestyle/lifestyle-news/2017/sep/20/navarathri-celebrations-2776512.html
2776506 லைஃப்ஸ்டைல் செய்திகள் நம்பிக்கையே அழகு! ரேஷம் கானின் வாழ்க்கை சொல்லும் பாடம் DIN DIN Wednesday, September 20, 2017 12:24 PM +0530 அவர் ஒரு அழகான இளம் பெண். வர்த்தகம் படிக்கும் மாணவி. மாடலாகி புகழ் பெற வேண்டும் என்ற கனவுகளை உடையவர். அதை நோக்கி ஒவ்வொரு அடியும் எடுத்து வைத்துக் கொண்டிருந்த சமயத்தில் தான் அவர் வாழ்க்கையில் அந்த கோர சம்பவம் நடந்தது. கடந்த ஜூன் மாதத்தில் அவர் முகத்தில் ஆசிட்டை வீசியெறிந்தான் ஒருவன்.

அவள் பெயர் ரேஷம் கான். லண்டனில் பிறந்து, வாழும் முஸ்லிம் பெண். அவரின் 21-ம் பிறந்த நாள் அன்று லண்டனில் அவருடைய உறவினர் ஜமீல் முக்தாருடன் காரில் பயணம் செய்யும் போது ஜான் தாம்லின்  என்றவன் கார் ஜன்னல் வழியாக அவர்களை ஆஸிட் வீசி தாக்கினான். இருவருக்கும் முதலில் என்ன நடந்தது என்பதை தெரிந்து கொள்ள முடியவில்லை. ஆசிட்டின் தீவிரத்தால் துடித்தனர். இருவரும் உடனடியாக மருத்துவமனையில் சேர்க்கப்பட்டனர். இருவரில் படுகாயம் அடைந்தவர் ஜமீல்.

அதன் பின் தீவிர சிகிச்சைக்குப் பிறகு ரேஷம் வீடு திரும்பினார். ஆனால் அவர் அழகு? பெண்களுக்கு உயிரை விடவும் பெரிதாக நினைப்பது அவர்களின் தோற்றத்தைத் தான். ஆனால் இதுபோன்று கொடூரச் செயல்களால் தங்களின் இயல்பை இழந்தவர்கள் மனநிலையில் பெரிதும் பாதிப்படைவார்கள். ஆனால் ரேஷம் சோர்ந்துவிடவில்லை. இழப்பு அதிகம்தான் என்றாலும் எல்லாவற்றையும் சரி செய்துவிடலாம் என்று முடிவு செய்தார். ஏற்கனவே டிவிட்டரிலும் ஃபேஸ்புக்கிலும் இயங்கிக் கொண்டிருந்தவர் ரேஷம் ஆன்லைன் என்று தனக்கொரு புதிய வலைத்தளத்தை தொடங்கினார். அதில் அவர் I am more than just my looks, whether that be glam or scarred என்று பதிவிட்டுள்ளார்.

தன்னைப் பற்றி பல விஷயங்களை அதில் அவர் கூறியிருக்கிறார். அதுவும் ஆசிட் வீச்சுக்குப் பிறகான மனநிலையை பதிவு செய்தார். சில நாட்கள் மன அழுத்தத்துடனும், சில நாட்கள் நம்பிக்கையுடனும் காலம் கடத்தி வருகிறார் ரேஷம். முகத்தை சீர் செய்யும் சிகிச்சை ஒரு புறம் நடந்து கொண்டிருக்க, தன்னை இந்நிலைக்கு உள்ளாக்கியவனை சட்டரீதியாக அணுக உள்ளதாகக் கூறியிருக்கிறார். நவம்பர் மாதம் ஸ்நாரெஸ்புரூக் கிரவுன் நீதிமன்றத்தில் இந்த வழக்குக்காக அவர் ஆஜராகவுள்ளார்.

இதை மதரீதியான பிரச்னையாக அணுக வேண்டாம் என்றும் அவர் தனது ஃபேஸ்புக் பதிவில் பகிர்ந்திருந்தார். படிப்படியாக குணமாகிவந்த வருவதை வலைத்தளத்தில் பகிர்ந்த கொண்டார். ஆஸிட் வீச்சு பற்றி நாடாளுமன்றத்தில் விவாதிப்பதற்கு அரசோடு ரேஷம் கான் பேச்சுவார்த்தை நடத்தி வருகிறார்.

ஜான் தாம்லின்

ரேஷம் என்ற பெயரில் தயாரிக்கப்பட்ட ‘உரிமம் இல்லாமல் ஆஸிட் விற்பதை தடை செய்யுங்கள்’ என்ற மனுவில் இதுவரை ஐந்து லட்சம் பேருக்கு அதிகமானோர் கையெழுத்திட்டுள்ளனர்.

ஈத் பெருவிழா அன்று தனது சமீபத்திய புகைப்படத்தை பேஸ்புக்கில் வெளியிட்டார் ரேஷம். அவருடைய அசாத்தியமான தைரியமும் எது நடந்தாலும் தளராத மனதும் தான் மீண்டும் அவரை பழைய நிலைக்கு கொண்டு வந்துள்ளது. தனது ஒரு பக்க முகம் மட்டுமே புகைப்படத்தில் தெரியும் படி எடுத்த ரெஷம் விரைவில் முற்றிலும் குணமானதும் முகத்தை நேராக கேமராவுக்குக் காண்பிப்பேன் என்று கூறியுள்ளார் ரேஷம். 

மருத்துவமும் சுற்றியுள்ள நண்பர்களும் சமூக வலைத்தளங்கள் மூலம் அவருக்குக் கிடைத்த ஆதரவும், சிகிச்சைக்கான நிதி உதவியும் ரேஷமின் கனவுகளை மீண்டும் கட்டமைக்க உதவி செய்துவருகின்றன. விரைவில் அவர் பூரண குணம் அடைவார் என்று வாழ்த்துகின்றனர் அவருக்காக பிரார்த்தனை செய்யும் பல்லாயிரணக்கான பதிவர்கள்.

]]>
london, லண்டன், ஆசிட் வீச்சு, Resham, Acid attacks, ரேஷம் கான் http://images.dinamani.com/uploads/user/imagelibrary/2017/9/20/w600X390/jsjdjsjsjsjsdhh-676x450.jpg http://www.dinamani.com/lifestyle/lifestyle-news/2017/sep/20/acid-attack-victim-resham-khan-shares-recovery-photos-2776506.html
2775934 லைஃப்ஸ்டைல் செய்திகள் மனைவிக்கு எம்பிபிஎஸ் அட்மிஷன் கிடைக்காததால் கோபத்தில் கெரோசின் ஊற்றி எரித்துக் கொன்ற கணவன்! RKV DIN Tuesday, September 19, 2017 01:27 PM +0530  

ஹைதராபாத்: நாகோல் பகுதியைச் சேர்ந்த 25 வயது இளம்பெண் ஒருவர் ஞாயிறு அன்று மர்மமான முறையில் மரணமடைந்ததைத் தொடர்ந்து அவரது கணவரும், கணவரது குடும்பத்தாரும் சந்தேகத்தின் பேரில் கைது செய்யப்பட்டிருக்கிறார்கள். இறந்து போன இளம்பெண்ணின் பெயர் ஹாரிகா. அவருக்கும், கணவர் ருஷி குமாருக்கும் திருமணமாகி இரண்டு வருடங்கள் ஆகின்றன.

சம்பவ இடத்தில் ஹாரிகாவின் சடலத்தைப் பார்த்து விட்டு, இது தற்கொலையாக இருக்க வாய்ப்பில்லை, ஹாரிகா மரணத்தில் மர்மம் இருக்கிறது என்று சந்தேகத்தை எழுப்பிய எல்.பி.நகர் உதவிக் கமிஷனர் வேனுகோபால ராவ், ஹாரிகாவை அவரது கணவரே கெரோசின் ஊற்றி எரித்துக் கொன்று விட்டு, தற்கொலை செய்து கொண்டதாக ஏமாற்றுகிறாரோ என்ற சந்தேகத்தை எழுப்பினார். ஏனெனில், மகள் இறந்த தகவலறிந்து சம்பவ இடத்துக்கு விரைந்த ஹாரிகாவின் அம்மாவும், அக்காவும் அவரது சந்தேகத்தை உறுதிப் படுத்தும் வகையில் சில தகவல்களைத் தெரிவித்தனர்.

ஹாரிகாவுக்கும், ருஷி குமாருக்கும் திருமணமாகி 2 வருடங்களான நிலையில், ருஷி குமார், தன் மனைவி ஹாரிகாவை, எம் பி பி எஸ் அட்மிஷன் பெற முடியாத காரணத்திற்காக தினமும் தொடர்ந்து சித்ரவதை செய்து வந்திருக்கிறார். இந்த ஆண்டு ஹாரிகாவுக்கு பி டி எஸ் படிக்க இடம் கிடைத்த போதும், அதில் திருப்தி அடையாத ருஷி குமார். எம் பி பி எஸ் அட்மிஷன் தான் கிடைக்கவில்லையே, அதனால் அதற்கு ஈடாக மேலும் வரதட்சிணையாவது பெற்றுத் தருமாறு ஹாரிகாவைத் தொடர்ந்து தொந்திரவு செய்து வந்துள்ளார். அதன் உச்சகட்டமாகத் தான், மகளை, அவளது கணவரே, கெரோசின் ஊற்றி எரித்துக் கொன்று விட்டு இப்போது தற்கொலை என்று நாடகமாடுகிறார். என் ஹாரிகாவின் தாயார் காவல்துறையினரிடம் புகார் அளித்துள்ளார்.

ஞாயிறு அன்று ஹாரிகா இறந்த செய்தியை, ருஷி குமாரே தொலைபேசி வழியாக ஹாரிகாவின் தாயாருக்குத் தெரிவித்ததாக காவல்துறை அதிகாரிகள் கூறியதிலிருந்து தெரிய வருகிறது.

இந்நிலையில்... நடந்தது கொலை என்றாலும் கூட, ஹாரிகாவின் போஸ்ட் மார்ட்டம் அறிக்கை வெளிவந்த பிறகே; அவர் கொலை செய்யப்பட்டு கெரோசின் ஊற்றி எரிக்கப்பட்டாரா? அல்லது கெரோசின் ஊற்றி எரிக்கப்பட்டதால் தான் கொல்லப் பட்டாரா? என்ற சந்தேகம் தீரும் என காவல்துறை அதிகாரிகள் தெரிவித்துள்ளனர்.

]]>
கொலை, கணவன் மனைவி தகராறு, எம் பிபி எஸ் அட்மிஷன், murder, FAILING TO GET MBBS SEAT, HARIKA, HYDRABAD http://images.dinamani.com/uploads/user/imagelibrary/2017/9/19/w600X390/hyderabad-woman-death.jpg http://www.dinamani.com/lifestyle/lifestyle-news/2017/sep/19/woman-murdered-by-husband-for-failing-to-get-mbbs-seat-2775934.html
2775338 லைஃப்ஸ்டைல் செய்திகள் சப்பாத்தி மிருதுவாக இருக்க என்ன செய்யலாம்? DIN DIN Monday, September 18, 2017 06:01 PM +0530  

மாவு பிசையும்போது கோதுமை மாவுடன் ஒரு டேபிள்ஸ்பூன் மக்காச்சோள மாவும், அரை டேபிள்ஸ்பூன் ரவையும், அரை டீஸ்பூன் சர்க்கரையும் சேர்த்துக் கலக்கி, அந்த மாவில் பூரி செய்தால் மிருதுவாக இருப்பதுடன் பூரி உப்பலாக வரும்.

சப்பாத்தியோ, பூரியோ செய்யும்போது கோதுமை மாவில் சாதம் வடித்த நீர் சேர்த்து மாவை பிசைந்து செய்தால் மிகவும் சுவையாக இருக்கும்.

அதிக கனமுள்ள கல்லை தோசைக்கும், கன மில்லாத மெலிதான கல்லை சப்பாத்திக்கும் உபயோகிக்க வேண்டும்.

சாதம் வடிக்கும்போது சற்று குழைந்து விட்டது போன்று தெரிந்தால் உடனே சிறிதளவு நல்லெண்ணெய்யைச் சேர்த்தால் மேலும் குழையாமல் இருக்கும்.

குழம்பு, பொரியல் செய்யும்போது உப்பு, காரம் அதிகமாகிவிட்டால் உலர்ந்த பிரெட் அல்லது ரஸ்கைப் பொடித்துத் தூவினால் சரியாகிவிடும்.

வெண்டைக்காயைப் பொரியல் செய்யும்போது புளித்த மோரைச் சேர்த்தால் வெண்டைக்காய் மொறுமொறுவென்று இருக்கும்.

கேழ்வரகை ஊற வைத்து அரைத்துப் பால் எடுத்து, கோதுமை அல்வா போன்று செய்யலாம். கோதுமை  அல்வாவைவிட ருசியாக இருக்கும்.

 -  என். சண்முகம்

உப்பு, சர்க்கரை, புளி, காரம், எண்ணெய் எனப்படும் பஞ்சப் பொருட்களையும் முடிந்த வரை தவிர்த்தால் பலவிதமான நோய்களின் பாதிப்புகளிலிருந்து விடுபடலாம்.

**

2 டீஸ்பூன் அரிசி, ஒரு டீஸ்பூன் துவரம்பருப்பு, தேவையான உப்பு, நெய், மஞ்சள்தூள் மற்றும் நறுக்கிய கேரட் சேர்த்து, குக்கரில் குழைய வேகவிட்டு மசித்து, ஊட்டச்சத்து நிறைந்த உணவாக குழந்தைகளுக்கு ஊட்டலாம்.

- கே.பிரபாவதி

தெரியுமா?
பாலில் மட்டும்தான் ப்ரோட்டின், கால்சியம், சர்க்கரை, இரும்பு, பொட்டாசியம் மற்றும் சோடியம் ஆகியவை உள்ளன என என்ன வேண்டாம்.  மாறாக  சோயா, பாதாம், அரிசி உட்பட மேலும் பலவற்றிலும் இவை அனைத்தும் உள்ளன.  ஆக, இனி  பாலுக்காக காத்திருக்க வேண்டாம். மேற்கூறியவற்றை பயன்படுத்தியும் முழு ஆரோக்கியமும், திறனும் பெறலாம்.

-ராஜேஸ்வரி ராதாகிருஷ்ணன்.

]]>
டிப்ஸ், Tips, சப்பாத்தி, சமையல், பூரி http://images.dinamani.com/uploads/user/imagelibrary/2017/9/18/w600X390/chapathi.jpg http://www.dinamani.com/lifestyle/lifestyle-news/2017/sep/18/how-to-make-soft-chappatis-2775338.html
2775334 லைஃப்ஸ்டைல் செய்திகள் முதல் மகளிர் பத்திரிகையின் பெயர் தமிழ்மாது! DIN DIN Monday, September 18, 2017 05:34 PM +0530 பருத்திப் பெண்டிர் 
சர்.ஜான் மார்ஷல் ‘மொகஞ்சதாரோ சிந்து நாகரிகம்' என்னும் நூலில் 3000 ஆண்டுகளுக்கு முன்பே மேல் நாடுகளுக்கு இந்தியாவிலிருந்து துணி ஏற்றுமதியானதென்று கூறியிருகிறார். அக்கால இந்தியா என்பது தமிழகமே. நூல் நூற்கும் பெண்களை புறநானூறு  பருத்திப் பெண்டிர் எனச் சிறப்பிக்கின்றது.

முதல் பெண்மணி!

ஈராக்கைச் சேர்ந்த ஜஹாஹீதத் என்பவர்தான் உலகிலேயே கட்டடக்கலைக்கான ‘பிரிட்ஸ் கெர்'  பரிசை முதன்முறையாக பெற்ற பெண்மணி.

பெண் நடத்திய இதழ்!
சென்னை கோமளீஸ்வரன் பேட்டையிலிருந்து ஸ்வப்னேஸ்வரி ஆசிரியராகவும், வெளியீட்டாளராகவும் கொண்டு 24 பக்கங்களைக்  கொண்ட 'தமிழ்மாது' என்ற திங்களிதழ் வெளிவந்தது. வெளிவந்த ஆண்டு: 1905.
 - கோட்டை செல்வம்.

]]>
Magalir Mattum, Ladies only, பெண்கள், முதல் பெண்மணி http://images.dinamani.com/uploads/user/imagelibrary/2017/9/18/w600X390/Print-Page-.jpg http://www.dinamani.com/lifestyle/lifestyle-news/2017/sep/18/magalir-mattum-2775334.html
2774768 லைஃப்ஸ்டைல் செய்திகள் உலகிலேயே நம்பர் 1 குடிகார நாடு எது? ஒரு அலசல் ரிப்போர்ட்! DIN DIN Monday, September 18, 2017 12:37 PM +0530 ஆண்டுக்கு 2.5 மில்லியன் இறப்புகள் மது அருந்தும் பழக்கத்தால் ஏற்படுகிறது என்று உலக சுகாதார அமைப்பு வெளியிட்ட ஒரு அறிக்கை கூறுகிறது. 'உலகம் முழுவதிலும் 4 சதவிகித மரணங்கள் குடிப்பழக்கத்தால் ஏற்படுகிறது' என்றும் அந்த ஆய்வறிக்கை தகவல் வெளியிட்டுள்ளது.

எச்.ஐ.வி / எய்ட்ஸ், வன்முறை அல்லது காசநோய் ஆகியவற்றால் ஏற்படும் இறப்புகளைவிட ஆல்கஹால் காரணமாக மிக அதிகமான இறப்புகள் ஏற்படுகின்றன. அதிகப்படியான மது அருந்தும் நாடுகளாக 193 நாடுகளைப் பட்டியலிட்டு அவற்றின் மது நுகர்வு விகிதங்களையும் வெளியிட்டது WHO. பொதுவாக வளர்ந்த நாடுகளில் மதுப் பழக்கம் மிக அதிக அளவிலும், முஸ்லீம் மக்கள் அதிகமுள்ள நாடுகளில் இப்பழக்கம் குறைந்த விகிதத்திலும் இருந்து வருவதும் கண்டறியப்பட்டது.

மேலும் இந்த பட்டியலில் இடம்பெற்றுள்ள மதுபானங்களில் முதலிடம் பெற்றது பீர்தான். அடுத்து வைன். அதன் பின்னரே மற்ற குடிபானங்களின் வரிசை. சிலர் குடிப்பதற்காக சொந்தமாக தொழிற்சாலை கூட வைத்திருக்கிறார்களாம். 

உலகிலேயே அதிகமாக மது அருந்தும் பட்டியலில் முதல் 25 இடங்களைப் பிடித்த நாடுகள் :

பின்லாந்து, ஜெர்மனி, லக்ஸம்பர்க், ஆஸ்திரியா, நெதர்லாந்து, ஸ்லோவாக்கியா, டென்மார்க், யுனைடட் கிங்டம், பிரான்சு, அயர்லாந்து, போர்ச்சுகல், தென்கொரியா, லித்துவேனியா, குரேஷியா, பெலாரஸ், ஸ்லொவேனியா, ருமேனியா, அண்டோரா, எஸ்தோனியா, உக்ரெய்ன், ரஷ்யா, ஹங்கேரி, செக் குடியரசு, மால்டோவா, லாட்வியா ஆகிய நாடுகள் முதல் 25 இடங்களைப் பிடிக்கின்றன.

யேமன் உள்ளிட்ட முஸ்லிம் மக்கள் அதிகம் வாழும் நாடுகளில் மிகக் குறைந்த அளவில் மது அருந்தும் பழக்கம் இருந்து வருகிறது.

இதில் குறிப்பிடத்தக்க வேண்டிய விஷயம் என்னவெனில், இந்தியா இந்த பட்டியலில் இடம் பெறவில்லை என்பதுதான். 
 

]]>
wine, beer, மது, Alchohol, ஆல்கஹால் http://images.dinamani.com/uploads/user/imagelibrary/2017/9/17/w600X390/os-25-drunkest-countries-in-the-world-20130924.jpg http://www.dinamani.com/lifestyle/lifestyle-news/2017/sep/17/25-drunkest-countries-in-the-world-2774768.html
2773731 லைஃப்ஸ்டைல் செய்திகள் பெண்கள் ஏன் மெட்டி அணிய வேண்டும்? DIN DIN Friday, September 15, 2017 10:51 AM +0530  

கல்யாணம் ஆனதும் பெண்கள் கால் கட்டைவிரலுக்கு அடுத்த விரலில் மெட்டி அணிவது வழக்கத்தில் உள்ளது. அந்த விரலில் மட்டும் மெட்டி அணிய வேண்டும் என்று பெரியோர் சொல்ல காரணம் உண்டு.

அந்த விரலில் தான் கருப்பையின் நரம்பு முடிச்சுகள் வந்து முடிகின்றன. பெண்கள் மெட்டி அணிந்து நடக்கும்போது ஏற்படும் அழுத்தம் கருப்பைக்கு பெரிதும் உதவுகின்றது. இதன் காரணமாகத்தான் பெண்களுக்கு திருமணத்தின் போது மெட்டி அணிவிக்கின்றனர்.

இதை போன்றே  இதயம் முதல் மூளை நரம்புகள் வரை எல்லாவற்றையும் கட்டுப்படுத்தும். தவிர கல்யாணமான பெண் என்பதை அடையாளம் கண்டு கொள்ளவும்  உதவுகிறது.

- சி.ரகுபதி

]]>
Metti, Marriage, Health, பெண்கள், மெட்டி, திருமணம் http://images.dinamani.com/uploads/user/imagelibrary/2017/9/15/w600X390/metti.JPG http://www.dinamani.com/lifestyle/lifestyle-news/2017/sep/15/why-woman-has-to-wear-metti-2773731.html
2772528 லைஃப்ஸ்டைல் செய்திகள் கல்யாணம் வாழ்க்கைக்குத் தேவையா இல்லையா? உமா DIN Wednesday, September 13, 2017 11:34 AM +0530 பத்திரிகைகளில், வலைதளங்களில், மீம்ஸுகளில் என கல்யாணத்தைப் பற்றிய காமெடிக்கு எப்போதும் தனி மவுசு உண்டு. கல்யாண பத்திரிகையை ஒருவர் தந்துவிட்டால் போதும், உடனே நல்லா மாடிக்கிட்டே மாம்ஸ் என்று கேலி செய்யும் நண்பர்கள் சூழ் உலகம் இது. இது நாள் வரை ஆண்களிடையே தான் இத்தகைய கிண்டல்கள் இருந்து வந்தது. இப்போது பெண்களும் கூட கல்யாணமா! எனக்கா! அதுக்குள்ளயா! என்று சொல்ல ஆரம்பித்துவிட்டனர். மண வாழ்க்கை, குடும்பம், பொறுப்புக்கள் இவற்றை எல்லாம் சுமக்க இருவருக்கும் சமீப காலமாக தயக்கம். அதன் காரணமாக தாமதமான திருமணங்கள் நடந்து வருகின்றன. இது குறுத்து சுவாரஸ்யமான ஆய்வொன்றை ஆஸ்டன் பல்கலைக்கழகம் மேற்கொண்டது.

திருமணத்தால் பல்வேறு நன்மைகள் இருந்தாலும் எல்லாவற்றையும் விட முக்கியமாக தம்பதியரின் ஆரோக்கியம் மேம்பட்டுள்ளது என்கிறது அந்த ஆய்வு. திருமணம் செய்து கொள்வது உடல் நலத்துக்கு மிகவும் நல்லது, அது ஒருவருக்கு உடல் நலப் பிரச்னைகள் ஏற்பட்டாலும், ஆயுளை நீட்டிக்கும் என்பதை கண்டறிந்தனர். இந்த ஆராய்ச்சியில் இந்திய வம்சாவளி ஆய்வாளர் ராகுல் பொட்லூரியும் பங்கேற்றார் என்பதும் சுவாரஸ்யமான தகவல்.

இதய நோயால் பாதிக்கப்பட்ட பத்து லட்சம் நபர்களை வைத்து இந்த ஆராய்ச்சியைத் தொடங்கினர். அவர்களுடைய ரத்த அழுத்தம், கொழுப்பின் அளவு போன்றவற்றை பரிசோதித்தனர். தொடர்ந்து பல வருடங்கள் அவர்கள் இந்த ஆய்வுக்கு உட்படுத்தப்பட்டிருந்தனர். மேற்சொன்ன பரிசோதனை முடிவுகளையும் அடிக்கடி பரிசீலித்தனர். கொழுப்புப் பிரச்னையால் அவதியுற்ற திருமணமாகாத நபர்களை விட திருமணமான நபர்கள் அதிக நாட்கள் உயிர் வாழ்ந்தார்கள்.

ஒப்பீட்டளவில் திருமணமாகாமல் தனியாக வாழும் நபர்களை விட திருமணமானவர்கள் நோயுற்றவர்களாக இருந்தாலும் நீண்ட ஆயுளுடன் வாழ்ந்தார்கள் என்பதே இந்த ஆய்வின் முடிவு. அதற்குக் காரணம் திருமணமானவர்கள் தங்கள் மீது சுய அக்கறை கொண்டு மாத்திரை மருந்துகளை ஒழுங்காக உட்கொண்டு தங்கள் உடல் நலத்தை பேணுகிறார்கள். ஆனால் தனியாக வாழ்பவர்கள் அவ்வாறு செய்வதில்லை. குடும்பஸ்தர்களின் வாழ்க்கைமுறையும் சீராக இருக்கும். அவர்கள் தம் குடும்ப பொறுப்பை உணர்ந்து ஆரோக்கிய விஷயங்களில் கவனம் செலுத்துகின்றனர். இணையதளங்களில் அதிகமான அளவில் கேலிப் பொருளாக திருமணம் என்கிற விஷயம் இருந்தாலும், உண்மையில் அதுவே ஆரோக்கியத்துக்கு சிறந்தது.

]]>
திருமணம், jokes, marriage, Memes, ஆயுள், உடல்நலம் http://images.dinamani.com/uploads/user/imagelibrary/2017/9/13/w600X390/marriage.jpg http://www.dinamani.com/lifestyle/lifestyle-news/2017/sep/13/marriage-is-good-for-your-health-study-confirms-2772528.html
2770222 லைஃப்ஸ்டைல் செய்திகள் இதழில் கதை எழுதும் நேரமிது... இயற்கையாக லிப் பாம் தயாரிக்கச் சில டிப்ஸ்கள்... ஹரிணி DIN Saturday, September 9, 2017 03:26 PM +0530  

உதடுகளை இயற்கையாகப் பராமரிக்க எளிமையான குறிப்புகள்...

  1. 1 டீஸ்பூன் பழுப்புச் சர்க்கரை எடுத்துக் கொண்டு அதனுடன் 1 டீஸ்பூன் தேன் சேர்த்து நன்கு கலந்து உதடுகளில் தடவி 10 வினாடிகளுக்குத் தொடர்ந்து மசாஜ் செய்யவும். பின்னர் 5 வினாடிகளுக்கு அதை அப்படியே உலர விட்டு பின்னர் இதமான சூட்டிலிருக்கும் வெந்நீர் கொண்டு கழுவி மென்மையாகத் துடைக்கவும்.
  2. 1 டேபிள் ஸ்பூன் வெண்ணெய் எடுத்துக் கொண்டு அதை உருக்கி நெய்யாக்கி அதனுடன் தோல் நீக்கப்பட்டு நைஸாக அரைத்தெடுக்கப்பட்ட பீட்ரூட் கலவையை 1 டீஸ்பூன் கலந்து இரண்டையும் நன்கு கலக்குமாறு ஸ்பூனால் கிளறிவிட்டு அதை ஒரு சிறூ பிளாஸ்டிக் கண்டெய்னரில் இட்டு ஃப்ரீஸரில் 15 நிமிடங்கள் வைத்தெடுக்கவும். இப்போது வெண்ணெய், பீட்ரூட் கலவை உறைந்து மை போலிருக்கும். இந்தக் கலவையை நாம் ஃப்ரிஜ்ஜில் எடுத்து வைத்துக் கொண்டு அது தீரும் வரை பயன்படுத்தலாம். இந்தக் கலவையை தினமும் தூங்கச் செல்லும் முன் உதடுகளில் தடவிக் கொண்டு படுக்கச் செல்லலாம். தொடர்ந்து 1 மாதம் இப்படி செய்து வந்தால் வறண்ட உதடுகள் கூட அவற்றின் இயல்பான நிறத்தை திரும்பப் பெற முடியும். அது மட்டுமல்ல உதடுகளின் நிறத்திலும் நல்ல முன்னேற்றத்தைக் காணலாம்.

உதடுகளின் நிற மாற்றத்துக்கான காரணங்கள் என்ன?

  • புகைப்பழக்கம் மற்றும் தொடர்ச்சியான மதுப் பழக்கம்
  • தொடர்ந்து காஃபீ, டீ அருந்துவதாலும் உதடுகளின் நிறம் மங்கிக் கறுக்கும்.
  • இது தவிர வெயில் மற்றும் குளிர் காலங்களில் சீதோஷ்ண மாற்றத்தால் சருமம் வறண்டு போகும். மனித உடலில் உதடுப்பகுதி சருமம் தான் மிக மிக மெல்லியது எனவே உடனடியாகப் பாதிப்புக்கு உள்ளாவதும் அதுவே தான். உதடுகளில் வெடிப்பு, உட்புற உதடுகளில் கொப்புளங்கள் போன்ற பாதிப்புகள் ஏற்படும்.
  • இவற்றைத் தவிர்க்க காஸ்மெடிக் கடைகளில் கிடைக்கும் செயற்கையான, வேதிப் பொருட்களின் கலப்பால் தயாரிக்கப்பட்டு லிப் பாம்கள் மற்றும் லிப்ஸ்டிக்குகளைப் பயன்படுத்துவதைக் காட்டிலும் வீட்டிலேயே இயற்கையான முறையில் நாமே சில எளிய அழகுக்குறிப்புகளை செயல்படுத்திப் பார்க்கலாம். அவற்றுள் இரண்டு தான் மேற்சொன்னவை.
]]>
லைஃப்ஸ்டைல், அழகே அழகு, இதழ்களைக் காக்க ஆலோசனை, ஹோம்மேட் லிப் பாம், lip balm http://images.dinamani.com/uploads/user/imagelibrary/2017/9/9/w600X390/beautyful_lips.jpg http://www.dinamani.com/lifestyle/lifestyle-news/2017/sep/09/lip-balm-tips-2770222.html
2768383 லைஃப்ஸ்டைல் செய்திகள் தேங்காய் எண்ணெய் இதற்கெல்லாம் பயன்படுகிறதா! IANS IANS Wednesday, September 6, 2017 12:17 PM +0530 பொதுவாக தேங்காய் எண்ணெயைப் பயன்படுத்தினால் சருமத்தை மென்மையாக்கும் என்பது தெரிந்த விஷயம் தான். ஆனால் வறண்ட சருமம், சருமத்தில் உலர்வான தன்மை, மற்றும் காயங்கள் என்று எந்த பிரச்னைக்கும் உடனடி நிவாரணி தேங்காய் எண்ணெய் என்கிறார்கள் அழகுக் கலை நிபுணர்கள்.

ஸ்வாதி கபூர் - கூட்டு நிறுவனர், சோல்ட்ரீ, ராகினி மெஹ்ரா - நிறுவனர், பியூட்டி சோர்ஸ், மற்றும் ஆக்ரிதி கோச்சர் - அழகு / ஒப்பனைக் கலை நிபுணர், ஓரிஃப்ளேம் இந்தியா ஆகியோர் தேங்காய் எண்ணையை சரும அழகுக்காக எப்படி எல்லாம் பயன்படுத்தலாம் என்று கூறுகிறார்கள். 

தேங்காய் எண்ணெயை மேக் அப் ரிமூவராகப் பயன்படுத்தலாம். காரணம் அது வாட்டர்ப்ரூஃப் மேக் அப்புக்களைக் கூட மென்மையாகவும் துல்லியமாகவும் அகற்றிவிடும். 

தேங்காய் எண்ணெயை உடலில் நன்றாகத் தேய்த்து மசாஜ் செய்து கொள்ளலாம். அது உடலை நன்றாக தளர்வாக்குவதுடன் புத்துணர்ச்சி அளிக்கும். உடலில் உள்ள வறட்சித்தன்மை நீங்கி  சருமம் பளபளப்பாகிவிடும்.

சந்தையில் கிடைக்கும் மாயிஸ்சரைஸர்களில் பெரும்பாலானவை நீர் அல்லது பெட்ரோல் பொருட்களை அடிப்படையாக வைத்து தயாரிக்கப்பட்டவை. தேங்காய் எண்ணெய் முற்றிலும் இயற்கையான ஒரு மாயிஸ்சரைஸர். சருமத்துக்கு இதனால் எவ்வித பாதிப்பும் ஏற்படாது. சருமத்தில் உள்ள சிறு சிறு பிரச்னைகளை சீராக்கி, அதை நன்கு பராமரிக்க தேங்காய் எண்ணெய் உதவுகிறது.

தேங்காய் எண்ணெயை கண் பகுதியைச் சுற்றிலும் தேய்த்து வர கருவளையம் ஏற்படாமல் காத்து, சுருக்கங்களையும் தடுக்கிறது.

தேன் மற்றும் தேங்காய் எண்ணெயை சம அளவில் கலந்து, முகத்தில் அடர்த்தியாகத் தடவவும். இது முகப்பருவை நீக்கவும், சருமம் மென்மையாகவும் பளபளப்பாகவும் மாற உதவுகிறது.

தேங்காய் எண்ணெயுடன் பனங்கற்கண்டைக் கலந்து முகத்தில் தடவவும். இது சருமத்தில் உள்ள அழுக்குகளைக் களைந்து சருமத்தைப் பொலிவடையச் செய்யும். பனங்கற்கண்டு இறந்த சருமத்தை நீக்க, தேங்காய் எண்ணெய் முகத்தில் ஈரப்பதத்தை மீட்டெடுத்து மென்மையாக்கும்.

பபுள் பாத் மற்றும் பாத் சால்ட்டுக்களுக்குப் பதிலாக தேங்காய் எண்ணெயைப் பயன்படுத்தலாம். சூடான தண்ணீர் எண்ணெயை உருக்கும், தண்ணீரும் எண்ணெயுமாகச் சேர்ந்து சருமத்துக்கு தேவையான ஈரப்பதம் கிடைத்துவிடும்.

சிறிய வெட்டுக் காயங்கள், சிராய்ப்புகள், மற்றும் புண்களின் மீது தேங்காய் எண்ணெயைத் தடவினால் அக்காயங்கள் விரைவில் ஆறும். தேங்காய் எண்ணெய் அழுக்கு மற்றும் கிருமிகளுக்கு எதிராக செயல்பட்டு அந்தப் பகுதிகளைப் பாதுகாக்கிறது.
 

]]>
beauty tips, Coconut oil, தேங்காய் எண்ணெய் http://images.dinamani.com/uploads/user/imagelibrary/2017/9/6/w600X390/coconut_oil.jpg http://www.dinamani.com/lifestyle/lifestyle-news/2017/sep/06/beauty-benefits-of-coconut-oil-2768383.html
2767845 லைஃப்ஸ்டைல் செய்திகள் 4000 ஆண்டுகளுக்கு முன்னால் ஆண்கள் என்ன செய்தார்கள்? IANS IANS Tuesday, September 5, 2017 06:25 PM +0530  

சுமார் 4,000 ஆண்டுகளுக்கு முன்னர் ஆரம்பகால ப்ரான்ஸ் ஏஜ் (Bronze Age) காலகட்டத்தில், ஐரோப்பியப் பெண்கள் தங்கள் குடும்பங்களை உருவாக்குவதற்கு தூர தேசப் பயணம் செய்து, புதிய கலாச்சார விஷயங்கள் கற்றனர். புதிய வாழ்க்கைக்காக இடமாற்றத்துக்கு தங்களை உட்படுத்திக் கொண்டனர். அதே நேரத்தில் ஆண்கள் தாங்கள் பிறந்த பகுதியிலேயே தங்கிவிட்டனர். இப்பழக்கம் கிட்டத்தட்ட 800 ஆண்டு காலம் இருந்து வந்தது என்கிறது சமீபத்திய ஆய்வு.

அக்காலத்துப் பெண்கள் கலாச்சார பொருட்கள் மற்றும் கருத்துக்களின் பரிமாற்றத்தை நிகழ்த்துவதில் முக்கிய பங்கைக் கொண்டிருந்தனர். இது ப்ரான்ஸ் ஏஜில் புதிய தொழில்நுட்பங்களின் வளர்ச்சியை ஊக்குவிப்பதாக இருந்தது என ஆராய்ச்சியாளர்கள் தெரிவித்தனர்.

PNAS என்ற பத்திரிகையில் வெளியிடப்பட்ட இந்த ஆய்வில், 2500 மற்றும் 1650 கி.மு. இடையே புதைக்கப்பட்ட 84 நபர்களின் எஞ்சியவற்றை பரிசோதித்து, ஸ்டோன் ஏஜ் முடிவில் மற்றும் ப்ரான்ஸ் ஏஜின் ஆரம்பக் கட்டத்தில் அம்மக்கள் வியக்கத்தக்க வகையினில் தெற்கு லெக், தெற்கு ஆக்ஸ்பர்க் (இந்நாளைய ஜேர்மனியில்) தங்களுடைய குடும்பத்துடன் குடிபுகுந்திருந்தனர் என்பதைக் கண்டறிந்தனர். இதில் பெரும்பான்மையான பெண்கள் இப்பகுதியில் வெளியிலிருந்து வந்திருக்கலாம் என்று அறியப்படுகிறது. ஒருவேளை போஹேமியா அல்லது மத்திய ஜெர்மனியிலிருந்து அவர்கள் வந்திருக்கக் கூடும். ஆனால் ஆண்கள்  அதே பிரதேசத்தில் பிறந்தவர்கள் என்றும் அறியப்படுகிறது.

'இந்தப் பெண்களின் வம்சாவளிகளில் அதிக வேறுபாடுகள் காணப்படுவதால், இவர்கள் பல்வேறு இடங்களிலிருந்து பயணப்பட்டு கடைசியில் லெக் பிரதேசத்திற்கு வந்திருக்கலாம் என்று ஜெர்மனியில் உள்ள மேக்ஸ் பிளாங்க் நிறுவனத்தைச் சேர்ந்த ஆய்வாளர் அலிஸா மிட்னிக் கூறினார்.   

'ஒட்டு மொத்தக் குழுவினராகவும், சில சமயங்களில்  தனிப்பட்ட பயணமாகவும் இப்பெண்களின் இடமாற்றம் இருந்து வந்துள்ளது. இது அவர்களுக்கு தற்காலிகமான ஒன்றல்ல. ஆண்டாண்டு காலமாக, அதாவது கிட்டத்தட்ட 800 ஆண்டுகளுக்கு இது தொடர் நிகழ்வாகவே இருந்துள்ளது. கணவன் என்பவன் ஒரே இடத்தில் இருக்க, மனைவி வேறொரு இடத்திலிருந்து அங்கு வந்தவளாக இருந்து வந்தாள். ஓரிடத்தில் பிறந்து வேறு ஒரு இடத்தில் புலம் பெயர்வது என்பது காலம் காலமாக பெண்களின் நிலையாக இருந்து வருகிறது’ என்றார் ஆய்வாளர்.

இந்த ஆய்வின் மூலம் ஆரம்பகால மனிதர்களின் இடமாற்றம் பற்றிய இந்த ஆய்வில் ஒரு புதிய பரிமாணம் கிடைத்துள்ளது. 'தனி நபர் இடமாற்றம் என்பது  அன்றிலிருந்து இன்று வரை மத்திய ஐரோப்பாவில் வாழும் மக்களின் முக்கிய அம்சமாக இருந்து வருகிறது என்று லுத்விக் மாக்ஸ்மிலியன்ஸ் பல்கலைக்கழகத்தைச் சேர்ந்த பிலிப் ஸ்டாக்ஹாம்மர் தெரிவித்தார்.

