Dinamani - வர்த்தகம் - http://www.dinamani.com/business/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3058700 வர்த்தகம் அந்நியச் செலாவணி கையிருப்பு ரூ.27.56 லட்சம் கோடியாக அதிகரிப்பு DIN DIN Sunday, December 16, 2018 12:49 AM +0530 நாட்டின் அந்நியச் செலாவணி கையிருப்பு டிசம்பர் 7-ஆம் தேதியுடன் முடிவடைந்த வாரத்தில் ரூ.27.56 லட்சம் கோடியாக அதிகரித்துள்ளது.
இதுகுறித்து ரிசர்வ் வங்கி புள்ளிவிவரத்தில் தெரிவித்துள்ளதாவது:
அந்நியச் செலாவணி சொத்து மதிப்பு அதிகரிப்பின் காரணமாக, டிசம்பர் 7-ஆம் தேதியுடன் நிறைவடைந்த வாரத்தில் அந்நியச் செலாவணி கையிருப்பு 2 கோடி டாலர் உயர்ந்து 39,373 கோடி டாலரை (ரூ.27.56 லட்சம் கோடி) எட்டியுள்ளது.
இதற்கு முந்தைய வாரத்தில் இந்த கையிருப்பு 93 கோடி டாலர் அதிகரித்து 39,371 கோடி டாலராக இருந்தது.
கணக்கீட்டு வாரத்தில், ஒட்டுமொத்த கையிருப்பில் முக்கிய பங்களிப்பைக் கொண்டுள்ள அந்நியச் செலாவணி சொத்து மதிப்பு 97 லட்சம் டாலர் அதிகரித்து 36,849 கோடி டாலராக இருந்தது.
தங்கத்தின் கையிருப்பு மாற்றமின்றி 2,115 கோடி டாலர் என்ற அளவிலேயே காணப்பட்டது.
சர்வதேச நிதியத்தில் எஸ்டிஆர் மதிப்பு 25 லட்சம் டாலர் உயர்ந்து 145 கோடி டாலராகவும், நாட்டின் கையிருப்பு நிலை 44 லட்சம் டாலர் அதிகரித்து 263 கோடி டாலராகவும் இருந்தது என ரிசர்வ் வங்கி புள்ளிவிவரத்தில்
தெரிவித்துள்ளது.
இந்தியாவின் அந்நியச் செலாவணி கையிருப்பு நடப்பாண்டு ஏப்ரல் 13-இல் தான் வரலாற்று சாதனை அளவாக 42,603 கோடி டாலரை எட்டியிருந்தது. ஆனால், அதன் பிறகு சாதகமற்ற நிலவரங்களால் அந்த கையிருப்பில் 3,100 கோடி டாலர் (சுமார் ரூ.2 லட்சம் கோடி) வரை குறைந்துள்ளது.
 

]]>
http://images.dinamani.com/uploads/user/imagelibrary/2013/8/7/0/w600X390/rupee_dollar.jpg http://www.dinamani.com/business/2018/dec/16/அந்நியச்-செலாவணி-கையிருப்பு-ரூ2756-லட்சம்-கோடியாக-அதிகரிப்பு-3058700.html
3058698 வர்த்தகம் தனியார் பங்கு முதலீட்டில் சரிவு நிலை DIN DIN Sunday, December 16, 2018 12:48 AM +0530 பெரிய நிறுவனங்களின் ஆர்வமின்மையால் நடப்பாண்டில் தனியார் பங்கு முதலீட்டில் சரிவு நிலையே காணப்படுகிறது என கிராண்ட் தோர்ன்டன் ஆய்வு நிறுவனம் தெரிவித்துள்ளது.
இதுகுறித்து அந்த நிறுவனம் வெளியிட்ட அறிக்கையில் தெரிவித்துள்ளதாவது:
நடப்பு 2018-ஆம் ஆண்டில் ஜனவரி முதல் நவம்பர் வரையிலான 11 மாத கால அளவில் 717 ஒப்பந்தங்கள் மூலம் 1,780 கோடி டாலர் அளவுக்கு தனியார் பங்கு முதலீடு மேற்கொள்ளப்பட்டுள்ளது. 
கடந்தாண்டுடன் ஒப்பிடுகையில் ஒப்பந்தங்களின் எண்ணிக்கை நடப்பாண்டில் 4 சதவீதம் அதிகரிப்பை கண்டுள்ள போதிலும், முதலீட்டு அளவானது 9 சதவீதம் அளவுக்கு சரிவைக் கண்டுள்ளது. இதற்கு, பெரிய நிறுவனங்கள் பெரும் தொகையை முதலீடு செய்வதில் மிகவும் முன்னெச்சரிக்கையுடன் செயல்பட்டு வருவதே முக்கிய காரணம். 
குறிப்பாக, நவம்பர் மாதத்தில் 39 ஒப்பந்தங்கள் மூலம் 50 கோடி டாலர் மதிப்பிற்கு தனியார் பங்கு முதலீடு மேற்கொள்ளப்பட்டது. இதில் பெரிய முதலீட்டு திட்டங்களின் அளவு 10 கோடி டாலர் அளவுக்கு இருந்தது.
நவம்பரில் தனியார் பங்கு முதலீடு அளவின் அடிப்படையில் 4.6 ஆண்டுகளில் இல்லாத அளவுக்கு குறைந்தும், மதிப்பின் அடிப்படையில் 28 மாதங்களில் காணப்படாத அளவுக்கு சரிந்தும் இருந்தது என அந்த அறிக்கையில் கூறப்பட்டுள்ளது.

]]>
http://images.dinamani.com/uploads/user/imagelibrary/2018/11/6/w600X390/bse.jpg http://www.dinamani.com/business/2018/dec/16/தனியார்-பங்கு-முதலீட்டில்-சரிவு-நிலை-3058698.html
3058697 வர்த்தகம் கோதுமை பயிரிடும் பரப்பு அதிகரிப்பு DIN DIN Sunday, December 16, 2018 12:47 AM +0530 நடப்பு ரபி பருவத்தில் கோதுமை பயிரிடும் பரப்பு அதிகரித்துள்ளதாக மத்திய வேளாண் அமைச்சகம் தெரிவித்துள்ளது. 
இதுகுறித்து அந்த அமைச்சகம் மேலும் கூறியுள்ளதாவது: அக்டோபரில் தொடங்கி மார்ச் மாதத்தில் அறுவடையாகும் நடப்பு ரபி பருவத்தில் 233.71 லட்சம் ஹெக்டேரில் கோதுமை பயிரிடப்பட்டுள்ளது. இது,  கடந்த 2017-18 ரபி பருவ சாகுபடி பரப்பான 233.59 லட்சம் ஹெக்டேருடன் ஒப்பிடுகையில் சற்று அதிகம். குறிப்பாக, பஞ்சாபில் கோதுமை சாகுபடி பரப்பு 33.92 லட்சம் ஹெக்டேரிலிருந்து 34.34 லட்சம் ஹெக்டேராக அதிகரித்துள்ளது.
கோதுமை பயிரிடும் பரப்பு அதிகரித்துள்ள போதிலும், பருப்பு வகைகள், நெல் உள்ளிட்ட இதர பயிர்களின் சாகுபடி பரப்பு குறைந்து போயுள்ளது என மத்திய வேளாண் அமைச்சகம் தெரிவித்துள்ளது.  

]]>
http://images.dinamani.com/uploads/user/imagelibrary/2018/8/16/w600X390/wheat.JPG http://www.dinamani.com/business/2018/dec/16/கோதுமை-பயிரிடும்-பரப்பு-அதிகரிப்பு-3058697.html
3058694 வர்த்தகம் அடுத்த ஐந்து ஆண்டுகளில் பொதுக் கடன் குறைக்கப்படும்: கார்க் DIN DIN Sunday, December 16, 2018 12:47 AM +0530 அடுத்த 5 ஆண்டுகளில் பொதுக் கடன் அளவை குறைப்பதில் அதிக கவனம் செலுத்தப்படும் என பொருளாதார விவகாரங்களுக்கான செயலர் சுபாஷ் சந்திரா கார்க்  தெரிவித்துள்ளார்.
இதுகுறித்து அவர் சனிக்கிழமை மேலும் கூறியதாவது:
இந்திய பொருளாதாரத்தில் அதிக தடை ஏற்படுத்துவதில் பொதுக் கடன் முக்கிய பங்கு வகிக்கிறது. எனவே, இதனை வரும் 4-5 ஆண்டுகளில் கணிசமான அளவு குறைப்பதற்கு கவனம் செலுத்தப்பட வேண்டும்.
மொத்த உள்நாட்டு உற்பத்தியில் நிதிப் பற்றாக்குறை என்பது 3 சதவீத அளவுக்கு மட்டுமே இருக்க வேண்டும். அதுவே சிறந்த நிலை. அதனை நாம் வேகமாக நெருங்கி வருகிறோம்.
மேலும், இந்திய பொருளாதாரத்தில் பணவீக்க நிலையும் மிதமான அளவில்தான் உள்ளது.
பெரும்பாலான தரக் குறியீட்டு முகமை அமைப்புகள், ஒரு நாட்டின் மொத்த உள்நாட்டு உற்பத்தி விகிதத்தில் உள்ள கடனளவுக்கு அதிக முக்கியத்துவம் தந்து மதிப்பீட்டை வழங்குகின்றன. எனவே, தற்போது இதில் அதிக கவனம் செலுத்தப்பட்டு வருகிறது. இனி வரும் காலங்களிலும் இதே நிலை தொடரும். பொதுக் கடன், நிதிப் பற்றாக்குறை, பணவீக்கம் உள்ளிட்ட அனைத்து முக்கிய பிரச்னைகளிலும் நாம் அதிக கவனம் செலுத்தினால்,  2025-ஆம் ஆண்டுக்குள் 5 லட்சம் கோடி டாலர் பொருளாதாரத்தையும், 2030-க்குள் 10 லட்சம் கோடி டாலர் பொருளாதாரத்தையும் எட்டுவது சாத்தியமானதே
என்றார் அவர்.

]]>
http://www.dinamani.com/business/2018/dec/16/அடுத்த-ஐந்து-ஆண்டுகளில்-பொதுக்-கடன்-குறைக்கப்படும்-கார்க்-3058694.html
3058691 வர்த்தகம் கார்களின் விலையை உயர்த்துகிறது ஹோண்டா DIN DIN Sunday, December 16, 2018 12:47 AM +0530 ஹோண்டா கார்ஸ் இந்தியா நிறுவனம் தனது அனைத்து மாடல் வாகனங்களின் விலையையும் வரும் ஜனவரி மாதம் முதல் உயர்த்தப் போவதாக அறிவித்துள்ளது.
இதுகுறித்து அந்த நிறுவனத்தின் மூத்த துணைத் தலைவரும், இயக்குநருமான (விற்பனை மற்றும் சந்தைப்படுத்துதல்) ராஜேஸ் கோயல் தெரிவித்ததாவது:
நிறுவனத்தின் மூலப் பொருள்கள் செலவினம் ஏற்கெனவே நான்கு சதவீத அளவுக்கு அதிகரித்துள்ளது. இதனைக் கருத்தில் கொண்டு, வரும் ஜனவரி மாதம் முதல் அனைத்து மாடல் கார்களின் விலையையும் உயர்த்த முடிவு செய்யப்பட்டுள்ளது. எந்தெந்த மாடல்களுக்கு எவ்வளவு விலை உயர்வு என்பது குறித்து தற்போது பரிசீலிக்கப்பட்டு வருகிறது. எனவே, விரைவில் இதுகுறித்த அறிவிப்பு வெளியாகும் என்றார் அவர்.
ஹோண்டா நிறுவனம், ரூ.4.73 லட்சம் மதிப்பிலான பிரையோ முதல் அதிகபட்சம் ரூ.43.21 லட்சம் விலை கொண்ட அக்கார்டு ஹைபிரிட் வரை பல்வேறு மாடல்களில் கார்களை தயாரித்து விற்பனை செய்து வருகிறது. 
கடந்த வியாழக்கிழமை டாடா மோட்டார்ஸ், ஃபோர்டு இந்தியா, நிஸான் இந்தியா ஆகிய நிறுவனங்கள் அடுத்த மாதம் முதல் வாகனங்களின் விலையை உயர்த்த திட்டமிட்டுள்ளதாக அறிவித்தன.
இதைத் தவிர, மாருதி சுஸூகி இந்தியா, டொயோட்டா கிர்லோஸ்கர், பிஎம்டபிள்யூ, ரெனோ, இசுசூ ஏற்கெனவே விலை உயர்வு அறிவிப்பை வெளியிட்டு விட்டன.
நிஸான் இந்தியா அனைத்து மாடல் கார்களின் விலையையும் 4 சதவீதம் வரை அதிகரிப்பதாக தெரிவித்துள்ளது. அதேபோன்று, ஃபோர்டு இந்தியா 2.5 சதவீத விலை உயர்வை அறிவித்துள்ளது. டாடா மோட்டார்ஸ் வாகனங்களின் விலையை ஜனவரி முதல் ரூ.40,000 வரைஅதிகரிப்பதாக தெரிவித்துள்ளது. 
இருப்பினும், கார் விற்பனை சந்தையில் முதலிடத்தில் உள்ள மாருதி சுஸூகி நிறுவனம் வாகனங்களின் விலையை எவ்வளவு உயர்த்தவுள்ளது என்பதை இன்னும் அறிவிக்கவில்லை என்பது குறிப்பிடத்தக்கது.

]]>
http://images.dinamani.com/uploads/user/imagelibrary/2018/8/22/w600X390/honda-amaze-.jpg http://www.dinamani.com/business/2018/dec/16/கார்களின்-விலையை-உயர்த்துகிறது-ஹோண்டா-3058691.html
3058669 வர்த்தகம் தங்கம் பவுனுக்கு ரூ.48 உயர்வு DIN DIN Sunday, December 16, 2018 12:35 AM +0530 சென்னையில் ஆபரணத் தங்கத்தின் விலை சனிக்கிழமை பவுனுக்கு ரூ.48 உயர்ந்து, ரூ.24,080-க்கு விற்பனை செய்யப்பட்டது.

சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நாள்தோறும் நிர்ணயிக்கப்படுகிறது. சென்னையில் சனிக்கிழமை நிலவரப்படி, ஆபரணத் தங்கம் ஒரு கிராம் ரூ.6 உயர்ந்து,  ரூ.3,010-க்கு விற்பனை செய்யப்பட்டது. அதே நேரத்தில் வெள்ளிவிலை சற்று குறைந்துள்ளது. வெள்ளி கிராமுக்கு 10 பைசா குறைந்து ரூ.40.50 ஆகவும், கட்டி வெள்ளி கிலோவுக்கு ரூ.100 குறைந்து ரூ.40,500 ஆகவும் இருந்தது.

சனிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம்    3,010
1 பவுன் தங்கம்    24,080  
1 கிராம் வெள்ளி    40.50
1 கிலோ வெள்ளி    40,500

]]>
http://images.dinamani.com/uploads/user/imagelibrary/2017/5/5/w600X390/gold.jpg http://www.dinamani.com/business/2018/dec/16/தங்கம்-பவுனுக்கு-ரூ48-உயர்வு-3058669.html
3058028 வர்த்தகம் "ரூ.2.33 லட்சம் கோடி மதிப்பிலான வாராக் கடன் வசூல்' DIN DIN Saturday, December 15, 2018 12:45 AM +0530 பொதுத் துறை வங்கிகள் ரூ.2.33 லட்சம் கோடி மதிப்பிலான வாராக் கடன்களை வசூல் செய்துள்ளதாக நாடாளுமன்றத்தில் வெள்ளிக்கிழமை தெரிவிக்கப்பட்டது.
இதுகுறித்து மத்திய நிதித் துறை இணையமைச்சர் ஷிவ் பிரதாப் சுக்லா தெரிவித்ததாவது:
கடந்த 2014-15 முதல் 2017-18 வரையிலான நான்கு ஆண்டுகளில் பொதுத் துறை வங்கிகள் ரூ.2,33,339 கோடி மதிப்பிலான வாரக் கடன்களை வசூல் செய்துள்ளன.
நடப்பாண்டு செப்டம்பர் 30  நிலவரப்படி, நாட்டின் மிகப்பெரிய வங்கியாகத் திகழும் பாரத ஸ்டேட் வங்கியின் வாராக் கடன் ரூ.2.02 லட்சம் கோடியாக இருந்தது.
மேலும், இதைத்தவிர எஞ்ச்சியுள்ள 20 பொதுத் துறை வங்கிகளில் பஞ்சாப் நேஷனல் வங்கியின் மொத்த வாராக் கடன் நடப்பு நிதியாண்டின் இரண்டாவது காலாண்டில் ரூ.80,993 கோடியாகவும், ஐடிபிஐ வங்கியின் வாராக் கடன் ரூ.50,690 கோடியாகவும், பேங்க் ஆஃப் இந்தியா கடன் ரூ.50,338 கோடியாகவும், யூனியன் பேங்க் ஆஃப் இந்தியாவின் வாராக் கடன் ரூ. 48,575 கோடியாகவும் உள்ளன.
இதைத்தவிர, பேங்க் ஆஃப் பரோடா வாராக் கடன் ரூ.46,454 கோடியாகவும், கனரா வங்கியின் வாராக் கடன் ரூ.41,907 கோடியாகவும், சென்டரல் பேங்க் ஆஃப் இந்தியா கடன் ரூ.37,411 கோடியாகவும், இந்தியன் ஓவர்சீஸ் வங்கியின் வாராக் கடன் ரூ.35,607 கோடியாகவும், யூகோ வங்கியின் வாராக் கடன் ரூ.28,822 கோடியாகவும் உள்ளன.
கடந்த 2008 மார்ச் இறுதியில் ரூ.16.98 லட்சம் கோடியாக இருந்த பொதுத் துறை வங்கிகள் வழங்கிய ஒட்டு மொத்த கடன் 2014 மார்ச் இறுதி நிலவரப்படி ரூ.45.91 லட்சம் கோடியாக அதிகரித்துள்ளது என சுக்லா தெரிவித்துள்ளார்.
 

]]>
http://images.dinamani.com/uploads/user/imagelibrary/2018/10/27/w600X390/loans.jpg http://www.dinamani.com/business/2018/dec/15/ரூ233-லட்சம்-கோடி-மதிப்பிலான-வாராக்-கடன்-வசூல்-3058028.html
3058025 வர்த்தகம் தரம்மிகுந்த உற்பத்திக்கு முக்கியத்துவம்: டிவிஎஸ்  DIN DIN Saturday, December 15, 2018 12:45 AM +0530 தரமிகுந்த இரு சக்கர வாகன உற்பத்தியில் அதிகம் கவனம் செலுத்தவுள்ளதாக டிவிஎஸ் குழுமம் தெரிவித்துள்ளது.
இதுகுறித்து அக்குழுமத்தின் தலைமைச் செயல் அதிகாரி கே.என். ராதாகிருஷ்ணன் கூறியது: 
2013-ஆம் ஆண்டில் டிவிஎஸ் குழுமமும், பிஎம்டபிள்யூ மோட்டோராட் நிறுவனமும் 500 சிசி பிரிவில் வாகனங்களை உற்பத்தி செய்வதற்கான புரிந்துணர்வு ஒப்பந்தம் மேற்கொண்டன. அதன்படி தற்போது பிஎம்டபிள்யூ 310 சிசி பிரிவு வாகனப் பிரிவில் 50 ஆயிரம் வாகனங்களை உற்பத்தி செய்து புதிய இலக்கை எட்டியுள்ளோம். 
500 சிசி-க்கும் குறைவான ஆற்றல் கொண்ட இருசக்கர வாகனப் பிரிவில் தரமான தயாரிப்புகளை உற்பத்தி செய்ய வேண்டும் என்பதே எங்களது உறுதிப்பாடு. இதில் அதிக கவனம் செலுத்துவோம் என்றார்.

]]>
http://images.dinamani.com/uploads/user/imagelibrary/2018/10/24/w600X390/TVS.jpg http://www.dinamani.com/business/2018/dec/15/தரம்மிகுந்த-உற்பத்திக்கு-முக்கியத்துவம்-டிவிஎஸ்-3058025.html
3058021 வர்த்தகம் நாட்டின் ஏற்றுமதி 2,650 கோடி டாலராக அதிகரிப்பு DIN DIN Saturday, December 15, 2018 12:44 AM +0530 இந்தியாவின் ஏற்றுமதி சென்ற நவம்பர் மாதத்தில் 2,650 கோடி டாலராக 
அதிகரித்துள்ளது.

இதுகுறித்து மத்திய வர்த்தக அமைச்சகம் வெள்ளிக்கிழமை தெரிவித்ததாவது:
நாட்டின் ஏற்றுமதி நவம்பரில் 2,650 கோடி டாலராக (ரூ.1.85 லட்சம் கோடி) இருந்தது. கடந்தாண்டு இதே மாத கால அளவில் மேற்கொள்ளப்பட்ட ஏற்றுமதி மதிப்புடன் ஒப்பிடுகையில் இது வெறும் 0.80 சதவீதம் மட்டுமே அதிகம்.

அதேசமயம், இறக்குமதி 4.31 சதவீதம் உயர்ந்து 4,317 கோடி (ரூ.3.02 லட்சம் கோடி) டாலராக காணப்பட்டது. ஏற்றுமதியை காட்டிலும் இறக்குமதி கணிசமாக அதிகரித்ததையடுத்து வர்த்தக பற்றாக்குறை இடைவெளி 1,667 கோடி டாலராகி (ரூ,1.16 லட்சம் கோடி) உள்ளது.

கடந்த நவம்பர் மாதத்தில் தங்கம் இறக்குமதியானது 15.6 சதவீதம் சரிவடைந்து 275 கோடி டாலராக இருந்தபோதிலும் வர்த்தக பற்றாக்குறையானது அதிகரிப்பைக் கண்டுள்ளது.

நடப்பு நிதியாண்டின் ஏப்ரல் முதல் நவம்பர் வரையிலான எட்டு மாத கால அளவில் ஏற்றுமதி 11.58 சதவீதம் உயர்ந்து 21,752 கோடி டாலரை எட்டியுள்ளது. அதேசமயம், இறக்குமதி 14.71 சதவீதம் அதிகரித்து 34,564 கோடி டாலராகியுள்ளது. இந்த கால கட்டத்தில் வர்த்தக பற்றாக்குறை 12,813  கோடி டாலரைத் (ரூ.8.97 லட்சம் கோடி) தொட்டுள்ளது. 

கடந்த நிதியாண்டில் இதே கால அளவில் வர்த்தக பற்றாக்குறை 10,637 கோடி டாலராக காணப்பட்டது என வர்த்தக அமைச்சகம் தெரிவித்துள்ளது.

]]>
http://images.dinamani.com/uploads/user/imagelibrary/2014/7/6/0/w600X390/dollar.jpg http://www.dinamani.com/business/2018/dec/15/நாட்டின்-ஏற்றுமதி-2650-கோடி-டாலராக-அதிகரிப்பு-3058021.html
3058020 வர்த்தகம் பொதுப் பணவீக்கம் 4.64 சதவீதமாக குறைவு DIN DIN Saturday, December 15, 2018 12:43 AM +0530 நாட்டின் பொதுப் பணவீக்கம் நவம்பர் மாதத்தில் 4.64 சதவீதமாக குறைந்துள்ளது.
இதுகுறித்து மத்திய அரசு வெள்ளிக்கிழமை வெளியிட்ட புள்ளிவிவரத்தில் தெரிவித்துள்ளதாவது:
மொத்த விலை அடிப்படையில் கணக்கிடப்படும் பணவீக்கம் நவம்பரில் 4.64 சதவீதமாக குறைந்துள்ளது. இது, மூன்று மாதங்களில் இல்லாத குறைந்தபட்ச அளவாகும். உணவுப் பொருள்கள் அதிலும் குறிப்பாக,  காய்கறிகள் மற்றும் சில பெட்ரோலியப் பொருள்களின் விலை குறைந்ததையடுத்து இந்த நிலை ஏற்பட்டது.
நாட்டின் பொதுப் பணவீக்கமானது அக்டோபர் மாதத்தில் 5.28 சதவீதமாகவும், கடந்தாண்டு நவம்பரில் 4.02 சதவீதமாகவும் காணப்பட்டது.
உணவுப் பொருள்களின் விலை அக்டோபரில் 1.49 சதவீதம் குறைந்திருந்த நிலையில், நவம்பரில் இது 3.31 சதவீதமாக இருந்தது.
அதேபோன்று காய்கறிகளின் விலையும் நவம்பரில் 26.98 சதவீதம் குறைந்திருந்தது. இது, அக்டோபரில் 18.65 சதவீதமாக காணப்பட்டது.
மேலும், நவம்பரில் எரிபொருள் மற்றும் மின்சாரம் ஆகியவற்றுக்கான பணவீக்கம் 16.28 சதவீதமாகவே அதிகரித்திருந்தது. இருப்பினும் அக்டோபர் மாத பணவீக்க அளவான 18.44 சதவீதத்துடன் ஒப்பிடுகையில் இது குறைவானதாகும். இதற்கு, சர்வதேச சந்தையில் கச்சா எண்ணெய் விலை சரிந்ததையடுத்து, பெட்ரோல், டீசல் விலை குறைக்கப்பட்டதே முக்கிய காரணம்.
உணவுப் பொருள்களில், உருளைக்கிழங்கின் விலை நவம்பரில் 86.45 சதவீதம் அதிகரித்திருந்தது. அதேசமயம், வெங்காயத்தின் விலை 47.60 சதவீதம் குறைந்திருந்தது. பருப்பு வகைகளுக்கான பணவீக்கம் 5.42 சதவீதம் என்ற அளவில் இருந்தது.
இதற்கு முன்பாக, கடந்த ஆகஸ்ட் மாதத்தில்தான் பொதுப் பணவீக்கம் குறைந்தபட்ச அளவாக 4.62 சதவீதம் என்ற அளவில் இருந்தது. அதன் பிறகு, மூன்று மாதங்கள் கழித்து நவம்பரில்தான் பொதுப் பணவீக்கம் இந்த அளவுக்கு குறைந்துள்ளது என மத்திய அரசு  புள்ளிவிவரத்தில் தெரிவித்துள்ளது.
முந்தைய மதிப்பீட்டில் செப்டம்பர் மாதத்துக்கான பணவீக்கம் 5.13 சதவீதம் என்று தெரிவிக்கப்பட்டிருந்த நிலையில், தற்போது மத்திய அரசு அதனை 5.22 சதவீதம் என உயர்த்தி மறுமதிப்பீடு செய்துள்ளது.

]]>
http://images.dinamani.com/uploads/user/imagelibrary/2018/7/26/w600X390/vegetable.jpg http://www.dinamani.com/business/2018/dec/15/பொதுப்-பணவீக்கம்-464-சதவீதமாக-குறைவு-3058020.html
3058019 வர்த்தகம் சீன ரசாயனங்கள் இறக்குமதிக்கு பொருள் குவிப்பு வரி? DIN DIN Saturday, December 15, 2018 12:36 AM +0530 சீனாவிலிருந்து இறக்குமதி செய்யப்படும் மலிவு விலை ரசாயன பொருள்களுக்கு மத்திய அரசு பொருள் குவிப்பு வரியை விதிக்கும் என எதிர்பார்க்கப்படுகிறது.
சாயம் மற்றும் புகைப்படத் தொழில்துறையில் பயன்படுத்தப்படும் ரசாயனங்களில் பெருமளவு சீனாவிலிருந்தே இறக்குமதி செய்யப்படுகின்றன. மிகவும் மலிவான விலையில் இவை இறக்குமதி செய்யப்படுவதால் உள்நாட்டு நிறுவனங்களால் அவற்றுடன் போட்டியிட முடியாத சூழல் நிலவுகிறது.
உள்நாட்டு நிறுவனங்களின் நலனை கருத்தில் கொண்டு, சீனாவிலிருந்து இறக்குமதி ரசாயனங்களுக்கு டன்னுக்கு 1,015.44 டாலர் முதல் 573.92 டாலர் வரையில் பொருள் குவிப்பு வரியை ஐந்தாண்டுகளுக்கு விதிக்க வேண்டும் என பரிந்துரைக்கப்பட்டுள்ளது. இதுகுறித்து மத்திய அரசும் தீவிரமாக பரிசீலித்து வருகிறது. 
பொருள் குவிப்பு வரி விதிப்பை அமல்படுத்துவது குறித்து மத்திய நிதி அமைச்சகம் தனது இறுதி முடிவை விரைவில் அறிவிக்கும் என்று தகவல்கள் வெளியாகியுள்ளன.

]]>
http://www.dinamani.com/business/2018/dec/15/சீன-ரசாயனங்கள்-இறக்குமதிக்கு-பொருள்-குவிப்பு-வரி-3058019.html
3057397 வர்த்தகம் பயணிகள் வாகனங்கள் விலை அதிகரிப்பு: டாடா மோட்டார்ஸ் DIN DIN Friday, December 14, 2018 01:09 AM +0530 வரும் ஜனவரி 1-ஆம் தேதியிலிருந்து பயணிகள் வாகனங்களின் விலையை உயர்த்தவுள்ளதாக டாடா மோட்டார்ஸ் தெரிவித்துள்ளது.
இதுகுறித்து அந்த நிறுவனத்தின் தலைவர் மயங்க் பாரீக் வியாழக்கிழமை கூறியதாவது:
அதிகரித்து வரும் ஈடுபொருள்கள் செலவினம், எரிபொருள்கள் விலை உயர்வு மற்றும் பல்வேறு வெளிப்புற பொருளாதார காரணிகளால் நிறுவனத்தின் செயல்பாடு அதிக செலவு பிடிக்கக்கூடியதாக மாறியுள்ளது. எனவே, தற்போதைய நிலையில் வாகனங்களின் விலையை உயர்த்த வேண்டிய கட்டாயத்துக்கு நிறுவனம் தள்ளப்பட்டுள்ளது.
இதையடுத்து, அனைத்து வாகனங்களின் விலையும் வரும் ஜனவரி 1 முதல் அதிகரிக்கப்பட உள்ளது. மாடல் மற்றும் நகரங்களைப் பொருத்து ரூ.40,000 வரையில் இந்த விலை உயர்வு இருக்கும் என்றார் அவர்.
டாடா மோட்டார்ஸ் ரூ.2.36 லட்சம் மதிப்புள்ள சிறிய வகை நானோ கார் முதல் ரூ.17.97 லட்சம் விலை கொண்ட பிரிமீயம் வகை காரான ஹெக்ஸா வரை விற்பனை செய்து வருகிறது. 
வரும் ஜனவரியில் புதிய வகை பிரிமீயம் ஹாரியர் சொகுசு காரை டாடா மோட்டார்ஸ் அறிமுகப்படுத்தவுள்ளது குறிப்பிடத்தக்கது.
ஃபோர்டு கார் விலை உயர்வு: ஃபோர்டு இந்தியா நிறுவனம் ஜனவரி முதல் கார்களின் விலையை 2.5 சதவீதம் வரை அதிகரிக்கிறது. இதுகுறித்து அந்த நிறுவனத்தின் செயல் இயக்குநர் விநய் ரெய்னா கூறுகையில், "மூலப் பொருள்கள் விலை உயர்வு, அந்நியச் செலாவணியில் காணப்படும் ஏற்றத் தாழ்வு காரணமாக கார்களின் விலையை அதிகரிக்க முடிவு செய்யப்பட்டுள்ளது. அதன்படி, அனைத்து ரக வாகனங்களின் விலையும் 2.5 சதவீதம் வரை அதிகரிக்கும். இந்த விலை உயர்வு ஜனவரி 1-ஆம் தேதியிலிருந்து அமலுக்கு வரவுள்ளது' என்றார்.
மாருதி சுஸூகி, டொயோட்டா கிர்லோஸ்கர், பிஎம்டபிள்யூ, ரெனோ, இசுசூ   ஏற்கெனவே விலை உயர்வை அறிவித்துள்ள நிலையில் தற்போது டாடா மோட்டார்ஸ், ஃபோர்டு, நிஸான் நிறுவனங்களும் விலை உயர்வு அறிவிப்புகளை வெளியிட்டுள்ளன.

]]>
http://images.dinamani.com/uploads/user/imagelibrary/2018/5/2/w600X390/tata.jpg http://www.dinamani.com/business/2018/dec/14/பயணிகள்-வாகனங்கள்-விலை-அதிகரிப்பு-டாடா-மோட்டார்ஸ்-3057397.html
3057391 வர்த்தகம் காப்பீட்டு நிறுவனங்களுக்கான மூலதன விதிமுறை மாற்றம்? DIN DIN Friday, December 14, 2018 01:08 AM +0530 காப்பீட்டு நிறுவனங்களின் மூலதன தேவை விதிமுறைகளில் மாற்றங்களை ஏற்படுத்த இந்திய காப்பீட்டு ஒழுங்காற்று மற்றும் மேம்பாட்டு ஆணையம் (இரிடா) நடவடிக்கைகளை மேற்கொண்டுள்ளது.
இதுகுறித்து அந்த ஆணையத்தின் உறுப்பினர் நிலேஸ் ஷதி வியாழக்கிழமை தெரிவித்ததாவது:
இந்தியாவில் காப்பீட்டு நிறுவனங்களுக்கான மூலதன தேவை தற்போது ரூ.100 கோடியாக உள்ளது. பல முன்னேறிய நாடுகளுடன் ஒப்பிடும்போது இது மிகவும் அதிகமானதாக காணப்படுகிறது. எனவே, மூலதன தேவை விதிமுறைகளில் மாற்றங்களை மேற்கொள்ள வேண்டிய நடவடிக்கைகள் படிப்படியாக மேற்கொள்ளப்பட்டு வருகின்றன.
அதன் பயனாக, வரும் 2021 அல்லது 2022-ஆம் ஆண்டுக்குள் மூலதன தேவை தொகையில் மாற்றம் ஏற்படும். அப்போது, காப்பீட்டு துறையில் தடம்பதிக்க  விரும்பும் பல நிறுவனங்கள் புதிதாக களமிறங்கும் என்றார் அவர்.

]]>
http://images.dinamani.com/uploads/user/imagelibrary/2014/11/22/23/w600X390/insurance.jpg http://www.dinamani.com/business/2018/dec/14/காப்பீட்டு-நிறுவனங்களுக்கான-மூலதன-விதிமுறை-மாற்றம்-3057391.html
3057387 வர்த்தகம் பொதுத் துறை வங்கிகளுக்கு ரூ.30,000 கோடி கூடுதல் மூலதனம்: மத்திய அரசு திட்டம் DIN DIN Friday, December 14, 2018 01:07 AM +0530 மத்திய அரசு, பொதுத் துறை வங்கிகளுக்கு கூடுதலாக ரூ.30,000 கோடி மூலதனத்தை வழங்க பரிசீலித்து வருவதாக தகவல்கள் வெளியாகியுள்ளன.

மத்திய நிதி அமைச்சகம் கடந்த 2017-ஆம் ஆண்டு அக்டோபரில் பொதுத் துறை வங்கிகளுக்கு மூலதனம் அளிக்கும் திட்டத்தை அறிவித்தது. அதன் ஒரு பகுதியாக வங்கிகள் பேஸல் 3 விதிமுறைகளை நிறைவு செய்ய 2019-ஆம் ஆண்டு மார்ச் மாதத்துக்குள் சந்தையிலிருந்து ரூ.58,000 கோடியை திரட்டிக் கொள்ள வேண்டும் என வலியுறுத்தப்பட்டிருந்தது.
இந்த நிலையில், சந்தை நிலவரம் சாதகமாக இல்லாத காரணத்தால் வங்கிகள் இதுவரையில் போதுமான நிதியை திரட்ட முடியாத நிலையிலேயே இருந்து வருகின்றன. இதனிடையே, பல வங்கிகளில் வாரக் கடன் அளவு நடப்பு நிதியாண்டின் முதல்  இரண்டு காலாண்டுகளில் விஸ்வரூபமெடுத்துள்ளது. இதனால், வங்கிகள் ஈட்டும் லாபம் பெருமளவு பாதிப்புக்குள்ளாகியுள்ளது.
இதனை உணர்ந்து ரிசர்வ் வங்கி அண்மையில் மூலதன பாதுகாப்பு இருப்பு விதிமுறையை ஓராண்டுக்கு தள்ளி வைத்தது. ரிசர்வ் வங்கியின் இந்த முடிவால், பொதுத் துறை வங்கிகளுக்கு  ரூ.37,000 கோடி வரை கிடைக்கும் நிலை உருவாகியுள்ளது.
இருப்பினும், பேஸல் 3 விதிமுறையை நிறைவு செய்ய பொதுத் துறை வங்கிகளுக்கு இன்னும் ரூ.30,000 கோடி அளவிலான நிதி தேவைப்படுகிறது.
இதனை உணர்ந்து மத்திய அரசு, பற்றாக்குறையை ஈடு செய்யும் வகையில் கூடுதல் மூலதனம் வழங்க தீவிரமாக பரிசீலித்து வருகிறது. இதற்கான இறுதி முடிவை மத்திய அரசு இன்னும் ஒரு சில வாரங்களில் அறிவிக்க கூடும் என்று தகவல்கள் தெரிவிக்கின்றன.

]]>
http://images.dinamani.com/uploads/user/imagelibrary/2017/7/4/w600X390/cashflow.jpg http://www.dinamani.com/business/2018/dec/14/பொதுத்-துறை-வங்கிகளுக்கு-ரூ30000-கோடி-கூடுதல்-மூலதனம்-மத்திய-அரசு-திட்டம்-3057387.html
3057383 வர்த்தகம் இந்தியப் பங்குச் சந்தை வர்த்தகம் விறுவிறு DIN DIN Friday, December 14, 2018 01:06 AM +0530 இந்தியப் பங்குச் சந்தைகளில் வியாழக்கிழமை நடைபெற்ற வர்த்தகம் விறுவிறுப்புடன் காணப்பட்டது.
ரிசர்வ் வங்கியின் புதிய ஆளுநர் முக்கிய பிரச்னைகளுக்குத் தீர்வு காணும் வகையில் நடவடிக்கை எடுப்பார் என்ற நிலைப்பாட்டல் முதலீட்டாளர்கள் ஆர்வத்துடன் பங்கு முதலீட்டை மேற்கொண்டனர்.
இதனிடையே, அந்நியச் செலாவணி சந்தையில் ரூபாய் மதிப்பு உயர்வு, ஆசிய பங்குச் சந்தைகளில் காணப்பட்ட ஏற்றம் உள்ளிட்ட நிகழ்வுகளும் முதலீட்டாளர்களின் மன நிலையில் சாதகமான தாக்கங்களை ஏற்படுத்தின.
மும்பை பங்குச் சந்தையில் வியாழக்கிழமை நடைபெற்ற வர்த்தகத்தில் சென்செக்ஸ் 150 புள்ளிகள் அதிகரித்து 35,929 புள்ளிகளில் நிலைத்தது. தேசிய பங்குச் சந்தை குறியீட்டெண் நிஃப்டி 53 புள்ளிகள் உயர்ந்து 10,791 புள்ளிகளில் நிலைத்தது.

