Dinamani - இளைஞர்மணி - http://www.dinamani.com/weekly-supplements/ilaignarmani/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2980481 வார இதழ்கள் இளைஞர்மணி உருவாக்கு... புதிய பாதையை!   DIN DIN Tuesday, August 14, 2018 11:31 AM +0530 மற்றவர்கள் உருவாக்கிய பாதையில் நடந்து செல்பவன் மனிதன். மற்றவர்களுக்காக பாதையை உருவாக்கு பவனே மாமனிதன் என்று சொல்வார்கள். அந்த வகையில் தன் எண்ணத்துக்கு தகுந்த பாதையை உருவாக்குபவனே வரலாற்றில் தடம் பதித்து செல்ல முடியும். 
சிலர் எங்கு சென்றாலும் நடந்தே சென்று வருவார்கள். பல பேர் அவரிடம், "எதற்காக இப்படி நடந்தே செல்கிறீர்கள்?'' என கேட்டால், "உடற்பயிற்சிக்காகத்தான்'' என்பார்கள். 
"சரி அவசரத்துக்கு எப்படிச் செல்வீர்கள்?'' என்று கேட்டால், வாடகை காரில் செல்வதாகச் சொல்வார்கள். உண்மையை என்னவென்றால், அவர்களுக்குச் சைக்கிள் ஓட்டத் தெரியாது என்பதுதான். 
முதன்முதலாக சைக்கிள் ஓட்டி பழகும் போது சைக்கிள் தாறுமாறாகப் போகும், நல்ல சாலையில் கூட விழும் சம்பவங்களும் நடக்கும். ஆனால், இதற்கெல்லாம் பயப்படாமல், சைக்கிள் கற்க முயன்றவன்தான் எதிர்காலத்தில் பைக்கை ஓட்டிக் கொண்டு நினைத்த இடத்துக்கு நினைத்த நேரத்துக்கு செல்ல முடியும்.
"ஐயோ, கீழே விழுந்து விடுவோமே' என் நினைத்து சைக்கிள் ஓட்டுவதற்கு சிறு வயதில் பயிற்சி எடுக்காதவர்கள் எதிர்காலத்தில் நிறைய காலத்தையும், பணத்தையும் வீணாக்க நேர்கிறது. 
ஆம். எந்தச் செயலையும் சிறப்பாகச் செய்ய அதற்குரிய பயிற்சி எடுக்க வேண்டும். அதுபோல எதையும் கற்றுக் கொள்வதற்குத் துணிவும் அவசியம்.
புதிதாக ஒரு தொழிலைத் தொடங்க வேண்டுமென்று ஓர் இளைஞர் விரும்பினார் என்றால் அதைத் தடுக்க பலர் பல விதமாகப் பேசுவார்கள். "அதே தொழிலைச் செய்த தனக்கு தெரிந்த ஒருவர் பெரிய நஷ்டத்தை சந்தித்து விட்டார்' என்பார்கள். "அந்தப் பொருளை சந்தைப்படுத்துவது என்பது மிகவும் கஷ்டம்' என்பார்கள். "என்னப்பா நீ, புதுசா ஏதோ செய்யணும்கிறே. நமக்கு சரியா வருமா?' என்பார்கள். 
இப்படியாக தொடங்கும் முன்பே நிறையத் தடைகளை விதிப்பவர்கள் நம்மை சுற்றி இருக்கும் போது புதிய பாதையில் பயணிப்பது சிரமம்தான். இருப்பினும் ஏற்கெனவே இருக்கும் தொழிலை விட புதிய தொழிலை வித்தியாசமாகச் செய்யும்போதுதான் மக்களின் கவனம் நம் மேல் விழும். ஒரு முறை நம்மை நம்பி வந்தவர்களுக்கு சரியான பொருளை அல்லது விஷயத்தை தந்து விட்டால் போதும், நாம் உருவாக்கிய புதிய பாதையில் தொடர்ந்து பயணிக்கலாம். 
புதிய தொழில் ஒன்றைத் தொடங்கி நடத்த விரும்புபவர்கள் முதலில் செய்ய வேண்டியவை நிறைய இருக்கின்றன. முதலில் என்ன தொழில் செய்ய நினைக்கிறோமோ, அந்தத் தொழில் பற்றிய அனைத்து விவரங்களையும் தெரிந்து கொள்ள வேண்டும். ஒரு பொருளைத் தயாரித்து விற்பனை செய்ய நினைத்தால் அந்தப் பொருளைத் தயாரிக்க என்ன என்ன மூலப் பொருட்கள், அவை எங்கே கிடைக்கும்? அவற்றின் செய்யும் முறைகளில் சிறப்பானது எது? வாங்க வேண்டிய இயந்திரங்கள் எவை? என்பன போன்ற விவரங்களுடன் கூடவே, அந்தப் பொருள் எந்தப் பகுதியில் எந்தத் தரத்தில் வாழும் மக்களுக்கு அதிக தேவையாக உள்ளது? அதைச் சந்தைப்படுத்துவதில் உள்ள நடைமுறைப் பிரச்னைகள் எவை? தொழில் தொடங்கி நடத்த எவ்வளவு மூலதனம் தேவைப்படும்? அத் தொழில் சார்ந்த பணியாளர்கள் கிடைப்பது எளிதா? என நிறைய விவரங்களைத் தெரிந்து கொள்வது அவசியம்.
அதன் பிறகு அந்தத் தொழிலில் பயிற்சி பெற வேண்டும். ஏற்கெனவே பயிற்சி பெற்றவர்களின் துணையுடன் பயிற்சி பெறலாம். அல்லது அத்தொழில் செய்யும் பிற நிறுவனங்களில் பணியில் குறிப்பிட்ட சில காலம் சேர்ந்து பணியாற்றி பயிற்சி பெறலாம். 
பிறகு தேவையான மூலதனம், இட வசதி, பணியாளர்கள் எல்லாவற்றையும் திட்டமிட்டு, முறையாகத் தொழில் தொடங்கி நடத்த வேண்டும். புதிய பாதை என்பது எளிதானதல்ல. இன்னும் சொல்லப் போனால் பழைய பாதையின் தொடர்ச்சியாகவே பல புதிய பாதைகள் இருக்கின்றன.
- வி.குமாரமுருகன் 

]]>
http://images.dinamani.com/uploads/user/imagelibrary/2018/8/14/w600X390/STAGES.JPG http://www.dinamani.com/weekly-supplements/ilaignarmani/2018/aug/14/உருவாக்கு-புதிய-பாதையை-2980481.html
2980480 வார இதழ்கள் இளைஞர்மணி வாழ்க்கைத் தொழிலுக்கு வழிகாட்டும் இணையதளம் DIN DIN Tuesday, August 14, 2018 11:29 AM +0530 ஒருவனுடைய வாழ்க்கை முன்னேற்றத்துக்கு அவனது தொழிலே முதற்காரணமாக இருக்கிறது. இளம்வயதினருக்குப் பெற்றோர்களும், ஆசிரியர்களும் குறிப்பிட்ட சில தொழில்களை மட்டும் முன்னிலைப்படுத்தி, அதனைச் செய்தால் வளமான வாழ்க்கை வாழலாம் என்று வழிகாட்டுகின்றனர். இளைஞனின் ஆர்வம், செயல்திறன், தனித்தன்மை, சூழல் போன்றவற்றைக் கருத்தில் கொள்ளாமல் சொல்லப்பட்ட பெரும்பான்மையான தொழில் வழிகாட்டல்கள் தவறுதலாகவே போய்க் கொண்டிருக்கின்றன. இதே போன்று, பல இளைஞர்கள் தங்கள் நட்பு வட்டத்திலிருப்பவர்கள் தேர்வு செய்யும் தொழிலையே தங்கள் வாழ்க்கைக்கான தொழிலாகத் தேர்வு செய்து தோல்வியைச் சந்தித்து வருகின்றனர். 
இந்நிலையில் இளைஞர்களுக்குத் தகுந்த வாழ்க்கைத் தொழில்களைத் தேர்வு செய்திட வழிகாட்டும் வகையில் ஓர் இணையதளம் செயல்பட்டுக் கொண்டிருக்கிறது. 
இந்த இணையதளத்தில் Accounting Careers, Administration Careers,  Advertising Careers ,  Agriculture Careers,  Analyst Careers,  Arts Careers,  Banking Careers,  Business Careers, Call Center Careers,  Construction Careers,  Consultant Careers,  Designing Careers,  Engineering Careers, Entertainment Careers, Environmental Careers, Fashion Careers, Finance Careers, Government Careers,  HealthCare Careers,  Hospitality Careers ,  Human Resource Careers, Insurance Careers, Information Technology Careers, Legal Careers, Maintenance Careers, Management Careers,   Media Careers,  Medical Careers,  Nursing Careers,  Oil Careers,  Pharmaceuticals Careers,  Real Estate Careers,  Research Careers,  Sales and Marketing Careers,  Security Careers,  Social Work Careers,  Sports Careers,  Teacher Careers,  Technician Careers, Telecom Careers, Training Careers, Transportation Careers, Uncategorized, Warehouse Careers எனும் முதனமைத் தலைப்புகள் இடம் பெற்றிருக்கின்றன. 
இந்தத் தலைப்புகளில் சொடுக்கினால், அத்தலைப்புடன் தொடர்புடைய பல்வேறு தொழில்கள் பற்றிய கட்டுரைகள் இடம் பெற்றிருக்கின்றன. இக்கட்டுரைகளில் தொழில் குறித்த செய்தி, தொழிலுக்கு இருக்கும் வாய்ப்புகள், தொழிலுக்குத் தேவையான கல்வி போன்ற பல்வேறு செய்திகள் இடம் பெற்றிருக்கின்றன. 
இவை தவிர, areer Change Career Coaching, Career Counseling, Career Guidance, Career tests எனும் தலைப்புகளும் இடம் பெற்றிருக்கின்றன. 
தொழில் மாற்றம் எனும் தலைப்பில், தொழில் மாற்றத்திற்கான குறிப்புகள், ஆலோசனைகள், அறிவுரைகள், குறிப்பிட்ட வயதுக்குப் பின்பான தொழில் மாற்றங்கள் என்பது உள்ளிட்ட தலைப்புகளில் பல்வேறு செய்திகள் தரப்பட்டிருக்கின்றன. தொழில் பயிற்சி எனும் தலைப்பில், விளையாட்டுப் பயிற்சி, நிருவாகப் பயிற்சி, நிறுவனப் பயிற்சி, தொழிலாளருக்கான பயிற்சி போன்ற பல்வேறு பயிற்சிச் செய்திகள் இடம் பெற்றிருக்கின்றன. 
தொழில் கலந்தாய்வு எனும் தலைப்பில், தகவல் தொடர்புத் திறன், தொழில் கலந்தாய்வுப் பயிற்சிகள், தொழில் கலந்தாய்வுக் கல்வி நிறுவனங்கள், தொழில் கலந்தாய்வுச் சேவைகள், தொழில் வளர்ச்சி மற்றும் கலந்தாய்வுகள் என்பது போன்ற பல தலைப்புகளில் செய்திகள் தரப்பட்டிருக்கின்றன. தொழில் வழிகாட்டி எனும் தலைப்பில், வேலைவாய்ப்பின்மைக் காலத்தில் தொழில்திறனை எப்படி வளர்த்துக் கொள்வது? வேலைத் தேடலுக்கு உதவும் சமூகத்தளங்கள், வெளிநாடுகளில் வேலைவாய்ப்புகள் போன்ற செய்திகள் இடம் பெற்றிருக்கின்றன. 
தொழில் சோதனைகள் எனும் தலைப்பில், தொழில் தேர்வுச் சோதனை, தொழில் வாய்ப்புச் சோதனை, தொழில் பொருத்தத் தேர்வு, மாணவர் தொழில் தேர்வு, தொழில் மதிப்பீட்டுச் சோதனை, தொழில் உருவாக்கத் தேர்வு, எவையெல்லாம் சிறந்த தொழில் சோதனைகள் என்பன போன்ற பல்வேறு செய்திகள் இடம் பெற்றிருக்கின்றன. 
நம்முடைய திறனுக்கும், சூழலுக்குமேற்ற தொழிலைத் தேர்வு செய்து வாழ்க்கையில் வளர்ச்சியும் மகிழ்ச்சியும் அடைய விரும்பும் இளைஞர்களுக்கு வழிகாட்டும் வகையில் அமைந்திருக்கும் இந்த இணையதளத்தைப் பார்வையிட விரும்புபவர்கள் http://www.careerguidance.com எனும் இணைய முகவரிக்குப் பயணிக்கலாம். 
- தேனி மு. சுப்பிரமணி
 

]]>
http://images.dinamani.com/uploads/user/imagelibrary/2018/8/14/w600X390/im9.jpg http://www.dinamani.com/weekly-supplements/ilaignarmani/2018/aug/14/வாழ்க்கைத்-தொழிலுக்கு-வழிகாட்டும்-இணையதளம்-2980480.html
2980479 வார இதழ்கள் இளைஞர்மணி ஐஏஎஸ் தேர்வுக்கு ஆன்லைன் மூலம் பயிற்சி! DIN DIN Tuesday, August 14, 2018 11:26 AM +0530 இன்றைய இளைஞர்களுக்கு நிறைய கனவுகள் இருக்கின்றன. மத்திய, மாநில அரசுப் பணிகளுக்கான தேர்வுகளை எழுத வேண்டும் என்று பலர் நினைக்கின்றனர். ஐஏஎஸ் தேர்வில் வெற்றி பெற்று ஆட்சியர் பணிக்குப் போக வேண்டும் என்று பலர் ஆசைப் படுகின்றனர். 
பெரிய நகரங்களில் வாழ்பவர்களுக்கு இந்த தேர்வுகளுக்காகப் பயிற்றுவிக்கும் கல்விநிறுவனங்களில் சேர்ந்து பயில்வது எளிதாக இருக்கிறது. ஆனால் சிறுநகரங்களில், கிராமப்புறங்களில் வாழ்பவர்கள் என்ன செய்வது? நகரங்களில் உள்ள பயிற்சி மையங்களில் பயில்பவர்களுக்கே கூட அவர்கள் பயிற்சி பெற விரும்பும் படிப்புக்கான நவீன புத்தகங்கள், வீடியோக்கள் எல்லாம் கிடைத்துவிடும் என்று சொல்ல முடியாது. பயிற்சி மையங்களில் சொல்லித் தரும் ஆசிரியர்கள் எல்லாரும் மிகவும் தேர்ச்சி பெற்றவர்கள் என்றும் சொல்ல முடியாது. 
பயிற்சி மையங்களுக்குச் சென்று கற்க மாணவர்கள் பயணம் செய்ய வேண்டும். அதற்காக ஒதுக்கும் நேரம், போக்குவரத்து நெரிசல்கள், உரிய நேரத்தில் வாகனங்கள் வராதது, அதனால் ஏற்படும் மன உளைச்சல்கள் என இளைஞர்களின் எதிர்கால கனவுகளுக்கு எதிராக நிறைய தடைகள் உள்ளன.
இம்மாதிரியான பிரச்னைகளுக்குத் தீர்வாகத் தொடங்கப்பட்டதுதான் "நியோஸ்டென்சில்' http://neostencil.com என்ற ஆன்லைன் கல்வி நிறுவனம். ஐஏஎஸ் மட்டுமல்ல ஐ.இ.எஸ், கேட் மற்றும் மாநில அரசுகள் நடத்தும் பல்வேறு தேர்வுகள், வங்கித் தேர்வுகள், யுஜிசி நடத்தும் தேர்வுகளுக்கு ஆன்லைன் மூலமாக பயிற்சி தரும் நிறுவனம்தான் இது. 
2014- இல் தொடங்கப்பட்ட இந்நிறுவனத்துக்கு புதுதில்லி, கூர்கான், ஜெய்ப்பூர் ஆகிய நகரங்களில் அலுவலகங்கள் உள்ளன. அமெரிக்காவிலும் கூட ஓர் அலுவலகம் உள்ளது.
இதை நிறுவியவர்கள் லவ் பீஜால், குஸ் பீஜால் என்ற சகோதரர்கள். இதில் லவ் பீஜால் ஒரு டாக்டர். மருத்துவப் படிப்புக்குப் பிறகு ஐஐஎம் அகமதாபாத்தில் நிர்வாகம் பயின்றிருக்கிறார். குஷ் பீஜால் ஒரு கெமிக்கல் இன்ஜினியர். ஐஐடிபி மற்றும் ஐஐடிஎம்- கொல்கத்தாவில் பயின்றவர். 
"அரசுப் பணிகளுக்கான தேர்வு எழுதும் மாணவர்களுக்கு உதவும் வகையிலேயே நியோஸ்டென்சிலை நாங்கள் தொடங்கினோம். வகுப்பறையில் அமர்ந்து நேரடியாக பாடம் கேட்பதை விட மிகச் சிறப்பான கல்வியை அளிப்பதே எங்கள் நோக்கம். சிறுநகரங்களில் , கிராமங்களில் வாழும் வசதியில்லாத ஆனால் மிகவும் திறமையுள்ள ஏழை மாணவர்கள் அரசுப் பணிகளுக்கான தேர்வை வெற்றிகரமாக எழுதுவதற்கு எங்கள் நிறுவனம் உதவுகிறது.
அந்த மாணவர்கள் நகரங்களில் உள்ள பயிற்சி மையங்களில் சேர்ந்து பயில வேண்டும் என்றால் நகரத்தில் தங்கியிருக்க வேண்டும். அதற்கான செலவு செய்ய வசதியில்லாதவர்கள் என்ன செய்வார்கள்? 
எனவே வீட்டில் கம்ப்யூட்டர், லேப் டாப், இணையதள வசதி பெறக் கூடிய ஒரு செல்போன் இவற்றில் ஏதாவது ஒன்று இருந்தால் போதும், அவர்கள் நகரங்களில் உள்ள பயிற்சி மையங்களில் தரப்படும் கல்வியை விட மேலான கல்வியை அவர்கள் பெற முடியும். 
ஐ.ஏ.எஸ், ஐ.இ.எஸ்., தேர்வுகளுக்கான அனைத்துப் பாடங்கள், புவியியல், இந்தியப் பொருளாதரம், வரலாறு, சட்டம், அரசியலமைப்புச் சட்டம், அரசியல் விஞ்ஞானம், பொது நிர்வாகம், சமூகவியல், பொறியியல்துறை சார்ந்த படிப்புகள் என பல்வேறு துறை சார்ந்த படிப்புகளை மாணவர்கள் கற்றுக் கொள்ள முடியும். 
எங்கள் ஆன்லைன் வகுப்புகளை நடத்துகிறவர்கள், சம்பந்தப்பட்ட பாடப் பிரிவுகளின் திறமை மிக்கவர்கள்'' என்கிறார் லவ் பீஜால்.
இந்த ஆன்லைன் கல்வி கற்க பாடத்துக்கு ஏற்ப கல்விக் கட்டணம் உள்ளது. 
"எங்களுடைய மாணவர்களுக்கு நவீன ஸ்டடி மெட்டீரியல்களின் மூலம் கற்றுத் தருகிறோம். வகுப்புத் தேர்வுகளையும் நடத்துகிறோம். பாடத்தில் ஏதேனும் சந்தேகம் இருந்தால் ஆன் லைன் மூலம் ஆசிரியரிடம் பேசி தெரிந்து கொள்ளலாம். மாணவர்களின் வேலை வாய்ப்புக்குத் தேவையான கல்வி பற்றிய ஆலோசனைகளையும் தருகிறோம். ஒரு குறிப்பிட்ட பாடம் தொடர்பான கலந்துரையாடலும் ஆன்லைன் மூலமாகவே நடைபெறுகிறது. நேரடியாக வகுப்பறையில் கற்றால் என்ன அனுபவங்களை ஒரு மாணவர் பெறுவாரோ அந்த அனுபவங்களுடன், அதைவிட சிறப்பான கல்வியை எங்கள் ஆன்லைன் கல்வி மூலம் இந்தியாவின் எந்த மூலையில் வாழும் மாணவர்களும் பெற முடியும்'' என்கிறார் லவ் பீஜால்.
தொடங்கிய 4 ஆண்டுகளுக்குள்ளாகவே, ரூ.6 கோடிஅளவில் வருவாய் ஈட்டும் அளவுக்கு இந்த நிறுவனம் வளர்ந்துள்ளது குறிப்பிடத்தக்கது.
- ந.ஜீவா


 

]]>
http://images.dinamani.com/uploads/user/imagelibrary/2018/8/14/w600X390/im8.jpg http://www.dinamani.com/weekly-supplements/ilaignarmani/2018/aug/14/ஐஏஎஸ்-தேர்வுக்கு-ஆன்லைன்-மூலம்-பயிற்சி-2980479.html
2980475 வார இதழ்கள் இளைஞர்மணி கைபேசி தொலைந்தாலும் தகவல்களைப் பாதுகாக்கலாம்! DIN DIN Tuesday, August 14, 2018 11:20 AM +0530 சில ஆயிரம் முதல் சில லட்சம் வரை பணம் கொடுத்து கைபேசியை வாங்கியவர்கள் அது தொலைந்து விட்டால் பணத்துக்காக கவலைப்படுவதில்லை. மாறாக அதிலுள்ள தகவல்களை வைத்து அதை எடுத்தவர்கள் என்ன செய்வார்களோ? என்ற பயம்தான் தொலைத்தவர்களுக்கு ஏற்பட்டு வருகிறது. 
அத்தகைய கவலை இனி வேண்டாம். நமது தகவல்களை இருந்த இடத்திலிருந்தே கூகுளின் உதவியுடன் அழிக்கவும் முடியும். வாய்ப்பிருந்தால் அந்த கைபேசி எங்கு இருக்கிறது என கண்டறியவும் முடியும். 
கூகுளிலுள்ள find my device தான் இந்த வசதியை நமக்கு வழங்குகிறது.
முதலில் கூகுள் சர்ச்சில் android.com/find என டைப் செய்யுங்கள்.. பிறகு உங்கள் கூகுள் அக்கவுண்டை log in  செய்ய வேண்டும். உங்களின் email and password கொடுத்த பின்பு லாக் இன் ஆகும். அப்போது ஸ்க்ரீனின் இடது புறம் நாம் தவறவிட்ட செல்போன் மாடல் எண் இருக்கும். அதன் கீழே தொலைந்த கைபேசியின் சார்ஜின் அளவு சதவீதத்தில் காட்டும். 
மேலும் தொலைந்த கைபேசியில் ஜிபிஎஸ் ஆனில் இருந்தால் வலது புறத்தில் அந்த கைபேசி எந்த இடத்தில் உள்ளது என்பதை பச்சை நிற குறியீட்டுடன் காட்டும். ஜிபிஎஸ் ஆனில் இல்லாவிட்டால் அத்தகவல்களை காட்டாது.இடது புற விண்டோவில் play sound, Enable, Secure & Erase என்ற தகவல்கள் இருக்கும்.
play sound கிளிக் செய்தால் அந்த செல்போன் அணைத்து வைக்கப்பட்டிருந்தாலும் கூட 5 நிமிடம் ஒலிக்கும். Enable, Secure & Erase கிளிக் செய்து lock ஆப்சனை கிளிக் செல்தால் செல்போன் லாக் ஆகி விடும். erase ஆப்சனை கிளிக் செல்தால் செல்போனில் உள்ள தகவல் அனைத்தும் அழிந்து விடும்.
எனவே, கைபேசி தொலைந்தால் கவலை கொள்ளாதீர்கள். பதறாதீர்கள். உங்கள் தகவலை பாதுகாப்பாக அழிக்க முடியும்.
- வி.குமாரமுருகன் 

]]>
http://images.dinamani.com/uploads/user/imagelibrary/2018/8/14/w600X390/BIT_KUMARA.JPG http://www.dinamani.com/weekly-supplements/ilaignarmani/2018/aug/14/கைபேசி-தொலைந்தாலும்-தகவல்களைப்-பாதுகாக்கலாம்-2980475.html
2980473 வார இதழ்கள் இளைஞர்மணி வேலை...வேலை...வேலை... DIN DIN Tuesday, August 14, 2018 11:15 AM +0530 பேங்க் ஆஃப் பரோடாவில் வேலை
பதவி: Block Chain Officers
காலியிடங்கள்: 2
கல்வித்தகுதி: ஏதேனும் ஒரு துறையில் பி.ஈ./ பி.டெக் முடித்திருக்க வேண்டும்
முன் அனுபவம்: 8 ஆண்டுகள் பணி அனுபவம் இருக்க வேண்டும். அதில் 3 ஆண்டுகள் சம்பந்தப்பட்ட துறையில் பணியாற்றியிருக்க வேண்டும்
பதவி: Business Analysts
காலியிடங்கள்: 2
கல்வித்தகுதி: ஏதேனும் ஒரு பட்டப்படிப்புடன் எம்.பி.ஏ. முடித்திருக்க வேண்டும்
முன் அனுபவம்: 8 ஆண்டுகள் பணி அனுபவம் இருக்க வேண்டும். அதில், 5 ஆண்டுகள் வங்கி/ நிதி நிறுவனத் துறையில் பணியாற்றியிருக்க வேண்டும்
பதவி: Innovation Officers
காலியிடங்கள்: 2
கல்வித்தகுதி: ஏதேனும் ஒரு பட்டப்படிப்பு முடித்திருக்க வேண்டும்
முன் அனுபவம்: 8 ஆண்டுகள் பணி அனுபவம் இருக்க வேண்டும். அதில் 3 ஆண்டுகள் சம்பந்தப்பட்ட துறையில் பணியாற்றியிருக்க வேண்டும். 
விண்ணப்பிக்கும் முறை: www.bankofbaroda.co.in/careers.htm என்ற வலை தளத்தில், விண்ணப்பதாரரின் விவரங்களைப் பூர்த்தி செய்து, சான்றிதழ்களைப் பதிவேற்றி, விண்ணப்பக் கட்டணத்தைச் செலுத்தி ஆன்லைன் மூலம் விண்ணப்பிக்க வேண்டும். பிறகு, ஆன்லைன் விண்ணப்பத்தின் அச்சுப் பிரதியை எடுத்து வைத்துக் கொள்ள வேண்டும்
விண்ணப்பக் கட்டணம்: பொது/ ஓபிசி பிரிவினக்கு ரூ.600; மற்றவர்களுக்கு ரூ.100
தேர்ந்தெடுக்கப்படும் முறை: மதிப்பெண், ஆன்லைன் தேர்வு, நேர்முகத் தேர்வு ஆகியவற்றின் மூலம் தகுதியான நபர்கள் தேர்ந்தெடுக்கப்படுவார்கள்.
மேலும் விவரங்களுக்கு: www.bankofbaroda.com/writereaddata/Images/pdf/Advertisement-2018-19-Fintech.pdf என்ற வலைதளத்தைப் பாருங்கள்
விண்ணப்பிக்க கடைசித் தேதி: 17-08-2018

பாபா அணுசக்தி ஆய்வு மையத்தில் வேலை
பதவி: Scientific Assistant/C
காலியிடங்கள்: 86
கல்வித்தகுதி: Mechanical/Electrical/Metallurgy/Chemical/Civil/Computer Science/Electronics & Instrumentation போன்றவற்றில் ஏதேனும் ஒரு துறையில் டிப்ளமோ பெற்றிருக்க வேண்டும் (அல்லது) பிளஸ் டூ-வில் கணித பாடம் எடுத்து படித்து முடித்து, இயற்பியல்/ வேதியியல் பாடங்களில் பி.எஸ்சி பட்டப்படிப்பில் 60 சதவீத மதிப்பெண்களுக்குக் குறையாமல் தேர்ச்சி பெற்றிருக்க வேண்டும்.
வயது வரம்பு: 19 வயதிலிருந்து 24 வயதுக்குள் இருக்க வேண்டும். சில பிரிவினருக்கு உச்சபட்ச வயதுவரம்பில் விலக்கு உண்டு.
பதவி: Technician/B Plant Operator
காலியிடங்கள்: 39
கல்வித்தகுதி: பிளஸ் டூவில் இயற்பியல், வேதியியல், கணிதம் பாடப்பிரிவில் 
குறைந்தது 60 சதவீத மதிப்பெண்களுடன் தேர்ச்சி பெற்றிருக்க வேண்டும்
வயது வரம்பு: 18 வயதிலிருந்து 22 வயதுக்குள் இருக்க வேண்டும். சில பிரிவினருக்கு உச்சபட்ச வயதுவரம்பில் விலக்கு உண்டு.
பதவி: Technician/B Laboratory
காலியிடங்கள்: 33
கல்வித்தகுதி: பிளஸ் டூவில் இயற்பியல், வேதியியல், கணிதம், உயிரியல் பாடப்பிரிவில் குறைந்தது 60 சதவீத மதிப்பெண்களுடன் தேர்ச்சி பெற்றிருக்க வேண்டும்
வயது வரம்பு: 18 வயதிலிருந்து 22 வயதுக்குள் இருக்க வேண்டும். சில பிரிவினருக்கு உச்சபட்ச வயதுவரம்பில் விலக்கு உண்டு.
பதவி:  Technician/C
காலியிடங்கள்: 51
கல்வித்தகுதி: பத்தாம் வகுப்பில் கணிதம், அறிவியல் பாடங்களுடன் 60 சதவீத மதிப்பெண்களுடன் தேர்ச்சி பெற்றிருக்க வேண்டும். பிறகு, A/C Mechanic/ Fitter/ Welder/ Machinist/ Electrical/ Electronics/ Instrumentation/ Mechanical துறைகளில் ஐ.டி.ஐ. முடித்திருக்க வேண்டும்.
வயது வரம்பு: 18 வயதிலிருந்து 22 வயதுக்குள் இருக்க வேண்டும். சில பிரிவினருக்கு உச்சபட்ச வயதுவரம்பில் விலக்கு உண்டு.
விண்ணப்பிக்கும் முறை: www.recruit.barc.gov.in என்ற வலைதளத்தில், விண்ணப்பதாரரின் விவரங்களைப் பூர்த்தி செய்து, சான்றிதழ்களைப் பதிவேற்றி, விண்ணப்பக் கட்டணத்தைச் செலுத்தி ஆன்லைன் மூலம் விண்ணப்பிக்க வேண்டும்.
தேர்ந்தெடுக்கப்படும் முறை: முதன்மைத் தேர்வு, இரண்டாம் நிலை தேர்வு, திறனறி தேர்வு, நேர்முகத் தேர்வு ஆகியவற்றின் மூலம் தகுதியான நபர்கள் தேர்ந்தெடுக்கப்படுவார்கள். 
மேலும் விவரங்களுக்கு: https://recruitmentindia.in/wp-content/uploads/2018/03/barc-1.pdf என்ற வலைதளத்தைப் பாருங்கள்
விண்ணப்பிக்க வேண்டிய கடைசித் தேதி: 20-8-2018.

ரிசர்வ் வங்கியில் வேலை
பதவி: Medical Consultant
காலியிடங்கள்: 10
பணியிடம்: மும்பை
கல்வித்தகுதி: எம்.பி.பி.எஸ். பட்டம் பெற்றிருக்க வேண்டும். பொது மருத்துவத்தில் முதுகலைப் பட்டம் பெற்றவர்களும் விண்ணப்பிக்கலாம். 
முன்அனுபவம்: ஏதேனும் மருத்துவ மனையிலோ அல்லது தனியாகவோ குறைந்தது 2 ஆண்டுகள் மருத்துவத் தொழில் புரிந்திருக்க வேண்டும்
விண்ணப்பிக்கும் முறை: www.opportunities.rbi.org.in/ என்ற வலைதளத்திலிருந்து விண்ணப்பப் படிவத்தைப் பதிவிறக்கம் செய்து, பூர்த்தி செய்து, தேவையான சான்றிதழ்களின் நகலை இணைத்து, கீழ்க்காணும் முகவரிக்கு அனுப்பி வைக்க வேண்டும்.
முகவரி: The Regional Director, Human Resource Management Department, Recruitment Section, Reserve Bank of India, Mumbai Regional Office, Shahid Bhagat Singh Road, Fort, Mumbai – 400001.
மேலும் விவரங்களுக்கு: https://opportunities.rbi.org.in/Scripts/bs_viewcontent.aspx?Id=3527 என்ற வலைதளத்தைப் பாருங்கள்.
விண்ணப்பம் சென்று சேர வேண்டிய கடைசித் தேதி: 20-08-2018 மாலை 5 மணிக்குள்.

சென்னை கன்டோன்மெண்ட் போர்ட்டில் வேலை
பதவி: ஆயா (மகளிர்)
காலியிடங்கள்: 2 (1 இடம் எஸ்சி பிரிவினருக்கு)
கல்வித்தகுதி: எட்டாம் வகுப்பு முடித்திருக்க வேண்டும். தமிழில் எழுத, படிக்கத் தெரிந்திருக்க வேண்டும். மருத்துவ நிறுவனங்களில் பணி செய்த அனுபவம் உள்ளவர்களுக்கு முன்னுரிமை அளிக்க வேண்டும்.
வயது வரம்பு: பொதுப் பிரிவினருக்கான இடத்திற்கு 25 வயதுக்குள்ளும், எஸ்சி. மகளிருக்கான இடத்திற்கு 30 வயதுக்குள்ளும் இருக்க வேண்டும். 
தேர்ந்தெடுக்கப்படும் முறை: எழுத்துத் தேர்வு, திறனறி தேர்வின் மூலம் தகுதியான நபர்கள் தேர்ந்தெடுக்கப்படுவார்கள்,
விண்ணப்பிக்கும் முறை: www.cbstm.org.in என்ற வலைதளத்திலிருந்து விண்ணப்பப் படிவத்தைப் பதிவிறக்கம் செய்து, பூர்த்தி செய்து, தேவையான நகல் சான்றிதழ்களை இணைத்து, கீழ்க்காணும் முகவரிக்கு அனுப்பி வைக்க வேண்டும்.
முகவரி: The Chief Executive Officer, Cantonment Board, North Parade Road, St. Thomas Mount, Chennai - 600016.
மேலும் விவரங்களுக்கு: www.cbstm.org.in:9080/Cantonment/admin/pdf/careers/Employment%20Notice%20website%20upload-2018-07-11-16-42-54.pdf என்ற வலைதளத்தைப் பாருங்கள்.
விண்ணப்பம் சென்று சேர வேண்டிய கடைசித் தேதி: 18-8-2018 மாலை 5 மணி. தொலைதூரப் பகுதிகளில் வசிப்பவர்களுக்கு: 25-8-2018 மாலை 5 மணி.
தொகுப்பு: பிரவீண் குமார்

]]>
http://images.dinamani.com/uploads/user/imagelibrary/2018/8/14/w600X390/VELAI.JPG http://www.dinamani.com/weekly-supplements/ilaignarmani/2018/aug/14/வேலைவேலைவேலை-2980473.html
2980471 வார இதழ்கள் இளைஞர்மணி முயற்சியே வெற்றிக்கு முன்னோடி! ஆர்.திருநாவுக்கரசு ஐ.பி.எஸ். DIN DIN Tuesday, August 14, 2018 11:05 AM +0530 தன்னிலை உயர்த்து! 5
ஸ்பெயின் நாட்டு மன்னர் சார்லûஸ ஓர் இளைஞர், கையில் ஒரு வரைபடைத்தோடு சந்தித்தார். மன்னரிடம் அவ் வரைபடைத்தைக் காட்டி, "தாங்கள் வசதிகள் செய்து தந்தால் கடல் கடந்து, கிழக்கு இந்திய தீவுகளுக்கு சென்றுவர முடியும், அது உலகத்தின் புது முயற்சியாக இருக்கும்'' என்றும் விவரித்தார். மன்னரும் அவ்விளைஞரின் புதிய முயற்சிக்கு தலையசைத்தார். ஐந்து கப்பல்களில் 265 மாலுமிகளோடு, பல ஆயிரம் கிலோ உணவுப் பொருள்களோடு, அவர்களின் கடற்பயணம் துவங்கியது. பல செங்குத்தான மலைகளுக்கு நடுவிலும், ஆர்ப்பரிக்கும் கடல் அலையை எதிர்கொண்டதில் உணவு பொருள்களுடன் வந்த கப்பலும், மற்றொரு கப்பலில் வந்தவர்களும், அவ்விளைஞனிடம் சொல்லாமலேயே சொந்த நாட்டிற்கே திரும்பினர். உணவு பொருட்கள் தீர்ந்து போயின. பிளேக் நோய் தாக்கியது. கடல் ஒவ்வாமையால் சிலர் இறந்தனர். அவர்களுக்குள்ளே ஏற்பட்ட கலகத்தினால் சிலர் இறந்தனர். கடைசியில் மூன்று கப்பல்களில் இருந்தவர்கள் முதல் மணற்பரப்பை அடைந்தனர். 
இப்படி பல தீவுகளைக் கடந்தனர். பிலிப்பைன்ஸ் தீவினுடைய தலைவனுக்கு உதவியாய் இவ்விளைஞன் செல்ல, எதிரிப் படையினரால் கொல்லப்பட்டான். ஆனாலும் அவ்வீர இளைஞனின் முயற்சி தோற்றுவிடக்கூடாதே என்பதற்காக எஞ்சியிருந்தவர்கள் தொடர்ந்து பயணித்தனர். அவர்கள் பயணம் உலகத்தை ஒருமுறை சுற்றி வலம் வந்தனர் என்ற பெருமையைத் தந்தது. உலகம் உருண்டை என நிரூபிக்கப்பட்டது. அப்போது அந்த வீர இளைஞன் மெகல்லன் உயிரோடு இல்லை. ஆனாலும், மெகல்லனின் முயற்சிதான் இன்னும் வரலாற்றில் முதன் முதலில் உலகைச் சுற்றி வந்தவர் பெயரில் முன்னிறுத்தப்படுகிறது. ஏனெனில் அது ஒரு சாதாரண முயற்சி அல்ல. வரலாற்று முயற்சி. தட்டையானதுதான் உலகம் என உலகத்தில் ஒவ்வொரு பகுதியில் வாழ்ந்தவர்களெல்லாம் நம்பிக் கொண்டிருந்தபோது உருண்டை என்று சில அறிவு ஜீவிகளும், அறிஞர்களும் தங்களது கோட்பாடுகளால் சொல்லிக்கொண்டிருந்ததை, செயல்பாட்டின் மூலம் நிகழ்த்தி காட்டிய முயற்சி இது. மெகல்லன் சுற்றி வரவில்லை. ஆனால், அவரது முயற்சி வெற்றி கண்டது. "முயற்சிகள் தவறலாம்; முயற்சிக்கத் தவறாதே' என்ற வரிகளுக்கு உலகின் மிகச் சிறந்த உதாரணமாக மிளிர்ந்தவர் மெகல்லன். 
வெற்றியாளர்கள் மட்டுமல்ல, எவருக்கும் முயற்சி இல்லை என்றால் வளர்ச்சி இல்லை. பிறந்த குழந்தை, தவழ முயற்சிக்கிறது; பின்னர் நடக்க முயற்சிக்கிறது; பேச முயற்சிக்கிறது; இப்படி ஒவ்வொரு முயற்சியும்தான் அக்குழந்தையை வளர வைக்கிறது. இவையனைத்தும் குழந்தைகள், தங்களது பெற்றோர்களைப் பார்த்து அப்படியே பிரதிபலிக்கின்றனர். Children learn by imitation என்பார்கள். ஆனால் வளர்ந்த பிறகும், வாழ்க்கை முழுவதும் பிறரின் பிரதிபலிப்பாயிருந்தால் தோல்வி. வாழ்வெல்லாம் முயற்சியானால் வெற்றி. 
இராபர்ட் ப்ரோஸ்ட் என்னும் அமெரிக்க நாட்டு கவிஞர் ஒரு முறை ஒரு காட்டினில் ஒற்றையடிப் பாதையில் நடந்து சென்றார். நடுக்காட்டில் அப்பாதை இரண்டாகப் பிரிந்தது. ஒரு பாதை மனிதர்கள் அடிக்கடி பயணித்த, தெளிவான பாதை. 
மற்றொன்று அடிக்கடி பயணிக்காத காய்ந்த சருகுகளால் மூடியிருந்த தெளிவற்ற பாதை. அதிகம் பயணிக்காத இரண்டாது பாதையில் பயணித்தார். அப்புதிய முயற்சியினால் புதிய அனுபவம் கிடைத்தது. அற்புதக் கவிதைகளை அகிலத்திற்கும் தந்தார். The Road Not Taken என்னும் அக்கவிதையில், "அதிகம் பயணிக்காத பாதைகளில் நடக்க கற்றுக்கொண்டவர் வாழ்க்கை, அதிகம் வாசிக்கப்படும்' என்கிறார். தனது புகழுக்கு காரணம் புது முயற்சியே என்கிறார்.
எவரெஸ்டில் முதலில் ஏறிய எட்மண்ட் ஹிலாரி, விண்வெளியில் முதலில் பயணித்த யூரி காகரின், அட்லாண்டிக் கடலை முதலில் நீந்திக் கடந்த பெனாய்ட் லோகம்ட், இந்தியாவின் முதல் பெண் முதலமைச்சர் சுசேட்டா கிர்ப்ளானி என முதல் முயற்சிகள் வரலாறாகிறது.
பாதைகளின் பயணங்கள் மட்டுமல்ல, முயற்சிக்க கற்றுக் கொடுத்தவை வாழ்வில் நிறைய இருக்கின்றன. ஆப்பிள் பழம் மட்டும் கீழே விழவில்லை. எல்லா மரத்திலிருந்தும் பழங்கள் கீழே விழுந்தன, விழுகின்றன, விழவிருக்கின்றன. அது ஏன்? எப்படி? எதற்கு? என்ற கேள்விக்கு நியூட்டன் விடை காண முயற்சி செய்தபோது புவியீர்ப்பு விசை கிடைத்தது. 
இதைப்போலவே, "பறவையைக் கண்டான் விமானம் படைத்தான்; எதிரொலி கேட்டான் வானொலி படைத்தான்' என்ற வரிகளுக்கேற்ப இவ்வுலகில் நாம் முயற்சிப்பதற்கான சூட்சுமங்கள், கற்பாறைகளிலும், பறவைகளுக்குள்ளும், வெளித்தெரியாமல் படிந்திருக்கின்றன. உலகில் மறைந்துள்ள படிமங்களின் ஆற்றல்களை வெளிக்கொணர்கின்ற ஒவ்வொரு முயற்சியும் அரிய கண்டுபிடிப்புகளே.
முயற்சிகள் எல்லோரும் எடுப்பதுண்டு. முயற்சிகளை எவரும் திரும்பி பார்க்கவில்லையென்றால், அது சாதாரண செயல். சிலர் பார்க்க முற்பட்டால் அது வித்தியாசமானது. இது கடினம் என பேசத்தொடங்கினால், அது பெரும் செயல். இது முடியாதென்று உலகம் பேசினால் அது வரலாறு. 
தமிழகத்தின் ஜி.டி, நாயுடுவும், ஜப்பானியர் ஹோன்டாவும், தங்களது முயற்சியால் உலகைத் திரும்பிப்பார்க்க வைத்தவர்கள்.
வாழ்வின் தேடல் முயற்சியில் பிறக்கிறது. அது முட்டையிலிருக்கும் குஞ்சு, அதன் மேலுள்ள கடினமான ஓட்டினைக் தனது அலகால் கொத்தி, வெளிவருவதைப்போன்றது. முட்டையின் வெளி ஓடுகளை உடைத்து எந்தக் குஞ்சும் வெளிவந்ததாய் சரித்திரமில்லை. உள்ளிருக்கும் குஞ்சியின் முயற்சியில்தான் அதன் வாழ்க்கையே உள்ளது. 
அருமை உடைத்தென்று அசாவாமை வேண்டும்
பெருமை முயற்சி தரும் 
என்ற திருவள்ளுவரின் வரிகள் மூலம் நாம் மேற்கொள்ளும் செயல், நமக்கு சிறப்பினைத் தரும் என்று எண்ணும்போது முயற்சி ஆர்ட்டீசியன் போல் ஊற்றெடுக்கும். 
முயற்சி என்பது தொடங்கிவிட்டு முடிவு செய்வதல்ல. உயர உயர குதித்துப் பார்த்து, தன்னால் திராட்சைப் பழத்தைத் தின்ன முடியவில்லை என்றதும், அடுத்த முயற்சியைக் கைவிட்டு இந்தப் பழம் புளிக்கும் என்று கைவிடுவதல்ல முயற்சி. தன் அலகினால் குடுவையிலுள்ள நீரினைப் பருக முடியவில்லை என்றாலும், முயற்சியால் கற்களைக் குடுவையில் சேர்த்து, நீரினை மேலேறச் செய்து, பருகிய காக்கையின் வெற்றிதான் முயற்சி. மேலும், ஒரு செயலைத் தொடங்கி அது முடியாமல் போனதும் கைவிடுவது அல்ல, முயற்சி. செயலினை வெற்றியாக்க நாம் எடுத்து வைக்கும் ஒவ்வொரு காலடியும் தான் முயற்சி.
1954- ஆம் ஆண்டு வரை உலகின் ஒட்டுமொத்த கட்டுரைகளும் மனித உடலமைப்பின்படி ஒரு மைல் தூரத்தை நான்கு நிமிடங்களுக்குள் ஓடி கடக்க முடியாது என்பதை உறுதியிட்டன. ரோஜர் பேனிஷ்டர் அவ்வாராய்ச்சிக் கட்டுரைகளைப் படித்தார். அவர் ஒரு ஓட்டப் பந்தய வீரர். குறைந்த தூரம் ஓடுபவர். தனது இலக்கினை நான்காகப் பிரித்தார். முதல் ஒரு மைல்கல்லினை ஒரு நிமிடத்திற்குள் ஓடி முடிக்க உறுதிகொண்டார். பல முயற்சிகளுக்குப்பின் 58 வினாடிகளில் ஓடி முடித்தார். சிறிது ஓய்வெடுத்து அடுத்த கால் மைல் கல்லினை அதே வேகத்தில் கடந்தார். வேகத்தைக் கூட்டி, ஓய்வினைக் குறைத்து கடைசியில் 3 நிமிடம் 59.6 விநாடிகளில் அந்த மைல் இலக்கினை கடந்தார்.
தெய்வத்தான் ஆகா தெனினும் முயற்சிதன்
மெய்வருத்தக் கூலி தரும்
என்ற திருவள்ளுவரின் வரிகளுக்கு ரோஜர் பேனிஷ்டர் வாழ்க்கையானார்.
இலக்கு தெரியாமல் முயற்சிப்பதுதான் கடினம். இலக்கினைக் கணித்து, முயற்சிக்க ஆரம்பித்துவிட்டால் எல்லாம் எளிது. அது ஒரு செகண்டில் 11.2 கி.மீ. வேகத்தில் பயணித்து விண்ணில் செல்லும் ராக்கெட்டைப் போன்றது. தெளிவான இலக்கினை நோக்கிய வெற்றி எளிதில் விண்ணைத் தொடும்.
முயற்சிக்க மறுத்தால் மூச்சும் நின்றுவிடும்!
புதிய முயற்சிதான் வரலாற்றில் தடம் 
பதிக்கும்!
(தொடரும்)
கட்டுரையாசிரியர்: 
காவல்துறை துணை ஆணையர், நுண்ணறிவுப் பிரிவு.

]]>
http://images.dinamani.com/uploads/user/imagelibrary/2018/8/14/w600X390/im7.jpg http://www.dinamani.com/weekly-supplements/ilaignarmani/2018/aug/14/முயற்சியே-வெற்றிக்கு-முன்னோடி-ஆர்திருநாவுக்கரசு-ஐபிஎஸ்-2980471.html
2980465 வார இதழ்கள் இளைஞர்மணி மந்திரத்தில் காய்க்கும் மாங்காய்கள்! - சுகி. சிவம் DIN DIN Tuesday, August 14, 2018 10:50 AM +0530 நீ... நான்... நிஜம்! -31
உய்யக் கொண்டான் ஆறு ஓடிக் கொண்டிருந்தது. கடலே லட்சியம் என்று ஒவ்வொரு துளியும் லட்சியத்தை நோக்கி ஓடும்போது கழுத்தளவு தண்ணீரில் கால்பரப்பி நின்றபடி கந்தர்வ கானம் இசைத்துக் கொண்டிருந்தான் அந்தச் சிறுவன். மற்றைய சிறுவர்கள் நீந்திக் குளித்த நேரத்திலும் சங்கீதத்தை ஏந்திக் களித்தான் அந்தச் சிறுவன். மணிக்கணக்கில் பாடுவான். "கணீர்' என்று குரல் மெருகேறியது. பிற்காலத்தில் பல்லாயிரக் கணக்கான மக்கள் அந்தக்குரல் வளத்தில் சொக்கிப் போனார்கள்... அவ்வளவு கடுமையான சாதகம் செய்த சிறுவன் யார் தெரியுமா? மாயவரம் கிருஷ்ணமூர்த்தி தியாகராஜன். சுருக்கமாகச் சொன்னால் M.K.T. பாகவதர். சினிமா உலகமே அந்த கந்தர்வக் குரலுக்குத் தலை சாய்த்தது. ஆற்றில் பாடிவிட்டு வீட்டுக்கு வந்தாலும் வீட்டுத் திண்ணையில் அமர்ந்து பாடுவார்... பாடுவார்... பாடிக் கொண்டே இருப்பார். அதனால் உயர்ந்தார்.
வாழ்வில் உயரப் பறந்தவர்கள், உச்சாணிக் கிளை தொட்டவர்கள், சிகரம் ஏறிய சிறந்த மனிதர்கள், மந்திரக் கோல் கொண்டு மகத்துவம் பெறவில்லை. அதிர்ஷ்டக் காற்று அள்ளிக் கொண்டுபோய் கோபுரகலசத்தில் குடியமர்த்தியதில்லை. மிக நேர்த்தியான கனவுகளும் அந்தக் கனவுகளை நனவாக்கும் மிகக்கடின உழைப்பும், அர்ப்பணிப்பும், விடா முயற்சியும் கொண்டுதான் மேலே வந்திருக்கிறார்கள். சினிமாவில் வருகிற மாதிரி, முதல் சீனில் காக்கிச் சட்டையுடன் ஆட்டோ ஓட்டுகிறவர் அடுத்த சீனில் ஆடிகாரில் ஆடிப்பாடி காதலியின் கழுத்தில் கைபோட்டு உலா வர முடியாது. சினிமா இதை அனுமதிக்கும். வாழ்க்கை இதனை நிராகரிக்கும். அரை அங்குல முன்னேற்றம் என்பது கூட அசுர சாதனை இல்லாமல் நடப்பதில்லை. அரசியலிலும், சினிமா தொலைக்காட்சி ஊடகங்களிலும், ரியல் எஸ்டேட், மற்றும் கொள்ளை வணிக வட்டங்களிலும் சிலர் குறுகிய காலத்தில் முன்னேறி பிரகாசிப்பது அருவருத்தக்க உண்மைதான். மறுப்பதற்கில்லை. அவர்கள் வாழ்வு அசிங்கமானது... இந்த முன்னுதாரணங்களை நம்பி முன்னேற நினைப்பது நல்லதல்ல.
பீத்தோவன் உலகப்புகழ்பெற்ற பியானோ இசைக் கலைஞர். அவரது கச்சேரி முடிந்ததும் ஒரு பெண்மணி ஓடிவந்து பியானோ வாசித்த அவரது இருகரங்களையும் இறுகப் பற்றி கண்களில் ஒற்றிக் கொண்டாள். பின்னர் ஆ... இந்தக் கைகள் கடவுளால் ஆசீர்வதிக்கப்பட்ட விசேஷமான கைகள் என்றபடி கைகளை முத்தமிட்டாள். பீத்தோவன் சிரித்தபடி, "அம்மணி... ஒரு நாளைக்கு பதினெட்டு மணி நேரம் வீதம், நாள் கணக்கில், மாதக்கணக்கில், ஏன் வருடக் கணக்கில் வாசித்துப் பழகினால் உங்கள் கைகளும் கடவுளின் ஆசி பெற்ற கைகள் ஆகிவிடும்'' என்றார்.

கொங்கு நாட்டில் ஒரு சொலவடை உண்டு. "நோகாம நோம்பி கும்பிட்றியா?'' என்பார்கள். அதாவது கஷ்டப்படாமல் பண்டிகை கொண்டாட ஆசைப்படுகிறாயே என்கிற கண்டனம் தான் அந்தச் சொலவடை. நோன்பு என்பது தவம், முயற்சி, வழிபாட்டைக் குறிக்கும். நோதல்.. வருந்துதல் இன்றி நோன்பு இல்லை என்பது வலுவான செய்தி.
மெய்வருத்தம் பாரார் பசி நோக்கார்கண் துஞ்சார் 
எவ்வெவர் தீமையும் மேற்கொள்ளார் - செவ்வி 
அருமையும் பாரார் அவமதிப்பும் கொள்ளார்
கருமமே கண்ணாயி னார்
என்கிற குமரகுருபரர் அருளிய நீதிநெறி விளக்கம் இன்று பலருக்கும் தெரியவில்லை. இந்த உலகில் இலர் பலரான காரணம் நோற்றார் சிலர்... நோலாதார் பலர் என்பார் வள்ளுவர். நோற்றல் என்பது சாமிகும்பிடுவது மட்டுமல்ல. எடுத்த காரியத்தில் மனஒருமை... உடல் வலி கருதா உறுதிநிலை... கஷ்டநஷ்டங்களைப் பொருட்படுத்தாது லட்சியத்திற்காக உழைத்தலே நோற்றல். நோற்றால் தான் வெல்ல முடியும் என்பது வள்ளுவர் வகுத்தவழி. நோகாமல் நோன்பு நோற்றல் ஆகாத காரியம்.
ஆப்ரகாம் லிங்கன் புத்தக ஆர்வலர். அறிவு பெற அதுவே அதிகம் உதவும் என்று வெறி கொண்டு புத்தகங்களைத் தேடுவார். ஒரு முறை ஆங்கில இலக்கணம் பற்றிய நூல் ஒன்றைப் படிப்பதற்காக, கிர்காம் என்ற ஊருக்கு இருபது மைல்கள் நடந்தே சென்று வாங்கி வந்தார் என்று படித்திருக்கிறேன். நேரில் சென்று வழக்குகளைக் கவனித்தால் தான், சிறந்த வழக்கறிஞராக ஆக முடியும் என்று வீட்டிலிருந்து பதினேழு மைல் தொலைவிலிருந்த நீதிமன்றம் வரை நடந்து போய் கவனமாக, வழக்குகளை, விவாதங்களை உள்வாங்கும் உழைப்புடையவர் லிங்கன். ஒருமுறை ஜான்பெக்கன் ரிட்ஜ் என்கிற புகழ்பெற்ற கிரிமினல் வழக்கறிஞர் வாதத்திறனை நேரில் காண முப்பத்து நான்கு மைல்கள் நடந்து போய் பார்த்தார், என்று அவரது வாழ்க்கை வரலாறு சொல்கிறது. நோகாமல் நோன்பு கும்பிட முடியாது என்பது அமெரிக்கனுக்கும் பொருந்தும். 
தமது இருபத்து மூன்றாம் வயதில், சென்னையில் சிந்தாதிரிப்பேட்டையிலிருந்து, யானைகவுனி தாண்டி பீபிள்ஸ் பார்க் வரை கையில் வீணையைத் தூக்கிக் கொண்டு - கவனிக்க - கையில் வீணையைத் தூக்கிக் கொண்டு, வீணை ஆசிரியர் ப்ரம்மஸ்ரீ தென்மடம் வரதாச்சார்யார் வீடு வரை தினம் தோறும் நடந்துபோய் ஓர் இளைஞர் வீணை பயின்றார். பின்னாளில் கதாகாலட்சேபத்தில் அவருக்கு ஈடு இணை இல்லை என்றுயர்ந்த திருமுருக கிருபானந்தவாரியார் சுவாமிகள் தான் அவர்கள். 
உலகின் மிகப் பழமையான மக்கள் வாழும் இடம், ஆப்பிரிக்க கண்டம். அங்கு வாழும் பழங்குடி மக்கள் வேட்டையாடிப் பிழைப்பதை யூ ட்யூப் வழி பார்த்தேன். குடிநீர் கூட அவர்களுக்குப் பெரும் பிரச்னை. கடும் வெயிலில் பல மைல்கள் நடந்து அந்தப் பாலைவனக் காடுகளில் இரை தேடுகிறார்கள். ஏதோ ஒருவகை செடியை வேரோடு பிடுங்கி அதிலுள்ள வேர்க்கிழங்கை எடுத்து தோல் சீவி, கத்தியால் கிழங்கைச் சீவி தங்கள் வலிமையான கைகளால், அப்படிச் சீவியதைப் பிழிந்து, சொட்டுச் சொட்டாகக் கிடைக்கும் நீரை அருந்துகிறார்கள். வாழ்வாதாரம் பெற எவ்வளவு சிரமப்படுகிறார்கள் என்பதைப் பார்த்து நான் மலைத்துப்போனேன்.
கூடுதல் குடிநீரை, அந்தப் பாலைவனக் காடுகளில் பெற, அவர்கள் கையாளும் யுக்திகளைப் பார்த்தால் ஆச்சர்யப் படுவோம். வேட்டைக்குப் போன ஒருவர் இரையைத் துரத்திக் களைப் படைகிறார். உயிருக்குப் பயந்து ஓடும் ஒரு மிருகத்தின் வேகத்தைச் சிறிது நேரம் தான் மனிதன் கைக் கொள்ள முடியும். தொடர்ந்து ஓட முடியாது. சுட்டெரிக்கும் வெயில் வேறு ... வியர்வை வழி இருக்கிற நீரும் வெளியேறி விடுகிறது... அவருக்கு இரை கூட இப்போது முக்கியமில்லை... தண்ணீர் அதி அவசியம். ஆப்பிரிக்கப் பழங்குடிகள் வறண்ட பூமியில் தண்ணீர் இருக்கும் இடத்தை அறிய அருமையான யுக்தியைக் கையாளுகிறார்கள்.
குரங்குகளைப் பிடிக்கிறார்கள். புற்றுபோன்ற மண்ணுள் மறைத்து வைக்கப்பட்டுள்ள பொறிமூலம் கைப்பற்றுகிறார்கள். கொஞ்சம் உணவை அதில் போட்டு விட்டு மரத்தின் பின் மறைந்து கொள்கிறார்கள். ஆர்வம் இயல்பில் (Curiosity) உள்ள குரங்குகள் அந்தப் பொருள் என்ன, என்று கைகளை உள்ளேவிட்டு அகப்பட்டுக் கத்துகின்றன. கயிற்றால் கட்டி குரங்கைச் சிறை வைத்துவிட்டு, அதிக தாகம் எடுக்கும் உணவை அதற்குத் தருகிறார்கள். பின் விளைவு அறியாத குரங்கு அதைத் தின்று விட்டு அசாத்தியமான தாகத்தில் தவிக்கிறது. சிலமணி கழித்து அதனை அவிழ்த்து விட்டதும், தலை தெறிக்கும் வேகத்தில் ஓடுகிற குரங்கு, பூமிப்பாறைக்குள் புதைந்துள்ள நீர் இருப்பை நோக்கிப் பாய்கின்றது. குரங்கைவிட வேகமாக ஓடி, குரங்கு நீர்குடிக்கும் மறைவிடத்தைக் கண்டுபிடித்துப் பயன்படுத்துவார்கள். வெற்றிபெற அல்ல.. உச்சம் தொட அல்ல.. உயிர் வாழவே வெறியுடன் பாடுபட வேண்டி இருக்கிறது. அப்படி இருக்க மந்திரத்தில் மாங்காய் காய்க்காதா என்று வாய்பிளந்து காத்திருப்பது அறிவுடமை ஆகுமா?
அண்ணாவின் "சிவாஜி கண்ட இந்து சாம்ராஜ்யம்' நாடகத்தில் நடிக்க எம்.ஜி.ஆர் மறுத்துவிட்டார். சங்கடப்பட்ட அண்ணா (சிவாஜி) கணேசனை அழைத்து, ""வீர சிவாஜியின் வசனங்களைப் படித்துவை... பார்ப்போம்'' என்று சொல்லி விட்டு வெளியே போய்விட்டு ஏழுமணி நேரம் கழித்துத் திரும்பும் சமயம் 90 பக்க வசனத்தையும், உணர்ச்சிப் பிழம்பாக ஏற்ற இறக்கத்துடன் நடித்துக் காட்டினார் சிவாஜி... ஒரு வெறி, ஆவேசம், விடாமுயற்சி இன்றி ஏழே மணி நேரத்தில் 90 பக்க வசனமும் ஒருவரால் மனப்பாடம் செய்ய முடியுமா என்ன?
இன்று இளையராஜா இசைஞானி.. ஆனால் பாவலர் வரதராசனின்ஆர்மோனியத்தை பாவலருக்குத் தெரியாமல் வாசித்தே தீர வேண்டும் என்று அவரது கைகள் ஆர்மோனியத்தில் நாட்டியமாடிய வெறி விவரிக்கக் கூடியதா? தூக்கத்தில் கூட அவரது விரல்கள் ஆர்மோனியம் வாசிக்கும் செயலையே செய்யும் என்று படித்திருக்கிறேன். பாவலரின் ஒப்புதலுக்கு அவர் பட்டபாடு, இன்று பலர் ஒப்புதலை வழங்க மூல காரணம் என்கிறார்கள். மந்திரத்தில் காய்த்த மாங்காய் புளிக்கும். தன் திறத்தில் பழுத்த வெற்றிக் கனிகளே இனிக்கும்.
(தொடரும்)

]]>
http://images.dinamani.com/uploads/user/imagelibrary/2018/8/14/w600X390/ss.jpg http://www.dinamani.com/weekly-supplements/ilaignarmani/2018/aug/14/மந்திரத்தில்-காய்க்கும்-மாங்காய்கள்---சுகி-சிவம்-2980465.html
2980464 வார இதழ்கள் இளைஞர்மணி பிளம்பிங் படிக்க விருப்பமா? DIN DIN Tuesday, August 14, 2018 10:41 AM +0530 புதிய கட்டடங்கள் கட்டும்போது குடிநீர் குழாய், கழிவுநீர் குழாய் பதிக்கும் வேலை பிளம்பிங் என்று கூறப்படுகிறது. பிளம்பிங் வேலையைச் செய்யும் நபர் பிளம்பர்களுக்கு நகர்ப்புறங்களில் எப்போதும் தேவை இருந்து கொண்டே இருக்கிறது. பழைய கட்டடங்களில் உள்ள குழாய்களில் பழுது ஏற்பட்டாலும் அதை சரி செய்பவரும் பிளம்பர்தான்.
பல பிளம்பர்கள் அனுபவஅடிப்படையில் பிறரிடமிருந்து பிளம்பிங் வேலையைக் கற்றுக் கொள்வது வழக்கமாக உள்ளது. 
எல்லாவற்றிலும் நவீன தொழில்நுட்பங்கள் மாறுதல்களை ஏற்படுத்துகின்றன. பிளம்பிங் பணியும் அதற்கு விதிவிலக்கல்ல. எனவே எதிர்காலத்தில் பிளம்பிங் வேலை செய்வதற்கு அதற்குரிய கல்வியைக் கற்க வேண்டியது அவசியம். 
பிளம்பிங் படிப்புகள் குறித்த தகவல்களுக்கு கீழ்காணும் இணையதளங்களைப் பாருங்கள் :
http://unique-tec.com/plumbing.php
http://www.tnou.ac.in/po/
http://www.meptraininginchennai.in/
http://srati.in/plumbing-courses.html 
- எம்.அருண்குமார்
 

]]>
http://images.dinamani.com/uploads/user/imagelibrary/2018/8/14/w600X390/im5.JPG http://www.dinamani.com/weekly-supplements/ilaignarmani/2018/aug/14/பிளம்பிங்-படிக்க-விருப்பமா-2980464.html
2980463 வார இதழ்கள் இளைஞர்மணி வாங்க இங்கிலீஷ் பேசலாம் - 152: ஆர்.அபிலாஷ் DIN DIN Tuesday, August 14, 2018 10:39 AM +0530 புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரிடம் செல்கிறார்கள். அங்கே அவர்கள் மருத்துவருக்கான காத்திருப்போர் அறையில் இருக்கிறார்கள். அவர்களுடன் அங்கே ஒரு மீசைக்காரரும் நடாஷா எனும் பெண்ணும் இருக்கிறார்கள். அப்போது புரொபஸர் செகாவின் சிறுகதையான The Lady with the Dog தமிழாக்கப்பட்ட போது ஒரு தமாஷ் நடந்தது தெரியுமா? எனக் கேட்கிறார்.

கணேஷ்: என்ன சார் அது?
புரொபஸர்: The Lady with the Dog என்பது உலகின் தலைசிறந்த காதல் கதைகளில் ஒன்றாக நம்பப்படுவது.
கணேஷ்: ரோமியோ ஜூலியட் மாதிரியா சார்?
புரொபஸர்: ரோமியோ ஜூலியட் இளம் காதலர்களின் கதை. குடும்பப் பிரச்சனை எப்படி காதலர்களைப் பிரிக்கிறது எனப் பேசும் கதை. ஆனால் The Lady with the Dog ஏற்கெனவே திருமணமான ஓர் ஆணும் பெண்ணும் எதேச்சையாய் பரஸ்பரம் சந்தித்து காதல் கொள்ளுவதையும், அந்த உறவு எப்படி அவர்களது வாழ்க்கைப் பார்வையை முழுக்க மாற்றி அமைக்கிறது எனச் சொல்லும் கதை. 
கணேஷ்: முறைபிறழ்ந்த உறவு?
புரொபஸர்: Yes adultery. ஆனால் இக்கதையை அப்படி சிறுமைப்படுத்துதல் ஆகாது. உன்னதமான காதல் கதை இது.
செகரெட்டரி அப்போது அங்கு வருகிறார்.
செகரெட்டரி: டாக்டர் வர தாமதமாகும். நீங்க எல்லாரும் வேண்டுமென்றால் நூலகத்தில் காத்திருக்கலாம். அங்கே உங்களுக்கு சிற்றுண்டியும் தேநீரும் காத்திருக்கிறது.
கணேஷ் (புரொபஸரிடம்): என்ன சார், மருத்துவமனையில் நூலகமா? விருந்தோம்பலா? 
புரொபஸர்: சேஷாச்சலம் அப்படித் தான்! Uncanny fellow!
(எல்லாரும் நூலகம் செல்கிறார்கள். அங்கே வரிசை வரிசையான புத்தக அலமாரிகள் தாண்டி, சிறு மேஜை நாற்காலிகள் ஜோடி ஜோடியாய் இடப்பட்டுள்ளன. அவற்றில் தேநீரும் பிஸ்கட்டும் வைக்கப்பட்டுள்ளன.)
கணேஷ்: அதென்ன சார் uncanny?
புரொபஸர்: விநோதமான இயல்பு கொண்டவர்கள் - நம்மை சதா திகைக்கவும் குழப்பவும் வைக்கும்படி செயல்படுபவர்கள். Not the run-of-the-mill type.
கணேஷ்: Run-of-the-mill என்றால் "வழக்கமான' என்று அர்த்தமா?
புரொபஸர்: இல்லை - இதன் பொருள் ordinary. அதாவது சராசரியான டாக்டர்கள் மாதிரி அல்ல இவர். இருபதாம் நூற்றாண்டின் துவக்கத்தில் எந்திரமயமாக்கலின் விளைவாக மலிவான பொருட்களை உற்பத்தி செய்யும் பல தொழிற்சாலைகள் தோன்றின. இந்த பொருட்களை run of the mill என்பார்கள்.
கணேஷ்: சைனா மேக் சாமான் போல.
புரொபஸர்: ஆமா. பிளாஸ்டிக் அரிசி என்று ஒன்று கொஞ்ச நாள் முன்னால் பீதியை கிளப்பிற்றே அது போல. பார்க்க அரிசி போல இருக்கும், ஆனால் சாப்பிட்டால் வெறும் பிளாஸ்டிக்.
(அவர்களுக்கு அருகில் அமர்ந்துள்ள மீசைக்காரர் தான் அணிந்துள்ள அங்கியின் பாக்கெட்டில் இருந்து ஒரு மைனாவை வெளியே எடுக்கிறார்.)
மைனா: நான் எவ்வளவு நேரமா கூப்பிடறேன். என்ன தூங்கீட்டியா you dopey man?
மீசைக்காரர் புன்னகைத்து விட்டு, பிஸ்கட்டை எடுத்து சிறு துண்டுகளாய் உடைத்து அதற்கு ஊட்டுகிறார்.
கணேஷ்: என்ன சார் ஒரு மைனா போய் இப்படி மிரட்டுது?
மைனா: Shut up!
புரொபஸர்: நீ அது கிட்ட வம்புக்கு ஏன் போகிறே? 
கணேஷ்: Dopey என்றால் டோப் அடிக்கிறதா?
புரொபஸர்: இல்லடா. தூக்க கலக்கமா இருக்கிறது. Groggy!
கணேஷ்: சார் இந்த அடெல்டரி என்பதை நான் வேறு அர்த்தத்திலும் கேள்விப்பட்டிருக்கேன்.
புரொபஸர்: ஆமா அது adulteration. அதாவது கலப்படம். Adulterare எனும் லத்தீன் சொல்லில் இருந்து இது தோன்றியது. Ad + alterare. Ad என்றால் லத்தீனில் to என்று பொருள். Alterare என்றால் ஊகிக்க முடிகிறதா?
கணேஷ்: Alter என்ற சொல்லை நினைவுபடுத்துகிறது சார். அதாவது "மாற்றுவது'
புரொபஸர்: ஆமாம். பாலில் தண்ணீர் கலந்து அது தண்ணீர்ப் பாலாக மாற்றினால் அது adulteration. பெட்ரோலில் மண்ணெண்ணெய் கலந்தாலும் அது adulteration தான். 
கணேஷ்: அப்போ adultery?
புரொபஸர்: அதே மூலசொல்லில் இருந்து தான் இச்சொல்லும் வந்தது. எப்படி பாலில் நீர் கலக்கிறதோ அதே போல திருமணமான ஓர் ஆள் தகாத உறவில் ஈடுபட்டு தன் நிலையை சீரழிப்பதனால் அது adultery ஆகிறது.
கணேஷ்: சார் அந்த The Lady with the Dog சமாச்சாரம்?
புரொபஸர்: ஓ... ஆமா. அதை "நாயுடன் கூடிய சீமாட்டி' என மொழியாக்கினார்கள். Do you get the joke?
(இனியும் பேசுவோம்)

]]>
http://images.dinamani.com/uploads/user/imagelibrary/2018/8/14/w600X390/im4.jpg http://www.dinamani.com/weekly-supplements/ilaignarmani/2018/aug/14/வாங்க-இங்கிலீஷ்-பேசலாம்---152-ஆர்அபிலாஷ்-2980463.html
2980461 வார இதழ்கள் இளைஞர்மணி கடவுச்சொல் அல்ல... கடவு வாக்கியம்! DIN DIN Tuesday, August 14, 2018 10:21 AM +0530 பள்ளிப்பாடங்களை நினைவில் வைத்துகொள்வது சிறுவர்களுக்கு எப்படி சவாலான விஷயமோ, அதைப்போல் வங்கி, செல்லிடப்பேசி, கணினி ஆகியவற்றின் கடவுச்சொற்களை (பாஸ்வேர்ட்) நினைவில் வைத்துக் கொள்வது இன்றைய காலங்களில் பெரியவர்களுக்கு சவாலாக உள்ளது.
 இது ஏதோ இந்தியர்களுக்கு மட்டும் உள்ள பிரச்னை என்று கருத வேண்டாம். உலகம் முழுவதும் கடவுச்சொற்களை நினைவு வைத்துக் கொள்வதற்கு படித்தவர்களே கஷ்டப்படுகின்றனர்.
 டிஜிட்டல் பணப் பரிவர்த்தனை வந்தவுடன் இந்த கடவுச்சொற்களின் எண்ணிக்கை மேலும் அதிகரித்துவிட்டது. என்னதான் கைரேகை பதிவு, முகதோற்றம் பதிவு ஆகியவை வந்தாலும் கடவுச்சொற்களை நாம் நினைவில் வைத்தே ஆக வேண்டும் நிலை ஏற்பட்டுள்ளது. இந்தப் பிரச்னைக்கு தீர்வு காண "பாஸ்வேர்டை'ப்போல் "பாஸ்ஃபிரேஸ்' எனும் கடவுவாக்கியத்தை அமெரிக்க ஆராய்ச்சியாளர்கள் கண்டுபிடித்துள்ளனர். கடவுச்சொல்லை விட கடவுவாக்கியம் 24 சொற்களைக் கொண்டு நீளமாக இருந்தாலும், இதை எளிதில் நினைவில் வைத்து கொள்ளலாம் என்று ஆராய்ச்சியாளர்கள் தெரிவிக்கின்றனர். அதுமட்டுமின்றி கடவுச்சொல், கைரேகைப் பதிவு, முகதோற்றம் பதிவு ஆகியவற்றைவிட இது மிகவும் பாதுகாப்பானது என்றும் அவர்கள் உறுதியளிக்கின்றனர்.
 6 வார்த்தைகளுடன் கூடிய அந்த கடவு வாக்கியத்துக்கு ஏற்றவாறு ஒரு படத்தையும் பயனாளிகள் தமது நினைவுக்காக வரைந்து வைத்துக் கொள்ளலாம் என்றும் இதனால் அவர்கள் கடவுவாக்கியத்தை எந்தச் சூழ்நிலையிலும் மறக்கவே மாட்டார்கள் என்றும் அவர்கள் தெரிவிக்கின்றனர்.
 இதற்கான சோதனை ஆய்வையும் ஆராய்ச்சியாளர்கள் நடத்தியுள்ளனர். அதில், 50 இளைஞர்களை ஈடுபடுத்தி அவர்களுக்கு கடவு வாக்கியத்தை அளித்துள்ளனர். பின்னர் சில நாள்களுக்கு பிறகு அவர்கள் அந்த கடவு வாக்கியத்தை எழுதி வைக்காமல் நினைவுபடுத்தி சரியாகத் தெரிவித்தும் உள்ளனர். முதல்கட்டமாக இணையதள கடவுச்சொற்களுக்கு பதிலாக கடவுவாக்கியம் விரைவில் அறிமுகம் செய்யப்படலாம் என்று கூறப்படுகிறது.
 - அ.சர்ஃப்ராஸ்

]]>
http://images.dinamani.com/uploads/user/imagelibrary/2018/8/14/w600X390/im3.JPG http://www.dinamani.com/weekly-supplements/ilaignarmani/2018/aug/14/கடவுச்சொல்-அல்ல-கடவு-வாக்கியம்-2980461.html
2980460 வார இதழ்கள் இளைஞர்மணி இணைய வெளியினிலே... DIN DIN Tuesday, August 14, 2018 10:20 AM +0530 முக நூலிலிருந்து....
• எனக்கான இசையை
யாரோ இசைக்கிறார்கள்...
எனக்கான எழுத்தை
யாரோ எழுதுகிறார்கள்...
எனக்கான சினிமாவை
யாரோ எடுக்கிறார்கள்...
எனக்கான வாழ்வையும்
யாரோ வாழ்கிறார்கள்.
- ரெவித்தம்பி பொன்னன்

• இரக்கமும் உறக்கமும் ஒன்றுதான்.
இரண்டையுமே அளவோடுதான் பயன்படுத்த வேண்டும்.
அதிகம் உறங்குபவன் சோம்பேறி ஆகிறான்...
அதிகம் இரக்கம் காட்டுகிறவன்...
ஏமாளி ஆகிறான். 
- திருப்பதி ராஜா

• அசைக்க முடியாத நம்பிக்கை வைத்தவர்களையும்...
அசைத்துப் பார்க்கிறது
"துரோகம்' 
என்னும் ஒற்றை ஆயுதம்..!
- செüந்தரபாண்டியன் 

• வார்த்தைகளின் மதிப்பு
தெரிந்தவர்களோடு "வாதம்' செய்...
வார்த்தைகளினால் வதம் செய்பவரோடு
"மெüனம்' செய்.
- வாசுதேவன்

• காட்டும் அன்புக்கு அளவு தேவையில்லை... 
அளவை எதிர்பார்க்கையில் தான் பலர் தடுமாறி விடுகிறார்கள்.
- சரவணன் கீழப்பாவூர்

சுட்டுரையிலிருந்து...
• குழந்தைகளுடன் 
விளையாடும்போது,
ஜெயித்துவிடுங்கள்...
வெற்றி எளிதல்ல என 
புரியட்டும் !
- மெத்த வீட்டான்

• பேருந்தில்
கை தவறிய நாணயத்தைக்
கண்டுபிடித்து 
எடுப்பதென்பது...
தென் கடலில் மூழ்கி
முத்து எடுப்பதற்குச் சமம்.