]]>
இடமாற்றம், men stayed home, Bronze Age, Stone Age, பெண்களின் நிலை http://images.dinamani.com/uploads/user/imagelibrary/2017/9/5/w600X390/bronze_age_people20170905173123_l.jpg http://www.dinamani.com/lifestyle/lifestyle-news/2017/sep/05/4000-years-ago-women-travelled-men-stayed-home-2767845.html
2766763 லைஃப்ஸ்டைல் செய்திகள் அக்ரூட் பருப்புகளை முழுதாக உடைப்பது எப்படி? எம்.ஏ. நிவேதா DIN Sunday, September 3, 2017 04:15 PM +0530
  • வாழைக்காயைத் தண்ணீரில் போட்டு வைத்தால் சில நாட்கள் பழுக்காமல் இருக்கும். தண்ணீரை தினசரி மாற்றிவிட வேண்டும்.
    • வாழைக்காய்,  வாழைத்தண்டு, கத்தரிக்காய் ஆகியவற்றை சிறிது மோர் கலந்த நீரில் நறுக்கிப் போட்டால் கறுக்காமல் இருக்கும்.
    • முட்டைக்கோஸ், குடைமிளகாய், பாகற்காய், கேரட், முருங்கைக்காய், வாழைத்தண்டு போன்ற காய்கறிகளை அடிக்கடிச் சேர்த்துக்கொள்வது எடை குறைக்க உதவும்.
    • அக்ரூட் பருப்புகளை முழுதாக  உடைத்தெடுக்க அவற்றை ஓட்டுடன் சிறிது நேரம் வெந்நீரில்  ஊற விட்டு பிறகு  உடைத்து எடுக்கவும்.
    • பூரிக்கு மாவு பிசையும் போது  அதில் சிறிது சீரகத்தைச் சேர்க்கவும். பூரி வித்தியாசமாக சுவையில் சூப்பராக இருக்கும்.
    • வெங்காயத்தை வதக்கும் போது  சிறிது உப்புச் சேர்த்தால் நன்கு சிவந்து வதங்கும்.
    • நூடுல்ஸ் வேக வைக்கும்போது சிறிது எலுமிச்சைச் சாறு விட்டால், நூடுல்ஸ் ஒன்றுடன் ஒன்று ஒட்டாமல் டேஸ்ட்டாக இருக்கும்.
    • சமோசா செய்ய பயன்படுத்தும் மைதா மாவை மெல்லிய துணியில் மூட்டையாகக் கட்டி இட்லித் தட்டில் வைத்து ஐந்து நிமிடம் வேக விடவும். அதன் பிறகு  உப்பு சேர்த்துப் பிசைந்து சமோசா செய்தால் சூப்பராக இருக்கும்.
    • தட்டை ரிப்பன் பகோடா செய்யும்போது சிறிது ஓமத்தையும் பொடித்துச் சேர்க்கவும். வாசனையாகவும் இருக்கும். எளிதில் ஜீரணமாகவும் ஓமம் உதவும்.
    ]]>
    Tips, useful tips, டிப்ஸ் டிப்ஸ் டிப்ஸ் http://images.dinamani.com/uploads/user/imagelibrary/2017/9/3/w600X390/walnut.jpg http://www.dinamani.com/lifestyle/lifestyle-news/2017/sep/03/useful-tips-2766763.html
    2766300 லைஃப்ஸ்டைல் செய்திகள் மணமகனைத் தேடிச் சென்ற பயணமா? / பலாத்காரத்தை தேடிச் சென்ற பயணமா? விஜயவாடா பெண்ணுக்கு நேர்ந்த அவலம்! RKV DIN Saturday, September 2, 2017 02:27 PM +0530  

    சென்னையில், மென்பொருள் வல்லுனராகப் பணியாற்றி வரும் விஜயவாடாவைச் சேர்ந்த இளம்பெண்ணொருவர், திருமணத்திற்காக தனக்குப் பார்த்த வரனைச் சந்திக்க வியாழன் அன்று காலையில் விஜயவாடாவுக்கு கிளம்பினார். அந்தப் பெண் பயணித்தது, ஹைதராபாத் நிஜாமுதீன் எக்ஸ்பிரஸ் ரயிலின் S1 கோச். 

    அவர் தனக்குரிய ரயில் பெட்டியில் ஏறும் போதே உள்ளே  முன்பதிவு செய்யப்படாத டிக்கெட்டில் மூன்று நபர்கள் பயணித்துக் கொண்டிருந்திருக்கிறார்கள். மூவரும் ஆண்கள். அவர்களின் பெயர்கள் முறையே 22 வயது முகமது, 25 வயது ஹரி கேஷவ் யாதவ், 42 வயது சதகத் கான். மூவரும் டிக்கெட் இல்லாமல் ரயிலில் பயணித்ததுடன் இல்லாமல் முறையாக டிக்கெட் எடுத்துப் பயணித்த விஜயவாடாவைச் சேர்ந்த இளம்பெண்ணை நோக்கி பாலியல் ரீதியாக மோசமான கமெண்டுகளை அள்ளி வீசத் தொடங்கியதோடு அந்தப் பெண்ணை உடல் ரீதியாகவும் பலாத்காரப் படுத்த முனைந்திருக்கின்றனர். இத்தனையும் நடந்தது பட்டப்பகலில், வியாழன் அன்று நண்பகல் நேரத்தில். 

    ரயில்வே போலீஸார் கூற்றுப்படி, ஓடும் ரயில் பெட்டியில் அந்தப் பெண்ணைக் காப்பாற்ற யாரும் முன்வராத காரணத்தால், ரயில், சிங்கராயன்பேட்டை ரயில் நிலையத்தை தாண்டியதும், அந்த மூவரும் தன்னைப் பாலியல் பலாத்காரம் செய்ய முயற்சிக்கிறார்கள் என்ற பயத்தில், அவர்களிடமிருந்து தப்பும் நோக்கில், அந்த இளம்பெண் ரயிலில் இருந்து குதித்திருக்கிறார். கீழே குதித்த வேகத்தில், கடுமையான காயங்களுடன் அங்கிருந்தவர்களால் உடனடியாக மீட்கப் பட்ட அந்தப் பெண் ஓங்கோல் அரசு மருத்துவமனையில் சேர்க்கப்பட்டுத் தற்போது சிகிச்சை பெற்று வருகிறார். உடலில் காயங்கள் அதிகமிருந்த போதும், அந்தப் பெண்ணின் உயிருக்கு ஆபத்தில்லை என மருத்துவர்கள் தெரிவித்துள்ளனர்.

    விஷயமறிந்த ரயில்வே போலீஸார் உடனடியாக விஜயவாடா ரயில்வே போலீஸாரை அலர்ட் செய்ய S 1  கோச்சில் முன் பதிவு செய்யப்படாத டிக்கெட்டில் பயணித்துக் கொண்டிருந்த அந்த மூன்று நபர்களும் உடனடியாகக் கைது செய்யப்பட்டுள்ளனர். தற்போது பலாத்காரத்திலிருந்து தப்பிய பெண்ணின் நிலை பற்றி காவல்துறை அவரது பெற்றோரிடம் தெரிவித்ததை அடுத்து அவரைச் சந்திக்க அவரது பெற்றோர் பதட்டத்துடன் விரைந்தனர். பட்டப்பகலில் ஓடும் ரயிலில் நிகழ்ந்த இச்சம்பவம் அடிக்கடி ரயிலில் தனியாகப் பயணம் மேற்கொள்ள வேண்டிய சூழலில் இருக்கும் இளம்பெண்களின் மனதில் பீதியைக் கிளப்புவதாக உள்ளது.

    ]]>
    rayil travel, ரயில் பயணம், விஜயவாடா, பாலியல் பலாத்கார முயற்சி, vijayavada techie, molestation, http://images.dinamani.com/uploads/user/imagelibrary/2017/9/2/w600X390/vijayavada_techie.jpg http://www.dinamani.com/lifestyle/lifestyle-news/2017/sep/02/vijayawada-techie-jumps-off-running-train-to-escape-molesters-2766300.html
    2761686 லைஃப்ஸ்டைல் செய்திகள் மும்பையில் திருமண மண்டபத்தைத் தேர்வு செய்ய உதவும் தளம்! DIN DIN Friday, September 1, 2017 04:36 PM +0530
     
    ஒவ்வொருவரின் வாழ்க்கையிலும் மறக்க முடியாத சந்தோஷத் தருணம் அவரவர் 'வெட்டிங் டே’ தானே? இந்த நன்நாள் மறக்க முடியாத ஒன்றாக மாறவேண்டுமெனில் அதிக சிரமும் டென்ஷனும் இல்லாமல் மணமக்கள் சந்தோஷத்துடன் இருக்க வேண்டும். ஆனால் மும்பையில் மணமக்கள் தங்கள் திருமணத்துக்கான சரியானதொரு மண்டபத்தைத்  தேடிக் கண்டுபிடிப்பதற்குள் சலிப்பாகி விடுகின்றனர்.

    இனி அந்தக் கவலை வேண்டாம்! இந்தச் சிக்கலைத் தீர்க்க வெட்டிங்.நெட் (Wedding.net) இருக்கவே இருக்கிறது. இனி மணமக்கள் மேரேஜ் மஹால் தேடி மணிக்கணிக்காக நேரம் செலவழிக்க வேண்டியதில்லை. எங்கும் அலைந்து திரியாமல் கல்யாணத்துக்கான அனைத்து விஷயங்களுக்கும் ஒரே இடமாக Wedding.net-க்குச் சென்று ஒரே ஒரு க்ளிக்கில் தங்களுக்குப் பிடித்தமான வெட்டிங் டெஸ்டினேஷனைத் தேர்வு செய்து கொள்ளலாம். அது மட்டுமல்ல ஃபோட்டோகிராபர் முதல் உடையலங்காரம் வரை வெட்டிங்கிற்குத் தேவையான ஏ - இஸட் விற்பனையாளர்களின் விபரங்கள் மொத்தமும் Wedding.net-ல் உள்ளது. 

    Wedding.net-ல் திருமண மண்டபங்கள் பற்றிய அனைத்துத் தகவல்களும் உள்ளன. ஒவ்வொரு இடத்தைப் பற்றிய முழு விபரங்கள் விரிவாக லிஸ்ட் செய்யப்பட்டுள்ளது. அவற்றுள் ஒவ்வொரு இடமாக அலசி ஆராய்ந்து, இறுதியான முடிவை நீங்களே எடுத்துக் கொள்ளலாம்.

    Wedding.net-ல் பின்வரும் வசதிகள் உள்ளன

    • திருமண ஹாலின் அளவு - உங்கள் திருமணத்துக்கு வருகை தரவிருக்கும் விருந்தினர்களின் எண்ணிக்கைக்கு இடமளிக்கும் இடங்களை ஒரே கிளிக்கில் நீங்கள் பார்க்கலாம்.
    • உணவுக்கான விலை - சைவம் அசைவம் என எந்த உணவாக இருந்தாலும் ஒவ்வொரு இலைக்குமான விலையை உங்கள் பட்ஜெட்டுக்குப் பொருந்தமான வரம்புக்குள் தேர்வு செய்து கொள்ளலாம்.

    வேறு என்ன?

    மேலும், ஒவ்வொரு மண்டபத்தைப் பற்றிய முழு விபரங்கள், பூ அலங்கரிப்புச் சேவைகள், அதற்கான விதிகள், விலைப் பட்டியல், அதிகப்படியாக தேவைப்படும் சேவைக்கான கட்டண விபரங்கள், ஒவ்வொரு அறைக்குமான கட்டணங்கள், பார்கிங் வசதி பற்றிய குறிப்பு என அனைத்துத் தகவல்களையும் இந்த இணையதளத்தில் பெற முடியும்.

    Wedding.net நேரடியாக ஹால் உரிமையாளர்களிடம் இணைப்பில் இருப்பதால் மண்டபத்தைப் பற்றிய அனைத்து விபரங்களும் முழுமையாக பதிவேற்றப்பட்டிருக்கும். இந்த இணையதளத்தில் திருமண ஜோடிகள் தங்களுக்குத் தேவையான கல்யாண மண்டபத்தை மிக எளிதாக தேர்ந்தெடுத்துக் கொள்ள முடியும்.

    ]]>
    mumbai, மும்பை, Wedding.net, Marriage Destination, கல்யாண ஹால் http://images.dinamani.com/uploads/user/imagelibrary/2017/8/25/w600X390/photo1.jpg http://www.dinamani.com/lifestyle/lifestyle-news/2017/aug/25/help-in-finding-the-perfect-wedding-venue-in-mumbai-2761686.html
    2763135 லைஃப்ஸ்டைல் செய்திகள் ஷோலே மற்றும் தீவார் உள்ளிட்ட அமிதாப் பச்சனின் திரைப்படக் காட்சிகள் மூலம் ஸ்வச் பாரத் பாடம் புகட்டும் முயற்சி! RKV DIN Monday, August 28, 2017 03:39 PM +0530  

    ஷோலே திரைப்படத்தில் ஒரு காட்சி;

    அடிபட்டு காயங்களுடன் இருக்கும் அமிதாப்பிடம், தர்மேந்திரா;
    உனக்கு எப்படி அடிபட்டது? என்று கேட்கிறார்;
    அதற்கு அப்படத்தில் ஜெய் என்ற கதாபாத்திரத்தில் நடித்திருக்கும் அமிதாப்; 

    'என் வீட்டில் டாய்லெட் இல்லாததால் நான் இருட்டில், திறந்த வெளியில் இயற்கைக் கடன் கழிக்கையில் எதிர்பாராமல் கீழே விழுந்ததில் அடிபட்டு காயமாகி விட்டது’ என்று கூறும் அந்தக் காட்சி உங்களுக்கு ஞாபகமிருக்கிறதா?

    இல்லாவிட்டால் குற்றமில்லை!

    அந்தக் காட்சியை அப்படியே எடுத்து மீட்டுருவாக்கம் செய்து தற்போது ‘திறந்த வெளியில் மலம் கழித்தால் இப்படித்தான் அடிபட்டு, காயமடைவீர்கள்’ எனும் ரீதியில் ராஜஸ்தானின் பிரதாப்கார்க் மாவட்டக் கிராமங்களில் ஸ்வச் பாரத் பிரச்சாரங்கள் நடைபெற்று வருகின்றன. திறந்த வெளியில் மலம் கழிக்கும் வழக்கம் இன்றளவும் வட மாநிலங்கள் பலவற்றிலும் முற்றிலும் தவிர்க்க முடியாத அம்சங்களுள் ஒன்றாகவே இருந்து வருவதால், அப்பழக்கத்தை மக்கள் மனங்களில் இருந்து முறியடிக்கும் விதமாக இப்படி வெற்றி பெற்ற திரைப்படங்களில் இருந்து காட்சிகளை உருவி அவற்றின் மூலமாக ஸ்வச் பாரத் விளம்பரங்கள் வலுவூட்டப்படுகின்றன. ராஜஸ்தானில் இம்முயற்சியைத் துவக்கி வைத்தவர் முனிஸிபாலிட்டி எக்ஸிகியூட்டிவ் அதிகாரியான ஹிமான்சுல் அகர்வால்.

    இந்த ஒரு படம் மட்டும் தான் என்றில்லை, அமிதாப் பச்சன் நடிப்பில் வெற்றி பெற்ற ‘சோட்டி சதிரி மற்றும் தீவார்’ உள்ளிட்ட திரைப்படங்களில் இருந்தும் கூட காட்சிகள் உருவப்பட்டு இம்மாதிரி பிரச்சாரங்களுக்குப் பயன்படுத்தப் பட்டு வருகின்றன.

    ‘தீவார்’ திரைப்படத்தில் சசி கபூரும், அமிதாப்பும் தங்களது அம்மாவை தங்களிருவரில் யாருடைய வீட்டில் வைத்துக் கொள்வது? என்று சண்டையிட்டுக் கொள்வார்கள். அப்போது அந்தச் சண்டையை விலக்கும் அவர்களது அம்மா... ‘யார் வீட்டில் டாய்லெட் இருக்கிறதோ அங்கே தான் அம்மா இருப்பார்’ என்று கூறுவதாக ஒரு காட்சி. தற்போது அந்தக் காட்சியும் ஸ்வச் பாரத் பிரச்சாரத்துக்குப் பயன்படுத்தப்பட்டு வருகிறது.

    ]]>
    Swatch barath, amithab movies, sholay, அமிதாப், ஷோலே, தீவார், ஸ்வச் பாரத் பிரச்சாரம் http://images.dinamani.com/uploads/user/imagelibrary/2017/8/28/w600X390/sholay_amithab_dharmendra.jpg http://www.dinamani.com/lifestyle/lifestyle-news/2017/aug/28/sholay-movie-poster-that-discourages-open-defecation-2763135.html
    2759887 லைஃப்ஸ்டைல் செய்திகள் மொட்டைக் கடிதத்தின் நவீன வடிவமா சாராஹா? DIN DIN Tuesday, August 22, 2017 11:49 AM +0530  

    எதற்கெல்லாம் ஆப் என்று சொல்லவே முடியாத அளவுக்கு ஆப்களின் எண்ணிக்கை நாளுக்கு நாள் அதிகரித்துக் கொண்டே வருகிறது.  மெய் நிகர் உலகின் சமீபத்திய வரவுதான் இந்த சாராஹா (Sarahah). ஆண்ட்ராய்ட் மற்றும் ஐஓஎஸ் பயனர்கள் இந்த ஆப்பை தரவறக்கம் செய்து கொள்ள முடியும். ஃபேஸ்புக் தளத்தில் நம் டைம்லைனிலும் பார்க்க முடியும் ஒரு ஆப் இது. 

    சாராஹா என்றால் நேர்மை என்று அர்த்தம். நம்மை யார் என்று வெளிப்படுத்திக் கொள்ளாமல் ஒரு கருத்தையோ எதிர்வினையையோ இணைய வெளியில் தெரிவிக்க, சாராஹா ஒரு தளமாக விளங்குகிறது. சாராஹாவில் உங்கள் காதலியிடம் நீங்கள் துணிவுடன் காதலை வெளிப்படுத்தலாம், சகிக்க முடியாத மேலதிகாரியைப் பற்றிய புரணியைக் கூறலாம், சமூகம் மீதான கோபத்தை வெளிப்படுத்தும் ஒரு வாய்ப்பாகவும் இத்தளத்தைப் பயன்படுத்தலாம். எதுவாக இருந்த போதும் உள்ளத்தில் உள்ளதை வார்த்தைகளில் வடிக்கும் ஒரு புகலிடம் சாராஹா என்றால் மிகையில்லை. இதில் மிகவும் முக்கியமான விஷயம் என்னவென்றால் நீங்கள் யார் என்று யாருக்கும் தெரியாது. பாரத பிரதமருக்கோ பக்கத்து வீட்டில் இருக்கும் எதிரிக்கோ அல்லது அலுவலகத்தில் உங்களை மன உளைச்சலுக்கு உள்ளாக்கிய நபருக்கோ என யாருக்கு வேண்டுமானாலும் மொட்டைக் கடிதாசி போடலாம். உங்களின் பெயரோ வேறு எந்த தகவலோ வெளியிடப்படுவதில்லை. சொற்களால் ஆன ஒரு போர்க்களம் இது. முகத்தை மறைக்க ஒரு கேடயம் இருப்பதால் விருப்பப்படி எழுதலாம். யாரை வேண்டுமானாலும் திட்டலாம். யாரையும் புகழலாம். இது ஒரு கட்டற்ற இணையச் சுதந்திர வெளி.

    சுய முன்னேற்றத்துக்கான ஆப்பாக தொடங்கப்பட்ட சாராஹா வெளிநாடுகளில் நல்ல வரவேற்பைப் பெற்றது. ஆனால் இந்தியாவில்   வக்கிர மனம் கொண்ட சிலர் பெண்களிடம் அந்தரங்கமான கேள்விகளை கேட்கவும், அவர்கள் மீதான வெறுப்பை உமிழும் இடமாக சாராஹாவை பயன்படுத்துகிறார்கள். கடைசியில் சைக்காலஜி சைபர் இடமாக மாறும் நிலையில் உள்ளது. புதிய தொழில்நுட்பம் என்பது மாற்றத்துக்கான ஒரு மகத்தான திறவுகோல். அதைச் சரிவர உணர்ந்து வளர்ச்சிக்காக பயன்படுத்துவது புத்திசாலித்தனம். தீதும் நன்றும் பிறர் தர வாரா என்பதை நினைவில் வைத்திருந்தால் ஒருபோதும் சாராஹாவில் மட்டுமல்ல வாழ்க்கையிலும் எவ்வித பிரச்னைகளும் நம்மை நெருங்காது.
     

    ]]>
    Sarahah, android app, சாராஹா, ஆப் http://images.dinamani.com/uploads/user/imagelibrary/2017/8/22/w600X390/sarahah.jpg http://www.dinamani.com/lifestyle/lifestyle-news/2017/aug/22/what-is-the-usage-of-sarahah-2759887.html
    2756902 லைஃப்ஸ்டைல் செய்திகள் பிரிட்டிஷ் டி.வி ஷோவால், ஓரிரவில் ஹீரோவான இந்திய வம்சாவளிச் சிறுவன்! RKV ENS Thursday, August 17, 2017 12:20 PM +0530  

    ராகுல் எனும் இந்திய வம்சாவளிச் சிறுவன், பிரிட்டிஷ் டி.வி ஷோ ஒன்றால் ஓரிரவில் யூ.கே முழுதும் அறியப்பட்ட பிரபலமாகி ஹீரோ ரேஞ்சில் கொண்டாடப்பட்டுக் கொண்டிருக்கிறான். அந்தச் சிறுவனின் புத்திக் கூர்மையை எண்ணி, எண்ணி வியந்து போகிறார்களாம் பிரிட்டன்வாசிகள். அப்படியென்ன செய்து விட்டான் அந்தச் சிறுவன் என்கிறீர்களா? பிரிட்டிஷ் டி.வி சேனலான சேனல் 4 இல்  நடத்தப்படும் ‘சைல்டு ஜீனியஸ்’ எனும் அறிவுக் கூர்மை நிகழ்ச்சி உலகப் பிரசித்தமானது. அந்த நிகழ்ச்சியில் கலந்து கொண்ட 12 வயது ராகுல், நிகழ்ச்சியின் முதற்சுற்றில் கேட்கப்பட்ட 14 கேள்விகளுக்கும் மிகச் சரியான விடையளித்து வெற்றிகரமாக அடுத்த சுற்றில் கலந்து கொள்ளத் தகுதியானவர் ஆகியிருக்கிறார். சிறுவன் ராகுலின் குடும்பப் பெயர் என்னவென்று இன்னமும் சரியாகத் தெரியவில்லை, ஆனால் இந்தச் சிறுவனின் ஐ.க்யூ லெவல் 162 என்கிறார்கள்.  

    ]]>
    indian origin kid rahul, i.q level 162, overnight hero, child genius, சைல்ட் ஜீனியஸ், ஓவர்நைட் ஹீரோ, இந்திய வம்சாவளிச் சிறுவன் ராகுல் http://images.dinamani.com/uploads/user/imagelibrary/2017/8/17/w600X390/raghul_child_genius.jpg http://www.dinamani.com/lifestyle/lifestyle-news/2017/aug/17/indian-origin-kid-is-overnight-hero-on-uk-british-tv-2756902.html
    2755764 லைஃப்ஸ்டைல் செய்திகள் உங்கள் வீட்டு ஃபிரிட்ஜில் இதையெல்லாம் வைக்காதீங்க! DIN DIN Tuesday, August 15, 2017 03:36 PM +0530 வெங்காயம், பூண்டு, உருளைக்கிழங்கு இவற்றை ஃபிரிட்ஜில் வைக்கக் கூடாது. வாழைப் பழங்களை ஃபிரிட்ஜில் வைத்தால் கறுத்துவிடும். காய்கறிகளை கழுவாமல் ஃபிரிட்ஜில்  வைக்கக் கூடாது. ஊறுகாய் வகைகளை ஃபிரிட்ஜுக்குள் வைக்கக் கூடாது. இவைத் தவிர தேன், பழங்கள், தக்காளி சாஸ், இறைச்சி, பிரெட், போன்றவற்றை ஃபிரிட்ஜில் வைக்க வேண்டாம். சூடான பொருட்களை ஒருபோதும் ஃபிரிட்ஜில் வைக்கக் கூடாது. எந்தப் பொருளாக இருந்தாலும் பாலிதீன் கவர்களில் போட்டு வைத்தால்  ஒரு பொருளின் வாசனை மற்ற பொருளுக்குப் பரவாது.

    -  ஆர்.மீனாட்சி

    டிப்ஸ் ...டிப்ஸ்... டிப்ஸ் ...

    பூண்டு விரைவாக உரிக்க வேண்டுமென்றால் எல்லா பூண்டுகளையும் மைக்ரோவேவ் அவனில் 15 விநாடி வையுங்கள் தோல் எளிதாக, மிகவும் சீக்கிரமாக உதிர்ந்துவிடும்.

    உப்புமா, வெண்பொங்கல் இறுகிவிட்டால் அரைக் கரண்டி சூடான பாலை ஊற்றிக்கிளறினால் இளகிவிடும்.  சுவையும் மாறாது. கேசரிக்கும் இதே போன்று செய்யலாம்.

    ஒரு தக்காளி, ஒரு வெங்காயம், இஞ்சி, இரண்டு பச்சைமிளகாய் அரை ஸ்பூன் கடுகு தாளித்து பச்சை வாசனை போகும்வரை வதக்கி எடுத்தால் சுவையான மசாலா தொக்கு தயார்.

    தயிர் கெட்டியாக  இருக்க பாலில் தண்ணீர் சேர்க்காமல் பொங்கப்பொங்க காய்ச்சி இறக்கி வெதுவெதுப்பான சூட்டில் இருக்கும் போதே அதிகம் புளிக்காத தயிர் ஒரு மேசைக்கரண்டி விட்டுக் கலக்குங்கள். பிறகு அதை மூடிவைத்துவிட்டு, மறுநாள் காலையில் பார்த்தால், மேசைக்கரண்டியால் வெட்டியெடுக்கும் அளவுக்கு அதி கெட்டித்தயிராக உறைந்திருக்கும். 

    - எச்.சீதாலட்சுமி

    சுடு சோற்றில் வெந்தயத் தூள், கறிவேப்பிலைப் பொடி கலந்து முதல்  உருண்டையைப் பிசைந்து சாப்பிட்டு வந்தால்  இரத்தக் கொதிப்பு குணமாகும். 

    பாகற்காய், வாழைப்பூ, பீன்ஸ், முள்ளங்கி, வாழைத்தண்டு, கோஸ் ஆகியவற்றை உணவில் அடிக்கடி சேர்த்து வர நீரிழிவு நோய் கட்டுக்குள் இருக்கும்.

    இலுப்பை எண்ணெய்யில் மஞ்சள் தூள் கலந்து கால் வெடிப்பில் தடவி வர விரைவில் குணமாகும். 

    எலுமிச்சைச் சாறுடன் தேன் கலந்து தினமும் அருந்தி வர உடல் எடை குறைவதுடன், வயிறும் சுத்தமாகும். 

    கஸ்தூரி மஞ்சளில் எலுமிச்சைப்பழச்சாறு கலந்து தினமும்  தடவி வர, முகத்தில் உள்ள கரும்புள்ளிகள் மறையும்.

    வல்லாரையை  அடிக்கடி உணவில் சேர்த்து வர இரத்த சோகை நீங்கும்.

    பல்  வலி, ஈறு  வீக்கம் இருந்தால் 5 மிளகும், 2 கிராம்பையும் பொடித்து பல் வலி உள்ள இடத்தில் தடவினால், வலி குறையும்.  அதுபோன்று,  ஒரு டம்ளர் சூடான நீரில் இரண்டு தேக்கரண்டி  எலுமிச்சைச் சாறு கலந்து வாய்க் கொப்பளித்தால், வாயில் நோய்  தொற்று உண்டாக்கும்    பாக்டீரியா  அழியும். 

    - சரோஜா சண்முகம்

    கிரைண்டரில் இட்லி மாவு அரைக்கும் போது அரிசி மாவு சிக்காமல் இருக்க, ஒரு பிடி உளுந்தை  சேர்த்து அரைத்தால்  மாவு அரைக்க சுலபமாக இருக்கும். மாவும் வெண்ணெய்ப்போல் சீக்கிரம் மசிந்துவிடும்.

    கோதுமை மாவு அரைக்கும்போது ஒரு கிலோ  கோதுமைக்கு ஒரு கைப்பிடி அளவு கொண்டைக் கடலையைப் போட்டு அரைத்தால் சுவை கூடுதலாக இருக்கும். உடலுக்கும் சத்து நிறைந்தது.

    சாதம் குழைந்து விட்டால் எலுமிச்சம் பழச்சாறு பிழிந்து, பிறகு சாதத்தை வடித்தால் சாதம் பூப்போல இருக்கும்.

    வெந்தயக் குழம்பை இறக்கும் சமயத்தில் ஒரு தேக்கரண்டி எள்ளுப் போடியைப் போட்டால் குழம்பு மிகவும் வாசனையுடன் இருக்கும்.

    -  எம்.ஏ.நிவேதா 

    வெந்தயத்தை வேகவைத்து தேன் விட்டுக் கடைந்து உட்கொள்ள மார்பு வலி குணமாகும்.

    எலுமிச்சை சாறை  தலையில் தடவி பிறகு ஷாம்பூ போட்டுக் குளித்தால்  தலைமுடி  புசுபுசுவென்று அழகாக இருக்கும்.

    கஸ்தூரி மஞ்சளுடன் சிறிது தயிர் கலந்து நன்கு உடலில் தடவி அது உலர்ந்த பின் குளித்தால் மேனி அழகு பெறும்.

    ஆரஞ்சு சாற்றை முகத்தில் பூசி பத்து நிமிடம் ஊற வைத்து குளிர்ந்த நீரில் கழுவினால் முகம் பளபளக்கும்.

    உருளைக்கிழங்கை இரண்டாக வெட்டி கரும்புள்ளிகள் மீது தடவி வர, அவை மறையும். 

    இளநீரில் சிறிது மஞ்சள் தூளைக் கலந்து முகத்தில் தடவினால் முகப்பரு மறையும்.

    மோரைப் பஞ்சில் தோய்த்து முகம்,  கழுத்தில் தேய்த்து வந்தால் எண்ணெய் பசையுள்ள தோல் பளபளப்பாகும்.

    பீட்ரூட்டை வெட்டி அதன்சாற்றை உதடுகளில் தேய்த்துவர உதடுகள் சிவப்பாக மாறிவிடும்.

    வெள்ளரிச் சாறுடன், ஆப்பிள் சாறையும் சம அளவில் கலந்து முகத்தில் தடவி வர ஒவ்வாமையால் முகத்தில் ஏற்படும் அலர்ஜி நீங்கிவிடும்.

    வாரம் இருமுறை எலுமிச்சைச் சாறில் உப்பு கலந்து பல் தேய்த்து வந்தால் பற்களிலுள்ள கறை அகலும்.

    (‘பெண்களுக்கான அழகுக் குறிப்புகள்' நூலிலிருந்து -  நெ.இராமன்)

    வாரத்தில் இரண்டு நாள் வேப்பம் பூ ரசம்  செய்து உண்டு வர  வயிறு  உப்புசம், வாயுத் தொல்லை நீங்கும்.  அஜீரணக் கோளாறும் குணமாகும்.

    கேரட் சாறில் தேனும் காய்ச்சிய பாலும், கலந்து குடித்து வர நினைவாற்றல் பெருகும்.

    ஒரு தேக்கரண்டி துளசிச்சாறு, 1 சிட்டிகை மிளகுத்தூள், அரை தேக்கரண்டி தேன் கலந்து வெறும் வயிற்றில் குடித்து வர இருமல், மூச்சு வாங்குதல் 
    குணமாகும்.

    இரவில் தூங்கச் செல்வதற்கு முன் மூக்கில் இரு சொட்டு கிராம்பு தைலம் விட்டால் குறட்டை ஒலி கட்டுப்படும்.  

    துளசி இலையை அரைத்து தேமலின் மீது பூசி வர, விரைவில் தேமல் குணமாகும்.

    குழந்தைகளுக்கு சளித் தொல்லை அதிகமாகி மூச்சுவிட சிரமப்பட்டால், இரவில்  படுக்கும் முன் 1 கரண்டி தேங்காய் எண்ணெய்யைச் சூடாக்கி, அதில் ஒரு சிறிய துண்டு பூங்கற்பூரத்தை சேர்த்து இறக்கி அதில் வரும் புகையை குழந்தைகளை முகர சொல்லவும்.  பின்னர்,  தேங்காய் எண்ணெய்யை சூடு பொறுக்குமளவு எடுத்து மார்பு,  உள்ளங்கை, உள்ளங்காலில் நன்கு தேய்த்துவிட்டால்  மூச்சு திணறல் உடனடியாக கட்டுப்படும். சளித் தொல்லையும் குறையும்.

    துளசி இலையுடன் இளம் மஞ்சள் கிழங்கை வைத்து அரைத்து அந்த விழுதை நல்லெண்ணெய்யில் வதக்கி பருக்களின் மீது வைத்து கட்டி வர விரைவில் பருக்கள் மறையும். 

    வாரத்தில் ஒரு நாள் முருங்கைக்கீரை சூப் செய்து உண்டு வர பார்வை கோளாறுகள் நீங்கும்.

    - என். சண்முகம்

    நெல்லிக்காயை இடித்து சாறு பிழிந்து தேன் கலந்து தினமும் சாப்பிட்டு வந்தால் தொடர் விக்கல் நிற்கும்.

    செம்பருத்தி இலைகளை காய வைத்து தூள் செய்து, தினமும் இருவேளை உண்டு வர மலச்சிக்கல் தீரும்.

    வேப்பம்பூவை உலர்த்தி தூளாக்கி வெந்நீரில் கலந்து உட்கொண்டு வந்தால் வாயுத்தொல்லை நீங்கும். ஆறாத வயிற்றுப் பூண் ஆறிவிடும்.

    வெந்தயத்தைப் பொடி செய்து மோரில் குடித்துவர வயிற்றுவலி நீங்கிவிடும்.

    ஒரு டம்ளர் தண்ணீரில் கறிவேப்பிலை, இஞ்சி, சீரகம் மூன்றையும் கொதிக்க வைத்து ஆற வைத்து  வடிகட்டி குடிக்க அஜீரணம் சரியாகும். 

    - கீதா ஹரிஹரன்

    மாவு சலிக்கும் சல்லடை ஓட்டையாகிவிட்டால் அந்த இடத்தில் உட்புறமாக சற்று பெரிய சைஸில் உள்ள ஸ்டிக்கர் பொட்டை ஒட்டிவிட்டால் ஓட்டை அடைபட்டுவிடும். மீண்டும் பயன்படுத்தலாம்.

    தீய்ந்து அடிப்பகுதியில் கரிபடிந்த வாணலியை சுத்தம் செய்ய வேண்டுமா?  ஒரு வெங்காயத்தை நறுக்கி வாணலியில் இட்டு உப்பையும் தண்ணீரையும் அதனோடு சேர்த்து கொதிக்க வையுங்கள் இறக்கி ஆறிய பிறகு கழுவினால் பாத்திரம் பளபளக்கும்.

    புதிய பிளாஸ்டிக் பாத்திரங்களைக் கழுவும்போது  சிறிது உப்பு நீர்  சேர்த்துக் கழுவினால் பிளாஸ்டிக் வாடை போய்விடும்.

    வெள்ளி பாத்திரத்தை தேய்க்கும் போது கடுகை அரைத்துத் தேய்த்தால் பாத்திரம் பளபளவென்று இருக்கும். வெள்ளியில் உள்ள கறையும் 
    போய்விடும்.

    அலுமினிய பாத்திரத்தின் உட்பகுதியில் கறுப்பு நிறமாக  இருந்தால் ஒரு தக்காளியை வெட்டிப் போட்டு வேக வையுங்கள் கறுப்பு நிறம் மாறிவிடும்.

    பித்தளை பாத்திரங்களைத்  தேய்க்கும்போது கொஞ்சம் எலுமிச்சை பழத்தோலுடன் சோடா மாவையும்  சேர்த்துத் துலக்கினால் புதிதாகத் தோன்றும்.

    எலுமிச்சைப் பழத்தை பிழிந்துவிட்டு தோலை வெளியே  எறியாமல் எண்ணெய் பிசுக்கு பாத்திரங்களை கழுவினால் சுத்தமாக  இருக்கும்.

    - ஆர்.ஜெயலட்சுமி

    தூபக்கால், தீபக்கால் போன்ற பூஜை சாமான்களில் சாம்பிராணி மற்றும் கற்பூரம் ஏற்றி கரி படிந்துள்ளதா? தூபக்காலை அடுப்பில் காட்டி சுடேற்றுங்கள். சூடானதும் மேசைக்கரண்டியால் அல்லது கத்தியால் சுரண்டினால் கரியெல்லாம் உதிர்ந்துவிடும்.

    ஈரம்பட்டு நமத்துப்போன அப்பளத்தை உளுத்தம் பருப்பின் மேல் வைத்து மூடிவிட்டால் அப்பளம் வெயிலில் உலர்த்தி எடுத்தது போலாகிவிடும்.

    - சி.பன்னீர்செல்வம்

    தினசரி சிறுதுண்டு பைனாப்பிளை தேனில் ஊற வைத்து அந்தத் தேனை இரண்டு வாரம் சாப்பிட்டு வந்தால் கல்லீரல்  ஆரோக்கியமாக இருக்கும்.

    - கே. பிரபாவதி

    ]]>
    டிப்ஸ், Fridge, items not to keep in fridge, ஃபிர்ட்ஜ் http://images.dinamani.com/uploads/user/imagelibrary/2017/8/15/w600X390/Woman-Taking-Broccoli-From-Fridge.jpg http://www.dinamani.com/lifestyle/lifestyle-news/2017/aug/15/how-to-organize-your-fridge-dont-keep-these-items-in-your-fridge-2755764.html
    2755201 லைஃப்ஸ்டைல் செய்திகள் அமேஸான் இந்தியாவின் புதிய விளம்பரம்! DIN DIN Monday, August 14, 2017 12:24 PM +0530 2016 அமேஸான் இந்தியா ஒரு புதிய விளம்பர பிரச்சாரத்தை மேற்கொண்டது. அது #MomBeAGirlAgain என்பதாகும். சமீபத்தில் அதன் தொடர்ச்சியாக மற்றொரு விளம்பர படத்தை அமேஸான் வெளியிட்டுள்ளது. இதில் அம்மாவிடம் இருக்கும் திறமைகளை மகள் உணருவதாக குறுங்க(வி)தை போல சொல்கிறார்கள்.

    ஸ்ரேயா ஹாஸ்டலில் தங்கிப் படிக்கும் டீன் ஏஜ் பெண். அவளுடைய பி.டி டீச்சர் டுஃபானி என்ற பழைய மாணவியைப் பற்றி பெருமையாகச் சொல்கிறார். டுஃபானி பள்ளியின் செல்லப் பெண்ணாக இருந்தவர் என்றும், ஃபுட் பால் சாம்பியன் என்றும் விளக்கமாகக் கூறி, டுஃபானி வாங்கிய மெடல்களையும் அவளைப் பற்றி செய்தித்தாள்களில் வந்த செய்திகளைக் காண்பிக்க, அந்தப் புகைப்படங்களைப் பார்த்த ஸ்ரேயாவுக்கு இன்ப அதிர்ச்சி. டுஃபானி வேறு யாருமல்ல அவளுடைய அம்மாதான். பள்ளியின் ஹீரோயினாக இருந்த தன் அம்மா தன் திறமைகளை குடும்பத்துக்காக விட்டுக் கொடுத்துள்ளாள் என்பதைத் தெரிந்து கொள்கிறாள் ஸ்ரேயா. 

    தன்னுடைய பிறந்த நாளுக்காக அம்மா வருகிறாளா என்று அப்பாவுக்கு ஃபோன் செய்து கேட்கிறாள். அவர் நிச்சயம் அம்மா வருவாள் என்றதும் மகிழ்ச்சியடைகிறாள். ஆர்வத்துடன் அம்மாவுக்காகக் காத்திருக்கிறாள் ஸ்ரேயா. டீச்சரின் உதவியுடன் அமேஸான் இந்தியா இணையத்தளத்தில் தேடிப்பிடிட்த்து ஆசை ஆசையாக ஒரு பரிசைத் தேர்ந்தெடுக்கிறாள்.

    அம்மா மகளின் பிறந்த நாளை கொண்டாட கேக்குடன் ஹாஸ்டலுக்கு வர, மகள் அம்மாவை கட்டி அணைத்து அவளும் ஒரு கிஃப்ட் தருகிறாள். அது ஒரு ஃபுட் பால். கண்கள் விரிய அம்மா அவளைப் பார்க்க இது டுஃபானிக்காக என்கிறாள். பின்னாலிருந்து வரும் டீச்சர் அவளை பெயர் சொல்லி அழைக்க டீச்சரைக் கட்டிப் பிடித்து நெகிழ்ந்து போகிறாள் அம்மா. 


    இறுதிக் காட்சியில் மழை பொழிகிறது. அதில் இருவர் சந்தோஷமாக ஃபுட் பால் விளையாடிக் கொண்டிருக்கிறார்கள். அவர்கள் டுஃபானியும் ஸ்ரேயாவும்.

    #MomBeAGirlAgain என்ற இந்த தொடர் விளம்பரங்கள் பார்வையாளர்களை வெகுவாகக் கவர்ந்துவிட்டது. 

    ]]>
    MomBeAGirlAgain, Amazon, Amazon India new ad, அமேஸான், விளம்பரம் http://images.dinamani.com/uploads/user/imagelibrary/2017/8/14/w600X390/tufani.jpg http://www.dinamani.com/lifestyle/lifestyle-news/2017/aug/14/mom-be-a-girl-again-amazon-indias-new-advertisement-campaign-2755201.html
    2754244 லைஃப்ஸ்டைல் செய்திகள் பிரபாஸ் சொன்ன எடை குறைப்பு டிப்ஸ்! சரோஜினி DIN Saturday, August 12, 2017 05:01 PM +0530  

    மா டிவியில் ‘பிரேமதோ லக்ஷ்மி’ என்றொரு நிகழ்ச்சி ஒளிபரப்பானது. அதை நடிகர் மோகன் பாபுவின் மகள் மஞ்சு லக்ஷ்மி தொகுத்து வழங்கினார். அந்நிகழ்ச்சி, தமிழில் ஸ்டார் விஜயின் ‘காஃபீ வித் டி.டி’ மாதிரியான ஒரு டாக் ஷோ. பிரபலங்களை விருந்தினர்களாக அழைத்து அவர்களிடம் மஞ்சு லக்ஷ்மி கேள்விகள் மூலமாக உரையாடுவார். அப்படி ஒருமுறை அவர் பிரபாஸுடன் உரையாடிய நிகழ்ச்சியின் வீடியோ யூ டியூபில் காணக் கிடைத்தது. அதில் ஃபிட்னஸ் குறித்தும், எடை குறைப்பு குறித்தும் பிரபாஸ் அளித்த பதில் எளிமையாக இருந்ததோடு, அர்த்தமுள்ளதாகவும் இருந்தது. அவர் சொன்ன ஃபிட்னஸ் டிப்ஸ்களை நீங்களும் அறிந்து கொள்ளுங்கள்.