]]>
http://images.dinamani.com/uploads/user/imagelibrary/2018/8/21/w600X390/BSE-AV2.jpg http://www.dinamani.com/business/2018/dec/14/இந்தியப்-பங்குச்-சந்தை-வர்த்தகம்-விறுவிறு-3057383.html
3057380 வர்த்தகம் ரூ.4,435 கோடிக்கு பங்குகளை திரும்பப் பெறுகிறது ஐஓசி DIN DIN Friday, December 14, 2018 01:05 AM +0530 பொதுத் துறையைச் சேர்ந்த இந்தியன் ஆயில் கார்ப்பரேஷன் (ஐஓசி) ரூ.4,435 கோடி மதிப்பிலான பங்குகளை திரும்பப் பெற முடிவு செய்துள்ளது.
இதுகுறித்து அந்த நிறுவனம் செபி-க்கு வியாழக்கிழமை தெரிவித்துள்ளதாவது:
ஐஓசி-யின் இயக்குநர் குழு கூட்டம் வியாழக்கிழமை நடைபெற்றது. இந்த கூட்டத்தில், ரூ.4,435 கோடிக்கு பங்குகளை திரும்பப் பெற ஒப்புதல் வழங்கப்பட்டது. 
அதன்படி, பங்கு ஒன்று ரூ.149 விலையில் 29.76 கோடி பங்குகள் (3.06%)  திரும்ப வாங்கப்படவுள்ளது என ஐஓசி தெரிவித்துள்ளது.  மேலும், ஐஓசி நிறுவனம் அதன் பங்குதாரர்களுக்கு ரூ.6,556 கோடியை இடைக்கால ஈவுத்தொகையாக பகிர்ந்தளிக்க உள்ளதாக கூறியுள்ளது.
மும்பை பங்குச் சந்தையில் வியாழக்கிழமை நடைபெற்ற வர்த்தகத்தின்போது ஐஓசி பங்குகளின் விலை 0.5 சதவீதம் உயர்ந்து ரூ.137.20-ஆக இருந்தது. இந்த நிலையில் வியாழக்கிழமை முடிவுற்ற விலையை காட்டிலும் 8.6 சதவீதம் அதிக பிரீமிய விலையில் ஐஓசி பங்குகள் திரும்பப் பெறப்படவுள்ளன.
ஐஓசி நிறுவனத்தில் மத்திய அரசு 54.06 சதவீத பங்கு மூலதனத்தை வைத்துள்ளது. எனவே, இந்த பங்குகளை திரும்பப் பெறும் திட்டத்தில் மத்திய அரசு பங்கேற்கும் என்று எதிர்பார்க்கப்படுகிறது. 
கோல் இந்தியா, பிஹெச்இஎல், ஆயில் இந்தியா போன்ற பொதுத் துறை நிறுவனங்களின் பங்குகளை திரும்பப் பெறும் திட்டத்தின் மூலம் குறைந்தபட்சம் ரூ.5,000 கோடியை திரட்ட மத்திய அரசு இலக்கு நிர்ணயித்துள்ளது.
 

]]>
http://images.dinamani.com/uploads/user/imagelibrary/2018/11/3/w600X390/ioc.jpg http://www.dinamani.com/business/2018/dec/14/ரூ4435-கோடிக்கு-பங்குகளை-திரும்பப்-பெறுகிறது-ஐஓசி-3057380.html
3057367 வர்த்தகம் தங்கம் பவுனுக்கு ரூ.96 குறைவு DIN DIN Friday, December 14, 2018 12:56 AM +0530 சென்னையில் ஆபரணத் தங்கத்தின் விலை வியாழக்கிழமை பவுனுக்கு ரூ.96 குறைந்து, ரூ.24,096-க்கு விற்பனை செய்யப்பட்டது.

சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நாள்தோறும் நிர்ணயிக்கப்படுகிறது. சென்னையில் வியாழக்கிழமை நிலவரப்படி, ஆபரணத் தங்கம் ஒரு கிராம் ரூ.12 குறைந்து,  ரூ.3,012-க்கு விற்பனை செய்யப்பட்டது. அதேநேரத்தில், வெள்ளி விலை சற்று உயர்ந்துள்ளது.  வெள்ளி கிராமுக்கு 20 பைசா உயர்ந்து ரூ.40.80 ஆகவும், கட்டி வெள்ளி கிலோவுக்கு ரூ.200 அதிகரித்து ரூ.40,800 ஆகவும் இருந்தது.

வியாழக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம்    3,012
1 பவுன் தங்கம்    24,096  
1 கிராம் வெள்ளி    40.80
1 கிலோ வெள்ளி    40,800

]]>
http://images.dinamani.com/uploads/user/imagelibrary/2018/2/10/w600X390/gold01.jpg file photo http://www.dinamani.com/business/2018/dec/14/தங்கம்-பவுனுக்கு-ரூ96-குறைவு-3057367.html
3056035 வர்த்தகம் கார்களின் விலைகளை உயர்த்துகிறது ரெனோ DIN DIN Wednesday, December 12, 2018 12:51 AM +0530
இந்தியாவில் தனது கார்களின் விலைகளை 1.5 சதவீதம் வரை உயர்த்த ரெனோ நிறுவனம் முடிவு செய்துள்ளது.
இதுகுறித்து ரெனோ இந்தியா நிறுவனம் செவ்வாய்க்கிழமை வெளியிட்ட அறிக்கையில் தெரிவிக்கப்பட்டுள்ளதாவது:
இந்தியாவில் விற்பனை செய்யப்படும் எங்களது கார்களின் விலைகளை, 1.5 சதவீதம் வரை அதிகரிக்க முடிவு செய்துள்ளோம்.
உதிரி பாகங்களின் விலைகள் அதிகரித்துள்ளதாலும், ரூபாயின் மதிப்பு குறைந்து வருவதாலும் நிறுவனத்தின் உற்பத்திச் செலவு அதிகமாகி வருகிறது.
அதனை ஈடு செய்வதற்காகவே கார்களின் விலைகள் அதிகரிக்கப்படுகின்றன.
வரும் ஜனவரி மாதம் முதல் இந்த விலை உயர்வு அமலுக்கு வரும் என்று அந்த அறிக்கையில் ரெனால்ட் இந்தியா நிறுவனம் தெரிவித்துள்ளது.
ஏற்கெனவே, மாருதி சுஸுகி, ஸ்கோடா, இசுஸு, டொயோட்டா கிர்லோஸ்கர் போன்ற நிறுவனங்களும் தங்களது கார்களின் விலைகளை ஜனவரி மாதம் முதல் உயர்த்துவதாக அறிவித்துள்ளது நினைவுகூரத் தக்கது.
 

]]>
http://images.dinamani.com/uploads/user/imagelibrary/2018/12/12/w600X390/renault.jpg http://www.dinamani.com/business/2018/dec/12/கார்களின்-விலைகளை-உயர்த்துகிறது-ரெனோ-3056035.html
3056034 வர்த்தகம் சரிவிலிருந்து மீண்டது சென்செக்ஸ்: 190 புள்ளிகள் உயர்வு DIN DIN Wednesday, December 12, 2018 12:51 AM +0530
ரிசர்வ் வங்கி ஆளுநர் உர்ஜித் படேல் திடீர் ராஜிநாமா செய்தது, 5 மாநில தேர்தல் முடிவுகள் வெளியானது போன்ற சூழலிலும் மும்பை பங்குச் சந்தையின் சென்செக்ஸ் செவ்வாய்க்கிழமை 190 புள்ளிகள் உயர்ந்தது.
மாநில தேர்தலுக்குப் பிறகு வெளியான கருத்துக் கணிப்புகள் பாஜக-வுக்கு சாதகமாக அமையாததால், திங்கள்கிழமை நடைபெற்ற பங்கு வர்த்தகத்தின்போது முதலீட்டாளர்கள் எச்சரிக்கையாக செயல்பட்டனர். இதன் காரணமாக, சென்செக்ஸ் 714 புள்ளிகள் வீழ்ச்சியடைந்தது.
இந்தச் சூழலில், மும்பை பங்குச் சந்தையில் செவ்வாய்க்கிழமை தொடங்கிய பங்கு வர்த்தகம் தொடக்கத்தில் மந்தமாகக் காணப்பட்டு, சென்செக்ஸ் 500 புள்ளிகள் வரை வீழ்ச்சியடைந்தது.
எனினும், பங்கு வர்த்தகம் பின்னர் சுறுசுறுப்படைந்து 35,150 புள்ளிகளாக நிறைவடைந்தது. இது, முந்தைய நாளைவிட 190 புள்ளிகள் அதிகமாகும்.
தேசிய பங்குச் சந்தையிலும் செவ்வாய்க்கிழமை நடைபெற்ற வர்த்தகத்தில், நிஃப்டி 60 புள்ளிகள் உயர்ந்து, 10,549-ஆக நிலைத்தது.
 

]]>
http://images.dinamani.com/uploads/user/imagelibrary/2018/12/12/w600X390/sensex.JPG http://www.dinamani.com/business/2018/dec/12/சரிவிலிருந்து-மீண்டது-சென்செக்ஸ்-190-புள்ளிகள்-உயர்வு-3056034.html
3056033 வர்த்தகம் பணியாற்றுவதற்கு உகந்த தகவல் தொழில்நுட்ப நிறுவனங்கள்: முதலிடத்தில் அடோப் DIN DIN Wednesday, December 12, 2018 12:50 AM +0530
இந்தியாவில் பணியாற்றுவதற்கு உகந்த தகவல் தொழில்நுட்ப (ஐ.டி.) நிறுவனங்களின் பட்டியலில், அடோப் நிறுவன முதலிடத்தைப் பிடித்துள்ளது.
இதுகுறித்து இண்டீட் வலைதளம் வெளியிட்டுள்ள ஆய்வறிக்கையில் தெரிவிக்கப்பட்டுள்ளதாவது:
பணியாற்றுவதற்கு மிகவும் ஏற்ற நிறுவனங்கள் குறித்து ஆய்வு மேற்கொண்டு
தயாரிக்கப்பட்ட பட்டியலில், அமெரிக்காவில் தலைமையகத்தைக் கொண்டுள்ள அடோப் நிறுவனம் முதலிடத்தை வகிக்கிறது.
அதற்கு அடுத்தபடியாக, அமெரிக்காவின் என்விடியாவும், முன்றாவதாக மைக்ரோசாஃப்ட் நிறுவனமும் பட்டியலில் இடம் பெற்றுள்ளன.
இந்தியாவின் விண்வெளி ஆய்வு நிறுவனமான இஸ்ரோ, இந்தப் பட்டியலில் 10-ஆவது இடத்தை வகிக்கிறது. 
இந்தப் பட்டியலில் இடம் பெற்றுள்ள ஒரே இந்திய பொதுத் துறை அமைப்பு இது என்பது குறிப்பிடத்தக்கது.
பட்டியலின் முதல் ஐந்து இடங்களை பன்னாட்டு நிறுவனங்கள் பிடித்திருந்தாலும், மின்த்ரா, டாடா கன்சல்டன்சி சர்வீஸ் போன்ற இந்திய தகவல் தொழில்நுட்ப நிறுவனங்களும் பட்டியலில் இடம் பெற்றுள்ளன என்று அந்த ஆய்வறிக்கையில் குறிப்பிடப்பட்டுள்ளது.
 

]]>
http://images.dinamani.com/uploads/user/imagelibrary/2018/12/12/w600X390/com.jpg http://www.dinamani.com/business/2018/dec/12/பணியாற்றுவதற்கு-உகந்த-தகவல்-தொழில்நுட்ப-நிறுவனங்கள்-முதலிடத்தில்-அடோப்-3056033.html
3056032 வர்த்தகம் டிஜிடல் முறையில் விவசாயக் கடன்: பாரத ஸ்டேட் வங்கி திட்டம் DIN DIN Wednesday, December 12, 2018 12:50 AM +0530
நவீன மின்னணு தொழில்நுட்பங்களைப் பயன்படுத்தி விவசாயக் கடன்களை வழங்க, இந்தியாவின் முதன்மை வங்கியான பாரத ஸ்டேட் வங்கி திட்டமிட்டுள்ளது.
இதுகுறித்து அந்த வங்கியின் வர்ததகம் மற்றும் மின்னணு வங்கியியல் பிரிவு நிர்வாக இயக்குநர் பி.கே. குப்தா தில்லியில் செவ்வாய்க்கிழமை கூறியதாவது:
விவசாயக் கடன்களை வழங்குவதில் அதி நவீன மின்னணு தொழில்நுட்பங்களைப் பயன்படுத்த திட்டமிட்டு வருகிறோம்.
இதுதொடர்பாக, பிற தகவல் தொழில்நுட்ப நிறுவனங்களுடன் இணைந்து கடன் பட்டுவாடா பணிகளை சோதனை முறையில் மேற்கொண்டு வருகிறோம்.
புதிய முறையில், நிலம் குறித்த விவரங்களும் மின்னணு முறையில் சேகரிக்கப்படும்.
புதிய மின்னணு விவசாயக் கடன் முறையை பாரத ஸ்டேட் வங்கி விரைவில் அறிமுகப்படுத்தும்.
தற்போது, ஏராளமான தகவல் தொழில்நுட்ப நிதி நிறுவனங்கள் (ஃபின்-டெக்) மின்னணு முறையில் கடன்களை வழங்கி வருகின்றன. மாநில அரசுகளும் நில விவரங்களை சேகரித்து வைத்துள்ளன. 
எனவே, இத்தகைய தொழில்நுட்பங்களைப் பயன்படுத்தி விவசாயக் கடன்களை வழங்குவது, விவசாயிகளுக்கும் மிகவும் பயனளிக்கும் என்றார் அவர்.

]]>
http://images.dinamani.com/uploads/user/imagelibrary/2018/12/12/w600X390/mobile.jpg http://www.dinamani.com/business/2018/dec/12/டிஜிடல்-முறையில்-விவசாயக்-கடன்-பாரத-ஸ்டேட்-வங்கி-திட்டம்-3056032.html
3055407 வர்த்தகம் எக்ஸ்-பிளேடின் ஏபிஎஸ் ரகம்: அறிமுகப்படுத்தியது ஹோண்டா DIN DIN Tuesday, December 11, 2018 12:46 AM +0530
ஹோண்டா மோட்டார் சைக்கிள் அண்டு ஸ்கூட்டர் இந்தியா (ஹெச்எம்எஸ்ஐ) நிறுவனம், தனது புகழ் பெற்ற மாடலான எக்ஸ்-பிளேடு மோட்டார் சைக்கிளின் ஆன்ட்டி லாக் பிரேக் வசதி (ஏபிஎஸ்) கொண்ட புதிய ரகத்தை அண்மையில் அறிமுகப்படுத்தியுள்ளது.
வேகமாகச் செல்லும் வாகனங்களை நிறுத்தும்போது, சக்கரம் சிக்கிக் கொண்டு வாகனம் சறுக்காமல் இருப்பதற்கான நவீன தொழில்நுட்பத்தைக் கொண்ட பிரேக் அமைப்புகள் ஏபிஎஸ் என்று அழைக்கப்படுவது குறிப்பிடத்தக்கது.
இதன் மூலம், வாகனங்களின் பாதுகாப்பு அதிகரிக்கும் என்பது குறிப்பிடத்தக்கது.
தில்லியில் நடைபெற்ற புரோ கபடி லீக் போட்டியின் இறுதிப் போட்டி நிகழ்ச்சியின்போது, ஏபிஎஸ் வசதி கொண்ட எக்ஸ்-பிளேடு மோட்டார் சைக்கிளை ஹெச்எம்எஸ்ஐ நிறுவனம் அறிமுகப்படுத்தியதாக தகவல்கள் தெரிவிக்கின்றன.
 

]]>
http://images.dinamani.com/uploads/user/imagelibrary/2018/12/11/w600X390/xblade.jpg http://www.dinamani.com/business/2018/dec/11/எக்ஸ்-பிளேடின்-ஏபிஎஸ்-ரகம்-அறிமுகப்படுத்தியது-ஹோண்டா-3055407.html
3055406 வர்த்தகம் நவம்பர் மாத கார் விற்பனை 3.4% சரிவு DIN DIN Tuesday, December 11, 2018 12:46 AM +0530 இந்தியாவில் கடந்த நவம்பர் மாதம் நடைபெற்ற கார் விற்பனை, முந்தைய ஆண்டின் அதே மாதத்தோடு ஒப்பிடுகையில் 3.43 சதவீதம் குறைந்துள்ளது.
இதுகுறித்து இந்திய வாகன உற்பத்தியாளர்களின் சங்கம் வெளியிட்டுள்ள புள்ளிவிவரத்தில் தெரிவிக்கப்பட்டுள்ளதாவது:
இந்தியச் சந்தையில் கடந்த நவம்பர் மாதம் 1,79,783 கார்கள் விற்பனையாகின. முந்தைய 2017-ஆம் ஆண்டின் நவம்பர் மாத கார் விற்பனையான 1,82,435 கார்களோடு ஒப்பிடுகையில் இது 3.43 சதவீதம் குறைவாகும்.
எனினும், மோட்டார் சைக்கிள்களின் விற்பனையைப் பொருத்தவரை, கடந்த நவம்பர் மாதம் அது 9.36 சதவீத வளர்ச்சியைக் கண்டுள்ளது.
2017-ஆம் ஆண்டின் நவம்பர் மாதத்தில் 9,59,860-ஆக இருந்த மோட்டார் சைக்கிள்களின் விற்பனை, கடந்த நவம்பர் மாதம் 10,49,659-ஆக உயர்ந்துள்ளது.
ஸ்கூட்டர்கள் உள்ளிட்ட ஒட்டுமொத்த இரு சக்கர வாகனங்களின் விற்பனையும், கடந்த நவம்பர் மாதத்தில் வளர்ச்சியடைந்துள்ளது. அந்த மாதத்தில் விற்பனையான இரு சக்கர வாகனங்களின் எண்ணிக்கை 16,45,791 ஆகும். கடந்த ஆண்டின் நவம்பர் மாதத்தில் விற்பனையான 15,36,015 இரு சக்கர வாகனங்களோடு ஒப்பிடுகையில், இது 7.15 சதவீதம் அதிகம் என அந்த புள்ளிவிவரத்தில் தெரிவிக்கப்பட்டுள்ளது.

]]>
http://images.dinamani.com/uploads/user/imagelibrary/2018/12/11/w600X390/cars.jpg http://www.dinamani.com/business/2018/dec/11/நவம்பர்-மாத-கார்-விற்பனை-34-சரிவு-3055406.html
3055405 வர்த்தகம் லக்னெள - இராக் நேரடி விமான சேவை: ஏர் இந்தியா பரிசீலனை DIN DIN Tuesday, December 11, 2018 12:45 AM +0530
லக்னெளவிலிருந்து ஈராக்குக்கு நேரடி விமானப் போக்குரவத்து சேவையைத் தொடங்க ஏர் இந்தியா பரிசீலித்து வருகிறது.
இதுறித்து நிறுவன வட்டாரங்கள் தெரிவிப்பதாவது: உத்தரப் பிரதேச தலைநகர் லக்னெளவிலிருந்து, இராக்கின் நஜஃப் நகருக்கு விமானப் போக்குவரத்து சேவையைத் தொடங்க ஏர் இந்தியா நிறுவனம் திட்டமிட்டு வருகிறது. அந்த விமானம், வழியில் தில்லியில் நின்று செல்லவும் திட்டமிடப்படுகிறது.
இராக்கின் நஜஃப் நகரம், ஷியா பிரிவு முஸ்லிம்களின் புனிதத் தலமாகக் கருதப்படுகிறது. லக்னெளவிலும் கணிசமான எண்ணிக்கையில் ஷியா பிரிவினர் இருப்பதால், அவர்கள் அந்த நகருக்குச் செல்வதற்கு வசதியாக இரு நகரங்களுக்கும் இடையே நேரடி விமானப் போக்குவரத்தைத் தொடங்குவது குறித்து பரிசீலிக்கப்பட்டு வருகிறது. இந்தத் திட்டத்தின் நடைமுறைச் சிக்கல்கள் குறித்து கலந்தாலோசிக்கப்பட்டு, இது தொடர்பான முடிவு விரைவில் அறிவிக்கப்படும் என்று நிறுவன வட்டாரங்கள் தெரிவித்தன.
 

]]>
http://images.dinamani.com/uploads/user/imagelibrary/2018/12/11/w600X390/airindia.jpg http://www.dinamani.com/business/2018/dec/11/லக்னெள---இராக்-நேரடி-விமான-சேவை-ஏர்-இந்தியா-பரிசீலனை-3055405.html
3055404 வர்த்தகம் தேர்தல் வாக்கு கணிப்புகள் எதிரொலி: சென்செக்ஸ் 714 புள்ளிகள் வீழ்ச்சி DIN DIN Tuesday, December 11, 2018 12:45 AM +0530
ஐந்து மாநிலங்களில் நடைபெற்ற தேர்தல்களின் வாக்குக் கணிப்பு முடிவுகள் பாஜக-வுக்கு சாதகமாக இல்லாததைத் தொடர்நது, மும்பைப் பங்குச் சந்தையின் சென்செக்ஸ், திங்கள்கிழமை 714 புள்ளிகள் வீழ்ச்சியடைந்தது.
இது, கடந்த 2 மாதங்களில் இல்லாத அளவுக்கு மிக மோசமான சரிவாகும்.
சர்வதேச சந்தையில் நிலவி வரும் மந்த நிலை, டாலருக்கு நிகரான ரூபாயின் மதிப்பு குறைந்து வருவது போன்ற காரணங்களாலும் பங்குச் சந்தை இறங்குமுகத்தைக் கண்டுள்ளதாக நிபுணர்கள் தெரிவிக்கின்றனர்.
35,673 புள்ளிகளுடன் திங்கள்கிழமை தொடங்கிய மும்பைப் பங்குச் சந்தையின் சென்செக்ஸ், மந்தமாகவே சென்று இறுதியில் 34,959 புள்ளிகளில் நிலைத்தது.
இதன் மூலம், மும்பை சென்செக்ஸ் திங்கள்கிழமை 714 புள்ளிகள் (2%) சரிந்தது. இது, கடந்த அக்டோபர் மாதம் 11-ஆம் தேதிக்குப் பிறகு அதிகபட்ச வீழ்ச்சியாகும்.
 

]]>
http://images.dinamani.com/uploads/user/imagelibrary/2018/12/11/w600X390/sense.JPG http://www.dinamani.com/business/2018/dec/11/தேர்தல்-வாக்கு-கணிப்புகள்-எதிரொலி-சென்செக்ஸ்-714-புள்ளிகள்-வீழ்ச்சி-3055404.html
3054812 வர்த்தகம் "ஒபெக்'கிலிருந்து கத்தார் விலகல்...இந்தியாவை பாதிக்குமா ? DIN DIN Monday, December 10, 2018 04:39 PM +0530 "ஒபெக்'...
 "பெட்ரோலிய ஏற்றுமதி நாடுகளின் கூட்டமைப்பு' என்பதன் சுருக்கம்தான் இது.
 இந்த அமைப்பின் 15 உறுப்பு நாடுகள்தான் உலக கச்சா எண்ணெய் உற்பத்தியில் 44 சதவீதம் பங்கு வகிக்கின்றன.
 உலகில் அறியப்பட்ட 81.5 சதவீத எண்ணெய் வளம், இந்த அமைப்பைச் சேர்ந்த நாடுகளிடம்தான் கொட்டிக் கிடக்கிறது.
 பெட்ரோலியப் பொருள்களை உற்பத்தி செய்யும் நாடுகளிடையே ஒருங்கிணைப்பை ஏற்படுத்தி, கச்சா எண்ணெய் சந்தையில் ஸ்திரத்தன்மையை ஏற்படுத்தவும், வாடிக்கையாளர்கள் மற்றும் உற்பத்தியாளர்களின் நலன்களைப் பேணவும் இந்த அமைப்பு உருவாக்கப்பட்டது.
 சர்வதேச சந்தையில் கச்சா எண்ணெயின் விலையை நிர்ணயம் செய்வதில் இந்த அமைப்பு மிக முக்கிய பங்கு வகித்து வருகிறது.
 பொதுவாக, இந்தியா போன்ற பெரும்பாலான நாடுகளின் பொருளாதாரத்திலும், அதன் மூலம் அரசியல் சூழலிலும் கச்சா எண்ணெய் விலை என்பது கணிசமான தாக்கத்தை ஏற்படுத்தும்.
 அந்த வகையில், கச்சா எண்ணெய் விலையைக் கட்டுப்படுத்தும் ஒபெக் கூட்டமைப்பு, சர்வதேச அளவில் மிகுந்த முக்கியத்துவம் வாய்ந்த அமைப்பாகத் திகழ்ந்து வருகிறது.
 இத்தகைய சூழலில், சுமார் 58 ஆண்டுகளாக அந்த அமைப்பில் அங்கம் வகித்து வந்த கத்தார், ஒபெக்கிலிருந்து வெளியேறப்போவதாக அண்மையில் அதிரடியாக அறிவித்திருக்கிறது.
 தங்களது கச்சா எண்ணெய் தயாரிப்பு மிகவும் குறைவுதான் என்பதாலும், இயற்கை எரிவாயு உற்பத்தியில் கூடுதல் கவனம் செலுத்த முடிவு செய்திருப்பதாலும் ஒபெக் அமைப்பிலிருந்து விலகுவதாக கத்தார் எரிசக்தித் துறை இணையமைச்சர் சாட் அல்-காபி விளக்கமளித்துள்ளார்.
 அவர் சொல்வதைப் போல, கத்தாரின் ஏற்றுமதியில் கச்சா எண்ணை மிகச் சிறிய பங்கைத்தான் வகிக்கிறது. இயற்கை எரிவாயு மூலம்தான் அந்த நாடு பெரும்பான்மையான வருவாயை ஈட்டி வருகிறது. திரவ நிலை இயற்கை எரிவாயுவைப் பொருத்தவரை உலகிலேயே கத்தார்தான் அதிக அளவில் ஏற்றுமதி செய்து வருகிறது.
 எனவே, கச்சா எண்ணெய் ஏற்றுமதி நாடுகளின் கூட்டமைப்பான ஒபெக்கிலிருந்து விலகுவதற்கு கத்தார் சொல்கிற காரணத்தை ஓரளவுக்கு ஏற்றுக் கொள்ள முடிகிறது. இருந்தாலும், அந்த முடிவுக்கு அரசியலும் முக்கியக் காரணம் என்கிறார்கள் விவரம் தெரிந்தவர்கள்.
 ஒபெக்கிலிருந்து வெளியேறுவதற்கு அரசியல் காரணங்கள் எதுவுமில்லை என்று சாட் அல்-காபி திட்டவட்டமாகக் கூறினாலும், ஒபெக்கில் ஆதிக்கம் செலுத்தி வரும் சவூதி அரேபியாவுக்கும், கத்தாருக்கும் இடையிலான ராஜீய ரீதியிலான மோதல் கத்தாரின் இந்த முடிவுக்கு முக்கியமான ஒரு காரணம் என்பதை மறுக்க முடியாது என்கிறார்கள் அவர்கள்.
 இதை அல்-காபியே மறைமுகமாக சுட்டிக் காட்டியிருக்கிறார். "நாங்கள் மிகச் சொற்பமாகவே பங்கு வகிக்கும் ஓர் அமைப்பில், அதுவும் தனியொரு நாடால் ஆட்டுவிக்கப்படும் அமைப்பில் எங்களது உழைப்பையும், ஆதாரங்களையும் விரயம் செய்ய விரும்பவில்லை" என்று கூறியதன் மூலம், சவூதி அரசின் கட்டுப்பாட்டிலிருந்து விடுபட விரும்புவதை அவர் மறைமுகமாக சொல்லியிருக்கிறார்.
 உண்மையில், கத்தாரும், சவூதி அரேபியாவும் எப்போதுமே எதிரும் புதிரும்தான். அரேபிய கண்டத்தில் ஒரு குட்டி நாடான கத்தார், அக்கம் பக்கத்து நாடுகளுடன் ஒத்துப் போகாமல், தனக்கென்று தனிக் கொள்கையை வகுத்து செயல்பட்டு வருகிறது.
 முக்கியமாக, ஷியா பிரிவினரைப் பெரும்பான்மையாகக் கொண்ட ஈரானுடன் கத்தார் ஒட்டி உறவாடி வருவது, சன்னி பிரிவினரைப் பெரும்பான்மையாகக் கொண்ட சவூதி அரேபியாவுக்கு சுத்தமாகப் பிடிக்காது. அதுபோல், தனது "அல் ஜஸீரா' தொலைக்காட்சி மூலம் அரபு நாடுகளில் கிளர்ச்சியைத் தூண்டி வருவதாக கத்தார் மீது சவூதி அரேபியா குற்றம் சாட்டி வருகிறது.
 முக்கியமாக, ஐ.எஸ். பயங்கரவாதிகளுக்கு எதிரான அமெரிக்கக் கூட்டுப் படையில் கத்தார் அங்கம் வகித்தாலும், சிரியாவில் அதிபர் அல்-அஸாதுக்கு அந்த உதவி அளித்து வருகிறது. மேலும், ஹமாஸ் மற்றும் இஸ்லாமிய சகோதரத்துவ அமைப்புகளுக்கும் கத்தார் ஆதரவு நல்கி வருகிறது.
 இதுபோன்ற காரணங்களால், சவூதி அரேபியாவுக்கும், கத்தாருக்கும் இடையே எப்போதுமே பனிப்போர் தான்!
 ஒரு கட்டத்தில் பிரச்னை முற்றிப் போய், சவூதி தலைமையிலான கூட்டணி நாடுகள் கத்தாரை அழைத்து "ஈரான் - துருக்கியுடனான உறவைத் துண்டிக்க வேண்டும்; அல் ஜசீரா தொலைக்காட்சியை இழுத்து மூட வேண்டும்; அரபு நாடுகளுடன் ராணுவ-பொருளாதார-கலாசார நட்புறவைப் பேண வேண்டும்" என்று கறாரான நிபந்தனைகளை விதித்தது.
 இருந்தாலும், "அப்படியெல்லாம் செய்தால், அது எங்கள் நாட்டு இறையாண்மையை உங்களிடம் அடமானம் வைப்பதைப் போலாகிவிடும்' என்று கூறி, அந்த நிபந்தனைகளை ஏற்க மறுத்துவிட்டது கத்தார்.
 அதனைத் தொடர்ந்து, "பயங்கரவாதிகளுடனான" தொடர்பை கத்தார் விட மறுப்பதாகக் கூறி, அந்த நாட்டுடனான தூதரக உறவை சவூதி அரேபியா கடந்த ஆண்டு ஜூன் மாதம் துண்டித்துக் கொண்டது. சவூதியுடன் சேர்ந்து ஐக்கிய அரபு அமீரகம், பஹ்ரைன், எகிப்து ஆகிய நாடுகளும் கத்தாருடனான உறவை முறித்துக் கொண்டன.
 மேலும், கத்தார் மீது பல்வேறு தடைகளையும் அந்த நாடுகள் விதித்தன. இப்படியாக, பிற அரபு நாடுகளை சேர்த்துக் கொண்டு கத்தாரை சவூதி அரேபியா சாமர்த்தியமாக தனிமைப்படுத்தியது.
 இருந்தாலும், இதற்கெல்லாம் அசராத கத்தார், ஈரான் மற்றும் துருக்கி நாடுகளுடனான தனது உறவை இன்னும் நெருக்கமாக்கி கொண்டது.
 இஸ்லாமிய அரசியல் அமைப்புகளுக்கான தனது ஆதரவையும் கத்தார் விடவில்லை. இதன் காரணமாக, சவூதிக்கும், கத்தாருக்கும் இடையே சமாதானம் ஏற்படுவதற்கான வாய்ப்பு மேலும் மேலும் மங்கி வந்தது.
 இந்தச் சூழலில்தான், சவூதி அரேபியாவின் ஆதிக்கம் ஓங்கியிருந்த ஒபெக்கிலிருந்து விலகும் முடிவை கத்தார் அறிவித்துள்ளது.
 எனினும், இந்த முடிவால் ஒபெக் அமைப்புக்கோ, அதன் மூலம் கச்சா எண்ணெய் சந்தைக்கும், இந்தியா உள்ளிட்ட நாடுகளின் பொருளாதாரத்துக்கும் பாதிப்பு ஏற்படுமா? என்பதுதான் இந்த தருணத்தில் முக்கியமாக எழும் கேள்வியாக உள்ளது.
 இதற்குப் பதிலளிக்கும் பொருளாதார நிபுணர்கள், ஒரு சில காரணங்களைத் தவிர கத்தார் வெளியேற்றம் ஒபெக்கை பெரிய அளவில் பாதிக்காது என்கிறார்கள்.
 ஒபெக் அமைப்பைப் பொருத்தவரை, கச்சா எண்ணெய் உற்பத்தியில் கத்தாரின் பங்களிப்பு வெறும் இரண்டே சதவீதம் என்பதால், அது வெளியேறுவது கூட்டமைப்புக்கு பாதிப்பை ஏற்படுத்தாது என்பதே அவர்களின் கணிப்பு.
 எனினும், ஒபெக் உறுப்பு நாடுகளிடையே கருத்து வேறுபாடு ஏற்பட்டால் மத்தியஸ்தம் செய்து வைப்பது, ரஷியா போன்ற எண்ணெய் ஏற்றுமதி நாடுகளுடன் பேசி ஒப்பந்தங்களை முடித்து வைப்பது போன்ற பணிகளை கத்தார் இதுவரை திறம்பட செய்து வந்தது.
 எனவே, இந்த விவகாரத்தைப் பொருத்தவரை கத்தார் வெளியேறவது ஒபெக் கூட்டமைப்புக்கு ஓர் இழப்பாக இருக்கக் கூடும். இது, அமைப்பின் செயல்பாட்டிலும், சர்வதேச கச்சா எண்ணெயின் விலையிலும் மிகச் சிறிய அளவில் பாதிப்பை ஏற்படுத்தலாம் என்பதும் ஒரு சில நிபுணர்களின் கருத்தாக உள்ளது.
 அந்த வகையில், ஒபெக்கிலிருந்து கத்தார் வெளியேறுவதால் அந்த அமைப்பிலோ, சர்வதேச கச்சா எண்ணெய் விலையிலோ அச்சம் கொள்ளத் தக்க அளவு பாதிப்பு ஏற்படாது என்பதைப் புரிந்து கொள்ள முடிகிறது.
 இந்தியாவைப் பொருத்தவரை, திரவ நிலை இயற்கை எரிவாயுவைத்தான் கத்தாரிடமிருந்து பெருமளவில் இறக்குமதி செய்து வருகிறது. அந்த எரிபொருளின் விலைக்கும், ஒபெக்கிலிருந்து கத்தார் வெளியேறுவதற்கும் எந்த சம்பந்தமும் இல்லை என்பதால், இதுகுறித்து இந்தியா கவலைப்படத் தேவையில்லை என்கிறார்கள் நிபுணர்கள்.
 இருந்தாலும், கத்தாரின் இந்த முடிவு, ஒபெக் அமைப்புக்கே முடிவு கட்டுவதற்தான ஆரம்பமாகக் கூட இருக்கலாம் என்று கூட சில சர்வதேச பொருளாதார ஆதரவாளர்கள் எச்சரித்துள்ளனர்.
 ஒபெக் கூட்டமைப்பில் இருப்பதைவிட, தனித்து செயல்படுவதுதான் ஓர் எண்ணெய் ஏற்றுமதி நாட்டின் நலனுக்கு மிகவும் உகந்தது என்பதை, அந்த அமைப்பிலிருந்து வெளியேறியதன் மூலம் பிற உறுப்பு நாடுகளுக்கு கத்தார் சொல்லாமல் சொல்லியிருக்கிறது.
 எனவே, பிற நாடுகளும் ஒவ்வொன்றாக ஒபெக்கிலிருந்து வெளியேறினாலும் ஆச்சரியப்படுவதற்கில்லை என்கிறார்கள் சில சர்வதேச சந்தை ஆய்வாளர்கள்.
 அதே நேரம் அப்படி ஒரு நிலை ஏற்பட்டால், இந்தியா உள்ளிட்ட நாடுகள் அதற்காக அச்சப்படத் தேவையில்லை என்றும் அவர்களே ஆறுதல் கூறுகின்றனர்.
 ஒபெக் அமைப்பின் கட்டுப்பாடு இல்லாமல் போவது, கச்சா எண்ணெய் சந்தைக்கு சில தீமைகள் உண்டு என்பது போல சில நன்மைகளும் உண்டு என்பதால் ஒபெக் கூட்டமைப்பு சிதறுவதை நினைத்து கவலைப்படவும் தேவையில்லை, சந்தோஷப்படவும் தேவையில்லை என்கிறார்கள் அவர்கள்.
 ஆக, இப்போதைய நிலையில், ஒபெக்கிலிருந்து கத்தார் வெளியேறுவது இந்தியப் பொருளாதாரத்தை பாதிக்காது என்பதே நிபுணர்களின் நிலைப்பாடாக உள்ளது.
 - நாகா
 

