Dinamani - ஸ்பெஷல் - http://www.dinamani.com/lifestyle/lifestyle-special/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3004261 லைஃப்ஸ்டைல் ஸ்பெஷல் பல்லாவரம் காந்தி மீன் மார்க்கெட்... வகை வகையான மீன்களை விளக்கும் யூ டியூப் காணொளி! பரணி Thursday, September 20, 2018 12:26 PM +0530  

இதென்னடா இது? புரட்டாசி மாசத்தில் மீன் வாங்குவதைப் பற்றி பேசிக் கொண்டிருக்கிறீர்களே? என்று சைவப் பட்சிணிகள் ஆட்சேபிக்கலாம். ஆனால், நேற்று ஃபேஸ்புக்கில் சினேகிதி ஒருவர் மதிய உணவுக்கு மத்தி மீன் குழம்பு வைத்து வஞ்சிரத்தைப் பொரித்து, இறாலை வறுத்து, சுறாவைப் புட்டு செய்து, நண்டு மசாலா செய்து சாப்பிட்டதாக பதிவிட்டிருந்தாரா? அதைக் கண்டதும் புரட்டாசியில் அசைவம் சாப்பிடக் கூடியவர்கள் இருக்கிறார்களே, அவர்களுக்கு இந்தத் தகவல் உதவுமே என்ற ஒரு பொதுவான நோக்கில் இந்த காணொளியைப் பகிர்கிறோம். புரட்டாசி மாதத்தில் அசைவம் தவிர்க்கப்பட வேண்டியதின் அவசியம் குறித்து பலர் ஒப்புக் கொண்டாலும் எல்லா மாதங்களிலும் அசைவம் குறிப்பாக கடல் உணவுகளைப் பேருவகையுடன் உண்ணும் பிரிவினர் இருக்கத்தான் செய்கிறார்கள். அவர்களுக்கு மார்கழி கிடையாது, சித்திரை கிடையாது, புரட்டாசி கிடையாது, ஏன் நாள், கிழமை கூட கிடையாது. அதைப் பற்றியெல்லாம் அவர்கள் பெரிதாக அலட்டிக் கொள்வதில்லை. அதுசரி நாணயத்திற்கு இருபக்கம் என்பதைப்போல ஒரு சாரர் அப்படி இருந்தால் பிறிதொரு சாரர் இப்படியும் இருக்கத்தான் செய்வார்கள். அது தானே சமநிலை.

அட ஒரு மீன் மார்க்கெட் காணொளிக்கு இத்தனை வியாக்யானம் தேவையில்லை தான். ஆனாலும், யாராவது ஆட்சேபிக்கும் முன் நாமாக முன்வந்து சமாதானம் சொல்லி வைத்து விடுவது உத்தமம் இல்லையா?

பல்லாவரம் காந்தி மீன் மார்க்கெட் காணொளி...

 

யூ டியூபில்  ‘மது சமையல்’ என்ற பெயரில் ஒருவர் விதம் விதமான சமையல் குறிப்புகள் வழங்கி அசத்தி வருகிறார். அவரது காணொளிகளில் எனக்கு முதலில் காணக் கிடைத்தது இந்த பல்லாவரம் காந்தி மீன் மார்க்கெட். புதிதாக மீன் வாங்க மார்க்கெட் செல்பவர்களுக்கு இந்த காணொளி நிச்சயம் பயனுள்ளது. மிகத்தெளிவாக பலவகை மீன்களையும் அவற்றுடன் பெயர்களுடன் விளக்குகிறார். காணொளியின் கடைசியில் மீன் வாங்க கீழுள்ள மூன்று டிப்ஸ்களையும் வழங்கி இருக்கிறார்.

மீன் வாங்கும் போது அது ஃப்ரெஷ் மீனா அல்லது பழைய மீனா என்று கண்டுபிடிப்பதில் பலருக்கும் குழப்பமுண்டு. வழக்கமாக வாரா வாரம் மீன் வாங்கி சமைத்து உண்பவர்களுக்கே கூட இதில் சில தடுமாற்றங்கள் உண்டு. மீன் வாங்கும் முன்பு எதையெல்லாம் சோதித்துப் பார்த்து உறுதி செய்து கொண்டு பிறகு மீன் வாங்கினால் திருப்தியாக இருக்குமென்று தோன்றியதோ அதையெல்லாம் இங்கு பட்டிலிடுகிறோம். குழப்பமிருப்பவர்கள் சரி பார்த்துக் கொள்ளுங்கள்.

வாங்கப் போகும் மீனைத் தொட்டுப் பாருங்கள். விரல் வைத்து அழுத்தினால் மீன் ‘கிண்’ னென்று இருக்க வேண்டும். விரல் உள்ளே பதியும் அளவுக்கு மீனின் உடல் இளகியிருந்தால் அது பழைய மீன் என்று அர்த்தம்.

மீனின் கண்களுக்குக் கீழிருக்கும் செதில் பகுதியைத் தூக்கிப் பார்த்தால் ஃப்ரெஷ் மீன் என்றால் நிறம் ரத்தச் சிவப்பில் இருக்கும். பழைய மீன் என்றால் சிவப்பு நிறம் மாறி அழுக்குப் பழுப்பு நிறம் வந்து விடும். மீனின் செதிலுக்கு அடியில் இப்படி நிறம் மாறி இருப்பின் அப்படியான மீன்களைத் தவிர்த்து விடுதல் நல்லது.

அடுத்ததாக மீனின் கண்களைச் சோதியுங்கள். மீனின் கண்கள் பொலிவுடன் கலங்கல் இல்லாது மினுங்கினால் அது ஃப்ரெஷ் மீன். கண்கள் பொலிவிழந்து மங்கலாக இருந்தால் அது பழைய மீன்.

கடல் உணவுப் ப்ரியர்களுக்கு இது பயனுள்ளதாக இருக்கலாம்.

]]>
Pallavaram Gandhi Fish market video, பல்லாவரம் காந்தி ஃபிஷ் மார்க்கெட், மது சமையல், யூ டியூப் காணொளி, madhu samaiyal, lifestyle special, home sweet home http://images.dinamani.com/uploads/user/imagelibrary/2018/9/20/w600X390/fish_market.jpg http://www.dinamani.com/lifestyle/lifestyle-special/2018/sep/20/pallavaram-gandhi-fish-market-video-3004261.html
3000241 லைஃப்ஸ்டைல் ஸ்பெஷல் ‘தினமணியும் நானும்’  - வாசகர் ம.சுந்தரமகாலிங்கம்! கார்த்திகா வாசுதேவன் DIN Friday, September 14, 2018 03:54 PM +0530  

தினமணி ஆசிரியர் அவர்களுக்கு, 

என் பெயர் ம.சுந்தர மகாலிங்கம். வயது 67. விருதுநகர் மாவட்டம்  ஸ்ரீவில்லிபுத்தூர் பிறந்து வளர்த்த ஊர். மாயாண்டிபட்டி தெருவில் உள்ள திரு மா.கோவிந்தன் பி.ஏ.  நினைவு ஆரம்ப பள்ளியில் 1 முதல் 5 ம் வகுப்பு. பள்ளிக்கு  தினமணி பத்திரிக்கை வரும். 1962ம் ஆண்டு என ஞாபகம்.   5ம் வகுப்பு படிக்கும் காலத்தில் காலை  வணக்கத்தை தொடர்ந்து பள்ளி கட்டிடம் முன்னே தினமும் அன்றய தினமணி  செய்தித்தாளில் வந்த  செய்திகளின் சுருக்கம் ஆசிரியரின் உதவியோடு தயாரித்து வாசித்தது மங்கிய நினைவாக இருக்கிறது.

இப்போது தர்மபுரியில் தற்காலிகமாக இருக்கிறேன். தொழில் மையம் அருகே உள்ள எர்ரபட்டியில் உள்ள ஒன்றிய பள்ளியில் இப்போது அதுபோல் குழந்தைகள் தலைப்பு செய்திகளை வாசிப்பதை காணும் சந்தர்ப்பத்தில் அரை ட்ரையர் போட்டு அன்று படித்தது நினைவுக்கு வரும்.

சில வருடங்கள் பத்திரிக்கை வாசிக்க வில்லை. உயர்நிலை பள்ளியில் 9, 10, 11 ம் வகுப்பு படிக்கையில் ஆண்டாள் கோவில் அருகே உள்ள பென்னிங்டன் நூலகத்தில்   தினமணி படிக்கும் பழக்கம் மீண்டது.  பென்னிங்டன் நூலகம் சென்னை கன்னிமாரா நூலகத்துக்கு இணையானது; அறகட்டையையால் இன்றும் சிறப்பாக நடக்கிறது.

பின் 1969-70ல் பி.யு.சி. படிப்புக்காக திருநெல்வேலி மாவட்டம்  ஆழ்வார்குறிச்சி. அப்போது ஆழ்வார்குறிச்சி சிறிய கிராமம். பத்திரிக்கை படிக்கவில்லை. 1970-71 ல் மதுரை தியாகராஜர் பொறியியற் கல்லூரியில் சேர்ந்த பிறகு தினமணி படிப்பது தொடர்ந்தது; தொடர்கிறது.

ஆசிரியர் ஏ.என். சிவராமன் எழுத்துகள் படித்தது ஞாபகம். ஏ.என்.எஸ். அவர்கள் பல புனை பெயர்களில் பொருளாதாரம், அரசியல் குறித்து எழுதியவை விரும்பி படித்ததவை. ஜெர்மனியின் விகிதாசார தேர்தல் முறைகள் பற்றி எழுதியவை குறிப்பிடத்தக்கது. ஏ.என்.எஸ். அவர்களின் புனை பெயர் களில் ஒன்று “ஒன்னரை ஏக்கர் சொந்தக்காரன்” என்பதாக ஞாபகம்.

இப்போது தலையங்கங்கள் மற்றும் நடுப்பக்க கட்டுரைகள்,   செவ்வாய் கிழமை "இளைஞர் மணி ", புதன் கிழமையின் "மகளிர் மணி", ஞாயிற்று கிழமையின் "கொண்டாட்டம்", "தமிழ் மணி"   மற்றும் "கதிர்" படிக்கிறேன்.

சில தலையங்கங்கள் -குறிப்பாக - வரலாற்று பிழை (01 செப்.2018) - இந்தியர்கள் என்றால் இளக்காரமா (27 ஆகஸ். 2018) - சரிகிறதே ரூபாய் (22 ஆகஸ். 2018) - இதனால் ஆயிற்றா? (13 ஜூலை 2018) - சமச்சீராக இல்லாத வளர்ச்சி (22 ஜூன் 2018) - போன்றவை குறிப்பிட்டு சொல்ல வேண்டியவை; தேசிய சிந்தனையும் தேசத்தின் மீது அக்கறையும்  கொன்டவை.

தருமபுரி பதிப்பு தொடங்கப்பட்டமைக்கு  பாராட்டுக்கள்.

நான் 67. தினமணியோ 85. வாழ்த்துவது என்பது சம்பிரதாயம். 85ம் ஆண்டில் அடி எடுத்து வைக்கும் தினமணிக்கு வாழ்த்துக்கள்.  

ம.சுந்தரமகாலிங்கம்

படம்: சித்தரிப்பு

]]>
ம.சுந்தரமகாலிங்கம், தினமணியும் நானும், வாசக அனுபந்தம், தினமணி, dinamaniyum nanum, my journey with dinamani, http://images.dinamani.com/uploads/user/imagelibrary/2018/9/14/w600X390/dinamani_model3.jpg http://www.dinamani.com/lifestyle/lifestyle-special/2018/sep/14/my-journey-with-dinamani-4-3000241.html
3000235 லைஃப்ஸ்டைல் ஸ்பெஷல் தினமணியும் நானும் - வாசக அனுபந்தக் கடிதங்கள்! கார்த்திகா வாசுதேவன் DIN Friday, September 14, 2018 02:56 PM +0530  

1. வாசகர் பாரதிராஜனிடம் இருந்து வந்த மின்னஞ்சல்...

ஆஹா நல்ல தலைப்பு!

என்னுடைய 6 வது வயதில் காஞ்சிபுரம் மாவட்டத்தில் உள்ள பாலாற்றங்கரையில் அமைந்துள்ள புது சீவரம் என்றும் வாலாஜாபாத் என்ற கிராமத்தில் முதல் முதலாக திணமனி நாளிதழில் இருந்து தொடங்குகிறேன்.என் அம்மா காலமான பின்னர் என் அம்மாவின் அப்பா அதாவது என் பாட்டனார் மறைந்த முன்னாள் தலைமை ஆசிரியர் இந்து மத பாடசாலை திரு.கே.சி.இராஜகோபாலாச்சாரி அவர்கள் பள்ளியில் தான் நான் 7 ஆம் வகுப்பு வரை வாசித்தேன்.என் பாட்டனார் வீட்டுக்கு த்தான் தமிழ் செய்தித்தாள்கள் திணமனி, சுதேசமித்திரன் , ஆங்கில நாளிதழ் ஹிந்து, இந்தியன் எக்ஸ்பிரஸ் மற்றும் வார இதழ்கள் குமுதம், ஆனந்த விகடன்,கல்கி , சுதேசமித்திரன் மற்றும் மாத இதழ் களான கலைமகள்,மஞ்சரி போன்றவை வரும் . என் பாட்டனார் செய்தித்தாள்களில் வரும் தலைப்பு செய்திகள் அவர் சொல்ல நான் எழுதிய பின் பாடசாலை போர்டில் எழுதப்படும் அனைவரும் தெரிந்துகொள்ள வசதியாக இருந்தது அப்போது , இப்போது இம்மாதிரி இல்லை என்பது சற்றே வருத்தப்பட வேண்டிய விஷயம்.அதன்மூலம் நான் செய்தித்தாள்கள் படிக்கும் பழக்கத்தை ஏற்படுத்திக் கொண்டேன்.இந்திரா அவர்களின் எமர்ஜென்சி காலமட்டுமல்ல செல்வி ஜெயலலிதா அவர்கள் 2003 ல் தமிழக அரசு ஊழியர் கள் மேல் நடத்திய விவரங்கள் உடனுக்குடன் திணமனி நாளிதழில் படித்து அனைவரும் தெரிந்து கொண்டனர்.மேலும் திரு .ஏ.என் சிவராமன் அவர்கள் ஆசிரியராக இருந்த போது அவரை பலமுறை சந்தித்து உரையாடி இருக்கிறேன்.பிறகு திரு.இராம‌.சம்பந்தம் , என் இனிய நண்பர் திரு .மாலன், எக்ஸ்பிரஸ் எஸ்டேட் அண்ணா சாலை யில் இருந்த போது நிறைய முறை அலுவலகம் சென்று வந்தேன்.மறக்க முடியாத நினைவுகள்.தற்போது அம்பத்தூர் தொழில்பேட்டை வந்த பின்னரும் அலுவலகம் செல்வது தொடர்கிறது . நாளிதழ் மேலும் மேலும் வளர வாழ்த்துக்கள். 

பாரதிராஜன்.

பெங்களூரில் இருந்து.

2. வாசகர் பிரதீப் குமாரிடமிருந்து வந்த மின்னஞ்சல்

Dear Dinamani,


One of the prestigious newspaper which I ever prefer to read at online is DINAMANI.com

It has the contents like what you mentioned has your vision. 

Every topic it makes to read and get to know right information. 
Thank you for all your efforts.

Convey my regards to all Editor, Journalists, Technicians, Delivery Persons, Agents, News Reporters and all associates.

Keep up your great SPIRIT & continue your great SUPPORT.

Regards,
Pradeep Kumar. R

3. வாசகர் அருளானந்திடம் இருந்து வந்த மின்னஞ்சல்...

தமிழில் விருப்பமான ஒரு நாளிதழ்  உண்டென்றால் அதில் தினமணிக்கு தான் முன்னுரிமை கொடுப்பேன். ஏனெனில் வாசகர்களுக்கு எது தேவை என்பதை மிகவும் நேர்த்தியாக நாளிதழுக்கான இலக்கணக்கூறுகளுடன் உள்ளூர் செய்தி முதல் உலக செய்தி வரை பக்கம் பக்கமாக தெளிவாக இருக்கும் மற்ற செய்தி தாள்களை போல் விளம்பரங்கள் க்ரைம் செய்திகள் அதாவது கொலை கொள்ளை பற்றிய செய்திகள்  மிகவும் அரிதாக தான் இருக்கும் அதேபோல் அரசியல் சார்ந்த செய்திகளிலும் நடுவுநிலை தவறாது மக்களுக்கு கருத்தினை வழங்குவது என்போன்ற போட்டித்தேர்வு மாணவர்களுhttp://www.dinamani.comக்குத் தேவையான அன்றாட நடப்பு நிகழ்வுகள் குறிப்பு களுக்கு ஏற்ற சிறந்த நாளிதழ் என்றால் அது தினமணி என்று கூறினால் அது மிகையாகாது அதேபோல் இன்று விரல்நுனியில் உலகம் சுருங்கி விட்டபோதிலும் காலத்திற்கேற்ப தன்னை மெருகேற்றிக்கொண்டிருக்கிறது  அத்தகைய தினமணிக்கு இன்று பிறந்தநாள் வாழ்த்துக்கள் கூறுவதில் நான் பெருமை கொள்கிறேன்.

அருளானந்தம்

 

4. வாசகர் மகேஷ்குமாரிடம் இருந்து வந்த மின்னஞ்சல்...

வாழ்த்துக்கள். நான் தினமணி பத்திரிக்கையை விரும்பி வாசிப்பதற்கு காரணம். உணர்சசிகளுக்கு முக்கியத்துவம் அளிக்காமல் செய்திகளை செய்தியாய் சொல்லும் தன்மை. தரம் தாழ்ந்த விமர்சனங்களை தவிர்த்தல். முக்கியமாக இடதுசாரி வலதுசாரி பார்வைகளை தவிர்த்து, நடுநிலையில் நிற்கும் தன்மை. இது தான் நமது நாட்டின் தற்போதைய தேவை. ஆனால் இந்த தகுதியுடன் இருக்கும் பார்வை எந்த பத்திரிகை, தொலைக்காட்ச்சி ஊடகத்திலும் பார்க்கவே முடிவதில்லை. தினமணி மட்டுமே இந்த தகுதிகளுடன் உள்ளது. இருக்கும் வர்த்தக, அரசியல் நெருக்கடிகளில் இந்த தகுதியை தயவு செய்து இழந்து விடாதீர்கள். இது கமெண்ட் அல்ல. தினமணிக்கு நான் எழுதும் கடிதம் எனவே எண்ணிக்கொள்ளுங்கள். 

மகேஷ் குமார்.
குவைத்.
சிவில் என்ஜினியர்.

]]>
My Journey with Dinamani, தினமணியும் நானும், வாசக அனுபந்தம், readers contribution, dinamani VS readers, www.dinamani.com http://images.dinamani.com/uploads/user/imagelibrary/2018/9/14/w600X390/dinamani_model2.jpg http://www.dinamani.com/lifestyle/lifestyle-special/2018/sep/14/my-journey-with-dinamani---3-3000235.html
3000225 லைஃப்ஸ்டைல் ஸ்பெஷல் ‘தினமணியும் நானும்’ வாசகர் பாலகிருபாகரன்! கார்த்திகா வாசுதேவன் DIN Friday, September 14, 2018 01:13 PM +0530  

‘தினமணியும் நானும்’


நான் இலங்கையிலுள்ள முன்னணி தமிழ் பத்திரிக்கை நிறுவனங்களில் ஒன்றான தினக்குரலில் சுமார் 20 வருடங்களாக ஊடகவியலாளராக உள்ளேன். இதில் 15 வருடங்களாக நாடாளுமன்ற செய்தியாளராகவும் உள்ளேன். அத்துடன் தினமணியின் நீண்டகால வாசகனாகவும் உள்ளேன். தினமணி 85 ஆவது பிறந்த நாளை கொண்டாடுவதில் பெரு மகிழ்ச்சி.
 
எனது ஊடகத்துறை வளர்ச்சிக்கு தினமணியும் ஒரு பிரதான காரணம், அதற்கு முதலில் பிரதம ஆசிரியர் கே.வைத்தியநாதன் அவர்களுக்கு எனது நன்றிகள். இலங்கையில் உள்ள ஊடகவியலாளன் ஒருவனுக்கு தமிழ் நாட்டிலுள்ள  தினமணி எப்படி உதவியது என நீங்கள் நினைக்கலாம். நான் 20 வயதில் தினக்குரல் ஊடாக  பத்திரிகைத்துறையில் பயிற்சி பத்திரிகையாளராக காலடி எடுத்து வைத்த போது  அப்போது செய்தி ஆசிரியராகவும் பின்னர் பிரதம ஆசிரியராகவும் இருந்த வீரகத்தி தனபாலசிங்கம் அவர்கள் எனக்கு கூறிய அறிவுரை நீ சிறந்த தொரு ஊடகவியலாளராக  வேண்டுமானால் செய்திகள் ,கட்டுரைகளை சுருக்கமாகவும் தெளிவாகவும் எழுதிப்பழகிக் கொள், அவ்வாறு எப்படி எழுதுவதென்பதை நீ தெரிந்து கொள்ள  வேண்டுமானால் தினமணியில் வெளிவரும் செய்திகள் ,,கட்டுரைகளை தினமும் படி, என்பது தான்.

அன்றிலிருந்து இன்றுவரை நான் தினமணியை இணையமூடாக தினமும் படித்துவிடுவேன். [ஏனெனில் கொழும்பில் தினமணியை ஒரு சில இடங்களில் மட்டுமே பெற்றுக்கொள்ள முடியும்] அதிலும் ஆசிரியர் தலையங்கங்களை ஒரு நாளும் தவற விட்டது  கிடையாது.ஒரு சிறு பத்திக்குள் ஒரு பாரிய விடயத்தை ஆசிரியர் அலசியிருக்கும் விதம் அற்புதம் ,ஆச்சரியம். ஒரு நாட்டின்,.ஒரு இனத்தின் பிரச்சினைகளைக்கூட   இவ்வளவு சிறிய பத்திக்குள் காத்திரமாக கூறிவிட முடியுமென்பதை தினமணி ஆசிரியர் தலையங்கமூடாகவே நான் கற்றுக்கொண்டேன். அதிலும் இலங்கை தொடர்பாக  எழுதப்பட்டிருக்கும் ஆசிரியர் தலையங்கங்கள் இங்குள்ள நாம் கூட சிந்திக்காத ,வகையில் அமைந்திருப்பதை பார்த்து,படித்து நான் ஆச்சரியப்பட்ட நாட்கள் பல அதனால்.  தினமணி ஆசிரியர் தலையங்கங்களை எமது பத்திரிகையில் நாம் பல தடைவைகள் நன்றி தினமணி என்ற குறிப்புடன் மறு பிரசுரம் செய்துள்ளோம்..

அடுத்ததாக தினமணியில் வெளிவரும் கட்டுரைகள் .வடிகட்டியெடுக்கப்பட்டுள்ளவையாகவே உள்ளன. எமது ஈழத்தமிழர் பிரச்சினைகளைக் கூட எமது எழுத்தாளர்கள்,ஆய்வாளர்கள் எழுதுவதை,அலசுவதை விட ஆழம்மிக்க தாக தினமணி கட்டுரைகள் அலசி,ஆராய்வதை சொல்லியேயாக வேண்டும். அதனால் எமது பத்திரிகையை தினமணி கட்டுரைகள் பல தடைவைகள் அலங்கரித்துள்ளன.அடுத்ததாக தினமணியில்  அரசியல் பயில்வோம் எனும் பகுதி மிகவும் பெறுமதிமிக்கது.கண்டிப்பாக இளைய தலைமுறையினர் படிக்க வேண்டிய பகுதி அது.

தற்போதைய போட்டிமிகு ஊடகத்துறையில்  நிமிடத்துக்கொரு பரபரப்பு செய்திகளை உண்மை ,பொய்களை அறியாது,தெரியாது வெளியிட்டு நாட்டையும் மக்களையும் குழப்புவோர் மத்தியில் தினமணி மிகவும் தள்ளி நிற்பது பாராட்டுக்குரியது.விளம்பர யுக்திகள்,வாசகர்களை கவரும் தந்திரமென அச்சு.இலத்திரனியல் ஊடகங்கள் தறிகெட்டு நடக்கும் இக்கால கட்டத்தில் தினமணி இவற்றுக்கு விதி விலக்காக உண்மை.நேர்மை,தெளிவு என்ற வழித்தடத்தில் பயணிப்பதனால் தினமணியின் ஓசை இன்னும் பல சந்ததிகளுக்கு கேட்கும்.

நன்றி
பாலசுப்ரமணியம் கிருபாகரன் 
பிரதி செய்தி ஆசிரியர்,
தினக்குரல்.
கொழும்பு.

படம்: சித்தரிப்பு.

]]>
My Journey with Dinamani, balasubramanyan kirubakaran from kozhumbu, கொழும்பு, பால கிருபாகரன், வாசக அனுபந்தம், தினமணியும் நானும் http://images.dinamani.com/uploads/user/imagelibrary/2018/9/14/w600X390/dinamani_model1.jpg http://www.dinamani.com/lifestyle/lifestyle-special/2018/sep/14/my-journey-with-dinamani--2-3000225.html
3000224 லைஃப்ஸ்டைல் ஸ்பெஷல் ‘தினமணியும் நானும்’ - வாசகர் நடராஜனிடம் இருந்து வந்த மின்னஞ்சல்! கார்த்திகா வாசுதேவன் Friday, September 14, 2018 01:05 PM +0530  

எனக்கும் தினமணிக்கும் உள்ள பந்தம் இன்று, நேற்றல்ல... மே 1976 நான் 

இந்தியன் எக்ஸ்பிரஸ் , தினமணி சென்னை அலுவலகத்தில் ஒரு அக்கௌன்டன்ட் ஆக எக்ஸ்பிரஸ் எஸ்டேட்ஸ் வளாகத்தில் நான் என் 25ஆம் வயதில்  பணியில் சேர்ந்த அன்று தொடங்கியது மறக்க முடியாத அந்த வசந்த ஆரம்பம் !
தினமணி ஒரு ஆலமரம்.... அதன் நிழலில் நான் கற்றுக் கொண்ட பாடமும் அனுபவமும் என்னை ஒரு குரு குல வாச மாணவனாக மாற்றியது அந்த குருகுலம்! கட்டுக்கோப்பான அலுவல் பணி... கணினி ஏதும் இல்லாத காலத்திலேயே கணினி வேகத்தில் நடந்த அலுவல் பணி ....இன்று நினைத்தாலும் எனக்கு ஒரு பிரமிப்பு !

எமெர்ஜென்சி கால விதி முறை .... பத்திரிகை தொழிலே முடங்கி அடங்கும் நேரத்திலும் "அடங்க மாட்டேன் நான்" என்று  அடக்குமுறைக்கு எதிராக துணிவுடன் பத்திரிகை தர்மத்தை காத்து இந்த நாட்டின் ஜனநாயக மலரை மீண்டும் மலர செய்த மாமனிதர் திரு RNG அவர் காட்டிய வழியில் நான் பணி  ஆற்றிய  அந்த நேரம் என் வாழ்வில் பொன்னான நேரம்.

இரண்டு வருட தினமணி அலுவல் பணியில் நான் சந்தித்த சாதனையாளர் பலர் அங்கே! அவருள் , தினமணி ஆசிரியர் திரு  A.N .சிவராமன் {ANS}

தினமணி கதிர் ஆசிரியர் திரு. T.K.தியாகராஜன் {TKT},ROTARY PRESS, திரு .D.S .ராகவன், NewsPrint Manager திரு சுந்தரம், உதவி மேனேஜர் திரு .H.சிவகுமார், புகைப்பட நிபுணர் Mr.Harry Miller என்று பல பிரபலங்களை சொல்லலாம். கணக்கு பிரிவு பணியை மிகவும் சீரிய முறையில் கட்டுக் கோப்பாக நடத்தி சென்ற திரு.ராஜ் நாராயண், திரு குப்புசாமி ஐயர் , திரு R.சேதுராமன்.

இவர்களுடன் நியூஸ்ப்ரின்ட் வேஸ்ட் என்னும் இழப்பை மிகத் துல்லிய முறையில் கணக்கிட்டு கண்காணித்த திரு லோபெஸ் என்னும் அலுவலரை நான் மறக்க முடியவில்லை. 
மேலும் கணக்கு பிரிவில் பணியாற்றிய  வெங்கடராமன், கிருஷ்ணன், நாராயணன் சுந்தரேசன், சுந்தரம், ராமமூர்த்தி, கோபாலகிருஷ்ணன், ராமச்சந்திரன், அமீனுதீன், ராமநாதன் போன்ற சிலர் இன்னும் என் நினைவில் நிற்கிறார்கள். திரு  L சேஷன், தினமணி கதிர் இதழின் cost price and sale price மதிப்பீடு செய்யும் பணியில் திறமையுடன் திகழ்ந்த திருமதி K.H.லலிதா என்னும் என் சக அலுவலரையும்  இன்றும் நினைத்துப் பார்க்கிறேன் .

அந்த கால கட்டத்தில்  திரு R.ராமகிருஷ்ணன், எக்ஸ்பிரஸ், தினமணி மற்றும் எக்ஸ்பிரஸ் குழுமம் பத்திரிகை அனைத்துக்கும் "RK " என்னும் ஒரு மந்திர சொல்லாக இருந்தார் என்பது அவருடன் பணியாற்றிய அனைவருக்கும் தெரிந்த ஒரு உண்மை! தொழிற்சங்க நல்லிணக்கத்துடன் தொழிலாளர் ஆசிரியர் என்னும் சீரிய பணியை திறம்பட செய்து வந்த திரு. தேவராஜு , மற்றும் டைம் கீப்பர் திரு கோவிந்தசாமி இவர்களின் அயராத பணித்திறன் கண்டு வியந்து இருக்கிறேன் நான்! 

1976ல்  முடிவடைந்த என் தினமணி தொடர்பு,  39 ஆண்டுக்குப் பிறகு 2015ல் கவிதைமணி வாசகர் கவிதை வாயிலாக மீண்டும் அரும்பி மலர்ந்து இன்று வரை மணம் வீசுவது பார்த்து என் இதயம் இசைக்குது ஒரு இனிய ராகம் தினமும்! 

 'தாய் நாடு தாண்டி  அயல் நாட்டில் பணி புரிந்து மீண்டும் 

தன்  நாடு திரும்பி அன்னையின் மடியில் புது உலகம் 

காணும் ஒரு " குழந்தை" போலவே   என்னை மாற்றி  

விட்டது வாசகர் கவிதை, கவிதைமணி !

அகவை 85 காணும் தினமணி தொடர வேண்டும்

அதன் பணி , ஆண்டு 100 தாண்டியும் !

அகவை 69ல்  அடி எடுத்து வைக்கப் போகும் நான் 

சொல்லவேண்டும் நன்றி தினமணிக்கும்,

என் கவிதைக்கு ஒரு முகவரி தந்த கவிதைமணி 

வாசகர் கவிதைக்கும் !'


K.Natarajan

]]>
தினமணியும் நானும், வாசக அனுபந்தம், தினமணி வாசகர் நடராஜன், dinamani, my journey with dinamani, readers engagement with dinamani, dinamani birthday http://images.dinamani.com/uploads/user/imagelibrary/2018/9/14/w600X390/dinamani_model.jpg http://www.dinamani.com/lifestyle/lifestyle-special/2018/sep/14/my-journey-with-dinamani-1-3000224.html
2998321 லைஃப்ஸ்டைல் ஸ்பெஷல் ‘தினமணியும் நானும்’ - தினமணியுடனான உங்களது அனுபவங்களைப் பகிர ஒரு வாய்ப்பு! கார்த்திகா வாசுதேவன் DIN Tuesday, September 11, 2018 03:28 PM +0530  

வாசக அனுபந்தம்

தினமணி இன்று 85 வது பிறந்தநாள். 1934 ஆம் ஆண்டு துவக்கப்பட்ட காலம் தொட்டு தினமணி கடந்து வந்த பாதை மிக அற்புதமானது. நாடு விடுதலை பெறுவதற்கு முன்பே துவங்கிய தினமணியின் பயணம் இந்திரா காந்தி பிரதமராக இருந்த போது அமல்படுத்திய எமர்ஜென்சி காலத்தில் அதன் பூரணத்துவத்தை எய்தியது எனலாம். அதிகாரத்திற்கு எதிரான அத்தனை குரல்களும் இரும்புக் கரம் கொண்டு அடக்கி ஒடுக்கப்பட்ட அந்நாட்களில் தினமணி அதைக் கண்டு அஞ்சியிருக்கவில்லை. தனது பத்திரிகைச் சுதந்திரத்தை கைவிடாது அன்று தமிழகத்தின் கடைக்கோடி வாசகருக்கும் நாட்டின் உண்மையான நிலையைப் பிரகடனப் படுத்தி தனது தீரத்தை வெளிக்காட்டியதை சரித்திரம் மறக்காது.

தலைமுறைகள் தாண்டியும் மாளாத பொலிவுடன் காலத்திற்கேற்ப தனது வடிவில் மட்டுமே மாற்றங்களை ஏற்றுக் கொண்டு பீடு நடை போடும் தினமணிக்கு அன்றும் இன்றும் என்றென்றுமாக நிரந்தர வாசகர்கள் உண்டு.

பலமுறை நேரிலும், தொலைபேசியிலுமாக தினமணியுடனான தங்களது வாசக பந்தத்தை அவர்கள் பகிர்ந்து கொள்ளத் தவறியது இல்லை. அவர்களுக்கு மீண்டும் ஒரு வாய்ப்பு. இன்று 85 வது பிறந்தநாள் கொண்டாடும் தினமணியுடனான உங்களது பயணத்தையும் மன நெருக்கத்தை சுவையான அனுபவங்களாக நீங்கள் எங்களுடன் dinamani.readers@gmail.com எனும் மின்னஞ்சல் மூலமாகப் பகிர்ந்து கொள்ளலாம். பகிரும் வாசகர்கள் அனைவரது பொன்னான அனுபவங்களையும் தினமணி இணையதளத்தில் வெளியிடுவதில் தினமணி பெருமை கொள்கிறது.

‘தினமணியும் நானும்’ பகுதிக்கு அனுபவங்களை அனுப்பும் வாசகர்கள் மேலே உள்ள முகப்புப் புகைப்படத்தை போலவே உங்கள் கட்டுரைக்குப் பொருத்தமாக தினமணியுடன் நீங்கள் எடுத்துக்கொண்ட புகைப்படத்தையும் இணைத்து அனுப்பினால் உங்கள் அனுபவங்களுக்கு மேலும் சுவை கூடும். ஆர்வமுள்ளவர்கள் அனுப்பலாம்.

அனுப்ப வேண்டிய மின்னஞ்சல் முகவரி : dinamani.readers@gmail.com

]]>
தினமணியும் நானும், தினமணி வாசக அனுபந்தம், me with my dinamani, journey with dinamani, my dinamani, dinamani readers contribution http://images.dinamani.com/uploads/user/imagelibrary/2018/9/11/w600X390/0000Journey_with_dinamani.jpg http://www.dinamani.com/lifestyle/lifestyle-special/2018/sep/11/my-journey--with-dinamani-readers-contribution-2998321.html
2998306 லைஃப்ஸ்டைல் ஸ்பெஷல் உங்கள் தினமணிக்கு இன்று 85 வது பிறந்தநாள்! கார்த்திகா வாசுதேவன் Tuesday, September 11, 2018 02:31 PM +0530  

ஹேப்பி பர்த்டே தினமணி!

தினமணி, இந்தியாவில் தமிழகத்தில் இருந்து வெளியாகும் ஒரு முன்னணி தமிழ் நாளிதழ். இது சென்னை, கோவை, மதுரை, திருச்சி, வேலூர், திருநெல்வேலி, தருமபுரி, புதுதில்லி, விழுப்புரம், நாகபட்டிணம் உள்ளிட்ட இடங்களில் இருந்து பிரசுரிக்கப்படுகிறது.

நியூ இந்தியன் எக்ஸ்பிரஸ் நிறுவனக் குழுமம் தினமணியை வெளியிடுகிறது. (The New Indian Express Group of Companies). இந்த நிறுவனம் ஆங்கிலத்தில் நியூ இந்தியன் எக்ஸ்பிரஸ் பத்திரிகையையும் மலையாளம் வாரிகா (மலையாளம்) பத்திரிகையையும் வெளியிட்டு வருகிறது.

தினமணி முதல் இதழ்...

1934 செப்டம்பர் 11 பாரதியாரின் நினைவு நாளன்று அரையணா விலையில் எட்டு பக்கங்களுடன் "தினமணி" நாளிதழின் முதல் இதழ் வெளிவந்தது.

தினமணி கதிர்...

தினமணி கதிர் என்பது தினமணி நாளிதழின் ஞாயிற்றுக்கிழமை இதழுடன் இலவசமாக அளிக்கப்படும் பல்சுவை இதழ். இதில் சிறுகதை, கட்டுரை, நகைச்சுவைப் பகுதி, துணுக்குகள் போன்றவை இடம் பெறும். ஆரம்பத்தில் தினமணி இதழுடன் சிறப்புப் பக்கமாக வெளிவந்து கொண்டிருந்த தினமணி தனி வாரஇதழ் வடிவத்தில் தற்போது வெளியாகி வருகிறது.

சிறுவர்மணி...

சிறுவர்களுக்கான பல்சுவை இதழாக சிறுவர்மணி இதழ் வாரம்தோறும் சனிக்கிழமையன்று தினமணி இலவச இணைப்பாக வெளியாகிறது.

தினமணியின் சிறப்புப் பக்கங்கள்...

இவை தவிர தினமணியின் சிறப்பு இலவசப் பக்கங்களாக செவ்வாய் தோறும் இளைஞர் மணி, புதன் தோறும் இளைஞர் மணி, வெள்ளி தோறும் வெள்ளிமணி, ஞாயிறு தோறும் கொண்டாட்டம் உள்ளிட்டவை வெளியாகின்றன.

தினமணி ஆசிரியர்கள்...

"நிமிர்ந்த நன்னடையுடன், நேர்கொண்ட பார்வையுடன், நிலத்தில் யார்க்கும் அஞ்சாத நெறிகள்" என்கிற குறிக்கோளுடன் இயங்கும் தினமணி நாளிதழின் பெருமைக்குரிய ஆசிரியர்களாக இதுவரை இருந்தவர்கள்...

  • டி. எஸ். சொக்கலிங்கம்
  • ஏ.என்.சிவராமன்
  • ஐராவதம் மகாதேவன்
  • கி. கஸ்தூரிரங்கன்
  • மாலன்
  • இராம.திரு.சம்பந்தம்
  • கே.வைத்தியநாதன் (தற்போதைய ஆசிரியர்)

இணையவழிப்பயணம்...

தினமணி நாளிதழ் தற்போது காலத்திற்கேற்ற மாற்றமாக இணைய தளத்திலும் வெளிவருகிறது. அதில் தினமணி நாளிதழை மின்னிதழ் வடிவிலும், இணையதளச் செய்திப்பக்கங்கள் வடிவிலும் வாசகர்கள் வாசித்து மகிழலாம்.

அதிகாரப்பூர்வ இணையதளம்: www.dinamani.com

இந்தியன் எக்ஸ்பிரஸ் குழுமத்திலிருந்து வெளிவரும் பிற மொழி அதிகாரப்பூர்வ இணையதளங்கள்.

http://www.dinamani.com (தமிழ்)
http://www.newindianexpress.com/
http://www.indulgexpress.com/
http://www.cinemaexpress.com/
http://www.edexlive.com/
http://www.kannadaprabha.com (கன்னடம்)
http://www.samakalikamalayalam.com/
http://www.eventxpress.com/

டிஸ்க்கி:

தினமணியை வாழ்த்த விரும்பும் அதன் நெடுநாள் வாசகர்கள் #Happybirthdaydinamani என்ற ஹேஷ்டேக்கில் தங்களது பிறந்தநாள் வாழ்த்துக்களைப் பதிவு செய்யலாம்.

]]>
dinamani, ஹேப்பி பெர்த்டே தினமணி!, தினமணிக்குப் பிறந்தநாள், இன்று பிறந்தது தினமணி, HAPPY BIRTHDAY DINAMANI, www.dinamani.com, 85 வது பிறந்தநாள் http://images.dinamani.com/uploads/user/imagelibrary/2018/9/11/w600X390/00000.jpg http://www.dinamani.com/lifestyle/lifestyle-special/2018/sep/11/happy-birthday-dinamani-2998306.html
2998280 லைஃப்ஸ்டைல் ஸ்பெஷல் ‘மதம் இந்தியாவின் அவசரத் தேவையன்று’ சுவாமி விவேகானந்தரின் சிகாகோ சொற்பொழிவுக்கான தேவை இன்றும் அப்படியே! பரணி Tuesday, September 11, 2018 11:18 AM +0530  

1893 ஆம் ஆண்டு, அமெரிக்கா... சிகாகோவில் மதங்களுக்கான உலக நாடாளுமன்றத்தில் வரலாற்று சிறப்புமிக்க உரையாற்றி இப்போது 125 ஆண்டுகள் நிறைவடைகிறது. விவேகானந்தரின் இந்த எழுச்சிமிக்க உரை, சர்வதேச நாடுகளில் மத்தியில் இந்தியாவை வலுவான நாடாக அறியச்செய்தது.

விவேகானந்தரின் இந்த உரை பற்றி பரவலாக அனைவரும் குறிப்பிடுவதை அனைவரும் அறிவோம். ஆனால் அந்த உரையில் இடம்பெற்ற கருத்துகள் பற்றி அனைவருக்கும் தெரியுமா என்பது சந்தேகமே. எனவே, சுவாமி விவேகானந்தரின் வரலாற்று சிறப்புமிக்க உரையிலிருந்து மதத்தின் தேவை பற்றிய அவரது கூற்றை இப்போது உங்களுக்குத் அறியத் தருகிறோம்...

நல்ல விமர்சனங்களை ஏற்க கிறிஸ்தவர்கள் எப்போதும் தயாராக இருக்க வேண்டும். நான் கூறப்போகும் சிறிய விமர்சனங்களை நீங்கள் பொருட்படுத்த மாட்டீர்கள் என்று நினைக்கிறேன்.அஞ்ஞானிகளின் ஆன்மாக்களைக் காப்பாற்றுவதற்கு, சமயப் பிரச்சாரகர்களை அனுப்பும் கிறிஸ்தவர்களாகிய நீங்கள் அவர்களது உடல்களைப் பட்டினியிலிருந்து காப்பாற்ற ஏன் முயலவில்லை? கடுமையான பஞ்சங்களின் போது இந்தியாவில் ஆயிரக்கணக்கானோர் இறந்தனர். இருந்தும் கிறிஸ்தவர்களாகிய நீங்கள் ஒன்றும் செய்யவில்லை.

இந்தியா முழுவதிலும் சர்ச்சுகளைக் கட்டுகிறீர்கள். கீழ்த்திசை நாடுகளின் அவசரத் தேவை மதம் அன்று. தேவையான மதம் அவர்களிடம் உள்ளது. இந்தியாவில் அவதிப்பட்டுக் கொண்டிருக்கும் லட்சக்கணக்கான மக்கள் தொண்டை வற்றக்  கூக்குரலிடுவது உணவுக்காகத்தான். அவர்கள் உணவு கேட்கிறார்கள், நாம் கற்களைக் கொடுக்கிறோம். பசியால் வாடும் மக்களுக்கு மதப் பிரச்சாரம் செய்வது அவர்களை அவமதிப்பதாகும். பசியால் துடிப்பவனுக்கு தத்துவ போதனை செய்வது அவனை அவமதிப்பதாகும்.

இந்தியாவில் பணத்திற்காகச் சமயப் பிரச்சாரம் செய்பவரை ஜாதியை விட்டு விலக்கி, முகத்தில் காறித்துப்புவார்கள். வறுமையில் வாடும் எங்கள் மக்களுக்கு உதவி கோரி இங்கு வந்தேன். கிறிஸ்தவ நாட்டில் கிறிஸ்தவர்களிடமிருந்து பிற மதத்தினருக்காக உதவி கிடைப்பது எவ்வளவு கடினமானது என்பதை நன்றாக உணர்ந்து விட்டேன்.

 

Image Courtsy: 123RF.com

]]>
swami vivekandha's chicago speech, religion is not an urgent need for india, சுவாமி விவேகானந்தரின் சிகாகோ சொற்பொழிவு, மதம் இந்தியாவின் அவசரத் தேவை இல்லை http://images.dinamani.com/uploads/user/imagelibrary/2018/9/11/w600X390/inida.jpg http://www.dinamani.com/lifestyle/lifestyle-special/2018/sep/11/religion-is--not-an-urgent-need-for-india-swamy-vivekananda-in-his-chicago-speech-2998280.html
2995443 லைஃப்ஸ்டைல் ஸ்பெஷல் ‘சென்னையின் சமையல்ராணி’ மெகா சமையல் போட்டி ஹைலைட்ஸ்! கார்த்திகா வாசுதேவன் Thursday, September 6, 2018 10:55 PM +0530  

தினமணி இணையதளம் சார்பாக கடந்த சனிக்கிழமை அன்று சென்னை எம் ஓ பி வைஷ்ணவ் மகளிர் கல்லூரி வளாகத்தில் நடைபெற்ற சென்னையின் சமையல் ராணி மெகா சமையல் போட்டி குறித்து தினமணி வாசகர்களிடம் ஒரு பகிரல்.

முன்னதாக அறிவித்தபடி போட்டிக்கான பதிவு காலை 8.30 மணி முதல் தொடங்கியது. தினமணி வாசகர்களுடன் எம் ஓ பி கல்லூரி மாணவிகள் வாயிலாக போட்டி குறித்த விவரங்களை அறிந்து மாணவிகளின் அம்மாக்களில் பலரும் கூடப் பெருவாரியாகப் போட்டியில் கலந்து கொண்டிருந்தனர். போட்டியாளர்கள் குலுக்கலில் தங்களுக்குக் கிடைத்த சீட்டில் குறிக்கப்பட்டிருந்த மெனுவைத் தேர்ந்தெடுத்துக் கொண்டு சமைக்கத் தயாராக அவரவருக்கான இடங்களில் நின்றனர்.

முதலில் 11.30 மணியளவில் ஸ்டார்ட்டர் மெனு தொடங்கியது.

சமையல் போட்டியில் பங்கேற்றவர்களுக்குத் தேவையான அடிப்படை பொருட்கள் போட்டிக்கான வளாகத்தின் மையத்தில் வைக்கப்பட்டிருந்தன. சமையல் போட்டிக்குத் தேவையான இண்டக்‌ஷன் அடுப்பு வசதிகள், அரைப்பதற்கான மிக்ஸிகள், டிஸ்ப்ளே ட்ரேக்கள், பிளாஸ்டிக் ஸ்பூன்கள் அனைத்தும் அங்கேயே ஒருங்கமைக்கப் பட்டிருந்தன.

அது தவிர போட்டியாளர்கள் தங்களுக்குத் தேவையான பொருட்களை கூடுதலாகத் தாங்களே கொண்டு வந்தும் பயன்படுத்தினர். நிகழ்ச்சியில் கலந்து கொண்ட அனைவருக்கும் ஸ்னாக்ஸ் மற்றும் பழரசங்கள் வழங்கப்பட்டன. ஸ்டார்ட்டர் பிரிவு 11.30 க்குத் தொடங்கி சரியாக 12.30 மணியளவில் முடிவுற்றது. ஸ்டார்ட்டர் பிரிவு உணவுகளை உணவியல் வல்லுனரான மீனாக்‌ஷி பெட்டுக்கோலா நடுவராகப் பங்கேற்று தேர்ந்தெடுத்தார். 

ஸ்டார்ட்டர் பிரிவில்... முதல் பரிசு - தீபா மேத்தா, இரண்டாம் பரிசு - பாயல் ஜெயின், மூன்றாம் பரிசு - லட்சுமிகாந்தம்மா மூவரும் பெற்றனர்.

அடுத்ததாக மெயின் கோர்ஸ் மெனு சிறு உணவு இடைவேளைக்குப் பிறகு 2 மணியளவில் துவக்கப்பட்டது. சரியாக 1 மணி நேரத்தில் போட்டியாளர்கள் மஷ்ரூம் பிரியாணி, பனீர் பிரியாணி, காஷ்மீரி புலாவ், சாஃப்ரான் புலாவ், நவதானிய பிரியாணி, கத்தரிக்காய் தீயல், ஆரோக்யத்திற்கு முக்கியத்துவம் அளிக்கும் விதம் விதமான ரய்தாக்கள் என்று சமைத்து அசத்தியிருந்தனர். சமையல் வாசனை உணவு இடைவேளையின் பின்னும் கூட மூக்கைத் துளைத்துப் மீண்டும் பசியுணர்வைத் தூண்டும் விதமாக இருந்தது.

மெயின் கோர்ஸ் மெனுவில் பரிசுக்குரியவர்களை நளமகாராணி மல்லிகா பத்ரிநாத் நடுவராக வந்திருந்து தேர்ந்தெடுத்தார்.

மெயின் கோர்ஸ் பிரிவில்... முதல் பரிசு - பேனசீர் ஷாகுல், இரண்டாம் பரிசு - சத்யா, மூன்றாம் பரிசு - அனுராதா. மூவரும் பெற்றனர்.

அடுத்ததாக 3.30 மணியளவில் டெஸ்ஸர்ட் மெனு துவங்கியது. இப்பிரிவில் பரிசுக்குரியவர்களை அறுசுவை அரசு நடராஜன் அவர்களின் புதல்வி ரேவதி தேர்ந்தெடுத்தார்.

டெஸ்ஸர்ட் பிரிவில் எலிஸா, இரண்டாம் பரிசு - மாதவி, மூன்றாம் பரிசு - ஸ்வேதா மூவரும் பெற்றனர்.

மூன்று பிரிவுகளிலும் முதலிடம் பெற்றவர்களுக்கு ரொக்கப் பரிசாக தினமணி இணையதளம் சார்பில் ரூ.5000, சான்றிதழ், வெற்றிக்கேடயம் மற்றும் பரிசுக் கூப்பன்கள் வழங்கப்பட்டன. இரண்டாவது இடம் பெற்றவர்களுக்கு ரூ.3000, சான்றிதழ், வெற்றிக்கேடயம் மற்றும் பரிசுக் கூப்பன்களும், மூன்றாவது இடம் பெற்றவர்களுக்கு ரூ.2500, சான்றிதழ், வெற்றிக்கேடயம் மற்றும் பரிசுக் கூப்பன்களும் வழங்கப்பட்டன. இவை தவிர, போட்டியில் கலந்துகொண்டவர்களுக்கும் சான்றிதழ் மற்றும் பரிசுக் கூப்பன்களும் வழங்கப்பட்டன.

இப்போட்டியை, எக்ஸ்பிரஸ் நெட்வொர்க் நிறுவனத்தின் நிர்வாக இயக்குநர் சித்தார்த் சொந்தாலியா, தி நியூ இந்தியன் எக்ஸ்பிரஸ் நிறுவனத்தின் முதுநிலை துணைத் தலைவர்கள் லக்ஷ்மி மேனன், விக்னேஷ் குமார், எக்ஸ்பிரஸ் நெட்வொர்க் நிறுவனத்தின் பொது மேலாளர் ஆர். வெங்கடசுப்பிரமணியன், தி நியூ இந்தியன் எக்ஸ்பிரஸ் நிறுவனத்தின் மனிதவள மேம்பாட்டுப்பிரிவு துணைப் பொது மேலாளர் மாலினி சரவணன் உள்ளிட்ட ஏராளமானோர் பார்வையிட்டனர்.

நிகழ்ச்சியின் இடையே எம் ஓ பி வைஷ்ணவ் பெண்கள் கல்லூரி மாணவிகளின் மெல்லிசைக்குழுவினர் தங்களது ரம்மியமான பாடல்கள் மூலம் பார்வையாளர்களைக் கவர்ந்தனர்.

நிகழ்ச்சி நடைபெற்ற எம் ஓ பி வைஷ்ணவ் பெண்கள் கல்லூரி வளாகத்தில் மெகா சமையல் போட்டியின் பார்வையாளர்களைக் கவரும் விதத்தில் கோ ஆப்டெக்ஸ், ஃபுடிக்ஸ், வைப்ரண்ட் நேச்சர், டப்பர் வேர், எக்ஸ்பிரஸ் குழுமத்தின் பினாக்கிள் புக்ஸ் பதிப்பகம், ப்ரீத்தி மிக்ஸி உள்ளிட்டோரது ஸ்டால்கள் இடம் பெற்றிருந்தன.

காலை 8.30 மணி முதல் மாலை 4.30 மணி வரையிலான முழு நாள் நிகழ்வாக நடந்த இந்த மெகா சமையல் போட்டியின் பிரதான நோக்கம் நம் சென்னைப் பெண்களின் சமையல் திறனைப் பற்றி மீண்டுமொரு முறை ஊருக்குப் பறைசாற்றும் விதத்தில் மிக இனிதாக நடந்தேறியது.
 

]]>
மெகா சமையல் போட்டி, சென்னையின் சமையல் ராணி வெற்றியாளர்கள், தினமணி இணையதளம் சமையல் போட்டி, dinamani.com's mega cooking contest, chennaiyin samaiyal rani 2018, Dinamani.com mega events http://images.dinamani.com/uploads/user/imagelibrary/2018/9/6/w600X390/main_corse_winnerr.jpg http://www.dinamani.com/lifestyle/lifestyle-special/2018/sep/06/dinamanicoms-chennaiyin-samaiyal-rani-mega-cooking-event-2018-highlights-2995443.html
2994723 லைஃப்ஸ்டைல் ஸ்பெஷல் அம்மியில் அரைத்து சாப்பிட்ட வரை ஆரோக்கியமாக இருந்தோம்! - ஸ்ரீதேவி குமரேசன் DIN Wednesday, September 5, 2018 03:38 PM +0530 அம்பத்தூர் ஓ.டி ரயில்வே பாலம் அருகில் போக்குவரத்து பேரிரைச்சல் நிறைந்த அந்தப் பகுதியில் தன்னந்தனியாக சாலையோரத்தில் உள்ள ஒரு சிறிய குடிசையில் அம்மி கல், உரல் செய்து விற்பனை செய்வதையும், அதனுள்ளே இருந்து எழும் உளிக்கல் இடும் ஓசையையும் அந்தப் பகுதியைக் கடந்து செல்பவர்கள் யாரும் கவனிக்காமல் இருக்க முடியாது. நமது கவனத்தை ஈர்த்த அந்த கல் உரல் செய்பவரான லட்சுமி குடும்பத்தாரை சந்தித்தோம்:

'கடந்த 20 ஆண்டுகளுக்கு முன்பு இங்கு வந்து கடை போட்டோம். நல்ல வியாபாரம் ஆனது. அதனால இங்கேயே குடிசைப் போட்டு தங்கிவிட்டோம். எங்களுக்கு பூர்வீகம் திருவண்ணாமலை மாவட்டத்தில் வெம்பாக்கம் அருகில் உள்ள திருபனம்பூர். எங்களுடைய பாட்டன், பூட்டன் காலத்திலிருந்தே அம்மி, உரல் செய்வதுதான் தொழில். பரம்பரை தொழிலானதால், எங்களது அப்பாவிற்கு பிறகு நாங்களும் இந்த தொழிலையே கற்றுக் கொண்டு செய்து வருகிறோம். இந்த தொழிலைத் தவிர எங்களுக்கு வேறு எந்த தொழிலும் தெரியாது. ஆம்பள, பொம்பள என எல்லாருமே அம்மி, உரல்ன்னு எல்லாமே செய்வோம்.

அந்தக் காலத்தில் எங்க ஆளுங்க, வீட்டில உள்ள ஆம்பள புள்ளைக்கு 5 வயசு ஆனதும் அம்மியும், உரலும் செய்ய கற்றுக் கொள்ள ஸ்கூல் மாதிரி கொண்டாந்து விட்டுடுவாங்க. முதல் படிப்பு பொத்தல் போடுறதல தொடங்கி படிப்படியா போய் கடைசியா அறுவ போடச் சொல்லித் தருவாங்க. ஒரு புள்ள முழுசா இந்தத் தொழிலைக் கற்றுக் கொள்ள குறைஞ்சது 16 வருஷம் ஆகும்.

அம்மியும் - உரலும் சக்தியும், சிவனும் மாதிரி வீட்டோட சாமி. அதனாலதான் அந்தக் காலத்தில் அம்மியும், உரலும் இல்லாத வீடே இருக்காது. புருஷனும், பொண்டாட்டியும் அம்மி கல்லும், ஆட்டு உரலும் மாதிரி நீண்ட காலத்துக்கு நல்ல ஆயுளோட உறுதியா சேர்ந்து வாழணும்தான் கல்யாணத்துல அம்மியும், உரலையும் வைப்பாங்க.

எங்கள் பாட்டன் காலத்தில் 25 முதல் 35 ரூபாய்க்கு விற்ற அம்மி, உரல். என் அப்பா காலத்தில் 100-150 ரூபாய்க்கு விற்கப்பட்டது. அப்போதெல்லாம் எங்களுக்கு ஓய்வில்லாமல் வேலை இருந்து கொண்டே இருக்கும். காஞ்சிபுரத்தை ஒட்டிய சுற்று கிராமங்களான வாலாஜா, சங்கராபுரம் போன்ற கிராமங்களில் உள்ள மலைகளுக்குச் சென்று இளவட்ட ஆம்பளைங்க கல் அறுத்து வந்து போடுவாங்க, மீதி உள்ள ஆம்பள, பொம்பள எல்லாம் சேர்ந்து அம்மி, உரல் எல்லாம் செய்வோம். முதல் போட வேண்டிய அவசியமில்லாததால் நல்ல லாபம் கிடைத்தது.

இப்போது நாங்க நேரடியாக கல் அறுக்க முடியாது, அரசாங்கம் தடை விதிச்சாட்டாங்க. கான்ட்ராக்ட்காரங்கதான் அறுத்து தரணும். அதனால கல்லுக்கு பணம் கட்டி வாங்கி வர வேண்டியதா இருக்குது. மேலும், பெட்ரோல் விலை உயர்வு, வண்டி கூலி அது இதுன்னு இப்போ முதலே கணிசமாக ஒரு தொகை வந்துடுது. இதற்கு மேலே செய்கூலியை சேர்த்து இப்போ அம்மி 600 ரூபாய்க்கும், உரல் 1000 ரூபாய்க்கும் விற்பனை செய்றோம். நியாயமா நாங்க அம்மியை 2000த்துக்கும், உரலை 3,000க்கும் விற்றால்தான் எங்களுக்கு கட்டுப்படியாகும். ஆனா, அந்த விலைக்கு மிக்ஸி, கிரைண்டர்ன்னு கிடைக்கிறதால 2000, 3000 கொடுத்து அம்மியும், உரலும் வாங்க யாரு இருக்கா? அந்த மவுசு எல்லாம் இப்போ மாறிப் போச்சு.

ஊர்லயும் எங்க ஜனங்க குறைஞ்சு போய்ட்டாங்க. இந்தத் தொழில விட்டுட்டு வெவ்வேறு தொழிலுக்கு போக ஆரம்பிச்சுட்டாங்க. எங்க பேரப்பிள்ளைங்க காலத்துல இந்தத் தொழில் இல்லாமயே போய்டும்ன்னுதான் நினைக்கிறேன். இப்போ, எங்க பையன் இந்த வேலையை எடுத்துச் செய்றான். நாங்க அவனுக்கு ஒத்தாசையா இருக்கிறோம். மருமக, பேர குழந்தைகள்ன்னு இந்த குடிசையிலதான் தங்கியிருக்கோம்.

ஆனா ஒண்ணுங்க, அம்மியில மசாலா அரைச்சு குழம்பு வெக்கறதுக்கும், ஆட்டு உரலில் மாவு அரைத்து இட்லி சுட்டு சாப்பிடுவதிலும் உள்ள ருசியே தனிதாங்க. அதெல்லாம் இந்த காலத்து புள்ளைங்களுக்கு தெரியாமயே போய்டுச்சேன்னு நினைச்சா வருத்தமா இருக்கு.

அம்மியிலும், உரலிலும் அரைத்து சமைத்து சாப்பிட்ட வரை ஜனங்களும் ஆரோக்கியமாதான் இருந்தாங்க. அதெல்லாம் இப்போ மறக்கடிக்கப்பட்டதால, சுகரு, பீபின்னு கண்ட நோயுங்க வந்து ஆட்டிப் படைக்குது. இப்பல்லாம், கல்யாணம்- காட்சி, தீபாவளி பண்டிகைன்னு வந்தா தான் அம்மி, உரலைத் தேடி வர்றாங்க. ஒருநாளைக்கு ஒரு அம்மி, உரல் விற்பதே பெரிய விஷயமா இருக்கு. அதனால, இப்போ தொங்கு ஊஞ்சல் செய்யவும் பழக்கிக் கொண்டு வர்றோம்.

பெரிய கடைகள், ரோட்டோர கடைகள்ன்னு நிறைய இடத்துல நாமக்கல், சேலம் பகுதியில மிஷ்ன்ல செய்ற சின்ன உரலை வாங்கிவந்து விக்கிறாங்க. சரி நாங்களும் வாங்கி வந்து விற்கலாம்ன்னு போய்பார்த்தோம். அங்கே போனதுக்கு அப்புறம்தான் தெரிந்தது. அந்த கல்லு எல்லாம் உறுதியான மலைக்கல்லுல செய்யலங்க. பாதி கல்லு மாவுக் கல்லுப்போட்டு செய்றாங்க. அது வாங்கி வந்து உபயோகித்தோம்ன்னா, சீக்கிரத்தில் உடைஞ்சு போய்டும். அதுவுமில்லாம, அந்த கல்லுல மசாலா இடிக்கும்போது சிறு மண் நறநறன்னு வந்துக்கிட்டே இருக்கும். இதையெல்லாம் பார்த்துட்டு எங்களுக்கு வாங்க புடிக்காம திரும்பி வந்துட்டோம்.

இப்போது நாங்களே நல்ல மலைக்கல்லா பார்த்து வாங்கி வந்து சின்ன உரல் செய்து விற்க ஆரம்பிச்சுட்டோம். பெரிய வருமானம் இல்லனாலும், ஏதோ, எங்க குடும்பத்த நடத்துற அளவுக்கு வருமானம் கிடைக்குது அதுவே போதும்' என்றார்.

]]>
Ammi kal, aatural, அம்மிக்கல், உரல், அம்மி http://images.dinamani.com/uploads/user/imagelibrary/2018/9/5/w600X390/URAL.JPG http://www.dinamani.com/lifestyle/lifestyle-special/2018/sep/05/அம்மியில்-அரைத்து-சாப்பிட்ட-வரை-ஆரோக்கியமாக-இருந்தோம்-2994723.html
2994721 லைஃப்ஸ்டைல் ஸ்பெஷல் இசைதான் எனக்கு எல்லாம் என்று முடிவு செய்து விட்டேன்! இசைக்கலைஞர் பின்னி கிருஷ்ணகுமார் பேட்டி! Wednesday, September 5, 2018 03:27 PM +0530 நான் தொட்டதெல்லாம் பொன். இசைக் கலைஞராகத் தான் ஆக வேண்டும் என்பது என்னுடைய குழந்தை பருவ கனவு. என் குடும்பத்தில் முந்தைய தலைமுறையில் யாரும் இசை கலைஞர்களாக இருந்ததில்லை. என் பெற்றோர் இசை ரசிகர்கள் அவ்வளவே. ஆனால், நானும் என் மூன்று சகோதரிகள் ஒரு சகோதரர் என்று ஐந்து பேரும் இசையைத் தான் எங்களின் விருப்பத் துறையாக தேர்வு செய்துள்ளோம். எங்கள் ஐவருக்கும் இசையில் எப்படி இத்தனை ஈடுபாடு வந்தது என்று நினைத்தால், எனக்கு வியப்பாகவே இருக்கும். சகோதரிகள் மூவரும் மியூசிக் டீச்சர்களாக உள்ளனர். என் சகோதரர், திருவனந்தபுரம் சுவாதித் திருநாள் இசைக் கல்லூரியில் வயலின் பேராசிரியராக பணி செய்கிறார்.

இசை, நடனப் போட்டிகள் கேரளாவில் நடைபெறுவதைப் போல உலகத்தில் வேறு எங்கும் நடக்காது. அதனாலேயே மற்ற மாநிலங்களை விடவும் கேரளாவில் இருந்து அதிகமாக பாடகர்கள், நடனக் கலைஞர்கள் உருவாகிறார்கள். மாநில அளவில் இசை, நடன விழாக்கள் நடந்தால், ஏழு நாட்கள் வரை கேரள அரசே விடுமுறை அறிவித்து விடும். கலைகளுக்கு அவ்வளவு முக்கியத்துவம் தருவார்கள்.

நான் 10-ஆம் வகுப்பு படித்த போது, மாநில அளவிலான போட்டிகளில் ஒட்டுமொத்த சாம்பியன்ஷிப் பட்டத்தை வாங்கி இருக்கிறேன். கிளாசிக்கல் மியூசிக், லைட் மியூசிக் என்று எந்த போட்டி நடந்தாலும் முதல் பரிசை நான் தான் வாங்குவேன். கேரளாவில் மிகப் பெரிய கௌரவமாக கொண்டாடப்படும், மாநில அரசின் விருதான 'கலா திலகம்' என்ற பட்டம் எனக்கு கிடைத்தது. இது எனக்கு மிகுந்த உத்வேகத்தை தந்தது. இசையில் நான் தொட்டதெல்லாம் பொன்னாக, இசை தான் எனக்கு எல்லாம் என்று முடிவு செய்து விட்டேன்.

இசை ஏன் எனக்குப் பிடித்தது என்று கேட்டால், சொல்லத் தெரியவில்லை. இசைக்கும் எனக்கும் பூர்வ ஜென்ம பந்தம் இருப்பதாக நம்புகிறேன். குழந்தையாக இருந்தபோது, நான் எப்படி பாடினேன் என்று தெரியாது. ஆனால், போட்டிகளில் கலந்து கொண்டு முதல் பரிசு வாங்கியபோது, எல்லாரும், பாப்பா நல்லா பாடினே என்று பாராட்டுவார்கள். ஐந்து வயதில் தொடங்கி, நான் பிறந்த தொடுபுழா மாவட்டத்தில் எங்கு இசைப் போட்டி நடந்தாலும் கலந்து கொள்வேன். முதல் பரிசு வாங்குவேன். பொதுவாகவே வகுப்பில் முதல் ரேங்க் ஒருமுறை வாங்கிய மாணவன் அவ்வளவு எளிதாக அதை விட்டுக் கொடுக்க மாட்டான். அது தான் என் விஷயத்திலும் நடந்தது. இசையோடு பரதம், மோகினி ஆட்டம், குச்சுப்புடி என்று மூன்று வகை நடனங்களையும் கற்றேன்.

'கதாபுரசங்கம்' என்ற பெயரில் பாடியபடியே நடிக்கும் (ஹரிகதா போல) இசை-நடன நிகழ்ச்சி கேரளாவில் நடக்கும். இந்த போட்டியில் ஏழு முதல் 40 வயது வரை கலைஞர்கள் பங்கெடுக்கலாம். இதிலும் முதல் பரிசு வாங்கினேன். பெண்கள் பத்திரிகையான 'மங்களம்' நடத்திய போட்டியில் ஒட்டு மொத்த சாம்பியன்ஷிப் பட்டம் பெற்றேன். இப்படி தொடர்ந்து முதல் பரிசு வாங்கியதில் நான் இசை கலைஞர்தான் என்று முடிவு செய்து விட்டேன்.

நான் முடிவு செய்தால் போதுமா? பெற்றோர் ஆதரிக்க வேண்டும், கடவுள் கிருபை வேண்டும். என் அதிர்ஷ்டம் அதுவும் இயல்பாக எனக்கு வாய்த்தது. என் வீட்டில் இருந்து திருவனந்தபுரத்திற்கு ஆறு மணி நேர பேருந்து பயணம். அங்கே போட்டி நடந்தாலும் பெண் குழந்தை, இவ்வளவு தூரம் பயணம் செய்து போட்டிகளில் கலந்து கொள்ள வேண்டாம் என்று சொன்னதேயில்லை. எங்கு போட்டி நடந்தாலும் என் பெற்றோர் என்னை அழைத்துச் செல்வார்கள். உடன் இருந்து உற்சாகப்படுத்துவார்கள். குறிப்பிட்ட துறையில் குழந்தைக்கு ஆர்வம் இருக்கிறது என்று தெரிந்ததும் எல்லா விதத்திலும் எனக்கு ஆதரவாக இருந்தார்கள்.

அதனால் தான் 15 வயதிற்குட்பட்டவர்களுக்கு மிகப் பெரிய கெளரவமாகக் கருதப்படும் கலாதிலகம் விருதை என்னால் வாங்க முடிந்தது. 50 ஆண்டுகளுக்கும் மேலாக இந்த விருதிற்கான போட்டி நடக்கிறது. எனக்கு முன்னும் பின்னும் என் மாவட்டத்தில் இருந்து என்னை தவிர வேறு யாரும் இந்த விருதை வாங்கியதில்லை.

இசை தொடர்பான எதற்கும் என் பெற்றோர் 'நோ' சொல்லாமல் இருந்ததால், நானும் மிகுந்த ஈடுபாடு, அர்ப்பணிப்போடு இசையைக் கற்றேன். கச்சேரிகள் செய்ய ஆரம்பித்து, 18 வயதில் என் பெயர் பிரபலமடைய தொடங்கியது. இசையையே விருப்பப் பாடமாக படி என்று திருவனந்தபுரம் இசைக் கல்லூரியில் சேர்த்தனர் என் பெற்றோர். கல்லூரியில் நடந்த போட்டிகளிலும் தொடர்ந்து முதல் பரிசு வாங்கியதால் என்னை ஒரு பெண் என்று வேறுபடுத்தி யாரும் பார்த்ததில்லை. போட்டிகளில் கலந்து கொள்ளும் ஆண் பாடகர்களும் ஒரு சக பாடகி என்ற ரீதியில் தான் என்னை பார்த்தார்கள். அந்த சமயத்தில் இளம் ஆண் பாடகர்களில் பிரபலமாக இருந்தவர் என் கணவர் கிருஷ்ணகுமார்.

ஒரு போட்டியில் பெண் பாடகிகளில் முதல் பரிசு எனக்கு கிடைத்தால், ஆண் பாடகர்களில் முதல் பரிசு அவருக்கு கிடைக்கும். முதுநிலை இசை படிப்பின் போது, அவருடைய குருவிடம் நான் பயிற்சி பெற்றேன். என் சகோதரர் அவரின் இசைக் கச்சேரிகளில் வயலின் வாசிப்பார். நட்பாக ஆரம்பித்தது காதலாக, திருமணம் செய்து கொண்டோம். என் மகள் ஷிவாங்கி என்னோடு நிறைய தனி ஆல்பங்களில் பாடுகிறார். மகன் விநாயக் சுந்தருக்கும் இசையில் நல்ல ஆர்வம் உள்ளது.

முழு நேர இசைப் பள்ளியை ஆரம்பித்து, பயிற்சி தருகிறேன். பின்னணிப் பாடகி சுஜாதா மோகனின் மகள் சுவேதா மோகன் என் மாணவிதான். அவரும் நிறைய தமிழ், மலையாள திரைப்பட பாடல்களை பாடுகிறார்' என்கிறார்.
 

சந்திப்பு : கீதா
 

]]>
binny krishnakumar, singer, super singer, பின்னி கிருஷ்ணகுமார், பாடகி, இசை http://images.dinamani.com/uploads/user/imagelibrary/2018/9/5/w600X390/biny-krishnakumar.jpg http://www.dinamani.com/lifestyle/lifestyle-special/2018/sep/05/இசைதான்-எனக்கு-எல்லாம்-என்று-முடிவு-செய்து-விட்டேன்-இசைக்கலைஞர்-பின்னி-கிருஷ்ணகுமார்-பேட்டி-2994721.html
2990079 லைஃப்ஸ்டைல் ஸ்பெஷல் உணவுக் கழிவுகளில் இருந்து கேஸ் சிலிண்டர் கண்டுபிடித்து அசத்திய சேலம் குப்பைக்காரன் குழு இளைஞர்கள்! RKV Wednesday, August 29, 2018 03:29 PM +0530  

உணவுக் கழிவுகளில் இருந்து சமையல் எரிவாயு கலனைக் கண்டுபிடித்து சேலம் குப்பைக்காரன் குழு இளைஞர்கள் அசத்தியுள்ளனர். சேலத்தைச் சேர்ந்த குப்பைக்காரன் குழு இளைஞர்கள் சுற்றுச்சூழலைப் பாதுகாக்க பல்வேறு முயற்சிகளில் ஈடுபட்டு வருகின்றனர். அதிலொன்று தான் வீட்டில் கிடைக்கும் உணவு மற்றூம் காய்கறிக் கழிவுகளில் இருந்து சமையல் எரிவாயு உற்பத்தி செய்யும் இயந்திரத்தை இளைஞர்கள் அறிமுகப்படுத்திய புதுமை.

1 கிலோ இயற்கைக் கழிவுகளைப் பயன்படுத்தி 30 நிமிடங்கள் முதல் 50 நிமிடங்கள் வரை சமையல் செய்ய முடியும் என அவர்கள் செயல்முறையில் நிரூபித்துள்ளனர். இதனால் சமையல் எரிவாயு செலவு மிச்சமாவதுடன் சுற்றுச்சூழலையும் பாதுகாக்க முடியுமென அந்த இளைஞர்கள் நம்பிக்கை தெரிவித்துள்ளனர்.

வீட்டில் உற்பத்தியாகும் உணவுக் கழிவுகளை நாங்கள் கண்டுபிடித்துள்ள இந்த பிளாண்டில் போட்டீர்கள் எனில் அதிலிருந்து கேஸ் உருவாகும். இதை நீங்கள் தற்போது சமையலுக்குப் பயன்படுத்தி வரும் எல் பி ஜி கேஸ் சிலிண்டர்களுக்கு மாற்றாகப் பயன்படுத்தலாம். அதனால் நமக்கு காசு மிச்சமாவதுடன் கழிவுகளையும் பயனுள்ள வகையில் பயன்படுத்திய திருப்தியும் கிடைத்த மாதிரி இருக்கும் என்கிறார் சேலம் குப்பைக்காரன் குழு எனும் தன்னார்வ தொண்டு அமைப்பாளர்களில் ஒருவரான கெளதம்.
இளைஞர்களின் இந்தப் புது முயற்சியைப் பற்றிப் பேசுகையில் மாநகர் நல அலுவலரான பார்த்திபன் என்ன சொல்கிறார் என்றால், 
‘இந்த கலனால் இரண்டு பலன்கள் உண்டு. ஒன்று சுற்றுச்சூழல் பாதுகாப்பு. குப்பைகளை ... குப்பை மேட்டில் வீசுவதால் அதிலிருந்து வெளியேறும் வாயுக்கள் அப்படியே காற்றில் கலந்து துர்நாற்றம் அடிப்பதோடு சுற்றுச்சூழலையும் மாசுபடுத்தக் கூடும். அதை இந்தக் கலனை உபயோகப் படுத்துவதின் மூலம் தவிர்க்கலாம் என்பது  ஒரு நன்மை. மற்றொரு நன்மை என்னவென்றால் வீட்டுக் கழிவுகளை வீணாக்காமல் அவற்றிலிருந்து கேஸ் தயாரித்து அதை சமையலுக்கு எரிபொருளாகப் பயன்படுத்தலாம் என்பது வீட்டின் சிக்கன நடவடிக்கைக்கும் உதவியாக அமையும்.

]]>
உணவுக் கழிவுகளில் இருந்து சமையல் எரிவாயு, சேலம் குப்பைக்காரன் குழு இளைஞர்கள், சுற்றுச்சூழல், சிக்கனம், environmental health, cheap and best, bio gas from kitchen waste, http://images.dinamani.com/uploads/user/imagelibrary/2018/8/29/w600X390/0000gas_cylinder_frm_food_waste.jpg http://www.dinamani.com/lifestyle/lifestyle-special/2018/aug/29/salam-kuppaikaran-group-boys-invented-gas-cylinder-from-food-wastes-2990079.html
2987452 லைஃப்ஸ்டைல் ஸ்பெஷல் அதிக முதலீடு இல்லாத 2 வகையான கைவினை தயாரிப்புகளை காண்போமா?  - ஸ்ரீ Saturday, August 25, 2018 04:45 PM +0530 'இந்த வாரம் அதிக முதலீடு இல்லாத 2 வகையான கைவினை தயாரிப்புகளை காண்போம். ஏற்கெனவே  சொன்னாற் போல் முதலீடு அதிகம் வைத்துதான் எந்த ஒரு தொழிலையும் செய்ய வேண்டும் என்பதில்லை. குறைந்த முதலீட்டிலும் செய்யலாம். முதலீடே இல்லாமலும் செய்யலாம். விரல்கள் பத்தும் நமக்கு மூலதனம் தானே. இந்த தொழில்கள் அனைத்தையும் நம் சூழ்நிலை, நம்முடைய பொருளாதாரத்தை அடிப்படையாக கொண்டு செய்யலாம். சிலரை நாம் பார்த்திருப்போம்,  அவர்கள் சீசனுக்கு ஏற்றாற்போல் தொழில் செய்வார்கள். இது ஒருவகையான  வியாபார யுத்தி. அந்தவகையில், வரவிருக்கும் விநாயகர் சதுர்த்தியை முன்னிட்டும் நாம் என்ன தொழில் செய்யலாம் என்று பார்ப்போம்' என்கிறார் சுயதொழில் ஆலோசகர் உமாராஜ்.

பிள்ளையார் சிலை:  

விநாயகர்  சதுர்த்தி அன்று  மண்ணால்  செய்யப்பட்ட  பிள்ளையார்  சிலையை சிறியது முதல் பெரியது  வரை வீட்டில்  வாங்கி வந்து பூஜை செய்வது வழக்கம். கூடவே, நிறைய பேர் மஞ்சளில்  பிள்ளையார்  பிடித்து வைப்பர். இதையே நாம் 'க்ளே'  எனப்படும் ஒருவித களிமண்ணில் பிள்ளையார் செய்து அதற்கு பேப்ரிக் பெயிண்ட் கொண்டு அழகு சேர்த்து விற்பனை செய்யலாம். மண் பிள்ளையார் வாங்குவோர் அனைவரும் இதையும் வாங்கி செல்வர். நிறைய பேருக்கு பிள்ளையார் செய்ய தெரியும் இருந்தும் அவர்கள் தங்களது திறமையை வெளிப்படுத்துவது  இல்லை.  விநாயகர் சதுர்த்தி  அன்று அவர்கள் திறமையை வெளிப்படுத்த ஒரு வாய்ப்பாக  கருதி  இதை செய்யலாம்.

பிள்ளையார் குடை:

விநாயகர் சதுர்த்தி  அன்றைக்கு  குடை  இல்லாத பிள்ளையாரை பார்க்க முடியாது. பிள்ளையார் குடைகள் பலவிதமாக செய்து விற்பனை செய்யப்படுகிறது. நாம் கூட பிள்ளையார் குடை சுலபமாக தயாரித்து விற்பனை செய்து வருமானம் ஈட்டலாம். விரல்  தடிமன் அளவிற்கு  ஒரு அடி அல்லது ஒன்னேகால் அடி உயரமுள்ள  குச்சியை  எடுத்து அதன்மேல் பாகத்தை கத்தி கொண்டு  ஆறு  பாகங்களாக  2 அங்குல அளவிற்கு பிளக்க வேண்டும். பின்னர்  தென்னங்குச்சிகளை  தேவையான அளவு வெட்டி சொருக வேண்டும். பின்  இது  வட்ட வடிவமாக  வரும். அதில் கலர்  கலரான உல்லன்  நூல் கொண்டு சுற்ற வேண்டும். ஓரங்களில் குஞ்சம் தொங்கவிட வேண்டும்.  குடையின் மேல் பகுதியில் கலசம் போன்று பேப்பரில் செய்து ஒட்ட வேண்டும். குடையின் இதர கீழ் பகுதிகளில் கலர் பேப்பர் ஒட்ட வேண்டும். இதனை வீட்டில் இருக்கும் அனைவரும் சுலபமாக செய்யலாம். அதிக அளவில் செய்து சிறுவியாபாரிகளுக்கு விற்பனை செய்யலாம். 

டெக்கோ பேச்:

டெக்கோ பேச் என்பது டிஷ்யூ பேப்பரில் செய்யும்  டிசைன்.  இதை எதற்கெல்லாம்  பயன்படுத்தலாம் என  பார்ப்போம்:

காட்டன்  துணி:  அதாவது காடா துணியில்  பை தயார்  செய்யும்போது  அதில் இந்த டெக்கோபேச் வைத்து டிசைன் செய்து பை தயாரித்தால் மிக அழகாகவும், உயர்தரமாகவும்  இருக்கும். இது பார்ப்பதற்கு  பளபளப்பான மெட்டீரியல் போன்று  இருக்கும்.  அல்லது காட்டன் பேக்  தயாரிக்கும்  பொழுது நடுவில் மட்டும்  இந்த  டிசைன்  செய்து  விற்பனை  செய்யலாம்.

பாட்டில் மற்றும்  பூந்தொட்டி:  

வீட்டை அலங்கரிக்க அழகான பாட்டில் அல்லது பூந்தொட்டியில் இந்த டிசைனை செய்ய மிகவும்  அழகாக  இருக்கும். மேலும்  வீட்டில் உள்ள  பழைய பூந்தொட்டியில்  கூட  இதைச் செய்யலாம். 

மரசாமான்கள்:

மரத்தினால் செய்யப்பட்ட மேசை, சிறிய சிறிய பெட்டிகள் எதுவாக இருந்தாலும் அவற்றில்  இந்த டெக்கோபேச்  டிசைன் செய்யலாம்.

சணல் பை தயாரிப்பு:  சணல் பைகள் தயாரிப்பில் கூட இந்த டிசைன் வைத்து பை தயாரித்து  விற்பனை செய்யலாம்.


ஜிமிக்கி கம்மல்:

ஜிமிக்கிக்கு மோல்டு வைத்து செய்பவர்கள்,  அதன் மீது இந்த டெக்கோ பேச் வேலைப்பாட்டை  செய்யலாம். புதுமையாகவும், பார்க்க அழகாகவும் இருக்கும்.

வரும் 16.8.2018 முதல் 22.8.2018 வரை பிளாஸ்டிக் மற்றும் கவர் பைகளுக்கு மாற்றாக பேப்பரில் தயாரிக்கப்படும்  தாம்பூல பை,  மளிகைச் சமான் வாங்கும் பெரிய அளவிலான பை,  லாண்டரி பேக்,  மெடிக்கல் ஷாப்  கவர் போன்றவை தயாரிப்பதற் கான பயிற்சி அளிக்கப்பட உள்ளது. இதற்கு நுழைவு கட்டணம் ரூ.100  செலுத்தினால் போதுமானது, பயிற்சி  இலவசமாக அளிக்கப்படும். இதில் கலந்து கொண்டு  நீங்கள் தயாரிக்கும் பேப்பர் கவர் மற்றும் பைகளை உங்கள் பகுதியில் உள்ள மளிகை கடைகள், மெடிக்கல் ஷாப், பேன்ஸி ஸ்டோர் ஆகியவற்றில் விற்பனை  செய்யலாம். இதனை வீட்டில் உள்ள பழைய செய்தி தாள்களில் செய்வது போதுமானது. முதலீடு அதிகம் இருக்காது. பிளாஸ்டிக் பைகளை தவிர்க்க நம்மால் முடிந்ததை செய்ய நல்லதொரு வாய்ப்பாகும்.  இது ஒரு நாள் பயிற்சி  மட்டுமே.   

தொடர்பு எண்: 9600807887.

