Dinamani - இளைஞர்மணி - http://www.dinamani.com/weekly-supplements/ilaignarmani/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3055960 வார இதழ்கள் இளைஞர்மணி ரேடாராலும் கண்டுபிடிக்க முடியாது! Tuesday, December 11, 2018 10:18 AM +0530 குதிரைப் படை, யானைப் படை, கப்பல் படை என்று பழைய காலத்தில் படைகள் இருந்தன. வில், அம்பு, வாள் போன்ற போர்க்கருவிகளைப் பயன்படுத்தி நேருக்கு நேர் சண்டையிட்டனர். ஆனால் இப்போது தொலைதூரத்தில் இருந்து குண்டு மழை பொழிகின்றனர். அணுகுண்டுகளை தயாரித்து வைத்துக் கொண்டு அவற்றை வீசப் போவதாகப் பயமுறுத்துகின்றனர். 
தொலைதூரத்தில் உள்ள எதிரி படைகளைக் கண்டறிய பல கருவிகள் இப்போது உள்ளன. ரேடார் எனும் தொலைநிலை இயக்க அறி கருவியும் அவற்றில் ஒன்று. இந்தக் கருவியின் மூலம் வெகு தொலைவில் உள்ள பொருள்களை, மனிதர்களைத் தெரிந்து கொள்ள முடியும். ரேடார் நுண் அலைகளைப் பயன்படுத்தி வாகனங்கள், விமானங்கள் ஆகியவற்றின் இருப்பிடம், அவை செல்லும் திசை, வேகம் ஆகியவற்றைக் கண்டுபிடிக்க முடியும். இந்த ரேடார் மூலம் நுண்ணலைகளை ஒரு குறிப்பிட்ட இலக்கை நோக்கி அனுப்புவார்கள். அந்த இலக்கின் மீது அவை படும்போது அவற்றிலிருந்து வெளிவரும் சமிக்ஞைகளை வைத்து அந்த இலக்கைப் பற்றித் தெரிந்து கொள்ள முடியும். குறிப்பாக போர் விமானங்கள், கப்பல்களை அறிய இது பயன்படுகிறது. 
இந்த ரேடார் கருவியின் கண்களில் மண்ணைத் தூவும்விதமாக ஐஐடி - கான்பூரைச் சேர்ந்த ஆராய்ச்சியாளர்கள் ஒருபுதுவிதமான " மெட்டாமெட்டிரியல்ஸ்' - ஐக் கண்டுபிடித்துள்ளனர். 
இந்த மெட்டாமெட்டிரியல்ஸ் செயற்கையாக உருவாக்கப்படக் கூடியது. பலவிதமான மூலகங்களை ஒன்றிணைத்து நமது தேவைக்கேற்ப தயாரிக்கப்படக் கூடியது. 
ஐஐடி - கான்பூர் ஆராய்ச்சியாளர்கள் கண்டுபிடித்துள்ள இன்ஃப்ரா ரெட் மெட்டாமெட்டிரியல்ஸ் மிகவும் எடை குறைவானது; வளைந்து கொடுக்கும் தன்மை உடையது; எந்தப் பொருளின் மீதும் இதை இணைத்துவிடலாம். 
துணிகளில் இந்த மெட்டாமெட்டிரியல்ûஸப் பூசிக் கொள்ளலாம். கண்ணாடிகளில் பூசலாம். வாகனங்களின் மேல் பகுதியில் பூசலாம். 
இந்த மெட்டாமெட்டிரியல்ஸ் பூசப்பட்ட துணிகளால் தைக்கப்பட்ட சீருடைகளை அணிந்து கொண்டு ஒரு படைவீரர் சென்றால், எதிரி நாட்டின் எந்த ரேடார் கருவியிலும் அவர் தென்படமாட்டார். 
இந்த மெட்டாமெட்டிரியல்ஸ் பூசப்பட்ட வாகனங்களையும் எந்த ரேடார் கருவியும் கண்டுபிடிக்க முடியாது. 
மிகச்சிறிய இந்த இன்ஃப்ரா ரெட் மெட்டா மெட்டிரியல்ûஸ ஒரு பொருளின் மீது பூசினால், அந்தப் பொருளில் இருந்து வெளிவரும் கண்ணுக்குத் தெரியாத பல நுண்ணலைகளின் அளவு குறைந்துவிடுகிறது. அல்லது நுண்ணலைகள் தடுக்கப்படுகின்றன. இதனால் அந்தப் பொருளை ரேடார் கருவியால் கண்டுபிடிக்க முடியாமல் போய்விடுகிறது. 
இந்த இன்ஃப்ரா ரெட் மெட்டா மெட்டிரியல்ûஸ வாகனங்களைப் போர்த்தும் துணிகளில் இணைத்தால், அந்த வாகனத்தை ரேடார் கருவியால் கண்டுபிடிக்க முடியாது. 
"2010 ஆண்டிலிருந்து இந்த கண்டுபிடிப்பு தொடர்பான பணிகளில் நாங்கள் ஈடுபட்டிருந்தாலும், இப்போதுதான் இந்த மெட்டாமெட்டிரியல்ûஸ பெரும் அளவில் உற்பத்தி செய்யும் திறனை நாம் பெற்றிருக்கிறோம். இதன் மூலம் மிகப் பெரிய பரப்பளவிலும் இந்த மெட்டாமெட்டிரியல்ûஸப் பயன்படுத்த முடியும்'' என்கிறார் ஐஐடி - கான்பூரில் இயற்பியல்துறைப் பேராசிரியராகப் பணிபுரியும் எஸ்.அனந்தராமகிருஷ்ணன்.
இந்த மெட்டாமெட்டிரியல்ûஸ ஹெலிகாப்டர், விமானங்கள் ஆகியவற்றிலும் பயன்படுத்த முடியும். பிற நாட்டு ரேடார்களால் அவற்றைக் கண்டுபிடிக்க முடியாது என்பதே அதன் முக்கியத்துவத்தை எடுத்துக் காட்டும். 
மத்திய அரசின் "பாதுகாப்பு ஆராய்ச்சி மற்றும் வளர்ச்சி நிறுவனத்தின் (ஈதஈஞ) ஆதரவுடன் இந்தக் கண்டுபிடிப்பு நிகழ்த்தப்பட்டிருப்பது குறிப்பிடத்தக்கது.
ந.ஜீவா
 

]]>
http://images.dinamani.com/uploads/user/imagelibrary/2018/12/11/w600X390/im6.JPG http://www.dinamani.com/weekly-supplements/ilaignarmani/2018/dec/11/ரேடாராலும்-கண்டுபிடிக்க-முடியாது-3055960.html
3055873 வார இதழ்கள் இளைஞர்மணி கடவுள் சொல்லும் கட்டளை: சுகி. சிவம் DIN DIN Tuesday, December 11, 2018 10:00 AM +0530 நீ... நான்... நிஜம்! 
இரண்டு இளைஞர்கள் காட்டு வழியே நடந்து போய்க் கொண்டிருந்தனர். அப்போது திடீரென்று ஓர் இளைஞர் குனிந்து, தமது கால் ஷூவின் லேஸ் கயிற்றை இறுக்கிச் சரிபார்த்துக் கொண்டார். பக்கத்தில் கூட வந்த இளைஞர், "ஏன் ஷூ நாடாவை திடீரென்று சரி செய்து கொள்கிறாய்?' என்று வியப்புடன் கேட்டார். "பக்கத்தில் எங்கேயோ புலி உறுமுவது போல் லேசான ஒலி கேட்டது. ஓட வேண்டிய அவசியம் ஏற்பட்டால் கால் ஷூ சரியாக இருக்க வேண்டுமே என்று நான் சரி செய்து கொண்டேன்' என்றார். 
எச்சரிக்கை உடன் வந்த நண்பர் சிரித்துக் கொண்டு, "மிஸ்டர்... நீங்கள் என்னதான் வேகமாக ஓடினாலும் புலியை விடவா வேகமாக ஓடித் தப்பிக்க முடியும்?' என்று கிண்டல் செய்தார்.
"தப்பிப்பதற்குப் புலியை விட வேகமாக ஓட வேண்டிய அவசியம் இல்லை, பிரதர். உன்னைவிட வேகமாக ஓடினாலே போதுமானது' என்றார் படு கெட்டிக்கார அந்த எச்சரிக்கை இளைஞர்.