    “உணவு விஷயத்தைப் பொறுத்தவரை; நாக்குக்கு பிடித்த உணவு வயிற்றுக்கு ஒத்துக்கொள்ளாது, வயிறு ஒத்துக் கொள்ளக்கூடிய உணவுகளை, நாக்குக்குப் பிடிப்பதில்லை’ இது தான் அடிப்படை. அதை உணர்ந்து எவையெல்லாம் உடல் ஆரோக்யத்துக்கு உகந்த உணவுகள் எனத் தெரிந்து கொண்டு சரிவிகித உணவுப் பழக்கத்தை பின்பற்றினோம் என்றால் உடல் எடையை கட்டுக்குள் வைத்துக் கொள்ள முடியும்.”

    என் வீட்டில், அம்மா, அசைவ உணவு வகைகளை மிக அருமையாகச் சமைக்கக் கூடியவர். ருசிக்காக கொஞ்சம் அதிகம் சாப்பிட்டு விட்டாலும் கூட எனக்கு மனம் உறுத்திக் கொண்டே இருக்கும். பிறகு, உண்டதனால் உடலில் ஏற்றிய கொழுப்பைக் சிரமப்பட்டு உடற்பயிற்சிகள் செய்து குறைக்கத் தொடங்குவேன். நாவைக் கட்டுப்படுத்துவது கஷ்டமான விஷயம் தான். ஆனால் நடிகர்களுக்கு ஃபிட்னஸ் என்பது மிக, மிக அத்யாவசியமான விஷயம். அதனால் நான் என் ஃபிட்னஸ் விஷயங்களில் ஆர்வத்துடன் இருப்பேன். அதற்காக ஷூட்டிங் இல்லாத நாட்களில் எல்லாம் ஜிம்மே கதி என்று கிடப்பேன் என்று அர்த்தமில்லை. ஒரு நாளில், முக்கால் மணி நேரத்துக்கு மேல் நான் உடற்பயிற்சிகள் செய்வதில்லை. என்றார்.

    உணவு ப்ரியர்களே இது எத்தனை எளிமையான தத்துவம் என்று பாருங்கள், நாக்குக்குப் பிடித்த உணவை வயிறு ஒத்துக் கொள்வதில்லை, வயிறு ஒத்துக் கொள்ளும் உணவை, நாக்குக்குப் பிடிப்பதில்லை. இதை உணர்ந்து கொண்டால் போதும் என்கிறார்.

    ]]>
    பிரபாஸ், ஃபிட்னஸ் டிப்ஸ், prabhas, fitness tips, lifestyle http://images.dinamani.com/uploads/user/imagelibrary/2017/8/12/w600X390/000_prabhas.jpg http://www.dinamani.com/lifestyle/lifestyle-news/2017/aug/12/weight-loss-tips-by-prabhas-2754244.html
    2753585 லைஃப்ஸ்டைல் செய்திகள் கிருஷ்ணருக்கு 8 மனைவிகள் இருந்தும் கோகுலாஷ்டமியன்று ராதையை மட்டுமே நினைவு கூர்வது ஏன்? கார்த்திகா வாசுதேவன் DIN Friday, August 11, 2017 02:18 PM +0530  

    நேற்று என் மகள்களது பள்ளியில் கிருஷ்ண ஜெயந்தி விழா கொண்டாடப்பட்டது. 14 ஆம் தேதி விடுமுறையில்லையா? அதனால் பள்ளிகளில் மட்டும் எப்போதுமே முன்னதாகக் கொண்டாடி முடித்து விடுவார்கள். பள்ளியின் மைதானத்தில் ஆர்ட் டீச்சர்களின் கை வண்ணத்தில், நீலக் கண்ணன் வெண்ணெய் குடங்களின் நடுவே அமர்ந்து வெண்ணெய் உருண்டைகளை ஆசை தீர விழுங்கிக் கொண்டிருப்பதைப் போல அழகான பெரிய ரங்கோலியொன்று இடப்பட்டிருந்தது.

    அதோடு பள்ளியின்  நீண்ட மைதானமெங்கும், அந்தக் காலை நேரத்தை ரம்மியமாக்கிக் கொண்டு ஏராளமான குட்டிக் கிருஷ்ணர்களும், சுட்டி ராதைகளுமாக அந்தப் பகுதியே ஒரே வண்ணமயமாக இருந்தது. மூக்கில் புல்லாக்கு மாட்டிய ராதை, இடுப்பில் குடத்தை ஏந்திய ராதை, புல்லாங்குழலால் குட்டிக் கண்ணனை அடிக்க ஓடிக் கொண்டிருந்த ராதை, பள்ளியில் பிரசாதமாகத் தரப்பட்ட கேசரி கையிடுக்கில் வலிய அதை சிற்றாடையில் ஈசிக்கொண்டு சாப்பிட்டுக் கொண்டிருந்த ராதை, ‘மிஸ்... கோபி என்னைக் கிள்றான்... அதனால நானும் அவனைக் கிள்ளிட்டேன் என்று குறும்புக்குப் பின் தானே முன் வந்து சமர்த்தாகச் சரண்டராகும் பாலகிருஷ்ணன், ஐஸ்கிரீமும், சாக்லேட்டுகளுமாகத் தின்றதால் சளி அதிகமாகி ஒழுகும் மூக்கை பட்டுக் கெளபீனத்தால் துடைத்ததால் சரிகை குத்தி எரிச்சலில் மூக்குச் சிவந்து கண்கள் கலங்கி நின்று கொண்டிருந்த சுருள் முடி நவநீதக் கண்ணன்... ஐயோடா அங்கே தான் இன்னும் சொல்லச் சொல்லத் தீராமல் நீண்டு கொண்டே இருக்கிறார்களே கிருஷ்ணர்களும், ராதைகளும். யாரை விட? யாரைச் சேர்க்க?!

    இங்கே ஒரு விஷயம் மிக அழுத்தமாக கவனத்தை ஈர்த்தது. இதற்கு முந்தைய வருடங்களில் எல்லாம் இந்தளவுக்கு இந்த விஷயத்தைப் பற்றி அதிகமாக யோசனைகள் வந்ததில்லை. ஆனால் பள்ளி மைதானத்தில் இந்தாண்டு கண்ட எக்கச்சக்க பால கிருஷ்ணர்களும், சுட்டிக் குட்டி ராதைகளுமாகச் சேர்ந்து என்னை இப்படியொரு யோசனைக்கிணற்றில் பிடித்து வலுக்கட்டாயமாகத் தள்ளி விட்டார்கள். 

    சரி இனி விஷயத்துக்கு வருவோம். கிருஷ்ணருக்கு மகாபாரதம் மற்றும் பாகவத புராணக் கதைகளின் அடிப்படையில் 8 மனைவிகள் இருந்தனர். அவர்கள் முறையே;

    ருக்மிணி
    சத்யபாமா
    ஜாம்பவதி,
    காளிந்தி
    மித்ரவிந்தா
    நக்னஜித்
    பத்ரா
    லக்‌ஷ்மணா

    இந்த அஷ்ட பார்யாக்களைத் தவிர... மகதத்தில் ஜராசந்த வதத்தின் பின் அவனால் கொல்லப்பட்ட 1000 சத்ரிய அரசர்களின் விதவைகளுக்கும் கிருஷ்ணர் தான் வாழ்க்கை கொடுத்தார் என்று கூட ஒருகதையில் வருகிறது. இந்தக் கணக்கெல்லாம் தாண்டி கிருஷ்ணருக்கு அஷ்டபார்யாக்களைத் தாண்டி மொத்தம் 16,000 மனைவிகள் இருந்தார்கள் என்றொரு கதையும் கூட உண்டு. அது நிஜமா? கறபனையா என்று தெரியவில்லை.

    ஆனால் விஷ்ணுபுராணம் மற்றும் ஹரிவம்சக் கதைகளின் அடிப்படையில் பார்த்தால் அஷ்டபார்யாக்களில் பத்ராவின் பெயர் சில இடங்களில் ரோஹினி அல்லது மாத்ரி என்றும் மாற்றிக் குறிப்பிடப்படுவது உண்டு என்றாலும் இதிகாசப்படியும், புராணப்படியும் கிருஷ்ணருக்கு 8 மனைவிகள் இருந்தார்கள் என்பது ஊர்ஜிதமான விஷயமே!

    மேற்கண்ட 8 மனைவிகளுமே மகாபாரத காலத்தில் வலிமையான அல்லது வலிமையிழந்திருந்த குட்டி, குட்டிப் பிரதேசங்களின் இளவரசிகளாக இருந்து தான் கிருஷ்ணரை மணந்தார்கள் என்பது குறிப்பிடத்தக்கது. இந்த 8 பேர்களிலும் கிருஷ்ணருடன் இணைந்து இப்போதும் வணங்கப் பெறும் பெரும் பேறு பெற்றவர்கள் இருவரே; அவர்கள் ருக்மிணியும், சத்யபாமாவும் மட்டும் தான். இவர்களைத் தான் நாம் ஸ்ரீதேவி, பூதேவியாக வணங்கிக் கொண்டிருக்கிறோம். கிருஷ்ணரின் பிற மனைவிகளில் காளிந்தி மட்டுமே யமுனை எனும் நதி வடிவில் தனியாக வணக்கத்துக்கு உரியவளாகிறாள். ஆனால் பிற ஐந்து மனைவிகளுக்குமே வணங்கப்படும் அந்த வாய்ப்புகள் கிடைக்கப்படவில்லை. ஆனால் மனைவி எனும் அங்கீகாரம் இல்லாமலிருந்த போதும் ராதைக்கு கிருஷ்ணரது வாழ்க்கையில் கிடைத்திருக்கும் இடம் மிகப்பெரிது. அவரது மனைவிகளைப் பற்றிக் கூட கோகுலாஷ்டமியன்று நம் மக்கள் பெரிதாக அலட்டிக் கொள்வதில்லை. இந்தியா முழுதும் எங்கே பார்த்தாலும் கோகுலாஷ்டமியன்று மக்கள் ஆரவாரமாகக் கொண்டாடி மகிழ்வது கோபியர் கொஞ்சும் ரமணனையும் அவனது தீராக்காதலி ராதையையும் தான்.

    ஏன் ராதைக்கு அப்படியென்ன முக்கியத்துவம் என்கிறீர்களா?

    அது ஒரு அற்புதமான உறவு நிலை. குழந்தை கண்ணனைக் கொல்ல ஹம்ஸனால் அனுப்பப் படும் தீய சக்திகளில் இருந்து அவனைக்காக்க... அவனுக்கு முன்பே ஆயர்குலத்தில் பிறந்து அவன் வரவுக்காக காத்திருக்கும் காவல் தேவதையாக ராதை இந்தியாவின் பிற பகுதிகளில் தொன்று தொட்டு வழங்கப்பட்டு வரும் சில மகாபாரதக் கதைகளில் சித்தரிக்கப்படுகிறாள். ஆனால் ஞாயிறு காலைகளில் தூர்தர்ஷன் தொலைக்காட்சி வழியாக நாமறிந்த யாஷ் சோப்ரா, மகாபாரதக் கதையின் படி... அவள் கோகுலத்தில் கண்ணனின் விளையாட்டுத்தோழி, அவனை விட வயதில் மூத்தவளும் கூட. ஆனால் சகோதரி அல்ல. கோகுலத்தில் இயற்கையும், பகைவர்களும் இடையூறாக இருந்ததால் ஆயர் குலத்தலைவரான நந்தகோபன் தன் மக்களைத் திரட்டிக் கொண்டு பிருந்தாவனத்துக்கு இடம் பெயர்ந்து விடுகிறார். பிருந்தாவனம் வந்த பிறகு கண்ணன், தன் இணை பிரியா களித்தோழியான ராதையுடன் அதிக நாட்கள் செலவளிக்க முடிந்ததில்லை. கூடிய விரைவிலேயே அவர் மதுராவுக்கு ஹம்ஸ வதத்திற்குச் செல்ல வேண்டியதாகி விடுகிறது. இதிகாசப்படி ஆத்மார்த்தமான ராதா, கிருஷ்ண நேசம் அத்துடன் முடிவடைந்து விடுகிறது. ராதையும் வேறொரு இடத்தில் மணம் முடிக்கப் படுவதாகத் தான் கதைகளின் பிற்சேர்க்கைகள் விவரிக்கின்றன. ஆனால் அவளுக்கு மணமான பின்னும் அவள் நினைவெல்லாம் ராஜஸ்தானின் மீராபாயைப் போல, தமிழகத்தின் ஆண்டாளைப் போல, ஆந்திராவின் வெங்கமாம்பாளைப் போல பிருந்தாவனக் கண்ணனின் மீதே இருந்திருக்கிறது. மணமான பெண்ணொருத்தி தனது பால்யத்தோழனின் நினைவிலேயே இருந்தால் இந்த உலகம் என்ன சொல்லி இகழும்? அவளையும் அவ்விதமாகவே இகழத் தொடங்குகிறது. ஆனாலும் முடிவில் வேய்ங்குழலின் தீஞ்சுவையில் அவள் கண்ணன் நினைவிலேயே இவ்வுலக வாழ்வை நீத்து விடுகிறாள். மகாபாரதத்தில் கிருஷ்ணருக்கே இறப்பு நிர்ணயிக்கப் பட்டிருந்தது என்றால் ராதையும் மதுராவை ஒட்டி எங்கோ ஒரு ஆயர்குடிக்கிராமத்தில் இயற்கை எய்தியிருக்க வேண்டும். அங்கே அவளுக்கொரு கோயிலும் இருக்கலாம். ஆனால் கிருஷ்ண பக்தர்களைப் பொறுத்தவரை, வைஷ்ணவ வழிபாட்டு முறையைப் பொறுத்தவரை ராதைக்கு இறப்பில்லை. அவள் என்றென்றைக்குமாக கண்ணனது மனதில் மட்டுமல்ல அவனது பக்தர்களின் நெஞ்சங்களிலும் நீங்காது இடம் பெற்று விட்டாள். அதன் வெளிப்பாடு தான் ஆண்டு தோறும் பள்ளி மைதானங்களை  பிருந்தாவனமாக்கித் துள்ளி விளையாடிக் கொண்டிருக்கும் குட்டிக் குட்டி ராதா கிருஷ்ண ரூபங்களின் தரிசனம்!

    ராதே நீ ஆண்டுகள் தவறாமல் உன் மாயக்கண்ணனோடும், அவனது மூன்றாவது கரமான வேய்ங்குழல் நாதத்தோடும், வாங்கக் குடம் நிறைக்கும் வள்ளல் பெரும்பசுக்களோடும் வாழிய பல்லாண்டு!

    Image courtesy: google

     

    ]]>
    கோகுலாஷ்டமி, ராதை, கிருஷ்ணர், ராதா கிருஷ்ண தரிசனம், gokulashtami, radha, krishan, radha krishan, ashtabaharya http://images.dinamani.com/uploads/user/imagelibrary/2017/8/11/w600X390/000_radha_krishna.jpg http://www.dinamani.com/lifestyle/lifestyle-news/2017/aug/11/krishna-got-ashtabharyas-but-during-gokulashtami-we-remember-radha-alone--why-2753585.html
    2752330 லைஃப்ஸ்டைல் செய்திகள் குயிட் இந்தியா 75 ஆவது ஆண்டுவிழாவில் மோடி அறிவித்த நியூ இந்தியா உறுதிமொழி 2022! கார்த்திகா வாசுதேவன் DIN Wednesday, August 9, 2017 12:29 PM +0530  

    வரலாற்றில் நேற்றைய தினம் ‘வெள்ளையனே வெளியேறு’ இயக்கப் போராட்டம் ஆரம்பமான நாள். 1942ஆம் வருடம், ஆகஸ்டு மாதம் 8 ஆம் நாள், மும்பையில் கூடிய அகில இந்திய காங்கிரஸ் மாநாட்டில் வைத்துத் தான் முதன்முறையாக குயிட் இந்தியா போராட்டத்துக்கான அறிவிப்பு வெளியானது. ஆகஸ்டு மாதத்தில் துவக்கிய போராட்டம் என்பதால், இதை ஆகஸ்டு போராட்டம் என்றும் குறிப்பிடுவார்கள். இந்திய விடுதலைக்கு வித்திட்ட எண்ணற்ற போராட்டங்களில் வெள்ளையனே வெளியேறு போராட்டத்துக்கும் முக்கிய பங்கு உண்டு. லட்சோபலட்சம் மக்கள், காந்திஜியின் தலைமையில் ஒன்றுபட்டு அணிவகுத்து அந்நியப் பொருட்களை முற்றிலுமாகப் பகிஷ்கரித்து வெள்ளையனே வெளியேறு - Quit India என கோஷமிட்டு பிரிட்டிஷாரிடமிருந்து இந்தியா விடுதலை பெற கடுமையாகப் போராடினர். அப்படிப்பட்ட சரித்திரப் பிரசித்தி மிக்க நாளின் 75 ஆவது ஆண்டு விழா நேற்று தலை நகர் டெல்லியில் அனுஷ்டிக்கப் பட்டது. அவ்விழாவில் கலந்து கொண்டு பேசிய பாரதப் பிரதமர் மோடி, தனது உரையில்;

    இந்த வரலாற்றுச் சிறப்பு மிக்க நாளை நாம் பழைய நினைவுகளுக்காக மட்டும் கொண்டாடாமல்; இனிவரும் நவீன இந்தியாவை உருவாக்குவதற்கான உறுதிமொழி எடுத்துக் கொள்ளும் நாளாக இந்நாளை நாம் இனி கொண்டாடுவோம் என்று கூறினார். கூறியதோடு நில்லாமல் குயிட் இந்தியா ஆண்டு விழா நாளில் நியூ இந்தியாவை உருவாக்கத் தேவையான உறுதிமொழிகளையும் அவர் அறிவித்தார். அந்த உறுதிமொழிகள் கீழே...

    புதிய இந்தியா 2022 க்கான உறுதிமொழிகள்!

    • தூய்மையான இந்தியாவை உருவாக்குவோம் என உறுதிமொழி ஏற்போம்.
    • ஏழ்மையற்ற இந்தியாவை உருவாக்குவோம் என உறுதிமொழி ஏற்போம்.
    • ஊழலற்ற இந்தியாவை உருவாக்குவோம் என உறுதிமொழி ஏற்போம்.
    • தீவிரவாதம் அற்ற இந்தியாவை உருவாக்குவோம் என உறுதிமொழி ஏற்போம்.
    • மதவாதமற்ற இந்தியாவை உருவாக்குவோம் என உறுதிமொழி ஏற்போம்.
    • சாதியமற்ற இந்தியாவை உருவாக்குவோம் என உறுதிமொழி ஏற்போம்.

    இந்திய மக்களான நாம் அனைவரும் நம் மனதாலும், ஆன்மாவாலும் உண்மையாக மேற்கண்ட உறுதிமொழிகளை எடுத்துக் கொண்டு 2022 ஆம் ஆண்டுக்குள் புதிய இந்தியாவை உருவாக்க முயற்சி செய்வோம். என மோடி தனது உரையாடலில் மக்களிடம் கேட்டுக் கொண்டார். மேற்கண்ட உறுதிமொழியானது மோடியின் ட்விட்டர் பக்கத்திலும் பகிர்ந்து கொள்ளப்பட்டுள்ளது.

    Image courtesy: financial express

    ]]>
    Modi, மோடி, NEW INDIA PLEDGE, QUIT INDIA 75 TH ANNIVERSARY, நியூ இந்தியா உறுதி மொழி, குயிட் இந்தியா 75 வது ஆண்டு விழா http://images.dinamani.com/uploads/user/imagelibrary/2017/8/9/w600X390/new-india-pti.jpg http://www.dinamani.com/lifestyle/lifestyle-news/2017/aug/09/modis-new-india-pledge-on-the-occassion-of-quit-india-75-th-anniversary-2752330.html
    2751813 லைஃப்ஸ்டைல் செய்திகள் லக்கி டிராவில் 8 கோடி ரூபாய் பரிசு! அமீரகத்தில் ஒரு இந்தியருக்கு அடித்த யோகத்தைப் பாருங்கள்! RKV DIN Tuesday, August 8, 2017 05:28 PM +0530  

    அமீரகத்தில் ‘பிக் 5 டிக்கெட் டிரா’  என்றொரு பரிசுக் குலுக்கல் போட்டி வருடந்தோறும் நடத்தப்பட்டு வருகிறது. நேற்று அதில் ஜெயித்ததால் இன்று பத்திரிகைகளில் செய்தியாகி விட்டார் கிருஷ்ணம் ராஜூ தொகசிச்சி எனும் இந்தியர்.

    அபுதாபி விமானநிலையத்தில் நேற்று நடைபெற்ற பிக் 5,  லக்கி டிரா 181 வது தொடர் நிகழ்ச்சியில் டாப் 10 லிஸ்ட்டில் இருக்கும் அனைத்து மில்லியனர்களும் கலந்து கொண்டிருந்தனர். அவர்கள் அனைவரிலும் வென்றது கிருஷ்ணம் ராஜூ மட்டுமே. அதிலும் இவருடையது எப்படிப்பட்ட வெற்றி என்கிறீர்கள்? கிருஷ்ணம் ராஜூ, பிற போட்டியாளர்களைப் போலத் தன்னுடைய போட்டிக்கான டிக்கெட்டை இம்முறை மற்றவர்களுடன் பகிர்ந்து கொள்ளவில்லை என்பதால் இப்போது மொத்தப் பரிசுத் தொகையும் இவர் ஒருவருக்கே சொந்தம். அப்படி என்றால் இது சூப்பர் பம்பர் பரிசு தான் இல்லையா?

    அபுதாபியில் இயங்கி வரும் கட்டுமான நிறுவனம் ஒன்றில் டீடெயில் செக்கராகப் பணிபுரிந்து கொண்டு மாதக் கடைசியில் கடனைக் கட்ட முடியாமல் பணத்துக்குத் திண்டாடிக் கொண்டிருந்த க்ரிஷ்ணம் ராஜூவுக்கு இது மிகப்பெரிய அதிர்ஷப் பரிசு! அமீரகப் பணத்தில் 5 மில்லியன் டாலர் என்றால் அதன் இந்திய ரூபாய் மதிப்பு 82719650.00 ரூபாய்.

    பரிசு பெற்ற சந்தோஷத்தில் இருந்த கிருஷ்ணம் ராஜூ; இந்தச் செய்தி எனக்கு மிகப்பெரிய ஆனந்த அதிர்ச்சியை அளித்திருக்கிறது என்கிறார். எப்போதுமே நான் எனது மற்ற நண்பர்களுடன் சேர்ந்து பிக் 5 டிரா டிக்கெட் வாங்குவது தான் வழக்கம். ஆனால் இம்முறை... நான் மாதா, மாதம் பணம் சேமித்து அதைத் திரட்டி அதன் மூலமாக இந்த டிக்கெட்டை வாங்கி இருந்தேன். அப்படிச் செய்தது வீண் போகவில்லை. இப்போது இந்தப் பரிசை நான் யாருடனும் பகிர்ந்து கொள்ளத் தேவையில்லை. இந்தத் தொகையில் குறிப்பிட்ட சதவிகிதத்தை நான் என் குழந்தையின் படிப்பிற்காக ஒதுக்கி வைப்பேன். என்கிறார் படு நிம்மதியாக.

    ]]>
    UAE, பிக் 5 டிக்கெட் டிரா, அமீரகம், கிருஷ்ணம் ராஜூ, 8 கோடி பரிசு, 1.3 MILLION $ PRIZE, BIG 5 TICKET DRAW, KRISHNAM RAJU http://images.dinamani.com/uploads/user/imagelibrary/2017/8/8/w600X390/uae_lottery.jpg http://www.dinamani.com/lifestyle/lifestyle-news/2017/aug/08/indian-origin--man-struggling-to-repay-loans-in-uae-won-mega-jackpot-wins-us-13-million-in-a-draw-2751813.html
    2751763 லைஃப்ஸ்டைல் செய்திகள் பாகுபலி சிவகாமியாக ‘ஜெயப்ரதா’வை யாராவது யோசித்திருக்கிறீர்களா? சரோஜினி DIN Tuesday, August 8, 2017 11:40 AM +0530  

    70 களின் பிற்பகுதியில் வெளிவந்த ‘சலங்கை ஒலி’ திரைப்படத்தில்... இது மெளனமான நேரம்... இளமனதில் என்ன பாரம்’ எனக் கேட்டு  தென்னிந்திய ரசிகர்கள் பலரது மனதில் பாரத்தை ஏற்றி வைத்த வெண்ணிறப் பளிங்குத் தேவதை ஜெயப்ரதாவை யாராலும் அத்தனை எளிதில் புறக்கணித்து விட முடியாது. ஜெயப்ரதா தமிழில் 47 நாட்கள், நினைத்தாலே இனிக்கும், சலங்கை ஒலி, ஏழை ஜாதி, தசாவதாரம் என மிகக் குறைந்த திரைப்படங்களிலேயே நடித்திருக்கிறார்.  ஆனாலும் 70 களின் தமிழ் ரசிகர்களால் ‘நினைத்தாலே இனிக்கும்’ ஜெயப்ரதாவை இன்றும் கூட மறக்கவே முடிவதில்லை. அப்படி ஒரு ஸ்டைலிஷான நடிப்பைத் தந்திருப்பார் அந்தப் படத்தில்! என்ன தான் அழகாக இருந்தாலும், அபாரமான நடிப்பாற்றல் இருந்தாலும் ஒரு நடிகையால் தனது வாழ்நாளில் எத்தனை மொழிகளில் தான் ஒரே நேரத்தில் ஆக்டிவாக இருந்து விட முடியும்?! இத்தனைக்கும் நடுவில் ஜெயப்ரதா பரபரப்பான அரசியல் வாழ்க்கையையும் கொண்டவராக இருந்தபடியால் தெலுங்கிலும், இந்தியிலும் கவனம் செலுத்த முடிந்த அளவுக்கு தமிழில் அவரால் கவனம் செலுத்த முடிந்ததில்லை. தமிழில் ஜெயப்ரதாவின் படங்களை மேலே சொன்னது போல விரல் விட்டு எண்ணி விடலாம். ஆனாலும் தமிழிலும் ரஜினி, கமல் உள்ளிட்ட சூப்பர் ஸ்டார்கள் முதல் சாமானியர்கள் வரை பலதரப்பட்ட வகையில் ஜெயப்ரதாவுக்கென்றே கணிசமாக ரசிகர்கள் இருந்தார்கள்... இருக்கிறார்கள் என்பதும் தான் ஆச்சர்யமான விஷயம். தாங்களும் ஜெயப்ரதா ரசிகர்கள் தான் என்பதை சூப்பர் ஸ்டார்கள் தசாவதாரம் திரைப்பட வெளியீட்டை ஒட்டி நிகழ்ந்த ஒரு மேடை நிகழ்வில், அருகே ஜெயப்ரதாவையும் வைத்துக் கொண்டு கமல் கூற, ரஜினி அதை ஆமோதித்ததாகக் கூட முன்பு செய்திகள் உண்டு. ஒரு தனியார் தொலைக்காட்சியின் டாக் ஷோவில் கலந்து கொண்ட இயக்குனர் கே.எஸ் ரவிக்குமார். ‘நினைத்தாலே இனிக்கும்’ காலத்து ஜெயப்ரதாவின் தீவிர விசிறிகளில் தானும் ஒருவர் என்பதால் தசாவதாரம் திரைப்படத்தின் கமலின் ஜோடிகளில் ஒருவராக ஜெயப்ரதாவைத் தான் தேர்ந்தெடுத்ததாகக் கூறி இருந்தார்.

    ‘தசாவதாரம்’ திரைப்படத்துக்குப் பின் கடந்த பத்தாண்டுகளாக ஜெயப்ரதாவை தமிழ் சினிமாவில் யாரும் கண்டிருக்க வாய்ப்பில்லை. தெலுங்கு, கன்னடப் படங்களில் அவ்வப்போது தலைகாட்டினாலும் முழுநேர அரசியல்வாதியாகவே ஜெயப்ரதா தன்னை முன்னிலைப்படுத்திக் கொண்டார். இப்போது ‘கேணி’ திரைப்படம் மூலம் மீண்டும் தமிழுக்கு முகம் காட்டவிருக்கிறாராம் ஜெயப்ரதா. கேணி மலையாளத்தில் ‘கிணறு’என்ற பெயரில் வந்த திரைப்படத்தின் தமிழ் ரீமேக். இதில் ஜெயப்ரதாவுடன், நடிகர் பார்த்திபனும் இணைந்து நடிக்கவிருக்கிறார். இன்று மக்களின் தலையாய பிரச்னைகளில் ஒன்று தண்ணீர் பற்றாக்குறை.. அப்படி ஒரு சமூகப் பிரச்னையை மையமாக வைத்து வெளிவந்த படமென்பதால் இந்தப் படத்தில் நடிக்கத் தனக்கு ஆர்வம் வந்ததாக ஜெயப்ரதா தெரிவித்திருக்கிறார். இத்திரைப்படத்தில் ஜெயப்ரதா; மக்களின் தண்ணீர் பற்றாக்குறைப் பிரச்னையை தீர்க்கும் முயற்சியில் உயிரிழந்த ஒரு பேராசிரியரின் மனைவியாக நடிக்கவிருக்கிறார். தன் கணவரின் கனவான அந்தப் பெரும் முயற்சியை அடைய அவரது மரணத்தின் பின் இந்த விதவை மனைவி எப்படி உதவுகிறார் என்பது தான் கதையாம். தொடர்ந்து தென்னிந்திய சினிமாக்களில் நடிக்கத் தனது ஆர்வத்தை உறுதிப்படுத்தியுள்ள ஜெயப்பிரதா கதாபாத்திரத் தேர்வுகளில் மட்டும் மிகக் கவனமான போக்கைக் கடைபிடித்து வருவதாகக் கூறி இருந்தார்.

    அதோடு... ஒரு பத்திரிகைப் பேட்டியில், மலையாளத்தில் பிரணயம், கன்னடத்தில் ராணி சென்னம்மா என வலிமை வாய்ந்த பெண் கதாபாத்திரங்கள் கிடைத்தால் மட்டுமே தான் நடிக்க ஆர்வம் காட்டுவதாக ஜெயப்ரதா குறிப்பிட்டுள்ளார். வலிமை வாய்ந்த கதாபாத்திரம் என்று அவர் குறிப்பிட்டிருந்ததால் அதை வாசித்துக் கொண்டிருந்த எனக்கு பாகுபலியின் சிவகாமி கதாபாத்திரம் தான் சடாரென ஞாபகம் வந்தது. ராஜமெளலி பாகுபலியின் சிவகாமி கதாபாத்திரத்துக்காக ஹேமாமாலினி, ஸ்ரீதேவி, மஞ்சு லட்சுமி, ரம்யா கிருஷ்ணன் எனப் பலரை அணுகியதாக இணையத்தில் செய்திகள் வாசிக்கக் கிடைக்கின்றன. அதில் சிலர் அந்த வாய்ப்பை அவரவர் தனிப்பட்ட காரணங்களுக்காக மறுத்திருந்தனர். முதலில் மறுத்த ரம்யா கிருஷ்ணன் பின்னர் அந்தக் கதாபாத்திரத்தில் நடித்து, மிகத்திறன் வாய்ந்த நடிகையாக தனக்கான சிறப்பான இடத்தை இந்திய சினிமா உலகில் தக்க வைத்துக் கொண்டது நாடறிந்த நிஜம். சிவகாமியாக ரம்யா வாழ்ந்திருந்தார் என்பதில் யாருக்கும் இங்கே எந்தவிதமான ஐயங்களும் இல்லை. ஆனால் முதலில் அந்தக் கதாபாத்திரத்தில் நடிக்க அணுகப் பட்டவர்கள் என்ற லிஸ்டில் ஹேமா மாலினி, ஸ்ரீதேவி உள்ளிட்ட ஜெயப்ரதாவின் சமகால நடிகைகளின் பெயர் அடிபட்ட போது ஜெயப்ரதாவும் கூட அந்தக் கதாபாத்திரத்துக்குப் பொருத்தமானவர் தானே என்று தோன்றுவதைத் தவிர்க்க முடியாது. அந்த எண்ணத்தின் வெளிப்பாடே மேற்கண்ட தலைப்பு!

    ஏனெனில் ஜெயப்ரதா இளம் வயதிலேயே முறைப்படி சாஸ்திரிய நடனம் கற்றவர் என்பதால் இன்றும் கூடத் தனது நடன நிகழ்ச்சிகளிலும் தொடர்ந்து ஆர்வம் காட்டி வருகிறார். தனது நடன நிகழ்ச்சிகளில் மாஸ்டர் பீஸாக ஜெயப்ரதா குறிப்பிடுவது ‘அம்ராபலி’ நாட்டிய நிகழ்ச்சியைத் தான். அம்ராபலி வைஷாலி ஜனபதத்தின் தலைசிறந்த நடனமாது. சிறந்த புத்த பிக்குணிகளில் ஒருவராக வைத்து இன்றளவும் போற்றப்பட்டு வருபவர். ஜெயப்ரதா ’அம்ராபலியை நாட்டிய நிகழ்ச்சியாக வழங்குகிறார் எனில் அவருடைய சமகால அழகுத் தாரகையாகத் திகழ்ந்த ஹேமாமாலினி, இதே அம்ராபலியின் கதையை தானே அம்ராபலியாக நடித்து தூர்தர்ஷனில் தொடர் நாடகமாகவே வெளியிட்டார். அந்த அளவுக்கு அம்ராபலி ஒரு வலிமை வாய்ந்த பெண்ணாகக் கருதப்பட்டதால் தான் சரித்திரப் புகழ் மிக்க அந்த கதாபாத்திரத்தை அன்றைய அழகுப் பதுமைகளான இந்த இரு நடிகைகளும் தமது திரைப்பங்களிப்பிலும் இணைத்துக் கொண்டனர். 

    கடந்த 5 ஆண்டுகளில் வெளிவந்துள்ள இந்தியத் திரைப்படங்களில் வளிமை வாய்ந்த பெண் கதாபாத்திரம் எது எனக்கேட்டால் யாரானாலும் யோசிக்காமல் உடனடியாகச் சொல்லி விடக்கூடிய ஒரு பெயர் பாகுபலியின் சிவகாமி. ஒரு வேளை ஜெயப்ரதா சிவகாமியாக நடித்திருந்தால் எப்படி இருக்கும்? என யோசித்துப் பார்க்க ரசிகர்களுக்கு உரிமை உண்டு. அப்படி யோசித்ததின் விளைவே இந்தக் கட்டுரை.  

    ]]>
    baghubali sivagami, jayaprada, பாகுபலி சிவகாமி, ஜெயப்ரதா, cinima news, சினிமா செய்திகள் http://images.dinamani.com/uploads/user/imagelibrary/2017/8/8/w600X390/jayaprada_3.jpg http://www.dinamani.com/lifestyle/lifestyle-news/2017/aug/08/can-you-imagine-jayaprada-as-baghubali-sivagami-2751763.html
    2750327 லைஃப்ஸ்டைல் செய்திகள் புட்டிப்பால் விஷயத்தில் ரொம்பவும் பிடிவாதமாக இருக்காதீர்கள் அம்மாக்களே! கார்த்திகா வாசுதேவன் DIN Saturday, August 5, 2017 12:59 PM +0530  

    தமிழகத்தில் 18.8 சதவீதம் தாய்மார்கள் மட்டுமே குழந்தைகளுக்கு தாய்ப்பால் ஊட்டுகிறார்கள் என்று ‘யுனிசெப்’ நிறுவனம் ஆய்வறிக்கை வெளியிட்டுள்ளது. சிலர் வேலைப்பளு காரணமாகவும், சிலர் தங்களது குழந்தைக்குத் தாய்ப்பால் போதவில்லை என்ற காரணத்தாலும், மேலும் சிலர் தாய்ப்பாலூட்டுவதால் அழகு கெட்டு விடும் என்ற காரணத்தாலும் தங்களது குழந்தைகளுக்கு தாய்ப்பாலைத் தவிர்த்து புட்டிப்பாலைப் பழக்கத் தொடங்குகின்றனர். புட்டிப்பால் குழந்தையின் அந்த நேரத்து வயிற்றுப் பசியைத் தீர்க்க உதவுமே தவிர அதில் குழந்தையின் பிற்கால ஆரோக்ய வாழ்வைக் கட்டமைப்பதற்கான எந்த ஒரு சிறப்பு அம்சங்களும் இல்லை என்பதை அந்தந்த புட்டிப்பால் நிறுவனங்களே அவரவர் பால் டப்பாக்களில் அச்சிட்டு விற்பனை செய்கின்றன என்பது நாமறிந்த உண்மை. ஏனெனில் பிறந்த குழந்தைகளுக்கு தேவையான சத்துக்களை அளிப்பதோடு மட்டுமல்ல, குழந்தையின் நோய் எதிர்பாற்றலை அதிகரிக்கும் சக்தியும் கூடத் தாய்ப்பாலுக்கு மட்டுமே உண்டு. எனவே தாய்ப்பாலுக்கு ஈடாக புட்டிப்பாலை எப்போதுமே மதிப்பிடவே முடியாது.

    பெண்களிடையே இந்த எண்ணத்தை மேம்படுத்துவதற்காக ஒவ்வொரு ஆண்டும் உலக தாய்ப்பால் வாரம் ஆகஸ்ட் மாதம் 1-ந்தேதி முதல் 7-ந்தேதி வரை அனுசரிக்கப்படுகிறது. இந்த நாட்களில் பெண்களுக்கு தாய்ப்பால் ஊட்டுவதன் அவசியம் குறித்து பல்வேறு வகைகளில் விழிப்புணர்வு அளிக்கப்பட்டு வருகிறது.

    எனவே இனியும், பக்கத்து வீட்டுக் குழந்தை புட்டிப்பால் குடித்து கொழு,கொழுவென்று இருக்கிறதே என்று உங்கள் குழந்தைக்கும் தாய்ப்பால் போதவில்லை எனப் புட்டிப்பால் கொடுத்துப் பழக்க நினைக்க வேண்டாம். பிறந்த குழந்தைக்குத் தாய்ப்பால் போதவில்லை என்ற நினைப்பெல்லாம் இன்றைய நாகரீக அம்மாக்களின் வீணான மனப்பிராந்தி, அப்படி நினைத்துத்தான் பெரும்பாலான இளம்அம்மாக்கள் தங்களது குழந்தைகளை தாய்ப்பாலில் இருந்து புட்டிப் பாலுக்கு பழக்கி விடுகிறார்கள். மனிதர்கள் மட்டும் தான் இப்படி புட்டிப்பால் குடித்துப் பழகி இருக்கிறார்களே தவிர குட்டி போட்டுப் பால் கொடுக்கும் மரபைச் சார்ந்த பிற விலங்குகளைப் பாருங்கள், அவற்றில் எந்த ஒரு தாய்க்கும், தன் குழந்தைக்கு தாய்ப்பால் போதவில்லை என்ற பிரச்னையே இருப்பதில்லை. இயற்கையில்; பிரசவமான எல்லாத் தாய்மார்களிடத்தும் தங்களது குழந்தையின் பசியைப் போக்கிடத் தேவையான பாலைச் சுரக்கும் தகுதி உண்டு. ஆனால் தாய்ப்பால் கொடுப்பது தொடர்பாக நம்முள் காலம், காலமாக நிலவி வரும் சில மாறுபட்ட கருத்துகள், மற்றும் முரண்பாடுகளால் தற்போது குழந்தைக்கு தாய்ப்பால் கொடுப்பது எனும் அத்யாவசியமே அறுகி வருகிறது.

    • சிசேரியன் டெலிவரியா அப்போ குழந்தைக்கு குறைந்தபட்சம் 5 நாட்களாவது புட்டிப்பால் தான்...
    • தாய்ப்பால் குடித்துப் பழகிய குழந்தை மணிக்கொரு தரம் பசிக்கு அழுகிறதா? உடனே தாய்ப்பால் போதவில்லை என புட்டிப்பாலையும் அதனுடன் சேர்த்துக் கொடுத்துப் பழக்கி.. நாளடைவில் குழந்தை தாயிடம் பாலருந்தும் பழக்கத்தையே மறக்கடித்து விடுவது.
    • வேலைக்குப் போகும் அம்மாவா.. அப்போ புட்டிப்பால் கொடுத்துப் பழக்குவது தான் குழந்தைக்கும், அம்மாவுக்கும் நல்லது.
    • ஷிஃப்ட் முறையில் வேலை பார்க்கும் அம்மாவா? அப்போதும் குழந்தையின் சீரான வளர்ச்சிக்கு புட்டிப்பால் தான் சரியாக இருக்கும்.
    • அப்படியெல்லாம் இல்லாமல் வீட்டிலேயே இருக்கும் அம்மாக்கள் என்றாலும் கூட தாய்ப்பால் குடிக்கும் குழந்தையின் போஷாக்கு, புட்டிப்பால் குழந்தையுடன் ஒப்பிடுகையில் சோனியாகத் தெரிந்தால் அப்போதும் கூட உடனடி சாய்ஸாக கண் முன்னே வந்து நிற்பது லாக்டோஜனும், Non மில்க் பவுடரும் தான்.

