Dinamani - செய்திகள் - http://www.dinamani.com/lifestyle/lifestyle-news/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2945039 லைஃப்ஸ்டைல் செய்திகள் கோவா கடற்கரையில் 24 இடங்களில் ‘நோ செல்ஃபீ’ ஜோன்கள்! RKV IANS Friday, June 22, 2018 05:54 PM +0530  

கடற்கரையோரங்களில் அடிக்கடி நிகழும் செல்ஃபீ விபத்துகளை முன்னிட்டு கோவா கடற்கரையில் நோ செல்ஃபீ பாயிண்டுகளை அதிகப்படுத்தியிருக்கிறது கோவா மாநில அரசு. 

கோவா கடற்கரைக்கு சுற்றுலா செல்லும் பயணிகளில் இளைஞர்கள் மற்றும் கல்லூரி மாணவர்களில் கணிசமானோர் செல்ஃபீ எடுத்துக் கொள்ளும் ஆர்வத்தில் கடற்கரையின் ஆபத்தான பாறையுச்சிகள் மற்றும் அலையின் வேகம் தீவிரமாக உள்ள இடங்களைத் தேர்ந்தெடுத்து கூட்டமாக செல்ஃபீ எடுத்து கால் வழுக்கியோ அல்லது அலையால் இழுத்துச் செல்லப்பட்டோ, கடலில் தவறி விழுந்தோ ஆபத்தில் சிக்கிக் கொள்கிறார்கள். இவர்களில் பெரும்பாலானோரை சடலங்களாகத்தான் மீட்கப்பட முடிகிறது. எனவே இந்த அபாயத்தைத் தடுக்கும் பொருட்டு கோவா கடற்கரை பகுதியில் மேலும் பல இடங்களை நோ செல்ஃபீ பாயிண்டுக்களாக அதிகாரப்பூர்வமான வகையில் அறிவித்துள்ளது கோவா மாநில அரசின் கடற்கரை கட்டுப்பாட்டு அமைச்சகம்.

மாநில அரசின் அறிவுறுத்தலின் படி கோவா கடற்கரைப் பகுதியில் தற்போது 24 இடங்கள் நோ செல்ஃபீ ஜோன்களாக அறிவிக்கப்பட்டுள்ளன.

வடக்கு கோவாவில் இருக்கும் பாகா ரிவர், டோனா பாலா ஜெட்லி, சிங்கூரியம் ஃபோர்ட், அஞ்சுனா, வகடார், மோர்ஜிம், ஆஷ்வெம், அரம்பால், கெரிம் மற்றும் போம்போலிம் & சிரிடாவோவுக்கு இடைப்பட்ட இடங்கள், தெற்கு கோவாவில் அகோண்டா, போக்மலோ, ஹோலண்ட், பாய்னா, ஜாப்பனிஸ் கார்டன், பீடல், கனகுயீனம், பாலொலெம், ஹோலா, கபோ டி ரம, போலெம், கல்கிபாக், தல்போனா மற்றூம் ராஜ்பாக் உள்ளிட்ட இடங்கள் நோ செல்ஃபீ ஜோன்களாக அறிவிக்கப்பட்டுள்ளன. இந்த இடங்களில் சுற்றுலாப் பயணிகளுக்கும், உள்ளூர் மக்களுக்கும் நன்கு புலப்படும் விதத்தில் எச்சரிக்கை கொடிகள் மற்றும் ஷைன் போர்டு உத்தி முறைகள் பின்பற்றப்பட்டுள்ளன என மாநில அரசு சார்பாக நியமிக்கப்பட்டுள்ள திருஷ்டி மெரைன் எனும் தனியார் மெய்க்காப்பாளர் ஏஜென்ஸி அமைப்பின் சி இ ஒ ரவி ஷங்கர் தெரிவித்துள்ளார்.

அதுமட்டுமின்றி கோவா கடற்கரைக்கு வரும் சுற்றுலாப் பயணிகள் கடற்கரையில் என்னவெல்லாம் செய்யலாம், செய்யக்கூடாது என்பதை அறிவுறுத்த டால் ஃப்ரீ எண் ஒன்றும் அறிவிக்கப்பட்டுள்ளதாகக் கூறப்பட்டுள்ளது.

ஜூன் 17 ஆம் தேதி தமிழகத்தைச் சேர்ந்த இரு சுற்றுலாப் பயணிகள் கோவா கடற்கரையின் வெவ்வேறு இடங்களில் தங்களது செல்ஃபீ மோகத்தால் உயிரிழந்ததைத் தொடர்ந்து கோவா சுற்றுலாத்துறை அமைச்சகம் இத்தகைய முன்னெச்சரிக்கை நடவடிக்கையில் இறங்கியிருப்பதாகவும் ரவி ஷங்கர் தெரிவித்துள்ளார். 

ஆண்டு தோறும் 6 மில்லியன் சுற்றுலாப் பயணிகள் வந்து செல்லும் இடமாகத் திகழும் கோவா கடற்கரையை விபத்து மற்றும் உயிரிழப்புகள் அற்ற இடமாக மாற்றுவதே இந்த அறிவிப்பின் நோக்கமென கோவா சுற்றுலாத்துறை அமைச்சகம் அறிவித்துள்ளது.

]]>
Goa beaches set up 'no selfie' zones, கோவா கடற்கரையில் நோ செல்ஃபீ ஜோன்கள் http://images.dinamani.com/uploads/user/imagelibrary/2018/6/22/w600X390/no_selfie_zones.jpg http://www.dinamani.com/lifestyle/lifestyle-news/2018/jun/22/goa-beaches-set-up-no-selfie-zones-2945039.html
2945022 லைஃப்ஸ்டைல் செய்திகள் சேலத்தில் பசுமைவழிச் சாலைக்காக கையகப்படுத்தப்படும் நிலங்களுக்கு மும்மடங்கு இழப்பீட்டுத் தொகை: மாவட்ட ஆட்சியர் ரோகிணி! RKV DIN Friday, June 22, 2018 04:05 PM +0530  

சேலத்தில் பசுமை வழிச்சாலை அமைக்கும் விவகாரத்தில், நிலம் கையகப்படுத்தும் விவசாயிகளுக்கு நிலம், கிணறு, ஆகியவற்றுக்கும் உரிய இழப்பீடு வழங்கப்படும் என மாவட்ட ஆட்சியர் ரோகிணி தெரிவித்துள்ளார். சேலம் மாவட்டத்தில் பசுமை வழிச்சாலை அமைப்பதற்காக விவசாய நிலங்களைக் கையகப்படுத்துவது தொடர்பாக செய்தியாளர்களிடம் மாவட்ட ஆட்சியர் ரோகிணி விளக்கம் அளித்தார். அப்போது அவர் தெரிவித்த வகையில், விவசாயிகளின் நிலத்திற்கு மட்டுமன்றி அவர்களது கிணறு, மாட்டுக்கொட்டகை போன்றவற்றிற்கும் உரிய இழப்பீடு வழங்கப்படும் என்றார். நிலம் எந்தப் பகுதியில் உள்ளதோ அதற்கு மும்மடங்கு இழப்பீடு வழங்க உள்ளதாகவும் அதற்காக ஆய்வு செய்யப்பட்டு வருவதாகவும் அவர் தெரிவித்தார். தென்னை, பாக்கு, மரங்களும் ஆய்வ்ய் செய்யப்பட்டு அதற்கு ஏற்றாற் போல இழப்பீடு வழங்கப்படும் எனவும் மாவட்ட ஆட்சியர் ரோகிணி தெரிவித்தார். 

மாவட்ட ஆட்சியர் கூற்றுப்படி பசுமை வழிச்சாலைக்காக ஆக்ரமிக்கப்படவிருக்கும் நிலங்களில்... நிலத்திற்காக மட்டுமல்லாமல் அந்த நிலத்திலிருக்கும் கிணறுகள், மாட்டுக் கொட்டகைகள், மரங்களின் வகைகள், உள்ளிட்ட விஷயங்களையும் கணக்கில் எடுத்துக் கொண்டு அதற்கு ஏற்றாற் போல மூன்று மடங்கு அதிகமான இழப்பீட்டுத் தொகையை மாநில அரசு ரெவின்யூ இலாகா அதிகாரி மூலமாக வழங்கவிருக்கிறது எனக் கூறப்படுகிறது.
 

Video courtesy:Thanthi TV

]]>
சேலம், பசுமை வழிச்சாலை, மும்மடங்கு இழப்பீடு, http://images.dinamani.com/uploads/user/imagelibrary/2018/6/22/w600X390/salem_pasumai_vazisalai.jpg http://www.dinamani.com/lifestyle/lifestyle-news/2018/jun/22/சேலத்தில்-பசுமைவழிச்-சாலைக்காக-கையகப்படுத்தப்படும்-நிலங்களுக்கு-மும்மடங்கு-இழப்பீட்டுத்-தொகை-மாவட்ட-2945022.html
2943586 லைஃப்ஸ்டைல் செய்திகள் இவரைப் போல ஒரு அதிகாரி இருந்தால் நாடு முன்னேறும்! திரைப்படமாகும் ஐ.ஏ.எஸ் அதிகாரி ஷாலினியின் வாழ்க்கை வரலாறு! பனுஜா DIN Thursday, June 21, 2018 04:12 PM +0530 ஷாலினி ஐ.ஏ.எஸ் கர்நாடகத்தில் பிரபலம். பஞ்சாயத்து நிர்வாகம் சரிவர நடக்கவும், சாதாரண மக்கள் அரசின் பல தரப்பட்ட உதவிகளை உரிமையுடன் கேட்டுப் பெறவும் ஷாலினி ஐ.ஏ.எஸ் எடுத்த நடவடிக்கைகள் மக்களின் பாராட்டுகளைப் பெற்றதுடன் நின்றுவிடவில்லை. பிரதமரிடம் தேசிய விருது பெற்றிருக்கும் ஷாலினி, தற்போது கர்நாடகா அரசில் சுகாதாரம் மற்றும் குடும்பநலத் துறையில் முதன்மை செயலாளராகப் பணி புரிகிறார். ஷாலினியின் கணவர் ரஜ்னிஷ் கோயல். அவரும் ஐ.ஏ.எஸ் அதிகாரி. 

ஷாலினியின் அப்பாவும் ஒரு ஐ.ஏ.எஸ் அதிகாரி. ஷாலினியின் முன்னோர்கள் ஒன்றுபட்ட இந்தியாவில் வசித்தாலும், நாடு பிரிவினை செய்யப்பட்டதும், அவர்கள் வாழ்ந்த பகுதி பாகிஸ்தானுக்குப் போய்விட்டது. தாய்மொழியில் ஐ.ஏ.எஸ் தேர்வு எழுதி வெற்றி பெற்ற ஷாலினி 1989- இல் ஐ.ஏ.எஸ் தேர்வில் வெற்றி பெற்ற பெண்களில் முதலாவதாக வந்திருந்தார். தனது ஐ.ஏ.எஸ் நிர்வாக அனுபவங்களை இந்த ஐ.ஏ.எஸ் தம்பதிகள் "ஐ.ஏ.எஸ் தம்பதிகளின் கனவு' என்ற தலைப்பில் நூலாக எழுதி வெளியிட்டுள்ளனர். நூலும் நல்ல விற்பனையானதால் அந்த நூலை அடிப்படையாக வைத்து கன்னட திரைப்படம் ஒன்று உருவாகிறது. "ஷாலினி ஐ.ஏ.எஸ்' என்ற பெயரில் தயாரிக்கும் இந்தத் திரைப்படத்தின் படப்பிடிப்பு பாகிஸ்தானிலும் நடக்குமாம். இந்தப் படத்தை இயக்குபவர் விருது பட இயக்குநர் நிகில் மஞ்சு. 

ஷாலினியின் அப்பா இறந்த பிறகு தனது உடல் உறுப்புகளை தானம் செய்ய ஒப்புதல் தந்திருந்தார். அப்பாவின் வழியில் தனது உடல் உறுப்புகளைத் தானம் செய்ய ஒப்புதல் தந்திருக்கும் ஷாலினி, உடல் உறுப்பு தானத்தை ஊக்குவிக்கவும் பரப்புரை செய்து வருகிறார். கர்நாடகா மாநில பெண்கள் பல்கலைக்கழகம் பெண்களின் நலனில் ஷாலினியின் பங்களிப்பிற்காக கெளரவ முனைவர் பட்டம் வழங்கி சிறப்பு செய்திருக்கிறது.

சாதாரணமாக ஒருவரின் வாழ்க்கைப் படமாகும்போது சம்பந்தப்பட்டவரின் பெயரை வைக்க மாட்டார்கள். ஆனால் ஷாலினி ஐ.ஏ.எஸ் கர்நாடகத்தில் பெயர் சொல்லலும் ஐ.ஏ.எஸ் அதிகாரி என்பதால் அவரது பெயரையே படத்தின் தலைப்பாக வைத்துவிட்டார்கள்.

]]>
சினிமா, karnataka, biopic, சாண்டல்வுட், shalini ias, ஷாலினி ஐ.ஏ.எஸ், பயோபிக் http://images.dinamani.com/uploads/user/imagelibrary/2018/6/20/w600X390/IAS-Shalini-kannada-film-.jpg http://www.dinamani.com/lifestyle/lifestyle-news/2018/jun/20/biopic-of-shalini-ias-2943586.html
2944327 லைஃப்ஸ்டைல் செய்திகள் தேவை இல்லாமல் உடலில் சேரும் கொழுப்பு குறைய என்ன செய்யலாம்? உமாதேவி பலராமன் DIN Thursday, June 21, 2018 04:01 PM +0530
  • குழந்தைகளுக்கு சிறந்த உணவுத் தாய்பால், சீரகத்தைப் பொடி செய்து சிறிது சர்க்கரை சேர்த்து பாலில் கலந்து குடிக்க பால் பெருகும். குழந்தைகளுக்குப் போதிய தாய்ப்பால் கிடைக்கும். மேலும் குழந்தைகளுக்கு பால் விரைவில் சீரணமாகும். அரிசிக் கஞ்சியில் வெந்தயத்தை பொடி செய்து சேர்த்துக் குடித்துவர தாய்ப்பால் கிடைக்கும்.
    • பத்து கிராம் உரித்த பூண்டை பாலில் வேகவைத்துக் கடைந்து சாப்பிட வாயு, செரியாமை, சளி ஆகியவை தீரும். குடல் புழுக்கள் வெளியேறும்.
    • ஓமத்தை வறுத்து, பொடித்து ஒரு கிராம் வீதம் நீருடன் உட்கொள்ள வாயுத்தொல்லை விலகும்.
    • சாப்பிட்ட பிறகு சிறிதளவு சோம்பினை வாயிலிட்டு மென்று தின்ன அசீரணம், மலச்சிக்கல், வாந்தி போன்றவைகளின் தொல்லைகளில் இருந்து விடுபடலாம்.
    • முட்டைகோஸ் சூப் அல்லது முட்டைக்கோஸ் இடித்து பிழிந்த சாறு தினம் காலையில் இரண்டு அவுன்ஸ் குடித்துவர குடற்புண் குணமாகும்.
    • வேப்பிலையுடன் மஞ்சள் சேர்த்து அரைத்து பூசி வந்தால் சொறி, சிரங்கு, படை போன்றவை குணமாகும்.
    • பேரீச்சம் பழங்களைத் தினமும் சாப்பிடுவதால் உடலில் நோய் எதிர்ப்பு சக்தி வளர்ந்து நரம்புகளுக்கு தேவையான சக்தி கிடைக்கின்றது.
    • புதினா இலையை அடிக்கடி உணவில் உபயோகப்படுத்தி வருவதால் தேவை இல்லாமல் உடலில் சேரும் கொழுப்பு குறையும்.
    • பசும்பாலை கறந்த சூட்டுடன் ஒரு சிட்டிகை மஞ்சள் பொடி கலந்து மூன்று நாள் விடியற்காலையில் சாப்பிட சளி, கபம் இல்லாத வறட்டு இருமல் தீரும்.
    • குழந்தை பிறப்பதற்கு முன்னும் பிறந்த பின்னும் தாய்மார்கள் பேரீச்சம் பழம் சாப்பிட்டு வந்தால் தாய்ப்பால் அதிகம் சுரக்கும், குழந்தையும் நன்கு வளரும்.
    • கருவுற்ற தாய்மார்கள் வல்லாரைக் கீரை, தூதுவளைக் கீரை போன்றவற்றை சாப்பிடுவதால் ஆரோக்கியமும், புத்திசாலித்தனமும் உள்ள குழந்தையைப் பெறுவார்கள். 
    ]]>
    tips, omam, garlic, ஓமம், வாயு, உடல், டிப்ஸ் http://images.dinamani.com/uploads/user/imagelibrary/2018/6/21/w600X390/yoga.jpg http://www.dinamani.com/lifestyle/lifestyle-news/2018/jun/21/தேவை-இல்லாமல்-உடலில்-சேரும்-கொழுப்பு-குறைய-என்ன-செய்யலாம்-2944327.html
    2944311 லைஃப்ஸ்டைல் செய்திகள் அள்ள அள்ளப் பணம் வேண்டுமா? இதை மட்டும் செய்யாதீர்கள்! DIN DIN Thursday, June 21, 2018 03:02 PM +0530  

    இவ்வுலக வாழ்க்கைக்கு பணம் மிகவும் முக்கியம். உணவு, உடை, உறைவிடம் இந்த மூன்று அடிப்படைத் தேவைகள் மற்றும் அனைத்து தேவைகளுக்கும் பணமே பிரதானம். நல்ல கல்வி கற்பதற்கும் பணம்தான் தேவைப்படுகிறது. பணம் இல்லையேல் எதுவுமே இல்லை. கீழ்க்கணட வார்த்தைகளை விளையாட்டாகக் கூட ஒருபோதும் சொல்லாதீர்கள்.

    1. எனக்கு பணம் ஒரு பொருட்டே இல்லை
    2. நான் பணத்தை என்றுமே பெரிதாக நினைப்பதில்லை
    3. பணம் போனால் போகட்டுமே
    4. உன் பணத்தை முகத்தில் விட்டெறிகிறேன்

    இதுபோன்ற சொற்களை நீங்கள் அடிக்கடி பேசிக் கொண்டிருந்தால் இதுவே உங்களிடம் நிரந்தரமாகத் தங்கி, பணம் வந்து சேர்வதற்கு பெருந்தடைகள் உருவாகிவிடும். என்ன பாடுபட்டாலும் எதிர்ப்பார்த்த அடிப்படைத் தேவைக்கான பணத்தைக் கூட கண்ணால் பார்க்க முடியாது. அத்தனை தடைகள் வரும்.

    பணத்தை வெறுத்துப் பேசுவதும், இழித்துப் பேசுவதும் பழித்துப் பேசும் பழக்கம் உங்களிடம் இருந்தால் அதுவே பணத்தை உங்களிடம் நெருங்க விடாமல் தடுத்துவிடும். மேலும் கடன்காரராகிவிடும் அபாயம் வேறு உள்ளது. கோடீஸ்வரர்கள் யாராவது பணத்தை பழித்துப் பேசுவதை கேட்டிருக்கிறீர்களா? அவர்களிடம் நீங்கள் பழக நேரும் போது நன்றாக கவனித்துப் பாருங்கள். அவர்கள் ஒருபோதும் பணத்தைப் பற்றி இழிவாகவோ, அலட்சியப்படுத்தியோ பேசியிருக்க மாட்டார்கள் என்பதை உணர்வீர்கள். இது மூட நம்பிக்கை இல்லை. இதுவே இயற்கை நியதி.

    நீங்கள் வெறுப்பது எதுவும் உங்களை வந்து சேராது. நீங்கள் விரும்புவது எதுவும் உங்களை விட்டு விலகாது. I need money (எனக்கு பணம் தேவை) என்று கூறாதீர்கள். I love money (நான் பணத்தை நேசிக்கிறேன்) என்று கூறத் தொடங்குங்கள். Need எனும் போது தேவைக்கு மட்டும் என்றாகிவிடும். லவ் என்றால்தான் எப்போதுமே நேசிப்பது என்றாகும்.

    நன்றி - பிராணயாமம் 

    ]]>
    பணம், money, dhana vruksha yoga, தனவிருட்ச யோகா http://images.dinamani.com/uploads/user/imagelibrary/2018/6/21/w600X390/Black-money_9059.jpg http://www.dinamani.com/lifestyle/lifestyle-news/2018/jun/21/அள்ள-அள்ளப்-பணம்-வேண்டுமா-இதை-மட்டும்-செய்யாதீர்கள்-2944311.html
    2942852 லைஃப்ஸ்டைல் செய்திகள் ராஜினாமா செய்த பின்னர் கடைசி நாள் வேலைக்கு குதிரையில் அலுவலகம் சென்ற ஐடி இளைஞர்! சினேகா DIN Tuesday, June 19, 2018 03:03 PM +0530  

    பெங்களூருவில் உள்ள தனியார் ஐ.டி. நிறுவனம் ஒன்றில் பணி புரிந்து வந்தார் ரூப்பேஷ் குமார் வர்மா. இவரது சொந்த ஊர் ராஜஸ்தான். வேலைக்காக சொந்த ஊரைவிட்டு பெங்களூருவில் வசித்து வருகிறார். அவர் குடியிருக்கும் பகுதியிலிருந்து அலுவலகம் செல்ல 8 கிலோ மீட்டர் தூரம் தினமும் பயணம் செய்ய வேண்டும். ஆனால் பெங்களூரு போக்குவரத்து நெரிசலில் அவரால் அத்தனை சுலபமாக தன் ஆபிஸுக்கு சரியான நேரத்துக்குப் போக முடியாமல் தவித்தார். தினமும் குறைந்தது மூன்று மணி நேரம் ட்ராஃபிக்கில் சிக்கி அலுவலகம் வந்து சேர்வதே பெரும் பிரயத்தனமானது. ஒவ்வொரு சிக்னல்கள் மற்றும் ட்ராபிக் ஜாம் ஆகும் இடங்களில் எல்லாம் குறைந்தது அரை மணி நேரமாவது காத்திருக்கும் நிலைக்கு ஆளானார் ரூப்பேஷ்.

    இந்நிலையில் நாளுக்கு நாள் அவருக்கு ஸ்ட்ரெஸ் அதிகரிக்கவே ஒரு கட்டத்தில் தனது வேலையை ராஜினாமா செய்துவிட்டார். சொந்தமாக ஒரு சிறிய நிறுவனம் ஒன்றைத் தொடங்க முடிவெடுத்துள்ளார். தன்னுடைய கடைசி வேலை நாளில் (கடந்த வாரம் வெள்ளிக்கிழமை) அலுவலகத்துக்கு தன்னுடைய பைக்கில் செல்லாமல், குதிரை ஒன்றில் ஏறிச் சென்றார். லாப்டாப் சகிதம், தோளில் மாட்டிய ஒரு பதாகையுடன் (சாஃப்ட்வேர் இன்ஜினியராக இன்றே என் கடைசி நாள் வேலை) ஜம்மென்று ரிங் ரோட்டைக் கடந்து குதிரையில் பயணித்தார் ரூப்பேஷ்.

    அவரது இந்த குதிரை சவாரியை அப்பகுதி மக்கள் மற்றும் சக ஊழியர்கள் ஆச்சரியத்துடன் பார்த்து ரூப்பேஷை உற்சாகப்படுத்தினர். அவருடன் செல்ஃபி எடுத்து குதிரையுடன் அவர் வலம் வந்த காட்சியையும் படம் பிடித்து சமூக வளத்தலங்களில் வைரலாக்கினர். 

    ]]>
    போக்குவரத்து, பெங்களூரு, IT staff, Bangalore traffic http://images.dinamani.com/uploads/user/imagelibrary/2018/6/19/w600X390/office_goer_in_horse.jpeg http://www.dinamani.com/lifestyle/lifestyle-news/2018/jun/19/man-rides-horse-to-office-on-his-last-day-of-work-2942852.html
    2940992 லைஃப்ஸ்டைல் செய்திகள் வாழை மரத்தண்டில் விவசாயம் செய்யும் இந்தோனேஷியர்கள்! நம் நாட்டிலும் பின்பற்றலாமே?! RKV DIN Saturday, June 16, 2018 03:22 PM +0530  

    நடிகை ஜூஹி சாவ்லா தனது ட்விட்டர் பக்கத்தில் ஒரு புகைப்படத்தை பகிர்ந்திருந்தார். அதில் வாழைமரத்தண்டில் விவசாயம் செய்யும் இந்தோனேசிய வழக்கத்தைப் பற்றி சுருக்கமாக விளக்கியிருந்தார்.

    அதாவது இந்தோனேசியர்கள் தண்ணீர் பற்றாக்குறையைத் தவிர்க்க வீணாக வெட்டி வீசப்பட்ட வாழைமரத் தண்டுகளைத் தேர்ந்தெடுத்து துளைகளிட்டு அதில் மண் மற்றும் உரத்தை நிரப்பி, அந்த மண்ணில் கீரைகள் மற்றும் காய்கறி விதைகளை விதைத்து புது விதமான விவசாயமொன்றைச் செய்து வருகிறார்கள். இம்முறையில் விவசாயம் செய்யும் போது செடிகளுக்குத் தண்ணீர் ஊற்றத் தேவையில்லை வாழைமரத்தண்டில் இருக்கும் நீர்ச்சத்தே செடிகள் வளரப் போதுமான நீர்த்தேவையை வழங்கி விடுகின்றன என்பதோடு பயன்படுத்தி முடிவுக்கு வரும் வாழைமரத்தண்டுகளை அப்புறப் படுத்த வேண்டிய அவசியமும் அவர்களுக்கு இல்லாமலாகிறது.

    ஜூஹியின் ட்விட்டர் பகிர்வு...

    காய்கறிகளையும், கீரைகளையும் பறிந்த பிறகு இந்த வாழைமரத்தண்டுகளை அப்படியே விட்டு விட்டால் அவை மண்ணோடு மண்ணாக மக்கி மீண்டும் மண்ணுக்குத் தேவையான சத்துக்களை வழங்கும் உரமாக மாறிவிடுகிறது. இம்முறையில் விவசாயம் செய்ய மிகக்குறைந்த அளவே தண்ணீர் தேவைப்படலாம். ஆண்டு முழுவதும் விவசாயத்திற்கு தண்ணீர் பற்றாக்குறை நிலவும் நமது இந்தியா போன்ற பிரதேசங்களில் விவசாயத்திற்கு இத்தகைய நவீன மாற்று வழிமுறைகளைக் கையாண்டால் நன்றாக இருக்குமே! 
     

    ]]>
    Waste banana plant trunk use as palnter in indonesia, வாழைமரத்தண்டில் விவசாயம், இந்தோனேசிய மாற்று விவசாய முறை, வாழை மரத்தண்டு, http://www.dinamani.com/lifestyle/lifestyle-news/2018/jun/16/waste-banana-plant-trunk-use-as-palnter-in-indonesia-2940992.html
    2940955 லைஃப்ஸ்டைல் செய்திகள் கர்ப்பிணியின் உடலுக்குள் புகுந்த உடைந்த ஊசி! அரசு மருத்துவமனை அவலம்! DIN DIN Saturday, June 16, 2018 11:16 AM +0530  

    கும்பகோணத்தைச் சேர்ந்தவர்கள் சசிகலா, வடிவேல் தம்பதியினர். இவர்களுக்கு 2 பெண் குழந்தைகள் இருக்கையில் சசிகலா மூன்றாவதாகக் கர்ப்பமானார். 

    இந்நிலையில் கடந்த ஆண்டு நவம்பர் மாதத்தில் உடல்நலக் குறைவு காரணமாக கும்பகோணம் அரசு மருத்துவமனைக்குச் சிகிச்சைக்கு சென்றிருக்கிறார். அப்போது அங்கு பணியில் இருந்த செவிலியர்களில் ஒருவர் மருத்துவரின் பரிந்துரையின் பேரில் சசிகலாவுக்கு ஊசி போட்டுள்ளார். ஊசி போடும் போது, செவிலியரின் அலட்சியத்தால் ஊசியின் மிக மெல்லிய நுனி உடைந்து சசிகலாவின் கையின் உள்ளேயே தங்கி விட்டது. அதை அறியாத சசிகலா அப்படியே வீட்டுக்குச் சென்றிருக்கிறார்.

    கையினுள் ஊசி இருப்பது தெரியாமல் வீடு திரும்பிய சசிகலாவுக்கு நாளடைவில் கையில் கடும் வலி ஏற்பட்டிருக்கிறது. மீண்டும் அவர் கும்பகோணம் அரசு மருத்துவமனைக்கே சிகிச்சைக்கு வர, அப்போது அவருக்கு எக்ஸ்ரே எடுக்கப்பட்டது. அந்த எக்ஸ்ரேவில் சசிகலாவின் கையினுள் உடைந்த ஊசி இருப்பது தெரிய வந்தது. அதைக் கண்டதும் சசிகலாவும், அவரது கணவர் வடிவேலுவும் கடும் அதிர்ச்சி அடைந்தனர். 

    ஆனால், சசிகலாவின் எக்ஸ்ரேவைச் சோதித்த மருத்துவர்கள் அதிர்ச்சி எதுவும் அடையாமல் அவர்களை , கையிலிருக்கும் ஊசியை அறுவை சிகிச்சை மூலம் நீக்குவதற்காக தஞ்சாவூர் மருத்துவக் கல்லூரி மருத்துவமனைக்கு அனுப்பி வைத்திருக்கிறார்கள். அங்கே சசிகலாவுக்கு கையில் அறுவை சிகிச்சை செய்யப்பட்டு ஊசி அகற்றப்பட்டதாகக் கூறிய மருத்துவர்கள் இனிமேல் ஆபத்தில்லை எனக்கூறி வீட்டுக்கு அனுப்பி வைத்திருக்கிறார்கள்.

    இந்நிலையில் தற்போது கர்ப்பிணியாக உள்ள சசிகலாவுக்கு சமீபத்தில் நெஞ்சில் கடுமையான வலி ஏற்படவே, அருகில் உள்ள தனியார் மருத்துவமனையில் சிகிச்சைக்காகக் காட்டியுள்ளனர். அப்போது மீண்டும் அவருக்கு எக்ஸ்ரே எடுக்கப்பட, அந்த எக்ஸ்ரேவில் சசிகலாவின் கையில் இருந்து அகற்றப்பட்டதாகக் கூறப்பட்ட உடைந்த ஊசி தற்போது அவரது நெஞ்சுப் பகுதியில் இருப்பது தெரிய வந்திருக்கிறது.

    கடந்த ஒரு மாதமாக வேலைக்கே செல்ல முடியாமல் தன் மனைவியை உயிருடன் காப்பாற்றுவதற்காக அவருடன் மருத்துவமனைகளில் அலைந்து கொண்டிருக்கிறார் கணவர் வடிவேல். இவ்விஷயம் தொடர்பாக அவர்கள் கும்பகோணம் மாவட்ட ஆட்சியர் அண்ணாத்துரையிடம் மனு கொடுத்திருக்கிறார்கள்.

    முதலில் சிகிச்சை எடுத்துக் கொண்ட கும்பகோணம் அரசு மருத்துவமனைக்கும் சென்று வடிவேல் தம்பதியினர் இது விஷயமாக மருத்துவர்களிடம் ஆலோசனை கேட்டிருக்கிறார்கள். அதற்கு அவர்கள், சசிகலாவின் உடலில் ஊசி நகர்ந்து கொண்டே இருக்கிறது. அறுவை சிகிச்சையின் போதும் அது நகரக்கூடும். அதனால் இந்த அறுவை சிகிச்சையைப் பொறுமையாகத் தான் செய்ய வேண்டும். அதற்கு முன்பு சசிகலாவின் கருவில் இருக்கும் குழந்தையை அபார்ஷன் செய்ய வேண்டும் என்று கூறி இருக்கிறார்கள். என்று பொறுப்பற்று பதில் அளித்திருக்கிறார்கள்.

    ஏழை, எளியவர்களுக்கு அவர்களது உடல் ஆரோக்யம் தான் மிகப்பெரிய சொத்து. அதையும் அரசு மருத்துவமனை செவிலியர்கள் அலட்சியத்தால் துன்பத்துக்குள்ளாக்கினால் அவர்கள் யாரை நம்பி சிகிச்சை எடுத்துக் கொள்ள முடியும்?!

    ]]>
    அரசு மருத்துவமனை செவிலியர் அலட்சியம், உயிருக்குப் போராடும் கர்ப்பிணி, சசிகலா, உடலுக்குள் புகுந்த ஊசி, sasikala, broken tip of injection needle, nurse's careless treatment, government hospital http://images.dinamani.com/uploads/user/imagelibrary/2018/6/16/w600X390/needle_in_lungs.jpg http://www.dinamani.com/lifestyle/lifestyle-news/2018/jun/16/pregnant-woman-fight-for-her-breath-due-to-nurses-careless-treatment-2940955.html
    2940305 லைஃப்ஸ்டைல் செய்திகள் ஆன்லைனில் அட்டகாசமான தள்ளுபடிகள் கிடைக்க இதை முதலில் ட்ரை பண்ணுங்க! DIN DIN Friday, June 15, 2018 04:59 PM +0530  

    இணையதள சேவைகள் மூலமாக பொருள்களை வாங்குவதையும் விற்பதையும் ​'​இ-காமர்ஸ்​'​ அல்லது​ 'மின் வணிகம்​'​ என அழைக்கிறோம். குண்டூசி தொடங்கி ராக்கெட் செய்யத் தேவையான பொருள்கள் வரை அனைத்தையும் இன்று நாம் இணையம் மூலம் வாங்க முடியும். கால, இட தடங்கல்களைத் தாண்டி, உலகத்தின் எந்த மூலையில் இருந்​து​ எந்த பகுதிக்கும் பலதரப்பட்ட பொருள்களை மக்களுக்கு கொண்டு சேர்ப்பதுதான் இணையவழி வணிகத்தின் பிளஸ்.

    நம் வீட்டுக்கு அருகிலுள்ள கடைகளில் பொருள்கள் வாங்கிக் கொண்டிருந்த நம்மை, இன்டர்நெட் உலகச் சந்தையின் வாடிக்கையாளர்களாக மாற்றியிருக்கிறது.​ இன்று தென்காசியில் ஒரு கடைகோடியில் உட்கார்ந்து கொண்டு ஐரோப்பிய பொருள்களை வாங்கிவிடலாம், அதுதான் இ-காமர்ஸின் சக்தி! இவ்வாறு,​ மேற்கத்திய நாடுகளில் ஹாட் டாப்பிக்காக 20-ம் நூற்றாண்டின் இறு​திகளில் ​திகழ்ந்த​ இ-காமர்ஸ் தளங்கள் இன்று உலகத்தின் வியாபார முறையையே புரட்டிப் போட்டுவிட்டன. இன்று அனைத்து துறைகளிலும் அதிவேக வளர்ச்சியை நோக்கிப் பயணிக்கும் இந்தியாவும் சீனாவும்தான் இத்தளங்களின் முக்கிய பயனாளிகள்.

    இந்தியாவில் இ-காமர்ஸ் தளங்கள் பல அமோக வரவேற்பைப் பெற்றுள்ளன, இதற்கு மூன்று முக்கிய  காரணங்கள் உண்டு - நடுத்தர குடும்பங்களின் வருமானத்தில் முன்னேற்றம், இணையத்தின் அபரிதமான பரவல் மற்றும் அதிகரித்துள்ள ஸ்மார்ட்போன்களின் பயன்பாடு. கடந்த 19 வருடங்களாக இந்தியாவின் ஐ.டி. மற்றும் தொலைதொடர்புத் துறை அமோக வளர்ச்சியை அடைந்துள்ளது.

    ஜூலை, 2017 வரை இந்தியாவில் 45 கோடி மக்கள் இணையத்தைப் பயன்படுத்தி உள்ளனர் எனும் தகவலே இதற்குச் சான்று. தற்போது இரண்டு லட்சம் கோடி ரூபாய் அளவுக்கு இணையம் மூலம் இந்தியாவில் வர்த்தகம் நடைபெற்றுவரும் நிலையில், இந்த இலக்கம் 2021-ல் மூன்று மடங்காக பெருக வாய்ப்புள்ளது என இந்தியன் இன்ஸ்டிட்யூட் ஆப் இ-காமர்ஸ் நடத்தியுள்ள ஆய்வொன்று தெரிவிக்கிறது. இதில் 35% விற்பனை பேஷன் சார்ந்த ஆடை, அணிகலன் மற்றும் பொருள்களாக இருக்கும் என்கிறது இந்த ஆய்வறிக்கை.

    இ-காமர்ஸ் இந்தியாவில் 'ஹிட்' தானா?

    உலகளவில் ஒப்பிடும்போது மேற்கத்திய நாடுகள் மற்றும் சீனாவைக் காட்டிலும் இந்தியாவின் இணையவழி வர்த்தகம் ஜோராக இல்லை. இணையத்தில் பொருள் வாங்கிய பின் திருப்தியில்லாமல் திருப்பிக்கொடுப்பது, ஆர்டரை கேன்சல் செய்வது, கேஷ் ஆன் டெலிவரி முறை, பணப் பரிமாற்றத்தின்போது இன்டர்நெட் பேமென்ட் கேட்வேக்கள் பல காரணங்களால் செயல் இழப்பது, இந்தியாவின் மொழி பேதங்ககள், போக்குவரத்து சார்ந்த இடையூறுகள், முகவரிப் பிழைகள் மற்றும் ஆயிரக்கணக்கான வியாபாரப் போட்டிகள் என பலவகை சவால்களைத் தாண்டி இந்திய சந்தையில் சேவையை வழங்கிவருகின்றன இந்த தளங்கள். எனவே, முட்டியும் மோதியுமே இ-காமர்ஸ் நாட்டின் பெருவாரியான மக்களைச் சென்றடையப் போகிறது. பெரும் நிறுவனங்கள் இந்தியாவின் மொத்த பாகங்களிலும் கால் பதிக்க சில ஆண்டுகள் ஆகும் என்பதே நிதர்சனம். ஆனால், நிச்சயம் இந்த வளர்ச்சி அசுரவேகம் எடுக்கும் என்பதும் உண்மை.

    இ-காமர்ஸ் பயன்கள்

    பயனாளர்களைப் பொறுத்தவரை, உட்கார்ந்த இடத்திலேயே இருந்துகொண்டு எதையும் வாங்கலாம் என்ற சொகுசுதான் இ-காமர்ஸின் விசேஷமே! இதைத் தாண்டி, வாங்கும் தயாரிப்புகளின் அம்சங்கங்களைத் தெளிவாகக் குறிப்பிடுவது, வாரன்டி குறித்த அறிவிப்பு, வாடிக்கையாளர் தேடல்களுக்கு ஏற்றவாறு பொருள்களைக் காண்பிக்கும் முறை, முந்தைய வாடிக்கையாளர்களின் விமர்சனங்கள், உலகமயமாக்கப்பட்ட விற்பனை, பலதரப்பட்ட பிராண்டுகளின் இருப்பு, எந்நேரத்திலும் வாங்கும் வசதி போன்ற பல காரணங்கள் சராசரி ஷாப்பிங்கை விட இ-காமர்ஸை பலரும் நாடக் காரணாமாக ஆக்கியிருக்கிறது. முக்கியமாக ஆன்லைன் தளங்கள் பலதரப்பட்ட பொருள்களை குறைந்த விலையில் அளிப்பதும் தள்ளுபடி வழங்குவதும், வாடிக்கையாளர்களை கட்டியிழுக்கும் காந்த உத்திகளாகும்.

    தள்ளுபடி... தள்ளுபடி...

    தள்ளுபடி எனச் சொல்லும்போது செலக்ட் ஆபர்ஸ், பிளாஷ் சேல், ஆண்டுக் கழிவு தள்ளுபடி, கேஷ் பேக், விசேஷ டிஸ்கவுன்ட் கூப்பன் வழங்குவது எனப் பலவகைகளில் கஸ்டமர்களைத் தங்கள் பால் ஈர்க்கின்றன இ-காமர்ஸ் நிறுவனங்கள். இப்படி ஆன்லைனில் எங்கெல்லாம் தள்ளுபடி கிடைக்கிறது என்பதை ஆராய்ந்து, சலுகைகளுக்கு பிரேத்தியேகமான டிஸ்கவுண்ட் கூப்பன் நம்பரை உருவாக்கி வெளியிடும் கூப்பன் தளங்களும் இன்று மும்முரமாக வளர்ச்சியடைந்து வருகின்றன.

    இந்தவரிசையில், 40 நாடுகளில் செயல்பட்டுவரும், மத்திய ஐரோப்பாவைச் மையமாகக்கொண்டு செயலாற்றும் சர்வதேச டிஸ்கவுண்ட் கூப்பன் நிறுவனமான ‘பிக்கோடி https://www.picodi.com/in/’ தற்போது இந்தியாவில் தங்களது சேவையைத் துவங்கியுள்ளது. நாம் நம் மனம் விரும்பிய இ-காமர்ஸ் தளங்களுக்குச் சென்று பிடித்த பொருள்களை வாங்கும் போது, அந்த இ-காமர்ஸ் தளத்தைச் சார்ந்த பிக்கோடியின் டிஸ்கவுன்ட் கோட்-ஐ பயன்படுத்தி தள்ளுபடிகளைப் பெறலாம். ஆன்லைன் ஷாப்பிங் ரசிகர்களுக்கு இச்செய்தி நிச்சயம் மகிழ்ச்சியை ஏற்படுத்தும்.

    பிக்கோடியின் சிறப்பம்சங்கள்:

    • ஸ்பெஷல் சேல் டீல்களையும் கூப்பன் கோட்களையும் இலவசமாக வழங்குகிறது.
    • இந்திய மற்றும் சர்வதேச பிராண்டுகளின் டீல்கள், இரண்டுமே இங்கு கிடைக்கின்றன.
    • பிக்கோடியில் காணப்படும் அனைத்து டிஸ்கவுண்ட்களும் பலதரப்பட்ட சரிபார்ப்புக்குப் பின்னரே அவர்களது தளத்தில் இடம்பெறுகின்றன.
    • சந்தையில் என்னென்ன புதுப்புது டீல்கள் வந்திருக்கின்றன என்பதை உடனுக்குடன் தெரிவிக்கிறது பிக்கோடி.
    • பிக்கோடியைத் தொடர்ந்து பயன்படுத்துபவர்கள் 35% வரை ஷாப்பிங்கில் மிச்சப்படுத்துகின்றனர்!​
    • ஆன்லைன் ஷாப்பிங் செய்யும்முன்,  https://www.picodi.com/in/  தளத்துக்குச் சென்று, கூப்பன் கோட்களைப் பெற்று பொருள் வாங்கும்போது சில நூறு முதல் பல ஆயிரம் ருபாய் வரை சேமிக்கலாம்!
    ]]>
    picodi, online shopping, discount online, picodi coupon, பிகோடி, ஆன்லைன், ஷாப்பிங், இணையம் http://images.dinamani.com/uploads/user/imagelibrary/2018/6/15/w600X390/picodi-740x393.jpg http://www.dinamani.com/lifestyle/lifestyle-news/2018/jun/15/international-coupons-platform-picodi-finally-available-in-india-2940305.html
    2938876 லைஃப்ஸ்டைல் செய்திகள் மொறுமொறு பூரி செய்ய ஆசையா? இதோ டிப்ஸ் ஆர்.பிரபா, திருநெல்வேலி, சு. இலக்குமணசுவாமி. DIN Wednesday, June 13, 2018 04:35 PM +0530  

    வேக வைத்த உருளைக்கிழங்கு தோலை வீணாக்காமல் கண்ணாடிகளைத் துடைத்தால் பளிச்சென்றிருக்கும். 

    முட்டை வாங்கி பிரிட்ஜில் வைக்கும் முன் முட்டைக் கூட்டில் சமையல் எண்ணெய்யைத் தடவி அதில்முட்டைகளை வைத்தால் கெடாது.

    சீனி வைத்துள்ள பாட்டில் அல்லது ஜாரில் சிறிது கிராம்புத் துண்டுகளை போட்டு வைத்தால் எறும்பு வராது.

    மீன், இறைச்சி ஆகியவற்றை சுத்தம் செய்யும்போது கையில் சிறிது தேங்காய் எண்ணெயைத் தடவிக் கொள்ளுங்கள்.வாடை அடிக்காது. கையில் பாதிப்பு ஏற்படாது.

    பூரி செய்யும்போது மாவுடன் ரவையை வறுத்து சேர்த்து பிசைந்தால் பூரி சுவையுடனும், மொறுமொறுப்புடனும் இருக்கும்.

    வீட்டில் எறும்புகள் தொல்லை இருந்தால் அதற்கு பெருங்காயத் தூளைத் தூவிவிடவும்.

    இட்லி மாவு புளிக்காமல் இருக்க பிளாஸ்டிக் டப்பாவில் போட்டு பிரிட்ஜில் வைக்கலாம்.

    துணிகளில் எண்ணெய், நீங்காத அழுக்கு இருந்தால் நீலகிரித் தைலத்தை சில சொட்டுகள் விட்டு சோப்பு போட்டு அலசினால் நீங்கும்.

    வெள்ளிப் பாத்திரங்களின் பளபளப்பு மாறாமல் இருக்க அவ்வப்போது விபூதியைக் கொண்டு தேய்த்தால் பளபளப்புடன்இருக்கும்.

    பூண்டு, வெங்காயம்,மாமிசம் இவற்றை கத்தியால் வெட்டும்போது துர்நாற்றம் வீசும். இதற்கு சிறிதளவு கல் உப்பை பொடித்து கத்தியில் தடவி நீரில் கழுவினால் போதும்.

    பழங்களை கடைகளில் இருந்து வாங்கி வரும்போது வீட்டில் அவற்றை சிறிதளவு வினிகர் கலந்த நீரில் போட்டு கழுவி சாப்பிடலாம். கிருமிகள் இருக்காது.

    அரிசி, கோதுமை போன்ற தானியங்களை போட்டு வைத்துள்ள பாத்திரத்தில் சிறிது வெந்தயக் கீரையை போட்டு வைத்தால் பூச்சிகள் தொல்லை இருக்காது.

    வாழைத் தண்டை பொடிப் பொடியாக நறுக்கி பக்கோடாவிற்கு கலந்து வைத்த மாவில் போட்டுப் பிசைந்து பக்கோடா செய்தால் சுவையாக இருக்கும்.

    உளுந்து வடை செய்யும்போது மாவில் சிறிது சேமியாவை தூள் செய்து போட்டு கலந்து வடை செய்தால் மொறு மொறுவென சுவை ஆக இருக்கும்.

    கத்தரிக்காயை வேக வைக்கும்போது ஒரு தேக்கரண்டி தயிர் சேர்க்க வேண்டும், கத்தரிக்காய் நன்றாக குழையும், ருசியும் கூடும்.

    கை வைத்தியம்!

    தேங்காயைப் பாலெடுத்து, சிறிது கற்கண்டு சேர்த்து நெய்யில் வறுத்த பெருங்காயம் பொடியும் சேர்த்துப் பருகி வர, மூலத்தினால் உண்டான எரிச்சல் வலி குறையும்.

    சேப்பங்கிழங்கை புளி சேர்த்துச் சமைத்துச் சாப்பிட்டால், மூலம் நீங்கும்.

    பிரண்டையை நெய் விட்டு வதக்கி அரைத்து, பாக்களவு, காலை, மாலை சாப்பிட்டு வர, மூலத்தால் உண்டாகும் வலி, குருதிப் போக்கு சரியாகும்.

    ]]>
    hot, poori, spicy, பூரி, டிப்ஸ் http://images.dinamani.com/uploads/user/imagelibrary/2018/6/13/w600X390/hot_pooris.jpg http://www.dinamani.com/lifestyle/lifestyle-news/2018/jun/13/spicy-poori-2938876.html
    2937598 லைஃப்ஸ்டைல் செய்திகள் இங்கிலாந்து அரச குடும்பத்தின் ராயல் விதிகளை புறக்கணித்தார் மேஹன் மார்க்கல்! RKV DIN Monday, June 11, 2018 11:57 AM +0530  

    குயின் எலிசபெத்தின் அதிகாரப்பூர்வ பிறந்தநாள் விழா ’ட்ரூப்பிங் தி கலர்’ எனும் பெயரில் சமீபத்தில் அனுசரிக்கப்பட்டது. இது வருடா வருடம் நிகழும் சிறப்பு நிகழ்வு. அந்த விழாவன்று குயின் எலிசபெத் தலைமையிலான அரச குடும்பத்தினர் பக்கிங்ஹாம் அரண்மனையின் மேல்தளத்தில் இருக்கும் பால்கனியில் நின்று கொண்டு காட்சி தர... கீழே பிரிட்டிஷ் ராணுவத்தின் அணிவகுப்பு நடைபெறும். பிரிட்டிஷ் அரச குடும்பத்தினருக்குச் சொந்தமான இணையதளத்தில் வெளியிடப்பட்டுள்ள செய்தியின் அடிப்படையில்  அந்த சிறப்பு நிகழ்வில் 1400 ராணுவ வீரர்கள், 200 குதிரை வீரர்கள் மற்றூம் 400 இசைக்கலைஞர்கள் அணிவகுத்துச் செல்ல அதை ஒவ்வொரு ஆண்டும் ஜூன் மாதம் குயின் எலிசபெத்தின் அதிகாரப் பூர்வ பிறந்த தினத்தன்று அரச குடும்பத்தினர் அனைவரும் கண்டுகளிப்பதாகத் தெரிகிறது. இந்த ஆண்டும் அந்த விழா சிறப்புர அனுசரிக்கப்பட்டுள்ளது. ஆனால், விழாவின் அரச குடும்பத்தினருக்கு அதிருப்தி அளிக்கும் விதமாகப் புதிதாக அரச குடும்பத்தில் இணைந்துள்ளவரான மேஹன் மார்க்கலின் ஆடை வடிவமைப்பு இருந்ததாகத் தகவல்.

    மேஹன், இளவரசர் ஹாரியை மணந்து பிரிட்டிஷ் அரச குடும்பத்தில் இளவரசியாக சமீபத்தில் தான் இணைந்தார். கடந்த மே மாதம் 19 ஆம் தேதி இளவரசர் ஹாரிக்கும், பிரிட்டிஷ் நடிகை மேஹன் மார்க்கவுக்கும் திருமணமானது. சமீபத்தில் தான் இந்த ஜோடி தங்களது தேனிலவு காலத்தில் இருந்து மீண்டு பக்கிங்ஹாம் அரண்மனைக்குத் திரும்பியிருக்கிறது.

    இந்நிலையில் தனது மாமியார் டயானாவைப் போலவே மேஹனும் அரச குடும்பத்தின் ராயல் விதிகளை உடைத்துக் காட்டுவதில் விருப்பமுடையவர் போலத்தான் தெரிகிறது. மேஹன் தனது திருமண ஆடையாகத் தேர்வு செய்திருந்த வெட்டிங் கவுனில் திறந்த தோள்களுடன் காட்சியளித்தார். இது அரச குடும்பத்தின் விதிகளுக்குப் பொருந்தாதது. பிரிட்டிஷ் அரச குடும்பத்தின் இளவரசியாக நுழைபவர்கள் திறந்த தோள்களுடன் பொது இடங்களிலோ, பொது மக்கள் முன்னிலையிலோ காட்சியளிக்கக் கூடாது என்கிறது ராயல் விதி. ஆனால், மேஹன் தனது திருமணத்தின் போது மட்டுமல்ல, தற்போது குயின் எலிசபெத்தின் பிறந்தநாள் விழாவில் கலந்து கொண்ட போதும் அதே விதமாகத் தான் உடையணிந்து அணிவகுப்புகளைப் பார்வையிட்டுள்ளார்.

    இளம்பிங்க் நிற கவுனில் இளவரசர் ஹாரியுடன், மேஹன் அமர்ந்து செல்லும் இந்த புகைப்படத்தில் மேஹன் அணிந்திருக்கும் விதமாக அரச குடும்பத்தினர் எவரும் உடையணியக் கூடாது. என்பதே விதி. ஆனால், மேஹன் அந்த விதியை இரண்டாம் முறையாக உடைத்திருக்கிறார். ஆடை விஷயத்தில் அவர் தனது கணவரின் அண்ணன் மனைவியும், பிரிட்டிஷ் அரச குடும்பத்தின் மூத்த மருமகளுமான கேட் மிடில்டன் பாணியைப் பற்றிச் சற்றும் அலட்டிக் கொள்வதில்லை. மேஹன், ஆடை விஷயத்தில் தனக்கென தனி பாணியை உருவாக்கி அதைப் பின்பற்றி வருகிறார்.

    ]]>
    England, இங்கிலாந்து அரச குடும்பம், பக்கிங்ஹாம் அரண்மனை, குயின் எலிசபெத், ராயல் விதிகள், royal family of ingland, queen elizabeth, Royal protocol, meghan markle, prince harry http://images.dinamani.com/uploads/user/imagelibrary/2018/6/11/w600X390/prince_harry__meghan_maarkle.jpg http://www.dinamani.com/lifestyle/lifestyle-news/2018/jun/11/meghan-markle-just-broke-royal-protocol-2937598.html
    2935730 லைஃப்ஸ்டைல் செய்திகள் நிறம் மங்கி கறுத்துப் போன வெள்ளிப் பாத்திரங்களைப் பளபளப்பாக்குவது எப்படி? ராக்கி DIN Friday, June 8, 2018 05:54 PM +0530 அடைக்கு மாவு அரைக்கும்போது அரிசி, பருப்புடன் இரண்டு வேகவைத்த உருளைக்கிழங்குப் போட்டு அரைத்தால் அடை மிகவும் ருசியாக இருக்கும்.

    கடலை எண்ணெய்யை நான்கு அல்லது ஐந்து சொட்டுவிட்டால் துவரம்பருப்பு சீக்கிரமே வெந்துவிடும்.

    பீட்ரூட் சூப் செய்யும்போது தக்காளியையும் வேக வைத்து மிக்ஸியில் அரைத்து சூப் செய்தால் சுவையாக இருக்கும்.

    மோர்க் குழம்பில் மிளகாயை அரைத்துக் கலப்பதோடு மோர் மிளகாயை வறுத்துப் போட்டுவிட்டால் செம டேஸ்ட்டாக இருக்கும்.

    எலுமிச்சைத் தோலால் தேய்த்தால் மரச்சாமான்கள் பளபளப்பாகும். 

    உருளைக்கிழங்கு வேக வைத்த நீரில் வெள்ளிப் பாத்திரங்களை துலக்கினால் பளபளவென்றிருக்கும். வெ‌ள்‌ளி‌ப் பா‌த்‌திர‌ங்களை‌ சபீனாவில் துல‌க்கு‌ம் போது ‌சி‌றிதளவு த‌யிர் அ‌ல்லது மோர் சே‌ர்‌த்து கழு‌வினா‌ல் பளிச்சிடும்

    மோர் அதிகமாகப் புளித்துப் போய் விடாமல் இருக்க அதில் ஒரு காய்ந்த மிளகாயைப் போட்டு வைக்கவும்.

    ஒரு நாளைக்கு ஒருவருக்கு 40 கிராம் நார்ச்சத்து தேவை. அதனால் தினம் 200 கிராம் கொண்டைக்கடலை சுண்டல், அல்லது 200 கிராம் கீரை அல்லது 200 கிராம் காய்கறி உணவுடன் சேர்த்துக் கொள்ள வேண்டும்.

    பாகற்காயில் உள்ள இரண்டு வேதிப் பொருட்களுக்கு ரத்தத்திலுள்ள சர்க்கரையைக் குறைக்கும் குணமுண்டு. இன்சுலின் ஊசி மருத்திலுள்ள வேதிப் பொருட்கள் பாகற்காயில் உள்ளது.

    மைதா மாவில் செய்யப்படும் பேக்கரி உணவு வகைகளில் சேர்க்கப்படும் ரசாயனப் பொருட்கள் கணையத்தை பாதிக்கும். இன்சுலின் சுரக்கும் பீட்டா செல்களை சிறிது சிறிதாக அழித்து நீரழிவு நோய்க்கு வழி வகுக்கும்.

    - எச். சீதாலட்சுமி, நெ.இராமன், சண்முக சுப்ரமணியன்

     

    ]]>
    silver, velli, சில்வர் பாத்திரம், வெள்ளிப் பாத்திரம் http://images.dinamani.com/uploads/user/imagelibrary/2018/6/8/w600X390/velli.jpg http://www.dinamani.com/lifestyle/lifestyle-news/2018/jun/08/how-to-clean-silver-plates-2935730.html
    2934287 லைஃப்ஸ்டைல் செய்திகள் சீயக்காய் நலன்கள் DIN DIN Thursday, June 7, 2018 11:00 AM +0530 சீயக்காய் என்பது - நம் கூந்தலையும், தலைச்சருமத்தையும் பராமரிக்க காலம் காலமாக நாம் பயன்படுத்தி வரும் பொருட்களில் ஒன்றாகும். சீயக்காய் உங்கள் கூந்தல் மற்றும் தலைச்சருமத்திற்கும் சேர்த்து பல்வேறு நன்மைகளை அளிக்கிறது. ஒரு தலைசிறந்த இயற்கை சுத்திகரிப்பானாக செயல்படும். மேலும் ரசாயனம் கலந்த ஷாம்புவில் இருந்து, உங்கள் தலைச்சருமம் பாதுகாக்கப்படுகிறது. முடிக்கு நல்ல பாதுகாப்பு வழங்குகிறது. பலர் இன்னும் கூந்தலுக்கு சோப்புகளை தான் பயன்படுத்துகின்றனர். அவை உங்கள் தலைச்சருமத்தை வறட்சியாக்கி, செபோர்ஹெயிக் டெர்மட்டிட்டிஸ் எனப்படும் அழற்சி நிலையை ஏற்படுத்துவதால், அவை கூந்தலுக்கு பரிந்துரைக்கப்படுவதில்லை.

    • சீயக்காய் மிதமான தன்மையை கொண்டுள்ளதால், மென்மையான தலைச்சருமத்தை கொண்டவர்களும் கூட இதனை பயன்படுத்தலாம். இது தலைச்சருமத்தை வறட்சியாக்காது.

    • உங்கள் கூந்தலில் உள்ள அதிகப்படியான சிக்கலை நீக்கவும் சீயக்காய் உதவும். அதனால் சீயக்காய் பயன்படுத்திய பிறகு தனியாக கண்டிஷனர் பயன்படுத்த வேண்டும் என்ற அவசியமில்லை.

    • மயிர்கால்களுக்கு வைட்டமின் "டி' மற்றும் "சி' போன்ற ஊட்டச்சத்துக்களை அளித்து, இது தலைச்சருமத்திற்கு புத்துணர்ச்சி அளிக்கும்.

    • இது மற்ற மூலிகைகள் மற்றும் இயற்கை சாறுகளுடன் நன்றாக ஒன்றிவிடும். அதனால் கூந்தலின் ஆரோக்கியத்திற்கு பயனாக அமையும்.

    • கூந்தலுக்கு சாயம் போடுவதற்கு முன், அது இயற்கை சாயமாக இருந்தாலும் கூட, கூந்தலை சீயக்காய் கொண்டு கழுவ வேண்டும். இதனால் சாயம் அதிக நேரம் ஊறி, நீண்டு நிலைக்கும். 
    - கவிதா பாலாஜி

    ]]>
    http://images.dinamani.com/uploads/user/imagelibrary/2018/6/6/w600X390/hair.jpg http://www.dinamani.com/lifestyle/lifestyle-news/2018/jun/07/benefits-of-seekakai-2934287.html
    2933619 லைஃப்ஸ்டைல் செய்திகள் உலகின் தலைசிறந்த விமான நிலையங்கள் எவை என்று தெரியுமா? சினேகா DIN Tuesday, June 5, 2018 04:51 PM +0530 2018-ம் ஆண்டுக்கான உலகின் தலைசிறந்த 10 விமான நிலையங்களின் பட்டியலை ஸ்கைடட்ராக்ஸ் (Skytrax)  என்னும் நிறுவனம் வெளியிட்டுள்ளது. அந்தப் பட்டியல் இதுதான். முதல் இடத்தை பிடித்தது சிங்கப்பூர் ஷங்கி விமான நிலையம்.

    1 சாங்கி விமான நிலையம் - சிங்கப்பூர் 
    2 இன்ஷியான் - சியோல் 
    3 ஹனெடா - டோக்கியோ 
    4 ஹாங்காங்
    5 தோஹா ஹமாத்
    6 மியூனிச்
    7 சென்ட்ரைர் நேகோயா
    8 லண்டன் ஹீத்ரோ
    9 ஜுரிச்
    10 பிராங்போர்ட்

    உலகின் சுத்தமான 10 விமான நிலையங்களையும் பட்டியல் இட்டுள்ளது ஸ்கைட்ராக்ஸ் நிறுவனம்

    1 டோக்கியோ ஹனெடா
    2 சென்ட்ரைர் நேகோயா
    3 இன்சோன்
    4. தைவான் தாவோயுவான்
    5 சிங்கப்பூர் சாங்கி
    6 டோக்கியோ நரிடா
    7 ஹாங்காங்
    8 ஜுரிச்
    9 டோஹா ஹமாத்
    10 ஹெல்சின்க்கி

    அண்மையில் மேம்படுத்த சிறந்த விமான நிலையங்கள் இவைதான்

    1 ரோம் ஃப்யூமிசினோ (Fiumicino)
    2 பெர்த்
    3 கால்கரி
    4. தைவான் தாவோயுவான்
    5 ஏதென்ஸ்
    6 நாடி
    7 மாண்ட்ரீல்
    8 மாஸ்கோ ஷெர்மெமிட்டோ
    9 ஹெளஸ்டன் இண்டர்காண்டினென்டல்
    10 மணிலா

    இந்தப் பட்டியலை எல்லாம் பார்க்கும் போது இந்தியாவில் ஏதேனும் ஒரு விமான நிலையம் இடம்பெற்றிருக்கலாம் என்று தவிர்க்க முடியாமல் தோன்றுகிறது. ஆறுதல் அளிக்கக் கூடிய ஒரு செய்தியாக 2017-ம் ஆண்டு எடுக்கப்பட்ட சர்வேயில், உலகின் தலைசிறந்த 100 விமான நிலையங்களில் 60 இடத்தில் புது தில்லியும், 64-வது இடத்தில் மும்பய் விமான நிலையும் இடம்பிடித்துள்ளது. மேலும் 10 தலைசிறந்த விமான டெர்மினல்களின் பட்டியலில் மும்பய் - டி2 Mumbai - T2, 9-ம் இடத்தில் உள்ளது.

    முதல் இடத்தில் லண்டன் ஹீத்ரோ விமான நிலையத்தின் இரண்டாம் டெர்மினல் உள்ளது என்பது குறிப்பிடத்தக்கது.

    ]]>
    India, airport, Top 10, singapore, shangai, ஏர்போர்ட், சிங்கப்பூர், மும்பய் விமான நிலையம் http://images.dinamani.com/uploads/user/imagelibrary/2018/6/5/w600X390/singapore-changi-airport.jpg http://www.dinamani.com/lifestyle/lifestyle-news/2018/jun/05/top-ten-airports-of-2018-2933619.html
    2933587 லைஃப்ஸ்டைல் செய்திகள் உருளை சிப்ஸ் வடிவமைப்பில் மறைக்கப்பட்டுள்ள முழுப்பூசணிக்காய்! RKV DIN Tuesday, June 5, 2018 01:46 PM +0530  

    கடையில் நீங்கள் வாங்கிய உருளை சிப்ஸில் கொடுத்த காசுக்குப் பெறுமானமுள்ள அளவுக்கு சிப்ஸ் இல்லை என்று அடிக்கடி கவலைப்படும் நாம் அந்த சிப்ஸுக்குள் இருக்கும் உள்ளரசியலை எப்போதாவது கவனித்திருக்கிறோமா? சிப்ஸ் பாக்கெட்டில் பெயருக்கு பத்தே பத்து உருளை சிப்ஸ் ஃப்ளேக்குகளைப் பேக் செய்து விட்டு மிச்சத்திற்கு காற்றடைத்து விற்பனை செய்கிறார்கள் என்று நம்மில் பெரும்பாலானோர் பலமுறை வருத்தப்பட்டிருப்போம். ஆனால் அவர்களது ஏமாற்றுத்திறன் அதில் மட்டுமில்லை. உருளை சிப்ஸை டிசைன் செய்வது முதலே தொடங்கி விடுகிறது என்கிறது இந்த காணொளிக் காட்சி.

    இதையெல்லாம் 10 ரூபாய் கொடுத்து சிப்ஸ் பாக்கெட் வாங்கி உண்பவர்கள் யாரும் கனவிலும் யோசித்துப் பார்த்திருக்க வாய்ப்பில்லை. நமக்கு வாய்க்கு ருசியாக மொறு, மொறுப்பாக உண்பதற்கு சிப்ஸ் கிடைத்தால் போதும். அதிலும் அந்த சிப்ஸ் சாதாரண பாலீதீன் பேக்கில் இல்லாமல் பிரபலமான சிப்ஸ் கம்பெனியின் பெயர் அச்சிடப்பட்ட கவர்ச்சியான ராப்பருடன் கூடிய பேக்காக இருந்தால் இன்னும் அந்தஸ்தாக உணர்வோம். இப்படித்தானே இத்தனை நாட்களும் நாம் நினைத்துக் கொண்டிருக்கிறோம். அது எத்தனை முட்டாள் தனமானது என்று நுகர்வோர் யோசிக்க வேண்டிய தருணம் கடந்து கொண்டிருக்கிறது.

    இது ஹோம்மேட் உருளை சிப்ஸ்...

     

    இது பன்னாட்டு வணிக நிறுவன பேக்கிங்கில் கிடைக்கும் உருளை சிப்ஸ்...

     

    வீட்டில் சிப்ஸ் வறுக்கும் போது கவனித்திருப்பீர்கள். நம் வீட்டு சிப்ஸ்கள் வகைக்கொன்றான பொரிந்து வந்திருக்கும். அவற்றை நாம் ஆற வைத்து பிளாஸ்டிக் ஜாரில் எடுத்து வைக்கையில் சில சிப்ஸ்கள் உடைந்து விடும். சில வடிவமிழந்து எளிதில் உடையும் தன்மை கொண்டதாகவும் இருக்கும். மொத்தத்தில் சிப்ஸின் வடிவத்தில் நாம் பெரிதாக கவனம் செலுத்தியிருக்க மாட்டோம். ஆனால், அதே கடையில் வாங்கும் சிப்ஸ்களை நம் வீட்டு சிப்ஸ்களோடு ஒப்பிட்டுப் பாருங்கள். உற்றுக் கவனித்தீர்களெனில் சிப்ஸ்களின் சுவை முதல் அவற்றின் வடிவம், அவை ஸ்லைஸ் செய்யப்பட்டு பொறித்தெடுக்கப்பட்ட விதம், பேக்கிங் நுணுக்கம் முதல் அத்தனையிலுமே நாம் மாபெரும் வித்யாசங்களைக் காண முடியும்.

    மேலோட்டமாகப் பார்த்தால் அவற்றில் பெரிதாக எந்தத் தவறும் இல்லை என்றே தோன்றலாம். ஆனால் அவை ஒவ்வொன்றின் பின்னாலும் மாபெரும் வியாபார தந்திரம் இருக்கிறதென்கிறது மேலுள்ள காணொளி. இவர்கள் சொல்வதும் யோசிக்க வேண்டிய விஷயம் தான்.

    சிப்ஸ்களை இரண்டு கர்வ் அதாவது வளைவுகளுடன் டிசைன் செய்வதால் அவை எளிதில் உடைந்து போகாமலிருப்பதோடு, கையில் பிடித்து உண்பதற்கும் வசதியாக இருக்கிறது. அது மட்டுமல்ல, பாக்கெட்டில் பேக் செய்யும் போது உள்ளே நிறைய சிப்ஸ் இருப்பதான தோற்றத்தையும் அது ஏற்படுத்துகிறது. இதன் காரணமாகத்தான் இந்த சிப்ஸ்களை பல லட்சக் கணக்கான ரூபாய்கள் செலவு செய்து சூப்பர் கம்ப்யூட்டர்களை வைத்து இப்படி இரண்டு கர்வ் வருமாறு டிசைன் செய்து விற்பனை செய்கின்றன பன்னாட்டு வணிக நிறுவனங்கள். இதனால் 10 ரூபாய் கொடுத்து சிப்ஸ் வாங்கி உண்பவர்களுக்கு பாக்கெட்டின் வடிவத்தைக் காண்பதில் கிடைக்கும் இன்பம் அதனுள்ளிருக்கும் சிப்ஸை உண்ணும் போது கிடைப்பதில்லை. ஏனென்றால் உள்ளே சிப்ஸ் இருந்தால் தானே?! அவர்கள் பெயருக்கு சிப்ஸ் என்று பெயரிட்டு காற்றடைத்த பாக்கெட்டுகளைத் தானே விற்றுக்கொண்டிருக்கிறார்கள். இதனால் அவர்களுக்கு என்ன லாபம் என்றால். குறைவான உற்பத்தியில் நிறைவான... இல்லையில்லை கொள்ளை, கொள்ளையாய் லாபம். அவ்வளவு தான். அது போதாதா?!

    நுகர்வோர் நலன் பற்றிய அக்கறை துளியுமின்றி லாபத்தில் மட்டுமே முழு நம்பிக்கை கொண்ட இந்த ஏமாற்று வித்தைக்கு அவர்களிட்டுள்ள சாகஸப் பெயர் தான் வியாபார தந்திரம், தொழில் ரகசியம் இத்யாதி, இத்யாதி.

     Video & Concept Courtesy: LMES 

    ]]>
    potato chips business tricks, உருளை சிப்ஸ் வியாபார தந்திரங்கள், பன்னாட்டு வணிக நிறுவனங்கள், MNC FOOD COMPANIES http://images.dinamani.com/uploads/user/imagelibrary/2018/6/5/w600X390/company_chips.jpg http://www.dinamani.com/lifestyle/lifestyle-news/2018/jun/05/potato-chips-business-tricks-2933587.html
    2930490 லைஃப்ஸ்டைல் செய்திகள் தண்ணீர் டிரம்முக்கு பூட்டுப் போட்டு பாதுகாக்க வேண்டிய நாள் வந்துடுச்சு! எங்கே தெரியுமா?! RKV DIN Thursday, May 31, 2018 12:57 PM +0530  

    ராஜஸ்தான் மாநிலத்தின் பரசுராம்புரா கிராமத்தில் தான் இந்த அவலம் நடந்தேறியிருக்கிறது. அங்கே மக்கள் தங்கள் வீடுகளின் வெளியில் தண்ணீர் நிரப்பி வைத்திருக்கும் டிரம்களுக்கு பூட்டுப் போட்டு, காவலுக்கு ஆள் வைத்தெல்லாம் பாதுகாக்கத் தொடங்கியிருக்கிறார்கள். காரணம் தீவிரமாக நிலவும் தண்ணீர் பற்றாக்குறை. வாரத்திற்கு ஒருமுறை மட்டுமே ஹிந்துஸ்தான் ஜிங்க் லிமிடெட் வாயிலாக அவர்களுக்கு குடிக்கத் தண்ணீர் சப்ளை செய்யப்படுகிறது. வாரத்திற்கு இரண்டு அல்லது மூன்று முறை தண்ணீர் கிடைத்தால் கூட இப்படி ஒரு அவலமான நிலை தங்களுக்கு வந்திருக்காது என அக்கிராம மக்கள் நொந்து கொள்கிறார்கள்.

    45 டிகிரியில் வாட்டி வதைக்கும் இந்தக் கோடை ராஜஸ்தான் மக்களை இப்படித்தான் பழி வாங்கிக் கொண்டிருக்கிறது. சும்மாவே தண்ணீர் பற்றாக்குறை நிலவும் ராஜஸ்தானின் புறநகர்ப்புற கிராமங்களில் கோடையும் சேர்ந்து கொள்ள தண்ணீர்ப்பற்றாக்குறை பற்றிச் சொல்லியா தெரிய வேண்டும். பற்றாக்குறை காரணமாக ஒருவர் சேகரித்து வைத்த தண்ணீரை பிறர் அபகரிக்க நினைத்து அதனால் சில தகராறுகளும் வந்து சேர... மத்யஸ்தம் செய்து வைத்து ஓய்ந்து போன கிராமப் பஞ்சாயத்தினர் ஒரு கட்டத்தில், ஊர் மக்களிடம், ‘தயவு செய்து நீங்கள் தண்ணீர் சேகரித்து வைத்துள்ள டிரம்களுக்கு பூட்டுப் போட்டுப் பாதுகாத்துக் கொள்ளுங்கள், காவலுக்கு ஆள் வைத்து வேண்டுமானாலும் பாதுகாத்துக் கொள்ளுங்கள் என்று ஆலோசனை அளிக்கவே, அதைத்தான் இப்போது அந்த மக்கள் பின்பற்றி வருகின்றனர். 