இது வேடிக்கை கதைதான். ஆனால் மனிதர்கள் ஒரே தரத்தில், திறத்தில் இருப்பதில்லை. சிலர் கூடுதல் திறமைசாலிகளாக இருக்கிறார்கள் என்பதை விளக்க இந்தக் கதை உதவும் என்று நம்புகிறேன். சுயமுன்னேற்றம், தன்னம்பிக்கைப் பயிலரங்குகள், பணிமனைகள் நடத்தும் பலரும், அப்படி புதிதாக என்ன சொல்லிக் கொடுத்து விடுகிறார்கள். நீங்கள் உலகில் உள்ள சுயமுன்னேற்றப் புத்தகங்களை எல்லாம் வாங்கிப் படித்தாலும் அதிகபட்சம் ஒரு நூறு விஷயங்கள் தான் திரும்பத் திரும்ப போதிக்கப்பட்டிருக்கும். முயற்சி செய். காலத்தை விரயமாக்காதே. திட்டமிடு. உடலைப்பேணு. கவனமாக இரு. எச்சரிக்கையாகச் செயல்படு. ஒத்தி போடாதே.. இப்படி ஒரு சில யோசனைகள்... கட்டளைகள்... அறிவிப்புகள் தான் திரும்பத் திரும்ப எழுதப்படுகின்றன. உதாரணங்கள், முன்னேறிய நபர்களின் பெயர், விளக்கக் கதைகள், இவை வேண்டுமானால் மாறலாமே ஒழிய, உள்ளடக்கம் ஒன்று தான். இவை யாவுமே நமக்கே தெரிந்தவைதான். ஆனாலும் இவற்றை நடைமுறைப்படுத்தி சிகரம் தொட பலராலும் ஏன் முடிவதில்லை? இந்தக் கேள்விக்கான விடை சுயமுன்னேற்றப் புத்தகங்களில் உங்களுக்குக் கிடைக்கும் வாய்ப்பு வெகுகுறைவு. அதனால் நான் உங்களுக்குச் சொல்லுகிறேன்:
நாம் அனைவரும் சிறைப்பட்டிருக்கிறோம். உடம்பு என்றொரு சிறை. மனம் என்றொரு சிறை. உடம்பு ஜீன்களால் வடிவமைக்கப்பட்டது. வாங்கி வந்த வரத்திற்கேற்பவே வசமான உடம்பு கிடைக்கிறது. இந்தத் தடையைத் தகர்க்கத் தெரிய வேண்டும். ஸ்டீபன் ஹாக்கிங்கின் உடம்பை விட மோசமான உடம்பு ஒருவருக்கு வாய்த்து விடுமா என்ன? மனுஷன் அந்தக் களபுளா உடம்பின் உள்ளிருந்தே பிரபஞ்ச ரகசியங்களின் மர்ம முடிச்சுகளை அவிழ்த்து சாதனை படைக்கவில்லையா? "உடம்பு நானல்ல' என்பது வெறும் ஆன்மிக கோஷம் அன்று. சிறையுடைக்க விரும்பும் ஒவ்வொருவரும் உணர்ந்திருக்க வேண்டிய உயிர் மந்திரம். ஜீன்களால் நெய்யப்பட்ட உடல், தன் சொந்த இயல்புகளில் நம்மைச் செலுத்தவே விரும்புகிறது. அதனாலேயே உலகில் கோடிக்கணக்கான மக்கள் எந்த உயர்வும் அடையாமல் உடல் வழியிலேயே, விலங்காகப் பிறந்து, விலங்காக வாழ்ந்து, விலங்காகச் சாகிறார்கள். "வாலி வதம்' பற்றிய கம்பன் கவிதைகளில் காமம் சார்ந்த தன் செயலை நியாயப்படுத்தும் வாலி, "நான் விலங்கு.. எனக்கு அண்ணன் மனைவி, தம்பி மனைவி என்னும் ஒழுக்க எல்லைகள் இல்லை' என்ற Defence வாதம் எடுத்து வைக்கும் போது, "நீயா விலங்கு. இத்தனை தர்க்க நியாயம் தெரிந்து பேசும் நீ விலங்கலாமை விளங்கிய தன்றோ?' என்று இராமன் பதில் பேசுவதாகக் கம்பன் பாட்டெழுதுகிறார். இந்தக் கருத்து மிக முக்கியம். பெருவாரியான மனிதர்கள் உடல்வழி உந்துதல் மூலமே உள்ளுணர்வு இயக்க இயங்கி, ஏகப்பட்ட பிழைகளைக் கூச்சமின்றி நிகழ்த்துகிறார்கள். அதனை மனித அறிவு கொண்டு நியாயப்படுத்தவும் வெறித்தனமாக வாதாடுகிறார்கள். உடல்வழி நாம் விலங்குதான் என்றாலும் விலங்கைக் கடக்க வேண்டிய பொறுப்பு உடையவர் என்பதைப் பலரும் ஒப்புக்கொள்வதே இல்லை. கொரில்லாக்கள் மிகப் பெரிய அந்தப்புரத்துடன் (பலபெண்கள் மோகம்) இருப்பதற்கும் சிம்பன்ஸிகள் கள்ளத் தொடர்பு வைத்துக் கொள்வதற்கும் ஜீன்கள் தான் காரணம் என்கின்றனர் விஞ்ஞானிகள். மனிதனுக்கும் இதே வாதம் பொருந்தும். ஆனால் மனிதன் விலங்கல்ல - இன்னும் கூர்மையாகச் சொன்னால் விலங்கு மட்டுமல்ல... விலங்கு என்னும் சிறை கடந்து மேலேறி வருகிற பரிணாம உயிர் மனிதன். எனவே தமது விலங்கின் பிழைகளை மனிதகுலம் நியாயப்படுத்திக் கொண்டே இருக்க முடியாது. ஆனால் மனிதர்கள் இதையே கூச்சம் இல்லாமல் செய்கிறார்கள். "விலங்கலாமை விளங்கியது' என்று வாலியிடம் இராமன் சொன்ன சொல் மனிதகுலம் நோக்கி கடவுள் சொல்லும் கட்டளை என்றே கருதவேண்டும். 
ஓரினச்சேர்க்கை குறித்து உச்சநீதி மன்றம் தீர்ப்புரைத்தது நினைவிருக்கலாம். வெகுகாலம் வரை இது சகவாசதோஷம்; சமூகம் கொடுத்த மன வியாதி; மனசின் திருகல் என்றே பலரும் கருதிக் கொண்டிருந்தோம். ஆனால் மேலைநாட்டு விஞ்ஞானிகள் பாலினப் பொறாமை, ஓரினச் சேர்க்கை யாவுமே ஜீன்களின் படியெடுப்பில் நிகழ்ந்த அச்சுப் பிழைகளின் வெளிப்பாடு என்று விளங்கப்படுத்திவிட்டனர். இதைப் புரிந்து கொண்டு இது நேர்ந்த பிழை... கடக்கப்பட வேண்டியது என்கிற புதுப்பயணம் மேற்கொள்ள மனிதனால் முடியும். விலங்கால் முடியாது. அருணகிரி நாதரின் முன் வாழ்க்கை விலங்குகளுக்கும் சாத்தியம், ஆனால் பின் வாழ்க்கை விலங்குகளுக்குச் சாத்தியம் இல்லை. மனிதனுக்கு மட்டுமே ஞானம் அடைதல்' உள்ளொளி பெறுதல் சாத்தியம் என்பதுதான் கவனிக்கப்பட வேண்டிய விஷயம். 
மனிதனது நடத்தைக்கு என்ன காரணம் என்பது பற்றிய ஆராய்ச்சி ஓயாமல் உலகில் நடந்து கொண்டேதான் இருக்கிறது. ஆளுக்கொரு காரணத்தைச் சொல்லுகிறார்கள். குறிப்பிடத்தக்க சில காரணங்களை மட்டும் உங்கள் முன் வைக்கிறேன். கடந்த இரண்டு கட்டுரைகளில் நான் ஓயாமல் புகழ்ந்து தள்ளுகிற "மனித ஜினோம்' புத்தகத்தில் இருந்தே தருகிறேன். இது ஓர் அற்புதமான புத்தகம். தயவு செய்து புரிகிறதோ இல்லையோ ஒரு முறைக்குப் பலமுறை படித்து விளங்கிக் கொள்ள வேண்டுகிறேன். பிறப்பு மட்டுமே நடத்தை வேறுபாட்டுக்குக் காரணம் என்று சிலர் சாதிக்கிறார்கள். வளர்ப்பு மட்டுமே காரணம் என்று சிலர் வாய்கிழிய வாதிடுகின்றனர். இரண்டுமே வலிமையானவை என்று அறிய வேண்டாமா? ஒரே அமைப்புடைய இரட்டையரைப் பிரித்துப் பிரித்து வெவ்வேறு சூழலில் வளர்த்தாலும் அவர்கள் நடத்தைகள் பெரும்பாலும் ஒன்றாக இருந்த நிகழ்வுகள் உண்டு. மிகச் சிறந்த பெற்றோர்களால் தத்தெடுத்து வளர்க்கப்பட்ட பிள்ளைகள், என்னதான் வளர்ப்பு முறை ஒன்றானாலும் வேறுவேறு தன்மையை வெளிப்படுத்திய நிகழ்வுகளும் உண்டு. சரி... இப்போது மனித குல நடத்தை வேறுபாடு பற்றிய பல சமூக அறிவியல் அறிஞர்கள் பார்வையைப் புத்தகத்தில் இருந்து அப்படியே தருகிறேன். பேரா.க. மணி சொல்கிறார்.
"ஒவ்வொருவரும் தனித்தனி காரணிகளை முன்வைத்து அவைதான் மனிதரின் நடத்தைகளை நிர்ணயிக்கின்றன என்று அவர்களுக்குள் பிரிந்து நிற்கிறார்கள். 