]]>
http://images.dinamani.com/uploads/user/imagelibrary/2018/12/9/w600X390/OIL-RIG.jpg http://www.dinamani.com/business/2018/dec/10/ஒபெக்கிலிருந்து-கத்தார்-விலகல்இந்தியாவை-பாதிக்குமா--3054812.html
3054814 வர்த்தகம் இறக்குமதி இயந்திரங்களுக்கு வரிச் சலுகை கிடைக்குமா? பின்னலாடை பிரிண்டிங் உரிமையாளர்கள் எதிர்பார்ப்பு DIN DIN Monday, December 10, 2018 04:39 PM +0530 ஜிஎஸ்டி உள்ளிட்ட பல்வேறு பிரச்னைகளால் பின்னலாடைகளின் மதிப்பைக் கூட்டும் பிரிண்டிங் தொழில் தற்போது நலிவடையும் நிலையில் உள்ளது. இதனால் பிரிண்டிங் தொழிலுக்காக வெளிநாடுகளில் இருந்து இறக்குமதி செய்யப்படும் இயந்திரங்களுக்கு வரிச் சலுகையை மத்திய அரசு வழங்க வேண்டும் என்று திருப்பூர் பிரிண்டிங் உரிமையாளர்கள் எதிர்பார்க்கின்றனர்.
 சர்வதேச அளவில் பின்னலாடை உற்பத்தியில் இந்தியா முக்கிய இடத்தைப் பிடித்திருப்பதற்கு திருப்பூரின் பங்கு இன்றியமையாததாகும். இந்திய அளவில் உற்பத்தியாகும் பின்னலாடைகளில் பாதி திருப்பூரில் மட்டுமே உற்பத்தி செய்யப்படுகிறது. ஆனால் ஜி.எஸ்.டி., டிராபேக் குறைவு, பெட்ரோல், டீசல் விலை உயர்வு, தொடர் மின் வெட்டு, ஆள் பற்றாக்குறை உள்ளிட்ட பல்வேறு பிரச்னைகளால் பின்னலாடைத் தொழில் சற்று பின்னடைவை சந்தித்துள்ளது.
 அதிலும் ஆடைகளுக்கு மதிப்புக் கூட்டும் தொழில் தற்போது பெரும் பின்னடைவை சந்தித்து வருவதாக பிரிண்டிங் பட்டறை உரிமையாளர்கள் தெரிவிக்கின்றனர். திருப்பூரில் கடந்த 30 ஆண்டுகளுக்கு முன் வரையிலும் பிரிண்டிங் தொழில்நுட்ப வளர்ச்சி மற்ற நாடுகளைக் காட்டிலும் பின்தங்கியே இருந்தது. அப்போது வெளிநாட்டில் இருந்து ஆர்டர் கொடுக்கும் "பையர்'கள், பிரிண்டிங் இல்லாத ஆடைகளை வாங்கி அந்தந்த நாடுகளில் பிரிண்டிங் செய்து கொண்டிருந்தனர்.
 2004 ஆம் ஆண்டுக்குப் பிறகு திருப்பூரில் நவீன இயந்திரங்கள் மற்றும் உலகத் தரத்திலான இங்க் வாங்கி உபயோகப்படுத்தத் தொடங்கினர். அதன் பிறகு அனைத்து ஆடைகளுக்கும் திருப்பூரிலேயே பிரிண்டிங் செய்து கொள்ளும் வசதியைப் பெற்றதால் இந்தத் தொழில் அபார வளர்ச்சி கண்டது.
 ஆடைகளின் மதிப்பைக் கூட்டுவது பிரிண்டிங்:
 பின்னலாடைத் தயாரிப்பில் நிட்டிங், டையிங், காம்பேக்டிங், ஸ்டிச்சிங், அயனிங், பேக்கிங் என்று பல்வேறு நிலைகள் இருந்தாலும் ஆடைகளின் மதிப்பைக் கூட்டுவது பிரிண்டிங் மட்டுமே. உதாரணமாக ஒரு பிளைன் ஆடை ரூ.100-க்கு விற்பனை செய்யப்பட்டால், அந்த ஆடையில் பிரிண்டிங் சேர்க்கும் பொழுது அந்த ஆடையை ரூ.150க்கு விற்க முடியும். இதனால் ஆடை தயாரிப்பில் பிரிண்டிங் தொழில் ஒரு முக்கிய இடத்தைப் பிடித்துள்ளது.
 இதுகுறித்து திருப்பூர் எக்ஸ்போர்ட் நிட் பிரிண்டர்ஸ் அசோசியேஷன் (டெக்பா) தலைவர் டி.ஆர்.ஸ்ரீகாந்த் கூறியதாவது:
 திருப்பூரில், பிரிண்டிங் தொழிலில் இளைஞர்கள்தான் அதிக அளவில் ஈடுபட்டுள்ளனர். டெக்பா சங்கம் ஆரம்பித்த 2004 ஆம் ஆண்டுக்குப் பிறகு உலகத் தரத்துக்கு பிரிண்டிங் துறையை உயர்த்தியுள்ளோம். நவீன இயந்திரங்கள் மற்றும் தொழில்நுட்பங்களை புகுத்தி வருகிறோம். ஆனால் இந்தத் தொழிலை மத்திய, மாநில அரசுகள் ஊக்குவிக்கும் வகையில் நடவடிக்கை எடுக்கவில்லை.
 ஜெர்மனி, அமெரிக்கா, போர்ச்சுகல் ஆகிய நாடுகளிலும், மும்பையிலும் தயாரிக்கப்பட்ட சுமார் 1,500 ஆட்டோமேட்டிக் பிரிண்டிங் இயந்திரங்கள் திருப்பூரில் உள்ளன. கோவையில் உற்பத்தி செய்யப்பட்டு கைகளால் இயக்கப்படும் இயந்திரங்கள் சுமார் 3 ஆயிரத்துக்கும் மேல் உள்ளன. இந்தத் தொழிலில் நேரடியாக 20 ஆயிரத்துக்கும் மேற்பட்ட தொழிலாளர்கள் ஈடுபட்டுள்ளனர். ஆனால் இந்தத் தொழிலுக்கு கல்வி ஒரு தகுதி கிடையாது. அதாவது மென்பொருள் நிறுவனத்தில் வாங்கும் மாத ஊதியத்துக்கு இணையாக இந்தத் தொழிலிலும் ஊதியம் ஈட்ட முடியும்.
 இதில், ஆபரேட்டர், கலர் மாஸ்டர், பிரிண்டர், ஹெல்பர் உள்ளனர். இவர்கள் குறைந்தபட்சம் மாதம் ரூ.10 ஆயிரம் முதல் அதிகபட்சமாக ரூ.30 ஆயிரம் வரை ஊதியம் வாங்குகின்றனர். நாள் ஒன்றுக்கு திருப்பூரில் மட்டும் 10 லட்சம் பின்னலாடைகளுக்கு பிரிண்டிங் செய்யப்படுகிறது. இதன் மதிப்பு மட்டும் ஆண்டுக்கு சுமார் 500 கோடி. ஆனால் இந்த தொழிலுக்கு எந்தவிதமான வரிச் சலுகைகளும் அரசால் வழங்கப்படவில்லை. எனவே, ஏற்றுமதியாளர்களுக்கு வழங்கப்படுவது போல் டிராபேக் வரிச் சலுகை வழங்க வேண்டும். இறக்குமதி செய்யப்படும் இயந்திரங்களுக்கு வரிச் சலுகை அளிக்க வேண்டும்.
 ஜிஎஸ்டியால் 30 சதவீதம் கூடுதல் முதலீடு:
 ஒரு நவீன இயந்திரம் வெளிநாட்டில் இருந்து இறக்குமதி செய்யப்படும்போது வரி முன்பு 5 சதவீதமாக இருந்தது. ஆனால் தற்போது ஜிஎஸ்டியால் சுமார் 30 சதவீதம் கூடுதலாக முதலீடு செய்யப்படவேண்டியுள்ளது. ஆனால் அந்த 30 சதவீத முதலீட்டை மீண்டும் எடுக்க 5 முதல் 6 ஆண்டுகள் வரை ஆகிறது. இது சிறு, குறு தொழில் என்பதால் வரிச் சலுகை வழங்க மத்திய அரசு முன்வரவேண்டும். அதே வேளையில், பிரிண்டிங் தொழிலாளர்களுக்கு மருத்துவக் காப்பீடு, தனி குடியிருப்பு போன்ற வசதிகளை மத்திய, மாநில அரசுகள் ஏற்படுத்திக் கொடுத்தால் இந்தத் தொழில் மென்மேலும் வளர்ச்சியடையும் என்றார்.
 - ஆர்.தர்மலிங்கம்
 

]]>
http://images.dinamani.com/uploads/user/imagelibrary/2018/12/9/w600X390/LARGE.jpg http://www.dinamani.com/business/2018/dec/10/இறக்குமதி-இயந்திரங்களுக்கு-வரிச்-சலுகை-கிடைக்குமா-பின்னலாடை-பிரிண்டிங்-உரிமையாளர்கள்-எதிர்பார்ப்பு-3054814.html
3054813 வர்த்தகம் அசுர வளர்ச்சியில் 3 தமிழக நகரங்கள்! DIN DIN Monday, December 10, 2018 02:25 AM +0530 உலகளவில் அதிவேகமாக வளர்ச்சியடைந்து வரும் நாடுகளின் பட்டியலில் முதல் 10 இடங்களை இந்திய நகரங்கள் பிடித்துள்ளன.
 அவற்றில், தமிழகத்தைச் சேர்ந்த 3 நகரங்களும் இடம் பெற்று சாதனை படைத்துள்ளன.
 அடுத்த இருபது ஆண்டுகளில், மிக வேகமாக பொருளாதார வளர்ச்சியடையும் சர்வதேச நகரங்கள் குறித்த ஆய்வை "ஆக்ஸ்ஃபோர்டு எக்கனாமிக்ஸ்' அமைப்பு அண்மையில் மேற்கொண்டது. அதில் உலக அளவில் அதிவேக வளர்ச்சி கண்டு வரும் முதல் 10 நகரங்கள் இந்தியாவைச் சேர்ந்தது என்பதை அந்தப் பல்கலைக்கழகம் கண்டறிந்துள்ளது. அதிலும் மற்றொரு சிறப்பாக, அந்த 10 நகரங்களின் 3 தமிழகத்தைச் சேர்ந்தவை என்பது அனைவரையும் வியப்பில் ஆழ்த்தியுள்ளது.
 இந்த பட்டியலில் குஜராத் மாநிலத்தில் உள்ள சூரத் நகரம் முதலிடத்தில் உள்ளது. இங்கு வைரத் தொழில் மிகவும் பிரசித்தி பெற்றது. இங்கு பட்டைத் தீட்டப்படும் வைரங்களுக்கு உலகளவில் போட்டி அதிகம். எனவே, இந்நகரம் 2019-2035 ஆண்டுகளுக்கிடையில் சிறப்பான வளர்ச்சியை எட்டும். இதன் ஆண்டு சராசரி வளர்ச்சி விகிதம் 9.17 சதவீதம் என ஆக்ஸ்ஃபோர்டு எக்கனாமிக்ஸ் தெரிவித்துள்ளது.
 இதையடுத்து அப் பட்டியலில், ஆக்ரா, பெங்களூரு நகரங்கள் முறையே இரண்டு மற்றும் மூன்றாவது இடங்களைப் பிடித்துள்ளது. இவற்றின் ஆண்டு வளர்ச்சி விகிதம் முறையே 8.58 சதவீதம் மற்றும் 8.5 சதவீதம் என்று தெரிவிக்கப்பட்டுள்ளது.
 இதைத் தவிர, 8.47 சதவீத சராசரி ஆண்டு வளர்ச்சியுடன் ஹைதராபாத் நான்காவது இடத்திலும், 8.41 சதவீத வளர்ச்சியுடன் நாகபுரி ஐந்தாவது இடத்திலும் உள்ளன.
 சர்வதேச அளவில் பின்னலாடைத் தொழிலில் கொடி கட்டி பறக்கும் திருப்பூர் நகரம் இப் பட்டியலில் ஆறாவது இடத்தில் உள்ளது. இதன் சரசரி ஆண்டு வளர்ச்சி விகிதம் 8.36 சதவீதம் என கணக்கிடப்பட்டுள்ளது. இதையடுத்து, 8.36 சதவீத சராசரி ஆண்டு வளர்ச்சியுடன் ராஜ்கோட் நகரம் ஏழாவது இடத்தைப் பிடித்துள்ளது.
 தமிழகத்தைச் சேர்ந்த திருச்சி நகரம் இப்பட்டியலில் 8.29 சதவீத வளர்ச்சியுடன் எட்டாவது இடத்தில் உள்ளது. பெல் உள்ளிட்ட பொறியியல் சாதன தயாரிப்பு நிறுவனங்கள் இங்கு அதிகளவில் உள்ளதால் அதன் வளர்ச்சி சிறப்பாக இருக்கும் என கணிக்கப்பட்டுள்ளது. இதற்கு அடுத்தபடியாக 8.17 சதவீத சராசரி ஆண்டு வளர்ச்சியுடன் சென்னை ஒன்பதாவது இடத்தில் உள்ளது. தகவல் தொழில்நுட்பம், நிதி சார்ந்த நிறுவனங்களின் தலைமையகமாக சென்னை திகழ்வதால் அதன் வளர்ச்சி எதிர்வரும் 16 ஆண்டுகளில் மிகச்சிறப்பான வகையில் இருக்கும் என்று கணிக்கப்பட்டுள்ளது. தரவரிசைப் பட்டியலில் 10-ஆவது இடத்தில் ஆந்திரத்தின் விஜயவாடா இடம் பெற்றுள்ளது. இதன் வளர்ச்சி விகிதம் 8.16 சதவீதம் என குறிப்பிடப்பட்டுள்ளது.
 எவ்வாறாயினும், தமிழக நகரங்களுக்கும், பிற இந்திய நகரங்களுக்கும் வளமான எதிர்காலம் உண்டு என்பதை ஆக்ஸ்ஃபோர்டு எக்கனாமிக்ஸ் உரக்க சொல்லியுள்ளது!
 -அ. ராஜன் பழனிக்குமார்
 

]]>
http://images.dinamani.com/uploads/user/imagelibrary/2018/12/9/w600X390/ONE-INDIA.jpg http://www.dinamani.com/business/2018/dec/10/அசுர-வளர்ச்சியில்-3-தமிழக-நகரங்கள்-3054813.html
3054538 வர்த்தகம் ஜிஎஸ்டி ஆண்டுக் கணக்கு தாக்கல் செய்வதற்கான காலக்கெடு நீட்டிப்பு DIN DIN Sunday, December 9, 2018 02:12 AM +0530 சரக்கு மற்றும் சேவை வரி (ஜிஎஸ்டி) ஆண்டுக் கணக்குகளை தாக்கல் செய்வதற்கான காலக்கெடுவை மத்திய அரசு அடுத்தாண்டு மார்ச் 31 வரையில் நீடித்துள்ளது.
 ஜிஎஸ்டி-யின் கீழ் பதிவு செய்து கொண்டுள்ள வர்த்தக நிறுவனங்கள் தங்களது விற்பனை, கொள்முதல் குறித்த முழு விவரங்களையும், தாங்கள் பெற்ற உள்ளீட்டு வரி பலன்களையும் ஆண்டுக்கு ஒரு முறை தாக்கல் செய்ய வேண்டும். அந்த வகையில் 2017-18 ஆண்டுக்கான விவரங்களை தாக்கல் செய்ய கடந்த செப்டம்பர் மாதம் அறிவிக்கை வெளியிடப்பட்டது. அதற்கான கடைசி தேதி நடப்பாண்டு டிசம்பர் 31-ஆம் தேதி என்று அறிவிக்கப்பட்டிருந்தது. இந்த நிலையில், ஜிஎஸ்டி கணக்குகளை தாக்கல் செய்வதற்கான காலக்கெடுவை மத்திய நிதி அமைச்சகம் நீடித்துள்ளது.
 நேரடி வரிகள் வாரியம் அறிக்கையில் தெரிவித்துள்ளதாவது: வர்த்தகர்கள் ஜிஎஸ்டிஆர்-9, ஜிஎஸ்டிஆர்-9ஏ மற்றும் ஜிஎஸ்டிஆர்-9சி படிவங்களை தாக்கல் செய்வதற்கான கடைசி தேதி வரும் 2019 மார்ச் 31 வரையில் நீட்டிக்கப்பட்டுள்ளது. அதற்கு தேவையான படிவங்கள் அனைத்தும் ஜிஎஸ்டி-யின் பொது வலைதளத்தில் விரைவில் வெளியிடப்படும் என்று அந்த அறிக்கையில் தெரிவிக்கப்பட்டுள்ளது.
 
 

]]>
http://www.dinamani.com/business/2018/dec/09/ஜிஎஸ்டி-ஆண்டுக்-கணக்கு-தாக்கல்-செய்வதற்கான-காலக்கெடு-நீட்டிப்பு-3054538.html
3054537 வர்த்தகம் நாட்டின் அந்நியச் செலாவணி கையிருப்பு 93 கோடி டாலர் அதிகரிப்பு DIN DIN Sunday, December 9, 2018 02:11 AM +0530 நாட்டின் அந்நியச் செலாவணி கையிருப்பு நவம்பர் 30-ஆம் தேதியுடன் முடிவடைந்த வாரத்தில் 93 கோடி டாலர் அதிகரித்துள்ளது.
 இதுகுறித்து ரிசர்வ் வங்கி புள்ளிவிவரத்தில் தெரிவிக்கப்பட்டுள்ளது:
 அந்நியச் செலாவணி சொத்து மதிப்பு அதிகரிப்பைத் தொடர்ந்து கடந்த நவம்பர் 30-ஆம் தேதியுடன் முடிவடைந்த வாரத்தில் நாட்டின் அந்நியச் செலாவணி கையிருப்பு 93 கோடி டாலர் (ரூ.6,510 கோடி) உயர்ந்து 39,371 கோடி டாலரை (ரூ.27.56 லட்சம் கோடி) எட்டியுள்ளது.
 இதற்கு முந்தைய வாரத்தில் செலாவணி கையிருப்பு 79 கோடி டாலர் குறைந்து 39,278 கோடி டாலராக காணப்பட்டது.
 மதிப்பீட்டு வாரத்தில் ஒட்டுமொத்த கையிருப்பில் முக்கிய பங்களிப்பைக் கொண்டுள்ள அந்நியச் செலாவணி சொத்து மதிப்பு 78 கோடி டாலர் உயர்ந்து 36,848 கோடி டாலராக காணப்பட்டது. தங்கத்தின் கையிருப்பு 15 கோடி டாலர் அதிகரித்து 2,115 கோடி டாலராக இருந்தது. சர்வதேச நிதியத்தில் எஸ்டிஆர் கையிருப்பு 25 லட்சம் டாலர் குறைந்து 145 கோடி டாலராகவும், நாட்டின் கையிருப்பு நிலை 44 லட்சம் டாலர் குறைந்து 262 கோடி டாலராகவும் இருந்தது என புள்ளிவிவரத்தில் தெரிவிக்கப்பட்டுள்ளது.
 நடப்பாண்டு ஏப்ரல் 13-ஆம் தேதியுடன் முடிவடைந்த வாரத்தில்தான் அந்நியச் செலாவணி கையிருப்பு வரலாற்று சாதனை அளவாக 42,602 கோடி டாலரை (ரூ.29.82 லட்சம் கோடி) எட்டியிருந்தது. அதன் பிறகு 3,100 கோடி டாலர் அளவுக்கு கையிருப்பானது சரிவைக் கண்டுள்ளது என்பது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/12/9/w600X390/busin.jpg http://www.dinamani.com/business/2018/dec/09/நாட்டின்-அந்நியச்-செலாவணி-கையிருப்பு-93-கோடி-டாலர்-அதிகரிப்பு-3054537.html
3054536 வர்த்தகம் ஆக்ஸிஸ் வங்கி இயக்குநர் குழுவில் அமிதாப் சவுத்ரி DIN DIN Sunday, December 9, 2018 02:10 AM +0530 ஆக்ஸிஸ் வங்கியின் இயக்குநர் குழுவில் அமிதாப் சவுத்ரியை கூடுதல் இயக்குநராக நியமிக்க அந்த வங்கி ஒப்புதல் அளித்துள்ளது.
 இதுகுறித்து அந்த வங்கி செபி-க்கு தெரிவித்துள்ளதாவது: ஆக்ஸிஸ் வங்கியின் இயக்குநர் குழு கூட்டம் சனிக்கிழமை நடைபெற்றது. அதில், அமிதாப் சவுத்ரியை கூடுதல் இயக்குநராக நியமனம் செய்ய ஒப்புதல் அளிக்கப்பட்டது. மேலும், சமீர் பரூவா, சோம் மிட்டல் மற்றும் ரோஹித் பகத் ஆகியோரை மீண்டும் தனிப்பட்ட இயக்குநர்களாக மறுநியமனம் செய்யவும் இயக்குநர் குழு அனுமதியளித்துள்ளது என ஆக்ஸிஸ் வங்கி தெரிவித்துள்ளது.
 தற்போது ஆக்ஸிஸ் வங்கியின் நிர்வாக இயக்குநர் மற்றும் தலைமைச் செயல் அதிகாரியாகவுள்ள ஷிகா சர்மாவின் பதவிக் காலம் டிசம்பர் 31-ஆம் தேதியுடன் முடிவடையவுள்ள நிலையில், அமிதாப் சவுத்ரி அடுத்தாண்டு ஜனவரி 1-ஆம் தேதியிலிருந்து அந்தப் பொறுப்புகளை ஏற்கவுள்ளார்.
 

]]>
http://www.dinamani.com/business/2018/dec/09/ஆக்ஸிஸ்-வங்கி-இயக்குநர்-குழுவில்-அமிதாப்-சவுத்ரி-3054536.html
3054535 வர்த்தகம் நாட்டின் பருத்தி உற்பத்தி 340 லட்சம் பொதிகளாக குறையும்: சிஏஐ மதிப்பீடு DIN DIN Sunday, December 9, 2018 02:10 AM +0530 நடப்பு பருவத்தில் நாட்டின் பருத்தி உற்பத்தி 340 லட்சம் பொதிகளாக குறையும் என இந்திய பருத்தி கழகம் (சிஏஐ) தெரிவித்துள்ளது.
 இதுகுறித்து சிஏஐ வெளியிட்ட அறிக்கையில் தெரிவித்துள்ளதாவது:
 அக்டோபர் 1-ஆம் தேதியிலிருந்து தொடங்கிய 2018-19-ஆம் பருவத்தில் உள்நாட்டில் பருத்தி உற்பத்தி 343.25 லட்சம் பொதிகளாக (ஒரு பொதி = 170 கிலோ) இருக்கும் என்று நவம்பரில் மதிப்பிடப்பட்டிருந்தது. இந்த நிலையில், சாதகமான வானிலை இல்லாததை கருத்தில் கொண்டு பருத்தி உற்பத்தி 340 லட்சம் பொதிகளாக குறையும் என மதிப்பீடு செய்யப்பட்டுள்ளது.
 குறிப்பாக, பருத்தி உற்பத்தி குஜராத்தில் 3 லட்சம் பொதிகளும், மஹாராஷ்டிரத்தில் 1 லட்சம் பொதிகளும், தெலங்கானாவில் 1.50 லட்சம் பொதிகளும் குறையும் என கணக்கிடப்பட்டுள்ளது.
 இருப்பினும், ஹரியானாவில் இதன் உற்பத்தி 1 லட்சம் பொதிகளும், ராஜஸ்தான், ஆந்திரத்தில் தலா 50,000 பொதிகளும் அதிகரிக்கும் என மதிப்பிடப்பட்டுள்ளது.
 அக்டோபர் 1 முதல் தொடங்கிய நடப்பு பருவத்தில் பருத்தி கையிருப்பு 23 லட்சம் பொதிகள் என கணக்கிடப்பட்டுள்ளது.
 நடப்பு பருவத்தில் ஒட்டுமொத்த பருத்தி நுகர்வு 324 லட்சம் பொதிகளாகவும், ஏற்றுமதி 53 லட்சம் பொதிகளாக இருக்கும் என கணக்கிடப்பட்டுள்ளது.
 கடந்த பருவத்தில் 69 லட்சம் பருத்தி பொதிகள் ஏற்றுமதி செய்யப்பட்டிருந்த நிலையில் நடப்பு பருவத்தில் அதன் ஏற்றுமதி 13 லட்சம் பொதிகள் குறையும் என சிஏஐ தெரிவித்துள்ளது.
 

]]>
http://images.dinamani.com/uploads/user/imagelibrary/2018/12/9/w600X390/COTTON.jpg http://www.dinamani.com/business/2018/dec/09/நாட்டின்-பருத்தி-உற்பத்தி-340-லட்சம்-பொதிகளாக-குறையும்-சிஏஐ-மதிப்பீடு-3054535.html
3054534 வர்த்தகம் இந்திய நிறுவனங்களின் கையகப்படுத்துதல் நடவடிக்கைகளின் மதிப்பு 8,210 கோடி டாலர்  புது தில்லி, DIN Sunday, December 9, 2018 02:09 AM +0530 கடந்த 11 மாதங்களில் இந்திய நிறுவனங்கள் அறிவித்த கையகப்படுத்துதல் நடவடிக்கைகளின் மதிப்பு 8,210 கோடி டாலர் (ரூ.5.74 லட்சம் கோடி) என கிராண்ட் தோர்ன்டன் ஆய்வு நிறுவனம் தெரிவித்துள்ளது.
 இதுகுறித்து அந்த நிறுவனம் மேலும் தெரிவித்துள்ளதாவது:
 நடப்பாண்டின் ஜனவரி முதல் நவம்பர் வரையிலான 11 மாத கால அளவில் 8,210 கோடி டாலர் மதிப்பிலான இணைத்தல் மற்றும் கையகப்படுத்துதல் திட்டங்களை இந்திய நிறுவனங்கள் அறிவித்துள்ளன.
 கடந்தாண்டு நவம்பரில் 320 கோடி டாலர் மதிப்பிலான 39 ஒப்பந்தங்கள் இது தொடர்பாக மேற்கொள்ளப்பட்டிருந்தன.
 இந்த நிலையில் நடப்பாண்டு இதே கால அளவில் இவை மதிப்பின் அடிப்படையில் 27 சதவீத சரிவையும், ஒப்பந்தங்களின் எண்ணிக்கை அடிப்படையில் 31 சதவீத சரிவையும் சந்தித்துள்ளன.
 பினானி சிமென்டை அல்ட்ராடெக் கையகப்படுத்திய நிகழ்வே நவம்பரில் மிகப்பெரிய ஒப்பந்தமாக கருதப்படுகிறது. இதைத் தவிர, அக்ரிடிரேட் ரிசோர்சஸ் சத்தீஸ்கரைச் சேர்ந்த எஸ்கேஎஸ் பவர் ஜெனரேஷன் நிறுவனத்தை கையகப்படுத்தியது, சிப்லாவின் துணை நிறுவனமான இன்வாஜென் பார்மா அமெரிக்காவைச் சேர்ந்த அவென்யு தெரபடிக்ஸ் நிறுவனத்தை கையகப்படுத்தியது உள்ளிட்டவை நிறுவன உலகில் முக்கியமான நிகழ்வுகளாக பார்க்கப்படுகின்றன.
 நடப்பாண்டு நவம்பர் வரையில் இந்திய நிறுவனங்கள் சார்பில் இணைத்தல்-கையகப்படுத்துதல் தொடர்பாக 437 ஒப்பந்தங்கள் மேற்கொள்ளப்பட்டன. இதன் மதிப்பு 8,210 கோடி டாலர். கடந்தாண்டு இதே கால அளவில் இவை 391 ஒப்பந்தங்கள்; 4,008 கோடி டாலர் மதிப்பு என்ற அளவில் காணப்பட்டன.
 தொலைத்தொடர்பு, இணைய வணிகம், தயாரிப்பு, எரிசக்தி, வேளாண்மை, வங்கி, தகவல் தொழில்நுட்பம், மருந்து ஆகிய துறைகளில் மேற்கொள்ளப்பட்ட ஒப்பந்தங்களின் மதிப்பு ஒட்டுமொத்த கையகப்படுத்துதல் நடவடிக்கைகளில் 93 சதவீதமாக இருந்தது என கிராண்ட் தோர்ன்டன் தெரிவித்துள்ளது.

]]>
http://images.dinamani.com/uploads/user/imagelibrary/2018/12/9/w600X390/MERGER.jpg http://www.dinamani.com/business/2018/dec/09/இந்திய-நிறுவனங்களின்-கையகப்படுத்துதல்-நடவடிக்கைகளின்-மதிப்பு-8210-கோடி-டாலர்-3054534.html
3053606 வர்த்தகம் பரஸ்பர நிதியங்களின் சொத்து மதிப்பு ரூ.24 லட்சம் கோடியாக அதிகரிப்பு DIN DIN Saturday, December 8, 2018 01:06 AM +0530
பரஸ்பர நிதியங்கள் நிர்வகித்து வரும் சொத்து மதிப்பு நவம்பர் இறுதி நிலவரப்படி ரூ.24.03 லட்சம் கோடியாக அதிகரித்துள்ளது.
இதுகுறித்து பரஸ்பர நிதியங்களின் கூட்டமைப்பு புள்ளிவிவரத்தில் தெரிவித்துள்ளதாவது:
பரஸ்பர நிதித் துறை வர்த்தகத்தில் 42 நிறுவனங்கள் ஈடுபட்டுள்ளன. இந்நிறுவனங்கள் நிர்வகிக்கும் சொத்து மதிப்பு அக்டோபர் மாத நிலவரப்படி ரூ.22.23 லட்சம் கோடியாக இருந்தது. 
இந்த நிலையில், நவம்பர் மாத இறுதி நிலவரப்படி இந்த சொத்து மதிப்பு 8 சதவீதம் அதிகரித்து ரூ.24.03 லட்சம் கோடியை எட்டியுள்ளது. 
இந்த சொத்து மதிப்பு கடந்தாண்டு நவம்பர் இறுதி நிலவரப்படி ரூ. 22.79 லட்சம் கோடியாக காணப்பட்டது.
லிக்யுட் பண்ட், பங்கு மற்றும் அது சார்ந்த சேமிப்பு திட்டங்களில் அதிகளவில் முதலீடு செய்யப்பட்டதே பரஸ்பர நிதியங்களின் சொத்து மதிப்பு அதிகரிப்புக்கு முக்கிய காரணமாக உள்ளது.
லிக்யுட் பண்ட் திட்டங்களில் ரூ.1.36 லட்சம் கோடி முதலீடு செய்யப்பட்டுள்ளது. இதைத் தவிர, பங்கு மற்றும் அது சார்ந்த திட்டங்கள் ரூ.8,400 கோடியும், பேலன்ஸ்டு பண்ட் திட்டங்கள் ரூ.215 கோடியும் ஈர்த்துள்ளன.
முக்கிய திருப்பமாக, கடந்த பல மாதங்களாக கோல்டு இடிஎப் திட்டங்களிலிருந்து முதலீட்டாளர்கள் பலர் முதலீடுகளை திரும்பப் பெற்று வந்த நிலையில் தற்போது ரூ.10 கோடியை அதில் முதலீடு 
செய்துள்ளனர். 
ஆனால் வழக்கத்துக்கு மாறாக, இன்கம் பண்ட் திட்டங்களிலிருந்து ரூ.6,518 கோடி மதிப்பிலான தொகையை முதலீட்டாளர்கள் திரும்பப் பெற்றுக் கொண்டுள்ளனர்.
பரஸ்பர நிதி திட்டங்களில் அக்டோபரில் ரூ.35,500 கோடி முதலீடு செய்யப்பட்டிருந்த நிலையில், நவம்பரில் இது ரூ.1.42 லட்சம் கோடியாக அதிகரித்திருந்தது என பரஸ்பர நிதியங்களின் கூட்டமைப்பு தெரிவித்துள்ளது.
 

]]>
http://images.dinamani.com/uploads/user/imagelibrary/2018/12/8/w600X390/mutual.jpg http://www.dinamani.com/business/2018/dec/08/பரஸ்பர-நிதியங்களின்-சொத்து-மதிப்பு-ரூ24-லட்சம்-கோடியாக-அதிகரிப்பு-3053606.html
3053603 வர்த்தகம் ஐபிஎம் மென்பொருள் தயாரிப்புகளை கையகப்படுத்துகிறது ஹெச்சிஎல் DIN DIN Saturday, December 8, 2018 01:06 AM +0530
ஐபிஎம் நிறுவனத்தின் மென்பொருள் தயாரிப்புகளை கையகப்படுத்தவுள்ளதாக இந்தியாவைச் சேர்ந்த ஹெச்சிஎல் டெக்னாலஜீஸ் வெள்ளிக்கிழமை தெரிவித்தது. 
இதுகுறித்து ஹெச்சிஎல் நிறுவனம் செபி-க்கு அளித்துள்ள அறிக்கையில் தெரிவித்துள்ளதாவது:
பாதுகாப்பு, சந்தைப்படுத்துதல், ஒருங்கிணைந்த தீர்வுகள் உள்ளிட்ட ஏழு பிரிவுகளில், தேர்ந்தெடுக்கப்பட்ட ஐபிஎம் நிறுவனத்தின் மென்பொருள் தயாரிப்புகளை கையகப்படுத்தும் வகையில் ஐபிஎம் மற்றும் ஹெச்சிஎல் இடையே இறுதிகட்ட உடன்பாடு வெள்ளிக்கிழமை எட்டப்பட்டுள்ளது.
இந்த கையகப்படுத்துதலின் மதிப்பு ரூ.12,700 கோடியாகும் (180 கோடி டாலர்) என அந்த அறிக்கையில் தெரிவிக்கப்பட்டுள்ளது.
சம்பந்தப்பட்ட ஒழுங்காற்று அமைப்புகளின் ஒப்புதலைப் பெற்று வரும் 2019- ஆம் ஆண்டு நடுப்பகுதிக்குள் இந்த கையகப்படுத்துதல் நடவடிக்கை முடிவுக்கு வரும் என்று ஹெச்சிஎல் தெரிவித்துள்ளது.

]]>
http://images.dinamani.com/uploads/user/imagelibrary/2018/12/8/w600X390/hclnew.jpg http://www.dinamani.com/business/2018/dec/08/ஐபிஎம்-மென்பொருள்-தயாரிப்புகளை-கையகப்படுத்துகிறது-ஹெச்சிஎல்-3053603.html
3053601 வர்த்தகம் நடப்புக் கணக்கு பற்றாக்குறை 2.9 சதவீதமாக அதிகரிப்பு DIN DIN Saturday, December 8, 2018 01:05 AM +0530
இந்தியாவின் நடப்புக் கணக்கு பற்றாக்குறை இரண்டாவது காலாண்டில் மொத்த உள்நாட்டு உற்பத்தியில் (ஜிடிபி) 2.9 சதவீதமாக அதிகரித்துள்ளது என ரிசர்வ் வங்கி வெள்ளிக்கிழமை தெரிவித்தது.
இதுகுறித்து அந்த வங்கி மேலும் கூறியுள்ளதாவது: பெருமளவு ஏற்பட்ட வர்த்தக பற்றாக்குறையின் காரணமாக நடப்பு நிதியாண்டின் இரண்டாவது காலாண்டில் மொத்த உள்நாட்டு உற்பத்தியில் நடப்பு கணக்கு பற்றாக்குறை 2.9 சதவீதமாக அதிகரித்துள்ளது. கடந்த நிதியாண்டில் இதே கால அளவில் இது 1.1 சதவீதமாக மட்டுமே காணப்பட்டது.
அந்நியச் செலவாணி வெளியேற்றம் மற்றும் வரத்து ஆகியவற்றுக்கிடையிலான வித்தியாசம் நடப்பு கணக்கு பற்றாக்குறையாக கருதப்படுகிறது. அந்த வகையில், செப்டம்பர் 30-ஆம் தேதியுடன் முடிவடைந்த இரண்டாவது காலாண்டில் நடப்பு கணக்கு பற்றாக்குறையானது 1,910 கோடி டாலராக இருந்தது.
இது, முந்தைய ஏப்ரல்-ஜூன் வரையிலான முதல் காலாண்டில் 1,590 கோடி டாலராகவும் (ஜிடிபியில் 2.4 சதவீதம்), 2017-18 இரண்டாவது காலாண்டில் 690 கோடி டாலராகவும் (ஜிடிபியில் 1.1 சதவீதம்) இருந்தது என ரிசர்வ் வங்கி தெரிவித்துள்ளது.
 

]]>
http://images.dinamani.com/uploads/user/imagelibrary/2018/12/8/w600X390/vad.jpg http://www.dinamani.com/business/2018/dec/08/நடப்புக்-கணக்கு-பற்றாக்குறை-29-சதவீதமாக-அதிகரிப்பு-3053601.html
3053599 வர்த்தகம் சரிவிலிருந்து மீண்டது பங்குச் சந்தை DIN DIN Saturday, December 8, 2018 01:05 AM +0530
சர்வதேச நிலவரங்கள் சாதகமாக இருந்ததால் பங்குச் சந்தைகளில் வெள்ளிக்கிழமை வர்த்தகம் சரிவிலிருந்து மீண்டது.
அந்நியச் செலாவணி வர்த்தகத்தில் டாலருக்கு நிகரான ரூபாயின் மதிப்பு அதிகரிப்பு மற்றும் வாரன் பப்பெட்டின் பெர்க்ஷையர் ஹாத்வே, கோட்டக் மஹிந்திரா வங்கியின் பங்குகளை வாங்க திட்டமிட்டுள்ளதாக வெளியான தகவல் ஆகியவற்றின் காரணமாக வர்த்தகம் சூடுபிடித்து காணப்பட்டது. 
இதைத் தவிர அமெரிக்கா-சீனா இடையேயான வர்த்தகப் போருக்கு தீர்வு காணப்படும் என்ற நம்பிக்கை, விலை சரிவின் காரணமாக எண்ணெய் உற்பத்தியை குறைக்க ஒபெக் நாடுகள் இன்னும் 
இறுதி முடிவு எடுக்காதது உள்ளிட்ட சர்வதேச நிகழ்வுகளும் இந்தியப் பங்குச் சந்தைகளுக்கு சாதகமாகவே இருந்தன.
பெர்க்ஷையர் ஹாத்வேவின் முதலீடு குறித்த தகவலால் கோட்டக் மஹிந்திரா வங்கி பங்கின் விலை 9 சதவீதம் வரை அதிகரித்து முதலீட்டாளர்களை மகிழ்ச்சியில் ஆழ்த்தியது. இதைத் தவிர, அதானி போர்ட்ஸ், பஜாஜ் ஆட்டோ, இன்ஃபோசிஸ், ஏஷியன் பெயின்ட்ஸ், மாருதி சுஸுகி, ஹெச்யுஎல், எல் அண்டு டி, மஹிந்திரா அண்டு மஹிந்திரா, ஐசிஐசிஐ வங்கி மற்றும் ரிலையன்ஸ் இண்டஸ்ட்ரீஸ் பங்கின் விலை 3 சதவீதம் வரை உயர்ந்தன.
அதேசமயம், சன் பார்மா, கோல் இந்தியா, யெஸ் வங்கி, பவர்கிரிட் மற்றும் என்டிபிசி பங்குகளின் விலை 2 சதவீதம் வரை குறைந்தன.
மும்பை பங்குச் சந்தையில் வாரத்தின் இறுதி வர்த்தக நாளான வெள்ளிக்கிழமை நடைபெற்ற வர்த்தகத்தில் சென்செக்ஸ் 361 புள்ளிகள் உயர்ந்து 35,673 புள்ளிகளில் நிலைத்தது.
தேசிய பங்குச் சந்தையில் நடைபெற்ற வர்த்தகத்தில் நிஃப்டி 92 புள்ளிகள் உயர்ந்து 10,693 புள்ளிகளில் நிலைத்தது.
 