    இப்போதெல்லாம் எங்களிடம் இருக்கும் தங்க, வெள்ளி நகைகளைக் காட்டிலும் தண்ணீர் டிரம்களைப் பற்றித்தான் நாங்கள் அதிகம் கவலைப்படுகிறோம். அவற்றைப் பாதுகாப்பது தான் எங்களுக்கு மிகப்பெரிய சவாலாக இருக்கிறது என்கிறார்கள் பரசுராம்புரா கிராம மக்கள்.

    இந்நிலை ராஜஸ்தான் கிராமங்களில் மட்டுமல்ல, ஹிமாச்சல் பிரதேஷ், மத்தியப் பிரதேஷ், உத்தரகாண்ட், சட்டீஸ்கர், உள்ளிட்ட இந்திய மாநிலங்களிலும் இதே நிலை தான் நீடிக்கிறது.

    தமிழ்நாட்டில் இதுவரை இப்படியொரு நிலை வரவில்லை என்று சொல்லி விட முடியாது.

    நகரங்களில் கோடையில் கடுமையாகத் தண்ணீர் பஞ்சம் நிலவும் காலங்களில் அபார்ட்மெண்டுகளின் வாட்டர் டேங்குகளை அதனதன் உரிமையாளர்கள் பூட்டுப் போட்டு பாதுகாப்பு செய்து கொள்வது இங்கும் கூட சில இடங்களில் நிகழ்ந்த கதையே. கிராமங்களில் தண்ணீர் டிரம்களுக்குப் பூட்டுப் போட்டு பாதுகாக்கும் அவலம் இன்னும் இங்கு வரவில்லையென்றாலும் கூட தண்ணீர்க்குடங்களை நிரப்ப பெண்களுக்கிடையே சண்டை சச்சரவுகள் நிகழ்ந்து நிலவரம் கலவரமான பல்வேறு சந்தர்பங்கள் இங்கேயும் உண்டு.

    எல்லாமும் எதற்காக? தண்ணீருக்காகத் தான்.

    இதோ இன்று வரை தமிழகம், கர்நாடகாவுடன் குடுமிப்பிடி சண்டையாக முட்டிக் கொண்டு நிற்பதும் அதே தண்ணீருக்காகத் தான். ஆகவே ராஜஸ்தான் மக்களின் நிலை நமக்கும் வராதென்று என்ன நிச்சயம்?!

    ]]>
    water scarcity, rajasthan, locked water drums, தண்ணீர் பற்றாக்குறை, ராஜஸ்தான் கிராமங்கள், பூட்டுப்போடப்பட்ட தண்ணீர் டிரம்கள், http://images.dinamani.com/uploads/user/imagelibrary/2018/5/31/w600X390/locked_water_drums.jpg http://www.dinamani.com/lifestyle/lifestyle-news/2018/may/31/locals-lock-water-drums-in-rajasthan-village-to-avoid-robbery-2930490.html
    2929850 லைஃப்ஸ்டைல் செய்திகள் முகத்தில் முடி இருக்கும் பெண்களின் கவனத்துக்கு!  ஆர்.ரக்சனா சக்தி DIN Wednesday, May 30, 2018 01:40 PM +0530 பாதங்களில் வெடிப்பு, தீராத பிளவு ஏற்பட்டு வலி ஏற்பட்டு வருவதைத் தடுக்க, தூங்கச் செல்லும் முன் வெதுவெதுப்பான நீரில் புங்கமரக்காய்த் தோலை ஊறவைத்து அதில் கல் உப்பைச் சேர்க்கவும். இந்த நீரில் கால்களை கால் மணி நேரம் வைத்திருக்க வேண்டும். பின்னர், எலுமிச்சம் பழத்தை வெட்டி அதன் தோலை பாதங்களில் தேய்க்கவும். அதன் பிறகு துணியால் நன்கு துடைத்து கிளிசரின் தடவிவரவும். அவ்வப்போது இப்படி செய்து வரவேண்டும்.

    கை, கால்களில், முகத்தில் முடி இருப்பதால் பெண்களுக்கு அழகு கெடும். இதைத் தடுக்க கடலை மாவுடன் கஸ்தூரி மஞ்சளை சமபங்கு எடுத்து பால் கலந்து கலவையாக்கவும். பின்னர், இதை முடி உள்ள இடங்களில் தடவ வேண்டும். சிறிது நேரம் கழித்து காய்ந்த அந்த கலவையை துணியால் தேய்த்து எடுத்துவிடவும். இப்படி தொடர்ந்து செய்து வர முடி உதிரும்.

    கால், கைகளிலும் முகத்திலும் கருமை நிறம் இருப்பது அழகைக் கெடுக்கும். இதைத் தடுக்க பாதாம் எண்ணெய்யைத் தடவி வர பலன் கிட்டும்.

    வாய்ப்புண் தொல்லையா, மூட்டுவலியால் அவதிப் படுபவர்களா, தீராத தலைவலியா... பலா மரத்தின் இலையை நீரில் கொதிக்க வைத்து வடிகட்டவும். பின் அதில் பனங்கற்கண்டை கலந்து தினமும் காலை வேளையில் அருந்தி வர வாய்ப்புண் தீரும். கஸ்தூரி மஞ்சள், சாம்பிராணி, கடுகு ஆகியவற்றை சம பங்கு எடுத்து நீர் விட்டுஅரைக்கவும். அதை சுட வைத்து சிறிது கற்பூரம் சேர்க்கவும். இந்த கலவையை மிதமான சூட்டில் வலிக்கும் பகுதியில் தடவி வந்தால் மூட்டு வலி குணமாகும். கற்பூரவல்லி, நல்லெண்ணெய், சர்க்கரை இவற்றை கலந்து நெற்றியில் பற்றுப் போட்டால் தலைவலி குணமாகும்.

    முகத்தில் உள்ள கருமை மறைய மஞ்சள்தூளில் கரும்புச் சாறு கலந்து தடவி வர பலன் கிட்டும்.

    தொண்டைப்புண் நீங்க சித்தரத்தையைப் பொடி செய்து அதை தேனில் கலந்து சாப்பிட்டு வரவும்.

    ]]>
    http://images.dinamani.com/uploads/user/imagelibrary/2018/5/30/w600X390/healthy_hair.jpg http://www.dinamani.com/lifestyle/lifestyle-news/2018/may/30/for-ladies-attention-how-to-get-rid-of-hair-in-face-2929850.html
    2927282 லைஃப்ஸ்டைல் செய்திகள் அழித்தொழிக்கப்பட்ட 12 குவிண்டால் கார்பைடு மாம்பழங்கள்! தமிழகத்தில் இது சாத்தியமா? PTI PTI Saturday, May 26, 2018 11:17 AM +0530  

    கெளகாத்தியில் மே 26: கெளகாத்தியில் மே 26 அன்று 12 குவிண்டால் மாம்பழங்கள் அழித்தொழிப்பு. உணவுக் ஆய்வாளர்களால் கார்பைடு ரசாயனம் கலந்து பழுக்க வைக்கப்பட்ட மாம்பழங்கள் எனக் கண்டறியப்பட்ட சுமார் 12 குவிண்டால் மாம்பழங்கள் பொதுமக்கள் பயன்பாட்டிற்கு விடப்படாமல் அழித்தொழிக்கப் பட்டன. கெளகாத்தியின் காமரூப் மெட்ரோபொலிட்டன் மாவட்டத்திலுள்ள ஃபேன்ஸி பஜார் எனும் காய்கறி மற்றும் பழச்சந்தையில் உணவு ஆய்வாளர்கள் சோதனையில் ஈடுபட்ட போது அங்கே மொத்தம் 12.5 குவிண்டால் மாம்பழங்கள் கார்பைடு ரசாயனக் கல் கொண்டு பழுக்க வைக்கப்பட்டு விற்பனைக்கு கொண்டு வரப்பட்டுள்ளது கண்டறியப்பட்டது.

    வடகிழக்கு மாநிலங்களின் மிகப்பெரிய விற்பனைச் சந்தையாகக் கருதப்படும் இவ்விடத்தில் கண்டறியப்பட்ட இந்த மாம்பழங்கள் பொதுமக்களைச் சென்றடையும் முன் அழிக்கப்பட வேண்டும் என உணவு ஆய்வாளர்கள் குழு உத்தரவிட்டது. அதையடுத்து, மாம்பழங்களை விற்பனைக்கு வைத்த வியாபாரிகளே கைப்பற்றப்பட்ட மாம்பழங்களை உணவு ஆய்வாளர்கள் முன்னிலையில் முற்றிலுமாக அழித்தனர். அழித்தொழிக்கப் பட்ட மாம்பழங்களின் மொத்த மதிப்பு 62,000 ரூபாய்.


     

    ]]>
    carbide mangoes, destroyed, Guwahati, கார்பைடு மாம்பழங்கள், அழிப்பு, கெளகாத்தி, http://images.dinamani.com/uploads/user/imagelibrary/2018/5/26/w600X390/carbide_mangoes.jpg http://www.dinamani.com/lifestyle/lifestyle-news/2018/may/26/12-quintals-of-carbide-mangoes-destroyed--2927282.html
    2926040 லைஃப்ஸ்டைல் செய்திகள் இ​ரவில் மீந்​து ​போன சாதத்தை மறுநாள் என்ன செய்யலாம்? சர​சு​வதி பஞ்​சு​ DIN Thursday, May 24, 2018 02:22 PM +0530
  • நீண்ட நேரப்​ப​ய​ணத்​திற்​குப் பின் களைப்பு ஏற்​பட்​டால், அந்​தக் களைப்​பைப் போக்க, உப்பு பெரு​ம​ளவு உத​வு​கி​றது. ஒரு பெரிய பேசி​னில் வெது​வெ​துப்​பான நீர் எடுத்து, அதில் சிறி​த​ளவு உப்பு கலந்து, ஒரு பதி​னைந்து நிமி​டங்​கள் கால்​கள் நனை​யும்​படி உட்கார்ந்​தால், கால்​வலி, களைப்பு எல்​லாம் பறந்​து​போ​கும்.
    • வெ​து​வெ​துப்​பான நீரில் சிறிது ஆலிவ் ஆயில் கலந்து, குழந்​தை​க​ளைக் குளிப்​பாட்​டி​னால் குழந்​தை​க​ளின் தோலின் மென்​மையை ஆலிவ் ஆயில் பரா​ம​ரிக்​கும்.
    • தி​ராட்​சைப்​ப​ழம் கிட்னிக்​குப் பாது​காப்பு அளிக்​கும் பழம், மல​மி​ளக்​கி​யா​க​வும் பயன்​ப​டும். இதை, பழ​மா​கவோ, பழ​ர​ச​மா​கவோ உண்​டால், நேரடி பலன் கிடைக்​கும்.

    • இ​ரவு மீந்​து ​போன சாதத்தை ஹாட்பேக்​கில் வைத்​தி​ருந்து, காலை​யில் சைனீஸ் ஃப்ரைட் ரைஸ் செய்​ய​லாம் அல்​லது. சிறிது நீர்​விட்டு மசித்து, ஸாலட் அல்​லது உரு​ளைக்​கி​ழங்கு மசி​ய​லோடு கலக்​க​லாம்.
    • கு​ழந்​தை​யைக் குளிப்​பாட்​டும்​போது, தண்​ணீ​ரில் சிறி​த​ளவு டெட்டா​லை​யும், சிறி​த​ளவு உப்​பை​யும் கலந்து குளிப்​பாட்​டி​னால் குழந்​தை​யின் மென்​மை​யான தோல் மேலும் மென்​மை​யாக ஆவ​து​டன், எந்​த​வித தோல் வியா​தி​க​ளும் வராது. தண்​ணீரை விளா​வி​ய​பின்பு தான் டெட்டா​லை​யும், உப்​பையும் சேர்க்க வேண்​டும்.
    • தர்​பூ​ச​ணித் தோல், பரங்​கிக்​காய் தோல், பீர்க்​கங்​காய்த் தோல், வெந்த உரு​ளைக்​கி​ழங்கு அல்​லது பச்சை உரு​ளைக்​கி​ழங்கு தோல், சுரைக்​காய் தோல் போன்​ற​வற்​றி​லி​ருந்து, வங்​கா​ளி​கள் வித​வி​த​மான துவை​யல்​கள் செய்​கின்​ற​னர்.
    • தி​னந்​தோ​றும் காலை​யில் வெறும் வயிற்​றில், வெது​வெ​துப்​பான நீரில் ஒரு மூடி எலு​மிச்​சை​யைப் பிழிந்து அருந்​தி​னால், நாள் முழு​வ​தும் புத்​து​ணர்ச்​சி​யோடு இருக்​க​லாம்.
    • க​ரு​வுற்ற தாய்​மார்​கள் ஆறாம் மாதத்​திற்​குப் பின், அரை லிட்டர் நீரைக் கொதிக்க வைத்து, அதில் இரண்டு தேக்​க​ரண்டி பார்லி அரி​சியை மிக்​ஸி​யில் போட்டு பொடி செய்து, கொதிக்​கும் நீரில் போட்டு, கொதிக்​க​வைத்து எடுத்து, ஆறி​ய​பின் ஒரு தேக்​க​ரண்டி எலு​மிச்​சைச் சாறும், உப்​பும் சேர்த்து காலை, மாலை அருந்தி வர, நீர் சுருக்கு நீங்கி, கால் வீக்​கம் வடி​யும். மேற்​படி பார்லி நீரை காலை​யி​லேயே தயார் செய்து வைத்​துக் கொண்டு, தேவை​யா​ன​போது, சூடு செய்து, எலு​மிச்​சைச் சாறும், உப்​பும் கலக்​க​லாம். எலு​மிச்​சைச் சாறும், உப்​பும் கலந்து வைத்​து​விட்​டோ​மா​னால், வெகு சீக்​கி​ரம் புளிப்பு ஏறி, அசி​டிடி உரு​வா​கும்.
    • தக்​காளி சூப் தயா​ரிக்​கும்​போது, சிறிது கச​க​சாவை நெய்​யில் வறுத்து, பொடித்​துப்​போட்​டால், சூப் மண​மா​க​வும், மிகுந்த சுவை​யு​ட​னும் இருக்​கும்.
    • எள், கச​கசா இரண்​டும் ஒவ்​வொரு தேக்​க​ரண்டி, அரை தேக்​க​ரண்டி ஓமம், கால் தேக்​க​ரண்டி மிளகு ஆகி​ய​வற்றை சிறிது நெய் அல்​லது எண்​ணெய்​யில் மணம் வரும்​வரை வறுத்து, உப்பு சேர்த்து, கர​க​ரப்​பாக பொடித்து, சூடான சாதத்​தில் போட்டு பிசைந்து சாப்​பிட்​டால், புது​வி​த​மான சுவை​யும், மண​மும் கிடைக்​கும். வயிற்​றுப்​புண் ஆறும். கபம் நீங்​கும். வெயி​லில் அலைந்த களைப்​பும் நீங்​கும்.
    ]]>
    rice, white rice, fried rice, சாதம், உணவு, மீதமான உணவு, ஃப்ரைட் ரைஸ் http://images.dinamani.com/uploads/user/imagelibrary/2018/5/24/w600X390/rice1.jpg http://www.dinamani.com/lifestyle/lifestyle-news/2018/may/24/dont-waste-the-food-reuse-it-2926040.html
    2925358 லைஃப்ஸ்டைல் செய்திகள் அதிசயிக்கத்தக்க வகையில் ஒதிஷா காடுகளில் 26 ஆண்டுகளுக்குப் பிறகு மீண்டும் கறுஞ்சிறுத்தைப்புலி நடமாட்டம்! RKV PTI Wednesday, May 23, 2018 11:39 AM +0530  

    விஜயின் ‘புலி’ திரைப்படத்தில் கறுஞ்சிறுத்தையைப் பார்த்திருப்பீர்கள். அது கம்ப்யூட்டர் சித்தரிப்பு. நிஜமாகவே கருஞ்சிறுத்தையை நேரில் பாத்தவர்கள் குறைவு தான். நம்மூர் வனவிலங்கு சரணாலயங்களில் வெள்ளைப் புலி, காண்டாமிருகம், நீர்யானை,  சிவப்புப் புள்ளிகளுடன் கூடிய சிறுத்தைப்புலி, வேங்கைப்புலி, பிடறிப் பெருமைகள் தவிர உடல் வற்றி ஒடுங்கிப்போன ஆண்சிங்கம், பெண் சிங்கங்களை நாம் பார்த்திருக்கக் கூடும். ஆனால், இந்த கறுஞ்சிறுத்தை இங்கே அதிசயம். இந்தியாவில் முதல்முறையாக ஒதிஷா காடுகளில் கறுஞ்சிறுத்தை நடமாட்டம் இருப்பதாக அம்மாநில வனத்துறை காணொளிப் பதிவுகள் உணர்த்தியிருக்கின்றன. 

    கடந்த 26 ஆண்டுகளாக ஒதிஷாவின் சுந்தர்கார் வனப்பகுதிகளிலும் கூட கறுஞ்சிறுத்தை நடமாட்டம் முற்றிலுமாக அருகியிருந்தது. தற்போது மீண்டும் அவற்றின் நடமாட்டத்தை வனத்துறை அதிகாரிகள் ஆச்சர்யத்துடன் பதிவு செய்திருக்கின்றனர்.

    இந்தியாவின் தேசிய விலங்கு அங்கீகாரம் பெற்றிருக்கும் வங்கப்புலிகள், கறுஞ்சிறுத்தைப் புலிகள், வெண் புலிகள், சிறுத்தைகள், மான்கள், ஏனைய பிற வனவிலங்குகளை வேட்டையாடுதலோ அல்லது அவற்றின் உயிருக்கு ஊறு விளைவித்தலோ தண்டனைக்குரிய குற்றமாக இந்தியாவில் கருதப்படுகிறது. காரணம் அவற்றின் அருகி வரும் எண்ணிக்கை. உயிர்ச்சமநிலையை நிலைநிறுத்த காடுகளில் வெவ்வேறு விதமான வனவிலங்குகளின் எண்ணிக்கையும் குறிப்பிட்டத்தக்க அளவில் சராசரியாக நீடிக்கப் படவேண்டும். ஆனால், விலங்குகளின் தோல், பற்கள், நகங்கள் உள்ளிட்ட விலையுயர்ந்த பொருட்களுக்காக விலங்குகளை வேட்டையாடுதல், பருவநிலை மாறுபாடுகள், காடுகளை அழித்து விளைநிலங்களாகவும், மக்களுக்கான வாழிடங்களாக அவற்றை மாற்றும் முயற்சி, போதிய மழையின்மை, வன வறட்சி, உள்ளிட்ட காரணங்களால் அரிதான பல விலங்குகளின் எண்ணிக்கை கவலைக்குரிய வகையில் தொடர்ந்து குறைந்து கொண்டே வந்தன. அவற்றின் இந்த கருஞ்சிறுத்தைபுலிகளின் எண்ணிக்கை முற்றிலுமாக ஒதிஷா காடுகளில் இருந்து அழிந்து விட்டது என்றே கடந்த 26 ஆண்டுகளாகக் கருதப்பட்டு வந்த நிலையில் தற்போது அவற்றின் இருப்பு வனப்பகுதிகளில் அமைக்கப்பட்டுள்ள கேமிராப் பதிவுகளின் வாயிலாக தெரிய வந்திருப்பது மிகுந்த மகிழ்ச்சிக்குரிய செய்தியாக அம்மாநில வனத்துறையினரால் கருதப்படுகிறது.

    ஒதிஷாவில் 6000 ஹெக்டேர் பரப்பளவில் விரிந்து கிடக்கும் கர்ஜன்பஹத் ரிசர்வ் வனப்பகுதியில் வனவிலங்குகளின் நடமாட்டத்தை கண்காணிப்பதற்காகப் பொருத்தப்பட்டுள்ள கேமிராக்களில் பல்வேறு விதமான வனவிலங்குகளின் இருப்பு தொடர்ந்து பதிவு செய்யப்பட்டு வருகிறது. ஒதிஷா வனத்துறை அதிகாரிகளின் கூற்றுப்படி ஒதிஷா மாநிலத்தின் பல்வேறு காடுகளில் வங்கப்புலிகளும், கரும்புலிகள் மற்றும் கறுஞ்சிறுத்தைப்புலிகளின் நடமாட்டம் இருப்பது பல்வேறு சந்தர்ப்பங்களில் பதிவு செய்யப்பட்டுள்ளன. ஒதிஷா காடுகளில் முதல்முறையாக கரும்புலி இருப்பது 1993 ஆம் ஆண்டில் தெரியவந்தது. ஆனாலும் அதன் இருப்பு அதிகாரப்பூர்வமாக 2007 ஆம் ஆண்டில் தான் பதிவு செய்யப்பட்டது. ஒதிஷாவின் நந்தன்கனன் விலங்குகள் சரணாலயத்தின் சிமிலிபல் வனப்பகுதியில் 2016 ஆம் ஆண்டு மே 18 தேதி வரை மூன்று கரும்புலிகளின் இருப்பு பதிவு செய்யப்பட்டுள்ளது. உலகிலேயே கரும்புலிகள் இருக்கும் ஒரே காடு என்று இதை மட்டுமே சொல்ல முடியும்.

    இந்தியக் காடுகளில் உலகின் அரிய வனவிலங்குகளாகக் கருதப்படும் கரும்புலிகள் மற்றும் கருஞ்சிறுத்தைகள் வாழ்வது கேமிராப்பதிவுகள் மூலமாகத் தெரிய வந்திருப்பது வரவேற்கப்படத்தக்க விஷயம் என தேசிய புலி பாதுகாப்பு ஆணையம் (NTCA)  தலைவர் திரிபாதி தமது மகிழ்ச்சியைப் பகிர்ந்து கொண்டார்.


     

    ]]>
    India, pink panther, Odisha's Sundargarh jungle , கறுஞ்சிறுத்தை நடமாட்டம், ஒதிஷா வனப்பகுதி, அரிய வகை வனவிலங்குகள், கரும்புலி, melanised tiger http://images.dinamani.com/uploads/user/imagelibrary/2018/5/23/w600X390/pink_panther.jpg http://www.dinamani.com/lifestyle/lifestyle-news/2018/may/23/odishas-sundargarh-jungle-spots-rare-black-panther-in-26-years-2925358.html
    2924758 லைஃப்ஸ்டைல் செய்திகள் நாய் வளர்ப்பது தவறில்லை, ஆனால் அதை இப்படித் தவிக்க விட்டது தான் அந்தோ பரிதாபம்! RKV DIN Tuesday, May 22, 2018 02:50 PM +0530  

    அயனம்பாக்கத்தில் உள்ள அபார்ட்மெண்ட் ஒன்றிn மூன்றாம் மாடியில் தனது உரிமையாளர்களுடன் வசித்து வந்த வளர்ப்பு நாய் ஸ்வீட்டிக்கு நேர்ந்த கதி மற்ற நாய் வளர்ப்பாளர்களுக்கு ஒரு பாடம்.

    ஸ்வீட்டியின் உரிமையாளர்கள் அவசர வேலையாக வெளியூர் செல்ல நேர்ந்த காரணத்தால் ஸ்வீட்டியை உடன் அழைத்துச் செல்ல இயலவில்லை. அவர்கள் மட்டுமே வீட்டைப் பூட்டிக் கொண்டு கிளம்புவது என்று முடிவு செய்தபின் ஸ்வீட்டியை என்ன செய்வது? அது தான் இருக்கவே இருக்கிறதே பால்கனி ஏரியா! அங்கே ஸ்வீட்டியைப் பாதுகாப்பாகக் கட்டிப் போட்டு போதுமான உணவையும், தண்ணீரையும் வைத்தார்கள். பிறகென்ன... பால்கனியையும் பூட்டி, வீட்டுக்கதவையும் பூட்டி டபிள் பாதுகாப்பு ஏற்பாடு செய்த திருப்தியில் ஊருக்குக் கிளம்பிப் போய் விட்டார்கள். 

    ஸ்வீட்டிக்கு வைத்த உணவு தேவைக்கு மேலேயே இருந்தாலும் தண்ணீர் போதவில்லை. கடும் கோடையில் நாய் மட்டும் விதிவிலக்கா?! சரி போனவர்கள் ஓரிரு நாட்களில் வீடு திரும்பியிருந்தார்களென்றால் ஒரு பிரச்னையும் இருந்திருக்காது. அவர்களது பயணம் 5 நாட்களாக நீண்டதில் இங்கே பாவம் ஸ்வீட்டி தாகத்தால் நா வறண்டு இரவும், பகலுமாகக் கதறிக் குரைக்கத் தொடங்கி விட்டது. அதை கட்டியிருந்த பால்கனி ஏரியா வெயில் நன்றாக உறைக்கக் கூடிய பகுதி. அங்கே தண்ணீர் இல்லாமல் அது பட்ட பாடு கொஞ்ச நஞ்சமல்ல. இடையில் இயற்கைக் கடன் வேறு. அதையும் அங்கேயே கழித்து அதன் மேலேயே படுத்துறங்கி என்று ஒரு நரக வாழ்வு வாழ்ந்து கொண்டிருந்திருக்கிறது அந்த நாய். மற்றதெல்லாம் சரி தான், ஆனால் தண்ணீர் தாகத்தை எந்த உயிரால் தான் தாங்கிக் கொள்ள முடியும்? ஸ்வீட்டியாலும் முடியாமல் தான் கடந்த 4 நாட்களாக இரவெல்லாம் அழுது தீர்த்திருக்கிறது. 

    விளைவு அக்கம் பக்கத்து அபார்ட்மெண்ட் வாசிகள் ஒருவராலும் பொட்டுத் தூக்கம் தூங்க முடியவில்லை. கடைசியில் ஸ்வீட்டியின் அண்டை வீட்டுக்காரரான சித்ரா, எப்படியாவது வீட்டைத் திறந்து ஸ்வீட்டியை மீட்க வேண்டும் என்று முனைந்திருக்கிறார். அவர் புளூ கிராஸுக்கு அழைக்க. ஒரு பயனும் இல்லை. அவரது அழைப்பை புளூ கிராஸ்காரர்கள் எடுக்கவேயில்லை என்கிறார் சித்ரா. இதைப் பற்றிப் பேசும் போது புளூ கிராஸ் பிராணிகள் நல அமைப்பைச் சேர்ந்த டான் வில்லியம்ஸ் கூறியது; ‘இம்மாதிரியான சூழலில் புளூ கிராஸால் தன்னிச்சையாக பிறரது வீட்டை உடைத்து விலங்குகளைக் காப்பாற்ற முடியாது. காவல்துறை தான் இதில் நடவடிக்கை எடுக்க வேண்டும். நாங்கள் காவல்துறையுடன் இணைந்து செயல்படுவோம்.’ என்றார்.

    சரிதான். ஆனால், இப்போது கடந்த 4 நாட்களாக அழுது அரற்றிக் கொண்டிருக்கும் அந்த நாயைக் காப்பாற்ற ஏதாவது செய்தாக வேண்டுமே? இல்லாவிட்டால் அது குரைத்துக் குரைத்தே உயிரை விட்டு விடும் போலிருக்கிறதே. என்று சித்ராவின் கணவர் ராபின் ஸ்டீஃபன் அருகிலிருக்கும் மற்றொரு அண்டை வீட்டுக்காரரிடம் மாற்றுச்சாவி இருப்பதாகக் கேள்விப்பட்டு அங்கே ஓடினார். நல்ல வேளை அந்த மனிதரிடம் அபார்ட்மெண்ட் வீடுகளின் மாற்றுச்சாவிகள் இருந்தன. அதிலிருந்து குறிப்பிட்ட அந்த வீட்டின் சாவி தனித்து எடுக்கப்பட்டு விரைந்து சென்று கதவைத் திறந்து பார்த்தால், ஸ்வீட்டி இயற்கைக் கடன் கழித்து, கழித்து வேறு வழியின்றி அதன் மீதே சோர்ந்து போய் முனகிக் கொண்டு படுத்துக் கிடந்திருக்கிறது.

    இங்கே இத்தனை களேபரம் ஆகிக் கொண்டிருக்க நாயின் உரிமையாளர்களோ, செம கூலாகத் தங்களைப் பாதுகாத்துக் கொள்ளும் முனைப்பில், ஐயோ, என்ன செய்வது? திடீரென்று ஒரு மரணச் செய்தி வந்தது. வேறு வழியின்றி போட்டது போட்டபடி கிடக்க, ஸ்வீட்டிக்கு மட்டும் நிறைய உணவும், தண்ணீரும் வைத்து விட்டு ஊருக்குக் கிளம்பி விட்டோம். எங்கள் நிலை அப்படி என்கிறார்களாம்.

    ஐயா நாய் வளர்ப்பாளர்களே!

    நாய் வளர்க்க ஆசைப்படுவது தவறில்லை.

    ஆனால், அந்த நாயை, நீங்கள் ஊரிலில்லா விட்டால் கவனித்துக் கொள்ள ஒரு ஆளையும் சேர்த்து இனிமேல் வளர்க்கத் தொடங்குங்கள். குறைந்த பட்சம் அக்கம் பக்கத்தில் அப்படி யாரிடமாவது நட்புடனாவது பழகி வைத்துக் கொண்டு நீங்கள் ஊரை விட்டு எங்கேனும் செல்வதாக இருந்தால் அவர்கள் பொறுப்பில் நாயை ஒப்படைத்து விட்டுச் செல்லப் பாருங்கள். ஆறறிவுடைய மனிதனுக்குத் தனது கஷ்ட நஷ்டங்களை வாய்விட்டு அரற்றிச் சொல்லத் தெரியும். ஆனால் நாய்கள் வாயில்லா ஜீவன்கள். அவற்றை எக்காரணம் கொண்டும் இப்படித் துன்புறுத்தி விடாதீர்கள். பல சந்தர்பங்களில் மனிதனைக் காட்டிலும் நாய் நன்றியுள்ளது.

    Image courtesy: Google

    ]]>
    pet animal care, dog locked in bolcony, ayanampakkam news, chennai, blue cross, பால்கனியில் அடைக்கப்பட்ட நாய், நாய் வளர்ப்பு, செல்லப் பிராணி வளர்ப்பு, சென்னை அயனம்பாக்கம், http://images.dinamani.com/uploads/user/imagelibrary/2018/5/22/w600X390/000000_dogs_locked_in_bolcany.jpg http://www.dinamani.com/lifestyle/lifestyle-news/2018/may/22/dog-locked-in-balcony-for-5-days-rescued-2924758.html
    2924115 லைஃப்ஸ்டைல் செய்திகள் பிரபல ரொமான்டிக் எழுத்தாளர் யத்தனபூடி சுலோசன ராணி காலமானார்! சரோஜினி DIN Monday, May 21, 2018 03:33 PM +0530  

    தமிழ் வாசகர்களுக்கும் கூட யத்தனபூடி சுலோச்சன ராணியின் பெயர் பரிச்சயமானதாகவே இருக்கக் கூடும். இவரது பல நாவல்கள் தெலுங்கிலிருந்து தமிழுக்கு மொழிபெயர்க்கப் பட்டுள்ளமையை அரசு நூலக அடுக்குகளில் காண முடியும். 1960 களில் எழுதத் தொடங்கிய யத்தனபூடி சுலோசனராணி பிறந்தது பழைய ஒருங்கிணைந்த ஆந்திர மாநிலத்தின், கிருஷ்ணா மாவட்டத்தைச் சேர்ந்த காஸா எனும் குக்கிராமத்தில். திருமணமாகி ஹைதராபாத் வந்த பிறகே இவரது எழுத்துலகப் பணி தொடங்கியது. இவரது பல தெலுங்கு நாவல்கள் கெளரி கிருபானந்தன் என்பவரால் தமிழில் மொழிபெயர்க்கப்பட்டுள்ளன.

    முள்பாதை, சொப்பன சுந்தரி, சினேகிதியே, அமூல்யா, மெளனராகம், நிவேதிதா, புஷ்பாஞ்சலி, இதயவாசல் உள்ளிட்டவை அவற்றுள் சில...

    அவரது தெலுங்கு நாவல்களைப் பட்டியலிட்டால் அவற்றில் 16 க்கும் மேற்பட்டவை திரைப்படங்களாக உருமாறியிருக்கின்றன. அவற்றுள் பிரபலமானவைகளைப் பட்டியலிட்டால், மீனா, ஜீவன தரங்குலு, செக்ரெட்டரி, ராதா கிருஷ்ணா, அக்னிப் பூ, சாந்தி ப்ரியா, பிரேம லேகலு, பங்காரு கலலு, ஜெய் ஜவான், ஆத்ம கெளரவம், கிரிஜா கல்யாணம் உள்ளிட்ட திரைப்படங்கள் என்றென்றும் சினிமா ரசிகர்களால் மறக்க இயலாதவை.  இந்த நாவல்கள் அனைத்தும் திரைப்படங்களாக வெற்றி பெற்றதற்கு காரணம் சுலோசன ராணியின் நாவல் நாயகர்களைத் திரையில் பிரதிபலித்தவர்களாக இருந்தவர்கள் அந்நாளைய தெலுங்கு ரொமாண்டிக் ஐகான்களாகக் கருதப்பட்ட நாகேஸ்வரராவும், சோபன்பாபுவும், முரளிமனோகரும் தான்.

    இதுவரை சுமார் 40 க்கும் மேற்பட்ட நாவல்களை எழுதியவரான சுலோசன ராணி அமெரிக்காவின் கலிஃபோர்னியாவில் தனது மகளது இல்லத்தில் ஞாயிறன்று இரவு ஹார்ட் அட்டாக்கில் காலமானார்.

    இவரது எழுத்தில் முதல்முறையாக திரைப்படமான நாவலென்றால் அது சதுவுகுன்ன அம்மாயிலு(படித்த பெண்) எனும் நாவலே.

    தெலுங்கில் சுலோசன ராணி மைல்ட்டான ரொமாண்டிக் நாவல்கள் எழுதுவதில் புகழ்பெற்ற எழுத்தாளராக விளங்கினார். இவரது ஸ்டைலில் தமிழில் எழுதிக் கொண்டிருந்த இவரது சமகால தமிழ் எழுத்தாளர்கள் எனில் அநுத்தமாவையும், ரமணி சந்திரனையும் குறிப்பிடலாம். பெரும்பாலும் அநுத்தமா & ரமணிசந்திரன் தேர்ந்தெடுக்கும் கதைக்களங்களை ஒத்தே சுலோசன ராணியின் கதைகளும் இருந்தன. சுலோசன ராணியின் கதைகளின் அடிப்படை மத்திய தரக் குடும்பத்தின் அன்றாடப் பிரச்னைகள் சார்ந்ததாகவே இருந்தன. அவற்றிலிருந்து அவர்கள் எப்படி மீண்டு வந்து சாதிக்கிறார்கள் என்பதை ரொமான்ஸும், ஹீரோயிஸமும் தடவிய வார்த்தைகளில் விவரிப்பதில் அவர் வல்லவர். 

    இப்படித்தான் யத்தனபூடி சுலோசன ராணி ஆந்திரத்தின் இதயம் கவர்ந்த பெண் எழுத்தாளர்களில் ஒருவரானார்.

    சுலோசனாராணி தமது எழுத்துப் பணிக்கு தூண்டுதலாக அமைந்த சம்பவமாக நினைவுகூர்வது மறைந்த பழம்பெரும் நடிகர் நாகேஸ்வரராவ், சாவித்ரி நடித்த ‘தோடி கோடலு’ எனும் திரைப்படப் பாடலொன்றை.

    ‘காருலோ சிகருகெல்லி’ எனத்தொடங்கும் அந்தப் பாடலில் நாகேஸ்வரராவ், ‘ ஒரு அழகான சேலை அணிந்திருக்கும் பெண்ணே உனக்குத் தெரியுமா, இந்த அழகின் பின்னிருக்கும் சிரமம்? இத்தனை அழகான சேலையை நெசவு செய்ய ஒரு நெசவாளி எத்தனை கடினமான முயற்சியைச் செய்திருப்பான் என்று, இப்படித்தான் ஒவ்வொரு அழகான விஷயத்தின் பின்னும் ஒரு அருமையான கடின முயற்சியும் உழைப்பும் இருக்கும்’ என்று பாடுவார். 

    இந்தப் பாடலைக் கேட்ட பிறகு அதுவரை திருமணம் செய்து கொண்டு பிள்ளைகளைப் பெற்ற பிறகு அவர்களை வளர்ப்பதும், குடும்பத்தைக் கவனிப்பதும் ஒழிந்த நேரத்தில் கதைப் புத்தகங்கள் படிப்பதும், பூக்களைத் தொடுப்பதும் தான் தனது வேலையாக இருக்கப் போகிறது என்று நினைத்துச் சுகமான நினைவுகளில் மூழ்கியிருந்த சுலோசன ராணிக்கு,  இல்லை தனது வேலை அது மட்டுமல்ல என்று புரிந்ததாகக் கூறுகிறார். 

    சுலோசனராணி திருமணமாகி முதன்முதலில் ஹைதராபாத் வந்த போது அங்கு அப்போது ஒரு அழகான குளிர்காலம் தொடங்கியிருந்தது.  ஹைதராபாத் நகரமே மிக அழகாகப் பரிசுத்தமாகக் காட்சியளித்தது. அந்தக் கணமே சுலோசனராணி தான், பிறந்து வளர்ந்த மிகச்சிறிய கிராமத்துக்கு ஒப்பாக ஹைதராபாத்தையும் நேசிக்கத் தொடங்கி விட்டதாகக் கூறுகிறார். தன்னிடம் இதுநாள் வரை 

    ‘நீங்கள் யாரையாவது காதலித்திருக்கிறீர்களா?’ என்றொரு கேள்வியை யாருமே கேட்டதில்லை. ஒருவேளை, தான் திருமணமானவள் என்பதற்காக அந்தக் கேள்வியைக் கேட்கும் எண்ணம் யாருக்கும் வராமலிருந்திருக்கலாம். ஆனால், இப்போது சொல்கிறேன், கேட்டுக் கொள்ளுங்கள். நான் ஹைதராபாத் நகரைக் காதலித்தேன். இப்போதும் தான். இந்த நகரம் என்னை முழுமையாக வசீகரித்துக் கொண்டது. என்று சிரிக்கும் சுலோசனராணி அதன் பிறகு தான் சிறுகதைகளும், நாவல்களும் எழுதத் தொடங்கியதாகக் கூறுகிறார்.

    அவர் ஹைதராபாத் வந்த சில காலங்களுக்குள்ளாக தெலுங்குப் பட உலகமும் மொத்தமாக மதராஸில் இருந்து ஹைதராபாத்துக்கு இடம் பெயர்ந்தது. தான் திரையில் பார்த்து ரசித்த தன் ஹீரோவுக்கே கதை எழுதும் பாக்யமும் அவருக்குக் கிடைத்தது. 

    அப்படித்தான் அக்கினேனி நாகேஸ்வர ராவ் யத்தனபூடி சுலோசன ராணியின் ‘செக்ரெட்டரி’ என்ற கதையின் நாயகனானார்.

    ]]>
    யத்தனபூடி சுலோசனராணி, மறைவு, தெலுங்கு எழுத்தாளர், Yaddanapudi Sulochana Rani, died, telugu romantic novelist http://images.dinamani.com/uploads/user/imagelibrary/2018/5/21/w600X390/000000000yuddanapudi-sulochana-rani.jpg http://www.dinamani.com/lifestyle/lifestyle-news/2018/may/21/veteran-writer-novelist-yaddanapudi-sulochana-rani-dies-at-78-2924115.html
    2922900 லைஃப்ஸ்டைல் செய்திகள் பள்ளிக்கு தாமதமாக வந்தால் சிலுவையில் அறைவதா? இதென்ன கொடுமை?! RKV IANS Saturday, May 19, 2018 12:17 PM +0530  

    பள்ளிக்குத் தாமதமாக வந்ததற்காக மூன்று நைஜீரிய மாணவர்களை அடித்து, உதைத்து சிலுவையில் கட்டிப் போட்டு கொடுமைப்படுத்திய குற்றத்திற்காக அப்பள்ளியின் தலைமை ஆசிரியர், தாளாளர் மற்றும் வகுப்பாசிரியர் மூவரும் கூட்டாகக் கைது செய்யப்பட்டுள்ளனர். 

    இது இந்தியாவில் அல்ல, நைஜீரியாவில் உள்ள ஒரு தனியார் பள்ளியில் அரங்கேறியுள்ளது. நைஜீரியாவின் அகுஜாவில் உள்ள தனியார் பள்ளியொன்றில் பயின்று வந்த மூன்று மாணவர்களை அப்பள்ளியின் தலைமை ஆசிரியர் மற்றும் வகுப்பாசிரியர் இருவரும் இணைந்து கடுமையாக மிரட்டி, அடித்து, உதைத்து சிலுவை போன்ற தோற்றம் கொண்ட மரத்தில் கட்டிப்போட்டு கொடுமைப் படுத்தியுள்ளனர். இந்த மரச்சிலுவை அமைப்பு தாமதமாக வரும் மாணவர்களைக் கட்டிப் போட்டு சித்ரவதை செய்வதற்காகவே அங்கே அமைக்கப்பட்டுள்ளதாகத் தகவல். விஷயமறிந்து பள்ளி நிர்வாகத்தின் இச்செயலை பொதுமக்களில் சிலர் தட்டிக் கேட்கையில் அப்படிக் கேட்டவர்களையும் பள்ளியின் தாளாளரும், தலைமை ஆசிரியரும் தாக்க முயன்றிருக்கிறார்கள். இதனால் கொதித்தெழுந்த மக்கள் காவல்துறையினரிடம் புகார் அளிக்கை. அந்தப் புகாரை ஒட்டி தற்போது மூவரும் கைது செய்யப்பட்டுள்ளதாகத் தகவல்.

    நைஜீரியப் பள்ளிகளில் பொதுவாக பள்ளிக்கு தாமதமாக வருதல், பாடங்களில் கவனம் செலுத்தாமல் விளையாட்டுத்தனமாக இருத்தல், உடன் பயிலும் மாணவர்களுடன் தகராறில் ஈடுபடுதல் உள்ளிட்ட குறும்புத் தனமான மற்றும் ஒழுங்கீன நடவடிக்கைகளில் ஈடுபடும் மாணவர்களை ஆசிரியர்கள் அடிப்பதும், மிரட்டுவதும் சர்வ சாதாரணமான செயல். பள்ளியின் ஒழுங்குமுறை நடவடிக்கைகள் எனக்கருதி அரசும், சட்டமும் அங்கே அதை அனுமதிக்கிறது. ஆனால், பல தனியார் பள்ளிகள் இந்த வாய்ப்பை சிறு சிறு தவறுகளுக்காகக் கூட மாணவர்களை சித்ரவதை செய்யக் கிடைத்த  வாய்ப்பாகக் கருதுவதால் இந்த ஒழுங்குமுறை நடவடிக்கைகள் குறித்து பெற்றோர் மற்றும் ஆசிரியரிடையே அதிருப்தி நிலவி வருகிறது.

    சிறுவர்களுக்கு எதிரான மூர்க்கமான கட்டுப்பாடுகளையும், தண்டனைகளையும், தாக்குதல்களையும் தடை செய்யக் கோரும் ஐநாவின் குழந்தைகள் நல அமைப்பு ஏற்படுத்திய உறுப்பு நாடுகள் 60 ன் கீழ் நைஜீரியா இல்லை. நைஜீரியாவிலும் அதை சட்டப்பூர்வமாக்கும்படியான கோரிக்கை தற்போது அங்கு வலுத்து வருகிறது.

    ஐ.நா குழந்தைகள் நிறுவனம் வெளியிட்டுள்ள அறிக்கையின் படி குழந்தைகளில் 2 முதல் 4 வயதுக்குட்பட்டோர் தங்களது வாழ்க்கையில் கடைபிடிக்க வேண்டிய ஒழுங்குமுறை நடவடிக்கைகள் குறித்த அனுபவத்தை அவரவர் பெற்றோரிடமிருந்தே பெற்றுக் கொள்வதால் பள்ளிகளில் மாணவர்களுக்கு கடுமையான தண்டனைகள் அளித்து அவர்களை ஒழுங்கான நடவடிக்கைகளில் திருப்ப வேண்டிய கட்டாயம் இல்லை என அறிவித்துள்ளது.

    ]]>
    தண்டனை, Nigerian students tied to crucifixes, நைஜீரியப் பள்ளி மாணவர்கள், சிலுவை, ஒழுங்குமுறை நடவடிக்கை, Corporal punishment http://images.dinamani.com/uploads/user/imagelibrary/2018/5/19/w600X390/zzznigerial_school.jpg http://www.dinamani.com/lifestyle/lifestyle-news/2018/may/19/nigerian-students-tied-to-crucifixes-beaten-for-coming-late-to-school-2922900.html
    2922305 லைஃப்ஸ்டைல் செய்திகள் உலக அழகி மனுஷி சில்லரின் கனவுத் திருமணம் இதுதான்! இதுவே தான்! DIN DIN Friday, May 18, 2018 04:29 PM +0530  

    திருமணம் என்பது ஒவ்வொருவரின் வாழ்க்கையிலும் மிகவும் முக்கியமான நிகழ்வு. அதுவும் புது மணப் பெண்ணுக்கு, அது மறக்கவே முடியாத வாழ்நாள் கனவு.  அந்த நாள் தான் அவள் தன் வாழ்க்கையில் புதுப் பாதையில் அடியெடுத்து வைக்கிறாள். ஒரு பெண்ணுடைய ஒட்டுமொத்த வாழ்க்கையையும் திருப்பிப் போட வைக்கும் நிகழ்வுவான அத்தகைய திருமண நாள் எப்படியிருக்க வேண்டும்? சந்தோஷம், கொண்டாட்டம் போன்றவற்றுடன் விழாவைப் போலச் சிறப்புடன் இருக்க வேண்டுமல்லவா? இது எப்படி சாத்தியமாகும் என யோசிக்கிறீர்களா? ஆட்டம் பாட்டம் இசை நடனம், உற்சாகம், குதூகலம், சந்தோஷம் என அந்த நாளே வண்ண வண்ணமாக ஜொலிக்க வேண்டும். எல்லாவற்றிலும் மேலாக மிக மிக முக்கியமான விஷயம் சரியான அழகான நகைகள் எந்த பெண்ணின் மனத்தையும் கொள்ளை கொள்ள வைக்கும்.

    உலக அழகி மனுஷி சில்லரும் இதையே தான் சொல்கிறார். கரீனா கபூரிடம் தனது கனவு திருமணத்தை மனுஷி சில்லர் விவரித்தபோது, கரீனா கபூருக்கே மீண்டும் ஒரு முறை திருமணம் செய்து கொள்ளலாமா என்று ஆச்சரியப்பட வைத்துவிட்டது. எப்படி? உணவு மேஜையில் தன்னுடைய கனவுத் திருமணம் பற்றி கரீனாவிடம் மனுஷி சில்லர் கூறுகையில், தன்னை ஒரு மணப்பெண்ணாக சித்தரித்து வரைந்து விளக்குகிறார். ஆடல் பாடல் என கொண்டாட்டமாக இருக்கும் அதில் சில்லர் கண்ணைக் கவரும் விதமாக தனித்துவம் மிக்க நகையலங்காரம் செய்துள்ளார். அதைப் பார்த்து வியந்த கரீனா, 'ஆஹா! மீண்டும் ஒருமுறை நானும் இதே போலத் திருமணம் செய்து கொள்ள விரும்புகிறேன்!’ என்றார்.

    மலபார் தங்கம் மற்றும் வைர நகைகள் மிகச் சமீபத்தில் மனுஷி சில்லர் மற்றும் கரீனா கபூர் கான் ஆகியோரின் முன்னிலையில், 'ப்ரைட்ஸ் ஆஃப் இந்தியா சீஸன் 6’ (Brides Of India Season  6) என்ற பெயரில் மணப்பெண்ணுக்கான தனித்துவமிக்க நகைகளை வெளியிட்டனர். இந்திய மணமகளுக்காக பிரத்யேகமாக வடிவமைக்கப்பட்டுள்ள இந்த நகைகளைப் பார்த்து மகிழ்ந்த உலக அழகி மனுஷி சில்லர் தன் கனவு திருமணத்தை நினைவாக்க மலபார் கோல்ட் நகைகள் மட்டுமே சிறந்த வழி என்று மனம் திறந்து கூறினார்.

    மனத்துக்குப் பிடித்த தங்க நகைகளை மலபார் கோல்ட் ஹவுஸில் வாங்கி அணிந்து மகிழுங்கள்! உங்கள் மண வாழ்க்கைச் சிறக்க நல்வாழ்த்துக்கள்!

     

    ]]>
    Manushi Chhillar, Malabar gold house, மனுஷி சில்லர், மலபார் கோல்ட் ஹவுஸ் http://images.dinamani.com/uploads/user/imagelibrary/2018/5/18/w600X390/sparkling.jpg http://www.dinamani.com/lifestyle/lifestyle-news/2018/may/18/manushi-chhillars-dream-marriage-are-pure-weddinggoals-2922305.html
    2921585 லைஃப்ஸ்டைல் செய்திகள் விமானத்துக்கு வெளியே காற்றால் தூக்கி வீசப்பட்டு சீட் பெல்ட் உதவியால் உயிர் மீண்ட கோ பைலட்! RKV DIN Thursday, May 17, 2018 11:21 AM +0530  

    விமானத்தில் பறந்து கொண்டிருக்கும் போது ஜன்னல் வழியே பாதி உடல் காற்றில் வெளியே பறந்து கபால மோட்சம் அடையக் காத்திருந்து மீண்டும்  சீட் பெல்ட் கவசத்தால் விமானத்துக்குள் விழுந்தால் எப்படி இருக்கும்? அந்தக் காட்சியை கற்பனை செய்யும் போதே சிலருக்கு நெஞ்சுக்குள் ஐஸ் கத்தியைச் சொருகியது போலிருக்கலாம். உயிர் பயத்தில் மயிர் கூச்செரியச் செய்யத்தக்க நிமிடங்கள் அவை.

    சிலர் கூறலாம் இதென்ன பிரமாதம்? பாரா கிளைடிங், ஃபங்கி ஜம்ப் போலத்தானே இதுவும் என்று. நன்றாகக் கவனியுங்கள் அவையெல்லாம் த்ரில் விளையாட்டுக்கள் என்று தெரிந்தே நாம் அட்வெஞ்சர் விளையாட்டு மோகத்தால் போதுமான பாதுகாப்பு முன்னேற்பாடுகளுடன் ஆடக்கூடியவை. ஆனால் மேலே குறிப்பிட்டுள்ள நிகழ்வு சமீபத்தில் சீன விமானமொன்றின் காக்பிட்டில் பைலட்டுக்குத் துணையாகப் பயணித்த கோ பைலட் ஒருவருக்கு நேர்ந்திருக்கிறது. ஆம், அந்த விமானத்தின் வின்ட் ஷீல்டு என்று சொல்லப்படக் கூடிய விமானத்தின் முன்புறக் கண்ணாடி ஜன்னல் போன்ற அமைப்பு காற்றுக்கு கீறல் விட்டுப் பிளந்து கொண்டு முற்றிலுமாக உடைந்து சிதற உள்ளே பைலட்டுடன் அமர்ந்திருந்த கோ பைலட் சீட் பெல்ட்டுடன் பறந்து ஜன்னலுக்கு உள்ளே விமானத்தில் பாதி உடலும், விமானத்தின் வெளியே அகண்ட பால்வெளியில் மீதியுடலுமாக கந்தர்வர்களைப் போல பறந்திருக்கிறார். அவருடன் இருந்த பைலட் தனது சகாவின் உயிரைக் காப்பாற்ற கடுமையாக முயற்சித்தும் பலனில்லை. இந்த அதிர்ச்சியிலும் அவரைக் கொஞ்சம் ஆசுவாசமடையச் செய்தது அவரது சீட் பெல்ட்டாகத் தான் இருந்திருக்கக் கூடும். ஆம், அதன் உதவியால் தான் மனிதர் இப்போது உயிருடன் இருக்கிறார் எனக்கூறுகின்றன சீன ஊடகங்கள்.

    உயிர் பிழைத்த கோ பைலட் இவர் தான்....

    திங்களன்று 119 பயணிகளுடன் பயணித்த சீனாவின் சிஸ்வான் ஏர்லைன்ஸ் விமானத்தின் விண்ட் ஷீல்டு உடைந்து பைலட் மற்றும் கோ பைலட்டுகள் இப்படி உயிராபத்தில் மாட்டிக் கொள்வது இது முதல்முறையல்ல. மூன்றாவது முறை என சுட்டிக் காட்டுகின்றன சீன ஊடகங்கள்.

    Image courtesy: Lehren news.com, yahoo animation news.

    ]]>
    சீனா, Co-Pilot Sucked, Chinese Sichuan Airlines flight, windshield broke., காற்றுக்கு வெளியே பறந்த கோ பைலட், சீனாவின் சிஸ்வான் ஏர்லைன்ஸ் விமான கேலிக்கூத்து, விமான விபத்துகள் http://images.dinamani.com/uploads/user/imagelibrary/2018/5/17/w600X390/chinees_airlines_accident.jpg http://www.dinamani.com/lifestyle/lifestyle-news/2018/may/17/co-pilot-sucked-halfway-out-of-plane-window-after-windshield-cracks-2921585.html
    2919611 லைஃப்ஸ்டைல் செய்திகள் நாய் வளர்ப்பவர்களுக்கு கோடையில் ஒரு எச்சரிக்கை! RKV DIN Monday, May 14, 2018 03:53 PM +0530  

    கோடைகால வெக்கையும் வியர்வையும் மனிதர்களை மட்டுமல்ல விலங்குகளையும் பாடாய்ப்படுத்துகிறது. சும்மாவே நம்மால் கோடையில் அனலையும், வியர்த்து வழிவதால் ஏற்படும் உடல் கசகசப்பையும், மனித உடல் நாற்றங்களையும் தாங்க முடியாது. இதில் வளர்ப்பு மிருகங்களையும், பறவைகளையும் வேறு வீட்டில் வைத்து வளர்த்து வருகிறோம் என்பவர்களுக்கு இந்த கோடை என்பது சற்று சிரம தசையான காலமே தான். கடுங்கோடையில் நம்மை நாம் கவனித்துக் கொள்வதே பெரும் பிரயத்தனம் இதில் நாம் வளர்க்கும் ப்ரியமான வளர்ப்பு மிருகங்களையும் கட்டாயம் மிகுந்த கவனத்துடன் பார்த்துப் பராமரிக்க வேண்டும் என்றால் அது கொஞ்சம் கஷ்டம் தான். ஆனாலும் நாம் அதைச் செய்து தான் தீர வேண்டியதாக இருக்கிறது. 

    காரணம். கோடை என்பது அனலுக்கும், வியர்வைக்கும், கோடை நோய்களுக்குமாக மட்டுமே பிரசித்தமானது அல்ல. விலங்குகளின் உடலில் சர்வ சுதந்திரமாக வளர்ந்து பல்கிப் பெருகக் கூடியவையான உண்ணிப்பூச்சிகளுக்கும் பிரசித்தமானவையே. கோடையில் காற்றிலும், சுற்றுப்புறத்திலும் நிலவும் வெக்கையான ஈரப்பதத்தின் காரணமாக அசுத்தமான இடங்களில் இத்தகைய உண்ணிப்பூச்சிகள் சர்வ சுதந்திரமாக வளரத் துவங்கி விடுகின்றன. பிராணி வளர்ப்பாளர்கள் தங்களது பராமரிப்பில் சற்று மந்தமானாலும் போதும் இந்த உண்ணிப்பூச்சிகள் நாய்கள், பூனைகள், பசுக்கள், எருமைகள், என அத்தனை விலங்குகளின் உடலிலும் வளரத் தொடங்கி விடுகின்றன. இதை முதல் முறையாக கண்காணிக்க நேரும் போதே உடனடியாக கால்நடை மருத்துவரின் உதவியை நாடி விடுவது உத்தமம். தாங்களே வீட்டில் மருத்துவம் செய்வதாக எண்ணிக்கொண்டோ அல்லது கை வைத்தியம் செய்வதாக எண்ணிக்கொண்டோ உண்ணிகளை அப்புறப்படுத்த ஏதேனும் கண்ட கண்ட மருந்துகளை உபயோகப்படுத்தினீர்கள் எனில் அது தேவையற்ற விளைவையே உண்டாக்கக் கூடும் என்பது கால்நடை மருத்துவர்களின் எச்சரிக்கை.

    காரணம் வளர்ப்பு விலங்குகளின் தோலில் நாம் ஆராயாமல் தடவும் மருந்துகள் உண்ணிப்பூச்சிகளை ஒழிப்பதை விட சரும வியாதிகளையும், அலர்ஜிகளையும் தூண்டி விடுவதாக அமைந்து விடக்கூடாது. அப்படி அமைந்தால் பூச்சிகளின் தொல்லை ஒருபுறம், மருந்துகளின் அவஸ்தை ஒருபுறம் என நமது வளர்ப்பு நாய்களுக்கு வெறி பிடிக்கும் அபாயம் ஏற்பட்டு விடக்கூடாது. எனவே உங்கள் வீட்டு வளர்ப்பு நாய்களின் உடலில் உண்ணிகளின் தாக்கம் இருப்பது தெரிந்த முதல்கணமே கால்நடை மருத்துவரை அணுகி ஆவண செய்யுங்கள். ஒவ்வொரு நாய்க்குமே மருத்துவ ஆலோசனை மாறுபடும். எல்லா வளர்ப்பு நாய்களுமே ஒன்றல்ல. எந்த வகை நாய்களுக்கு எந்த விதமான சிகிச்சை அளிக்க வேண்டும் என்பதை ஒரு கால்நடை மருத்துவரால் மட்டுமே சரியாகத் தீர்மானிக்க முடியும். எனவே கை மருத்துவத்தையும், நண்பர்கள் மற்றும் உறவினர்களின் மருத்துவ குறிப்புகளைக் கைவிட்டு விட்டு தேர்ந்த கால்நடை மருத்துவர்களை அணுகி உங்களது வளர்ப்பு நாயின் உடல்நலத்தையும், பாதுகாப்பையும் உறுதி செய்யுங்கள்.

    அதுமட்டுமல்ல, வளர்ப்பு நாய்கள் பராமரிப்பில் சிகிச்சை மட்டுமே போதுமானது அல்ல, நாய்களுக்கான வாழிடங்களையும் சுத்தமாகவும், ஆரோக்யமானதாகவும் பராமரியுங்கள். இல்லாவிட்டால் சிகிச்சையினாலும் முழுப்பலன் கிடைக்காமல் போய்விடக்கூடிய வாய்ப்புகள் உண்டு.

    இந்தக் கோடையில் மட்டுமல்ல, எந்த விதமான பருவ நிலை மாற்றத்தின் போதும் இவற்றை நிச்சயமாக நீங்கள் கவனத்தில் கொள்வது அவசியமென்கிறார்கள் கால்நடை மருத்துவர்கள்.


     

    ]]>
    செல்லப் பிராணி வளர்ப்பு, எச்சரிக்கை, உண்ணிப்பூச்சிகள், கோடை, pet lovers aware of ticks, summar threat, dog lovers, http://images.dinamani.com/uploads/user/imagelibrary/2018/5/14/w600X390/pet_lovers_aware_of_ticks.jpg http://www.dinamani.com/lifestyle/lifestyle-news/2018/may/14/pet-lovers-please--aware-of-ticks-and-nymphs-in-this-summer-2919611.html
    2919562 லைஃப்ஸ்டைல் செய்திகள் சாதி வெறியைத் தூண்டும் விதமான வாட்ஸ் அப் குழுமங்களை நடத்தி வந்த 6 பேர் கைது! RKV DIN Monday, May 14, 2018 11:12 AM +0530  

    மேற்கு உத்தரப் பிரதேசம், மீரட் பகுதியில் சாதி துவேஷத்தை தூண்டும் விதமாக வெறுக்கத்தக்க வகையிலான தகவல்களை வாட்ஸ் அப் குழுமங்களில் பகிர்ந்து வந்த 6 தலித் இளைஞர்களை அம்மாநில காவல்துறையினர் உள்ளூர் குற்றப்புலபாய்வுத்துறை மூலமாகக் கண்டறிந்து கைது செய்துள்ளனர். இந்த 6 இளைஞர்களும் சுமார் 20 க்கும் மேற்பட்ட வாட்ஸ் அப் குழுமங்களைத் தொடங்கி அவற்றின் மூலமாக அப்பகுதி மக்களிடையே சாதி வெறியையும், மத வெறியையும் தூண்டத்தக்க விதத்திலான தகவல்களைத் தொடர்ந்து பரப்பி வந்திருக்கின்றனர். என உத்தரப் பிரதேச ஏ.டி.ஜி.பி பிரஷாந்த் குமார் ஞாயிறன்று பத்திரிகையாளர்களிடையே தெரிவித்துள்ளது குறிப்பிடத்தக்கது. 

    ]]>
    whats app misbehaves, UP MEERAT, 6 ARRESTED, வாட்ஸ் அப் வன்முறைகள், 6 பேர் கைது, சாதிவெறி வாட்ஸ் அப் வன்முறை குழுமங்கள் http://images.dinamani.com/uploads/user/imagelibrary/2018/5/14/w600X390/z_whats_app.JPG http://www.dinamani.com/lifestyle/lifestyle-news/2018/may/14/six-held-for-posting-hate-messages-arrested-2919562.html
    2917085 லைஃப்ஸ்டைல் செய்திகள் ரத்தத்தில் ஹீமோகுளோபின் அதிகரிக்க பெண்கள் கட்டாயம் சாப்பிட்டே ஆக வேண்டிய உணவுப் பொருட்கள்! கஸ்தூரி ராஜேந்திரன், தேனி. DIN Thursday, May 10, 2018 03:51 PM +0530  

    40 வயதுக்கு மேற்பட்ட பெண்கள் அறுவை சிகிச்சைக்கு பரிந்துரைக்கப் பட்டால் அவர்களுக்கு எடுக்கப் படும் முதல் டெஸ்டுகளில் முதலில் முக்கியத்துவம் அளிக்கப்படுவது HB count என்று சொல்லப்படக்கூடிய இந்த ஹீமோகுளோபின் எண்ணிக்கைகளுக்குத் தான். 

    1 டெஸிலிட்டர் ரத்தத்தில்;

    பெண்களுக்கு 12.0 முதல் 15.5 கிராம் வரையிலும் ஹீமோகுளோபின் எண்ணிக்கை இருக்க வேண்டும்.

    ஆண்களுக்கு 13.5 முதல் 17.5 கிராம் வரையிலும் ஹீமோகுளோபின் எண்ணிக்கை இருக்க வேண்டும்.

    இந்த எண்ணிக்கை சில பெண்களுக்கு மிகக் குறைவாக அமைந்து விட்டால் அவர்களை எவ்விதமான அறுவை சிகிச்சைகளுக்கும் உட்படுத்தமுடியாது. அத்தகையவர்களை மருத்துவர்கள் ஹீமோ குளோபின் அதிகமிருக்கும் உணவு வகைகளைச் சாப்பிடச் சொல்லியும் இரும்புச் சத்து அதிகமுள்ள டானிக்குகளையும், மாத்திரை மருந்துகளைச் சாப்பிட்டு ரத்தத்தில் சிவப்பு அணுக்களான ஹீமோ குளோபின் எண்ணிக்கையை அதிகரித்துக் கொண்டு வரச் சொல்லி பரிந்துரைப்பார்கள். பொதுவாக இரும்புச் சத்து அதிகமுள்ள டானிக்குகளை உட்கொள்ளும் போதும் சரி, மாத்திரைகளை உட்கொள்ளும் போதும் சரி நிறையத் தண்ணீர் அருந்த வேண்டும். அல்லது நார்ச்சத்து மிகுந்த காய்கறிகளை உணவில் அதிகம் சேர்த்துக் கொள்ள வேண்டும். இல்லாவிட்டால் அவர்களுக்கு மலச்சிக்கல் அவஸ்தை நேரும்.

    அதனால் ஹீமோகுளோபின் எண்ணிக்கை குறைவாக இருப்பவர்கள் வெறும் மாத்திரை, மருந்துகளை நம்பி மட்டுமே தங்களது சிவப்பணுக்கள் எண்ணிக்கையை உயர்த்துவதைக் காட்டிலும் இயற்கையாகவே இரும்புச் சத்து அதிகமுள்ள காய்கறிகள், பழங்கள், சிறு தானியங்கள், கீரைகள் உள்ளிட்ட உணவு வகைகளை அன்றாடம் தங்களது சப்பாட்டில் சேர்த்துக் கொண்டால் சிவப்பணு எண்ணிக்கையும் உயரும் மலச்சிக்கலில் இருந்தும் தப்பலாம். அந்த வகையில் பெண்கள் தங்களது உடலில் சராசரி ஹீமோ குளோபின் அளவை பராமரிக்க தினமும் உணவில் சேர்த்துக் கொள்ள வேண்டிய சில உணவுப் பொருட்களை கீழே பட்டியலிட்டுள்ளோம். பாட்டி, அம்மா, அத்தை, சித்தி, பெரியம்மா, அக்கா, அண்ணி, நாத்தனார், மாமியார், தங்கை, தோழி என எந்த உறவு நிலையில் இருக்கும் பெண்களென்றாலும் சரி அவர்கள் அனைவருக்கும் மறக்காமல் இந்த உணவுப் பட்டியலைத் தெரியப்படுத்தி தினமும் சாப்பிடச் சொல்லி அறுவுறுத்துங்கள். அப்புறம் ஹீமோகுளோபின் எண்ணிக்கை எப்படிக் குறையும் என்று ஒரு கை பார்க்கலாம்.

    ரத்தத்தில் ஹீமோ குளோபின் எண்ணிக்கையை உயர்த்தும் உணவுகள்

    • முருங்கைக்கீரை
    • சுண்டைக்காய் (காயாகவும், வற்றல் செய்தும் உணவில் சேர்க்கலாம்.)
    • சிவப்பு முக்கடலை (நாட்டு முக்கடலை)
    • பாசிப்பயறு (அவித்தோ முளைகட்டியோ சாப்பிடலாம்)
    • மணத்தக்காளி வற்றல்
    • எள்ளுருண்டை
    • அச்சு வெல்லத்தில் பிசைந்த கடலை உருண்டை,
    • கருப்புத் திராட்சை (விதை நீக்கியது அல்ல), நாட்டு மாதுளை, நாட்டுப் பேரீட்சை
    • கறிவேப்பிலைத் துவையல்
    • பீர்க்கங்காய் (இதை குழம்பு, பொரியல், கூட்டு, துவையல் எனப் பலவிதமாகப் பயன்படுத்தலாம்)
    • பிரண்டை (புளி சேர்த்து துவையலாக அரைத்துச் சாப்பிடலாம்)
    • முள்ளங்கி (சாறு எடுத்தும் சூப் செய்தும் அருந்தலாம், பொரியல், அவியல் செய்தும் சேர்க்கலாம்)
    • பனை வெல்லமிட்டு கிண்டிய உளுந்துக்களி
    • உளுந்து, கேழ்வரகு தோசை,
    • பொன்னாங்கன்னி கீரை
    • தண்டுக்கீரை அல்லது முளைக்கீரை
    • வெள்ளாட்டுக்கறி, ஈரல், எலும்பு சூப், 
    • மலைநெல்லிக்காய்ச் சாறு, பழரசம், 
    • பனைவெல்லப் பாகில் புரட்டிய சிறு தானிய மாவுருண்டை
       
    ]]>
    Haemoglobin, to increase HB counts in blood, women issues, ஹீமோகுளோபின், ஹீமோ குளோபின் எண்ணிக்கையை உயர்த்த உதவும் உணவுகள், பெண்கள் சாப்பிட வேண்டிய உணவுப் பொருட்கள் http://images.dinamani.com/uploads/user/imagelibrary/2018/5/10/w600X390/hemoglobin.jpg http://www.dinamani.com/lifestyle/lifestyle-news/2018/may/10/to-increase-the-hemoglobin-in-the-blood-women-must-eat-these-foods-2917085.html
    2917080 லைஃப்ஸ்டைல் செய்திகள் உங்க எலும்பு எப்படி? வீக்கா/ஸ்ட்ராங்கா? சோதித்துப் பார்க்கலாம் வாங்க! உமா பார்வதி DIN Thursday, May 10, 2018 03:07 PM +0530  

    வயதாக ஆக சிலருக்கு பல பிரச்னைகள், பலருக்கு சில பிரச்னைகள் இருக்கலாம். ஆனால் எல்லோருக்கும் பொதுவான பிரச்னை என்னவென்றால் எலும்பு சார்ந்த பிரச்னைகள் எனலாம். 50 வயதுக்குமேல் நாம் வெளிப்பார்வைக்கு ஆரோக்கியமாகத் தென்பட்டாலும், உடல் ஆரோக்கியத்தில் மிகுந்த அக்கறையுடன் இருக்க வேண்டிய காலகட்டம் அது.

    ஆஸ்டியோபொராஸிஸ் (osteoporosis) போன்ற வியாதிகள் அறிகுறியே காட்டாமல் திடீரென்று தாக்கிவிடக் கூடும். எனவே கூடுமானவரையில் எச்சரிக்கையுடன் இருப்பதுதான் நல்லது. அதுவும் குறிப்பாக பெண்கள் மேலும் கவனத்துடன் இருப்பது நலம். ஆண், பெண் மற்றும் மூன்றாம் பாலினர் என யாராக இருந்தாலும் அவரவர் உடல் ஆரோக்கியத்தில் அக்கறையுடன் இருந்தால் மருத்துவமனை செலவுகளை மிச்சப்படுத்தலாம்.

    சுறுசுறுப்பான நடைபயிற்சி

    காலை, மாலை, இரவு என தினமும் 10 நிமிடங்கள் நடைபயிற்சிக்காக நீங்கள் செலவழிக்க வேண்டும். வாக்கிங் அல்லது ரன்னிங் என எதில் உங்களுக்கு ஆர்வம் உள்ளதோ அந்த பயிற்சியை செய்யுங்கள். இதனை வெயிட் பேரிங் எக்ஸர்ஸைஸ் (Weight-bearing exercise) என்கிறார்கள் உடற்பயிற்சி நிபுணர்கள். இதில் முக்கியமானது என்னவென்றால் உங்கள் பாதம் பூமியில் நன்றாக அழுத்தமாக பதிய வேண்டும். அப்போதுதான் உடல் தசைகள் வலுவாகும். நீச்சல் பயிற்சி செய்வதும் மிகவும் நல்லது. 19 லிருந்து 49 வயதுள்ளவர்கள் ஏரோபிக் பயிற்சிகளில் தினமும் ஈடுபடலாம். 

    புகைப் பழக்கம் வேண்டாம்

    எலும்பு ஆரோக்கியத்துக்கு முக்கிய எதிரி புகை பிடிக்கும் பழக்கம். இளம் வயதில் புகைக்க ஆரம்பித்தவர்கள் வயதாக ஆக எலும்புப் பிரச்னைகளை எதிர் கொள்ள நேரும். நீண்ட கால புகைக்கும் பழக்கமுடையவர்களுக்கு ஆஸ்டியோபொராஸிஸ் வர அதிக வாய்ப்புள்ளது. பெண்களைப் பொருத்தவரை மெனோபாஸ் காலகட்டத்துக்குப் பிறகு ஈஸ்ட்ரோஜென் எனும் ஹார்மோன் சுரப்பு குறைந்து ஒருகட்டத்தில் நின்றுவிடும். அப்போது எலும்புத் தேய்மானங்கள் ஏற்பட அதிக வாய்ப்புள்ளது. 