• உலகில் எதுவுமே தவறில்லை என்று
நினைப்பது தவறில்லை.
ஆனால், தவறைச் செய்துவிட்டு...
"இது தவறில்லை' என்று
நம்மை நாமே சமாதானப்படுத்திக் 
கொள்வது தான் தவறு.
- ஸ்ரீ

• பெட்ரோல் 
தீர்ந்தபோதுதான்,
பாதையின் நீளம்...
தெரிகிறது.
- சப்பாணி

வலைதளத்திலிருந்து...
அந்த அழகிய ஏரியில் உல்லாசப் படகில் பலரும் பயணித்துக் கொண்டிருந்தார்கள். அதில் நீச்சல் அறிந்தவர்களும் இருந்தார்கள். நீச்சல் அறியாதவர்களும் இருந்தார்கள். நீச்சல் அறிந்தவர்களின் கண்களும் மனமும் ஏரியின் அழகிலும் அதன் குளுமையிலும் மயங்கிக் களிக்க... அது அறியாதவர்களின் மனமும் நினைவும் ஏரியின் ஆழத்தையும் இதற்கு முன் நடந்த விபத்தையும் எண்ணியே கலங்கிக் கொண்டிருந்தது.
படகில் பயணம் செய்ய, நீச்சல் பயின்றிருக்க அவசியம் இல்லைதான். 
ஆயினும் இரசித்துப் பயணிக்க, நீச்சல் அறிதல் நிச்சயம் அவசியம். 
ஆம்... எதையும் வருந்திச் செய்யாது விரும்பிச் செய்யவும், விரும்பிச் செய்வதைத் திருந்தச் செய்யவும், பயிற்சி என்பது நிச்சயம் அவசியம்.
http://yaathoramani.blogspot.com

]]>
http://images.dinamani.com/uploads/user/imagelibrary/2018/8/14/w600X390/im2.JPG http://www.dinamani.com/weekly-supplements/ilaignarmani/2018/aug/14/இணைய-வெளியினிலே-2980460.html
2980459 வார இதழ்கள் இளைஞர்மணி சரியான பார்வை... சரியான வழி... சரியான செயல்! 7 - தா.நெடுஞ்செழியன் Tuesday, August 14, 2018 10:16 AM +0530 மதிப்பெண்களைத் தாண்டி ஓர் உலகம் இருக்கிறது. 
பிளஸ் டூ வுக்குப் பிறகு அகில இந்திய அளவில் 80 - க்கும் மேற்பட்ட நுழைவுத் தேர்வுகள் அரசு மற்றும் அரசு உதவிபெறும் கல்விநிறுவனங்கள் நடத்துகின்றன. இவை அனைத்துமே இந்தியாவின் தலைசிறந்த கல்விநிறுவனங்கள். ஐம்பது அறுபது ஆண்டுகளுக்கும் மேலாக நடத்தப்படுபவை. இப்படிப்பட்ட கல்விநிறுவனங்கள் உள்ளன என்பது தெரியாமலேயே, அங்கு கற்றுத் தரப்படும் சிறந்த கல்வியைக் கற்காமலேயே எண்ணற்ற மாணவர்கள் தங்கள் கல்வியை முடித்துவிடுகின்றனர். இது மிக மிக வருந்தத்தக்க விஷயம். 
உயர் கல்வி பற்றிய விஷயங்கள் பெரும்பாலான பெற்றோர்களுக்கும் மாணவர்களுக்கும் தெரியவில்லை. எதிர்கால சந்ததியினருக்கும் தெரியவில்லை. இதை மாற்றியாக வேண்டும். கல்வி பற்றிய தகவல்களுக்கான தேடல்களை மாணவர்கள் அதிகப்படுத்த வேண்டும். பெற்றோர்களும் அதிகப்படுத்த வேண்டும். 
இன்றைய மாணவர்கள் உயர்கல்விக்கான வாய்ப்புகளைப் பற்றி அதிகமாக ஆராயாமல், அவர்களுடைய பார்வைக்கு எவையெல்லாம் தெரிய வருகிறதோ அவற்றைப் படித்துவிடுகிறார்கள். சில ஆண்டுகளுக்குப் பிறகு அதைவிடச் சிறந்த கல்வி பற்றிய தகவல்கள் தெரிய வரும்போது, "இவற்றையெல்லாம் படித்திருந்தால் - இந்தப் படிப்புகளை எல்லாம் முயற்சி செய்து பார்த்திருந்தால் -நான் பெரிய அளவுக்கு முன்னேறியிருப்பேனே' என்று எந்தவொரு மாணவரும் வருத்தப்படக் கூடாது. கல்வி பற்றிய சரியான தகவல்கள் தெரியாமல் எண்ணற்ற மாணவர்களின் திறமைகள் இவ்வாறு வீணடிக்கப்படக் கூடாது. 
உயர்கல்விக்கான வழிகாட்டும் கருத்தரங்கு ஒன்றை சென்னை பூந்தமல்லியில் உள்ள அரசினர் பார்வையற்றோர் பள்ளியில் நாங்கள் நடத்தியபோது, அதில் கண்பார்வையற்ற ராம்குமார் என்ற மாணவர் கலந்து கொண்டார். அவர் பிளஸ் டூ வில் 1200 - க்கு 724 மதிப்பெண்கள் பெற்றிருந்தார். அவர் ஆரணிக்குப் பக்கத்தில் உள்ள ஒரு சிறிய கிராமத்தைச் சேர்ந்தவர். எங்களுடைய ஆலோசனையின்படி பிளஸ் டூ விற்குப் பிறகு CLAT என்ற (Common Law Admission Test) என்ற சட்டப்படிப்புக்கான தேர்வு எழுதி, இந்தியாவிலேயே சிறந்த கல்விநிறுவனமாக உள்ள The National University of Advanced Legal Studies (NUALS) Cochin - என்ற கல்லூரியில் சேர்ந்து நன்றாகப் பயின்று எட்டு கிரேடுக்கு மேல் வாங்கி "நேஷனல் லா யுனிவர்சிட்டி ஆஃப் டெல்லி' (NLU) யில் கன்ஸ்டிடியூஷன் லா என்ற படிப்பில் சேர்ந்திருக்கிறார். 
இவருக்கு முன்பு இவரைப் போன்றே ஆலோசனை பெற்ற இன்னொரு மாணவர் சையது அன்சாரி. அவர் அருப்புக்கோட்டைக்கு அருகில் வீரசோழம் என்ற ஊரைச் சேர்ந்தவர். இவரும் பிளஸ் டூ வில் 1200 -க்கு 824 மதிப்பெண்கள் வாங்கியவர். இவரும் The National University of Advanced Legal Studies (NUALS) Cochin - இல் சேர்ந்து அரியர்ஸ் ஒன்று கூட இல்லாமல், எட்டு கிரேடு வாங்கி நல்ல மதிப்பெண்கள் பெற்று முதல் வகுப்பில் தேர்ச்சி பெற்றார். இதற்காக முன்னாள் குடியரசுத் தலைவர் அப்துல்கலாமிடமும், நீதியரசர் கிருஷ்ணய்யரிடமும் பாராட்டுதல்களைப் பெற்றிருக்கிறார்.
அவருக்கு "யுனிவர்சிட்டி ஆஃப் நெதர்லாண்ட்ஸில்' மேற்படிப்பு படிக்க அட்மிஷன் கிடைத்தது. பண வசதி இல்லாததால் அவரால் அதில் சேர முடியவில்லை. ஆகவே இந்திய உச்சநீதிமன்றத்தில் உள்ள "இன்டியன் லா இன்ஸ்டிடியூட்’ (ILI - DELHI) - இல் பயின்று தற்போது திருச்சியில் உள்ள "நேஷனல் லா யுனிவர்சிட்டி'யில் ஒப்பந்த அடிப்படையில் பேராசிரியர் பணிபுரிகிறார். 
இவர்கள் இருவருமே சென்னை பூந்தமல்லியில் உள்ள அரசு பார்வையற்றோர் பள்ளியில் தமிழ் வழிக் கல்வி பயின்றவர்கள். இந்த இருவரிடமும் நாம் கற்றுக் கொள்ள வேண்டியவை நிறைய இருக்கின்றன. கண்பார்வை இல்லை என்பதைத் தடையாக இருவருமே கருதவில்லை. கண்பார்வையில்லாவிட்டாலும் எங்களால் சாதிக்க முடியும் என்று நம்பிக்கையுடன் இருவரும் யோசித்தார்கள். எதிர்காலத்தைப் பற்றிய நம்பிக்கை இருவரிடம் வலுவாக இருந்தது. 
கண்பார்வை இல்லாவிட்டால் புத்தகங்களைப் படிப்பதே சிரமம். அதற்கே பிறர் உதவி தேவைப்படும். கம்ப்யூட்டர் மூலம் படிப்பதற்கும் பிறர் உதவியும் பயிற்சியும் தேவை. ஆனால் வாழ்க்கையில் சாதிக்க வேண்டும் என்ற உறுதியான எண்ணம் அவர்களுக்கு இருந்ததால், அவர்களுடைய உடற்குறையையும் மீறி அவர்களால் படிக்க முடிந்தது. நமக்குப் பார்க்கும் திறன் இருப்பதால் பார்த்த எல்லாவற்றிலும் உள்ள குறைகள் நம் கண்களுக்குத் தெரிகின்றன. குறைகளை மட்டும் பெரிதுபடுத்தி, அவற்றுக்கு மட்டும் முக்கியத்துவம் கொடுத்து உடனே எதையும் நிராகரித்து விடுகிறோம். இதனால் ஆக்கப்பூர்வமாக எதையும் நம்மால் சிந்தித்துச் செயல்படமுடிவதில்லை. சாதிக்க முடிவதில்லை. 
ஆனால் அவர்கள் இருவரும் தமிழ் வழிக் கல்வியில் பயின்றாலும் அதைப் பெரிதாக எடுத்துக் கொள்ளவில்லை. கல்லூரிப் படிப்பை ஆங்கில வழியில் பயில முடியுமா என்று அச்சப்படவில்லை. அதைக் கஷ்டம் என்று நினைக்கவில்லை. கண்பார்வையில்லாவிட்டாலும் "தங்களிடம் உள்ள திறமைகளைப் பயன்படுத்தி தங்களால் முன்னேற முடியும்; சாதிக்க முடியும்' என்று நம்பினார்கள். ஆக்கப்பூர்வமாக எதையும் செயல்படுத்த முடியும் என்ற நம்பிக்கையுடன் விடாமுயற்சி செய்து வெற்றியடைந்தார்கள். 
ஒரு விஷயத்தில் உள்ள கஷ்டங்களை மட்டும் யோசிக்காமல், அந்த கஷ்டங்களுக்கான தீர்வுகளையும் யோசித்துச் செயல்பட்டார்கள். உதாரணமாக பார்வைத் திறன் அற்றவர்கள் சாலையில் நடந்து செல்லும்போது சாலையைக் கடப்பதற்கு பிறர் உதவியை நாடாமல், தாமாகவே கையில் உள்ள ஸ்டிக்கின் உதவியுடன் சாலையைக் கடப்பதை நம்மால் பார்க்க முடியும். 
இவர்களைப் போன்று எண்ணற்ற மாணவர்களுக்கு தமிழ்நாட்டைத் தாண்டி - அகில இந்திய அளவில் - ஏன் உலக அளவில் - சாதிக்க வேண்டும் என்ற எண்ணம் வேண்டும். நம்மால் முடியும் என்ற நம்பிக்கை அவர்களுக்கு வேண்டும். 
பொறியியல், மருத்துவம் தவிர எண்ணற்ற வாய்ப்புகள் உள்ளன. போட்டிகள் அதிகம் நிறைந்த - 10 லட்சம், 15 லட்சம் பேர் போட்டி போடக் கூடிய பொறியியல், மருத்துவப் படிப்புகளில் போட்டியிட்டு தோல்வி அடைவதைவிட, போட்டிகள் குறைந்த அளவில் உள்ள - 10 ஆயிரம் முதல் 50 ஆயிரம் பேர் வரை கலந்து கொள்ளக் கூடிய போட்டிகளில் பங்கு பெற்று வெற்றி அடைவது எளிது. 
பெற்றோர்கள் தற்போது முக்கியமாக புரிந்து கொள்ள வேண்டியது என்னவென்றால், மாணவர்கள் மீது தவறுகள் கிடையாது. பாடத்திட்டத்தின் மீதும் பிரச்னைகள் கிடையாது. இந்தப் பாடத்திட்டங்களை மாணவர்களுக்குப் புரியும் வண்ணம் சொல்லிக் கொடுக்கக் கூடிய ஆசிரியர்களின் எண்ணிக்கை மிகக் குறைவாக உள்ளது. அதனால் ஒரு மாணவருக்கு ஒரு சப்ஜெக்ட் பிடிக்கவில்லை என்றால், அந்த சப்ஜெக்ட்டை நன்றாகச் சொல்லித் தரக்கூடிய ஆசிரியரிடம் அந்த மாணவர் பயிலவில்லை என்றுதான் அர்த்தமேயொழிய அந்த மாணவருக்குக் கணிதம் வரவில்லை; அறிவியல் வரவில்லை என்று நாம் அவர்களைச் சொல்லக் கூடாது. அதற்கான அடுத்த சிறந்த ஆசிரியரை - அந்த ஆசிரியர் அவர் வகுப்பில் உடன் பயிலும் மாணவராகவோ, வேறொரு பள்ளியில் படிக்கும் மாணவராகவோ இருக்கலாம். வேறொரு பள்ளியில் வேலை செய்யும் ஆசிரியராக இருக்கலாம் - அவரைக் கண்டுபிடித்து, அவர் வாயிலாக அந்த சப்ஜெக்டைப் புரிந்து கொள்ளக் கூடிய சூழலை பெற்றோர்கள் உருவாக்கித் தர வேண்டும். 
மாணவர்கள் புரிந்து படிக்க வேண்டும் என்பதைப் பெற்றோர்கள் வலியுறுத்த வேண்டும். புரிந்து படித்தால் மட்டுமே எதிர்காலத்தில் எந்தவொரு விஷயத்தையும் படித்த கல்வியைப் பயன்படுத்தி நன்கு ஆராய்ந்து ஒரு தெளிவான முடிவை எடுக்க முடியும். எந்தவொரு சவாலையும் எளிதில் புரிந்து கொண்டு அதைச் சமாளித்து வெற்றியடைய முடியும். 
(தொடரும்)
கட்டுரையாசிரியர்: சமூக கல்வி ஆர்வலர் 
www.indiacollegefinder.org

]]>
http://images.dinamani.com/uploads/user/imagelibrary/2018/8/14/w600X390/im1.jpg http://www.dinamani.com/weekly-supplements/ilaignarmani/2018/aug/14/சரியான-பார்வை-சரியான-வழி-சரியான-செயல்-7---தாநெடுஞ்செழியன்-2980459.html
2976244 வார இதழ்கள் இளைஞர்மணி சாதாரணமானதல்ல... தலைமைப் பொறுப்பு! DIN DIN Tuesday, August 7, 2018 12:39 PM +0530 தலைமைப் பதவியில் இருப்பவர்கள் அதை ஒரு பதவி என நினைக்காமல் அதை ஒரு பொறுப்பு என உணர்ந்தால் மட்டுமே தேவையான இலக்குகளை எட்ட முடியும்.
உதாரணமாக ஒரு நிறுவனத்தில் தலைமையிடத்தில் இருப்பவர், தனக்கு கீழ் பணிபுரிபவர்களிடம் வேலை வாங்க மட்டுமே செய்தால் அவருக்கு உரிய பலன் கிடைக்காது. அந்த பணியாளர்கள் தாங்களாகவே உணர்வுப்பூர்வமாக வேலைகளைச் செய்யும்படி தலைமைப் பதவியில் இருப்பவர் அவர்களை மாற்றினால், இலக்குகளைத் தாண்டி வெற்றி நடை போட முடியும்.
தலைமையிடத்தில் இருப்பவருக்கு அசாத்திய பொறுமை அவசியம். பணியாளர்களின் கருத்துக்களுக்கு மதிப்பளிக்கும் பண்பு அவசியம். பணியாளர்கள் செய்யும் பணி சரி அல்லது தவறு என்பதை சரியாக சுட்டிக்காட்டும் திறமை அவர்களுக்கு வேண்டும். அப்படிப்பட்ட பண்பு, திறமைகள் இருக்கும்போது மட்டுமே பணியாளர்கள் முழு மனதோடு தலைமைப் பதவியில் இருப்பவரை ஏற்றுக் கொள்வார்கள்.
ஒரு பள்ளியின் தலைமையாசிரியர் உரிய நேரத்தில் பள்ளிக்கு வராவிட்டால், பள்ளியில் பணியாற்றும் ஆசிரியர்கள், பிற பணியாளர்களை உரிய நேரத்தில் வராததற்காக கண்டிக்க முடியாது. எனவே ஒரு நிறுவனத்தில் பணியாற்றும் தலைமைப் பதவியில் உள்ளவர்கள் அந்த நிறுவனத்துக்கே முன்மாதிரியான ஒருவராக இருக்க வேண்டியது அவசியம்.
அது போல் தலைமையாசிரியர் - ஆசிரியர்கள், பணியாளர்கள், மாணவர்கள் எல்லாரையும் ஒரே மாதிரியாக கையாளக் கூடாது. அப்படிச் செய்தால், விளைவுகள் விபரீதமாகிவிடும். யாரை எவ்வாறு கையாள வேண்டும் என்பதை உணர்ந்து தலைமைப் பதவியில் இருப்பவர் செயல்பட வேண்டும்.
தலைமைப் பொறுப்பில் உள்ளவர்கள், உதவியாளர்கள் மட்டுமே அனைத்து வேலைகளையும் செய்ய வேண்டும் என்று எதிர்பார்ப்பார்கள். உதவியாளர்கள் விடுப்பில் சென்று விட்டால் நிறுவனத்தின் எந்தவொரு விஷயங்களும் தெரியாமல் சிரமப்படுவார்கள்.
தலைமையிடத்தில் இருப்பவர்கள் அனைத்துப் பணிகளையும் தெரிந்து வைத்திருக்க வேண்டும். அப்போதுதான் தனக்குக் கீழ் பணிபுரிபவர்களை முறையாக வேலை வாங்க முடியும். யார் வந்தாலும் வராவிட்டாலும் பதற்றமின்றி நிறுவனத்தை நடத்திச் செல்ல முடியும்.
இன்னும் சிலர் இதற்கு மாறாக, தனக்கு கீழுள்ளவர்கள் செய்ய வேண்டிய வேலைகளை எல்லாம் தாங்களே செய்வார்கள். இதுவும் தவறு. முடிந்தவரை பணியாளர்களை வைத்தே வேலைகளைச் செய்ய வேண்டும். பணியாளர்களின் ஒத்துழைப்பில்லாமல் எந்த ஒரு நிறுவனமும் லாபகரமான பாதையில் நடைபோட முடியாது. பணியாளர்களின் முழு ஒத்துழைப்பை ஏற்படுத்துவதே தலைமைப் பொறுப்பில் உள்ளவரின் பணி.
ஆனால் யார் எந்தப் பணியைச் செய்தாலும் அந்தப் பணி முழுமைக்கும் தலைமைப் பொறுப்பில் உள்ளவரே பொறுப்பாளியாகிறார். ஆகவே அனைத்துப் பணிகளையும் முறையாக கண்காணிக்கும் வழிமுறைகளை தலைமைப் பொறுப்பில் உள்ளவர்கள் ஏற்படுத்த வேண்டும்.
அலுவலக நன்மை கருதி கூடுதலாக வேலை நேரத்துக்கு அப்பாலும் வேலை பார்க்கும் பணியாளர்களுக்கு, தேவைப்படும் நேரத்தில் தாமத வருகைக்கோ அல்லது வேலை நேரம் முடிவதற்கு முன்னதாக வீட்டிற்குச் செல்வதற்கோ அனுமதி அளிப்பவர்கள் மட்டுமே சிறந்த தலைமைப்பண்பு உடையவர்களாக இருக்க முடியும். அவர்கள் எளிதாக பணியாளர்களிடம் வேலை வாங்கி நிறுவனத்தை வளர்ச்சிப் பாதைக்கு அழைத்து செல்வார்கள் என்பது உறுதி.
கொடுத்த பொறுப்பை மட்டும் முடிப்பவர் தலைவர் அல்ல. கூடுதலான பொறுப்புக்களை தாமாகவே ஏற்றுச் செயல்படுபவர்களே தலைமைப் பதவிக்குத் தகுதியானவர்கள்.
தலைமைப் பதவிக்கு வர யார் வேண்டுமானாலும் விரும்பலாம். ஆனால் அதற்குரிய பண்புகளை வளர்த்துக் கொள்வது மிகவும் அவசியம். இப்போது சொல்லுங்கள்... தலைமைப் பதவி என்பது சாதாரணமானதா?
- வி.குமாரமுருகன்



 

]]>
http://images.dinamani.com/uploads/user/imagelibrary/2018/8/7/w600X390/LEADERSHIP.JPG http://www.dinamani.com/weekly-supplements/ilaignarmani/2018/aug/07/சாதாரணமானதல்ல-தலைமைப்-பொறுப்பு-2976244.html
2976243 வார இதழ்கள் இளைஞர்மணி பசுமைக்கு உயிர் கொடுக்கும் சுவர் தோட்டங்கள்! Tuesday, August 7, 2018 12:37 PM +0530 நாம் வாங்கும் ஒவ்வொரு பிளாஸ்டிக் உறை, பாட்டில்கள், பைகள் ஆகியவற்றின் மூலம் நம் நாட்டின் சுற்றுச்சூழலுக்கு கேடு ஏற்படுத்திக் கொண்டிருக்கிறோம். இதனால் ஏற்பட்டு வரும் பிரச்னைகள், வரவிருக்கும் அபாயங்களைத் தெரிந்திருந்தாலும், நம் அன்றாட வாழ்வில் ஒட்டிக்கொண்டுவிட்ட இந்த பிளாஸ்டிக்கை கைவிட முடியாமல் நாம் பரிதவித்துக் கொண்டிருக்கிறோம். 
ஆனால், பயனற்ற பிளாஸ்டிக் பாட்டில்களைக் கொண்டு நாட்டில் முதன்முறையாக பஞ்சாப் மாநிலம், லூதியானா ரயில் நிலையத்தில் அமைக்கப்பட்டுள்ள செங்குத்து தோட்டம் (Vertical Garden) பிளாஸ்டிக்கின் பாதிப்புகளில் இருந்து நம்மை பாதுகாத்துக் கொள்வது எப்படி என்பதற்கு உதாரணமாகத் திகழ்கிறது. ஆம், இந்த செங்குத்து தோட்டம் என்னும் சுவர் தோட்டம், காற்று மாசுபாட்டை குறைத்து ரயில் நிலையத்துக்கு ஒரு பசுமைப் போர்வையாக மாறியிருக்கிறது.
இந்திய ரயில்வேயின் ஃபெரோஸ்பூர் கோட்டம், லூதியானா வருமானவரித் துறை இரண்டும் இணைந்து கடந்த ஜூலை 24-ம் தேதி இதற்கான முன்னெடுப்பைத் தொடங்கியுள்ளன. 
உள்நாட்டு வருவாய் சேவை (Internal Revenues Service) அதிகாரி ரோஹித் மெஹ்ராவின் சிந்தனையில் உருவான இந்த செங்குத்து தோட்டம் திட்டத்தை, லூதியானா ரயில் நிலையத்தில், ரயில்வே கோட்ட மேலாளர் விவேக் குமார், வருமான வரித் துறை முதன்மை ஆணையர் பினய் கே ஜா (Binay K Jha) ஆகியோர் தொடக்கிவைத்துள்ளனர். 
இதுகுறித்து ரோஹித் மெஹ்ரா கூறுகையில், "சிங்கப்பூரில் செங்குத்து தோட்டங்கள் மட்டுமல்லாது, வீட்டின் மாடியிலும் தோட்டங்களை அமைத்துள்ளனர். ஆனால், அதற்காக அவர்கள் விலை உயர்ந்த தொட்டிகளைப் பயன்படுத்துகின்றனர். நான் இந்தியா வந்தபிறகு, அந்த விலை உயர்ந்த தொட்டிகளுக்குப் பதிலாக பயனற்ற பிளாஸ்டிக் பாட்டில்களைப் பயன்படுத்த முடிவுசெய்தேன். ஒருமுறை பயன்படுத்திவிட்டு தூக்கி எறியப்படும் பிளாஸ்டிக் பாட்டில்களைக் கொண்டு முதன்முதலில் என் வீட்டில் செங்குத்து தோட்டத்தை அமைத்தேன். அதன் பிறகே, இதுபோன்ற தோட்டத்தை ஏன் என்னுடைய அலுவலகத்திலும் அமைக்கக்கூடாது என்ற சிந்தனை வந்தது. உடனடியாக அங்கேயும் இந்த தோட்டத்தை அமைத்துவிட்டோம்'' என்கிறார்.
மெஹ்ராவின் அலுவலகத்தில் தற்போது பயனற்ற 18 ஆயிரம் பிளாஸ்டிக் பாட்டில்கள், தாவரங்களை வளர்க்கும் பாட்டில்களாக மாறியிருக்கின்றன. அதோடு அவர் நிறுத்திவிடவில்லை. அரசு அலுவலகங்கள், பள்ளிகள், கோயில்கள், விடுதிகள், வீடுகள் போன்றவற்றில் பிளாஸ்டிக் பாட்டில்கள் மூலம் சுவர் தோட்டங்களை அமைத்து சுற்றுப்புறங்களை பசுமையாக மாற்றுவதில் அனைவருக்கும் உதவி வருகிறார். இவரது முயற்சியால், லூதியானாவில் உள்ள குருத்துவாராவில் 37 ஆயிரம் பாட்டில்களைக் கொண்டு செங்குத்து தோட்டம் அமைக்கப்பட்டுள்ளது. காற்று மாசுபாட்டால் அதிகமாகப் பாதிக்கப்படும் மாநிலங்களாக புதுதில்லியும், பஞ்சாப்பும் உள்ளன. இதுகுறித்து மெஹ்ரா கூறும்போது, "நம் நாட்டில் உள்ள அனைத்து பள்ளிகளும் கோடைக்காலம், மழைக்காலம் என 2 நீண்ட விடுமுறை நாள்களை மட்டுமே கொண்டுள்ளன. ஆனால், என் மகனுக்கு 3-வது நீண்ட விடுமுறை நாள்களாக உள்ளது "புகை விடுமுறை' (காற்று மாசு)'' என்கிறார். 
அவருடைய இந்த வார்த்தைகள் வேடிக்கையானதாகத் தோன்றினாலும், அது தீவிரமாக யோசிக்க வேண்டிய, மிக முக்கிய பிரச்னையை உள்ளடக்கியது என்பது அனைவருக்கும் தெரியும். 
கடந்த ஆண்டு சுற்றுச்சூழல் விஞ்ஞானிகள் லூதியானா நகரைப் பார்வையிட்டு ஆய்வு செய்தபோது, அதன் காற்றுத் தர குறியீடு (Air Quality Index) 274 ஆக பதிவாகியிருந்தது. அதேநேரத்தில், அவர்கள் ரோஹித் மெஹ்ராவின் அலுவலகத்தில் ஆய்வுசெய்த போது, அங்கு காற்றுத் தர குறியீடு ஆச்சர்யமூட்டும் வகையில், 78 ஆக இருந்தது. மொத்த நகரமும் சுவாசிப்பதற்கான தூய காற்றுக்காக போராடிக்கொண்டிருந்த போது, மெஹ்ராவின் அலுவலகத்தில் இருந்த சுவர் தோட்டங்கள் காற்று மாசுபாட்டை எதிர்த்து அமைதியாகப் போராடிக்கொண்டிருந்தன. 
இதுகுறித்து மெஹ்ரா கூறுகிறார்... "பஞ்சாப் முழுக்க அமைக்கப்பட்டுள்ள 75 செங்குத்து தோட்டங்களில் இதுவரை 2 லட்சம் தாவரங்கள் நடப்பட்டுள்ளன. இதன்மூலம், 2 லட்சம் பயனற்ற பிளாஸ்டிக் பாட்டில்கள் இதற்குப் பயன்படுத்தப்பட்டுள்ளன. நகரச் சூழலில் காடுகளை மீண்டும் கொண்டுவருவது, சுத்தமான, பசுமை பணியிடத்தைப் பெறுவது, சுற்றுச்சூழலைக் கெடுக்கும் பிளாஸ்டிக் பாட்டில்களையே இதற்குப் பயன்படுத்துவது, உடன் பணியாற்றுவோரை சூழல் உணர்வு கொள்ளச் செய்வது போன்றவையே என்னுடைய இந்த சுவர் தோட்டத்தின் நோக்கம். 
மிகவும் செலவு குறைந்த இந்தத் திட்டத்தால், தோட்டம் அமைக்கப்பட்ட சுவரின் உள் அறைகளில் 5-7.5 டிகிரி செல்சியஸ் வரை வெப்பநிலை குறைகிறது. மிகச் சிறந்த உயிரினப் பரவலுக்கும் இந்த சுவர் தோட்டங்களால் வாய்ப்பு ஏற்படுகிறது. நாம் மறந்துவிட்ட பல பறவைகளை இப்போது நம் கண்முன்னே காணமுடிகிறது'' என்கிறார் மெஹ்ரா.
- இரா.மகாதேவன்

]]>
http://images.dinamani.com/uploads/user/imagelibrary/2018/8/7/w600X390/IRS_MEHRA_AT_ONE_OF_HIS_GARDENS.JPG http://www.dinamani.com/weekly-supplements/ilaignarmani/2018/aug/07/பசுமைக்கு-உயிர்-கொடுக்கும்-சுவர்-தோட்டங்கள்-2976243.html
2976241 வார இதழ்கள் இளைஞர்மணி தில்லியில் பிறந்த தமிழருக்கு உலக அளவில் ஒரு விருது! DIN DIN Tuesday, August 7, 2018 12:33 PM +0530 அக்ஷய் வெங்கடேஷ் - அமெரிக்காவிலுள்ள ஸ்டேன்ஃபோர்ட் பல்கலைக்கழகத்தில் கணிதப் பேராசிரியராக பணிபுரிபவர். இந்த ஆண்டு நோபல் பரிசுக்கு இணையான விருது, 36 வயதேயான அவருக்குக் கொடுக்கப்பட்டுள்ளது. இவரைத் தவிர இன்னும் மூவருக்கு இந்த விருது தரப்பட்டுள்ளது. இந்த விருது நான்கு ஆண்டுகளுக்கு ஒருமுறை வழங்கப்படுகிறது. கணிதத்துறையில் பெரிய அளவுக்கு பங்களிப்புச் செய்ததற்காக அவருக்கு இந்த விருது கொடுக்கப்பட்டுள்ளது. இந்த விருது பெறும் ஒவ்வொருவரும் 15 ஆயிரம் கனடிய டாலரைப் (இந்திய ரூபாய் மதிப்பில் சுமார் ரூ.80 லட்சம்) பெறுவார்கள்.
அக்ஷய் வெங்கடேஷ் விருது பெறுவது ஒன்றும் புதிதல்ல.
அக்ஷய் வெங்கடேஷ் தில்லியில் பிறந்தவர். அவர் பெற்றோர் தமிழகத்தைச் சேர்ந்தவர்கள். தந்தை கும்பகோணத்தைச் சேர்ந்தவர். தாய் தஞ்சாவூர்காரர். வெங்கடேஷுக்கு 2 வயது இருக்கும்போது அவருடைய குடும்பம் ஆஸ்திரேலியாவில் பெர்த் நகருக்குக் குடிபெயர்ந்தது. 
13 வயதிலேயே அவர் பள்ளிப் படிப்பை முடித்துவிட்டார். அந்த வயதிலேயே வெஸ்டர்ன் ஆஸ்திரேலியா பல்கலைக்கழகத்தில் பட்டப்படிப்பில் சேர்த்துக் கொள்ளப்பட்டார். மூன்றே வருடங்களில் பட்டமும் பெற்றுவிட்டார். அதற்குப் பிறகு நான்கு ஆண்டுகள் கழித்து, அதாவது வெங்கடேஷின் 20 வயதில் முனைவர் பட்டமும் பெற்றுவிட்டார். உலகிலேயே மிகவும் இளைய வயதில் முனைவர் பட்டம் பெற்றவர்களில் வெங்கடேஷும் ஒருவர். முனைவர் பட்டம் பெற்றது, கேம்ப்ரிட்ஜில் உள்ள உலகப் புகழ்பெற்ற எம்ஐடி பல்கலைக்கழகத்தில்.
அவர் பள்ளியில் படிக்கும்போதே - அவருக்கு அப்போது 12 வயது - உலக அளவில் கணிதம் மற்றும் இயற்பியலில் சிறந்து விளங்கும் பள்ளி மாணவராகத் தேர்ந்தெடுக்கப்பட்டு சர்வதேச ஒலிம்பியாட் பதக்கம் பெற்றிருக்கிறார். ஆஸ்திரேலியாவில் உள்ள எல்லாப் பள்ளிகளிலும் கணிதம், இயற்பியலில் முதல் மாணவராக அவர் விளங்கியதால் முதலில் ஆஸ்திரேலியா அளவில் முதல் மாணவராகத் தேர்வு செய்யப்பட்டு, பின்னர் பல்வேறு நாடுகளைச் சேர்ந்த மாணவர்களில் முதன்மையானவராகத் தேர்வு செய்யப்பட்டிருக்கிறார். அதற்கு கிடைத்த பதக்கம்தான் இந்த சர்வதேச ஒலிம்பியாட் பதக்கம். 
இப்போது பெற்றுள்ள விருதைப் போலவே ஏற்கெனவே கணிதத்துறையில் அவரின் கடும் உழைப்புக்காக ஆஸ்ட்ரோவ்ஸ்கி விருது, இன்ஃபோசிஸ் விருது என பல விருதுகளைப் பெற்றுள்ளார். 

தஞ்சை சாஸ்த்ரா பல்கலைக்கழகம் 2008 இல் கும்பகோணத்தில் நடந்த ஒரு சர்வதேச கணித கருத்தரங்கில் வெங்கடேஷுக்கு "சாஸ்த்ரா ராமானுஜன்' விருதை வழங்கியது.
அவர் கணிதத்தில் உயர்ந்த மட்டத்தில் ஆராய்ச்சிகள் மேற்கொண்டதால் இந்த விருது அவருக்குக் கிடைத்திருக்கிறது. 
"மிக நீண்ட நேரம் நீங்கள் கணக்குப் போட்டுக் கொண்டிருந்தால் ஓர் இடத்தில் எதுவும் செய்ய இயலாமல் அப்படியே நின்றுவிடுவீர்கள். ஆனால் அதே சமயம் கணிதத்தோடு நீங்கள் பிணைந்து கிடந்த உணர்வைப் பெறுவீர்கள். மிகவும் அர்த்தமுள்ள ஒரு செயலில் ஈடுபட்டிருக்கும் உணர்வையும் நீங்கள் பெறுவீர்கள்'' என்கிறார் இடைவிடாமல் கணித ஆராய்ச்சிகளில் மூழ்கிக் கிடக்கும் அக்ஷ்ய் வெங்கடேஷ்.
- ந.ஜீவா

]]>
http://images.dinamani.com/uploads/user/imagelibrary/2018/8/7/w600X390/im11.JPG http://www.dinamani.com/weekly-supplements/ilaignarmani/2018/aug/07/தில்லியில்-பிறந்த-தமிழருக்கு-உலக-அளவில்-ஒரு-விருது-2976241.html
2976238 வார இதழ்கள் இளைஞர்மணி படியுங்கள்... டெக்ஸ்டைல் டிசைனிங்! DIN DIN Tuesday, August 7, 2018 12:27 PM +0530 "உடுத்த உடை' அனைவருக்கும் தேவை. விதவிதமான வண்ணங்களில், வித்தியாசமான வடிவங்களில் ஆடைகளின் வடிவமைப்பு மாறிக் கொண்டே இருக்கிறது. ஒவ்வொருவரும் அவருக்குப் பிடித்தமான ஆடைகளைத் தேர்ந்தெடுத்து அணிகின்றனர். 
எவ்வளவுதான் புதிய புதிய வடிவமைப்புகளில் ஆடைகள் தயாரிக்கப்பட்டாலும் அவற்றிற்கான கவர்ச்சி அதிகரித்துக் கொண்டே போகிறது. ஆடைக்காக எவ்வளவு பணத்தை வேண்டுமானாலும் செலவழிக்க தயாராக உள்ளவர்களும் இருக்கிறார்கள். 
எனவே டெக்ஸ்டைல் டிசைனிங் தொழில் முக்கியத்துவம் பெற்றுள்ளது. அது சம்பந்தமான படிப்பு படித்தவர்களுக்கு வேலை மற்றும் சொந்தத் தொழில் வாய்ப்புகள் காத்திருக்கின்றன. அத்துறையில் இளம்கலை, முதுகலை, பட்டயப் படிப்புகள் நடத்தப்படுகின்றன.
இது குறித்து மேலும் தெரிந்து கொள்ள: 
Indian Institute of Fashion & Design - http://iifd.in/
Indian Institute of Fashion Technology - http://iiftbangalore.com/
Gandhi Institute of Fashion and Textile -  https://www.gift-
india.com/
- எம்.அருண்குமார்
 

]]>
http://images.dinamani.com/uploads/user/imagelibrary/2018/8/7/w600X390/im9.jpg http://www.dinamani.com/weekly-supplements/ilaignarmani/2018/aug/07/படியுங்கள்-டெக்ஸ்டைல்-டிசைனிங்-2976238.html
2976237 வார இதழ்கள் இளைஞர்மணி வாங்க இங்கிலீஷ் பேசலாம் 151 ஆர்.அபிலாஷ் DIN Tuesday, August 7, 2018 12:25 PM +0530 புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரிடம் செல்கிறார்கள். அங்கே அவர்கள் மருத்துவருக்கான காத்திருப்போர் அறையில் இருக்கிறார்கள். அவர்களுடன் அங்கே ஒரு மீசைக்காரரும் நடாஷா எனும் பெண்ணும் இருக்கிறார்கள். இருவரும் போனில் பிக்பாஸ் பார்த்துக் கொண்டிருக்கிறார்கள். மீசைக்காரர் நடாஷாவிடம் பிக்பாஸ் பங்கேற்பாளர் ஷாரிக் பற்றி சொல்லும் போது அவர் ஒரு omega male என்கிறார். 
கணேஷ்: சார், நான் alpha male கேள்விப்பட்டிருக்கேன். ஒரு கூட்டத்தில் ஆதிக்கம் செலுத்தும் ஆணை alpha male என்பார்கள். ஆனால் அதென்ன omega male?
புரொபஸர்: கொஞ்சம் அப்பிராணியான எதுக்கு வம்பு என ஒதுங்கிப் போகும் ஆண்களை omega male என்பார்கள்.
கணேஷ்: ஆனால் சார் ஷாரிக்கை ஜட்ஜ் ஆக்கிய போது அவர் உறுதியாக நடந்து கொண்டாரே?
புரொபஸர்: ஆமாம், ஆனால் அந்த பணி முடிந்ததும் அவர் பழையபடி ஒதுங்கி விட்டாரே.
கணேஷ்: அப்படீன்னா பொன்னம்பலம், சென்டிராயன் எல்லாம்?
புரொபஸர்: யார் தான் அந்த வீட்டில போட்டி போடல? ஒரு வாரம் omega maleன்னா, ஒதுங்கிப் போறாங்கன்னா, அடுத்த வாரம் alpha male ஆகிடறாங்க. அதற்கு அடுத்த வாரம் beta male ஆகறாங்க.
கணேஷ்: அதென்ன க்ஷங்ற்ஹ ம்ஹப்ங்?
புரொபஸர்: எந்த போட்டியும் வம்பும் இல்லாம, எதிலும் பட்டுக்காம இருக்கிறது.
நடாஷா: maj, he is a kind of metrosexual, இல்லியா?
புரொபஸர்: ஓரளவுக்கு.
நடாஷா: He is cute!
கணேஷ்: சார் மெட்ரோசெக்ஷுவல்னா ரொம்ப ஸ்டைலா, சிட்டி பாய்ஸ் போல இருக்கிறது அப்படித் தானே?
புரொபஸர்: இது ஒரு stereotype. அதாவது மக்களை தட்டையா வகைப்படுத்துவது. கிராமத்து ஆண்கள் எல்லாரும் ஜல்லிக்கட்டில் மாட்டை விரட்டிக்கிட்டு, கம்பு கத்தி, வீச்சரிவாளோட சுத்தற மாதிரி நம் தமிழ் சினிமா ஒரு பிம்பத்தை உருவாக்கி இருக்கே அது ஒரு stereotype. இதே ஸ்டீரியோடைப்பின் படி நகரத்து ஆண்கள் மிகையான ஆண்மையோட இருக்க மாட்டார்கள். மாறாக, மென்மையாக கனிவாக கொஞ்சம் பெண்மை சாயலோட இருப்பார்கள். தலைமுடியை சாயம் அடிச்சுக்கிறது, காது குத்திக்கிறது, நீளமா முடி வளர்க்கிறது, பெண்கள் அதிகமா அணியுற வண்ணங்களில் தாமும் ஆடை அணிவதென்று ஒரு மார்க்கமா இருப்பாங்க. நகரத்துப் பெண்கள் படித்தவர்கள். சுயமாய் சம்பாதித்து சொந்த காலில் நிற்பவர்கள். ஆகையால் அவர்கள் ஆண்கள் முன்னால் கூந்தலில் பூ சூடி வெட்கி தலை குனிந்து இருக்க மாட்டார்கள். ஆண்கள் தம்மை சமமாய் நடத்த வேண்டுமென எதிர்பார்ப்பார்கள். இவர்களிடம் அணுக்கமாய் இருக்கும் ஆண்கள் ஆதிக்கம் செய்யாமல் பணிந்து போகிறவர்களாய் அல்லது பெண்களிடம் ஒரு தோழியைப் போல தயக்கமின்றி பழகுகிறவர்களாய் இருப்பார்கள். இத்தகைய ஆண்களே மெட்ரோமேல். அப்பாடா, எவ்வளவு பெரிய விளக்கம்!
கணேஷ்: ஆனால் சார், நானும் இந்த நகரத்தில் தான் பிறந்து வளர்ந்தேன். நான் அப்படி இல்லையே?
புரொபஸர்: தம்பி அதனால தான் அது ஒரு ஸ்டீரியோடைப்ன்னு சொன்னேன். அது உண்மை இல்லே
கணேஷ்: சார், நம் சினிமா நடிகர்களில் metromale ன்னா யார்?
புரொபஸர்: மாதவன்
கணேஷ் (மீசைக்காரரிடம்): சார் நீங்க எந்த டைப்?
மீசைக்காரர்: நான் சிங்கிள். காதலியோ மனைவியோ இல்ல.
கணேஷ்: ஏன் சார்?
மீசைக்காரர்: எனக்கேற்ற துணை வரணும்னு வெயிட் பண்றேன்.
புரொபஸர்: He is a quirkyalone.
கணேஷ்: ஓ... பிரம்மச்சாரி
புரொபஸர்: இல்லடா. பிரம்மச்சாரின்னா திட்டவட்டமான முடிவோட கல்யாணம் பண்ணாம தனியா வாழுறது. ஆனால் quirkyalone என்றால் தனக்கான பொருத்தமான துணை அமையும் வரை பொறுமையாக காத்திருக்கக் கூடியவர்கள். புரியுதா?
கணேஷ்: யெஸ் சார், Tinder app பயன்படுத்தாதவங்க.
புரொபஸர்: இந்த quirkyalone எனும் சொல்லைக் கண்டுபிடித்து முதலில் பயன்படுத்தினவங்க Sasha Cagen. அவங்க 2004இல் ஒரு புத்தகம் எழுதினாங்க. Quirkyalone: A Manifesto for 
Uncompromising Romantics. அப்படித் தான் இச்சொல் பிரபலமாச்சு.
கணேஷ் (நடாஷாவைப் பார்த்து): மேடம், எனக்கு உங்களைப் பார்த்தால் ஒரு ரஷ்ய கதை நினைவுக்கு வருது?
நடாஷா: என்ன
கணேஷ்: A Lady with a Dog.
நடாஷா: ஓ... செகாவ்
புரொபஸர்: ஆமா, இந்த கதை தமிழாக்கப்பட்ட போது ஒரு தமாஷ் நடந்துது தெரியுமா?
(இனியும் பேசுவோம்)
 

]]>
http://images.dinamani.com/uploads/user/imagelibrary/2018/8/7/w600X390/im8.JPG http://www.dinamani.com/weekly-supplements/ilaignarmani/2018/aug/07/வாங்க-இங்கிலீஷ்-பேசலாம்-151-2976237.html
2976234 வார இதழ்கள் இளைஞர்மணி சொந்த ஒளி கொண்ட சூரியர்கள்!- சுகி. சிவம் DIN DIN Tuesday, August 7, 2018 12:15 PM +0530 நீ... நான்... நிஜம்! -30
பரீட்சையில் காப்பியடிக்கிறவர்களைத் தண்டிக்கிறார்கள். ஆனால் முழு வாழ்க்கையையுமே பிறரைப் பார்த்து அப்பட்டமாகக் காப்பியடிக்கிறவர்களை ஏன் தண்டிப்பதில்லை. மன்னிக்கவும்... அப்படி தண்டிக்க நேர்ந்தால் உலகில் மிக அதிகமான மக்களைத் தண்டிக்க நேரும் என்று பிரபஞ்சம் விட்டிருக்கலாம். ஜனநாயகத்தில் பெரும்பான்மை வைத்ததே சட்டம் என்பதால் இந்த வாழ்க்கைப் பிழை மன்னிக்கப்பட்டிருக்கலாம். அல்லது அதுவே இயற்கையின் ஏற்பாடாகவும் இருக்கலாம். ஆங்கிலத்தில் UNIQUE என்றொரு சொல் உண்டு. முன்பின் காணாத நிலையை அது சுட்டும். "அபூர்வ' என்ற வடமொழிச்சொல்லும் அதையே குறிக்கிறது. யார் போலும் இல்லாத தனித் தன்மை உள்ள ஒரு சிலரை UNIQUE என்று பாராட்டுவார்கள்.
பாரதி, மகாத்மாகாந்தி, வள்ளுவர், இயேசு, ரமணர், நபிகள், புத்தர், போன்றவர்கள் அப்படிப்பட்டவர்கள்... இன்னும் பல பெயர்களைப் பட்டியலிட முடியும். அது Attendence எடுக்கிற ஆசிரியனாக ஆக்கிவிடும் என அஞ்சுகிறேன். இவர்களைச் சுயம்பு... தான் தோன்றீச்வரர்கள் எனலாம். யாரைப் போலவும் இவர்கள் இருக்கமாட்டார்கள். "பளிச்'சென்று பிரகாசிப்பார்கள். இரவல் வெளிச்சங்கள் இவர்களுக்கு அவசியமே இல்லை. சொந்த ஒளி கொண்ட சூரிய ஜோதி இவர்கள். 
தெரிந்த உதாரணத்திலிருந்து பயணிப்போம். சங்கரமடத்தின் சந்நியாஸிகள் கல்வி, கேள்வி, ஜபம், தபம், என்று காலங்காலமாகத் தங்களை வடிவமைத்து முக்தி நோக்கிப் பயணிக்கும் நதிகளாகவே நகர்வார்கள். ஒவ்வொரு சங்கராச்சாரியாரையும், பழைய நதியின் புதிய கால்வாய்களாகவே நாம் அறிய முடியும். ஆனால் காஞ்சியில் பட்டமேற்று, காவியாடைக்குள் கற்பூர தீபமாய் ஒரு நூறாண்டுக்காலம் வாழ்ந்த மகாசுவாமிகள் பழையநதியின் புதிய கிளை மட்டுமல்ல. ஒரு புதிய ஜீவநதி... பூமியைக் கிளர்ந்து புறப்பட்ட புதிய திருவண்ணாமலை. 
சங்கர மரபு தான். ஆனால் சரியான சுயம்பு... இவர், இந்த விஷயத்தில் இப்படித்தான் நடந்து கொள்வார் என்று எவராலும் கண்டறிய முடியாத சொந்த அணுகுமுறை உடையவர். ஓர் உதாரணம் சொல்கிறேன். பக்தர்களுக்குக் குங்கும ப்ரசாதம் கொடுத்துக் கொண்டிருக்கிறார் மகா சுவாமிகள். அப்போது உயர்நீதிமன்றத் தலைமை நீதிபதியாக விளங்கிய நீதியரசர் மு.மு. இஸ்மாயில் உள்ளே வருகிறார். அருகில் வந்ததும் அறிமுகம் நடக்கிறது. அவருக்குக் குங்குமம் கொடுத்தால்... இருவருக்கும் சிக்கல்கள் ஏழலாம். மஹா பெரியவர்கள் உள்ளே திரும்பி "சந்தனம் கொண்டு வா'' என்கிறார். நீதியரசரிடம் சந்தனம் தரப்பட்டதும், "உங்களது நாகூர் தர்காவில் சந்தனம் கொடுப்பாரோ இல்லையோ... அப்படி எடுத்துக் கோங்கோ'' என்று சிரிக்கிறார். மரபைச் சிதைக்காத புதுமரபு... ஸ்வயம்... சுயம்புவின் அணுகுமுறை. 
அவர் கடல் கடந்தது இல்லை. ஆனால் அவரது தர்மப்பிரச்சாரம், வாழ்க்கை வழியொழுக்கங்கள், கடல் கடந்து, நாடு கடந்து பரவின. திருமடங்களின் தலைவர்களுக்குப் பூட்டப்பட்டுள்ள தங்க விலங்குகள் அனைத்தையும், இருந்தும் இல்லாமல் ஆக்கும் ஏதோ ஒரு மந்திரக்கோல் அவர் வசம் இருந்தது. அந்த மந்திரக் கோல்தான் ஸ்வயம்... சுயம்பு என்கிறேன்.
இவர் காலத்திலேயே இன்னொருவர். அதுவும் ஓர் அதிசய சூரியன். இந்தியாவின் வரைபடத்திலே இந்த ஊர் எங்கிருக்கிறது என்றே பலரும் அறியாத ஒரு குக்கிராமத்தை உலகமே திரும்பிப் பார்க்க வைத்த உன்னதம்... அவர். துக்ளக் இதழ் எழுதியது: "யார்யாரோ பெரிய புரட்சி செய்து விட்டதாகச் சொல்லுகிறார்கள். இவரது புரட்சி எல்லாக் கிராமங்களுக்கும் வழி காட்டக் கூடியது' - யார் அவர்? "அரசியல் வாதிகள் செய்ய வேண்டிய ஆனால் செய்யத் தவறிய வேலையை ஒரு மடம் செய்துள்ளது. இதே மாதிரியான ஆர்வமும் அக்கறையும் மற்ற மடாதிபதிகளுக்குத் தங்களைச் சுற்றி உள்ள ஊர்களின் மீது இருந்தால், அமைச்சர்கள், எம்.பிக்கள், எம்.எல்.ஏக்கள், ஆகியோருக்குத் தங்கள் தொகுதி மீது இருந்தால், முதல்வருக்குத் தன் மாநிலம் மீது இருந்தால் எவ்வளவு மாற்றங்கள் நிகழமுடியும்?' என்று தினமணி அவரைப் பாராட்டி எழுதியது. யார் அவர்?
அவர் ஒரு மடாதிபதி... சமூக சீர்திருத்த வாதி.. மிகச் சிறந்த பேச்சாளர், ரஷியப் பயணம் மேற்கொண்ட சமயவாதி... கூட்டுறவுத் தொழிற்சாலைகளை ஊர்முழுவதும் ஏற்படுத்திய தொழில்வள முன்னோடி... தன் கிராமத்திற்குள் சாராயக்கடையை யாருமே ஏலம் எடுக்காதபடி தடுத்த சாதனையாளர். சமத்துவவாதி, யார் அவர்? இந்தியப் பிரதமர் இந்திரா காந்தி இந்தியத் திட்டக்குழு செயலருக்கு எழுதிய குறிப்பில் இவரது கிராமத்திற்குச் சென்று இவரது கிராம முன்னேற்றத் திட்டம் பற்றி உணர்ந்து சகல கிராமங்களுக்கும் அதை நடைமுறைப்படுத்த ஆலோசிக்கும்படி எழுதி இருந்தார். யார் அவர்? குன்றக்குடி, தெய்வ சிகாமணி அருணாச்சல தேசிக பரமாச்சார்ய சுவாமிகள் என்று சமய உலகும், குன்றக்குடி அடிகளார் என்று சகலரும் அழைத்த, பெருமனிதர் அவர்.
மண்டைக் காட்டில் இந்துக்களும் கிறித்தவர்களும் மண்டையை உடைத்துக் கொண்ட போது, கிறித்தவப் பேராயரை உடன் அழைத்துக் கொண்டு கிராமம் தோறும் சென்று சமரசம் செய்வித்த சாதனையாளர். மீனவர்களை ஒடுக்க மீன்களை வாங்க மறுத்த போராட்டத்தின் போது தமது கைகளில் மீன்களை எடுத்துப் பிடித்து கூவி ஏலம் போட்டு, சண்டையை நிறுத்திய சமரச வள்ளல். ஒவ்வொரு கோயிலுக்கும் உறுப்பினர்கள் அமைத்து செயற்குழு போல அறங்காவலர்களைத் தேர்ந்தெடுக்கச் சொன்ன சிந்தனையாளர். குடிகளைத் தழுவிய கோயில்... கோயில்களைத் தழுவிய குடிகள் என்ற கொள்கை முழக்கமிட்டவர். "ஆலயங்கள் கட்டுவதைக் கொஞ்சம் குறைத்துவிட்டு தொழிற்சாலைகள் கட்ட வேண்டும். இளைஞர்களுக்கான சமுதாயப் பாதுகாப்பு வேலை வாய்ப்பு தருவதே'' என்று பேசிய காவியுடை காரல் மார்க்ஸ் அடிகளார். வள்ளுவர் காலத்தில் சொல்லப்பட்ட பஞ்சமாபாதகங்களின் இடத்தை, குடி, சோதிடம், திரையரங்கு, வட்டிக்கடை, பரிசுச்சீட்டு ஆகியவை பிடித்து விட்டன. எனவே இவை ஐந்தாலும் பாதிக்கப்படாத கிராமங்களை உருவாக்குவேன் என்று முழங்கி குன்றக்குடியை அவர் தமது முழு ஆளுமையில் வைத்திருந்தார். சமயவாதியாக வந்தாலும் சமூக அக்கறையே அவரது வாழ்வானது. மடங்களில் புழக்கத்தில் இருந்த ஜாதிவாரியான பந்தி முறை ஒழித்து சமபந்தி போஜனத்தைத் தமது பட்டமேற்ற நாள் தொடங்கி நடைமுறைப்படுத்தினார். பொதுமேடைகளில் நிகழும் பட்டிமன்றங்களைப் பொழுதுபோக்குக் கூடமாக்காமல் பழுது நீக்கும் பணிமனைகளாகத் தரம் உயர்த்தியவர் குன்றக்குடி அடிகளார். கண்ணப்பநாயனார் குருபூஜை என்றால் கண்தானம் கண்ணாடி தானம் நடத்துங்கள் என்பார். தண்டியடிகள் குருபூஜை அன்று, கண்பார்வையற்ற நாயனார் திருவாரூர் குளம் தோண்டிய நினைவாக, திருக்குளங்களைத் தூர்வார வேண்டும் என்பார். அதிசயபுருஷர். அருள்நெறி அபூர்வர். அவர் ஒரு சுயம்பு. அடிகளார் பற்றி Ph.D ஆய்வு செய்து பா.சுந்தர் ஓர் அற்புதமான புத்தகம் எழுதி இருக்கிறார். 
இப்போது இன்னொரு மனிதரைச் சொல்லுகிறேன். ஒரு கல்லூரியில் பௌதிகத் (இயற்பியல்)துறையில் மேற்படிப்புக்குப் பதின்மூன்று பேர் தேர்வு செய்யப்பட்டனர். மதிப்பெண் இருந்தும் ஏழெட்டு பேருக்கு இடம் கிடைக்கவில்லை. பிரச்னை இவர் முன் வந்தது. கல்வித்துறை அதிகாரிகளிடம், "கூட ஒரு சிலரை ஏன் சேர்க்கக் கூடாது?'' என்கிறார். "பெளதிகத்தில் சோதனைச் சாலை அவசியம். பதின்மூன்று பேர் மட்டுமே பயன்படுத்தக் கூடிய LAB இருப்பதால் சாத்தியமில்லை'' என்றனர். "சரி.. உங்க வீட்ல விருந்து. பதின்மூன்று பேருக்குச் சமைக்க வசதி.. கூட பத்துப் பேர் சாப்பிட வந்தா என்ன பண்ணுவீங்க?'' என்கிறார். "மறுபடி சமைப்போம்'' என்று பதில் வந்தது. "ஆங்.... அதைச் செய்யுங்க.. அதே காலேஜ்ல கொஞ்சம் தள்ளி (Evening Shift) இவுங்க படிச்சா என்ன? மறுபடி சமைக்கற வேலை...'' என்று SHIFT SYSTEM, EVENING COLLEGE இவற்றை நடைமுறைப்படுத்த ஆலோசனை தருகிறார், எட்டாம் வகுப்பு தாண்டாத அந்த முதலமைச்சர். அவர்தான் பெருந்தலைவர் காமராஜர். அவர் ஒரு சுயம்பு.
ஒரு ஜனாதிபதி சிறைச்சாலை விஜயத்தில் கைதிகளிடம் தரமான உணவு தரப்படுகிறதா? கோளாறுகள், வசதிக் குறைவுகள், உங்களுக்கு உண்டா என்று மிக அன்பாக விசாரிக்கிறார். கடுப்பான அவரது பெண் உதவியாளர், "சார்.. எதிரிகளை நடத்தும் விதம் இதுவல்ல'' என்று ஏளனம் செய்கிறார். பளிச்சென்று "நான்தான் எப்போதோ அவர்களை என் நண்பர்களாக்கி விட்டேனே...'' என்று பதிலடி கொடுக்கிறார் அந்த வெள்ளைக்கார ஜனாதிபதி. வித்தியாசமானவர். கறுப்பர்களைக் காலால் நசுக்கிய வெள்ளைக்காரர் மத்தியில், அவர்கள் சமமாக வாழும் உரிமை உடையவர்கள் என்று, 1862 செப்டம்பர் 22-ஆம் தேதி "இமான்சிபேஷன் ப்ரொக்லமேஷன்' வெளியிட்டு கறுப்பர்களைச் சுதந்திரர்களாக்கினார். அதனாலேயே அவர் சுட்டுக் கொல்லப்பட்டார். நியூ ஆர்லியன்ஸ் நகரில் அடிமைகள் விற்கப்படுவதையும், முதுகில் ரத்தம் கொட்ட அடிக்கப் படுவதையும் கண்டு நொந்து, நீதிமன்றங்களில் அவர்களுக்காக வழக்காடி, ஜனாதிபதியானதும் அவர்களுக்காகவே சமஉரிமை விடுதலை, அளித்து அவர்களுக்காகவே இறந்தார். அவர்தான் ஆப்ரஹாம்லிங்கன். அவர் ஒரு சுயம்பு.
அந்த மனிதருக்கு கரிய நிறம், சின்ன குவிந்த கண்கள், ஒடுங்கிய கைகள், ஒல்லிக் கால்கள், கரடு முரடான தேகம், கரிய வெடித்த உதடுகள்... ஆனால் அவரைப் பார்த்து "நீ நடந்தால் நடை அழகு... நீ சிரித்தால் சிரிப்பழகு நீ பேசும் தமிழ் அழகு.. நீ ஒருவன் தான் அழகு' என்று வைரமுத்து வரிகளில் வர்ணனை பெறுகிறார் அவர். சூப்பர் ஸ்டார் ரஜினி தான். அவரது அரசியல் பிரவேசத்தை அந்தப் பக்கம் வைத்துவிட்டு சினிமாப் பிரவேசம் பற்றி சிந்தித்தால்... காந்தப் பொறி பறக்கும் சின்னக் கண்கள். விதிகளின் படி நடனம் வராதுதான்... ஆனால் அவரது அசைவுகள் மீண்டும் மீண்டும் ரசிகனைப் பார்க்கத் தூண்டுகின்றன. அவரது உடலமைப்புக்கு மட்டுமே சாத்தியப்பட்ட நடை அமைப்பு அவரது சிறப்பம்சம். ஒரு பிரேம் முழுவதும் பின்னலாய் அவர் நடந்து செல்வதைக் காட்டினாலும் கிளர்ச்சியுடன் அவர் ரசிகர்கள் அனல்பறக்கும் கைத்தட்டலைக் கொட்டுகிறார்கள். பேண்ட்டோ சட்டையோ அவர் போல் அணிய பலர் ஆசைப்படுகிறார்கள். ஒரு கர்சீப்பை நெற்றியில் கட்டினாலும் அவர் போல கட்டவே பலர் விரும்புகிறார்கள். கோடிக்கணக்கான மக்கள் விதவிதமான உடல்மொழிகளை வெளியிட்டாலும் அவருடைய ஸ்டைல் மட்டுமே கோடிக்கணக்கான பேருக்கும் பிடித்திருந்தது... காரணம்.. He is unique. சூப்பர் ஸ்டார் ரஜினி பற்றி ம. தொல்காப்பியம் ஒரு திறனாய்வுப் புத்தகமே எழுதி இருக்கிறார். அதிலிருந்து சில துளிகள் தான் நான் சொன்னவை. திரை உலகில் அவர் ஒரு சுயம்பு.
(தொடரும்)

]]>
http://images.dinamani.com/uploads/user/imagelibrary/2018/8/7/w600X390/im7.jpg http://www.dinamani.com/weekly-supplements/ilaignarmani/2018/aug/07/சொந்த-ஒளி-கொண்ட-சூரியர்கள்--சுகி-சிவம்-2976234.html
2976233 வார இதழ்கள் இளைஞர்மணி நம்பிக்கை, வார்த்தையல்ல... வாழ்க்கை! ஆர்.திருநாவுக்கரசு ஐ.பி.எஸ். DIN DIN Tuesday, August 7, 2018 11:34 AM +0530 தன்னிலை உயர்த்து! 4
இங்கிலாந்து நாட்டின் எட்வர்ட் இரண்டாம் மன்னர், ஸ்காட்லாந்து மன்னர் இராபர்ட் புருஸ் மீது போர் தொடுத்தார். இராபர்ட் புருஸின் படைகள் தோல்வியைத் தழுவியது. எதிரி மன்னனின் சிறையின் பிடியில் இருந்து தப்பி காட்டுக்குள் ஒளிந்தார். அங்கிருந்த ஒரு குகையில் ஓய்வு எடுத்தார். ஆனாலும் உறக்கம் வரவில்லை. அப்போது, இராபர்ட் புருஸின் பார்வையில் ஒரு சிலந்தி குகையின் மேலே தெரிந்தது. அது குகையின் ஒரு விட்டத்திலிருந்து மற்றொரு விட்டத்திற்கு தனது வலையினை பின்ன முயன்று, தோற்றுப்போய் கீழே விழுந்தது. அதனைக் கூர்ந்து கவனித்தார். நம்பிக்கையோடு அது மீண்டும் மேலே சென்று முயற்சித்தது. மீண்டும் கீழே விழுந்தது. இப்படி ஏழு முறை தோல்வியுற்றும், தளராத நம்பிக்கை கொண்ட சிலந்தி கடைசியில் வெற்றி கண்டது. 
எதிரியின் படைகளின் கண்களுக்கு அகப்படாமல் வாழ நினைத்த இராபர்ட் புருஸின் மனதில், ஒரு நம்பிக்கை நூலினை நெசவு செய்தது அந்த சிலந்தி. மீண்டும் படைகளைத் திரட்டினார். தனது படைவீரர்களுக்கு நம்பிக்கை ஏற்படுத்தினார். போரிட்டார். வெற்றி பெற்று 1314 ஆம் ஆண்டு மீண்டும் ஸ்காட்லாந்தின் மன்னர் ஆனார். "வீழ்ந்துவிட்டோம் என்று நினைத்திருந்தால் மன்னரும் ஒரு கோழைதான். வென்றிடுவோம் என நம்பிக்கை கொண்டால் யாவரும் மன்னர் தான்'.
மன்னருக்கு நாட்டளவில் பிரச்சனை. விரலுக்கேற்ற வீக்கம் போல் மனிதர்களும் தினமும் சில பிரச்னைகளைச் சந்திக்கிறார்கள். இப்பிரச்னைகளைக் கையாளுகின்ற வழிகளின் மூலம் ஒருவரது தன்னம்பிக்கை அறியப்படும். "மான அவமானங்கள், ஏமாற்றங்கள், தோல்விகள், நிலை குலைந்து போகச் செய்யும் கால சூழ்நிலைகள், நம்பிக்கை துரோகங்கள், செய்யும் காரியத்தில் நட்டம், வஞ்சக சூழ்ச்சிகள், எதிர்ப்புகள், உறவினர் நண்பர்களின் சூதுகள், அன்பின் இழப்புகள் இவை அனைத்தும் மானிட வாழ்வின் அன்றாட நிகழ்வுகள். இது போன்ற போராட்டங்களை மன உறுதியுடனும், துணிச்சலுடனும் எதிர்கொள்கின்ற மனிதன் எவனோ, அவனே மிகச்சிறந்த பராக்கிரமம் பொருந்திய வெற்றியாளனாகத் திகழ்கிறான்'என்கிறது பகவத் கீதை.
இவ்வுலகில் பிரச்னைகள் அனைவருக்கும் பொதுவானவை. அவற்றை எதிர்கொள்கின்ற மனநிலைக்கேற்ப மனிதர்கள் நிர்ணயிக்கப்படுகிறார்கள். பிரச்னைகளைச் சந்திக்கத் துணிந்தால், சாதனையாளர்; பிரச்னைகளைச் சகித்துக் கொள்பவர், சராசரி மனிதன்; பிரச்னைகளில் இருந்து ஒதுங்கிக் கொள்பவனும், ஓடத் தொடங்குபவனும் கோழை. பிரச்னைகளை எதிர்கொள்வதற்கு முதலில் மனதில் திடம் வேண்டும்.
தரமான பொருட்கள் திடமான வீடுகளை உருவாக்குவதுபோல், திடமான சிந்தனைகள்தான் நம்பிக்கையான மனிதனை உருவாக்குகிறது. செங்கல் கற்கள் நற்சிந்தனையெனில், அதனிடையே பலப்படுத்துகின்ற சிமெண்ட் கலவைதான் நம்பிக்கை. நற்சிந்தனைகளோடு உருவாக்கப்பட்ட நம்பிக்கை கொண்ட வாழ்க்கை, பிறர் வாழ்விற்கு ஒளிகாட்டும் கலங்கரை விளக்கங்களாகும். திடமான எண்ணங்களே, தன்னம்பிக்கையின் அடையாளம்.
அப்போலோ விண்கலத்தில் நீல் ஆம்ஸ்ட்ராங்கும், ஆல்ட்டிரினும் பயணித்தார்கள். இதில் பைலட் ஆல்ட்டிரின், ஆம்ஸ்ட்ராங் கோ-பைலட். நிலவினை விண்கலம் அடைந்த்தும், "பைலட் ஃபர்ஸ்ட்' என்ற உத்தரவு அமெரிக்காவின் நாசாவிலிருந்து பிறப்பிக்கப்பட்டது. ஆல்ட்ரின் மனதிற்குள் ஒரு பயம். நிலவு ஒரு புதை மணலாக இருந்தால் காலடி வைக்கும்போது மண்ணிற்குள் புதைந்துவிடுவோம் என யோசிக்க, அடுத்த கணம் "கோ-பைலட் நெக்ஸ்ட்' என உத்தரவு பிறப்பிக்க, ஆம்ஸ்ட்ராங் தைரியத்துடன் இறங்கினார். இன்று நிலவில் முதல் காலடி வைத்தவர் என்ற வரலாறு படைத்தார். "என்னால் முடியும்' என்ற தாரக மந்திரம் கொண்ட மனிதனால் மட்டுமே எதையும் சாதிக்க முடிகிறது.
இண்டர்நெட்டில் ஓர் எட்டு வினாடி வீடியோ ஒன்று வெளிவந்தது. அது லிஸ்ஸி என்கின்ற அமெரிக்க பெண்ணின் வீடியோ. அவள் உலகிலேயே அழகில்லாத பெண்மணி. அவ்வீடியோவைப் பார்த்ததும் ஆயிரக்கணக்கான விமர்சனங்கள். அழகின்றி அருவருப்பாய் வாழ்வதைக் காட்டிலும் அப்பெண்ணை சுட்டுத் தள்ளிவிடுவது நல்லது என்றார்கள். விமர்சனங்கள் முழுவதையும் படித்தாள் லிஸ்ஸி. தற்கொலை என்னும் முடிவைத் தவிர்த்துவிட்டு, நன்கு திடமான முடிவை எடுத்தார் அந்த நம்பிக்கைப் பெண். 
இன்று, "லிஸ்ஸி அழகானவள் (LIZZIE 
BEAUTIFUL)' என்ற புத்தகத்தினை எழுதிய எழுத்தாளர், தன்னம்பிக்கை பேச்சாளர். பள்ளியில் சக தோழிகளின் அவமதிப்பைக் கடந்து, இன்று கல்லூரி மாணவி என பல பரிமாணங்களில் அவர்களின் விமர்சனங்களுக்கு தனது தன்னம்பிக்கையால் விடையளித்தார். லிஸ்ஸியின் வாழ்வு கற்றுக்கொடுப்பதெல்லாம் மற்றவர்கள் நம்மை எப்படி மதிப்பிடுகிறார்கள் என்பதை விட நாம் எப்படி நம்மை மதிப்பீடு செய்கிறோமோ அது தான் நமது வாழ்க்கையை நிர்ணயிக்கிறது. லிஸ்ஸி வெளிப்புற பார்வையில், அழகில்லாதவர். ஆனால், நம்பிக்கை பார்வையில் அழகானவர். வாழ்க்கைப் பார்வையில், அற்புதமானவர். 
பூமி உருண்டையாக நம் கண்ணில் தென்படுவது இல்லை. இருப்பினும் சான்றுகளால் அதை முழுவதும் நம்புகிறோம். பார்ப்பனவற்றை நாம் நம்புவதுஇல்லை, ஏற்கனவே நம்புவதைத்தான் நாம் பார்க்கிறோம்' என்கிறார் வேயின் டயர் என்னும் அமெரிக்க மெய்யியலாளர். அதேபோல்தான், நம்பிக்கை என்பது ஒருவர்மீது கொண்டிருக்கின்ற நல்ல அபிமானம். நம் மீது நாம் கொண்டிருக்கும் அபிமானம். அது எப்போதும் நேர்மறையானதாகவே இருக்கட்டும். 
தொடர் வண்டியில் இருந்து, திருடர்களால் தூக்கி வீசப்பட்டு, மற்றொரு ரயிலால் காலை இழந்த பின்பும், இழக்காத நம்பிக்கையால் எவரெஸ்டில் நம்பி கை பதித்த அருனிமா சின்ஹா; இளம் வயதில் பார்வை இழந்தாலும், இவ்வுலகிலேயே படிப்பதற்காக பார்வையற்றோருக்கு விழியாய் பிரெய்லி முறை தந்த ஹெலன் கெல்லர்; "வீல் சேரிலே வாழ்க்கை இருந்தாலும், தனது வில் பவரால்' அறிவியல் மேதையான ஸ்டீபன் ஹாக்கிங்; 26 வயதில் காதுகேளாதவரானாலும், இசையிலே பல முத்துக்களை அள்ளித் தந்த பீத்தோவன்; கைகளும் கால்களும் இல்லாமல் பிறந்தாலும், "கைகள் இல்லை, கால்கள் இல்லை, ஆனால் கவலை இல்லை' என்ற நம்பிக்கை வரிகளோடு வாழ்ந்து கொண்டிருக்கும் நிக்வுஜிசிக் போன்றோர் நம்பிக்கையில் மிளிர்ந்த துருவ நட்சத்திரங்கள்.
பொறியின்மை யார்க்கும் பழியன்று அறிவறிந்து
ஆள்வினை இன்மை பழி 
என்ற வள்ளுவரின் வரிகளில் சொல்வது போல் நாம் பிறக்கின்ற பொழுது உடலினில் ஏதாவது ஒரு குறைபாட்டோடு பிறந்து இருந்தால் அது நம் விதி. ஆனால் நன்றாகப் பிறந்திருந்தும், நாம் வெற்றி பெறவில்லையென்றால் அது நாம் நமக்காக ஏற்படுத்திக் கொண்ட சதியே. 
நம்பிக்கையோடு செயல்படுபவனுக்கு செயலினை ஆரம்பிக்கின்றபோதே வெற்றி குவிந்துவிடும். நம் நாடு சுதந்திரம் அடைந்த போது மகாகவி பாரதியார் உயிரோடு இல்லை. ஆனாலும், "ஆடுவோமே பள்ளு பாடுவோமே... ஆனந்த சுதந்திரம் அடைந்து விட்டோமென்று' என்று நம்பிக்கையாய் பாடி மகிழ்ந்தார். ஒரு செயலினை செய்து முடித்துவிட்டால் மனதில் உண்டாகும் மகிழ்ச்சியோடு, அச்செயலினைத் தொடங்க வேண்டும் என்பது மகாகவி பாரதி கூறும் இலக்கணம். மகிழ்ச்சியோடு தொடங்குகின்ற ஒவ்வொரு செயலும், நம்பிக்கையோடு செயல்படுவதற்கு எடுத்துக்காட்டு. அதேபோல் நம்பிக்கையோடு செயல்படுகிறவர்களால் மட்டுமே மகிழ்ச்சியாக வாழ முடிகிறது. 
"தன்மீது நம்பிக்கை இல்லாத மனிதன் இச்சமூகத்தின் ஒரு களை. அவரது சிந்தனை இச்சமூகத்தின் ஆக்கப்பூர்வத்தை அழித்தொழிக்கின்ற நச்சு. "நம்பிக்கை குறையும்போது ஒவ்வொரு மனிதனும் முறையற்ற கொள்கைகளை மேற்கொள்கிறார்'' என்கிறார் ஜான் மில்டன். சிறுவயதில் பள்ளிக்கூடத்தில் காப்பியடித்தல் முதற்கொண்டு, மெத்தப் படித்தவர்கள் இன்று இண்டர்நெட்டிலே நடத்துகின்ற ஒவ்வொரு குற்றத்திற்கும் காரணம் அவர்கள் மீது அவர்களுக்குள்ள நம்பிக்கை குறைபாடேயாகும். எதிர்மறை எண்ணங்களை அழித்து, நேர்மறை எண்ணங்களை உருவாக்குபவர்கள் மனதில், நம்பிக்கை என்றும் துளிர்விட்டுக்கொண்டேயிருக்கும். உண்மையில் தன்னம்பிக்கைத்தான் வாழ்வின் அச்சாணி. 
"முப்பத்து முக்கோடி தேவர்கள் மீது நம்பிக்கை வைக்காமல், தன் மீது நம்பிக்கை கொள்கின்றவன் தான் ஆத்திகன்'' என்ற சுவாமி விவேகானந்தர், அவர் வாழ்ந்த காலத்தில் இளைஞர்களைப் பற்றி, "தெருவோரத்தில் அமர்ந்து அன்றாடம் செருப்புத் தைத்து தம் வயிற்றை கழுவும் ஓர் ஏழைத் தொழிலாளியிடம் இருக்கும் தன்னம்பிக்கை கூட நம் நாட்டில் படித்த இளைஞர்களுக்கு இல்லை'' என்றார். அவ்வீரத்துறவி கண்ட தேசத்தின் நிலையினை மாற்ற நமக்கு கிடைத்திட்ட ஓர் அற்புதமான வாழ்க்கையை, நம்பிக்கையோடு சந்திப்பதுதான் அறிவின் அழகாகும். 
ஒரு கண்ணாடி முன் நின்று கொண்டு "நான் அறிவாளி; நான் தைரியசாலி; நான் சாதிக்கப் பிறந்தவன்; என்னிடம் எல்லா திறமைகளும் உள்ளன. நான், வெற்றிபெறுவேன்' என்று ஒவ்வொரு நாளிலும் உரக்கச் சொல்லி கொள்ளும் மனிதர்கள், நம்பிக்கை நாயகர்களாக வெளி வருகின்றார்கள்.
நம்பிக்கை வார்த்தையல்ல, வாழ்க்கை. 


 

]]>
http://images.dinamani.com/uploads/user/imagelibrary/2018/8/7/w600X390/im6.jpg http://www.dinamani.com/weekly-supplements/ilaignarmani/2018/aug/07/நம்பிக்கை-வார்த்தையல்ல-வாழ்க்கை-ஆர்திருநாவுக்கரசு-ஐபிஎஸ்-2976233.html
2976230 வார இதழ்கள் இளைஞர்மணி உலக அளவில் வேலை வாய்ப்பு! DIN DIN Tuesday, August 7, 2018 11:29 AM +0530 சாக்லேட் தொழிலில் ஈடுபட்டு பொருளீட்ட அது சம்பந்தமான குறுகிய காலப் பயிற்சிகளைப் பெற வேண்டியது அவசியமாகும். 
சிறியவர்கள் முதல் பெரியவர்கள் வரை எல்லாரும் விரும்பிச் சாப்பிடும் சாக்லேட் தயாரிப்புத் தொழிலில் குறைந்த மூலதனம் போட்டு ஈடுபடுபவர்களும் இருக்கிறார்கள். பெரிய அளவில் மூலதனமிட்டு தொழில் நடத்தும் கார்ப்பரேட் நிறுவனங்களும் சாக்லேட் தயாரிக்கிறார்கள். எனவே சாக்லேட் தொழிலில் பயிற்சி பெற்றவர்களுக்கு, வெளிநாடுகளிலும் கூட வேலை வாய்ப்புகள் உள்ளன. 
வேலை மற்றும் தொழில் வாய்ப்புகளைத் தரும் இத்தொழில் தொடர்பான பயிற்சிகளை வழங்கும் சில நிறுவனங்கள்:

Chocolate academy - 
http://www.chocolate-academy.com/in/en/299
Swisswrap Chocolate Academy  -  http://www.swisswrap.com/courses
Academy of Chocolate Arts - 
http://artchocolat.com/
Cocoa Moksha - 
http://cocoamoksha.com/
Manju's Cooking Classes -
http://www.manjuscookingclass.com/
- எம்.அருண்குமார்
 

]]>
http://images.dinamani.com/uploads/user/imagelibrary/2018/8/7/w600X390/im5.jpg http://www.dinamani.com/weekly-supplements/ilaignarmani/2018/aug/07/உலக-அளவில்-வேலை-வாய்ப்பு-2976230.html
2976229 வார இதழ்கள் இளைஞர்மணி வேலை...வேலை...வேலை... DIN DIN Tuesday, August 7, 2018 11:27 AM +0530 தமிழ்நாடு சீருடைப் பணியாளர்கள் 
தேர்வாணையத்தில் வேலை
பதவி: உதவி ஆய்வாளர் (எஸ்.ஐ.)- தொழில்நுட்பம்
காலியிடங்கள்: 309
கல்வித்தகுதி: பத்தாம் வகுப்புக்குப் பிறகு, எலெக்ட்ரானிக்ஸ் & கம்யூனிகேஷன் டிப்ளமோ இரண்டாம் வகுப்பில் தேர்ச்சி பெற்றிருக்க வேண்டும் அல்லது எலெக்ட்ரானிக்ஸ் & கம்யூனிகேஷன் துறையில் பி.ஈ./ பி.டெக் முடித்திருக்க வேண்டும் (நேரடி வழியில் பயின்றிருக்க வேண்டும்). பணியில் சேர்ந்த 2 ஆண்டுகளுக்குள், தமிழ்நாடு பொதுப் பணி ஆணையத்தால் நடத்தப்படும் தமிழ் -பகுதிஐஐ தேர்வை எழுதி, தேர்ச்சி பெறுவது அவசியம். துறை சார்ந்த விண்ணப்பதாரருக்கு 20 சதவீத ஒதுக்கீடு வழங்கப்படும்.
வயது வரம்பு: 20 வயதிலிருந்து 28 வயதுக்குள் இருக்க வேண்டும். சில பிரிவினருக்கு உச்சபட்ச வயது வரம்பில் விலக்கு உண்டு.
விண்ணப்பிக்கும் முறை: www.tnusrbonline.org என்ற வலைதளத்துக்குச் சென்று, விண்ணப்பதாரரின் விவரங்களைப் பூர்த்தி செய்து, தேவையான சான்றிதழ்களைப் பதிவேற்றி, விண்ணப்பக் கட்டணத்தைச் செலுத்தி, ஆன்லைன் மூலம் விண்ணப்பிக்க வேண்டும்.
விண்ணப்பக் கட்டணம்: ரூ.500
தேர்ந்தெடுக்கப்படும் முறை: ஆன்லைன் வழி எழுத்துத் தேர்வு, உடற் தகுதி தேர்வு, வாய்மொழித் தேர்வு, கூடுதல் கல்வித்தகுதி ஆகியவற்றின் அடிப்படையில் தகுதியான நபர்கள் தேர்ந்தெடுக்கப்படுவார்கள்.
மேலும் விவரங்களுக்கு: www.tnusrbonline.org/SI%20(Tech)%20Notification.pdf என்ற இணையதளத்தைப் பாருங்கள்.
விண்ணப்பிக்க கடைசித் தேதி: 10-08-2018.

தமிழ்நாடு விவசாய பல்கலைக்கழகத்தில் வேலை
பதவி: ஓட்டுநர்
காலியிடங்கள்: 21
கல்வித்தகுதி: கனரக வாகன ஓட்டுநர் உரிமம் (அல்லது) டிராக்டர் ஓட்டுநர் உரிமம் வைத்திருக்க வேண்டும். அரசுப் பல்கலைக்கழகம்/ அரசு நிறுவனங்கள்/ பொதுத்துறை நிறுவனங்
கள் போன்றவற்றில் நிரந்தரமாகவோ, தற்காலிகமாகவோ, ஒப்பந்த அடிப்படையிலோ 10 ஆண்டுகளுக்குக் குறையாமல் அனுபவம் பெற்றிருக்க வேண்டும். 
பதவி: இளநிலை டிராக்டர் ஓட்டுநர்
காலியிடங்கள்: 9
கல்வித்தகுதி: கனரக வாகன ஓட்டுநர் உரிமம் (அல்லது) டிராக்டர் ஓட்டுநர் உரிமம் வைத்திருக்க வேண்டும். அரசுப் பல்கலைக்கழகம்/ அரசு நிறுவனங்கள்/ பொதுத்துறை நிறுவனங்கள் போன்றவற்றில் நிரந்தரமாகவோ, தற்காலிகமாகவோ, ஒப்பந்த அடிப்படையிலோ விவசாய நடவடிக்கைகளில் 2 ஆண்டுகளுக்குக் குறையாமல் அனுபவம் பெற்றிருக்க வேண்டும்.
வயது வரம்பு: 18 வயதிலிருந்து 30 வயதுக்குள் இருக்க வேண்டும். சில பிரிவினருக்கு அரசு விதிகளின்படி உச்சபட்ச வயதுவரம்பில் விலக்கு உண்டு.
விண்ணப்பக் கட்டணம்: எஸ்.சி/எஸ்.டி பிரிவினருக்கு-ரூ.500; மற்றவர்களுக்கு-ரூ.750. The Comptroller, TNAU, Coimbatore என்ற பெயரில் கோயம்புத்தூரில் செலுத்தும் விதத்தில் பாரத ஸ்டேட் வங்கியில் மட்டுமே வரைவோலை எடுக்க வேண்டும்.
தேர்ந்தெடுக்கப்படும் முறை: கல்வித் தகுதி, எழுத்துத் தேர்வு, திறனறி தேர்வு, நேர்காணல் ஆகியவற்றின் அடிப்படையில் தகுதியுடைய நபர்கள் தேர்ந்தெடுக்கப்படுவார்கள்.
விண்ணப்பிக்கும் முறை:  www.dri.tnausms.in என்ற வலைதளத்தில், விண்ணப்பதாரரின் விவரங்களைப் பூர்த்தி செய்து, ஆன்லைனில் விண்ணப்பிக்க வேண்டும். பின்னர், ஆன்லைன் விண்ணப்பத்தைப் பிரதியெடுத்து, தேவையான நகல் சான்றிதழ்கள், விண்ணப்பக் கட்டணத்துக்கான வங்கி வரைவோலை ஆகியவற்றை இணைத்து, பதிவு தபால்/ கூரியர் மூலமாகவோ அல்லது நேரடியாகவோ கீழ்க்காணும் முகவரிக்கு அனுப்பி வைக்க வேண்டும்.
முகவரி: The Registrar, Tamil Nadu Agricultural University, Coimbatore - 641 003.
மேலும் விவரங்களுக்கு: www.dri.tnausms.in/Reports/DRIVER%20Recruitment-%202018.pdf, www.dri.tnausms.in/Reports/JUNIOR%20TRACTOR%20DRIVER%20Recruitment%20-%202018.pdf ஆகிய இணையதளங்களைப் பாருங்கள்.
விண்ணப்பம் சென்று சேர வேண்டிய கடைசித் தேதி: 13-08-2018.

பெல் நிறுவனத்தில் வேலை
பதவி: Contract Engineer (Electronics)
காலியிடங்கள்: 30
கல்வித்தகுதி: கணிணி அறிவியல்/ தகவல்தொழில்நுட்பம் துறையில் பி.ஈ./ பி.டெக் முதல் வகுப்பில் தேர்ச்சி பெற்றிருக்க வேண்டும். 
முன் அனுபவம்: சாப்ட்வேர் அப்ளிகேஷன் டெலப்மெண்ட்/ வெப் அப்ளிகேஷன் டெஸ்டிங் பணிகளில் இரண்டு ஆண்டுகள் அனுபவம்
வயது வரம்பு: 27 வயதுக்குள் இருக்க வேண்டும். 
விண்ணப்பிக்கும் முறை: www.bel-india.in என்ற வலைத்தளத்துக்குச் சென்று, விண்ணப்பதாரரின் விவரங்களைப் பூர்த்தி செய்து, தேவையான சான்றிதழ்களைப் பதிவேற்றி, ஆன்லைன் மூலம் விண்ணப்பிக்க வேண்டும்.
தேர்ந்தெடுக்கப்படும் முறை: எழுத்துத் தேர்வு, நேர்முகத் தேர்வு ஆகியவற்றின் மூலம் தகுதியான நபர்கள் தேர்ந்தெடுக்கப்படுவார்கள்.
மேலும் விவரங்களுக்கு: www.bel-india.in/Documentviews.aspx?fileName=application-for-the-post-of-contract-engineers-for-MilCom-SBU-31-7-18.pdf  என்ற இணையதளத்தைப் பாருங்கள்.
விண்ணப்பிக்க வேண்டிய கடைசித் தேதி: 15-08-2018.

கல்பாக்கம் அணுமின் நிலையத்தில் வேலை
பதவி: லேத் ஆபரேட்டர்
காலியிடம்: 1 
பதவி: மெஷினிஸ்ட்
காலியிடம்: 1 
பதவி: வெல்டர்
காலியிடங்கள்: 14
பதவி: எலெக்ட்ரிசியன்
காலியிடங்கள்: 8
பதவி: எலெக்ட்ரானிக் மெக்கானிக்
காலியிடங்கள்: 6
கல்வித்தகுதி: பத்தாம் வகுப்பு தேர்ச்சி பெற்றிருக்க வேண்டும். பிறகு, பிளஸ் டூ-வில் அறிவியல் & கணித பாடப்பிரிவு எடுத்து தேர்ச்சி பெற்றிருக்க வேண்டும். சம்பந்தப்பட்ட துறையில் ஐடிஐ படிப்பை முடித்திருக்க வேண்டும் 
வயது வரம்பு: 16 வயதிலிருந்து 24 வயதுக்குள் இருக்க வேண்டும். சில பிரிவினருக்கு உச்சபட்ச வயது வரம்பில் விலக்கு உண்டு
விண்ணப்பிக்கும் முறை: www.npcil.nic.in என்ற வலைதளத்தில் இருந்து, விண்ணப்பப் படிவத்தைப் பதிவிறக்கம் செய்து, பூர்த்தி செய்து, தேவையான சான்றிதழ்களின் நகல்களை இணைத்து, கீழ்க்காணும் முகவரிக்கு அனுப்பி வைக்க வேண்டும்.
முகவரி: Manager (HRM), HRM Section, Nuclear Power Corporation of India Limited, Madras Atomic Power Station, Kalpakkam-603 102. 
மேலும் விவரங்களுக்கு: www.npcil.nic.in/WriteReadData/userfiles/file/Advt_MAPS_HRM_TA_09jul2018_01.pdf என்ற இணையதளத்தைப் பாருங்கள்
விண்ணப்பம் சென்று சேர வேண்டிய கடைசித் தேதி: 16-8-2018
தொகுப்பு: பிரவீண் குமார்

]]>
http://images.dinamani.com/uploads/user/imagelibrary/2018/8/7/w600X390/im4.JPG http://www.dinamani.com/weekly-supplements/ilaignarmani/2018/aug/07/வேலைவேலைவேலை-2976229.html
2976227 வார இதழ்கள் இளைஞர்மணி இணைய வெளியினிலே... DIN DIN Tuesday, August 7, 2018 11:16 AM +0530 முக நூலிலிருந்து....
• பிடிக்காத ஒன்றை 
பிடிக்கவில்லை என்று சொல்வதை விட...
உனது பிடியை 
அதற்கு கொடுக்காமல் இருப்பதே
சிறந்த மானுடம். 
- முகநூல் மாணவன்

• ஒருத்தனை... 
நீங்க ஏன் மத்தவன மாதிரி
இல்லன்னு கேக்குறது
எவ்வளவு பெரிய வன்முறை?
- வெற்றிமாறன். இரா 

• ஓர் இரவைக் கடப்பது எளிது...
ஒரு கனவைக் கடப்பது கடினம். 
- நேசமிகு ராஜகுமாரன்

• குரங்கிலிருந்து பிறந்தாய்,
வேட்டையாடினாய்,
வேளாண்மை கண்டறிந்தாய், 
தொழிற்புரட்சி செய்தாய்.
இன்று...
தொழில் நுட்பத்தில்
காலத்தை மாற்றினாய் .
மனிதனை போல இருக்கிறாய்...
ஆனாலும்,
இன்னும் மனிதனாக இல்லையே.
- பாரதி கவிதாஞ்சன்

• தீண்டிவிடாமல் 
என் அன்பின் நிழலைச் 
சுருக்கிக் கொண்ட பிறகும்... 
தொந்தரவாய்த்தான் உணர்கிறாய் எனில் 
புரிந்து கொள்...
வளர்கிறது உன்னுள்
எனக்கான அன்பு.
- இரா எட்வின்

சுட்டுரையிலிருந்து...
• வேலை தேடுறதுக்கே 
ரொம்ப கஷ்டமா இருக்கே... 
அப்ப வேலை செஞ்சா 
எவ்ளோ கஷ்டமா இருக்கும்?
- சரவணன் 

• பிழைக்க தெரிந்தவர்கள்
மொபைல் கம்பெனிக்காரர்கள்...
ஆளுக்கொரு மொபைலை
வாங்க வைத்து விட்டார்கள். 
எல்லாரும் எதையோ 
தேடுகிறார்கள்...
சிலர் வாழ்க்கையைக் கூட. 
- சிதறல்கள்

• அடுத்தவர் அழிவைப் பற்றி 
சிந்திக்கும் நொடி தான்-
நம் அழிவிற்கான விதை... 
ஊன்றப்படுகிறது.
- அனு 

• காலம் பதில் அளிக்கும் என்று 
கடிகாரம் ஒடாமல்,நிற்பதில்லை...
பிரச்னைகளைக் கண்டு
காலத்தை குறை சொல்லி 
நாம் எதற்கும் 
காத்திருக்க வேண்டியதில்லை!
- தேவதை

வலைதளத்திலிருந்து...
இயந்திரத் தனமான உலகத்தில் தகவல் தொழில் நுட்பம் நம்மை இறுகக் கட்டிப் போட்டு விட்டு குறைந்தபட்சம் பத்து - பதினைந்து வருடம் ஆகிவிட்டது. அலைபேசியை மணந்து கொண்டு நமது தனிமை விலை போய்விட்டது. போனை எடுத்ததும் முதல் பேச்சே, "எங்கே இருக்கிற?' போன்ற கேள்விகள் நம்மை சாதாரணமாகவே பொய் பேச வைத்து விடுகிறது. 
ரயில் சினேகிதம் என்கிற வார்த்தையெல்லாம் காலப்போக்கில் கரைந்து விடும் என்பது உறுதி. செல்போன் அந்த வேலையை உறுதியாகச் செய்யும். செல்போன் இருக்கையில் உனக்கு அருகில் அமர்ந்து இருப்பவன் என்றும் அறியப் படாமலேயே போய் விடுகிறான். அவன் வாழ்வின் சுவாரஸ்யங்கள் உனக்குப் பிடிபடப் போவதில்லை. ஒரு திடீர் நட்பில், எதிர்பாரா உதவி என்பது எல்லாம் சாத்தியமே இல்லாது போய்விடும். அரசியல், சினிமா, புத்தகம், ஆன்மிகம் என்றெல்லாம் தெரியாதவர்களோடு பேசுவதற்கு சலூன் கடைகள் மட்டும் தான் செல்ல வேண்டியிருக்கிறது. அதுவும் இப்போது நகரங்களில் இருக்கும் சலூன்கள் எல்லாம் நவீன வகை எலைட் சலூன்கள் ஆகிப் போய்விட, தெரியாத வட மாநிலத்து ஊழியரிடம், அரைகுறை ஆங்கிலம்-ஹிந்தி கலந்து கட்டிங்கா? சேவிங்கா என்று புரிய வைப்பதிலேயே அலுப்பு வந்து விடுகிறது. 
இந்த இறுக்கத்திலிருந்து சமூக வலைதளங்கள் வாயிலாவது நமக்கு இளைப்பாறுதல் கிடைக்கும் என்று எதிர்பார்த்தால் அதுவும் வெகு சீக்கிரமே பெரிய வன்முறைகளையும், விரோதங்களையும், ஏமாற்றங்களையும் தருகிறது. இவை எல்லாவற்றையும் தாண்டியும் ஒரு மனிதனுக்கு தன்னை ஆசுவாசப் படுத்திக் கொள்ளவும், கொஞ்சமாவது மற்ற மனிதர்களோடு பழகவும் இடமளிக்கவும் செய்கிறது என்று நாம் மகிழ்வுறலாம். 
கலை மட்டுமே ஒருவனுக்கு இந்த விடுதலையை முழுமையாகச் சாத்தியப் படுத்துகிறது, கவிதை, ஓவியம், இசை, சமையல் என எந்த கலையினையும் இதில் சேர்த்துக் கொள்ளலாம்.
http://thoyyil.blogspot.com


 

]]>
http://images.dinamani.com/uploads/user/imagelibrary/2018/8/7/w600X390/im3.jpg http://www.dinamani.com/weekly-supplements/ilaignarmani/2018/aug/07/இணைய-வெளியினிலே-2976227.html
2976226 வார இதழ்கள் இளைஞர்மணி வடிகட்டும் ஆப்! DIN DIN Tuesday, August 7, 2018 11:12 AM +0530 விஞ்ஞானி அலெக்சாண்டர் கிரகாம் பெல்லால் அவசரத் தேவைக்காக கண்டுபிடிக்கப்பட்ட தொலைபேசி, இன்றைய ஸ்மார்ட் போன் யுகத்தில் தொல்லை பேசியாக மாறிவிட்டது.
 சிறுவர் முதல் பெரியவர்கள் வரை ஸ்மார்ட் போன்களுக்கு எளிதில் அடிமையாகிவிடுகிறார்கள் என்பதால், அதை தங்களுக்கு சாதகமாகப் பயன்படுத்தி தங்கள் வியாபார விளம்பரங்களை பெரு நிறுவனங்கள் தொலைபேசி மூலம் பரப்பி வருகின்றன.
 கண்ணியத்துடன் ஒருவரை தொலைபேசியில் தொடர்பு கொண்டு தங்கள் விளம்பரங்களை பரப்பி வந்த காலம்போய், தற்போது "ஆட்டோமேட்டட் வாய்ஸ் கால்' மூலம் மனிதர்களின் பயன்பாடே இல்லாமல் இந்த நிறுவனங்கள் விளம்பரங்களைப் பரப்பி வருகின்றன. ஆயிரக்கணக்கான தொலைபேசி எண் தரவுகளைச் சேகரித்து, அதற்கான பதிவு செய்யப்பட்ட விளம்பரங்களை அந்த எண்களுக்கு தொலைபேசி மூலம் அழைத்து கூறுவதே இன்றைய நவீன விளம்பர யுக்தியாக மாறிவிட்டது.
 அதுவும் வாடிக்கையாளருக்கே தெரியாமல் அவரது இண்டர்நெட் நுகர்வை வைத்து அதற்கு ஏற்ற விளம்பரங்களை அவருக்கு தொடர்ந்து தொலைபேசி மூலம் அழைத்து மூளைச்சலவைச் செய்யும் நிலைமையும் ஏற்பட்டுள்ளது.
 என்ன நிலையில் வாடிக்கையாளர் இருக்கிறார் என்பது கூட தெரியாமல் அவருக்கு இதுபோன்ற விளம்பரங்களை அளிப்பதுதான் சோதனையின் உச்சகட்டம். சிலர், இது வாய்ஸ் ரிக்கார்டிங் அழைப்பு என்பதை அறியாமல் எதிரே பேசுபவரை திட்டவும் செய்கின்றனர்.
 இதுபோன்ற தொல்லை அழைப்புகளைத் தானாகக் கண்டுபிடித்து நிராகரிக்கும் செயலியை கூகுள் நிறுவனம் அறிமுகம் செய்துள்ளது. "கூகுள் போன் ஆப்' பை பதிவிறக்கம் செய்து அதன் "செட்டிங்ஸ்' -இல் சென்று "காலர் ஐடி & ஸ்பாம்'-ஐ கிளிக் செய்து, "பில்டர் சஸ்பெக்டெட் ஸ்பாம் கால்ஸ்' என்பதைத் தேர்வு செய்தால்போதும். உங்கள் தொலைபேசிக்கு வரும் "ஆட்டோமேட்டட் வாய்ஸ் கால்' அழைப்புகளை இந்த செயலி தானாக கண்டுபிடித்து வாய்ஸ் மெயிலுக்கு அனுப்பிவிடும். இதுபோன்ற அழைப்புகள் வரும்போது உங்கள் தொலைபேசியில் சத்தமோ, மிஸ்டு கால் எச்சரிக்கையோ வராது. பின்னர் நீங்கள் விரும்பினால் அழைப்புகளின் தரவுகளுக்குள் சென்று வாய்ஸ் மெயில் பதிவு இருந்தால் கேட்டுக் கொள்ளலாம்.
 தொல்லைதரும் தொலைபேசி எண்களை கூகுள் நிறுவனமே கண்டுபிடித்து, சேகரித்து வருகிறது. இதனால் செயலி தானாகவே தொல்லைதரும் தொலைபேசி அழைப்புகளை சாதுரியமாக கண்டுபிடித்து தவிர்த்து விடுகிறது.
 - அ.சர்ஃப்ராஸ்
 

]]>
http://images.dinamani.com/uploads/user/imagelibrary/2018/8/7/w600X390/im2.JPG http://www.dinamani.com/weekly-supplements/ilaignarmani/2018/aug/07/வடிகட்டும்-ஆப்-2976226.html
2976224 வார இதழ்கள் இளைஞர்மணி சரியான பார்வை... சரியான வழி... சரியான செயல்! 6 - தா.நெடுஞ்செழியன் Tuesday, August 7, 2018 11:08 AM +0530 பெற்றோர்கள் மாணவர்களின் கல்வியைத் தாண்டி உலக நடப்புகளை, நாட்டு நடப்புகளை பொதுவாக என்ன சூழல்கள் உள்ளன என்பதை மாணவர்களுக்கு தெளிவுறக் கூற வேண்டும். ஏனெனில் இனி வரக் கூடிய காலங்களில் ஊடகம் வாயிலாகவும் இண்டர்நெட் வாயிலாகவும் வரக் கூடிய எண்ணற்ற தகவல்களை மாணவர்கள் எடுத்து, அவற்றில் இது சரியா? இது தவறா? இது நேர்ந்திருக்க வாய்ப்பு உள்ளதா? வாய்ப்பு இல்லையா? என்பதை ஆராய்ந்து, பிறருடன் அவற்றைப் பற்றி கலந்தாலோசிக்கக் கூடிய அளவுக்கு நல்ல சூழ்நிலையைப் பெற்றோர்கள் உருவாக்கித் தர வேண்டும். 
கல்வியைத் தாண்டி பரவலான விஷயங்களை உள்வாங்கி அதனை வைத்து அவர்கள் முடிவு எடுப்பது நன்றாக அமையும். 
பாடம் மட்டுமே வாழ்க்கை- இவ்வளவு மதிப்பெண்கள் மட்டுமே வாழ்க்கை - என்பதைத் தாண்டி வெளியே ஓர் உலகம் இருக்கிறது; அந்த உலகத்தின் தேவைகள் வேறு; அந்தத் தேவைகளைப் பூர்த்தி செய்வதற்கு நாம் என்னவெல்லாம் செய்யப் போகிறோம்? என்பன போன்ற ஆக்கப்பூர்வமான சிந்தனைகளை பள்ளிகள் மாணவர்களுக்கு ஏற்படுத்தவில்லை என்றால் பெற்றோர்கள் அவற்றை ஏற்படுத்துவதற்கான முயற்சிகளை மேற்கொள்ள வேண்டும். 
அடுத்து பொது அறிவு என்பது மிக மிக முக்கியமானது. இன்றைய தலைமுறை மாணவர்களுக்கு பொது அறிவைத் தருவதற்கு இப்போதைய பள்ளிகள் முயற்சி எடுப்பதில்லை. அந்தக் காலத்தில் எல்லாம் பள்ளிக்கூடத்தில் ஒரு கரும்பலகையில் குறுஞ்செய்திகளை மாணவர்களே எழுதிப் போடுவார்கள். என்ன எழுதிப் போடுகிறார்கள் என்று ஆர்வமுடன் தினம்தோறும் நிறைய மாணவர்கள் அவற்றைப் படிப்பார்கள். அந்தத் தகவல்கள் மாணவர்களின் மனதில் பசுமரத்தாணி போல பதிந்துவிடும். 
"மனப்பாடம் செய்யுங்கள், நிறைய மதிப்பெண்கள் எடுங்கள்' என்று பள்ளிகளில் சொல்வது மிக மிகத் தவறு. மாணவர்களுக்கு நிறைய நினைவாற்றல் உள்ளது. உதாரணமாக ஒரு மாணவர் வீட்டிலிருந்து பள்ளிக்குக் கிளம்பிச் செல்லும்போது, வழியில் உள்ள எல்லா முக்கியமான இடங்களும் அவருடைய மனதில் பதிந்துவிடும். எங்கே ஏடிஎம் உள்ளது, எங்கே பேங்க் உள்ளது, எங்கே மருத்துவமனை உள்ளது என்பதெல்லாம் தானாகவே அவருடைய மனதில் பதிந்துவிடும். அவற்றை எளிதாக திரும்பவும் நினைவில் கொண்டு வரவும் அவரால் முடியும். கல்விச்சுமை என்ற பெயரில் பள்ளிகள் நிர்ப்பந்தப்படுத்துவதாலோ, பெற்றோர் நிர்ப்பந்தப்படுத்துவதாலோ மாணவர்களின் இம்மாதிரியான இயல்பான திறமைகள் மறைந்துவிடும். முன்பெல்லாம் ஒவ்வொருவரும் 20 -30 தொலைபேசி எண்களைக் கூட நினைவில் வைத்திருப்பார்கள். இப்போது மொபைல் போன்கள் வந்த பிறகு, நமது வீட்டில் உள்ளவர்களின் எண்களைக் கூட நாம் நினைவில் வைத்திருப்பதில்லை. தொழில்நுட்ப வளர்ச்சியினால், நமக்கு இயற்கையாக அமைந்துள்ள நினைவுத்திறனைக் கூட நாம் இழந்துவிடுகிறோம். 
ஒரு குறிப்பிடத்தக்க மேற்கோள் ஒன்று உள்ளது. IF YOU STUDY TO REMEMBER, YOU WILL FORGET.  IF YOU STUDY TO UNDERSTAND, YOU WILL REMEMBER. இதில் நாம் எல்லாருமே முதலில் சொன்னதைத்தான் கடைப்பிடிக்கிறோம். எல்லாவற்றையும் ஞாபகப்படுத்துவதற்கு மட்டும்தான் படிக்கிறோம். நன்றாகப் புரிந்து படிப்பது கிடையாது. 
புரிந்து படிக்கும் பழக்கத்தை மாணவர்களுக்கு ஏற்படுத்தினால், அந்தக் கல்வியை வைத்துக் கொண்டு எதிர்காலத்தில் என்ன மாதிரியான சூழல்கள் வந்தாலும், அந்தச் சூழல்களைப் புரிந்து கொண்டு மாணவர்கள் எளிதில் அவற்றைக் கையாளும் திறமையைப் பெற்றுவிடுவார்கள். 
மாணவர்கள் பிளஸ் டூ வருவதற்கு முன்பே - ஆறாவது படிக்கத் தொடங்கும்போதே - பெரும்பான்மையான பெற்றோர்கள் மாணவர்களை பல்வேறு பயிற்சிகளுக்கு (கோச்சிங் கிளாஸ்) அனுப்புகிறார்கள். எதிர்காலத்தில் அவர்கள் என்ன படிக்க வேண்டும் என்பதற்கான பயிற்சிகளாக அவை இருக்கும். இதனால் சிறுவயதிலேயே அவர்கள் ஏற்கெனவே உள்ள படிப்புச் சுமையுடன் கூடுதலான சுமைகளைச் சுமக்க வேண்டியிருக்கும். "குருவி தலையில் பனங்காயை ஏற்றுகிற மாதிரி' சுமைகளை மாணவர்கள் மீது ஏற்ற ஏற்ற படிப்பின் மீதான வெறுப்பு அவர்களுக்கு அதிகரிக்கவே செய்யும். 
ஆறாவது படிக்கும்போதே ஒரு மாணவருக்கு 4- 5 ஆண்டுகளுக்குப் பின் எழுதப் போகும் நுழைவுத் தேர்வுக்கு பயிற்சி தரத் தொடங்கிவிடுகிறார்கள். ஆனால் எந்தவொரு நுழைவுத் தேர்வின் தேர்வுமுறையிலும் நான்கைந்து ஆண்டுகளில் மாற்றம் ஏற்பட்டுவிடுகிறது. ஐஐடி யில் ஒவ்வோராண்டும் தேர்வுமுறையை மாற்றிவிடுகிறார்கள். ஆறாவது படிக்கும்போதிலிருந்தே ஒரு நுழைவுத்தேர்வுக்காகப் பயிற்சி எடுத்தது எல்லாம் வீணாகிவிடும். 
மேலும் இந்தவிதமாகத் திட்டமிட்டு அவர்களை ஒருமுகப்படுத்துவதால் மாணவர்களுக்கு இயல்பாக வளர வேண்டிய பிற திறமைகள் வளராமல் போய்விடும். அவர்களுக்குள்ளே அடங்கியுள்ள எண்ணற்ற திறமைகள் எவை என்பது தெரியாமலேயே அழிக்கப்பட்டுவிடும். 
கல்விநிலையங்களும் சரி, பெற்றோரும் சரி மாணவர்களைச் சுதந்திரமாகப் படிக்க அனுமதிக்க வேண்டும். பத்தாவது வரைக்கும் மாணவர்களை வலுக்கட்டாயமாக கோச்சிங் கிளாசுகளுக்கு அனுப்பவே கூடாது. பள்ளிகளில் என்ன சொல்லித் தரப்படுகிறதோ அவற்றை மட்டும் அவர்கள் புரிந்து படித்தால் போதுமானது. மனப்பாடம் பண்ணாமல் புரிந்து படித்து மாணவர்கள் தேர்வு எழுதும்போது, அதற்கு ஆசிரியர்கள் போதுமான மதிப்பெண்கள் போடவில்லை என்றால் மாணவர்கள் அதைப் பற்றி அதிகமாகக் கவலைப்படக் கூடாது. அப்படி மதிப்பெண் போடாதது ஆசிரியரின் கல்வி பற்றிய அறிவு ஒரு குறுகிய எல்லைக்குள் இருப்பதையே காட்டுகிறது. மாணவர்களின் தனித்திறமையை அங்கீகாரம் செய்யக் கூடிய அளவுக்கு ஆசிரியருக்குத் திறமை இல்லை என்றுதான் சொல்ல வேண்டும். 
பெற்றோர்களுக்கு போதிய கல்வி பற்றிய விழிப்புணர்வு இல்லாததால், பெரும்பான்மையான பள்ளிகள் பெற்றோர்களைத் தவறாக வழிநடத்திச் செல்கின்றன. மாணவர்கள் 10 ஆவது படிக்கத் தொடங்கும்போதே, மாணவர்களின் பெற்றோரும் சரி, அக்கம்பக்கத்தில் உள்ளவர்களும் சரி, மாணவர்களிடம் கேட்கும் கேள்வி: பொறியியல் படிக்கப் போகிறாயா? மருத்துவம் படிக்கப் போகிறாயா? என்பதுதான். 
உற்றார் உறவினர்கள், தெரிந்தவர்கள் கேட்கிறார்கள் என்பதற்காக, இதைத்தான் படிக்கப் போகிறேன் என்று மாணவர்கள் சொல்லக் கூடாது. அந்தப் படிப்புக்கு அட்மிஷன் கிடைத்தாலும் கிடைக்கலாம், கிடைக்காமலும் போகலாம். எதையும் உறுதியாகச் சொல்ல முடியாது. ஆனால் இதுதான் படிக்கப் போகிறேன் என்று மாணவர்கள் சொல்லிவிட்டால், ஒரு வேளை கிடைக்காவிட்டால் அதை அவர்கள் அந்த இளம் வயதில் எப்படி எதிர்கொள்வார்கள்? எதிர்காலத்தில் இப்படி ஆக வேண்டும் என்று மாணவர்களின் சிந்தனையைத் தூண்டிவிட்டுவிட்டு, நிகழ்காலத்தில் என்ன செய்ய வேண்டுமோ, அவற்றைச் சரிவரச் செய்யவிடாமல் அவர்களைத் தடுப்பது எந்தவிதத்தில் நியாயம்? எதிர்காலத்தை நினைத்துக் கொண்டே நிகழ்காலத்தை நாம் தொலைத்துவிடக் கூடாது. 
எதிர்காலத்தில் மருத்துவம் படிப்பதற்காக, தகவல் தொழில்நுட்பம் படிப்பதற்காக நிகழ்காலத்தில், இன்றைக்குப் படிக்க வேண்டிய கெமிஸ்ட்ரி, மேத்ஸ் ஆகியவற்றை மாணவர்கள் படிக்காவிட்டால் எந்த பயனுமில்லை. அது நமது நேரத்தை வீணாக்குவதாகும். 
என்ன படிக்கப் போகிறீர்கள் என்று கேட்கும் யாரிடமும் எதையும் முடிவாகச் சொல்லாமல், ""நான் எல்லாவற்றிற்கு முயற்சி செய்து கொண்டிருக்கிறேன், எதற்கு அட்மிஷன் கிடைக்கிறதோ அதைப் படிப்பேன்'' என்று மாணவர்கள் திட்டவட்டமாகச் சொல்லிவிட வேண்டும். அப்போதுதான் மாணவர்களுக்கு மன அழுத்தம் இருக்காது; நிம்மதியாக இருப்பார்கள். அவர்கள் தற்போது படிப்பதை எந்தவிதமான மன அழுத்தமும் இல்லாமல் நன்றாகப் படிப்பார்கள். 
மாணவர்களை ஊக்குவிக்கும்விதமாக பெற்றோர்கள் நடந்து கொள்ள வேண்டும். "உனக்கு நிறையத் திறமைகள் உள்ளன. உன்னால் உலகில் நிறையச் சாதிக்க முடியும்'' என்று அவர்களின் சிந்தனைகளை சாதனைகளின்பால் ஒருமுகப்படுத்தி, ஆக்கப்பூர்வமான அணுகுமுறையுடன் அவர்களிடம் நடந்து கொள்ள வேண்டும். 
மாணவர்கள் தவறு செய்துவிட்டால், உடனே அவர்களைத் திட்டக் கூடாது. "நீ இப்படிச் செய்திருப்பதற்குப் பதிலாக இது மாதிரி செய்திருக்கலாமே?'' என்று ஆலோசனை கூறும் விதத்தில் அவர்களிடம் பேச வேண்டும். "இனிமேல் இதுபோன்று தவறுகளை நீ செய்ய மாட்டாய் என்ற நம்பிக்கை எனக்குள்ளது'' என்று அவர்களிடம் சொல்வது ஆக்கப்பூர்வமான ஒரு வழிமுறை. 
குழந்தைகளின் சிறிய வெற்றிகளைக் கூட பெற்றோர் கொண்டாட வேண்டும். அவர்களைப் பாராட்ட வேண்டும். ஆனால் இப்போது வீட்டிலும் சரி, பள்ளியிலும் சரி, குழந்தைகளைப் பாராட்டுவதே இல்லை. இது குழந்தைகளுக்கு இழைக்கப்படும் அநீதி. 
முன்பெல்லால் கூட்டுக் குடும்பம் இருந்தது. வீட்டில் தாத்தா, பாட்டி இருந்தார்கள். இளம் வயதினரிடம் அன்பு செலுத்தி அவர்களை நல்வழிப்படுத்தினார்கள். இன்றோ வீட்டில் தாய், தந்தை இருவருமே வேலைக்குச் சென்றுவிடுகிறார்கள். வீட்டில் குழந்தைகளுடன் பேச, அவர்களைப் புரிந்து கொள்ள, அவர்களிடம் அன்பு செலுத்த எல்லாம் இப்போது பெற்றோருக்கு நேரம் இருப்பதில்லை. இதனால் ஆக்கப்பூர்வமான வழிகளில் அவர்களை ஊக்குவிக்க முடிவதில்லை. 
(தொடரும்)
கட்டுரையாசிரியர்: சமூக கல்வி ஆர்வலர் 
www.indiacollegefinder.org

]]>
http://images.dinamani.com/uploads/user/imagelibrary/2018/8/7/w600X390/im1.jpg http://www.dinamani.com/weekly-supplements/ilaignarmani/2018/aug/07/சரியான-பார்வை-சரியான-வழி-சரியான-செயல்-6---தாநெடுஞ்செழியன்-2976224.html
2971513 வார இதழ்கள் இளைஞர்மணி இணைய வெளியினிலே... DIN DIN Tuesday, July 31, 2018 10:33 AM +0530
முக நூலிலிருந்து....