    இந்த புட்டிப்பால் வகைகள், குழந்தைகளின் போஷாக்கிலும், தோற்றப்பொலிவிலும் அம்மாக்களின் மனதுக்குத் திருப்தி தருகிற வகையிலான சில உடனடி மாற்றங்களைக் கொண்டு வந்தாலும் கூட அவற்றின் பிற்கால எதிர்மறைப் பயன்களை நோக்கும் போது அவை விரும்பத்தக்கவையாக இல்லை. இதைப்பற்றிப் பேசும்போது மகப்பேறு மருத்துவரான டாக்டர் ரமாதேவி கூறுவதைக் கேளுங்கள்;

    1. குழந்தைக்குத் தாய்ப்பால் கொடுக்கும் போது இளம் அம்மாக்களுக்கு முதலில் தேவைப்படுவது விடாப்பிடியான பொறுமை. குழந்தை எத்தனைக்கெத்தனை வலிந்து தனது தாயிடம் தாய்ப்பால் அருந்த முயற்சிக்கிறதோ, அத்தனைக்கத்தனை அதன் பசி தீர்வதோடு மட்டுமல்லாமல் உளவியல் ரீதியாக அந்தக் குழந்தைக்கு முயன்றால் வெற்றி கிடைக்கும் என்ற அடிப்படை நம்பிக்கையும் வளரத் தொடங்கும்.
    2. தாய்ப்பால் ஊட்டுவது என்பது குழந்தையின் பசி தீர்க்கும் செயல் மட்டுமல்ல, அது அம்மாவுக்கும், குழந்தைக்குமான அன்பை மேலும் வலுவடையச் செய்யும் ஒரு விதமான உளவியல் பிணைப்பூக்கி! குழந்தைக்குப் பாலூட்டுவதை வெறும் கடமையெனச் செய்யாமல் எத்தனையோ தாய்மார்கள் குழந்தையின் தலைமுடியைக் கோதியவாறோ, அல்லது முழு உடலையும் மென்மையாகத் தழுவியவாறோ, அல்லது குழந்தையின் மிருதுவான பாதங்களையும், பட்டுப் போன்ற உள்ளங்கைகளையும் மசாஜ் செய்தவாறோ பாலூட்டிக் கொண்டிருப்பதை அவரவர் வீடுகளில் நாம் கண்டிருக்கலாம். இதுவே சரியான முறை.
    3. மணிக்கொரு தரம் குழந்தை பசியால் அழுதால் அதற்கு தாய்ப்பால் போதவில்லை என்று அர்த்தம் கற்பித்துக் கொள்ளக் கூடாது. இளம் அம்மாக்கள் குறைந்த பட்சம் 6 மாத காலம் வரையிலாவது அதையெல்லாம் பொறுமையுடன் சகித்துக் கொண்டு மணிக்கொரு தரம் குழந்தைக்குப் பாலூட்டுவதை தொடர வேண்டும். முன்பெல்லாம் மகப்பேறு மருத்துவர்கள் 10 மாதம் வரையிலாவது குழந்தைக்குத் தாய்ப்பால் அவசியம் என்பார்கள். இப்போது அதையும் 6 மாதங்களுக்கு மட்டுமேனும் எனக் குறைத்து விட்டார்கள். 6 மாதங்களின் பின் குழந்தைக்கு திட உணவுகளைக் கொஞ்சம், கொஞ்சமாகப் பழக்கி விடலாம். ஆகவே அம்மாக்கள் தங்கள் குழந்தைக்குத் தாய்ப்பால் ஊட்டுவது வெறும் 6 மாதங்களுக்கு மட்டும் தான் எனும்போது அதை மிக, மிகப் பொறுமையுடனும், சிரத்தையுடனும், நம்பிக்கையுடனும் செய்ய வேண்டும்.
    4. குழந்தைக்கு தாய்ப்பால் போதவில்லை எனக்கருதி உடனே புட்டிப்பாலையும் அவ்வப்போது தாய்ப்பாலுடன் சேர்த்து கொடுக்கத் தொடங்கினால் பிறகு குழந்தை ஓரிரு நாட்களிலேயே புட்டிப்பாலுக்கு நன்கு பழகி விடும். பிறகு குழந்தையே தாய்ப்பாலைப் புறக்கணித்து விட்டு புட்டிப் பாலை விரும்பத் தொடங்கி விடும். ஏனெனில் தாய்ப்பால் என்பது குழந்தை தன் முயற்சியால் அருந்த வேண்டிய உணவு, ஆனால் புட்டிப்பால் அப்படியல்ல பால் புட்டிகளின் ரப்பர் மூடிகள் இப்போதெல்லாம் குழந்தைகள் வெகு எளிதாகப் பாலை உறிஞ்சிக் குடிக்கும் வண்ணம் மிக செளகரியமான முறையில் வடிவமைக்கப்படுகின்றன. இதனால் குழந்தை கஷ்டப்பட்டு தாய்ப்பாலை உறிஞ்சுவதை விட புட்டிப்பாலில் எளிதாக பாலருந்தலாமே என்று குழம்பிப் போய் முடிவெடுத்து விடுகிறது. இத்தகைய மாற்றங்கள் உளவியல் ரீதியாகவும் குழந்தைக்குப் பாதிப்பை ஏற்படுத்தலாம் என்கிறார்கள் மகப்பேறியல் வல்லுனர்கள்.
    5. அதுமட்டுமல்ல, புட்டிப்பாலுக்கு பழகி விட்ட குழந்தை, பால் புட்டியின் ரப்பர் மூடி சரியாக மூடப்படாத சமயங்களில் எல்லாம் அடிக்கடி காற்றையும் சேர்த்துக் குடித்து வயிற்று உபாதையால் அவஸ்தைக்குள்ளாகும் நிலையும் ஏற்படுவது வழக்கமாகி விடுகிறது. அதோடு குழந்தை பாலருந்திய பின் ஒவ்வொருமுறையும் பால்புட்டிகளை சரியான முறையில் கொதிக்கும் நீரிலிட்டு கழுவ மறந்தால் பின்னர் குழந்தைக்கு அதன் மூலமாகப் பாக்டீரியா தொல்லை ஏற்படும் வாய்ப்பும் உண்டாகி விடுகிறது. இதனால் அடிக்கடி வயிற்று வலியால் குழந்தை அவஸ்தைப்பட நேரலாம்.
    6. அதுமட்டுமல்ல தாய்ப்பாலில் இருந்து புட்டிப்பாலுக்கு மாறும் குழந்தை வெகு எளிதாக அதற்குப் பழகி விடுவதோடு, மேலும் மேலும் அதையே அருந்தத் தொடங்கும் போது அந்தக் குழந்தையின் தாடைப்பகுதி மற்றும் பால் பற்கள் முளைக்கும் முறையிலும் மாறுதல் ஏற்படத் தொடங்குகிறது. இது குழந்தையின் வளரிளம் பருவத்தின் போது அம்மாக்களை பல் மருத்துவர்களின் பின்னே அழைய வைக்கும் அளவுக்கு பின்னாட்களில் சிரமத்தை ஏற்படுத்தக் கூடியதாகி விடுகிறது.
    7. தாய்ப்பாலில் இருக்கும் சர்க்கரையின் அளவு இயல்பானது. ஆனால் புட்டிப்பாலில் குழந்தையின் சுவைக்காக நாம் சேர்க்கும் சர்க்கரையால் நாளடைவில் குழந்தையின் மூளை மிக விரைவான வளர்ச்சியடையத் துவங்குகிறது. இது இயற்கையான குழந்தை வளர்ச்சி முறைக்கு முரணானது.
    8. அதோடு கூட புட்டிப்பால் அருந்திப் பழகிய குழந்தைகளே பெரும்பாலும் டயபடீஸ், ஹைப்பர் லிப்பிடீமியா, ஒபிஸிட்டி, உயர் ரத்த அழுத்தம் உள்ளிட்ட உபாதைகளுக்கும் உள்ளாக நேரிடும் அபாயகரமான வாய்ப்புகள் அதிகம்.
    9. இந்தத் துயரங்களிலிருந்தெல்லாம் நமது குழந்தைகளைக் காப்பாற்ற வேண்டுமெனில் அம்மாக்களே தயவு செய்து குழந்தைகளுக்கு புட்டிப்பாலூட்டும் விஷயத்தில் ரொம்பவும் பிடிவாதாமாக இருக்காதீர்கள். ” தாய்ப்பால் என்பது குழந்தைக்கு மட்டுமல்ல அம்மாக்களுக்குமே கூட கடவுள் தந்த வரமே!”

     

    Image courtesy: babycenter.ca

     

    ]]>
    உலக தாய்ப்பால் வாரம், international mother feeding day, தாய்ப்பால், புட்டிப்பால், life stylespecial, லைஃப் ஸ்டைல் ஸ்பெஷல் http://images.dinamani.com/uploads/user/imagelibrary/2017/8/5/w600X390/mother_feeding.jpg http://www.dinamani.com/lifestyle/lifestyle-news/2017/aug/05/importance-of-breast-feeding-over-using-formula-milk-2750327.html
    2749700 லைஃப்ஸ்டைல் செய்திகள் பூமிக்கு வெளியே ஜூபிட்டரைப் போன்றே மிகச்சூடான புதிய கிரகம் ஒன்று கண்டறியப்பட்டது: நாசா அறிவிப்பு! RKV IANS Friday, August 4, 2017 11:52 AM +0530  

    வாஷிங்டன்: பூமியிலிருந்து 900 ஒளி ஆண்டுகள் தூரத்தில் முதல்முறையாக வியாழன்( ஜுபிடர்) கிரகத்தைப் போன்றே மிகப்பெரிய புதிய கிரகம் ஒன்றை விஞ்ஞானிகள் கண்டுபிடித்துள்ளனர். இந்த கிரகத்தில் தண்ணீர் இருப்பதற்கான அறிகுறிகள் செயற்கைக்கோள் புகைப்படங்களில் தெரிகின்றன. ஆனால் அந்த நீரானது இரும்பைக் கொதிக்க வைக்கும் அளவுக்கு திறனுடையது அல்ல என்றும் விஞ்ஞானிகள் கண்டறிந்து கூறியுள்ளனர். பூமிக்கு வெளியே வியாழனைப் போன்று பிறிதொரு பிரமாண்டமான கிரகத்தை, அதன் வளிமண்டலத்தில் ஒளிரும் நீர்மூலக்கூறுகளுடன் விஞ்ஞானிகள் கண்டறிவது இதுவே முதல் முறை எனக் கருதப்படுகிறது. 

    அந்த கிரகத்திலும்கடந்த பத்தாண்டுகளாக நடைபெற்று வரும் பல்வேறு வானியல் ஆராய்ச்சிகள் மூலமாக பூமியைத் தாண்டியுள்ள பிற கோள்களிலும் வளிமண்டலம் இருப்பதற்கான சாத்தியக்கூறுகளை விஞ்ஞானிகள் சான்றுகளுடன் நிரூபித்துக் காட்டியிருந்தனர். தற்போது கண்டறியப்பட்டுள்ள வாயு நிறைந்த மிகப்பிரமாண்டமான புதியகோளான WASP- 121b ஐ அதை முதன் முதலாகக் கண்டறிந்தவர்களான நாசா விஞ்ஞானிகள் அதை ‘சூடான வியாழன்’ என்று குறிப்பிடுகின்றனர். இந்தக் கோள் முதன்முறையாக நாசாவின் ‘ஹப்பிள் ஸ்பேஸ் டெலஸ்கோப்’ மூலமாகத் தான் அடையாளம் காணப்பட்டது. 

    இந்தக் கண்டுபிடிப்பு குறித்துப் பேசும் போது; "நமது சொந்த சூரிய மண்டலத்தில் இருக்கும் மற்ற கிரகங்களைப் போலவே, அதே தொலைவில் இருக்கும் தொலைதூர பால்வெளிப் பகுதிகளை நாம் பார்க்கமுடியாத போது, அதன் கட்டமைப்பை வெளிப்படுத்த பிராக்ஸி நுட்பங்களை நாம் நம்பத் தொடங்க வேண்டும்" என்று அமெரிக்காவின் மேரிலேண்ட் பல்கலைக்கழகப் பேராசிரியரும், வானியல் விஞ்ஞானியுமான டிரேக் டெமிங் கூறுகிறார்.

    "WASP-121b மிகச் சூடான கிரகம் என்பதால் அதன் வளிமண்டல அடுக்கிலிருக்கும் நீராவி உருகி பளபளப்புடன் தோற்றம் தரலாம். ஆனால் அங்கிருக்கும் நீரானது தற்போது அங்கே உயிர்கள் வாழப் போதுமான அளவில் இல்லை என்பதே இப்போதைய நிஜம்.

    விஞ்ஞானிகள் ஸ்பெக்ட்ரோகோபி ஆய்வு மூலமாக தொடர்ந்து புதிய கோளின் வளிமண்டல அடுக்குகளில் விதம் விதமான ஒளி அலைகளைப் பாய்ச்சி அதன் விளைவாக கோளின் பிரகாசத்தில் ஏற்படும் மாறுதல்களை உற்றுக் கவனித்து வருகின்றனர். புதிய கண்டுபிடிப்பான அந்தக் கோளின் வளிமண்டலத்தில் ஒளியைப் பாய்ச்சும் போது அங்கு உட்புறத்தில் வெப்பநிலை அதிகமிருப்பின் வாயு மூலக்கூறுகள் நீராவியாக மாறு கோளைச் சுற்றியுள்ள வளிமண்டலத்தில் பள பளப்பை ஏற்படுத்துகிறது. அதுவே கோளின் உள்ளே வெப்பநிலை குறைவாக இருப்பின் ஒளியைப் பாய்ச்சும் போது வெயிலின் தாக்கம் குறைவு எனில் ஒளியால் வளிமண்டல அடுக்குகளை ஊருவிச் செல்ல முடிவதில்லை.

    எனவே புதிதாகக் கண்டுபிடிக்கப்பட்ட இந்தக் கோளின் வளிமண்டல அடுக்குகளின் மீது ஒளியின் தாக்கத்தை அடிப்படையாகக் கொண்டு மேலும் ஆராய்ச்சிகள் நிகழந்த வண்ணம் உள்ளன. இதுவரை நடைபெற்றிருந்த வானியல் ஆய்வுகளோடு ஒப்பிடும் போது இந்தப் புதிய கோளில் வளிமண்டலமும், நீரும் இருப்பதைக் கண்டறிந்து சொல்ல முடிந்ததே நாசாவின் விண்வெளிஆராய்ச்சி வெற்றிகளில் ஒரு பெஞ்ச் மார்க்காகக் கருதப்படுகிறது’ என நாசா, விஞ்ஞானிகள் குழுவினரில் ஒருவரான ஹன்னா வேக்ஃபோர்ட் கூறுகிறார்.

    ]]>
    வானியல் கண்டுபிடிப்பு, நாசா, புதிய கோள், NASA, GIANT EXOPLANET, HOT JUPITOR http://images.dinamani.com/uploads/user/imagelibrary/2017/8/4/w600X390/exoplanet.jpg http://www.dinamani.com/lifestyle/lifestyle-news/2017/aug/04/hot-exoplanet-with-glowing-water-atmosphere-discovered-beyond-earth-2749700.html
    2747193 லைஃப்ஸ்டைல் செய்திகள் வகுப்பறையில் குறட்டைவிட்டுத் தூங்கிய ஆசிரியரைப் புகைப்படமெடுத்த மாணவன்! RKV DIN Wednesday, August 2, 2017 05:18 PM +0530  

    ஹைதராபாத்: பள்ளி நேரத்தில் பாடம் நடத்தாமல் குறட்டை விட்டுத் தூங்கிய கணித ஆசிரியரை புகைப்படமெடுத்து, வாட்ஸ் அப் மூலமாக அந்தப் புகைப்படத்தை மாவட்டக் கல்வி அதிகாரிக்கு அனுப்பி விட்டான் ஒரு மாணவன். இதை அவன் மட்டுமே தனியாகத் செய்து விடவில்லை. தன் நண்பர்களின் உதவியுடன் இப்படிச் செய்திருக்கிறான். இதனால் சம்பந்தப்பட்ட அந்த ஆசிரியர் சஸ்பெண்ட் செய்யப்பட்டுள்ளார். இதைக் கவனித்துக் கொண்டிருந்த பிற ஆசிரியர்களுக்கு புகைப்படப் புகார் அளித்த மாணவன் மீது இனம் புரியாத வன்மம் தோன்றியிருக்கிறது. அதன் விளைவாக அவர்கள் அந்த மாணவன் குறித்து காவல்துறையினருக்கு புகார் தட்டி விடவே; 

    பள்ளி வளாகத்தில் தன் நண்பர்களுடன் குளிர்பானம் அருந்திக் கொண்டிருந்த அந்த மாணவனை, காரணமே சொல்லாமல் கொத்தாகப் பிடித்து பள்ளிக்குள் இருந்த கம்பத்தில் கட்டி வைத்து உதைத்து விட்டுச் சென்றிருக்கின்றனர் காவல்துறையினர். தெலுங்கானா, மெஹபூப் நகரிலுள்ள ஒரு பள்ளியில் நடைபெற்ற இந்தச் சம்பவம் அதைப் பார்த்துக் கொண்டிருந்தவர்களை அதிர்ச்சிக்குள்ளாக்குவதாக இருந்தது.

    மாணவனை காவல்துறையினர் கம்பத்தில் கட்டி வைத்து உதைக்கும் போது அவனைச் சுற்றியிருந்த நண்பர்கள் அனைவரும் ஓடி விட்டிருந்தனர். பள்ளியின் பிற ஆசிரியர்களோ, அந்தத் தாக்குதலை தடுக்காமல் வேடிக்கை பார்த்து ரசித்துக் கொண்டிருந்திருக்கின்றனர். தற்போது உடல் முழுவதும் காயங்களுடன் அந்த மாணவன் மருத்துவமனையில் சிகிச்சை பெற்று வருகிறான்.

    இதில் ஆசிரியர் செய்தது தவறு என்றாலும், பள்ளி நேரத்தில் கையில் அலைபேசி வைத்திருந்த காரணத்துக்காக மாணவன் செய்ததும் தவறென்றே ஆகிறது. ஆசிரியர், மாணவரிடையே சரியான புரிந்துணர்வு இல்லாமல் போன காரணத்தால் கடைசியில் பிரச்னை 10 ஆம் வகுப்பு மாணவனொருவனை காவல்துறையினர் அடித்து உதைக்கும் அளவுக்கு பெரும் பிரச்னையாகி விட்டது. இதில் காவல் துறையினர் மீதும் தவறு இருக்கிறது. ஆக மொத்தத்தில் வகுப்பு நேரத்தில் ஆசிரியர் ஒருவர் குறட்டை விட்டுத் தூங்கிய சம்பவமானது அந்த மாணவன், சக ஆசிரியர்கள் மற்றும் இப்போது காவல்துறையினர் என மூவரை குற்றவாளிகள் ஆக்கி விட்டிருக்கிறது.

     

    Image courtesy: NDTV

    ]]>
    lifestyle news, snoozing teacher at class room, photograph, student, teacher, school issue, education dept, கல்வித்துறை, மாணவன், வகுப்பில் குறட்டை விட்ட ஆசிரியர், லைஃப்ஸ்டைல் செய்திகள் http://images.dinamani.com/uploads/user/imagelibrary/2017/7/31/w600X390/snoozing_teacher.jpg http://www.dinamani.com/lifestyle/lifestyle-news/2017/jul/31/boy-taken-photo-of-teacher-snoozing-in-class-2747193.html
    2747911 லைஃப்ஸ்டைல் செய்திகள் அலுவலகத்துக்குள் வந்த பாம்பு! அதிர்ச்சியடையாத பெண் DIN DIN Tuesday, August 1, 2017 06:47 PM +0530 அலுவலக மேஜையில் எதிர்பாராத விருந்தினராக ஒரு பாம்பைப் பார்த்தால் ஒருவருக்கு எப்படி இருக்கும்? இத்தனைக்கும் அவர் வேலை பார்ப்பது காட்டிலாகாவில் இல்லை. '9 நியூஸ் டார்வின்’ என்ற செய்தி நிறுவன அலுவலகத்துக்குள் தான் இந்தப் பாம்பு வருகை தந்துள்ளது. அதற்கு உண்ட களைப்பு போலும். அலுவலகத்தில் வேலைப் பார்க்கும் கேட் லிமானின் மேஜையின் ஓரத்துக்குப் போய் செட்டில் ஆகிவிட்டது.

     

    நாமெல்லாம் பாம்பை கண்டால் முதலில் அதிர்ச்சியடைந்து சத்தம் போட்டு யாரையாவது உதவிக்கு அழைப்போம். அல்லது மின்னல் வேகத்தில் அந்த இடத்திலிருந்து ஓடிவிடுவோம். ஆனால் கேட் லிமான் இந்த இரண்டையும் செய்யாமல் அந்த 2 மீட்டர் நீளமுள்ள பாம்பை அசால்டாகத் தூக்கி ஒரு பையில் போட்டு பேக் செய்துவிடுகிறார். இரண்டு நிமிடம் ஓடக் கூடிய இந்தக் காட்சியை பதிவு செய்து, Snakes in the News room என்ற தலைப்பில் ஃபேஸ்புக்கிலும் ஏற்றிவிட்டார். நியூஸ் ரூமில் நடக்கும் எதுவொன்றும் நியூஸ் தானே. பதிவிட்ட சில நிமிடங்களிலேயே வைரலாகிக் கொண்டிருக்கும் இந்த பாம்பு வீடியோ கிட்டத்தட்ட 17500 பார்வையாளர்களைக் கொண்டுள்ளது. 

    பாம்பைக் கண்டால் படையும் நடுங்கும் என்பார்கள். ஆனால் இந்தப் பெண்மணி பாம்பை துளி பதற்றம் கூட இல்லாமல் பார்சல் செய்திருக்கிறார். இதுவே இந்தக் காணொலியில் அனைவரையும் ஆச்சரியப்படுத்தும் விஷயமாக இருக்கிறது.

     

    ]]>
    media, Snake, News room, Kate Limon, பாம்பு http://images.dinamani.com/uploads/user/imagelibrary/2017/8/1/w600X390/snake_parcel.jpg http://www.dinamani.com/lifestyle/lifestyle-news/2017/aug/01/snakes-in-the-newsroom-2747911.html
    2747849 லைஃப்ஸ்டைல் செய்திகள் கேரளாவில் சிறையில் அடைக்கப்பட்ட 4 வயது சீனக்குழந்தை? RKV DIN Tuesday, August 1, 2017 11:49 AM +0530  

    சீனாவில் இருந்து இந்தியாவுக்கு தன் மகளோடும், நண்பரோடும் சுற்றுலா வந்தார் ஜியாலைன் எனும் சீனப் பெண். இந்தியாவில் கடவுளின் தேசமான கேரளாவில் காக்கநாடு பகுதி அவருக்குப் பிடித்துப் போனதால், அங்கிருக்கும் மலையாளி ஒருவரின் உதவியுடன் அந்த ஊரில் வீடெடுத்து தன் மகளோடு தங்குகிறார் ஜியாலைன். திடீரென்று ஒரு நாள் காவல்துறையினர் வந்து ஜியாலைனை கைது செய்து அழைத்துச் செல்கின்றனர். காரணம் அவரது இந்திய விசா காலம் முடிவடைந்த பின்னும் அவர் இங்கேயே தங்கி இருப்பதாகக் கூறி அவர் மீது குற்றச்சாட்டு பதிவாகியிருக்கிறது. ஜியாலைன் சிறை சென்றால் அவரது 4 வயது மகள் என்ன செய்வாள்/. குழந்தையைத் தனியே விட முடியாது. ஜியாலைன் சிறையிலிருந்து வெளிவரும் வரையில் பெண் குழந்தையான ஹான் ரியூ ஹோவைப் பராமரிக்க கேரளாவில் அவர்களுக்குச் சொந்தமென்று எவருமே இல்லை. வாடகைக்கு தங்குமிடத்தை ஏற்பாடு செய்து கொடுத்த மலையாளியைக் கூட இப்போது கண்ணில் காண முடியவில்லை. ஜியாலைன் கைது செய்யப்பட்டது முதலே அந்த மலையாளி எங்கோ ஓடி ஒளிந்து கொண்டார்.

    தற்போது குழந்தைக்கு வெளியில் பாதுகாப்பு இல்லாத காரணத்தால் குழந்தை அதன் தாயோடு இருக்கலாம் என நீதிமன்றம் உத்தரவிட்டுள்ளது. தற்போது தாய் சிறையில் இருப்பதால், குழந்தையும் சிறையில் இருக்கிறது. அங்கே ஹான் ரியூ ஹோவுடன் விளையாடக் குழந்தைகள் யாரும் இல்லை. அவளது தாயுடன் சேர்த்து மேலும் 5 பெண்கள் இருக்கிறார்கள். விளையாட்டுச் சாமான்கள் என்றெல்லாம் எதுவும் அங்கு கிடையாது. அந்தக் குழந்தைக்குத் தேவையான சைனீஷ் உணவுகளைச் சமைத்து அவளுக்கு சாப்பிடத் தரச்சொல்லி நீதிமன்றம் உத்தரவிட்டுள்ளது. ஆனாலும் திருச்சூரில், வையூர் எனுமிடத்தில் உள்ள அந்த சிறைச்சாலையில் சைனீஷ் உணவுகளைத் தயார் செய்யும் அளவுக்கு வசதிகள் இல்லாததால் பிற சிறைக்கைதிகள் என்ன உண்பார்களோ, அதே உணவு தான் தற்போது அந்த 4 வயதுக் குழந்தைக்கும் அளிக்கப்பட்டு வருகிறது.

    வாழ்வின் கருணையற்ற சில பக்கங்கள் ஒவ்வொருவருக்கும் ஒவ்வொரு பருவத்தில் தெரியவரும். ஆனால் இந்த சீனக் குழந்தைக்கு அது இத்தனை சீக்கிரம் தெரிய வந்திருக்க வேண்டியதில்லை.

    இவர்கள் இருவரும் தற்போது வெளிநாட்டினருக்கான இந்திய பீனல் கோட் சட்டத்தின் கீழ் கைது செய்யப்பட்டுள்ளனர். இவர்கள் விஷயத்தில் ஒரே ஒரு சின்ன ஆறுதல் கடந்த சனிக்கிழமை தாய், மகள் இவருக்குமே பெயில் கிடைத்திருக்கிறது என்பது மட்டுமே! இதுவரை கேரளச் சிறைச்சாலைகளில் அடைக்கப்பட்ட சிறைக்கைதிகளில் மிக மிக இளம் வயது கைதியாக இந்தக் குழந்தை கருதப்படுகிறது.

    ]]>
    கேரளா, சீனக்குழந்தை, விசா காலம், இந்தியா, சீனா, இளம் கைதி, kerala, chinese girl, china, india, youngest prisoner http://images.dinamani.com/uploads/user/imagelibrary/2017/8/1/w600X390/jail2.jpg http://www.dinamani.com/lifestyle/lifestyle-news/2017/aug/01/youngest-prisoner-in-kerala-jail-2747849.html
    2747176 லைஃப்ஸ்டைல் செய்திகள் அட! பிறந்து நான்கே மாதத்தில் பேசத் தொடங்கி விட்டதாம் இந்த மைசூர் குழந்தை! RKV DIN Monday, July 31, 2017 11:44 AM +0530  

    இந்தப் புகைப்படத்திலிருக்கும் குழந்தை மைசூரில் இருக்கிறது. பிறந்து 4 மாதங்கள் தான் ஆகிறது. ஆனால் அதற்குள் தன் அம்மாவுடன் பேசத் தொடங்கி விட்டது. பொதுவாக குழந்தைகள் பேசத்தொடங்குவது 10 மாத வாக்கில் தான். 4 மாதம் என்பது நம்மைப் பொறுத்தவரை அது கைக்குழந்தைப் பருவம். 3 மாதத்தில் தான் குழந்தை குப்புறக் கவிழும், அதன் பிறகு 6 மாதத்தில் தான் திட உணவுகளை சாப்பிடப் பழக்குவார்கள். 4 ஆம் மாதத்தின் பிற்பகுதியில் தான் மெல்ல, மெல்ல தவழத் தொடங்கும். இவையெல்லாம் நாம் கைக்குழந்தைகளிடம் காணக்கூடிய பொதுவான அம்சங்கள். ஆனால் இந்த மைசூர் குழந்தை முற்றிலும் வித்யாசமான வகையில் தன் அம்மாவுடன் இப்போதே பேசவே ஆரம்பித்து விட்டது. குழந்தையின் அம்மா, அதனிடம் பலமுறை என்னென்ன வார்த்தைகளை எல்லாம் பேசுகிறாரோ அவற்றையெல்லாம் அப்படியே பிடித்து வைத்துக் கொண்டு அதைக் குழந்தை தன் மழலையில் எதிரொலிக்கத் தொடங்கியதைக் கண்டு குழந்தையின் பெற்றோரும், உறவினரும் மிகுந்த மகழ்ச்சியில் இருக்கிறார்கள். 

    குழந்தையின் பெற்றோரது பெயர் ரம்யா மற்றும் நந்தீஷ். ரம்யாவை வீட்டில் ‘புத்கி’ என்று அழைப்பார்களாம். தன் தாயை வீட்டினர் அந்தப் பெயரில் அழைப்பதை பலமுறை கேட்க நேர்ந்ததில் இப்போது குழந்தையும் தன் தாயை ‘புத்கி’ என்று அழைக்கத் தொடங்கி விட்டது. அது மட்டுமல்ல தற்போது இந்த 4 மாதக் குழந்தை அம்மா, ரம்யா, அக்கா, நானு, கொத்தில்லா, எனப்பல வார்த்தைகளையும் இப்போதே பேசத்தொடங்கி விட்டது. இது அந்தக் குடும்பத்தினரை மிகப்பெரிய ஆச்சர்யத்தில் தள்ளி இருக்கிறது. 

    ]]>
    4 மாதக் குழந்தை,குழந்தையின் பேசும் சக்தி, மைசூரு,Four Months Baby,Infant Speaks Earlier,Mysore http://images.dinamani.com/uploads/user/imagelibrary/2017/7/31/w600X390/4_months_baby_talking.jpg http://www.dinamani.com/lifestyle/lifestyle-news/2017/jul/31/four-month-old-infant-speaks-in-mysuru-2747176.html
    2746153 லைஃப்ஸ்டைல் செய்திகள் மதம் என்ற சொல்லை எப்படி உச்சரிக்க வேண்டும்? மறைந்த பத்திரிகையாளர் ‘சோ’ வின் விளக்கம்! RKV DIN Saturday, July 29, 2017 02:18 PM +0530  

    இந்து matham என்பதை இந்து madham  என்று பலர் உச்சரிக்கக் கேட்டிருப்பீர்கள். அது தவறான உச்சரிப்பு என்கிறார் சோ ராமசாமி!

    'madham' என்றால் அது வெறியைக் குறிக்கும். அதுவே 'matham' என்றால் அது நம்பிக்கை, சிந்தனையைக் குறிக்கும், அதே madham என்று உச்சரித்துப் பாருங்கள். அது வெறி! தமிழில் madham, matham இரண்டையும் குறிக்க ‘த’ என்ற ஒரு எழுத்து தான் இருக்கிறது. ஆனால் சமஸ்கிருதத்தில் அதுவே நான்கு விதமான ‘த’ க்கள் இருக்கின்றன. அவற்றை உச்சரிக்கும் போதே பொருள் விளங்கி விடும். தமிழில் அப்படியான வசதி இல்லாவிட்டாலும் நாம் அந்த வார்த்தைகளை உச்சரிக்கும் போதே தேவையான விதத்தில் திருத்தம் செய்து கொள்கிறோம். ஏனெனில் நமக்கு அந்த வார்த்தையின் அர்த்தம் தெரியும். உதாரணத்துக்கு (தண்ணீர்) Thanneer என்பதை Dhanneer  என்று நாம் உச்சரிக்க மாட்டோம். அப்படித் தான் ‘இந்து மதம்’ என்பதை இந்து matham என்று தான் உச்சரிக்க வேண்டும். இந்து madham  என்று உச்சரிக்கக் கூடாது. 

    இதுவரை அப்படி உச்சரித்துப் பழகியவர்கள் இனி பொருளறிந்து மாற்றிக் கொள்ள இந்த விளக்கம் உதவலாம்.

    ]]>
    இந்து மதம், சோ ராமசாமி, hindu religion, cho ramaswamy, right pronounciation , சரியான உச்சரிப்பு http://images.dinamani.com/uploads/user/imagelibrary/2017/7/29/w600X390/indhu_matham.jpg http://www.dinamani.com/lifestyle/lifestyle-news/2017/jul/29/choramaswamys-explanation-about--the-pronounciation-of-the-word-indhu-matham-2746153.html
    2745631 லைஃப்ஸ்டைல் செய்திகள் தீய்ந்து அடிப்பகுதியில் கரிபடிந்த வாணலியை சுத்தம் செய்ய வேண்டுமா? DIN DIN Friday, July 28, 2017 01:01 PM +0530 மாவு சலிக்கும் சல்லடை ஓட்டையாகிவிட்டால் அந்த இடத்தில் உட்புறமாக சற்று பெரிய சைஸில் உள்ள ஸ்டிக்கர் பொட்டை ஒட்டிவிட்டால் ஓட்டை அடைபட்டுவிடும். மீண்டும் பயன்படுத்தலாம்.

    புதிய பிளாஸ்டிக் பாத்திரங்களைக் கழுவும்போது  சிறிது உப்பு நீர்  சேர்த்துக் கழுவினால் பிளாஸ்டிக் வாடை போய்விடும்.

    வெள்ளி பாத்திரத்தை தேய்க்கும் போது கடுகை அரைத்துத் தேய்த்தால் பாத்திரம் பளபளவென்று இருக்கும். வெள்ளியில் உள்ள கறையும் போய்விடும்.

    அலுமினிய பாத்திரத்தின் உட்பகுதியில் கறுப்பு நிறமாக  இருந்தால் ஒரு தக்காளியை வெட்டிப் போட்டு வேக வையுங்கள் கறுப்பு நிறம் மாறிவிடும்.

    பித்தளை பாத்திரங்களைத்  தேய்க்கும்போது கொஞ்சம் எலுமிச்சை பழத்தோலுடன் சோடா மாவையும்  சேர்த்துத் துலக்கினால் புதிதாகத் தோன்றும்.

     எலுமிச்சைப் பழத்தை பிழிந்துவிட்டு தோலை வெளியே  எறியாமல் எண்ணெய் பிசுக்கு பாத்திரங்களை கழுவினால் சுத்தமாக  இருக்கும்.

    தீய்ந்து அடிப்பகுதியில் கரிபடிந்த வாணலியை சுத்தம் செய்ய வேண்டுமா? ஒரு வெங்காயத்தை நறுக்கி வாணலியில் இட்டு உப்பையும் தண்ணீரையும் அதனோடு சேர்த்து கொதிக்க வையுங்கள் இறக்கி ஆறிய பிறகு கழுவினால் பாத்திரம் பளபளக்கும்.

    - ஆர்.ஜெயலட்சுமி.

    தூபக்கால், தீபக்கால் போன்ற பூஜை சாமான்களில் சாம்பிராணி மற்றும் கற்பூரம் ஏற்றி கரி படிந்துள்ளதா? தூபக்காலை அடுப்பில் காட்டி சுடேற்றுங்கள். சூடானதும் மேசைக்கரண்டியால் அல்லது கத்தியால் சுரண்டினால் கரியெல்லாம் உதிர்ந்துவிடும்.

    ஈரம்பட்டு நமத்துப்போன அப்பளத்தை உளுத்தம் பருப்பின் மேல் வைத்து மூடிவிட்டால் அப்பளம் வெயிலில் உலர்த்தி எடுத்தது போலாகிவிடும்.

    - சி.பன்னீர்செல்வம்.

    பூண்டு விரைவாக உரிக்க வேண்டுமென்றால் எல்லா பூண்டுகளையும் மைக்ரோவேவ் அவனில் 15 விநாடி வையுங்கள் தோல் எளிதாக, மிகவும் சீக்கிரமாக உதிர்ந்துவிடும்.

    உப்புமா, வெண்பொங்கல் இறுகிவிட்டால் அரைக் கரண்டி சூடான பாலை ஊற்றிக்கிளறினால் இளகிவிடும்.  சுவையும் மாறாது. கேசரிக்கும் இதே போன்று செய்யலாம்.

    ஒரு தக்காளி, ஒரு வெங்காயம், இஞ்சி, இரண்டு பச்சைமிளகாய் அரை ஸ்பூன் கடுகு தாளித்து பச்சை வாசனை போகும்வரை வதக்கி எடுத்தால் சுவையான மசாலா தொக்கு தயார்.

    தயிர் கெட்டியாக  இருக்க பாலில் தண்ணீர் சேர்க்காமல் பொங்கப்பொங்க காய்ச்சி இறக்கி வெதுவெதுப்பான சூட்டில் இருக்கும் போதே அதிகம் புளிக்காத தயிர் ஒரு மேசைக்கரண்டி விட்டுக் கலக்குங்கள். பிறகு அதை மூடிவைத்துவிட்டு, மறுநாள் காலையில் பார்த்தால், மேசைக்கரண்டியால் வெட்டியெடுக்கும் அளவுக்கு அதி கெட்டித்தயிராக உறைந்திருக்கும். 

    - எச்.சீதாலட்சுமி

    எலுமிச்சை சாறை  தலையில் தடவி பிறகு ஷாம்பூ போட்டுக் குளித்தால் தலைமுடி  புசுபுசுவென்று அழகாக இருக்கும்.

    கஸ்தூரி மஞ்சளுடன் சிறிது தயிர் கலந்து நன்கு உடலில் தடவி அது உலர்ந்த பின் குளித்தால் மேனி அழகு பெறும்.

    ஆரஞ்சு சாற்றை முகத்தில் பூசி பத்து நிமிடம் ஊற வைத்து குளிர்ந்த நீரில் கழுவினால் முகம் பளபளக்கும்.

    உருளைக்கிழங்கை இரண்டாக வெட்டி கரும்புள்ளிகள் மீது தடவி வர, அவை மறையும். 

    இளநீரில் சிறிது மஞ்சள் தூளைக் கலந்து முகத்தில் தடவினால் முகப்பரு மறையும்.

    மோரைப் பஞ்சில் தோய்த்து முகம்,  கழுத்தில் தேய்த்து வந்தால் எண்ணெய் பசையுள்ள தோல் பளபளப்பாகும்.

    பீட்ரூட்டை வெட்டி அதன்சாற்றை உதடுகளில் தேய்த்துவர உதடுகள் சிவப்பாக மாறிவிடும்.

    வெள்ளரிச் சாறுடன், ஆப்பிள் சாறையும் சம அளவில் கலந்து முகத்தில் தடவி வர ஒவ்வாமையால் முகத்தில் ஏற்படும் அலர்ஜி நீங்கிவிடும்.

    வாரம் இருமுறை எலுமிச்சைச் சாறில் உப்பு கலந்து பல் தேய்த்து வந்தால் பற்களிலுள்ள கறை அகலும்.

    (பெண்களுக்கான அழகுக் குறிப்புகள்' நூலிலிருந்து நெ.இராமன். )

    ]]>
    டிப்ஸ், kitchen tips, useful tips, சமையல் அறை http://images.dinamani.com/uploads/user/imagelibrary/2017/7/28/w600X390/20141106-cast-iron-myth-2.jpg http://www.dinamani.com/lifestyle/lifestyle-news/2017/jul/28/kitchen-tips-2745631.html
    2745074 லைஃப்ஸ்டைல் செய்திகள் இதோ இன்னொரு ‘மழைநீர் மனிதர்’ திருவாரூர் வரதராஜன்! கார்த்திகா வாசுதேவன் DIN Thursday, July 27, 2017 10:57 AM +0530  

    இதோ இன்னொரு ‘மழைநீர் மனிதர்’ திருவாரூரைச் சேர்ந்த வரதராஜன்; மழை பெய்யும் போதே அதைச் சேமித்தால் பின்னாட்களில் குடிநீருக்காக வருத்தப்படத் தேவையில்லை என்கிறார் இவர். வீட்டு மாடியில் விழும் மழைநீரைச் சேமித்து தனது வீட்டுக்கு ஒரு ஆண்டுக்குத் தேவையான குடிநீரை சேகரித்து விடுகிறார் வரதராஜன். இதற்காக வீட்டிலேயே ஆராய்ச்சி நிறுவனம் அமைத்திருக்கிறார் இவர்.

    இவரது வீட்டில் அமைத்திருக்கும் மழைநீர் சேகரிப்பு மாதிரிகளைப் போலவே கிட்டத்தட்ட 2548 வீடுகளில் தனது சுய ஆர்வத்தின் விளைவாக மழைநீர் சேகரிப்புக் கலன்களை இவர்  அமைத்துக் கொடுத்திருக்கிறார். இந்த முயற்சி 100 ஆண்டுகளானாலும் மக்களுக்குப் பயன் தரக்கூடியது என்கிறார் தற்போது 71 வயதாகும் வரதராஜன். மழைநீர் சேமிப்பால் மக்களுக்கு நல்ல சுத்தமான குடிநீர் கிடைக்கிறது... உதாரணமாக இந்தத் தண்ணீரைக் குடிப்பதால் தன்னுடைய 71 வயதுக்கு இதுவரையிலும் அவர் ஒருமுறை கூட மருத்துவரிடம் சென்று ஒரு பைசா கூட செலவளித்ததே இல்லை என்கிறார்.