    உடல் எடை குறைக்காதீர்கள்

    உங்கள் உயரத்துக்கு ஏற்ற எடையுடன் இருப்பது முக்கியம் அதே சமயம் எலும்புகள் வலுவுடன் இருப்பதும் முக்கியம். எனவே எடை குறைப்புச் சாதனை செய்கிறேன் பேர்வழி என்று எலும்பும் தோலுமாக மாறி விடாதீர்கள். சிலர் உடல் எடையை குறைக்க உணவைக் குறைத்துக் கொள்வார்கள். இது அவர்களின் ஒட்டுமொத்த ஆரோக்கியத்தை பாதித்துவிடும்.

    உடல் பருமன் பிரச்னைகளுக்கு தகுந்த மருத்துவரிடம் சென்று ஆலோசனை பெற்ற பின்புதான் டயட்டிங், உடற்பயிற்சி போன்றவற்றில் ஈடுபடவேண்டும். சுய மருத்துவம் எந்தளவுக்கு ஆபத்தோ அதே போலத்தான் சுயமாக எடை குறைப்பு விஷயங்களில் ஈடுபடுவதும். சத்துப் போதாமை ஏற்பட்டு எலும்பு வரை அந்த பாதிப்புக்கள் நீடிக்கும். எனவே பத்திரிகையில் படித்தும், ஆன்லைனில் பார்த்தும் கண்டடைந்த குறிப்புகளையும் பின்பற்றத் தொடங்கினால் உடல் எடை வேண்டுமானாலும் குறையலாம். ஆனால் உடல் மெலிந்து, எலும்புத் தேய்மானமும் இலவச இணைப்பாக சேர்ந்து வந்துவிடக் கூடும்.

    ஹார்மோன் பிரச்னைகள்

    ஆண்களை விட பெண்களுக்குத் தான் எலும்புத் தேய்மானப் பிரச்னைகள் அதிகம் ஏற்படுகிறது. மெனோபாஸ் உள்ளிட்ட காரணங்களால் அவர்கள் இதனை எதிர்கொள்ள போதிய அளவுக்கு ஊட்டச் சத்துக்கள் எடுத்துக் கொள்ள வேண்டும். தினமும் 700 மில்லிகிராம் கால்ஷியமும் 10 மைக்ரோ கிராம் அளவு வைட்டமின் டி உங்கள் எலும்புகள் பலமாகவும் உறுதியாகவும் இருப்பதற்குத் தேவை. எனவே கால்ஷியம் மற்றும் வைட்டமின் டி சத்துள்ள உணவுகளை மருத்துவரின் பரிந்துரைப்படி சாப்பிடுங்கள். அதற்காக அதிகப்படியான கால்ஷியம் உடலில் சேர்வதும் ஆபத்துதான். இதயம் சம்பந்தப்பட்ட பிரச்னைகள் ஏற்படலாம் என்கிறார்கள் மருத்துவர்கள். ஆரோக்கியமான சமச்சீரான உணவுதான் சிறந்தது. வைட்டமின் டி சூரிய ஒளியினால் 90 சதவிகிதம் கிடைத்துவிடும். 10 சதவிகிதம் மீன் உள்ளிட்ட சத்தான உணவின் மூலம் கிடைக்கும். 

    ஏற்கனவே எலும்பு முறிவு ஏற்பட்டிருந்தால்

    விபத்தினாலோ கீழே விழுந்து எலும்பு முறிவு ஏற்பட்டு அதற்காக சிகிச்சை எடுத்துக் கொண்டவர்கள் அதிக கவனத்துடன் இருப்பது அவசியம். காரணம் பட்ட காலில் படும் என்பது போல் மீண்டும் அதே இடத்தில் அடிபட்டால் மிகுந்த சிரமத்துக்கு உள்ளாக நேரிடும். வீட்டில் கார்பெட், பாத்ரூம் போன்றவற்றை பயன்படுத்தும் போது கவனமாக இருங்கள். உங்களுக்கு நன்றாக குணம் ஆகும் வரையில் கூடுதல் ஜாக்கிரதை உணர்வுடன் இருப்பது நல்லது. நண்பர்கள் உறவினர்களின் உதவியை நாடுவதில் தவறில்லை.

    வரும் முன் காத்துக் கொள்வதே புத்திசாலித்தனம்

    பெண்கள் அதிக உடல் பருமனுடன் இருந்தால் உடல் எடையை மருத்துவரின் பரிந்துரைப்படி குறைப்பது நல்லது. ஏற்கனவே விபத்தினால் எலும்பு முறிவு ஏற்பட்டவர்கள், புகைப் பிடிக்கு பழக்கம் உள்ளவர்கள், நோய்க்காக ஸ்ட்ராய்ட் எடுத்துக் கொள்பவர்கள், சிகிச்சை காரணமாக அதிகளவில் வலி நிவாரணி மருந்துகளை உட்கொண்டவர்கள் ஆகியோர் தற்காப்பு நடவடிக்கையாக ஒரு போன் டென்ஸிட்டி ஸ்கேன் (bone density scan) எடுத்துப் பார்ப்பது நல்லது. அந்த ஸ்கேன் ரிப்போர்ட்டில் எலும்புப் பிரச்னைகளின் அறிகுறிகள் தென்பட்டால் உடனடியாக அதற்கான சிகிச்சை எடுத்துக் கொள்வது புத்திசாலித்தனம். 

    இந்த வழிமுறைகளைத் தவிர முக்கியமானது எதுவென்றால் நம்பிக்கைதான். எனக்கு அந்தப் பிரச்னை வருமோ இது வருமோ என்று கவலைப்பட்டுக் கொண்டே வேண்டாத பிரச்னைகளை எல்லாம் வரவழைத்துக் கொள்ளாதீர்கள். நல்ல எண்ணங்களும், நல்ல மனநிலையும்தான் முக்கியம். நெகடிவ் எண்ணங்கள் தான் பாதிக்கும் மேலான வியாதிகளுக்குக் காரணம். நமக்கு என்னவென்றே தெரியாத வியாதிகளையெல்லாம் இந்த நவீன யுகத்தில் கண்டுபிடித்துக் கொண்டிருக்கிறார்கள். அதற்கெல்லாம் பலியாகாமல் நோயற்ற வாழ்வே குறைவற்ற செல்வம் என்று மனத்தை தெளிவாக வைத்திருந்தால் போதும். உடல் நலம் உள்ள நலம் என எல்லாமே சிறக்கும்.

    ]]>
    bone, bone density scan, osteoporosis, ஆஸ்டியோபொராஸிஸ், எலும்பு பிரச்னை http://images.dinamani.com/uploads/user/imagelibrary/2018/5/10/w600X390/images.jpg http://www.dinamani.com/lifestyle/lifestyle-news/2018/may/10/seven-ways-to-protect-weak-bones-2917080.html
    2917059 லைஃப்ஸ்டைல் செய்திகள் இதையெல்லாம் செய்யாதீங்க! சமையல் தவறுகள் சில! சினேகா DIN Thursday, May 10, 2018 12:13 PM +0530  

    சமைப்பது ஒரு அழகான கலை. மனம் உவந்து நம் குடும்பத்துக்கான உணவை சமைத்து பரிமாறுவது என்பது ஆத்மார்த்தமான ஒரு செயல். அதனை பெண்களின் பக்கம் ஒதுக்கிவிட்டு ஆண்கள் அதிகாரம் மட்டும் செய்யும் இடத்தில் இருப்பதால்தான் பல குடும்பங்களில் சமையல் ஒரு வேலையாகவும் சுமையாகவும் மாறிவிட்டது. மாறாக ஆண்களும் பெண்களும் இணைந்து சமைப்பதை ஒரு கலையாகவும், குடும்ப ஆரோக்கியத்தை மேம்படுத்தவும் செய்வார்கள் எனில் அந்தக் குடும்பம் உண்மையில் மகிழ்ச்சிகரமாக விளங்கும்.

    சமையலைப் பொருத்தவரையில் சின்ன சின்ன தவறுகள் கூட ருசியைக் கெடுத்துவிடும். முழு மனதையும் கொண்டு சமைக்கப்படும் உணவே அதி ருசியாக இருக்கும். ஏனோ தானோவென்று உப்பு புளி மிளகாயை போட்டு வேக வைத்து வறுத்து பொரித்து எடுப்பதன் பெயர் சமையல் ஆகாது. எனவே ஆணோ பெண்ணோ யார் சமைத்தாலும் சரி பின்வரும் விஷயங்களில் கவனமாக இருங்கள். ருசியாக சமைத்துப் பயன் பெறுங்கள்.

    • ரசம் அதிகமாக கொதிக்கக்கூடாது.
    • காபிக்கு பால் நன்றாக காயக்கூடாது.
    • மோர்க்குழம்பு ஆறும் வரை மூடக்கூடாது.
    • கீரைகளை மூடிப்போட்டு சமைக்கக்கூடாது.
    • ஆழமாக வறுத்தல் மற்றும் பலமுறை மீண்டும் அதே எண்ணையை உபயோகிக்கவே கூடாது
    • காய்கறிகளை ரொம்பவும் பொடியாக நறுக்கக் கூடாது.
    • சூடாக இருக்கும்போது எலுமிச்சம் பழம் பிழியக் கூடாது.
    • தக்காளியையும், வெங்காயத்தையும் ஒன்றாக வதக்கக்கூடாது.
    • பிரிட்ஜில் வாழைப்பழமும், உருளைக்கிழங்கும் வைக்கக் கூடாது.
    • காய்கறிகள்/பழங்களை சமைப்பதற்கு/சாப்பிடுவதற்கு வெகு நேரத்திற்கு முன்பே நறுக்கி வைக்கக் கூடாது
    • பெருங்காயம் தாளிக்கும் போது, எண்ணெய் நன்றாக காயக்கூடாது.
    • மைக்ரோவ்வில் சமைக்கும் உணவுகளுக்கு பிளாஸ்டி கொள்கலன்களை பயன்படுத்தக் கூடாது
    • தேங்காய்ப்பால் சேர்த்தவுடன், குழம்பு அதிகமாக கொதிக்கக்கூடாது.
    • குலாப்ஜாமூன் பொரித்தெடுக்க நெய்யோ, எண்ணெயோ நன்றாக காயக்கூடாது.
    • குழம்போ, பொரியலோ, அடுப்பில் இருக்கும்போது கொத்துமல்லி இலையைப் போடக் கூடாது.

    இன்னும் நிறைய விஷயங்கள் உள்ளன. சமைக்கும் போது அது பற்றிய நுண்ணுணர்வு இயல்பாக வந்துவிடும். எனவே அக்கறை மட்டுமே சமைப்பதில் மிகவும் முக்கியமானது என்பதை நினைவில் கொள்ள வேண்டும். பெரும்பாலான குடும்பங்களில் அம்மா கை சாப்பாடு ஏன் ருசியாக இருக்கிறது என்பதன் ரகசியம் இதுவே.

    டிப்ஸ் - காஞ்சனா இராசகோபாலன்

    ]]>
    உணவு, cooking mistakes, சமையல், cooking, kitchen , சமையல் தவறுகள் http://images.dinamani.com/uploads/user/imagelibrary/2018/5/10/w600X390/614-07806262en_Masterfile.jpg http://www.dinamani.com/lifestyle/lifestyle-news/2018/may/10/இதையெல்லாம்-செய்யாதீங்க-சமையல்-தவறுகள்-சில-2917059.html
    2916439 லைஃப்ஸ்டைல் செய்திகள் கோடையை குளுமையாக்கிட ஒரு எளிமையான வழி இதோ! பொ.பாலாஜிகணேஷ் DIN Wednesday, May 9, 2018 01:04 PM +0530  

    சோற்றுக் கற்றாழையின் சாற்றையோ அல்லது உள்ளிருக்கும் கூழ்ப்பகுதியையோ தினமும் அளவோடு சாப்பிடுவதால் கண் பார்வை தெளிவு பெறும்.

    சோற்றுக் கற்றாழை உள்ளுக்குச் சாப்பிடுவதாலும் மேலுக்கு உபயோகப்படுத்துவதாலும் பெண்கள் மற்றும் ஆண்களின் சிறுநீர்த் தாரையில் உள்ள எரிச்சல், புண் குணமாகும்.

    சோற்றுக் கற்றாழையை ஓரிரு சாக்லேட் அளவு வில்லைகளாக்கி காலையில் வெறும் வயிற்றில் சாப்பிடுவதால் உண்ட உணவு குடலில் தங்கி நஞ்சாகி நமக்குத் துன்பம் தரும் நோய்களைத் துடைக்கும் வகையில் குடலுக்கு பாதிப்பின்றி தேங்கிய நச்சுக்களை வெளியேற்ற உதவுகிறது. இதனால் வயிற்றிலுள்ள வாயு வெளியேற்றப்படுவதோடு மன இறுக்கமும் (ஸ்ட்ரெஸ்) தணிந்து ஆரோக்கியம் கிடைக்கின்றது.

    சோற்றுக் கற்றாழையின் இளமடலை தோல் சீவி சோற்றை சுத்திகரித்து உடன் சீரகம், கற்கண்டு, சிறிதளவு மஞ்சள் தூள் சேர்த்து சாப்பிட குருதியும் சீதமும் கலந்த வயிற்றுப்போக்கு குணமாகும்.

    100 கிராம் கற்றாழைச் சோற்றை எடுத்து கொண்டு அத்தோடு 10 கிராம் ஊற வைத்த வெந்தயத்தையும் சிறிதாக அறிந்த ஒரு வெங்காயத்தையும் சேர்த்து அரைத்து 350கிராம் விளக்கெண்ணெயில் இட்டு பதமாகக் காய்ச்சி வடித்து பத்திரப்படுத்திக் கொண்டு அந்தி, சந்தி இருவேளை ஒரு தேக்கரண்டி அளவு சாப்பிட்டு வர உடல் உஷ்ணம் தணிந்து உடல் பெருகும், அழகான தோற்றம் பெருகும்.

    சோற்றுக் கற்றாழை மடலை நன்கு முற்றியதாகத் தேர்ந்தெடுத்து இரண்டாகப் பிளந்து நன்றாக அலசிவிட்டு அதன் இடையே ஒரு ஸ்பூன் வெந்தயத்தை திணித்து கற்றாழையின் மடல்கள் இரு பகுதியும் ஒன்றாக சேரும் வண்ணம் நூலால் இறுகக் கட்டி இரவு முழுவதும் வைத்திருந்து மறுநாள் காலையில் எடுத்துப் பார்க்கையில் வெந்தயம் நன்கு முளை விட்டு இருக்கும். அந்த வெந்தயத்தை மட்டும் எடுத்து உள்ளுக்கு சாப்பிட்டு வர தீராத வயிற்று வலி, வாய் வேக்காடு, வயிற்றுப்புண், சிறுநீர்த் தாரைப்புண் ஆகியன குணமாகும்.

    கற்றாழைச் சோற்றை மோரில் கலந்து அன்றாடம் குடித்து வர உடல் சூட்டினால் ஏற்படும் முகப்பருக்கள், கட்டிகள், வெயிலில் அலைவதால் ஏற்படும் தோலின் கருமை மற்றும் மேல் தோலில் ஏற்படும் கருந்திட்டுக்கள் குணமாகும்.

    சோற்றுக் கற்றாழையின் வேர்களை சேகரித்து சிறுதுண்டுகளாக வெட்டி சுத்தம் செய்து பாலில் வேகவைத்து எடுத்து வெயிலில் இட்டு உலர்த்தி நன்றாக பொடித்து வைத்துக் கொண்டு தினம் இரவு படுக்க போகுமுன் ஒரு தேக்கரண்டி அளவு எடுத்து பாலில் கலந்து சாப்பிட்டு வர தாது பலப்படும்.

    சோற்றுக் கற்றாழைச் சோற்றை சுத்தம் செய்து 10 முதல் 15 கிராம் அளவு எடுத்து நீராகாரத்துடன் (பழையது நீர்) சேர்த்து காலையில் வெறும் வயிற்றில் சாப்பிட்டு வர சிறுநீரில் ரத்தம் போவது குணமாகும். சிறுநீர்த்தாரை எரிச்சல் தணியும்.

    சுத்திகரித்த கற்றாழைச் சோறு ஒரு கப் அளவு எடுத்து இதனோடு 5 சிறு வெங்காயத்தைப் பொடித்து நெய் விட்டு சேர்த்து வதக்கிச் சேர்த்து சுடுக்காய் கொட்டை நீக்கியபின் மூன்று கடுக்காயின் தோலைப் பொடித்துச் சேர்த்து ஒன்று கலந்து சிறிதளவு நீர்விட்டு ஒரு பாத்திரத்தில் வைத்து மூடிவைத்து பின் திறந்து அரைமணி நேரம் கழித்துப் பார்க்க அனைத்துப் பொருட்களின் சாரமும் ஒன்றாய்க் கலந்து வடிந்து தெளிவாய் இருக்கும். இதை உள்ளுக்குச் சாப்பிட சில மணித் துளிகளில் சிறுநீர்கட்டு தளர்ந்து தாராளமாக சிறுநீர் வெளியேறும்.

    சோற்றுக் கற்றாழைச் சாறை தினமும் 2 அவுன்ஸ் உள்ளுக்கு கொடுப்பதால், இதய ரத்த நாளங்களில் கொழுப்புச்சத்து படிவதால் ஏற்படும் இதய நோய்கள், அச்சம் தரும் உயிர் போக்கி நோய்களைத் தணிக்கிறது.

    சோற்றுக் கற்றாழையில் உள்ள கார்போஹைட்ரேட்டு மெட்டபாலிசம், சர்க்கரை நோய்களுக்கு ஒரு வரப்பிரசாதம் ஆகும். இது ரத்தத்தில் உள்ள உணவுக்கு முன் ஆன சர்க்கரை அளவையும், உணவுக்கு பின் ஆன சர்க்கரையின் அளவையும் குறைக்க உதவுகிறது. இதயத்துக்கு போதிய பிராணவாயு கிடைக்க வழிசெய்கிறது. பிராணவாயு சரியான அளவு இதயத்துக்கு கிடைக்காத போது கடும் நெஞ்சுவலி உண்டாகிறது. சோற்றுக் கற்றாழைச் சாறு இப்படி மாரடைப்பு வருவதைத் தடுக்கிறது.

    சோற்றுக் கற்றாழையில் உள்ள வேதிப் பொருட்கள் பேகொசைட்டோஸிஸ் மற்றும் ஆண்டிபாடீஸ் என்னும் நோய் எதிர்ப்பு சக்தியைத் தாண்டி ஆரோக்கியத்திற்கு வழிவகுக்கிறது.

    ஆரோக்கிய வாழ்வுக்கு பாரம்பரிய மருத்துவமுறை அவசியம் என்பதை அனைவரும் தெரிந்து கொள்வோம்.

    ]]>
    aloevera, சோற்றுக் கற்றாழை, கோடை வெயில் http://images.dinamani.com/uploads/user/imagelibrary/2018/5/9/w600X390/Aloe-Vera-Juice-640x360.jpg http://www.dinamani.com/lifestyle/lifestyle-news/2018/may/09/கோடையை-குளுமையாக்கிட-ஒரு-எளிமையான-வழி-இதோ-2916439.html
    2915745 லைஃப்ஸ்டைல் செய்திகள் பாக்கெட்டில் அடைக்கப்பட்ட உணவுப் பொருட்களுக்காக உணவுப் பாதுகாப்புக் கழகம் (FSSAI) வெளியிட்டுள்ள புதிய நெறிமுறைகள்! RKV DIN Tuesday, May 8, 2018 12:13 PM +0530  

    குறைந்தபட்சம் 5% உணவுப் பொருள்களை மரபணு பொறியியல் முறையில் ஆதாரமாகக் கொண்டிருக்கும் அனைத்து உணவுப் பொருட்களின் மீதும் அவற்றில் பயன்படுத்தப்பட்டுள்ள கொழுப்பு மற்றும் சர்க்கரை அளவு குறித்த சதவிகித விகிதங்கள் தெளிவாகக் குறிப்பிடப்பட்டு பெயரிடப்பட வேண்டும். சர்க்கரை மற்றும் கொழுப்பு விதிகளை மீறும் உணவுகள், உணவுப் பாதுகாப்பு மற்றும் தரநிலைகள் ஆணையத்தின் (FSSAI) வரைவு விதிகளின் படி, அவை எந்த அளவிற்கு குறிப்பிடுகின்றன என்பதை குறிப்பிடும் 'சிவப்பு' மற்றும் 'பச்சை' அடையாளங்கள் ஆகியவற்றை அவை அடைப்பட்ட பாக்கெட்டின் வெளிப்புறத்தில் கொண்டிருக்க வேண்டும்.

    மரபணு மாற்றப்பட்ட உணவை அடையாளப்படுத்தும் விஷயத்தில் ஒரு வழிகாட்டும் முயற்சியாக உணவுப் பாதுகாப்பு மற்றும் தரக்கட்டுப்பாட்டு மையம் எடுத்த முதல் நடவடிக்கையாக இது அமைகிறது. இந்த நடவடிக்கையில் பொதுமக்கள் கருத்துக்களுக்காக அவர்கள் காத்திருக்கிறார்கள் என அதிகாரிகள் கூறுகின்றனர். "இது இறுதி வரைவு அல்ல. இதில் இன்னும் மாற்றங்கள் சேர்க்கப்படவிருக்கின்றன... மேலும் ஒரு பதிப்பு இருக்கும், அது 30 நாட்களுக்கு மதிப்பாய்வு செய்யப்படும், என "FSSAI இன் தலைமை நிர்வாக அதிகாரி பவன் அகர்வால் கூறினார்.

    மரபணு மாற்றப்பட்ட உணவுகளுக்கான நெறிமுறைகள் பற்றிய ஆய்வை குறைந்தபட்சம் 2 ஆண்டுகளுக்கு ஒருமுறை உணவுப் பாதுகாப்புக் கழகம் நடைமுறைப்படுத்தி வருகிறது. ஆயினும், தற்போதைய சட்டங்கள், எந்த மரபணு மாற்றப்பட்ட உணவையும் தடைசெய்வதாகவே இருந்தாலும், மரபணு பொறியியல் மதிப்பீட்டுக் குழுவால், ஒரு யூனியன் சூழல் அமைச்சகத்தின் கீழ் அப்பொருளுக்கான விற்பனைத் தடைஇருந்தால் மட்டுமே இந்தியாவில் அதை விற்பனை செய்யும் உரிமையைத் தடுப்பதாக இருக்கிறது. 2007 ஆம் வெளியிடப்பட்ட ஒரு அறிக்கை மூலம், சுற்றுச்சூழல் அமைச்சகம் மரபணு மாற்றப்பட்ட, பதப்படுத்தப்பட்ட உணவுப் பொருட்களில் பயன்படுத்தப்படும் அபிரிமிதமான கொழுப்பு மற்றும் சர்க்கரை மூலக்கூறுகள் குறித்து சம்மந்தப்பட்ட உணவு நிறுவனங்களே முதலில் தெளிவான ஆய்வுகளை மேற்கொண்டு அதன் முடிவுகளை உணவுப் பாதுகாப்புக் கழகம் மற்றும் சுற்றுச்சூழல் பாதுகாப்பு அமைச்சகத்திடம் சமர்பிக்க வேண்டும். அதன் பின்னர் உணவுப் பாதுகாப்பு மற்றும் தரக்கட்டுப்பாட்டு ஆய்வகமும் அதே ஆய்வை மீண்டுமொருமுறை மேற்கொண்டு அவற்றின் நன்மை, தீமைகளை, பாதிப்புகளை உறுதி செய்யும் எனவும் FSSAI தலைமை நிர்வாக அதிகாரி பவன் அகர்வால் கூறியிருந்தார். ஆனாலும், அப்போது இந்த கட்டுப்பாட்டிலிருந்து பதப்படுத்தப்பட்ட உணவுகளுக்கு மட்டும் நீதிமன்றங்களில் விலக்கு அளிக்கப்பட்டது.

    மேலும் 2007 ஆம் ஆண்டு அறிக்கையானது,  பதப்படுத்தப்பட்டு தயாரிக்கப்பட்ட உணவில் கொழுப்பு, சர்க்கரை மற்றும் உப்பு உள்ளிட்ட பொருட்களின் பாதுகாப்பான அளவுகளையும் வரையறுக்கிறது. பாக்கெட் செய்யப்பட்ட 100 கிராம் அல்லது 1-- மில்லி உணவுப் பொருட்களில் 10 சதவிகிதத்துக்கும் மேல் சர்க்கரை பயன்படுத்தப்பட்டிருப்பின் அந்தச் அதீதச் சர்க்கரை அளவைக் குறிக்கும் சிவப்பு நிறக்குறியீடு அந்த உணவுப் பாக்கெட்டுகளில் இடம்பெற்றிருக்க வேண்டும். இதன்மூலம் நுகர்வோர் பதப்படுத்தப் பட்டு பாக்கெட் செய்யப்பட்ட உணவுப் பொருட்களில் கலந்துள்ள அதிகச் சர்க்கரை மற்றும் கொழுப்பு மற்றும் உப்பின் அளவைத் தெரிந்து கொண்டு அந்த உணவை உண்பதா, வேண்டாமா எனத்தீர்மானம் செய்ய முடியும். என்றும் அந்த அறிக்கையில் தெளிவாகக் குறிப்பிடப் பட்டுள்ளது.

    ]]>
    FSSAI, POCKETED FOODS, NATIONAL New norms for labelling food, ‘red’ and ‘green’ labels , உணவுப் பாதுகாப்பு மற்றும் தரக்கட்டுப்பாட்டு அமைச்சகம், மரபணு மாற்றப்பட்ட உணவுகள், பதப்படுத்தப் பட்ட உணவுகள், தரக்கட்டுப்பாடு, நெறிமுறைகள் http://images.dinamani.com/uploads/user/imagelibrary/2018/5/8/w600X390/new_norms_for_food_plan.jpg http://www.dinamani.com/lifestyle/lifestyle-news/2018/may/08/new-norms-for-labelling-food-planned-2915745.html
    2913266 லைஃப்ஸ்டைல் செய்திகள் சுட்டெரிக்கும் வெயில் காலத்தில் இதையெல்லாம் செய்யாதீங்க! DIN DIN Friday, May 4, 2018 01:09 PM +0530 கோடையில் வெப்பமான கதிர்களும், சூடான காற்றும் நம்மை பாடாய்ப்படுத்தி விடும். அதனை சமாளிக்க சில எளிய வழிகள்:

    இறுக்கமான ஆடைகள்

    இறுக்கமான ஆடைகள் நம்மை பல்வேறு விதங்களில் தொல்லைப்படுத்துகின்றன. இறுக்கமாக உடைகளை அணிவதால் மேலும், நாம் கோடையின் வெம்மையைக் கூட்டுகிறோம். கோடையில் இப்படி ஆடைகளை அணிவதை தவிர்க்க வேண்டும். இறுக்கமான பேண்ட், உள்ளாடைகள், பாவாடைகள் போன்றவை காற்றோட்டத்தை முழுவதுமாக தடை செய்துவிடும். அதிமாக வியர்க்கும், இதனால் வியர்வையானது எளிதில் ஆவியாக முடியாமல் போய்விடுவதால் உடலில் உப்பு படிந்து, அரிப்பு ஏற்படும். இது மட்டுமின்றி கோடைக்காலத்தில் ஜீன்ஸ் போன்ற உடைகளை கண்டிப்பாக தவிர்க்க வேண்டும். இவ்வகை ஆடைகளால் இறுக்கம், வியர்வைத் தேக்கம், அரிப்பு, தோல் நோய்கள் ஏற்படுகிறது.

    செயற்கை இழை ஆடைகள்

    தற்போது பாலியஸ்டர் போன்ற ஆடைகள் நிறைய வந்து விட்டன. வெயில் காலத்தில் இவ்வாடைகள் நமது உடலுக்கு ஏற்றவைகள் அல்ல. இவ்வகை ஆடைகள் எளிதில் சூடாவதுடன் நமது உடம்பின் மேல் தோலையும் எளிதில் சூடாக்கிவிடுகின்றன. இதனால் தோலின் நிறம் மாறுவது மட்டுமின்றி தோல் அலர்ஜியும் ஏற்படுகின்றன.

    தளர்வான ஆடையே சிறந்தது

    கோடைக்காலத்தில் தளர்வான ஆடையையே அணியுங்கள். தளர்வான ஆடைகள் உடம்பை இறுக்கி பிடிக்காது. இதனால் உடம்புக்கு காற்றோட்டம் எளிதில் கிடைக்கிறது எனவே கோடைவெம்மை குறைகிறது.

    கெட்டியான நிற ஆடைகள்

    கோடையில் நாம் அணியும் ஆடைகளின் நிறத்தை கவனித்தல் அவசியமாகும். காரணம் சிவப்பு, கருப்பு மற்றும் கெட்டியான பச்சை போன்ற நிறங்கள் கோடையில் மேலும் வெம்மையைக் கூட்டுகின்றன. இந்நிறங்கள் சூரிய ஒளியின் உக்கிரத்தைக் கூட்டி விடுகின்றன. இந்நிறங்கள் கண்களை அதிகமாக உறுத்துகின்றன. அதிக ஒளியில் கண்களை உறுத்துவதால் கண் தசைகள் எளிதில் களைப்படையும். இது போன்று பெரிய டிசைன் போட்ட ஆடைகளையும் தவிர்ப்பது நல்லது. எனவே, கோடையில் வெளிர்நிற ஆடைகளையும், சிறிய டிசைன் போட்ட உடைகளையும் அணிதல் நல்லது.

    ஆபரணங்கள்

    கோடைக்காலத்தில் ஆபரணங்களிலும் கவனம் செலுத்த வேண்டும். அதிக ஆபரணங்கள் மற்றும் ஆபரணங்களை நெருக்கமாக அணிவதால் வியர்வை ஆவியாகாமல் அரிப்பு ஏற்பட்டு தோல் நோய்கள் வர ஏதுவாகிவிடும். எனவே, கோடைக்காலத்தில் எளிமையான நகைகள் அணியுங்கள்.

    கைப்பைகள், செருப்புகள்

    வெளியே போகும்போது பெரிய கைப்பைகள் பயன்படுத்த வேண்டாம். பெரிய கைப்பைகள் அசௌகரியத்தை தருவது மட்டுமின்றி காற்றோட்டத்தையும் தடுக்கும். கெட்டியான கண்களை உறுத்தும் நிறங்களை கொண்ட கைப்பைகளை தவிர்த்தல் நல்லது. அது போல கோடையில் பிளாஸ்டிக் செருப்புகளை தவிர்த்தல் நல்லது. பிளாஸ்டிக் செருப்புகள் வெயிலில் விரைவாக சூடாகிவிடும். இதனால் கால் பாதங்கள் சூடாகி தோலின் மென்மை பாதிக்கப்படும் எனவே, தோல், ரப்பர், செருப்புகளை பயன்படுத்துதல் சிறந்ததாகும்.

    குழந்தைகளுக்கான ஆடைகள்

    குழந்தைகளின் ஆடை விஷயத்தில் மிகவும் கவனமாக இருத்தல் வேண்டும். குழந்தைகளுக்கு வெண்ணிற துணிகளையும், வெள்ளை ஆடைகளையும் பயன்படுத்துதல் குழந்தைகளின் மென்மையான தோலுக்கு சிறந்ததாகும். தளர்வான உடைகள் மற்றும் பருத்தியிலான சாக்ஸ், கையுறைகளை பயன்படுத்துதல் மிக நல்லதாகும்.

    ]]>
    summer, kodai, heat, cotton, காட்டன் உடைகள், வெயில், கோடை, சூரியன் http://images.dinamani.com/uploads/user/imagelibrary/2018/5/4/w600X390/DSC_0172.JPG http://www.dinamani.com/lifestyle/lifestyle-news/2018/may/04/summer-tips-regarding-attire-2913266.html
    2911953 லைஃப்ஸ்டைல் செய்திகள் 'சாமீ, எங்கம்மா பாசாகணும். நிறைய மார்க் வாங்கணும்'  விக்னா சுரேஷ் DIN Wednesday, May 2, 2018 04:50 PM +0530 முதலில் ஒரு ஃப்ளாஷ்பேக் - கொஞ்சமாக(?) என் வாழ்கையை ரீவைண்ட் செய்து பார்த்தால், குழந்தைப் பருவம் முழுவதுமே டீச்சர் விளையாட்டைத்தான் விளையாடிக் கொண்டிருப்பேன். ஆனால், பிறகெப்படியோ திசைமாறிப்போய் அதையும் தூக்கிப்போட்டுவிட்டு ரெண்டு குழந்தைகளுக்கும் ஹோம் வொர்க் எழுதிக் கொண்டிருந்தாலும், மனதில் இருக்கும் சாக்பீஸ் துகள்கள் மட்டும் உதிர்ந்தபாடில்லை. சரிதான் என்று கனவை விரிவாக்கி, விரிவுரையாளர் ஆகலாம் என்று பொறியியல் முதுகலைப் பட்டப் படிப்பைப் பகுதி நேரமாக, வார இறுதியில் படிக்க ஆரம்பித்தாயிற்று. இந்த இரண்டு வருடங்களில், 'சாமீ, எங்கம்மா பாசாகணும். நிறைய மார்க் வாங்கணும்' போன்ற பின் நவீனத்துவமான வேண்டுதல் எல்லாம் எங்கள் வீட்டுக் கடவுளுக்குப் பழகிவிட்டிருக்கும்.

    என் வகுப்பில் முக்கால்வாசிப் பேர் திருமணமானவர்கள். ஏற்கெனவே வேலையிலும் இருப்பவர்கள். ஆகையால், எந்த சீரியஸ்னஸும் இல்லாமல் க்ளாசுக்கு ஜாலியாக பிக்னிக் போலப் போய் வருவதுவரை சரியாகத்தான் போய்க் கொண்டிருந்தது. ஆனால், படிப்பு அவ்வளவு சுலபமாக இல்லை. குழந்தைகளை இரவில் பல் தேய்க்க வைப்பதை விட சிரமமாயிருக்கிறது. வகுப்பில் அமர்ந்து, 'பால் காய்ச்சினோமே ஃப்ரிட்ஜில் வைத்தோமா, குழந்தைகள் சரியாக சாப்பிட்டிருக்குமா, மழை வந்தால் துணி காய்கிறதே; எடுத்து வைப்பார்களா?' என்று மனம் வேறு கணக்குப் போடுகிறது. இன்னும் வகுப்பு நடக்கும்போது நோட்டு புத்தகத்தில் கோலம் வரைந்து தருவது, ரெஸிபி மாற்றிக் கொள்வது எல்லாம் தனி அழிச்சாட்டியங்கள்.

    இதாவது பரவாயில்லை என நினைக்க வைக்கும் பரீட்சைகள். அதென்னவோ வருடம் பூராவும் கல்லூரிக்குப் போனாலும், பரீட்சைகள் தான், யுகம் யுகமாய்ப் படிப்பது÷ பான்ற ஆயாசத்தைத் தருகின்றன. எத்தனை அறிவாளியாக இருந்தாலும், பரீட்சை பிடிக்க அவருக்கு ஒரே காரணம்தான் இருக்க முடியும். அது கடைசிநாள் கிடைக்கப்போகும் நாளை முதல் விடுமுறை மனநிலைதான்.
    எல்லாப் பல்கலைக்கழகத்தையும்போல என்னுடையதும் வேண்டுமென்றே எனக்கு சம்பந்தமேயில்லாத துறையைச் சேர்ந்த ஒருவரைத்தான் பெஞ்சில் எனக்கருகே அமர்த்துகிறது. சிலர், சப்ஜெடாக 4, 5 பதில்களைப் படித்த வந்து, கேள்வித்தாள் தருமுன்பே எழுத ஆரம்பித்து வினாத்தாளை விட அதிகமாக திகிலூட்டுகிறார்கள்.

    பரிட்சை ஹாலில் ஒருமுறை, அருகில் அமர்ந்திருந்த அங்கிள், ஸ்...ஸ்ஸ் என்கிறார். குழம்பி மெல்ல திரும்பிப் பார்த்தால், ஸ்கேல் தாங்க என்கிறார். பிறகு பென்சில், பின் ஏரேசர், கால்குலேட்டர் எனக் கேட்கத் துவங்குகிறார். தன் சரீரத்தைத் தூக்கி வந்து எக்ஸாம் ஹாலில் வைத்திருப்பதே, இந்தக் கல்லூரிக்குச் செய்யும் ஆகப் பெரிய உபகாரம் என்று நினைத்திருப்பார் போலும். என் பொருட்கள் அனைத்தையும் நான் சைகையால் திரும்பி வாங்குவதற்குள், சூப்பர்வைசரின் பார்வை என்னிடம் 'இதெல்லாம் வீட்டிலிருந்து எடுத்து வந்து தொலைத்தால்தான் என்ன' என்கிறது.. தேவுடா..

    பரீட்சை ஹாலில் இது போன்ற இம்சைகளை எந்த ஆணுக்காவது பெண்கள் தந்திருக்கிறார்களா? மொத்தமாக ஸ்கெட்ச பெண் 24 கலர்களில் வருகிறது என்றால், அத்தனையும் எடுத்து வ்நது பெஞ்சில் பரப்புகிறார் ஒரு அம்மணி. அதில் ஒன்று, டுர்ர் என்ற என்னிடம் ஓடிவந்து விடுகிறது. அவசரமாகப் பேனா எடுத்து எழுதத் துவங்கினால், மெஜந்தா கலரில் பட்டையாகப் பேப்பரில் பரவுகிறது. அதைவிட, அந்த அம்மணி கேட்காமல் எடுத்ததற்காக என்னை முறைக்கும் போது, ஸ்கெட்ச் பென்னால் கண்ணைத் குத்த வேண்டும் போல ஆசை எழுந்து அடங்கும்.

    மற்றொருமுறை பரீட்சை, ஃபுளூ ரசன்ட் கலரில் ஜீன்ஸ் அணிந்து, தலை முடி, நடவுக்க காத்திருக்கும் நாற்று போல குத்திட்டு நிற்க, ஒர வானர வீரன் அருகில் அமர்ந்திருந்தான். கையில் கேள்விதாள் வந்ததுதான் தாமதம், வாலாட்ட, சாரி.. காலாட்ட ஆரம்பித்துவிட்டான். பையன் பெரிய தையல்காரனாய் வந்திருக்க வேண்டியது. விதி எஞ்சினியரிங் சேர்ந்து பரிட்சை ஹாலில் காலாட்ட வைத்துவிட்டது. மொத்த பெஞ்சும் வைப்ரேஷன் மோடில் இருக்க. எழுத்துக்கள் நாலு மணி மார்கழிக் குளிரில் நடுங்கிக் கொண்டிருந்தன. இவன் காலிரண்டையும் ஒரு பெல்ட்டு மூலம் இணைத்து, மோட்டார் கனெக்ஷன் தந்து, மின்சாரம் தயாரித்தால் ஒரு மின்விசிறியையாவது சுழல விடலாம் என்பதாக யோசிக்கத் துவங்குகிறேன். மிகுந்த பிரயத்தனப்பட்டு, மின்சாரம் தயாரிக்கும் திட்டத்தைப் பாதியிலேயே கைவிட்டு விட்ட மீதிப் பரிட்சையை எழுத வேண்டியதாகிறது. ஒரு முறை என் அருகில் சுவரோரமாக அமர்ந்திருந்த பையனை நம்பி ஐந்து, ஆறு பேர் பரிட்சை எழுத வந்திருந்தார்கள். அவனோ யாரையும் திரும்பியே பார்க்காமல் எழுதிக் கொண்டிருக்க, எனக்கு யார் யாரோ விட்டெறிந்த ரப்பர், குட்டிப் பென்சில், பேப்பர் ராக்கெட் எல்லாவற்றினாலும் அடி கிடைத்திருக்கிறது.

    எது எப்படியோ, கடைசியாகப் பரிட்சை எப்படி இருந்தாலும், எப்படி எழுதியிருக்க என்று நண்பர்கள் கேட்டால் சுமாரா என்றும், வீட்டில் உள்ளவர்கள் கேட்டால் நல்லா என்றும் சொல்லக் கற்றுக் கொண்டிருக்கிறேன். ஏனென்றால், மற்ற எல்லா பதில்களும் அவர்களுக்கு ஏமாற்றத்தைத் தந்து விடுகின்றன.

    ]]>
    exam, comedy, பரீட்சை, எக்ஸாம், படிப்பு, மேற்படிப்பு http://images.dinamani.com/uploads/user/imagelibrary/2018/5/2/w600X390/jbcrackajob0.jpg http://www.dinamani.com/lifestyle/lifestyle-news/2018/may/02/சாமீ-எங்கம்மா-பாசாகணும்-நிறைய-மார்க்-வாங்கணும்-2911953.html
    2910616 லைஃப்ஸ்டைல் செய்திகள் இலவசமாக போட்டோ எடுக்கக் கத்துக்கணுமா? இதைப் படியுங்கள் முதலில் க.தி.மணிகண்டன் DIN Tuesday, May 1, 2018 10:38 PM +0530 சென்னையில் தனியார் கல்லூரில் ஒன்றில் காட்சித் தொடர்பியல் (விஸ்காம்) துறையில் புகைப்படக் கலையைப் பயிற்றுவிக்கும் துணை பேராசிரியராகப் பணியாற்றி வருபவர் பி.நவீன்குமார்.

    சென்னை வடபழனியைச் சேர்ந்த இவர், வசதியற்ற மாணவர்களுக்கு புகைப்படக் கலையை இலவசமாகப் பயிற்றுவித்து வருகிறார். அதற்காக நேர்முகநிலை என்ற பெயரில் கிளப் ஒன்றை நடத்தி வருகிறார்.

    வார இறுதியில் ஒரு குறிப்பிட்ட இடத்தைத் தேர்வு செய்து, கிளப்பில் உறுப்பினர்களாக இருப்பவர்களை அழைத்துக் கொண்டு அந்த இடத்தில் புகைப்படம் எடுத்துவிட்டு திரும்புகிறார்கள்.

    இந்தக் கிளப்பில் இப்போதைக்கு வசதியற்ற மாணவர்களுக்கு அதிக முன்னுரிமை அளிக்கப்பட்டு வருகிறது. இதற்காக எந்த கட்டணத்தையும் நவீன் வசூலிக்கவில்லை. இதனால், விஸ்காம் மாணவர்களும், புகைப்படக் கலையில் மிகுந்த ஆர்வத்துடன் இருப்பவர்களும் இந்தக் கிளப்பில் இணைந்து தங்கள் திறமையை வளர்த்துக் கொள்கின்றனர்.

    இந்த கிளப்பின் செயல்பாடுகள் குறித்தும், தனக்கு புகைப்பட கலை மீது ஏற்பட்ட ஆர்வம் குறித்தும் நவீன் பகிர்ந்துகொண்டவை:

    வடபழனியில் பள்ளி வாழ்க்கையை நிறைவு செய்தேன். இளமைக் காலத்திலேயே ஓவியம் வரைவதில் மிகுந்த ஆர்வம் இருந்தது.  அனிமேஷன் படித்துவிட்டு என்ன செய்யலாம் என்று யோசித்தபோது ஓவியத்தின் மற்றொரு நவீன வடிவமான புகைப்படக் கலை மீது ஆர்வம் பிறந்தது. புகைப்படக் கலைதான் வாழ்க்கை என்பதை அப்போதே முடிவு செய்தேன். கல்லூரியில் விஸ்காம் இளங்கலை பட்டப்படிப்பும், முதுகலையில் எம்ஏ மாஸ் கம்யூனிகேஷனும் முடித்து, விஸ்காம் படிப்பில் புகைப்படக் கலையை பயிற்றுவிக்கும் துணைப் பேராசிரியராக ஆனேன். கல்லூரி நாட்களில் பல புகைப்படப் போட்டிகளில் பங்கேற்று முதல் பரிசு பெற்றிருக்கிறேன். ஆண்டுக்கும இருமுறை வெளிமாநிலங்களுக்கு பயணித்து அங்குள்ள மக்களையும், அவர்களின் கலாசாரத்தையும் எனது கேமரா கண்களில் பதிவு செய்து வருகிறேன். எனக்கு மிகவும் பிடித்தது ஸ்டீர்ட் ஃபோட்டோகிராஃபி. அதாவது, தெருக்களிலும், சாலைகளிலும் இறங்கி அங்குள்ள மக்களையும், அவர்களின் வாழ்க்கை முறையையும் புகைப்படத்தின் மூலம் ஆவணமாகப் பதிவு செய்வது.

    பல மாணவர்களுக்கு புகைப்படக் கலை மீது ஆர்வம் இருந்தும், அவர்களால் விலை உயர்ந்த கேமராக்களை வாங்கி அந்தக் கலையை கற்றுக் கொள்ள இயலாத சூழலில் உள்ளனர்.

    அவர்களுக்காகவே நேர்முகநிலை என்ற கிளப்பை தொடங்கி பயிற்சிப் பட்டறைகளை இலவசமாக நடத்தி வருகிறேன். இந்தக் கிளப்பில் யாரும் உறுப்பினராகலாம். புகைப்படக் கலையில் ஆர்வம் இருக்க வேண்டும் என்பதே முக்கியம். புகைப்படம் எடுக்க தெரியவில்லை என்றாலும் நான் அவர்களுக்கு பயிற்றுவிப்பேன். பயிற்சி பட்டறையில் எடுக்கப்படும் புகைப்படங்களை சமூக வலைதலமான முகநூலில் பதிவு செய்வேன். அங்கு அந்தப் புகைப்படங்களுக்கு கிடைக்கும் வரவேற்பே அவர்களுக்கு ஓர் அங்கீகாரம் கிடைத்தது போல் இருக்கும் என்று கருதுகிறேன். புகைப்படத் துறையில் போட்டிகளையும், நடத்தி சான்றிதழ்களை வழங்கலாம் என்று திட்டமிட்டு வருகிறேன். முகநூலில் Nermuganilai என்ற டைப் செய்து எங்கள் குழுவில் இணைந்து பின்தொடரலாம். nermuganilai@gmail.comnermuganilai@yahoo.com  என்ற மின்னஞ்சல் மூலம் எங்களை தொடர்புகொள்ளலாம் என்றார் நவீன்குமார்.

     
     
    ]]>
    photography, free course, புகைப்படக் கலை, ஃபோட்டோ பயிற்சி http://images.dinamani.com/uploads/user/imagelibrary/2018/4/30/w600X390/IMG-20180204-WA0013.jpg http://www.dinamani.com/lifestyle/lifestyle-news/2018/apr/30/photography-course-free-2910616.html
    2910580 லைஃப்ஸ்டைல் செய்திகள் இன்று புத்த பூர்ணிமா... புத்தரின் பொன்மொழிகளில் சில உங்களுக்காக... RKV DIN Monday, April 30, 2018 01:29 PM +0530  

    இன்று புத்த பூர்ணிமா. புத்தம் இவ்வுலகில் அவதரித்த திருநாள். இன்றைய நேபாள எல்லையில் அன்றைய இந்துஸ்தானத்தில் கபிலவஸ்துவில் சாக்கிய குல மன்னரான சுத்தோதனருக்கும், அரசி மாயாதேவிக்கும் மகனாக புத்தர் அவதரித்தார். அவர் பிறக்கும் போது அவரது ஜாதகத்தைக் கணித்த அரண்மனை சோதிடர்கள் இக்குழந்தையின் லக்ன ரேகைகள் இகபர வாழ்வை வெறுத்து துறவில் இன்பம் காணத்தக்க வகையில் அமைந்திருந்தமையை சுட்டிக்காட்ட பிறந்தது முதல் தனது திருமணக்காலம் வரையிலும் புத்தரை வெளிஉலகம் காணாது அரண்மனைக்குள்ளேயே வைத்து வளர்த்தனர் அவரது பெற்றோர். ஆயினும் விதி வலியது. மனைவி யசோதராவும் மகன் ராகுலனும் அரண்மனை உப்பரிகையினுள் ஆழ்ந்துறங்கும் வேளையொன்றில் மூப்பு, பிணி, இறப்பு எனும் மூவகை வாழ்வியல் நிதர்சனங்களையும் ஒரு சேர இளவரசன் சித்தார்த்தன் காண நேர அவர் தம் மனைவிக்கும், குழந்தைக்கும், பெற்றோருக்கும் கூட எவ்வித அறிவிப்புமின்றி அரண்மனையை விட்டு நீங்குகிறார். அன்றுமுதல் அவர் கபிலவஸ்துவின் அரசனல்ல ஆயினும் காணும் எவருக்கும் ஆன்மீக அரசராகும் நற்பேறு பெற்றார். ஆசையே துன்பத்துக்குக் காரணம் என்பது புத்தரின் கொள்கை அடிப்படை. அந்த ஆசையை புறக்கணித்ததோடு தன்னைப் போன்றே இந்த உலகமும் உய்யவேண்டுமென்று கால்நடையாக நடந்தும், உஞ்சவிருத்து செய்து உண்டும், உலக மக்களுக்கு ஆசையினால் விளையும் துன்பங்களைப் பற்றியும் மனிதன் எவ்விதம் வாழ்ந்தால் அவனுக்கு இவ்வுலகில் நன்மை பயக்குமென்றும் புத்தர் பல்வேறு விதமான அறிவுரைகளையும், ஆலோசனைகளையும் இவ்வுகல மக்களுக்கு விட்டுக் சென்றிருக்கிறார்.

    அவற்றுள் சிலவற்றைப் பற்றி புத்தர் பிறந்தநாளான இன்று நாமும் அறிந்து கொள்வோம்.

    1. மனிதனின் நாக்கு கூர்மையான கத்தி போன்றது. ரத்தமே இல்லாமல் கொல்லும் அளவுக்கு மோசமானது அதன் கூர்மை. (The Tongue is like a sharp knife, It Kills without drawing blood.)
    2. தீய செயல்களை அறவே புறக்கணிக்க வேண்டும். வாழ்வின் மீது பற்றுள்ள மனிதன் விஷத்தை எப்படி வெறுத்து ஒதுக்குவானோ அந்த அளவுக்கு தீய செயல்களை ஒரு மனிதன் வெறுத்து ஒதுக்கி புறக்கணிக்க வேண்டும். (Avoid Evil Deeds, As a man who loves life avoids poison.)
    3. கோபத்தை மனதுக்குள் பதுக்கி வைப்பதென்பது மனிதர்கள் தாம் விஷமருந்தி விட்டு அதற்காக அடுத்தவர்கள் சாகக் காத்திருப்பதைப் போன்று அர்த்தமற்ற செயல். (Holding on to anger is like drinking poison and expecting the person to die.)
    4. மனநிறைவே மாபெரும் செல்வமாம். (Contentment is the greatest wealth.)
    5. ஆழமான ஏரி தெளிவாகவும், அசைவற்றும் இருப்பதைப்போல, அறிவுடையோர் போதனைகளைக் கேட்கும் போது முற்றாக அமைதியடைகிறார்கள். (Just as a deep lake is clear and still, even so the wise become utterly peaceful when they hear the teachings.)
    6. தாய் தன் குழந்தையை நன்கு பாதுகாப்பாள் குழந்தைக்காகத் தன் உயிரையும் பணயம் வைப்பாள் தாயன்பைப் போல எல்லையிலா அன்பை உலகில் தோன்றிய உயிரினத்தின் மீது காட்டுங்கள். (Just as a mother protects her only child even at the risk of her own life, so too, one should have immeasurable love to all beings in the world.)
    7. நால்வகையான மக்கள் உலகில் உளர். எந்த நான்கு? தன்னுடைய நலத்திலும் மற்றவர் நலத்திலும் அக்கறை இல்லாதவர்; மற்றவர் நலத்தில் அக்கறை கொண்டு தன் நலத்தில் அக்கறை இல்லாதவர்; தன் நலத்தில் அக்கறை கொண்டு மற்றவர் நலத்தில் அக்கறை இல்லாதவர்; தன் நலத்திலும் மற்றவர் நலத்திலும் அக்றை உள்ளவர். இந்த நான்கு வகை மக்களுள் தன் நலத்திலும் மற்றவர் நலத்திலும் அக்கறை உள்ளவரே முதல்வர், மேலோங்கியவர், உச்சத்தில் இருப்பவர், தலை சிறந்தவர். (There are four types of people found in the world. What four? Those concerned with neither their own welfare nor the welfare of others, those concerned with the welfare of others but not their own, those concerned with their own welfare but not that of others, and those who are concerned with both their own welfare and the welfare of others…Of these four types of people those who are concerned with their own welfare and the welfare of others are the chief, the highest, the topmost and the best.)

    புத்தரின் பொன்மொழிகள் அனைத்தும் இவ்வுலகை உய்விப்பதற்காக அவரால் தன் வாழ்வின் பல்வேறு காலகட்டங்களில் சொல்லிச் செல்லப்பட்டவை. அவற்றின் பொருளறிந்து பின்பற்றுபவர்களுக்கு நிச்சயம் நன்மை தரத்தக்கவையும் கூட.

    புத்தரின் பொன்மொழிகளில் தலையாயது ‘ஆசையே துன்பத்திற்கு காரணம்’ என்பது. மேலே சொல்லப்பட்ட பொன்மொழிகளைக் கடைப்பிடிக்கச் சிரமம் என்று நினைப்பவர்கள் குறைந்தபட்சம் அவரவர் ஆசைகளைத் துறக்கவாவது முயற்சிக்கலாம் :)

    Image courtesy: India.com

    ]]>
    புத்த பூர்ணிமா, buddha purnima, http://images.dinamani.com/uploads/user/imagelibrary/2018/4/30/w600X390/zBuddha.jpg http://www.dinamani.com/lifestyle/lifestyle-news/2018/apr/30/இன்று-புத்த-பூர்ணிம-புத்தரின்-பொன்மொழிகளில்-சில-உங்களுக்காக-2910580.html
    2909997 லைஃப்ஸ்டைல் செய்திகள் ரூ.80, ரூ.200, ரூ.2 ஆயிரத்துக்கு அன்லிமிடட்: பானிபூரி வியாபாரியின் பலே 'ஜியோ திட்டம்' Raghavendran DIN Sunday, April 29, 2018 03:52 PM +0530  

    நாடு முழுவதும் ஸ்மார்ட்ஃபோன்களில் இணையத்தின் வசதி அதிகரிக்க காரணமாக ஜியோ நெட்வொர்க்கின் திட்டங்கள் அமைந்துவிட்டன என்றால் மிகையல்ல.

    கடந்த 2016-ஆம் ஆண்டு வரை ஸ்மார்ட்ஃபோன்களில் இணையத்தின் தேவை மிகவும் குறைந்த அளவிலேயே இருந்தன. இதனால் தேவைக்கு ஏற்ப மட்டுமே அதன் பயன்பாடுகளும் அமைந்தன. இதற்கு முக்கிய காரணமாக இருந்தது இன்டர்நெட் பேக்குகளின் கட்டணம் தான்.

    முன்பெல்லாம் ஒரு ஜிபி இன்டர்நெட் பேக் ரூ.500 மற்றும் அதன் வேலிடிட்டி ஒரு மாதம் வரை இருந்தன. இத்தனைக்கும் அவை 3ஜி அலைவரிசை மட்டுமே. அதுவே 2ஜி என்றால் அதன் கட்டணம் சற்று குறைவாக காணப்பட்டது. 

    இதனை தகர்க்கும் விதமாக ரிலையன்ஸ் நிறுவனத்தின் ஜியோ சிம் கார்டுகள் அறிமுகப்படுத்தப்பட்டன. துவக்கத்தில் இலவச சிம் கார்டுகள் மட்டுமல்லாமல் அதன் சேவைகளும் ஒரு வருடத்துக்கு இலவசமாக வழங்கப்பட்டன. அதில் ஒரு நாளைக்கு அன்லிமிடட் வேலிடிட்டியுடன் கூடிய இணைய சேவை, அளவில்லா அழைப்பு மற்றும் மெசேஜ் என்பன போன்ற வசதிகள் 4ஜி அலைவரிசையில் கிடைத்தன.

    எனவே அதிகளவிலான மக்கள் ஸ்மார்ட்ஃபோன்களுக்கு மாறத் தொடங்கினர். பின்னர் கட்டணம் நிர்ணயிக்கப்பட்டாலும் அவையும் குறைந்த அளவிலேயே இருந்து வருகின்றன. எனவே ஜியோ சேவை மக்களிடம் அதிக வரவேற்பை பெற்று வருகிறது. அந்த வகையில் தற்போது 'ஜியோ பானிபூரி திட்டம்' அறிமுகப்படுத்தப்பட்டுள்ளது. 

     

    நீங்கள் நினைப்பது போன்று இதுவும் ரிலையன்ஸ் நிறுவனத்துடையது இல்லை. மாறாக கர்நாடகத்தில் உள்ள பானிபூரி வியாபாரிதான் இந்த பலே திட்டத்தை அமல்படுத்தியுள்ளார். இதன்மூலம் ஒரு மணி நேரத்துக்கு ரூ.80, ஒரு நாளைக்கு ரூ.200 மற்றும் ஒரு மாதத்துக்கு ரூ.2 ஆயிரம் செலுத்தி அளவில்லா பானிபூரி உண்ணலாம் என்று விளம்பரப்படுத்தியுள்ளார்.  

    பெரிய வணிக நிறுவனங்கள் பல வகைகளில் பயன்படுத்தி வரும் விளம்பர யுத்திகளுக்கு மத்தியில் இந்த பானிபூரி வியாபாரியின் பலே திட்டம் சமூக வலைதளங்களில் வைராகப் பரவி பலரது கவனத்தை ஈர்த்து வருகிறது.

    ]]>
    jio, jio pani poori, pani poori, jio scheme, ஜியோ, ஜியோ பானிபூரி, பானிபூரி, ஜியோ திட்டம் http://images.dinamani.com/uploads/user/imagelibrary/2018/4/29/w600X390/panipoori_dp.jpg http://www.dinamani.com/lifestyle/lifestyle-news/2018/apr/29/ரூ80-ரூ200-ரூ2-ஆயிரத்துக்கு-அன்லிமிடட்-பானிபூரி-வியாபாரியின்-பலே-ஜியோ-திட்டம்-2909997.html
    2908090 லைஃப்ஸ்டைல் செய்திகள் எனக்கு மன அழுத்தம் ஏற்பட்டதே இல்லை! இத்தனைக்கும் நான் நல்லவன் எல்லாம் இல்லை! இப்படிச் சொன்னவர் யார்? (விடியோ) ராக்கி DIN Thursday, April 26, 2018 04:35 PM +0530  

    எழுத்துச் சித்தர் என ரசிகர்கள் கொண்டாடும் எழுத்தாளர் பாலகுமாரன் தனது வெற்றியின் ரகசியமாக பத்து விஷயங்களைக் குறிப்பிட்டுள்ளார். அவை

    1. என் குருநாதர் திருவண்ணாமலை மகான் யோகி ராம்சூரத்குமாரின் கலகல சிரிப்பு. அவர் முதுகில் அடிக்கும் அதிர்வு.  ஊடுருவி உற்றுப் பார்க்கின்ற அவர் மெüனம். அவர் முதுகு தடவும் விதம். இனிமையான குரலில் அவர்
    சொல்லும் ராம நாமம்.

    2. என் அம்மாவின் கம்ப இராமாயண விரிவுரை. பேச்சு நடையிலேயே அவர் கவிதைகளை சொல்லுகின்ற பாங்கு. விவரிக்கின்ற விதம். சொல்லும்போதே அவள் கரைந்து காணாமல் போகின்ற தன்மை. அவள் செய்யும் கத்தரிக்காய் காராமணி கூட்டு. எப்போதும் அவர் உடுத்தும்பட்டுப்புடவை.

    மகாபாரதம். இப்பொழுது படித்துக் கொண்டிருக்கிறேன். எழுதிக் கொண்டிருக்கிறேன். என்ன அற்புதமான ஒரு நாவல். எத்தனை கதாபாத்திரங்கள், எத்தனை விதமான மனிதர்கள், எத்தனை விதமான மனோபாவனைகள், எத்தனை விதமான பிரச்னைகள். அதனோடு சொல்லப்
    படுகின்ற தருமநெறி. பல மொழிகளில் மொழிபெயர்த்து உலகமெங்கும் அறியப்பட வேண்டிய மிகப் பெரிய காவியம் மகாபாரதம். இதைப் புரிந்து கொள்வது கடினம். குறை சொல்வது எளிது. மகாபாரதம் கதை அல்ல; அது ஒரு வாழ்வியல்; மனித சரித்திரம்.

    3. என் வீடு. அதில் இருக்கும் தேவதைகளான என் இரண்டு மனைவியர். என் மனதை முற்றிலும் ஆக்ரமித்துக் கொண்டிருக்கிற என் அன்பு மகளும், அருமை மகனும். அவர்கள் இரண்டு பேரும் பெற்றுத் தந்த ஆகாஷ், ஐயான் என்ற பேரக் குழந்தைகள். அவர்கள் என்னை தாத்தா என்று அழைப்பது.

    4. நான் எழுதிய புத்தகங்கள். அட்டைகளை மிக கவனமாக தேர்ந்தெடுப்பது என்ற கடுமையான கொள்கைகளெல்லாம் இல்லை. உள்ளுக்குள் இருக்கின்ற விஷயம் கனமானதும், தெளிவானதும், திடமாய் எழுதப்பட்டதும் என்பதால் வெளிவடிவம், உள் வடிவம் என்பதில் நான் கவனம் கொள்வதில்லை. ஆயினும் சுற்றி பரப்பி வைத்துப் பார்த்தால் என்னைப் பற்றியே எனக்கு ஓர் ஆச்சரியம் வருகிறது. நான் உழைப்பாளிதான். ஆனால் இவ்வளவு உழைத்திருக்கிறேனா என்பது நிறைவாக இருக்கிறது. என் மரணத்தின் போது எனது நாலைந்து புத்தகங்களை தலைக்கு அடியில் வைத்தால் எனக்கு சந்தோஷமாக இருக்கும்.

    5. துணிகள் எனக்குப் பிடிக்கும். குறிப்பாய் புடவைகள். மனிதனுடைய கண்டுபிடிப்பில் அவன் நாகரீகத்தை பறையறிவிக்கும் விஷயம் உடுப்பு. நான் உடுத்திக் கொள்ளுவது வெள்ளை என்றாலும் மனைவியருக்கும், மற்ற தோழியருக்கும் நான் புடவைகள் எடுப்பதில் வல்லவன். அம்மா என்கிற பொழுது எனக்கு அவள் புடவைதான் ஞாபகம்  வரும். பெண்களுக்கு புடவை பரிசளிப்பதை நான் ஒரு முக்கியமான விஷயமாக  கருதுகிறேன். நூறு புடவைகள் பரிசளித்தாலும் அடுத்து அந்தப் புடவை நன்றாக இருக்கிறது என்று நூற்றியொன்றை கை காட்டுகிற பெண்களின் குணம் எனக்கு சிரிப்பையும், மகிழ்ச்சியையும் தரும்.

    6. என் மகளின் பாட்டு. அவளின் தெய்வீகக் குரல். என் மகனின் கதை சொல்லல். அதில் உண்டான அவன் தெளிவு. என்னைவிட என் மகன் தீர்க்கமான சிந்தனையாளர். அவர்கள் இருவரும் அவர்கள் துணையோடு செய்கின்ற குடித்தன பாங்கு. பேரர்களின் அட்டகாசம்.

    7. கமல்ஹாசன். குறைகள் உள்ளவர்தான். முன்கோபிதான். ஆனாலும் கலை வியூக்தி என்கிறபோது கூர்மையான மனிதராக மாறிவிடுகிறார். இன்னும் இன்னும் என்ன சொல்வது என்று இடையறாது தவிக்கிறார்.இயல், இசை, நாட்டியம், பழங்கதைகள், சிற்பம், சரித்திரம் என்று பலதிலும் சினிமா என்ற ஒரே ஒரு விஷயத்துக்காக ஈடுபடுத்திக் கொண்டார். அவர் முனைப்பு எனக்கு பிடித்த விஷயம்.

    8. காவிரி நதி பாயும் சோழ தேசம். முன்பிருந்த அந்த வளமை இப்பொழுது இல்லையாயினும் மறுபடியும் துளிர்க்கும் என்ற நம்பிக்கை எனக்கு இருக்கிறது. ஆட்சி மாறும் போதும் காட்சியும் மாறும். சோழ மக்களின் சுறுசுறுப்பு. விரைவு நடை. பெண்கள் பேச்சு. கேலி சிரிப்பு. மண்ணில் சோழ மன்னர்கள் கட்டிய நூற்றுக்கணக்கான கற்றளிகள். அங்கிருக்கும் உயிர் ததும்பும் சிற்பங்கள். மனித நாகரீகம் உச்சம் தொட்ட இடம் சோழ தேசம். அது என் தேசம்.

    குதிரைகள் எனக்குப் பிடிக்கும். வலிமையே குதிரை வேகம். அது படுத்து தூங்காத மிருகம். கொம்போ, விஷப்பற்களோ, சிறகோ, கூரிய அலகோ இல்லை. நகம் கூட இல்லை. வேகமும், சமாதானமும் கொண்ட மிருகம் குதிரை என்பது என் அபிப்ராயம். உழைக்கத் தயாராக இருக்கிற துடிப்பு. அது என்னுள்ளும் இருக்கிறது.

    9. மகாகவி சுப்ரமண்ய பாரதி. இதுவரை படிக்க படிக்க பிரம்மிப்பாய், புதிது புதிதாய் தோன்றுகிறது. பாரதியை  மையமாக வைத்து அந்த காலத்து வாழ்வு முறையை ஓர் இளைஞன் மூலம் சொல்லுகின்ற நாவல் எழுதப்பட வேண்டும் என்ற ஆசை எனக்கு உண்டு. முடியுமா? என்ற பயமும் உண்டு. ஆயினும் பாரதியை நான் இன்னும் முழுக்க அறிந்து கொள்ள முடியவில்லை. அவரைப் பற்றி தெரிந்து கொள்ள இன்னும் மீதமிருப்பதாகவே தோன்றுகிறது. பாரதி தமிழின் அடையாளம்.

    10. தியானம். மிகத் துல்லியமாய் செய்தால் இது மரணம் போன்றது. ஆனால் பயமுறுத்தாது. ஓர் அனுபவம் தரும். ஒரு மரண பயம் தானாகப் போகும் என்பதை அந்த நேரம் அறிய முடியும். இங்கிருந்துதான் வாழ்க்கை துவங்குகிறது. நாலாபக்கமும் அலைகிறது. வாழ்வின் மையப்புள்ளி இது. ஒரு சலனத்தின் ஆரம்பம் இது. மனிதர் மட்டுமல்ல. உலகமே உள்ளிழுக்கப்பட்ட தியானத்தில் அடங்கும் காலம் உண்டு. அது பிரளயம் என்று பெயர். அந்த பிரளயம் ஒரு தனி மனிதனின் உள்ளுக்குள் நிகழப்பட வேண்டும். அதற்குப் பெயர்தான் தியானம். அதற்குப் பின் வரும் அமைதிதான் முக்தி. நான் முன்னேறிக் கொண்டிருக்கிறேன்.

    அண்மையில் ஒரு விடியோவில் இதுவரை தனக்கு மன அழுத்தமே ஏற்பட்டத்தில்லை என ஸ்ட்ரெஸ் பற்றிய தனது கருத்தைப் பதிவு செய்துள்ளார்.

     

    நன்றி : நலம் / யூட்யூப்

    ]]>
    writer, balakumaran, பாலகுமாரன், எழுத்தாளர், ஸ்ட்ரெஸ், மன அழுத்தம் http://images.dinamani.com/uploads/user/imagelibrary/2017/11/29/w600X390/000balakumaran.jpg http://www.dinamani.com/lifestyle/lifestyle-news/2018/apr/26/i-am-totally-stress-free-says-writer-balakumaran-2908090.html
    2904752 லைஃப்ஸ்டைல் செய்திகள் பிரதமரை வரவேற்க ஒற்றைப் பூவா? பூங்கொத்துக்கு பெறுமானமானவர் இல்லையா மோடி! RKV DIN Saturday, April 21, 2018 12:44 PM +0530  

    சமீபத்தில் சட்டீஷ்கர் மாநிலத்துக்குச் சென்றிருந்தார் மோடி. அவரை வரவேற்க அந்த மாநில முதல்வரும் மற்றும் சில அரசியல் தலைவர்களும் திரண்டிருந்தனர். அப்போது பிரதமரை வரவேற்க வந்த சட்டீஷ்கர் முதல்வரின் கையில் இருந்த ஒற்றை மலரைக் கண்டு பலரும் புருவம் உயர்த்தினர். அட! பாரதப் பிரதமரை வரவேற்க இவருக்கு ஒற்றைப் பூ தான் கிடைத்ததா? ஒரு மலர்க்கொத்துக்கு கூட மோடி பெறுமானமானவர் இல்லையா? என்று கேள்விகள் எழுந்தன. சட்டீஷ்கரின் பீஜப்பூரில் இருந்து மோடி திரும்பிச் சென்றபின்னும் இந்தப் பேச்சு அங்கே ஓயவில்லை. காரணம் அந்த மக்கள் பிரதமர் மோடி தனது மான்கி பாத் வானொலி உரையாடலில் அறிவித்திருந்த ஒரு முக்கியமான வேண்டுகோளைப் பற்றி அறிந்திருக்கவில்லை என்பதே. பிரதமர் மோடி தனது மான் கி பாத் உரையில் அப்படி என்ன வேண்டுகோள் விடுத்திருந்தார்? 

    ஒரு பூங்கொத்தின் ஆயுள் வெகு குறைவு. நீங்கள் எனக்கொரு பூங்கொத்தைப் பரிசளித்து வரவேற்கிறீர்கள் என்றால், அது வெகு விரைவில் குப்பைக் கூடைக்கு சென்று விடும். அதே சமயம் நீங்கள் எனக்கு ஒரு கதர் கைக்குட்டையையோ, புத்தகத்தையோ பரிசளித்தீர்கள் என்றால் அது எனக்கு நீண்ட நாட்கள் மிகப் பயனுள்ளதாக இருக்கும். எனவே இனிமேல் என்னை வரவேற்பவர்களும், பரிசளிக்க நினைப்பவர்களும் பூங்கொத்துக்கள் அளித்து வீணாக்குவதற்கு பதிலாக ஒற்றை மலரையோ அல்லது கதர் கைக்குட்டைகள், புத்தககங்களையோ அளித்தால் மகிழ்வேன் என்று கூறியிருந்தார். பிரதமரின் வேண்டுகோளின்படி மத்திய உள்துறை அமைச்சகம் அனைத்து மாநில முதல்வர்கள் மற்றும் அரசியல் தலைவர்களுக்கு பிரதமரை வரவேற்க மலர்க்கொத்துகளை பயன்படுத்தி வீணடிக்கக் கூடாது என அறிவுறுத்தியிருந்தது. அதன் விளைவு தான் சட்டீஷ்கர் முதல்வர் ஒற்றைப் பூ அளித்து பிரதமரை வரவேற்றதன் பின்னணி.

    மோடியை எதற்குப் பாராட்டுகிறோமோ இல்லையோ இப்படியான ஐடியாக்களுக்காக நிச்சயம் பாராட்டலாம்.
     

    ]]>
    MODI, PM, A FLOWER INSTEAD OF BOUQUTE, PM'S MANN KI BAAT, CHCHATTISGARGH, மோடி, பூ, பூங்கொத்து, கதர் கைக்குட்டை, புத்தகங்கள், மான் கி பாத் வானொலி உரை http://images.dinamani.com/uploads/user/imagelibrary/2018/4/21/w600X390/Modi-flower-B-200514.jpg http://www.dinamani.com/lifestyle/lifestyle-news/2018/apr/21/no-bouquets-just-a-flower-to-greet-prime-minister-2904752.html
    2902655 லைஃப்ஸ்டைல் செய்திகள் அடேயப்பா! இந்தப் பறவையின் விலை 25 லட்சமாம்... பார்த்து ரசிக்கலாம் வாங்க! கார்த்திகா வாசுதேவன் DIN Wednesday, April 18, 2018 11:02 AM +0530  

    சுராகவ் எனப் பெயரிடப்பட்டிருக்கும் இந்தப் பறவையின் விலை 25 லட்சங்களாம். இந்தப் பறவையில் அப்படி என்ன ஸ்பெஷல் என்றால் நிமிடத்திற்கு நிமிடம் இது தனது நிறத்தை மாற்றிக் கொள்ளும் திறன் கொண்டது. நொடிக்கு நொடி மாறிக் கொண்டே இருக்கும் இந்த வண்ணங்களை கேமிராவில் சிறை பிடிக்க சுமார் 19 புகைப்படக்காரர்கள் தொடர்ச்சியாக 62 நாட்கள் காத்திருந்து மிகப் பொறுமையாக இதன் உடலில் நிகழ்ந்த வண்ண மாற்றங்களை படம் பிடித்திருக்கிறார்கள். மனித யத்தனங்கள் இன்றி இயற்கை தானாகவே சில அற்புதமான விஷயங்களைத் தன்னகத்தே ஒளித்து வைத்திருப்பதற்கு இந்தப் பறவையின் உடலில் நிகழும் தன்னிச்சையான வர்ணஜாலமும் கூட ஒரு உதாரணமே!

