Dinamani - தொழில்நுட்பம் - http://www.dinamani.com/lifestyle/lifestyle-technology/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2827048 லைஃப்ஸ்டைல் தொழில்நுட்பம் உங்கள் மொபைல் ஃபோன் அடிக்கடி ரிப்பேர் ஆகிறதா? அதற்கான 5 காரணத்தை தெரிந்து கொள்ளுங்கள்! உமா பார்வதி Friday, December 15, 2017 04:47 PM +0530  

கணவன் மனைவி தகறாரில் முன்பெல்லாம் சட்டி பானைகள்தான் உடைந்து கொண்டிருந்தன. நவீன வாழ்வியலில் இப்பிரச்னைக்கு இலக்காவது மொபைல் ஃபோன்தான். கோபத்தில் ஃபோனை தூக்கி எறிவதும், அதை ஆயுதமாகவும் பயன்படுத்துவதும் வீட்டில் சாதாரணமாக நடக்கும் விஷயமாகிவிட்டது.

சண்டை முடிந்த நிலையில் கணவன் மனைவிக்கு அல்லது மனைவி கணவனுக்கு  புதிய மொபைல் வாங்கித் தந்து சமரசம் ஆவதும் அழகுதான். 

வேடிக்கையோ உண்மையோ, இன்றைய காலகட்டத்தில் தொழில்நுட்பத்தின் அசுர வளர்ச்சி இவ்விதமாக இருக்கிறது. மொபைல் ஃபோன்களின் பயன்பாடு அதிகரித்து வரும் நிலையில், அதைப் பயனாளிகள் மிகவும் பத்திரமாக வைத்திருக்க வேண்டியது அவசியமாகிறது

சிலருக்கு சார்ஜ் நீடித்து வராது, ஃபோன் மிகவும் சூடாகும், பேட்டரி விரைவில் பழுதாகிவிடும், அல்லது ஃபோனை அடிக்கடி கீழே போட்டு டிஸ்ப்ளேயை உடைத்துக் கொள்வார்கள். இது போன்ற செயல்களால் அந்த ஃபோனில் உள்ள அதன் ஹார்ட்வேர் மற்றும் சாஃப்ட்வேரை பாதிப்படையும்.

நம் மீது பிரச்னையை வைத்துக் கொண்டு என்ன ஃபோன் இது, ஒரு வருஷம் கூட உருப்படியா வேலை செய்ய மாட்டேங்குது என்று நிறுவனத்தை குறை சொல்பவர்கள்தான் அதிகம். இந்தப் பிரச்னைகளிலிருந்து விடுபட சில வழிமுறைகள் உள்ளன. அவை என்ன என்று பார்க்கலாமா?

ஃபேன்ஸி கவர் வேண்டாம்!

நீங்கள் பார்த்து தேர்ந்தெடுத்து, மனத்துக்குப் பிடித்த பின்னர் வாங்கிய பொருள் அல்லவா உங்கள் மொபைல் ஃபோன்? அதற்கு நிச்சயம் உரிய பாதுகாப்பு தேவைதான்.

அதற்குரிய பாதுகாப்பு கவசத்தை உடனடியாக அதே சைஸில் வாங்குவீர்கள் அல்லவா? அதுவும் கூட சரிதான். ஆனால் அப்படி வாங்கிய கவர்கள் மிகவும் ஃபேன்ஸியாகவோ, ப்ளாஸ்டிக் அல்லது மெட்டலில் மலிவு விலையில் வாங்கிப் போடும் போதுதான் பிரச்னை ஆரம்பமாகிறது. உங்கள் ஃபோனை சார்ஜ் செய்யும்போது, அதிகப்படியாக வெப்பத்தை அவை உள்வாங்கிவிடும். இது உங்கள் அலைபேசிகளுக்கு தீங்கு விளைவிக்கும். சிறிது சிறிதாக உங்கள் மொபைல் ஃபோனை செயல் இழக்கவைத்துவிடும்.

எப்போதும் தரமான செல் ஃபோன் கவர்களைப் பயன்படுத்துவது நல்லது. அதிக கனமானதையும் தவிர்த்து விடுங்கள். உங்களுக்கு சில சமயம் இது குறித்து ஏதாவது சந்தேகம் இருந்தால் அதை கடைக்காரர் அல்லது நண்பரிடம் கேட்டுத் தெரிந்து கொள்வதில் தவறில்லை. மாறாக விளம்பரங்களைப் பார்த்து கவரும்விதமாக இருக்கிறது என்று வாங்கி பயன்படுத்தி, கடைசியில் முதலுக்கே மோசம் எனும் நிலைக்கு நம்மை ஆட்படுத்திக் கொள்ள வேண்டாம்.

மாதம் ஒரு முறையாவது இவ்வாறு சார்ஜ் செய்யுங்கள்

நம்மில் பலருக்கு ஒரு பழக்கம் உள்ளது. ஃபோனில் சார்ஜ் முழுவதும் தீருவதற்குள் உடனே ப்ளக்கை மாட்டி ரீசார்ஜ் செய்து கொள்வோம். அல்லது நமக்கு நேரம் இருக்கும் போது, கொஞ்ச நேரம் சும்மாவே போனை சார்ஜில் போட்டுவோம். பயணத்துக்கு கிளம்பும் போதும் சார்ஜ் 80 சதவிகிதம் இருந்தாலும் மீதி இருபதையும் ஏற்றுக் கொள்ள நினைத்து சார்ஜை போடுவோம்.

ஆனால் இந்தப் பழக்கம் மொபைல் ஃபோனின் ஆயுளுக்கு ஒத்து வராத ஒன்று என்பதை மட்டும் தெரிந்து கொள்ள மாட்டோம். காரணம் ஒவ்வொரு தடவை நீங்கள் சார்ஜ் செய்யும் போதும் உங்கள் மொபைல் சூடாகும். அடிக்கடி சார்ஜ் செய்தால் ஒருகட்டத்தில் பேட்டரி வீக்காகி பழுதடைந்துவிடும். மொபைலில் 50 சதவிகிதம் வருவதற்குள் நீங்கள் மூன்று அல்லது நான்கு தடவை சார்ஜ் செய்துவிடுவீர்கள். 20 சதவிகிதம் வந்தபிறகு சார்ஜ் செய்வது கூட பரவாயில்லை. ஃபோனில் முழுவதும் சார்ஜ் தீர்ந்தவுடன்தான் அதில் மீண்டும் சார்ஜ் ஏற்றிக் கொள்ள வேண்டும். ரீ சார்ஜ் என்பதன் அர்த்தமும் அதுதான்.

மாதம் ஒருமுறையாவது உங்கள் ஃபோனில் சார்ஜ் முற்றிலும் குறைந்து பூஜ்ஜியத்துக்கு வந்த பின்னர், அதை சார்ஜ் செய்யுங்கள். இதனால் பேட்டரி நீடித்து வரும். அடிக்கடி ஃபோனில் சார்ஜ் வடிந்து போகாமல் மொபைலில் நீண்ட நேரம் சார்ஜ் நிற்கும்.

நீண்ட நேரம் சார்ஜரை மின்சார இணைப்பில் வைத்திருக்காதீர்கள்

சிலர் இரவில் மொபைல் ஃபோனை சார்ஜில் போட்டுவிட்டு தூங்கி விடுவார்கள். காலையில்தான் அதன் ஸ்விட்சை அணைப்பார்கள். உங்கள் மொபைல் போனில் பேட்டரி பிரச்னைகள் அதிகம் ஏற்படுவதன் காரணம் தேவைக்கும் அதிகமான நேரம் மொபைல் சார்ஜில் இருப்பதால்தான்.

சில ஃபோன்களின் மாடல்களில் பேட்டரியை வெளியில் எடுக்க முடியாது. அது போன்ற மொபைல் ஃபோன்களை அதிக நேரம் சார்ஜில் வைத்திருக்கையில் நிச்சயம் ஃபோன் சூடாகி உடல் நலத்துக்கும் கேடு விளைவிக்கும். அடுப்பில் பாலை காய்ச்சும் போது கவனமாக அதன் அருகிலேயே இருப்போம். பால் பொங்கி வழியாமல் தடுக்க உரிய நேரத்தில் அடுப்பை அணைத்துவிடுவோம் அல்லவா? போலவே சார்ஜ் போடும்போதும், அந்த அளவுக்கு இல்லையென்றாலும் 100 சதவிகிதம் சார்ஜ் ஏறியதும் உடனடியாக ஃபோனை சார்ஜிலிருந்து வெளியே எடுத்துவிட வேண்டும். அது பேட்டரியின் ஆயுளை அதிகரிக்கும்.

தரமான இணைச் சாதனங்களை மட்டுமே பயன்படுத்துங்கள்

பெரும்பாலான மக்கள் குறைந்த விலையில் சந்தையில் கிடைக்கும் மலிவான மொபைலுக்குத் தேவையான இணை சாதனங்களையே பயன்படுத்துகிறார்கள். ஆனால் அது உங்களுக்கு பெரும் இழப்பை ஏற்படுத்தும். ஒவ்வொரு நிறுவன ஸ்மார்ட் போன்களும் வெவ்வேறு மின்னழுத்தத்தை வழங்கக் கூடியதாக இருக்கும். மொபைல் ஃபோனுடன் சேர்த்து வாங்கும் சார்ஜர் தொலைந்துவிட்டால், சில சமயம் சந்தையில் கிடைக்கும் மலிவான சார்ஜர்களை அவசரமாக வாங்கிவிடுவோம்.

ஆனால் அவை உங்கள் ஃபோனுக்கு பொருத்தமில்லாத வேறு தர மதிப்பீட்டைக் கொண்டிருக்கும். அவை ஒரு குறிப்பிட்ட ஸ்மார்ட்போனிற்காக உருவாக்கப்படவில்லை, எல்லா சாதனங்களுக்கும் பொருந்தும்படியாக பொத்தாம்பொதுவாக வடிவமைக்கப்பட்டிருக்கும். எனவே அவை எந்த சாதனத்திற்கும்  குறிப்பாக பொருத்தமானதாக இருக்க முடியாது. 

அந்தந்த ஃபோனுக்குரிய சார்ஜரையே அதற்குப் பயன்படுத்த வேண்டும். சந்தையில் குறைந்த விலையில் கிடைக்கிறது என தரமற்ற சார்ஜர்களை வாங்கிப் பயன்படுத்தக் கூடாது. ஒவ்வொரு ஃபோனுக்கும் மின்சார சப்ளை இந்தளவுக்கு இருக்க வேண்டும் என்ற குறிப்பு இருக்கும். ஆனால் அதை விடுத்து வேறு அளவில் இருந்தால் நாளாவட்டத்தில் அது பிரச்னை தர ஆரம்பித்துவிடும். 

சாஃப்ட்வேர் அப்டேஷன்

சாஃப்ட்வேர் அப்டேஷன் செய்து கொள்கிறீர்களா என்று அடிக்கடி உங்கள் ஃபோனில் ஒரு மெசேஜ் வருகிறதா? ஓசியில் கிடைக்கிறதே என்று எந்த அப்டேட்ஸ் வந்தாலும் அதற்கு ஓகே கொடுத்துவிடக் கூடாது. அப்டேஷன் சில சமயம் நல்லதுதான். ஆனால் 17 அப்டேஷன்கள் கிடைத்தால் ஒட்டுமொத்தமாக அதை செய்யும் போது உங்கள் ஃபோன் ஓவர் ஹீட்டாகிவிடும்.

தவிர லேட்டஸ்ட் வெர்ஷன் என்று சில அப்டேட்டுக்கள் தரவிறக்கமாகும் ஆனால் உங்கள் போனில் அதற்கான வசதி இல்லாமல் போனால் பிரச்னைதான். மேலும் வைரஸ், பக்ஸ் போன்ற அழையா விருந்தாளிகள் உங்கள் மொபைல் ஃபோன்களில் தஞ்சம் அடைந்தால் விரைவில் அது மென்பொருளை அழித்து உங்கள் ஃபோனை குட்டிச்சுவராக்கிவிடும். தேவையில்லாத ஆப்களை டவுன் லோட் செய்யாமல் இருப்பதும் உங்கள் மொபைல் ஃபோனின் ஆயுள் நீடித்திருக்கச் செய்யும் ஒரு வழியாகும்.

நீரின்றி அமையாது உலகு, போலவே ஃபோனின்றி இயங்காது அன்றாட வாழ்வு என்று இயந்திரம் சூழ் வாழ்நிலையில், நாம் பாடுபட்டு வாங்கிய மொபைல் ஃபோன்களை பத்திரமாக பாதுகாப்பது நமக்கும் நல்லது, நம் பர்ஸுக்கும் நல்லது. 

]]>
Smart phone, mobile phone, accessories, மொபைல் ஃபோன், செல்போன், Charger, அலைபேசி http://images.dinamani.com/uploads/user/imagelibrary/2017/12/15/w600X390/girl.jpg http://www.dinamani.com/lifestyle/lifestyle-technology/2017/dec/15/your-some-habits-can-decrease-the-life-of-your-mobile-2827048.html
2822700 லைஃப்ஸ்டைல் தொழில்நுட்பம் இந்தப் புத்தாண்டில் ரூ.10,000/-க்குள் ஒரு ஸ்மார்ட் ஃபோன் வாங்க வேண்டுமா? உமா Friday, December 8, 2017 01:30 PM +0530  

நம்மைச் சுற்றியுள்ள உலகமே ஆண்ட்ராய்டில் இயங்குகிறதோ என்று எண்ணும் அளவுக்கு நம்மில் பலர் ஸ்மார்ட்ஃபோன் பயனாளர்களாகிவிட்டோம். செல்ஃபோன் என்பது கூடுதல் வசதி என்பது மாறி அத்யாவசியமான பொருள் போலாகிவிட்டது. காரணம் தினந்தோறும் வாட்ஸ் அப் தகவல்கள், டிஜிட்டல் செய்தித்தாள்களைப் படிக்கும் பழக்கம் என மக்கள் காலத்துக்கு தகுந்தபடி தங்களின் பழக்க வழக்கங்களையும் மாற்றிக் கொள்கின்றனர். இது தகவல் புரட்சிக்கான ஒரு காலகட்டம் என்பதில் மாற்றுக் கருத்து இருக்க முடியாது.

ஆனால் இது சரியா தவறா என்பது இன்னும் கேள்விக்குறியாக இருந்து வருகிறது எனினும், தற்போதைய நிலையில் குழந்தைகள் முதல் முதியோர்கள் வரை ஸ்மார்டாக இருப்பதற்குக் ஒரு காரணம் இத்தகைய நவீன வசதிகளே! இந்தப் புத்தாண்டில் உங்கள் பட்ஜெட்டில் புதிய ஃபோன் வாங்க இடம் இருந்தால் இந்தத் தகவல்கள் உங்களுக்குப் பயன்படக் கூடும். இந்த ஃபோன்களின் விலை பத்தாயிரத்திற்கும் குறைவானது.

லெனொவா கே6 பவர் (Lenovo K6 Power)

ஜியோமி ரெட் மி நோட் 3 போன்ற வடிவமைப்பு பெற்ற செல்போன் இது. இது கோல்டன், சில்வர் மற்றும் பிரவுஜ் ஆகிய மூன்று நிறங்களில் கிடைக்கிறது. ஜியோமி நிறுவனத்தின் ரெட்மி 3எஸ் பிரைம் திறன்பேசிக்கு போட்டியாக லெனவோவின் கே 6 பவர் திறன்பேசி இருக்கும் என கூறப்படுகிறது.