    அரசுப் பணியிலிருந்து ஓய்வு பெற்ற பிறகு கடந்த 12 ஆண்டுகளாக இந்தப் பணியில் ஈடுபட்டு வரும் வரதராஜன் அனைவருக்கும் சுத்தமான குடிநீர் கிடைக்க வேண்டும் என்பது தான் தன்னுடைய ஆசை என்கிறார். உலக சுகாதார நிறுவனம் ஒவ்வொரு சராசரி மனிதனும் ஒருநாளைக்கு சராசரியான 3 லிட்டர் சுகாதாரமான சுத்தமான குடிநீரைக் குடிக்க வேண்டும் என்கிறது, ஆனால் இந்தியாவில் குடிநீராகப் பயன்படுத்த மழைநீரைத் தவிர நல்ல தண்ணீரே இல்லை எனும் நிலை தான் இப்போது நிலவுகிறது. மழைக்காலத்தில் வெள்ளத்தால் அவதிப் படுவது, வெயில் காலத்தில் வறட்சியில் நீரின்றித் தவிப்பது இப்படித்தான் கடந்து கொண்டிருக்கிறது இந்தியாவின் குடிநீர் தட்டுப்பாட்டுப் பிரச்னை. இதற்கொரு தீர்வு வேண்டுமானால் மக்கள் தங்களுக்குள் விழிப்புணர்வை அடைந்து மழைநீரை வீணாக்காமல் சேமித்து வைத்து ஆண்டுக் கணக்கில் குடிநீராகப் பயன்படுத்துவது தான் நல்லது என்கிறார் திருவாரூர் வரதராஜன்.

    மறைந்த முதல்வர் ஜெயலலலிதா 2004 ஆம் ஆண்டு வாக்கில் மழைநீர் சேமிப்பு விழிப்புணர்வை ஏற்படுத்த கடுமையான சட்டமெல்லாம் இயற்றி ஒவ்வொரு வீட்டிலும் மழைநீர் சேமிப்பு தொட்டி அமைத்து பராமரிப்பது அவசியம் என வலியுறுத்தினார். அவரது நோக்கம் என்னவோ நல்ல நோக்கம் தான் ஆனால் அதைச் செயலாக்குவதில் நடந்த முறைகேடுகளால் மக்கள் தங்களுக்குத் தாங்களே கெடுதல் செய்து கொண்டவர்களானார்கள். இனி வரும் காலங்களில் இந்தியாவில், குறிப்பாக தமிழகத்தில் குடிநீருக்கு மிகப்பெரிய தட்டுப்பாடு நிலவப்போகிறது. அத்தகைய சூழல்களைச் சமாளிக்க மக்கள் கண்டிப்பாக மழை நீரைச் சேமித்து வைத்துக் கொண்டு பயன்படுத்துவது ஒன்று மட்டுமே நல்ல பலனை அளிக்க முடியும், எனவே மழைநீர் சேமிப்புத் திட்டத்தை மிகக் கடுமையாக கடைப்பிடிக்க வேண்டும் என்கிறார் வரதராஜன். அது மட்டுமல்ல மழைநீர் சேமிப்புக்கு அரசே மானியம் வழங்க வேண்டும் எனும் கோரிக்கையையும் முன் வைக்கிறார்.
     

    Source & Image courtsy: Thanthi T.V

    ]]>
    திருவாரூர் வரதராஜன், மழைநீர் மனிதர், thiruvarur varadharajan, rainwater man http://images.dinamani.com/uploads/user/imagelibrary/2017/7/27/w600X390/thiruvarur_varadharajannnn.jpg http://www.dinamani.com/lifestyle/lifestyle-news/2017/jul/27/rain-water-nan-thiruvarur-varadharajan-2745074.html
    2743215 லைஃப்ஸ்டைல் செய்திகள் திங்கட்கிழமையை நினைத்து பயமா? இதைப் படியுங்கள்! உமா DIN Monday, July 24, 2017 04:33 PM +0530 திங்கட்கிழமையே போ போ, ஞாயிற்றுக்கிழமையே விரைந்து வா என்று குழந்தைகள் அடம் பிடிப்பது போல மண்டே ஃபீவர் பிடித்தவரா நீங்கள்? கவலைப்படாதீர்கள். மற்ற நாட்களைப் போல திங்கள் உங்களுக்கு தித்திக்க சில டிப்ஸ்:

    ஞாயிறு மதியமே அடுத்த நாளின் வேலைகளைப் பற்றிய பீதியை மனத்தில் சுமக்காதீர்கள். அப்படி செய்தால் இந்த நொடி சந்தோஷத்தை இழப்பதுடன் மறுநாளின் சுமையையும் அதிகமாக்கிக் கொள்கிறீர்கள். முதலில் ஞாயிறு முழுவதும் மகிழ்ச்சியாக மனநிறைவுடன் வாழுங்கள்!

    'ஐயோ திங்கட்கிழமையா'!!!!! என்ற இந்த அலாரத்தை தலைக்குள் இருந்து நிறுத்துங்கள். இந்த வாரம் இனிய வாரமாக மாறுவதற்கான முதல்படி திங்களிலிருந்து தொடங்குகிறது என்று மனத்தை தயார்படுத்திக் கொள்ளுங்கள். 

    சின்ன சின்ன திட்டமிடல்களுடனும் வேலைகளைத் தொடங்குங்கள். அலுவலகத்துக்கு சரியான நேரத்துக்கு செல்வதில் தொடங்கி, அன்றைய பணிகளை அவசரப்பட்டுச் செய்யாமல் சற்று நிதானத்துடன் அணுகுங்கள். 

    ரொட்டீன்கள் பெரும்பாலும் அலுப்பானவை எனவே வழக்கமாக செய்ய வேண்டிய வேலைகளை விரைவாக முடித்துவிடுங்கள். சுறுசுறுப்பாக இருந்தால் தேவையற்ற நினைவுகள் உங்களை வருத்தாது.

    திங்கள் காலையில் உங்களுக்குப் பிடித்த வேலைகளை முதலில் செய்யத் தொடங்குங்கள். பிடித்த வேலையைச் செய்யும் போது உற்சாகம் பெருகும். அது அந்த நாளின் இனிமையை அதிகரித்துவிடும்.

    திங்கட்கிழமை ஜூரம் என்பது ஒரு கற்பனையான மனப்பான்மை. அப்படி ஒன்று கிடையாது என்று நினைக்கத் தொடங்குங்கள். இது தான் இப்பிரச்னைக்கான நிரந்தர தீர்வு என்பதை உணருங்கள்.

    தற்போது நீங்கள் செய்து கொண்டிருக்கும் வேலை பிடிக்கவில்லையென்றால் திங்கள் மட்டுமல்ல, வாரத்தின் எல்லா தினங்களும் வெறுப்பு நாட்கள்தான். ஒன்று அந்த வேலையை மாற்றிக் கொள்ளுங்கள் அல்லது உங்கள் மனப்பான்மையை நீங்கள் மாற்றியே ஆக வேண்டும். எது சுலபமோ அதைச் செய்யுங்கள். 

    நண்பர்கள் அல்லது அலுவலகத் தோழிகள் திங்கட்கிழமை வந்திருச்சா அய்யோ உய்யோவென்று என்று உங்களுக்கு மீம்ஸ் அனுப்புவதை ரசிக்காதீர்கள். அவர்களிடம் வெளிப்படையாக சொல்லிவிடுங்கள். அல்லது தொடர்ந்து அனுப்பி கொண்டிருப்பவர்களை அன் ப்ரெண்ட் செய்துவிடுங்கள். உங்களுக்கு எது பிடிக்க வேண்டும் பிடிக்க கூடாது என்பதை நீங்களே முடிவு செய்யுங்கள். மற்றவர்கள் உங்களுக்கான முடிவுகளை எடுப்பதை அனுமதிக்காதீர்கள். அது திங்கள் பற்றியதாக இருந்தாலும் சரி வேறு எதுவாக இருந்தாலும் சரி.

    ஒவ்வொரு திங்களும் ஒரு புதிய விஷயத்தைச் செய்யத் தொடங்குங்கள். ஒரு திங்கள் செடி ஒன்றினை நடலாம். அடுத்த திங்கள் தெருவில் வாழும் நாய்களுக்கு பிஸ்கட் வாங்கிப் போடுங்கள். மற்றொரு நாள் பீச்சுக்கு சென்று கடலைப் பார்த்துவிட்டு அலுவலகம் கிளம்பிச் செல்லுங்கள். ஏதோ ஒரு சிறிய விஷயம் அது எதுவாக இருந்தாலும் உங்கள் மனத்துக்கு பிடித்ததை செய்த பின் அந்த நாளை துவங்கிப் பாருங்கள். சுவர்க்கமாக இருக்கும்.

    நீங்கள் கடவுள் பக்தி உடையவராக இருந்தால் வீடு அல்லது அலுவலகத்தின் அருகே இருக்கும் கோவிலுக்கு போய் நிம்மதியாக கொஞ்ச நேரம் இறைவனை தரிசித்துவிட்டு அதன் பின் வேலைகளை தொடங்குங்கள். 

    திங்கட்கிழமையா என்று மனத்தை இறுக்கமாக வைத்துக் கொள்ளாதீர்கள். ரிலாக்ஸ்டாக வேலைகளை செய்யுங்கள். மனத்தை நெகிழ்வாக வைத்திருந்தால் தான் எதிர்மறை எண்ணங்கள் தோன்றாமல் உற்சாகத்துடன் இருக்க முடியும்.

    திங்கட்கிழமையோ வாரத்தின் எந்த நாளோ இப்போது நீங்கள் கண் விழித்துவிட்டீர்கள். உயிருடன் நாம் இருக்கிறோம் என்பதும், நாம் செய்ய வேண்டிய கடமைகள் இன்னும் எத்தனையோ இருக்கின்றன என்ற விழிப்புணர்வுடன் கூட புரிதல் இருந்தால் போதும், திங்கட்கிழமையில் தொடங்கிய உற்சாகம் அடுத்தடுத்த திங்கட்கிழமைகளில் சங்கிலியாகத் தொடரும். 

    உங்கள் வாழ்க்கையை நீங்கள் தான் வாழ்ந்து தீர்க்க வேண்டும். திங்கள் என்றால் தமிழில் நிலா என்ற பொருளும் உண்டு. நிலவு நாளை நேசிக்கத் தொடங்குங்கள்.

    நீங்கள் செய்யும் வேலையில் ஆழமான பிடிப்பு இருந்தால் ஞாயிற்றுக்கிழமை கூட உங்களுக்குத் திங்களாகும். வேலையை வாழ்க்கையை அந்தந்த நிமிடத்தின் ருசியை அனுபவியுங்கள். ஒவ்வொரு நாளும் ஒவ்வொரு கிழமையும் ஒவ்வொரு நொடியும் வாழக் கிடைத்த வாய்ப்பு. ஒரு புது நாள் என்பது ஒரு புதிய பரிசு. அது உங்களுக்குத் தரப்பட்டிருப்பது நிச்சயம் வரம். எனவே அதை பொக்கிஷமாக்கிக் கொள்வதும் குப்பையாக நினைத்து தூர எறிவதும் உங்கள் கையில் தான் உள்ளது.

    என்ன தயாராகிவிட்டீர்களா? திங்கட்கிழமையை(யும்) நேசிக்கத் தொடங்குங்கள். எல்லா நாட்களிலும் உற்சாகம் சந்தோஷம் உங்கள் வசப்படும்!

    ]]>
    Monday fever, Monday blue, திங்கட்கிழமை http://images.dinamani.com/uploads/user/imagelibrary/2017/7/24/w600X390/happy-day.jpg http://www.dinamani.com/lifestyle/lifestyle-news/2017/jul/24/i-hate-mondays-how-to-overcome-this-mindsent-2743215.html
    2740987 லைஃப்ஸ்டைல் செய்திகள் பெண்களின் பாலியல் சமஉரிமை குறித்துப் பேசும் ‘லிப்ஸ்டிக் அண்டர் மை புர்கா’ என்றொரு திரைப்படம்! சரோஜினி DIN Thursday, July 20, 2017 01:41 PM +0530  

    பெண்கள் ஒன்றும் கற்சிலைகள் அல்லவே... அவர்களுக்கும் தாம்பத்ய திருப்தியில் சரிபாதி பங்கு கொள்ள உரிமை உண்டே! தாம்பத்யத்தில் ஆணுக்கு உள்ள அத்தனை எதிர்பார்ப்புகளும் அணுவளவும் குறையாது பெண்ணுக்கும் உண்டு; ஆனால் நமது குடும்ப அமைப்பு சார்ந்து அதைபற்றிப் பேச தென்னிந்திய சினிமாக்களில் சிலதயக்கங்கள் இருந்த போதும், இந்தியில் அப்படி எந்த விதமான தயக்கங்களும் இல்லாது போனதின் விளைவாக பெண்களின் பாலியல் தேவைகளை சம உரிமை தந்து பேச பல படங்கள் முன் வந்திருக்கின்றன. தீபா மேத்தாவின் திரைப்படங்கள் அத்தகைய உதாரணங்களில் சில. ஏக்தா கபூர் தனது டெலி சீரியல்களில் கூட அதைப் பற்றி வெளிப்படையாகப் பேசி விவாதிக்கக் கூடிய வகையிலான திரைக்கதை அம்சங்களைக் கையாளக் கூடியவர். எனவே விநியோக உரிமை பெற்றுள்ள ‘லிப்ஸ்டிக் அண்டர் மை புர்கா’ எனும் திரைப்படம் அப்படியான திரைப்படங்களில் ஒன்றாக அமைந்ததில் ஆச்சர்யமில்லை.

    இதுவரை உலகில்; பல்வேறு திரைப்பட விழாக்களில் ரிலீஸ் செய்யப்பட்டு பரவலான வரவேற்பைப் பெற்ற இந்தத் திரைப்படத்திற்கான ப்ரிவியூ ஷோ வைப் பார்க்கும் வாய்ப்பைப் பெற்ற சில பாலிவுட் பிரபலங்கள்;

    “இது மிக வேடிக்கையான திரைப்படம், ஆனால் இந்த சமூகத்துக்கு இது மிக மிக அவசியமான திரைப்படமும் கூட”

    என்று கமெண்ட் அடித்திருப்பது குறிப்பிடத்தக்கது. இந்தத் திரைப்படம் இந்தியாவில் நாளை வெளியாகவிருக்கிறது.

    மிக அழுத்தமாக பெண்ணியக் கருத்துகளை முன்வைக்கும், முற்றிலும் பெண்ணுரிமை பேசும் இத்திரைப்படத்தை வெளியிட தடையில்லாச் சான்றிதழ் அளிப்பதில் தணிக்கைத் துறைக்கு சில தயக்கங்கள் இருந்தன. பின் இவ்விஷயத்தில் ‘திரைப்படச் சான்றிதழ் மேல்முறையீட்டு நீதிமன்றம்’ தலையிட்டு, தணிக்கை முறையில் சில மாற்றங்களைச் செய்து படத்துக்கு ‘A' சான்றிதழ் வழங்குமாறு பரிந்துரைத்தது. அந்தத் தடைகளை எல்லாம் மீறி படம் நாளை இந்தியா முழுதும் வெளியாகவிருக்கிறது. 

    ‘லிப்ஸ்டிக் அண்டர் மை புர்கா’ என்பது 4 பெண்களின் கதை. சமுதாயத்தில் பெண்களுக்கான பாலியல் சமநிலையின் அவசியம் குறித்து விவாதிப்பதில் தயக்கம் காட்டும் இந்தியா போன்ற பிற்போக்கு சமூகத்தில் விடாது போராடி தங்களுக்கான சம உரிமையை நிலைநாட்டும் 4 பெண்களின் வாழ்க்கையே ‘லிப்ஸ்டிக் அண்டர் மை புர்கா’ திரைப்படம். அந்த 4 பெண்களாக திரையில் வாழ்ந்திருப்பவர்கள்... கொங்கனா சென் ஷர்மா, ரத்னா பதக்‌ஷா, அஹானா கும்ரா, மற்றும் லபிதா போர்தகுர் இவர்கள் நால்வரும் தான். இவர்களுடன் சுஷாந்த் சிங் மற்றும் விக்ராந்த் மஸ்ஸே இருவரும் குணச்சித்திர வேடங்களில் நடித்திருக்கிறார்கள்.

    இத்திரைப்படத்தை இயக்கியது அலங்க்ரிதா ஸ்ரீவத்ஸவா, தயாரிப்பாளர் பிரகாஷ் ஜா, விநியோக உரிமை ஏக்தா கபூருக்கு!

    முன்னதாக படத்தைப் பற்றிய பிரபலங்களின் ட்விட்கள் சில;

    ஷ்ரத்தா கபூரின் ட்வீட்...

     கல்கி கோச்சலினின் ட்விட்...

    ]]>
    lipstick under my burkha movie, ektaa kapoor, Konkona Sen Sharma, Ratna Pathak Shah, Aahana Kumra, லிப்ஸ்டிக் அண்டர் மை புர்கா திரைப்படம், பாலிவுட், bollywood, ஏக்தா கபூர் http://images.dinamani.com/uploads/user/imagelibrary/2017/7/20/w600X390/lipstick_under_my_burkha.jpg http://www.dinamani.com/lifestyle/lifestyle-news/2017/jul/20/lipstick-under-my-burkha-movie-which-talk-about-victory-of-women-rights-2740987.html
    2739642 லைஃப்ஸ்டைல் செய்திகள் வீட்டில் பணப்பிரச்சனை அதிகமா இருக்கிறதா? DIN DIN Tuesday, July 18, 2017 08:04 PM +0530 வீட்டில் பணப்பிரச்சனை அதிகம் இருந்தால், நிம்மதி பறி போகும். அதிகப் பணம் இல்லா விட்டாலும் கூட பரவாயில்லை. அத்தியாவசியத்துக்கும் வாழ்வாதாரத்துக்கும் பணம் நிச்சயம் தேவை. எவ்வளவு சம்பாதித்தாலும் போதவில்லை, என்ன செய்தாலும் பணப் பிரச்னை தீருவதில்லை, இதற்கெல்லாம் முடிவே இல்லையா என்று நினைத்து வருத்தப்படாதீர்கள். பின் வரும் சிலவற்றை கடைபிடித்துப் பாருங்கள். 

    தினமும் அதிகாலையில் கண்விழிக்க வேண்டும். பின் தூங்கி பின் எழும் பழக்கம் மிகவும் கெடுதல். வெற்றி பெற்றவர்களின் வாழ்க்கையை ஊன்றி கவனித்துப் பாருங்கள் அவர்கள் அனைவரும் அதிகாலை எழும் பழக்கத்தை கடைபிடிப்பவர்களாக இருப்பார்கள். எழுந்தவுடன் முதலில் உள்ளங்கைகளை தான் பார்க்கவேண்டும். அல்லது கண்ணாடியைப் பார்க்கலாம். 

    காலைக் கடன்களை முடித்து, குளித்தபின்பு முதுகைத்தான் முதலில் துடைக்கவேண்டும் பின்புதான், முகத்தை துடைக்க வேண்டும். குளித்தவுடன் உடலைத் துவட்டும் போது முதலில் மூதேவிதான் உடலில் இடம்பிடிப்பாள் அதன் பின்தான் லட்சுமி வருவாள் என்று சொல்லி வைத்துள்ளார்கள் நம் முன்னோர்கள்.

    உடலை தூய்மைப்படுத்தியவுடன் வீட்டில் பூஜை அறைக்குச் சென்று இறைவனை வழிபட வேண்டும். பூஜை அறை தனியாக இல்லாவிட்டாலும் கடவுளர் படத்தினை வைத்திருக்கும் இடத்தில் உள்ளன்புடன் எளிமையான பூஜையை செய்தல் வேண்டும். கடவுளை வணங்கும் சமயத்தில் ஈரத் துண்டு அல்லது வேஷ்டி அணிந்து வணங்க வேண்டும். கைலி அல்லது அரை டிராயாருடன் பூஜை அறைக்குள் போகாதீர்கள். தெய்வத்தின் முன் எப்படி வேண்டாலும் நிற்பேன், இதிலென்ன ரூல்ஸ் என்று விதண்டாவாதம் புரியாதீர்கள். அலுவலகத்தில் தினமும் டை மற்றும் ஷு அணிந்துதான் செல்ல வேண்டும் என்று சொன்னால் உடனடியாக கடைபிடிப்போம் அல்லவா. அது போல தான் சிலவற்றை செய்யுங்கள் என்றும் சில விஷயங்கள் ஆகாது என்றும்  ஆசார அனுஷ்டானங்களை ஏற்படுத்தி வைத்துள்ளனர். அவற்றில் நம் அறிவுக்குப் புலப்படாத காரணங்கள் ஏதேனும் இருக்கும். எனவே தேவையற்ற கேள்வியின்றி இறைவனிடம் சரண் அடைதலே பக்திக்கு ஆதாரனமான விஷயம். பக்தி யோகம் உங்களை நிச்சயம் பணப் பிரச்னை என்றில்லை எல்லா பிரச்னையிலிருந்தும் காப்பாற்றி கரை சேர்த்துவிடும்.

    பூஜை அறை வடகிழக்கு திசையில் இருக்க வேண்டும். மேலும் பூஜை அறையில் மஞ்சள் மற்றும் வெள்ளை நிற பல்ப்பைப் பயன்படுத்த வேண்டும்.

    பூஜை அறையில் சங்கு வையுங்கள். சங்கு லஷ்மி தேவியுடன் தொடர்புடையதால், இதனை வீட்டினுள் வைத்திருப்பதால், செல்வம் அதிகரிக்கும் என்பது சிலரின் நம்பிக்கை. 

    தினமும் இறைவனை வணங்குவதை ஒரு கடமையைப் போலச் செய்யாமல் ஆழமான உணர்வுடன் செய்ய வேண்டும். பூஜை முடித்த பின்னர் சுவாமிக்கு கற்பூரம் அல்லது தீப ஆரத்தி எடுத்து, நிவேதனம் செய்த பின் தான் காலை உணவைச் சாப்பிட வேண்டும். சாப்பிடத் தொடங்கும் முன் காக்கைக்கு சிறிதளவு உணவை தினமும் வைக்க வேண்டும்.

    நாம் சாப்பிடும் உணவுப் பாத்திரத்துக்கு வட்டில் என்ற அழகான சொல் உள்ளது. சிலர் வட்டிலை தட்டு என்று சொல்வார்கள். அப்படி  சொல்லக்கூடாது அது தட்டுபாட்டுக்கு உரிய சொல். சாப்பிடுகையில் இடது கை எப்போதும் வட்டிலைத் தொட்டு கொண்டு இருக்க வேண்டும். 

    வீட்டை விட்டு வெளியே செல்லும் போது மின்விசிறி, கேஸ் அடுப்பு, விளக்குகள் எல்லாம் அணைக்கப்பட்டிருகின்றனவா என்று சரி பார்த்து விட்டுச் செல்ல வேண்டும். வீட்டில் உள்ள குழாய்களில் எப்போதும் தண்ணீர் வடிந்தவாறு இருந்தால் அதை உடனே சரி செய்யவும். இல்லாவிட்டால் தண்ணீர் வீணாவது போலவே, நம்முடையிஅ பணமும் நிலைக்காமல் வீணாய் செலவாகும்.

    வீட்டிலேயே படுக்கை அறையில்தான் செல்வம் அதிகரிக்கும். எனவே படுக்கை அறை நேர்த்தியாக எவ்வித குறையும் இல்லாமல் இருப்பது நல்லது. பணத்தை பத்திரப்படுத்த பயன்படுத்தும் அலமாரி, பீரோ போன்றவற்றை வீட்டின் தெற்கு திசையில் வைத்து, அதன் முகம் வடக்கு திசையை நோக்கியவாறு வையுங்கள். இது வீட்டில் பணத்தை நிலைத்திருக்கச் செய்யும். படுக்கை அறைக் கட்டிலின் கால்கள் உடைந்திருந்தாலோ, அலமாரிகள் மற்றும் இதர மரப் பொருட்கள் சேதமடைந்திருந்தாலோ, அது வீட்டில் எதிர்மறை ஆற்றலை ஈர்த்து, பணக் கஷ்டத்தை அதிகரிக்கும். எனவே இம்மாதிரியான பொருட்களை உடனே சரி செய்துவிடுங்கள் அல்லது தூக்கி எறிந்துவிடுங்கள்.

    மாலையில் சந்தியா நேரத்தில் தினமும் வீட்டில் விளக்கேற்ற வேண்டும். முடிந்தால் அருகாமையில் இருக்கும் கோவிலுக்குச் சென்று வரலாம். அங்குள்ள தூய்மையான காற்றும், தெய்விக அலைவரிசையும் மனத்துக்கு புத்துணர்ச்சி அளிக்கும்.

    இரவு உணவை நேரத்துக்கு சாப்பிட வேண்டும். இரவில் தயிர் சேர்த்துகொள்ளக்கூடாது லட்சுமி கடாட்சம் காணாமல் போய்விடும் என்பார்கள். அது உண்மையோ இல்லையோ அது உடல் நலத்துக்கு நல்லது அல்ல. தயிர் எளிதில் செரிமானம் ஆகாது உணவு. அதை இரவில் சாப்பிட ஜீரண கோளாறுகள் ஏற்பட்டு உறக்கம் பாதிக்கப்படும்.

    ஓரிரவு தூக்கம் பாதித்தாலும் அது அடுத்த நாளின் மொத்த இயக்கத்தை பாதித்துவிடும். எனவே நன்றாக தூங்கி மறுநாள் அதிகாலையில் சுறுசுறுப்பாக எழுந்தால்தான் நாள் முழுவதும் உழைக்க முடியும். உழைப்பே பண வருவாயின் மூலாதாரம். எனவே அது பாதிப்படையாமல் இருக்க, மேற்சொன்ன விஷயங்களில் அதிக கவனத்துடன் செயல்பட்டு விழிப்புணர்வுடன் வாழ்க்கையை எதிர்கொள்ளுங்கள். பணப் பிரச்னைகளை ஓட ஓட விரட்டுங்கள்!

    ]]>
    பணம், money http://images.dinamani.com/uploads/user/imagelibrary/2017/7/18/w600X390/71035739-new-indian-rupees-currency-with-antique-time-watch.jpg http://www.dinamani.com/lifestyle/lifestyle-news/2017/jul/18/how-to-handle-money-problems-2739642.html
    2736804 லைஃப்ஸ்டைல் செய்திகள் புளிச்சகீரை... உடல் எடையைக் குறைப்பதோடு சம்போகத்திற்கும் நல்லதென்கிறது சித்த மருத்துவம்! கஸ்தூரி ராஜேந்திரன், தேனி. DIN Thursday, July 13, 2017 05:27 PM +0530  

    கோங்குரா என்ற புளிச்சகீரை நமக்கு சரளமாகக் கிடைக்கக் கூடிய கீரை வகைகளில் ஒன்று. இதை கீரைக் கடைசல், ஆந்திர ஸ்பெஷல் கோங்குரா சட்னி அல்லது ஊறுகாய் செய்து சாப்பிடலாம். பொதுவாக இதைக் கடைந்தோ அல்லது சட்னியாக்கும் போதோ புளி சேர்க்கத் தேவையில்லை. இந்தக் கீரையில் தாது உப்புக்கள், இரும்புச் சத்து, விட்டமின்கள் ஃபோலிக் அமிலம் மற்றும் ஆண்டி ஆக்சிடண்டுகள் என உடல் வலிமைக்குத் தேவையான அனைத்து சத்துக்களும் உள்ளன. அதனால் தான் நம் முன்னோர்கள் இந்தக் கீரையை வாரம் இருமுறையாவது சமைத்து பிராயத்தில் உடல் வலிமை குன்றிய குழந்தைகளுக்கு சாப்பிடத் தருவதை வழக்கமாக வைத்திருந்தனர். மேலும் இந்தக்கீரை உடல் சூட்டைக் குறைத்து உடல் வெப்பத்தை சமநிலையில் வைத்துக்கொள்ளவும் உதவுகிறது. அது மட்டுமல்லாமல் தோல் தொடர்பான ஒவ்வாமை நோய்களுக்கும் சிறந்த நிவாரணமாக புளிச்ச கீரை விளங்குகிறது. மேற்கண்ட காரணங்கள் மட்டுமல்லாது உடல் வெப்பத்தை சமநிலையிலும் ஒரே சீராகவும் வைத்துக் கொள்ள உதவும் காரணத்தால் இந்தக் கீரையை தொடர்ந்து  குறிப்பிட்ட இடைவெளிகளில் சமைத்து உண்பதை வழக்கமாக வைத்துக் கொண்டால் புதிதாகத் திருமணமான தம்பதிகளின் சம்போகம் ஆரோக்யமாக இருக்கும் என சித்த மருத்துவம் கூறுகிறது.

    இதன் காரணமாகத் தான் ஆந்திரர்கள் பல காலமாக தங்களது தினப்படி உணவில் இக்கீரையைச் சேர்த்துக் கொண்டதோடு மட்டுமல்லாமல் இதை ‘ஆந்திர மாதா’ என்றே பெயரிட்டுச் சிறப்பித்தார்கள். இன்றும் ஆந்திர உணவகங்களில் ‘கிங் ஆஃப் ஆல் ஆந்திரா ஃபுட்ஸ்’ என்று இதைச் சிறப்பித்துக் கூறுவதை கேள்விப்பட்டிருக்கக் கூடும். அந்த அளவுக்கு ஆந்திராவில் இது பாப்புலர்.

    இந்த கோங்குரா கீரை ஆந்திரா, தெலுங்கானா மற்றும் கர்நாடகாவில் மிகவும் பிரசித்தி பெற்றது. அங்கே பொதுவாக இந்தக்கீரையைக் கொண்டு கோங்குரா பச்சடி, கோங்குரா ஊறுகாய், சட்னி, கோங்குரா மட்டன், கோங்குரா சிக்கன் என்று விதம் விதமாகச் செய்து செய்து சாப்பிடுவார்கள். எனவே ஆந்திராவின் எந்தப் பகுதியில் நீங்கள் பயணித்தாலும் கண்டிப்பாக அனைத்து உணவகங்களிலும் நீங்கள் கோங்குரா தரிசனம் பெறலாம். அங்கே மக்கள் இதை சமைத்து உண்ணாத நாட்களே இல்லை. இந்தியாவில் கோங்குரா பச்சைத்தண்டுடன் கூடிய இலைக்கீரையாகவும், சிவப்புத் தண்டுடன் கூடிய இலைக்கீரையாகவும் இரண்டு வெரைட்டிகளில் கிடைக்கிறது. இதில் சிவப்புத்தண்டுடன் கூடிய கோங்குராவில் புளிப்புச் சுவை அதிகமாக இருக்கும். இளம் தளிராக இருக்கும் போது ஓரிலையாகக் காட்சி தரும் கோங்குரா நாள்பட, நாள்பட ஓரிலையிலிருந்து நான்கைந்து இலைகள் கொண்டது போல பிரிவடைகிறது. இப்படிப் பிரிந்த இலைகள் முற்றியவை எனக் கண்டு கொள்ளலாம். ஆந்திரா, தெலுங்கானா மட்டுமன்றி கர்நாடகா, திரிபுரா, மிசோரம் உள்ளிட்ட மாநிலங்களிலும் கோங்குரா வெவ்வேறு பெயர்களில் தினப்படிச் சமையலில் பயன்படுத்தப் பட்டு வருகிறது.

    புளிச்ச கீரை அல்லது கோங்குரா தனது மரபியல் கூறுகளின் அடிப்படையில் குடம்புளி வகையைச் சேர்ந்தது என்பதால் இந்தக்கீரை உடல் எடையைக் குறைப்பதிலும் முக்கியப் பங்கு வகிக்கிறதாம். கோங்குராவின் ஒரே ஒரு மைனஸ் அது பித்த உடம்புக்காரர்களுக்கு உகந்ததல்ல என்பது மட்டுமே!
     

    ]]>
    gongura, sexual happiness, weight loss, andhra pradesh, kudampuli, கோங்குரா, புளிச்ச கீரை, ஆந்திரா, சம்போகத்திற்கு நல்லது, எடை குறைக்க உதவும் http://images.dinamani.com/uploads/user/imagelibrary/2017/7/13/w600X390/gongura-leaves.jpg http://www.dinamani.com/lifestyle/lifestyle-news/2017/jul/13/gongura-is-good-for-both-weight-loss-and-sexual-happiness-in-human-life-2736804.html
    2734795 லைஃப்ஸ்டைல் செய்திகள் பெண்ணின் விருப்பத்தோடு நடைபெற்ற திருமணம் ‘லவ் ஜிகாத்’ அல்ல! - உச்சநீதிமன்றத்தில் கேரள முஸ்லீம் இளைஞர் கேள்வி! RKV DIN Monday, July 10, 2017 01:10 PM +0530  

    கேரளாவைச் சேர்ந்த ஜஹான் என்ற இளைஞர் கடந்த வருடம் ஒரு இந்துப் பெண்ணை திருமணம் செய்து கொண்டார். அந்தப்பெண்ணை ஜஹான் சந்தித்தது... அந்தப் பெண்ணே தன் முழு விருப்பத்தோடு வெளியிட்டிருந்த ஒரு திருமணப் தகவல் பதிவின் அடிப்படையில் மட்டுமே. இந்துப் பெண் வெளியிட்டிருந்த திருமணத் தகவல்கள் தனக்கு ஒத்துப் போகவே ஜஹான் தன் பெற்றோர்களுடன் அந்தப் பெண்ணைச் சென்று பார்க்கிறார். இருவரும் திருமணம் செய்து கொள்ளலாம் என முடிவெடுக்கின்றனர். ஆனால் பெற்றோருக்கு ஒரே மகளான அந்தப் பெண்ணின் வீட்டினர் இந்த கலப்புமத மணத்திற்கு ஒப்புக் கொள்ள மாட்டார்கள் என்பதால்... அப்பெண்ணின் பெற்றோருக்குத் தெரிவிக்காமல் வேறொரு நபரை தந்தை ஸ்தானத்தில் வைத்து இஸ்லாமிய வழக்கப் படி நிக்ஹா நடத்தப்பட்டது. ஆனால் இஸ்லாமிய வழக்கப் படி... பெண்ணின் குருதித் தந்தை இல்லாமல் நடத்தி வைக்கப்படும் நிக்ஹா செல்லாது என்பது இஸ்லாமிய திருமண விதிமுறைகளில் ஒன்று.

    எனவே திருமணம் ஆன சில நாட்களிலேயே, அந்தப் பெண்ணின் பெற்றோர் சார்பாக இந்தத் திருமணத்தை எதிர்த்து கேரள உயர்நீதிமன்றத்தில் ஒரு வழக்கு தொடரப்பட்டது. வேறு குழந்தைகள் இல்லாத பட்சத்தில் இந்தப் பெண்ணுக்கு தனது பெற்றோரைப் பராமரிக்கும் கடமை இருப்பதாலும், பெற்றோருக்கு ஒரே ஒரு வாரிசாக அந்தப் பெண் இருந்தமையாலும் வழக்கை விசாரணைக்கு எடுத்துக் கொண்ட கேரள உயர்நீதிமன்றம்; பெண்ணின் தகப்பனார் இல்லாது, பெற்றோர் அனுமதியைப் புறக்கணித்து தான் தோன்றித் தனமாக நடத்தப் பட்ட அந்தத் திருமணம் செல்லாது என அறிவித்தது.

    அதுமட்டுமல்லாமல் ‘மத மாற்றம் செய்வதை மட்டுமே நோக்கமாகக் கொண்டு இளம்பெண்களை மூளச் சலவை செய்து முஸ்லீம் இளைஞர்கள் நடத்தும் இது போன்ற லவ் ஜிகாத் திருமணங்கள் செல்லாது என்றும் பெண்ணின் மீது அவரது பெற்றோர்களுக்குத் தான் முழு உரிமை எனத் தீர்ப்பளித்து வழக்கை முடித்தது.

    கேரள உயர்நீதிமன்றத்தின் இந்த தீர்ப்பை ஏற்றுக் கொள்ள முடியாத ஜஹான்... தன் மனைவியான அந்தப் பெண்ணை காணவில்லை என்றும், கண்டுபிடித்துத் தருமாறூம் கூறி ஹேபியஸ் கார்பஸ்’ மனு ஒன்றை உச்சநீதிமன்றத்தில் தாக்கல் செய்ததோடு மட்டுமல்லாமல்; இந்தத் திருமணம் அந்தப் பெண்ணின் முழு சம்மதத்தின் பேரில் தான் நடைபெற்றது... பிறகு இதை எப்படி லவ் ஜிகாத் என்கிறீர்கள்? என்று கேள்வி எழுப்பி உள்ளார். அது மட்டுமல்ல தன்னிடமிருந்து பிரித்து அழைத்துச் செல்லப் பட்ட தனது மனைவியான அந்தப் பெண்ணை இந்த வழக்கில் சாட்சியாக அழைத்து விசாரிக்க வேண்டும்.அந்தப் பெண்ணுக்கு இந்தத் திருமணத்தில் விருப்பமுண்டா? இல்லையா? என்பதைப் பற்றி அப்போது தெரிந்து கொள்ளலாம். என்றும் ஜஹான் தன் வாதத்தை முன் வைத்துள்ளார். மேலும் உச்சநீதிமன்றம், கேரள உயர்நீதிமன்றம் இவ்விசயத்தில் அளித்த தவறான தீர்ப்புக்கு தடை அறிவிக்க வேண்டும் என்றும் அவர் கோரியுள்ளார்.

     

    Image courtsy: google.
     

    ]]>
    love jihad, kerala, jahan, hindu muslim inter religious wedding, லவ் ஜிகாத், கேரளா, ஜஹான், கலப்பு மத திருமணம், கேரள உயர்நீதிமன்றத் தீர்ப்பு, உச்சநீதிமன்றம் http://images.dinamani.com/uploads/user/imagelibrary/2017/7/10/w600X390/love_jihaddddd.jpg http://www.dinamani.com/lifestyle/lifestyle-news/2017/jul/10/voluntary-marriage-not-love-jihad-2734795.html
    2724378 லைஃப்ஸ்டைல் செய்திகள் பத்தரை மாற்று தங்கம் என்றால் என்ன? DIN DIN Tuesday, June 20, 2017 05:19 PM +0530 பெரும்பாலும் 22 காரட் தங்கத்தில்தான் விதவிதமான ஆபரணங்கள் செய்யப்படுகின்றன. தங்கத்தின் உற்பத்தி குறைந்த காலகட்டத்திலோ அல்லது தேவை அதிகமாக ஏற்படும் காலத்திலோ அதன் வரத்து குறைந்து போகும் நிலையில்தான் 8, 9, 10, 11, 12, 14 காரட் தங்கத்தில் ஆபரணங்கள் தயாரிக்கப்படுகின்றன.

    நாம் உபயோகப்படுத்தும் உலோகம் எதுவானாலும் அதன் மதிப்பு என்பது 99.99 அல்லது 999 ஆகும். மற்றவை வெவ்வேறு உலோகங்களின் கலவைதான். தங்கமும் இதற்கு விதிவிலக்கு இல்லை. அதனால்தான் அரசு வெளியிடுகிற தங்க பாளம், தங்க பிஸ்கட்டின் மீது 99.99 அல்லது 999 எனக் குறிப்பிடப்பட்டுள்ளது.

    தங்கத்துடன் மற்ற உலோகம் கலக்கும் போதுதான் அதை உருக்கி நீட்டி தகடுகளாக்கி கண் கவரும் ஆபரணங்களாக மாற்ற முடிகிறது.

    தங்கம் பற்றி சில தங்கமான தகவல்கள் :

    1. தங்கத்தின் நிர்ணயிக்கப்பட்ட தரம் 24 காரட்.

    2. அமெரிக்க டாலரின் மதிப்பில் வீழ்ச்சி, உள்நாட்டில் பணவீக்கம் அதிகரிப்பு, பங்குச் சந்தையில் சரிவு ஏற்படுகிற போது தங்கம் விலை திடீரென்று ஏற்றம் காணும்.

    3. பத்தரை மாற்றுத் தங்கம் என 24 காரட் தங்கத்தைப் போற்றினாலும் அது ஆபரணம் செய்ய உதவாது. மாற்று உலோகம் கலந்தால்தான் தங்கத்துக்கு சிறப்பு. ஆச்சரியமாக இருக்கிறதா? 24, 22 காரட் தங்கங்களின் வித்தியாசம் என்ன?

    24 காரட் தங்கம் என்றால் சுத்தமான தங்கம். அப்படியானால் 24, 22, 18, 14, 10 மற்றும் 9 காரட் தங்கங்களில் எந்த உலோகங்கள் எல்லாம் கலக்கப்படுகின்றன?வெள்ளி, காப்பர், ஜின்க் போன்ற உலோகங்கள் பயன்படுத்தப்படுகின்றது. வெள்ளைத் தங்கத்தில் பல்லேடியம் சேர்க்கப்படுகின்றது. எனவே நாம் 22, 18, 14, 10 மற்றும் காரட் தங்கங்களில் எவ்வளவு பிற உலோகங்கள் சேர்க்கப்படுகின்றன என்று இங்குப் பார்ப்போம்.

    22 காரட் -  இதில் தங்கத்தில் வெள்ளி, காப்பர் மற்றும் ஜின்க் என மூன்று உலோகங்கள் சேர்க்கப்படுகின்றன. தங்கம் 91.70 சதவீதமும், வெள்ளி 5 சதவீதமும், காப்பர் 2 சதவீதமும், ஜின்க் 1.30 சதவீதமும் 22 காரட் தங்கத்தில் இருக்கின்றன.