    சுராகவ்வின் உடலில் நிகழும் வர்ண ஜாலத்தை காணொளியாகக் காண...

     

    இது போன்ற கோடிக்கணக்கான விந்தைகளை தன்னுள் அடக்கியது இயற்கை. அதன் மேன்மைக்கு ஊறு விளைவிக்காமல் காக்க வேண்டியது மனிதர்களான நமது கடமை.

    ]]>
    Amazing bird surakav, its worth Rs 25 lakhs, அதிசயப் பறவை சுரகாவ், விலை ரூ 25 லட்சம், அதிசயம், விந்தை, பறவைகள் http://images.dinamani.com/uploads/user/imagelibrary/2018/4/18/w600X390/surakav_bird.jpg http://www.dinamani.com/lifestyle/lifestyle-news/2018/apr/18/அடேயப்பா-இந்தப்-பறவையின்-விலை-25-லட்சமாம்-பார்த்து-ரசிக்கலாம்-வாங்க-2902655.html
    2899421 லைஃப்ஸ்டைல் செய்திகள் ‘உங்கள் இதயம் இருக்கும் இடம் ஏஷியன் பெயிண்ட்ஸ்’ சீஸன் 2 அனிருத் ரவிசந்தர் உங்களை வரவேற்கிறார்! உமா DIN Monday, April 16, 2018 03:11 PM +0530  

    அனிருத் தன் அழகான வீட்டின் ஒவ்வொரு அறைக்குள் சென்று அதில் புதைந்துள்ள தன்னுடைய வாழ்க்கையின் மலரும் நினைவுகளை, குழந்தைப் பருவத்து புகைப்படங்களை, தன் குடும்ப உறவுகளைப் பற்றிய விபரங்களை மற்றும் தனது இசைப் பயணம் குறித்துப் பகிர்ந்து கொள்கிறார். இந்தப் பயணத்தில் அவருடன் பங்கு பெற உங்களை வரவேற்கிறார்.

    ஒவ்வொரு வீட்டுக்கும் ஒரு கதை உண்டு. அந்தக் கதையை வார்த்தைகளில் அடக்கி விட முடியாது. வீடு என்பது வசிப்பிடம் மட்டுமல்ல. அது  வெளிச்சம், சப்தம், நிறம், காற்றின் கீதம், அமைதியின் நிழல், மதிய வெயிலின் வெளிச்சக் கோடு, இரவின் ஆழ்ந்த நிசப்தம் - இப்படி சொல்லிக் கொண்டே போகலாம். சில சமயம் வீட்டை மனிதர்கள் தேர்ந்தெடுப்பார்கள். சில சமயம் வீடு தனது மனிதர்களைத் தேர்ந்தெடுத்துக் கொள்கிறது. ஆச்சரியமாக இருக்கிறதா? உண்மைதான்.

    அழகியலை வீட்டினுள் உருவாக்கி வரும் இந்தியாவின் தலைசிறந்த பெயிண்ட் நிறுவனமான ஏசிஷன் பெயிண்ட்ஸ் கூறுவதும் அத்தகைய ஒரு உண்மையைத்தான். தற்போது ஏஷியன் பெயிண்ட்ஸ், ‘உங்கள் இதயம் இருக்கும் இடம் ஏஷியன் பெயிண்ட்ஸ்’ என்ற வெப்தொடரின் இரண்டாவது சீஸனை தயாரித்துள்ளது. இத்தொடரின் மூலம் பிரபலங்களின் இல்லங்கள் உள்ளவாறு எப்படி இருக்கின்றன, அவர்களுடைய வாழ்வியல் என்ன, அவர்களது வீட்டிலுள்ள பொருட்கள் என்ன நிறத்தில் உள்ளன, சோபா மற்றும் ஃபர்னிச்சர்கள் எத்தகையன, அந்த வீடுகளின் சுவர்கள் எந்தளவுக்கு கலை நயத்துடன் அழகிய வண்ணங்களின் உருவாக்கப்பட்டுள்ளது என்பன போன்ற பலவற்றை இத்தொடர் காட்சிப்படுத்துகிறது.

    உங்களுக்குப் பிடித்த திரை நட்சத்திரங்களை அவர்கள் வீட்டுக்குச் சென்று உரையாடி, அவர்களைப் பற்றி விரிவாக தெரிந்து கொள்ள முயற்சிக்கும் நிகழ்ச்சி இது. தற்போது இதன் ஐந்தாவது எபிஸோடில் இசையமைப்பாளர் அனிருத்தின் வீட்டுக்குச் செல்கிறோம். அனிருத்தை தெரியாதவர்கள் அதிகம் பேர் இருக்க முடியாது; சின்ன வயதிலேயே பெரிய சாதனைகளை செய்து வருபவர். வொய் திஸ் கொலவெறி பாடல் மூலம் தமிழ் திரை இசை ரசிகர்களின் கவனத்தை ஒட்டுமொத்தமாகக் கவர்ந்துவிட்டவர் அனிருத். இளம் தலைமுறை தென்னிந்திய இசையமைப்பாளர்களுள் முக்கியமானவர். தற்காலத்தின் நவீனமும் சென்னையின் பாரம்பரிய கலை நயமும் ஒருங்கிணைந்து உருவாக்கப்பட்ட ஒரு அழகான அடுக்ககத்தில் வசிக்கிறார் அனிருத்.

    இந்த எபிஸோடில் மனம் திறந்து பல விஷயங்களை ரசிகர்களுடன் பகிர்ந்து கொள்கிறார் அனிருத். சின்ன சின்ன விஷயங்களில் கூட அவர் செலுத்தும் கவனத்தைப் பார்த்தால், குடும்ப உறவுகளுக்கு அவர் தரும் முக்கியத்துவத்தை புரிந்து கொள்ளலாம். அவரது வீட்டில், லிவிங் ரூம், பெட் ரூம், மேஜைகளில் ப்ரேம் செய்யப்பட்ட பல புகைப்படங்களை பார்க்கலாம். அதில் சின்ன வயது அனிருத், அம்மாவுடன், அப்பா அம்மாவுடன் குழந்தை பருவத்தை செதுக்கி வைத்தது முதல் அவரது பல நினைவுகளை பதிய வைத்த ஃபோட்டோக்கள் சூழ்ந்துள்ளன. இப்படி குழந்தை பருவம் முதல் தற்போதுவரை பெற்றோர்களுடன் சேர்ந்து எடுத்துக் கொண்ட புகைப்படங்களை ஆங்காங்கே வீடு முழுவதும் அடுக்கி வைத்திருக்கிறார். மேலும் தலைவர் என்று அவர் அழைக்கும் அவரது மாமா ரஜினிகாந்த் மற்றும் ஏ ஆர் ரஹ்மானுடன் எடுத்துக் கொண்ட புகைப்படங்கள் அவர்கள் மீதான மதிப்பை தெரியப்படுத்துகிறது.

    தனது வீட்டில் பிடித்த இடமாக அனிருத் குறிப்பிடுவது ஊஞ்சல் வைக்கப்பட்டிருக்கும் ஓரிடம். அதனைத் தொடர்ந்து காணப்படும் டைனிங் மற்றும் லிவிங் ரூமை 'ஹாட் சீட்' என்று அழைக்கிறார். காரணம் அங்குதான் குடும்பத்தினர் ஒன்றுகூடி பேசுவதற்கும் முக்கியமான முடிவுகளை எடுப்பதற்கும் ஏற்ற இடம் என்கிறார். மேலும் நண்பர்கள் வந்தால் அவர்களுடன் அரட்டை அடிக்கவும் ஏற்ற இடம் இதுவே என்றும் கூறுகிறார்.

    சுவாரஸ்யமாக இருக்கிறது அல்லவா? அனிருத்தைப் பற்றியும் அவரது வீட்டைப் பற்றியும் மேலும் தெரிந்துகொள்ள இந்த சுட்டியை திறக்கவும் 

    ]]>
    asian paints, Anirudh, அனிருத், music, இசை, ஏஷியன் பெயிண்ட்ஸ் http://images.dinamani.com/uploads/user/imagelibrary/2018/4/16/w600X390/inside4.jpg http://www.dinamani.com/lifestyle/lifestyle-news/2018/apr/13/youth-icon-anirudhs-home-to-find-the-real-man-2899421.html
    2900692 லைஃப்ஸ்டைல் செய்திகள் அட்சய திருதியில் தங்கம் வாங்க ஆசைப்படுகிறீர்களா? சினேகா DIN Sunday, April 15, 2018 10:42 AM +0530  

    அட்சய திரிதியை நாள், பாற்கடலில் பள்ளிகொண்டுள்ள பரமாத்மாவின் ஆறாவது அவதாரமான பரசுராமன் அவதாரம் எடுத்த நாள். விநாயகரின் துணை கொண்டு வியாசர் மகரிஷி மகாபாரதத்தை தொகுக்க ஆரம்பித்த நாள்.  சிவபெருமானின் ஜடாமுடியில் கட்டுண்ட கங்கை மாதா பகிரதனின் பெரும் முயற்சியால் நம் பாவங்களைப் போக்க பூமியில் குதித்த நாள். சதுர்யுகங்களில் கிருதாயுகம் முடிந்து 12,96,000 ஆண்டுகள் கொண்ட திரேதாயுகம் ஆரம்பித்த நாளாக இந்த நாளைக் கருதுகிறார்கள். குபேரன் தவமிருந்து செல்வத்தைப் பெற்ற நாள் என்பதால், நாமும் மகாலட்சுமியை பூஜை செய்யவேண்டும்.

    இந்த நாளில் முடிந்த அளவு ஏழைகளுக்கு அன்னதானம், நீர்மோர் வழங்குதல், விசிறி வாங்கிக் கொடுத்தல், குருவுக்கு வஸ்திரம், பழம் போன்றவற்றை காணிக்கையாக்கி ஆசி பெறுதல் போன்ற தர்மங்களால் எல்லா வளமும் இறைவன் அருளால் பெறலாம்.

    ஒவ்வொரு ஆண்டும் அட்சய திருதியை சித்திரை மாதங்களில் கொண்டாடப்பட்டு வருகிறது. இந்த ஆண்டும் ஏப்ரல் 18-ம் தேதி (புதன்கிழமை) அட்சய திருதியை கொண்டாடப்படும். அட்சய திரிதியை தினத்தில் தங்கம் வாங்கினால் தங்கம் சேரும், என்பது ஐதீகம். இதையொட்டி ஆண்டுதோறும் அட்சய திரிதியை நாளில் நகைக் கடைகளில் கூட்டம் அலைமோதும். அன்றைய தினத்தில் ஒரு கிராம் தங்கமாவது வாங்க வேண்டும் என மக்கள் நகைக் கடைகளுக்கு பெருமளவில் செல்வர். ஏப்ரல் 18-ம் தேதியன்று காலை 5:58 முதல் 12:08 வரை தங்கம் வாங்குவதற்கு ஏற்ற நல்ல நேரம்.

    சென்னையில் சனிக்கிழமை ஒரு சவரன் தங்கத்தின் விலை ரூ.256 உயர்ந்து, ரூ.23,936-க்கு விற்பனையானது. ஆபரணத் தங்கம் ஒரு கிராம், ரூ.2,992 விற்கப்படுகிறது. மேலும், தங்கம் விலை அதிகரிக்க வாய்ப்புள்ளதாக சென்னை தங்கம் மற்றும் வைர நகைகள் வியாபாரிகள் சங்கம் தெரிவித்துள்ளது. இந்த திடீர் விலையேற்றம் வாடிக்கையாளர்களுக்கு மன வருத்தத்தை ஏற்படுத்தியுள்ளது.

    சர்வதேச பொருளாதார சூழல், உலக சந்தையில் தங்கத்தின் மதிப்பு, டாலருக்கு நிகரான இந்திய ரூபாயின் மதிப்பு ஆகியவை தங்கத்தின் விலை ஏற்றத்துக்கும்
    இறக்கத்துக்கும் முக்கிய காரணங்கள். கடந்த ஆண்டில் பல நகைக் கடைகளில் கிராமுக்கு ரூ.10 முதல் ரூ.50 வரை கட்டணச் சலுகை அறிவித்திருந்தனர். மேலும் செய்கூலி, சேதாரத்திலும் சலுகை அறிவித்திருந்தனர். ஆனாலும் மக்களிடையே ஆர்வமின்மையால் விற்பனை குறைந்துவிட்டதாக நகை வியாபாரிகள் தெரிவித்திருந்தனர். இந்த ஆண்டும் அதே நிலை நீடிக்குமா அல்லது மக்கள் ஆர்வமுடன் நகை வாங்குவார்களா என்பதை பொருத்திருந்துதான் பார்க்கவேண்டும்.

    ]]>
    gold, தங்கம், அட்சய திருதியை, Atchaya Thrithi http://images.dinamani.com/uploads/user/imagelibrary/2018/4/15/w600X390/jewel.jpg http://www.dinamani.com/lifestyle/lifestyle-news/2018/apr/15/atchaya-thrithi-best-day-to-buy-gold-2900692.html
    2900111 லைஃப்ஸ்டைல் செய்திகள் மரமே நடாம குழந்தைங்களைப் பெத்துப் போட்டுட்டு இருந்தா அதுங்க தண்ணிக்காக அடிச்சிக்கிட்டு செத்துராது?! கார்த்திகா வாசுதேவன் DIN Saturday, April 14, 2018 01:16 PM +0530  

    ‘மரமும் நட மாட்டீங்க, தண்ணியையும் சிக்கனமா பயன்படுத்த மாட்டீங்க. மழைத்தண்ணியையும் சேமிக்க மாட்டீங்க. நிலத்தடி நீரையும் உறிஞ்சி எடுத்துடுவீங்க... அப்புறம் எப்படி எதிர்காலத் தலைமுறைக்கு தண்ணீர் கிடைக்கும்?! இருக்கற தண்ணியையும் அசுத்தம் பண்ணீட்டீங்க, அதுக்கும் இப்போ போராடிக்கிட்டு இருக்கீங்க. அப்போ 2080 லயும் 90 லயும் வாழப்போற தலைமுறை எதைத் தான் தண்ணீர் என்று குடிக்க, குளிக்க, சுத்தம் செய்ய எனப் பயன்படுத்தப் போகிறதோ?’

    இந்தக் கேள்வி யாரோ, யாரிடமோ கேட்டது இல்லை. நம்மை நாமே கேட்டுக் கொள்ள வேண்டியது.

    யூ டியூபில் ஹரி பாஸ்கரின் ஜம்ப் கட்ஸ் வீடியோக்களைப் பார்த்திருக்கிறீர்களா? அவை நகைச்சுவையாக, எடிட்டிங் முறையில் யுனிக்காகத் தெரிந்தாலும் இதுவரை பார்த்ததும் சிரித்து விட்டு நகரத் தோன்றியிருக்கிறதே தவிர பாராட்டத் தோன்றியதில்லை. ஆனால் இம்முறை அவர்கள் லேட்டஸ்டாக தமிழகத்தின் நீராதாரங்கள் சார்ந்து வெளியிட்டுள்ள விழிப்புணர்வு ஜம்ப் கட் வீடியோ ரசிக்கும் படியாகவும், பாராட்டும் படியாகவும் அமைந்துள்ளது.

    ஜம்ப் கட்ஸ் வீடியோ...

     

    ஜம்ப் கட்ஸ் என்பது ஒரு வகை எடிட்டிங் பிராசஸ். ஒரு காட்சி தொடர்ச்சியாக இல்லாமல் ரேண்டமாக எடிட்டிங் செய்யும் முறை தான் இது.ஹரிபாஸ்கரும் அவரது நண்பர் நரேஷும் தங்களது யூ டியூப் வீடியோக்களை அதே விதமாக எடிட்டிங் செய்வதால் தான் அதற்கு ஜம்ப் கட் என்று பெயர் வைத்துள்ளார்கள்.

    இம்முறை தனது ஜம்ப் கட்ஸ் வீடியோ மூலமாக ஹரிபாஸ்கர் வைத்துள்ள கோரிக்கை, மெட்ராஸ் ரோட்டரி சங்கத்தினர் ஏப்ரல் 15 முதல் 22 ஆம் தேதி வரை வாட்டர் க்விஸ் என்றொரு நிகழ்ச்சியை நடத்துகிறார்கள். இதில் கலந்து கொள்ள 100 ரூபாய் கொடுத்து யார் வேண்டுமானாலும் பதிவு செய்துகொள்ளலாம். அப்படிச் சேரும் தொகையைக் கொண்டு ஒரு சாரிட்டி மூலமாக அசுத்தப்படுத்தப்பட்ட நீராதாரங்களைச் சீரமைக்கப் பயன்படுத்தப் போகிறார்களாம். தமிழ்நாட்டின் நீராதாரங்கள் அனைத்தும் எதிர்காலத் தலைமுறையினருக்காக மட்டுமல்ல நமது இன்றைய தலைமுறையினரின் சிக்கலற்ற ஆரோக்யமான வாழ்வாதாரங்களுக்காகவும் நிச்சயம் தூர்வாரப்பட வேண்டும். அதில் உங்களது பங்கு என்ன?

    ]]>
    ஜம்ப் கட்ஸ் வீடியோ, ஹரி பாஸ்கர், தமிழக நீராதாரங்கள் மீட்டெடுப்பு, மெட்ராஸ் ரோட்டரி கிளப், jump cuts video, madras rotary club, lakes in TN to be restored, water quiz http://images.dinamani.com/uploads/user/imagelibrary/2018/4/14/w600X390/zjump_cuts.jpg http://www.dinamani.com/lifestyle/lifestyle-news/2018/apr/14/jump-cuts-dealing-water-crisis-of-tn-2900111.html
    2899492 லைஃப்ஸ்டைல் செய்திகள் வெத்தலை போட்ட ஷோக்குல! இப்படி பாடத் தோன்றும் இதை முழுவதும் படித்தால்! DIN DIN Friday, April 13, 2018 04:59 PM +0530  

    நரை, திரை, மூப்பு, சாக்காடு போன்றவற்றை நீக்கி உடலை என்றும் நோயின்றி காக்கும் தன்மை கொண்ட கற்பக மூலிகைகளில் வெற்றிலையும் ஒன்று. வெற்றிலையை அறியாதவர் எவரும் இருக்க முடியாது. திருமணம் முதல் அனைத்து விசேஷ நிகழ்வுகளிலும் வெற்றிலை முக்கிய பங்கு வகிக்கிறது. வெற்றிலை தொன்று தொட்டு நாம் உபயோகித்து வரும் மருத்துவ மூலிகையாகும். நம் முன்னோர்களிடம் வெற்றிலை பயன்பாடு அதிகம் இருந்து வந்தது.

    வெற்றிலையை உபயோகிக்கும் முறை: வெற்றிலை பயன்படுத்தும்போது அதன் காம்பு, நுனி, நடுநரம்பு இவற்றை நீக்கி உபயோகிக்க வேண்டும். வெற்றிலையில் 84.4% நீர்ச்சத்தும், 3.1% புரதச் சத்தும், 0.8% கொழுப்புச் சத்தும் நிறைந்துள்ளது. இதில் கால்சியம், கரோட்டின், தயமின், ரிபோபிளேவின் மற்றும் வைட்டமின் சி உள்ளது. கலோரி அளவு 44.

    தற்போதைய ஆராய்ச்சியில், வெற்றிலையில் மிகவும் வீரியமிக்க நோய் எதிர்ப்புத் திறன் கொண்ட சவிக்கால் (இட்ஹஸ்ண்ஸ்ரீர்ப்) என்னும் பொருள் இருப்பதாக கண்டறியப் பட்டுள்ளது. வெற்றிலையை மென்று சாப்பிடுவதால் மலச்சிக்கல் நீங்கும். நன்கு பசி உண்டாகும். வாய்ப்புண், வயிற்றுப் புண் நீங்கும்.
    வெற்றிலைக்கு நாக இலை என்ற மற்றொரு பெயரும் உண்டு. பாம்பின் விஷத்தைக் கூட முறிக்கும் தன்மை கொண்டதால் இதனை நாக இலை என்றும் அழைக்கின்றனர்.

    நுரையீரல் பலப்பட: வெற்றிலைச்சாறு 5 மி.லி. யுடன் இஞ்சிச்சாறு 5 மி.லி. கலந்து தினமும் காலை வேளையில் ஒரு மண்டலம் வெறும் வயிற்றில் அருந்தி வந்தால் நுரையீரல் சம்பந்தப்பட்ட நோய்கள் அணுகாது. 

    வயிற்றுவலி நீங்க: 2 தேக்கரண்டி சீரகத்தை 3 தேக்கரண்டி வெண்ணெய் சேர்த்து நன்கு மைபோல் அரைத்து, 5 வெற்றிலை எடுத்து காம்பு, நுனி, நடுநரம்பு நீக்கி வெற்றிலையின் பின்புறத்தில் அந்த கலவையைத் தடவி சட்டியிலிட்டு வதக்கி பின்பு 100 மிலி நீர்விட்டு நன்றாக கொதிக்க வைத்து ஆறியபின்பு வடிகட்டி கசாயத்தை அருந்தி வந்தால் வயிற்றுவலி நீங்கும். மாந்தம் குறையும்.

    சர்க்கரையின் அளவு கட்டுப்பட: வெற்றிலை 4, வேப்பிலை ஒரு கைப்பிடி, அருகம் புல் ஒரு கைப்பிடி அனைத்தையும் சிறிது சிறிதாக நறுக்கி 500 மி.லி. தண்ணீர் விட்டு நன்றாக கொதிக்க வைத்து 150 மி.லி.யாக வற்ற வைத்து ஆறியவுடன் வடிகட்டி தினமும் மூன்று வேளை உணவுக்கு முன் 50 மி.லி. குடித்து வந்தால் சர்க்கரையின் அளவு சீராகும்.

    விஷக்கடி குணமாக: உடலில் உள்ள விஷத்தன்மையை மாற்ற வெற்றிலை சிறந்த மருந்தாகும். சாதாரணமான வண்டுக்கடி, பூச்சிக்கடி இருந்தால் வெற்றிலையில் நல்ல மிளகு வைத்து மென்று சாறு இறக்கினால் விஷம் எளிதில் இறங்கும்.

    அஜீரணக் கோளாறு அகல: வெற்றிலை 2 அல்லது 3 எடுத்து அதனுடன் 5 நல்ல மிளகு சேர்த்து நீர்விட்டு காய்ச்சி குழந்தைகளுக்கு கொடுத்து வந்தால் சிறுவர்களுக்கு உண்டாகும் செரியாமை நீங்கும். வெற்றிலை இரண்டு எடுத்து நன்றாக கழுவி அதில் சிறிது சீரகத்தையும், உப்பையும் சேர்த்து நன்கு மென்று விழுங்கி வந்தால் அஜீரணக் கோளாறுகள் நீங்கும்.

    தோல் வியாதிக்கு: 100 மி.லி. தேங்காய் எண்ணெயில் 5 வெற்றிலையை போட்டு சூடாக்கி வெற்றிலை சிவந்தவுடன் வடிகட்டி பாட்டிலில் அடைத்து வைத்துக்கொண்டு சொறி, சிரங்கு படை இவைகளுக்கு தடவி வந்தால், எளிதில் குணமாகும்.

    தலைவலி நீங்க: வெற்றிலைக்கு மயக்கத்தைப் போக்கும் குணமுண்டு. மூன்று வெற்றிலைகளை எடுத்து அதைக் கசக்கி சாறு எடுத்து கிடைக்கும் சாறில் கொஞ்சம் கற்பூரத்தைப் போட்டு நன்றாக குழைத்து, நெற்றிப் பகுதியில் பற்று போட்டால் தலைவலி பறந்து போகும்.

    நரம்புகள் பலப்பட: இரண்டு அல்லது மூன்று வெற்றிலையை எடுத்து சாறு பிழிந்து, அதில் 1 தேக்கரண்டி தேன் கலந்து தினமும் அருந்தினால் நரம்புகள் பலப்படும். புற்றுநோயைக் குணப்படுத்தும் மருந்துகளில் வெற்றிலைக்கு முக்கிய பங்குண்டு.

    ]]>
    betal nut, vetrilai, வெத்தலை, வெற்றிலை http://images.dinamani.com/uploads/user/imagelibrary/2018/4/13/w600X390/betel_nut.jpg http://www.dinamani.com/lifestyle/lifestyle-news/2018/apr/13/betal-nut-2899492.html
    2899491 லைஃப்ஸ்டைல் செய்திகள் நீங்கள் தினமும் சாப்பிடும் உணவில் என்ன இருக்கிறது என்று பார்த்துத்தான் சாப்பிடுகிறீர்களா? ராகவி DIN Friday, April 13, 2018 04:50 PM +0530  

    நம்மில் பலர் சாப்பிடுவதை ஒரு கடமை போல செய்வார்கள். இன்னும் சிலர் அவசர அவசரமாக வெந்ததையும் வேகாததையும் சாப்பிடுவர். சிலர் வெறும் டீ காபி குடித்தே உயிர் வாழ்கிறார்கள். இப்படி நமக்கு நாமே பல கெடுதல்கள் செய்து கொண்டு அதன் பின் மருத்துவமனையில் தஞ்சம் அடையும் போது உடல் நம் கட்டுப்பாட்டை மீறிச் சென்றிருக்கும். கண் கெட்ட பிறகு சூரிய நமஸ்காரம் என்று முன்னோர்கள் இது போன்ற செயல்களைத் தான் சொல்லியிருக்கிறார்கள்.

    நம் உயிரை பாதுகாக்கும் நம் உடலை வளர்க்கும் உணவை நாம் எந்தளவுக்கு போற்ற வேண்டும்? ஆனால் நாம் என்ன செய்கிறோம். போற்றாவிட்டால் கூட பரவாயில்லை அவசர வாழ்க்கையில் உணவையும் சிக்கலாக்கிக் கொள்ளாதீர்கள். கிட்டத்தட்ட எல்லா மதத்திலும் சாப்பிடுவதற்கு முன் ஒரு சில நொடிகளாவது கண்களை மூடி இறைவனுக்கு நன்றி சொல்லிவிட்டு உணவை சாப்பிடத் தொடங்குவது வழக்கம். காலப்போக்கில் நல்ல பழக்கங்கள் மறைந்துவிட்டாலும், உணவு குறித்த விழிப்புணர்வு அருகிக் கொண்டு வருவதும் சோகம்.

    தினமும் தட்டில் உணவு பரிமாறப்பட்ட பின்னர் வேறு எந்த சிந்தனைக்கும் ஆட்படாமல் அந்த உணவும் நீங்களும் மட்டுமே பிரதானம் என்று நினைக்கவேண்டும். உணவு சாப்பிடும் போது வேறு எந்த வேலையும் செய்யக் கூடாது. சிலர் புத்தகங்கள் படித்துக் கொண்டோ, டிவி பார்த்துக் கொண்டே அல்லது மொபைல் ஃபோனை பார்த்துக் கொண்டோ ஏனோ தானோவென்று சாப்பிடுவார்கள். அது தவறு. சிலர் சாப்பிடும் போது கோழி விழுங்குவதைப் போல அவசர அவசரமாக மொத்த உணவையும் விழுங்கி வைப்பார்கள். இதுவும் தவறு. இதனால் அவர்கள் உணவுடன் சேர்த்து காற்றை வயிற்றுக்குள் அனுப்புவதால் வயிறு உப்புசம் அடையும்.  நம் தட்டில் உள்ள உணவை நம் முழு கவனத்துக்கு கொண்டு வந்து, மெள்ள சுவைத்து ரசித்து நன்றாக மென்று விழுங்க வேண்டும். அப்போதுதான் அந்த உணவு உடலுடன் சேர்ந்து அதற்குரிய பலன்களை முழுமையாகத் தரும். நம் வாய் என்ன அரவை மெஷினா என்ன? உணவை அரைத்து வயிற்றுக்குள் தள்ள? உணர்வுடன் செய்யப்படும் போது அதற்குரிய பலன் இருக்கும்.

    உடலின் நீர்ச்சத்து எப்போதும் சரியான அளவில் இருக்கும்படி பார்த்துக்கொள்ள வேண்டும். அதற்கு திரவ உணவும் சரிசதவிகிதம் உணவாக எடுத்துக் கொள்ள வேண்டும். போதுமான அளவு தண்ணீர் குடிக்கவேண்டும். உடலுக்குத் தேவையான அளவு தண்ணீர் குடிக்காமல் இருந்தால் வயிற்றில் பிரச்னைகள் உண்டாக்கி, வீக்கத்தை ஏற்படுத்திவிடும்.

    சிலருக்கு வாயுக் கோளாறுகள் இருக்கும். உருளைக் கிழங்கு, துவரம் பருப்பு, கொண்டைக் கடலை, பன்னீர், சீஸ் போன்ற கொழுப்பு சத்து நிறைந்த உணவுகளை அதிகம் சாப்பிடுவதைத் தவிர்க்க வேண்டும். தவிர்க்க முடியாமல் சாப்பிட்டுவிட்டால், நீராக கரைத்த மோரில் சிறிதளவு சீரகப் பொடி, பெருங்காயப் பொடி சேர்த்து குடித்தால் வயிற்றில் சேர்ந்த வாயு வெளியேறி வீக்கம் குறையும்.

    க்ளூட்டன் நிறைந்த உணவுப் பொருட்களான கோதுமை, பார்லி, சோயா ஆகிய உணவுகளை அடிக்கடி சாப்பிடுவதால் சிலருக்கு வயிறு வீங்கிவிடும். எனவே இவற்றை தவிர்த்து காய்கறிகள், பழங்களை அன்றாட உணவில் அதிகம் சேர்த்துக் கொள்ள வேண்டும். 

    வேலை நேரத்தில் சிறுநீர் வரும்போது சிலர் அப்புறம் போகலாம் என்று அடக்கிக் கொள்வார்கள். இது தவறு. சீரான இடைவெளியில் தவறாமல் சிறுநீர் அல்லது மலத்தை வெளியேற்றாமல் இருந்தால், வயிறு சம்பந்தப்பட்ட பிரச்னைகள் ஏற்படும்.

    மனத்தை லகுவாக வைத்திருக்க வேண்டும். தேவையில்லாத டென்ஷன், சண்டை என கோபமாக இருக்கும் போது அது மன அழுத்தத்தில் போய் முடியும். இதனால் உடலில் உள்ள ஹார்மோன்களின் செயல்பாடுகள் பாதிப்படையும். உளப் பிரச்னை உடல் பிரச்னையாக மாறி முதலில் பாதிப்படையும் உறுப்பு வயிறு தான். மன அழுத்தம் ஏற்பட்டால் உணவில் நாட்டமில்லாமல் போகும். நேரம் தவறி உணவினை உட்கொள்ளுதல் அல்லது அதிகப்படியான உணவினை உட்கொள்ளுதல் போன்ற பழக்கங்கள் ஏற்பட்டு, அது செரிமானப் பிரச்னையை ஏற்படுத்திவிடும். இதைத் தவிர்க்க ஆரம்பத்திலேயே கவனமாக இருக்க வேண்டும். மன அழுத்தத்தை போக்க தினமும் காலை அல்லது மாலை ஒரு மணி நேரமாவது யோகா மற்றும் தியானப் பயிற்சிகளை செய்ய வேண்டும்.

    எண் சாண் உடலுக்கு சிரசே பிரதானம் என்றாலும் வயிறும் பிரதானமான ஒரு உறுப்பு என்பது உண்மைதானே? இவ்வளவு உழைப்பும், ஓட்டமும் எதற்காக? அரை சாண் வயிற்றுக்கு என்பது அனைவரும் அறிந்த ஒன்று. எனவே வயிற்றை குப்பைத் தொட்டியாக பாவித்து கண்ட உணவை எல்லாம் உள்ளே தள்ளாமல் உடல் ஆரோக்கியத்துக்கான உணவைத் தேர்ந்தெடுத்து சாப்பிட வேண்டும். அப்போதுதான் வயிறு சம்பந்தப்பட்ட பிரச்னைகள் நெருங்காது. உடலைப் பாதுகாத்தால் உயிர் பாதுகாக்கப்படும்.

    ]]>
    health care, food, routine, உணவு, உடல்நலம் http://images.dinamani.com/uploads/user/imagelibrary/2017/7/4/w600X390/food.png http://www.dinamani.com/lifestyle/lifestyle-news/2018/apr/13/food-practices-2899491.html
    2899490 லைஃப்ஸ்டைல் செய்திகள் அப்படி என்ன செய்துவிட்டார் பிரபல எழுத்தாளர் ஷோபா டே? சினேகா DIN Friday, April 13, 2018 04:42 PM +0530  

    ஷோபா டே பிரபல பத்திரிகையாளர், ஸ்டார் டஸ்ட் பத்திரிகையின் முன்னாள் ஆசிரியர். எழுத்தாளர். நிறைய புத்தகங்களும் எழுதியுள்ளார். ட்விட்டரில் தான் பார்த்தையும் கேட்டதையும் தனது கருத்தையும் சேர்த்து 'வீக்' இதழில் வாரம்தோறும் பகிர்ந்து கொள்வார்.

    அப்படி ஒரு புகைப்படத்தை HEAVY DUTY BANDOBAST IN MUMBAI TODAY என்ற தலைப்பில் எழுதி, மிக அதிக எடையுள்ள ஒரு போலீஸ்காரர் போனில் பேசிக் கொண்டிருப்பதை படம் எடுத்து தனது ட்விட்டரில் பதிவிட்டிருந்தார் ஷோபா.

    அந்த போலீஸ்காரர் உடல் பருமனாக உள்ளது, அளவுக்கு அதிகமாகவே எனும் அர்த்தத்தில் HEAVY DUTY என நாசூக்காக கிண்டலும் செய்திருந்தார். இந்தப் புகைப்படம் சமூக வலைத்தளங்களில் வைரலானது. உண்மையில் இந்த போலீஸ்காரர் ஒரு மத்திய பிரதேச இன்ஸ்பெக்டர். அவருடைய பெயர் தவுலத்ராம் ஜெகாவத். ஆனால் அவர் யார் என ஷோபா டேக்கு தெரியாது. அது பற்றி அவர் தெரிந்து கொள்ளவும் இல்லை. இந்த வைரல் புகைப்படத்தை மும்பையைச் சேர்ந்த, கூடுதல் சதைகளை அகற்றி உதவும் டாக்டர் முபாசல் லக்தா வாலா பார்த்துள்ளார்.

    டாக்டர் தவுலத் ராம் ஜெகாவத்துக்கு உதவ முன் வந்தார். அதுவும் தன் ஆஸ்பத்திரியில், முழு சிகிச்சையும் இலவசம் என அறிவித்தார். இதனை ஏற்ற தவுலத் ராம் ஜெகாவத் மருத்துவ மனையில் சேர்ந்தார். 

    ஒரு வருடத்தில் தவுலத் ராம் 65 கிலோ எடையை குறைத்துவிட்டார். ஷோபா டேவை, ஃபோன் நம்பரைக் கண்டுபிடித்து பேசினார். தனது நன்றியையும் தெரிவித்துள்ளார்.  அத்துடன் ஷோபா டேயை நேரில் வந்து சந்தித்து நன்றி கூற விரும்புவதாகவும் கூறினார். குடும்பத்துடன் வாருங்கள் என்று சொன்னார் ஷோபா டே. அதற்கு தவுலத் ராம் இன்னமும் 30 கிலோவை குறைக்க எண்ணியுள்ளேன். அதனையும் குறைத்துவிட்டு, நேரில் வந்து நன்றி கூறுகிறேன் எனக் கூற, ஷோபா டே 'வாருங்கள்' எனக் கூற, தவுலத்ராமுக்கு மிகவும் சந்தோஷம். 

    இந்த நிகழ்ச்சியை தனது ட்விட்டரில் நெகிழ்ச்சியுடன் பதிவிட்டுள்ளார் ஷோபா டே.

    ]]>
    Shobhaa De, HEAVY DUTY, week, ஷோபா டே http://images.dinamani.com/uploads/user/imagelibrary/2018/4/13/w600X390/shobha-de.jpg http://www.dinamani.com/lifestyle/lifestyle-news/2018/apr/13/big-man-bigger-heart-says-shobhaa-de-2899490.html
    2898816 லைஃப்ஸ்டைல் செய்திகள் ரொமான்ஸில் ஆர்வமில்லாமல் இருக்கிறீர்களா? அது ஹார்மோன் பிரச்னையாக இருக்கலாம்! சினேகா DIN Friday, April 13, 2018 10:58 AM +0530
     
    நம்முடைய அன்றாட வாழ்க்கைக்கு எது அவசியமோ இல்லையோ ஹார்மோன்களின் ஒத்துழைப்பு மிகவும் அத்யாவசியம். காரணம் ஹார்மோன் சுரப்பு குறைந்தால் பலவிதமான பிரச்னைகளை சந்திக்க நேரும். முக்கியமாக ரொமான்ஸ் உணர்வு மிகவும் குறையும்.

    உடல் பருமன், தலைமுடி உதிர்வு, ஸ்ட்ரெஸ், ஆண் மலட்டுத்தன்மை, மன அழுத்தம், வன்முறை உணர்வு, சோர்வு, அதிகமான வியர்வை, அகோரப் பசி, ஞாபக மறதி,  உடலுறவில் ஆர்வமின்மை, கருவுறாத நிலை உள்ளிட்ட பல பிரச்னைகளுக்கு அடிப்படை  ஹார்மோன் குறைப்பாடுதான். இன்றைய இளைய தலைமுறையினரில் பலர் இதனால் அதிகம் பாதிப்படைந்துள்ளனர். ஈஸ்ட்ரோஜன் மற்றும் டெஸ்டோஸ்டீரோன் ஹார்மோன்கள் மனித உடலை பாதிப்பவை. அதோடு, ஒருவரின் உடல் வளர்ச்சி, வளர்சிதை மாற்றம், செல்களின் செயல்பாடு, பாலியல் ஈடுபாடு, இனப்பெருக்கம், மகிழ்ச்சியான மனநிலை போன்றவற்றை கட்டுப்படுத்துபவை. சரியான வாழ்வியல் முறையும், ஆரோக்கியமான உணவுப் பழக்கங்களும் உடற்பயிற்சியும் இருந்தால் போதும் இத்தகைய ஹார்மோன் குறைபாட்டைச் சரி செய்துவிடலாம்.

    நீங்கள் தினமும் சாப்பிடும் உணவின் வழி இதனை சீர் செய்ய முடியும். உளுந்தம் களி,  ராகி களி, எள் உருண்டை, ஆளி விதை, வேக வைத்த முட்டை சோயா போன்ற உணவுகளில் இயற்கையாகவே ஈஸ்ட்ரோஜன் உள்ளது. சோயாவில் அதிகளவு இயற்கையான ஈஸ்ட்ரோஜன் உள்ளது. பலர் சோயா பால் குடிப்பார்கள். ஆனால் அது செயற்கை முறையில் தயாரிக்கப்படுவதால் அதை தவிர்ப்பது நல்லது. அதற்கு பதில் சோயா விதைகளை வாங்கி ஊற வைத்தபின் நன்றாக காய வைத்து அரைத்து அதன்பின் சப்பாத்தி மாவுடன் சேர்த்து சமைக்கலாம், இல்லையெனில் சோயாவை வேக வைத்து வெங்காயம் தக்காளி சேர்த்து சாப்பிடலாம். இவை பெண்களுக்கான ஹார்மோன் குறிப்பு. 

    ஆண்களின் பிரச்னை பொதுவான பிரச்னை விந்தணு குறைப்பாடு. ஆண்கள் சோயா நிறைந்த உணவுப் பொருட்களை தவிர்த்துவிட வேண்டும். காரணம் பெண்களுக்கு தேவையான ஈஸ்ட்ரோஜன் இதிலுள்ளதால் இது ஆண்களுக்கானதல்ல. இதனால் ஆண்மை குறைய வாய்ப்பு உள்ளது என்கிறது ஒரு ஆய்வு. ஆண்களைப் பொருத்தவரை, அவர்கள் உணவுப் பழக்கத்தில் மட்டுமல்லாமல் உடலிலும் அதிக அக்கறை செலுத்தவேண்டும். சமச்சீரான உணவு, உடற்பயிற்சி, சரியான வாழ்வியல் முறைகள் கடைப்பிடித்தால் பிரச்னையில்லை.

    பெண்கள் தங்கள் மாதவிடாய் பிரச்னையை சீர் செய்தால் பாதி பிரச்னைகள் தீர்ந்தது போல. எனவே சத்தான உணவுகளை அதிலும் குறிப்பாக பப்பாளி, எள் உருண்டை தினமும் சாப்பிட வேண்டும். இவற்றில் எள்ளில் பைடோ ஈஸ்ட்ரோஜென்கள் (Phytoestrogens) நிறைந்துள்ளதால், இது பெண்களுக்கு பீரியட்ஸ் பிரச்னைகளைச் சரி செய்யும். இரும்புச்சத்து, கால்ஷியம், மினரல்கள், ஃபைபர் உள்ளிட்ட பலவிதமான சத்துக்கள் எள்ளில் இருக்கிறது. நல்லெண்ணெய் பயன்படுத்தி சமைக்கலாம். எள்ளை வெல்லம் கலந்து உருண்டை பிடித்து சாப்பிடலாம். அல்லது துவையல் செய்தும் சாப்பிடலாம். 

    பெண்களில் 40 முதல் 50 வயதிலிருந்தே, அதாவது மெனோபாஸ் முடிந்தவுடனே, பாலியல் நாட்டம் குறையும். இதற்குக் காரணம், அதுவரை ஈஸ்ட்ரோஜன் உள்ளிட்ட ஹார்மோன்கள் பெண்களின் ஆர்வத்தை பாதுகாக்கிறது. இதே ஹார்மோன் அவர்களுக்கு ஹார்ட் அட்டாக் வராமல் தடுக்கிறது. 

    மெனோபாஸ் காலகட்டத்தில் உடலுறவு இருந்தால் கருவுற்று விடுவோமோ என்ற பயம் சிலருக்கு உள்ளது. உடலுறவே இனி தேவை இல்லை என்ற முடிவுக்கும் சிலர் வந்துவிடுவார்கள். இந்த இரண்டும் தேவை இல்லை. மெனோபாஸ் வந்துவிட்டதால் கருவுருதல் முற்றுப்புள்ளி பெற்றுவிடும். எனவே பயப்படத் தேவையில்லை. தாம்பத்திய உடலுறவு என்பது கணவன் மனைவி இருவரின் அன்பின் வெளிப்பாடு எனவே இதற்கு மெனோபாஸ் தடையில்லை. பிறப்புறுப்பு வறண்டு இருப்பதால் பெண்களுக்கு எரிச்சல் ஏற்பட்டு உறவு கொள்வதில் பிரச்னை இருக்கலாம். இதற்கு சரியான தீர்வு தேங்காய் எண்ணெய். சிறிதளவு அதைத் தடவினால் போதும்.

    ]]>
    life, romance, ஹார்மோன், ரொமான்ஸ், வாழ்க்கைமுறை http://images.dinamani.com/uploads/user/imagelibrary/2018/3/13/w600X390/lovers.jpg http://www.dinamani.com/lifestyle/lifestyle-news/2018/apr/12/lack-of-interest-in-romance-2898816.html
    2898806 லைஃப்ஸ்டைல் செய்திகள் உங்கள் கனவில் இறந்தவர்களைக் கண்டால் அதற்கு என்ன பலன் தெரியுமா? சினேகா DIN Thursday, April 12, 2018 05:23 PM +0530  

    இரண்டு தினங்களுக்கு முன்னால் என் கனவில் ஒரு வயோதிகர் வந்தார். இதிலென்ன ஆச்சரியம் என்று நினைக்கிறீர்களா? அவருக்கு கிட்டத்தட்ட 150 வயதிருக்கும். பழுத்த பழமாக இருந்த அவர் எங்கள் புதுவீட்டின் சன் ஷேடில் படுத்து உறங்கிக் கொண்டிருந்தார். இப்படியொரு கனவு ஏன் வந்தது என்று ஒரே குழப்பம். கனவுகளுக்கு உண்மையில் ஏதாவது அர்த்தம் இருக்கிறதா?
                                                                        
    நம் உறவினர்கள், நண்பர்கள், நம்முடன் பழகியவர்கள், நமக்குத் தெரிந்தவர்கள், மனதுக்கு நெருக்கமானவர்கள், பிடித்தவர்கள், பிரபலங்கள் போன்றவர்கள் மரணித்தால் அது நம்மால் தாங்க முடியாது. சில சமயம் இரவு நேரங்களில் நம் கனவில் அவர்களின் உருவம் வருவது இயல்பு. அதற்கான பலன் என்ன?

    இயற்கையாக மரணமடைந்தவர்கள் கனவில் வந்தால் எவ்வித பிரச்னையும் இல்லை. நல்ல பலன்கள் கிடைக்கும் என்கிறது ஜோதிடம் மற்றும் கனவுகள் தொடர்பான ஆராய்ச்சி நூல்கள். சிக்மெண்ட் ப்ராய்ட் கனவு குறித்து விரிவாக ஆராய்ச்சி செய்து ஒரு நூலை வெளியிட்டுள்ளார். என் கனவில் வந்தது போல் வயதானவர் வந்தால் அவர் முன்னோராக கூட இருக்கலாம். வயது முதிர்ந்து, பேரன், பேத்தி எடுத்து நன்றாக வாழ்ந்து மரணமடைந்த முன்னோர்கள் கனவில் வந்தால் அதனை ஆசி எனக் கருத வேண்டும் என்கிறது கனவுகளைக் குறித்த ஆதிக் குறிப்பொன்று.

    இதற்கு மாறாக துர்மரணம் அடைந்தவர்கள் கனவில் வந்தால் சில பிரச்னைகள் ஏற்படலாம். உடல் நலம் குறைதல், விபத்து, குடும்பத்தில் சண்டை, சச்சரவு, நண்பர்களுடன் வாக்குவாதம், பிரிவு உள்ளிட்டவை ஏற்படக்கூடும்.

    இதுபோன்ற பிரச்சனைகளைத் தவிர்க்க குலதெய்வக் கோயில் வழிபாடு, கோயில் அல்லது அனாதை விடுதிகளில் அன்னதானம், வஸ்திர தானம் உள்ளிட்ட தான தர்மங்களைச் செய்யலாம். வயதானவர்கள், பெரியவர்கள், ஆன்மிக குருமார்கள் இயற்கை எய்திய பின் கனவில் வந்தால் கவலை வேண்டாம். அது உங்களுக்கான ஆசிர்வாதம்.

    ]]>
    கனவு, Dreams, கனவு பலன்கள் http://images.dinamani.com/uploads/user/imagelibrary/2018/4/12/w600X390/images_13.jpg http://www.dinamani.com/lifestyle/lifestyle-news/2018/apr/12/dreams-values-2898806.html
    2898159 லைஃப்ஸ்டைல் செய்திகள் பாம்பு விஷமுள்ளதா? விஷமற்றதா? எளிதாகக் கண்டறிய டிப்ஸ்! RKV DIN Wednesday, April 11, 2018 05:29 PM +0530  

    புறநகர் பகுதிகளில் வீடு கட்டிக் கொண்டு குடி புகுந்து புதிதாக செட்டிலாகி இருக்கிறீர்களா? வீடுகள் நெருக்கமாக இல்லாமல் அங்கொன்றும், இங்கொன்றுமாக புதர் மாதிரியாக கருவேல மரங்களும், பார்த்தீனியங்களுமாக நிறைந்து போய் ஏரியாவே ஏதாவது காட்டுக்குள் குடியேறியதைப் போன்ற உணர்வைத் தருகிறதா?! அங்கே குடியிருப்பதற்கு உங்களுக்கு சில பயங்களும், பீதிகளும் இருக்கலாம். திருட்டு முதல் பீதியாக இருந்தாலும் அதைக்கூட வாட்ச்மேன், செக்யூரிட்டு என்று சமாளித்து விடுவீர்கள். ஆனால் இந்தப் பாம்புப் பயம் இருக்கிறதே அதை மட்டும் யாரை வைத்தும் நம்மால் சமாளிக்க முடியாது. பாம்பு மட்டும் யதேச்சையாக துரதிர்ஷ்டவசத்தில் நம் கண்ணில் பட்டு விட்டால் போச்சு! ஒன்று அந்தப் பாம்பு அடித்துக் கொல்லப்பட்டே ஆக வேண்டும் அல்லது நாம் தினம் தினம் அதைக் குறித்த பயத்தில் செத்து செத்துப் பிழைத்துக் கொண்டிருப்போம். இந்தத் தொல்லையெல்லாம் எதற்கு? ஒரு பாம்பு உங்கள் கண்களில் தட்டுப்பட்டு விடுகிறது என்று வைத்துக் கொள்ளுங்கள். அதைப் பார்த்த மாத்திரத்தில் உங்களால் அது விஷமுள்ள பாம்பா அல்லது விஷமற்ற பாம்பா? என்று கண்டறியத் தெரிந்து விட்டால் பிறகு அதைக் கொல்வதா? வேண்டாமா? என்று முடிவெடுத்து விடலாமில்லையா? முடிவெடுப்பது கூட அப்புறம் தான். முதலில் உங்கள் கண்ணில் பட்ட பாம்பு விஷமற்றது என்று தெரிந்தால் உள்ளே நிம்மதியாக உணர்வோமே! அது தான் முக்கியம்.

    விஷமுள்ள பாம்பு எனில் கண்கள் நீள்வட்டமாக இருக்கும், மூக்குத்துவாரத்தோடு சேர்த்து அதற்கு சற்றுக் கீழே ஒரு எக்ஸ்ட்ரா துளையும் இருக்கும். வால் பகுதியில்  உடலின் அடிப்பாகத்தில் வரிகள் ஒரே வரிசையாக இருக்கும்.

    விஷமற்ற பாம்பு எனில் கண்கள் வட்டமாக இருக்கும். மூக்குத்துவாரம் மட்டுமே இருக்கும். எக்ஸ்ட்ரா துளை தென்படாது, வால் பகுதியில் உடலின் அடிப்பாகத்தில் வரிகள் இரண்டு வரிசையாகத் தொடர்ந்து முடிவடையும்.
     

    ]]>
    poisonous snake VS Non poisonous snake..., விஷமுள்ள பாம்பு VS விஷமற்ற பாம்பு http://images.dinamani.com/uploads/user/imagelibrary/2018/4/11/w600X390/0000king-cobra-.jpg http://www.dinamani.com/lifestyle/lifestyle-news/2018/apr/11/poisonous-snake-vs-non-poisonous-snake-2898159.html
    2898148 லைஃப்ஸ்டைல் செய்திகள் சாமுத்ரிகா லட்சணப்படி பெண்களின் தலைமுடி எப்படி இருக்க வேண்டும்? சினேகா DIN Wednesday, April 11, 2018 04:20 PM +0530  

    சங்க காலத்தில் பாண்டிய மன்னனுடைய சந்தேகம் உலகப் பிரசித்திப் பெற்ற கேள்வியான, பெண்களின் கூந்தலில் இயற்கையாகவே வாசனை உள்ளதா , அல்லது நறுமணப் பூச்சுக்களால் அவ்வாசனை உருவாக்கப்பட்டதா என்பதே அது. காலம் காலமாக தருமி முதல் பலரும் ஆராய்ந்து பார்க்க விரும்பும் பிரச்னை இது. பெண்களின் உடம்பில் கற்பூர வாசனை, சந்தன வாசனை, தென்னம்பாளை வாசனை, இலுப்பைப்பூ வாசனை, எலுமிச்சை வாசனை, தாழம்பூ வாசனை, தாமரைப்பூ வாசனை ஆகியவை வந்தால் செல்வச் செழிப்புடன் வாழ்வாள் என்கிறது பெண்களுக்கான சாமுத்ரிகா லட்சணக் குறிப்பொன்று. உடல் இவ்வகை என்றால் கூந்தல் எவ்வகை?

    அதே சாமுத்ரிகா லட்சணக் குறிப்பில் பெண்களின் கூந்தல் நீண்டதாகவும், கருமை நிறத்தில் அடர்த்தியான கருங் கூந்தலாக இருக்க வேண்டுமாம். மேலும் பெண்களின் கூந்தலில் மலர் மணம் வீச வேண்டும் என்கிறது அக்குறிப்பு.

    'கோரை முடி குடியைக் கெடுக்கும் சுருட்டை சோறு போடும்' என்று சொல்வார்கள். அதாவது சுருட்டை முடி கொண்டவர்கள் எல்லோரையும் வைத்து சோறு போடுபவர்களாகவும், உறவினர்கள் மற்றும் நண்பர்களை அன்புடன் அரவணைக்கும் தன்மை கொண்டவர்களாக இருப்பார்கள்.

    கோரை முடி கொண்டவர்கள் தாய் தந்தையை கஷ்டப்படுத்துபவர்களாகவும் குடும்பத்திற்கு கெட்ட பெயரை கொடுப்பவர்களாகவும் இருப்பார்கள். கலப்பினத்தில் திருமணம் முடிப்பார்கள். ரோமக் கால்கள் எந்த அளவிற்கு மென்மையாக இருக்கிறதோ அந்த அளவிற்கு வாழ்க்கை மென்மையாக இருக்கும். ரொம்ப கஷ்டப்படாமல் அமைதியாக வீட்டிலேயே இருந்தபடி வாழ்க்கை நடத்தும் யோகம் கிட்டும்.

    கடினமான மொர மொரவென்று இருக்கும் தலை முடி உள்ளவர்களுக்கு கஷ்ட ஜீவனம் இருக்கும். உழைத்து சாப்பிட வேண்டிய நிலை ஏற்படும். அவர்களது முடி போன்றுதான் வாழ்க்கையும் அமையும்.

    ஆனால் இந்த நவீன யுகத்தில் முடி எப்படியிருந்தாலும் அதற்கு நேர் எதிராக மாற்றி அமைத்துக் கொள்ளக் கூடிய தொழில்நுட்பங்கள் வந்துவிட்டன. சுருட்டை முடியுள்ளவர்கள் ஹேர் ஸ்ட்ரைட்டனிங் செய்து தலைமுடியை நீளமாக்கிக் கொள்கிறார்கள். கோரை முடி இருப்பவர்கள், சுருள் சுருளாக  தங்களுக்குப் பிடித்த வகையில் உருவாக்கிக் கொள்கிறார்கள். முடியே இல்லாமல் வழுக்கை விழுந்தாலும் விக் வைத்து சமாளித்துக் கொள்பவரும் உள்ளார்கள். சிலர் எந்த முடி வகை என்று வகைமை படுத்த முடியாமல் பாய் கட் செய்து கொள்கிறார்கள். சில ஆண்களோ தோள் வரை புரளும் முடியை வளர்த்து அதற்கு ரப்பர் பேண்ட் போட்டுக் கொள்கிறார்கள். எனவே இந்தக் காலக் குழப்பம், ஆள் குழப்பம் இருப்பதால் சாமுத்ரிகா லட்சணம் அவுட் டேட்டாகிவிட்டதோ என நினைக்கத் தோன்றுகிறது. 

    ]]>
    பெண்கள், அழகு, samuthrika beauty, woman beauty, சாமுத்ரிகா லட்சணம் http://images.dinamani.com/uploads/user/imagelibrary/2018/4/11/w600X390/shobana.jpg http://www.dinamani.com/lifestyle/lifestyle-news/2018/apr/11/hairstyles-of-woman-2898148.html
    2898147 லைஃப்ஸ்டைல் செய்திகள் குயின் எலிஸபெத் முகமது நபியின் பேத்தி என்றால் நம்புவீர்களா? RKV DIN Wednesday, April 11, 2018 04:14 PM +0530  

    குயின் எலிஸபெத்தை உங்களுக்கெல்லாம் நன்றாகத் தெரிந்திருக்கும். இங்கிலாந்து பேரரசி குயின் விக்டோரியாவின் பேத்தியான குயின் எலிஸபெத்தின் பரம்பரை கொடி வழி குறித்து மொராக்கோவைச் சேர்ந்த செய்தி ஊடகம் ஒன்று சமீபத்தில் ஆய்வில் ஈடுபட்டது. அந்த ஆய்வில் தெரிய வந்த உண்மை என்னவென்றால் குயின் எலிஸபெத்தின் 43 ஆம் தலைமுறைப்பாட்டியின் பெயர் ஃபாத்திமா என்பதும் அவர் இஸ்லாம் மதத்தைக் கண்டறிந்தவரும் இறைதூதருமான முகமது நபி என்றும் தெரியவந்துள்ளது.

    குயின் எலிஸபெத்தின் நரம்புகளில் முகமது நபியின் குருதி ஓடிக் கொண்டிருப்பதை பிரிட்டிஷாரில் சிலர் அறிந்திருக்கலாம். ஆனால் இந்த வாதத்தை பல வரலாற்று ஆசிரியர்கள் மறுதலித்துள்ளனர். முதன்முறையாக கிபி 14 ஆம் நூற்றாண்டில் இந்த வாதம் முன் வைக்கப்பட்டது. தொடர்ந்து குயின் எலிஸபெத்தின் வம்சாவளி குறித்த ஆராய்ச்சி நடந்தவண்ணமே இருந்தது. நபிகளின் மகளான பாத்திமாவின் சந்ததியில் வந்த இளவரசி ஒருத்தி இஸ்லாத்திலிருந்து விலகி மதம் மாறியதில் உண்டான சந்ததியே குயின் எலிஸபெத்தின் சந்ததி என்றொரு புரளி பல நாட்களாகக் கிளப்பி விடப்பட்டு வருகிறது.

    ஸ்பெயினின் நிலவிய இடைக்கால இஸ்லாமிய வரலாற்றைப் பின்பற்றிச் சென்று ஆராய்ச்சியில் இறங்கினால் குயின் எலிஸபெத்தின் வம்சாவளி முகமது நபியின் மகளாக இருக்க 90 சதவிகிதம் வாய்ப்புகள் இருப்பது கண்டறியப்பட்டுள்ளது. அந்த தொடர்புச் சங்கிலியில் எகிப்தின் முன்னாள் பிரதான முஃப்தியான அலி கோமாவின் சந்ததியும் குயினுடன் பிணைந்திருக்க வாய்ப்பிருக்கிறதாம். இதை பிரிட்டிஷ் மக்கள் பெருமையாகக் கருதுகிறார்களோ இல்லையோ ஆனால் இஸ்லாமிய மதத் தலைவர்கள் பலர் இதை பெருமைக்குரிய விஷயமாகக் கருதுகிறார்கள் என 1986 ஆம் ஆண்டிலேயே பிரிட்டிஷ் பிரதமர் மார்கரேட் தாட்சருக்கு கடிதம் எழுதப்பட்டது.

    அலி கோமாவின் கூற்றின்படி குயின் எலிஸபெத்தின் மூத்த தலைமுறையைச் சேர்ந்த இளவரசி ஜெய்தா 11 ஆம் நூற்றாண்டின் துவக்கத்தில் இஸ்லாத்திலிருந்து, கிறிஸ்தவ மதத்துக்கு மதம் மாறிய பின்னர் உருவானது தான் ஸ்பெயின் அரச வம்சம். அதன் கொடி வழிகளால் உருவானது தான் இங்கிலாந்து அரச வம்சம் என்று உரிமை கோரப்படுகிறதாம்.
     

    ]]>
    குயின் எலிஸபெத், முகமது நபி, queen elizabeth decendant of Prophet Muhammed http://images.dinamani.com/uploads/user/imagelibrary/2018/4/11/w600X390/queen_elizabeth.jpeg http://www.dinamani.com/lifestyle/lifestyle-news/2018/apr/11/queen-elizabeth-decendant-of-prophet-muhammed-2898147.html
    2898142 லைஃப்ஸ்டைல் செய்திகள் கட்டை விரலில் மோதிரம் அணிந்து கொள்வது சரியா தவறா? சினேகா DIN Wednesday, April 11, 2018 02:26 PM +0530  

    பிறர் கண்கள் உறுத்தும் அளவுக்கு சிலர் கைகளில் மோதிரங்களை மாட்டி இருப்பார்கள். ஒவ்வொரு விரலில் இரண்டு அல்லது மூன்று மோதிரங்கள் அணிந்திருக்கும் மோதிர பிரியர்களையும் காணலாம். சிலர் புதனுக்கு எனவும், சனிக்கு எனவும், ஒவ்வொரு விரலிலும் அவருக்கு தோஷமான கிரகங்களுக்கு உகந்த கல் மோதிரத்தை அணிந்திருப்பார்கள். சிலர் தங்க, வெள்ளி, வைடூரிய, ப்ளாட்டின மெட்டல்களில் பிடித்த டிசைன்களின் கையை மினி மோதிரக் கடையாக மாற்றியிருப்பார்கள்.

    அவரவர் வசதியும், விருப்பமும் சார்ந்த விஷயம் இதுவென்றால் இந்த மோதிரப் பிரியர்கள் கட்டை விரலைக் கூட விட்டுவைப்பதில்லை. கட்டை விரலில் மோதிரம் அணியக் கூடாது என்று வீட்டுப் பெரியவர்கள் சொன்னாலும் அலட்சியப்படுத்திவிடுவார்கள். ஆனால் உண்மையில் கட்டை விரலில் மோதிரம் அணியலாமா கூடாதா என்ற கேள்வி பல காலமாக கேட்கப்படுகிறது.

    கட்டை விரல் நீர்க் கடவுளான நெப்ட்யூனைக் குறிக்கும். உங்கள் கட்டை விரலை வைத்து உங்கள் குணத்தை சொல்லிவிடலாம். கட்டை விரல் சரியான வளைவுடன் நேராக இருந்தால் நீங்கள் நேர்மையானவர் என்று அர்த்தம். ஆனால் அதிகப்படியாக வளைந்து இருந்தால் உங்களுக்கு எதிர்மறை எண்ணங்கள் அதிகம் இருக்குமாம்.

    பழங்காலத்தில் வில்-அம்பு பயிற்சி செய்பவர்கள் கட்டை விரலில் மோதிரம் அணிந்திருப்பார்கள். கட்டை விரலில் மோதிரம் அணிந்த வில்லாளர்களை பெருமையாக பார்த்தது பண்டைய பாரதம் உள்ளிட்ட ஆசிய நாடுகள் பல.

    மற்ற விரல்களிலிருந்து தனித்து இருப்பதால், கட்டை விரலுக்கென ஒரு தனித்துவம் உண்டு. ஆனால் கட்டை விரலில் மோதிரம் அணிவது அரிதான பழக்கம். அப்படி அபூர்வமான ஒரு பழக்கத்தை உடையவர்கள் வித்யாசமான குணநலன்களுடன் இருப்பார்கள். உறுதியும் கற்பனை வளமும் மிகுந்தவர்களாக அவர்கள் கருதப்படுகிறார்கள். கவிஞர்கள், எழுத்தாளர்கள், கலைஞர்கள், ஃபேஷன் துறையில் உள்ளவர்கள், புதுமை விரும்பிகள் உள்ளிட்ட சிலர் இப்பழக்கத்தை உடை 

    கட்டை விரலில் மோதிரம் அணிந்தால், அது எதிர்மறை அலைகளை ஏற்படுத்தி தீய சக்திகளையும் நம்மை நோக்கி ஈர்த்துவிடும். எளிதில் கையாள முடியாத குறிப்பிட்ட விதமான சக்திகளை அணிந்தவரை நோக்கி திருப்பி விடும் என்கிறார்கள் சிலர்.

    கட்டை விரலில் மோதிரம் தேவையா இல்லையா என நீங்கள் தான் முடிவு செய்து கொள்ள வேண்டும். 

    ]]>
    thumb, ring, மோதிரம், கட்டை விரல் http://images.dinamani.com/uploads/user/imagelibrary/2018/4/11/w600X390/images.jpg http://www.dinamani.com/lifestyle/lifestyle-news/2018/apr/11/rings-on-different-fingers-2898142.html
    2898130 லைஃப்ஸ்டைல் செய்திகள் கொடூரமாக தாக்கும் வெயில் உங்களை அல்லும் பகலும் வாட்டுகிறதா? இதோ தப்பிக்க சில எளிய வழிமுறைகள்! சினேகா DIN Wednesday, April 11, 2018 12:49 PM +0530  

    நீண்ட பகல்களும், வெப்பமான இரவுகளும் அதிகரித்துவிட்ட கோடை காலம் இந்த வருடமும் வாட்டத் தொடங்கிவிட்டது. வெயில் காலம் வந்துவிட்டால் பலருக்கு முகத்தில் எள்ளும் கொள்ளும் வெடிக்கும். பருவ நிலை மாற்றங்கள் குணங்களில் சில மாறுதல்களை ஏற்படுத்துவது தவிர்க்க முடியாது. ஆனால் எல்லா காலங்களிலும் கூலாக இருப்பவர்களைப் பார்த்தால் ஆச்சரியமாக இருக்கிறதா? காரணம் அவர்கள் எந்த நிலையிலும் தங்கள் மன நிலை மற்றும் உடல் நிலையில் அக்கறை கொள்பவராக இருப்பார்கள். நாமும் சில விஷயங்களில் கவனமாக இருந்தால், என்ன கொடுமை இது என்று சொல்வதற்குப் பதிலாக ஆஹா வெயில் என்று சொல்லலாம். வெயில் காலத்தில் உணவில் அதிகப்படியான காரம், கரம் மசாலா சேர்க்க கூடாது. அசைவ உணவுகளை குறைத்தும் சாப்பிடுவது நல்லது. தினமும் ஒருவகை கீரை, தர்பூசணி, நுங்கு, வெள்ளரி பிஞ்சு, தக்காளி, வாழைத்தண்டு, வெங்காயம், திராட்சை, கமலா ஆரஞ்சு, சாத்துக்குடி போன்றவற்றை சாப்பிட்டால் உடலின் வெப்பம்  குறைந்து குளிர்ச்சியாக இருக்கும்.

    • வெயிலில் பயணம் செய்ய நேரிடும் போது கையில் தண்ணீர் பாட்டில் வைத்திருப்பது நல்லது. மேலும் நாக்கு வரண்டு போகாமல் இருக்க அரை நெல்லிக்காயை வாயில் போட்டு மெல்லலாம். 
    • நீங்கள் வழக்கமான உணவில் சேர்த்துக் கொள்ளும் அளவை விட கொஞ்சம் அதிகமாக உப்பைச் சேர்த்துக் கொள்ளுங்கள்.
    • சாதம் வடித்த கஞ்சியை நன்றாக ஆற வைத்தபின் அதில் கால் பங்கு மோர் விட்டு கரைக்கவும். சிறிய வெங்காயத்தை பொடியாக நறுக்கி அதில் சேர்த்துக் குடித்தால் உடலுக்கு தெம்பும் குளிர்ச்சியும் ஏற்படும்.
    • வெயிலுக்கு மிகவும் ஏற்றது நன்னாரி சர்பத். வீட்டிலேயே தயாரித்து குடித்தால் பலன்கள் அதிகம்.
    • எலுமிச்சைச் சாறில் சர்க்கரையைவிட உப்பு சேர்த்து குடியுங்கள்.
    • பெரிய நெல்லிக்காயை பொடியாக நறுக்கி உப்பு சேர்த்து ஜூஸ் போட்டு குடிக்கலாம்.
    • முள்ளங்கி, பூசணி, சுரைக்காய், வெள்ளரிக்காய் போன்ற நீர்ச்சத்து மிகுந்த காய்கறிகளை தினமும் உணவில் சேர்த்துக் கொள்ளுங்கள்.
    • அனைவருக்கும் எளிதாகக் கிடைக்கும் மோர் வெயிலுக்கு மிகவும் உகந்தது. மோரில் வெள்ளரிக்காய் அல்லது நெல்லிக்காய் சிறிது துருவிப் போட்டு பச்சை மிளகாய் மற்றும் இஞ்சி அதனுடன் சேர்த்து தாளித்து குடித்தால் அதிக ருசியாக இருக்கும்.
    • இளநீரில் சிறிதளவு க்ளூகோஸ் போட்டுக் குடித்துப் பாருங்கள் சுவை அபாரமாக இருக்கும். இளநீரில் பனம் நுங்குகளை போட்டும் குடிக்கலாம்.
    • வெள்ளரி சாலட், தக்காளி சூப், நீர்க் காய்கறிகளால் தயாரிக்கப்பட்ட கூட்டு, எலுமிச்சை ரசம் ஆகியவை வெயில் கால ரெசிபிகள். தினமும் இதில் ஒன்றை உணவில் சேர்த்துக் கொண்டால் கோடையை சமாளித்துவிடலாம்.
    • மொட்டை மாடியில் மாலை வேளையில் இரண்டு முறையாவது தண்ணீர் தெளித்து வையுங்கள். இரவில் சூடு அதிகளவில் இறங்காமல் இருக்கும்.

    • வெளியில் போகும் போது பருத்தியிலான உடைகளை அணிந்து செல்லுங்கள். தொப்பி அல்லது காட்டன் துணியால் தலையை போர்த்தலாம். தேவைப்படுவர்கள் குடை எடுத்துக் கொள்ளுங்கள். பெண்கள் அதிக நகைகள் போடாதீர்கள். சூரியக் கதிர்களிலிருந்து கண்களை பாதுகாக்க கூலர்ஸ் அணியலாம்.
    ]]>
    summer, hot, heat, சம்மர், வெயில், சருமம் http://images.dinamani.com/uploads/user/imagelibrary/2018/4/11/w600X390/754529.jpg http://www.dinamani.com/lifestyle/lifestyle-news/2018/apr/11/beat-the-heat-summer-tips-2898130.html
    2898119 லைஃப்ஸ்டைல் செய்திகள் மைக்ரோ ஃபைபர் எனும் பிளாஸ்டிக் அரக்கனின் சுயரூபம்! தடை செய்வது எப்போது? RKV DIN Wednesday, April 11, 2018 11:50 AM +0530  

    நமது ஆடைகளிலுள்ள மைக்ரோ ஃபைபர்களால் உலகக் கடல்கள் அனைத்தும் வெகு விரைவாக அசுத்தமடைந்து வருகிறதாம். நைலான், பாலியெஸ்டர். ஸ்பாண்டெக்ஸ் உள்ளிட்ட மைக்ரோ ஃபைபர் இழைகள் பிளாஸ்டிக்கில் இருந்து தயாரிக்கப்படுகின்றன. இப்படித் தயாராகும் இந்த உடைகளை நாம் துவைக்கும் போது ஒவ்வொருமுறையும் சிறிது, சிறிதாக கணிசமான அளவு ஃபைபர் நூலிழைகள் வெளியாகி அவை கழிவு நீருடன் கலந்து கழிவு நீர்க்கால்வாய்களைச் சென்றடைகின்றன.

    நம்மூரில் தான் கழிவு நீர்க் கால்வாய்கள் அனைத்தும் முடிவில் கடலைத்தான் சென்றடைய வேண்டும் என்ற விதி இருக்கிறதே. ஆக உடைகளின் வழியே இந்த மைக்ரோ ஃபைபர்கள் கழிவுநீர்க் குழாய் வழியே வெளியேறி கடல் மட்டுமல்ல குளம், குட்டை, ஏரி என நீர் ஆதாரங்கள் அனைத்திலும் கலந்து விடுகின்றன. அதனால் தான் கடல் உணவுகளை உண்பவர்கள் ஆண்டுதோறும் 11,000 ஃபைபர் பிளாஸ்டிக் இழைகளையும் சேர்த்தே உட்கொள்கிறார்கள் எனக் கணக்கிடப்பட்டுள்ளது. இவ்வகையான மைக்ரோ ஃபைபர்கள் மீன், நண்டு உள்ளிட்ட கடல் வாழ் உயிரினங்களில் மட்டுமல்ல நாம் தினந்தோறும் பயன்படுத்தும் தேன், சர்க்கரை, உப்பு, பீர் போன்ற பொருட்களிலும் கூட கலப்படம் ஆகின்றன. இதில் பீதியூட்டக் கூடிய விஷயம் என்னவென்றால் இந்த மைக்ரோ ஃபைபர்கள் நச்சு ரசாயணங்களை காந்தம் போல தன்னகத்தே ஈர்த்துக் கொள்ளக் கூடியவை என்பதால் இவற்றை அறியாமல் உட்கொள்ளும் உயிரினங்களின் நிலை மிக அபாயகரமானதாக மாறுகிறது. மைக்ரோ ஃபைபர்களை உட்கொள்வதில் பிற எந்த உயிரினத்தைக் காட்டிலும் மனித இனமே மிக மோசமான விளைவுகளைச் சந்திக்க நேர்கிறது. மைக்ரோ ஃபைபர்கள் நமக்கே தெரியாமல் நம் உடலில் கலந்து விடுவதால் மிக மோசமான உடல்நலக் கோளாறுகளில் எல்லாம் மாட்டிக் கொள்கிறோம்.