1. சிக்மன் ஃபிராய்டு (Freud - parental determinism) பெற்றோர் வளர்ப்பு.
2. கார்ல் மார்க்ஸ் (marx - Socioecononomic determinism) 
சமூக பொருளாதாரம். 
3. லெனின் (Lenin - Political determinsm) - அரசியல் சூழல். 
4. ஃபிரான்ஸ் போயஸ் (Franz Boas)- சகவாசம். 
5. மார்கரேட் மீட் (Margeret Mead)- கலாச்சாரம்.
6. ஜான்வாட்சன் மற்றும் ஸ்கின்னர் (John Watson-B.H. Skinner)
7. எட்வர்ட் சாப்பிர் (Edward Sapir)- தாய்மொழி
8. பெஞ்சமின் ஓர்ஃப்- Linguistic determinism (மொழித்தாக்கம்) 
இவ்வாறு சமூக அறிவியல் வல்லுநர்கள் ஆளுக்கொரு காரணத்தைச்சுட்டிக்காட்டி அதுதான் மனித நடத்தைகளை நிர்ணயிக்கின்றன என வாதிடுகிறார்கள். சுருக்கமாகச் சொல்ல வேண்டுமானால், விலங்குகளுக்கு உள்ளுணர்வுகள் தான் காரணி, மனிதருக்கு உள்ளுணர்வு இல்லை; புறத்தூண்டுதல்கள் தான் காரணி, இதுவே அவர்களது முடிவான கருத்து.
இப்போது புத்தகத்தை விட்டுவிட்டு நம்முடைய அறிவைக் கொண்டு முடிவு செய்வோம். நடத்தை வேறுபாடு குறித்து அறிஞர்கள் சொன்ன காரணங்களில் ஒன்றிரண்டு தவிர, மற்றவை எல்லாமே சிந்திக்கத்தக்கவை. ஓரளவு உண்மையும் கூட. ஆனால் இத்தனை வலிமையான காரணங்களை எல்லாம் கடந்தும் வித்தியாசமான, உன்னத மனிதர்கள் எதிர்மாறாக சமூகத்தில் உதித்துக் கொண்டே இருந்தனர். 
அடிமை இந்தியாவில், அச்சமும் பேடிமையையும் உச்சத்தில் இருந்த கோழைச் சமூகத்தில் இருந்து, நேதாஜி, காந்திஜி போன்ற வீரபுருஷர்கள் வெளிப்பட்டிருக்கின்றனர். ஆசாரம் மிக்க குடும்பத்தில் பிறந்து, அனுஷ்டானம் மிக்க சூழலில் வளர்ந்த பாரதி, கனகலிங்கத்திற்கு "யக்ஞோபவீதம்' செய்யும் புரட்சியாளராக மலர்ந்தது எங்ஙனம்? ஊழலே வடிவமான அரசியல்வாதிகள் மத்தியிலும் நேர்மையே வடிவமான கக்கனும் கலாமும் கம்பீரமாகக் கால்பதித்திருக்கின்றனர். நெற்றி நிறைய திருமண் இட்டு, பக்தி பக்தி என்று உருகிய ஈரோட்டுக் குடும்பத்தில் இருந்து நாத்திகம் பேசும் பெரியார் "ஜம்'மென்று கிளம்பவில்லையா? மனிதன் ஆச்சர்யமானவன். ஜீன்கள், தாயின் கர்ப்பம், கட்டுக்கோப்பான சமூகம், பெற்றோரின் வளர்ப்புமுறை, அரசுகளின் ஆட்டிப் படைப்பையும் கடந்து ஜெயித்த மனிதர்கள் உலகில் உண்டு. அன்னி பெஸண்டும் லீபிடரும் பொத்திப் பொத்தி உருவாக்கிய, செதுக்கிச் சேகரித்த, தத்துவமேதை ஜே.கே. அன்னிபெசன்ட் கட்டிய கனவுக்கோட்டையைச் சுக்கு நூறாகத் தகர்த்து சுயம் சுயம் என்று கிளம்பிய கதையை உலகமே அறியுமே. பிறப்பு, வளர்ப்பு, வார்ப்பு, எல்லாம் கடந்து புதிய இருப்பு காணும் தனித்திறனே மனித வர்க்கத்தின் மகத்துவம்.
(அடுத்த இதழில் முடியும்)

]]>
http://images.dinamani.com/uploads/user/imagelibrary/2018/12/11/w600X390/im4.jpg http://www.dinamani.com/weekly-supplements/ilaignarmani/2018/dec/11/கடவுள்-சொல்லும்-கட்டளை-சுகி-சிவம்-3055873.html
3055943 வார இதழ்கள் இளைஞர்மணி வாங்க இங்கிலீஷ் பேசலாம் 169 ஆர்.அபிலாஷ் DIN Tuesday, December 11, 2018 10:00 AM +0530 புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரிடம் செல்கிறார்கள். அங்கே அவர்கள் மருத்துவருக்கான காத்திருப்போர் அறையில் இருக்கிறார்கள். நடாஷா எனும் பெண்ணும் மீசைக்காரர் எனும் போலீஸ்காரரும் அங்கு காத்திருக்கிறார்கள். அவர்கள் இடையிலான உரையாடலில் bark up the wrong tree எனும் சொற்றொடரின் அர்த்தம் எனக் கேள்வி வருகிறது. புரொபஸர் விளக்குகிறார்.
புரொபஸர்: கணேஷ், உனக்கு ரக்கூன் தெரியுமா?
கணேஷ்: மரத்தில சின்னதா இருக்குமே அந்த பிராணி தானே? கரடியும் நரியும் பூனையும் கலந்தது போல ஒரு பிராணி.
புரொபஸர்: எப்படிடா இவ்வளவு துல்லியமா சொல்ற? 
கணேஷ்: நேஷனல் ஜியாகிரபி சேனல் முன்னாலே தவமிருக்கிறவன் சார் நான். ரொம்ப க்யூட்டான பிராணி. அழகா ஒரு பொம்மை மாதிரி. 
நடாஷா: Yes so cuddly.
புரொபஸர்: ஆமா. இந்த பிராணிக்கு ஒரு வினோத சுபாவம், அது தன்னோட உணவை தண்ணியில அலம்பித் தான் சாப்பிடும்.
கணேஷ்: சார் அதென்ன cuddly? 
புரொபஸர்: அன்பையும் அக்கறையையும் காட்டும் விதமா கட்டியணைக்கிறது. 
கணேஷ்: ஓ... ஒரு தாய் தன் குழந்தையை அணைச்சுக்கிறது மாதிரி.
புரொபஸர்: Excellent example that - She cuddled her baby as she felt sleepy. காதலர்களும் cuddle பண்றதுண்டு. On the Marina beach, near the waves, I found my friend cuddling and kissing his girlfriend, and I quietly moved away. வழக்கமா கட்டிக்கிறதுக்கும் இதுக்கும் ஒரு வித்தியாசம் உண்டு. இந்த அணைப்பு ஒரு விதமான தீவிர பிணைப்பை, அதில் கிடைக்கும் சுகத்தை, குழந்தைத்தனமான நெருக்கத்தை காட்டும் அணைப்பு. Canoodle என்றொரு பழைய சொல் உண்டு. மேலே சொன்ன ரெண்டு காரியங்களையும் ஒரு சேர உணர்த்துகிற சொல் இது. குழந்தையை ஆறுதலளிக்க கையிலோ மடியிலோ மெத்துன்னு வச்சுக்கிறதுக்கு தனியா ஒரு சொல் இருக்கு தெரியுமா? Nurse. She nursed the child on her lap as it was crying nonstop. Nurse என்றால் தவிப்பவர்களுக்கு ஆறுதல் அளித்து கவனிப்பது என பொருள். இதில் இருந்து தான் செவிலிகளை nurse என அழைப்பதும் தோன்றியது.
கணேஷ்: சார் நான் செய்தித்தாளில் கொஞ்ச நாட்களுக்கு முன்னால் Indian opening batsman Prithvi Shaw is nursing an ankle injury படிச்சேன். அவர் தன் கணுக்காலை பரிவா கவனிச்சிக்கிறாருன்னு அர்த்தமா?
புரொபஸர்: ஹா... ஹா... அப்படி இல்லடா. ஒரு காயம் ஏற்படும் போது ஓய்வெடுப்பது தான் nursing an injury. இன்னொருத்தரை / இன்னொரு பிராணியை அப்படி மருந்து கொடுத்து கவனிச்சு பாதுகாக்கிறதும் நர்ஸிங் தான். I found a dog with a bleeding ear and nursed it at my shelter. 
கணேஷ்: சார் நர்ஸரி?