ஆண்ட்ராய்ட் 6.0.1 வெர்ஷனுள்ள இதில் 4,000mAh பேட்டரி பொருத்தப்பட்டுள்ளது, 5.0 அங்குல முழு ஹெச்.டி திரை, உலோகத்திலான வெளிப்புற அமைப்பு, இரட்டை சிம் வசதி, குவால்கோம் ஸ்னாப்டிராகன் 430 ஆக்டோ கோர் பிராசசர், 3 ஜிபி ராம், 32 ஜி.பி உள்ளக நினைவகம், 128 ஜிபி வரை விரிவுப்படுத்தக் கூடிய தற்காலிக நினைவகம் ஆகிய அம்சங்கள் லெனவோ கே6 பவர் போனில் உள்ளன.

இது தவிர 13 எம்.பி திறனுள்ள பின்புற கேமிரா, எல்.ஈ.டி பிளாஷ் விளக்குகள், மற்றும் 8 எம்.பி திறனுள்ள முன்புற கேமிரா ஆகிய வசதிகளும் இதில் உள்ளன.

கைரேகை உணர்வு வசதி இந்த செல்போனின் பின்புறம் அமைக்கப்பட்டுள்ளது. இது தவிர 4ஜி ஆதரவு, வை-ஃபை, 4.2 ப்ளூடூத், எப்.எம் வானொலி, சிறிய யூ.எஸ்.பி இணைப்பு ஆகியவற்றையும் கொண்டிருக்கிறது. 


ஜியோமி ரெட்மி நோட் 4 (Xiaomi Redmi Note 4)

பொதுவாக ஸ்மார்ட் ஃபோன் வைத்திருப்பவர்களின் பெரிய பிரச்னை பேட்டரி. வெகு விரைவில் காலாவதியாகிவிடும். இந்த ஸ்மார்ட்போன் 4100mAh பேட்டரி திறன் மூலம் இயக்கப்படுவதால், பேட்டரி லைஃப் மிகவும் நீடித்திருக்கும். 

5.5 இன்ச் எச்டி அளவுள்ள ஸ்மார்ட்போன் 64 ஜிபி ஸ்டோரேஜ் வசதி கொண்டது. மேலும் 3ஜிபி ரேம் உள்ளடக்கி குவால்காம் ஸ்னாப்டிராகன் 625 ப்ராஸஸசர் மூலம் இயக்கப்படுகிறது. பின்புற கேமரா: 13 மெகாபிக்சல், முன் கேமரா: 5 மெகாபிக்சல்  மற்றும் ப்ளாஷ் திறனுடன் வடிவமைக்கப்பட்டுள்ளது. 

ஜியோமி ரெட்மி 4 32 ஜிபி (Xiaomi Redmi 4 32 GB)

நோட் 4-க்கு அடுத்தபடியாக இந்த ஸ்மார்ட்ஃபோன் சிறப்பானது. இதில் ஸ்னாப்ட்ராகன் 435 உள்ளடக்கி வடிவமைக்கப்பட்டது. இதன் செயல் திறன் மிகவும் நன்றாக இருக்கும். 4100mAh பேட்டரி திறன் மூலம் இயக்கப்படுகிறது.

யு யுரேகா ப்ளாக் (Yu Yureka Black)

இந்தப் புதிய மாடல் கெமிக் ஸ்னாப்டிராகன் 430 625 ப்ராஸஸசர் மூலம் இயக்கப்படுகிறது.  இந்த வகையறாவில் இதுவே சிறப்பான மாடல் ஆகும். மேலும் 32ஜிபி ஸ்டோரேஜ் உடன் 4ஜிபி ரேம் உள்ளடிக்கியது இந்த மாடல்.

கூல் பேட் நோட் 5 (Coolpad Note 5)

இந்த மாடல் ஃபோனில் பேட்டரியின் திறன் மிக நன்றாக இருக்கும். 4010mAh பேட்டரி திறன் உடைய இந்த ஃபோனில் இரண்டு நாட்கள் வரை சார்ஜ் நீடித்திருக்கும். இந்த போனிலுள்ள கேமரா மிகச் சிறப்பாக வடிவமைக்க்கப்பட்டுள்ளது.

]]>
(Xiaomi Redmi Note 4, Lenovo K6 Power, லெனொவா கே6 பவர், ஜியோமி ரெட்மி 4 http://images.dinamani.com/uploads/user/imagelibrary/2017/12/8/w600X390/xiaomi-redmi-note-4-recenzja-23-850x478.jpg http://www.dinamani.com/lifestyle/lifestyle-technology/2017/dec/08/best-android-smartphones-under-ten-thousand-2822700.html
2820816 லைஃப்ஸ்டைல் தொழில்நுட்பம் ஃபேஸ்புக்கில் புதுசு... பேரன்ட்டல் கன்ட்ரோலுடன், 13 வயதுக்கு உட்பட்ட குழந்தைகளுக்கு பிரத்யேக சாட் மெசஞ்சர்! கார்த்திகா வாசுதேவன் Wednesday, December 6, 2017 10:49 AM +0530  

ஃபேஸ்புக்கைப் பொருத்தவரை புதிதாக பயனாளர் கணக்கு துவங்க வேண்டுமானால், சம்மந்தப்பட்ட நபருக்கு 18 வயது கடந்திருக்க வேண்டும் என்பது முக்கியமான கட்டுப்பாட்டு விதிகளில் ஒன்று. இதனால் 18 வயதுக்கு கீழ் உள்ள சிறுவர், சிறுமிகள் மிகவும் தவித்துப் போனார்கள் என்று கருதியோ என்னவோ ஃபேஸ்புக் 13 வயதுக்கு கீழ் உள்ள சிறுவர், சிறுமிகளுக்கு எனப் புதிதாக சாட் மெசஞ்சர் செயலி ஒன்றை அறிமுகப்படுத்தி உள்ளது.

இந்த செயலியின் மூலமாக 13 வயதுக்கு கீழ் உள்ள சிறுவர், சிறுமிகள் தங்களது பெற்றோரின் மேற்பார்வையின் கீழ் தேவையான போது தங்களது நண்பர்களுடன் உரையாடலாம். புதிதாக அறிமுகப்படுத்தப்பட்டுள்ள இந்த செயலியை சிறுவர்கள் தங்களுக்கென பயனாளர் கணக்குத் தொடங்கி அதன் மூலமாக நிறுவிக் கொள்ளும் வசதி இல்லை. பெற்றோரின் பயனாளர் கணக்கின் துணைக்கணக்காகத் தான் இந்தச் செயலி கட்டமைக்கப் பட்டுள்ளது. எனவே பெற்றோர் மூலமாகத்தான் புதிய நண்பர்களைச் சேர்க்கவோ, நீக்கவோ, அனுப்பிய மெசேஜ்களை டெலிட் செய்யவோ முடியும்.

இப்படி பெற்றோர் கண்காணிப்பில் தான் எல்லாமே செய்ய முடியும் எனில் தனியாக டீன் ஏஜர்களுக்கென பிரத்யேக சாட் மெசஞ்சர் என இதற்கு ஏன் பெயரிட வேண்டும்? எல்லாமே பெரியவர்களுக்கான ஃபேஸ்புக் வடிவமைப்பு போலத்தானே இருக்கிறது என்று சலித்துக் கொள்ளும் சிறுவர், சிறுமிகளுக்கும் தகுந்த பதிலை தருகிறது ஃபேஸ்புக்!

அது என்னவென்றால்; இதுவரையில் பெற்றோர் பயன்படுத்தி வந்த ஃபேஸ்புக் பயனாளர் கணக்குகள் எல்லாம் பெரியவர்களின் வயதுக்கேற்ற முறையில் இருந்து வந்தது, ஆனால் சிறுவர்களுக்காகவே வடிவமைக்கப்பட்டுள்ள இந்த புதிய மெசஞ்சர் செயலியானது முற்றிலும் அவர்களுக்குப் பொருத்தமான சமூக வலைத்தள செயலிகளுடன் இருக்கும். இதற்கான ஐடியாவை குழந்தைகள் மனநல வல்லுனர் ஒருவரின் உதவியுடன் சிறுவர்களுக்குப் பிடித்தமான வகையில் ஃபேஸ்புக் உருவாக்கியுள்ளது.

சிறந்த நோக்கம் மதிப்பிழந்து விடக்கூடாது...

மெசஞ்சர் கிட்ஸ் ஐடியாவின் நோக்கமே, குழந்தைகள் எதை விரும்புகிறார்கள் என்று அறிந்து கொண்டு அதை அவர்களுக்குத் தருவது தான். படங்கள், ஈமோஜிக்கள், லைக்குகள், ஃபேஸ் ஃபில்டர்கள், விளையாட்டுத்தனம் நிறைந்த மாஸ்க்குகள் மட்டுமே இதன் சிறப்பம்சங்கள் என்று கூறி விட முடியாது. புதிதாக நட்புறவுகளை எப்படி உருவாக்குவது, அவற்றை நிர்வகிப்பது மற்றும் தேவைப்படும் போதெல்லாம் குழந்தைகள், பெற்றோருடன் தொடர்பு கொண்டு தங்களை வெளிப்படுத்திக் கொள்ளவும் இந்த மெசஞ்சர்கள் உதவும் என்கிறார் குழந்தைகள் மனநல வல்லுனரான மிஸஸ். லாவலீ.

மேலும் அவர் கூறூகையில்; பெற்றோரை சிறந்த கண்காணிப்பாளர்களாகக் கொண்ட இந்த மெசஞ்சர் கிட்ஸ் மிகச்சிறந்த டூல். ஆனால் இதைப் பெற்றோர் எவ்விதமாகத் தங்களது குழந்தைகளின் நட்புறவுகளை மேம்படுத்தவும், இணையத் தொடர்புகளுக்காகவும் பயன்படுத்தச் சொல்லி ஊக்குவிக்கக்கூடும் என்று ஃபேஸ்புக்கால் இப்போதும் ஒரு முடிவுக்கு வர இயலவில்லை என்றும் தெரிவிக்கிறார்.

ஏனெனில் ஃபேஸ்புக் இதுவரை வெளியிட்டுள்ள அத்தனை புதுமையான தொழில்நுட்ப ஐடியாக்களிலுமே அவை அறிமுகப்படுத்தப்பட்டதன் மூல நோக்கம் நிறைவேற்றப்படவே இல்லை. உதாரணமாக ஃபேஸ்புக் லைவ் வீடியோ ஸ்ட்ரீமிங் மூலமாக எத்தனையோ புதுமையான விஷயங்களை உடனுக்குடனாகக் கற்றுக் கொள்ள வசதியுண்டு. ஆனால், மக்கள் அதை லைவ் தற்கொலை நிகழ்வுகளைப் பதிவு செய்யவும், ஆபாச வீடியோக்களை லைவாகப் பதிவு செய்யவும், குற்றச்செயல்களை லைவாகப் பதிவு செய்யவும் தான் பயன்படுத்துகிறார்கள். இதனால், அவற்றின் நிஜமான நோக்கங்கள் அடிபட்டுப் போகின்றன. அல்லது மதிப்பிழப்புக்கு உள்ளாக்கப்படுகின்றன.

தரவுகளைச் சேகரிக்காது...

ஃபேஸ்புக்கின் பிற பயனாளர்கள் கணக்குகளைப் போல இந்த மெசஞ்சர் கிட்ஸ் செயலியின் மூலமாக பெற்றோருக்குத் தெரியாமல் உலகம் முழுவதுமுள்ள 13 வயதுக்குட்பட்ட குழந்தைகளைப் பற்றிய தரவுகளைச் சேகரிப்பதோ அல்லது மார்கெட்டிங் விளம்பர யுக்திகளோ எதுவும் கையாளப் பட மாட்டாது என அறிவிக்கப் பட்டுள்ளது.

தற்போது அமெரிக்காவில் மட்டுமே அறிமுகப்படுத்தப்பட்டு செயல்பாட்டில் இருக்கும் மெசஞ்சர் கிட்ஸ் செயலியை ஆப்பிள் தயாரிப்புகளான ஐ ஃபோன், ஐ பாட், மற்றும் ஐ பாட் டச் உபகரணங்களில் மட்டுமே தரவிறக்கிக் கொள்ள முடியும். ஆண்ட்ராய்டு ஃபோன்களுக்கான செயலி மிக விரைவில் மேம்படுத்தப்படும் என ஃபேஸ்புக் தெரிவித்துள்ளது.

]]>
Facebook, ஃபேஸ்புக், messenger kids, new chat app for children, மெசஞ்சர் கிட்ஸ், சாட் செயலி, லைஃப்ஸ்டைல் தொழில்நுட்பம், lifestyle technology http://images.dinamani.com/uploads/user/imagelibrary/2017/12/5/w600X390/0000messenger_kids.jpeg http://www.dinamani.com/lifestyle/lifestyle-technology/2017/dec/05/messenger-kids-2820816.html
2815308 லைஃப்ஸ்டைல் தொழில்நுட்பம் ஜியோவின் மீதான நம்பிக்கை தொடருமா? ஏர்டெல்லின் புதிய முயற்சி வெற்றி பெறுமா? உமா Sunday, November 26, 2017 03:06 PM +0530  

ஜியோவின் வருகை இந்திய டெலிகாம் துறையில் நிறைய மாற்றங்களை விளைவித்தது. ஜியோ வழங்கிய சிறந்த திட்டங்களால் இன்று பலதரப்பட்ட மக்கள் அதற்கு வாடிக்கையாளர்களாகி பயனடைந்து வருகின்றனர்.

ஜியோ நிறுவனம் அடுத்தடுத்து வழங்கி வரும் அதிரடி சலுகை திட்டங்களை எதிர்கொள்ள முடியாமல் தொலைத்தொடர்பு சேவையில் ஈடுபட்டுள்ள பிற நிறுவனங்கள் திணறி வருகின்றன. தங்கள் வாடிக்கையாளர்களுடன் இணைப்பில் இருக்க ஒவ்வொரு நாளும் புதிய சலுகைகளை அறிமுகப்படுத்தியும் வருகின்றன.

சமீபத்தில் ஜியோ அதன் வாடிக்கையாளர்களுக்கு வழங்கி வந்த சலுகை ஒன்றினை ரத்து செய்ய முடிவு செய்துள்ளது. ஜியோவின் இந்த அறிவிப்பின்படி, இனி நவம்பர் 25-ம் தேதியிலிருந்து ஜியோ வாடிக்கையாளர்கள் 100% கேஷ் பேக் வாய்ப்பை பெற முடியாது.

ஜியோ அதன் வாடிக்கையாளர்களுக்காக கடந்த மாதம் ஒரு புதிய சலுகை ஒன்றை அறிமுகப்படுத்தி இருந்தது நினைவில் இருக்கலாம். இதன்படி, உங்கள் ஜியோ எண்ணில் நீங்கள் 399 ரூபாய்களை ரிச்சார்ஜ் செய்தால், 400-க்கு திரும்பப் பெறுவீர்கள் என்பதுதான் அது. அதாவது நீங்கள் ரீசார்ஜ் செய்தால், உங்களுக்கு அதற்கான கூப்பன்கள் கிடைக்கும். அதனை அடுத்த ரீசார்ஜ் சமயத்தில் பயன்படுத்த முடியும். ஆனால், நீண்ட காலமாக செயல்பட்டுவந்த இந்தத் திட்டத்தை இப்போது நிறுத்திக் கொள்ள முடிவு செய்யப்பட்டுள்ளது. அதாவது, நவம்பர் 25-க்குப் பிறகு, ஜியோவின் இந்த வாய்ப்பை வாடிக்கையாளர்கள் பயன்படுத்திக் கொள்ள முடியாது.