]]>
handicraft, business women, கைவினை தயாரிப்பு, விநாயகர் சதுர்த்தி, சுயதொழில் http://images.dinamani.com/uploads/user/imagelibrary/2018/8/15/w600X390/mn12.jpg http://www.dinamani.com/lifestyle/lifestyle-special/2018/aug/25/அதிக-முதலீடு-இல்லாத-2-வகையான-கைவினை-தயாரிப்புகளை-காண்போமா-2987452.html
2984702 லைஃப்ஸ்டைல் ஸ்பெஷல் உலகை உலுக்கி வரலாற்றில் இடம் பெற்ற சில குறிப்பிடத்தக்க கொடூர வெள்ளச் சேதங்கள்! RKV Tuesday, August 21, 2018 01:13 PM +0530  

  • ஹுவாங் ஹ என அழைக்கப்படும் சீனாவின் புகழ் பெற்ற மஞ்சள் ஆறு அடிக்கடி வெள்ளப் பெருக்கெடுத்து ஓடி, எல்லையற்றுப் பொங்கிப் பிரவகிப்பதற்காகவே சீன சரித்திரத்தில் மட்டுமல்ல சர்வதேச சரித்திரத்திலும் பிரபலம் அடைந்ததாகும். 1931 ஆம் ஆண்டில் இந்த ஆற்றில் நிகழ்ந்த மிகப் பெரிய வெள்ளம் காரணமாக 8,00,000 முதல் 40,00,000 மக்கள் இறந்தனர்.
  • அமெரிக்க ஐக்கிய நாடுகளில் 1993 ஆம் ஆண்டில் நிகழ்ந்த மிகப்பெரிய வெள்ளம் மக்களின் இயல்பு வாழ்வைப் பெருமளவில் பாதித்து அவர்களின் வீடு, வயல்கள், மக்களின் அத்யாவசிய உடமைகள், உணவுப்பொருட்களோடு கணிசமான அளவில் உயிரிழப்பையும் ஏற்படுத்தியது. அப்போது அமெரிக்கா அடைந்த பொருட்சேதம் மற்றும் உயிர்சேதத்தின் அடிப்படியில் இந்த வெள்ள சேதமும் வரலாற்றில் இடம்பெற்றது.
  • 1998 ஆம் ஆண்டில் சீனாவின் யாங்சே ஆற்றின் வெள்ளப் பெருக்கு பெரும் பேரழிவாக பதினான்கு மில்லியன் மக்களை பாதித்து அவர்களது வீடு வாசல் அனைத்தையும் இழக்க வைத்தது.
  • 2000 ஆம் ஆண்டில் நிகழ்ந்த மொசாம்பிக் பெருவெள்ளம் நாட்டின் பெரும்பான்மையான நிலப்பகுதிகளை மூன்று வாரங்களுக்கும் மேல் முழுமையாக மூழ்கடித்தது, அதன் விளைவாக பல ஆண்டுகளுக்கு அந்த நாடு சீரழிந்து தலை தூக்க இயலாத நிலைமை ஏற்பட்டது.
  • வெப்ப மண்டலங்களில் ஏற்படும் சூறாவளிக்காற்று பொங்கும் புயல் பேரலை எழுச்சியுடன் கூடிய விரிவான வெள்ளப்போக்கை, பின்வரும் பல இடங்களில் ஏற்படுத்தியது:
  • போலா சூறாவளிக்காற்று கிழக்கு பாகிஸ்தானை அதாவது தற்சமயம் பங்களாதேஷ் நாட்டை 1970 ஆம் ஆண்டில் மிக மோசமாகத் தாக்கியது.
  • 1975 ஆம் ஆண்டு சீனாவை தைபூன் நினா என்ற சூறாவளி தாக்கியது.
  • வெப்ப மண்டல சூறைக்காற்று அள்ளிசண் 2001 ஆம் ஆண்டில் டெக்சாஸ் மாநிலத்திலுள்ள ஹியூஸ்டன் நகரத்தை கடுமையாக தாக்கியது.
  • கத்ரீனா சூறாவளி நியூ ஓர்லீன்ஸ் எனும் மாகாணத்தையே முற்றிலுமாக 2005 ஆம் ஆண்டில் நீரில் மூழ்கடித்தது. 'லேவீ' எனப்படும் தடுப்புக்கரையை சரிவர அமைப்பதில் தோல்விகண்டதால், அந்த மாநிலத்தில் மிகையான வெள்ளப் பெருக்கு ஏற்பட்டு மாநிலத்தையே சீர்குலைய வைத்தது.

கொடூர வெள்ளச் சேதங்களுக்கென வரலாற்றில் நிலையான ஆதாரப் பதிவுகள் இருந்த போதும் ஒரு விஷயத்தை நாம் இங்கே நிச்சயம் உணரவேண்டும். எங்கு, எப்போது, யார் வெள்ளச்சேதத்தில் அகப்பட்டு உயிராபத்தான சூழலைக் கடக்க நேர்ந்த போதும் சரி மனிதர்களின் மனம், ‘ஐயோ வெள்ளத்தில் அகப்பட்டுக் கொண்டு இங்கேயே வாழ வேண்டும் என்பது தங்கள் தலைவிதியா? என்ன? தாம் ஏன் வேறிடம் நோக்கி இடம்பெயர்ந்து தங்களது வாழ்வை அமைத்துக் கொள்ளக் கூடாது என எண்ணி தாங்கள் வாழ்ந்த இடங்களைப் புறக்கணித்ததே இல்லை.

மக்கள் இயற்கையோடு போராடியேனும் தங்களது 'வழி வழி வந்த' அதாவது பரம்பரையாகப் பல தலைமுறைகளாக நீடிக்கும் வாழ்விடங்களை மாற்றிக் கொள்ள முன்வருவதே இல்லை. 

அந்த இடத்தில் தான் இயற்கையும் ஆற்றலும், மனிதர்களின் போராட்ட குணமும் ஒரு புள்ளியில் கைகோர்க்கின்றன.

 

]]>
some importantcruel floods listed in history!, , உலகை உலுக்கிய கொடூர வெள்ளச் சேதங்கள், http://images.dinamani.com/uploads/user/imagelibrary/2018/8/21/w600X390/flood_history.jpg http://www.dinamani.com/lifestyle/lifestyle-special/2018/aug/21/some-important--cruel-floods-listed-in-history-2984702.html
2984042 லைஃப்ஸ்டைல் ஸ்பெஷல் நான் மீட்டெடுத்த ‘சுதந்திரத்தை’ என்னிடமே கொடுத்து விடுங்களேன்! தத்துப் பாட்டி கீதாவின் உருக்கமான வேண்டுகோள்! கார்த்திகா வாசுதேவன் Monday, August 20, 2018 01:30 PM +0530  

சென்னை வளசரவாக்கத்தில் கடந்த வாரம் மழை பெய்து ஓய்ந்த ஒரு காலை நேரத்தில் கீதா கண்விழிக்கையில் நேரம் சற்றுப் பிந்தித்தான் விட்டது. முதல் நாளில் நல்ல மழை என்பதால் அந்தப் பகுதியில் மின்சாரம் தடைபட்டிருந்தது. இதனால் இரவில் தடைபட்ட மின்சாரத்தை எதிர்பார்த்துக் காத்திருந்து, காத்திருந்து ஓய்ந்த பின் இரவு வழக்கமான நேரம் கடந்து கீதாவும், அவரது மகள் ஷாலினியும் தாமதமாகத்தான் தூங்கச் சென்றிருக்கிறார்கள். இதனால் காலையில் கீதா விழித்தெழ சற்று நேரமாகியிருக்கிறது. அப்போது அக்கம்பக்கத்தில் பலமான பேச்சுக்குரல் கேட்டு யாரோ, என்னவோ என்று வெளியில் பதறி ஓடி வந்த கீதா... தன் மகளும் அந்தத் தெருவிலிருந்த பிற அண்டைவீட்டாரும் வீட்டின் முன்னிருந்த சிக்கலான ஒரு கழிவுநீர் குழாய்ச் சந்திப்பின் முன் பதற்றத்துடன் திரண்டிருந்ததைக் கண்டார். அங்கே... ஆளாளுக்கு கழிவுநீர்க் குழாய்க்குள் குழந்தையின் அழுகுரல் கேட்கிறது... குழந்தை சிக்கிக் கொண்டது என்பது போன்ற பேச்சுக் குரல் காதில் விழுந்ததும் கீதாவுக்கு என்ன செய்வது என்று தெரியவில்லை. திரண்டிருந்த மக்களில் யாருக்கும் குனிந்து உள்ளே மாட்டிக் கொண்டிருந்த சிசுவை வெளியில் எடுக்கும் மன தைரியம் இல்லாத நிலையில், இனிமேலும் தாமதித்தால் உள்ளிருக்கும் குழந்தைக்கு பெரிய ஆபத்து என்று உணர்ந்த கீதா. அப்படியே சாலையில் படுத்து கழிவுநீர் குழாய்க்குள் கையை விட்டார். மிகச்சிறிதான அந்த துவாரத்தில் குழந்தை கிடைமட்டமாக சிக்கியிருப்பதை இப்போது கீதாவுக்கு புலனானது. உள்ளிருந்த சேற்றுக்குள் தன் கைகளைப் பதித்து குழந்தையின் உடலைப் பதமாகக் பிடித்து மெதுவாக இழுத்தார் கீதா. குழந்தை வெளியில் வந்தது.

பிறந்து இரண்டு மணி நேரம் கூட ஆகாத... பச்சிளம் சிசுவொன்று தொப்புள் கொடி கூட அகற்றப்படாத நிலையில்... கழுத்தைச் சுற்றி தொப்புள் கொடி இறுக்கப் பட்டு உயிருக்குப் போராடிக் கொண்டிருந்த நிலையில் உடனடியாக சற்றூம் யோசிக்காமல் அதன் மீதிருந்த சேற்றை வெந்நீரில் அலசி கூடுமான வரை குழந்தையின் வாய், மூக்கு, காதுகளில் புகுந்திருந்த சேற்று நீர், பூச்சிகள், புழுக்களை அகற்றி சுத்தமான டவல் ஒன்றில் குழந்தையைச் சுற்றியெடுத்து உடனடியாக காவல்துறைக்கு குழந்தை கிடைத்த விவரத்தைப் புகாராக அளித்து விட்டு அவர்கள் துணையுடனே அருகிலிருந்த அரச்சு மருத்துவமனைக்கு விரைந்திருக்கிறார் கீதா. 

குழந்தை கிடைத்த சற்று நேரத்தில் இந்த விவரம் உள்ளூர் தொலைக்காட்சி முதல் உலகத்தொலைக்காட்சி வரை இணைய ஊடகங்கள் வாயிலாகச் சென்றடைய கழிவுநீர் குழாயிலிருந்து குழந்தையை மீட்ட கீதாவின் மனோ தைரியத்தைப் பாராட்டி தமிழக சுகாதாரத்துறை அமைச்சர் விஜயபாஸ்கர் மற்றும் மாவட்ட ஆட்சியர் இருவரும் நேரில் சென்று மரியாதை செய்து வாழ்த்தியிருக்கின்றனர். குழந்தையை கண்டடைந்த அந்த நேரத்தில் கீதாவும் மற்றவர்களைப்போல கொஞ்சம் தயங்கியிருந்தால் குழந்தைக்கு என்ன வேண்டுமானாலும் நேர்ந்திருக்கலாம். உடனடியாகச் செயல்பட்டு குழந்தையை மீட்டதோடு அதற்குரிய முதலுதவிகளையும் செய்து உடனடியாக விரைந்து காவல்துறை மூலம் மருத்துவமனைக்கும் கொண்டு சென்றது கீதாவின் புத்திசாலித்தனம்.

தனக்கு இத்தனை துணிவு வரக் காரணம் என்னவென்று கீதாவே யூ டியூப் சேனல் ஒன்றுக்கு அளித்த நேர்காணலில் கண்ணீருடன் விளக்கியிருந்தார்...

மிக இளவயதிலேயே பெற்றோரை இழந்து விட்டதால் ஆலந்தூரில் இருக்கும் குடும்பமொன்றில் தத்துப் பிள்ளையாகச் சென்றவர் கீதா. அந்தக் குடும்பத்தைச் சேர்ந்தவர்கள் தன்னை வளர்த்தார்களே தவிர அவர்களும் மத்தியதரக் குடும்பத்தவர்கள் தான் என்பதால் தனக்கு அம்மா பாசம் என்றால் என்னவென்றே தெரியாமல் தான், தான் வளர்க்கப் பட்டதாகக் கூறினார். பிறந்ததில் இருந்து அம்மாவின் பாசம் என்றால் என்னவென்றே தெரியாமல் வளர்ந்ததால் தனக்கு அதன் மீதான ஏக்கம் அதிகமிருந்ததாகக் குறிப்பிடும் கீதா, பின் தனக்குத் திருமணமாகி மகள் ஷாலினி பிறந்ததும் அவரை இதுநாள் வரையில் ஒருமுறை கூட கோபத்தில் அடித்ததே இல்லை என்று கூறுகிறார். குழந்தைகள் நம்மை நம்பி இந்தப் பூமியில் பிறக்கின்றன. அதற்கென்று தனியான உணவுச் செலவு இல்லை. அம்மா உண்பதில் சிறிது அந்தக் குழந்தைக்கும் ஊட்டி வளர்த்தாளே போதும் இந்தியாவில் குழந்தைகள் வளர்ந்து விடும். நமது அரசாங்கம் ஏழைக் குழந்தைகளுக்கு என்று எத்தனையோ சலுகைகளை அறிவித்திருக்கிறது. அவர்களின் படிப்புக்கும் அரசு உதவி கிடைக்கும். அதனால் நம் நாட்டில் எப்படியாவது குழந்தைகளை வளர்த்து ஆளாக்கி விடலாம். அதற்காக பிறந்த சிசு என்றும் பாராமல் குழந்தையை இப்படிச் சேற்றில் வீச வேண்டிய அவசியம் இல்லை. இது மகாப் பெரிய பாவம். இந்தப் பாவத்தைச் செய்தவர்களுக்கு இப்போது தெரியாது இதன் பலன். நாளை இந்தக் குழந்தை வளர்ந்து ஆளாகும் போது என்றாவது ஒருநாள்.. ‘ஐயோ நம் குழந்தையைப் பெற்று இப்படி ஈவு இரக்கமில்லாமல் சேற்றில் வீசி விட்டோமே!’ என்று கண்ணீர் விடும் நாள் வரும். அப்போது அந்தத் தாயின் சுதந்திரம் பறிபோகும். சுதந்திர தினத்தன்று கிடைத்த அழகான ஆண்குழந்தை என்பதால் இந்தக் குழந்தைக்கு நான் சுதந்திரம் என்று பெயர் வைத்தேன். எனக்கு அவன் பேரன். என் மகள் ஷாலினிக்கு திருமணமாகி சில ஆண்டுகள் ஆகின்றன. இன்னும் குழந்தை பாக்கியம் இல்லை. அதற்காக நாங்கள் வருந்திக் கொண்டிருக்கும் போது எங்களைத் தேடி வந்து கிடைத்திருக்கிறது இந்த சுதந்திரம். நான் கண்டெடுத்த இந்த சுதந்திரம் எங்களுக்கே மீண்டும் கிடைத்தால் எங்களுக்கு மிகவும் சந்தோசம் தான். 

குழந்தையை நானே வளர்ப்பதாகக் கூறி அரசிடம் அனுமதி கேட்டிருக்கிறேன். அவர்கள் குழந்தையைத் தத்தெடுக்க சட்ட நடைமுறைகள் நிறைய இருப்பதாகவும் அதனால் சற்றுப் பொறுங்கள் என்று கூறியிருப்பதாகவும் தெரிவிக்கும் கீதா, நானும் கஷ்டப்படும் மத்திய தர வர்க்கத்தைச் சேர்ந்த பெண் தான்... ஆனாலும் அந்தக் குழந்தை எனக்குக் கிடைத்தால் அரசு அனுமதி கொடுத்தால் என்னால் அந்தக் குழந்தையை எந்தக் குறையும் இன்றி பாசம் காட்டி வளர்க்க முடியும். ஒருவேளை என்னை விட நல்ல நிலையில் உள்ளவர்களுக்கு அந்தக் குழந்தை வருங்காலத்தில் தத்துக் கொடுக்கப்பட்டாலும்  அவனைக் கண்டெடுத்த வகையில் நானும் அவனுக்கொரு பாட்டி தான். நான் தான் அவனுக்கு சுதந்திரம் என்று பெயர் வைத்தேன். அவனை வளர்க்கும் பாக்கியம் எனக்குக் கிடைத்தாலும் கூடப் போதும். அந்தக் குழந்தையை உயிரோடு மீட்டதில் இன்று என் மனசாட்சி என்னை பாராட்டிக் கொண்டிருக்கிறது. வீட்டிலும் கூட என் மகளும், உறவினர்களும் ‘சுதந்திரத்தினால் ஓவர் நைட்டில் ஒபாமாவாகி விட்டாய்’ என்று என்னைக் கேலி செய்து கொண்டிருக்கிறார்கள். கேட்க சந்தோசமாகத்தான் இருக்கிறது. அத்தனையும் அந்தக் குழந்தையை உயிருடன் மீட்டதினால் மாத்திரம் தான். மீட்ட எனக்கே இப்படி இருக்கிறதே... 10 மாதம் சுமந்து பெற்ற தாயால் எப்படி அந்தக் குழந்தையை வேண்டுமென்றே இப்படி கழிவுநீர் குழாயில் போட முடிந்தது? என்று தான் எனக்குத் தெரியவில்லை. 

அந்தக் குழந்தையை ஏன் அப்படிக் கழிவுநீர்க் குழாயில் வீசி எறிந்தார்கள் என்று தெரியவில்லை. ஆனால், அப்படி வீசி எறிந்தவர்களிடம் ஒன்று மட்டும் சொல்லிக் கொள்ள விரும்புகிறேன். உங்களுக்கு குழந்தை வேண்டாமென்றால் அதைக் கந்தையானாலும் பரவாயில்லை ஒரு நல்ல துணியில் போர்த்தி பாதுகாப்பாகவாவது போடுங்கள். இப்படியெல்லாம் வேண்டா வெறுப்பாகக் கழிவு நீர் சாக்கடையில் வீசாதீர்கள். அந்தப் பாவம் உங்களைச் சும்மா விடாது. குழந்தையில்லாமல் எத்தனை பேர் ஏங்கிக் கொண்டிருக்கிறார்கள் தெரியுமா? என்று கண்ணீர் சிந்துகிறார் கீதா.

கீதா கண்டெடுத்த சுதந்திரத்தை வளர்க்கப் போவது யார்?

என்பது தான் அடுத்த கேள்வி.

நிஜமாகவே தமிழகத்தில் கைவிடப்பட்ட குழந்தைகள் மீட்பு வரலாற்றில், இதுவரை இப்படியொரு சம்பவம் நிகழ்ந்து குழந்தை கண்டெடுக்கப் பட்டிருந்தால் அவற்றில் பெரும்பாலும் குழந்தை இறந்து விட்டிருக்கும். கழிவுநீர் குழாயில் உயிருக்கு ஆபத்தான நிலையில் சிக்கியும் கூட மீட்கப் பட்டு பத்திரமாக உயிர் தப்பிய குழந்தை ’சுதந்திரம்’ மட்டுமேயாகத் தான் இருக்கக் கூடும்.

பிறக்கும் போதே தனக்கான பிறப்புரிமையை உரத்த குரலில் உலகுக்குப் பறைசாற்றி உயிருக்குப் போராடி காலனை வென்று கீதாவின் கை சேர்ந்து ‘சுதந்திரம்’ என்ற பெயரில் அவதரித்திருக்கும் இந்தக் குழந்தை நிச்சயம் தனது ஆரோக்யத்தை மீட்டெடுத்து இந்த உலகில் ஏதாவதொரு செயற்கரிய அரும் செயலை நிகழ்த்தத்தான் ஜனித்திருக்கக் கூடும்.

அதுவரையிலும் அந்தக் குழந்தையையும் அதை மீட்ட கீதாவையும் மறவாதிருப்போமாக!

Image Courtesy: Top Tamil News you tube channel.

]]>
கழிவுநீர்ச் சாக்கடையில் கண்டெடுக்கப் பட்ட குழந்தை, baby found in rain water drain, தத்துப் பாட்டி கீதா, சுதந்திரம், baby suthandhiram, http://images.dinamani.com/uploads/user/imagelibrary/2018/8/20/w600X390/baby5.jpg http://www.dinamani.com/lifestyle/lifestyle-special/2018/aug/20/geetha-wants-to-keep-baby-found-in-rain-water-drain-2984042.html
2979812 லைஃப்ஸ்டைல் ஸ்பெஷல் கசகசா... அறிந்ததும் அறியாததுமான சில சுவாரஸ்யங்கள்! DIN Monday, August 13, 2018 12:10 PM +0530  

கசகசா எப்படி விளைவிக்கப் படுகிறது?

கசகசா வை ஆங்கிலத்தில் ஓவியம் பாப்பி என்கிறார்கள். ஓபியம் செடியில் விதைகளைத் தாங்கியிருக்கும் பை முற்றி அது முழுவதுமாகக் காய்ந்த பிறகு அதனுள்ளிருந்து கசகசா பெறப்படுகிறது. இந்த விதைப் பைகளை முற்ற விடாமல் அவை காய்வதற்கு முன்பே பச்சையாக இருக்கும் போது விதைப் பையைக் கீறி அதனுள் இருந்து வடியும் பாலைச் சேகரித்தால் அது தான் ஓபியம் எனும் போதைப்பொருள். அதனால் தான் இந்தக் கசகசாவை ஓரளவுக்கு மேல் சாப்பிட்டால் அது போதையளிக்கிறது. இதனால் தான் துபாய், கத்தார், குவைத், செளதி அரேபியா, சிங்கப்பூர், மலேசியா உள்ளிட்ட நாடுகளில் கசகசாவை போதைப்பொருள் பட்டியலில் வைத்திருக்கிறார்கள். 

கசகசாவுக்கான தடை...

அதுமட்டுமல்ல வளைகுடா நாடுகளான செளதி அரேபியா, கத்தார், துபாய், ஓமன் உள்ளிட்ட நாடுகளில் கசகசா தடைசெய்யப்பட்ட ஒரு போதைப் பொருளாக அறிவிக்கப்பட்டுள்ளது. அசைவ உணவுப் பொருட்களில் சுவை கூட்டப் பயன்படுத்தும் கசகசாவை வளைகுடா நாடுகளுக்குக் கொண்டு சென்றால் அது அங்கு தண்டனைக்குரிய குற்றமாகக் கருதப்படுகிறது. இந்தியாவிலும் கூட இந்திய அரசின் நிதித்துறை, வருவாய்த்துறை மற்றும் சுங்க இலாகா மூலமாக இந்தியாவில் இருக்கும் அனைத்து சர்சதேச விமான நிலையங்களுக்கும், துறைமுகங்களுக்கும் மத்திய கிழக்கு நாடுகளுக்கு கசகசா கொண்டு செல்ல தடை விதிக்கும் படி உத்தரவு போடப்பட்டுள்ளது. மேலும் மேற்கண்ட இடங்கள் அனைத்திலுமே பயணிகள் கண்களில் படும்படியாக ‘கசகசாவை கொண்டு செல்லத் தடை ‘ என்று கொட்டை எழுத்துக்களில் எழுதி அறிவிப்பும் செய்யப்பட்டுள்ளது.

கசகசாவின் மருத்துவ குணங்கள்...

  • கசகசாவிற்கு நோய்த்தடுப்பாற்றலும் மனித ஆரோக்யத்தை மேம்படுத்தும் ஆற்றலும் உண்டு.
  • கெட்ட கொலஸ்ட்ராலைக் குறைத்து நல்ல கொலஸ்ட்ராலை அதிகரிக்கும். அதில் உள்ள ஒலியீக் ஆசிட், லினோலியிக் ஆசிட், போன்ற அமினோ அமிலங்கள் மாரடைப்பைத் தடுத்து, பக்கவாதத்தில் இருந்து பாதுகாக்கவும் உதவுகிறது.
  • கசகசாவின் வெளிப்புற உறையில் அதிக அளவு நார்ச்சத்து (100 g raw seeds provide 19.5 g or 51% of recommended daily levels (RDA) of fibre ) இருப்பதால் அது  மலச்சிக்கலைத் தடுக்க உதவுவதோடு, சர்க்கரை நோயாளிகளுக்கு சர்க்கரை அளவைக் கட்டுப்படுத்தவும் உதவுகிறது.
  • கசகசா விதை, தயாமின், பண்டோதேனிக் அமிலம், பைரிடாக்ஷின், ரைபோ பிளேவின், போலிக் அமிலம் போன்ற வைட்டமின்களுக்கு மிகச்சிறந்த ஆதாரமாக விளங்குகிறது.
  • போதிய அளவில் இரும்பு, காப்பர், பொட்டாஷியம், மாங்கனீஸ், ஜிங்க், மற்றும் மெக்னீசியம் உள்ளது.
  • கசகசா விதையில் உள்ள ஒபியம் அல்கலாயிடுகளான மார்பின் (morphine), தெபைன்(thebaine), கொடின் (codeine), பபவரைன்(papaverine)  போன்றவை மனித உடலில் பல சாதகமான விளைவுகளை ஏற்படுத்துகிறது. நரம்பு எரிச்சலை நீக்கவும், வலியைக் குறைக்கவும்  பயன்படுவதோடு, இந்த வேதிப் பொருட்கள் பல இருமல் மருந்துகளிலும் பயன்படுத்தப்படுகிறது. கசகசா விதை, கர்ப்பிணிகளுக்கும், குழந்தைகளுக்கும் பாதுகாப்பானது.
  • இந்த மரத்தின் மற்ற பாகங்கள், பொதுவாக போதை தரக்கூடிய பொருட்களைக் கொண்டுள்ளது என்றாலும், அதை விரிவாக ஆராயும் பொது அதில், வலி நிவாரணியான மார்பின், தெபய்ன், கொடின் போன்ற மருந்துகள் தான் உள்ளன. இப்படி வலி நிவாரணம் மற்றும் மூளை நரம்பு மண்டலத்தில் வேலை செய்யும் இந்தப் பொருட்கள், போதைக்காக உட்கொள்ளப்படுகிறது என்பது உண்மையானாலும் கசகசா மட்டும் இதில் விதிவிலக்காக உள்ளது.

கசகசாவை பலநாடுகள் தடை செய்யக் காரணம்...

பல நாடுகள், தங்கள் நாட்டுக்குள் கசகசாவைக் கொண்டு வரத் தடை செய்யக் காரணம், கசகசா விதையை செடியில் இருந்து அறுவடை செய்யும் பொது மற்ற பாகங்களில் உள்ள போதை தரும் பொருளுடன் சேர்ந்து மாசுபடுவது ஒரு காரணம். பொதுவாக கசகசா விதை அறுவடை செய்த பின், உரிய முறையில் சுத்திகரிப்பு செய்யப்பட்டால் நூறு சதவீதம் சுத்தமாகி விடும்.

ஒபியம், பப்பி தாவரத்தின் விதை உட்பட எல்லா பாகங்களிலும், மருந்து மூலக்கூறான மார்பின் மற்றும் கொடின் போன்றவை இருப்பதால், இந்த விதையைச் சாப்பிட்டவர்களின் சிறுநீர் சோதனை முடிவிலும், போதைப்பொருள் (false) positive என்றே காட்டும்.

கசகசாவில், மார்பின், மற்றும் கொடின் இருந்தும் அது ஏன் போதை தருவதில்லை என்றால் இந்த மருந்துகளின், செறிவு, கசகசா விதையில் போதை தராத அளவுக்கு மிக மிகக் குறைவு.

M. Thevis, G. Opfermann, and W Schanzerand  போன்ற விஞ்ஞானிகள் ஒரு ஆய்வு செய்து, அதன் முடிவை Journal of Analytical Toxicology என்ற இதழில் வெளியிட்டார்கள். அதில் வியாபரத்திற்காக விற்கப்படும் ஒரு கிராம் கசகாசாவில் இந்த மார்பின் அளவு 0.5 மைக்ரோகிராம் முதல் 10 மைக்ரோ கிராம். ஒரு கசகசா சேர்க்கப்பட்ட உணவில், ஒரு சில மைக்ரோகிராம் மார்பின் தான் இருக்கும்.

மருந்தாக விற்கப்படும் மார்பினில், வலி நிவாரணத்திற்காக ஒரு முறை எடுக்கப்படும் டோஸில் 5000 முதல் 30000  மைக்ரோகிராம் மார்பின் இருக்கும். எனவே, மார்பின் மருந்தின் விளைவு பெற, ஒரு மனிதன் 500 முதல் 60000 கிராம் கசகசா ஒரே முறையில் சாப்பிட்டால் தான் அந்த மருந்தின் விளைவு வரும். இந்த அளவுக்கு எந்த உணவிலும் கசகசா சேர்க்கவே முடியாது. இது கிட்டத்தட்ட 1 முதல் 130 பவுண்ட் கசகசா சாப்பிடுவதற்கு சமம். இவ்வளவு கசகசா ஒரே முறையில் சாப்பிடுவது சாத்தியமே இல்லை. கற்பனைக்கும் எட்டாதது. உணவில் தெளிக்கப்படும் கசகசா விதையால், மார்பினின் எந்த மருத்துவ சக்தியையும் தரமுடியாது என்னும் போது, போதை தர வாய்ப்பே இல்லை.

எனினும் போதையைக் கண்டறிய சிறுநீர் டெஸ்டுக்குச் செல்லும் விளையாட்டு வீரர்கள் போன்றவர்கள் இந்த டெஸ்டுக்கு முந்திய தினம் கசகசாவைத் தவிர்ப்பது நல்லது. மருந்துக்காக மாத்திரை மற்றும் ஊசி மூலம் மார்பின் உட்கொள்ளும் பொது, மூளை நரம்பு மண்டலத்தில் வேலை செய்து, உடனடி வலி நிவாரணம் மற்றும் தூக்கத்தை தருகிறது. போதைக்காக அதிக அளவில் உட்கொள்ளும்போது போதை களிப்பு, போதைக்கு அடிமையாதல் உண்டாகிறது.

கசகசா பயிரிடப்படும் நாடுகள்...

கசகசா இந்தியா, பாகிஸ்தான், ஆப்கானிஸ்தான் போன்ற நாடுகளில் பயிரிடப்படுகிறது. கசகசாவுக்காக பயிர் செய்யப்படும் செடிகளிலிருந்து சட்ட விரோதமாக ஓபியம் எடுப்பதும் நடக்கிறது.

இந்தியாவை பொறுத்தவரை கசகசா போதைப் பொருள் தடுப்புச் சட்டத்தின் கீழ் வரவில்லை. என்றாலும், இந்திய அரசின் நீதித்துறை, வருவாய்த்துறை மற்றும் சுங்க இலாகா இந்தியாவிலிருந்து வெளிநாடுகளுக்கு கசகசாவை உரிய அனுமதியின்றி எடுத்துச் செல்ல தடை உத்தரவு போடப்பட்டுள்ளது என்பது குறிப்பிடத்தக்கது. நம்நாட்டில் காரசாரமாக சுவையும் மணமுமாகச் சாப்பிட்டுப் பழகிய மக்கள் வெளிநாடுகளில் வசிப்பதற்காகச் செல்லும் போது ஊறுகாய் பாட்டில்கள், சாதத்தில் கலந்து உண்ணத்தக்க பருப்புப் பொடி வகைகள், இட்லி மிளகாய்ப்பொடி லிஸ்டில் அசைவ உணவுகளைச் சமைத்து உண்ணத் தோதாக கசகசாவையும் தங்களது லக்கேஜுகளில் கொண்டு செல்ல முயன்று விமான நிலைய சோதனைகளில் பிடிபட்டு தண்டனை பெற்ற அனுபவங்கள் பல உண்டு. அந்த அளவுக்கு மத்திய கிழக்கு நாடுகளில் கசகசாவை கொண்டு செல்ல தடை விதித்திருக்கிறார்கள்.
 

]]>
kasa kasa, is it a drug?, கச கசா, போதைப் பொருளா?, கச கசாவின் மருத்துவ குணங்கள், கச கசா அறிந்ததும் அறியாததும், கச கசாவுக்குத் தடை http://images.dinamani.com/uploads/user/imagelibrary/2018/8/13/w600X390/kasa_kasa2.jpg http://www.dinamani.com/lifestyle/lifestyle-special/2018/aug/13/known-and-unknown-intresting-facts-of-poppy-seeds-2979812.html
2978634 லைஃப்ஸ்டைல் ஸ்பெஷல் கவனக்குறைவால் நிகழும் குழந்தை மரணங்களில் முதல் குற்றவாளிகள் பெற்றோர்களே! RKV Saturday, August 11, 2018 04:06 PM +0530  

இன்று நாளிதழ்களில் வெளிவந்துள்ள செய்தி...

"குழந்தைகள் நலனுக்காக தனித் துறையை உருவாக்கினால் என்ன? என்று மத்திய அரசுக்கு, சென்னை உயர்நீதிமன்றம் கேள்வி எழுப்பியுள்ளது."
 

இப்படிப்பட்ட கேள்விகள் எழக்காரணம், குழந்தைகள் பாதுகாப்பு விஷயத்தில் தொடர்ந்து அதிகரித்து வரும் கவனக்குறைவு மரணங்கள் மற்றும் விபத்துகளே! 

இதோ பண்ருட்டியில் இருந்து வந்த செய்தி ஒன்று மீண்டும் குழந்தைகள் பாதுகாப்பு விஷயத்தில் பீதியைக் கிளப்பியுள்ளது.

அண்டா நீரில் மூழ்கிய குழந்தை சாவு...

பண்ருட்டி அருகே அண்டா நீரில் மூழ்கிய ஆண் குழந்தை வியாழக்கிழமை உயிரிழந்தது.
பண்ருட்டி அருகே உள்ள கட்டமுத்துப்பாளையம் கிராமத்தில் வசிப்பவர் சிலம்பரசன் (32). புதுவையில் தனியார் நிறுவனத்தில் பணிபுரிந்து வருகிறார். இவரது மனைவி ஜெயசித்ரா (26). இவர்களது குழந்தைகள் மிதுன் (2), லக்ஷன் (7 மாதம்). வியாழக்கிழமை மதியம் வீட்டிலிருந்த அண்டா நீரில் மூழ்கிய நிலையில் லக்ஷன் உயிரிழந்துள்ளார்.
இதைக் கண்ட பெற்றோர் அதிர்ச்சியடைந்தனர். குழந்தை உயிரிழந்த வேதனையில் வீட்டிலிருந்து வெளியேறிய தாய் ஜெயசித்ராவை காணவில்லையாம். இதுகுறித்து புதுப்பேட்டை போலீஸார் விசாரித்து வருகின்றனர்.

சென்னையிலும் இதே போன்று உயிரிழப்பை ஏற்படுத்திய மற்றொரு சம்பவம்...

ஹஜ் பயணத்திற்கு தாத்தாவை வழியனுப்ப வந்த 2 வயதுக் குழந்தை மாடியில் இருந்து தவறி விழுந்து மரணம்...

ஹூப்ளியில் வசித்து வரும் மோசிம் என்பவர் தனது தந்தை ஹஜ் புனிதப் பயணம் மேற்கொள்ளவிருந்ததால் அவரை வழியனுப்புவதற்காக குடும்பத்துடன் இரு நாட்களுக்கு முன் சென்னை வந்திருந்தார். அப்போது தந்தைக்கான பயண ஏற்பாடுகளைக் கவனிக்க அவரை அழைத்துக் கொண்டு தன் 2 வயதுமகன் அப்துல்லாவுடன் ஹஜ் கமிட்டி அலுவலகத்துக்குச் சென்றிருக்கிறார். சுமார் 100 அறைகளைக் கொண்ட அந்த ஹஜ் கமிட்டி அலுவலகத்தின் மூன்றாவது மாடியில் மோசிமின் குடும்பத்தினர் தங்க வைக்கப்பட்டிருந்தனர். முற்பகல் 11 மணியளவில் தாத்தா பாட்ஷா பயணத்திற்காக விமானநிலையம் சென்றடைந்ததும் தங்களது அறைக்குத் திரும்பிய மோசிம் குடும்பத்தார் அறையை காலி செய்து கொண்டு ஊர் திரும்பத் தயாராக பெட்டிகளை அடுக்கி எடுத்துக்கொண்டு மூன்றாவது மாடியில் இருந்து கீழிறங்கும் முனைப்பில் இருந்திருக்கின்றனர். அப்போது மூன்றாவது மாடி பால்கனியில் ஒரு பெரிய ஷூட்கேஸின் மீது அமர்ந்து வெளியே சாலையை வேடிக்கை பார்த்துக் கொண்டிருந்த 2 வயதுக் குழந்தை அப்துல்லா தவறிப்போய் அங்கிருந்து கீழே விழுந்திருக்கிறான்.

குழந்தை கீழே விழுவதைக் கண்டதும் பீதியில் உறைந்த அங்கிருந்த மக்கள் உடனடியாகக் குழந்தையை அருகிலிருக்கும் எக்மோர் குழந்தைகள் நல மருத்துவமனைக்கு எடுத்துச் செல்ல உதவியிருக்கிறார்கள். தலையில் பலத்த காயங்களுடன் மருத்துவமனைக்கு எடுத்துச் செல்லப்பட்ட அப்துல்லா சிகிச்சை பலனளிக்காமல் மருத்துவமனையில் உயிரிழந்தார் எனத் தெரிகிறது.

இந்த மரணம் நிகழ்ந்திருப்பதும் கவனக்குறைவினால் தான். 2 வயதுக் குழந்தைய உயரமான ஷூட்கேஸில் அமர வைத்தது யார் குற்றம்?

பெற்றோர்களின் கவனக்குறைவே பிள்ளைகளின் உயிர் குடிக்கும் எமனாகி விடுவது வேதனைக்குரியது மட்டுமல்ல கண்டனத்திற்குரியதும் கூட!

இது போன்ற சம்பவங்கள் கடந்த காலங்களிலும் நிகந்ததுண்டு.

மூன்றாம் மாடி ஜன்னலருகே படுக்கையறையில் விளையாடிக் கொண்டிருந்த சிறுமி தவறி விழுந்து மரணம்...

கடந்தாண்டும் சென்னை நுங்கம்பாக்கம் பகுதியில் மூன்றாம் மாடியில் படுக்கையறை ஜன்னல் அருகில் விளையாடிக் கொண்டிருந்த 1 வயதுக் குழந்தை ஒன்று அங்கிருந்து தவறி விழுந்து உயிரிழந்தது பரிதாபகரமானது.

இவையெல்லாவற்றையும் விட அதிகக் கண்டனத்துக்குரியது சென்னை அயனாவரம் அடுக்குமாடிக் குடியிருப்பு ஒன்றில் 11 வயதுச் சிறுமிக்கு 7 மாதங்களாகத் தொடர்ந்து நடத்தப் பட்டு வந்த பாலியல் வன்கொடுமைச் சம்பவம். அதில் பிடிபட்டு அடையாளம் ஊர்ஜிதப்படுத்தப் பட்ட குற்றவாளிகள் தற்போது புழல் சிறையில் அடைக்கப்பட்டிருக்கிறார்கள். அவர்களுக்கான தண்டனை இன்னனும் உறுதி செய்யப்படவில்லை. தொடர்ந்து விசாரணை நடைபெற்று வருகிறது.

இம்மாதிரியான சம்பவங்கள் தொடர்கதையாவதைக் கண்டு தான் உச்சநீதிமன்ற நீதிபதிகள் மேற்கண்ட கேள்வியை எழுப்பியுள்ளனர். தங்களது கேள்விக்கான காரணங்களாக உச்சநீதிமன்றம் முன்வைத்திருக்கும் காரணங்களும் ஒப்புக் கொள்ளக்கூடியவையே. அதில்  மறுப்பதற்கு ஏதுமில்லை. குழந்தைகளுக்கு எதிரான பாதுகாப்பின்மை குறைய வேண்டுமெனில் பெற்றோர் தங்களது குழந்தைகளின் மீதான கவனத்தையும், பொறுப்புணர்வையும் அதிகரித்தே ஆக வேண்டிய சூழல் தற்போது நிலவி வருகிறது. எத்தனை கவனமுடன் இருந்த போதும் சில நேரங்களில் குழந்தைகள் தங்கள் வயதுக்கு மீறிய விஷயங்களைப்பற்றி அறிந்து கொள்ளும்படியாகவும், உடல் மற்றும் மனவேதனை கொள்ளும்படியானதுமான சம்பவங்கள் நிகழ்ந்து விடுகின்றன. அதைத் தடுக்க வேண்டியது முதலில் பெற்றோர்களின் கடமையல்லவா?

அதனால் தான் நீதிமன்றம் கீழ்க்கண்டவாறு கேள்வி எழுப்பியுள்ளது.

வெளிநாட்டைச் சேர்ந்த ஒருவர் 15 வயது சிறுவனை பாலியல் வன்கொடுமை செய்த வழக்கை விசாரித்த உயர் நீதிமன்றம், குழந்தைகளை பாலியல் வன்கொடுமைகளுக்கு உள்ளாக்கும் நபர்களுக்கு, அறுவைச் சிகிச்சை மூலம் ஆண்மை நீக்கம் செய்வது குறித்து மத்திய அரசு பரிசீலிக்க வேண்டும் என கடந்த 2015-ஆம் ஆண்டு உத்தரவிட்டிருந்தது.

இந்த உத்தரவை மத்திய அரசு அமல்படுத்தவில்லை. இதனையடுத்து, மத்திய அரசுக்கு எதிராக நீதிமன்ற அவமதிப்பு வழக்குத் தொடரப்பட்டது. 

இந்த வழக்கு நீதிபதி என்.கிருபாகரன் முன் விசாரணைக்கு வந்தது. 

வழக்கை விசாரித்த நீதிபதி, குழந்தைகள் மீதான பாலியல் கொடுமைகளுக்கு, வெளி நபர்கள் மட்டுமின்றி பெற்றோர்களும் காரணமாக உள்ளனர். 7 மாதங்களாக ஒரு சிறுமியை பலர் பாலியல் கொடுமை செய்துள்ளனர். அந்தச் சிறுமியின் தாயார் என்ன செய்து கொண்டிருந்தார்? 
தன் மகளைக் கூட அவர்களால் கவனித்துக் கொள்ள முடியாதா? என்று கேள்வி எழுப்பியதோடு, கூட்டுக் குடும்ப வாழ்க்கை முறை குறைவின் காரணமாக பெரியவர்களின் அரவணைப்பு இல்லாமல் குழந்தைகள் வளர்கின்றனர். திருமணமானவுடன் தனிக்குடித்தனம் என்ற நிலை உருவாகிவிட்டது. இந்த முறையில் சில நன்மைகளும், சில பாதிப்புகளும் இருக்கத்தான் செய்கின்றன என கருத்து தெரிவித்தார்.


மேலும், ஒற்றை பெற்றோர் முறை சமுதாயத்தில் அதிகமாக உருவாகியுள்ளது. விவாகரத்து பெற்றுக் கொண்ட பின்னர், குழந்தை தாய் இல்லாமல் தந்தையிடமோ அல்லது தந்தை இல்லாமல் தாயுடனோ வாழ்வதால் மனதளவில் பாதிக்கப்படுகிறது. தாய், தந்தையுடன் குழந்தை வளர்ந்தால் தான் மனதளவிலும் ஆரோக்கியமாக இருக்கும் என்றார்.
 குழந்தைகள் நலன் கருதி பெண்கள் மற்றும் குழந்தைகள் நலத் துறையை, பெண்கள் நலத் துறை' என்றும் குழந்தைகள் நலத் துறை' என்றும் மத்திய அரசு இரண்டாகப் பிரித்தால் என்ன என்று கேள்வி எழுப்பினார். 

இது குறித்து மத்திய அரசின் கருத்தைக் கேட்டு தெரிவிக்கும்படி உதவி சொலிசிட்டர் ஜெனரல் கார்த்திகேயனுக்கு உத்தரவிட்ட நீதிபதி, விசாரணையை வரும் 17-ஆம் தேதிக்கு ஒத்திவைத்தார்.

]]>
CARELESS CHILDREN DEATHS, HC QUESTIONED, IRRESPONSIBLE PARETNS, கவனக்குறைவு சிறுவர் மரணங்கள், பொறுப்பற்ற் பெற்றோர், உயர்நீதிமன்றம் கேள்வி http://images.dinamani.com/uploads/user/imagelibrary/2018/8/11/w600X390/haj_committy_building.jpg http://www.dinamani.com/lifestyle/lifestyle-special/2018/aug/11/who-are-responsible-for-children-careless-accidantal-deaths-hc-raises-question-to-central-2978634.html
2976255 லைஃப்ஸ்டைல் ஸ்பெஷல் பிள்ளைகளுக்கு ஆசை ஆசையாக ஆன்ட்ராய்டு ஃபோன் வாங்கித்தந்து ‘ஆப்’பு வைத்துக் கொள்ளும் பெற்றோர்களுக்கு சம்ர்ப்பணம்! கார்த்திகா வாசுதேவன் Tuesday, August 7, 2018 02:02 PM +0530  

ஸ்மார்ட் ஃபோன்களால் சூழப்பட்டுள்ள நகரத்தின் நிலை என்ன?

நீங்கள் செல்ஃபோனில் அனுப்புகின்ற ஃபோட்டோக்கள் முதல் மெசேஜ்கள் வரை காவல்துறை அதிகாரிகளாகிய நாங்கள் பார்க்க வேண்டுமென்றால் ஒரே ஒரு அனுமதி வாங்கி விட்டால் பார்க்க முடியும். இந்தக் கண்கள் மட்டும் தானே பார்க்கின்றன என்று நீங்கள் நினைத்துச் செய்கின்ற அத்துணையும் கம்ப்யூட்டருக்குப் பின்னால், செல்ஃபோனுக்குப் பின்னால் இந்த உலகமே பார்க்க முடியும் என்பதை தெரிந்து கொள்ளுங்கள். நகரத்தின் நிலை என்னவென்று காவல்துறை அதிகாரிகளாக இருக்கும் என்னைப் போன்றவர்களுக்கும் ஐஆர் எஸ் அதிகாரிகளாக இருப்பவர்களுக்கும் தெரியும்.

ஒரு கணக்கெடுப்பு நடத்தினார்கள். பெற்றோர்கள் தெரிந்து கொள்ள வேண்டும் என்பதற்காகச் சொல்கிறேன். செல்ஃபோன் வாங்கித் தராதீர்கள் என்று சொல்கிறார்களே... ஏன் சொல்கிறார்கள்? 100% பேரிடம் கணக்கெடுப்பு நடத்தினார்கள். 67% ஆண்களும், 33% பெண்களும் ஆபாசப் படங்களை செல்ஃபோனிலே பார்க்கின்றார்கள். அதை தங்களுக்குள் பரிமாறிக் கொள்கிறார்கள் என்பது தான் அதிர்ச்சி தருகின்ற உண்மை. ஃபேன் ஃபிக்‌ஷன் என்ற காமரசம் ததும்பும் இணையதளங்களைப் பார்த்த இந்திய மாணவர்களின் குறிப்பாக தமிழக மாணவர்களின் எண்ணிக்கை 25 லட்சம் பேர். இதை நான் அவையிலே பதிவு செய்கின்றேன். பசி, உறக்கம், தாகம் போல காமமும் ஓர் உணர்வு. அதை எந்த நேரத்திலே எப்படி உபயோகப்படுத்த வேண்டும் என்பதை பெற்றோர்களும், ஆசிரியர்களும் பிள்ளைகளுக்குச் சொல்லித் தர வேண்டிய காலம் வந்து விட்டதாகவே நினைக்கிறேன். நீங்கள் சொல்லித்தரவில்லை என்றால் செல்ஃபோன்களும், இண்டர்னெட்களும், டிவிக்களும், சினிமாக்களும் அவர்களை முறை தவறி வழிநடத்தி விடும்.

சின்னஞ்சிறுசுகளை இனம்புரியாத உலகத்துக்கு அழைத்துச் செல்வதின் மூலம் கவர்ச்சியைக் கடைவிரித்துக் காசு பண்ணுகிறார்கள். எல்லோரும் தெரிந்து கொள்ளுங்கள் ஜப்பான், சீனா, சவுதி அரேபியா போன்ற நாடுகளிலேயே ஒரு செல்ஃபோன் செயலி கூட வேலை செய்யாது. (வியாபார நிமித்தம் அந்த நாடுகளுக்குச் செல்பவர்களுக்கு அது நன்றாகத் தெரிந்திருக்கும்). இந்தியாவுக்கு வந்து இறங்கினீர்கள் என்றால் எல்லா செல்ஃபோன் செயலிகளுமே திறந்திருக்கும். அப்படியானால் பிள்ளைகளைப் பாதுகாக்க வேண்டிய பொறுப்பு நமக்குத்தானே அதிகமாக இருக்க வேண்டும். எதற்காக இதையெல்லாம் சொல்லுகின்றேன்? நினைத்துப் பாருங்கள்... ஒரு சொடுக்கிலே திரையிலே வந்து விழுகின்ற ஆபாசப் படங்கள் என்ற வெள்ளம் அமைதியான தமிழ்நாட்டுக் குழந்தைகளுடைய பண்பு நலன்களை அடித்துச் செல்லுகிறது என்பதை பெற்றோர்கள் தெரிந்து கொள்ளுங்கள்.

ஆன்ட்ராய்டு ஃபோன் கேட்கிறார்கள் என்றதும் உடனே வாங்கித் தருகிறீர்களே? ஆன்ட்ராய்டு என்றால் என்னவென்ற உங்களில் எத்தனை பேருக்குத் தெரியும்? ஆப்பிள் ஃபோன் என்றால் என்னவென்று எத்தனை பேருக்குத் தெரியும்? ஏன் கேட்கிறேன் தெரியுமா? கல்லூரிகளில் பெற்றோர்களிடத்தில் நான் உரையாற்றச் செல்லும் போது நான் இந்த ஃபோனைப் பற்றிப் பேசும் போது பெற்றோர்கள் எல்லாம் பெரும்பாலும் ஒன்றுமறியதாவர்களாக பவ்வியமாக உட்கார்ந்திருப்பார்கள்... ஆனால், பின்னால் உட்கார்ந்திருக்கும் பிள்ளைகள் எல்லாம் பயங்கரமாகச் சிரித்துக் கொண்டிருப்பார்கள். என்ன காரணம் என்று நினைக்கிறீர்கள்? பெற்றோர்களுக்கு ஃபோனைப் பற்றி பெரிதாகத் ஒன்றும் தெரியாது.

ஆன்ட்ராய்டு ஃபோன் என்றால் என்னவென்று எத்தனை பேருக்குத் தெரியும்?

செல்ஃபோனைப் பொறுத்தவரை இந்தியாவில் 100 க்கு 51% பேர் அரைகுறை ஞானம் கொண்டவர்கள். ஆனால் 81% பேர் இந்தியாவில் செல்ஃபோன் பயன்படுத்துகிறோம். ஆனால் அப்படிப் பயன்படுத்தும் செல்ஃபோனை பிள்ளைகளுக்கு வாங்கித் தரும் போது அதைப் பற்றி முழுமையாகத் தெரிந்து கொண்டு தான் வாங்கித் தருகிறோமா என்றால் அது தான் இல்லை. ஆண்ட்ராய்டு என்றால் அது ஒரு  ‘கனெக்டிவிட்டி லிங்க்’ என்பதை தெரிந்து கொண்டு வாங்கித் தருகிறோமா? என்றால் அது தான் இல்லை. ஐஓஎஸ் என்பது ஆப்பிள் ஃபோனின் கனெக்டிவிட்டி லிங்க். காவல்துறை அதிகாரியாகக் குறிப்பிடுகின்றேன். ஆப்பிள் ஃபோனில் ஹேக்கர்ஸ் அதாவது இணையத் திருடர்கள் நுழைந்து தகவல்களைத் திருடுவது கஷ்டம். ஆனால், ஆண்ட்ராய்டு அப்படி இல்லை. யார் வேண்டுமானாலும் அதை ஹேக் பண்ணலாம்.

நாம் 35 வயதில் தெரிந்து கொள்வதை நம் பிள்ளைகள் 15 வயதில் தெரிந்து கொள்கிறார்கள்... அதற்கான மெச்சூரிட்டி இல்லாமலே!

2G,3G,4G  என்றெல்லாம் பார்த்தோமே அதையெல்லாம் எதற்காகப் பார்த்து வியந்தோம் என்பது வேறு கதை. ஆனால், அனைவருக்கும் எளிதில் புரியும் வண்ணம் சொல்வதென்றால் 2G என்றால் பைப்பைத் திறந்தால் தண்ணீர் வருகிறார் போல. 3G என்றால் வயக்காட்டில் பம்ப் செட்டில் தண்ணீர் வருகிறார் போல. ஆனால், இந்த 4G     என்பது நயாகரா நீர்வீழ்ச்சி மாதிரி. எல்லாம் கொட்டும். அது ஒரு இண்டர்னெட் ஜங்கிள். நல்லதுமிருக்கும், கெட்டதுமிருக்கும். விஷ செடியுமிருக்கும். மூலிகைச் செடியும் இருக்கும். எதைப் பார்க்கலாம் என்பது 15 வயதில் பிள்ளைகளுக்குத் தெரியுமா? பெரியவர்களாகிய நமக்கு 35 வயதில் தெரியக்கூடிய விஷயங்கள் அந்தப் பிள்ளைகளுக்கு 15 வயதில் தெரியும். மெச்சூரிட்டி வருவதற்கு முன்பு அதைப் பற்றியதான நாலெட்ஜ் வந்து விடுகிறது. அந்த நாலெட்ஜை வைத்துக் கொண்டு என்ன செய்வதெனத் தெரியாமல் தவிக்கிறது இன்றைய இளைய சமுதாயம். சொல்லித் தரவேண்டியது யார்?

கேடு விளைவிக்கும் ஆப்களை தடை செய்யக் கோரும் உச்சநீதிமன்றத்துக்கு இந்தியப் பாராளுமன்றத்தின் பதில்...

‘இது மாதிரியெல்லாம் செய்யாதீர்கள், பிள்ளைகள் எல்லோரும் கெட்டுப் போகிறார்கள். மற்ற நாடுகளைப் போல இதைத் தடுத்து விடுங்கள்’ என்று பாராளுமன்றத்துக்கு உச்சநீதிமன்றம் அறிவுறுத்தியது. ஆனால், அங்கே என்ன பதில் கிடைத்தது தெரியுமா? பகிரங்கமாக இதைச் சொல்கிறேன். ‘இது சுதந்திர நாடு, இதை இயக்குபவர்கள் எல்லாம் வெளிநாட்டில் இருந்து இயக்குகிறார்கள். எங்களால் ஒன்றும் செய்ய முடியாது என்று சொல்லி விட்டார்கள். இப்போது தான் அதற்குரிய முயற்சிகள் நடக்கின்றன.

பிள்ளைகளுக்கு ஆன்ட்ராய்டு ஃபோன் வாங்கித் தந்து விட்டு அவர்கள் தவறு செய்ய மாட்டார்கள் என நம்பும் பெற்றோர்களின் நம்பிக்கை எப்படிப்பட்டது?

அப்படியென்றால், குழந்தைகளுக்கு செல்ஃபோன் வாங்கித் தந்து விட்டு என் பிள்ளை தப்பு செய்யாது என்று நம்பும் அம்மா, அப்பாக்களின் நம்பிக்கை எப்படிப் பட்டது தெரியுமா? மெளண்ட் ரோடில் அப்போது தான் நடை பயிலக் கூடிய பருவத்திலிருக்கும் சின்னஞ்சிறு குழந்தையை விட்டு விட்டு, என் குழந்தை... தானாக பத்திரமாக சாலையைக் கடந்து வந்து விடும் என்று நம்புவது எத்தனை முட்டாள்தனமோ, அதை விடப் பெரிய முட்டாள் தனமாக இருக்கும் என்பதை மனதிலே பதிய வைத்துக் கொள்ளுங்கள்.

நேரில் பேசுவதற்கு சங்கோஜப்படுகின்ற எதையும் செல்ஃபோனில் பகிர்ந்து கொள்ளாதீர்கள்.

நீங்கள் செல்ஃபோனில் அனுப்புகின்ற ஃபோட்டோக்கள் முதல் மெசேஜ்கள் வரை காவல்துறை அதிகாரிகளாகிய நாங்கள் பார்க்க வேண்டுமென்றால் ஒரே ஒரு அனுமதி வாங்கி விட்டால் பார்க்க முடியும். இந்தக் கண்கள் மட்டும் தானே பார்க்கின்றன என்று நீங்கள் நினைத்துச் செய்கின்ற அத்துணையும் கம்ப்யூட்டருக்குப் பின்னால், செல்ஃபோனுக்குப் பின்னால் இந்த உலகமே பார்க்க முடியும் என்பதை தெரிந்து கொள்ளுங்கள். அது நீங்கள் ஆசையாக செல்ஃபோன் வாங்கித் தருகிறீர்களே அந்தப் பிள்ளைகளுக்குத் தெரியுமா?

மார்ஃபிங் என்ற விஷயத்தின் விபரீதம் இந்தியாவில் இதுவரை எத்தனை பேருக்குப் புரிந்திருக்கிறது?

வினுப்ரியா என்ற இளம்பெண் தூக்குப் போட்டு இறந்ததாக செய்திகளில் கண்டிருப்பீர்கள். அது ஏன் என்று எத்தனை பேருக்குத் தெரியும்? அந்தப் பெண் தனது புகைப்படத்தை முகநூலில் பகிர்ந்திருந்தார். ஒருவன் அந்தப் பெண்ணின் புகைப்படத்தில் முகத்தை மட்டும் வெட்டி எடுத்து வேறொரு ஆபாசப் புகைப்படத்தின் உடலுடன் இணைத்து மார்ஃபிங் செய்து ஆபாச இணையதளங்களில் பரப்பி விட்டான். அந்தப் பெண், அது தன்னுடைய புகைப்படம் இல்லை என்று பலரிடம், பலமுறை சொல்லிப் பார்த்தார். யாரும் நம்பவில்லை. முடிவாக அவரது படிப்பறிவற்ற சொந்தப் பெற்றோரே வினுப்பிரியாவை நம்பாமல் அவர் மீது கேள்வியெழுப்பவே அன்றிரவே தூக்குப் போட்டுத் தற்கொலை செய்து கொண்டார் அந்தப் பெண்.

தவறு யாருடையது? சமூகத்தினுடைய குற்றமல்லவா? பெற்றோர்களின் குற்றமல்லவா?  மார்ஃபிங் என்றொரு விஷயமிருக்கிறது. அதைப் பயன்படுத்தி ஒருவன் குற்றம் செய்கிறான். நீங்கள் அதைப் புரிந்து கொள்ளாமல் பெண்ணை கேள்விக்குள்ளாக்கும் போது குற்றத்துக்கு அம்மா, அப்பா தானே காரணமாகி விடுகிறீர்கள்! எதற்கு செல்ஃபோன் வாங்கித் தருகிறீர்கள்? பேசுவதற்கு என்றால், 2000 ரூபாயில் பேசுவதற்கு மட்டுமாக வேறு வகையில் உபயோகப் படுத்த முடியாத வகையிலான செல்ஃபோன் இருக்கிறது, அதை வாங்கிக் கொடுங்கள்.

கணினித் திருட்டுக்கு ஒரு அமெரிக்க உதாரணம்...

அமெரிக்காவில் ஒரு கார் நிறுவனம், ஆறு மாதத்திற்கு முன்பு 70 லட்ச ரூபாய்க்கு ஒரு கார் தயாரித்தார்கள். அனைத்துமே கம்ப்யூட்டரைஸ்டு வசதிகள் பொருத்தப்பட்ட கார் அது. வெள்ளோட்டம் பார்ப்பதற்காக அந்தக் காரை வெளியில் எடுத்துச் செல்கிறார்கள். இதெல்லாம் உண்மையில் நடந்த சம்பவங்கள்... அதைத் தான் சொல்லிக் கொண்டிருக்கிறேன்... பின்னால் காரில் இருந்து ஒருவன் பேசுகிறான். உன் காரில் இருக்கும் கண்ட்ரோல் என்னிடம் இருக்கிறது என்று. கார் நிறுவனக்காரன் மிரண்டு போனான். ‘ஏய் சும்மா சொல்கிறாயா? என்று பின்னால் வந்த கார்காரனை இவன் மிரட்ட, நீ ஓட்டித்தான் பாரேன் என்று அவன் சவால் விட, இவன் ஓட்டிப் பார்த்தான்... பிரேக் பிடிக்க முடியவில்லை, நினைத்த படி வலது, இடது பக்கம் திருப்ப முடியவில்லை. காரின் இயக்கம் முழுதும் பின்னால் உள்ள கார்க்காரனின் கட்டுப்பாட்டில் இருப்பதை அப்போது தான் இவன் உணர்ந்து கொள்கிறான். வண்டியை நிறுத்த முடியாத அபாயத்தில் அவன் தன்னைக் காப்பாற்றச் சொல்லிக் கதற.. பிறகு பின்னால் வந்த கார்க்காரன் காரை நிறுத்தி அவனைக் காப்பாற்றுகிறான். அப்படிப்பட்டவனை அந்தக் கார் நிறுவனம் 1 மில்லியன் டாலர் சம்பளம் கொடுத்து தன்னிடம் வேலைக்கு வைத்துக் கொண்டது. வேறு வழியில்லை. ஏனென்றால், அவன் எப்படித் திருடினான் என்று தெரியவேண்டும். மீண்டும் இப்படி யாராவது தங்களது காரைத் திருடாமலிருக்க என்ன செய்ய வேண்டும் என்பதையும் தெரிந்து கொண்டாக வேண்டும். இப்படியெல்லாம் செய்ய முடிகிறது எனும் போது, நீங்கள் அனுப்பும் புகைப்படங்கள், மெசெஜ்களைத் திருட முடியாதா?

கூகுளில் Agree, Disagree ஆப்சன்களில் அக்ரிமெண்ட்டை முழுதாகப் படித்துப் பார்த்து பட்டனை அழுத்தும் புத்திசாலிகள் யாராவது உண்டா?

செல்ஃபோன் வாங்கியதும், அதை இயக்கத் தொடங்கும் போது ஒரு அடையாளத்துக்காக உங்களது மின்னஞ்சல் முகவரியைக் கேட்கும். அப்போது கீழே Agree, Disagree என்று இரண்டு ஆப்சன்கள் இருக்கும். அதில் அந்த அக்ரிமெண்ட்டை நீங்கள் யாராவது எப்போதாவது முழுவதுமாகப் படித்துப் பார்த்து விட்டு பிறகு Agree பட்டனை அழுத்தி இருக்கிறீர்களா? ஒருவர் கூட அதை முழுதாகப் படித்துப் பார்த்திருக்க மாட்டீர்கள் என்று எனக்குத் தெரியும். ஏனென்றால், Disagree பட்டனைத் தொட்டால் இணையப் பக்கங்கள் ஒன்றுமே திறக்காது. Agree பட்டனைத் தொட்டால் உலகமே திறக்கும். அதனால் நாம் அதைப் படித்துப் பார்க்காமலே அழுத்தி விட்டு அடுத்த வேலையைப் பார்க்கச் சென்று விடுகிறோம்.

Agree பட்டனை அழுத்தும் போது நீங்கள் எதற்கெல்லாம் உடன்படுகிறீர்கள் என்று தெரிந்து கொள்ளுங்கள்...

நான், நீங்கள் தெரிந்து கொள்ள வேண்டுமென்பதற்காகச் சொல்கிறேன். Agree பட்டனை அழுத்தினால் நீங்கள் எதையெல்லாம் ஒப்புக் கொள்கிறீர்கள் என்று தெரியுமா? நீங்கள் இணையத்தில் பார்க்கும் பகிரும் அத்தனை புகைப்படங்கள், இணையப் பக்கங்கள், மின்னஞ்சல்கள், சாட்டுகள் என அனைத்தையுமே கூகுள் நிறுவனம் குக்கீஸ்களில் ஸ்டோர் செய்து ஹிஸ்டரியில் பத்திரப் படுத்தும். யாராவது அதைத் திருடி தவறாகப் பயன்படுத்தினால் அவர்கள் மேல் நடவடிக்கை எடுக்க முடியாது. அதற்கு கூகுள் நிறுவனம் பொறுப்பேற்காது. என்று கூகுள் நிறுவனம் உங்களிடம் முன்கூட்டியே ஒரு அக்ரிமெண்ட் வாயிலாக ஒப்புதல் பெறுகிறது. அந்த அக்ரிமெண்ட்டை ஒப்புக் கொண்டு தான் நீங்கள் Agree   பட்டனை அழுத்தி உள்ளே நுழைகிறீர்கள்.

Agree பட்டன் குறித்து சுந்தர் பிச்சை சொன்ன விபரீத விளையாட்டு...

கூகுள் CEO சுந்தர் பிச்சை சமீபத்தில் லண்டனில் நடந்த மீட்டிங்கில் சொன்னார். தமிழ்நாட்டில் குறைந்த பட்சம் 10% புத்திசாலிகளாவது கூகுள் அக்ரிமெண்டைப் படித்துப்பார்த்து விட்டு கையெழுத்துப் போடுவார்கள்... ஐ மீன் Agree பட்டனை அழுத்துவார்கள் என்று சொன்னார். ஆனால், அந்த மீட்டிங்கில் கலந்து கொண்டவர்கள் சொன்னார்கள். இல்லை.. நிச்சயமாக ஒருவர் கூட படித்துப் பார்த்து விட்டு கையெழுத்துப் போடமாட்டார்கள் என்று. கடைசியாக, சும்மா விளையாட்டுக்கு என்று சொல்லி அந்த அக்ரிமெண்ட்டின் இறுதியில் இரண்டு வரிகளைச் சேர்த்தார்கள். அது என்னவென்றால், ஆண்ட்ராய்டு ஃபோனில் Agree பட்டனை யார் தொட்டு அழுத்தினாலும் அவர்களுக்குப் பிறக்கும் குழந்தைகளில் ஒன்றை கூகுள் நிறுவனத்திற்கு கொடுத்து விட வேண்டும் என்ற வரிகளைச் சேர்த்தார்கள். சும்மா விளையாட்டுக்குத்தான், ஆனால், அதையும் ஒரு பயலும் பார்க்கவில்லை. எல்லோரும் படித்துப் பார்க்காமலே Agree பட்டனை அழுத்தியிருந்தார்கள். நம்முடைய நிலைமை அப்படி இருக்கிறது. 

பேரண்ட்டல் கைடன்ஸ் குறித்து இப்போதாவது தெரிந்து கொள்ளா விட்டால் வேறெப்போது தான் தெரிந்து கொள்ளப் போகிறீர்கள்?

அமெரிக்காவில் பெற்றோர்கள், குழந்தைகளுக்கு செல்ஃபோன் வாங்கித் தருகிறார்கள், ஆனால், எப்படி வாங்கித் தருகிறார்கள் தெரியுமா? பேரண்ட்டல் கைடன்ஸ் (PG) என்றொரு செயலி இருக்கிறது. அந்த சாஃப்ட்வேரை உள்ளே வைத்துக் கொடுத்து விடுகிறார்கள். தவறான விஷயங்களைப் பிள்ளைகள் தேடுகிறார்கள் என்றால் அந்தச் செயலியின் விளைவாக உடனே அப்பாவுக்கு அலார்ம் அடிக்கும். பிறகு எவனாவது அப்படித் தேடுவானா? நமக்கு அந்த மாதிரியான செயலிகள் இருக்கிறது என்பதாவது தெரியுமா? தயவு செய்து பிள்ளைகளே, செல்ஃபோன் பயன்படுத்துகிறீர்கள் என்றால் உங்களது மின்னஞ்சல் முகவரியை முகநூலில் போடாதீர்கள். உங்களது செல்ஃபோன் நம்பரை முகநூலில் போடாதீர்கள். உங்களது ஃபோட்டோவையோ அல்லது குடும்பத்தில் உள்ளவர்களது ஃபோட்டோவையோ முகநூலில் போடாதீர்கள். ஏனென்றால் அதை எடுத்து பிறர் தவறாக உபயோகிப்பதற்கு எல்லாவிதமான வாய்ப்புகளும் இருக்கின்றன. இப்போது தான் செக்‌ஷன் 2000 என்று ஒன்றைச் சேர்த்து... இணையத்தில் இருந்து தகவல்களை எடுத்து தவறாகப் பயன்படுத்தினால் அதற்கு மூன்று வருட தண்டனை என்று கொண்டு வந்திருக்கிறார்கள். மானம், மரியாதை எல்லாம் போன பிறகு தவறு செய்தவர்களைத் தண்டித்து என்ன செய்யப் போகிறோம்?!

செல்ஃபோனை நல்ல விஷயங்களுக்குப் பயன்படுத்தும் பக்குவம் முதலில் பெற்றோர்களுக்கு வர வேண்டும்... பிறகு பிள்ளைகளுக்கும்...

உங்களை நீங்கள் காப்பாற்றிக் கொள்வதாக இருந்தால், ஒழுக்கமுடன் பிள்ளைகள் வளர வேண்டுமென்றால் செல்ஃபோனை நல்லதிற்கு மட்டும் பயன்படுத்துங்கள். செல்ஃபோனை நிறைய நல்ல காரியங்களுக்குப் பயன்படுத்த முடியும். யுட்டிலிட்டி செயலி என்று ஒன்று இருக்கிறது. இங்கிருந்து உலகின் எந்த மூலையில் இருக்கும் மருத்துவரையும் அணுகி ஆலோசனை பெற்று இந்திய மருத்துவமனைகளில் இருக்கும் மருத்துவர்கள் அறுவை சிகிச்சை செய்ய முடியும். தனித்தனியாக இருப்பவர்களை குழுக்களாக இணைப்பது மாதிரியான எவ்வளவோ நல்ல பயன்கள், நல்ல கருத்துக்கள் இதில் இருக்கின்றன. சமீபத்தில் நடந்த ஜல்லிக்கட்டு போராட்டத்தைப் பற்றிச் சொல்லலாம். அதில் அத்தனை பேரும் ஒற்றுமையாகத் திரண்டது எதனால்? இணைய சமூக ஊடகங்கள் தானே இணைத்தது. ஆனால் செல்ஃபோனையும், இண்டர்நெட்டையும் நல்ல விஷயங்களுக்காகப் பயன்படுத்துபவர்கள் வெறும்19% பேர் மட்டும் தானாம். 81% பேர் தவறாகத்தான் பயன்படுத்துகிறார்கள். இதைத் தெரிந்து கொள்ள வேண்டியது பெற்றோர்களே!

நன்றி: சமூக சிந்தனையாளர் கலியமூர்த்தி ஐபிஎஸ் அவர்களுக்கு.
(சங்கரன் கோவிலில் ஒரு விழிப்புணர்வு & பாராட்டு விழாவில் அவர் ஆற்றிய உரையின் சாராம்சம் தான் மேலே இதுவரை நீங்கள் வாசித்தறிந்த உண்மைகள்.)

 

]]>
ஸ்மார்ட் ஃபோன் விபரீதங்கள், பெற்றோர்கள், குழந்தைகள், கலியமூர்த்தி ஐபிஎஸ், சமூக சிந்தனை செயல்பாடு, parents, smart phones, kids, gifts, apps, parenting, knowledge, maturity http://images.dinamani.com/uploads/user/imagelibrary/2018/8/7/w600X390/0000000000_smartphone_adiction.jpg http://www.dinamani.com/lifestyle/lifestyle-special/2018/aug/07/alert-parents-who-wish-to-donate-smart-phones-to-thier-kids-2976255.html
2973644 லைஃப்ஸ்டைல் ஸ்பெஷல் விபரீதத்தை விலைக்கு வாங்க நினைக்கும் பெற்றோர்களுக்கு வீடியோ மூலமாக ஒரு எச்சரிக்கை! RKV DIN Friday, August 3, 2018 02:31 PM +0530  

பக்கத்து வீட்டுப் பெண் அடிக்கடி கூறுவார். தன் 5 வயது மகனை பக்கத்தில் உட்கார வைத்துக் கொண்டு காரோட்டுவது தனக்கு மிகச்சிரமமான காரியம் என்று. பையன் படு சுட்டி. அம்மாவைக் கார் ஓட்டவே விடாது, தானே காரை இயக்குவேன் என்று படு பயங்கரமாக அடம்பிடிப்பானாம். இதைச் சொல்லி விட்டு ஆளில்லாத மைதானம் அல்லது குடியிருப்பு வளாகச் சாலைகள் என்றால், அவனது பிடிவாதத்தை சமாளிக்க முடியாமல் தான் எப்போதோ ஒரு முறை அவனிடம் காரை இயக்கச் சொல்லி அனுமதித்ததால் அவன் அதே நினைவில் எப்போது காரில் தன்னுடன் வந்தாலும் இப்படித்தான் அடம்பிடிக்கிறான். அவனது அப்பா என்றால் ஒரே மிரட்டலில் அடங்கி விடுவான். நான் என்றால் விடாமல் நச்சரித்தும், அழுது அடம்பிடித்தும் காரியத்தைச் சாதிக்கப் பார்ப்பான் என்றும் கூறிக் கொண்டிருந்தார். சொல்லும் போது அவரது தொனியில் பையனின் செயலைப் பற்றிய அச்ச உணர்வையும் மீறி பெருமித உணர்வு மிகுந்திருந்தது. அட! எம்பையனாக்கும், 5 வயசுக்குள்ள பாருங்க, விட்டா அவன் காரே ஓட்டுவானாக்கும்! என்பது மாதிரியான பெருமிதம் பொங்கி வழிந்தது.

இப்படியொரு சம்பவம் தான் இந்த வீடியோவில் நிகழ்வதும்...

 

நீங்களே பாருங்கள்... பார்த்து விட்டு யோசியுங்கள்.

நீங்களும் இப்படியான பெற்றோர்களில் ஒருவர் தானா? என; பெற்றோர் குழந்தைகளை என்கரேஜ் செய்ய வேண்டியது அவசியம் தான். ஆனால், அது எதில்? என்பதில் மிகுந்த கவனம் வேண்டும். இல்லாவிட்டால் நடக்கவிருக்கும் விபரீதங்களுக்கு அவர்கள் தான் முழுப் பொறுப்பையும் ஏற்க வேண்டியதாயிருக்கும் என்பதை மறக்கவோ, மறுக்கவோ கூடாது.

மேற்கண்ட வீடியோவில் பார்த்தீர்கள் அல்லவா? அதே போன்ற காரியங்களைப் பல பெற்றோர்கள் செய்கிறார்கள். பெருமைக்காக அவர்கள் செய்யும் இப்படியான காரியங்கள் குழந்தைகளுக்கு மட்டும் ஆபத்தானவை அல்ல. பிறருக்கும் ஆபத்தை விளைவிக்கக் கூடியவையே! பெற்றோர்கள் அதை எப்போதும் உணர்ந்திருக்க வேண்டும். மேலே வீடியோவில், இன்னமும் எலிமெண்டரி ஸ்கூல் கூட தாண்டியிராத வயதில் இருக்கும் தனது மூத்த குழந்தையை இருசக்கர வாகனத்தை இயக்க விட்டு விட்டு அந்த வண்டியில் அம்மா, அப்பா மற்றுமொரு குழந்தை என நால்வர் பயணிக்கிறார்கள். இது எத்தனை அபத்தமான செயல். இந்தச் செயலை சக பயணி ஒருவர் அவர்களுக்கே தெரியாமல் வீடியோ எடுத்து இணையத்தில் பதிவேற்றியதில் தற்போது அந்த தந்தையின் ஓட்டுநர் உரிமம் தற்காலிகமாக ரத்து செய்யப்பட்டுள்ளதாகத் தகவல். இது நடந்தது தமிழ்நாட்டில் அல்ல கேரளாவில்.

இந்தியாவில் சாலை விபத்துக்களால் உயிரிழப்பவர்களின், உடலுறுப்புகளை இழப்பவர்களின் எண்ணிக்கை நாளுக்கு நாள் அதிகரித்து வருகிறது. இந்நிலையில் பெற்றோர், பெருமைக்காக தங்களது குழந்தைகள் இப்படியான செயல்களில் ஈடுபடுவதைத் தவிர்க்க வேண்டுமே தவிர என்கரேஜ் செய்து விட்டு பிறகு அவஸ்தைப் படக்கூடாது.

]]>
PARENTS VS KIDS, KIDS DRIVING, PARENTS MENTALITY, விபரீதப் பெருமிதம், பெற்றோர் மனசு, குழந்தைகள் காரோட்டிகளா?, குழந்தைகள் பெரியவர்களல்ல, சாலை விபத்துகள், road accidants, alert, எச்சரிக்கை, http://images.dinamani.com/uploads/user/imagelibrary/2018/8/3/w600X390/0000_dad_allows_to_drive.jpg http://www.dinamani.com/lifestyle/lifestyle-special/2018/aug/03/dads-please-should-not-allow-kids-to-drive-your-vehicles-2973644.html
2973625 லைஃப்ஸ்டைல் ஸ்பெஷல் கழுதை மேய்ப்பதில் என்ன கேவலம்! லாபம் கொழிக்கும் தொழில் என்கையில் மேய்க்கக் கசக்குமோ?! RKV Friday, August 3, 2018 11:59 AM +0530  

குழந்தைகளுக்கு கழுதைப்பால் கொடுத்தால் எப்பேர்ப்பட்ட சளித்தொல்லையும் அறவே நீங்கும் என என் தம்பியின் மாமியார் சொல்லும் போது எனக்கதில் நம்பிக்கை வரவில்லை. அட! இப்படி ஒரு மூடநம்பிக்கையா? என்றிருந்தது. அம்மா கூட, அப்படி நினைக்காதே, கழுதைப்பால் மகிமை பற்றி வரலாற்றில் படித்ததில்லை, கிளியோபாட்ரா கழுதைப்பாலில் தான் குளிப்பாள் என்று. அதன் மருத்துவ குணம் சரும ஆரோக்யத்துக்கு நல்லதென்று அப்போதே எகிப்தில் நம்பியிருக்கிறார்கள். என்றார். அது சரி, அன்று கழுதைகள் நிறைய இருந்திருக்கக் கூடும். கழுதைப்பாலுக்கும் பஞ்சம் இருந்திருக்காது. ஆனால், இன்று அப்படி இல்லையே! கழுதை எங்கே இருக்கிறது என்றே தேடித்தான் கண்டுபிடிக்க வேண்டியதாயிருக்கிறது. இப்போது போய் கழுதைப் பால் எங்கேடா கிடைக்கும் என்று அலைய முடியுமா? என்று கேலியாகச் சொல்லத் தோன்றியது.

ஆனால், இங்கே பார்த்தால், கேரளாவில் ஒரு மனிதர் கழுதைப்பாலில் காஸ்மெடிக்ஸ் தயாரித்து விற்பதை ஒரு தொழிலாகவே மேற்கொண்டிருக்கிறார் என்று அறிய நேரும் போது ஆச்சர்யமாக இருக்கிறது.

கேரளாவின் எர்ணாகுளத்தைச் சேர்ந்த எபிபேபி என்பவர் தான் அந்த அதிசயிக்கத் தக்க தொழிலதிபர். ஏனெனில் அடிப்படையில் ஒரு பொறியாளரான எபி, வித்யாசமான தொழில் ஏதாவதொன்றைத் தொடங்கி நடத்த வேண்டும் என்பதற்காகவே தனது வேலையை விட்டு விட்டு கழுதைப்பால் ஆராய்ச்சியில் இறங்கி கிட்டத்தட்ட 10 ஆண்டுகளை அதற்கெனவே ஒப்புக் கொடுத்து தற்போது வெற்றிகரமாக கழுதைப் பால் காஸ்மெடிக்ஸ் தொழிலில் ஈடுபட்டு மிகச்சிறந்த முறையில் லாபமீட்டி வருவதாகக் கூறுகிறார்.

முதன்முதலில் அவரைச் சூழ்ந்திருந்த சொந்தங்களும், மக்களும், இதென்ன வேலையை விட்டு விட்டு, இப்படி கழுதை பின்னால் சுற்றிக் கொண்டிருக்கிறானே! இவனொரு சுத்த மடையன்’ என்று கேலி செய்து கொண்டும் அறிவுரை கூறிக் கொண்டும் இருந்திருக்கின்றனர். எபி அதையெல்லாம் பொருட்படுத்தினார் இல்லை.

அமெரிக்கா 2015ம் ஆண்டு கழுதைப்பாலின் மருத்துவ குணத்தை அதிகாரப்பூர்வமாக ஏற்றுக் கொண்டது. இங்கிலாந்தும் தற்போது அதற்கான முயற்சிகளில் இறங்கியிருக்கிறது கழுதைப்பாலின் மகிமையால் அமெரிக்காவில் அதற்கு தற்போது ஏக டிமாண்ட். ‘பாண்டா சிண்ட்ரோம்’ எனப்படும் வித்யாசமான குறைபாட்டால் பாதிக்கப்பட்டுள்ள குழந்தைகளின் பெற்றோர்கள், குழந்தைகளின் சிகிச்சைக்காக புத்தம்புதிய அப்போது தான் கறந்த கழுதைப்பால் வேண்டி கழுதைப் பண்ணைக்கு அருகிலேயே அதிகமும் குடியேறி வருகின்றனர். ஏனெனில் கழுதைப்பாலில், தாய்ப்பாலுக்கு நிகரான புரோட்டினும், லாக்டோஸும் இருப்பதாக அந்நாட்டு அறிவியல் ஆய்வுக்கட்டுரைகள் மெய்ப்பித்திருப்பதால் மக்கள் அவ்விதம் நம்புகின்றனர். எனது 10 ஆண்டுகால ஆராய்ச்சித் தேடலில் இதையறிந்த போது, நாமும் ஏன் கழுதைப்பாலை அடிப்படையாகக் கொண்ட தொழில் ஏதாவதொன்றைத் தொடங்கக் கூடாது! என்றெனக்குத் தோன்றியது. அதன் பயனாக நான் கண்டடைந்தது தான் கழுதைப்பால் காஸ்மெடிக்ஸ் தொழில் என்று சிரிக்கிறார் எபி.
இதற்காக அவர் கழுதைகள் வாங்கத் தேர்ந்தெடுத்த இடம் தமிழ்நாடு. இங்கிருந்து 36 கழுதைகளை வாங்கி அவற்றை இரண்டரை ஏக்கர் நிலத்தில் கழுதைப் பண்ணையிட்டு வளர்க்கத் தொடங்கினார் எபி. ஆரம்பத்தில் சில கழுதைகள் இறந்தாலும் தன் கொள்கையில் விடாமுயற்சி கொண்டிருந்த எபி ஒவ்வொரு கழுதைக்கும் தனிச்சிரத்தை எடுத்துக் கொண்டு அவற்றை அன்புடனும், கவனத்துடனும் வளர்க்கத் தொடங்கி இருக்கிறார். கழுதைகளுக்குத் தீனியாக வீட்டுப்புற்களையே பயன்படுத்துவதாகக் கூறும் எபி, ஆரோக்யமான ஒரு கழுதையிலிருந்து நாளொன்றுக்கு அரை லிட்டர் பால் கரக்கலாம் என்கிறார்.
அப்படிக் கரந்த பால் சேகரிக்கப்பட்டு 40 டிகிரி செல்சியஸுக்கு கீழ் உறைய வைக்கப்படுகிறது. உறைதலின் மூலம் பாலில் இருக்கும் நீர்மப் பொருள் நீக்கப்பட்ட பின் உலர வைக்கப்பட்டு  
பெளடராக்கப்படுகிறது. இப்படி பெளடராக்கப்பட்ட் பாலில் இருந்து ஃபேஸ் கிரீம் முதல் பாடி லோஷன்கள் வரையிலான காஸ்மெடிக் பொருட்கள் தயாரிக்கப்படுகின்றன. தயாரான தனது காஸ்மெடிக்குகளை எபி Dolphin IBA எனும் இணையதளத்தின் மூலம் விற்பனை செய்து வருகிறாராம்.