புரொபஸர்: இன்னிக்கு நிறைய நல்ல கேள்விகள் கேட்கிறடா. குட். Nurse எனும் வினைச்சொல்லோட இன்னொரு அர்த்தம் ஒரு விசயத்தை அது வளர்ந்து மேம்படுவது வரை அல்லது வெற்றி பெறுவது வரை கவனித்துப் போற்றுவது. ஆகையால் தான் மரக்கன்றுகள், செடிகள் ஆகியவற்றை முளையில் இருந்து வளர்த்து கவனித்து விற்கும் இடத்தை nursery என்கிறோம். அதே போல சின்ன குழந்தைகளை பகல் நேரத்தில் கவனித்துக் கொள்ள பெற்றோர்கள் விட்டுச் செல்லும் இடத்தையும் நர்ஸரி என்கிறோம். அங்கே சிலநேரம் பாடம் கற்றுத் தந்து அவர்களை விளையாடவும் உறங்கவும் கூட வைப்பதுண்டு. இங்கே செடிகளும் குழந்தைகளும் ஒன்று போல கவனிக்கப்படுகின்றன; ரெண்டுமே வளர்ந்து வருவதற்கான பாதுகாப்பையும் கவனிப்பையும் வழங்குகின்றன. செடிகள் வளர்ந்த்தும் நாம் எடுத்துச் செல்கிறோம்; குழந்தைகளை மாலையில் வீட்டு அழைத்து வருகிறோம்.
நடாஷா: What about juvenile detention centers?
புரொபஸர்: நல்ல கேள்வி. Juvenile detention centers எனும் சிறுவர் சீர்திருத்தப் பள்ளிகளில் குழந்தைக் குற்றவாளிகள் நல்ல பாடம் கற்று, ஒழுங்காகி வெளி வருவது போலவே மோசமான பழக்கங்களைக் கற்று மேலும் மோசமான குற்றவாளிகளாய் சமூகத்துக்கு திரும்புவதும் உண்டு. So here, Juvenile detention centers turn out to be nurseries of criminals. சில குறிப்பிட்ட குணாதிசயங்கள், இயல்புகள் வளர்த்தெடுக்கப்படுகிற சூழல் மற்றும் நிறுவனங்களையும் இவ்வாறு நர்ஸரி எனக் கூற முடியும்.
கணேஷ்: சார் ஏன் ரக்கூன் பத்தி கேட்டீங்க?
(இனியும் பேசுவோம்)


 

]]>
http://images.dinamani.com/uploads/user/imagelibrary/2018/12/11/w600X390/english.JPG http://www.dinamani.com/weekly-supplements/ilaignarmani/2018/dec/11/வாங்க-இங்கிலீஷ்-பேசலாம்-169-3055943.html
3055756 வார இதழ்கள் இளைஞர்மணி சரியான பார்வை... சரியான வழி... சரியான செயல்! 24 - தா.நெடுஞ்செழியன் Tuesday, December 11, 2018 10:00 AM +0530 எம்.டி.டி. இந்துக் கல்லூரி, திருநெல்வேலி

திருநெல்வேலியில் எண்ணற்ற பள்ளிகள் கிறிஸ்தவ மிஷனரிகளால் வளர்க்கப்பட்ட காலத்தில் இந்து சைவ குலம் ( ஹிந்து சைவ கிளான்) என்ற அமைப்பு திருநெல்வேலியில் ஒரு பள்ளியை உருவாக்க வேண்டும் என்ற நோக்கத்துடன், 1859-ஆம் ஆண்டு ஒரு பள்ளியைத் தொடங்கியது. அது ஆங்கிலோ - வெர்னாகுலர் பள்ளி என்ற பள்ளியாகும். இந்தப் பள்ளி வீரராகவபுரம் என்ற இடத்துக்கு (தற்போது திருநெல்வேலி ஜங்ஷனுக்கு அருகில்) 1861-ஆம் ஆண்டு மாற்றப்பட்டது. "இந்து கலாசாலை' என்று பெயர் மாற்றம் பெற்றது. இந்தப் பள்ளியின் முதல்வராகப் பணியாற்றிய பி.சுந்தரம்பிள்ளையின் முயற்சியினால் இந்தப் பள்ளி செகண்ட் கிரேட் காலேஜ் ஆக - "இந்து கல்லூரி'யாக - மாறியது. 
1908 ஆம் ஆண்டு "தி எஜுகேஷன் சொசைட்டி' என்ற பெயரில் திருநெல்வேலியில் தொடங்கப்பட்ட அமைப்பின் நிர்வாகத்தின் கீழ் இந்துக் கல்லூரி முதல் தர கல்லூரியாக 1924-ஆம் ஆண்டு மாறியது. ஜாதி, மத, இன, பேதங்களைத் தாண்டி திருநெல்வேலி மாவட்டத்தில் தனி முத்திரையை இந்த கல்லூரி பதித்தது. 
1929-ஆம் ஆண்டு உலகப் பொருளாதாரம் வீழ்ச்சி அடைந்த நிலையில் இந்தக் கல்லூரிக்கு நிதி நெருக்கடி ஏற்பட்டது. ராவ் சாகிப் பேராசிரியர் அலெக்சாண்டர் ஞானமுத்து என்ற கிறிஸ்துவ முதல்வரின் தனி முயற்சியினாலும், கல்லூரியிலுள்ள ஆசிரியர்கள், மாணவர்கள் மற்றும் மதுரையிலிருந்த சில புரவலர்களின் முயற்சியினாலும் இந்தக் கல்லூரி நிதி நெருக்கடியைத் திறமையாகச் சமாளித்தது. 
1936-ஆம் ஆண்டு மதுரையைச் சேர்ந்த திரவியம் பிள்ளை 1 லட்சம் ரூபாயை நன்கொடை கொடுத்தார். அந்த காலத்தில் அது மிகப் பெரிய தொகை. அவருடைய வேண்டுகோளுக்கிணங்க இந்தக் கல்லூரி "மதுரை திரவியம் - தாயுமானவர் இந்துக் கல்லூரி' (THE MADURAI DIRAVIYAM THAYUMANAVAR HINDU
 COLLEGE) என்று பெயர் மாற்றப்பட்டது. 
பின்னர் இந்தக் கல்லூரி 2004-ஆம் ஆண்டு 125 ஆண்டுகளை நிறைவு செய்ததைக் (POST CENTENARY SILVER JUBLIEE) கொண்டாடியது. இக்கல்லூரி 150 ஆண்டை நோக்கி நடைபோட்டுக் கொண்டிருக்கிறது. 
இக்கல்லூரி திருநெல்வேலியில் கல்விக்கென தனிமுத்திரையைப் பதித்து லட்சக்கணக்கான மாணவர்களை உலக அளவில் கல்வியின் வாயிலாக உயர்ந்த நிலையை அடையச் செய்தது. இந்தக் கல்லூரியின் முக்கிய குறிக்கோள் லத்தீன் மொழியில் உள்ள AGE QUOD AGIS - என்பதாகும். இதன் பொருள், "எந்தச் செயலைச் செய்தாலும் அதை நன்றாகவும், முறையாகவும் செய்ய வேண்டும்' என்பதே. இந்தக் குறிக்கோளுக்கிணங்க இந்தக் கல்லூரி நிகழ்த்திய சாதனைகள் போற்றுதலுக்குரியது. பாராட்டுக்குரியது. 
1878-ஆம் ஆண்டு இக்கல்லூரியின் முதல் முதல்வராக இருந்த பேராசிரியர் பி.சுந்தரம்பிள்ளையின் வரலாற்றை இந்த இடத்தில் குறிப்பிடுவது அவசியம். 
பேராசிரியர் பி.சுந்தரம்பிள்ளை கேரள மாநிலத்தில் ஆலப்புழாவில் 1855-ஆம் ஆண்டு பிறந்தார். இளமையிலேயே தேவாரம், திருவாசகம், சமய வழிபாட்டு நூல்களைக் கசடறக் கற்றார். இவருடைய தமிழாசிரியராக விளங்கியவர் நாகப்பட்டினம் நாராயண சாமி பிள்ளை. 1876-ஆம் ஆண்டு பி.ஏ., தேர்வில் வெற்றிபெற்றார். 1877-இல் தனது ஆசிரியப் பணியை திருநெல்வேலியில் இருந்த ஆங்கிலத் தமிழ்க் கல்விச்சாலையில் தலைவராக 2 ஆண்டுகள் பணியாற்றி, அக்கல்விச்சாலை இந்துக் கல்லூரியாக உயர்வதற்கு உறுதுணையாக இருந்தார். 
இவர் 19-ஆம் நூற்றாண்டின் தமிழ் மொழி வளர்ச்சிக்காகவும், மிக முக்கியப் பங்காற்றினார். இவர் ஐரோப்பிய தத்துவ மரபை தமிழ்த் தத்துவங்களோடு இணைத்து - ஒப்பிட்டு - புதிய கல்விப் புரட்சியை உருவாக்கினார். இவரே எம்.டி.டி. இந்துக் கல்லூரியின் முதல் முதல்வராக 1878 - 79 ஆம் ஆண்டு பணியாற்றினார். 