இந்நிலையில் ஜியோவின் ஆக்டோபஸ் வளர்ச்சிக்கு முட்டுக்கட்டை போட பார்தி ஏர்டெல் தயாராகி வருகிறது. சந்தையில் ஜியோவின் ஆதிக்கத்தை கட்டுப்படுத்தும் வகையில் ஏர்டெல் நிறுவனம் புதிய வியூகங்களை வகுத்து அதனை அதிரடியாக செயல்படுத்த திட்டமிட்டுள்ளது.

ஜியோவுக்கு போட்டியாக, வெறும் ரூ.2,500-ரூ.2,700 விலையிலேயே அனைத்து வசதிகளுடன் கூடிய 4ஜி ஸ்மார்ட்போன்களை விற்பனை செய்ய ஏர்டெல் தயாராகி வருகிறது. இதற்காக அந்த நிறுவனம் பல்வேறு செல்லிடப்பேசி தயாரிப்பு நிறுவனங்களிடம் தீவிரமான ஆலோசனையில் ஈடுபட்டுள்ளது. எந்தெந்த நிறுவனங்களிடம் பேச்சுவார்த்தையில் பேச்சு வார்த்தையில் ஈடுபட்டுள்ளது என்ற தகவல் சஸ்பென்ஸாகவே வைக்கப்பட்டுள்ளது. அதுகுறித்து எழுப்பப்படும் கேள்விகளுக்கு, எதிர்கால சந்தை திட்டங்கள் அனைத்தும் ரகசியம் காக்கப்பட வேண்டியவை. அதுவே நிறுவனத்தின் கொள்கையும் கூட என்பதை மட்டுமே ஏர்டெல் பதிலாக தருகிறது.

ஏர்டெல் இணையதள இணைப்புடன் குறைந்த விலையில் வழங்க திட்டமிடப்பட்டுள்ள 4ஜி ஸ்மார்ட்போன் சந்தையில் அதிக விலை கொண்ட போன்களுக்கு நிகராக இருக்கும் என்று கருதப்படுகிறது. அந்த ஸ்மார்ட்போன், நவீனரக ஆண்ட்ராய்டு இயங்கு தளம், 1ஜிபி ரேம், இரட்டை 4ஜி சிம் வசதி, நான்கு அங்குல தொடுதிரை, இருபக்க கேமரா, வோல்டி அழைப்பு தொழில்நுட்பம், நீடித்து உழைக்கும் பேட்டரி உள்ளிட்ட பல அம்சங்களை உள்ளடக்கியிருக்கும் என தெரிகிறது.

அந்த ஸ்மார்ட்போனுடன், வெகுஜன வாடிக்கையாளர்களை கவர்ந்திழுக்கும் வகையிலான மிக குறைந்த விலையில் 4ஜி இணைப்பு, இலவச அழைப்பு உள்ளிட்ட பல்வேறு சலுகைகளை ஜியோவுக்கு நெருக்கடி ஏற்படுத்தும் விதமாக ஏர்டெல் அறிவிக்கும் என்று எதிர்பார்க்கப்படுகிறது. ஏர்டெலின் இந்த முயற்சி, வாடிக்கையாளர்களை சாதாரண செல்லிடப்பேசி பயன்பாட்டிலிருந்து ஸ்மார்ட்போனுக்கு தரம் உயர்த்தும் என்பதை நிச்சயமாக நம்பலாம்.

தொலைத் தொடர்பு சேவையில் தனது மேலாதிக்கத்தை செலுத்தி வாடிக்கையாளர்களிடம் அடாவடி கட்டண வேட்டையில் ஈடுபட்ட நிறுவனங்களுக்கு கடிவாளம் போட்டதற்கு ஜியோவின் வரவே அடிப்படை காரணம் என்பதும் மறுப்பதற்கில்லை.

]]>
Jio, Reliance, Airtel, ஜியோ, ஏர்டெல், செல்ஃபோன் http://images.dinamani.com/uploads/user/imagelibrary/2017/11/26/w600X390/cell_phone.jpg http://www.dinamani.com/lifestyle/lifestyle-technology/2017/nov/26/jio-made-big-announcement-but-few-offers-are-no-longer-available-2815308.html
2795712 லைஃப்ஸ்டைல் தொழில்நுட்பம் 'இன்ஸ்டாகிராம் 2.0': 'லைவ் விடியோ கால்' வசதி அறிமுகம் Raghavendran Wednesday, October 25, 2017 04:32 PM +0530  

ஆப்பிள் நிறுவனத்தின் ஐஓஎஸ் மற்றும் ஆன்ட்ராய்டின் கூகுள் ப்ளே ஸ்டோர் ஆகிய இயங்குதளங்களில் சமூக வலைதள பக்கமான இன்ஸ்டாகிராம் வெர்ஷன் 2.0 அறிமுகம் செய்யப்பட்டது.

இதில், லைவ் விடியோ கால் வசதி ஏற்படுத்தப்பட்டுள்ளது சிறப்பம்சமாகும். இதன்மூலம் நமது இன்ஸ்டாகிராம் பக்கத்தில் உள்ள நண்பர்களுடன் முகம் பார்த்து பேசும் வசதி ஏற்படுத்தப்பட்டுள்ளது.

அதுமட்டுமல்லாமல் நீங்கள் இருவரும் சேர்ந்து பேசிக் கொண்ட அந்த விடியோ பதிவை உடனடியாக இன்ஸ்டாகிராம் பக்கத்தில் பதிவேற்றம் செய்ய முடியும்.

மேலும் இந்த விடியோ பதிவின் போது சம்பந்தப்பட்டவர்கள் அடுத்தவர்களை தானாக நீக்கவும், விலகவும் வசதி ஏற்படுத்தப்பட்டுள்ளது. இதனால் அவர்கள் அடுத்தவருடன் எளிதில் தொடர்பு கொள்ள முடியும்.

இந்த வசதியானது இன்ஸ்டாகிராமின் 2.0 வெர்ஷனுக்கு அப்கிரேட் செய்தால் மட்டுமே உபயோகிக்க முடியும். அதன்படி அந்த பக்கத்தின் வலது கீழ்ப்பகுதியில் உள்ள ஐகானின் உதவியுடன் லைவ் விடியோ கால் வசதியை உபயோகிக்க முடியும். 

முன்னதாக, 2016-ம் ஆண்டில் லைவ் விடியோ வசதி அறிமுகப்படுத்தப்பட்டது. இதில், நாம் விரும்பும் காட்சியை நேரடியாக நமது இன்ஸ்டாகிராம் பக்கத்தில் பதிவேற்றம் செய்ய முடியும்.

இதுவரை ஃபேஸ்புக், வாட்ஸ்ஆப் உள்ளிட்ட சமூக வலைதள பக்கத்தில் மட்டுமே இருந்த இந்த லைவ் விடியோ கால் வசதி தற்போது தான் இன்ஸ்டாகிராம் பக்கத்தில் முதன்முறையாக அறிமுகப்படுத்தப்பட்டுள்ளது குறிப்பிடத்தக்கது.

]]>
Instagram, இன்ஸ்டாகிராம் http://images.dinamani.com/uploads/user/imagelibrary/2017/10/25/w600X390/Insta_oct25.jpg http://www.dinamani.com/lifestyle/lifestyle-technology/2017/oct/25/now-go-live-with-a-friend-with-instagrams-new-update-2795712.html
2794161 லைஃப்ஸ்டைல் தொழில்நுட்பம் விலை குறைகிறது புதிய மாடல் ஆப்பிள் ஐஃபோன்! Sunday, October 22, 2017 03:18 PM +0530 ஐஃபோன் வைத்துக் கொள்வது ஒரு ஸ்டேட்டஸ் சம்பந்தப்பட்ட விஷயம் என்பது பரவலான கருத்து. காரணம் அதன் வேகம் மற்றும் பிராண்ட் நேம் போன்றவற்றால் அது தனித்துவமாக இருந்து வருகிறது. ஆனால் ஐஃபோன் வாங்க நினைப்பவர்கள் முதலில் யோசிப்பது அதன் விலைதான். மற்ற ஸ்மார்ட்ஃபோன்களைவிட அதிகமான விலையில் தான் ஐஃபோனை வாங்க முடியும். ஆப்பிள் நிறுவனம் அடுத்த ஆண்டு மலிவு விலை ஸ்மார்ட்போன்களை அறிமுகம் செய்ய திட்டமிட்டுள்ளது. 

சமீபத்தில் ஆப்பிள் நிறுவனம் வெளியிட்டுள்ள ஐபோன் 8 மற்றும் ஐபோன் gX இரண்டுமே செல்ஃபோன் பிரியர்களுக்கிடையே அமோக வரவேற்பினைப் பெற்றது. இதைத் தொடர்ந்து ஆப்பிள் நிறுவனம் 2018-ம் ஆண்டு ஐபோன்களை குறைந்த விலையில் அறிமுகம் செய்ய திட்டமிட்டுள்ளது. அதன்படி ஐபோன் gX -ல் ஸ்மார்ட்போனில் உள்ள அனைத்து வசதிகளுடனும் குறைந்த விலையில் கிடைக்கும். அதாவது சந்தையில் தற்போது இருக்கும் ஸ்மார்ட்போன் விலையை விட மூன்று மடங்கு குறைவாக இருக்குமாம்.

]]>
iPhone, செல்போன், iphone 8, Apple phone, ஐஃபோன் http://images.dinamani.com/uploads/user/imagelibrary/2017/10/22/w600X390/iphone_8.jpg http://www.dinamani.com/lifestyle/lifestyle-technology/2017/oct/22/price-slashes-for-new-model-iphone-2794161.html
2769629 லைஃப்ஸ்டைல் தொழில்நுட்பம் ஜியோ Vs ஏர்டெல் சவாலுக்கே சவால்! Friday, September 8, 2017 04:57 PM +0530  

ஜியோ 4ஜி போட்டியை சமாளிக்க புதிய சலுகைகள் மட்டும் போதாது, அதற்கும் மேல் ஏதாவது செய்ய வேண்டும் என இந்தியாவின் முன்னணி டெலிகாம் நிறுவனமான பாரதி ஏர்டெல் நிறுவனம் முடிவு செய்தது. அதனைத் தொடர்ந்து விரைவில் வோல்ட்இ (VoLTE) சேவைகளை துவங்கவிருப்பதாக அந்நிறுவன வட்டாரத்திலிருந்து தகவல்கள் வெளியாகியுள்ளது. இதன் மூலம் இந்தியாவில் வோல்ட்இ சேவையை வழங்கும் இரண்டாவது நிறுவனமாக ஏர்டெல் இருக்கும்.

வோல்ட்இ சேவைகளை வழங்கிய முதல் நிறுவனம் எது?

2016-ம் ஆண்டு செப்டம்பர் மாதம் வோல்ட்இ சேவைகளை வழங்கியவர்கள் சாட்சாத் ரிலையன்ஸ் ஜியோ தான். ஜியோ தான் இந்தச் சேவையை இந்தியர்களுக்கு வழங்கிய முதல் நிறுவனம். ரிலையன்ஸ் ஜியோ மட்டுமே இதுவரையில் வோல்ட்இ சேவைகலை வழங்கி வரும் நிலையில், மற்ற நிறுவனங்கள் சர்கியூட் - ஸ்விட்ச் எனும் பழைய தொழில்நுட்பத்தைதான் இன்னும் பயன்படுத்தி வருகின்றனர். இந்த தொழில்நுட்பத்தில் மொபைல் டேட்டா 4ஜி நெட்வொர்க்கில் வழங்கப்படுகிறது.

ஏர்டெல் நிறுவனம் முதல் கட்ட பணியாக வோல்ட்இ சேவைகயை மும்பையில் தொடங்கவுள்ளனர். அதைத் தொடர்ந்து கொல்கத்தா, தில்லி, பங்களூரூ, சென்னை என தொடர்ந்து 2018 இறுதிக்குள் இந்த வோல்ட்இ சேவைகளை நாடு முழுவதும் வழங்க திட்டமிட்டுள்ளது. இதற்கான சோதனையை ஏர்டெல் நிறுவனம் ஏற்கனவே துவங்கியுள்ளது. 

இந்தியாவில் வோல்ட்இ தொழில்நுட்பத்தை உள்ளடக்கிய ஸ்மார்ட்போன்களின் விற்பனை ரிலையன்ஸ் ஜியோவால் அதிகரித்துள்ளது. காரணம் 2ஜி மற்றும் 3ஜி தொழில்நுட்பங்களைவிட வோல்ட்இ சேவைகளை கொண்டு மேற்கொள்ளப்படும் அழைப்புகளின் தரம் உயர்வாக இருக்கிறது. கடந்த ஆண்டின் செப்டம்பர் மாதம், வோல்ட்இ அழைப்புகளை முற்றிலும் இலவசமாக வழங்கும் திட்டத்தை ஜியோ அறிவித்தது. இதனால் பாதிப்படைந்த சில நிறுவனங்கள் இந்தப் போட்டியை சமாளிக்க வோல்ட்இ முக்கிய தீர்வாக இருக்கும் என முடிவு செய்து களமிறங்கியுள்ளனர். ஏர்டெல்லைத் தொடர்ந்து ஐடியாவும் இதைப் பின்பற்றப் போவதாக தகவல்கள் வெளிவந்துள்ளன.

]]>
Airtel, Jio, 4g, VoLTE, ஏர்டெல், ஜியோ, ரிலையன்ஸ், வோல்ட்இ http://images.dinamani.com/uploads/user/imagelibrary/2017/9/8/w600X390/voLTE.jpg http://www.dinamani.com/lifestyle/lifestyle-technology/2017/sep/08/irtel-set-to-start-volte-services-from-next-week-2769629.html
2769076 லைஃப்ஸ்டைல் தொழில்நுட்பம் இனி வாட் ஆப்ஸ் அரட்டைக்கு மட்டுமல்ல, புக்கிங் செய்யவும் பயன்படும்! Thursday, September 7, 2017 05:40 PM +0530  

இனி வெறும் தகவல் பறிமாற்ற செயலியாக நீங்கள் வாட்ஸ்ஆப்பை நினைக்க முடியாது. தற்போது வெவ்வேறு புதிய சேவைகளை அதில் இணைக்கப் படவிருக்கிறது.  கார் முன்பதிவு, பஸ், ரயில் மற்றும் விமான டிக்கெட்டுகள், ஹோட்டல், என பலவிதமான தேவைக்கு ஏற்றவாறு அப்டேட் ஆகவுள்ளது வாட்ஸ் ஆப்.

வாட்ஸ் ஆப்பில் புத்தம்புதியதாக பல்வேறு சேவைகளை உள்ளடக்கி நவீனமாக இச்செயலியை மாற்றிவிட அந்நிறுவனம் முடிவு செய்துள்ளது.  சினிமா டிக்கெட்டிலிருந்து ப்ளைட் டிக்கெட்டுகள் வரை இனி இதில் முன்பதிவு செய்யலாம். கேப் புக் செய்யவும், வெளியூர்களில் ஹோட்டலில் தங்குவதற்கு முன்பதிவு செய்யவும் இணையதளங்களை தேடி செல்லத் வேண்டியதில்லை. இனி 'வாட்ஸ் ஆப்பின் மூலமாகவே இந்தச் சேவைகளை பெற முடியும்.