எபியின் பண்ணையில் தற்போது கழுதைகளின் எண்ணிக்கை அதிகரித்து வருவதைப் போலவே கழுதைப் பால் காஸ்மெடிக்ஸ் வாங்க வரக்கூடிய கஸ்டமர்களின் எண்ணிக்கையும் அதிகரித்து வருகிறதாம். கழுதைப்பால் அரிதானது என்பதால் அதன் விலை சற்று அதிகம் என்று கூறும் எபி, 40 கிராம் எடை கொண்ட ஃபேஸ் கிரீமை 1920 ரூபாய்க்கு விற்பனை செய்து வருவதாகக் கூறுகிறார். தற்போது எபியின் கழுதைப்பண்ணையில் காஸ்மெடிக்குகள் மட்டுமல்ல கழுதைகளும் கூட விற்கப்படுகின்றனவாம். முன்பெல்லாம் எப்படி மாட்டுப்பால் வேண்டுமென்றால் வீடுகளில் மாடுகளை வளர்த்தார்களோ, அதே போல மக்கள் தற்போது தங்களது சரும பிரச்னைகளுக்கு நிவாரணம் பெற கழுதைப்பால் வேண்டி கழுதைகளை விலைக்கு வாங்கி வீடுகளில் வளர்க்கத் தொடங்கியிருக்கிறார்கள். மேலை நாடுகளில் பரவலாக அதிகரிக்கத் தொடங்கியிருக்கும் இந்தப் பழக்கம் தற்போது நம்மூரிலும் பரவி வருகிறது. அப்படி விரும்பி வந்து கழுதைகளை விற்பனைக்கு கேட்பவர்களுக்காகத் தான் அவற்றை விற்பதாகக் கூறும் எபி, ஒரு கழுதையின் விலையாக நிர்ணயித்திருப்பத்கு 80,000 ரூபாய் முதல் 100000 ரூபாய் வரை!

தனது 10 வருட உழைப்புக்கு கிடைத்த வெற்றியாக இதைக் கருதும் எபி... கூடிய விரைவில் தனது பிராண்ட் காஸ்மெடிக் பொருட்களை சர்வதேச பிராண்டாக மாற்றும் முயற்சியில் இருக்கிறார்.

நம்பிக்கை தான் வாழ்க்கை. அந்த நம்பிக்கையை செயல்படுத்தும் ஆற்றல் இருப்பவர்களை நம்பிக்கை என்றும் ஏமாற்றுவதே இல்லை.

அதற்கு எபியும் அவரது கழுதைப்பால் காஸ்மெடிக்ஸும் ஒரு சாட்சி!

]]>
DONKEY MILK COSMETICS, EBHI BABY, KERALA, கழுதைப்பால் காஸ்மெடிக்ஸ், எபிபேபி, எர்ணாகுளம், கேரளா, லைஃப்ஸ்டைல் ஸ்பெஷல், http://images.dinamani.com/uploads/user/imagelibrary/2018/8/3/w600X390/donkey_cosmetics1.jpg http://www.dinamani.com/lifestyle/lifestyle-special/2018/aug/03/donkey-milk-cosmetics-for-skin-disorders-is-a-succesful-business-now-2973625.html
2972251 லைஃப்ஸ்டைல் ஸ்பெஷல் இந்தி நடிகை மீனா குமாரி! காலத்தால் அழியாத புகழை மீண்டுமொரு முறை நினைவுபடுத்தும் கூகுள் டூடுல் உமா Wednesday, August 1, 2018 05:55 PM +0530  

முதன் முதலில் ஃபிலிம் ஃபேர் விருது பெற்ற நடிகை என்ற பெருமைக்குரியவர் பழம்பெரும் நடிகை மீனா குமாரி. இந்திய சினிமாவின் வரலாறு இவரது பங்களிப்பைப் பற்றி எழுதாமல் நிறைவு செய்ய முடியாது. நடிகை, பாடலாசிரியர், பாடகி என பன்முகத் திறமை கொண்டவர் மீனா குமாரி. அவரது வாழ்க்கை துயரமானது. துயரங்களின் நாயகி என்றே அழைக்கப்பட்ட மீனா குமாரியின் பிறந்த நாளை முன்னிட்டு இன்று (ஆகஸ்ட் 1) அவரது 85-வது பிறந்த நாளில் கூகுள் சிறப்பு டூடுல் ஒன்றை வெளியிட்டு இருக்கிறது.

பாகிஸ்தானில் பஞ்சாப்பில் இருந்து இந்தியா வந்த அலி பக்ஷா என்ற முஸ்லிமிற்கும், மேற்கு வங்கத்தில் இருந்து வந்த மஃஜபீன் பானு என்ற கிருஸ்துவ பெண்ணிற்கும் 1933-ல் பிறந்தவர் மீனா குமாரி.1950-களில் இந்தித் திரையுலகில் ஆட்சி புரிந்த நடிகை மீனா குமாரி. இந்தப் பேரழகி அந்நாட்களில் பல்லாயிரணக்கான இளைஞர்களுக்கு கனவுக் கன்னியாக திகழ்ந்தார். 

தி லெதர் பேஸ்'' என்ற படத்தில் அறிமுகமான மீனா குமாரி 33 வருடத்தில் 92 படங்களில் நடித்து பெரும் சாதனை படைத்தார். அவர் நடித்த அத்தனை படமும் வெற்றி பெற்றது. அவர் படங்களைப் போலவே சொந்த வாழ்க்கையிலும் காதல், பிரிவு, தனிமை, சோகம் எனத் துன்பியலில் வாடியிருந்தார். இறுதி மூச்சு வரை பல பிரச்னையில் மனம் உழன்று, தனிமையிலும் துயரத்திலும் மது போதைக்கு அடிமையாகி கடைசி வரை அனேக துன்பங்களை அனுபவித்தார் மீனா குமாரி.

உடல் நலம் குன்றி, கோமாவில் விழுந்து 1972-ம் ஆண்டு உயிர் நீத்த இவர் 38 வருடங்களே வாழ்ந்தவர். அவரது கவிச்சொற்களை மேற்கோளாக பயன்படுத்தும் வகையில் ஆழமான வரிகளை எழுதியுள்ளார். மீனா குமாரியின் வாழ்க்கையைப் பற்றி இரண்டு புத்தகங்கள் வெளியாகியுள்ளன. பலரை விழிகள் விரியச் செய்து, மகிழ்ச்சிக் கடலில் ஆழ்த்திய அந்தத் தாரகை சோகத்தில் சோர்ந்து போயிருந்தாலும், திரையிலும், காலம் தோறும் தோன்றும் ரசிகர்களின் இதயங்களிலும் வாழ்ந்து வருகிறார்.

]]>
Bollywood, பாலிவுட், திரைப்படம், Google Doodle, கூகுள் டூடுல் , Meena Kumari, மீனா குமாரி, இந்தி சினிமா http://images.dinamani.com/uploads/user/imagelibrary/2018/8/1/w600X390/meena-kumari_650x400_41503378203.jpg http://www.dinamani.com/lifestyle/lifestyle-special/2018/aug/01/meena-kumari-unknown-facts-about-the-tragedy-queen-2972251.html
2966894 லைஃப்ஸ்டைல் ஸ்பெஷல் பாம்பு ஒயின் தயாரிக்க முயற்சித்த சீனப்பெண் பாம்புக் கடியால் மரணம்! RKV DIN Tuesday, July 24, 2018 04:17 PM +0530  

நம்மூரில் இந்த நடைமுறை வழக்கத்தில் இருக்கிறதா எனத்தெரியவில்லை. ஆனால், சீனாவில் கொடிய விஷம் கொண்ட பாம்பில் இருந்து மருத்துவ குணம் மிகுந்த ஒயின் தயாரிப்பது வழக்கமான நடைமுறை. ஆனாலும் சீன அரசு, இந்த நடைமுறைக்கு தடை விதித்துள்ளது. அப்படியான நிலையில் 21 வயது சீனப்பெண் ஒருவர், இ - காமர்ஸ் மூலமாக குவாங்டாக்கில் இருந்து செயல்படும் ஸுவான்ஸுயான் எனும் ஆன்லைன் போர்ட்டல் மூலமாக கொடிய விஷம் கொண்ட பாம்பு ஒன்றை விலைக்கு வாங்கினார். குவாங்டாக்கில் இந்த வகைப் பாம்புகள் அதிக அளவில் இருப்பதால் அங்கே அதன் விற்பனை அமோகமாக நடைபெறுவது வழக்கம். ஆன்லைன் மூலமாக விலைக்கு வாங்கப்பட்ட விஷப்பாம்பு உள்ளூர் கூரியர் மூலமாக அந்தப் பெண்ணுக்கு டெலிவரி செய்யப்பட்டுள்ளது. தாங்கள் டெலிவரி செய்தது விஷப்பாம்பு என்று தெரியாமலே அவர்கள் அதை பெண்ணின் முகவரிக்கு டெலிவரி செய்திருக்கிறார்கள். அப்படித்தான் சீனாவின் Xinhua news Agency கூறுகிறது.

பாம்பு கடித்து மரணமடைந்த பெண்ணின் தாயார், மகளின் இறப்பு குறித்து பேசுகையில், தன் மகள் கொடிய விஷப் பாம்பை விலைக்கு வாங்கியது அதிலிருந்து மருத்துவப் பயன் மிக்க ஒயின் தயாரிப்பதற்காகத் தான் என்று கூறியிருக்கிறார்.

பாம்பு விஷத்திலிருந்து ஒயின் தயாரிப்பதென்றால், முழுப்பாம்பையும் ஆல்கஹாலில் ஊற வைத்து அதன் மூலம் கிடைக்கக் கூடிய சாறிலிருந்து தயாரிக்கப் படுவது என்கிறார்கள். அப்படிக் கிடைக்கக் கூடிய சாற்றின் எஃபெக்ட் ஏடாகூடமாக இருக்கும் என்றும் சொல்லிக் கொள்கிறார்கள். பாம்பு ஒயின் என்ற பெயரில் பெரிய பெரிய கண்ணாடி பாட்டில்களில் உயிருடன் பாம்பைப் பிடித்து ஆல்கஹாலில் ஊற வைத்திருக்கும் காட்சி சீனாவில் சகஜமான காட்சியாக இருக்கிறது. பார்க்கும் நமக்குத்தான் பகீரென்று இருக்கிறது.

பாம்பு கடித்து இறந்த பெண்... பாம்பு ஒயின் தயாரிப்பதற்காக அந்தக் கொடிய விஷம் கொண்ட பாம்பை பாட்டிலில் இருக்கும் ஆல்கஹாலில் அடைக்க முயன்றிருக்கிறார். அப்போது சந்தடி சாக்கில் தப்பிய பாம்பு இளம்பெண்ணை கடித்து விட்டு எஸ்கேப் ஆகியிருக்கிறது. இளம்பெண் மரணத்திற்குப் பின் அவரது வீட்டைச் சுற்றியிருந்த காட்டில் இருந்து விஷப்பாம்பை மீட்டனர் சீனக் காட்டிலாகாவினர் 

ஆன்லைன் போர்ட்டல்களில் இத்தகைய முறையில் வனவிலங்குகளை விற்பனை செய்வதற்கு தடை அறிவிக்கப்பட்டிருந்த போதும் சில இணையதளங்கள் மிகச்சிறிய அளவில் பொதுமக்களைத் தூண்டக்கூடிய விதத்தில் அறிவிப்பு விளம்பரங்களை வெளியிட்டு முறைகேடான வகையில் கொடிய விஷப்பாம்புகளை விற்பனை செய்து பொதுமக்களின் உயிருக்கு ஆபத்தை விளைவித்து வருகின்றன.

இ - காமர்ஸ் என்று சொல்லத்தக்க மின்னணு வர்த்தக முறையில் அதிகம் ஈடுபாடு கொண்ட சீனர்கள் அதன் மூலமாக வர்த்தகம் செய்து இ காமர்ஸ் வளர்ச்சியை அசுரத்தனமாக வளர்த்து விட்டிருக்கிறார்கள். இதன் மூலமாக பல பில்லியன் டாலர்கள் இதில் புழங்குகிறது.

ஆனால், அது ஒரு இளம்பெண்ணின் உயிரைப் பலி கொள்ளும் அளவிற்குச் சென்றது கண்டிக்கத்தக்கது.
 

]]>
பாம்பு ஒயின், ஸ்னேக் ஒயின், பாம்பு கடித்து சீனப் பெண் மரணம், இ - காமர்ஸ், சீனா, விஷப் பாம்பு, e commerce, china, venomous snake, snake wine, girl died when she tries to make snake wine, snake bite http://images.dinamani.com/uploads/user/imagelibrary/2018/7/24/w600X390/snake_wine.jpg http://www.dinamani.com/lifestyle/lifestyle-special/2018/jul/24/chinese-woman-buys-poisonous-snake-online-to-make-wine-gets-bitten-and-dies-2966894.html
2966884 லைஃப்ஸ்டைல் ஸ்பெஷல் எமராஜன் வேடத்தில் சாலைகளில் நடமாடும் நபர்! யாரிந்த இளைஞர்? எதற்கிப்படி துணிந்தார்? RKV Tuesday, July 24, 2018 03:12 PM +0530  

பெங்களூரு தெருக்களில் எமராஜன் வேடத்தில் நடமாடிக் கொண்டும், ஹெல்மெட் அணியாமல் இரு சக்கர வாகனங்களில் பயணிக்கக் கூடியவர்களை வாலண்டியராக இழுத்துப் பிடித்து நிறுத்தி ஹெல்மெட்டின் அத்யாவசியம் குறித்து விளக்கு, விளக்கென்று விளக்கி அதை அறியாமல் சுற்றுவதின் பின்னுள்ள அலட்சியத்தையும் அதன் பின் விளைவையும் எடுத்துக்கூறி தன் எமராஜன் வேலையைக் கச்சிதமாகச் செய்து கொண்டிருந்த அந்த இளைஞரின் பெயர் வீரேஷ் முட்டினமத். யார் இந்த இளைஞர்? இவருக்கு எதற்கு இந்த வேலை என்று சிலருக்குக் கேட்கத் தோன்றலாம். அந்த இளைஞர் சில கன்னட சீரியல்களில் நடித்திருக்கிறார். அவருக்கு நடிப்பு தான் எல்லாமும். நடிப்பின் மேலிருந்த ஆசையின் காரணமாகத் தனது பள்ளிப் படிப்பை பாதியில் நிறுத்தியவராகத் தம்மை அறிமுகப்படுத்திக் கொள்ளும் வீரேஷுக்கு நடிப்பு என்றால் உயிர். சீரியல்களில் நடித்துக் கொண்டிருந்தாலும் சினிமா தான் ஒரே லட்சியம் என்பதால் அதற்காக பெரும் பிரயத்தனத்துடன் முயன்று கொண்டிருக்கிறார். இடையிடையே மேடை நாடகங்கள் மற்றும் சீரியல்களில் தோன்றவும் மறுப்பதில்லை.

சில வாரங்களுக்கு முன்பு ரவிந்திர கலாஷேத்ராவிலிருக்கும் கரந்த் கேண்டீனுக்கு வருகை தந்த போக்குவரத்து காவலர்கள் குழு ஒன்று, சாலைப்போக்குவரத்தில் சாலை விதிகளை மதிக்காமல் செல்லக் கூடியவர்களை எச்சரிக்கும் விதத்தில் தாங்கள் புது விதமானதொரு பிரச்சார உத்தியை மேற்கொள்ளவிருப்பதாகவும் அதில் எமராஜனாக நடிக்க பொருத்தமான நபரைத் தேடிக் கொண்டிருப்பதாகவும் கூறி இருக்கிறார்கள். பல வாரங்களாகத் தேடுதல் நிகழ்த்தியும் கூட எமராஜனாக நடிக்க தங்களுக்கொரு நபர் கிடைக்கவில்லை என்றும் காவல்துறை அலுவலர்களையே நடிக்க வைக்கலாம் என்று பார்த்தால், அவர்களில் யாருமே எமனாக நடிக்க ஒப்புக் கொள்ளவில்லை என்றும் தெரிவித்திருக்கிறார்கள். இந்த உரையாடல் நிகழ்ந்த கணத்தில் அங்கிருந்த வீரேஷ் இந்த வாய்ப்பை தனக்குச் சாதகமாகப் பயன்படுத்திக் கொள்ள நினைத்தார். அப்படித்தான் காவல்துறை அதிகாரிகள் அளித்த எமராஜன் வேடத்தை தான் ஏற்றுக் கொண்டு தற்போது பெங்களூரு சாலைகள் மற்றும் போக்குவரத்து சிக்னல்கள் தோறும் எமராஜனாகத் தோன்றி சாலை விதிகளை மதிக்கத் தவறியவர்களை எச்சரித்து வருவதாகக் கூறுகிறார் அவர்.

காவல்துறையைச் சேர்ந்தவர்களே நடிக்கத் தயங்கிய ஒரு வேடத்தை நடிப்பின் மீதிருந்த மோகத்தால் மட்டுமே வீரேஷ் தேர்வு செய்யவில்லை. அவரது சொந்த வாழ்க்கை சோகமும் கூட இந்த முடிவெடுக்க அவரைத் தூண்டியிருக்கிறது எனலாம். கடந்தாண்டு வீரேஷின் மூத்த சகோதரர் மாரிசுவாமி இருசக்கர வாகன விபத்தொன்றில் சிக்கி அகால மரணமடைந்தார். அவரது மரணத்திற்காக பிரதான காரணம் தலையில் ஹெல்மெட் அணியாதது. இத்தனைக்கும் வாகனத்தை இயக்கியது மற்றொரு நபர். மாரிசுவாமி வாகனத்தின் பில்லியனில் தான் அமர்ந்து பயணித்திருக்கிறார். அப்படியிருந்தும் மரணம் சம்பவித்திருக்கிறது. ஆனால், நம்மூரில் வண்டியோட்டுபவர்களைத் தான் ஹெல்மெட் அணியச் சொல்லி வற்புறுத்த வேண்டியதாக இருக்கிறது. பில்லியனில் அமர்ந்து செல்பவர்கள், எங்களுக்கெல்லாம் ஹெல்மெட் தேவையே இல்லை என்று அந்த அறிவுரையைப் புறந்தள்ளுகிறார்கள். அது தவறு எனச் சுட்டுகிறது வீரேஷின் சகோதரர் மாரிசுவாமியின் மரணம். அந்தக்காரணத்தை முன்னிட்டும் ஹெல்மெட் அணிவது குறித்த விழிப்புணர்வை ஏற்படுத்தவே வீரேஷ் இப்படி ஒரு முயற்சியில் இறங்கியிருக்கிறார் எனக் கூறப்படுகிறது.

இதில் மேலும் குறிப்பிடத்தக்கதும், பாராட்டத்தக்கதுமான அம்சம் என்னவென்றால், தனது இந்த சேவைக்காக வீரேஷ் ஒரு பைசா கூட பண உதவி பெறவில்லை என்பது தான். எமதர்ம ராஜனாக வேடம் பூணத் தேவையான உடைகளைக் கூட இவரையே தயார் செய்து கொள்ளுமாறு காவல்துறையினர் கேட்டுக் கொண்டதால் அதற்கென தனியாக டிஸைனர் வைத்து தான் எமராஜனுக்கான உடைகளைத் தைத்துக் கொண்டதாகக் கூறுகிறார் வீரேஷ்.

பொது மக்களை சாலை விதிகளை மதிக்கச் செய்ய வேண்டும்.
ஹெல்மெட் அணிவதின் பின்னுள்ள அவசியத்தை உணரச் செய்ய வேண்டும்.
இந்த இரண்டு எச்சரிக்கைகளையும் பின்பற்றா விட்டால் என்னென்ன விபரீதங்கள் விளையும் என்பது பற்றியும் பொது மக்களிடம் விளக்கி உணர வைக்க வேண்டும்.

இந்த மூன்று டார்கெட்டுகளை நிர்ணயித்து அவற்றை நிறைவேற்றுவதற்காக மட்டுமே வீரேஷ் தற்போது பெங்களூரு சாலைகளில் எமராஜனாகச் சுற்றிக் கொண்டிருக்கிறார்.

வீரேஷ் எமராஜனாக நடிக்க ஒப்புக் கொண்டதில் அவரது நண்பர்களுக்கு மிகப்பெரிய மனவருத்தம் இருக்கிறதாம். ஆயினும் அதையெல்லாம் பொருட்படுத்தாமல் இந்த நல்ல காரியத்தில் இறங்கியிருக்கும் வீரேஷ், இதைப் பார்த்த பின் சினிமாவில் தனக்கொரு பிரேக் கிடைத்தால் அதுவும் தன் வாழ்க்கைக்கு நல்லது தானே! என்கிறார்.

வீரேஷின் நல்ல மனதுக்கு அவர் சினிமாவிலும் பல்வேறு கதாபாத்திரங்களில் நடித்துச் சிறப்பிக்க வாழ்த்துவோம்.

]]>
சாலை விதிகளை மதிப்போம், ஹெல்மெட்டின் அவசியம், வீரேஷ் மட்டினமத், பெங்களூரு இளைஞர், எமராஜன் வேடம், yamaraj, importance of traffic rules, importance of helmet http://images.dinamani.com/uploads/user/imagelibrary/2018/7/24/w600X390/0000yama1.jpg http://www.dinamani.com/lifestyle/lifestyle-special/2018/jul/24/man-becomes--yamraj-to-save-lives-2966884.html
2962724 லைஃப்ஸ்டைல் ஸ்பெஷல் ஆஹா மஹாபாரதம்! 35 பெண் ஓவியக் கலைஞர்களின் கைவண்ணத்தில் மியூரல் அற்புதம்! ஸ்ரீதேவிகுமரேசன் Wednesday, July 18, 2018 04:41 PM +0530 பிரபல கேரள மியூரல் ஓவியரான பிரின்ஸ் தொன்னக்கல் தலைமையில் அவருடைய 35 மாணவிகள் இணைந்து நம்முடைய இதிகாசமான மகாபாரதத்தை 113 மியூரல் ஓவியங்களாகப் படைத்துள்ளனர். இதற்கு "பகவத் மியூரல்' என பெயரிட்டுள்ளனர். சென்னை லலித் கலா அகாதெமியில் 10 நாள்கள் நடைபெற்ற இந்த கண்காட்சி குறித்து 35 ஓவியர்களில் ஒருவரான விஜயநிர்மலா ரமேஷ் நம்முடன் பகிர்ந்து கொண்டவை:

'எங்களது குரு பிரின்ஸ் தொன்னக்கல் அவர்களின் பல வருட கனவு இந்த மியூரல் மகாபாரதம். மகாபாரதத்தில் இருந்து முக்கிய நிகழ்வுகள் சிலவற்றை எடுத்து அதனை அடிப்படையாகக் கொண்டு 113 ஓவியங்கள் வரையப்பட்டிருக்கிறது. அதில் 112 ஓவியங்களை ஒரு தொகுதியில் 35 ஓவியம் என மூன்று தொகுதிகளாக எங்களது குரு அவுட் லைன் வரைந்து கொடுக்க, அதற்கு நாங்கள் 35 பேரும், வண்ணம் தீட்டியுள்ளோம்.

ஒவ்வொரு 35 ஓவியம் வரையப்பட்டதும், எங்களுடைய 35 பேரின் பெயர்களையும் துண்டு சீட்டில் எழுதி குலுக்கல் முறையில் தேர்ந்தெடுத்து ஒவ்வொருவருக்கும் 3 ஓவியங்கள் வீதம் வண்ணம் தீட்டக் கொடுத்தார். பெண்கள் எல்லாரும் ஒன்று சேர்ந்து ஈடுபட வேண்டும் என்று நினைத்து எங்களுக்கு இந்த பிரஜாக்ட்டை கொடுத்தார். அவரது கனவிற்கு எங்களால் ஆன பங்களிப்பை கொடுத்தது மகிழ்ச்சியாக உள்ளது.

எங்கள் 35 பேரில் அதிகபட்ச பெண்கள் கோட்டயம், கொல்லம், திருவனந்தபுரத்தைச் சேர்ந்தவர்கள். சென்னையிலிருந்து என்னுடன் சேர்த்து 8 பெண்கள் வரைந்திருக்கிறோம். ஒருவர் தில்லி, ஒருவர் துபாயைச் சேர்ந்தவர். நாங்கள் 35 பேரும் ஒன்று சேர்ந்து இந்த மியூரல் மகாபாரதத்தை 4 ஆண்டுகளாக உருவாக்கியிருக்கிறோம். இந்த ஓவியங்கள் அனைத்தும் வெவ்வேறு இடங்களில் இருந்து வண்ணம் தீட்டியதால், வித்தியாசம் தெரியாமல் ஒன்று போல இருக்க வேண்டும். இதற்காகவே அடிப்படை நிறங்களான பஞ்சவர்ணம் நிறத்தையே பெரும்பாலும் உபயோகப்படுத்தியிருக்கிறோம். 113-ஆவது ஓவியமான விஸ்வரூப காட்சியை எங்கள் குருவே வரைந்து அவரே வண்ணமும் தீட்டியிருக்கிறார்.

இது கோயில் கலை என்று சொல்லலாம். தஞ்சாவூர் ஓவியம், சிற்பங்கள் போன்று இது ஒரு வகையான ஓவியம். இந்த வகையான கேரளா மியூரல் ஓவியங்கள் முன்பெல்லாம் கோயிலில் மட்டும்தான் இருக்கும். கேரளாவில் உள்ள காலடி, குருவாயூர், பத்மநாபசாமி கோயில் போன்ற மிக பழைமையான கோயில்களில் மட்டும்தான் இந்த வகையான ஓவியங்களை காணமுடியும். அங்கெல்லாம் கிளிஞ்சல்கள், வேம்பு போன்றவற்றில் இருந்து தயாரிக்கப்பட்ட இயற்கை வண்ணங்களை கொண்டு வண்ணம் தீட்டியுள்ளனர். அவை பார்ப்பதற்கு மிக அழகாகவும், மிக நேர்த்தியாகவும் இருக்கும்.

இத்தனை அற்புதமான ஓவியங்கள் வெளிவுலகத்திற்கு கொண்டுவர வேண்டும் என்ற எண்ணத்தில்தான் மகாபாரத தீமை மியூரல் ஓவியங்களாக வரைந்திருக்கிறோம்'' என்றார் விஜய நிர்மலா.
 - ஸ்ரீதேவிகுமரேசன்
 படங்கள் : சாய் வெங்கடேஷ்

]]>
mural, art, oviam, ஓவியம், ம்யூரல் http://images.dinamani.com/uploads/user/imagelibrary/2018/7/18/w600X390/6af2d199c6b50b388179f516d865515a.JPG http://www.dinamani.com/lifestyle/lifestyle-special/2018/jul/18/ஆஹா-மஹாபாரதம்-35-பெண்-ஓவியக்-கலைஞர்களின்-கைவண்ணத்தில்-மியூரல்-அற்புதம்-2962724.html
2961937 லைஃப்ஸ்டைல் ஸ்பெஷல் மறுபிறவி எடுத்த சிறுமி தன்யஸ்ரீ! RKV Tuesday, July 17, 2018 02:05 PM +0530  

சென்னை தண்டையார் பேட்டையைச் சேர்ந்த ஸ்ரீதர் மற்றும் யமுனா தேவி தம்பதியின் மகள் இளைய மகள் தன்யஸ்ரீ. 4 வயது தன்யஸ்ரீ கடந்த ஜனவரி மாதத்தில் ஓர் நாள் தன் தாத்தாவுடன் வீட்டின் அருகில் இருந்த மளிகைக் கடைக்குச் சென்றார். அவர் கடைக்குள் செல்லும் போது அதே கட்டிடத்தில் வசிக்கும் 30 வயது சிவா எனும் இளைஞர் இரண்டாம் மாடியில் இருந்து சிறுமி தன்யஸ்ரீயின் மீது விழுந்துள்ளார். அவர் குடிபோதையில் இருந்ததால் நிலைதடுமாறி மாடியிலிருந்து சிறுமியின் மீது விழுந்ததாகக் கூறப்படுகிறது. எடை மிக்க இளைஞர் ஒருவர் பச்சிளம் சிறுமியின் மீது விழுந்ததால் நசுங்கிய சிறுமி சுய நினைவை இழந்த நிலையில் அருகிலிருக்கும் அப்பல்லோ மருத்துவமனைக்கு எடுத்துச் செல்லப்பட்டார். பின்னர் அங்கிருந்து கிரீம்ஸ் சாலையில் உள்ள அம்மருத்துவமனையின் பிரதான கிளைக்கு சிறுமி சிகிச்சைக்கு எடுத்துச் செல்லப்பட்டார்.

அன்றைய நிலையில் சிறுமியின் ஆரோக்யம் கவலைக்கிடமாகவே இருந்தது. மூளையில் வீக்கமும், முதுகுத்தண்டு மற்றும் காலில் எலும்பு முறிவும் ஏற்பட்டுள்ளதாகத் தெரிவித்த மருத்துவர்கள் சிறுமியை அவசர சிகிச்சைப் பிரிவில் அனுமதித்து 48 மணி நேரம் கெடுவில் வைத்தனர். சிறுமியின் மீது விழுந்து உயிராபத்தை ஏற்படுத்திய இளைஞர் சிவா கைது செய்யப்பட்டார். இதெல்லாம் கடந்த ஜனவரி மாதச் செய்திகள்.

தற்போது பாதிக்கப்பட்ட சிறுமி தன்யஸ்ரீ... முகமறியா பலரின் கருணையாலும் அவர்கள் அளித்த பொருளுதவியாலும் சிகிச்சை பலனளித்து நல்ல முறையில் ஆரோக்யம் பெற்று வீடு திரும்பியிருக்கிறார். மறுபிறவி எடுத்து துறு துறுவென ஓடித்திரியும் சிறுமியைக் கண்டு அவளது பெற்றோர் முகத்தில் சந்தோஷ வெளிச்சம் விரிகிறது.

மறுபிறவியெடுத்த தன்யஸ்ரீயைச் சந்தித்து புதிய தலைமுறை டிவி சேனல்காரர்கள் அளவளாவிய காணொளி...

 

சிறுமி தன்யஸ்ரீக்கு 7 வயதில் யாஷிகா என்றொரு அக்காவும் இருக்கிறார். யாஷிகா பள்ளி செல்வதைக் கண்டு தன்யஸ்ரீ தானும் பள்ளி செல்ல ஆசைப் படுவதாகவும் அதற்காக அவளைப் பள்ளியில் சேர்க்கும் முனைப்பில் தற்போது தாங்கள் இறங்கியிருப்பதாக அவளது பெற்றோர் தெரிவித்தனர். தங்கள் மகளது மறுபிறவிக்கு காரணம் முகமறியாத பலர் செய்த பொருளுதவி மற்றும் ஆறுதல் மொழிகளே! அவர்கள் அனைவருக்கும் மனமுவந்த நன்றிகள் என நெகிழ்கின்றனர் தன்யஸ்ரீயின் பெற்றோர்.

அக்காவுடன் பள்ளி செல்ல விரும்பும் தன்யஸ்ரீக்கு நன்றாகப்படித்து டாக்டராக வேண்டுமென்று ஆசையாம்!

தங்களது குழந்தையின் வாழ்வில் திடீரெனக் குறுக்கிட்ட கொடூரமான அந்த விபத்தினால் பலநாட்கள் கிழிந்த வாழைநார் போல மருத்துவமனை கட்டிலில் கிடந்த தங்களது சின்னஞ்சிறு மகள் துள்ளித் திரியும் கோலம் கண்டு நெக்குருகிப் போகிறார்கள் அவளது தாயும், தந்தையும். 

எமனின் நுழைவாயில் வரை சென்று மீண்டு வந்த சிறுமிக்கு தினமணி இணையதளம் சார்பாக வாழ்த்துக்கள்!

Image courtesy: puthiya thalaimurai

]]>
தன்யஸ்ரீ, மறுபிறவியெடுத்த சிறுமி தன்யஸ்ரீ, சென்னை சிறுமி http://images.dinamani.com/uploads/user/imagelibrary/2018/7/17/w600X390/thanyasri.jpg http://www.dinamani.com/lifestyle/lifestyle-special/2018/jul/17/மறுபிறவி-எடுத்த-சிறுமி-தன்யஸ்ரீ-2961937.html
2957922 லைஃப்ஸ்டைல் ஸ்பெஷல் குழந்தைகளை ஸ்மார்ட் ஃபோன் & டி.வி மாயையிலிருந்து மீட்க உதவும் மந்திரங்களில் ஒன்று! கார்த்திகா வாசுதேவன் Wednesday, July 11, 2018 05:06 PM +0530  

பாப்புவுக்கு பள்ளி நேரம் மாலை மூன்று மணியுடன் முடிந்து விடும், வீட்டிற்கு வந்த பின் உடனே யூனிபார்ம் கூட மாற்றிக் கொள்ளாமல் அவள் செய்யும் முதல் வேலை டி.வியை ஆன் செய்வது தான்... பிறகு அவள் இரவு தூங்கச் செல்லும் வரை அது ஓடிக் கொண்டே இருக்க வேண்டும், அதில் வரும் நிகழ்ச்சிகளைப் பார்க்கிறாளோ இல்லையோ டி.வி அது பாட்டுக்கு ஓடிக் கொண்டே இருக்க வேண்டும். இப்படி ஒரு கட்டாய மனநிலை, ஒற்றைக் குழந்தையாய் வளரும் பல குழந்தைகளுக்கும் இருக்கக் கூடும் என்றே தோன்றினாலும், இந்தப் பழக்கத்தை மாற்றியே ஆக வேண்டும் என முயன்றதில் நல்ல பலன்.

நேற்று இந்த செயற்கை மாலையும், இயர் ஹேங்கிங்கும் பாப்புவே தன் கையால் செய்து காட்டினாள் எனக்கும் அவளது அப்பாவுக்கும். இன்றைக்கு பள்ளிக்கு எடுத்துக் கொண்டு செல்கிறாள் அவளது அனிதா மேமிடம் காண்பிக்க வேண்டுமாம்.

மணிமாலை செய்யத் தேவையான பொருட்கள்:

 

  • மீடியம் சைஸ் பீட்ஸ் - 40 (கலர் கலராக கலந்து வாங்கிக் கொள்ளவும்) 
  • மாலை முகப்பு(டாலர் போல) செய்ய - 3 சிறு மணிகள் பிணைத்த தொங்கல்கள்
  • நரம்பு (கோர்க்க) - 3௦0 சென்டி மீட்டர் (அல்லது) தேவையான அளவு
  • திருகு அல்லது கூக் - 1 ஒன்று (ரெடிமேட் ஆகவே கடைகளில்கிடைக்கும்)


நரம்பில் விரும்பும் வண்ணங்களில் மணிகளைக் கோர்த்து இரண்டு முனைகளையும் பிணைக்கும் போது ஏற்க்கனவே வாங்கி வைத்த ரெடி மேட் ஹூக்கின் பின்புற முனைகளையும் மணிகளின் கடைசியில் உள்ளே கோர்த்து உட்புறமாக முடிச்சிடவும்.

இயர் ஹேங்கிங்( காது தொங்கட்டான்) செய்யத் தேவையானவை :

 

  • மாலை முகப்பு செய்யப் பயன்படுத்திய சிறுமணிகள் பிணைத்த தொங்கல்கள் - 2
  • கேங்கிங் கூக் - 2

இது மாலை செய்வதைக் காட்டிலும் எளிதானது, வாங்கி வைத்த ரெடிமேட் ஹேங்கிங் ஹூக்கில் சிறுமணிகள் பிணைத்த தொங்கல்களை பிணைத்தால் இயர் ஹேங்கிங் ரெடி. இப்படியாக நேற்று பாப்பு அதிகம் டி.வி பார்க்கவில்லை. மேஜிக் வொண்டர் லேன்ட் மட்டுமே பார்த்து விட்டு ஹோம் வொர்க் செய்தாள், பிறகென்ன தூக்கம் வரவே சரியான நேரத்திற்கு தூங்கப் போய் இன்றைய பொழுது அவசரமின்றி அழகாக விடிந்தது.


எனக்கும் ஐயோ!... எந்நேரமும் டிவி பார்க்கிறாளே என்ற பயம் குறைந்தது, ஆனாலும் கதை இன்னும் முடியவில்லை தான்; அடுத்தென்ன செய்யலாம் அவளது கவனம் டி.விக்குச் செல்லாமல் தடுக்க என்று யோசிப்பதில் காலம் கரைகிறது எனக்கு. யோசித்துக் கொண்டே இருந்தால் ஏதாவது கிரியேட்டிவ்வாக ஐடியா சிக்காமலா போய்விடப் போகிறது? அப்படியே சிக்கெனப் பிடித்துக் கொள்ள வேண்டியது தான்.

ஆண்குழந்தைகளைப் பெற்றவர்கள் அவர்களுக்கு ஏற்றமாதிரி ஏதாவது ஒரு ஐடியாவைப் பிடியுங்கள். ஏனெனில், வேலைக்குப் போகும் அம்மா, அப்பாக்களுக்குப் பிறந்தவர்களான இந்தத் தலைமுறை குழந்தைகளை அதிகம் சீரழிப்பவை ஸ்மார்ட் ஃபோனா? டிவியா என்று போட்டி வைத்தால் இரண்டுமே ஒன்றுக்கொன்று சளைத்தவை இல்லை என்றே பதில் தரமுடியும். அதன் மோசமான தாக்கத்திலிருந்து நம் குழந்தைகளை பாதுகாக்க வேண்டுமென்றால் இப்படி எதையாவது செய்து தான் தீர வேண்டும்.

குட்லக்!

]]>
குழந்தைகளின் மந்திரக்கோல், ஸ்மார்ட்ஃபோன் டிவி மாயை, , குழந்தை வளர்ப்பு, கிரியேட்டிவ் ஐடியா, parenting, to avoid smart phone TV, CREATIVE PLAY IDEAS http://images.dinamani.com/uploads/user/imagelibrary/2018/7/11/w600X390/love_ur_babys.jpg http://www.dinamani.com/lifestyle/lifestyle-special/2018/jul/11/a-mothers-experience-every-mother-has-an-unique-experience--in-her-parenting-you-too-can-write-here-2957922.html
2953131 லைஃப்ஸ்டைல் ஸ்பெஷல் இரவில் தூங்கச் செல்லும் முன் செய்யக்கூடாதவை... RKV Wednesday, July 4, 2018 04:49 PM +0530  

  • தினமும் இரவில் படுக்கைக்குச் செல்லும் முன் குளிக்கும் பழக்கம் இருப்பவர்கள் உலர்ந்த ஆடைகளை அணிந்து தூங்கச் செல்ல வேண்டும். பெண்களில் சிலர் சோம்பலால் அணிந்து கொள்ள தேர்ந்தெடுத்த உள்பாவாடைகள் அல்லது நைட்டியால் சருமத்தைத் துடைத்து விட்டு அதை ஈரத்துடன் அப்படியே அணிந்து கொண்டு படுக்கைக்குச் சென்று விடுகிறார்கள். இதனால் சருமப் பிரச்னைகள் வரலாம். ஆண்களும் கூட சோம்பல் காரணமாகவோ அல்லது வெட்கை காரணமாகவோ உடலை ஈரம் போகத்துடைக்காமல் அப்படியே லுங்கியோ அல்லது இரவாடைகளையோ அணிந்து கொள்கிறார்கள். இது முற்றிலும் தவறு. 
  • இரவில் தூங்கச் செல்லும் முன் சிகரெட் புகைக்கவோ, ஆல்கஹால் அருந்தவோ அல்லது காஃபி, டீ அருந்தவோ கூடாது. காஃபி , டீயெல்லாம் அருந்த விரும்பினால் மாலை 5 மணிக்குள் முடித்துக் கொள்ள வேண்டும்.
  • இரவில் உடற்பயிற்சி செய்யக்கூடாது.
  • தலைமுடியை இறுக்கிப் பின்னி ஜடையோ, கொண்டையோ போட்டுக் கொண்டு தூங்கச் செல்லாதீர்கள். கழுத்து வலி, பிடறி வலி, தோள்பட்டை வலி, தலை வலி எல்லா வலிகளுக்கும் மூலகாரணம் இதுவே. எனவே மென்மையாகத் தலை வாரி தளரப் பின்னலிட்டுக் கொண்டு தூங்கச் செல்லுங்கள். தலைமுடியை விரித்துப் போட்டுக் கொண்டு தூங்குவதும் தவறு, நீளமான, அடர்த்தியான தலைமுடி கொண்டவர்களுக்கு சிக்கு விழுந்து முடி கொட்டும் பிரச்னைக்கு இட்டுச் செல்லும்.
  • ஆண்களோ, பெண்களோ, குழந்தைகளோ அல்லது முதியவர்களோ எவராயினும் இரவுகளில் வயிறு முட்டச் சாப்பிடுவது தவறு... இப்போது பல குடும்பங்களில் இரவுகளில் தான் பீட்ஸா, பர்கர், பிரியாணி, என்று வெளுத்து வாங்குகிறார்கள் போதாக்குறைக்கு விளம்பரங்களில் தாக்கத்தில் சாப்பிட்டுமுடித்ததும் சாக்லெட்டுகளும், ஐஸ்கிரீம்களும் வேறு உண்ணும் பழக்கம் பலருக்கு வந்து விட்டது. இது தவறான பழக்கம். இரவில் அருந்தத் தோதான ஒரே பானம் வெது வெதுப்பான பால் அல்லது சுக்குத்தண்ணீர் மட்டுமே. 
  • இரவில் படுக்கைக்குச் செல்லும் முன் ஆப்பிள், ஆரஞ்சு, பலாப்பழம், மாம்பழம் போன்றவற்றை ருசியில் மயங்கி அளவின்றி உண்பது கூடாது. இரவில் உண்ணத்தகுந்த பழங்கள் வாழைப் பழம் மற்றும் கொய்யாப்பழங்கள் மட்டுமே. அவற்றையும் கூட உணவோடு சேர்த்து ஒன்று அல்லது இரண்டு என அளவாக உண்ண வேண்டும்.
  • இரவுகளில் முட்டை, கோழி, ஆடு, மீன் போன்ற அசைவ உணவு கூடாது. அவை அஜீரணக் கோளாறுக்கு இட்டுச் செல்லும். இன்று பலரும் இரவில் தூக்கம் வராமல் தவிப்பது இரவுகளில் வயிறு முட்ட உண்பதால் தான்.
  • இரவில் 8 மணிக்கு மேல் எந்த உணவையும் உட்கொள்ளாமல் இருப்பது நல்லது. எதை உண்பதாக இருந்தாலும் 8 மணிக்கு முன்பே முடித்துக் கொள்ள வேண்டும். ஏனெனில் கல்லீரல் தன் பணி முடித்து சற்றே ஓய்வில் இருக்கும் நேரம் அது. அப்போதும் அதற்கு வேலை கொடுத்து வயிற்றுக்குள் எதையேனும் தள்ளி அவஸ்தைப்படுத்திக் கொண்டிருந்தால் ஜீரண மண்டலம் மொத்தமும் குழப்பத்தில் ஆழ்ந்து சீரான உடல்நலத்தில் மோசமான விளைவுகளை ஏற்படுத்தும்.
  • குழந்தைகள் முதல் பெரியவர்கள் வரை யாராக இருந்தாலுமே இரவில் படுக்கைக்குச் செல்லும் போது அதி இனிப்பான பண்டங்களைத் தவிர்த்து விடுதல் நலம். ஒருவேளை தவிர்க்க முடியாமல் எதையேனும் உண்பதாக இருந்தாலும் சிரமம் பாராமல் இரவில் பல் துலக்க மறக்காதீர்கள். இனிப்புகளை உண்டு விட்டு பல் துலக்க மறந்து படுத்தால் பல் இடுக்குகளில் சிக்கும் இனிப்புகளில் தொற்றும் பாக்டீரியாக்களால் பற்குழி, பற்சொத்தை உண்டாகும்.
  • இரவில் குளித்து விட்டுத் தூங்கச் செல்பவர்கள் முகம் மற்றும் சருமத்துக்கு பெளடர் போட்டுக் கொள்ளக்கூடாது. ஏனெனில் இரவில் தூங்கும் போது டால்கம் பெளடரினால் சருமத்துளைகள் அடைத்துக் கொண்டு ஒவ்வாமை ஏற்படலாம். வேண்டுமானால் சருமத்தின் மிருதுத் தன்மையைத் தக்க வைத்துக் கொள்ள மாஸ்சரைஸிங் கிரீம் அல்லது ஆலிவ் ஆயில் தேய்த்துக் கொண்டு படுக்கலாம்.
  • இரவில் தலைக்கு எண்ணெய் தேய்த்துக் கொண்டு படுக்கக் கூடாது. 
  • இரவில் இறுக்கமான உள்ளாடைகளை அணிந்து கொண்டு தூங்கக் கூடாது. பருத்தி ஆடைகளை மட்டுமே அணிய வேண்டும். குழந்தைகளுக்கு உறுத்தக் கூடிய விதத்திலான கரடு முரடான ஆடைகளைத் தவிர்த்து விடுவது நல்லது. மென்மையான பருத்தி ஆடைகளே சரும நலனுக்கு உகந்தது.
  • இரவுகளில் அதிக நேரம் கண்விழித்துப் படிக்கக் கூடாது. தேர்வுக்குப் படிக்கும் மாணவர்களும் கூட இரவில் 10 மணிக்குள் பாடங்களை முடித்துக்கொண்டு மீண்டும் அதிகாலையில் எழுந்து படிக்கும் வழக்கத்தை ஏற்படுத்திக் கொள்வதே நல்லது. ஏனெனில் அதிகாலை நேரமே படிக்கும் பாடங்களை மனதில் இருத்திக் கொள்ளவும், புரிந்து படிக்கவும் ஏற்ற காலம்.
  • இரவில் தூங்கச் செல்லும் முன் நிறையத் தண்ணீர் அருந்தக்கூடாது. ஏனெனில், ஒரே தடவையில் ஒரு சொம்புத் தண்ணீரைக் குடித்து விட்டுப் படுக்கைக்குச் சென்றால் இரவு முழுவதும் சிறுநீர் கழிக்க வேண்டும் என்ற உணர்வே மிகுந்திருக்கும். இதனால் தூக்கம் கெடும். சோர்வு மிகும். காலையிலும் எந்த வேலையிலும் பூரணமாக ஈடுபட முடியாமல் தூக்கக் கலக்கமாகவே இருக்கும்.
  • இரவில் அதிக நேரம் இணைய வசதியுடனான ஸ்மார் ஃபோன் அல்லது மடிக்கணினியில் மூழ்கிப் போதல் கூடாது. ஸ்மார்ட் ஃபோன்களில் இருந்து இரவு 12 மணிக்கு கசிவதாகக் கருதப்படும் காஸ்மிக் கதிர்களால் ஒட்டுமொத்த மனித ஆரோக்யத்துக்குமே மிகப்பெரிய கேடு. மடிக்கணினியில் மூழ்கிப் போனால் மறுநாளைய அத்தனை வேலைகளும் கெடும் என்பதோடு ஆண்களுக்கும், பெண்களுக்கும் மலட்டுத் தன்மை ஏற்படவும் அதுவே முக்கிய காரணமாகவும் ஆகி விடுவதால் அத்தகைய பழக்க்கங்களை தொடராமலிருப்பது நல்லது. முக்கியமாகக் குழந்தைகளை இந்தப் பழக்கங்களை அண்ட விடாமல் பாஸிட்டிவ்வான வேறு பழக்க் வழக்கங்களில் ஈடுபட வைப்பது பெற்றோர்களின் கடமை.
  • இரவில் அதிக நகைகள் அணிந்து கொண்டு தூங்கக் கூடாது.
  • இரவில் படுக்கைக்குச் செல்லும் முன் அலுவலக டென்சன், நம்மை வஞ்சித்தவர்கள் குறித்த நினைவுகள் மற்றும் அடுத்தவர் பாலான பொறாமை, கோபம், பழி தீர்த்தல் உள்ளிட்ட கெடுமதியான எண்ணங்களுடன் தூங்கச்செல்லக் கூடாது.
  • இரவுத் தூக்கத்துக்காக தூக்க மாத்திரைகள் எடுத்துக் கொள்வது முற்றிலும் கூடாத விஷயம்.
]]>
BEFORE SLEEP, WHAT WE SHOULD NOT DO, தூக்கம், படுக்கைக்குச் செல்லும் முன் செய்யக்கூடாதவை http://images.dinamani.com/uploads/user/imagelibrary/2018/7/4/w600X390/before_bed.jpg http://www.dinamani.com/lifestyle/lifestyle-special/2018/jul/04/before-sleep-what-are-the-things-you-should-not-do-2953131.html
2950502 லைஃப்ஸ்டைல் ஸ்பெஷல் ஜெயித்தவர்களிடம் அப்படி என்னதான் இருக்கிறது? வேலுச்சாமி ராஜேந்திரன் Saturday, June 30, 2018 12:02 PM +0530  

  • சாதிக்க வேண்டும் என்ற சபதம் இருக்கிறது!
  • வாழ்ந்து காட்டவேண்டுமென்ற வைராக்கியம் இருக்கிறது!
  • வென்றூ காட்ட வேண்டுமென்ற வீம்பு இருக்கிறது!
  • அடைவதற்கு என்று ஒரு லட்சியம் இருக்கிறது!
  • அந்த லட்சியத்தில் ஒரு தீவிரம் இருக்கிறது!
  • வாய்ப்பு எங்கே, எங்கே என்று தேடுகின்ற தாகம் இருக்கிறது!
  • வாய்ப்பு வரவில்லை என்றாஇ அதை உருவாக்கும் திறமை இருக்கிறது!
  • உணவு, உறக்கம் இவற்றைக்கூட ஒதுக்கி வைக்கும் உழைப்பு இருக்கிறது!
  • தடை, தாமதம், தோல்வி எது வந்தாலும் சமாளிக்க தாராள மனம் இருக்கிறது!
  • அடிமேல் அடிபட்டாலும் அடுத்த அடியை எடுத்து வைக்கும் துணிச்சல் இருக்கிறது!
  • தங்கள் தகுதிக்கும், திறமைக்கும் சரியான தீனி எங்கே எங்கே என்கிற தேடல் இருக்கிறது!
  • சூழ்நிலைக்குத் தகுந்தபடி அனுசரித்துப் போகும் அடக்கம் இருக்கிறது!
  • விமர்சனத்தைச் சரியான விதத்தில் எடுத்துக் கொள்ளும் விவேகம் இருக்கிறது!
  • அறிவு, ஆற்றல், ஆதரவுகள் அனைத்தையும் முழுமையாகப் பயன்படுத்திக் கொள்ளும் மூளை இருக்கிறது!
  • குறிக்கோள் நோக்கிய வேலைகளுக்கு மட்டுமே நேரத்தை அதிகமாய் ஒதுக்கும் அக்கறை இருக்கிறது!
  • கடமைகள் காத்துக் கிடக்க பொழுது போக்குகளில் புத்தியை செலுத்தாத பொறுப்பு இருக்கிறது!
  • நேற்றை விட இன்று எவ்வளவு வளர்ந்தோம் என அளந்து அறியும் ஆர்வம் இருக்கிறது!

அத்தனைக்கும் அடிப்படையாய் அசைக்க முடியாத தன்னம்பிக்கை இருக்கிறது!

]]>
winner's quality, ஜெயித்தவர்களின் குணநலன்கள், http://images.dinamani.com/uploads/user/imagelibrary/2018/6/30/w600X390/winners.jpg http://www.dinamani.com/lifestyle/lifestyle-special/2018/jun/30/winners-qualities-2950502.html
2949882 லைஃப்ஸ்டைல் ஸ்பெஷல் பள்ளமான வீட்டை ஜாக்கி கொண்டு உயர்த்தும் புது தொழில்நுட்பம் மதுரையில் அறிமுகம்! கார்த்திகா வாசுதேவன் DIN Friday, June 29, 2018 06:03 PM +0530 மதுரையில்  2600 சதுர அடி வீடு ஒன்று சாலை உயர்த்தப்பட்டதன் காரணமாக 1 அடிக்கு புதைந்து பள்ளமானது. இந்த வீட்டை இடிக்காமலும், பழமை மாறாமலும் அப்படியே 6 அடிக்கு தொழில்நுட்ப உதவியின் மூலம் உயர்த்தும் வேலை நடைபெற்று வருகிறது. மதுரையில் இதுவரை இப்படியொரு தொழில்நுட்பத்தைப் பயன்படுத்தி வீடுகள் உயர்த்தப்பட்டதில்லை என்பதால் மதுரை மக்களை இந்தச் செயல் ஆச்சர்யத்தில் ஆழ்த்தியுள்ளது.

மதுரை முன்னாள் சட்டமன்ற உறுப்பினர் ஆண்டித்தேவர் 1993 ஆம் ஆண்டு மதுரை கெல்லீஸ் நகரில் 2600 சதுர அடி கொண்ட இந்த வீட்டை மேல்தளத்துடன் கட்டியுள்ளார். நாளடைவில் அடிக்கடி சாலைகள் புனரமைக்கப்பட்டதில் சாலையிலிருந்து வீடு 1 அடிக்குப் பள்ளமானது. மழைக்காலங்களில் வீட்டுக்குள் தண்ணீர் புகுந்து சோதனைக்குள்ளாக்கும் அளவுக்கு வீடு பள்ளமானது. இதனையடுத்து ஆண்டித்தேவரின் பேரன் வீட்டை பழமை மாறாமல் புதுப்பிக்க எண்ணி ஹரியானாவைச் சேர்ந்த கட்டுமானத் தொழில்நுட்பக் குழுவினரை நாடினார். அவர்கள் வீட்டை அப்படியே 6 அடி உயர்த்தும் பணியில் ஈடுபட்டுள்ளனர். 

இது குறித்து வீட்டின் உரிமையாளரான அம்ரேஷ் கூறுகையில்;  ‘முதலில் வீட்டை இடித்துக் கட்டும் எண்ணமிருந்ததாகவும், ஆனால், வீட்டை ஆராய்ந்த பொறியாளர்கள் வீட்டின் கட்டுமானம் பலமாக இருப்பதால் இன்னும் 25 வருடங்களுக்கு இந்த வீடு திடமாக இருக்கும் என்று கூறியதோடு வீட்டுக்கு எவ்வித சேதாரமுமின்றி அப்படியே உயர்த்தும் தொழில்நுட்பம் இருக்கிறது. வட இந்தியாவில் பலர் அந்த தொழில்நுட்பத்தைப் பயன்படுத்தி வீட்டை உயர்த்தி இருக்கிறார்கள். நீங்களும் அந்த முறையையே பின்பற்றலாம் என்று கூறவே... நான் அதற்கான வேலையில் இருக்கிறேன். சென்னையில் இரண்டு மூன்று லிஃப்டிங் கட்டுமான நிறுவனங்கள் இருக்கின்றன. அவர்கள் ஃபேக்டரிகளை லிஃப்ட் செய்யும் முறைகளை நேரில் கண்டபின்னர் தான் லிஃப்டிங் தொழில்நுட்பத்துக்கு ஒப்புக் கொண்டதால் தற்போது வீட்டை ஜாக்கிகள் வைத்து உயர்த்தும் பணி நடைபெற்று வருவதாகத் தெரிவித்தார்.

லிஃப்டிங் தொழில்நுட்பத்தில் வீட்டை உயர்த்தும் பாணியைப் பரிந்துரைத்த பொறியாளர் அன்பில் தர்மலிங்கம் பேசுகையில், ’முதலில் வீட்டை புதுப்பிப்பது தான் நோக்கமாக இருந்தது, ஆனால், நாங்கள் வந்து பார்க்கையில் வீடு ஸ்ட்ராங்காக இருந்தது, தரைத்தளத்தில் 1 அடி பள்ளமானது ஒன்று தான் குறை என்பதால் அதை மட்டுமே லிஃப்டிங் தொழில்நுட்பம் கொண்டு உயர்த்தி விட்டால் போதுமே என்று தோன்றியது. இதற்கான செலவும் நியாயமானது தான் என்பதால் நாங்கள் அதைப் பரிந்துரைத்தோம். முதலில் வீட்டு உரிமையாளர்களுக்கு இதில் நம்பிக்கையில்லை. ஆனால், நாங்கள் அவர்களிடம் வட இந்தியர்கள் இந்த தொழில்நுட்பத்தை முறையாகப் பயன்படுத்தி வருவதைக் கூறி அவர்களுக்கு தெளிவாக விளக்கமளித்து ஒப்புக் கொள்ள வைத்து வீட்டை தரையில் இருந்து உயர்த்தத் தொடங்கி இப்போது 4 அடி உயர்த்தி விட்டோம். கூடிய விரைவில் வேலை வெற்றிகரமாக முடிந்து விடும் என்றார்.

வீட்டை தரையிலிருந்து உயர்த்தும் வேலையில் 37 பணியாளர்கள் மற்றும் 200 ஜாக்கிகளின் உதவியோடு ஒவ்வொரு பக்கவாட்டிலும் இருந்து ஒவ்வொரு அடியாக உயர்த்தி வருகின்றனர். கீழே பள்ளமாக இருக்கும் பகுதியில் செங்கல் மற்றும் சிமெண்ட்டைக் கொண்டு கட்டுமானம் எழுப்பப் பட்டு வருகிறது. மதுரையில் முதல்முறையாக இந்தத் தொழில்நுட்பம் பயன்படுத்தப் படுவது பலரையும் ஆச்சர்யத்தில் ஆழ்த்தியுள்ளது. மதுரையில் பல வீடுகள் பள்ளத்தில் இருப்பதால் இம்மாதிரியான புது தொழில்நுட்பத்தின் மூலமாக அந்த வீடுகளை எல்லாம் மீட்டெடுக்கலாம் என்பது நகர மக்களுக்கு ஆறுதலான விஷயமாக உள்ளதாகப் வேடிக்கை பார்த்த பொதுமக்களில் சிலர் கருத்து தெரிவித்திருக்கிறார்கள்.

ஒருமாதத்துக்குள் வீட்டை 6 அடிக்கு உயர்த்தி விட முடியும் என்று கூறும் கட்டுமானப் பொறியாளர்கள், இதனால் வீட்டுக்கு எந்தவிதமான பாதிப்புகளும் வராது என உத்தரவாதமளித்திருக்கின்றனர்.

நன்றி: புதிய தலைமுறை தொலைக்காட்சி!

]]>
மதுரை, ஆண்டித்தேவர், லிஃப்டிங் தொழில்நுட்பம், வீட்டை ஜாக்கி கொண்டு உயர்த்துதல், http://images.dinamani.com/uploads/user/imagelibrary/2018/6/29/w600X390/jacky_house_lifting.jpg http://www.dinamani.com/lifestyle/lifestyle-special/2018/jun/29/பள்ளமான-வீட்டை-ஜாக்கி-கொண்டு-உயர்த்தும்-புது-தொழில்நுட்பம்-மதுரையில்-அறிமுகம்-2949882.html
2949867 லைஃப்ஸ்டைல் ஸ்பெஷல் பழைய துணிகள் சேரச் சேர எடைக்குப் போடாதீங்க, துணிப்பையா மாத்துங்க உங்களுக்கும் லாபம், பிளாஸ்டிக் அரக்கனையும் ஒழிக்கலாம்! கார்த்திகா வாசுதேவன் Friday, June 29, 2018 04:24 PM +0530  

இன்றைய ஆங்கில நாளிதழில் ஒன்றில் பிளாஸ்டிக் கேரி பேக்குகளைத் தவிர்க்க... பயன்படுத்திச் சலித்த பழைய துணிகளில் தைத்த துணிப்பைகளைப் பயன்படுத்துமாறு தாங்கள் பொதுமக்களை ஊக்குவித்து வருவதாக ‘எக்கோ மித்ரா’ என்ற தன்னார்வ சேவை அமைப்பினர் கூறியிருந்தனர். அட! என்று ஆச்சர்யமாக இருந்தது. பழைய காலத்தைப் போல அல்ல, இப்போது ஒவ்வொரு தனி நபரிடமுமே அதிக அளவில் அடிக்கடி புத்தாடைகள் வாங்கும் மனப்பான்மை அதிகரித்துக் கொண்டே தான் செல்கிறதே தவிர குறையக் காணோம். எனவே எல்லோருடைய வீடுகளிலும் பழைய துணிகளுக்குப் பஞ்சமே இருப்பதில்லை. 

முன்பெல்லாம் இல்லத்தரசிகள் பொங்கலுக்கும், திபாவளிக்கும், புது வருஷத்துக்கும் மொத்தமாக வீட்டை ஒழிக்கும் போது இந்தப் பழைய துணிகளை எடுத்து தனியாகப் பிரித்து மூட்டை கட்டி பாத்திரக்காரனுக்கோ, பேரீச்சம் பழக்காரனுக்கோ எடைக்கு எடை போட்டு அதற்கு ஈடாக இட்லிப்பானையோ, டிஃபன் பாக்ஸோ, ஈயப்பாத்திரமோ, பெரிய பிளாஸ்டிக் பேசினோ, அல்லது பேரீச்சம் பழங்களோ வாங்கிக் கொள்வார்கள். நகரங்களில் தற்போது பாத்திரக்காரர்களையோ, பேரீச்சம் பழக்காரர்களையோ காண முடிவதில்லை. குப்பை சேகரிப்பவர்களிடம் பலர் பழைய துணிகளைக் கொடுத்து விடுவதை வழக்கமாக வைத்திருக்கிறார்கள்.

அது தவிர, கைவிடப்பட்ட, ஆதரவற்ற குழந்தைகளுக்காக பயன்படுத்தி பழசான நல்ல துணிமணிகள் இருந்தால் தானமாகத் தாருங்கள் என்று கேட்டு ஆதரவற்றோர் இல்லப் பிரதிநிதிகள் பலர் வருகிறார்கள். அவர்களுக்கென்று ஒரு வாகனம் இருக்கிறது. அதில் தாங்கள் சேகரிக்கும் பழைய துணிகளை மூட்டைகளாகக் கட்டி எடுத்துச் செல்கிறார்கள். இது அந்தக் குழந்தைகளுக்குப் பயன்பட்டால் அது நிச்சயம் நல்ல விஷயம். ஏனெனில் சிலர் தானமாகத்தானே தருகிறோம் என்கிற அலட்சியத்தில் சுத்தமாகப் பயன்படுத்தக் கூடிய கண்டீஷனில் இல்லாத கிழிசல்களைக் கூட தானம் தந்து வள்ளல்களாகப் பார்ப்பார்கள். அதனால் அந்தக் குழந்தைகளுக்கும் பலன் இல்லை, தானம் அளிப்பவர்களுக்கும் பலனில்லை. முடிவில் நானும் கூட ஆதரவற்றோருக்கு உதவுகிறேனே! என்ற வெற்று சவடால் ஜம்பம் மட்டுமே மிஞ்சும்.

மேற்கண்ட உபாயங்கள் தவிர்த்து கிராமங்களில் பழைய துணிகளைக் கொண்டு மற்றுமொரு உபயோகமும் செய்வார்கள். அதென்னவென்றால், அவற்றை ஒன்றன் மீது ஒன்றாக மடித்துப் போட்டு தைத்து தலையணைகள், தலையணை உறைகள், மெத்தைகள், நிலத்திரைகள், கால் மிதியடிகள் செய்வது. சணல் கயிறுகளைத் திரிப்பது போல கிழிந்த துணிகளை கயிறாகத் திரிப்பது என்று பழைய துணிகளை மீள்பயன்பாட்டுக்கு உகந்ததாக மாற்றுவார்கள். கிராமப் புறங்களில் நீங்களும் கூட கண்டிருக்கக் கூடும் வண்ண, வண்ணத் துணிகளை கயிறாகத் திரித்து எருமை மாட்டிற்கு மூக்கணாங்கயிறு இட்டிருக்கும் விதத்தை.

மேலே சொன்ன அத்தனை வழிமுறைகளையும் காட்டிலும் சிறந்தது இந்த துணிப்பை தயார் செய்யும் முறை.

ஏனெனில் இது தன் கையே தனக்குதவி என்பது போல நமக்கு நாமே உதவி செய்து கொள்ளப் போகும் உத்தி என்பதால்.

இதைக் கொண்டு நம்மால் பிளாஸ்டிக்கைத் தடை செய்ய முடியுமெனில் இது சிறந்த வழிமுறையின்றி வேறென்ன?! சொல்லப்போனால் எனது பள்ளிக் காலங்களில் பிளாஸ்டிக் பைகள் என்றால் அவை ஜவுளிக்கடைப் பைகள் மட்டுமே. மற்றபடி மளிகைக்கடை, மருந்துக்கடை, ஹோட்டல்களில் எல்லாம் இன்று நாம் சரளமாகப் புழங்குகிறோமே அத்தகைய பிளாஸ்டிக் பைகளின் பயன்பாடு வெகு குறைவு. குறைவென்பதைக் காட்டிலும் இல்லவே இல்லை என்று கூட சொல்லலாம். எங்கும் நீக்கமற மஞ்சள் பைகள் நிறைந்திருந்தன. அதே சமயம் சாப்பாட்டுக் கடைகளில் வாழை இலையில் மடித்து நியூஸ் பேப்பர் சுற்றித் தருவார்கள். அவையெல்லாமும் சீக்கிரம் மட்கி விடக்கூடியவை என்பதால் அவற்றால் எதிர்கால சந்ததியினருக்கு ஆபத்துகள் இல்லை. ஆனால், பிளாஸ்டிக் பைகள் அப்படிப்பட்டவை அல்லவே! பல யுகங்களுக்கும் மேலாக அவை மட்கவே மட்காது எனில் அவற்றைப் பயன்படுத்தும் நாம் நிச்சயம் அதைத் தவிர்க்கத்தான் வேண்டுமில்லையா? அதனால் தான் பிளாஸ்டிக்கைத் தவிர்க்க நினைக்கும் பலருக்கு இந்த உத்தி சிறந்ததெனக் கருதப்படுகிறது.

உங்களது வீட்டுத் தேவைகளுக்காக துணிப்பைகள் தயாரிக்க வேண்டுமெனில், முதலில் நீங்கள் தற்போது பயன்படுத்தாத, அளவில் சின்னதாகிப் போன துணிகளாகப் பார்த்து தேர்ந்தெடுங்கள். அவற்றை முதல்முறை தைப்பது என்றால் டெய்லரிடம் சென்று அளவு குறித்து வாங்கி அவரிடமே முதல் பையை தைத்துச் தரச் சொல்லி வாங்கிக் கொண்டு பிறகு அந்த அளவை முன் மாதிரியாக வைத்து அடுத்தடுத்து துணிப்பைகளை நாமே கூட கை தையலாகத் தைத்துக் கொள்ளலாம். இதில் நாம் மறக்கக்கூடாத விஷயம், வீட்டில் தைத்து தயாராக வைத்திருக்கும் துணிப்பைகளை வெளியில் கடை கண்ணிகளுக்கோ அல்லது கோயில், குளங்களுக்கோ அட... எங்கு செல்வதாக இருந்தாலுமே தான் இவற்றை உடன் எடுத்துச் செல்ல மறக்கக் கூடாது. நண்பர்களுக்கு சர்ப்ரைஸ் கிஃப்டுகளாகக் கூட இவற்றை அனுப்பித் தரலாம். அதனாலொன்றும் நஷ்டமாகி விடாது.

இதில் நீங்கள் பின்பற்ற வேண்டிய சின்னஞ்சிற்உ முன்னெச்சரிக்கை நடவடிக்கைகள் என்றால்;

மூட்டையாகப் பை கொள்ளாமல் காய்கறி பழங்கள் வாங்கி விட்டு அவற்றை மெலிதான கைப்பிடி கொண்ட துணிப்பைகளில் திணித்து எடுத்துச் செல்ல முயன்று பை அறுந்ததும், ஐயே இந்த துணிப்பை லட்சணமே இதான்’ என்று அலுத்துக் கொள்ளக்கூடாது.

கணவர் அல்லது மகன், மகள்களின் பயன்படுத்த முடியாத ஜீன்ஸ் காற்சட்டைகளைக் கொண்டு கனமான பைகளைத் தைத்து வைத்து விட்டால் அவை சிறப்பாக எடை தாங்கும்.

துணிப்பைகளில் இன்னொரு முக்கியமான செளகர்யம், இவற்றை ஒருமுறை பயன்படுத்தி விட்டு அப்படியே பிளாஸ்டிக் கேரி பேக்குகளைப் போல தூக்கி எறிந்து விடத் தேவை இல்லை. மீண்டும், மீண்டும் துவைத்துப் பயன்படுத்தலாம். கைகளால் துவைக்க முடியாதவர்கள் தரமான மெஷின் வாஷிங் கூட செய்யலாம்.

இதொன்றும் புதிய முறை இல்லை, ஏற்கனவே நம் அம்மாக்களும், பாட்டிகளும் முன்பு செய்து கொண்டிருந்த வழிமுறை தான். நீங்கள் முயற்சித்துப் பாருங்கள்.

 

THANKS TO ECOMITHRA :)

]]>
பிளாஸ்டிக் பை VS துணிப்பை, plastic carry bag VS FABRIC BAG, BAN PLASTIC, பிளாஸ்டிக்கை தவிர்ப்போம், http://images.dinamani.com/uploads/user/imagelibrary/2018/6/29/w600X390/eco_mithra.jpeg http://www.dinamani.com/lifestyle/lifestyle-special/2018/jun/29/ban-plastic-try-to--use-used-cloth-bags-forever-2949867.html
2949858 லைஃப்ஸ்டைல் ஸ்பெஷல் என்னைத் திருநங்கை என்று பெருமையுடன் முன்னிலைப்படுத்திக் கொள்கிறேன்! நர்த்தகி நட்ராஜின் வாழ்க்கைப் பயணம்! Friday, June 29, 2018 03:33 PM +0530  

'திருநங்கை' என்ற பதத்தை முதன்முதலில் பயன்படுத்தியவர். பல போராட்டங்களுக்குப் பிறகு பல ஆண்டுகளுக்கு முன்பு பாஸ்போர்ட் பெற்ற முதல் திருநங்கை. அதனால் மற்ற திருநங்கைகளுக்கு எந்தவித சிரமமும் இன்றி பாஸ்போர்ட் கிடைக்க வழி வகுத்துத் தந்தவர். "முனைவர்' பட்டம் பெற்ற முதல் திருநங்கை... தமிழக அரசின் 'கலைமாமணி' பட்டம் பெற்றிருக்கும் முதல் திருநங்கை. தமிழிசை நடனத்தில் பிரபலமாகி 'நாயகி' 'பாவத்திற்கு' இலக்கணமும் இலக்கியமுமாகி பரத நாட்டியத்தில் தனது பங்களிப்பிற்காக குடியரசுத் தலைவரிடமிருந்து தேசிய விருது பெற்ற முதல் திருநங்கை... வெளிநாடுகளில் தமிழ் அமைப்புகள் மட்டுமல்லாமல், முழுக்க முழுக்க வெளிநாட்டவர்களால் நிர்வகிப்படும் கலை கலாசார அமைப்புகளின் அழைப்புகளின் பேரில் பரத நாட்டிய நிகழ்ச்சிகளை பல ஆண்டுகளாக நடத்தி வரும் முதல் திருநங்கை.... என்று பல "முதல்'களை தன்னகத்தே கொண்டிருக்கும் நர்த்தகி நடராஜ் மதுரையைச் சேர்ந்தவர். சென்னைவாசியாகி சுமார் பதினேழு ஆண்டுகள் ஆகின்றன.

தமிழக அரசின் பதினொன்றாம் வகுப்பிற்கான தமிழ்ப் பாடப் புத்தகத்தில் நர்த்தகி நடராஜ் வாழ்க்கை பாடமாக சேர்க்கப்பட்டுள்ளது. நடன இசைக் கலைஞர்களின் வாழ்க்கை பாடமாக வைப்பது இதுதான் முதல் முறை. திருநங்கை திருநம்பிகளை கிட்டத்தட்ட அனைவருமே தாழ்வான கோணத்தில் பார்க்கும்போது, திருநங்கையாலும் சாதிக்க முடியும்.. பலர் போற்ற வாழமுடியும் என்பதை நிகழ்த்திக் காட்டியிருப்பவர் நர்த்தகி நடராஜ்.

தான் கடந்து வந்த பாதை முட்கள் நிறைந்ததாக இருந்தாலும் அவற்றை முல்லைப்பூ விரிப்பாக மாற்றியவர். நர்த்தகி நடராஜ் தனது அனுபவங்களைப் இங்கு பகிர்ந்துகொள்கிறார்:

'மதுரைக்கு அடுத்த அனுப்பானடி. சின்ன கிராமம். பணக்கார குடும்பம். பத்து குழந்தைகளில் ஐந்தாவதாகப் பிறந்தேன். எப்படி நான் இப்படிப் பிறந்தேன் என்பது இன்றைக்கும் எனக்கு ஆச்சரியம். எனது நெருங்கிய தோழி சக்தியும் அப்படித்தான் பிறந்தாள். எங்கள் இருவரது குடும்பங்களையும் நட்பு இணைத்திருந்தது. எனது பால்திரிபு நிலைமை எனக்குள் இருக்கும் பெண்மையை இனம் கண்டு கொண்டதால், பெண்களின் அருகாமை எனக்குப் பிடிக்கும். சட்டை டிரவுசர் போடுவது பிடிக்காது. வளர வளர... எனது பழக்கங்களில் மாற்றம் கண்ட பெற்றோர், மூத்த சகோதர சகோதரிகள் என்ன செய்வதென்று அறியாமல் கலங்கி நின்றார்கள். பாசம் ஒருபுறம்... சமூகத்தின் கேலி கிண்டல் குத்துப் பேச்சினால் வந்து சேர்ந்த அவமானங்கள்... குடும்பத்தினர்தான் பாவம் என்ன செய்வார்கள்?

சிறுவயதிலேயே எனக்கும் தோழி சக்திக்கும் நடனத்தில் தீவிர வெறி. எங்கள் ஊரில் டென்ட் கொட்டகையில் போடும் படங்களில் வைஜெயந்திமாலா, பத்மினி , குமாரி கமலா, ராஜசுலோச்சனா, எம்.என்.ராஜம் நடன காட்சிகள் இருக்கும் படங்களை நானும் சக்தியும் விடமாட்டோம். இரண்டாம் ஆட்டத்திற்குத்தான் போவோம். படம் விட்டு அனைவரும் போன பிறகு, கொட்டகையிலிருந்து வீடு திரும்பும் வரை படத்தில் கண்ட நடனத்தை ஆடிப் பார்த்துக் கொண்டே வருவோம்.

அந்த டென்ட் கொட்டகைதான் எனது நடன பள்ளியாக அமைந்தது. வைஜெயந்திமாலா, பத்மினி, குமாரி கமலா, ராஜசுலோச்சனா, எம்.என்.ராஜம் தான் எனது ஆரம்ப நடன குருமார்கள். அதிலும் வைஜெயந்திமாலா நடனம் என்றால் எனக்கு உயிர். வீட்டின் அறையினுள், நானும் சக்தியும் நடனம் ஆடிப் பழகி, சினிமாவில் வரும் நடனக் காட்சிகளை அரங்கேற்றுவோம். நடனம் நளினம் எங்களின் வசமானது.

தமிழ் எப்படி சுத்தமாகப் பேச வேண்டும் என்பதை எம் .என். ராஜம் வசனம் பேசுவதிலிருந்துதான் கற்றுக் கொண்டேன். 'பிளஸ் ஒன்' வரை படித்தோம். இருவர் வீட்டிலும் நாங்கள் திருநங்கைகள் என உறுதியாகத் தெரிந்து கொண்டார்கள். அன்றைய சமூக சூழல் காரணமாக அவர்களுக்கு கெüரவ குறைச்சலாகக் கருதினார்கள். மேலே படிக்கவும் அன்றைய சமூகச் சூழல் அனுமதிக்கவில்லை. உதாசீனங்களை கொஞ்சம் கொஞ்சமாக வீட்டுக்குள்ளும் வெளியிலும் உணர ஆரம்பித்தோம். ஓடிப் போவதைத்தவிர வேறு வழியில்லை என்ற நிலைமை ஏற்பட்டது. எங்கே போவது.... நெறி தவறி வாழப் பிடிக்கவில்லை. அப்படியான வாழ்க்கை வேண்டவே வேண்டாம் என்று நானும் சக்தியும் முடிவெடுத்தோம்.

அந்த சமயத்தில், பிரபல தமிழ் வார இதழ் ஒன்றில் வைஜெயந்திமாலாவின் நாட்டிய குருவான கிட்டப்பா பிள்ளை பற்றிய கட்டுரை வந்திருந்தது. நடனம் கற்றால் வைஜெயந்திமாலாவின் குருவிடம்தான் கற்கவேண்டும் என்று தீர்மானித்திருந்த எனக்கு "வைஜெயந்திமாலாவின் குரு யார்... எங்கிருக்கிறார்..' என்ற விவரம் எதுவும் தெரியாது. அந்த கட்டுரை எனக்கு எல்லாம் சொன்னது. நடன தாரகைகளான ஹேமமாலினி, யாமினி கிருஷ்ணமூர்த்தி, சுதாராணி ரகுபதிக்கும் இவர்தான் குரு. நடனத்தில் மட்டுமின்றி வாய்ப்பாட்டிலும், மிருதங்கத்திலும் அவர் ஒரு பல்கலைக் கழகம். நானும் சக்தியும் குரு வசிக்கும் தஞ்சாவூருக்கு கிளம்பினோம். "எங்களை சிஷ்யையாக ஏற்றுக் கொள்ளுங்கள் என்று அவரை சரணடைந்தோம். அவர் எங்களை ஏற்றுக் கொண்டாலும் நடனப் பயிற்சிக்காக ஓர் ஆண்டு காத்து நிற்க வேண்டி வந்தது. "நடனம் கற்க போதிய பொறுமை தேவை... அது எங்களிடம் இருக்கிறதா' என்று சோதிக்கவே... எங்களை குரு காத்திருக்க வைத்தார். பரத நாட்டியத்தின்பால் எனக்கு இருக்கும் தீவிர ஈடுபாட்டை உணர்ந்து நான்கு ஆண்டுகளில் சொல்லிக்கொடுக்கும் பல்வேறு அடவுகளை ஒரே ஆண்டில் சொல்லிக் கொடுத்தார். என்னை இயக்கும் தெய்வ சக்தியானார்.

எனது குருகுல வாசம் சுமார் பதினைந்து ஆண்டுகள் நீண்டது . எனது குரு தஞ்சாவூர் தமிழ்ப் பல்கலைக்கழகத்தில் பேராசிரியராகப் பணிபுரிந்த போது அவரது உதவியாளராக இருந்தேன். தமிழ்நாட்டில் பல கலை நிகழ்ச்சிகளில் கலந்து கொண்டேன்.

குரு இயற்கை எய்தியதும் சென்னைக்கு குடி பெயர்ந்தேன். தொழில் ரீதியாக நடன நிகழ்ச்சிகளைத் தொடங்கினேன். ஆரம்பத்தில் திருநங்கை பரத நாட்டியம் ஆடுவதா.. அதை பார்ப்பதா என்று யோசித்தவர்கள் எனது நாட்டியத்தைக் கண்டு அசந்து போய் என்னை ஏற்றுக் கொண்டார்கள். இன்றைக்கு பல ஆயிரம் மேடைகளை உலகளவில் கண்டுவிட்டேன். மதுரை நகரின் இன்னொரு பெயர் 'வெள்ளியம்பலம்'. அந்தப் பெயரில் நாட்டிய பள்ளி ஒன்றைத் தொடங்கி பரத நாட்டியம் கற்றுக் கொடுத்து வருகிறேன். என்னிடம் பயின்ற சிஷ்யைகள் இன்று நடன ஆசிரியர்களாக மாறியுள்ளனர். மதுரை மட்டுமின்றி வெளிநாடுகளிலும் இந்த நடனப் பள்ளிக்கு கிளைகள் உள்ளன. நாட்டியத்தில் சம்பாதித்ததை நாட்டியத்திற்கே அர்ப்பணிக்க வேண்டும் என்ற அடிப்படையில், நடனப் பள்ளி நிர்வாகத்தை அறக்கட்டளையாக மாற்றியுள்ளேன்.

உலகின் பல பல்கலைக்கழகங்களில் எனது நடன நிகழ்ச்சிகள் அரங்கேறிவருகின்றன. குறிப்பாக ஜப்பானில் உலக அறிஞர்கள் கூடும் ஒசாகா எத்னாலாஜி மியூசியம் கலை அரங்கில் எனது நடன நிகழ்ச்சி நடந்தது நான் செய்த பாக்கியம். பல வெளிநாட்டு பல்கலைக்கழகங்களில் வருகை தரும் பேராசிரியராக இருக்கிறேன். இந்த மாதக் கடைசியில், அனைத்து அமெரிக்க தமிழ் அமைப்புகளின் கூட்டமைப்பான ஃபெட்னா'வின் ஆதரவில் மூன்றாவது முறையாக நடன நிகழ்ச்சி நடக்க உள்ளது. தவிர அங்குள்ள தமிழ் குடும்பங்களைச் சேர்ந்த 150 சிறுமிகளை வைத்து திருக்குறள் நடன நிகழ்ச்சி ஒன்றையும் வழங்க உள்ளேன்.

எனது அபிமான நட்சத்திரங்களான வைஜெயந்தி, பத்மினியை எனது நாட்டியம்தான் சந்திக்க வைத்தது. நடிகை பத்மினி அமெரிக்காவில் இருந்த போது சந்தித்து பேசியிருக்கிறேன். வைஜெயந்திமாலா எனது நடனத்தை சென்னையில் பலமுறை பார்த்து பாராட்டியுள்ளார். நடனம் தான் எல்லாம் என்று ஆனதும் நடனத்தின் வேர்கள் எங்கே தொடங்குகிறது என்று தமிழ் இலக்கியங்களில் தேட ஆரம்பித்தேன். உலகின் பழமையான மொழியான தமிழில் அந்த ரகசியம் புதைந்து கிடக்கிறது. தொல்காப்பியத்தில் மொழி , நடனம், இசை மட்டுமின்றி திருநங்கைகளின் உடலியல் கூறு பற்றி கூட சொல்லப்பட்டுள்ளது. சிலப்பதிகாரத்தில் இந்திரவிழாவில் மாதவி பதினோரு வகை நடனம் ஆடுகிறாள். அதில் ஒன்பதாவது வகையாக "பேடி' நடனம் ஆடுவாள். அது உலகின் முதல் "திருநங்கை நடனம்'. உலகின் சாஸ்திரிய நடனங்களின் வேர்களைத் தேடினால் அவை மாதவி ஆடிய நடனங்களில் வந்துதான் நிற்கும். மாதவியின் ஆடல்கள்தான் உலக நடனங்களின் தாய். "அலி' என்னும் சொல், கீழ்த்தரமான சொல் என்று பொருள் கொள்ளப்படுகிறது. உண்மையில் அது இறைநிலையைக் குறிக்கும் ஓர் அடையாளச் சொல். 'ஆணாகி பெண்ணாகி அலியாகி நின்றவன் இறைவன்' என்று மாணிக்க வாசகர் திருவாசகத்தில் பாடியிருக்கிறார். இறைவனை ஆணாகப் பாவித்து தன்னைப் பெண்ணாக நினைத்து ஆழ்வார்களும், சிவனடியார்களும் பாடல்கள் பாடியுள்ளனர். மாணிக்க வாசகரை, 'மாணிக்க வாசக நாச்சியார்' என்று நாயகி பாவத்தில் நாம் அழைக்கிறோம்.