]]>
http://images.dinamani.com/uploads/user/imagelibrary/2018/12/8/w600X390/mkt.jpg http://www.dinamani.com/business/2018/dec/08/சரிவிலிருந்து-மீண்டது-பங்குச்-சந்தை-3053599.html
3053598 வர்த்தகம் கார் விலை 3 சதவீதம் வரை உயருகிறது: போக்ஸ்வேகன் DIN DIN Saturday, December 8, 2018 01:04 AM +0530
ஜெர்மனியைச் சேர்ந்த போக்ஸ்வேகன் நிறுவனம், இந்தியாவில் விற்பனை செய்யப்படும் கார்களின் விலையை 3 சதவீதம் வரை உயர்த்துவதாக வெள்ளிக்கிழமை அறிவித்தது.
இதுகுறித்து அந்த நிறுவனம் வெளியிட்ட அறிக்கையில் தெரிவித்துள்ளதாவது: மூலப் பொருள்கள் செலவினம் அதிகரிப்பு மற்றும் ரூபாய் மதிப்பு சரிவு ஆகியவற்றின் காரணமாக கார்களின் விலையை உயர்த்த வேண்டிய கட்டாயம் ஏற்பட்டுள்ளது. இதையடுத்து, நிறுவனத்தின் அனைத்து மாடல்களின் விலையும் 3 சதவீதம் வரை உயர்த்தப்படவுள்ளது. இந்த விலை உயர்வு அடுத்தாண்டு ஜனவரி 1 -ஆம் தேதியிலிருந்து அமலுக்கு வரவுள்ளது என்று அந்த அறிக்கையில் கூறப்பட்டுள்ளது. 
போக்ஸ்வேகன் தவிர, மாருதி சுஸுகி, டொயோட்டா கிர்லோஸ்கர் மோட்டார் மற்றும் இசுசூ மோட்டார் இந்தியா உள்ளிட்ட இதர முக்கிய கார் தயாரிப்பு நிறுவனங்களும் ஜனவரியிலிருந்து விலையை உயர்த்தவுள்ளதாக ஏற்கெனவே அறிவித்துள்ளது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/12/8/w600X390/volks.jpg http://www.dinamani.com/business/2018/dec/08/கார்-விலை-3-சதவீதம்-வரை-உயருகிறது-போக்ஸ்வேகன்-3053598.html
3052922 வர்த்தகம் 2022-ஆம் ஆண்டுக்குள் 5ஜி சேவை: டிராய் செயலர் DIN DIN Friday, December 7, 2018 12:54 AM +0530
இந்தியாவில் 5ஜி தொழில்நுட்பத்திலான சேவை வரும் 2022-ஆம் ஆண்டுக்குள் அறிமுகமாகும் என இந்திய தொலைத் தொடர்பு ஒழுங்காற்று ஆணையத்தின் (டிராய்) செயலர் எஸ்.கே. குப்தா தெரிவித்துள்ளார்.
இதுகுறித்து அவர் வியாழக்கிழமை மேலும் கூறியதாவது:
இந்திய தொலைத்தொடர்பு சேவைத் துறையில் 5ஜி அறிமுகம் வரும் 2022-ஆம் ஆண்டுக்குள் செயல்பாட்டுக்கு வரும் என எதிர்பார்க்கப்படுகிறது. செயற்கை நுண்ணறிவு தொழில்நுட்பம் மற்றும் தரவு பகுப்பாய்வு ஆகியவை நுகர்வோரின் மனநிலையில் மிகப்பெரிய மாற்றங்களை ஏற்படுத்தும்.
இந்தியாவில் தற்போது 40 கோடி பேருக்கு நல்ல தரத்தில் இணையதள சேவை அளிக்கப்பட்டு வருகிறது. இதையடுத்து, அவர்கள் ஊடகம் தொடர்பான செய்திகளை டிஜிட்டல் வழிமுறையில் கையாள மிகப்பெரும் வாய்ப்பு ஏற்பட்டுள்ளது. எனவே, நுகர்வோர் தேவையை உணர்ந்து அவர்களின் தேவையை நிறைவு செய்யும் வகையில் ஊடகங்கள் நடவடிக்கைகள் மேற்கொள்ள வேண்டும் என்றார் அவர்.
 

]]>
http://images.dinamani.com/uploads/user/imagelibrary/2018/12/7/w600X390/5g.jpg http://www.dinamani.com/business/2018/dec/07/2022-ஆம்-ஆண்டுக்குள்-5ஜி-சேவை-டிராய்-செயலர்-3052922.html
3052921 வர்த்தகம் இந்தியாவின் பொருளாதார வளர்ச்சி 7.2%-ஆக குறையும்: ஃபிட்ச் DIN DIN Friday, December 7, 2018 12:53 AM +0530
நடப்பு நிதியாண்டுக்கான பொருளாதார வளர்ச்சி மதிப்பீட்டை 7.2 சதவீதமாக தரக் குறியீட்டு நிறுவனமான ஃபிட்ச் குறைத்துள்ளது.
இதுகுறித்து அந்த நிறுவனம் வியாழக்கிழமை தெரிவித்துள்ளதாவது:
இந்தியாவில் கடன் பெறுவதற்கான செலவினம் அதிகரித்துள்ளது. மேலும், கடன் பெறும் வாய்ப்புகளும் மிகவும் குறைந்து போயுள்ளன.
இதனால், நடப்பு நிதியாண்டில் இந்தியாவின் பொருளாதார வளர்ச்சியானது 7.2 சதவீதமாக குறையும் என மதிப்பிடப்பட்டுள்ளது. இது, நிறுவனம் செப்டம்பர் மற்றும் ஜூன் மாதங்களில் வெளியிட்ட மதிப்பீடுகளான 7.8 சதவீதம் மற்றும் 7.4 சதவீதத்துடன் ஒப்பிடுகையில் குறைவாகும்.
அடுத்த 2019-20-ஆம் நிதியாண்டில் இந்தியாவின் பொருளாதார வளர்ச்சி 7 சதவீதமாகவும், 2020-21-இல் 7.1 சதவீதமாகவும் இருக்கும் என்று ஃபிட்ச் தெரிவித்துள்ளது.
நடப்பு நிதியாண்டில் நாட்டின் பொருளாதார வளர்ச்சி 7.4 சதவீதமாக இருக்கும் என்று ரிசர்வ் வங்கி ஏற்கெனவே கணித்துள்ளது. இந்த நிலையில், ஃபிட்ச் நிறுவனம் தற்போதுள்ள சூழ்நிலைகளை கருத்தில் கொண்டு அதைவிடக் குறைவாகவே மதிப்பீடு செய்துள்ளது என்பது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/12/7/w600X390/fitc.jpg http://www.dinamani.com/business/2018/dec/07/இந்தியாவின்-பொருளாதார-வளர்ச்சி-72-ஆக-குறையும்-ஃபிட்ச்-3052921.html
3052920 வர்த்தகம் புதிய பங்கு வெளியீட்டிற்கு அனுமதி கோரி யுனிபார்ட்ஸ் செபி-க்கு விண்ணப்பம் DIN DIN Friday, December 7, 2018 12:53 AM +0530
பொறியியல் துறையில் ஈடுபட்டு வரும் யுனிபார்ட்ஸ் இந்தியா புதிய பங்கு வெளியீட்டுக்கு (ஐபிஓ) அனுமதி கோரி செபி-யிடம் விண்ணப்பித்துள்ளது.
இதுகுறித்து அந்த நிறுவனம் தெரிவித்துள்ளதாவது:
செயல்பாடுகளுக்குத் தேவையான நிதியை திரட்டிக் கொள்ளும் வகையில் புதிய பங்கு வெளியீட்டில் களமிறங்க யுனிபார்ட்ஸ் நிறுவனம் முடிவெடுத்துள்ளது. அதன்படி, ரூ.100 கோடி மதிப்பிலான பங்குகளை நிறுவனம் வெளியிட முடிவு செய்துள்ளது.
இந்த பங்கு வெளியீட்டின் மூலம் திரட்டப்படும் தொகை கடன்களை திருப்பி செலுத்தவும், நிறுவனத்தின் இதர நோக்கங்களுக்காகவும் பயன்படுத்திக் கொள்ளப்படும்.
இப்புதிய பங்கு வெளியீட்டை ஆக்ஸிஸ் கேப்பிட்டல், மோதிலால் ஓஸ்வால் இன்வெஸ்ட்மென்ட் அட்வைஸர்ஸ், எஸ்பிஐ கேப்பிட்டல் மார்க்கெட்ஸ் ஆகியவை நிர்வகிக்க உள்ளன என்று யுனிபார்ட்ஸ் தெரிவித்துள்ளது.
இந்நிறுவனம் கடந்த 2014 செப்டம்பரில் புதிய பங்கு வெளியீட்டை மேற்கொள்ள விண்ணப்பித்து செபியிடம் அனுமதி பெற்றது.எனினும், அப்போது சந்தை நிலவரம் சரியில்லை என கருதிய அந்நிறுவனம் புதிய பங்கு வெளியீட்டில் களமிறங்கவில்லை.
 

]]>
http://images.dinamani.com/uploads/user/imagelibrary/2018/12/7/w600X390/ipo.jpg http://www.dinamani.com/business/2018/dec/07/புதிய-பங்கு-வெளியீட்டிற்கு-அனுமதி-கோரி-யுனிபார்ட்ஸ்-செபி-க்கு-விண்ணப்பம்-3052920.html
3052919 வர்த்தகம் ரெனோ நிஸான் இந்தியாவுக்கு புதிய தலைமை செயல் அதிகாரி DIN DIN Friday, December 7, 2018 12:52 AM +0530
ரெனோ நிஸான் ஆட்டோமோட்டிவ் இந்தியாவின் புதிய தலைமை செயல் அதிகாரியாக பிஜு பாலேந்திரன் நியமிக்கப்பட்டுள்ளார்.
இதுகுறித்து அந்த நிறுவனம் வியாழக்கிழமை தெரிவித்துள்ளதாவது:
ரெனோ நிஸான் இந்தியாவின் தற்போதைய நிர்வாக இயக்குநர் மற்றும் தலைமை செயல் அதிகாரியான கொலின் மெக்டொனால்டு ஐரோப்பியாவில் புதிய பொறுப்பு வகிப்பதற்கு இடமாற்றம் செய்யப்பட்டுள்ளார். இதையடுத்து, அந்தப் பதவிகளுக்கு பிஜு பாலேந்திரன் புதிதாக நியமனம் செய்யப்பட்டுள்ளார்.
ரெனோ - நிஸான் கூட்டணியில் அமைந்துள்ள சென்னை ஒரகடத்தில் உள்ள ஆலையின் தயாரிப்பு செயல்பாடுகள் அனைத்தையும் இனி பாலேந்திரன் கவனிப்பார்
புதிய தலைமை நிதி அதிகாரி: நிஸான் இந்தியாவின் புதிய தலைமை நிதி அதிகாரியாக சம்பத் குமார் நியமிக்கப்பட்டுள்ளார். இந்தியாவில் நிறுவனம் மேற்கொண்டு வரும் நிதி தொடர்பான அனைத்து செயல்பாடுகளையும் இனி அவரே கவனிப்பார் என ரெனோ நிஸான் இந்தியா தெரிவித்துள்ளது.
 

]]>
http://images.dinamani.com/uploads/user/imagelibrary/2018/12/7/w600X390/biju.jpg http://www.dinamani.com/business/2018/dec/07/ரெனோ-நிஸான்-இந்தியாவுக்கு-புதிய-தலைமை-செயல்-அதிகாரி-3052919.html
3052917 வர்த்தகம் பங்குச் சந்தைகளில் கடும் வீழ்ச்சி: சென்செக்ஸ் 572 புள்ளிகள் சரிவு DIN DIN Friday, December 7, 2018 12:49 AM +0530
சாதகமற்ற நிலவரங்களால் இந்தியப் பங்குச் சந்தைகளில் வியாழக்கிழமை நடைபெற்ற வர்த்தகத்தில் சென்செக்ஸ் 572 புள்ளிகள் வீழ்ச்சியைக் கண்டது. 
ஹுவேயின் தலைமை நிதி அதிகாரி மென்ஞ் வன்úஸாகு திடீரென கனடாவில் கைது செய்யப்பட்டதன் எதிரொலியாக சர்வதேச சந்தைகளில் வர்த்தகம் கடும் வீழ்ச்சியை சந்தித்தது. அதன் தாக்கம் இந்திய பங்குச் சந்தைகளையும் விட்டுவைக்கவில்லை.
இதைத் தவிர, டாலருக்கு நிகரான ரூபாய் மதிப்பு சரிவு, உற்பத்தி குறைப்பு தொடர்பாக நடைபெறவுள்ள ஒபெக் நாடுகளின் ஆலோசனை கூட்டம், எதிர்வரவுள்ள ஐந்து மாநில தேர்தல் முடிவுகள் ஆகியவற்றைக் கருத்தில் கொண்டு முதலீட்டாளர்கள் மிகுந்த முன்னெச்சரிக்கை உணர்வுடன் பங்கு வர்த்தகத்தில் ஈடுபட்டனர். இதன் காரணமாக தொடர்ந்து மூன்றாவது நாளாக பங்குச் சந்தைகள் சரிவுடன் முடிவடைந்தன. 
மாருதி சுஸுகி, டாடா மோட்டார்ஸ், ரிலையன்ஸ் இண்டஸ்ட்ரீஸ், யெஸ் வங்கி, அதானி போர்ட்ஸ், பார்தி ஏர்டெல், ஏஷியன் பெயின்ட்ஸ், ஓஎன்ஜிசி, ஹெச்யுஎல், கோட்டக் வங்கி, இன்டஸ்இண்ட் வங்கி, ஆக்ஸிஸ் வங்கி பங்குகளின் விலை 4.63 சதவீதம் வரை சரிந்தன.
அதேசமயம், சன் பார்மா நிறுவனத்துக்கு சந்தையில் வரவேற்பு அதிகரித்து காணப்பட்டதையடுத்து, அந்நிறுவனப் பங்கின் விலை 1.57 சதவீதம் வரை அதிகரித்தன. 
மும்பை பங்குச் சந்தையில் வியாழக்கிழமை நடைபெற்ற வர்த்தகத்தில் சென்செக்ஸ் 572 புள்ளிகள் வீழ்ச்சி கண்டு 35,312 புள்ளிகளாக நிலைத்தது. 
தேசிய பங்குச் சந்தையில் நடைபெற்ற வர்த்தகத்தில் நிஃப்டி 181 புள்ளிகள் சரிந்து 10,601 புள்ளிகளில் நிலைத்தது.
 

]]>
http://www.dinamani.com/business/2018/dec/07/பங்குச்-சந்தைகளில்-கடும்-வீழ்ச்சி-சென்செக்ஸ்-572-புள்ளிகள்-சரிவு-3052917.html
3051675 வர்த்தகம் புதிய மாடல் கார் அறிமுகத்தில் கியா மோட்டார்ஸ் தீவிரம் DIN DIN Wednesday, December 5, 2018 01:10 AM +0530
தென் கொரியாவைச் சேர்ந்த கியா மோட்டார்ஸ் புதிய மாடல்களில் கார்களை அறிமுகப்படுத்துவதில் தீவிர கவனம் செலுத்தப் போவதாக அறிவித்துள்ளது.
இதுகுறித்து கியா மோட்டார்ஸ் இந்தியாவின் தலைமைச் செயல் அதிகாரியும், நிர்வாக இயக்குநருமான கோக்கியுன் ஷிம் பிடிஐ செய்தியாளர்களிடம் கூறியதாவது:
கியா மோட்டார்ஸ் வரும் 2019-ஆம் ஆண்டு நடுப்பகுதியிலிருந்து வாகனங்களின் விற்பனையை தொடங்க உள்ளது. ஆறு மாதங்களுக்கு ஒரு முறை 1 புதிய மாடலை அறிமுகப்படுத்த நிறுவனம் உறுதி பூண்டுள்ளது.
அதன் தொடர்ச்சியாக, அடுத்த மூன்று ஆண்டுகளில் மட்டும் ஆறு மாடல்களில் கார்களை அறிமுகப்படுத்த பரிசீலித்து வருகிறோம். எங்களது இலக்கு பிரிமீயம் பிராண்ட் கார்கள் மட்டுமே.
கியா மோட்டார்ஸ் சர்வதேச அளவில் 180 நாடுகளின் சந்தைகளில் களமிங்கியதன் மூலம் ஏராளமான அனுபவங்களை ஈட்டியுள்ளது. இது, இந்தியாவில் டாப் 5 வாகன விற்பனை நிறுவனங்களில் இடம்பிடிக்க பெரிதும் உதவியாக இருக்கும். எங்களின் இலக்கு வெறும் கனவு இலக்காக இல்லாமல் அனுபவத்தின் அடிப்படையிலான இலக்காக இருக்கும். சாத்தியமாகக் கூடியதை மட்டுமே நாங்கள் சிந்திப்போம் என்றார் அவர்.
கடந்த 2017-18-இல் 33 லட்சம் பயணிகள் வாகன விற்பனையில் நடுத்தர வகை கார்களின் பங்களிப்பு 70 சதவீதமாக உள்ளது. இருப்பினும், தற்போது இந்தப் பிரிவில் கவனம் செலுத்தப்போவதில்லை என கியா மோட்டார்ஸ் தெரிவித்துள்ளது.
இந்நிறுவனம் ஆந்திர மாநிலத்தில் ஆலை அமைக்க 110 கோடி டாலரை (இந்திய மதிப்பில் சுமார் ரூ.7,700 கோடி) முதலீடு செய்துள்ளது. ஆண்டுக்கு 3 லட்சம் கார்கள் தயாரிக்கும் திறனில் அமைக்கப்பட்டுள்ள இந்த ஆலை மூலம் 3,000 பேருக்கு வேலைவாய்ப்பு கிடைக்கும். 
இந்திய பயணிகள் வாகன சந்தையில் மாருதி சுஸுகி இந்தியா தற்போது முதலிடத்தில் உள்ளது. அதனைத் தொடர்ந்து, ஹுண்டாய், மஹிந்திரா & மஹிந்திரா, டாடா மோட்டார்ஸ் மற்றும் ஹோண்டா நிறுவனங்கள் உள்ளன.
 

]]>
http://images.dinamani.com/uploads/user/imagelibrary/2018/12/5/w600X390/kia1.jpg http://www.dinamani.com/business/2018/dec/05/புதிய-மாடல்-கார்-அறிமுகத்தில்-கியா-மோட்டார்ஸ்-தீவிரம்-3051675.html
3051674 வர்த்தகம் பங்குச் சந்தைகளில் திடீர் சறுக்கல் DIN DIN Wednesday, December 5, 2018 01:09 AM +0530
பங்குச் சந்தைகளில் செவ்வாய்க்கிழமை நடைபெற்ற வர்த்தகம் திடீரென சுணக்கமடைந்தது.
கச்சா எண்ணெய் விலை அதிகரிப்பு, ரூபாய் மதிப்பு சரிவு, வட்டி விகிதம் நிர்ணயம் குறித்த ரிசர்வ் வங்கியின் நிதிக் கொள்கை குழு கூட்டம் ஆகியவற்றை கருத்தில் கொண்டு முதலீட்டாளர்கள் மிகுந்த முன்னெச்சரிக்கையுடன் பங்கு வர்த்தகத்தில் ஈடுபட்டனர். இதையடுத்து ஏழு நாள்களுக்குப் பிறகு முதல் முறையாக பங்குச் சந்தைகள் சரிவைக் கண்டது.
ஐரோப்பா மற்றும் ஆசியப் பங்குச் சந்தைகளில் காணப்பட்ட மந்த நிலை இந்தியப் பங்குச் சந்தையிலும் தாக்கத்தை ஏற்படுத்தியது.
மும்பை மற்றும் தேசிய பங்குச் சந்தைகளில் வங்கி, வேகமாக விற்பனையாகும் நுகர் பொருள், மோட்டார் வாகன துறைகளைச் சேர்ந்த நிறுவனப் பங்குகள் அதிக இழப்பை சந்தித்தன.
சன் பார்மா, மஹிந்திரா அண்டு மஹிந்திரா, ஹெச்டிஎஃப்சி, எஸ்பிஐ, என்டிபிசி, இன்டஸ்இண்ட் வங்கி, ஹெச்டிஎஃப்சி வங்கி, ஹெச்யுஎல், யெஸ் வங்கி, ஏஷியன் பெயின்ட்ஸ், ஆக்ஸிஸ் வங்கி பங்குகளின் விலை 3 சதவீதம் வரை சரிந்தது.
அதேசமயம், ஓஎன்ஜிசி, இன்ஃபோசிஸ், விப்ரோ, வேதாந்தா, டிசிஎஸ், கோல் இந்தியா, பஜாஜ் ஆட்டோ, பவர்கிரிட், பார்தி ஏர்டெல், டாடா ஸ்டீல் பங்குகளின் விலை 2.52 சதவீதம் வரை அதிகரித்தது.
மும்பை பங்குச் சந்தையில் செவ்வாய்க்கிழமை நடைபெற்ற வர்த்தகத்தில் சென்செக்ஸ் 106 புள்ளிகள் சரிந்து 36,134 புள்ளிகளில் நிலைத்தது.
தேசிய பங்குச் சந்தையில் நடைபெற்ற வர்த்தகத்தில் நிஃப்டி 14 புள்ளிகள் குறைந்து 10,869 புள்ளிகளில் நிலைத்தது.
 

]]>
http://images.dinamani.com/uploads/user/imagelibrary/2018/12/5/w600X390/marcket.jpg http://www.dinamani.com/business/2018/dec/05/பங்குச்-சந்தைகளில்-திடீர்-சறுக்கல்-3051674.html
3051672 வர்த்தகம் கார்களின் விலையை ரூ.1 லட்சம் வரை உயர்த்துகிறது இசுசூ DIN DIN Wednesday, December 5, 2018 01:09 AM +0530
கார்களின் விலையை ரூ.1 லட்சம் வரை உயர்த்தவுள்ளதாக இசுசூ மோட்டார்ஸ் இந்தியா தெரிவித்துள்ளது.
இதுகுறித்து அந்த நிறுவனம் செவ்வாய்க்கிழமை தெரிவித்துள்ளதாவது: இடுபொருள்கள் செலவினம் உயர்வு மற்றும் விநியோகக் கட்டணம் அதிகரிப்பு போன்றவற்றால் இசுசூ நிறுவனம் கார்களின் விலையை ரூ.1 லட்சம் வரை உயர்த்தவுள்ளது. இந்த விலை உயர்வு வரும் ஜனவரி மாதம் முதல் அமலுக்கு வரவுள்ளது.
அதன்படி நிறுவனத்தின் தயாரிப்பான டி-மேக்ஸ் ரெகுலர் கேப், டி-மேக்ஸ் எஸ் -கேப் வாகனங்களின் விலை 1-2 சதவீதம் வரையிலும், டி-மேக்ஸ் வி-கிராஸ் மற்றும் எம்யு-எக்ஸ் வாகனங்களின் விலை 3-4 சதவீதம் வரையிலும் அதிகரிக்க லாம் என எதிர்பார்க்கப்படுகிறது.
இதையடுத்து, நிறுவனத்தின் அனைத்து மாடல்களின் விலையும் ரூ.15,000 முதல் ரூ.1 லட்சம் வரையில் உயரும் என்று இசுசூ தெரிவித்துள்ளது.
இசுசூ நிறுவனம் தற்போது ரூ.7.28 லட்சம் முதல் ரூ.28.3 லட்சம் வரையிலான வாகனங்களை விற்பனை செய்து வருகிறது.
கடந்த மாதம், டொயோட்டா கிர்லோஸ்கர் மோட்டார் வாகனங்களின் விலையை வரும் ஜனவரி 1-ஆம் தேதி முதல் 4 சதவீதம் வரை உயர்த்த உள்ளதாக அறிவித்தது. இதனைத் தொடர்ந்து தற்போது இசுசூ நிறுவனமும் விலை உயர்வு அறிவிப்பை வெளியிட்டுள்ளது குறிப்பிடத்தக்கது.
 

]]>
http://www.dinamani.com/business/2018/dec/05/கார்களின்-விலையை-ரூ1-லட்சம்-வரை-உயர்த்துகிறது-இசுசூ-3051672.html
3051673 வர்த்தகம் பொறியியல் சாதனங்கள் ஏற்றுமதி ரூ.5.60 லட்சம் கோடியை எட்டும்: இஇபிசி DIN DIN Wednesday, December 5, 2018 01:08 AM +0530
இந்தியாவின் பொறியியல் சாதனங்கள் ஏற்றுமதி நடப்பு நிதியாண்டில் 8,000 கோடி டாலரை (ரூ.5.60 லட்சம் கோடி) எட்டும் என பொறியியல் ஏற்றுமதி மேம்பாட்டு கவுன்சில் (இஇபிசி) தெரிவித்துள்ளது.
இதுகுறித்து அந்தை அமைப்பு செவ்வாய்க்கிழமை மேலும் தெரிவித்துள்ளதாவது:
கடந்த 2017-18 நிதியாண்டில் இந்திய பொறியியல் சாதனங்களின் ஏற்றுமதி 7,600 கோடி டாலராக இருந்தது. ஒட்டுமொத்த பொருள்கள் ஏற்றுமதியில் இது 25 சதவீதம். 
நம் நாட்டின் ஏற்றுமதிக்கு முக்கிய சந்தைகளாக திகழும், அமெரிக்கா, ஐரோப்பா உள்ளிட்ட நாடுகளில் தேவையானது சூடுபிடித்துள்ளது. இதையடுத்து, பொறியியல் சாதனங்களுக்கான ஆர்டர் விறுவிறுப்படைந்துள்ளது. 
இதன் காரணமாக, நடப்பு 2018-19 நிதியாண்டில் நாட்டின் பொறியியல் சாதனங்களின் ஏற்றுமதி 7,800-8,000 கோடி டாலராக அதிகரிக்கும்.
பொறியியல் சாதனங்களின் ஏற்றுமதியை ஊக்குவிக்க இத்துறையில் ஈடுபட்டுள்ள தயாரிப்பாளர்களுக்கு சர்வதேச விலையில் உருக்கு பொருள்கள் கிடைக்க ஆவண செய்ய வேண்டும்.
மேலும், எம்இஐஎஸ் திட்டத்தின் கீழ் வழங்கப்படும் ஊக்கத்தொகை விகிதத்தை தற்போதைய 2-3 சதவீதத்திலிருந்து 5-7 சதவீதமாக அதிகரிக்க வேண்டும் என இஇபிசி தெரிவித்துள்ளது.
பொறியியல் சாதனங்கள் ஏற்றுமதியில் வட அமெரிக்கா மற்றும் ஐரோப்பிய நாடுகளின் பங்களிப்பு 40 சதவீதம் அளவுக்கு உள்ளது.
கடந்த 2011-12 நிதியாண்டு முதல் இந்தியாவின் ஏற்றுமதி 30,000 கோடி டாலர் என்ற அளவிலேயே இருந்து வந்தது. இந்நிலையில், 2017-18-இல் ஏற்றுமதி 10 சதவீதம் வளர்ச்சியடைந்து 30,300 கோடி டாலரை எட்டியது.
பொறியியல் சாதன ஏற்றுமதி அதிகரிப்பு உள்நாட்டில் வேலைவாய்ப்புகளை அதிகரிக்கவும், தயாரிப்பு துறையை ஊக்குவிக்கவும், அதிகளவிலான அந்நியச் செலாவணியை ஈட்டவும் பெரிதும் உதவியாக உள்ளது.

]]>
http://images.dinamani.com/uploads/user/imagelibrary/2018/12/5/w600X390/engineer.jpg http://www.dinamani.com/business/2018/dec/05/பொறியியல்-சாதனங்கள்-ஏற்றுமதி-ரூ560-லட்சம்-கோடியை-எட்டும்-இஇபிசி-3051673.html
3051000 வர்த்தகம் அசோக் லேலண்ட் விற்பனை 9% சரிவு DIN DIN Tuesday, December 4, 2018 02:51 AM +0530
ஹிந்துஜா குழுமத்தைச் சேர்ந்த அசோக் லேலண்ட் நிறுவனத்தின் நவம்பர் மாத வாகன விற்பனை 9 சதவீதம் சரிந்தது.
இதுகுறித்து அந்த நிறுவனம் திங்கள்கிழமை செபி-யிடம் தெரிவித்துள்ளதாவது:
அசோக் லேலண்ட் நவம்பர் மாதத்தில் 13,121 வாகனங்களை விற்பனை செய்துள்ளது. கடந்தாண்டில் இதே கால அளவு விற்பனையான 14,457 வாகனங்களுடன் ஒப்பிடுகையில் இது 9 சதவீதம் குறைவாகும்.
நடுத்தர மற்றும் கனரக வர்த்தக வாகனங்களின் விற்பனை 10,638-லிருந்து 18 சதவீதம் குறைந்து 8,718-ஆகியுள்ளது.
அதேசமயம், இலகு ரக வாகனங்களின் விற்பனை 15 சதவீதம் அதிகரித்து 4,403-ஆக காணப்பட்டது என அசோக் லேலண்ட் தெரிவித்துள்ளது.
 

]]>
http://images.dinamani.com/uploads/user/imagelibrary/2018/12/4/w600X390/ashok.jpg http://www.dinamani.com/business/2018/dec/04/அசோக்-லேலண்ட்-விற்பனை-9-சரிவு-3051000.html
3051001 வர்த்தகம் மஹிந்திரா டிராக்டர் விற்பனை 13% உயர்வு DIN DIN Tuesday, December 4, 2018 02:50 AM +0530
மஹிந்திரா & மஹிந்திரா நிறுவனத்தின் டிராக்டர் விற்பனை நவம்பரில் 13 சதவீதம் அதிகரித்துள்ளது.
இதுகுறித்து அந்நிறுவனத்தின் வேளாண் உபகரணங்கள் பிரிவின் தலைவர் ராஜேஷ் ஜெஜுரிக்கர் தெரிவித்துள்ளதாவது: மஹிந்திரா நவம்பரில் 25,949 டிராக்டர்களை விற்பனை செய்துள்ளது. சென்ற ஆண்டு இதே காலத்தில் விற்பனையான 22,994 டிராக்டர்களுடன் ஒப்பிடுகையில் இது 13 சதவீதம் அதிகமாகும். 
உள்நாட்டு சந்தையில் டிராக்டர் விற்பனை 21,271-லிருந்து 18 சதவீதம் உயர்ந்து 25,159-ஆக காணப்பட்டது. இருப்பினும் ஏற்றுமதி, 1,723 என்ற எண்ணிக்கையிலிருந்து 54 சதவீதம் சரிவடைந்து 790-ஆக ஆனது.
பண்டிகை காலத்தையொட்டி டிராக்டர்களுக்கான தேவை சிறப்பான அளவிலேயே அதிகரித்து காணப்பட்டது. கிராமப்புற மற்றும் வேளாண் வளர்ச்சியில் அரசு அதிக கவனம் செலுத்தி அதிக தொகையை செலவிட்டு வருவதாலும், தேவை அதிகரிப்பால் முக்கிய வேளாண் பொருள்களுக்கு விலை உரிய விலை கிடைக்கும் என்பதாலும் நடப்பு நிதியாண்டின் நான்காவது காலாண்டிலும் டிராக்டர் விற்பனை தொடர்ந்து அமோகமாகவே இருக்கும் என்றார் அவர்.
 

]]>
http://images.dinamani.com/uploads/user/imagelibrary/2018/12/4/w600X390/mahindra.jpg http://www.dinamani.com/business/2018/dec/04/மஹிந்திரா-டிராக்டர்-விற்பனை-13-உயர்வு-3051001.html
3051002 வர்த்தகம் வட்டி விகிதம்: ரிசர்வ் வங்கி குழு கூட்டம் தொடக்கம் DIN DIN Tuesday, December 4, 2018 02:50 AM +0530
வட்டி விகிதங்கள் நிர்ணயம் தொடர்பாக மூன்று நாள்கள் நடைபெறும் ரிசர்வ் வங்கியின் நிதி கொள்கை குழு கூட்டம் திங்கள்கிழமை தொடங்கியது.
மிதமான பொருளாதார வளர்ச்சி மற்றும் பணவீக்கம் குறைந்துள்ளது ஆகியவற்றை கருத்தில் கொண்டு வங்கிகளுக்கான வட்டி விகிதங்களில் ரிசர்வ் வங்கி மாற்றம் எதையும் மேற்கொள்ளாது; பழைய நிலையே தொடரும் என்று பொருளாதார நிபுணர்கள் பலர் கருத்து தெரிவித்துள்ளனர்.
இந்த நிலையில், இரு மாதங்களுக்கு ஒரு முறை நிர்ணயிக்கப்படும் வங்கிகளின் வட்டி விகிதம் (ரெப்போ ரேட்) தொடர்பாக நடைபெறும் 3 நாள் கூட்டம் ரிசர்வ் வங்கி ஆளுநர் உர்ஜித் படேல் தலைமையில் திங்கள்கிழமை தொடங்கியது. இதில் எடுக்கப்படும் முடிவுகள் டிசம்பர் 5-ஆம் தேதி பிற்பகலில் ரிசர்வ் வங்கியின் இணையதளத்தில் வெளியிடப்படும்.
 

]]>
http://www.dinamani.com/business/2018/dec/04/வட்டி-விகிதம்-ரிசர்வ்-வங்கி-குழு-கூட்டம்-தொடக்கம்-3051002.html
3051003 வர்த்தகம் டிவிஎஸ் மோட்டார் விற்பனை 27% அதிகரிப்பு DIN DIN Tuesday, December 4, 2018 02:50 AM +0530
சென்னையைச் சேர்ந்த டிவிஎஸ் மோட்டார் கம்பெனியின் நவம்பர் மாத விற்பனை 27 சதவீதம் அதிகரித்தது.
இதுகுறித்து அந்த நிறுவனம் திங்கள்கிழமை வெளியிட்ட அறிக்கையில் தெரிவித்துள்ளதாவது: நடப்பாண்டு நவம்பரில் டிவிஎஸ் மோட்டார் 3,19,965 வாகனங்களை விற்பனை செய்துள்ளது. இது, கடந்தாண்டு விற்பனையான 2,51,965 வாகனங்களுடன் ஒப்பிடுகையில் 27 சதவீதம் அதிகமாகும்.
இருசக்கர வாகன விற்பனை 2,03,138-லிருந்து 28 சதவீதம் அதிகரித்து 2,60,253-ஆனது. மோட்டார்சைக்கிள் விற்பனை 93,202 என்ற எண்ணிக்கையிலிருந்து 29 சதவீதம் உயர்ந்து 1,19,883-ஆக இருந்தது. ஸ்கூட்டர்கள் விற்பனை 78,397-லிருந்து 43 சதவீதம் வளர்ச்சி கண்டு 1,11,763-ஆனது.
நிறுவனத்தின் மூன்று சக்கர வாகன விற்பனை 48 சதவீதம் உயர்ந்து 8,642-லிருந்து 12,823-ஆனது. வாகனங்களின் ஏற்றுமதி 47,207 என்ற எண்ணிக்கையிலிருந்து 24 சதவீதம் அதிகரித்து 58,476-ஆனது. இருசக்கர வாகனங்களின் ஏற்றுமதி 17 சதவீதம் உயர்ந்து 46,889-ஆக இருந்தது என டிவிஎஸ் மோட்டார் தெரிவித்துள்ளது.
 

]]>
http://images.dinamani.com/uploads/user/imagelibrary/2018/12/4/w600X390/tvs.jpg http://www.dinamani.com/business/2018/dec/04/டிவிஎஸ்-மோட்டார்-விற்பனை-27-அதிகரிப்பு-3051003.html
3051004 வர்த்தகம் கிளாக்ஸோஸ்மித்கிளைனுடன் இணைவதற்கு ஹெச்யுஎல் குழு ஒப்புதல் DIN DIN Tuesday, December 4, 2018 02:50 AM +0530
வேகமாக விற்பனையாகி வரும் நுகர் பொருள்கள் துறையில் முன்னணியில் உள்ள ஹிந்துஸ்தான் யுனிலீவர் நிறுவனத்தின் (ஹெச்யுஎல்) இயக்குநர் குழு, கிளாக்úஸாஸ்மித்கிளைன் கன்ஸ்யூமர் ஹெல்த்கேர் (ஜிஎஸ்கேசிஹெச் இந்தியா) உடன் இணைவதற்கு ஒப்புதல் வழங்கியுள்ளது.
இதுகுறித்து ஹெச்யுஎல் நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது: இணைப்பு நடவடிக்கை தொடர்பாக ஜிஎஸ்கேசிஹெச் இந்தியாவுடன் இறுதிகட்ட உடன்படிக்கையை ஹெச்யுஎல் நிறுவனம் எட்டியுள்ளது. அந்த வகையில், இந்த இணைப்பு திட்டத்துக்கு ஹெச்யுஎல் நிறுவனத்தின் இயக்குநர் குழு தனது ஒப்புதலை வழங்கியுள்ளது என்று அந்த அறிக்கையில் தெரிவிக்கப்பட்டுள்ளது.
அனைத்து பங்குகளையும் கையகப்படுத்தும் வகையிலான இந்த இணைப்பு திட்டத்தின் மொத்த வர்த்தக மதிப்பு ரூ.31,700 கோடியாகும்.
இந்த இணைப்பு திட்டத்தின்படி ஜிஎஸ்கேசிஹெச் இந்தியாவின் ஒவ்வொரு பங்கிற்கும் 4.39 ஹெச்யுஎல் பங்குகள் ஒதுக்கீடு செய்யப்படும்.
பிரபல ஹார்லிக்ஸ் பிராண்ட் உள்ளிட்ட பல்வேறு ஊட்டச்சத்து பொருள்கள் தயாரிப்பில் ஜிஎஸ்கேசிஹெச் இந்தியா ஈடுபட்டுள்ளது. இந்த நிறுவனத்துடன் இணைவதன் மூலம் வாடிக்கையாளர்களுக்கு தேவையான ஊட்டச்சத்து தயாரிப்புகளை புதிய பிரிவுகளில் தயாரித்து அளிக்க முடியும். இணைப்புக்குப் பிறகு உணவு மற்றும் புத்துணர்ச்சி வர்த்தக பிரிவின் விற்றுமுதல் ரூ.10,000 கோடியைத் தாண்டும் என்கிறார் ஹெச்யுஎல் நிறுவனத்தின் தலைவரும், நிர்வாக இயக்குநருமான சஞ்சீவ் மேத்தா.
 

]]>
http://images.dinamani.com/uploads/user/imagelibrary/2018/12/4/w600X390/horlicks.jpg http://www.dinamani.com/business/2018/dec/04/கிளாக்ஸோஸ்மித்கிளைனுடன்-இணைவதற்கு-ஹெச்யுஎல்-குழு-ஒப்புதல்-3051004.html
3051005 வர்த்தகம் தங்க சிலைகளை ஏற்றுமதி செய்ய அனுமதி DIN DIN Tuesday, December 4, 2018 02:49 AM +0530
தங்க சிலைகளை ஏற்றுமதி செய்ய நிபந்தனைகளுடன் கூடிய அனுமதியை மத்திய அரசு வழங்கியுள்ளது.
இதுகுறித்து மத்திய வர்த்தக அமைச்சகம் திங்கள்கிழமை வெளியிட்ட அறிவிக்கையில் தெரிவித்துள்ளதாவது:
கடவுள்கள் உருவம் பொறித்த தங்க சிலைகளை மட்டும் ஏற்றுமதி செய்ய அனுமதியளிக்கப்பட்டுள்ளது. 8 காரட் மற்றும் அதற்கு மேற்பட்டு 24 காரட் வரையிலும் இந்த தங்க சிலைகள் இருக்கலாம். உள்ளூர் வரிவிதிப்பு மண்டலங்களிலிருந்து மட்டும் தங்க சிலைகளை ஏற்றுமதி செய்ய அனுமதி வழங்கப்பட்டுள்ளது என்று அந்த அறிவிக்கையில் தெரிவிக்கப்பட்டுள்ளது.
ஏற்றுமதி செய்யப்படும் கடவுள் சிலைகள் அனைத்தும் 100 சதவீதம் மத்திய அரசு மதிப்பீட்டாளரால் ஆய்வு செய்யப்படும். ஏற்றுமதி செய்யப்பட்ட நாளிலிருந்து மூன்று மாதங்களுக்குள் அதற்கான தொகை வெளிநாட்டிலிருந்து செலுத்தப்பட வேண்டும். மேலும், ஏற்றுமதியாளர்கள் ஏற்றுமதி உத்தரவை கட்டாயம் சமர்பிக்க வேண்டும். இதைத் தவிர, தங்கத்தில் கடவுள் சிலைகளை உற்பத்தி செய்யும் உண்மையான தயாரிப்பாளர்களுக்கு மட்டுமே இந்த ஏற்றுமதி அறிவிப்பு பொருந்தும் என மத்திய அரசு தெளிவுபடுத்தியுள்ளது.
 