சலித்துக் கொள்பவன்,
ஒவ்வொரு வாய்ப்பிலும் உள்ள
ஆபத்தைப் பார்க்கிறான்.
சாதிப்பவன், 
ஒவ்வொரு ஆபத்திலும் உள்ள 
வாய்ப்பினைப் பார்க்கிறான்.

- மாரியப்பன்

 

காற்று பேசும் இசையே... 
உன் சுவாசம்

- பிரகாஷ்

நகம்  வெட்டக் கூட சலிப்புற்று
மனம்  முழுக்க
இயலாமை  பரப்பும்  
நாட்களையே
விட்டுச் செல்கிறது...
"விதி'யெனும்   சதி.

இருக்கும் வரை
இல்லாததை  மட்டும்
தேடிக்கொண்டிருப்பதே...
இருப்பாகிவிடுகிறது

- ரெவித்தம்பி பொன்னன்

 

பொறுமை என்பது
குழந்தை எழுந்து நின்று
தத்தித் தடுமாறி
நடை பழகுவது போன்றதாகும்!

- கெளதம் சூசைராஜ்


பன்னாட்டு நிறுவனப் பணியாளராய்
டாலர்களில் சம்பாதிப்பது
அதிர்ஷ்டம் என்றால், 
பெற்றோரின் மரணத்துக்குக் கூட
வர இயலாமல் போவது....
துரதிருஷ்டம்.

- கிரிதரன்


சுட்டுரையிலிருந்து...


தவறி விழுந்த விதையே 
முளைக்கும்போது...
தடுமாறி விழுந்த நம் 
வாழ்க்கை மட்டும் சிறக்காதா?
நம்பிக்கையோடு எழுவோம். 

- பொய்யாமொழிசங்கரன்

விடுமுறை நாளில்  
எல்லா குழந்தைகளும் 
ஓரிடத்தில்  சேர்ந்து விளையாடினர்...
அவரவர் செல்போனில்.

- சப்பாணி

 

வீழ்வது போல் 
ஒருமுறை நடித்துப்பார் 
அப்போது தெரியும்...
உதறும் கரங்கள் எது? 
உதவிக்கரங்கள் எது? என்று...

- தமிழ்பாசக்காரி

 

எல்லாவற்றிக்கும் பதில் வைத்துள்ளார்கள், 
கேள்விகளை தேடித்தான் நம் ஆயுள் கரைகிறது....

- வால்பையன்

 

வலைதளத்திலிருந்து...


பேருந்துகளில், பணிபுரியும் இடங்களில், மொட்டை மாடிகளில் என எங்கு நோக்கினும் யாராவதொருவர் தனது தொலைபேசியில் பாடல்களை அதன் முழு ஒலி அளவில் கூட்டி அலறவிட்டபடி மெய் மறந்திருக்கிறார்கள். பலர் தாங்கள் இருக்கும் சூழலைப் பொருட்படுத்துவதே இல்லை....
ஊரில் திருவிழா என்றால் மைக் செட் வைத்து மிகப்பெரும் ஒலி மாசுபாட்டையும் வன்முறையினையும் நிகழ்த்துவது வாடிக்கையாகிவிட்டது. ஊர் முழுக்க ஹாரனைக் கட்டிவிடுவார்கள். இதில் மதப்பற்றாளர்களுக்கு இடையே நுட்பமான போட்டி வேறு நிலவுகிறது. இதனாலேயே திருவிழா சமயங்களில் ஊருக்குச் செல்ல மிகுந்த வெறுப்பாக இருக்கும். அங்கு சென்றாலும் வீட்டினருடன் இயல்பாக இருக்க முடியாது. பேசக்கூட முடியாது. காலை நான்கு மணிக்குத் தொடங்கி இரவு பத்து வரை வன்முறை நீடிக்கும். காரணம் எங்கள் வீட்டின் வாசலிலேயே ஹாரன் கட்டப்பட்டிருக்கும் என்பதுதான். 
ஏன் இந்தியச் சூழலில் சப்தம் இவ்வளவு பெரிய சக்தியாக செயல்பட்டுவருகிறது? இதன் மையப்புள்ளி எதுவாக இருக்கும் என நானும் பலவாறு யோசித்துப்பார்க்கிறேன். ஒரு முடிவுக்கு வருவது சிரமமாகவே இருக்கிறது. நான் கூட சப்தமாக பேசுபவன் தான் என்பதையும் இங்கு ஒப்புக்கொள்ள வேண்டும். 
ஜப்பானிய கலாசாரத்தின் அமைதி நினைவுக்கு வருகிறது. 
ஒருவர் அமைதியாக இருக்கும் சமயங்களில் நாம் எதாவது பேசினால் அதனை மிகப்பெரும் அவமதிப்பாக எடுத்துக் கொள்வார்களாம். 

https://yamunaiselvan.wordpress.com/

]]>
http://images.dinamani.com/uploads/user/imagelibrary/2018/7/31/w600X390/im10.jpg http://www.dinamani.com/weekly-supplements/ilaignarmani/2018/jul/31/இணைய-வெளியினிலே-2971513.html
2971511 வார இதழ்கள் இளைஞர்மணி வாட்ஸ்ஆப்பில் கூடுதல் அதிகாரம்! - அ.சர்ஃப்ராஸ் DIN Tuesday, July 31, 2018 10:29 AM +0530
மக்களின் அன்றாட வாழ்க்கையில் சமூக வலைதளங்கள் சங்கமித்துவிட்டன. அதிலும் வாட்ஸ்ஆப் இல்லை என்றால் ஸ்மார்ட் போன் இல்லை என்ற நிலைக்கு வந்துவிட்டது. தனித்தனியாக இயங்கி வந்த வாட்ஸ்ஆப் பயன்பாடு, தற்போது குழுக்களாக (குரூப்) மாற்றம் கண்டுள்ளன. 

இந்தக் குழுக்களில் நூற்றுக்கணக்கான உறுப்பினர்கள் தங்கள் கருத்துகளைப் பதிவு செய்தால் அதைப் படிக்கவே ஒரு நாள் போதாத நிலை ஏற்பட்டுள்ளது. மேலும், பள்ளிகள், கல்லூரிகள், நிறுவனங்கள் ஆகியவை தங்களது அறிவிப்புகளை வெளியிட இந்த வாட்ஸ் ஆப் குழுக்களைப் பயன்படுத்துகின்றன. அப்படி வெளியிடப்படும் அறிவிப்புகளுக்கு உறுப்பினர்கள் எதிர்கருத்துகளைத் தெரிவித்தால் அதைத் தடுக்க முடியாத நிலை இருந்துவந்தது. 

இதற்கு தீர்வு காணும் வகையில் வாட்ஸ்ஆப் குழுவில் உள்ள "அட்மின்'களுக்கு மட்டும் தகவல்களை அனுப்பும் அதிகாரம் அளிக்கும் சேவையை வாட்ஸ் ஆப் நிறுவனம் புதிதாக அறிமுகம் செய்துள்ளது. இதைச் செயல்படுத்த, சம்பந்தப்பட்ட வாட்ஸ் ஆப் குழுவுக்குள் சென்று "குரூப் இன்போ' வை கிளிக் செய்து, "குரூப் செட்டிங்ஸ்' - உள்ளே  செல்ல வேண்டும். பின்னர் "சென்ட் மெசேஜஸ்' கிளிக் செய்து "ஓன்லி அட்மின்'-ஐ தேர்வு செய்துவிட்டால்போதும். 

இதன் மூலம் அந்தக்குழுவில் அங்கீகரிக்கப்பட்டுள்ள அட்மின்கள் மட்டுமே தகவல்களை அனுப்ப அனுமதி பெற்றவர்களாவர். இந்த வசதி தனிஒருவரின் சுதந்திரத்தைப் பறிக்கும் செயல் என்று நெட்டிசன்கள் கருத்து தெரிவித்து வருகின்றனர்.

எனினும், கட்டுக்கடங்காமல் செல்லும் செயல்களுக்கு கட்டுப்பாடு ஒன்றே தீர்வு என்பதை வாட்ஸ் ஆப் நிறுவனம் கருதியே, அட்மின்களுக்கு இந்த உரிமையை வழங்கி உள்ளது என்றே கூறலாம். 

]]>
http://images.dinamani.com/uploads/user/imagelibrary/2018/7/31/w600X390/im11.jpg http://www.dinamani.com/weekly-supplements/ilaignarmani/2018/jul/31/வாட்ஸ்ஆப்பில்-கூடுதல்-அதிகாரம்-2971511.html
2971510 வார இதழ்கள் இளைஞர்மணி சரியான பார்வை... சரியான வழி... சரியான செயல்!  தா.நெடுஞ்செழியன் DIN Tuesday, July 31, 2018 10:28 AM +0530
தைவான் நாட்டில் மிகக் குறைந்த வயதிலேயே கணினியில் பயன்படுத்தக் கூடிய "சிப்' தொழில்நுட்பத்தை மாணவர்களுக்குக் கற்றுக் கொடுத்துவிடுகிறார்கள். இதனால் மொபைல் உட்பட எந்தவொரு எலக்ட்ரானிக் பொருள்களிலும் உள்ள "சிப்' பற்றிய அறிவாற்றல் அவர்களுக்கு இளம்வயதிலேயே வந்துவிடுகிறது. அது தொடர்பான திறமைகளும் ஆர்வமும் அவர்களுக்கு ஏற்பட்டுவிடுகிறது.  இன்று உலக அளவில் எலக்ட்ரானிக் துறையில் கொடிகட்டிப் பறக்கும் நாடுகளில் தைவானும் ஒன்று.  

நம்நாட்டில் ஐடி தொழில்நுட்பம் வந்தது ஒரு தற்செயலான நிகழ்வு.   ஐடி தொழில்நுட்பத்தில் மாணவர்களின் எவ்வளவோ திறமைகளை இன்னும் நாம் வளர்த்தெடுக்கக் கூடிய  சூழலை உருவாக்கவில்லை. மாணவர்களின் திறமைகளை ஆக்கப்பூர்வமாகப்  பயன்படுத்தவில்லை. 

லட்சம் லட்சமாக கல்விக்கட்டணம் வாங்கும் பல கல்வி நிறுவனங்கள் நம்நாட்டில் இருக்கின்றன.  ஆனால்  மாணவர்களுக்கு  எவ்வாறு கல்வி கற்றுக் கொடுக்க வேண்டும் என்ற  சரியான பார்வை அவர்களுக்கு இல்லை. எந்தவொரு துறையையும் மாணவர்களுக்கு முழுமையாகக் கற்றுத்தரும் திட்டம் அவர்களிடம் இல்லை. கம்ப்யூட்டர்துறையின் வளர்ச்சியை வேறு எந்த எந்த துறைகளுக்கெல்லாம் பயன்படுத்த முடியுமோ, அத்துறைகளில் எல்லாம் பயன்படுத்தும்விதமாக  மாணவர்கள்  சுயமாகச் சிந்திக்கக் கூடிய திறமையை நமது பெரும்பாலான கல்விநிறுவனங்கள் வளர்த்தெடுக்கவில்லை. மதிப்பெண்கள் அதிகம் எடுக்க வேண்டும் என்ற அடிப்படையில் கற்றுத்தரும் கல்வியால், ஒரு குறிப்பிட்ட வேலையை மட்டுமே செய்யும் திறமை படைத்தவர்களாக மாணவர்கள் உருவாகிறார்கள். 

அண்மையில் ஐஐடியில்  ஒரு மாணவர் வித்தியாசமான ஓர் இறுதியாண்டு புராஜெக்ட் செய்திருந்தார்.  ஆம்புலன்ஸூடன் இணைக்கத் தக்க வகையில் ஒரு டெலி மெடிசின் செயலியை அவர் உருவாக்கியிருந்தார். ஆம்புலன்ஸில் ஏற்றப்பட்ட நோயாளிக்கு எந்தவிதமான உடல்நலப் பாதிப்பு என்று அந்தச் செயலிக்குத் தகவல் தரப்படுகிறது. பிரசவ வலியுடன் துடிக்கும் ஒரு பெண்ணா? மாரடைப்பு வந்த ஒரு நோயாளியா? பக்கவாதத்தால் பாதிக்கப்பட்ட ஒருவரா? என தெரிந்த பின்,  அந்தச் செயலி வாயிலாக அந்த நோய்க்கு உடனடி சிகிச்சை அளிக்கும் மருத்துவமனைகள் அருகே எங்கெங்கே உள்ளன? அந்த மருத்துவமனைகளில் தற்போது எந்த டாக்டர் பணியிலிருக்கிறார்? நோயாளியின் உடலில் ஏற்றுவதற்கான ரத்தம் தயார்நிலையில் இருக்கிறதா?  அறுவைச் சிகிச்சைக் கூடம் தயார்நிலையில் இருக்கிறதா?  மருத்துவமனை செல்வதற்குள் உடனே செய்யக் கூடிய முதலுதவிகள் எவை? இவ்வாறு ஒரு நோயாளியின் உயிரைக் காப்பாற்றக் கூடிய அனைத்துத் தகவல்களும் அந்தச் செயலியின் மூலம் தெரிந்து கொள்ளலாம். அந்தச் செயலியை உருவாக்குவதற்கான   தொழில்நுட்பங்களை அதை உருவாக்கிய மாணவர் அற்புதமாகக் கற்றுத் தேர்ந்திருந்தால் மட்டுமே இது  சாத்தியம்.  அந்த மாணவர் கற்றது கணினி அறிவியல் என்றாலும், அவர் தனது துறையின் வளர்ச்சியை இன்னொரு துறையான மருத்துவத்துக்குப் பயன்படுத்தியிருக்கிறார்.  அதற்கான செயலியை உருவாக்கியிருக்கிறார். 

பேராசிரியர் விஜயகுமார், பென்சில்வேனியா பல்கலைக்கழகத்தில் (PENN STATE UNIVERSITY) பணிபுரிகிறார். ரோபாட்டிக் தொழில்நுட்பத்தை விவசாயத்துக்குப் பயன்படுத்துவதைப் பற்றி நாம் யாரும் யோசிக்கவில்லை. ஆனால் விஜயகுமார்  பறக்கும் ரோபோ  ஒன்றை விவசாயத்துக்குப் பயன்படும் வகையில் உருவாக்கியுள்ளார். உதாரணமாக ஓர் ஆப்பிள் தோட்டத்துக்கு 2 ரோபோக்களை அனுப்பினால், அவை தோட்டத்துக்குள் போய் திரட்டித் தரும் தகவல்கள் நம்மை ஆச்சரியப்பட வைக்கின்றன. ஓர் ஆப்பிள் மரத்தைப் பற்றி விவரமான தகவல்களைத் திரட்டி, அந்த ரோபோ விவசாயிக்கு என்னென்ன தகவல்களை எல்லாம் கொடுக்கிறது தெரியுமா? ஒவ்வொரு ஆப்பிள் மரத்திலும் எத்தனை ஆப்பிள் பழங்கள் இருக்கின்றன? எந்த மரத்துக்குத் தண்ணீர் குறைவாக ஊற்றப்பட்டுள்ளது? எந்த மரத்துக்கு உரம் குறைவாக போடப்பட்டிருக்கிறது? LEAF AREA INDEX என்றால் என்ன? குளோரசிஸ் எந்த எந்த இலைகளில் பாதிப்பை ஏற்படுத்தியிருக்கிறது? என்பதையெல்லாம் ரோபோ தந்துவிடுகிறது. ஒரு விவசாயி நினைத்துப் பார்த்தால் கூட இந்த மாதிரியான தகவல்களைத் திரட்டவே முடியாது. தொழில்நுட்பங்களை பிற நாடுகளில் இவ்வாறெல்லாம் பயன்படுத்துகிறார்கள். 

நம்நாட்டில் மாணவர்களின் எண்ணற்ற ஆற்றலை இவ்வாறு ஒருமுகப்படுத்தி திறமையை வெளிக்கொண்டு வருகிற கல்விநிறுவனங்களின் எண்ணிக்கை மிக மிகக் குறைவாக உள்ளது. 

மாணவர்களை வைத்து சமுதாயத் தேவைகளையொட்டிய பலஆக்கப்பூர்வமான விஷயங்களை எவ்வளவோ செய்யலாம். உதாரணமாக ஒவ்வொரு பள்ளியிலும் ஒவ்வொரு கல்லூரியிலும் உள்ள ஒவ்வொரு மாணவரும்  ஒரு செடியை நட்டு வளர்க்க வேண்டும்  என்று சொன்னால், நம்நாட்டில் உள்ள கோடிக்கணக்கான மாணவர்கள் கோடிக்கணக்கான செடிகளை நடுவார்கள். அவற்றில் 50 சதவீதம் அழிந்துவிட்டாலும் கூட கோடிக்கணக்கான மரங்கள் வளர்ந்து நிற்கும். அது காற்றில் கார்பன் டை ஆக்ûஸடின் பாதிப்பை வெகுவாகக் குறைத்துவிடும்.  பசுமை வளர்ப்புத் திட்டத்துக்கு  அது உதவும்.  பசுமை ஆற்றலைக் கொண்டு வருவதற்கான நல்ல செயல்திட்டமாக அது அமையும். 

குஜராத் அரசு மண் பரிசோதனைக்காக ஒரு திட்டம் கொண்டு வந்தது. அதற்கு ரூ.1000 கோடிக்கு அதிகமாகச் செலவிடவும் தயாராக இருந்தது. அந்தத் திட்டத்துக்கு மாற்றாக  இன்னொரு திட்டத்தை முன்வைத்தார்,  குஜராத் உயர்கல்வித்துறையின் செயலராக ஒரு பெண்மணி.  குஜராத்திலுள்ள ஒவ்வொரு கல்லூரியிலும் மண்பரிசோதனக்கான ஆய்வுக் கூடங்களை உருவாக்க வேண்டும்;  குஜராத்தில் உள்ள அனைத்துக் கல்லூரிகளிலும் பயிலும் மாணவர்களுக்கு மண் பரிசோதனை செய்ய பயிற்சி கொடுக்க வேண்டும் என்று சொன்னார்.  அதன்படியே  குஜராத்தில் அனைத்துக் கல்லூரிகளில் மண் பரிசோதனை ஆய்வுக்கூடங்கள் அமைக்கப்பட்டன. மாணவர்களுக்கு மண்பரிசோதனை செய்யும்  பயிற்சிகளும் தரப்பட்டன. மாணவர்கள் அவர்கள் வாழும் சுற்றுப்புறப் பகுதியில் இருக்கும் மண்ணை எடுத்துப் பரிசோதனை செய்து தகவலைத் திரட்டத் தொடங்கினர். இதனால் குஜராத் மாநிலம் முழுக்க எல்லா இடங்களிலும் மண் எடுக்கப்பட்டு பரிசோதனை செய்யப்பட்டது.  மாணவர்கள் அவர்கள் இருக்கும் பகுதியிலேயே பரிசோதனைக்காக மண் எடுப்பது எளிது.  அரசு செய்த மண்பரிசோதனை முடிவுகளைவிட,  99 சதவீதம் துல்லியத்தன்மையுடன் மாணவர்களின் மண் பரிசோதனை முடிவுகள் கிடைத்தன. அரசு செலவிடத் தயாராக இருந்த தொகையில்  வெறும் 10 சதவீதமே இதற்குச் செலவானது. அவரைப் போல இந்தியாவிலுள்ள அனைத்து  ஆட்சிப் பணியாளர்களும் சிந்தனை செய்தால், தங்களுடைய எண்ணங்களை ஆக்கப்பூர்வமாக செயல்படுத்தத் திட்டமிட்டால் இன்னும் அதிகமாகச் சாதிக்கலாம். 

மாணவர்களின் திறமைகளை ஆக்கப்பூர்வமாக மாற்றுவதற்கு கல்வியாளர்களும், கல்விநிலையங்களும்,  அரசாங்கத்தில் உள்ளவர்களும், ஆட்சிப் பணியாளர்களும், அரசியல்வாதிகளும்  எல்லாரும்   நமது எதிர்கால மாணவர்கள் நன்றாக வர வேண்டும், நமது அடுத்த தலைமுறை  திறமையுள்ள நல்ல தலைமுறையாக மாற வேண்டும் என்று திட்டமிட்டால்,  நாம் நிறையச் சாதிக்கலாம். 

நீர்பாசனமாகட்டும்,  இயற்கைச் சூழலைப் பாதுகாப்பதாகட்டும்,  மக்கள் தொகை கணக்கெடுப்பாகட்டும், விவசாயிகளுக்குத் தேவையான பல்வேறு தகவல்களை அவர்களிடம் கொண்டு சேர்ப்பதாகட்டும் இப்படி எல்லாப் பணிகளிலும் மாணவர்களை ஈடுபடுத்தலாம். அதிலும் மாணவர்கள் கற்கும் துறை சார்ந்த பணிகளில் அவர்களை ஈடுபடுத்தலாம். உதாரணமாக நர்சிங், மருத்துவம் பயிலும் மாணவ, மாணவியர்களை கர்ப்பிணிப் பெண்களுக்குத் தேவையான தகவல்களை கர்ப்பிணிப் பெண்களிடம் சொல்லும்படி கூறலாம். இதனால் அவர்கள் கற்கும் கல்வியை -  மனப்பாடக் கல்வியைப் போல அல்லாமல்-  ஆழமாக  செயல்முறையுடன் புரிந்து கற்க வாய்ப்பு ஏற்படும். இன்னொருபுறத்தில்  மாணவர்களை சமூக அக்கறை உள்ளவர்களாக நாம் வளர்த்தெடுக்க  முடியும்.  இது நாட்டின் வளர்ச்சிக்கு   உதவும். 

(தொடரும்)

கட்டுரையாசிரியர்: சமூக கல்வி ஆர்வலர் 
ஜ்ஜ்ஜ்.ண்ய்க்ண்ஹஸ்ரீர்ப்ப்ங்ஞ்ங்ச்ண்ய்க்ங்ழ்.ர்ழ்ஞ்

]]>
http://images.dinamani.com/uploads/user/imagelibrary/2018/7/31/w600X390/im12.jpg http://www.dinamani.com/weekly-supplements/ilaignarmani/2018/jul/31/சரியான-பார்வை-சரியான-வழி-சரியான-செயல்-2971510.html
2971509 வார இதழ்கள் இளைஞர்மணி NIELIT நடத்தும் படிப்புகள்! - எம்.அருண்குமார் DIN Tuesday, July 31, 2018 10:01 AM +0530  

இந்திய அரசின் எலக்ட்ரானிக்ஸ் அன்ட் இன்பர்மேஷன் டெக்னாலஜி அமைச்சகத்தின் கட்டுப்பாட்டின் கீழ் நேஷனல் இன்ஸ்டியூட் ஆப் எலக்ட்ரானிக்ஸ் அன்ட் இன்பர்மேஷன் டெக்னாலஜி இயங்கி வருகிறது. பொறியியல், அறிவியல் பட்டப்படிப்பு முடிக்கும் மாணவர்கள் உடனடியாக வேலை வாய்ப்பு பெறச் செய்யும் வகையில் பல்வேறு படிப்புகளை இந்நிறுவனம் நடத்தி வருகிறது. 

அவை பற்றிய விவரங்கள்:

Computer Courses:
Computer Hardware Course
Bio Informatics
IT Enabled Services (BPO)
Certification Scheme in Information Security
Multimedia and Animation Technology
NSQF Courses (The National Skills Qualifications Framework (NSQF))
Digital Literacy Courses
Non-Formal Courses
Formal Courses:
Ph.D Programme in Engineering & Technology    
M.Tech in Embedded Systems
M.Tech in Electronics Design and Technology
M.Tech in VLSI & Embedded System Design    
B.Tech in Electronics System Engineering    
MCA    
BCA    
Diploma In Electronics Production & Maintenance (DEPM)
PG/Advanced Diploma Courses :
Advanced Diploma in Big Data Analytics
PG Diploma in Embedded System Design
PG Diploma in Software Technology
Advanced Diploma in PHP & jQuery
PG Diploma in Information Security and Cloud Computing
PG Diploma in Embedded Real-Time Systems

மேலும் விவரங்களுக்கு :

NIELIT Bhawan,
Plot No. 3, PSP Pocket, Sector-8,
Dwarka, New Delhi-110077,
Helpline No. (Toll Free) - 1800116511
Phone:- 91-11-2530 8300 with 29 lines
Email:- contact@nielit.gov.in
http://beta.nielit.gov.in/

]]>
http://images.dinamani.com/uploads/user/imagelibrary/2018/7/31/w600X390/im7.jpg http://www.dinamani.com/weekly-supplements/ilaignarmani/2018/jul/31/nielit-நடத்தும்-படிப்புகள்-2971509.html
2971508 வார இதழ்கள் இளைஞர்மணி வேலை... வேலை... வேலை... தொகுப்பு: பிரவீண் குமார் DIN Tuesday, July 31, 2018 10:00 AM +0530 இந்தியன் ஓவர்சீஸ் வங்கியில் வேலை

பதவி: Manager (Information Security) 
     
காலியிடங்கள்: 4

வயது வரம்பு: 25 வயதிலிருந்து 35 வயதுக்குள் இருக்க வேண்டும்.
பதவி: Senior Manager (Information Security)  

காலியிடங்கள்: 4

வயது வரம்பு: 25 வயதிலிருந்து 40 வயதுக்குள் இருக்க வேண்டும்.
பதவி: Manager (Information System Audit)  

காலியிடங்கள்: 6

வயது வரம்பு: 25 வயதிலிருந்து 35 வயதுக்குள் இருக்க வேண்டும்.
பதவி: Senior Manager (Information System Audit)  

காலியிடங்கள்: 6

வயது வரம்பு: 25 வயதிலிருந்து 40 வயதுக்குள் இருக்க வேண்டும். அனைத்துப் பதவிகளுக்கும் சில குறிப்பிட்ட பிரிவினருக்கு  உச்சபட்ச வயது வரம்பில் தளர்வு உண்டு. 

அனைத்துப் பதவிகளுக்கும் கல்வித்தகுதி:

கணினி அறிவியல்/ கணினி தொழில்நுட்பம்/ கணினி அறிவியல் & பொறியியல்/ தகவல் தொழில்நுட்பம்/ எலெக்ட்ரானிக்ஸ் & கம்யூனிகேஷன்/ இன்பர்மேஷன் செக்யூரிட்டி/ சைபர் செக்யூரிட்டி போன்ற துறைகளில் பி.ஈ./ பி.டெக் அல்லது முதுகலைப் பட்டத்தில் குறைந்தது 60 சதவீத மதிப்பெண்களுடனோ/ முதல் வகுப்பிலோ தேர்ச்சி பெற்றிருக்க வேண்டும். CISA/ CISSP/ CISM / DISA /CCFP/CHFS/CEH சான்றிதழ் பெற்றவர்களுக்கு முன்னுரிமை அளிக்கப்படும். முன் அனுபவம் தேவை.

தேர்ந்தெடுக்கப்படும் முறை:

ஆன்லைன் தேர்வு, நேர்முகத் தேர்வு ஆகியவற்றில் தேர்ச்சி பெற்ற தகுதியான நபர்கள் தேர்ந்தெடுக்கப்படுவார்கள். 

விண்ணப்பிக்கும் முறை:

www.iob.in என்ற இணையதளத்திற்குச் சென்று, விண்ணப்பதாரரின் விவரங்களைப் பூர்த்தி செய்து, சான்றிதழ்களைப் பதிவேற்றி, விண்ணப்பக் கட்டணத்தைச் செலுத்தி ஆன்லைன் மூலம் விண்ணப்பிக்க வேண்டும்.

விண்ணப்பக் கட்டணம்:

பொது/ ஓபிசி பிரிவினருக்கு ரூ.500; எஸ்சி/எஸ்டி/ மாற்றுத் திறனாளிகளுக்கு ரூ.100

மேலும் விவரங்களுக்கு:

www.iob.in/upload/CEDocuments/RECRUITMENT-IS-AUDITOfficers.pdf என்ற இணையதளத்தைப் பாருங்கள்.

விண்ணப்பிக்க கடைசித் தேதி: 04-08-2018.


மத்திய ஜவுளித்துறையில் வேலை

பதவி: முதுநிலை உதவியாளர் (நெசவு)

காலியிடம்: 1

கல்வித்தகுதி: பத்தாம் வகுப்பு தேர்ச்சி பெற்றிருக்க வேண்டும். மேலும் கைத்தறி நெசவு, தறி அமைத்தல் போன்ற பணிகளில் குறைந்தது மூன்றாண்டுகள் பணியாற்றியிருக்க வேண்டும். கைத்தறி தொழில்நுட்பத்தில் மூன்றாண்டு டிப்ளமோ/கைத்தறி மற்றும் ஜவுளித் தொழில்நுட்பம் டிப்ளமோ/ கைத்தறி நெசவில் இரண்டாண்டு சான்றிதழ் படிப்பு முடித்தவர்களுக்கு முன்னுரிமை அளிக்கப்படும்.
பதவி: இளநிலை உதவியாளர் 

காலியிடம்: 1

கல்வித்தகுதி: பத்தாம் வகுப்பு தேர்ச்சி அடைந்திருக்க வேண்டும். மேலும், டெக்ஸ்டைல்ஸ் டையிங்/ பிரிண்டிங் டிரேடில் ஐ.டி.ஐ. டிப்ளமோ முடித்த பிறகு மூன்றாண்டு பணி அனுபவம் இருக்க வேண்டும் (அல்லது) நெசவாளர் சேவை மையம்/ ஜவுளி, நெசவு கல்வி நிறுவனங்களால் வழங்கப்படும் சான்றிதழ் படிப்புகளில் 4 மாதங்களுக்குக் குறையாமல் படித்து, குறைந்தது 2 ஆண்டுகள் பணி அனுபவம் இருக்க வேண்டும்.
பதவி: உதவியாளர் (நெசவு)

காலியிடங்கள்: 3

கல்வித்தகுதி: பத்தாம் வகுப்பு தேர்ச்சி அடைந்திருக்க வேண்டும். மேலும், ஜவுளி நெசவு/ வைண்டிங்/ வார்பிங் துறைகளில் ஐ.டி.ஐ. டிப்ளமோ முடித்து, இரண்டாண்டுகள் பணி அனுபவம் இருக்க வேண்டும் (அல்லது) நெசவாளர் சேவை மையம்/ ஜவுளி, நெசவு கல்வி நிறுவனங்களால் வழங்கப்படும் சான்றிதழ் படிப்புகளில் 4 மாதங்களுக்குக் குறையாமல் படித்து, குறைந்தது ஓராண்டு பணி அனுபவம் இருக்க வேண்டும்.
வயது வரம்பு: 30 வயதுக்குள் இருக்க வேண்டும். அரசு விதிகளின்படி, சில பிரிவினருக்கு உச்சவரம்பில் விலக்கு உண்டு.

பணியிடங்கள்: சென்னை, காஞ்சிபுரம், சேலம், விஜயவாடா, கண்ணூர், ஹைதராபாத், பெங்களூரு

விண்ணப்பிக்கும் முறை: www.handlooms.nic.in/ என்ற இணையதளத்திலிருந்து விண்ணப்பப் படிவத்தைப் பதிவிறக்கம் செய்து, பூர்த்தி செய்து, தேவையான நகல் சான்றிதழ்களை இணைத்து, கீழ்க்காணும் முகவரிக்கு பதிவு தபால்/ விரைவு தபால் மூலம் அனுப்பி வைக்க வேண்டும். 
முகவரி: The Director, Weavers Service Centre, C.1.B, Rajaji Bhavan, Besant Nagar, Chennai - 600090.

தேர்ந்தெடுக்கப்படும் முறை: எழுத்துத் தேர்வு, செயல்முறை தேர்வு மூலமாக விண்ணப்பதாரர்கள் தேர்ந்தெடுக்கப்படுவார்கள்.

மேலும் விவரங்களுக்கு:

www.handlooms.nic.in/writereaddata/Advertisements/636657166217458720Advt%20for%20the%20posts%20in%20South%20Zone_2018.pdf என்ற  இணையதளத்தைப் பாருங்கள்.
விண்ணப்பம் சென்று சேர வேண்டிய கடைசித் தேதி:  6-08-2018.


ரிசர்வ் வங்கியில் வேலை

பதவி: Manager (Technical - Civil) in Grade ‘B

காலியிடங்கள்: 6

கல்வித்தகுதி: சிவில் இன்ஜினியரிங்கில் இளநிலைப் பட்டம் அல்லது அதற்கிணையான பட்டப்படிப்பில் எல்லா செமஸ்டர்களிலும் 60 சதவீதத்துக்குக் குறையாமல் மதிப்பெண் எடுத்திருக்க வேண்டும். 
முன் அனுபவம்: உதவிப் பொறியாளர் நிலைக்குச் சமமான பதவியில் குறைந்து 3 ஆண்டு பணி அனுபவம்.
வயது வரம்பு: 21 வயதிலிருந்து 35 வயதுக்குள் இருக்க வேண்டும்

பதவி: Assistant Manager (Rajbhasha) in Grade ‘A

காலியிடங்கள்: 8

கல்வித்தகுதி: ஆங்கிலம்/ ஹிந்தி முதுகலைப் பட்டத்தில் தேர்ச்சி பெற்றிருக்க வேண்டும். 
வயது வரம்பு: 21 வயதிலிருந்து 30 வயதுக்குள் இருக்க வேண்டும்
பதவி: Assistant Manager (Protocol and Security) in Grade ‘A 

காலியிடங்கள்: 4

தகுதி: முப்படைகளில் கமெண்டர் நிலையிலோ அல்லது துணை ராணுவப் படைகளில் உதவி கமெண்டர் நிலையிலோ 5 ஆண்டுகள் பணிபுரிந்திருக்க வேண்டும்.

வயது வரம்பு: 25 வயதிலிருந்து 40 வயதுக்குள் இருக்க வேண்டும்

பதவி: Assistant Librarian In Grade ‘A'

காலியிடங்கள்: 3

கல்வித்தகுதி: கலை/ வணிகம்/ அறிவியல் பாடங்களில் இளநிலைப் பட்டத்துடன் நூலக அறிவியல்/ நூலகம், தகவல் அறிவியலில் முதுகலைப் பட்டம் முடித்திருக்க வேண்டும். 

கம்ப்யூட்டர் அப்ளிகேஷனில் டிப்ளமோ முடித்தவர்கள், NET/SLET/SET தேர்வுகளில் தேர்ச்சி பெற்றவர்களுக்கு முன்னுரிமை அளிக்கப்படும்.

வயது வரம்பு: 21 வயதிலிருந்து 30 வயதுக்குள் இருக்க வேண்டும்
விண்ணப்பிக்கும் முறை: https://opportunities.rbi.org.in  என்ற இணையதளத்திற்குச் சென்று, விண்ணப்பதாரரின் விவரங்களைப் பூர்த்தி செய்து, தேவையான சான்றிதழ்களைப் பதிவேற்றி, விண்ணப்பக் கட்டணத்தைச் செலுத்தி, ஆன்லைன் மூலம் விண்ணப்பிக்க வேண்டும்.

விண்ணப்பக் கட்டணம்: பொது/ ஓபிசி பிரிவினருக்கு ரூ.600, எஸ்.சி/எஸ்.டி./ மாற்றுத்திறனாளிகளுக்கு ரூ.100.

தேர்ந்தெடுக்கப்படும் முறை: ஆன்லைன் மற்றும் ஆஃப்லைன் தேர்வுகள் மற்றும் நேர்முகத் தேர்வு

மேலும் விவரங்களுக்கு:

https://rbidocs.rbi.org.in/rdocs/Content/PDFs/ADVT19072018E62D09A7 42E64F929B1FEB9C1D1D57D1.PDF என்ற இணையதளத்தைப் பாருங்கள்.
விண்ணப்பிக்க கடைசித் தேதி: 09-08-2018.

]]>
http://images.dinamani.com/uploads/user/imagelibrary/2018/7/31/w600X390/im8.jpg http://www.dinamani.com/weekly-supplements/ilaignarmani/2018/jul/31/வேலை-வேலை-வேலை-2971508.html
2971419 வார இதழ்கள் இளைஞர்மணி திட்டமிடுங்கள்... நம்பிக்கையுடன்! - வி.குமாரமுருகன் DIN Tuesday, July 31, 2018 10:00 AM +0530
நாம் ஆசைப்படுவது அல்லது விரும்புவது எது வேண்டுமானாலும் இருக்கலாம். ஆனால், அந்த இலக்கை நம்மால் எட்ட முடியும் என்ற தன்னம்பிக்கை நமக்குள் பிறந்து விட்டால், இலக்கை அடைவதற்கான திட்டங்களும்,செயல்களும் தாமாகவே நமது மனக்கண்ணில் விரியும். "ஐயோ... இது நம்மால் முடியாது' என்று நம்பிக்கையை இழந்து யோசித்து விட்டால் போதும்,  அதற்கு எதிரான விஷயங்கள் வரிசை கட்டி நமது கண்களில்  படமாக  மிக வேகமாக ஓடும். 
அப்படி எனில் எந்தவொரு விஷயத்துக்கும் தூண்டுகோலாக அமைவது தன்னம்பிக்கைதான் என்பதை ஒவ்வோர் இளைஞனும் புரிந்து கொள்ள வேண்டும். உதாரணமாக, இரண்டு இளைஞர்கள் ஒரு பஸ் நிறுத்தத்தை நோக்கி நடந்து செல்கின்றனர்.  பஸ் நிறுத்தம் சிறிது தூரத்தில்தான் இருக்கிறது.  அதற்குள் ஒரு பஸ் வந்துவிடுகிறது.  
அவர்களில் ஓர் இளைஞன் தங்களைக் கடந்து நிறுத்தத்தை நோக்கிச் செல்லும் பஸ்ûஸ எப்படியும் பிடித்துவிடலாம் என்ற நம்பிக்கையில் ஓடுகிறான். இன்னொரு இளைஞனோ நம்பிக்கையில்லாமல் மெதுவாக நடந்து செல்கிறான்.  நம்பிக்கையுடன் ஓடிய இளைஞன் பஸ்ஸில் ஏறி தான் செல்ல வேண்டிய இடத்தை குறிப்பிட்ட நேரத்தில் அடைந்துவிட்டான். நம்பிக்கையில்லாமல் நடந்த இளைஞன் அடுத்த பஸ் வரும்வரை அரைமணி நேரம் காத்திருந்து அதில் ஏறி செல்ல வேண்டிய இடத்துக்கு குறிப்பிட்ட நேரத்தில் செல்ல முடியாமல் தாமதமாகச் சென்று பல புதிய பிரச்னைகளைச் சந்திக்கிறான்.  
இதில், நம்பிக்கை வைத்த இளைஞன் தனது எண்ணத்தை நிறைவேற்ற முடிந்தது. இது போல்தான் அனைத்தும், சிறிய விஷயமோ பெரிய விஷயமோ முதலில் நம்பிக்கையுடன்  செயலாற்றினால் அடைய வேண்டிய இலக்கை எளிதில் அடைய அது துணையாக இருக்கும்.   இல்லை என்றால் உள்ளதையும் இழக்கக் கூடிய சூழ்நிலை உருவாகிவிடும். 
நம்மால் முடியும் என்ற நம்பிக்கைதான் நம்மில் ஆர்வத்தையும், துணிச்சலையும் உருவாக்கி வெற்றியை அடைய வைக்கிறது. நம்மால் நிச்சயம் நீச்சல் அடிக்க முடியும் என்ற நம்பிக்கையில் குளத்தில் குதிப்பவன்தான் அச்சமில்லாமல் நீச்சலைக் கற்க முடியும்.  நம்பிக்கை இல்லாதவன் கடைசி வரை பயந்து கொண்டே கரையிலேயே  நிற்க வேண்டியதுதான். 
மார்க்கெட்டிங் நிறுவனத்தின் சேல்ஸ்ஆபிஸர் தேர்வில் உங்களால் இந்த அளவிற்கு விற்பனையை உயர்த்த முடியுமா? என்ற கேள்விக்கு தன்னம்பிக்கையுடன் "முடியும்' என்ற பதில் கூறுபவர்களுக்கு மட்டுமே அந்த வேலை வழங்கப்படுகிறது. தன்னம்பிக்கை இன்றி அது எப்படி முடியும் என லேசாக சந்தேக கேள்வி எழுப்புவர்களுக்கு வேலை வாய்ப்பே பறி போய் விடுகிறது.  
இன்றைய கால வேகத்தில் பெரும்பாலான மனிதர்கள் நம்மால் அது முடியாதே என்று நினைத்து வேதனைப்படுவதை வழக்கமாக்கி கொண்டுள்ளனர். அதற்கு முக்கிய காரணமே அவர்கள் மேல் அவர்களுக்கு நம்பிக்கை இல்லாமல் இருப்பதுதான். 
முதலிலேயே எந்த விஷயத்தைப் பற்றியும் நம்பிக்கையில்லாமல் எதிர்மறையாகச் சிந்திப்பது சிலருடைய பழக்கமாகிவிட்டது.  அது தவறு. அதே போல இந்த விஷயம் நிச்சயம் நடக்கும் என்று முழுவதுமாக நம்பிச் செயல்படுவதும் தவறு.  உதாரணமாக,    இந்த நேரத்தில் பஸ் பிடித்து, இந்த நேரத்தில் ட்ரெயின் பிடித்து, இந்த ஊருக்கு இத்தனை மணி நேரத்துக்குள் சென்றுவிட வேண்டும் என்று நினைப்பது நம்பிக்கை.   அப்படியெல்லாம் சென்றுவிட முடியாது என்று முதலிலேயே எதிர்மறையாகச் சிந்திப்பது  நம்பிக்கையின்மை. பஸ், ட்ரெயின் எல்லாம்  தாமதமில்லாமல் வந்து, வழியில் எந்தத் தடங்கலும் இல்லாமல் இருந்து, உரிய வேகத்தில் சென்றால்  நமது நம்பிக்கை உண்மையாகிவிடும்.  இதில் ஏதேனும் ஒன்று தடைபட்டால் உரிய நேரத்தில் குறிப்பிட்ட இடத்துக்குச் செல்ல முடியாது.  நாம் எவ்வளவுதான் நம்பினாலும், புறச்சூழ்நிலைகள் பொருத்தமாக இல்லாவிட்டால் இலக்கை எட்ட முடியாது.  அப்படியானால் என்ன செய்வது? சென்றுவிட முடியும் என்று நம்பும்போதே, ஒருவேளை பஸ் உரிய நேரத்தில் வராமல் தாமதமாக வந்துவிட்டால் என்ன செய்வது என்ற அவநம்பிக்கையும்  சிறிது இருக்க வேண்டும்.  இவ்வளவு நேரம் பஸ்ஸூக்காகக் காத்திருப்போம். ஒருவேளை வரவில்லை என்றால் ஆட்டோ பிடித்து, கால் டாக்ஸி பிடித்துச் செல்வோம் என்று திட்டமிடத் தோன்றும்.  எதிலும் முன்னெச்சரிக்கையாக இருப்பது அவநம்பிக்கையாகாது.  எனவே கண்மூடித்தனமாக எதையும் நம்ப வேண்டியதும் இல்லை. நம்பாமல் இருக்க வேண்டியதும் இல்லை. 
வெளியில் உள்ள சூழ்நிலைக்கேற்ப மனதில் உற்சாகம் இழக்காமல் திட்டமிட்டு முயற்சி செய்வதே நாம் அடைய வேண்டிய இலக்கை அடைய ஒரே வழி.

]]>
http://images.dinamani.com/uploads/user/imagelibrary/2018/7/31/w600X390/im2.jpg http://www.dinamani.com/weekly-supplements/ilaignarmani/2018/jul/31/திட்டமிடுங்கள்-நம்பிக்கையுடன்-2971419.html
2971440 வார இதழ்கள் இளைஞர்மணி டிஜிட்டல் கேமரா தொழில்நுட்பம்... ஓர் இணையதளம்! - தேனி மு. சுப்பிரமணி DIN Tuesday, July 31, 2018 10:00 AM +0530
நம் வாழ்வின் முக்கியமான நிகழ்வுகளை புகைப்படங்களாக, வீடியோக்களாக எடுத்து வைத்துக் கொள்கிறோம்.  
தொடக்கக் காலத்தில் பிலிம் கேமராக்களில் போட்டோ எடுக்க வேண்டுமெனில், அதற்கான புகைப்பட நிலையங்களுக்குச் செல்ல வேண்டியிருந்தது. பிலிம் கேமராவில் படமெடுக்கும் புகைப்படக்கலைஞர்கள் பலர் இருந்தனர். தற்போது, பிலிம் கேமராக்கள் இருந்த இடத்தில் டிஜிட்டல் கேமராக்கள் வந்துவிட்டன.   நாம் அன்றாடம் பயன்படுத்தும் அலைபேசிகளில் கூட புகைப்படம், வீடியோ எடுக்கும் வசதிகள் வந்துவிட்டன.  
இன்றைய நிலையில், புகைப்படமெடுப்பது  சாதாரணமானதாகி விட்டது. இருப்பினும், தற்போது அதிகப் பயன்பாட்டிலிருக்கும் டிஜிட்டல் கேமரா கொண்டு சிறப்பான புகைப்படங்களை எடுப்பது தனிக்கலையாகவே இருக்கிறது. டிஜிட்டல் கேமரா  குறித்தும், புகைப்படக்கலை   குறித்தும் பல்வேறு விளக்கங்களைத் தரும் வகையில் ஓர் இணையதளம் செயல்பட்டுக் கொண்டிருக்கிறது.  
இந்த இணையதளத்தில் டிஜிட்டல் கேமராக்கள், தொடக்கநிலை வழிகாட்டி (Beginner's Guide), புகைப்படக்கலை உதவிக்குறிப்புகள், புகைப்படம் திருத்தியமைத்தல்,  SimCam எனும் முதன்மைத் தலைப்புகள் இடம் பெற்றிருக்கின்றன. 
டிஜிட்டல் கேமராக்கள்  எனும் தலைப்பின் கீழ்  Quick Picks, What Kind of Camera, Research Tips, Where to Buy எனும் துணைத்தலைப்புகளில் புதிய டிஜிட்டல் கேமராக்கள் குறித்த மதிப்புரைகள் மற்றும் கேமராக்களை வாங்குவதற்கான வழிகாட்டி நெறிமுறைகள் போன்றவை தரப்பட்டிருக்கின்றன.  
தொடக்கநிலை வழிகாட்டி   எனும் தலைப்பின் கீழ்  The Camera , Camera Modes,  The Half-Press,  Controlling Flash,    Processing and Printing, Introduction to Exposure, The Universal Stop, Shutter and Aperture மற்றும்  Film Speed எனும் துணைத்தலைப்புகளில் கேமராவைப் புதிதாகப் பயன்படுத்துபவர்களுக்குத் தேவையான தொடக்கநிலை வழிகாட்டித் தகவல்கள் தரப்பட்டிருக்கின்றன. 
Photography Tips எனும் தலைப்பின் கீழ் Camera Shake, The Digital Push, Alternative Landscapes, Golden Guides எனும் துணைத்தலைப்புகளில் சிறந்த ஒளிப்படமெடுப்பதற்கான சிறு நினைவுக்குறிப்புகள், தந்திரங்கள், உதவிக்குறிப்புகள் போன்றவை தரப்பட்டிருக்கின்றன.  
Photo Editing எனும் தலைப்பின் கீழ்  Film Magic, Essential Techniques,  Software எனும் துணைத்தலைப்புகளில் எடுக்கப்பட்ட ஒளிப்படத்தைக் கொண்டு சிறப்பான ஒளிப்படமாக அதனை மாற்றுவது குறித்த செய்திகள் தரப்பட்டிருக்கின்றன.  
நண்ம்இஹம்  எனும் தலைப்பின் கீழ் தொடரெண் குறியட்டை கேமராக்களில் ஒளிப்படங்களுக்கான  Shutter and Aperture Sim, Film Speed Sim, Camera Shake Sim எனும் துணைத்தலைப்புகளில் பல்வேறு உதவிக்குறிப்புகள் தரப்பட்டிருக்கின்றன. 
டிஜிட்டல் கேமராக்களைப் பயன்படுத்திக் கொண்டிருப்பவர்களுக்கும், டிஜிட்டல் கேமராக்களைப் புதிதாக வாங்கி புகைப்படமெடுக்க விரும்புபவர்களுக்கும் இந்த இணையதளம் மிகுந்த பயனளிக்கும் தளமாக இருக்கும். இந்த இணையதளத்தைப் பயன்படுத்திக் கொள்ள விரும்புபவர்கள் http://www.photonhead.com/ எனும் இணைய முகவரியைப் பயன்படுத்துங்கள்.

]]>
http://images.dinamani.com/uploads/user/imagelibrary/2018/7/31/w600X390/im3.jpg http://www.dinamani.com/weekly-supplements/ilaignarmani/2018/jul/31/டிஜிட்டல்-கேமரா-தொழில்நுட்பம்-ஓர்-இணையதளம்-2971440.html
2971490 வார இதழ்கள் இளைஞர்மணி வாங்க இங்கிலீஷ் பேசலாம் - 150 ஆர்.அபிலாஷ் DIN Tuesday, July 31, 2018 10:00 AM +0530  

புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரிடம் செல்கிறார்கள். அங்கே அவர்கள் மருத்துவருக்கான காத்திருப்போர் அறையில் இருக்கிறார்கள். அவர்களுடன் அங்கே ஒரு மீசைக்காரரும் இருக்கிறார்.
கணேஷ் (ஜூலியிடம்): அந்த கொம்பு மீசையைப் பார்த்தியா?
ஜூலி: ஆமா. மீசைக்கு தேங்காய் எண்ணெய் போட்டு திருகியிருக்கிறார். 
கணேஷ்: உனக்கு எப்படித் தெரியும்?
ஜூலி: I can sniff it out.

கணேஷ்: அப்படீன்னா உன்னால அவரோட எண்ணெய் வாசத்தை மோப்பம் பிடித்து அறிய முடியும் என்று தானே?
ஜூலி: ஆமா. ஆனால் அதுக்கு இன்னோர்  அர்த்தமும் உண்டு. 
கணேஷ்: என்ன?
ஜூலி: To discover something / somebody. The new HR executive was so skilful at sniffing out exciting talent in the industry. இது சம்பந்தமா இன்னொரு வார்த்தை நினைவுக்கு வருது. 
கணேஷ்: Recruitment
ஜூலி: அது எல்லாருக்கும் தெரிந்த சொல் - வேலைக்கு ஆள் எடுப்பது. நான் அதை சொல்லவில்லை. Head hunter கேள்விப்பட்டிருக்கியா?
கணேஷ்: மனித வேட்டையாடி தலைகளைச் சேகரிப்பவரா?
ஜூலி: இல்லை head hunters are normal like us. ஆனால் இவர்கள் ஒரு நிறுவனத்தில் வேலை செய்தபடி அதன் போட்டி நிறுவனத்துக்கு விசுவாசமாய் இருப்பார்கள். தம் நிறுவனத்தின் சிறந்த திறமையாளர்களைக் கண்டறிந்து அவர்களிடம் பேசிப் பேசி அவர்களை போட்டி நிறுவனத்துக்கு அனுப்பி விடுவார்கள்.
கணேஷ்: கூட இருந்தே குழி பறிப்பவர்கள்.
ஜூலி: ஆமா.
புரொபஸர்: நீ சொல்வது கிட்டத்தட்ட சரி. ஆனால் head hunting என்றால் அது மட்டுமல்ல,  இது ஒரு informal ஆன ஆள் தேர்வு. நீங்களாக வேலைக்கு விண்ணப்பிக்காத நிலையிலும், ஒரு மனிதவளத் துறை அதிகாரி உங்கள் பின்னணியை, திறன்களை அலசி ஆராய்ந்து உங்களைத் தொடர்பு கொண்டு விருப்பம் காட்டினார் என்றால் அது head hunting. பொதுவாய் நிறுவனங்களில் executive பொறுப்புகளில் உள்ளவர்களை வேலைக்கு எடுக்க இம்முறையைப் பயன்படுத்துவார்கள் என்பதால் இதை executive search என்றும் சொல்வார்கள்.
கணேஷ்: அதென்ன சார் executive?

புரொபஸர்: உயரதிகாரிகளை executives  என்பார்கள்.
அப்போது அங்கே ஓர் அழகிய இளம்பெண் வருகிறாள். அவள் ஒரு டால்மேஷன் நாயை அழைத்து வருகிறாள். அந்நாய்க்கு திடீரென மூச்சிரைக்க, கணேஷ் ஒரு கிண்ணத்தில் நீர் மொண்டு அதற்கு அருந்தத் தருகிறான். நாய் நீர் அருந்தியபின் நிதானமாகி சரியாக மூச்சு விடுகிறது. அப்பெண் கணேஷுக்கு நன்றி நவில்கிறாள். தன் பெயர் நடாஷா என்கிறாள்.
கணேஷ்: வணக்கமுங்க. என் பெயர் கணேஷ்
நடாஷா: ஓ நைஸ் நேம். You have a good style.

கணேஷ்: ஸ்டைலா நானா?
நடாஷா: யெஸ். I like your French tuck.

கணேஷ் (நடாஷாவிடம்): நன்றிங்க 
(ஜூலியிடம்): என்ன சொல்றப்பா இந்த பொண்ணு? French kiss தெரியும். இதென்ன French tuck.
ஜூலி: பாதி சட்டையை இன் பண்ணிக்கிட்டு மீதத்தை வெளியே விடுறது.
கணேஷ்: நான் சரியாத் தான் இன் பண்ணினேன். ஆனால் பாதி சட்டை அது பாட்டுக்கு வெளியே வந்திடுச்சு. நானும் அதை கவனிக்கலே. பார்த்தால் அதுவே ஸ்டைலாகிடுச்சு. I am so glad!

நடாஷா: என்ன உங்க நாய் பேசுமா?
கணேஷ்: Yeah, very much. இது என்னோட சொந்த அண்ணன். ஒருநாள் நாங்க சின்ன வயசில் ஒரு மேஜிக் ஷோ பார்க்கப் போயிருந்தோம். அப்போ என்னாச்சுன்னா இவன் அந்த மந்திரவாதியோட தொப்பியை திருடிட்டான். அவர் கடுப்பில இவனை நாயா மாத்திட்டார். அதனாலே இவன் பார்க்கத் தான் நாய், அறிவில் ஒரு மேதை. 
நடாஷா: ஓ அப்படியா? நம்பவே முடியல. I reckon it is a Tinkerbell effect.

கணேஷ் (புரொபஸரிடம்): அதென்ன சார்? (நடாஷாவிடம்): ஓ ஹோ ஹோ you are right!

புரொபஸர் (அவன் காதில்): நம்ப சாத்தியமில்லாத, ஆனால் நமது அதர்க்கமான நம்பிக்கையின் விளைவாக மட்டுமே சாத்தியப்படும் ஒரு விசயம். கிட்டத்தட்ட கேள்வியற்ற நம்பிக்கை.

மீசைக்காரர் போனில் பிக்பாஸ் காணொளி பார்த்துக் கொண்டிருக்கிறார்.

நடாஷாவும் எட்டிப் பார்க்கிறாள்.

நடாஷா: இந்த ஷாரிக் பற்றி என்ன நினைக்கிறீங்க?

மீசைக்காரர்:  I think he is an omega male.

கணேஷ்: அப்படீன்னா?

(இனியும் பேசுவோம்)

]]>
http://images.dinamani.com/uploads/user/imagelibrary/2018/7/31/w600X390/im4.jpg http://www.dinamani.com/weekly-supplements/ilaignarmani/2018/jul/31/வாங்க-இங்கிலீஷ்-பேசலாம்---150-2971490.html
2971494 வார இதழ்கள் இளைஞர்மணி மாற்று  எரிசக்தி  தொடர்பான  கல்வி! - எம்.அருண்குமார் DIN Tuesday, July 31, 2018 10:00 AM +0530  

எதிர்கால எரிபொருள் தேவைக்கு தீர்வு காண பயோமாஸ் எனும் மாற்று எரிசக்தியைப் பயன்படுத்துவது சம்பந்தமான கல்விக்கு முக்கியத்துவம் அதிகரித்து வருகிறது. 
 பயோமாஸ் எனப்படும் விவசாய விளைபொருட்கள், மரங்களில் இருந்து கிடைக்கும் கழிவுகள் மூலம் எரிசக்தியை உற்பத்தி செய்வதற்கான பல்வேறு வழிமுறைகள் கண்டறியப்பட்டு பயன்பாட்டுக்கு வந்துள்ளது.   
 சூரிய சக்தி, காற்று சக்தி ஆகியவற்றைக் காட்டிலும் பயோமாஸ் எரிசக்தி முக்கியத்துவம் பெற்றுள்ளது.  மரக் கழிவுகள், காடுகளில் இருந்து கிடைக்கும் கழிவுகள் மூலம் பயோமாஸ் எனர்ஜி எனப்படும் எரிசக்தியை பயன்படுத்துவதற்கான தொழில்நுட்பங்கள் கண்டறியப்பட்டு மேம்படுத்தப்படுகின்றன. பயோமாஸ் எரிசக்தியைப்  பயன்படுத்தி மின்சக்தியை உற்பத்தி செய்ய முடியும்.  இத்தகைய சிறப்புடைய பயோமாஸ் குறித்த கல்விக்கான முக்கியத்துவம் அதிகரித்துள்ளது. 
வெளிநாடுகளில்   பல்வேறு கல்வி நிலையங்களில் பயோமாஸ் தொடர்பான கல்வி வழங்கப்பட்டு வருகிறது.  இணையவழி மூலமாக  ஆன்லைன் படிப்புகளும் நடத்தப்படுகின்றன.  அமெரிக்கா, ஜெர்மனி, ஸ்வீடன், டென்மார்க், இங்கிலாந்து, கனடா ஆகிய நாடுகள் பயோமாஸ் குறித்த கல்விக்கும், மாற்று எரிசக்தி கல்விக்கும் முக்கியத்துவம் அளிக்கின்றன. 

]]>
http://images.dinamani.com/uploads/user/imagelibrary/2018/7/31/w600X390/im5.jpg http://www.dinamani.com/weekly-supplements/ilaignarmani/2018/jul/31/மாற்று--எரிசக்தி--தொடர்பான--கல்வி-2971494.html
2971500 வார இதழ்கள் இளைஞர்மணி நீ... நான்... நிஜம்! -29: அங்கீகாரத்திற்கு அவசரப்படாதே! - சுகி. சிவம் DIN Tuesday, July 31, 2018 10:00 AM +0530
உலகத்திலேயே அதிகக் கசப்பான விஷயம் எது அ. வேப்பங்காய் ஆ.விளக்கெண்ணெய்  இ. ஆலகாலவிஷம் இப்படி ஒரு கேள்வியைக் கல்லூரி மாணவர்கள் மத்தியில் கேட்டால், என்ன பதில் வரும் தெரியுமா? மூன்றையும் விடக் கொடுமையான கசப்பு "அறிவுரை' என்பார்கள். நம்முடைய இளைஞர்கள் எந்தக் கொடுமையை வேண்டுமானாலும் தாங்குவார்கள். ஆனால் அறிவுரை சொல்கிறேன் என்றால் அவ்வளவு தான் துடிதுடித்துப் போவார்கள்.
அதிகம் சிகரெட் பிடிக்கும் இளைஞரைப் பார்த்து ஒரு பெரியவர் வருத்தப்பட்டார். ""தம்பி... ஒரு நாளைக்கு எத்தனை சிகரெட் பிடிப்பீர்கள்?'' என்றார். ""50-க்கு மேல்'' என்று பதில் வந்தது. அப்படியானால் மாதம் 30ல50=1500 ஆ?'' என்றார் பெரியவர். ""கொஞ்சம் கூடக்குறைய' 
அலட்சியமாகப் பதில் வந்தது. 
""எத்தனை வருடமாகப் பிடிக்கிறீர்கள்?'' பெரியவர் கேட்டார். ""ஏழு எட்டு ஆண்டுகள் இருக்கும்'' - இளைஞர் பதில். ""ஒரு சிகரெட் விலை எவ்வளவோ?'' -இது கேள்வி. 
""ஆரம்பத்தில் எட்டு ரூபாய்... இப்ப பன்னிரண்டு ரூபாய்''அலட்சியமான பதில் வந்தது. மலைத்துப் போன பெரியவர், ""தம்பி.. நாலு லட்சத்துக்குக் குறையாம புகையாக்கிட்டயேப்பா'' என்று அங்கலாய்த்தார். இளைஞரோ அலட்சியமாக, ""பெரியவரே நீங்க சிகரெட் பிடிக்கறது உண்டா?'' "" இல்லை'' என்றார். ""இப்ப வயசு என்ன?'' கேள்வி. ""எழுபது  ஆச்சு தம்பி'' என்றார் பெரியவர். ""அப்ப இப்ப கையில 2 கோடி 3 கோடி மிச்சம் இருக்கணுமே.. இருக்கா?'' என்றபடி இளைஞர் எகத்தாளமாகச் சிரித்தார். நாணத்துடன் பெரியவர் ""இல்ல.. தம்பி.. இப்ப கூட கடன் வாங்கத்தான் வெளியூர் போறேன்'' என்றார். ""சிகரெட் குடிச்ச எங்கிட்டியும் பணம் இல்ல.. சிகரெட் குடிக்காத உங்கிட்டியும் பணம் இல்ல.. அப்புறம் என்ன பேச்சு'' என்று முடித்துக் கொண்டார் இளைஞர்.
அறிவுரை சொல்பவர் நிலை இன்று இதுதான். ஆனாலும் கையைக் காலைப் பிடித்தாவது நல்லது சொல்ல வேண்டி இருக்கிறதே... என்ன செய்ய? பாசம் பெரியவர்களை அந்தப் பாடு படுத்துகிறதே! விதுரன் சொல்லி துரியோதனன் கேட்கவில்லை. பீஷ்மர் சொல்லி சிகபாலன் கேட்கவில்லை. என்றாலும் சொல்லுபவர்கள் சும்மாவா இருக்கமுடியும்? எத்தனையோ திறமைகள் உள்ள இளைய தலைமுறை ஒரு சில பண்புநலன்களும் பெற்று விட்டால் எவ்வளவோ உயரம் செல்ல முடியுமே என்று மனசு தடுமாறுகிறது. இன்று திறமை உள்ள பல இளைஞர்கள் தனக்கான வாய்ப்பு வரும் வரை, காலம் கண்திறக்கும் வரை கொஞ்சம் காத்திருங்கள் என்றால் கொதித்தே போய் விடுகிறார்கள். கொந்தளித்துப் போகிறார்கள்.
திரைத்துறையில் அ.த. ரஹ்மான், அனிரூத், தனுஷ்,  விஜய் போன்றவர்கள் இளமையிலேயே புகழ்பெற்ற ஒரே காரணத்தால் எல்லாத் துறைகளிலும் இப்படியே கண் மூடி கண் திறக்கும் நேரத்திற்குள் உச்சாணிக் கிளையேற இளமை துடிக்கிறது. ஆனால் இவர்களுக்குப் பலரது வாழ்க்கை வரலாறுகள் தெரிவதில்லை. முந்தைய தலைமுறையில் எம்.ஜி.ஆர், சிவாஜி, ந.ந. வாசன் போன்ற சினிமா ஆளுமைகள் வளர, உயர, பட்ட கஷ்டங்கள் இவர்களுக்குத் தெரியாது. அது அவசியமில்லை என்கிறார்கள். நானோ அது கட்டாயம் என்கிறேன்.  ஆந்திராவின் வெளிச்சமாகப் பின்னாளில் மின்னிய ச.ப ராமா ராவ்  பசி காரணமாக தமது காலைச் சிற்றுண்டியில் கூட இரண்டு இட்டிலி சேர்த்துத் தரும்படி நாகி ரெட்டியிடம் பவ்யமாகக் கேட்டார் என்று பதிவு இருக்கிறது. பதறிப்போன நாகி ரெட்டி, "" ச.ப.த கேட்பதைக் கொடுங்கள்'' என்று ஸ்டுடியோ சமையல் காரருக்கு உத்தரவிட்டிருக்கிறார்.
மணவை பொன் மாணிக்கம் என்கிற என் இனிய நண்பர் "மறக்க முடியாத மாமனிதர்' என்று எம்.ஜி.ஆர் அவர்களைப் பற்றி ஒரு புத்தகம் எழுதி இருக்கிறார். அதில் போகிற போக்கில் இளமையில் எம்.ஜி.ஆர் அணுபவித்த துயரங்களையும் பின்னர் அவர் பெற்ற இமாலய வெற்றிகளையும் படம் பிடித்துக் காட்டுகிறார். ஒரு தகவல்... அப்படியே தருகிறேன்.
"எம்.கே. தியாகராஜ பாகவதர் சூப்பர் ஸ்டராகத் திகழ்ந்த நேரமது. கோவை ராயல் இந்து ரெஸ்டாரண்ட் ஹோட்டலில் தியாகராஜ பாகவதர் தங்கியிருக்கிறார். அவர் தங்கியிருந்த நான்கு நாட்களும்-தியாகராஜ பாகவதரைப் பார்க்க ஆண்களும், பெண்களுமாய் ஹோட்டலைச் சுற்றிக் கட்டுக்கடங்காத கூட்டம். காவல்துறை கண்ணீர்ப் புகை வீசியெல்லாம் ஜனங்களை ஒழுங்குபடுத்த வேண்டிய நிலை.
அந்தக்கூட்டத்தில் மக்கள்  திலகம் எம்.ஜி.ஆரும் பட்டினியாகத் கிடந்து, பாகவதரை மூன்று நாட்களாகப் பார்க்க முடியாமல் தவித்த போது, ராயல் இந்து ரெஸ்டாரண்ட் முதலாளி குருசாமி நாடார் மக்கள் திலகத்தைச் சாப்பிட வைத்து, தியாகராஜ பாகவதரைப் பார்க்க வைத்தது எல்லாம் ஒரு பெரிய கதை. 
அதே கோவையில் எம்.ஜி.ஆர். கோவை பட்சிராஜா ஸ்டுடியோவில் தினக்கூலியாக எட்டணா சம்பாதித்துக் கஷ்டப்பட்டுக் கொண்டிருந்த நேரத்தில், ஒரு நாள் தன் குடும்பத்திற்கு அரைப்படி அரிசி கொடுத்து உதவிய சாண்டோ எம். எம்.சின்னப்பத் தேவரைப் பட முதலாளியாக்கித் தம் நன்றிக்கடனைத் தீர்த்துக் கொண்ட அவர், தான் தமிழக முதல்வரான பிறகு, தேவர் வீட்டில் நடந்த திருமண விழாவில் கலந்து கொள்வதற்காகக் கோவைக்கு வருகிறார்.
அலங்கார் ஓட்டலில் தங்கி இருக்கிறார் மக்கள் திலகம். ஹோட்டலைச் சுற்றி மக்கள் வெள்ளம், எல்லாச் சாலைகளிலும் போக்குவரத்து பாதிக்கப்படுகிறது. எம்.ஜி.ஆர். திருமணம் நடக்கவிருக்கும் ஸ்டேன்ஸ் மில் திருமண மண்டபத்திற்குப் புறப்பட்டுக் கொண்டிருக்கிறார். எனவே, எல்லோரும் இங்கிருந்து கலைந்து சென்று அங்கு போய்ப் பார்த்துக் கொள்ளுங்கள்! என்று கட்டளை பிறப்பித்துக் கூட்டத்தைக் கலைக்கின்றனர் காவல்துறையினர்.
திருமண மண்டபத்தில் காத்துக் கிடந்த மக்கள் அலங்கார் ஓட்டலில் தான் மக்கள் திலகம் இருக்கிறார் என்ற செய்தி அறிந்து, எல்லோரும் மண்டபத்தில் இருந்து ஹோட்டலுக்குச் செல்கின்றனர்.
இப்படி ஹோட்டலுக்கும் திருமண மண்டபத்திற்குமாக மக்கள் அலைமோதிக் கொண்டிருக்கும் பொழுது, கூட்டத்தில் இருந்த ஒருவர், ""இதே மாதிரிதாம்பா இருபது வருஷத்துக்கு முன்னாடி தியாகராஜபாகவதரைப் பார்க்க ஜனங்க ராயல் ஹோட்டலைச் சுத்தி நின்னாங்க!'' என்று சொன்னார்.
இன்னொருவர், ""பாகவதரைப் பார்க்கக் கட்டுக்கடங்காத கூட்டம் காத்துக் கிடந்தது வாஸ்தவம் தான். ஆனா பாகவதருக்கு வந்த கூட்டத்தை விட, நூறு மடங்கு கூட்டம் எம்.ஜி.ஆருக்கு இன்னிக்கு வந்திருக்கு!'' என்று புள்ளிவிவரம் சொல்லிக் கொண்டிருந்தார். வெற்றிக்கான எம்.ஜி.ஆர் அவர்களின் காத்திருப்பு கவனிக்கத்தக்கது.
சரியாகச் சொல்வதனால் எம்.ஜி.ஆர் அவர்கள் புகழ் வெளிச்சத்தை எட்டிப் பார்க்கும் போது அவர் தமது நாற்பதுகளின் தலைவாசலில் இருந்தார். அதுவரை விடாத முயற்சி... சலிக்காத போராட்டம் தான். அந்தக் காலம் வேறு... இந்தக் காலம் வேறு. அப்போது ஒரு வருடப் பயிர்... ஆறுமாதப் பயிர்... இப்போது தொண்ணூறு நாள்... அப்போது டைஃபாய்டு கூட நாற்பது நாள் அவஸ்தை... இப்போதோ நாலே நாள் சங்கடம். காட்ராக்ட் செய்து கறுப்புத் துணி கட்டிய கண்கள் அன்று மாசக்கணக்கில்... இப்போது நிமிடக் கணக்கில்.. எல்லாம் புரிகிறது. என்றாலும் இளைய தலைமுறைக்கு எதிலும் அவசரம்...  எங்கும் அவசரம்... பொறுமை என்ற பேச்சுக்கே இடமில்லை என்பது எப்படி நியாயம்?
பம்பாய் சண்முகானந்தா ஹாலில் ஹிந்தி திரை இசை மேதை நெளஷத் அலிக்கு ஒரு பிரம்மாண்டமான பாராட்டு விழா நடந்து கொண்டிருந்தது. "மிக உயர்ந்த திரை விருதுகள் பல குவித்த இசை உலக மாமேதை சாதனையாளர் லதாமங்கேஷ்கர், முகமது ரஃபி போன்ற ஹிந்தி இசை வல்லுநர்களைத் திரையுலகிற்கு அறிமுகப்படுத்தியவர்' என்றெல்லாம் புகழ்ந்து தள்ளினார்கள். ஏற்புரை நிகழ்த்திய நெளஷத் அலி பேசிய பேச்சு ஓர் அமர இலக்கியம். ""நான் என்ன சாதித்து விட்டேன் என்று நினைக்கிறீர்கள்? ஒரு தெருவைக் குறுக்காகக் கடந்து வந்திருக்கிறேன். இருபத்தைந்து வருடங்களுக்கு முன்பு இதே ஷண்முகானந்தா ஹாலுக்கு எதிரே பிளாட்பாரத்தில் ஹார்மோனியத்துடன் பாடிக் கொண்டிருத்தேன். இந்தத் தெருவைக் கடந்து இந்த ஹாலுக்குள் வருவதற்கு இருபத்தைந்து வருடங்கள் எடுத்துக் கொண்ட என்னைச் சாதனையாளன் என்று புகழ்வதா?'' என்ற பொருள்பட அடக்கத்துடன் உரையாற்றினார். அங்கீகாரத்துக்கு அவசரப்படுகிறவர்கள் இதனை உணர வேண்டும்.
அங்கீகாரம் என்று பிரபல்யம், பெரும் புகழ், இவற்றை மட்டும் நான் குறிப்பிடவில்லை. நம்மை நண்பராக, உறவாக, மனிதராக ஏற்பது பற்றியும் சொல்கிறேன். காதலை எடுத்துக் கொள்ளுங்கள்... தங்கள் காதலை ஒரு பெண் ஏற்க மறுத்தால் கொதித்துப் போகிற ஆண்கள் எத்தனை பேர்? கொலை செய்யத் துணிகிறவர் எத்தனை பேர்? பெட்ரோல் ஊற்றிக் கொளுத்தியவர்கள், பிளேடால் கீறியவர்கள், அழகுமுகத்தில் அமிலம் வீசியவர் எத்தனைபேர்? இவர்களுக்கு ஒன்று புரியவில்லை. நம்மை ஏற்கவோ மறுக்கவோ பிறருக்கு உரிமை உண்டு என்பது புரிய வேண்டும். பிறரது சுதந்திரத்தை நாம் மதிக்க வேண்டும்.  நிராகரித்தால் நம்மை அவமதித்ததாகவோ அசிங்கப் படுத்தியதாகவே அர்த்தம் இல்லை. "நல்லதோர் வீணை' என்ற புத்தகத்தில் வரலொட்டி ரங்கசாமி எழுதிய இரண்டுவரிகள் இதற்கான அழகான விளக்கம் தருகின்றன. ஒரு பெண்ணின் காதலை ஒரு வாலிபன் நிராகரிக்கிறான். அவள் கண்ணீருடன் எனக்கு அழகில்லையா? அறிவில்லையா? ஏன் பணம் இல்லையா? ஏன் என் காதலை ஏத்துக்க மறுக்கறே? என்கிறாள். ஆசிரியர் எழுதுகிறார். அவளுடைய கேள்விக்கு இன்றுவரை என்னிடம் பதில் இல்லை. ஏன் காதல் வந்தது என்ற கேள்விக்கு எப்படி பதில் இல்லையோ அப்படி ஏன் காதல் வரவில்லை என்ற கேள்விக்கும் பதில் சொல்லிவிட முடியாது! அபாரமான வரிகள்
அங்கீகாரம் என்பது நம்கையில் இல்லை. திரை இசை மேதை 
M.S. விஸ்வநாதன் இசை அமைத்த பாலும் பழமும் படத்தை ஹிந்தியில் எடுத்தபோது நான் முன்னர் குறிப்பிட்ட நௌஷத் அலி தான் இசை அமைப்பாளர். அவர் ங.ந.ய.யினுடைய   இசையில் "நான் பேச நினைப் பதெல்லாம்' என்ற பாடலைக் கேட்ட பிறகு, "" இதை மாற்றி இதைவிடச் சிறப்பாக இசையமைப்பது என்பது இயலாத காரியம். ஆகவே அவர் நிழலியே அப்படியே நடந்து போவது என்று தீர்மானித்தேன்'' என்றார். ஆனால் இவ்வளவு புகழப்பட்ட ங.ந.ய -க்கு ஒரு பத்மஸ்ரீ கூட வழங்கப்படவில்லை என்பது அதிர்ச்சியான தகவல் இல்லையா?
(தொடரும்)