    இந்தக் காரணத்தை முன்னிட்டே அமெரிக்கா அழகு சாதனப் பொருட்கள் தயாரிப்பில் மைக்ரோ பீட்ஸ் எனப்படும் மைக்ரோ ஃபைபர் பயன்பாட்டைத் தடை செய்துள்ளதாக அறிவித்திருக்கிறது. இப்போதே சுதாரித்துக் கொண்டு இந்த மோசமான மைக்ரோ ஃபைபர்களை நாம் தடை செய்யத் தொடங்கினோமென்றால் எதிர்காலத்தில் வரக்கூடிய பல ஆரோக்யப் பிரச்னைகளுக்கு முன்கூட்டியே தீர்வு கண்டவர்களாவோம். இல்லையேல், பிரச்னை தான்.

    ]]>
    micro fibre, plastic evil, மைக்ரோ ஃபைபர், பிளாஸ்டிக் ஃபைபர் http://images.dinamani.com/uploads/user/imagelibrary/2018/4/11/w600X390/000micro_fibre.jpg http://www.dinamani.com/lifestyle/lifestyle-news/2018/apr/11/microfibers-from-our-clothes-are-poisoning-the-oceans-2898119.html
    2897483 லைஃப்ஸ்டைல் செய்திகள் இந்த கிளி வருங்காலத்தில் பெரிய மிமிக்ரி ஆர்டிஸ்ட் ஆனாலும் ஆகலாம்! RKV DIN Tuesday, April 10, 2018 03:16 PM +0530  

    பாராகீத் வகையைச் சேர்ந்த இந்தக் கிளி வருங்காலத்தில் மிகப்பெரிய மிமிக்ரி ஆர்டிஸ்டாக ஆனாலும் ஆகலாம். அவ்வளவு அழகாக அட்சர சுத்தமாக பிற விலங்குகளையும், பறவைகளையும் இது மிமிக்ரி செய்கிறது. அதற்காக நீங்கள் தரவேண்டிய கூலி ஒரு வார்த்தைக்கு ஒரு நெல் அல்லது கோதுமை அல்லது ஏதாவதொரு பழக்கொட்டையாக இருக்கலாம். கிளியின் பாதுகாவலர் அப்படி எதையோ தான் அதன் வாயில் நொடிக்கொருமுறை திணித்து அதைக் கொஞ்சிக் கொஞ்சிப் பேச வைக்கிறார் இந்த காணொளியில்.

     

    கிளிகள் கற்றுக் கொடுத்தால் பேசும், தினமும் தொடர்ந்து முறையாகப் பயிற்சி அளித்தால் நிறைய வார்த்தைகளைக் கற்றுக் கொண்டு பேசும் என்பதெல்லாம் ஏற்கனவே பலருக்கும் தெரிந்த விஷயங்கள் தான். என்ன ஒரு கொடுமை எனில் இது கூட ஒருவிதத்தில் அந்தக் கிளிகளை தொல்லைப் படுத்தும் விஷயம் தான். காடுகளிலும் வயல்களிலும் சுதந்திரமாக சுற்றித்திரிய வேண்டிய கிளிகளைப் பிடித்து வந்து வீட்டுக்குள் அல்லது தோட்டத்தில் கூண்டுகளில் அடைத்து வைத்து அதைப் பேசப் பழக்கி வந்து போகும் விருந்தினர்களுக்கெல்லாம் அதைப் பேசச் சொல்லி படம் காட்டி... அடேயப்பா நினைத்துப் பார்க்கவே அலுப்பாக இருக்கிறது. இப்படி ஒரு பொழுது போக்கை மனிதர்கள் பலநூறு வருடங்களாகப் ப்ரியமாகச் செய்து வருகிறார்கள். இந்தக் கிளியை பேச வைத்து ரசிப்பதைக் காட்டிலும் அதைப் பறக்க விட்டு ஆனந்தமாக வேடிக்கை பார்த்தாலும் நன்றாகத் தான் இருக்கும். விசா கார்டு விளம்பரமொன்றில் பறவைகளைச் சுதந்திரமாகப் பறக்கவிட்டால் உங்களுக்கு அதிர்ஷ்டம் வரும் என்று காட்டுவார்கள் முன்பு. ரிச்சர்ட் கியர் நடித்த அந்த விளம்பரம் எத்தனை முறை பார்த்தாலும் திகட்டாது. 
    அதற்கான காணொளி;

     

    வளர்ப்பு மிருகங்களோ, பறவைகளோ அதை வளர்ப்பவர்களுக்கு ஆனந்தத்தைத் தரலாம். ஆனால்; ஏதோ ஒரு வகையில் நாம் அவற்றின் சுதந்திரத்தைப் பறித்துக் கொண்டிருக்கிறோம், அவற்றின் இயல்பான வாழ்க்கை முறையை மாற்றிக் கொண்டிருக்கிறோம் என்ற உணர்வு மட்டும் ஏனோ மனிதர்களுக்குப் பல நேரங்களில் வருவதில்லை.

    ]]>
    talking parrot, parakeet, richard gere, pet birds, பேசும் கிளி, பாராகீத், ரிச்சர்ட் கியர், வளர்ப்புப் பறவைகள், சுதந்திரம், விடுதலை, freedom http://images.dinamani.com/uploads/user/imagelibrary/2018/4/10/w600X390/0000_talking_parrot.jpg http://www.dinamani.com/lifestyle/lifestyle-news/2018/apr/10/parrots-are-more-talented-but-never-get--freedom-from-human-2897483.html
    2897454 லைஃப்ஸ்டைல் செய்திகள் பள்ளி மாணவர்களின் தற்போதைய பாடத்திட்டத்தில் திருப்தி இல்லாத பெற்றோருக்கு ஒரு நற்செய்தி! RKV DIN Tuesday, April 10, 2018 12:33 PM +0530  

    மாணவர்களுக்கு பள்ளிக்கல்வியில் போதே 'எப்படி சிந்திக்க வேண்டும்' என்பது முக்கியத்துவம் உணர்த்தப்பட வேண்டும். கல்விமுறை அதற்கேற்றாற் போல் மாறுதலடைய வேண்டும்.

    இந்தியாவில் தற்போதைய பாடத்திட்டம் மேம்படுத்தப்பட வேண்டும் என்று எண்ணம் கிட்டத்தட்ட 10 ல் 8 நபர்களுக்கு இருக்கிறது. வகுப்பறைகளில் கற்பதைக் காட்டிலும் புலம் சார்ந்த கற்றல் மிகவும் அவசியம் என்ற கருத்து இன்று பெரும்பாலான பெற்றோர்களிடையே வலுத்து வருகிறது.

    இந்தியாவின் 200 மாவட்டங்களில் நடத்தப்பட்ட இந்தப் புள்ளிவிவரக் கணக்கெடுப்பில், சுமார் 20,000 பெற்றோர்கள் பங்கேற்றனர். ஒரு சமூக ஊடகம் நடத்திய இந்த ஆய்வில் - மொத்தமாக 42,000 பேர்கள் கலந்து கொண்டனர்.

    வாக்கெடுப்பில் 78% மக்கள் இந்தியாவில் தற்போதைய பள்ளி பாடத்திட்டத்தை மேம்படுத்த வேண்டும் என்று விரும்புவது தெரியவந்தது. வெறும் 2% மக்களே தற்போதுள்ள பாடத்திட்டம் சரியானது என வாக்களித்திருந்தனர்.

    41% பெற்றோர்கள் புலம் சார்ந்த பாடத்திட்டம் அவசியம் எனக் கருதினர். 30 சதவீதத்தினர் லைஃப்ஸ்கில் என்று சொல்லப்படக் கூடிய வாழ்க்கை மதிப்பூட்டக் கல்விமுறை தங்கள் குழந்தைகளுக்கு அவசியம் எனக் கருதினர். ஆய்வில் 16 சதவீதத்தினர் பாடத்திட்டத்தின் தொழில்நுட்ப அடைப்படையிலான கல்விமுறையின் மீது விருப்பம் கொண்டு அதற்கு ஆதரவாக வாக்களித்திருந்தனர். 13 % பெற்றோர் மாணவர்களின் தற்போதைய பாடத்திட்டத்தில் தற்போது மனித சமூகம் சந்தித்துக் கொண்டுள்ள "உண்மையான பிரச்சினைகள்" குறித்தும் பாடங்கள் சேர்க்கப்பட்டு விவாதிக்கப்பட வேண்டும் எனக் கோரியிருந்தனர்.

    இதில் பெரும்பான்மையாக 90% மக்கள் பள்ளி பாடத்திட்டத்தில் "கற்றுக் கொள்வது மற்றும் சிந்தித்துப் பார்ப்பது எப்படி" என்பது குறித்து மாணவர்கள் அறிந்திருப்பது மிக முக்கியம் என்று கூறியிருந்தனர். ஆனால், 5% மக்கள் அது மேல்நிலைக் கல்வி பாடத்திட்டத்தில் மட்டுமே பின்பற்றப்பட்டால் போதும் என்று கூறியிருந்தனர், 4% மக்கள் கற்றல் முறைகளிலேயே அவை வந்து விடுவதால் தனியாக அதற்கென பாடத்திட்டங்கள் தேவை இல்லை எனவும் கூறியிருந்தனர்.

    88 சதவிகிதத்தினர் அனைத்துப் பள்ளிகளிலும் திறன் சார்ந்த படிப்புகள் 9 ஆம் வகுப்பிலிருந்தே அறிமுகப்படுத்த வேண்டும் என்று கருதினர், ஏனெனில்... ஏட்டுக் கல்வியில் சிறக்காத குழந்தைகளுக்கு இந்த திறன் முறைக் கல்விகள் எதிர்காலப் பொருளீட்டலுக்கு மிகவும் பயனுள்ளதாக இருக்கும் என்ற எதிர்பார்ப்பில்... ஆனால் 10 % பேர் 9 ஆம் வகுப்பிலிருந்தே திறன் கல்விகளை கற்பிப்பது என்பது மிகவும் விரைவான முறை. குழந்தைகளின் பாடத்திட்டத்தில் அத்தனை விரைவு தேவை இல்லை எனக் கருத்துக் கூறியிருந்தனர்.

    48 சதவீதத்தினர் சமூகத் தன்னார்வ சேவைப் பணிகளைச் செய்வதை உயர்நிலை மற்றும் மேல்நிலைக் கல்வி பயிலும் மாணவர்களிடையே கட்டாயமாக்க வேண்டும் என்று கருத்து கூறினர். சுமார் 24% பேர் அது உயர்நிலைக் கல்வி மற்றும் மேல்நிலைக் கல்வி பயிலும் மாணவர்களின் விருப்பம் சார்ந்தது எனப் பதிலளித்திருந்தனர். அதே நேரத்தில் 2% இதைப் பற்றி எந்தவிதமான கருத்தையும் கூற விரும்பவில்லை.

    இந்த ஆய்வு முடிவுகள் மனிதவள மேம்பாட்டு அமைச்சகத்துடன் பகிர்ந்து கொள்ளப்பட்டுள்ளன. அமைச்சகத்தின் ஆழ்ந்த பரிசீலனையின் பின் மாணவர்களின் பிற நடவடிக்கைகளுக்கு நேரத்தை செலவிடுவதற்கோ அல்லது தற்போது பின்பற்றப்படும் பாடத்திட்டத்தைப் பாதியாக குறைப்பது குறித்தோ முடிவெடுக்கப்படும் எனக்கூறப்பட்டுள்ளது.

    ]]>
    பள்ளிக்கல்வித் திட்டங்களில் மாற்றம், சர்வே முடிவு, upgrade curriculam, parents opinion http://images.dinamani.com/uploads/user/imagelibrary/2018/4/10/w600X390/00000_school_students.jpg http://www.dinamani.com/lifestyle/lifestyle-news/2018/apr/10/upgrade-curriculum-parents-opinion-in-a--local-survey-2897454.html
    2897439 லைஃப்ஸ்டைல் செய்திகள் கற்றாழை ஜெல் மற்றும் ஜூஸின் நன்மைகள்... RKV DIN Tuesday, April 10, 2018 11:26 AM +0530  

    இந்தியர்கள் நூற்றுக்கணக்கான ஆண்டுகளுக்கு முன்பிருந்தே கற்றாழையை உணவுப் பொருளாகவும், மருத்துவத்துக்கும், அழகு சாதனப் பொருள் தயாரிப்பிலும் பயன்படுத்தி வருகின்றனர். வீட்டுக் கொல்லையிலோ அல்லது தோட்டத்தின் கிணற்றோர வரப்புகளிலோ கற்றாழைச் செடிகளை நட்டு வளர்ப்பது கிராமப் பாரம்பரியங்களில் ஒன்றாக இருந்து வந்தது. இன்றும் கூட பலர் வீடுகளில் கற்றாழையை தொட்டிச் செடியாக வளர்த்து வருகின்றனர். பெரும்பாலும் பெண்களுக்கு உடல்சூட்டினால்  வயிற்று வலி ஏற்பட்டால் சோற்றுக் கற்றாழை இலையின் தோலை நீக்கி விட்டு உள்ளே இருக்கும் ஜெல் போன்ற பொருளை உண்ணத் தருவார்கள். அதற்கு உடல்சூட்டைக் குறைக்கும் தன்மை உண்டு. அதன் காரணமாகத் தான் அழகு சாதனப் பொருட்கள் தயாரிப்பில் கற்றாழை ஜெல் பலவிதமாகப் பயன்படுத்தம் படுகிறது.

    எகிப்திய சொல் அகராதியின் படி கற்றாழை  'ஏபெர்ஸ் பாப்பிரஸ்' என்ற பெயரில் 16 ஆம் நூற்றாண்டில் பயன்படுத்தப் பட்டமைக்கு சான்றுகள் உள்ளன. இந்தியா, எகிப்தில் மட்டுமல்ல சீனா, ஜப்பான், கிரேக்கம், மெக்ஸிகோ, ஜப்பான் என உலக நாடுகள் அனைத்துமே நூற்றாண்டுகளாக கற்றாழையின் அருமையான பலன்களைப் பற்றி அறிந்து மருத்துவத்துறையில் அதனை “இறவாத்தன்மை கொண்ட தாவரம்” எனும் பெயரில் தொடர்ந்து பயன்படுத்தி வந்திருக்கின்றன. கற்றாழை அப்படி என்னென்ன பலன்களைத் தன்னகத்தே கொண்டுள்ளது எனப் பார்த்தோமானால்;

    பற்கள் மற்றும் பல் ஈறுகளின் ஆரோக்யத்தில் கற்றாழையின் பங்கு...

    ஜெனரல் டென்ட்ஸ்டிரி என்று சொல்லப்படக் கூடிய பல் பொது மருத்துவ மலரில் வெளியிடப்பட்டுள்ள ஒரு ஆய்வுக் கட்டுரையின் படி கற்றாழை ஜெல் கலந்து தயாரிக்கப்பட்ட பற்பசைக்கு பற்குழி வராமல் தடுக்கும் திறன் இருப்பது கண்டறியப்பட்டுள்ளது. வேறு சாதாரண பற்பசைகளுடன் ஒப்பிடுகையில் கற்றாழை ஜெல் கலந்த டூத் பேஸ்டுக்கு பற்குழியை உண்டாக்கும் பாக்டீரியாக்களைக் கட்டுப்படுத்தும் திறன் இருப்பது கண்டறியப்பட்டுள்ளது. ஏனெனில் கற்றாழை ஜெல்லில் இருக்கும் ஆந்த்ரோக்யூனோன் எனும் மூலப்பொருளுக்கு பற்கள் மற்றும் பல் ஈறுகளில் உண்டாகும் காயங்களை ஆற்றும் சக்தி இருப்பதால் பற்கள் மற்றும் பல் ஈறுகளின் ஆரோக்யத்தில் கற்றாழை மிக முக்கிய பங்கு வகித்து வருகிறது.

    • மலச்சிக்கலைத் தடுப்பதில் கற்றாழை ஜெல்லின் பங்கு... நாளொன்றுக்கு 50 கிராம் முதல் 200 கிராம் வரையிலான கற்றாழை ஜெல்லை மருத்துவர்களின் ஆலோசனை பெற்று கேப்சூகல்களாகவோ அல்லது தண்ணீரில் கலந்து ஜூஸாகவோ அருந்தினோமென்றால் 10 நாட்களில் மலச்சிக்கல் பிரச்னை படிப்படியாகக் குறைந்து நிரந்தரமாக மலச்சிக்கல் பிரச்னை முற்றிலுமாகத் தீர்ந்து விடும் என்கிறது ஜெர்மனியைச் சேர்ந்த மூலிகை மருத்துவ ஆராய்ச்சி கமிஷன் ஒன்று. ஜெர்மனி அப்படிச் சொன்னாலும் கூட அமெரிக்காவில் கற்றாழை ஜெல்லை மூலப்பொருளாகக் கொண்டு தயாரிக்கப்படும் மூலிகை மருத்துவப் பொருட்களின் நம்பகத்தன்மைக்கு போதுமான சான்றுகள் சமர்பிக்கப் படாத காரணத்தால் அமெரிக்காவில் இப்போதும் கற்றாழை ஜெல் கொண்டு தயாராகும் மூலிகைப் பொருட்களுக்கு தடை விதிக்கப்பட்டுள்ளது.அதாவது மலச்சிக்கலைத் தீர்க்கும் எனும் லேபிளின் கீழ் விற்பனை செய்யப்படும் கற்றாழை ஜெல்லுக்கு அங்கே தடை உண்டு என்கிறார்கள். இந்தியாவைப் பொருத்தவரை கற்றாழை மூலிகைப் பொருட்களுக்கு பெரிதாக ஆபத்து ஒன்றும் இருப்பதில்லை. ஏனெனில் இங்கே கற்றாழை ஜெல் பெரும்பாலும் வீட்டு உபயோகத்திற்கென வீடுகளிலேயே வளர்த்துப் பராமரிக்கப்பட்டு பயன்படுத்தப் படுவதால் கற்றாழை மூலிகைக்கு இங்கே அத்தனை எதிர்பு எழ வாய்ப்பில்லை என்றே கூறலாம்.
    • நீரழிவு நோயினால் தூண்டப்பட்டு ஏற்படக்கூடிய வயிற்றுப் புண்ணை ஆற்ற கற்றாழை ஜெல் பயன்படுகிறது.
    • கற்றாழையில் இருக்கும் ஆண்ட்டி ஆக்சிடன்ட்டுகள் மற்றும் ஆண்ட்டி மைப்ரோபியல் பண்புகளுக்கு காயங்களை எளிதில் ஆற்றக்கூடிய திறன் உண்டு.
    • சூரியனிலிருந்து வரும் கடும் புற ஊதாக்கதிர்களை தடுக்கும் சக்தி உண்டு.
    • ரேடியேஷன் தெரபிக்குப் பிறகு நோயாளியின் சருமம் கடுமையான ரேடியேஷனின் தாக்குதலால் வாடிப் போய் பொல்விழந்த தோற்றம் பெறுவதைத் தடுக்க கற்றாழை ஜெல் உதவுகிறது. 
    ]]>
    ALOE VERA JEL , HEALTH BENEFITS, கற்றாழை ஜெல், கற்றாழை ஜூஸ், கற்றாழை ஜூஸ் http://images.dinamani.com/uploads/user/imagelibrary/2018/4/10/w600X390/aloe-Copy.png http://www.dinamani.com/lifestyle/lifestyle-news/2018/apr/10/health-benefits-of-aloe-vera-juice-and-jel-2897439.html
    2894888 லைஃப்ஸ்டைல் செய்திகள் பசுமைப் புரட்சி, வெண்மைப் புரட்சி தெரியும், அதென்ன பிங்க் புரட்சி, நீலப் புரட்சி, கோல்டன் புரட்சி? RKV DIN Friday, April 6, 2018 05:21 PM +0530  

    இங்கே புரட்சி எனும் சொல் குறிப்பது அந்தந்த துறைகளில் நிகழ்ந்த அபிரிமிதமான வளர்ச்சிகளைத்தான். இரண்டாம் உலகப் போர் நிறைவடைந்த சமீபத்தில் உலக நாடுகள் அனைத்திலும் மக்கள் எல்லாத் துறைகளிலும் ஒரு பற்றாக்குறையை நிலவுவதை உணர்ந்தனர். மக்கள் தொகை பெருகிக் கொண்டே செல்லச் செல்ல மக்களுக்குத் தேவையான அத்யாவசிய பொருட்களின் உற்பத்தி குறைந்து கொண்டே போனது. தொடர்ந்து இந்த நிலை நீடித்தால் உலகில் மனித இனமே அரிதாகி விடும் என்ற நோக்கில் பல்வேறு உற்பத்தித் துறைகளிலும் அறிவியல் மற்றும் தொழில்நுட்ப வளர்ச்சியின் துணை கொண்டு மாபெரும் புரட்சிகள் நடந்தன. அந்தப் புரட்சிகளினால் இன்று உலக மக்களது குறைந்த பட்ச அடிப்படைத் தேவைகள் நிறைவேற்றப்பட்டு மக்கள் உணவு, உடை, உறவிட லிஸ்டில் முதலிரண்டும் பெருமளவில் பூர்த்தியாகி உள்ளன.

    • வெண்மை புரட்சி - பால் மற்றும் பால் சார்ந்த பொருட்களின் உற்பத்தியில் நிகழ்ந்த வளர்ச்சி மற்றும் முன்னேற்றம்
    • பசுமை புரட்சி - விவசாயத்துறையில் உற்பத்தி சார்ந்து பெருகிய அபிரிமிதமான வளர்ச்சி
    • நீலப்புரட்சி - மீன் உற்பத்தி மற்றும் வியாபாரம் சார்ந்து நிகழ்த்தப்பட்ட முன்னேற்றங்கள்
    • பிரவுன் புரட்சி - தோல் மற்றும் கோகோ தொழில்துறை சார்ந்து நிகழ்ந்த புரட்சி
    • கரும் புரட்சி - பெட்ரோலியப் பொருட்களின் உற்பத்தி மற்றும் விற்பனை சார்ந்து நிகழ்ந்த புரட்சி
    • கோல்டன் புரட்சி - தேனீ வளர்ப்பு, பழ உற்பத்தி, மற்றும் தோட்டக் கலைத்துறையின் அனைத்து மட்டங்களிலும் நிகழ்ந்த உற்பத்தி மற்றும் வளர்ச்சி சார்ந்த புரட்சி
    • பிங்க் புரட்சி - வெங்காய சாகுபடி மற்றும் இரால் உற்பத்தியில் நிகழ்ந்த புரட்சி
    • வெள்ளிப் புரட்சி - முட்டை உற்பத்தி மற்றும் அதன் வியாபார வாய்ப்புகளில் நிகழ்ந்த முன்னேற்றம்
    • சிவப்புப் புரட்சி - மாமிசம் மற்றும் தக்காளி உற்பத்தியில் தோன்றிய அபிரிமிதமான முன்னேற்றம்
    • கிரே புரட்சி - உரம் மற்றும் உரப்பொருட்களின் உற்பத்தி சார்ந்து நிகழ்ந்த புரட்சி
    • ரவுண்டு புரட்சி - உருளைக்கிழங்கு சாகுபடி மற்றும் அதற்கான விற்பனை வாய்ப்புகள் சார்ந்து நிகழ்ந்த புரட்சி
    • மஞ்சள் புரட்சி -எண்ணெய்வித்துகளின் உற்பத்தி மற்றும் அபிரிமிதமான வளர்ச்சி சார்ந்து நிகழ்ந்த புரட்சி
    • கோல்டன் ஃபைபர் புரட்சி - சணல் உற்பத்தியில் நிகழ்ந்த திடீர் முன்னேற்றம்
    • சில்வர் ஃபைபர் புரட்சி - பருத்தி சாகுபடி மற்றும் பருத்தி சார்ந்த தொழில்துறைகளின் முன்னேற்றத்தில் நிகழ்ந்த புரட்சி

    இங்கே புரட்சி எனும் சொல் குறிப்பது அந்தந்த துறைகளில் நிகழ்ந்த அபிரிமிதமான வளர்ச்சிகளைத்தான். இரண்டாம் உலகப் போருக்குப் பின் உலக நாடுகள் முழுவதிலும் அனைத்துத் துறைகளிலும் எல்லையற்ற பஞ்சம் தலைவிரித்தாடியது. மக்கள் உண்பதற்கு உணவின்றி பசியாலும், பட்டினியாலும் கொத்துக் கொத்தாக செத்து மடிந்து கொண்டிருந்தனர். அதைப் போக்க வந்தது தான் பசுமைப் புரட்சி. பசுமைப் புரட்சியை உலகளாவிய முறையில் அறிமுகப்படுத்திய பெருமைக்குரியவர் நார்மன் போர்லாக் எனினும் இந்தியாவில் நாம் இந்தியர்களுக்கான பசுமைப் புரட்சியின் தந்தை எனக் கொண்டாடுவது பேராசிரியர் எம்.எஸ். சுவாமிநாதனைத்த்தான். அவரே இந்திய பசுமைப் புரட்சியின் தந்தை எனப்படுகிறார்.

    அதே போல இந்தியாவில் நீலப்புரட்சியின் தந்தை டாக்டர் ஹிரலால் செளத்ரி

    நீலப்புரட்சியின் தந்தை டாக்டர் வர்கீஸ் குரியன்
     

    ]]>
    இந்தியாவின் பலவிதமான புரட்சிகள், List of All Colour Revolution in india http://images.dinamani.com/uploads/user/imagelibrary/2018/4/6/w600X390/00000revolution.jpg http://www.dinamani.com/lifestyle/lifestyle-news/2018/apr/06/பசுமைப்-புரட்சி-வெண்மைப்-புரட்சி-தெரியும்-அதென்ன-பிங்க்-புரட்சி-நீலப்-புரட்சி-கோல்டன்-புரட்சி-2894888.html
    2894865 லைஃப்ஸ்டைல் செய்திகள் உலக அழகி மனுஷி சில்லர் மலபார் கோல்டு ஜூவல்லரியின் விளம்பரத் தூதரா? சினேகா PTI Friday, April 6, 2018 02:23 PM +0530  

    ஐஸ்வர்யா ராய், பிரியங்கா சோப்ராவுக்குப் பிறகு, நீண்ட இடைவெளியான 17 ஆண்டுகள் கழித்து உலக அழகியாக இந்தியாவிலிருந்து தேர்வானார் மனுஷி சில்லர். அவ்வகையில் இந்தியாவுக்கு மீண்டும் அழகு மகுடம் சூட்டிப் பெருமை சேர்த்தவர் இவர். ஹரியானா மாநிலத்தைச் சேர்ந்த மனுஷி சில்லர் (20) உலகம் முழுவதுமான மீடியாவின் உடனடி கவனத்தைப் பெற்றார். பாலிவுட் திரைப்படங்களில் நடிக்க சில வாய்ப்புக்கள் வந்தபோது அதற்கு மறுப்பு தெரிவித்துவிட்டார் மனுஷி. அடிப்படையில் மருத்துவ மாணவியான அவர் பல்வேறு மனிதநேய செயல்களை செய்வதில் கவனம் செலுத்தி வருகிறார். தன்னைச் சுற்றியுள்ளவர்களின் வாழ்வை மேம்படுத்துவதில் அக்கறை காட்டிவருகிறார் இந்த சர்வதேச அழகி.

    இந்நிலையில் உலக அழகி பட்டம் வென்ற பிறகு முதமுறையாக மலபார் கோல்டு அண்ட் டைமன்ஸ் ஜூவல்லரியின் விளம்பரத் தூதராக நியமிக்கப்பட்டுள்ளார்.
    இதன் மூலம் மலபார் கோல்டு சார்பாக உலக அளவில் விளம்பரம் தொடர்பாளராகவும், தொண்டு செய்யும் பணிகளிலும் பங்கு பெறுவார் மனுஷி. மேலும் அந்த நிறுவனத்தின் விளம்பரங்களிலும் தோன்றவுள்ளார். இதுகுறித்து மனுஷி சில்லர் தெரிவித்ததாவது, 

    'நான் இந்தியர் என்பதில் பெருமை கொள்கிறேன். நம் நாட்டில் அனைத்து விழாக்களையும் மிகவும் கோலாகலமாகவும், பண்பாட்டுடனும், உணர்வுபூர்வமாக கொண்டாடும் விதம்தான் என்னை உலக அழகி பட்டம் வரை கொண்டு சென்றது. மலபார் கோல்டுடன் இணைந்தது மகிழ்ச்சியாக உள்ளது’ என்றார். 

    இதுநாள் வரை திரைப்படங்கள், விளம்பரப்படம் என எதிலும் நடிக்காத  மனுஷி, தற்போது மலபார் கோல்டு விளம்பரத் தூதரானதன் மூலம் முதன்முறையாக விளம்பரம், பொது நிகழ்ச்சிகளில் தலை காட்டவிருக்கிறார் என்பது குறிப்பிடத்தக்கது. 

    ]]>
    உலக அழகி, Manushi Chhillar, மனுஷி சில்லர், Malabar gold, மலபார் கோல்ட் http://images.dinamani.com/uploads/user/imagelibrary/2017/12/1/w600X390/00000_manushi-chhillar-.jpg http://www.dinamani.com/lifestyle/lifestyle-news/2018/apr/06/malabar-gold-ropes-in-manushi-chhillar-as-brand-ambassador-2894865.html
    2890480 லைஃப்ஸ்டைல் செய்திகள் போலிச் செய்தியைப் பரப்பியதற்காக இணையதளச் செய்தி ஆசிரியர் கைது! RKV DIN Friday, March 30, 2018 04:38 PM +0530  

    கர்நாடகாவை மையமாகக் கொண்டு வெளிவரும் ‘போஸ்ட் கார்டு நியூஸ்’ எனும் இணையதள செய்திச் சேவையின் ஆசிரியர் போலிச்செய்தியைப் பரப்பிய குற்றத்துக்காக கைது செய்யப்பட்டுள்ளார். போஸ்ட் கார்டு நியூஸின் ஆசிரியரான மகேஷ் ஹெக்டே மார்ச் 19 ஆம் தேதியன்று கர்நாடகாவில் ஜெயின் துறவியொருவருக்கு நேர்ந்த விபத்து குறித்து விஷமத்தனமாக ட்விட்டர் பதிவிட்டதின் காரணமாக அவர் கைது செய்யப்பட்டுள்ளதாக காவல்துறை வட்டாரத்தில் பேசப்படுகிறது.

    கடந்த மார்ச் 19 ஆம் தேதியன்று  உபாத்யாயா மயன்க் சாகர் ஜி மகராஜ் எனும் ஜெயின் துறவிக்கு விபத்து நேர்ந்தது. அதற்கு காரணம் குடித்து விட்டு பைக் ஓட்டிய முஸ்லிம் இளைஞர் தான் என மகேஷ் ஹெக்டே தனது ட்விட்டர் கணக்கில் பதிவு செய்திருந்தார். அவரது ட்விட்டர் பதிவு தொடர்ந்து பலரால் உடனுக்குடனாக பகிரப்பட்டு சென்சேஷனல் செய்தியாக ஆக்கப்பட்டது. மகேஷ் ஹெக்டேவை ட்விட்டரில் பின்பற்றும் நண்பர்கள் பட்டியலில் பாரதப் பிரதமர் மோடியும் ஒருவர். அதோடு மகேஷ் ஹெக்டேவின் ட்விட்டர் பதிவு மாநிலத்தில் மதவெறியைத் தூண்டும் விதமாக இருந்ததால் இந்தக் கைது நேர்ந்திருக்கிறது என்கிறார்கள். 

    ]]>
    post card co founder arrested, post card online portal, Mahesh Vikram Hegde, போஸ்ட் கார்டு இணையதளச் செய்தி ஊடகம், மஹேஷ் விக்ரம் ஹெக்டே, போலிச் செய்தி பரப்பியதற்கு கைது http://images.dinamani.com/uploads/user/imagelibrary/2018/3/30/w600X390/000_mahesh_post_card.jpg http://www.dinamani.com/lifestyle/lifestyle-news/2018/mar/30/போலிச்-செய்தியைப்-பரப்பியதற்காக-இணையதளச்-செய்தி-ஆசிரியர்-கைது-2890480.html
    2890476 லைஃப்ஸ்டைல் செய்திகள் 'விரைவில் ஆதாரங்களை தருவேன்’ தொடரும் கெளதம் மேனன் கார்த்திக் நரேன் சர்ச்சை! சினேகா DIN Friday, March 30, 2018 03:47 PM +0530  

    கெளதம் மேனன் கடந்த சில நாட்களாக கடுமையான சர்ச்சைகளிலும் விமரிசனங்களிலும் சிக்கியுள்ளார். அவரது நெருங்கிய வட்டமே அவர் மீது கோபமாக இருக்கும் நிலையில் அவர் இதனை எப்படி எதிர்கொள்ளப் போகிறார் என கோலிவுட்டே பரபரப்பாகியுள்ளது.

    இயக்குநர் கார்த்திக் நரேனின் இரண்டாவது படம் - நரகாசுரன். அரவிந்த சாமி, இந்திரஜித், சுந்தீப் கிஷன், ஸ்ரேயா சரண், ஆத்மிகா போன்றோர் நடித்துள்ள இப்படத்துக்கு இசை - யோகன். கெளதம் மேனன் மற்றும் பத்ரி கஸ்தூரி ஆகிய இருவரும் இணைந்து தயாரிக்கவுள்ளதாக ஆரம்பத்தில் அறிவிக்கப்பட்டது. இந்நிலையில்  ஏற்பட்டுள்ள விரிசல் கோலிவுட்டில் அதிர்ச்சியை ஏற்படுத்தியுள்ளது.

    நரகாசுரன் படத்துக்காக தன்னுடைய பணத்தைச் செலவு செய்ததால் அடுத்தப் படத்தை ஆரம்பிக்க முடியாமல் உள்ளேன் என்று கெளதம் மேனனுக்கு எதிராகப் பேட்டியளித்திருந்தார் கார்த்திக் நரேன். கெளதம் மேனனும் பதிலுக்கு ட்விட்டர் மூலமாக மறைமுகமாக பதில் சொன்னார் கெளதம் மேனன்.

    தொடர்ந்து இது குறித்து அவருக்கு தொலைபேசி அழைப்புக்கள் வரவே அதற்கு முற்றுப் புள்ளி வைக்க ட்விட்டரில் விளக்கம் அளித்தார் கெளதம் மேனன்.

    'கார்த்திக் நரேனின் ட்வீட் என்னை வேதனைக்குள்ளாக்கியது. அதுகுறித்து ஊடகங்களிலிருந்து தொடந்து அழைப்பு வந்ததால் அதனால் தனையடைந்தேன். அதனால்தான் என் பதிலை ட்விட்டரில் தெரிவித்தேன். அதை நான் செய்திருக்கக் கூடாது என நினைக்கிறேன். அதற்காக கார்த்திக்கிடம் மன்னிப்பு கேட்டுக்கொள்கிறேன். 

    நரகாசுரன் படப்பணிகளில் கார்த்திக்குக்கு எல்லாவிதமான சுதந்தரங்களும் அளிக்கப்பட்டன. அதிகச் சம்பளத்துக்கு அவர் கேட்ட நடிகர்களை அழைத்து வந்தோம். மாசிடோனியா சென்று படத்தின் பின்னணி இசை வேலைகள் நடந்தன. என் மூலமாக வந்த மூதலீட்டாளர்களின் வழியாகப் படத்துக்கு நிறைய செலவு செய்துள்ளோம். இதன் வியாபாரத்தைக் கொண்டு இதைவிடவும் 7 மடங்குப் பெரிய படமான துருவ நட்சத்திரம் படத்துக்குச் செலவு செய்திட முடியாது. அப்படத்தை வேறொருவர் தயாரிக்கிறார். நரகாசுரன் படத்தின் லாபத்தில் 50 சதவிகிதத்தை நான் கேட்கவில்லை. இந்தப் படத்தில் எனக்குப் பங்கு இல்லை என எனக்குத் தெரியும். நான் படத்தை விட்டு வெளியேற வேண்டும் என்று கார்த்திக் நினைத்தால் சந்தோஷமாக அதைச் செய்வேன். ஏனெனில் அப்போது படத்தின் மீதான பொறுப்பு என்னிடம் இருக்காது. 

    கார்த்திக்கின் பதற்றத்தையும் புலம்பலையும் புரிந்து கொள்கிறேன். பொறாமை பிடித்த மனிதர்களின் தவறான தகவல்களாலும் திரையுலககின் வணிகம் எப்படி இயங்குகிறது என்பது குறித்து அவருக்குத் தெரியாததாலும் உண்டானவை அந்த உணர்வுகள். படத்தின் வெளியீட்டை யாராலும் தடுத்து நிறுத்த முடியாது. பரணில் வைப்பதற்காகப் படம் தயாரிக்கவில்லை. துருவ நட்சத்திரம், எனை நோக்கி பாயும் தோட்டா ஆகிய படங்களுக்குப் பயணம் உண்டு. நடிகர்களின் கால்ஷீட் எப்போது கிடைக்கிறதோ அப்போதுதான் படப்பிடிப்பு நடத்துகிறோம்.  

    துருவநட்சத்திரம் படத்துக்கு 70 நாள்களும் எனை நோக்கி பாயும் தோட்டா படத்துக்கு 45 நாள்களும் படப்பிடிப்பு நடத்தியுள்ளோம். இரண்டிலும் பெரிய நடிகர்கள் நடிக்கிறார்கள். இந்த வருடம் விரைவில் வெளியாகும். இரண்டு படங்களையும் வேறு நபர்கள் தயாரிக்கிறார்கள். இரண்டிலும் எவ்விதப் பிரச்னையும் இல்லை. 

    செல்வராகவனின் நெஞ்சம் மறப்பதில்லை படத்துடன் எனக்கு எவ்விதத் தொடர்பும் இல்லை. கதையைக் கேட்டு அதை எஸ்கேப் ஆர்டிஸ் மதனுக்கு அனுப்பி வைத்தேன். நான் அப்படத்தின் தயாரிப்பாளர் அல்லர். பங்குதாரரும் அல்லர். படத்திலும் அதன் போஸ்டரிலும் என்னுடைய பெயர் இருக்கவேண்டும் என்று மதன் விரும்பினார். ஆனால் அதனுடன் எனக்கு எவ்விதத் தொடர்பும் இனி இல்லை. அதை நான் ஆரம்பித்து வைத்தேன். அவ்வளவுதான். அதற்காக போஸ்டரிலும் என் பெயர் இடம்பெற வேண்டியதில்லை. செல்வராகவன் மீது எனக்கு மதிப்பும் மரியாதையும் உண்டு. அருமையாக உள்ள இந்தப் படமும் விரைவில் வெளியாகும். 

    சமீபகாலமாக எந்தப் படமும் காணாத சிக்கல்களை ஒன்றும் நரகாசுரன் காணவில்லை. எல்லாத் தயாரிப்பாளர்களும் இதை எதிர்கொண்டுள்ளார்கள். ஒரு படக்குழு நன்றாக வேலை செய்கிறபோது அதைக் கீழே பிடித்து இழுக்க யாரோ ஒருவர் முயற்சி செய்வார். அதுதான் இது. படத்தின் வேலைகளை முடிப்பதற்கும் பட வெளியீட்டுக்கும் நாங்கள் திட்டங்கள் வைத்துள்ளோம். அடுத்தச் சில நாள்களில் எல்லாப் பிரச்னைகளும் தீர்க்கப்பட்டு விடும்.

    கார்த்திக் தன்னுடைய அடுத்தப் படத்தை ஆரம்பிப்பதற்கு நாங்கள் எவ்விதத் தடையும் விதிக்கவில்லை. அவருக்கு எல்லாச் சுதந்தரமும் உண்டு. அவரும் அடுத்தப் பட வேலைகளை ஆரம்பித்துவிட்டார். நரகாசுரன் படத்தைச் சரியான சமயத்தில் வெளியிடவேண்டும் என்று விரும்புகிறோம். முழுச் சம்பளத்தையும் அளிக்காததால் டப்பிங் பேச மறுத்த அரவிந்த் சாமி, அதற்கான தேவையைப் பூர்த்தி செய்தபிறகு விரைவில் அதன் பணிகளை முடிப்பார்.

    எனக்கும் கார்த்திக்குக்கும் இடையிலான இந்தக் கருத்து வேறுபாடுகள் களையப்பட்டு விட்டன. படம் விரைவில் வெளிவருவதற்கான பணிகளில் ஈடுபட்டு வருகிறோம்’ என்று கூறினார் கெளதம்.

    கெளதம் மேனனின் இந்த தன் விளக்கம் முழுமையாக இல்லை. அவரது தரப்பை காத்துக் கொள்வதில் போதியளவு இல்லையென்பதால் இயக்குநர் கார்த்திக் நரேன் மேலும் அழுத்தமாக தனது ட்விட்டரில் சில கேள்விகளை எழுப்பியுள்ளார். நரகாசுரன் பட ரிலீஸ் தாமதற்கு தெளிவான விளக்கத்தை கேட்டுள்ளார். இது தவிர நெஞ்சம் மறப்பதில்லை, துருவ நட்சத்திரம் ஆகிய படங்களின் நிலை என்ன என்பதை சொல்லியாக வேண்டிய நிலையில் அவர் உள்ளார்.

    கெளதம் மேனனின் இந்த விளக்கம் திருப்தியளிக்காத நிலையில் கார்த்திக் நரேன் கடுப்பானார். அரவிந்த சாமி சம்பள பாக்கியால் டப்பிங் பேசுவதில்லை என்று கெளதம் மேனன் கூறுவது சப்பைக் கட்டு. அரவிந்த சாமியால் தான் தன்னால் படப்பிடிப்பையே முடிக்க இயன்றது. கெளதம் மேனின் இந்தப் பிரச்னையில் மேலும் சில ஆதாரங்களை திரட்டி விரைவில் வெளியிடுவேன் என்று கூறியிருக்கிறார் துருவங்கள் 16 இயக்குநர்.

    2-வது படம் இத்தனை சர்ச்சைகளுடன் இன்னும் வெளிவராத நிலையில், தனது 3-வது படத்துக்குத் தயாராகிவிட்டார் கார்த்திக் நரேன். அப்படத்துக்கு நாடக மேடை என்று பெயர் வைக்கப்பட்டுள்ளது. சினிமா உலகம் ஒரு நாடக மேடை, இங்கு இயக்குநர்கள் உட்பட அனைவரும் நடிகர்களே என்பதை சொல்லாமல் சொல்கிறாரா கார்த்திக் நரேன்?

    ]]>
    கெளதம் மேனன், Naragasuran, gautam menon, karthik naren, கார்த்திக் நரேன் http://images.dinamani.com/uploads/user/imagelibrary/2018/3/30/w600X390/naragasuran.jpg http://www.dinamani.com/lifestyle/lifestyle-news/2018/mar/30/karthick-naren-to-provide-evidence-for-his-claims-soon-2890476.html
    2890456 லைஃப்ஸ்டைல் செய்திகள் 'நீ சாதிக்கப் வேண்டியது நிறைய இருக்கிறது பேபி!’ மகளுக்கு அறிவுரை கூறும் நடிகர் கமல்ஹாசன் சினேகா DIN Friday, March 30, 2018 02:32 PM +0530  

    மக்கள் நீதி மய்யம் தொடங்கியதிலிருந்து உலக நாயகன் கமல்ஹாசன் அரசியல் களத்தில் படு தீவிரமாக இருந்து வருகிறார். நேரம் இருக்கும் போதெல்லாம் இளைஞர்களை சந்தித்து கலந்துரையாடி வருகிறார் கமல். அரசியல் மற்றும் விஸ்வரூபம் 2 பரபரப்புக்கு இடையே மகள் அக்‌ஷரா ஹாசனுடன் அண்மையில் ஜிம்மில் உடற்பயிற்சி செய்தார் கமல்.

    அதன் புகைப்படத்தை ட்விட்டரில் பதிவு செய்த கமல், ‘மகள் மற்றும் பயிற்சியாளர் சூரியுடன் ஜிம்மிங் செய்கிறேன். நீ சாதிக்க வேண்டியது இன்னும் நிறைய இருக்கிறது பேபி, எனவே உடல் பலத்தை, சக்தியை அதிகரித்துக் கொள். உடலை ஆரோக்கியமாக வைத்திருந்தால் மனமும் ஆரோக்கியமாகவே இருக்கும். உறுதியான உடல் தான் மிக உறுதியான மனத்தை தரும்’ என்று கமல் அக்‌ஷராவுக்கு கூறியிருக்கிறார்.

    விரைவில் ஷங்கர் இயக்கத்தில் இந்தியன் 2 வில் களமிறங்கவுள்ளார் கமல். படத்தின் ப்ரீ புரொடக்‌ஷன் வேலைகள் நடந்து கொண்டிருக்கும் நிலையில் இதன் படப்பிடிப்பு முழு வீச்சில் 2018-ம் ஆண்டின் இறுதியில் தொடங்கும் என எதிர்ப்பார்க்கப்படுகிறது. படத்தின் மற்ற நடிகர் நடிகைகளின் தேர்வு நடந்து கொண்டிருக்கிறது. இந்தப் படத்தின் திரைக்கதையை ஜெயமோகன், கபிலன் வைரமுத்து மற்றும் லட்சுமி சரவணகுமார் ஆகியோர் எழுதுகிறார்கள்.

    சென்ஸார் வேலைகளும் முடிவடைந்த நிலையில் இந்த சம்மர் ஸ்பெஷலாக விஸ்வரூபம் 2 வெளிவரும் என எதிர்ப்பார்க்கப்படுகிறது.

    ]]>
    kamal, akshara hassan, kamal tweets, கமல்ஹாசன், அக்‌ஷரா ஹாசன், கமல் ட்விடர் http://images.dinamani.com/uploads/user/imagelibrary/2018/3/30/w600X390/kamal_and_akshara.jpg http://www.dinamani.com/lifestyle/lifestyle-news/2018/mar/30/actor-kamal-hassan-with-his-daughter-akshara-hassan-doing-work-outs-in-gym-2890456.html
    2890450 லைஃப்ஸ்டைல் செய்திகள் கல்லூரி மாணவனின் உயிருக்கு எமனாக மாறிய டேட்டிங் செயலி (Dating app)! RKV DIN Friday, March 30, 2018 01:25 PM +0530  

    கடந்த வியாழனன்று டெல்லி, துவாரகாவில் ஆயூஷ் நாட்டியால் என்ற கல்லூரி மாணவர் காணாமல் போனார். கல்லூரிக்குச் சென்ற மகன் வீடு திரும்பாததால் அவரைத் தேடிப் பார்த்து கிடைக்காமல் காவல்துறையை நாடியது ஆயுஷின் குடும்பம். காணாமல் போனதாகக் கருதப்பட்ட ஆயுஷ் நாட்டியாலுக்கு வயது 21. டெல்லி ராம் லால் ஆனந்த் கல்லூரியில் மூன்றாம் ஆண்டு வணிகவியல் பயின்று வந்த நிலையில் திடீரென ஒரு வாரத்துக்கு முன்பு கல்லூரி சென்றவர் வீடு திரும்பவில்லை. இந்நிலையில் கடந்த புதனன்று அவரது  உடல் சடலமாக ஒரு டிராவல் பேகில் கண்டெடுக்கப்பட்ட செய்தி ஆயுஷின் குடும்பத்தினரை அதிர்ச்சியில் ஆழ்த்தியிருக்கிறது. ஆயுஷ் காணாமல் போன தினத்தன்று அவரது செல்பேசியில் இருந்து அவரது பெற்றோர்களுக்குத் தொடர்ந்து வாட்ஸ் அப் மெசேஜுகள் வந்த வண்ணம் இருந்திருக்கின்றன. அப்படி வந்த மெசேஜுகள் அனைத்துமே ஆயூஷ் கடத்தப்பட்டிருப்பதாகவும், அவரை மீட்க வேண்டுமெனில் 50 லட்சம் ரூபாய் பணமாகத் தர வேண்டும் எனவும் மிரட்டும் விதமாக இருந்திருக்கின்றன. 

    ஆயுஷின் பெற்றோரும் தங்களுக்கு வந்த வாட்ஸ் அப் மெசெஜுகளின் அடிப்படையில் கடத்தல்காரர்கள் சொன்ன இடங்களுக்கெல்லாம் பணத்தை எடுத்துக் கொண்டு காரில் அலைந்திருக்கிறார்கள். ஆனால், வாட்ஸ் அப் மிரட்டுலுக்கு ஏற்ப எவரொருவரும் பணத்தை எடுக்க வராத நிலையில் ஆயூஷின் குடும்பத்தினருக்கும், காவல்துறையினருக்கும் குழப்பமே மிஞ்சியது. இந்நிலையில் ஆயுஷ் கடத்தப்படவில்லை, அவர் கொலை செய்யப்பட்டிருக்கிறார் என்பது தெரியவந்தது. கொலைக்கான காரணம் என்னவாக இருக்கும் என காவல்துறை ஆயுஷின் செல்பேசி இணைப்பு எண்ணின் அடிப்படையில் ஆராய்ந்து துப்பு துலக்கியதில். ஆயுஷைக் கொன்றது அவரது டேட்டிங் நண்பனான இஷ்தியாக் அலி என்பது தெரிய வந்திருக்கிறது. 

    25 வயது இஷ்தியாக் அலி டெல்லி, உத்தம் நகரில் இயங்கி வரும் எக்ஸ்போர்ட் நிறுவனம் ஒன்றில் டிசைனராகப் பணிபுரிந்து வருகிறார். ஸ்மார்ட் ஃபோனின் டேட்டிங் செயலி ஒன்றின் மூலம் ஆயூஷுக்கும், இஷ்தியாக் அலிக்கும் நட்பு ஏற்பட்டிருக்கிறது. இருவருக்குள்ளும் நட்புறவில் ஏற்பட்ட தகராறில் சம்பவ தினத்தன்று இஷ்தியாக் அலி ஆயுஷை சுத்தியலால் தலையில் அடித்துக் கொன்றிருக்கிறார். கொன்ற பின் சடலத்தை மறைக்கத் தான் பணம் கேட்டு மிரட்டி நாடகமாடியிருப்பதாக காவல்துறை விசாரணையில் தெரிய வந்திருக்கிறது. ஆயுஷுக்கும், இஷ்தியாக் அலிக்கும் இடையில் கருத்து வேறுபாடு ஏற்பட்டு கொலை வரை செல்லத் தூண்டிய காரணங்கள் எவையென தற்போது காவல்துறை விசாரித்து வருகிறது. கொலையான ஆயூஷுக்கு தொடர்ந்து டேட்டிங் செயலிகளைப் பயன்படுத்தும் பழக்கம் இருந்திருக்கிறது. இணையத்தில் புதிது, புதிதாக அறிமுகமாகும் டேட்டிங் செயலிகள் அனைத்தையும் பயன்படுத்திப் பார்க்கும் ஆர்வம் ஆயுஷுக்கு இருந்திருக்கிறது. இதை அவர் தனது குடும்பத்தினர் அறியாத வண்ணம் ரகசியம் காத்திருக்கிறார்.

    இஷ்தியாக் அலி தனது டேட்டிங் இணையான ஆயூஷைக் கொலை செய்து விட்டு அவரது சடலத்தை மறைக்க போதுமான நேரம் தேவைப்பட்டதால், சாமர்த்தியமாகச் செயல்படுவதாக நினைத்து ஆயுஷின் செல்பேசியில் இருந்தே வாட்ஸ் அப் மெசேஜ் மிரட்டல்களை அவரது பெற்றோருக்கு விடுத்திருக்கிறார். அதில் தான் தற்போது காவல்துறையினரிடம் வகையாகச் சிக்கிக் கொண்டு கைது  செய்யப்பட்டுள்ளார்.

    இந்நிலையில் ஆயுஷ் கொலைச்சம்பவம் இளைஞர்கள் மற்றும் இளம்பெண்களின் மத்தியில் பரவலாகப் பெருகி வரும் டேட்டிங் மோகத்துக்கு எச்சரிக்கை மணி அடித்திருக்கிறது.

    டேட்டிங் என்பது இந்தியக் கலாச்சாரம் இல்லை. அதிலும், ஒரு ஆண், சமூக ஊடகங்களில் பெருகி வரும் டேட்டிங் செயலி மூலம் மற்றொரு ஆணை டேட்டிங் இணையாகத் தேர்ந்தெடுப்பது எல்லாம் இந்தியாவில் இப்போதும் அதிர்ச்சிக்குரிய விஷயங்களில் ஒன்றாகத் தான் அணுகப்படுகிறது. அப்படியிருக்க கல்லூரி மாணவர் ஒருவர் டேட்டிங் செயலிகளுக்கு அடிமையாகி அதில் கிடைத்த தொடர்பால் விஷ்யம் கொலை வரைக்கும் சென்றிருப்பது மிகுந்த அதிர்ச்சிக்குரிய விஷயம் மட்டுமல்ல உடனடியாக சைபர் கிரைம் தலையிட்டு டேட்டிங் செயலிகளின் இயக்கத்தை முறைப்படுத்தப்பட வேண்டியதன் அவசியத்தையும் உணர வேண்டிய காலமிது. காவல்துறையின் சைபர் கிரைம் பிரிவு இதற்குரிய நடவடிக்கைகளை முடுக்கி விடுமா? எனத் தெரியவில்லை. இதெல்லாம் ஒருபுறமிருக்க கொலையான ஆயூஷின் பெற்றோர் தங்களது மகன் கொலை விவகாரத்தில் புகார் அளித்த உடனே துரிதமாக காவல்துறை நடவடிக்கை எடுக்காத காரணத்தால் தான் மகனைப் பறிகொடுக்க நேர்ந்து விட்டதாக குற்றம் சுமத்தியுள்ளனர்.
     

    ]]>
    dating app murder, Ayush Nautiyal, Ishtiaq Ali,, டேட்டிங் செயலி, டேட்டிங் கலாச்சாரம், ஆயூஷ் நட்டியால், இஷ்தியாக் அலி, டேட்டிங் கொலை http://images.dinamani.com/uploads/user/imagelibrary/2018/3/30/w600X390/ayush.jpg http://www.dinamani.com/lifestyle/lifestyle-news/2018/mar/30/கல்லூரி-மாணவனின்-உயிருக்கு-எமனாக-மாறிய-டேட்டிங்-செயலி-dating-app-2890450.html
    2890444 லைஃப்ஸ்டைல் செய்திகள் 'பல மணி நேரம் சிலை போல உட்கார்ந்திருந்தேன்!' பூமராங்க் படத்திற்காக அதர்வாவின் புதிய அவதாரம்! உமா DIN Friday, March 30, 2018 01:13 PM +0530  

    ஆக்‌ஷன் த்ரில்லரான பூமராங் எனும் படத்தில் அதர்வா நடித்து வருகிறார். இந்தப் படத்தில் அவர் சமூக சீர்கேடுகளை எதிர்த்து போரிடும் ஒரு சமூக ஆர்வலாக நடிக்கிறார். இந்தப் படத்தில் மூன்று விதமான கெட்டப்புக்களில் அவர் நடித்துக் கொண்டிருப்பதால், தினமும் வெவ்வேறு மேக் ஓவர்கள் அவருக்குப் போடப்படுகிறது. இது குறித்து பூமராங் படத்தின் இயக்குநர் ஆர்.கண்ணன் கூறியது, ‘இந்தப் படத்தில் அதர்வாவின் கதாபாத்திரத்தை எழுதும் போதே இதில் மூன்று விதமான தோற்றங்களில் அவர் வருவதாகத் தான் உருவாக்கியிருந்தேன்.

    என் திரைக்கதையில் உருவாக்கியுள்ள அந்த உருவத்துக்கு உயிர் கொடுக்க மிகச் சிறந்த ஒப்பனைக் கலைஞர்களை ஒப்பந்தம் செய்தோம். பிரீத்திஷீல் சிங் மற்றும் மார்க் ட்ராய் டிசெளஸா ஆகிய இருவருமே இந்தத் துறையில் மிகவும் திறமைசாலிகள். சிறந்த மேக் அப்புக்காக விருது வாங்கியவர்கள்.

    முதலில் மும்பைக்குச் சென்று தான் அதர்வாவின் prosthetic make over விஷயங்களைப் பற்றி விரிவாக பேச முடிவு செய்திருந்தோம். (புரோஸ்தெடிக் ஒப்பனை என்றால் ஒருவரின் முகத்தில் சுருக்கமோ அல்ல வயதை கூட்டவோ குறைக்கவோ அல்லது முற்றிலும் அடையாளத்தை மாற்றிவிடக் கூடிய மேக் அப் ஆகும்). தொடர்ந்து படப்பிடிப்பு இருந்து கொண்டிருந்தால், எங்களால் மும்பை செல்ல முடியவில்லை, இருவரையும் சென்னைக்கே வரவழைத்தோம்.

    இருவரும் சென்னையில் சில நாட்கள் தங்கியிருந்து ஒவ்வொருமுறை மேக் அப் போடும்போதும், அதர்வாவுடன் கிட்டத்தட்ட 12 மணி நேரம் செலவழித்தனர். அதர்வாவின் மேக் அப் மிகவும் தத்ரூபமாக இருக்க வேண்டும் என்பதால் ஐந்து மணி நேரம் ஆடாமல் அசையாமல் அவரை உட்கார வைத்து களிமண் போன்ற ஒன்றை கண்கள் மூக்குத் தவிர முகம் முழுவதும் பூசினார்கள். இந்த நிலையில் அவர் மூச்சு விட சிரமப்படக் கூடாது என்று சிறிய ட்யூப் ஒன்று அவரது மூக்கில் பொருத்தப்பட்டது’ என்றார் கண்ணன்.

    இதுபோன்ற மேக் ஓவரை முதன் முதலாக போட்டுக் கொள்ளும் அனுபவத்தைப் பற்றி அதர்வா குறிப்பிடுகையில், ‘ரொம்ப நேரம் இந்த மேக் அப் போட்டுட்டே இருப்பாங்க சில சமயம் என் முகத்துல என்ன நடக்குதுன்னே தெரியாது. ஆனால் இது ரொம்ப வித்யாசமான அனுபவம். முதல் முறையா இந்த மேக் அப் போடறதுல சந்தோஷம்தான்’ என்றார்.

    இமைக்கா நொட்டிகள், மற்றும் செம்ம போத ஆகாத போன்ற படங்களில் நடித்து வரும் அதர்வா, அடுத்து ‘எட்டு தோட்டாக்கள்’ புகழ் இயக்குநர் ஸ்ரீகணேஷின் படத்தில் நடிக்கவிருக்கிறார்.

    ]]>
    அதர்வா, atharva, R.Kannan, ஆர்.கண்ணன், Boomarang, prosthetic make over , பூமராங் http://images.dinamani.com/uploads/user/imagelibrary/2018/3/30/w600X390/atharvaa_new.jpg http://www.dinamani.com/lifestyle/lifestyle-news/2018/mar/30/atharvaa-goes-through-hours-of-prosthetic-makeover-for-boomerang-3-different-look-2890444.html
    2890427 லைஃப்ஸ்டைல் செய்திகள் தினமும் கூடையளவு முடி கொட்டுகிறதா? வைட்டமின் குறைபாடாக இருக்கலாம்! உடனே கவனிக்கவும்! மாலதி சந்திரசேகரன்  DIN Friday, March 30, 2018 11:30 AM +0530  

    உலகமெங்கிலும், பேசப்பட்டும் விவாதிக்கப்பட்டும் வரும் ஒரு விஷயம்  என்ன தெரியுமா? வைட்டமின் குறைபாடு பற்றித்தான். சிறியவர்கள் முதல் பெரியவர்கள் வரை எல்லோருக்குமே எதோ ஒரு வகையில் வைட்டமின் குறைபாடு உண்டாகத்தான் செய்கிறது. டயட்டிங் செய்கிறேன் என்று சிறுயவர்கள் கூடச் சொல்லும் அளவிற்கு நாட்கள் மாறிவிட்டன. அந்தளவு உணவுக் கட்டுப்பாடு என்பது பரவலாக எல்லோரிடத்திலுமே காணப்படுகிறது. பாலன்ஸ்ட் டயட் என்று கூறிக் கொள்பவர்கள் கூட, வைட்டமின் பற்றாக்குறையைப் பற்றி யோசனை செய்வதில்லை. 

    தன்னுடைய உடலில்  எந்த வைட்டமின் குறைபாடு உள்ளது? அதை எப்படி சரி செய்வது என்று தெரியாமல் தவித்து வருகின்றனர். நம் உடலுக்கு ஏற்ற முறையில், குறைபாடு இல்லாத வகையில், நாமே சுய பரிசோதனை செய்து கொள்ளலாம். நம் உடலில் ஏற்படும் சில மாறுதல்களை, அலட்சியம் செய்யாமல், கவனித்து, தேவையான போஷாக்கினைக் கொடுத்தால் போதும். வைட்டமின் குறைபாடே உண்டாகாது. இதோ சில டிப்ஸ்

    தலைமுடி கொட்டுதல் என்பது இருபாலாருக்குமே தலையாயப் பிரச்சினையாக இருந்து வருகிறது. முடி பிரச்சனைக்காக  மருந்து. மாத்திரையைவிழுங்குகிறார்கள். சிலர் விளம்பரங்களைப் பார்த்து, அதிகப் பணத்தை செலவழித்து, பல கம்பெனி தைலங்களை பாட்டில் பாட்டிலாக வாங்கி வைத்துக் கொண்டு, தடவி வருகிறார்கள். பலன் என்னமோ பூஜ்யம்தான். 

    முடி கொட்டுவதற்கு முக்கிய காரணம், வைட்டமின் B7 குறைபாடுதான் (பயோடின்). இந்த இடத்தில் ஆண்களைப் பற்றி கூறியே ஆக வேண்டும். இளம் வயது ஆடவர் நிறைய பேர், உடலை, கட்டுமஸ்தாக வைத்துக் கொள்ள ஜிம் செல்வதை வழக்கமாகக் கொண்டிருக்கிறார்கள். அவர்கள், தினமும் பச்சை முட்டைகள் குடிப்பதை பழக்கத்தில் வைத்துக் கொண்டிருக்கிறார்கள். 

    பச்சை முட்டையில் அவிடின் என்னும் வேதிப்பொருள் உள்ளது. இது பயோடின்னை ஜீரணிக்க விடாமல் தடுக்கிறது. முடி உறுதியுடன் இருக்க உடலுக்கு,  பயோடின் மிகவும் அவசியமாகிறது. சரி, இந்த பயோடின் வேறு எதிலெல்லாம் இருக்கிறது? 

    சோயா, பசலைக்கீரை, வாழைப்பழம், உருளைக்கிழங்கு, காளான் , பாதாம்பருப்பு இவைகளை சாப்பிட்டால், வைட்டமின் B7 சத்து உடலுக்குக் கிடைக்கும். முடி கொட்டுவதும் கட்டுப்படும். 

    முகத்தில் சிகப்பு திட்டுக்கள் காணப்பட்டாலும், B7 வைட்டமின் குறைபாடுதான் காரணம். அதற்கும் மேற்கூறிய உணவுப் பொருட்களை உண்ணலாம். 

    அடிக்கடி தசைப்பிடிப்பு ஏற்பட்டு, உடலில் உபாதை உண்டாகிறதா? அப்படியென்றால் உடலுக்கு, கால்ஷியம், பொட்டாசியம், மக்னீஷியம் தேவை என்று அர்த்தம். இவை பாதாம் கொட்டை, பாதாம் பருப்பு, வாழைப்பழம்,  இவற்றில் நிறைந்திருக்கிறது. இவற்றை உட்கொண்டாலே தீர்வு காணலாம். 

    அடிக்கடி கை, கால், பக்க உறுப்புக்கள் மரத்துப் போகின்றதா? நீங்கள் உட்கொள்ளும் ஆகாரங்களில், வைட்டமின் B6, B9, B12 ஆகியவைகள் போதுமானதாக இல்லை என்று புரிந்து கொள்ளுங்கள். இந்தக் குறைபாட்டினை போக்கிக் கொள்ள, புளிப்பான பழங்கள், அவரைக்காய், இவற்றை சாப்பிடலாம். அசைவம் உண்பவர்கள், கோழி இறைச்சி, மீன் இரண்டையும் உணவில் சேர்த்துக்கொள்ளலாம். 

    வாய்ப்பகுதியின் இரு ஓரங்களிலும் அதாவது உதட்டின் ஓரங்களில் வெடிப்புகள் ஏற்படுகிறதா? நிச்சயம் உங்கள் உடலில் இரும்புச் சத்தும், துத்தநாகச் சத்தும் நிறைந்த , B2, B3, B12 வைட்டமின்களின் குறைபாடு இருப்பதாய் அறிந்து கொள்ளுங்கள். இந்த வைட்டமின்களின் சக்தியைக் கூட்டுவதற்கு, அவரைக்காய்,  கொட்டை வகை ( நட்ஸ்) உணவினை அதிக அளவில் சேர்த்துக் கொள்ள வேண்டும். அசைவம் உண்பவர்கள், கோழி இறைச்சி, முட்டை, மீன் இவற்றை சாப்பிடலாம். 

    உடலில் முக்கியமாக கால், கைகளில் ஆங்காங்கே அழுத்தமான புடைப்புகள் தோன்றுகிறதா? அப்படியானால் உங்களுக்கு வைட்டமின் A, D, மற்றும் கொழுப்பு அமிலங்களின் குறைபாடு உள்ளதென்று அர்த்தம். அதற்கு காரட் மற்றும் கொட்டை வகைகளை அதிகமாகச் சாப்பிட வேண்டும். 

    பலருக்கு அடிக்கடி பல்லில் ஏதாவது ஒரு பிரச்சனை வருகின்றது. அப்படியென்றால் உடலில் கால்ஷியம், பாஸ்பரஸ், வைட்டமின் D, குறைபாடு உள்ளது என்பதை முடிவு செய்து கொள்ளலாம். அந்தக் குறைகளைக் களைய, பிரவுன் ரைஸ், தக்காளி, அவரைக்காய், புளிப்பான பழங்கள் மற்றும் திராட்சைப்பழம் ஆகியவற்றை சாப்பிடலாம். 

    உணவே மருந்து என்பதை நாம் மறந்துவிடக் கூடாது. சீசனுக்கு ஏற்ற உள்ளூர்ப் பதார்த்தங்களை காயாகட்டும், கனியாகட்டும் கிடைக்கும் காலங்களில், சாதத்தைக் குறைத்துக் கொண்டு, வேண்டியளவு உட்கொள்ள வேண்டும். வயிறு நிரம்புதல் முக்கியமில்லை. உடலுக்குத் தேவையான போஷாக்கான உணவினை நாம் உட்கொள்கிறோமா? என்பதுதான் முக்கியம். வியாதி வந்த பின்பு அவஸ்தைப்படுவதை விட, வருமுன் காப்பது சாலச் சிறந்தது தானே? 

    ]]>
    Vitamin D, Hair fall, Calcium, வைட்டமின் டி, முடி உதிர்தல், தலைமுடி பிரச்னை, வழுக்கை http://images.dinamani.com/uploads/user/imagelibrary/2018/3/30/w600X390/30-Best-natural-remedies-to-reduce-hair-fall-step-by-step8.png http://www.dinamani.com/lifestyle/lifestyle-news/2018/mar/30/vitaman-deficiency-and-hair-fall-problems-2890427.html
    2887760 லைஃப்ஸ்டைல் செய்திகள் கோழியைத் தப்ப வைத்த சிறுவனுக்கு ஒரு கூடை ஸ்மைலி பார்சல்! கார்த்திகா வாசுதேவன் DIN Monday, March 26, 2018 04:01 PM +0530 நீங்கள் அசைவப் பிரியராக இருக்கலாம். ஆனால் உங்களையும் இந்த வீடியோ நெகிழச் செய்யலாம். மொழி புரியாவிட்டாலும், அந்தச் சிறுவனின் செய்கை போதும் புரியாததைப் புரிய வைக்க, மனதில் பதிய வைக்க. உலகம் முழுதும் குழந்தைகள் அப்பழுக்கற்ற மனிதாபிமான சிந்தனையுடன் தங்களுக்கே உரிய இரக்க குணத்துடனும் தான் படைக்கப் படுகிறார்கள். பின்பு அவர்களுக்குள் குரூரத்தையும், தந்திரத்தையும் விதைப்பது நாம் வாழும் சூழலும், சூழலின் காரணிகளான சக மனிதர்களும் தான். 

    இந்த வீடியோவைப் பாருங்கள் கொலையிலிருந்து விடுதலையாவது அந்தக் கோழி மட்டுமல்ல, பார்த்துக் கொண்டிருக்கும் நமது மனங்களும் தான்.

    கோழி அடித்துச் சாப்பிடுவது குற்றம் என அசைவ உணவுப் பிரியர்களைக் குற்ற உணர்வு கொள்ளச் செய்வதல்ல இந்த வீடியோவின் நோக்கம். தான் வளர்த்த கோழியை  தப்புவித்து விடுதலை அடையச் செய்த பின் அந்தச் சிறுவனின் நடையில் தெரியும் நிம்மதியைப் பகிர்வதே பிரதான நோக்கம்.

    நம்மில் பலருக்கும் இப்படியான ஒரு அனுபவம் நேர்ந்திருக்கலாம். காதுகுத்து, முடி இறக்குதல், வேண்டுதல் என நேர்த்திக் கடனுக்கென வீட்டில் ஆட்டுக்கிடாயோ, கோழியோ, சேவலோ வளர்த்து அதை விழா நாளன்று வெட்டுப்படப் பறிகொடுத்து... ஏன் அதை நாமே ரசிக்க முடியாமல், ருசிக்க முடியாமல் அந்த நாளில் மட்டுமேனும் வளர்த்த பிரியத்தை தவிர்க்க முடியாமல் அசைவம் தவிர்த்து உண்ட அனுபவம் நம்மில் யாரேனும் ஒருவருக்காவது நிச்சயம் இருந்திருக்கக் கூடும். அந்த ஈரமனதின் வலி அறியச் செய்ய இந்த வீடியோ ஒன்று போதும்.

     

    வீடியோ தரவிறக்க முடியாதவர்களுக்கு... அது எந்த ஊர், எந்த நாடு எனத் தெரியவில்லை. ஆனால், நம்மூரைப் போலத்தான் ஒரு இஸ்லாமிய மனிதர் வீட்டில் அசைவம் சாப்பிட ஆசைப்பட்டு கோழி அடித்துச் சாப்பிடும் நோக்கில் கோழியையும், கத்தியையும் தூக்கிக் கொண்டு வீட்டின் கொல்லைப்புறத்துக்குச் செல்கிறார். அவரைப் பின் தொடர்ந்து செல்லும் குட்டிப் பையன் அந்த மனிதரின் கையில் உயிர் விடக் காத்திருக்கும் கோழியை அடம்பிடித்து, அழுது கூப்பாடு போட்டு, அவரது கையிலிருக்கும் கத்தியைப் பிடிங்கிக் கொண்டு ஓடி என அழுது மாய்மாலம் செய்து கடைசியில் எப்பாடுபட்டாவது அந்தக் கோழியைக் காப்பாற்றித் தப்பிக்கச் செய்து விடுகிறான். இது தான் அந்த வீடியோ காட்சி. சொல்லப்போனால், அந்தச் சிறுவன் அறியாது அந்த மனிதர் மறுநாளே அந்தக் கோழியை மீண்டும் அடித்துச் சுவை மிகுந்த சிக்கன் பிரியாணியாகவும், கிரேவியாகவும், வறுவலாகவும் மாற்றி இருக்கலாம். அதல்ல விஷயம். அந்தச் சிறுவனின் பரிசுத்தமான மனம். தான் வளர்த்த கோழியைத் தான் காண கொலை செய்ய அனுமதிக்காத அந்தப் பிரியம் கலந்த  மனிதாபிமானம். அந்தக் குழந்தைமை அது தான் இந்த இடத்தில் பேசப்படத் தக்க விஷயம். வீடியோவைப் பார்த்தால் உங்களுக்கும் கூட பாராட்டத் தோன்றலாம். இந்தச் சிறுவனின் மனம் உலக மக்கள் அனைவருக்கும் வாய்த்திருப்பின் போர்கள் எதற்கு? மனிதனை மனிதன் கொன்று தின்னும் பகைமை எதற்கு? எதைச் செய்வதற்கு முன்பும் கொஞ்சமே கொஞ்சம் மனிதாபிமானம் மட்டும் இருந்து விட்டால் பிறகு எல்லோரும் இன்புற்று இருக்கலாமே!