என்னைத் திருநங்கை என்று பெருமையுடன் முன்னிலைப்படுத்திக் கொள்வதில் நான் உறுதியாக இருக்கிறேன். இறைவன் ஆண் என்றால் அது பெண்களை சிறுமைப் படுத்துவதாகும். கடவுள் பெண் என்றால் ஆண்களைக் குறைத்து மதிப்பிடுவதாகும். ஆணும் பெண்ணும் சேர்ந்து சரிநிகர் சமானமாக கடவுள் இருக்கிறார் என்றால் அதுதான் பொருத்தம். அந்த நிலைதான் திருநங்கை நிலை. உயர்ந்த எண்ணங்களே செயல் வடிவம் பெரும். உழைப்பே வெற்றியின் கோயில்' என்கிறார் முனைவர் நர்த்தகி நடராஜ்.
 - பிஸ்மி பரிணாமன்
 

]]>
Narthaki Natraj, Dance, Transgender, நர்த்தகி நட்ராஜ், திருநங்கை, ஃபெட்னா http://images.dinamani.com/uploads/user/imagelibrary/2018/6/29/w600X390/narthagi.jpeg http://www.dinamani.com/lifestyle/lifestyle-special/2018/jun/29/hurdles-faced-by-narthaki-natraj-2949858.html
2949116 லைஃப்ஸ்டைல் ஸ்பெஷல் பிளாஸ்டிக் கேரி பேக்குகளைத் தவிர்க்கச் சொல்லும் கியூட்டான விடியோக்கள், பாருங்கள் மனம் மாறுவீர்கள்! கார்த்திகா வாசுதேவன் Thursday, June 28, 2018 01:00 PM +0530  

கடந்த மாதத்தில் ஒருநாள் அலுவலகம் முடிந்து மாலையில் வீடு திரும்பிக் கொண்டிருந்தேன். செல்லும் வழியில் எங்கள் குடியிருப்பில் இருக்கும் டிபார்ட்மெண்டல் ஸ்டோர் ஒன்றில் மறுநாளைக்குத் தேவையான காய்கறிகள் மற்றும் பழங்களை வாங்கிச் செல்வது வழக்கம். அன்றும் அப்படிப் பொருட்களை வாங்கிக் கொண்டு பில் போடும் போது பில் கவுண்ட்டரில் இருந்த பையன் சொன்னான்... மேடம், நேத்து அசோஸியேசன் மீட்டிங் நடந்ததாம்... அப்போ நம்ம குடியிருப்பில் இனி யாரும் பிளாஸ்டிக் பைகளைப் பயன்படுத்தக் கூடாதுன்னு தீர்மானம் போட்டிருக்காங்களாம். அதனால அடுத்த மாசத்துல இருந்து  நம்ம கடையில பிளாஸ்டிக் பைகள் கிடையாது மேடம். ப்ளீஸ் இனிமே கோச்சுக்காம நீங்களே பை கொண்டு வந்துடுங்களேன்’ என்றான். எனக்கு முதலில் அவனது இந்தக் கோரிக்கை எரிச்சலூட்டினாலும், அடுத்த மாசத்துல இருந்து தானே... இப்போ இல்லையே... இப்போ பிளாஸ்டிக் பை இருக்கா, இல்லை நான் வாங்கின பொருட்களை எல்லாம் துப்பட்டால மூட்டை கட்டித்தான் தூக்கிட்டுப் போயாகனுமா? என்று ஒரு நொடி யோசித்துக் கொண்டு நின்றேன். அதற்குள் எனக்கடுத்து நின்றிருந்த பெண்மணி ஒருவர், ‘ஆமா, இவங்க மீட்டிங் போடும் போதெல்லாம் இப்படித்தான் எதையாவது கிளறி விட்டுப் போவாங்க, ஆனா, ஜனங்க அதுக்கு ஒத்துக்கனுமே? பாருங்க ஒருத்தர் கையிலயாவது துணிப்பையோ, சணல் பையோ இருக்கான்னு? நீங்க பிளாஸ்டிக் கேரி பேக் தரலைன்னு  வைங்க, இவங்கல்லாம் உடனே கடையை மாத்துவாங்களே தவிர, துணிப்பைக்கோ, சணல் பைக்கோ மாத்துவாங்கன்னு எல்லாம் எனக்குத் தோணலை’ என்றார். இதைக் கேட்டதும் கடைப்பையனுக்கு சட்டென முகம் வாடியது. அவன் பேச்சின்றி ஆணியில் தொங்கிக் கொண்டிருந்த பிளாஸ்டிக் பைகளில் ஒன்றை உருவி எனக்கான பொருட்களை அதில் கொட்டி என்னிடம் நீட்டினான்.

அவன் அத்தனை சொல்லியும், பிளாஸ்டிக் பைகளை நிராகரிக்கச் சொல்லி நானே எத்தனையோ முறை விழிப்புணர்வு கட்டுரைகள் எழுதியும் கூட ஒவ்வொரு முறையும் மளிகைச் சாமான்கள் வாங்கக் கடைக்குச் செல்லும் போதும் சரி, புத்தாடைகள் வாங்க ஜவுளிக்கடைகளுக்குச் செல்லும் போதும், இனிப்பகங்களுக்குச் செல்லும் போதும், மீன் வாங்கச் செல்லும் போதும், பூ வாங்கச் செல்லும் போதும், அத்தனை ஏன்? வெளியில் தெருவில் இறங்கி காசு கொடுத்து எதை வாங்குவதாக இருந்த போதும் என் கண்களும், இதயமும் முதலில் தேடியது இந்த பிளாஸ்டிக் பைகளைத் தானே! இந்த எண்ணத்தை மாற்றிக் கொள்ளாமல் பிளாஸ்டிக் அரக்கனை ஒழிப்போம் என்று கோஷமிடுவதும், கட்டுரைகள் எழுதிக் குவிப்பதும் எந்த விதத்தில் நியாயம் என்று தோன்றியது.

இப்போது இந்த ‘Say No To Plastic' விடியோக்களைக் காணும் போது, கடைப்பையன் சொல்லும் போதே,  ‘சரி நீ சொல்வது நியாயமானது’ என்று கூறி எனது துப்பட்டாவை விரித்து மூட்டையாக்கி நான் வாங்கிய காய்கறிகளையும், பழங்களையும் எடுத்துச் சென்றிருக்கலாம். கொஞ்சம் சினிமாட்டிக்காக இருந்தாலும் அதை வேடிக்கை பார்த்துக் கொண்டு நின்றவர்களில் சிலருக்கேனும் அது மிகச்சிறந்த நல்லுதாரணமாக ஆகி இருக்கக் கூடும் என்று தோன்றுகிறது. 

இதோ அந்த வீடியோக்களை நீங்களும் பார்த்து விட்டுச் சொல்லுங்கள்.

தெருவோரக் கடையில் பழம் வாங்கினால் எப்படிச் சொல்வது ‘Say No To Plastic carry bag?'


 

மீன் வாங்கச் செல்லும் போதும் சொல்லலாம் ‘Say No To Plastic'!

 

விசா இமிக்ரேஷன் அலுவலகம் போல கட்டுப்பாடுகள் நிறைந்திருந்தால் மட்டுமே தவிர்க்கக் கூடிய பழக்கமா இது?!

தள்ளுவண்டியில் காய்கறிகள் வாங்கும் போதும் ‘Say no to carry bag (No to plastic)’

பேக்கரியில் வடாபாவ் வாங்கினாலும் கூட உங்களால் சொல்ல முடியும், ‘Say no to carry bag (No to plastic)’...

மேற்கண்ட விடியோக்களின் அடிப்படை...

‘மனமிருந்தால் மார்க்கமுண்டு’ எனும் ஒற்றை வாக்கியமே!

அதை இறுகப் பற்றிக் கொண்டோமெனில் நம்மால் பிளாஸ்டிக்கை மட்டுமல்ல சூழலுக்கும், மனித உயிருக்கும் கேடு விளைவிக்கக் கூடிய விதத்திலான அச்சுறுத்தல்களுக்குமே முற்றும் போடலாம்.

ஆனால், நம் மக்கள் மனசு வைக்க வேண்டுமே!

அதிலிருக்கிறது சூட்சுமம்!

Video Courtesy: CARRY ON BAN PLASTIC YOU TUBE VIDEOS.

]]>
பிளாஸ்டிக் கேரி பேக்குகளைத் தவிருங்கள், say no to plastic carry bags http://images.dinamani.com/uploads/user/imagelibrary/2018/6/28/w600X390/say_no_to_plastics.jpg http://www.dinamani.com/lifestyle/lifestyle-special/2018/jun/28/say-no-to-plastic-videos-will-made-you-avoid-the-usage-of-carry-bags-2949116.html
2945016 லைஃப்ஸ்டைல் ஸ்பெஷல் லிப்ஸ்டிக், நெயில் பாலிஷ் போட்டுக் கொள்வது ஆண் தன்மை இல்லையென யார் சொன்னது?! கார்த்திகா வாசுதேவன் Friday, June 22, 2018 03:33 PM +0530  

தங்கை மகனுக்கு டிரெஸ் வாங்க கடைக்குச் சென்றிருந்தோம். நானும், தங்கையும் அவனுக்காகப் பல உடைகளைத் தேடிக் களைத்து கடைசியில் பிங்க் நிறத்தில் ஒன்றும் இளநீல நிறத்தில் ஒன்றுமாகத் தேறியதை அவனுக்குப் போட்டுப் பார்க்கலாம் என்று அழைத்தோம். இரண்டையும் பார்த்தவனுக்கு பிங்க் நிறத்தைக் கண்டதுமே முகம் சுளுக்கிக் கொண்டது. என்னம்மா இது? பிங்க் கேர்ள்ஸ் கலர். என்னால அதெல்லாம் போட்டுக்க முடியாது. ஃப்ரெண்ட்ஸ் கேலி பண்ணுவாங்க என்று உடனே அதை ஒதுக்கி வைத்து விட்டான். உண்மையில் அவனுக்கு பிங்க் நிறம் பிடிக்காது என்று சொல்ல முடியாது. நண்பர்கள் கேலி செய்வார்கள் என்று தான் ஒதுக்கி விட்டான்.

இந்த சமூகம் சிற்சில விஷயங்களில் இப்படித்தான் சில பாலியல் பேதமைகளைப் புகுத்தி விடுகிறது.

  • பிங்க் நிற உடை அணிய வேண்டுமானால் நீ பெண்ணாகப் பிறந்திருக்க வேண்டும்.
  • லிப்ஸ்டிக், நெயில் பாலீஷ் போட்டுக் கொள்ள வேண்டுமென்றால் நீ பெண்ணாகப் பிறந்திருக்க வேண்டும்.
  • குறைந்த பட்சம் சமையற்கட்டில் அம்மாவுக்கு உதவுவது என்றாலும் கூட நீ பெண்ணாகப் பிறந்திருக்க வேண்டும் இத்யாதி... இத்யாதி.

சில ஆண்கள் தப்பித்தவறி விதிவிலக்காக சமூகம் வகுத்த பாலியல் பேதங்களைப் பொருட்படுத்தாமல் தங்களுக்குப் பிடித்தமாதிரியெல்லாம் நடந்து கொண்டு விட்டால் அப்புறம் போயே போச்சு!

‘ஐயே! அங்க பாருடா... அவன் நெயில் பாலிஷ்லாம் போட்டுக்கறான், ஒருவேளை அவன் ஆம்பளையே இல்லையோ?’ என்றெல்லாம் சக நண்பர்கள் மத்தியில் அவனை ஒதுக்கத் தொடங்கி விடுகிறார்கள்.

உறவில் ஒரு சிறுவனுக்கு பள்ளி நாட்களில் ஆண்டுவிழா மேடைகளில் பரத நாட்டிய உடையணிந்து கொண்டு நடனமாட அத்தனை ப்ரியம். அந்த விருப்பம் அவனுக்குள் எப்படிப் புகுந்ததெனத் தெரியவில்லை. ஒரு வேளை அம்மா ஆசிரியப் பணியில் இருந்ததால் அவன் பெரும்பாலும் பாட்டியின் ஆதிக்கத்தில் தான் வளர்ந்தான். பாட்டிக்கு அந்தக்கால லலிதா, பத்மினி நாட்டியத் திரைப்படங்கள், பாடல்கள் என்றால் இஷ்டம். அதைப் பார்த்துப் பார்த்து வளர்ந்ததாலோ என்னவோ இவனுக்கு பெண்களைப் போல பரத உடையணிந்து பள்ளி மேடையில் நாட்டியம் ஆட மிகப்பிடித்தமாக இருந்தது. தொடர்ந்து நான்கைந்து வருடங்கள் அப்படி ஆடவும் செய்தான். இதனால் அவனுக்கு கிடைத்த பட்டப் பெயர் பொம்பள தினேஷ்.

அவனை இப்படிக் கேலி செய்து அவனது இயல்பான ஆசைகளை, ஆர்வங்களைக் கொச்சைப்படுத்திய நண்பர்களைப் பற்றியெல்லாம் அவன் பெரிதாக வருத்தப்பட்டதில்லை.

அவர்களது கேலிகளை எல்லாம் தனது வசைகளாலும் மீள் கேலிக் கணைகளாலும் எதிர்கொண்டு அவன் மிகத்திறம்பட சமாளித்தான். ஏனெனில், நண்பர்களால் காயப்பட்ட போதெல்லாம் அவனுக்கு ஆறுதல் தரவும், எதிர்த்துப் போராடும் முறைகளைப் பற்றிச் சொல்லித் தரவும் இந்தப் பொல்லாத வாழ்வைப் பற்றிய போதிய அனுபவஞானம் கொண்ட பாட்டி இருந்தார்.

அவர் அவனுக்குச் சொல்லித் தந்தது.

‘ஆண்மை என்பது வெளித் தோற்றங்களிலோ, அல்லது ஒரு சிறுவனோ, இளைஞனோ தன்னை மகா கனம் பொருந்திய ஆணாக வெளிப்படுத்திக் கொள்ள முயலும் பாவனைகளிலோ இல்லை. அது செயலில், எண்ணத்தில், அதனால் கிடைக்கக் கூடிய பெருமித உணர்வில் இருக்கிறது. அதுவே ஆண்மைத்தனம். அது நீ லிஸ்ப்ஸ்டிக் போட்டுக் கொண்டு, பரத உடை அணிந்து கொண்டு நாட்டியம் ஆடுவதால் கெட்டுப் போக அது ஒன்றும் பழைய சோறில்லை என்றார்.’

எத்தனை உத்தமமான வார்த்தைகள் இவை!

இதோ இந்த அலகாபாத் பையனைப் பாருங்கள்.

இவனுக்கும் லிப்ஸ்டிக், நெயில் பாலீஷ் போட்டுக் கொள்வதென்றால் ரொம்பப் பிடிக்குமாம். சமையலறை சென்று சமைப்பது, பரிமாறுவது உள்ளிட்ட வேலைகளைச் செய்யப் பிடிக்குமாம். ஆனால், அவன் இவற்றையெல்லாம் செய்யும் போது அதை யாராவது பார்த்து விட்டுச் சிரித்தால் மட்டும் கூசிக் குறுகி ஓடிப்போய் கட்டிலுக்கு அடியில் ஒளிந்து கொள்வானாம். இந்தக் கூச்சம் எதற்காக என்றால்? யாரும் தன்னைக் கேலி செய்து சிரித்து விடக்கூடாது எனும் தன்பயத்தால்.

இந்த பயத்தின் அடுத்த கட்டம் என்னவாக இருக்கலாம் என்றால், ஒவ்வொரு முறை லிப்ஸ்டிக் போட்டுக் கொள்ள ஆசைப்படும் போதும் இவன் இப்படித்தான் கட்டிலுக்கு அடியிலோ அல்லது பீரோவுக்கு உள்ளேயே ஒளிந்து கொண்டாக வேண்டியதாயிருக்கும். அப்படி ஒழிந்து கொண்டு செய்ய அவன் என்ன திருட்டுத்தனமா செய்கிறான். ஆஃப்டர் ஆல் லிப்ஸ்டிக். அதை குடும்பத்தில் அனைவர் மத்தியிலும் போட்டுக் கொள்வதென்பது எந்த விதத்திலும் தவறான செயலாக ஆக முடியாது. இதை அந்தச் சிறுவன் உணர வேண்டும். அன்றியேல் அவனது சுயமரியாதைக்கு மதிப்பில்லை என அவனது சகோதரி திக்‌ஷா பிஜிலானி சிந்தித்தார்

அந்தச் சிந்தனையின் விளைவு தான் இன்று காலை முதலே டிவிட்டரில் வைரலாகிக் கொண்டிருக்கும் புகைப்படங்கள்.

லிப்ஸ்டிக் போட்டுக் கொள்ள இனி அந்த ‘Little Cuz' கூச்சப்பட மாட்டான் என நம்புவோம்.

விடுமுறைக்கு உறவினர் வீட்டுக்குச் சென்ற திக்‌ஷா பிஜிலானிக்கு தனது குட்டித் தம்பியின் நடவடிக்கை வினோதமாக இருந்திருக்கிறது. அவனது எண்ணம் தவறு. இதை திருட்டுத்தனமாகச் செய்ய வேண்டிய அவசியமில்லை என அந்தச் சிறுவனுக்கு உணர்த்த விரும்பினார் திக்‌ஷா. அதன் விளைவாக தன் மூத்த சகோதரனுக்கும் கூட லிப்ஸ்டிக் போட்டு விட்டு அதையும் புகைப்படமெடுத்து தனது ட்விட்டர் பக்கத்தில் வெளியிட்டார் திக்‌ஷா.

இப்படித்தான் பெரிதாக்கப்படத் தேவையற்ற சின்னஞ்சிறு விஷயங்களைக் கூட அப்படியே போகிற போக்கில் ஸ்மூத்தாகக் கையாளாமல் அதை என்னவோ பெருங்குற்றம் போல கையாண்டு பலரை துக்கத்தில் ஆழ்த்தி விடுகிறோம். இதனால் சம்மந்தப்பட்டவர்கள் காலத்துக்கும் கூனிக் குறுகிப் போய்விட வேண்டியதாகி விடுகிறது. அது தவறு. அந்தத் தவறை இனி யாரும் உங்கள் வாழ்வில் உங்களுக்கு நெருக்கமானவர்களிடத்திலும், நண்பர்களிடத்திலும் இழைத்து விடாதீர்கள். எனும் விண்ணப்பத்தோடு தனது மற்றும் தன் குட்டிச் சகோதரனின் புகைப்படத்தையும் ட்விட்டரில் பகிர்ந்திருக்கிறார் திக்‌ஷா.

ஹாட்ஸ் ஆஃப் டு யூ திக்‌ஷா & ‘Little Cuz’

Image courtesy: NDTV.COM

]]>
male centric household, effeminate, conditioned gender binary, ஆண்மை அடையாளங்கள், புரையோடிய சமூக பழக்கம், லிப்ஸ்டிக் ஆண்மை அடையாளமில்லையா?, ஆண்மை, பெண்மை, ஆன்மை VS பெண்மை, http://images.dinamani.com/uploads/user/imagelibrary/2018/6/22/w600X390/thiksh_bijilani_with_her_cuz.jpg http://www.dinamani.com/lifestyle/lifestyle-special/2018/jun/22/bullied-for-wearing-lipstick-then-his-cousins-did-this-2945016.html
2944959 லைஃப்ஸ்டைல் ஸ்பெஷல் வளர்ப்பு பிராணிகளா அல்லது செல்ல அடிமைகளா? கார்த்திகா வாசுதேவன் Friday, June 22, 2018 11:37 AM +0530  

வளர்ப்புப் பிராணிகளைப் போஷிப்பதில் என்ன இருந்தாலும் நம்மை விட மேற்கத்தியர்களுக்கு நாட்டம் அதிகம் தான். அதென்ன அப்படி சொல்லி விட்டீர்கள்? கண்ணும் கருத்துமாக வளர்க்கிறோம் பாருங்கள் எங்கள் வளர்ப்புப் பிராணிகளை  என்று ஊருக்கு உரக்கச் சொல்லி விளம்பரமெல்லாம் தேடாமலே நம் கடையெழு வள்ளல்களில் ஒருவரும் பழந்தமிழ் சிற்றரசர்களில் ஒருவருமான பேகன் பல நூற்றாண்டுகளுக்கு முன்பே மயிலுக்குப் போர்வை தந்த கதையை மறந்து விட்டீர்களா? என்று யாரேனும் குரலுயர்த்தலாம். ஆம் ஐயா! ஆனால் அதெல்லாம் பழங்கதை தானே?! இப்போது பாருங்கள்... கடந்த மாதம் கூட வளர்ப்பு நாயை பால்கனியில் கட்டிப் போட்டு விட்டு, கடுங்கோடையும் அதுவுமாக அதற்குப் போதுமான தண்ணீர் கூட வைக்காமல் கதவைச் சாத்திக் கொண்டு ஊருக்குப் போன குடும்பத்தைப் பற்றி செய்தி வெளியிட்டிருந்தோமே?! அதை அதற்குள் மறந்து விட முடியுமா? அப்படி, இன்று நாம் நமது அந்தஸ்தைப் பறைசாற்றிக் கொள்ளவும், ஆசைக்கும் தான் வளர்ப்புப் பிராணிகளை வளர்க்கிறோமே தவிர... உண்மையில் அந்தந்த மிருகங்களின் பால் உள்ள அக்கறையாலும், பாசத்தாலும் அவற்றை வளர்க்கத் தலைப்படுகிறோமா என்றால், பெரும்பாலும் இல்லையென்றே பதில் கூற முடிகிறது. ஆனால், இந்த விடியோக்களைப் பார்க்கையில் மேலை நாடுகளில் அப்படியல்ல என்று தோன்றுகிறது. 

நாமெல்லாம் மிஞ்சிப் போனால் நாய், பூனை, கிளி, முயல், பஞ்சவர்ணக்கிளி, லவ் பேர்ட்ஸ் என்று வேண்டுமானால் பெட் அனிமல்ஸை வளர்க்க விரும்பலாம். இந்தியாவில் இப்படியான வளர்ப்பு பிராணிகளின் சதவிகிதமே அதிகம். இவற்றைத்தவிர குரங்காட்டிகள் காடுகளில் இருந்து பிடித்து வந்த குரங்குகளை வைத்து வித்தை காட்டி காசு சம்பாதிக்கலாம். அதை வளர்ப்புப் பிராணிகள் லிஸ்டில் வைப்பதென்றால் அதை அதன் உரிமையாளர்கள் பாசத்துடன் அணுகுவதில்லையே ஒரு அடிமையைப் போலல்லவா நடத்துகிறார்கள் என்றிருக்கிறது. கேரளாவில் யானை வளர்க்கிறார்கள். அதை அவர்கள் அங்கு வளர்ப்புப் பிராணிகள் லிஸ்டில் வைத்திருக்கிறார்களோ? அல்லது தமிழ்நாட்டில் பசுக்களையும், ஆடுகளையும் வீட்டு விலங்குகளாக வளர்த்து வருகிறோமே அப்படி வைத்து வளர்க்கிறார்களா? என்பது மலையாளிகளுக்கே வெளிச்சம். வளர்ப்புப் பிராணிகள் விஷயத்தில் நமது லட்சணம் இப்படி.

ஆனால்... இந்த மேற்கத்தியர்களைப் பாருங்கள்... 

அணில், குரங்கு, குள்ளநரி, கங்காரு, எலி, காட்டெருமை, மான், முள்ளம்பன்றி, கடற்கரையோரங்களில் மட்டுமே வாழக்கூடிய சீல்கள், எறும்புத்தின்னி, ஆமைகள், ஓணான், கரடி, பாம்பு, சிங்கம், புலி, சிறுத்தை, அலபகா( ‘இந்தியன்’ திரைப்படத்தில் கவுண்டமணியை கடித்து வைக்குமே ஒரு ஆஸ்திரேலிய மிருகம் அதன் பெயர் தான் அல்பகா, காட்டுப்பூனை, தேவாங்கு, வெள்ளைப் பன்றிகள் என்று பலவற்றையும் அவர்கள் வளர்ப்பு மிருகங்களாக வளர்த்து வருகிறார்கள். பார்க்கப் பார்க்க ஆச்சர்யமாக இருக்கிறது. 

சிலவற்றை ஆபத்தான மிருகங்கள் என்று நாம் ஒதுக்கி வைத்திருக்கிறோம். நம் நாட்டில் அவற்றை வீடுகளில் வளர்க்க நமக்கு அனுமதி இல்லை. அனுமதி இல்லையென்பதால் மட்டுமல்ல நமக்கே அவற்றையெல்லாம் வீடுகளில் வைத்து வளர்க்கப் பிடிப்பதில்லை என்பதும் நிஜம். இந்தியர்களைப் பொறுத்தவரை நாய், பூனை, கிளி, முயல், சிலர் விதிவிலக்காக புறாக்கள் வளர்ப்பார்கள். அரிதாகத்தான் இந்த வளர்ப்பு பிராணிகளைத் தாண்டி வேறு சிலவும் இங்கு இடம்பிடிக்ககூடும். தமிழில் பல்லவி என்றொரு நடிகை இருந்தார்... அவர் பிஸியாக படங்களில் நடித்துக் கொண்டிருந்த போது அவரது நடிப்பை பற்றி பேசினார்களோ இல்லையோ அவர் வளர்த்த குரங்கைப் பற்றி பேசியவர்கள் அதிகம். ஏனென்றால் தமிழ்நாட்டில் அப்போதெல்லாம் குரங்குகளை வளர்ப்புப் பிராணிகள் லிஸ்டில் வைத்துப் பார்ப்பவர்கள் எவருமிருந்திருக்கவில்லை.

நாமெல்லாம் ராமநாராயணம் திரைப்படங்களில் மட்டுமே விலங்குகளுக்கு விதம் விதமாக ஆடைகள் அணிவிக்கப்பட்டு பார்த்திருப்போம். நிஜத்தில், வீட்டில் வளரும் வளர்ப்புப் பிராணிகளுக்கு ஆடைகள் எல்லாம் கிடையாது. அவை தேமேவென அலைந்து கொண்டிருக்கும். ஆனால், மேற்கத்தியர்கள் வளர்ப்புப் பிராணிகளுக்கு ஆடை அணிவிப்பதில் இருந்தெல்லாம் பல படிகள் முன்னேறி கங்காருவுக்கு நாப்கினும், பன்றிகளுக்கு கவுனும் அணிவித்து பழக்குவது வரை வந்து விட்டார்கள். நம்மூரில் வெள்ளைப் பன்றிகளை போர்க் பிரியாணிக்காக மட்டும் தான் பண்ணைகளில் வளர்க்கக் கூடும்.

சரி சரி இந்தக் கதையெல்லாம் எதற்கு? வளர்ப்புப் பிராணிகள் விஷயத்தில் இந்திய வழக்கத்தை மட்டம் தட்டுவது அல்ல இந்தக் கட்டுரையின் நோக்கம். 

என்ன இருந்தாலும் இந்தியர்களான நமக்கு வீட்டு விலங்குகளாக இருந்தாலும் சரி, காட்டு விலங்குகளாக இருந்தாலும் சரி அல்லது பெட் அனிமல்ஸ் என்று சொல்லக்கூடிய வளர்ப்பு விலங்குகளாகவே இருந்தாலும் சரி... நம்மால் அவற்றின் மீது 100 சதம் பாசத்தைக் கொட்டவே முடிந்ததில்லை. அவற்றை நம் ஆசைகளுக்கான, அல்லது அந்தஸ்தைக் காட்டிக் கொள்வதற்கான அல்லது மன அழுத்தத்தை தீர்த்துக் கொள்வதற்கான வடிகால்களாகவே பயன்படுத்திக் கொள்ள முடிந்திருக்கிறதே தவிர அவற்றையும் நமது சக ஜீவன்களாக நடத்த முடிந்ததே இல்லை என்பதே!

அதென்னவோ மேற்கண்ட விடியோக்களைக் காண்கையில் வளர்ப்புப் பிராணிகள் விஷயத்தில் நம்மை விட மேற்கத்தியர்கள் மேலும் கரிசனையோடும், மிருகங்களுக்கும் சம உரிமை வழங்கி நடந்து கொள்வதாகத் தோன்றுகிறது. எத்தனை பேருக்கு இப்படித் தோன்றுமெனத் தெரியவில்லை. வளர்ப்புப் பிராணிகளை செல்ல அடிமைகளாக நடத்தும் நமது மனப்போக்கு மாற வேண்டும் என்று தோன்றியதால் இந்தக் கட்டுரை உருவானது. 

அட வளர்ப்புப் பிராணிகளின் நிலைக்காக வருத்தப்பட வந்து விட்டீர்கள் நம்மூரில் குழந்தைகளையே நாம் செல்ல அடிமைகளாகத்தானே வளர்த்து வருகிறோம் என்கிறீர்களா? அதுவும் நிஜம் தான்.

]]>
pet animals, வளர்ப்பு பிராணிகள், இந்தியா VS மேலை நாடுகள், pet animals or pet slaves, வளர்ப்பு பிராணிகளா அல்லது செல்ல அடிமைகளா? http://images.dinamani.com/uploads/user/imagelibrary/2018/6/22/w600X390/pet_animals.jpg http://www.dinamani.com/lifestyle/lifestyle-special/2018/jun/22/are-pets-or-pet-slaves-2944959.html
2944264 லைஃப்ஸ்டைல் ஸ்பெஷல் ஜேசிபி வண்டியில் கல்யாண ஊர்வலம் வந்த வித்யாசமான புதுமணத்தம்பதிகள்! RKV Thursday, June 21, 2018 11:13 AM +0530  

புதுமணமக்களின் கல்யாண ஊர்வலம் என்றாலே ஒன்று குதிரை பூட்டிய சாரட் வண்டியிலே அல்லது பூக்களால் அலங்கரிக்கப்பட்ட காரிலோ தான் செல்வது தான் வழக்கம். இதுவரை நமது கண்கள் பார்த்துப் பழக்கப்பட்டதும் அப்படியான காட்சிகளைத் தான். ஆனால் கர்நாடகாவைச் சேர்ந்த புதுமணத் தம்பதிகளான 28 வயது சேத்தன் கல்லகட்டாவும் 22 வயது மமதாவும் இந்த விஷயத்தில் கொஞ்சம் மாற்றி யோசித்திருக்கிறார்கள். அந்த மாற்று யோசனையில் ஒரு சிறிய வாழ்வியல் தத்துவத்தையும் புகுத்தி அசத்தியது தான் இந்த ஜேசிபி கல்யாண ஊர்வலத்தில் ஹைலைட்டான விஷயம்.

திங்களன்று சேத்தன், மமதாவின் திருமணம் முடிந்ததும் நண்பர்களும், உறவினர்களும் இருவரையும் வாழ்த்தினர். வாழ்த்திய உறவினர்கள் அடுத்தடுத்து அவரவர் சொந்த வேலையில் மூழ்கி விட நண்பர்கள் மட்டும் சேத்தனை விட்டு அகலாமல் அவருடனே இருந்திருக்கின்றனர். மமதாவுக்கு ஆச்சர்யமாக இருந்தாலும், சரி கணவரின் நெருங்கிய நண்பர்கள் போலும், காரில் நம்மை வீடு வரை விட்ட பின் விடை பெறுவார்கள் என்று நினைத்து விட்டார். அவர் நினைத்தது சரி தான். அந்த நண்பர்கள் அதற்காகத் தான் காத்திருந்தார்கள். ஆனால், அவர்கள் புதுமணத்தம்பதிகளை வீடு வரை ஊர்வலமாக அழைத்துச் சென்று விட்டது அலங்கரிக்கப்பட்ட காரில் அல்ல. அலங்கரிக்கப்பட்ட ஜேசிபி வண்டியில். 

ஜேசிபி வண்டியில் ஊர்வலம் என்றதும் முதலில் மணமகளுக்கு கொஞ்சம் ஜெர்க் ஆகி அவர் பயந்திருக்கிறார். அப்போது மணமகனான சேத்தன், தன் புது மனைவியிடம், ‘பயப்படாதே, நான் ஒரு ஜேசிபி டிரைவர். இது தினமும் நான் இயக்கும் வாகனம் தான். இதில் அமர்ந்து செல்ல எந்தப் பயமும் வேண்டாம். நான் உன் அருகிலேயே இருக்கிறேனே! யோசிக்காமல் வா’,  என்று உற்சாகப்படுத்தியிருக்கிறார்.

புதுக்கணவர் இத்தனை சொல்லும் போது மனைவிக்கும் அந்த உற்சாகம் தொற்றிக் கொள்ள, இருவரும் ஜேசிபியில் குதூகலமாக ஊர்வலம் வந்து வீட்டை அடைந்தனர்.

இதென்ன ஜேசிபி யில் கல்யாண ஊர்வலம்?! புதுமையாக ஏதாவது செய்ய வேண்டும் என்று இப்படிச் செய்தீர்களா? என்ற கேள்விக்கு சேத்தன் அளித்த பதில், 

‘அப்படி இல்லை, கல்யாணத்திற்கு ஊர்வலம் போவது வழக்கமான விஷயம் தான். அந்த ஊர்வலத்தை நான் தினமும் ஓட்டும் ஜேசிபி வண்டியிலேயே போனால் என்ன? என்று என்  நண்பர்கள் சிலர் என்னை உற்சாகப் படுத்தினார்கள். சொல்லப்போனால் எனக்கு காரிலும், குதிரை வண்டியிலும் ஊர்வலம் போகத்தான் பயமாக இருந்தது. எனவே நண்பர்கள் சொன்னது எனக்கும் சரி என்று தோன்றியது’ அதனால் சென்றோம். அது வித்யாசமானதா? இல்லையா என்றெல்லாம் அப்போது நான் யோசிக்கவில்லை. என்றார். 

சேத்தன், மமதா திருமண ஊர்வலத்தை புகைப்படமெடுத்த அவரது நண்பர்கள் அதை இணையத்தில் பகிர்ந்திருக்கிறார்கள்.

புகைப்படங்களில் காணும் போது, தம்பதியினர் ஜேசிபி வண்டியிலும் கூட வண்டிக்கும் அமர்ந்து ஊர்வலம் வரவில்லை. ஜேசிபியின் முன்புறம் மண்ணை அள்ளிக் கொட்ட அகலமான கை போன்ற உறுப்பு ஒன்று இருக்குமே. அதில் உட்கார்ந்து ஊர்வலம் வந்திருக்கின்றனர். அந்தப் புகைப்படங்கள் ஒவ்வொன்றிலுமே மணமக்கள் தங்களது சிரிப்பை அடக்க முடியாமல் அடக்கிக் கொண்டு போஸ் கொடுத்திருப்பது நன்கு புலப்படுகிறது. இந்த ஊர்வலத்தைப் நேரில் பார்த்தவர்களுக்கும் கூட இந்த வினோதக் காட்சி முகத்தில் சிரிப்பை வரவழைத்திருக்கும்.

எது எப்படியோ, ஆடம்பரமாகத் திருமணம் செய்து, அந்த ஆடம்பரத்தை மேலும் அதிகரிப்பது போல அலங்கரிக்கப்பட்ட காரையோ, குதிரை வண்டியையோ வாடகைக்கு அமர்த்திக் கொண்டு கல்யாணச் செலவை மேலும் அதிகரிக்கச் செய்வதைக் காட்டிலும் சேத்தன், மமதா தம்பதிகளைப் போல புதுமணத் தம்பதிகள் தங்கள் வீட்டிலிருக்கும் சொந்த வாகனங்களிலேயே திருமண ஊர்வலத்தை திட்டமிடுவது கூட புத்திசாலித்தனமான காரியம் தான். இல்லையா?!

Image courtesy: The news minute.com

]]>
JCB Wedding walk, ஜேசிபியில் கல்யாண ஊர்வலம், கர்நாடகா, சேத்தன் மமதா தம்பதி, chethan kallakatta, mamatha, http://images.dinamani.com/uploads/user/imagelibrary/2018/6/21/w600X390/jcp_wedding.jpg http://www.dinamani.com/lifestyle/lifestyle-special/2018/jun/21/karnataka-man-takes-wife-home-in-a-jcb-vehicle-after-wedding-2944264.html
2940261 லைஃப்ஸ்டைல் ஸ்பெஷல் கிரிக்கெட் வீரர் வீரேந்திர சேவாக் வியந்து பாராட்டிய சூப்பர் வுமன் இவர்! RKV ANI Friday, June 15, 2018 11:52 AM +0530  

மத்தியப் பிரதேசம், ஷிகோரைச் சேர்ந்த லஷ்மிபாய் தான் அந்த சூப்பர் வுமன். லஷ்மிபாய்க்கு 72 வயதாகிறது. ஆனால், இன்றும் கூட மாவட்ட ஆட்சியர் அலுவலகத்தின் எதிரில் அமர்ந்து அங்கே மனு அளிக்க வருகின்ற பொதுமக்களுக்காக டைப்ரைட்டரில்  விண்ணப்பங்களை டைப் செய்து தரும் பணியைச் செய்து கொண்டிருக்கிறார். லஷ்மிக்கு வயது ஒரு பிரச்னையாகத் தோன்றவில்லையா? ஏன் இந்த தள்ளாத வயதில் டைப் ரைட்டரோடு மல்லுக்கட்ட வேண்டும் எனப் பலர் அவரிடம் விசாரித்ததுண்டு.

அவர்களுக்கு லஷ்மி அளிக்கும் வழக்கமான பதில், 

‘எனக்கு வயதாகி விட்டதால் என்னால் வேலை எதுவும் செய்ய முடியாது என்று நான் நினைக்கவில்லை. அது மட்டுமல்ல, சில ஆண்டுகளுக்கு முன் நிகழ்ந்த விபத்தில் என் மகள் மோசமான காயங்களுடன் காப்பாற்றப்பட்டாள், அவளுடைய இடத்தில் இருந்து குடும்பத்தைத் தாங்க இப்போது நான் இருக்கிறேன். என்னால் பிச்சை எடுத்து உண்ண முடியாது. குடும்ப காரியங்களை நிகழ்த்த முடியாது. எனக்கு வருமானம் ஈட்ட ஒரு வேலை தேவைப்பட்டது. அப்போது தான், மாவட்ட ஆட்சியர் ராகவேந்திர சிங் மற்றும் துணை டிவிஷனல் மாஜிஸ்ட்ரேட் பாவனா விளம்பே உதவியாலும், பரிந்துரையாலும் எனக்கு இந்த வேலை கிடைத்தது. வங்கிக் கடனை அடைத்து விட்டு ஒரு வீட்டை சொந்தமாகக் கட்டிக் கொள்ள வேண்டும் என்பது மட்டுமே இப்போதைய எனது ஒரே தேவை. அதற்காகத் தான் உழைத்துக் கொண்டிருக்கிறேன்.’

லஷ்மி பாய் பற்றி அறிய நேர்ந்த இந்தியக் கிரிக்கெட் வீரர் வீரேந்திர சேவக், அவரை வியந்து பாராட்டி தனது ட்விட்டர் தளத்தில் பதிய... இப்போது லஷ்மி பாய் உலகறிந்த ஸ்டெனோகிராபர் ஆகி விட்டார்.

சேவக் லஷ்மி பாய் பற்றி குறிப்பிடுகையில்...

என்னுடைய சூப்பர் வுமன் இவர் தான்... இவரது பெயர் லஷ்மி பாய். மத்தியப் பிரதேசம், ஷிகோரைச் சேர்ந்த இந்த லஷ்மி பாய்... தான் செய்யும் வேலையைச் சிறியதென நினைக்கவில்லை. கற்றுக் கொள்ளவோ, வேலை செய்யவோ வயது ஒரு தடையில்லை என இந்த உலகம் உணர்ந்து கொள்ள சிறந்த வாழும் உதாரணம் இந்த லஷ்மி பாய்’ அவரே எனது எனது சூப்பர் வுமன். எனக்குறிப்பிட்டிருந்தார்.’

சேவக்கின் ட்விட்டர் பாராட்டுரை குறித்து கேள்விப்பட்ட லஷ்மி பாய், அது குறித்து தனது மகிழ்ச்சியைப் பகிர்ந்து கொண்டதோடு... முதலில் வங்கிக் கடனை அடைத்து விட்டு சொந்தமாக, நிரந்தரமாக ஒரு வீட்டை கட்டிக் கொள்ள வேண்டும். அதற்காக நான் தொடர்ந்து உழைப்பேன் எனக்கூறும் போது அந்த வார்த்தைகள் பறைசாற்றுகின்றன அவரது உழைப்பின் வெற்றியை!

]]>
72 years stenographer, lakshmi bai, virender shewag, twiter, வீரேந்திர சேவக், ட்விட்டர், 72 வயது ஸ்டெனோகிராபர், சூப்பர் வுமன் ஆஃப் விரேந்திர சேவக், super woman of virender sehwag http://images.dinamani.com/uploads/user/imagelibrary/2018/6/15/w600X390/shewag_paraised_lakshmi_bai_72_yrs.jpg http://www.dinamani.com/lifestyle/lifestyle-special/2018/jun/15/meet-72-year-old-superwoman-stenographer-2940261.html
2939581 லைஃப்ஸ்டைல் ஸ்பெஷல் புறப்பாடு... இது ஒரே ஒரு கமலியின் கதை மாத்திரமல்ல! கார்த்திகா வாசுதேவன் Thursday, June 14, 2018 05:51 PM +0530  

கமலா அடிக்கடி கண்ணாடி பார்த்து சலித்தவாறு இருந்தாள். சலிப்பென்றால் பெருங்கொண்ட சலிப்பு.

சற்றைக்கெல்லாம் ஆட்டோ வந்து விடும், அவள் புறப்பட்டாக வேண்டும். அக்கா காரோடு வந்து கொண்டிருப்பதாக அம்மா யாரிடமோ சொல்லிக் கொண்டிருந்தாள். காரோ, ஆட்டோவோ எதுவானாலும் அவள் சீக்கிரமே புறப்பட்டுத் தான் தீர வேண்டும்.

பெரியவன் தினா டியூசனுக்குப் போயிருந்தான், சின்னவனுக்கு இந்த தை வந்தால் மூன்று வயது முடிகிறது, எந்தப் பள்ளியில் சேர்ப்பதென்று நினைத்த மாத்திரத்தில் கண்ணில் நீர் கோர்த்துக் கொண்டது, ஆனால் பொங்கி வழியக் காணோம், கண்ணில் நீர் வற்றிப் போயிற்றா என்ன!

அம்மா ஆதூரமாய் நெருங்கி வந்து,

"கமலி சீலயச் சுத்திக்கிறியாம்மா... நாழி ஆச்சு பாரு"

என்றாள் மிக மிக மிருதுவாய், எங்கே கூடக் கொஞ்சம் அழுத்திச் சொன்னால் மகளுக்கு வலிக்குமோ என்று அஞ்சுவதைப் போல! என்ன வலித்து என்ன?!

"சீலையெல்லாம் வேணாம்மா... இந்த நைட்டி போறும். இடுப்புல நிக்கான்டாமா சீலை? நழுவிண்டே இருக்கச்சே என்னத்துக்கு சீலையச் சுத்திண்டு!"

கை நடுங்க மகளைப் பார்வையால் அணைத்துக் கொண்ட அந்தம்மாள் மனசும் நடுங்கிப் போனவளாய் எதுவும் சொல்லாமல் பேசாது அவளையே பார்த்தவாறு இருந்தாள்.

கமலியின் புடவைக் கட்டு வெகு நேர்த்தி.

அந்தத் தெரு மொத்தமும் இளம்பெண்கள் அவளிடம் வந்து புடவை கட்டிக் கொண்டு போனதுண்டு. "கமலிக்கா மாதிரி எட்டு ப்ளீட்ஸ் வச்சு புடவை கட்டனும், விசிறி மாதிரி அழகா படிஞ்சு நிக்கணும் முன் கொசுவம். தம்பி மனைவியின் தங்கை ஆசை ஆசையாய் புடவையைத் தூக்கிக் கொண்டு ஓடி வருவாள் கமலியிடம்.

எந்நேரமும் வாகனம் வந்து விடும் அறிகுறிகள் இருந்தாலும் இன்னும் வரவில்லை தானே!

கமலி மீண்டும் சலித்துக் கொண்டு அந்த கனமான மரப்பீரோவில் பொருத்தப் பட்ட பெரிய பெல்ஜியம் கண்ணாடியில் தன் உருவத்தை பார்த்துக் கொண்டாள், ஒரே நொடி தான், தனக்குத் தானே சகிக்க மாட்டாமல் முகம் சுணங்கி ஒதுங்கி மெல்ல நடந்து தூங்கிக் கொண்டிருந்த சின்னவனின் அருகே வந்தாள்.

மூணே வயசு தானே! பிஞ்சு பிஞ்சாய் ரப்பர் பந்து போன்ற கைகளும் கால்களும் "அம்மா என்னைக் கொஞ்சேன்" என்று உயிரை வதைத்தன. அவனைத் தொட்டு தூக்கி அணைத்து முத்தமிடும் ஆசையை வெகு பிரயத்தனப்பட்டு அடக்கிக் கொண்டு ஏக்கத்தோடு அவன் முகத்தையே பார்த்துக் கொண்டிருக்க ஆரம்பித்தாள்.

கனத்த சிப்பி இமைகளுக்குள் குண்டு விழிகள் உருண்டன, பிள்ளை எதோ கனவு காண்கிறானோ! எழுந்து விட்டால் வம்பு! 

அம்மா... இவன நீ நல்லா வளர்பியோன்னா! ரொம்பச் சமத்தும்மா! பெரியவனா அவன் அப்பா பாட்டி கிட்ட ஒப்படைச்சுடு, இவன நீ தான்... நீ தான் பார்த்துப்பியாம். கொஞ்சம் பேசினாலே கமலிக்கு மயக்கம் வரும் போலிருந்தது .

அம்மா கலங்கிப் போனவளாய் அவசர அவசரமாய் சத்தியம் செய்பவளைப் போல,

"சரிடிம்மா, சரிடிம்மா, எம் பேரன நான் வளர்ப்பேன்டி... ஒரு ராஜாவப் போல நான் வளர்ப்பேன், நீ கலங்காதடி என் சித்திரமே!"

மனம் அது பாட்டுக்கு எங்கெங்கோ சுற்றிச் சுற்றி வந்து கொண்டிருந்தது.

போன் ஒலித்த சப்தம் கிணற்றுக்குள் இருந்து கேட்பதைப் போல கமலியின் காதுகளை உரசிச் சென்றது. அவள் அலட்டிக் கொள்ளாமல் எங்கோ பார்வையை நிலைக்க விட்டு கட்டிலில் சாய்ந்து கொண்டிருந்தாள்.

போனில் அழைத்தது கமலியின் கணவன் ராஜாராமன் தான், பாவம் கடந்த மூன்று மாதங்களாக நாய் படாத பாடு பட்டுக் கொண்டிருக்கிறான்.

என்ன பேசினானோ... மாமி மருமகனிடம் "தினாவையும் அழைச்சுண்டு போயிடலாமே, இவ அவனப் பார்க்காம தவிச்சிண்டில்ல இருக்கா" என்றாள் மெல்ல விசித்துக் கொண்டே.

போனை வைத்து விட்டு மகளிடம் வந்தவள்.

ஏண்டி குழந்தே ...சின்னவன எழுப்பித் தரட்டுமா, செத்த நேரம் விளாட்டு காட்றையா?

அவள் எதோ சம்பிரதாயத்துக்கு தன்னை சமாதனப் படுத்தத்தான் கேட்கிறாள் என்பதைப் போல "வேண்டாம் என" மெல்லக் கையசைத்தாள் கமலி .

கமலி உங்காத்துக்காரர் எவ்ளோ டிப் டாப்பா இருக்கார் பாரேன், 

அன்றைய கமலிக்கு இந்த வார்த்தைகள் கேட்ட மாத்திரத்தில் அத்தனை பரபரப்பாயிருக்கும். இப்போது நினைத்துப்பார்த்தால் "இருக்கட்டுமே...போ" என்பதான ஒரு அலட்சியம்!

கல்யாண ஆல்பத்தை திறந்து பார்த்து வருசத்திற்கு மேல் ஆகிறது.

அந்தக் கமலியா இந்தக் கமலி!

சின்னவனை கார்த்தால எழுப்பும் போதே கைல ஒரு முழு பிரிட்டானியா பிஸ்கட் பாக்கெட் வைச்சிண்டு தான் எழுப்பனும், இல்லேனா அழுது ஆகாத்தியம் பண்ணி ஊரைக் கூட்டுவான்.

தினாவுக்கு அடிக்கடி புழுத் தொல்லை வரும், சர்க்கரை டப்பாவ எடுத்து ஒளிச்சு வச்சிக்கணும். இனிப்புன்னா எறும்பா வாசம் பிடிச்சிண்டு அதி வேலையா தின்னு தீர்ப்பான். இந்த அம்மா தள்ளாத வயசுல என்னான்னு சமாளிப்பா!

ரெண்டையும் குளிக்கப் பண்றதுக்குள்ள போறும், போறும்னு ஆயிடுமே !

அவருக்கு ஓட்ஸ் கஞ்சியும், ஹார்லிக்சும் மட்டும் தான் கார்த்தால. ஒரு பொம்மனாட்டி வந்து சிசுருஷை பண்ணித் தான் தீரணும்னு இல்லை, அவர் கைலன்னா இருக்கு எம் புள்ளைங்களோட எதிர் காலம், இன்னொருத்தி வந்து தான் தீருவாளோ! நினைத்த மாத்திரத்தில் குடலைப் புரட்டிக் கொண்டு வாந்தி எடுக்கும் உணர்வு தலை தூக்க, தலையை இறுக்கப் பிடித்துக் கொண்டாள் கமலி.

"கமலிக்கா ஆத்துக்காரர் ஆள் ஜம்முன்னு இருக்கார்" பலர் பல நேரங்களில் காற்று வாக்கில் சொன்னதெல்லாம் இப்போது ஞாபகத்தில் உறுத்திக் கொண்டு பிராணனை வாங்குகிறதே!

பிராணன்... பிராணன் 

எளவெடுத்த பெருமாளே! அந்தாளுக்கு ஏன் இம்புட்டு அழக கொடுத்த நீ? சனிக் கிழமை தவறாது இவள் விரதம் காத்த பெருமாளின் மேல் ஆத்திரம் திரும்பியது.

அக்கா காரோடு வந்து விட்டிருந்தாள்.

கமலியால் எட்டெடுத்து வைக்க முடியவில்லை.

கணவன் ஒரு புறமும், அக்கா மறு புறமுமாய் தாங்கி அவளை நடத்திக் கொண்டு போனார்கள் காருக்கு.

அம்மா முந்தானையில் வாய் பொத்தி சத்தமடக்கி தீவிரமாய் அழ தொடங்கி இருந்தாள்.

மெல்ல மெல்லப் புலன்கள் அடங்குவதான உணர்வு.

சுறு சுறுப்பாய் விழிகளைக் கூட அசைக்க இயலா மந்தகதி.

காருக்குள் நுழையும் முன்பே, இப்போது கேட்கா விட்டால் இனி எப்போது கேட்க என்று பரிதவிப்பவளைப் போல, கணவனின் கன்னம் தொட்டு திருப்பி, திணறலாய்... 

"ஏன்னா, ஏம் பிள்ளைங்கள நன்னா பார்த்துக்குவேளோன்னா! நான் இல்லேன்னு இன்னொரு கல்யாணம் பண்ணிண்டு போய்டுவேளா?

கேட்ட மாத்திரத்தில் அவளது புறங்கையை கண்களுக்குள் அழுத்திக் கொண்டு ஹோவென கதறி விட்டான் ராஜாராமன்.

"அசடே... அசடே... ஏன்டீ... ஏன்டீ?  இப்டி பேசி பிராணன வாங்கற? உனக்கு ஒன்னும் இல்லடீ. பார்த்துண்டே இரு, நீயும் நானும் சேர்ந்து சுபிட்சமா இருப்போம்டீ நூறாயுசுக்கு, ஒனக்கு ஒன்னும் இல்லடீ, நீ திரும்பி வருவடீ, நம்ம பிள்ளைங்கள நல்ல வளர்க்கத் தான் போறோம், அவன் அவளைக் கட்டிக் கொண்டு அழ!

சின்னவன் படுக்கையில் மெல்லப் புரண்டான், அக்கா கசிந்த கண்ணீரைத் துடைத்துக் கொண்டு மெல்ல அதட்டினாள்.

‘கமலி உம் புள்ள முழிஞ்சிண்டா ஒன்ன விட மாட்டான்.’

‘எம் பிள்ளைங்க... ஏம் பிள்ளைங்க...’ விக்கி விக்கி அழ வேண்டும் போலான உணர்வு நெஞ்செலாம் நிரம்பித் ததும்ப கமலி தூங்கும் தன் மகனை திரும்பித் திரும்பி பார்த்துக் கொண்டே காரில் ஏறினாள்.

கணையத்தில் வந்த கேன்சர் அவளை முக்காலும் தின்று முடித்த பின் தன் பிள்ளைகளின் ஏக்கத்தோடு கமலி காரில் போய்க் கொண்டிருக்கிறாள்.

அவளுக்கு வெகு நிச்சயமாய் தெரியும்.

ஆறு மாதங்களிலோ ஒரு வருடத்திலோ ராஜாராமன் மறுபடி மணமகன் ஆகலாம்.

கேன்சர் யாருக்கு வேண்டுமானாலும் வரலாம் என உணர்ந்து கொள்வதற்கு கிடைத்த நேரடி சாட்சி இந்தக் கமலி. வில்லிவாக்கத்தில் நாங்கள் குடியிருந்த வீட்டின் மாடியில் ஒரு கூட்டுக் குடும்பமிருந்தது. அதன் இளைய மருமகளை அந்தக் குடியிருப்பில் வசித்த அனைவருக்கும் மிகப்பிடிக்கும். ஒத்த வயது என்பதால் மட்டுமல்ல, அவளது பழகும் தன்மையாலும் கூட. அவளுக்கு மேலே கதையில் விவரித்திருப்பதைப் போலவே நண்டும், சிண்டுமாக இரண்டு மகன்கள். வீட்டுக்கு யார் வந்தாலும் சரி இன்முகத்துடன் வரவேற்று சாப்பிட ஏதாவது தந்து வெகு ப்ரியமாகப் பேசிக் கொண்டிருப்பாள் அந்த இளம்பெண். ஒருமுறை கோடை விடுமுறைக்காக நாங்கள் அம்மா வீட்டுக்குச் சென்று விட்டு ஒரு மாதம் கழித்து திரும்பி வந்து பார்த்தாள், அந்தப் பெண்ணைக் காணோம். கணவர் வளைகுடா நாடொன்றில் பணியிலிருந்ததால் குழந்தைகளுடன் அங்கே சென்றிருப்பார்களாயிருக்கும் என்று நினைத்துக் கொண்டிருந்தேன்... பிறகு குழந்தைக்கு எல்கேஜி அட்மிஷன், புத்தகங்கள், எனது வேலை, உறவில் நடந்த சில திருமண விழாக்கள் என பிஸியாக நாட்கள் கரைய 6 மாதங்களுக்கும் மேலாக அந்தப் பெண்ணைப் பற்றிய நினைப்பே இன்றி நாட்கள் ஓடியிருந்தன. திடீரென ஒரு நாள் நான் வீட்டிலிருக்கும் நாளாகப் பார்த்து, அவளது மாமியை பார்க்க வாய்த்ததில் அவர் ஒரு வெடிகுண்டைத் தூக்கிப் போட்டார். அந்தப்பெண் இரண்டு மாதங்களுக்கு முன்பே பான்கிரியாட்டிக் கேன்சர் முற்றிய நிலையில் மிகவும் கவலைக்கிடமாக மருத்துவமனையில் அனுமதிக்கப்பட்டு திடீரென இறந்து விட்டதாகக் கூறினார்கள். 

என்னால் இந்த தகவலை ஜீரணித்துக் கொள்ளவே முடியவில்லை.

அதெப்படி இவளுக்குப் போய் கேன்சர் வரும் என்று திகைத்துப் போய் யோசித்துக் கொண்டிருந்தேன்... அந்த தாக்கத்தில் எழுதிய சிறுகதை இது.

பெண்கள் திருமணமாகி, குழந்தைகள் பெற்று விட்டால் பின்னர் தங்களது உடல்நிலை குறித்து அசட்டையாகி விடுகிறார்கள். அவர்களுக்கு எல்லாமும் கணவரும், குழந்தைகளும் மட்டுமே என்றாகி விடுகிறார்கள். இந்தப் பெண்ணின் விஷயத்திலும் கூட அது தான் நிகழ்ந்திருக்கிறது. கேன்சர் கட்டுப்படுத்த இயலாத அளவுக்கு முற்றிய பிறகே அதைக் கண்டுபிடித்திருக்கிறார்கள். அதுவரையில் காய்ச்சல், தலைவலி, என்று வேறு வேறு சிகிச்சைகளில் நேரத்தை விரயம் செய்து கொண்டு அசட்டையாக விட்டதில் நோய் ஆளைச் சுருட்டி காவு வாங்கி விட்டது.

அதனால்... சொல்லத் தோன்றுகிறது.

திருமணமான பெண்களே! தயவு செய்து உங்களது உடல்நிலை குறித்து கவனமாக இருங்கள், உங்களுக்காகவும்... உங்கள் குடும்பத்தினருக்காகவும்!

]]>
Departure - its not a story of kamali, real life story, women's health, cancer, புறப்பாடு - ஒரே ஒரு கமலியின் கதையல்ல, கேன்சர், மகளிர் நலம், உண்மைச் சம்பவம், லைஃப்ஸ்டைல் ஸ்பெஷல் சிறுகதை, lifestyle special short story http://images.dinamani.com/uploads/user/imagelibrary/2018/6/14/w600X390/lonely_woman.jpg http://www.dinamani.com/lifestyle/lifestyle-special/2018/jun/14/journy-its-not-a-story-of-one-kamali-its-the-story-of-all-mariied-women-who-doesnt-care-about-themselves-2939581.html
2935686 லைஃப்ஸ்டைல் ஸ்பெஷல் கீரை ப்ரியர்களுக்கு ஒரு சர்ப்ரைஸ்! 40 வகை கீரைகளும், பலன்களும் (படங்களுடன்) கஸ்தூரி ராஜேந்திரன், தேனி. Wednesday, June 13, 2018 02:11 PM +0530  

கீரையில் பலவகைக் கீரைகள் உள்ளன. அவற்றில் சுமார் 20 வகைகளைத் தவிர பிற கீரை வகைகளை நாம் அறிந்திருக்க வாய்ப்புகள் குறைவு. முதலில் உங்களுக்கு நன்கு அறிமுகமான கீரைகள், இதுவரை நீங்கள் சமைத்து சாப்பிட்ட கீரை வகைகளை எல்லாம் பட்டியலிடுங்களேன்... பிறகு தெரியும் நமக்குத் தெரியாமலும், இன்னும் சமைத்து உண்ணப்படாமலும் எத்தனை, எத்தனை கீரை வகைகளை நாம் விட்டு வைத்திருக்கிறோம் என; பொதுவாக...

அரைக்கீரை...

  • இக்கீரையை உணவில் சேர்த்து வர வாயுக் கோளாறுகள், வாத வலி நீங்கும்.
  • இக்கீரை விதைகளை எண்ணெயிலிட்டு காய்ச்சி, தலையில் தேய்த்துக் குளித்து வர தலைமுடி நன்கு வளரும். தலைச்சூடு குறையும்.
  • இக்கீரை குழம்பு அடிக்கடி உண்டுவர தலைவலி, உடல்வலி நீங்கும். காய்ச்சல், உடல் குளிர்ச்சியை இக்கீரை குணப்படுத்தும்.
  • இக்கீரையை அரைத்துச் சாறு எடுத்து, தேனில் கலந்து அருந்த உடல் பலத்தைக் கூட்டும். தாது பலத்தை அதிகரிக்கும்.
  • இக்கீரையை பிரசவமான பெண்களுக்கு உணவோடு கொடுக்க, உடல் பலவீனம் மாறும். அரைக்கீரை கூட்டு மலச்சிக்கலை நீக்கும். ஜலதோசம் மாறும்.
  • இக்கீரையோடு நறுக்கிய சின்ன வெங்காயத்தைச் சேர்த்து சமைத்து உண்டிட குளிர் காய்ச்சல் சளி தீரும்.
  • இக்கீரை நரம்பு நோய்களைக் குணப்படுத்தும்.
  • இக்கீரையை அடிக்கடி உணவில் சேர்த்து வந்தால், பசியற்ற நிலையை மாற்றி பசியையூட்டும்.
  • இக்கீரை பித்தக் கோளாறுகளால் ஏற்படும் தலைச்சுற்று வாந்தி போன்றவற்றைக் குணப்படுத்தும்.
  • இக்கீரையை எவ்விதத்திலாவது உணவில் சேர்த்து வந்தால் இருதயம், மூளை வலுப்பெறும்.
  • இருமல், தொண்டைப் புண் இவற்றை அரைக்கீரை குணப்படுத்தும்.
  • உடலில் வைட்டமின் குறைப்பாட்டால் ஏற்படும் நோய்களை இது தடுக்கும்.

முளைக்கீரை...

  • முளைக்கீரையை தொடர்ந்து சாப்பிட்டு வந்தால் உடல் ஆரோக்கியத்துக்கு தேவையான வைட்டமின்களும் தாதுப்பொருட்களும் உடலுக்கு போதிய அளவில் கிடைக்கும்.  குழந்தைகளுக்குத் தொடர்ந்து 40 நாட்கள் கொடுத்து வந்தால் நன்கு உயரமாக வளருவார்கள். 
  • முளைக்கீரை சாற்றில் சீரகத்தை ஊறவைத்து, உலர்த்தி, தூள் செய்து சாப்பிட்டால் பித்த நோய், மயக்கம், ரத்த அழுத்தம் போன்றவை சரியாகும்.
  • சிறுவர், சிறுமியருக்கு முளைக்கீரை நல்லது. முளைக்கீரையை சாப்பிட்டால் நன்கு பசி எடுக்கும். காச நோயால் ஏற்படும் காய்ச்சலை நீக்கும் ஆற்றல் உடையது. முளைக்கீரையுடன் சிறு பருப்பு சேர்த்து சமைத்து சாப்பிட்டால் குடல்புண் குணமாகும்.
  • முளைக்கீரை சாற்றில் முந்திரி பருப்பு, மஞ்சள் சேர்த்து அரைத்து முகத்தில் தடவிவந்தால், முகப்பரு, தேமல் போன்றவை மறைந்து முகப்பொலிவு உண்டாகும்.
  • சொறி, சிரங்கு முதலிய நோய்கள், இக்கீரையை உண்பதினால் குணமடையும். இந்த கீரையானது வெப்ப சுரத்தை தணிக்க வல்லது. முளைக்கீரை சாற்றில் உளுந்து ஊற வைத்து அரைத்து சாப்பிட்டால் நீர் கடுப்பு மறையும்.

அகத்திக்கீரை...

 

  • அகத்திக்கீரை, பூ, பிஞ்சு ஆகியவை சமைத்து உண்ணப்படுகின்றன. இலை, பூ, வேர், பட்டை ஆகியவை மருத்துவப் பயனுடையவை. பொதுவாக கீரை மலமிளக்கியாகவும், வேர் உடல் பலம் தரும் மருந்தாகவும் பயன்படும்.
  • அகத்திக்கீரையை வாரம் ஒருமுறை சமைத்து உண்ண வெயிலில் அலைவதால் ஏற்படும் வெப்பும், லமச்சிக்கல், காபி, டீ இவை குடிப்பதால் ஏற்படும் பித்தம் ஆகியவை தீரும்.
  • அகத்திக் கீரை மரப்பட்டையையும், வேர்ப்பட்டையையும் குடிநீராக்கிக் குடித்து வர சுரம், தாகம், கை கால் எரிவு, மார்பு எரிச்சல், உள்ளங்கால், உள்ளங்கை எரிச்சல், நீர்க்கடுப்பு, நீர்த்தாரை எரிச்சல், அம்மைச்சுரம் ஆகியவை தீரும்.
  • குழம்பு வைக்கையில் தாளிதத்துடன் கறிவேப்பிலைக்கு பதிலாக அகத்தியை சிறிது வதக்கி சேர்த்தால் உடல்சூடு, வாய்ப்புண், வயிற்றுப் புண் அகலும். 

முருங்கைக்கீரை...

  • முருங்கைக் கீரையை 40 நாட்கள் நெய்விட்டு, வெங்காயம் போட்டு, பொறியல் செய்து நண்பகலில் உணவில் சாப்பிட ஆண்மை பெருகும். விந்து கெட்டிப் படும். உடலுறவில் மிக்க இன்பம் பெறுவார்கள். புளியைக் குறைக்க வேண்டும். தவிர்க்க வேண்டும். பெண்களுக்கு வரும் சூதகவலிக்கு இதன் இலைச்சாறு பிழிந்து 30 மில்லி இரு வேளை குடிக்க குணமாகும். அடிவயிற்றில் வலியும், விலக்கு தள்ளிப் போவதால் ஏற்படும் வலியும் குணமாகும்.
  • இலையை அடிக்கடி பொரியல் செய்து சாப்பிட பித்த மயக்கம், மலச்சிக்கல், கண்நோய், கபம், மந்தம் தீரும். கீரையில் சுவையான கீரையும் சத்தான கீரையும் இதுதான். இலையை ஆமணக்கெண்ணையில் வதக்கி ஒத்தடம் கொடுக்க வாத மூட்டுவலி, இடுப்பு வலி, உஷ்ணத்தால் வரு வயிற்று வலி நீங்கும்

புளிச்ச கீரை (கோங்குரா)...

  • பெயருக்கு ஏற்றார்போல புளிப்பு சுவையுள்ள இந்த கீரை, உடல் வலிமையை பெருக்குவதில் முதன்மை வகிக்கிறது. நோஞ்சானாக தெரியும்
  • குழந்தைகளுக்கு அடிக்கடி இந்த_கீரையை சிறிதளவெனும் சமைத்து சாப்பிட கொடுத்து வந்தால் உடம்பு தேறுவார்கள். 
  • இதன் மகத்துவம் தெரிந்துதான் ஆந்திர மக்கள் இந்த கீரையை "கோங்குரா சட்னியாக" செய்து தினமும் உணவில் சேர்த்துக் கொள்கிறார்கள்.
  • இந்த கீரையில் தாதுபொருட்களும், இரும்பு சத்துக்களும் அதிக அளவில் உள்ளன. இது தவிர வைட்டமின் சத்துக்களும் கணிசமான அளவு கலந்துள்ளன.
  • எல்லாவிதமான வாத கோளாறுகளையும் குணப்படுத்தும் வல்லமை இந்த கீரைக்கு உண்டு என்பார்கள்.
  • சொறி, சிரங்கு போன்ற சரும நோய் உள்ளவர்கள் இந்த கீரையை சட்னி செய்து உணவுடன் சேர்த்து சாப்பிட்டு வந்தால் விரைவில் குணம் பெறலாம் என்பார்கள்.

சிறுகீரை...

  • இதில் சுண்ணாம்புச்சத்து, இரும்புச்சத்து மிக அதிக அளவில் உள்ளன. 90 சதவிகிதம் நீர்ச்சத்து, புரதம், கொழுப்பு, தாது உப்பு, மாவுச் சத்து ஆகியவையும் இதில் உள்ளன. வைட்டமின் ஏ, பி, சி மூன்றும் இதில் சம விகிதத்தில் கலந்துள்ளன.
  • சர்க்கரை நோய் உள்ளவர்கள் இக்கீரையை தினமும் சாப்பிட்டால் இன்சுலின் இயல்பாக சுரக்கும்.
  • சிறுகீரையுடன் துவரம்பருப்பும், வெங்காயம் சேர்த்து இந்தக் கீரையை நெய்யில் வதக்கிக் கடைந்து, தொடர்ச்சியாக 48 நாட்கள் சாப்பிட்டு வந்தால், உடல் வலிமை பெறும்.
  • குடல், இருதயம், மூளை, இரத்தம் இவைகளுக்கு நல்ல வலிமையை தரும். சிறுகீரையை அன்றாட உணவில் சேர்த்துக்கொண்டு வந்தால் இருதய வியாதிகள் நீங்கும்.
  • சிறுகீரை உடலுக்கு அழகையும், முகத்துக்குப் பொலிவையும் தரவல்லது.

வல்லாரைக் கீரை...

  • வல்லாரை கீரையை தொடர்ந்து சாப்பிட்டு வந்தால், ஞாபக சக்தி அதிகரிப்பதுடன், மூளை நரம்புகள் வலுப்பெறும். இக்கீரை, இருமல், தொண்டைக்கட்டை நீக்குவதுடன், பல் ஈறுகளை வலுப்படுத்தும். காச நோய்க்கு சிறந்த மருந்து.
  • வல்லாரை கீரை, சின்ன வெங்காயம், பூண்டு மற்றும் மிளகு சேர்த்து சட்னியாக்கி, தொடர்ந்து, 48 நாட்கள் சாப்பிட்டால், மூளை சோர்வு நீங்கி, ஞாபக சக்தி அதிகரிக்கும்.

மணத்தக்காளிக் கீரை...

  • சருமம் தொடர்பான பல நோய்கள் வராமல் கட்டுபடுத்தும் ஆற்றல் கொண்டது.
  • இதில் வைட்டமின் இ, டி அதிக அளவில் உள்ளன. நார்ச்சத்து மிகுந்தது. இந்தக் கீரையைத் தொடர்ந்து சாப்பிட்டுவந்தால், வயிற்றில் ஏற்படும் புண்களைக் குணப்படுத்தும்.
  • மணத்தக்காளிக் கீரையைச் சமைத்துச் சாப்பிட்டு வந்தால், இருமல், இளைப்பு பிரச்னை குணமாகும். வயிற்றுப்போக்கைக் கட்டுப்படுத்தும் சக்தி மிகுந்தது இந்தக் கீரை. சிறுநீர், வியர்வையைப் பெருக்கி உடலில் உள்ள கெட்ட நீரை வெளியேற்றும். மணத்தக்காளி இலைச்சாற்றை 35 மி.லி வீதம் நாள்தோறும் மூன்று வேளைகள் உட்கொண்டுவந்தால், சிறுநீரைப் பெருக்கும்; உடலில் நீர் கோத்து ஏற்படும் வீக்கம், உடல் வெப்பம் ஆகியவற்றைக் குணப்படுத்தும்.

பசலைக்கீரை...

  • பசலைக் கீரையில் வளமான அளவில் இரும்புச் சத்து இருப்பதால், இதனை உட்கொண்டால் ரத்த சோகையில் இருந்து விடுபடலாம். மேலும் இது ரத்த அழுத்தம் மற்றும் இதய நோயாளிகளுக்கு ஏற்ற ஒரு சிறப்பான உணவுப்பொருள்.
  • முக்கியமாக உடல் பருமனால் அவஸ்தைப் படுபவர்கள், இதனை தினமும் டயட்டில் சேர்த் தால் நல்ல பலன் கிடைக்கும். இது மாதிரி பசலைக் கீரையை உட்கொண்டால், கிடைக்கும் நன்மைகளைப் பற்றி சொல்ல ஆரம்பித்தால், சொல்லிக் கொண்டே போகலாம்.

பாலக் கீரை அலைஸ் பருப்புக் கீரை...

  • பாலக்கீரை போல் உடலுக்கு நன்மை தரும் கீரை வேறெதுவும் இல்லை. இரும்புச்சத்து, பீட்டா கரோட்டின், ஃபோலிக் அமிலம், கால்சியம் போன்றவை இதில் அடங்கியுள்ளன.
  • இந்த கீரையில் உள்ள சில ரசாயனப் பொருட்கள் பார்வைக் குறைவை தடுக்கிறது. மலச் சிக்கலை போக்கிறது.
  • இதில் மிக அதிகமாக உள்ள பச்சையம் கொழுப்பை கரைக்கும் தன்மையுள்ளது.
  • ரத்தத்தின் சிவப்பு அணுக்கள், ஹீமோகுளோபின் ஆகியவை அதிகமாக உற்பத்தியாக உதவுகிறது.

குப்பைக்கீரை...

  • குப்பைக்கீரையுடன் பருப்பு சேர்ந்து கடைந்து சாப்பிட்டால் உடல் சூடு குறையும்.
  • குப்பைக்கீரை, முடக்கறுத்தான், சீரகம் மூன்றையும் சூப்வைத்து சாப்பிட்டால் மூட்டுவலி குணமாகும்.
  • ஒரு கைப்பிடி குப்பைக்கீரையுடன் இரண்டு சிட்டிகை மஞ்சள் தூள், அரை டீ ஸ்பூன் ஓமம் சேர்த்து நன்றாக காய்த்து அந்த சாற்றை பருகினால் நெஞ்சு எரிச்சல் குணமாகும்.
  • உடலின் மேல் ஏற்படும் கட்டிகளின்மீது இந்தக் கீரையை அரைத்து பூசிவந்தால் கட்டிகள் கறந்து குணம் கிடைக்கும்.
  • அடிப்பட்ட இடத்தில் வீக்கம் ஏற்பட்டால் குப்பைக்கீரையுடன் மஞ்சள் சேர்த்து அரைத்து பூசினால் வீக்கம் வடியும்.

பச்சைப் பொன்னாங்கன்னி...

  • கண்பார்வைக்கு மிகவும் நல்லது.
  • சருமத்துக்கு மிகவும் நல்லது.
  • மூல நோய், மண்ணீரல் நோய்களை சரிப்படுத்தும் ஆற்றல் உடையது.
  • ரத்தத்தைச் சுத்தீகரிக்கும்
  • உடலுக்கு புத்துணர்ச்சியைத் தரும்.
  • வாய் துர்நாற்றத்தை நீக்கும்.
  • இதயத்திற்கும் மூளைக்கும் புத்துணர்வு ஊட்டும்.

இக்கீரையின் சாறு எடுத்து நல்லெண்ணையுடன் சேர்ந்து தைலம் காய்ச்சி தலைக்குத் தேய்த்துக் குளித்து வர கண் எரிச்சல், உடல் உஷ்ணம்- போன்றவைகள் நீங்கி உடல் குளிர்ச்சிப் பெறும்.

சிவப்புப் பொன்னாங்கன்னி...

பச்சைப் பொன்னாங்கண்ணியில் இருக்கும் அத்தனை சத்துக்களும், பயன்களும் சிவப்புப் பொன்னாங்கண்ணிக்கும் உண்டு. ஆனால் பச்சை தான் நாட்டுப் பொன்னாங்கண்ணி என கொண்டாடப்படுகிறது. சிவப்பை சீமைப் பொன்னாங்கண்ணி என்றும் அதில் நாட்டுப் பொன்னாங்கண்ணியைக் காட்டிலும் சத்துக்களும், பயன்களும் குறைவு என்றும் மக்கள் கருதுகிறார்கள். சீமைப் பொன்னாங்கண்ணியை வெறும் அழகுக்காக வளர்ப்பவர்களும் இருக்கிறார்கள்.

வெந்தயக்கீரை...

  • வெந்தயக் கீரையோடு, நாட்டுக் கோழி முட்டையில் வெள்ளை கரு, தேங்காய் பால், கசகசா, சீரகம், மிளகு, பூண்டு போன்றவற்றை சேர்த்து சிறிதளவு நெய் கலந்து சமைத்து சாப்பிட்டால் இடுப்பு வலி குணமாகும்.
  • கபம் சளி உள்ளவர்கள் வெந்தயக் கீரை சாப்பிட்டால் விரைவாக குணமடையலாம்.
  • மந்தமாக உணர்பவர்கள், அல்லது உடல் சோர்வாக உணர்பவர்கள் வெந்தயக் கீரை சாப்பிடலாம். இது உடலின் செயலாற்றலை அதிகரித்து சுறுசுறுப்பாக உதவும்.
  • நரம்பு தளர்ச்சி உள்ளவர்களுக்கு வெந்தயக் கீரை ஓர் சிறந்த மருந்தாகும், இது நரம்பு தளர்ச்சியில் இருந்து மீண்டுவர சீரிய முறையில் உதவும்.

புதினாக்கீரை...

  • இக்கீரையை உணவில் சேர்த்து கொள்வதால் பசியைத்தூண்டி உணவிற்கு  ருசியையும் கொடுக்கிறது .
  • வாந்தியையும் கட்டுப்படுத்துகிறது .
  • தொடர்ந்து எடுக்கும் விக்கல் நீங்கும் .
  • மயக்கத்தை நீக்க இக்கீரையை கசக்கி நுகரலாம் .
  • தலைவலிக்கு இதன் சாற்றை   நெற்றியில் பூசலாம் .
  • வாத நோய்க்கும் காய்ச்சலுக்கும் ,வறட்டு இருமலுக்கும்  இது சிறந்த மருந்தாகும் .
  • மாதவிடாய் தாமதமாகும் பெண்கள் இக்கீரையை உலர்த்தி தூள் செய்து  தேனில் கலந்து தினமும் மூன்று வேளை உட்கொண்டால் மாதவிடாய் தாமதவாது  நீங்கும் .
  • புதினா இலையை ஒரு தம்புளர் நீரில் கொதிக்க வைத்து எடுத்து ஆறிய பிறகு இளசூட்டில் குடித்தால் நன்றாக பசி எடுக்கும் .
  • புதினாவுடன்  இஞ்சியையும் உப்பும் சேர்த்து  அரைத்து தினமும் உணவில் மூன்று வேளை சேர்த்து வந்தால் வாய்நாற்றம்,அஜீரணம் ,பித்தமும் அகலும் .
  • புதினாவை துவையல் செய்து நல்லெண்ணெய் விட்டு சாதத்தில் பிசைந்து சாப்பிட பித்தம் மூட்டு வலி ,ஆஸ்துமா ,ஈரல் சம்பந்த பட்ட நோய்கள், சிறுநீர்  உபத்திரம் நீங்கும் .  

கொத்தமல்லிக்கீரை...

 

கொத்தமல்லிக் கீரை வீட்டுத் தோட்டங்களிலும் மட்டுமின்றி சிறு தொட்டிகளில் கூட வளர்க்கலாம். வழக்கமாக ரசம், சாம்பார் போன்றவற்றில் மணத்திற்காக இக்கீரையைப் பயன்படுத்துவார்கள்.

கொத்தமல்லிக் கீரை உப்புச் சுவையுடையது. உஷ்ணமும் குளிர்ச்சியும் கலந்த தன்மை உடையது.

  • கொத்தமல்லிக் கீரையை உணவில் சேர்த்துக் கொள்வதால் காய்ச்சல் குணமாகும். வாதம், பித்தம் நீங்கும். உடல் பலம் பெறும். தாது விருத்திக்கும் நல்லது.
  • இக்கீரை பசியைத் தூண்டும் சக்தி படைத்தது.
  • இக்கீரையின் சாறு பிழிந்து பித்தத் தழும்புகள் மீது பூசினால் விரைவில் குணம் கிடைக்கும்.
  • இக்கீரையை எண்ணெயில் சிறிது வதக்கி, கட்டிகள், வீக்கங்களின் மீது வைத்துக் கட்டினால் குணம் கிட்டும்.
  • கொத்தமல்லிக் கீரையைத் துவையல் செய்து சாப்பிடலாம். தினமும் இக்கீரையை உணவில் சேர்த்து வந்தால் சிறுநீர் எளிதாய் பிரியும்.
  • பற்களுக்கு உறுதியை அளிக்கும். பல் சம்பந்தமான எல்லா நோய்களும் இக்கீரையை உண்டுவரக் குணமாகும்.
  • முதுமைப் பருவத்தில் ஏற்படும் தோல் சுருக்கத்தைப் போக்கி தேகத்திற்கு அழகையும் மினுமினுப்பையும் தரும்.

- மேலே பட்டியலிடப்பட்டுள்ள போன்ற கீரைகள், நாம் அடிக்கடி சமைத்து சாப்பிட்டுப் பழகிய கீரை வகைகள்.

சுக்காங்கீரை...

  • சுக்காங்கீரை உடலிலுள்ள அதிக வெப்பத்தைத் தணித்து குளிர்ச்சியைத் தரவல்லது.இது ரத்தத்தைச் சுத்தப்படுத்துவதோடு, புதிய இரத்தம் உற்பத்தியாகவும் துணைபுரியும்.
  • பசியின்மையால் சாப்பிட விரும்பாதவர்களுக்கு இந்தக் கீரை பசியைத் தூண்டுவதோடு,சாப்பிடும் ஆர்வத்தை உண்டாக்கும்.
  • பித்த சம்பந்தமான நோய்களை நீக்கவல்லது.பித்த வாந்தி மயக்கம்,நெஞ்சரிப்பு, பித்தத்தலைவலி போன்ற தொல்லைகளை நீக்கும்.
  • வயிறு சம்பந்தப்பட்ட வியாதிகளுக்கும் இது நிவாரணமளிக்கிறது.வயிற்றுவலியைப் போக்கும்.குடல் பலவீனத்தினால் ஏற்படும் கேடுகளைக் களையும் குடலுக்கு வலுவையும் சீராக இயங்கும் சக்தியையும் அளிக்கிறது.
  • இக் கீரை அதிக குளிர்ச்சியைத் தரவல்லது.அதனால் தொடர்ந்து சாப்பிடாமல் சில சமயங்களில் மட்டும் சாப்பிடலாம்.

முடக்கத்தான் கீரை...

வாரம் ஒருமுறை முடக்கத்தான் ரசம் வைத்துச் சாப்பிட்டால் உடலில் தங்கும் தேவையற்ற நச்சு வாயுக்கள் வெளியேறி விடும். வாயு, வாதம், மலச்சிக்கல் உள்ளிட்ட அத்தனை பிரச்னைகளும் அகன்று விடும்.

முள்ளங்கி இலைக்கீரை...

முள்ளங்கி கீரையில் இருக்கு வைட்டமின் எ , வைட்டமின் பி, வைட்டமின் சி இவை அனைத்தும் நம் உடலுக்கு ஆரோக்கியத்தை கொடுப்பதுதான், ஆனால் இந்த கீரையை அதிகம் உணவில் உட்கொள்ள கூடாது சிலருக்கு இதனால் பிரச்சனைகள் எழ வாய்ப்புண்டு. வயிற்று கோளாறுகள் அல்லது இதய கோளாறுகள் ஏற்படலாம். அதனால் குறைந்த அளவிலே எடுத்து கொள்ளுங்கள்.

நீர் அடைப்பு தொல்லையா முள்ளங்கி கீரையை சுத்தம் செய்து ஒரு நாளைக்கு இரு வேளை சாப்பிட சில நாட்களில் பிரச்சனை இருக்காது.

அனைத்து கீரை வகைகளும் கண்களுக்கு நல்ல ஆரோக்கியத்தை கொடுப்பது போலவே இந்த முள்ளங்கி கீரை கண்களுக்கு நல்ல பார்வை திறனை கொடுக்கும்.

இதில் இருக்கும் புரத சத்துக்கள், கால்சியம் எலும்புகளுக்கு உறுதியை கொடுக்கும் மற்றும் மலச்சிக்கல் பிரச்சனையில் இருந்து விடுபட செய்யும்.

தூதுவளைக் கீரை...

 

  • தூதுவளை இலையை சிறிய வெங்காயத்துடன் சேர்த்து நல்லெண்ணெயில் வதக்கி மூன்று நாட்கள் தொடர்ந்து சாப்பிட்டு பின்பு மூன்று நாட்கள் விட்டு மூன்று நாட்கள் சாப்பிட வேண்டும். இவ்வாறு தொடர்ச்சியாக 21 நாட்கள் சாப்பிட சுவாசகாசம் நீங்கும்.
  • இலையை அரைத்து அத்துடன் சம அளவு பசு வெண்ணெய், பின்பு 10 கிராம் பொடித்த அரிசித் திப்பிலி, ஓமம், கடுக்காய்த் தோல் சேர்த்துக் கலக்கி சூடு செய்து பிழிந்து கிடைக்கும் நெய்யைத் தேக்கரண்டியளவு தொடர்ந்து 40 நாட்கள் உள்ளுக்குச் சாப்பிட ஷயரோகம் குணமாகும்.
  • தூதுவளைப் பூவை நெய்யில வதக்கி தயிருடன் சாப்பிட விந்து கட்டும், அறிவு விருத்தியாகும். தூதுவளை இலையைத் துவையல் செய்து சாப்பிட மாந்தம், தாது நஷ்டம், இளைப்பு இவைகள் போகும். பருப்புடன் சேர்த்து இதைக் குழம்பு வைத்துச் சாப்பிட மகோதரம் (பெருவயிற்றுநோய்), கர்ண சூலை இவை குணமாகும். தூதுவளை இலைச் சாற்றை காதில் பிழிய காதடைப்பு, காதெழுச்சி முதலிய நோய்கள் குணமாகும்.