]]>
http://images.dinamani.com/uploads/user/imagelibrary/2018/7/31/w600X390/im6.jpg http://www.dinamani.com/weekly-supplements/ilaignarmani/2018/jul/31/நீ-நான்-நிஜம்--29-அங்கீகாரத்திற்கு-அவசரப்படாதே-2971500.html
2971506 வார இதழ்கள் இளைஞர்மணி தன்னிலை உயர்த்து! - 3: திண்ணிய எண்ணமே, குறிக்கோள்! DIN DIN Tuesday, July 31, 2018 10:00 AM +0530 ஒரு மன்னர் மிகவும் வருத்தத்தோடும் கவலையோடும் காணப்பட்டார்.  தனது மகன், மகுடம் சூட வேண்டிய வயதிலும் ஒரு வீரனைப் போல் இல்லாமல் உடல் மெலிந்து இருக்கிறாரே என்ற வருத்தம் மன்னரை வாட்டியது.  இளவரசனுக்கு நிறைய உணவு வகைகளையும் மருத்துவர்களின் ஆலோசனைப்படி லேகியங்களையும் கொடுத்தார். ஆனாலும், மெல்லிய தேகத்திலிருந்து இளவரசன் மாறவேயில்லை.  ஒரு நாள் முனிவர் ஒருவர் மன்னரைக் காண வந்தார்.  மன்னரின் முகக்குறிப்பை அறிந்து, ""உங்களுடைய மகன் விரைவில் இந்த நாட்டை ஆளுகின்ற வலிமை வாய்ந்த மன்னனாக உருப்பெறுவதற்கு ஏற்பாடு செய்கிறேன்''  என்றார்.  
மன்னருக்கு மட்டற்ற மகிழ்ச்சி. 
""ஒரு நல்ல சிற்பியை வரவழையுங்கள் மன்னா'' என்றார், முனிவர்.  சிற்பியும் வருகை தந்தார். அச்சிற்பியிடம் ஒரு திடகாத்திரமான வலிமை வாய்ந்த வீரனைப் போல், இளவரசனது சிற்பத்தை வடிக்கச் சொன்னார். ஒரு வாரத்தில் அச்சிற்பம் தயாரானது. மன்னரின் அவையில் முனிவர் அச்சிற்பத்தை இளவரசனிடம் கொடுத்தார்.  அவ்வாறு தருகின்றபோது, ""ஒரு நாளில் எத்தனை முறை இச்சிற்பத்தைப் பார்க்க முடியுமோ... அத்தனை முறை பார்'' என்று கூறி இளவரசனை அனுப்பினார்.  இளவரசன் மறுநாள் காலையில் எழுந்ததும், உண்ணும்போதும், அறையில் உலவும்போதும், உறங்கியபோதும் அவர் கண்ணிலே அச்சிற்பம் பட்டு மனதிலே பிம்பமாய்ப் பதிந்தது. இளவரசனின் கனவிலே சிற்பத்திலிருப்பதுபோல் ஒரு வீர இளைஞனாக வரவேண்டும் என்ற ஆசை தோன்றியது.
அடுத்த நாள் அதிகாலையிலேயே ஓட்டம், குதிரையேற்றம், நீச்சல் பயிற்சி, வில்வித்தை என பல கலைகளிலும் இளவரசன் தன்னை ஐக்கியமாக்கினார். ஒவ்வொரு நாளும் நல்ல உணவுகளோடு உடற்பயிற்சியும் உடலுக்கு உரமானது, பொலிவற்று இருந்த உடலும், மனமும் நல்ல ஆரோக்கியமான மாற்றத்தால் வலுவாய் உருப்பெற்றதை அவரால் உணர முடிந்தது.  மூன்றே மாதத்தில் அச்சிற்பத்தில் உள்ள இளவரசனைப் போல் கட்டழகு கைகள், கவின் மிகு தேகம் என திடகாத்திரமாகவே உருவாகியிருந்தார்.  
மூன்று மாதத்தில் மன்னரின் கண்முன்னே ஒரு புஜபலம் பொருந்திய ஒரு புதிய இளைய தளபதி அந்நாட்டிற்கு உருவாகியிருந்தார்.  இம்மாற்றத்திற்கு காரணம் தனது இலட்சியத்தை சிற்பமாய்ப் பார்த்ததால்தான் என்றார் இளவரசன். இலக்கு தெரியாதவரை இளவரசன் ஒரு சாதாரண இளைஞன். இலக்கு தெளிவாகிய பின் இளவரசன் ஒரு வீரத்தலைவன். ஆம்!  குறிக்கோள் தெளிவாகின்ற போது வாழ்க்கை தெளிவாகிறது .
சமயக்குரவர்கள் நால்வர்களில் ஒருவரான அப்பர் தனது வாழ்க்கை வரலாற்றினை படம் பிடித்துக் காட்டுவதுபோல "திருக்கொண்டிச்சரத்து' பாடலிலே எழுதியுள்ளார்.  அதில் தனது பால பருவத்தையும், காளைப் பருவத்தையும், முதுமைப் பருவத்தையும், அவர் குறிக்கோள் இல்லாமல் வாழ்ந்ததை, "பாலனாய் கழித்த நாளும், பனிமலர் கோதை மார்தம் மேலனாய் கழித்த நாளும், மெலிவொடு மூப்பு வந்து கோலனாய் கழித்த நாளும், குறிக்கோள் இலாது கெட்டேன்' என்கிறார்.   குறிக்கோளற்ற வாழ்வு, ஒரு குறையுள்ள வாழ்வு  என்பதறிந்த பின்னர் குறிக்கோளோடு ஆன்மிகத்திற்காக மாபெரும் தொண்டாற்றினார். அதன் பின் அப்பரது வாழ்வு ஒரு குன்றின் மேலிட்ட விளக்கானது. குறிக்கோளில்லாத வாழ்க்கை திசைகாட்டி இல்லாத கடல் பயணம்.  அங்கே பயணம் இருக்கும், ஆனால் பலனிருப்பதில்லை.
மனித வாழ்விற்கு அடிப்படை, குறிக்கோள்.  ஒவ்வொரு மாணவனும் படிக்கின்றபோதே தன்னை ஓர் ஆசிரியராக, மருத்துவராக, பொறியாளராக, வழக்குரைஞராக, ஐ.ஏ.எஸ், ஐ.பி.எஸ் அதிகாரியாக, விளையாட்டு வீரனாக, அறிஞராக, கலைஞராக, கவிஞராக, கட்டுரையாளராக என ஏதாவது ஒருவகையில் தன்னை பரிணமித்துப் பார்ப்பதுண்டு.  படிக்கின்ற மாணவர் ஒரு புழு என்றால், அழகிய வண்ணத்துப்பூச்சிதான் குறிக்கோளினை அடைந்ததன் அடையாளம்.  இக்குறிக்கோள்கள்தான் ஒரு தனிமனிதனின் வெற்றிக்கு அஸ்திவாரங்கள்.
இத்தகைய அஸ்திவாரங்களிலிருந்து "உள்ளுவதெல்லாம் உயர்வுள்ளல்' என்ற வள்ளுவரின் வரிகளுக்கேற்ப உயர்ந்து எழுவதுதான் உன்னதமான குறிக்கோள்கள்.  மருத்துவராகிய பின் மருத்துவத்தில் மகத்துவம் காண்பது உன்னதமான குறிக்கோள்.  அதேபோல் ஆசிரியராகிய பின் மாணவர்களை ஆச்சரியத்தில் ஆழ்த்துவது, பொறியாளராகிய பின் உலகையே வியக்க வைப்பது, கலைஞராகிய பின் காண்பவர்களின் கண்கள் விரிய வைப்பது. விளையாட்டு வீரனாகிய பின் உலகையே உற்சாகத்தில் ஆழ்த்துவது என குறிக்கோள்களை பட்டை தீட்டி உன்னதமாக்கினால் தனிமனிதக் குறிக்கோளும் நிறைவேறுவதோடு  இச்சமூகமும் அதனால் பயன்பெறும்.   அத்தகைய ""நல்ல குறிக்கோளை அடைவதற்காகத் தொடர்ந்து முயலும் மனிதனின் செயல்பாடே பிற்காலத்தில் அனைவரும் படிக்கும் வரலாறாக மாறுகிறது'' என்கிறார் காரல் மார்க்ஸ்.
""சுதந்திரம் எனது பிறப்புரிமை, அதனை அடைந்தே தீருவேன்'' என்ற பாலகங்காதர திலகரின் குறிக்கோள், "செய் அல்லது செத்துமடி' என மகாத்மா காந்தியின் இலட்சிய வரிகள்தாம்  நம் தேசத்திற்கு விடுதலை பெற்றுத் தந்தது.  திலகரும், காந்தியும் நம் தேசத்தின் வரலாறானார்கள். 
"தம்மின் தம்மக்கள் அறிவுடைமை' என்ற  திருவள்ளுவரின் வரிகளை தங்களின் குறிக்கோளாக்கி ஒவ்வொரு பெற்றோரும் தங்களை விட தங்கள் குழந்தைகளை உயரிய நிலையை அடைய படிக்க வைக்கின்றனர். 
அதே நேரத்தில், படிக்கின்றபோதே தனது படிப்பால் தனது குடும்பத்தின் தரத்தை இன்றிருப்பதை விட பன்மடங்கு உயர்த்துவேன் என்ற  மாணவனின் குறிக்கோள் மிகவும் உன்னதமானது.
குறிக்கோளினை மனிதன் தீர்மானிப்பது இயல்பு.  ஆனால், மனிதர்களைக் குறிக்கோள்தான் தீர்மானிக்கிறது என்பது தான் நிஜம்.  குறிக்கோளில்லாத மனிதர்களை வாழும்போதே மக்கள் மறந்துவிடுகிறார்கள்.  தனிமனித வெற்றியை இலக்காகக்  கொண்ட குறிக்கோள், அம்மனிதனோடு மறைந்துவிடுகிறது. தனது சமூகத்தினை உயர்த்திய  குறிக்கோள்கள் அச்சமூகம் உள்ளவரை நிலைபெறுகிறது.  இவ்வுலகம் உய்ய, உயர்ந்த குறிக்கோள்கள் கொண்டவர்கள்தான் இவ்வுலகே அழிந்தாலும் வாழ்ந்துகொண்டிருப்பர்.
"ஆருயிர்க்கெல்லாம் நான் அன்பு செய்திடல் வேண்டும்' என்ற ராமலிங்க சுவாமிகளின் இலட்சிய வார்த்தைகளும், "எல்லோரும் இன்புற்றிருக்க நினைப்பதுவே அல்லாமல் வேறொன்றும் அறியேன் பராபரமே!' என்ற தாயுமானவரின் குறிக்கோளும், "யாதும் ஊரே யாவரும் கேளிர்' என்று உலகிற்கு அறைகூவல் விட்ட கணியன் பூங்குன்றனாரின் சகோதரத்துவ சிந்தனையும், "சுதந்திரமான சுவர்க்க பூமியில் எனது நாடு விழித்தெழவேண்டும்' என்ற  ரவீந்திரநாத் தாகூரின் "கீதாஞ்சலி'யின் ஏக்கமான வரிகளும் இந்த மண்ணினை மகத்துவமாக்கிய  குறிக்கோளாளர்களின் வரிகள்.
குறிக்கோள்கள் பெரிதானால் நம் வாழ்க்கை பெரிதாகும். வாழ்க்கையில் மிகப்பெரிய இலட்சியம் வேண்டும் என்பதோடு நிறுத்தாமல் சிறு இலட்சியத்தை குற்றம் என்கிறார் நம் அப்துல் கலாம் அவர்கள்.
ஆல்பர்ட் ஐன்ஸ்டீனிடம் ஒருவர், ""நாம் ஏன் இப்புவியில் இருக்கிறோம்?'' என்று கேட்டார்.  அதற்கு அவர், ""இப்பிரபஞ்சம் ஒரு விபத்து என்றால், நாமெல்லாம் விபத்துக்கள்தான்.  ஆனால் இப்பிரபஞ்சத்தால் ஏதாவது ஓர் அர்த்தம் இருந்தால் நமக்குள்ளும் ஓர் அர்த்தம் இருக்கிறது'' என்றார்.  அர்த்தமுள்ள வாழ்க்கைதான், அழகான வாழ்க்கை, அறிவான வாழ்க்கை, அற்புதமான வாழ்க்கை, ஆச்சரியமான வாழ்க்கை.  அத்தகைய வாழ்க்கை குறிக்கோளில்லாமல் அமைவதில்லை.
ஒரு தீர்க்கமான உயர்ந்த குறிக்கோளினை மனதில் ஆழமாய்ப் பதித்ததால் வெற்றி நிச்சயம்;  வாழ்க்கையிலும் உயர்வு நிச்சயம்.  
எண்ணிய எண்ணியாங் கெய்துப எண்ணியார்
திண்ணியர் ஆகப் பெறின் 
என்ற திருவள்ளுவரின் வரிகள் ஒவ்வொரு இலட்சிய  மனிதனின் மனதினிலும் ஆழப்பதியட்டும்.
நம் மனதிலே எண்ணம் உருவாகிறது.  அது ஆழமாய் வேர்விட்டு ஆசையாய் முளைக்கிறது.  பின்னர் குறிக்கோளாய் - மண்ணிலே செயல்பாடாய் வெளிவருகிறது.  உண்மையில், நமது குறிக்கோள் நல்லதா? அதைத் தொடரலாமா? என்ற சந்தேகம்  எழும்போது நம் தேசத்தந்தை மகாத்மா காந்தி ஒரு மந்திரத் தாயத்தை தந்திருக்கிறார்.   
"நீங்கள் பார்த்ததிலேயே ஏழ்மைமிக்க, மிக மிக நலிவுற்ற முகத்தை ஞாபகப்படுத்திக் கொள்ளுங்கள்.  நீங்கள் செய்யவிருக்கும் காரியம், எடுக்கவிருக்கும் நடவடிக்கை, தீட்டவிருக்கும் திட்டம், அந்த பரம ஏழைக்கு எவ்விதத்திலாவது பயன்படுமா?  அவன் தன் அன்றாட வாழ்க்கையையும், வருங்கால வாழ்வையும் வளமாக்கி அவனது கட்டுப்பாட்டில் இருத்திக்கொள்ள வகை செய்யுமா? என்று உங்களையே கேட்டுக் கொள்ளுங்கள்' என்பது தான் அந்த மந்திர தாயத்து.
"எழுமின்! விழுமின்! கருதிய காரியம் (குறிக்கோள்) முடியும் வரை நில்லாது உழைமின்!' என்ற சுவாமி விவேகானந்தரின் உயரிய சிந்தனைகளுக்கு உயிர் தர இந்தியர் ஒவ்வொருவரின் மனதிலும் திண்ணிய எண்ணம் உதயமாகட்டும்.  
குறிக்கோளில்லாமல் வாழ்வது இறப்பு !
குறிக்கோளோடு வாழ்வதுவே சிறப்பு !!
(தொடரும்)

கட்டுரையாசிரியர்:  காவல்துறை  துணை ஆணையர், நுண்ணறிவுப் பிரிவு

]]>
http://images.dinamani.com/uploads/user/imagelibrary/2018/7/31/w600X390/im9.jpg http://www.dinamani.com/weekly-supplements/ilaignarmani/2018/jul/31/தன்னிலை-உயர்த்து---3-திண்ணிய-எண்ணமே-குறிக்கோள்-2971506.html
2971403 வார இதழ்கள் இளைஞர்மணி ஓட்டுநரில்லாமல் ஓடும் டிராக்டர்! - ந.ஜீவா Tuesday, July 31, 2018 08:27 AM +0530
யோகேஷ் நாகர், பி.எஸ்சி முதலாண்டு படிக்கும் மாணவர்.  ராஜஸ்தான் மாநிலம் பாரன் மாவட்டத்தில்  உள்ள  பமோரி கலான் கிராமத்தைச் சேர்ந்தவர்.  கணினி நிபுணரோ, பொறியியல்துறை வல்லுநரோ அல்ல. ஆனால் அவருடைய கண்டுபிடிப்பு,  நாட்டில் உள்ள கணினி நிபுணர்களை, பொறியியல்துறை வல்லுநர்களை வியப்புடன் பார்க்க வைத்திருக்கிறது.  அவர் கண்டுபிடித்திருப்பது  ஓட்டுநர் இல்லாமல் ஓடும் டிராக்டரை. இதற்காக நாட்டின் முன்னணி டிராக்டர் தயாரிப்பு நிறுவனமான மஹிந்திரா& மஹிந்திரா நிறுவனத்தின் நிர்வாக இயக்குநர் பவான் குமார் கோயங்கா அவரை நேரில் அழைத்துப் பாராட்டியிருக்கிறார். 
இந்த ரிமோட் கண்ட்ரோல் டிராக்டரை யோகேஷ் நாகர்  கண்டுபிடித்த கதையோ சுவையானது...
தனது கிராமத்தில் இருந்து  100 கி.மீ.தொலைவில் கோட்டா நகரில் உள்ள  அரசு கல்லூரியில் பி.எஸ்சி படித்துக் கொண்டிருக்கும் யோகேஷுக்கு ஊரிலிருந்து ஒரு தொலைபேசி அழைப்பு.    அவருடைய அப்பா  ராம்பாபு நாகர்   டிராக்டரை வைத்து உழுது கொண்டிருக்கும்போது வயிற்றில் கடுமையான வலி வந்து மருத்துவமனையில் அனுமதிக்கப்பட்டிருப்பதாகத்  தகவல் வந்ததும், கல்லூரியில் லீவு சொல்லிவிட்டு   வீட்டுக்கு வந்திருக்கிறார் யோகேஷ். இதனால் அன்றைக்கு எழுத வேண்டிய தேர்வை அவரால் எழுத முடியவில்லை. 
மருத்துவமனையிலிருந்து  வீட்டுக்கு வந்த பிறகும்,  சிலநாட்கள் யோகேஷின் தந்தையால் டிராக்டர் ஓட்ட முடியவில்லை.  அப்படியே ஓட்டினாலும் முதலில் மாதிரி நீண்ட நேரம் ஓட்ட முடியவில்லை.  
யோகேஷ் தானே வயலுக்குச் சென்று டிராக்டரை ஓட்டிப் பார்த்திருக்கிறார். அது ஒரு கடினமான வேலை என்பது   அப்போது  அவருக்குத் தெரிந்தது. அப்போதுதான் யோகேஷுக்குத் தோன்றியிருக்கிறது, டிரைவர் இல்லாமல் ஓடும் டிராக்டர் இருந்தால் எவ்வளவு நல்லது என்று. 
அடுத்த சிலநாட்கள் அதுபற்றிய யோசனையாகவே இருந்திருக்கிறார். 
கிராமத்தில் இருந்த நண்பர்களிடமும், தெரிந்தவர்களிடமும்  டிரைவர் இல்லாமல் ஓடும் டிராக்டரைப் பற்றி  யோகேஷ் சொல்லியிருக்கிறார். எல்லாரும் அவரை ஒரு பைத்தியக்காரனைப் போல பார்த்திருக்கிறார்கள். இதெல்லாம் நடக்கிற கதையா? என்ற  வெறுப்பூட்டும் கேள்வி  வேறு. 
""என்னைப் பொருத்தவரையில் என்னால் செய்ய முடியாதது எதுவுமில்லை. எனவே பிறருடைய  கேலி பேச்சுகளைப் பற்றிக் கவலைப்படாமல்,  டிரைவர் இல்லாத டிராக்டரை உருவாக்குவதைப் பற்றி திட்டமிடத் தொடங்கினேன். ஆனால் அதை முதலில் என் அப்பாவை  ஏற்றுக் கொள்ளச் செய்வதே எனக்குப் பெரும்பாடாகிப் போனது.  
2 ஆயிரம் ரூபாய் இருந்தால் டிரைவர் இல்லாத டிராக்டரைத் தயாரிக்க தேவைப்படும் சில எலக்ட்ரானிக் பொருட்களை வாங்கலாம் என்று அவரிடம் கேட்டபோது, முதலில் மறுத்தார்.  பிறகு அந்த ரூபாயைக் கொடுக்கும்போது கூட நம்பிக்கையில்லாமல்தான் கொடுத்தார்'' என்கிறார் யோகேஷ்.
ஆனால் ஒரு மாதத்திலேயே டிரைவர் இல்லாமல்  ரிமோட் கண்ட்ரோலில் முன்னும் பின்னும் செல்லும்படி  டிராக்டரை  இயக்கிக் காட்டியிருக்கிறார் யோகேஷ். அதன் பிறகு, யோகேஷின் தந்தைக்கு அவர் மீது நம்பிக்கை வந்துவிட்டது.  
""ரிமோட் கண்ட்ரோலில் முன்னும் பின்னும்  இயங்கும் டிராக்டரை  அவர் பார்த்ததும், இன்னும் இதைவிட எல்லா திசைகளிலும் செல்லும்படி டிராக்டரின் இயக்கத்தை நான் மாற்றி அமைப்பேன் என்ற நம்பிக்கை என் அப்பாவுக்கு வந்துவிட்டது'' என்கிறார் யோகேஷ். 
அதற்குப் பிறகு அவருடைய தந்தையிடம் ரூ.50 ஆயிரம் வாங்கியிருக்கிறார். அதை வைத்து நிறைய  எலக்ட்ரானிக் பொருட்களை வாங்கி வந்த யோகேஷ், உள்ளூரில் இருந்த டிராக்டர் மெக்கானிக் ஒருவரின் உதவியுடன் டிராக்டரில் சில மாறுதல்களைச் செய்திருக்கிறார். 
அதற்குப் பின்பு 1.5 கி.மீ. தொலைவில் இருந்து கூட ரிமோட் கண்ட்ரோல் மூலமாக டிராக்டரை விரும்பியபடியெல்லாம் இயக்கும்முறையை உருவாக்கியிருக்கிறார். 
அவரைப் பைத்தியம் என்று சொன்ன ஊர்க்காரர்கள் அவரின் டிரைவர் இல்லாத டிராக்டரைப் பார்த்ததும்,  பாராட்டு மழையில் அவரை நனைத்திருக்கிறார்கள். 
 ""என் மகன் இதைக் கண்டுபிடித்திருப்பதில் எனக்கு நிறைய மகிழ்ச்சி.  அவன் ஒரு என்ஜினியரோ,  விஞ்ஞானியோ அல்ல.  இருந்தாலும் அவன் இதை உருவாக்கியிருக்கிறான். யாருக்குப் பயன்படுகிறதோ இல்லையோ இந்த டிராக்டர் எனக்கு ரொம்பவும் பயன்படுகிறது.  தூரத்தில் நாற்காலியில் உட்கார்ந்து கொண்டே உழவு வேலைகளை நான் இப்போது செய்ய முடிகிறது'' என்று அவருடைய தந்தை ராம்பாபு  நாகர் பெருமைப்படுகிறார். 
இந்த டிரைவர் இல்லாத டிராக்டரை  வயல்வெளிகளில் ஓட்டிச் செல்ல அனுமதி அளித்துள்ள உள்ளூர் நிர்வாகம்,  எல்லாரும் பயன்படுத்தும் சாலைகளில் செல்ல அனுமதி அளிக்கவில்லை. 
அதற்குப் பிறகு யோகேஷ்  குஜராத்தில் உள்ள "நேஷனல் இன்வென்ஷன் ஃபவுண்டேஷன்' - இல் தனது கண்டுபிடிப்பைப் பதிவு செய்து இருக்கிறார். 
""இந்த டிரைவர் இல்லாத டிராக்டர் கண்டுபிடிப்பின் அடிப்படையில்,  இந்திய ராணுவத்துக்குப் பயன்படும் வகையில் ரிமோட் கண்ட்ரோல் மூலம் பாலைவனங்களிலும், மலைப்பகுதிகளிலும் செல்லும்  வாகனங்களை உருவாக்கலாம் என்று திட்டமிட்டிருக்கிறேன்''  என்கிறார் யோகேஷ் நாகர். 
டிரைவர் இல்லாத டிராக்டர்களைத் தயாரிக்கும் சொந்த நிறுவனத்தைத் தொடங்கி, விவசாயிகளுக்குக் குறைந்த விலையில் டிராக்டர்களைத் தயாரித்து தரும் திட்டமும் அவரிடம் உள்ளது.

]]>
http://images.dinamani.com/uploads/user/imagelibrary/2018/7/31/w600X390/im1.jpg http://www.dinamani.com/weekly-supplements/ilaignarmani/2018/jul/31/ஓட்டுநரில்லாமல்-ஓடும்-டிராக்டர்-2971403.html
2966860 வார இதழ்கள் இளைஞர்மணி மாணவர்களுக்குப் பயன்படும் அறிவியல் தளம்! DIN DIN Tuesday, July 24, 2018 11:48 AM +0530 அறிவியல் செய்திகளை மாணவர்களுக்கு எளிமையான முறையில் வழங்கக்கூடிய வகையில் ஓர் இணையதளம் செயல்பட்டு வருகிறது. 
Environment, Genes & Cells, Humans & Society,  Invention & Innovation, Life& Evolution,  Math & Technology, Physics & Chemistry, Space, Teachers, Doing  Research, Cool Jobs எனும் முதன்மைத் தலைப்புகள் இடம் பெற்றிருக்கின்றன. 
Body & Brain Gàm RûXl©u  Behavior,Body Functions, Brain,  Health, Nutrition, Toxicology எனும் துணைத்தலைப்புகளும், Earth & Environment எனும் தலைப்பின் கீழ் Agriculture, Earth Ecosystems, Environment, Oceans, Pollution,  Sustainability , Weather & Climate எனும் துணைத் தலைப்புகள் இடம் பெற்றிருக்கின்றன. 
இதுபோன்று, Genes & Cells, Humans & Society,  Invention & Innovation, Life & Evolution, Math & Technology, Physics & Chemistry, Space, Teachers, Doing Research, Cool Jobs ஆகிய முதன்மைத் தலைப்புகளுக்கும் பல்வேறு துணைத் தலைப்புகள் இடம் பெற்றிருக்கின்றன. 
இங்குள்ள ஒவ்வொரு துணைத்தலைப்புகளிலும் தலைப்புடன் தொடர்புடைய பல்வேறு அறிவியல் செய்திகள் கட்டுரையாகப் படங்களுடன்
விளக்கப்பட்டிருக்கின்றன. மேலும் இங்கு Power Words எனும் தலைப்பில் கட்டுரையில் இடம் பெற்ற சில முக்கியச் சொற்களும், அவற்றுக்கான விளக்கமும்
கொடுக்கப்பட்டிருக்கின்றன. கீழ்ப்பகுதியில் கட்டுரைக்கான மேற்கோள்கள் (Citation) போன்றவையும் கொடுக்கப்பட்டிருக்கின்றன. 
இவை தவிர, வலைப்பூக்கள் (Blogs), எனும் தலைப்பில் அறிவியல் செய்திகள் தொடர்பான சில வலைப்பூக்களுக்குச் செல்வதற்கான இணைப்புகளும், சேகரிப்புகள் (Collections) எனும் தலைப்பின் கீழ் சில முக்கியமான அறிவியல் செய்திகளும், அவற்றுடன் தொடர்புடைய நிகழ்படங்களும் (Videos)
கொடுக்கப்பட்டிருக்கின்றன. 
பள்ளி மற்றும் கல்லூரிகளில் அறிவியல் பாடங்களை முதன்மைப் பாடங்களாக எடுத்துப் படித்து வரும் மாணவர்களுக்கும், அறிவியல் பாட ஆசிரியர்களுக்கும் பயனளிக்கக் கூடியதாக அமைந்திருக்கும் இந்த இணையதளத்திற்குச் செல்ல விரும்புபவர்கள் https://www.sciencenewsforstudents.org/ எனும் இணைய முகவரியினைப் பயன்படுத்துங்கள்.
- தேனி மு. சுப்பிரமணி

]]>
http://images.dinamani.com/uploads/user/imagelibrary/2018/7/24/w600X390/SCIENCE.JPG http://www.dinamani.com/weekly-supplements/ilaignarmani/2018/jul/24/மாணவர்களுக்குப்-பயன்படும்-அறிவியல்-தளம்-2966860.html
2966858 வார இதழ்கள் இளைஞர்மணி யோசி, கவனி, பேசு! DIN DIN Tuesday, July 24, 2018 11:42 AM +0530 எண்ண பரிமாற்றம் என்ற நிகழ்வு மூலம்தான், உலகம் இயங்கி கொண்டிருக்கிறது எனலாம். ஒருவருடைய எண்ணங்களின் வெளிப்பாடுகள்தான், தகவல் என்று அறியப்படுகிறது. உள்ளத்தில் எழும் எண்ணங்கள் அனைத்தையும் தகவலாக பரிமாறுவதைவிட, அவற்றை வடிகட்டி, மற்றவர்களிடம் பகிர்ந்து கொள்ள தகுதியான எண்ணங்களை மட்டும் பரிமாறிக் கொள்வதுதான் விவேகமாகும். 
குடும்பம், அலுவலகம் மற்றும் வியாபார நிறுவனங்களில் ஒருவருக்கொருவர் இடையேயான தகவல் பரிமாற்றத்தின் தரத்தில்தான்,அவற்றின் முன்னேற்றம் அடங்கியிருக்கிறது. தகவல் பரிமாற்றத்தில் ஏற்படும் தவறான புரிதல்கள் விபரீத விளைவுகளை ஏற்படுத்தக் கூடிய வல்லமை படைத்தது. 
ஒருவருடைய எண்ண பரிமாற்றம், மெளன மொழி, வாய்வழி பேச்சு, எழுத்து, உடல் அங்க அசைவுகள் (Body language) ஆகியவற்றின் வாயிலாக மற்றவர்களுக்கு தெரியப்படுத்தப்படலாம். அத்தகைய பரிமாற்றம், இரு தனிப் பட்ட நபர்களுக்கு இடையே இருக்கலாம். இலக்கில் அமைந்த தனிப்பட்ட குழுவினரை (Target group) நோக்கியதாக இருக்கலாம். அல்லது, அந்த தகவல் பொது வெளியில், அனைவருக்கும் உரியதாக இருக்கலாம். 
ஒரு மணி நேரத்திற்கு மேலாக பேசிய ஒருவரிடம் "நீங்க சொன்னதை கொஞ்சம் தெளிவா, புரியும்படியா சொல்லுங்களேன்' என்று அந்த பேச்சை கேட்டுக்கொண்டிருந்தவர் கோரிக்கை வைத்தால், அந்த ஒரு மணி நேரம் இரு தரப்பினருக்கும் வீணாக விரயமான நேரமாகும். 
குடும்பச் சூழ்நிலையில், எண்ணப் பகிர்வுகள் பெரும்பாலும் வாய் மொழி வழியாகவே நிகழ்கின்றன எனலாம். குடும்ப உறுப்பினர்களுள் ஒருவர் சொல்ல நினைப்பதை மற்றவருக்கு புரியும்படியாக தெளிவாக சொல்ல வில்லையென்றால், அந்த பகிர்வு, கருத்து வேற்றுமைக்கு வித்திட்டு விடும். 
"வீட்டு வேலைகளில் இன்று நான் உனக்கு உதவியாக இருக்கிறேன்'..என்று மனைவியிடம் சொல்ல நினைத்த கணவன், "உனக்கு உதவியாக இருந்து தொலைக்கிறேன்'..என்று வார்த்தைகளை உதிர்த்துவிட்டால், அந்த உதிர்வுகள், குடும்பத்தில் அதிர்வுகளை ஏற்படுத்தும் என்பதில் எந்தவித ஐயமும் இல்லை.
கடினமான பேச்சுகளால், எளிதாக சாதிக்க கூடியவற்றைக் கூட சிலர் கை நழுவ விட்டு விடுவார்கள். அதற்கு மாறாக, கனிவான பேச்சுகளால் காய்களை நகர்த்தி, கடினமான வாய்ப்புகளையும் தங்கள் வசப்படுத்தும் திறமை படைத்தவர்கள்தான் புத்திசாலிகளாக கருதப்படுவார்கள். 
ஒரு வியாபார நிறுவனத்தின் வெற்றி, அந்த நிறுவனத்தின் தகவல் பரிமாற்ற முறைகளில்தான் (Communication
techniques) அடங்கி இருக்கிறது என்று உறுதியாகச் சொல்லலாம். நிறுவனத்தின் வியாபார கொள்கைகள், ஊழியர்கள் அனைவருக்கும் எளிதில் புரியும் படியாக, தெள்ளத் தெளிவாக பகிரப்படவேண்டும். உற்பத்தி பொருளைப் பற்றிய தெளிவான தகவல்கள், அனைத்து தரப்பு நுகர்வோர்களையும் சென்றடைய செய்ய வேண்டும். இந்த தகவல் பகிர்வுகளில் ஏற்படும் சிறு குழப்பங்கள் கூட, அந்த நிறுவனத்தின் வியாபாரத்தை பெருமளவில் பாதித்து விடும் அபாயம் இருக்கிறது. 
ஒருவரின் கருத்து பரிமாற்றம், குழப்பம் தவிர்த்து பயனுள்ளதாக இருக்க வேண்டுமானால், அதற்கான அடித்தளம் அவருடைய தெளிவான சிந்தனையாகும். தெளிவான சிந்தனை இல்லாதவர், தன்னையும் குழப்பிக்கொண்டு, மற்றவர்களையும் குழப்பி, அனைவரது நேரத்தையும் வீணடிப்பார். 
கருத்து பகிர்வின்போது வெளிப்படும் ஒருவருடைய அங்க அசைவுகள் (Body language), பகிரும் கருத்துக்கும், அவருடைய எண்ணங்களுக்கும் இடையே நிலவும் இடைவெளியை காட்டிக் கொடுத்துவிடும். 
"அலுவலகத்துக்கு பணியாளர்கள் குறித்த நேரத்திற்குள் வர வேண்டும்' என்ற எச்சரிக்கை அறிவிப்பு பகிர்வை, அதற்குரிய கறாருடன் சொன்னால்தான், அந்த பகிர்வின் முக்கியத்துவம் சம்பந்தப்பட்டவர்களைச் சென்றடையும். அதை சிரித்துக் கொண்டே சொன்னால், அதன் முக்கியத்துவம் சிதைந்துவிடும். 
விவாதங்களின் போது, மற்றவர் பேசும்போது எந்த குறுக்கீடுகளும் இல்லாமல், கூர்ந்து கவனிப்பது அவசியம். பிறர் பேசுவதன் முழுக் கருத்துகளையும் உள்வாங்கிக் கொண்டு பதிலுரைத்தால், நம் பதில், அனைத்து விஷயங்களையும் உள்ளடக்கி, வலுவானதாக இருக்கும். 
அலுவலகங்களில், நமக்கு கீழ் பணிபுரியும் பணியாளர்களின் கருத்துகளை பொறுமையாக கேட்டறிவதால், கவனத்துக்கு வராமல் ஒளிந்திருக்கும் பல பிரச்னைகள் வெளிச்சத்துக்கு வந்து, அவற்றுக்கான தீர்வுக்கு வழி வகுக்கும். அதுவே, பணியாளர்களின் திறமை மேம்பாட்டிற்கும் வழி வகுக்கும். 
நேரில் அல்லது தொலைபேசியில் நிகழும் தகவல் பரிமாற்றத்தின்போது, தேவைக்கு அதிகமான வார்த்தைகளை சிலர் பயன்படுத்துவார்கள். மற்றும் சிலர், தெளிவான வார்த்தைகளின்றி, வெகு வேகமாகப் பேசுவார்கள். இன்னும் சிலர், வார்த்தைகளை மென்று விழுங்கி, வெகு நிதானமாக பேசுவார்கள். இந்த அனைத்து முறைகளிலும் தகவலின் சாராம்சம் மற்றவர்களால் புரிந்து கொள்ளப்படாமல் போகலாம். அதனால், தெரிவிக்க நினைத்த தகவலுக்கான பலன் கிடைக்காமல் போக வாய்ப்புகள் உள்ளன. 
எழுத்து மூலம் நிகழும் தகவல் பரிமாற்றங்கள் தெள்ளத் தெளிவாக அமைய வேண்டியது அவசியம். படிப்பவர், அதன் உள்ளடக்கத்தை தவறாகப் புரிந்து கொள்வதற்கான வாய்ப்பை தவிர்க்க வேண்டும். 
பல கட்டங்கள் மூலம், தகவல் பகிர்வு நிகழும்போது (Communication using different layers), அந்த தகவலின் சாராம்சம் சிதற வாய்ப்புண்டு. பல கள ஆய்வுகளின் மூலம், இது நிரூபணமாகி உள்ளது. ஆகையால், மற்றொருவருக்கு தெரிவிக்கப்படவேண்டிய ஒரு முக்கிய தகவலை இடைப்பட்ட சிலரின் மூலம் தெரிவிப்பதை விட, அவர்களையே நேரடியாக தொடர்பு கொண்டு தெரிவிப்பதனால், பல குழப்பங்களை தவிர்க்கலாம். 
- எஸ்.ராமன்


 

]]>
http://images.dinamani.com/uploads/user/imagelibrary/2018/7/24/w600X390/im9.jpg http://www.dinamani.com/weekly-supplements/ilaignarmani/2018/jul/24/யோசி-கவனி-பேசு-2966858.html
2966857 வார இதழ்கள் இளைஞர்மணி கிராமத்துக்குச் சென்ற மாணவர்கள்! DIN DIN Tuesday, July 24, 2018 11:38 AM +0530 திருவள்ளூர் மாவட்டம் பேரம்பாக்கம் கிராமம். இங்குள்ள ஆண்கள் மேல்நிலைப் பள்ளி இந்த மாதம் இரண்டாவது வாரத்தில் தெரு நாடகம், நாட்டுப்புற பாடல் நிகழ்ச்சி, வில்லுப்பாட்டு நிகழ்ச்சி, எழுத்துத் தேர்வு, வினா} விடை நிகழ்ச்சி என அமர்க்களப்பட்டுக் கிடந்தது. உடல்நலம், சுற்றுச்சூழல் பாதுகாப்பு, பெண் கல்வி, பாலியல் வன்முறை ஆகியவற்றைப் பற்றி விழிப்புணர்வு நிகழ்ச்சிகள் நடந்தன. இங்குள்ள பெண்கள் மேல்நிலைப் பள்ளி மாணவிகளும் இந்த நிகழ்ச்சிகளில் கரைந்திருந்தனர். இந்த பள்ளிகளுக்குத் தேவையான புத்தகங்கள், அட்லஸ், விளையாடுவதற்குத் தேவையான பொருட்கள் அன்பளிப்பாக வழங்கப்பட்டன. இந்த நிகழ்ச்சிகளை நடத்தியதோடு மட்டுமல்லாமல், இந்த பேரம்பாக்கத்துக்கு அருகில் உள்ள சின்னமண்டலி என்ற கிராமத்தில் உள்ள பெண்களுக்கு சுயதொழில் தொடங்கி நடத்த ஆலோசனைகள் சொல்லப்பட்டன. சோப்பு பவுடர், ஊதுபத்தி ஆகியவற்றைச் செய்வதற்கான செயல்முறைப் பயிற்சிகளும் கொடுக்கப்பட்டன.
 இவற்றையெல்லாம் செய்தவர்கள், சென்னை அரும்பாக்கத்தில் உள்ள டி.ஜி.வைஷ்ணவா கல்லூரியின் மனிதவள மேம்பாட்டு துறையைச் சேர்ந்த மாணவ, மாணவிகள்.
 சென்னையிலிருந்து 45 கி.மீ. தொலைவில் உள்ள இந்த கிராமங்களுக்குச் சென்று மூன்று நாட்கள் தங்கியிருந்து இந்த நிகழ்ச்சிகளை மாணவர்கள் ஏன் நடத்தினார்கள்?
 என்ற கேள்வியோடு அந்தக் கல்லூரியின் மனிதவள மேலாண்மைத்துறையின் உதவிப் பேராசிரியை ச.திலகாவைச் சந்தித்துப் பேசினோம்...
 "எங்கள் கல்லூரியில் மனிதவள மேலாண்மைத்துறையில் பயிலும் 26 மாணவிகள், 13 மாணவர்களை அழைத்துக் கொண்டு பேரம்பாக்கம் கிராமத்தில் முகாமிட்டோம்.
 எங்கள் கல்லூரியில் மனிதவள மேலாண்மைத்துறையில் பயிலும் மாணவர்கள் படிப்பு முடித்ததும் பல்வேறு நிறுவனங்களில் மனிதவளப் பிரிவில் பணிக்குச் செல்ல இருக்கிறவர்கள். ஒரு நிறுவனத்தில் வேலைக்குச் சேர விரும்புகிறவர்களின் திறன் அறிந்து அவர்களை வேலைக்குத் தேர்ந்தெடுப்பதும் இவர்களே. அதேபோன்று ஏற்கெனவே வேலை செய்து கொண்டிருப்பவர்களின் பதவி உயர்வு, சம்பள உயர்வு, இடமாறுதல், ஊக்கத்தொகை, தேவையான பயிற்சிகள் தருதல் என ஒரு நிறுவனத்தின் பணியாளர்கள் தொடர்பான எல்லா நிர்வாகங்களையும் செய்யப் போகிறவர்கள் இவர்களே. இவர்களுடைய வேலை மனிதர்களோடு தொடர்புடையது என்பதால், மனிதர்களைப் பற்றி அதிகம் தெரிந்து கொள்ள வேண்டிய தேவை இவர்களுக்குள்ளது.
 பல்வேறு வாழ்க்கைச் சூழல்களில் இருந்து மனிதர்கள் ஒரு நிறுவனத்துக்கு வேலைக்கு வருகிறார்கள். அதிலும் கிராமங்களில் இருந்து, தொலைதூர இடங்களில் இருந்தெல்லாம் நகரங்களை நோக்கி வேலைக்கு வருகிறார்கள். அவர்களிடம் எல்லாம் பழக வேண்டிய தேவை இந்தத் துறையில் பயிலும் மாணவர்களுக்கு எதிர்காலத்தில் உள்ளது.
 உதாரணமாக வேலை தேடி நகரத்துக்கு வந்த கிராமத்து இளைஞன் ஒருவன் கல்வியிலும், திறமையிலும் பிறரை விட மேலானவனாக இருக்கலாம். ஆனால் அவன் உடுத்தியிருக்கும் உடையோ, பேசும் ஆங்கிலமோ சரியாக இல்லாமல் இருக்கலாம். அவன் உடுத்தியிருக்கும் உடைக்காக, பேசும் அரைகுறை ஆங்கிலத்துக்காக அவனை வேலைக்குத் தேர்ந்தெடுக்காவிட்டால், ஒரு திறமைசாலி வீணடிக்கப்படுவான்.
 ஒரு நிறுவனத்தில் வேலை செய்யும் ஒருவர் பிறரை மரியாதையில்லாமல் பேசுபவராக இருக்கலாம். தேவையில்லாமல் பிரச்னைகளை ஏற்படுத்துபவராக இருக்கலாம். அந்த நபரை அவரின் செயல்களை வைத்து மட்டும் மதிப்பிட்டு அவர் மீது நடவடிக்கை எடுப்பது சரியாக இருக்காது. அவரின் செயல்களுக்கான காரணங்களை மனிதவளப் பிரிவைச் சேர்ந்தவர்கள் பரிசீலனை செய்ய வேண்டும். அப்படி பரிசீலனை செய்வதற்கு மனிதர்களைப் பற்றிய புரிதல் அவசியம். அந்தப் புரிதலை ஏற்படுத்துவதற்காகவே நாங்கள் எங்கள் மாணவர்களை பேரம்பாக்கம் கிராமத்துக்கு அழைத்துச் சென்றோம்.
 அந்த கிராமத்துப் பள்ளி மாணவ, மாணவியர்களை நேரடியாகச் சந்தித்து அவர்களுடன் பழகி, அவர்களுடைய திறமைகளை, விருப்பங்களைத் தெரிந்து கொண்டும், அவர்களுடைய வாழ்க்கைச் சூழல்களைப் புரிந்து கொண்டும் திரும்பி வந்திருக்கின்றனர் எங்கள் மாணவ, மாணவியர்கள். அதற்காக அவர்கள் பல்வேறு நிகழ்ச்சிகளை அங்கே நடத்தினார்கள். அதேபோன்று சின்னமண்டலி கிராமத்துக்குச் சென்று அங்கிருந்த மக்களின் வாழ்க்கை முறையைத் தெரிந்து கொண்டிருக்கிறார்கள்.
 கிராமத்திலுள்ள மாணவ, மாணவியர்கள் விவசாயம் சார்ந்த படிப்புகளைக் கற்க ஆர்வமாக இருக்கிறார்கள். விவசாயப் படிப்புடன் வங்கித் தேர்வுகள் எழுதி வங்கிப் பணிக்குச் செல்லவும் விரும்புகிறார்கள். விளையாட்டிலும் பல மாணவர்களுக்கு ஆர்வம் உள்ளது. கிரிமினாலஜி படிப்பு பற்றி ஒரு மாணவர் கேள்வி கேட்டார். ஐஐடி பற்றியும் தெரிந்து கொள்ள ஆர்வமாக இருக்கிறார்கள். காவல்துறையில், ரயில்வேதுறையில் வேலை செய்யவும் அவர்கள் விரும்புகிறார்கள்.
 போக்குவரத்து வசதி இல்லாத கிராமங்களில் வாழும் பெண்கள் கிராமத்தில் இருந்து கொண்டே ஏதேனும் தொழில் செய்ய விரும்புகிறார்கள்.
 நாங்கள் அங்குள்ள மாணவர்களுக்கு பல்வேறு படிப்புகளைப் பற்றிய தகவல்களைச் சொன்னோம். வேலை வாய்ப்புகளைப் பற்றிச் சொன்னோம். பெண்களுக்கு உடல் ஆரோக்கியத்தைப் பற்றிய} புற்றுநோய் தொடர்பான} விழிப்புணர்வை ஏற்படுத்தினோம். இவையெல்லாம் எங்கள் கல்லூரி மாணவர்கள் கிராமத்து மக்களைப் புரிந்து கொள்ள உதவுபவையாக இருந்தன.
 மாணவர்களை கிராமத்துக்கு அழைத்துச் செல்ல எங்கள் கல்லூரியின் செயலர் அசோக் குமார் முந்த்ரா, துறைத்தலைவர் வி.சாய் குமார் ஆகியோர் உதவினார்கள். நானும், எங்கள்துறையின் உதவிப் பேராசிரியர் ஏ.புஷ்பநாதனும் மாணவர்களுடன் கிராமத்துக்குச் சென்று, நிகழ்ச்சிகளை நடத்த அவர்களுக்கு உதவினோம்'' என்றார்.
 - ந.ஜீவா
 
 

]]>
http://images.dinamani.com/uploads/user/imagelibrary/2018/7/24/w600X390/im8.JPG http://www.dinamani.com/weekly-supplements/ilaignarmani/2018/jul/24/கிராமத்துக்குச்-சென்ற-மாணவர்கள்-2966857.html
2966854 வார இதழ்கள் இளைஞர்மணி மனதிற்கு கடிவாளமிடுவோம்! - ஆர்.திருநாவுக்கரசு ஐ.பி.எஸ். DIN DIN Tuesday, July 24, 2018 11:33 AM +0530 தன்னிலை உயர்த்து!
முனிவருக்கு அன்று கண் திறந்த உடனே ஓர் ஆச்சரியம் காத்திருந்தது. எப்போதுமே வேகமாய் இங்கும் அங்கும் சுற்றிக்கொண்டிருக்கும் ஒரு சுண்டெலி அமைதியாய் அந்த முனிவரின் முன் நின்றது. முனிவர் ஆச்சரியத்துடன் என்னவென்று கேட்க, ""முனிவரே! நான் இந்தக் காட்டிலே வாழ்கின்றேன். நான் இங்கே சுதந்திரமாகவும், மகிழ்ச்சியாகவும் இருக்க முடியவில்லை. காரணம் காட்டுப் பூனை தான். அதைப் பார்த்தாலே ஒரே பயம். என் மனதில் அப்பூனையை நினைத்தாலே பயந்துவிடுகிறேன்'' என்றது. 
"இது இயற்கையின் நியதிதானே? இதற்காக நாம் என்ன செய்ய முடியும்?'' என்றார். ""முனிவரே ! உங்கள் தவத்தின் பயனால் என்னை எப்படியாவது அந்த காட்டுப் பூனையாக மாற்றிவிடுங்கள், நான் மகிழ்ச்சியாகவும், சுதந்திரமாகவும் வாழ்ந்து கொள்கிறேன்'' என்றது. முனிவரும், "அப்படியே ஆகுக'' என்றார். எலி, பூனையானது. பூனையின் மனதிலே மாபெரும் மகிழ்ச்சி. முனிவர் தியானத்தில் ஆழ்ந்தார்.
இரண்டு நாட்கள் கடந்தது. மீண்டும் முனிவர் கண் திறக்க, கண்முன்னே பூனை ஆவலாய் நின்றிருந்தது. "எப்படி இருக்கிறாய்?'' என்ற முனிவரின் கேள்விக்கு சோகமான முகத்துடன், ""முனிவரே! எப்படியாவது என்னை ஒரு காட்டு நாயாக மாற்றிவிடுங்கள். இந்தக் காட்டிலே பூனையாக பிறந்தால் ஒரு நாள் வாழ்வதே மிகவும் கஷ்டம். எலியாயிருந்தால் கூட ஓடி வளையில் ஒளிந்து கொள்ளலாம். பூனைக்கு ஒரு வளைகூட இல்லை'' என்றது. "அதுவும் இயற்கையின் நியதிதானே'' என்றார். இருப்பினும், பூனையின் கெஞ்சலுக்காக முனிவரும் "அப்படியே ஆகுக'' என்றார். காட்டு நாயாக உருவெடுத்தது காட்டுப் பூனை. தனது மகிழ்ச்சியையும், நன்றியையும் வாலினால் ஆட்டி முனிவருக்கு நன்றி கூறிக் கிளம்பியது. முனிவரும் மீண்டும் தியானத்தில் ஆழ்ந்தார். ஐந்து நாள் கழித்து முனிவர் கண் திறக்க, அவரது கண் முன்னே வாலாட்டாமல் அதே நாய் அமர்ந்திருந்தது. "எப்படி இருக்கிறது உனது வாழ்க்கை?'' என்ற முனிவரின் கேள்விக்கு, ""முனிவரே, நான் நாயாக வாழ்கின்றபோது, இக்காட்டில் இருக்கின்ற சிறுத்தை, புலி போன்ற பெரிய மிருகங்களைக் கண்டு பயந்து ஒட வேண்டியுள்ளது. அதனால், எனக்கு கடைசி வாய்ப்பாக, என்னை புலியாக மாற்றிவிடுங்கள், நான் மகிழ்ச்சியாகவும், சுதந்திரமாகவும் வாழ்ந்து விடுகிறேன்'' என்றது. முனிவரின் தவப்பயனால் முன்னாள் எலி இப்போது புலியானாது. முனிவர் முன் தனது கர்வமான உறுமலை உறுமிவிட்டு, புலி காட்டுக்குள்ளே சென்றது. ஒரு வாரம் கடந்தது. முனிவர் கண் திறக்க அவரை அமைதியாய் பார்த்துக்கொண்டே படுத்திருந்தது புலி. ""காட்டு ராஜாவே, நலமா?'' என்றார். ""முனிவரே! அதை ஏன் கேட்கிறீர்கள்? புலி என்றால் காட்டிலே ராஜமரியாதை என நினைத்தேன். ஆனால் இந்த காட்டிலே உலவுகின்ற வேடர்கள் என்னையே வேட்டையாட வருகிறார்கள். அவர்களை நினைத்தாலே பயமாக இருக்கிறது. புலியாக வாழ்வதே பயவாழ்வு தான். எனவே முனிவரே! நான் இனிமேல் எந்த வாய்ப்பும் கேட்க மாட்டேன். தயவு செய்து என்னை இந்தக் காட்டிலே வேடனாக மாற்றிவிடுங்கள்'' என்றது. "அது முடியாது'' என்றார் முனிவர். "ஏன்! சுவாமி?'' என்றது புலி. 
""நான் எந்த உயிராக உன்னை மாற்றினாலும் ஒரு பயனும் இல்லை. ஏனென்றால் எல்லா உருவத்திற்குள்ளும், எதைப் பார்த்தாலும் பயப்படுகின்ற எலியின் மனதுதான் உன்னிடம் உள்ளது. ஆகவே தான் இந்தக் காட்டிலே உள்ள எத்தனையோ மிருகங்களின் வடிவெடுத்தாலும், உனது பயம் மட்டும் உன்னிடமிருந்து போகவில்லை. ஆகவே, உனது மனதிற்குச் சரியான வாழ்க்கை எலி வாழ்க்கை தான். எனவே மீண்டும் எலியாகவே ஆகுக'' என்று முனிவர் சாபமிட்டார். இப்படித்தான் இவ்வுலகில் எல்லாருடைய வாழ்க்கையிலும், அவர்களுக்கு எத்தகைய சூழ்நிலை வாய்த்தாலும், அவர்களது உள்ளத்தைப் போன்றுதான் அவர்களது வாழ்க்கை அமைகிறது. "உள்ளத்தனையது உயர்வு' என்ற திருவள்ளுவரின் வரிகள் ஒவ்வொருவரின் மேசையிலும் இருக்க வேண்டிய வரிகள். 
உயிரோடிருக்கும் உடலின் ஒவ்வொரு செயலுக்கும் மனதுதான் காரணம். நமது ஐம்பொறிகளையும் இயக்குகின்ற சக்தி நம் கண்ணிலே புலப்படாமல் இருக்கின்ற மனது ஒன்றே. அதிகாலையில் அலாரம் அடிப்பதற்கு முன்னதாகவே எழுந்திருப்பதானாலும், இல்லையென்றால் அந்த அலாரம் அடிக்கின்றபோது, அதன் தலையில் தட்டி நிறுத்தி விடுவதும் நமது மனதுதான். அதே போல் இரவு தூக்கத்தில் எந்த சலனமும் இன்றி ஒரு குழந்தையை போல் தூங்க வைப்பதும், எல்லாம் இருந்தும், எந்த நிம்மதியுமின்றி, நித்திரையுமின்றி மெத்தையில் இருக்க வைப்பதும் மனதுதான். எனவே, உடலை விட இந்த உடலினை இயக்குகின்ற மனதினைக் கட்டுப்படுத்தினால் வாழ்கையை வழிமுறைப்படுத்த முடியும். மனதிற்கு மட்டும் கடிவாளம் கட்டத் தெரிந்துவிட்டால் ஒவ்வொரு புலனும், மனிதனுக்கு பேரானந்தத்தை ஏற்படுத்தித் தரும். இன்று, நாம் பயன்படுத்துகின்ற ஒவ்வொரு மின்சார சாதனமும் ஓர் உடல். அதில் ஒடுகின்ற மின்சாரம் தான் நம் மனம். நாம் மனதிற்குத் தருகின்ற சக்தியின் அளவுக்கேற்ப அவ்வுடல் இயங்கும். 
"மனித சக்தி என்பது மனிதனின் மனோ சக்தி. இளைஞனே... நீ காற்று! இளைஞனே... நீ ஆகாயம்! இளைஞனே... நீ பெருங்கடல்! உன்னிடம் எல்லையில்லா சக்தி நிறைந்திருக்கிறது. உன்னால் எதையும் சாதிக்க முடியும். விதியென நினைத்து வாழ்வை மூழ்கடித்து விடாதே! உனது மதியால், மனதால் எதையும் சாதிக்க முடியும்'' என ஒவ்வொரு மனதையும் தட்டி எழுப்புபவர் சுவாமி விவேகானந்தர். நமது உடல், ஓர் உருவம் மட்டுமே. நமது செயல்பாடுகள் அனைத்தும் மனதால் இயக்கப்படுகிறது. உடல் வலிமை பெரிதா? மனவலிமை பெரிதா? என்ற கேள்விக்கு பைபிளிலே சொல்லப்படுகின்ற கதையில் வரும் உருவில் சிறுவனான தாவீது, தன்னை விட நூறு மடங்கு வீரரான கோலியாத்தை தனது மனவலிமையால் மட்டுமே வென்றார். திருவள்ளுவர் தனது அனுபவத்தில் "யானை வெரூஉம் புலிதாக்குறின்' என்ற வரிகளின் மூலம், உருவத்திலே சிறிதாக இருக்கின்ற புலி, தனது மனவலிமையால், தன்னைவிட பலமடங்கு பெரிதான யானையை வெல்லும் என்கிறார்.
யார் ஒருவர் தனது சிந்தனையை/எண்ணத்தை மாற்றுகிறாரோ, அவரது வாழ்க்கை நிச்சயம் மாறும் என்பது தான் 21ஆம் நூற்றாண்டின் மாபெரும் உண்மை.
உங்கள் சிந்தனையைக் கவனியுங்கள், அது வார்த்தைகளாக மாறும்; 
உங்கள் வார்த்தைகளைக் கவனியுங்கள், அது செயலாக மாறும்;
உங்கள் செயல்களைக் கவனியுங்கள், அது பழக்கமாக மாறும்;
உங்கள் பழக்கங்களைக் கவனியுங்கள், அது பண்பாக மாறும்;
உங்கள் பண்புகளைக் கவனியுங்கள், அதுவே உங்கள் வாழ்க்கையாகும், 
என்ற வரிகளுக்கேற்ப உண்மையில், மனதில் ஏற்படுகின்ற எண்ணங்கள்தான், நாம் யாராக உருவாகப் போகிறோம் என்பதைத் தீர்மானிக்கும். 
ஆருயிர்க்கெல்லாம் இரக்கப்படுகின்ற மனதுதான் அன்றைய வள்ளலாரையும், இன்றைய தெரெசாவையும் நம் உலகிற்கு தந்து அழகு படுத்தியது. எதையும் பொறுமையோடும், அன்போடும், அகிம்சையோடும் கையாளவேண்டும் என்ற மனதுதான், போரில்லாத ஒரு சுதந்திரப் போரை உலகிற்கு அறிமுகப்படுத்தி, ஒரு மகாத்மாவை இந்தியா உலகிற்கு அர்ப்பணித்தது. இறைவனை அன்பால் காணலாம் என்ற மாணிக்கவாசகரின் மனதுதான் திருவாசகமாய் இன்றும் ஒலிக்கிறது. வெற்றியையும், வீரத்தையும் நிலைநாட்ட போர் என்று முழங்கிய பண்டைக் காலத்தில், மனிதர்களை வெல்வதைக் காட்டிலும், மனங்களை வெல்வதுதான் சிறந்தது என்று கலிங்கத்துப் போரின்போது மனதில் உதித்ததால், அசோகர் இந்தியாவின் மகா பேரரசரானார். மரங்களை நட்டார். குளங்களை வெட்டினார். ஆன்மிகம் தழைக்கச் செய்தார். மனதால் இந்த உலகத்தை எப்படிப் பார்க்கிறோமோ, அப்படிதான் இவ்வுலகமும் தெரியும்.
தருமரும், துரியோதனும் இந்த உலகில் உள்ள மனிதர்களைக் கண்டு வந்தபோது, தருமரின் கண்ணில் ஒரு கெட்டவனும் தெரியவில்லை. துரியோதனின் கண்ணில் ஒரு நல்லவரும் தெரியவில்லை. கண்ட உலகம் ஒன்றுதான். கண்டவர்களும் மனிதர்கள்தான். கண்டதும் கண்கள்தான். ஆனால் வேறு வேறாகத் தெரிந்ததற்குக் காரணம், மனது மட்டும் தானே. 
ஒரு மனிதனின் உள்ளத்திலே ஒரு நாளில் குறைந்தது அறுபதாயிரம் எண்ணங்கள் உருவாகின்றன. இந்த அறுபதாயிரம் எண்ணங்களை யார் ஒருவர் சரியாக வழிப்படுத்துகிறாரோ; யார் ஒருவர் நேர்மறை எண்ணங்களை மட்டுமே உள்வாங்கி, எதிர்மறை எண்ணங்களை அழித்து விடுகிறாரோ, அவரது வெற்றி ஒவ்வொரு நாளிலும் உறுதி செய்யப்படுகிறது. அதிகாலை எழுந்ததும், நமது மனதுக்குள் விதைக்கவேண்டிய சொல் விதைகள்: 1. நான் சிறந்தவன். 2. இந்த நாள் எனது நாள். 3. இந்த நாளில் நான் சாதிப்பேன் 4. நான் எனது மனதாலும், சொல்லாலும், செயலாலும் யாரையும் காயப்படுத்த மாட்டேன். 5. யாருக்காவது இன்று உதவி செய்வேன். இவ்வைந்து சிந்தனைகளை தினமும் மனதில் விதைத்தால், அந்த நாளின் இறுதிக்குள் மலர்ந்து நம் மனதினைப் பூவாக்கும். 
தினமும் நமது பயணத்தால், நமது அசைவுகளால் உடலில் அழுக்கேறிக் கொள்வதைப்போல, நமது மனதும் அன்றாட வாழ்வில் நாம் சந்திக்கும் மனிதர்களால், நாம் காணும் சினிமா, தொலைகாட்சி, வலைதள காட்சிகள், நமது பயணத்தில் தென்படுகின்ற வக்கிரமான போஸ்டர்களால், நாகரீகம் என்னும் பெயரில் பிறரின் அநாகரீக ஆடை அலங்காரத்தாலும், நமது எண்ணங்கள் அழுக்கடைவதுண்டு. அவ்வபோது, ஆடையிலே ஒட்டி விடுகின்ற தேவையில்லாதவற்றைத் தட்டிவிடுவது போல், மனதையும் அவ்வப்போது வெள்ளை அடித்துக் கொண்டால் வாழ்க்கை சுத்தமாகவே இருக்கும். மூன்று மணிநேரத்திற்கு ஒருமுறையாவது, ஒரு நிமிடம் கண்ணை மூடி, கடந்து வந்த மூன்று மணி நேரத்தில், நமது எண்ணத்தில் தோன்றிய சிந்தனைகள், சரியான எண்ணங்கள்தானா? இத்தகைய எண்ணங்களை நமது பெற்றோர் மற்றும் உறவினரோடு பகிர்ந்து கொள்ளமுடியுமா? அத்தகைய எண்ணங்கள் உண்மையிலேயே நமது லட்சியத்திற்கு உறுதுணையாக இருக்குமா? என கேள்வி கேட்டுக் கொள்ள வேண்டும். காலையில் உணவுக்கு முன்பு, சிற்றிடைவேளை, மதிய உணவிற்கு முன்பும், மாலை மற்றும் இரவு உணவிற்கு முன்பும், இறுதியாக தூங்குவதற்கு முன்னதாக ஒரு ஐந்து நிமிடம் என ஒரு நாளில் 10 நிமிடங்களை, நாம் நமது மனதோடு, நாம் செய்த செயலை மட்டும் அசைபோட்டு பார்த்தால், அந்த நாள் நம்மை நேர்ப்படுத்திக் கொண்ட நாளாகும். 
ஒவ்வொரு நாளையும் நேர்ப்படுத்தினால் வீறுகொண்ட ஒரு வாரம் கிடைக்கும். வீறுகொண்ட வாரங்களினால் ஓர் இலட்சிய மாதம் கிடைக்கும். இலட்சிய மாதங்களினால் வெற்றிகரமான வருடம் கிடைக்கும். வெற்றிகரமான வருடங்களில் வாழும்போது, நமது வாழ்க்கை வரலாற்றில் இடம்பெற்றிருக்கும். 
வெறும் மனம், வாழ்க்கை அல்ல.
வெறும் உடலும் வாழ்க்கை அல்ல.
மனவாழ்க்கையே மகத்தான வாழ்க்கை.
(தொடரும்)
கட்டுரையாசிரியர்: காவல்துறை துணை ஆணையர், நுண்ணறிவுப் பிரிவு

]]>
http://images.dinamani.com/uploads/user/imagelibrary/2018/7/24/w600X390/im7.jpg http://www.dinamani.com/weekly-supplements/ilaignarmani/2018/jul/24/மனதிற்கு-கடிவாளமிடுவோம்---ஆர்திருநாவுக்கரசு-ஐபிஎஸ்-2966854.html
2966853 வார இதழ்கள் இளைஞர்மணி வேலைவாய்ப்புகள் உள்ள வீடியோ எடிட்டிங்! DIN DIN Tuesday, July 24, 2018 11:30 AM +0530 வீடியோ எடிட்டிங் திரைப்படம், தொலைக்காட்சி நிறுவனங்களில் முக்கிய பங்காற்றுகிறது. தேவையில்லாத பகுதிகளை நீக்கிவிட்டு தேவையான பகுதிகளைச் சரி செய்த பிறகு மற்றவர்கள் பார்க்கும் வகையில் திருத்தி அமைக்கும் பணியில் வீடியோ எடிட்டிங் மிக முக்கிய பங்கு வகிக்கிறது. வீடியோ எடிட்டர்களுக்கான வாய்ப்புகள் அத்துறையில் அதிகமாக காத்திருக்கின்றன. 
திரைத்துறை, தொலைகாட்சி நிறுவனங்களில் மட்டும் அல்லாமல், தனியார் புகைப்பட நிறுவனங்களிலும் வாய்ப்புகள் காத்திருக்கின்றன. அது சம்பந்தமான படிப்புகள் படித்தால் அத்தகைய நிறுவனங்களில் வேலை கிடைக்கும். நல்ல வருவாயும் ஈட்டலாம். 
வீடியோ எடிட்டிங் குறித்த கல்வியை வழங்கும் முக்கிய நிறுவனங்கள் :
Film and Television Institute of India (Pune) - http://www.ftiindia.com/
Satyajit Ray Film and Television Institute (Kolkata) - http://srfti.ac.in/
Whistling Woods International (Mumbai) - https://www.whistlingwoods.net/
Center for research in Art of Film and Television (Delhi) - http://log2craft.org/
Asian Academy of Film and Television (Noida) - http://aaft.com/
- எம்.அருண்குமார்

]]>
http://images.dinamani.com/uploads/user/imagelibrary/2018/7/24/w600X390/VIDEO.JPG http://www.dinamani.com/weekly-supplements/ilaignarmani/2018/jul/24/வேலைவாய்ப்புகள்-உள்ள-வீடியோ-எடிட்டிங்-2966853.html
2966852 வார இதழ்கள் இளைஞர்மணி வேலை...வேலை...வேலை... DIN DIN Tuesday, July 24, 2018 11:28 AM +0530 தமிழ்நாடு மருத்துவச் சேவை தேர்வாணையத்தில் (TNMRB) வேலை
பதவி: Pharmacist (Siddha)
காலியிடங்கள்: 148
கல்வித் தகுதி: இந்திய மருத்துவத்தில் டிப்ளமோ (அல்லது) சித்தா பார்மஸியில் டிப்ளமோ (அல்லது) ஒருங்கிணைந்த மருத்துவத்தில் டிப்ளமோ முடித்திருக்க
வேண்டும்.
பதவி: Pharmacist (Ayurveda)
காலியிடங்கள்: 38
கல்வித் தகுதி: இந்திய மருத்துவத்தில் டிப்ளமோ (அல்லது) ஆயுர்வேதா பார்மஸியில் டிப்ளமோ (அல்லது) ஒருங்கிணைந்த மருத்துவத்தில் டிப்ளமோ
முடித்திருக்க வேண்டும்.
பதவி: Pharmacist (Homeopathy)
காலியிடங்கள்: 23
கல்வித் தகுதி: ஹோமியோபதி மருத்துவத்தில் டிப்ளமோ (அல்லது) ஒருங்கிணைந்த மருத்துவத்தில் டிப்ளமோ முடித்திருக்க வேண்டும். 
பதவி: Pharmacist (Unani)
காலியிடங்கள்: 20
கல்வித் தகுதி: இந்திய மருத்துவத்தில் டிப்ளமோ (அல்லது) யுனானி பார்மஸியில் டிப்ளமோ (அல்லது) ஒருங்கிணைந்த மருத்துவத்தில் டிப்ளமோ
முடித்திருக்கவேண்டும். 
வயது வரம்பு: 18 வயதிலிருந்து 57 வயதுக்குள் இருக்க வேண்டும். 
விண்ணப்பிக்கும் முறை: www.mrb.tn.gov.in என்ற இணையதளத்துக்குச் சென்று, விண்ணப்பதாரரின் விவரங்களைப் பூர்த்தி செய்து. தேவையான
சான்றிதழ்களைப் பதிவேற்றம் செய்து, விண்ணப்பக் கட்டணத்தைச் செலுத்தி, ஆன்லைன் மூலம் விண்ணப்பிக்க வேண்டும்.
விண்ணப்பக் கட்டணம்: ரூ.500. எஸ்சி, எஸ்டி, எஸ்சிஏ, டிஏபி (பிஎச்) பிரிவினருக்கு ரூ.250.
தேர்ந்தெடுக்கப்படும் முறை: மதிப்பெண் பட்டியல், நேர்முகத் தேர்வு மூலமாக தகுதியான நபர்கள் தேர்ந்தெடுக்கப்படுவார்கள்.
மேலும் விவரங்களுக்கு: http://www.mrb.tn.gov.in/pdf/2018/Corrigendum_Pharmacist_ISM_10072018.pdf 
என்ற இணையதளத்திற்குச் சென்று
ஒவ்வொரு பதவிக்கும் தனித்தனியாக உள்ள அறிவிப்புகளைப் பாருங்கள்.
விண்ணப்பிக்க கடைசித் தேதி: 30-07-2018.

INDBANK நிறுவனத்தில் வேலை
பதவி: Secretarial Officer-Trainee (Back Office Staff)
காலியிடங்கள்: 5
கல்வித்தகுதி: ஏதேனும் பட்டப்படிப்பு முடித்திருக்க வேண்டும். ஓராண்டு பணி அனுபவம் இருக்க வேண்டும்.
பதவி: Dealer (Stock Broking)
காலியிடங்கள்: 10
கல்வித்தகுதி: ஏதேனும் பட்டப்படிப்பு (NISM / NCFM கல்வி நிறுவனங்களின் படித்தவர்களுக்கு முன்னுரிமை). ஓராண்டு பணி அனுபவம் இருக்க வேண்டும்.
வயது வரம்பு: 21 வயதிலிருந்து 30 வயதுக்குள் இருக்க வேண்டும்.
விண்ணப்பிக்கும் முறை: www.indbankonline.com என்ற இணையதளத்தில் இருந்து விண்ணப்பத்தைப் பதிவிறக்கம் செய்து பூர்த்தி செய்து, தேவையான
சான்றிதழ்களின் நகல்களை கீழ்க்காணும் முகவரிக்கு அனுப்பி வைக்க வேண்டும் (அல்லது) விண்ணப்பத்தை ஸ்கேன் செய்து, தேவையான சான்றிதழ்களைப் பதிவேற்றி recruitment@indbankonline.com என்ற மின்னஞ்சல் முகவரிக்கு அனுப்பலாம்.
முகவரி: Assistant Vice President, HRD, No.480, Ist Floor, Khivraj Complex 1, Anna Salai, Nandanam, Chennai-600035.
மேலும் விவரங்களுக்கு: https://corporate.indbankonline.com/Recruitment%20of%20Secretarial%20Officer%20-%20Trainee%20Back
%20Office%20Staff%20&%20Dealer%20Stock%20Broking.pdf என்ற இணையதளத்தைப் பாருங்கள்.
விண்ணப்பம் சென்று சேர வேண்டிய கடைசித் தேதி: 30-7-2018.

பாரத ஸ்டேட் வங்கியில் வேலை
பதவி: Doctoral Research Fellow
காலியிடங்கள்: 5
கல்வித்தகுதி: பேங்கிங்/ ஐ.டி./நிதி/ பொருளாதாரம் போன்ற துறைகளில் முனைவர் பட்டம் பெற்றிருக்க வேண்டும். 3 ஆண்டுகள் கற்பித்தல்/ஆராய்ச்சிப் பணி
அனுபவம் பெற்றிருக்க வேண்டும்.
வயது வரம்பு: 28 வயதிலிருந்து 40 வயதுக்குள் இருக்க வேண்டும். சில பிரிவினருக்கு உச்சபட்ச வயது வரம்பில் இருந்து விலக்கு அளிக்கப்படும்.
விண்ணப்பிக்கும் முறை: www.sbi.co.in என்ற இணையதளத்துக்குச் சென்று, விண்ணப்பதாரரின் விவரங்களைப் பூர்த்தி செய்து. தேவையான சான்றிதழ்களைப் பதிவேற்றம் செய்து, ஆன்லைன் மூலம் விண்ணப்பிக்க வேண்டும்.
தேர்ந்தெடுக்கப்படும் முறை: தகுதிப் பட்டியல், நேர்முகத் தேர்வு மூலமாக விண்ணப்பதாரர்கள் தேர்ந்தெடுக்கப்படுவார்கள்
மேலும் விவரங்களுக்கு:www.sbi.co.in/webfiles/uploads/files/1531477373490_PDRF_2018.pdf என்ற இணையதளத்தைப் பாருங்கள்.
விண்ணப்பிக்க கடைசித் தேதி: 30-07-2018.

நியூ இந்தியா அஷ்யூரன்ஸ் கார்ப்பரேஷன் லிமிடெட்டில் (NIACL) வேலை
பதவி: உதவியாளர்
காலியிடங்கள்: நாடு முழுவதும் 685 (தமிழ்நாட்டில் 83)
கல்வித்தகுதி: நேரடி வழி கல்விமுறையில் பட்டப்படிப்பு முடித்திருக்க வேண்டும். விண்ணப்பிக்கும் மாநிலம் / மத்திய ஆட்சிப் பகுதியில் பேசப்படும் பிராந்திய மொழியில் நன்கு பேச, எழுத, படிக்க தெரிந்திருக்க வேண்டும்.
வயது வரம்பு: 21 வயதிலிருந்து 30 வயதுக்குள் இருக்க வேண்டும். சில பிரிவினருக்கு உச்சபட்ச வயது வரம்பில் விலக்கு உண்டு.
விண்ணப்பிக்கும் முறை: www.newindia.co.in என்ற இணையதளத்துக்குச் சென்று, விண்ணப்பதாரரின் விவரங்களைப் பூர்த்தி செய்து, தேவையான
சான்றிதழ்களைப் பதிவேற்றம் செய்து, விண்ணப்பக் கட்டணத்தைச் செலுத்தி, ஆன்லைன் மூலமாக விண்ணப்பிக்க வேண்டும். 
தேர்ந்தெடுக்கப்படும் முறை: ஆன்லைன் முறையில் முதன்மை மற்றும் பிரதான நிலை எழுத்துத் தேர்வுகள் நடைபெறும். பிரதானநிலைத் தேர்வில் தேர்ச்சி பெற்றோருக்கு பிராந்திய மொழித் தேர்வும் நடத்தப்பட்டு தகுதியான நபர்கள் தேர்ந்தெடுக்கப்படுவார்கள்.
மேலும் விவரங்களுக்கு: https://www.newindia.co.in/cms/14cf76e0-5eef-496c-a801-1686628f4c9c/Detailed%20Advertisement-English-
Assistant%20Recruitment%20Exercise-2018.pdf?guest=true என்ற வலைத்தளத்தைப் பாருங்கள்.
விண்ணப்பிக்க கடைசித் தேதி: 31-07-2018.
தொகுப்பு: பிரவீண் குமார்


 

]]>
http://images.dinamani.com/uploads/user/imagelibrary/2018/7/24/w600X390/BANKS.JPG http://www.dinamani.com/weekly-supplements/ilaignarmani/2018/jul/24/வேலைவேலைவேலை-2966852.html
2966849 வார இதழ்கள் இளைஞர்மணி ஆன்ட்ராய்ட் ஆப் உருவாக்கும் பயிற்சி! DIN DIN Tuesday, July 24, 2018 11:17 AM +0530 போன் என்றாலே வசதிபடைத்தவர்கள் வீட்டில் மட்டுமே இருந்த காலம் போய் அது அடிப்படை வசதியாக மாறி விட்டது. ஆன்ட்ராய் மொபைல் போன்கள் இப்போது எல்லாருடைய கைகளிலும் தவழ்கின்றன. 
அவற்றில் பல்வேறு வசதிகள் கொண்ட ஆப்கள் உருவாக்கப்பட்டு பயன்பாட்டில் உள்ளன. மொபைல் போன் பயன்படுத்துபவர்களின் வசதிக்காக ஆப்களை உருவாக்குவதில் மொபைல் போன் நிறுவனங்கள் முனைப்பு காட்டுகின்றன. அதனால் ஆன்ட்ராய்ட் ஆப்களை உருவாக்குபவர்களுக்கு அதிக வாய்ப்புகள் காத்திருக்கின்றன. 
ஆன்ட்ராய்ட் ஆப்களை உருவாக்கும் பயிற்சி பெற்றால் அத்தகைய ஆப்களை உருவாக்கும் நிறுவனங்களில் உடனடியாக வேலை வாய்ப்புகள் கிடைக்கும்.
அத்தகைய பயிற்சி வழங்கும் நிறுவனங்கள் :
Android Institute - http://androidinstitute.in/
Google Developers Training - https://developers.google.com/training/programs/india/
Ace Web Academy - https://www.acewebacademy.com/
Naresh IT -https://nareshit.in/course-schedule/
Sandsys - http://sandsys.net/
Learningcatalyst - http://learningcatalyst.in/
Sivasoft - http://www.sivasoft.in/
Srihithatechnologies - http://www.srihithatechnologies.com/
Brninfotech - https://www.brninfotech.com/
Suntrainings - http://suntrainings.com/
- எம்.அருண்குமார்
 

]]>
http://images.dinamani.com/uploads/user/imagelibrary/2018/7/24/w600X390/im6.JPG http://www.dinamani.com/weekly-supplements/ilaignarmani/2018/jul/24/ஆன்ட்ராய்ட்-ஆப்-உருவாக்கும்-பயிற்சி-2966849.html
2966847 வார இதழ்கள் இளைஞர்மணி வாங்க இங்கிலீஷ் பேசலாம் 149 ஆர்.அபிலாஷ் DIN Tuesday, July 24, 2018 11:15 AM +0530 புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரிடம் செல்கிறார்கள். போகும் வழியில் கணேஷ் a dog with two tails
எனும் இடியத்திற்கான அர்த்தத்தை வினவுகிறான். கனடாவில் பத்தொன்பதாம் நூற்றாண்டில் ஒட்டாவா நதிக்கு மேலாக பாலம் அமைத்த ஜான் மெக்டெகார்ட்
என்பவர் தான் முதன்முதலில் இந்த இடியத்தை ஒரு நூலில் குறிப்பிட்டு எழுதியவர். Off went the Laird, as proud as a dog with two tails என்ற வாக்கியத்தை அவர் தன் நூலில் எழுதினார். பாலத்தின் மீது ஒரு கனவான் முதன்முதலாய் பெருமிதத்துடன் செல்கிறார் என்று இதற்கு அர்த்தம். ஏன் ரெட்டை வால் என கணேஷ் கேட்க, ஜூலி விளக்குகிறது. நாய்கள் மகிழ்ச்சியை காட்டுவதற்காக வாலை குழைத்து ஆட்டுவதுடன் நிறுத்திக் கொள்வதில்லை என்கிறது ஜுலி. 
ஜூலி: நாங்கள் வாலை உயர்த்தி பிடித்திருப்போம். சிலநேரம் அச்சத்தில் மரியாதையில் வாலை தழைத்து தரையில் தேய விடுவோம். சிலநேரம் லேசாய் வால் நுனியை மட்டும் ஆட்டுவோம். அவ்வப்போது வாலை அம்பைப் போல நேராய் நிற்க வைப்போம். ஒவ்வொன்றுக்கும் ஓர் அர்த்தம் உண்டு. சில நாய்களின் வால் இயல்பாகவே மேல்நோக்கி திரும்பி இருக்கும். போமரேனியன் போல. இதைக் காண்கையில் அந்த நாய் மிகவும் கெத்தாய் இருப்பதாய் கருதுவோம். ஒரு வாலுக்கே இவ்வளவு பெருமை என்றால் ரெண்டு வால்கள் இருந்தால்? பாலம் மீது பயணிக்க நேர்ந்த ஒரு கனவானின் பெருமிதத்தை பகடி செய்யும் இடியமாய் ஜான் மெக்டெகார்ட் இதை இங்கு பயன்படுத்துகிறார் என்பது தெளிவு. 
கணேஷ்: ஆஹா என்னவொரு விளக்கம். நாய்களின் உடல்மொழி அகராதியையே திறந்து காட்டி விட்டார். அது சரி, அந்த பாலம் அமைத்த பின் என்னவானது?
ஜூலி: 1841-இல் மேல் மற்றும் கீழ் கனடாக்கள் இணைக்கப்பட்டு ஒருமித்த கனடா உருவானது. அது தான் இன்றைய கனடா.
உதவியாளர்: நீங்கள் வலது பக்கம் திரும்பி சென்றால் வெயிட்டிங் ரூம் வரும். அங்கே காத்திருங்கள்
கணேஷ்: இப்போ டாக்டரைப் பார்க்க முடியாதா?
உதவியாளர்: Doctor is meditating
கணேஷ்: என்னது?
உதவியாளர்: ஆமாம். ஒவ்வொரு நோயாளியை பார்த்த பின்னரும் அவர் பத்து நிமிடம் தியானம் பண்ணுவார். Please wait.
(அவர்கள் வெயிட்டிங் ரூமுக்குப் போகிறார்கள். அங்கே நீளமான வெள்ளை சோஃபாக்களில் ஏற்கெனவே ஐந்து பேர் இருக்கிறார்கள். புரொபஸர், கணேஷ்
ஆகியோர் ஒரு மீசைக்காரர் அருகே போய் அமர்கிறார்கள். புரொபஸர் நெளிகிறார்)
கணேஷ்: சார் எனக்கொரு சந்தேகம்.
புரொபஸர்: இருப்பா... என்னால முடியல...
கணேஷ்: என்னாச்சு சார்?
புரொபஸர்: இங்கே அதெல்லாம் சொல்ல முடியாதுப்பா...
கணேஷ்: சும்மா சொல்லுங்க சார்...
புரொபஸர்: I have got to see a man a about a dog.
கணேஷ்: ஓ.... புதுசா நாய் வாங்க போறோமா?
புரொபஸர்: அதில்லப்பா. ஐயோ முடியலையே (சுற்றும் முற்றும் தேடிப் பார்க்கிறார்) 
ஜூலி: எனக்குத் தெரியும்
கணேஷ்: என்ன?
ஜூலி: நீ இங்க வா சொல்றேன்.
(ஜுலியும் கணேஷும் வெளியே போகிறார்கள்.)
ஜூலி: To see a man about a dog என்றால் என்ன தெரியுமா?
கணேஷ்: என்ன?
ஜூலி: சூச்சூ
கணேஷ்: ஆங்?
ஜூலி: சூச்சூ போகணும்னு அர்த்தம்பா...
கணேஷ்: அடப்பாவி அதுக்குத் தான் நெளியுறாரா?
ஜூலி: யெஸ். It is an idiom. 
(கணேஷ் எட்டிப் பார்க்கிறான். புரொபஸர் கழிப்பறைக்குச் சென்றிருக்கிறார்)
கணேஷ்: எனக்கு வேறொரு சந்தேகம் ஜூலி
ஜூலி: கேளு
கணேஷ்: அந்த உதவியாளர் அம்மா பேசும் போது Doctor is meditating என்று சொன்னாங்க. அதில் ஏன் வெறும் டாக்டர்னு சொன்னாங்க. The doctor தானே
சரி.
ஜூலி: ஆமா the doctor தான் சரி. ஏன்னா ஒரு குறிப்பிட்ட டாக்டரைச் சொல்றாங்க. வெறும் டாக்டர் என்றால் ஊரில் உள்ள எல்லா டாக்டர்களும் என்று
அர்த்தம் ஆகி விடும். அது மட்டுமல்ல, டாக்டர் என்றாலே the சேர்ப்பது ஒரு மரபு. An apple a day keeps the doctor away. A doctor என்று இந்த பழமொழியில் வரவில்லை பார்த்தாயா?
(இனியும் பேசுவோம்)

]]>
http://images.dinamani.com/uploads/user/imagelibrary/2018/7/24/w600X390/im5.jpg http://www.dinamani.com/weekly-supplements/ilaignarmani/2018/jul/24/வாங்க-இங்கிலீஷ்-பேசலாம்-149-2966847.html
2966845 வார இதழ்கள் இளைஞர்மணி பிரச்னைகளை விட நாம் பெரியவர்கள்! - சுகி. சிவம்   DIN DIN Tuesday, July 24, 2018 11:08 AM +0530 நீ... நான்... நிஜம்! -28
முதலில் ஒரு கதை. ஒரு புகழ் பெற்ற மனிதர் சொன்னது. நான்கு குதிரைகள் பூட்டிய வண்டியில் சில பிரயாணிகள் மலைப்பிராந்தியத்திற்கு வருகிறார்கள். வருகிற பொழுது செந்நாய்க் கூட்டம் அவர்களைத் தொடர்ந்தது. 
அப்பொழுது ஒருவர் சொன்னார்: "நாம் குதிரைகளை வேகமாக விரட்டினால் தப்பித்து விடலாம்'' என்று. அதற்கு மற்றொருவர், "குதிரைகள், செந்நாயைவிட வேகமாக ஓடலாம். ஆனால், எவ்வளவு தூரம் செந்நாய்கள் இளைப்பில்லாமல் ஓட முடியுமோ அவ்வளவு தூரம் குதிரைகள் ஓட முடியாது. முடிவிலே குதிரைகளும் நாமும் இரையாவோம். அப்படியானால் நாம் இந்த வண்டியையும், குதிரைகளையும் விட்டுவிட்டு மரத்தில் ஏறிக் கொள்ளலாமா?'' என்ற யோசனையை மற்றொருவர் சொன்னார். 
"நாம் மரத்தில் ஏறிக் கொண்டால் செந்நாய்கள் வட்டமாக மரத்தடியில் படுத்துவிடும். அவை ஒவ்வொன்றும் பகுதி பகுதியாக இரை உண்ணப் போகும். மற்றவை காவல் இருக்கும். நாம் பட்டினியாயிருந்து மயங்கி விழுந்த பிறகு நம்மை உணவாகக் கொள்ளும். இது அவற்றின் பழக்கம்'' என்று மற்றொருவர் சொன்னார்.
அப்போது மவுண்ட்பேட்டன் போன்ற தந்திரசாலி ஒருவன், "இந்த முறைகளை நாம் கையாண்டால் பிரயோசனமில்லை. முதலிலே ஒரு குதிரையை அவிழ்த்து விடுவோம். அந்தக் குதிரையைத் தின்று கொண்டே இந்தச் செந்நாய்கள் பசி ஆறி நிற்கும். அதற்குள் சிறிது தொலைவு மூன்று குதிரைகளோடு நாம் யாத்திரை செய்யலாம். அதற்குப் பின், செந்நாய்கள் தொடர்ந்து வருகிறபோது மற்றொரு குதிரையை அவிழ்த்து விடுவோம். இப்படி ஒவ்வொன்றாக விடுவோமேயானால் நம்முடைய பிரயாணம் தொடர்ந்து நடக்கும். நாம் அத்தனை பேரும் அழியாமல் கொஞ்சம் கொஞ்சமாகத் தப்பிப் பிழைத்து, ஒற்றைக் குதிரையோடு தப்பித்தாலும் தப்பிக்கலாம், அல்லது ஒற்றைக் குதிரையை விட வேண்டிய நேரம் வந்தாலும் வரலாம்'' என்று சொல்லுவதற்கிணங்க, வெள்ளையன் பல தந்திரத் திட்டங்களை ஒவ்வொன்றாக நமக்குச் சொல்லி தன்னுடைய ஆட்சியை நிலைப்படுத்திக் கொள்ள நினைத்தான்.
இந்தக் கதை பசும்பொன் முத்துராமலிங்கத் தேவர் சொன்னது. "பசும்பொன் களஞ்சியம்' என்கிற புத்தகத்தில் காவ்யா சண்முகசுந்தரம் தொகுத்தது. 
"தேவரைய்யா, அன்றைய பிரிட்டிஷ் ஆட்சியை விமர்சிக்க இக்கதையைச் சொல்லி இருந்தார். ஆனால் நான் மனிதவளப் பயிலரங்குகளிலும், மாணவர் மத்தியிலும் இந்தக் கதையைச் சொல்லி வருகிறேன். ஏன்? பிரச்னைகள் இல்லாத வாழ்க்கையே இல்லை. பிரச்னைகளால் இடிந்து போய் விடாதீர்கள். மாறாக அதை எப்படி எப்படி எதிர் கொள்வது என்று வித்தியாசம் வித்தியாசமாக யோசிக்க வேண்டும். தளர்ந்து போவதோ தலையில் கை வைத்து, அவ்வளவு தான் இனி நாம் தப்பிக்கவே முடியாது என்று புலம்புவதோ கூடாது.
சிக்கல்கள், பிரச்னைகள் வேண்டாம் என்று நாம் நினைத்தாலும் அவை நம்மை விடுவதில்லை. நாமின்றி அவை உயிர் வாழ முடியாது. காமராஜரைப் பற்றி துக்ளக் இதழில் என் இளம் வயதில் படித்த செய்தி ஒன்று. சீனயுத்தம் முடிந்த பிறகு பண்டித ஜவாஹர்லால் நேரு மகிழ்ச்சி குன்றி இருந்தாராம். அவரது கவலைகளைப் பற்றி காமராஜரிடம் பேசிக் கொண்டிருந்தபோது, அமெரிக்க வங்கிகளைப் பற்றி நேரு வருத்தப்பட்டாராம். இந்தியாவுக்கு வேண்டிய ஆயுத தளவாடங்களை அமெரிக்காவிலிருந்து இறக்குமதி செய்ய வேண்டி உள்ளது என்றும் ஆனால் இந்தியாவுக்கு உத்தரவாதம் அளிக்க அமெரிக்க வங்கிகள் தயாராக இல்லை என்பது வருத்தம் தரும் செய்தி என்றாராம் நேரு. கண்ணிமைக்கும் நேரத்தில் காமராஜர், "அப்ப அவன்கடை இங்க எதுக்குங்கிறேன். அமெரிக்காக்காரன் கடை இந்தியாவில் இருக்கிறதை மூட வேண்டியது தானே?'' என்று உறுதிபடச் சொன்னார் என்கிறார்கள். அமெரிக்கன் எக்ஸ்பிரஸ் வங்கி இங்குள்ளது. ஆனால் அதனை மூடச் சொன்னால் உலகளாவிய பிரச்சனையாகிவிடுமே என்று நேரு வருந்தி இருக்கிறார். அதனால் என்ன? "நமக்கு உதவாதவன் இங்க என்ன வியாபாரம் பண்ணறது. ஆனது ஆகட்டும். மூடிடுங்க'' என்று வற்புறுத்த நேரு தயங்கியபடி ஒப்புக்கொண்டார். ஆனால் மத்திய அரசு இப்படி ஒரு முடிவெடுப்பது தெரிந்ததும் அமெரிக்கன் வங்கி கியாரண்டி தர சம்மதம் கொடுத்தது என்றொரு செய்தி படித்திருக்கிறேன்.
இன்று என்னைச் சந்திக்கும் பல இளைஞர்கள் சிக்கல்களை மட்டுமே ஊதி ஊதிப் பெரிதாக்கிப் பேசுகிறார்கள். "காதலிக்கிறோம்.. ஜாதி வேறு.. மதம்வேறு.. பெற்றோர் அனுமதி இல்லை.. காதலை மறக்க முடியவில்லை.. பெற்றோரை விட முடியவில்லை என்று வளைத்து வளைத்துப் பேசுவார்கள். ஏதாவது ஒன்றுதான் கிடைக்கும்.. எல்லாம் ஒத்து வருவது எல்லாருக்கும் சாத்தியம் அல்ல... காதல்வேறு... திருமணம் வேறு என்று வேறு வழியின்றி முடிவெடுத்து வெற்றிகரமாக வாழ்ந்தவர்கள் இலட்சக் கணக்கில் இருக்கிறார்கள். அப்பா அம்மா மறுத்து, பின்னால் சேர்ந்த கதை பல உண்டு. வழியின்றி பெற்றோரை மறுதலித்தவர்களும் உண்டு. ஒருவருக்கு, வாழ்க்கை சகல உத்தரவாதங்களையும் தர வேண்டும் என்ற கட்டாயம் இல்லை. பிரச்னைகளுக்கு வருந்துவதை நிறுத்திவிட்டு தீர்வுகளுக்கு மட்டுமே முக்கியத்துவம் (Focus) கொடுத்து சிந்திக்கும் பழக்கம் நல்லது. ஒரே பிரச்னைக்கு இரண்டு நீதிபதிகள் பக்கம் பக்கமாக உட்கார்ந்தபடி எதிர் எதிரான தீர்ப்பு கொடுப்பதை நீங்கள் கவனிக்க வேண்டும். சரி, தவறுகள் எப்போதும் மாறுதலுக்குட்பட்டவை. குழம்பிக் கொண்டே இருத்தல் நல்லதல்ல. எல்லாருக்கும் நல்லவராக நீங்கள் என்றைக்குமே இருக்க முடியாது. எல்லாரையும் திருப்தி செய்ய வேண்டும் என்ற எண்ணமே பிழையானது. வாழ்வில் மிகப்பெரிய பிரச்னையை வென்று மிகப்பெரிய சாதனை படைத்த ஒருவரைச் சொல்லுகிறேன்.
ஸ்டீஃபன் ஹாகிங் என்கிற உலகப் புகழ்பெற்ற மனிதனுக்கு நேர்ந்த உடல் குறைபாடுகள் கொஞ்சமா? நஞ்சமா? சக்கர நாற்காலியில் சிக்கிய பிரபஞ்சம் என்றல்லவா அவர் பேசப்பட்டார். கேம்பிரிட்ஜ் பல்கலைக்கழகத்தில் அவர் கணிதப் பேராசிரியர். சக்கர நாற்காலியில் தான் அவரை அழைத்து வருவார்கள். தேரில் ஏறிவரும் ஜுலியஸ் சீசர் போல் அவர் பார்க்கப்படுவார். காரணம் அவர் நியூட்டன் ஐன்ஸ்டீனுக்கு நிகரான விஞ்ஞானி. ஏன்... பிரபஞ்சம் பற்றி ஐன்ஸ்டீன் தவறுகளை எடுத்துரைக்கும் விஞ்ஞானி. அவரால் உண்ண முடியாது. விழுங்க முடியாது. இயங்க முடியாது. பிய்த்துப் பிய்த்துப் பின்னர் ஒட்ட வைக்கப்பட்டது போன்ற தலை. கண்களிலும், உதடுகளிலும் மட்டும் சின்ன அசைவுகள். இதைக் கொண்டே உலகத்தின் உதடுகளை அசைய வைத்தவர் அவர். 
அவருக்கு ஏற்பட்ட வியாதியை ALS என்றார்கள். அமியோட்ரோஃபிக் லேடரல் ஸ்க்லீரோசிஸ் என்றனர். இந்த நோயால் என்னென்ன பிரச்னைகள் வரும்? விளக்க முடியாது. தீர்க்கவும் முடியாது. நமது உடலில் இரண்டு விதமான தசைகள் உள்ளன. ஒன்று நம்மைக் கேட்காமல் தாமாகவே இயங்குபவை. இன்னொன்று, நாம் விரும்பினால் அசைக்க முடிபவை. இதயம், நுரையீரல் போன்றவை தாமாகவே இயங்குபவை. 
இந்த ஏ.எல்.எஸ் என்ற நோய்க்கு ஆட்பட்டவர்களால் இயக்குதசை (வாலண்டரி மஸ்ஸில்ஸ்) எதையுமே இயக்க முடியாது. நிரந்தரமாக வாதம் அடித்த மனிதனைப் போல இவர்கள் இருப்பார்கள். போகப் போக பேச்சு குளறும். புரியும்படி இருக்காது. அடிக்கடி கீழே விழுந்து விடுவார்கள். நடப்பது ஒரு பெரிய போராட்டமாகும். கைகளும், கால்களும் பலவீனமாகிக் கொண்டே போகும். எழுவதோ, சாப்பிடுவதோ கஷ்டமாகிவிடும். போகப் போக மூச்சு விடுவதற்குக் கூட ரொம்பவும் கஷ்டப்பட வேண்டி வரும். ஆனால் இந்த நிலையிலும் ஸ்டீஃபன் ஹாகிங் ஸ்பெஷலாக வடிவமைக்கப்பட்ட ஒரு சக்கர நாற்காலியைத் தமது சிம்மாசனமாக்கிக் கொண்டார். அதில் ஒரு சூப்பர் கம்ப்யூட்டர். "வாய்ஸ் சிந்தசைஸர்' பொருத்தப்பட்டது. அதன் உதவி கொண்டு அவர் குரலிலே பதில்கள் சொல்லிக் கொண்டிருந்தார். இவ்வளவையும் தாங்கிக் கொண்டு, திருமணம் செய்து, குழந்தைகள் பெற்று, பிரபஞ்சம் பற்றிய பேர் உண்மைகளை வெளிப்படுத்திக் கொண்டு, உலகின் தலை சிறந்த பரிசுகளை வாங்கிக் குவித்துக் கொண்டு, பலநூறு விஞ்ஞானிகளுக்கு முன் மாதிரியாக விளங்கிக் கொண்டு, ஒரு மனிதனால் வாழ முடிந்தது என்பது, எத்தனை பெரிய சாதனை என்று இளைஞர்கள் உணர வேண்டும்.
"இந்தப் பிரபஞ்சம் நிலையானது. இதில் இனி பெரும் மாற்றங்கள் நிகழாது' என்ற பொருளில் ஐன்ஸ்டீன், "கடவுள் பிரபஞ்சத்தோடு பகடைக் காய்கள் உருட்டி விளையாடுவதில்லை'' என்று கூறினார். ஆனால் ஸ்டீஃபன் ஹாகிங், "இல்லை, கடவுள் பிரபஞ்சத்தில் பகடைக் காய்களை இன்னும் உருட்டி விளையாடுகிறார். அது மட்டுமல்ல பார்க்க முடியாத இடங்களுக்கும் அக்காய்களை உருட்டி விட்டு விடுகிறார்'' என்று கூறினார். அந்தப் பார்க்க முடியாத, கண்ணுக்குத் தெரியாத இடங்களைத்தான் அவர் "ப்ளாக் ஹோல்ஸ்' என்று வர்ணித்தார்.
பாருங்கள்.. வாழவே முடியாதவர் என்று முடக்கப்பட்ட மனிதர் பெருவாழ்வு வாழ்ந்து பிரபஞ்சத்தின் பிரச்னைகளையே பேசுகிறவராகி விட்டார். நான் எழுதியுள்ள செய்திகள் யாவும் நாகூர் ரூமி, ஸ்டீஃபன் ஹாகிங் பற்றி எழுதியுள்ள புத்தகத்தில் படித்தவை. 
சின்னச் சின்னப் பிரச்னைகள் கூட இன்று இளைய தலைமுறையை வெகுவாகப் பாதிக்கின்றன. எழுத்தாளர் சிவசங்கரி மொழியில் சொன்னால் சின்ன நூல்கண்டுகளிலேயே இவர்கள் சிறைப்பட்டு விடுகிறார்கள். புரிந்து கொள்ளுங்கள்... பிரச்னைகள் சிலந்தி வலையுமல்ல... நாம் ஈக்களும் அல்ல. இருளைக் கிழிக்கும் சூரியர்கள்... சிந்திக்கும் திறன் பெற்ற மானுடர்கள்... பிரச்னைகளை விட நாம் எப்போதும் பெரியவர்கள். 
(தொடரும்)