    18 காரட் - இதில் தங்கத்தில் வெள்ளி, காப்பர் என இரண்டு உலோகங்கள் சேர்க்கப்படுகின்றன. ஜின்க் சேர்க்கப்படுவதில்லை. தங்கம் 75 சதவீதமும், வெள்ளி 15 சதவீதமும், காப்பர் 10 சதவீதமும் 18 காரட் தங்கத்தில் இருக்கின்றன.

    14 காரட் - இதில் தங்கத்தில் வெள்ளி, காப்பர் என இரண்டு உலோகங்கள் சேர்க்கப்படுகின்றன. தங்கம் 58.30 சதவீதமும், வெள்ளி 30 சதவீதமும், காப்பர் 11.70 சதவீதமும் 14 காரட் தங்கத்தில் இருக்கின்றன.

    10 காரட் மற்றும் 9 காரட் - இவற்றில் தங்கத்தில் 18 மற்றும் 14 காரட் போன்று ஜின்க் பயன்படுத்தப்படுவதில்லை. 9 காரட் தங்கத்தில் வெள்ளி 42.5 சதவீதமும், காப்பர் 20 சதவீதமும் கலக்கப்பட்டு இருக்கும். இதில் சிறிதளவு மட்டும் 10 காரட் தங்கத்தில் வித்தியாசம் இருக்கும்.

    4. அட்சய திருதியை நாளில், அதாவது சித்திரை மாதம் வளர்பிறை மூன்றாம் நாளில்,  தங்கம் வாங்கினால் செல்வம் குவியும் என்பது நம்பிக்கை.

    5. தங்கத்துக்கு சிறப்பான மருத்துவ குணம் உண்டு. தங்கம் அணிந்தால், உடல் நலத்துக்கு பல நன்மைகளை விளைவிக்கும். வலது கை விரல்களில் மோதிரம் அணிந்தால் ஆயுள் விருத்தி என்று நம்பப்படுகிறது.

     

    ]]>
    Gold, தங்கம் http://images.dinamani.com/uploads/user/imagelibrary/2017/6/20/w600X390/gold.jpg http://www.dinamani.com/lifestyle/lifestyle-news/2017/jun/20/gold-details-2724378.html
    2722456 லைஃப்ஸ்டைல் செய்திகள் கிச்சன் குறிப்புக்கள் DIN DIN Saturday, June 17, 2017 02:56 PM +0530 காஸ் அடுப்பின் பர்னரை 10 நிமிடம் மண்ணெண்ணெய்யில் ஊற வைத்துப் பிறகு பழைய டூத் பிரஷ் மூலம் சுத்தம் செய்யலாம்.

    குக்கரின் கைப்பிடியில் இருக்கும் ஆணியில் மாதம் ஒருமுறை எண்ணெய் விட்டு வந்தால் துருப்பிடிக்காமல் இருக்கும்.

    நான்- ஸ்டிக் பாத்திரங்களை மிருதுவான துணி கொண்டோ ஸ்பான்ச் கொண்டோ துடைக்க வேண்டும்.

    கிரைண்டர் வாங்கும்போது கல் வெள்ளையாக இல்லாமல் கறுப்புக் கல்லாக வாங்க வேண்டும்.

    மிக்ஸியின் பிளேடுகள் மழுங்கி விட்டால் கல் உப்பை ஒரு கைப்பிடி அளவு எடுத்து மிக்ஸியில் போட்டு ஓரிரு நிமிடங்கள் மிக்ஸியை ஓட்டவும். பிளேடுகள் கூர்மையாகிவிடும்.• பிரிட்ஜின் உட்பகுதியை சுத்தம் செய்யும்போது கண்டிப்பாக சோப்புகளை உபயோகப்படுத்தக் கூடாது. இது உட்சுவர்களை உடைத்துவிடும். மாறாக சோடா உப்பு கலந்த வெந்நீரை உபயோகிக்கலாம்.

    உபயோகிக்காமல் இருக்கும் ஃபிளாஸ்கில் சிறிது சர்க்கரையைப் போட்டு வைத்தால் துர்நாற்றம் அடிக்காது.

    - வீட்டுக் குறிப்புகள்' என்ற நூலிலிருந்து நெ.இராமன்

    ]]>
    gas stove, kitchen tips, tips tips, டிப்ஸ் http://images.dinamani.com/uploads/user/imagelibrary/2017/6/17/w600X390/gas-stove1.jpg http://www.dinamani.com/lifestyle/lifestyle-news/2017/jun/17/kitchen-tips-2722456.html
    2720515 லைஃப்ஸ்டைல் செய்திகள் மைக்ரோவேவ் ஓவன் குறிப்புகள் DIN DIN Wednesday, June 14, 2017 05:56 PM +0530 'மைக்ரோவேவ் அடுப்பு (நுண்ணலை அடுப்பு) மூலம் சமைத்தால் உணவில் இருக்கும் சத்துக்கள் போய்விடுமா?’ இந்தச் சந்தேகம் பலருக்கும் இருக்கிறது. இன்னொருபுறம் மைக்ரோவேவ் அடுப்பில் சமைத்தால் பல பக்க விளைவுகள் ஏற்படும் என்ற அச்சமும் இருக்கிறது. மைக்ரோவேவ் அடுப்பு நல்லதா கெட்டதா?

    'மைக்ரோவேவ் அடுப்பில் உணவைச் சமைக்கும் போது, முதலில் அடுப்பினுள் மின்சார அலை உண்டாகும். அந்த அதிர்வினால் நீர், கொழுப்பு, சர்க்கரை ஆகியவற்றின் மூலக்கூறுகள் அதிர்வடைந்து ஒன்றுடன் ஒன்று உராய்ந்து வெப்பம் உண்டாகும். கண்ணாடி மற்றும் பீங்கான் பாத்திரங்களை இந்த அலை பாதிக்காது. மைக்ரோவேவ் அடுப்பில் சமைக்க அதற்குரிய பாத்திரங்களை மட்டுமே பயன்படுத்த வேண்டும்.

    'மைக்ரோவேவ் அடுப்பில் சமைத்தால் சத்து இழப்பு ஏற்படுமா?

    • மைக்ரோவேவ் அடுப்புக்குள் இருக்கும் மேக்னெட்ரான் என்னும் கருவி அடுப்புக்குள் வைத்த உணவுப் பொருளைச் சூடேற்ற உதவுகின்றது. இதில் சமைக்கும் நேரமும் குறைவு, காய்கறிகளில் உள்ள சத்துக்கள் மறைந்து போகாது'
    • காய்கறிகளையும் ஒயிட் மீட் என்று சொல்லப்படும் மீன், கோழி ஆகியவற்றையும் மைக்ரோவேவ் அடுப்பில் சமைப்பதால் சத்துக்களில் பெரிய இழப்பு எதுவும் ஏற்படுவதில்லை. ரெட் மீட் எனப்படும் ஆட்டு இறைச்சி மற்றும் மாட்டு இறைச்சி போன்றவற்றில் நிறைய எண்ணெய் விட்டு மசாலாக்கள் சேர்த்துச் சமைத்தால் சாப்பிட ருசியாக இருக்குமே தவிர ஆரோக்கியமானதாக இருக்காது.
    • மைக்ரோவேவ் அடுப்பில் பாலைச் சுடவைத்தால் அதிலுள்ள லைசோஸைம் சிதையும். சாதாரண அடுப்புச் சமையலின்போது பாத்திரத்தில் காய்கறிகளை அதிக நேரம் அடுப்பில் வைத்துவிட்டால் அது கருகியும் தீய்ந்தும் போய்விடும். அவற்றையே குக்கரில் வேக வைக்கும்போது காய்கறிகளின் ருசி குறைந்துவிடும் சாத்தியம் அதிகம். ஆனால் மைக்ரோவேவ் அடுப்பில் சரியான சூட்டில் முறையாகத் தயாரிக்கப்பட்ட உணவுகளின் சத்துக்கள் அப்படியே இருக்கும். காய்கறிகளின் நிறமும் மாறாது.

    அமெரிக்கா, ஓரிகான் மாகாணத்தில், அட்லாண்டிஸ் ரைஸிங் எஷுகேஷனல் செண்டர் என்ற மையம், ரஷ்ய ஆராய்ச்சிக் கட்டுரை ஒன்றை வெளியிட்டது. அதில் இந்த மைக்ரோவேவ் ஓவன் பயன்பாடு குறித்து வெளியிட்டுள்ள தகவல்கள் அதிர்ச்சி அளிக்கக்க்கூடியது.

    மைக்ரோவேவ் தீமைகள்

    உணவுப் பொருட்களின் சத்து குறைகிறது. மாறுபட்ட மூலக்கூறுகளுக்கு நம் உடல் பரிச்சயப்படாததால், அவற்றை ஜீரணிக்க முடியாமல், அவை உடலிலேயே தங்குகின்றன. இதனால், உடலில் பல்வேறு உபாதைகள் ஏற்படுகின்றன.

    • ரத்தத்தில் ஹீமோகுளோபன் அளவு குறைகிறது.
    • உடலுக்கு நன்மை விளைவிக்கும் எச்.டி. எல்., கொழுப்பு குறைகிறது.
    • ரத்தத்தில் உள்ள வெள்ளை அணுக்களின் அளவு அதிகரிக்கிறது.
    • நோய் எதிர்ப்பு சக்தியைக் கொடுக்கும், ரத்த வெள்ளை அணுவில் காணப்படும், லிம்போஸைட் குறைகிறது.
    • ரேடியோ கதிர்கள் ஊடுருவிய உணவுப் பொருட்களைச் சாப்பட நேர்கிறது. இதனால் புற்றுநோய் ஆபத்து ஏற்படுகிறது.
    • ஆண்/ பெண் ஹார்மோன் உற்பத்தி குறைகிறது.
    • வயிறு, குடல் புற்றுநோய் உருவாகிறது. ரத்தத்தில் புற்றுநோய் செல்கள் வளர வழி வகுக்கிறது.
    • நோய் எதிர்ப்புத் திறன் குறைகிறது. நினைவுத் திறன், கவனம், மன வலிமை, சாதுர்யம் ஆகியவை குறைகின்றன.

    மைக்ரோவேவ் அடுப்பை எப்படிப் பயன்படுத்த வேண்டும்?

    சாதாரணமாக மைக்ரோவேவ் அடுப்பில் காய்கறிகளைச் சமைத்து முடித்ததும் ஸ்விட்சை அணைத்துவிட, அதன் இயக்கம் முழுவதும் நின்றுவிடும். ஸ்விட்ச் அணைக்கப்பட்ட நொடியில் மின் அலைகள்  மறைந்து போவதால் அடுப்புக்குள் கதிர்வீச்சு எதுவும் இருக்காது.

    சமைத்த உணவிலும் எவ்விதக் கதிர்வீச்சின் தாக்கமும் இருக்காது. ஆனால், இதுவே அடுப்பில் கசிவு இருந்து அது தெரியாமல் சமைத்தால் நிச்சயம் பிரச்னை ஏற்படும். எனவே தரமான நிறுவனங்கள் தயாரிக்கும் அடுப்புகளையே பயன்படுத்தவேண்டும்.

    மைக்ரோவேவ் அடுப்பில் சமைக்கும் போது அதன் கதவை நன்றாக மூடி லாக்கான பிறகே சமைக்க வேண்டும். சரியாக மூடாவிட்டால் கசிவு ஏற்பட்டுத் தீக்காயம் ஏற்படும். அடுப்பில் எதாவது பிரச்னை என்றால், உடனடியாகப் சர்வீஸுக்கு கொடுக்க வேண்டும்.

    மைக்ரோவேவ் அடுப்பை வாங்கும்போது தரப்பட்ட கையேட்டை நன்றாகப் படித்த பின்னரே அதில் சமைக்க ஆரம்பிக்க வேண்டும்.

    மைக்ரோவேவ் அடுப்பில் கோளாறு ஏற்பட்டால் அதை நாமே பழுது பார்க்க முயற்சி செய்யக் கூடாது.

    மேலும் சில டிப்ஸ்

    • மைக்ரோவேவ் ஓவனில் சமைக்கும் உணவுப் பொருள்கள் மென்மையாக இருக்க மூடி வைத்து சமைக்க வேண்டும்.
    • உருளைக்கிழங்கு, கத்தரிக்காய், வாழைக்காய், தக்காளி போன்றவற்றை கத்தியால் அல்லது ஃபோர்க்கால் துவாரமிட்டு குத்திவிட்டு வேகவிட வேண்டும்.
    • சாதம், பிரியாணி வகைகளை சூடு செய்யும்போது சிறிதளவு தண்ணீர் தெளித்து அதிக வெப்பத்தில் இரண்டு நிமிடம் ஓவனில் வைத்து எடுக்க வேண்டும்.
    • முந்திரி, பிஸ்தா, பாதாம், வேர்க்கடலையை ஓவனில் வைத்து அதிக சூட்டில் நான்கு நிமிடம் வைத்தால் நன்கு வறுபடும்.
    • ஓவனை ஆஃப் செய்த பிறகும் உணவுப் பொருட்கள் வெந்து கொண்டிருக்கும். அதனால் பாத்திரத்தை சிறிது நேரம் கழித்தே வெளியில் எடுக்க வேண்டும். 
    • பாப்கார்ன் செய்யும்போது பாத்திரத்தில் சோளமணிகளோடு இரண்டு மேசைக்கரண்டி நெய்விட்டு தேவையான அளவு உப்புத்தூள் சேர்த்து மூடிபோட்டு  மூன்று நிமிடம் அதிக வெப்பத்தில் ஓவனில் வைத்து எடுக்க வேண்டும்.
    • அப்பளம் செய்யும்போது ஓவனில் முப்பது நொடிகள் ஒரு பக்கமும் திருப்பிப் போட்டு அடுத்தமுப்பது நொடிகள் மற்றொரு பக்கமும் வேக வைத்தால் கரகர அப்பளம் கிடைக்கும்.
    • மைக்ரோவேவ் ஓவனின் உட்புறத்தை சுத்தப்படுத்த ஒரு கண்ணாடி பாத்திரத்தில் ஒரு மூடி எலுமிச்சம் பழத்தைப் பிழிய வேண்டும். இதனை ஓவனில் இரண்டு நிமிடம் வைக்க வேண்டும். பிசுக்கு தன்மையை நீராவி எடுத்துவிடும். பின்னர், ஒரு சுத்தமான துணியால் துடைத்து விடவேண்டும்.
    • புதினா, கறிவேப்பிலை, கொத்துமல்லி இவற்றை மிதமான சூட்டில் ஒரு நிமிடம் வைத்து எடுத்து பொடி செய்து கொள்ளலாம்.
    • பாதாம் பருப்பை தண்ணீரில் போட்டு ஓவனில்  முப்பது நொடிகள் வைத்து எடுத்தால் எளிதாக உரிக்க முடியும்.
    • காபி, டீ இவற்றை ஓவனில் ஒரு நிமிடம் வைத்தால் விரைவில் கொதித்துவிடும்.

    மைக்ரோவேவ் அடுப்பில் செய்யக் கூடாதவை:

    • மைக்ரோவேவ் அடுப்பில் உணவு சமைக்கும் போது அடிக்கடி திறந்து மூடக்கூடாது.
    • குறுகிய வாயுள்ள பாத்திரத்தைப் பயன்படுத்தக் கூடாது
    • முட்டையை ஓட்டுடன் வைக்கக்கூடாது.
    • வறுவல் செய்யும்போது உப்பு போடக்கூடாது, ஏனெனில் அப்படிச் சமைத்தால் உப்பு தீய்ந்து அதிலிருக்கும் ஐயோடின் சிதைந்து போய்விடும். எனவே, வறுத்த பின்பு உப்பு சேர்க்க வேண்டும்.
    • பிளாஸ்டிக் மற்றும் காகிதப் பொருட்களைப் பயன்படுத்தக் கூடாது. பயன்படுத்தினால் அவை உருகி, எரிந்து போய்விடும்
    • தண்ணீரைச் சுட வைக்க மைக்ரோவேவ் அடுப்பைப் பயன்படுத்தக் கூடாது. ஏனெனில் இதன் நுண் கதிர்களால் தண்ணீரின் மூலக்கூறுகள் அசைக்கப்பட்டுத்தான் தண்ணீர் சூடாகும். அதனால் நீராவி வெளியேறாது. தண்ணீர் அதன் கொதி நிலையான 100 டிகிரி செல்ஸியஸ் அளவையும் தாண்டி சூடாகும். ஆனால், தண்ணீர் கொதிப்பில் சலனம் எதுவும் இருக்காது. இது தெரியாமல் அடுப்பை அணைத்ததும் உள்ளிருந்து நீரை அஜாக்கிரதையாக எடுத்தால் தப்பித் தவறி தண்ணீர் உடம்பில் பட்டுத் தீக்காயம் ஏற்படும்.
    ]]>
    Microwave oven problems, மைக்ரோவேவ் நல்லதா கெட்டதா? http://images.dinamani.com/uploads/user/imagelibrary/2017/6/14/w600X390/donna-microonde-1.jpeg http://www.dinamani.com/lifestyle/lifestyle-news/2017/jun/15/microwave-cooking-dos-and-donts-2720515.html
    2711907 லைஃப்ஸ்டைல் செய்திகள் தெலுங்கு ‘பிக் பாஸ்’ க்காக ஜூனியர் என் டி ஆர் வாங்கப் போகும் அதிர வைக்கும் சம்பளம்! சரோஜினி DIN Wednesday, May 31, 2017 06:14 PM +0530  

    இந்தியில் சல்மான் கான் தொகுத்து வழங்கிய, தமிழில் கமல் தொகுத்து வழங்கப் போகும் பிக் பாஸ் நிகழ்ச்சியை தெலுங்கில் ஜூனியர் என் டி ஆர் தொகுத்து வழங்கப் போவதாக டோலிவுட்டில் ஒரு பேச்சிருக்கிறது. ஸ்டார் மா டி.வி யின் இந்த நிகழ்ச்சிக்காக ஜூனியரின் பெயரை அவர்களுக்கு டிக் அடித்துக் கொடுத்த சீனியர்கள் சிரஞ்சீவியும், நாகார்ஜுனாவும் தானாம். அதனால் ஜூனியர் இந்த வாய்ப்பை ஏற்றுக் கொள்வதில் எந்த வித சிக்கலும் இருக்கப் போவதில்லை. தற்போது தனது சகோதரரான நந்தமூரி கல்யாண்ராமின் தயாரிப்பில் ஜெய் லவ குசா படப்பிடிப்பு வேலைகளில் பிஸியாக இருக்கும் ஜூனியர் என் டி ஆர் அந்த வேலைகள் முடிந்ததும் ஸ்டார் மா டி.வி காரர்களின் வாய்ப்பை ஒப்புக் கொள்ளப் போவதாக டி.வி தரப்பில் கூறப்படுகிறது. 

    பிரபலங்களை ஒரே இடத்தில் தங்க வைத்து அவர்களது நடவடிக்கைகளை கண்காணிக்கும் இந்த நிகழ்ச்சிக்கு ஜூனியருக்கு பேசப்பட்ட சம்பளம் எவ்வளவு தெரியுமா? அதிர்ந்து விடாதீர்கள்... 10 எபிசோடுகளுக்கு 8 கோடி ரூபாய்களாம்.

    ]]>
    junior ntr, ஜூனியர் என் டி ஆர், பிக் பாஸ், சம்பளம், http://images.dinamani.com/uploads/user/imagelibrary/2017/5/31/w600X390/junior_ntreee.jpg http://www.dinamani.com/lifestyle/lifestyle-news/2017/may/31/junior-ntrs-salary-for-big-boss-2711907.html
    2711879 லைஃப்ஸ்டைல் செய்திகள் சர்க்கரையில் பிளாஸ்டிக் கலப்படம் என்பது உண்மையா? கார்த்திகா வாசுதேவன் DIN Wednesday, May 31, 2017 02:39 PM +0530  

    அரிசியில் கலப்படம், கள்ளச் சந்தையில் புதிதாக பிளாஸ்டிக் அரிசி வந்து விட்டது என்றார்கள், முட்டையில் பிளாஸ்டிக் முட்டை வந்து விட்டது என்றார்கள். அதற்கெல்லாம் உச்சகட்டமாக இப்போது சர்க்கரையிலும் பிளாஸ்டிக் கலப்படம் என்றொரு செய்தி உணவுச் சந்தையில் அனல் கிளப்ப வந்திருக்கிறது. சர்க்கரை குறிப்பாக வெள்ளைச் சர்க்கரை இந்திய உணவு வகைகளில் எத்தகைய அத்யாவஸியமான இடம் பெற்றிருக்கிறது என்பதற்கு அதற்கான பெருந்தேவையே அத்தாட்சி! 

    இப்படிப் பட்ட சூழலில் நேற்று கர்நாடக மாநிலத்தின் மாண்டியா பகுதியிலுள்ள கிராமத்தில் ஒருபெண்மணி வழக்கமாக மளிகைப் பொருட்கள் வாங்கும் கடையில் சர்க்கரை வாங்கி இருக்கிறார். அந்தச் சர்க்கரையை பாகாக காய்ச்சும் போது அதிகப் புகை வந்ததோடு கருப்பாக பாகின் மீது பிளாஸ்டிக் போன்ற பொருள் படியத் தொடங்கியதும் பயந்து போன அந்தப் பெண்மணி எஞ்சிய சர்க்கரையை உணவுப் பாதுகாப்பு துறையின் ஆய்வுக்கு அனுப்புமாறு கிராம அதிகாரிகளிடம் கோரியிருக்கிறார். இது இன்று காலை செய்தி ஊடகம் ஒன்றில் ஒளிபரப்பான செய்தி.  

    இது வரை சர்க்கரையில் சாக்பீஸ் துகள்கள் மற்றும் ரவையைத் தான் கலப்படம் செய்வார்கள் என்று கேள்விப் பட்டிருக்கிறோம். ஆனால் சர்க்கரையிலும் பிளாஸ்டிக் கலப்படம் செய்வார்களா? என்பது அதிர்ச்சிக்குரிய செய்தியாக இருக்கிறது. பொது மக்கள் சர்க்கரை வாங்கிப் பயன்படுத்தும் போது ஒவ்வொருமுறையும் அதை நீரில் கரைத்தோ அல்லது சூடு படுத்திப் பார்த்தோ அது கலப்படமற்ற உண்ணத் தகுந்த சர்க்கரை தானா? என எப்படி ஆராய முடியும். தென்னிந்தியாவில் உப்புமா, வாழைப்பழம், பழச்சாறுகள், காஃபீ, டீ உள்ளிட்ட சில உணவுகளில் சர்க்கரையை அப்படியே நேரடியாகச் சேர்த்து உண்ணும் வழக்கம் இருக்கிறது. அப்படியான சமயங்களில் அந்தச் சர்க்கரையில் பிளாஸ்டிக் கலப்படம் இருப்பதை எப்படி கண்டுபிடிப்பது? அல்லது பிளாஸ்டிக் அரிசி, பிளாஸ்டிக் முட்டை என்பது போல இதுவும் வதந்தியா? உணவுப் பாதுகாப்பு மற்றும் தரம் குறித்து ஆராயும் மத்திய அமைச்சகம் தான் இதற்கு சரியான பதிலைக் கூற வேண்டும். மக்களைக் குழப்பத்தில் ஆழ்த்தும் இம்மாதிரியான செய்திகள் உண்ணும் பழக்கம் குறித்த பயத்தை ஏற்படுத்துகின்றன.

    ]]>
    sugar contaminated with plastic, சர்க்கரையில் பிளாஸ்டிக் கலப்படம், உணவு, food http://images.dinamani.com/uploads/user/imagelibrary/2017/5/31/w600X390/sugar_cubes.jpg http://www.dinamani.com/lifestyle/lifestyle-news/2017/may/31/can-sugar-contaminated-with-plastic-2711879.html
    2710793 லைஃப்ஸ்டைல் செய்திகள் காய்ச்சலா ஒரு பாராசிட்டமால் போதும் என்று நினைக்கிறீர்களா? கார்த்திகா வாசுதேவன் DIN Tuesday, May 30, 2017 02:30 PM +0530  

    பாராசிட்டமால் மாத்திரைகளையோ, சிரப்களையோ தொடர்ந்து உபயோகிப்பவர்களுக்கு  லிவர் மற்றும் கிட்னி தொடர்பான பிரச்சினைகள் வர வாய்ப்பிருப்பதாக சமீபத்திய மருத்துவ ஆய்வறிக்கைகள் எச்சரிக்கின்றன.

    இனி மேல் பாராசிட்டமால் (அசிட்டமினோபென்) மருந்துகளை தயாரிப்பவர்கள் தங்களது நுகர்வோர்களுக்கு  இந்த மருந்தை உட்கொள்வதால் லிவர் ,கிட்னி டேமேஜ் மற்றும் அலர்ஜியினால் உண்டாகும் பக்க விளைவுகள் ஏற்படும் என்று ஒவ்வொரு மருந்து பாட்டில் ரேப்பர்கள் மற்றும் மாத்திரைப் பட்டைகளில் எச்சரிக்கை வெளியிட வேண்டும் என அறிவுறுத்தப் பட்டுள்ளது .
     
    டாக்டர்கள் பரிந்துரைக்கும் பிரஸ்க்ரிப்சன்களை பேசன்டுகள் பெரும்பாலும் சரியாகப் புரிந்து கொள்வதே இல்லை. காய்ச்சல் என்று வரும் கைக்குழந்தைகளுக்கு டாக்டர்கள் 5  ml   பாராசிட்டமால் டிராப்ஸ்( சொட்டு மருந்து) பரிந்துரைத்தால்  குழந்தையின் பெற்றோர்களில்  சிலர் போதிய கவனமின்றி தவறுதலாக 5  ml  அளவுக்கு  பாராசிட்டமால் சிரப் (டானிக்)  கொடுத்து விடுகிறார்கள். ட்ராப்ஸை விட இந்த சிரப்புகள் அதிக செறிவானவை. இத்தனை செறிவான மருந்தை உட்கொள்வதால் குழந்தைக்கு அலர்ஜியாகி பக்க விளைவுகள் ஏற்பட்டு மறுபடியும் மருத்துவரை நாடும் நிலை ஏற்பட்டு விடுகிறது மேலும் இப்படியே தொடர்ந்து மருந்துகளை கொடுத்து வந்தால் கடைசியாக அது கடுமையான ரீனல் டிஸ்ஆர்டர்களில் கொண்டு விடுகிறது. பெரும்பான்மையான லிவர் மற்றும் கிட்னி டேமேஜ்கள்  ஏற்பட இப்படியான கவனக்குறைவே முதலும் முக்கியமுமான  காரணமாகி விடுகிறது .
     
    இவை தவிர லேசான காய்ச்சலுக்கும் கூட டெம்பரேச்சர் சோதித்துப் பார்க்காமல் டாக்டர்கள் கடுமையான காய்ச்சலுக்குப் பரிந்துரைத்த அதே அளவு பாராசிட்டமால்  மருந்தை உட்கொள்வதாலும் மேற்சொன்ன விளைவுகள் ஏற்படலாம். பெயின் கில்லர்கள் எடுத்துக் கொள்பவர்கள் குறிப்பிட்ட இடைவெளியில் தங்களது கிட்னி ஆரோக்யமாக இருக்கிறதா எனத் தொடர்ந்து பரிசோதிக்கத் தவறக் கூடாது. ஏனெனில் இன்றைய நிலையில் சிறுநீரக பாதிப்பு என்று வரும் நோயாளிகளில் 8  முதல் 10  சதவிகிதம் பேர்களுக்கு கடுமையான பாதிப்புகளுக்கு தொடர்ந்து  பாராசிட்டமால் மருந்துகள் எடுத்துக் கொள்வதே காரணங்களாக இருக்கின்றன என்பதை மறுக்க முடியாது.

    ]]>
    fever, காய்ச்சல், paracetamol, kidney damage, பாராசிட்டமால், சிறுநீரக பாதிப்புகள் http://images.dinamani.com/uploads/user/imagelibrary/2017/5/29/w600X390/0paracetamol.jpg http://www.dinamani.com/lifestyle/lifestyle-news/2017/may/29/if-you-think-that-one-paracetamol-is-enough-for-to-cure-fever-2710793.html
    2710821 லைஃப்ஸ்டைல் செய்திகள் நம்புவீர்களா தக்காளி ஒரு காலத்தில் அலங்காரச் செடியாமே!? கார்த்திகா வாசுதேவன் DIN Monday, May 29, 2017 05:37 PM +0530  

    இப்போதெல்லாம் இல்லத்தரசிகளுக்கு சமையலறையில் தக்காளி இல்லாவிட்டால்  ஒரு கை உடைந்தார் போல பெரும்  சிக்கலாகி விடும் அவர்களின் கிச்சன் மேலாண்மை தக்காளியற்றுப் போன ஒரே நாளில் நிலை குலைந்து போய் விடக் கூடும். 

    தக்காளி இன்றைக்கு சமையலறையின் ராணி .தக்காளிச் சாதம் என்று மட்டுமே இல்லாமல் நாளொன்றுக்கு சாம்பார்,ரசம்,சட்னி வகைகள்,சப்பாத்திகளுக்கான கிரேவி வகைகள்,குருமா வகைகள்,சாஸ்கள்,கெட்ச்- அப்கள் நூடுல்ஸ்களுக்கான டேஸ்ட் மேக்கர்கள் , தக்காளி ஃப்ளேவர் இட்ட சிப்ஸ் வகைகள் இப்படி ஏதாவது ஒரு ரூபத்தில் நாம் தக்காளியை  சாப்பிட்டுக் கொண்டே தான் இருக்கிறோம் .போதாக்குறைக்கு தக்காளி ஃப்ளேவரில் சிப்ஸ்கள் வந்த பிறகு குழந்தைகளின் மனம் கவர்ந்த ஸ்நாக்ஸ் அதுதான் என்றாகி விட்டது.தக்காளியின் மிதமான இனிப்பும் புளிப்புமான சுவை குழந்தைகளுக்கு மிகப் பிடித்தமானது. குழந்தைகளின் இளம் நாவின்  சுவை மொட்டுகளை தக்காளியின் மிதமான புளிப்புச் சுவை உண்ணத் தூண்டுகிறது என்பதால் சிப்ஸ்களின் விற்பனை மார்கெட் உச்சத்தை தொடுகிறது.

    இன்றைக்குத் தக்காளி இல்லாமல் ஒருநாளைக் கடத்தி விட முடியாது என்பதோடு மாதக் கடைசி நாட்களில் இல்லத்தரசிகளின் இனிய தோழி என்றும் தக்காளி கருதப் படுகிறது. காய்கறி விலைகள் வானை எட்டும் அளவுக்கு எகிறிக் கொண்டிருக்கையில் எதுவுமே இல்லாவிட்டாலும் கூட வெறுமே தக்காளியையும் வெங்காயத்தையும் இரண்டொரு மிளகாயையும் நறுக்கிப் போட்டு மிளகாய் கிள்ளி சாம்பார் என்ற பெயரில் வெறும் சாம்பார் வைத்து இட்லி,அரிசி சதம்,வெண் பொங்கல் எல்லாவற்றுக்கும் தொட்டுக் கொண்டு சாப்பிடலாம். சமையலறையில் அத்தனை எல்மையானதாகவும் அவசியமானதாகவும் திகழ்கிறது தக்காளி.

    இப்படி வீடு மட்டுமல்லாமல் ஹோட்டல்கள்,ரெஸ்டாரெண்டுகள் ,பள்ளி கேன்டீன்கள் என்று எல்லாவிடங்களிலும் தக்காளி மணத்துக் கொண்டிருக்கையில்  பராக்கிரமம் மிக்க இந்த தக்காளியானது ஒரு காலத்தில் இங்கிலாந்தில் வெறுமே குரோட்டன்ஸ் போல அலங்காரச் செடியாக மட்டுமே வளர்க்கப் பட்டது என்றால் நம்புவீர்களா?! தக்காளியே இல்லாத சமையல் நடந்திருகிறது ஒரு காலத்தில் என்று சொன்னால் நம்புவீர்களா?!

    யார் நம்பினாலும் நம்பாவிட்டாலும் இது நிஜமான தகவல் தான் !

    மெக்சிகோ மற்றும் மத்திய அமெரிக்காவில் இருந்து இங்கிலாந்து வழியாக இந்தியாவிற்கு வந்த இந்த தக்காளியைப் பற்றி சங்க இலக்கியப் பாடல்களில் எந்தக் குறிப்புகளும் இல்லை ,அப்படியெனில் தக்காளி இந்தியக் காய்கறி அல்ல என்பது உறுதியாகிறது. மகளின் புழக்கத்தில் இருந்திருந்தால் கண்டிப்பாக அவற்றைப் பற்றி ஏதேனும் புறநாநூற்றுப்  பாடல்கள் புனையப் பட்டிருக்கப்  கூடும். அப்படி பாடல்கள் இல்லை எனும் போது தக்காளி சங்ககாலத்தில் தமிழ்நாட்டில்  பயன்பாட்டில் இல்லை என்பது புலனாகிறது. தக்காளி மெக்சிகோ வில் இருந்து கடல் வழியாக ஆங்கிலயேர் மூலம் இந்தியாவிற்கு வந்த காய்கறியே என்பதை இப்போது நாம் நம்பலாம் தானே! அப்படி தக்காளியை நமக்கு அறிமுகப்படுத்திய ஆங்கிலேயர்கள் தான் ஆரம்பத்தில் தக்காளி சார்ந்திருக்கும் தாவரக் குடும்பத்தின் குணங்களைக்  கண்டு அலறி அவற்றை வெறுமே அலங்காரச் செடியாக மட்டுமே பயன்படுத்தி வந்தார்களாம்.

    ஏனெனில் தக்காளி சார்ந்திருக்கும் தாவரவியல் குடும்பத்தில் மற்ற செடிகள் எல்லாம் விசத் தன்மை வாய்ந்த மூலக்கொருகளைக் கொண்டவை என்பதால் தக்காளியை பலகாலங்களாக உண்ணக் கூடிய பொருட்கள் லிஸ்ட்டில் ஆங்கிலேயர்கள் சேர்க்கவே இல்லை. அந்தக் காலங்களில் அங்கெலாம் வெறும் அலங்காரச் செடியாக மட்டுமே தக்காளி மதிக்கப் பட்டுள்ளது .குரோட்டஸ் செடிகளை அவற்றின் இலைகளின் மாறுபட்ட ஈர்க்கும் நிறக் கலவைக்காக தோட்டங்களின் முன் பகுதிகளில் வைத்து அழகு பார்க்கிறோமே அப்படித் தான் அன்றைக்கு தக்காளியும் இருந்து வந்தது.

    முன்பே ஸ்பெயின் மற்றும் இத்தாலிக்காரர்கள் தக்காளியை விசமில்லை என்று நிரூபித்து உணவில் சேர்த்துக் கொண்ட போதும் கூட ஆங்கிலேயர்கள் அமெரிக்கர்கள் தக்காளியை உணவுப் பொருளாக மதிக்கத் தொடங்கிய பின்பு தான் தக்காளியை உணவில் சேர்க்க ஆரம்பித்தார்களாம்.

    தக்காளி இயல்பில் பழமாக இருந்தாலும் கூட அமெரிக்க உயர்நீதி மன்றம் 1893 இல்  தக்காளியை காய்கறி வகைகளில் சேர்க்க ஆணையிட்டது, வணிகக் காரணங்களுக்காக  இந்த ஆணை ஏற்றுக் கொள்ளப் பட்டு இன்றளவிலும் தக்காளி காய்கறி லிஸ்ட்டில் இருந்தாலும் தாவரவியல் படி தக்காளி பழ வகை தான். மோகத்தை, காதலை தூண்டும் சக்தி தக்காளிக்கு இருப்பதால் இதை "லவ் ஆப்பிள் " என்றும் அழைக்கிறார்கள்.தக்காளியின் சிவப்பு நிறத்தினால் அதற்கு இப்படியொரு இயல்பு தன்னிச்சையாக வழங்கப் பட்டிருக்கலாம்.

    ]]>
    தக்காளி, அலங்காரச் செடி, tomato, decor plant, in olden days, முன்னொரு காலத்தில் http://images.dinamani.com/uploads/user/imagelibrary/2017/5/29/w600X390/0tomato.jpg http://www.dinamani.com/lifestyle/lifestyle-news/2017/may/29/believe-it-or-not-once-upon-a-time-tomatoes-are-decor-plants-2710821.html
    2708632 லைஃப்ஸ்டைல் செய்திகள் பாகுபலி 2 வில் அனுஷ்காவுக்கு அண்ணியாக நடித்தவர் யார்? சரோஜினி DIN Friday, May 26, 2017 11:59 AM +0530  

    பலருக்கும் பாகுபலி திரைப்படத்தில் அனுஷ்காவின் அண்ணியாக நடித்திருக்கும் பெண்மணியை எங்கேயோ பார்த்தாற் போல இருந்திருக்கும். ஆனால் அவர் இதற்கு முன்பு எந்த திரைப்படங்களிலும் நடித்தவர் இல்லை. அவரது பெயர் ஆஷ்ரிதா, அவர் ஒரு திறமை வாய்ந்த பரதநாட்டியம் மற்றும் குச்சிப்புடி நடனக் கலைஞர். அவரது நடனத் திறன் ‘கண்ணா நீ தூங்கடா’ பாடலுக்கு அனுஷ்காவை விட அழகாக அவர் ஆடிய நடனத்திலிருந்தே பலருக்கும் விளங்கியிருக்கக் கூடும். நிஜத்தில் அனுஷ்காவுக்கு நடிப்புத் திறன் அதிகமே தவிர நடனம் தனக்கு உகந்தது அல்ல அனுஷ்காவே தனது பல பேட்டிகளில் குறிப்பிட்டிருப்பார். ஆக அனுஷ்காவை விட பாகுபலியில் அவரது அண்ணியாக நடித்த ஆஷ்ரிதா தான் நன்றாக நடனம் ஆடியிருப்பார்.

    இவருக்கு இந்த வாய்ப்பு எப்படிக் கிடைத்தது தெரியுமா? 2013 ஆம் வருடம் ஒரு தெலுங்குப் படத்தின் ஆடியோ லாஞ்ச் விழாவில் ஆஷ்ரிதா வடிவமைத்து நடனமாடிய ஒரு செமி கிளாசிக் நடனத்தை இயக்குனர் எஸ்.எஸ்.ராஜமெளலி தனது குடும்பத்தினருடன் சென்று காண நேர்ந்திருக்கிறது. அப்போது ஆஷ்ரிதாவின் நடனத் திறமை கண்டு வியந்த ராஜமெளலி அவரிடம், தான் ஒரு சரித்திரப் படம் எடுக்கவிருப்பதாகவும் அதில் வாய்ப்பளித்தால் ஆஷ்ரிதாவால் நடிக்க முடியுமா? என்று கேட்டிருக்கிறார். உடனே எந்த வித மறுப்பும் சொல்லாமல் உடனே ஒப்புக் கொண்டாராம் ஆஷ்ரிதா. இப்படித்தான் ஆஷ்ரிதா பாகுபலியில் அனுஷ்காவின் அண்ணியாகி இருக்கிறார். 

    ஒரு திறன் வாய்ந்த பரதக் கலைஞரான ஆஷ்ரிதா தனது ரோல் மாடலாகக் குறிப்பிடுவது பிரபல பரதக் கலைஞரும் நடிகையுமான ஷோபனாவைத் தான். பாகுபலியைத் தொடர்ந்து நடிப்பதற்கான வாய்ப்புகள் ஆஷ்ரிதாவுக்கு அதிகம் வந்தாலும் அவரது விருப்பமென்னவோ பாரம்பரிய நடனத்தில் சாதனை செய்வது தானாம். கடந்த ஆண்டு ஹேப்பினஸ் ஆஃப் தில்லானா என்ற பெயரில் ஆஷ்ரிதா தனது தில்லானா நடனத்தை யூடியுபில் பதிவிட அதற்கு இதுவரை கிடைத்த லைக்குகள் 1.7 லட்சமாம்.

    இதோ அந்த வீடியோ...
     

     

    Image & video courtsy: google & you tube.