மேலே குறிப்பிடப்பட்டுள்ள இந்தக் கீரைகள் எல்லாம் இப்போதும் சூப்பர் மார்க்கெட்டுகளில் கிடைக்கின்றன. இவற்றையும் கூட நாம் முழங்கால் வலியென்றோ, மூட்டு வலியென்றோ, உடலில் இரும்புச் சத்து குறைவு, நார்ச்சத்து குறைவு போன்ற காரணங்களுக்காகவோ நாம் வாழ்க்கையில் ஒருமுறையேனும் சமைத்துச் சாப்பிட்டிருப்போம்.

இவை தவிரவும் இன்னும் பலவகைக் கீரைகள் உள்ளன. அவற்றை மூலிகைக்கீரைகள் எனப் பெயர் சூட்டி நாம் பெரும்பாலும் சமைத்து உண்பதைத் தவிர்த்து வருகிறோம். சிலவற்றை சமைத்தும் உண்ணக்கூடாது. அவற்றை பாரம்பர்ய சித்த மருத்துவர்களின் உதவியுடன் கஷாயமாகவோ அல்லது குளிகைகளாகவோ உருமாற்றித்தான் உண்ணவோ, அருந்தவோ முடியும். அவற்றுள் சிலவற்றின் பெயர்கள்...

மஞ்சள் கரிசலை...


பிண்ணாக்குக் கீரை...


பரட்டைக்கீரை...


வெள்ளைக்கரிசலைக் கீரை


கல்யாண முருங்கைக் கீரை...


கீழாநெல்லிக் கீரை...


நஞ்சுமுண்டான் கீரை அல்லது நச்சுகொட்டைகீரை...


தும்பைக்கீரை...


மணலிக்கீரை...


சக்ரவர்த்திக் கீரை...


தவசுக்கீரை


சாணக்கீரை...

இந்தக் கீரையின் புகைப்படம் கிடைக்கவில்லை...

விழுதிக்கீரை...


கொடி காசினி...


துயிளிக்கீரை...

இந்தக் கீரைக்கும் படம் கிடைக்கவில்லை. 

ஓமவல்லி அலைஸ் கற்பூரவல்லி கீரை...


துத்திக் கீரை...

 

வாதநாராயணன் கீரை...

காரகொட்டிக் கீரை, மூக்குதட்டை கீரை, நறுதாளி கீரை...

இந்த மூன்று வகையான கீரைகளுக்கும் படம் கிடைக்கவில்லை.

பொடுதலை இலைக்கீரை...

 

பண்ணைக்கீரை...

 

-இப்படி கிட்டத்தட்ட 42 வகைக் கீரைகளைப் பற்றி நாம் இங்கே தெரிந்து கொண்டிருக்கிறோம். இவற்றுள் 20 வகைக் கீரைகளை மட்டுமே வாரத்தில் இருமுறையோ, மூன்று முறையோ உணவாகப் பயன்படுத்தி வருகிறோம். இன்னும் சில வீடுகளில் குழந்தைகள் யாரும் கீரையே உண்பதில்லை. அப்படிச் சொல்வதைக் காட்டிலும் குழந்தைகளை பெரியவர்கள் உண்ணப் பழக்கவில்லை என்று சொல்லலாம். அப்படியான வீடுகளில் வாரம் ஒருமுறையோ 15 நாட்களுக்கு ஒரு முறையோ மட்டுமே கீரை சமைக்கப்படுகிறது. சமைத்த கீரையிலும் பெரும்பாலான பகுதி வீணடிக்கப் படுகிறது. ஏனெனில் சமைத்த கீரையை பிற காய்கறிகளைப் போல ஃப்ரிஜ்ஜில் வைத்துப் பயன்படுத்தக் கூடாது. அதில் நச்சுத்தன்மை மிகுந்து விடும் என்பதால் சமைத்து உடனே உண்ணத்தக்க உணவாகவே கீரை கருதப்படுகிறது.

குழந்தைகளுக்கு 6 ஆம் மாதம் முதலே கீரையை மசித்து சாப்பிடத் தந்து  பழக்க வேண்டும்.

கீரை வகைகளைப் வதக்கி உண்பதைக் காட்டிலும் மசித்து உண்டால் நிறைந்த பலன் கிடைக்கும், அதன் சத்துக்கள் வீணாவதைத் தடுக்கலாம்.

சிறுவர், சிறுமிகளுக்கு சிறு வெங்காயத்தை பொடியாக நறுக்கி, சீரகம், பச்சை மிளகாய், ஒன்றிரண்டு பூண்டுப்பல் இட்டு எண்ணெய் விட்டு வதக்கியும் தரலாம். ஆனால் எந்தக் கீரையாக இருந்தாலும் அதன் குக்கிங் டைம் அதாவது சமைக்கும் நேரம் 3 முதல் 5 நிமிடமாக மட்டுமே இருக்க வேண்டும். அதைக் காட்டிலும் அதிக நேரம் சமைத்தால் அதன் சத்துக்கள் கெடும் பின்னர் அந்தக் கீரையை உண்பதால் எந்தப் பலனும் கிட்டாது.

எனவே இன்று முதல் தினம் ஒரு கீரை என்ற மந்திரத்தை மனதில் ஒலிக்க விட்டு தினம், தினம் மேலே குறிப்பிடப்பட்டுள்ள கீரை வகைகளில் முதல் 20 ல் ஏதோ ஒரு கீரையை மசித்தோ, வதக்கியோ, சாம்பாரில் அல்லது காரக் குழம்பில் கலந்தோ சமைத்துக் கொடுத்து உங்கள் வீட்டுக் குழந்தைகளுக்கு உண்ணப் பழக்குங்கள்.

குழந்தைகளே கீரை சாப்பிட விரும்புவார்கள் எனில் நிச்சயம் பெரியவர்களுக்கும் அந்தப் பழக்கம் தானாக கைவந்து விடும். பிறகு சாப்பாட்டில் உப்பில்லாமல் கூட உண்டு விடுவார்களாயிருக்கும் ஆனால் கீரை இல்லாமல் மட்டும் உண்ணவே மாட்டோம் என்று பெருமிதமாகச் சொல்லிக் கொள்ளலாம்.

]]>
40 வகை கீரைகள், கீரை மகத்துவம், பச்சைத் தங்கம், மூலிகைக் கீரைகள், spinach varieties, 40 varies spinaches, indian spinaches, herbs, eatable indian spinaches, spinaches and its health benefits, கீரைகளும் அவற்றின் மருத்துவ பயன்களும் http://images.dinamani.com/uploads/user/imagelibrary/2018/6/8/w600X390/keerai_shop.jpg http://www.dinamani.com/lifestyle/lifestyle-special/2018/jun/08/inadian-spinach-verieties-how-many-of-spinaches-ypu-know-in-ypur-whole-life-2935686.html
2934969 லைஃப்ஸ்டைல் ஸ்பெஷல் போதைகள் பலவிதம்... இதில் உங்கள் போதை எந்த விதமானது? கண்டுபிடிங்க பார்க்கலாம்! கார்த்திகா வாசுதேவன் Thursday, June 7, 2018 04:06 PM +0530  

வாழ்க்கையில் பலவிதமான போதைகள் இருக்கின்றன. எல்லாவற்றையும் நம்மால் உடனடியாகப் பட்டியலிட்டு விட முடியாது. ஏனெனில் எவையெல்லாம் போதை எனக் கண்டுபிடிக்கவே நமக்கு சில ஆண்டுகள் தேவைப்படலாம். எதுவொன்று சாதாரண பழக்கமாகத் துவங்கி மீண்டும், மீண்டும் செய்யத் தூண்டி மீள முடியாத தொடர் செயலாகவும், அவஸ்தையாகவும் மாறுகிறதோ அதையே நாம் போதை என்கிறோம். அப்படிப்பட்ட போதைகளில் சுமார் 20 போதைகளைப் பற்றி நாம் இங்கு காண்போம்.

கண்டதும் காதல் போதை...

சிலருக்கு சிலரைக் கண்டதுமே காதல் உணர்வு வந்து விடும். ஆனால், அந்த உணர்வுக்கான ஆயுள் தான் வெகு குறைவாக இருக்கும். இவர்களது போதையே அந்த உணர்வை அடிக்கடி பெற விளைவது தான். இதற்குப் பெயர் தான் கண்டதும் காதல் போதை. இந்தக் காதல் வெற்றி பெற்றாலும் சரி தோற்றாலும் சரி அதற்கான ஆயுள் மட்டும் எப்போதும் குறைவே.

வெயில் போதை (டேனரெக்ஸியா)...

நம்மில் பெரும்பாலானோர் வெள்ளைக்காரர்களைப் பார்த்து, அவர்களைப் போல நமது தோலின் நிறம் இல்லையே என்று கவலைப்பட்டுக் கொண்டிருக்கிறோம், ஆனால் அவர்களில் பலர் இந்தியர்களைப் போல பிரெளன் நிற சருமம் தங்களுக்கு இல்லையே என்று கவலைப்பட்டுக் கொண்டு தினமும் கடற்கரை வெயிலில் படுத்துப் புரண்டு தங்களது மேனி நிறத்தை குறைத்துக் கொண்டிருக்கிறார்கள் என்பது தெரிந்த செய்தியாகவே இருக்கலாம். இப்படி சன் பாத் எடுப்பது தினமும் இரண்டு முதல் மூன்று மணிநேரம் என்பது போல இயல்பாக இருந்தால் அது நார்மல் மனநிலை. அதே நாள் முழுவதும் சூரியன் உதித்து மறைவது வரை எல்லா நேரமும் சன் பாத் எடுத்துக் கொள்ளும் ஆவல் யாரையாவது ஆட்டிப் படைத்தால் அவர்களுக்கு டேனரெக்ஸியா இருக்கிறது என்று அர்த்தம். இதை தமிழில் சூரிய போதை அல்லது வெயில் போதை என்று சொல்லிக் கொள்ள வேண்டியது தான். 

இண்டர்நெட் போதை...

இப்போது அனைவரும் ஸ்மார்ட் ஃபோன்கள் பயன்படுத்துகிறோம். இதில் service provider காரர்கள் தரும் விதம் விதமான இணைய சலுகைகள் காரணமாக இப்போது இண்டர்நெட் என்பது யாருக்கும் அரிதான விஷயமல்ல என்றாகி விட்டது. எல்லோருக்கும் சோறு கிடைக்கிறதோ இல்லையோ நிச்சயமாக நீங்கள் நாட்டின் எந்த மூலையிலிருந்தாலும் சரி... மலைக்குன்றின் சிறு குகைக்குள் வாழ நேர்ந்தாலும் உங்களுக்கு இலவச இண்டர்நெட் நிச்சயம் கிடைக்கக் கூடும். விளைவு தினமும் குளித்துச் சாப்பிடுகிறோமோ இல்லையோ காலை கண்விழிப்பது முதல் இரவில் கண் அயர்வது வரை விடாமல் இண்டர்நெட்டில் புழங்கிக் கொண்டே இருக்கும் போதை பலருக்கு அதிகரித்திருக்கிறது. சிலர் வெளியில் ஒரு வாழ்க்கை, இண்டர்நெட்டில் இன்னொரு வாழ்க்கை என்று இரட்டை வாழ்க்கை வாழ்ந்து கொண்டிருக்கிறார்கள். இவர்களை இண்டர்நெட்டில் இருந்து பிரிக்க நினைத்தால் உயிரை வேண்டுமானால் தியாகம் செய்வார்களாயிருக்கும் ஆனால் இண்டர்நெட்டை விடமாட்டார்கள். இத்தகைய போதைக்குப் பெயர் தான் இண்டர்நெட் போதை.

மேக்அப் போதை...

இந்தப் போதை எல்லாப் பெண்களுக்கும் உண்டு என்று உடனே கருத்துச் சொல்லி யாருக்கும் முந்திரிகொட்டைகள் ஆகி விடவேண்டாம். இந்தப் போதை இப்போது ஆண்களுக்கும் தான் அதிகமிருக்கிறதாம். இம்மாதிரியான போதை இருப்பவர்கள் அடிக்கடி மேகப் செய்து கொள்வது என்ற நிலையிலிருந்து முன்னேறி சதா சர்வ காலமும் மேக் அப் பற்றிய நினைவிலேயே வாழ்வார்கள். உதாரணத்துக்கு சொல்வதென்றால் பிக் பாஸ் நிகழ்ச்சி பார்த்திருப்பீர்களே? அதில் ரைஸா என்றொரு மாடலும் கலந்து கொண்டிருந்தார். அவரை பிக் பாஸ் வீட்டில் பார்க்க நேரும் போதெல்லாம் கையில் மேக் அப் மிரரும் கையுமாகவே இருப்பார். எல்லா நேரங்களிலும் லிப்ஸ்டிக், ஃபேஸ் பேக், ஃபேஸ் க்ரீம், அட முகத்தில் அப்பிக் கொள்ள எதுவுமில்லையென்றால் சும்மா கண்ணாடியில் முகத்தை ஆராய்ந்து கொண்டிருப்பது மாதிரியான போதைக்குப் பெயர் மேக் அப் போதை. இந்த போதை பெரும்பாலும் நடிகைகள் மற்றும் மாடல்களுக்குத் தான் அதிகமிருக்கும் என்றும் சொல்ல முடியாது... ஸ்கூட்டர் முகப்பு மிரர், கார் கண்ணாடி, முதல் நமது தோற்றத்தை பிரதிபலிக்கக் கூடிய கண்ணாடி போன்ற எதைக் கண்டாலும் சுற்றுப்புற பிரக்ஞை இன்றி உடனே அவற்றை முகக்கண்ணாடிகளைப் போல பாவித்துக் கொண்டு தலை சீவிக் கொள்ளவோ, லிப்ஸ்டிக் போட்டுக் கொள்ளவோ தொடங்கினோமெனில் நமக்கும் மேக் அப் போதை இருக்கிறது என்று அர்த்தம்.

ஃபிட்னஸ் போதை...

ஃபிட்னஸ் இருக்க நினைப்பது ஆரோக்யமானது தானே... அதை எப்படி போதையில் சேர்க்கலாம் என்று தோன்றும். நிஜம் தான், தினமும் 2 மணி முதல் 3 மணி நேரம் வரை ஃபிட்னஸுக்கு ஒதுக்கினால் அது ஆரோக்யம். அதுவே தினமும் வேலை நேரம் போக மற்ற எல்லா நேரமும் ஜிம்மே கதி என்று கிடந்தாலோ அல்லது வாக்கிங், ஜாகிங், ஜூம்பா டான்ஸ், ஏரோபிக்ஸ் என்று பித்துப் பிடித்து திரிந்தாலோ அதன் பெயர் ஃபிட்னஸ் போதை. இந்த போதையை நம்மால் எளிதில் அடையாளம் காண இயலும். இப்படி சதா சர்வ காலமும் ஃபிட்னஸ் போதை நீடித்தால் அப்படிப்பட்டவர்களுக்கு குடும்பத்தினருடன், குழந்தைகளுடன் செலவளிக்க நேரமே இருப்பதில்லை. அதனால் அவர்கள் எளிதில் மன உளைச்சலுக்கு ஆளாவார்கள்.

தூக்க போதை...

மனிதனின் அனுமதிக்கப்பட்ட தூக்க நேரம் 8 மணி முதல் 10 மணி நேரம் தான். அதையும் தாண்டி அதிக நேரம் சிலர் தூங்கலாம். அவர்களுக்கு நோய் அல்லது உடலில் அசெளகர்யங்கள் இருந்தால் அம்மாதிரியான நேரங்களில் மருந்துகளின் வீரியத்தில் 10 மணி நேரங்களுக்கும் மேலாக தூங்குவது இயல்பு. பிறந்த குழந்தைகள் எனில் அவர்களின் தூக்க நேரமும் பெரியவர்களிடமிருந்து நிச்சயம் மாறுபடும். அவையெல்லாம் இயல்பான தூக்க விகிதங்கள். ஆனால் எவ்வித உடல் அசெளகர்யங்களும் இன்றி ஒருவருக்கு தூக்கத்தின் மீது பெரு விருப்பம் இருந்து தினமும் 10 மணி நேரத்துக்கும் மேல் தூங்க விரும்புகிறார்கள் எனில் அவர்கள் மருத்துவரை அணுகுவது நல்லது. ஏனெனில் அதை தூக்கமென்று கருத முடியாது. அது தூக்க போதை என்பார்கள்.

சத்தானதை மட்டுமே உண்ணும் போதை (ஆர்தோரெக்ஸியா நெர்வோஸா)

இப்போது பலருக்கும் ஆர்கானிக் உணவுகளை மட்டுமே உண்ணும் போதை இருக்கிறது. அப்படி வாழ்வது நல்லது தானே? என்று பலருக்குத் தோன்றும். நல்லது தான். நல்லதை உண்டு, நல்லதையே பிறருக்கும் உண்ணத் தந்து வாழும் வாழ்க்கை அர்த்தமுள்ளது. ஆனால் அந்த நல்ல தனத்துக்கும் ஒரு எல்லை இருக்கிறது. அந்த எல்லை கடந்து சதா சர்வ காலமும் நான் சத்தான உணவை மட்டுமே உண்பேன், அப்படியான உணவு கிடைக்காத நேரத்தில் பட்டிணி கிடந்து நோவேனே தவிர பிற உணவுகளை உண்ணவே மாட்டேன் என்று விரதமிருப்பதன் பெயர் ஆர்தோரெக்ஸியா நெர்வோஸா எனும் குறைபாடு என்கிறது உளவியல். அதாவது நமக்கு வெகு ப்ரியமான உணவு என்றாலும் கூட பிற சுவையான உணவுகளை உண்ணாமல் தள்ளி வைப்பது இதில் அடங்கும்.

டாட்டூ போதை...

இப்போது பலருக்கும் உடலில் எந்தப் பாகத்தில் வேண்டுமானாலும் டாட்டூ (பச்சை குத்திக் கொள்வது) போட்டுக் கொள்வது ஒரு வகை போதையாகப் பரிணமித்துள்ளது. அது ஃபேஷன் தானே? அதை எப்படி போதை என்று சொல்ல முடியும்? என்கிறீர்களா? ஆம்... நீங்கள் ஃபேஷனுக்காக எப்போதோ ஒரு முறை டாட்டூ வரைந்து கொள்கிறீர்கள் என்றால் அது ஃபேஷன். ஆனால் அதே வேலையாக எந்தெந்த காலத்தில் எந்தெந்த டாட்டூ ட்ரெண்டிங் என்று பார்த்து அதை மாற்றி மாற்றி உடல் பாகங்களில் வரைந்து கொள்வதைப் பழக்கமாக வைத்திருந்தீர்கள் என்றால் உங்களுக்கு டாட்டூ போதை இருக்கிறதென்று அர்த்தம். 

பிகோரெக்ஸியா (தோற்றத்தைப் பற்றிய போதை)...

சிலர் நிறம் குறைவானவர்களாக இருப்பார்கள், சிலர் வெளுத்துப் போய் எப்போது பார்த்தாலும் சோர்வான தோற்றத்துடன் இருப்பார்கள். சிலர் அதீத உயரத்துடன் இருப்பார்கள், சிலர் குள்ளமாக இருப்பார்கள், குண்டாக இருப்பார்கள், வற்றலும், தொத்தலுமாக இருப்பார்கள் எல்லாமே தோற்ற அளவில் தான். அவர்களின் மன உறுதியிலோ, வேலைத்திறனிலோ எந்த விதமான குறைபாடும் இருக்காது. ஆனால் அவர்களோ மனதளவில் தங்களது தோற்றத்தைப் பற்றி மட்டும் சதா சர்வ காலமும் குறைபாட்டுடனே இருப்பார்கள், ஐயோ நாம் இன்னும் கொஞ்சம் உயரமாகப் பிறந்திருக்கக் கூடாதா? இன்னும் சற்று வெளுப்பாகப் பிறந்திருக்கக் கூடாதா? ஏன் நெட்டைப் பனைமரமாக வளர்ந்து நிற்கிறோம்? கொஞ்சம் நடுத்தர உயரத்துடன் இருந்திருக்கக் கூடாதா? என்றும் சிலர் சதா கவலைப்பட்டுக் கொண்டே இருப்பார்கள். இந்தக் கவலையானது சாதாரணமானதாக இருக்கும் வரை எந்தப் பிரச்னையும் இல்லை. ஆனால் அந்தக் கவலைகள் நம்மை கூனிக் குறுகச் செய்யும் அளவுக்கு இருந்தால் அதன் பெயர் பிகோரெக்ஸியா என்கிறது உளவியல். அதாவது தோற்றத்தைப் பற்றிய போதை.  

த்ரில் போதை...

சிலருக்கு வாழ்க்கையை த்ரில்லாக அனுபவிக்கும் ஆசை அதிகமாக இருக்கும். வாழ்க்கை முழுவதையுமே இப்படியான அட்வெஞ்சர் ஆசைகளின் மேலே தான் கட்டமைத்திருப்பார்கள். இப்படியானவர்களுடன் சேர்ந்து மனமொத்து வாழ்வதென்பது அவர்களின் வாழ்க்கைத்துணைகளுக்கு கடினமான காரியம். ஆனால் அட்வெஞ்சர் பித்துப் பிடித்து அலைபவர்களுக்கு குடும்பம், குழந்தைகள்,  மற்றும் வாழ்வின் மீதான ஏனைய கமிட்மெண்டுகள் குறித்தெல்லாம் பெரிதாக அக்கறை இருக்காது. பெரிதாக குடும்பப் பொறுப்புகளை ஏற்றுக் கொள்ளும் மனப்பான்மை இன்றி எப்போது பார்த்தாலும் பயணங்கள், அட்வெஞ்சரி விளையாட்டுக்கள் என்று அலைவார்கள். இவர்களுக்கு மிகப்பிடித்த விளையாட்டுகளாக ஸ்கீயீங், பாராகிளைடிங், ட்ரெக்கிங், டைடல் சர்ஃபிங், போன்றவை இருக்கும். இந்த விளையாட்டுக்களின் மீதான ஆர்வம் ஒரு கட்டுக்குள் இருக்கும் வரை பிரச்னை இல்லை. ஆனால், அந்த ஆர்வம் உயிரைப் பணயம் வைத்து ஆடும் அளவுக்கு தீவிரமானதாக இருந்தால் அவர்களுக்கு நிச்சயம் த்ரில் போதை இருக்கிறதென அர்த்தம்.

சூதாட்ட போதை...

மகாபாரத யுதிஷ்ட்ரர் முதல் இன்றைக்கு நெட்டில் சீட்டு விளையாடும் நவ யுக இளைஞர், இளைஞிகள் வரை அத்தனை பேருக்கும் இருக்கிறது சூதாட்ட போதை. வாழ்வே நிகழ்தகவாக இருக்கும் சூழலில் மொத்த வாழ்க்கையையும் பணயம் வைத்தாடும் இந்த சூதாட்ட போதை பலரது வாழ்வை நிர்மூலமாக்கி இருக்கிறது. சீட்டு விளையாடுவது மட்டுமே சூதாட்ட போதை அல்ல, கிரிக்கெட் பெட்டிங், குதிரைப் பந்தயம், புறாப் பந்தயம், சேவல் சண்டை, எல்லாமும் சூதாட்ட போதையில் சேர்ந்தது தான்.

ட்ரங்கோரெக்ஸியா (எடை குறைப்புக்கு உணவுக்குப் பதில் மது எனும் போதை)...

மது அருந்தினால் எடை குறையுமா? எடை குறைகிறதோ இல்லையோ பசி மந்தித்துப் போகும் என்பது உண்மை. அப்படி நினைத்துத் தான் மேலை நாடுகளில் உடல் எடையைக் குறைக்க நினைப்பவர்களும், கட்டுக்குள் வைக்க நினைப்பவர்களும் உணவு நேரத்தில் சாப்பாட்டை குறைத்து விட்டு அதை ஈடு செய்யும் விதத்தில் மது அருந்துகிறார்களாம். இப்படியான மனநிலையை அடைவதை உளவியலில் ட்ரங்கோரெக்ஸியா என்கிறார்கள். அதாவது உடல் எடையைக் குறைக்க உணவுக்குப் பதில் மது அருந்துவது.

ஷாப்பிங் போதை...

இதைப் பற்றி பெரிதாக விளக்கம் அளிக்கத் தேவை இராதென்று நினைக்கிறேன். குறிப்பிட்ட அளவுக்கு இந்த போதை நம் எல்லோருக்குள்ளும் உண்டு. வாங்க வேண்டியது ஒரே ஒரு பொருளாக இருக்கும். உதாரணத்துக்கு 100 ரூபாயில் தேங்காய் துருவி வாங்கலாம் என சூப்பர் மார்க்கெட் சென்று விட்டு அங்கிருந்து திரும்பி வருகையில் 1000 ரூபாய்க்கும் மேலாக செலவளித்து மேலும் சில பொருட்களை அள்ளிக்கொண்டு வருவோம். இங்கே நமது அப்போதைய தேவை தேங்காய் துருவி மட்டுமே, ஆனால், தேவையை மீறி நாம் வேறு சில பொருட்களையும் வாங்கிக் குவித்திருப்போம். அதற்குப் பெயர் தான் ஷாப்பிங் போதை. இதை எல்லாவிதமான ஷாப்பிங்கிலும் நாம் பின்பற்றுவோம். ஃப்ரிஜ் வாங்கலாம் என்று ஹோம் அப்ளையன்சஸ் கடைக்குள் நுழைந்து விட்டு ஃப்ரிஜ் மட்டும் வாங்காமல் அதனோடு சேர்த்து இண்டக்ஸன் ஸ்டவ், மைக்ரோ வேவ் ஓவன், ஹேர் ட்ரையர், அயர்ன் பாக்ஸ் என்று சில உதிரிப் பொருட்களையும் அள்ளிக் கொண்டு வருவோம். துணிக்கடை ஷாப்பிங் பற்றி சொல்லவே வேண்டாம். 1000 ரூபாய்க்கு ஒரே ஒரு உடை வாங்க உள்ளே நுழைந்து விட்டு கடையை விட்டு வெளியே வருகையில் 10,000 க்கும் மேல் பர்ஸை பழுக்க வைத்திருப்போம். இதற்குப் பெயர் தான் ஷாப்பிங் போதை. நமது தேவை என்ன என்பதை உணராமல் பொருட்களை வாங்கிக் குவிக்கும் இந்த போதை பலரை குற்ற உணர்ச்சியில் ஆழ்த்தக் கூடியதாக இருக்கிறது.

வொர்க்கஹாலிக் போதை...

சிலர் வேலையில் இறங்கி விட்டார்கள் என்றால் அவர்களை யாராலும் திசை திருப்ப முடியாது. சரியான கடுவன் பூனைகளாக முகத்தை வைத்துக் கொண்டு அப்படியே முற்று முழுதாக தங்களது வேலையில் மூழ்கிப் போய் விடுவார்கள். சாப்பாடு, தூக்கம், இயற்கைக் கடன் கழிப்பது, நண்பர்களுக்கு ஹாய், பை சொல்வது, புன்னகைப்பது, குழந்தைகளுடன் நேரம் செலவிடுவது. மனைவியிடம் ரொமான்ஸ் செய்வது, பெற்றோர்களுடன் கரிசனையாக நேரம் செலவிடுவது எல்லாவற்றையுமே மறந்து விடுவார்கள். அவர்களுக்கு அப்போதைய ஒரே நட்பு அவர்கள் செய்து கொண்டிருக்கும் வேலை மட்டுமே. இம்மாதிரியான மனநிலை அவசர காலகட்டங்களில் அதாவது முக்கியமான வேலைகளை முடித்துக் கொடுக்கும் நேரங்களில் மட்டும் இருந்தால் அது சாதாரணமானது. ஆனால் இதே மனநிலை சதா சர்வ காலமும் நீடிப்பதன் பெயர் வொர்க்கஹாலிக் போதை.

சோஷியல் மீடியா போதை...

நாமெல்லாம் இந்த பாழும் பூமியில் வாழ்ந்து கொண்டிருக்கிறோம்... ஆனால் இந்த சோஷியல் மீடியா போதை பிடித்த மனிதர்கள் இருக்கிறார்களே அவர்கள் வாழ்வதும் இந்த பூமியில் தானென்றாலும் அந்த நினைப்பே அவர்களுக்கு இருக்காது எனும் வகையில் 24 மணி நேரமும் ஃபேஸ் புக், ட்விட்டர், இன்ஸ்டாகிராம், வாட்ஸ் அப், மெசஞ்சர் சாட் என்று உலவிக் கொண்டிருப்பார்கள். அவர்களோடு நீங்கள் நட்பு வைத்துக் கொள்ள விரும்பினால் நேரில் சென்று பார்த்துப் பேசி நட்பாக முடியாது. அவர்கள் உலவும் சோஷியல் மீடியாக்கள் ஏதாவதொன்றில் நீங்களும் மெம்பராகி அவர்களைப் பின் தொடர்ந்து நட்பு வட்டத்தில் இணைந்து அவர்கள் பகிரும் மொன்னை ஸ்டேட்டஸ்களுக்கெல்லாம் லைக்குகள் இட்டு வாவ், ஃபெண்டாஸ்டிக், இட்ஸ் டிவைன், க்யூட், நைஸ், லால் (lol) என்றெல்லாம் கமெண்டுக்கள் இட்டீர்களெனில் அவர்கள் உங்களுக்கு எளிதில் நட்பாகி விடுவார்கள். இந்த போதைக்குப் பெயர் தான் சோஷியல் மீடியா போதை.

ஸ்மார்ட் ஃபோன் போதை...

நீங்கள் எங்கே வேண்டுமானாலும் காத்திருக்கலாம், அது மருத்துவமனையோ, சூப்பர் மார்க்கெட்டோ, சினிமா தியேட்டரோ, பஸ் ஸ்டாண்ட்டோ, கேண்ட்டீனோ, எங்கே வேண்டுமானாலும் இருக்கலாம் உங்கள் விரல்கள், நேரம் கிடைத்தால் போதும் உடனே ஸ்மார்ட் ஃபோனை எடுத்து நோண்டத் தொடங்கி விடுகிறது எனில் நிச்சயம் உங்களுக்கு ஸ்மார்ட் ஃபோன் போதை இருக்கிறதென்று அர்த்தம். சுருங்கச் சொல்வதென்றால் டிராஃபிக் சிக்னலில் காத்திருக்க நேரும் அந்த மீச்சிறு நொடிகளைக் கூட வீணாக்க விரும்பாமல் எவரெல்லாம் ஸ்மார்ட் ஃபோனில் நேரம் செலவிடத் துடிக்கிறார்களோ அவர்களுக்கெல்லாம் பீடித்திருக்கிறது ஸ்மார்ட் ஃபோன் போதை.

காஃபி போதை...

காலையில் ஒரு காஃபி, மாலையில் ஒரு காஃபி இடையில் ரெஃப்ரெஷ் செய்து கொள்ள ஒரு காஃபி என்று மூன்று காஃபிகள் அருந்துவதொன்றும் பிழையல்ல. ஆனால், சிலருக்கு காஃபி பித்து தலைக்கேறி இருக்கும். நினைக்கும் போதெல்லாம் காஃபி அருந்தியாக வேண்டும். இல்லாவிட்டால் தலைவலி வரும், காஃபி கிடைக்காத கோபத்தை காட்டுக் கத்தலில் தீர்த்துக் கொள்வார்கள் அல்லது தனக்குக் கீழ் பணிபுரிபவர்களை வறுத்து எடுத்து விடுவார்கள். எது எக்கேடு கெட்டாலும் அவர்களுக்கு தங்கு தடையின்றி காஃபி கிடைப்பதில் மட்டும் எவ்விதச் சிக்கலும் வந்து விடக்கூடாது. இப்படியொரு மனநிலை இருந்தால் அவர்களுக்கு காஃபி போதை இருக்கிறதென்று அர்த்தம்.

எளிதில் சலிப்படையும் விதமான போதை (இதைத்தான் ஆசை அறுபது நாள், மோகம் முப்பது நாள் என்கிறார்களோ?!)

சிலர் மிகத்தீவிரமாக ஒரு விஷயத்தில் இறங்குவார்கள். அது காதலாக இருக்கலாம், வேலையாக இருக்கலாம், அல்லது புது நட்புறவை ஏற்படுத்திக் கொள்ளும் ஆர்வமாக இருக்கலாம், புது கல்விமுறையைத் தேர்வு செய்வதாக இருக்கலாம், ஏன் புதிய தொழில் துவங்கும் முயற்சியாகக் கூட இருக்கலாம். ஆரம்பத்தில் எல்லாம் ஜோராக இறங்குவார்கள். ஆனால் எல்லாம் சில நாட்கள் வரை தான். பிறகு படிப்படியாக தாங்கள் எதைத் தொடங்கினார்களோ அதில் சலிப்புற்று வெறுக்கத் தொடங்கி வெகு எளிதாக அதிலிருந்து வெளியில் வந்து விடுவார்கள். இம்மாதிரியான மனநிலை கொண்டவர்கள் எந்த விஷயத்திலும் உறுதியாக இருக்க மாட்டார்கள். இவர்களை நம்பி எதில் இறங்குவதும் ஆபத்தில் முடியலாம்.

விடியோ கேம் போதை...

இது கிட்டத்தட்ட சூதாட்ட போதை, ஸ்மார்ட் ஃபோன் போதை, இண்டர்நெட் போதை போன்றதே. சதா சர்வ காலமும் விடியோ கேம் ஆடிக் கொண்டிருப்பார்கள். இவர்களுக்குள் ஸ்ப்ளிட் பெர்சனாலிட்டி இருக்கும். எப்படி இண்ட்டர்நெட் கேம் ஷோக்களில் பல கேரக்டர்களை ஒருவரே கையாண்டு விளையாடுகிறாரோ அதே போல இவர்கள் வாழ்க்கையையும் கையாளத் தொடங்குவார்கள். அதனால் இவர்களின் இயல்பான குணநலன்கள் பாதிக்கப்பட்டு பிறகு முற்றாக அழிந்து கேம் ஷோ கதாபாத்திரங்களை இமிடேட் செய்யத் தொடங்கி விடுவார்கள். இந்த தாக்கத்தை தான் விடியோ கேம் போதை என்கிறார்கள்.

சென்ட்டிமெண்ட் போதை...

சிலருக்கு அம்மா வாங்கித் தந்த புடவையோ, மோதிரமோ, அப்பா வாங்கித் தந்த விலையுயர்ந்த இம்போர்டெட் பேனாவோ, இல்லை ப்ரியமான நண்பர்கள் அளித்த கிஃப்டுகளோ, பொம்மையோ, குட செண்ட்டிமெண்ட்டாக இருக்கலாம். அதை எப்போதும் பிரிய விரும்பமாட்டார்கள். மாமா பெண்ணொருத்திக்கு குளிக்கும் நேரம் தவிர பிற எல்லா நேரங்களிலும் வாட்ச் அணிந்து கொள்ளும் பழக்கம் இருந்தது. அது பழக்கமாக இருந்த வரை பிரச்னையில்லை. அந்த வாட்ச் ரிப்பேராகி மீண்டும் புது வாட்ச் வாங்கும் காலம் வரை அந்த இடைப்பட்ட ஓரிரு நாட்களில் அவளடித்த கூத்தை நினைத்தால் இப்போதும் சிரிப்பு வருகிறது. அவளால் அந்த வாட்ச் ரிப்பேர் ஆனதை ஒப்புக் கொள்ளவே முடியவில்லை, அதற்குப் பதிலாக வேறு வாட்ச் அணியவும் பிடிக்கவில்லை. நான் பிடித்த முயலுக்கு மூன்றே கால் என்பது போல எனக்கு அந்த வாட்ச் தான் வேண்டும், ரிப்பேர் ஆனாலும் பரவாயில்லை அதையே சரி செய்து மீண்டும் பழைய மாதிரி எனக்குத் தாருங்கள் என்று அவள் மிக மூர்க்கமாக அடம்பிடிக்கத் தொடங்கி விட்டாள். இதற்குப் பெயர் தான் செண்ட்டிமெண்ட் போதை. இம்மாதிரியான போதைகள் அவற்றின் எல்லைகளைக் கடக்கும் போது மனிதர்களிடையே பிடிவாதமும், மூர்க்கத்தனமும் அதிகரித்து விடுகிறது. இது அவர்களது மனநலனுக்கு உகந்ததல்ல.

மேலே பட்டியலிடப்பட்டுள்ள போதைகளில் எந்தெந்த விதமான போதைகள் எல்லாம் நமக்கும் இருக்கிறது என்று அலசி ஆராய்ந்து கண்டுபிடித்து அந்த போதைகளைச் சரியாக கையாளப் பழகுங்கள். இம்மாதிரியான போதைகள் கட்டுப்பாட்டை இழந்து விட்டால் வருவது தான் தீவிர மன உளைச்சலும், மனச்சிதைவும், ஃபோபியாக்களும் எனவே அவற்றை கட்டுப்படுத்த முடியாத பட்சத்தில் மனநல மருத்துவரை அணுகித் தேவையான வழிகாட்டுதல்களைப் பெற வேண்டியது அவசியமாகிறது.

]]>
20 type of addictions, 20 மீள முடியாத போதைகள், அடிமைத்தனம், வியக்கத்தக்க போதைகள் 20, various types of addictions http://images.dinamani.com/uploads/user/imagelibrary/2018/6/7/w600X390/shopping_addiction.jpg http://www.dinamani.com/lifestyle/lifestyle-special/2018/jun/07/போதைகள்-பலவிதம்-இதில்-உங்கள்-போதை-எந்த-விதமானது-கண்டுபிடிங்க-பார்க்கலாம்-2934969.html
2934222 லைஃப்ஸ்டைல் ஸ்பெஷல் நீட் தேர்வில் முதலிடம் பெற்ற மாணவி கல்பனா குமாரி! RKV DIN Wednesday, June 6, 2018 11:10 AM +0530  

மே 6-ல் நடந்த இந்த நீட் தோ்வு நாடு முழுவதும் சுமார் 13 லட்சம் பேர் எழுதினா். மேலும், தமிழகத்தில் மட்டும் சுமார் 1.03 லட்சம் மாணவா்கள் நீட் தோ்வு எழுதியுள்ளனா். தமிழ் மொழியில் சுமார் 24,720 பேர் எழுதி  இருந்தனர். தமிழகத்தில் மொத்தம் 1.7 லட்சம் பேர் நீட் தேர்வு எழுதினர்.

இந்தநிலையில் தேர்வு முடிவு பிற்பகல் 2 மணிக்கு வெளியிடப்படும் என அறிவிக்கப்பட்ட நிலையில் 12.30 மணிக்கே வெளியிடப்பட்டுள்ளது. 

நீட் தேர்வு முடிவுகளை cbseresults.nic.in என்ற தளத்தில் சிபிஎஸ்இ வெளியிடப்பட்டது.  நாடு முழுவதும் நடந்த நீட் தேர்வில் 691 மதிப்பெண் முதல் மதிப்பெண்ணாக அறிவிக்கப்பட்டுள்ளது. ஓ.சி பிரிவுக்கு 119, ஓபிசி, எஸ்சி.எஸ்டி பிரிவுக்கு 96 மதிப்பெண் தகுதி மதிப்பெண்ணாக நிர்ணயம் செய்யப்பட்டுள்ளது.  

180 கேள்விகள். தலா 4 மதிப்பெண்கள் என 720 மதிப்பெண்களுக்கு ‘நீட்’ தேர்வு நடைபெற்றது.  நீட் தேர்வில் 720க்கு 691 மதிப்பெண் எடுத்து பிகார் மாநிலம் சியோகர் நகரத்தைச் சேர்ந்த மாணவி கல்பனா குமாரி தேசிய அளவில் முதலிடம் பிடித்துள்ளார். இயற்பியலில் 180க்கு 171, வேதியியலில் 180க்கு 160, உயிரியல், விலங்கியலில் 360க்கு 360 மதிப்பெண் பெற்று முதலிடம் பெற்றுள்ளார்.

நீட் தேர்வில் முதலிடம் பெற்றுள்ள மாணவி கல்பனா, தினமும் 13 மணி நேரம் நீட் தேர்வுக்காக தான் பயிற்சி பெற்றதாகத் தெரிவித்துள்ளார்.

17 வயது கல்பனா சியோகரில் இருக்கும் YKJM கல்லூரியில் 12 ஆம் வகுப்பை முடித்த பின் டெல்லிக்குச் சென்று அங்கு மருத்துவ நுழைவுத் தேர்வு எழுதுவதற்குப் பிரத்யேக பயிற்சி பெற்றுள்ளார். 

12 ஆம் வகுப்பு பொதுத்தேர்வு மற்றும் நீட் தேர்வுக்காக தான் மிகவும் சிரமப்பட்டு பயிற்சி எடுத்துக் கொண்டதாகக் கூறும் மாணவி கல்பனா, ‘நான் தேர்வை நல்லமுறையில் எழுதியுள்ளதாக நினைத்து சந்தோசப் பட்டேனே தவிர நீட் தேர்வில் முதலிடம் பெறுவேன் என்றெல்லாம் எதிர்பார்த்திருக்கவில்லை, இது எனக்கு எதிர்பாராத இன்ப அதிர்ச்சி’ என்றும் தெரிவித்திருக்கிறார்.

மாணவி கல்பனாவின் தந்தை ராகேஷ் மிஸ்ரா ஒரு கல்லூரியில் விரிவுரையாளராகவும், தாயார் மம்தா குமாரி அரசுப் பள்ளி ஆசிரியையாகவும் பணியாற்றி வருகிறார்கள்.
 

]]>
நீட் தேர்வில் முதலிடம் பெற்ற மாணவி, கல்பனா குமாரி, பிகார், NEET TOPPER 2018, KALAPANA KUMARI, BIHAR, http://images.dinamani.com/uploads/user/imagelibrary/2018/6/6/w600X390/neet_topper_kalpana_kumari.jpg http://www.dinamani.com/lifestyle/lifestyle-special/2018/jun/06/neet-topper-from-bihar-kalpana-kumari-studied-13-hours-a-day-2934222.html
2933624 லைஃப்ஸ்டைல் ஸ்பெஷல் பசுமைப் பொருளாதாரம் என்றால் என்ன? ரஞ்சனி நாராயணன் Tuesday, June 5, 2018 06:00 PM +0530  

மனித இனத்தின் ஒட்டுமொத்த நலனைக் கருத்தில் கொண்டு, சமச்சீரான சமுதாயம் அமைய உருவாக்கப்படும் பொருளாதார திட்டங்கள் நமது சுற்றுச்சூழலை பேணிக் காப்பதாகவும், பூமியின் இயற்கை வளங்களைப் பாதுகாப்பதகவும் இருக்கவேண்டும். இவற்றின் அடிப்படையில் அமையும் பொருளாதாரம் தான் ‘பசுமைப் பொருளாதாரம்’. இது ஏதோ நான்கு சுவர்களுக்குள் சிலர் உருவாக்கும் திட்டங்கள் அல்ல; நீங்களும், நானும், இந்த பூமியில் வாழும் ஒவ்வொரு மனிதனும் உளப்பூர்வமாக இணைந்து செயலாற்ற வேண்டிய திட்டங்கள்.

எந்தெந்தத் துறைகளில் நாம் கவனம் செலுத்த வேண்டும் என்று யுனைடெட் நேஷன்ஸ் இணையதளம் 10 துறைகளைக் குறிப்பிடுகிறது:

கட்டுமான துறை: கட்டுமானப் பணிகளால் உலகின் வளங்களும் பருவ நிலைகளும் மிகவும் பாதிக்கப் படுகின்றன. காட்டு மரங்களை வெட்டுவதற்கு பதிலாக அந்தந்தப் பகுதியில் கிடைக்கும் பொருட்களைக் கொண்டு தண்ணீர் மற்றும் மின்சாரத்தை திறமையான முறையில் பயன்படுத்தி உறுதியான கட்டிடங்களை கட்டுவது நம் கையில் இருக்கிறது.

மீன்வளத்துறை: கடல் உணவு ருசிகரமானது; ஆரோக்கியத்திற்கு நல்லது என்றாலும் அளவுக்கு மீறி மீன் பிடிப்பது எதிர்காலத்தில் மீன்களே இல்லாத நிலைமையை உண்டாக்கும். நமது நாக்கின் சுவைக்காக அரிதான மீன் வகைகளை வேட்டையாடாமல் இருப்பது; மீன்கள் குறைவாகக் கிடைக்கும் இடங்களில் மீன் பிடிக்காமல் தவிர்ப்பது போன்ற முறைகளை கடைப்பிடிக்கலாம்.

வனத்துறை: காட்டை அழிப்பது பெரும் குற்றம். விலங்கினங்கள் மட்டுமன்றி பல்லாயிரக்கணக்கான தாவர இனங்கள், அவற்றை நம்பி வாழும் மனிதர்களும் பாதிக்கப் படுகிறார்கள் இந்தக் காட்டு அழிப்பால். காட்டு விலங்குகளை அவற்றின் தோலுக்காகவும், இறைச்சிக்காகவும் வேட்டை ஆடுவதும் தவறு. இந்த பூமி நமக்கு மட்டுமல்ல; விலங்கினங்கள், தாவர இனங்களுக்கும் சொந்தமானது.

காகிதத்திற்காக தினமும் பல்லாயிரக்கணக்கான மரங்கள் வெட்டி சாய்க்கப் படுகின்றன என்பது வேதனைக்குரிய விஷயம். காகிதத்திற்கு பதில் மின்னணு கோப்புகளைப் பயன்படுத்தலாம்.

போக்குவரத்துத் துறை: நீங்கள் மட்டும் உங்கள் கப்பல் போன்ற காரில் செல்லுவது சுற்றுச்சூழலுக்கும், உங்களது பொருளாதாரத்திற்கும் நல்லதல்ல; நீங்கள் தனித்தும் விடப்படுகிறீர்கள். மற்றவர்களுடன் காரில் செல்லும்போது எரிபொருள் மிச்சம் ஆகிறது; உங்கள் நண்பர் குழாம் விரிவடைகிறது. சுற்றுச்சூழல் வாழ உங்கள் பங்கை ஆற்றிய மனத் திருப்தியும் கிடைக்கும். அருகில் இருக்கும் இடங்களுக்கு காலாற நடந்து போகலாம்; அல்லது சைக்கிளில் செல்லலாம்; உடற்பயிற்சியும்  ஆயிற்று; உடலும் உள்ளமும் பலம் பெறவும் வழி செய்தாயிற்று! ஒரு கல்லிலே இரண்டு மாங்காய்கள்!

நீர் வளத்துறை: உலகெங்கிலும் பல்லாயிரக்கணக்கான மக்கள் சுத்தம் செய்யப்பட்ட குடி நீர், மேம்படுத்தப் பட்ட சுகாதார வசதி இல்லாமல் தவிக்கிறார்கள். ஜனத்தொகை அதிகமாக அதிகமாக, இந்தப் பிரச்சினை வளர்ந்து கொண்டுதான் போகும். குழாயை வெகு வேகமாகத் திறக்காமல் நிதானமான அளவில் திறந்து நீரை பயன்படுத்திய உடன்  மூடவும். போதுமான அளவு துணிகள், பாத்திரங்கள் சேர்ந்த பின் அவற்றிற்கான இயந்திரங்களைப் பயன்படுத்தவும். இருக்கும் வளங்களை திறமையாகக் கையாளுவது நம் கையில் இருக்கிறது.

உழவுத் துறை: உங்களுக்கு தேவையான காய்கறிகளை நீங்களே வளர்ப்பது புத்திசாலிதனம். இல்லாத போது, அந்தந்தப் பகுதியில் விளையும், அந்தந்த பருவத்தில் கிடைக்கும் காய்கறிகளை சாப்பிடுவது ஒருபடி மேலான புத்திசாலித்தனம்.

எரிசக்தித் துறை: நாம் தற்சமயம் பயன்படுத்தும் எண்ணெய், நிலக்கரி, எரிவாயு ஆகியவை நிலைத்து நிற்கக்கூடியவை அல்ல. புதுப்பிக்கக் கூடிய எரிசக்திகளை உருவாக்க உங்கள் ஆதரவைக் கொடுங்கள்; அதில் முதலீடு செய்யவும் முன் வாருங்கள். தேவை இல்லாத போது மின்விளக்குகளை அணைக்கவும்; வீட்டு உபயோகப் பொருட்களை பயன்படுத்தாத சமயம் மின் துண்டிப்பு செய்து வையுங்கள்.

சுற்றுலாத்துறை: ஒரு குழுவாக பிரயாணம் செய்வது நல்லது. நீரையும், எரிபொருளையும் சிக்கனமாக உபயோகியுங்கள். நீங்கள் செல்லும் இடங்களில் எல்லாம் நீங்கள் சாப்பிட்ட மிச்ச மீதிகளையும், ப்ளாஸ்டிக் பைகளையும் போட்டுவிட்டு வர வேண்டாம்.

கழிவுப் பொருட்கள்: எந்தப் பொருளையும் தூக்கி எறிவதற்கு முன், அதை திரும்பவும் பயன்படுத்த முடியுமா என்று யோசிக்கலாம். வீட்டுக் கழிவுகளை – மக்கும் பொருட்களை உரமாக மாற்ற தனியாகவும், மறுசுழற்சிக்கு ஏற்றவற்றை ஒருபுறமும  இனம் பிரித்து வைப்பது சாலச்சிறந்தது.

உற்பத்தி துறை மற்றும் தொழிற்சாலை: சுற்றுச்சூழலை மாசு படுத்தும் இவைகள் தான் பொருளாதார வளர்ச்சிக்கும் உதவுகின்றன என்பது மறுக்க முடியாத உண்மை. தொழிற்சாலைக் கழிவுகளை சுத்தம் செய்து வெளியேற்றுவது சுற்றுச் சூழலை மேம்படுத்த உதவும். தொழிற்சாலைகள் புதுப்பிக்கக் கூடிய எரிபொருள்களை பயன்படுத்தியும், அவைகளை தயாரிப்பதில் முதலீடு செய்வதும் சுற்றுச்சூழலில் மிகப் பெரிய மாற்றத்தை ஏற்படுத்தும்.

ஸ்காட்லாந்து தேச செயின்ட் ஆண்ட்ரூஸ் பல்கலைக்கழகம் வெளியிட்டுள்ள ஒரு கருத்தின்படி டைனோசர்களின் அழிவுக்கு காரணம்: அவைகளின் பழக்க வழக்கங்கள் தான். அவைகள் அளவுக்கு மீறி பச்சை தாவரங்களை தின்று தீர்த்ததால், மீத்தேன் அளவு அதிகரித்து அதன் விளைவாக பூமியின் வெப்பம் அதிகரித்தது அவை அழிந்தே போயின.

நாம் மனிதர்கள்; கட்டாயம் டைனோசர்களை விட புத்திசாலிகள். நம் அழிவை நாமே தேடிக்கொள்ளக் கூடாது இல்லையா?

இந்த சுற்றுச்சூழல் தினத்தில் ‘பூமியின் வளங்களுக்கு நாம் மிகச்சிறந்த பாதுகாவலர்களாக இருப்போம் என்ற உறுதி மொழியையும் எடுத்துக் கொள்ளுவோம்.

]]>
Go green economy, green economy, பசுமைப் பொருளாதாரம் http://images.dinamani.com/uploads/user/imagelibrary/2018/6/5/w600X390/0000green_economy.jpg http://www.dinamani.com/lifestyle/lifestyle-special/2018/jun/05/what-you-mean-by-go-green-economy-2933624.html
2931192 லைஃப்ஸ்டைல் ஸ்பெஷல் நீங்கள் சாப்பாட்டுப் ப்ரியரா? இதையெல்லாம் முதலில் தெரிந்து கொள்ளுங்கள்! சினேகா Friday, June 1, 2018 12:06 PM +0530  

தினமும் மூன்று வேளை அல்லது எத்தனை வேளை வேண்டுமானாலும் சாப்பிடலாம். ஆனால் எப்படி சாப்பிட வேண்டும் என்பது மிகவும் முக்கியம். சாப்பிட உட்காரும் பொழுதிலிருந்து சாப்பிட்டுக் கைகளை கழுவும் வரை சில நடைமுறைகள் கடைப்பிடிப்பது நல்லது.

சாப்பிடும் முன் முதலில் கை, கால், வாய் ஆகியவற்றை தண்ணீரில் கழுவ வேண்டும். காலில் ஈரம் உலர்வதற்கு முன்பே சாப்பிடத் தொடங்கிவிட வேண்டும்.

உங்களுக்கு வயிற்றுப் பொருமல் இருந்தாலோ பசி இல்லாத நிலையிருந்தாலோ சாப்பிட வேண்டாம். எப்போது நன்றாக பசிக்கிறதோ அப்போது சாப்பிட்டால் போதும். 

சாப்பாடு பரிமாறுபவர்கள் இலை அல்லது தட்டில் முதலில் காய்கறிகளோ, அப்பளமோ உப்போ பரிமாறாமல் சாதத்தை பரிமாறக் கூடாது. 

சாப்பிடும் போது சத்தமாகப் பேசக் கூடாது, முடிந்தால் மெளனமாக சாப்பிடுதல் நல்லது. புத்தகங்களைப் படிக்கக் கூடாது. டிவி மொபைல் ஆகியவற்றை நோக்காமல் தட்டைப் பார்த்து ரசித்து ருசித்து நன்றாக மென்று உணவை உட்கொள்ள வேண்டும்.

சாப்பிடுகையில் இடது கையை கீழே ஊன்றியபடி சாப்பிடக்கூடாது.

செருப்பு அல்லது ஷூ அணிந்தபடி சாப்பிடக் கூடாது.

அந்தி சந்தி வேளைகளில் சாப்பிடக் கூடாது. அதாவது காலையில் சூரிய உதயத்தின் போதும், மாலையில் அது மறையும் போதும் உணவினைத் தொடக் கூடாது.

உணவு உண்ணும் போது உண்பதில் கவனமாக இருக்க வேண்டும். தயவுசெய்து வலைத்தளம், செல்ஃபோன் உள்ளிட்ட சாதனங்கள் அப்போது வேண்டாமே!

இருட்டிலோ, நிழல்படும் இடங்களிலோ சாப்பிடக் கூடாது. சாப்பிடும் போது நடுவில் எழுந்து சென்று மீண்டும் வந்து உட்கார்ந்து சாப்பிடக் கூடாது.

வெளிநாட்டவரிடமிருந்து நாம் பழகிய பஃப்பே சிஸ்டம் ஒத்துவராது. ஒருபோதும் நின்று கொண்டு சாப்பிடவே கூடாது.

உணர்ச்சி வசப்பட்ட நிலையில் இருக்கும் போதோ, கோபமான மனநிலையிலோ உணவை சாப்பிடாதீர்கள். அது உடல்நலத்துக்கு கேடு.

சாப்பிடும்போது தட்டை மடியில் வைத்துக் கொண்டும், படுத்துக் கொண்டும் சாப்பிடக் கூடாது. தட்டை கையில் ஏந்தியபடி சாப்பிடாதீர்கள். தரையில் வட்டிலை வைத்து சாப்பிடுவதே நல்லது.

தட்டை வழித்துச் சாப்பிடுவதும், விரலில் ஒட்டிக் உள்ளதை நக்கி சாப்பிடுவதும் நாகரிகமான செயல் அல்ல. மேலும் சாப்பிடும் போது உணவு ருசியாக இருக்கிறதே என்று அதிகமாக சாப்பிடக் கூடாது. வயிறு புடைக்க மூச்சு முட்ட ஒருபோதும் சாப்பிடக் கூடாது. 

சாப்பிட்டு ஒரு மணி நேரம் கழித்த பின்னரே பழங்களை சாப்பிட வேண்டும். உணவுடன் ஒரே நேரத்தில் பலவித பழங்களைச் சேர்த்து ஒன்றாகச் சாப்பிடக் கூடாது. 

எச்சில் தட்டுக்களை வைத்து சாப்பாட்டையோ அல்லது மற்ற உணவு பதார்த்தங்களையோ மூடி வைக்கக் கூடாது. 

இரவு நேரத்தில் கீரை, பாகற்காய், கஞ்சி, தயிர், நெல்லிக்காய், இஞ்சி, முட்டை மற்றும் செரிமானம் ஆக கடினமான உணவுப் பொருட்கள் எதையும் சாப்பிடக் கூடாது.

]]>
food, உணவு, சாப்பாடு, foodie, how to eat http://images.dinamani.com/uploads/user/imagelibrary/2018/6/1/w600X390/soru.jpg http://www.dinamani.com/lifestyle/lifestyle-special/2018/jun/01/certain-basic-food-practices-2931192.html
2930545 லைஃப்ஸ்டைல் ஸ்பெஷல் திட்டமிடு, வெற்றி பெறு! சுகி. சிவம் Thursday, May 31, 2018 05:09 PM +0530 நீ... நான்... நிஜம்! -20

பொதுவாக உலகியல் வாழ்வில் வளர, முன்னேற, சமய உணர்வு, இந்திய சமயக் கோட்பாடுகள் பெருந்தடை என்று நாத்திகர்களும் பொதுவுடைமைவாதிகளும் குற்றம் சொல்வதுண்டு. இந்தியா போதுமான முன்னேற்றம் பெறாமைக்கே நமது சமயம் சார்ந்த வாழ்வியல் தான் காரணம் என்று நாத்திகர்கள் உறுதிபட நம்புகிறார்கள். நிலையாமை, மரணம் மீதானபயம், சாமியார்த்தனமான துறவுச் சிந்தனைகள், பொருட்பற்றைக் கண்டிக்கும் போக்கு இவை சமயத்தின் ஒரு பகுதி. ஆனால் மறுபகுதி வெகு மதிப்புக்குரியது. உலகியல் வெற்றிக்கும் உறுதுணையாவது.

திட்டமிடுதல், வெற்றி பெறுதல் என்பதை இந்தப் பிறவியுடன் நிறுத்தும் பொருள் முதல் வாதிகளைத் தூக்கிச் சாப்பிட்டது மெய்ஞானம். அடுத்த பிறவி, தொடர்பிறவிகள் வரை இன்றைய திட்டம், எண்ணம், செயல், எப்படி பாதிக்கிறது என்று ஆன்மிக உலகம் பேசத் தொடங்கியது. வினை - எதிர்வினை என்று பேசியது. அடுத்த ஊர் போக முன்னதாகவே திட்டமிடு என்ற உலகியலை விழுங்கி அடுத்த உலகம் (மோட்சம்?) மறுபிறவி என்றெல்லாம் யோசிக்க வைத்தது மெய்ஞானம். மரணம் வரை சுய முன்னேற்றவாதிகள் பேசியதை மரணம் தாண்டியும் கொண்டுபோகிறது ஆன்மிகம். "அப்போதைக்கு இப்போதே சொல்லி வைத்தேன்' என்ற ஆழ்வார்வாக்கை சுயமுன்னேற்றப் பாடத்திட்டத்தில் சேர்க்க முடியாதா என்ன? ஐந்து பொறிபுலன்களும் தளர்ந்து அறிவு கலங்கி மரணம் நிகழும் போது, இறைவா உன்னை நினைக்க அழைக்க முடியாமல் போகும் எனவே நன்றாக இருக்கும்போதே Advance Booking பாணியில் ஆண்டவன் அருளை Reserve செய்து கொண்ட மகான்களை திட்டமிடாதவர் என்றா சொல்லமுடியும்? இவர்களைவிட முன்கூட்டி யார் திட்டமிட முடியும்? யோசியுங்கள்.

மனிதவள ஆலோசகர் அமரர் திருப்பத்தூர் சந்திரசேகர், மதம் வளர்க்கும் மங்கை மாதா அமிர்தானந்தமயி இருவரும் தங்கள் தங்கள் கருத்துக்களை விளக்க ஒரே கதையைக் கையாண்டிருப்பதை நான் சொல்லட்டுமா? நல்ல கதை...
ஒரு வித்தியாசமான நாடு. வருடம் ஒரு முறை புதிய அரசர் தேர்ந்தெடுக்கப்படுவார். ராஜ வாழ்வு... ஏகக் கொண்டாட்டம். யானை மாலை போடுவதன் மூலம் எந்தப் பிரஜையும் அரசராகி விடமுடியும். (பொதுத் தேர்தலில் மட்டும் வேறுகதையா என்ன?) ஆனால் ஒருவருடம் முடிந்ததும் அரசரைப் படகில் ஏற்றி நதியில் கொண்டுபோய் தொலைதூரவனத்தில் கொடுங்காட்டில் விட்டு விடுவார்கள். புலி, சிங்கம், பாம்பு என்று கொடிய விலங்குகளுக்கு ராஜ போஜனம் மகா ராஜா... அப்படி வழக்கம் போல தேர்ந்தெடுக்கப்பட்ட ஒருவர் பதவிக்காலம் முடிந்து படகில் ஏற்றப்பட்டார். பலரும் வருந்தினர்... படகோட்டி உட்பட "மகாராஜாவை மரணவாசலுக்கு அனுப்புகிறோமே' என்று மனம் வருந்தினார். அரசர் மட்டும் ஏக மகிழ்ச்சியுடன் வந்தார். ""ஓர் அரசர் போகிற படகா இது.. படகுக்கு அலங்காரம் போதாது.. இன்னும் அலங்கரியுங்கள்'' என்று ஆணையிட்டார். வெற்றிப் புன்னகையுடன் கையசைத்து படகில் புறப்பட்டார். மவுனம் கலைத்த படகோட்டி, ""நான் பல மகாராஜாக்களை வழி அனுப்பி இருக்கிறேன். தாங்கள் மரணத்தீவுக்குப் பயணிக்க அஞ்சவில்லையா?'' என்றான். மகாராஜா சிரித்தபடி, ""இந்த ஒருவருடம் நான் என்ன செய்திருக்கிறேன் என்று தெரியாமல் பேசுகிறாய். நமது படை வீரர்களை எப்போதோ அங்கு அனுப்பி காட்டை அழித்து நாடாக்கி விட்டேன். வளமான நாடு என் தலைமைக்காக அங்கே தயாராக உள்ளது... நீ வருவதானால் என்னுடன் வா!'' என்றார். இந்தக் கதையைக் கூறி, ""இந்த ஜன்மத்திலேயே அடுத்த ஜன்மத்திற்குப் புண்ணியம் செய்... தயாராகு'' என்கிறார் மாதா அமிர்தானந்தமயி. "நிகழ்காலத்தில் எதிர்கால வாழ்வுக்குத் திட்டமிடு பாடுபடு' என்ற செய்திக்கு மேற்கோள் காட்டுகிறார் மனிதவள ஆலோசகர். எனவே சமயம் வளர்ச்சிக்குத் தடையானது என்கிற ஓலத்தை நான் நிராகரிக்கிறேன். சமயம் சரியாகப் புரிந்து கொள்ளப்பட்டால் இக பர செüபாக்யமே இறை உணர்வின் தகுதி என்பது புரியும். இப்போது "ஐயத்தின் நீங்கித் தெளிந்தார்க்கு வையத்தின் வானம் நணிய துடைத்து' என்ற குறளைப் படித்தால் விண்கலப் பயணம் விண்ணுலக மோட்சம் இரண்டுக்கும் அந்தக் குறள் பொருந்துவதை உறுதி செய்வீர்கள்.

இப்போது மீண்டும் ஐன்ஸ்டீனைப் பற்றி நான் சொல்ல வேண்டி உள்ளது. பிரபஞ்சம் பெருவெளி குறித்து அவர் துல்லியமாக ஆராய்ந்து சொன்னபோது அவரது சார்பியல் கொள்கை (Theory of Relativity) எள்ளலாகப் பேசப்பட்டது. இந்த கோட்பாடு உலகில் இரண்டே பேருக்குத்தான் புரியும். ஒன்று ஐன்ஸ்டீன். மற்றொன்று கடவுள் என்று கேலி செய்தார்கள். எளிய முறையில் இதை விளங்கிக் கொள்ள எங்கள் குடியிருப்பில் உள்ள பேராசிரியர் நவநீதத்துடன் பேசிக் கொண்டிருந்தேன். Space என்கிற வெளி, சூரியன் போன்ற கோள்களால் வளைகிறது என்பதை உதாரணம் மூலம் விளக்கினார். மெல்லிய துணியின் நான்கு மூலைகளையும் இறுகப் பிடித்துக் கொண்டு ஒரு ரப்பர் பந்தை அதன்மீது போட்டால் துணி லேசாகத் தொய்வு கொடுக்குமல்லவா அப்படி வெளி, கோள்களால், அவற்றின் புலங்களின ஈர்ப்பால், வளைகிறது. அதனால் எப்போதும் நேர்கோட்டில் பயணிக்கும் ஒளி கூட, வெளியிள் வளைவுகளில் வளைந்து பயணிக்கிறது என்பது ஐன்ஸ்டீன் கோட்பாட்டை பாமரனும் புரிந்து கொள்ளும் படி விளக்கினார். ஐன்ஸ்டீன் சொன்னபோது, ஏற்கவும் முடியாது நிராகரிக்கவும் முடியாது தவித்த அறிவுலகம், முப்பதாண்டுகளுக்குப் பின் ஆப்பிரிக்காவில் நிகழ்ந்த முழு சூரிய கிரகணத்தின்போது சரி என்று ஒப்புக் கொண்டது. சூரியன் பின்னிருக்கும் ஒரு நட்சத்திர ஒளி கிரகணத்தின் (நல்ஹஸ்ரீங்) கண்ணுக்குப் போது புலப்பட்டது. புகைப்படத்தில் அகப்பட்டது. சூரியப்புலம், வெளியில் ஏற்படுத்தும் அழுத்தத்தால் வெளிவளைவதால், வெளி வழி பயணிக்கும் ஒளி (Space) வளைந்து கிரகணத்தின் போது புலப்பட்டது என்று உலகம் கரவொலி எழுப்பி ஐன்ஸ்டீனைப் பாராட்டியது. ஒரு நிருபர் ஐன்ஸ்டீனிடம், "ஒருவேளை இப்படி நடக்காதிருந்தால் நீங்கள் உங்கள் கோட்பாட்டைப் பற்றி என்ன நினைப்பீர்கள்?'' என்று கேட்டார். "கடவுளுக்கு இயற்கையைச் சரியாகப் படைக்கத் தெரியவில்லை என்று நினைப்பேன்'' என்று சிரித்தபடி பதில் சொன்னார் ஐன்ஸ்டீன். பாருங்கள் தான் கண்டறிந்த கோட்பாடு மீது எத்தனை உறுதி அவருக்கு. காரணம்... ஐயத்தின் நீங்கித் தெளிந்த காரணத்தால் வானம் அவருக்கு நணியதாகிவிட்டது. இப்படி "எதிலும் திட்டமிடு வெற்றிபெறு' என்பதே இளைஞருக்கு என் அறைகூவல். மிகவும் கனமான விஷயங்களால் வாசகரைச் சங்கடப்படுத்தி விட்டேன் என்று தோன்றுகிறது. அதனால் எளிய ஆனால் நுட்பமான திட்டமிடல் பற்றிப் பேச நினைக்கிறேன். AVM அவர்களைப் பற்றி "அப்பச்சி' என்றொரு புத்தகம் வந்துள்ளது. திட்டமிடுதலில் அவர் எப்படிப்பட்டவர் என்பதை அப்படியே தருகிறேன்.

கல்யாணச் சாப்பாட்டை அவர் திட்டமிட்ட முறை பிரமிப்பூட்டும். தன் வீட்டுத் திருமணங்களில் உணவின் தரத்திற்கு அவர் தந்த முக்கியத்துவம் வியப்பில்லை. இருந்தாலும் அதை அவர் அணு அணுவாகத் திட்டமிட்ட முறைதான் வியப்புக்குரியது. 

தலைசிறந்த சமையற்கலைஞர்கள்தான் திருமண விருந்து சமையலுக்குப் பொறுப்பேற்பார்கள். காய்கறிகள் தவிர, விருந்தின் மற்ற அனைத்து அயிட்டங்களும் - கல்யாணத்தன்று எப்படிச் சமைக்கப்படுமோ அப்படியே சமைக்கப்பட்டு ஒரு மாதம் முன்பிருந்தே தினமும் ஏவி.எம் அவர்களுக்கும், அவரது நண்பர்களுக்கும் பரிமாறப்படும். குறைகள் இருந்தால் சமையல் கலைஞருக்குத் தெரிவிக்கப்படும். அந்தக் குறையை நிவர்த்தி செய்து மறுநாள் சமையல் நடக்கும். இப்படியே சகல உணவு அயிட்டங்களும் ஒரு முழுமையான தரத்தை அடைந்து விடும்.

இலை எந்த அளவில் இருக்க வேண்டும், என்னென்ன பதார்த்தங்களை இலையில் எங்கெங்கு வைக்க வேண்டும் என்ற லே}அவுட் அவருக்கு முக்கியம். ஒரு பேப்பரை வாழை இலை சைஸுக்கு வெட்டியெடுத்து அதில் என்னென்ன உணவு வகை எங்கெங்கே வைக்கப்பட வேண்டும் என்பதை வரைந்து அதை சமையல் கலைஞரிடம் தந்து விடுவார். எந்தெந்தக் கரண்டிகளில் எவற்றை எடுத்து பரிமாற வேண்டும் என்பதையும் கரண்டிகளைக் கண்ணால் பார்த்து ஒப்புதல் தருவார். அவ்வளவு துல்லியமான திட்டமிடுதலில் அவருடைய குணம். 

பெரிய இடத்துத் திருமணங்களில் வி.வி.ஐ. பிகள் காரின் டிரைவர் சாப்பிட்டாரா என்று கவனிக்க ஆளிருக்காது. பார்க்கிங் பகுதிக்கு அருகிலேயே வசதியாகப் பந்தல் போட்டு கார் டிரைவர்களுக்காகப் பிரத்யேக விருந்து பரிமாறப்படும். டிரைவர்களின் பசி பற்றியும் அவர் யோசித்திருந்தார்.

காலண்டரில் தேதி கிழிக்காமல் இருந்தால் கோபம் வரும். இந்த சின்ன விஷயத்தைக் கூட செய்ய முடியவில்லையா என்று சப்தம் போடுவார். இன்று வந்ததும் இதையிதைச் செய்ய வேண்டும் என்று திட்டமிட்டு செயல்படுவதை தான் மட்டும் கடைப்பிடிக்காமல், தன்னைச் சார்ந்த ஊழியர்களும் கடைப்பிடிக்க வேண்டும் என்று எதிர்பார்ப்பார். 

AVM இன் வெற்றி எப்படி என்பது இப்போது நன்றாகப் புரிந்திருக்குமே!
 

]]>
plan, execute, திட்டமிடு, செய்லபடு, நிஜம் http://images.dinamani.com/uploads/user/imagelibrary/2018/5/31/w600X390/1e3254d5539dc4195600e47310e0ee23.jpg http://www.dinamani.com/lifestyle/lifestyle-special/2018/may/31/திட்டமிடு-வெற்றி-பெறு-2930545.html
2929872 லைஃப்ஸ்டைல் ஸ்பெஷல் எச்சரிக்கை! விவகாரத்து மனிதர்களின் வாழ்நாளைக் குறைக்கும் என்கிறது புதிய ஆய்வு முடிவு, எப்படி?! RKV Wednesday, May 30, 2018 04:36 PM +0530  

விவாகரத்து இன்று சர்வ சாதாரணமான விஷயமாகி விட்டது.

விவாகரத்து என்ற விஷயம் உண்மையில் ஏற்படுத்தப்பட்டது. மணவாழ்க்கை என்ற பெயரில் கொடுமைகளை அனுபவித்து வரும் பெண்களுக்கும், ஆண்களுக்கும் விமோசனம் தேடித்தரவே!

ஆனால் இன்றைய தலைமுறையினர் அதன் அர்த்தம் உணர்ந்து சரியாகத்தான் அந்த சட்டப்பூர்வமான உறவுமுறை விடுதலையை பயன்படுத்துகிறார்களா? என்றால்? பெரும்பாலான விவாகரத்துகள் அப்படி அல்ல என்கின்றன. இன்றைக்கு விவாகரத்துக்கான காரணங்களில் பலவும் உப்புப் பெறாத விஷயங்களாகவும் இருக்கின்றன. திருமண உறவின் மூலம் வாழ்வின் சரிபாதியாக அங்கம் வகிக்கத் தொடங்கும் சக மனுஷியைப் பற்றியும், மனுஷனைப் பற்றியதுமான புரிதல் ஆண், பெண்களுக்குள் குறைந்து கொண்டே வருகின்றன. விளைவு; கணவரின் குறட்டைச் சத்தத்தைப் பொறுத்துக் கொள்ள முடியாமல் விவாகரத்துக்கு விண்ணப்பிக்கும் மேலை நாட்டு மனைவிகளுக்கு சற்றும் குறைவின்றி இந்திய மனைவிகளும் சிறுசிறு குடும்பச் சண்டைகளுக்காகக் கூட கோர்ட் படி ஏறி விடுகிறார்கள். விவாகரத்து கோரி குடும்ப நல கோர்ட் முன் கூடும் கூட்டங்களே இதற்கான சாட்சிகள்.

விவாகரத்துக்கான முக்கியமான காரணங்களில் ஒன்றாக முன் வைக்கப் படுவது நடத்தைக் கோளாறுகள், இந்த நடத்தைக் கோளாறுகளைப் பொறுத்தவரை கணவனோ, மனைவியோ தங்களுக்கிடையே மற்றொரு சாய்ஸ் வர ஏன் இடமளிக்க வேண்டும்? அப்படியானால் அவர்கள் பூரணமான அன்பில் இணையவில்லை. அல்லது திருமண பந்தத்தில் இணைந்த பிறகும் ஒருவருக்கொருவர் பூரண அன்பைப் பெற முயலவில்லை என்று தான் அர்த்தம். இப்படி உறவின் மீது அக்கறையும், பொறுப்புணர்வும் இல்லாமலிருந்தால் இவர்களைப் பார்த்து வளரும் குழந்தைகளுக்கு மட்டும் அந்த பொறுப்புணர்வு எங்கிருந்து வரும்? இப்படித்தான் தலைமுறைகள் சீரழிகின்றன என்கிறார் விவாகரத்து வழக்குகளைக் கையாளும் பெண் வழக்கறிஞர் ஒருவர்.

விவாகரத்துக்கு ஏனைய காரணங்களாக; கணவர்களின் குடிப்பழக்கம், புகைப்பழக்கம், மனைவியின் மீதான வன்முறைகள் குடித்து விட்டு வீட்டுக்கு வந்து மனைவியை அடித்து உதைப்பது, வார்த்தைகளால் குதறுவது, குழந்தைகளை அடித்துச் சித்ரவதை செய்வது, வரதட்சிணை கொடுமை, கணவன் அல்லது மனைவியின் தீர்க்கவே முடியாத உடல்நலக் கோளாறுகள், தீராத வியாதி, இருசாரரிடையே நிலவும் மலட்டுத்தன்மை, தாம்பத்யத்தில் ஈடுபாடின்மை என்பன போன்ற காரணங்கள் முன்வைக்கப்படுகின்றன. இத்தனை காரணங்களும் திருமண பந்தத்தை உடைப்பதற்கான சட்டப்பூர்வமான அங்கீகாரம் பெறுவதற்கான காரணிகள். இவற்றில் ஏதாவதொன்றை நிரூபிக்கப் போதுமான ஆதாரங்கள் இருப்பின் மனமொத்து வாழ முடியாத தம்பதிகள் சட்டப்பூர்வமாகப் பிரிந்து வாழ கோர்ட் அனுமதி வழங்கும்.

கஷ்டப் பட்டு விவாகரத்து  வாங்கியாயிற்று, விவாகரத்துப் பெற்றவர்கள் இனியாவது நிம்மதியாக இருக்கலாம், அவரரவர்க்குப் பிடித்த வாழ்க்கைத்துணைகளைத் தேடிக் கொண்டு வாழ்வை அமைதியான முறையில் கழிப்பார்கள் என்று பார்த்தால் அது தான் இல்லை என்கிறது இந்தப் புதிய மனோதத்துவ ஆய்வு.

விவாகரத்துப் பெற்ற ஆண்களில் சரிபாதி பேருக்கு புகைப்பழக்கமும், குடிப்பழக்கமும் இருப்பது இந்த ஆய்வில் கண்டறியப்பட்டுள்ளது. இந்த ஆய்வுக்காக திருமணம் ஆகி ஒத்த மனதுடன் இணைந்து வாழும் தம்பதிகள் மற்றும் விவாகரத்துப் பெற்றவர்கள் எனச் சுமார் 5,786 பேரைத் தேர்ந்தெடுத்து அவர்களிடம் நடத்திய சோதனையில் விவாகரத்துப் பெற்றவர்களிடம் தான் குடிப்பழக்கமும், புகைப்பழக்கமும் அதிகமிருப்பது தெரிய வந்திருக்கிறது. காரணம் அவர்களுக்குக் கிடைத்த கட்டுப்பாடற்ற சுதந்திரம். உடல் நலனுக்கு தீங்கு விளைவிக்கும் எந்த விதமான கெட்ட பழக்கங்களாகட்டும் அவற்றை நிர்பந்தம் செய்து நிறுத்தக் கோருவது கணவனோ அல்லது மனைவியோவாகத் தான் இருக்கிறார்கள். விவாகரத்தானவர்கள் விஷயத்தில் அந்தத் தடை அகன்று விடுவதால் அவர்களது வாழ்க்கைமுறை கட்டுப்பாடற்ற ஒழுங்கீனங்கள் நிறைந்ததாகி விட 100 % வாய்ப்புகள் அதிகரிக்கின்றன. எனக்கூறும் அந்த ஆய்வு இவர்களில் 46% பேர் திருமணமாகி இணைந்து வாழ்ந்து கொண்டிருப்பவர்களைக் காட்டிலும் அதிகமான அளவில் குறுகிய வாழ்நாளைப் பெற்றவர்களாகி விடுகிறார்கள் என்று எச்சரிக்கிறது.

எதற்காக விவாகரத்தை... மனித வாழ்நாளை அளக்கப் பயன்படுத்துகிறீர்கள் என்று கேள்வி எழுப்புபவர்களுக்கு இந்த மனோதத்துவ ஆய்வு தரும் பதில்.

மனிதர்களின் நீண்ட வாழ்நாளைத் தீர்மானிப்பது பெரும்பாலும் ஆரோக்யமான உடல்நலனும், சந்தோஷமான இல்லற வாழ்வுமே. அந்த இரு விஷயங்களிலும் சறுக்கல் நேர்ந்தால் பிறகு மனித வாழ்நாள் குறைவது சகஜம் தானே என்கிறது அந்த ஆய்வு. இந்த ஆய்வுக் கட்டுரையை சமர்பித்திருக்கும் கெலி போரஸ்ஸா, மனிதர்கள் சட்டப்பூர்வமான உறவுமுறையில் பிணைந்திருக்கும் போது ஒருவர் மற்றொருவர் வாழ்வில் ஆதிக்கம் செலுத்துகிறார்கள். அது உணவுப் பழக்கமாகட்டும், குடிப் பழக்கமாகட்டும், புகைப்பழக்கமாகட்டும், உடற்பயிற்சி செய்யும் விஷயமாகட்டும் அனைத்திலும் கணவன் அல்லது மனைவியின் தாக்கம் இருக்கிறது. இருவர் இணைந்து வாழும் போது மேற்கண்ட பழக்கங்களில் ஒருவருக்கொருவர் விருப்பு, வெறுப்பு இருப்பினும் ஒருவருக்காக மற்றவர் என விட்டுக் கொடுத்து அனுசரித்து முறையான வாழ்க்கை முறையைப் பின்பற்றுகிறார்கள். இதனால் அவர்களது வாழ்வின் ஆரோக்யம் நிலை நிறுத்தப் படுகிறது. அதுவே விவாகரத்தானவர்கள் விஷயத்தில் இந்த பொறுப்புணர்வோ, கண்டிப்போ இல்லாமலாகி விடுவதால் விவாகரத்து மனிதர்களின் வாழ்நாளைக் குறைப்பதில் முக்கிய பங்காற்றுவதாகத் தனது ஆய்வு முடிவில் தான் கண்டறிந்ததாகக் கூறுகிறார்.

போரஸ்ஸாவின் ஆய்வு முடிவை நீங்கள் ஒப்புக் கொள்கிறீர்களா?

விவாகரத்து மனிதனின் வாழ்நாளைக் குறைக்குமா? 

மாற்றுக் கருத்து இருப்பவர்கள் அதையும் எங்களுடன் கருத்துரை வாயிலாகப் பகிர்ந்து கொள்ளலாம்.

 

Image courtesy: trenzy.in

]]>
life span, divorce, மனித வாழ்நாள், விவாகரத்து, ஆரோக்யம், Divorce can shorten lifespan http://images.dinamani.com/uploads/user/imagelibrary/2018/5/30/w600X390/beware_divorce_leads_to_shorten_lifespan.jpg http://www.dinamani.com/lifestyle/lifestyle-special/2018/may/30/beware-divorce-can-shorten-lifespan-2929872.html
2929832 லைஃப்ஸ்டைல் ஸ்பெஷல் மோடியால் ஒரே நாளில் ஸ்டார் ஆன டீக்கடைக்காரர், இந்தியா ஒளிர்வது இப்படிப் பட்டவர்களால் தான்! கார்த்திகா வாசுதேவன் Wednesday, May 30, 2018 12:45 PM +0530  

 ‘மே 26 ஆம் தேதி பிரதமர் மோடியின் ‘மன் கி பாத்’ உரையைக் கேட்ட பின் இப்போதெல்லாம் வழியில் என்னைக் காணும் மக்கள் கால்களைத் தொட்டு வணங்கத் தொடங்கி விடுகிறார்கள்.’

- என்று புளகாங்கிதப் படுகிறார் 54 வயது பிரகாஷ் ராவ். பிரதமர் மோடி ஏன் இவரைப் பாராட்டிப் பேச வேண்டும்? இந்தியாவில் எத்தனையோ டீக்கடைக்காரர்கள் இருக்கிறார்கள், ஆனால், அவர்களுக்கெல்லாம் கிடைக்காத பேரும், புகழும் இவருக்கு மட்டும் கிடைக்க வேண்டுமெனில் இவர் ஏதாவது அதிசயிக்கத் தக்க செயற்கரிய செயல்களைச் செய்திருக்க வேண்டுமே?! என்று யோசிக்கிறீர்களா? ஆம், பிரகாஷ் ராவ் செயற்கரிய மனிதரே!

அடிப்படையில் பிரகாஷ் ராவ் ஒரு டீக்கடைக் காரர். ஆறு வயது முதல் அவரது வாழ்நாளின் பெரும்பகுதி கழிவது டீக்கடையில் தான். நன்றாகப் படித்துக் கொண்டிருந்த மாணவனொருவன் குடும்ப வறுமை காரணமாக 5 ஆம் வகுப்பு முதல் பள்ளிக்கே செல்ல முடியாத சூழ்நிலை ஏற்பட்டு விடுகிறது. டீக்கடைகளில் சூடான டீ, காப்பி விற்றுக் கொண்டிருந்தாலும் சரி, எச்சில் கிளாஸ்களை கழுவிக் கொண்டிருந்தாலும் சரி சிறுவன் பிரகாஷின் சிந்தையில் எப்போதும் நீக்கமற நிறைந்திருந்தது பள்ளி வகுப்பறைகளும், பாடப்புத்தகங்களுமே! காலங்கள் மாறின. சிறுவன் பிரகாஷ் வளர்ந்து இளைஞனானார். கூடவே அவரது வருமானமும் சிறிதளவு பெருகியது. சிறிதளவு தான்... பிரகாஷ் இப்போதும் வசதி படைத்தவரெல்லாம் இல்லை. அவரது மாத வருமானம் அவரது குடும்பத் தேவைகள் போக ஏதோ கொஞ்சம் மிஞ்சும். அந்த மிச்சத்தில் துணிந்து ஒரு பள்ளி தொடங்கினார். அந்தப் பள்ளி ஒதிஷாவின், கட்டாக் பகுதியைச் சேர்ந்த வறுமைக் கோட்டுக்கு கீழ் வாழும் குடும்பங்களின் ஏழைப் பிள்ளைகள் படிக்கும் பள்ளி. 