]]>
http://images.dinamani.com/uploads/user/imagelibrary/2018/7/24/w600X390/im4.jpg http://www.dinamani.com/weekly-supplements/ilaignarmani/2018/jul/24/பிரச்னைகளை-விட-நாம்-பெரியவர்கள்---சுகி-சிவம்-2966845.html
2966840 வார இதழ்கள் இளைஞர்மணி இணைய வெளியினிலே... DIN DIN Tuesday, July 24, 2018 10:58 AM +0530 முக நூலிலிருந்து....
• ஏதாவது ஒரு வீட்டைப் பாருங்க...
எவ்ளோ பெரிய வீடா இருந்தாலும்
கதவு இவ்ளோதான்.
எவ்ளோ பெரிய கதவா இருந்தாலும்
பூட்டு இவ்ளோதான்.
எவ்ளோ பெரிய பூட்டா இருந்தாலும்
சாவி இவ்ளோதான்.
இத்துனுண்டு சாவியை வச்சு
அவ்ளோ பெரிய வீட்டைத் திறக்கிறோம்.
வாழ்க்கையும் இதே மாதிரிதான்..
எவ்ளோ பெரிய பிரச்னையா இருந்தாலும் 
அதன் தீர்வுக்கு
ஒரு சிறிய மாற்றமோ..
சிறிய தீர்மானமோ போதும்!
- காமராஜ் பால்ராஜ்

• உதிரும் சிறகை 
ஒட்ட வை.
பறக்க வைக்கும்
காற்று
அதன் விரிவானில்
-செüந்தர மகாதேவன்

• நான் எதிலும் தோற்பதேயில்லை. 
ஒன்று 
வெற்றி கொள்கிறேன்...
இல்லை...
கற்றுக் கொள்கிறேன்.
- நூர்ஜஹான் சின்னபொன்னு 

• தொடவே முடியாத 
தொலைவில் இருப்பதை
"தொடுவானம்' என
சொல்லி வைத்தது...
தன்னம்பிக்கையின் உச்சகட்டம். 
- நட்பென்றால் நாம் என்போம்

சுட்டுரையிலிருந்து...
• கன்றின் பாலை 
திருடுவதற்கே... 
பசுவைப் போற்றும் 
சுயநல மனிதன்.
- லதா கார்த்திகேசு 

• "உண்மை" என்ற வார்த்தை 
பெரும்பாலும்
"பொய்களின்' நடுவிலே
அதிகமாகப் 
பயன்படுத்தப்படுகின்றது.
- கடைசி தீ குச்சி 

• எல்லா மௌனமும் 
சம்மதம் இல்லை.
"விட்டுத் தொலை'
என்பதாக கூட 
இருக்கலாம். 
- சிதறல்கள்

• காரணத்தோடு சிரிக்கும்
புத்திசாலியாய்
இருப்பதை விட,
காரணமே இல்லாமல்
சிரிக்கும் பைத்தியக்காரனாய்
இருப்பதையே நான் அதிகம்
விரும்புகிறேன்...
காரணம்,
காரணங்கள் ஒருநாள் அழிக்கப்படலாம்.
- ஸாம்ஸ்டெர்

வலைதளத்திலிருந்து...
சிறுகதைகளை வாசிக்கக் கேட்பது என்பது அலாதியான அனுபவம். நியூயார்க்கர் பத்திரிகை மாதந்தோறும் முக்கியமான எழுத்தாளர்களின் சிறுகதைகளை எழுத்தாளர்களைக்கொண்டு வாசிக்க வைத்து ல்ர்க்ஸ்ரீஹள்ற் ஆக வெளியிடுகிறது. கதைகளைப் பற்றிய சிறிய உரையாடல்கள், அறிமுகங்களுக்குப் பிறகு கதைகளை எழுத்தாளர்கள் வாசிக்கிறார்கள். உலகம் முழுவதும் எழுதப்படும் விதவிதமான சிறுகதைகளைப் பற்றி அறிந்துகொள்ள நியூயார்க்கர் பத்திரிகையின் மாதாந்திர சிறுகதை podcast நல்ல வழியாக இருப்பது மட்டுமல்ல, சிறுகதைக்கு எத்தனை சாத்தியப்பாடுகள் இருக்கின்றன என்பதும் உடனடியாகத் தெரிய வருகிறது. காலை நடைப்பயிற்சியின் போது, அலுவலகத்திற்கு பயணம் மேற்கொள்ளும்போது, அறையை ஒழுங்கு பண்ணும்போது, புத்தகங்களை அடுக்கி வைக்கும்போது, சமைக்கும்போது என பல சந்தர்ப்பங்களில் சிறுகதைகளைக் கேட்கிறேன். இந்தக் கதைகள்தான் என் தினசரி அனுபவத்தையும் பகற்கனவுகளையும் எவ்வளவு வளம் மிக்கதாக மாற்றுகின்றன! கண்களால் சிறுகதைகளை வாசித்துக்கொண்டே அதே வரிகள் வாசிக்கப்படுவதைக் கேட்பது வாசிப்பினை மிகவும் ஆழமானதாகவும், கவனம் மிக்கதாகவும், நுட்பமானதாகவும் மாற்றுவதை நான் உடனடியாக உணர்ந்தேன். அதை விட வேறென்ன வேண்டும் எனக்கு?
நியுயார்க்கர் சிறுகதை podcast-ஐ நீங்கள் http://www.newyorker.com/online/blogs/books/podcast/ என்ற சுட்டியில் கேட்கலாம்.
http://mdmuthukumaraswamy.blogspot.com

]]>
http://images.dinamani.com/uploads/user/imagelibrary/2018/7/24/w600X390/im3.jpg http://www.dinamani.com/weekly-supplements/ilaignarmani/2018/jul/24/இணைய-வெளியினிலே-2966840.html
2966839 வார இதழ்கள் இளைஞர்மணி முகபாவங்களை வைத்து கண்டுபிடிக்கும் கேமரா! DIN DIN Tuesday, July 24, 2018 10:54 AM +0530 அகத்தின் அழகு முகத்தில் தெரியும் என்பது பழமொழி. தற்போதைய விஞ்ஞான அறிவியல் கால தொழில்நுட்பத்தில் இந்தப் பழமொழி புகுத்தப்பட்டு, முக பாவங்களை வைத்து மனிதர்களின் மனநிலைகளைக் கண்டுபிடிக்கும் செயற்கை நுண்ணறிவு (ஏஐ) சிசிடிவி கேமராக்களை அடுத்தகட்டத்துக்கு கொண்டு சென்றுள்ளது.
 ஒருவரின் முகபாவத்தை வைத்து அவர் மகிழ்ச்சியாக இருக்கிறாரா அல்லது பதற்றமாக இருக்கிறாரா போன்ற கோணங்களில் கணக்கிடப்படுகிறது. ஒருவரிடம் மறைந்துள்ள உணர்வுகளை அவரது முகபாவங்களை வைத்து கேமராக்கள் வெளிப்படுத்துகின்றன.
 வியாபார யுக்தி, பாதுகாப்பு போன்ற பல்வேறு வகையில் இந்த வகை கேமராக்கள் பயன்பாட்டுக்கு வர உள்ளன. சூப்பர் மார்க்கெட்டுகளில் இந்த வகையான கேமராக்களைப் பொருத்தி, வாடிக்கையாளர்களின் மனநிலை, பாலினம், வயது ஆகியவற்றைக் கண்டறிந்து, அவரிடம் பொருள்களின் விளம்பரங்களை அளிக்க உதவுகிறது. மேலும், ஒரு பொருளின் விளம்பர வீடியோவைப் பார்த்து மக்கள் எப்படியெல்லாம் முகம்சுளிக்கின்றனர் என்பதை வைத்து அந்த விளம்பரத்தை மக்கள் விரும்புகிறார்களா இல்லையா என தெரிந்து கொள்ள உதவுகிறது.
 "பொதுவாக, கூட்டம் அதிகமாக உள்ள இந்த வகை கேமராக்கள், கூட்டத்தில் சந்தேகமாக தெரியும் நபரின் முகபாவங்கள், நடை ஆகியவற்றை வைத்து அவரது எண்ணங்களை தெரிவித்துவிடும்' என்று நிபுணர்கள் தெரிவிக்கிறார்கள்.
 இந்த தொழில்நுட்பத்தை சீன போலீஸார் முகக் கண்ணாடிகளில் பொருத்தி பயன்படுத்தி வருகிறார்கள். பார்ப்பதற்கு சாதாரண குளிர்கண்ணாடியைப் போல் காட்சியளிக்கும் இந்தக் கண்ணாடிகளில் உள்ள கேமராக்கள் எதிரே உள்ளவர்களைக் கண்காணித்து அவர்களின் முகபாவங்களைப் பதிவு செய்கின்றன.
 சந்தேகத்துக்குரிய நபரின் படத்தை படம் பிடித்து உடனடியாக கட்டுப்பாட்டு மையத்துக்கு அனுப்பி, அங்குள்ள குற்றவாளிகளின் விவரங்களை ஒப்பிட்டு அவரது விவரங்களை மீண்டும் அந்த போலீஸாருக்கே அனுப்பி வைக்கும் பணியை இந்த கண்ணாடிகள் செய்கின்றன. இந்தக் கண்ணாடிகளைப் பயன்படுத்தி போலீஸ் பாதுகாப்பில் இருந்து தப்பிய குற்றவாளிகளை கூட்டம் நிறைந்த பகுதிகளில் கண்டுபிடித்ததாக போலீஸார் தெரிவிக்கின்றனர்.
 - அ.சர்ஃப்ராஸ்
 
 

]]>
http://images.dinamani.com/uploads/user/imagelibrary/2018/7/24/w600X390/im2.jpg http://www.dinamani.com/weekly-supplements/ilaignarmani/2018/jul/24/முகபாவங்களை-வைத்து-கண்டுபிடிக்கும்-கேமரா-2966839.html
2966837 வார இதழ்கள் இளைஞர்மணி சரியான பார்வை... சரியான வழி... சரியான செயல்! 4 - தா.நெடுஞ்செழியன் Tuesday, July 24, 2018 10:52 AM +0530 ஐன்ஸ்டீன் கூறியது போல, "எல்லாருமே திறமையானவர்கள்'தாம். ஒவ்வொரு குழந்தையிடமும் ஒரு தனித்திறமை இருக்கிறது. அந்தத் திறமைகளைப் பெற்றோராலும் கண்டுபிடிக்க முடியவில்லை. ஆசிரியர்களாலும் கண்டுபிடிக்க முடியவில்லை. ஆசிரியர்கள் மாறிக் கொண்டேயிருப்பதால் அவர்களால் மாணவர்களின் தனித்திறமையைக் கண்டுபிடிக்க முடியாமல் போய்விடுகிறது. 
பெரும்பான்மையான பெற்றோர்களும், பள்ளிகளும் மாணவர்களை மிகுந்த மன அழுத்தத்துக்குள் தள்ளிவிடுகிறார்கள். 
மாணவர்கள் தங்களுடைய திறமைகளை வளர்த்துக் கொள்ளும் பயிற்சிமுறைகள் பள்ளிகளிலும் கல்லூரிகளிலும் முறையாகக் கிடைப்பது இல்லை. எதையும் உன்னிப்பாகக் கவனிக்கும் திறமையை மாணவர்கள் வளர்த்துக் கொள்ள கல்விமுறை உதவி செய்ய வேண்டும். உதாரணமாக ஒரு மொபைல் போனை பார்க்கும் மாணவர்கள் அது எவ்வாறு வேலை செய்கிறது? அதில் அடங்கியுள்ள தொழில்நுட்பங்கள் எவை? ஒருவர் பேசுவது பிறமுனையில் இருப்பவருக்கு எவ்வாறு காலதாமதமில்லாமல் சென்று அடைகிறது? இவற்றையெல்லாம் மாணவர்கள் சுயமாகச் சிந்தித்து, புரிந்து கொண்டு, தேவையான தொழில்நுட்பங்களையும், அறிவியலையும் தெரிந்து கொண்டு அத்தொழிலின்பால் மரியாதை கலந்த பாராட்டுகளோடு, ஆர்வமாக ஈடுபடும் அளவுக்கு நமது மாணவர்களுக்குக் கற்றுத் தர நமது கல்விமுறை தவறிவிட்டது. 
உலக அளவில் போட்டி போடும் அளவுக்கு- உலக நிலைமைகளுக்குப் பொருத்தமான- வேலை வாய்ப்புச் சந்தைக்குத் தேவைப்படக் கூடிய நிறைய திறமை உள்ளவர்களை உருவாக்க வேண்டியுள்ளது. அத்தகைய திறமை உள்ளவர்களுக்கு நிறைய வேலை வாய்ப்புகள் உள்ளன. அதற்கு பொறியியல், மருத்துவப் படிப்புகள் மட்டுமே போதுமானவையல்ல. நமது கல்விமுறையில் உயர் கல்விக்கான போதுமான திட்டமிடுதல் இல்லாத காரணத்தினால், ஏறத்தாழ 3,500 பொறியியல் கல்லூரிகளும், 500-க்கும் குறைவான மருத்துவக் கல்லூரிகளுமே உள்ளன. இது இரண்டு துறைகளிலும் உள்ள சமநிலையின்மையைக் காட்டுகிறது.
இதற்கு அப்பால் பிறதுறை சார்ந்த கல்விநிறுவனங்களின் எண்ணிக்கையோ மிகமிகக் குறைவு. ஒருதுறையின் ஆராய்ச்சி, அதனுடைய வளர்ச்சி பிறதுறைகளின் வளர்ச்சிக்கு உதவ இத்தகைய சமநிலையின்மை உதவாது. 
பொறியியல், மருத்துவம் ஆகியவற்றைத் தாண்டி எண்ணற்ற வாய்ப்புகள் மாணவர்களுக்கு உள்ளன. உதாரணமாக சமூக அறிவியல் (SOCIAL SCIENCE) படித்தவர்கள் நீர்மேலாண்மைத்துறையில் தங்கள் திறமையை வெளிப்படுத்தலாம். உலக அளவுக்குப் பொருத்தமான நீர்மேலாண்மைக் கொள்கையை உருவாக்கலாம். உலகில் ஒவ்வொரு நாட்டுக்கும் எவ்வளவு தண்ணீர் தேவைப்படும்? அதற்கு எவ்வளவு குளங்கள், ஏரிகள், அணைகள் இருக்க வேண்டும்? இவை தொடர்பாக நிறையப் படிப்புகள் உள்ளன. இவற்றைப் படித்தவர்கள் நமது நாட்டிலோ, பிற நாடுகளிலோ நீர்மேலாண்மைக்கான தீர்வுகளைக் கண்டுபிடிக்க முடியும். நம்நாட்டில் பொறியியல் படித்தவர்களில் பலருக்கு இம்மாதிரியான துறைகள் இருப்பதே தெரிவதில்லை. 
அதிகத் திறமை உள்ள ஒரு மாணவரை வெறும் இளநிலைப் பட்டப்படிப்புடனேயே நிறுத்திவிடுவதென்பது, 10 படிகள் ஏறும் திறமை அவருக்கு இருந்தாலும் வெறும் மூன்றாவது படியிலேயே அவரை நிறுத்தி வைத்துவிடுவதாகும். அவ்வாறு அவர்களை நிறுத்திவைத்துவிட்டு வெற்றி அடைந்துவிட்டதாக நினைத்துக்கொள்கிறோம். இன்னும் உள்ள 7 படிகளிலும் ஏறும் திறமை அவருக்கு உள்ளது என்பதை அறியாமலேயே அவருடைய திறமைகளை வேலை கிடைக்கும் என்பதற்காக வீணடித்துவிடுகிறோம். 
ரகுராம் ராஜன் ரிசர்வ் பேங்க் கவர்னராக இருந்தவர். அவர் டெல்லி ஐஐடியில் எலக்ட்ரிகல் என்ஜினியரிங் படித்தார். அதன்பிறகு இந்தியன் இன்ஸ்டிடியூட் ஆஃப் மேனேஜ்மென்டில் (IIM - அகமதாபாத்தில்) மேனேஜ்மென்ட் படித்தார். அதன்பிறகு MIT Sloan School of Management - இல் மேனேஜ்மென்ட் படித்துவிட்டு பல்வேறு நிறுவனங்களில் பணியாற்றி, இறுதியாக இந்தியாவில் ரிசர்வ் பேங்க் கவர்னரானார். 
அவர் பொறியியல் படித்துவிட்டு, ஒரு பொறியாளராக மட்டுமே வேலைக்குச் சென்றிருந்தால், அவருக்குள் இருந்த ரிசர்வ் பேங்க் கவர்னராகும் அளவுக்கு உள்ள திறமை யாருக்குமே தெரியாமலேயே வீணடிக்கப்பட்டிருக்கும். 
மாணவர்கள் தங்களுடைய திறமைக்கான தேடல்களை எப்போதும் நிறுத்திவிடக் கூடாது. "இந்தப் படிப்பைப் படித்தால் நல்ல எதிர்காலம் இருக்கிறதென்று பெற்றோர் கருதுகிறார்கள். லாப நோக்கத்துடன் செயல்படும் பள்ளிகள், கல்லூரிகள் குறிப்பிட்ட சில படிப்புகளை மட்டுமே படிக்கச் சொல்கிறார்கள்.
தமிழ்நாட்டிலேயே அரசு துறையிலேயோ, வேறு தனியார் துறைகளிலேயோ தங்களுடைய குழந்தைகளுக்கு வேலை கிடைத்தால் போதும் என்று நினைக்கிறார்கள். அப்படி நினைப்பது குழந்தைகளின் திறமைகளை வீணடிப்பது மட்டுமல்ல, அவர்கள் சாதிக்க வேண்டியதைச் சாதிக்கவிடாமல் தடுப்பதும் ஆகும். 
உலக அளவில் எண்ணற்ற வேலை வாய்ப்புகள் உள்ளன. அந்த வேலை வாய்ப்புகளுக்காக அவர்களைத் தயார் செய்ய வேண்டும். வெறும் இளநிலைப் பட்டப் படிப்புகளைப் படித்துவிட்டு ஆண்டுக்கு ரூ. 2- 5 லட்சம் சம்பளத்தில் தொடங்கி, நீண்ட நாட்கள் அதிலேயே காலம் கழித்து, 10 ஆண்டுகள் கழித்து ரூ. 10 லட்சம் சம்பாதிப்பதை விட, படிப்பை முடித்தவுடனேயே ரூ.10 - 20 லட்சம் வருமானம் ஈட்டும் அளவுக்கு மாணவர்களைத் தயார் செய்ய பெற்றோர் நினைக்க வேண்டும். 
நமது நாட்டில் பல கல்விநிறுவனங்கள் தங்களுடைய நிறுவனத்தில் படித்தால் வேலை வாங்கித் தருவதாக விளம்பரம் செய்கின்றன. உலகின் எந்தவொரு தலைசிறந்த கல்விநிறுவனமும் நாங்கள் வேலை வாங்கித் தருகிறோம் என்று விளம்பரம் கொடுப்பது கிடையாது. "நாங்கள் நல்ல கல்வி தருவோம். எங்களிடம் கல்வி கற்ற மாணவர்கள் உலகின் எந்த மூலைக்குச் சென்றாலும், எந்தவொரு துறைக்குப் போனாலும், அவர்கள் எளிதாக, மற்றவர்களை விட திறமையாக எந்த வேலையையும் செய்வார்கள். அதற்கான தன்னம்பிக்கையை, திறமையை வளர்ப்பதுதான் எங்கள் பணி' என்று கூறுவார்கள். 
கல்விதான் முதன்மையானது. ஆனால் வேலைக்காக மாணவர்களை கல்விநிறுவனங்கள் தயாரிக்கக் கூடாது. 
ஒரு நிறுவனத்தில் ஒருவர் உற்பத்திப் பிரிவில் வேலை செய்ய வேண்டும். அவரை அந்த நிறுவனம் மேலாண்மைப் பிரிவுக்கு மாற்றினால் அந்த வேலையையும் செய்ய அவருக்குத் தெரிய வேண்டும். எந்தப் பிரிவிலும் வேலை செய்யத் தகுதியானவர்களையே நிர்வாகம் விரும்பும். இந்த வேலையை மட்டுமே என்னால் செய்ய முடியும் என்று ஒருவர் கூறினால், அந்த நிறுவனம் அவரைத் தொடர்ந்து வேலையில் வைத்துக் கொள்ளாது. கல்வி என்பது உலகின் எந்தவொரு மாறுதலுக்கு ஏற்பவும் உங்களைத் திறமையாகப் பணியாற்ற வைக்க வேண்டும். 
உலக அளவில் என்ன தேவையிருக்கிறது; அதற்கேற்ப நம்மை எப்படி தயார் செய்து கொள்ள வேண்டும் என்று மாணவர்கள் நினைக்க வேண்டும். வாழ்நாள் முழுவதும் நாம் கற்றுக் கொள்ள நிறைய விஷயங்கள் இருக்கின்றன. ஒவ்வொரு நாளும் புதிதாக நாம் எதையாவது கற்றுக் கொண்டே இருக்க வேண்டும். 
அதே போன்று சூழலுக்கு ஏற்ப நாம் நம்மை மாற்றிக் கொள்ள வேண்டும். தமிழ்நாட்டில் வேலை செய்யும்போது தமிழும், ஆங்கிலமும் தெரிந்தால் போதுமானது.
அகில இந்திய அளவுக்கு ஒரு டெஸ்ட் வைத்து ஒரு மாணவனின் உண்மையான திறமையைக் கண்டுபிடிக்க முடியாது. ஒருவரால் எவற்றைக் கற்றுக் கொள்ள முடியும் என்று யாராலும் அறுதியிட்டுக் கூற முடியாது. 
உதாரணமாக மும்பை, நியூயார்க், டோக்கியோ என எந்த நகரத்துக்கு ஒருவர் வேலைக்குப் போனாலும் முதல் 3 - 6 மாதங்களில் அந்தப் பகுதியில் உள்ள மொழியைக் கற்றுக் கொள்ள முடியும். ஆங்கிலம், ஜப்பானிய மொழியைக் கற்றுக் கொள்ள முடியும். அங்குள்ள சூழ்நிலைக்கு ஏற்ப தன்னை மாற்றிக் கொள்ள முடியும். பெரும்பான்மையான பெற்றோர் தங்களுடைய பிள்ளைகள் நன்றாக ஆங்கிலம் பேச வேண்டும்; நல்ல கம்யூனிகேஷன் திறமை அவர்களுக்கு வேண்டும் என்று நினைக்கிறார்கள். கம்யூனிகேஷன் திறமை தேவைதான். ஆனால் அதையும் தாண்டி எந்தத்துறையில் மாணவர்கள் பயில்கிறார்களோ, அந்தத் துறையில் ஆழமான அறிவும் செயல்திறமையும் தேவை. 
புதிய இயந்திரங்களை இந்தியாவில் உள்ள தொழிற்சாலைகளில் பொருத்தி, இயக்கிக் காட்ட ஜப்பான் நாட்டிலிருந்து ஒருவர் வருகிறார் என்று வைத்துக் கொள்ளுங்கள். அவருக்கு இந்தியாவில் எந்த இடத்தில் வேலை செய்கிறாரோ, அந்த இடத்தின் மொழி தெரிந்திருந்தால் நல்லது. தெரியாவிட்டாலும் சைகை மூலமாகவோ... ஏதோ ஒருவிதமான தகவல் பரிமாற்றத்தின் மூலமாகவோ அந்த இயந்திரங்களைப் பொருத்தி, இயக்கிக் காட்டும் வேலை - தொழில்நுட்பம் -
அவருக்கு நன்றாகத் தெரிந்திருக்க வேண்டும். இந்தியா என்றில்லை உலகின் எந்த மூலைக்குப் போனாலும் மொழி எல்லையைத் தாண்டி, அந்த இயந்திரங்களைப் பொருத்தி, இயக்கிக் காட்டும் திறமையை அந்த நாட்டின் கல்விமுறை அவருக்கு ஏற்படுத்தித் தந்திருக்க வேண்டும். நமது நாட்டிலும் அத்தகைய கல்விமுறை உருவாவது அவசியம். 
(தொடரும்)
கட்டுரையாசிரியர்: சமூக கல்வி ஆர்வலர் 
www.indiacollegefinder.org

]]>
http://images.dinamani.com/uploads/user/imagelibrary/2018/7/24/w600X390/im1.jpg http://www.dinamani.com/weekly-supplements/ilaignarmani/2018/jul/24/சரியான-பார்வை-சரியான-வழி-சரியான-செயல்-4---தாநெடுஞ்செழியன்-2966837.html
2961920 வார இதழ்கள் இளைஞர்மணி சேவை... விருது... சேவை! DIN DIN Tuesday, July 17, 2018 11:46 AM +0530 தேனி மாவட்டம் பெரியகுளம் அருகே தாமரைக்குளத்தை சேர்ந்த இளைஞர்கள் மத்திய அரசு வழங்கிய சிறந்த மன்றத்திற்கான விருது வழங்கிய பணத்தில் மலைவாழ் மக்களுக்கு கழிப்பறை கட்டிக் கொடுத்துள்ளனர்.
 பெரியகுளம் அருகே தாமரைக்குளத்தை சேர்ந்த 15 இளைஞர்கள் "விழுதுகள் இளைஞர்கள் மன்றம்' எனப் பெயரிட்டு அதன் மூலம் பிளாஸ்டிக் அப்புறப்படுத்துதல், கண்மாய் தூர்வாருதல், வனப்பகுதியில் உள்ள பிளாஸ்டிக்குகளை வனத்துறையினர் உதவியுடன் அப்புறப்படுத்துதல் மற்றும் மரக்கன்றுகள் நடுவது போன்ற பல்வேறு சேவைகள் செய்து வந்தனர்.
 மன்றத்தை மத்திய அரசின் இளைஞர் நலன் மற்றும் விளையாட்டுத்துறை அமைச்சகத்தின் கீழ் செயல்படும் நேரு யுவகேந்திராவில் முறையாகப் பதிவு செய்து பல்வேறு சேவைகள் செய்து வந்தனர். தங்களது பகுதியில் உள்ள கழிப்பறைகளை பராமரிப்பு செய்து, அதனை பொதுமக்கள் பயன்படுத்தும் வகையில் உதவி புரிந்து வருதல் மற்றும் அப்பகுதியில் உள்ள முதியவர்கள் மற்றும் ஆதரவற்றோர்களுக்கு உதவி புரிந்து வந்தனர்.
 இந்த நிலையில் மத்தியஅரசின் இளைஞர்நலன் மற்றும் விளையாட்டு துறை அமைச்சகத்தின் கீழ் செயல்படும் நேரு யுவகேந்திரா மூலம் மாவட்ட அளவில் சிறப்பாகப் பணிபுரியும் மன்றங்களுக்கு ஆண்டுதோறும் பாராட்டு சான்றிதழ் மற்றும் கேடயம், ரூ. 25,000-க்கான காசோசலை வழங்கி வருகிறது.
 இதனையறிந்த விழுதுகள் இளைஞர் மன்றத்தின் சார்பில் 2017ஆம் ஆண்டு விருதுக்கு விண்ணப்பித்தனர். அதனை பரிசீலனை செய்த அலுவலர்கள் விழுதுகள் இளைஞர்மன்றத்தை தேர்ந்தெடுத்தனர்.
 இந்த விருது கடந்த ஜனவரி மாதம் தேனி விளையாட்டு அரங்கில் நடைபெற்ற நிகழ்ச்சியில் மாவட்ட காவல்கண்காணிப்பாளர் வீ.பாஸ்கரன் வழங்கினார்.
 இதில் வழங்கப்பட்ட ரூ. 25,000-க்கான காசோலை வங்கியில் உள்ள கணக்கில் செலுத்தப்பட்டது. மேலும் பரிசு தொகை ஏழைகளுக்கு உதவும் வகையில் இருக்க வேண்டும் என்ற நோக்கில் ஆலோசனை நடத்தப்பட்டது.
 அதில் கழிப்பறை வசதி இல்லாத ஏழைகளுக்கு கழிப்பறை கட்ட வேண்டும் என்ற முடிவு எடுக்கப்பட்டது.
 இது குறித்து விழுதுகள் இளைஞர் மன்றச் செயலாளர் செயலாளர் எ.சங்கிலித்துரை பேசியதிலிருந்து...
 "நாங்கள் பல்வேறு இடங்களை ஆய்வு செய்தோம். போக்குவரத்து வசதி இல்லாத மற்றும் கழிப்பறை வசதி இல்லாத சொக்கன்அலை கிராமத்தைத் தேர்ந்தெடுத்தோம். இந்த கிராமம் தேனி மாவட்டம், போடி ஒன்றியம், அகமலை ஊராட்சிக்கு உட்பட்ட கிராமம் ஆகும். ஆனால் இக்கிராமம் பெரியகுளத்தில் இருந்து மட்டுமே சாலை வசதி உள்ளது. அங்கிருந்து 16 கி.மீ தூரத்தில் உள்ளது. பெரியகுளத்தில் இருந்து 14 கி.மீ தூரம் ஜீப்பில் செல்லவேண்டும். அங்கிருந்து 2 கி.மீ செங்குத்தான மலைப்பகுதியில் நடந்து செல்ல வேண்டும்.
 எங்கள் இளைஞர் மன்றத்தைச் சேர்ந்தவர்கள், கடந்த ஜூலை 7ஆம் தேதி கழிப்பறை கட்ட தேவையான கோப்பைகள், பைப், தகரம், கதவுகள் மற்றும் எலக்ட்ரிக் சாமான்கள் ஆகியவற்றை சேகரித்து கண்ணக்கரைக்கு டிராக்டரில் சென்று, அங்கிருந்து பொருள்களை தலைச்சுமையாக 2 கி.மீ தூரம் நடந்தே பொருள்களை எடுத்துச் சென்றோம்.
 எங்களுடன் கொத்தனார் மற்றும் எலெக்ட்ரீசியனை அழைத்து சென்றோம். அங்கு உள்ள கட்டடத்தில் பராமரிப்பு செய்து கழிப்பறைக்கான கோப்பையைப் பதித்து கழிவுநீர்த் தொட்டி கட்டப்பட்டது . மேலும் பொதுமக்கள் இரவு நேரங்களில் செல்லும் வகையில் மின்சார வசதி செய்யப்பட்டு, கழிப்பறைக்கு குழாய் மூலம் தண்ணீர் எந்தநேரம் செல்லும் வகையில் இணைப்பு வழங்க ஏற்பாடு செய்தோம்.
 இப்பணிகள் முடிவடைந்தவுடன் அப்பகுதியில் உள்ள மலைவாழ் மக்களை அழைத்து கழிப்பறை பயன்படுத்துவதால் ஏற்படும் நன்மைகள் குறித்து விளக்கிக் கூறினோம். அதன் பின் அவர்களிடம் கழிப்பறை ஒப்படைக்கப்பட்டது.
 விழுதுகள் இளைஞர் மன்றத்தை சேர்ந்த எங்களுடைய 15 இளைஞர்கள் கலந்து கொண்டு இந்தப் பணியில் ஈடுபட்டனர்.
 மேலும் எங்கள் மன்றத்தின் மூலம் மரக்கன்றுகள் நடவு செய்யப்படுகிறது.
 அதோடு மட்டுமல்லாமல் பள்ளிகளில் பிளாஸ்டிக்கால் ஏற்படும் தீமைகள் குறித்தும் மரக்கன்றுகள் நடுவதால் ஏற்படும் பாதிப்பு குறித்து விளக்கி கூறப்படுகிறது.
 இன்றைய இளைஞர்களை கவரும் முகநூல், கட்செவி அஞ்சல், சுட்டுரை போன்றவற்றில் கணக்கு தொடங்கப்பட்டு அதன் மூலம் தூய்மை இந்தியா மற்றும் மரக்கன்றுகள் நடுவதால் ஏற்படும் நன்மைகள் குறித்து விழிப்புணர்வையும் ஏற்படுத்தி வருகிறோம்.
 அதோடு மட்டுமல்லாமல் தினமும் ஒரு திருக்குறள் சமூக வலைத்தளங்களில் பகிர்கிறோம்.
 தேனி மாவட்டம் இயற்கை எழில்நிறைந்த பகுதி. எங்கள் மாவட்டம் பிளாஸ்டிக் இல்லா மாவட்டமாகவும், தனிநபர்கழிப்பறை இல்லா மாவட்டமாக மாற்ற வேண்டும் என்பதே எங்கள் நோக்கம்'' என்றார்.
 - ச. பாண்டி
 

]]>
http://images.dinamani.com/uploads/user/imagelibrary/2018/7/17/w600X390/im14.JPG http://www.dinamani.com/weekly-supplements/ilaignarmani/2018/jul/17/சேவை-விருது-சேவை-2961920.html
2961919 வார இதழ்கள் இளைஞர்மணி சிகரத்தைத் தொட வைக்கும் நேர்மறைச் சிந்தனைகள்! DIN DIN Tuesday, July 17, 2018 11:44 AM +0530 இன்றைய இளையதலைமுறையினர் சிலரிடம் எதிர்மறை எண்ணங்கள் நிரம்பிக் கிடக்கின்றன. உதாரணமாக, " ஒரு நாளிதழில் ஒரு நிறுவனத்தின் வேலை வாய்ப்பு தொடர்பான விளம்பரம் வந்துள்ளதே. அதற்கு விண்ணப்பித்து விட்டீர்களா?'' என ஓர் இளைஞனிடம் கேட்டால், "சார் அதெல்லாம் வெறும் கண்துடைப்பு விளம்பரம் சார். அந்த வேலைக்கு ஏற்கெனவே ஆட்களைத் தேர்வு செய்து விட்டு பேருக்கு விளம்பரம் கொடுத்துள்ளார்கள்'' என்ற பதில் வரும். இது ஒரு விதமான மறைமுக எண்ணம்.
"தம்பி, டிஎன்பிஎஸ்சி, வங்கி தேர்வு, ராணுவத் தேர்வெல்லாம் நடக்கப் போவதாக செய்தித்தாள்களில் செய்தி வந்துள்ளதே. நீ தான் பட்டம் பெற்றுள்ளாயே. அதற்கு அப்ளை செய்யலாமே. இன்னும் 5 நாள்தான் இருக்கிறது'' என கூறினால், "அட ஏன் சார் நீங்க வேற. உலகம் புரியாம பேசுறீங்க. மொத்தமே 50 போஸ்ட்தான். இதுவரை ஆயிரக்கணக்கானோர் அப்ளை பண்ணிட்டாங்க. நமக்கெல்லாம் எப்படி கிடைக்கும்?'' இப்படி பதில் வரும். இது ஒரு வகையான எதிர்மறை மனப்பான்மைதான்.
ஆனால், அந்தப் பணிக்காக ஆயிரக்கணக்கானோர் விண்ணப்பித்துள்ளார்கள். அவர்களும் நம்மை போன்ற பட்டதாரிகள்தானே? என்ற எண்ணம் அவர்களுக்கு வருவதில்லை. இந்த பணிக்காக விண்ணப்பித்திருந்த சில ஆயிரம் பேர் நிச்சயம் நமக்கு கிடைக்கும் என்று நேர்மறை எண்ணத்தால்தான் விண்ணப்பித்துள்ளார்கள் என்பதும் புரிவதில்லை.
ஒரு நிறுவனம் தலைமை அதிகாரி ஒருவர் தேவை என்று விளம்பரப்படுத்தியிருந்தது. அதன் கீழே குறிப்பு என்ற தலைப்பிட்டு, "இந்த நிறுவனம் தற்போது பெரும் நஷ்டத்தில் இயங்கி வருகிறது. என்னால் முடியும் என்ற உத்வேகம் உள்ளவர்கள் மட்டும் நேரில் வரவும்' என்று குறிப்பிட்டு நிறுவனத்தின் பெயரைக் குறிப்பிடாமல் நேர்முகத் தேர்வு நடைபெறும் இடத்தின் பெயரை மட்டும் குறிப்பிட்டு விளம்பரப்படுத்தியது.
அந்த விளம்பரத்தை ஏராளமானோர் பார்வையிட்டும், நஷ்டத்தில் இயங்கும் இதில் போய் நாம் தலைமை அதிகாரியாக இருந்து என்ன செய்ய? என நினைத்து அதை புறந்தள்ளி விட்டனர். ஆனால், நம்மால் நிச்சயமாக முடியும் என்ற நேர்மறை எண்ணம் கொண்ட ஓர் இளைஞன் நேர்முகத் தேர்வுக்கு சென்றார். அங்கே பெரிய ஆச்சரியம் காத்திருந்தது. அது நஷ்டத்தில் இயங்கும் நிறுவனம் அல்ல. மிகப்பெரும் லாபத்தில் கொழித்து வரும் எம்என்சி நிறுவனம் அது. அந்த நிறுவனம் அந்த இளைஞனுக்கு தலைமை அதிகாரி பணியை வழங்கியது. என்னால் முடியும் என்ற பாசிட்டிவ் சிந்தனையுடன் சென்ற இளைஞன் வாழ்க்கையில் வெற்றி பெற்றான்.
ஒரு பணியைத் தொடர்ந்து செய்யும் போது களைப்பு ஏற்பட்டால் தேநீர் குடித்து களைப்பைப் போக்குவது போல், மனதில் சோர்வு ஏற்பட்டால் நமக்கு பிடித்த இசை, நடனம் போன்றவற்றை கேட்டு சோர்வை போக்குவது போல், மனதில் தோன்றும் நேர்மறை சிந்தனைகள் உற்சாகத்தை அளித்து நல்ல விஷயங்களை விரைவாக செய்து முடிக்க துணை புரியும்.
நாம் வாழ்க்கையில், சில வகையான மனிதர்களைப் பார்த்திருப்போம். ஒரு சாரார் தங்களுக்குக் கிடைத்த சாதாரண வெற்றியைக்கூட கொண்டாடி மகிழ்வார்கள். மற்றொரு தரப்பினர் பெரிய வெற்றியைக் கூட கொண்டாட மாட்டார்கள். உதாரணமாக தேர்வில் சராசரி மதிப்பெண் பெற்ற மாணவன், தான் தேர்வில் வெற்றி பெற்றதை மகிழ்ச்சியாக கருதி நண்பர்களுக்கு இனிப்புகளை கொடுத்து கொண்டாடுவான். அதே சமயம் மிக நல்ல மதிப்பெண் பெறும் சிலர் ஐயோ, 2 மதிப்பெண் போய் விட்டதே? என்ற வருத்தத்தில் யாரிடம் பேசக்கூட செய்யாமல் வருத்தத்துடனே இருப்பார்கள்.
இதில், பிரச்னை என்னவென்றால், சராசரி மதிப்பெண் பெற்ற நபர் உற்சாகமாக நண்பர்களின் துணை கொண்டு உயர்கல்வி கற்பதற்கான நடவடிக்கைகளில் இறங்கி வெற்றியும் காண்பான். இதுதான் பாசிட்டிவில் எனர்ஜியின் பலன்.
ஆனால், அதிக மதிப்பெண் எடுத்த மாணவன் மதிப்பெண் போய்விட்டதே என்ன செய்ய என்று கருதி யாரிடமும் பேசாமல் தனிமையில் இருந்த காரணத்தால் முறையாக கல்லூரிகளில் விண்ணப்பிக்க கூட முடியாமல் உயர்கல்வி கற்க முடியாமல் போய் விடுவான். இதுதான் நெகட்டிவ் எனர்ஜியின் விளைவு.
இன்று பெரும்பாலான வீடுகளில் இத்தகைய எதிர்மறைச் சிந்தனைதான் எப்போதும் இயங்கிக் கொண்டிருக்கிறது. பிள்ளைகள் தேர்வில் குறைந்த மதிப்பெண் பெற்று விட்டால் போதும். "நீ எதுக்கும் லாயக்கில்லை. இப்படியே போனா எதிர்காலத்தில் உனக்கு எதுவுமே கிடைக்காது. போட்டி நிறைஞ்ச உலகத்திலே, திறமை இல்லாத உன்னை அப்படியே கீழே போட்டு மிதிச்சிருவாங்க'. இப்படியாக பெற்றோர்கள் தங்கள் குழந்தைகளின் மனதில் எதிர்மறை எண்ணங்களை விதைத்து விடுவார்கள்.
பிறகென்ன அந்த விதை மரமாகி உண்மையிலேயே அந்த இளைஞன் தனக்கு எதிர்காலமே இல்லை என்று நினைத்து வாழ்க்கையில் தோல்வியை அடையும் சூழல் உருவாகி விடும். எனவே, பெற்றோர்கள் கூடுமானவரை நேர்மறை எண்ணங்களை மட்டுமே பிள்ளைகளுக்கு சொல்லிக் கொடுக்க வேண்டும்.
- வி.குமாரமுருகன்




 

]]>
http://images.dinamani.com/uploads/user/imagelibrary/2018/7/17/w600X390/im13.JPG http://www.dinamani.com/weekly-supplements/ilaignarmani/2018/jul/17/சிகரத்தைத்-தொட-வைக்கும்-நேர்மறைச்-சிந்தனைகள்-2961919.html
2961918 வார இதழ்கள் இளைஞர்மணி புதிய வேலை... புதிய பார்வை! DIN DIN Tuesday, July 17, 2018 11:43 AM +0530 புதிய வேலையில் சேரும் போது நம்மில் பலரும் பள்ளிக்கு முதன் முதலில் செல்லும் போது ஏற்படும் அச்சம் கலந்த உணர்வுடனேயே இருப்பது வழக்கம். அந்த அலுவலகச் சூழல் மற்றும் புதிய நபர்களைப் பற்றி தெரிந்து கொள்ளும் வரை நாம் யாருடனும் மனம் விட்டு பேச முடியாமல் இறுக்கமான நிலையில் இருக்க வேண்டி வரும்.
இது ஒன்றும் பெரிய விசயம் அல்ல. நாம் எங்கு சென்றாலும் எதைப் பேச வேண்டும் என்ன செய்ய வேண்டும் என்பது குறித்து ஒரு முன் தயாரிப்பு செய்து கொண்டால் எத்தகைய கடினமான சூழலையும் கடந்து விடலாம். அதுகுறித்த சில ஆலோசனைகள் உங்களுக்காக...
உடன் பணிபுரிபவர்களைப் பற்றி தெரிந்து கொள்ளுங்கள்: புதிய அலுவலகத்தில் நாம் சேர்ந்ததும் நமது வேலை பற்றி தெரிந்து கொள்வது எவ்வளவு முக்கியமோ அதேபோல் உடன் பணிபுரிபவர்கள் பற்றி தெரிந்து கொள்வதும் மிக மிக அவசியம். நாம் எல்லாருக்கும் சிறந்த நண்பராக இருக்க முடியாது என்றாலும் அனைவரையும் பற்றி அறிந்து கொள்ளும் போதுதான் நாம் இயல்பாக பழகவும் பணியாற்றவும் முடியும்.
உங்கள் எல்லையை அறிந்து கொள்ளுங்கள்: புதிய வேலையில் சேர்ந்ததும் நாம் நமது எல்லை எது என்று தெரிந்து கொள்ள வேண்டும். அடுத்தவர்கள் பணி மற்றும் இதர விசயங்களில் தேவை இல்லாமல் தலையிடுவதைத் தவிர்த்து விடுங்கள். மிகுந்த எதிர்பார்ப்புகள் எதையும் வைத்துக் கொள்ளாதீர்கள்.
குற்றச்சாட்டுகளைத் தவிர்த்துவிடுங்கள்: புதிய பணியாளரை சக ஊழியர்களிடம் எவ்வாறு அறிமுகப்படுத்துவது என்பது குறித்து ஒவ்வொரு நிறுவனத்திற்கும் வேறுபட்ட கருத்துக்கள் உள்ளன. இருப்பினும், உங்களுடைய செயல்பாடுகள் பற்றி நீங்கள் சில கருத்துக்களை தெரிவிக்கலாம். மற்றவர்களின் செயல்பாடுகள் பணிகள் குறித்து குறைகள் எதை கண்டாலும் தொடக்கத்திலேயே குற்றச்சாட்டுகளை முன் வைக்காதீர்கள். உங்கள் மேலாளர் எடுக்கும் எந்த உத்தரவையும் சரியாகச் செய்து முடிக்க தயாராக இருக்க வேண்டும்.
மனம் திறந்து பேசுங்கள்: வேலைக்குச் சேர்ந்த முதல் சில வாரங்களிலேயே உங்கள் முழு திறமையையும் நீங்கள் வெளிப்படுத்துவது சாத்தியமில்லை. எனவே உங்களுக்கு தெரியாத சில விசயங்கள் குறித்து பிறரிடம் கூச்சம் ஏதும் இன்றி கேட்டு தெரிந்து கொள்ளுங்கள். அவ்வாறு கேட்டு தெரிந்து கொள்வதற்கு கௌரவம் பார்க்காதீர்கள். உங்களின் வெளிப்படத் தன்மை உங்கள் மேலாளரைக் கவரக்கூடும்.
பயிற்சி காலங்களில்...: ஒவ்வொரு நிறுவனத்திலும் வெவ்வேறு விதிமுறைகளும் நடைமுறைகளும் இருக்கும் நீங்கள் பணியில் சேர்ந்த ஓராண்டு பயிற்சி அல்லது திறன் காண் காலம் என்று சொல்லப்படும் Probationary periods- இல் உங்கள் முன்னேற்றத்தை கவனத்தில் கொள்ளுங்கள். உங்கள் செயல்பாடுகள் மூலம் உங்கள் மேலாளரின் கவனத்தை ஈர்த்துக் கொள்ளுங்கள்.
உங்கள் திறனை வளர்த்துக் கொள்ள கூடுதல் பயிற்சி மற்றும் அதிகாரிகளின் நன்மதிப்பை பெற இக்காலக்கட்டத்தை பயன்படுத்திக் கொள்ளுங்கள். அது உங்கள் முன்னேற்றத்திற்கு சிறந்த வழியாக இருக்கும். முக்கியமான அலுவலகக் கூட்டம் மற்றும் திட்ட அறிக்கைகள் தயாரிப்பு போன்ற பணிகளை மேற்கொள்ளும் வாய்ப்பு கிடைத்தால் தவிர்க்காதீர்கள். அலுவலக பணிகளில் உங்களை எப்போது பிஸியாக வைத்துக் கொள்ளுங்கள்.
புதிய வேலை என்பது வெறும் வேலை என்று எடுத்துக் கொள்ளாமல் அதை உங்கள் வாழ்வின் உயர்நிலைக்கான படியென கொள்ளுங்கள் வெற்றி நிச்சயம்.
- திருமலை சோமு
 

]]>
http://images.dinamani.com/uploads/user/imagelibrary/2018/7/17/w600X390/im12.JPG http://www.dinamani.com/weekly-supplements/ilaignarmani/2018/jul/17/புதிய-வேலை-புதிய-பார்வை-2961918.html
2961916 வார இதழ்கள் இளைஞர்மணி கைவினைப் பொருள் தயாரிப்பு பயிற்சி! DIN DIN Tuesday, July 17, 2018 11:39 AM +0530 கைவினைப் பொருட்களை தங்களுடைய வீடுகளில் அலங்காரப் பொருட்களாகவும்,அத்தியாவசிய பயன் பாட்டுக்கான பொருட்களாகவும் மக்கள் பயன்படுத்துகின்றனர். கைவினைப் பொருட்கள் எக்காலத்திலும், எல்லோரிடத்திலும் வரவேற்பு பெறக் கூடியவையாகும். அவற்றின் விலைமதிப்பும் அதிகமாகவே இருக்கும். அதனால் கைவினைப்பொருட்கள் தயாரிப்பு தொழில் இன்றும் நல்ல வளர்ச்சி கண்டு வருகிறது. கைவினைப் பொருட்களை அனைவரும் வாங்க விரும்புகின்றனர். 
கைவினை பொருட்கள் தயாரிப்பு குறித்த பயிற்சியைப் பெற்றவர்கள் அத்தொழிலில் ஈடுபட்டு நல்ல வருவாய் ஈட்டலாம். 
கைவினைப் பொருட்கள் தயாரிப்பு குறித்த பயிற்சியை வழங்கும் நிறுவனங்கள்:
Indian Institute of Crafts and Design, Jaipur - https://www.iicd.ac.in/
Mahatma Gandhi Institute for Rural Industrialization - http://www.mgiri.org/rural-craft-engineering/
International Centre For Indian Crafts  - http://www.nid.edu/activities/icic.html
ARCH - https://www.archedu.org/b-des-craft-accessory-design.html#
Centre for Cultural Resources and Training, Ministry of Culture, Government of India - http://ccrtindia.gov.in/supw.php
CENTRE FOR INDIAN BAMBOO RESOURCE AND TECHNOLOGY -  http://www.cibart.in/Training.aspx
- எம்.அருண்குமார் 

]]>
http://images.dinamani.com/uploads/user/imagelibrary/2018/7/17/w600X390/im11.JPG http://www.dinamani.com/weekly-supplements/ilaignarmani/2018/jul/17/கைவினைப்-பொருள்-தயாரிப்பு-பயிற்சி-2961916.html
2961915 வார இதழ்கள் இளைஞர்மணி வாங்க இங்கிலீஷ் பேசலாம் 148 ஆர்.அபிலாஷ் DIN Tuesday, July 17, 2018 11:37 AM +0530 புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரிடம் செல்கிறார்கள். போகும் வழியில் கணேஷ் a dog with two tails  எனும் சாட்டு வாக்கியத்துக்கான அர்த்தத்தை வினவுகிறான்.
கணேஷ்: அது ஓகே சார். அழகா விளக்கினீங்க. ஆனால் அது என்ன ரெண்டு வால்? ஒரு வாலை வச்சிட்டே ஜூலி ஓவரா ஆட்டம் போடுதே?
புரொபஸர்: அதான் விசயமே -ஒரு வாலைக் கொண்டே நாய் தன் மகிழ்ச்சியை இவ்வளவு லாகவமாய் வெளிப்படுத்துகிறதே, அதற்கு ரெண்டு வால்கள் இருந்தால் எப்படியான குதூகலத்தை வெளிப்படுத்தும்? இந்த கேள்வியின் விளைவாக இந்த idiom தோன்றியிருக்கலாம்.
ஜூலி: ஆனால் இந்த சொற்றொடரின் ஆதி அர்த்தம் வேறு?
கணேஷ்: அப்படியா?
ஜூலி: ஆமாம். ஆரம்பத்தில் இது "அவர் செம கெத்தாய் / தற்பெருமையுடன் நடந்து கொண்டார்' எனும் பொருளில் பயன்படுத்தப்பட்டது. நான் சொல்வது 16வது நூற்றாண்டில். அப்போது தான் இந்த சாட்டு வாக்கியம் முதன்முதலில் பயன்பாட்டுக்கு வந்திருக்கும் என்கிறார்கள். அதாவது, John Mactaggart என்பவர் எழுதிய Three Years in Canada எனும் நூலில்.
கணேஷ்: அது யார் John Mactaggart? எழுத்தாளரா / சிந்தனையாளரா?
ஜூலி: அது தான் இல்லை. அவர் ஒரு கட்டட பொறியாளர். அவர் எழுதின நூலில் தான் இது முதலில் இடம்பெற்றது. இதன் பின்னால் ஒரு வரலாறு உள்ளது. அது சுவாரஸ்யமானது.
அவர்கள் மருத்துவரின் உள்ளறைக்கும் முன்பான பரிசோதனை அறைக்கு செல்கிறார்கள்.
உதவியாளர்: இங்கே காத்திருங்கள்.
கணேஷ்: இங்கே யாராவது வந்து பரிசோதிப்பார்களா?
உதவியாளர்: தயவு செய்து காத்திருங்கள். (அவர் அகல்கிறார்)
புரொபஸர்: நாம் இங்கு இருந்து பேசுவது மருத்துவர் உள்ளிருந்து கவனிப்பார் - அவரது டிவியில்.
கணேஷ்: இங்கே கண்காணிப்பு கேமராக்கள் உண்டா?
புரொபஸர்: ஆமாம். நீ கண்டுபிடிக்க முடியாத இடங்களில், வடிவங்களில். 
கணேஷ்: அங்குள்ள பூஜாடி, சுவர் அலங்காரங்கள், சாம்பல் கிண்ணம் என ஒவ்வொரு பொருளாய் திருப்பி கவிழ்த்து சோதிக்கிறான்.
புரொபஸர்: உன்னால் கண்டுபிடிக்க முடியாது என்றேனே...
கணேஷ்: என்ன செய்ய?
புரொபஸர்: அமைதியா இரு
கணேஷ்: சரி இருப்போம். (ஜூலியிடம்) அதுவரை நீ கதையைச் சொல்லு
ஜூலி: சரி கேளு. he Canadas கேள்விப்பட்டிருக்கியா?
கணேஷ்: Canada தெரியும் - ஒரு நாடு. 
ஜூலி: ஆமாம் அது பதினாறாம் நூற்றாண்டில் ஒரு பிரெஞ்சு காலனியாக இருந்தது. ஏழு வருடங்கள் நடைபெற்ற Seven Years War -இல் இங்கிலாந்தும் பிரான்ஸும் மோதியது. பிரான்ஸ் தோல்வி அடைந்தது. இதன் விளைவாக கனடா ஆங்கிலேயர் வசமானது. ஆனால் பிரஞ்சு மக்கள் முழுக்க அங்கிருந்து வெளியேறவில்லை. ஆக, கனடா இரண்டாய் பிரிந்தது - மேல் கனடா மற்றும் கீழ் கனடா. மேல் கனடாவில் ஆங்கிலேயர் குடியேறினார்கள். கீழ் கனடாவில் பிரஞ்சு மக்கள் வாழ்ந்தார்கள். பத்தொன்பதாம் நூற்றாண்டில் ஜான் மெக்டெகார்ட் எனும் ஒரு ஸ்காட்லாந்து பொறியாளர் கனடாவுக்குச் சென்றார். அவருக்கு அளிக்கப்பட்ட பணி என்பது மேல் மற்றும் கீழ் கனடாக்களை இணைக்கும்படியாய் ஒட்டாவா நதிக்கு மேலாக ஒரு பாலம் அமைப்பது. அதுவரை இந்த நதியே இரு கனடாக்களையும் பிரித்து வந்தது. இந்த பாலத்தின் கட்டமைப்புடன் பிரிவினை நீங்கியது. ஊருக்கு திரும்பிய அந்த பொறியாளர் ஒரு புத்தகம் எழுதினார் - Three Years in Canada. இந்த புத்தகத்தில் கீழ்கண்ட வரி வருகிறது. தான் கட்டி திறந்து வைத்த பாலத்தில் ஒரு கனவான் / நிலச்சுவான்தார் பெருமையாய் நடந்து போவதை குறிக்கும் விதமாய் அவர் இவ்வாறு எழுதினார்: Off went the Laird, as proud as a dog with two tails. இது தான் இந்த சாட்டு வாக்கியம் முதலில் ஆங்கிலத்தில் பயன்படுத்தப்பட்ட வரலாறு. இங்கே நீ ஒரு விசயத்தை கவனிக்க வேண்டும்.
கணேஷ்: என்ன?
ஜூலி: நாங்கள் நாய்கள் வாலை ஆட்டுவது மட்டுமில்லை. 
கணேஷ்: பிறகு?
ஜூலி: நாய் தன் வாலை அசைப்பதற்கு பல அர்த்தங்கள் உண்டு. அதை அறிந்தால் ஜான் மெக்டெகார்ட் ஏன் அப்படி எழுதினார் என நாம் சுலபத்தில் புரிந்து கொள்ள முடியும்.
(இனியும் பேசுவோம்)

]]>
http://images.dinamani.com/uploads/user/imagelibrary/2018/7/17/w600X390/im9.jpg http://www.dinamani.com/weekly-supplements/ilaignarmani/2018/jul/17/வாங்க-இங்கிலீஷ்-பேசலாம்-148-2961915.html
2961913 வார இதழ்கள் இளைஞர்மணி தேவை... கட்டாய ராணுவப் பயிற்சி! - சுகி. சிவம் DIN DIN Tuesday, July 17, 2018 11:31 AM +0530 நீ... நான்... நிஜம்! -27
கடந்த சில வாரங்களாக ஆண் பிள்ளைகள், பெண் பிள்ளைகள் என்று பிரித்துப் பிரித்து அவர்களது வெற்றிக்கான இரகசியங்களை விளக்கிக் கொண்டிருந்தேன். இனி இரு தரப்பையும் இணைத்தே யோசிக்கலாம் என்று கருதுகிறேன். தூக்கத்திலிருந்து விழிப்பது போல், கனவு கலைவது போல், ஒவ்வொருவரும் தங்கள் மன மயக்கங்களிலிருந்து மீண்டால் மட்டுமே நாம் வெற்றியாளராக வாழ முடியும். இந்தச் சின்ன விஷயம் பலருக்கும் புரிவதில்லை. சின்ன வயதிலிருந்து, ஏதோ ஒன்று நம்மை ஆட்டிப் படைக்கிறது என்கிற விழிப்பு நம்மில் எத்தனை பேருக்கு ஏற்பட்டுள்ளது? பொம்மை, பட்சணம், துணிமணி, ஹோட்டல், பிக்னிக், சினிமா, அரட்டை, காமம் இப்படி ஏதோ ஒரு சிலந்தி வலை, நம்மை ஈயாக்கி இரையாக்குவதை, நம்மில் எத்தனை பேர் விழிப்புடன் உற்று நோக்கி விலகத் தொடங்குகிறோம்?
விதியின் கரங்களில் வடிவமைக்கப்பட்ட உடல், தாயின் கர்ப்பத்தில் உண்டான குழப்பமான மனம், முன்னவர்கள் விட்டுச் செல்லும் தாறுமாறான சமூக அமைப்பு, இவை தவிர நாம் ஏற்படுத்திக் கொண்ட செளகர்ய சக்கரம் (Comfort Zone) இதில் சிக்கிச் சீரழிகிறோமே ஒழிய, இவற்றைக் கிழித்தெறிந்து புறப்படும் ஆவேசம், நம்மில் பலருக்கும் இல்லை. அதனால்தான் நாம் வெற்றியாளர் ஆவதில்லை.
ஓர் உதாரணம் சொல்கிறேன். பதினெண் வயது பருவ ஆண்களின் பலவீனம் சீறிப்பாயும் மோட்டார் பைக்... அதிலும் அதன் அதிகபட்ச வேகத்தை அனுபவிக்க வேண்டும். பதினெட்டு வயதானால் பைக் கிடைக்கும் என்கிற பரபரப்பு எத்தனை இளைஞர்களின் இதயத்துடிப்பைக் கூட்டி இருக்கிறது தெரியுமா? மோட்டார் பைக் ஓட்டுவது பஞ்சமா பாதகம் இல்லை... அதிலும் காதலியை பைக்கின் 2வது மாடியில் (சில பைக்குகளின் பின்சீட் 2வது தளம் போல் தான் இருக்கிறது.) குடியமர்த்தி ஓட்டுவது கூட தவறில்லை தான்... ஆனால் வேகம்... கண்மண் தெரியாத காட்டாற்று வேகம்... பெட்ரோல் டேங்கிற்கு ஹெல்மெட் போட்டு விட்டு, பேயாய், பிசாசாய்ப் பறக்கும் அந்த அநியாய வேகம்! இதைவிட முடிகிறதா?
புலவர் மா. ராமலிங்கம் ஒரு புதுக்கவிதை சொன்னார்: "யமஹாவுக்கும் பல்சருக்கும் போட்டி... ஜெயித்தது என்னவோ ஆம்புலன்ஸ்' வேகத்தால் விளையும் விபரீதங்களின் பிரத்யட்சமான படப்பிடிப்பு... இளைஞர்கள் இத்தனை வேகமாக எங்கே போகிறார்கள்? அவ்வளவு அவசரமாக என்ன வேலை? பெற்றவர்கள் கூட பிள்ளைகளிடம் பேச முடியாத விஷயம் இது. வேகம் இளமையின் கொடை... அதே சமயம் Speed thrills… but kills என்கிற அனுபவ அறிவும் அவர்களுக்கு வேண்டுமல்லவா? இந்தியாவில் நிகழும் சாலை விபத்துகளில் இளைய ரத்தம் தான் அதிகம் குடிக்கப்படுகிறது. மரண தேவதைக்கும் இளைஞர் மீது அப்படி ஒரு மயக்கம் போலும்.
விபத்துகளில் இளைஞர்க்கு மட்டும் துன்பமில்லை. கை கால் முறிந்து எதிர்காலம் ஊனமாவதால் பெற்றவருக்கும் பெரும் பிரச்சனைதான். மோட்டார் பைக் அசுர வேகத்தால் நடை பாதைப் பயணிகள் கூட கஷ்டப்படுகிறார்கள். எங்கள் வீட்டு பக்கத்து வீட்டில் மணம் முடித்து ஓராண்டு கூட நிறையாத காதல் கிளிகள் இருந்தார்கள். அதில் பெண் கிளியை ஒரு எருமை நிகர் மோட்டார் பைக் நடைபாதை மீதேறி நசுக்கி விட்டது... அந்த ஆண் கிளியின் வேதனையை அன்றாடம் பார்க்கிறேன் நான்... மரணத்தின் காரணம் வேகம்... வேகம்... வேகம் மட்டும் தான். யாரோ வேகமாய் வர யாரோ சாகிறார்கள்... தவறு செய்பவர் வேறு... தண்டிக்கப்படுகிறவர் வேறு... வேகத்திலிருந்து இளைய தலைமுறையை விவேகத்திற்கு நாடு கடத்த, பெற்றோரும் சமூகமும் என்னதான் செய்வது? நான் இப்போது சொல்லப் போகும் வழிமுறை பலருக்கும் பிடிக்காது. முதலில் பிறர் சொல்லும் யோசனைகள். பிறகு நான் சொல்லும் யோசனை.
1. மனதில் படும்படி பிள்ளைகளுக்கு அறிவுரை சொல்ல வேண்டும். கடவுளே... நம் பிள்ளைகள் ஆறு அவுன்ஸ் விஷம் கொடுத்தால் கூட குடித்து விடுவார்கள். ஐந்து நிமிடம் Advice என்றால் செத்தே போய்விடுவார்கள். 
2. விபத்து, மரணம், வேகம், குறித்து பாடத்திட்டத்தில் சேர்க்கலாம். Choice இல் விட்டுவிடுவார்கள்.
3. நீதி போதனை வகுப்புகளை மீண்டும் தொடங்கலாம்... பத்துப் பைசாவுக்குப் பிரயோஜனப் படாது.
4. Whatsapp -இல் விபத்துகள் படங்களை வெளியிடலாம்... Delete செய்து விடுவார்கள்... அல்லது அதையும் போனில் பார்த்தபடியே வண்டி ஓட்டுவார்கள். அப்படியானால் இவர்களிடம் discipline வர என்ன தான் வழி...
ஒரேவழி... சிங்கப்பூர் மற்றும் ஐரோப்பிய நாடுகளில் 15 வயது முதல் 17 வயது வரை கட்டாய ராணுவப் பயிற்சி தருகிறார்கள். அதை இந்தியாவில் நடைமுறைப் படுத்துகிற ஆண்மை மிக்க அரசு தேவை. பிள்ளைகள் எதிர்க்கிறார்களோ இல்லையோ இதைப் பெற்றோர்களே எதிர்ப்பார்கள். அதை எதிர்கொள்ளும் அரசு தேவை. "நேதாஜி நேஷனல் ஃபோர்ஸ்' என்று இரண்டாண்டு கட்டாய ராணுவப் பயிற்சி இந்தியாவில் கொண்டு வருவது தான் இந்திய இளைஞர்களைச் செம்மைப்படுத்த ஒரேவழி. சுயகட்டுப்பாடு, பெற்றோர்கள் அளிக்கும் ஒழுங்குமுறை, பள்ளிகளின் போதனை அல்லது அடக்குமுறை இவை எதுவுமே பயனளிக்காது... ஆண், பெண் இருவருக்கும் 15 வயது முதல் இரண்டாண்டு கட்டாய ராணுவப் பயிற்சி அமலுக்கு வந்தால் 2020 - இல் இந்தியா நிச்சயம் வல்லரசாகும். 
ராணுவத்தில் நுழையும்முன் என் நண்பர்கள் எப்படி இருந்தார்கள் என்பதையும் பின்னர் எப்படி மாறிப்போனார்கள் என்பதையும் நானறிவேன். கமாண்டோ பிரிவில் எனக்கு ஒரு நண்பர் இருக்கிறார். அவர் சேர்ந்து முதல் நாள் மதிய உணவுக்கூடம் போனபோது மயக்கம் வராத குறைதான்... அத்தனை வகை வகையான உணவுகள்... வேண்டியதை எடுக்கலாம்... வேண்டிய அளவு சாப்பிடலாம்... ஆனந்தமாக அள்ளிக் குவித்தார். ஆனால் ஓர் அளவுக்கு மேல் எப்படி உண்பது? பாதித் தட்டில் மிச்ச உணவைச் சேர்த்து குப்பையில் கொட்டப் போனார். அங்கு நின்றிருந்த மேலதிகாரி, ""வாங்க சார்... வாங்க மிச்சத்தை அந்த பிளாஸ்டிக் பையில் போட்டு ஃபிரிஸரில் வையுங்கள்... இரவு உணவும் உங்களுக்கு இதே... இதேதான்'' என்றார். இதன் பின் அவர் உணவை வீணாக்குவாரா என்ன? நிதானம், கவனம், உணவு அளவில் பிரக்ஞை அவருக்கு வந்துவிட்டது! ஒரு ராணுவ வீரன் உணவை ஒருபோதும் வீணாக்க மாட்டான்.
அதைவிட மேலான அனுபவம் அவருக்கு உண்டு. ஒரு நாள் உணவு முடித்து நண்பர் வெளியே வரும்போது அவரது அதிகாரி, ""பையா.. வா.. கிரவுண்டில் மூன்று ரவுண்டு ஓடுவோம்..'' என்றார். 
"ஐயா.. இப்போதுதான் உணவுண்டோம்... ஓட முடியுமா?'' என்று இழுத்தார். ""பையா எதிரி எப்போது துரத்துவான், அவனை எப்போது துரத்த வேண்டி இருக்கும் என்று தெரியுமா? இப்போதுதான் சாப்பிட்டேன்... பிறகு ஓடுவோமா என்று எதிரியுடன் பேச்சுவார்த்தை நடத்த முடியாது. உணவு எப்போதும் வேலைக்கு இடையூறில்லாதபடி கொள்ள வேண்டும்'' என்றார். நண்பர் புதுப் 
பிறவியே எடுத்துவிட்டார்.
ஒருமுறை ஒரு விழாவில் பேசப் போனபோது நான் தங்குமிடத்தில் ஒரு ராணுவ வீரரை, எனக்கு உதவிக்கு நிறுத்தி இருந்தனர். அவரது சிரமம் உணர்ந்து என் அறையுள் இருக்கும் குளியலறையைப் பயன்படுத்திக் கொள்ளுங்கள் என்று சொன்னேன். முதலில் மறுத்தவர் வேறுவழியின்றி இறுதியில் பயன்படுத்தினார். ஓர் ஆச்சர்யம் சொல்லட்டுமா? அவர் பயன்படுத்திய பிறகு நான் உள்ளே நுழைந்த போது அதிசயம் அடைந்தேன். ஒரு சொட்டு ஈரமில்லை.. அறை பயன்படுத்தப்படாத மாதிரியே தூய்மை குறையாது துலங்கியது.
"எப்படி தம்பி இப்படித் தூய்மையாக விட்டுவிட்டு வருகிறீர்கள்?'' என்று வியந்து கேட்டேன். ""ராணுவத்தில் இது கட்டாயம்... எந்த அறையைப் பயன்படுத்தினாலும் பயன்படுத்திய சுவடே தெரியாத அளவு பயன்படுத்த வேண்டும். குறிப்பாகக் கழிவறை, குளியலறை அடுத்தவருக்கு அருவருப்பே வராதபடி புத்தம் புதிதுபோல பேணப்பட வேண்டும்'' என்றார். இதையெல்லாம் வீட்டில் சொல்லித் தருவது அத்தனை சுலபமில்லை என்கிறேன்.
ஒரு ராணுவ அதிகாரி சொன்ன தகவல் இதைவிட சுவையானது. உயரதிகாரிகளுக்கான போட்டி ஒன்றைப் பற்றி விவரித்தார். இருபது வகை உடை... அதற்கான காலணிகள்... ஷூ...டை... ஓவர்கோட்... இத்யாதி இத்யாதிகள்... பாரம்பரிய வேட்டி, துண்டு வகையறாக்கள் வேறு... Parade க்கு உடுத்தும் சீருடை... ஓய்வு நேர உடை... வழிபாட்டுக்கான உடை, பார்ட்டிகளில் பங்கேற்கும் உடை என்று இருபது வகை உடையலங்காரப் போட்டி அது. ஒவ்வொன்றுக்கும் விதவிதமான ஷுக்கள், சப்பல் என்று வித்தியாசமான காலணிகள் வேறு... ஐந்து நிமிட இடைவெளியில் முழு உடையலங்காரத்துடன் மாறிமாறி வரவேண்டும். "பார்ட்டி டிரஸ்' என்றதும் பார்ட்டிகளுக்கான உடையலங்காரத்துடன் வர வேண்டும். "கோயில்' என்றதும் பாரம்பரிய உடைக்கு மாற வேண்டும். ஷூ லேஸ் கூட தவறாக இருக்கக் கூடாது. சட்டை பொத்தான் சரியாக இருக்க வேண்டும். தவறு இருந்தால் பரிசு கிடையாது என்றில்லை... மேலதிகாரி சொல்லும் வரை கிரவுண்டில் ஓட வேண்டி இருக்கும். போட்டு வந்த உடைக்காக மட்டும் பரிசில்லை. மாற்றிய உடை தாறுமாறாகக் கிடக்கக் கூடாது... அது அது... அதனதன் இடத்தில்... மிகச் சரியாக வைக்கப் படவேண்டும். இந்த discipline  - ஐ யாராலும் போதித்து விட முடியாது! இரண்டாண்டு கட்டாய ராணுவப் பயிற்சி மட்டுமே நம் இளைஞர்களைப் பொறுப்பும் கட்டுப்பாடும் உடையவர்களாக மாற்றும் என்று நான் உறுதியாக நம்புகிறேன். சுயநலவாதிகளின் கூடாரத்தை மாற்றியமைத்து பொதுநலவாதிகளின் பூங்காவாக ஆக்க வேண்டாமா?
ஸ்விட்சர்லாந்தில் என் நண்பர் வீட்டில், அதிகாலைப் பனிமூட்டத்தில் அவரது பதினெட்டு வயது மகன் தன் காலைச் சிற்றுண்டியைத் தயாரிக்கிற காட்சியைக் கண்டு நான் ஆச்சர்யப்பட்டேன். இரண்டாண்டுக்கு முன்பு வரை அவரைக் காலைச் சிற்றுண்டிக்கு அமரவைக்க அவரது அம்மா பட்டபாட்டை நான் பார்த்துச் சிரித்திருக்கிறேன். இவரை இப்படி யார் மாற்றினார்கள்? என்றேன். இந்த நாட்டு அரசு என்று பதில் வந்தது. சுறுசுறுப்பான வாழ்வு, கட்டுமஸ்தான உடல், கச்சிதமான உடை அலங்காரம், அடுக்கி வைக்கப்பட்ட அறையொழுங்கு, ஒளி உமிழும் கண்களுடன் பளிச்சிடும் அவரது மழித்த வழவழப்பான முகம், கம்பீரம் எல்லாமே அவரது நாடு கொடுத்த கொடை... நேதாஜி நேஷனல் ஃபோர்ஸ் மற்றும் பெண்களுக்கு ஜான்ஸி ராணி படைப்பிரிவு இந்தியப் பிள்ளைகளுக்கும் இந்த நியமமான வாழ்வு தரமுடியுமே! இது பூனைக்கு மணிகட்டும் வேலை இல்லை. யானைக்கு அம்பாரி பூட்டும் அரசாங்க வேலை. 
(தொடரும்)

]]>
http://images.dinamani.com/uploads/user/imagelibrary/2018/7/17/w600X390/im8.JPG http://www.dinamani.com/weekly-supplements/ilaignarmani/2018/jul/17/தேவை-கட்டாய-ராணுவப்-பயிற்சி---சுகி-சிவம்-2961913.html
2961912 வார இதழ்கள் இளைஞர்மணி வேலை...வேலை...வேலை... DIN DIN Tuesday, July 17, 2018 11:20 AM +0530 தேசிய நோய்தொற்றியல் 
நிறுவனத்தில் (NIE) வேலை
பதவி: Project Assistant (Social work)
காலியிடம்: 1
கல்வித் தகுதி: சமூக அறிவியல்/ நோய்தொற்றியல்/ புள்ளியியல் துறைகளில் இளங்கலைப் பட்டத்துடன் சம்பந்தப்பட்ட பணியில் மூன்றாண்டு அனுபவம்
அல்லது முதுகலைப் பட்டம்.
வயது வரம்பு: 30 வயதுக்குள் இருக்க வேண்டும். 
பதவி: Data Entry Operator
காலியிடம்: 1
கல்வித் தகுதி: பிளஸ் டூ அல்லது அதற்கு இணையான படிப்புடன், ஆங்கில தட்டச்சில் அரசு டிப்ளமோ & தமிழ் தட்டச்சில் இளநிலை தேர்ச்சி
வயது வரம்பு: 30 வயதுக்குள் இருக்க வேண்டும். சில பிரிவினருக்கு வயது வரம்பில் தளர்வு உண்டு.
விண்ணப்பிக்கும் முறை:  www.nie.gov.in என்ற இணையதளத்தில் இருந்து விண்ணப்பத்தைப் பதிவிறக்கம் செய்து, பூர்த்தி செய்து, தேவையான
சான்றிதழ்களுடன் கீழ்க்காணும் முகவரியில் நடைபெறும் நேர்முகத் தேர்வில் கலந்துகொள்ள வேண்டும்.
முகவரி: Model Rural Health Research Unit,   Govt.Primary Health Centre, Kallur, Tirunelveli District, Tamil Nadu
மேலும் விவரங்களுக்கு: http://nie.gov.in/images/careers/Recuritment_MRHRU_101.pdf  என்ற இணையதளத்தைப்
பாருங்கள்.
நேர்முகத் தேர்வு நடைபெறும் தேதிகள்: 19-07-2018 & 20-07-2018.

பெரியார் பல்கலைக்கழகத்தில் வேலை
பதவி: Supporting Staff (Field Assistant)
காலியிடம்: 1
கல்வித் தகுதி: Bilogocial Science/ Life Science/ Geology/ Chemistry அல்லது சம்பந்தப்பட்ட பிரிவுகளில் பி.எஸ்சி முடித்திருக்க வேண்டும்.
வயது வரம்பு: 28 வயதுக்குள் இருக்க வேண்டும்.
விண்ணப்பிக்கும் முறை: www.periyaruniversity.ac.in என்ற இணையதளத்தில் இருந்து விண்ணப்பத்தைப் பதிவிறக்கம் செய்து,
பூர்த்தி செய்து, தேவையான அசல் மற்றும் நகல் சான்றிதழ்களுடன் கீழ்க்காணும் முகவரியில் நடைபெறும் நேர்முகத் தேர்வில் கலந்துகொள்ள வேண்டும்.
முகவரி: epartment of Environmental Science, Periyar University, Salem – 636 011.
மேலும் விவரங்களுக்கு: www.periyaruniversity.ac.in/Documents/2018/NSEV/Advt_field_assitance.pdf என்ற இணையதளத்தைப் பாருங்கள்.
நேர்முகத் தேர்வு நடைபெறும் தேதி & நேரம்: 20-07-2018 காலை 11 மணி.