இதில் முதல் கட்ட வேலையாக திரைப்பட டிக்கெட்டுகளை முன்பதிவு செய்ய 'புக் மை ஷோ' நிறுவனத்துடன் வாட்ஸ் ஆப் நிறுவனம் இணைந்துள்ளது. 'புக் மை ஷோ'வில் டிக்கெட் பதிவு செய்தால் 'வாட்ஸ் ஆப்'-இல் டிக்கெட் முன்பதிவு செய்ததற்கான உறுதித் தகவல் அனுப்படும். போலவே ஓலா, ஒயோ, போன்ற பிற சேவை நிறுவனங்களும் இணைய உள்ளது. இவை தவிர பண பறிமாற்ற வசதிகளையும் 'வாட்ஸ் ஆப்' செயலியின் மூலம் நிகழ்த்தலாம். 

நவீன வாழ்க்கையில் ஒரு அங்கமாகிவிட்ட வாட்ஸ் ஆப்பில் வாழ்பவர்களுக்கு இனி துளியும் கவலையில்லை. 

]]>
whatsup, new services in whatsapp, வாட்ஸ் ஆப், சினிமா http://images.dinamani.com/uploads/user/imagelibrary/2017/9/7/w600X390/WhatsApp.jpg http://www.dinamani.com/lifestyle/lifestyle-technology/2017/sep/07/whatsapp-used-for-booking-movie-tickets-and-block-hotels-2769076.html
2769018 லைஃப்ஸ்டைல் தொழில்நுட்பம் விண்ணில் பறக்கும் போது ஹாயாக ஒரு செல்ஃபி எடுத்த விமானி! Thursday, September 7, 2017 12:24 PM +0530  

எதற்கெல்லாம் செஃல்பி எடுப்பது என்று இளைஞர்களுக்கு வரம்பு முறையே இருப்பதில்லைல். ஒரு கூட்டத்தில் தனித்து தெரியும் நபர்களாக இந்த செல்ஃபி பிரியர்கள் ஆரம்பத்தில் இருந்தார்கள். ஆனால் தற்போது ஒரு கூட்டமே செல்ஃபி வெறியர்களாக மாறியிருப்பது காலத்தின் சோகம் என்றுதான் சொல்ல வேண்டும்.

இதோ பறக்கும் விமானம் ஒன்றின் ஜன்னலுக்கு வெளியிலிருந்து இப்படி ஒரு செஃல்பியை இந்த பைலட் எடுக்கவில்லை என்று யார் அழுதார்கள்? துபாய் விமானியான இவருடைய இந்த சாகஸ செல்ஃபி தற்போது இணையதளங்களில் வைரலாகிவருகிறது.

இந்த செஃல்பி த்ரில்லர் வகையச் சார்ந்தது என்கிறார்கள். அதாவது யாரும் செய்ய முடியாத ஒரு நிகழ்வைச் செய்து அதை புகைப்படமாக்குவது. இதில் மிருகங்களுடன் செஃல்பி எடுப்பது, உயரமான இடத்தில் நின்று செஃபி எடுப்பது போன்றவை அடங்கும். ஆனால் சிலர் தன்னை மறந்து செஃல்பி எடுக்கும் போது சுற்றுயிருக்கும் ஆபத்தை உணரக் கூட முடியாமல் பரிதாபமாக இறந்து போகிறார்கள். சமீபத்தில் நடந்த ஆய்வு ஒன்றில் அதிக செல்ஃபி மரணம் இந்தியாவில் தான் ஏற்படுகிறது என்று கூறியுள்ளது.

ஒரு விமானியின் முக்கிய பணி அனைவரையும் பத்திரமாக உணரச் செய்து பயண நேரத்தில் பாதுகாப்பு அளிப்பது. ஆனால் இந்த இளம் விமானியான செஃல்பி பிரியர் பறக்கும் விமானத்தில் மேகங்கள் மிதக்கும் வெளியை ஜன்னல் வழியாக எட்டிப்பார்த்தபடி செல்ஃபி எடுத்துள்ளதுள்ளார். உண்மையில் இந்தக் காட்சி பார்க்க அழகாக இருந்தாலும், இது அவர் உயிர் சம்மந்தப்பட்ட விஷயம் என்பதால் சற்று பதை பதைக்க வைக்கிறது. சமூக வலைத்தளங்களில் அவர் சில புகைப்படங்களைப் பதிவிட்டவுடன் ஏகப்பட்ட லைக்ஸ்கள் குவிந்தனவாம். தவிர சிலர் அது உண்மையான செஃல்பி இல்லை. விமானியின் தலைமுடி காற்றில் சற்றும் கலைந்திருக்கவில்லை. எனவே ஏதோ மார்ஃபிங் வேலை என்றும் கூறிவருகின்றனர். 

உண்மையோ பொய்யோ இது போன்ற செஃல்பிக்களை யாரேனும் பதிவிட்டால் அதை நிராகரிக்க வேண்டும். 

]]>
Selfie, Dubai Pilot, Viral in Instagram, விமானி, செல்ஃபி, செஃல்பி ஆபத்துக்கள் http://images.dinamani.com/uploads/user/imagelibrary/2017/9/7/w600X390/pilot-slfie1.jpg http://www.dinamani.com/lifestyle/lifestyle-technology/2017/sep/07/ilot-shares-dangerous-cockpit-selfie-flying-over-dubai---but-people-cant-decide-if-its-real-2769018.html
2764408 லைஃப்ஸ்டைல் தொழில்நுட்பம் புது மொபைல் ஃபோன் வாங்கப் போகிறீர்களா? இதோ சில டிப்ஸ் Wednesday, August 30, 2017 03:54 PM +0530  

மற்ற பொருட்களை வாங்குவது போல நமக்குப் பிடித்த ஒரு மொபைல் ஃபோனை  வாங்குவது அத்தனை சுலபம் அல்ல.ஆசை ஆசையாகத் தான் வாங்கியிருப்போம், ஆனால் ஏனோ திடீரெனப் பிடிக்காமல் போய்விடும். வாங்கிவிட்டபின் மாற்றவும் முடியாது. என்ன செய்யது? கடையிலோ இணைய தளத்திலோ தரமான எலக்ட்ரானிக் ஐட்டங்களை தேர்ந்தெடுப்பது செய்வது எப்படி?

விசாரித்து தெரிந்து கொள்ளவும்

எந்த பொருளை வாங்குவதாக இருந்தாலும் அது பற்றிய முழுமையான தகவல்களை நிச்சயம் தெரிந்து கொள்ள வேண்டும். நீங்கள் விரும்பும் ஃபோனில் என்னென்ன வசதிகள் உள்ளன, அது உங்கள் பட்ஜெட்டுக்கு பொருத்தமாக உள்ளதா என்று முதலில் முடிவு செய்து கொள்ளுங்கள். அந்த ஃபோனைப் பற்றிய விமரிசனங்களை இணையத்தில் படித்துத் தெரிந்து கொள்ளுங்கள். உங்களுக்குத் தெரிந்தவர்கள் யாரேனும் அதே மொபைல் வைத்திருந்தால் அவர்களிடம் அதன் பயன்பாட்டைக் கேட்டுத் தெரிந்து கொள்ளவும். தவிர உங்களுக்குப் பிடித்த பிராண்டையும் சந்தையில் கிடைக்கும் அனைத்துப் பிராண்டுகளுடன் ஒப்புமைப் படுத்திப் பார்த்தபின் வாங்குவது நல்லது.

ஆஃபர் வரும் வரை காத்திருக்கவும்

பண்டிகை காலத்தில் பலவிதமான ஆஃபர்களின் அணிவகுப்பு இருக்கும், ஒன்று வாங்கினால் ஒன்று இலவசம் என்பது முதல் பழைய ஃபோனுக்கு புதியது, ஆயிரம் ரூயாய் தள்ளுபடி என்பதிலிருந்து அதனுடன் இது ஃப்ரீ என்று விதவிதமான சிறப்பு சலுகைகள் கிடைக்கும். எனவே சலுகை விலையில் நமக்குத் தேவையான ஃபோனை வாங்கலாம்.

ஆன்லைனில் வாங்கும்போது 

மொபைலை ஆன்லைனில் வாங்கும் போது முக்கியமாக கவனிக்க வேண்டியது அது தரமான விற்பனைத் தளமா அல்லது ஊர் பெயர் தெரியாத நிறுவனமா என்பதுதான். சில சமயம் இந்த இணையதள விற்பனையாளர்கள் சலுகை விலையில் மொபைல் விலையை நிர்ணயிப்பார்கள். ஆனால் அது டெலிவரி ஆகாது. எத்தனை நாள் தான் காத்திருப்பது. இணையத்துக்குத் தகவல் அனுப்பினால் செல்லர் அனுப்பும்போது மொபைல் உடைந்துவிட்டது ஆர்டர் கேன்சல் என்று சொல்லிவிடுவார்கள். உங்கள் பணத்தை உங்கள் அக்கவுண்டுக்கு ஏழு நாட்களுக்குள் அனுப்பிவிடுவார்கள் என்றாலும் ஆசையாக புக் செய்த மொபைல் கைக்கு வந்து சேரவில்லை என்ற கோபம் உங்களுக்கு நிச்சயம் ஏற்படும். இதைத் தவிர்க்க இணையத்தில் வாங்காமல் நேரடியாகக் கடைக்குச் சென்று உங்களுக்கு பிடித்த மொபைலின் அத்தனை அம்சங்களையும் சரி பார்த்து வாங்கிக் கொள்வது சாலச் சிறந்தது.

உங்களுக்கு எந்தவிதமான பயன்பாடு என்பதைப் பொருத்து மொபைல்களைத் தேர்ந்தெடுத்துக் கொள்ளுங்கள். தேவையில்லாமல் பணம் கொடுத்து ஹையர் எண்ட் ஃபோன் வாங்கிவிட்டு அதைப் பயன்படுத்தாமல் வைத்திருப்பது வீண். 

புது மொபைல் வாங்கிய உடன் அதை எத்தனை மணி நேரம் சார்ஜில் போடுவது என்பதிலிருந்து சிக் கார்ட் பயன்பாடுகளையும் தெரிந்து வைத்துக் கொள்வது அவசியம். ஹெட் செட், சார்ஜர், டெம்பர் க்ளாஸ், மொபைல் கவர், பவர் பேங்க் என தேவைப்படும் மொபைல் ஆக்ஸசரிஸ் அனைத்தையும் மொபைல் வாங்கும்போதே சேர்த்து வாங்கிவிடுவது நலம்.
 

]]>
New mobile, Cell phones, மொபைல், புது ஃபோன் http://images.dinamani.com/uploads/user/imagelibrary/2017/8/30/w600X390/A-new-iPhone-7-Plus.jpg http://www.dinamani.com/lifestyle/lifestyle-technology/2017/aug/30/tips-for-buying-a-mobile-phone-2764408.html
2754226 லைஃப்ஸ்டைல் தொழில்நுட்பம் பார்வையற்றோரால் ஃபோட்டோ எடுக்க முடியுமா? முடியும் என்கிறார்கள் இவர்கள்! RKV DIN Saturday, August 12, 2017 03:22 PM +0530  

பார்வையற்றவர்கள் யாராவது ஒருத்தர் உங்க கிட்ட வந்து, எனக்கு ஃபோட்டோகிராபில ஆர்வம் இருக்கு. நானும் புகைப்படங்கள் எடுப்பேன்னு சொன்னா நீங்க நம்புவீங்களா? இதுவரை நம்பலேன்னாலும் இனி நம்பித்தான் ஆகனும். அவங்களாலும் அருமையாக புகைப்படங்கள் எடுக்க முடியும்னு நிரூபணம் ஆகியிருக்கு. அவங்களுக்காகவே பிளைன்ட் வித் கேமரான்னு ஒரு கான்செப்ட் 2006 ஆம் வருஷத்துல இருந்து இயங்கிக்கிட்டு இருக்கு. இந்தியாவுக்கு இந்த விஷயத்தை கொண்டு வந்து சேர்த்த பெருமை பார்த்தோ போமிக் என்ற பார்வையற்ற புகைப்படக்காரரைச் சேரும். அவர் புகைப்படங்கள் எடுக்கறதோட மட்டுமல்லாமல் அதைக் கற்றுத்தருவதற்கான வொர்க் ஷாப்புகளும் நடத்தி வருகிறார். பார்த்தோ யரைப்பார்த்து இன்ஸ்பையர் ஆகி இந்த விஷயத்தை இந்தியாவுக்கு கொண்டு வந்தார்ன்னு பார்த்தா அவரோட பெயர் ஈவ்ஜென் பாவ்கர். அவரும் ஹங்கேரியைச் சேர்ந்த ஒர் பார்வையற்ற புகைப்படக்காரரே!

'பிளைன்ட் வித் கேமரா' என்பது புகைப்படக் கலையில் ஆர்வம் கொண்டுள்ள பார்வையற்ற மாணவர்கள் மற்றும் இளைஞர்களின் வசதிக்காக நடத்தப்படும் பயிற்சிப் பட்டறை... சிம்பிளாகப் புரிய வேண்டுமென்றால் வொர்க் ஷாப். கடந்த பல ஆண்டுகளாக நூற்றுக் கணக்கான பார்வையற்ற மாணவர்களும், இளைஞர்களும் இந்த வொர்க் ஷாப்களில் கலந்து கொண்டு பார்த்தோவிடம் பயிற்சி பெற்று தங்களது புகைப்படக் கலைக் கனவை நனவாக்கிக் கொண்டு வருகிறார்கள்.

பார்த்தோவின் இந்த வொர்க் ஷாப் மூலமாகத் தூண்டப்பட்டு மேலும் தங்களது புகைப்படக் கலை ஆர்வத்தை பட்டை தீட்டிக் கொண்டவர்களில் முக்கியமானவராக பிரணவ் லாலைக் கூறலாம். பிரணவ் டெல்லியைச் சேர்ந்த ஒரு சைபர் செக்கியூரிட்டி அலுவலர். அதோடு அவருக்குப் பிறவியிலிருந்தே பார்வைக் குறைபாடு இருந்தது. ஆனாலும் தன்னால் மிக அருமையான புகைப்படங்கள் எடுக்க இயலும், தனது கற்பனையின் துணை கொண்டு தனது ஆர்வத்தை வெற்றிகரமானதாக்கிக் காட்ட தன்னால் முடியும் என பிரணவ் நம்பினார். அந்த நம்பிக்கையின் அடுத்த கட்டம் தான் பார்த்தோவின் ‘பிளைன்ட் ஃபோட்டோகிராபி’ வொர்க் ஷாப்பில் கலந்து கொள்ளத் தொடங்கியது.

வொர்க் ஷாப்பில் கலந்து கொள்ள புகைப்படக் கலை மீது கொண்ட ஆர்வம் மட்டுமே காரணமில்லை. அதைத் தாண்டி தனது புலன்களுக்குத் தட்டுப்படாத, தனது அறிவின் எல்லைகளுக்கு அப்பாற்பட்ட சில விஷயங்களை பதிவு செய்து, அதை உணர வேண்டும் என்ற ஆர்வம் பிரணவுக்கு இருந்தது.