ஏதோ ஆர்வக் கோளாறில் பள்ளி தொடங்கி விட்டாரே தவிர, அந்தப் பள்ளியில் பயில ஏழைக் குழந்தைகளை ஈர்க்க வெகு பாடுபட வேண்டியதாயிருந்திருக்கிறது. பிள்ளைகள் தெருவில் வெட்டியாகச் சுற்றக் கூட விரும்பினார்களேயன்றி பிரகாஷ் ராவின் பள்ளிக்கு வர அவர்கள் விரும்பவில்லை. அவர்கள் பள்ளி என்றால் புத்தகங்கள், படிப்பு, ஆசிரியர்களின் கட்டுப்பாடுகள் என்று வழக்கமான பள்ளியைக் கற்பனை செய்து கொண்டு பள்ளிக்கு வர விருப்பமற்று இருந்தார்கள். அவர்களை ஈர்க்க ஒரே வழியாக அப்போது உணவு மட்டுமே இருந்தது. எனவே குழந்தைகளை பள்ளியை நோக்கி ஈர்க்க முதலில் உணவு இலவசம் என்று அறிவித்தேன். பலர் இப்போது பள்ளிக்கு வரத் தொடங்கினர். கற்பதற்காக அல்ல, உணவு கிடைக்கிறதே என்று. ஒருவேளை உணவு கூடக் சரிவரக் கிடைக்காத குழந்தைகளுக்காகத் தானே நான் இந்தப் பள்ளியைத் தொடங்கியது. அதனால் அவர்களது முதல் தேவை உணவு தான் என்பது எனக்கப்போது புரிந்தது. பிறகு அந்தக் குழந்தைகளுக்கு ஏற்றவாறு பாடப்புத்தகங்கள் வாயிலான கல்வி முறையாக இல்லாமல், பாட்டு, நடனம், ஜூடோ போன்றவற்றைக் கற்றுத்தரும் பள்ளியாக என் பள்ளியின் கற்பித்தல் முறையையும் மாற்றினேன். இப்போது பல குழந்தைகள் ஆர்வத்துடன் பள்ளிக்கு வரத் தொடங்கினர்.

இப்போது 70 குழந்தைகள் வரை பயிலும் பிரகாஷ் ராவின் பள்ளியில் அத்தனை குழந்தைகளுமே ஆர்வத்துடன் பள்ளிக்கு வருபவர்கள் தான். சாதாரண டீக்கடைக் காரராக இருந்து கொண்டு எப்படி ஏழைக் குழந்தைகளுக்கு பள்ளி நடத்த முடிகிறது? என்று கேள்வியெழுப்பினால் அதற்கு பிரகாஷ் ராவின் பதில்; ‘ சீஸன் நேரங்களில் என் கடையில் நாளொன்றுக்கு 700 முதல் 800 ரூபாய் வருமானம் கிடைக்கும், சீஸனற்ற நாட்களிலும் கூட குறைந்த பட்சம் 600 ரூபாய் கிடைக்கும். இந்த வருமானத்தை வைத்து என்னால் என் பள்ளியை திறம்பட நடத்த முடிகிறது. முதலில் பள்ளியைத் தொடங்கியதால் என்னைப் பள்ளி ஆசிரியர் என சில மக்கள் நினைத்தனர். எனக்கு ரத்த தானம் செய்யப் பிடிக்கும், அதோடு மருத்துவமனைகளுக்குச் சென்று அங்கே நோயாளிகளுக்கும், மருத்துவர்களுக்கும் தேவையான சிறு சிறு உதவிகள் செய்து கொடுப்பதும் எனது வழக்கம். அதை வைத்துக் கொண்டு மக்கள் என்னை டாக்டர் என்று கேலி செய்வார்கள். ஆக, படிக்காமலே நான் டீக்கடைக்காரராகவும், டீச்சராகவும், டாக்டராகவும் என் மக்களால் மதிக்கப்படுகிறேன். என்று நினைக்கும் போது வேடிக்கையாக இருந்தாலும் பெருமையாகவும் இருக்கிறது.

எனது ஒரே நோக்கம் என்னால் முடிந்த உதவியை என்னைச் சுற்றியுள்ள மக்களுக்குச் செய்ய வேண்டும் என்பது மட்டும் தான். அதைத் தான் செய்து கொண்டிருக்கிறேன். எனது செயல்களை அறிந்த பிரதமர் மோடி, அவரது ஒதிஷா வருகையின் போது என்னைச் சந்திக்க விருப்பப் பட்டார். இந்தத் தகவலை அறிந்ததும் நான் அடைந்த மகிழ்ச்சிக்கு அளவே இல்லை. உலகமே வியக்கும் ஒரு தலைவர் என்னைக் காண விரும்புகிறார் என்றதும் மனம் உருகிவிட்டது. மே 26 ஆம் நாள் மோடிஜியை சந்திக்க என்னை அழைத்துச் சென்றார்கள். என்னுடன் 15 முதஒ 20 மாணவர்களையும் அழைத்துச் செல்ல அனுமதி இருந்தது. நாங்கள் மோடிஜியைப் பார்க்க அறைக்குள் நுழைந்தோம், என்னைப் பார்த்ததும், கையசைத்து வரவேற்ற மோடிஜி, ராவ்ஜி, உங்களைப் பற்றி நன்றாக அறிந்து கொண்டு தான் உங்களைச் சந்திக்க விரும்பினேன், எனக்கு உங்களைப் பற்றி புதிதாக ஒரு அறிமுகம் தேவையில்லை’ என்றவாறு அவரது அருகில் என்னை அமர வைத்துக் கொண்டார். எங்களது சந்திப்பு சுமார் 18 முதல் 20 நிமிடங்கள் வரை நீடித்தது. மறுநாளே வானொலியில் தனது 44 ஆவது ‘மன் கி பாத்’ உரையில் மோடிஜி என்னைப் பற்றி சிலாகித்துப் பேசினார். இதனால் மொத்த இந்தியாவுக்கும் என்னை அடையாளப்படுத்தினார்.

‘ராவ், கட்டாக்கில் ஒரு சாதாரண டீக்கடைக் காரர், ஆனால் அவரது வருமானத்தில் 50% க்கு மேல் ஏழைக்குழந்தைகளின் படிப்பிற்காக செலவிடுகிறார். சொன்னால் நீங்கள் ஆச்சர்யப் படுவீர்கள், இதுவரை சுமார் 70 குழந்தைகளுக்கும் மேலாக அறிவுக் கண்களை திறந்து வைக்க உதவியிருக்கிறார் இந்த மனிதர். தன்னுடைய மிக சொற்பமான வருமானத்தில் ‘ஆஷா அவாஷன்’ எனும் பள்ளியைத் தொடங்கி அதன் மூலமாக வறுமையில் வாடும் குழந்தைகளுக்கான பள்ளியொன்றை கடந்த 50 ஆண்டுகளுக்கும் மேலாக நடத்தி வருகிறார் ராவ். அந்தப் பள்ளியின் வாயிலாக அந்தக் குழந்தைகளின் கல்விக்கு மட்டுமல்ல, அவர்களுக்கான ஆரோக்யம், மற்றும் உணவுக்கும் உதவிகள் பல செய்து வருகிறார். அவரை மன் கி பாத்தில் அறிமுகம் செய்வதில் பெருமிதம் அடைகிறேன்’ 
- என பாரதப் பிரதமர் மோடி தெரிவித்திருக்கிறார். 

அது முதல் என்னை வழியில் காணும் மக்கள் எல்லோரும் மரியாதையுடன் கால்களைத் தொட்டு வணங்க முயல்கின்றனர். இதெல்லாம் ஒரு பக்கம் கூச்சமாக இருந்தாலும் மோடிஜி எனக்கு கொடுத்த அங்கீகாரத்தை நினைக்கையில் மனம் பெருமிதம் கொள்கிறது. இப்போது என்னைப் பலரும் அழைத்து எனது செயல்களுக்காக விருதுகள் தருகிறார்கள். ஆனால், என் மனைவி என்னைக் கடிந்து கொள்கிறார். ‘இவற்றை வைப்பதற்கு இனி வீட்டில் இடமே இல்லை’ என. 

என்று பெருமிதம் கொள்ளும் பிரகாஷ் ராவ் போன்றவர்களால் தான் இந்தியா ஒளிர்கிறது.
 

]]>
மோடி, PM modi, பிரகாஷ் ராவ், டீக்கடைக்காரர், இந்திய ஸ்டார், D Prakash Rao, a Cuttack-based tea seller, 'Mann Ki Baat' , indian star tea seller, மன் கி பாத் உரை, http://images.dinamani.com/uploads/user/imagelibrary/2018/5/30/w600X390/tea_seller.jpg http://www.dinamani.com/lifestyle/lifestyle-special/2018/may/30/a-tea-seller-teacher-doctor-meet-pm-modis-mann-ki-baat-star-2929832.html
2926704 லைஃப்ஸ்டைல் ஸ்பெஷல் ‘டாக்டர் மாதங்கி ராமகிருஷ்ணன்’ நமது இளம் தலைமுறை அறிந்து கொள்ள வேண்டியது இத்தகைய மனிதர்களைத் தான்! கார்த்திகா வாசுதேவன் Friday, May 25, 2018 05:18 PM +0530  

தினமணி கொண்டாட்டத்தில் ‘அம்மா’ எனும் சிறப்புத் தொடரில், டாக்டர் ப்ரியா ராமச்சந்திரன் தனது தாயாரும் தீக்காய சிகிச்சை சிறப்பு நிபுணரும் பிளாஸ்டிக் சர்ஜனுமான டாக்டர் மாதங்கி ராமகிருஷ்ணனைப் பற்றி சிறப்புரப் பகிர்ந்திருந்தார். அவரைப் பற்றி மேலும் தெரிந்து கொள்ளும் ஆவலில் கூகுள் செய்து பார்த்ததில் இணையத்தில் தகவல்கள் கொஞ்சமே கிடைத்தன. ஒரு பிரபலமற்ற நடிகைக்கு கிடைக்கும் அளவுக்கான இணையத் தகவல்கள் கூட இவரைப் பற்றி இல்லையா என்று மேலும் கொஞ்சம் தேடிப் பார்த்ததில்... யூ டியூபில் அவரது உரையாடல் ஒன்று ஆங்கிலத்தில் பார்க்கக் கிடைத்தது.

உண்மையில் இன்றைய இளம் தலைமுறை அறிந்து கொள்ள வேண்டியது இத்தகைய மனிதர்களைத் தானில்லையா? பிறகு ஏன் இவரைப் பற்றிய அதிகப்படியான தகவல்களை நாம் சேமித்து வைத்துக் கொள்ளக் கூடாது என்று தோன்றியது. தேடியதில் கிடைத்ததை தினமணி இணையதள வாசகர்களுடன் பகிர்ந்து கொள்கிறேன். இது நிச்சயம் அனைவருக்கும் உபயோகமானதொரு நேர்காணல்.

இதுவரை டாக்டர் மாதங்கி ராமகிருஷ்ணனைப் பற்றிய அறியாதவர்களுக்கு அவரைப் பற்றிய சிறு அறிமுகம்...

மனிதர்களான நாம், நமது உள் உறுப்புகளால் ஏற்படும் உடல்நலக் குறைபாட்டை ஏதோ ஒருவகையில் எதிர்கொள்ளப் பழகிக் கொள்கிறோம். ஆனால், தீ விபத்து, வாகன விபத்து, சமையலறைக் காயங்கள் என எதிர்பாராத விபத்துக்களால் முகம் மற்றும் உடலில் ஏற்படும் கோரங்களை சுமந்துகொண்டு வெளிவரத் தயங்கி, முடங்குபவர்கள் நம்மில் பலருண்டு. கிட்டத்தட்ட 46 வருடங்களாக, அப்படி ஆயிரக்கணக்கானவர்களை, தன் மருத்துவ சிகிச்சையால், சேவையால், வெளியுலகைத் தைரியமாக எதிர்கொள்ள வைத்து, தன்னம்பிக்கையுடன் நடமாடவைத்துக் கொண்டிருக்கிறார், டாக்டர் மாதங்கி ராமகிருஷ்ணன்.

பிளாஸ்டிக் சர்ஜரி எனப்படும் ஒட்டுறுப்பு அறுவை சிகிச்சை மற்றும் தீப்புண் மருத்துவத்துறையில் தொண்டாற்றி வரும் இவர், சென்னை, நுங்கம்பாக்கத்தில் உள்ள 'காஞ்சி காமகோடி சைல்ட்ஸ் டிரஸ்ட்’ மருத்துவ ஆராய்ச்சி நிறுவனத்தின் தலைவர். இவருடைய சேவைகளைக் கௌரவிக்கும்விதமாக, 2014-ம் ஆண்டுக்கான 'ஒளவையார் விருது’ வழங்கி கெளரவித்தது தமிழக அரசு!

''சிறுவயதில் இருந்தே, மற்றவர்களின் கஷ்டத்தை ஏதோ ஒரு வகையில் தீர்க்கும்போதெல்லாம், என் மனம் உணரும் மகிழ்ச்சி அலாதியானது. அந்த அர்ப்பணிப்புதான், மெட்ராஸ் மெடிக்கல் காலேஜில் 'பெஸ்ட் அவுட்கோயிங் ஸ்டூடென்ட்’ என்கிற சிறப்புத் தகுதியுடன் எம்.பி.பி.எஸ். முடிக்க வைத்தது. பிளாஸ்டிக் சர்ஜரி மீதான அளவில்லாத ஆர்வமும், சேவை எண்ணமும், டாக்டர் எம்.ஜி.ஆர். மருத்துவப் பல்கலைக்கழத்தில் 'டாக்ட்ரேட் ஆஃப் சயின்ஸ்' பட்டம் பெற்ற, தமிழகத்தின் முதல் பிளாஸ்டிக் சர்ஜன் என்ற பெருமையைப் பெற்றுத் தந்திருக்கிறது.

கீழ்ப்பாக்கம் மெடிக்கல் கல்லூரியின் 'பிளாஸ்டிக் அண்ட் ரீகன்ஸ்ட்ரக்டிவ்’ துறைத் தலைவராக நான் இருந்தபோதுதான், தென்னிந்தியாவிலே முதல் முறையாகவும், மிகப்பெரியதுமான 50 பெட் வசதிகளை கொண்ட 'பர்ன் யூனிட்' (Burn unit) மற்றும் அதற்கான தனி கட்டடத்தையும் எழுப்பினோம். அன்றிலிருந்து ரிட்டயர் ஆகும்வரை, கிட்டத்தட்ட 25 வருடங்களாக, என் மனமும் மூளையும் இடைவிடாமல் இயங்கிய இடம் அது'' என்று சிலிர்ப்பவர், அதன்பிறகுதான் 'காஞ்சி காமகோடி சைல்ட்ஸ் டிரஸ்ட்’ பொறுப்பேற்றிருக்கிறார். இவருடைய கணவர் ராமகிருஷ்ணன், எழும்பூர் மருத்துவமனையின் முன்னாள் முதன்மை மருத்துவர். மகள் ப்ரியா ராமச்சந்திரன், குழந்தைகள் நல அறுவை சிகிச்சை நிபுணர்.

இனி டாக்டர் மாதங்கி ராமகிருஷ்ணன் அவர்கள் யூ டியூப் உரையாடலில் பகிர்ந்துகொண்ட விஷயங்களைப் பார்ப்போம்.

இந்தியாவில் தீக்காயங்களால் பெரிதும் அவதிக்குள்ளாகக் கூடியவர்கள் பெண்கள் மற்றும் குழந்தைகளாகவே இருக்கிறார்கள்.

தீவிபத்துகள் தற்செயலானதாகவோ அல்லது குடும்ப வன்முறையால் திட்டமிட்டு உருவாக்கப்பட்டதாகவோ எப்படி வேண்டுமானாலும் இருக்கலாம். ஆனால் பாதிப்பு எண்ணிக்கையில் பெண்களும், குழந்தைகளுமே அதிகமாக இருக்கிறார்கள். பெரும்பாலான ஆண்கள், தீவிபத்தில் சிக்கிய பெண்களை காப்பாற்றி அழைத்து வந்ததாகக் கூறி எங்களிடம் அவசர சிகிச்சை பெற வருவார்கள். உண்மையில் தீவிபத்தில் பாதிக்கப்பட்டவர்களைக் காப்பாற்ற முயன்றிருந்தால் காயம் உள்ளங்கையில் இருக்க வேண்டும். பலருக்கு அப்படி இருப்பதில்லை. அதை வைத்தே அது விபத்தா? தற்கொலை முயற்சியா? அல்லது கொலை முயற்சியா? என்பதை எளிதில் கண்டறிய வாய்ப்பிருக்கிறது.

தீவிபத்துகளைத் தடுப்பதற்கான முன்னெச்சரிக்கை நடவடிக்கைகள்...

  • புடவை அணிந்து கொண்டு சமையலறையில் வேலையில் ஈடுபடும் பெண்கள் ஏப்ரன் அணிந்து கொள்வது நல்லது. எதற்காக என்றால் புடவை என்பது மிகத் தளர்வான உடைகளில் ஒன்று. காற்றுக்கு எளிதில் விலகும். சரியாக இழுத்துச் சொருகிக் கொள்ள மறந்ததாலோ, அல்லது வேலை மும்முரத்தாலோ புடவை காற்றில் பறந்து ஸ்டவ் மீது விழ அதிக வாய்ப்புகள் உண்டு. எனவே ஏப்ரன் அணிவது நல்லது. அதோடு தரை மட்டத்தில் அடுப்பு அல்லது ஸ்டவ் வைத்து பலகாரங்கள் செய்ய முயற்சிக்கும் போது மிகுந்த கவனத்துடன் இருக்க வேண்டும். குழந்தைகள் விளையாட்டுத் தனமாகப் பின்புறமிருந்து இடித்தால் பலகாரம் செய்யும் வேலையிலிருப்பவர்கள் நேராக கொதித்துக் கொண்டிருக்கும் எண்ணெய்ச் சட்டியில் தான் விழ வேண்டும். சில நேரங்களில் குழந்தைகளே கூட தெரியாத்தனமாக அவசரத்தில் ஓடி வந்து அடுப்பின் மீது விழக்கூடிய சந்தர்ப்பங்களும் அமைந்து விடலாம். இவையெல்லாம் நொடியில் நடந்து விடக்கூடிய சமாச்சாரங்கள். நடந்து முடிந்த பிறகு எண்ணி எண்ணி அவஸ்தைப் படுவதைக் காட்டிலும் முன்னெச்சரிக்கையாக சிந்தித்து நடப்பது நல்லது.
  • சமையலுக்குப் பயன்படுத்தும் அத்தனை மசாலா ஐட்டங்களையும் மைக்ரோ வேவ் ஓவனின் அருகில் வைத்துக் கொள்ள வேண்டிய அவசியமில்லை.
  • கேஸ் அடுப்புக்கும் சிலிண்டருக்குமான இணைப்புக் குழாய் 6 மாதங்களுக்கு ஒருமுறை மாற்றப்பட வேண்டும். சோம்பலினாலோ அல்லது அலட்சியத்தினாலோ இந்த வேலையை நாம் தள்ளிப்போடவோ அல்லது நிராகரிக்கவோ கூடாது. ஏனெனில் பெரும்பாலான தீ விபத்துகளுக்கு இந்த இணைப்புக் குழாயில் ஏற்படும் பழுதுகளும் முக்கியக் காரணங்களாக அமைந்து விடுகின்றன. கேஸ் சிலிண்டர்களில் எப்போதும் பெரிதாக பழுதுகள் வருவதில்லை. ஆனால் இந்த இணைப்புக் குழாய் பழுதால் கேஸ் லீக் ஆகி அதனால் தான் விபத்துக்களின் எண்ணிக்கை அதிகரிக்கிறது. இது தொடர்பான விழிப்புணர்வை இந்தியன் ஆயில் கார்ப்பரேஷன் நிறுவனத்தார் சிலிண்டர் டெலிவரி செய்யும் ஒவ்வொரு முறையும் பாம்ப்லெட்டுகள் மூலம் பொதுமக்களுக்கு ஏற்படுத்த வேண்டும். அவர்கள் அப்படித் தான் செய்து வருகிறார்கள் என்றாலும் மேலும் அதிகமான விழிப்புணர்வை இது விஷயமாகப் பொதுமக்கள் பெற வேண்டும் என நான் எதிர்பார்க்கிறேன்.

பட்டாசு வெடிப்பதால் நேரும் தீவிபத்துகள்...

தீபாவளி, புது வருடப்பிறப்பு, திருமணம், போன்ற விழாக்காலங்களில் பட்டாசு வெடிக்கிறோம். அது ஒரு கலாச்சாரமாகி விட்டது. ஆனால், தீபாவளிக்கு முதல் நாளும் தீபாவளி முடிந்த மறுநாளும் இந்த பட்டாசு வெடிப்பாளர்கள் செய்யும் அட்ராஸிட்டிகள் இருக்கின்றனவே அது மிகக் கண்டிக்கத் தக்கது. குறைந்த பட்சம் இந்த பட்டாசுகள் மற்றும் வெடிபொருட்களைத் தயாரிப்பவர்களாவது இது விஷயத்தில் பொறுப்புணர்வோடு இருக்க வேண்டும். தாங்கள் தயாரிக்கும் பட்டாசுகளில் இது இன்னின்ன வயதுக் குழந்தைகள் தான் வெடிக்க வேண்டும். 5 வயதுக்கு மேற்பட்டோருக்கானது, 10 வயதுக்கு மேற்பட்டோருக்கானது என்று அவர்கள் தங்களது தயாரிப்புகளை லேபிள் செய்ய வேண்டும். ஆனால் அவர்கள் அந்தக் கடமையை வெறும் சம்பிரதாயமாகவே செய்து வருகிறார்கள். அதனால் இப்போது பாருங்கள் பட்டாசில் விருப்பமுடைய குழந்தைகள் எனில் அவர்கள் வயதைப் பற்றியெல்லாம் கவலைப் படுவதே இல்லை. எல்லா வயதினரும் எல்லாவிதமான பட்டாசுகளையும் வெடிக்கத் தொடங்கி விடுகிறார்கள். இதனால் தான் தீபாவளி சமயங்களில் பட்டாசுகளால் தீக்காயமுற்று மருத்துவமனைக்கு வருபவர்களின் எண்ணிக்கை அதிகரித்துக் கொண்டே செல்கிறது. தீபாவளி சமயத்தில் பார்த்தீர்களானால் குறைந்த பட்சம் நாளொன்றுக்கு 20 பேஷண்டுகளுக்காவது அதிகபட்ச தீக்காயங்களுடன் நாங்கள் சிகிச்சையளித்துக் கொண்டிருக்கிறோம்.

அசட்டுத்தனமான மத நம்பிக்கைகளால் நேரும் தீவிபத்துகள்...

மத நம்பிக்கை, இறை வழிபாடு என்று சொல்லிக் கொண்டு சிலர் கையில் கற்பூரம் கொளுத்தி ஆரத்தில் காட்டி வழிபடுவதை வழக்கமாக வைத்திருக்கிறார்கள். இதனால் உள்ளங்கை பொத்துப் போகிறது. அங்கு தீயால் கருகிய தோல் பகுதியை எப்படியாவது சரி செய்யுங்கள் என்று இங்கே வந்து மன்றாடுகிறார்கள். அம்மாதிரியான சந்தர்பங்களில் காலின் உட்பாதப் பகுதியில் இருந்து சதையை எடுத்து அறுவை சிகிச்சை மூலம் உள்ளங்கையின் கருகிய பகுதியைச் சீரமைக்க வேண்டியதாகி விடுகிறது. இவையெல்லாம் ஏன்? கடவுளை இத்தனை உக்கிரமாக வழிபடச் சொல்லி அவர் யாரிடமும் சொல்லவில்லை. மதத்தின் பெயரால் தீச்சட்டி எடுப்பது, தீக்குளி இறங்குவது, கையில் கற்பூரம் கொளுத்திக் கொள்வது போன்றவற்றை எல்லாம் பெரியவர்கள் செய்யும் போது சில தற்காப்புமுறைகளை அவர்கள் கையாளக்கூடும். ஆனால் சிறுவர்களுக்கு அது தெரியாதே... அவர்களையும் இத்தகைய மூடநம்பிக்கை வழிபாட்டு முறைகளில் பெரியவர்கள் ஆழ்த்தும் போது அது பலசமயங்களில் மிகக் கோரமான தீவிபத்தாகி விடுகிறது. உதாரணத்திற்கு, 2 வயதுக் குழந்தை ஒன்றை அதன் பெற்றோர் தம்முடன் சேர்த்து தீக்குளியில் நடக்க வைக்க முயன்றிருக்கிறார்கள். இது இந்துமத சம்பிரதாயம் என்று சொன்னாலும் குழந்தை அதில் நடக்கத் தெரியாமல் தீயின் உக்கிரம் தாங்க முடியாமல் கீழே விழுந்து விட்டது. எங்களிடம் சிகிச்சைக்கு வந்த போது அதன் உடலில் 70 % தீக்காயங்கள் இருந்தன. எப்படியாவது குழந்தையக் காப்பாற்றித் தாருங்கள் என்று அழுதார்கள். நாங்கள் காப்பாற்றி விட்டோம். ஆனாலும்... இதன் பாதிப்பை நினைத்துப் பாருங்கள்.

நெருப்பில் இறங்குவது என்பது இந்தியாவில் தொன்று தொட்டு மனிதர்களின் பரிசுத்தத்தை நிரூபிக்கும் ஒரு செயலாக கையாளப்பட்டு வருகிறது. இதில் நமக்கு புராணங்களின் துணையும் உண்டு. அதன் வெளிப்பாடுகள் தான் சதி மற்றும் உடன்கட்டை ஏறும் வழக்கங்கள். அங்கிருந்து தொடங்குகின்றன நெருப்பின் மூலமாக தாம் வெறுப்பவர்கள் அல்லது தம்மை வெறுப்பவர்களைத் தண்டிக்கும் முறைகள். வெறுப்பவர்களை அயர்ன் பாக்ஸால் சுடுவது, சிகரெட்டால் சுட்டுக் கொடுமைப் படுத்துவது, அமிலத்தை முகத்தில் வீசுவது போன்ற முயற்சிகள் எல்லாம் அவற்றின் நீட்சியே. நெருப்பின் மூலமாக ஒருவரை எளிதில் கொல்ல முடியும் என்பது எல்லோருக்கும் தெரிந்த உண்மை. எனவே நெருப்பை எந்த வடிவத்திலாவது ஒரு ஆயுதமாகப் பயன்படுத்தி தண்டனை தரும் வழக்கம் மனிதர்களிடையே ஒரு புரையோடிப் போன பழக்கமாக நீடிக்கிறது. இப்போது தற்கொலை செய்து கொள்ளப் புதிய பல முறைகளை மனிதர்கள் கண்டுபிடித்து விட்டார்கள், ஆனால் ஆதியில் நெருப்பு மட்டுமே அவர்களது ஒரே மார்க்கமாக இருந்தது.

திரைப்படங்களில் நெருப்பைக் கையாளும் முறை மிக கண்டிக்கத்தக்கதாக இருக்கிறது. நெருப்பு உண்மையில் மனிதனின் நண்பன். ஆனால், அதை எப்படியெல்லாம் தவறாகப் பயன்படுத்தக் கூடாதோ அப்படியெல்லாம் பயன்படுத்தி நெருப்பின் தீயஅம்சங்களைக் கற்றுத்தருவனவாக இன்றைய திரைப்படங்கள் இருக்கின்றன. இதை எடுத்துச் சொன்னால், எங்கள் வேலையில் தலையிடாதீர்கள் என்கிறார்கள் அவர்கள். அந்த மனப்பான்மை தவறு. 

தீவிபத்துகள் குறித்த விழிப்புணர்வை ஏற்படுத்த நாங்கள் பல்வேறு இடங்களுக்கும் சென்று விழிப்புணர்வு பிரச்சாரங்களை நிகழ்த்துகிறோம். ஒருமுறை எக்மோர் அரசுப் பள்ளியொன்றில் நான் பேசிய போது அங்கிருந்த குழந்தைகள் தீ விபத்து குறித்தும் அதை எப்படி புத்திசாலித்தனமாக எதிர்கொள்வது என்பது குறித்தும் மிக அருமையான கேள்விகள் பல கேட்டார்கள். அம்மாதிரியான விழிப்புணர்வுக் கேள்விகள் எல்லாக் குழந்தைகளின் மனதிலும் எழ வேண்டும். தங்களது பாடத்திட்டங்களோடு சேர்த்து குழந்தைகள் இப்படியான தற்காப்பு கல்வியையும் பெற வேண்டும். நாங்கள் எங்களோடு வரும் பயிற்சி பெற்ற தீயணைப்புத்துறை அலுவலர்கள் மூலமாக தீவிபத்துகளை எப்படி சாமர்த்தியமாக எதிர்கொள்வது என்பதை செயல்முறையில் விளக்குவது உண்டு. அப்போது ஆர்வமுள்ள குழந்தைகள் பலர் அதில் அஞ்சாமல் கலந்துகொண்டு அந்த டெமோ நிகழ்ச்சியை பயமின்றி எதிர்கொண்டார்கள். நமது அரசாங்கள் தீயணைப்புத் துறையில் சாதிக்கும் வீரர்களுக்கும் கூட பத்மஸ்ரீ போன்ற கெளரவமிக்க விருதுகளை அளிக்கலாம். ஆபத்துக் காலங்களில் அவர்களது பணி மகத்தானது. கும்பகோணம் பள்ளித்தீவித்தின் போது தீயணைப்புத் துறை வீரர்கள் மிக அருமையாகச் செயல்பட்டார்கள்.

குடும்ப வன்முறை தீவிபத்துகள்...

வரதட்சிணைத் தகராறு காரணமாக மண்ணெண்ணெய் ஊற்றி மருமகள் எரிப்பு, கேஸ் ஸ்டவ் லீக்காகி இளம்பெண் மரணம், என்பது போன்ற குடும்ப வன்முறையில் பெண்கள் பாதிப்படையும் போது பெரும்பாலும் அதை விபத்து என்றோ தற்கொலை முயற்சி என்றோ கூறி குற்றவாளிகள் தப்பிக்க முயல்கிறாரகள். பெண்ணைப் பெற்றவர்களும், அப்படிப்பட்ட வழக்குகளை விசாரிக்கும் காவல்துறை கமிஷனர்களும் அத்தகைய குற்றங்களை வெளிச்சத்திற்கு கொண்டு வந்தே ஆக வேண்டும் என்று தீவிரமாக முயன்றால் மட்டுமே அந்த விபத்துகளில் தண்டனை பெற்றுத் தர முடிகிறது. இது விஷயத்தில் பெண்களுக்கும் சரி, பெற்றோருக்கும் சரி மேலும் விழிப்புணர்வு தேவைப்படுகிறது. அவர்கள் தவறு செய்தவர்களை எக்காரணம் கொண்டும் மன்னிக்கக் கூடாது.

அரசியல் தீ விபத்துகளும் ஆசிட் முட்டை எரிதலும்...

இந்தியாவில் தலைவர்களின் ராஜினாமா, கைது மற்றும் மரணத்திற்காக தொண்டர்கள் தீக்குளிப்பு என்ற விஷயம் இன்று ஒட்டுமொத்த உலகையை இந்தியாவின் பக்கம் திரும்பிப் பார்க்கச் செய்யும் விதத்தில் இருக்கிறது. தீக்குளிப்பில் ஒருவர் மரணமடைவதே பெரும் சோகம் அதிலும் தீக்குளித்தவர் குற்றுயிரும், குலையுயிருமாக மீட்கப் பட்டால் அப்போது அவர்கள் படும் அவஸ்தைகள் நரகத்திற்கு ஒப்பானவை. அதைப் பற்றிய முன்கூட்டிய ஞானம் இருந்தால் நிச்சயம் தொண்டர்கள் தங்களது தலைவர்களுக்காக இம்மாதிரியான சாகஸ முயற்சிகள் இறங்கமாட்டார்கள் என்று நினைக்கிறேன். தீக்குளிப்பு இந்தியாவில் மட்டுமே இருக்கிறது என்று சொல்ல முடியாது. உலகம் முழுவதும் இது வெவ்வேறு பரிமாணங்களில் நிகழ்த்தப்படுகிறது. மலேசியாவிலிருந்து ஒரு பேஷண்ட் எங்களிடம் சிகிச்சைக்கு வந்திருந்தார். அவரது விரோதி அவர் மீது ஆசிட் பல்பை வீசியதில் உடலெல்லாம் ஆசிட் காயங்களுடன் கிட்டத்தட்ட முக்கால்பாகம் எரிந்து போன உடலுடன் அவர் இங்கு கொண்டு வரப்பட்டிருந்தார். அவரைக் காப்பாற்றினோம். பல்பில் மிக நுண்ணிய துளையிட்டு அதில் ஆசிட்டை நிரப்பி எதிரிகளின் மீதோ வெறுப்பவர்களின் மீதோ வீசி தண்டிப்பது அங்கே ஒரு பழிவாங்கும் முறையாக பின்பற்றப்படுகிறது. சூடான பாத்திரத்தில் தெரியாமல் கை பட்டுவிட்டாலே நாம் எப்படித் துடித்துப் போகிறோம். அப்படி இருக்கையில் உடல் முழுக்க நெருப்பில் வெந்து போவது கொடுமையானது. இதை ஏன் தீக்குளிப்பு, ஆசிட் வீச்சு போன்ற செயல்களில் ஈடுபடக்கூடியவரகள் உணரவில்லை என்பது தான் மிகப்பெரிய கேள்விக்குறி. இம்மாதிரியான விபத்துகளில் வலி மட்டுமல்ல தீக்காயங்களால் உடலில் உண்டாகும் எரிச்சல், நமைச்சலை எந்தச் சொல்லாலும் விவரிக்க முடியாது.

தீக்குளிப்பைக் கண்டு அஞ்சும் உலக தற்கொலை ஆர்வலர்கள்... 

யூ.கே வில் லண்டனை மையமாகக் கொண்டு இயங்கும் தற்கொலை அமைப்புகள் பல உள்ளன. அவற்றில் உறுப்பினர்களாக இருக்கும் விந்தையான மனிதர்கள் பலர், எப்படியெல்லாம் தற்கொலை செய்து கொள்ளலாம் என அவ்வப்போது அந்த அமைப்புகள் வாயிலாகப் பகிர்ந்து கொள்வார்கள். அதை நமது மீடியாக்கள் துப்பறிந்து செய்தியாக்கி இருந்தார்கள். அந்த அமைப்பினரே கூட தற்கொலை செய்துகொள்ள தயவு செய்து நெருப்பை மட்டும் தேர்ந்தெடுத்து விடாதீர்கள் என தங்களது சக உறுப்பினர்களிடம் கோரிக்கை விடுத்திருக்கிறார்களாம். பெண்டதால் சோடியம் மருந்தை இஞ்ஜெக்‌ஷன் வாயிலாக உடலில் ஏற்றினால் இரண்டே நொடிகளில் வலிக்காமல் மரணித்து விடுவார்கள். பல மருத்துவர்கள் வலியின்றி தற்கொலை செய்து கொள்ள இந்த வழியைத் தான் தேர்ந்தெடுத்துக் கொள்கிறார்கள். ஒருவர் தற்கொலை செய்து கொள்வது என்று தீர்க்கமாக முடிவெடுத்து விட்டால் இப்படி முயற்சிக்கலாம். அனாவசியமாக நெருப்பைத் தேர்ந்தெடுத்து உயிரோடு சித்ரவதைக்கு உள்ளாகத் தேவையில்லை என்பதாக இருந்தது அந்த சங்கத்தினரின் கலந்துரையாடல்.

நெருப்பை தற்கொலைக்கான மார்க்கமாகத் தேர்ந்தெடுத்த பெண்ணொருவர் எங்களிடம் சிகிச்சைக்கு வந்திருந்தார். அவரை தீவிர சிகிச்சைப் பிரிவில் வைத்துக் கண்காணித்துக் கொண்டு இருந்தோம். கணவர் மீதான கோபத்தில் தன்னைத்தானே எரித்துக் கொண்டு மிக மோசமான தீக்காயங்களுடன் அவர் அட்மிட் ஆகியிருந்தார். கணவரைப் பயமுறுத்த இந்தச் செயலில் இறங்கும் போது அவருக்குத் தெரிந்திருக்கவில்லை இது மரண விளையாட்டு என. ஆனால், இங்கே மருத்துவமனையில் தீவிரமான தீக்காயங்களுடன் போராடும் போது அந்தப் பெண்ணுக்கு பயம் வந்துவிட்டது. நான் உள்ளே நுழைந்ததும் என் கரங்களை இறுகப் பிடித்துக் கொண்டு ஓவென்று கதறி அழுதார். என்னை எப்படியாவது காப்பாற்றி விடுங்கள் என்று மன்றாடினார். ஆனால், என்ன செய்வது? காப்பாற்றவே முடியாத அளவுக்கு உடலில் பெரும்பகுதி நெருப்புக்கு இரையான பின் எப்படிக் காப்பாற்ற முடியும். அவர் இறந்து விட்டார். இந்தச் சம்பவம் மறக்க முடியாத அளவுக்கு பல ஆண்டுகளாக என்னில் பாதிப்பை ஏற்படுத்தக் கூடிய ஒன்றாக நிலைபெற்று விட்டது.

கொதிக்கும் எண்ணெயால் தீக்காயம் ஏற்பட்டால் தண்ணீர் ஊற்றி அதை அணைக்கக் கூடாது. எண்ணெயும், தண்ணீரும் கலந்து உடலில் காயத்தை இன்னும் ஆழமானதாக்கி விடும். எல்பிஜி கேஸால் விபத்து எனில் ஜன்னல் மற்றும் கதவுகளை விரியத் திறந்து வைக்க வேண்டும். அதோடு எல்பிஜிகாரர்கள் ஒவ்வொருமுறையும் கேஸ் சிலிண்டர் விபத்துகள் நிகழ்வதற்கான முகாந்திரங்களைப் பட்டியலிட்டு பொதுமக்களுக்கு விநியோகிக்கலாம். அலுவலகங்கள் மற்றும் திரையரங்குகளில் தீயணைப்பு சாதனங்கள் கட்டாயம் பொருத்தப்பட்டிருக்க வேண்டும். 

சில சமயங்களில் மக்களின் அறியாமையும் கூட தீவிபத்துகளுக்கு காரணமாகி விடுகிறது.

உதாரணமாக ஒரு சம்பவத்தைப் பற்றிச் சொல்கிறேன். அப்போது கடுமையான மண்ணெண்ணெய் தட்டுப்பாடு நிலவிய காலகட்டம். மக்கள் கெரோசினுக்காக அலைமோதிக் கொண்டிருந்தார்கள். வடநாட்டில் இருந்து மேற்கு வங்காளத்திலிருந்து மண்ணெண்ணெய் லோடு ஏற்றி வந்த லாரியொன்று ஒதிஷா, ஆந்திரா வழியாக தமிழ்நாட்டுக்கு வந்து கொண்டிருந்தது. இடையில் ஆந்திராவில் ஏதோ தகராறு காரணமாக அந்த லாரி தடுத்து நிறுத்தப்பட்டதில் பொதுமக்களுக்கு அந்த லாரியில் மண்ணெண்ணெய் லோடு இருப்பது தெரிய வருகிறது. உடனே மக்கள் என்ன செய்கிறார்கள்? அந்த லாரியில் இருந்த கெரோசினை ஆளாளுக்கு பிரித்து எடுத்துக் கொள்ள ஆளாய் பறந்து கிடைத்த பொருட்களில் எல்லாம் மண்ணெண்ணெய் நிரப்பிக் கொண்டு செல்கிறார்கள். அந்த வழியாக வந்த பால்காரர் ஒருவர் தன்னிடமிருந்த பாலைக் கேனில் இருந்து கொட்டி விட்டு அதில் மண்ணெண்ணெய் நிரப்பிக் கொள்ளும் அவலமும் அங்கே நடக்கிறது. அப்படி நிரப்பியவர் அந்த கேனை கவனமாக எடுத்துச் சென்றிருக்க வேண்டும். ஆனால், போதிய விழிப்புணர்வு இன்மையாலும், அறியாமையாலும் என்ன நடந்தது என்றால்? பால்காரரோடு இருந்த நண்பர் ஒருவர் சிகரெட் பிடித்துக் கொண்டே சென்றவர் மிஞிய சிகரெட்டை யோசிக்காமல் பால்கேனைத் தாண்டி வீச முயற்சிக்க கேன் மொத்தமும் வெடித்து தீப்பற்றி எரிந்ததில் அந்த இருவருக்குமே கடுமையான தீக்காயங்கள். வெடிக்கக் கூடிய, எளிதில் தீப்பிடிக்கக் கூடிய பொருட்களை எப்படிக் கையாள வேண்டும் என்ற போதிய விழிப்புணர்வு நம் மக்களுக்கு வேண்டும் இல்லாவிட்டால் இப்படித்தான் தாங்களாகவே தங்களை விபத்துக்கு உள்ளாக்கிக் கொள்ளும் அவலம் நடந்து விடுகிறது.

மறக்க முடியாத கும்பகோணம் பள்ளியின் கோர தீவிபத்து!

தமிழகத்தையே உலுக்கிய கும்பகோணம் தீவிபத்தின் போது நாங்கள் அங்கே விரைந்த போதே அங்கே பெரும்பாலான குழந்தைகள் இறந்து விட்டார்கள். பாதிக்கப்பட்ட குழந்தைகளில் 20% பேரை மட்டுமே எங்களால் காப்பாற்ற முடிந்தது. பாக்கியுள்ள குழந்தைகள் அத்தனை பேருக்கும் உடல் உள்ளுறுப்புகள் நெருப்பால் வெந்து போயிருந்தன. அப்படிப்பட்டவர்களில் பலரை எங்களால் காப்பாற்ற முடியவில்லை. எங்களுக்கென்று ஒரு கூட்டமைப்பு இருக்கிறது. பர்ன்ஸ் அசோஸியேசன் ஆஃப் இந்தியா மற்றும் பர்ன்ஸ் அகாதெமி ஆஃப் இந்தியா என்ற பெயரில் இயங்கும் எங்களது கூட்டமைப்பின் உறுப்பினர்கள் நாடு முழுவதும் இருக்கிறார்கள். அவர்களும் அப்போது அங்கே உதவிக்கு வந்திருந்தார்கள். ஆனால், கடுமையான தீக்காயங்களால் பாதிக்கப்பட்ட குழந்தைகளை எங்களால் காப்பாற்ற முடியவில்லை. சிலர் அரசு மருத்துவமனைகளிலும், சிலர் தனியார் மருத்துவமனைகளிலும் சிகிச்சை எடுத்துக் கொள்ள விரைந்தார்கள். ஆனால், கும்பகோணம் பள்ளியில் நிகழ்ந்த தீவிபத்து மிகக்கோரமான தீவிபத்துகளில் ஒன்று.

இந்தியாவின் தோல்வங்கி குறித்து சில தகவல்கள்...

நம் நாட்டில் மகாராஷ்டிராவில் மட்டும் தான் முன்பு தோல்வங்கி இருந்தது. இங்கே கடுமையான தீக்காயம் அடைந்தோருக்கு மாற்றுத்தோல் பொருத்த நாம் அவர்களைத் தான் நம்பியிருந்தோம். தோல் வங்கிகள் எப்படிச் செயல்படுகின்றன என்றால், இறந்தவர்களின் சடலங்களில் இருந்து அவரது பெற்றோர் அல்லது நெருங்கிய உறவினர் அனுமதியுடன் பெறப்படும் தோல் மைனஸ் 30 டிகிரி குளிர்பதனத்தில் பாதுகாக்கப்படும். தோல்வங்கிகள் பொதுவாக இறந்தவர்களின் சடலங்களில் இருந்து உடலின் பின்பாகத்தில் உள்ள தோலையே எடுத்து பதப்படுத்துவதால் மீண்டும் அந்த உடலுக்கு இறுதிச் சடங்கு செய்யப்படும் போது அதிலிருந்து தோல் நீக்கப்பட்டிருப்பதே தெரியாத அளவுக்கே தோல்தானம் இருக்கும்படியாகப் பார்த்துக் கொள்ளப்படுகிறது. இது ஒரு நல்ல திட்டம். ஏனென்றால் உலகிலேயே நெதர்லாந்தில் தான் முதல்முறையாக மிகப்பெரிய தோல்வங்கி இருந்தது. இப்போது இந்தியாவில் மகாராஷ்டிர மாநிலம் தவிர தென்னிந்தியாவில் சென்னை கீழ்பாக்கம் அரசு மருத்துவமனையில் முதல்முறையாக 2018 ஆம் ஆண்டு ஜனவரி மாதத்தில் தமிழ்நாடு உறுப்பு தான ஆணையம் மற்றும் தேசிய உறுப்பு திசு மாற்றுதல் எனும் இரு அமைப்புகளின் முயற்சியில் அரசு தோல்வங்கி தொடங்கப்பட்டுள்ளது. இதுவே தென்னிந்தியாவின் முதல் தோல்வங்கி.

தீக்காயத்தில் மேல் தோல் முற்றிலுமாகக் கருகும் போது மாற்றுத்தோல் தேவைப்படுகிறது. இந்த மாற்றுத்தோலை நோயாளியின் உடலில் இருந்து எடுப்பதென்றால் மிக நல்லது. நோயாளியின் உறவினர் அல்லது பெற்றோர் தோல் தானம் செய்கிறார்கள் என்றால் அதை  ஹோமோகிராஃப்டிங் என்போம் அதுவும் கூட  நல்லதே. ஆனால், இதை நாம் தமிழ்நாட்டில் காண முடியாது. குஜராத் மாநிலத்தில் யாரோ ஒருவருக்கு கடுமையான தீக்காயம் என்று வைத்துக் கொள்ளுங்கள், அங்கே பாதிக்கப்பட்ட நோயாளிக்கு தோல் தானம் செய்ய அத்தை, மாமா, தாத்தா, பாட்டி என்று எல்லோருமே ஓடி வந்து தங்களது தோலை தானமாகத் தர முன்வருவார்கள். அந்த தோலை வைத்துக் கொண்டு நாங்கள் இரண்டு, மூன்று வாரங்களுக்கு சிகிச்சை அளிக்கலாம். அவருக்கு வலி குறையும். மனிதத் தோலின் இயல்புப்படி அது வளரவும் தொடங்கும் எனவே அம்மாதிரியான சந்தர்பங்களில் உறவினர்கள் தோல்தானம் அளிப்பது வரவேற்கத் தக்க அம்சம்.

தோல் தானம்...

அப்படியல்லாமல் தோல் தானம் பெற பிறரை நம்பி இருப்பவர்கள் விஷயத்தில் தாமதத்தை சமாளிக்க நாங்கள் கொலாஜன் மெம்பரேனைக் கண்டுபிடித்தோம். இந்த மெம்பரேனை நோயாளியின் காயத்தின் மீது தகுந்த சிகிச்சை முறையில் அப்ளை செய்து விட்டால் குறிப்பிட்ட கால இடைவெளியில் அது மேற்புறத்தோலை வளரச் செய்து தடிமனாக்கி தோல் பாதிப்படையும் விகிதத்தைக் குறைக்கும். தீக்காயங்களில் மூன்று விதம் உண்டு. 1, 2,3 இதில் முதல் இரண்டு கேட்டகிரியைச் சேர்ந்தவர்களை எங்களால் நிச்சயம் காப்பாற்றி வீட்டுக்கு அனுப்பி விட முடியும். 3 தான் மிகக் கடுமையானது. ஆரம்பத்தில் நாங்கள் ஆம்னியாட்டிக் மெம்பரேன் பொருத்துதல் எனும் சிகிச்சைமுறையைப் பின்பற்றி வந்தோம். ஆனால், உலகில் எய்ட்ஸ் நோயின் தாக்கம் அதிகரிக்கத் தொடங்கியதும் அந்த முறை தடை செய்யப்பட்டு விட்டது. ஆம்னியாட்டிக் மெம்பரேன் என்பது தாயின் தொப்புள் கொடி ரத்தத்தில் இருந்து பெறப்படும் மெம்பரேனை அடிப்படையாகக் கொண்ட சிகிச்சைமுறை. அதற்குப் பிறகு தான் கொலாஜன் மெம்பரேன் முறையைப் பின்பற்றத் தொடங்கினோம். அது மிகச்சிறந்த முறையாக இன்றளவும் கருதப்படுகிறது. இறந்த ஆடு, கன்று போன்றவற்றின் தோல் சீரத்தில் இருந்து பெறப்படும் இந்த மெம்பரேன் மிகப்பாராட்டப் பட வேண்டிய முறைகளில் ஒன்று.

பிளாஸ்டிக் சர்ஜனாகும் தகுதி...

ஒருவர் பிளாஸ்டிக் சர்ஜன் ஆக வேண்டுமென்றால் முதலில் அடிப்படை மருத்துவ முதுநிலைக் கல்வியான எம் எஸ் முடிக்க வேண்டும். அதன் பிறகு மூன்றாண்டு தோல் மருத்துவப் படிப்பான எம்சிஹெச் முடிக்க வேண்டும். அதையடுத்து 6 ஆண்டுகள் கழித்தே அவர் ஒரு தகுதி வாய்ந்த பிளாஸ்டிக் சர்ஜனாகக் கருதப்படுவார். பிளாஸ்டிக் சர்ஜனாகும் தகுதி வந்ததால் அவர் ஒரு சிறந்த அனுபவமிக்க பிளாஸ்டிக் சர்ஜன் என்று கருத முடியாது. அந்த நிலையை அடைய அவர் ஒரு மருத்துவக் கல்லூரியில் துணைப்பேராசிரியராக இணைந்து பணியாற்றி இத்துறையில் போதிய அனுபவம் பெற வேண்டும்.

இன்சூரன்ஸ் கம்பெனிகளின் கவனத்துக்கு... 

பிளாஸ்டிக் சர்ஜரியை காஸ்மெடிக் சர்ஜரியாக இன்ஸூரன்ஸ் கம்பெனிகள் அணுகுவதைத் தவிர்க்க வேண்டும். மிக ஏழ்மையானவர்கள் உதட்டுப் பிளவு அறுவை சிகிச்சைக்காகவோ அல்லது வேறு ஏதேனும் பிறவிக் குறைபாடு காரணமாகவோ பிளாஸ்டிக் சர்ஜரி செய்து கொள்ள வேண்டிய நிலை வந்தால் அதற்கான தொகையை சேமிப்பதற்காக அவர்கள் மாதக் கணக்கில் காத்திருக்க வேண்டியதாக இருக்கிறது. சில சமயங்களில் காத்திருப்பே உபயோகமற்றதாக மாறி விடக்கூடும். இதை சம்மந்தப்பட்ட இன்ஸூரன்ஸ் நிறுவனங்கள் கணக்கில் கொள்ள வேண்டும். நான் யுனைடேட் இந்தியா இன்சூரன்ஸ் நிறுவனத்தின் தலைமை அதிகாரியிடம் இது குறித்து பெர்சனலாகக் கோரிக்கை வைத்தபோதும் அவர்கள் இதை உயிர்காக்கும் அறுவை சிகிச்சைமுறைகளில் ஒன்றாக ஏற்றுக் கொள்ள மறுத்தார்கள் என்பதே நிஜம்.

நியாயமான காரணங்களுக்காக காஸ்மெடிக் சர்ஜரிகள்...

உலகநாடுகளிடையே இந்தியப் பெண்களுக்கு அத்தனை சீக்கிரத்தில் வயோதிகம் வருவதில்லை. மேலை நாடுகளோடு ஒப்பிடுகையில் இந்தியப் பெண்கள் இளமையாகத் தான் தோன்றுகிறார்கள். இந்தியர்களை விட சீனப் பெண்கள் 80 வயதிலும் கூட 40 வயது போல தோற்றமளிக்கக் கூடியவர்கள் உண்டு. அது அவரவர் நாட்டின் சீதோஷ்ண நிலை மற்றும் மக்களின் வாழ்க்கை முறை சார்ந்தது. அழகியல் காரணங்களுக்காக பிளாஸ்டிக் சர்ஜெரி செய்துகொள்வதை சில சமயங்களில் நியாயப் படுத்த முடியும். ஒரு இளைஞர், தான் ஒரு விளம்பர மாடல் என்றும் தன் முகத்தில் இருக்கும் வடு தனது மாடலிங் தொழிலுக்கு உறுத்தலாக இருப்பதால் அதை சரி செய்ய வேண்டுமென்றும் சொல்லி பிளாஸ்டிக் சர்ஜரி செய்து கொள்ள விரும்புவதை நாம் தவறெனச் சொல்ல முடியாது. அதில் ஒரு நியாயமான காரணம் இருக்கிறது. இதுவே சினிமாத்துறையில் இருப்பவர்களுக்கும் பொருந்தும். ஆனால், எப்போது இது தவறாகிறது என்றால் ஒருவர் தொடர்ந்து லிப்போ சக்‌ஷன் என்றும், ஃபேஸ் சர்ஜரி என்றும் மீண்டும் மீண்டும் முயன்று உடல் ஆரோக்யத்தைக் கெடுத்துக் கொள்ள முயலும் போது தான் இது ஆபத்தானதாகிறது. அது தவறு.

தீவிபத்தின் காரணமாக உடல் மற்றும் தோற்றக் குறைபாடு அடைந்தவர்களை சகஜமாக அணுகும் மனப்பான்மை...

தீக்காயங்களால் உடலுறுப்புகளை இழந்த குழந்தைகள், முகம் சிதைந்த குழந்தைகள் பிற குழந்தைகளுடன் இணைந்து பழகலாம். அதனால் ஒன்றும் இல்லை. அவர்கள் நார்மல் பள்ளிகளில் பயிலலாம். அவர்களால் பிற குழந்தைகளைப் போலவே நார்மலாக செயல்படமுடியும். அந்தக் குழந்தைகள் இயல்பான வாழ்வை எதிர்கொள்ள பொதுமக்களும் தங்களாலான பங்களிப்பைச் செய்ய வேண்டும். அது என்னவென்றால் அவர்களை பேதம் பார்த்து தங்களது குழந்தைகளை அணுக விடாமல் தடுப்பதை தவிர்த்தாலே போதும்.

தீவிபத்தில் பாதிப்படைந்தவர்களுக்கான வேலைவாய்ப்பு...

குழந்தைகள் மட்டுமல்ல தீவிபத்துகளால் மோசமான உடல் குறைபாடுகளுக்கு ஆளானவர்களை பணியில் வைத்துக் கொள்வதும், வேலை வாய்ப்பு தருவதும் சமூகத்தில் குறைவு. அவர்களுக்கான வேலை வாய்ப்புகளைத் தருவதில் சுய விருப்பு, வெறுப்புகள், கற்பனைகள் தேவையற்றவை. அவர்களுக்குத் தங்களால் சுயகால்களில் நிற்க முடியும் என்ற தன்னம்பிக்கை உணர்வு தருவது நம் ஒவ்வொருவருடைய கடமையும் கூட. இந்த விஷயத்தில் அதிகம் பாதிக்கப்படுவது பெண்களே! என்ன செய்வது இம்மாதிரியான புறக்கணிப்புகளை இந்த சமூகம் தவிர்க்க வேண்டும்.

உண்மையில் தீவிபத்தால் மோசமாகப் பாதிக்கப்பட்டவர்களை இந்த சமூகம் அணுகும் விதம் மாற வேண்டும். சிலரை இந்த விஷயத்தில் பாராட்டலாம்,  ஒருமுறை ஒரு பெண்ணின் சிகிச்சைக்கு அதிகத் தொகை தேவைப்பட்டது. உதவி பெறுவதற்காக நாங்கள் விளம்பரம் கொடுத்திருந்தோம் அதைப் பார்த்து பலவிதமான மனிதர்கள் சிகிச்சைக்காகப் பணம் அனுப்பியிருந்தார்கள். அவர்களில் ஒரு மனிதர் திருப்பூரில் கார்மெண்ட் ஃபேக்டரி வைத்திருப்பவர். அவர் 1 லட்சம் ரூபாய்க்கு செக் அனுப்பி விட்டு, டாக்டர்,  சில ஆண்டுகளுக்கு முன்பு நீங்கள் என் மகனுக்கு சிகிச்சையளித்து காப்பாற்றினீர்கள். அப்போது என்னிடம் அத்தனை பணமில்லை. ஆனால், இப்போது இருக்கிறது நீங்கள் பரிந்துரைக்கும் நோயாளிகளுக்கு எப்போது வேண்டுமானாலும் என்னை அணுகலாம். அவர்களது சிகிச்சைக்காக என்னிடம் தொகை நிரப்பப்பட்ட செக் தயாராக இருக்கும் என்றார். இப்படிப்பட்ட தயாள குணம் கொண்ட மனிதர்களும் நம்மிடையே தான் வாழ்ந்து கொண்டிருக்கிறார்கள்.

ஆத்ம திருப்தி...

தீக்காயத்தால் கடுமையாகக் காயமுற்ற நோயாளிகளை நாம் சிகிச்சையளித்துக் காப்பாற்ற முடிவது கூட சமயங்களில் பெரிதாகத் தோன்றவில்லை. சிகிச்சைக்குப் பிறகு அவர்களது வாழ்க்கை என்னவாகும்? அவர்கள் தங்களது குறைபாடுகளுடன் இந்த உலகை எதிர்கொள்ள எத்தனை தூரம் அஞ்சுகிறார்கள்? மனதளவில் இந்த உலகை எதிர்கொள்ள அவர்கள் எத்தனை தூரம் கடுமையாகத் துன்புறுகிறார்கள் என்பதில் இருக்கிறது விஷயம். அவர்கள் தங்களது சவால்களை எதிர்த்துப் போராடி இந்த உலகில் தமக்கான வாழ்தல் உரிமையை மீட்டுக் கொள்ள வேண்டியிருக்கிறது. அப்படிப் போராடி வென்ற நோயாளிகள் அனேகம் பேர் இருக்கிறார்கள். 

அப்படி வென்றவர்களின் கடிதமோ, வாழ்த்தோ, நன்றியுரைத்தலோ அவ்வப்போது எனது மேஜையில் இருக்கும். அதைக் காணும் போதெல்லாம் நான் தேர்ந்தெடுத்த எனது மருத்துவ சேவையின் பால் எனக்குப் பெருமிதமும் தோன்றும். அது தான் எனது வேலையின் மூலமாக எனக்குக் கிடைத்த மிகப்பெரிய கெளரவ விருது எனக் கருதுகிறேன் நான்.

சென்னை கீழ்பாக்கம் அரசு மருத்துவமனையில் 50 நோயாளிகளுடன் தொடங்கிய தீக்காய சிகிச்சைத்துறை இன்றைக்கு இத்தனை வளர்ச்சியுற்று தனிச் சிறப்புமிக்க சிகிச்சையளிக்கக் கூடிய மருத்துவமனைகளில் ஒன்றாக வளர்ந்து நிற்பதைக் கண்டு நான் பெருமையுறுகிறேன். 

டாக்டர் அப்துல் கலாமின் பாராட்டு...

டாக்டர் அப்துல் கலாம் கையால் பத்மஸ்ரீ விருது பெறும் போது அவர் எனக்குச் சொன்னது;

நான் ஏன் இந்த விருதுக்கு உங்களைத் தேர்ந்தெடுத்தேன் என்று தெரியுமா? என்று கேட்டார்.

நான் தெரியாது என்றேன், அதற்கு அவர் அளித்த பதில்;

இந்த விருதை உங்களது சான்றிதழ்களுக்காகவும், நீங்கள் பெற்றுள்ள மற்றை பிற கெளரவ விருதுகளின் அடிப்படையிலும் நான் உங்களுக்குத் தர முன் வரவில்லை. நான் உங்களை பத்மஸ்ரீக்குத் தேர்ந்தெடுக்க முக்கியமான காரணம், நீங்கள் இதுவரை 40,000 நோயாளிகளின் தீக்காயமுற்ற உடல்களை உங்களது கைகளால் தொட்டு சிகிச்சையளித்திருக்கிறீர்கள். அந்த அர்ப்பணிப்பு உணர்வுக்காக மட்டுமே நான் இந்த விருதுக்கு உங்களைத் தேர்ந்தெடுத்திருக்கிறேன் என்றார். 

அப்துல் கலாமிடமிருந்து அப்படி பாராட்டுப் பெறுவது எனக்கு மிகப் பெருமிதமாக இருந்தது. அந்த நாள் என் வாழ்வில் மிக முக்கியமான நாள். மற்றபடி விருது மயக்கங்கள் எல்லாம் எனக்கு இல்லை. என் தொழிலில் நன் விரும்பி தேர்ந்தெடுத்த எனது துறையில் நான் திருப்தி அடைந்தேன். அடைந்து கொண்டிருக்கிறேன்.

]]>
டாக்டர் மாதங்கி ராமகிருஷ்ணன், பிளாஸ்டிக் சர்ஜன், பத்மஸ்ரீ, தீக்காயம் மற்றும் பிளாஸ்டிக் சர்ஜரி சிறப்பு மருத்துவப் பிரிவு, Doctor madhangi ramakrishnan, plastic surgeon, padmasri award winner http://images.dinamani.com/uploads/user/imagelibrary/2018/5/25/w600X390/dr.jpg http://www.dinamani.com/lifestyle/lifestyle-special/2018/may/25/dr-madhangi-ramakrishnan---must-to-be-known-2926704.html
2926064 லைஃப்ஸ்டைல் ஸ்பெஷல் நத்தை கிரேவி... உலகம் முழுவதும் பல்லாண்டுகளாக இது மிக ருசியான ஸ்பெஷல் ரெஸிப்பிகளில் ஒன்று! கஸ்தூரி ராஜேந்திரன், தேனி. Thursday, May 24, 2018 05:02 PM +0530
‘வாகை சூட வா’ திரைப்படத்தில், ஒரு பாடல்காட்சியில் இனியா, வாத்தியார் விமலுக்கு நத்தை அவித்து சாப்பிடத் தருவார். முதல்முறை அந்தக் காட்சியைக் காணும் போது வியப்பாக இருந்தது. அட நத்தையைக் கூடவா சாப்பிடுவார்கள்? என்று ஒரே அதிசயமாகக் கூட இருந்தது. ஆனால் இணையத்தில் நத்தை கறி என்று தேடிப்பார்த்தால் உலகம் முழுதும் மக்கள் விதம் விதமாக நத்தையை ரசித்துச் சமைத்து ருசித்துச் சாப்பிட்டுக் கொண்டு தான் இருக்கிறார்கள் எனத் தெரிய வருகிறது. நத்தை வேண்டுமானால் மெதுவாக ஊர்ந்து செல்லலாம் ஆனால் அதன் கறியோ தொண்டைக்குள் வழுக்கிக் கொண்டு இறங்கும் என்கிறார்கள் ஒருமுறை அதை உண்டு பழகியவர்கள்.

  • கிட்டத்தட்ட ஆய்ஸ்டர், ஸ்கைலாப், ஸ்குயிட் வெரைட்டிகளைப் போன்ற சுவையுடனிருக்கும் நத்தை கறி மூலவியாதிக்கு நல்லது என்ற நம்பிக்கை பலரிடம் இருக்கிறது.
  • சிலர் கடுமையான வறட்டு இருமலுக்கு இதை நல்ல மருந்து என்கிறார்கள்.

சரி நத்தை இந்தியப் பாரம்பரிய உணவு வகைகளிலும் ஒன்றே என்பதால், வாழ்நாளில் ஒருமுறையேனும் நத்தையை ருசி பார்க்கும் ஆர்வம் இருப்பவர்களுக்கு அதை எப்படிச் சமைப்பது எனக் கற்றுத் தரும் முயற்சியே இந்த புதிய ரெசிப்பியின் நோக்கம்.

நத்தைகளில் இரண்டு வகை உண்டு;

நில நத்தை, கடல் நத்தை.

இதில் நில நத்தை என்பது மழைக்காலங்களில் காடு, கழனிகள், ஈரப்பதமான இடங்கள் மற்றும் நன்னீர் ஏரி, குளம் போன்ற தண்ணீர் தேங்கியுள்ள பகுதிகளில் கிடைக்கக் கூடியது. பொதுவாக அதிக விஷத்தன்மை அற்றது.

கடல் நத்தையில் கொடிய விஷம் கொண்ட வகைகளும் உண்டு. அந்த விஷத்தன்மை அவற்றின் இரைகளைப் பிடிக்கவே பயன்படுத்தப் படுகிறது. மனிதர்கள் தப்பித் தவறி கடல் நத்தைகளின் விஷக் கொடுக்குகளில் அகப்பட்டுவிட்டார்கள் எனில் உயிராபத்து இல்லையென்றாலும் பக்கவாதத்தில் கொண்டு விடும். அடடா... அதை ஏன் இப்போது சொல்கிறீர்கள்? நத்தையைப் பிடித்து சமைத்துச் சாப்பிடப் போகையில் இதென்ன அபச்சொல் என்று நினைத்து விடாதீர்கள். ஒன்றைத் தொடங்கும் முன் நன்மை, தீமை இரண்டையும் தெரிந்து வைத்துக் கொள்ள வேண்டுமே!

இந்தியன் ஸ்பெஷல் நத்தை கிரேவி...

செய்முறை: 

நம்மூரில் குறிப்பாக தஞ்சை மாவட்டத்தில் நத்தை சாப்பிடும் வழக்கம் அதிகம். வயல்களில் கிடைக்கும் நத்தைகளை உயிரோடு பிடித்து வந்து கொதிக்க வைத்த நீரில் சற்று நேரம் போட்டு வைத்தால் போதும் நத்தை இறந்து விடும் பிறகு ஓடுகளை உடைத்து நத்தைகளைத் தனியாகப் பிரித்தெடுத்து நல்ல தண்ணீரில் இரண்டு, மூன்று முறை நன்கு அலசி ஒரு பாத்திரத்தில் எடுத்து வைத்து விட்டு, அடுப்பை ஏற்றி அதில் பெரிய வாணலியை வைத்து சமையல் எண்ணெய் ஊற்றி பெரிய வெங்காயம், பச்சை மிளகாய் அரிந்து போட்டு வதக்கி அதனுடன் நைஸாக நசுக்கிய இஞ்சி, பூண்டு விழுது சேர்த்து வதக்கி தேவையான அளவு உப்பிட்டுக் கிளறிக் கொண்டே இருக்கவும். நத்தை கறி வெந்து கொண்டே இருக்கும் போது அதனுடன் தேவையான அளவு மஞ்சள் தூள், கரம் மசாலா, மிளகாய்த்தூள் சேர்த்து நன்கு கிளறவும். பிறகு நத்தை கறியின் அளவுக்கு ஏற்ப அரை லிட்டர் முதல் 1 லிட்டர் வரை தண்ணீர் விட்டு கறியை நன்கு வேக விடவும். இறுதியில் ஒரு கைப்பிடி பொறிகடலையை அப்படியே கல்லுரலில் நைஸாக அரைத்தோ, அல்லது மிக்ஸியில் அரைத்தோ குழம்பு நன்றாகக் கொதித்து வரும் போது அதில் சேர்த்துக் கிளறவும். கறி நன்கு வெந்த வாசம் வந்ததும் அடுப்பை அணைத்து குழம்பை இறக்கி அதில் பொடியாக நறுக்கிய கொத்துமல்லித் தளை தூவி இறக்கவும்.

இப்போது நத்தை கறி பரிமாறத் தயார்.

மேலே சொன்னது ஆந்திரத்து பாட்டி ஸ்டைல் நத்தை குழம்பு.

கம்போடியன் ஸ்பெஷல் நத்தை கிரேவி செய்முறை...

இதையே கம்போடியன் ஸ்டைலில் செய்வதென்றால் பொறிகடலை அரைத்துச் சேர்ப்பதற்கு பதிலாக நிலக்கடலையை பாதியாக உடைத்துச் சேர்த்துச் சமைக்கிறார்கள் அங்கு. அதோடு நத்தையின் ஓட்டையும் அவர்கள் முழுதாக உடைப்பதில்லை. நம்மூரில் மீன்களை அப்படியே முழுதாகப் பொரிப்பதென்றால் மேலே கீறித்தருவார்களே அப்படி நத்தையோட்டின் தலைப்பகுதியைக் கீறி ஓட்டை போட்டு அதனுள் நன்றாக மசாலா இறங்கும் வண்ணம் செய்து அப்படியே ஓட்டுடன் சமைக்கிறார்கள் கம்போடியாவில். மற்றபடி ரெஸிப்பி என்னவோ இந்தியன் ஸ்டைல் தான். கறி நன்றாக வெந்து கிரேவி தயாரானதும் உள்ளிருக்கும் நத்தை கறியை டூத்பிக்கால் சுண்டி இழுத்துச் சுவைக்கிறார்கள். அது கிட்டத்தட்ட நன்றாக வேக வைத்த நல்லி எலும்புக் குழம்பில் இருந்து மஜ்ஜையை உறிஞ்சிச் சுவைத்து உண்பதற்கு ஒப்பானதாக இருக்கிறது.

நத்தை கறி சுத்தம் செய்வது எப்படி?

நத்தையை நீங்கள் நன்னீர் ஏரிகளில் பிடித்து உண்பதாக இருந்தாலும் சரி, கடல் நத்தைகளை கடையில் வாங்கி உண்பதானாலும் சரி அவற்றை சுத்தம் செய்வது கொஞ்சம் கஷ்டமான வேலையே. பொதுவாக நத்தைகளின் குடல் பகுதியில் மகிய அசுத்தமான கழிவுகளும், விஷத்தன்மை கொண்ட கழிவுகளும் தேங்கி இருக்க வாய்ப்புகள் அதிகம். வீட்டில் நத்தை வளர்த்து உண்ண ஆசையென்றால் உயிருடன் நத்தைகள் வாங்கி வந்து அவற்றை சமைத்து உண்பதற்கு முன்பே முதல் மூன்று நாட்களுக்கு அவைகளுக்கு வெறும் முட்டைக்கோஸை மட்டுமே உணவாகத் தர வேண்டும். அப்போது தான் நத்தைகளின் குடல் சுத்தமாகி தேவையற்ற நச்சுகள் அவற்றின் குடலில் இருந்து நீங்கும். பிறகு தான் அவற்றை நம்மால் சமையலுக்குப் பயன்படுத்த முடியும்.

நத்தை கறி ருசி எப்படிப்பட்டது?

நத்தை பல ஆண்டுகளாக இந்தியர்களின் உணவுப் பழகக்த்தில் சிறப்பான இடம் பிடித்த உணவாகவே இருந்த போதும். பெரும்பாலானவர்களால் அது உண்ணப்படவில்லை என்பதே நிஜம். இன்றும் கூட அசைவ உணவகங்களில் நத்தை வழக்கமான உணவு இல்லை. நட்சத்திர விடுதிகளில் மட்டுமே கஸ்டமர்களின் விருப்பத்துக்கு ஏற்ப சில இடங்களில் நத்தை சமைத்து தரப்படுகிறது. மற்றபடி ஆடு, வாத்து, கோழி, மீன், இறால், மாட்டுக்கறி போல இது வழக்கமான அசைவ உணவு வகைகளில் ஒன்றாக இல்லை. நத்தை கறியின் ருசி எப்படி இருக்கும்? என்று இணையத்தில் தேடினால் அது சுவையில் ஆயிஸ்டர்( முத்துச்சிப்பி) ஸ்கைலாப், லாப்ஸ்டர், இறால் போன்ற சுவைகளில் இருக்கும் எனப் பலரும் பலவிதமாகக் கருத்துக் கூறி இருக்கிறார்கள்.

நத்தை கறி ஹெல்த் பெனிஃபிட்ஸ்...

100 கிராம் நத்தையில் 3.5 மில்லிகிராம் அயர்ன் கிடைக்கிறது. இது மாட்டுக்கறியில் கிடைப்பதை விட அதிகம். பொட்டாசியம்

மாட்டுக்கறியில் எத்தனை சதம் இருக்கிறதோ அதற்கு மிகச்சரியான விகிதத்தில் நத்தையிலும் உண்டு. 100 கிராம் நத்தை சாப்பிட்டால் உங்களது உடலில் 90 கலோரி ஆற்றல் ஏறும். நத்தையில் கொழுப்பு குறைவு. புரதம் அதிகம். புதிதாக உண்பவர்களுக்கு செரிமானப் பிரச்னைகள் வரலாம். ஆனால், பழகிப் போனால் பெரிதாக எந்தக்குறையும் அதில் இல்லை.

உலகில் எங்கெல்லாம் நத்தை உணவாக அங்கீகரிக்கப் பட்டுள்ளது? 

ஆசியா, அமெரிக்கா, ஆஃப்ரிக்கா, ஃப்ரான்ஸ் உள்ளிட்ட நாடுகளில் நத்தை ஒருவகை ஃபேன்ஸி உணவாகக் கருதி உட்கொள்ளப்பட்டு வருகிறது. இதை எஸ்கார்கோ எனவும் சிலர் குறிப்பிடுகிறார்கள். ரோமில் பல்லாயிரம் ஆண்டுகளுக்கு முன்பே திருவிழாக்களின் போது திராட்சை ரசத்துடன் சேர்த்து நத்தையை உணவாகச் சாப்பிடும் வழக்கம் இருந்திருக்கிறது என ரோமானிய வரலாற்று ஆசிரியர் பிளைனி தி எல்டர் குறிப்பிடுகிறார். ரோமானியர்கள் நத்தையை வேக வைத்து, உப்பில் ஊற வைத்துப் பிறகு நன்கு அலசி மைக்ரோ ஓவனில் அவித்துச் சாப்பிடும் வழக்கைத்தை பின்பற்றியிருக்கிறார்கள்.

ஆரம்பகாலங்களில் நத்தைகளை வேட்டையாடுவது சற்று சிரமமாகத் தான் இருந்திருக்கிறது. காடுகளில் ஈரப்பதமான இடங்களில் உலவும் நத்தைகளைப் பிடித்து வந்து வீட்டுத் தோட்டங்களில் ஒரு கூடையில் முட்டைக்கோஸ் இதழ்களைப் போட்டு ஐந்து முதல் ஆறு நாட்கள் வளர்த்து அதன் குடலில் உள்ள நச்சுகளை அகற்றி அவற்றை மனிதக் குடலின் செரிமான திறனுக்கு உட்பட்ட வகையில் மாற்றிய பிறகே சமைக்கப் பயன்படுத்தி இருக்கிறார்கள். ரோமானியர்கள் எதற்காக நத்தைகளை உண்ணப் பழகி இருக்கிறார்கள் எனில்? அதில் புரதம் அதிகமாகவும் கொழுப்பு குறைவாகவும் இருந்ததால்.

நத்தைகளை ஓவனில் அவித்து அதன் மீது பூண்டும், வெண்ணெயும் தடவி சாப்பிடுவது ரோமானியர் ஸ்பெஷல்.

]]>
நத்தை கிரேவி, கம்போடியன் நத்தை கிரேவி, ரோம், நத்தை அசைவ உணவு, snail gravy, combodian snail gravy, rome's baked snail, delicious snail food, non veg food culture, international snail lovers, http://images.dinamani.com/uploads/user/imagelibrary/2018/5/24/w600X390/snail_gravy.jpg http://www.dinamani.com/lifestyle/lifestyle-special/2018/may/24/snail-gravy-a-delicious-food-across-the-world-2926064.html
2924136 லைஃப்ஸ்டைல் ஸ்பெஷல் சொந்தத் தோட்டத்தில் விளைந்த காய்கறிகளைச் சாப்பிடும் கனவு யாருக்கில்லை? இதோ அதை நனவாக்க ஒரு வாய்ப்பு! கஸ்தூரி ராஜேந்திரன், தேனி. Monday, May 21, 2018 04:48 PM +0530  

உங்களுக்கு மாடித்தோட்டமோ அல்லது வீட்டைச் சுற்றிலும் இடமிருந்தால் வீட்டுத்தோட்டமோ போட்டுக் கொள்ளும் ஆவல் இருக்கிறதா? அப்படியானால் நீங்கள் செய்யவேண்டியது தமிழக அரசின் பெண்கள் நல மேம்பாட்டுத்துறையை அணுக வேண்டியது மாத்திரமே!

அங்கே மாநிலம் முழுவதும் உள்ள கிராமப்புற மற்றும் நகர்ப்புறத்தின் நலிவடைந்த பெண்களுக்கு தோட்டக்கலைத்துறை சார்பாக மாடித்தோட்டம் போடக் கற்றுத்தருகிறார்கள். கற்றுக் கொண்ட பெண்களுக்கு போதுமான பயிற்சி அளித்து நகரங்களில் மாடித்தோட்டம் போடும் ஆசையிருப்பவர்களுக்கு அருகிருந்து உதவுமாறு வேலை வாய்ப்புகளையும் உருவாக்கித் தருகிறார்களாம். கடந்தாண்டு டிசம்பரில் தொடங்கிய இந்த பயிற்சியில் இதுவரை 220 பெண்கள் பயிற்சி பெற்று தேர்ந்துள்ளனர். பயிற்சி பெற்ற பெண்கள் முன்னதாக விவசாயம் மற்றும் தோட்டம் போடுதலில் அனுபவமுடையவர்களாக இருந்தால் அவர்களுக்கு நகர்ப்புறத்தில் காய்கறிகள் மட்டும் மூலிகைச் செடிகளுடன் கூடிய மாடித்தோட்டம் போடுவது எப்படி? என்பது குறித்துப் பிரத்யேகப் பயிற்சி அளிக்கப்படுகிறது.

இந்தப் பயிற்சிக்காக இதுவரையில் நலிவடைந்த நிலையிலுள்ள பெண்களிடமிருந்து விண்ணப்பங்கள் வந்து குவிந்த வண்ணம் இருக்கிறதாம். வறுமையில் வாடும் பெண்கள் தங்களது வாழ்க்கைத் தரத்தை உயர்த்திக் கொள்ள இதை ஒரு வாய்ப்பாகப் பயன்படுத்திக் கொள்ளலாம் எனக் கூறும் பெண்கள் நல மேம்பாட்டுத்துறையின் உயர் அதிகாரி ஒருவர் மாடித்தோட்டம் அமைக்கும் பயிற்சியில் மேலும் பல பெண்கள் இணைவதை மகிழ்ச்சிக்குரிய வளர்ச்சிக்குரிய விஷயங்களில் ஒன்றாக தமிழக அரசு கருதுவதாகத் தெரிவித்தார்.

பயிற்சி பெற்ற பெண்களின் விருப்பத்துக்கேற்ப அவர்கள் நகர்ப்புறத்தில் மாடித்தோட்டம் போட ஆவலாக இருப்பவர்களுக்கு வழிகாட்ட அனுப்பி வைக்கப்படுகிறார்கள். குறைந்த பட்ச முதலீட்டில் அருமையான மாடித்தோட்டம் போடக் கற்றுத்தருவதுடன் குறிப்பிட்ட இடைவெளிகளில் அந்தத் தோட்டங்களைக் கண்காணித்து தேவையான ஆலோசனைகள் மற்றும் மாறுதல்களைச் செய்யவும் அவர்கள் உதவுகிறார்கள்.

அப்படி அரசு உதவியால் மாடித்தோட்டம் அமைக்கும் பயிற்சி பெற்று தூத்துக்குடியிலிருந்து சென்னை வந்திருக்கும் பெண்களில் ஒருவரான மாலா, இங்கே தான் பொறுப்பில் எடுத்துக் கொண்ட மாடித்தோட்ட வீடுகளுக்கு குறிப்பிட்ட இடைவெளிகளில் சென்றூ தோட்டங்களை மேற்பார்வையிட்டு அவற்றில் களை நீக்கப்பட்டுள்ளதா? போதுமான அளவு சூரிய வெளிச்சமும், தண்ணீரும் கிடைக்கக் கூடிய இடங்களில் செடிகள் வளர்கின்றனவா? என்பதையெல்லாம் சோதிப்பதை வழக்கமாக வைத்திருக்கிறார்.

எத்தனைக்கெத்தனை சொந்தமாகத் தோட்டம் போட்டு காய்கறிச் செடிகளை வளர்க்கும் ஆசையுடன் இருக்கிறீர்களோ அத்தனைக்கத்தனை நீங்கள் நோயிலிருந்து விலகி நிற்கிறீர்கள் என்று அர்த்தம். வீட்டுத் தோட்டத்தில் வளரும் செடிகளில் பெரும் பண்ணைச் செடிகளைப் போலவோ அல்லது சந்தைகளில் நீங்கள் விலைக்கு வாங்கும் காய்கறிகளைப் போலவோ பூச்சி மருந்துகளின் தாக்கம் இருப்பதில்லை.’ என்கிறார் மாலா.

அதுமட்டுமல்ல, பல வகைக் கீரைகள், கற்றாழை, கால்ஃபிளவர், மற்றும் விதைப் பயிர்களையும் கூட நாம் மாடித்தோட்டத்தின் வாயிலாக வளர்க்க முடியும் என்று கூறும் மாலா, ஊதா நிற கத்தரிக்காய்களுக்கு தொண்டைபுண்களை தீர்க்கும் திறனுண்டு என்கிறார்.

மாடித்தோட்டம் போடப் பயன்படுத்தும் மூங்கில் கூடை முதற்கொண்டு அத்தனை பொருட்களையும் அரசு சல்லிசான விலையில் தந்து உதவுகிறது. அவற்றைப் பராமரிப்பதும் கூட எளிதானது தான். இதில் பயன்படுத்தப்படும் மண்ணில் உலர்ந்து காய்ந்த தாவர இலைகள் மற்றும் பசுஞ்சாணம் கலக்கப் படுவதால் அவற்றுக்கு பூச்சிகளை விரட்டும் தன்மையோடு நோய்களை விரட்டும் தன்மையும் உண்டு என்றும் கூறுகிறார் மாலா.

மாலாவின் வார்த்தைகளில் நம்பிக்கை இருப்பின் மாடித்தோட்டம் போட ஆவலிருப்பவர்கள் 044 - 28173412 எனும் எண்களில் தொடர்பு கொண்டு மேலதிக தகவல்களைப் பெறலாம்.

]]>
terrace vegetable garden, pesticise free gardening, மாடித்தோட்டம், ஆர்கானிக் காய்கறிகள், பூச்சிமருந்து கலக்காத காய்கறிகள், நோயற்ற வாழ்வே குறைவற்ற செல்வம், ஆரோக்யம், லைஃப்ஸ்டைல் ஸ்பெஷல், lifestyle special http://images.dinamani.com/uploads/user/imagelibrary/2018/5/21/w600X390/000000000terrace_garden.jpg http://www.dinamani.com/lifestyle/lifestyle-special/2018/may/21/want-to-grow-your-own-garden-contact-this-number-044---28173412-2924136.html
2924085 லைஃப்ஸ்டைல் ஸ்பெஷல் மண்பானைத் தண்ணீரால் சளி பிடிக்குமென்று பயமா? அதை ஆரோக்யமானதாக மாற்ற சில டிப்ஸ்! கஸ்தூரி ராஜேந்திரன், தேனி. Monday, May 21, 2018 12:56 PM +0530  

கோடை கடுமையாகத் தன் வேலையைக் காட்டத் தொடங்கி வாரங்கள் கடந்து கொண்டிருக்கின்றன. ஏப்ரல், மே, ஜூன் மாத இறுதி வரையிலும் சமயங்களில் சீதோஷ்ண நிலை சதி செய்தால் செப்டம்பர் வரையிலும் கூட நமக்கு கோடை தான். அருங்கோடையில் கூட ஃப்ரிஜ்ஜில் நீரைக் குளிர வைத்துக் குடிப்பது பலருக்கு ஒத்துக் கொள்வதில்லை. கடும் சளித்தொல்லை, ஆஸ்துமா போன்ற அவஸ்தைகளுடன் ஜில்லென்று குடிநீர் அருந்தி தாகத்தை தணித்துக் கொள்ளக்கூட முடியாமல் பலர் சிரமப் பட்டுக் கொண்டு இருப்பார்கள். ஃப்ரிஜ்ஜில் தண்ணீர் வைத்துக் குடித்தால் உடல்நிலைக்கு ஒத்துக் கொள்ளாது என்று நினைப்பவர்கள் மண்பானைத் தண்ணீரை முயற்சி செய்யலாம். மண்பானைத் தண்ணீர் கூடத்தான் சளி, ஆஸ்துமாக்காரர்களுக்கு எதிரி என்று சொல்வீர்களானால் அதற்கு சில மாற்று வழிகள் உண்டு. மண்பானைத் தண்ணீரே ஆரோக்யமானது தான் என்றாலும் அதன் குளிர்ச்சியால் சளி பிடிக்காமலிருக்க என்னென்ன மாற்று ஏற்பாடுகள் செய்து அதன் அபாயத்தைத் தவிர்க்கலாம் என்று இப்போது பார்க்கலாம்.