]]>
http://images.dinamani.com/uploads/user/imagelibrary/2018/12/4/w600X390/gold.jpg http://www.dinamani.com/business/2018/dec/04/தங்க-சிலைகளை-ஏற்றுமதி-செய்ய-அனுமதி-3051005.html
3050453 வர்த்தகம் ரூ.35 கட்டாய கட்டணம்! தொலைத் தொடர்பு நிறுவனங்களின் "சர்ஜிகல் ஸ்டிரைக்'! DIN DIN Monday, December 3, 2018 12:06 PM +0530 பலன்களும், பாதிப்புகளும்...

 தொலைத் தொடர்புத் துறையில் ஜியோவுக்கு அடுத்த இடத்தை வகிக்கும் ஏர்டெல் மற்றும் வோடாஃபோன் ஐடியா நிறுவனங்கள் அண்மையில் வெளியிட்டுள்ள அறிவிப்பு அதன் ஏராளமான வாடிக்கையாளர்களை அதிர்ச்சியடையச் செய்திருக்கிறது.

 அதாவது, 28 நாள்களுக்கு ஒருமுறை குறைந்தபட்சமாக 35 ரூபாய் கூட கட்டணம் செலுத்தாத "பிரிபெய்ட்' வாடிக்கையாளர்களுக்கு, அழைப்பு வசதி நிறுத்தப்படும். அடுத்த 45 நாள்களுக்குப் பிறகு அழைப்புகளை ஏற்கும் வசதியும் நிராகரிக்கப்படும். பிறகு இணைப்பு நிரந்தரமாகத் துண்டிக்கப்படும்.
 அதாவது, இனியும் எப்போதாவது 10 ரூபாய் மட்டும் பெயருக்கு செலுத்திக் கொண்டு, ஏர்டெல், வோடாஃபோன், ஐடியா சிம் கார்ட் மூலம் வாடிக்கையாளர்கள் பேசிக் கொண்டிருக்க முடியாது.
 ஒரு வகையில், இரண்டு சிம்கள் கொண்ட செல்லிடப் பேசிகளில் ரிலையன்ஸ் ஜியோவை முதன்மையாகப் பயன்படுத்திக் கொண்டு, அழைப்புகளை ஏற்பதற்காக மட்டும் தங்களது சேவைகளைப் பயன்படுத்தி வரும் வாடிக்கையாளர்களைக் குறிவைத்து, ஏர்டெலும், வோடாஃபோன் ஐடியாவும் இணைந்து நடத்தியிருக்கும் "சர்ஜிகல் ஸ்டிரைக்'தான் இந்த அதிரடி அறிவிப்பு என்கிறார்கள் விவரம் தெரிந்தவர்கள்.
 ஒப்புக்கு மட்டும் தங்களது சிம் கார்டுகளை வைத்துக் கொண்டிருக்கும் இத்தகைய வாடிக்கையாளர்களை கழித்துக் கட்டுவதுதான் அந்த நிறுவனங்களின் முக்கிய நோக்கமாகத் தெரிகிறது.
 ஜியோ வாடிக்கையாளர்கள் மட்டுமின்றி, 4ஜி வசதி இல்லாத, அடிப்படை அம்சங்கள் கொண்ட சாதாரண தொலைபேசிகளில் கூட, வெறுமனே அழைப்புகளை ஏற்பதற்காக மட்டும் ஜியோ அல்லாத பிற சிம் கார்டுகளைப் பயன்படுத்துபவர்களும் இருக்கிறார்கள்.
 அதுமட்டுமின்றி, ஒரு சில இடங்களில் ஜியோ இணைப்பு தெளிவாக இருக்கும். சில இடங்களில் மற்ற தொலைத் தொடர்பு நிறுவனங்களின் இணைப்பு நன்றாக இருக்கும். எனவே, ஜியோ இணைப்பு தெளிவாகக் கிடைக்காத இடங்களில் பயன்படுத்துவதற்காக பிற நிறுவனங்களின் சிம் கார்டுகளை வைத்திருப்பவர்களும் உண்டு.
 தற்போது ஏர்டெல், வோடாஃபோன் ஐடியா நிறுவனங்களின் இந்த அதிரடி அறிவிப்பினால், இத்தகைய வாடிக்கையாளர்களும் 28 நாள்களுக்கு ஒரு முறை கட்டாயமாக 35 ரூபாய் செலுத்த வேண்டிய நிலை ஏற்பட்டுள்ளது.
 அந்த வகையில், ஜியோவுக்கும் கணிசமான கட்டணம் செலுத்திக் கொண்டு, இரண்டாவது "சிம்'முக்கும் கட்டணம் செலுத்த முடியாதவர்கள் - செலுத்த மனமில்லாதவர்கள், இனியும் தங்களது வாடிக்கையாளராகத் தொடரத் தேவையில்லை என்பதுதான் குறைந்தபட்ச கட்டண அறிவிப்பின் மூலம் ஏர்டெல்லும், வோடாஃபோன் ஐடியாவும் சொல்லாமல் சொல்லும் சங்கதி.
 இருந்தாலும், ஏற்கெனவே ஜியோ வரவால் கோடிக்கணக்கான வாடிக்கையாளர்களை இழந்த இந்த நிறுவனங்கள், இப்படி குறிப்பிட்ட வாடிக்கையாளர்களைக் குறிவைத்துத் தாக்குதவதால் அவற்றுக்கு என்ன பயன்? இப்படி மேலும், மேலும் வாடிக்கையாளர்களை இழப்பது பாதிப்பை ஏற்படுத்தாதா?
 சொல்லப் போனால், இந்த அறிவிப்புக்குப் பிறகு அடுத்த ஆறு மாதங்களில் 2.5 கோடி முதல் 3 கோடி வரையிலான ஏர்டெல், வோடாஃபோன் ஐடியா வாடிக்கையாளர்கள், தங்கள் இணைப்புகளைக் கைவிட்டுவிடுவார்கள் என்று "இந்திய செல்லிட இணைப்பு சேவை வழங்குவோர் சங்கம்' (சிஓஏஐ) கணித்துள்ளது.
 இன்னும் சில நிபுணர்கள், 6 கோடி இணைப்புகள் வரை துண்டிக்கப்படலாம் என்று அடித்துக் கூறுகிறார்கள்.
 இத்தனை வாடிக்கையாளர்களை இழப்பதால் இந்த நிறுவனங்களுக்கோ, தொலைத் தொடர்புத் துறைக்கோ என்ன நன்மை விளைந்துவிடப் போகிறது?
 ஜியோவின் கவர்ச்சி அலையில் வாடிக்கையாளர்கள் அடித்துக் கொண்டு போய்விடக் கூடாது என்பதற்காக, அதுவரை இருந்த தங்களது கட்டண விகிதங்களை வெகுவாகக் குறைத்த இந்த நிறுவனங்கள், இப்போது 6 கோடி வரை வாடிக்கையாளர்களை அதே ஜியோவுக்குத் தாரை வார்க்கத் தயாரானது ஏன்?
 உண்மையில், இதற்கும் ஜியோதான் காரணம் என்கிறார்கள் இந்தத் துறையைச் சேர்ந்தவர்கள்.
 ஜியோவுடன் போட்டி போட்டுக்கொண்டு தங்களது கட்டண விகிதங்களை ஒரேடியாகக் குறைத்ததால், இந்த நிறுவனங்களுக்கு, சராசரியாக ஒரு வாடிக்கையாளர் மூலம் கிடைக்கும் வருவாய் (ஏஆர்பியு) படுவீழ்ச்சியடைந்துவிட்டது.
 ஒப்புக்குத் தொடர்ந்து கொண்டிருக்கும் வாடிக்கையாளர்களை கழித்துக் கட்டுவதன் மூலம் இந்த சராசரி வாடிக்கையாளர் வருவாயை கணிசமாக அதிகரிக்க முடியும் என்கின்றன நிறுவன வட்டாரங்கள்.
 பார்தி ஏர்டெல் நிறுவனத்தின் தலைமை செயலதிகாரி கோபால் விட்டல், "குறைந்தபட்ச கட்டணத்தை உயர்த்தியிருப்பதன் மூலம், நிறுவனத்தின் சராசரி வாடிக்கையாளர் வருவாய் அதிகரிக்கும். மேலும், நிறுவனத்தின் விற்பனைச் செலவுகளும், நிர்வாகச் செலவுகளும் வெகுவாகக் குறையும்' என்றகிறார்.
 ஆக, அவ்வப்போது வெறும் 10 ரூபாய் மட்டும் செலுத்தி, நிறுவனத்துடன் பசைபோல் ஒட்டிக் கொண்டிருக்கும் வாடிக்கையாளர்களை வெளியேற்றுவதன் மூலம், அவர்களுக்கு சேவைகளை வழங்குவதற்காக செய்துவரும் பல்வேறு செலவுகளை மிச்சப்படுத்த முடியும்.
 அந்த வகையில், குறைந்தபட்ச கட்டண அதிகரிப்பின் மூலம் ஏற்படக்கூடிய இத்தகைய வாடிக்கையாளர்களின் இழப்பு, நிறுவனங்களைப் பொருத்தவரை அவற்றுக்கு லாபமே.
 ஒட்டுமொத்த தொலைத் தொடர்புத் துறைக்கும் கூட, இந்த நடவடிக்கையால் நன்மையே விளையும் என்று துறை வல்லுநர்கள் கூறுகிறார்கள்.
 குறைந்தபட்ச கட்டணத்தை அதிகரித்துள்ளதன் மூலம், "இரட்டை சிம் முறை' ஒழியும்; இது தகவல் தொடர்புத் துறையில் ஸ்திரத்தன்மையை உருவாக்கி, நிறுவனங்களின் எதிர்காலத் திட்டமிடலுக்கு உறுதுணையாக இருக்கும் என்கிறார்கள் இவர்கள்.
 "அப்போது பாதிப்பு வாடிக்கையாளர்களுக்கு மட்டும்தானா?' என்று கேட்டால் அதற்கும் இல்லை என்று பதில் வருகிறது.
 "முன்பெல்லாம் வெவ்வேறு நிறுவனங்கள் வெவ்வேறு அளவில் கட்டணங்களை வசூலித்தன. சேவையின் தரத்திலும் ஏற்றத்தாழ்வு இருந்தது. ஆனால், தற்போது நிறுவனங்களின் கட்டண விகிதங்களும் சரி, சேவையின் தரமும் சரி, ஏறத்தாழ ஒரே மாதிரி ஆகிவிட்டன.
 எனவே, வாடிக்கையாளர்களுக்கு இரட்டை சிம் வைத்திருக்க வேண்டிய அவசியம் இனி கிடையாது. குறைந்தபட்ச கட்டணத்தை உயர்த்துவதால் பெரும்பாலான வாடிக்கையாளர்களுக்கு பாதிப்பு இல்லை' என்கிறார்கள் விவரம் தெரிந்தவர்கள். எனினும், அழைப்புகளை ஏற்பதற்காக மட்டும் செல்லிடப் பேசிகளைப் பயன்படுத்தி வரும் கிராமத்து ஏழைகள், முதியவர்கள் போன்றவர்களுக்கு இந்த அறிவிப்பு அதிர்ச்சியளித்திருக்கும் என்பதையும் மறுப்பதற்கில்லை. எனவே, இந்தக் குறைந்தபட்சக் கட்டணத்தையும் நிறுவனங்கள் உயர்த்தாமல் இருந்தால் சரி!
 - நாகா
 
 

]]>
http://images.dinamani.com/uploads/user/imagelibrary/2018/12/3/w600X390/mobile.jpg http://www.dinamani.com/business/2018/dec/03/ரூ35-கட்டாய-கட்டணம்-தொலைத்-தொடர்பு-நிறுவனங்களின்-சர்ஜிகல்-ஸ்டிரைக்-3050453.html
3050454 வர்த்தகம் விமானச் சேவை நிறுவனங்கள் நெருக்கடியில் சிக்கியது ஏன்? DIN DIN Monday, December 3, 2018 12:06 PM +0530 இந்தியாவில் விமானப் பயணம் மேற்கொள்வோரின் எண்ணிக்கை கணிசமாக அதிகரித்து வரும் நிலையிலும் விமானச் சேவை நிறுவனங்கள் ஏன் நெருக்கடியில் சிக்கி தவிக்கின்றன என்ற ஐயம் எல்லோர் மனதிலும் எழுவது இயல்பானதே.
 கடந்த ஐந்து ஆண்டுகளாகவே விமான பயணிகளின் எண்ணிக்கை புயல் வேகத்தில் அதிகரித்து வருகிறது. அதேபோன்று, அவர்களுக்கு சேவையளிக்கும் விமானங்களின் எண்ணிக்கையும் ஆண்டுக்கு 15 சதவீதம் முதல் 20 சதவீதம் வரை வளர்ச்சியைக் கண்டு வருகிறது.
 சர்வதேச நாடுகளுடன் ஒப்பிடும்போது இந்தியாவில்தான் விமானப் பயணத்துக்கான தேவை மிகச் சிறப்பான அளவில் அதிகரித்துள்ளது. வரும் 2024-ஆம் ஆண்டுக்குள் பயணிகள் பிரிவில் மூன்றாவது மிகப்பெரிய விமான சந்தையாக இந்தியா உருவெடுக்கும் என்று மதிப்பிடப்பட்டுள்ளது. விறுவிறு வளர்ச்சியின் அடிப்படையில் பார்க்கும்போது அடுத்த ஐந்து ஆண்டுகளில் இத்துறை ரூ.1 லட்சம் கோடி முதலீட்டை ஈர்க்கும் என்றும் கூறப்பட்டுள்ளது.
 அனைத்து அம்சங்களும் விமான சேவை துறைக்கு சாதகமாக இருந்தும் அவற்றால் அந்தத் துறைக்கு பலன் ஏதும் கிட்டியதா என்றால் இல்லை என்றுதான் சொல்ல வேணடும். ஏறக்குறைய எல்லா விமானச் சேவை நிறுவனங்களும் நெருக்கடியில் தத்தளித்தே வருகின்றன.
 இந்தியாவின் மிகப் பழமையான தனியார் விமானச் சேவை நிறுவனம் ஜெட் ஏர்வேஸ். இந்நிறுவனம் தொடர்ந்து மூன்று காலாண்டுகளாக இழப்பையே சந்தித்து வருகிறது. தற்போது இந்நிறுவனத்தின் ஒட்டுமொத்த கடன் பொறுப்பு ரூ.15,400 கோடி என கூறப்படுகிறது. எனவேதான், ஜெட்ஏர்வேஸ் தனது பணியாளர்களுக்கே சம்பளம் கொடுக்க முடியாமல் திணறி வருவதுடன், குத்தகைக்கு எடுக்கப்பட்ட விமானங்களின் உரிமையாளர்களுக்கு பணம் கொடுக்க முடியாத நெருக்கடியில் உள்ளது. இதே நிலைதான் ஏர் இந்தியா நிறுவனத்துக்கும்.
 அதேபோன்று, ஸ்பைஸ் ஜெட் நிறுவனமும் இரண்டு காலாண்டுகளாக இழப்பை மட்டுமே சந்தித்து வருகிறது. அதன் காரணமாக, ஏர்போர்ட்ஸ் அத்தாரிடிக்கு செலுத்த வேண்டிய கட்டணத்தையும் செலுத்தாமல் தாமதப்படுத்தி வருவதாக கூறப்படுகிறது. விமானச் சேவை சந்தையில் முதலிடம் வகிக்கும் இண்டிகோவும் முதல் முறையாக காலாண்டில் இழப்பை சந்தித்துள்ளதாக அண்மையில் தெரிவித்தது.
 விமான சேவை நிறுவனங்கள் நெருக்கடியில் சிக்கியுள்ளதற்கு பல காரணங்கள் கூறப்பட்டாலும் அதில் முதன்மையானது எரிபொருள் விலை உயர்வு. அதேபோன்று ரூபாய் மதிப்பு சரிவும் இத்துறையில் கணிசமான தாக்கத்தை ஏற்படுத்தியதை மறுப்பதற்கில்லை.
 பொது மற்றும் தனியார் துறை விமான சேவை நிறுவனங்கள் தங்களுக்குள்ள பிரச்னைகளை வெளிப்படையாக அலசி ஆராய முன்வரவேண்டும். அதற்கான தீர்வு மற்றும் தேவையான உதவிகளை அரசும் வழங்க தயாராகுமானால் விமான நிறுவனங்கள் லாப பாதைக்கு திரும்பும் நாள் வெகுதொலைவில் இல்லை.
 - அ.ராஜன் பழனிக்குமார்
 

]]>
http://images.dinamani.com/uploads/user/imagelibrary/2018/12/3/w600X390/AIRLINE.jpg http://www.dinamani.com/business/2018/dec/03/விமானச்-சேவை-நிறுவனங்கள்-நெருக்கடியில்-சிக்கியது-ஏன்-3050454.html
3050455 வர்த்தகம் கட்டுமானத் துறையில் மாற்றுத் தொழில்நுட்பம்! அதிகரிக்கும் வரவேற்பு DIN DIN Monday, December 3, 2018 12:53 AM +0530 பொதுவாக வீடுகள் கட்டுவதற்கு சுட்ட செங்கற்கள், சிமென்ட், ஆற்று மணல் கலவையுடன் கட்டுமானப் பணிகள் நடைபெறுவது வழக்கம்.
 ஆனால், கடந்த சில ஆண்டுகளாக செங்கற்கள் தட்டுப்பாடு, ஆற்று மணல் தட்டுப்பாடு போன்ற காரணங்களாலும், கட்டடப் பணிகள் விரைவாக நடைபெற வேண்டும் என்பதற்காகவும், கட்டுமானத் துறையில் மாற்றுத் தொழில்நுட்பங்கள் பயன்படுத்தப்பட்டு வருகின்றன. அதன்படி செங்கற்களுக்கு பதிலாக, ஹாலோ பிளாக், சாலிட் பிளாக், பிளை ஆஷ் பிரிக்ஸ் (உலர் சாம்பல் கற்கள்), சிஎல்சி கற்கள் (எடை குறைந்த கற்கள்) போன்றவற்றை, ஆற்று மணலுக்கு பதிலாக எம். சாண்ட் மற்றும் பிளாக் எம். சாண்ட் மணல் கலவையுடன் சேர்த்து கட்டடங்கள் கட்டப்படுவது அதிகரித்து வருகிறது.
 ஹாலோ பிரிக்ஸ், சாலிட் பிளாக், பிளை ஆஷ் கற்கள் சேதமடையும் வாய்ப்பு மிக குறைவு என்பதாலும், கட்டுமானப் பணி துரிதமாக நடைபெற வாய்ப்பு என்பதாலும், தற்போது சிறிய கட்டடங்களில் இருந்து பலமாடி கட்டடங்கள் வரை இத்தகைய கற்கள் பயன்படுத்தி கட்டப்படுவது அதிகரித்து வருகிறது.
 முன்பெல்லாம் சுற்றுச்சுவர் கட்டுவதற்காக மட்டுமே பயன்படுத்தப்பட்ட ஹாலோ பிளாக் கற்களும்கூட தற்போது சிறிய வீடுகள் மட்டுமன்றி, பெரிய பெரிய வர்த்தக கட்டடங்கள் கட்டுவதற்கும் பயன்படுத்தப்படுகின்றன. அத்தகைய கட்டடங்கள் பில்லர் அமைத்து பெல்ட் போட்டு கட்டுவதால், ஏனைய கட்டடங்கள் போலவே இதுவும் பலம் பொருந்தியதாக இருக்கும் என கட்டட வல்லுநர்கள் தெரிவிக்கின்றனர்.
 பிளை ஆஷ் கற்கள்: பிளை ஆஷ் கற்கள் தயாரிக்க, நிலக்கரி சாம்பல், மணல், ஜிப்சம், சுண்ணாம்பு கலந்த கலவை, மலை மாவு, கிரஷர் தூசி போன்றவை மூலப் பொருள்களாக பயன்படுத்தப்படுகின்றன. இந்தக் கற்களைப் பயன்படுத்தும் கட்டடங்களுக்கு பூச்சு செலவு குறைவு; சுவர்களில் விரிசல் விழாது; வேலை நேரம் குறைவு; கற்களின் விலையும் குறைவு. 3 இஞ்ச் செங்கல் தற்போது ரூ.6.50-க்கு விற்கப்படுகிறது. அதே 3 இஞ்ச் பிளை ஆஷ் கல் ரூ.4.50-க்கு விற்கப்படுகிறது. எடை அளவு இரண்டும் ஒன்றுதான். செங்கல் விலையைவிட விலை குறைவாக உள்ளதாலும், சுற்றுச்சூழலுக்கு உகந்ததாக இருப்பதாலும், அதிக எடையைத் தாங்கும் தன்மை கொண்டதாக உள்ளதாலும் தற்போது கட்டடப் பணிகளில் இந்த வகை கற்கள் முக்கியப் பங்காற்றுகின்றன.
 இந்த வகை கற்கள் உற்பத்திக்கு எப்போதுமே பாதிப்பு இல்லை. தேவையான அளவு உடனடியாக கிடைப்பதால் கட்டடப் பணியாளர்கள் இத்தகைய கற்களுக்கு நல்ல வரவேற்பு அளிக்கின்றனர். மேலும், செங்கல்லைவிட 3 மடங்கு உறுதித் தன்மை இருக்கும் என்றும், நீண்ட ஆயுள் உள்ளதாகவும், சரியான அளவில் இருப்பதால் சிமென்ட் கலவை குறைவு என்றும் அவர்கள் தெரிவிக்கின்றனர்.
 இதுகுறித்து பிளை ஆஷ் கற்கள் வைத்து கட்டடப் பணி மேற்கொள்ளும் ஒப்பந்ததாரர் ஒருவர் கூறியது: துல்லியமான அளவில் செங்கற்கள் அமையாது என்பதால், சுவர் சீராக இல்லாமல் ஏற்ற இறக்கங்கள் ஏற்பட்டு, பூச்சு செலவு அதிகம் பிடிக்கிறது. வாகனங்களில் ஏற்றி, இறக்கும் போதும், பணியின்போதும் செங்கற்கள் ஏராளமாக சேதமடைகின்றன.
 சேம்பர் செங்கல்கள் மட்டுமே சரியான அளவில் இருக்கும். ஆனால் அவை விலை கூடுதலாக இருக்கும். செங்கற்கள் தண்ணீரை அதிகம் உறிஞ்சும் தன்மை கொண்டதால் அதிகளவு தண்ணீர் தேவைப்படும். மேலும், தேவைக்கு ஏற்ப செங்கற்கள் குறிப்பிட்ட நேரத்துக்குள் உற்பத்தி செய்து தர முடியாத நிலை உள்ளது. மழைக் காலங்களில் அவற்றின் உற்பத்தி பாதிக்கப்படும் என்பதால், எங்களுக்கும் கட்டடப் பணிகள் பாதிக்கப்பட்டு இழப்பு ஏற்படும் அபாயம் உண்டு.
 மேலும், செங்கற்கள் தயாரிப்பதற்கான மூலப்பொருளான கிராவல் மண்ணுக்கு தட்டுப்பாடு உள்ளது. செங்கற்கள் தயாரிக்க 1000 கற்களுக்கு 3 டன் கிராவல் மண் தேவைப்படுவதோடு, அந்தக் கற்களை சுடுவதற்கு அதிகளவு விறகு தேவைப்படுகிறது. அவற்றை எரிக்கும்போது ஏற்படும் காற்று மாசு உள்ளிட்ட பல்வேறு காரணங்களால் செங்கற்கள் உற்பத்தியாளர்கள் எண்ணிக்கை குறைந்து வருகிறது.
 இதுபோன்ற காரணங்களால்தான் கட்டடப் பணிகளில் பிளை ஆஷ் பிரிக்ஸ் போன்ற மாற்றுத் தொழில்நுட்பத்தை தற்போது பயன்படுத்துகிறோம். பிளை ஆஷ் கற்கள் பயன்படுத்துவதால் வேலையை குறிப்பிட்ட காலத்துக்குள் முடிக்க முடியும். வேலையிலும் அழகான ஃபினிஷிங் இருக்கும் என்றார் அவர்.
 ஆலங்குளத்தில் பிளை ஆஷ் கற்கள் உற்பத்தி செய்யும், அன்னம் பிளை ஆஷ் நிறுவனத்தின் உரிமையாளர் டி.சுதாகர் கூறியது:
 தற்போது மண்ணிலிருந்து செங்கல் தயாரிக்க அரசு பல்வேறு கட்டுப்பாடுகளையும், தடைகளையும் விதித்துள்ளதால், பிளை ஆஷ் பிரிக்ஸ் தயாரிக்கும் தொழிலை நாங்கள் தேர்வு செய்தோம். இந்தத் தொழிலை சுமார் ரூ. 25 லட்சம் முதலீட்டில் இருந்தே தொடங்கலாம். ஆனால் நாங்கள் நவீன இயந்திரங்களை கொண்டு சுமார் ரூ.1.5 கோடி முதலீட்டில் இந்தத் தொழிலை செய்து வருகிறோம்.
 நாங்கள் தயாரிக்கும் 3 இஞ்ச் பிளை ஆஷ் கற்கள் 3.400 கிலோ எடை கொண்டது. எங்கள் நிறுவனத்தில் வந்து வாங்குபவர்களுக்கு ஒரு கல் ரூ.4.50-க்கு வழங்குகிறோம். வெளியூரில் கொண்டு விநியோகிப்பதற்கு அதற்கான போக்குவரத்துச் செலவை கணக்கிட்டு கூடுதல் தொகையை பெற்றுக்கொள்கிறோம்.
 மிக நவீன தொழில்நுட்பத்துடன் கூடிய இயந்திரங்களை அமைத்துள்ளதால், வெறும் 5 தொழிலாளர்களை மட்டுமே கொண்டு, ஒரு நாளைக்கு சுமார் 30 ஆயிரம் கற்களை எங்களால் உற்பத்தி செய்ய முடியும். இந்தக் கற்கள் தயாரிக்க தேவையான மூலப்பொருள்களுக்கு தட்டுப்பாடு இல்லை.
 எங்கள் கற்கள் திருநெல்வேலி மாவட்டத்தின் பல்வேறு பகுதிகளில் விற்கப்படுகின்றன. இந்தக் கற்களுக்கு நல்ல சந்தை வாய்ப்பு உள்ளன. பிளை ஆஷ் கற்களை உற்பத்தி செய்யும் தொழிற்சாலை சுமார் 5 ஏக்கர் நிலப்பரப்பில் அமைந்தால், உற்பத்தியை அதிகரித்து, குறைந்தபட்சம் 5 லட்சம் கற்களையாவது இருப்பு வைக்கமுடியும். இதன்மூலம் பெரிய அளவிலான ஒப்பந்ததாரர்கள் திடீரென மொத்தமாக கற்கள் கேட்டாலும்கூட உடனடியாக வழங்க முடியும். புதிதாக தொழில் முனைவோர் அரசு மானியத்துடன் கடன் பெற்று தொழில் புரியலாம் என்றார் அவர்.
 மாற்றுத் தொழில்நுட்பங்களைப் பயன்படுத்தி கட்டப்படும் கட்டடத்தின் உறுதித் தன்மை குறித்து கட்டடப் பொறியாளர் ஒருவர் கூறியது: ஒரு கட்டடத்தின் உறுதித் தன்மை என்பது ஹாலோ பிரிக்ஸ், சாலிட் பிளாக் , பிளை ஆஷ் கற்களால் மட்டும் நிர்ணயிக்கப்படுவதில்லை. கலக்கப்படும் சிமென்ட்-மண் அளவு, தேவையான பில்லர்கள் அமைத்தல், பெல்ட் அமைத்தல், பில்லர்களுக்கும் சுவர்களுக்கும் இடையே உள்ள ஒட்டும் தன்மை உள்ளிட்டவையும் முக்கிய காரணம். கியூரிங் செய்து பேஸ்ட் பண்ணினால் மிகச் சிறந்தது. எல்லா சுவர்களுக்கும் இடையே கண்டிப்பாக இணைப்பு இருக்க வேண்டும் என்றார் அவர்.
 - வை. இராமச்சந்திரன்
 

]]>
http://images.dinamani.com/uploads/user/imagelibrary/2018/12/3/w600X390/build.jpg http://www.dinamani.com/business/2018/dec/03/கட்டுமானத்-துறையில்-மாற்றுத்-தொழில்நுட்பம்-அதிகரிக்கும்-வரவேற்பு-3050455.html
3050082 வர்த்தகம் டாடா மோட்டார்ஸ் விற்பனை 3.8% குறைவு DIN DIN Sunday, December 2, 2018 02:40 AM +0530 டாடா மோட்டார்ஸ் விற்பனை நவம்பரில் 3.8 சதவீதம் குறைந்துள்ளது.
இதுகுறித்து அந்த நிறுவனம் சனிக்கிழமை கூறியதாவது: வட்டி விகிதம் அதிகரிப்பு மற்றும் உயர்ந்து வரும் எரிபொருள்களின் விலை நுகர்வோர் மனநிலையில் மாற்றத்தை ஏற்படுத்தியுள்ளது. அதன் தொடர்ச்சியாகவே நவம்பரில் வாகன விற்பனை 50,470 வாகனங்கள் விற்பனையாகியுள்ளன. கடந்தாண்டு இதே காலத்தில் விற்பனை 52,464-ஆக இருந்தது.
டாடா மோட்டார்ஸின் வர்த்தக வாகன உள்நாட்டு விற்பனை 35,307-லிருந்து 5.15 சதவீதம் குறைந்து 33,488-ஆக காணப்பட்டது. பயணிகள் வாகன விற்பனையானது 1.01 சதவீதம் குறைந்து 17,157-லிருந்து 16,982-ஆகியுள்ளது.
அண்மையில் நிறுவனம் அறிமுகப்படுத்திய டியாகோ என்ஆர்ஜி, நெக்ஸான் கிராஸ் கார்களுக்கு சந்தையில் அதிக கிராக்கி காணப்படுகிறது. மேலும், வரும் 2019-ஆம் முற்பகுதியில் டாடா ஹரியர் வாகனத்தை அறிமுகப்படுத்தவுள்ளது.
நடுத்தர மற்றும் கனரக வர்த்தக வாகனங்களின் விற்பனை 12,581லிருந்து 23.79 சதவீதம் குறைந்து 9,793-ஆகியுள்ளது. ஏற்றுமதியும் 4,927-லிருந்து 6.55 சதவீதம் சரிவடைந்து 4,604-ஆக குறைந்துள்ளதாக டாடா மோட்டார்ஸ் தெரிவித்துளது.

 

]]>
http://images.dinamani.com/uploads/user/imagelibrary/2018/12/2/w600X390/TATA.jpg http://www.dinamani.com/business/2018/dec/02/டாடா-மோட்டார்ஸ்-விற்பனை-38-குறைவு-3050082.html
3050081 வர்த்தகம் மாருதி சுஸுகி கார் விற்பனை சரிவு DIN DIN Sunday, December 2, 2018 02:39 AM +0530 நாட்டின் மிகப்பெரிய கார் தயாரிப்பு நிறுவனமான மாருதி சுஸுகி இந்தியாவின் நவம்பர் மாத விற்பனை 1,53,539-ஆக குறைந்துள்ளது. இது, கடந்தாண்டு இதே கால அளவில் 1,54,600-ஆக காணப்பட்டது.
 உள்நாட்டில் விற்பனை 1,45,300 என்ற எண்ணிக்கையிலிருந்து சற்று அதிகரித்து 1,46,018-ஆனது.
 ஆல்ட்டோ, வேகன்ஆர் சிறிய கார்களின் விற்பனை 38,204லிருந்து 21.6 சதவீதம் குறைந்து 29,954-ஆக காணப்பட்டது. இருப்பினும், ஸ்விஃப்ட், செலிரியோ, இக்னிஸ், பலேனோ, டிசையர் கார்களின் விற்பனை 10.8 சதவீதம் உயர்ந்து 72,533-ஆனது. நடுத்தர சொகுசு வகையைச் சேர்ந்த சியாஸ் விற்பனை 4,009-லிருந்து குறைந்து 3,838-ஆக காணப்பட்டது.
 விட்டாரா பிரெஸ்ஸா, எஸ்-கிராஸ் மற்றும் எர்டிகாவின் விற்பனை 1.9 சதவீதம் உயர்ந்து 23,512-ஆக இருந்தது. ஏற்றுமதி 9,300-லிருந்து 19.1 சதவீதம் சரிந்து 7,521-ஆக காணப்பட்டது என மாருதி சுஸுகி தெரிவித்துள்ளது.

]]>
http://images.dinamani.com/uploads/user/imagelibrary/2018/12/2/w600X390/MARUT.jpg http://www.dinamani.com/business/2018/dec/02/மாருதி-சுஸுகி-கார்-விற்பனை-சரிவு-3050081.html
3050079 வர்த்தகம் அந்நியச் செலாவணி கையிருப்பு 79 கோடி டாலர் சரிவு  மும்பை, DIN Sunday, December 2, 2018 02:38 AM +0530 நாட்டின் அந்நியச் செலாவணி கையிருப்பு நவம்பர் 23-ஆம் தேதியுடன் முடிவடைந்த வாரத்தில் 79 கோடி டாலர் (ரூ.5,530 கோடி) சரிந்து 39,278 கோடி டாலராக (ரூ.27.49 லட்சம் கோடி) இருந்தது.
 இதுகுறித்து ரிசர்வ் வங்கி தெரிவித்துள்ளதாவது: நவம்பர் 16-ஆம் தேதியுடன் நிறைவடைந்த வாரத்தில் அந்நியச் செலாவணி கையிருப்பு 56 கோடி டாலர் உயர்ந்து 39,358 கோடி டாலராக இருந்தது. இந்த நிலையில், கடந்த 23-ஆம் தேதியுடன் முடிவடைந்த வாரத்தில் இது 79 கோடி டாலர் குறைந்து 39,279 கோடி டாலராக காணப்பட்டது.
 மதிப்பீட்டு வாரத்தில், ஒட்டு மொத்த கையிருப்பில் முக்கிய பங்களிப்பைக் கொண்டுள்ள அந்நியச் செலாவணி சொத்து மதிப்பு 84 கோடி டாலர் குறைந்து 36,769 கோடி டாலராக இருந்தது. தங்கத்தின் கையிருப்பு 3 கோடி டாலர் அதிகரித்து 2,099 கோடி டாலராக இருந்தது. சர்வதேச நிதியத்தில் எஸ்டிஆர் 35 லட்சம் டாலர் அதிகரித்து 145 கோடி டாலராகவும், நம்நாட்டின் கையிருப்பு நிலை 62 லட்சம் டாலர் உயர்ந்து 263 கோடி டாலராகவும் காணப்பட்டது.
 6 மாதங்களில் 2,402 கோடி டாலர் இழப்பு: நடப்பு நிதியாண்டின் ஏப்ரல் முதல் செப்டம்பர் வரையிலான ஆறு மாதங்களில் மட்டும் அந்நியச் செலாவணி கையிருப்பானது 2,402 கோடி டாலர் அளவுக்கு (ரூ.1.68 லட்சம் கோடி) சரிவடைந்து 40,052 கோடி டாலராகியுள்ளது. அதேசமயம், நடப்பாண்டு மார்ச் 31-ஆம் தேதி நிலவரப்படி செலாவணி கையிருப்பு 42,454 கோடி டாலராக காணப்பட்டது.
 செப்டம்பர் 30 நிவரப்படி ரிசர்வ் வங்கியின் தங்கத்தின் கையிருப்பு 586.44 டன்னாக இருந்தது.
 இதில், 294.14 டன் வெளிநாட்டு பாதுகாப்பிலும், எஞ்சிய பகுதி உள்நாட்டிலும் இருப்பதாக ரிசர்வ் வங்கி அறிக்கையில் தெரிவித்துள்ளது.
 
 

]]>
http://images.dinamani.com/uploads/user/imagelibrary/2018/12/2/w600X390/FOREX.jpg http://www.dinamani.com/business/2018/dec/02/அந்நியச்-செலாவணி-கையிருப்பு-79-கோடி-டாலர்-சரிவு-3050079.html
3050080 வர்த்தகம் ஜிஎஸ்டி வசூல் ரூ.97,637 கோடியாக குறைந்தது  புது தில்லி, DIN Sunday, December 2, 2018 02:37 AM +0530 சரக்கு மற்றும் சேவை வரி (ஜிஎஸ்டி) வசூல் நவம்பர் மாதத்தில் ரூ.97,637 கோடியாக குறைந்துள்ளது.
 இதுகுறித்து நிதி அமைச்சகம் சனிக்கிழமை தெரிவித்துள்ளதாவது:
 நடப்பாண்டு அக்டோபரில் ஜிஎஸ்டி வசூல் ரூ.1 லட்சம் கோடியாக இருந்தது. இந்த நிலையில், நவம்பரில் அதன் வசூல் ரூ.97,637 கோடியாக சரிவைக் கண்டுள்ளது.
 வசூலிக்கப்பட்ட மொத்த தொகையில், மத்திய ஜிஎஎஸ்டி ரூ.16,812 கோடியாகவும், மாநில ஜிஎஸ்டி ரூ.23,070 கோடியாகவும், ஒருங்கிணைந்த ஜிஎஸ்டி ரூ.49,726 கோடியாகவும் (இறக்குமதி மீதான வசூல் ரூ.24,133 கோடி உள்பட), தீர்வை ரூ.8,031 கோடியாகவும் (இறக்குமதி வசூல் ரூ.842 கோடி உள்பட) இருந்தன.
 ஒருங்கிணைந்த ஜிஎஸ்டி வசூலான தொகையிலிருந்து, ரூ.18,262 கோடி மத்திய ஜிஎஸ்டிக்கும், ரூ.15,704 கோடி மாநில ஜிஎஸ்டிக்கும் பகிர்ந்தளிக்கப்பட்டுள்ளன. நவம்பர் 30 நிலவரப்படி ஜிஎஸ்டிஆர் 3பி படிவங்களை தாக்கல் செய்தவர்களின் எண்ணிக்கை 69.6 லட்சமாக இருந்தது. மேலும், ஏப்ரல்-செப்டம்பர் வரையில் மாநிலங்களுக்கு ரூ.11,922 கோடி மதிப்பிலான இழப்பீடு வழங்கப்பட்டுள்ளது என்று நிதி அமைச்சகம் கூறியுள்ளது.
 ஏப்ரலில் ஜிஎஸ்டி வசூல் ரூ.1.03 லட்சம் கோடியாகவும், மே மாதத்தில் ரூ.95,016 கோடியாகவும், ஜூனில் ரூ.95,610 கோடியாகவும், ஜூலையில், ரூ.96,483 கோடியாகவும், ஆகஸ்டில் ரூ.93,960 கோடியாகவும், செப்டம்பரில் ரூ.94,442 கோடியாகவும், அக்டோபரில் ரூ.1,00,710 கோடியாகவும் இருந்தது.
 