    ]]>
    எஸ்.எஸ்.ராஜமெளலி, பாகுபலி 2, anuska's sister in law , baghubali-2, ashritha, classical dancer, s.s.rajamouli, அனுஷ்காவின் அண்ணி, ஆஷ்ரிதா http://images.dinamani.com/uploads/user/imagelibrary/2017/5/25/w600X390/ashritha.png http://www.dinamani.com/lifestyle/lifestyle-news/2017/may/25/who-is-anushkas-sister-in-law-in-baghubali-2-2708632.html
    2708618 லைஃப்ஸ்டைல் செய்திகள் டூர் செல்லும் இடங்களில் இப்படி எல்லாம் ஏமாந்து விடாதீர்கள்! கார்த்திகா வாசுதேவன் DIN Thursday, May 25, 2017 02:45 PM +0530  

    கடந்த வாரம் மூணாறு டூர் சென்றிருந்தோம். அங்கே ‘லொக்கார்ட் டீ ஃபேக்டரி’ யைப் பார்வையிடச் சென்ற போது ஃபேக்டரி அவுட்லெட்டின் வெளியே ஒரு பெண்மணி மெகந்தி கடை விரித்திருந்தார். டூர் வந்த வட இந்தியர்கள் மற்றும் வெளிநாட்டினர் அவரிடம் மெகந்தி இட்டுக் கொண்டிருந்தார்கள். அதற்கு ஒரு கியூ. என் மகள்களுக்கும் மெகந்தி இட்டுக் கொள்ள ஆசை! சரி நீங்கள் கியூவில் காத்திருந்து மெகந்தி போட்டுக் கொள்ளுங்கள் என்று அவர்களது பாட்டியை துணைக்கு வைத்து விட்டு நாங்கள் ஃபேக்டரி அவுட்லெட்டில் டீத்தூள் பாக்கெட்டுகள் வாங்கச் சென்றோம். அப்போதாவது மெகந்தி இடக் கட்டணம் எவ்வளவு என்று நாங்கள் விசாரித்திருக்க வேண்டும். என்ன மிஞ்சிப் போனால் 100, 200 ரூபாய்களுக்குள் தான் இருக்கும் என்று நினைத்துக் கொண்டு நாங்கள் அதைப் பற்றி பெரிதாக அலட்டிக் கொள்ளாமல் வகை வகையாக டீத்தூள் பாக்கெட்டுகள் வாங்கச் சென்று விட்டோம். திரும்பி வந்து பார்த்தால் அந்தப் பெண்மணி என் இரண்டு மகள்களுக்கும் கைகளில் சின்னதாக மெகந்தி இட்டு முடித்திருந்தார். 

    இதில் பெரியவள்  ‘பாகுபலி’ அவந்திகா போல டாட்டூ கேட்டு வைக்க அந்தம்மாள் அவருக்குத் தெரிந்த வகையில் அவளது வலது புறங்கையில் மயிலின் முகம் மற்றும் கழுத்துப் பகுதியையும் இடது புறங்கையில் மயிற்தோகையையும் வரைந்து வண்ணமடித்திருந்தார். இரண்டு கைகைகளையும் சேர்த்து வைத்துப் பார்க்கையில் மயில் தோகை விரித்து ஆடுவதைப் போலிருக்க வேண்டும்! ஆனால்... அது அப்படித் தோற்றமளிக்கவில்லை. கந்தசாமி படத்தில் வடிவேலு சேவல் வேஷம் போட்டுக் கொண்டு வருவாரே! அப்படி ஒரு கேவலமான சேவல் வடிவத்தில் இருந்தது மெகந்தி டாட்டூ. மகள் அழமாட்டாக் குறையாக எங்களிடம் அதைக் காண்பித்து விட்டு முகம் திருப்பிக் கொண்டாள். ஏதாவது சொன்னால் அழுது விடுவாளோ! என்றிருந்தது. சரி போனால் போகிறது இது ஒன்று தானா? அடுத்த முறை அழகாக மெகந்தி போட்டு விடுபவர்களிடம் சென்று போட்டுக் கொள்ளலாம் என்று சமாதானம் செய்ய வேண்டியதாகி விட்டது. சின்னவளுக்கு புறங்கையில் சும்மா வெறுமனே குட்டி குட்டியாக சில நட்சத்திரங்களை கருப்பு வண்ணத்தில் அந்தப் பெண்மணி வரைந்திருந்தார். இவ்வளவு தான் மெகந்தி. இதற்கு கட்டணம் எவ்வளவு தெரியுமா? முழுதாக 500 ரூபாய்.

    கூசாமல் 500 ரூபாய் என்று சொன்னதும் கோபம் உச்சிக்கு ஏறத்தான் செய்தது. ஆனால் இடம், பொருள், ஏவல் என்ற ஒன்றிருக்கிறதே! முதலிலேயே கட்டணத்தை விசாரிக்காமல் மெகந்தி போட்டுக் கொள்ள ஒத்துக் கொண்டது எங்கள் தவறு. என்னம்மா, இது அதிகமாக வண்ணங்களைக் கூடப் பயன்படுத்தவில்லை இதற்குப் பெயர் மயிலா? இந்த டாட்டூவுக்கு இத்தனை விலையா? என்றால்; மேடம் சின்ன பாப்பாவுக்கு போட்ட மெகந்திக்கு நான் காசே கேட்கலை. இந்த மயில் டாட்டூவுக்கு மட்டும் தான் இந்த ரேட். இதுக்கே இப்படிச் சொன்னீங்கன்னா எப்படி? இது டூரிஸ்ட் பிளேஸ் பாருங்க. இங்க எல்லாம் ரேட் இப்படித் தான் இருக்கும். இதே மூணாறில் இருக்கும் என் பியூட்டி பார்லருக்கு வந்தீங்கன்னா... இதை விட ரேட் அதிகம் வாங்கி இருப்பேன் நான் என்று ஒரே போடாகப் போட்டார். அவரது பதில் எனக்கு எரிச்சலாக இருந்தது. ஆனால் அந்தம்மாளோடு சண்டை போட்டு டூரில் கிட்டிய சந்தோசத்தை இழக்க விரும்பாததால் பணத்தைக் கொடுத்து விட்டு மகள்களை அழைத்துக் கொண்டு வெளியில் வந்தோம்.

    வந்த பிறகு மறக்காமல் இனிமேல் எங்கு எதற்காக காசு செலவளிப்பதானாலும் முன்பே ஒன்றிற்கு இருமுறை சரியாக விசாரித்து உறுதி செய்து கொள்ளாமல் எந்த விசயத்திலும் இறங்கக் கூடாது என மொத்தக் குடும்பத்தினரும் எங்களுக்கு நாங்களே வகுப்பு எடுத்துக் கொண்டோம். இப்படி வகுப்பு எடுத்துக் கொள்வது இது எத்தனையாவது முறை எனக் கவனமில்லை. அடிக்கடி இப்படி நிகழ்வதுண்டு என்றாலும் இப்படி அநியாயமாக 500 ரூபாய் தண்டம் அழுதது கொஞ்சம் அதிகப்படியே! அதிலும் மயில் என்று ஆசைப்பட்டு மயிலும் இல்லாமல் சேவலும் இல்லாமல் கர்ண கடூரமாக ஒரு நோஞ்சான் பறவை வடிவம்... அதன் கொஞ்ச நஞ்ச வண்ணங்களும் கரைந்து காணாமல் போய் புறங்கையில் மிஞ்சி நிற்கிறது. இதை ஆசையாக நண்பர்களிடம் காட்ட முடியவில்லை என்பதோடு இப்படி ஏமாந்த கதையைச் சொல்லவும் பெருத்த யோசனையாகவே இருக்கிறது. ஆதலால் டூர் செல்வோர் அதிலும் மூணாறுக்கு டூர் செல்வோர் இந்த மெகந்தி விசயத்தில் கொஞ்சம் ஜாக்கிரதையாக இருந்து கொள்ளுங்கள்.

    இது இந்த வருட டூரில் எங்களுக்கு கிட்டிய மோசமான அனுபவம். இப்படி பலருக்கும் பலவிதமாக டூரில் ஏமாந்த அனுபவங்கள் இருக்கலாம். உறவுகளிடம் கூட பகிர முடியாதவையாக சில இருக்கலாம். இங்கே கமெண்ட் பாக்ஸில் அப்படியான அனுபவங்களைப் பகிர்ந்தால் பின்னாட்களில் அதே இடங்களுக்கு டூர் செல்லக் கூடியவர்கள் நம்மைப் போல ஏமாறாமலிருக்க அவை உதவும். எனவே விருப்பமிருப்பவர்கள் தங்களது டூரில் ஏமாந்த அனுபவங்களை இங்கே பதியலாம். நிச்சயம் அதனால் பிறர் பலன் அடைவர். இது கூட ஒரு வகையில் சமூக சேவை தான்.
     

    ]]>
    டூர், மூணாறு, ஏமாந்த அனுபவம், tour, munnar tour, tour dissappointments http://images.dinamani.com/uploads/user/imagelibrary/2017/5/25/w600X390/kerala_munnar_tours_bannar.jpg http://www.dinamani.com/lifestyle/lifestyle-news/2017/may/25/dont-be-a-fool-in-your-family-tour-2708618.html
    2701525 லைஃப்ஸ்டைல் செய்திகள்  தாய்க்காக ஒரு மினி தாஜ் மகால்  DIN DIN Monday, May 15, 2017 05:44 PM +0530 முகலாய சக்ரவர்த்தியான, ஷாஜகான், தன்னுடைய காதல் மனைவியான மும்தாஜ் பேகத்திற்காக எழுப்பிய நினைவுச் சின்னம் தாஜ் மகால் என்பதை எல்லோருமே அறிவோம்.

    ஆனால், தன்னுடைய அன்பு தாய்க்காக அமைத்த நினைவுச் சின்னம்தான்  'பீபி கா மக்பாரா' (Tomb of  the lady) என்பதை எத்தனை   பேர் அறிவார்கள்?

    ஷாஜகானின் பேரனான, 'ஆசம் ஷா' [ ஔரங்கசீப்பின் மகன் ] தன்னுடைய தாயான, 'தில்ராஸ் பானு பேகம்' என்பவருக்காக எழுப்பிய நினைவுச் சின்னம் தான் இந்த மினி தாஜ் மகால்.

    ஏழாவது முகலாய மன்னனான, 'ஆசம் ஷா', [ஔரங்க சீப், தில்ராஸ் பானு பேகத்தின் தன்னுடைய பாலகப் பருவத்திலேயே  தன்னுடைய  தாயை இழந்தான்.

    தன்னுடைய தாய், அடுத்தடுத்து குழந்தைகளைப் பெற்று, ஒரு பிரசவத்தில் மாண்டு போனது அவனுக்குள் ஒரு பெரிய வலியை ஏற்படுத்தியது
     
    தாய்மை என்பது எத்தனை மேன்மையானது என்பதை உணர்ந்தான் 

    தன்னை ஈன்ற தாய்க்கு தக்கதொரு பெருமையைக் கொடுக்க எண்ணினான் அதன் வெளிப்பாடே 'பீபி கா மக்பாரா'

    தாத்தா, ஷாஜகான் ஆனவர், ஆக்ராவில், கட்டியது  போலவே , தானும், தன்  தாய்க்கு ஔரங்காபாத்தில் கட்டவேண்டும் என்று ஆசை கொண்டான்.

    தாஜ் மகாலைக் கட்ட, 32 பில்லியன் செலவானதாம்.அதைப் போலவே முழுக்க முழுக்க பளிங்கினால் கட்டினால்,செலவு மிகவும் ஆகும் என்றும் ஆடம்பரம் தேவை இல்லை என்றும் ஏழு லட்சம் தான் செலவழிக்க வேண்டும் என்றும் ஔரங்கசீப் மகனிடம் கூறினாராம்.

    அதனால், ராஜஸ்தானில் இருந்து வரவழைக்கப் பட்ட மார்பிள்களை ஔரங்காபாத்திற்கு வரவிடாமல் தடை செய்தான், ஔரங்கசீப்.

    அதனால், முழுவதுமே பளிங்கினால் அமைக்க முடியாமல், மேல் கலசம் மற்றும் சில இடங்களை மட்டுமே பளிங்கினால் கட்டினான். மீதம் உள்ளவற்றிற்கு பளிங்கினைப் போல் தோற்றமளிக்கும் பிளாஸ்டரைக் கொண்டு கட்டினான்.

    தந்தையின் சொல்லை மீறாமல், 6,65,283 ரூபாய், எட்டு அணாக்கள் செலவில் மினி தாஜ் மகாலை தாய்க்காகக் கட்டி முடித்தானாம்.

    தாயின் அன்பை வெகு சில வருடங்கள் மட்டுமே பெற்றிருந்தாலும், அதன் மேன்மையை உணர்ந்து வெளிப்படுத்திய விதத்தினை பாராட்டாமல் இருக்க முடியாது அல்லவா?

    மகாராஷ்டிரா மாநிலம் செல்பவர்கள், ஔரங்காபாத் சென்று அவசியம் இந்த மினி தாஜ் மகாலை பார்த்து வாருங்கள். 

     செய்தி மற்றும் படங்கள்.......    மாலதி சந்திரசேகரன்.

    ]]>
    Mini Taj Mahal, மினி தாஜ் மகால் http://images.dinamani.com/uploads/user/imagelibrary/2017/5/13/w600X390/131.JPG http://www.dinamani.com/lifestyle/lifestyle-news/2017/may/14/தாய்க்காக-ஒரு-மினி-தாஜ்-மகால்-2701525.html
    2700932 லைஃப்ஸ்டைல் செய்திகள் தாம்பத்யத்தில் பெண்ணை செயலற்ற பங்கேற்பாளராகக் கட்டமைக்கவே மீடியாக்கள் முயல்கின்றனவா? RKV IANS Friday, May 12, 2017 01:45 PM +0530  

    தாம்பத்திய உறவில் பெண்ணை செயலற்ற பங்கேற்பாளராகக் காட்டவே மீடியாக்கள் தொடர்ந்து முயன்று வருகின்றன என அமெரிக்காவின் மிக்ஸிகன் பல்கலைக் கழக ஆய்வுப் பேராசிரியை ரீட்டா சீபுரூக் குற்றம் சாட்டியுள்ளார். தொடர்ந்து அவர் வெளியிட்ட கருத்துகள் அனைத்துமே தாம்பத்திய விசயத்தில் மீடியாக்கள் உருவாக்கிக் கொண்டிருக்கும் தவறான சித்தரிப்புகளை வெளிச்சமிட்டுக் காட்டும் முயற்சியாக அமைந்தன. வெளிநாடுகளை விட மீடியாக்கள் குறித்து அவர் முன் வைத்த குற்றச்சாட்டு நமது இந்தியாவுக்குத்தான் மிக அருமையாகப் பொருந்துவதாகவே தோன்றுகிறது. அவர் கூறியதிலிருந்து;

    தொடர்ந்து மெகா சீரியல்கள் காணும் பழக்கமுடைய கல்லூரிப் பருவத்து பெண்கள் தொடர்களில் சித்தரிக்கப்படும் பெண் கதாபாத்திரங்களின் பாலியல் வறட்சித் தன்மை கலந்த தாம்பத்திய மறுப்புகளை புனிதம் என்றும் ஒரு குடும்ப ஸ்திரி இப்படித்தான் இருக்க வேண்டும் என்றும் எண்ணிக் கொள்கிறார்கள். பின்னர் அவர்களுக்குத் திருமணமாகி குடும்ப வாழ்வு அமையும் போது; கணவன் தாம்பத்தியத்துக்காக மனைவியை நாடும் போது உடனடியாக மறுப்பது தான் மனைவியின் நல்லியல்பு என எண்ணிக் கொள்ள ஆரம்பித்து விடுகிறார்கள். தாம்பத்தியத்துக்கு உடனே ஒத்துக் கொண்டால் மனைவியின் பதி விரதா தன்மை குறித்து கணவனுக்கு சந்தேகம் எழக்கூடும் எனவும் அவர்களைத் தவறான கற்பிதம் செய்து கொள்ளத் தூண்டுபவையாகவே பெரும்பாலான தொலைக்காட்சி மெகாத் தொடர்கள் அமைந்துள்ளன என ரீட்டா கூறுகிறார். 

    அவர் கூறியதை வைத்துப் பார்க்கும் போது; தாம்பத்திய உறவில் ஆணுக்கு இணையாக பெண்ணுக்கும் தனிப்பட்ட எதிர்பார்ப்புகள் உண்டு, திரைப்படங்களிலும், மெகாத் தொடர்களிலும் காட்டப்படுவது போல எப்போதும் மனைவி என்பவள் கணவனின் எதிர்பார்ப்புகளுக்கு மட்டுமே ஈடு கொடுத்துக் கொண்டு தனக்கான பாலியல் தேவைகள் குறித்து கணவனிடம் மனம் விட்டு பகிர்ந்து கொள்ள முடியாத, அல்லது அப்படிப் பகிர்ந்து கொள்வதே மிகப்பெரிய குற்றச் செயல் எனும்படியான மனநிலையில் இருப்பது என்பது நிஜமான சித்தரிப்பு இல்லை. மீடியாக்கள் ஏன் வலிந்து பெண்களை அவ்விதம் கட்டமைக்கின்றன என்றால் அதிலும் ஆணாதிக்க மனப்பான்மை இருப்பதாகவே கருத வேண்டியதாகிறது.

    அமெரிக்காவில் வெளிவரும் ‘சைக்காலஜி ஆஃப் வுமன்’ எனும் மனோதத்துவக் காலாண்டிதழ் ஒன்றில்; தொடர்ந்து தொலைக்காட்சி நிகழ்ச்சிகள் பார்க்கும் வழக்கமுள்ள திருமணமாகாத பெண்கள் தாம்பத்தியம் குறித்த தவறான கற்பிதங்களை தொலைக்காட்சித் தொடர்கள் மற்றும் நிகழ்ச்சிகள் வாயிலாகப் பெறுகிறார்கள் என ஆய்வறிக்கை ஒன்று வெளியிட்டுள்ளது. அதனடிப்படையில் இந்தியாவில் மட்டுமல்ல மிகவும் முற்போக்கானவர்கள் எனக் கருதப் படும் அமெரிக்கா உள்ளிட்ட மேற்கத்திய நாடுகளிலும் பெண்களின் குறிப்பாக மனைவிகளின் நிலை இது தான் எனத் தெளிவாகத் தெரிகிறது.

    Image courtsy: youtube

    ]]>
    தாம்பத்யம், கணவன், மனைவி, மீடியா சித்தரிப்புகள், தவறான கற்பிதங்கள், MEN VS WOMAN, WEDDING LIFE, SEXUAL LIMITATIONS OF WOMAN http://images.dinamani.com/uploads/user/imagelibrary/2017/5/12/w600X390/thambathyam.jpg http://www.dinamani.com/lifestyle/lifestyle-news/2017/may/12/heres-how-tv-limits-womens-sexual-experience-2700932.html
    2699681 லைஃப்ஸ்டைல் செய்திகள் மெகாத் தொடர்களில் உங்களுக்குப் பிடித்த ஸ்ரீகிருஷ்ணர் யார்? RKV DIN Wednesday, May 10, 2017 04:26 PM +0530  

    90 களில் பி.ஆர் சோப்ராவின் தூர்தர்ஷன் மகாபாரதத்தில் ஸ்ரீ கிருஷ்ணரைப் பார்த்திருக்கிறீர்களா? இன்று வரை ஸ்ரீ கிருஷ்ணர் கதாபாத்திரத்துக்கு நியாயம் செய்தவர் அவர் ஒருவராகவே இருக்கக் கூடும். அதற்குப் பின்னான காலகட்டத்தில் மகாபாரதத்தில் இந்தியிலும் சரி தமிழிலும் சரி பல வெர்ஷன்கள் வந்து விட்டன. ஒவ்வொன்றிலும் வேறு வேறு நபர்கள் ஸ்ரீ கிருஷ்ணராக நடித்தார்கள். ஆனால் ஒருவரும் பழைய தூர்தர்ஷன் கிருஷ்ணர் அளவுக்கு மனதை ஈர்க்கவில்லை. இப்போது ‘சூர்ய புத்திரன் கர்ணன்’ என்ற பெயரில் மெகாத் தொடர் ஒன்று ஜீ தொலைக்காட்சியிலோ, பாலிமரிலோ வந்து கொண்டிருக்கிறது. தவிர  ‘ஜெய் ஹனுமன்’ என்றொரு தொடர் ஞாயிறு தோறும் சன் தொலைக்காட்சியில் ஒளிபரப்பாகிக் கொண்டிருக்கிறது. இவை இரண்டிலுமே கிருஷ்ணர் இருக்கிறார் அவ்வளவே. ஆனால் அவர்கள் மக்களின் மனம் கவர்ந்த ஸ்ரீஸ்ரீஸ்ரீ கிருஷ்ண பரமாத்மாக்கள் இல்லை என்பது வாஸ்தவம். பழைய கிருஷ்ணரையும், புது கிருஷ்ணர்களையும் ஏன் ஒப்பிட வேண்டும் என்று கேட்கலாம்... கீழே உள்ள புகைப்படங்களைக் கண்டால் உங்களுக்கே புரியும்!

    சோப்ராவின் ஸ்ரீ கிருஷ்ணர்...

    பாட்டிகள் சொல்லிச் சென்ற கதைகளின் படி ஸ்ரீ கிருஷ்ணர் என்பவர் புன்னகை மாறாமல் பொலியும் முகம் கொண்டவர். சுருள் சுருளான கேசம் காற்றிலாட மயிற் பீலி குழல் சூடி கரிய நெடிய தோற்றம் கொண்டு காண்போரை வசீகரிக்கும் குறும்பான புன்னகைக்குச் சொந்தக்காரர். கிருஷ்ணராக நடிக்கையில் தாம் ஒரு மனித ஜீவன் என்பதையே மறந்து போய் தெய்வாம்ச நிலையை எய்தி அந்தக் கதாபாத்திரத்தில் மூழ்கி ரசிகர்களுக்கு குறிப்பாக பள்ளிச் சிறுவர், சிறுமிகளுக்கு நிஜ ஸ்ரீ கிருஷ்ணரை நேரில் கண்ட உணர்வை எழுப்பக் கூடியவர். சுருங்கச் சொன்னால் நாடகத் தன்மை இல்லாது இயல்பான கரிய நிறம், குறும்பு கொப்பளிக்கும் புன்னகை. கண்களில் குன்றாத ஜீவனொளி இவை இருந்தால் போதும் ஸ்ரீ கிருஷ்ணரை உயிர் பெற்று எழ வைக்கலாம் என்பது இன்றைய மெகாத் தொடர் இயக்குனர்களுக்குத் தெரியாது போலும்.

     

    சில தொடர்களில் வரும் ஸ்ரீ கிருஷ்ணர்களைக் கண்டால் போலி கிருஷ்ண பரமாத்மாக்கள் போலிருக்கிறார்கள். 

    ஆந்திராவைப் பொறுத்தவரை அவர்களுக்கு கிருஷ்ணர் என்றாலே என்றென்றும் என்.டி.ஆர் மட்டும் தான் போலும்! தென்னிந்தியாவில் கிருஷ்ணர் வேடம் ஏற்றவர்களில் அந்நாட்களில் இளைமையான என்.டி.ஆர் வெகு அருமையாகப் பொருந்தி நின்றார். என்.டி.ஆர் ஐ இப்போதும் அவரது அபிமானிகளும், ரசிக கோடிகளும் ‘தேவுடு’ என்றே பிரஸ்தாபிக்கிறார்கள் என்பது நிஜம். வார இதழ் ஒன்றில் வாசித்தேன். ஆந்திராவிலும், தமிழகத்தின் தென் மூலையிலுமிருந்து திருப்பதிக்கு வரும் பக்த மகா ஜனங்கள் திருப்பதி ஏழுமலையானைத் தரிசித்த கையோடு அப்போது தி.நகரில் இருந்த என்.டி.ஆர் வீட்டிற்குப் போய் அவரையும் தரிசித்து விட்டுத் தான் ஊர் திரும்புவார்களாம். இல்லா விட்டால் தங்களது பக்தி யாத்திரை நிறைவு பெறாது என்று எண்ணுவார்களோ என்னவோ?! ஆனால் இப்படி ஒரு பழக்கம் அப்போதைய ஏழுமலையானின் பக்தர்களிடையே இருந்தது என்பது நிஜம். ஒரு நடிகரைத் தெய்மாகக் கொண்டாட வைத்த கடவுள் ரூபம் ஸ்ரீகிருஷ்ணரே! இன்றளவும் தென்னகத்தில் என்.டி.ஆர் ஸ்ரீகிருஷ்ணர் என்றால் வடக்கிலிருந்து ஒளிபரப்பான பி.ஆர் சோப்ரா மகாபாரதத்தில் இந்தியா முழுமையும் ஏற்றுக் கொண்ட ஒரே ஸ்ரீகிருஷ்ணர் நிதிஷ் பரத்வாஜ் என்றால் அது மிகையில்லை.

    இதோ இவர் அடுத்த ஸ்ரீ கிருஷ்ணர், புதிதாக தயாரிப்பில் இருக்கும் கிருஷ்ணா சீரிஸ் நெடுந்தொடர் ஒன்றில் இவர் தான் கிருஷ்ணராக நடிக்கப் போகிறாரா. உங்கள் மனதில் இருக்கும் கிருஷ்ணன் இவரோடு ஒத்துப்போகிறானா என்று எதற்கும் ஒரு முறை சோதித்துப் பார்த்துக்கொள்ளுங்கள்.

     

    யார் கிருஷ்ணராக நடித்தாலும் பதின் வயதுகளில் நம் மனதில் பதிந்து போன வேடங்களை, கதாபத்திரங்களை மறக்கடிக்க முடியாது என்பதற்கு இந்த விசயத்தையும் ஒரு உதாரணமாகக் கொள்ளலாம். சோப்ராவின் மகாபாரதத்தில் அறிமுகமாகும் போது நிதிஷ் பரத்வாஜுக்கு வயது 23 மட்டுமே. ஒரே இரவில் இன்றைய  பாகுபலி பிரபாஸ் போல  அந்நாளைய ‘பான் இந்தியா’ பிரபலமானார் இவர். மகாபாரத கிருஷ்ணராகவே மக்கள் மனதைக் கொள்ளை கொண்டு பாராளுமன்றத் தேர்தலில் பாரதிய ஜனதா கட்சி சார்பில் மத்தியப் பிரதேசத்தின் ஜாம்ஷெட்பூர் கேண்டிடேட் ஆக தேர்தலில் நின்று நான்கு வருடங்கள் எம். பி யாகவும் இருந்தார் அவர். அடிப்படையில் கால்நடை மருத்துவரான இவருக்கு அதில் நாட்டம் செல்லாததால் தற்போது மராத்தியில் திரைப்பட இயக்குனர் மற்றும் ஸ்க்ரிப்ட் ரைட்டராகச் செயல்பட்டு வருகிறார் என்பது செய்தி.

     

    ]]>
    Nitish Bharadwaj, sri krishna of b.r.chopra's mahabarath, sri krishna characters of serials, நிதிஷ் பரத்வாஜ், ஸ்ரீ கிருஷ்ணர் கதாபாத்திரம், மகாபாரதம், மெகாத் தொடர் ஸ்ரீ கிருஷ்ணர்கள் http://images.dinamani.com/uploads/user/imagelibrary/2017/5/10/w600X390/krishna_b.jpg http://www.dinamani.com/lifestyle/lifestyle-news/2017/may/10/which-sri-krishna-u-like-most-2699681.html
    2698405 லைஃப்ஸ்டைல் செய்திகள் சாஹூவுக்குப் பின் டார்லிங். மிர்ச்சி ஸ்டைலில் பிரபாஸின் 20 வது திரைப்படம்! சரோஜினி DIN Monday, May 8, 2017 05:28 PM +0530  

    பாகுபலியை அடுத்து பிரபாஸின் 19 வது படமான சாஹூவின் டீஸர் சமீபத்தில் வெளியானது. இந்த திரைப்படம் பாகுபலி 1 & 2 மூலம் பிரபாஸ் சம்பாதித்த திரைப்பட வெற்றிகளுக்கு சற்றும் பங்கம் வரக்கூடாது எனும் தீவிரமான மன உறுதியின் கீழ் திட்டமிட்டு எடுக்கப்படவிருப்பதால் அடுத்தாண்டு இறுதி வரை படப்பிடிப்பு நீளும் எனக் கருதப்படுகிறது. ஹாலிவுட் சூப்பர் மேன் திரைப்படங்களுக்கு இணையாக சாஹூவில் துல்லியமான திரைப்படத் தொழில்நுட்பங்கள் பயன்படுத்தப்பட உள்ளனவாம். 150 கோடி ரூபாய் பட்ஜெட்டில் தயாராகிக் கொண்டிருக்கும் இந்த திரைப்படம் ஆக்‌ஷன் திரில்லர் வகைப் படமாக அமையும் எனக் கருதப் படுகிறது. 19 வது படத்திற்கான படப்பிடிப்புகளே இன்னமும் முழு வீச்சில் தொடங்கப் படாத நிலையில் பிரபாஸின் 20 திரைப்படம் குறித்த தகவல்கள் வெளியாகியுள்ளன. ஜில் திரைப்படப் புகழ் இயக்குனர் ராதாகிருஷ்ண குமார் இயக்கத்தில் தனது முந்தைய ரொமாண்டிக் திரைப்படங்களான டார்லிங், மிர்ச்சி ஜேனரில் பிரபாஸ் நடிக்கவிருப்பதாக செய்திகள் வெளியாகியுள்ளன. இந்த தகவலை ‘ஜில்’ இயக்குனர் ராதாகிருஷ்ணகுமார் தனது முகநூல் பக்கத்தில் பகிர்ந்துள்ளார்.

    பாகுபலியை அடுத்து சஹூவிலும் ஆக்‌ஷனுக்கே முன்னுரிமை அளிக்கப்பட்டிருப்பதால் ‘ஜில்’ ராதாகிருஷ்ணகுமார் இயக்கத்தில் பழைய லவ்வர் பாய் பிரபாஸைக் காணலாம் என்று இயக்குனர் தரப்பில் உறுதியளிக்கப்பட்டுள்ளது. ராதா கிருஷ்ணகுமாரின் திரைப்படங்கள் அவரது அருமையான விஷுவல்கள் மற்றும் நளினமான நடன அசைவுகளுக்காக ரசிகர்களால் பெரிதும் பாரட்டப்படக் கூடியவை. இந்தத் திரைப்படத்துக்கான தலைப்பு இன்னும் முடிவு செய்யப்படாத நிலையில் இந்த இரண்டு திரைப்படங்களில் எது முன்னதாக திரைக்கு வரப்போகிறது என்பதை பொறுத்திருந்து காண்போம்.

    ]]>
    prabhas, 20th movie, radha krishnakumar, jil movie, பிரபாஸ், 20 வது திரைப்படம், ரொமாண்டிக் திரைப்படம், டார்லிங், மிர்ச்சி, இயக்குனர் ராதா கிருஷ்ணகுமார் http://images.dinamani.com/uploads/user/imagelibrary/2017/5/8/w600X390/Prabhas-.jpg http://www.dinamani.com/lifestyle/lifestyle-news/2017/may/08/prabhas-20-th-movie-after-sahoo-2698405.html
    2696085 லைஃப்ஸ்டைல் செய்திகள் பாகுபலியைப் பற்றி மார்கண்டேய கட்ஜூ மட்டும் ஒன்றும் சொல்லாமல் இருந்து விடுவாரா என்ன? சரோஜினி DIN Thursday, May 4, 2017 04:31 PM +0530  

    சோஷியல் மீடியாக்களில் தமது கருத்துகளைச் சுதந்திரமாகவும், சூடாகவும் பதிவு செய்து அவ்வப்போது நிலவரத்தைக் கலவரமாக மாற்றக் கூடிய பிரபலங்களுக்கு இந்தியாவில் பஞ்சமே இல்லை. இவர்களில் சிலரது ஃபேஸ்புக் மற்றும் ட்விட்டர் பதிவுகளும், கருத்துகளும் மிகவும் சுவாரஸ்யமானவை. அவர்களில் ஒருவர் தான் முன்னால் உச்சநீதி மன்ற நீதிபதிகளில் ஒருவரான மார்கண்டேய கட்ஜூ. ஊரே பாகுபலி திரைப்பட வசூலையும், படத்தையும் பற்றி சிலாகித்துப் பேசிக் கொண்டிருக்க மார்கண்டேய கட்ஜூ மட்டும் கருத்து ஒன்றும் சொல்லாமல் சும்மா இருந்து விடுவாரா என்ன?

    ஹாலிவுட்டில் ‘பிளானெட் ஆஃப் தி ஏப்ஸ்’ என்றொரு திரைப்படம் வெளிவந்து சக்கைப் போடு போட்டது. அத்திரைப்படத்தின் படி பூமியை வெற்றி கொள்ளும் மனிதக் குரங்குகள் இங்கிருக்கும் மனிதர்களை அவற்றின் அடிமைகளாக மாற்றி ஏவிக் கொண்டிருக்கும். “இந்தியாவில் அந்தத் திரைப்படத்தை பிளானெட் ஆஃப் தி கவ்ஸ் என்ற பெயரில் ரீமேக் செய்ய வேண்டும். ஏனெனில் இந்தியாவில் பசுக்களுக்காக நடைபெறும் சண்டைகளும், கொலைகளும் நாளுக்கு நாள் பெருகிக் கொண்டே இருக்கின்றன. ஒரு பக்கம் பசுக்களைக் காக்கிறோம் என்ற புனிதக் காரணத்தைச் சொல்லிக் கொண்டு சிலர் அரசியல் அதிகாரங்களை வைத்துக் கொண்டு அராஜகம் செய்கிறார்கள். இன்னொரு பக்கம் மாட்டிறைச்சியை இந்தியாவில் தடை செய்தே தீருவோம் என கும்பல், கும்பலாக சிலர் அடக்குமுறைகளில் ஈடுபட்டு வருகின்றனர். இவர்களது நோக்கம் பசுக்களையும், மாடுகளையும் காப்பது தான் என்றால் பேசாமல் பாலிவுட் இயக்குனர்கள் ‘பிளானட் ஆஃப் தி ஆப்ஸ்’ போலவே ‘பிளானட் ஆஃப் தி கவ்ஸ்’ என்றொரு திரைப்படம் எடுக்க முயற்சிக்கலாம். அதில் பசுக்கள் மனிதர்களை அடிமைகளாக்கி வேலை வாங்கும் சுவாரஸ்யமான காட்சிகளை அட்டகாசமான கிராபிக்ஸ் தொழில்நுட்பத்துடன் காட்டினால் இன்றுள்ள நிலையில் அது பாகுபலி 2 வை விட 10 மடங்கு அதிக லாபம் ஈட்டித் தரும்.” என்றிருக்கிறார்.

    ]]>
    bahubali , mankandeya kadju,India,பாகுபலி-2, மார்கண்டேய கட்ஜு, இந்தியா http://images.dinamani.com/uploads/user/imagelibrary/2017/5/4/w600X390/katju-final-pic.jpg http://www.dinamani.com/lifestyle/lifestyle-news/2017/may/04/markandeya-kadjus-statement-about-bahubali-the-planet-of-the-cows-2696085.html
    2694886 லைஃப்ஸ்டைல் செய்திகள் இளம்பெண்களைக் குற்ற உணர்வில் தள்ளும் ஃபேர்னஸ் கிரீம் விளம்பரக் கொள்ளைக்கு சரியான பதிலடி! ஹரிணி IANS Tuesday, May 2, 2017 01:18 PM +0530  

    நிறத்தை மையமாக வைத்து இந்தியாவில் ஃபேர்னஸ் கிரீம் விளம்பரங்கள் மூலம் அந்நிறுவனங்கள் அடிக்கும் லாபக் கொள்ளையால் நஷ்டம் நமது இயற்கை அழகூட்டிகளுக்கு மட்டுமல்ல. நமது இளம் பெண்களின் தன்னம்பிக்கை உணர்வுகளுக்கும் தான். இந்தியாவைப் பொறுத்த மட்டில் விளம்பரங்களில் அழகான பெண்கள் என்றால் அவர்கள் நிறங்களால் மட்டுமே அளக்கப்பட வேண்டும் என்பது பல்லாண்டுகளாக நடைபெற்று வரும் மூளைச் சலவைகளில் ஒன்று. இதை எதிர்த்து சமீபத்தில் ‘பிங்க்’ படப் புகழ் நடிகை டாப்ஸி பன்னு தான் இனிமேல் ஃபேர்னஸ் கிரீம் விளம்பரங்களில் நடிப்பதாக இல்லை என முடிவெடுத்து அறிவித்திருந்தார். அந்த வரிசையில் தற்போது பாலிவுட் சூப்பர் க்வீன் பிரியங்கா சோப்ரா கூட அதே ரீதியில் தமது கருத்து ஒன்றைப் பதிவு செய்திருக்கிறார்.

    ஒரு காலத்தில் நான் எனது நிறத்தைக் கொண்டு மிகத் தவறான தாழ்வுணர்வு கொண்டிருந்தேன். அதனால் எனது 20 களில் நான் சில ஃபேர்னஸ் கிரீம் பொருட்களைப் பயன்படுத்தி எனது நிறத்தை அவற்றால் மாற்ற முடியுமா? எனும் சோதனை முயற்சியில் கூட இறங்கி இருக்கிறேன். ஆனால் அவை அனைத்துமே குப்பைகள், அவற்றால் நமது நிறத்தை மாற்ற முடியாதது மட்டுமல்ல சரும ரீதியான பல்வேறு பிரச்னைகளுக்கும் அவையே காரணம் என அறிந்த பின் அவற்றின் மீதான நம்பிக்கை உடைந்தது. நடிக்க வந்த புதிதில் நான் கூட சில ஃபேர்னஸ் கிரீம் விளம்பரங்களில் நடித்தேன். ஆனல் இன்று அவை அவசியமற்றவை என்று உணர்ந்ததால் இனி அப்படியான விளம்பரங்களில் நடிப்பதில்லை என முடிவெடுத்து விட்டேன். உண்மையில் எனது தோலின் நிறத்தை நான் அப்போதும், இப்போதும் ரசிக்கவே செய்கிறேன். என்றிருக்கிறார்.

    இவர்கள் மட்டுமல்ல நடிகர் அபய் தியோலும் கூட இந்த விளம்பரங்கள் மற்றும் அழகு சாதனப் பொருட்களைக் கடுமையாக விமர்சித்து தமது கருத்துகளைப் பதிவிட்டதோடு. இம்மாதிரியான விளம்பரங்களில் நடித்து வந்த பிரபல பாலிவுட் நடிகர், நடிகைகளை இவற்றுக்கு எதிராகத் திருப்பி உண்மையை அறியச் செய்ய முயன்றிருக்கிறார். தமிழில் இப்படி தைரியமாக முடிவெடுக்கும் நடிகர், நடிகைகள் எவரேனும் இருந்தால் உத்தமம். 

    ]]>
    fairness cream advertisements, fall of self confidance among young girls, priyanka chopra, tapsy pannu, abhay deol, ஃபேர்னஸ் கிரீம் விளம்பர கொள்ளை, இந்தியப் பெண்களின் நிறம், தாழ்வு மனப்பான்மை http://images.dinamani.com/uploads/user/imagelibrary/2017/5/2/w600X390/fainess_cream_add.jpg http://www.dinamani.com/lifestyle/lifestyle-news/2017/may/02/fall-of-self-respect-among-indian-girls-through-fairness-cream-advertisements-2694886.html
    2690846 லைஃப்ஸ்டைல் செய்திகள் பெற்றோர், உறவினர் புடைசூழ பெண்ணே பெண்ணை மணந்து கொண்ட விந்தை திருமணம்! கார்த்திகா வாசுதேவன் DIN Tuesday, April 25, 2017 03:51 PM +0530  

    திருநங்கைகள் மற்றும் ஓரினச் சேர்க்கையாளர்கள் குறித்த இந்திய மக்களின் அணுகுமுறை இப்போதும் மேற்கத்திய நாடுகளுடன் ஒப்பிடுகையில் விரும்பத் தகாததாகவே கருதப் பட்டு வருகிறது. இந்தச் சூழல் மாறிக் கொண்டே வருவதற்கான உதாரணங்கள் அங்கொன்றும், இங்கொன்றுமாக நடைபெற்றாலும் அவர்களுக்கான சமூக நீதி முழுமையாகக் கிடைத்து விட்டது என்று சொல்லி விட முடியாது. ஏனெனில் அவர்களுக்கான சமூக அங்கீகாரங்கள் வலுப்படவும் அவர்களே தான் பொறுப்பேற்றுக் கொள்ள வேண்டியதாகிறது. அந்த வகையில் இன்றைய பரபரப்பான செய்தி பஞ்சாபைச் சேர்ந்த திருநம்பி பெண்ணாகப் பிறந்து ஆணாக மாறியவர்) மஞ்ஞித் கெளர் என்பவர் தனது தோழியும் பார்ட்னருமான மற்றொரு பெண்ணை இந்து திருமணச் சம்பிரதாய முறைப்படி மணம் புரிந்துள்ளார். இது மேலோட்டமாகப் பார்த்தால் சாதாரண விசயமே. ஆனால் மஞ்ஞித் கெளர் இதைச் சாதித்தது தனது பெற்றோர், உறவினர்கள், நண்பர்கள் என அனைவரது சம்மதத்துடனும் எனும் போது இந்தச் சம்பவம் மக்களிடையே கவனம் ஈர்க்கிறது. 

    பஞ்சாப் மத்திய சிறைச்சாலையில் சப் இன்ஸ்பெக்டராகப் பணியாற்றும் மஞ்ஞித் கெளர் தற்போது வசிப்பது கபுர்தலாவில். தனது திருமணத்திற்காக சிவப்பு டர்பன் அணிந்து கொண்டு தானே தனக்கான சாரட் வண்டியை ஓட்டிக் கொண்டு மஞ்ஞித் கெளர் திருமண நிகழ்விற்கு வந்ததாக குறிப்பிடுகிறார்கள். அவர் திருமணம் செய்து கொண்ட பெண்ணின் பெயர் மற்றும் அவரைப் பற்றிய தகவல்கள் எதுவும் இதுவரை வெளியாகவில்லை. இந்தத் திருமணத்தின் சிறப்பே இரண்டு பெண்களின் குடும்பத்தினரும் ஏற்றுக் கொண்டு இவர்களுக்கு மனமுவந்து திருமணம் செய்து வைத்திருப்பது தான். குடும்பத்தினரும், உறவினர்களும், நண்பர்களும் ஒத்துக் கொண்டால் மட்டும் போதாது... இனி இவர்கள் மனமொத்து வெற்றிகரமாக வாழ்வதில் இருக்கிறது இவர்களுக்கான சமூக அங்கீகாரம். அதில் வெற்றி கண்டார்கள் எனில் இந்தத் திருமணம் ஓரினச் சேர்க்கையாளர்களிடையே பிற்காலத்தில் சிறந்த முன்னுதாரணமாகக் கொள்ளப்படலாம். புரட்சிகரமான சமூக மாற்றங்கள் அனைத்துமே சிறு பொறியாகத் தான் துவங்கும். அதன் வெற்றி என்பது அது எத்தனை பேருக்கு பலன் அளித்தது, எத்தனை பேரின் வாழ்வில் பின்பற்றத் தக்கதாக இருந்தது என்பதைப் பொறுத்தது.