ரிசர்வ் வங்கியில் வேலை
பதவி: Grade ‘B’ (DR) - General
காலியிடங்கள்: 127
கல்வித்தகுதி: இளநிலைப் பட்டம், பிளஸ் 2, பத்தாம் வகுப்புகளில் 60 சதவீத மதிப்பெண்களுடன் தேர்ச்சி. (எஸ்சி/எஸ்டி பிரிவினருக்கு-50 சதவீதம்.)
பதவி: Grade ‘B’ (DR) - DEPR
காலியிடங்கள்: 22
கல்வித்தகுதி: Economics / Econometrics / Quantitative Economics / Mathematical Economics / Integrated Economics Course/ Finance  துறைகளில் முதுகலைப் பட்டம் குறைந்தது 55 சதவீத மதிப்பெண்களுடன் தேர்ச்சி.
(எஸ்சி/எஸ்டி பிரிவினருக்கு-50 சதவீதம்.) பொருளாதாரத்தில் முனைவர் பட்டம் அல்லது ஆய்வுப் பணி அல்லது ஆசிரியர் அனுபவம் கொண்டவர்களுக்கு
முன்னுரிமை.
பதவி: Grade ‘B’ (DR) - DSIM
காலியிடங்கள்: 17
கல்வித்தகுதி: ஐஐடி கோரக்பூரில் Statistics/ Mathematical Statistics/ Mathematical Economics/ Econometrics/ Statistics & Informatics முதுகலைப் பட்டம் அல்லது ஐஐடி மும்பையில் Applied Statistics & Informatics முதுகலைப் பட்டம்-55 சதவீத மதிப்பெண்களுடன் தேர்ச்சி 
(அல்லது)
கணிதத்தில் முதுகலைப் பட்டத்தில் 55 சதவீத மதிப்பெண்களுடன் தேர்ச்சியுடன், புள்ளியியலில் ஓராண்டு முதுகலை டிப்ளமோ
(அல்லது)
இந்திய புள்ளியியல் நிறுவனத்தால் வழங்கப்படும் எம்.ஸ்டாட். பட்டத்தில் 55 சதவீத தேர்ச்சி
(அல்லது)
ஐஎஸ்ஐ கொல்கத்தா, ஐஐடி கோரக்பூர், ஐஐஎம் கொல்கத்தா இணைந்து வழங்கும் பிசினஸ் அனலைட்டிக்கல் முதுகலை டிப்ளமோவில் 55 சதவீத தேர்ச்சி
(மேற்கண்ட படிப்புகளில் எஸ்சி/எஸ்டி/ மாற்றுத் திறனாளிகள் 50 சதவீத மதிப்பெண்கள் எடுத்திருந்தால் போதும்)
வயது வரம்பு: 21 வயதிலிருந்து 30 வயதுக்குள் இருக்க வேண்டும். 
விண்ணப்பிக்கும் முறை: www.rbi.org.in என்ற இணையதளத்தில் விண்ணப்பதாரரின் விவரங்களைப் பூர்த்தி செய்து, தேவையான சான்றிதழ்களைப்
பதிவேற்றம் செய்து, ஆன்லைன் மூலம் விண்ணப்பக் கட்டணத்தைச் செலுத்தி விண்ணப்பிக்கலாம்.
விண்ணப்பக் கட்டணம்: பொது/ஓபிசி பிரிவினருக்கு ரூ.850; எஸ்சி/எஸ்டி/ மாற்றுத் திறனாளிகளுக்கு ரூ.100
தேர்ந்தெடுக்கப்படும் முறை: இரண்டு கட்ட ஆன்லைன் தேர்வுகள் மற்றும் நேர்முகத் தேர்வு.
மேலும் விவரங்களுக்கு: https://opportunities.rbi.org.in/Scripts/bs_viewcontent.aspx?Id=3503 என்ற வலைத்தளத்தைப் பாருங்கள்.
விண்ணப்பிக்க கடைசித் தேதி: 23-07-2018
தொகுப்பு: பிரவீண்குமார்

]]>
http://images.dinamani.com/uploads/user/imagelibrary/2018/7/17/w600X390/PERIYAR-UNIVERSITY.JPG http://www.dinamani.com/weekly-supplements/ilaignarmani/2018/jul/17/வேலைவேலைவேலை-2961912.html
2961909 வார இதழ்கள் இளைஞர்மணி பி.இ., பி.டெக் முடித்தவர்களுக்கு காவல்துறையில் வேலைவாய்ப்பு! DIN DIN Tuesday, July 17, 2018 11:10 AM +0530 தமிழ்நாடு சீருடை பணியாளர் தேர்வாணைய குழுமம் சார்பில், 309 டெக்னிக்கல் எஸ்.ஐ., பணியிடங்களுக்கான தேர்வு நடைபெறவுள்ளது. இந்த பதவிக்கு விண்ணப்பிக்க விரும்பும் ஆண்,பெண் மற்றும் திருநங்கைகள் ஆன்லைனில் (www.tnusrbonline.org.) விண்ணப்பிக்கலாம். காவல் துறையில் பணியாற்றுபவர்களுக்கு 20 சதவீத இடஒதுக்கீடு உண்டு. ஆக.,10ஆம் தேதி வரை விண்ணப்பிக்க முடியும்.
2018 ஜூலை 1 ஆம் தேதியில் 20 வயது நிரம்பியவராகவும், 28 வயதிற்கு மேற்படாதவராகவும் விண்ணப்பிப்பவர் இருக்க வேண்டும். (1990 ஜூலை 1 அல்லது அதற்கு பின் பிறந்தவர், 1998 ஜூலை 1 அல்லது அதற்கு முன் பிறந்தவர்). பிற்படுத்தப்பட்டோர், மிகவும் பிற்படுத்தப்பட்டோருக்கு வயது உச்ச வரம்பு 30 வயது. ஆதிதிராவிடருக்கு 33 வயது, விதவைகளுக்கு 35 வயது, முன்னாள் ராணுவத்தினர் மற்றும் காவல்துறையில் பணியாற்றுபவர்களுக்கு 45 வயது இருக்கலாம். 
தமிழ்நாடு தொழில்நுட்ப கல்வி வாரியத்தால் வழங்கப்பட்ட மின்னணுவியல் மற்றும் தொலைத் தொடர்பு பொறியியல் பட்டயப் படிப்பில் குறைந்தபட்சம் 2ம் வகுப்பில் தேர்ச்சி பெற்றிருக்க வேண்டும் அல்லது தேசிய தொழில்நுட்ப கல்வி குழுவால் அங்கீகரிக்கப்பட்ட மின்னணுவியல் மற்றும் தொலைத் தொடர்பு பொறியியல் பட்டம் ( பி.டெக்., பி.இ.,) பெற்றிருக்க வேண்டும். தேர்வு கட்டணம் 500 ரூபாய். மேலும் விபரங்களை சீருடை தேர்வாணைய இணையதளமான www.tnusrbonline.org -ஐ பாருங்கள்.
- வி.குமாரமுருகன்
 

]]>
http://images.dinamani.com/uploads/user/imagelibrary/2018/7/17/w600X390/im5.JPG http://www.dinamani.com/weekly-supplements/ilaignarmani/2018/jul/17/பிஇ-பிடெக்-முடித்தவர்களுக்கு-காவல்துறையில்-வேலைவாய்ப்பு-2961909.html
2961908 வார இதழ்கள் இளைஞர்மணி தன்னிலை உயர்த்து! 1 - ஆர்.திருநாவுக்கரசு ஐ.பி.எஸ். DIN DIN Tuesday, July 17, 2018 11:08 AM +0530 உடலினைப் போற்றுவோம்! 
இன்று எப்படியாவது தனது தந்தையிடம் கேட்டாகவேண்டும் என்ற உறுதியோடு வந்த ஒரு மாணவன், தனது தந்தையைப் பார்த்து, "அப்பா எனக்காக நீங்கள் சேர்த்து வைத்த சொத்து என்ன?'' என்று கேட்டான். தந்தை மகனிடம் இக்கேள்வியை எதிர்பார்க்கவில்லை. இருந்தாலும், அந்த கேள்வி அவன் மனதில் எழக் காரணம் கேட்டார். "வேறொன்றுமில்லை அப்பா, என்னோடு பள்ளிக்கு வருகின்ற நண்பர்களுக்கு அவரது பெற்றோர் மிக உயர்ந்த பட்டாடைகளையும், பயணிப்பதற்கு அழகான குதிரை வண்டிகளையும் தருகின்றபோது நான் மட்டும் சாதாரண ஆடைகளுடன், ஒரு சிறிய குதிரை வண்டியில் பயணம் செய்கிறேன். அதனால் தான் இக்கேள்வியை கேட்டேன்'' என்றான்.
தனது மகனை சற்று பொறுத்திருக்குமாறு செய்து ஒரு சிறிய அறைக்குள் சென்று திரும்பிய தந்தை, அவரது மகனிடம் "உனக்கான சொத்து அந்த அறையினுள்ளே இருக்கிறது'' என்றார், மகனும் ஆவலாய் உள்ளே சென்று பார்த்தார். அறைக்குள்ளே இருந்த சிறு பெட்டிகளையும், தேடிப் பார்க்க பொன்னும் இல்லை, பொருளும் இல்லை. வெகுநேரம் அறையினுள் இருந்த அலமாரி, சிறிய பாத்திரங்கள் முதல் அனைத்து பொருட்களையும் தேடிப்பார்த்துவிட்டு வாசல் கதவின் பக்கம் வந்தான். அங்கே ஒரு பெரிய நிலைக்கண்ணாடி இருந்தது. அக்கண்ணாடி முன்பு நின்று தனது தந்தை விலை உயர்ந்த பொருட்கள் ஏதும் தனக்கு சேர்த்துவைக்கவில்லையே என்று யோசித்துக்கொண்டிருந்தான். அப்போது அவரது தந்தை உள்ளே வந்தார், கண்ணாடி முன் நின்ற தனது மகனைத் தட்டிக்கொடுத்தார். அக்கண்ணாடியில் மீண்டும் அவரது கண்களை ஆழமாய் பதிக்கச் சொன்னார். அப்போது அவன் தன்னை ஒரு சக்தியாக உணர்வதைக் கண்டார். அந்த உணர்வில் அத்தந்தை மகனிடம், "மகனே, நான் உனக்கென சேர்த்து வைத்த சொத்து, உன்னைத் தவிர வேறு எதுவும் இல்லை. ஆற்றல் பொருந்திய, இளமை பொருந்திய, மாபெரும் செல்வம் நீதான்! நரேந்திரா!'' என்றார் விஸ்வநாததத்தர். ஒரு மனிதனின் மாபெரும் சொத்து பொன்னும் பொருளும் அல்ல. ஆரோக்யமான மனிதனே மிகச்சிறந்த சொத்து என்பதை உணர்ந்த போது நரேந்திரர் விவேகானந்தராக பயணித்துக்கொண்டிருந்தார். 
ஒரு மனிதன் இந்த மண்ணில் வாழ்வதற்கு அடையாளம் அவரது உடலும் உயிரும் மட்டுமே. வெறும் உடல் என்பது பிணம். உடலற்ற உயிர் ஓர் ஆத்மா. உயிர் வாழ உடல் அவசியம். உடலுக்கு உன்னதம் சேர்க்க உயிர் மிகவும் முக்கியம். இந்த அற்புதமான உலகில் கிடைத்தற்கு அரிய பிறப்பு அவ்வையின் வரிகளுக்கு ஏற்ப அது மானுடப்பிறப்பே ஆகும். இப்பிறப்பில் "மண்ணில் நல்லவண்ணம் வாழலாம் வைகலும் எண்ணில் நல்ல கதிக்கு யாதுமோர் குறைவிலை' என்ற திருஞானசம்பந்தரின் வரிகளுக்கு ஏற்ப நல்ல வண்ணம் வாழ்வதே மனித பிறப்பின் லட்சியம்.
மனிதவாழ்வு, விட்டில் பூச்சிகள் போல் பிறந்து மடிவதல்ல. உயர்ந்த மலைகளைப்போல் அழியாமலும் நிற்பதல்ல. ஆண்டுகள் பலவாக குழந்தை முதல் இளமை கடந்து, முதுமை வரை ஓர் ஒப்பற்ற வாழ்க்கையினை வாழ்ந்து இச்சமூகத்திற்காக ஏதாவது ஒரு வகையில் தன்னை அர்ப்பணிப்பதுவே பிறப்பின் அர்த்தம். நாம் வாழ்ந்து கொண்டிருக்கிறோம் என்பதற்கு அடிப்படை இயங்குகின்ற உடல்தானே தவிர, வெறுமனே இருக்கின்ற உடல் அல்ல. உடலினை இயக்கப்படுத்தினால் நிறைய ஆக்கப்பணிகளுக்குத் துணையாக இருக்கும். உடலின் இயக்கத்தினை நிறுத்தப் பழகினால் பல நோய்களுக்கு இடம் கொடுத்து வாழ்வின் அழிவிற்கு அது வழிவகுக்கும். 
"உடம்பார் அழியின் உயிரார் அழிவர், திடம்பட மெய்ஞானம் சேரவுமாட்டார்' என்ற திருமூலரின் வரிகளிலிருந்து நாம் உணர்ந்து கொள்வது வெறும் இரையினை உண்ணுகின்ற விலங்கினைப் போல் அல்லாமல் வாழ்வின் உயரியநிலையான இறைநிலையை அடைவதற்கு அடிப்படையாய் இருப்பது இவ்வுடம்பு. அலைபேசியே நம் உடம்பு என்றால் சிம்கார்டு தான் நம் உயிர். சரியாக அவ்வபோது நம் ஏற்படுத்திக்கொள்ளும் (Charge) சக்தியினால் இம்மண்ணிலிருந்து விண்ணின் வழியாக எம்மண்ணிலும் இருக்கின்ற மனிதர்களோடு நாம் பேசிக்கொள்வதை போல் உடலோடு கொண்ட உயிர் சக்தியால் இறைவனோடும் நாம் பேசிக்கொள்ளலாம் என்பது தான் திருமூலரின் மெய்ஞானம்.
இன்றைய உடலின் சக்தி எல்லாம் அதிகமாய் பயன்படுத்துவது ஒருமனிதன் தானும் தன்னை சார்ந்த குடும்பமும் மகிழ்ச்சியாக வாழவேண்டும் என்பதற்குத்தான். பொருளில்லார்க்கு இவ்வுலகம் இல்லை என்ற வள்ளுவரின் ஒற்றை வரியை மட்டும் மனதில் கொண்டு பணம் சேர்ப்பதற்காக மட்டுமே இந்த உடலை கோடிக்கணக்கானோர் பயன்படுத்துகிறார்கள். அருளில்லார்க்கு அவ்வுலகம் இல்லை என்ற வரியினை மறந்த போது தான் தலாய்லாமா நம் மனித இனத்தைக் கண்டும் ஆச்சரியப்படுகிறார். "மனித இனத்தில் உங்களை மிகவும் ஆச்சரியப்படுதிய விஷயம் என்ன?' என்று தலாய்லாமாவைக் கேட்ட போது அவர் கீழ்கண்டவாறு பதிலளித்தார்:
"என்னை மிகவும் ஆச்சரியப்படுத்தியவன் மனிதன் தான். ஏனென்றால் அவன் பணம் சம்பாதிப்பதற்காகத் தனதுஆரோக்கியத்தைத் தியாகம் செய்கிறான். பிறகு இழந்த ஆரோக்கியத்தை திரும்பப் பெறுவதற்காக சம்பாதித்த பணத்தை தியாகம் செய்கிறான். பிறகு நிகழ்காலத்தை அனுபவிக்க மறந்து எதிர்காலத்தை எண்ணிக் கனவுலகில் மிதக்கிறான்.அதன் விளைவாக அவன் நிகழ்காலம் மற்றும் எதிர்காலத்தில் வாழ முடியாமல் தவிக்கிறான். தனக்கு இறப்பே இல்லை என்ற இறுமாப்போடு வாழ்கிறான். கடைசியில் வாழாமலே சாகிறான்''.
இவ்வுடல் ஓர் அற்புதப்படைப்பு; சாமானியனுக்கு இந்த உடல் வாழ்வின் அடித்தளம்; நோயுற்றவனுக்கு உடல் ஒரு சங்கடம்; உழைப்பவனுக்கு உடல் ஓர் உந்துதல்; வீரனுக்கு உடல் ஒரு கம்பீரம்; விளையாட்டு வீரனுக்கு உடல் ஒரு மகத்துவம்; பாடகனுக்கு உடல் ஒரு நாதத்தின் ஊற்று, நடனக் கலைஞனுக்கு உடலே ஒரு அபிநயம்; கவிஞனுக்கும் அறிஞனுக்கும் உடல் ஒரு சிந்தனை பிரவாகம் என ஆற்றலின் பல வடிவங்களில் உடலின் அதிசயத்தை கண்டு ஆச்சரியப்பட்டாலும் "உள்ளம் பெருங்கோயில், ஊனுடம்பு ஆலயம்' என்ற திருமூலரின் வரிகள் தான் உடலின் உன்னதத்தை உலகிற்குப் பறைசாற்றுகிறது. 
உடலின் அற்புதங்கள் தெரியாமல் வீணே உண்டு களித்து கடைசியில் உடலை ஒரு பாரமாக எண்ணுகின்ற ஒரு வாழ்க்கை இன்று சாதாரணமாக உள்ளது. உடலினை அறுப்பதும், 
உடலுக்குத் தேவையில்லை என வெட்டி எடுப்பதும், அறுவை சிகிச்சை இல்லாத உடலே இல்லை என்னுமளவிற்கு ஆரோக்கியம் மலிந்திருக்கிறது, இதற்கு அடிப்படைக் காரணம் நோய்க்கு மருந்து கிடைக்கிறது என்கிற உத்திரவாதமும், எல்லா நோயும் மருத்துவரால் குணப்படுத்த முடியும் என்ற நம்பிக்கையுமே. ஆனால் எந்த உடலும் மருந்தினைத் தேடி வாழ்கையினைத் தொடங்கவில்லை. "மருந்தென வேண்டாவாம் யாக்கைக்கு" என்ற திருவள்ளுவரின் வரிகளுக்கேற்ப தேவையான அளவு உணவை தேவையான நேரத்தில் உண்டாலே மருந்தில்லாத ஓர் ஆரோக்கியமான வாழ்வினை வாழ முடியும். 
கிராமங்களில் வாழ்கின்ற பெரியவர்கள் மற்றும் நமது மூதாதையர்கள் எல்லாம் பெருமையாக சொல்லிக்கொண்ட ஒரு வாக்கியம்: ""நான் டாக்டர் கிட்ட போனதே இல்லை.'' 
ஆனால், இன்று கட்டப்படுகின்ற ஒவ்வொரு அடுக்குமாடி குடியிருப்புகளும், வில்லாக்களின் (Villa) விளம்பரங்களிலும் உலகத்தரம் வாய்ந்த பிரசித்தி பெற்ற மருத்துவமனை 2 கிலோ மீட்டருக்குள் உள்ளது என்ற சிறப்பினைப் பெற்றுள்ளதாக பெருமைப்பட்டுக்கொள்கிறோம். 
நடைப்பயிற்சியை ஒரம் கட்டிவிட்டு மருத்துவரிடம் நடையாய் நடப்பது வாடிக்கையாகி விட்டது. நடப்பதற்கு இடம் இல்லை என்றால் இருக்கின்ற இடத்திலே யோகா செய்தாவது எனது வாழ்கையில் யோகம் இல்லை என்ற ஆதங்கத்தை தவிர்க்கலாம். ஆரோக்கியத்தின் அடிப்படை ஒரு நாளில் பத்தாயிரம் அடியாவது நாம் நடப்பதில் தான் உள்ளது. நடைபயிற்சி, உடல் பயிற்சி, மூச்சு பயிற்சி, யோகா பயிற்சி, நீச்சல் பயிற்சி என நிறையப் பயிற்சிகள் மனித உடலை ஆரோக்கியமாக வைத்து இருப்பதற்கு ஊன்றுகோலாக இருக்கின்றன. இதில் ஏதாவது ஒன்றை அனுதினமும் வாழ்க்கைப் பயிற்சியாக கொண்டால் நலமான வாழ்வோடு வளமான வாழ்வு நமக்கும் நாட்டிற்கும் அமையும். 
உலக நாடுகளின் மனிதன் ஆரோக்கியத்தை கொஞ்சம் கொஞ்சமாக அபகரித்து, கட்டை விரலை காலி செய்து பின்னர் கணுக்காலை எடுத்து அதன் பின்னர் நான்கு பேர்களை கொண்டு ஆளையே எடுக்க வைக்கும் நீரிழிவு நோயின் தரவரிசைப் பட்டியலில் இந்தியா உலகத்தில் 2வது-இடத்தை தக்கவைத்துள்ளது. 
டிவி பார்த்துக்கொண்டே சாப்பிடுவது, மைதானத்தில் விளையாடும் விளையாட்டை எல்லாம் செல்போனில் விளையாடுவது, எளிதில் செரிக்க முடியாத உணவுகளை எரிக்க முடியாத இரவுகளில் உண்பது. உடம்பிற்கு ஒவ்வாத போதைகளால் வாழ்க்கைப் பாதையையே அடிமையாக்குவது என எத்தனையோ வழிகளில் தனது உடலினை மெதுமெதுவாக காயப்படுத்திக் கொண்டு பின்னர் எஞ்சிய வருடங்களை வருத்தத்திலும் துயரத்திலும், மூழ்கிக்கிடப்பதில் எந்த பயனும் இல்லை. இன்றைய தேவைமட்டுமல்ல, இந்தியாவின் எதிர்காலத் தேவையெல்லாம் இரும்பு போன்ற தசைகளும், எஃகு போன்ற நரம்புகளும் கொண்ட வலிமை வாய்ந்த இளைஞர்கள் என்பது சுவாமி விவேகானந்தரின் அறை கூவல்.
வாழ்வின் அன்றாட நாட்களின் முதல் ஒரு மணி நேரத்தை ஒரு மனிதன் எதற்கு பயன்படுத்துகின்றாரோ அதுவே அவரது வாழ்வை நிர்ணயிக்கிறது. எவர் ஒருவர் தனது உடலை பலப்படுத்துகிறாரோ அவர் உடலை மட்டும் பலப்படுத்தவில்லை, இந்த நாட்டையே பலப்படுத்துகிறார். இப்புவிக்கு உடலும் புதிதல்ல... உங்கள் செவிக்கு உடலினை காக்கும் செய்திகளும் புதிதல்ல. ஆனால், இச்சிந்தனைகளைச் செயல்படுத்தாமல், காரணங்கள் பல கூறி நேரத்தை விரயமாக்கி, உடலினை உதாசீனப்படுத்துவார்கள். இப்புவியின் சுமைகள் (Don't Excuse; Execute = Exercise) நோய் வந்தால் காப்பதற்காக மாதா மாதம் மறக்காமல் மருத்துவ காப்பீடு கட்டும் பலருக்கு தெரிவதில்லை, ஒவ்வொரு நாளும் நம் உடலுக்காக ஒரு மணி நேரப் பயிற்சி செய்வது நோய் வராமலிருக்க நாம் செய்யும் காப்பீடு என்று. 
தோளை வலிவுடையதாக்கி, உடல் சோர்வும் பிணி பலவும் போக்கி, அரிவாளைக்கொண்டு பிளந்தாலும் கட்டுமாறா உடல் உறுதி வேண்டும் என்று சக்தியிடம் வேண்டுகின்ற பாரதியின் வேண்டுதல்கள் நம் ஒவ்வொருவரின் பிரார்த்தனையாகட்டும். 
இவ் அதிசய உலகில் அற்புதம், மனிதன். துடிக்கும் இதயம் உள்ளவரை துடிப்பாக இருப்பதே உடலுக்கு நாம் செய்யும் மரியாதை. உடல் போற்றி, உயர்வோம். 
(தொடரும்)
கட்டுரையாசிரியர்: காவல்துறை துணை ஆணையர், நுண்ணறிவுப் பிரிவு
 

]]>
http://images.dinamani.com/uploads/user/imagelibrary/2018/7/17/w600X390/im4.jpg http://www.dinamani.com/weekly-supplements/ilaignarmani/2018/jul/17/தன்னிலை-உயர்த்து-1---ஆர்திருநாவுக்கரசு-ஐபிஎஸ்-2961908.html
2961904 வார இதழ்கள் இளைஞர்மணி செல்ஃபியில் களவாடப்படும் கைரேகை! DIN DIN Tuesday, July 17, 2018 10:51 AM +0530 படிக்காதவர்களை கைநாட்டு என்று கூறிய காலம்போய், தற்போது மெத்த படித்தவர்களே தங்கள் ரகசியங்களைக் காக்க கைரேகையைத்தான் திறவுகோலாக பயன்படுத்தி வருகின்றனர். ஸ்மார்ட்போன், லேப்டாப், ஏன் ஆதார் போன்றவற்றுக்குள் நுழையவே ஒவ்வொருவரின் பிரத்யேக கைரேகைதான் பயன்படுகிறது.
 வருங்காலங்களில் கைரேகையின் அடிப்படையில் கடைகளில் பணப்பரிவர்த்தனை நடைபெறும் அளவுக்கு தொழில்நுட்பம் வளர்ச்சி அடைந்து வருகிறது. அந்த அளவுக்கு முக்கியமான கைரேகையை இணையதள திருடர்கள் நமது சாதாரண செல்ஃபி மூலம் திருடிவிடுகிறார்கள் என்றால் நீங்கள் நம்புவீர்களா?
 ஆம், இன்றைய அதிநவீன ஸ்மார்ட்போன்களில் உள்ள கேமராக்கள் துல்லியமாக படம் பிடிக்கும் வகையில் வடிவமைக்கப்படுகின்றன. அதுவும் செல்ஃபிக்கு அனைவரும் அடிமையாகி வருவதால், முன்பக்க கேமராக்களின் படம்பிடிக்கும் தரமும் அதிகரிக்கப்பட்டு வருகிறது.
 இதுபோன்ற கேமராக்கள் கொண்ட ஸ்மார்ட் போன்களில் செல்ஃபி எடுக்கும்போது சிலர் விளையாட்டாக தங்களது விரல்களையும் சேர்த்து வெற்றிச் சின்னத்தை காண்பிப்பது உண்டு. இதை தங்களுக்கு சாதகமாக பயன்படுத்தி கொள்ளும் இணையதள திருடர்கள், செல்ஃபிகளில் துல்லியமாக தெரியும் கைரேகைகளை எடுத்து அதைப் போல் போலியாக உருவாக்கி இணையதள மோசடி
 களில் ஈடுபடுகின்றனர். சுமார் மூன்று மீட்டர் தூரத்தில் இருந்து எடுக்கப்படும் செல்ஃபிகளில் இருந்து கைரேகைகளைத் துல்லியமாக எடுத்துவிடலாம் என்று ஜப்பான் நாட்டின் தேசிய தகவல் மையம் நடத்திய ஆய்வில் தெரிய வந்துள்ளது.
 மேலும் இந்தப் புகைப்படங்கள் இணையதளத்தில் எப்போதும் இருப்பதால், யார் வேண்டுமானாலும், எங்கு வேண்டுமானாலும், எப்போது வேண்டுமானாலும் புகைப்படத்தில் உள்ளவரின் கைரேகை மட்டுமன்றி, அவரது முகம், கருவிழி குறித்த விவரங்களையும் திருடிவிடலாம் என்று ஆய்வில் தெரியவந்துள்ளது. இது இணையதள தகவலுக்கு பெரும் அச்சுறுத்தலாக அமையும் என்றும் ஆய்வில் தெரியவந்துள்ளது.
 ஃபேஸ் புக் தகவல் திருட்டை தடுக்க முடியாமல் அந்த நிறுவனம் தடுமாறி வரும் நிலையில், சாமானிய மனிதர்களின் தகவல்கள், அதுவும் கைரேகை மூலம் திருடப்பட்டால் கண்டுபிடிப்பது கடினமாகும். கைரேகை திருட்டைத் தடுக்க விரல்ரேகைகளில் ஒட்டும் மெல்லிய டேப்பை சில நிறுவனங்கள் கண்டுபிடித்துள்ளன. எனினும், முன்னெச்சரிக்கையாக கைரேகைகளுடனான செல்ஃபிகளைத் தவிர்ப்பதே புத்திசாலித்தனம்.
 - அ.சர்ஃப்ராஸ்
 
 
 

]]>
http://images.dinamani.com/uploads/user/imagelibrary/2018/7/17/w600X390/im3.JPG http://www.dinamani.com/weekly-supplements/ilaignarmani/2018/jul/17/செல்ஃபியில்-களவாடப்படும்-கைரேகை-2961904.html
2961903 வார இதழ்கள் இளைஞர்மணி இணைய வெளியினிலே... DIN DIN Tuesday, July 17, 2018 10:50 AM +0530 முக நூலிலிருந்து....
* என்ன படிக்கலாம்?
எங்கு படிக்கலாம்?
என்ன சாப்பிடலாம்? 
எங்கு சாப்பிடலாம்?
என்ன பார்க்கலாம்?
எங்கு போகலாம்?
எப்படிப் போகலாம்?
ஏராளம் வழிகாட்டிகள்...
ஆனால்
சொல்வது போல்
சுலபமில்லை...
வாழ்க்கை.
- துரை பாரதி

* பேருந்துக்கு வெளியே
பெய்த மழையை
ரசிக்கும் போதுதான்...
உள்ளிருந்து
தலைமேல் விழுந்த மழைக் கொத்து 
கணநேர பதட்டத்தை ஏற்படுத்தியது.
- நேசமிகு ராஜகுமாரன்

* நீ இழுக்கும் 
கோடுகளை வைத்துதான்... 
என்னால் முடிவு செய்ய இயலும்
உன் கைகளின் நீளத்தை!
- மானா பாஸ்கரன்

* கோணலோ திருகலோ,
திசைகளெங்கும் 
நிழல் பரப்பவே 
மரங்களின் விருப்பம்....
உத்திரம் பற்றிய
கனவிலிருக்கிற நாம்தான்...
கிளைகளைத் தரித்து
உச்சியில் ஒண்டியாய் உலவவிட்டு
வேடிக்கை பார்க்கிறோம்.
- கண்மணி குணசேகரன்

சுட்டுரையிலிருந்து...
* அஞ்சு நிமிஷம் யூஸ் பண்ற
ஏடிஎம் மெஷின்ல
Select Language-ல English-னு
செலெக்ட் பண்ற நாமதான், 
"எங்கும் தமிழ்... எதிலும் தமிழ்'னு
சண்டை போடுறோம்.
- ஆர்.செந்தில்குமார்

* பக்கத்தில் நீ இருந்தால்...
பக்க விளைவுகள் 
அதிகம் வருகிறது.
பக்கத்தில் நீ இல்லையெனில்...
பக்கம்பக்கமாய் 
கவிதைகள் வருகிறது. 
- சூர்(ப்)பனகை

* பெருமரங்களையெல்லாம்...
வேரோடு சாய்த்ததாய்
கர்வப்பட்ட புயலின்
தோல்விக்கு...
தப்பிப் பிழைத்த புல்லே
சாட்சி. 
- ராஜி

* சாலை நெடுந்தூரம் 
வளைந்து நெளிந்து போனாலும்...
குழிகள் இல்லாமல் 
இருந்தால் தான் மதிப்பு.
- சோழநாட்டு விவசாயி

* பிரிவதை விட கடினமானது... மறக்க வேண்டும் என்பது.
மரத்தை வெட்டிய பின், வேர்களை அகற்றுவது போல.
- அனுபிரியா

வலைதளத்திலிருந்து...
பக்கோடா என்பது ஏதோ ஒரு தின்பண்டமல்ல. மனிதன் கண்டு பிடித்த அமிர்தம் அது. மாதா ஊட்டாத சோற்றை மாங்காய் ஊட்டும் என்பது சொலவடை. மாங்காய் எல்லா நேரத்திலும் கிடைக்குமா என்ன? மனிதனின் தீனிக் கண்டுபிடிப்பில் ஆகச் சிறந்தது பக்கோடா.
பக்கோடாவில் முந்திரிப்பருப்பு பக்கோடா, வேர்க்கடலை பக்கோடா, பனீர் பக்கோடா, காலி ஃப்ளவர் பக்கோடா என்று பல இருந்தாலும் மேட்டுக்குடி மனிதரிலிருந்து டாஸ்மாக் குடிமகன் வரை காற்றில் மிதந்து வரும் வெங்காயப் பக்கோடா மணத்துக்கு வாயில் வெள்ளம் பொங்காத மனித ஜந்து எதுவுமே இருக்க முடியாது.
பக்கோடா என்ற ஒன்று கண்டுபிடிக்கப்படாமலிருந்தால் தானே சமைக்கிறேன் என்ற பெயரில் வைக்கும் கலர் தண்ணீர் சோற்றை பேச்சிலர்கள் தின்றிருக்க முடியுமா?
ஏசி ரூமில் உட்கார்ந்து அள்ளிச்சாப்பிட்டால் ஏற்படக்கூடிய பின் விளைவுக்கு பயந்து கொறிப்பது முந்திரிப் பக்கோடாவாக இருக்கலாம். ஆனால் அது முழுமையான பக்கோடா ஆக முடியாது. தனியாகச் சாப்பிட்டாலும் பக்கோடாவாகச் சாப்பிட்டாலும் கடைசி கடலை சொத்தையாகவே அமைவது ஏன் என்பது எந்த விஞ்ஞானியாலும் கண்டுபிடிக்கப்படாத ரகசியம் என்பதால்... சரக்கு கசப்பா சைட் டிஷ் கசப்பா என்றறிய முடியாத போதத்திலிருப்பவர்களுக்கான வேர்க்கடலைப் பக்கோடாவையும் பக்கோடா என்றேற்பதற்கில்லை.
"பல்லிருக்கவன் பகோடா திங்கான்' என்று தனக்காக ஒரு பழமொழியையே கொண்ட ஒரே தின்பண்டம் பக்கோடாதான்.
http://paamaranpakkangal.blogspot.com

]]>
http://images.dinamani.com/uploads/user/imagelibrary/2018/7/17/w600X390/im2.JPG http://www.dinamani.com/weekly-supplements/ilaignarmani/2018/jul/17/இணைய-வெளியினிலே-2961903.html
2961900 வார இதழ்கள் இளைஞர்மணி சரியான பார்வை... சரியான வழி...சரியான செயல்! 3  - தா.நெடுஞ்செழியன் Tuesday, July 17, 2018 10:45 AM +0530 1950 - 60 களில் கல்வி பற்றி நமக்கிருந்த சிந்தனை இப்போது இல்லை. பச்சையப்பா அறக்கட்டளை, அவினாசி லிங்கம் கல்வி அறக்கட்டளை, கல்வித்தந்தை கருமுத்து தியாகராஜ செட்டியார் நினைவு அறக்கட்டளை, மவுண்ட் சீயோன் கல்வி அறக்கட்டளை, முஸ்லிம் எஜுகேஷனல் ஆஃப் சதர்ன் இந்தியா போன்ற எண்ணற்ற கல்விக்கான அறக்கட்டளைகள் தோன்றியது அப்போதுதான். கல்வி வளர்ச்சிக்காக தமது சொந்த இடத்தைக் கொடுத்து, கட்டடம் கட்டிக் கொடுத்து, எல்லாரும் படிக்க வேண்டும், பிறர் நன்றாக இருக்க வேண்டும் என்பதற்காக பள்ளிகளை, கல்லூரிகளைத் தொடங்கி நடத்தியவர்கள் இருந்தார்கள். ஆனால் இன்று கல்வி பணம் சம்பாதிப்பதற்கான ஒரு வழியாகிவிட்டது. 
நாம் இதை மாற்ற வேண்டும். ஒரு நல்ல மாற்றத்தை உருவாக்க வேண்டும். அந்த நல்ல மாற்றத்தை உருவாக்க நாம் தரும் விலை அளப்பரியதாக இருக்கலாம். அரசும், கொள்கை முடிவு எடுப்பவர்களும், கல்வியாளர்களும் எல்லாரும் ஒன்றாகச் சேர்ந்து அம்மாதிரியான நல்ல சூழ்நிலை உருவாகத் திட்டமிட வேண்டும். அவ்வாறு திட்டமிடவில்லை என்றால் வயதானவர்கள் கூட பாதிக்கப்படுவார்கள். இளையதலைமுறையினரின் சிந்தனை ஆக்கப்பூர்வமாக இல்லாமல், அழிவுப்பூர்வமாக மாறிவிடும். 
கல்வியில் நல்ல மாற்றத்தை உருவாக்க நாம் ஒரு பல்கலைக்கழகத்தையே உருவாக்க வேண்டும். அடுத்து என்ன செய்ய வேண்டும் என்பதற்கு THINK TANK  என்ற ஒன்றை உருவாக்க வேண்டும். தமிழ்ச் சமுதாயம் முன்னேறுவதற்கான சூழலை உருவாக்க இது அவசியம்.
நமது நாட்டில் உள்ள வளங்களைப் பயன்படுத்தி வேலை வாய்ப்புகளை உருவாக்க வேண்டும் என்ற அடிப்படையில் நமது கல்விமுறையைத் திட்டமிட்டால் ஏராளமான வேலை வாய்ப்புகளை உருவாக்க முடியும். 
உதாரணமாக, சிங்கப்பூர், இலங்கை - இந்த இருநாடுகளைப் பாருங்கள். அங்கே சுற்றுலாத்துறை கொடி கட்டிப் பறக்கிறது. நமது நாட்டில் வரலாற்றுச் சிறப்புமிக்க பல இடங்கள் உள்ளன. நமது நாட்டுக்கு வரும் வெளிநாட்டுப் பயணிகளுக்கு நமது நாட்டில் உள்ள கோயில்களைப் பற்றி எடுத்துச் சொல்லும் சுற்றுலா வழிகாட்டிகளுக்கு நல்ல வேலை வாய்ப்பு இருக்கிறது. இவரைவிட சிறப்பாக இந்தக் கோயிலைப் பற்றி, இதன் வரலாற்றை அழகாக எடுத்துச் சொல்ல வேறுயாரும் இல்லை என்கிற மாதிரியான திறமையான சுற்றுலா வழிகாட்டிகளை உருவாக்கும்விதமாக பாடத்திட்டங்களை நாம் ஏற்படுத்த வேண்டும். 
சுற்றுலாத்துறையில் பணிபுரிய விரும்பும் மாணவர்கள், பல வெளிநாட்டு மொழிகளைக் கற்றுக் கொள்ள வேண்டும். 
ஜப்பானில் இருந்து ஒருவர் வருகிறார். அவரிடம் நமது வரலாற்றுச் சிறப்புமிக்க இடங்களைப் பற்றி எடுத்துச் சொல்ல ஜப்பானியமொழி கற்றுக் கொள்ள வேண்டியது அவசியம். அப்படி உருவாகும் திறமையான சுற்றுலா வழிகாட்டிகளுக்கு நியாயமான ஊதியம் கிடைக்க அரசு வழி செய்ய வேண்டும். இன்னும் சொல்லப் போனால் அரசே சுற்றுலா வழிகாட்டிகளுக்கான கட்டணத்தை நிர்ணயிக்கலாம். சுற்றுலாப் பயணிகள் தரும் பணத்தில் அரசு தனது நிர்வாகச் செயல்களுக்காக சிறிது எடுத்துக் கொண்டு, மீதிப் பணத்தை சுற்றுலா வழிகாட்டிகளுக்குக் கொடுத்துவிடலாம். இதற்கான சிஸ்டத்தை அரசு உருவாக்க வேண்டும். 
ஆந்திர முதல்வர் சந்திரபாபு நாயுடு ஆந்திர மாநிலத்திற்கு எல்லா சிறப்பு மிக்க கல்வி நிறுவனங்களையும் புது மாநில உருவாக்கத்தின்போது கொண்டு வந்துவிட்டார். அங்கு இல்லாத கல்வி நிறுவனங்களே இல்லை. NID, IISER போன்ற மத்திய அரசின் கல்விநிறுவனங்களை எல்லாம் அவர் கொண்டு வந்தவை. மாணவர்களின் கல்வி அறிவை எவ்வளவுக்கு எவ்வளவு விரிவாக்குகிறோமோ, அவ்வளவுக்கு அவ்வளவு வாய்ப்புகள் உலக அளவில் இருக்கின்றன என்பதைப் புரிந்து கொண்டு செயல்படும் முதல் அமைச்சர் அவர். வேறு எந்த மாநிலமும் கேட்காத நேஷனல் இன்ஸ்டிடியூட் ஆஃப் டிசைன் (NID) என்பதை ஆந்திரப் பிரதேசத்துக்குக் கொண்டு வந்தார். அது 1961- இல் அகமதாபாத்தில் தொடங்கப்பட்டது. அது தொடங்கப்பட்டதிலிருந்து 2015- வரை மத்திய அரசின் தொழில், வணிகத்துறையின் கீழ் மட்டுமே இருந்தது. அதை முதன்முதலாக 2015- இல் அவர் ஆந்திரப் பிரதேசத்தில் தொடங்கினார். வேறு எந்த மாநிலத்திலும் இதைப் போல தொடங்கவில்லை. சந்திரபாபு நாயுடுவுக்கு இருப்பதைப் போல ஒவ்வொரு முதலமைச்சருக்கும் மாநிலத்தின்பால் அன்பும், மாநில மக்களின் வளர்ச்சிக்கான பார்வையும் இருக்க வேண்டும். அரசியல் தலைவர்களாகட்டும், கல்வித்துறை சார்ந்தவர்களாக இருக்கட்டும் இவர்களெல்லாம் முறையாகச் சிந்தித்து செயல்படவில்லை என்றால் வளர்ச்சி என்பது கண்காணாமலேயே போய்விடும். 
நம்நாட்டில் நிறைய வளம் இருக்கிறது. அப்படியே இல்லாத பகுதிகளிலும் கூட நம்மால் சமாளிக்க முடியும். விவசாயத்தின் முக்கியத்துவம் பற்றி நாம் அதிகமாக யோசிப்பதில்லை. சில வெளிநாடுகளில் விவசாயம் செய்ய இடமே இல்லை. நம்நாட்டில் விவசாயத்தை மேம்படுத்த வேண்டும் என்ற நோக்கத்தோடு நாம் செயல்படவில்லை. 
வெளிநாடுகளில் உயிரியல் பூங்காக்களை நன்றாக நடத்துகிறார்கள். நம்நாட்டில் உயிரியல் பூங்காக்களை முறையாகப் பராமரிப்பதில்லை. புதிய உயிரியல் பூங்காக்களை உருவாக்குவதில்லை. விலங்குகள் வாழ்வதற்குப் பொருத்தமான சுற்றுச்சூழலையும் நாம் பாதுகாப்பதில்லை. 
நம்நாட்டில் எண்ணற்ற ஆராய்ச்சிகளுக்கான வாய்ப்புகள் உள்ளன. நாம் நம்நாட்டின் சொந்த வளங்களை முறையாகப் பயன்படுத்துவதில்லை. வரலாற்றுச் சிறப்பு மிக்க இடங்கள் என்பவை வெறும் வரலாறு சார்ந்தது மட்டும் இல்லை. கல்லணை இவ்வளவு உறுதியாக எப்படிக் கட்டப்பட்டது? அதன் தொழில்நுட்பங்கள் எவை? அதன் நீர்ப்பாசனம் எந்தெந்த இடங்களில் எப்படி இருந்தது? அதன் நீர்ப்பாசன முறை எந்த அளவுக்குச் சிறப்பானது? என்பது பற்றியெல்லாம் நாம் ஆராய்ச்சி செய்யவில்லை. நம்நாட்டில் ஏகப்பட்ட சிவில் இன்ஜினியரிங் கல்லூரிகள் உள்ளன. யாருமே கல்லணையை ஆராய்ந்து, உண்மைகளைக் கண்டறிந்து அதை ஆவணப்படுத்தவில்லை.
ஆனால் வெளிநாட்டைச் சேர்ந்த ஸ்காட் என்பவர் கல்லணையை ஆழமாக ஆராய்ந்தார். இதற்காக மேற்கு கோதாவிரி பகுதியில் அமலாபுரத்தில் அவருக்கு ஒரு மியூசியமே வைக்கப்பட்டிருக்கிறது. 
தமிழ்நாட்டில் இல்லாததே கிடையாது. தொன்று தொட்டு தமிழர்கள் புரிந்த சாதனைகள் அளப்பரியவை. அவற்றைப் பட்டியலிடவே முடியாது. 
கப்பல் கட்டுதலில் நாம் மிகச் சிறப்பாக இருந்திருக்கிறோம். சோழப் பேரரசு கி.பி.1000 காலத்தில் உலகிலேயே மிகச் சிறந்த பேரரசாக இருந்திருக்கிறது. 
உலோகவியலிலும் நாம் சிறப்பாக இருந்திருக்கிறோம். செப்புக் காசுகள், பொற்காசுகளை நாம் அந்தக் காலத்திலேயே செய்திருக்கிறோம். உலோகவியலில் WOOD STEEL என்ற தொழில்நுட்பம் நம்மிடம் இருந்திருக்கிறது. போரின்போது, எட்டுமணி நேரம் தொடர்ச்சியாக வாள்வீச்சு செய்த வீரர்களுக்கு - அவர் எவ்வளவுதான் சண்டையிட்டாலும் - அந்த வாளில் இருந்து கைக்கு எந்த அதிர்ச்சியும், வராத வகையில் - பாதிப்பும் இல்லாதவகையில் வாளை உருவாக்கியிருக்கிறார்கள். அம்மாதிரியான திறமைகள் நம்மிடம் நிறைய இருந்திருக்கின்றன. பொற்கொல்லர்கள் நிறையப் பேர் இருந்திருக்கிறார்கள். விதவிதமான நிறைய ஆபரணங்களை அவர்கள் செய்திருக்கிறார்கள். தங்கத்தை அளப்பதற்கான வழிமுறை நம்மிடம்தான் முதன்முதலில் இருந்திருக்கிறது. ஒன்று, பத்து, முக்கோடி என்பதற்கான வழிமுறை நம்மிடம் இருந்திருக்கிறது? பிரம்மகற்பம் என்றால் என்ன? பத்துப் பத்தாக கூட்டினால் என்ன வரும் என்று கண்டுபிடித்திருக்கிறோம். வீசம், கால் வீசம் என ஒன்றைப் பலவிதங்களில் பிரித்து காட்டியிருக்கிறோம். இவையெல்லாம் வேறு எந்த நாட்டிலும் இல்லவே இல்லை. 
குழந்தைப் பருவத்தில் இருந்தே மாணவர்களுக்கு நம்நாட்டின் பழமையான சிறப்புமிக்க உயர்ந்த விஷயங்களைக் கற்றுக் கொடுக்க வேண்டும். அவற்றைப் பற்றி மாணவர்கள் பெருமைப்பட வேண்டும். நமது கல்வியில் அதற்கான அம்சங்களை இடம் பெறச் செய்ய வேண்டும். 
இவ்வாறு நம்மிடம் இருந்த பழமையான நல்ல அம்சங்களைக் கணக்கில் கொள்ளாமல், நாம் இப்போது அரசியலையும், பொழுதுபோக்கையும் முக்கியத்துவம் வாய்ந்ததெனக் கருதிக் கொண்டிருக்கிறோம். கல்வி பின்னுக்குத் தள்ளப்பட்டுவிட்டது. 
கல்விக்கு முக்கியத்துவம் தரவில்லை என்றால் நம்நாட்டில் வளர்ச்சி இருக்காது. அழிவுப்பூர்வமான மாற்றங்களையே நாம் எதிர் கொள்ள வேண்டியிருக்கும். நாம் இப்போது தமிழ்நாட்டின் சாதனைகளைக் கொண்டாடுவதற்குப் பதிலாக வேதனைகளைத்தான் கொண்டாடிக் கொண்டிருக்கிறோம். 
ஒரு தனிமனிதன் வளர்ச்சி பெற்றால் நாடு வளர்ச்சி பெறும். நம்நாட்டில் பல்வேறு துறைகளில் சாதனை செய்தவர்கள் எவ்வளவு பேர் இருக்கிறார்கள்? அப்படிப்பட்ட சாதனையாளர்களை முன்னிலைப்படுத்தி, இவர்கள் எல்லாம் வாழ்க்கையில் இவ்வளவு கஷ்டப்பட்டு சாதித்திருக்கிறார்கள் என்பதைக் கூறினால், பிறருக்கு அது முன்னேறுவதற்கான உத்வேகத்தைக் கொடுக்கும். அடுத்த கட்ட வளர்ச்சிக்கான அடிப்படையை அது ஏற்படுத்திக் கொடுக்கும். 
(தொடரும்)
கட்டுரையாசிரியர் சமூக கல்வி ஆர்வலர் 
www.indiacollegefinder.org

]]>
http://images.dinamani.com/uploads/user/imagelibrary/2018/7/17/w600X390/im1.jpg http://www.dinamani.com/weekly-supplements/ilaignarmani/2018/jul/17/சரியான-பார்வை-சரியான-வழிசரியான-செயல்-3----தாநெடுஞ்செழியன்-2961900.html
2957139 வார இதழ்கள் இளைஞர்மணி யோசியுங்கள்... வேலையை விடும் முன்! DIN DIN Tuesday, July 10, 2018 11:27 AM +0530 ஒரே நிறுவனத்தில் வேலை செய்து பணி நிறைவு பெறுவது என்பது இக்காலத்தில் இல்லாத ஒன்றாக மாறிவிட்டது. ஒரு நிறுவனத்தில் வேலை செய்து கொண்டிருக்கும்போதே அங்கு திறமையை வளர்த்துக் கொண்டு, அதிக சம்பளத்தில் அடுத்த நிறுவனத்துக்கு தாவுகின்றவர்கள் அதிகம். ஆனால், அப்படி ஒரு வேலையை விட்டு இன்னொரு வேலைக்குச்
செல்ல நினைப்பவர்கள் ஏற்கெனவே செய்யும் வேலையை விடுவதற்கு முன்பு கவனிக்க வேண்டிய விஷயங்கள் சில இருக்கின்றன. 
அவசரப்பட்டு முடிவெடுக்காதீர்கள்: எல்லோருக்கும் மோசமான நாட்கள் என சில நாட்கள் இருக்க கூடும். குறிப்பாக உணர்ச்சிவசப்பட்டு சில முடிவுகளை அவசரத்தில் எடுத்து விடும்போது நமக்கு அது விரும்பத்தகாத பின்விளைவுகளைத் தரக்கூடும். எனவே எந்த ஒரு முடிவையும் எடுக்கும் முன் 2 முறை யோசிப்பது நல்லது. வேலையை விடுவதாக முடிவெடுத்து விட்டீர்களேயானால் அதற்கு முன் உங்கள் தற்போதைய மற்றும் புதிய வேலையில் உள்ள சில சாதக, பாதகங்களைப் பட்டியலிட்டு எழுதிப் பாருங்கள். 
பிறருக்குப் பயப்படாதீர்கள்!: நாம் நமது பணியின் மீது மிகுந்த பற்று கொண்டவராய் இருப்பதில் தவறில்லை. மேலாளர் மற்றும் உடன் பணிபுரிபவர் மீது உங்களுக்கு சிறு வெறுப்பு இருந்தால் அதை பூதாகரமாக்கி அதன் மூலம் பலன் அடைய சிலர் நினைக்கக் கூடும். அதனால் உங்களுக்குப் பல இடைஞ்சல்களை அவர்கள் செய்யக் கூடும். ஆனால் அவர்களுக்குப் பயந்து உங்கள் வேலையை விட வேண்டிய அவசியம் இல்லை.
காரணத்தைக் கண்டுபிடியுங்கள்: வேலையை விட வேண்டும் என்ற எண்ணம் உங்களுக்கு ஏன் தோன்றுகிறது? அதற்கு என்ன காரணம்? வேறு எந்த பொழுதுபோக்கும் இல்லாமல் வெறும் வேலையை மட்டுமே நீங்கள் பார்த்துக் கொண்டிருந்தால், நாளடைவில் அது உங்களுக்கு வெறுப்பை ஏற்படுத்திவிடும். அதனால் வேலையை விட வேண்டும் என்ற எண்ணம் உங்களுக்குத் தோன்றக் கூடும். எனவே உங்கள் வேலைப்பளு மற்றும் மன அழுத்தத்திற்கான காரணத்தைக் கண்டுபிடியுங்கள். அதிலிருந்து விடுபட்டு வேலையை மகிழ்ச்சியோடு செய்யப் பழகிக் கொள்ளுங்கள்.
திறமையை வளர்த்துக் கொள்ளுங்கள்: உங்கள் வேலை போரடிக்கிறது என்ற ஒரே காரணத்திற்காக மட்டும் வேலை விட வேண்டிய அவசியம் இல்லை. பெரும்பாலான நிறுவனங்களில் வேலைகளுக்கு இடையே சில பயிற்சிகள் அளிக்கப்படுகின்றன. அவற்றில் கலந்து கொண்டு வேலையில் கூடுதல் திறமையை வளர்த்துக் கொள்ளுங்கள். உங்கள் பணி தொடர்பான திறமைகள் உங்களுக்குக் குறைவாக இருப்பதாக நீங்கள் உணர்ந்திருந்தால் உரிய பயிற்சி எடுத்து கொள்ளும் போது வேலையின் மீது தானாகவே ஆர்வம் ஏற்படும். 
வீட்டை மாற்றுங்கள்!: இந்த உலகில் யாரும் கூட்ட நெரிசல்களிலேயே நீண்ட தூரம் பயணிப்பதில்லை. உங்கள் அலுவலகம் செல்லும் பயண நேரம் மற்றும் தூரத்தைக் காரணம் காட்டி வேலையை மாற்ற வேண்டும் என்றும் நினைக்காதீர்கள். அலுவலகத்திற்கு அருகே உங்கள் குடியிருப்பை மாற்றுங்கள். அதுவும் முடியாது என்றால் பயண நேரத்தைக் குறைப்பதற்கான மாற்று
வழிகளைக் கையாளுங்கள். வாரத்தின் சில நாட்களுக்கு உங்கள் விருப்பத்திற்கு ஏற்றவாறான வேலைநேரத்தை உருவாக்கிக் கொள்ள மேலாளரிடம் பேசுங்கள். அல்லது வீட்டில் இருந்து வேலை செய்யும் வாய்ப்பு கிடைத்தால் அதையும் பயன்படுத்தலாம். 
- திருமலை சோமு 

]]>
http://images.dinamani.com/uploads/user/imagelibrary/2018/7/10/w600X390/im23.jpg http://www.dinamani.com/weekly-supplements/ilaignarmani/2018/jul/10/யோசியுங்கள்-வேலையை-விடும்-முன்-2957139.html
2957138 வார இதழ்கள் இளைஞர்மணி பேச்சால் வெல்லலாம்! DIN DIN Tuesday, July 10, 2018 11:24 AM +0530 இன்று நல்ல பல கல்லூரிகளில் இருந்தும், நல்ல கிரேடில் பட்டதாரிகள் உருவாகி வந்தாலும், அவர்களில் பலரும் வேலை கிடைக்காமல் சிரமப்படுவதைப் பார்க்க முடிகிறது. இதற்கு பல காரணங்கள் இருந்தாலும், முக்கிய காரணமாக இருப்பது, அவர்களிடம் பொது இடங்களில், நான்கு பேர் மத்தியில் பதட்டமின்றி பேசும் திறன் (Public Speaking Skill) இல்லை என்பதே!
ஓர் இளைஞருக்கு இந்த திறன் இருந்தால், அது அவரின் வேலைவாய்ப்புக்கான நேர்முகத் தேர்வு, வணிக ஒப்பந்தம், பதவி உயர்வு ஆகியவற்றுக்கான வாய்ப்பை 4 மடங்காக உயர்த்துகிறது. ஆனால், இன்றைய கல்வி நிறுவனங்கள் மாணவர்களின் இத்தகைய மென்திறன்களை வளர்ப்பதில் கவனம் செலுத்துவதில்லை என கல்வியாளர்கள் கருதுகின்றனர்.
உங்கள் பணிக்குரிய நேர்முகத் தேர்வு, ஒரு பணிக்குழு அல்லது நிறுவன தலைவர்கள் அடங்கிய குழு முன்னால் நடத்தப்படலாம். அப்போது, உங்களுக்கு வேலை கிடைக்க வேண்டுமானால், ஒரு தொழில் திட்டம் குறித்து அந்த குழு முன் நீங்கள் விளக்கும் சூழல் ஏற்படும். அல்லது, அந்த குழுவில் உள்ள ஒரு முக்கிய நபரின் கருத்துக்கு வலு சேர்த்து பேசும் நிலை உங்களுக்கு வரலாம். அச்சமில்லாமல் பேசும் திறனின்றி இவை போன்ற சூழ்நிலைகளைச் சமாளிப்பது சாத்தியமில்லை.
இன்றைய நிலையில், பொதுவெளியில் அச்சமின்றி பேசுபவர்கள் ஏதேனும் ஒரு நிகழ்வு வழியாக நம்முடைய வாழ்வின் ஒவ்வொரு பகுதியிலும் ஊடுருவியுள்ளனர். கல்வி, வணிகம், தொழில், விளம்பரம் என அவர்களின் செயல்பாடு இல்லாத இடமே இல்லை என்று கூறும் நிலை ஏற்பட்டுள்ளது. ஆக்கப்பூர்வமான பேச்சாளர்களுக்கு நம் நாட்டில் மட்டுமல்லாது, பெரும்பாலான அயல்நாடுகளிலும் பெரும் வரவேற்பு, மரியாதை உள்ளது. தங்களின் முயற்சி மற்றும் திறனால் மக்களை நல்வழிப்படுத்தி, நெறிப்படுத்தும் நல்ல பேச்சாளர்கள் எப்போதும் பொக்கிஷமாக மதிக்கப்படுகின்றனர். 
ஒருவரிடமுள்ள இந்த பேச்சுத் திறன், இவர்களைத் தலைமைப் பண்புள்ளவர்களாகப் பிரித்துக் காட்டுகிறது. பொதுவெளியில் பேசுவதற்கான வாய்ப்புகள் நம் வாழ்வின் ஒவ்வொரு பகுதியிலும் நமக்கு திறந்தே இருக்கின்றன. அதை சரியாகப் பயன்படுத்திக் கொண்டுவிட்டால், பெரிய பொறுப்புகள் மற்றும் திறன்கள் நம்மை தேடிவரும்போது, அதை நிர்வகிக்க நாம் சரியான நபர் என்ற நம்பிக்கை நம் மனதில் ஏற்படும்.
பொதுவெளியில் அச்சமின்றிப் பேசும் திறன் நிலையான பயிற்சியாலும், சரியான வழிகாட்டுதலாலுமே உருவாகிறது. 
பல பெரு நிறுவனங்கள், அரசு நிறுவனங்கள், பள்ளி-கல்லூரிகள், கருத்தரங்கு நிறுவனங்கள், வர்த்தக காட்சி மாநாடு, லாப நோக்கமற்ற நிறுவனங்கள் போன்றவை தங்கள் பணியாளர்கள் மற்றும் பொதுமக்களிடம் நம்பிக்கையூட்டுவதற்கும், அவர்களை உற்சாகப்படுத்துவதற்கும் பேச்சுத் திறன்மிக்கவர்களின் உதவியை நாடுகின்றன. மேலும், உலகம் முழுவதும் பரவியுள்ள பேச்சாளர் பணியகங்கள் (Speakers Bureaus) மூலம் இந்த பேச்சாளர்கள் மக்களைச் சென்றடைய முடியும்.
இவர்களுக்கான வருவாய் அவர்களின் நிபுணத்துவத்துக்கு ஏற்ப ஒப்பந்த அடிப்படையில் அமைகிறது. உலகின் எந்த பகுதியிலும் குறைந்தபட்சம் மாதம் ரூ. 50 ஆயிரம் முதல் ரூ. 5 லட்சம் வரை ஊதியம் பெறமுடியும்.
பெரும்பாலான மேலாண்மைக் கல்வி நிறுவனங்களில் பொதுவெளியில் பேசுபவர்களுக்குத் தேவையான ஆளுமை மேம்பாடு, பண்பு சீராக்கம் உள்ளிட்ட பல்வேறுபட்ட திறன்களில் பயிற்சி அளிக்கப்படுகிறது. ஆனால், மாணவர்கள் அதையும் ஒரு பாடமாகக் கருதி கடந்து சென்றுவிடுகின்றனர். இந்தத் திறன்களில் அவர்கள் கூடுதல் கவனம் செலுத்துவதன் மூலம் அவர்களின் வேலைவாய்ப்பு மிக எளிதாகிவிடும்.பேச்சுத் திறனில் கூடுதல் ஆர்வம், தகவல் தேடல், வாசிப்பு, சமூக அக்கறை, சகிப்புத் தன்மை, தன்முன் உள்ள மக்களின் மனங்களை ஊடுருவி அவர்களின் தேவையை அறிந்துகொள்ளும் பண்பு போன்றவை ஒரு பேச்சாளருக்கான குறைந்தபட்ச இலக்கணமாகக் கருதப்படுகிறது. 
இன்று நம் நாட்டிலும், சர்வதேச அளவிலும் பொது பேச்சுப் பயிற்சி அளிக்க பல நிறுவனங்கள் உள்ளன. இந்தியாவில், WABSTALK, PEPTALK, Indian Academy, SSA Academy, Bishal Sarkar, Anurag Aggarwal Institute போன்றவையும், சென்னையில், Ramanathans Institute, Sulekha, UrbanPro, ActionDna போன்ற தனியார் நிறுவனங்களும், இணையம் வழியாக  Edx, Udemy, GoSkills, Coursera போன்ற நிறுவனங்களும் பொது பேச்சுத் திறன் பயிற்சியை அளித்து வருகின்றன. 
- இரா.மகாதேவன்

]]>
http://images.dinamani.com/uploads/user/imagelibrary/2018/7/10/w600X390/im12.JPG http://www.dinamani.com/weekly-supplements/ilaignarmani/2018/jul/10/பேச்சால்-வெல்லலாம்-2957138.html
2957135 வார இதழ்கள் இளைஞர்மணி வேண்டாம்... கூகுள் வேலை! DIN DIN Tuesday, July 10, 2018 11:19 AM +0530 மும்பையில் உள்ள நர்சிமோன்ஞ்சி கல்லூரியில் எம்பிஏ படித்துவிட்டு கூகுள் நிறுவனத்தில் வேலை செய்தவர் முனாஃப் கபாடியா. ஒரு நாள் அவர் பார்த்துக் கொண்டிருந்த கூகுள் நிறுவன வேலையை விட்டுவிட்டார். அடுத்து அவர் செய்த, வேலை சமோசா விற்பனை.
 இன்று மும்பையில் அவருடைய "தி போஹ்ரி கிச்சன்' பிரபலமாகிவிட்டது. அங்கு தயாரிக்கப்படும் உணவு வகைகளை பிரபல நடிகர்கள், அரசியல் தலைவர்கள் உட்பட பலர் விரும்பிச் சாப்பிடுகின்றனர். போர்ஃப்ஸ் பத்திரிகையின் 30 வயதுக்குட்பட்ட சாதனையாளர்களில் ஒருவராக முனாஃப் கபாடியாவும் தேர்ந்தெடுக்கப்பட்டிருக்கிறார்.
 "சொந்தத் தொழில் நமக்கு ஆகாது. ஏதாவது ஓர் இடத்தில் வேலை செய்து பிழைக்க வேண்டியதுதான்' என்று பல இளைஞர்கள் நினத்துக் கொண்டிருக்கும்போது, முனாஃப் கபாடியாவுக்கு சொந்தத் தொழில் தொடங்கும் ஆர்வம் எப்படி வந்தது? எந்த ஒரு தொழிலையும் - குறிப்பாக ஓர் உணவகத்தைத் தொடங்கி நடத்துவது எப்படி? என்பது பற்றியெல்லாம் மனம் திறந்து பேசுகிறார்:
 "என் அம்மா நஃபிசா மிக அருமையாகச் சமைப்பார்கள். வேலை முடிந்து வீட்டுக்கு வந்து சிறிது நேரம் டிவி பார்க்கலாம் என்று நான் உட்கார்ந்தால், ரிமோட்டைக் கையில் வைத்துக் கொண்டு பிடித்தமான சேனல்களில் மூழ்கிக் கிடப்பார் அவர். அதிலும் சமையல் நிகழ்ச்சிகளை விரும்பிப் பார்த்துக் கொண்டிருப்பார். அவரை உருப்படியான வேலைகளில் ஈடுபடுத்த வேண்டும் என்று நான் நினைத்தேன். அவருடைய சமையல் திறமையைப் பயன்படுத்தி ஒரு தொழிலைத் தொடங்கினால் என்ன என்று யோசித்தேன்.
 எங்களுடைய போஹ்ரா சமூகத்துக்கென்று சிறப்பான பல உணவு வகைகள் உண்டு. ஆனால் அது பெரும்பாலான உணவகங்களில் கிடைக்காது. அந்த உணவு வகைகளை மிகவும் சுவையாகச் சமைக்கும் என் அம்மாவின் துணையோடு ஓர் உணவகத்தைத் தொடங்கலாம் என்று முடிவு செய்தேன்.
 ஆனால் அதற்காக உடனே ஓர் இடத்தைப் பிடித்து, முதலீடு செய்து தொடங்க வேண்டும் என்று நான் திட்டமிடவில்லை.
 எனக்குத் தெரிந்த நண்பர்கள், நண்பர்களின் நண்பர்கள் என 50 பேரை மட்டும் வார இறுதிநாளான சனி, ஞாயிறுகளில் வீட்டிற்கு உணவு உண்ண அழைத்தேன். ஆனால் அதற்குப் பணம் தர வேண்டும் என்றும் சொல்லிவிட்டேன். முதலில் 50 பேர் வந்தார்கள். ஒவ்வொருவரிடமும் ரூ.700-ஐ அவர்கள் சாப்பிட்ட உணவுக்காக வசூல் செய்தேன். சாப்பிட்டு முடித்ததும் என் அம்மாவை அவர்கள் மனம் நிறைந்து பாராட்டினார்கள். இப்படித்தான் தொடங்கியது எனது சொந்தத் தொழில் பயணம்.
 2015- இல் தொடங்கப்பட்ட எங்களுடைய "போஹ்ரி கிச்சன்' இப்போது ஆண்டுக்கு 50 லட்சத்துக்கு மேல் லாபத்தைத் தந்து கொண்டிருக்கிறது. ஒரு சாப்பாட்டின் விலை ரூ.1500. பலவிதமான உணவு வகைகளைத் தயாரித்துப் பரிமாறுகிறோம்.
 இப்படி ஓர் உணவகத்தைத் தொடங்க நினைப்பவர்கள் முதலில் இலாப நோக்கத்தோடு தொடங்கக் கூடாது. நாம் தயாரிக்கும் உணவுக்கான செலவு தொகையும் நமது உழைப்புக்கான குறைந்த கூலியும் கிடைத்தால் போதுமானது என்ற எண்ணத்துடன் தொடங்க வேண்டும்.
 நம் வீட்டில் வந்து சாப்பிடும் உறவினர்கள், நண்பர்களிடம் உணவு எப்படி இருந்தது என்று கருத்து கேட்கக் கூடாது. அப்படி கேட்டால் நன்றாக இல்லையென்றாலும், பிடிக்கவில்லை என்றாலும் கூட , நன்றாக இருக்கிறது என்று கூறிவிடுவார்கள். எனவே பணம் கொடுத்து சாப்பிடுபவர்களிடம்தான் உணவின் தரத்தைப் பற்றிக் கேட்க வேண்டும். அவர்கள்தான் உண்மையைச் சொல்வார்கள்.
 நம் உணவகத்தில் தயாராகும் உணவுகளைப் பற்றிய நமது கருத்தும், அங்கு உண்பதற்கு வருகிற வாடிக்கையாளர்களின் கருத்தும் வேறு வேறாக இருப்பதற்கு வாய்ப்புகள் உள்ளன. எனவே வாடிக்கையாளர்களின் கருத்தை கவனமாகக் கேட்டு அவர்கள் சொல்லும் குறைகள் உணவில் இருந்தால் அவற்றை உடனே திருத்திக் கொள்ள வேண்டும்.
 உணவகத்தைப் பற்றிய விளம்பரங்கள் மிக முக்கியம். சமூக ஊடகங்களின் பயன்பாடு அதிகரித்துவிட்ட இக்காலத்தில், உணவுகளை புகைப்படம் எடுத்து, அவை பற்றிய விவரங்களையும் இணைத்து சமூக ஊடகங்களில் உலவவிட்டேன். மேலும் எங்கள் உணவகத்துக்கு வந்து சாப்பிட்டவர்களில் பலர், தாங்களாகவே சமூக ஊடகங்களில் எங்களுடைய உணவுகளின் தரத்தைப் பற்றி பதிவிட்டார்கள். அது எங்களுடைய உணவகத்தைப் பற்றி பலர் தெரிந்து கொள்ள காரணமாகியது. இதில் முக்கியமானது என்னவென்றால், நாம் வெளியிடும் விளம்பரத்தில் நமது உணவுகளின் தரத்தைப் பற்றி எந்த வகையிலும் மிகைப்படுத்திச் சொல்லக் கூடாது. அது நம்மீதான நம்பிக்கையைத் தகர்த்துவிடும். எந்த ஒரு தொழிலுக்கும் அதைப் பற்றி நல்ல நம்பிக்கை அவசியம்.
 எந்த ஒரு தொழிலைத் தொடங்கி நடத்தும்போது எல்லா வேலைகளையும் நாமே செய்துவிட முடியாது. நம்மால் செய்ய முடியாத வேலைகள் இருக்கவே செய்யும். அந்த வேலைகளைச் செய்ய பொருத்தமானவர்களை நாம் சேர்த்துக் கொள்ள வேண்டும். அவர் பார்ட்னராக இருக்கலாம். வேலையாளாக இருக்கலாம். நம்மைவிட விஷயம் தெரிந்தவராக இருப்பது அவசியம்.
 வாடிக்கையாளர்களுடன் தனிப்பட்ட தொடர்புகளை வளர்த்துக் கொள்ள வேண்டும். வாடிக்கையாளரின் போன் நம்பர்,
 ஈ மெயில், ஐடி போன்றவற்றை வாங்கி வைத்துக் கொண்டு அவ்வப்போது தொழில்தொடர்பான செய்திகளைப் பகிர்ந்து கொள்ள வேண்டும்.
 உணவகத்தைத் தொடங்கி நடத்தும்போது நாம் எப்போதும் உணவின் தரத்தில் கவனமாக இருக்க வேண்டும். சுவை குறையக் கூடாது. என் அம்மாதான் தலைமைச் சமையல்காரர் என்றாலும், பலரை வேலைக்குச் சேர்த்து, எப்படி சுவையாகச் சமைப்பது என்பதைக் கற்றுக் கொடுத்திருக்கிறோம்'' என்கிறார் முனாஃப் கபாடியா.
 - ந.ஜீவா
 

]]>
http://images.dinamani.com/uploads/user/imagelibrary/2018/7/10/w600X390/im11.jpg http://www.dinamani.com/weekly-supplements/ilaignarmani/2018/jul/10/வேண்டாம்-கூகுள்-வேலை-2957135.html
2957133 வார இதழ்கள் இளைஞர்மணி தையலே... உயர்வு செய்! - சுகி. சிவம் DIN DIN Tuesday, July 10, 2018 11:15 AM +0530 நீ... நான்... நிஜம்! -26
செல்போன் (Cell Phone), சினிமா, சீரியல் இவை யாவும் இருபதாம் நூற்றாண்டு சீதைகளைச் சிறை பிடிக்க உதவும் இராவண மாயமான்கள் என்கிறார்கள். செல்போனும், சினிமாவும் படிக்கிற பெண்களைப் பாழாக்க, சினிமாவும் சீரியலும் குடும்பப் பெண்களை நாசமாக்க, மூதாட்டிகளை இந்த மூன்றுமே வீணாக்க, பெண் குலம் இன்று ஆக்க பூர்வ முன்னேற்றம் அடைய முடியவில்லை என்று சமூக ஆர்வலர்கள் சங்கடப்படுகிறார்கள். இது ஓரளவு உண்மைதான். ஒரு காலத்தில் பெண் என்பவள் சமைபவள் மற்றும் சமைப்பவள் என்ற சிற்றெல்லையில் சிறை வைக்கப்பட்டவள். கட்டிலுக்கும், தொட்டிலுக்கும் காரணகர்த்தா. கோயில், குளம், ஜாதி சமயச் சடங்குகளின்
பாதுகாவலர், குடும்பத்தின் பசை அல்லது குடும்பங்களின் பகை என்பதாக மட்டுமே அறியப்பட்டவள். ஆனால் இன்று வீட்டிலும் நாட்டிலும் அவளது பணிகள், அவளது அடையாளங்கள், அவளது பங்களிப்புகள் பெருகி விட்டன. 
ஒரு குடும்பப் பெண்ணிடம் யார் யார், என்ன என்ன, எதிர்பார்க்கிறார்கள் என்று ஒரு பட்டிமன்ற பெண் பேச்சாளர் வேடிக்கையாகச் சொன்னதைச் சொல்லவா? "அன்றைய குடும்பப் பெண்கள் படிக்கப் போகும் பிள்ளைகளுக்கு ஏதோ ஒரு சோறு, என்னவோ ஒரு காய், இரண்டு இட்லி மிளகாய்ப் பொடி, பொட்டலம் கட்டிக் கொடுத்தால் போதும், வாலைச் சுருட்டிக் கொண்டு வாயை மூடிக்கொண்டு வாங்கிக் கொண்டு போய்விடும். 
இன்றைய அம்மாக்களின் குறைந்த பட்ச குவாலிபிகேஷன் (Qualification) அமெரிக்கன், இத்தாலியன், தந்தூரி, சைனீஸ் இதெல்லாம் சமைக்கத் தெரியணும். பிள்ளைகளுக்கு யோகா, பாட்மிண்டன், மியூஸிக், பஜனை வகுப்புகளுக்கு டான்..டான் என்று "பிக் அப்' மற்றும் "டிராப்' செய்கிற கால் டாக்ஸி ஓட்டுநராக வேலை செய்ய வேணும். இது வரைக்கும் யாருமே பண்ணாத வகையில், யோசிக்காத விஷயத்தில், கூகுளில் தேடி, மூளையைக் கசக்கி ஓர் எக்ஸலெண்ட் புராஜக்ட் பண்ணி, பசங்களுக்கு பள்ளிக் கூடத்திற்குக் கொடுத்து அசத்த வேண்டும். Principal என்ற விக்டோரியா மகாராணிகள் நம் பிள்ளைகளைப் பற்றி குற்றப் பத்திரிகை வாசிக்கும் போது கூச்சமேயில்லாமல்,
சிரித்துக் கொண்டு பணிவுடன் Yes Mam, Yes Mam என்று ஜால்ரா போட தெரியணும். நாம் காலேஜில் படிச்ச கணக்கை, இப்ப High School இல் படிக்கிற பிள்ளைகளுக்குப் பொறுமையாய், கோபப்படாமல் சொல்லிக் கொடுக்க தெரியணும். பன்னிரண்டாவது படிக்கிற பிள்ளைகள் இருந்தா, அதுகளை "நீட்' எழுத வைக்க நாம் தயார் ஆகணும்.
அவங்க மேலே என்ன படிக்கலாம், எதைப் படிச்சா வேலை கிடைக்கும்ணு. பக்காவா Analysis பண்ணத் தெரியணும். Husbandக்கு மாடர்னா இருக்கணும். ஸ்லிம்-ஆ இருக்கணும். அவங்க அம்மா, அப்பாவுக்கு அடிமையா பணிவிடை பண்ணத் தெரியணும். அம்மியில் மிளகாய் சட்னி அரைக்கத் தெரியணும். "ஐபோன்'இல் இருக்கிற Latest Technology தெரியணும். அப்ப அப்ப Husbandக்கு  Professional Advice பண்ற P.A வா இருக்கணும். பிள்ளைகளைப் பார்த்துக்கிற ஆயாவாவும் இருக்கணும். நாட்டு நடப்பும் தெரியணும், நாட்டு வைத்தியமும் தெரியணும். வேணும் என்கிற போது மஞ்சள் குங்குமம், மல்லிகைப் பூ என்று மாரியாத்தா பாணியில் மங்களகரமாக ஜொலிக்கணும். Husband உடன் Party க்கு போகும் போது Jeans Pants, T-Shirts போட்டு கலக்கணும். வீட்டை மியூஸியம் மாதிரி சுத்தமா வைச்சுக்கணும். ஆனால் பசங்களையும் திட்டக் கூடாது. எவ்வளவு வேலை செய்தாலும் முகத்தில சோர்வு காட்டாம "ஈ' ன்னு இளிச்சுக்கிட்டே இருக்கணும். எல்லா வேலையும் முடிச்சுட்டு
அப்பாடான்னு உட்கார்ந்து "செல்போனை கையில் எடுத்தால் "லைஃபை என்ஜாய்' பண்ணுற என்கிற "கமெண்ட்' டை காதுக் கொடுத்து கேட்குற பொறுமைசாலியாகவும் இருக்கணும். மொத்தத்தில் "அருவி' படத்து போஸ்டர்ல வர்ற மாதிரி உங்கள் பின்னாடி நூறு கை இருக்கணும். இந்தக் காலத்துல "அம்மா' என்ற பேர்ல All in All அழகுராஜாதான் எல்லாருக்கும் தேவைப்படுகிறது. இந்தப் பேச்சு விளையாட்டாகத் தெரிந்தாலும் இன்றைய பெண்களின் நிலைமையைப் பட்டவர்த்தனமாக வெளிப்படுத்துகிறது. 
இது நாள் வரை ஒரு முக காமாட்சி விளக்காக ஒளி வீசிய பெண் கோயில் அடுக்கு தீபாரதனை போல பன்முக விளக்காக ஆக்கப்பட்டுவிட்டாள். அவள் பயணிக்க வேண்டிய பாதைகள்... ஒன்றல்ல... இரண்டல்ல... ஆயிரக்கணக்கில் அவள் காலடிகளில் விரிந்து கிடக்கின்றன. அண்மையில் பதின்மூன்று வயது பள்ளி மாணவியைப் பாரதப் பிரதமர் இல்லம் அழைத்துப் பாராட்டினார் என்ற செய்தி படித்தேன். கணினி அறிவில் கை தேர்ந்தவளாகி கம்பெனி நிர்வாகிகளுக்கும், I.T மாணவர்களுக்கும் அநாயாசமாக வகுப்பு
நடத்துகிறாள் அவள். அவளது I.Q 225 என்கிறார்கள். ஐன்ஸ்டீனை விட அதிகம் என்றும் கணித்து இருக்கிறார்கள். விசாலினி என்கிற அந்தத் திருநெல்வேலிப்பெண் சிறுமி உலகெங்கும் உரையாற்ற வகுப்பு நடத்த அழைக்கப்படுகிறார். இது பெண்ணினத்திற்கே பெருமை அல்லவா? பெண் இப்படிப்பட்ட முன்னேற்றங்கள் காணவேண்டும்.
இன்று மருத்துவ உலகில் மகத்தான சேவை செய்யும் EX-RAY, CT-SCAN, MRI-SCAN தெரியும். ஆனால் ரேடியத்தைக் கண்டு பிடித்த "மேரி கியூரி' அம்மையாரைத் தெரியாது. நன்றியுடன் நாம் நினைப்பது இல்லை. ஒரு குதிரை லாயம் போன்ற கொட்டகையில் இரவும் பகலும் அயராது உழைத்த மேரியின் கொடை ரேடியம். தன்சேவைக்கு மேரிக்குக் கிடைத்த துயரங்கள் எண்ணில்லடங்கா. ரேடியத்தின் விளைவு தெரியாமல் தொட்டதால், கை எங்கும் "தீ' க்காயம் போன்ற வடுக்கள். இரத்தப் புற்றுநோய், உடல் நடுக்கம். நியாயமாக யோசித்தால் ஓர் உலக அழகி மனித குலத்திற்குச் செய்யும் சேவை என்ன? உருக்குலைந்துப் போன மேரியைப் போன்ற பெண்கள்
உலகுக்கு அளித்த நன்மைகள் என்ன என்று பெண் குலம் மனச்சாட்சியோடு சிந்திக்க வேண்டும். அறிவுத் திறன் கொண்ட பெண்களே இன்றைய அவசர அவசியம்.
ஒவ்வொரு காலகட்டத்திலும் ஒவ்வொரு வகையில் பெண்களை உயர்த்திப் பிடிக்கும் பெண்கள் வந்து கொண்டே இருக்க வேண்டும். நேதாஜியின் அழைப்பை ஏற்று கேப்டனாகவும், அவரது புரட்சி மந்திரிசபையின் பெண்கள் நல அமைச்சராகவும், விளங்கிய கேப்டன் லெட்சுமி அப்படிப்பட்டவர். எத்தனை பெரிய இசை மேதையாக இருந்தாலும் பெண்ணுக்கு பக்கவாத்தியம் வாசிக்க ஆண்கள் வரமாட்டார்கள் என்பதை உடைத்தெறிந்து மிகப்பெரிய பெண் இசை மேதைகள் பாரம்பரியத்தை உருவாக்கிய வீணை தனம்மாள் என்கிற பாலசரஸ்வதியின் பாட்டி இது போல் ஒரு சாதனைப்பெண். பண்டைய காலத்திலேயே பெண்கள் பெரியவர்கள் என்பதை நிரூபித்த இருவரைச்
சொல்லி முடிக்கிறேன்.
தமிழ் இலக்கிய மரபில் சிற்றிலக்கியங்கள் என்கிற ஒரு மரபை ஆதியில் தோற்றுவித்தவர், பல ஆண்கள் பாடுவதற்குப் பாதை அமைத்துக் கொடுத்தவர். ஓர் எளிய குடும்பப்பெண்மணி என்றால் நம்ப முடிகிறதா? பிற்காலத்தில் நீள் கதை என்றும், நெடுங்கதை என்றும் பேசப்பட்ட மரபுக்கு (நாவல்) ஒரு தனித்த அடையாளமாக விளங்கிய வை.மு. கோதைநாயகி அம்மாளுக்கு முன்னோடி இந்தக் குடும்பப் பெண்மணியாகத் தான் இருக்க வேண்டும். பெண்கள் என்றாலேயே எழுதப் படிக்கத் தெரியாதவர்கள், போதுமான பொது அறிவு இல்லாதவர்கள் என்று இரண்டு நூற்றாண்டுகளுக்கு முன்பு வரை இந்தியாவில் இளக்காரமாகப் பேசப்பட்டது. ஆனால் கி.பி 4 அல்லது 5 ஆம் நூற்றாண்டில்
வாழ்ந்தவர் என்று கருதப்படும் காரைக்கால் அம்மையார் மிகப் பெரிய கவிதாயினி, சிற்றிலக்கிய பாவகையின் முன்னோடி என்றால் அவர் எப்படி எழுதப் படிக்கத் தெரியாதவராக இருந்திருக்க முடியும்? பெண்களுக்கு அழகுப் போட்டி வைத்து, பெண் இனத்தையே இன்று அசிங்கப் படுத்திக் கொண்டிருக்கிறோம். ஆனால் இருக்கிற உடல் அழகையும் உதறி, எலும்பு தோல் வடிவம் பெற்று, மொழியையும், சமயத்தையும் அழகுபடுத்தியது காரைக்கால் அன்னை அல்லவா, தமிழ்ப் பெண்களின் தலையாய
வழிகாட்டி. அந்தாதி என்ற பாடல் வகையையே தமிழுக்குத் தந்து அற்புதத் திரு அந்தாதி, திருவாலங்காட்டு மூத்தத் திருப்பதிகங்கள் திருவிரட்டை மணிமாலை, பாடிக் கொடுத்த இந்தப்பாவை அல்லவா, தமிழ்ப் பெண்களின் தனித்தலைவி, பின்னாளில் தேவாரம் பாடிய சம்பந்தர், சுந்தரர், அப்பர் என்கிற ஆண்களுக்கு எல்லாம் ஆதி வழி காட்டி இந்தப் பெண் அல்லவா? பெண் என்றதுமே உடல் கவர்ச்சியும், பாலுணர்ச்சியும் நினைவுக்கு வருகிற சமூகத்திற்குச் சரியான சாட்டையடி, இந்த காரைக்கால் தந்த கவிதாயினி. 
அதிகாரிச்சி... இந்த வார்த்தையைக் கேள்விப்பட்டிருக்கிறீர்களா? இது யாரைக் குறிக்கிறது என்று தெரியுமா? ராஜராஜசோழன் ஆட்சிக் காலத்தில் அரசு நிர்வாகப் பணியில் நியமிக்கப் பட்ட பெண்களுக்குத் தான் "அதிகாரிச்சி' என்று பெயர். ஆயிரம் ஆண்டுகளுக்கு முன்பே அரசுப்பணியில் பெண்கள்... இதைச் சாதித்துக் காட்டியவர் ஒரு பெண் என்றால் நம்பமுடிகிறதா? அவர் வேறு யாருமல்ல. வரலாற்றுச் சிறப்பு மிக்க ராஜராஜசோழனின் பாசத்துக்குரிய சகோதரியார் குந்தவைப் பிராட்டியார் தான். 
ஆட்சி அதிகாரத்தில் நேரடியாகத் தலையிடாவிட்டாலும், அறம் சார்ந்த ஆட்சியை ராஜராஜசோழன் நடத்துவதற்கு அதிகம் உதவியவர் இவர் தான். தனது பிறந்த நாளான ஐப்பசி சதயத்தில் நடைபெறுகிற பெரு விழா போன்றே குந்தவைப் பிராட்டியின் அவிட்ட நட்சத்திரத்து அன்றும் பெரு விழா நடத்த வேண்டும் என்று ராஜராஜசோழன் உத்தரவிட்டிருந்தார். இதிலிருந்து அவர் மீது ராஜராஜசோழனுக்கு எத்தனை பெரிய மரியாதை என்பது நமக்குப் புரிய வேண்டும். ஆயிரம் ஆண்டுகளுக்கு முன்பே தனக்கென தனியான அரசியல் அங்கீகாரமும் ஆன்மீக அடையாளமும் தேடிக் கொண்ட பெண் குந்தவைப்பிராட்டி. அவரது அறக்கொடைகள், அமைத்துக் கொடுத்த ஆலயங்கள், செய்து கொடுத்த சிற்பங்கள் கணக்கிலடங்காது. 
ராஜராஜன் தஞ்சைப் பெருவுடையார் கோயிலைக் கட்டுவதற்குக் கூட குந்தவையே பெரும் காரணம் என்கிறார்கள். பெருவுடையார் கோயிலில் வட மொழி விற்பன்னர்கள் பெற்ற ஊதியம், திருமுறை பாடுகிறவர்கள் பெறுகிற ஊதியத்தை விட கூடுதலாக இருப்பதை நுட்பமாகக் கண்டறிந்து, திருமுறை வாணர்களும், அவர்களுக்கு நிகரான ஊதியம் பெற, வழிவகுத்தவர் குந்தவை தான். இதிலிருந்து அவரது நிர்வாகத்திறன் நமக்குப் புரிய வேண்டும். கூர்த்த மதியும், கொள்கை முடிவுகளும், அறம் சார்ந்த ஆளுமைப் பண்புகளும் உடைய, "ஆழ்வார் பராந்தகன் குந்தவையார்' என்று வரலாறு கொண்டாடுகிற இரண்டாம் குந்தவையின் குண நலன்கள் வளர விரும்பும் இன்றைய பெண்களுக்கு ஒரு பாடத்திட்டம். 
"தையலை உயர்வு செய்' என்றான் பாரதி. நான் சொல்கிறேன்: "தையலே உயர்வு செய். உன்னை, உன் இனத்தை, உலகத்தைத் தையலே உயர்வு செய்'.
(தொடரும்)

]]>
http://images.dinamani.com/uploads/user/imagelibrary/2018/7/10/w600X390/im9.jpg http://www.dinamani.com/weekly-supplements/ilaignarmani/2018/jul/10/தையலே-உயர்வு-செய்---சுகி-சிவம்-2957133.html
2957131 வார இதழ்கள் இளைஞர்மணி பேக்கேஜிங் தொழில் ஈடுபட விருப்பமா? DIN DIN Tuesday, July 10, 2018 11:01 AM +0530 பேக்கேஜிங் தொழிலில் ஈடுபட வேண்டுமானால் பேக்கேஜிங் தொழில் நுட்பம் குறித்த கல்வியை கற்க வேண்டியது அவசியம். எந்த ஒரு பொருளை விற்பனை செய்வதாக இருந்தாலும், நுகர்வோரை கவர்ந்திழுக்க வேண்டியது அவசியமாகும். அவ்வாறு நுகர்வோரை கவர்வதற்கு முக்கிய காரணமாக இருப்பது விளம்பரமும், அந்த பொருளை பேக்கிங் செய்யப்பட்ட அதன் வெளிப்புறத் தோற்றமும் ஆகும். அதனால் பேக்கிங் தொழில் முக்கியத்துவம் பெறுகிறது. 
பேக்கிங் தொழில் நுட்பம் குறித்த கல்வியை வழங்கும் கல்வி நிறுவனம் :
NDIAN INSTITUTE OF PACKAGING, E 2, MIDC Area, Andheri East, Mumbai - 400093
Tel: +91-22-28219803, 28219469
DELHI: Plot No. 21, Functional Industrial Estate, Patparganj, Near Udyog Sadan, Delhi- 110 092.
Tel : 91 - 011 - 2216 6703 / 4 / 5, Mobile : 91- 9310601300    
CHENNAI : Plot no. 169, Industrial Estate, 2nd Main Road, Burma Colony Perungudi, Chennai - 600096
Tel :   91 - 044 - 2496 0730 / 2496 1560, Mobile : 93821 99089      Fax :   91 - 044- 2496 1077, Email :   iipchennai@iip-in.com
KOLKATA : Block C. P.-10, Sector - V, Salt Lake, Bidhan Nagar, Kolkata -  700091
Tel : 91 - 033-2367 0763 / 6016, Mobile : 80172 19939, Fax : 91 - 033-2367 9561 Email : iipkolkata@iip-in.com
HYDERABAD: Lux -3, Industrial Estate, Sanath Nagar, Hyderabad- 500 018.
Tel : 91 - 40 - 2381 4321, Mobile : 9581000064, Fax : 91 - 40 - 2370 7148, Email : iiphyd@iip-in.com
AHMEDABAD: 1st Floor, CFC Building, Apparel Park, GIDC,Khokhra, Ahmedabad 380021
Tel :   + 91-79-22930200, Mobile : +91-9586494842       
- எம்.அருண்குமார்

]]>
http://images.dinamani.com/uploads/user/imagelibrary/2018/7/10/w600X390/im8.JPG http://www.dinamani.com/weekly-supplements/ilaignarmani/2018/jul/10/பேக்கேஜிங்-தொழில்-ஈடுபட-விருப்பமா-2957131.html
2957129 வார இதழ்கள் இளைஞர்மணி வேலை...வேலை...வேலை... DIN DIN Tuesday, July 10, 2018 10:59 AM +0530 தமிழ்நாடு மகளிர் மேம்பாட்டுக் கழகத்தில் வேலை
பதவி: Consultant-Marketing (SHG Products)
காலியிடம்: 1
கல்வித்தகுதி: எம்பிஏ முடித்திருக்க வேண்டும். (மார்க்கெட்டிங்). பத்து ஆண்டுகள் பணி அனுபவம் பெற்றிருக்க வேண்டும். 
பதவி: Consultant-Agribusiness Management
காலியிடம்: 1
கல்வித்தகுதி: விவசாயப் பொருளாதாரம்/ விவசாயத்தொழில் மேலாண்மை / ஊரக மேம்பாடு சார்ந்த துறைகளில் முதுகலைப் பட்டம் பெற்றிருக்க வேண்டும். பத்து ஆண்டுகள் பணி அனுபவம் பெற்றிருக்க வேண்டும். 
பதவி: Consultant-Dairy Business Management
காலியிடம்: 1
கல்வித்தகுதி: கால்நடை/ பால்வள மேலாண்மை/ பால்வள மேம்பாடு/ பொருளாதாரம்/ ஊரக மேம்பாடு சார்ந்த துறைகளில் முதுகலைப் பட்டம் பெற்றிருக்க வேண்டும். பத்து
ஆண்டுகள் பணி அனுபவம் பெற்றிருக்க வேண்டும். 
வயது வரம்பு: மேற்கண்ட மூன்று பதவிகளுக்கும் வயது வரம்பு ஏதுமில்லை
விண்ணப்பிக்கும் முறை: விண்ணப்பதாரர்கள் தங்களது சுயவிவரக் குறிப்புடன், சான்றிதழ்களின் நகல்களை இணைத்து கீழ்க்காணும் முகவரிக்கு அனுப்பி வைக்க வேண்டும்.
முகவரி: Managing Director, Tamilnadu Corporation For Development of Women, (The Government of Tamilnadu Undertaking), Mother Teresa Women
Complex-I floor, Valluvar Kottam High Road, Nungambakkam, Chennai-600 034, Tamilnadu, India. E-Mail: gmtncdw@gmail.com,tncdw@tn.nic.in.
மேலும் விவரங்களுக்கு: www.tamilnadumahalir.org/images/pdf/Call%20for-Consultants.pdf என்ற இணையதளத்தைப் பாருங்கள்.
விண்ணப்பம் சென்று சேர வேண்டிய கடைசித் தேதி: 13-07-2018.

ஆவின் நிறுவனத்தில் வேலை
பதவி: Senior Factory Assistant
காலியிடங்கள்: 275 
கல்வித்தகுதி: பிளஸ் டூ முடித்திருக்க வேண்டும். அல்லது ஏதாவது ஒரு துறையில் ஐடிஐ அல்லது அதற்கு இணையான படிப்பு முடித்திருக்க வேண்டும்.
வயது வரம்பு: 18 வயதிலிருந்து 30 வயதுக்குள் இருக்க வேண்டும். சில பிரிவினருக்கு வயது வரம்பில் விலக்கு உண்டு
விண்ணப்பிக்கும் முறை: www.omcaavins farecruitment.com என்ற இணையதளத்திற்குச் சென்று, விண்ணப்பதாரரின் விவரங்களைப் பூர்த்தி
செய்து, தேவையான சான்றிதழ்களைப் பதிவேற்றி, விண்ணப்பக் கட்டணத்தைச் செலுத்தி, ஆன்லைன் மூலம் விண்ணப்பிக்க வேண்டும். 
விண்ணப்பக் கட்டணம்: பொது/ ஓபிசி விண்ணப்பதாரர்களுக்கு ரூ.100; எஸ்சி/எஸ்டி விண்ணப்பதாரர்களுக்கு ரூ.50.
தேர்ந்தெடுக்கப்படும் முறை: எழுத்துத் தேர்வு மூலம் தகுதியான நபர்கள் தேர்ந்தெடுக்கப்படுவார்கள்.
மேலும் விவரங்களுக்கு: www.omcaavinsfarecruitment.com/Aavin%20notification%20new%20english.pdf என்ற இணையதளத்தைப் பாருங்கள்.
விண்ணப்பிக்க கடைசித் தேதி: 16-07-2018.