]]>
http://images.dinamani.com/uploads/user/imagelibrary/2018/12/2/w600X390/GST5.jpg http://www.dinamani.com/business/2018/dec/02/ஜிஎஸ்டி-வசூல்-ரூ97637-கோடியாக-குறைந்தது-3050080.html
3049383 வர்த்தகம் பெயர் மாற்றத்துக்கு அனுமதி கோருகிறது ஐடிஎஃப்சி வங்கி  புது தில்லி, DIN Saturday, December 1, 2018 02:21 AM +0530 பெயர் மாற்றத்துக்கு பங்குதாரர்களின் அனுமதியை அடுத்தமாதம் கோரவுள்ளதாக ஐடிஎஃப்சி வங்கி வெள்ளிக்கிழமை தெரிவித்துள்ளது.
 இதுகுறித்து மும்பை பங்குச் சந்தைக்கு அந்த வங்கி கூறியுள்ளதாவது:
 கேப்பிட்டல் ஃபர்ஸ்ட், கேப்பிட்டல் ஃபர்ஸ்ட் ஹோம் பைனான்ஸ் மற்றும் கேப்பிட்டல் ஃபர்ஸ்ட் செக்யூரிட்டீஸ் நிறுவனங்களை ஐடிஎஃப்சி வங்கியுடன் இணைக்கப்படவுள்ளது. இதையடுத்து, ஐடிஎஃப்சி வங்கியின் பெயரை ஐடிஎஃப்சி
 ஃபர்ஸ்ட் பேங்க் என்று மாற்ற முடிவு செய்யப்பட்டுள்ளது. இதற்கு, வங்கியின் சார்பில் பங்குதாரர்களின் ஒப்புதல் கோரப்படவுள்ளது.
 எனவே, இந்த பெயர் மாற்றம் தொடர்பாக டிசம்பர் 4-ஆம் தேதி முதல் அடுத்தாண்டு ஜனவரி 2-ஆம் தேதி வரையில் நடக்கும் கூட்டத்தில் ஐடிஎஃப்சி வங்கியின் பங்குதாரர்களிடம் வாக்கெடுப்பு நடத்தி அனுமதி கோரப்படும் என்று ஐடிஎஃப்சி வங்கி கூறியுள்ளது.
 நிறுவனங்கள் இணைப்பு தொடர்பாக ஏற்கெனவே ஐடிஎஃப்சி வங்கியின் நிர்வாக குழு ஜனவரி 13-ஆம் தேதி ஒப்புதல் அளித்துவிட்டது.

]]>
http://www.dinamani.com/business/2018/dec/01/பெயர்-மாற்றத்துக்கு-அனுமதி-கோருகிறது-ஐடிஎஃப்சி-வங்கி-3049383.html
3049382 வர்த்தகம் ஹுண்டாய் மோட்டார் இந்தியாவின் புதிய தலைவர் சியோன் சியோப் கிம்  புது தில்லி, DIN Saturday, December 1, 2018 02:20 AM +0530 ஹுண்டாய் மோட்டார் இந்தியா நிறுவனத்தின் புதிய தலைவராக சியோன் சியோப் கிம் நியமிக்கப்பட்டுள்ளார்.
 இதுகுறித்து ஹுண்டாய் மோட்டார் நிறுவனம் (ஹெச்எம்சி) வெள்ளிக்கிழமை தெரிவித்துள்ளதாவது:
 ஹுண்டாய் மோட்டாரின் இந்தியப் பிரிவு நிறுவனத்துக்கு புதிய தலைவராக சியோன் சியோப் கிம் நியமிக்கப்பட்டுள்ளார். கிம் தற்போது வணிக செயல்பாடுகள் திட்டம் வகுத்தல் பிரிவின் தலைவராக உள்ளார். ஹுண்டாய் மோட்டார் இந்தியாவின் தலைவராக உள்ள ஒய்.கே. கூ-விற்கு பதிலாக அவர் தேர்ந்தெடுக்கப்பட்டுள்ளார். இப்புதிய நியமனம் சனிக்கிழமை முதல் (டிச.1) அமலுக்கு வரும் என்று ஹெச்எம்சி தெரிவித்துள்ளது.
 டெயோட்டாவிலும் அதிரடி மாற்றம்: டொயோட்டா நிறுவனத்தின் புதிய நிர்வாக இயக்குநராக மஸகாஸு யோஷிமுரா பொறுப்பேற்கவுள்ளார்.
 இதுகுறித்து அந்த நிறுவனம் தெரிவித்துள்ளதாவது:
 டொயோட்டா நிறுவனத்தின் பல்வேறு பிரிவுகளில் 25 ஆண்டுகள் திறம்பட பணியாற்றிய மஸகாஸு யோஷிமுரா டொயோட்டா கிர்லோஸ்கர் மோட்டாரின் புதிய நிர்வாக இயக்குநராக பொறுப்பேற்கவுள்ளார். தற்போதைய இயக்குநர் அகிடோ தச்சிபானாவுக்கு பிறகு அவர் இந்த பதவியை வகிக்க உள்ளார். அடுத்தாண்டு ஜனவரி 22-ஆம் தேதி நடைபெறவுள்ள நிறுவனத்தின் இயக்குநர்கள் குழு கூட்டத்தில் இதற்கான ஒப்புதல் பெறப்படும் என்று டொயோட்டா தெரிவித்துள்ளது.
 

]]>
http://images.dinamani.com/uploads/user/imagelibrary/2018/12/1/w600X390/hondai.jpg http://www.dinamani.com/business/2018/dec/01/ஹுண்டாய்-மோட்டார்-இந்தியாவின்-புதிய-தலைவர்-சியோன்-சியோப்-கிம்-3049382.html
3049381 வர்த்தகம் உணவு பதப்படுத்தும் துறையின் கடனுதவிக்கு புதிய நிறுவனம்  புது தில்லி, DIN Saturday, December 1, 2018 02:18 AM +0530 உணவு பதப்படுத்தும் துறைக்கு நிதி உதவி அளிக்க ரூ.2,000 கோடியில் புதிய வங்கி சாரா நிதி நிறுவனத்தை உருவாக்க திட்டமிட்டுள்ளதாக மத்திய அரசு தெரிவித்துள்ளது.
 இதுகுறித்து உணவு பதப்படுத்தல் துறைக்கான அமைச்சர் ஹர்சிம்ரத் கவுர் பாதல் வெள்ளிக்கிழமை கூறியது: உணவு பதப்படுத்தும் துறையை ஊக்குவிக்க மத்திய அரசு பல்வேறு திட்டங்களை செயல்படுத்தி வருகிறது. அந்த வகையில், அத்துறைக்கு கடனுதவிகளை உரிய நேரத்தில் வழங்கும் வகையில் ரூ.2,000 கோடியில் புதிய வங்கி சாரா நிதி நிறுவனமொன்றை அமைக்க திட்டமிடப்பட்டுள்ளது. விவசாயிகளின் வருமானத்தை இரட்டிப்பாக்கும் இலக்கிற்கு இது மிகவும் உதவிகரமாக இருக்கும். கடந்த 2008-2014 ஐக்கிய முற்போக்கு கூட்டணி ஆட்சி காலத்தில் வெறும் 2 உணவுப் பூங்காக்களுக்கு மட்டுமே அனுமதி அளிக்கப்பட்டிருந்தது. ஆனால், தற்போதைய நான்கரை ஆண்டு கால ஆட்சியில் 42 உணவு பூங்காக்களுக்கு அனுமதி வழங்கப்பட்டு அதில் 15 பூங்காக்கள் ஏற்கெனவே தொடக்கி வைக்கப்பட்டுள்ளன என்றார் அவர்.
 
 
 

]]>
http://www.dinamani.com/business/2018/dec/01/உணவு-பதப்படுத்தும்-துறையின்-கடனுதவிக்கு-புதிய-நிறுவனம்-3049381.html
3049380 வர்த்தகம் பங்குச் சந்தைகளில் முன்னேற்றம்  மும்பை, DIN Saturday, December 1, 2018 02:18 AM +0530 மும்பை பங்குச் சந்தையில் வெள்ளிக்கிழமை நடைபெற்ற வர்த்தகம் ஏற்றத்துடன் முடிவடைந்தது.
 காலையில் விறுவிறுப்புடன் தொடங்கிய பங்கு வர்த்தகம் பின்னர் தொய்வைக் கண்டது. முதலீட்டாளர்கள் லாப நோக்கம் கருதி பங்குகளை விற்பனை செய்ததே இதற்கு முக்கிய காரணம். சர்வதேச சந்தைகளில் வர்த்தகம் ஏற்ற இறக்கமாகவே காணப்பட்டது. அதன் தாக்கம் இந்தியப் பங்குச் சந்தைகளிலும் எதிரொலித்தது.
 யெஸ் வங்கி, விப்ரோ, கோட்டக் வங்கி, மாருதி சுஸுகி, ஹெச்டிஎஃப்சி, ஹீரோ மோட்டோகார்ப் பங்குகளின் விலை 6 சதவீதம் வரை அதிகரித்தது.
 மும்பை பங்குச் சந்தையில் வெள்ளிக்கிழமை நடைபெற்ற வர்த்தகத்தில் சென்செக்ஸ் 23 புள்ளிகள் அதிகரித்து 36,194 புள்ளிகளில் நிலைத்தது.
 தேசிய பங்குச் சந்தை குறியீட்டெண் நிஃப்டி 18 புள்ளிகள் உயர்ந்து 10,876 புள்ளிகளில் நிலைத்தது.

]]>
http://www.dinamani.com/business/2018/dec/01/பங்குச்-சந்தைகளில்-முன்னேற்றம்-3049380.html
3049379 வர்த்தகம் முக்கிய 8 துறைகளின் உற்பத்தி வளர்ச்சி விகிதம் 4.8 சதவீதமாக சரிவு  புது தில்லி DIN Saturday, December 1, 2018 02:16 AM +0530 முக்கிய எட்டு துறைகளின் உற்பத்தி வளர்ச்சி விகிதம் சென்ற அக்டோபர் மாதத்தில் 4.8 சதவீதமாக குறைந்துள்ளது.
 இதுகுறித்து மத்திய வர்த்தகம் மற்றும் தொழில்துறை அமைச்சகம் வெள்ளிக்கிழமை வெளியிட்ட புள்ளிவிவரத்தில் தெரிவித்துள்ளதாவது:
 நிலக்கரி, கச்சா எண்ணெய், இயற்கை எரிவாயு, மின்சாரம், சுத்திகரிப்பு பொருள்கள், உரம், உருக்கு, சிமென்ட் ஆகியவை முக்கியமான 8 உள்கட்டமைப்பு துறை நிறுவனங்களாக கருதப்படுகிறது. இவற்றின் உற்பத்தி வளர்ச்சி விகிதம் கடந்தாண்டு அக்டோபரில் 5 சதவீதமாக காணப்பட்டது. இந்த நிலையில், நடப்பாண்டு அக்டோபரில் இது 4.8 சதவீதமாக குறைந்துள்ளது.
 இதற்கு, கச்சா எண்ணெய், இயற்கை எரிவாயு மற்றும் உரத் துறைகளின் உற்பத்தி குறைவே முக்கிய காரணம். குறிப்பாக, உரத் துறையின் உற்பத்தி 11.5 சதவீதமாகவும், கச்சா எண்ணெய் 5 சதவீதமாகவும், இயற்கை எரிவாயு 0.9 சதவீதமாகவும் சரிந்துள்ளன.
 அதேசமயம், நிலக்கரி, சிமென்ட் மற்றும் மின் துறையின் உற்பத்தி சென்ற ஆண்டை காட்டிலும் அக்டோபரில் வளர்ச்சியைக் கண்டுள்ளது.
 நடப்பு 2018-19-ஆம் நிதியாண்டின் ஏப்ரல் முதல் அக்டோபர் வரையிலான ஏழு மாத காலத்தில் எட்டு துறைகளின் உற்பத்தி வளர்ச்சி விகிதம் 5.4 சதவீதம் என்ற சாதனை அளவை எட்டியது.
 கடந்த நிதியாண்டில் இதே கால அளவில் இது 3.5 சதவீதமாக காணப்பட்டது என வர்த்தக அமைச்சகம் தெரிவித்துள்ளது.
 

]]>
http://images.dinamani.com/uploads/user/imagelibrary/2018/12/1/w600X390/indus.jpg http://www.dinamani.com/business/2018/dec/01/முக்கிய-8-துறைகளின்-உற்பத்தி-வளர்ச்சி-விகிதம்-48-சதவீதமாக-சரிவு-3049379.html
3049378 வர்த்தகம் கடன்பத்திரங்களை வெளியிட்டு ரூ.300 கோடி திரட்டுகிறது ஐஓபி  புது தில்லி, DIN Saturday, December 1, 2018 02:15 AM +0530 பொதுத் துறையைச் சேர்ந்த இந்தியன் ஓவர்சீஸ் வங்கி (ஐஓபி) கடன்பத்திரங்களை வெளியிட்டு ரூ.300 கோடியை திரட்ட உள்ளதாக வெள்ளிக்கிழமை தெரிவித்தது.
 இதுகுறித்து அந்த வங்கி செபி-க்கு தெரிவித்துள்ளதாவது:
 கடன்பத்திரங்களை வெளியிட்டு நிதி திரட்டும் திட்டத்துக்கு இயக்குநர்கள் குழு அனுமதி வழங்கியுள்ளது. அதன்படி, உலகளவில் ஏற்றுக் கொள்ளப்பட்ட பேஸல் 3 கடன்பத்திரங்களை தனிப்பட்ட முறையில் ஒதுக்கீடு செய்வதன் மூலமாக ரூ.200 கோடி திரட்டவும், வரவேற்பு அதிகரிக்கும்பட்சத்தில் கூடுதலாக ரூ.100 கோடி திரட்டவும் முடிவு செய்யப்பட்டுள்ளது. மொத்தம் ரூ.300 கோடி திரட்டும் இந்த கடன்பத்திர வெளியீடு ஒன்று அல்லது பல கட்டங்களாக மேற்கொள்ளப்படும் என்று ஐஓபி தெரிவித்துள்ளது.
 

]]>
http://images.dinamani.com/uploads/user/imagelibrary/2018/8/1/w600X390/iob.jpg http://www.dinamani.com/business/2018/dec/01/கடன்பத்திரங்களை-வெளியிட்டு-ரூ300-கோடி-திரட்டுகிறது-ஐஓபி-3049378.html
3048394 வர்த்தகம் புதிய மாடல் பல்சர் அறிமுகம் DIN DIN Friday, November 30, 2018 12:15 PM +0530 புதிய மாடல் பல்சரை பஜாஜ் ஆட்டோ நிறுவனம் வியாழக்கிழமை அறிமுகப்படுத்தியது.

இதுகுறித்து அந்த நிறுவனத்தின் மோட்டர்சைக்கிள் பிரிவின் தலைவர் எரிக் வாஸ் வெளியிட்ட அறிக்கையில் தெரிவித்துள்ளது: முற்றிலும் மேம்படுத்தப்பட்ட புதிய தோற்றத்துடன் கூடிய பல்சர் 150 நியான்-2019 என்ற மாடல் சந்தைக்கு அறிமுகம் செய்யப்பட்டுள்ளது.

100 சிசி மற்றும் 110 சிசி-க்கு மேல் மோட்டார்சைக்கிள் வாங்க விரும்பும் வாடிக்கையாளர்கள் அனைவருக்கும் இனி இந்த நியான் பல்சர் புதிய மாடல் முதல் தேர்வாக இருக்கும்.

14பிஎஸ் திறனில் வெளிவரும் இந்த மாடலின் விலை ரூ.64,998-ஆக (எக்ஸ்-ஷோரூம் தில்லி) நிர்ணயிக்கப்பட்டுள்ளது.

]]>
http://images.dinamani.com/uploads/user/imagelibrary/2018/11/30/w600X390/baj.jpg http://www.dinamani.com/business/2018/nov/30/புதிய-மாடல்-பல்சர்-அறிமுகம்-3048394.html
3048395 வர்த்தகம் தமிழகத்தில் சில்லறை கடனுதவியை அதிகரிப்பதில் மும்முரம்: ஐசிஐசிஐ வங்கி DIN DIN Friday, November 30, 2018 12:50 AM +0530
தனியார் துறையைச் சேர்ந்த ஐசிஐசிஐ வங்கி, சில்லறை கடனுதவியை அதிகரிப்பதில் முக்கிய கவனம் செலுத்தப்போவதாக தெரிவித்துள்ளது.
இதுகுறித்து அந்த வங்கியின் செயல் இயக்குநர் அனுப் பக்ஷி கூறியது:
ஐசிஐசிஐ வங்கிக்கு தமிழகத்தில் வலுவான அடிப்படை கட்டமைப்புகள் உள்ளன. இதனை பயன்படுத்தி, நடப்பு நிதியாண்டில் சில்லறை கடனுதவியை (ரீடெயில் லோன்) 40 சதவீதம் அதிகரிக்க திட்டமிட்டுள்ளோம். இதன் மூலம் நுகர்வோர், விவசாயம், வீட்டு வசதி ஆகியவற்றுக்கு வழங்கப்படும் கடன் ரூ.13,000 கோடியாக உயரும். நடப்பாண்டில் நுகர்வோர் கடன்கள் 50 சதவீதம் வளர்ச்சியைக் கண்டு ரூ.5,000 கோடியை எட்டும். வீட்டுக் கடனுதவியை 40 சதவீதம் அதிகரிக்க திட்டமிட்டுள்ளதால் இவ்வகை கடன் நடப்பு நிதியாண்டில் ரூ.3,700 கோடியாக அதிகரிக்கும். 
அதேபோன்று, வேளாண் தொடர்புடைய கடனுதவிகளை 30 சதவீதம் அதிகரிக்க திட்டமிட்டுள்ளதால் அவ்வகை கடன் ரூ.4,300 கோடியைத் தொடும் என்றார் அவர்.
 

]]>
http://images.dinamani.com/uploads/user/imagelibrary/2018/11/30/w600X390/icici.jpg http://www.dinamani.com/business/2018/nov/30/தமிழகத்தில்-சில்லறை-கடனுதவியை-அதிகரிப்பதில்-மும்முரம்-ஐசிஐசிஐ-வங்கி-3048395.html
3048393 வர்த்தகம் டிசம்பரில் என்டிபிசி பங்கு விற்பனை? DIN DIN Friday, November 30, 2018 12:48 AM +0530
பொதுத் துறையைச் சேர்ந்த என்டிபிசி நிறுவனத்தின் பங்குகளை வரும் டிசம்பர் மாதத்தில் விற்பனை செய்ய மத்திய அரசு திட்டமிட்டுள்ளது.
இதுகுறித்து மத்திய அரசின் உயரதிகாரி தெரிவித்ததாவது: ஓஎஃப்எஸ் முறையில் என்டிபிசி நிறுவனத்தின் பங்குகளை வரும் டிசம்பர் மாதம் விற்பனை செய்யத் திட்டமிடப்பட்டுள்ளது. இதற்கு, முதலீட்டாளர்களிடம் கிடைக்கும் வரவேற்பை பொருத்து பங்குகள் ஒதுக்கீடு குறித்து இறுதி செய்யப்படும். என்டிபிசி பங்கு வெளியீடு குறித்து விழிப்புணர்வு பிரசாரங்களை ஏற்கெனவே வணிக வங்கிகள் மேற்கொண்டுள்ளன என்றார் அவர்.
என்டிபிசி நிறுவனத்தில் மத்திய அரசுக்கு சொந்தமான 10 சதவீத பங்குகளை விற்று நிதி திரட்ட அமைச்சரவை குழு ஏற்கெனவே அனுமதி அளித்துள்ளது. அதன் தொடர்ச்சியாக, கடந்தாண்டு ஆகஸ்ட் மாதத்தில் 6.75 சதவீத பங்குகள் விற்பனை செய்யப்பட்டன.
தற்போதைய விலை நிலவரத்தின் அடிப்படையில் எஞ்சிய 3.25 சதவீத பங்குகளை விற்பனை செய்யும் நிலையில் மத்திய அரசுக்கு ரூ.3,800 கோடி கிடைக்கும்.
 

]]>
http://images.dinamani.com/uploads/user/imagelibrary/2018/11/30/w600X390/ntpc.jpg http://www.dinamani.com/business/2018/nov/30/டிசம்பரில்-என்டிபிசி-பங்கு-விற்பனை-3048393.html
3048392 வர்த்தகம் சென்செக்ஸ் 453 புள்ளிகள் அதிகரிப்பு DIN DIN Friday, November 30, 2018 12:48 AM +0530
மும்பை பங்குச் சந்தையில் வியாழக்கிழமை நடைபெற்ற வர்த்தகம் விறுவிறுப்புடன் காணப்பட்டதையடுத்து சென்செக்ஸ் 453 புள்ளிகள் ஏற்றம் கண்டது.
அந்நியச் செலாவணி சந்தையில் அமெரிக்க டாலருக்கு நிகரான ரூபாயின் மதிப்பு 74 காசுகள் அதிகரித்து 69.88-ஐ எட்டியது; சர்வதேச சந்தையில் கச்சா எண்ணெய் விலை சரிவு; அமெரிக்க மத்திய வங்கி தலைவர் ஜெரோம் பவல் முதலீட்டாளர்களுக்கு சாதகமான அறிவிப்புகளை வெளியிட்டது உள்ளிட்ட காரணங்களால் பங்குச் சந்தைகளில் வியாழக்கிழமை நடைபெற்ற வர்த்தகம் சூடுபிடித்து காணப்பட்டது.
பஜாஜ் ஆட்டோ, கோட்டக் வங்கி, மஹிந்திரா அண்டு மஹிந்திரா, வேதாந்தா, இன்டஸ்இண்ட் வங்கி, ஏஷியன் பெயின்ட்ஸ், ஹெச்டிஎஃப்சி வங்கி, ரிலையன்ஸ் இண்டஸ்ட்ரீஸ், ஹெச்யுஎல், ஐடிசி, டாடா ஸ்டீல் மற்றும் டாடா மோட்டார்ஸ் நிறுவனங்களின் பங்குகளின் விலை 5 சதவீதம் வரை அதிகரித்தன.
அதேசமயம், முதலீட்டாளர்களிடம் வரவேற்பை இழந்த, ஓஎன்ஜிசி, பவர்கிரிட், என்டிபிசி, இன்ஃபோசிஸ், யெஸ் வங்கி மற்றும் சன் பார்மா பங்குகளின் விலை 1.33 சதவீதம் வரை சரிந்தன.
மும்பை பங்குச் சந்தையில் வியாழக்கிழமை நடைபெற்ற வர்த்தகத்தில் சென்செக்ஸ் 453 புள்ளிகள் அதிகரித்து 36,170 புள்ளிகளில் நிலைத்தது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 129 புள்ளிகள் உயர்ந்து 10,858 புள்ளிகளில் நிலைத்தது.
 

]]>
http://images.dinamani.com/uploads/user/imagelibrary/2018/11/30/w600X390/bse.jpg http://www.dinamani.com/business/2018/nov/30/சென்செக்ஸ்-453-புள்ளிகள்-அதிகரிப்பு-3048392.html
3048391 வர்த்தகம் பலேனோ கார் விற்பனை 5 லட்சத்தைத் தாண்டி சாதனை DIN DIN Friday, November 30, 2018 12:47 AM +0530 மாருதி சுஸுகி நிறுவனத்தின் பலேனோ கார் விற்பனை வியாழக்கிழமை 5 லட்சத்தை தாண்டி சாதனை படைத்தது.
இதுகுறித்து அந்த நிறுவனத்தின் செயல் இயக்குநர் (சந்தைப்படுத்துதல் & விற்பனை) ஆர்.எஸ். கல்சி தெரிவித்ததாவது:
பலேனோ மாடல் கடந்த 
2015 அக்டோபர் மாதம் சந்தையில் அறிமுகம் செய்யப்பட்டது. இந்த நிலையில், அதன் விற்பனை வியாழக்கிழமை 5 லட்சம் என்ற மைல்கல்லைத் தாண்டியுள்ளது. அறிமுகப்படுத்தப்பட்டு வெறும் 38 மாதங்களில் இந்த சாதனை படைக்கப்பட்டுள்ளது. நடப்பு நிதியாண்டில் ஏப்ரல்-அக்டோபர் காலத்தில் மட்டும் இதன் விற்பனை 20.4 சதவீதம் அளவுக்கு வளர்ச்சி கண்டுள்ளது.
பலேனோ காரின் செயல்பாடு மற்றும் பாதுகாப்பு ஆகிய விஷயங்களில் எங்களது பொறியாளர்கள் உத்தரவாத்ததை அளித்துள்ளனர். இதன் காரணமாகவே, கடந்த 2016-ஆம் ஆண்டிலிருந்து அதிகம் விற்பனையாகும் கார்களில் பலேனோ முக்கிய இடத்தைப் பிடித்துள்ளது.
பலேனோ மாடல் இந்தியாவில் தயாராகிறது. மாருதி சுஸுகி நிறுவனம் இந்தியாவிலிருந்து ஜப்பானுக்கு முதல் முதலாக பலேனோவை மட்டுமே ஏற்றுமதி செய்துள்ளது குறிப்பிடத்தக்கது.
உள்நாட்டு சந்தையைத் தவிர, ஆஸ்திரேலியா, ஐரோப்பா, லத்தீன் அமெரிக்கா, கிழக்கு ஆசியா போன்ற சர்வதேச சந்தைகளிலும் பலேனோவுக்கு பலத்த வரவேற்பு காணப்படுகிறது என்றார் அவர்.
 

]]>
http://images.dinamani.com/uploads/user/imagelibrary/2018/11/30/w600X390/baleno.jpg http://www.dinamani.com/business/2018/nov/30/பலேனோ-கார்-விற்பனை-5-லட்சத்தைத்-தாண்டி-சாதனை-3048391.html
3048390 வர்த்தகம் டாஃபே: சிறிய வகை டிராக்டர்கள் தயாரிக்க ஜப்பான் நிறுவனத்துடன் கூட்டு DIN DIN Friday, November 30, 2018 12:47 AM +0530
டிராக்டர்ஸ் அண்டு ஃபார்ம் எக்கியூப்மெண்ட் (டாஃபே) நிறுவனம், சிறிய வகை டிராக்டர்களை தயாரிக்க ஜப்பானின் ஐஎஸ்இகேஐ நிறுவனத்துடன் ஒப்பந்தம் செய்து கொண்டுள்ளது.
இதுகுறித்து டாஃபே நிறுவனத்தின் தலைவரும், தலைமை செயல் அதிகாரியுமான மல்லிகா ஸ்ரீநிவாஸன் கூறியதாவது:
சிறிய வகை டிராக்டர்களை தயாரித்து விற்பனை செய்யும் வகையில் ஜப்பானைச் சேர்ந்த ஐஎஸ்இகேஐ நிறுவனத்துடன் டாஃபோ உடன்பாடு செய்து கொண்டுள்ளது. இதன் மூலம், சர்வதேச அளவில் சிறிய வகை டிராக்டர் பிரிவில் உள்ள ஜப்பான் நிறுவனத்தின் அனுபவம், தொழில்நுட்பத்தை பயன்படுத்திக் கொள்ள முடியும்.
இந்தியாவில் 35-54ஹெச்பி சிறிய வகை டிராக்டர்களுக்கு அதிக தேவை காணப்படுகிறது. இந்த ஒப்பந்தத்தின் மூலம் ஜப்பான் நிறுவனத்தின் பிரீமியம் இலகு ரக டிராக்டர்களை டாஃபே அதன் மதுரை ஆலையில் தயாரிக்கும்.
பன்முக பயன்பாடுகளைக் கொண்ட இந்த சிறிய வகை டிராக்டர்கள் இந்திய சந்தைகளில் 2020-ஆம் ஆண்டுக்குள் அறிமுகப்படுத்தப்படுத்தப்படும் என்றார் அவர்.

]]>
http://www.dinamani.com/business/2018/nov/30/டாஃபே-சிறிய-வகை-டிராக்டர்கள்-தயாரிக்க-ஜப்பான்-நிறுவனத்துடன்-கூட்டு-3048390.html
3046970 வர்த்தகம் டியூப் இன்வெஸ்ட்மெண்ட்ஸ் நிறுவனத்தின் டிஐ மாச்சோ முறுக்குக் கம்பிகள் அறிமுகம் DIN DIN Wednesday, November 28, 2018 12:44 AM +0530
முருகப்பா குழுமத்தைச் சேர்ந்த டியூப் இன்வெஸ்ட்மெண்ட்ஸ் ஆஃப் இந்தியா நிறுவனம் (டிஐஐ) டிஐ மாச்சோ என்ற பெயரில் புதிய வகை முறுக்குக் கம்பிகளை அறிமுகப்படுத்தியுள்ளது.
இதுகுறித்து அந்த நிறுவனம் தெரிவித்துள்ளதாவது:
சக்தி குழுமத்துடன் செய்து கொண்ட உரிம ஒப்பந்தத்தின் அடிப்படையில் நிறுவனம் புதிய வகை முறுக்கு கம்பிகளை சந்தையில் அறிமுகப்படுத்தியுள்ளது. டிஐஐ-யின் தொழில்நுட்பத்தில் கம்பிகளை தயாரித்து சந்தைப்படுத்தும் வகையில் இந்த ஒப்பந்தத்தை நிறுவனம் மேற்கொண்டுள்ளது.
உறுதியான மற்றும் நீடித்து உழைக்கக்கூடிய டிஐ மாச்சோ டிஎம்டி முறுக்கு கம்பிகள் தற்போதைய நிலையில் 500டி மற்றும் 550டி என்ற இருவகைகளில் மட்டும் சந்தையில் அறிமுகப்படுத்தப்பட்டுள்ளதாக டியூப் இன்வெஸ்ட்மெண்ட்ஸ் தெரிவித்துள்ளது.
 

]]>
http://images.dinamani.com/uploads/user/imagelibrary/2018/11/28/w600X390/tii.jpg http://www.dinamani.com/business/2018/nov/28/டியூப்-இன்வெஸ்ட்மெண்ட்ஸ்-நிறுவனத்தின்-டிஐ-மாச்சோ-முறுக்குக்-கம்பிகள்-அறிமுகம்-3046970.html
3046969 வர்த்தகம் தங்க இ.டி.எஃப். திட்டங்களிலிருந்து ரூ.290 கோடி விலக்கல் DIN DIN Wednesday, November 28, 2018 12:43 AM +0530
கடந்த ஏப்ரல் முதல் அக்டோபர் வரையிலான காலத்தில் கோல்டு எக்சேஞ்ச்-டிரேடட் பண்ட்ஸ் எனப்படும் தங்க இ.டி.எஃப். திட்டங்களிலிருந்து ரூ. 290 கோடி வெளியேறியுள்ளது.
இதுகுறித்து பரஸ்பர நிதியங்களின் கூட்டமைப்பு தெரிவித்துள்ளதாவது:
தங்கம் தொடர்பான 14 வகையான திட்டங்களிலிருந்து நடப்பாண்டு ஏப்ரல்-அக்டோபர் வரையிலான ஏழு மாத காலத்தில் முதலீட்டாளர்களால் ரூ.290 கோடி விலக்கி கொள்ளப்பட்டுள்ளது. கடந்த 2017-18 நிதியாண்டில் இது ரூ.422 கோடியாக காணப்பட்டது.
கடந்த ஐந்து நிதியாண்டுகளாகவே தங்க இ.டி.எஃப். திட்டங்களுக்கான மவுசு குறைந்து வருகிறது. இதன் காரணமாக, கடந்த 2013-14-இல் ரூ.2,293 கோடியும், 2014-15-இல் ரூ.1,475 கோடியும், 2015-16-இல் 903 கோடியும், 2016-17-இல் ரூ.775 கோடியும், 2017-18-இல் ரூ.835 கோடியும் வெளியேறியுள்ளது. மாறாக, கடந்த 2012-13-இல் தான் இத்தகைய திட்டங்களில் ரூ.1,414 கோடி முதலீடு செய்யப்பட்டிருந்தது.
நடப்பு நிதியாண்டில் முதல் ஏழு மாதங்களில் குறிப்பிடத்தக்க தொகை வெளியேறியதையடுத்து, தங்க நிதி திட்டங்களில் நிறுவனங்கள்
நிர்வகித்து வரும் சொத்து மதிப்பு ரூ.5,017 கோடியிலிருந்து 8 சதவீதம் சரிவடைந்து ரூ.4,621 கோடியாகியுள்ளது என அந்த கூட்டமைப்பு தெரிவித்துள்ளது.
 

]]>
http://images.dinamani.com/uploads/user/imagelibrary/2018/11/28/w600X390/gold-efg.jpg http://www.dinamani.com/business/2018/nov/28/தங்க-இடிஎஃப்-திட்டங்களிலிருந்து-ரூ290-கோடி-விலக்கல்-3046969.html
3046968 வர்த்தகம் சென்செக்ஸ் 159 புள்ளிகள் அதிகரிப்பு DIN DIN Wednesday, November 28, 2018 12:43 AM +0530
மும்பை பங்குச் சந்தையில் செவ்வாய்க்கிழமை நடைபெற்ற வர்த்தகம் தொடர்ந்து 2-ஆவது நாளாக விறுவிப்புடன் காணப்பட்டது. சென்செக்ஸ் 159 புள்ளிகள் உயர்ந்ததால் முதலீட்டாளர்கள் உற்சாகமடைந்தனர்.
அமெரிக்க டாலருக்கு நிகரான ரூபாயின் மதிப்பு நிலைத்தன்மை அடைந்துள்ளது, சர்வதேச சந்தையில் கச்சா எண்ணெய் விலை சரிவு, சில்லறைப் பணவீக்கம் குறைவு, பணப்புழக்கம் அதிகரிப்பு உள்ளிட்ட காரணங்களால் முதலீட்டாளர்கள் ஆர்வத்துடன் பங்குகளை வாங்கி குவித்தனர்.
வரும் மார்ச் மாதத்துக்குள் பொதுத் துறை வங்கிகளுக்கு ரூ.42,000 கோடி அளவுக்கு மூலதனம் வழங்கவுள்ளதாக மத்திய அரசு தெரிவித்ததன் எதிரொலியாக, வங்கி துறை பங்குகளுக்கு அதிக வரவேற்பு காணப்பட்டது. அதேபோன்று, தகவல் தொழில்நுட்பத் துறை பங்குகளையும் முதலீட்டாளர்கள் போட்டி போட்டு வாங்கினர்.
இன்ஃபோசிஸ், ரிலையன்ஸ் இண்டஸ்ட்ரீஸ், டிசிஎஸ், ஹெச்டிஎஃப்சி, ஹெச்டிஎஃப்சி வங்கி, மாருதி, எஸ்பிஐ, இன்டஸ்இண்ட் பேங்க் மற்றும் கோட்டக் வங்கி பங்குகளின் விலை 2.53 சதவீதம் வரை அதிகரித்தது. அதேசமயம், சன் பார்மா, ஹீரோ மோட்டோகார்ப், யெஸ் வங்கி, விப்ரோ பங்குகளின் விலை 3.34 சதவீதம் வரை சரிவடைந்தது.
மும்பை பங்குச் சந்தையில் செவ்வாய்க்கிழமை நடைபெற்ற வர்த்தகத்தில் சென்செக்ஸ் 159 புள்ளிகள் உயர்ந்து 35,513 புள்ளிகளில் நிலைத்தது. தேசிய பங்குச் சந்தையில் நிஃப்டி 57 புள்ளிகள் 
அதிகரித்து 10,685 புள்ளிகளில் நிலைத்தது.
 

]]>
http://images.dinamani.com/uploads/user/imagelibrary/2018/11/28/w600X390/bse.jpg http://www.dinamani.com/business/2018/nov/28/சென்செக்ஸ்-159-புள்ளிகள்-அதிகரிப்பு-3046968.html
3046967 வர்த்தகம் மாருதி ஸ்விஃப்ட் விற்பனை 20 லட்சத்தை தாண்டி சாதனை DIN DIN Wednesday, November 28, 2018 12:42 AM +0530
மாருதி சுஸுகி நிறுவனத்தின் ஸ்விஃப்ட் கார் விற்பனை 20 லட்சத்தை தாண்டி சாதனை படைத்துள்ளது.
இதுகுறித்து அந்த நிறுவனத்தின் செயல் இயக்குநர் (விற்பனை & சந்தைப்படுத்துதல்) ஆர்.எஸ். கல்சி தெரிவித்துள்ளதாவது:
ஸ்விஃப்ட் ரக கார் விற்பனை கடந்த 2005-ஆம் ஆண்டு மே 
மாதம் தொடங்கியது. இந்த மாடல் கார்களுக்கு வாடிக்கையாளர்களிடையே பலத்த வரவேற்பு கிடைத்ததையடுத்து அதன் விற்பனை 2010 செப்டம்பரில் ஐந்து லட்சத்தை தாண்டியது. அதன் பிறகு மிக குறுகிய காலமான 2013-செப்டம்பரில் 10 லட்சத்தை தாண்டி ஆச்சரியப்படுத்தியது. 2016 மார்ச்சில் அதன் விற்பனை 15 லட்சத்தை கடந்தது.
இந்த நிலையில், நடப்பு நவம்பர் மாதத்தில் ஸ்விஃப்ட் கார் விற்பனை 20 லட்சம் என்ற மைல்கல்லைத் தாண்டி சாதனை படைத்துள்ளது. வாடிக்கையாளர்களின் காத்திருப்பு காலத்தை குறைக்கும் வகையில் கார் உற்பத்தியை அதிகரிக்க இலக்கு நிர்ணயிக்கப்பட்டுள்ளது என்று தெரிவித்துள்ளார்.
 

]]>
http://images.dinamani.com/uploads/user/imagelibrary/2018/11/28/w600X390/sw.jpg http://www.dinamani.com/business/2018/nov/28/மாருதி-ஸ்விஃப்ட்-விற்பனை-20-லட்சத்தை-தாண்டி-சாதனை-3046967.html
3046966 வர்த்தகம் நிலக்கரி துறை செயலராக சுமந்தா சௌத்ரி பொறுப்பேற்பு DIN DIN Wednesday, November 28, 2018 12:42 AM +0530
மத்திய நிலக்கரி துறையின் புதிய செயலராக சுமந்தா சௌத்ரி  செவ்வாய்க்கிழமை பொறுப்பேற்றுக் கொண்டார்.
இதுகுறித்து அதிகாரிகள் தெரிவித்ததாவது: நிலக்கரி துறையின் செயலராக இருந்த ஜித் சிங்கிற்கு புதிய பணி கொடுக்கப்படவிருப்பதாக மத்திய பணியாளர் மற்றும் பயிற்சி துறை அறிவித்தது. 
இதையடுத்து, அந்தப் பொறுப்புக்கு சுமந்தா சௌத்ரியை நியமிப்பதாக கேபினட் நியமனக் குழு கடந்த நவம்பர் 17-ஆம் தேதி அறிவித்தது.
இந்த சூழ்நிலையில், நிலக்கரி துறையின் புதிய செயலராக சுமந்தா சௌத்ரி செவ்வாய்க்கிழமை பொறுப்பேற்றுக் கொண்டார் என அதிகாரிகள் தெரிவித்தனர்.
மேற்கு வங்கத்தைச் சேர்ந்த சுமந்தா சௌத்ரி கடந்த 1985-ஆம் ஆண்டில் இந்திய ஆட்சிப் பணிக்கு தேர்வானவர்.இவர் இப்பதவியில் நியமிக்கப்படுவதற்கு முன்பு, சிறிய விவசாயிகளுக்கான வேளாண்-வர்த்தக கூட்டமைப்பின் நிர்வாக இயக்குநராக இருந்தார்.
 