அப்போது தான் அவருக்கு voice எனும் தொழில்நுட்பத்தின் அறிமுகம் கிடைக்கிறது. இந்த தொழில்நுட்பத்தின் அடிப்படை என்னவென்றால் ஒளி அலைகளை ஒலி அலைகளாக மாற்றித் தரக்கூடிய வல்லமை. முகமூடிக் போன்ற இந்த உபகரணத்தில் இரண்டு கருப்புக் கண்ணாடிகள் பொருத்தப் பட்டிருக்கும். அந்தக் கண்ணாடிகளுடன் ஒரு மினியேச்சர் கேமரா மிக மெல்லிய வயர்களால் இணைக்கப்பட்டிருக்கும். இதை கண்களில் அணிந்து கொண்டு பார்க்கையில் பார்வையற்றவர்களால் தங்களது பார்வைப் புலனுக்கு புலப்படாத உருவங்களைப் பற்றி அவர்கள் அது வரை அறிந்திராத புது புதுப் பரிணாமங்கள் கிடைக்கக் கூடும் என்கிறார் பிரணவ். அதுமட்டுமல்ல, இந்த உபகரணம் மூலமாக புகைப்படப்படமெடுக்கவிருக்கும் நபர்களின் அசைவுகளைக் கணித்து அதன் மூலம் அந்தக் குறிப்பிட்ட பொருளின் அல்லது நபரின் உயரம், தேவையான ஒளி அமைப்புகள் முதலியவற்றைக் கணிக்க முடியும் என்றும் அவர் கூறுகிறார்.

இப்படிப்பட்ட கண்டுபிடிப்புகளையும், தொழில்நுட்ப உபகரணங்களையும் காணும் போதெல்லாம், தொழில் நுட்ப வளர்ச்சி அதன் உச்ச பட்ச இலக்கை எட்டி விட்டதா? என்றால் ஆம் என்று தான் சொல்லத் தோன்றுகிறது. பார்வையற்றவர்களால் புகைப்படமெல்லாம் எடுக்க முடியாது என இனி யாரும் துணிந்து சொல்ல முடியாது பாருங்கள்!


 

]]>
blind photography, voice technology, பிளைன்ட் ஃபோட்டோகிராபி, வாய்ஸ் தொழில்நுட்பம் http://images.dinamani.com/uploads/user/imagelibrary/2017/8/12/w600X390/000blind_photographyyy.jpg http://www.dinamani.com/lifestyle/lifestyle-technology/2017/aug/12/blind-photography-2754226.html
2744479 லைஃப்ஸ்டைல் தொழில்நுட்பம் சீனாவில் ஆன்லைன் லைவ் ஸ்ட்ரீமிங் ஷோ வழங்கினால் மாதம் 65 லட்ச ரூபாய் சம்பாதிக்கலாமாம்! கார்த்திகா வாசுதேவன் Wednesday, July 26, 2017 01:16 PM +0530  

சைனாவில் ‘யூ லீ’ எனும் இளைஞர் ஒருவர் தன்னைத்தானே லைவ் வீடியோ எடுத்து அதை நிகழ்ச்சிகளாக்கி YY எனும் சமூக வலைத்தளத்தில் வெளியிட்டு மாதம் 1 மில்லியன் டாலர் வரை சம்பாதிக்கிறார். இந்தியப் பணத்துக்கு அந்தத் தொகையின் இன்றைய மதிப்பு 6442750.00 ரூபாய்கள். இதற்காக யூ லி கொஞ்சம் மெனக்கெடத்தான் வேண்டியிருக்கிறது. எப்படித் தெரியுமா? கேமராவுக்கு முன்பு வருவதற்கு முன்பு தன்னுடைய தோற்றம் பார்வையாளர்களுக்குப் பிடித்தமானதாக இருக்கிறதா? தலைமுடி ஒழுங்காக படிய வாரப்பட்டு கச்சிதமாக அமைந்திருக்கிறதா? முகத்தில் பவுடர் கோட்டிங் போதுமா? என்று சரி பார்த்து விட வேண்டும்.அப்புறம் எந்த நேரமானாலும் யூ லீ கேமராவுக்கு முன்னால் வர ரெடி தான். இப்படிச் செய்தால் 64,42.750 ரூபாய் கிடடைக்குமென்றால் அதைச் செய்ய யாருக்குத் தான் கசக்கும்?!

அது மட்டுமல்ல, சைனாவின், சென்யாங் மாகாணத்தில் பிரதர் யூ லீ நடத்தி வரும் வுடி மீடியா ஏஜன்ஸியில் வெற்றிகரமாக எப்படி ஆன்லைன் ஸ்டார்களாவது? எனும் பயிற்சி வகுப்புகளையும் அவர் நடத்தி வருகிறாராம். அது சரி தான் மட்டும் சம்பாதிக்க வேண்டும் என்று நினைத்தால் தான் அது மோசமான செய்கை எனப் பிறரால் விமர்சிக்கப் படக்கூடும். ஆனால் லி தனது இந்தத் திறமையை பயிற்சி வகுப்புகள் மூலம் விருப்பமுள்ள அனைவருக்குமே கற்றுத் தரத் தயாராக இருக்கிறார் எனும் போது அவரை வரவேற்பவர்கள் அதிகமாகி விட்டனர். தனது ஆன்லைன் ஷோவில் லீ அடிக்கும் ஜோக்குகள், பஞ்ச் டயலாக்குகள் அனைத்துக்குமே அவரது பார்வையாளர்களிடமிருந்து விர்ச்சுவல் அன்பளிப்புகள் வேறு உடனுக்குடன் வந்து சேருகின்றனவாம். அதாவது உடனடியாகப் பணமாக மாற்றிக் கொள்ளத்தக்க விர்ச்சுவல் அன்பளிப்புகள் அனுப்புகிறார்கள் அவரது ரசிகர்கள்.

லீயின் ஷோவில் கொஞ்சம் காமெடி, கொஞ்சம் இசை, கொஞ்சம் உரையாடல் என எல்லாம் கலந்து இருக்கும், பொதுவாக வடகிழக்கு சீனாவில் டாங்பேய் கலாச்சாரத்தை வெளிப்படுத்தக் கூடிய வண்ணம் லியின் ஷோக்கள் வடிவமைக்கப் படுகின்றன. லீயின் நிகழ்ச்சிகளைப் பார்த்துக்கொண்டிருப்பவர்கள் யாராக வேண்டுமானாலும் இருக்கலாம். ஆனால் அவர்களுக்குள் இருக்கும் ஆசையும், கனவும் தான் அவர்களை பணம் சம்பாதிக்கச் செய்யத் தூண்டுகிறது. தொலைக்காட்சித் திரையின் முன்புறமாக நிகழ்ச்சியைப் பார்த்துக் கொண்டிருக்கும் ஒருவர் அந்நேரத்தில் பல் துலக்கிக் கொண்டு இருக்கலாம், அல்லது வேலை முடிந்து வீட்டுக்குச் செல்வதற்கான கடைசி நிமிடங்களில் யூ லியின் நிகழ்ச்சியைப் பார்த்துக் கொண்டு அலுவலகத்தில் இருந்து வெளியேறக் காத்திருக்கலாம். ஆனால் இவர்கள் எல்லோருக்குமே தங்களது குரலாலோ, அல்லது தோற்றத்தாலோ ஏதாவது ஒரு வகையில் மக்கள் ரசிக்கும் செலிபிரிட்டியாகி விடும் ஆசை மனதின் ஒரு மூலையில் எப்போதும் இருந்து கொண்டே தான் இருக்கிறது. அப்படிப்பட்டவர்களுக்கு யூ லீ மிகச்சிறந்த இன்ஸ்பிரேஷன், அவர்களை தனது நிகழ்ச்சிகளின் மூலம் மன அழுத்தத்திலிருந்து வெளிவர உதவும் லீ, அதற்கான பலனை பணமாக அறுவடை செய்து விடுகிறார். இப்படியாக யூ லீ யின் நிகழ்ச்சிகளை மக்கள் நாளொரு மேனியும், பொழுதொரு வண்ணமுமாக ஆயிரக்கணக்கில் பார்க்கப், பார்க்க லீயின் வாழ்க்கை பெரிய புராணக் கதாபாத்திரம் போன்று அங்கே மாறிவருகிறது. சொல்லப்போனால் சீனப் பிரதமரின் பிரசித்தி பெற்ற முழக்கமான ‘சீனக் கனவு’ எனும் பதத்துக்கான அடையாளமாகவே யூ லீ மாறிக்கொண்டிருக்கிறார் என்று சொன்னாலும் அதில் தவறில்லை.

இணைய நிகழ்வுகளில் லைவ் ஸ்ட்ரீமிங் என்பது அமெரிக்கா போன்ற பல நாடுகளில் பிரபலமானது தான். ஆனால் சீனாவைப் பொறுத்தவரை இந்த விஷயத்தில் நிறையக் கட்டுப்பாடுகள் இருந்தாலும் அங்கிருக்கும் 700 மில்லியன் இணையப் பயன்பாட்டாளர்களில் பாதிக்குப் பாதி யூ லீயின் இந்த ஆன்லைன் லைவ் ஸ்ட்ரீமிங் ஷோவை ரசித்துப் பார்த்து வருகிறார்களாம். அப்படிப்பார்த்தால் இந்த புள்ளி விவரக் கணக்கீடு என்பது அமெரிக்காவின் மக்கள் தொகையைக் காட்டிலும் அதிகம் தான்.

2016 ஆம் ஆண்டில் எடுக்கப்பட்ட ஒரு புள்ளி விவரக் கணக்கீட்டின் படி சீனாவில் ஆன்லைன் ஸ்ட்ரீம் மார்க்கெட்டின் சந்தை மதிப்பு $3 பில்லியன் டாலர்களாக இருந்தது. ஆனால் ஆய்வாளர்களின் கணிப்பின்படி விரைவிலேயே இந்த நிலை மாறும், கூடிய விரைவில் சீனாத் திரைப்படங்களுக்கான பாக்ஸ் ஆஃபீஸ் கலெக்‌ஷன் மதிப்பை விட ஆன்லைன் ஸ்ட்ரீமிங் மதிப்பு உச்சத்தை எட்டும் எனக் கூறப்படுகிறது. அமெரிக்காவில் சமூக வலைத்தளங்கள் விளம்பரங்கள் மற்றும் தகவல் ஒளிபரப்புதல் மூலமாகப் வருவாய் ஈட்டி வருகின்றன. அதே டெக்னிக்கைப் பின்பற்றித்தான் சீனாவின் ஆன்லைன் ஸ்டார்களும் வருவாய் ஈட்டி வருகிறார்கள். இங்கே என்ன வித்யாசம் என்றால் சீனாவின் ஆன்லைன் ஸ்டார்களுக்கு வருவாய், விர்ச்சுவல் கிஃப்டுகள் எனும் பெயரிலும் மிதமிஞ்சிக் குவியத் தொடங்கி விட்டது. இதன் மூலமாக ஆன்லைன் ஸ்ட்ரீமிங் வருவாய் விகிதம் ஆண்டு தோறும் 180 விழுக்காடு அதிகரிக்குமென நம்பப்படுகிறது.

அதோடு இன்று வரை சீனாவில் அமெரிக்க பின்புலம் கொண்ட ஃபேஸ்புக் மற்றும் கூகுளுக்கு இன்று வரை அனுமதியில்லை. இதனால் உள்ளூர் சமூக  வலைத்தள நிறுவனங்களான டென்சென்ட் உள்ளிட்ட லோக்கல் நிறுவனங்கள் நன்கு செழித்து வளர்கின்றன. யூ லீ யின் YY.com  ஆரம்பத்தில் ஒரு கேமிங் போர்ட்டலாகத் தான் தொடங்கப் பட்டது ஆனால் அது ஆன்லைன் ஸ்ட்ரீமிங் நிகழ்ச்சிகளுக்கு மக்களிடையே கிடைத்த அதீத வரவேற்பைக் கண்டபின் இன்று சீனாவின் சமூக தகவல் தொடர்பு வலைத்தள மேடையில் லீடர் என்று சொல்லத் தக்க அளவில் பல புதுமையான உத்திகளை தனது நிகழ்ச்சிகளில் பயன்படுத்தி சீனாவின் ஆன்லைன் லைவ் ஸ்ட்ரீமிங் சந்தையில் முதலிடத்தில் நிற்கிறது.

ஒருபக்கம் அந்நிய தகவல் தொடர்பு நிறுவனங்களையும் சமூக வலைத்தள நிறுவனங்களையும் அனுமதிக்காத சீனா உள்நாட்டில் ஆன்லைன் லைவ் ஸ்ட்ரீமிங் ஷோக்களால் உலக அளவில் பிரபலமாகிக் கொண்டிருப்பதோடு அதன் மூலமாக பெருவாரியாக தனிநபர் வருமானம் ஈட்ட முடியும் என்றும் கற்றுத் தரும் நிலையில் இருப்பது ஆச்சரியமான விஷயம் தான்.

அதைவிட ஆச்சர்யம் இந்த ஷோக்கள் மூலம் கிட்டும் வருவாய் பாக்ஸ் ஆஃபீஸ் கிட் திரைப்படங்களைக் காட்டிலும் அதிகமாக இருக்கப் போகிறது எனும் நிஜம்.

]]>
ஆன்லைன் லைவ் ஸ்ட்ரீமிங் ஷோக்கள், சீனா, யூ லீ, சமூக தகவல் தொடர்பு இணையதளங்கள், china, yu li, online live streaming show, market value of live streaming shows, box office collection http://images.dinamani.com/uploads/user/imagelibrary/2017/7/26/w600X390/brother_li_3.jpg http://www.dinamani.com/lifestyle/lifestyle-technology/2017/jul/26/how-to-make-6442750-rupees-per-month-in-china-live-streaming-your-life-2744479.html
2728984 லைஃப்ஸ்டைல் தொழில்நுட்பம் 200 கோடி பயனாளிகளை அடைந்து ஃபேஸ்புக் புதிய சாதனை!  Thursday, June 29, 2017 01:18 PM +0530 தினமும் காலையில் எழுந்த உடன் பலர் கண்ணாடியில் தான் விழிப்பார்கள். அல்லது அவர்களுக்கு மிகவும் பிடித்தமானவர்களின் முகத்தில் விழிப்பார்கள். அல்லது பசு மாட்டை முதலில் பார்ப்பார்கள். ‘யார் முகத்தில முழிச்சேனோ, இன்னிக்கு இந்த பாடு பட்டுட்டு இருக்கேன்’ என்றும் ‘இன்னிக்கு அவன் நரி முகத்துல விழிச்சிருக்கான் போல இவ்வளவு அதிர்ஷ்டம்’என்று விழிப்பதைப் பற்றிய பல விஷயம் பரவலாகப் பேசப்படும். ஆனால் இன்றைய நிலை இதற்கு தலை கீழ். பெரும்பாலான மக்கள் விழிப்பது மற்றவர்களின் முகங்களில் அல்ல சமூக வலைதளமான ஃபேஸ்புக்கில் தான். இப்படி உலக மக்கள் தொடர்ந்து தந்த ஆதரவில் தற்போது ஃபேஸ்புக் 200 கோடி மாதாந்திர பயனர்களை எட்டியுள்ளது. ஆச்சரியமாக இருக்கிறதா? உண்மை அதுதான். இந்த சாதனைக் கதையை சுருக்கமாகப் பார்க்கலாம்.