மண்பானைத் தண்ணீரை ஆரோக்யத் தண்ணீராக மாற்றும் வழிமுறைகள்...

  • தண்ணீர்: முக்கால் லிட்டர்
  • வெட்டி வேர்: கைப்பிடி அளவு 
  • சந்தனக் கட்டை: சுண்டுவிரல் நீள சந்தனக் கட்டை
  • நன்னாரி வேர்: 5 துண்டுகள்
  • கொத்தமல்லி விதை: 2 டீஸ்பூன்
  • சீரகம்: 2 டீஸ்பூன்

திடப்பொருட்கள் அனைத்தையும் ஒருமுறை நன்றாக நீரில் அலசி வெயிலில் உலர்த்தி எடுத்து வைத்துக் கொண்டு பயன்படுத்த வேண்டும்.

ஒரு பாத்திரத்தில் மேற்கண்ட பொருட்களை எல்லாம் எடுத்துக் கொண்டு அவற்றை முக்கால் லிட்டர் நீரில் ஊற வைத்து விடலாம். ஏனெனில் இந்தப் பொருட்களை எல்லாம் நேரடியாக அப்படியே மண்பானைத் தண்ணீரில் சேர்த்தால் சந்தனக் கட்டை எடை அதிகம் என்பதால் நீரில் மூழ்கிவிடும் ஆனால் வெட்டிவேர், கொத்தமல்லிவிதை, சீரகம் எல்லாம் நீரில் மிதக்கத் தொடங்கி விடும். ஒவ்வொரு முறையும் இவற்றை வடிகட்டி, வடிகட்டி நீர் அருந்த நமக்கு சோம்பேறித்தனமாகி பிறகு நாளடைவில் வெறும் தண்ணீரே மேல் என்ற மனநிலைக்கு வந்து விடுவோம். அதனால் முக்கால் லிட்டர் நீரில் இவற்றை சுமார் 5 மணி நேரமாவது ஊற வைத்துவிட வேண்டும். பிறகு ஊறிய நீரை வடிகட்டி, அதை மண்பானையில் முன்னரே ஊற்றி வைத்து சில்லென்று இருக்கும் நீரோடு சேர்த்தோமென்றால் நமக்கு அருந்த வசதியாக இருக்கும்.

இந்த பொருட்களைச் சேர்ப்பதனால் கிடைக்கும் ஆரோக்யப் பலன்கள்...

  • மண்பானைத் தண்ணீரில் சேர்க்கப்படும் மேற்கண்ட பொருட்கள் அனைத்துமே உடலுக்கு குளிர்ச்சி தரக்கூடியவை மட்டுமல்ல, மனதுக்குப் புத்துணர்ச்சி தரத்தக்க நல்ல நறுமணமும் கொண்டவை. இவை மனச்சோர்வைப் போக்கி சிறுநீரக நோய்களைத் தவிர்க்கும் விதத்தில் ரத்தத்தை சுத்திகரிக்கவும் உதவுகின்றன என்கிறது சித்தமருத்துவம்.
  • அதுமட்டுமல்ல, இந்தத் தண்ணீரை தொடர்ந்து 1 மாதம் நாம் அருந்திக் கொண்டிருந்தோமென்றால் நமது உடலின் வியர்வை நாற்றத்தைக் கூட குறைக்கும் தன்மை இதற்கு உண்டு என்கிறார்கள் இந்த முறையைப் பின்பற்றி மண்பானைத் தண்ணீர் அருந்தியவர்கள்.

சரி இப்போது தண்ணீர் ஊற்றி வைக்க மண்பானையை இதுவரை உபயோகித்துப் பழக்கமில்லாதவர்கள் புதிதாக மண்பானைத் தண்ணீர் குடிக்க ஆசைப்பட்டு வாங்குகிறார்கள். ஆனால், முறையாக மண்பானையைப் பயன்படுத்தத் தெரியவில்லை.

எப்படி மண்பானையில் தண்ணீர் ஊற்றி வைத்து புழங்குவது என்ற சந்தேகத்திற்கான தீர்வு.

  • இப்போது அனைத்துச் சந்தைத் திடல்களிலும் மண்பானை கிடைக்கிறது. மண்பானையைத் தட்டிப் பார்த்து வாங்க வேண்டும். தட்டும் போது சுடப்பட்டு, நன்கு காய்ந்த மண்பானை எனில் சொத், சொத்தென சத்தம் வராமல் வெண்கலப் பானை போல ‘நங்’கெனச் சத்தம் வரும். அப்படிப்பட்ட மண்பானையாகப் பார்த்து வாங்கி அதில் சாதாரண குழாய்த் தண்ணீரை நிரப்பி இரண்டு நாட்கள் ஊற விட்டு பிறகு மீண்டும் தேங்காய் நார் அல்லது உடல் தேய்த்துக் குளிக்கப் பயன்படுத்தும் பீர்க்கை நார் கொண்டு மிருதுவாகத் தேய்த்துக் கழுவி வெயிலில் காய வைத்து எடுத்துக் கொள்ள வேண்டும்.
  • பிறகு இந்த மண்பானைக்கு ஒரு அருமையான ஸ்டாண்டு தயார் செய்ய வேண்டும். ஸ்டாண்ட் என்றால் சாதாரண வளை அல்ல. ஒரு வாயகன்ற பிளாஸ்டிக் அல்லது எவர்சில்வர் பேசினில் ஆற்றுமணல் + கல் உப்பு சம அளவு கலந்து பேசினின் முக்கால்பாகம் வரை நிரப்பி அதை மண்பானைக்குரிய ஸ்டாண்ட் ஆகப் பயன்படுத்த வேண்டும். இப்படிச் செய்வதால் உப்பு மற்றும் ஆற்றுமண் உதவியால் வெயில் ஏற, ஏற மண்பானையின் சில்லிட்ட தன்மை குறையாமல் அப்படியே நீடித்திருக்கும். 
  • நன்றாகக் காற்றுப் புகும் தன்மை கொண்ட் மண்பானை எனில் அதில் நிச்சயம் ஈரப்பதம் இருக்கும். ஈரப்பதம் பானையின் வெளியில் கசிந்தால், உடனே அது ஓட்டைப் பானை என்று கருதி விடாதீர்கள். அது நல்ல பானை தான். பானையின் வெளிப்புறத்தில் கசியும் நீரை ஸ்டாண்ட் பேசினில் நாம் சேர்க்கும் மணல், உப்புக் கலவை ஈர்த்துக் கொள்ளும். 

இப்படியெல்லாம் முன்னேற்பாடுகள் செய்து விட்டோமென்றால் போதும், இனி சளி பிடிக்கும் என்ற பயமின்றி சந்தோஷமாக அருந்தலாம் இயற்கை ஃப்ரிஜ்ஜான மண்பானைத் தண்ணீரை. கோடையில் ஃப்ரிஜ்ஜால் கரண்ட் பில் எகிறுமோ என்ற பயமும் கூட இனித் தேவையில்லை.

]]>
summer, lifestyle Special, லைஃப்ஸ்டைல் ஸ்பெஷல், மண்பானைத் தண்ணீர், சளித் தொல்லை, ஆஸ்துமா, கோடை வெயில், earthen pots, cold, asthma, earthen water healthy water http://images.dinamani.com/uploads/user/imagelibrary/2018/5/21/w600X390/000000earthern_pot_water.jpeg http://www.dinamani.com/lifestyle/lifestyle-special/2018/may/21/earthen-pot-water-drinking-habits-good-for-health-2924085.html
2922942 லைஃப்ஸ்டைல் ஸ்பெஷல் ‘குளிக்கும் போது அருவியில் தவறி விழுந்து இளைஞர் மரணம்’ போன்ற பேரிழப்புகளைத் தவிர்க்க சில டிப்ஸ்... RKV Saturday, May 19, 2018 03:15 PM +0530  

கோடை விடுமுறையைக் கழிக்க நண்பர்களுடன் பெங்களூரு அருவி ஒன்றுக்கு குளிக்கச் சென்ற இளைஞர் ஒருவர் 50 அடி உயரப் பாறையிலிருந்து வழுக்கித் தவறிக் கீழே விழுந்து உயிரிழந்த காட்சி மனதைப் பதறச் செய்கிறது. இந்தச் சம்பவம் பெங்களூரு ராம்நகர் மாவட்டத்தில் உள்ள ஹக்கில்புரா என்ற இடத்தில் நிகழ்ந்துள்ளது. உயிரிழந்த இளைஞரின் பெயர் சீனிவாச ரெட்டி எனத் தெரிய வந்துள்ளது. நண்பர்களுடன் விடுமுறையக் கொண்டாட அருவிக்கு வந்த போது இந்த துயர சம்பவம் நிகழ்ந்துள்ளது.

 

கோடை விடுமுறை என்றாலே மக்கள் குடும்பம், குடும்பமாக கடற்கரை, அருவிக் குளியல், பீச் ரிஸார்ட்டுகள், மலைவாசஸ்தலங்கள் என்று கிளம்புவது வழக்கமான செயல். ஆனால் மகிழ்ச்சியாகக் கழிக்க வேண்டிய அந்த விடுமுறைக் கொண்டாட்டங்கள் இப்படி துயரமானதாக முடிந்தால் அது வாழ்நாள் முழுமைக்குமாக ஜீரணிக்க முடியாத இழப்பாக மாறிவிடக்கூடும். எனவே பொதுமக்கள் விடுமுறையைக் கழிக்க அருவிக் குளியல் செய்வதெல்லாம் சரி என்றாலும் கூடுமானவரை போதுமான எச்சரிக்கை நடவடிக்கைகளுடனே தங்களது பயணத் திட்டங்களையும், பொழுதுபோக்கு அம்சங்களையும் தீர்மானித்துக் கொள்ள வேண்டும். இல்லையேல் இப்படியான திடுக்கிடும் விபத்துக்களில் சிக்கி உயிரிழக்க வேண்டியதாகி விடும்.

அருவி, நீச்சல்குளம் மற்றும் கடலில் குளிக்கும் போது பின்பற்றப்பட வேண்டிய எச்சரிக்கை நடவடிக்கைகள்...

  • நீங்கள் சென்றிருக்கும் இடத்தைப் பற்றிய துல்லியமான விவரங்களை முதலில் தெரிந்து கொள்ள வேண்டும்.
  • அருவியில் அரசு அல்லது தனியார் சுற்றுலாத்துறையினர் குறிப்பிட்டிருக்கும் எல்லைகளில் நின்று மட்டுமே குளிக்க முயல வேண்டும். தடுப்புக் கட்டைகளை மீறி த்ரில் விளையாட்டுகளில் ஈடுபடுகிறோம் என்ற பெயரில் நீர்ச்சுழி இருக்கும் இடங்களில் சென்று குளிக்க முயல்வதோ அல்லது விளிம்புகளில் நின்று குளிக்க முயல்வதோ தவறு.
  • அருவியில் குளிக்கச் செல்கையில் தலையிலும், உடலிலும் எண்ணெய் மசாஜ் செய்து கொண்டு செல்வது தவறு. இது சுற்றுச்சூழலுக்கு மட்டுமல்ல தனிமனிதர்களுக்கும் ஆபத்தானது. எண்ணெய் தண்ணீரோடு கலக்கும் போது நீங்கள் மட்டுமல்ல உங்களுக்கு அருகிலிருப்பவர்களும் கூட வழுக்கி விழ வாய்ப்புகள் அதிகம்.
  • மிக உயரமான இடங்களில் நின்று கொண்டு குளிக்கிறீர்கள் எனில் பாதுகாப்பு ஏற்பாடுகளுடன் சேர்த்து அதற்கு போதுமான அனுமதி பெறப்பட்டுள்ளதா? அதற்கான பாதுகாப்பு முன்னேற்பாடுகளை சம்மந்தப்பட்ட சுற்றுலாத்துறை நிர்வாகம் பெற்றுள்ளதா? என்பதை முழுமையாகச் சோதித்து விட்டு பிறகு அந்த முயற்சியில் இறங்கவும்.
  • ஆழம் அதிகமுள்ள ஏரிகள் அல்லது கடற்பகுதிகளில் போட்டிங் செல்ல ஆசை என்றால் லைஃப் ஜாக்கெட் அணிந்து கொள்ள வேண்டும். நம்மூரில் போட்டிங் செல்ல ஆசைப்பட்டால் லைஃப் ஜாக்கெட் என்ற பெயரில் துர்நாற்றம் மிக்க கிழிந்த ரெக்ஸின் கோட்டுகளைத் தருகிறார்கள். பணத்தைக் கொட்டிக் கொடுத்து டூர் பிளான் செய்பவர்கள் பேசாமல் தங்களுக்கே தங்களுக்கென்று தரமான லைஃப் ஜாக்கெட்டுகளை வாங்கி சொந்தமாக அணிந்து கொள்ளலாம். ஆனால் எக்காரணம் கொண்டும் லைஃப் ஜாக்கெட்டுகள் அணியாமல் ஆழம் அதிகமுள்ள பகுதிகளில் மாட்டிக் கொள்ளாதீர்கள்.
  • நீச்சல் குளங்களில் குளிக்க ஆசைப்படுபவர்கள் குளத்தில் இறங்கும் முன் தங்களது ரத்த அழுத்தம் சராசரி அளவில் இருக்கிறதா என்று செக் செய்து கொள்ளலாம். சமீபத்தில் சென்னை மெரீனா நீச்சல் குளத்தில் குழந்தைகளை நீச்சல்பயிற்சியில் விட்டு விட்டு தானும் நீந்திக் குளிக்கலாம் என குளத்தில் குதித்த இளைஞர் ஒருவர் குதித்த மாயத்தில் ஹார்ட் அட்டாக் வந்து இறந்தார் என்றொரு செய்தி வெளியானது. எனவே நீச்சல் குளத்தில் குளிப்பவர்கள் தங்களது ரத்த அழுத்தம், இதய ஆரோக்யம் எல்லாவற்றையும் சோதித்து நார்மலாக இருந்தால் மட்டுமே நீச்சலில் இறங்கவும். 
  • நார்மல் ஹெல்த் இருப்பவர்களில் நீந்தத் தெரியாதவர்கள் இருப்பின், ஆழம் அதிகமான நீச்சல் குளங்கள் எனில் ரப்பர் டியூபுகள் அல்லது பேடுகளைப் பயன்படுத்தி நீந்தலாம்.
  • குழந்தைகளை கடலில் குளிக்க அழைத்துச் செல்ல ஆசைப்படுபவர்கள் அந்தப் பகுதிகளில் லைஃப் கார்டுகள் என்று சொல்லப்படக்கூடிய பாதுக்காப்பாளர்கள் பணியிலிருக்கிறார்களா என்பதை அறிந்து கொண்டு கடலில் கால் வைக்கவும். குளிக்க விரும்பாத குழந்தைகளை போதுமான பாதுகாவலர்களை ஏற்பாடு செய்தோ அல்லது உங்களில் ஒருவர் கண்காணிப்பிலோ பத்திரப்படுத்தி விட்டு கடல் மற்றும் நீச்சல் குளங்களில் இறங்கலாம்.

விடுமுறைகளில் அருவி, மலை, கடற்புறங்கள் என சுற்றுலா செல்வது எதற்காக?  ஆனந்தமாக இயற்கையழகையும், சுத்தமான காற்றையும் சுதந்திர உணர்வையும் அனுபவிக்கத் தானே தவிர த்ரில் விளையாட்டுகளில் ஈடுபட்டு உயிரை இழக்க அல்ல. எனவே மேற்சொல்லப்பட்ட பாதுகாப்பு நடவடிக்கைகளை கவனமாகப் பின்பற்றி இன்பச் சுற்றுலா மனநிலைக்கு குந்தகம் வராமல் பார்த்துக் கொள்வீர்களாகுக! 

]]>
அருவிக் குளியல், பின்பற்ற வேண்டிய பாதுகாப்பு நடவடிக்கைகள், Swimming pool bath, seashore bath, நீச்சல் குளம், கடல், அருவி, Precautions before we take bath at falls, tour tips, சுற்றுலா டிப்ஸ், http://images.dinamani.com/uploads/user/imagelibrary/2018/5/19/w600X390/zzzz_aruvi.jpg http://www.dinamani.com/lifestyle/lifestyle-special/2018/may/19/precautions-we-must-follow-before-taking-bath-at-water-falls-swimming-pools--sea-2922942.html
2920978 லைஃப்ஸ்டைல் ஸ்பெஷல் அதென்னது அது  ‘சாதனா கட்’?  நீங்க ட்ரை பண்ணி இருக்கீங்களா கேர்ள்ஸ்?! கார்த்திகா வாசுதேவன் Wednesday, May 16, 2018 04:32 PM +0530  

மகளுக்கு ஹேர் கட் செய்வதற்காக நேச்சுரல்ஸ் பார்லருக்குச் சென்றிருந்தேன். எந்த ஸ்டைலில் கட் செய்யட்டும் என்று கேட்டார் அங்கிருந்த இளம்பெண். எனக்குத் தெரிந்தது கொஞ்சம் தான். சின்னவளுக்கு என்றால் பாய் கட், மஷ்ரூம் கட், டயானா கட், சம்மர் கட், பெரியவளுக்கு என்றால் யூ கட், ஸ்ட்ரெயிட் கட், ஸ்டெப் கட்.  அவ்வளவு தான். இதையே மாற்றி, மாற்றி எத்தனை முறை தான் முயற்சிப்பது. விடுமுறை நாட்கள் வேறு... எனவே கொஞ்சம் ஸ்டைலாக வெட்டிக் கொண்டால் பெரியவள் சந்தோஷப்படுவாள் என்று நினைத்தேன். 

எனவே திடீரென்று உதித்த ஞானோதயத்தில் ‘நீதானே என் பொன் வசந்தம்’ திரைப்படத்தில் சமந்தா கட் செய்திருப்பாரே அப்படி முன்நெற்றியில் கற்றையாக கொத்து முடி ஸ்டைலாக காற்றடிக்கும் போதெல்லாம் நெற்றியில் வந்து விழுந்து அசையும் விதத்தில் வெட்டச் சொன்னேன். என் மகளுக்கு குஷி தாங்க முடியவில்லை. அவளும் நானும் சேர்ந்தே தான் ‘நீதானே என் பொன் வசந்தம்’ படத்தை பார்த்திருந்தோம் என்பதால், குழந்தை அதே போல தன்னைக் கற்பனை செய்து கொண்டு, ‘ஹைய்யா... ஜாலி’  என்று சொல்லிக் கொண்டே பார்லர் நாற்காலியில் சமர்த்தாக அமர்ந்து கொண்டாள். 

எதற்கும் இருக்கட்டுமே என்று... ‘ஏம்மா வேற ஹேர் கட் ஸ்டைல்ஸ் எல்லாம் சூஸ் பண்றதுக்கு ஏத்தமாதிரி உங்க கிட்ட கேட்டலாக் எதுவும் இல்லையா?’ என்றும் கேட்டு வைத்தேன். அந்தப் பெண்.. ‘அப்படியெல்லாம் நாங்கள் எதையும் மெயின்டெயின் செய்வதில்லை மேடம், கஸ்டமர்கள் கேட்கும் விதத்தில் ஹேர் கட் செய்வது தான் வழக்கம்’ என்று சொல்லி விட்டார்.

‘அட... விதம். விதமாக ஹேர் கட் செய்து கொள்ளும் ஆசையிருந்தாலும் எந்த ஸ்டைலில் வெட்டிக் கொள்வது என்பதை வார்த்தைகளால் விவரிக்கத் தெரியாதவர்கள் என்ன செய்வார்கள்? கேட்டலாக் இருந்தால் அதைப்பார்த்து சரியாகக் கேட்பார்கள், உங்களுக்கும் வெட்டுவதற்கு ஈஸியாக இருக்குமே! ஏன் அப்படியெல்லாம் யோசித்து நீங்கள் ஒரு கேட்டலாக் மெயிண்டெயின் செய்யக்கூடாது’ என்று எனது மேதாவித்தனத்தை அந்தப்பெண்ணிடம் கேள்வியாக்கி விட்டு நான் அங்கு டேபிளில் கிடந்த ஒரு ஃபேஷன் வீக்லியை எடுத்துக் கொண்டு படம் பார்க்கத் தொடங்கினேன். 

அந்தப் புத்தகங்களின் ராசியோ அல்லது பார்லரின் AC யோ... ஏதோ ஒன்று அடுத்த பத்திருபது நொடிகளில் என்னைத் தூங்க வைத்து விட்டது. மகள் ஃப்ரிங்கி கட் செய்யும் போது தலையை உயர்த்தக் கூடாது என்பதால் என் பக்கம் திரும்பவில்லை. எவ்வளவு நேரமானதென்று தெரியாமல் சுகமாக நித்திரையில் ஆழ்ந்திருந்த போது யாரோ கிணற்றுக்குள் இருந்து மேடம்... மேடம் என்று அழைப்பது போலிருந்தது. ச்சே இதென்னடா இது? வேலை கெட்ட வேலையில் நட்ட நடு ராத்திரியில் தூக்கத்திலிருந்து எழுப்புவது! என்ற கனவில் நான் புரண்டு படுப்பதாகப் பாவித்து சோபாவில் நகர்ந்து அமரும் முயற்சித்ததில் பக்கத்தில் புதிதாக வந்து அமர்ந்திருந்த மற்றொரு அம்மாளின் முகரைக் கட்டையில் இடித்து விட்டேன் போலும்... அவர் ‘ச்சு’ வெனும் ஆட்சேபணையுடன் நகர்ந்து உட்காருவதாக நினைத்துக் கொண்டு வசமாக ஹைஹீல்ஸ் செருப்பால் என்கால் சுண்டு விரலை பதம் பார்த்து விட்டார். அதற்குள் விழித்துக் கொண்ட நான் எரிச்சலுடன் அந்தம்மாளை முறைத்து விட்டு பார்லர் பெண்ணின் அழைப்பிற்கு காது கொடுத்தேன்.

‘மேடம்... இதோ பாருங்க இந்த அளவு போதுமா? இன்னும் கொஞ்சம் லெங்த் குறைக்கனுமா?’ என்றார் அந்தப்பெண்.

ஐயோ... இதென்னது இது? நான் கேட்டது இப்படியில்லைங்க. நீங்க நீ தானே என் பொன் வசந்தம் படம் பார்த்திருக்கீங்களா இல்லையா? என்று கத்தாத குறையாக நான் மேலும் குரலுயர்த்த.

அந்தப் பெண்ணோ, கரகாட்டக்காரன் செந்திலாக, அட... அதான் மேடம் இது என்றார்.

எனக்கு நம்பிக்கை வரவில்லை. ஏங்க, அந்தப் படத்துல சமந்தாவுக்கு அந்த ஹேர் கட் எவ்வளவு கியூட்டா இருக்கும் தெரியுமா? நீங்க என்னடான்னா... இப்படி கிளியோபாத்ரா  கட் மாதிரி பழம்பஞ்சாங்கமா கட் பண்ணி வச்சிருக்கீங்களே? நான் கேட்டது இப்படி இல்லை. ச்சே எப்போ பார்த்தாலும் உங்க ஆளுங்க இப்படித்தான் பண்ணி வைக்கறீங்க. நான் சமந்தா கட் தானேங்க கேட்டேன். இது வேண்டாம். மாத்துங்க ப்ளீஸ் என்றேன்.

அந்தப் பெண்... செம கூலாக ‘ஐயோ மேடம் இனி எப்படி மாத்தறது? நான் நடுவுல ரெண்டு தடவை ஹைட் குறைக்கனுமானு கேட்கவும், லெங்த் போதுமானு கேட்கவும் உங்களைக் கூப்பிட்டேனே... நீங்க நல்லா தூங்கிட்டிதால கண்ணையே திறக்கலை’ இப்போ ஒன்னும் பண்ண முடியாது. இனி முடி வளர்ந்து இந்த ஸ்டைல் மாறினப்புறம் தான் வேற ஸ்டைல் கட் பண்ண முடியும்’ என்று குண்டைத் தூக்கிப் போட்டார்.

இத்தனைக்கும் நடுவில் என் மகள்... படு உக்கிரமாக என்னைப் பார்த்து முறைத்துக் கொண்டு வேறு இருந்தாள்.

நான் சமாளிக்கும் விதமாக, ‘இல்லடா குட்டி... இந்த ஹேர் கட் கூட நல்லாத்தான் இருக்கு. சமந்தா கட் இல்லைன்னா என்ன? இது சாதனா கட்டுடா. அந்தக் காலத்துல ஃபேமஸான பாலிவுட் ஆக்ட்ரஸ் எல்லாம் இப்படித்தான் ஹேர்கட் பண்ணுக்குவாங்க. என்றேன்.

அவள் என்னைப் பார்த்து உம்மென முகத்தை வைத்துக் கொண்டு. பேசாதீங்கம்மா... நான் உங்களை கேட்டேனா சமந்தா கட் வேணும்னு பேசாம யூ கட் இல்லன ஸ்டெப் கட் பண்ணிட்டுப் போயிருக்கலாம்ல. புதுசா ஸ்டைலா ட்ரை பண்றாங்களாமாம். என் முடியே போச்சு... போங்க. இனிமே உங்ககூட பார்லர் வந்தேனா பாருங்க நான் எம்பேரையே மாத்திக்கிறேன்’ ச்சே...ச்சே சுத்த மோசம். என்றவாறு போதும் ஆன்ட்டி ட்ரையர் போட்டு ஹேர் செட் பண்ணி விடுங்க. என்று விஷயத்துக்கு முற்றுப் புள்ளி வைத்தாள்.

நான் மட்டும் விடாக்கண்டியாக;

இருடா... அதுக்காக அப்படியே விட்டுட முடியுமா? இரு என்று பார்லர் பெண்ணின் பக்கம் திரும்பி;

சமந்தா கட் தான் தெரியலை அட்லீஸ்ட் சாதனா கட்டாவது தெரியுமா? இதையே கொஞ்சம் அப்படி, இப்படி ட்ரிம் பண்ணி சாதனா கட்டா மாத்திடுங்க... அதையாவது ஒழுங்கா செய்ங்க. இதோ இப்படி நெற்றியில் விழற கொத்து முடியை இப்படியே தேமேனு விடாம ஏதாவது ஒரு பக்கமா ஒதுக்கி அழகா செட் பண்ணுங்க. அதுக்குப் பேர் தான் சாதனா கட் என்று வேறு பில்ட் அப் கொடுத்தேனா? என் மகள் குறுக்கே புகுந்து, ‘அம்மா... நீங்க ஆணியே பிடுங்க வேண்டாம். அவங்க ஏற்கனவே ஒதுக்கி செட் பண்ணதே போதும்... நீங்க வாங்க இன்னொரு விஷப்பரீட்சைக்கு நான் தயாரில்லை, கமான்... லெட்ஸ்கோ’ என்று என்னை பில்லிங் பக்கமாக நகர்த்திக் கொண்டு போய் விட்டாள்.

அங்கே போய் எனக்கு செமத்தியான அர்ச்சனை.

ஸ்கூல் திறக்க இன்னும் ஒரு மாசம் இருக்கு. அதுக்குள்ள என்னோட இந்த ஹேர்ஸ்டைல் மாறினா தேவலாம். இல்லனா... கிளியோபாத்ரா வர்றா பாருன்னு ஃப்ரெண்ட்ஸ் எல்லாம் கிண்டல் பண்றாப்ல ஆயிடும். முடி மட்டும் வளராம போகட்டும், அப்புறம் இருக்கு உங்களுக்கு!’ என்றவாறு என்னை சிலபல நல்ல வார்த்தைகளால் அபாரமாக அவள் அர்சித்துக் கொண்டே வர ஒருவழியாக வீடு வந்து சேர்ந்தோம்.

அப்போது தான் அவள் மிக மிக முக்கியமான அந்தக் கேள்வியைக் கேட்டாள்... அதென்னதும்மா அது சாதனா கட்? சும்மா வாய்ல வந்ததை உளறி வச்சீங்களா? அப்படி ஒரு கட் இருக்கறதைப் பத்தி நீங்க இதுவரை என்கிட்ட சொன்னதே இல்லையே! என்றாள்.

எனக்கே நேத்திக்கு தானே தெரியும்... நெட்ல எங்கயோ நடிகை சாவித்ரி பத்தி வாசிக்கும் போது தெரிஞ்சுகிட்டேன். அவங்க அந்தக்காலத்துல சாதனா கட் பண்ணிக்கிட்டாங்கன்னு ஏதோ ஒரு நியூஸ் கண்ல பட்டுச்சுடா’ அதைத் தான் சொன்னேன்.

சாவித்ரி ஸ்டைல் சாதனா கட்...

ஆமாம்... சும்மா பேர் தெரிஞ்சா போதுமா? அந்த கட் எப்படி இருக்கும்? அதை யார் பண்ணிக்கிட்டாங்களோ அவங்க ஃபோட்டோ இப்டி எதுனா கையோட ரெஃபரன்ஸ் காட்டினா தானே அவங்க அதைப் பார்த்து கட் பண்ண முடியும். சும்மா வாயாலயே முழம் போட்டா இதோ இப்படித்தான் ஆகும்! என்று தன் ஹேர்ஸ்டைலைச் சுட்டி விட்டு முகத்தைத் தூக்கி வைத்துக் கொண்டு வீட்டருகில் இருந்த சூப்பர் மார்கெட்டில் ஒரு பெரிய டெய்ரி மில்க் ஒரியோ வாங்கித் தரச்சொல்லி பழிவாங்கிய பிறகு தான் அவள் சமாதானமானாள்.

அவள் முகம் சுணங்கும் அளவுக்கு அவளது ஹேர் ஸ்டைல் அப்படியொன்றும் மோசமாக இல்லை. நன்றாகத்தான் இருந்தது. ஆனாலும் நமக்குத்தான் எதையாவது ஒன்றைப் பார்த்து அதே போல அமைய வேண்டும் என்று ஆசைப்பட்டு விட்டோமானால் எளிதில் மனம் சமாதானமடைய மறுக்கிறது. என்று தோன்றவே மொபைலில் சாதனா கட் எப்படி இருக்கும் என்று கூகுளில் தேடினேன்.

60, 70 களில் பாலிவுட்டில் பிரபலமாக இருந்த நடிகை சாதனா, தனது ஹேர் ஸ்டைலுக்காக அந்தக்காலத்திய ஃபேஷன் ஐகானாக மதிக்கப்பட்டவர்.

அவரது ஹேர்ஸ்டைல் புதுமையாகவும், அழகாகவும் இருந்ததால் அவரது பெயராலேயே சாதனா கட் எனக் குறிப்பிடப்பட்டு அப்போது பலரால் விரும்பப்பட்டது.

அப்படி விரும்பி சாதனா கட் செய்து கொண்டவர்களில் ஒருவர் நமது நடிகையர் திலகம் சாவித்ரி.

இந்தச் செய்தியை ஜெமினி கணேசனின் மகள்களில் ஒருவரும், பத்திரிகையாளருமான நாராயணி, பதிவு செய்திருக்கிறார்.

‘சாவித்ரி அப்போது  ‘கங்கா கினாரெ’என்றொரு இந்திப் படத்தில் நடித்துக் கொண்டிருந்தார். அதற்கான படப்பிடிப்பில் கலந்து கொள்ள அவர் மும்பை சென்ற போது அவரது மகள் விஜியுடன் நானும் அவருடன் சென்றிருந்தேன். அப்போது அவர் தனது கூந்தலை சாதனா கட் செய்திருந்தார். பார்க்க அழகாக இருந்தது, எனக்கும் அதைப்போலவே ஹேட் கட் செய்ய ஆசை வந்ததால் அவரிடம் அதே விதமாக எனக்கும் ஹேர் கட் செய்து விடச் சொன்னேன். முதலில் மறுத்தாலும் பிறகு என் பிடிவாதத்தைப் பார்த்து மும்பையிலிருந்து ஒரு சைனீஸ் பார்லருக்கு அழைத்துச் சென்று அதே விதமாக எனக்கும் ஹேர் கட் செய்து விடச் சொன்னார் சாவித்ரி. எனக்கு சாவித்ரி ஆன்ட்டியை ரொம்பப் பிடிக்கும். அப்பாவுடன் நெருங்கியிருக்கக் கிடைத்த ஒரு வாய்ப்பாக நான் அதைக் கருதினேன். அப்பாவுக்குப் பிடித்த சாவித்ரி எனக்கும் பிடித்தவராகிப் போனது இப்படித்தான்’ என்கிறார் நாராயணி.

இது ஒரிஜினல் சாதானாவே தான். 60 களில் பாலிவுட் ஃபேஷன் ஐகானாகத் திகழ்ந்த சாதனாவுக்கு இப்படி ஒரு ஹேர் ஸ்டைலுக்கு மாறியதற்கும் ஒரு சுவாரஸ்யமான பின்னணி உண்டு.

சாதனாவை இந்திப் படங்களில் அறிமுகம் செய்தவர் பிரபல இயக்குனர் ஆர்.கே.நய்யார். அவரது ‘லவ் இன் சிம்லா’ திரைப்படத்தில் நடிக்க சாதனாவை அவர் தேர்வு செய்தபோது சாதனாவுக்கு இருந்த ஏறு நெற்றி முகவெட்டில் அவருக்கு திருப்தியில்லை. எனவே சாதனாவின் ஹேர் ஸ்டைலை மாற்ற விரும்பினார். பலவிதமாக யோசித்துப் பார்த்து விட்டு முடிவில் ஹாலிவுட் நடிகை ஆத்ரே ஹெப்பர்ன் புகைப்படமொன்றைத் தருவித்து சாதனாவிடம் காட்டி அவரைப் போல முன் நெற்றியில் கற்றை முடியை கொத்தாக வெட்டி விட சம்மதம் வாங்கினார். அதன் படி அவர்களது ஹேர் ஸ்டைலிஸ்ட் ஆத்ரே ஹெப்பர்னின் ஃப்ரிங்கி ஹேர் ஸ்டைலை சாதனாவுக்கு வெட்டி விட, அந்த தோற்றத்துடன் லவ் இன் சிம்லாவில் நடித்து முடித்தார் சாதனா. படம் வெளியான போது மிகப்பெரிய வெற்றி கண்டது.

அந்த திரைப்படத்தில் ஆரம்பக் காட்சிகளில் சாதனா மிகச் சாதாரண தோற்றத்துடன் நாயகன் வெறுக்கத்தக்க பெண்ணாக வருவார். எப்படியாவது ஹீரோவால் விரும்பத்தக்க பெண்ணாக மாற எண்ண செய்வது? என்று அவர் யோசித்துக் கொண்டிருக்கும் போது படத்தில் சாதனாவின் பாட்டியாக வரும் ஒரு பெண், சாதனா ஹேர்ஸ்டைலுக்கு மாறச் சொல்லி அவரது தோற்றத்தை மாற்றுவார். ஒரு இந்திப் படம் நாயகியின் ஹேர்ஸ்டைல் மற்றும் ஸ்பெஷல் லுக்குக்காகவும் சூப்பர், டூப்பர் ஹிட் அடித்ததென்றால் அது லை இன் சிம்லாவாகத் தான் இருக்கக் கூடும். படத்தின் வெற்றிக்குப் பிறகு அந்த ஹேர்ஸ்டைலுக்கு சாதனா கட் என்ற பெயரே நிலைத்து விட்டது. அது மட்டுமல்ல, இப்படி ஒரு ஹேர்ஸ்டைலை சாதனாவுக்கு அறிமுகப்படுத்தி அவருக்கு பாலிவுட்டில் ஏறுமுகத்தை உருவாக்கித் தந்த இயக்குனர் ஆர்.கே. நய்யார் பிறகு அவரையே தனக்கு மனைவியாகவும் தேர்ந்தெடுத்தது தனிக்கதை.

பல படங்களில் சாதனாவுக்கு பெரும்புகழையும், கணக்கற்ற ரசிகர்களையும் பெற்றுத் தந்த இந்த சாதனா கட், ஒரு சமயத்தில் அவருக்கு கிடைத்திருந்த அருமையான பட வாய்ப்பொன்றை தட்டிப் பறித்து கீழே தள்ளவும் காரணமாக அமையவிருந்தது. ஆனால், அதை தனது சாமர்த்தியத்தால் முறியடித்தார் சாதனா என்பார்கள். அதாவது பாலிவுட்டின் அந்நாளைய பிரபல இயக்குனரான பிம்லா ராய் தனது பராக் திரைப்படத்துக்காக சாதனாவை ஒப்பந்தம் செய்திருந்தார். சாதனாவுக்கு செம குஷி. பிம்லா ராய் பட நாயகி என்றால் சும்மாவா என்ன? ஆனால், முதல் நாள் ஷூட்டிங்கின் போது ஒப்பனையுடனும், தனது சாதனா கட் ஹேர்ஸ்டலுடனும் தன் முன்னால் வந்து நடிக்க நின்ற சாதனாவைப் பார்த்து பிம்லா ராய்க்கு வேப்பங்காயை வெறு வாயில் மென்றது போல படு கசப்பாகி விட்டது. ஒன்றும் பேசாமல் பேக் அப் சொல்லி விட்டு படுகோபமாக நாற்காலியில் சரிந்தவரைக் கண்டு சாதனாவுக்கு குழப்பமாகி விட்டது. என்னவாயிருக்கும் என்று கேட்டதில், என் படமோ மிக எளிமையான... இயல்பான கிராமத்துப் பெண்ணின் கதையை பின்னணியாகக் கொண்டது, நீ என்னடாவென்றால் இப்படி ஒரு படு ஸ்டைலான ஹேர் ஸ்டைலில் வந்து முன்னால் நிற்கிறாய். இந்த தோற்றத்தில் இந்தப் படத்தில் நீ நடித்தால் படம் ஓடாது. உனக்கு இந்த ஹேர் ஸ்டைல் வேண்டுமா? இல்லை எனது படத்தின் நாயகி என்ற வாய்ப்பு வேண்டுமா? நீயே முடிவு செய். என்று சொல்லி விட்டு அவர் சென்று விட்டார்.

சாதனாவுக்கோ தனக்குப் பெயரையும், புகழையும் பெற்றுத் தந்த ஹேர் ஸ்டைலை இழக்க மனமில்லை. மெளனமாக தனது ஒப்பனை அறைக்குள் நுழைந்தவர், முன் நெற்றியில் காற்றிலாடிக் கொண்டிருந்த ஃப்ரிங்கி கூந்தலை நெற்றி வகிட்டின் இருபுறமும் ஒதுக்கி ஹேர்பின் இட்டு கலையாமல் வழித்து நிறுத்தினார். இப்போது பார்க்க படு குடும்பஸ்த்ரியாகத் தெரிந்தார். அப்படி வந்து நின்றதும் பிம்ல ரயும் சந்தோஷமாகி விட்டார். சாதனாவுக்கு அப்பாடி என்றிருந்தது. காரணம் ஒருவழியாக அவர் தனது சாமர்த்தியத்தால் புகழ் பெற்ற தனது சாதனா கட்டை இழக்காது... இயக்குனரின் கோபத்திலிருந்தும் தப்பி விட்டார் இல்லையா? அதனால் தான்.

அந்த ஹேர் ஸ்டைலைத் தான் நம்மூர் நடிகையர் திலகம் பாலிவுட்டில் நடிக்கப் போய் தானும் முயன்று பார்த்தார். அதையே தனது இருமொழிப் படமொன்றில் டபிள் ஆக்ட் வேடத்தில் இரு வேறு வேடங்களை வித்யாசப் படுத்திக் காட்டவும் பயன்படுத்திக் கொண்டார். படித்த, ஸ்டைலான, பிடிவாதம் நிறைந்த பெண் வேடத்துக்கு சாதனா ஹேர் கட் ஸ்டைல், அப்பாவி இல்லத்தரசி வேடத்துக்கு சாதரண நீளப்பின்னல் கூந்தல் ஸ்டைல். இது எப்படி இருக்கு!

அட... ஒரு சாதரண சாதனா ஹேர் கட்டுக்குப் பின்னால் இத்தனை விஷயம் இருக்குமென்று யார் கண்டார்கள்?!

இதை முதலிலேயே கூகுளில் தேடிக் கண்டடைந்திருந்தால் நேச்சுரல்ஸில் குழப்பத்திற்கு இடமில்லாதிருந்திருக்கும்.

ஆனால் பாருங்கள்... மேலே குறிப்பிட்ட சமந்தா கட்டுக்கும், சாதனா கட்டுக்கும் அப்படி ஒன்றும் பெரிய வித்யாசமில்லை என்றே எனக்குத் தோன்றுகிறது.

]]>
சாதனா கட், ஃபேஷன் ஐகான் ஆஃப் பாலிவுட், சாதனா, சாவித்ரி, நடிகையர் திலகம், பார்லர் அனுபவங்கள், sadhana hair cut style, mahanati savithri, audrey hepburn, hollywood star audrey hepburn, ballywood star sadhana, gemini ganeshan, hairstyle, fashion icon http://images.dinamani.com/uploads/user/imagelibrary/2018/5/16/w600X390/z_sadhana.jpg http://www.dinamani.com/lifestyle/lifestyle-special/2018/may/16/அதென்னது-அது--சாதனா-கட்--நீங்க-ட்ரை-பண்ணி-இருக்கீங்களா-கேர்ள்ஸ்-2920978.html
2919581 லைஃப்ஸ்டைல் ஸ்பெஷல் என் தாயைக் கொன்றவர்களுக்கு உச்சபட்ச தண்டனை அளியுங்கள்! ருக்மிணியம்மாளின் மகன் உருக்கமான வேண்டுகோள்! RKV Monday, May 14, 2018 01:09 PM +0530  

குழந்தைக் கடத்தல் வதந்தியாலும், தவறான புரிதலாலும் கடந்த வாரம் பொதுமக்களால் அடித்துக் கொல்லப்பட்ட ருக்மிணியம்மாளின் மகன் 42 வயது கோபிநாத்தின் துயரம் எல்லையற்றது. கோபிநாத்தைப் பின் தொடர்ந்து வந்த அவரது 2 வயது மகன் தனது பாட்டியைக் காண வேண்டும் என்று அழுத காட்சி மேலும் உருக்கமாகவும், வேதனையாகவும் இருந்தது. கடந்த வாரம் செவ்வாய் மாலை வரை தனது பேரன், பேத்திகளுடன் சென்னையை அடுத்த பல்லாவரத்தில் இருந்த தனது மகன் வீட்டில் கதை பேசி மகிழ்ந்து சோறூட்டிக் கொண்டாடி இரவுகளில் அவர்களைத் தூங்க வைத்து தலை கோதிக் கொண்டிருந்த ஒரு வயதான பெண்மணியை அறிமுகமில்லாத கிராம மக்களில் சிலர் குழந்தைக் கடத்தல்காரி எனச் சந்தேகித்து சரமாரியாகத் தாக்கிக் கொன்ற விதம் காணொளியாகக் காணக் கிடைக்கிறது. அதைக் கண்டு துக்கத்திலும், ஆத்திரத்திலும் பொங்கியவராக அவரது மகன் கோபிநாத், ‘எனது தாயை இப்படி அநியாயமாகச் சந்தேகித்துக் கொன்றவர்களுக்கு கடுமையான தண்டனை அளிக்கப்பட வேண்டும், எது அதிகபட்ச தண்டனையோ அது அவர்களுக்கு வழங்கப்பட வேண்டும்’ என்று அரற்றுவது ஒருவகையில் நியாயமானதாகக் கூடத் தோன்றுகிறது. 

காரணம் பிற குழந்தைக் கடத்தல் வதந்திகளைப் போல அல்லாது ருக்மிணியம்மாளின் மரணம் மிக மிக அபத்தமானதாக இருக்கிறது.

கடந்த வாரம் புதன் அன்று அதிகாலை 4 மணிக்கு தனது மருமகன் மற்றும் மைத்துனருடன் அத்திமூர் கிராமத்தில் இருக்கும் குல தெய்வக் கோயிலைத் தேடி காரில் கிளம்பிய ருக்மிணியம்மாளுக்கு அங்கே சென்று நெடுங்காலம் ஆனபடியால் கோயிலிருக்கும் இடத்தைக் கண்டுபிடிப்பதில் சிரமமும், குழப்பமும் இருந்திருக்கிறது. இரண்டு, மூன்று இடங்களில் காரை நிறுத்தி கோயிலிருக்கும் இடத்தைப் பற்றி விசாரித்திருக்கின்றனர். பின்னரும் குழப்பம் நீடித்ததால் மூன்றாவதாக ஓரிடத்தில் காரை நிறுத்தி கோயிலைப் பற்றி விசாரிக்கையில் அங்கே சில குழந்தைகள் விளையாடிக் கொண்டிருப்பதைக் கண்ட ருக்மிணியம்மாள் காரில் இருந்து சில சாக்லேட்டுகளை எடுத்து அவர்களிடம் ப்ரியமாக உண்ணத் தந்திருக்கிறார். அதைக் கண்டு சந்தேகித்த அங்கிருந்த கிராம மக்கள் சத்தம் போடத் தொடங்கியுள்ளனர்.

அம்மாவின் இத்தகைய செயலைப் பற்றிக் குறிப்பிடுகையில் அவரது மகன் கோபிநாத் கூறியது;

‘என் அம்மாவுக்கு எப்போதுமே குழந்தைகள் என்றால் அதிகப் ப்ரியம் உண்டு. எங்கே குழந்தைகளைக் கண்டாலும் அவர்களுடன் அன்பாகப் பேசத் தொடங்கி விடுவார், அந்தச் சமயத்தில் கையில் ஏதும் தின்பண்டங்கள் இருந்தால் குழந்தைகளுக்குத் தராமல் உண்ணவே மாட்டார். இதெல்லாம் அன்பினால் செய்யக்கூடிய காரியங்கள். சம்மந்தப்பட்ட கிராம மக்கள் இதை தவறாக எண்ணி சாக்லேட் கொடுத்து குழந்தைகளைக் கடத்த வந்தவர்கள் என எண்ணி என் அம்மாவையும், அவருடனிருந்த உறவினர்களையும் தாக்கிய செயல் முற்றிலும் வன்முறையானது மட்டுமல்ல கொடூரனமானதும் கூட. குல தெய்வக் கோயிலைக் காண மலேசியாவில் இருந்து தமிழகம் வந்திருந்த உறவினர்களுடன் என் தாய்க்கு நேர்ந்த இந்த கதியை காணொளியாகக் காணும் போது இதயம் நொறுங்கிப் போகிறது’ 

 

கிராம மக்களுக்கு சந்தேகம் இருந்திருந்தால் உடனடியாக காவல்துறையை அணுகியிருக்கலாம். பொதுமக்கள் இரும்புக் கம்பிகளாலும், ஆயுதங்களாலும் தாக்கத் தொடங்கியதுமே அவர்கள் தகராறு எதற்கு என காரை கிளப்பியுள்ளனர். அதைப் புரிந்து கொள்ளாமல் தப்பியோடப் பார்ப்பதாகக் கருதி மேலும் மூர்க்கமாகத் தாக்கி வயதான பெண்மணி என்றும் பாராமல் கொலை செய்த விதம் மனிதத் தன்மையற்றது.

என் அம்மா இதுவரையிலும் யாருக்கும் தீங்கு நினைத்தவரே அல்ல. அவருக்கு இப்படியொரு முடிவு ஏற்பட்டது கண்டு நெஞ்சம் பதறுகிறது.

என் குடும்பத்தினருக்கு இது ஈடு செய்ய முடியாத இழப்பு. இப்படியொரு மோசமான துர்நிகழ்வு வேறு எவருக்குமே ஏற்படக்கூடாது. நமது நீதிஅமைப்பு இப்படிப்பட்ட வதந்தி பரப்புவர்கள் மற்றும் ஆராயாது கொலைத் தாக்குதலில் ஈடுபடுவோருக்கு உச்சபட்ச தண்டனை அளித்து சம்மந்தப்பட்டவர்களுக்கு தகுந்த பாடம் கற்பிக்க வேண்டும். என்று கதறுகிறார் தாயை இழந்த கோபிநாத்.

Video Courtesy:  sun news.

]]>
குழந்தை கடத்தல் வதந்திக் கொலைகள், ருக்மிணியம்மாள், போளூர் சம்பவம், child trafficking rumours, Whatsapp led to mob violence, rumour mongers, Give maximum punishment, victim rukmini, polur village http://images.dinamani.com/uploads/user/imagelibrary/2018/5/14/w600X390/polur_incident_victim_rukmini.jpeg http://www.dinamani.com/lifestyle/lifestyle-special/2018/may/14/give-maximum-punishment-to-my-mothers-killers--gopinath-so-rukmini-2919581.html
2916459 லைஃப்ஸ்டைல் ஸ்பெஷல் வெளிநாடுகளில் எகிறிக் கொண்டிருக்கும் தமிழக முருங்கைக் கீரையின் மவுசு! RKV DIN Wednesday, May 9, 2018 03:30 PM +0530  

நெல்லை மாவட்டம் திசையன்விளை அருகேயுள்ள கடகுளம் கிராமத்தைச் சேர்ந்த 45 வயது நெல்சன் வெளிநாடுகளுக்கு முருங்கைக் கீரை இலைகளை தெர்மாக்கோல் பெட்டிகளில் அடைத்து ஏற்றுமதி செய்து விற்பனை செய்து வருகிறார்.

துபாய், ஏமன் உள்ளிட்ட நாடுகளில் நம்மூர் முருங்கை இலைகளுக்கு கிடைத்த ஏகோபித்த வரவேற்பால் இது சாத்தியமானது என்று கூறும் நெல்சன், ஆரம்பத்தில் காய்கறி ஏற்றுமதி நிறுவனம் ஒன்றில் கூலித்தொழிலாளியாகப் பணியாற்றி வந்தவர். 8 ஆம் வகுப்பு வரை மட்டுமே படித்தவரான நெல்சன் முருங்கை இலைகளுக்கு கிடைக்கும் வரவேற்பைக் கண்டு வியந்து அவற்றை ஏற்றுமதி செய்து வருவாய் ஈட்டுவதற்கான முயற்சிகளை எடுத்தார். அவரது முயற்சி வெற்றியைத் தந்துள்ளது. நெல்லை மாவட்டம் திசையன்விளைப் பகுதியில் அமோகமாக நடைபெற்று வரும் முருங்கை சாகுபடியை ஒட்டி கடந்த 2 வருடங்களாக நெல்சன் முருங்கை இலைகளை ஐஸ்பார் பொருத்தப்பட்ட தெர்மாக்கோல் பெட்டிகளில் பிளாஸ்டிக் உறைகளில் இட்டு அடைத்து ஏற்றுமதி செய்து வருகிறார்.

இதைப்பற்றி நெல்சன் என்ன சொல்கிறார் என்று பாருங்கள்;

‘ஆரம்பத்தில் காய்கறி ஏற்றுமதி நிறுவனமொன்றில் கூலித்தொழிலாளியாகப் பணிபுரிந்து வந்த எனக்கு, நாமே இந்த ஏற்றுமதித் தொழிலில் இறங்கினால் என்ன என்ற எண்ணம் வந்தது. ஆனால் ஏற்றுமதி லைசென்ஸ் எடுக்கும் முறைகளை எல்லாம் நான் அறிந்திருக்கவில்லை. சொந்தமாக ஏற்றுமதி செய்யவேண்டும் என்ற ஆர்வத்தின் காரணமாக நானாக முயன்று ஏற்றுமதி லைசென்ஸ் எடுப்பது எப்படி எனத் தெரிந்து கொண்டேன். அதன் பயனாக இன்று  என்னால் 50 பேருக்கு வேலை வாய்ப்பை உருவாக்கித்தர முடிந்திருக்கிறது. இந்த விஷயத்தில் அரசாங்க உதவி இருந்தால்... அதாவது ஐஸ் பிளாண்ட், பேக்கிங் ஹவுஸ், குளிர்சாதன வசதி பொருத்தப்பட்ட கண்டெய்னர் வண்டிகள் என அரசு உதவி கிடைத்தால் என்னால் இத்துறையில் மேலும் 1000 பேருக்கு வேலை தர முடியும்.’  

- என்கிறார்.

முருங்கை இலை மற்றும் முருங்கைக் காய்க்கு கிடைத்த வரவேற்பால் இந்தப் பகுதியில் முருங்கை சாகுபடி அதிகரித்துள்ளது.

Concept courtesy: Thanthi TV

]]>
முருங்கை இலை மவுசு, முருங்கைக் கீரை மகிமை, ஏற்றுமதியாகும் முருங்கைக் கீரை, drumstick leaves, drumstick export http://images.dinamani.com/uploads/user/imagelibrary/2018/5/9/w600X390/murungai_kai.jpg http://www.dinamani.com/lifestyle/lifestyle-special/2018/may/09/வெளிநாடுகளில்-எகிறிக்-கொண்டிருக்கும்-தமிழக-முருங்கைக்-கீரையின்-மவுசு-2916459.html
2916444 லைஃப்ஸ்டைல் ஸ்பெஷல் ஒரே வாரத்தில் 3 முதல் 5 கிலோ வரை எடை குறைக்க ஒரு சூப்பர் டயட்! RKV Wednesday, May 9, 2018 01:39 PM +0530  

அதிகாலையில் வெறும் வயிற்றில் காஃபீ, டீ அருந்துவதைத் தவிர்த்து விட்டு தேங்காய்ப்பாலோ அல்லது மலை நெல்லிக்காய் சாறோ தொடர்ந்து ஒரு வாரத்துக்கு அருந்துங்கள். இவை இரண்டுமே மிகச்சிறந்த நச்சு நீக்கிகள். உடலில் தேங்கி இருக்கும் நச்சுக்கள் அனைத்தையும் வெளியேற்றி குடலைச் சுத்தம் செய்வதில் இவை முக்கியப் பங்காற்றுகின்றன.

காலையில் 8 மணி முதல் 9 மணிக்குள் காலை உணவைச் சாப்பிட்டு விடுங்கள். காலை உணவாக முளைகட்டிய பயிறுகளை சாப்பிடலாம். முளை கட்டிய பயிறுகளில் உடல் ஆரோக்யத்துக்குத் தேவையான அத்தனை சத்துக்களும் பூரணமாக இருக்கின்றன. அவற்றை காலையில் உட்கொள்வதால் மூளை சுறுசுறுப்படைவதுடன் உடல் இயங்க போதிய ஆற்றலும் கிடைத்து மதிய உணவு நேரம் வரை பசியுணர்வும், சோர்வும் இல்லாமலும் இயங்க முடியும். எந்தெந்தப் பயிறுகளை முளை கட்டுவதென்றால் பாசிப்பயிறு, உளுந்து, கேழ்வரகு, கம்பு, முக்கடலையுடன் சிறிது வெந்தயத்தையும் முளைகட்டி எடுத்துக் கொள்ளலாம். பாசிபயிறில் புரதம் அதிகமிருக்கிறது, கம்பில் கால்சியச் சத்து அதிகமுண்டு, கேழ்வரகில் இரும்புச்சத்து போதுமான அளவு இருக்கிறது. இவற்றோடு வெந்தயம் எடுத்துக் கொண்டால் போதிய நார்ச்சத்தும் கிடைத்து விடும். முளைகட்டிய பயிறுகளை அப்படியே சாப்பிட போர் அடித்தால் அதில் கொஞ்சல் எலுமிச்சைச் சாறு பிழிந்து, சிறிது அரிந்த சின்ன வெங்காயம், பொடியாக நறுக்கிய இஞ்சி, பூண்டுத் துறுவல் இட்டு உப்பும், மிளகும் அளவாகத் தூவியும் சாப்பிடலாம். சுவையாக இருப்பதோடு சலிக்காமலும் இருக்கும். முளைகட்டிய பயிறு சாப்பிட சலிப்பாக இருந்தால் ஒரு நாள் முளை கட்டிய பயிறு வகை மறுநாள் சத்தான காய்கறி சாலட்டுகள் என மாற்றி மாற்றியும் சாப்பிட்டுக் கொள்ளலாம். காய்கறி சாலட்டுக்கு கேரட், பீட்ரூட், வெள்ளரிக்காய், முட்டைக்கோஸ், முள்ளங்கி உள்ளிட்ட காய்கறிகளைப் பயன்படுத்தலாம்.

மதிய உணவாக நிறையக் காய்கறிகளையும் ஒரே ஒரு கப் சிறு தானிய சோற்றையும் ஒரு கப் கீரையையும் சாப்பிட வேண்டும். சிறு தானியங்களென்றால் சாமை, வரகு, திணை, கம்பு, கேழ்வரகு, சீரகச் சம்பா குருணை அரிசி, என ஏதோவொன்றை சோறாக வடித்துப் பயன்படுத்தலாம். அரிசிச் சோற்றை கூடுமான வரை நிச்சயமாக உடல் எடை குறையும் வரை தவிர்த்து விடுதல் நல்லது. இதே அசைவ உணவுப் பழக்கம் இருப்பவர்கள் 150 கிராம் மட்டுமே அசைவ உணவுகளை உண்ணலாம் அவற்றோடு சேர்த்து சிறு தானிய உணவு ஒரு கப் சாப்பிடலாம்.

இரவு உணவாக வெறும் பழங்கள் மட்டுமே எடுத்துக் கொள்ளுங்கள். கொய்யா, வாழை, செவ்வாழை, மாதுளை என எல்லாவகைப் நாட்டுப் பழங்களையும் இரவில் சாப்பிடலாம். படுக்கைக்குச் செல்வதற்கு 2 மணி நேரத்திற்கு முன்பே இரவு உணவை முடித்து விட வேண்டும்.

இந்த டயட்டை தொடர்ந்து 7 நாட்களுக்குப் பிடிவாதமாகப் பின்பற்றினால் நிச்சயமாக உங்களது உடல் எடை 3 முதல் 5 கிலோ வரை குறையும் என யூ டியூப் காணொளியொன்றில் கூறுகிறார்கள்.

அந்தக் காணொளி...

பின்பற்றிப் பார்த்து விட்டு பலிதமானால் எங்களுக்கு எழுதுங்கள். இது பெரிதாக நோய்த்தாக்குதல் இல்லாத சாமானியர்களுக்கு ஆபத்தில்லாத டயட் தான். இதனால் எதிர்விளைவுகள் எனப் பெரிதாக ஏதும் நிகழ்ந்து விடப் போவதில்லை. ஆரோக்யக் குறைபாடுகளோ அல்லது பெரிய நோய்த்தாக்கங்களிலோ இருப்பவர்கள் இம்மாதிரியான டயட்டுகளை மருத்துவர் ஆலோசனையோ, பரிந்துரையோ இல்லாமல் எடுப்பது உசிதமானதல்ல.

]]>
weight loss, super diet plan, ஒரே வாரத்தில் எடை குறைப்பு, டயட் பிளான், 3 முதல் 5 கிலோ எடை குறைப்பு http://images.dinamani.com/uploads/user/imagelibrary/2018/5/9/w600X390/diet_plan.jpg http://www.dinamani.com/lifestyle/lifestyle-special/2018/may/09/3-to-5-kgs-weight-lossing--diet-plan-within-a-week-2916444.html
2916410 லைஃப்ஸ்டைல் ஸ்பெஷல் கார்பைடு ரசாயன ஆபத்தில்லாத சரியான மாம்பழங்களைத் தேர்ந்தெடுப்பது எப்படி?  RKV Wednesday, May 9, 2018 12:18 PM +0530 மாம்பழங்கள் சுவையாக இருந்தால் வெறுப்பவர் யார்? எல்லோருக்குள்ளும் இருக்கிறது சுவையான மாம்பழ தாகம். ஆனால் இப்போது சந்தைக்கு வரும் மாம்பழங்கள் சுவையாக இருக்கின்றன. கார்பைட் கல் வைத்துப் பழுக்க வைக்கப்படும் மாம்பழங்களில் சுவையை எதிர்பார்ப்பது கூட மடத்தனம். கடந்த ஆண்டு கூட ஓரளவுக்கு மாம்பழ சீசனான மே, ஜூன் மாதங்களில் கடைகள் தோறும் ஓரளவுக்கு மாம்பழங்கள் குவிந்திருந்தன. அவை சுவையானவையா? சுவையற்றவையா? என்பது தாண்டி கண்களுக்குக் குளிர்ச்சியாக கடைகள் தோறும் ரகம், ரகமாக மாம்பழங்கள் அடுக்கப்பட்டிருந்த காட்சி கண்களுக்கு விருந்தாகின. ஆனால், பாருங்கள் இந்த ஆண்டு இதோ மே முதல் வாரம் கடந்து விட்டது. இப்போதும் கூட கண்ணுக்கு குளிர்ச்சியாக குவியல், குவியலாக மாம்பழங்களைக் காண முடியவில்லை.

மாந்தோப்புகள் நிறைந்த தேனி மாவட்டத்தில் கூட மாம்பிஞ்சுகளைத் தான் காண முடிகிறதே தவிர கொத்துக் கொத்தாக கைக்கெட்டும் தூரத்தில் சிக்கும் மாம்பழங்களைக் காணவே முடியவில்லை. இது ஒரு மாம்பழப் ப்ரியையான என் போன்றோருக்கு மிகப்பெரிய ஏமாற்றம். அதற்காக மாஸா, ஸ்லைஸ் பழரச விளம்பரங்களில் மூளைச் சலவை செய்யப்படுவதற்கேற்ப அவற்றை வாங்கிக் குடித்தா என் மாம்பழ தாகத்தைப் போக்கிக் கொள்ள முடியும். எனக்கு இந்த சீசன் முடிவதற்குள் மாம்பழச்சாறு முழங்கையில் வழிய வழிய மாம்பழம் சாப்பிட்டே ஆக வேண்டும். ஒருவேளை இந்த ஆசை சீசன் முடிவதற்குள் ஈடேறலாம்.

சரி இப்போது கார்பைடு ஆபத்தில்லாத சரியான மாம்பழங்களைத் தேர்ந்தெடுப்பது எப்படி எனப் பார்க்கலாம்...

  • மாம்பழங்களை மாம்பழ சீசனில் மட்டுமே வாங்கி உண்பதே சாலச் சிறந்தது. இன்றைய இணைய உலகில் எப்போது வேண்டுமானாலும் எதையும் ஆர்டர் செய்து பெற்று விடலாம் எனும் முயற்சியில் சீசன் இல்லாத போது கூட மாம்பழங்களும், பலாப்பழங்களும், தர்பூசணிகளும் கிடைக்கக் கூடும். ஆனால் அவற்றை சீசன் இல்லாத காலகட்டங்களில் அழுகாமல் பாதுகாக்க என்னென்ன விதமான ரசாயனங்களைத் தடவி, குளிப்பாட்டிப் பாதுகாக்கிறார்கள் என்பதெல்லாம் நமது கற்பனைக்கு அப்பாற்பட்டவை. எனவே அந்தந்த சீசனில் விளையும் பழங்களை மட்டுமே அவ்வப்போது வாங்கி உண்ணப் பழகுங்கள். அந்த வகையில் மாம்பழங்கள் வாங்கிச் சுவைக்க ஏற்ற பருவம் ஒவ்வொரு வருடமும் மே மாதம் முதல் ஜூலை மாதம் வரையிலான காலகட்டம் மட்டுமே.
  • அனுபவஸ்தர்கள் எனில் மாம்பழங்களை அழுத்திப் பார்த்தால் அவற்றின் இளகுதன்மை, பழத்திலிருந்து கசியும் வாசனை, மற்றும் தோலின் சுருக்கங்களைக் கொண்டு பழங்கள் பழுத்தவையா அல்லது பழுத்து விட்டவை போலத் தோற்றமளிப்பவையா என எளிதில் கண்டறிந்து விடலாம்.
  • மாம்பழங்களின் மேல்தோல் சுருங்கி, அவற்றில் கரும்புள்ளிகள் சில தோன்றத் தொடங்கி விட்டதென்றால் அத்தகைய பழங்கள் உடனடியாக உண்பதற்குத் தோதானவை என்று அர்த்தம். அதற்கு மேல் நாட்களைக் கடத்தினால் அந்தப் பழங்கள் அழுகி விடக்கூடும்.
  • நீங்கள் வாங்கிய மாம்பழங்கள் பழுத்தவையா, அல்லது அரைவாசி பழுத்தவையாகவோ, ஏன் பழுக்காத காய்களாகவோ கூட இருக்கட்டும், அவற்றை வீட்டுக்கு எடுத்து வந்த உடனே சிறிது நேரம் தண்ணீரில் ஊற வைத்து விட்டுப் பிறகு கழுவி சாப்பிடத் தொடங்குங்கள். ஏனெனில் தற்போது மாம்பழங்களிலும் கூட கவர்ச்சியாகத் தோன்றவும், விற்பனையை அதிகரிக்கவும் மெழுகு பூசப்படுவதாகக் கேள்வி. தண்ணீரில் ஊற வைத்தால் மாம்பழத் தோலில் படிந்துள்ள ரசாயனங்கள் கரைந்து விடும். 
  • மாம்பழம் வாங்குவதாக இருந்தால் காய்ப்பருவத்திலேயே வாங்கி வீட்டில் வைத்து பழுக்க வைத்துச் சாப்பிடுங்கள். மாம்பழங்களை பழுக்க வைக்க இயற்கையான முறையில் வைக்கோலில் புதைத்து வைப்பது, அரிசிக்குள் புதைத்து வைப்பது எனச் சில முறைகளை இல்லத்தரசிகள் தொன்று தொட்டு பயன்படுத்தி வருகிறார்கள். அந்த முறையே உகந்தது.
  • மாம்பழங்களின் மேல்தோல் மென்மையாகவும், பளபளப்பாகவும் இருந்தால் அது செயற்கை முறையில் பழுக்க வைக்கப்பட்டிருக்க அதிக சாத்தியக்கூறுகள் உள்ளன.

Image courtesy: moneycontrol.com

]]>
mango season, ripened mangoes, ripeining without carbide, மாம்பழ சீசன், தேர்வு செய்ய டிப்ஸ், ரசாயனமற்ற மாம்பழங்கள் http://images.dinamani.com/uploads/user/imagelibrary/2018/5/9/w600X390/mangoe1.jpg http://www.dinamani.com/lifestyle/lifestyle-special/2018/may/09/mangoes-ripened-without-carbide-stones-2916410.html
2915777 லைஃப்ஸ்டைல் ஸ்பெஷல் டாய்லெட் சுத்தம் செய்வதில் ஆசிட், ஹார்பிக்குக்கு ‘நோ’ சொல்லுங்க பாக்டீரியாவுக்கு ‘எஸ்’ சொல்லுங்க! RKV Tuesday, May 8, 2018 04:35 PM +0530  

இன்று இந்தியா முழுவதுமிருக்கிற ஒரே மிகப்பெரிய பிரச்னை கழிவு நீர் சுத்திகரிப்பு தான். கழிவுநீரை முறையாகச் சுத்திகரிக்க முடிந்தால் நாம் நீர் மேலாண்மை பற்றிக் கவலை கொள்ளத் தேவை இல்லை என்கிறார் இந்தப் பெரியவர். காரணம் கழிவுநீர் சுத்திகரிப்பில் மிக மோசமானதாகக் கருதப்படுவது மனித திடக் கழிவுகளைச் சேகரிக்கும் செப்டிக் டேங்குகள் அல்லது கழிவுநீர்க் குட்டைகளைச் சுத்தம் செய்வது தான். மிக எளிதான முறையில் இந்த செப்டிக் டேங்குகளை சுத்தம் செய்ய முடிவதோடு மனிதக் கழிவுகளை முற்றிலுமாக இல்லாமலாக்கி அந்தக் கழிவுநீரை சுத்திகரிக்க முடியுமென்றால் அது நிச்சயம் அருமையான வழிமுறையாகத் தான் இருக்கக் கூடும்.

மனிதக் கழிவுகளை உண்ணக்கூடிய பாக்டீரியாக்களை வாங்கி செப்டிக் டேங்குக்குள் ஒருமுறை போட்டு விட்டால் போதும். அவை உள்ளிருக்கும் திடக் கழிவுகளை உண்ட பின்பு வெறும் நீர் மட்டுமே செப்டிக் டேங்குகளில் மிஞ்சும். அந்த நீரில் தற்போது மனித சிறுநீரில் இருக்கக் கூடிய யூரியா மட்டும் தான் இருக்கும் என்கிறார்கள் இத்தகைய கழிவுநீர் மேலாண்மையில் அக்கறையும், சமூகப் பொறுப்புணர்வும் கொண்டவர்கள். இப்போது சுத்திகரிக்கப்பட்டு யூரியா மட்டுமே மீந்த இந்த நீரை காய்கறிச் செடிகளுக்கு ஊற்றலாம். அது மிகச்சிறந்த ஆர்கானிக் உரமாகவும் செயல்படும் என்கிறார்கள் தோட்டக்கலைத்துறையினர்.

செப்டிக் டேங்குகள் மற்றும் பாத்ரூம் டாய்லெட்டுகளை சுத்தம் செய்ய பெரும்பாலும் ஆசிடுகள் (அமிலங்கள்) பயனபடுத்தப் படுகின்றன. இது முற்றிலும் தவறான முறை. அமிலங்கள் பயன்படுத்துவதால் செப்டிக் டேங்க்குகளில் விஷவாய்ய்க்கள் உருவாகி அவற்றைச் சுத்தம் செய்வதற்காக மனிதர்கள் உள்ளிறங்குகையில் உயிர்ப்பலி நேரிட்டு விடுகிறது. அது மட்டுமல்ல கழிவுநீரும் சுத்திகரிக்க இயலாத வண்ணம் விஷத்தன்மை கொண்டதாக மாறிவிடுகிறது. கழிவுநீர் மேலாண்மையில் இது மிக மோசமான அணுகுமுறை. அப்படிச் செய்யக் கூடாது. செப்டிக் டேங்கில் இருக்கும் கழிவுகளை சுத்தம் செய்ய மனிதமலம் உண்ணும் பாக்டீரியாக்களை 10 வருட்னக்களுக்கு ஒருமுறை செப்டிக் டேங்குக்குள் போட்டு விட்டால் போதும். பிறகு அதைப்பற்றி வருந்தாமல் செப்டிக் டேங்கில் சேரும் திரவக் கழிவுநீரை அப்படியே எடுத்து வீட்டுத் தோட்டங்கள் மற்றும் மாடித்தோட்டங்களுக்கு நீர் பாய்ச்சப் பயன்படுத்தலாம். அதே போல வீட்டிற்குள் டாய்லெட்டுகளை சுத்தம் செய்ய விரும்பும் போது ஆரஞ்சு, லெமன் உள்ளிட்ட பொருட்களை தோலோடு காயவைத்து நன்கு காய்ந்த பின் அப்படியே மிக்ஸியில் அரைத்து எடுத்து வைத்துக் கொள்ள வேண்டும். இந்தக் கலவை கொண்டு டாய்லெட்டுகளைச் சுத்தம் செய்தால் விஷ வாயுக்கள் உருவாவதைத் தடுக்க முடிவதோடு நமது வீட்டுத் தோட்டங்களுக்கு அருமையான ஆர்கானிக் உரமும் கிடைக்க உத்தரவாதமளிக்கலாம்.
 

]]>
கழிவு நீர் மேலாண்மை, செப்டிக் டேங்க் சுத்திகரிப்பு, கழிவு நீர் சுத்திகரிப்பு, டாய்லெட், ஹார்பிக் ஆசிட், horpic, toilet http://images.dinamani.com/uploads/user/imagelibrary/2018/5/8/w600X390/zkazivu_neer_melanmai.jpg http://www.dinamani.com/lifestyle/lifestyle-special/2018/may/08/டாய்லெட்-சுத்தம்-செய்வதில்-ஆசிட்-ஹார்பிக்குக்கு-நோ-சொல்லுங்க-பாக்டீரியாவுக்கு-எஸ்-சொல்லுங்க-2915777.html
2915094 லைஃப்ஸ்டைல் ஸ்பெஷல் விமான நிறுவனங்கள் பெரும்பாலும் வெளிப்படுத்த விரும்பாத விமான ரகசியங்கள்... RKV Monday, May 7, 2018 04:16 PM +0530  

விமானத்தில் பயணிப்பது இன்றும் கூட பெரும்பாலானோருக்கு ஒரு வாழ்நாள் கனவே. விருப்பத்துக்குரியவர்களை விமானத்தில் அழைத்துச் சென்று திரும்ப வேண்டும் என்பதை லட்சியமாகக் கொண்ட ஆண்களையும், பெண்களையும் நீங்கள் கதைகளிலோ, நேரிலோ கண்டிருக்கலாம். அந்த அளவுக்கு விமானப் பயணமும், விமானங்களும் நம் மக்கள் மனதில் ஆடம்பரத்திற்குரிய அல்லது கொண்டாட்டத்துக்குரிய ஒரு விஷயமாகத் தான் இன்றளவும் அணுகப்படுகிறது. ஆனால், ஒருமுறை விமானத்தில் நெடுந்தூரப் பயணமோ அல்லது குறும்பயணமோ சென்று திரும்பியவர்களிடம் கேட்டுப் பார்த்தால் தெரியும். விமானத்தில் பயணிப்பதென்பது அனைவருக்குமே அப்படி ஒன்றும் ரசமான அனுபவமாக அமைந்திராது என்று.

விமானப் பயணத்தின் செளகர்யங்கள் விமானத்தில் நாம் பயணிக்கும் வகுப்பைப் பொருத்தது. எகனாமிக் கிளாஸ் என்பது நம்மூர் டவுன் பஸ் கணக்காகத் தான் இருக்குமென்பது அடிக்கடி அதில் துபாய், சிங்கப்பூர், சீனா என்று சென்று திரும்பும் நெருங்கிய உறவினர் ஒருவரது கூற்று. அவரைப் பொருத்தவரை டவுன் பஸ்ஸிலாவது மூச்சு முட்டினால் திடீரென நடுவில் நிறுத்தி வேறு பஸ் பிடித்துச் செல்லலாம். ஆனால் விமானத்தில் மூச்சு முட்டுகிறது என்று அவ்வாறு செய்ய முயன்றால் அதன் பெயர் தற்கொலை :) அதுவே பிஸினஸ் கிளாஸில் பயணித்தால் அதன் ரேஞ்சே வேறு. அங்கே 5 நட்சத்திர உபசாரம் நடக்கும். ஆனால், எல்லோராலும் பிஸினஸ் கிளாஸ் அல்லது எக்ஸிகியூட்டிவ் கிளாஸில் பயணிக்க முடியாது என்பதே நிதர்சனம். விமானத்தில் பயணிப்பதென்பது இந்திய மனநிலையைப் பொருத்தவரை லக்ஸுரி என்பதாகவே இன்றளவிலும் நீடிக்கிறது. அதை உடைப்பதே இக்கட்டுரையின் நோக்கம். அதையும் கூட விமான நிறுவன ஊழியர் ஒருவர் அளிக்கும் தகவல்களின் துணை கொண்டு உடைத்தால் சுவாரஸ்யமாகத் தான் இருக்குமில்லையா?

கொஞ்சம் வேடிக்கையும் கொஞ்சம் சமூக அக்கறையும் கலந்த அந்த விமான ரகசியங்களைப் பற்றிப் பார்ப்போமா?

  1. விமானத்தில் விமானப் பணிப்பெண்கள் உங்களுக்கு அளிக்கும் தலையணைகள் மற்றும் போர்வைகள் பலமுறை பயன்படுத்தப்பட்ட பிறகே துவைக்க அனுப்பப்படுகின்றனவாம்.

நாம் விமானப் பயணத்தின் போது கொண்டு செல்லும் லக்கேஜுகள் (Transportation Security Administration (TSA அப்ரூவ்டு லாக்குகள்)) என்று குறிப்பிடப்படக்கூடிய பூட்டுகளால் பூட்டப்படவில்லை எனில் உங்கள் சூட்கேஸுகள் வளைவு முகவர்கள், கேட் ஏஜண்ட்டுகள், மற்றும் சக பயணிகளால் கூட திறக்கப்படக் கூடும் அபாயமிக்கவையாக மாறக்கூடுமாம்.

விமானப் பயணத்தின் போது விமானப் பணிப்பெண்களால் உங்களுக்கு அளிக்கப்பட்ட ஹெட் ஃபோன்கள் எப்போதுமே புதியவை அல்ல. அவை புதிது போல பிளாஸ்டிக் கவர் சுற்றி எடுத்துவரப்பட்டு உங்களுக்கு அளிக்கப்பட்டாலும் கூட அவை பழையவையும் பல முறை பயன்படுத்தப் பட்டவையுமே என்கிறார்கள்.

விமானப் பணிப்பெண்கள் உங்களை சோதிக்கும் போது உங்களது கைப்பையில் மீச்சிறு அதிர்வொலி எழுந்தாலும் கூட உடனடியாக அவர்கள் அதைச் சோதிக்க முன்வர வேண்டும். 

விமானப் பயணத்தின் போது உங்களுக்கு அளிக்கப்படும் காஃபீ, டீ போன்றவை தயாரிக்கப் பயன்படுத்தப்படும் தண்ணீர் நீங்கள் நினைக்கும் அளவுக்கு அல்லது உங்களது எதிர்பார்ப்பைப் பூர்த்தி செய்யும் அளவுக்கு அத்தனை சுத்தமானது இல்லையாம்.

மழைநாட்களின் போது கடினமாகத் தோன்றும் விமானத் தரையிறக்க முயற்சி கூட விமானிகளால் திட்டமிட்டு நிகழ்த்தப்படும் செயலாகத் தான் கருதவேண்டியதாயிருக்கிறது. ஏனெனில் புயலினால் ஓடுதளத்தில் பரவிய கடினமான தரைத்தளத்தை உடைக்கும் முயற்சியாக அவர்கள் கடினமான லேண்டிங் முறையை முயற்சிக்கக் கூடும் என்கிறார்கள் சில விமானநிலைய ஊழியர்கள்.

விமானக் குளியலறையின் வெளியே ஒரு ரகசியப் பூட்டு உள்ளது. பயணிகள் எவரேனும் தவறுதலாக குளியலறைக் கதவை திறக்க முடியாத அளவில் பூட்டிக் கொண்டார்கள் எனில் அப்போது விமானப் பணிப்பெண்கள் கதைவைத் திறந்து பயணிகளைக் காக்க இந்தப் பூட்டு உதவுமாம்.

விமானப் பணிபெண்களுக்கு அன்பளிப்பாக அள்ளித்தர உங்களிடம் பணம் கொட்டிக் கிடக்கிறதென்றால் நீங்கள் எந்த வகுப்பில் பயணித்தாலும் அது பிஸினஸ் கிளாஸ் தரத்தில் அமையுமாறு செய்வதில் சமர்த்தர்களாம் விமானப் பணிப்பெண்கள். 

சில விமானிகள் நடுவானில் விமானத்தை ஆட்டோமாடிக் ஃப்ளை ஆப்சனில் போட்டு விட்டு பயணத்தின் இடையே இப்படி குட்டித் தூக்கம் போடுவதும் உண்டாம்.

பெரிய கட்டணத்தைத் தவிர்க்க லக்கேஜ்களை கேட்டில் பரிசோதிப்பது நல்லது.

விமானத்தின் கதவுகள் மூடப்பட்ட நொடி முதல் அந்த விமானத்தை இயக்கும் விமானிக்கு உள்ளிருப்பவர்கள் எவரேனும் குற்றச்செயல்களில் ஈடுபட்டால் அவர்களை கைது செய்யும் அங்கீகாரம் வழங்கப்படுகிறது.

பதவி மூப்பு மற்றும் அனுபவத்திறன் அடிப்படையில் என்ன தான் வேறுபாடுகள் நிலவினாலும் விமானியும், துணை விமானியும் தங்களுக்கிடையே சரிசமமாகத் தான் வேலையைப் பங்கிட்டுக் கொள்கிறார்கள்.

மனித உடலுறுப்புகளை உறுப்பு மாற்று அறுவை சிகிச்சைகளுக்காக பத்திரமாகக் கொண்டு சென்று சேர்ப்பதில் விமானங்கள் எப்போதும் முதலிடத்தில் இருக்கின்றன. அது முறையானதாக இருந்தாலும் முறையற்று சட்டத்திற்குப் புறம்பானதாக சட்டத்தை ஏமாற்றும் விதமாக இருந்தாலும் கூட.

நீங்கள் மிகப்பெரிய பிரபலமான விமானநிறுவனத்தின் விமானத்தில் பயணிக்கிறீர்கள் என்பதற்காக உங்களது விமானி மிகவும் அனுபவத் திறன் வாய்ந்தவர் என்று கற்பனை செய்யாதீர்கள். 

பெரும்பாலான விமானப் பணிப்பெண்கள் தங்களது பயணிகளின் செல்ஃபோன்களை ஆஃப் செய்யச் சொல்லி ஆணையிடும் அதே நேரத்தில் தங்களது செல்ஃபோன்களை ஸ்விட்ச் ஆஃப் செய்வதில்லை.

வானில் மின்னல் தோன்றக்கூடிய எல்லா நேரங்களிலும் பெரும்பாலும் விமானங்கள் இயற்கைத் தாக்குதலுக்கு உள்ளாகின்றன.

விமானங்களில் பயணிகளுக்கானதைப் போல அல்லாது விமானிகளுக்கான உணவு வேறு தரத்தில் தயாரித்து அளிக்கப்படுகின்றனவாம்.

விமானங்களில் உங்களது இருக்கைக்கு மேலிருக்கும் ஆக்ஸிஜன் முகமூடிகளில் 15 நிமிடங்களுக்கான ஆக்ஸிஜன் சேமித்து வைக்கப்பட்டிருக்கும்.

Source: Travel website.

]]>
விமான ரகசியங்கள், airline secrets, travel tips, விமானப் பயணக் குறிப்புகள் http://images.dinamani.com/uploads/user/imagelibrary/2018/5/7/w600X390/bribe_the_flight_attendant.jpg http://www.dinamani.com/lifestyle/lifestyle-special/2018/may/07/airline-secrets-they-do-not-want-to-be-exposed-2915094.html
2908085 லைஃப்ஸ்டைல் ஸ்பெஷல் ஒழுக்கம் என்பதன் உண்மையான அர்த்தம் என்ன? சொல்கிறார் சைலேந்திர பாபு ஐபிஎஸ்! RKV Thursday, April 26, 2018 04:01 PM +0530  

யூ டியூப் இணையதளத்தில் சைலேந்திர பாபு ஐபிஎஸ் அவர்களின் நேர்காணலொன்றைக் காண நேர்ந்தது. தமிழ்நாட்டில் எத்தனையோ ஐபிஎஸ், ஐஏஎஸ் அதிகாரிகள் இருக்கலாம். அவர்களில் பெயர் சொன்னால் தெரியுமளவுக்கு மக்களுக்கு நன்றாக அறிமுகமானவர்கள் வெகு சிலரே. அவர்களில் எஸ்பி சைலேந்திர பாவுவும் ஒருவர். அவரிடம் நிகழ்ச்சியின் நெறியாளர் பல கேள்விகள் கேட்டார். அதிலொன்று இன்றைய இளம் தலைமுறையினர் பின்பற்ற வேண்டிய எதிக்ஸ் என்று சொல்லப்படக்கூடிய நெறிமுறைகள் மற்றும் ஒழுக்கம் பற்றியது.