]]>
http://images.dinamani.com/uploads/user/imagelibrary/2018/11/28/w600X390/sumant.jpg http://www.dinamani.com/business/2018/nov/28/நிலக்கரி-துறை-செயலராக-சுமந்தா-சௌத்ரி-பொறுப்பேற்பு-3046966.html
3046321 வர்த்தகம் பால் உற்பத்தி 4 ஆண்டுகளில் 28% அதிகரிப்பு DIN DIN Tuesday, November 27, 2018 01:01 AM +0530 உள்நாட்டில் பால் உற்பத்தி கடந்த நான்கு ஆண்டுகளில்  28 சதவீதம் அதிகரித்துள்ளதாக மத்திய வேளாண் அமைச்சர் ராதா மோகன் சிங் திங்கள்கிழமை தெரிவித்ததார்.
தேசிய பால் தினம் கொண்டாட்டத்தையொட்டி இதுகுறித்து அவர் மேலும் கூறியதாவது:
பால் பண்ணைத் துறையை ஊக்குவிக்க மத்திய அரசு கடந்த நான்கு ஆண்டுகளில் பல்வேறு நடவடிக்கைகளை மேற்கொண்டுள்ளது. இதன் காரணமாக உள்நாட்டில் பால் உற்பத்தி 28 சதவீதம் அதிகரித்து 17.63 கோடி டன்னை எட்டியுள்ளது. இதன் உற்பத்தி 2013-14-இல் 13.77 கோடி டன்னாக மட்டுமே காணப்பட்டது.
2010-2014 ஆண்டுகளுக்கு இடைப்பட்ட காலத்தில் பால் உற்பத்தி ஆண்டு வளர்ச்சி 4.29 சதவீதமாக இருந்தது. இது, மத்திய அரசின் முயற்சியினால் 2014-18 ஆண்டுகளுக்கிடையில் 6.5 சதவீதம் என்ற அளவில் அதிகரித்துள்ளது.
அதேபோன்று, நான்கு ஆண்டுகளுக்கு முன்பு ஒரு லிட்டர் பாலின் விலை ரூ.22-ஆக இருந்த நிலையில் தற்போது ரூ.29-ஆக அதிகரித்துள்ளது. ஆக,   பாலுக்கு விவசாயிகள் பெறும் விலை லிட்டர் ஒன்றுக்கு சராசரியாக ரூ.7 அதிகமாகியுள்ளது. மேலும், நாள் ஒன்றுக்கு தனி நபர் பால் நுகர்வு விகிதமும் 307 கிராமிலிருந்து 376 கிராமாக உயர்ந்துள்ளது.  
பால் பதப்படுத்தும் அளவு தற்போது 20 சதவீதமாக உள்ளது. இந்த நிலையில், பாலுக்கான தேவை அதிகரித்து வருவதையடுத்து, அதனை பதப்படுத்தும் அளவை 30 சதவீதமாக அதிகரிக்க வேண்டிய கட்டாயம் ஏற்பட்டுள்ளது.  
வரும் 2022-ஆம் ஆண்டுக்குள் விவசாயிகளின் வருமானத்தை இரட்டிப்பாக்குவதில் பால் பண்ணைத் துறை முக்கிய பங்கு வகிக்கும் என்றார் அவர்.

]]>
http://images.dinamani.com/uploads/user/imagelibrary/2018/11/27/w600X390/milk.jpg http://www.dinamani.com/business/2018/nov/27/பால்-உற்பத்தி-4-ஆண்டுகளில்-28-அதிகரிப்பு-3046321.html
3046320 வர்த்தகம் புதிய பங்கு வெளியீடு: 3 நிறுவனங்களுக்கு செபி அனுமதி DIN DIN Tuesday, November 27, 2018 01:01 AM +0530 மெட்ரோபோலிஸ் ஹெல்த்கேர், இவென்டியா ஹெல்த்கேர் மற்றும் ஜெல்ப்மோக் டிசைன் அண்டு டெக் ஆகிய மூன்று நிறுவனங்கள்புதிய பங்கு வெளியீட்டில் (ஐபிஓ) களமிறங்கி நிதி திரட்டிக் கொள்ள பங்குச் சந்தை ஒழுங்காற்று அமைப்பான செபி அனுமதி அளித்துள்ளது.
இந்த மூன்று நிறுவனங்களுக்கும் அனுமதி கிடைத்ததையடுத்து நடப்பாண்டில் இதுவரையில் புதிய பங்கு வெளியீட்டுக்கு செபி அனுமதி வழங்கிய நிறுவனங்களின் எண்ணிக்கை 73-ஆக உயர்ந்துள்ளது.
புதிய பங்கு வெளியீட்டில் களமிறங்க மேற்கண்ட மூன்று நிறுவனங்களும் கடந்த ஆகஸ்ட்-செப்டம்பர் மாதங்களில் செபி அமைக்கு விண்ணப்பித்திருந்தன. இந்த நிலையில் தற்போதுதான் அதற்கான அனுமதி கிடைத்துள்ளது.
இன்வென்டியா ஹெல்த்கேர் புதிதாக பங்குகளை வெளியிட்டு ரூ.125 கோடி வரை திரட்டிக் கொள்ள திட்டமிட்டுள்ளது. இதைத் தவிர அந்நிறுவனம், கோரிக்கை அடிப்படையில் மேம்பாட்டாளர் மற்றும் இதர பங்குதாரர்களுக்கு 31.64 லட்சம் பங்குகளை விற்பனை செய்யவுள்ளது. இதன் மூலம், ரூ.450 கோடி திரட்டிக் கொள்ளப்படும் என எதிர்பார்க்கப்படுகிறது.
மெட்ரோபோலிஸ் ஹெல்த்கேரில் சுஷில் கனுபாய் ஷாவின் 50,17,868 பங்குகளும், லோட்டர் இன்வெஸ்ட்மென்டின் 1,02,51,816 பங்குகளும் விற்பனை செய்யப்படும் என்று தெரிகிறது.
ஜெல்ப்மோக் டிசைன் அண்டு டெக் புதிய பங்கு வெளியீட்டின் மூலம் ரூ.23 கோடி திரட்ட முடிவு செய்துள்ளது. 
இந்த தொகையை தகவல் தொழில்நுட்ப வன்பொருள் மற்றும் நெட்வொர்கிங் உபகரணங்களுக்காக செலவிடவுள்ளதாக அந்நிறுவனம் தெரிவித்துள்ளது.

]]>
http://images.dinamani.com/uploads/user/imagelibrary/2018/9/28/w600X390/ipo.jpg http://www.dinamani.com/business/2018/nov/27/புதிய-பங்கு-வெளியீடு-3-நிறுவனங்களுக்கு-செபி-அனுமதி-3046320.html
3046319 வர்த்தகம் பாசுமதி சாரா அரிசி வகைகளுக்கான வரி சலுகை நீட்டிப்பு DIN DIN Tuesday, November 27, 2018 01:00 AM +0530 பாசுமதி வகையை சாராத அரிசி வகைகள் ஏற்றுமதியாளர்களின் நலனைக் கருத்தில் கொண்டு மத்திய அரசு அதற்கான வரி சலுகைகளை நீட்டித்துள்ளது.

இதுகுறித்து வெளிநாட்டு வர்த்தக தலைமை இயக்குநரகம் (டிஜிஎஃப்டி) வெளியிட்ட பொது அறிக்கையில் தெரிவிக்கப்பட்டுள்ளதாவது: பாசுமதி சாரா அரிசி வகைகள் ஏற்றுமதிக்கு "எம்இஐஎஸ்' திட்டத்தின் கீழ் வழங்கப்படும் 5 சதவீத வரி சலுகை நீட்டிக்கப்பட்டுள்ளது. நவம்பர் 26 ஆம் தேதி முதல் அடுத்தாண்டு மார்ச் 25-ஆம் தேதி வரையில் இந்த சலுகை அமலில் இருக்கும் என்று அதில் தெரிவிக்கப்பட்டுள்ளது.

வேளாண் பொருள்களின் ஏற்றுமதியை அதிகரிக்கும் வகையில் இந்த நடவடிக்கையை மத்திய அரசு மேற்கொண்டுள்ளது.

ஏற்றுமதி மற்றும் இறக்குமதி தொடர்பான கொள்கைகளை வர்த்தக அமைச்சகத்தின் கீழ் உள்ள டிஜிஎஃப்டி வகுத்து வருவது நினைவு கூரத்தக்கது.

உலக அளவில் பாசுமதி சாராத அரிசி வகை ஏற்றுமதியில் இந்தியா மிகப்பெரிய இடத்தைப் பிடித்துள்ளது. அதன்படி 2017-18 ஆண்டில் மட்டும், 86.30  லட்சம் டன் அரிசி ஏற்றுமதியானது. இது, பாசுமதி ஏற்றுமதியான 40.5 லட்சம் டன்னுடன் ஒப்பிடும்போது இரண்டு மடங்கு அதிகம்.

கரீப் பருவத்தின் முக்கியப் பயிராக அரிசி உள்ளது. நடப்பு 2018-19 கரீப் பருவத்தில் அரிசி உற்பத்தி 9.92 கோடி டன்னாக இருக்கும் என மதிப்பிடப்பட்டுள்ளது. கடந்தாண்டு இதே பருவத்தில் அரிசி உற்பத்தி 9.75 கோடி டன்னாக மட்டுமே காணப்பட்டது.

]]>
http://images.dinamani.com/uploads/user/imagelibrary/2017/6/15/w600X390/Rice.jpg http://www.dinamani.com/business/2018/nov/27/பாசுமதி-சாரா-அரிசி-வகைகளுக்கான-வரி-சலுகை-நீட்டிப்பு-3046319.html
3046318 வர்த்தகம் பொதுத் துறை வங்கிகளுக்கு ரூ.42,000 கோடி மூலதனம்: மத்திய அரசு DIN DIN Tuesday, November 27, 2018 12:58 AM +0530 மத்திய அரசு, பொதுத் துறை வங்கிகளுக்கு ரூ.42,000 கோடி  மூலதனத்தை அடுத்தாண்டு மார்ச் மாதத்துக்குள் வழங்கவுள்ளது.
இதுகுறித்து நிதி அமைச்சகத்தின் உயரதிகாரி திங்கள்கிழமை கூறியதாவது:
நடப்பாண்டு முற்பகுதியில், பஞ்சாப் நேஷனல் வங்கி, அலகாபாத் வங்கி, இந்தியன் ஓவர்சீஸ் வங்கி, ஆந்திரா வங்கி மற்றும் கார்ப்பரேஷன் வங்கி ஆகிய ஐந்து பொதுத் துறை வங்கிகளுக்கு தங்களது நிதி நிலைமையை வலுப்படுத்திக் கொள்வதற்காக ரூ.11,336 கோடி மூலதனத்தை மத்திய அரசு வழங்கியது. 
இந்த நிலையில், அடுத்தகட்ட மறு மூலதனம் பொதுத் துறை வங்கிகளுக்கு  வரும் டிசம்பர் மாதம் அளிக்கப்படும். 
நடப்பு நிதியாண்டின் இறுதிக்குள் பொதுத் துறை வங்கிகள் தங்களது மூலதனத்தை பாதுகாப்பான அளவுக்கு உயர்த்தி கொள்வதற்காக ரூ.42,000 கோடி வரை வழங்க மத்திய அரசு திட்டமிட்டுள்ளது.
வரும் மார்ச் மாதத்துடன் முடிவடையவுள்ள நிதியாண்டில் பாரத ஸ்டேட் வங்கி, பஞ்சாப் நேஷனல் வங்கி ஆகியவற்றுக்கு மத்திய அரசிடமிருந்து கூடுதல் மூலதனம் தேவைப்படாது. ஏனெனில், பஞ்சாப் நேஷனல் வங்கிக்கு விதிமுறைகளின்படி இதுவரையில் இரண்டு முறை மறுமூலதனம் ஏற்கெனவே வழங்கப்பட்டு விட்டது என்றார் அவர். 
பேஸல் 3 சர்வதேச விதிமுறைகளை நிறைவு செய்ய பொதுத் துறை வங்கிகளுக்கு  போதுமான அளவு மூலதனத்தை வைத்திருக்க வேண்டியது கட்டாயமாகியுள்ளது. இதனை ஈடு செய்யும் வகையில், மூலதனம் குறைவாக உள்ள வங்கிகளுக்கு மத்திய அரசு கூடுதல் நிதி உதவியை அளித்து வருகிறது. இதற்கு ஏதுவாக,  பேஸல் 3 விதிமுறைகளை பொதுத் துறை வங்கிகள் நிறைவு செய்வதற்கான காலக் கெடுவை வரும் 2020-ஆம் ஆண்டு மார்ச் வரை நீட்டிப்பதாக ரிசர்வ் வங்கி கடந்த வாரம் அறிவித்தது குறிப்பிடத்தக்கது.

]]>
http://images.dinamani.com/uploads/user/imagelibrary/2018/11/27/w600X390/bank-fund.jpg http://www.dinamani.com/business/2018/nov/27/பொதுத்-துறை-வங்கிகளுக்கு-ரூ42000-கோடி-மூலதனம்-மத்திய-அரசு-3046318.html
3046309 வர்த்தகம் தங்கம் பவுனுக்கு ரூ.16 குறைவு DIN DIN Tuesday, November 27, 2018 12:46 AM +0530 சென்னையில் ஆபரணத் தங்கத்தின் விலை திங்கள்கிழமை பவுனுக்கு ரூ.16 குறைந்து  ரூ.23,456-க்கு விற்பனை செய்யப்பட்டது.

சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவை தங்கத்தின் விலையை நாள்தோறும் நிர்ணயிக்கின்றன. சென்னையில் திங்கள்கிழமை நிலவரப்படி, ஆபரணத் தங்கம் கிராமுக்கு ரூ. 2 வீதம் குறைந்து ரூ.2,932 -க்கு விற்பனை செய்யப்பட்டது. அதே நேரத்தில், வெள்ளி கிராமுக்கு ரூ. 10 பைசா உயர்ந்து,  ரூ.39.50 ஆகவும், கட்டி வெள்ளி கிலோவுக்கு ரூ.100 உயர்ந்து  ரூ.39,500 ஆகவும் இருந்தது.

திங்கள்கிழமை விலை ரூபாயில் (ஜி.எஸ்.டி. தனி):

1 கிராம் தங்கம்    2,932
1 பவுன் தங்கம்    23,456
1 கிராம் வெள்ளி    39.50
1 கிலோ வெள்ளி    39,500
 

]]>
http://images.dinamani.com/uploads/user/imagelibrary/2017/7/5/w600X390/gold2.jpg http://www.dinamani.com/business/2018/nov/27/தங்கம்-பவுனுக்கு-ரூ16-குறைவு-3046309.html
3046061 வர்த்தகம் உத்தரவாதமற்ற கொள்முதல் நடைமுறை: திராட்சை விவசாயிகளுக்கு சிக்கல் - கோ. ராஜன் DIN Monday, November 26, 2018 01:06 PM +0530  

தேனி மாவட்டம், கம்பம் பள்ளத்தாக்குப் பகுதியில் ஆண்டுக்கு ரூ. 280 கோடி மதிப்பில் திராட்சை வர்த்தகம் நடைபெற்று வரும் நிலையில், உத்தரவாதமற்ற கொள்முதல் நடைமுறையால் விவசாயிகளுக்கு சிக்கல் ஏற்பட்டுள்ளது.

கம்பம் பள்ளத்தாக்கில் 5 ஆயிரம் ஏக்கர் பரப்பளவில் விதையில்லா திராட்சை மற்றும் கருப்பு பன்னீர் திராட்சை சாகுபடி செய்யப்பட்டு வருகிறது. இங்கு நிலவும் சீதோஷ்ண நிலை, மண் மற்றும் நீரின் தன்மை ஆகியவற்றின் காரணமாக, தமிழகத்தில் 
வேறெங்கும் இல்லாத வகையில்,  விவசாயிகள் சுழற்சி முறையில் அறுவடைப் பருவத்தை நிர்ணயித்து சாகுபடியில் ஈடுபட்டு வருவதால், இப் பகுதியில் ஆண்டு முழுவதும் திராட்சை அறுவடை நடைபெறுகிறது.

தொடக்கத்தில் பாரம்பரிய கருப்பு பன்னீர் திராட்சை, பச்சை விதையில்லா திராட்சை சாகுபடியில் ஈடுபட்டு வந்த விவசாயிகள், தற்போது இந்த ரகங்களுடன் வீரிய ரக  திராட்சை குச்சிகளை ஒட்டு கட்டி வளர்த்து, ஏற்றுமதி தரத்திலான திராட்சை உற்பத்தியில் ஈடுபட்டு வருகின்றனர்.
80 ஆயிரம் டன் உற்பத்தி 

தோட்டங்களில் ஏக்கர் ஒன்றுக்கு ஆண்டுக்கு சராசரி 16 ஆயிரம் கிலோ வரை திராட்சை அறுவடை செய்யப்படுகிறது. மாவட்டத்தில் 5 ஆயிரம் ஏக்கரில் ஆண்டுக்கு சராசரியாக 80 ஆயிரம் டன் திராட்சை அறுவடை செய்யப்பட்டு, ரூ.280 கோடி மதிப்பில் திராட்சை வர்த்தகம் நடைபெற்று வருகிறது. 

திராட்சைப் பழம் சீசனுக்கு ஏற்ப குறைந்தபட்சம் கிலோ ரூ. 15 முதல், அதிகபட்சம் கிலோ ரூ. 100 வரை விற்பனையாகிறது. திராட்சை உற்பத்திக்கு ஏக்கர் ஒன்றுக்கு ஆண்டுக்கு சராசரி ரூ. 1 லட்சம் முதல் ஒன்றரை லட்சம் ரூபாய் வரை செலவாகிறது என்று விவசாயிகள் கூறுகின்றனர்.
வியாபாரிகள் ஆதிக்கம்

கம்பம் பள்ளதாக்குப் பகுதியில் உற்பத்தியாகும் திராட்சை மதுரை, திருச்சி, சென்னை ஆகிய பகுதிகளுக்கும், கேரளத்துக்கும் விற்பனைக்கு அனுப்பப்படுகிறது. ராயப்பன்பட்டி அருகே உள்ள தனியார் ஒயின் தொழிற்சாலை மூலம் கிலோ ரூ.15 என்ற நிர்ணய விலையில் திராட்சை கொள்முதல் செய்யப்பட்டு வருகிறது.

தேனி மாவட்டத்தில் திராட்சைக்கு தனியார், கூட்டுறவு சங்கம் மற்றும் அரசு சார்பில் விற்பனை நிலையங்கள் இல்லாததால், திராட்சை கொள்முதலில் வியாபாரிகளின் ஆதிக்கம் அதிகளவில் இருப்பதாக விவசாயிகள் புகார் கூறுகின்றனர்.

மேலும், விவசாயிகளிடமிருந்து கொள்முதல் செய்த திராட்சைக்கு 10 முதல் 20 நாள்களுக்குப் பின்புதான் வியாபாரிகள் பணம் பட்டுவாடா செய்கின்றனர். இதனால், சந்தை நிலவரப்படி பேசி கொள்முதல் செய்த திராட்சைக்கு, பணப் பட்டுவாடாவின்போது மறுபேரம் நடத்த வேண்டிய நிலை உள்ளது என்று விவசாயிகள் மத்தியில் குற்றச்சாட்டு இருந்து வருகிறது.

வியாபாரிகளிடமிருந்து பணம் பட்டுவாடா பெற முடியாத விவசாயிகள், உரிய ரசீது மற்றும் ஆவணங்கள் இல்லாததால், காவல் நிலையம் மற்றும் நீதிமன்றத்தை அணுகி தீர்வு காண்பதில் சிக்கல் ஏற்பட்டுள்ளது. 
இதுகுறித்து சுருளிப்பட்டி திராட்சை உற்பத்தியாளர்கள் சங்கத் தலைவர் கி. முகுந்தன் கூறியது: 

திராட்சை சாகுபடியில் வேலையாள்களுக்கு கூலி தரவும், உரம் மற்றும் பூச்சிகொல்லி மருந்துகளுக்கும் விவசாயிகள் அன்றாடம் பணம் செலவிட வேண்டியுள்ளது. ஆனால், திராட்சை விற்பனையில் கால தாமதமான, உத்தரவாதமற்ற பணப் பட்டுவாடா முறை வழக்கத்தில் உள்ளது. 

பெரிய விவசாயிகள் தாங்கள் உற்பத்தி செய்த திராட்சையை மதுரை, திருச்சி, கேரளம் ஆகிய இடங்களுக்கு நேரடியாகக் கொண்டு சென்று, சந்தை நிலவரப்படி விற்பனை செய்து, உடனுக்குடன் பணம் பெறுகின்றனர். சிறு விவசாயிகள் இந்த நடைமுறையை கையாள முடியாமல் உள்ளூர் வியாபாரிகளை நம்பி ஏமாற்றமடைகின்றனர்.

எனவே, திராட்சைக்கு சந்தை நிலவரப்படி விற்பனை விலை கிடைக்கவும், விவசாயிகளுக்குப் பணப் பட்டுவாடாவுக்கு  உத்தரவாதம் அளிக்கும் வகையில் வியாபாரிகளை முறையாகப் பதிவு செய்து உரிமம் வழங்கவும் மாவட்ட நிர்வாகம் நடவடிக்கை எடுக்க வேண்டும். மேலும், கொள்முதல் செய்த திராட்சைக்கும் பணப் பட்டுவாடாவுக்கும் ரசீது வழங்குவதை நடைமுறைப்படுத்தவும் நடவடிக்கை எடுக்க வேண்டும். வேளாண் வணிகத் துறை சார்பில் திராட்சைக்கு கொள்முதல் நிலையம் அமைத்துத் தர மாவட்ட நிர்வாகம் நடவடிக்கை எடுக்க வேண்டும் என்றார்.

]]>
http://images.dinamani.com/uploads/user/imagelibrary/2018/8/30/w600X390/grapes.jpg ஓடைப்பட்டி பகுதியில் தொடர் மழையால் கொடியிலேயே அழுகிய திராட்சை பழங்கள். http://www.dinamani.com/business/2018/nov/26/உத்தரவாதமற்ற-கொள்முதல்-நடைமுறை-திராட்சை-விவசாயிகளுக்கு-சிக்கல்-3046061.html
3046076 வர்த்தகம் சூடுபிடிக்காத பண்டிகை கால கார் விற்பனை -அ. ராஜன் பழனிக்குமார் DIN Monday, November 26, 2018 01:06 PM +0530
பண்டிகைக் கால வாகன விற்பனைக்கு எப்போதும் தனி எதிர்பார்ப்பு இருப்பது வழக்கம். மோட்டார் வாகன துறையின் எதிர்கால உத்வேகத்துக்கு பண்டிகை கால கார் விற்பனை மிக முக்கியமானது. ஆனால்,  அனைத்து நிறுவனங்களும் ஆவலுடன் எதிர்பார்த்த தீபாவளி உள்ளிட்ட பண்டிகை காலத்துக்கான கார் விற்பனை சூடுபிடிக்கவில்லை என்பது அவற்றுக்கு பெரும் ஏமாற்றமாக அமைந்துள்ளது.

வாடிக்கையாளர்கள் பலர் புதிய வாகனங்களை வாங்க ஆர்வம் காட்டாததால் பண்டிகை கால விற்பனை 11 சதவீதம் அளவுக்கு சரிவை சந்தித்தது என்கின்றனர் மோட்டார் வாகன விநியோகஸ்தர்களின் கூட்டமைப்பான பெடா.

குறிப்பாக, இருசக்கர மற்றும் பயணிகள் வாகன விற்பனையில் கடும் மந்த நிலை நிலவியது. பண்டிகை கால கட்டமாக கருதப்படும் அக்டோபர் 10 முதல் நவம்பர் 20-ஆம் தேதி வரையிலான 42 நாள்களில் மொத்த புதிய வாகனங்களின் பதிவானது 20,49,391-ஆக இருந்தது. கடந்தாண்டு செப்டம்பர் 21-நவம்பர் 1 ஆகிய தேதிகளுக்கிடையில் இந்த பதிவானது 23,01,986-ஆக அதிகரித்து காணப்பட்டது.

பயணிகள் வாகனங்களைப் பொருத்தவரையில் அவற்றின் பதிவானது 3,33,456-லிருந்து 14 சதவீதம் சரிவைடந்து 2,87,717-ஆகியுள்ளது. இருசக்கர வாகன விற்பனை பதிவும் 18,11,703 என்ற எண்ணிக்கையிலிருந்து 13 சதவீதம் வீழ்ச்சி கண்டு 15,83,276-ஆக இருந்தது என்கிறது அந்த கூட்டமைப்பு.

பல்வேறு எதிர்மறை காரணிகள் வாடிக்கையாளர்கள் வாகனங்கள் வாங்கும் ஆர்வத்தை புரட்டிப் போட்டுள்ளது. அதில் குறிப்பிட்டு சொல்ல வேண்டுமெனில் முக்கியமானது பெட்ரோல்-டீசல் விலை உயர்வு. அண்மைக் காலமாகவே வாகன எரிபொருள்களுக்கான விலை ஒரு நிலைத்தன்மை இல்லாததாகவே காணப்படுகிறது. இது வாகன பிரியர்களை எரிச்சலைடையச் செய்துள்ளது.

இரண்டாவதாக மத்திய அரசு காப்பீட்டு கட்டணங்களுக்கான பிரீமியத் தொகையை உயர்த்தியது. இதனால், புதிய வாகனம் வாங்குவோர் முன்பை விட அதிக தொகை கொடுத்து காப்பீட்டு பாலிசிகளை பெறும் நிலைக்கு தள்ளப்பட்டுள்ளனர். இக்காட்டான நிலையில் இருந்து வரும் வாடிக்கையாளர்களுக்கு இதுவும் மகிழ்ச்சி தரக்கூடிய செய்தியாக அமையவில்லை. மூன்றாவது மிக முக்கியமான காரணம், வங்கி சாரா நிதி நிறுவனங்களிடையே ஏற்பட்டுள்ள கடுமையான பணப் பற்றாக்குறை. இதனால், வாடிக்கையாளர்கள் எளிதில் கடன் பெற முடியாத சூழல் ஏற்பட்டுள்ளது. அப்படியே மீறி வேறு இடங்களில் கடன் வாங்கினாலும் அதிக வட்டி செலுத்தகூடிய கட்டாயத்துக்கு அவர்கள் ஆளாகியுள்ளனர். இதுவும், வாடிக்கையாளர்களின் மன நிலையை பாதித்துள்ளது என்கிறார் பெடா கூட்டமைப்பின் தலைவர் ஆசிஷ் ஹர்ஷராஜ் காலே.

]]>
http://images.dinamani.com/uploads/user/imagelibrary/2017/2/28/w600X390/10-best-selling-cars-.jpg http://www.dinamani.com/business/2018/nov/26/சூடுபிடிக்காத-பண்டிகை-கால-கார்-விற்பனை-3046076.html
3046083 வர்த்தகம் கிலோ கிராமுக்கான வரையறையில் மாற்றம்: வணிக உலகை பாதிக்குமா? - நாகா DIN Monday, November 26, 2018 01:04 PM +0530  

ஏறத்தாழ 130 ஆண்டுகளுக்குப் பிறகு, "ஒரு கிலோ கிராம் என்றால் எவ்வளவு எடை?' என்பதற்கான வரையறையில் மாற்றம் செய்யப்பட்டுள்ளது.

அறிவியல் வரலாற்றில் முக்கியத்துவம் வாய்ந்த இந்த மாற்றத்துக்கு, பிரான்ஸின் வெர்சாய் நகரில் நடைபெற்ற சர்வதேச எடை மற்றும் அலகுகள் மாநாட்டில் இந்தியா உள்ளிட்ட பெரும்பாலான நாடுகளின் விஞ்ஞானப் பிரதிநிதிகள் ஒப்புதல் அளித்துள்ளனர்.

இதுவரை, காற்று படாமல், வெப்பம் தாக்காமல் கடந்த 1889-ஆம் ஆண்டிலிருந்து பிரான்ஸில் மிகவும் பாதுகாப்பாக வைக்கப்பட்டுள்ள, ஒரு பிளாட்டின உலோகக் கலவையிலான உருளை வடிவத் துண்டு என்ன எடையோ, அந்த எடைதான் ஒரு கிலோ கிராம் என்பது வரையறையாக இருந்து வருகிறது.

"லே கிராண் கே' என்று பெயரிடப்பட்டுள்ள அந்தத் துண்டின் மாதிரி வடிவங்கள் உலகின் பல்வேறு பகுதிகளில் இருந்து வருகின்றன.

எனினும், காலப்போக்கில் வெப்ப நிலை மாற்றம், அரிப்பு போன்ற காரணங்களால் அத்தகைய பொருள்களின் எடை குறையும் என்பதால், அந்த உருளை வடிவத் துண்டுகளின் எடைகளுக்கு இடையே வேறுபாடு ஏற்படும் நிலை உள்ளது.

எனவே, அத்தகைய உலோகக் கலவைத் துண்டை அடிப்படையாக வைத்து, ஒரு கிலோவுக்கான வரையறையை நிர்ணயிப்பது முழு துல்லியமற்றது என்று விஞ்ஞானிகளிடையே கருத்து நிலவி வந்தது.

இந்த நிலையில், இந்த வரையறையை பிளாட்டினம் துண்டுக்கு பதிலாக, மின்காந்தக் கருவியை அடிப்படையாகக் கொண்டு மாற்றியமைப்பதற்கான தீர்மானம் வெர்சாய் நகரிலுள்ள சர்வதேச எடை மற்றும் அலகுகள் மாநாட்டில் வாக்கெடுப்புக்கு விடப்பட்டது.

உலகம் முழுவதிலும் தங்களது நாட்டின் சார்பில் கலந்து கொண்ட பெரும்பாலான விஞ்ஞானிகள், அந்தத் தீர்மானத்துக்கு ஆதரவாக வாக்களித்தனர்.

மேலும், கிலோ கிராம் மட்டுமின்றி, மின்சாரம் (ஆம்பியர்), வெப்பம் (கெல்வின்), அணுக்கள் போன்றவற்றின் அடிப்படைத் துகள்களின் அளவு (மோல்) ஆகியவற்றின் அலகுகளும் பழைய மாதிரி பொருள்களின் அடிப்படையில் இருந்து வந்ததற்கு  பதில், நவீன மின்காந்த முறைக்கு மாற்றப்பட்டுள்ளது.

இது, அறிவியல் வரலாற்றில் முக்கியத்துவம் வாய்ந்த நிகழ்வு என்று விஞ்ஞானிகள் நெகிழ்ச்சியுடன் தெரிவிக்கின்றனர்.

எடை மற்றும் பிற அலகுகளில் கொண்டு வரப்பட்டுள்ள இந்த மாற்றம், வரும் 2019-ஆம் ஆண்டு மே மாதம் 20-ஆம் தேதி முதல் அமலுக்கு வரும்.

எனினும், இந்த வரையறை மாற்றம் மக்களின் அன்றாட வணிக நடவடிக்கைகளிலோ, எடை தொடர்பான பிற செயல்களிலோ பாதிப்பை ஏற்படுத்துமா? என்பதுதான் தற்போதுள்ள முதல் கேள்வி.

"130 ஆண்டுகளாக கிலோ கிராமுக்கு குறைபாடான வரையறையை வைத்துக் கொண்டிருந்த நாம், தற்போது துல்லியமான வரையறைக்கு மாறியுள்ளதான் என்ன பயன்?' என்று கேட்பவர்களும் இருக்கிறார்கள்.

உண்மையில், இந்த நமது அன்றாட வாழ்வில் இந்த புதிய வரையறை எந்த மாற்றத்தையும் ஏற்படுத்தாது என்பதை நிபுணர்களும் ஒத்துக்கொள்கிறார்கள்.
நாம் காய்கறி வாங்கும்போதோ, மளிகை சாமான் வாங்கும்போதே, ஏன் - விலையுயர்ந்த தங்க ஆபரணங்களை வாங்கும்போதோ கூட இந்த புதிய துல்லிய வரையறையால் வாடிக்கையாளர்களுக்கு எந்தப் பலனும் இல்லை என்கிறார்கள் அவர்கள்.

காரணம், இந்தப் புதிய வரையறை ஏற்படுத்தும் மாற்றம் நம்மால் நினைத்துக் கூட பார்க்க முடியாதது. அதாவது, புதிய வரையறை மூலம் ஒரு கிலோ கிராமில் 10 கோடியில் ஒரு பங்கு அளவு வித்தியசத்தைக் கூட துல்லியமாக அளவிட முடியும்.

அவ்வளவு துல்லியமாக அளவிட்டு, சராசரி மனிதர்கள் எதையும் சாதிக்கப்போவதில்லை.

ஆனால், இந்தத் துல்லியம், அறிவியல் கண்டுபிடிப்புகளில் விஞ்ஞானிகளுக்கு மிகப் பெரிய பக்கபலமாக இருக்கும் என்கிறார்கள் விவரம் தெரிந்தவர்கள்.
குறிப்பாக, மருந்து தயாரிப்பு போன்ற துறைகளுக்கு இந்த புதிய வரையறையால் கிடைக்கும் துல்லியம் மிகப் பெரிய வரப் பிரசாதமாக இருக்கும் என்கிறார்கள் அவர்கள்.

அந்த வகையில், நேரடியாக இல்லாவிட்டாலும், நீண்ட கால நோக்கில் மறைமுகமாவது இந்த புதிய வரையறை சமான்யனின் வாழ்வில் நன்மை பயக்கும் என்றே நம்புவோம்.

]]>
http://images.dinamani.com/uploads/user/imagelibrary/2018/11/26/w600X390/weight.jpg http://www.dinamani.com/business/2018/nov/26/கிலோ-கிராமுக்கான-வரையறையில்-மாற்றம்-வணிக-உலகை-பாதிக்குமா-3046083.html
3045140 வர்த்தகம் வங்கிகள் வழங்கிய கடன் 14 சதவீதம் அதிகரிப்பு DIN DIN Sunday, November 25, 2018 12:40 AM +0530 வங்கிகள் வழங்கிய கடன் நவம்பர் 6-ஆம் தேதியுடன் நிறைவடைந்த இரண்டு வார காலத்தில் 14.88 சதவீதம் அதிகரித்துள்ளது. 
இதுகுறித்து ரிசர்வ் வங்கி புள்ளிவிவரத்தில் தெரிவித்துள்ளதாவது:
கடந்த நவம்பர் 9-ஆம் தேதியுடன் முடிவடைந்த இருவார காலத்தில் வங்கிகள் வழங்கிய கடன் 14.88 சதவீதம் அதிகரித்து ரூ.91.11 லட்சம் கோடியை எட்டியுள்ளது. இதே கால அளவில் திரட்டப்பட்ட டெபாசிட் 9.13 சதவீதம் வளர்ச்சி கண்டு ரூ.118.25 லட்சம் கோடியாக இருந்தது. 
இதற்கு முந்தைய ஆண்டு இதே இருவார கால அளவில், வழங்கப்பட்ட கடன்கள் ரூ.79.31 லட்சம் கோடியாகவும், டெபாசிட் ரூ.108.35 லட்சம் கோடியாகவும் காணப்பட்டது.
முன்னதாக அக்டோபர் 26-ஆம் தேதியுடன் நிறைவடைந்த இருவார காலத்தில் வங்கி வழங்கிய கடன் 14.57 சதவீதம் வளர்ச்சி கண்டு ரூ.90.37 லட்சம் கோடியாகவும், டெபாசிட் 9.01 சதவீதம் உயர்ந்து ரூ.117.71 லட்சம் கோடியாகவும் இருந்தது.
நடப்பாண்டு செப்டம்பரில் வங்கிகள் வழங்கிய உணவு சாரா கடன் 11.3 சதவீதம் அதிகரித்தது. அதேசமயம், கடந்தாண்டு இதே காலத்தில் இது 6.1 சதவீதம் மட்டுமே உயர்ந்திருந்தது.
அதேபோன்று, வங்கிகள் சேவை துறைக்கு வழங்கிய கடன் 7 சதவீதத்திலிருந்து அதிகரித்து 24 சதவீதமாக காணப்பட்டது. அதேசமயம், தனி நபர் கடன் 15.1 சதவீதம் அளவுக்கே உயர்ந்திருந்தது. 
கடந்தாண்டு செப்டம்பரில் இது 16.8 சதவீதமாக காணப்பட்டது.
வேளாண் மற்றும் அது சார்ந்த துறைகளுக்கு வழங்கப்பட்ட கடன் மாற்றமின்றி 5.8 சதவீத  வளர்ச்சியை மட்டுமே பெற்றிருந்தது. 
நடப்பாண்டு செப்டம்பரில் வங்கிகள் தொழில்துறைக்கு வழங்கிய கடன் 2.3 சதவீதம் ஏற்றம் கண்டிருந்தது. 
கடந்தாண்டு செப்டம்பரில் இது 0.4 சதவீதம் பின்னடைந்திருந்ததாக அந்தப் புள்ளிவிவரத்தில் தெரிவிக்கப்பட்டுள்ளது.

]]>
http://images.dinamani.com/uploads/user/imagelibrary/2018/10/27/w600X390/loans.jpg http://www.dinamani.com/business/2018/nov/25/வங்கிகள்-வழங்கிய-கடன்-14-சதவீதம்-அதிகரிப்பு-3045140.html
3045139 வர்த்தகம் தண்ணீர் சுத்திகரிப்பான் சந்தையில் 10% பங்களிப்பு: ஹவேல்ஸ் DIN DIN Sunday, November 25, 2018 12:39 AM +0530 நுகர்வோர் சாதனங்கள் தயாரிப்பில் ஈடுபட்டு வரும் ஹவேல்ஸ் இந்தியா நிறுவனம், தண்ணீர் சுத்திகரிப்பு கருவிகள் சந்தையில் 10 சதவீத பங்களிப்பை வழங்க திட்டமிட்டுள்ளது.

இதுகுறித்து அந்த நிறுவனத்தின் தலைவர் சஷாங் ஸ்ரீவஸ்தவ் கூறியது:

தண்ணீர் சுத்திகரிப்பு கருவிகள் விற்பனை சந்தையில் முக்கிய இடம் வகிக்க இலக்கு நிர்ணயித்துள்ளோம். அதற்காக, தயாரிப்பு திறனை இரட்டிப்பாக்கி ஆண்டுக்கு 10 லட்சம் தண்ணீர் சுத்திகரிப்பு சாதனங்களை உருவாக்க திட்டமிட்டுள்ளோம்.

தண்ணீர் சுத்திகரிப்பு கருவிகள் விற்பனைக்கான சந்தையில் ஒரு சதவீதம் மட்டுமே பூர்த்தி செய்யப்பட்டடுள்ளது. எஞ்சிய சதவீதத்துக்கான வர்த்தக வாய்ப்புகள் இந்தியாவில் பல்கிப் பெருகியுள்ளன.

எனவே, வாடிக்கையாளர்களுக்கு என்ன தேவை என்பதை நன்கு உணர்ந்து தயாரிப்புகளை வழங்கி வருகிறோம். அந்த வகையில், அடுத்த 3-4 ஆண்டுகளில் இச்சந்தையில் 10 சதவீத பங்களிப்பை வழங்குவதே எங்களின் இலக்காக உள்ளது என்றார் அவர்.