    கோழியைத் தப்ப வைத்த சிறுவனுக்கு ஒரு கூடை ஸ்மைலி பார்சல்!

     

    ]]>
    Little Boy Saves Chicken, கோழியைக் காப்பாற்றிய சிறுவன், மனிதாபிமானம், வளர்த்த பிரியம், humanity, pet love http://images.dinamani.com/uploads/user/imagelibrary/2018/3/26/w600X390/litile_boy_with_chicken.jpg http://www.dinamani.com/lifestyle/lifestyle-news/2018/mar/26/little-boy-saves-chicken-in-the-name-of-love-2887760.html
    2886681 லைஃப்ஸ்டைல் செய்திகள் பந்தியில் வாழை இலை போட்டுச் சாப்பிடும் போது இலையைச் சுற்றி தண்ணீர் தெளிப்பது ஏன்? RKV DIN Saturday, March 24, 2018 11:56 AM +0530  

    பந்தியில் அமர்ந்து சாப்பிடும் போது கண்டிருப்பீர்கள், இப்போதும் கூட பலரும் ஒரு கை நீரள்ளி இலையைச் சுற்றியும், இலைக்கு உள்ளேயும் தெளித்து இலையைச் சுத்தம் செய்த பிறகே உணவுப் பொருட்களை பரிமாற அனுமதித்துப் பிறகு சாப்பிடத் தொடங்குகிறார்கள். இலைக்கு உள்ளே நீர் தெளிப்பதை வேண்டுமானால் இலையைக் கழுவுவதற்காக நீர் தெளிக்கிறார்கள் என்று ஒப்புக் கொள்ளலாம். இலைக்கு வெளியேயும் ஏன் நீர் தெளிக்க வேண்டும்? என்று எப்போதாவது யோசித்திருக்கிறீர்களா?

    சிம்பிள்... இந்தப் பழக்கத்தைத் தொடங்கியவர்கள் நமது ஆதி ரிஷிகளும், முனிவர்களும் தான். அவர்கள் வாழ்ந்த காலகட்டத்தில் காட்டுக்குள், கட்டாந்தரையில் இலை போட்டுத்தான் சாப்பிட வேண்டியதாக இருந்திருக்கும். அப்போது உணவு பரிமாறப்பட்டிருக்கும் இலையைச் சுற்றி தூசு எழும்பிப் பறக்காமல் இருப்பதற்காக இலையைச் சுற்றி தண்ணீர் தெளிக்கும் பழக்கம் வந்திருக்கலாம். சரி அப்போது அப்படிச் செய்வதில் அர்த்தம் இருந்திருக்கும். ஆனால், இன்று கான்கிரீட் கட்டிடங்களில் வசித்துக் கொண்டிருக்கும் நாம் ஏன் அந்தப் பழக்கத்தை இன்னும் விடாமல் பிடித்துத் தொங்கிக் கொண்டிருக்கிறோம் என்கிறீர்களா? அதற்கும் சில காரணங்கள் பட்டியலிடப்பட்டுள்ளன. 

    சிலர் சொல்கிறார்கள் இந்திய உணவுகளில் பொதுவாகவே காரமும், மணமும், அமிலத்தன்மையும் அதிகமிருக்கக் கூடும். அப்படியான தன்மைகளைக் குறைத்து அமில, காரத்தன்மையை சமநிலைப்படுத்துவதற்காகக் கூட இப்படி ஒரு பழக்கம் தோன்றியிருக்கலாம் என்கிறார்கள். இலைக்கு உள்ளும், புறமும் ஒரு கை நீரள்ளித் தெளிப்பதால் உணவுப் பொருட்களின் காரம் மற்றும் அமிலத்தன்மை நீர்த்துப் போகச் செய்யப்படுகிறது என்கிறார்கள். இது ஒரு விதமான விளக்கம்.

    இன்னொரு சாரர் என்ன சொல்கிறார்கள் எனில், இந்திய உணவுகளில் பெரும்பகுதி அரிசியும், ஸ்டார்ச்சும் (மாவுப்பொருள்) நிறைந்தவையாகவே இருக்கும். ஆகவே இலையில் பரிமாறப்பட்டுள்ள உணவைச் சுற்றி ஒரு கை நீரள்ளித் தெளித்த பின் உண்பதால் உணவிலுள்ள மாவுச்சத்து கரைந்து உணவு எளிதில் ஜீரணமாகக் கூடிய வகையில் மாறும் என்கிறார்கள். இந்த இரண்டு காரணங்களுமே அறிவியல்பூர்வமாக நிரூபிக்கப் படாதவையே! தொன்று தொட்டுச் செய்து வரும் ஒரு பழக்கத்திற்கான காரணங்களாக இவை இருக்கலாம் என மனிதர்கள் தாங்களே கற்பிதம் செய்து கொள்ளும் காரணங்களே இவை. இப்படியுமிருக்கலாம் என்ற நம்பிக்கை இருக்கிறதே தவிர உண்மையில் உணவைச் சுற்றி தண்ணீர் தெளிப்பதன் பின்னிருக்கும் ரகஷியம் அறியப்படாததாகவே இருக்கிறது. 

    சமஸ்கிருதத்தில் இப்படிச் செய்வதை சித்ராகுதி (chitrahuti) என்கிறார்கள். பிராமணர்களில் பெரும்பாலானோர் இன்றும் உணவுண்பதற்கு முன்பு இந்தப் பழக்கத்தைத் தவறாது கடைபிடித்து வருகின்றனர். அவர்களளவில் இதற்கு காரணமாகச் சொல்லப்படுவது, நமக்கு உணவளித்த தெய்வங்களுக்கு நன்றி தெரிவிக்கும் வகையில் இதை அவர்கள் தங்களது உணவு நேரத்தின் போது பின்பற்றி வருவதாகக் கூறப்படுகிறது. 

    சிலரோ, இலையில் உணவுண்ணும் பழக்கம் இருந்த அக்காலத்தில், இலையில் பரிமாறப்பட்டு உணவைச் சுற்றி எறும்புகள், வண்டுகள் உள்ளிட்ட சிறுபூச்சிகள் அணுகாவண்ணம் தடுப்பதற்காக இலையைச் சுற்றி நீர் தெளிக்கும் பழக்கம் வந்திருக்கலாம் என்கிறார்கள்.

    மேற்கண்ட காரணங்களில் எது வேண்டுமானாலும் நிஜமாக இருக்கலாம். ஆனால், இனிமேல் சாப்பிடும் போது இலையைச் சுற்று ஏன் தண்ணீர் தெளிக்கிறார்கள் என்று யாராவது உங்களிடம் கேட்டால் இனி தலையைச் சொறிந்து கொண்டு அதெல்லாம் எனக்குத் தெரியாது என்று சொல்லாமல் இந்தக் காரணங்களில் எதையாவது ஒன்றைச் சொல்லி வைக்கலாம் சரி தானே?!

    ]]>
    plantain leaf food, வாழையிலை உணவு, தண்ணீர் தெளிக்கும் பழக்கம், உணவைச் சுற்றித் தண்ணீர் தெளிக்கும் வழக்கம் http://images.dinamani.com/uploads/user/imagelibrary/2018/3/24/w600X390/ilai_sappadu.jpg http://www.dinamani.com/lifestyle/lifestyle-news/2018/mar/24/why-we-sprinkle-water-around-food-2886681.html
    2885615 லைஃப்ஸ்டைல் செய்திகள் உலகின் மகிழ்ச்சிகரமான பத்து நாடுகளின் பட்டியலில் இந்தியா எந்த இடத்தில் உள்ளது தெரியுமா? சினேகா DIN Thursday, March 22, 2018 05:33 PM +0530  

    அண்மையில் ஐ.நா வெளியிட்ட உலகின் மகிழ்ச்சியான நாடுகள் பட்டியலில் முதல் இடம் பெற்றுள்ளது ஃபின்லாந்து.

    உலக மக்கள் பலரும் விரும்பும் அமெரிக்கா 18-ம் இடத்தில் உள்ளது. ஜெர்மனி 15-ம் இடத்திலும், இங்கிலாந்து 19-ம் இடத்தையும் பிடித்துள்ளது. ஜப்பான் 54-வது இடத்திலும், ரஷ்யா 59-ம் இடத்திலும், சீனா 86-வது இடத்திலும் உள்ளது.

    இந்தப் பட்டியலில் இந்தியா 133-வது இடத்தில் இருக்கிறது. இந்தியாவிற்கு முன்னும் பின்னுமாக காங்கோ 132 - ம் இடத்திலும் நைஜீரியா 135-ம் இடத்திலும் உள்ளது.

    கணக்கெடுக்கப்பட்ட 156 நாடுகளில் கடைசி இடத்தை பிடித்தது புருண்டி (Burundi), அதற்கு முந்தைய இடமான 155-ம் இடத்தில் செண்ட்ரல் ஆஃப்ரிகன் ரிபப்ளிக் உள்ளது. சவுத் சூடான் 154-ம் இடத்தில் இருக்க, 153-வது இடத்தில் டான்சானியாவும், 152-ம் இடத்தில் யேமனும் உள்ளது. இந்த நாடுகளில் வாழும் மக்கள் மகிழ்ச்சியற்று அதிக மன அழுத்தத்துடன் வாழ்ந்து வருகிறார்கள் என்று தெரிகிறது.

    உலகின் மகிழ்ச்சியான அந்த பத்து நாடுகள் இவைதான். இந்த நாடுகளில் பெரும்பாலும் இலவச கல்வி தரப்படுகிறது. வேலை வாய்ப்புக்கள், வாழ்க்கை மூறை, பாலின சமத்துவம் என அந்நாடுகளில் வாழும் மக்கள் தங்கள் நாட்டை சொர்க்கபுரியாகவே கருதுகிறார்கள். வெளிநாடுகளிலிருந்து குடியுரிமை பெற்று ஃபின்லாந்துக்கு வருவோர்களையும் அன்புடன் வரவேற்று சம உரிமைகள் தந்து மகிழ்கிறது ஃபின்லாந்து.

    1. ஃபின்லாந்து
    2. நார்வே
    3. டென்மார்க்
    4. ஐஸ்லாந்து
    5. ஸ்விட்சர்லாந்து
    6. நெதர்லாந்து
    7. கனடா
    8. நியூஸிலாந்து
    9. ஸ்வீடன்
    10. ஆஸ்திரேலியா
    ]]>
    உலகம், Finland, world's happy country, ஃபின்லாந்து, மகிழ்ச்சியான நாடு http://images.dinamani.com/uploads/user/imagelibrary/2018/3/22/w600X390/happy.jpeg http://www.dinamani.com/lifestyle/lifestyle-news/2018/mar/22/the-worlds-happiest-country-in-2018-2885615.html
    2884908 லைஃப்ஸ்டைல் செய்திகள் மற்றவர்களைப் பற்றிக் கவலைப்படும் யோக்கியமான செய்தித்தாளைப் படியுங்கள்! இப்படிச் சொன்னவர் யார்? சினேகா DIN Wednesday, March 21, 2018 04:50 PM +0530  

    1. ஒன்றின் மேல் நம்பிக்கை வேண்டும், ஏதாவது ஒன்று. உதாரணம் கடவுள், இயற்கை, உழைப்பு, வெற்றி இப்படி எதாவது… நம்பிக்கை நங்கூரம் போல. கேள்வி கேட்காத நம்பிக்கை. கேள்வி கேட்பது சிலவேளை இம்சை. நவீன விஞ்ஞானம் அதிகப்படியாகக் கேள்வி கேட்டு இப்போது தவித்துக் கொண்டிருக்கிறது.

    2. அப்பா, அம்மா இரண்டு பேரும் வேலை சொல்வது பல சமயங்களில் கடுப்பாக இருக்கும். ஒருமாறுதலுக்கு அவர்கள் சொல்வதைச் செய்து பாருங்கள். அவர்கள் கேட்பது உங்களால் செய்யக் கூடியதாகவே இருக்கும். பொடிநடையாகப் போய் நூறு கிராம் காப்பி பவுடர் (அ) ரேஷன் கார்டு புதுப்பித்தல் இப்படிதான் இருக்கும்.

    3. மூன்று மணிக்குத் துவங்கும் மாட்டனி போகாதீர்கள். க்ளாஸ் கட்பண்ண வேண்டி வரும். தலைவலி வரும். காசு விரயம். வீட்டுக்குப் போனதும் பொய் சொல்வதற்கு ரொம்ப ஞாபக சக்தி வேண்டும். இந்த உபத்திரத்துக்கு உண்மையைச் சொல்லிவிடுவது சுலபம். இளமைக்காலம், ஒளிக் கீற்றைப் போல் மிகவும் குறைந்த காலம், அதை க்யூ வரிசைகளிலும் குறைபட்ட தலைவர்களுக்காகவும் விரயம் செய்யாதீர்கள்.

    4. நான்கு பக்கமாவது ஒரு நாளைக்குப் பொது விஷயங்களைப் படியுங்கள். பொது விஷயங்கள் என்றால் கதை, சினிமா, காதல் இல்லாதவை. உதாரணம் – யோக்கியமான செய்தித்தாள், மற்ற பேரைப் பற்றிக் கவலைப்படும் பத்திரிகைகள் அல்லது லைப்ரரியிருந்து ஒரு புத்தகம்.

    5. ஐந்து ரூபாய் சம்பாதித்துப் பாருங்கள். சொந்தமாக உங்கள் உழைப்பில், முயற்சியில், யோக்கியமாக, மனச்சாட்சி உறுத்தாமல். அடுத்த முறை அப்பாவிடம் ஆயிரம் ரூபாய்க்கு ஷர்ட், சுடிதார் கேட்கும் முன்.

    6. இந்தச் தகவல்களை படிக்கும் நிலைமை பெற்ற நீங்கள் இந்திய சனத்தொகையின் மேல்தட்டு ஆறு சதவிகித மக்களில் ஒருவர். அன்றாடம் சோற்றுக்காக அலையும், வசதியில்லாத கோடிக்கணக்கான மக்களைத் தினம் ஒரு முறை எண்ணிப் பாருங்கள்.

    7. வாரத்தின் ஏழாவது தினமான ஞாயிறன்று என்ன செய்தாலும் காதல் பிஸினஸ் வேண்டாம். காதலுக்கு ரொம்பச் செலவாகும். மனம், வாக்கு, காயம்(உடல்), எல்லாவற்றையும் ஆக்கிரமிக்கும் தீ அது. பொய் நிறையச் சொல்ல வேண்டும். வினோதமான இடங்களில் காத்திருக்க வேண்டும். இந்த வயதில் நாசமாய்ப்போன படிப்புத்தான் உங்களுக்கு முக்கியம்.குறிப்பு: பெண்களை சைட் அடிப்பதும், கலாட்டா பண்ணுவதும், அவர்களுக்கு கர்சீப் முதலியன ரோடிலிருந்து பொறுக்கிக் கொடுப்பதும், உபத்திரமில்லாத கவிதைகள் எழுதுவதும், காதலோடு சேர்த்தியில்லை.

    8. எட்டு முறை மைதானத்தை சுற்றி ஓடினால் எந்தச் சீதோஷ்ணமாக இருந்தாலும் நெற்றி வியர்வை அரும்பும். எதாவது தேகப் பயிற்சி செய்யவும். கடிகாரத்துக்குச் சாவி கொடுப்பதோ சீட்டாடுவதோ தேகப் பயிற்சி ஆகாது. எதையாவது தூக்குங்கள், எதையாவது வீசி எறியுங்கள். உங்கள் உடலில் ஊறும் உற்சாகத்துக்கு ஓர் ஆரோக்கியமான வடிகால் தேவை. ராத்திரி சரியாக தூக்கம் வரும். கன்னா பின்னா எண்ணங்கள் தவிர்க்கப்படும். ஒழுங்காக சாப்பிடத் தோன்றும். பொதுவாகவே சந்தோஷமாக இருக்கும்.

    9. ஒன்பது மணிக்குள் வீட்டுக்கு வரவும். மிஞ்சிப் போனால் ஒன்பது மணி இரண்டு நிமிடம். ஒரு மணி நேரம் பாடம் அல்லது புத்தகம் படிக்கலாம்.

    10. படுக்கப் போகும் முன் பத்து நிமிஷமாவது அம்மா, அப்பா, அண்ணன், தங்கை யாருடனாவது பேசவும் (பேசுவது என்று சொன்னவுடன் காதலியுடன் என்று நினைக்க வேண்டாம், நான் சொன்னது குடும்பத்தினருடன் மட்டும்). எதாவது ஒரு அறுவை ஜோக் அல்லது காலேஜில் நடந்த நிகழ்வுகள். சப்ஜெக்ட் முக்கியமில்லை. பேசுவது தான்.

    - மேற்சொன்ன 10 கருத்துக்களை எழுத்தாளர் சுஜாதா சொன்னவை

    ]]>
    sujatha, writer sujatha, எழுத்தாளர் சுஜாதா, சுஜாதா , டைம்பாஸ் http://images.dinamani.com/uploads/user/imagelibrary/2018/3/21/w600X390/The-New-Indian-Express-8th-June-2017.jpg http://www.dinamani.com/lifestyle/lifestyle-news/2018/mar/21/time-pass-one-to-ten-given-by-writer-sujatha-2884908.html
    2880540 லைஃப்ஸ்டைல் செய்திகள் நீச்சல் குளத்தில் காத்திருந்த எமன்! குழந்தைகளை நீச்சல் பயிற்சிக்கு அழைத்துச் சென்ற தந்தை மரணம்! RKV DIN Wednesday, March 14, 2018 04:45 PM +0530  

    சென்னை மெரினாவில் இருக்கும் கார்ப்பரேஷன் நீச்சல் குளத்தில் 38 வயது மதிக்கத்தக்க இளைஞர் ஒருவர் நேற்று மூழ்கி இறந்தார். அவர் மண்ணடி, டஹ்ம்பு செட்டித் தெருவைச் சேர்ந்த சஃபியுல்லா என அடையாளம் காணப்பட்டார். தனியார் நிறுவனமொன்றில் மேலாளராகப் பணியாற்றிய சஃபியுல்லா தினமும் காலையில் தன் குழந்தைகளை நீச்சல் கற்றுக் கொள்ள மெரினா நீச்சல் குளத்துக்கு அழைத்து வருவது வழக்கம் எனக் காவல்துறை விசாரணையில் தெரியவந்தது. வழக்கம் போல செவ்வாயன்று காலை 7.30 மணியளவில் தனது மகனையும், மகளையும் நீச்சல் பயிற்சிக்கு அழைத்து வந்த சஃபியுல்லா அவர்களை நீச்சல் பயிற்றுநரிடம் ஒப்படைத்து விட்டு தானும் சற்று நேரம் நீந்தலாம் என முடிவு செய்து குளத்தில் குதித்திருக்கிறார். குதித்த மாயத்தில் சஃபியுல்லா மூச்சுத் திணறி இறந்திருக்கிறார். அவர் குதித்த நீச்சல் குளத்தில் ஆழம் 2.5 அடி மட்டுமே. எனவே ஆழத்தின் காரணமாக நிகழ்ந்த மரணமாக இருக்க வாய்ப்பு இல்லை என அண்ணா சதுக்க காவல்நிலைய காவலர்கள் தெரிவித்தனர்.

    நீச்சல் குளத்தில் குதித்த வேகத்தில் சஃபியுல்லாவுக்கு திடீர் இருதய அடைப்பு ஏற்பட்டு அதனால் நினைவு தப்பி இறப்பு நிகழ வாய்ப்புண்டா என்ற கோணத்தில் விசாரணை நடந்து வருகிறது. சஃபியுல்லாவுடன் நீச்சல் குளத்தில் இருந்தவர்கள் அவரைக் காப்பாற்ற உடனடியாக அருகில் இருந்த மருத்துவமனைக்கு விரைந்த போதும் அவரைக் காப்பாற்ற இயலவில்லை. வழியிலேயே அவரது உயிர் பிரிந்து விட்டதென மருத்துவர்கள் அறிவித்துள்ளனர்.

    பிரேதப் பரிசோதனைக்காக ஓமாந்தூரார் அரசு மருத்துவமனைக்கு அனுப்பப்பட்டுள்ளது சஃபியுல்லாவின் உடல்.

    தற்போது நீச்சல் குளத்தில் மூழ்கி மூச்சுத்திணறி மரணம் என்று வழக்குப் பதியப்பட்டு விசாரணைக்கு எடுத்துக் கொள்ளப்பட்டுள்ளது சஃபியுல்லா மரணம். 

    காவலர்களின் கூற்றுப்படி ஆழம் குறைந்த அந்த நீச்சல் குளத்தில் நீச்சல் தெரிந்த மனிதர்கள் விழுந்து மரணமடைய வாய்ப்பில்லை என்று கூறப்பட்டாலும், பரிசோதனை முடிவு வந்த பிறகே இறப்பு எப்படி நிகழ்ந்தது என்று கூற முடியும் என அண்ணா சதுக்க காவலர்கள் தெரிவித்தனர்.

    நீச்சல் குளப்பணியாளர் ஒருவரத் கூற்றுப்படி கடந்த மூன்று மாதங்களாகத் தான் சஃபியுல்லா தனது குழந்தைகளை நீச்சல் கற்றுக் கொள்ள இங்கு அழைத்து வந்து கொண்டிருந்தார் எனத் தெரிகிறது.

    30 பணியாளர்கள், 6 சிசிடிவி காமிராக்களுடன் இயங்கி வரும் மெரீனா நீச்சல் குளத்தில் நேற்று நிகழ்ந்த இந்த மரணத்தையொட்டி தற்போது நீச்சல் குளம் மூடப்பட்டுள்ளது. மீண்டும் அடுத்த திங்களன்று திறக்கப்படும் என அறிவிக்கப்பட்டுள்ளது.

    ]]>
    Safiullah, Corporation Swimming Pool at the Marina, man died at swimming pool, சஃபியுல்லா, மெரினா நீச்சல்குள மரணம் http://images.dinamani.com/uploads/user/imagelibrary/2018/3/14/w600X390/SwimmingPoolDeath-EPS.jpg http://www.dinamani.com/lifestyle/lifestyle-news/2018/mar/14/man-mysteriously-drowns-in-three-ft-deep-corporation-pool-at-chennais-marina-beach-2880540.html
    2879235 லைஃப்ஸ்டைல் செய்திகள் தாய்மையடைவதால் ஒரு பெண் தன் ஆயுட்காலத்தில் 11 ஆண்டுகளை இழக்க நேரிடுமென்கிறது புதிய ஆய்வு! DIN DIN Monday, March 12, 2018 03:47 PM +0530  

    அமெரிக்காவைச் சேர்ந்த ஜார்ஜ் மேசன் பல்கலைக்கழகத்தில் சமீபத்தில் நடத்தப்பட்ட ஆய்வொன்றில் தாய்மையடைதல் ஒரு பெண்ணின் ஆயுளில் 11 ஆண்டுகளை கபளீகரம் செய்வதாகக் கண்டறிந்துள்ளனர். அதாவது குழந்தை பெற்ற பெண்களின் டெலோமியர்களின் நீளம் குறைவாக இருக்குமாம். டெலோமியர்கள் என்பவை மனித டிஎன் ஏ நீட்சியின் முடிவில் இருக்கும் தொப்பி போன்ற அமைப்புகள். இவை டி என் ஏ பிரதிபலிப்பில் உதவுகின்றன. இந்த டெலோமியர்களின் நீளம் குறையும் போது பெண்ணின் ஆயுளும் குறையுமென்றால் எப்படி என்கிறீர்களா? டெலோமியர்கள் பொதுவாக மனிதனின் நோய் எதிர்ப்பு சக்தி மற்றும் இறப்பு விழுக்காடுகளை நிர்ணயிப்பதில் முக்கிய அம்சங்களாக விளங்குவதாகத் தான் இதுவரை வந்த ஆய்வு முடிவுகளில் கூறப்பட்டுக் கொண்டிருந்தன. ஆனால் முதல் முறையாக டெலோமியர்களின் அடிப்படையில் ஒரு பெண்ணின் குழந்தைப் பேற்றைப் பொறுத்து அவளது ஆயுளும் அமையும் என கண்டறியப்பட்டுள்ளது.

    மனித இனப்பெருக்கம் தொடர்பான மருத்துவ ஆய்வு இதழ் ஒன்றில், தாய்மைப் பேறடைந்த பெண்களுக்கிடையேயான டெலோமியர் ஆய்வில் அவர்களின் டெலோமியர்களின் நீளம் குறைவாக இருந்தது கண்டறியப்பட்டது. இது அவர்களின் ஆயுளோடு ஒப்பிடுகையில் அப்பெண்களின் மொத்த ஆயுளில் 11 ஆண்டுகளைக் குறைக்குமாம்.

    குழந்தை பேற்றால் டெலோமியர்களின் நீளம் குறைகிறதா அல்லது டெலோமியர்களின் நீளம் குறைவதால் பெண்கள் குழந்தைப் பேறு அடைகிறார்களா? என்பது குறித்து எங்களால் தெளிவாகக் கூற இயலாது என்கிறார் இந்த ஆய்வை நடத்திய ஜார்ஜ் மாசன் பல்கலைக் கழக மருத்துவர்களில் ஒருவரான அன்னா போலக்.

    இது டெலோமியர்கள் தொடர்பான ஆய்வின் முதற்படியே... மேலும் விரிவான ஆராய்ச்சிகள் தொடர்ந்து மேற்கொள்ளப்பட்டு வருகின்றன. மேலும், மேலுமான ஆய்வுகளின் முடிவைக் கொண்டே ஒரு இறுதி வரையரைக்கு வரமுடியும் எனவும் மருத்துவப் பேராசிரியர்களின் குழு தெரிவித்துள்ளது.

    இந்தப் புதிய ஆய்வை எப்படி எடுத்துக் கொள்வதெனத் தெரியவில்லை.

    நமது நவநாகரீக இளம்பெண்களில் பலருக்கு இன்னமும் கூட பெற்ற குழந்தைக்கு தாய்ப்பால் ஊட்டினால் இளமையும், அழகும் தொலைந்து விடும் எனும் மனப்பிரமை உண்டு. அப்படித்தான் பல குழந்தைகள் லாக்டோஜன் பேபிகளாக வலம் வந்தார்கள். இனி இப்படியொரு ஆய்வு முடிவைக் கொண்டு போய் அவர்கள் முன் வைத்தால்... குழந்தைப் பேறடையத் தகுதியுள்ள திருமணமான ஆரோக்யமான  இளம் தாய்மார்கள் கூட ‘விட்டது தொல்லை, இந்த இண்டர்னெட் யுகத்தில் போய் யார் 10 மாதம் குழந்தையைச் சுமந்து பெற்றெடுத்துக் கொண்டிருப்பது? பேசாமல் ஒரு வாடகைத் தாயை அமர்த்திக் கொண்டு சோதனைக் குழாய் முறையில் குழந்தை பெற்றுக் கொள்ள வேண்டியது தான் என முடிவெடுத்து விட்டால் பிறகு உள்ள நன்மையும் போயாச்சு என்றாகி விடும்.

    ]]>
    Motherhood, cut lifespan by 11 years..., telomeres, தாய்மைப்பேறு, 11 ஆண்டுகள் ஆயுட்குறைவு, பெண்கள், குழந்தைகள் http://images.dinamani.com/uploads/user/imagelibrary/2018/3/12/w600X390/motherhood.jpg http://www.dinamani.com/lifestyle/lifestyle-news/2018/mar/12/motherhood-may-cut-lifespan-by-11-years-2879235.html
    2878614 லைஃப்ஸ்டைல் செய்திகள் சிரி சிரி சிரி கொஞ்சம் சிரிங்க பாஸ் (காமெடி புகைப்படங்கள்) ராக்கி DIN Sunday, March 11, 2018 01:14 PM +0530 நெட்டிசன்களின் மீம்ஸ் அட்ராஸட்டி நாளுக்கு நாள் வளர்ந்து கொண்டு வரும் நிலையில், சில புகைப்படக்காரர்களும் தங்கள் பங்கிற்கு நகையூட்டக் கூடிய க்ளிக்குகளை எடுத்து வலையேற்றி வருகிறார்கள்.

    உலகெங்கும் இந்த ஃபன்னி பிக்ஸ் மற்றும் விடியோக்களுக்கு ரசிகர்கள் உண்டு. இணையத்தில் வைரலான சில சிரி சிரி புகைப்படங்கள் இவை... 

    அவிங்க வாறதுக்குள்ள மொத்தத்தையும் முடிச்சிடணும்!!!

     

    அடக் கொடுமையே இதென்ன கூத்து?

     

    அந்தக் கருப்பு பாம்பை கடிச்சு கொன்னுப்புட்டேன் எசமான்!

     

    எவ்வளவு காலம் தான் நீ படமெடுப்ப? உன்னை எடுக்கறேன் பார்!

     

    இங்கிட்டுகூட நிறைய பேர் மாதிரி ஆகணும்...

     

    வாய்ப்பூட்டு போட முடியலை...அதனால...

     

    இந்த ஸ்னாக்ஸ் எனக்கு தான்...யாராவது பங்கு கேட்டு வந்தீங்க....உர்ர்ர்ர்!!!

     

     

    ]]>
    jokes, Relax, ரிலாக்ஸ் ப்ளீஸ், காமெடி, funny pics, சிரிங்க http://images.dinamani.com/uploads/user/imagelibrary/2018/3/11/w600X390/funny-images.jpg http://www.dinamani.com/lifestyle/lifestyle-news/2018/mar/11/few-funny-photos-that-makes-you-laugh-2878614.html
    2876848 லைஃப்ஸ்டைல் செய்திகள் நான் முறைதவறிப் பிறந்தவளாக இருக்கலாம், அதனால் உங்களுக்கு என்ன?!  RKV DIN Thursday, March 8, 2018 05:45 PM +0530  

    பாலிவுட் நடிகை நீனா குப்தா, 80 களில் மேற்கிந்திய தீவுகள் அணியைச் சேர்ந்தவரான கிரிக்கெட் வீரர் விவியன் ரிச்சர்ட்ஸுடன் காதலில் இருந்தார். இருவரும் இணைந்து வாழ்ந்ததற்கு சாட்சியாக நீனாவுக்கு மசாபா என்றொரு மகள் இருக்கிறார். தற்போது பிரபலமான ஆடை வடிவமைப்பாளராக இருக்கும் மசாபா துபையில் வசிக்கிறார். முறையான திருமண உறவின்றி பிறந்த குழந்தை என்பதால் தனது 10 வயது முதலே சட்டவிரோதமான குழந்தை என்றும் முறைதவறிப் பிறந்த குழந்தை என்றும் மசாபாவைப் பலர் காயப்படுத்துவது வழக்கம். அதுமட்டுமல்ல, இணையத்தில் பொது விஷயங்கள் குறித்து மசாபா ஏதேனும் கருத்துச் சொல்லும் போதும் அவரை அதே விதமாகக் குறிப்பிட்டு அவமதிக்கும் வழக்கம் சிலருக்கு உண்டு. அவர்களுக்கெல்லாம் பதில் அளிக்கும் விதமாகத் சமீபத்தில் நிகழ்ந்த தனது ஃபேமிலி ரீ யூனியன் புகைப்படத்தை இணையத்தில் வெளியிட்டு தன்னை அவமதிக்கும் விதத்தில் பேசியவர்களுக்கெல்லாம் பதிலடி கொடுத்திருக்கிறார் மசாபா.

    நேற்று துபையில் தன் தந்தை விவியன் ரிச்சர்ட்ஸின் பிறந்த நாளை முன்னிட்டு அவரைச் சந்தித்திருக்கிறார்கள் மசாபாவும் அவரது அம்மா நீனா குப்தாவும். நீனா குப்தா, விவியன் மூலம் ஒரு மகளுக்குத் தாயான பின்னர் கணக்குத் தணிக்கையாளரான விவேக் மெஹ்ராவை முறைப்படி திருமணம் செய்து கொண்டார். விவியன் ரிச்சர்ட்ஸும் மிரியம் என்பவரைத் திருமணம் செய்து கொண்டார். ஆனாலும் மசாபாவுக்காக மட்டுமல்லாமல் தான் விவியன் மீது கொண்டிருந்த கரை கடந்த காதலின் பேரிலும் இன்றளவும் நீனா, விவியனுடன் நட்புடனே இருக்கிறார். அதை இந்தச் சமுதாயத்தால் புரிந்து கொள்ள இயலாது என்பதே மசாபாவின் தீர்மானம். அதை வெளிப்படுத்தும் விதமாக மசாபா இன்று தனது ட்விட்டர் கணக்கில் ஒரு பதிவு வெளியிட்டிருக்கிறார்.

    ‘சமீபத்தில் பட்டாசுத் தடை குறித்த உச்சநீதிமன்றச் செய்தியை எனது ட்விட்டர் கணக்கில் நான் ரி ட்விட் செய்திருந்தேன். நாட்டிலுள்ள பிற பிரச்னைகளுக்குக் குரல் கொடுப்பதைப் போலத்தான் இதற்கும் குரல் கொடுத்திருந்தேன். எனது கருத்தை ஏற்காதவர்கள் உடனே வழக்கம் போல என்னை மிக மோசமாக வார்த்தைகளால் தூஷிக்கத் தொடங்கி விட்டனர்.

    என்னை சட்ட விரோதமாகப் பிறந்தவள் என்றோ முறைகேடான வகையில் பிறந்த மேற்கிந்தியப் பெண் என்றோ அழைத்தீர்கள் என்றால், இனிமேல் நான் பெருமிதமாகத் தான் உணர்வேன். ஏனெனில், நான் சட்டவிரோதமானவள் தான். இந்த உலகின் பார்வையில் இரண்டு சட்டப் பூர்வமானவர்கள் இணைந்து உருவாக்கிய சட்ட விரோதமான பெண். சுயமாகவும், தொழில் ரீதியாகவும் எனது செயல்கள் எனக்குத் திருப்தி அளிக்கின்றன. ஒரு மனிதனின் சட்டப்பூர்வமான தன்மையை நிர்ணயிக்க வேண்டியவை அவனது பிறப்பல்ல, அவன் செய்யும் தொழிலே. அந்த வகையில் பார்த்தீர்களானால் எனது வேலையில் நான் 100 % திருப்திகரமான உழைப்பை உணர்கிறேன். எனது வேலையிலும், இந்த சமூக முன்னேற்றத்துக்காக நான் செய்து கொண்டிருக்கும் சமூகப் பங்களிப்பிலும் எவராலும் விரல் உயர்த்தி ஒரு சிறு குறை கூட காண இயலாது. சிறுவயதில் இருந்தே பத்திரிகைகளில் என்னைப் பற்றி குறிப்பிட பிறர் உபயோகிக்கும் மேற்கூறிய இரண்டு வார்த்தைகளைக் கண்டு, கண்டு... இப்பொதெல்லாம் அந்த வார்த்தைகள் எனக்கு எதிர்ப்பு சக்தியை ஊட்டக் கூடியவையாக மாறி விட்டன. அதனால், இனியும் நீங்கள் என்னை அப்படியே குறிப்பிட விரும்பினாலும் எனக்கு சந்தோஷமே! ஆனால், நீங்கள் கண்டிப்பாகத் தெரிந்து கொண்டாக விஷயம் ஒன்றுண்டு.

    உங்களாலும், நீங்கள் சார்ந்திருக்கும் இந்தச் சமூகத்தாலும் புரிந்து கொள்ள முடியாத, கையாள முடியாத ஒரு விஷயத்தை சட்டவிரோதமென்றும், முறை தவறல் என்றும் கூறி தப்பிக்க நினைக்கிறீர்கள். ஆனால், ஒரு பெருமைக்குரிய இந்தோ, கரீபியன் பெண்ணான என்னை அந்த விமர்சனங்களால் ஒன்றும் செய்ய முடியாது. என்பதை உணர்ந்து கொள்ளுங்கள். என்னால் அந்த விமர்சனங்களுக்காக சுருங்கிப் பரிதவிக்க முடியவில்லை. உங்களுக்குப் புரியாத, நீங்கள் புரிந்து கொள்ள இயலாத ஒன்றை என்னால் புரிந்து கொள்ள முடிகிறது என்ற பெருமிதமே அதற்கு காரணம்.’ 
    - என மசாபா தனது ட்விட்டர் பதிவில் கூறி இருக்கிறார்.

    ]]>
    Neena gupta, Viv Richards, Masaba, விவியன் ரிச்சர்ட்ஸ், மசாபா, நீனா குப்தா, விமர்சனத்துக்கு பதிலடி, முறைதவறல், Illegitimate child http://images.dinamani.com/uploads/user/imagelibrary/2018/3/8/w600X390/masaba_vivian_richards_neena_gupta.jpg http://www.dinamani.com/lifestyle/lifestyle-news/2018/mar/08/neena-gupta-viv-richards-and-masabas-family-reunion-2876848.html
    2876198 லைஃப்ஸ்டைல் செய்திகள் குழந்தைகள் அப்பா சாயலில் பிறந்தால், ரொம்ப ஹெல்த்தியா இருக்குமாம்?! RKV DIN Wednesday, March 7, 2018 12:10 PM +0530  

    குழந்தை அம்மா சாயல்ல இருக்கா? அப்பா சாயல்ல இருக்கா? எல்லா குடும்பங்களிலும், குழந்தை பிறந்தால் போதும், உடனே உறவினர்களிடையே எழும்பக் கூடிய முதல் கேள்வியே இது தான். குழந்தை அம்மா சாயலிலும் இல்லாமல், அப்பா சாயலிலும் இல்லாமல் முற்றிலும் சம்மந்தா சம்மந்தமில்லாமல் அதன் பெற்றோரும், பாட்டி, தாத்தாக்களுமே பார்த்தேயிராத அந்தக் குடும்பத்தின் மூன்று தலைமுறைகளுக்கு முந்தைய பூட்டன், பூட்டி சாயலில் கூட பிறந்திருக்கலாம். அதெல்லாம் அந்தக் குழந்தையின் ஜீன் அமைப்பைப் பொறுத்தது. பிறக்கும் குழந்தைகளின் சாயலைத் தீர்மானிப்பது எதுவென்று கண்டுபிடிக்கக் கூடிய அளவுக்கு நமது அறிவியல் இன்னமும் வளர்ந்திருப்பதாகத் தெரியவில்லை. அப்படித் தெரிந்து விட்டால் பிறகு நமக்குப் பிடித்தமான சாயலில் குழந்தைகளை உருவாக்கக் கூட நாம் தயங்க மாட்டோம். அந்த அளவுக்கு பிறக்கும் குழந்தையின் சாயல் குறித்தான எதிர்பார்ப்புகள் நமக்கு அதிகம்.

    இப்படியிருக்கையில் நியூயார்க்கில் இருக்கும் பிங்காம்ப்டன் பல்கலைக்கழக மருத்துவத்துறை பேராசிரியர்களால் சமீபத்தில் நடத்தப்பட்ட ஆய்வொன்றின் முடிவில், பிறக்கும் குழந்தைகள், தங்களது அப்பாவின் சாயலில் இருந்தால் அந்தக் குழந்தைகளின் உடல்நலம் குழந்தையின் ஒரு வயதுக்குள்ளாகவே மிக ஆரோக்யமானதாக மேம்பாடடைந்து விடுகிறது என்பதைக் கண்டறிந்து ஆய்வுக்கட்டுரை முடிவை சமர்பித்திருக்கிறார்கள். 

    குழந்தை அப்பாவின் சாயலில் பிறந்தால், உளவியல் ரீதியாக குழந்தைக்கும், அப்பாவுக்குமான பாசப்பிணைப்பு இறுகி... அப்பாக்கள், தங்கள் குழந்தைகளுடன் செலவளிக்கும் நேரம் அதிகரிக்கிறதாம். இதனால் குழந்தையின் உடலில் நலம் தரும் ஹார்மோன்களின் சுரப்பு அதிகரித்து அதன் உடல் ஆரோக்யம் மேம்படுகிறது என பிங்ஹாம்டன் பல்கலைக்கழகப் பேராசிரியர் சாலமன் போல்ஷெக் சுமார் 715 குடும்பங்களின் பெற்றோர் மற்றும் குழந்தைகளிடையே நடத்திய ஆய்வின் முடிவில் நிரூபித்திருக்கிறார்.

    இந்த ஆய்வின் அடிப்படை நோக்கமே, குழந்தை வளர்ப்பில் தந்தையின் முக்கியத்துவத்தை உணர்த்துவது தான்.

    இந்தியாவில் மட்டுமல்ல உலகம் முழுவதுமே, சமையல் பொறுப்பு எப்படி அம்மாக்களுடையதாக ஆக்கப்பட்டதோ அதே விதமாக குழந்தை வளர்ப்பு என்பதும் ஒட்டுமொத்தமாகப் பெண்களின் தலையில் மட்டுமே சுமத்தப்பட்ட பொறுப்பு என்ற நிலையே இப்போதும் பெரும்பாலான இடங்களில் நீடிக்கிறது. இந்த நிலை மாற வேண்டும். அம்மாவினுடைய அருகாமை மட்டுமல்ல அப்பாவினுடைய அருகாமையில் அதிக நேரம் வளரக் கூடிய வாய்ப்புகள் கொண்ட குழந்தைகள் உடலளவில் மட்டுமல்ல மனதளவிலும் மிகுந்த ஆரோக்யமானவர்களாக வளர்கிறார்கள் என்பது இந்த ஆய்வின் மூலமாக மெய்ப்பிக்கப்பட்டுள்ளது.

    Image credit: News18.com

    ]]>
    babies look like their father, healthy babies, ஆரோக்யமான குழந்தைகள், அப்பா சாயல் குழந்தைகள் http://images.dinamani.com/uploads/user/imagelibrary/2018/3/7/w600X390/father-child.jpg http://www.dinamani.com/lifestyle/lifestyle-news/2018/mar/07/babies-who-look-like-their-father-become-healthier-2876198.html
    2872507 லைஃப்ஸ்டைல் செய்திகள் நான் அரசியலுக்காகச் சொல்லவில்லை, ஊடகங்களே தயவு செய்து இதை வெளியிடுங்கள்: வைகோ! கார்த்திகா வாசுதேவன் DIN Thursday, March 1, 2018 04:59 PM +0530  


    ‘14 வயசுப் பையன் 6 வயசுப் பொண்ணை பாலியல் பலாத்காரம் பண்ணி, நாசம் பண்ணி கொன்னு போட்டு, மண்ணெண்ணெய் ஊத்தி எரிச்சிட்டு புகை வருதுன்னு பள்ளிக்கூடத்துல போய் சொல்லியிருக்கான்... 14 வயசுப் பையன்! பாலியல் பலாத்காரத்துக்கு காரணம் என்னன்னு கேட்டதுக்கு அவன் சொன்ன பதில்,  ‘என் செல்ஃபோன்ல நான் ஆபாசப் படம் பார்ப்பேன்... அதனால செஞ்சேன்னு’ சொல்லியிருக்கான். நான் இந்த தொலைக்காட்சிகள் வாயிலாகக் கேட்டுக் கொள்கிறேன். நான் இதை அரசியலுக்காகச் சொல்லவில்லை. உங்கள் தொலைக்காட்சிகள் வாயிலாக தயவு செய்து இதை வெளியிடுங்கள், நீங்கள் பதிவு செய்து கொண்டு போகிறீர்கள், உங்கள் தலைமை நிர்வாகம் இதை வெளியிட அனுமதிக்க வேண்டும். 

    தமிழ்நாட்டிலுள்ள தாய்மார்களே, தந்தைகளே... தயவு செய்து உங்கள் பிள்ளைகளுக்கு செல்ஃபோன் வாங்கித் தராதீர்கள். அமெரிக்காவில் இண்டெர்நெட்டை ரூமுக்குள் போய் பார்க்க முடியாது எந்த வீட்டிலும். வரவேற்பறையில் தான் பார்க்கலாம். பிள்ளைகளைத் தனியாக இண்டர்நெட் பார்க்க விடமாட்டார்கள். ஆனால் இங்கே செல்ஃபோனில் இன்டர்நெட் வசதி ஏற்படுத்திக் கொண்டு மூன்று வயதுக் குழந்தை ஃபோட்டோ எடுப்பதைப் பற்றிப் பெருமையாகப் பேசுகிறார்கள். ‘குழந்தை என்ன அழகாகப் ஃபோட்டோ எடுக்குது செல்ஃபீயில?! என்று பெருமையாகப் பேசுகிறார்கள். எனக்குப் பயமா இருக்கு. சின்னப்பிள்ளைகள் எல்லாம் நான் ஏர்போர்ட்டுக்குச் செல்லும் போது ‘தாத்தா, ஒரு செல்ஃபீ எடுத்துக்கலாமா?’ என்று கேட்கிறார்கள், அதைக் கண்டு நான் சந்தோசப் படவில்லை. இந்தக் குழந்தைகள் எல்லாம் வளர்ந்து ஐந்து, ஆறு வயது ஆகும் போது இந்தப் பசங்க யாராவது இதுல அந்தக் காட்சி பார்க்கலாம், இந்தக் காட்சி பார்க்கலாம் என்று சொல்லிக் கொடுத்தால் எங்கே போய் நிற்கும் இந்தத் தமிழ்நாடு? 

    14 வயசுப் பையன் நான் இதனால நாசம் பண்ணி கொன்னுட்டேன்னு சொல்றான். கூட வந்த 9 வயசுப் பையன் அந்தப் பொண்ணு கத்துனதும் பயந்து ஓடிப் போய் விட்டான், ஆனால் இந்த 14 வயசுப் பையன் கொன்னுட்டான், இது மாதிரியான சம்பவங்கள் தொடர்வது நல்லதல்ல,  ஒன்பதாம் வகுப்புப் படிக்கும் சிறுமியை அதே தெருவில் வசிப்பவன் அந்தப் பொண்ணு விருப்பம் தெரிவிக்கலைன்னு பெட்ரோல் ஊத்தி கொளுத்திட்டான், அந்தக் குழந்தை இறந்து போச்சு, அவனைக் கைது பண்ணியிருக்காங்க, இது நடந்தது திருமங்கலத்துக்குப் பக்கத்துல நடுவக் கோட்டை என்ற கிராமத்துல. 8 ஆம் வகுப்பு, 9 ஆம் வகுப்பு பெண்பிள்ளைகளே பஸ்ஸுல இறங்கி ரோட்ல நடந்து கூட போக முடியாதுன்னா நம்ம தமிழ்நாடு எங்கங்க போகுது?! 

    இதுவரைக்கும் சென்னைல மட்டும் 1700 பேர் செல்ஃபோன்ல பேசிக்கிட்டே போய் ரயில்வே தடத்துல இறந்துருக்காங்க. இது போலீஸ் ரெக்கார்டு. பீகார்ல 6 பிள்ளைங்க செல்ஃபோன் பேசிட்டே போய் ரயில்ல அடிபட்டு இறந்திருக்காங்க. இதுவும் ரொம்ப வேதனையா இருக்கு. நான் இப்ப வரும்போது பார்க்கறேன். அவ்ளோ வாகனங்கள் போய்க்கிட்டே இருக்கு, ஒரு அம்மா செல்ஃபோன் பேசறதை நிறுத்தாம கை காமிச்சு வாகனங்களை ஓரமா ஒதுங்கச் சொல்லி சைகை பண்ணிட்டு போயிகிட்டே இருக்காங்க. கர்ணன் கவச குண்டலத்தோட பிறந்தானா? இல்லையான்னு எனக்குத் தெரியாது. ஆனா, இப்ப பிறந்ததுமே காதுல செல்ஃபோன் மாட்டிடறாங்க. இது நல்லதில்லைங்க.

    தமிழ்நாட்டுத் தாய்மார்களே, தந்தைமார்களே உங்களைக் கையெடுத்துக் கும்பிட்டுக் கேட்டுக் கொள்கிறேன், உங்கள் பிள்ளைகளுக்கு தயவு செய்து செல்ஃபோன் வாங்கிக் கொடுக்காதீங்க!

    வைகோவின் வேண்டுகோளை காணொலியாகக் காண...

     

    பிள்ளைகள் வருத்தப்படும்னு அவங்க கேட்கறதெல்லாம் வாங்கிக் கொடுக்கிறதா? கண்டிச்சு வளர்க்கிறதில்லையா? குழந்தைகள் என்ன கேட்டாலும் வாங்கிக் கொடுக்கிறது என்ன பழக்கம். அப்படி வாங்கித் தரலைன்னா பிள்ளைகள் கோவிச்சுக்கிறாங்க... வயலண்ட்டா பிஹேவ் பண்றாங்க. நான் ஏர்ப்போர்ட்ல பார்க்கறேன், ஃபிளைட்ல பார்க்கறேன் குழந்தைங்க என்னமா சண்டை போடறாங்க அவங்க பெற்றோர்கள்கிட்ட. இதெல்லாம் தமிழ்நாட்டில் சமூகப் பிரச்னை மட்டுமில்லை. குழந்தைகளின் எதிர்காலத்தைப் பற்றிய பிரச்னையும் கூட.

    Image courtesy: the malaysian times. Nakkheeran TV

    ]]>
    vaiko, வைகோ, வை.கோபால்சாமி, செல்ஃபோன், சமூகப் பிரச்னை, குழந்தைகள் எதிர்கால பிரச்னை http://images.dinamani.com/uploads/user/imagelibrary/2018/3/1/w600X390/vaiko.jpeg http://www.dinamani.com/lifestyle/lifestyle-news/2018/mar/01/நான்-அரசியலுக்காகச்-சொல்லவில்லை-ஊடகங்களே-தயவு-செய்து-இதை-வெளியிடுங்கள்-வைகோ-2872507.html
    2871828 லைஃப்ஸ்டைல் செய்திகள் அம்மாவை மிஸ் பண்றவங்க எல்லோரும் இந்த வீடியோவைப் பாருங்க பாஸ்... நெகிழ்ச்சி! RKV DIN Wednesday, February 28, 2018 01:38 PM +0530  

    76 வயது பாட்டிக்கு உடல்நிலை சரியில்லை. அவரைப் பார்க்க 97 வயதான அவரது அம்மா வருகிறார். இளைமையாக இருக்கும் போது உடல்நலக் குறைபாடு என்றாலே நம்மால் தாங்க இயலாமல் அப்படியே வதங்கிப் போய் வீட்டில் கண்டவர்களை எல்லாம் கடித்துக் குதறிக் கொண்டு இருப்போம். உடல்நிலை சரியானால் தான் குணநலமும் சீராகும் என்ற நிலை தான் பலருக்கு. உடல் உபாதைகள் அத்தனை படுத்தி எடுக்கும். ஒருவழியாக உடல் உபாதைகள் விடைபெற்றால் மட்டுமே மனதளவில் சாந்தம் கிடைக்கும் நமக்கு மட்டுமல்ல வீட்டிலுள்ள நம்மைச் சார்ந்தோர் அத்தனை பேருக்கும் தான். அப்படி இருக்க இந்தப் பாட்டிக்கு 76 வயதில் ஏதோ உடல்நலக் கோளாறு. நடமாட்டமில்லாமல் உண்பதும், உறங்குவதும் படுக்கையிலேயே எனும் நிலையாகி விட்டது போலும். வீட்டில் அவரைக் கவனித்துக் கொள்ள பிள்ளைகள், கணவர், பேரன், பேத்திகள் என பல உறவுகள் இருக்கலாம். ஆனால் உள்ளூர அவரது மனம் நாடியிருந்தது அவரது அம்மாவின் வருகையை மட்டுமே. 76 வயதான தனக்கே உடல் உபாதைகள் இப்படிப் படுத்தி எடுக்கும் போது 97 வயதான தனது அம்மாவால் எப்படித் தன்னை வந்து காண முடியப் போகிறது? அம்மாவெல்லாம் இங்கே வரமாட்டார் என்ற ஏக்கத்தில் இருந்திருப்பார் போலும்... ஆனால், சர்ப்ரைஸாக அவரது வயோதிக அம்மா தன் மகளைப் பார்க்க ஓடோடி வந்தே விட்டார் எனும் போது அம்மாவைக் கண்டதும் அவரது உணர்வு வெளிப்பாட்டைப் பாருங்கள்...

     

    ம்மா... என்ற அவரது அழைப்பில் ஓராயிரம் அர்த்தங்கள்...

    உலக உயிர்கள் அனைத்துக்கும் அன்னையே முதல் உறவு. பிறகு தான் மற்றவர்களைப் பட்டியலிட முடியும்.

    இந்த நெகிழ்வான வீடியோ முகநூலில் பல்லாயிரம் முறை பகிரப்பட்டிருந்தது. எத்தனை முறை பகிர்ந்தாலும் பகிரத் தகுதியான வீடியோ தான் இது!

    ]]>
    mothers lovve, அம்மாவின் அன்பு http://images.dinamani.com/uploads/user/imagelibrary/2018/2/28/w600X390/loveable_mom.jpg http://www.dinamani.com/lifestyle/lifestyle-news/2018/feb/28/76-years-old-grandmother-is-not-well-her-97-yrs-old-mom-came-to-visit-her-mothers-will-always-be-mot-2871828.html
    2871821 லைஃப்ஸ்டைல் செய்திகள் ஸ்ரீதேவி குறித்த தங்களது நினைவுகளை #missyousridevi ஹேஷ்டேக் மூலமாக வாசகர்கள் பகிரலாம். RKV DIN Wednesday, February 28, 2018 12:44 PM +0530  

    கடந்த சனிக்கிழமையன்று இரவு துபையில் உயிரிழந்த நடிகை ஸ்ரீதேவியின் உடல் நேற்றிரவு மும்பை கொண்டு வரப்பட்டது. இன்று பிற்பகல் 3.30 மணியளவில் அவருக்கு இறுதிச் சடங்குகள் நடைபெறும் என அவரது குடும்பத்தார் தெரிவித்துள்ளனர்.

    இந்தியத் திரையுலகைப் பொருத்தவரை அதன் வரலாற்றில் நடிகை ஸ்ரீதேவி தவிர்க்க முடியாத ஒரு நபர். குழந்தை நட்சத்திரமாகத் தமிழில் அறிமுகமாகி மலையாளம், தெலுங்கு, கன்னடம் என நடித்து பிறகு இந்திக்குச் சென்று சூப்பர் ஸ்டாராக அங்கேயே கணவர், குழந்தைகள் என செட்டிலான ஸ்ரீதேவிக்கு இன்று வரை தனித்த ரசிகர் பட்டாளங்கள் உண்டு. மும்பையில் அவர் எங்கு சென்றாலும் எந்த நிகழ்வில் கலந்து கொண்டாலும் ஸ்ரீ மேம்... ஸ்ரீ மேம் ப்ளீஸ் ஒரே ஒரு போஸ் என அவரைச் சூழ்ந்து கொண்டு புகைப்படங்களாகச் சுட்டுத் தள்ள ஆளாய்ப் பறக்கும் செய்தியாளர்கள் பலருண்டு. 

    குழந்தைப் பருவம் முதல் தனது திருமணத்துக்கு முன்பு வரை பரபரப்பாக நடித்துக் கொண்டிருந்த ஸ்ரீதேவி போனி கபூருடனான திருமணத்தின் பின் சுமார் 5 வருடங்கள் திரையுலகை விட்டு ஒதுங்கி இருந்தார். பின்பு 'இங்லீஷ் விங்லீஷ்' திரைப்படம் மூலமாக மறுபிரவேஷம் செய்தார். அத்திரைப்படம் அவருக்கு நற்பெயரைப்பெற்றுத் தந்தது. அதைத் தொடர்ந்து ஸ்ரீதேவி திரைப்படங்களில் தொடர்ந்து நடித்துக் கொண்டிருந்த சமயத்தில் கடந்த வாரம் துபையில் கணவர் போனி கபூர் வகையில் உறவினரான மோஹித் மார்வா திருமணக் கொண்டாட்டத்தில் கலந்து கொள்ளச் சென்றிருந்தவர் பரிதாபத்துக்குரிய வகையில் சுயநினைவின்றி குளியலறைத் தொட்டியில் விழுந்து மூச்சுத் திணறி உயிரிழந்து விட்டதாகத் தகவல்கள் பரவின.

    முதலில் இதயம் செயலிழப்பு என்று காரணம் கூறப்பட்டது. பின்பு குளியலறைத் தொட்டியில் இருந்து எழ முடியாமல் மூச்சுத் திணறியதால் மரணம் என்றார்கள். ரசிகர்களுக்கு இப்போது வரை ஸ்ரீதேவியின் திடீர் மரணம் மர்மமாகத்தான் இருக்கிறது.

    வானில் தக தகவென மின்னிக் கொண்டிருந்த நட்சத்திரம் ஒன்று சடாரென உதிர்ந்தால் எப்படி இருக்கும்?! அப்படித்தான் இருக்கிறது ஸ்ரீதேவியின் மரணம்.

    அடிப்படையில் அவர் தமிழகத்துப் பெண். தமிழில் நடித்து தனது திறமையை நிரூபித்து விட்டு பிறகு தான் அவர் பிற மொழிகளுக்குச் சென்றார்.

    எந்தவித செயற்கைப் பூச்சுகளும் அற்ற, ஒப்பனை குறைவான போதும் அழகின் திருவுருவாக ஜொலித்த அப்பழுக்கற்ற குழந்தைத் தனம் மாறாத ஸ்ரீதேவியை முதல்முறை நாயகியாகக் கண்டு ரசிக்கும் பேறு பெற்றவர்கள் தமிழ் ரசிகர்களான நாம் தான். 

    யோசித்துப் பாருங்கள்...

    மீண்டும் கோகிலா, டிக்...டிக்...டிக், போக்கிரி ராஜா, நான் அடிமை இல்லை, மூன்றாம் பிறை, வாழ்வே மாயம், காலத்து ஸ்ரீதேவியை ஒருமுறை நினைவிலோட்டிப் பாருங்கள்...

    நிச்சயம் அந்தக் கால நினைவுகளில் சிக்கி கலங்கிப் போவீர்கள்1

    எப்பேர்ப்பட்ட நடிகை அவர்?!

    இன்று அவரது உடல் தகனம் செய்யப்படவிருக்கிறது.

    நாம் கண்டு ரசித்த இந்திய சினிமாக்களின் செல்லத் தாரகை.

    அவர் மறைந்தாலும் அவரது திரைப்படங்கள் இருக்கின்றன என்றென்றைக்குமாய்!

    தினமணி இணையதள வாசகர்கள் ஸ்ரீதேவி குறித்த தங்களது நினைவலைகளைப் பதிவு செய்ய #missyousridevi ஹேஷ் டேக் உதவும்.

    ஸ்ரீதேவி குறித்த பொக்கிஷ நினைவுகளைப் பதிவு செய்யுங்கள்!
     

    ]]>
    ஸ்ரீதேவி, மிஸ் யூ ஸ்ரீதேவி ஹேஷ் டேக் , sridevi, rip, இரங்கல் http://images.dinamani.com/uploads/user/imagelibrary/2018/2/28/w600X390/srideviii.jpg http://www.dinamani.com/lifestyle/lifestyle-news/2018/feb/28/missyousridevi-ஹேஷ்டேக்-2871821.html
    2866461 லைஃப்ஸ்டைல் செய்திகள் ஹாசினி கொலை வழக்கில் நேர்மை பிழைத்தது! தாயைக் கொன்ற வழக்கு எஞ்சி நிற்கிறது! RKV DIN Monday, February 19, 2018 05:31 PM +0530  

    ஹாசினி வழக்கில் குற்றம் அனைத்தும் நிரூபணமானதால் தூக்குத்தண்டனை எனத் தீர்ப்பு வழங்கப்பட்டுள்ளது. தஷ்வந்துக்கு சிறுமி கொலை வழக்கில் ஆட்கடத்தல் மற்றும் பாலியல் வன்கொடுமை குற்றத்துக்காக 37 ஆண்டுகள் சிறைத் தண்டனை வழங்கப்பட்டதோடு. சிறுமி ஹாஷினி கொலை வழக்கில் குற்றவாளி தஷ்வந்துக்கு மரண தண்டனையும் விதித்தது செங்கல்பட்டு மகிளா நீதிமன்றம். தீர்ப்பைக் கேட்ட நொடியில் தனது மகள் கொலைக்கு இப்போது தான் நியாயம் கிடைத்துள்ளது என நெகிழ்ந்து கூறி சிறுமியின் தந்தை கண்ணீர் உகுத்தார். ‘குற்றம் செய்தால் கண்டிப்பாக தண்டனை கிடைக்கும் என்ற பயம் வர வேண்டும். கடந்த ஓராண்டாக தனது குழந்தைக்கு நேர்ந்ததை நினைத்து தன்னால் தூங்கக் கூட முடியவில்லை. இனி என் குழந்தை திரும்ப வரப்போவதில்லை. என் குழந்தைக்கு நேரந்த பயங்கரம் இனியொரு குழந்தைக்கு நேரக் கூடாது. இந்தத் தீர்ப்பால் என் மகள் கொலைக்கு நியாயம் கிடைத்துள்ளது.’ எனவும் ஹாசினியின் தந்தை கண்ணீருடன் கூறினார். 

    ஹாசினி வழக்கில் நேர்மையான தீர்ப்பு வழங்கப்பட்டிருப்பதோடு கால தாமதமின்றி விரைவாகவும் தீர்ப்பு வழங்கப்பட்டிருப்பதன் காரணம் இது போன்ற பாதிப்பு வேறு எந்தச் சிறுமிக்கும் எதிர்காலத்தில் நிகழக்கூடாது என்பதோடு, அப்படியான கொடுஞ்செயல்களைப் புரியும் மனநிலையில் இருப்பவர்களை அச்சுறுத்தும் வகையிலும் இப்படியொரு தீர்ப்பு வழங்கப்பட்டுள்ளதாக தீர்ப்பு குறித்து செய்தியாளர்களுக்கு அளித்த நேர்காணலில் ஹாசினி தரப்பு வழக்கறிஞர் கண்ணதாசன் தெரிவித்தார். 

    ஹாசினி வழக்கில் இப்படியொரு நேர்மையான தீர்ப்பை வழங்கிய செங்கல் பட்டு மகிளா மன்ற நீதிபதி வேல்முருகனுக்கு சமூக ஊடகங்கள் மற்றும் பண்பலைகளில் பொதுமக்கள் தங்களது பாராட்டைத் தெரிவித்து வருவதோடு, குழந்தைகளுக்கு எதிரான குற்றச்செயல்களில் ஈடுபடுபவர்களுக்கு ஹாசினி வழக்கின் தீர்ப்பு ஒரு பாடமாக அமையும் எனவும் பொதுமக்கள் தங்களது கருத்துக்களைப் பதிவு செய்து வருகின்றனர்.

    சிறுமி கொலை வழக்கில் மட்டுமே தற்போது தீர்ப்பு வழங்கப்பட்டு 37 ஆண்டுகள் சிறைத்தண்டனையும், மரண தண்டனையும் வழங்கப்பட்டுள்ளது. தஷ்வந்த தன் தாயைக் கொன்ற வழக்கு வேறு எஞ்சியுள்ளது. அந்த வழக்கின் தீர்ப்பு எவ்விதமாக அமையும் எனத் தெரியவில்லை. ஆயினும் கொலைக்கு நிச்சயம் ஆயுள் தண்டனையோ அல்லது தூக்கு தண்டனையோ வழங்கப்படலாம். அது அந்த வழக்கின் சாட்சிகளையும், வாதப் பிரதிவாதங்களையும், குற்றம் நிகழ்ந்த சந்தர்ப சூழலையும் பொருத்தது. ஆயினும் தான் அருகிருந்து பார்ந்து வளர்ந்த ஒரு சிறுமியின் மீது சிறிதும் மனிதாபிமானமற்று பாலியல் வன்கொடுமை செய்து, எதிர்ப்புக் காட்டிய குழந்தையை தலையணையால் அமுக்கிக் கொன்று திட்டமிட்டு கொலையை மூடி மறைக்க சிறுமியின் சடலத்தை டிராவல் பேகில் எடுத்துச் சென்று புறநகர்ப் பகுதியில் எரித்து தடயங்களை அழிக்க முயன்ற சாடிஸ மனநிலைக்கு இந்தத் தண்டனை அவசியமானது தான். அதோடு மற்றும் நிறுத்தாமல் ஜாமீனில் வெளியில் வந்த போதும் தனது செலவுகளுக்குப் பணம் தரவில்லை எனப் பெற்ற தாயையே இரும்புக் கம்பியால் தாக்கிக் கொன்று விட்டு தப்பியோடிய மனித மிருகமான இந்த இளைஞனுக்கு இந்தத் தண்டனை போதாது. இதைக் காட்டிலும் கடுமையான தண்டனைகள் ஏதேனும் இருந்தால் சட்டத்தின் துணை கொண்டு அதை நிறைவேற்றலாம்.


     

    ]]>
    hasini, death sentence to dhasvanth, ஹாசினி கொலை வழக்கு, தஷ்வந்துக்கு மரண தண்டனை, தாயைக் கொன்ற வழக்கு http://images.dinamani.com/uploads/user/imagelibrary/2018/2/19/w600X390/hasini.jpg http://www.dinamani.com/lifestyle/lifestyle-news/2018/feb/19/death-sentence-for-dhasvanth-hasinis-killer-gets-capital-punishment-2866461.html
    2865898 லைஃப்ஸ்டைல் செய்திகள் ஒயினில் இத்தனை வகைகளா? ராக்கி DIN Monday, February 19, 2018 12:00 PM +0530 மதுப் பிரியர்கள் தேடிப் பிடித்து விரும்பி அருந்துவது மெர்குரி ஒயின் ஆகும். இந்த வகை ஒயின் இந்தியாவில் மட்டும் கிடைக்கும். நாசிக் பகுதியில் பணம் மட்டும் அச்சடிக்கப்படுகிறது என்று நினைக்க வேண்டாம். ஒயின் தயாரிப்பிலும் சக்கை போடு போடுகிறந்து மகாராஷ்ட்ராவில் உள்ள நாசிக் பகுதியில் அமைந்துள்ள ஓசார். இப்பகுதியில்தான் இந்த மெர்குரி ஒயின் தயாரிக்கப்படுகிறது.

    அடுத்து விண்டேஜ் ஒயின் ரசிகர்களின் கவனத்தை கவர்ந்த ஒன்று. கர்நாடகா மாநிலத்தில் பசுமை பள்ளத்தாக்கில் அமைந்துள்ளது. பெயருக்கு ஏற்றவகையில் விண்டேஜ் ஒரு எலைட்டான மதுவகை. இந்த ஒயின் பலவகையான வெரைட்டிகளில் கிடைக்கிறது.

    நாசிக் அருகில் உள்ள நாபா பள்ளத்தாக்கில் மிகப் பெரிய திராட்சை தோட்டம் உள்ளது. இங்கு தயாரிக்கப்படும் ஒயினை இண்டஸ் ஒயின் என்கிறார்கள். சாவிக்னன் பிளாங்க் என்னும் வொயிட் ஒயினை இங்கு தயாரிக்கிறார்கள்.

    ஸீகிராம் ஸீ கிராம் இந்தியாவிலேயே மிகவும் பிரபலமானது. ஆனால் இது ஒயின் பிராண்ட் இல்லை. நைன் ஹில்ஸ் என்பதே இதன் பிராண்ட் பெஇயர். 2007-ம் ஆண்டுமுதல் இது பிரபலமானது.

    மகாராஷ்டிராவின் இகத்புரி பகுதியில் உள்ள திராட்சைகளான சிராஷ், ரோசா போன்றவற்றை நொதித்துத் தயாரிக்கப்படுகிறது ஜம்ப்பா ஒயின் . இது மது அருந்துபவர்களின் பெரும் விருப்பத்தை சம்பாதித்துள்ளது.

    பெங்களூர் அருகிலுள்ள நந்தி ஹில்ஸில் அமைந்துள்ள தோட்டத்திலிருந்து எடுக்கப்பட்ட திராட்சைகளை நொதித்து குரோவர் எனும் சுவைமிகக் ஒயினாக தயாரிக்கிறார்கள். மேலும் இது மிகவும் பழமையான ஒயினாகும்.

    நாசிக்கில் அமைந்த திராட்சைத் தோட்டத்ஹ்டிலிருந்து தயாரிக்கப்படும் ஒருவகை ஒயினை சுலா என்று அழைக்கிறார்கள். இந்த பிராண்ட் ஒயின் இந்தியாவில் மிகவும் பிரபலம்.

    ]]>
    Wine, Red wine, White wine, Mercury wine, Vitage wines, ஒயின், ரெட் வொய்ன் http://images.dinamani.com/uploads/user/imagelibrary/2018/2/18/w600X390/wines.jpg http://www.dinamani.com/lifestyle/lifestyle-news/2018/feb/19/variety-wines-2865898.html
    2865293 லைஃப்ஸ்டைல் செய்திகள் த்ரில் விளையாட்டா? திகில் விளையாட்டா? அநியாயமாக இளம்பெண்ணின் உயிரைப் பறித்த ‘கோ கார்ட்’ ரேஸ்கார்! கார்த்திகா வாசுதேவன் DIN Saturday, February 17, 2018 11:57 AM +0530  

    மரணத்தில் கொடிய மரணம் நாம் எதிர்பார்த்திராத ஒரு சந்தோஷமான தருணத்தில் விசுக்கென மரண பயத்தை அணு, அணுவாக அனுபவித்து நமது ப்ரியத்துக்குரியவர்களின் கண் முன்னால் ஏதிலிகளைப் போல மரணிப்பது தான்! இந்த ஹரியானா இளம்பெண்ணின் துர்மரணம் அப்படிப்பட்ட மரணங்களில் ஒன்று. 

    கடந்த புதனன்று தனது 2 வயது மகன், கணவர் அமர்தீப் சிங், நேசத்துக்குரிய அம்மா, மற்றும் உறவினர்கள் சிலருடன் விடுமுறையைக் கொண்டாட பிஞ்ஞோரில் இருக்கும்  பொழுதுபோக்குப் பூங்கா (அம்யூஸ்மெண்ட் பார்க்) ஒன்றுக்கு சென்ற 28 வயது புனித் கெளர் அறிந்திருக்க மாட்டார் தனக்காக அங்கே மரணம் காத்திருப்பதை! 

    இங்கே நம்மூர் பொழுதுபோக்குப் பூங்காக்களில் நீங்கள் பார்த்திருப்பீர்களே சிறுவர்கள் மற்றும் பெரியவர்களும் கூட தாங்களே இயக்கிக் கொள்ளத் தக்க வகையில் அமைந்த குட்டிக் குட்டி  ரேஸ் கார்கள் போன்ற கோ கார்ட் விளையாட்டுகளை. அதைப் போன்ற ஆனால் தானியங்கி ரேஸ்கார் விளையாட்டை விளையாடலாம் என முடிவு செய்த புனித்தும் அவரது கணவரும் ஒரு கோ கார்ட்டில் ஏறிக் கொண்டனர். 

    புனித்தின் 2 வயது மகன் மற்றும் அம்மாவுக்காக ஒரு கோ கார்ட், மீதமுள்ள உறவினர்களுக்காக 1 கோ கார்ட்  என மொத்தம் 6 இருக்கைகளைப் பதிவு செய்து கொண்டு குதூகலமான மனநிலையுடன் அதில் ஏறி அமர்ந்து விளையாடத் தொடங்கினர். இந்த வகை ரேஸ்கார்களில் விளையாட தற்காப்புக்கென அதற்கெனத் தனியாக ஹெல்மெட் அணிய வேண்டுமென்பது விதிமுறைகளில் ஒன்று. புனித்தும் அவரைச் சேர்ந்தவர்களும் கூட அணிந்து கொண்டு தான் விளையாடியதாகக் கூறப்படுகிறது. 