அக்டோபர் 2012-ல் 100 கோடி பயனர்களை எட்டிய ஃபேஸ்புக், கடந்த மார்ச் 31-ல் மேற்கொள்ளப்பட்ட ஆய்வின் போது 194 கோடி ஃபேஸ்புக் பயனர்கள் இருந்தனர். தற்போது உலகம் முழுவதும், பேஸ்புக் பயனாளிகளின் எண்ணிக்கையானது 200 கோடியை எட்டிவிட்டதாக அதன் தலைமை நிர்வாக அதிகாரி மார்க் ஜுக்கர்பெர்க் அறிவித்துள்ளார். தன் நிறுவனத்தில் புதிய கொள்கை வாசகத்தையும் அறிவித்தார். அது உலகத்தை இன்னும் நெருக்கமாக ஒன்றிணைப்போம்’ என்பதாகும்

பிப்ரவரி 4, 2004 ஆண்டில் தனது, மூன்று நண்பர்களுடன் இணைந்து, அமெரிக்க கல்லுாரி மாணவர்களுக்காக, 'ஃபேஸ்புக்' என்னும் சமூக வலைதளத்தை, மார்க் ஜுக்கர்பெர்க் துவங்கினார். முதல் ஆண்டிலேயே இந்த வலைதளத்தை பயன்படுத்துவோரின் எண்ணிக்கை பத்து லட்சத்தை தாண்டியது. அதன் பின் உலகம் முழுவதும் இதன் பயன்பாடு அசுர வேகத்தில் பரவியது. 2009-ம் ஆண்டு 100 கோடி பயனர்களை எட்டியது ஃபேஸ்புக். இதன் பயனர்களின் எண்ணிக்கை நாட்டின் மக்கள் தொகையை விட அதிகமாக உள்ளனர்.

இத்தகைய அபார வளர்ச்சிக்குக் காரணம் வளரும் நாடுகளில் ஃபேஸ்புக் பயன்பாட்டை அதிகரிக்கும் புதுப் புது யுக்திகளை இந்நிறுவனம் கடைபிடித்தது வருகிறது. குறைந்தளவு டேட்டாவை பயன்படுத்தும் விதமாக ஃபேஸ்புக் லைட் என்ற மென்பொருளை அறிமுகப்படுத்தியதால் மொபைல் போனில் இதை எளிதாகத் தரவறக்கம் செய்வோரின் எண்ணிக்கை அதிகரித்தது. தவிர அதில் பல செயலிகளையும் தொடர்ந்து அறிமுகப்படுத்தி வருகிறது. பயனாளர்களை மகிழ்விக்கும் விதமாக ஒரு 'பர்சனல் டச்’ இருப்பதையும் கவனமாக கையாள்கிறது.

ஃபேஸ்புக் நிறுவனம் 13 ஆண்டுகளில், 'வாட்ஸ் ஆப்' உள்ளிட்ட, கிட்டத்தட்ட ஐம்பது நிறுவனங்களை கையகப்படுத்தி உள்ளது. இந்நிலையில் தான் தற்போது இதன் பயனாளிகளின் எண்ணிக்கை 200 கோடியை எட்டிவிட்டதில் மகிழ்ச்சி அடைந்துள்ளனர்.

இதர சமூக வலைதளங்களைப் பொருத்தவரை 2017-ம் ஆண்டின் முதலாம் காலாண்டில் ட்விட்டர் 32.8 கோடி மாதாந்திர பயனாளிகளையும் 'ஸ்னாப்ஷாட்' 16.6 கோடி பயனாளிகளையும் கொண்டுள்ளது குறிப்பிடத்தக்கது.

]]>
ஃபேஸ்புக், Face book, Mark Zuckerberg, மார்க் ஜுக்கர்பெர்க் http://images.dinamani.com/uploads/user/imagelibrary/2017/6/29/w600X390/Facebook-has-officially-hit-2-billion-users.jpg http://www.dinamani.com/lifestyle/lifestyle-technology/2017/jun/29/facebook-has-officially-hit-2-billion-users-2728984.html
2723664 லைஃப்ஸ்டைல் தொழில்நுட்பம் வாட்ஸ் அப்பின் புதிய முயற்சி! தவறாக அனுப்பிய செய்தியை இனி திருத்தலாம்! Monday, June 19, 2017 04:39 PM +0530 வாட்ஸ்அப்பில் ஒரு செய்தியை பகிர்ந்து கொண்ட பின் திரும்பப் பெறும் வசதி மற்றும் திருத்தம் செய்யும் வசதிகள் வரப் போவதாகத் தகவல்கள் வெளியாகியுள்ளன.

அனுப்பிய செய்தியில் திருத்தங்கள் செய்யலாம்

தற்போது வாட்ஸ்அப்பில் ஒரு செய்தியை அனுப்பிவிட்டு, பின்னர் அதை திருத்திக் கொள்ள முடியாது. தவறாக அனுப்பினால் அது அப்படியே தான் போய்ச் சேரும். இனி ஒரு குறிஞ்செய்தியைத் திரும்பப் பெற விரும்பினால் அதைச் சாத்தியமாக்கும் வசதி அறிமுகமாக உள்ளது. இப்போதுள்ள செய்திகளை டெலிட் செய்யும் வசதியில் இருந்து இது மாறுபட்டது. ஏனெனில் செய்திகளை டெலிட் செய்தாலும் அது அனுப்பியவர் போனில் இருந்துதான் மறையும். மற்றவர்கள் போனில் இருந்து நீக்க முடியாது. ஆனால் புதிய சேவையில் இது சாத்தியம்.இதே போலவே செய்திகளைத் திருத்தும் வசதியும் அறிமுகமாக உள்ளது.அனுப்பிய செய்தியின் மீது கிளிக் செய்தால், அதைத் திரும்பப் பெறுவதற்கான வாய்ப்புத் தோன்றும். அதை கிளிக் செய்து அந்தச் செய்தியை அழித்துவிடலாம். ஆனால் அனுப்பிய ஐந்து நிமிடத்துக்குள் இந்த திருத்தங்களை செய்துவிட வேண்டும்.

வாட்ஸ் அப்பில் வந்த ஒரு தகவல் இது. அனுப்பிவிட்டு திருத்தம் செய்ய வேண்டுமானால் செய்து கொள்ளுங்கள்!

உங்கள் செல்போன் எண்ணின் கடைசி எண்ணை வைத்து, உங்கள் வயதைச் சொல்லும் புதிர்க் கணக்கு இது. மூளைக்கான பயிற்சியும்கூட. வேலைப் பளு, மனஅழுத்தம் போன்ற விஷயங்களிலிருந்து விடுபட மூளைக்கு வேலை கொடுங்கள். அது உங்களை உற்சாகமாக மாற்றும். சிறு பிள்ளையைப் போல மனதை இலகுவாக்கும்.

இந்த விளையாட்டை விளையாடிப் பாருங்கள்... 

நம்முடைய செல்போன் எண்ணை வைத்து, நம்முடைய வயதைக் கணிக்கலாம். அதற்கு நீங்கள் செய்ய வேண்டியதெல்லாம் இதுதான்.

உங்கள் செல்ஃபோனின் கால்குலேட்டரை ஆன் செய்து கொள்ளுங்கள்.

ஸ்டெப்-1: உங்கள் செல்போன் எண்ணின் கடைசி எண்ணை 2 ஆல் பெருக்குங்கள்.

ஸ்டெப்-2: பெருக்கியதும் வரும் எண்ணுடன் 5-ஐ சேர்த்துக்கூட்டுங்கள். கூட்டிவிட்டீர்களா?

ஸ்டெப்-3: இப்போது கிடைக்கும்  எண்ணை  50ஆல் பெருக்குங்கள். பெருக்கி முடித்ததும் என்ன தொகை வருகிறதெனப் பாருங்கள்.

ஸ்டெப்-4: வரும் எண்ணுடன் 1,767 சேர்த்துக் கூட்டுங்கள்

ஸ்டெப்-5: இத்துடன் நீங்கள் எந்த வருடம் பிறந்தீர்களோ அந்த வருடத்தை வைத்துக் கழிக்கவும்.

இப்போது மூன்று டிஜிட்டில் வரும் முதல் எண், உங்கள் செல்ஃபோனின் கடைசி எண் ஆகும். மற்ற இரண்டு எண்கள்தான் உங்கள் வயது... கணக்கு சரியா?

]]>
whatsup new update, வாட்ஸ் அப் http://images.dinamani.com/uploads/user/imagelibrary/2017/6/19/w600X390/iphone-social-apps-whatsapp.jpg http://www.dinamani.com/lifestyle/lifestyle-technology/2017/jun/19/whatsup-new-update-you-can-edit-your-messages-2723664.html
2709234 லைஃப்ஸ்டைல் தொழில்நுட்பம் நீங்கள் வாட்ஸ் அப் பிரியரா? இதை முதலில் படித்துவிடுங்கள்! Friday, May 26, 2017 03:26 PM +0530 இப்போதெல்லாம் தினமும் காலையில் விழிப்பது அவரவர் ஃபோனில் உள்ள வாட்ஸ் அப்பில் தான். அதில் அன்பிற்கு உரியோரின் காலை வணக்கத்தைப் பார்த்த பின்பு தான் படுக்கையை விட்டு எழுந்து கொள்வோம். அதன் பின் குளியலறை நேரத்தைத் தவிர மற்ற எல்லா சமயத்திலும் நம் கரங்களில் சதா சர்வ காலமும் துடித்துக் கொண்டிருப்பது செல்ஃபோனில் உள்ள வாட்ஸ் அப் செய்திகள் தான். நம் நட்பு வட்டத்தையும் உறவுப் பாலத்தையும் தக்க வைத்திருக்க உதவி புரிவது வாட்ஸ் அப் என்றால் மிகையில்லை. சமயத்தில் 

வாட்ஸ் அப்பில் (Whatsapp) சமீபத்தில்  புதிய அப்டேட்டாக  'பின்சாட்’ (PIN CHAT) எனும் வசதி இணைக்கப்பட்டுள்ளது. 

பின் சாட் என்றால் என்ன? நமக்கு பிடித்தமான 3 தனி நபர்களையோ அல்லது மூன்று குழுக்களையோ, சாட்டிங் வரிசையில் முதல் மூன்று இடங்களில் வைத்துக் கொள்ளலாம். இதன் மூலம் 3 நபர்களையோ அல்லது குழுக்களையோ மட்டும் பின் செய்து கொள்ள முடியும் என்கிறது இந்த வசதியை அறிமுகப்படுத்திய வாட்ஸ் அப் நிறுவனம்.

]]>
whatsup, pin chat, வாட்ஸ் அப், பின்சாட் http://images.dinamani.com/uploads/user/imagelibrary/2017/5/26/w600X390/whatsup.jpg http://www.dinamani.com/lifestyle/lifestyle-technology/2017/may/26/pin-chat-facility-added-in-whatsup-2709234.html
2703252 லைஃப்ஸ்டைல் தொழில்நுட்பம் ஜியோமி வழங்கும் ரெட்மி 4 இப்போது இந்தியாவில்! IANS Tuesday, May 16, 2017 04:22 PM +0530  

சீனாவைச் சேர்ந்த ஜியோமி நிறுவனத்தின் ரெட்மி 4 மாடல் ஸ்மார்ட்போன் இந்தியாவில் கடந்த செவ்வாய்கிழமை அறிமுகமாகி கடைகளில் அமோகமாக விற்பனை ஆகிக் கொண்டிருக்கிறது. இது ஜியோமியின் மற்றொரு பட்ஜெட் ஸ்மார்ட்போன் ஆகும். இந்த ரெட்மி 4 மாடலுடன் எம் ஐ ரெளட்டர் 3சி தரப்படுவது கூடுதல் சிறப்பு.

ரெட்மி 4 மூன்று வித்தியாசமான மாடல்களில் வெளியாகிறது. 2GB RAM+16GB, இரண்டாவது 3GB RAM+32GB 9999 ரூபாய்க்கும், 3மற்றது 4GB RAM+64GB. இதன் விலைகள் முறையே ரூ 6,999, ரூ 8,999 மற்றும் ரூ 10,999 ரூபாய்க்கும் விற்பனைக்கு வரவுள்ளது. மே 23ம் தேதி நண்பகல் 12 மணிக்கு எம்.ஐ மற்றும் ப்ளிப்கார்ட் இணையதளங்களில் ஃப்ளாஷ் சேல் மூலம் விற்பனைக்கு கிடைக்கும் என்று உறுதி செய்கிறார்கள் மி.காம் மற்றும் அமேசான்.இன் நிறுவனங்கள்.

ரெட்மி நான்கை அறிமுகப்படுத்துவதில் நாங்கள் மகிழ்கிறோம். இது ரெட்மி 3S-ன் அடுத்த பதிப்பாகும். நிச்சயம் இந்த ரெட்மி 4 திருப்திபடுத்தும் என்று நம்புகிறோம். தரம் மற்றும் விலை அனைவராலும் வாங்கக் கூடிய வகையில் உள்ளது என்றார் ஜியோமி நிறுவனம் இந்திய கிளையின் தலைமை நிறுவனர் மனு ஜெயின்.

5 inch ஹெச் டி டிஸ்ப்ளே, குவால்கம் ஸ்னாப்ட்ராகன் 435 ஆக்டா கோர் ப்ராஸசர் கொண்டு வடிவமைக்கப்பட்டுள்ளது இந்த போன். இதற்கு முன்னர் வெளிவந்த வெர்ஷனில் ஸ்னாப்ட்ராகன் 650 ப்ராஸசர் பயன்படுத்தப்பட்டிருந்தது. அதேசமயம் ரெட்மி நோட் 3-ஐ காட்டிலும் இதன் பேட்டரி திறன் 25 சதவிகிதம் அதிகரிக்கப்பட்டுள்ளது. இதில் 4100mAh  பேட்டரி திறன் கொண்ட சற்று பெரிய பேட்டரி பயன்படுத்தப்பட்டுள்ளது. 4ஜி தொழில்நுட்பத்தில், ஆன்ட்ராய்டு N இயங்குதளம் கொண்டு இந்த போன் இயக்கப்படுகிறது. இதன் கேமரா 13 மெகாபிக்சல் கொண்டதாக வடிவமைக்கப்பட்டுள்ளது. 

எம் ஐ ரெளடர் (Mi Router) பொருத்தவரை மே 20 முதல் எம் ஐ இணையதளத்திலும் மே 23 முதல் ப்ளிப்கார்ட் மற்றும் அமேசானில் ஜூன் 8 முதல் கிடைக்கும். இதன் விலை ரூ.1,199/-

அதிரடியாக சிறந்த தொழில்நுட்பத்துடனும் குறைந்த விலையிலும் களம் இறங்கியுள்ள ஜியோமி இந்திய ஸ்மார்ட்போன் சந்தையில் தனக்கான இடத்தை பிடித்து தக்க வைத்துக் கொள்ளும்  என எதிர்பார்க்கப்படுகிறது. 

]]>
Xiaomi unveils affordable Redmi 4 in India, ஜியோமி வழங்கும் ரெட்மி 4 http://images.dinamani.com/uploads/user/imagelibrary/2017/5/16/w600X390/phone.jpg http://www.dinamani.com/lifestyle/lifestyle-technology/2017/may/16/xiaomi-unveils-affordable-redmi-4-in-india-2703252.html
2674359 லைஃப்ஸ்டைல் தொழில்நுட்பம் டிரோன்களைக் கட்டுப்படுத்தும் “துப்பாக்கி”- சீனக் கண்டுபிடிப்பு! Tuesday, March 28, 2017 02:30 PM +0530  

ஏவுகணைகளையும், அணுகுண்டுகளையும் தாக்கி அழிக்க அதிநவீன தொழில்நுட்பங்களைக் கண்டுபிடித்த வல்லரசு நாடுகளே, டிரோன்கள் எனப்படும் சிறிய ரக பறக்கும் கருவிகளைக் கட்டுப்படுத்த முடியாமல் திணறி வருகின்றன.