1885 ஆம் ஆண்டு திருவனந்தபுரத்தில் சைவ பிரகாச சபையை உருவாக்கினார். நூற்றொகை விளக்கம் என்று அறியப்படுகிற "சாத்திர செüகரியம்' என்ற நூலை வெளியிட்டார். 1891 ஆம் ஆண்டு இவர் எழுதிய மனோன்மணீயம் என்பது ஒரு நாடக நூலாகும். தமிழில் தோன்றிய நாடக இலக்கியங்களில் இதுவே முதல் நாடக நூலாகும். முழுவதும் செய்யுள் நடையில் அமைந்துள்ள இந்நூல், பேராசிரியர் சுந்தரம்பிள்ளையின் தமிழ்ப் புலமையை, ஆர்வத்தை எடுத்துக் காட்டுகிறது. இந்நூலே பின்னாளில் மனோன்மணியம் பி.சுந்தரம்பிள்ளை என்று அவர் அழைக்கப்பட காரணமாக இருந்தது. 
திருவனந்தபுரம் அரசர் கல்லூரியில் தத்துவ ஆசிரியராகச் சேர்ந்தார். 1880-இல் எம்.ஏ., பட்டம் பெற்றார். அக்கல்லூரியில் தத்துவத்துறைப் பேராசிரியராக இருந்த ஹார்வி என்பவருடன் இவருக்கு நல்ல நட்பு கிடைத்தது. தனது மனோன்மணீயம் நூலை அவருக்கு சுந்தரம்பிள்ளை சமர்ப்பணம் செய்தார். 3 ஆண்டுகள் ஆசிரியராகப் பணியாற்றிய பிறகு திருவனந்தபுரம் அரசர் அரண்மனையில் வருவாய்துறை தனி அலுவலராக நியமிக்கப்பட்டார். 1885-இல் டாக்டர் ஹார்வி துறைப் பேராசிரியர் பதவியிலிருந்து ஓய்வு பெற்றபோது சுந்தரம் பிள்ளையைத் தனது பதவிக்குப் பரிந்துரைத்தார். இதனை ஏற்று மீண்டும் திருநெல்வேலி அரசர் கல்லூரியில் தத்துவத்துறை தலைமைப் பேராசிரியராகப் பணியாற்றினார். 
கல்வெட்டுத்துறையில் திருஞானசம்பந்தர் கால ஆராய்ச்சியில் ஈடுபாடு கொண்டு அந்த ஆராய்ச்சியின் முடிவில் அதை நூலாக 1894 ஆம் ஆண்டு வெளியிட்டார். பத்துப்பாட்டு பற்றிய திறனாய்வினை ஆங்கிலத்தில் எழுதி, சென்னை கிறிஸ்துவக் கல்லூரியில் முதலில் வெளியிட்டார். மனோன்மணீயத்தில் இடம் பெற்ற தமிழ்த்தாய் வாழ்த்துப் பாடலான "நீராருங் கடலுடுத்த' என்ற பாடல் தமிழ்நாடு அரசினால் தமிழ்த்தாய் வாழ்த்துப் பாடலாக அறிவிக்கப்பட்டது. பேராசிரியர் சுந்தரம் பிள்ளை 1897-ஆம் ஆண்டு தனது 42 வயதில் காலமானார். இவருடைய நினைவாக திருநெல்வேலியில் மனோன்மணியம் சுந்தரனார் பல்கலைக்கழகம் இயங்கி வருகிறது. 
டாக்டர் ஜான் ஸ்கடர் சீனியர் (ஒர்ட்ய் நஸ்ரீன்க்க்ங்ழ் நழ்)என்பவர் 1793-ஆம் ஆண்டு அமெரிக்காவில் நியூ ஜெர்ஸி மாகாணத்தில் உள்ள ஃப்ரீ ஹோல்ட் என்ற ஊரில் பிறந்தார். இவர் பின்னர் நியூயார்க் காலேஜ் ஆஃப் பிஸிஸியன் அண்ட் சர்ஜன்ஸ் கல்லூரியில் 1813-இல் தமது மருத்துவப் படிப்பை முடித்தார், மருத்துவர் வாழ்க்கைப் பயணத்தைத் தொடங்கினார். அந்த நாட்களில் அதிக அளவு மருத்துவர்கள் இல்லாத காரணத்தினால், மருத்துவர்களுக்கு நல்ல வரவேற்பு இருந்தது. அதுமட்டுமல்லாமல், இவர் மிக கனிவோடும், திறமையோடும் நோயாளிகளைக் கவனித்தவிதம், அதனால் அவர் ஆண்டிற்கு 2 ஆயிரம் டாலர் (1815 களில்) சம்பாதிக்கும் மருத்துவரானார். 
1819-ஆம் ஆண்டு ஒரு நோயாளியைச் சந்திக்க அவர் வீட்டுக்கு ஸ்கடர் சென்றபோது, அந்த வரவேற்பறையில் உள்ள துண்டுத்தாளில் 60 கோடி மக்களின் மன மாற்றத்துக்கு கிறிஸ்துவ சபைகள் என்ன செய்ய வேண்டும் என்பதைக் கண்டறிந்தார். அதன் மூலம் இந்தியா மற்றும் இலங்கையில் வாழும் மக்களுக்கு மருத்துவ வசதி இல்லாத சூழ்நிலை இருந்ததை அறிந்து அவர் தனது தந்தையின் கடுமையான எதிர்ப்பையும் மீறி தனக்குக் கிடைத்த செல்வம், புகழ் எல்லாவற்றையும் தூக்கியெறிந்துவிட்டு, வறுமையை ஏற்றுக் கொண்டு, கடல் கடந்து, 1819-இல் இலங்கைக்கு வந்து பணியாற்றினார். இவருடைய மனைவி இவருடைய தீர்மானத்தை மகிழ்ச்சியுடன் ஏற்றுக் கொண்டு தனது இரண்டு வயது மகளுடன் இலங்கைக்கு வந்து சேர்ந்தார். அமெரிக்க - சிலோன் மிஷனின் கீழ் யாழ்ப்பாணத்தில் முதல் மேற்கத்திய மெடிகல் மிஷனை உருவாக்கினார். அதன் மூலம் பெரிய மருத்துவமனை அங்கே தொடங்கப்பட்டது. 
இவர் யாழ்ப்பாணத்தில் 1819-இல் இருந்து 1836 வரை பணியாற்றினார். அங்குள்ள மக்களுக்கு நோய்களில் இருந்து பாதுகாப்பளித்தார். காலரா, மலேரியா, பிளேக், மஞ்சள் காமாலை போன்ற நோய்களில் இருந்து மக்களைக் காப்பாற்றினார். 17 ஆண்டுகள் யாழ்ப்பாணத்தில் பணியாற்றிய பிறகு, தமிழை நன்கு கற்றுக் கொண்டு யாழ்ப்பாணம் பகுதியில் 23 பள்ளிகளை நிறுவினார். அவர்களுக்கு 8 ஆண் குழந்தைகளும் 2 பெண் குழந்தைகளும் பிறந்தன. அதுமட்டுமல்லாமல், 16 ஆண் குழந்தைகளையும் 3 பெண்குழந்தைகளையும் தத்து எடுத்து வளர்த்தார். 
பின்னர் 1836-ஆம் ஆண்டு சென்னைக்கு மாற்றப்பட்டு, மருத்துவப் பணிக்காக சென்னையிலிருந்து காஞ்சிபுரம், வாலாஜா போன்ற பகுதிகளில் அடிக்கடி பயணம் செய்து வந்தார். 1842 -ஆம் ஆண்டு உடல் நலமின்மை காரணமாக அமெரிக்கா சென்று சிகிச்சை பெற்றுத் திரும்பினார். 1847 ஆம் ஆண்டு மதுரையில் தங்கி 2 ஆண்டுகள் மருத்துவப் பணியை மேற்கொண்டார்.
கிறிஸ்துவ மிஷனரியில் சாதி பாகுபாடு பார்க்கும் முறையை எதிர்த்து அனைவரும் சமம் என்ற கொள்கையை நிலைநாட்டினார். இவர் 1855-ஆம் ஆண்டு உயிர்நீத்தார். 
இவருடைய பரம்பரையைச் சேர்ந்த இடா சோபியா ஸ்கடர் டிசம்பர் 9, 1870 இல் பிறந்தார். இவர் டாக்டர் ஜான் ஸ்கடர் சீனியரின் மூன்றாவது தலைமுறையைச் சேர்ந்தவர். இவருடைய இளம் வயதிலேயே இந்தியப் பெண்களின் நிலையை அறிந்து அவர்களுக்கு ஏற்படும் கொடுமையான நோய்களாகிய பிளேக் , காலரா, லெப்ரஸி ஆகியவற்றை எதிர்த்துப் போராட தன்னை அர்ப்பணித்தார். 1918 ஆம் ஆண்டு இவர் ஆரம்பித்த டீச்சிங் ஹாஸ்பிடல் இன்றைக்கு உலகிலேயே சிறந்த கல்வி நிறுவனமாக கிறிஸ்டியன் மெடிக்கல் காலேஜ் அண்ட் ஹாஸ்பிட்டலாக வேலூரில் உள்ளது. 