    ஆனால், புனித், தனது கூந்தலை சுதந்திரமாகப் பறக்க விட்டுக் கொண்டு (லூஸ் ஹேர்) கோ கார்ட் விளையாட்டில் ஈடுபட்டதால் 2 ஆம் சுற்றில் அவரது கூந்தல் கோ கார்ட்டின் பின் சக்கரங்களில் சிக்கிக் கொண்டு ஷண நேரத்தில் அவரது தலைமுடி தோலோடு உறியத் தொடங்கியது. அருகில் அமர்ந்திருந்த அவரது கணவருக்கு மனைவியின் திடீர் மரண ஓலம் கேட்டதே தவிர, எதற்காக அவர் அப்படி அலறுகிறார் என்பதை அவர் கண்டுணரவே சில நொடிகள் தேவைப்பட்டிருக்கின்றன. ஆனால் எல்லாம் காலம் கடந்த சுதாரிப்புகள். சக்கரங்களில் சிக்கி நன்றாகச் சுற்றிக் கொண்ட கூந்தலை பிரித்தெடுக்க முடியாமல் அப்படியே கூந்தலை வெட்டி நீக்கி விட்டு மண்டையோட்டில் உறிந்த தோலினாலான ரத்தக் காயங்களுடன் மருத்துவமனைக்கு விரைந்த போதும் பாவம் புனித்தைக் காப்பாற்ற இயலவில்லை. அவர் இறந்து விட்டதாக மருத்துவர்கள் அறிவித்துள்ளனர். இது நிச்சயம் கோரமான மரணம் தான். எந்தெந்த இடங்களில் எல்லாம் பாதுகாப்பு விஷயத்தில் மனிதர்கள் மேலும் கவனமாக இருந்தாக வேண்டும் என்பதை புனித் தனது உயிரைக் கொடுத்து நமக்குப் பாடம் கற்பித்திருக்கிறார்.

    பொழுதுபோக்குப் பூங்காக்களில் இம்மாதிரியான விளையாட்டுகள் தரும் த்ரில் அனுபவத்துக்காகவும், குழந்தைத்தனமான சந்தோஷத்துக்காகவுமே மக்கள் இதில் ஆர்வத்துடன் ஈடுபடுகின்றனர். ஆனால் அந்த ஆர்வமே அவர்களது உயிரைப் பலிவாங்கக் கூடுமெனில் தவறு யாருடையது?! புனித் விஷயத்தை எடுத்துக் கொண்டால் அவர் மேலும் ஜாக்கிரதையாக இருந்திருக்க வேண்டும் என்பதைத் தவிர அவர் பக்கத்து தவறு என இதில் எதைச் சுட்டிக் காட்ட முடியும்? அவர் இன்னும் கொஞ்சம் ஜாக்கிரதை உணர்வுடன் இருந்திருந்தால் இப்போது 2 வயது மகனை விட்டுவிட்டு அற்ப ஆயுளில் மரணித்திருக்கத் தேவை இல்லை. உயிர்ப்பலி நேர்ந்திராமல் தவிர்த்திருக்கலாம்.

    அதோடு கூட, சம்பவம் நடந்த அந்தப் பொழுதுபோக்குப் பூங்கா நிர்வாகம் இதை முற்றிலுமாக ஒரு விபத்து என்று கூறி தப்பிக்க நினைப்பதும் தவறு.
    இது விபத்தாகவே இருந்தாலும், தன்னை நம்பி ஆயிரக்கணக்கில் பணம் கொடுத்து விடுமுறைக் கொண்டாட்டங்களை அனுபவிக்க வரும் பல்லாயிரக்கணக்கான மக்களின் உயிருடன் விளையாடத் தக்க வகையிலான இம்மாதிரியான பாதுகாப்பற்ற விளையாட்டுகளை எல்லாம் அவர்கள் ஏன் அனுமதிக்க வேண்டும்? என்பது முதல் கேள்வி; அப்படியே அனுமதித்தார்கள் எனில், இந்த விளையாட்டால், இன்னின்ன பாதகங்கள் வரலாம் என முன்கூட்டியே அனுமானித்து, அத்தகைய பாதகங்களோ அல்லது விபத்துக்களோ நேர்ந்தால் பாதிக்கப்பட்டவர்களை போர்க்கால அவசர நடவடிக்கை எடுத்து உடனடியாக காப்பாற்றத் தோதாக முன்னெச்சரிக்கை நடவடிக்கைகள் எதையும் தயார் நிலையில் வைத்திராதது யாருடைய குற்றம்?!

    நாளை வழக்குப் பதிந்து பாதிக்கப்பட்டவர்கள் நிர்வாகத்திடம் இருந்து இழப்பீடு பெற்றுக் கொள்ள சட்டத்தில் வழி இருக்கலாம். ஆனால் ஒரு உயிர் பறிபோனதை யாராலும் மாற்றவோ, மறுக்கவோ முடியாதே. இம்மாதிரியான அசம்பாவிதங்கள் எப்போதாவது தானே நடக்கின்றன என மெத்தனமாக விட்டு விடத் தக்க விஷயமல்ல இது?! 

    சில வருடங்களுக்கு முன்பு சென்னையில் ஒரு தனியார் பொழுது போக்குப் பூங்காவின் ஜெயண்ட் வீல் எனும் ராட்சத ராட்டினத்தில் இருந்து தூக்கி எறியப்பட்ட் உடல் சிதறு உயிரிழந்தார் இளம்பெண் ஒருவர். அங்கே மட்டுமல்ல இதே போல சில மாதங்களுக்கு முன்பு இதே வட இந்திய மாநிலங்கள் ஒன்றில் விடுமுறை தினமொன்றில் சந்தோஷமாக மனைவி மற்றும் இரு குழந்தைகள் சகிதம் ரோப்காரில் சென்று கொண்டிருந்த வாலிபர் ஒருவர் 100 அடிக்கும் அதிகமான உயரத்தில் இருந்து புயல் காற்று வீசியதால் மரம் சரிந்து ரோப்காரில் மோத அப்படியே குடும்பத்துடன் தூக்கி எறியப்பட்டு சிதறி அநியாயமாக மரணித்தார். ஆகவே மக்கள் நலனில் அக்கறையில்லாது வெறுமே வருமானத்தை அதிகரிப்பதை மட்டுமே முழு நோக்கமாகக் கொண்டு இயங்கும், இயக்கப்படும் இம்மாதிரியான பொழுதுபோக்குப் பூங்காக்களின் மீது அரசு உடனடியாகக் கடுமையான நடவடிக்கைகள் எடுத்து அவர்களின் உரிமங்களை ரத்து செய்ய வேண்டும். அரசே ஏற்று நடத்தும் பூங்காக்கள் எனில் இதில் அரசும் ஒரு குற்றவாளி தான். எனவே மக்களின் பாதுகாப்புக்கு எந்த வகையிலும் பொறுப்பேற்காத, உத்திரவாதமளிக்காத இப்படியான பொழுது போக்குப் பூங்காக்களை ரத்து செய்து விட்டு அந்த இடங்களில் பறவைகள் சரணாலயம் அல்லது உயிரியல் பூங்காக்களை இயக்கும் தீர்மானங்களை நிறைவேற்றலாம். அல்லது குறைந்த பட்சம் இம்மாதிரியான ஆபத்தான விளையாட்டுக்களையாவது தடை செய்யக் கோரலாம். ஏனெனில் எந்த வகையிலும் இது ஜீரணித்துக் கொள்ளத் தக்க மரணம் அல்ல என்பதால்!

    ]]>
    ஹரியானா இளம்பெண் மரணம், கோ கார்ட் ரேஸ்கார் விளையாட்டு, பொழுது போக்குப் பூங்கா, woman dies in go kart, amusement park accidantal deaths, http://images.dinamani.com/uploads/user/imagelibrary/2018/2/17/w600X390/go_kart_2.jpg http://www.dinamani.com/lifestyle/lifestyle-news/2018/feb/17/woman-dies-after-hair-gets-stuck-in-go-kart-2865293.html
    2864677 லைஃப்ஸ்டைல் செய்திகள் பலே திருடர்களும், தோல்வியில் முடிந்த திருட்டும்! வைரலாகும் லைவ் வீடியோ! கார்த்திகா வாசுதேவன் DIN Friday, February 16, 2018 12:54 PM +0530  

    திருடனுக்குத் தேள் கொட்டிய கதையைக் கேள்விப்பட்டிருக்கிறீர்களா?!

    அதே தான்...  ஆனால் இங்கே தேள் கொட்டவில்லை கல்... செங்கல் நன்றாகப் பதம் பார்த்து விட்டது. திருடனைத் தேள் கொட்டினால் என்ன, செங்கல் பதம் பார்த்தால் என்ன? எப்படியோ திருட்டு நிகழாமல் தடுக்கப்பட்டால் சரி தானே?! 

    இணையத்தில் வைரலாகிக் கொண்டிருக்கும் அந்த லைவ் திருட்டு வீடியோ இது தான்...

    திரைப்படங்களில் தான் பெரும்பாலும் இப்படியான காட்சிகள் அரங்கேறி நம்மை குலுங்கிச் சிரிக்க வைக்கும். ஆனால், இப்போது நிஜமாகவே அப்படியொரு காட்சி அரங்கேறி இணையத்தில் வைரலாகி இருப்பதோடு சீனக் காவல்துறையினரையும் புன்னகைக்க வைத்திருக்கிறது. ஷாங்காய் நகரில் ஒரு பெரிய மாலின் கண்ணாடிக் கதவை செங்கல்லால் உடைத்துத் திறந்து அத்துமீறி உள்ளே நுழைய முயற்சித்திருக்கிறார்கள். அப்படி செங்கல்லை வீசும் போது துரதிருஷ்டவசமாக திருடனின் கூட்டாளியே தெரியாத்தனமாக குறுக்கே வந்து விட உடைந்தது கண்ணாடிக் கதவில்லை. அந்தக் கூட்டாளியின் மண்டை. இனி என்ன செய்வது? தலையில் ரத்தம் சொட்டச் சொட்டச் திருடும் அளவுக்கு அவர்கள் ஜெகஜ்ஜாலத் திருடர்கள் இல்லை போல... அடிபட்ட கூட்டாளியைக் காப்பாற்றும் நோக்கில் அவர்கள் இருவரும் தங்களது திருட்டு முயற்சியைக் கைவிட்டு விட்டு அங்கிருந்து அகல்வதைப் போலான காட்சி சர்வலைன்ஸ் கேமராவில் பதிவாகி இருக்கிறது. இதைக் கண்ட ஷாங்காய் காவலர்களுக்கு ஆனந்த அதிர்ச்சி. திருடர்கள் இப்படி  அதி புத்திசாலித்தனமாகத் திருடத் திட்டம் போட்டால், அப்புறம் காவல்துறையினர் ஓவர் டைம் பார்த்து நடு இரவில் வேலை செய்யத் அவசியமே இல்லாமலாகி விடக்கூடும். என்று கூறிச் சிரிக்கிறார்களாம் அவர்கள்! 

     

    ]]>
    வைரல் வீடியோ, ஷாங்காய் திருட்டு, shanghai burglery, failed robbery, live vidoe goes viral http://images.dinamani.com/uploads/user/imagelibrary/2018/2/16/w600X390/burglerrrr.jpg http://www.dinamani.com/lifestyle/lifestyle-news/2018/feb/16/thief-knocks-down-partner-by-mistake-video-of-live-robbery-is-viral-2864677.html
    2857818 லைஃப்ஸ்டைல் செய்திகள் லவ் லாப்! (Love Lab) இப்படி ஒரு மையம், இப்படி ஒரு ஆராய்ச்சியா?  சினேகா DIN Monday, February 12, 2018 11:43 AM +0530  

    டாக்டர் ஜான் காட்மேன் (Dr John Gottman) என்று ஒரு அமெரிக்க உளவியலாளர் இருந்தார். அவர் காதல் சோதனைக் கூடம் (Love Lab) ஒன்று வைத்திருந்தார்.

    அதில் கிட்டத்தட்ட 3000-க்கும் மேற்பட்ட ஜோடிகளை, (கணவன் மனைவி) பேட்டி எடுத்தார். 

    அந்தத் தம்பதிகள் பேசுவதை கால் மணி நேரம் விடியோ எடுத்தார். அதில் அவர்கள் வெளிப்படுத்தும் ஒவ்வொரு உணர்ச்சிக்கும், உடல் அசைவுகளுக்கும் ஒரு எண் கொடுத்தார். இப்படி ஒவ்வொரு வினாடிக்கும் செய்தார். 

    கால் மணி நேரம் என்பது ஆணுக்கு 900 வினாடிகள் பெண்ணுக்கு 900 வினாடிகளாக பிரிக்கப்பட்டது. மொத்தம் 1800 வினாடிகளுக்கான உணர்ச்சி வெளிப்பாடுகளை துல்லியமாக பதிவு செய்தார் ஜான். அவற்றுக்கு எண்களை வழங்கினார்.

    உதாரணமாக ஒரு ஜோடியின் முதல் ஆறு வினாடிகளில் 7,7, 14, 11, 11 என்று எண் கொடுக்கப்பட்டால், கொஞ்ச நேரம் கோபமாகவும், பின்னர் உணர்ச்சி எதையும் வெளிப்படுத்தாமலும், பின்பு தன் கருத்தை நியாயப்படுத்திய, பின்பு புலம்பவும் ஆரம்பித்தார் என்று புரிந்து கொள்ள வேண்டும் என்று விளக்கினார்.

    இவ்விதம் 15 நிமிடங்களுக்கு ஆராய்ச்சி செய்தபின் அடுத்த 15 ஆண்டுகளுக்குப் பிறகு அவர்கள் கணவன் மனைவியாக தொடர்வார்களா அல்லது விவாகரத்துப் பெற்றுவிடுவார்களா என்று 95 சதவிகிதம் உறுதியாக ஜான் காட்மேனால் கூற முடிந்தது.

    ஜான் காட்மேன் விவாகரத்துக் கணக்கு (The Mathematics of Divorce) எனும் புத்தகம் எழுதியுள்ளார் என்பதும் குறிப்பிடத்தக்கது.

    ]]>
    lovers, research, Love Lab, லவ் லாப், ஆராய்ச்சி முடிவுகள், ஜோடி http://images.dinamani.com/uploads/user/imagelibrary/2018/2/5/w600X390/love_lab.jpg http://www.dinamani.com/lifestyle/lifestyle-news/2018/feb/05/research-results-of-love-lab-2857818.html
    2859746 லைஃப்ஸ்டைல் செய்திகள் #MeToo  ஹேஷ்டேக்கில் அரைநூற்றாண்டுக்குப் பின் பாலியல் குற்றச்சாட்டில் சிக்க வைப்பதின் நோக்கம் தொழிற்போட்டியா?! கார்த்திகா வாசுதேவன் DIN Thursday, February 8, 2018 01:30 PM +0530  

    இந்தி நடிகர் ஜிதேந்திராவை அனேகருக்குத் தெரிந்திருக்கலாம். அவரைத் தெரியாதவர்களுக்குக் கூட நிச்சயம் பாலாஜி டெலிஃபிலிம்ஸை தெரிந்திருக்கும். பாலாஜி டெலிஃபிலிம்ஸ் பிரைவேட் லிமிடெட் என்பது இந்தி தமிழ், தெலுங்கு மற்றும் மலையாளம் உள்ளிட்ட இன்னபிற பிராந்திய மொழிகளில் தொலைக்காட்சித் தொடர்கள் மற்றும் திரைப்படங்கள் தயாரித்து வெளியிடும் ஒரு தயாரிப்பு நிறுவனம். இதன் ஸ்தாபகர் பாலிவுட்டின் மூத்த நடிகர் ஜித்தேந்திரா. இவரது மகளும், தயாரிப்பாளருமான ஏக்தா கபூர் மேற்பார்வையில் பாலாஜி டெலிஃபிலிம்ஸ் நிறுவனம் தமிழிலும் கூட சன், ஸ்டார் விஜய், ஜீ தமிழ், பாலிமர் போன்ற சேனல்களில் கணக்கற்ற நெடுந்தொடர்களைத் தயாரித்து வழங்கிக் கொண்டிருக்கிறது.

    தென்னிந்தியத் திரையுலகில் கேரள நடிகை பாலியல் துஷ்பிரயோக வழக்கு ஏற்படுத்திய அதிர்வலைகளைத் தொடர்ந்து திரைத்துறை சார்ந்த பெண்கள் அமைப்பினர், திரையுலகிலும், பொது வெளியிலும் பெண்களுக்கும், நடிகைகளுக்கும் எதிராக நிகழ்த்தப்படும் பாலியல் துஷ்பிரயோகங்களை அச்சமின்றி வெளிக்கொணரும் வகையில் பல்வேறு விதமான விழிப்புணர்வு பிரச்சாரங்களை மேற்கொண்டனர்.

    அதிலொன்று #MeToo ஹேஷ்டேக் பிரச்சாரம்.

    - இதன் நோக்கம், பதின்ம வயதுகளில் உறவினர்கள் அல்லது நெருங்கிய நண்பர்கள் அல்லது புதியவர்களால் பாலியல் துஷ்பிரயோகத்துக்கு உட்படுத்தப்பட்டு அதை குடும்பத்தினரிடம் கூட பகிர முடியாமல் அச்சப்பட்டு மூடி மறைத்தவர்கள் இனிமேலும் அப்படியே அச்சப்பட்டுக் கொண்டு வாழ்நாள் முழுதும் தீராத மன உளைச்சலில் உழல்வதைக் காட்டிலும் இந்த ஹேஷ்டேக் மூலமாக அதை தயக்கமின்றி வெளிப்படுத்தி தங்களது பாதிப்புக்கு ஒரு வடிகால் தேடிக் கொள்வதோடு, குற்றவாளிகளையும் இந்த சமூகத்தின் முன் அடையாளம் காட்டலாம் என்பதே!

    இதனால் பாலியல் குற்றம் செய்து விட்டு அதற்கான குறைந்தபட்ச தண்டனை கூட அனுபவிக்காமல் இந்த சமூகத்தின் முன்னிலையில் பெரிய மனிதர்களாக வலம் வரும் பலரது முகத்திரை கிழிக்கப்பட வேண்டும் என பெண்கள் அமைப்பினர் கருதினர். 

    சமூக ஊடகங்களில் இந்த #MeToo  ஹேஷ் டேகுக்கு நல்ல புரிதலும் வரவேற்பும் இருந்ததால் பாலிவுட் நடிகைகள், விளையாட்டு வீரங்கனைகள், சமூகத்தில் அந்தஸ்துடன் வலம் வரும் தொழில்முனைவோர் உட்பட பிரபலமான பெண்கள் அனைவரும் தங்களுக்கு இளமையில் ஏற்பட்ட பாலியல் அச்சுறுத்தல்களையும், பாதிப்புகளையும் பகிர்ந்து கொண்டனர். 

    ‘குற்றம் செய்தவர்கள் தான் அதை வெளியில் சொல்ல அஞ்ச வேண்டுமே தவிர, பாதிக்கப்பட்டவர்கள் அல்ல’

    - எனும் மிகச் சரியான அணுகுமுறையை மனதில் கொண்டு உருவாக்கப்பட்ட இந்த ஹேஷ்டேகில் மூத்த நடிகர் ஜிதேந்திராவின் உறவினராக பெண்ணொருவரும் சமூக ஊடகங்களில் தனது அனுபவங்களைப் பகிர்ந்திருந்தார். அதில் அவர் தெரிவித்திருந்ததாவது; தனக்குப் 18 வயதிருக்கையில் ஒரு இந்தித் திரைப்படத்தில் நடிக்க வைப்பதற்காக தனது உறவினரான ஜிதேந்திரா(28), தனது தந்தையின் அனுமதியுடன் தன்னை படப்பிடிப்புக்கு அழைத்துச் சென்றார் எனவும், அங்கே தன்னை அவர் பாலியல் துஷ்பிரயோகத்துக்கு உள்ளாக்கியதாகவும் அந்தப் பெண் ஜிதேந்திரா மீது குற்றம் சுமத்தியுள்ளார். கிட்டத்தட்ட 50 வருடங்களுக்குப் பிறகு இப்படி ஒரு குற்றச்சாட்டுக்கான அவசியம் என்ன? என்ற கேள்விக்கு, பல ஆண்டுகளுக்குப் பிறகு, பல்வேறு விதமான போராட்டங்களுக்குப் பிறகு தற்போது தான் பெண்களுக்கு, தங்களுக்கு நேர்ந்த பாலியல் அச்சுறுத்தல்களை சமூகத்தின் முன் அச்சமின்றி முன் வைக்க உகந்த சந்தர்ப்பமொன்று கிடைத்திருக்கிறது. என் விஷயத்தில் குற்றவாளியான ஜிதேந்திரா சமூகத்தில் பெரிய மனிதர் போர்வையில் உலவுபவர். பணபலம், அதிகார பலம், ஊடக பலலும் மிகுந்தவர். அவரைத் தனியொரு ஆளாக என்னால் எதிர்க்க முடியாது. அது மட்டுமல்ல, எனது பெற்றோர் தற்போது உயிருடன் இல்லை. அவர்கள் இருக்கையில் நான் இப்படி ஒரு குற்றச்சாட்டை ஜிதேந்திரா மீது சுமத்தியிருந்தால் அவர்கள் நிச்சயம் உயிரோடு இருந்தவரை தங்கள் வாழ்நாள் மன உளைச்சல் அடைந்திருப்பார்கள். அந்தக் காரணத்திற்காகவும் தான் நான் இதுநாள் வரை பொறுமை காத்தேன்  என்கிறார்.

    இனிமேல் அப்படியிருக்கத் தேவையில்லை. இப்போது பெண்கள், அதிகாரம் மற்றும் பணபலம், செல்வாக்கு உள்ளிட்ட விஷயங்களுக்காக குற்றவாளிகளை சமூகத்தின் பார்வையில் இருந்து தப்ப விட வேண்டிய அவசியமில்லை என்பதை உணர்ந்திருக்கிறார்கள். அதற்கொரு உதாரணம் தான் சமூக ஊடகங்களில் பல்லாயிரக்கணக்கான பெண்கள் தங்களுக்கு நேர்ந்த பாலியல் பலாத்காரங்களைப் பற்றி வெளிப்படையாகப் பேச முன்வந்தமை. அந்த தைரியத்தில் தான் இதுநாள் வரை என்னை மிகப்பெரும் மன உளைச்சலில் உழல வைத்துக் கொண்டிருந்த உண்மையைப் போட்டு உடைக்க வைத்தது’ என்கிறார் அவர்.

    உறவினரது குற்றச்சாட்டு குறித்து ஜிதேந்திராவிடம் விளக்கம் கேட்கையில்; 

    ‘அவர் சொல்வதெல்லாம் பொய், ஆதாரமற்றது. 50 ஆண்டுகளுக்குப் பிறகு இப்படி ஒரு மோசமான குற்றச்சாட்டை என் மீது வைப்பதற்குக் காரணம் பொறாமையும், தொழிற்போட்டியுமே’

    - என்கிறார் அவர்.

    இருவரில் யார் சொல்வது நிஜம்? எனத் தெரியவில்லை. ஆனால், தற்போது ஜிதேந்திரா மீது  ஹிமாச்சலப் பிரதேச காவல்துறையிடம் பாலியல் துஷ்பிரயோகக் குற்றச்சாட்டுப் புகார் ஒன்றை சட்ட ரீதியாகப் பதிவு செய்திருக்கிறார் அந்தப் பெண்மணி.
     

    Image courtesy: first post.

    ]]>
    Mee Too hashtags, jithendra, cousin, மீ டூ ஹேஷ்டேக், ஜிதேந்திரா, http://images.dinamani.com/uploads/user/imagelibrary/2018/2/8/w600X390/jeetendra-825.jpg http://www.dinamani.com/lifestyle/lifestyle-news/2018/feb/08/jeetendra-denies-sexual-assault-allegations-by--cousin-2859746.html
    2859727 லைஃப்ஸ்டைல் செய்திகள் ஜப்பான் இளவரசியின் திருமண ஒத்தி வைப்புக்கான காரணம்?! RKV DIN Thursday, February 8, 2018 12:26 PM +0530  

    ஜப்பான் இளவரசி மேக்கோ தனது பல்கலைக்கழகத் தோழரான சாமானிய இளைஞர் ஒருவரை திருமணம் செய்து கொள்ளப் போவதாக கடந்த ஆண்டு அறிவித்திருந்தார். இந்தத் திருமணத்தின் காரணமாக மேக்கோ தனது இளவரசிப் பட்டத்தை இழக்கும் படியாகலாம் எனவும் கூறப்பட்டது. ஆனால் அதைப் பற்றியெல்லாம் பெரிதாக அலட்டிக் கொள்ளாமல் மேக்கோ மற்றும் கொமுரோ திருமணம் குறித்த அறிவிப்பு கடந்த ஆண்டு வெளியானது. தற்போது இந்தத் திருமணம் 2020 ஆம் ஆண்டுக்கு ஒத்தி வைக்கப்பட்டுள்ளதாக ஜப்பான் ஊடகங்கள் அறிவித்துள்ளன. 

    காரணம் இளவரசியின் திருமணத்திற்கு முன்பாகத் தம்பதிகள் இருவரும் ஜப்பானின் மரபார்ந்த பெருமைகளைப் பற்றி மேலும் பல விஷயங்களைத் தெரிந்து கொள்ள வேண்டும் எனவும், அதைப்பற்றியெல்லாம் அறிந்து கொள்வதற்கு முன்பாக திருமண பந்தத்தில் இணைவது அத்தனை பொறுப்பான செயலாக இருக்கக் முடியாது எனவும். மணமக்கள் இருவரும் தங்களது நாடு குறித்த மேலும் அதிகமான விஷயங்களைத் தெரிந்து கொள்வதோடு, ஒரு அரச குடும்பத்துப் பெண்ணை மணக்க இருக்கும் சாமானிய இளைஞனும், சாமானியனை மணப்பதால் தனது அரச கெளரவங்களிலிருந்து இறங்கி வர முற்பட்டுள்ள இளவரசியும் தங்களது எதிர்கால வாழ்வில் இந்தத் திருமணத்தால் ஏற்பட உள்ள மாற்றங்களைப் பற்றி மன முதிர்ச்சியுடன் எதிர் கொண்டு இல்லறத்தைத் துவங்க வேண்டும். அப்போது தான் அந்த பந்தம் என்றென்றைக்குமாக நீடிக்க முடியும். எனவே மேற்கண்ட காரணத்துக்காகத் தான்  இத்திருமணம் ஒத்தி வைக்கப்பட்டுள்ளதே தவிர திருமணத்தை முற்றிலும் நிராகரிக்கும் அல்லது தவிர்க்கும் எண்ணமெல்லாம் அரச குடும்பத்துக்கு இல்லை என மேக்கோவின் அரண்மனை வட்டாரங்கள் தெரிவித்துள்ளன.

    அரச குடும்பத்தின் தரப்பில் இப்படிக் கூறப்பட்டாலும் கூட பொது மக்களிடையே, மணமகனின் சாமானியத் தன்மை தான் திருமணத்தை ஒத்து வைத்திருப்பதற்கான முதல் காரணம் எனப் பேச்சு அடிபடுகிறது. ஏனெனில் இளவரசி மேக்கோ ஜப்பானியப் பேரரசர் அகிஷினோவின் மூத்த பேத்தி. தங்களது அந்தஸ்துக்கு இந்த வரன் ஒத்து வரக்கூடியதல்ல என்பதால் தான் அரசகுடும்ப வட்டாரத்தில் இத்திருமணம் குறித்த பலத்த எதிர்ப்பு எழுப்ப்படுகிறது என ஜப்பானிய ஊடகங்கள் கிசுகிசுக்கின்றன. சில ஊடகங்கள் அரச குடும்பத்தை நெருக்கும் கடன் சுமையாலும் கூட திருமணம் ஒத்தி வைக்கப்பட்டிருக்கலாம் என்றும் கூறுகின்றன. எது உண்மையோ? ஆனால் அரச குடும்ப வட்டாரத்திலிருந்து வந்த செய்தி கூறுவது என்னவென்றால்? திருமணம் ஒத்தி வைக்கப்பட்டிருக்கிறதே தவிர நிறுத்தப்படவில்லை என்கிறார்கள்.

    ]]>
    jappan princess, wedding postponed, ஜப்பான் இளவரசி, திருமணம் ஒத்தி வைப்பு http://images.dinamani.com/uploads/user/imagelibrary/2018/2/8/w600X390/jappan_princess.jpg http://www.dinamani.com/lifestyle/lifestyle-news/2018/feb/08/reason-behind-the-postpone-of-jappn--princess-2859727.html
    2855410 லைஃப்ஸ்டைல் செய்திகள் உங்கள் குலதெய்வம் எதுவென்று தெரியவில்லையா? கண்டுபிடிக்க இதோ ஒரு வழிமுறை! சினேகா DIN Thursday, February 1, 2018 06:07 PM +0530  

    குலதெய்வ வழிபாடு என்பது ஒவ்வொருவருக்கும் தம் வாழ்க்கையில் நிச்சயம் கடைபிடிக்க வேண்டிய ஒரு வழிபாடாகும். நம்முடைய முன்னோர்களை போற்றி, நினைக்கும் விதமாக அவ்வப்போது அவர்களை தரிசிப்பதே நாம் அவர்களுக்கு காட்டும் நன்றிக்கடனாகும். நல்லெண்ணங்கள் தான் நம்மை வாழ வைக்கும், வாழையடி வாழையாக நம் குலத்தை ஆலம் போல தழைக்க வைக்கும். அதற்கு குல தெய்வ வழிபாடு ஒரு சிறப்பான வழி. 

    உலகம் முழுவதிலும் உள்ள பெரிய கோவில்களுக்கெல்லாம் சென்று எத்தனையோ தெய்வங்களை நீங்கள் வணங்கி வந்தாலும், உங்கள் குடும்பத்துக்குரிய குல தெய்வத்தின் அருள் இருந்தால் மட்டுமே வாழ்வில் சிறக்க முடியும் என்பார்கள் பெரியோர்கள்.

    பங்குனி மாதத்தில் வரும் உத்திர நட்சத்திரம் குல தெய்வ வழிபாடு செய்ய உகந்த நாள். வைகாசி மாசத்தில் விசாக நட்சத்திரமும் சாஸ்தா என்றழைக்கப்படும் குடும்ப தெய்வத்தை தரிசிக்க நல்ல நாளாகும்.

    குலதெய்வ வழிபாட்டை மறந்துவிட்டால் தீர்க்க முடியாத சிக்கல்களும் மன உளைச்சல்களும் அக்குடும்பத்தை அவ்வப்போது தாக்கும். நம்முடைய குல தெய்வம் எது என்று தெரியவில்லை எனில், பெரியோர்களிடம் கேட்டுத் தெரிந்து கொள்ளலாம். குடும்பத்தில் உள்ள முதிய உறவினர் யாரேனும் இத்தகவல் தெரிந்தவராக இருக்கலாம். குல தெய்வம் பற்றிய தகவலைத் தெரிந்து கொள்ள ஒரு வழி உள்ளது. 

    தினமும் அதி காலை பிரம்ம முகூர்த்த வேளையில் அகல் விளக்கை ஏற்றி அந்த விளக்கையே குல தெய்வமாக நினைத்து மனமுருக வேண்டுங்கள். தொடர்ந்து 41 நாட்கள் விளக்கேற்றி வழிபாட்டை செய்து வாருங்கள். சரியாக 90 நாட்களுக்குள் உங்கள் குல தெய்வம் பற்றிய அனைத்துத் தகவல்களும் உங்களுக்கு வந்து சேர்ந்துவிடும்.

    ]]>
    family deity, kula deivam, குல தெய்வம் http://images.dinamani.com/uploads/user/imagelibrary/2018/2/1/w600X390/swami.jpg http://www.dinamani.com/lifestyle/lifestyle-news/2018/feb/01/small-deity-how-to-find-your-family-diety-2855410.html
    2855365 லைஃப்ஸ்டைல் செய்திகள் நாடாளுமன்றத்தில் இன்று தாக்கல் செய்யப்பட உள்ள இந்திய பட்ஜெட் 2018 - 2019 அப்டேட்ஸ்! RKV DIN Thursday, February 1, 2018 11:10 AM +0530  

    இந்தியாவில் நாடாளுமன்றத் தேர்தல் வெகு நெருக்கத்தில் இருக்கையில் பிரதமர் நரேந்திர மோடி தலைமையிலான ஆட்சியின் கடைசி பட்ஜெட் 2018 -2019 இன்று காலை 11 மணியளவில் நாடாளுமன்றத்தில் தாக்கல் செய்யப்பட உள்ளது. பட்ஜெட் தாக்கல் செய்யப்பட இன்னும் சில நொடிகளே உள்ள நிலையில் பொதுமக்களில் அனைத்து தரப்பினரிடையேயும் அதற்கான எதிர்பார்ப்புகள் எகிறிக் கொண்டிருக்கின்றன. சாமானிய மக்கள் முதல் வர்த்தக விற்பன்னர்கள் வரை 2018 -2019 ஆம் ஆண்டுக்கான இந்த பட்ஜெட் தங்களை மகிழ்விக்குமா அல்லது துயரத்தில் ஆழ்த்துமா? என்ற எதிர்பார்ப்பில் பட்ஜெட் அறிவிப்பை எதிர்நோக்கி வெகு ஆர்வத்துடன் காத்திருக்கிறார்கள். 

    • பெட்ரோல் விலை கட்டுக்கு வருமா?
    • வேலை வாய்ப்புகளைப் பெருக்க அறிவிப்பு வருமா?
    • கட்டுமானத்துறை புத்துயிர் பெறுமா?
    • ரயில்வே மற்றும் ராணுவத்துறை புத்துயிர் பெறுமா?
    • பெண்கள் மற்றும் குழந்தைகள் நலத்துறை வளர்ச்சி மற்றூம் முன்னேற்றத்துக்கான ஏற்றமிக்க அறிவிப்புகள் ஏதேனும் வருமா?
    • தொழில்துறை வளர்ச்சிகளுக்கு உகந்த புதிய அறிவிப்புகள் ஏதேனும் வருமா?
    • கிராமப்புற மாணவர்கள் முன்னேற்றத்துக்கு உதவும் வகையிலான திட்டங்கள் ஏதேனும் அறிவிக்கப்படுமா?

    இப்படி பல கேள்விகள் இன்று மத்திய நிதி அமைச்சர் அருண் ஜெட்லியின் பட்ஜெட் உரையைக் கேட்கக் காத்திருக்கும் மக்கள் அனைவரது மனதிலும் உண்டு.

    இந்தியாவில் ஜிஎஸ்டி தாக்கல் செய்யப்பட்ட பிறகு வரும் முதல் பட்ஜெட் இது என்பதால் எதிர்பார்ப்புகளுக்கு பஞ்சமில்லை.

    நாடாளுமன்றத்தில் காலை 11 மணிக்கு பட்ஜெட் தாக்கல் செய்து விட்டு மாலை 4 மணியளவில் நிதி அமைச்சர் ஊடகங்களின் பட்ஜெட் குறித்தான கேள்விகளுக்குப் பதிலளிப்பார் என்று அறிவிக்கப்பட்டுள்ளது.

    அது தவிர #AskYourFM ஹேஷ்டேக் மூலமாகவும் பட்ஜெட் தொடர்பான கேள்விகளுக்கு அருண் ஜெட்லி பதிலளிக்கிறார்.

    பொதுமக்கள் இன்று தாக்கல் செய்யப்பட உள்ள இந்திய பட்ஜெட் 2018 - 2019 குறித்த தங்கள் சந்தேகங்களை இந்த ஹேஷ்டேகில் பதிவு செய்து பதில் பெறலாம்.

    ]]>
    budget 2018 - 2019, பட்ஜெட் 2018 - 2019, அப்டேட்ஸ், budget updates http://images.dinamani.com/uploads/user/imagelibrary/2018/2/1/w600X390/budget_2018_-_2019.jpg http://www.dinamani.com/lifestyle/lifestyle-news/2018/feb/01/budget-208--2019-updates-2855365.html
    2854023 லைஃப்ஸ்டைல் செய்திகள் தீப்பாய்வது எப்படி ஹீரோயிஸமாக முடியும்? ஒரு ராஜபுதனப் பெண்ணின் கேள்வி! RKV DIN Tuesday, January 30, 2018 05:30 PM +0530  

    முகமதிய மன்னர்கள் இந்துப் பெண்களை அபகரிக்கத் திட்டமிடுகையில் எல்லாம் ஒன்று அந்தப் பெண்களை குடும்பத்தினரே கெளரவக் கொலை செய்வார்கள் அல்லது ராஜபுதனத்தில் நிகழ்ந்ததைப் போல பெண்கள் கூட்டாகத் தீப்பாய்ந்து மடிவார்கள். இது தான் இந்திய சரித்திரம் பலவேறு காலகட்டங்களிலான தனது பயணம் நெடுகிலும் நமக்குச் சொன்ன நிதர்சனம். இந்தப் பழக்கத்தின் பிறிதொரு வடிவமே ‘சதி எனும் உடன்கட்டை ஏறும் வழக்கம்’. ராஜபுத்ர ஷத்ரிய வம்சங்களைப் பொறுத்தவரை தீப்பாய்வதை மிகப்புனிதமான விஷயமாகத்தான் இப்போதும் அணுகுகிறார்கள். தற்போது அதற்கெல்லாம் சட்டத்தில் அனுமதி இல்லை. அது இந்திய அரசால் தடை செய்யப்பட்ட வழக்கங்களில் ஒன்றென ஆகிவிட்டது. ஆயினும் பல்வேறு சர்ச்சைகள் மற்றும் நடிகை தீபிகா படுகோனுக்கு விடுக்கப்பட்ட பல்வேறு விதமான காட்டுமிராண்டித் தனமான கொலை மிரட்டல்கள் எல்லாவற்றையும் தாண்டி கடந்த வாரத்தில் வெளியான ‘பத்மாவத்’ திரைப்படம் மீண்டும் வட இந்தியப் பெண்களிடையே குறிப்பாக ராஜபுதனப் பெண்களிடையே ‘ஜாஹர்’ என்று சொல்லப்படக் கூடிய கூட்டுத் தீப்பாய்தலை ஊக்குவிக்கிறதா? என்பதான ஒரு விமர்சனக் குற்றச்சாட்டும் அத்திரைப்படத்தின் மீது வைக்கப்படுகிறது. இது குறித்து இணையத்தில் வெளியாகியிருந்த பல்வேறு கருத்துகளில் சித்தூர் ராணி பத்மினி கூட்டுத் தீப்பாய்ந்த அரண்மனைக் கோட்டை வளாகத்திலேயே வசிக்கும் பெண்மணியொருவரின் கருத்து வழக்கமான ராஜபுதனப் பெண்களின் மனநிலையிலிருந்து சற்று வித்யாசமாக இருந்தது.

    பத்மாவத் திரைப்படம் பற்றியும் சித்தூர் ராணி பத்மினி குறித்தும் அவரிடம் கேட்கப்பட்ட கேள்விக்குப் பதிலளிக்கும் விதமாக;

    ராணி பத்மினி தீப்பாய்ந்ததை என்னால் துணிச்சலான காரியமாகவோ, அல்லது அவரது தைரியத்தின் அடையாளமாகவோ கருத முடியவில்லை. ஏனெனில், ஒரு பெண், வாழ்வின் கடினமான தருணங்களில் தற்கொலை செய்து கொள்ள முடிவெடுப்பதை எப்படி துணிச்சலுக்கு உதாரணமாகக் கூற முடியும்? தனக்கு வரும் கஷ்டங்களை எதிர்கொண்டு வெல்வது தானே வெற்றியாக இருக்க முடியும். நான் இந்தக் கோட்டை வளாகத்தில் தான் பிறந்தேன். இங்குள்ள ஒற்றை அறை தான் எனது வீடு. எனக்கு 3 வயதான போது போலியோ தாக்குதலால் எனது கால்கள் செயலிழந்து இயக்கத்தை நிறுத்திக் கொண்டன. அதனால் பிற்காலத்தில் யாரும் மணந்து கொள்ள முன்வரவில்லை. என் பெற்றோர் என்னை வற்புறுத்தி எனது 18 வயதில் காடு கேளாத, வாய் பேச முடியாத ஒருவருக்குத் திருமணம் செய்து வைத்து விட்டனர். திருமணத்திற்கு ஒப்புக் கொள்ள நான் விதித்த ஒரே நிபந்தனை. மணமான பின்னும் நான் எனது கல்வியைத் தொடர வேண்டும் என்பதே. அதற்கு ஒப்புக் கொண்டு எனக்குத் திருமணம் நடத்தப்பட்டது. ஆனால், அடுத்த ஆண்டே எனது கணவர் மற்றொரு பெண்ணையும் மணந்து கொண்டதால், நான் அவரிடமிருந்து விவாகரத்துப் பெற விண்ணப்பித்தேன். இதையறிந்து எனது பெற்றோரும், உறவினரும்... வேண்டாம் அப்படிச் செய்யாதே, உனக்கு அதன் பிறகு வேறொரு கணவன் வாய்க்கவே மாட்டான் என்றார்கள். எனக்கு மகாக் கோபம் வந்தது. என் வாழ்க்கையை முழுமையாக வாழ்ந்து முடிக்க கணவன் என்ற பெயரில் ஒருவன் இருந்தே ஆகவேண்டுமென்பதில்லை. என்னால் எனது சுயகால்களில் நிற்க முடியும் என்று உள்ளுக்குள் முடிவெடுத்ததோடு அதை அவர்களுக்கான பதிலாகவும் திரும்பச் சொன்னேன்.

    பத்து வருடங்களுக்குப் பிறகு தற்போது காயத்ரிக்கு, கணினி மையமொன்றில் பகுதி நேர வேலை கிடைத்தது, கூடுதலாக தன் கையால் தயாரித்த பர்சுகள் மற்றும் சித்திரக் கைவேலைப்பாட்டுடன் கூடிய கைக்குட்டைகள் முதலிவற்றை விற்று வரும் வருமானத்தில் தனது பெற்றோர் மற்றும் இரு மூத்த சகோதரர்களின் வாழ்க்கையைப் பார்த்துக் கொள்கிறார் காயத்ரி. காயத்ரியைப் பொருத்தவரை தைரியமென்றால் அதன் பொருள் ‘நான்கு சுவர்களுக்குள் இருந்து வெளியேறி விட்டு விடுதலையாகிப் பறப்பது’ மட்டுமே!

    காயத்ரி சொல்ல முற்படுவது, ‘ராணி பத்மினி அலாவுத்தீன் கில்ஜியின் படைகளை எதிர்த்துப் போராடி வீர மரணம் அடைந்திருந்தால் அதுவே அவளது தைரியமாகக் கருதத்தக்கது என்பதாகவே இருந்தாலும், அவரே தனது நோக்கத்தை அடுத்த நொடியில் மறுக்கவும் செய்கிறார். நான் மட்டுமல்ல, பத்மாவத் திரைப்படத்தை எதிர்த்து தீக்குளித்துப் போராடத் தயாராக இருந்த கர்ணி சேனா அமைப்பைச் சார்ந்த பெண்கள் அனைவருமே கூட சிறு பிராயம் முதல் ராணி பத்மினி தீப்பாய்ந்த வீர வரலாற்றைக் கேட்டே வளர்ந்தவர்கள் தான். அந்தக் காலத்தில் ராஜபுத்ரப் பெண்கள் முக்காடு இல்லாமல் வெளியில் வர அனுமதிக்கப்படவில்லை. திருமணமாகாத இளம்பெண்கள் அந்நிய ஆண்களின் எதிரில் தோன்றவும் தடை இருந்த காலம் அது. அத்தகைய சூழலில் ராணி பத்மினிக்கு தீப்பாய்ந்து தனது பெண்மையைக் காத்துக் கொள்வதைத் தவிர வேறு வாய்ப்புகளே இருந்திருக்காது. எனவே அவள் அதை மட்டுமே செய்திருக்க முடியும். என்றும் சொல்லிக் கொள்கிறார்.

    ]]>
    Rani padmaavath, jauhar, ராணி பத்மாவதி, கூட்டுத் தீப்பாய்தல், http://images.dinamani.com/uploads/user/imagelibrary/2018/1/30/w600X390/johar_scene_padhmavath.jpg http://www.dinamani.com/lifestyle/lifestyle-news/2018/jan/30/padmaavath-is-jauhar-brave-2854023.html
    2851790 லைஃப்ஸ்டைல் செய்திகள் சமையல் எரிவாயு சிலிண்டர் இணைப்பு அடிப்படையில் அரசின் மானிய விலை தேங்காய்! RKV DIN Friday, January 26, 2018 04:11 PM +0530  

    கேரளாவைப் போலவே கோவாவிலும் தேங்காய் தினசரி சமையலில் இடம்பெறும் ஒரு அத்யாவசியமான உணவுப்பொருள். எனவே கோவா மக்களில் சமையல் எரிவாயு சிலிண்டர்கள் வைத்திருப்பவர்களுக்கு மானிய விலையில் தேங்காய் விற்பனை செய்யப்பட வேண்டும் என கோவா விவசாய அமைச்சர் விஜய் சர் தேசாய் இன்று தெரிவித்தார்.

    திறந்தவெளிச் சந்தையில் மிக வேகமாக அதிகரித்து வரும் நட்ஸ் எனப்படும் கொட்டைகளின் விலையேற்றத்தைக் கட்டுப்படுத்துவதற்காக இப்படி ஒரு அறிவிப்பைச் செய்யவேண்டுமென அவர் அறிவுறுத்தியுள்ளார். கோவாவில் தேங்காய்களின் விலை அதிகரித்துக் கொண்டே வருகிறது. கோவா மக்களால் தினமும் தேங்காய்களைப் பயன்படுத்தாமலிருக்க முடியாது. கோவாவில் குடும்பம் ஒன்றுக்கு நாளொன்றுக்கு குறைந்தபட்சம் ஒரு தேங்காயாவது வேண்டும். அதனால் கோவா அரசு சமையல் எரிவாயு சிலிண்டர் இணைப்பு பெற்றுள்ள கோவா குடிமக்களுக்கு மானியவிலையான ரூ 20 க்கு குறைந்த பட்சம் குடும்பத்துக்கு ஒன்று என ஒரு தேங்காய் வழங்க முடிவெடுக்கலாம். என தான் பங்கேற்றுப் பேசிய குடியரசு தினவிழா மேடையில் அறிவித்தார். 

    விழா நடைபெற்ற இடம் மர்கோவா, கோவாவில் இருந்து 35 கிலோ மீட்டர் தொலைவில் அமைந்துள்ள நகரம் இது. கடந்த சில வாரங்களாக கோவாவில் தேங்காய்களின் விலை தொடர்ந்து அதிகரித்து வந்து என்றுமில்லாத வகையில் 50% உச்ச அதிகரிப்பு விலையைத் தொட்டுள்ளது. நடுத்தரமான அளவுள்ள தேங்காயின் விலையே 40 ரூபாயிலிருந்து 45 ரூபாய் வரை விற்கப்பட்டு வருகிறது.

    எனவே இது குறித்து தான் கோவா முதல்வர் மனோகர் பாரிக்கருடன் கலந்துரையாடியதில், சமையல் எரிவாயு சிலிண்டர் இணைப்புகள் அடிப்படையில் தேங்காய்கள் கோவா மக்களுக்கு மானிய விலையில் கோவா தோட்டக்கலைத்துறையினரால் அளிக்கப்படும் என அவர் தெரிவித்துள்ளார்.

    அமைச்சரது கூற்றின்படி, இனி தேங்காய் விலையதிகரிப்பு விவகாரத்தில் அரசே நேரடியாகத் தலையிட்டு கட்டுப்படுத்தும் என்பதும், குடும்பம் ஒன்றுக்கு நாளொன்றுக்கு 20 ரூபாய் விலையில் தரமான நல்ல தேங்காய் ஒன்று என்ற கணக்கில் மாதம் முழுமைக்குமாக 30 தேங்காய்களை அரசு மானிய விலையில் விற்பனை செய்யவிருப்பதும் உறுதி செய்யப்பட்டுள்ளது குறிப்பிடத் தக்கது.

    ]]>
    goa, coconut, கோவா, தேங்காய் மானிய விலை http://images.dinamani.com/uploads/user/imagelibrary/2018/1/26/w600X390/coconut.jpg http://www.dinamani.com/lifestyle/lifestyle-news/2018/jan/26/goa-government-to-sell-subsidised-coconuts-2851790.html
    2849879 லைஃப்ஸ்டைல் செய்திகள் சொந்தக் கையெழுத்தில் தினமணிக்கு ஒரு கடிதம் எழுதுங்கள்... உங்கள் மனம் திறந்து! கார்த்திகா வாசுதேவன் DIN Thursday, January 25, 2018 11:14 AM +0530  

    கையெழுத்து தலையெழுத்தை நிர்ணயிக்கும் என்பார்கள்... ஆனால் இன்று பலரும் கையெழுத்தை மறந்தே போவார்கள் போலிருக்கிறது. ஸ்மார்ட் ஃபோன் முதல் லேப் டாப் வரை விரல்களால் டைப் செய்தால் போதும் பேனாக்களோ, பென்சில்களோ, விதவிதமான நிறங்களில் மைக்கூடுகளோ தேவையே இல்லை என்றாகி விட்டது. அதற்காக கைகளால் எழுதுவதை நாம் முற்றிலும் மறந்து விடக் கூடாதில்லையா?!

    இன்று தேசிய கையெழுத்து தினம்... 

    ஒவ்வொரு ஆண்டும் ஜனவரி 23 ஆம் தேதி, தேசிய கையெழுத்து தினமாகக் கொண்டாடப்படுகிறது.

    எழுதுகோள் மற்றும் கையெழுத்துக் கருவிகளான பேனா, பென்சில் உற்பத்தியாளர்கள் சங்கத்தினரின் முயற்சியால் கையால் எழுதும் திறனை மேம்படுத்தும் விதமாக 1977 ஆம் ஆண்டு முதல் ஒவ்வொரு ஆண்டும் தேசிய கையெழுத்து தினம் அனுசரிக்கப்படுகிறது. அவர்களது நோக்கம் கையெழுத்துப் பழக்கத்தை முன்னெடுப்பது மட்டுமல்ல பேனா, பென்சில், காகிதங்கள் போன்ற கையெழுத்துக்கு உதவக்கூடிய பொருட்களின் உற்பத்தி சரியாமல் பார்த்துக் கொள்வதும் தான். இன்றைய நாட்களில் பள்ளிகளிலும், அரசாங்க அலுவலகங்களிலும் மட்டுமே இன்னமும் கையெழுத்துப் பழக்கம் இறவாமல் இருக்கிறது. பிற இடங்களில் எல்லாம் கணினி மயமாகி விட்டது. எனவே ஆண்டு தோறும் ஜனவரி 23 ஆம் தேதியை தேசிய கையெழுத்து தினமாக அறிவித்து விழா கொண்டாடுகிறார்கள்.

    ஜனவரி 23 ஆம் தேதியை ஏன் தேர்ந்தெடுத்தார்கள் எனில், இந்திய சுதந்திர பிரகடனத்தில் முதல் கையெழுத்திட்ட பிரிட்டிஷ்காரர் ஜான் ஹான்காக்கின் பிறந்த தினம் ஜனவரி 23. எனவே அந்நாளையே தேசியக் கையெழுத்து தினமாக அறிவித்து அவரது அந்த மகத்தான செயலுக்கு பெருமை செய்திருக்கிறது இந்தியா!

    கடந்தாண்டு அக்டோபரில் சர்வதேச தபால் தினத்தை முன்னிட்டு, தினமணி வாசகர்களுக்கு ஒரு போட்டி வைத்திருந்தோம். அந்தப் போட்டியின் நோக்கம் கையால் கடிதம் எழுதும் முறையை ஊக்குவிக்கும் முயற்சியாக இருந்தது. அதன்படி வாசகர்களில் எவரேனும் ஆர்வத்துடன் தங்களுக்குப் பிரியமான உறவினர்கள் அல்லது நண்பர்களுக்கு சொந்தக் கையெழுத்தில் கடிதம் எழுதி அதை பிரதி எடுத்து வைத்துக் கொண்டு ஒரிஜினலை உரியவர்களுக்கு அனுப்பி விட்டு, பிரதியை தினமணி இணையதளத்துக்கு அனுப்பினால் சிறந்த கடிதங்களை சிறப்புக் கட்டுரை பிரிவில் பிரசுரிப்பதாக வாக்களித்திருந்தோம். அதன்படி எங்களுக்கு வந்த சிறந்த கடிதப் பிரதிகளை சிறப்புக் கட்டுரைப் பிரிவிலும், லைஃப்ஸ்டைல்  ஸ்பெஷல் பிரிவிலும் பிரசுரித்திருந்தோம். வாசகர்களிடையே இந்த அறிவிப்புக்கு நல்ல வரவேற்பு இருந்தது. 

    இன்றைய கணினி யுகத்தில் கையால் கடிதம் எழுதும் முறையே அருகி வரும் வேலையில் இம்மாதிரியான முன்னெடுப்புகளும், முயற்சிகளும் மீண்டும் நமது கையழுத்துப் பழக்கங்களை மீட்டெடுக்க பெரிதும் உதவலாம். நிச்சயம் பலருக்கும் அது சந்தோசமான விஷயமாக இருக்கும் என்பதால் மீண்டும் அதே மாதிரியானதொரு வாய்ப்பை தினமணி தன் வாசகர்களுக்கு இம்முறையும் அளிக்க முன் வருகிறது.  ஏனெனில், அன்பையும், பாசத்தையும், ப்ரியத்தையும் பரிமாறிக் கொள்ளும் வழிமுறைகளில் கடிதங்களைப் போல இன்பம் தரக்கூடிய பிறிதொன்று இன்னும் இந்த உலகத்தில் தோன்றவில்லை என்பதால் :)

    வாசகர்களில் கையால் கடிதம் எழுதும் ஆசையும், ஆர்வமும் மிக்கவர்கள் மேலே குறிப்பிட்டவாறு தங்களது உறவினர்களுக்கோ, முன்னாள் ஆசிரியர்களுக்கோ, நண்பர்களுக்கோ, குழந்தைகளுக்கோ, மனைவிக்கோ அல்லது தினமணிக்கோ எவருக்காயினும் சொந்தக் கையெழுத்தில் கடிதம் எழுதி உறவினர் கடிதங்களில் ஒரிஜினலை அவர்களுக்கு அனுப்பி விட்டு, பிரதியை எங்களுக்கு அனுப்புங்கள். தினமணிக்கு எழுதுகிறீர்கள் என்றால் அதை அப்படியே எங்கள் முகவரிக்கு அனுப்பலாம். இம்முறை எங்களுக்கு அனுப்பும் போது நீங்கள் தபாலில் மட்டும் தான் அனுப்ப வேண்டும் என்பதில்லை. பிரதியை மின்னஞ்சலிலும் அனுப்பலாம்.

    அனுப்ப வேண்டிய மின்னஞ்சல் முகவரி: dinamani.readers@gmail.com

    தபாலில் அனுப்ப வேண்டிய முகவரி:

    எக்ஸ்பிரஸ் கார்டன், 
    29, 2 - வது பிரதான சாலை, 
    அம்பத்தூர் தொழிற்பேட்டை, சென்னை - 600058

    ]]>
    dinamani , national hand writing day, தினமணி, தேசிய கையெழுத்து தினம் http://images.dinamani.com/uploads/user/imagelibrary/2018/1/23/w600X390/national_handwriting_day1.jpg http://www.dinamani.com/lifestyle/lifestyle-news/2018/jan/23/writer-a-letter-to-dinamani-2849879.html
    2846130 லைஃப்ஸ்டைல் செய்திகள் தினமணி கொடுத்த பரிசுத் தொகையை வென்றவர்கள் இவர்கள்தான்! உமா பார்வதி DIN Monday, January 22, 2018 03:10 PM +0530  

    புதன்கிழமை (ஜனவரி 17, 2018) தினமணி இணையதளம் (www.dinamani.com) நடத்திய ரங்கோலி கோலப் போட்டியில் வாசகியர் உற்சாகமாக பங்கு கொண்டனர். காலையிலிருந்தே வாசகியரிடமிருந்து அலைபேசி அழைப்புக்கள் வந்த வண்ணம் இருந்தது. நாங்கள் குறிப்பிட்டிருந்த நேரத்துக்கு முன்னதாகவே அணி திரண்டு வந்து அசத்தினர் வாசகியர். 

    தினமணி இணையதளம் (www.dinamani.com), ஐநாக்ஸ் திரையரங்குடன் இணைந்து 'பொங்கலோ பொங்கல்' ரங்கோலி போட்டி நடத்த முடிவு செய்யப்பட்டது. இது தொடர்பாக அறிவிப்பு இணையதளத்திலும், தினமணி நாளிதழிலும் வெளியானது. இந்த அறிவிப்புக்கு வாசகர்களிடையே நல்ல வரவேற்பு கிடைத்தது. அறிவிப்பு வெளியான நாள் முதல் எங்களுக்கு வாட்ஸ் அப் மற்றும் மெயிலில் விதவிதமான ரங்கோலிகள் வந்து குவிந்தன. கிட்டத்தட்ட 250 ரங்கோலிகளைப் பரிசீலித்து அவற்றிலிருந்து பத்து ரங்கோலிகளைத் தேர்ந்தெடுதோம். ஒவ்வொருவருக்கும் தொலைபேசியில் இறுதிப் போட்டிக்கான விபரங்களைத் தெரிவித்தோம். புதன்கிழமை காலை போட்டியாளர்கள் பத்து பேரும் இறுதிச் சுற்றை சந்திக்க, களம் இறங்கத் தயாராக இருந்தனர். 

    சென்னை விருகம்பாக்கத்தில் உள்ள ஐநாக்ஸ் திரையங்க வளாகத்தில் உள்ள சந்திராமாலில் ரங்கோலி போட வாசகியருக்கு இடம் அமைக்கப்பட்டது. இந்தப் போட்டியின் நடுவராக க்ரயான்ஸ் விளம்பர நிறுவனத்தின் தென் பிராந்தியத் தலைவர் விஜய்ஸ்ரீ கிருஷ்ணன் வந்திருந்தார். ஒவ்வொருவருக்கும் ஒரு சீட்டு தரப்பட்டது. அதில் உள்ள நம்பரின் படி அவர்களுக்கான ரங்கோலி போடும் இடம் ஒதுக்கப்பட்டது. ஒரு மணி நேரத்தில் கோலம் போட்டு முடிக்க வேண்டும் என்ற சவாலை ஏற்று தினமணி இணையதள வாசகியர் சரியாக 11.30 மணிக்கு கோலம் போடத் தொடங்கினர். தங்களுக்கு ஒதுக்கப்பட்ட இடத்தில் நிதானமாக ஒவ்வொருவரும் கோலத்துக்கான டிசைன்களை வரைந்து கொண்டிருந்தனர். 

    போட்டி ஆரம்பித்த சில நொடிகளில் மாலில் இருந்தவர்கள் வேடிக்கை பார்க்க சூழ்ந்தனர். நமது பாரம்பரியத்துடன் தொடர்பு கொண்டது கோலம், அதிலுள்ள நவீனம் ரங்கோலி. புள்ளிக் கோலம் ஒருவிதமான அழகென்றால், ரங்கோலி கலை அழகியலுடன் ரசனையும் சேர்ந்தது. பெண்களின் க்ரியேட்ட்டிவிட்டிக்கு எப்போதும் தனித்துவம் உண்டு என்பதை மீண்டும் நிரூபிக்கும் வகையில் போட்டியில் பங்கேற்ற பத்து பேரும் வண்ணமயமான ரங்கோலி கோலங்களை போட்டுக் கொண்டிருந்தனர். ஒவ்வொரு கோலமும் அவர்களின் கைவண்ணத்திற்கு சிறந்த சான்றாக இருந்தது.

    பரபரப்பாக வாசகியர் தங்களின் ரங்கோலிகளுக்கு வண்ணம் இட்டுக் கொண்டிருக்க, வேடிக்கைப் பார்க்க பலர் சூழ்ந்துவிட்டதால் அவர்களது உற்சாகம் பன்மடங்காகியது. பார்வையாளர்கள் சிலரை அணுகி அவர்களிடம் பேசினோம்.

    'ஐநாக்ஸில் படம் பார்க்க வந்தோம். இந்த கலர்ஃபுல் கோலங்களைப் பார்த்ததும் கவரப்பட்டு வேடிக்கை பார்க்கறோம். தினமணி பத்திரிகை அப்பா படிப்பாங்க. இந்த போட்டி பத்தி தெரியாது. மிஸ் பண்ணிட்டோம். அடுத்த முறை கட்டாயம் கலந்துக்கறோம்’ என்றார் தினமணி வாசகி ரம்யா.

    எங்களின் அழைப்பின் பேரில் நிகழ்ச்சியைப் பார்வையிட வந்திருந்த கவிஞர் ஹேமா பாலாஜி ரங்கோலியின் உருவாக்கத்தை வெகுவாக ரசித்தார். இதுபோன்ற பல நிகழ்வுகளை தினமணி டாட் காம் நடத்தினால் தானும் நிச்சயம் பங்குகொள்வேன் என்று கூறி  நிகழ்ச்சி சிறக்க வாழ்த்துக்களைத் தெரிவித்தார்.

    பேத்தியுடன் மாலுக்கு வந்திருந்த வாசகி ஒருவர் தனக்கு புள்ளி வைத்த கோலம் நன்றாக போட வரும். இதைப் பார்க்கும் போது ரங்கோலி கற்றுக் கொள்ள ஆசையாக இருக்கிறது. நிச்சயம் கற்றுக் கொள்வேன். நிறைய கோலங்களை ஒரே இடத்தில் பார்க்க மிகவும் அழகாக இருக்கிறது. இனி தினமணி டாட் காம் நடத்தும் நிகழ்ச்சிகளில் கட்டாயம் நாங்களும் பங்கு கொள்வேன்’ என்று உறுதியளித்தார்.

    தனது அம்மா, சித்தியுடன் வந்திருந்த பிரியா, 'இதற்கு முன் இதுபோன்ற போட்டிகளைப் பார்வை இட்டதில்லை. ஒரு மாலில் இத்தகைய நிகழ்வு எதிர்பாராத ஒன்று. எல்லா கோலமும் டாப்’ என்று பாராட்டினார்.

    போட்டியாளர்களில் ஒருவரான வள்ளியம்மை இதில் கலந்து கொள்ள கோவில்பட்டியிலிருந்து வந்திருந்தார். அவரது கணவர் ஆர்.ராஜேஸ்வரன் தொடக்கப் பள்ளி ஒன்றில் தலைமை ஆசிரியர். தினமணியின் நீண்ட நாள் வாசகரான அவர் கூறுகையில், 'தினமணி போன்ற வெகு சில பத்திரிகைகளே தரமானதாக உள்ளது. படிப்பதற்கு நிறைய விஷயங்களை உள்ளடக்கியது. இணையதளத்திலும் புதுமையுடன் தினமணி இருப்பது அருமை. என்னுடைய மொபைலில் தினமணி டாட் காம் ஆப் உள்ளது. தினமும் செய்திகளையும், சிறப்புக் கட்டுரைகளையும் முதலில் படித்துவிடுவேன்.

    என்னுடைய மனைவி வள்ளியம்மை கோலம் போடுவதில் மிகவும் ஆர்வம் உள்ளவர். தினமும் வீட்டு வாசலில் அவர் போட்ட கோலத்தை எனக்கு வாட்ஸ் அப்பிலும் அனுப்புவார். அதை ஃபோன் கேலரியில் சேமித்து வைத்துள்ளேன். தினமணி டாட் காமில் உள்ள லைஃப்ஸ்டைல் பகுதியில் தினமணி இணையதள வாசகர்களுக்கான பொங்கலோ பொங்கல் கலர்ஃபுல் ரங்கோலி கோலப்போட்டியைப் பற்றி வந்த அறிவிப்பைப் பார்த்ததும், உடனே என் மனைவி போட்ட சில கோலங்களை மெயில் மற்றும் வாட்ஸ் அப்பில் அனுப்பினேன். வள்ளியம்மையின் கோலங்கள் தேர்வாகிவிட்டன, இந்தப் போட்டிக்காக சென்னைக்கு வர வேண்டும் என்று அவர்கள் சொன்னதும், உடனடியாக கிளம்பினோம். போட்டி நடந்த புதன்கிழமை காலைதான் கோயம்பேடு வந்து சேர்ந்தோம். நேராக போட்டியில் கலந்து கொண்டது மறக்க முடியாத அனுபவம்’என்றார்.  

    'நாங்கள் சென்னையில் திருவொற்றியூரில் இருக்கிறோம். ரங்கோலி போட்டி அறிவிப்பைப் பார்த்ததும் அதில் என் மனைவி குணசெல்வியைப் பங்குபெறச் செய்யலாம் என்று நினைத்து அவர் புத்தாண்டுக்குப் போட்ட கோலம் என்னுடைய மொபைலிலிருந்து அனுப்பினேன். தினமணி டாட் காமிலிருந்து அழைப்பு வரும் என்று எதிர்ப்பார்க்கவில்லை. இதுதான் அவள் முதல் முறையாக கலந்து கொள்ளும் போட்டி. அவங்க ஜெயிச்சாலும் சரி இல்லையென்றாலும் சரி பங்கெடுத்துக்கறாங்க என்பது மகிழ்ச்சியான விஷயம்' என்றார் அவர்.

    தங்கள் மனைவியின் முயற்சிகளுக்கு உறுதுணையாக இருக்கும் இந்த இருவரும் நிச்சயம் பாராட்டப்படவேண்டியவர்களே. நிகழ்ச்சியை தங்களது மொபைலில் படம் பிடித்தும் போட்டியை ரசித்தும் கொண்டிருந்தனர். 

    கணவருடன் வந்த பெயர் தெரிவிக்காத ரசிகை ஒருவர் கோலங்களைப் பார்வையிட்டு சிலவற்றை புகைப்படம் எடுத்தார். திரையரங்கிற்கு வந்தவர்கள், இந்த நிகழ்வால் ஈர்க்கப்பட்டு பார்வையாளர்களானார்கள். கண் கவர் வண்ணங்கள் நிறைந்த ரங்கோலிகளை அதற்குள் வாசகிகள் போட்டு முடித்துவிட, நடுவர் விஜயஸ்ரீ கிருஷ்ணா போட்டியாளர்கள் அனைவரையும் பாராட்டினார்.

    எதை விடுப்பது எதை எடுப்பது என்று தெரியாத அளவிற்கு ஒவ்வொரு ரங்கோலியும் ஒவ்வொரு வகையில் அழகாகப் போடப்பட்டிருந்தது. 5 வெற்றியாளர்களை தேர்வு செய்தார். எவ்வகையில் பரிசுக்குரிய கோலங்களைத் தேர்ந்தெடுத்தேன் என்று கூறிவிட்டு முதல் மூன்று பரிசுகளைப் பெற்றவர்களின் பெயர்களை அறிவித்தார். அதன் பின் இரண்டு பரிசுகளை கூடுதலாக தந்து வாசகியரை மகிழ்ச்சிக் கடலில் ஆழ்த்தினார்.  அனைவருக்கும் ஆறுதல் பரிசுகளை வழங்கி தினமணி டாட் காம் தங்களது பாராட்டுக்களை பதிவு செய்தது.

    முதல் பரிசை வனஜா ராதா கிருஷ்ணன் தட்டிச் சென்றார். அவருக்கு ரூ.5 ஆயிரம் ரொக்கப்பரிசு வழங்கப்பட்டது. இரண்டாம் பரிசை அனுராதா கமலக்கண்ணன் வென்றார். அவருக்கு ரூ.3 ஆயிரம் ரொக்கப் பரிசு வழங்கப்பட்டது. மூன்றாம் பரிசை ஷாலினி பெற்றார். அவருக்கு ரூ.2 ஆயிரம் ரொக்கப் பரிசு வழங்கப்பட்டது. 4-ஆவது, 5- ஆவது பரிசை முறையே ரெமா ரமணி மற்றும் சந்திரா ரங்கராஜ் பெற்றனர். அவர்களுக்கு தலா ரூ.1,000 வழங்கப்பட்டது.

    மற்ற போட்டியாளர்களான குணசெல்வி, மாலா, விஜயலட்சுமி, வள்ளி அம்மாள், வித்யா ஆகியோருக்கு ஆறுதல் பரிசுகள் வழங்கப்பட்டன. ரொக்கப் பரிசுகளுடன் தினமணி இணையதளத்தின் பிரத்யேகக் குடைகளும், ஐநாக்ஸ் நிறுவனம் வழங்கிய திரைப்பட டிக்கெட்டுகளும், சென்னை டயமண்ட்ஸ் நிறுவனம் வழங்கிய தள்ளுபடி கூப்பனும் வழங்கப்பட்டன பரிசு பெற்றவர்களை நடுவர் பாராட்டினார். அனைவரும் தங்களது மகிழ்ச்சியை பரிமாறிக் கொண்டனர். 

    இது போன்ற நிகழ்வுகள் எங்களுக்கும் உற்சாகத்தை அளித்தது. காரணம் வாசகர்களை நேரடியாக சந்திப்பது ஒரு இனிய அனுபவம். வாசகர்களுக்கும் பத்திரிகைக்கும் ஒரு பாலமாக இந்நிகழ்வு அமைந்ததென்றால் மிகையில்லை. இந்த நிகழ்ச்சியில் தினமணி இணையதளக் குழுவினர், வாசகியர், மற்றும் ரசிகர்களும் சேர்ந்து நிறைவு செய்தனர். ஒவ்வொருவரும் நன்றி கூறி விடைப்பெற்ற போது நல்லதொரு நிகழ்ச்சியை நடத்திய மகிழ்ச்சியுடன் அலுவலம் வந்து சேர்ந்தோம். நினைவுகள் இனிக்கும் என்பார்கள், இந்த நாள் எங்கள் நினைவில் என்றென்றும் கரும்பாய் தித்திக்கும்.  

    - கார்திகா வாசுதேவன், உமா பார்வதி,  ஒளி ஓவியம் - பவித்ரா முகுந்தன்
     

    ]]>
    Dinamani Rangoli Contest, Pongalo Pongal Kolam potti, பொங்கலோ பொங்கல், தினமணி இணையதளம் போட்டி http://images.dinamani.com/uploads/user/imagelibrary/2018/1/18/w600X390/1st_prize.jpg http://www.dinamani.com/lifestyle/lifestyle-news/2018/jan/18/dinamani-dot-com-rangoli-kolam-contest-2018-2846130.html
    2846676 லைஃப்ஸ்டைல் செய்திகள் தினமணி.காம் பெஸ்ட் செல்ஃபீ 2017 போட்டியில் தேர்வான செல்ஃபீ! கார்த்திகா வாசுதேவன் DIN Thursday, January 18, 2018 12:24 PM +0530  

    ஜனவரி மாதத் துவக்கத்தில் தினமணி இணையதளம் சார்பாக பெஸ்ட் செல்ஃபீ போட்டி ஒன்றை அறிவித்திருந்தோம். போட்டிக்காக அனுப்பப்பட்ட செல்ஃபீக்களில் சிறந்த ஒன்றை தினமணி இணையதளத்தின் முகப்புப் பக்கத்தில் லைஃப்ஸ்டைல் பிரிவில் இடம்பெறச் செய்வதாக அறிவித்திருந்தோம். எங்களுக்கு மின்னஞ்சலில் வந்த செல்ஃபீக்களில் இந்தப் பெரியவர் அனுப்பிய செல்ஃபீ மிகுந்த அர்த்தத்துடன் மட்டுமல்ல அப்பாவுக்கும் மகளுக்குமான அன்புப் பிணைப்பையும் வெளிப்படுத்தும் விதத்தில் இருந்ததால் இவருடைய செல்ஃபீயை பெஸ்ட் செல்ஃபீ எனத் தீர்மானித்து வெளியிடுவதில் தினமணி இணையதளம் பெருமை கொள்கிறது.