மக்கள் கூட்டம் அதிகமுள்ள பகுதிகளில் டிரோன்களில் குண்டுகளை வைத்து அனுப்பி வெடிக்கச் செய்ய பயங்கரவாதிகள் சதித் திட்டங்களைத் தீட்டுகின்றனர். மிக எளிமையான முறையில் நடத்தப்படும் இந்த வகையான தாக்குதல்களால் ஏராளமான மக்கள் உயிரிழப்பார்கள். வெடி மருந்தைச் சுமந்து வரும் டிரோன்களைச் சுட்டு வீழ்த்தினாலும் அது ஆபத்துதான் என்பதால், டிரோன்களைக் கட்டுப்படுத்துவது பெரும் சவாலாக உள்ளது.

இந்த சவாலை சீனா வென்று சாதனை படைத்துள்ளது. ஆம், சட்ட விரோதமாக பறக்கும் டிரோன்களை ரேடியோ சிக்னல் மூலம் தங்கள் கட்டுப்பாட்டுக்குள் கொண்டு வந்து பத்திரமாக தரையிறக்கம் செய்யும் அதிநவீன துப்பாக்கிகளை சீன போலீஸார் பயன்படுத்துகிறார்கள்.

ஒரு கிலோ மீட்டர் தூரத்தில் பறக்கும் டிரோன்களையும் இந்த துப்பாக்கிகள் ரேடியோ சிக்னல் மூலம் சுண்டி இழுத்து தங்கள் கட்டுப்பாட்டுக்குள் கொண்டு வந்துவிடுமாம். இதன் விலை ரூ. 25 லட்சம் வரை இருக்கும் எனக் கூறப்படுகிறது. 

- அ.சர்ஃப்ராஸ்

]]>
தொழில்நுட்பம், trones, controle guns, டிரோன்கள், துப்பாக்கிகள் http://images.dinamani.com/uploads/user/imagelibrary/2017/3/28/w600X390/guns_to_controle_trones.jpg http://www.dinamani.com/lifestyle/lifestyle-technology/2017/mar/28/டிரோன்களைக்-கட்டுப்படுத்தும்-ldquoதுப்பாக்கிrdquo-சீனக்-கண்டுபிடிப்பு-2674359.html
2667741 லைஃப்ஸ்டைல் தொழில்நுட்பம் விண்வெளியில் விளைந்த முட்டைக்கோஸ்! DIN DIN Friday, March 17, 2017 10:44 AM +0530 விண்வெளி ஆய்வு மையத்தில் முதல் முறையாக சீன முட்டைக்கோஸ் பயிரிடப்பட்டு அறுவடை செய்யப்பட்டுள்ளது. புவி ஈர்ப்பு சக்தி இல்லாத விண்வெளியில் புதிய யுத்திகளைப் பயன்படுத்தி ஒரு மாத காலத்தில் இந்த முட்டைக்கோஸ் விளைவிக்கப்பட்டுள்ளது.

இதுகுறித்து சர்வதேச விண்வெளி ஆய்வு மையமான நாசா தெரிவித்துள்ளதாவது:
விண்வெளி ஆய்வு வீரர் பெக்கி விட்சன் இந்த முட்டைக்கோஸை விளைவித்து அறுவடை செய்துள்ளார். அதில் சிலவற்றை விண்வெளி ஆய்வு மையத்தினரே அங்கேயே சாப்பிட்டுவிட்டனர். மீதமுள்ளதை நாசா கென்னடி விண்வெளி மையத்தில் ஆய்வுக்காக வைக்கப்பட்டுள்ளது. பல்வேறு வகை காய்கறிகளை ஆராய்ந்த பிறகு விண்வெளியில் பயிரிட இந்த சீன முட்டைக்கோஸ் தேர்ந்தெடுக்கப்பட்டது.

இது விண்வெளியில் பயிரிடப்படும் ஐந்தாவது பயிராகும். முந்தைய பயிர்களை ஒப்பிடும்போது "டோக்யோ பெக்கன்னா' என்று அழைக்கப்படும் சீன முட்டைக்
கோஸ் சுவைமிகுந்ததாக இருந்தது.

வழக்கமாக விண்வெளியில் உள்ள ஆய்வு வீரர்களின் நாவின் சுவை குறைவாக இருக்கும். புவிஈர்ப்பு சக்தி இல்லாததால் நீர்சத்து உடல் முழுவதும் பரவி இருப்பது இதற்கு காரணம். இதற்காக அவர்கள் சாப்பிடும் உணவில் காரமான சாஸ், தேன், சோயா சாஸ் ஆகியவற்றை அதிமாகப் பயன்படுத்துவார்கள்.

விண்வெளி ஆய்வு மையத்தில் பயிரிடுவதற்காக அடுத்த பயிர் வகை தேர்ந்தெடுக்கப்பட்டுள்ளது. அது சீன முட்டைக்கோஸ் அருகே வைத்து பயிரிடப்படும். அப்போதுதான் எந்த பயிர் விரைவில் அறுவடைக்குத் தயாராகிறது என்பது குறித்தும் தெரிந்துவிடும். 

அடுத்த கட்டமாக அராபிடோபிஸ் எனப்படும் சிறிய வகை பூச்செடியைப் பயிரிடத் திட்டமிட்டுள்ளோம்.  இதன் மூலம் பூமிக்கு வெளியே உள்ள பல்வேறு சூழ்நிலைகளில் செடிகள் எப்படி தங்களை மாற்றிக் கொண்டு வளர்கின்றன என்பது குறித்து அறிந்து கொள்ளலாம். இதன் மூலம் வருங்காலங்களில் விண்வெளியில் பயிர்த் தோட்டங்களை அமைக்கலாம் என்று நாசா நம்பிக்கை தெரிவித்துள்ளது.
- அ.சர்ஃப்ராஸ்

]]>
சீன முட்டைக்கோஸ் , Cabbage, Space research http://images.dinamani.com/uploads/user/imagelibrary/2017/3/17/w600X390/cabbage.jpg http://www.dinamani.com/lifestyle/lifestyle-technology/2017/mar/17/விண்வெளியில்-விளைந்த-முட்டைக்கோஸ்-2667741.html
2667737 லைஃப்ஸ்டைல் தொழில்நுட்பம் தொழில்முனைவோர் பாலி கிளினிக்! Friday, March 17, 2017 10:40 AM +0530 தொழில் முனைவோருக்கான வழிகாட்டுதல்கள், அவர்களுடைய பிரச்னைகளுக்கான தீர்வு, மூலதனம் திரட்டுதல், தொழில் நிறுவனத்தை மேலாண்மை செய்வது குறித்து ஆலோசனைகள் வழங்குவதற்கு தொழில்முனைவோர் பாலிகிளினிக் என்ற முறையில் சென்னை கிண்டியில் 'டான்ஸ்டியா-எஃப்என்எஃப்' என்ற சேவை மையம் இயங்கி வருகின்றது.

புதிதாகத் தொழிலைத் தொடங்க விரும்பும் குறு, சிறு தொழில் முனைவோருக்கு எவ்வாறு அதனைத் தொடங்குவது, எப்படி அதனைப் பதிவு செய்வது, தொழில்நுட்ப உதவிகளை எவ்வாறு பெறுவது உள்ளிட்ட பல்வேறு விவரங்கள் தெரிவதில்லை. அவர்களுக்கு வழிகாட்டவும், ஆலோசனை வழங்கவும், சென்னையில் உள்ள தமிழ்நாடு சிறுதொழில்கள் சங்கம் மற்றும் ஜெர்மனியை சேர்ந்த எஃப்என்எஃப் சேவை மையம் ஆகியவை இணைந்து,  டான்ஸ்டியா-எஃப்என்எஃப் சேவை மையத்தை தொடங்கி இயக்கி வருகின்றது.  

ஏற்கெனவே நடந்து வரும் தொழில் நிறுவனங்களுக்கு தரச்சான்று பெறுதல், வணிக முத்திரை, காப்புரிமை ஆகியவற்றைப் பதிவு செய்தல், ஏற்றுமதி-இறக்குமதி வழிமுறைகள், எரிசக்தி சேமிப்பு, எரிசக்தி தணிக்கை, நலிவுற்ற தொழில் நிறுவனங்களைப் புனரமைத்தல், புதிதாக தொழில் துவங்குபவர்களுக்கு தொழில் திட்ட அறிக்கை தயாரித்து அளித்தல், தொழில் சம்பந்தமான பல்வேறு ஆய்வறிக்கை வெளியிடுதல் ஆகியவற்றை டான்ஸ்டியா-எஃப்என்எஃப் சேவை மையம் செயல்படுத்தி வருகின்றது.   மிகக் குறைந்த அளவு கட்டணம் மட்டுமே வசூலிக்கப்படுகின்றது.

மேலும் தகவல்களுக்கு :
TANSTIA - FNF Service Centre,
B22, Industrial Estate, Guindy, Chennai  600 032.
Ph: 044  225011451  4353440  9940102449
Email: tfsc@tanstiafnf.com
இணையதளம்: http://www.tanstiafnf.com/
 

- எம்.அருண்குமார்

]]>
தொழில்முனைவோர் http://images.dinamani.com/uploads/user/imagelibrary/2017/3/17/w600X390/thozhil.jpg http://www.dinamani.com/lifestyle/lifestyle-technology/2017/mar/17/தொழில்முனைவோர்-பாலி-கிளினிக்-2667737.html
2664284 லைஃப்ஸ்டைல் தொழில்நுட்பம் ஆர்-காம் புதிய சலுகை ரூ.49-க்கு 1ஜிபி டேட்டா!   Saturday, March 11, 2017 03:43 PM +0530  

அனில் அம்பானியின் ரிலையன்ஸ் கம்யூனிகேஷன்ஸ் (ஆர்-காம்) நிறுவனம் அதன் புதிய 4ஜி வாடிக்கையாளர்களுக்கு ரூ.49-க்கு 1 ஜிபி டேட்டா சலுகையை அறிவித்துள்ளது.

இதுகுறித்து அந்த நிறுவனம் வெள்ளிக்கிழமை வெளியிட்டுள்ள அறிக்கையில் தெரிவித்துள்ளதாவது:
ரிலையன்ஸ் கம்யூனிகேஷன்ஸ் நிறுவனம் புதிய 4ஜி வாடிக்கையாளர்களுக்கு "ஜாய் ஆஃப் ஹோலி' என்ற திட்டத்தின் கீழ் அறிமுக சலுகையாக இரண்டு திட்டங்களை அறிவித்துள்ளது.

அதன்படி, ஆர்காம் 4ஜி வாடிக்கையாளர்களின் 1ஜிபிக்கான டேட்டா கட்டணம் வெறும் ரூ.49-ஆக நிர்ணயிக்கப்பட்டுள்ளது. மற்றொரு திட்டத்தின்படி 3ஜிபிக்கான பிக்கான கட்டணம் ரூ.149-ஆகவும், அத்துடன் ஆர்காம் இணைப்புகளுக்கிடையில் வரையரையில்லா உள்ளூர் மற்றும் வெளியூர் அழைப்புகள் இலவசமாக வழங்கப்படும். இதற்கான வேலிடிட்டி காலம் 28 நாட்கள் ஆகும் என்று அந்த அறிக்கையில் தெரிவிக்கப்பட்டுள்ளது.

முகேஷ் அம்பானி தலைமையிலான ரிலையன்ஸ் ஜியோ நிறுவனம் ரூ.303 கட்டணத்தில் 28ஜிபி டேட்டாவை வழங்குவதாக ஏற்கெனவே அறிவித்துள்ளது. இதுதவிர, "பிரைம்' வாடிக்கையாளர்களுக்கு கூடுதலாக 5ஜிபி டேட்டாவை வழங்குவதாகவும் அந்நிறுவனம் தெரிவித்துள்ளது. இந்த நிலையில் போட்டியை எதிர்கொள்ளும் விதமாக, ஆர்-காம் நிறுவனமும் டேட்டாவுக்கான கட்டணத்தைக் கணிசமாகக் குறைத்துள்ளது.

 

]]>
R.com, new offer, reliance, ஆர்-காம், புது சலுகை, ரிலையன்ஸ், இண்டர்நெட் http://images.dinamani.com/uploads/user/imagelibrary/2017/3/11/w600X390/Reliance-Communications.jpg http://www.dinamani.com/lifestyle/lifestyle-technology/2017/mar/11/ஆர்-காம்-புதிய-சலுகை-ரூ49-க்கு-1ஜிபி-டேட்டா-2664284.html
2663672 லைஃப்ஸ்டைல் தொழில்நுட்பம் ஐ10 கார் உற்பத்தியை நிறுத்தியது ஹுண்டாய்! Friday, March 10, 2017 12:14 PM +0530  

தென்கொரியவைச் சேர்ந்த ஹுண்டாய் மோட்டார் இந்தியா நிறுவனம் அதன் பிரபல மாடலான ஐ10 உற்பத்தியை நிறுத்தியது. நவீனரகம் மற்றும் அதிக வசதிகளைக் கொண்ட கார்களின் பக்கம் வாடிக்கையாளர்களின் கவனம் திரும்பியதையடுத்து, ஹுண்டாய் நிறுவனம் இந்த முடிவை எடுத்துள்ளது.

இதுகுறித்து அந்த நிறுவனத்தின் உயரதிகாரி தெரிவித்ததாவது:

ஹுண்டாய் மோட்டார் இந்தியா முதன்முதலாக சிறிய ரக பிரிவில் ஐ10 மாடல் காரை கடந்த 2007-ஆம் ஆண்டு அறிமுகப்படுத்தியது. உள்நாடு மற்றும் வெளிநாடு என இப்போது வரை அந்த மாடலைச் சேர்ந்த 16.95 லட்சம் கார்கள் விற்பனையாகியுள்ளன. ஹுண்டாய் நிறுவனம் இந்தியாவில் வலுவாக காலூன்ற இந்த மாடலின் அறிமுகம் பேருதவி புரிந்தது.

தற்போதைய நிலையில், வாடிக்கையாளர்களின் கவனம் நவீன தொழில்நுட்ப வசதிகளைக் கொண்ட பிரீமியம் வகை கார்களின் பக்கம் திரும்பியுள்ளது. இதனை உணர்ந்து, ஏற்கெனவே ஐ10 கார்களுக்கு மாற்றாக கிராண்ட் ஐ10 மாடல் அறிமுகம் செய்யப்பட்டது. இதற்கு வாடிக்கையாளர்களிடையே வரவேற்பு தொடர்ந்து அதிகரித்து வருகிறது.

இதன் காரணமாக, பழைய ஐ10 மாடல் கார்களின் உற்பத்தி நிறுத்தப்பட்டுள்ளது என்றார் அவர். இந்தியாவில் இரண்டாவது மிகப்பெரிய கார் தயாரிப்பு நிறுவனமாக ஹுண்டாய் திகழ்கிறது. இந்த நிறுவனம் பிரிமியம் பிரிவில் அதிக தயாரிப்புகளை அறிமுகப்படுத்துவதில் தீவிர கவனம் செலுத்தி வருகிறது.