(தொடரும்)
கட்டுரையாசிரியர்: சமூக கல்வி ஆர்வலர் 
www.indiacollegefinder.org
 

]]>
http://images.dinamani.com/uploads/user/imagelibrary/2018/12/11/w600X390/im1.jpg http://www.dinamani.com/weekly-supplements/ilaignarmani/2018/dec/11/சரியான-பார்வை-சரியான-வழி-சரியான-செயல்-24---தாநெடுஞ்செழியன்-3055756.html
3055789 வார இதழ்கள் இளைஞர்மணி அக்கம் பக்க தகவல்களை அறிய... நெய்பர் ஆப்! DIN DIN Tuesday, December 11, 2018 10:00 AM +0530 இன்றைய நகர வாழ்வில் அக்கம், பக்கத்தினரிடம் பேச்சுவார்த்தை நடத்துவதே அபூர்வமாக உள்ளது. அதுவும் அண்டை வீட்டாரின் பெயர்கள் கூட தெரியாமல் வாழ்பவர்களின் எண்ணிக்கைதான் அதிகம். இந்தச் சூழலில் வேறு மாநிலத்தில் இருந்து ஒருவர் புதிதாக குடியேறினால் அவரது நிலை திண்டாட்டம்தான். வீட்டு வேலைக்காக அருகே உள்ள பிளம்பர், எலக்ட்ரீசியன் போன்றவர்களைத் தேடி அலைய வேண்டிய நிலை உள்ளது.
இந்தப் பிரச்னைக்கு தீர்வு காண, ஒரு பகுதியில் வாழ்பவர்களுக்கு, அந்தப் பகுதியில் உள்ள தகவல்களைத் தேடித் தரும் "நெய்பர்லி' (neighbourly) எனும் புதிய செயலியை கூகுள் நிறுவனம் அறிமுகம் செய்துள்ளது. இந்தச் செயலியை பதிவிறக்கம் செய்து நமது செல்லிடப்பேசியில் லோக்கேஷனை ஆன் செய்ய வேண்டும். நாம் இருக்கும் இடத்தில் இருந்து ஒரு கி.மீ. தூரம் உள்ளவர்கள் இந்த நெய்பர்லி ஆப்பில் சேர்ந்துவிடுவார்கள்.
பின்னர் அந்தப் பகுதியில் நமக்கு தேவையான தகவல்களை கேள்விகளாக அவர்களிடம் கேட்கலாம். அதற்கு அப்பகுதியில் உள்ளவர்கள் பதிலளிப்பார்கள். எத்தனைப் பேர் வேண்டுமானாலும் பதில்களைப் பதிவு செய்யலாம். வாய்ஸ் மெசேஜாகவும் பதில்களைப் பதிவு செய்யும் வகையில் வசதி அளிக்கப்பட்டுள்ளது.
இந்தியாவுக்காக பிரத்யேகமான நெய்பர்லி ஆப் கடந்த மே மாதம் மும்பையில் சோதனை முறையில் அறிமுகம் செய்யப்பட்டது. மும்பைவாசிகளிடம் நல்ல வரவேற்பைப் பெற்ற இந்த நெய்பர்லி ஆப்பில், "மழை நீர் தேங்காத பகுதியா இது?', "இந்த வகை உணவுகள் எங்கு கிடைக்கும்?' என்பன போன்ற கேள்விகள் கேட்கப்பட்டன. இதைத் தவிர ஒரு பகுதியில் கேஸ் சிலிண்டர் அலுவலகம் எங்கு உள்ளது? அருகே மார்க்கெட் எங்கு உள்ளது? குழந்தைகள் விளையாடும் பூங்கா எங்கு உள்ளது? போன்ற தகவல்களும் இதில் கேட்டுப் பெறலாம்.
ஜெய்ப்பூர், ஆமதாபாத், கோயம்புத்தூர், மைசூர் ஆகிய பகுதிகளிலும் இந்த ஆப் சோதனை நடத்தப்பட்டது. இதைத் தொடர்ந்து தில்லி, பெங்களூருவில் நவம்பர் மாதம் இந்த ஆப் முழுமையாக அறிமுகப்படுத்தப்பட்டது. சுமார் 15 லட்சம் பேர் நெய்பர்லி ஆப்பை பதிவிறக்கம் செய்துள்ளனர். விரைவில் சென்னை, ஹைதராபாத், புணே, சண்டீகர், லக்னௌ, இந்தூர், கொல்கத்தாவிலும் இந்த ஆப் அறிமுகம் செய்யப்பட உள்ளது. ஹிந்தி, மராட்டி, குஜராத்தி உள்ளிட்ட 8 இந்திய மொழிகளைப் பயன்படுத்தும் வகையில் இந்த ஆப் வடிவமைக்கப்பட்டுள்ளது. 
அ.சர்ஃப்ராஸ்
 

]]>
http://images.dinamani.com/uploads/user/imagelibrary/2018/12/11/w600X390/GOOGLE-NEIGHBOURLY.JPG http://www.dinamani.com/weekly-supplements/ilaignarmani/2018/dec/11/அக்கம்-பக்க-தகவல்களை-அறிய-நெய்பர்-ஆப்-3055789.html
3055819 வார இதழ்கள் இளைஞர்மணி தயக்கம் ஒரு பாக்டீரியா! ஆர்.திருநாவுக்கரசு ஐ.பி.எஸ். DIN DIN Tuesday, December 11, 2018 10:00 AM +0530 தன்னிலை உயர்த்து! 22
வருடம் 1890. இங்கிலாந்து நாட்டில் இந்திய இளைஞர் ஒருவர் "பாரிஸ்டர்' பட்டம் படித்துக் கொண்டிருந்தார். அவருக்கு அப்பொழுது வயது இருபத்து ஒன்று. ஒருநாள், அவரது மூத்த நண்பருடன் வெண்ட்னர் என்னும் நகரத்திற்கு சென்றார். அங்கே அவர்கள் தங்கியிருந்த போது "உணவு முறையின் தருமம்' (The Ethics of Diet) என்னும் நூலின் ஆசிரியர் ஹோவர்டு அவர்கள், சைவ உணவின் சிறப்பினைப் பற்றி பேச இவர்களுக்கு அழைப்பு விடுத்தார்.
இளைஞன் பேசுவதற்கு ஆசைப்பட்டார். இருப்பினும் மனதிற்குள் ஒரு தயக்கம். மனதில் இருப்பதை மேடையேறிப் பேசிவிட முடியுமா? என்ற தயக்கம். எனவே, பேச வேண்டியதை தாளில் எழுதி வைத்துக் கொண்டார். மறுநாள் கூட்டத்தில் பேச அவர் அழைக்கப்பட்டார். மேடையேறினார். பேசத் தொடங்கினார். பேச்சு வரவில்லை. எழுதி வைத்ததைப் பார்க்க, கண்ணில் எழுத்துகள் மங்கலாகத் தெரிந்தன. உடம்பெல்லாம் நடுங்கியது. அவரது நண்பர் அதை வாங்கிப் பேசினார். அவருக்கு கைதட்டல் கிடைத்தது. இளைஞன் தனக்குத்தானே வெட்கப்பட்டுக் கொண்டார்.
இளைஞன் தாய் நாடு திரும்பும் காலம் வந்தது. சைவ நண்பர்கள் அனைவருக்கும் ஒரு விருந்தளித்தார். அதில் உரையாற்றுவது என்பது அவசியமாயிருந்தது. நகைச்சுவையாக பேசவும் ஆசைப்பட்டார். ஒருவித தயக்கத்தோடு மேடையேறினார். அனைவரையும் வரவேற்று ஒரு வாக்கியம் மட்டுமே பேசினார். அவரது ஞாபக சக்தி ஸ்தம்பித்தது. தயக்கத்தில் பேச்சே வரவில்லை. அது, இங்கிலாந்து நாட்டு பாராளுமன்றத்தில், உறுப்பினர் அடிஸன் ஆற்றிய முதல் உரையைப்போல் இருந்தது. பாராளுமன்றத்தில் பேச ஆரம்பித்த அடிஸன், "நான் கருதுகிறேன் (I Conceive)' என்று மும்முறை திரும்பத் திரும்பச் சொன்னார். அதற்கு மேல் அவரால் பேச முடியவில்லை. அப்போது மற்றொரு உறுப்பினர் எழுந்து, "இம்மனிதர் மும்முறை கருத்தரித்தார். ஆனால், எதுவுமே வெளியே வரவில்லை' என்றார். அடிஸனைப் போலவே இவ்விளைஞரும் அனைவரின் கேலிக்குள்ளனார். நகைச்சுவையாகப் பேச வேண்டுமென நினைத்தவர், கடைசியில் அனைவரின் நகைப்புக்கு ஆளானார்.