தேசிய காசநோய் ஆய்வு நிறுவனத்தில் வேலை
பதவி: Project Technical Officer
காலியிடம்: 1
கல்வித்தகுதி: அறிவியல் அல்லது பணி தொடர்பான துறைகளில் பட்டப்படிப்பு முடித்திருக்க வேண்டும். ஆண்டு பணி அனுபவம் பெற்றிருக்க வேண்டும். அல்லது
முதுகலைப் பட்டப்படிப்பு படித்திருக்க வேண்டும்.
பணி அனுபவம்: 5 ஆண்டுகள் பணி அனுபவம் பெற்றிருக்க வேண்டும்.
பதவி: Project Technician III (Field Worker)
காலியிடங்கள்: 16
கல்வித்தகுதி: பிளஸ் டூ-வில் அறிவியல் பாடப்பிரிவில் தேர்ச்சியும் 2 ஆண்டு மருத்துவ சோதனை தொழில்நுட்ப டிப்ளமோ படிப்பும் படித்திருக்க வேண்டும். அல்லது ஓராண்டு DMLT படிப்புடன் ஓர் ஆண்டு பணி அனுபவம் பெற்றிருக்க வேண்டும். பி.எஸ்சி முடித்தவர்கள் மூன்றாண்டுகள் பணி அனுபவம் பெற்றதாகக் கருதப்படுவார்கள்.
விண்ணப்பிக்கும் முறை: www.nirt.res.in  என்ற இணையதளத்தில் இருந்து விண்ணப்பப் படிவத்தைப் பதிவிறக்கம் செய்து, பூர்த்தி செய்து, தேவையான
சான்றிதழ்களின் நகல்களுடன் கீழ்க்காணும் முகவரியில் நடைபெற உள்ள நேர்முகத் தேர்வின்போது நேரடியாக சமர்ப்பிக்க வேண்டும்.
நேர்முகத் தேர்வு நடைபெறும் முகவரி: National Institute for Research in Tuberculosis, 1 Mayor Sathyamoorthy Road, Chetpet, Chennai 600 031. 
தேர்ந்தெடுக்கப்படும் முறை: நேர்முகத் தேர்வு/ எழுத்துத் தேர்வு மூலமாக தகுதியான நபர்கள் தேர்ந்தெடுக்கப்படுவார்கள்).
மேலும் விவரங்களுக்கு:
 www.nirt.res.in/pdf/2018/ADVT/280618/stream%20study%20stage%20-%20II%20.filling%20up%20of%20posts%20-%20dr%20muniyandi.pdf என்ற இணையதளத்தைப் பாருங்கள்.
நேர்முகத் தேர்வு நடைபெறும் தேதிகள்: 18.7.18 மற்றும் 1907-2018 (காலை 9 மணியிலிருந்து 10 மணி)

சென்னை மெட்ரோ ரயில் நிறுவனத்தில் வேலை
பதவி: Director (Systems & Operations)
காலியிடம்: 1
கல்வித்தகுதி: மெக்கானிக்கல்/ எலெக்ட்ரிக்கல்/ எலெக்ட்ரானிக்ஸ் & கம்யூனிகேஷன் துறைகளில் இளங்கலைப் பட்டம் பெற்றிருக்க வேண்டும். முதுகலைப் பட்டம் அல்லது
எம்பிஏ முடித்திருப்பவர்களுக்கு முன்னுரிமை வழங்கப்படும்.
வயது வரம்பு: 58 வயதுக்குள் இருக்க வேண்டும்.
விண்ணப்பிக்கும் முறை: www.chennaimetrorail.org  என்ற இணையதளத்தில் இருந்து விண்ணப்பப் படிவத்தைப் பதிவிறக்கம்
செய்து பூர்த்தி செய்து, புகைப்படம் ஒட்டி, தேவையான சான்றிதழ்களின் நகல்களை கீழ்க்காணும் முகவரிக்கு அனுப்பி வைக்க வேண்டும்.
முகவரி: The General Manager (HR),Chennai Metro Rail Limited, Admin Building, CMRL Depot, Poonamallee High Road, Koyambedu, Chennai - 600107.
மேலும் விவரங்களுக்கு: www.chennaimetrorail.org/wp-content/uploads/2018/06/CMRL-HR-06-2018.pdf என்ற இணையதளத்தைப் பாருங்கள்.
விண்ணப்பம் சென்று சேர வேண்டிய கடைசித் தேதி: 19-07-2018.
தொகுப்பு: பிரவீண்குமார்
 

]]>
http://images.dinamani.com/uploads/user/imagelibrary/2018/7/10/w600X390/im7.JPG http://www.dinamani.com/weekly-supplements/ilaignarmani/2018/jul/10/வேலைவேலைவேலை-2957129.html
2957127 வார இதழ்கள் இளைஞர்மணி வாங்க இங்கிலீஷ் பேசலாம் 147 ஆர்.அபிலாஷ் DIN Tuesday, July 10, 2018 10:48 AM +0530 புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரின் காத்திருக்கும் அறையில் இருக்கிறார்கள். அப்போது கணேஷ் ஆங்கிலத்தின் வசைச்சொற்கள் பற்றி புரொபஸரிடம் வினவுகிறான். அப்போது அவர் இங்கிலாந்தில் உள்ள Skidbrook என்ற ஊரின் பெயரில் ஒளிந்துள்ள ஒரு வசைச் சொல்லைப்பற்றி பேசுகிறார்.
புரொபஸர்: Schitebroc என்ற பெயரில் Skidbrook பழங்காலத்தில் அழைக்கப்பட்டது. அப்போது இது மேய்ப்பர்கள் வசித்த, கழிவுகள் ஆறாக ஓடிய, ஒரு சேரிப்பகுதி. 
Schite என்றால் shit. Broc என்றால்  brook. Brook என்றால் சிற்றாறு.
கணேஷ்: இப்போது அர்த்தம் விளங்குது சார். மல ஓடை.
புரொபஸர்: ஆமாம். பின்னர் இங்கிலாந்து காலனியாதிக்கம் செய்து உலகை வென்று செல்வந்த தேசம் ஆன பின் இந்த சேரி வளர்ந்து ஊர் ஆனது. இப்படி வசதியான ஊர் ஆனதும் ஷிட் என்ற சொல் மருவி ள்ந்ண்க் என்று ஆனது. இன்னொரு விசயம். ஷிட் என்பது ஆங்கிலத்தில் உள்ள மிக பழைமையான சொல் தெரியுமா?
கணேஷ்: மக்கள் சமீபத்தில் தான் எதாவது விசயத்தில் கடுப்பானால் "ஷிட் ஷிட்' என சொல்ல ஆரம்பித்தார்கள் என நான் நினைத்தேன்.
புரொபஸர்: நீ சொல்வது உண்மை தான். ஷிட் ஆரம்பத்தில் ஒரு சாதாரண சொல்லாக இருந்தது. உதாரணமாய், முன்பு ஆடுகளுக்கு பேதியாவதற்கான மருத்துவ சொல்லாகவே ஷிட் இருந்தது. ஆடு மேய்ப்பர்கள் மத்தியிலே இச்சொல் பிரசித்தமாக இருந்தது. Schitebroc என்ற ஊரின் பெயரிலே ஷிட் இருக்கிறது. ஏனென்றால் ஆதியில் அங்கு ஆடு மேய்ப்பர்கள் அதிகம் இருந்தனர். ஆரம்பத்தில் மேய்ப்பர்களின் மருத்துவச் சொல்லாக புழங்கிய ஷிட், பின்னர் அவர்களின் கால்நடைகள் கழிவுகள் சரியான சுத்திகரிப்பு இன்றி அதிகம் அங்கு தேங்கி இருந்ததால் ஊருக்கே பொருத்தமானதாக கருதப்பட்டு நிலைபெற்றது.
மருத்துவரின் மணி அடிக்கிறது. உதவியாளர் உள்ளே சென்று பிங்கியை கையைப் பிடித்து அழைத்து வருகிறார். அவரது கண்களில் நீர் நிறைந்து முகம் சிவந்திருக்கிறது.
பிங்கியின் பின்னால் அவரது நாய் டார்லிங் அசட்டையாய் நாற்காலி, மேஜை கால்களை முகர்ந்தபடி வருகிறது.
ஜூலி: I am glad…
கணேஷ்: ஏன்?
ஜூலி: டார்லிங் அழலையே
கணேஷ்: அடப்பாவி
உதவியாளர்: மிஸ்டர் புரொபஸர்
புரொபஸர் எழுந்து நிற்கிறார்.
உதவியாளர்: மிஸ் மீனாட்சி
புரொபஸர்: அவள் வரவில்லை
உதவியாளர் புருவத்தை உயர்த்தி புரொபஸரை சில நொடிகள் பார்க்கிறார்.
புரொபஸர்: அவளுக்குத் தான் பார்க்கணும். ஆனால் அவள் வரல. பதிலா என் கூட என் ஸ்டுடெண்ட் கணேஷ் வந்திருக்கிறான்.
உதவியாளர்: பேஷண்ட் யாரு?
புரொபஸர்: அதான் குழப்பமாக இருக்குது
கணேஷ்: சார் ஜூலின்னு சொல்லுங்க
புரொபஸர்: It is very complicated you see. (உதவியாளரிடம்) என்னோட நாய் ஜூலி கூட வந்திருக்குது. அவனும் ரொம்ப
பாதிக்கப்பட்டிருக்கிறான்.
உதவியாளர் (பரிவாக): We provide inclusive treatment and care. ஒரு குடும்பத்தில் சிக்கல் ஏற்படும் போது எல்லாரும் தான்
பாதிக்கப்படுறோம். நேத்து ஒரு அம்மா அவங்க தங்க மீன்களை குடுவையில் கொண்டு வந்திருந்தாங்க. எங்க உங்க ஜூலி?
ஜூலி டார்லிங்கின் முன்னே போய் நிற்க இரு நாய்களும் வாலை அசைத்து அன்பை பரிமாறிக் கொள்கின்றன.
புரொபஸர்: ஜூலி
ஜூலி அவரை புறக்கணிக்கிறது.
புரொபஸர்: He is like a dog with two tails now…
கணேஷ்: அதென்ன ரெண்டு வால்? ரெட்டை வால் குருவி கேள்விப்பட்டிருக்கேன்.
புரொபஸர்: நீ வா. போகும் போது சொல்றேன்...
அவர்கள் மருத்துவர் அறைக்கு செல்ல ஜூலி அவர்கள் பின்னால் ஓடுகிறது.
புரொபஸர்: ஒருவர் ரெண்டு வால்கள் கொண்ட நாயைப் போன்றிருக்கிறார் என்றால் அவர் மிக மிக மகிழ்ச்சியாக இருக்கிறார் என அர்த்தம். உதாரணமாக, "விண்ணைத்
தாண்டி வருவாயா' படத்தில் த்ரிஷா தன் திருமணத்தின் போது தேவாலயத்தில் வைத்து எல்லார் முன்னிலையிலும் அதிரடியாய் தனக்கு அத்திருமணத்தில்
விருப்பமில்லை என தெரிவிக்கிறாள். அப்போது Simbu is like a dog with two tails.
(இனியும் பேசுவோம்)


 

]]>
http://images.dinamani.com/uploads/user/imagelibrary/2018/7/10/w600X390/im6.JPG http://www.dinamani.com/weekly-supplements/ilaignarmani/2018/jul/10/வாங்க-இங்கிலீஷ்-பேசலாம்-147-2957127.html
2957126 வார இதழ்கள் இளைஞர்மணி படியுங்கள்... விவசாயப் பொறியியல்! DIN DIN Tuesday, July 10, 2018 10:41 AM +0530 விவசாய கல்வியில் வேளாண் பொறியியல் முக்கியத்துவம் பெற்றுள்ளது. நிலம் மற்றும் நீர் மேலாண்மை பொறியியல், விவசாயம் மற்றும் தோட்டக் கருவிகள், பையோ எனர்ஜி, விவசாய செயலாக்க பொறியியல் (அக்ரி பிராசசிங் என்ஜினியரிங்), சுற்றுச்சூழல் பொறியியல், ஸ்டோரேஜ் என்ஜினியரிங் என வேளாண் பொறியியலில் பல்வேறு பிரிவுகள் உள்ளன. 
வேளாண் கட்டமைப்புகளை உருவாக்குதல், வேளாண் எந்திரங்கள், கருவிகளை வடிவமைத்தல் உள்ளிட்ட முக்கிய பணிகள் வேளாண் பொறியியலில் உள்ளடங்கியுள்ளன.
வேளாண் பொறியியல் சார்ந்த படிப்புகள் விவசாய தொழிலுக்கு அடிப்படையாக விளங்குகின்றன. விவசாய தொழிலை மேம்படுத்த வேண்டுமானால் வேளாண் பொறியியலைக் கற்று தேர்ந்திருக்க வேண்டியது அவசியமாகும். 
வேளாண் பொறியியல் கல்வியை வழங்கும் கல்வி 
நிறுவனம் :
Tamil Nadu Agricultural University
Lawley Road
Coimbatore 641003
http://www.tnau.ac.in/programmes.html
- எம்.அருண்குமார்

]]>
http://images.dinamani.com/uploads/user/imagelibrary/2018/7/10/w600X390/im5.JPG http://www.dinamani.com/weekly-supplements/ilaignarmani/2018/jul/10/படியுங்கள்-விவசாயப்-பொறியியல்-2957126.html
2957125 வார இதழ்கள் இளைஞர்மணி  தேசியத்தின் தீர்க்கதரிசி! - த. ஸ்டாலின் குணசேகரன் DIN DIN Tuesday, July 10, 2018 10:39 AM +0530 இளைய பாரதமே...எழுக!-30
பாலகங்காதரதிலகர், விபின்சந்திரபாலர், லாலாலஜபதிராய் ஆகிய மூவரையும் இந்திய விடுதலைப் போராட்டத்தின் திரிசூலம் என்று வரலாறு வர்ணிக்கிறது. இவர்கள் மூவருக்குமே விவேகானந்தரின் தாக்கம் வலுவாக இருந்திருக்கிறது என்பதற்கு பல ஆதாரங்கள் வரலாற்றில் உள்ளன.
 1892-ஆம் ஆண்டு ஜூலை மாதம் விவேகானந்தர் அமெரிக்கா செல்வதற்கு முன்பு நாடு பூராவிலும் சுற்றித் திரிந்தபோது, பம்பாய் சென்றார். பம்பாயிலிருந்து பூனாவுக்குப் பயணம் மேற்கொண்டபோது அதே ரயிலில் பாலகங்காதரதிலகர் பூனாவுக்குச் சென்று கொண்டிருந்தார். இயல்பாகவே ஆன்மிக நாட்டம் கொண்ட திலகர் விவேகானந்தரிடம் இந்த ரயில் பயணத்தின் போது பழகி, அவரை பூனாவில் தனது விருந்தினராகத் தங்கியிருந்து விட்டுச் செல்ல அழைத்தார். அதற்கு சம்மதம் தெரிவித்த விவேகானந்தர் திலகரின் பொறுப்பில் பூனாவில் சுமார் பத்து நாட்கள் தங்கியிருந்துள்ளார். அப்போது "விவேகானந்தர்' என்ற பெயரில் அவர் செயல்படவில்லை.
 இந்தச் சம்பவம் நடைபெற்று மூன்று ஆண்டுகளுக்குப் பிறகு விவேகானந்தர் சிகாகோவிலும் அமெரிக்க நாட்டில் பல இடங்களிலும் உரை நிகழ்த்தி உலகப்புகழ் பெற்றுவிட்டவராக இந்தியா திரும்பியுள்ளார். அமெரிக்காவிலிருந்து இந்தியா திரும்பிய பின்னர் பல இடங்களில் அவருக்கு வரவேற்பளிக்கப்பட்டது. அச்சமயங்களில் எடுக்கப்பட்ட விவேகானந்தரின் புகைப்படங்கள் பல இதழ்களில் வெளிவந்தன. அந்தப்படங்களை பார்த்த திலகருக்கு ஏற்கெனவே தமது வீட்டில் தங்கியிருந்தது விவேகானந்தர்தானா என்ற சந்தேகம் எழுந்தது. அதனை நிவர்த்தி செய்து கொள்ளும் விதத்தில் விவேகானந்தருக்கு ஒரு கடிதம் எழுதினார். அக்கடிதத்தை வாசித்த விவேகானந்தர் திலகர் சந்தேகப்பட்டது சரிதான் என்றும் திலகரின் விருந்தினராக பத்து நாட்கள் பூனாவில் தங்கியது தான்தான் என்றும் விவேகானந்தர் பதில் கடிதம் எழுதினார்.
 இதன் பிறகு கல்கத்தாவில் நடைபெற்ற காங்கிரஸ் மாநாட்டிற்குச் சென்ற திலகரும் பிற காங்கிரஸ் தலைவர்கள் பலரும் பேளூரிலுள்ள ராமகிருஷ்ண மடத்திற்குச் சென்று விவேகானந்தரைச் சந்தித்துள்ளனர். இவர்களை மகிழ்ச்சியுடன் வரவேற்ற விவேகானந்தர் அவர்களுக்கு மடத்தில் உணவு ஏற்பாடு செய்ததோடு வந்திருந்த அனைவருடனும் நாட்டு நடப்பு குறித்தும் பொதுவான பல அரசியல் நிகழ்வுகள் பற்றியும் விரிவாக உரையாடியுள்ளார் விவேகானந்தர்.
 விவேகானந்தரின் உரைகளாலும் உரையாடல்களாலும் ஈர்க்கப்பட்ட திலகர் தனது ஆங்கில இதழான "மராட்டா' இதழில் 1899-ஆம் ஆண்டு மே 7-ஆம் தேதிய தலையங்கத்தில், "விவேகானந்தரின் உரைகள் தனித்தன்மை வாய்ந்ததாக உள்ளன. அவை அவரை ஒரு தத்துவவாதியாக மட்டும் வெளிப்படுத்தவில்லை. முதல்தரமான தேசபக்தராகவும் வெளிப்படுத்துகிறது. தன்னைச் சுற்றி வீழ்ந்து கிடக்கிற நாட்டு மக்களை எழுச்சிகொள்ள வைக்க வேண்டும் என்ற தீராத வேட்கையும் நேர்மையும்தான் இத்தகைய ஆழமான உணர்ச்சியையும் உணர்வையும் விவேகானந்தரிடத்தில் உருவாக்கியுள்ளது'' என்று குறிப்பிட்டுள்ளார்.
 விவேகானந்தர் மறைந்த பிறகு 13.07.1902 ஆம் தேதி அதே "மராட்டா' இதழின் தலையங்கத்தில், ""சென்ற நூற்றாண்டு இவர் போல ஓர் உண்மையான சமயக் கலவையுடன் கூடிய தேசபக்தியுள்ள இன்னொருவரை உருவாக்கியுள்ளதா என்று நாங்கள் சந்தேகப்படுகிறோம்'' என்று எழுதியுள்ளார் திலகர். தேசபக்தத் துறவியாகவே விவேகானந்தரை திலகர் உணர்ந்து வைத்திருந்தார் என்பதற்கு இதுபோன்ற பல உதாரணங்கள் காணக் கிடக்கின்றன.
 விபின்சந்திரபாலர் இந்தியாவின் தலைசிறந்த நாவலர். இவர், தனது நாவன்மையால் கட்டிளம் காளைகளாக விளங்கிய இளைஞர் பட்டாளத்தை வெள்ளையர் ஆட்சிக்கு எதிராகத் தட்டியெழுப்பியவர். அவரின் அனல் கக்கும் உரைகளினாலேயே ஆங்கிலேய ஆட்சியினரால் கைது செய்யப்பட்டு சிறையிலடைக்கப்பட்டார்.
 இத்தகைய பேராளுமையுடன் விளங்கிய நாவலர் விபின் சந்திர பாலர் விவேகானந்தரைப் பற்றி பல கருத்துக்கள் வெளியிட்டிருப்பினும் முத்தாய்ப்பாக ஒரு வரியில் "தேசியத்தின் தீர்க்கதரிசி' என்ற வாசகத்தை விவேகானந்தரைப் பற்றியான தனது வரையறையாக வெளிப்படுத்தியுள்ளார்.
 "1902-ஆம் ஆண்டு முதல் 1910-ஆம் ஆண்டு வரையிலான இந்திய சுதந்திரப் போராட்டத்தில் அரவிந்த கோஷின் தாக்கம் வெகுவாகக் காணப்பட்டது. விவேகானந்தரின் தாக்கம் இன்னும் பிரம்மாண்டமான செல்வாக்கைச் செலுத்திக் கொண்டிருப்பதாகக் கருதுகிறோம். இது எப்படி என்று தெளிவாக எங்களுக்குத் தெரியாது. எங்கெல்லாம் அவரின் தாக்கம் பிரதிபலிக்கிறது என்பதும் எங்களுக்கு நன்றாகத் தெரியாது. விவேகானந்தர் அவரது தாயாக விளங்கும் தாய்நாட்டின் ஆன்மாவிலும் அத் தாயின் பிள்ளைகளாக விளங்கும் மக்களின் ஆன்மாக்களிலும் இப்போதும் வாழ்ந்து வருகிறார்'' என்று அரவிந்தர் தெரிவித்துள்ளார்.
 1921-ஆம் ஆண்டு பிப்ரவரி 6-ஆம் தேதி பேளுர் மடத்திற்கு வருகை புரிந்த மகாத்மா காந்தி, ""நான் விவேகானந்தரின் மதிப்புமிகு நினைவுக்கு மரியாதையையும் அஞ்சலியையும் செலுத்தவே இங்கு வந்துள்ளேன். அவருடைய அனைத்துப் படைப்புகளையும் ஆழமாக நான் கற்றுணர்ந்த பிறகு எனது நாட்டின் மீது நான் வைத்திருந்த மரியாதை ஆயிரம் மடங்கு அதிகரித்துள்ளது'' என்று காந்தியடிகள் குறிப்பிட்டுள்ளார்.
 நேதாஜி சுபாஸ் சந்திர போஸின் வாழ்க்கை வரலாற்றை ஆழமாக ஆய்வு செய்த வரலாற்று ஆய்வாளர்கள் ""விவேகானந்தர் ஒருவேளை அரசியலுக்கு வந்திருந்தால் அவர் நேதாஜியைப் போல் செயல்பட்டிருப்பார். நேதாஜி ஆன்மிகத் துறையில் ஆழத்தடம் பதித்திருந்தால் அவர் விவேகானந்தரைப் போல் இருந்திருப்பார்'' என்று கருத்துத் தெரிவித்துள்ளார்கள்.
 நேதாஜி விவேகானந்தரைப் பற்றி, "தேசிய அளவில் அனைவரையும் விழிப்புணர்வு கொள்ளச் செய்தார். புதிய தலைமுறைக்கு இந்தியாவின் தொன்மை குறித்துப் பெருமை கொள்ளவும் , எதிர் காலத்தின் மீது நம்பிக்கை வைக்கவும் செய்து, அவர்கள் தன்னம்பிக்கையும் , சுயமரியாதையும் பெற முயற்சிகளை மேற்கொண்டார்.
 சுவாமிஜி அரசியல் செய்திகள் எதுவும் சொல்லவில்லை என்றாலும் அவருடன் தொடர்பு கொண்டவர்களும், அவர் எழுத்துக்களைப் படித்தவர்களும் தேசபக்த உணர்வும், அரசியல் விழிப்புணர்வும் பெற்றனர். வங்காளத்தைப் பொறுத்த வரையிலாவது, சுவாமி விவேகானந்தரை "நவீன தேசிய இயக்கத்தின் ஆன்மீகத் தந்தை' என்று கூறலாம். அவர் வெகு இளமையிலேயே காலமானாலும், அவர் மறைவுக்குப் பின்னரும் கூட அவருடைய தாக்கம் பெரிதாகவே இருந்தது'' என தனது கருத்தை எழுத்து பூர்வமாகப் பதிவு செய்துள்ளார் நேதாஜி.
 ஸ்ரீ ராமகிருஷ்ண பரமஹம்சரின் நேரடிச் சீடர்களாக விளங்கியவர்கள் மொத்தம் பதினாறு துறவிகளாவர். அவர்களுள் ஒருவரான இராமகிருஷ்ணானந்தரை விவேகானந்தர் சென்னையில் இராமகிருஷ்ணமடத்தை நிறுவுவதற்கு 1897-ஆம் ஆண்டு அனுப்பி வைத்தார். இவரை வ.உ.சிதம்பரம் பிள்ளை சென்னையில் சந்தித்ததாகவும் அவரிடம் தான் ஆன்மிக அடிப்படையிலான சில கேள்விகளைக் கேட்டதாகவும் அவற்றையெல்லாம் உன்னிப்பாகக் கேட்டறிந்த இராமகிருஷ்ணானந்தர். "சுதேசியம் ஒன்றே சுகம் பல அளிக்கும் இதேஎன் கடைபிடி' என்று அழுத்தமாக பதிலளித்ததாகவும் தனது கவிதை வடிவ சுயசரிதையில் வ.உசி எழுதியுள்ளார்.
 "சுதேசியம் ஒன்றே சுகம் பல அளிக்கும் என்ற இராமகிருஷ்ணானந்தரின் கருத்து வித்தென விழுந்தது மெல்லிய என்னுளம்: சித்தம் அதனைச் சிதையாது வைத்தது' என்றும் வ.உ.சி தனது சுயசரிதையில் குறிப்பிட்டுள்ளார். தனக்குள் தேசபக்தியை இராமகிருஷ்ணானந்தரின் உரைதான் உருவாக்கியது என்றும் அதனை சிதையாது தனது உள்ளத்திற்குள் வைத்து கடைசிவரை பாதுகாத்ததாகவும் எழுதியுள்ளார் வ.உ.சி.
 தமிழக சுதேசி இயக்கத்தின் மூலவராக விளங்கிய வ.உசி யின் விடுதலைப் போராட்டப் பங்களிப்புக்கு விவேகானந்தரின் கருத்துக்களும் காரணமாக இருந்திருக்கிறது என்பதற்கு இவ்வாறான பல சான்றுகள் உள்ளன.
 தேசியத் தலைவர்களில் ஜவஹர்லால் நேரு ஒரு மாற்றுச் சிந்தனையாளர். இங்கிலாந்தில் படித்தவர் என்பதோடு மேற்கத்திய நவீனக் கருத்துகளும், அறிவியல் பார்வையும் , முற்போக்குக் கண்ணோட்டமும் கொண்ட மக்கள் செல்வாக்கு மிக்க தலைவர்அவர். "பழமையில் காலூன்றி இந்தியப் பாரம்பரியத்தில் முழுப்பெருமை கொண்டு விளங்கிய விவேகானந்தர், வாழ்க்கைப் பிரச்னைகளிலான தனது அணுகுமுறையில் மேலும் நவீனமானவராகவே திகழ்ந்தார். இந்தியாவை முன்னேற்றிட மிகுந்த உணர்ச்சியுடன் ஒரு முழு நிறைவான கொழுந்துவிட்டெரியும் ஆற்றலுடன் திகழ்ந்தார். மனந்தளர்ந்து சோர்வுற்றிருந்த இந்திய உள்ளத்திற்கு வலுவூட்டும் மருந்தாக விளங்கி, அதற்கு சுயசார்புத் தன்மையை வழங்கினார்'' என்று விவேகானந்தரின் பங்களிப்பைப் பற்றியான தனது மதிப்பீட்டை எழுத்து பூர்வமாகப் பதிவு செய்துள்ளார் நேரு.
 பொதுவுடமை இயக்கத் தலைவரும் விடுதலைப் போராட்ட வீரருமான ப.ஜீவானந்தம் விவேகானந்தர் பற்றி எழுதிய கட்டுரையொன்றில், "துறவிகளும் தனக்கு நிகர் தானேயான அரசியல் துறவி. பாரத மணித்திரு நாடே தான் என உருவகித்து வாழ்ந்த முழுமையான தேசபக்தத் துறவி. நவீன இந்தியாவின் ஞானாசிரியர். இந்திய ஆன்மிக ஞானமும் மேல் நாடுகளின் அறிவியலும் இணைந்து உறவாடி ஒளிவிட்ட கூட்டு மேதை. எம்மதமும் சம்மதம் என்ற பொதுநெறிப் பெரியார். தீர்க்கதரிசிகளின் தீர்க்கதரிசி. பெருநாவலர்களில் பெருநாவலர். துறவி உடையில் திகழ்ந்த புரட்சிவேள். இந்திய மண்ணில் சோஷலிசக் கருத்தை வரவேற்ற முதல்வர்'' என்று வர்ணித்து எழுதியுள்ளார்.
 இப்படி வெவ்வேறு விதமான கருத்தோட்டமும் கண்ணோட்டமும் உள்ள ஆளுமைகளிடையே ஆங்கிலேய ஆட்சியை எதிர்த்து நடைபெற்ற இந்திய விடுதலைப் போராட்டம் பற்றிய ஒரு தாக்கத்தை உருவாக்கியுள்ளார் விவேகானந்தர்.
 ஆன்மிகம் பற்றிய விவேகானந்தரின் சிந்தனைகளையும் கருத்துக்களையும் மறுப்பதோ மறைப்பதோ இக்கட்டுரைத் தொடரின் நோக்கமல்ல. மாறாக, இந்திய விடுதலைப் போராட்டத்திற்கு விவேகானந்தரின் வலிமைமிக்க கருத்துகள் எந்த அளவுக்குப் பின்புலமாக இருந்திருக்கின்றன என்பதை ஆய்வு நோக்கோடு, தக்க ஆதாரங்களுடன் எடுத்துச் சொல்லும் முயற்சியே இக்
 கட்டுரைத் தொடரின் மைய நோக்கமாகும்.
 ( நிறைவு பெற்றது)

]]>
http://images.dinamani.com/uploads/user/imagelibrary/2018/7/10/w600X390/im4.jpg http://www.dinamani.com/weekly-supplements/ilaignarmani/2018/jul/10/தேசியத்தின்-தீர்க்கதரிசி---த-ஸ்டாலின்-குணசேகரன்-2957125.html
2957124 வார இதழ்கள் இளைஞர்மணி கீழே விழுந்தாலும் கவலையில்லை! DIN DIN Tuesday, July 10, 2018 10:32 AM +0530 அதிநவீன ஸ்மார்ட் போன்களை வாங்கும்போது செலுத்தும் கவனத்தைவிட, அதைப் பாதுகாப்பதில் தான் அதன் பயன்பாட்டாளர்களுக்கு அதிக கவலை என்றே கூறலாம். ஸ்மார்ட் போன்களின் அதிக விலையே இதற்கு காரணம்.
 அதுவும் கை தவறி கீழே விழுந்துவிட்டால், பாதுகாப்பு கவசம் இருந்தாலும் போன்களின் ஸ்கிரீன் உடைந்து விடுகிறது. அப்படி உடைந்த போனை பழுதுபார்ப்பதற்கு பதில் புதிய போனையே வாங்கிவிடலாம். பழுதுபார்க்கும் கட்டணமும், மாற்றுப்பொருளின் விலையும் அவ்வளவு அதிகம்.
 கார்களில் விபத்து ஏற்பட்டால் விலை மதிப்பில்லாத உயிர்களைக் காக்க அமைக்கப்பட்டுள்ள "ஏர்பேக்'குகளைப் போல் ஸ்மார்ட் போன்களில் கொண்டு வர பல ஆண்டுகளாக முயற்சிகள் மேற்கொள்ளப்பட்டு வந்தன. ஏன், சிலர் ஜெட் வேகத்தில் செயல்படும் சிறு மோட்டார்களைப் பயன்படுத்தி முயற்சிகள் மேற்கொண்டனர். இவை அனைத்தும் தோல்வியில்தான் முடிந்தன.
 ஆனால், ஜெர்மனியைச் சேர்ந்த ஆலேன் பல்கலைக்கழக மாணவர் பிலீப் ஃபிரன்செலின் "ஏடி கேஸ்' எனும் புதிய பாதுகாப்புக் கவசத்தைக் கண்டுபிடித்துள்ளார். சாதாரண பாதுகாப்புக் கவசத்தைப்போல் காட்சியளிக்கும் இந்த "ஏடி கேஸ்'-இல் பொருத்தப்பட்டுள்ள சென்சார்கள், ஸ்மார்ட்போன் கீழே விழுவதற்கு முன்பு, தனது நான்குகால்களை தானாக விரித்து எந்தவிதப் பாதிப்புமின்றி பாதுகாத்துவிடுகிறது.
 "மெட்டல் ஸ்பிரிங்குகள்' வைத்து "ஏடி கேஸ்'ûஸ அவர் உருவாக்கியுள்ளார். கீழே விழுந்து விரிந்த இந்த மெட்டல் ஸ்பிரிங் கால்களை மீண்டும் உள்ளே மடித்துவிட்டு வழக்கம்போல் பயன்படுத்தலாம்.
 மீண்டும் மீண்டும் பயன்படுத்தும் வகையில் குறைவான விலையில் உருவாக்கப்பட்டுள்ளது, இந்த "ஏடி கேஸ்'ஸின் மற்றொரு சிறப்பம்சமாகும். இந்தக் கண்டுபிடிப்புக்காக பிலீப்புக்கு ஜெர்மன் மெக்டிரானிக்ஸ் அமைப்பு தேசிய விருது வழங்கியுள்ளது. தனது கண்டுபிடிப்புக்கு காப்புரிமைக்கு பதிவு செய்துள்ள பிலீப், தனது நண்பருடன் சேர்ந்து "ஏடி கேஸ்'ஸை இன்னும் சில தினங்களில் சந்தைப்படுத்த உள்ளார்.
 - அ.சர்ஃப்ராஸ்
 

]]>
http://images.dinamani.com/uploads/user/imagelibrary/2018/7/10/w600X390/im3.JPG http://www.dinamani.com/weekly-supplements/ilaignarmani/2018/jul/10/கீழே-விழுந்தாலும்-கவலையில்லை-2957124.html
2957121 வார இதழ்கள் இளைஞர்மணி சரியான பார்வை... சரியான வழி... சரியான செயல்! 2 - தா.நெடுஞ்செழியன் DIN DIN Tuesday, July 10, 2018 10:30 AM +0530 பொதுவாக நாம் தோல்வியைப் பற்றி மட்டுமே பேசுகிறோம். தோல்விக்கான காரணம் எது? ஏன் தோல்வி வந்தது? எப்படி அதைச் சரி செய்வது என்ற சிந்திக்கும் தன்மை நமது கல்விச்சூழலில் இல்லாமல் போய்விட்டது. தமிழகம் கல்வியில் பின்னோக்கிப் போய்விட்டது என்று சொல்லிக் கொண்டிருக்கிறோம். 
எந்தவொரு அகில இந்திய தேர்வாகட்டும், அது நீட் ஆகட்டும், ஐஐடி ஜேஇஇ ஆகட்டும் தமிழ்நாட்டு மாணவர்கள் சிறப்பாக தேர்வு எழுத முடியாத சூழல் உள்ளது. 
முப்பது ஆண்டுகளுக்கு முன்பு ஓர் ஆசிரியரிடம் கேட்டால், "நான் சொல்லிக் கொடுத்த பாடத்தை தேர்வில் எப்படிக் கேட்டாலும், எந்தவிதமாக மாற்றிக் கேட்டாலும் சரியாக, சிறப்பாக தேர்வு எழுதும் வகையில் என் மாணவர்களுக்குப் பாடத்தைப் புரியும்படி சொல்லிக் கொடுத்திருக்கிறேன். அவர்களும் பாடத்தைச் சரியாக உள்வாங்கி எப்படிக் கேட்டாலும் புரியும்படி பதில் எழுதுவார்கள்'' என்று பெருமையாகத்தான் சொல்வார். 
ஆனால் இப்போது முக்கியமான பகுதி, அடிக்கடி தேர்வில் கேட்கப்படும் பகுதியென்று 60 அல்லது 70 சதவீத பாடங்களை மட்டுமே சொல்லித் தருகிறார்கள். 30 சதவீத பாடங்களை ஆசிரியர்கள் சொல்லித் தருவதில்லை. அப்போதெல்லாம் மாணவர்கள் புத்தகத்தில் 100 சதவீதத்தையும் முழுமையாகப் படிக்க வேண்டும். ஆனால் இப்போது குறிப்பிட்ட சில பகுதிகளைமட்டும் படிக்க வேண்டிய சூழ்நிலையில் இருக்கிறார்கள். இந்தத் தவறான வழிகாட்டுதலின் காரணமாக, மாணவர்கள் முழுமையாக தங்களுடைய பாடங்களைப் படிப்பதில்லை. இவற்றையெல்லாம் கேட்கமாட்டார்கள்; இவற்றைத்தான் கேட்பார்கள் என்று நினைத்துக் கொண்டு மாணவர்கள் முழுமையாகத் தங்களுடைய பாடங்களைப் படிப்பதில்லை. 
"படிப்பது- புரிந்து கொள்வது - நினைவுபடுத்துவது' என்ற வழிமுறையில் மாணவர்கள் கற்பதில்லை. மாணவர்கள் பாடங்களைப் புரிந்து படித்தால் எப்படிக் கேட்டாலும் பதில் எழுதும் திறமை பெற்றுவிடுவார்கள். இப்போது மதிப்பெண்கள் எடுப்பதை வைத்து ஒரு மாணவரின் திறமையை மதிப்பிடக் கூடாது. ஒரு மாணவரிடம் அடங்கியுள்ள பல்வேறு திறமைகளையும் கணக்கிட்டே ஒரு மாணவரை மதிப்பிட வேண்டும். 
அப்படியே மதிப்பெண்களுக்காகப் படிக்கும் ஒரு மாணவர் எவ்வளவுதான் நன்றாகப் படித்திருந்தாலும், தேர்வு எழுதும் அந்த 3 மணி நேரத்தில் தான் படித்ததை எந்த அளவுக்கு திரும்பவும் நினைவுக்குக் கொண்டு வர அவரால் முடிகிறது என்பதே அவர் எடுக்கும் மதிப்பெண்களைத் தீர்மானிக்கிறது. நன்றாகப் படித்தால் நிறைய மதிப்பெண்கள் எடுக்கலாம் என்பதற்கு எந்த உத்தரவாதமும் இல்லை. 
தேர்வு எழுதும் அன்றைய நாளின் மனநிலை (MOOD FORMATION) எப்படி உள்ளது என்பது மிகவும் முக்கியம். நீட் தேர்வு எழுதச் செல்லும் மாணவர்களை பாகிஸ்தான் - இந்திய எல்லைப்புற பகுதியான வாகா பகுதியில் பரிசோதிப்பது போல கடுமையாகப் பரிசோதித்து தேர்வு எழுத அனுப்பினால், தேர்வு எழுத ஹாலுக்குள் போகும்போதே மனம் படுத்துவிடும். மனரீதியான பிரச்னை ஏற்பட்டுவிட்டால் அப்புறம் எப்படி நன்றாகத் தேர்வு எழுத மாணவர் தயாராக முடியும்? தேர்வு எழுதுவதில் மட்டுமே எப்படி அவர் தனது கவனத்தைக் குவிக்க முடியும்? நன்றாகத் தேர்வு எழுதும் மனநிலையை மாணவர்கள் அவ்வளவு சீக்கிரம் திரும்பக் கொண்டு வர முடியாது. 
தேர்வு அன்று காலை 10 மணிக்குத் தேர்வு என்றால் மாணவர்களை 7.30 மணிக்கே வரச் சொல்வார்கள். 7.30 மணிக்கு தேர்வு நடக்கும் இடத்தில் இருக்க வேண்டும் என்றால், மாணவர்கள் வீட்டை விட்டு 6.30 மணிக்கே கிளம்ப வேண்டும். சற்று தொலைவு எனில் அதற்கு முன்னதாகவே கிளம்ப வேண்டும். காலை 6.30 மணிக்கு காலை உணவை முடித்துக் கொண்டு கிளம்பிய மாணவர்களுக்கு, 10.30 மணிக்கு தேர்வு எழுத தொடங்கிய ஒரு மணி நேரத்தில் பசிக்க ஆரம்பித்துவிடும். அப்புறம் எப்படி தேர்வில் முழு கவனம் செலுத்தி மாணவர்கள் தேர்வை எழுத முடியும்? முழுகவனம் செலுத்தி தேர்வு எழுதாத மாணவர்களில் இருந்துதான் நாம் மாணவர்களைத் தேர்வு செய்கிறோம் என்றால், எதிர்காலத்தில் சிறப்பான, திறமையான மாணவர்களை எப்படி நம்மால் உருவாக்க முடியும்? இவையெல்லாம் தேர்வு நடத்துவதில் உள்ள நிர்வாகக் கோளாறுகள். சிறப்பாக தேர்வு நடத்துவதைப் பற்றி யோசித்துப் பார்க்க வேண்டும். 
"மாணவர்களுக்கு ஓட்டுரிமை இல்லை. அதனால்தான் யாரும் அவர்களைப் பற்றி கவலைப்படுவதில்லை'' என்று நோபல் பரிசு பெற்ற கைலாஷ் சத்யார்த்தி ஒருமுறை சொன்னார். அது நிதர்சனமான உண்மை. 
எனவே பாடத்தைத் தாண்டி மாணவர்களின் திறமையை வெளிக்கொண்டு வருவதற்கான சூழல்களை உருவாக்க கல்வித்துறை நினைக்க வேண்டும். பெற்றோர்களும் மதிப்பெண்களுக்காக மாணவர்களை விரட்டுவதை விட்டுவிட்டு, உலகில் எந்த மூலைக்குச் சென்றாலும், எந்தச் சூழலிலும் , எந்தச் சவாலையும் எதிர்கொள்ளும் திறமைகளை மாணவர்கள் வளர்த்துக் கொள்வதற்கு பெற்றோர் உதவ வேண்டும். மாணவர்களுக்கு நம்பிக்கையை ஏற்படுத்த வேண்டும்.
ஆசிரியர் பயிற்சிக் கல்வி நிறுவனங்களைத் தனியாரிடம் விட்டதும் கல்வித்துறை சிறப்பாகச் செயல்பட முடியாமல் போனதற்கு இன்னொரு காரணம். 15- 20 ஆண்டுகளுக்கு முன்பு நிறைய தனியார் ஆசிரியர் பயிற்சி கல்வி நிறுவனங்கள் தோன்றின. அவற்றில் சில பணத்தை வாங்கிக் கொண்டு கல்விநிறுவனத்துக்கு வராமலேயே - வீட்டிலேயே இருந்தவர்களுக்குக் கூட - பி.எட் பட்டம் வழங்கிய கொடுமையான நிகழ்வுகள் நடந்ததாகக் கூறப்பட்டது. அப்படி உருவான ஆசிரியர்கள் கற்றுக் கொடுக்கும் கல்வி எப்படி சிறப்பானதாக இருக்க முடியும்? மாணவர்களுக்கு நன்கு புரியும்படி அவர்கள் எப்படிச் சொல்லித் தருவார்கள்? ஆசிரியர் பயிற்சி நிறுவனங்களைத் தனியாரிடம் விட்டதன் தாக்கங்களை இப்போது நாம் சந்திக்க வேண்டியிருக்கிறது. 
ஆசிரியர்களின் எண்ணிக்கையும் தற்போது குறைந்திருக்கிறது. ஒரு வகுப்பில் 60 மாணவர்கள் இருந்தால் - மாணவர்களின் புரிந்து கொள்ளும் திறனில் நிறைய வேறுபாடுகள் இருக்கக் கூடிய சூழலில் - ஓர் ஆசிரியர் எப்படி 60 பேருக்கும் எளிதாகப் புரியும்படியாக கற்றுத் தர முடியும்? அதற்கு அவர் நிறைய உழைக்க வேண்டியிருக்கும். மாணவர்களுக்கு நிறைய உதாரணங்களுடன் அவர் கற்றுத் தர வேண்டும். அத்தகைய சொல்லித்தரும் சூழல் இல்லாததினால் நம் கல்வித்தரம் குறைந்துவிட்டது.
மேலும் மாறிவரும் உலகச் சூழலுக்கு ஏற்ப பல்வேறு துறைகளில் ஏற்படக் கூடிய மாற்றங்களை, வளர்ச்சிகளை ஆசிரியர்கள் உடனுக்குடன் தெரிந்து கொள்ள வேண்டியிருக்கிறது. மொபைல் போன் பயன்பாட்டினால் பல்வேறு ஊடகங்களின் தொடர்பு மாணவர்களுக்கு எளிதில் கிடைத்துவிடுகிறது. உலகின் புதிய மாற்றங்களை அவர்கள் உடனுக்குடன் தெரிந்து கொள்ள முடிகிறது. இந்நிலையில் ஆசிரியர்கள் பழைய பாடங்களை மட்டும் தெரிந்து கொண்டிருப்பதால் எந்தப் பயனும் இல்லை. அவர்கள் புற உலகின் வளர்ச்சிக்கேற்ப தங்களைத் தகுதிப் படுத்திக் கொள்ள வேண்டும். ஆசிரியர்கள் தங்களைப் புதுப்பித்துக் கொள்வதற்குத் தேவையான முறையான, தொடர்ச்சியான பயிற்சிகளை வழங்க கல்வித்துறை திட்டமிட வேண்டும். 
ஆசிரியர்கள் தங்களுடைய கற்பித்தல் தொடர்பான அனுபவங்களை பிற ஆசிரியர்களிடம் பகிர்ந்து கொள்ள வேண்டும். 
கல்வி கற்றுத் தரும் ஆசிரியர்களை அரசு பிற பணிகளில் ஈடுபடுத்தக் கூடாது. தேர்தல் நேரம் வந்துவிட்டால், தேர்தல் பணிகளுக்கு ஆசிரியர்கள் பயன்படுத்தப்படுகிறார்கள். மக்கள் தொகை கணக்கெடுப்பு உட்பட பல அரசு வேலைகளைச் செய்வதற்கு ஆசிரியர்களைப் பயன்படுத்தினால், கல்வி வளர்ச்சிக்காக முழுவீச்சுடன் ஆசிரியர்கள் தங்களை ஈடுபடுத்திக் கொள்வது எப்படி? 
கல்வியைத் தரமாக்கும் நடவடிக்கைகளில் ஈடுபடாமல் - மாணவர்களின் பல்வேறு திறமைகளை வளர்த்தெடுக்காமல் - இப்போதுள்ள நிலையே தொடரும் என்றால், எதிர்காலம் நிறையப் பிரச்னைகளைச் சந்திக்க வேண்டியிருக்கும். வேலையில்லாதவர்களின் எண்ணிக்கை அதிகரிக்கும். அதனால் சமூகத்தில் பல பிரச்னைகள் ஏற்படும். இளைஞர்களின் மூளை ஆக்கப்பூர்வமாகச் சிந்திக்காமல், அழிவுப்பூர்வமான சிந்தனைகளில் ஈடுபடும். பயங்கரவாதம் தலைதூக்கும். பாதுகாப்பின்மை அதிகரிக்கும். 
நமது நாட்டை விட, ரஷ்யாவிலும், சீனாவிலும் நிர்வாகச் சீர்கேடுகள்- ஊழல்கள் அதிகம். ஆனால் கல்வியிலும் அறிவியல் வளர்ச்சியிலும் எந்தவிதமான சீர்கேடுகளும், ஊழலும் இல்லை. 
நம்நாட்டிலோ கல்வி சார்ந்த பணிகளில் அரசியல் குறுக்கீடுகள் அதிகம் உள்ளன. கல்வி தரம் குறைந்து போனதற்கு இத்தகைய குறுக்கீடுகளும் காரணமாக உள்ளன. 
(தொடரும்)
கட்டுரையாசிரியர்: சமூக கல்வி ஆர்வலர் 

www.indiacollegefinder.org

]]>
http://images.dinamani.com/uploads/user/imagelibrary/2018/7/10/w600X390/im2.jpg http://www.dinamani.com/weekly-supplements/ilaignarmani/2018/jul/10/சரியான-பார்வை-சரியான-வழி-சரியான-செயல்-2---தாநெடுஞ்செழியன்-2957121.html
2957119 வார இதழ்கள் இளைஞர்மணி இணைய வெளியினிலே... Tuesday, July 10, 2018 10:30 AM +0530 முக நூலிலிருந்து....
* பாட்டு பாடுனா 
பாடகர்...
கதை எழுதினா 
கதையாசிரியர்...
அப்போ அழ்ழ்ங்ஹழ் வச்சா 
அறிஞர்ன்னு தானே 
அர்த்தம்?
- பாலசுப்ரமணியன் செல்வராஜ்

* வாழத் தெரிந்தவனிடம்
வாழ்க்கை இருப்பதில்லை.
பாசம் தெரிந்தவனிடம்
தாய் இருப்பதில்லை.
அன்பு தெரிந்தவனிடம்
காதல் இருப்பதில்லை.
உழைக்கத் தெரிந்தவனிடம் 
காசு இருப்பதில்லை. 
- கலியமூர்த்தி வேதையன்

* நிழல்தானம் செய்யும் 
மரத்திடம்
உடலே... திருவோடாகிறது.
- ஆரூர் தமிழ்நாடன்

* மருமகளே உனக்கு 
சமைக்க 
தெரியலேன்றதைக் கூட
ஜீரணிச்சுப்பேன்...
அடுப்புல பாலை
சிம்ல வைக்கச் 
சொன்னதுக்கு...
சிம் 1...ஆ
சிம் 2 ...ஆ ன்னு 
கேட்டே பாரு.
- பெ.கருணாகரன்

* என்ன செய்ய? 
யானையாகத்தான் இருக்க ஆசை...
உலகம்
பூனைக்குத்தான் பால் ஊற்றுகிறது.
- புதுவை இளவேனில்

சுட்டுரையிலிருந்து...
* எந்தப் பிழையை
நீ எங்கே கண்டாலும்...
அது உன்னிடம் இருந்தாலும்...
திருத்திக் கொள்.
- சரவணன் பாண்டியன்

* தவறுகளை ஒப்புக் கொள்ளத்
தயங்காதே...
அந்த குணம் உன்னை
அடுத்தடுத்து தவறுகள்
செய்யத் தூண்டும்...
- நான் நானாகவே

* பெத்தது கை கொடுக்கலைன்னாலும்
வளர்த்ததாவது "கை'த்தடி
கொடுக்கட்டும்..
"மரம்'
- காளையன்

* இருட்டுக்கும் தெரிந்தே நிகழ்கிறது...
ஒவ்வொரு திருட்டும்.
- கவிமதி சோலச்சி

வலைதளத்திலிருந்து...
ஒரு காலத்தில் நாகரிகத்தின், தொழில்நுட்பத்தின், செல்வத்தின் அடையாளமாக இருந்தது வானொலி ஆகும். டேப் ரிக்கார்டர், தொலைக்காட்சிகள் வந்த பின்னும் இன்றுவரை காலத்துக்கு ஏற்ப தன்னை வடிவமைத்துக் கொண்டு மக்களிடம் செல்வாக்குப் பெற்று விளங்குகிறது வானொலி.
வானொலி, எஃப்எம், சேட்டிலைட் வானொலி, இணைய வானொலி... என இதன் படிநிலை வளர்ச்சி வியக்கத்தக்கது.
இன்றும் நாள்தோறும் வானொலி கேட்போர் நிறையவே இருக்கிறார்கள்.
பயணம் மேற்கொள்வோர், அலுவலகங்களில், கடைகளில் இன்றும் பலர் வானொலி கேட்டுக் கொண்டுதான் இருக்கிறார்கள்.
தனியார் தொலைக்காட்சிகளின் ஆதிக்கத்தால் கட்சி சார்புடைய செய்திகளை அவை போட்டிபோட்டுக் கொண்டு வழங்குவதால் எது நடுநிலையான சரியான செய்தி என்று தெரியாமல் இன்று மக்களிடையே குழப்பநிலையே நீடித்துவருகிறது. அதனால் தொலைக்காட்சிகளோடு ஒப்பிடும்போது வானொலி நடுநிலையுடைய செய்திகளை வழங்குகிறது என்று மக்கள் நம்புகிறார்கள்.
இன்றைய வானொலி அறிவிப்பாளர்கள் பலர் காலில் சுடுதண்ணீர் ஊற்றியதுபோல விரைவாக, மூச்சுவிடாமல் தொடர்ந்து பேசிக்கொண்டே இருக்கிறார்கள்.
குறிப்பாக தமிழ் அறிவிப்பாளர்களிடம் சிக்கிக்கொண்டு தமிழ் உயிருக்குப் போராடிக்கொண்டிருக்கிறது.
http://www.gunathamizh.com
 

]]>
http://images.dinamani.com/uploads/user/imagelibrary/2018/7/10/w600X390/im1.JPG http://www.dinamani.com/weekly-supplements/ilaignarmani/2018/jul/10/இணைய-வெளியினிலே-2957119.html
2952356 வார இதழ்கள் இளைஞர்மணி மாற்றுங்கள்... பழக்கங்களை! DIN DIN Tuesday, July 3, 2018 11:30 AM +0530 வாழ்க்கையில் நாம் எப்படி இருக்கிறோம் என்பது நமது பழக்கவழக்கங்களின் விளைவாகும். நாம் தொடர்ந்து என்ன செய்கிறோமோ அவ்வாறாகவே நாம் உள்ளோம். அவ்வாறு தொடர்ந்து செய்பவை நமக்கே உரிய பழக்கமாகிவிடுகின்றன. எனவே பழக்கங்களை மாற்றுவதன் மூலம் நாம் சாதாரண நிலையில்
இருந்து சிறப்பான நிலையை அடையலாம். பழக்கங்களை மாற்றுவது எப்படி?
நல்ல பழக்கங்களைத் தீர்மானிப்பது: நல்ல பழக்கங்களை எவ்வாறு தீர்மானிப்பது? உங்கள் பழக்கத்தின் அடிப்படையில் தான் உங்களை அடையாளம் காண முடியும். பழக்கம் மாற, வாழ்க்கை மாறும். 
உதாரணமாக, ஓர் ஆசிரியர் அல்லது பயிற்சியாளர் என்பவர், ஒவ்வொரு நாளும் புதிய விஷயங்களைத் தன்னுடைய மாணவர்களுக்கு சிறப்பாக கற்றுக்கொடுக்க வேண்டும் என்றால், அவர், வாரத்திற்கு குறைந்தது இரண்டு புத்தகங்களைப் படிக்கும் பழக்கத்தை மேற்கொள்ள வேண்டும். இதில் உங்களுடைய நிலை என்ன? என்று தெரிந்து கொள்ளுங்கள். பின்னர், வாழ்க்கையில் நீங்கள் விரும்பும் விஷயங்களை சிறப்பாக செய்ய பழக்கங்களை ஏற்படுத்துங்கள்.
ஒரு நேரத்தில் ஒரு பழக்கத்தில் கவனம்: ஒரே நேரத்தில் பல விஷயங்களைச் செய்யக் காரணம், நாம் நம்மை நம்மை மிகைப்படுத்திக் காட்டுவதற்காகவே. குறுகிய காலத்தில் நிறைய சாதிக்க முடியும் என்று நினைக்கிறோம். அது தவறானது. ஒரு நேரத்தில் ஒரு விஷயத்தில் கவனம் செலுத்த வேண்டும். அப்போதுதான் அது நம் வாழ்க்கைமுறையாக மாறும்.
சிறிய ஆரம்பம்: ஒரு தொழிலை தொடங்குவது அல்லது ஒரு தொழிலை வளர்த்துக் கொள்ள முயற்சி தேவை. உண்மையில், வாழ்வில் உள்ள அனைத்தையும் அடைய நிறைய முயற்சிகள் தேவைப்படுகின்றன. நாம் முதலிலேயே பெரிய காரியத்தைச் செய்வதற்கு முன்பு, சிறியதாக ஆரம்பிக்கலாம். 
நமது பழக்கங்களில் நாம் ஏற்படுத்தும் மாற்றம் சிறிய அளவிலான மாற்றமாக இருக்கலாம். அவ்வாறு மாற்றம் செய்ய ஆரம்பித்தால் அது பெரிய மாற்றத்திற்கு வழி வகுக்கும். அதுபோல, சிறு விஷயங்களில் கவனம் செலுத்தி ஒரு வலுவான அடித்தளத்தை உருவாக்க வேண்டும். அவ்வாறு செய்யும்போது பெரிய மாற்றத்தை உணர இயலும்.
ஓட வேண்டுமா? முதலில் நடைபயிற்சி மூலம் தொடங்க வேண்டும்.
ஒரு புத்தகத்தை எழுத வேண்டுமா? முதலில் ஒரு வரி எழுத வேண்டும்.
ஒரு தொழிலைத் தொடங்க வேண்டுமா? முதலில் ஒரு வாடிக்கையாளரைப் பெறவேண்டும்.
ஒரு வாரம் இரண்டு புத்தகங்களைப் படிக்க வேண்டுமா? முதல் நாள் ஒரு பக்கத்தைப் படிக்க ஆரம்பிக்க வேண்டும்.
இது போன்று சிறிய பழக்கங்கள் செய்ய ஆரம்பிக்கும்போதுதான் நினைத்த காரியத்தை முடிக்க முடியும்.
சோதனைப் பட்டியல்: நாம் எந்தப் பழக்கத்தை மாற்ற அல்லது உருவாக்க முயற்சிக்கிறோமோ அதை நினைவுபடுத்துவதற்கும், சரிபார்ப்பதற்கும் ஒரு சோதனைப் பட்டியலைத் தயார் செய்ய வேண்டும். அந்த சோதனைப் பட்டியல் அனைத்தையும் சரிவர செய்ய உதவுகிறது. 
ஆகவே நினைவில் வையுங்கள். நம் வாழ்க்கையை மாற்றுவதற்கான விஷயங்களை சிறப்பாக செய்ய பழக்கங்களை மாற்றுங்கள் . சிறிய, சிறிய பழக்கங்கள் எப்படி உங்கள் வாழ்க்கையை மாற்றிவிட்டிருக்கிறது என்று ஒரு நாள் நீங்களே ஆச்சரியப்படுவீர்கள். 
- ஒய்.டேவிட் ராஜா

]]>
http://images.dinamani.com/uploads/user/imagelibrary/2018/7/3/w600X390/im14.jpg http://www.dinamani.com/weekly-supplements/ilaignarmani/2018/jul/03/மாற்றுங்கள்-பழக்கங்களை-2952356.html
2952355 வார இதழ்கள் இளைஞர்மணி வெற்றிக்கு பிறர் தேவை! DIN DIN Tuesday, July 3, 2018 11:29 AM +0530 நாம் எந்த துறையைச் சார்ந்தவராக இருந்தாலும் நம் எல்லாருக்குள்ளும் வெற்றி பெற வேண்டும் - சாதிக்க வேண்டும் என்ற எண்ணம் மேலோங்கி நிற்கும். அதற்காக நாம் நமது நேரத்தை முழுமையாக செலவிடுவோம். அந்த தொடர் ஓட்டத்திற்கிடையில் நமது உடல் நலம், குடும்ப உறவுகள், நட்புகள் என எல்லாவற்றுக்கும் நேரம் ஒதுக்க முடியாமல் சிரமப்பட்டுக் கொண்டிருப்போம். இந்தச் சிரமத்திலிருந்து மீள்வது எப்படி? 
எதிர்பார்ப்புகளைக் குறைத்துக் கொள்ளுங்கள்
நான் இதைச் செய்ய வேண்டும், அதைச் செய்ய வேண்டும் என எண்ணுவதில் தவறு இல்லை. ஆனால் இதற்கு முன் உங்களைத் தவிர, வேறு யாரும் இதைச் செய்திருக்கமாட்டார்கள் என்று நீங்கள் நினைக்காதீர்கள். எதைச் செய்வதானாலும் மன அழுத்தம் இல்லாமல் இலகுவாகச் செய்யப் பழகுங்கள். பொறுப்பாக இருங்கள். ஆனால் எதுவும் உங்கள் தலைமேல் இல்லை என்பதை புரிந்து கொள்ளுங்கள். 
பிறரை நம்புங்கள்
நீங்கள் எவ்வளவு பெரிய திறமைசாலியாக இருந்தாலும் மற்றவர்களையும் கொஞ்சம் நம்புங்கள். பிறரை நம்பும் போதுதான் அவர்களுடன் இணைந்து பணியாற்றவும் உங்கள் பணிச்சுமையை குறைத்துக் கொள்ளவும் முடியும். எந்த நேரமும் நீங்கள் புத்திசாலி என்பதை வெளிக்காட்டிக் கொள்ள முயன்றீர்கள் என்றால், யாரும் உங்களுடன் பழக மாட்டார்கள். பிறரின் திறமைகளைப் பயன்படுத்திக் கொள்ளாவிட்டால், வெற்றி பெறுதல் சாத்தியமேயில்லை.
நோக்கத்தைப் புரிந்து கொள்ளுங்கள்
தனிமனிதனோ, தொழில் நிறுவனமோ, விளையாட்டு அணியோ அல்லது குடும்பமோ எதுவானாலும், வெற்றிகரமான செயல்பாட்டுக்கு அந்தச் செயல்பாட்டுக்கான நோக்கம் பற்றிய தெளிவு இருக்க வேண்டும். நாம் என்ன செய்ய முயற்சிக்கிறோம்? நாம் எங்கே செல்கிறோம்? என்ற தெளிந்த சிந்தனை தேவை. நாம் நமது நோக்கத்தை தெளிவபடுத்தாவிட்டால் மற்றவர்கள் அதைப் புரிந்து செயல்படுவது கடினம். நோக்கத்தைப் புரிந்து கொள்ளாமல் செய்யும் எந்த வேலையும், அது நேரத்தை மட்டுமல்லாமல் திறமையையும் வீணடிக்கும் செயலாகும். நோக்கம் அறிந்து சரியான வேலைகளை சரியான நேரத்தில் செய்யப் பழகிவிட்டால் வெற்றி இலகுவாகும்.
- திருமலை சோமு
 

]]>
http://images.dinamani.com/uploads/user/imagelibrary/2018/7/3/w600X390/im13.jpg http://www.dinamani.com/weekly-supplements/ilaignarmani/2018/jul/03/வெற்றிக்கு-பிறர்-தேவை-2952355.html
2952354 வார இதழ்கள் இளைஞர்மணி போட்டி...போட்டி... போட்டி...உருவாக்குங்கள்...பறக்கும் இயந்திரத்தை! Tuesday, July 3, 2018 11:25 AM +0530 கடந்த ஆண்டு வெளியான "Blade Runner 2049' என்ற ஆங்கில திரைப்படத்தில் பறக்கும் பைக்குகள் இடம் பெற்றிருக்கும். இந்த பறக்கும் பைக்குகள் திரைப்படத்திற்காக உருவாக்கப்பட்ட காட்சிகள்தான் என்றாலும், அதுபோன்றதோர் உண்மையான, எளிமையான பறக்கும் பைக்குகளை உருவாக்குவதில் சர்வதேச அளவில் பல்வேறு ஆராய்ச்சிகள் நடைபெற்று வருகின்றன.
இதன் ஒருபகுதியாக அமெரிக்காவைச் சேர்ந்த பன்னாட்டு விமான நிறுவனமான Boeing நிறுவனத்தின் ஆதரவுடன், GoFly என்ற போட்டியை நடத்தும் நிறுவனம் சிறந்த தனிநபர் பறக்கும் வாகனத்தை வடிவமைத்து உருவாக்குவோருக்கான போட்டியை அறிவித்துள்ளது. இதில் வெற்றி பெறுபவருக்கு ரூ. 13.6 கோடி (20 லட்சம் டாலர்) பரிசு வழங்கப்படும். 
அமெரிக்க வர்த்தக வான்வழி முன்னோடியான Eugene Luther Vidal என்பவர் கடந்த 1933-இல் ஏழைகள் பறந்து செல்வதற்காக 700 டாலரில் விமானம் கண்டுபிடிப்பவர்களுக்கு ஒரு மில்லியன் டாலர் பரிசாக வழங்கப்படும் என்று அறிவித்தார். என்றாலும், அப்போது எவராலும் அதுபோன்றதொரு விமானத்தை உருவாக்க முடியவில்லை. 
தற்போது வளர்ந்துவரும் தொழில்நுட்பம் காரணமாக, தனிநபர் பறக்கும் இயந்திரங்களை உருவாக்குவது சாத்தியம் என்பதால் இந்தப் போட்டி அறிவிக்கப்பட்டிருக்கிறது. 
இதுகுறித்து GoFly நிறுவனத்தின் தலைமைச் செயல் அதிகாரி Gwen Lighter கூறுகையில், "தற்போதுள்ள தொழில்நுட்பங்கள் பொறியியலாளர்களுக்கு தனிநபர் பறக்கும் விமானத்தைத் தயாரிப்பதற்கு உதவும் என்பதை நான் அறிந்தேன். 
இந்தப் போட்டியின் மூலமாக, பாதுகாப்பான, கிட்டத்தட்ட செங்குத்தாக ஏறி, இறங்கக் கூடிய - 20 மைல் தொலைவுக்கு இடையில் எரிபொருள் அல்லது மின்னூட்டம் பெறாமல் பறக்கும் ஒரு மேம்பட்ட முன்னோடி இயந்திரத்தை வடிவமைப்பதே எங்களுடைய நோக்கம்.
போட்டி 3 கட்டங்களைக் கொண்டது 
முதல் கட்டப் போட்டியில் முப்பரிமாண படங்களுடன், சிறந்த திட்டங்களை எழுத்துப்பூர்வமாக அளிக்கும் சிறந்த முதல் 10 குழு அல்லது நபருக்கு தலா ரூ. 13 லட்சம் விருது தொகை வழங்கப்படும். இந்த முதல் கட்டப் போட்டி தற்போது முடிவடைந்துவிட்டது. 6 அமெரிக்க குழுவும், லேட்டிவா, யு.கே., நெதர்லாந்து, ஜப்பான் நாடுகளைச் சேர்ந்த தலா ஒரு குழுவும் இந்த விருதை வென்றுள்ளன.
2-வது கட்டத்தில், ஏற்கெனவே திட்டமிட்டபடி, பறக்கும் இயந்திரத்தைத் தயாரித்து அதன் வடிவமைப்பு பற்றி விளக்கம் அளிக்கும் 4 குழுவுக்கு தலா ரூ. 34 லட்சம் விருது தொகை வழங்கப்படும். இதில் பங்கேற்க வரும் டிசம்பர் 8-ஆம் தேதிக்குள் பதிவுசெய்ய வேண்டும். 2019, பிப்ரவரி 6-ஆம் தேதிக்குள் தயாரித்த பறக்கும் இயந்திரங்களை ஒப்படைக்க வேண்டும். 
இதில் வெற்றி பெறுவோருக்கான விருதுப் பட்டியல் மற்றும் 3-ஆம் கட்டப் போட்டிக்கான அழைப்பு 2019, மார்ச் 28-ஆம் தேதி வெளியாகும். 
3-ஆம் கட்டப் போட்டியின் முதல் நிகழ்வாக கண்டுபிடிப்பாளர்களால் உருவாக்கப்பட்ட தனிநபர் விமானங்கள் ஆய்வு செய்யப்படும். கடைசிகட்ட பறக்கும் போட்டி 2019, அக்டோபரில் நடைபெறும். இந்தப் போட்டியில் முழுமையாக வடிவமைக்கப்பட்ட தனிநபர் பறக்கும் இயந்திரத்தை தரையிலிருந்து செங்குத்தாக மேலே எழுப்பி பறந்துகாட்டி, பிறகு செங்குத்தாக தரையிறக்க வேண்டும். 
இதில், GoFly நிறுவனத்தின் விதிகளை முழுமையாக நிறைவு செய்த அல்லது திட்ட விதிகளில் முன்னணியில் உள்ள ஒரு குழு அல்லது நபருக்கு ரூ. 6.8 கோடி ( ஒரு மில்லியன் டாலர்) பரிசும், 2 மற்றும் 3-ஆம் நிலையில் உள்ள சிறந்த தலா ஒரு கண்டுபிடிப்புக்கு ரூ. 1.7 கோடியும், ஓரளவு மேம்பட்ட ஒரு தயாரிப்புக்கு ரூ. 68 லட்சமும் பரிசாக வழங்கப்பட உள்ளது.
இந்தப் போட்டியில் பங்கேற்க இதுவரை 80 நாடுகளில் இருந்து 1,600-க்கும் அதிகமான கண்டுபிடிப்பாளர்கள் பதிவுசெய்துள்ளனர்.
தனிநபர் பறக்கும் விமானம் குறித்தும், போட்டி குறித்தும் GoFly நிறுவனர் Gwen Lighter மேலும் கூறுகையில், தனியொருவர் வானத்தில் பறப்பதை விட பெரிய கனவு உலகத்தில் எதுவும் இல்லை . இந்தக் கனவு முதன்முறையாக மனித வரலாற்றில் நனவாகப் போகிறது. 
இந்தப் போட்டியில் பங்கேற்பவர்களுக்கு நாங்கள் எந்த குறிப்பிட்ட வடிவமைப்பையும் பரிந்துரைப்பதில்லை. 
முழுமையான, தொடக்க நிலையிலேயே ஒரு குறிப்பிட்ட வேகத்தை எட்டும்படியான வடிவமைப்பாக இருக்க வேண்டும் என்று மட்டும் கூறுகிறோம். 
போட்டியின் போது, பங்கேற்பாளர்கள் தங்கள் கருவியுடன் தனித்து விடப்படுவதில்லை. சர்வதேச அளவில் விமான வடிவமைப்பு, திட்டப் பொறியியல், கட்டுமானம், நிதி ஆகிய துறைகளில் முன்னணியில் உள்ள ஒரு குழு அவர்களுக்கு உதவிசெய்யும். 
அனைத்து பங்கேற்பாளர்களுக்கும் பரிசுத்தொகையோடு, மாதாந்திர ஆன்லைன் கருத்தரங்குகளையும் வல்லுநர்கள் மூலமாக போயிங் நிறுவனம் நடத்தும். பறக்கும் இயந்திரங்களை உருவாக்கும் ஒரு புதிய தொழிலை உருவாக்குவதே எங்கள் நோக்கம். எதிர்காலத்தில் ஒரு புதிய போக்குவரத்து முறையும் இதனால் உருவாகும்'' என்கிறார்.
- இரா.மகாதேவன்
 

]]>
http://images.dinamani.com/uploads/user/imagelibrary/2018/7/3/w600X390/im12.jpg http://www.dinamani.com/weekly-supplements/ilaignarmani/2018/jul/03/போட்டிபோட்டி-போட்டிஉருவாக்குங்கள்பறக்கும்-இயந்திரத்தை-2952354.html
2952350 வார இதழ்கள் இளைஞர்மணி  உண்மையின் கரு! - த. ஸ்டாலின் குணசேகரன் DIN DIN Tuesday, July 3, 2018 11:10 AM +0530 இளைய பாரதமே...எழுக!-29
சிகாகோ சொற்பொழிவுகள் வெற்றிகரமாக அமைந்ததற்குப் பின்னர் சுமார் மூன்றரை ஆண்டு காலம் அமெரிக்காவிலேயே இருந்தவாறு சொற்பொழிவுகள் நிகழ்த்தியவண்ணம் இருந்தார் விவேகானந்தர். அந்தக் காலகட்டத்தில் அனேந்திரகுமார் தத்தா என்ற வங்காள மாநிலத்தைச் சேர்ந்த இளைஞர் விவேகானந்தரின் புத்தகமொன்றை தனது கடிதத்துடன் இணைத்து ரஷ்ய எழுத்தாளர் டால்ஸ்டாய்க்கு அனுப்பி வைத்துள்ளார். தத்தாவின் கடிதத்திற்கு 1896 ஆம் ஆண்டு செப்டம்பர் 13 -ஆம் தேதி டால்ஸ்டாய் பதில் கடிதம் அனுப்பியுள்ளார். அதில் விவேகானந்தரின் கருத்துகள் தன்னை மிகவும் கவர்ந்ததாகக் குறிப்பிட்டுள்ளார்.
 நாட்குறிப்பு எழுதும் வழக்கமுள்ள டால்ஸ்டாய் தத்தாவுக்குக் கடிதம் எழுதிய அடுத்தநாள் செப்டம்பர் 14-ஆம் தேதி தனது நாட்குறிப்பில் தத்தா தனக்கு அனுப்பிய கடிதம் குறித்தும் அத்துடன் அனுப்பப்பட்ட விவேகானந்தரின் நூலைப் பற்றியும் பதிவு செய்துள்ளார்.
 அமெரிக்காவிலிருந்து இந்தியாவிற்கு விவேகானந்தர் திரும்புவதற்கு முன்பே ரஷ்யா வரை விவேகானந்தரின் புத்தகம் சென்றடைந்ததும், அப்போது உலகப் புகழ்மிக்க எழுத்தாளராக விளங்கிய டால்ஸ்டாயின் சிறப்புக் கவனத்தை அந்நூல் பெற்றிருந்ததும் கருத்தில் கொள்ளத்தக்கதாகும்.
 1897-ஆம் ஆண்டு விவேகானந்தர் அமெரிக்காவிலிருந்து இந்தியா வந்த பிறகும் 1902-இல் விவேகானந்தர் மறைந்த பின்னரும் டால்ஸ்டாயின் வாசகர்கள் சிலர் விவேகானந்தரின் நூல் தொகுதிகளை டால்ஸ்டாய்க்கு அனுப்பி வைத்துள்ளனர். டால்ஸ்டாயும் அந்நூல்கள் அனைத்தையுமே ஆர்வமுடன் வாசித்ததோடு அவை குறித்த தனது கருத்துக்களை வெளிப்படுத்தியுள்ளார்.
 தேசபக்தர்களாக விளங்கிய இந்திய இளைஞர்கள் பலர் டால்ஸ்டாயின் தீவிர வாசகர்களாகத் திகழ்ந்தனர். அவர்களுள் சிலர் அவருடன் கடிதப் போக்குவரத்தும் வைத்திருந்தனர். வங்காளத்தைச் சேர்ந்த இளம் புரட்சியாளர் தாரக்நாத் தாஸ் ஆங்கிலேய ஆட்சியினரின் கீழுள்ள இந்தியர்களின் துன்பகரமான நிலைமையை விரிவாக விளக்கி டால்ஸ்டாய்க்குக் கடிதம் எழுதியிருந்தார். சென்னையிலிருந்து வெளியான "தி ஆர்யா' எனும் சமூக - அரசியல் இதழின் ஆசிரியரான இராமசேஷன் என்ற தமிழரும் இந்தியாவில் பிரிட்டிஷ் ஆட்சியினர் கட்டவிழ்த்துவிட்டுள்ள அடக்குமுறைகளைக் குறிப்பிட்டு ஒரு கடிதம் எழுதியிருந்தார்.
 இந்தியாவிலிருந்து வரப்பெற்ற அன்றைய காலகட்ட பிரிட்டிஷ் இந்தியாவைப் புரிந்து கொள்வதற்கு வாய்ப்பளித்த இந்திய வாசகர்களின் கடிதங்கள், விவேகானந்தரின் நூல்களில் காணப்பட்ட ஆன்மிகவியல், வாழ்வியல், சமூகவியல் சார்ந்த வித்தியாசமான பார்வைகளுடன் கூடிய ஆழமான கருத்துகள், டால்ஸ்டாய்க்கே உரிய உலகளாவிய மனிதநேயத் தேடல் பண்பு ஆகியவையே இந்தியா சார்ந்த தாக்கத்தை டால்ஸ்டாயிடம் உருவாக்கியுள்ளது.
 இந்தப் பின்புலம்தான் "இந்துவுக்கு ஒரு கடிதம்' என்ற இந்திய அரசியல் பற்றிய கருத்தாழம் மிக்க ஒரு கட்டுரையை எழுத டால்ஸ்டாயைத் தூண்டியது. இக்கட்டுரையை தாரக்நாத் தாஸ், இராமசேஷன் போன்ற இவருக்குக் கடிதம் எழுதிய பலருக்குப் பதில் கடிதமாக அனுப்பினார் .
 தென்னாப்பிரிக்க இந்தியர்கள் அங்கிருந்த நிறவெறியர்களால் பெரும் தாக்குதலுக்கு ஆட்பட்டிருந்த சூழலில் காந்தியடிகள் அங்குள்ள இந்தியர்களின் கோரிக்கைகளை இங்கிலாந்து அரசிடம் முறையிடுவதற்காக லண்டன் மாநகரம் சென்றிருந்தார் . காந்தியடிகளைச் சந்தித்து இந்தியர்களின் கோரிக்கைகள் குறித்துப் பேசத் தயாரில்லாத ஆங்கிலேய ஆட்சியினரின் அணுகுமுறை காந்தியடிகளை பெரும் கவலைக்குள்ளாக்கியது.
 ஆங்கிலேய அரசிடம் தென்னாப்பிரிக்க இந்தியர்களின் மனக்குறையை முறையிட முடியாத சூழலில், அப்போது உலகின் மனசாட்சியாகக் கருதப்பட்ட டால்ஸ்டாயின் கவனத்திற்கு பாதிக்கப்பட்ட இந்தியர்களின் நிலையைக் கொண்டு செல்ல நினைத்தார் காந்தியடிகள். அதன் பொருட்டு ஒரு நீண்ட கடிதத்தை டால்ஸ்டாய்க்கு எழுதினார்.
 இக்கடிதத்தில் தென்னாப்பிரிக்க இந்தியர்களின் பிரச்னைகளைப் பட்டியலிட்டிருந்த காந்தியடிகள், மறவாமல் தான் ஏற்கெனவே வாசித்திருந்த டால்ஸ்டாயின் "இந்துவுக்கு ஒரு கடிதம்' என்ற கட்டுரையை வெகுவாகப் பாராட்டியும் எழுதியிருந்தார்.
 அக்கட்டுரையை இந்திய மொழிகளில் மொழிபெயர்த்து வெளியிட விரும்புவதாகவும் அதில் குறிப்பிட்டிருந்தார். இக் கட்டுரை இந்திய மொழிகள் சிலவற்றில் மொழிபெயர்க்கப்பட்டு பின்னர் வெளி வந்தது. காந்தியடிகளின் முயற்சியால் குஜராத்தி மொழியிலும் வெளி வந்தது. அவ்வாறு அச்சில் வெளிவந்த இம்மொழிபெயர்ப்பு நூலின் பிரதிகளை காந்தியடிகள் டால்ஸ்டாய்க்கு பின்னர் அனுப்பியும் வைத்தார்.
 1908-ஆம் ஆண்டு டிசம்பர் 14-ஆம் தேதி எழுதப்பட்ட "இந்துவுக்கு ஒரு கடிதம்' என்ற இக்கட்டுரையில் இந்திய மக்கள் அடிமைப்பட்டதற்கான காரணத்தை எழுதியிருந்ததோடு அவர்கள் விடுதலை பெறுவதற்குரிய வழிமுறைகளையும் டால்ஸ்டாய் விளக்கியிருந்தார். இக்கட்டுரையை எழுதுவதற்கு டால்ஸ்டாய் சுமார் ஆறு மாத கால அவகாசம் எடுத்துக் கொண்டார்.
 இக்கட்டுரை தனக்குக் கடிதம் எழுதியவர்களுக்குப் பதில் கடிதமாக எழுதப்பட்டிருப்பினும் அது ஒட்டுமொத்தமான இந்திய மக்களை மனதில் வைத்து எழுதப்பட்டதாகும்.
 இந்தக் கட்டுரை வடிவக் கடிதம்தான் கந்தியடிகளுக்கும் டால்ஸ்டாய்க்குமான ஒரு தொடர்பையும், பந்தத்தையும் உருவாக்கியது. பிற்காலத்தில், டால்ஸ்டாயை காந்தியடிகள் தனது குருநாதர் என்று நெகிழ்ச்சியுடன் குறிப்பிடுகிற அளவுக்கு அவர்களின் உறவும் புரிதலும் வளர்ந்திருப்பினும், இக்கடிதமே அதற்கான தொடக்கப் புள்ளியாக விளங்கியது.
 இக்கட்டுரையில்தான் "இன்னா செய்யாமை' என்ற அதிகாரத்திலுள்ள ஆறு திருக்குறள்களை டால்ஸ்டாய் மேற்கோள் காட்டியிருந்தார். இதன் பிறகுதான் காந்தியடிகளின் கவனம் திருக்குறளை நோக்கித் திரும்பியது.
 இந்திய சுதந்திரப் போராட்டம் குறித்து ஆய்வு நோக்கில் எழுதப்பட்ட இப்புகழ்மிக்க கட்டுரையில் விவேகானந்தரின் பெயரை இரண்டு முக்கிய இடங்களில் பதிவு செய்துள்ளார் டால்ஸ்டாய். விவேகானந்தரின் முழக்கத்தையும் இக்கடிதத்தின் பிரதான பகுதியில் குறிப்பிட்டுள்ளார்.
 டால்ஸ்டாய் தனது கடைசிக் காலங்களில் விவேகானந்தரின் நூல்கள் பலவற்றை ஈடுபாட்டுடன் வாசிப்பவராகவும் அவை குறித்து தனது நண்பர்களுடன் உரையாடுபவராகவும் விளங்கியுள்ளார்.
 இந்துத் துறவியான விவேகானந்தரின் பேச்சும் எழுத்தும் முழுமையான கிறித்துவரும், அழுத்தமான கிறித்துவ இறைநம்பிக்கையாளரும், பல்லாயிரக்கணக்கான மைல்களுக்கு அப்பால் அயல்நாட்டில் வாழும் உலகப் புகழ்மிக்க எழுத்தாளருமான லியோ டால்ஸ்டாயிடத்தில் ஒரு தாக்கத்தை ஏற்படுத்தியதும் அத்தகைய தாக்கம்பெற்ற ஒரு படைப்பாளியால் எழுதப்பட்ட ஒரு கட்டுரை இந்திய விடுதலைப் போராட்டத்திற்கு ஊக்கமளிப்பதாக அமைந்ததும் பல கோணங்களிலும் சிந்திக்கத்தக்கதாகும்.
 "எல்லா மதங்களிலும் உண்மையின் கரு இருக்கிறது என்று நாங்கள் நம்புகிறோம். அவை எல்லாவற்றிற்கும் இந்து தலை வணங்குகிறான். ஏனெனில் விலக்குவதால் அல்ல, இணைப்பதால்தான் இந்த உலகில் உண்மையைப் பெறமுடியும். மாறுபட்ட மதங்களான அழகிய மலர்களைச் செண்டாகத் தொடுத்து, அதைக் கடவுளுக்கு அர்ப்பணிக்க நாங்கள் விரும்புகிறோம்.
 வெகுமதியை எதிர்பார்த்து அல்ல. அன்பிற்காகவே கடவுளிடம் அன்பு செலுத்த வேண்டும். இப்படி நம் இதயம் தூய்மை பெற்றதும் நாம் கடவுளைக் காண்போம். பலியிடுவதும், முழந்தாளிடுவதும், முணுமுணுப்பதும் இப்படிப்பட்ட எதுவும் மதம் ஆகாது. மாபெரும் வீரச் செயல்களைத் துணிந்து செய்வதற்கும், தெய்வீக நிறைநிலையைப் புரிந்து கொள்ளும் அளவிற்கு நம் சிந்தனைகளை உயர்த்துவதற்கும் தூண்டுமானால் இவை பயனுள்ளதுதான்.
 நம் பிரார்த்தனைகளில் கடவுள் நம் எல்லாருக்கும் தந்தை என்று ஒப்புக்கொண்டு விட்டு, தினசரி வாழ்க்கையில் மற்றவர்களை நம் சகோதரர்போல் நடத்தாவிட்டால் என்ன பயன்?'' என்று அமெரிக்க நாட்டிலுள்ள ப்ரூக்ளின் நகரில் 1894 ஆம் ஆண்டு டிசம்பர் 30 ஆம் தேதி நிகழ்த்திய சொற்பொழிவில் கூறியுள்ளார் விவேகானந்தர்.
 விவேகானந்தரின் இந்தக் கருத்தும், அணுகுமுறையும், எதார்த்தப்போக்கும் மாற்று மதத்தினரை மட்டுமல்லாது பகுத்தறிவுவாதிகளையும் மாற்றுச் சிந்தனையாளர்களையும் கூட தயக்கமின்றி சர்வசாதாரணமாகச் சந்திக்கவும் எவ்விதத் தங்குதடையுமின்றி உரையாடவும் வழிவகை செய்துள்ளது.
 (அடுத்த வாரம் நிறைவு பெறும்)


 
 
 

]]>
http://images.dinamani.com/uploads/user/imagelibrary/2018/7/3/w600X390/im9.jpg http://www.dinamani.com/weekly-supplements/ilaignarmani/2018/jul/03/உண்மையின்-கரு---த-ஸ்டாலின்-குணசேகரன்-2952350.html
2952349 வார இதழ்கள் இளைஞர்மணி வாங்க இங்கிலீஷ் பேசலாம் 146 ஆர்.அபிலாஷ் DIN Tuesday, July 3, 2018 11:07 AM +0530 புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரின் காத்திருக்கும் அறையில் இருக்கிறார்கள். அப்போது கணேஷ்
ஆங்கிலத்தின் வசைச்சொற்கள் பற்றி புரொபஸரிடம் வினவுகிறான். அவர் இச்சொற்கள் வரலாற்றின் தொடக்கத்தில் வசைச் சொற்களாக இருக்கவில்லை. ஆனால்
பின்னர் ஒடுக்கப்பட்ட சேரி மக்களை பழிக்கும் வண்ணம் இந்த வசைச்சொற்கள் எப்படி உருப்பெற்றன என விளக்குகிறார்.
புரொபஸர்: ஒன்றைக் கவனித்தாயா? இந்த ஆங்கில வசைச்சொற்கள் பெரும்பாலானவை நான்கு எழுத்திலானவை.
கணேஷ்: ஆமா நான் இப்போ தான் கவனிச்சேன்
புரொபஸர்: அதனால தான் இவற்றை our-letter words என்கிறோம். Four-letter words  என்றாலே பாலியல் தொனி கொண்ட வசைச் சொற்கள் எனும் அர்த்தம்
தோன்றி விட்டது.
கணேஷ்: சார் நீங்க ஷெர்பர்ன் லேன் எனும் ஊரைப் பற்றிச் சொன்னீர்களே, அது போல வேறு ஊர்கள் இங்கிலாந்தில் உண்டா? ஷிட் எனும் வசைச் சொல்லை
பெயரில் கொண்ட ஊர்கள்?
புரொபஸர்: இங்கிலாந்தில் லிங்கன்ஷைர் எனும் கவுண்டியில் உள்ள கிராமம் Skidbrook. இங்குள்ள ஒரு கைவிடப்பட்ட தேவாலயம் St. Botolph's Church.
பதின்மூன்றாம் நூற்றாண்டை சேர்ந்த பழமையான ஆலயம் இது. இங்கு பேய் நடமாட்டம் உள்ளதாய் சர்ச்சை கிளம்பியது. இது ஒரு haunted church என சேதி
பரவியது. இதைத் தொடர்ந்து மக்கள் அங்கு வெள்ளமாய்க் குவிந்தனர். 
கணேஷ்: அதென்ன சார் haunted?
புரொபஸர்: பேய் பிசாசு குடியிருக்கும் இடத்தை haunted என்பார்கள். அதே போல நீ ஓர் இடத்துக்கு அடிக்கடி செல்கிறாய் என்றால்...
கணேஷ்: நான் அடிக்கடி போறதுன்னா என் வீட்டுக்குத் தான்...
புரொபஸர்: அதில்லடா, நாம தினமும் போற நம் இடத்தை அல்ல, நமதல்லாத வேறு இடங்கள்.
கணேஷ்: ஓ... கோட்டூர்புரம் நூலகம்?
புரொபஸர்: யெஸ்! Ganesh haunts Anna Centenary Library at Kotturpuram. அல்லது Ganesh frequents the library at Kotturpuram. உன்னைப் போல நிறைய
வாசகர்களும், எழுத்தாளர்களும் அங்கு தொடர்ந்து வருகிறார்கள் என்றால்...
கணேஷ்: அப்படி யாருமே இல்ல. ஏழெட்டு பேர் வந்தால் அதிகம்.
புரொபஸர்: சரி இருக்கட்டுமே. ஒருவேளை நிறைய படைப்பாளிகளும் வாசகர்களும் தினமும் வருகிறார்கள் என்றால் The library at Kotturpuram is a favorite
haunt of writers and readers in Tamil. அங்கு நீ ஓர் அழகிய பெண்ணை சந்தித்து நட்பாகிறாய். உங்கள் நட்பு வளர்ந்து காதலாகிறது.
கணேஷ்: மகிழ்ச்சி...
புரொபஸர்: ஆனால்...
கணேஷ்: ஆனால் தமிழில் எனக்குப் பிடிக்காத வார்த்தை
புரொபஸர்: ஆனால் அந்த பெண் ஒருநாள் தற்கொலை செய்து கொள்கிறாள். உனக்கு நூலகத்துக்கு பின்னர் சென்றாலே அவளது ஞாபகம் வருகிறது. எங்கு
போனாலும் அவளது முகம் அங்கு உன்னைத் துரத்துகிறது. அப்படி என்றால் Her face haunts you whatever place you visit in the library. இப்படி நம்மால் மறக்க
முடியாத ஒரு கொடிய நினைவைக் குறிப்பிடவும் நாம் haunt என்ற வினைச்சொல்லை பயன்படுத்தலாம்.
கணேஷ்: சார்... அந்த தேவாலய பேயோட கதை?
புரொபஸர்: ஓ... அதுவா? அங்கு பேய் உலாவுகிறது எனும் பீதி பரவ பொதுமக்கள் வந்து அந்த ஆலயத்தை vandalise செய்கிறார்கள். இந்த சர்ச்சை பற்றி ஒரு
காட்சித் தொகுப்பை நேற்று பிபிசியில் பார்த்தேன்.
கணேஷ்: சார் அதென்ன வேண்டலைஸ்?
புரொபஸர்: பொதுச்சொத்துக்கோ தனியார் சொத்துக்கோ வேண்டுமென்றே சேதம் விளைவிப்பது. இப்படி சேதம் விளைவிப்பவர்களே vandals. இந்த பெயரில்
நிஜமாகவே ஒரு சமூகம் வாழ்ந்தது தெரியுமா?
கணேஷ்: அப்படியா?
புரொபஸர்: ஆமாம். வேண்டல்கள் என்பவர்கள் ஒரு கிழக்கு ஜெர்மானிய சமூகம். இவர்கள் தம் சொந்த நிலங்கள் மீதான ஆக்கிரமிப்பால் குடிபெயர்ந்து புதுதேசங்களுக்குப் படையெடுத்தனர். முதலில் ரோம சாம்ராஜ்யத்தின் கீழுள்ள ஆப்பிரிக்க நாடுகளை ஆக்கிரமித்த இவர்கள் கி.பி 455 - இல் ரோம சாம்ராஜ்ஜியத்தை படையெடுத்து அழித்தனர். இதனால் கடும் அழிவுகளை ஏற்படுத்துபவர்கள் என வரலாற்றாசிரியர்கள் இவர்களைச் சித்திரித்தனர். Vandals என்றாலே ஊரை சேதப்படுத்துபவர்கள் என்ற பெயர் ஏற்பட்டு vandal என்ற பெயர்ச்சொல் ஆங்கிலத்தில் ஏற்பட்டது. Vandalise  என்ற வினைச்சொல்லும் அதில் இருந்து தோன்றியது.
கணேஷ்: சரி... அந்த ஆலயம் பற்றி ஏன் சொன்னீர்கள்? 
புரொபஸர்: அந்த ஆலயம் உள்ள Skidbrook என்ற கிராமத்தின் பெயரில் ஒரு வசைச்சொல் ஒளிந்துள்ளது. அதற்குத் தான்.
(இனியும் பேசுவோம்)

]]>
http://images.dinamani.com/uploads/user/imagelibrary/2018/7/3/w600X390/im8.JPG http://www.dinamani.com/weekly-supplements/ilaignarmani/2018/jul/03/வாங்க-இங்கிலீஷ்-பேசலாம்-146-2952349.html
2952346 வார இதழ்கள் இளைஞர்மணி விவசாய பொருளாதாரப் படிப்பு! DIN DIN Tuesday, July 3, 2018 10:55 AM +0530 மக்களுக்கு உணவு வழங்கும் துறையான விவசாயத் தொழில் துறை இந்த உலகத்திற்கே முன்னோடியானது.
அது தற்போது நலிவடைந்து வருகிறது. விவசாயத் தொழிலை மேம்படுத்த வேண்டியது அனைவருடைய கடமையாகும். அதனால் விவசாயம் சார்ந்த தொழிலைக் கற்று அத்துறைக்கு நம்மால் இயன்ற சேவையைச் செய்ய வேண்டும். 
விவசாயம் சார்ந்து பல்வேறு படிப்புகள் உள்ளன. அதில் "விவசாயப் பொருளாதாரம்' என்ற படிப்பு முக்கியத்துவம் வாய்ந்ததாகும். 
விவசாயப் பொருளாதாரம் சார்ந்த படிப்புகளை நடத்தும் கல்வி நிறுவனங்கள் :
Indian Agricultural Research Institute - http://www.iari.res.in/index.php?option=com_content&view=featured&Itemid=435
Tamil Nadu Agricultural University - http://www.tnau.ac.in/programmes.html
Acharya NG Ranga Agricultural University - https://www.angrau.ac.in/AdmissionsIndia.php#PG
GOVIND BALLABH PANT UNIVERSITY OF AGRICULTURE & TECHNOLOGY -  http://www.gbpuat.ac.in/academics/registrar/index.html
Dr. Rajendra Prasad Central Agricultural University  -  https://www.rpcau.ac.in/degree-programmes/#1523433037028-79a6b64f-78e4
- எம்.அருண்குமார் 

]]>
http://images.dinamani.com/uploads/user/imagelibrary/2018/7/3/w600X390/im7.JPG http://www.dinamani.com/weekly-supplements/ilaignarmani/2018/jul/03/விவசாய-பொருளாதாரப்-படிப்பு-2952346.html
2952344 வார இதழ்கள் இளைஞர்மணி உணவுத் தொழில் நிறுவனங்களில் வேலை செய்ய...! DIN DIN Tuesday, July 3, 2018 10:49 AM +0530 கலினரி ஆர்ட் கோர்ஸ் எனப்படும் சமையல் கலை படிப்புகளுக்கான முக்கியத்துவம் தற்போது அதிகரித்து வருகிறது. இந்த உலகத்தில் வாழும் அனைத்து தரப்பு மக்களுக்கும் அவசியமானது உணவு. 
உணவைத் தயாரிக்கும் சமையல் கலையைக் கற்றுக் கொடுக்கும் கலினரி கோர்ஸ் தற்போது பல கல்வி நிறுவனங்களில் கற்றுக் கொடுக்கப்படுகிறது. அப்படிப்பை கற்றுக் கொள்ள ஆர்வம் உள்ளவர்கள் அது பற்றிய விவரங்களைத் தெரிந்து கொள்வது அவசியம். சமையல் கலையை மட்டுமல்லாமல், உணவு சார்ந்த தொழில்களைப் பற்றியும் இந்தப் படிப்பில் சொல்லிக் கொடுக்கப்படுகிறது. சொந்தமாக உணவு தயாரிக்கும் நிறுவனங்கள் தொடங்க விரும்புபவர்களுக்கு இந்தப் படிப்பு பயன்படும். 
சர்வதேச அளவில் தரச் சான்றிதழ் பெற விரும்பும் ஹோட்டல் மற்றும் உணவு சார்ந்த நிறுவனங்கள் இந்தப் படிப்பைப் பயின்றவர்களுக்கு வேலை தருகின்றன. 
கலினரி ஆர்ட் கோர்ஸ் நடத்தும் கல்வி நிறுவனங்கள்:
Culinary Academy of India - http://www.iactchefacademy.com/
Indian Institute Of Hotel Management & Culinary Arts 
- http://iihmca.org/
Bangalore Culinary Academy 
-https://www.bangaloreculinaryacademy.com/
Indian Culinary Institute, Tirupati - http://www.ici.nic.in/
Indian Food Cooking Classes 
- http://indianfoodcookingclasses.com/
ASK Institute of Hotel Management and Culinary Arts 
- https://www.studyask.com/ 
International Institute Of Culinary Arts, New Delhi- IICA 
- http://www.chefiica.com/
- எம்.அருண்குமார்

]]>
http://images.dinamani.com/uploads/user/imagelibrary/2018/7/3/w600X390/im6.JPG http://www.dinamani.com/weekly-supplements/ilaignarmani/2018/jul/03/உணவுத்-தொழில்-நிறுவனங்களில்-வேலை-செய்ய-2952344.html
2952343 வார இதழ்கள் இளைஞர்மணி வேலை...வேலை...வேலை... DIN DIN Tuesday, July 3, 2018 10:47 AM +0530 பாதுகாப்பு ஆராய்ச்சி மற்றும் வளர்ச்சி நிறுவனத்தில் வேலை
பதவி: மெக்கானிக்கல் இன்ஜினியர்
காலியிடங்கள்: 19
கல்வித்தகுதி: மெக்கானிக்கல் இன்ஜினியரிங் துறையில் பி.ஈ. அல்லது பி.டெக். முடித்திருக்க வேண்டும். GATE  தேர்வில் தேர்ச்சி பெற்றிக்க வேண்டும்.
வயது வரம்பு: 28 வயதுக்குள் இருக்க வேண்டும். எஸ்.சி/எஸ்.டி. பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும், மாற்றுத் திறனாளிகளுக்கு 10 ஆண்டுகளும் விலக்கு அளிக்கப்படும்.
விண்ணப்பிக்கும் முறை: www.drdo.gov.in என்ற இணையதளத்தில் விண்ணப்பதாரரின் விவரங்களைப் பூர்த்தி செய்து, தேவையான சான்றிதழ்களைப் பதிவேற்றி, விண்ணப்பக் கட்டணத்தைச் செலுத்தி, ஆன்லைன் மூலம் விண்ணப்பிக்க வேண்டும். பிறகு, ஆன்லைன் விண்ணப்பத்தைப் பிரதியெடுத்துக் கொள்ள வேண்டும்.
மேலும் விவரங்களுக்கு: https://drdo.gov.in/drdo/whatsnew/advt_133_.pdf என்ற இணையதளத்தைப் பாருங்கள்.
விண்ணப்பிக்க கடைசித் தேதி: 07-07-2018.