2017-20-ஆம் ஆண்டுக்குள் எட்டு புதிய மாடல் கார்களை அறிமுகம் செய்ய ஹுண்டாய் திட்டமிட்டுள்ளது. அதில் மூன்று தயாரிப்புகள் முற்றிலும் புதியவை. எஞ்சியுள்ள தயாரிப்புகள் தற்போதிருக்கும் மாடல்களின் புதிய பதிப்புகளாக வெளிவரவுள்ளவை.

ஹைபிரிட் வகை கார் தயாரிப்பில் அதிக பங்களிப்பை வழங்கவும் அந்நிறுவனம் திட்டமிட்டுள்ளது. 2018-ஆம் ஆண்டில் அப்பிரிவில் "ஐயோனிக்' மாடல் காரை அறிமுகம் செய்யவுள்ளது.

சுற்றுச்சுழல் மாசுபாடு மிகப்பெரிய பிரச்னையாக உருவெடுத்து வரும் நிலையில், மாற்று எரிபொருள் தொழில்நுட்பத்தில் வாகனங்களை உற்பத்தி செய்யவும், அத்தகைய தயாரிப்புகளுக்கு அரசிடமிருந்து ஊக்குவிப்பு சலுகைப் பயன்களை பெறவும் நிறுவனம் திட்டமிட்டுள்ளது.

ஹுண்டாயின் ஹைபிரிட் ரக கார்கள் இன்னும் இந்தியாவில் அறிமுகம் செய்யப்படவில்லை என்பது குறிப்பிடத்தக்கது.

]]>
hyundai i10 cars, out of sale, hyundai, south korea, ஹூண்டாய், ஹூண்டாய் ஐ10, உற்பத்தி நிறுத்தம் http://images.dinamani.com/uploads/user/imagelibrary/2017/3/10/w600X390/i10-blue-drive-.jpg http://www.dinamani.com/lifestyle/lifestyle-technology/2017/mar/10/ஐ10-கார்-உற்பத்தியை-நிறுத்தியது-ஹுண்டாய்-2663672.html
2657628 லைஃப்ஸ்டைல் தொழில்நுட்பம் கண் அசைவில் பேச்சை உணர்த்தும் கெஜ்ஸ்பீக் செயலி! Tuesday, February 28, 2017 03:39 PM +0530  

அமியோடிரோபிக் லேடரல் ஸ்க்லெரோசிஸ் என்ற நோயால் பாதிக்கப்பட்டவர்களுக்கு மூளையைத் தவிர, உடலின் பிற பகுதிகள் செயல்படாது. அவர்கள் என்ன பேச விரும்புகிறார்கள்? என்பதும் யாருக்கும் தெரியாது. 

அதைத் தெரிந்து கொள்ள, அவர்களுடைய கண் அசைவே போதும் என்கிறது நவீன தொழில்நுட்பம். ஆம். அவர்களுடைய கண் அசைவின் மூலம் அவர்கள் பேச விரும்புவதை துல்லியமாகப் பதிவு செய்து ஒளிவடிவாக வெளிப்படுத்துகிறது மைக்ரோசாப்ட் நிறுவனம் உருவாக்கியுள்ள "கெஜ்ஸ்பீக்' எனப்படும் செயலி.

இந்தச் செயலியை வடிவமைத்த ஜியாய் ஜாங் கூறுகையில், "அமியோடிரோபிக் லேடரல் ஸ்க்லெரோசிஸ் நோயால் பாதிக்கப்பட்டவர்களின் கண் நரம்புகள்தான் கடைசியாகச் செயலிழக்கும். ஆகையால் அவர்களின் கண் அசைவு மட்டும் இறுதி மூச்சு வரை இருக்கும்.

அந்த கண் அசைவின் சமிக்ஞையை ஸ்மார்ட் போனில் உள்ள கேமராவின் மூலம் "கெஜ்ஸ்பீக்' செயலி துல்லியமாக கண்காணிக்கும் வகையில் உருவாக்கப்பட்டுள்ளது. 

ஆங்கில எழுத்துகளை 4 பெட்டிகளாக 4 திசைகளில் பிரிக்கப்பட்ட ஸ்டிக்கர் செல்லிடப்பேசியின் பின்புறத்தில் ஒட்டப்பட்டிருக்கும்.

செல்லிடப் பேசியின் கேமராவை அவர்களின் நேருக்கு நேர் வைத்து, அந்த எழுத்துகளை அவர்களின் கண்கள் 2 நொடிகள் கூர்ந்து பார்க்கும்படி செய்தால் போதும். அவர்களின் கண் அசைவின் மூலம் அந்த எழுத்துகள் அடங்கிய வார்த்தை "கெஜ்ஸ்பீக்' ஆப் செல்லிடப் பேசியில் வெளிப்படும். அடுத்த பெட்டியில் இருக்கும் வார்த்தையை அவர்கள் மீண்டும் இதே போல நோக்கும் போது, அந்த வார்த்தை என்னவாக இருக்கும் என்பதை "கெஜ்ஸ்பீக் ஆப்' தெரிவு செய்து நான்கு வார்த்தைகளை செல்லிடப்பேசியில் தெரிவிக்கும். அதை நாம் உறுதி செய்தவுடன் அந்த வார்த்தை செல்லிடப்பேசியில் உள்ள ஸ்பீக்கரில் ஒலிக்கும். இப்படி அவர்கள் என்ன பேச விரும்புகிறார்கள் என்பதைத் தெரிந்து கொள்ளலாம்.

இந்த செயலி விரைவில் பயன்பாட்டுக்கு வர உள்ளது. அமியோடிரோபிக் லேடரல் ஸ்க்லெரோசிஸ் நோயால் பாதிக்கப்பட்ட 20 பேரிடம் இந்த "கெஜ்ஸ்பீக் ஆப்' சோதிக்கப்பட்டது. அப்போது, சராசரியாக ஒரு முழு வரியைச் சொல்ல ஒருவருக்கு 78 நொடிகள் ஆனது. இந்தச் செயலியைத் தொடர்ந்து பயன்படுத்தினால் இந்த கால அளவு மேலும் குறையும்'' என்கிறார் ஜியாய் ஜாங்.

சாதாரண செல்லிடப் பேசியிலும் பயன்படுத்தக் கூடிய இந்த "கெஜ்ஸ்பீக் ஆப்' உடல் உறுப்புகள் செயல் இழந்தவர்களுக்கு மறுபிறவி சாதனம் என்றே கூறலாம்.

- அ.சர்ஃப்ராஸ்

]]>
gaze speaker, smartphone app, கெஜ்ஸ்பீக், ஸ்மார்ட்ஃபோன் செயலி, அமியோடிராபிக் லேட்டரல் ஸ்கிளிரோசிஸ் http://images.dinamani.com/uploads/user/imagelibrary/2017/2/28/w600X390/kejspeak_teck_news.jpg http://www.dinamani.com/lifestyle/lifestyle-technology/2017/feb/28/கண்-அசைவில்-பேச்சை-உணர்த்த-கெஜ்ஸ்பீக்-செயலி-2657628.html
2653579 லைஃப்ஸ்டைல் தொழில்நுட்பம் இந்த ஏ.சி க்கு மின்சாரமே தேவையில்லை! Tuesday, February 21, 2017 02:40 PM +0530  

வசதி படைத்தவர்கள் மட்டும் பயன்படுத்தி வந்த குளிர்சாதன வசதி (ஏ.சி.) இன்று அனைவரிடமும் விரிவடைந்து உள்ளது. குளிர்சாதன வசதிகளுக்கு மக்கள் அடிமையாகியும் உள்ளனர். பெரு நிறுவனங்களில் பயன்படுத்தப்படும் பெரிய அளிவிலான குளிர்சாதன இயந்திரங்களால் ஓசோன் மண்டலம் பாதிக்கப்படுவது ஒருபுறம் இருக்க, அதனை இயக்கத் தேவைப்படும் அதிகமான மின்சாரம், நீர் ஆகியவற்றால் இயற்கை வளம் அழித்து வருகிறது.

இதற்கு தீர்வு காணும் வகையில் அமெரிக்காவின் கொளாரடோ பல்கலைக்கழக விஞ்ஞானிகள், மின்சாரம், நீர் ஆகியவற்றைப் பயன்படுத்தாமல் குளிர்சாதன வசதியை ஏற்படுத்தும் மெல்லிய வடிவிலான ரேடியேடிவ் கூலிங் பிலிமை உருவாக்கி சாதனை படைத்துள்ளனர்.

சூரியனின் கதிர் வீச்சை வைத்தே குளிர்சாதன வசதி பெறும் இந்த வகையிலான பிலிமை இயக்க மின்சாரமோ, குடிநீரோ தேவையில்லை என்பதுதான் பெரும் ஆச்சரியம். குறைவான செலவில், சுற்றுச்சூழலுக்கும் பாதிப்பு ஏற்படுத்தாமல் இருக்கும் இந்த புதிய கண்டுபிடிப்பு குறித்து கொளாரடோ பல்கலைக்கழகத்தின் உதவி பேராசிரியர் ஜியாபோ இன் கூறுகையில், ""தெள்ளத்தெளிவாக இருக்கும் பாலிமர்களில் கண்ணாடித் துகள்களை இணைத்து அதன் மேல் வெள்ளியால் பூசப்பட்ட இந்த பிலிம்தான், சூரியக் கதிர்களின் வெப்பத்தை இழுத்துக் கொண்டு குளிரூட்டுகிறது.

 

அலுமினியம் பாயிலை விட சற்று தடிமனாக இருக்கும் இந்த பிலிமை பெரும் நிறுவனங்கள், தொழிற்சாலைகள், வீடுகள் ஆகியவற்றின் மேல் ஒட்டினால் போதும், குளிர்ந்த காற்றைப் பெறலாம்.  குறைவான செலவில் உருவாகக் கூடிய இந்த குளிர்சாதன வசதி அளிக்கும் பிலிம்கள் உலகம் முழுவதும் மாற்றத்தை ஏற்படுத்தும். வெறும் 10 முதல் 20 சதுர அடிக்கு இந்த பிலிமை 4 பேர் வாழும் வீட்டின் மாடியில் ஒட்டினால்போதும் கோடைக்காலங்களில் வீட்டில் குளிர்ந்த காற்று வீசும். இதன் சோதனையும் வெற்றி பெற்றுள்ளது'' என்றார்.

- அ.சர்ஃப்ராஸ்

]]>
ஏ.சி, கூலிங் ஃபிலிம், A.C, radiative cooling film AC, NO ELECTRICITY http://images.dinamani.com/uploads/user/imagelibrary/2017/2/21/w600X390/cooling_film.jpg http://www.dinamani.com/lifestyle/lifestyle-technology/2017/feb/21/இந்த-ஏசி-க்கு-மின்சாரமே-தேவையில்லை-2653579.html
2650019 லைஃப்ஸ்டைல் தொழில்நுட்பம் கண்ணுக்குத் தெரியாத ரோபோ! அ.சர்ஃப்ராஸ் Wednesday, February 15, 2017 11:49 AM +0530 விஞ்ஞான உலகில் ரோபோகளைத் தயாரிக்கும் தொழில்நுட்பம் பல்வேறு வடிவங்களைப் பெற்றுள்ளது. அந்த வகையில் தண்ணீரில் செல்லும் கண்ணுக்கே தெரியாத மென்மையான ரோபோவை அமெரிக்காவின் மசாசூஷெட்ஸ் தொழில்நுட்ப பல்கலைக்கழகம் பொறியாளர்கள் கண்டுபிடித்து சாதனை படைத்துள்ளனர்.

ஜெல்லி மீன்களைப்போல் இருக்கும் இந்த மென்மையான ரோபோ வெறும் தண்ணீரால் இயக்கப்படுகிறது. இதுகுறித்து கடந்த 5 ஆண்டுகளாக இந்த ஆராய்ச்சியில் ஈடுபட்டு வரும் அந்தப் பல்கலைக்கழகத்தின் பொறியாளர் குழுத் தலைவர் ஜுனே ஸஹோ கூறுகையில், "இந்த வகையிலான மென்மையான ரோபோக்கள் "ஹைட்ரோஜெல்' மூலம் உருவாக்கப்பட்டுள்ளன. 

இவை பார்ப்பதற்கு தெள்ளத் தெளிவாகவும் ரப்பர் இணைப்புகள் மூலம் இணைக்கப்பட்டுள்ளன. இதில் வெறும் தண்ணீரை மட்டும் ஊசி மூலம் செலுத்தினால் போதும், இந்த வகையிலான ரோபோக்களுக்கு அசையும் தன்மை கிடைத்துவிடும்.

அதன்படி, ஒரு மீனைப்போன்ற வடிவில் இறக்கைகள், வால், உடல் பகுதிகளை ஹைட்ரோஜெல்லால் உருவாக்கி லேசர் மூலம் துல்லியமாக கட் செய்து, அதில் தண்ணீரைச் செலுத்தி சோதித்தோம். அது ஜெல்லி மீனைப்போல் தண்ணீரில் நீந்தியது.

இந்த ரோபோக்கள் தண்ணீரில் இருக்கும்போது யாராலும் கண்டுபிடிக்க முடியாது. தண்ணீரில் இருந்தபடியோ ஒரு பந்தை உதைக்கும் அளவுக்கு சக்தி இந்த ரோபோக்களுக்கு கிடைக்கிறது. பின்னர் தண்ணீரில் இருந்து வெளியே எடுத்த பிறகு, ஹைட்ரோஜெல்லில் உள்ள நீரை மீண்டும் ஊசி வைத்து உறிஞ்சி எடுத்தால் மீண்டும் பழைய நிலைக்கே இந்த ரோபோக்கள் வந்துவிடுகின்றன.

மற்றொரு சோதனையில், ஹைட்ரோஜெல்லை நீண்ட கைகளைப்போல் உருவாக்கி தண்ணீர் தொட்டியில் உள்ள ஒரு வளர்ப்பு மீனைப் பிடிக்க வைத்தோம். அதுவும் வெற்றி பெற்றது.

வழக்கமான ரோபோ மூலம் மீனைப் பிடித்தால் பிடிபடும் மீனுக்குப் பாதிப்பு ஏற்படும். ஆனால் இந்த மென்மையான ரோபோ மீனை மென்மையாகப் பிடித்து பின்னர் வெளியிட்டது. இது எங்கள் ஆராய்ச்சிக்கு கிடைத்த மிகப்பெரிய வெற்றி.

அடுத்தகட்டமாக "ஹைட்ரோஜெல்' ரோபோவை மருத்துவத் துறையில் பயன்படுத்துவது குறித்து ஆராய்ச்சியில் ஈடுபட்டுள்ளோம். அறுவைச் சிகிச்சையின்போது மனிதர்களின் மென்மையான தசைப்பகுதிகளை கையாள ஹைட்ரோஜெல் கைகளை உருவாக்குவது குறித்து ஆலோசிக்கப்பட்டு வருகிறது'' என்கிறார் ஜுனே ஸஹோ. 
 

]]>
jelly fish like robo, ரோபோ http://images.dinamani.com/uploads/user/imagelibrary/2017/2/15/w600X390/invisible_robo.jpg http://www.dinamani.com/lifestyle/lifestyle-technology/2017/feb/15/கண்ணுக்குத்-தெரியாத-ரோபோ-2650019.html