    தனது செல்ஃபீயுடன் அ.மாதவன் அவர்கள் அனுப்பியிருந்த மின்னஞ்சல் கடிதம் கீழே...

    அன்புடையீர்!

    வணக்கம் !

    செல்ஃபீ என்பது என்ன? ஒருவர் தன்னைத் தானே புகைப்படம் எடுத்துக் கொள்வது தானே? அந்த வகையில் என்னை நானே எனது 'சாம்சங்' மொபைல் காமிராவில் எடுத்துக் கொண்ட படம்தான் இது. இந்தப் படத்தில் உள்ள  சுவாரசியம் என்னவெனில், புது வருடம் 2018 வருவதையொட்டி நாங்கள் புதிதாக‌ வாங்கிய 'ட்ரெஸ்ஸிங் டேபிள் & கண்ணாடி'யை வெளிநாட்டில் இருக்கும் எங்களது மகளுக்கு உடனே தெரிவிப்பதற்காக எடுத்த 'ஃபோட்டோ'தான் இது. கண்ணாடி முன்பாக படுக்கையில் உட்கார்ந்த படியே என்னை நானே செல்ஃபியாக‌ புகைப்படம் எடுத்துக் கொண்டது.புதிதாக இங்கு வாங்கியுள்ள வீட்டு உபயோகப் பொருளையும் அங்கு தெரிவிக்க வேண்டும்; அதே சமயம் படம் வித்யாசமாகவும் இருக்க வேண்டும் எனும் ஆர்வத்தினால் எடுக்கப் பட்டது. மிக இயல்பாக வந்துள்ளது.  வாய்ப்புக்கு நன்றி !  வணக்கம் !

    அ. மாதவன்

    ]]>
    பெஸ்ட் செல்ஃபீ, தினமணி.காம், best selfie, dinamani.com, 2017 best selfie http://images.dinamani.com/uploads/user/imagelibrary/2018/1/18/w600X390/best_selfie_1.jpg http://www.dinamani.com/lifestyle/lifestyle-news/2018/jan/18/dinamani--readers-best-selfie-2017-2846676.html
    2845479 லைஃப்ஸ்டைல் செய்திகள் புடவை அணிந்து மாரத்தானில் ஓடி கின்னஸ் சாதனை செய்தார் இவர்! சினேகா DIN Tuesday, January 16, 2018 04:12 PM +0530  

    நம்மில் பலர் புடவை கட்ட சலித்துக் கொள்வோம். சல்வார், ஜீன்ஸ், லெஹங்கா, குர்தி, எத்னிக் மற்றும் வெஸ்டர்ன் உடைகளின் பக்கம் நமது கவனம் திசைமாறிவிட்டது. பள்ளி அல்லது கல்லூரி ஃபேர்வெல் தினங்களில் புடவை கட்டும் பழக்கம் இருந்துவருகிறது. பண்டிகைகள், குடும்ப விழாக்கள், குலதெய்வ வழிபாடு, கோவில், திருமணம் மற்றும் விவேஷ தினங்களில் மட்டும் சேலை அணிகிறார்கள் இன்றைய யுவதிகள். 

    சேலை கட்டுவது என்றாலே தெறித்து ஓடுவோம் நாம். ஆனால் அந்த சேலையைக் கட்டிக் கொண்டு ஜெயித்து காண்பித்துள்ளார் ஒரு பெண்மணி. இன்றைய அவசர யுகத்தில் பலர் ஒதுக்கி வைத்த சேலையைக் கட்டிக் கொண்டு ஒருவர் சாதித்துள்ளார் என்பது ஆச்சரியம்தானே. அப்படி என்ன சாதனை? யார் அவர்?

    ஒன்பது கஜம் புடவையைக் கட்டிக் கொண்டு மாரத்தான் போட்டியில் கலந்து குறைந்த நேரத்தில் ஓடி வெற்றி பெற்று கின்னஸ் சாதனை படைத்துள்ளார் ஹைதராபாத்தைச் சேர்ந்த ஜெயந்தி சம்பத்குமார். இவர் பி.டெக் எம் எஸ் கம்யூட்டர் சயின்ஸ் படித்து, மைக்ரோசாஃப்ட் நிறுவனத்தில் பிரின்ஸிபால் மேனேஜராக பணி புரிகிறார்.

    எப்படி இது சாத்தியமானது என்று அவர் கூறினார் ‘எனக்கு கைத்தறி புடவைகள் ரொம்ப பிடிக்கும். விதம் விதமாக வாங்குவேன். என்னுடைய அலமாரியில் பல ஊர்களிலிருந்து வாங்கிச் சேகரித்த அழகு டிசைன்களில் பலவிதமான கைத்தறி சேலைகள் உண்டு. எந்த ஊருக்குப் போனாலும் கட்டாயம் ஒரு நல்ல சேலை வாங்கிட்டு வருவேன். ஆனால் அவற்றை உடுத்துச் செல்ல நேரமில்லாமல் அப்படியே இருந்து வந்தது.

    அப்படி ஒரு சமயத்தில் இவ்வளவு சேலையை வாங்கி வைச்சிருக்கே இதெல்லாம் கப்போர்ட் தான் கட்டுது என்று கிண்டல் செய்தார் என் கணவர். அது உண்மைதான் என்று எனக்குத் தோன்றியது அன்றிலிருந்து வாங்கிய சேலைகளை கட்டிக் கொள்வது என்ற முடிவுக்கு வந்தேன். தினமும் அலுவலகத்துக்கு கைத்தறி புடவையில் செல்லத் தொடங்கினேன். ஸ்பெஷல் தருணங்களில் மட்டும் மற்ற வகைகளில் சேலை என புடவை என்னுடைய வாழ்க்கையில் முக்கியமான பங்கு வகிக்க ஆரம்பித்தது. அந்நிலையில் கடந்த ஆண்டு, ஜனவரி 2017 புத்தாண்டில் ஒரு புதிய இலக்கை எனக்கு நிர்ணயித்துக் கொண்டேன். இதற்கு முன் 5 கிமீ, 10 கிமீ மற்றும் 21 கிமீ மாரத்தான் ஓடியிருக்கிறேன். இந்த முறை  42 கிலோ மீட்டர் ஓட முடிவு செய்தேன். அதுவும் எனக்கு பிடித்தமான புடவையில்.

    புடவை கட்டிக் கொண்டு நடப்பதே பெரிய விஷயம் இதில் ஓடுவது எப்படி என்று நினைக்க வேண்டாம். மனம் இருந்தால் மார்க்கமுண்டு. புடவை கட்டறது குறைஞ்சிருச்சுன்னா ஏற்கனவே நலிவடைந்து வரும் நெசவாளர்களோட நிலைமை மேலும் மோசமாகும். கைத்தறி புடவைகளுக்கு தனி அழகும் சிறப்பும் இருக்கு. எனவே தான், இந்த மாரத்தானில் புடவையை கட்டிட்டு ஓடி அதன் மகத்துவத்தை புரிய வைக்கணும்னு முடிவு செஞ்சேன். சொல்லிட்டேனே தவிர அதை எப்படி சாத்தியப்படுத்தறதுன்னு ரொம்பவே குழப்பம். ஒவ்வொரு ஊர் ஸ்டைல்ல புடவையைக் கட்டிப் பார்த்து முயற்சி செய்தப்போ, அது செளகரியமாக இல்லை. அதுக்கப்பறம்தான் மடிசார் கட்டிக் கொள்ளலாம், ஒன்பது கஜம் உள்ள புடவை சரியாக இருக்கும் என்று முடிவு செய்தேன். நான் தற்போது ஹைதராபாத்தில் இருந்தாலும் எனக்கு சொந்த ஊர் சென்னை தான். 

    அதன் பிறகு தினமும் காலை 5 மணிக்கு புடவை கட்டிட்டு பயிற்சியை தொடங்குவேன். மாரத்தான் போட்டில கலந்துக்க இன்னொரு முக்கியமான விஷயம், ஷூ. ஆனால் இப்படி புடவை கட்டிட்டு ஷூ போட்டு ஓடறது சரியா இருக்காதுன்னு அதை தவிர்த்தேன். ஹீல்ஸ் இல்லாத சாதாரணமா செருப்பு போட்டுக்கிட்டு இந்த போட்டில கலந்துக்கிட்டேன்.

    போட்டி தொடங்கியதும் ஒன்பது கஜப் புடவையைக் கட்டிட்டு நான் ஓடினப்போ, நிறைய பேர் ஆச்சரியமா பார்த்தாங்க. இது மாதிரி மாரத்தான் போட்டிகள்ல இதுக்கு முன்னாடி இந்தியா அளவில மூன்று பெண்கள் தான் ஜெயிச்சிருக்காங்க. ஆனால் இதுவரை யாரும் புடவை கட்டி ஓடினதில்லை. இந்தக் காரணத்தால் என் முயற்சியை கின்னஸ் சாதனையில் இடம்பெறச் செய்யலாம்னு முடிவெடுத்தோம். எனக்கு பயிற்சி அளித்த கோச் விக்னனுக்கு நன்றி சொல்லணும். நான் மாரத்தான்ல ஓடினப்ப அவர் சைக்கிள்ள தொடர்ந்து வந்து தண்ணீர், க்ளூகோஸ் தந்தார். இந்த மாரத்தானை நண்பர் தர்மா வீடியோ பதிவு செய்திருக்கார். என்னோட இந்த முயற்சிக்கு வீட்டுல முழு சப்போர்ட் கிடைச்சது ரொம்ப சந்தோஷமான விஷயம்.

    குறைந்த நேரத்தில் (4 மணி நேரம் 57 நிமிடங்கள், 44 நொடிகளில்) புடவையில் முழு மாரத்தான் ஓடி ஜெயிச்சது மறக்க முடியாது தருணம்.

    இந்த வெற்றியின் மூலம் நான் சொல்ல விரும்பறது ஒண்ணுதான் நம்முடைய பாரம்பரியத்தை மதிக்கும் விதமாக ‘புடவையைக் கொண்டாடுவோம். நெசவாளர்களுக்கு வாழ்வளிப்போம்!’ என்றார் இந்த மாரத்தான் ராணி ஜெயந்தி சம்பத்குமார்.

    ]]>
    கைத்தறி, மாரத்தான், marathon, World Record, marathon in saree, Jayanthi Sampathkumar, ஜெயந்தி சம்பத்குமார், மடிசார் http://images.dinamani.com/uploads/user/imagelibrary/2018/1/16/w600X390/1.jpg http://www.dinamani.com/lifestyle/lifestyle-news/2018/jan/16/42-km-in-9-yards-hyderabad-woman-who-ran-a-marathon-in-a-saree-to-promote-handloom-2845479.html
    2844833 லைஃப்ஸ்டைல் செய்திகள் நீங்கள் அண்மையில் போட்ட கோலத்தின் புள்ளிகள் நினைவில் உள்ளதா? சினேகா DIN Tuesday, January 16, 2018 12:44 PM +0530  

    மற்ற தினங்களில் எப்படியோ மார்கழி மாதத்திலும், அதைத் தொடர்ந்து புத்தாண்டு பொங்கல் தினங்களில் மனம் பழைய விஷயங்கள் சிலவற்றை அசை போட ஆரம்பித்துவிடும். நான் பிறந்த தொண்ணூறுகளில் கூட தெருக்களில் பெண்கள் கோலம் போடும் காட்சியைப் பார்க்க முடிந்தது. ஆனால் இன்றைய சுருங்கிவிட்ட வாழ்நிலை சூழலில் பண்டிகை தினங்களில் மட்டும் ஓரளவு பெரிய கோலங்களைப் போட்டுக் கொண்டிருந்த பெண்கள், சமீப காலமாக அதிலும் சிரத்தை காட்டுவதில்லை. அங்கொன்றும் இங்கொன்றுமாக ரசனை குறைவாக சில கோலங்கள் தென்படுவதுண்டு. மிகச் சிலரே ரசித்து அழகியலுடன் ஆத்மார்த்தமாக கோலம் போட்டுள்ளதை காண முடிந்தது. அவர்களில் பெரும்பாலும் முந்தைய தலைமுறையினர் என்பது சர்வ நிச்சயம்.

    முன்பெல்லாம் பல வீட்டு வாசல்களில் பெரிய கோலங்களும், வண்ணங்களும் நிறைந்து அத்தெருவே மங்களகரமாக இருக்கும். யார் போட்ட கோலம் மிகவும் அழகாக உள்ளது என்ற அறிவிக்கப்படாத போட்டி பல இல்லத்தரசிகளிடையே நிகழும். வாசலிலே பூசணிப்பூ வைச்சுப்புட்டா வைசுப்புட்டா போன்ற பாடல்களை மனத்துக்குள் பாடியபடி தனது நேசத்துக்குரியவள் கோலத்தில் தனக்கு வைத்துள்ள குறுஞ்செய்தி என்னவென்று கண்டடைய இளைஞர்கள் அத்தெருக்களில் கோலங்களை வெறித்தபடி அலைந்து திரிவார்கள். கடைசி வரை விஷ் யூ ஹாப்பி பொங்கல் என்ற வரியைத் தவிர வேறொன்றையும அவர்கள் கண்டடைவதில்லை என்பது வேறு விஷயம். நகை முரண்களைத் தவிர்த்து யோசித்துப் பார்த்தால் பண்டிகைகள் அதன் உற்சாகங்களை பெருவாரியாக இழந்துவருவதை கண்கூடாக காணலாம். அதிலொன்றுதான் வாட்ஸ் அப் மற்றும் ஃபேஸ்புக் கோலங்கள். அடுத்த தலைமுறைக்கு நாம் எதையெல்லாம் கற்றுக் கொடுத்துள்ளோம் என்று யோசித்தால் இந்த தலைமுறை ஒரு அரைவேக்காடு நிலையில் இருப்பது புரியும்.

    காரணம் பொங்கலை இந்துத் திருவிழா என்று குறுக்கிவிடுகின்ற மனநிலையை சமீபத்தில் காண முடிகிறது. அது தமிழர் திருவிழாவாக இருப்பதால் தான் இத்தனை ஆண்டு காலம் தாண்டியும் அந்த பாரம்பரியம் மாறாமல் உள்ளது.  இத்திருழா ஒரு நன்றி அறிவித்தல் விழாவாகும். சூரியனை, உழவர்களை, இப்புவியை நம்மை வாழ வைக்கும் இயற்கை என எல்லாவற்றுகும் நாம் நன்றி தெரிவிக்கும் விதமாக் அமைக்கப்பட்டது இத்திருவிழா. தை பிறந்தால் வழி பிறக்கும் என்பது உழவர்களைப் பொருத்தவரை சத்தியமான உண்மை. பருவநிலை உகந்ததாக இருக்கும் இக்காலகட்டத்தில் அவர்கள் தங்களுக்கு விருப்பான பயிரை விதைப்பார்கள். எல்லாமே விஞ்ஞானபூர்வமாக நம் ஆதி மக்களால் துல்லியமாக கடைபிடிக்கப் பட்டுவந்தது. இத்தகைய கொண்டாட்டங்களை விரும்பி, இளைய தலைமுறையினரும் ஆர்வத்துடன் கொண்டாடுகின்றனர். கொண்டாட்டத்தை மட்டுமல்லாமல் கொள்கைகளையும் அவர்களுக்கு நாம்தான் விதைக்க வேண்டும். முந்தைய தலைமுறையினர் வாசலில் கோலம் போட்டனர், நவீன யுவதிகள் வாட்ஸ் அப் மற்றும் ஃபேஸ்புக்கில் போடுகிறார்கள். அல்லது ஃப்ளாட் வாசலில் போட்ட கோலத்தை ஒரு ஸ்னாப் ஷாட் எடுத்து பட்டி டிங்கரிங் வேலைகள் எடிட்டிங் செய்து சமூக வலைத்தளங்களில் உலவ விடுகின்றனர். நேரம் இன்மையும் அவசர யுகமும் தான் இதற்குக் காரணம். நம் ரசனைக்கு ஏற்றபடி நம் வாழ்வியலை அமைத்துக் கொள்ள என்ன தடை? கோலம் ரசனை சார்ந்த விஷயம். 

    இன்னும் எத்தனை காலம் தான் பெண்களை கோலம், சமையல் என்று வீட்டுக்குள் முடக்கப் பார்க்கிறீர்கள் என தவறாக புரிந்து கொண்டவர்கள் உள்ளனர். கோலம் போடுவதும், சமைப்பதும், வீட்டு வேலைகள் செய்வதும் பெண் அடிமைத்தனம் என்று கூறுபவர்கள் ஒரு விஷயத்தை மறக்க வேண்டாம். அது நம்முடைய வீட்டு வேலை நம்முடைய வாழ்தலுக்கான வேலைகள்தானே? முந்தைய தலைமுறையில் சமையல் அறையிலேயே முடக்கப்பட்ட பெண்கள் இருந்தனர் என்பது உண்மைதான். ஆனால் அதற்காக நம்முடைய குடும்பப் பொறுப்புக்களைத் துறப்பது பெண் சுதந்திரம் ஆகாது. நம்முடைய வீட்டை அழகியலுடன் பராமரிப்பதும், நமது குடும்ப உறுப்பினர்களுக்கு உணவு தயாரிப்பதும் அன்பு சார்ந்த விஷயம். கணவன், மகன், மகள் என்று வீட்டில் உள்ள அனைவரும் வேலைகளைப் பகிர்ந்து செய்தால் எவ்வித சிரமும் இருக்காது. ஒருவர் தலைமீதே ஒட்டுமொத்த குடும்பமும் பாரம் வைத்தால்தான் அங்கே பிரச்னை தொடங்குகிறது. 

    தற்போதுள்ள ந்யூக்ளியர் குடும்ப முறையில், வேலைக்குச் செல்லும் இளம் பெண்களுக்கு நேரம் என்பதே குதிரைக்கொம்புதான். பொங்கலுக்கு என்ன கோலம் போட்டீர்கள் என்று தோழிகள் சிலரிடம் கேட்டபோது அதிர்ச்சியான பதில்தான் வந்தது. சின்னதா ஒரு ஸ்டார் கோலம், மீடியம் சைஸ் ரங்கோலி போட்டு கலர்  அடித்துவிட்டோம், குழந்தைகள் தான் ஏதோ போட்டார்கள், எங்கள் வீட்டில்  வேலை செய்யும் பெண் போட்ட கோலம் பிரமாதம் அதை போட்டோ எடுத்து அனுப்பறேன்...இப்படியான பதில்களே வந்தன. இவர்கள் எல்லாம் என்னுடன் படித்தவர்கள் என்னுடன் வளர்ந்தவர்கள். (நான் மட்டுமென்ன பெரிய கோலங்கள் போடத் தெரிந்தும், விதவிதமான ரங்கோலிகளை கல்லூரி நாட்களில் போட்டுக் கலக்கியவள் என்றாலும அவற்றை எல்லாம் மூட்டை கட்டி வைத்துவிட்டு தாமரைக் கோலத்தை வட்ட வட்டமாக நிரப்பி கலர் அடித்திதுக் கொண்டிருக்கிறேன்). ஒரு பக்கம் பத்திரிகையாளராக இருந்தாலும், விஞ்ஞானியாக இருந்தாலும், ஐடியில் பணிபுரிந்தாலும், நம் வாழ்க்கை என்பது வீட்டிலிருந்து தானே துவங்குகிறது. குடும்பம் என்ற ஒரு அமைப்புக்குள் சென்றுவிட்டால் அது கோரும் கடமைகளை கட்டாயம் செய்தே தீர வேண்டும். மேலும் கோலம் போடுவது, வீட்டு வேலைகள் செய்வது எல்லாம் ஒருவித உடல் மற்றும் மனப் பயிற்சி. காலையில் கோலம் போடுவது சுத்தமான காற்றை சுவாசிக்க உதவும்.

    சரி கோலம்தான் போடவில்லை பொங்கலாவது பொங்கினீர்களா என்று கேட்டதற்கு, அதெல்லாம் சூப்பரா செஞ்சுட்டோம். இன்னிக்கு ஹோட்டல்களுக்கு லீவ்.. வேறு வழி இல்லாம குக் பண்ணோம் என்று சொல்லியவர்களும் உண்டு. இன்றைய பெண்கள் பெரும்பாலும் ஆன்லைனில் ஆர்டர் செய்வதும், உணவுக் கடைகளுக்கு சென்று சாப்பிடுவதையுமே விரும்புகிறார்கள். அல்லது பாதி சமையல் செய்தபின், மீதியை ஆர்டர் செய்துவிடுகிறார்கள். இது சுலபம் தானே எதற்குச் சமையல் செய்யும் நேரத்தை நீட்டிக்க வேண்டும் என்று சொல்பவர்களிடம் பதிலாகச் சொல்ல ஒன்றுதான் உள்ளது. யாராவது விலை கொடுத்து வியாதியை வாங்குவார்களா? இந்தத் தலைமுறையினர் தான் அப்படிச் செய்யத் துணிகிறார்கள். வேலைக்காரன் படம் இதைத் தான் கருப்பொருளாகச் சொல்கிறது. சூப்பர் சைஸ் மீ என்ற ஆங்கில ஆவணப்படமும் உரைப்பது இதுதான். ஆன்லைன் உணவுகளில் உள்ள விஷத்தன்மையால் செரிமானப் பிரச்னைகள் ஏற்பட்டு நாளடைவில் புற்றுநோய் போன்ற பிரச்னைகளுக்கு வித்திடும் என்று அபாய எச்சரிக்கை விடுக்கிறது. நம்முடைய தயாரிப்பில் செய்த உணவுகளுக்கு ருசி மட்டுமல்லாமல் சத்தும் ஆரோக்கியமும் அதிகம் இருக்கும் என்ற உண்மையை உணர வேண்டும். 

    தமிழரின் பெருமை உலகறிந்து கொண்டிருக்கும் நிலையில், தமிழராகிய நாம் என்ன செய்து கொண்டிருக்கிறோம்? மேற்குலகை காப்பி அடிப்பதும், வெட்டிப் பெருமை பேசிக் கொண்டும் காலம் கடத்துகிறோம். நமது தொன்மையும் பாரம்பரியத்தையும் மீட்டெடுத்து நமக்கான முன்னோர்கள் ஏற்படுத்திவைத்துப் போன அடையாளத்தை காப்பாற்றுவோம். நம்மால் அத்தகைய அடையாளம் எதுவொன்றையும் உருவாக்க முடியாவிட்டாலும் கூடப் பரவாயில்லை உள்ளதை மாற்றாமல் அதை அப்படியே அதன் நிறம் குணம் பண்போடு அடுத்த
    தலைமுறையினருக்கு கடத்துவோம். அதுவே நாம் செய்யவேண்டிய முக்கியமான பங்களிப்பு. அண்மையில் தினமணி டாட் காம் கோலப்போட்டி பற்றிய அறிவிப்பை வெளியிட்டுள்ளது மகிழ்வளிக்கும் ஒரு விஷயம். பண்டிகை என்றாலே கொண்டாட்டம் தானே. கோலம் போட்டு மகிழ்வோம். வாருங்கள் தோழியரே! மேலதிக விபரங்களுக்கு  https://goo.gl/zAm39r

    ]]>
    கோலம், kolam, dots and lines, தினமணி டாட் காம் http://images.dinamani.com/uploads/user/imagelibrary/2018/1/15/w600X390/woman_kolam.jpg http://www.dinamani.com/lifestyle/lifestyle-news/2018/jan/15/kolam-and-celebrations-tradition-of-tamilians-2844833.html
    2836863 லைஃப்ஸ்டைல் செய்திகள் 2018 புத்தாண்டு எங்கு முதலில் பிறந்தது தெரியுமா? புத்தாண்டின் வரலாறு! DIN DIN Monday, January 1, 2018 12:26 PM +0530  

    2018-ம் ஆண்டு முதன் முதலில் பிறந்த இடம் சாமோவோ மற்றும் கிறிஸ்துமஸ் தீவு / கிரிபேட்டி. அங்கு இந்திய நேரப்படி டிசம்பர் 31, மாலை 3:30 மணிக்கே புத்தாண்டு பிறந்துவிட்டது.

    போலவே கடைசியாக பிறக்கும் இடம் அமெரிக்காவிலுள்ள பேக்கர்ஸ் தீவு மற்றும் ஹோவர்ட் தீவுகள். அங்கு இந்திய நேரப்படி ஜனவரி 1 மாலை 5:30 மணிக்குத்தான் புத்தாண்டு பிறக்கவிருக்கிறதாம்.

    ஆங்கில புத்தாண்டின் வரலாறு

    எல்லையற்றது காலம். ஆயினும் உலகில் வாழும் மக்கள் ஏதாவது ஒரு எல்லைக்குள் கட்டுப்பட்டு வாழ வேண்டியுள்ளது. அதற்காகவே காலக் கணக்கீடுகள் உருவாக்கப்பட்டன.

    பாரத காலக் கணக்கீடு 

    காலத்தைக் கணக்கிடும் முறைகள் ஐயாயிரம் ஆண்டுகளுக்கு முன்னரே துவங்கியதற்கு இந்தியாவின் பண்டைய இலக்கியமான வேதங்களில் சான்றுகள் உள்ளன. இந்தியாவில் காலத்தை கல்பம், மன்வந்திரம், யுகம், ஆண்டு, அயனம், ருது, மாதம், வாரம், நாள், மணி, நாழிகை, விநாடி என்று பல கூறுகளாக நமது முன்னோர் வகுத்திருந்தனர்.

    நாடு நெடுகிலும் இப்போதும் புழக்கத்தில் இருக்கும் பஞ்சாங்கத்தின் வயது பல ஆயிரம் ஆண்டுகளுக்கு மேல் இருக்கும். பஞ்சாங்கமே நமது நாட்டில் நாள்காட்டியாக இருந்துவந்துள்ளது.  அச்சு இயந்திரம் கண்டுபிடிக்கப்படாத காலத்திலேயே வாய்மொழி மனன முறையில் பஞ்சாங்கத் தகவல்கள் தலைமுறை தலைமுறையாகப் பாதுகாக்கப்பட்டு வந்துள்ளன.

    ரோமன் காலண்டர் 

    ஆனால் உலக அளவில் நாள்காட்டி முறை முதன்முதலில் ரோமப் பேரரசில் உருவானதாக வரலாற்றாசிரியர்கள் குறிப்பிடுகின்றனர். பெரும்பாலான ஐரோப்பிய நாடுகள் அதைக் கடைபிடித்ததாலும், ஐரோப்பிய நாடுகளின் காலனி ஆதிக்கம் உலகம் முழுவதும் பரவியதாலும் இக்கருத்து உருவாகியிருக்க வேண்டும்.

    ஆனால், ரோமப் பேரரசு காலத்தைய ரோமன் காலண்டரின் துவக்கம் கி.மு. 700 மட்டுமே. அதற்குப் பின் ஜூலியஸ் சீஸரால் சீர்திருத்தப்பட்ட ஜூலியன் காலண்டரின் துவக்க ஆண்டு கி.மு. 45. அதற்கு இணையான விக்கிரமாதித்திய சகாப்தம் (கி.மு. 57), சாலிவாகன சகாப்தம் (கி.பி. 78) போன்றவை இந்தியாவிலும் இருந்துள்ளன. இந்து வானவியலின்படி கலியுகம் துவங்கி இதுவரை 5,116 ஆண்டுகள் (கி.மு. 3102) ஆகியுள்ளதாக நமது பஞ்சாங்கங்கள் கூறுகின்றன.

    கிரிகோரியன் காலண்டர் 

    அந்தந்த நாட்டு மக்களின் நம்பிக்கை, மதம், பாரம்பரியம் ஆகியவற்றின் அடிப்படையில், உலக அளவில் ஒவ்வொரு நாடும் ஒவ்வொரு வகையில் நாள்காட்டியைக் கடைபிடித்து வந்துள்ளது. இந்தியாவிலும் கூட பல்வேறு பிரதேசங்களில் பல வகையான ஆண்டுத் துவக்கங்கள் அனுசரிக்கப்படுகின்றன.

    ஆனால் உலக அளவில் பொதுவான நாள்காட்டியின் தேவை உணரப்பட்டபோது உருவானது தான் தற்போது நாம் பயன்படுத்தும் ஆங்கில நாள்காட்டி என்று அழைக்கப்படும் ‘கிரிகோரியன் காலண்டர்’.

    அதற்கு முன்னர் ஆண்டின் துவக்கம் மார்ச் 1, மார்ச் 25, ஈஸ்டர், செப்டம்பர் 1, செப்டம்பர் 25 எனப் பலவகையாக உலகத்தில் அனுசரிக்கப்பட்டுள்ளது. ஐரோப்பிய எழுச்சியின் போது, பக்கத்துப் பக்கத்து நாடுகளில் நிலவிய கால வேறுபாடுகளால் குழப்பம் ஏற்பட்டபோது, பொதுவான நாள்காட்டியின் தேவை உணரப்பட்டது.

    1582-ல் கத்தோலிக்க மதகுருவாக இருந்த போப் 13-வது கிரிகோரியால் அறிமுகப்படுத்தப்பட்டதே தற்போது வழக்கத்தில் உள்ள நாள்காட்டி ஆகும். அவரது பெயரே புதிய காலண்டருக்கு சூட்டப்பட்டது.

    இதனை வடிவமைத்தவர் ஜெர்மனியைச் சேர்ந்த ஜெசூட் பாதிரியாரான வானியல் மேதை கிறிஸ்டோபர் கிளாவியஸ். இதில் தான் ஜனவரி 1 முதல் துவங்கும் தற்போதைய நாள்காட்டி முறை அறிமுகமானது.

    எல்லா நாளும் புதிய நாளே

    இவ்வாறு தான் நாம் பயன்படுத்தும் சர்வதேச நாள்காட்டி உருவானது. இதன் துவக்கமாக ஜனவரி 1 இருப்பதால், இந்நாளை புத்தாண்டின் துவக்கமாக உலகம் கொண்டாடுகிறது.

    இதுவரையிலான வாழ்விலிருந்து புதிய வாழ்வுக்கு வாய்ப்பு உருவாவதாக ஓர் நம்பிக்கையை உருவகமாக ஏற்படுத்துகிறது புத்தாண்டு. எனவே தான் இந்நாள் கொண்டாட்டத்துக்கு உரியதாகிறது.

    ஆனால், கதிரவன் மறைந்து மீண்டும் உதிக்கும்போது உருவாகும் ஒவ்வொரு நாளும் நமக்கு புதிய நாளே. உண்மையில், நமது காலம் ஒவ்வொரு நாளும் கழிவதைக் குறிப்பிட்டு எச்சரிக்கிறது நாள்காட்டி. எனவே, வரும் நாட்களை மதிப்புள்ளதாக்க வேண்டியது நம் அனைவரின் கடமையாகும்.

    மது அருந்துவதும், நள்ளிரவு 12.00 மணிக்கு ஆரவார இரைச்சலுடன் அதிவேகமாக வாகனம் ஓட்டுவதும் தான் புத்தாண்டு என்ற மாயை சமீபகாலமாக நம்மிடையே பரவி வருகிறது. மறுநாள் விடியாமல் போகாதா என்று பட்டினியால் ஏங்கும் பல கோடிப் பேர் வாழும் உலகில் இத்தகைய கொண்டாட்டங்களைப் போல பொருளற்ற செயல் வேறில்லை.

    புத்தாண்டு என்பது கேளிக்கைகளில் ஈடுபடுவதற்கான தருணம் மட்டுமல்ல, நம்மை நாமே மறுவிசாரணை செய்து கொள்வதற்கான தருணமும் கூட. வரக்கூடிய 2018-ஆம் ஆண்டேனும் நம்மை புதிய மனிதர்களாக்கட்டும்.

    நன்றி - வ.மு.முரளி (தினமணி (வேலூர்)

    ]]>
    New Year 2018, புத்தாண்டு 2018, புத்தாண்டின் வரலாறு http://images.dinamani.com/uploads/user/imagelibrary/2018/1/1/w600X390/2018.jpg http://www.dinamani.com/lifestyle/lifestyle-news/2018/jan/01/happy-new-year-2018-2836863.html
    2835841 லைஃப்ஸ்டைல் செய்திகள் கருவிலிருப்பது பெண் சிசுவென்பதால் கலைக்கச் சொல்லி சித்ரவதை செய்யும் டாக்டர் கணவன்! RKV IANS Saturday, December 30, 2017 02:36 PM +0530  

    புதுடெல்லி: வெளியுறவுத் துறை அமைச்சகப் பிரிவில் அலுவலக உதவியாளராகப் பணிபுரிந்து வருகிறார் 42 வயதுப் பெண் ஒருவர். டெல்லியைச் சேர்ந்த ரஜ்னிஷ் குலாட்டி எனும் டாக்டர் வரனுக்கும் இவருக்கும் திருமணமாகிச் சில வருடங்கள் ஆகின்றன. இவர், டெல்லி, குருகிராம், 49 ஆம் செக்டாரில் தன் கணவர் மற்றும் கணவரது பெற்றோருடன் வசித்து வருகிறார்.

    அவரது கணவர் மேற்கு படேல் நகரில் உள்ள ‘முடித் விஸ்வகர்மா மருத்துவமனையில்’ பணிபுரிந்து வரும் நிலையில் கடந்த சனிக்கிழமை அன்று தன்னைக் கருக்கலைப்பு செய்து கொள்ளச் சொல்லி கணவர் வீட்டார் தொடர்ந்து வற்புறுத்தி வருவதாகவும், அதற்குத் தான் மறுப்புத் தெரிவிக்கையில் கணவரும், கணவரது பெற்றோரும் தன்னை அடித்துச் சித்ரவதை செய்து வீட்டை விட்டே வெளியேற்றி விட்டதாக அப்பெண்மணி காவல்துறையில் புகார் அளித்திருக்கிறார்.

    அவரது புகாரைப் பற்றிப் பேசுகையில் காவல்துறையினர் தெரிவித்த தகவல். ‘அவர் புகார் அளிப்பது, இது முதல்முறை அல்ல, கடந்த ஃபிப்ரவரி மாதம் இதே விதமான புகாருடன் அவர் முன்பே காவல்துறையில் புகார் அளித்து வழக்குப் பதியப்பட்ட போது, அப்போதைய ஸ்டேஷன் ஹவுஸ் ஆஃபீஸரான பிரமோத்குமார் மற்றும் சப் இன்ஸ்பெக்டர் தேவேந்தர் இருவரும் இணைந்து இவ்வழக்கில் தனது கணவருக்கு ஆதரவாக நடந்து கொண்டு தான் அளித்த புகாரை வாபஸ் பெறுமாறு தன்னை நிர்பந்தித்ததாகவும் அவர் குறிப்பிட்டுள்ளார்’ என்று கூறினர்.

    ஒரு பெண், மேலும் குறிப்பிட்டுச் சொல்லவேண்டுமென்றால் வெளியுறவுத் துறை அமைச்சகத்தில் பணியிலிருக்கும் ஒரு படித்த பெண்மணி, அவர் கடந்த ஃபிப்ரவரி மாதமே, கருவிலிருக்கும் தனது குழந்தைக்கு கணவர், அவரது சகோதரி மற்றும் அவரது பெற்றோரால் ஆபத்து என்று தெள்ளத் தெளிவாக காவல்துறையில் ஒரு புகார் அளித்திருந்தும் கூட அதில் குற்றம் சுமத்தப்பட்டவர்களுக்கு ஆதரவான நடவடிக்கையைத் தான் காவல்துறையால் எடுக்க முடிந்திருக்கிறது. புகார் அளித்த பெண்ணுக்குப் பாதுகாப்பு இல்லை. மாறாக, அளித்த புகாரை திரும்பப் பெறா விட்டால் தவறான வேறு வழக்குகளில் சிக்கச் செய்து உன் வாழ்வை நிர்மூலமாக்கி விடுவோம் என்று வேறு அவர் காவல்துறை அதிகாரிகளால் மிரட்டப்பட்டிருக்கிறார். அது மட்டுமல்ல, கடந்த ஏப்ரல் மாதத்தில் அவரளித்த புகாரை வாபஸ் பெறச்சொல்லு வற்புறுத்தி சுமார் 6 மணி நேரத்துக்கும் மேலாக போலீஸ் ஸ்டேஷனில் அமர வைக்கப்பட்டிருக்கிறார். அப்போது அவர் கருவுற்ற பெண் என்றும் பாராமல் அவருக்கு 6 மணி நேரமாக தண்ணீரோ, உண்பதற்கு உணவோ வழங்கும் மனிதாபிமானம் கூட காவல்துறை அதிகாரிகளுக்கு அப்போது இருந்திருக்கவில்லை.

    அந்த நிலையில் போலீஸ் ஸ்டேஷனுக்குள் நுழைந்த அப்பெண்ணின் கணவர் அவரை சரமாரியாகத் தாக்கியதில் அவருக்கு ஸ்டேஷனிலேயே கருக்கலைப்பு ஏற்பட்டிருக்கிறது.

    அதன் பின், பெண்மணி தனக்கான நீதிக்காக திஸ் ஹஸாரி நீதிமன்றத்தை அணுகியதில், சில மாத அவகாசத்தின் பின் நீதிமன்றத்துக்குள் வழக்கு விசாரணையின் போது, இந்தப் பிரச்னையை தாங்கள் அமைதியான முறையில் பேசித் தீர்த்துக் கொள்வதாகவும், தன் மனைவியை தான் மேற்கொண்டு துன்புறுத்துவது இல்லை, எனவே தன் மீதும் தனது பெற்றோர் மீதும் அவரளித்த புகாரை வாபஸ் பெற்றுக் கொள்ளும் படியாகவும் மேற்கொண்டு எவ்விதமான சட்டரீதியான பிரச்னைகளையும் தங்கள் மேல் அவர எழுப்பக் கூடாது எனவும் எழுத்துப்பூர்வமாகத் தன் மனைவி எழுதித் தரவேண்டும் என்றும் அந்த டாக்டர் கணவர் நீதிபதியிடம் கோரிக்கை வைத்தார். அதன்படியே நடந்து சமாதானமாகி அவர் தனது மனைவியை மீண்டும் வீட்டுக்கு அழைத்தும் சென்றிருந்தார்.

    ஆனால், அந்தச் சமாதானம் ஒரு வாரம் கூட நீடித்திருக்கவில்லை. மீண்டும் அப்பெண்மணி தனது கணவர் வீட்டாரால் கடந்த டிசம்பர் 25 ஆம் தேதி வீட்டை விட்டுத் துரத்தப்பட்டிருக்கிறார்.

    இந்தப் பெண்ணின் தொடர் போராட்டமான வாழ்வுக்கு என்ன தான் தீர்வு?

    முன்பு நடந்ததற்கே உரிய நீதி கிட்டாத நிலையில், இப்போது மீண்டும் புதிதாக தனது கணவர் மற்றும் அவரது குடும்பத்தினர் மீது அப்பெண்மணி ஃப்ரெஷ் ஆக ஒரு புகாரைத் தட்டி விட்டிருக்கிறார். அதன் மீதான விசாரணை நடந்து வருகிறது.

    இம்முறையாவது அவருக்கு உரிய நீதி கிடைக்குமா? என்று பொருத்திருந்து காண்போம்.
     

    ]]>
    domestic violence, violence against pregnant women, violence against MEA STAFF, குடும்ப வன்முறை, கருக்கலைப்பு, பெண்சிசுக்கொலை, பாலினப் பாகுபாடு, பெண்களுக்கு எதிரான வன்முறை http://images.dinamani.com/uploads/user/imagelibrary/2017/12/30/w600X390/violence_against_women.jpg http://www.dinamani.com/lifestyle/lifestyle-news/2017/dec/30/woman-mea-staffer-alleges-assault-by-husband-in-laws-2835841.html
    2835818 லைஃப்ஸ்டைல் செய்திகள் வாசகர்களே! 2017 ஆம் ஆண்டின் உங்களது சிறந்த செல்ஃபீ, தினமணி.காமில் பிரசுரமாக வேண்டுமா? கார்த்திகா வாசுதேவன் DIN Saturday, December 30, 2017 11:58 AM +0530  

    2017 ஆம் ஆண்டு முடிய இன்னும் ஒரே ஒரு நாள் மட்டுமே எஞ்சியுள்ள நிலையில், கடந்த ஆண்டின் நினைவுகளை எல்லாம் பசுமை மாறாமல் நெஞ்சுக்குள் பத்திரமாகப் பதுக்கிக் கொண்டு புத்தாண்டை விமரிசையாக வரவேற்க கொண்டாட்டத்துடன் திட்டமிட்டுக் கொண்டிருப்பீர்கள். நல்லது. ‘பழையன கழிதலும், புதியன புகுதலும் வழுவல கால வகையினானே’ என்ற நன்னூலார் பவணந்தி முனிவர் கூற்றுப்படி நாம் புத்தாண்டைக் கொண்டாட்டத்துடனும், குதூகலத்துடனும் வரவேற்பது தானே முறை! அந்தக் குதூகலத்துக்கு மேலும் சிறப்புச் சேர்க்கும் வகையிலும்,  உங்களை நீங்களே மீண்டுமொருமுறை ரசித்துக் கொள்ளும் படியாகவும் தினமணி.காம் உங்களுக்கு ஒரு ரசனை மிக்க வாய்ப்பை வழங்கவிருக்கிறது. தினமணி வாசகர்கள் 2017 ஆம் ஆண்டில் தாங்கள் எடுத்துக் கொண்ட பலப்பல அழகான செல்ஃபீக்களில் சிறந்ததென எண்ணும் ஒரு சூப்பர்ப் செல்ஃபீயை எங்களுக்கு மின்னஞ்சலில் அனுப்பி வையுங்கள். அது தினமணி.காம் முகப்புப் பக்கத்தின் புகைப்படப் பிரிவில் ‘பெஸ்ட் செல்ஃபீ 2017’ எனும் தலைப்பின் கீழ் பிரசுரிக்கப்படும்.

    செல்ஃபீ அனுப்பும் வாசகர்கள் கவனத்தில் கொள்ள வேண்டியவை;

    • செல்ஃபீயில் உங்களது பெயர் இடம்பெற்றிருக்க வேண்டும்.
    • அந்த செல்ஃபீ எடுத்துக் கொள்ளும் போதிருந்த உங்களது குதூகலமான மனநிலையை ரத்தினச் சுருக்கமாக 500 வார்த்தைகளுக்கு மிகாமல் வாசக அனுபவமாக அழகுத் தமிழில் எழுதி அனுப்ப வேண்டும்.
    • அனுப்ப வேண்டிய மின்னஞ்சல் முகவரி dinamani.readers@gmail.com.
    • செல்ஃபீக்கள் எங்களை வந்தடைய வேண்டிய கடைசித் தேதி 15.01.2018
    • தகவல்கள் அற்ற செல்ஃபீக்கள் நிராகரிக்கப்படும்.

    இந்தப் புத்தாண்டில் நலமும், வளமும் பெருகட்டும்!
    நீங்கள் எண்ணியவை யாவும் ஈடேறட்டும்!

    தினமணி வாசகர்கள் அனைவருக்கும் ஆசிரியர் குழு சார்பாக உளம் கனிந்த புத்தாண்டு வாழ்த்துக்கள்!

    Image courtesy: google

    ]]>
    Best selfie 2017, பெஸ்ட் செல்ஃபீ 2017, தினமணி வாசகர் கொண்டாட்டம், புத்தாண்டு சிறப்பு செல்ஃபீ, dinamani best selfie udhsav 2017, தினமணி பெஸ்ட் செல்ஃபீ 2017 உத்சவம் http://images.dinamani.com/uploads/user/imagelibrary/2017/12/30/w600X390/0000selfie.jpg http://www.dinamani.com/lifestyle/lifestyle-news/2017/dec/30/dinamani-best-selfie-of-2017-2835818.html
    2835227 லைஃப்ஸ்டைல் செய்திகள் 2018-ம் ஆண்டில் இவர்களின் சபதங்கள் என்ன என்ன? ஒரு காமெடி ரிப்போர்ட்! சினேகா DIN Friday, December 29, 2017 04:11 PM +0530  

    ஒவ்வொரு புதுவருடப் பிறப்பிலும் (ஆங்கிலப் புதுவருடத்தைத் தான் சொல்கிறேன், எமக்கேது டமில் உணர்வு?) எனக்குத் தெரிந்தவர்கள் (உங்களுக்கும் அவர்களில் சிலரைத் தெரிந்திருக்கலாம்) பலர் தவறாமல் சபதம் எடுப்பதைக் கடமையாகக் கொண்டுள்ளனர்.

    எண்பதுகளில் காப்பி குடிக்க மாட்டேன் என்றும், தொண்ணூறுகளில் சிகரெட் தொட மாட்டேன் என்றும், மில்லினியம் ஆண்டில் குடிக்க மாட்டேன் என்றும் சபதம் எடுத்துக் கொண்டிருந்த மகாஜனங்கள், 2018-ல் நான்குக்கும் மேற்பட்ட செல்போன்களைப் பயன்படுத்த மாட்டேன் என்றெல்லாம் சபதம் எடுக்கிறார்களாம். எனிவே, சபதங்கள் பலவகை அதில் ஒவ்வொன்றும் ஒருவகை. இதோ சில காமெடி சபதங்கள் (கற்பனைக்கு ஏது எல்லை?!) 

    இனி வடிவேல் படத்துடன் மீம்ஸ்களுக்கு நோ!

    சில யூத்கள் உலகில் என்ன பிரச்னை நடந்தாலும், மாபெரும் புரட்சி ஏற்பட்டு உலகமே தலைகீழாக மாறினாலும், மீம்ஸ் போட்டு மகிழ்வதை வா(வே)டிக்கையாக கொண்டுள்ளனர். எந்தக் கலவரத்திலும் அவர்களுக்கு கி.கி. தேவை. இந்நிலையில் அவர்களுக்குக் கை கொடுப்பது நடிகர் வடிவேலு மட்டுமே.

    இனிமே எவனாவது என்னை வைச்சு காமெடி கீமடி பண்ணீங்க..........

    இதனால் அவர்கள் சுய அறிவுக்கு சோதனை வந்து, தூங்கும் போதும், விழிக்கும் போதும் வடிவேலுவின் உருவம் மட்டுமே நீக்கமறத் தெரிவதால் பீதியடைந்துவிட்டனர். அதனால் இனிவரும் ஆண்டுகளில் வடிவேலுவைப் பயன்படுத்தி மீம்ஸ் போட மாட்டோம், ஹீரோக்களுக்கும் சம உரிமை அளித்து மீம்ஸ் போடுவோம் என்று சபதம் போட்டுள்ளனர்.

    ஃபேஸ்புக்கில் லைக்ஸ் வேண்டாம்

    சிலர் ஃபேஸ்புக் டிவிட்டர் போன்றவற்றில் அறிக்கையும் அன்றைய தினத்தில் அவர்கள் வாழ்க்கையில் நடந்த மகத்தான சம்பவங்களை பதிவு செய்து வருவதை வாழ்க்கையின் லட்சியமாக கொண்டு இயங்கிவருகின்றனர். காலை எழுந்ததும் பல் விளக்குவதை செல்ஃபி எடுத்துப் போடுவது, அதன் பின் இதான் மை டிபன் என்று 'பன்’களை ஃபன்னியாக போட்டோவாக்குவது, சைக்கிளில் போவது, காலேஜ்ஜுக்கு கட் அடிப்பது, ஆபிஸில் கேண்டீன் க்யூவில் நிற்பது என்று சகலத்தையும் பதிவு செய்து வந்தார்கள். இதற்கெல்லாம் லைக்ஸ்கள் குவியும் என்று எதிர்ப்பார்த்த நிலையில், டிஸ்லைக் ஹேட் போன்றவை குவியத் தொடங்கியதால் பெரும் அதிருப்திக்கு உள்ளாகினர்.

    மேலும் ஃபேக் ஐடியில் புறப்பட்ட புரட்சிப் படையினர் அவர்களை வறுத்தெடுத்ததால், தற்காலிகமாக ஃபேஸ்புக்குக்கு ஜூட் விட்டுள்ளனர். மீண்டும் புது வருடத்தில் புதிய அவதாரத்தில் வருவோம் என்றும் சபதம் எடுத்துள்ளனர்.

    யாருமே இல்லாத டீ கடையில் 

    இந்த நாட்டில் தான் திடீர் திடீர் என்று கட்சிகளை ஆரம்பிப்பார்கள் நாமும் ஏன் அப்படி செய்யக் கூடாது என்று வேலை வெட்டி எதுவும் இல்லாத ஒரு க்ரூப், சொ.தூ.மு.ச என்ற புதுக்கட்சியைத் தொடங்கினர். ஆனால் கட்சியின் கொள்கை மற்றும் நிதி வசதிகளின் போதாமையால் மொத்தமாக ஏசொதூமுச  என்ற கட்சிக்கு தாவினர். ஆனால் இவர்கள் கட்சி மாறிய சமயம் மிகவும் துரதிர்ஷ்டவசமானது.  

    அந்தக் கட்சியை மீ.சொ.தூ.மு.ச என்ற மூத்த கட்சி மொத்தமாக ஒரு பேமெண்ட் கொடுத்து வாங்கிவிட்டதால் அவர்கள் கட்சிக்கு நெருக்கடி ஏற்பட்டுள்ளது என்று கூறி கடையை சாத்திவிட்டனர். புதுவருடம் தொடங்கியதும்  புது கட்சித் தொடங்குவோம் என்று சூளுரைத்துள்ளனர் சொமுசெமா அணியினர்.

    விளம்பரங்களுக்கு இடையே நிகழ்ச்சிகள்

    தனியார் தொலைக்காட்சிகளில் எப்போதாவது விளம்பரங்களுக்கு இடையே சினிமா, சீரியல், நியூஸ் போன்ற நிகழ்ச்சிகள் இடம்பெறும். பண்டிகை தினங்களில் கேட்கவே வேண்டாம். விளம்பரங்கள் தொடர் விளம்பரங்களாகிவிடும். சில புத்திசாலி ஆடியன்ஸ் இந்த சானலில் விளம்பரம் வரும்போது வேறு சானலுக்கு மாறிவிடுவார்கள்.

    ஆனால் இத்தகைய சூழ்ச்சிகளை அவதானித்துவிடும் சானல் நிறுவனங்கள் அத்தனை விளம்பரங்களும் ஒரே நேரத்தில் போடத் தொடங்க, எட்டுத் திக்கிலும் விளம்பரங்கள் மட்டுமே காண முடியும். சில சமயம் விளம்பரங்களுக்கே நேரம் சரியாக இருப்பதால் நிகழ்ச்சிகளை போடுவதற்கு மறந்துவிடுவார்கள். இதனால் கடுமையாக பாதிப்படைந்தார் 'செத்தாள் சந்திரிகா’ சீரியலைத் தொடர்ந்து பார்த்து வந்த ரசிகை ஒருவர். சந்திரிகா செத்தாளா இல்லையா என்ற முடிவு தெரியும் வரை போராடுவோம் என்று பெருங்கூட்டம் ஒன்றைத் திரட்டி போர்  அறிக்கைவிடவே, நடுங்கிப் போன சானல் நிறுவனங்கள் புது வருடத்திலிருந்து கொஞ்சூண்டு நிகழ்ச்சியை காண்பிக்க முடிவு செய்துள்ளனர். (குறைந்தது 175 வருடங்கள் சந்திரிகாவுக்கு சாவு கிடையாது என்று சானல் உறுதி அளித்தவுடன் தான் ரசிகைகள் தங்களுடைய போராட்டத்தை கைவிட்டனர்).

    பொதுஜனம் பலவிதம் சபதங்கள் ஒரேவிதம்

    இனி தியேட்டருக்கு சென்று படம் பார்க்க மாட்டோம் (டிக்கெட் விலை எகிறிடுச்சே), டூவீலரில் பயணம் செய்ய மாட்டோம் (ஹெல்மெட் போட வேண்டுமே), வீட்டை விட்டு வெளியே எங்கும் போக மாட்டோம் (பெட்ரோல் செலவு மிச்சமாகும்). அரிசி, காய்கறி, பழங்கள், தண்ணீர் எதையும் குடிக்க மாட்டோம், சாப்பிட மாட்டோம் (விலைவாசி, ஜிஎஸ்டி, உணவுப் பொருளில் பாய்சன் இதுபோன்றவற்றிலிருந்து தப்பிக்க), பூமியில் வாழப் போவதில் (நிலத்தை நீர் முழுவதும் உறிஞ்சி எடுக்கப்பட்டுவிட்டதால் செவ்வாய் கிரகம் செட் ஆகுமா என்ற யோசனையில்)

    வாட்ஸ் அப் மெசேஜ்களை ஃபார்வெர்ட் செய்ய மாட்டோம் (இது வரை ஆயிரம் முறைக்கு மேல் சுழற்சியில் அதே நியூஸ் திரும்ப திரும்ப திரும்ப....வருவதால்), ஆனால் எப்ப தேர்தல் வந்தாலும் சரி தவறாம ஓட்டு மட்டும் நிச்சயம் போடுவோம் என்று சபதம் எடுத்துள்ளனர். 

    இதுபோன்ற காமெடி சபதங்களை உங்களுக்குத் தெரிந்தவர்கள் யாரேனும் எடுத்திருந்தால் இங்கு பகிர்ந்து கொள்ளலாம்! 

    புகைப்படங்கள் நன்றி : imgflip

    ]]>
    2018, Happy New Year 2018, புது வருடம் 2018, சபதம் http://images.dinamani.com/uploads/user/imagelibrary/2017/12/29/w600X390/cute_doggy.jpg http://www.dinamani.com/lifestyle/lifestyle-news/2017/dec/29/2018-happy-new-year-vows-and-wishlist-2835227.html
    2833928 லைஃப்ஸ்டைல் செய்திகள் 2017 ல் விற்பனையில் சாதனை படைத்த சிறந்த ஸ்கூட்டர்கள் லிஸ்ட்! RKV DIN Wednesday, December 27, 2017 10:56 AM +0530  

    2017 ஆம் ஆண்டு லாஞ்ச் செய்யப்பட்ட இருசக்கர வாகனங்களில் எந்தெந்த பிராண்டுகள் சிறந்தவை என வாடிக்கையாளர்களால் தேர்வு செய்யப்பட்டுள்ளன என்பதை அறிந்து கொள்ள அந்தந்த பிராண்டுகளின் விற்பனை லிஸ்டைப் பார்த்தால் தெரிந்து விடும் தானே! இதோ அந்த வகையில் 2017 ல் விற்பனையில் சாதனை படைந்த பெஸ்ட் ஸ்கூட்டர்கள்  லிஸ்ட் உங்களுக்காக இங்கே பட்டியலிடப்பட்டுள்ளன...


    ஹோண்டா ஆக்டிவா 4G

    2017 ல் லாஞ்ச் செய்யப்பட்ட இருசக்கர வாகனங்களில் இந்தியாவில் அதிக அளவில் விற்பனையாகி முதலிடம் பிடித்தது ஹோண்டா ஆக்டிவா 4G. 109 CC, சிங்கிள் சிலிண்டர் எஞ்சின், 8bhp உள்ளிட்ட ஈர்க்கத்தக்க அம்சங்களுடன் சீட்டுக்கு அடியில் மொபைல் சார்ஜ் செய்துகொள்ளும் வசதியுடனும் வடிவமைக்கப் பட்டுள்ள இந்த ஸ்கூட்டி கடந்தாண்டு விற்பனையில் சாதனை படைத்தது. பெண்களுக்கு ஏற்ற இருசக்கர வாகனங்களில் ஹோண்டா 4G யை அடித்துக் கொள்ள வேறு வாகனம் இல்லை. இதன் ஷோரூம் விலை  ₹ 51,324

    டிவிஎஸ் ஜூப்பிடர் கிளாஸிக் எடிசன்

    டிவிஎஸ்ஸின் புதிய அறிமுகங்களில் ஜூபிடருக்கு எப்போதுமே முதலிடம் தான். பெண் வாடிக்கையாளர்களுக்கு என்றே பிரத்யேகமாக வடிவமைக்கப்பட்ட இதை ஆண்களும் ஓட்டலாம் என்பதால் இதற்கான வரவேற்பு அமோகமாக இருந்தது. அதிலும் கடந்தாண்டு லாஞ்ச் செய்யப்பட்ட ஜூபிடர் கிளாஸிக் எடிசன் வகை தோற்றத்தில் செம லுக்! சூப்பர் மெட்டாலிக் டபிள் கலர் ஷீட் முதல் பெட்ரோல் டேங்குக்கான திறப்பை வெளியில் வடிவமைத்தது, மொபைல் சார்ஜர் வசதி, 110cc, சிங்கிள் சிலிண்டர் எஞ்சின், 7.9bhp உள்ளிட்ட அம்சங்களுடன் 10 வைப்ரண்ட் வண்ணங்களிலும் கிடைக்கக் கூடியது ஜூபிடர் கிளாஸிக். இதன் ஷோரூம் விலை ₹ 55,466.

    ஹோண்டா கிளிக்

    கிராமப்புற மற்றும் செமி டவுன் தோற்றம் கொண்ட புறநகர்ப் பகுதி வாடிக்கையாளர்களை ஈர்ப்பதற்காகவே உருவாக்கப்பட்ட இருசக்கர வாகன வடிவமைப்பு இது. பார்ப்பதற்கு பெரிதாகத் தோற்றமளித்தாலும் இது ஹோண்டா ஆக்டிவா 4G யை விடவும் எடைகுறைவானதே. அதனால் இதன் பெட்ரோல் டேங்கின் கொள்ளளவு 3.5 லிட்டர் மட்டுமே. இதன் ஷோரூம் விலை  ₹ 42,384 

    ஹோண்டா கிரேஸியா


    நகர்ப்புறத்தைச் சேர்ந்த இளைஞர்களை மையமாக வைத்து அவர்களை ஈர்க்கும் நோக்கத்துடன் வடிவமைக்கப் பட்ட ஹோண்டா கிரேஸியா ஹோண்டா ஆக்டிவா 125 க்கு ஈடாக 125cc எஞ்சின் கொண்டது. இரட்டை மெட்டாலிக் டோன் கலர்கள், குரோம் டிசைன் எலிமெண்டுகள், பிரீமியம் குவாலிட்டி ஸ்விட்ச் கியர்கள், புத்தம் புதிய டிஜிட்டல் இன்ஸ்ட்ரூமென்ட் பேனல்களுடன் கூடிய கையடக்கமான விஸர் பகுதி என அட்டகாசமாகக் களமிறக்கப்பட்டுள்ளது. சிங்கிள் சிலிண்டர் எஞ்சின், 8.52 bhp பவர் கொண்ட இந்த வண்டி இதுவரையிலான ஹோண்டா வாகனங்களில் அதிக விலை எனக் கூறப்படுகிறது. இதன் ஷோரூம் விலை ₹ 57,897

    ஒகினாவா பிரைஸ்

    எலெக்ட்ரிக் ஸ்கூட்டர் தயாரிப்பாளர்களான ஒகினாவா ஆட்டோடெக் நிறுவனத்தார் கடந்த ஆண்டு வடிவமைத்த பிராண்ட் நியூ மாடல் தான் ஒகினாவா பிரைஸ். LED ஹெட் லைட்டுகள் DRL & LED டெயில் லைட்டுகளுடனான இண்டிகேட்டர்கள் எனத் தயாராகும் ஒகினாவா பிரைஸ் 1000 வாட் எலெக்ட்ரிக் மோட்டார் பவருடன் மணிக்கு 75 கிலோமீட்டர்கள் வரை செல்லக்கூடிய திறன் கொண்டதாக வடிவமைக்கப்பட்டுள்ளது. இதன் பேட்டரி பவரானது ஒருமுறை சார்ஜ் செய்யப்பட்டால் போதும் 175 முதல் 200 கிலோமீட்டர்கள் வரை செல்லக்கூடிய திறன் கொண்டது. முபுற சக்கரங்கள் 12 இஞ்ச் விட்டம் கொண்டவை 2 ஷாக்குகள் இருப்பதால் முதுகுத் தண்டுவடங்களைப் பாதுகாக்கும் தன்மை உண்டு. முன்புற சக்கரத்தில் இரண்டு டிஸ்க் பிரேக்குகளும் பின்புற சக்கரத்தில் சிங்கிள் டிஸ்க் பிரேக்கும் கொண்டு வடிவமைக்கப்பட்டுள்ளது. டிஜிட்டல் இன்ஸ்ட்ருமெண்ட் பேனல், 19.5 லிட்டர் கொள்ளளவு கொண்ட அண்டட் ஷீட் ஸ்டோரேஜ் வசதி கொண்டது. அது மட்டுமல்ல, சைட் ஸ்டாண்ட் சென்ஸார், கீலெஸ் இக்னிஷன் ஸ்டார்ட் வசதி, ஃபைன்ட் மை ஸ்கூட்டர் ஆப்சன் என இந்த எலெக்ட்ரிக் ஸ்கூட்டரின் அத்தனை அம்சங்களும் வாடிக்கையாளர்களைப் பெரிதும் ஈர்க்கும் விதத்தில் அமைந்திருப்பதால் கடந்த ஆண்டின் மிகச்சிறந்த ஸ்கூட்டர் என்ற பெருமையைத் தக்க வைத்துக் கொண்டுள்ளது.

    ]]>
    2017 சிறந்த ஸ்கூட்டர்கள் லிஸ்ட், 2017 best scooters list, lifestyle technology http://images.dinamani.com/uploads/user/imagelibrary/2017/12/27/w600X390/best_scooters_2017.jpg http://www.dinamani.com/lifestyle/lifestyle-news/2017/dec/27/best-scooters-of-the-year-2017-2833928.html
    2833343 லைஃப்ஸ்டைல் செய்திகள் மீடியா மற்றும் மார்கெட்டிங் துறையில் பணி புரிபவர்களின் நிலைமை இதுதான்! சர்வே முடிவுகள் உமா பார்வதி DIN Tuesday, December 26, 2017 01:26 PM +0530  

    இதோ வருடக் கடைசி வந்துவிட்டது. புது வருடம் 2018 காலண்டரும் வெளிவந்துவிட்டது. அலுவலகங்களில் வேலை செய்யும் ஒவ்வொருவரும் முதலில் ஆவலுடன் அந்தக் காலண்டரில் புரட்டிப் பார்க்கும் தகவல் எதுவெனில் பண்டிகை தினங்கள் எப்போது வருகிறது, விடுமுறை தினங்கள் என்று வருகின்றன என்பதைத்தான்.

    ஆனால் பத்திரிகையாளர்கள் மற்றும் மார்கெட்டிங் துறையில் வேலை செய்பவர்கள் இதையெல்லாம் திருப்பியே பார்க்க மாட்டார்கள். காரணம், மீடியா, மார்க்கெட்டிங் துறையில் வேலை செய்பவர்களுக்கு விடுமுறை தினங்கள் என்பதே கிடையாது. ஓய்வின்றி எப்போதும் வேலை செய்பவர்களாகவே அவர்கள் உள்ளனர் என்று உலகளாவிய சர்வே ஒன்று தெரிவிக்கின்றது.

    உலகெங்கிலும் உள்ள ஊடகத் துறையினருக்கும், மார்க்கெட்டிங் பணியாளர்களுக்கு லீவ் என்பது கனவில் காணும் ஒரு விஷயமாகிவிட்டது. ஓய்வே இல்லாமல் தொடர் ஓட்டம் அவர்களுடைய வேலையின் தன்மையில் கலந்திருப்பதுதான் அதற்குக் காரணம் எனலாம். நாளொன்றுக்கு இருபத்தி நான்கு மணி நேரம் போதவில்லை என்று குறைபடும் அளவுக்கு அவர்களது பணி உள்ளது. 24 X 7 என்று கடிகார சுழற்சிக்கு ஈடுகொடுத்து இயங்கிக் கொண்டே இருப்பார்கள்.

    'டெட்லைன்னுக்குள்ள வேலை பாக்கணும், இஷ்யூ முடிக்கணும்,  டார்கெட் அச்சீவ் பண்ணனும்’ இவைதான் அடிக்கடி அவர்கள் உதிர்க்கும் வார்த்தைகள். மற்றத் துறையில் வேலை செய்வோருக்கு பண்டிகை போன்ற வருடாந்திர விடுமுறை தினங்கள் 15 நாட்களாவது இருக்கும். ஆனால் மீடியாவில் வேலை செய்பவர்கள் அதுவும் தினப் பத்திரிகைகளில் பணி புரிபவர்களுக்கு வருடத்திற்கு நான்கு நாட்கள் மட்டுமே அறிவிக்கப்பட்ட விடுமுறை தினங்கள் ஆகும்.  

    சரி அலுவலகத்தில் தான் விடுமுறை இல்லை நாமாவது லீவ் எடுக்கலாம் என்று அவர்களாகவும் விடுமுறை கோருவதில்லை. வேலை நெருக்கடிகள் துரத்திக் கொண்டிருக்கும் போது லீவ் எடுப்பதெல்லாம் ஆகாத காரியம். அவர்களது சொந்த வாழ்க்கையில், குடும்பத்துடன் ஒரு நிகழ்ச்சிக்கு செல்வது, சொன்ன நேரத்துக்கு ஓரிடத்து வருவது எல்லாம் அரிதினும் அரிதுதான். அவர்களை வேலை அந்தளவுக்கு அழுத்திக் கொண்டிருக்கிறது என்று இந்த ஆய்வு தெரிவிக்கின்றது.

    ஊடகம் மற்றும் மார்கெட்டிங் துறைகளில் பணி புரிபவர்களில் 66 சதவிகிதத்தினர் லீவ் எடுக்க முடியாத நிலையில்தான் உள்ளார்கள். காரணம் அவர்களின் பணிச் சூழல் அத்தகையது. அதே சமயம் அரசாங்க வேலை மற்றும் கல்வித் துறைகளில் பணி புரிபவர்களுக்கு அதிகபட்ச விடுமுறை இருப்பதை Vacation Deprivation Report 2017' எனும் சர்வே முடிவுகளில் தெரிய வந்துள்ளது.

    2017-ம் ஆண்டு செப்டம்பர் 4-15 தேதிகளில் இந்த ஆய்வு நடத்தப்பட்டது. இதில் 30 நாடுகளில்லிருந்து 15,081 நபர்களை ஆய்வு செய்தனர்.

    உணவு மற்றும் குடிநீர் துறைகளில் பதிலளித்தவர்கள் 62 சதவிகிதம், விவசாயத்திற்கு 56 சதவிகிதம், போக்குவரத்து மற்றும் பயணம் 5 சதவிகிதம், வணிகம் மற்றும் ஆலோசனை 55 சதவிகிதம் மற்றும் நிதி மற்றும் சட்டம் 55 சதவிகிதம் என இந்த முடிவில் கண்டறியப்பட்டது.

    (55%), சுகாதார (40%), போக்குவரத்து மற்றும் பயண (39%), ரியல் எஸ்டேட் (37%), வணிக மற்றும் ஆலோசனை (36%) மற்றும் உற்பத்தி மற்றும் தொழில்நுட்பம் (34%) துறைகளில் வேலை செய்வோர் கடந்த ஆறு மாதங்களில் விடுமுறை எடுக்கவில்லை.

    விவசாயம், ஊடகம், மார்கெட்டிங், உணவு மற்றும் குடிநீர், சில்லறை விற்பனை மற்றும் கல்வி போன்ற துறைகளில் 35 சதவிகித தொழிலாளர்கள் தாங்கள் லீவ் எடுப்பதில்லை என்று கூறியுள்ளனர்.

    இருப்பினும், நிதியியல் மற்றும் சட்டத்துறை போன்ற துறைகளில், 28% தொழில் நிபுணர்கள், வேலை குவிந்து கிடக்கும் போது லீவ் எடுத்து நேரத்தை வீணடிக்க முடியாது என்ற காரணத்தால் விடுமுறையை பற்றி எல்லாம் நினைப்பதில்லை என்று கூறியுள்ளார்கள்.

    ]]>
    media, விடுமுறை, marketing, journalist, Leave, மீடியா, மார்கெட்டிங், லீவ் http://images.dinamani.com/uploads/user/imagelibrary/2017/12/26/w600X390/job.jpg job http://www.dinamani.com/lifestyle/lifestyle-news/2017/dec/26/media-marketing-professionals-most-vacation-deprived-says-global-survey-2833343.html
    2831196 லைஃப்ஸ்டைல் செய்திகள் 100 வயது வரை வாழ வேண்டுமா? இந்த மூதாட்டி சொல்லும் வழி இதுதான்! DIN DIN Friday, December 22, 2017 03:07 PM +0530  

    தென் கரோலினாவைச் சேர்ந்த மில்ட்ரெட் பவர்ஸ் எனும் மூதாட்டிக்கு வயது 103. தனது ஆரோக்கிய வாழ்க்கையின் ரகசியத்தை சமீபத்தில் தன்னுடைய நண்பர்கள் மற்றும் உறவினர்களிடம் பகிர்ந்து கொண்டார் மில்ட்ரெட்.

    தினமும் மாலை நான்கு மணிக்கு மில்ட்ரெட் அம்மையார் தவறாமல் குளிர வைத்த பீரை பருகி வருகிறார். இதுவே தன் நீண்ட ஆயுளுக்குக் காரணம் என்றும் நம்புகிறார். இதை மருத்துவரே தனக்குப் பரிந்துரைத்ததாகவும் கூறிவருகிறார் இந்தப் பாட்டி. ஆனால் ஒரு பீருக்கு மேல் குடிக்கக் கூடாது என்பதிலும் உறுதியாக இருந்து வருகிறார். 

    உலகம் தொடங்கிய நாள் முதல் மனிதர்களின் ஆசை நீண்ட ஆயுள்.  ஆனால் மில்ட்ரெட்டுக்கு அவர் எதிர்பார்க்காமலேயே ஆயுள் கெட்டியாக உள்ளது. ஆகஸ்ட் மாதம் தனது 102-வது வயதை சிறப்பாக பீர் அருந்திக் கொண்டாடிய இந்த மூதாட்டி தனது ஆரோக்கியத்துகாக ஜிம் சென்றதில்லை, டயட் இருந்ததில்லை. அவர் நம்பியது எல்லாம் ஒரே ஒரு விஷயம்தான். அது ஒரு கோப்பை பீர். எது எப்படி போனாலும் தினந்தோறும் தனது பீர் அருந்தும் சடங்கை மட்டும் அவர் நிறுத்துவதில்லை. தமது வாழ்நாள் முழுவதும் இதனைக்  கடைபிடித்து வருகிறாராம். இதுவே அவரது நீண்ட ஆயுளுக்கு ஒரு காரணமாக இருக்கலாம் என்று நம்புகிறார்.

    'சிலருக்கு காபி, டீ குடிப்பது பிடிக்காது. அவரவருக்கு இஷ்டமானதை குடிக்க வேண்டும். எனக்கு பீர்தான் பிடிக்கும் அதுவும் டாக்டரிடம் கேட்டுவிட்டுத் தான் குடிக்க ஆரம்பித்தேன். இப்ப என்ன நஷ்டம். நான் ரொம்ப ஆரோக்கியமாகவே இருக்கிறேன்’ என்று பத்திரிகை பேட்டி ஒன்றில் கூறியிருக்கிறார் மில்ட்ரெட். அளவுக்கு மிஞ்சினால் பீரும் நஞ்சு என்பதை புரிந்தவர் என்பதால், ஒரு பின்ட் பீருடன் நிறுத்திக் கொள்வாராம். இந்தப் பழக்கத்தினால் அவருக்கு எந்த ஆபத்தும் ஏற்படவில்லை என்றார்கள் அவரது சுற்றத்தினர். 

    மில்ட்ரெட்டின் இந்த பீர் பழக்க பேட்டி, அது வெளிவந்த சமயத்தில் பரபரப்பானது. அவர் பத்திரிகையாளர்களைச் சந்தித்து கிட்டத்தட்ட ஆறுமாதம் ஆகிவிட்ட நிலையில், அவரது அடுத்த (பீர்!) பேட்டிக்காக ரசிகர்கள் காத்திருக்கிறார்களாம்.

    ]]>
    beer, Mildred Bower, மில்ட்ரெட் பவர்ஸ், பியர், 100 வயது வரை வாழ http://images.dinamani.com/uploads/user/imagelibrary/2017/12/22/w600X390/18-084503-102_year_old_woman_credits_booze_with_longevity.jpg http://www.dinamani.com/lifestyle/lifestyle-news/2017/dec/22/longevity-of-life-faith-in-beer-2831196.html