அவர் தென்னாப்பிரிக்காவில் இருந்த காலத்தில் தயக்கமும், கூச்சமும் அகன்றது. தனது "சத்தியசோதனை' என்னும் சுயசரிதையில், "கூச்சத்தால் பிறர் நகைப்பதற்கு நான் இடம் கொடுத்துவிட்டேன் என்பதைத் தவிர, அதனால் எனக்கு எவ்வித கெடுதலும் உண்டாகவில்லை. உண்மையில் தயக்கம் எனக்கு நன்மையே செய்திருக்கிறது. பேச்சில் இருந்த தயக்கம், சொற்களைச் சிக்கனமாகப் உபயோகிக்க எனக்கு கற்றுக் கொடுத்தது என்றெழுதினார். அவர் மகாத்மா காந்தியானார். அப்போது கூச்சப்பட்டவரின் பேச்சைக் கேட்க பின்னாளில் மக்கள் கூட்டம் கூட்டமாய் வந்தனர். தயக்கப்பட்டவரின் தரிசனத்திற்காக தரணியே காத்திருந்தது. காந்திக்கு தயக்கம் தலைக்குனிவைத் தந்தது. முயற்சியால் தயக்கத்தை உடைத்தபோது தன்னிறைவை உருவாக்கியது.
"நாமெல்லாம் சாதாரண மனிதர்கள். நமக்கு தயக்கமும், பேராசையும் தான் நோய்கள்' ஏன்றார் அமெரிக்க எழுத்தாளர் எமர்சன். தயக்கம் தாழ்வு மனப்பான்மையின் படிவம். ஆற்றலின் அழிவிடம். இதயத்தின் கல்லறை. அதனைத் தகர்ப்பது தான் வெற்றியின் அடிக்கல்.
தயக்கம் தனது ஆற்றலை மறைக்கும். தன்னையறிதலை தடுக்கும் சக்தி தயக்கமே. சுக்ரீவனின் ஆணைப்படி, சீதா தேவியைத் தேடி எட்டுத் திசைகளிலும் வானரப் படைகள் பறந்தன. தென்திசையில் தேடிய வீரர்களில் அங்கதனும், நீலனும், அனுமனும் அடக்கம். அவர்கள் சீதா தேவியைத் எங்கெங்கு தேடியும் காணாததால் சோர்வுற்றனர். வெறுங்கையுடன் திரும்பிச் செல்வதற்கும் தயக்கம். ஒரு சிறு தயக்கம், ஒருவனின் வாழ்வினையே பாழாக்கும். தயக்கத்தால் தங்கள் உயிரையும் விடத் தயாரானார்கள். தயக்கம் மனிதனை அழிக்கும் சக்தி. நல்ல வேளை, ஜாம்பவான் வந்தார். இராவணன் சீதையை கடத்திச் சென்ற திசை நோக்கி மட்டும் காட்டாமல், அனுமனின் தசை வலிமையையும் எடுத்துரைத்தார். அதனால், அனுமன் உடல் வலிமையோடு மன வலிமை கொண்டார். ஒற்றைத் தாவலில் அனுமன் இலங்கையை அடைந்தார். தயக்கத்தை தனிமைப்படுத்த தன்னையறிதலே தீர்வு.
தயக்கம் மனிதனைக் தனிமைப்படுத்தி விடுகிறது. ஆசிரியர் கேட்டும் கேள்விகளுக்கு தெரிந்த பதிலைக் கூட சொல்லத் தயங்குவதுண்டு. காரணம், சொல்வதில் ஏதாவது தவறு ஏற்பட்டு, அதனால் சக மாணவர்களும் கேலி செய்வார்களே என்ற எண்ணம் மட்டுமே. வயிறு நிறையப் பசி இருந்தும் விருந்தில் சரியாக உண்ணாமல் வெளிவருவதும், தயக்கத்தின் வெளிப்பாடே. தன்னைப் பற்றி எண்ணுவதை விட நாம், நம்மைப் பற்றி நினைப்பதை விட, பிறர் நம்மைப் பற்றி என்ன நினைப்பார்களோ? என்ற எண்ணம் கொண்டவர்கள் தயக்கமானவர்கள்.
தயக்கம் ஒரு பாக்டீரியா. அது அளவோடு இருப்பது ஆரோக்கியம். அதை அளவுக்கு அதிகமாக அனுமதித்தால், அது ஆளையே அழித்துவிடும். முகம் அகத்தின் பிரதிபலிப்பு போல், தயக்கம் சுற்றத்தின் பிரதிபலிப்பு. "குழந்தைகளிடம், "கேள்வி கேட்காதே! சும்மா இரு!' என்ற அதட்டல் மொழிக்கும், "இது கூடவா தெரியாது உனக்கு?' என்ற ஏளன வார்த்தைகளும் குழந்தைகளில் தயக்க உணர்வை ஆழமாய் விதைக்கும். புதிய முயற்சிகள் எடுக்கும்போது, "அது தோல்வியில் முடிந்தால் என்ன செய்வாய்?' என்ற ஆரோக்கியமற்ற கேள்விகள் தயக்கத்திற்கு எரிகின்ற நெருப்பில் எண்ணெய்யைச் சேர்க்கும். மொத்தத்தில் சமூகத்தின் எதிர்மறைப் பிரதிபலிப்பால் தயக்கத்தோடு இருக்கும் ஒரு குழந்தை, ஏக்கத்தோடு வளர்ந்து, வாழ்வில் ஏற்றங்களை எட்டிப் பார்க்க முடியாமலே போய் விடுகிறது.
புதியன முனையும் போதும், புதியவர்களைச் சந்திக்கும் போதும், சிறு தயக்கம் அவசியமே. அது ஆராய்வதற்கு அவசியம். அஸ்திவாரத்திற்காக அல்ல. முடிவெடுக்கும்போது, ஒரு கணப்பொழுது தயக்கம், வாழ்க்கை முழுவதும் சங்கடத்தை ஏற்படுத்தி விடும்.
தீமை செய்வதற்கு தயக்கம் அவசியம். மகாபாரதப் போரின் ஆரம்ப நாள். பாண்டவர்கள் ஒருபுறம், கெüரவர்கள் மறுபுறம். பாண்டவர்களின் நம்பிக்கை நட்சத்திரம் "வில்லுக்கு விஜயன்' என்றழைக்கப்பட்ட அர்ச்சுனன். அவருக்கு தேரோட்டியாக பகவான் கிருஷ்ணர். அர்ச்சுனன் வில்லேந்தி போரிட ஏறிட்டுப் பார்க்க, எதிர் முனையில் உறவுகளின் முகங்கள். நாட்டை அடைவதற்காக பாட்டனைக் கொல்வதா? ஏற்றம் பெறுவதற்காக சுற்றத்தை சாய்ப்பதா ? என்ற கேள்விகணைகளால், கணைதொடுக்கக் தயங்கினான். இங்கு தயக்கம் அர்ச்சுனனின் திறமை மீது சந்தேகத்தால் உருவானதல்ல. உறவுகளை வெல்வது தருமமா? என்ற சந்தேகம் தான்.
தயக்கத்தின் காரணம் வினவ, அர்ச்சுனனின் கேள்விக்கணைகளுக்கு, கிருஷ்ணரின் பதில்கள் "பகவத் கீதையாய்' மண்ணில் வலம் வருகிறது. முடிவு, எதிரே இருப்பவர்கள் எல்லாம் "ஆன்மாவைப் போர்த்திக்கொண்டிருக்கும் உருவங்கள்' என்ற கிருஷ்ணரின் பதில்களில் தயக்கம் மறைந்தது. அர்ச்சுனனின் அம்பில் ஆன்மாக்கள் விடுதலை பெற்றன. தயக்கத்தை தாண்டியபோது அர்ச்சுனனின் காண்டீபத்தின் ஆற்றல் உலகமறிந்தது. நற்செயலுக்கு தயக்கமே எதிரி. தயக்கம் ஒரு கவசம் போன்றது. அதைப் போரில் பயன்படுத்தி பாதுகாத்துக் கொள்ளலாம். எப்பொழுதும் அணிந்திருப்பது சுமையாகவே அமையும். 
"பயம் தயக்கத்தைத் தருகிறது. தயக்கம்தான் பயத்தை உண்மையாக்குகிறது' என்கிறார் அமெரிக்க நடிகரும், பாடலாசிரியருமான பேட்ரிக் ஸ்வேய்ஸ். ஒரு மன்னருக்கு இரண்டு கிளிக்குஞ்சுகளைப் பரிசாய்த் தந்தார் ஒர் அறிஞர். அவற்றை அரண்மனை வளாகத்திலுள்ள மரத்தில் வளர்த்து வந்தனர். சில நாட்களில் ஒரு கிளி பறக்க ஆரம்பித்தது. மற்றொரு கிளி பறக்கத் தயங்கியது. பறக்கும் கிளி மகிழ்ச்சியாய் இருக்க, தயங்கிய கிளியோ தயக்கம், வாழ்வையே பாழாக்கும் என்ற வரிகளுக்கேற்ப ஒர் அச்சத்துடனே வாழ்ந்தது. விலங்கின மருத்துவர் சோதித்துப் பார்த்துவிட்டு "இக்கிளிக்கு எந்தக் குறையுமில்லை, ஊனமுமில்லை. ஆனால் ஏன் பறக்க மறுக்கிறது எனப் புரியவில்லை?' என்றார். 