    இரு பெண்கள் திருமணம் பெற்றோர் அனுமதியுடன் திருமணம் செய்து கொண்டார்கள் என்பதைத் தாண்டி அவர்கள் இருவரது மன உணர்வுகளையும் உரிய வகையில் அவர்களது பெற்றோர்கள் உணர்ந்து கொண்டார்கள், ஏற்றுக் கொண்டார்கள் என்பதே இதில் புதுமை தான்.

    Image courtsy: google

    ]]>
    Manjit Kaur, woman SI mariies her same sex partner, punjab, மஞ்சித் கெளர், பஞ்சாப் எஸ் ஐ, ஓரினச் சேர்க்கையாளர்கள் திருமணம் http://images.dinamani.com/uploads/user/imagelibrary/2017/4/25/w600X390/panjab_woman_si_mariied_a_woman.jpg http://www.dinamani.com/lifestyle/lifestyle-news/2017/apr/25/this-punjab-woman-sub-inspector-married-her-same-sex-partner-recently-2690846.html
    2690172 லைஃப்ஸ்டைல் செய்திகள் மகாநதியில் ஜெமினி வேடத்தில் துல்கர் சல்மான் சரோஜினி DIN Monday, April 24, 2017 01:58 PM +0530  

    பிரபல நடிகை சாவித்திரியின் வாழ்க்கையை திரைப்படமாக்கும் முயற்சியில் இறங்கினாலும் இறங்கினார்கள். அந்தப் படத்தில் இடம்பெறப்போகும் அந்நாளைய பிரபல நடிகர்களின் கதாபாத்திரங்களில் இன்னின்னவர்கள் நடிக்கப் போகிறார்கள் என்பது குறித்து நாளொரு மேனியும், பொழுதொரு வண்ணமுமாகப் பரவிக் கொண்டிருக்கும் செய்திகளைப் பார்த்தால் பிரமிப்பாக இருக்கிறது.

    சாவித்திரியாக கீர்த்தி சுரேஷ் நடிக்கவிருக்கிறார் என்பது படக்குழுவினரின் அதிகாரப் பூர்வமான அறிவிப்பு. படத்தில் சமந்தாவும் இருக்கிறார் என்பதால் அவர் ஏற்று நடிக்கவிருப்பது யாருடைய கதாபாத்திரத்தை என்பது இன்னும் தெளிவாகவில்லை. அவர் அந்நாளில் சாவித்திரிக்கு போட்டியாகக் கருதப்பட்ட நடிகை ஜமுனாவின் கதாபாத்திரத்தில் நடிப்பார் என்றார்கள், சில ஊடகங்களிலோ இல்லை, சமந்தா ‘மகாநதி’ திரைப்படத்தில் பத்திரிகையாளராக நடிக்கவிருக்கிறார் என்றார்கள். ஆனால் அவர் எவருடைய கதாபாத்திரத்தை ஏற்கவிருக்கிறார் என்பது குறித்து படத்தயாரிப்புக் குழுவிடமிருந்து இன்னும் அதிகாரப்பூர்வமாக அறிவிப்பு எதுவும் வரவில்லை என்பதே நிஜம்.

    அதோடு கூட கடந்த வாரத்தில் திடீரென இத்திரைப்படத்தில் அனுஷ்காவும், பிரகாஷ் ராஜும் நடிக்கவிருக்கிறார் என்றார்கள். கீர்த்தி சுரேஷைக் காட்டிலும் அதிக நடிப்பு அனுபவமும் திறமையும் கொண்ட அனுஷ்கா இப்படத்தில் நடித்தால் அவருக்கான முக்கியத்துவம் என்னவாக இருக்கும் என்று அனுஷ்கா ரசிகர்கள் யோசனையில் இருப்பதாகத் தகவல். சாவித்திரியின் வாழ்க்கைச் சித்திரமான மகாநதியைப் பொறுத்தவரை இன்னும் எதிர்பார்ப்புகள் தீர்ந்த்தபாடில்லை.

    இன்று அப்படத்தில் நாயகனாக மறைந்த பழம்பெரும் நடிகர் ஜெமினியின் கதாபாத்திரத்தில் மலையாள நடிகரும், நடிகர் மம்மூட்டியின் மகனுமான துல்கர் சல்மான் நடிக்கவிருப்பதாக செய்தி அடிபடுகிறது. ஜெமினி கணேஷன் அந்தக் கால ‘காதல் மன்னன்’ என அவரது ரசிகர்களால் கொண்டாடப் பட்டவர். துல்கர் ஜெமினியின் கதாபாத்திரத்தில் சோபிப்பாரா? என்று படம் வெளிவந்தால் தான் தெரியும்.

    அதோடு கூட சாவித்திரி தமிழ், தெலுங்கு திரைப்படங்கள் மட்டுமல்ல தமிழ், தெலுங்கு, மலையாளம், கன்னடம் என பிரபலமான 4 தென்னிந்திய மொழிகளிலும் திறமையாக நடித்து பெரும் புகழ் பெற்ற நடிகை என்பதால் அவரது வாழ்க்கையைத் திரைப்படமாக்கும் போது அந்தந்த காலகட்டத்தில் அந்தந்த மொழிகளில் பிரதானமாக விளங்கிய அன்றைய சூப்பர் ஸ்டார்களான எம்ஜிஆர், சிவாஜி கணேசன், என்டிஆர், ஏஎன்ஆர், கன்னடத்தில் ராஜ் குமார், உள்ளிட்ட அத்தனை கதாபாத்திரங்களுமே மகாநதியில் இடம் பெற வேண்டிய நிர்பந்தம் இருக்கிறது.

    தெலுங்குத் தயாரிப்பாளர்களான பிரியங்கா தத், ஸ்வப்னா தத் இருவரது முயற்சியால் அவர்களது சொந்த தயாரிப்பு நிறுவனத்தின் மூலம் தயாரிக்கப் படவிருக்கும் இத்திரைப்படத்தை இயக்குனர் நாக் அஸ்வின் இயக்குகிறார். ஒரே நேரத்தில் தமிழ், தெலுங்கு, மலையாளம், கன்னடம் என நான்கு மொழிகளில் தயாராகிக் கொண்டிருக்கும் இத்திரைப்படத்திற்கான எதிர்பார்ப்பு நாளுக்கு நாள் எகிறிக் கொண்டே இருக்கிறது. காரணம் அதில் இடம்பெறப் போகும் பிரபல நடிகர்களின் கதாபாத்திரங்களில் நடிக்கவிருக்கும் இன்றைய பிரபல நடிகர்கள் யார் யார்? எனத் தெரிந்து கொள்ளும் ஆர்வம் ரசிகர்களிடம் அதிகரித்துக் கொண்டே இருப்பதால். 

    Image courtsy: Google

    ]]>
    சாவித்ரி, மகாநதி, சமந்தா, அனுஷ்கா, துல்கர் சல்மான், ஜெமினி, savithri, anushka, samantha, gemini, maganadhi http://images.dinamani.com/uploads/user/imagelibrary/2017/4/24/w600X390/dulquer_salmaaan.jpg http://www.dinamani.com/lifestyle/lifestyle-news/2017/apr/24/dulquer-salman--plays-a-lover-boy-character-as-gemini-ganesan-in-ldquomahanatirdquo-2690172.html
    2689189 லைஃப்ஸ்டைல் செய்திகள் மணமகன் போலவே குதிரையேறி ‘பராத்’ ஊர்வலம் வந்த புரட்சிகரமான ராஜஸ்தானிய மணப்பெண்! கார்த்திகா வாசுதேவன் IANS Saturday, April 22, 2017 02:44 PM +0530  

    திருமணச் சடங்குகளில் ஆணாதிக்க மனப்பான்மையை எதிர்க்க நினைப்பவர்களால் மிஞ்சிப் போனால் என்னவெல்லாம் செய்து விட முடியும்? இதோ இப்படியும் செய்யலாம் என்று நிரூபித்திருக்கிறார் இந்த ராஜஸ்தானிய மணப்பெண். தென்னாட்டை விட வட இந்தியக் கிராமங்களில் பெண்களுக்கான கட்டுப்பாடுகள் அதிகம். திருமண விசயத்தில் பின்பற்றப்படும் பழக்க வழக்கங்களில் பழம் பஞ்சாங்கத்தனமான கட்டுப்பாடுகள் நிறைந்திருக்கும் அங்கு. அதில் ஒரு வழக்கம் தான் திருமணச் சடங்குகளில் ஒன்றாக மணமகன் அலங்கரிக்கப்பட்ட குதிரையில் ஏறி நண்பர்கள், உறவினர்கள் புடை சூழ மணமகள் வீட்டிற்கு செல்வார். இந்த ஊர்வலத்தின் முன்பாக மணமகன் வீட்டார் உற்சாகமாக நடனமாடிக் கொண்டே செல்வார்கள்.

    இந்த ஊர்வலம் மணமகள் வீட்டார், தமது வருங்கால மாப்பிள்ளைக்கு மரியாதை செய்து மணமகள் வீட்டுக்குள் அழைப்பதுடன் நிறைவு பெறும். இப்படியான மணமகன் வரவேற்பு விழாவுக்கு வட இந்தியத் திருமணங்களில் ‘பராத்’ என்று பெயர். அதைப் பற்றி அறிந்திராதவர்கள் டெய்ரி மில்க் விளம்பரம் ஒன்றில் மாமியாரும், மருமகளும் ஒரு திருமண ஊர்வலத்தின் முன் சாக்லெட் சாப்பிட்டு விட்டு நடனமாடுவார்களே அதை ஞாபகப் படுத்திக் கொள்ளுங்கள். அந்த விளம்பரத்தில் குதிரையில் மணமகன் உட்கார்ந்திருக்க ஊர்வலம் நடக்கும். இதற்குப் பெயர் தான் ‘பராத்’  இது பொதுவாக மணமகனுக்கு முதல் மரியாதை செய்து மணப்பெண் வீட்டுக்கு அழைக்கும் நிகழ்வாக அங்கு தொன்று தொட்டு நடத்தப்படுவது. இந்த வழக்கத்தைத் தான் இந்த ராஜஸ்தானிய மணப்பெண் துணிந்து உடைத்தெறிந்து மணமகனுக்குப் பதிலாக மணமகளான தான் அலங்கரிக்கப்பட்ட குதிரையில் ஏறி தனது உறவினர்கள் புடைசூழ மணமகன் வீட்டை அடைந்து அவர்கள் தரும் முதல் மரியாதையை ஏற்றுக் கொண்டிருக்கிறார். இது ராஜஸ்தான் போன்ற ஒரு மாநிலத்தில் நிச்சயம் அதிர்ச்சியும், ஆச்சரியமும் அளிக்கக் கூடிய புரட்சிகரமான மாற்றமே! 

    ராஜஸ்தான், அள்வார் பகுதியில் இன்றளவும் பெண் குழந்தைகள் பிறந்தால் பெரிய வரவேற்பு எதுவும் இருப்பதில்லை. அதே ஆண் குழந்தைகள் பிறந்தால் மிகுந்த விமரிசையாக அந்நிகழ்வு கொண்டாடப்படுகிறது. இது அங்கிருக்கும் இளம்பெண்களிடையே மிகுந்த மன வருத்தத்தை ஏற்படுத்த அதிலிருந்து மீள வழி தேடிக் கொண்டிருக்கையில் தான் இப்படி ஒரு திடீர் திருமணப் புரட்சி நிகழ்ந்து பலரது மனதை மகிழ்வித்திருக்கிறது.

    ஆம் படைப்பில் ஆண், பெண் பேதம் என்பது தோற்றத்தில் வேண்டுமானால் இருக்கலாம், ஆனால் அவரவருக்கான முன்னுரிமை மற்றும் மரியாதைகளில் இருக்கக் கூடாது என நினைத்த மணமகள் ஜியா சர்மா தனது வருங்காலக் கணவரான லோகேஷ் சர்மாவுடன் இணைந்து திட்டமிட்டு இப்படி ஒரு மறுமலர்ச்சியான திருமண வரவேற்பு நிகழ்வை அரங்கேற்றி இருக்கிறார்.

    ஜியா சர்மாவுக்கு வயது 25, MA ஆங்கில இலக்கியம் படித்தவரான ஜியாவின் வருங்காலக் கணவர் கணிப்பொறியாளர். ஜியாவுக்குத் திருமணம் பேசி முடித்ததும் இப்படி ஒரு புதுமையான ஐடியாவை அவர்களின் முன் வைத்தது ஜியாவின் அத்தை. பள்ளி ஆசிரியையும், சமூக ஆர்வலருமான அந்த அத்தை முன்னெடுத்துக் கொடுத்த இந்த ஐடியாவை ஜியாவும், அவரது வருங்காலக் கணவரும் மிகுந்த உற்சாகத்துடன் ஏற்றுக் கொண்டு அருமையாகச் செயல்படுத்தி இன்று மொத்த மாநிலத்தையும் தங்களை நோக்கி ஆச்சரியத்துடன் திரும்பி பார்க்க வைத்திருக்கின்றனர்.

    இதற்கான ஒரே காரணமாக அவர்கள் கூறிவது, ராஜஸ்தானில் தொடர்ந்து பெண் குழந்தைகளின் பிறப்பு விழுக்காடு குறைந்து கொண்டே வருகிறது. ஆண் குழந்தைகளுக்கு ஈடாக பெண் குழந்தைகளின் பிறப்பும் பெரு மகிழ்வுடன் வரவேற்கப் பட வேண்டும். குழந்தைகளில் ஆண், பெண் பேதம் என்பது கூடாது எனும் விழிப்புணர்வை ஏற்படுத்தும் முகாந்திரங்களில் ஒன்றாகவே நாங்கள் மரபை உடைத்து இப்படி ஒரு புதுமையான வரவேற்பு நிகழ்வை நடத்தினோம் என்கிறார்கள்.

    இந்தத் திருமண நிகழ்வில் மக்கள் அனைவரும் விரும்பத் தகுந்த, பின்பற்றத்தகுந்த மற்றுமொரு கூடுதல் அம்சமும் உண்டாம். அது என்ன தெரியுமா? மணமகள் ஜியா குடும்பத்தார் மணமகன் லோகேஷ் குடும்பத்தாருக்கு வரதட்சிணை எதுவும் தரவதாக இல்லை என முடிவெடுத்தது தான். அதற்கு மணமகன் வீட்டாரும் ஒப்புக் கொண்டனர். இது நிச்சயம் புரட்சியே தான். வரதட்சிணைகள் இல்லாத திருமணங்கள் பெருகினால் பெண் குழந்தைகள் பெற்றுக் கொள்ள ஏன் அஞ்ச வேண்டும்?!

    வடஇந்தியா மட்டுமல்ல வரதட்சிணை விசயத்தில் தென் இந்தியாவும் பின்பற்றத் தகுந்த முன்னுதாரணத்தை திட்டமிட்டதற்காக ராஜஸ்தான் மணமக்களை வாழ்த்துவோம்!

    Image courtsy: The better india

    ]]>
    ராஜஸ்தானிய மணப்பெண், பராத் ஊர்வலம், புரட்சிகரமான மணப்பெண் ஊர்வலம், rajasthan bride, baraat, patriarchy http://images.dinamani.com/uploads/user/imagelibrary/2017/4/22/w600X390/rajasthan-bride.jpg http://www.dinamani.com/lifestyle/lifestyle-news/2017/apr/22/rajasthan-bride-challenged-patriarchy-in-the-beautyful-way-by-leading-her-own-baraat-2689189.html
    2687835 லைஃப்ஸ்டைல் செய்திகள் ‘மகாநதி’ யில் அனுஷ்காவும் நடிக்கப் போகிறாராம்... அப்போ கீர்த்தி சுரேஷ்? சரோஜினி DIN Thursday, April 20, 2017 12:16 PM +0530  

    நடிகையர் திலகம் சாவித்ரியின் வாழ்க்கை ‘மகாநதி’ என்ற பெயரில் தெலுங்கு மற்றும் தமிழில் திரைப்படமாகவிருப்பது தெரிந்த செய்தி. அதில் கீர்த்தி சுரேஷ் ‘சாவித்திரி’ கதாபாத்திரத்தில் நடிக்கவிருப்பதாகவும், சமந்தாவும் அப்படத்தில் முக்கிய கதாபாத்திரம் ஏற்கவிருப்பதும் நாம் முன்னரே அறிந்த செய்திகள் தான். மகாநதியைப் பொறுத்தவரை இன்றைய புதுச் செய்தி என்னவென்றால்? அத்திரைப்படத்தில் அனுஷ்காவும், பிரகாஷ் ராஜும் கூட நடிக்கவிருக்கிறார்கள் என்பது தான்.

    அனுஷ்கா ‘மகாநதி’ க்குள் வரும்பட்சத்தில் அவர் ஏற்று நடிக்கவிருப்பது எந்த நடிகையுடைய கதாபாத்திரம்? எனும் ஆர்வம் அவரது ரசிகர்களுக்கு நிச்சயம் வரும். அனுஷ்காவும், பிரகாஷ் ராஜும் இதுவரை மகாநதிக்கென தேர்வாகி இருக்கும் மற்ற எல்லா நடிகர்களை விடவும் அதிக திறமையும், அனுபவமும் கொண்ட நடிகர்கள் என்பது திரை உலகினர் மட்டுமல்ல ரசிகர்களும் அறிந்த விசயமே! அப்படி இருக்கும் பட்சத்தில் கதா பாத்திரங்கள் மாற வாய்ப்பிருக்கிறதோ! அல்லது இன்னும் எத்தனை அனுபவம் வாய்ந்த நடிகர், நடிகைகள் எல்லாம் மகாநதி சாவித்திரிக்காக இத்திரைப்படத்தில் பணியாற்றவிருக்கிறார்கள் எனும் எதிர்பார்ப்பில் இந்த திரைப்படத்துக்கான வரவேற்பு இப்போதே எகிறிக் கொண்டிருக்கிறதாம்.

    ]]>
    அனுஷ்கா, மகாநதி, நடிகை சாவித்ரியின் வாழ்க்கை, கீர்த்தி சுரேஷ், சமந்தா, பிரகாஷ் ராஜ், maganadhi biopic, anushka chetty, samandha, keerthy suresh http://images.dinamani.com/uploads/user/imagelibrary/2017/4/20/w600X390/Anushka.jpg http://www.dinamani.com/lifestyle/lifestyle-news/2017/apr/20/மகாநதி-யில்-அனுஷ்காவும்-நடிக்கப்-போகிறாராம்-அப்போ-கீர்த்தி-சுரேஷ்-2687835.html
    2686627 லைஃப்ஸ்டைல் செய்திகள் காவல் சரக எல்லை எதுவெனக் காட்டும் புது அலைபேசி செயலி அறிமுகம்! RKV DIN Tuesday, April 18, 2017 05:33 PM +0530  

    சில திரைப்படங்களில் கண்டிருப்பீர்கள்; காவல் நிலையத்துக்கு பதட்டத்துடன் ஒருவர் புகார் அளிக்க ஓடி வருவார், புகார் என்னவென்று சொல்லி முடிப்பதற்குள்ளாக சம்பவம் நடந்த இடத்தை விசாரிக்கும் காவல்துறையினர். இந்த இடம் இந்த காவல் சரக எல்லைக்குள் வரவில்லை. நீங்கள் குற்றம் நடந்த இடம் எந்த காவல் சரக எல்லைக்குள் வருகிறதோ அங்கே சென்று புகார் அளித்தால் மட்டுமே நடவடிக்கை எடுக்க முடியும் எனக் கடுப்படிப்பார்கள். ஆனால் குற்றங்கள் என்ன ஒரே இடத்திலா நடக்கின்றன? உடனே நாம் எந்த காவல் சரக எல்லைக்குட்பட்டவர்கள் என மனனம் செய்து  கட கடவென ஒப்பிக்க! குற்றங்கள் என்னவோ அது பாட்டுக்கு பெரு நகரங்களில் எங்கு வேண்டுமானாலும் திடீரென நடந்து முடிந்து விடுகின்றன. பாதிக்கப்பட்டவர்களின் நிலை தான் பரிதாபம்!

    அதிலும் பாதிக்கப்பட்டவர்கள் அப்பாவி நடுத்தர வர்க்கத்தினர் எனில் அவர்கள் அனுபவிக்கும் தொல்லைகளைக் குறித்துச் சொல்லவே வேண்டாம். எந்த காவல் சரகம் என்பதை அறிவதற்குள்ளாக இங்கே... அங்கே என அலைந்து அலைக்கழிந்து போதும், போதுமென்றாகி விடும் அவர்களுக்கு. இந்தப் பிரச்னையைத் தீர்ப்பதற்காக பெங்களூரு  காவல்துறையினர், தொழில்நுட்ப வசதிகளின் துணை கொண்டு புது அலைபேசிச் செயலி ஒன்றை கண்டுபிடித்திருக்கிறார்கள். 

    இந்தச் செயலியை அலைபேசியில் நிறுவிக் கொண்டால் போதும். நாம் எந்த காவல் சரக எல்லையில் இருக்கிறோம் என்பதை அந்தச் செயலி மூலம் எளிதில் அறிந்து கொள்ள முடியுமாம். ஆனால் இந்த செயலியைப் பயன்படுத்துவதில் அலைபேசியாளர்களுக்கு ஒரு சின்னத் தடங்கல், தற்போது கண்டுபிடிக்கப்பட்ட இந்தச் செயலி ஆண்ட்ராய்டு வெர்சன் அலைபேசிகளில் மட்டுமே நிறுவும் வகையில் தயார் நிலையில் உள்ளது . ஆனால் ஆப்பிள் அலைபேசியாளர்களுக்குத் தேவையான ios வெர்சன் செயலிகளை உருவாக்கும் வேலை துரித கதிகள் நடைபெற்றுக் கொண்டிருக்கிறது. இரண்டு வெர்சன்களிலும் ‘know your police station' செயலிகள் தயாரானதும் பயன்பாட்டில் விடப்படும் என பெங்களூரு காவல்துறை உயரதிகாரிகள் வட்டம் தெரிவித்துள்ளது.

    ]]>
    know your polce station app, bengaluru police, நோ யுவர் போலீஸ் ஸ்டேஷன் செயலி, பெங்களூரு போலீஸ், காவல் சரக எல்லை, police station limit http://images.dinamani.com/uploads/user/imagelibrary/2017/4/18/w600X390/know_ur_police_station.jpg http://www.dinamani.com/lifestyle/lifestyle-news/2017/apr/18/know-your-police-station-new-app-introduced-for-mobile-phones-in-bangaluru-2686627.html
    2686621 லைஃப்ஸ்டைல் செய்திகள் பெங்களூரு மக்களின் உள்ளத்தை கொள்ளையடிக்க, என்ன செய்தார் விராட் கோலி?! RKV DIN Tuesday, April 18, 2017 04:00 PM +0530  

    ஐபிஎல் மேட்ச்சில் கலந்து கொள்வதற்காக தற்போது பெங்களூருவில் தங்கி இருக்கும் விராட் கோலி ஈஸ்டர் சண்டே அன்று அங்கிருக்கும் கைவிடப்பட்ட விலங்குகள் நல அமைப்பான CARE க்கு சென்றார். இதில் விளம்பர நோக்கம் ஏதுமில்லை, தனக்கிருந்த தனிப்பட்ட ஆர்வத்தின் காரணமாகவே கோலி அங்கு சென்றார். சுமார் 15 நிமிடங்கள் மட்டுமே திட்டமிடப்பட்டிருந்த அந்த வருகை... கிட்டத்தட்ட ஒரு மணி நேரம் நீண்டது. அங்கிருந்த நேரத்தில் கோலி 15 கைவிடப்பட்ட நாய்களை தன் பொறுப்பில் வளர்ப்பதாக ஏற்றுக் கொண்டார். ஆரோக்கியமாக இருக்கும் நாய்களை யார் வேண்டுமானாலும் வளர்க்க முன் வருவார்கள். ஆனால் அங்கங்களில் குறைகளுடன் கூடிய இந்த கைவிடப்பட்ட நாய்களைத் வளர்ப்புப் பிராணிகளாக தத்தெடுக்கத் தான் ஆட்கள் குறைவு. எனவே இவற்றை நான் வளர்க்கிறேன் என கோலி அறிவித்திருப்பது தான் பெங்களூரு மக்களை அசத்தி இருக்கிறது.

    CARE பிராணிகள் நல அமைப்பின் நிறுவனரும், ட்ரஸ்டியுமான சுதா நாராயாணன் இச்சம்பவம் குறித்து செய்தியாளர்களிடம் பேசுகையில்; இங்கே உடல் குறைபாடுகளால் கைவிடப்பட்ட 50 நாய்கள் இருக்கின்றன. நாங்கள அவற்றுக்கு இங்கே வாழ்நாள் பாதுகாப்பளித்து காப்பாற்றி வருகிறோம். திடீரென்று தான் கோலி இங்கே வந்தார், வந்தவர் உடனே அங்கக் குறைபாடுகள் உள்ள 15 நாய்களை தன் பொறுப்பில் வளர்ப்பதாக ஏற்றுக் கொண்டார். பெரும்பாலான மக்கள் பிராணிகள் மீது ஆர்வமிருந்தாலும் கூட நல்ல உடல் ஆரோக்கியமுள்ள அழகான நாய்களைத் தான் வளர்க்க விரும்புவார்கள். ஆனால் விராட் கோலி தாமே முன் வந்து முடமான, கண் பார்வைக் குறைபாடுகள் கொண்ட நாய்களை வளர்ப்பதாகச் சொல்லி வாங்கிச் சென்றது பாராட்டுதலுக்குரியது” என்றார்.

    இப்போ தெரிகிறதா பெங்களூரு மக்களின் உள்ளத்தை கொள்ளையடிக்க கோலி என்ன செய்தார் என்று!

    Image courtsy: google, the better india.

    ]]>
    VIRAT KOHLI, BENGALURU, DESTITUDE DOGS, CARE, SUDHA NARAYANAN, விராட் கோலி, சுதா நாராயணன், கேர் பிராணிகள் நல அமைப்பு, பெங்களூரு, உடல் குறைபாடுள்ள நாய்கள் வளர்ப்பு http://images.dinamani.com/uploads/user/imagelibrary/2017/4/18/w600X390/virat_koli_with_pets.jpg http://www.dinamani.com/lifestyle/lifestyle-news/2017/apr/18/what-virat-kohli--did-to-stole-the-hearts-of-bengaluru-people-2686621.html
    2685999 லைஃப்ஸ்டைல் செய்திகள் ‘நாஃப்கின் மனிதர்’ எனப் பொருள்படும் 'Pad Man'  திரைப்படத்தில் அமிதாப் நடிக்கிறார்! சரோஜினி IANS Monday, April 17, 2017 12:16 PM +0530  

    மோடியின் ‘ஸ்வச் பாரத்’ திட்டத்தின் கீழ் வருகிறது கிராமப்புற மகளிர் மாத விடாய் காலங்களில் பின்பற்ற வேண்டிய சுகாதார வழிமுறைகள். பெரு நிறுவனங்கள் தயாரித்து சந்தைகளில் விற்பனையில் கொடி கட்டிப் பறந்து கொண்டிருக்கும் பிரபல நாஃப்கின்கள் அனைத்தும் நான்கிலக்க சம்பளக்காரர்களுக்கே கட்டுப்படியாகுமோ, ஆகாதோ?! எனும் நிலையில் கிராமப்புற உழைக்கும் மகளிர் மாத விடாய் காலங்களில் என்ன செய்வார்கள்? அவர்களும் சுகாதாரமான நாஃப்கின்களைப் பயன்படுத்த வேண்டும். அதே சமயம் அவற்றின் விலை ஏழைகளின் கழுத்தை நெறிக்கும் அளவுக்கு கொடுமையான வதையாக இல்லாமல் மலிவு விலையில் கிடைக்க வேண்டும். அதற்கு என்ன செய்யலாம்? என்று யோசித்தவர் தான் கோவையைச் சேர்ந்த அருணாச்சலம் முருகானந்தம்.

    ஏழைப் பெண்களுக்கு தரமான மலிவு விலை நாஃப்கின் தயாரிக்கும் முயற்சியில் ஒரு கட்டத்தில் முருகானந்தம் தனது மொத்தக் குடும்பத்தினரின் வெறுப்பையும் சம்பாதித்தார். ஊர் இவரை பைத்தியக்காரன் என்று எள்ளி நகையாடியது. சொந்த மனைவிக்கே தன் கணவரைக் கண்டால் மனநலம் சரி இல்லாதவரோ என்ற சந்தேகம் வரும் நிலை. இந்த தொடர் போராட்டங்களைக் கடந்து தான் முருகானந்தம் தனது இலக்கான மலிவு நிலை நாஃப்கினை கண்டறிந்ததாகக் குறிப்பிட்டுள்ளார்.

    இவரது வாழ்க்கை தான் பாலிவுட்டில் அடுத்த மோஸ்ட் வாண்டட் பயோ பிக் 'Pad man'. தமிழ்ப்படுத்தினால் ‘நாஃப்கின் மனிதர்’ என்று பொருள். இதை இயக்கப் போவது இயக்குனர் பால்கி. முருகானந்தமாக நடிக்கவிருப்பது ரஜினியின் 2.0 வில்லன் அக்‌ஷய் குமார். இசை மேஸ்ட்ரோ இளையராஜாவாக இருக்கலாம். முருகானந்தத்தின் மனைவி சாந்தியாக நடிக்கவிருப்பது ‘கபாலியின் மாய நதியான’  நடிகை ராதிகா ஆப்தே!

    இது முன்னரே நாளிதழ்களில் வெளிவந்த செய்தி தான். ஆனால் இதில் புதுசு என்ன தெரியுமா? தமிழரான அருணாச்சலம் முருகானந்தத்தின் வாழ்க்கையைத் தழுவி எடுக்கப்படவிருக்கும் இத்திரைப்படத்தில் பாலிவுட் பிக் பி அமிதாப் நடிக்கவிருக்கிறார் என்பது தான். ஸ்ரீதேவியின் ‘இங்கிலீஷ் விங்லீஷ்’ திரைப்படத்தில் அமிதாப் ஓரிரு காட்சிகளில் ஒரிஜினல் அமிதாப்பாகவே நடித்திருப்பார். படத்தில் அவர் வரும் காட்சி ஸ்ரீதேவி கதாபாத்திரத்தின் தாழ்வு மனப்பான்மையை அகற்றும் மிகப்பெரிய உந்து சக்தியாக அமையும். அதே போன்றதொரு காட்சி PadMan திரைப்படத்திலும் உண்டாம். எனவே மீண்டுமொருமுறை தன் ஆதர்ஷ இயக்குநர் பால்கிக்காக அமிதாப் பிக் பியாகவே அதாவது அமிதாப்பாகவே தோன்றி நடிக்க இருப்பதாக அதிகார பூர்வமாக அறிவித்திருக்கிறார்.

    Image courtsy: DAILY HUNT

    திரைப்படம் குறித்து மேலும் அறிந்து கொள்ள...

    ]]>
    padman, akshay kumar, arunachalam muruganandham, balky, radhika apdhe, amithabh , big b, நாஃப்கின் மனிதர், அமிதாப், அக்‌ஷய் குமார், அருணாச்சலம் முருகானந்தம், பால்கி http://images.dinamani.com/uploads/user/imagelibrary/2017/4/17/w600X390/padman_movie_amithab.jpg http://www.dinamani.com/lifestyle/lifestyle-news/2017/apr/17/நாஃப்கின்-மனிதர்-எனப்-பொருள்படும்-pad-man--திரைப்படத்தில்-அமிதாப்-நடிக்கிறார்-2685999.html
    2685997 லைஃப்ஸ்டைல் செய்திகள் இன்று முதல் 303 நிரந்தர மையங்களில் ஆதார் அட்டைகளில் திருத்தம் மேற்கொள்ளும் வசதி தொடக்கம்! RKV DIN Monday, April 17, 2017 11:27 AM +0530  

    தங்களது ஆதார் அட்டைகளில் திருத்தம் மேற்கொள்ள நினைப்பவர்கள், திங்களன்று செயல்பட உள்ள 303 நிலையான மையங்களில் தங்களுக்குத் தேவையான திருத்தங்களை செய்து கொள்ள அணுகலாம் என தமிழ்நாடு அரசு கேபிள் டி.வி கார்ப்பரேஷன் அறிவித்துள்ளது. புதிதாக ஆதார் அட்டைகள் பதிவு செய்து கொள்பவர்கள் மற்றும் 5 முதல் 15 வயதுக்குட்பட்ட சிறுவர்களுக்கு கட்டை விரல் ரேகை பதிவு செய்ய எந்த விதக் கட்டணமும் இல்லை. ஆனால் ஆதார் அட்டைகளில் திருத்தம் மேற்கொள்ள நினைப்பவர்கள் ரூ.15 கட்டணம் செலுத்த வேண்டும். யாரெல்லாம் தங்களது பெயர், பிறந்த தேதி, பாலினம், வீட்டு முகவரி, தொலைபேசி எண், மின்னஞ்சல் முகவரி போன்றவற்றில் திருத்தம் செய்ய நினைக்கிறார்களோ அவர்களெல்லாம் குறிப்பிடப்பட்டுள்ள தேதியில், குறிப்பிடப்பட்டுள்ள மையங்களுக்கு சென்று தங்களுக்குத் தேவையான மாற்றங்களைச் செய்து கொள்ளலாம். 

    கட்டை விரல் ரேகை, கண் விழித்திரை ரேகை, புகைப்படங்கள் உள்ளிட்டவற்றை மாற்ற விரும்புபவர்கள் ரூ.15 கட்டணமாகச் செலுத்த வேண்டும். மேலும் ஆதார் அட்டைகளை பிரிண்ட் எடுக்க வேண்டுமெனில் 10 ரூபாய் கூடுதல் கட்டணம் செலுத்த வேண்டும் எனவும் அந்த அறிவிப்பு கூறுகிறது.

    இது குறித்து மேலதிக விவரங்கள் பெற 1800 425 2911 எனும் இலவச எண்ணில் தொடர்பு கொண்டு விவரம் அறிந்து கொள்ளலாம்.

    ]]>
    ஆதார் அட்டை,ஆதார் அட்டைகளில் திருத்தம்,தமிழ்நாடு,Aadhaar Card,Aadhaar Card Correction,Tamilnadu http://images.dinamani.com/uploads/user/imagelibrary/2017/4/17/w600X390/aadhaar-card-details.jpg http://www.dinamani.com/lifestyle/lifestyle-news/2017/apr/17/adhaar-corrections-starts-today-onwards-2685997.html
    2683894 லைஃப்ஸ்டைல் செய்திகள் "சுஜாதா என்னும் பன்முக ஆளுமை"- வாசகசாலை இலக்கிய அமைப்பின் முழுநாள் நிகழ்வு! RKV DIN Thursday, April 13, 2017 05:49 PM +0530  

    வாசகசாலையின் 25 வது நிகழ்ச்சி - "சுஜாதா என்னும் பன்முக ஆளுமை"- முழுநாள் நிகழ்வு

    தமிழ் படைப்புலகில் குறிப்பிடத்தக்க இலக்கிய முன்னெடுப்புகளை சாத்தியமாக்கி வரும் இளம் படைப்பாளிகள் மற்றும் வாசகர்களை உள்ளடக்கிய வாசகசாலை இலக்கிய அமைப்பு தனது 25 வது நிகழ்வாக முன்னெடுத்திருப்பது மறைந்த பிரபல எழுத்தாளர் சுஜாதாவின் பன்முக ஆளுமைத் திறனை பறை சாற்றும் நிகழ்வை. இந்நிகழ்வில் சுஜாதாவின் பிரசித்தி பெற்ற தமிழ் படைப்புகள், தமிழ் சினிமாவில் அவரது சிறப்பான பங்களிப்பு, தமிழ் இலக்கிய உலகுக்கு அவர் அறிமுகப்படுத்திய ரத்தினச் சுருக்க உரைநடை சிறப்பு எனப் பல அம்சங்கள் குறித்து வாசகர்கள் மற்றும் தமிழ் படைப்பாளிகளின் கலந்துரையாடல் நடைபெறவிருக்கிறது.

    விழாவுக்கான அழைப்பிதழ்;

    நிகழ்வில் கலந்து கொள்ள அனுமதி இலவசம்.

    தொலைவிலிருந்து வருகை தரும் வாசகர்கள் மற்றும் இலக்கிய ஆர்வலர்களுக்கு மதிய உணவு ஏற்பாடு செய்யப்பட்டுள்ளது. தேவைப்படும் நபர்கள் கீழ்காணும் அலைபேசி எண்கள் அல்லது மின்னஞ்சல் முகவரியில் தெரியப்படுத்தவும்.  

    தொடர்புக்கு: 9942633833 / 9790443979. மின்னஞ்சல்: vasagasalai@gmail.com

    நாள்: 16.04.17;

    நேரம்: காலை 09.30 முதல் மாலை 06.30 வரை;

    இடம்: கோட்டூர்புரம் அண்ணா நூற்றாண்டு நூலகம்

    ]]>
    sujatha, writer sujatha, LITRARY EVENT, VASAGASALAI, SUJATHA'S MULTI FACETED PERSONALITY, எழுத்தாளர் சுஜாதா, வாசகசாலை இலக்கிய அமைப்பு, சுஜாதா எனும் பன்முக ஆளுமை, இலக்கிய நிகழ்வு http://images.dinamani.com/uploads/user/imagelibrary/2017/4/13/w600X390/sujatha_event_vasagasalai.jpg http://www.dinamani.com/lifestyle/lifestyle-news/2017/apr/13/சுஜாதா-என்னும்-பன்முக-ஆளுமை--வாசகசாலை-இலக்கிய-அமைப்பின்-முழுநாள்-நிகழ்வு-2683894.html
    2683271 லைஃப்ஸ்டைல் செய்திகள் சல்மான் கான் ஹனுமனுக்காக குரல் கொடுக்கப் போகிறார்: ஹனுமன் ஜெயந்தி ஸ்பெஷல்! சரோஜினி DIN Wednesday, April 12, 2017 10:57 AM +0530  

    ஹாலிவுட் டாப் ஸ்டார்கள் எல்லாம் அங்கு வெளியாகும் குழந்தைகளுக்கான அனிமேஷன் திரைப்படங்களில் விலங்குகள் மற்றும் தேவைதைகளுக்கு டப்பிங் குரல் கொடுப்பது வழக்கம். ஜாக்கி ஷான் கூட கார்ட்டுன் தொடர்களில் ஜாக்கியாகவே வரும் கதாபாத்திரத்துக்கு குரல் கொடுத்திருக்கிறார். இந்தியாவில் பிரபல நடிகர்களிடம் இந்தப் பழக்கம் இல்லையே என்ற வருத்தம் சிலருக்கு இருந்தது. அதைப் போக்குவதற்காகவோ என்னவோ சல்மான் கான் இந்த ஹனுமன் ஜெயந்தியை ஒட்டி வெளியாக இருக்கும்  'ஹனுமன் தி தாம்தர்' எனும் குழந்தைகளுக்கான அனிமேஷன் திரைப்படத்தில் வளரிளம் பருவத்து ஹனுமனுக்கு டப்பிங் பேசவிருக்கிறாராம்.

    ஹிந்தி டாப் ஸ்டார்களில் ஒருவரான சல்மான் குரல் அவரது ரசிகர்களுக்கு நன்கு பரிச்சயமானது, அதோடு கடந்த வருடத்தில் வெளியான ‘பஜ்ரங்கி பாய் ஜான்’ படத்தின் வெற்றிக்குப் பின் சல்மானுக்கு குழந்தைகள் வட்டத்திலும் கணிசமான ரசிகர்கள் பெருகி விட்டனர். இந்த நேரத்தில் வளர்ந்து கொண்டிருக்கும் சின்ன ஹனுமானுக்காக சல்மான் டப்பிங் பேசுவது அவரது ரசிகர்களை மேலும் மகிழ்விக்கும். இனிமேல் சல்மானின் குரல் தியேட்டர்கள் தாண்டி இந்தி தெரிந்த அனைவரது வீட்டு வரவேற்பறைகளிலும் இந்த அனிமேஷன் தொடரால் ஒலிக்கவிருக்கிறது.

    தமிழிலும் நமது சூப்பர் ஸ்டார்கள் இப்படியான ஒரு முயற்சியை மேற்கொண்டால் இங்கிருக்கும் ரசிகர்களும் தன்யவான்கள் ஆவார்கள்!

    ]]>
    http://images.dinamani.com/uploads/user/imagelibrary/2017/4/12/w600X390/0_salman.jpg http://www.dinamani.com/lifestyle/lifestyle-news/2017/apr/12/சல்மான்-கான்-ஹனுமனுக்காக-குரல்-கொடுக்கப்-போகிறார்-ஹனுமன்-ஜெயந்தி-ஸ்பெஷல்-2683271.html