உண்மையில் எதிக்ஸ் என்றால் என்ன? ஒழுக்கம் என்றால் என்ன?

நான் பல கல்லூரி விழாக்களில் சிறப்பு விருந்தினராக அழைக்கப்பட்டிருக்கிறேன். அப்படிச் செல்லும் போது அனைத்துக் கல்லூரிகளிலும் முதல்வர்கள் என்னிடம் பேசும் போது, ‘எங்கள் கல்லூரியில் மாணவர்களின் ஒழுக்கத்திற்கு தான் முன்னுரிமை அளிக்கிறோம். எக்காரணம் கொண்டும் கல்லூரி ஒழுக்க விதிகளை மாணவர்கள் மீறக்கூடாது என்பதில் நாங்கள் மிக ஸ்ட்ரிக்ட்டாக இருக்கிறோம் என்பார்கள்.

இங்கே அவர்கள் ஒழுக்க நெறிமுறைகள் என்று சுட்டிக் காட்டுவது கல்லூரியில் செல்ஃபோன்கள் பயன்படுத்தத் தடை, மாணவர்கள் மது அருந்தாமல் இருப்பது, புகைக்காமல் இருப்பது, மாணவிகளிடம் அனாவசியமாகப் பேசாமல் இருப்பது, போன்ற விஷயங்களாக இருக்கும். மேற்கண்ட விஷயங்களை மட்டுமே எந்த விதத்தில் இவர்கள் ஒழுக்க நெறிமுறைகளில் சேர்க்கிறார்கள் என்று எனக்குத் தெரியவில்லை.

நிஜம் தான் மாணவர்கள் தங்களது கல்லூரி நேரத்தில் அவர்கள் மேலே குறிப்பிட்ட விஷயங்களைச் செய்யக் கூடாது என்பது ஒழுக்க நெறிமுறை தான். ஆனாலும், அதையும் தாண்டி ஒழுக்கம் என்பதற்கு வேறு ஆழமான அர்த்தம் இருப்பதாக நான் நம்புகிறேன்.

பிறரை நேசிக்க வேண்டும், பிறருக்கு எந்த விதமான கெடுதலும் செய்யாமல் இருக்க வேண்டும். இது தான் உலகின் மிகப்பெரிய எதிக்ஸ் மற்றும் ஒழுக்கவிதி என்பேன் நான்.

உலகில் எதிக்ஸ் என்பது மிகப்பெரிய விஷயம். அதன் அடிப்படை இதிலிருந்து தான் தொடங்குகிறது. இது சரியான விதத்தில் புரிந்து கொள்ளப்பட்டால் உலகின் தலைசிறந்த ஒழுக்க விதியாக இதைத்தான் சொல்வேன் நான்.’ என்றார்.

அதுமட்டுமல்ல; யூபிஎஸ்இ உள்ளிட்ட குடிமைப் பணித்தேர்வுகளுக்குத் தயாராகிக் கொண்டிருக்கும் மாணவர்கள் தனியார் பயிற்சி நிறுவனங்களில் பயிற்சியில் சேர சிரமப்பட்டார்கள் எனில் அவர்களுக்காகவே அரசு சார்பாக சென்னை கிரீன்வேஸ் சாலையில் இயங்கும் அரசு அனைத்திந்திய குடிமைப் பணிகள் தேர்வுப் பயிற்சி மையத்தில் சேர்ந்து பயிற்சி பெறலாம். அங்கே உணவு, தங்குமிடம், பயிற்சி கட்டணம் உள்ளிட்டவை அனைத்தும் இலவசம் என்றும் கூறினார்.

குடிமைப் பணித்தேர்வுகளுக்கு தயாராகும் போது தொடர்ந்து அதில் வெற்றியடைய முடியாவிட்டாலும் கூட அதற்கென தயார் செய்த காலம் வீணென்று கருத வேண்டியதில்லை. அப்போது பெற்ற அனுபவங்களையும், பயிற்சிகளையும் கொண்டு மாற்று வேலைவாய்ப்புக்கான தகுதியைப் பெற்றிருக்கிறோம் என 100 % திருப்தி அடையலாம். ஏனெனில் குடிமைப் பணித்தேர்வுகளுக்கான பயிற்சிகளால் கிடைக்கக் கூடிய உலக ஞானத்தை வேறு எந்த பயிற்சிகளாலும் தரமுடியாது. எனவே இந்த உலகில் உண்மையான அர்ப்பணிப்பு உணர்வும், கடின உழைப்பும் வீணாவதில்லை எனும் நம்பிக்கையோடு அடுத்தடுத்த இலக்குகளை நோக்கி முன்னேற வேண்டும். அதுவே இன்றைய இளைஞர்களுக்கு தேவையான முதல் பாஸிட்டிவ் எனர்ஜி என்கிறேன் நான். எனவும் அவர் கூறினார்.

பாஸிட்டிவ் எனர்ஜியை வெளியில் இருந்து பெறுவதைக் காட்டிலும் அது அவர்களுக்கு உள்ளிருந்து உற்பத்தியாகக் கூடியது எனும் விஷயத்தில் நம்பிக்கை இருக்க வேண்டும். எந்த ஒரு விஷயத்தையும் பாஸிட்டிவாகவே அணுகவேண்டும் என்பதை நாம் முன்கூட்டியே முடிவு செய்து கொள்வது ஒன்று தான் பாஸிட்டிவ் அப்ரோச்சுக்கான எளிய வழி என்கிறார் சைலேந்திர பாபு ஐபிஎஸ்.

இன்றைய இளைஞர்களுக்கு அவர் சொல்லும் முக்கியமான மூன்று அவுரைகள்;

  1. ஃபிட்டாக இருங்கள்... தினமும் உடற்பயிற்சி செய்யுங்கள். அப்போது தான் உற்சாகமான மனநிலை கிடைக்கும்.
  2. புத்தகங்கள் வாசியுங்கள், நிறையக் கற்றுக் கொள்ளுங்கள் அப்போது தான் மகிழ்ச்சியாக இருப்பதற்கான மனநிலை கிடைக்கும்.
  3. வேலைத்திறனில் அக்கறையோடு இருங்கள். சம்பளத்துக்காக வேலை செய்யாமல் அந்த வேலையை உங்களால் எத்தனை சிறப்புரச் செய்ய முடியும் என்று யோசித்து நீங்கள் செய்த வேலை உங்களுக்கே திருப்தி அளிக்கும் வகையில் கொடுக்கப்பட்ட வேலையை திறம்படச் செய்து முடியுங்கள்.

இந்த மூன்று குணங்களும் இருந்தால் போதும். உங்கள் வாழ்வுக்கான வெற்றி உங்களைத் தேடி வந்து அரவணைக்கும். என்கிறார்.


 

]]>
SYLENDRABABU IPS, DISCIPLINE, ETHICS, சைலேந்திர பாபு ஐபிஎஸ், ஒழுக்க நெறிமுறைகள், இளம் தலைமுறை, ஊக்கப்படுத்தும் பேச்சு, InSPIRATIONAL SPEACH http://images.dinamani.com/uploads/user/imagelibrary/2018/4/26/w600X390/z_sylendrababu_IPS.jpg http://www.dinamani.com/lifestyle/lifestyle-special/2018/apr/26/csylendra-babu-ips-discribes-the-meaning-of-discipline-2908085.html
2907399 லைஃப்ஸ்டைல் ஸ்பெஷல் பழச்சந்தையில் இந்திய கிவி பழங்களை யாரும் சீந்துவாரில்லை... அந்தக் கோபத்தில் உதித்ததே இந்த கிவி ஒயின் ஐடியா! கார்த்திகா வாசுதேவன் Wednesday, April 25, 2018 04:34 PM +0530  

கிவி பழங்கள் இன்று அனைத்து சூப்பர் மார்க்கெட்டுகளிலும், பழக்கடைகளிலும் கிடைக்கின்றன. லோக்கல் அண்ணாச்சி கடைகளிலும் கிவி பழங்கள் கணிசமான இடங்களை ஆக்ரமித்துள்ளன. காரணம் கிவி பழங்களில் ஆன்ட்டி ஆக்ஸிடண்டுகள் அபிரிமிதமாக இருப்பதாக அனைத்து ஊடகங்களும் தொடர்ந்து எழுதி வந்ததன் விளைவு இது. கிவியில் இருக்கும் அளவை விட அதீதமாக ஆன்ட்டி ஆக்ஸிடண்டுகள் நம்மூர் கொய்யாப் பழத்தில் இருப்பதாக நம்பப் பட்டாலும் கொய்யாவை இன்று நம்மிடையே வயதானவர்களும், அப்பழத்தை தொடர்ந்து உண்ணும் வழக்கம் கொண்டவர்களும் மட்டுமே உண்கிறோம். கொய்யாவோடு ஒப்பிடும் போது கிவி பழம் சாப்பிடுகிறோம் என்று சொல்லிக் கொள்வது இன்றைய இளம் தலைமுறைக்கு பெருமிதமாகக் கூட இருக்கலாம்.

அல்லது அவர்களுக்கு கொய்யா சப்பிட்டுப் பழக்கமில்லாமலும் இருக்கலாம். ஏதோ ஒரு விதத்தில் நாம் நமது பாரம்பரியமான கொய்யா பழத்தின் சத்துக்களை கிவி போன்ற அயல்நாட்டுப் பழங்களின் வருகையால் இழந்து விட்டோம் என்பது மட்டும் யதார்த்த உண்மை.

கொய்யாவின் இடத்தை கிவி பிடித்தது வாஸ்தவமே என்ற போதும் அப்படி நாம் விரும்பி வாங்கும் கிவிப் பழங்களும் நியூசிலாந்தில் விளைந்ததாக இருக்க வேண்டுமென்று நினைப்பதில் ஏதாவது லாஜிக் இருக்க முடியுமா? இல்லை. ஆனால், ஏனோ இந்தியாவில் விளையும் கிவி பழங்களுக்கு விற்பனை வரவேற்வு இல்லை என்கிறார்கள். இந்திய பழச்சந்தைகளில் நியூசிலாந்து, இத்தாலி, சிலியில் இருந்து இறக்குமதியாகும் கிவி பழங்களுக்கு இருக்கும் மதிப்பு இந்தியாவின் அருணாச்சலப் பிரதேசத்தில் ஏகபோகமாக விளைவிக்கப் படக்கூடிய இந்திய கிவிபழங்களுக்கு இல்லை. அருணாச்சலப் பிரதேசம் இந்தியாவின் நிழல் மறைவுப் பிரதேசங்களில் ஒன்று. அங்கே கிவி பழங்களை அதிகமாக விளைவிக்கக் கூடிய அருமையான சீதோஷ்ண நிலை நிலவுகிறது. பழங்களும் எக்கச்சக்கமாக விளைகின்றன. ஆனால் அவற்றுக்கு விற்பனை வரவேற்பு இல்லையென்றால் அந்தப் பழங்களை வைத்துக் கொண்டு என்ன செய்ய?

இந்தியர்களான நமக்கு கிவி பழங்கள் பாரம்பரியப் பெருமை எதுவும் இல்லை. கடந்த 20 ஆண்டுகளுக்கு முன்பு தான் நமக்கு இந்தப் பழங்கள் அறிமுகம் ஆயின. வெகுஜன புழக்கத்துக்கு வந்தது அதற்கும் ஐந்தாண்டுகள் கழிந்த பின்னரே! இந்தியர்களைப் பொருத்தவரை கிவி பழங்களில் துவர்ப்புச் சுவை அதிகமிருந்த போதும் ஏனோ நமக்கு அந்தப் பழம் தினமும் உண்ணக்கூடிய பழக்கத்தை உண்டாக்கும் அளவுக்கு கவர்ச்சிகரமான அம்சம் கொண்ட பழங்களில் ஒன்றாகி விட்டது.

இப்படி ஒரு கேள்வி அருணாச்சலப் பிரதேசத்தில் கிவி பழங்களை அதிகமாக விளைவித்துக் கொண்டிருக்கும் டகி ரிட்டா டாகேவுக்கும் அவரது கணவரான டகே டாமோவுக்கும் வந்தது. அடிப்படையில் அக்ரிகல்ச்சுரல் இஞ்சினியரான டகி ரிட்டா தங்களது பண்ணைகளில் விளையக்கூடிய கிவி பழங்கள் வீணாகாமல் காக்கப்பட வேண்டும் என்று விரும்பினார். வழக்கறிஞரான தன் கணவருடன் இணைந்து மிகப்பெரிய பண்ணை நடத்தி வரும் டகி ரிட்டா தோட்டக் கலைத்துறையில் மிகுந்த ஆர்வம் கொண்டவர் என்பதால் தனது பிரச்னைக்கான உரிய தீர்வுக்காக யோசித்தார். அதில் கிடைத்தது தான் கிவி ஒயின் ஐடியா! இந்திய கிவி பழங்களுக்கு பழச்சந்தையில் வரவேற்பு இல்லாவிட்டால் என்ன? அதற்காகப் போராடி நேரத்தையும், பழங்களையும் வீணடிப்பதைக் காட்டிலும் மாற்று வழி யோசிப்போம் என்று முனைந்ததில் கண்டறிந்தது தான் கிவி ஒயின் ஐடியா.

இந்தியாவிலேயே கிவி பழங்களை விளைவிக்க முடிந்தபோதும் கூட ஆண்டுதோறும் 6000 மெட்ரிக் டன் அளவிலான கிவி பழங்களை இன்றும் நான் ஏன் அயல்நாடுகளில் இருந்து இறக்குமதி செய்ய வேண்டும்? அப்படியொரு நிர்பந்தம் நமக்கு ஏன்? என்று ஒருபக்கம் கோபத்துடன் குரல் எழுப்பினாலும் பல ஆண்டுகளாக விளைந்து விற்பனைக்குத் தயார் நிலையில் உள்ள கிவி பழங்களை யாருமே வாங்கக் கொள்ள முன் வராத சோகத்தை எப்படிக் கடப்பது? அப்போது தான் தொடர்ந்து பழங்களை வீணாக்குவதைக் காட்டிலும் அவற்றை நொதிக்க வைத்து அதிலிருந்து ஒயின் தயாரிக்கலாமே என்றொரு எண்ணம் தோன்றியது. உடனடியாக டகி ரிட்டா தனது கணவரின் உதவியுடன் அதைச் செயல்படுத்தத் தொடங்கி விட்டார். தங்களது நிலத்தில் விளையும் பழங்களில் இருந்து மட்டுமல்ல தமது மாநிலத்தில் கிவி விளைவிக்கும் அனைத்து விவசாயிகளின் பழப்பண்ணைகளில் இருந்தும் இன்று மொத்தமாகக் கிவி பழங்களை வாங்கி அதிலிருந்து கிவி ஒயின் தயாரிக்கிறார்கள் இந்தத் தம்பதியினர். அதற்கு நார ஆபா எனப் பெயரிட்டிருக்கிறார்கள். ஒயின் அருந்துவதை தனது வாழ்வின் மிகப்பெரிய கொண்டாட்டமாக நினைத்த மாமனாரின் பெயரைத்தான் தங்களது கிவி ஒயினுக்கு சூட்டியிருக்கிறார்கள் இந்தத் தம்பதியினர்.

ஒயின் குடிப்பது என்பது அருணாச்சலப் பிரதேசப் பழங்குடி கலாச்சாரங்களில் பரம்பரையாக உள்ள பழக்கம் தான். என்றாலும் அவர்களுக்கு ஒயினை ஆண்டுக் கணக்கில் பதப்படுத்திப் பயன்படுத்தும் பக்குவம் தெரியாது. அந்தப் பழமையான பழக்கத்தை மீட்டெடுத்து அதில் புதுமையான ஒயின் பதப்படுத்தும் தொழில்நுட்பத்தை புகுத்தி பழமைக்கும், புதுமைக்குமான பள்ளத்தை நிரப்பி கிவி பழங்களில் இருந்து தயாரிக்கும் ஒயினை நீண்டகாலப் பயன்பாட்டுக்கு ஏற்ற வகையில் மாற்றி அமைத்ததில் கிடைத்தது எங்களுக்கான வெற்றி. இன்று இந்த மக்கள் தங்களது ஒயினை தாங்களே தயாரிக்க முடிவதோடு அவற்றை நெடுங்காலத்துக்கு பராமரிக்கவும் முடிகிறது.

இவர்கள் விளைவிக்கும் கிவி பழங்களின் மற்றொரு சிறப்பு, அவை முற்றிலும் ஆர்கானிக் முறையில் விளைவிக்கப்படுவது. எந்தவிதமான வேதி உரங்களையும் இவர்கள் பயன்படுத்துவதில்லை. 2300 சதுர அடி இடத்தில் இயங்கும் இவர்களது கிவி ஒயின் தயாரிப்பு தொழிற்சாலையில் தற்போது 25 பேருக்கு வேலைவாய்ப்பு வழங்கப்பட்டு தங்களது நிலத்தில் விளைந்த பழங்களோடு நாசிக், இத்தாலி, சீனா, டென்மார்க்கில் இருந்து இறக்குமதி செய்யப்பட்ட கிவி பழங்களைக் கொண்டும் ஒயின் தயாரிக்கப்படுகிறது. ஒயின் தொழிற்சாலைகள் சுத்தமாக பராமரிக்கப்படுவது எப்படி என்பதை இவர்களிடம் கற்றுக் கொள்ளலாம் என்கிறார்கள். அந்த அளவுக்கு தயாரிப்பில் சுத்தமும் சுகாதாரமும் பேணப்படுகிறது.

நமது சொந்த நாட்டில் உற்பத்தியாகும் பழங்களை விற்பனை செய்ய முடியவில்லையே? அயல்நாட்டு இறக்குமதி பழங்களுடன் போட்டியிட முடியவில்லையே எனச் சோர்ந்து போய் உட்காராமல் பழங்களைத் தானே விற்கமுடிவதில்லை... நாங்கள் அவற்றை பாரம்பரியச் சுவையுடன் ஒயினாக மாற்றி அவற்றின் சத்துக்கள் கெடாமல் பயன்பாட்டுக்குத் தருகிறோம் என்ற சிந்தனை நிச்சயம் ஆரோக்யமானதே!

]]>
kiwi fruits, indian Kiwi fruit, fruit market, Naara-Aaba., kiwi wine, கிவி ஒயின், நார ஆபா ஒயின், அருணாச்சலப் பிரதேசம், இந்தியப் பழச்சந்தை http://images.dinamani.com/uploads/user/imagelibrary/2018/4/25/w600X390/zkiwi-wines.jpg http://www.dinamani.com/lifestyle/lifestyle-special/2018/apr/25/6000-metric-tonnes-of-kiwi-is-still-imported-into-india-every-year-2907399.html
2902717 லைஃப்ஸ்டைல் ஸ்பெஷல் வாழ்க்கையை ஓஹோன்னு வாழ கன்ஃபூசியஸ் சொன்ன 10 கட்டளைகள்... RKV Wednesday, April 18, 2018 05:11 PM +0530  

  1. நீங்கள் எங்கும் நிற்காமல் சென்று கொண்டே இருக்கும் வரை, நீங்கள் மெதுவாகச் செல்கிறீர்கள் என்பதெல்லாம் ஒரு பிரச்னையே அல்ல!
  2. உங்களை விடச் சிறந்தவர்களாக இல்லாதவர்களுடன் எக்காரணம் கொண்டும் நட்பு வைத்துக் கொள்ளாதீர்கள்.
  3. கோபம் வரும்போது விளைவுகளை எண்ணிப்பாருங்கள்.
  4. உங்களது இலக்குகளை அடைய முடியாதென வெளிப்படையாகத் தெரிய வரும் போது, ஒருபோதும் இலக்குகளை மாற்றிக் கொள்ளாதீர்கள், செயல்படும் முறைகளை மாற்றிப் பாருங்கள்.
  5. நீங்கள் ஒரு நபரை மோசமாக வெறுக்கிறீர்கள் என்றால், நீங்கள் அவர்களால் தோற்கடிக்கப் பட்டுவிட்டீர்கள் என்று தான் அர்த்தம்.
  6. சிறந்த மனிதர்களின் தேடுதல் எப்போதும் அகம் சார்ந்ததாக இருக்கிறது. அவர்கள் தங்களுக்குள் தேடுகிறார்கள். எளிய மனிதர்களின் தேடுதல் எப்போதும் புறம் சார்ந்ததாக இருக்கிறது, அவர்கள் எப்போதும் தேடலை வெளியிலேயே வைத்துக் கொள்கிறார்கள்.
  7. நீங்கள் எதில் இறங்குவதாக இருந்தாலும் முழு மனதுடன் இறங்குங்கள்.
  8. தங்கள் அறியாமையைப் புரிந்து கொண்டு அதிலிருந்து வெளியில் வர விரும்பும் அறிவுத்தேடல் மிக்கவர்களுக்கு மட்டுமே அறிவுரை அளியுங்கள்.
  9. எப்போதும் சிறிய அனுகூலங்களையே எதிர்பார்த்து அடுத்து கிடைப்பதாக இருக்கக்கூடிய பெரிய அனுகூலங்களை அவை முழுதாக ஈடேறும் முன் இழந்து விடாதீர்கள்.
  10. சிலர் எப்போதும் உங்களைப் பின்னால் இருந்து இகழ்கிறார்கள் என்றால் நீங்கள் எப்போதும் அவர்களை விட ஒருபடி முன்னால் இருக்கிறீர்கள் என்பதை உணர்ந்திருங்கள்.
]]>
chinese philoshoper confucius, 10 life changing lessons, கன்ஃபூசியஸ் தத்துவங்கள், வாழ்க்கையை மாற்ற உதவும் 10 கட்டளைகள் http://images.dinamani.com/uploads/user/imagelibrary/2018/4/18/w600X390/live-a-positive-life.jpg http://www.dinamani.com/lifestyle/lifestyle-special/2018/apr/18/10-life-changing-lessons-from-chinese-elite-confucius-2902717.html
2899495 லைஃப்ஸ்டைல் ஸ்பெஷல் வாழ்க்கை சுத்த போர்னு தோணுதா? அப்போ வாங்க கொஞ்ச நேரம் கால் வீசி ஊஞ்சல் ஆடலாம்! கார்த்திகா வாசுதேவன் Friday, April 13, 2018 05:44 PM +0530  

இப்படி யோசித்து பாருங்களேன் நன்றாகவே இருக்கிறது... கூடவே சுவாரஸ்யமும் கூட... அப்புறம் சின்ன திருப்தி கூட உண்டு.

வயதான பாட்டி கால் பந்தாட்ட மைதானத்துக்கு அருகில் நடந்து போய்க் கொண்டு இருக்கிறார், எதோ ஒரு கணத்தில் பந்து தவறிப் போய் அவரது காலடியில் வந்து விழுகிறது, பாட்டி அதை அமைதியாக புன்னகையுடன் எடுத்து பந்தை உதைத்த இளைஞனிடம் தருகிறார். இது இயல்பான நிகழ்வு.

அதே பாட்டி காலடியில் உரசும் கால்பந்தை எல்லையில்லாக் குறும்புடன் எட்டி உதைத்து விட்டு தானும் அந்த விளையாட்டில் கலந்து கொள்ளத் தயாராக நிற்பதாக கற்பனை செய்து பாருங்கள். பாட்டிகளுக்கும் ஏதோவொரு நொடியில் கால் பந்து விளையாடிப் பார்க்க ஆசை வராதா என்ன? அந்த ஆசையை அடக்கி வைக்காமல் இந்தக் காலத்துப் பேரன், பேத்திகளோடு ஆடிப் பார்த்து விட்டார் என்றால் பிறகு அவருக்கு ஜென்ம சாபல்யம் கிட்டிவிட்டதாகத் தான் அர்த்தம்.

நடுத்தர வயதை தாண்டிய அத்தையோ அல்லது அம்மாவோ, சித்திகளோ பூங்காவில் அமர்ந்து பேசிக் கொண்டிருக்கின்றனர்... அருகில் சறுக்கு மரத்தில் குழந்தைகள் சறுக்கி விளையாடிக் கொண்டிருக்கின்றனர்... அவர்களைக் கண்காணித்தவாறே பேசிக் கொண்டிருக்கும் அத்தையோ ...அம்மாவோ, சித்தியோ பேச்சின் ஏதோவொரு கணத்தில் முகமெல்லாம் த்ரில்லுடன் எழுந்து போய் சிறுவர்கள் சறுக்கி விளையாடும் அந்த சறுக்கு மரத்தில் ஒன்றுக்கு இரண்டு முறை அட்டகாசமான சந்தோசத்துடன் சறுக்கி முடித்து விட்டு வந்து மறுபடியும் பேச அமர்ந்தால் அப்போது அவர்களது முகத்தைப் பார்க்க வேண்டுமே... அந்த சந்தோசத்துக்கு ஈடு இணையே கிடையாது.

பழைய எம்.ஜி.ஆர் பாட்டுக்கு மொத்த குடும்பத்தினர் முன்னும் தாளம் போட்டு டான்ஸ் ஆடும் தாத்தா... அதை ரசித்துக் கொண்டே கூட ஆடும் பாட்டி.

மழை வந்ததும் குதூகலமாகப் பிள்ளைகளை ஓடி வரச்சொல்லி முற்றத்திலோ, மொட்டை மாடி வெற்று வெளியிலோ ரெயின் டான்ஸ் ஆடும் அப்பாக்கள்... அதை தடுக்காமல் கூட நனையும் அம்மாக்கள்.

வயதாகிறது என்ற நினைப்பே இல்லாமல் தெருவில் செப்பு வைத்து விளையாடும் குழந்தைகளோடு குழந்தைகளாய் ஆற்று மணலை அரிசிச் சோறாய் பாவனை செய்து வெறும் தண்ணீரை சாம்பாராகவும் ...உதிர்த்த முருங்கைப் பூக்களை கூட்டு பொரியலாகவும் சுகமான கற்பனை செய்து கொண்டு விளையாடித் தீர்க்கும் மனம் கொண்ட அத்தைகளும்... மாமாக்களும்.

கண்ணா மூச்சோ, குலை குலையாம் முந்திரிக்காயோ எந்த விளையாட்டானாலும் குடும்பத்தோடு என்றேனும் ஓர்நாள், ஒரே ஒரு நாளேனும் ஆடிப் பார்த்து விடும் ஆரோக்கியமான ஆசைகள் உள்ள மனிதர்கள் நிறைந்த வீடு... பிரியம் சமைக்கிற கூடு.

வாழ்க்கையில் இன்னும் சுவாரஸ்யங்கள் மிச்சம் இருக்கின்றன.

நம்புங்கள்...

மேலே சொன்ன எல்லாவற்றையும் விட பலருக்கும் மிகப் பிடித்த விஷயம் ஒன்றுண்டு அது ஊஞ்சலில் உட்கார்ந்து ஆடுவது. எந்த வயதிலும் இது அலுக்காத ஒரு செய்கை. இப்போதும் கூட கிண்டி சிறுவர் பூங்காவிலோ அல்லது வேறு ஏதோ பூங்காக்களிலோ பார்க்கலாம் வயது வித்யாசம் பாராமல் சிலர் ஊஞ்சலில் உட்கார்ந்து வீசி வீசி ஆடி ரசிப்பதை.

வேகம் கூடக் கூட ஜிவ்வென்று வானத்தில் பறப்பதைப் போல ஆனந்தம் பொங்கும் அற்புத ஆடல் அது. அதனால் தானோ தெய்வங்களையும் ஊஞ்சலில் வைத்து ஆட்டி உள்ளம் குளிர்விக்கிறோமோ என்னவோ?! மீனாட்சி அம்மையின் ஊஞ்சல் விளையாட்டை பிள்ளைத் தமிழில் ரசிக்கலாம்.

வீட்டில் நீளமான பலகை ஊஞ்சலோ அல்லது பிரம்புக் கூடை ஊஞ்சலோ வாங்கி மாட்டி ஆட இடம் இருந்தால் கண்டிப்பாக ஒரு ஊஞ்சல் வாங்கி மாட்டி விடுங்கள்... டென்சன் குறையும்.

அப்புறம் மனமிருந்தால் எந்த வயதிலும் சைக்கிள் விடலாம்... அது கூட ரிலாக்ஸ் செய்து கொள்ள மிகச் சிறந்த வழி தான். கண்களைக் குளிர்விக்க பச்சை பசேல் மரகத மலைகள்... சைக்கிள் வழுக்கிக் கொண்டு நழுவ குண்டு குழி நிரடல் இல்லா தார்ச்சாலை, எதிர் காற்றில் முகம் தழுவும் ஜில் ஜில் குளிர்... எல்லாம் கிடைத்தால் 80 வயதிலும் சைக்கிள் விடலாம். அது ஒரு பரவசம் மட்டுமல்ல ஆனந்தம்... பேரானந்த அனுபவம்!

வாழ்க்கை இப்படிப்பட்ட சுவாரஸ்யங்களால் நிரம்பியதாகத் தான் இருக்க வேண்டுமே தவிர; நீருக்குள் இருந்து தரையில் தூக்கி எறியப்பட்ட மீனின் போராட்டம் போலாகி விடக்கூடாது.

எனவே ரசித்து வாழுங்கள்... என்றென்றைக்குமாய் ரசித்து... வாழ்வை ருசித்து வாழ்ந்தால் கடும் மன உளைச்சலையும் கூட ‘ஃபூ’ என ஊதித்தள்ளி விடலாம்.

]]>
life, stress, swing, வாழ்க்கை, போர், மன உளைச்சல், ரிலாக்ஸ், ஊஞ்சல், ஸ்ட்ரெஸ் http://images.dinamani.com/uploads/user/imagelibrary/2018/4/13/w600X390/swinging.jpg http://www.dinamani.com/lifestyle/lifestyle-special/2018/apr/13/swing-in-the-rain-can-make-your-life-wonderful-2899495.html
2895540 லைஃப்ஸ்டைல் ஸ்பெஷல் ஹூண்டாய், ஆப்பிள், டாப்லரோன் சாக்லேட், டொயோட்டோ, எல்ஜி, பிராண்ட் லோகோக்களின் கியூட் பின்னணி! கார்த்திகா வாசுதேவன் Saturday, April 7, 2018 05:56 PM +0530  

நீங்கள் தினமும் பார்க்கும் இந்த பிரபலமான பிராண்ட் லோகோக்களின் பின் ஒளிந்திருக்கும் சுவாரஸ்யப் பின்னணியை அறிந்தால் ஆச்சர்யத்தில் உங்களது புருவம் ஒரு அதார் லவ் ப்ரியா பிரகாஷ் வாரியர் போல அனிச்சை செயலாக ஏறி இறங்கக்கூடும். அத்தனை கியூட்டான கதைகள் மறைந்திருக்கின்றன இந்தப் பிராண்டுகளின் லோகோ வடிவமைப்பின் பின்.

நாம் தினமும் தொலைக்காட்சிகள், ஸ்மார்ட் ஃபோன்கள், துண்டுப் பிரசுரங்கள், ஃபிளெக்ஸ் போர்டுகள் வாயிலாகவும் நாம் அன்றாடம் பயன்படுத்தும் வீட்டு உபயோகப் பொருட்கள், மளிகைப்பொருட்கள் வாயிலாகவும் நமக்கு நன்கு அறிமுகமான எண்ணற்ற பிராண்ட் பொருட்களின் லோகோக்களைப் பார்க்கிறோம். ஆனால், நமக்குப் பல சமயங்களில்  அந்தப் பொருட்கள் தான் நினைவிருக்கின்றனவே தவிர லோகோக்கள் குறித்து நாம் பெரிதாக யோசிப்பதாக இல்லை. லோகோக்கள் நாம் நன்கு அறிந்தவையாகவே இருப்பினும் அவற்றின் பின்னணி பற்றி நாம் பெரிதாக அலட்டிக் கொள்வதில்லை. நாம் அலட்டிக் கொள்ளாத காரணத்தால் லோகோக்களின் மவுசு ஒன்றுமில்லாததாக ஆகிவிடாது. அவை, அவற்றின் தனித்தன்மையுடனும், காலம் கடந்த வெற்றிகளுடனும் பல்லாண்டுகளாக ஜொலித்துக் கொண்டே தான் இருக்கின்றன. ஏனெனில் நமக்குப் பிடித்தமான பொருட்களை நாம் வாங்க ஒருவகையில் மறைமுகத் தூண்டலாக அமையக் கூடியவையும் இந்த லோகோக்கள் தான். எனவே லோகோக்களின் முக்கியத்துவம் பற்றி வாடிக்கையாளர்களான நாம் அலட்டிக் கொள்ளாவிட்டாலும் தயாரிப்பாளர்களுக்கும், அவர்களின் விருப்பங்களுக்கு ஏற்ப லோகோக்களை வடிவமைக்கும் டிசைனர்களுக்கும் அது குறித்த அக்கறையும், தெளிவும் நிறையவே இருக்கும்.

அப்படி மக்களிடையே நன்கு பிரபலமான சில பொருட்களின் லோகோ பின்னணி குறித்துத் தான் இப்போது நாம் பார்க்கப் போகிறோம்.

அடிடாஸ் ...

அடிடாஸ் விளம்பரங்களில் அதன் லோகோவைப் பார்த்திருக்கிறீர்களா? மூன்று கோடுகள் இடம்பெற்றிருக்கும். லோகோவின் டிசைன் மாறினாலும் பெரும்பாலும் இந்த மூன்று கோடுகள் மாறுவதே இல்லை. அவை சற்றேறக்குறைய மலைகளை ஞாபகப்படுத்தக் கூடிய விதத்தில் அமைந்திருக்கும்.

அதைப் பற்றி பேசுகையில் அடிடாஸின் நிறுவனரான அடால்ஃப் டாஸ்லர் சொன்னது; விளையாட்டு வீரர்கள் தங்களது வாழ்வில் ஒவ்வொரு நாளுமே பல்வேறு விதமான தடைகளைக் கடந்து வர வேண்டியதாக இருப்பதை நினைவுறுத்தும் வகையில் இந்த மூன்று கோடுகளை, தடை பல கடந்து செல்ல வேண்டிய மலைகளை நினைவுறுத்தும் விதத்தில் வடிவமைத்திருப்பதாகக் கூறியிருந்தார். அடிடாஸ் ஸ்போர்ட்ஸ் சார்ந்து விளையாட்டு வீரர்களுக்குத் தேவையான அனைத்து விதமான பொருட்களையும் விற்பனை செய்யக்கூடிய ஃபேமஸ் பிராண்டுகளில் ஒன்று என்பது குறிப்பிடத்தக்கது.

ஆப்பிள்...

உலகின் தலைசிறந்த கம்ப்யூட்டர் நிறுவனங்களில் ஒன்றான ஆப்பிளின் பிராண்ட் லோகோ உங்கள் எல்லோருக்கும் தெரிந்திருக்கும். ஆனால் அந்த லோகோவுக்குள் ஒளிந்திருக்கும் அர்த்தம் தெரிந்திருக்க வாய்ப்பில்லை.

அதைப் பற்றி பேசுகையில் ஆப்பிள் லோகோ வை வடிவமைத்தவரும் உலகின் தலைசிறந்த லோகோ வடிவமைப்பாளர்களில் ஒருவருமான ராப் ஜனாஃப் சொன்னது; ஆப்பிள் நிறுவனத்தின் லோகோவை வடிவமைப்பதற்காக நான் நிறைய சிந்தித்தேன். ஒரு கூடை நிறைய ஆப்பிளை வாங்கி வைத்துக் கொண்டு அதை எந்த வடிவத்தில் இன்னும் எளிமைப்படுத்தி வடிவமைத்தால் பயனாளர்களான மக்களின்  மனதில் எளிதில் பதியும் என பல மணி நேரங்கள் நான் ஆப்பிளின் தோற்றத்தை பலவிதங்களில் வரைந்து பார்த்தேன். முடிவில் ஒரு முனையில் கொஞ்சம் கடிக்கப்பட்ட ஆப்பிளைக் கண்டதும் எனது மூளைக்குள் மின்னல் வெட்டியது. கடிப்பதை ஆங்கிலத்தில் பைட் (Bite) என்போம். கம்ப்யூட்டர் மொழியிலும் ஒரு பைட் (byte) உண்டு. அந்த ஒற்றுமையை எண்ணித்தான் இறுதியில் இந்த லோகோவைத் தேர்வு செய்தோம். இன்று உலகில் அதிகம் பேரால் விரும்பத்தக்க காஸ்ட்லி பிராண்ட் லோகோக்களில் ஒன்றாகத் திகழ்கிறது இந்த ஆப்பிள் லோகோ என்றார்.

ஹூண்டாய்...

தமிழ்நாட்டில் ஓடிக்கொண்டிருக்கும் கார்களில் முக்காலே மூணு வீசம் ஹூண்டாய் பிராண்ட் கார்கள் தான் அதிகம். நடுத்தர குடும்பத்தினர் விரும்பி வாங்கக்கூடிய வகையில் நடுத்தர பட்ஜெட்டில் வாங்கக் கூடிய வசதியில் அமைந்திருக்கும் கார்களில் ஒன்று இந்த ஹூண்டாய். இதன் லோகோவைப் பார்த்திருக்கிறீர்களா? H எனும் ஆங்கில எழுத்தின் நடுவில் இடம்பெற்றிருக்கும் கோடு சற்றே சாய்வாக இணைந்திருக்குமாறு இந்த லோகோ வடிவமைக்கப்பட்டிருக்கிறது. இதை நன்கு உற்றுக் கவனித்தீர்கள் எனில் இருமனிதர்கள் இணைந்து கைகுலுக்கிக் கொள்வதைப் போல ஒரு புடைப்புச்சித்திரம் கிடைக்கும்.

அவர்கள் வேறு யாருமல்ல... ஹூண்டாய் கார் நிறுவனத்தைச் சேர்ந்த வாடிக்கையாளர் பிரதிநிதியும், அவரிடம் கார் வாங்க வந்த வாடிக்கையாளரும் தான். வாடிக்கையாளர், வாகன விற்பனைப் பிரதிநிதி உறவை சிறப்பிப்பதாக இந்த லோகோ வடிவமைக்கப் பட்டிருக்கிறது என்பதை எப்போதாவது உங்களால் ஊகிக்க முடிந்திருக்கிறதா? மிக அருமையான நினைவில் பதியக்கூடிய சிறப்பான லோகோ வடிவமைப்பு என இதைப் பாராட்டலாம் தானே!

VAIO (வாயோ)...

லேப்டாப்களை உற்பத்தி செய்து தரும் வாயோ பிராண்ட் லோகோவின் முதல் இரண்டு எழுத்துக்கள் VA அனலாக் அலைகளையும் (analogue wave) கடைசி இரண்டு எழுத்துக்கள் IO  என்பது 1, 0 எனும் எண்களுடனான டிஜிட்டல் சிக்னல்களையும் நினைவூட்டக் கூடியவையாக வடிவமைக்கப்பட்டுள்ளன.

கம்ப்யூட்டர் நிறுவனமான வாயோவின் லோகோ அதற்கேற்ற வகையில் பொருத்தமாக கம்ப்யூட்டர் மொழியில் வடிவமைக்கப்பட்டுள்ளது அதன் சிறப்பு என்பது எத்தனை பேருக்குத் தெரிந்திருக்க கூடும்?!

அமேஸான் Amazon...

அமேஸான் லோகோவை உற்றுக் கவனித்திருக்கிறீர்களா?  A எனும் முதல் எழுத்தையும் Z எனும் நான்காம் எழுத்தையும் இணைக்குமாறு ஒரு அம்புக்குறி தென்படும்.

கம்பெனியின் வாடிக்கையாளர்களை மகிழ்ச்சியில் ஆழ்த்தி அவர்கள் விரும்பக்கூடிய விதத்தில் A TO Z வரையிலான அத்தனை பொருட்களையும் ஒரே பிராண்டின் கீழ் அளிக்கக்கூடியது அமேஸான் நிறுவனம் என்பது தான் இந்த லோகோவின் அர்த்தம். ஒருவகையில் இது தான் அமேஸானின் விற்பனை தத்துவம் அல்லது தந்திரம் என்று வேண்டுமானாலும் சொல்லலாம்.

பாஸ்கின் ராபின்ஸ்...

BASKIN ROBBINS ஐஸ்கிரீம் பிராண்ட்... இது ஐஸ்கிரீமுக்கு மட்டுமல்ல யோகர்ட்டுக்கும் ஃபேமஸ். இந்த ஐஸ்கிரீம் பிராண்ட் லோகோவின் நடுவிலிருக்கும் இளஞ்சிவப்பு நிற 31 எதைக் குறிக்கிறது தெரியுமா? 31 விதமான ஃபிளேவர்களில் ஐஸ்க்ரீம் வெரைட்டிகளை இந்தக் கம்பெனி தயாரித்து அளிக்கிறது என்பது தான் அதன் லோகோவின் அடையாளம்.

நீங்கள் எப்போதாவது இந்த பிராண்டு ஐஸ்கிரீம் சாப்பிட்டிருக்கிறீர்களா? நம்மூரில் அருண், கார்னெட்டோ, ஐபாகோ அளவுக்கு இது பிரபலமானதாகத் தெரியவில்லை. 

டொயோட்டா...

டொயோட்டா கார் லோகோ உங்களுக்கெல்லாம் நன்கு பரிச்சயமானதே. அதைப்பார்த்ததும் உங்களுக்கு என்னவெல்லாம் தோன்றியிருக்கிறது? கொஞ்சம் கற்பனை செய்து தான் பாருங்களேன். பலரும் அது குதிரையில் தொப்பி அணிந்து வரும் கெளபாயை நினைவூட்டும் விதத்தில் உள்ளது என்கிறார்கள். ஆனால் நிஜம் அதுவல்ல,

டொயோட்டோவின் லோகோ கதையை ஆராய்ந்தால் அந்நிறுவனத்தின் ஆரம்ப கால வியாபார வரலாறு வெளிவருகிறது. இன்று உலகின் பிரபல கார் தயாரிப்பு நிறுவனமாக விளங்கும் இந்த ஜப்பான் நிறுவனம் ஆரம்பகாலங்களில் ஜவுளித்துறையில் சாதனை புரிந்து வந்திருக்கிறது. அந்த அடிப்படையில் வடிவமைக்கப்பட்ட இந்த லோகோவில் ஊசியில் நூல் கோர்ப்பது மாதிரியான வடிவம் புலப்படுகிறதா என்று உற்றுப் பாருங்கள். ஆம்... டொயோட்டோ லோகோ உருவானதின் பின்னணி இது தான்.

பின்னாட்களில் இவர்கள் கார் தயாரிப்பில் ஈடுபடுகையில் பழைய பாரம்பர்யத்தை மறவாமல் அதே லோகோவை தமது காரின் அனைத்து எழுத்துக்களிலும் டிசைன் செய்து விட்டார்கள்.

காண்டினெண்டல் லோகோ...

காண்டினெண்டல் எனப்படும் உலகின் தலைசிறந்த கார் டயர் தயாரிப்பு நிறுவனத்தின் லோகோவைப் பார்த்திருக்கிறீர்களா? continental எனும் சொல்லின் முதலிரண்டு எழுத்துக்களைப் பாருங்கள். முதல் எழுத்தான C க்குள் சிக்கென உள்ளடங்கிப் பொருந்தி O எனும் ஆங்கில எழுத்து இருக்குமாறு வடிவமைக்கப்பட்டிருக்கும் அதன் லோகோ. இதற்கான காரணத்தைத் தனியாக விளக்க வேண்டியதில்லை.

காண்டினெண்டல் தனது தயாரிப்பான கார் டயர் வடிவத்தை அப்படியே தனது லோகோ வடிவமைப்பில் பயன்படுத்தி இருக்கிறது என்பது இப்போது உங்களுக்கும் புரிந்திருக்க கூடும்.

டாப்லெரோன் சாக்லெட் லோகோ...

சுவிஸ் தயாரிப்புகளான டாப்லெரோன் சாக்லெட்டுகள் உங்கள் குழந்தைகளுக்கு நிச்சயம் பிடித்த சாக்லெட் வெரைட்டிகளில் ஒன்றாக இருக்கக் கூடும். அதன் லோகோவைப் பார்த்ததும் உங்களுக்கு இதுவரை என்னவெல்லாம் தோன்றியிருக்கிறது என்று யோசித்துப் பாருங்கள். பலருக்கும் அதன் லோகோ நினைவிருக்கிறதா எனத் தெரியவில்லை ஆனால் அதன் வடிவம் நினைவிருக்கக் கூடும்.

நீளமான முக்கோண வடிவ இந்த சாக்லேட் பார்கள் மிகவும் சுவையானவை. இதன் லோகோவில் இடம்பெற்றிருக்கும் மேட்டர்ஹார்ன் மலையின் வடிவத்தை இன்ஸ்பிரேஷனாகக் கொண்டு தானிந்த வகை சாக்லெட்டுகள் தயாராகின்றன. நீங்கள் கவனித்தீர்களா? இல்லையா எனத் தெரியவில்லை. இந்த சாக்லேட் பிராண்ட் லோகோவில் இருக்கும் மலையை இன்னும் சற்று துல்லியமாகக் கவனித்தீர்கள் எனில் அதற்குள் நீங்கள் ஒரு அழகான தாவிக்குதிக்கும் கரடியையும் பார்க்கலாம். முன்னொரு காலத்தில் சுவிட்ஸர்லாந்தின் இந்த மலைப்பகுதியில் கரடிகள் மிகுந்திருந்தனவாம். அந்த ஊரே கரடிகளின் நகரம் என்று அழைக்கத்தக்க வகையில் எங்கு பார்த்தாலும் கரடிகள் நிறைந்திருக்கும் என்கிறார்கள். அதை நினைவூட்டும் விதத்தில் தான் முக்கோண வடிவ மலை போன்ற சாக்லேட் உறையின் மேல் மலையினுள் உறையும் கரடி பொம்மை லோகோ.

எல் ஜி...

கொரியன் எலக்ட்ரானிக்ஸ் நிறுவனமான இதன் லோகோவை நீங்கள் நன்கு அறிவீர்கள். ஆனால் அர்த்தம் தான் தெரிந்திருக்காது. LG என்றால் Life's Good என்றொரு பொருள் வருகிறது.

அதே தான் எல் ஜி யின் வாடிக்கையாளர்கள் ஒரு முறை எல்ஜி பொருட்களை வாங்கி விட்டால் பிறகு அதனால் கிட்டிய திருப்தியுடனே வெறும் வாய்மொழிப் பிரச்சாரமாகவே பல புதுப்புது வாடிக்கையாளர்களை அந்நிறுவனத்துக்கு பெற்றுத் தந்து விடுவார்கள் என்பது அவர்களது நம்பிக்கை. இந்த நம்பிக்கை இதுவரை பொய்த்துப் போனதே இல்லை.

]]>
india;s popular logos, hidden cute meanings, இந்தியாவின் பாப்புலர் லோகோக்கள், மறைந்திருக்கும் சுவாரஸ்யப் பின்னணிகள், ஹூண்டாய் முதல் எல் ஜி வரை http://images.dinamani.com/uploads/user/imagelibrary/2018/4/7/w600X390/hyundai-logo-ppcorn.jpg http://www.dinamani.com/lifestyle/lifestyle-special/2018/apr/07/indias-10-popular-logos-with-cute-hidden-meanings-2895540.html
2894265 லைஃப்ஸ்டைல் ஸ்பெஷல் உங்கள் வேலைக்கு உலை வைக்கக் கூடிய இந்த 7 விஷயங்களைச் செய்யாதீர்கள்! உமா பார்வதி Thursday, April 5, 2018 01:44 PM +0530  

வீட்டில் இருப்பது போல் எல்லா இடத்திலும் நம்மால் இருக்க முடியாது. குறிப்பாக அலுவலகத்தில். வேலை செய்யும் இடத்தில் சிலவற்றை கடைபிடித்தாக வேண்டியது அவசியம். இல்லை நான் இப்படித்தான். எல்லா இடத்திலும் இதுதான் என் குணம் என்று சொல்வீர்கள் எனில் நஷ்டம் யாருக்கும் இல்லை, சாட்சாத் உங்களுக்கு மட்டும்தான். எனவே பணியிடங்களில் பின் வரும் விஷயங்களை ஒருபோதும் செய்யாதீர்கள். பாடி லாங்குவேஜ் எனப்படும் உடல்மொழி உங்களை யார் என்று மற்றவர்களுக்கு உணர்த்திவிடும். அதிக கவனத்துடன் சரியான உடல்மொழியுடன் அலுவலகத்தில் இருந்தால் பிரச்னை ஏதும் ஏற்படாது. முக்கியமாக பின் வரும் 7 விஷயங்களில் கவனமாக செயல்படுங்கள்.

கைகளை கட்டி உட்கார்வது, கால் மேல் கால் போட்டு அமர்வது
 
கைகளை கட்டி உட்கார்வது மரியாதை நிமித்தம் என்று பலர் நினைக்கிறார்கள். அது உண்மையாகவும் கூட இருக்கலாம். ஆனால் இடம் பொருள் ஏவல் பார்த்து உங்கள் நடவடிக்கை இருப்பது அவசியம். அலுவலக மீட்டிங்கில் நீங்கள் கையை குறுக்காக கட்டியிருக்கும் அதே சமயம் கால் மேல் கால் போட்டும் அமர்வது முரண்பாடுகளை கொண்ட ஒரு செய்கையாகும். கையை மார்பில் இறுக்கமாக கட்டியிருந்தால் நீங்கள் பிடிவாதக்காரர் எனும்படியான ஒரு தோற்றத்தை தரவல்ல உடல்மொழியாகும். உங்கள் மேலதிகாரி எதாவது சொல்லும் போது, கையை கட்டியிருந்தால் அது இறுக்கமான ஒரு சூழ்நிலையை உங்களுக்குத் தெரியாமலேயே உருவாக்கிவிடும்.

உங்கள் கேபினில் அல்லது குளிருக்காக நீங்கள் உங்கள் கையை கட்டிக் கொள்வது பிரச்னையில்லை. யாரும் பார்க்காத நேரங்களில், கால் மேல் என்ன தலைமேல் கூட உங்கள் காலை வைத்துக் கொள்ளுங்கள். ஒரு தர்க்கத்தின் போதோ அல்லது விவாதத்தின் போதோ, அப்படிச் செய்வது மற்றவர்களுக்கு அசெளரியமாக உணரச் செய்யும். நீங்கள் எதிராளியின் கவனத்தை ஏதோ ஒருவகையில் அசைக்க முயல்வதாக அது இருக்கக்கூடும் என ரான் ஃப்ரீட்மான் மற்றும் ஆண்ட்ரூ ஜெ.எலியட் உடல்மொழி குறித்த ஆராய்ச்சியில் குறிப்பிட்டுள்ளனர். 

செல்போனை தள்ளி வைத்துவிடுங்கள்

தேவையான சமயங்களில் மட்டுமே அலுவலகங்களை செல்போனை பயன்படுத்துங்கள். உங்கள் சொந்தக் கதைகளை பேசிக் கொண்டிருக்க நிறுவனம் உங்களுக்கு சம்பளம் தரவில்லை. அலுவலக நேரத்தில் செல்பி எடுப்பது, ஃபேஸ்புக்கில் எழுதுவது, வாட்ஸப்பில் பேசுவது போன்றவற்றை கூடுமானவரை தவிர்த்துவிடுங்கள். அதுவும் ஏதாவது மீட்டிங் நடக்கும் சமயம் உங்கள் செல்போன் மணி அடித்தால் அது உங்கள் வேலைக்கான ஆப்பு மணி என அறிக. தவிர அலுவலத்தில் இருக்கும் போது மொபைலை சைலண்ட் மோடில் வைத்திருங்கள். குறுஞ்செய்தி மணி அடிக்கடி அடித்துக் கொண்டிருந்தால் அது உங்கள் கவனத்தை சிதறடிக்கும். மற்றவர்களின் கவனத்தையும் சேர்த்துதான். எனவே தேவைப்படும் அவசரமான விஷயங்களை மட்டுமே மொபைலில் பேசுங்கள்.  

மூன்றடி தள்ளியே நில்லுங்கள்

பேசும் போதும் பழகும் போதும் உங்களுடைய மேலாளர் அல்லது சக ஊழியர்களிடமிருந்து ஒரு அடி தள்ளியே நில்லுங்கள். அது உங்களுக்கும் அவர்களுக்கும் நல்லது. நெருக்கத்துக்குப் போனால் நெருக்கடிக்கு உள்ளாவீர்கள் என்று அனுபவித்து சொன்னவர்கள் பலர். உங்கள் அலுவலக நண்பரின் தோளில் கை போட்டுச் செல்வது, அரட்டை அடிப்பது போன்றவை எல்லாம் அலுவலக இடங்களில் மதிக்கப்படுவதில்லை. மேலும் அவரவருக்கான இடங்களில் அவரவர் வேலையில் கவனம் செலுத்துவதே நல்லது. பணி இடங்களைப் பொருத்தவரையில் ப்ரெண்ட்ஸாக இருப்பதை விட ஃப்ரெண்ட்லியாக இருப்பதுதான் சாலச் சிறந்தது.

உறுதியாக கை குலுக்குங்கள்

அலுவலங்களில் உங்களுக்கு யாராவது கை கொடுக்க முயற்சித்தால் ஏனோ தானோவென்று கையை கொடுக்காதீர்கள். அழுத்தமாக உறுதியாக கை குலுக்குங்கள்.

அதே சமயம் எதிரில் இருப்பவர்களின் கண்களை நேராக பாருங்கள். அது உங்கள் தன்னம்பிக்கை சார்ந்த விஷயம். எங்கோ பார்ப்பதும், கை கொடுப்பதற்கு தயங்குவதும் உங்கள் ஆளுமை குறைபாடாக கணிக்கப் படலாம்.

எக்ஸ்க்யூஸ் மீ - கதவை தட்டுங்கள்

உங்கள் மேலதிகாரி அல்லது சக ஊழியரின் அறைக்குச் சென்றால் கதவை தட்டிவிட்டுச் செல்லவும். மீட்டிங் நடக்கும் போது சற்று தாமதமாக உள் நுழையும் போது மன்னிப்பு கோருங்கள். அது முடியாவிட்டால் ஒரு புன்னகையோ ஒரு தலை அசைவோ கூட போதும் உங்கள் தாமதத்தை சமன் செய்ய உதவக் கூடும்.

அடிக்கடி கடிகாரத்தைப் பார்க்காதீர்கள்

சிலர் கடிகாரத்தையே முறைத்துக் கொண்டிருப்பார்கள். எப்போது ஆறு மணி அடிக்கும், வெளியே போகலாம் எனும்படியான முகபாவத்துடன் இருப்பார்கள். இன்னும் சிலர் தங்களுடைய சீட்டில் மிகச் சாய்வாக தளர்ந்து உட்கார்ந்து எப்போது கிளம்புவோம் என்று காத்திருப்பார்கள். இன்னும் சிலர் வெட்டியாக கம்யூட்டரில் எதையாவது பார்த்துக் கொண்டிருப்பார்கள். ஆறு மணி அடித்த அடுத்த நொடி இவர்கள் ஒருநொடியும் தாமதிக்காமல் கிளம்பிவிடுவார்கள்.

நம்மை யார் கவனிக்கிறார்கள் என்று ஒருபோதும் நினைக்காதீர்கள். அதற்காகத் தான் சிலருக்கு சம்பளமே தரப்படுகிறது. மேலும் அலுப்பான முகபாவத்துடனோ, இஞ்சி சாப்பிட்டது போன்ற கடுப்புடனோ காணப்படாதீர்கள். அது உங்களுக்கு எதிராக மாறிவிடக் கூடும். வேலை அலுப்பாக இருந்தால் ஒரு நாள் விடுப்பு எடுத்துக் கொண்டு ரிலாக்ஸ் ஆனதும் திரும்பி வாருங்கள். நீங்கள் எந்தளவுக்கு ஆர்வமாகவும் சுறுசுறுப்பாகவும் இருக்கிறீர்களோ அது வரையில் தான் அந்த வேலை உங்களுக்கு நிச்சயம். அலுப்பும் சலிப்புமாக தொடர்ந்தால் ஒரு நாள் இல்லை ஒருநாள் வேலையின் இறுதி நாளாகிவிடும் ஜாக்கிரதை. 

இதையெல்லாம் ஒருபோதும் செய்யாதீர்கள்

சொடக்கு போடுவது, சோம்பல் முறிப்பது, தலைமுடியை ஒதுக்கி கொள்வது, உடலை சொறிவது, நகத்தை கடிப்பது, உதடுகளை கடிப்பது, சுவரில் அல்லது பர்னிச்சர்களில் சாய்ந்து நிற்பது, அலுவலக சோபாவில் பொத்தென்று விழுவது, நாற்காலியை சத்தம் ஏற்படுமாறு இழுப்பது, லிப்டில் சத்தமாக பேசுவது, கெட்ட வார்த்தை பேசுவது, தேவையில்லாத கருத்துக்களை கூறுவது, சத்தமாக சிரிப்பது, போன்றவற்றை அலுவலகத்தில் செய்யாதீர்கள்.

உங்களை சோம்பேறியாக காட்டக் கூடிய செய்கைகள் முதல் இரண்டு. மற்றவை ஒழுக்க விஷயங்களுடன் தொடர்புடையவை. ஒவ்வொரு ஆபிஸிலும் டெகோரம் என்று ஒரு விஷயம் கடைப்பிடிக்கப்பட்டுவரும். அதில் அடிப்படை விதிமுறைகளை பணியாளர்கள் கடைபிடித்தாக வேண்டும் அப்போதுதான் வேலையில் உத்திரவாதம் கிடைக்கும்.

நீங்கள் அலுவலகத்தில் இருக்கும் போது செய்யும் சிறு தவறுகள் கூட ஒருநாள் பூதாகரமாக வெடிக்கக் கூடும். எனவே எப்போதும் விழிப்புணர்வுடன் வேலை நேரத்தில் வேலையில் மட்டுமே கவனத்துடன் செயல்படுவது அடுத்தடுத்த நிலைகளுக்கு உங்களை உயர்த்தும். 
 

]]>
resign, வேலை, Job, mistakes, அலுவலகம், body language, உடல் மொழி http://images.dinamani.com/uploads/user/imagelibrary/2018/4/5/w600X390/boss.jpg http://www.dinamani.com/lifestyle/lifestyle-special/2018/apr/05/get-ahead-in-your-career-by-avoiding-these-body-language-mistakes-2894265.html
2889119 லைஃப்ஸ்டைல் ஸ்பெஷல் அடடா... உங்க குழந்தைங்க காலையில என்ன தாங்க சாப்பிடுவாங்க? கார்த்திகா வாசுதேவன் Wednesday, March 28, 2018 05:44 PM +0530  

குழந்தைகள் காலையில் ப்ரேக் ஃபாஸ்டாக என்ன சாப்பிட விரும்புகிறார்கள்?

ப்ரேக்பாஸ்ட் மெனு...

இட்லி, தோசை, பூரி, சப்பாத்தி, ஆப்பம், அடை, இடியாப்பம், வெஜிடபிள் உப்புமா, சேமியா பாத், கார்ன் பிளேக்ஸ், முட்டை, ப்ரெட் சாண்ட்விச், ப்ரெட், பட்டர் அல்லது சீஸ். இவையெல்லாம்   வழக்கமாக நமது வீடுகளில் தினம் ஒன்றாக மாற்றி மாற்றி நாம் சமைத்துக் கொண்டிருக்கிறோம். இத்தனை வகைகளில் பெரும்பாலும் குழந்தைகள் இட்லி.தோசை, பூரி, ப்ரெட் சாண்ட்விச் மற்றும் சப்பாத்திகளோடு தமது விருப்ப உணவு லிஸ்ட்டை நிறுத்திக் கொள்கிறார்கள்.

இன்னும் குறிப்பிட்டுச் சொல்ல வேண்டுமெனில் பூரியும், தோசையும் மட்டும் தான் என்று சுருங்கி விடுகிறது லிஸ்ட்.

கேலாக்ஸ் கார்ன் பிளேக்ஸ் பனானா, ஆப்பிள், ஆரஞ்சு, மேங்கோ என்று பல்வேறு ஃப்ளேவர்களில் இப்போது கிடைக்கிறது ஆனால் நமது குழந்தைகள் இந்த உணவை அத்தனை விருப்பத்தோடு சாப்பிடுகிறார்களா என்பது சந்தேகமே, பல இளம் தாய்மார்களிடம் பேசியதில் இருந்து தெரிந்து கொண்ட விஷயம் இது போன்ற2சுவைகள் குழந்தைகளுக்கு சில நாட்களில் சலித்து விடுகின்றன.  அவர்களுக்கு வெரைட்டி தேவைப்படுகிறது.

வெரைட்டியாக என்னவெல்லாம் செய்து கொடுக்கலாம் என்று பலர் கிச்சன் டிப்ஸ் தருகிறார்கள் ஆனால் குழந்தைகளை அவற்றை எப்படி சாப்பிட வைப்பது என்பதில் தான் இருக்கிறது அம்மாக்களின் திண்டாட்டங்கள். காலையில் அரக்கப் பரக்க சமையலை முடித்து விட்டு குழந்தைகளை சாப்பிட வைத்து பள்ளிக்கு அனுப்ப தயார் படுத்தும் அம்மாக்களுக்கு ப்ரேக் ஃபாஸ்ட் நேரம் மிகக் குறைவு.

பள்ளி வேனோ,பேருந்தோ வருவதற்குள் சத்து மிக்க ஏதாவதொரு காலை உணவை தமது குழந்தைகளை சாப்பிட வைத்தே ஆக வேண்டிய கட்டாயத்தில் இருக்கிறார்கள் அவர்கள். சென்னை போன்ற மெட்ரோ நகரங்களில் வாழும் குழந்தைகளில் பெரும்பாலான குழந்தைகள் காலை வேளையில் வெறுமே ஒரு கிளாஸ் ஹெல்த் ட்ரிங்கோடு பள்ளிக்கு கிளம்பி விடுகின்றன. 11  மணிக்கு ஸ்நாக்ஸ் டைம் அப்போது பிஸ்கட்,ட்ரை ப்ரூட்ஸ்,சிப்ஸ்,சாக்லேட்ஸ் என்று எதையாவது கொறிப்பதோடு அடுத்து முழுமையான உணவென்றால் 12 .30  க்கு லஞ்ச் தான் .

பரிந்துரைக்கப்பட்ட சரிவிகித உணவு விகிதங்கள்...     

வயது கலோரி
3 - 6 years  1400
7 - 10 years 1800
11 - 14 years 2000
15 - 18 years  2500

பரிந்துரைக்கப்பட்ட சரிவிகித உணவு விகிதங்கள்...

Food shedule  Menu Quantity calorie
Breakfast

Idli

Dosai

Idiyappam

Corn flakes

Wheat flakes

Bread

Cheese

Butter

2 nos

2 nos

2 nos

1 cup

1 cup

2 slices

1cube

1 table spoon

130

216

269

94

133

120

112

103

ஸ்நாக்ஸ் டைம்...

தொடர்ந்து இப்படி பற்றாக்குறையாக காலை உணவு சாப்பிட்டால் என்ன ஆகும்
குழந்தைகள் சீக்கிரமே சோர்வடைவார்கள், இதற்கென்ன தீர்வு ?

சரி லஞ்ச் பாக்ஸில் உங்கள் குழந்தைக்கு தினமும் என்ன கொடுத்து
விடுகிறீர்கள் சாப்பிட?

பள்ளிக்குழந்தைகளுக்கு சாதம், குழம்பு, காய்கறிகள் தனித்தனியாக செய்து கொடுத்தனுப்புவதை  விட தக்காளிச்சாதம், தயிர் சாதம், புளியோதரை, லெமன் ரைஸ், கோக்கனட் ரைஸ் இப்படி வெரைட்டி ரைஸ்களே உகந்தவை. சைட் டிஷ் ஆக ஏதாவது ஒரு காய்கறி, காய்கறிகளிலும் பொரித்தது, வறுத்தது, அவித்தது, கூட்டு என்று சில வெரைட்டிகள் இருந்தாலும் இவற்றில் குழந்தைகளுக்கு என்றே தனி விருப்பங்கள் இருக்கின்றன. அவர்கள் பெரும்பாலும் பொரித்த காய்கறிகளையே விரும்புகிறார்கள், க்ரிஸ்பியாக கர கர மொரு மொரு வென வறுத்த உருளைக்கிழங்கு வறுவல், கேரட்,  பீட்ரூட், முட்டை கோஷ் பாசிப்பருப்பு, கடலைப்பருப்பிட்டு செய்த பொரியல்கள் என்றால் வற்புறுத்த தேவை இன்றி அவர்களே விரும்பி சாப்பிடுவார்கள். சில காய்கறிகளைப் பொறுத்தவரை அவர்களது விருப்ப லிஸ்ட் இத்தோடு சுருங்கி விடுகிறது, பல குழந்தைகள் வெரைட்டி ரைஸ்களுக்கு உருளைக் கிழங்கு சிப்ஸ்,பப்படம்,பொறித்த அப்பளங்கள்  என்றுசாப்பிட்டுப் பழகி விடுகிறார்கள். அப்பளங்களில் உளுந்து அப்பளங்கள் குழந்தைகளின் வளர்ச்சிக்கு நல்லவை. மற்றபடி ஜவ்வரிசி அப்பளங்கள் சுவையே தவிர அரிசி, உளுந்து அப்பளங்கள் அளவிற்கு அவை சத்துள்ளவை அல்ல.

இவை தவிர  வெண்டைக்காய் பொரியல், பச்சைப் பட்டாணி, புரதச் சத்து நிறைந்த காராமணி பொரியல், பூசணிக்காய் கூட்டு, புடலங்காய் கூட்டு, கீரை மசியல் (கீரையை பொறித்து கொடுப்பதை விட மசித்துக் கொடுப்பதே சத்து மிக்க முறை) ஆனால் இவையெல்லாம் குழந்தைகள் அத்தனை விரும்பிச் சாப்பிடுவதில்லை. இவற்றை எல்லாம் சிரமப் பட்டு அவர்களுக்குப் பழக்கினாலும் கூட  அவர்களின் நாக்கின் சுவை மொட்டுகளுக்கு இந்த சுவைகள் அத்தனை சீக்கிரம் பிடித்துப் போய்விடுவதும் இல்லை. இந்த மூன்று நான்கு விதமான காய்கறிகளையே மாற்றி மாற்றி செய்து கொடுத்து அனுப்ப வேண்டியதை இருக்கிறது லஞ்ச்சுக்கு. இல்லா விட்டால் அப்பளம் என்று கடக்கின்றன குழந்தைகளின் லஞ்ச் நேரங்கள். 

மாலை சிற்றுண்டியாக சமோசா, பப்ஸ் போன்ற ஜங் புட்கள் சாப்பிடுவதற்குப் பதிலாக வெஜிடபிள் உப்புமா, பிரெட் சான்ட்விச், ஒரு டம்ளர் பால், அல்லது ஹெல்த் டிரிங் அல்லது ஏதாவது ஒரு  பழச்சாறு இப்படி கொடுத்துப் பழக்கலாம். பெரும்பாலான குழந்தைகளுக்கு பானி பூரியும், பேல் பூரியும், கட்லெட்டும், சமோஷாவுமாக மசாலா நிறைந்த ஜங் வகை உணவுகள் தான் இஷ்டமாக இருக்கின்றன. நமது பாரம்பர்யப் பலகாரங்களான அதிரசம், எள்உருண்டைகள், குழிப்பணியாரங்கள் எல்லாம் இப்போதைய குழந்தைகளின் விருப்ப லிஸ்டில் இல்லை.

ஆனால் ஐஸ்க்ரீம், சாக்லேட்களுக்கு மட்டும் குழந்தைகளிடையே  எப்போதும் பெரிய வரவேற்பு உண்டு. ஆனால் இவை அளவு மீறி சாப்பிட்டால் சளி, காய்ச்சல், இருமலில் கொண்டு போய் விடும். பிறகு பள்ளிக்கு லீவு போட்டு விட்டு வீட்டில் ஓய்வெடுக்க வேண்டி வரும். இப்போதைய ஹெவி சிலபஸ் பாட முறைகளில் ஒரு நாள் லீவ் எடுத்தாலே மறுநாள் கிளாஸ் வொர்க், ஹோம்வொர்க் என்று சமாளிப்பது பெரும்பாடு. இதில் தங்களது குழந்தைகளை விரும்பிப் போய் உடல்நலனைக் கெடுத்துக் கொள்ள அனுமதிக்க முடியுமா பெற்றோர்களால்?!

எப்போதுமே ஐஸ்க்ரீம் சாக்லேட்டுகளை விட பழங்கள்  சாப்பிடுவது நல்லது, நன்றாக கழுவிய பின் அப்படியே சாப்பிடலாம், ஜூஸ் செய்தும் சாப்பிடத் தரலாம்.

பழங்கள் என்றால் என்ன பழங்கள் சாப்பிடப் பிடிக்கும் குழந்தைகளுக்கு?

ஆரஞ்சு,சாத்துக்குடி, ஆப்பிள், அன்னாசிப்பழம், தர்பூசணி, கிர்ணிப்பழம், வாழைப்பழம், சப்போட்டா, மாம்பழம், மாதுளம்பழம், மங்குஸ்தான்பழம், பேரீச்சம் பழம் (இப்போது இந்தியாவிலும் விளைவிக்கப்படுகிறது), திராட்சை, பப்பாளி, கொய்யா, நாவல்பழம், சீதாப்பழம், ப்ளம்ஸ், இலந்தைப்பழம், ஈச்சம் பழம், பனம்பழம்... அடேயப்பா ஒரு டஜனுக்கும் மேலே இந்தியப்
பழவகைகள் நீண்டு  கொண்டே போகின்றன.

எல்லாப் பழவகைகளும் அந்தந்த சீசன்களில் பழமார்க்கெட்டுகளில் தட்டுப்பாடின்றி கிடைக்கின்றன. மழைக்காலங்கள், குளிர் காலங்கள் தவிர்த்து மற்ற நாட்களில் தடையின்றி குழந்தைகளின் உடல் நலனைப் பொறுத்து அவர்களுக்கு பிடித்த பழங்களை உண்பதற்குப் பழக்கலாம். பழங்களைப் பொறுத்த மட்டிலும் மதிய உணவோடு சேர்த்துக் கொடுப்பது நல்ல பலனைத் தரும். தினமும் குழந்தைகளுக்குச் சலிப்பை ஏற்படுத்தி விடாமல் புதிது புதிதாக சாலட்களாகவோ, வெயில் காலங்கள் எனில் ஜில்லென்று சர்பத்களாகவோ,பழச்சாறுகளாகவோ தரலாம்.

இந்தியாவில் விளையும் பழங்கள் மட்டுமல்ல, இப்போது கோயம்பேடு மார்க்கெட்டில் மொத்த விற்பனை பழ நிலையங்களில் வெளிநாட்டு பழ வகைகளும் கூட அந்தந்த பழங்களின் சீசன் காலங்களில் தாராளமாகக் கிடைக்கிறது. விலையும் ஒப்பிட்டுப் பார்க்கையில் நமது ஆப்பிளுக்கும் ஆரஞ்சுக்கும் ஈடான விலை தான். கிலோ ஒன்றுக்கு 140 முதல் 200  ரூபாய்கள். ஒரேயடியாக ஆப்பிள், ஆரஞ்சு, மாம்பழம், வாழைப்பழம் என்று சாப்பிட்டு சலித்து புதுமையான பழங்களைத் தேடும் குழந்தைகளுக்கு இந்த வெளிநாட்டுப் பழங்களை அறிமுகப்படுத்தி உண்ணப் பழக்கலாம்.

மார்கெட்டில் வந்திறங்கி இருக்கும் சில புதுமையான பழவகைகளைப் பாருங்கள்;

1. டிராகன் ஃப்ரூட் (Dragon  fruit )

2. ஸ்டார் ஃப்ரூட் (Star  fruit )

3 .கோல்ட் கிவி ஃப்ரூட் (Gold  kiwi  fruit )

4 .பேசன் ஃப்ரூட் (Passion  fruit )

5 .மங்குஸ்தான் (Mangosteen)

 ( மங்குஸ்தான் - தமிழ் நாட்டில் எல்லா இடங்களிலும் இந்த பழம் கிடைப்பதில்லை, நாகர்கோயில் பக்கம் இந்தப் பழம் சரளமாகக் கிடைக்கும்)

]]>
குழந்தைகள், Parenting, குழந்தை வளர்ப்பு, காலை உணவு, குழந்தைகளின் ஆரோக்யம், போஷாக்கு, children health, children diet, standard morning diet for children http://images.dinamani.com/uploads/user/imagelibrary/2018/3/28/w600X390/0000_kids_eating_food.jpg http://www.dinamani.com/lifestyle/lifestyle-special/2018/mar/28/உங்க-குழந்தைங்க-காலையில-என்ன-தாங்க-சாப்பிடுவாங்க-2889119.html
2886168 லைஃப்ஸ்டைல் ஸ்பெஷல் ஆறு வயதில் பாலியல் வன்முறைக்கு ஆளானேன்: அந்நாள் குழந்தை நட்சத்திரம் டெய்ஸி ராணியின் பகீர் குற்றச்சாட்டு! கார்த்திகா வாசுதேவன் Friday, March 23, 2018 03:08 PM +0530  

குழந்தை நட்சத்திரங்கள் பாலியல் துஷ்பிரயோகங்களுக்கு ஆளாகாதவாறு காக்க வேண்டியது யார் பொறுப்பு?

60 களில் நம்பர் ஒன் குழந்தை நட்சத்திரமாகத் திகழ்ந்த டெய்ஸி ராணியை அறியாதவர்கள் இருக்க முடியாது. ஜெமினி, சாவித்ரி நடித்த ‘யார் பையன்’ திரைப்படத்தில் சிறுவனாக நடித்த டெய்ஸி ராணியின் குறும்பை ரசிக்காதவர்கள் யார்? டெய்ஸி ராணி இன்று பாலிவுட்டில் பிரபல நடிகரான ஃபர்கான் அக்தர் மற்றும் பிரபல நடன இயக்குனருமான ஃபாராகானின் பெரியம்மாவாகவும் அறியப்படுகிறார். தான் பரபரப்பாக நடித்துக் கொண்டிருந்த காலகட்டத்தில் டெய்ஸி ராணி இது போன்றதொரு குற்றச்சாட்டை எழுப்பவில்லை. தற்போது இந்திய நடிகைகளிடையே பரவலாகி வரும் #metoo ஹேஷ்டேக் தொடர் மூலமாக பாலிவுட், டோலிவுட், கோலிவுட், சாண்டல்வுட், மல்லுவுட் என அனைத்து வுட்களைச் சார்ந்த நடிகையரும் தமக்கு திரைப்படத்துறையில் நுழைந்த கணத்தில் இருந்து இப்போது வரை தொடர்ந்து கொண்டிருக்கும் பாலியல் துஷ்பிரயோக அவமதிப்புகளை ஊரறியச் செய்து அம்பலப்படுத்தி வருகின்றனர். இந்த தொடக்கத்துக்கு வித்திட்டவர் என கடந்த ஆண்டு தனக்கு நேர்ந்த பாலியல் வன்முறைக் கொடுமையை எதிர்த்து வலுவாகக் குரல் கொடுத்து போராடத் துணிந்த கேரள நடிகையைத் தான் பாராட்ட வேண்டும். திரைப்பட உலகில் பணியாத நடிகைகளைப் பணிய வைக்க பட அதிபர்கள், இயக்குனர்கள், முன்னணி நடிகர்கள், தொழில்நுட்ப வல்லுனர்கள் முதல் அடுத்தடுத்த கட்டப் பணிகளைச் செய்யும் தொழிலாளர்கள் வரை நடிக்க வாய்ப்புக் கேட்டு வரும் பெண்களை எவ்விதமாக துஷ்பிரயோகம் செய்கிறார்கள் என அவரது வழக்குக்குப் பிறகே பலர் துணிந்து வெளியில் சொல்ல முன்வந்தனர். தனக்கு எதிராகப் பிரபல முன்னணி நடிகர் ஒருவர் கூலிக்கு ஆட்களை அமர்த்தி நடிகையைக் கடத்தி பாலியல் வன்முறை செய்து அதைக் காணொளியாகப் பதிவு செய்து நடிகையை மிரட்டத் துணிந்த போது இந்த அநியாயத்தை முறியடிக்க சற்றும் அச்சமின்றி அவர் துணிந்து முதலடியை எடுத்து வைத்ததால் அவரைத் தொடர்ந்து திரைத்துறையில் இருக்கும் பெண்கள் பலர் தங்களுக்கு நேர்ந்த பழைய பாலியல் துயரங்களைக் கூட பிறருக்கு ஒரு எச்சரிக்கையாக இருக்கட்டும் என்ற ரீதியில் சமூக ஊடகங்களில் #meetoo ஹேஷ்டேக் மூலமாகப் பகிரத் தொடங்கினர். வயது வித்யாசங்களின்றி இதுவரை தங்களுக்கு நேர்ந்த பாலியல் வன்முறைகளை அப்படிப் பதிவு செய்த நடிக, நடிகையர் பல்லாயிரக் கணக்கானோர் இருக்கலாம். தற்போது பிரபல குழந்தை நட்சத்திரமான டெய்ஸி ராணியும் அவர்களில் ஒருவராகி இருக்கிறார்.

டெய்ஸி ராணிக்கு 6 வயதாக இருக்கும் போது சென்னையில் நடைபெற்ற படப்பிடிப்பு ஒன்றில் கலந்து கொள்ள தனது பாதுகாவலருடன் டெய்ஸி சென்னைக்கு வந்துள்ளார். அன்றைய தினம் படப்பிடிப்பு முடிந்ததும் இரவு ஹோட்டல் அறையில் வைத்து தனது பாதுகாவலர் 6 வயதுச் சிறுமியென்றும் பாராது தன்னைப் பாலியல் பலாத்காரத்துக்கு உட்படுத்தியதாகவும். பயந்து போய் அவரது விருப்பத்துக்கு உடன்பட மறுத்த தன்னை பெல்ட்டால் அடித்துத் துன்புறுத்தி இதை வெளியில் எவரிடமாவது சொன்னால் கொன்று விடுவேன் என்று மிரட்டியதாகவும்; தனது பதிவில் தெரிவித்துள்ளார். டெய்ஸி குற்றம் சாட்டியுள்ள அந்த பாதுகாவலர் தற்போது உயிருடன் இல்லை. எனினும், இன்றும் கூட திரைப்பட உலகில் ஏராளமான சிறுவர், சிறுமியர் குழந்தை நட்சத்திரங்களாக அறிமுகமாகின்றனர். அவர்களை குழந்தைகள் தானே? யாரென்ன செய்து விடப் போகிறார்கள் என்ற அலட்சியத் தொனியுடன் பெற்றோர் அவர்களைப் படப்பிடிப்புத் தளங்களில் தனியாக இருக்க அனுமதிக்கக் கூடாது. தங்களது குழந்தைகளை நடிப்பதற்கு அனுப்பும் பெற்றோர் அவர்களது பாதுகாப்பு விஷயத்திலும் மிகுந்த கவனத்துடன் இருக்க வேண்டும். இல்லாவிட்டால் எனக்கு நேர்ந்த கதி அவர்களுக்கும் நேர வாய்ப்பு உண்டு. எனக்கு நேர்ந்த அந்த கசப்பான அனுபவத்தின் பின்னர் தான் நான் என் தங்கைகள் மேனகா ராணியும், ஹனி ராணியும் பாலிவுட்டில் குழந்தை நட்சத்திரங்களாக அறிமுகமாகையில் அவர்களது பாதுகாப்பு விஷயத்தில் மிகுந்த கவனத்துடனும், அச்சத்துடனும் இருந்தேன். அந்த உண்மை இன்றைய பெற்றோர்களும் அறிந்து கொண்டு தங்களது குழந்தைகளின் பாதுகாப்பு விஷயத்தில் எச்சரிக்கையாக இருக்க வேண்டும் என்பதற்காகத் தான் இப்போது அதை உங்களுடன் பகிர்ந்து கொள்கிறேன் என்றும் அவர் தெரிவித்திருக்கிறார்.

டெய்ஸி ராணி சொல்வது வாஸ்தவமான விஷயம் தான். 

கோலிவுட்டின் குழந்தை நட்சத்திரங்களைப் பற்றி நடிகை ரோகிணி சில வருடங்களுக்கு முன்பு ‘சைலண்ட் ஹியூஸ்’ (Silent Hues)  என்ற பெயரில் ஒரு குறும்படம் எடுத்தார். அதில் அவர் குறிப்பிட்டிருந்தது என்னவென்றால்; குழந்தை நட்சத்திரங்களை மிகக்குறைந்த சம்பளத்தில் வெறும் சாக்லேட், ஐஸ்கிரீம் வகையறாக்களைக் காட்டி நடிக்க வைத்து அவர்களது இனிமையான குழந்தமையை, இயல்பாக பிற குழந்தைகளுக்கு கிடைக்கக் கூடிய சுய விருப்ப உணர்வை திரையுலகம் பறிக்கிறதோ என்ற கவலையைத் தான். குழந்தை நட்சத்திரங்களின் எதிர்கால வாழ்வு பிரபல ஹீரோ, ஹீரோயின் ஆகும் திரைப்படத்துறையுடன் ஒட்டிய கனவுகளுடனும், நடைமுறை வாழ்வுக்கு ஒவ்வாத கற்பனைகளுடனும்... பல சமயங்களில் அவை நிறைவேறாத நிராசையுடனே முடிந்து விடுமோ? என்ற கவலையும் ரோகிணியின் குறும்படத்தில் தொனித்தது. ரோகிணியும் குழந்தை நட்சத்திரமாக இருந்து பிறகு டப்பிங் குரல் கலைஞராகவும் பின்னர் கதாநாயகியாகவும் வளர்ந்து வந்தவர் என்பதால் நிச்சயம் அவரது கூற்றில் உண்மை இருக்கும். தான் ஒரு குழந்தை நட்சத்திரமாகப் பட்டுத் தெரிந்து கொண்ட அவலங்களைத் தான் அவர் குறும்படமாக்கி இருந்தார். 

குழந்தை நட்சத்திரங்களில் பலர் ரெகுலராகப் பள்ளிகளுக்குச் செல்ல முடியாத அளவுக்கு அவர்களது நேரம் படப்பிடிப்புத் தளங்களில் வீணே கழிகிறது. கல்வியின் மீதான முக்கியத்துவத்தை அவர்கள் உணர வேண்டும். இதற்கு அந்தக் குழந்தைகளின் பெற்றோர் விழிப்புணர்வுடன் இருக்க வேண்டும். தங்கள் குழந்தை பெரிய திரையிலோ, சின்னத்திரையிலோ முகம் காட்டி சில ஆயிரங்கள் சம்பாதிப்பதைக் காட்டிலும் அவர்களுக்கு கல்வி ஒன்று தான் எதிர்கால வாழ்வுக்கான அடித்தளத்தை வலிமையாக அமைத்துக் கொள்ள உதவும் என்ற உணர்வு பெற்றோருக்கு இருக்க வேண்டும்.

சில பெற்றோருக்கு திரைப்பட நடிகர், நடிகையராக ஆசையிருந்து அது நிறைவேறாமல் போயிருந்தால் அதைத் தீர்த்துக் கொள்ளும் முகமாகவும் தங்களது குழந்தைகளை குழந்தை நட்சத்திரங்களாக்கி நடிக்க விட்டு விடுகிறார்கள். உண்மையில் குழந்தைகள் மூளைச்சலவை செய்யப்பட்டவர்கள் போலத்தான். வெறும் திரைப்பகட்டை நம்பி வாழ்வில் மிக முக்கியமான அடிப்படைக் கல்வி பெறும் வ