]]>
http://images.dinamani.com/uploads/user/imagelibrary/2018/11/25/w600X390/unnamed.jpg http://www.dinamani.com/business/2018/nov/25/தண்ணீர்-சுத்திகரிப்பான்-சந்தையில்-10-பங்களிப்பு-ஹவேல்ஸ்-3045139.html
3045138 வர்த்தகம் அந்நியச் செலாவணி கையிருப்பு 57 கோடி டாலர் உயர்வு DIN DIN Sunday, November 25, 2018 12:38 AM +0530 நாட்டின் அந்நியச் செலாவணி கையிருப்பு நவம்பர் 16-ஆம் தேதியுடன் முடிவடைந்த வாரத்தில் 57 கோடி டாலர் அதிகரித்துள்ளது.
இதுகுறித்து ரிசர்வ் வங்கி புள்ளிவிவரத்தில் தெரிவித்துள்ளதாவது:
அந்நியச் செலாவணி சொத்து மதிப்பு கணிசமாக உயர்ந்ததையடுத்து நவம்பர் 16-ஆம் தேதியுடன் முடிவடைந்த வாரத்தில் இந்தியாவின் அந்நியச் செலாவணி கையிருப்பு 57 கோடி டாலர் (ரூ.3,990 கோடி) அதிகரித்து 39,358 கோடி டாலரை (ரூ.27.55 லட்சம் கோடி) எட்டியுள்ளது.
இதற்கு முந்தைய வாரத்தில் செலாவணி கையிருப்பு 12 கோடி டாலர் சரிந்து 39,301 கோடி டாலராக காணப்பட்டது.
மதிப்பீட்டு வாரத்தில், ஒட்டுமொத்த கையிருப்பில் முக்கிய அங்கம் வகிக்கும்  அந்நியச் செலாவணி சொத்து மதிப்பு 50.6 கோடி டாலர் உயர்ந்து 36,854 கோடி டாலராக இருந்தது.
தங்கத்தின் கையிருப்பு 7.3 கோடி டாலர் அதிகரித்து 2,096 கோடி டாலராக காணப்பட்டது.
அதேசமயம், சர்வதேச நிதியத்தில் எஸ்டிஆர் மதிப்பு 57 லட்சம் டாலர் குறைந்து 145 கோடி டாலராகவும், நாட்டின் கையிருப்பு நிலை 44 லட்சம் டாலர் சரிந்து 262 கோடி டாலராகவும் காணப்பட்டது என புள்ளிவிவரத்தில் தெரிவிக்கப்பட்டுள்ளது.நாட்டின் அந்நியச் செலாவணி கையிருப்பு நடப்பாண்டு ஏப்ரல் 13-ஆம் தேதியுடன் முடிவடைந்த  வாரத்தில் தான் முன்னெப்போதும் இல்லாத அளவில் 42,602 கோடி டாலரை (ரூ.29.82 லட்சம் கோடி) எட்டியிருந்தது. அதன் பிறகு பல்வேறு காரணங்களால் இதுவரையில் அந்நியச் செலாவணி கையிருப்பு 3,100 கோடி டாலர் (ரூ.2.17 லட்சம் கோடி) அளவுக்கு சரிந்துள்ளது. 
அந்நியச் செலாவணி சொத்து மதிப்பு டாலரில் கணக்கிடப்படுகிறது. மதிப்பீடு செய்யப்பட்ட வாரத்தில், அமெரிக்க டாலருக்கு நிகரான யூரோ, பவுண்ட், யென் உள்ளிட்ட  இதர நாட்டு செலாவணிகளின் மதிப்பில் ஏற்பட்ட மாற்றம் கையிருப்பு மதிப்பு உயர்வுக்கு முக்கிய காரணமாக கூறப்படுகிறது.

]]>
http://images.dinamani.com/uploads/user/imagelibrary/2013/8/7/0/w600X390/rupee_dollar.jpg http://www.dinamani.com/business/2018/nov/25/அந்நியச்-செலாவணி-கையிருப்பு-57-கோடி-டாலர்-உயர்வு-3045138.html
3045137 வர்த்தகம் விநியோகஸ்தர்களின் எண்ணிக்கை குறைப்பு DIN DIN Sunday, November 25, 2018 12:36 AM +0530 சிக்கன நடவடிக்கையாக விநியோகஸ்தர்கள் மற்றும் விற்பனை மையங்களின் எண்ணிக்கையை குறைப்பதில் வோடபோன் ஐடியா நிறுவனம் தீவிரமாக ஈடுபட்டுள்ளது.
இதுகுறித்து அந்த நிறுவனத்தின் அறிக்கையில் தெரிவிக்கப்பட்டுள்ளது: தற்போதைய நிலையில் விநியோகஸ்தர்களின் எண்ணிக்கை 43,000-ஆக உள்ளது. இதனை வரும் டிசம்பர் மாதத்துக்குள் 27,000-ஆக குறைக்க திட்டமிடப்பட்டுள்ளது. ஆக, ஒரு மாதத்துக்குள் விநியோகஸ்தர்களின் எண்ணிக்கையை 16,000 குறைக்க நடவடிக்கைகள் மேற்கொள்ளப்பட்டுள்ளன.
அதேபோன்று, விற்பனை மையங்களின் எண்ணிக்கையையும் 2,000 குறைத்து 6,000-லிருந்து 4,000-மாக மாற்றும் பணிகள் தீவிரப்படுத்தப்பட்டுள்ளன. இதனை அடுத்தாண்டு மார்ச் மாதத்துக்குள் நிறைவேற்ற உறுதியெடுக்கப்பட்டுள்ளது.
ஒருங்கிணைப்பு திட்டத்தின் ஒரு பகுதியாக அழைப்பு மையங்களின் (கால் சென்டர்) எண்ணிக்கையை அடுத்தாண்டு மார்ச் மாதத்துக்குள் 82-லிருந்து 38-ஆக குறைக்க திட்டமிடப்பட்டுள்ளது என்று அந்த அறிக்கையில் கூறப்பட்டுள்ளது.
வரும் 2021-ஆம் ஆண்டு மார்ச் மாதத்துக்குள் வர்த்தக ஒருங்கிணைப்பு நடவடிக்கைகள் முழுமையடையும் என்பது வேடாபோன் ஐடியாவின் எதிர்பார்ப்பாக உள்ளது.
ஐடியா இணைப்புக்குப் பிறகு நாட்டின் மிகப்பெரிய தொலைத் தொடர்பு நிறுவனமான வோடபோன் ஐடியா உருவெடுத்துள்ளது. இந்நிறுவனம் ரூ.1.2 லட்சம் கோடி கடனில் சிக்கி தவித்து வருகிறது. செப்டம்பர் காலாண்டில் இந்நிறுவனத்துக்கு ஏற்பட்ட ஒட்டு மொத்த இழப்பு ரூ.4,973 கோடி என அறிவிக்கப்பட்டிருந்தது குறிப்பிடத்தக்கது.
 

]]>
http://images.dinamani.com/uploads/user/imagelibrary/2018/11/25/w600X390/vodafone.jpg http://www.dinamani.com/business/2018/nov/25/விநியோகஸ்தர்களின்-எண்ணிக்கை-குறைப்பு-3045137.html
3045127 வர்த்தகம் தங்கம் பவுனுக்கு ரூ.8 குறைவு DIN DIN Sunday, November 25, 2018 12:20 AM +0530 சென்னையில் ஆபரணத் தங்கத்தின் விலை சனிக்கிழமை பவுனுக்கு ரூ.8 குறைந்து  ரூ.23,472-க்கு விற்பனை செய்யப்பட்டது.

சர்வதேச பொருளாதாரச் சூழல்,  உலகச்சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவை தங்கத்தின் விலையை நிர்ணயிக்கின்றன. சென்னையில் சனிக்கிழமை நிலவரப்படி, ஆபரணத் தங்கம் கிராமுக்கு ரூ.1 வீதம் குறைந்து ரூ.2,934-க்கு விற்பனை செய்யப்பட்டது. வெள்ளி விலையில் மாற்றமின்றி, ஒரு கிராம் வெள்ளி ரூ.39.40 ஆகவும், ஒரு கிலோ கட்டி வெள்ளி  ரூ.39,400 ஆகவும் இருந்தது.

சனிக்கிழமை விலை ரூபாயில் (ஜி.எஸ்.டி. தனி)

1 கிராம் தங்கம்     2,934
1 பவுன் தங்கம்     23,472
1 கிராம் வெள்ளி     39.40
1 கிலோ வெள்ளி     39,400

வெள்ளிக்கிழமை விலை ரூபாயில் (ஜி.எஸ்.டி. தனி)

1 கிராம் தங்கம்     2,935
1 பவுன் தங்கம்     23,480
1 கிராம் வெள்ளி     39.40
1 கிலோ வெள்ளி     39,400

]]>
http://images.dinamani.com/uploads/user/imagelibrary/2018/7/16/w600X390/gold_jewel.jpg file photo http://www.dinamani.com/business/2018/nov/25/தங்கம்-பவுனுக்கு-ரூ8-குறைவு-3045127.html
3044511 வர்த்தகம் பிராட்பேண்ட் வாடிக்கையாளர்கள் எண்ணிக்கை 46.36 கோடி DIN DIN Saturday, November 24, 2018 12:54 AM +0530
இந்தியாவில் இணையதள பயன்பாடு அசுர வேகத்தில் வளர்ச்சி கண்டுள்ள நிலையில், நடப்பாண்டு ஆகஸ்ட் இறுதி நிலவரப்படி பிராட்பேண்ட் (அகண்ட அலைவரிசை சேவை) வாடிக்கையாளர்களின் எண்ணிக்கை 46.36 கோடியை எட்டியுள்ளது.
இதுகுறித்து தொலைத் தொடர்புத் துறை வெள்ளிக்கிழமை வெளியிட்ட புள்ளிவிவரத்தில் தெரிவித்துள்ளதாவது: நடப்பாண்டு ஜூலையில் பிராட்பேண்ட் உபயோகிப்பாளர்களின் எண்ணிக்கை 46.02 கோடியாக இருந்தது. இந்த நிலையில், ஒரே மாதத்தில் அதன் எண்ணிக்கை 0.74 சதவீதம் அளவுக்கு வளர்ச்சியைடந்துள்ளது. இதையடுத்து, ஆகஸ்ட் மாதத்தில் அந்த எண்ணிக்கை 46.36 கோடியை தொட்டுள்ளது.
ஒட்டுமொத்த தொலைபேசி எண்ணிக்கை ஜூலை மாதத்துடன் ஒப்பிடும்போது ஆகஸ்டில் 97.3 லட்சம் அதிகரித்து 118.91 கோடியாக இருந்தது. இதில், கம்பிவட (வயர்லைன்) தொலைபேசி இணைப்புகள் சரிவை சந்தித்துள்ளது. அதேசமயம், கம்பியில்லா (வயர்லெஸ்) தொலைபேசி இணைப்புகளின் எண்ணிக்கை 0.84 சதவீதம் அதிகரித்து 116.7 கோடியாக இருந்தது.
தொலைபேசி இணைப்பு அதிகரிப்பை பொருத்தவரையில் மும்பை முதலிடத்தில் உள்ளது. இங்கு சாதனை அளவாக ஆகஸ்டில் 19,35,584 தொலைபேசி இணைப்புகள் அதிகரித்துள்ளன. இதனைத் தொடர்ந்து பிகாரில் 10,26,007 இணைப்புகளும், மத்திய பிரதேசத்தில் 9,61,251 இணைப்புகளும் உயர்ந்துள்ளன.
அதேசமயம், ஜம்மு & காஷ்மீரில் முந்தைய மாதத்தைக் காட்டிலும் ஆகஸ்டில் 1,72,445 தொலைபேசி இணைப்புகள் குறைந்துள்ளன. ஒட்டுமொத்த இணைப்புகளில் வயர்லெஸ் பிரிவின் பங்களிப்பு 98.13 சதவீதமாகவும், வயர்லைன் தொலைபேசி இணைப்பு 1.87 சதவீதமாகவும் உள்ளன.
நடப்பாண்டு ஆகஸ்ட் நிலவரப்படி, மொத்த தொலைபேசி இணைப்புகளில் பொதுத் துறை தொலைத் தொடர்பு சேவை நிறுவனங்களின் பங்களிப்பு 11.12 சதவீதம் என்ற அளவிலும், தனியார் நிறுவனங்களின் பங்களிப்பு 88.88 சதவீதமாகவும் இருந்தன.
பகுதிய வாரியான தொலைபேசி சேவையில் உத்தர பிரதேசம் (கிழக்கு) 8.62% உடன் முதலிடத்தில் உள்ளது. இதையடுத்து, மத்திய பிரதேசம் (8.12%), ஆந்திரம் (7.40%), பிகார் (7.38%), தமிழகம் (7.05%) ஆகியவை உள்ளன என்று புள்ளி விவரத்தில் கூறப்பட்டுள்ளது.
 

]]>
http://images.dinamani.com/uploads/user/imagelibrary/2018/11/24/w600X390/broad-band.jpg http://www.dinamani.com/business/2018/nov/24/பிராட்பேண்ட்-வாடிக்கையாளர்கள்-எண்ணிக்கை-4636-கோடி-3044511.html
3044507 வர்த்தகம் டிவிஎஸ்: எக்ஸ்எல் ஐ-டச் ஸ்டார்ட் மாடல் அறிமுகம் DIN DIN Saturday, November 24, 2018 12:53 AM +0530
டிவிஎஸ் நிறுவனத்தின் புதிய தயாரிப்பான எக்ஸ்எல் 100 ஹெவி டியூட்டி ஐ டச் ஸ்டார்ட் வாகனத்தின் அறிமுக விழா கோவையில் நடைபெற்றது. 
இதுதொடர்பாக டிவிஎஸ் நிறுவனத்தின் துணைப் பொது மேலாளர்(பயன்பாட்டு வாகனங்கள் பிரிவு) என்.ஆர்.விக்னேஷ் செய்தியாளர்களிடம் கூறியதாவது:
டிவிஎஸ் எக்ஸ்எல்100 இருசக்கர வாகனங்கள் தினசரி உபயோகத்துக்கும், சரக்குப் போக்குவரத்துக்கும் உகந்த வகையில் வடிவமைக்கப்பட்டிருந்தன. இதற்கு வாடிக்கையாளர்களிடையே நல்ல வரவேற்பு இருந்தது. இந்நிலையில், இதன் மேம்படுத்தப்பட்ட புதிய பதிப்பான டிவிஎஸ் எக்ஸ்எல் 100 ஹெவி டியூட்டி ஐ-டச் ஸ்டார்ட் எனும் புதிய மாடலை அறிமுகப்படுத்தியுள்ளோம். தற்போதுள்ள வாகனங்களில் இடம்பெற்றுள்ள முக்கிய சிறப்பம்சமான எலக்ட்ரிக் ஸ்டார்ட் வசதி இதில் உள்ளது. 
இந்தியாவில் முதல்முறையாக ஸ்டார்ட்டர் ஜெனரேட்டர் எனும் புதிய எலக்ட்ரிக் ஸ்டார்ட் தொழில்நுட்பத்துடன் இது வடிவமைக்கப்பட்டுள்ளது. இந்தப் புதிய தொழில்நுட்பத்தின் மூலமாக மற்ற மாடல்களுடன் ஒப்பிடுகையில் 30 சதவீதம் குறைவான பேட்டரி ஆற்றலையே இது பயன்படுத்தும்.
மேலும், இந்த வாகனம் அகலமான பிளாட்ஃபார்மை கொண்டுள்ளது. இதன்மூலமாக கூடுதலான சரக்குகளை ஏற்றிச் செல்ல முடியும். இதேபோல தேவைப்படாதபோது பிரித்து எடுத்துக்கொள்ளக்கூடிய வகையில் பின்புற இருக்கை வசதியும் உள்ளது. 
கனரக டியூரா கிரிப் டயர்கள் பொருத்தப்பட்டுள்ளதால் அனைத்து விதமான சாலைகளிலும் பயணிக்க வசதியாக இந்த வாகனம் இருக்கும். இந்த வாகனத்தின் மீட்டர்களின் அருகே செல்லிடப்பேசியை சார்ஜ் செய்வதற்கான இணைப்பும் அமைக்கப்பட்டுள்ளது.
இந்த மாடல் பச்சை, சிவப்பு, கருப்பு, நீலம், காப்பர் ஷைன், கிரே, மினரல் பர்ப்பிள் ஆகிய வண்ணங்களில் கிடைக்கும். இதன் விலை ரூ. 37, 300-ஆக (எக்ஸ்-ஷோரூம்) நிர்ணயிக்கப்பட்டுள்ளது என்றார்.


 

]]>
http://images.dinamani.com/uploads/user/imagelibrary/2018/11/24/w600X390/tvs.jpg டிவிஎஸ் எக்ஸ் எல்100 நிறுவனத்தின் புதிய மாடலை அறிமுகப்படுத்தும்  டிவிஎஸ் மோட்டார் கம்பெனியின் உதவி பொதுமேலாளர் என்.ஆர். விக்னேஷ்,  மேலாளர் பத்ரி நாராயணன். http://www.dinamani.com/business/2018/nov/24/டிவிஎஸ்-எக்ஸ்எல்-ஐ-டச்-ஸ்டார்ட்-மாடல்-அறிமுகம்-3044507.html
3044500 வர்த்தகம் ரூ.1,085 கோடி மதிப்பிலான பங்குகளை திரும்பப் பெறுகிறது ஆயில் இந்தியா DIN DIN Saturday, November 24, 2018 12:51 AM +0530
பொதுத் துறையைச் சேர்ந்த ஆயில் இந்தியா நிறுவனம் ரூ.1,085 கோடி மதிப்பிலான பங்குகளை திரும்பப் பெறவுள்ளது. 
இதுகுறித்து அந்த நிறுவனம் பங்குச் சந்தை ஒழுங்காற்று அமைப்பான செபிக்கு தெரிவித்துள்ளதாவது: ஆயில் இந்தியா நிறுவனத்தின் இயக்குநர்கள் குழு பங்குகளை திரும்பப் பெறும் திட்டத்துக்கு ஒப்புதலை வழங்கியுள்ளது. அதன்படி, 10 சதவீதத்துக்கும் மிகாத அளவில் பங்குகள் இந்த திட்டத்தின் மூலம் திரும்பப் பெறப்படவுள்ளன. முற்றிலும் அளிக்கப்பட்ட பங்கு மூலதனம் அடிப்படையில் 5.05 கோடி பங்குகள் திரும்பப் பெறப்படவுள்ளன. பங்கு ஒன்றின் விலை ரூ.215 என்ற அடிப்படையில் வாங்க இந்த திட்டத்துக்காக ரூ.1,085.72 கோடி ஒதுக்கீடு செய்யப்பட்டுள்ளது என்று ஆயில் இந்தியா செபி-யிடம் கூறியுள்ளது.
அதிக ரொக்க கையிருப்பை கொண்டுள்ள பொதுத் துறை நிறுவனங்கள் அரசின் வருவாய் இலக்கை அடைய அதிக டிவிடெண்டுகள் வழங்க வேண்டும் அல்லது பங்குகளை திரும்பப் பெறும் திட்டத்தை செயல்படுத்த வேண்டும் என மத்திய அரசு ஏற்கெனவே தெரிவித்திருந்தது.
இந்த நிலையில், நாட்டின் இரண்டாவது மிகப்பெரிய எண்ணெய் உற்பத்தி நிறுவனமான ஆயில் இந்தியா ஏறக்குறைய ரூ.20,000 கோடி வரை ரொக்க கையிருப்பை வைத்துள்ளது. இதனையடுத்து, பங்குகளை திரும்பப் பெறும் திட்டத்தை அந்நிறுவனம் செயல்படுத்தவுள்ளது.
ஆயில் இந்தியா நிறுவனத்தில் மத்திய அரசுக்கு சொந்தமாக 66.13 சதவீத பங்குகள் உள்ளது. இதில், 5.05 கோடி பங்குகள் இந்த திட்டத்தின் மூலம் விற்பனை செய்யப்படவுள்ளன. இதன் மூலம் மத்திய அரசுக்கு ரூ.1,085 கோடி வருவாய் கிடைக்கும்.
 

]]>
http://images.dinamani.com/uploads/user/imagelibrary/2018/11/24/w600X390/oil.jpg http://www.dinamani.com/business/2018/nov/24/ரூ1085-கோடி-மதிப்பிலான-பங்குகளை-திரும்பப்-பெறுகிறது-ஆயில்-இந்தியா-3044500.html
3044498 வர்த்தகம் இந்தியாவில் விமான சேவை விஸ்தரிப்பு: ஸ்ரீலங்கன் ஏர்லைன்ஸ் திட்டம் DIN DIN Saturday, November 24, 2018 12:51 AM +0530
இந்தியாவில் விமான சேவையை விஸ்தரிக்க ஸ்ரீலங்கன் ஏர்லைன்ஸ் திட்டமிட்டுள்ளது.
இதுகுறித்து அந்த நிறுவனத்தின் மேலாளர் (வட இந்தியா) சின்தக வீரசிங்கே வெள்ளிக்கிழமை கூறியதாவது:
ஸ்ரீலங்கன் ஏர்லைன்ஸ் இந்தியாவுக்கு விமான சேவையை தொடங்கி 25 ஆண்டுகள் ஆகிறது. தற்போது, வாரத்துக்கு 122 விமானங்கள் 13 முக்கிய இந்திய நகரங்களுக்கு இயக்கப்பட்டு வருகிறது. ஸ்ரீலங்கன் ஏர்லைன்ஸைப் பொருத்தவரையில் இந்தியா மிக முக்கியமான சந்தையாக உருவெடுத்துள்ளது. எனவே, கொழும்புவுடன் இந்தியாவின் மேலும் பல முக்கிய நகரங்களை இணைக்க திட்டமிடப்பட்டுள்ளது. 
அதற்கான விமான சேவை விரைவில் தொடங்கும் என்றார் அவர்.
ஸ்ரீலங்கன் ஏர்லைன்ஸுக்கு 13 ஏ330 விமானங்கள் உள்பட 27 ஏர்பஸ் விமானங்கள் உள்ளன.

]]>
http://images.dinamani.com/uploads/user/imagelibrary/2018/11/24/w600X390/sri.jpg http://www.dinamani.com/business/2018/nov/24/இந்தியாவில்-விமான-சேவை-விஸ்தரிப்பு-ஸ்ரீலங்கன்-ஏர்லைன்ஸ்-திட்டம்-3044498.html
3043768 வர்த்தகம் உள்நாட்டு விமான பயணிகள் எண்ணிக்கை 1.18 கோடியாக அதிகரிப்பு DIN DIN Friday, November 23, 2018 12:54 AM +0530
சென்ற அக்டோபர் மாதத்தில் உள்நாட்டு விமானப் பயணம் மேற்கொண்டோரின் எண்ணிக்கை 1.18 கோடியாக அதிகரித்துள்ளது.
இதுகுறித்து உள்நாட்டு விமான போக்குவரத்து தலைமை இயக்குநரகம் (டிஜிசிஏ) வியாழக்கிழமை வெளியிட்ட புள்ளிவிவரத்தில் தெரிவித்துள்ளதாவது:
சென்ற அக்டோபரில் உள்நாட்டுக்குள் விமானங்களில் பயணித்தோர் எண்ணிக்கை 1.18 கோடியாக இருந்தது. கடந்தாண்டு எண்ணிக்கையுடன் ஒப்பிடுகையில் இது 13.34 சதவீதம் அதிகமாகும். அதேசமயம், கடந்த 14 மாதங்களுடன் ஒப்பிடும்போது இது குறைவான வளர்ச்சி விகிதமாகும்.
நான்கு முக்கிய விமான நிலையங்களிலிருந்து பயணிகளுக்கு 90.5 சதவீதம் அளவுக்கு நேரம் தவறாமல் விமான சேவை வழங்கியதில் வாடியா குழுமத்தின் கோஏர் நிறுவனம் முதலிடத்தில் உள்ளது. அதேசமயம், மிகப்பெரிய சந்தை பங்களிப்பைக் கொண்டுள்ள இண்டிகோ நிறுவனம் நான்காவது இடத்துக்கு சறுக்கியுள்ளது.
இந்த கால கட்டத்தில், இண்டிகோ நிறுவனம் 50.75 லட்சம் பயணிகளைக் கையாண்டு 42.8 சதவீத சந்தை பங்களிப்பை வழங்கியுள்ளது. இதைத் தொடர்ந்து நிதி நெருக்கடியில் சிக்கியுள்ள ஜெட் ஏர்வேஸ் மற்றும் அதன் துணை நிறுவனம் ஜெட்லைட் ஆகியவை 17.61 லட்சம் பயணிகளைக் கையாண்டு 14.9 சதவீத சந்தைப் பங்களிப்பை அளித்துள்ளது.
மத்திய அரசுக்கு சொந்தமான ஏர் இந்தியா நிறுவனம் 14.44 லட்சம் பயணிகளைக் கையாண்டு 12.2 சதவீத சந்தைப் பங்களிப்பை தக்க வைத்துக் கொண்டது. ஸ்பைஸ் ஜெட் நிறுவனம் 13.82 லட்சம் பயணிகளையும், கோஏர் 10.48 லட்சம் பயணிகளையும் ஏற்றிச் சென்றுள்ளன. 
ஜனவரி முதல் அக்டோபர் வரையிலான காலத்தில் ஒட்டுமொத்த அளவில் விமான பயணத்துக்கான தேவை 20.11 சதவீதம் அதிகரித்து பயணிகள் எண்ணிக்கை 11.46 கோடியை எட்டியுள்ளது என டிஜிசிஏ
தெரிவித்துள்ளது.
 

]]>
http://images.dinamani.com/uploads/user/imagelibrary/2018/11/23/w600X390/airport-bccl.jpg http://www.dinamani.com/business/2018/nov/23/உள்நாட்டு-விமான-பயணிகள்-எண்ணிக்கை-118-கோடியாக-அதிகரிப்பு-3043768.html
3043767 வர்த்தகம் வால்மார்ட் ஒப்பந்தத்தால் சச்சின், பின்னி பன்சாலுக்கு கிடைத்த வருமானம்?: விவரங்களை கோருகிறது வருமான வரி துறை DIN DIN Friday, November 23, 2018 12:54 AM +0530
வால்மார்ட் ஒப்பந்தத்தின் மூலம் கிடைத்த வருவாய் விவரங்களை தெரிவிக்க கோரி ஃபிளிப்கார்ட் நிறுவனர்களான சச்சின் மற்றும் பின்னி பன்சால் ஆகியோருக்கு வருமான வரி துறை கடிதம் எழுதியுள்ளது.
இதுகுறித்து வருமான வரி துறை உயரதிகாரி வியாழக்கிழமை கூறியதாவது:
கடந்த ஆகஸ்ட் மாதம் ஃபிளிப்கார்ட் நிறுவனத்தை அமெரிக்காவைச் சேர்ந்த வால்மார்ட் நிறுவனம் கையகப்படுத்தியது. அப்போது, ஃபிளிப்கார்ட்டின் நிறுவனர்களான சச்சின் மற்றும் பின்னி பன்சால் ஆகியோரது பங்குகள் வால்மார்ட் நிறுவனத்துக்கு விற்பனை செய்யப்பட்டன. அவர்கள் இருவரும் இந்தியாவைச் சேர்ந்தவர்கள்.
எனவே, இந்திய வருமான வரி சட்ட விதிமுறைகளின்படி அவர்கள் ஈட்டிய மூலதன ஆதாயத்துக்கு 20 சதவீத வருமான வரி செலுத்த வேண்டியது கட்டாயமாகிறது.
இதனை கருத்தில் கொண்டு நிறுவனர்கள் இருவரும் ஈட்டிய வருமானத்தை கணக்கில் கொண்டு அதற்கேற்ப அரசிடம் முன்கூட்டிய வரியை டெபாசிட் செய்ய வேண்டும். அதன்படி, நடப்பாண்டு டிசம்பர் 15-ஆம் தேதிக்குள் 75 சதவீத வரியையும், மீதமுள்ள தொகையை அடுத்தாண்டு மார்ச் 15-ஆம் தேதிக்குள்ளும் செலுத்த வேண்டும்.
வால்மார்ட்-ஃபிளிப்கார்ட் ஒப்பந்தத்தை தீவிரமாக ஆய்வு செய்த சர்வதேச வரி விதிப்பு பிரிவு சச்சின் மற்றும் பின்னி பன்சாலுக்கு கடிதம் அனுப்பியுள்ளது. அதில், அவர்கள் ஒப்பந்தத்தின் மூலம் பெற்ற வருமானம் மற்றும் எங்கே வருமானவரி கணக்குகள் தாக்கல் செய்வார்கள் என்பது குறித்து விவரம் கேட்கப்பட்டுள்ளது என்றார் அவர்.
நடப்பாண்டு ஆகஸ்ட் மாதத்தில், ஃபிளிப்கார்ட் நிறுவனத்தின் 77 சதவீத பங்குகளை 1,600 கோடி டாலருக்கு (இந்திய மதிப்பில் சுமார் ரூ.1.12 லட்சம் கோடி) வால்மார்ட் நிறுவனம் கையகப்படுத்தியது. சாஃப்ட்பேங்க், நேஸ்பியர்ஸ், அக்ஸல் பார்ட்னர்ஸ், இ-பே , சச்சின் மற்றும் பின்னி பன்சால் உள்ளிட்ட 44 பேரிடமிருந்து பங்குகள் வாங்கப்பட்டன.
இந்த நிலையில், ஃபிளிப்கார்ட் நிறுவனத்தில் 44 வெளிநாட்டு பங்குதாரர்களிடமிருந்து பங்குகளை கையகப்படுத்தியதற்காக ஏற்கெனவே ரூ.7,439 கோடி வரியை வால்மார்ட் டெபாசிட்
செய்துள்ளது குறிப்பிடத்தக்கது.


 

]]>
http://images.dinamani.com/uploads/user/imagelibrary/2018/11/23/w600X390/sachin.jpg ஃபிளிப்கார்ட் நிறுவனர்கள் சச்சின் பன்சால் (இடது) மற்றும் பின்னி பன்சால். http://www.dinamani.com/business/2018/nov/23/வால்மார்ட்-ஒப்பந்தத்தால்-சச்சின்-பின்னி-பன்சாலுக்கு-கிடைத்த-வருமானம்-விவரங்களை-கோருகிறது-வருமான-வ-3043767.html
3043766 வர்த்தகம் ரூபாய் மதிப்பு சரிவால் செல்லிடப்பேசி விலை உயர்கிறது: ஜியோமி DIN DIN Friday, November 23, 2018 12:53 AM +0530
அமெரிக்க டாலருக்கு நிகரான ரூபாய் மதிப்பில் காணப்படும் சரிவு என்பது செல்லிடப்பேசியின் விலையை அதிகரிக்கிறது என ஜியோமி நிறுவனத்தின் துணைத் தலைவரும், இந்திய பிரிவு நிர்வாக இயக்குநருமான மானு ஜெயின்  தெரிவித்தார்.
இதுகுறித்து அவர் வியாழக்கிழமை செய்தியாளர்களிடம் மேலும் கூறியதாவது:
அமெரிக்க டாலருக்கு நிகரான ரூபாய் மதிப்பு சரிவு போட்டிகள் நிறைந்த செல்லிடப்பேசி துறையை வெகுவாக பாதிக்கிறது. நடப்பாண்டு தொடக்கத்தில் இருந்து ரூபாய் மதிப்பு 15 சதவீதம் அளவுக்கு சரிந்துள்ளது. இதனால், செல்லிடப்பேசி நிறுவனங்கள் விலையை உயர்த்த வேண்டிய கட்டாய நிலைக்கு தள்ளப்பட்டுள்ளன. இதன் காரணமாகவே, இம்மாத முற்பகுதியில் ஜியோமி ரெட்மி 6, ரெட்மி 6ஏ, பவர் பேங்க்ஸ் மற்றும் டிவிக்கள் விலையை ஜியோமி உயர்த்தியது.
செல்லிடப்பேசிகள், பவர் பேங்க்ஸ் உள்ளிட்டவை இந்தியாவில் தயாரிக்கப்பட்டாலும், அவற்றின் மூலப் பொருள்கள் மற்றும் பிசிபிஏ எனப்படும் பிரிண்டட் சர்க்கியூட் போர்டுகள் டாலரில் தான் வாங்கப்படுகின்றன. எனவே, விலை உயர்வு தவிர்க்க முடியாததாகி விடுகிறது என்றார் அவர்.
 

]]>
http://images.dinamani.com/uploads/user/imagelibrary/2018/11/23/w600X390/zio.jpg http://www.dinamani.com/business/2018/nov/23/ரூபாய்-மதிப்பு-சரிவால்-செல்லிடப்பேசி-விலை-உயர்கிறது-ஜியோமி-3043766.html
3043765 வர்த்தகம் பங்குச் சந்தையில் ஏற்ற இறக்கம் DIN DIN Friday, November 23, 2018 12:53 AM +0530
இந்திய பங்குச் சந்தைகளில் வியாழக்கிழமை ஏற்ற இறக்கத்துடன் காணப்பட்டது.
பங்குச் சந்தைகள் வர்த்தகத்தின் தொடக்கத்தில் விறுவிறுப்புடன் காணப்பட்டன. இந்த நிலையில், சர்வதேச சந்தைகளில் காணப்பட்ட மந்த நிலை, அந்நிய முதலீடு வெளியேற்றம் ஆகியவற்றைக் கருத்தில் கொண்டு முதலீட்டாளர்கள், பொதுத் துறை, மோட்டார் வாகனம், வங்கி துறை பங்குகளை அதிக அளவில் விற்பனை செய்தனர்.
மஹிந்திரா பங்கின் விலை 3.02 சதவீதமும், டாடா ஸ்டீல் பங்கின் விலை 2.28 சதவீதமும் வீழ்ச்சியடைந்தன. 
மும்பை பங்குச் சந்தையில் சென்செக்ஸ் 218 புள்ளிகள் சரிவடைந்து 34,981 புள்ளிகளில் நிலைத்தது. தேசிய பங்குச் சந்தையில் நிஃப்டி 73 புள்ளிகள் குறைந்து 10,526 புள்ளிகளில் நிலைத்தது.
 

]]>
http://www.dinamani.com/business/2018/nov/23/பங்குச்-சந்தையில்-ஏற்ற-இறக்கம்-3043765.html
3042365 வர்த்தகம் சிர்கான் டெக் பங்கு வெளியீட்டுக்கு அனுமதி DIN DIN Wednesday, November 21, 2018 12:56 AM +0530 சிர்கான் டெக்னாலஜீஸ் நிறுவனத்தின் புதிய பங்கு வெளியீட்டு திட்டத்துக்கு பங்குச் சந்தை ஒழுங்காற்று அமைப்பான செபி அனுமதி வழங்கியுள்ளது.
சிர்கான் டெக்னாலஜீஸ் புதிய பங்கு வெளியீட்டை மேற்கொள்ள கடந்த செப்டம்பர் மாதம் விண்ணப்பித்தது. அந்த விண்ணப்பத்தை பரிசீலித்த செபி தற்போது அதற்கான அனுமதியை அளித்துள்ளது.
இப்பங்கு வெளியீட்டின் மூலம் 59 லட்சம் பங்குகளை விற்பனை செய்ய அந்நிறுவனம் திட்டமிட்டுள்ளது. இதன் மூலம் திரட்டப்படும் தொகையை விரிவாக்க திட்டங்களுக்கும், கடன்களை திருப்பி செலுத்துவதற்கும், நடைமுறை மூலதன தேவைகளுக்கும் பயன்படுத்திக் கொள்ளஅந்நிறுவனம் திட்டமிட்டுள்ளது.
சிர்கான் டெக்னாலஜீஸ் பங்கு வெளியீட்டுக்கு அனுமதியளிக்கப்பட்டுள்ளதன் மூலம், நடப்பாண்டில் இதுவரையில் மொத்தம் 70 நிறுவனங்களுக்கு புதிய பங்கு வெளியீட்டை மேற்கொள்ள செபி அனுமதி வழங்கியுள்ளது.
 

]]>
http://images.dinamani.com/uploads/user/imagelibrary/2018/11/21/w600X390/ipo.jpg http://www.dinamani.com/business/2018/nov/21/சிர்கான்-டெக்-பங்கு-வெளியீட்டுக்கு-அனுமதி-3042365.html
3042364 வர்த்தகம் விமானங்களை விற்று ரூ.6,100 கோடி திரட்டுகிறது ஏர் இந்தியா DIN DIN Wednesday, November 21, 2018 12:55 AM +0530
கடனில் சிக்கி தத்தளித்து வரும் ஏர் இந்தியா நிறுவனம் விமானங்களை விற்று ரூ.6,100 கோடி திரட்ட திட்டமிட்டுள்ளது.
இதுகுறித்து அந்த நிறுவனத்தின் மூத்த உயரதிகாரி செவ்வாய்க்கிழமை கூறியதாவது:
கடந்த செப்டம்பர் மாதத்தில் குறுகிய காலக் கடனாக ரூ.500 கோடியை திரட்டிக் கொள்ளும் வகையில் ஏலப்புள்ளிகள் கோரப்பட்டது. ஆனால், இறுதி நாளான செப்டம்பர் 10 வரையில் யாரும் விண்ணப்பிக்கவில்லை. எனவே, காலக்கெடுவை அக்டோபர் 31 வரையில் நீடித்தும் பலனில்லை.
இந்த நிலையில், தேசிய சிறு சேமிப்பு நிதியத்திடமிருந்து ரூ.1,000 கோடி கடன் பெற இருந்ததையடுத்து, ரூ.500 கோடி திரட்டும் திட்டம் நிறுத்தி வைக்கப்பட்டது.
இந்த நிலையில், கடன் திரட்டும் திட்டத்தை ஏர் இந்தியா மறுசீரமைத்து நிதி ஆதாரத்தை பெற நடவடிக்கை மேற்கொள்ளப்பட்டுள்ளது. 
அதன்படி, ஏர் இந்தியா நிறுவனத்துக்கு சொந்தமான 6 போயிங் 787 (டிரீம்லைனர்) விமானங்கள் உள்ளிட்ட 7 பெரிய விமானங்களை விற்பனை செய்வதன் மூலமாகவும், குத்தகைக்கு விடுவதன் வாயிலாகவும் ரூ.6,100 கோடியை திரட்ட திட்டமிடப்பட்டுள்ளது என்றார் அவர்.
ஏர் இந்தியா நிறுவனத்துக்கு ரூ.55,000 கோடி கடன் உள்ளது. இதில், மூலதன தேவைக்காக திரட்டிய கடன் ரூ.35,000 கோடியும் அடங்கும். கடன்களை தீர்க்க நிதி திரட்டும் நடவடிக்கைகளில் கடந்தாண்டு முதல் அந்நிறுவனம் போராடி வருகிறது.
ஏர் இந்தியா நிறுவனத்தில் நிதி சீரமைப்பை மேற்கொள்ளும் திட்டத்தை மத்திய அரசு கடந்த 2012-ஆம் ஆண்டு நீடித்தது. அதன் அடிப்படையில், கடன் பிரச்னையிலிருந்து ஏர் இந்தியாவை மீட்டுக் கொண்டு வர 2021-ஆம் ஆண்டு மார்ச் மாதம் வரை 10 ஆண்டு காலத்துக்கு ரூ.30,231 கோடி நிதி உதவி அளிக்க முடிவு செய்யப்பட்டது.
 

]]>
http://images.dinamani.com/uploads/user/imagelibrary/2018/11/21/w600X390/airindia.jpg http://www.dinamani.com/business/2018/nov/21/விமானங்களை-விற்று-ரூ6100-கோடி-திரட்டுகிறது-ஏர்-இந்தியா-3042364.html