ரெப்கோ வங்கியில் வேலை
பதவி: உதவி மேலாளர் (சட்டம்)
காலியிடங்கள்: 3 
கல்வித்தகுதி: பி.எல் (அல்லது) எல்.எல்.பி. குறைந்து 60 சதவீத மதிப்பெண்களுடன் தேர்ச்சி பெற்றிருக்க வேண்டும். குறைந்தது 2 ஆண்டுகள் பணி அனுபவம் பெற்றிருக்க வேண்டும்.
வயது வரம்பு: 24 வயதிலிருந்து 30 வயதுக்குள் இருக்க வேண்டும். எஸ்.சி./எஸ்.டி பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும், முன்னாள் ராணுவத்தினருக்கு 5ஆண்டுகளும் விலக்கு அளிக்கப்படும். 
விண்ணப்பிக்கும் முறை: www.repcobank.com என்ற இணையதளத்தில் இருந்து விண்ணப்பப் படிவத்தைப் பதிவிறக்கம் செய்து, பூர்த்தி செய்து, தேவையான
சான்றிதழ்களின் நகல்களை இணைத்து கீழ்க்காணும் முகவரிக்கு அனுப்பி வைக்க வேண்டும்.
முகவரி: The General Manager (Admin), Repco Bank Ltd, P.B.No.1449, Repco Tower, No:33, North Usman Road, T.Nagar, Chennai - 600 017.
விண்ணப்பக் கட்டணம்: ரூ.708/-. REPCO BANK RECRUITMENT CELL என்ற பெயருக்கு பேங்க் பே ஆர்டர் அல்லது வங்கி வரைவோலை எடுத்து
விண்ணப்பத்துடன் இணைத்து அனுப்ப வேண்டும்.
தேர்ந்தெடுக்கப்படும் முறை: எழுத்துத் தேர்வு, நேர்முகத் தேர்வு ஆகியவற்றின் மூலம் தகுதியான நபர்கள் தேர்ந்தெடுக்கப்படுவார்கள். 
மேலும் விவரங்களுக்கு: REPCO BANK RECRUITMENT CELL என்ற இணையதளத்தைப் பாருங்கள்.
விண்ணப்பம் சென்று சேர வேண்டிய கடைசித் தேதி: 10-07-2018.

பெல் நிறுவனத்தில் வேலை
பதவி: Deputy Engineer (E-II Grade) - ELECTRONICS 
காலியிடங்கள்: 20
பதவி: Deputy Engineer (E-II Grade) - MECHANICAL
காலியிடங்கள்: 15
பணியிடம்: பெங்களூரு 
பதவி: Deputy Engineer (E-II Grade) - ELECTRONICS 
காலியிடங்கள்: 42
பதவி: Deputy Engineer (E-II Grade) - ELECTRONICS 
காலியிடங்கள்: 09
பணியிடம்: பஞ்ச்குலா, ஹரியாணா
கல்வித்தகுதி: Electronics / Electronics and Communication / Electronics & Telecommunication / Communication /  Telecommunication / Mechanical
Engineering பிரிவில் பி.ஈ. அல்லது பி.டெக். முதல் வகுப்பில் தேர்ச்சி பெற்றிருக்க வேண்டும். 
வயது வரம்பு: 26 வயதுக்குள் இருக்க வேண்டும். எஸ்.சி./எஸ்.டி பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும் விலக்கு அளிக்கப்படும். 
விண்ணப்பிக்கும் முறை: http://jobapply.in/bel2018de  என்ற இணையதளத்திற்குச் சென்று ஆன்லைன் மூலம் விண்ணப்பிக்க வேண்டும்.
விண்ணப்பக் கட்டணம்: ரூ.500; எஸ்.சி./எஸ்.டி./மாற்றுத் திறனாளிகளுக்கு கட்டணமில்லை .
தேர்ந்தெடுக்கப்படும் முறை: எழுத்துத் தேர்வு, நேர்முகத் தேர்வு ஆகியவற்றின் மூலம் தகுதியான நபர்கள் தேர்ந்தெடுக்கப்படுவார்கள். 
மேலும் விவரங்களுக்கு: www.bel-india.in/DocumentViews.aspx?fileName=86_posts%20of%20DE%20_Fixed_Tenure_%20advertisement_for_EM_SBU.pdf
என்ற இணையதளத்தைப் பார்க்கவும்.
விண்ணப்பிக்க கடைசித் தேதி: 11-07-2018.
தொகுப்பு: பிரவீண் குமார்

]]>
http://images.dinamani.com/uploads/user/imagelibrary/2018/7/3/w600X390/im5.JPG http://www.dinamani.com/weekly-supplements/ilaignarmani/2018/jul/03/வேலைவேலைவேலை-2952343.html
2952342 வார இதழ்கள் இளைஞர்மணி  பதினாறு வயதினிலே! - சுகி. சிவம் DIN DIN Tuesday, July 3, 2018 10:39 AM +0530 நீ... நான்... நிஜம்! -25
பெண்ணாய்ப் பிறந்த ஒவ்வொருவரையும் பாடாய்ப்படுத்துகிற பருவ வயது பதினாறு. இல்லை என்றால் இந்தத் தலைப்பினிலே ஒரு படம் வருமா... படம் மட்டுமல்ல, பல கவிஞர்களிடமிருந்து பாடல் வருமா? கவியரசு கண்ணதாசன் "எண்ணிரண்டு பதினாறு வயது' என்று வாய்ப்பாடு மூலம் ஒரு வாய்ப்பாட்டு சொல்வதைக் கவனியுங்கள். ஏன்? மகாகவி பாரதி கூட "வயது பதினாறு இருக்கும்' என்று சொல்லி தம் மைத்துனிக்காக வருத்தப்பட்டுப் பாடிய பாடல் உங்கள் காதுகளில் கேட்கவில்லையா?
 ஐஸ்வர்யாராய், தீபிகா படுகோனே, அனுஷ்கா, நயன்தாரா, ஹன்சிகா, கீர்த்தி சுரேஷ் போன்ற நட்சத்திரங்களை, அவர்களது அங்க அசைவுகளை, ஆடை அலங்கார கலாச்சாரச் சிறப்புகளை, ஒப்பற்ற தியாக வாழ்க்கை வரலாற்று நிகழ்வுகளைத் தெரிந்து வைத்திருக்கிற நம் இளம் பெண்கள், பதினாறு வயதில் அடிமைத்தனத்தை எதிர்த்து, ஆங்கிலேயர்களைப் பகைத்து ஆவி பிரிந்த தமிழச்சியின் தவ வரலாற்றை அறிந்து வைத்து இருப்பார்களா?
 இந்தியாவுக்கே விடுதலை வேட்கையை ஊட்டிய மகாத்மாவுக்கு விடுதலை உணர்வின் முதல் கவளத்தை ஊட்டிய தாய் பதினைந்து வயதே நிரம்பிய தில்லையாடி வள்ளியம்மை. "இந்த வயதில் போராட்டமும், சிறைச்சாலையும் உனக்கு வேண்டாம்' என்று மகாத்மாவே மறுத்த போதும், ஆப்பிரிக்காவில் அடிமைப்பட்டுக் கிடந்த, தமிழர் மற்றும் நீக்ரோக்களுக்காகப் போராடிச் செத்தவர். காந்தியை வெகுவாகப் பாதித்த முதல் தமிழ்ப் பெண் வள்ளியம்மை.
 பெண்கள் கல்லூரிகளிலும், பள்ளிகளிலும் பேசப் போகிற போது, ஒரு பேச்சாளன் என்ற முறையில் அவர்களது நாடித் துடிப்பைத் துல்லியமாக வாசிக்கும் வலிமை எனக்கு உண்டு. பேச்சு நடுவே "அஜித்' என்று நான் சொன்னால் கடலலையாய்க் கை தட்டல் கரை புரளும். "விஜய்' என்று உச்சரித்தால் மணிக்கு முந்நூறு கிலோமீட்டர் வேகத்தில் பெருமூச்சுக் காற்றடிக்கும்.
 இந்த கவர்ச்சி கண்டிக்கத்தக்கது அல்ல. ஆனால் அது மட்டுமே வாழ்க்கையாகிப் போனால், சமூக முன்னேற்றம் சாத்தியமில்லை. என் வேதனையைச் சொல்லவா? மந்தமாகி விட்ட மாநகராட்சி, கூச்சலாகிவிட்ட பாராளுமன்ற ஜனநாயகம், படுத்தும் விலைவாசி உயர்வு, பொருளாதார மந்த நிலை, இட ஒதுக்கீடு, சமூக நீதி, நியாயம் புதைக்கப் படும் நீதிமன்ற குளறுபடிகள், அயோக்கியத்தனமான அரசியல் நிகழ்வுகள், கொடூரமான சமூக வன்முறைகள், மணல் கொள்ளை, ஊழல் இவற்றைப் பற்றி எல்லாம், அதிக அக்கறை காட்ட நம் பெண்கள் தயாரில்லை. ஒரு திரைப்படம் இவர்களைப் பரபரப்படைய செய்கிற அளவு, ஒரு ஊழல் வழக்கு இவர்களைப் பாதிப்பதில்லை. கண்ணகியின் கோபம் இவர்கள் கண்களில் இல்லை. நடிகை லட்சுமி மிகச் சிறந்த நடிகை. ஆனால், மாணவிகள் கேப்டன் லட்சுமியை அறியாமல் இருப்பதுதான் என் வருத்தம்.
 பெண் முன்னேற்றம் என்பது பெண்கல்வி என்பதோடு நின்று விடாது. சமூக மாற்றத்திற்கான முகவர்களாகப் பெண் விளங்க வேண்டும். இதைத்தான் மகாகவி பாரதிக்குச் சகோதரி நிவேதிதா புரிய வைத்தார். இந்தியச் சுதந்திரம் தாமதமானதற்குக் கூட பெருங்காரணம் பெண்ணடிமைத்தனம். பெண்ணை அடிமைப்படுத்தி ஆண்கள் அடக்கியாண்ட காரணத்தால் சுதந்திரம் ஒரு முக்கிய விஷயமாக இந்தியப் பெண்களுக்கு அந்தக் காலத்தில் தோன்றவே இல்லை.
 சமூக மாற்றம் என்பது ஆண்களால் மட்டுமே சாத்தியமாகி விடாது. இந்தியாவில் முன்னேற்றம் மந்தகதியில் இருப்பதற்கு மூல காரணம், சமூக மறுமலர்ச்சி விஷயங்களில் பெண்கள் ஆர்வம் காட்டாமையே.
 ஒரு சம்பவம் சொல்லுகிறேன். ஏகப்பட்ட சமூக சீர்திருத்தங்களை முன் மொழிந்த பாரதியை வழி மொழிந்து வரவேற்க, செல்லம்மாவால் முடியவில்லை. ஒரு நாள் புதுச்சேரி கடற்கரையில், தோணியைக் கரை சேர்த்தபடி, மீனவர்கள் பாடிய பாடலை, "ஆஹா..ஓஹோ' என்று பாரதி புகழ்ந்த போது, பெண்கள் கோஷ்டி கேலி செய்தது. "ஒரு வரி கூட புரியவில்லை. ராகம் அர்த்தம் எதுவும் இல்லை'' என்றனர்.
 பாரதியோ ஒரு பென்சில் பேப்பர் எடுத்துக் கொண்டு, மீனவர்களிடம் போய், பொறுமையாகப் பாட்டைக் கேட்டு எழுதிக் கொண்டு, முன்னை விட உன்மத்தமாய்ச் சொன்னார். "ஆஹா.. அந்த மீனவன் பிரபஞ்சத்தின் அடிப்படையை எனக்கு உபதேசம் பண்ணினான்'' அவ்வளவுதான். ஒரு மீனவரைக் குரு என்று பாரதி சிலாகித்ததைச் செல்லம்மாவால் சகிக்க முடியவில்லை.
 "இவர்களுக்கெல்லாம் நீங்கள் சிஷ்யர், ஆனால் முதல் தெய்வமாகிற மடத்து குருவுக்கு மாத்திரம் சிஷ்யர் அல்ல'' என்று கோபப்பட்டிருக்கிறார்.
 பாரதியோ "இதோ, பார் செல்லம்மா... அர்த்தமில்லாத மூட வழக்கத்தை எனக்குச் சொல்லாதே'' என்று சீறி இருக்கிறார்.
 வேறொரு சமயம் பிறப்பால் ஹரிஜனாகயிருந்து, பாரதியால் பூணூல் அணிவிக்கப்பட்ட, கனகலிங்கத்தின் வீட்டில் அமர்ந்து இருந்தார் பாரதி. செல்லம்மாளைக் கையோடு அழைத்துக் கொண்டு வர அற்புதசாமியை அனுப்புகிறார். "சமையல் வேலை இருக்கிறது' என்று நாசூக்காக நழுவினார் செல்லம்மாள். பாரதியோ விடுவதாக இல்லை. அடுத்தடுத்து ஆட்களை அனுப்பிக் கொண்டேயிருந்தார். செல்லம்மாளும் மசியவில்லை. அதே பதில். கொஞ்சம் கோபமாக பாரதி ""செல்லம்மாளுக்கு இன்னும் அது இருக்கிறது'' என்றதும், "அது என்ன?'' என்று கனகலிங்கம் கேட்க, "தீண்டாமை என்னும் தொற்று நோய்'' என்று முடித்துக் கொண்டார்.
 பாரதி வரலாற்றைப் பதிவு செய்த எதுகிரி, பிச்சை கேட்ட பாம்பாட்டிக்குக் காலணா காசு போடாமல் சமுத்திரத்தில் கொண்டு போய் காலணாவைப் போட்டதும் பாரதி கண்டிக்கிறார். ""காலணாவுக்குத் தின்பண்டங்கள் போட்டிருந்தாலாவது மீன்கள் தின்னும். அந்தப் பிச்சைக்காரனுக்குப் போட்டிருந்தால், அவன் குழந்தைகளுக்குச் சாதம் போடுவான்'' என்று கண்டித்தார் பாரதி.
 எதுகிரியோ, "அம்மா சொன்னாளே அவளுக்குத் தெரியாதா என்ன?'' என்று எதிர்வாதமிட, பாரதி விளக்கினார். ""குளத்தில் காசு போட்டால், குளத்தைச் சுத்தம் செய்பவர்களுக்குப் பயன்படும். ஆனால் கடலில் போடுவது மூடத்தனம்'' என்று புரிய வைத்தார். சமூக சீர்திருத்த கருத்துகளைப் பெண்கள் ஏற்றுக் கொள்ளாத வரை சமூக முன்னேற்றம் சாத்தியமே இல்லை.
 மதுரை ஹரிஜன ஆலயப் பிரவேசத்திற்கு மகாத்மா காந்தியையும், மூதறிஞர் ராஜாஜியையும், முன் நின்று நடத்திய வைத்தியநாத ஐயரையும், இந்த நல்லெண்ணத்திற்குப் பாதுகாப்பு தருவேன் என்று துணைக்கு வந்த முத்துராமலிங்கத் தேவரையும், நாம் அறிவோம். ஆனால் ஐயரை விடவும், வைத்தியநாத ஐயரின் மனைவி செய்த பெரும் புரட்சி பற்றி கக்கன்ஜி சொல்வது கவனிக்க வேண்டியது. "ஐயர் வீட்டில் அடுப்பங்கரை வரை அனைத்து சமூகத்தினரும் போய் சாப்பிட்டு விட்டு வர முடியும்'' என்கிறார். ஆலயப் பிரவேசத்தை விட, அடுப்பங்கரைப் பிரவேசத்தை மனமார ஏற்றுக் கொண்ட அகிலாண்டத்தம்மாள் பெண்களுக்குள் அதிகம் கொண்டாடப் படவேண்டியவர்.
 தேவதாசி என்கிற பெண்களுக்கு எதிரான கலாச்சார அவமானத்தை டாக்டர் முத்துலெஷ்மிரெட்டி தடுத்து நிறுத்தி விட்டார். தேவதாசி என்பதன் வடிவம் இன்று மாறி உள்ளது. ஆனால் பெண்களைப் போகப் பொருளாகக் கருதும் ஆண்களின் அராஜக மனோபாவம் மாறவில்லையே. தோலுரிக்கப்பட்ட மாமிசத்தைக் கழுகுகள் நெருங்குவதுபோல் பேருந்தில் அலுவலகத்தில் பெண் பார்க்கப்படுவதைத் தடுக்கும் முத்துலட்சுமி ரெட்டிகள் வந்திருக்க வேண்டாமா?
 இன்று கலாúக்ஷத்திரா ஒரு சாதனை அமைப்பு. அதில் படித்தவர்களுக்குத் தனி மரியாதை. ஆனால் நிறுவனர் ருக்குமணிதேவி அருண்டேல் ஒரு புரட்சிப் பெண் என்பதை எத்தனை மாணவிகள் அறிவார்கள்? மொழி, இனம், நாடு போன்ற எல்லா எல்லைகளையும் உடைத்து எறிந்து, மானுடம் பாடிய வானம்பாடி. உலகக் குடிமகளாய் உயர்ந்த பெண்மணி. எல்லாச் சமூகப் பெண்களும் பரதம் பயில பாதை திறந்த பாவை, ருக்குமணிதேவி அருண்டேல்.
 மொரார்ஜி தேசாய் ருக்மணிதேவி அருண்டேலை ஜனாதிபதி பதவிக்கு அழைத்தபோது, "அத்தனை உயர்ந்த பொறுப்புக்கு நான் தகுதியானவள் அல்ல. அத்தோடு என் உயிருள்ளவரை கலைக்குச் சேவை செய்வதே என் வேலை'' என்று ஒதுங்கிக் கொண்டவர் இப்பெருமாட்டி. பள்ளிகளிலும், கல்லூரிகளிலும் பயிலும் பெண்களிடம், நான் மேலே குறிப்பிட்ட பெண்களின் பெயரைச் சொல்லி "இவர்களைப் பற்றி பத்து வரி சொல்லுங்கள்' என்று கேட்டுப் பாருங்கள். தமிழ்நாடு ஏன் தறி கெட்டு கிடக்கிறது என்கிற கேள்விக்கான விடை அப்போது உங்களுக்குக் கிடைத்துவிடும்.
 இன்று கல்லூரியில் படிக்கும் எத்தனை பெண்களுக்குக் குந்தவைப் பிராட்டியையும், காரைக்கால் அம்மையாரையும், வீரப் பெண்மணி வேலு நாச்சியாரையும், தில்லையாடி வள்ளியம்மையையும், ருக்குமணிதேவி அருண்டேலையும், கேப்டன் லெட்சுமியையும், ராணி மங்கம்மாளையும் தெரியப் போகிறது? எழுத்தாளர் பைம் பொழில் மீரான் அவர்கள் "தலை நிமிர்ந்த தமிழச்சிகள்' என்ற அருமையான ஒரு புத்தகம் எழுதியிருக்கிறார். வானத்தைக் கிழித்து வட்ட மடிக்க விரும்பும் வயசுப் பெண்கள் வாசித்தே தீர வேண்டிய சிறந்த புத்தகம் அது.
 வாழ்வியல் முன்னேற்றம் என்றவுடனேயே அமெரிக்க, ஐரோப்பிய எழுத்தாளர்களைத் தேடி ஓடும் தன்னம்பிக்கையற்ற தமிழ்ப் பிள்ளைகளுக்கு ஓங்கி உரைக்கிறேன். உன் வாழ்வை ஒரேடியாக மாற்றக் கூடிய புத்தகங்கள் ஆங்கிலத்தில் தான் கிடைக்கும் என்று அலைபாயாதே. தமிழில் இல்லாத தன்னம்பிக்கையா?
 தேடு... தேடு தமிழில் தேடு... தாராளமாகக் கிடைக்கும்.
 (தொடரும்)

]]>
http://images.dinamani.com/uploads/user/imagelibrary/2018/7/3/w600X390/im4.jpg http://www.dinamani.com/weekly-supplements/ilaignarmani/2018/jul/03/பதினாறு-வயதினிலே---சுகி-சிவம்-2952342.html
2952340 வார இதழ்கள் இளைஞர்மணி "கூகுள் எர்த்' செயலி! DIN DIN Tuesday, July 3, 2018 10:29 AM +0530 "கூகுள் மேப்' இருந்தால், இருக்கிற இடத்தில் இருந்தே உலகையே சுற்றிவரலாம். நாம் செல்ல வேண்டிய இடத்தைப் பதிவிட்டால், அந்த இடத்திற்கான தூரம், சேரும் நேரம், வழி ஆகியவற்றை கூகுள் மேப் துல்லியமாகக் காண்பித்துவிடும்.
தொழில்நுட்ப வளர்ச்சியின் அடுத்தகட்டமாக, உலகையே அங்குலம் அங்குலமாக அளக்கும் "கூகுள் எர்த்' என்ற ஆன்ட்ராய்ட் செயலியை கூகுள் நிறுவனம் அறிமுகம் செய்துள்ளது.
உலகில் உள்ள புகழ்பெற்ற கட்டடங்கள், பகுதிகள் என அனைத்தையும் துல்லியமாக "3டி' வடிவத்தில் இந்த செயலி காண்பிக்கிறது. கூகுள் மேப் இரண்டு பகுதிகளின் இடைப்பட்ட தூரத்தை மட்டும் காண்பித்து வந்தது. ஆனால் இந்த "கூகுள் எர்த்' , நாம் காண்பிக்கும் பாரம்பரிய கட்டடங்களின் உயரம், நீளம், அகலம் ஆகியவற்றின் அளவையும் துல்லியமாகக் காண்பிக்கிறது. அதுமட்டுமின்றி, ஒரு நாட்டின் பகுதியில் இருந்து மற்றொரு நாட்டில் உள்ள பகுதிக்கு இடையிலுள்ள தூரத்தையும் இந்த செயலியில் அளந்துவிடலாம். கடற்கரையின் பரப்பளவு உள்பட எந்தப் பகுதியாக இருந்தாலும் அதன் அளவை தோராயமாகத் தெரிந்து கொள்ளலாம்.
நாட்டில் எந்த இடத்துக்கும் செல்வதாக இருந்தாலும், அந்த இடத்தை கூகுள் எர்த்-இல் குறிப்பிட்டால் போதும், அந்த இடத்துக்கே நேரடியாக அழைத்துச் செல்கிறது. பின்னர் "ஸ்ட்ரீட் வியூவ்'-இல் அந்தப் பகுதி எப்படி காட்சியளிக்கும் என்பதை 360 டிகிரியில் காண்பித்துவிடுகிறது. மேலும், அந்தப் பகுதி குறித்த மேலும் தகவல்களை அறிந்து கொள்ள, உள்ளூர்வாசியின் தகவலையும் கூகுள் அளிக்கிறது. அந்தப் பகுதியின் புகைப்படம் எடுத்தும் பிறருக்கு பகிரவும் இந்த செயலியில் வசதி அளிக்கப்பட்டுள்ளது. நாம் இருக்கும் தெருவையும், இடத்தையும் "கூகுள் எர்த்' 3 டி வடிவில் காண்பித்துவிடுகிறது. இந்த செயலி பாதுகாப்புக்கு அச்சுறுத்தல் ஏற்படுத்தும் வகையில் உள்ளதாகவும், தனி மனித அந்தரத்துக்கும் எதிராக உள்ளதாகவும் குற்றச்சாட்டுகள் எழுந்துள்ளன. தொழில்நுட்ப முன்னேற்றம் என்பது ஆக்கப்பூர்வமாக பயன்படுத்தபட வேண்டியதே தவிர, அழிவுப்பாதைக்குப் பயன்படுத்தக் கூடாது.
அ.சர்ஃப்ராஸ்

 

]]>
http://images.dinamani.com/uploads/user/imagelibrary/2018/7/3/w600X390/im3.jpg http://www.dinamani.com/weekly-supplements/ilaignarmani/2018/jul/03/கூகுள்-எர்த்-செயலி-2952340.html
2952339 வார இதழ்கள் இளைஞர்மணி இணைய வெளியினிலே... DIN DIN Tuesday, July 3, 2018 10:28 AM +0530 முக நூலிலிருந்து....
* கச்சேரிகளை
யாரைவிடவும் 
மகிழ்ந்து, ரசித்து,
கொண்டாடுபவர்கள்... 
அநேகமாக தபேலா 
மற்றும் மிருதங்கம்
வாசிப்பவர்களாகத்தான் 
இருக்கும்.
- இரா எட்வின்

* மகாத்மா ஆகும் சபலத்தில்,
கடந்த ஒருவாரமாக
வேர்க்கடலை தவிர்த்து 
வேறு எதுவும் உண்பதில்லை.
- முத்துராமலிங்கம்

* நமது ஊர்...
யார் யாரோ 
வாழ்கிறார்கள்,
நம்மைத் தவிர.
- ஞான பாலன்

* ஓயாமல் 
தழுவிக் கொள்ளும்
அலையென நான்...
ஒரு போதும் 
கையணைக்காத 
கரையென நீ.
- வைகை சுரேஷ்

* குற்றம் சாட்டுவதில் முந்திக் கொள்பவரே நிரபராதி என்றொரு 
மூட நம்பிக்கையும் நம்மிடையே நிலவுகிறது.
- பரிமேலழகன் பரி

சுட்டுரையிலிருந்து...
கல்யாண மண்டபத்தில்
சாப்பிடச் செல்லும்போது
"நீங்க யாரு?'' 
எனக் கேட்ட ஒருவரிடம்...
தான் யார் என்று நிரூபிக்க,
தன்னுடைய 
ஆதார் கார்டை எடுக்க
வீட்டுக்குக் கிளம்பினார்,
சர்தார் ஜி. 
- மதுரை ஜின்னா

* முட்டாளை முட்டாள் என்று சொல்லுங்கள். கோபம் வரும்.
அதுவே அறிவாளியை முட்டாள் என்று சொன்னால், 
அமைதியாகக் கடந்து போய்விடுவார்.
- இராதாகிருஷ்ணன்

* சிறகுகள் 
தேவையில்லை...
கூண்டுக்குள் 
அடைபட்ட 
பறவைக்கு. 
- உஷா/தமிழச்சி

* வெட்டியா இருக்கிறதுஅசிங்கம் இல்ல பிரதர்...
வீட்ல சொல்ற வேலையைக் கூட செய்யாம இருக்கிறதுதான் அசிங்கம்...
- சோழ நாட்டு விவசாயி

வலைதளத்திலிருந்து...
பாரதியின் படைப்புகளில் என்னை மிகவும் ஈர்த்தவற்றில் ஒன்று அவனது "புதிய ஆத்திச்சூடி'. வாமனன் போல் இரண்டு வார்த்தைகளில் உலகளந்திருப்பான்.
இரண்டு அடிகளில் குறள் சொன்ன வள்ளுவனே கூட கொஞ்சம் பொறாமை கொள்ள வேண்டி வரும் இவனது இந்த படைப்பைப் படிக்க நேர்ந்தால்.
உதாரணமாக... 
"ரெüத்திரம் பழகு' - மேலோட்டமாகப் பார்த்தால் அநீதிகளூக்கு எதிராக சினம் கொள் என சொல்வதாகவே புரியும். ஆனால் அது சரியாகப் படவில்லை எனக்கு.
ஏனென்றால் அவன் "ரெüத்திரம் கொள்' என சொல்லவில்லை. மாறாக, "ரெüத்திரம் பழகு' என்கிறான். "பழகுதல்' என்பது தெரிந்துகொள்ளுதல்,
பக்குவப்படுதல்,தேர்ச்சிகொள்ளுதல் போன்ற அர்த்தங்களை உள்ளடக்கியதாகும். உளியின் வலி தாங்கும் கற்களே சிலையாவது போல் தன் ரெüத்திரத்தைத்
தனக்குள் அடைகாக்க தெரிந்தவனே வாழ்வில் தான் கொண்ட இலக்கை சென்று அடைகிறான்.
ஏனென்றால், ரெளத்திரம் என்பது தீக்குச்சியின் முனையில் தோன்றும் நெருப்பைப் போன்றது. அதை காட்டுத் தீ போல் பரவவிட்டு அழிவையும் ஏற்படுத்தலாம்;
அதேநேரத்தில் அதை சரியாக அடைகாத்து சரியான வகையில் பயன்படுத்தினால் இரும்பையும் உருக்கலாம்.
இன்று நமது தேசத்தின் பிரச்னையே இது தான். இளைய தலைமுறையினர் ரெüத்திரம் கொள்கிறார்களே தவிர, ரெüத்திரம் பழகவில்லை.
http://antogaulbert.blogspot.com

]]>
http://images.dinamani.com/uploads/user/imagelibrary/2018/7/3/w600X390/im2.jpg http://www.dinamani.com/weekly-supplements/ilaignarmani/2018/jul/03/இணைய-வெளியினிலே-2952339.html
2952338 வார இதழ்கள் இளைஞர்மணி சரியான பார்வை... சரியான வழி... சரியான செயல்! 1 - தா.நெடுஞ்செழியன் Tuesday, July 3, 2018 10:24 AM +0530 ஒவ்வொரு நாட்டின் எதிர்காலமும் இளைஞர்களின் கைகளில் இருக்கிறது. இளைஞர்களின் எதிர்காலமோ அவர்கள் கற்கும் கல்வியில் இருக்கிறது. எது நல்ல கல்வி? எது இளைஞர்களின் திறமையை வளர்க்கும்? வருங்காலத்தில் வரக் கூடிய எல்லா பிரச்னைகளையும், சவால்களையும் சமாளிக்கும் ஆற்றலை எந்தக் கல்வி கொடுக்கும் என்பது பற்றியெல்லாம் நாம் நிறையப் பேச வேண்டியிருக்கிறது. வலிமையான இளைஞர்களை உருவாக்கினால்தான் வலிமையான நாட்டை உருவாக்க முடியும். 
இப்போது பெற்றோர்களிடமும், மாணவர்களிடமும் ஒரு தவறான புரிதல் இருக்கிறது. வேலைக்காக கல்வி என்று முன்னிலைப்படுத்தப்படுகிறது. கல்வியை அம்மாதிரி வரையறுப்பது மிக மிகத் தவறு. 
ஒரு பத்து வருஷத்துக்கு முன்பு மொபைல் எப்படி இருந்தது, அடுத்த பத்து வருஷத்தில் மொபைல் எப்படி இருக்கும், தொழில்நுட்பம் எப்படி எல்லாம் மாறும் என்று யாராலும் சொல்ல முடியாது. எல்லாம் மாறிக் கொண்டே இருக்கிறது. மாறுதல்கள் மட்டுமே நிலையானவை. அந்த மாறுதல்களுக்கு ஏற்றவாறு மாணவர்களை - அவர்கள் உலகத்தின் எந்த மூலைக்குச் சென்றாலும், எந்த ஒரு சூழலையும், எந்த ஒரு சவாலையும் அவர்கள் கற்ற கல்வியைப் பயன்படுத்தி எளிதாகச் சமாளிக்கக் கூடிய தன்னம்பிக்கையைத் தருவதுதான் கல்வி. எனவே வேலைக்காகக் கல்வி என்பது நிச்சயமாகக் கிடையாது. 
நம் எல்லாருக்கும் சுந்தர்பிச்சையைத் தெரியும். "கூகுளுக்குச் CEO ஆவேன்' என்று நினைத்து அவர் பள்ளி, கல்லூரிகளில் படிக்கும்போது படிக்கவில்லை. அவர் படிக்கும்போது எதைப் படித்தாலும் தெளிவாகவும், புரிந்து கொண்டும் படித்தார். அப்படிப் படித்ததனால் அவரால் எந்த ஒரு சூழலிலும், எந்த ஒரு சவாலையும் எளிதாக எதிர்கொள்ள முடிந்தது. 
இன்னொன்று ஸ்கோப் இருக்கும் என்று நினைத்துப் படிப்பது. இந்த ஃபீல்டு எடுத்தால் இன்னும் நான்கு வருடம் கழித்து நன்றாக இருக்கும்; அதிக சம்பளம் கிடைக்கும் என்பதற்காக ஒரு குறிப்பிட்ட துறையைத் தேர்ந்தெடுப்பது. இதுவும் சரியில்லை.
ஏனென்றால் இந்தத்துறை, அந்தத் துறை என்றில்லை; எல்லாத்துறைகளிலுமே எண்ணற்ற வாய்ப்புகள் உள்ளன. இந்தத் துறையைப் படித்தால் நல்லது, இந்தத் துறையைப் படித்தால் நல்லதில்லை என்று நினைக்கக் கூடாது. மேலும் இப்போதுள்ள மாணவர்களுக்கு கல்வியில் உள்ள பல துறைகளைப் பற்றித் தெரியாது.
அவற்றைப் பற்றிய புரிதலும் அவர்களிடம் இல்லை. 
இப்போது எல்லாராலும் பொறியியல், மருத்துவம் என்ற இரண்டு மட்டும்தான் முன்னிலைப்படுத்தப்படுகிறது. ஆனால் இவை தவிர, எண்ணற்றதுறைகள் இருக்கின்றன. அவற்றைப் பற்றி மாணவர்களுக்கு விழிப்புணர்வை ஏற்படுத்த வேண்டும். இவற்றையெல்லாம் படிக்கலாம் என்று மாணவர்களிடம் சொல்ல வேண்டும். ஆனால் அப்படி விழிப்புணர்வை ஏற்படுத்தும் தரமான சூழல் இப்போது நமது கல்விஉலகில் இல்லை.
தற்போது பள்ளிக் கல்வி என்பது தனியாக ஆற்றுக்கு அந்தப் பக்கம் இருக்கிறது. உயர்கல்வி என்பது ஆற்றுக்கு இந்தப் பக்கம் இருக்கிறது. இந்த இரண்டையும் இணைக்கக் கூடிய பாலம் என்று எதுவுமில்லை. இதனால் மாணவர்களுக்குப் பள்ளியைத் தாண்டி கல்லூரிகளில் என்னென்ன படிப்புகள் இருக்கின்றன என்று கூடத் தெரியாது. 
1948-இல் டாக்டர் சர்வபள்ளி ராதாகிருஷ்ணன் தலைவராக இருந்த முதல் கல்வி ஆணையத்தில் டாக்டர் ஏ.எல்.முதலியார், டாக்டர் சாகா போன்ற கல்வியாளர்கள் உறுப்பினர்களாக இருந்தார்கள். அந்த குழுவானது, இந்தியாவின் கல்விமுறை எவ்வாறு இருக்க வேண்டும் என்று 1948-இல் ஓர் அறிக்கையைச் சமர்ப்பித்தது.
அதுவே இந்திய நாட்டுக்கு அளிக்கப்பட்ட மிகச் சிறந்த கல்விக் கொள்கையாகும். அதில்தான் ஆரம்ப கல்வி முதல் ஆராய்ச்சி கல்வி வரை அதாவது கேஜியிலிருந்து பிஎச்டி வரை ஒரே வளாகத்தில் இருக்க வேண்டும் என்று பரிந்துரைத்தனர். அப்போதுதான் ஆறாவது படிக்கும் ஒரு பையனுக்கு ஒரு டாக்டர் என்னசெய்வார் என்பது தெரியவரும். ஒரு வளாகத்தில் டாக்டர், என்ஜினியர், சயின்டிஸ்ட் என்று எல்லாரும் சேர்ந்து ஒன்றாக வேலை செய்தார்கள் என்றால், நிறைய ஆராய்ச்சிகள் செய்ய முடியும். ஒருதுறையின் வளர்ச்சி இன்னொரு துறையின் வளர்ச்சிக்கு உதவும். நிறையப் பேர் ஆராய்ச்சி கட்டுரைகள் வெளியிடுவார்கள்.
அதனால் இந்தியா உலகத் தர அளவில் உயர்ந்து நிற்கும் என்று டாக்டர் சர்வபள்ளி ராதாகிருஷ்ணன் கூறினார். 
இந்தியாவில் வாரணாசி பல்கலைக்கழகத்தைத் தவிர, அம்மாதிரி கல்வி கற்கும் முறை எங்கேயும் இதுவரை வரவில்லை. ஆனால் நாம் இதுவரை இந்தக் கல்விக்கொள்கைக்கு நேர்மாறான பாதையிலேயே சென்று கொண்டிருக்கிறோம். 
எது தரமான கல்வி, எது தரமற்ற கல்வி என்று பிரித்தறியும் திறன், அனுபவம் பெற்றோருக்கும் கிடையாது. மாணவர்களுக்கும் இல்லை. 
நமது நாட்டு மக்கள் தொகையின் அடிப்படையில் நமது நாட்டு இளைஞர்களின் சராசரி வயது 27. உலகிலேயே இளம்தலைமுறையினர் அதிகமாக இருக்கும் நாடு நம் இந்தியா மட்டும்தான். பிற நாடுகளில், சீனாவில் இளைஞர்களின் சராசரி வயது 37. அமெரிக்காவில் 38. இங்கிலாந்திலோ 40. அதனால்தான் உலக அளவில் நடக்கும் விளையாட்டுப் போட்டிகளில் அது காமன்வெல்த் ஆகட்டும், ஒலிம்பிக் ஆகட்டும் , எந்தவொரு போட்டியாகட்டும் நமது இளைஞர்கள் சாதிக்க முடியும்.
எனவே இளைஞர்களின் ஆற்றல்களை, திறமைகளை ஒருமுகப்படுத்தி சரியான வழிமுறைகளின்படி அவற்றை வெளிப்படுத்த முடிந்தால், நம்மால் நிறையச் சாதிக்க முடியும். 
யாருக்கு எந்தத் துறையில் விருப்பம் இருக்கிறதோ, அந்தத் துறையில் அவர்களை ஈடுபடுத்த வேண்டும். சிலருக்கு விளையாட்டுத்துறையில் ஆர்வம் இருக்கும்.
சிலர் அழகாகப் படம் வரைவார்கள். சிலர் படைப்பாக்கத் திறன் பெற்றிருப்பார்கள். மாணவர்களின் தனிப்பட்ட திறமைகளை, விருப்பங்களைத் தெரிந்து கொண்டு அவற்றை வளர்க்கும்விதமாக அவர்களுக்கேற்ற கல்வியைக் கொடுக்க வேண்டியது அரசின் கடமை. அப்படிச் செய்தால் மாணவர்கள் உலகின் எந்த மூலைக்குச் சென்றாலும், எம்மாதிரியான சூழல்களைச் சந்திக்க நேர்ந்தாலும், எப்படிப்பட்ட சவாலாக இருந்தாலும் உறுதியாகச் சமாளித்து வெற்றிச் சிகரத்தைத் தொட்டுவிடுவார்கள். 
தகவல் தொழில்நுட்பம் (IT) வளர்ந்துவிட்ட சூழ்நிலையில் நமது இளைஞர்கள் அவற்றை நன்கு கற்றுக் கொண்டு, உலகெங்கும் சென்று பணி செய்வதை இதற்கு உதாரணமாகச் சொல்லலாம். ஐடி துறையைப் போலவே எல்லாத் துறைகளிலும் நாம் வாய்ப்புகளை உருவாக்கித் தர வேண்டும். 
ஆனால் நாம் இதற்கு நேர்மாறாகச் செயல்பட்டுக் கொண்டிருக்கிறோம். 
நாடு சுதந்திரமடைந்த பிறகு, ஆண்டுக்கு ஒரு ஐஐடியை திறந்திருந்தால் கூட, நாடு முழுவதும் இன்று 70 ஐஐடிகள் இருந்திருக்கும். ஆனால் இப்போது வெறும் 22 ஐஐடி களே உள்ளன. 
கல்விக்காகத் திட்டமிடுவது என்பது நம்மிடம் அறவே இல்லை. 
இந்த ஆண்டு, இந்த வயதில் இவ்வளவு மாணவர்கள் இருக்கிறார்கள் என்றால், அவர்கள் அனைவரும் சிறந்த கல்வி கற்பதற்கான வாய்ப்புகளை உருவாக்கித் தர வேண்டும். மாணவர்களின், இளைஞர்களின் திறமைகளை வெளிக்கொண்டு வருவதற்கான சூழல்களை உருவாக்குவது அவசியம். 
பள்ளிகளில் முன்பெல்லாம் பலவித போட்டிகள் நடைபெறும். ஓவியப் போட்டி, பேச்சுப் போட்டி, கட்டுரைப் போட்டி, கவிதைப் போட்டி, விளையாட்டுப் போட்டி என பல போட்டிகள் நடைபெறும். இந்தப் போட்டிகளை பள்ளிகள்தாம் நடத்த முடியும். 
போட்டிகளில் வெற்றி, தோல்விகள் சகஜம் என்பதால், வெற்றி, தோல்விகளைப் பற்றி மாணவர்கள் பெரிதாக எடுத்துக் கொள்ளமாட்டார்கள். இரண்டையும் சரி சமமாகப் பார்ப்பார்கள். ஆனால் இன்று நிலைமை என்ன?
மாணவர்கள் நன்றாகப் படிக்க வேண்டும். நிறைய மார்க்குகள் எடுக்க வேண்டும். மார்க் எடுக்கும் ரோபோவாக மாணவர்களை நாம் உருவாக்கிவிட்டோம். அதன் விளைவு என்னவென்றால், தேர்வில் நினைத்த மதிப்பெண்கள் கிடைக்கவில்லை என்றாலோ, விரும்பிய படிப்பு கல்லூரியில் கிடைக்கவில்லை என்றாலோ மாணவர்கள் மனம் உடைந்து போகின்றனர். சிலர் உயிரையே மாய்த்துக் கொள்கின்றனர். இந்நிலையை மாற்ற வேண்டும். அதற்கு கல்வியைத் தரப்படுத்த வேண்டும். மாநில கல்வித்துறையோ, மத்திய கல்வி அமைச்சகமோ கல்வியைத் தரப்படுத்துவதற்குத் திட்டமிட்டு செயல்பட வேண்டும். என்ன மாதிரியான கல்வி கற்றுத் தர வேண்டும் என்று திட்டமிடும்போது பாடத்திட்டம் சார்ந்த கல்விச் செயல்பாடுகள் (Co-curricular Activities) பற்றி மட்டுமல்ல, பாடத்திட்டத்துக்கு அப்பாலும் உள்ள செயல்பாடுகள் (extracurricular activities) பற்றியும் திட்டமிட வேண்டும். 
பாடத்தைத் தாண்டி மாணவர்களின் திறமைகளை உருவாக்கக் கூடிய சூழலை ஏற்படுத்த வேண்டும். அப்போதுதான் மாணவர்கள் தங்களுக்கும் ஒரு திறமை இருக்கிறது; அந்தத் திறமையினால் வாழ்க்கையில் சாதிக்க முடியும் என்ற தன்னம்பிக்கையுடன் இருப்பார்கள். 
(தொடரும்)
கட்டுரையாசிரியர்: சமூக கல்வி ஆர்வலர் 
www.indiacollegefinder.org

]]>
http://images.dinamani.com/uploads/user/imagelibrary/2018/7/3/w600X390/im1.jpg http://www.dinamani.com/weekly-supplements/ilaignarmani/2018/jul/03/சரியான-பார்வை-சரியான-வழி-சரியான-செயல்-1---தாநெடுஞ்செழியன்-2952338.html
2947727 வார இதழ்கள் இளைஞர்மணி அருந்தியதும் அழியும் பாட்டில்! - அ.சர்ஃப்ராஸ் DIN Tuesday, June 26, 2018 07:23 PM +0530 தண்ணீர் பாட்டில்கள், மனிதர்களின் உயிரைக் குடிக்கும் நச்சுகளாக மாறிவருகின்றன. ஒரு தண்ணீர் பாட்டில் மக்கி அழிய சுமார் 400 ஆண்டுகளாகும் என்று ஆராய்ச்சியாளர்கள் அதிர்ச்சி தகவலைத் தெரிவிக்கின்றனர். 
இன்னும் சில ஆண்டுகளில் கடலில் மீன்களின் எண்ணிக்கையைவிட பிளாஸ்டிக் கழிவுகளின் எண்ணிக்கைதான் அதிகமாக இருக்கும் என்று ஆய்வுகள் தெரிவிக்கின்றன. அந்த அளவுக்கு நிலத்தை விட கடலில்தான் பிளாஸ்டிக் கழிவுகள் அதிகமாகக் கொட்டப்படுகின்றன.
ஒரு நொடிக்கு, உலகம் முழுவதும் சுமார் 20 ஆயிரம் தண்ணீர் பாட்டில்கள் வாங்கப்படுவதாக புள்ளி விவரங்கள் தெரிவிக்கின்றன. இந்த பாட்டில் கழிவுகள் அழிவதற்குள் உலகம் நிலைக்குமா என்பது கேள்விகுறியாக உள்ளது. இந்த கேள்விக்கு விடைகாணும் வகையில், அருந்தியதும் அழியும் தண்ணீர் பாட்டிலை ஐஸ்லாந்த் நாட்டைச் சேர்ந்த மாணவர் அரி ஜான்சன் கண்டுபிடித்து சாதனை படைத்துள்ளார்.
அவரது கண்டுபிடிப்பு அனைவரையும் ஆச்சரியத்தில் ஆழ்த்தி உள்ளது. இதற்கு அவர் கடற்பாசியை பயன்படுத்தி உள்ளார். இந்த கடற்பாசியை தூளாக்கி தண்ணீரில் கலந்து, பாட்டில் வடிவத்தில் உருவாக்கியுள்ளார்.
இந்த பாட்டிலில் நிறப்பப்பட்ட தண்ணீரை அருந்திய உடனேயே பாட்டிலும் அழிந்துவிடுகிறது. தேவைப்பட்டால் பாட்டிலையும் நாம் சாப்பிட்டுவிடலாம் என்றும் இந்த பாட்டிலில் உள்ள தண்ணீர் பாதுகாப்பானது என்றும் நம்பிக்கையுடன் தெரிவிக்கிறார் மாணவர் அரி ஜான்சன்.
என்னதான் பிளாஸ்டிக் பொருள்களைப் பயன்படுத்துவதற்கு தடை விதித்தாலும், இதுபோன்ற புதிய கண்டுபிடிப்புகள் வந்தாலும், பிளாஸ்டிக் பொருள்களை உற்பத்தி செய்வதைத் தடுக்காமல் சுற்றுச்சூழலையும், மனிதர்களின் ஆரோக்கியத்தையும் பாதுகாக்க முடியாது. 

]]>
http://images.dinamani.com/uploads/user/imagelibrary/2018/6/26/w600X390/im12.jpg http://www.dinamani.com/weekly-supplements/ilaignarmani/2018/jun/26/அருந்தியதும்-அழியும்-பாட்டில்-2947727.html
2947726 வார இதழ்கள் இளைஞர்மணி கண்டதும் கேட்டதும் - 54  - பி.லெனின் DIN Tuesday, June 26, 2018 07:20 PM +0530 இங்கு பல எழுத்தாளர்கள் தங்களின் மூன்று வரி கவிதை பத்திரிகையில் வராதா? என்று ஏங்குவது எனக்குத் தெரியும். அப்படியிருக்கும்போது எனக்கு தினமணி பத்திரிகையில் வெளிவரும் "இளைஞர்மணி'யில் எழுத வாய்ப்புக் கிடைத்தபோது, "என்னை விட நல்ல எழுத்தாளர்கள் இருக்கிறார்களே, நாம் என்ன எழுத முடியும்?' என்றே நினைத்தேன். ஏனென்றால் நான் எடிட்டராகவும், இயக்குநராகவும், கதாசிரியனாகவும் தான் இந்த உலகிற்கு தெரிந்தவனாய் இருந்தேன். அப்படியிருக்கும்போது எழுத்தாளன் என்ற நுழைவாயில் எனக்குப் புதியதாகத்தான் இருந்தது. 
எழுதுவதற்கு முன் ஒன்று மட்டும் என்னுள் உறுதி எடுத்துக் கொண்டேன். எனது எழுத்து தமிழ் உயிர் எழுத்தையும், உயிர் மெய் எழுத்தையும் படித்தவர்கள் அனைவரும் சுலபமாக படிக்க வேண்டும் என்பதுதான் அது. ஆகவே நான் ஆரவாரம் இல்லாமல் தொடங்கி எழுதினேன். கடைசி வரை புரியாத தமிழையோ அல்லது கவித்துவமான வார்த்தை பிரயோகத்தையோ நான் செய்யவில்லை. ஒரு வார்த்தை அது ஆங்கிலத்தில் நன்கு அறியப்பட்டிருந்தால் அதனை நான் ஆங்கிலத்திலேயே எழுதினேன். அதனைப் போன்றே சமஸ்கிருத வார்த்தை சரியாக இருந்தால் அதனை அந்த வரியில் நான் தயங்காமல் போட்டேன்.
நண்பர் ஒருவர் என்னைத் தொலைபேசியில் தொடர்பு கொண்டு, "" லெனின் உன் கட்டுரை அப்பட்டமாக இருக்கிறதே. அது நிர்வாணமாக இருப்பதாக நான் உணர்கிறேன்'' என்றார். 
ஆமாம். நான் எதையும் மூடி மறைக்க விரும்பவில்லை. எத்தனையோ விஷயங்களை நாம் மூடி வைத்தே அது இந்த உலகுக்குத் தெரியாமல் போய் விட்டதாக நினைக்கிறேன். அதோடு கூட, இந்த உலகம் முழுநிர்வாணமானதுதான் என்பதே என் எண்ணம். 
வணக்கத்தில் உன்னதமானதாக, "சாஷ்டாங்க நமஸ்காரம்' என்று கூறுவார்கள். அது உடல், பொருள், ஆவி அனைத்தையும் அர்ப்பணிக்கும் நிகழ்வாகும். அப்படித்தான் எழுத்து இருக்க வேண்டும் என்று முடிவு எடுத்தேன். அதன்படியே நான் எழுதினேன். 
நான் இந்தத் தொடரில் என் குடும்பத்தாரைப் பற்றிய விவரங்களை எழுதியுள்ளேன். தமிழ் சினிமாவில் ஆளுமை செலுத்திய நடிகர்கள், கதாசிரியர்கள், இயக்குநர்கள், பாடல் ஆசிரியர்கள், இசை வல்லுநர்கள் ஆகியோரின் விவரங்களைக் கூறியுள்ளேன்.
ஜெயகாந்தன் மற்றும் தேவபாரதி இருவரிடமும் எனக்கிருந்த நட்பினை உங்கள் முன் வைத்துள்ளேன். எனது ஆசான் டி.ஏ.சம்பந்தமூர்த்தி ஆச்சாரியாரைப் பற்றி அந்தச் சிறிய வயதில் அவரால் என்னுள் ஏற்பட்ட தாக்கத்தை உங்களுக்கு கூறி இருக்கிறேன். அவருடைய மகன் தக்கேசியை ஒரு கவிதையில் வாழ்த்தியிருக்கிறேன். இப்போது தமிழ் சினிமா உலகில் பிலிமில் படம் எடுப்பது போய்விட்ட நிலையில், அப்போது பிலிமில் ஆளுமை செலுத்திய சர்துல்சிங் சேத்தி மற்றும் பொம்மாச்சி என்னும் பரமேஸ்வரனையும் நாம் சந்தித்திருக்கிறோம். நான் சின்ன வயதில் மேற்கொண்ட நடைப்பயணத்தையும் அப்போது பார்த்த விவசாயத் தொழிலாளர்களின் அன்பையும் உங்களுக்குக் காட்டியிருக்கிறேன். 
எனது தந்தை ஏ.பீம்சிங் டைரக்ட் செய்த படங்களில் இருந்து "பாவமன்னிப்பு' மற்றும் "பழனி' ஆகிய இரண்டு கதைகளை நான் மீண்டும் நினைவுக்குக் கொண்டு வந்தேன். 
"பாவமன்னிப்பு' மத நல்லிணக்கத்தைப் பற்றியும் "பழனி' விவசாயிகளின் துன்பத்தைப் பற்றியும் இருந்ததால், அதனை நான் என் எழுத்தில் கை கொண்டேன். எனது தம்பி லோக் சிங் தனது உள்ளத்து உறுதியான "செய்யும் தொழிலே தெய்வம்' என்ற கொள்கையினால் மடிந்ததை நாம் கண்டு கண்கலங்கினோம். 
இந்த தொடரில் நான் ஒரு கதாநாயகனை மீண்டும் மீண்டும் நினைத்துப் பார்க்க விரும்புகிறேன். அவர்தான் அந்த மாந்தோப்பு காவல்காரர். தன் தோட்டத்து மாங்காய்கள் திருடு போவதைக் கூட பெரிதாக எடுத்துக் கொள்ளாது என் மேல் அன்பு வைத்த அவர்தான் இந்தத் தொடரின் கதாநாயகன்.
அவர் என்னைப் பார்த்து, தமிழனா என்று தெலுங்கில் கேட்டபோது, நான் தெலுங்கிலேயே ""தமிழன்தான் ஆனா எனக்கு தெலுங்கு தெரியும்'' என்று கூறிய பதில், அவருக்கு மிகவும் பிடித்திருக்க வேண்டும். காரணம் தமிழ் தெரிந்தவர்கள் அந்நிய மொழியைக் கற்றுக் கொள்ள மிகவும் தயக்கம் காட்டுகிறார்கள். பள்ளிகூடம், கல்லூரி என்று போகும்போது அவர்கள் ஆங்கிலம் கற்க வேண்டிய நிர்ப்பந்தத்தால், வேற்று மொழியான ஆங்கிலம் பயில்கின்றனர். அப்படி இல்லாவிட்டால் அவர்கள் ஆங்கிலத்தையும் படிக்காது விட்டாலும் விட்டு விடுவார்கள் என்றே நம்புகிறேன். 
ஆனால் என் வீடு எல்லா மொழிகளின் கூட்டமைப்பாக இருந்தது. எல்லா மொழிக்காரர்களும் என் தந்தையைப் பார்க்க வருவார்கள். அவர்கள் அவர்களின் மொழியிலேயே பேச, என் தந்தை அவர்களின் மொழியிலேயே அவர்களுடன் உரையாடுவார். காரணம் அவருக்கு தமிழ், தெலுங்கு, இந்தி, கன்னடம், மலையாளம், ஆங்கிலம் என்ற அனைத்து மொழிகளையும் தெரிந்து வைத்திருந்தார். நான் அவரின் நிழலில் இருந்து கொண்டு எல்லா மொழிகளையும் தெரிந்து கொண்டேன். 
அதுதான் அந்த திருட்டு வேளையில் அந்த மாந்தோப்பு காவல்காரரிடம் இருந்து என்னைக் காப்பாற்றியது. காப்பாற்றியது மட்டுமல்லாமல், வெகுமதியும் அளித்தது. என் கைகளில் ஏற்கெனவே இருந்த பெரிய மாங்காய்களுடன் அவர் அளித்த கனிந்த கிளிமூக்கு மாங்கனியும் எனக்குப் பரிசாகக் கிடைத்தது. என் அம்மாவைப் பற்றி கீதா கூறிய விவரங்கள் மட்டுமே இதுவரை நீங்கள் பார்த்திருப்பீர்கள். கீதாவுக்கு சோனா அத்தை என்றால் மிகவும் பிரியம். அவர்கள் இருவரும் அத்தை மருமகள் போல இல்லாமல் நண்பர்கள் போல பழகுவாங்க. என் அம்மாவைப் பற்றி நானும் கொஞ்சம் சொல்லத் தோணுது. 
நான்தான் வீட்டில் இருக்கும் பசங்கள்ளேயே ரொம்ப துறுதுறுப்பு. எப்பவும் அம்மா பக்கத்திலேயே இருக்க ஆசைப்படுவேன். அவங்களோ அடுப்பங்கரையிலேயேதான் இருப்பாங்க. எவ்வளவு பேருக்கு சமைக்கணும். நான் அவங்களுக்கு உதவுறேன்னு உபத்திரவம் செய்து கொண்டிருப்பேன். கோபமாயிட்டாங்கன்னா என்னைப் பிடிக்க கையை நீட்டுவாங்க. நான் உடனே ஓடிவிடுவேன். வெளியில் நல்லா சுத்திட்டு அம்மா கோபப்பட்டதை மறந்துட்டு வீட்டுக்கு வருவேன். வந்ததும் நேரா சமையல்கட்டுக்குத்தான் போவேன். அம்மா அமர்ந்தபடி சமையல் செய்து கொண்டிருப்பார்கள். நான் செய்த சேட்டையை அவர்கள் மறந்துவிட்டிருப்பார்கள் என்று நினைத்து அருகில் செல்வேன். அவ்வளவுதான் பல்லியிடம் மாட்டிய பூச்சி மாதிரி அப்படியே என்னை இழுத்துப் போட்டுவிடுவார்கள். நான் திமிரப் போகிறேன்னு அவங்களோட காலைத் தூக்கி என் கால் மேல் போட்டு அமுக்கிக் கொண்டு தயாராக வைத்திருந்த வெங்காயமோ அல்லது எலுமிச்சம்பழமோ என் கண்களில் பிழிந்து விட்டுவிடுவார்கள். அப்புறம் என்ன ஒரே எரிச்சல்தான். ஒரே அழுகைதான். ஆனால் இன்றைக்கும் நான் கண்ணாடி அணியாததற்குக் காரணம், என் கண்களில் விடப்பட்ட வெங்காயச்சாறும், எலுமிச்சை சாறும்தான் என்று நினைக்கிறேன். 
இப்படிப்பட்ட அம்மாதான் அண்ணன் தம்பிகளான எங்களை வட்டமாக உட்கார வைத்து பெரிய குண்டானில் சோறு, குழம்பு எல்லாம் போட்டு பிசைந்து பெரிய உருண்டைகளாகப் பிடித்து அதன்மேல் தொட்டுக்க வைத்து கொடுப்பார்கள். சாப்பாடு முடிந்ததும் கையை அந்த பாத்திரத்திலேயே வழித்து அதனை உருண்டையாக்கி, "" இதைச் சாப்பிட்டாதான் யானை போல உடம்புக்கு வலு சேர்க்கும்'' என்று எல்லாருக்கும் கொஞ்சம் கொஞ்சம் கொடுப்பார்கள். அந்த கடைசி சோற்றுக்காக நாங்களும் எழுந்து கொள்ளாமல் இருந்து வாங்கிச் சாப்பிடுவோம். இதனைப் போன்றே எல்லா அம்மாக்களும் கொடுத்திருப்பார்கள். இதனை நினைவில் வைத்துக் கொள்ளுங்கள். 
நான் இளைஞர்களுக்கு எப்போதும் கூறுவது: ""பிற மொழிகளைப் படியுங்கள். அதன் கருத்தினை உள் வாங்கிக் கொள்ளுங்கள். அதுவுமில்லாமல் உங்கள் மூதாதையரைப் பற்றி, உங்களுடைய தாத்தா, ஆயா, தந்தை, அம்மாவென்று அவர்களின் வாழ்வின் நிகழ்வுகளைத் தெரிந்து வைத்துக் கொண்டு எழுதி வையுங்கள். அப்போதெல்லாம் இளைஞர்களிடம் டைரி எழுதும் பழக்கம் இருந்தது. ஆனால், இப்போது மிகவும் குறைந்துவிட்டதாக அறிகிறேன். ஏனென்றால் அவர்களின் எண்ணங்களை வாட்ஸ் அப், பேஸ்புக் ஆகியவற்றில் பதிவு செய்கிறார்கள். ஆனால் அது சில நேரங்களில் அழிந்துவிடக் கூடிய சாத்தியம் இருக்கிறது. ஆகவே நீங்கள் டைரியில் குறித்து வைத்துக் கொள்ளுங்கள். அது உங்களின் சந்ததியர்களுக்கு மிகப் பெரிய பொக்கிஷமாக அமையும்'' என்று நான் அவர்களுக்குக் கூறுவேன். 
இனி நான் தமிழ், மலையாளம், தெலுங்கு, இந்தி. வங்காளம் போன்ற மொழிகளில் வெளிவந்துள்ள படங்களை இயக்கிய இயக்குநர்களின் படங்களைப் பற்றி எழுதப் போகிறேன். அது விமர்சனமாக இல்லாமல் அவர்கள் தாங்கள் அளித்த சினிமாவில் கதையினூடே தங்களுடைய திறமைகளை எவ்வாறு வெளிப்படுத்தியுள்ளார்கள். தான் அறிந்த கதையை சினிமாவுக்கான அம்சத்துடன் இவர்கள் எவ்வாறெல்லாம் கையாண்டு இருக்கிறார்கள் என்று எழுதலாம் என்று நினைக்கிறேன். (பின்னர் வாய்ப்புக் கிடைக்கும்போது).
கடைசி நேரத்தில் கட்டுரையை அளித்தாலும் என் மேல் அன்பு கொண்டு தாமத்திற்காக வருத்தப்படாது, உடனே பதிவு செய்த இளைஞர்மணி குழுவினருக்கு என் மகிழ்ச்சியையும் நன்றியையும் தெரிவித்துக் கொள்கிறேன். நன்றி. 

(நிறைவு பெற்றது)
படம் உதவி: ஞானம்

]]>
http://images.dinamani.com/uploads/user/imagelibrary/2018/6/26/w600X390/im11.jpg http://www.dinamani.com/weekly-supplements/ilaignarmani/2018/jun/26/கண்டதும்-கேட்டதும்---54-2947726.html
2947724 வார இதழ்கள் இளைஞர்மணி இணைய வெளியினிலே... DIN DIN Tuesday, June 26, 2018 07:12 PM +0530 சமுக நூலிலிருந்து....

அப்பா யார் யாருக்கோ எழுதிய லெட்டரில் இருந்த வரிகள் எல்லாம்,
மறந்துபோய்விட்டன. அதில் ஒவ்வொரு பாராவுக்கும் கீழே "நிற்க', "நிற்க' என்று எழுதியிருந்தது இப்போதும் மனசில் நின்று கொண்டே இருக்கிறது.
நிற்க.

- மானா பாஸ்கரன்


வாழ்க்கையில் யாரையும் ஏமாற்றி ஜெயிக்கக் கூடாது.
ஆனால்...
ஏமாற்றியவர்களை ஜெயிக்காமல் விடக்கூடாது.

- மாமல்ல வாசன்


பேசி முடிவுக்கு வரலாம்
என்பவர்களிடம் பேசுவது எளிது...
ஆனால்... 
இதுதான் பேசணும் என்று 
முடிவெடுத்துவிட்டு 
பேசுபவர்களிடம் 
பேசுவது கடினம்.

- ஜெயபிரகாஷ்


சட்டை கிழிஞ்சிருந்தா தைச்சு முடிச்சுடலாம்
நெஞ்சி கிழிஞ்சிடுச்சே... 
எங்கே முறையிடலாம்?
காவிரி கங்கை ஆறுகள் போலே...
கண்கள் இரண்டும் நீராட...

- பெ. கருணாகரன்


கெட்டவனை விட 
மோசமானவன்...
நல்லவனைக்
கெட்டவனா
மாத்துறவன். 

- கிரிதரன்

சுட்டுரையிலிருந்து...

ஒரு சாதாரண வீட்டில்
உயர் ரக ம்ர்க்ங்ழ்ய் க்ஷண்ந்ங் இருந்தால்,
அந்த வீட்டில் குட்டிச்சாத்தான் ஒன்று 
கடைக்குட்டியாக பிறந்துள்ளது என அறிக.

- மனோஜ்குமார்

பணச் சிக்கல் இல்லாமல் எழுவதும்,
மனச் சிக்கல் இல்லாமல் தூங்குவதுமே  ஆரோக்கியம்.

- சின்னப்பையன்


சாலையில் வேகமாக உயிரை விட பயணிப்பவர்களுக்கு...
வழி விட்டு விடுங்கள்.
இல்லையேல் உங்களையும் 
இ(டி)ழுத்துக் கொண்டு சென்று விடுவார்கள்.

- சரவணன்

உனக்கெல்லாம் "பட்டா"தான் புத்தி வரும்னு பெரியவங்க சொல்றது...
அடி"பட்டு'
அவமான"பட்டு'
அனுபவ"பட்டு'
துன்ப"பட்டு'
வேதன"பட்டு'
போன்ற இந்த 
பட்டுகளை தான்
சொல்றாங்களோ?

- விடியலைத் தேடி

நீயும் மருத்துவரா? 
புரியவே இல்லை...
கையெழுத்து 

- எழில்விழி

வலைதளத்திலிருந்து...

கோபம் வந்தால் மற்றவர்களை முட்டாள் என்று திட்டுவதைப் பார்க்கிறோம். தம்முடைய கருத்துக்களுடன் ஒத்துப்போக முடியாதவர், புரிந்து நடக்காதவர் எல்லாருமே முட்டாள் என்று தான் பலர் நினைக்கின்றனர் போலும்.

உலகத்தோடு ஒத்துப் போகாதவனைச் சில சமயம் முட்டாள். சராசரி பொது அறிவு இல்லாதவனையும் அறிவிலி என்று சொல்கிறோம். 

நேற்று, நீங்களும் வெல்லலாம் ஒரு கோடி நிகழ்ச்சியிலே அறிவுப்பூர்வமான ஒரு கேள்வி கேட்டார்கள். நான்கு படங்கள் விஜய் நடித்ததாம். எந்த வருஷத்தில் வெளியிடப்பட்டது என்று பழைய படம் முதல் கூறு.

இந்த சினிமா பற்றிய அறிவில் நான் சுத்தம். "இது கூடவா தெரியல்ல' என்னும் விதமாய் என் மனைவி என்னைப் பார்ப்பது போல் தோன்றியது.

முட்டாள்தனம் என்பதை அறிவு என்பதற்கு எதிர்ப்பதம் என்று எடுத்துக் கொண்டால், அறிவு என்பதற்கு ஆயிரம் இலக்கணங்கள் இருக்கின்றன. ஆக, அதை விட முட்டாள் தனத்தை விளக்குவதே அறிவு என்று நினைத்தேன்.

முட்டாள்தனம் என்பது ஒரு குறிப்பிட்டு "எக்ஸ்' என்று சொல்ல இயலாது.
ஏன் எனில் அது ஒரு ஸ்பெக்ட்ரம்.

0 இருந்து 100 வரை ஒரு வானவில் மாதிரி ஒன்று வரைந்தால், நாம் எல்லோருமே ஏதாவது ஒரு புள்ளியில் இருக்கத்தான் செய்வோம் என்று தோன்றுகிறது. 

என்ன! நான் கொஞ்சம் நூற்றுக்குப் பக்கத்திலே இருப்பேன். இருந்தாலும் செண்டம் இல்லை.

http://subbuthatha72.blogspot.com

]]>
http://images.dinamani.com/uploads/user/imagelibrary/2018/6/26/w600X390/im10.jpg http://www.dinamani.com/weekly-supplements/ilaignarmani/2018/jun/26/இணைய-வெளியினிலே-2947724.html
2947723 வார இதழ்கள் இளைஞர்மணி இயந்திரங்களைக் கையாள... இன்ஸ்ட்ருமென்டேஷன் படிப்பு! - எம்.அருண்குமார் DIN Tuesday, June 26, 2018 07:03 PM +0530
தொழிற்சாலைகள் என்றாலே அதில் இயந்திரங்கள், கருவிகள், உபகரணங்கள் உற்பத்திக்காக பயன்படுத்தப்படுகின்றன. அத்தகைய இயந்திரங்களை வடிவமைப்பது, அதனை மேம்படுத்துவது, அதனை பயன்படுத்துவது, கண்காணிப்பது, அதனைக் கட்டுப்படுத்துவது ஆகியவை குறித்த பல்வேறு செயல்பாடுகளை உள்ளடக்கிய பணியை இன்ஸ்ட்ருமென்டேஷன் எனலாம். இதுகுறித்து அறிந்திருந்தால் மட்டுமே அத்துறையில் பணியாற்ற முடியும். இயந்திரங்களை கையாள்வதற்கு இன்ஸ்ட்ருமென்டேஷன் குறித்த கல்வியை கற்க வேண்டியது அவசியமாகும்.
இன்ஸ்ட்ருமென்டேஷன் கல்வியை வழங்கும் கல்வி நிறுவனங்கள் :

IT Kharagpur
Madras Institute of Technology, Anna University, 
Chennai College of Engineering and Technology, Anna University
Birla Institute of Technology and Science 
Netaji Subhas Institute of Technology, New Delhi 
NIT Tiruchirapalli, 
Jalandhar Institute of Technology, Banaras Hindu University

வெளிநாடுகளில் இன்ஸ்ட்ருமென்டேஷன் கல்வியை வழங்கும் கல்வி நிறுவனங்கள் :

Massachusetts Institute of Technology 
Stanford University 
University of California-Berkeley 
California Institute of Technology 
University of Michigan-Ann Arbor 
Georgia Institute of Technology 
University of Illinois-Urbana-Champaign 
Cornell University 
Purdue University-West Lafayette 
Princeton University 

 

]]>
http://images.dinamani.com/uploads/user/imagelibrary/2018/6/26/w600X390/im9.jpg http://www.dinamani.com/weekly-supplements/ilaignarmani/2018/jun/26/இயந்திரங்களைக்-கையாள-இன்ஸ்ட்ருமென்டேஷன்-படிப்பு-2947723.html
2947722 வார இதழ்கள் இளைஞர்மணி வாங்க இங்கிலீஷ் பேசலாம் - 145 ஆர்.அபிலாஷ் DIN Tuesday, June 26, 2018 07:02 PM +0530 புரொபஸர், கணேஷ், ஜுலி, டார்லிங் எனும் நாய், அதன் உரிமையாளர் பிங்கி ஆகியோர் செல்லப்பிராணிகளுக்கான உளவியலாளரின் காத்திருக்கும் அறையில் இருக்கிறார்கள். உளவியல் மருத்துவரின் அழைப்பு மணி அடிக்க காத்திருப்போர் கூட்டத்தில் சிறு பரபரப்பு. எல்லாரும் திரும்பிப் பார்க்கிறார்கள். செல்லப்பிராணிகள் எழுந்து தலையைத் தூக்கி செவியை திருப்பி கவனிக்கின்றன. மருத்துவரின் உதவியாளரான ஒரு வயதான அம்மா வந்து தன் கையில் உள்ள அட்டையைப் பார்த்து, ""கமலா'' என்கிறார்.
ஒரு நளினமான இளம்பெண் எழுந்து நிற்கிறார். 
உதவியாளர்: நீங்க தான் கமலாவா?

இளம்பெண்: இல்லை (அவர் தன் கையிலுள்ள பூனையைத் தூக்கிக் காட்டுகிறார்) she is!
உதவியாளர் மீண்டும் அட்டையைப் பார்க்கிறார்: ஐ ஆம் சாரி கமலா இல்லை, பிங்கி...
டார்லிங்: பவ்... வவ்...
இளம்பெண்: நட்ண்ற் (என்றபடி எரிச்சலாய் அமர்கிறார்.)
பிங்கி எழுந்து: Come Darling!  (பிங்கி டார்லிங்கை கையில் தூக்கிக் கொண்டு உளவியலாளர் அறைக்கு செல்கிறார்.)
கணேஷ்: சார் நான் ஒரு வித்தியாசமான டவுட் கேட்கப் போகிறேன்.
புரொபஸர்: ம்...ம்...ம்... நான் வேறொன்னு யோசிக்கிறேன்.
கணேஷ்: என்ன சார்?
புரொபஸர்: If only I were a pet like Darling...

கணேஷ்: சார் if only I was என்றல்ல சொல்ல வேண்டும்?
புரொபஸர்: இல்லை... இந்த இடத்தில் I were தான் பொருத்தம். நான் இதை உனக்கு ஏற்கனவே சொல்லித் தந்திருக்கிறேனே, இல்லையா?
கணேஷ்: மறந்து விட்டது சார்...


புரொபஸர்: It is a conditional clause இது மூன்றாவது conditional clause அதாவது சாத்தியமில்லாத ஒரு மிகுகற்பனை சூழலைப் பற்றி பேசும் clause. உதாரணமாய், நான் மட்டும் கடவுளாக இருந்தால் தங்கக் காசுகளாய் மழை பெய்ய வேண்டும், உலக மக்களெல்லாம் பணக்காரர்களாக வேண்டும், உலகில் பசியே இருக்கக் கூடாது என்பேன். இங்கு இந்த சந்தர்ப்பத்தில் நான் ஓர் அழகிய இளம் நங்கையின் கையில் ஒரு செல்லப்பிராணியாக இருக்கலாகாதா என ஏங்குகிறேன். அது சாத்தியமாகாது, சாத்தியமானாலும் நல்லதல்ல என அறிந்தே ஏங்குகிறேன். அப்படியான ஒன்றைச் சொல்வதற்கே மூன்றாவது conditional clause. அதற்கு I was அல்ல I were. If only I were Darling in Pinky's arms, I would be in heaven now.

கணேஷ்: ஓ... ஓ... அப்படி...
புரொபஸர்: சரி உன் டவுட்டை கேள்
கணேஷ்: அந்த வார்த்தை... அவங்க கோபத்தில் யாரையோ திட்டுறதுக்கு பயன்படுத்தினாங்களே...
புரொபஸர்: ஆமா, ஷிட்
கணேஷ்: அதோட நேர்ப்பொருள் ரெண்டுக்கு போறது தானே?
புரொபஸர்: ஆமா
கணேஷ்: அதை ஏன் கெட்ட வார்த்தையாக பயன்படுத்துறாங்க?
புரொபஸர்: விசித்திரம் தான். ஆனா அதுக்கு ஒரு வரலாற்று பின்னணி இருக்கு. இங்கிலாந்தில் கீழ்த்தட்டு மக்கள் வசித்த இடங்களில் சரியான கழிப்பறை வசதி அக்காலத்தில் இல்லை. நான் சொல்வது ரொம்ப முன்பு. அக்காலத்தில் கழிவுகள் சேரிப்புறங்களில் நகரங்களின் இடையில் ஆறாக ஓடுமாம். ஆக, Schiteburne Lane  எனும் பெயரில் சேரித் தெருக்கள் இருந்திருக்கின்றன. Schite என்றால் பழைய ஆங்கிலத்தில் shit. Schiteburne Lane என்றால் கழிவுகள் ஆறாக ஓடும் தெரு. அதாவது மலத்தெரு. அப்போது இது கெட்டவார்த்தை அல்ல. ஆனால் இப்படி சேரி மக்கள் வசித்த பகுதிக்கென உண்டான பெயர் என்பதால் மலம் என்றாலே கீழான மக்கள் என்ற அர்த்தம் உருவானது. அப்படியே மலம் என்ற பொருளில் ள்ட்ண்ற் ஒரு கெட்டவார்த்தையானது. அது ஒரு குறிப்பிட்ட பகுதி மக்களைப் பழிக்கும் கெட்டவார்த்தை என்பதை இன்று அதைப் பயன்படுத்தும் பலரும் உணர்வதில்லை.
கணேஷ்: ஓ! சார் இப்போது அந்த பெயரில் இங்கிலாந்தில் அத்தெரு உள்ளதா?
புரொபஸர்: இப்போது அதன் பெயர் மாறி விட்டது. Sherbourn Lane என ஆகி விட்டது. கெட்டவார்த்தை அப்பெயரில் இருந்து மருவி மறைந்து விட்டது. இப்போது அது இங்கிலாந்தில் உயர்வர்க்கத்தினர் வசிக்கும் பணமதிப்பு மிக்க ஒரு பகுதி. என் உறவினர் ஒருவர் அங்கு சமீபத்தில் ஒரு வீடு வாங்கினார். இந்திய மதிப்பில் சுமார் மூன்று கோடி.

(இனியும் பேசுவோம்)

]]>
http://images.dinamani.com/uploads/user/imagelibrary/2018/6/26/w600X390/im8.jpg http://www.dinamani.com/weekly-supplements/ilaignarmani/2018/jun/26/வாங்க-இங்கிலீஷ்-பேசலாம்---145-2947722.html
2947721 வார இதழ்கள் இளைஞர்மணி இளைய பாரதமே...எழுக!-28: அப்பழுக்கற்ற நேர்மையுடன் இருங்கள்! - த. ஸ்டாலின் குணசேகரன் DIN Tuesday, June 26, 2018 06:51 PM +0530 1800இல் நடந்த " கோவைப் புரட்சி' தென்னிந்தியாவிலிருந்த பாளையக்காரர்களும், குறுநில மன்னர்களும், போர்வீரர்களும், பொதுமக்களும் ஆங்கிலேய ஆட்சிக்கெதிராக களமிறங்கிய புரட்சியாகும்.
தமிழகத்திலும் தென்னிந்தியப் பகுதிகளிலும் புரட்சிக்குழுக்கள் தன்னெழுச்சியாக உருவெடுத்தன. கோயம்புத்தூர் கோட்டையில் குவித்து வைக்கப்பட்டிருந்த ஆங்கிலேயப் படையை அழிப்பதுதான் இப்புரட்சியின் நோக்கமாக இருந்தது. இப்புரட்சி தோல்வியில் முடிந்தது.
1806 ஆம் ஆண்டு ஆங்கிலேயருக்கு எதிராக வேலூர்க் கோட்டையில் தங்கியிருந்த சிப்பாய்கள் ஒரு புரட்சியை நடத்தினர். ஆங்கிலேய படைத்தளபதிகள் இந்தியச் சிப்பாய்களின் சீருடையில் சில மாற்றங்கள் கொண்டு வந்ததை எதிர்த்து இப் புரட்சி நடைபெற்றது. புதிய தலைப்பாகையை ஆங்கிலேய அரசு அறிமுகப்படுத்தியது. அதில் பன்றிக்கொழுப்பு தடவப்பட்டுள்ளதென்றும், பசுவின் கொழுப்பு தடவப்பட்டுள்ளதென்றும் வதந்திகள் பரவின. இந்துச் சிப்பாய்கள் நாமம், திருநீறு போன்ற மதக்குறிகளுடன் இருக்கக்கூடாதென்றும் காதுகளில் கடுக்கன்கள் அணியக் கூடாதென்றும் இஸ்லாமிய சிப்பாய்கள் தங்களுக்கே உரியமுறையில் தாடி வைத்திருக்கக் கூடாது என்றும் முற்றிலும் மழித்திருக்கவேண்டுமென்றும் ஆங்கிலேய தளபதிகள் உத்தரவுகள் வெளியிட்டனர். 
இதற்கெதிராக இந்து, இஸ்லாமியச் சிப்பாய்கள் வெகுண்டெழுந்து புரட்சியில் ஈடுபட்டனர். இப்புரட்சியின்போது பொதுமக்கள் புரட்சியாளர்களான சிப்பாய்களுக்கு கிராமங்கள் தோறும் ஆதரவளித்தனர். இப்புரட்சியும் வெற்றி பெறவில்லை. 
1857 ஆம் ஆண்டு நடைபெற்ற சிப்பாய் புரட்சி நாடு முழுவதிலுமுள்ள நாட்டுப்பற்றுக் கொண்ட இளைஞர்களைத் தட்டியெழுப்பியது. புரட்சி தோல்வியடைந்தாலும் நாடுமுழுக்க ஒரு தேசபக்தப் பேரெழுச்சியை உருவாக்குவதில் இப்புரட்சி பெரும் வெற்றி பெற்றது. 
இத்தகைய புரட்சிகளுக்கு முன்னும் பின்னும் ஆங்கிலேய ஆட்சியினருக்கு எதிராக இந்தியாவின் பல பகுதிகளில் பலரும் வீரமிக்க போராட்டங்களில் ஈடுபட்டு அந்தமான் உட்பட இந்தியாவின் பல சிறைகளில் அடைக்கப்பட்டு கொடுமையான சித்ரவதைகளுக்கு ஆளாக்கப்பட்டனர். சிலர் தூக்கிலிடப்பட்டனர். பலர் துப்பாக்கித் தோட்டாக்களுக்கு இரையாக்கப்பட்டனர். சிலர் நடுரோட்டில் அடித்தே கொல்லப்பட்டனர். 
ஆங்கிலேய ஆட்சி உச்சகட்ட அடக்குமுறையை அவிழ்த்துவிட்ட காலத்தில் அத்தகைய ஆட்சிக்கெதிராக தன்னெழுச்சியாகத் திரண்டெழுந்த மக்களை ஆற்றுப்படுத்தவும், ஒரு கட்டுக்குள் கொண்டுவந்து அடக்கிவைக்கவும், ஆட்சிக்கெதிரான மக்களின் முணுமுணுப்பு, ஒருபெரும் முழக்கமாக முற்றிவிடாமல் முளையிலேயே முறியடிக்கவும், சில கண்துடைப்பு நடவடிக்கைகளை மேற்கொள்ளவும் அன்றைய ஆட்சியாளர்கள் வித்தியாசமான முயற்சிகளில் ஈடுபட்டனர்.
இந்தக் காலகட்டத்தில்தான் 1885 ஆம் ஆண்டு பம்பாய் மாநகரில் ஆட்டோவான் ஹ்யூம் என்ற ஆங்கிலேயர் தலைமையில் எழுபத்தைந்து ஆங்கிலம் அறிந்த பட்டதாரிகள் ஒன்றிணைந்து இந்திய தேசியக் காங்கிரஸ் கட்சியைத் தோற்றுவித்தனர். இதில் பலர் கற்றறிந்த தேசபக்தர்களாக விளங்கினாலும், ஒவ்வொருவரும் ஒவ்வொரு துறையில் தனித்துவம் மிக்க முத்திரை பதித்தவர்களாகத் திகழ்ந்தாலும், அவர்கள் நடத்துகிற கூட்டங்களிலும் மாநாடுகளிலும் ஆங்கிலேய ஆட்சியின் மாண்பைப் பாராட்டியும் , பிரிட்டிஷ் மகாராணி உள்ளிட்ட ஆங்கிலேய மன்னர் பரம்பரையை வாழ்த்தியும் சில வரிகளை முன்னுரையாக எழுதிய பின்னர்தான் இந்தியர்களுக்கு அதிக சலுகை கேட்கும் தீர்மானங்களையே இயற்ற முடிந்தது .
ஆண்டுக்கொருமுறை நடைபெற்ற காங்கிரஸ் கட்சியின் மாநாட்டில் " இன்னும் சில வசதிகள் இங்கு ஏற்படுத்திக் கொடுக்கவேண்டும்', "இந்தியர்களுக்கு அரசுப்பணிகள் சில ஒதுக்கப்படவேண்டும்' போன்ற பல தீர்மானங்கள் நிறைவேற்றப்பட்டு அவையனைத்தும் ஆங்கிலேயர் ஹ்யூம் மூலம் அன்றைய அரசின் கவனத்திற்கு எடுத்துச் செல்லப்பட்டன. அத்தகைய தீர்மானங்களில் காணப்படும் வாசகங்கள் கூட கோரிக்கை வடிவத்திலில்லாமல், வேண்டுதல் முறையில் இருக்கவேண்டுமென்பதில் கவனமாக இருக்க வேண்டிய கட்டாயம் அக்காலத்தில் இருந்தது .
அரசின் அராஜகமும் மக்களின் அவநம்பிக்கையும் தலைவிரித்தாடிய இத்தகைய இருண்ட அரசியல் காலகட்டத்தில்தான் விவேகானந்தரின் ஆன்மீகப் பயணம் தொடங்கியது. 
உலகெங்கும் விடுதலைக்குப் போராடிய நாடுகளுக்கு ஊக்கமும் உத்வேகமும் அளித்தது 1917 ஆம் ஆண்டு நடைபெற்ற ரஷ்யப் புரட்சியாகும். 
இப்புரட்சியின் ஒத்திகை போல் 1905 ஆம் ஆண்டு முதல் ரஷ்யப் புரட்சி நடைபெற்றது. அது தோல்வியில் முடிந்தது. ஆயினும் அப்புரட்சியின் தாக்கம் பல நாடுகளில் பிரதிபலித்தது. அத்தகைய புரட்சி தோன்றுவதற்கு முன்பு விவேகானந்தர் 1902 ஆம் ஆண்டே இறந்துவிட்டார்.
இவ்வாறான இந்திய மற்றும் அயலக வரலாற்றுச் சூழல்களையும் இணைத்து ஆய்வு செய்கிற போதுதான் விவேகானந்தரின் தனித்தன்மை வெளிப்படுகிறது.
ஓர் அரசியல் அமைப்பு தோன்றி நேரடியாக ஆங்கிலேய ஆட்சியை எதிர்த்து முனைப்பான தீர்மானங்கள் கூட நிறைவேற்றமுடியாத சூழல் நிலவிய காலகட்டத்தில், உலகமெங்கும் விழிக்கச்செய்த முதலாம் ரஷ்யப் புரட்சியின் சுவடு தெரியாத சூழலில், விவேகானந்தர் தனது ஆன்மிகப் பயணத்தின் ஊடே ஆங்கிலேயே ஆட்சிக்கு எதிராக இந்திய இளைஞர்களை தட்டியெழுப்பியது கவனத்தில் கொள்ளத்தக்கதாகும்.
அவருடைய வீரியம் மிக்க சில கருத்துக்களுக்கு எந்த அளவுக்கு சிறப்புத் தன்மை இருந்ததோ, அதே அளவுக்கு அக்கருத்தைச் சொல்லும் விதத்திலும் அவரிடம்