நாட்கள் கடந்தன. பல முயற்சிகளெடுத்தும் கிளி பறக்கவில்லை. மன்னரின் முரசு முழங்கியது. "இக்கிளியை பறக்க வைப்பவர்களுக்கு தங்கக் காசுகள் பரிசு' என்று அறிவித்தார் மன்னர். பலரும் முயன்றனர். தோல்வி கண்டனர். இறுதியில் ஒரு விவசாயி வெற்றி கண்டார். மன்னரிடம் பரிசு பெற்றபோது, "எப்படி அக்கிளியைப் பறக்க வைத்தாய்?' என்று கேட்டார் மன்னர். அதற்கு அந்த விவசாயி, "மன்னா! கிளி பறப்பதற்கு பயந்து கொண்டு, மரக்கிளையைப் பிடித்துக் கொண்டு, தயக்கத்தோடு இருந்தது. அக்கிளையை வெட்டினேன். கிளிக்கு வேறு வழி இல்லை. பறக்கத் தொடங்கியது. அதற்கு எல்லையில்லா வானமே வீடானது' என்றார். தயக்கத்தை தாங்கும் மனநிலையை அழித்தால், மகிழ்வாய்ப் பறக்கலாம்.
தயக்கம் பயத்தின் முதல் வீடு !
துணிச்சலுக்கு எல்லையில்லாத வானமே வீடு !
(தொடரும்)
கட்டுரையாசிரியர்:
காவல்துறை துணை ஆணையர், நுண்ணறிவுப் பிரிவு.


 

]]>
http://images.dinamani.com/uploads/user/imagelibrary/2018/12/11/w600X390/im3.jpg http://www.dinamani.com/weekly-supplements/ilaignarmani/2018/dec/11/தயக்கம்-ஒரு-பாக்டீரியா-ஆர்திருநாவுக்கரசு-ஐபிஎஸ்-3055819.html
3055830 வார இதழ்கள் இளைஞர்மணி வேலை...வேலை...வேலை... DIN DIN Tuesday, December 11, 2018 10:00 AM +0530 பாரத் எலக்ட்ரானிக்ஸ் நிறுவனத்தில் வேலை
பதவி: CONTRACT ENGINEERS (ELECTRONICS ENGINEERING,  MECHANICAL ENGINEERING,  COMPUTER SCIENCE,  ELECTRICAL ,  CIVIL)
காலியிடங்கள்: 16
தகுதி: பொறியியல் துறையில் சம்பந்தப்பட்ட பிரிவுகளில் பிஇ அல்லது பி.டெக் முடித்திருக்க வேண்டும். 
வயதுவரம்பு: 25 வயதிற்குள் இருக்க வேண்டும். அரசு விதிகளின்படி ஓபிசி, பிசி, எஸ்டி, எஸ்டி மற்றும் மாற்றுத்
திறனாளிகளுக்கு அரசு விதிகளின்படி வயதுவரம்பில் தளர்வு வழங்கப்படும். 
சம்பளம்: மாதம் ரூ.23,000 வழங்கப்படும். கணினி அறிவியல் பிரிவினருக்கு ரூ.26,500 வழங்கப்படும்.
தேர்வு செய்யப்படும் முறை: எழுத்துத் தேர்வு மற்றும் நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை: www.bel-india.in என்ற இணையதளம் மூலம் ஆன்லைனில் விண்ணப்பிக்க வேண்டும். ஆன்லைனில் விண்ணப்பித்த பின்னர் எதிர்கால பயன்பாட்டிற்காக அதனை பிரிண்ட் அவுட் கைவசம் வைத்துக்கொள்ளவும். 
மேலும் முழுமையான விவரங்கள் அறிய: http://bel-india.in/Documentviews.aspx?fileName=CE-Web-ad-English-201118.pdf என்ற லிங்கில் சென்று தெரிந்துகொள்ளவும். 
ஆன்லைனில் விண்ணப்பிப்பதற்கான கடைசித் தேதி: 12.12.2018

விமான சரக்கு பெட்டக நிறுவனத்தில் வேலை
பதவி: Security Screeners
காலியிடங்கள்: 372 
தகுதி: ஏதாவதொரு துறையில் பட்டம் பெற்றவர்கள் விண்ணப்பிக்க தகுதியானவர்கள். அத்துடன் என்.சி.சி. சான்றிதழ் அல்லது விமான நிறுவனத்தின் AVSEC சான்றிதழ் பெற்றிருப்பதுடன் இந்தி, ஆங்கிலம் மொழி அறிவுடன் உள்ளூர் மொழியும் தெரிந்திருக்க வேண்டும். 
வயது வரம்பு: 45 வயதிற்குள் இருக்க வேண்டும். அரசு விதிகளின்படி குறிப்பிட்ட பிரிவினருக்கு வயது வரம்பில் தளர்வு வழங்கப்படும். 
தேர்வு செய்யப்படும் முறை: நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவார்கள். ஒரு சில பணியிடங்களுக்கு மட்டும் உடற்தகுதி, எழுத்துத் தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்பக் கட்டணம்: பொது மற்றும் ஓபிசி பிரிவினருக்கு ரூ.500. எஸ்.சி.,எஸ்.டி. பிரிவினர், பெண் விண்ணப்பதாரர்கள், முன்னாள் படைவீரர்கள் கட்டணம் செலுத்துவதில் விலக்கு அளிக்கப்பட்டுள்ளது. 
விண்ணப்பிக்கும் முறை: www.aaiclas.org என்ற வலைதளத்தில் உள்ள விண்ணப்பப் படிவத்தைப் பதிவிறக்கம் செய்து பூர்த்தி செய்து தேவையான சான்றிதழ்களின் நகல்களை இணைத்து கீழ்காணும் முகவரிக்கு அனுப்பி வைக்க வேண்டும். 
முகவரி: The Chief Executive Officer, AAI Cargo Logistics & Allied Services Company Limited, AAI Complex, Delhi Flying Club Road, Safdarjung Airport, New Delhi -110 003  
மேலும் முழுமையான விவரங்கள் அறிய: https://aaiclas-ecom.org/images/career3.pdf என்ற லிங்கில் சென்று தெரிந்துகொள்ளவும். 
விண்ணப்பம் சென்றுசேர கடைசித் தேதி: 15.12.2018

மத்திய தொழிற்சாலை பாதுகாப்பு படையில் வேலை
பதவி: Assistant Sub Inspector
காலியிடங்கள்: 519
தகுதி: மத்திய தொழிற்சாலை பாதுகாப்பு படையில் தற்போது காவலர், தலைமை காவலர், டிரேஸ்மேன் போன்ற ஏதாவதொரு பணியில் 5 ஆண்டு பணி அனுபவம் பெற்றவர்கள் விண்ணப்பிக்க தகுதியானவர்கள்.
தேர்வு செய்யப்படும் முறை: மத்திய தொழிற்சாலை பாதுகாப்பு படையால் நடத்தப்படும் துறைதேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை: விண்ணப்பதாரர்கள் தற்போது பணிபுரியும் துறையின் வழியே விண்ணப்பிக்கவும்.
மேலும் முழுமையான விவரங்கள் அறிய: https://www.cisf.gov.in/wp-content/uploads/2018/11/4201.pdf என்ற இணைய தளத்தில் கொடுக்கப்பட்டுள்ள அறிவிப்பைப் பார்த்து தெரிந்துகொள்ளவும்.
விண்ணப்பிப்பதற்கான கடைசித் தேதி: 15.12.2018

தமிழ்நாடு தொல்லியல் துறையில் நூலகர் வேலை
பதவி: Librarian in Archaeology Department
காலியிடங்கள்: 01
சம்பளம்: மாதம் ரூ. 18,500 - 58,600
கல்வித் தகுதி: நூலக அறிவியல் துறையில் சான்றிதழ் பெற்றிருக்க வேண்டும். தமிழ் எழுதப் படிக்க தெரிந்திருக்க வேண்டும். 
தேர்வு செய்யப்படும் முறை: எழுத்துத் தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை: www.tnpsc.gov.in என்ற இணையதளம் மூலம் ஆன்லைனில் விண்ணப்பிக்க வேண்டும். 
ஆன்லைன் மூலம் கட்டணம் செலுத்துவதற்கான கடைசித் தேதி: 18.12.2018
எழுத்துத் தேர்வு நடைபெறும் தேதி: 24.02.2019
மேலும் முழுமையான விவரங்கள் அறிய: http://www.tnpsc.gov.in/notifications/2018_34_notyfn_Librarian_Archaeology.pdf என்ற லிங்கில் சென்று தெரிந்துகொள்ளவும். 
ஆன்லைனில் விண்ணப்பிப்பதற்கான கடைசித் தேதி: 16.12.2018

தமிழ்நாடு தொழிலாளர் துறையில் வேலை
பதவி: அலுவலக உதவியாளர் 
மொத்த காலியிடங்கள்: 21 
தகுதி: 8 ஆம் வகுப்பு தேர்ச்சி பெற்றிருக்க வேண்டும். 
சிறப்பு தகுதி: மிதிவண்டி ஓட்ட தெரிந்திருக்க வேண்டும்.
சம்பளம்: மாதம் ரூ.15,700 - 50,000 
வயதுவரம்பு: 18 வயது பூர்த்தி அடைந்து 30 வயதிற்குள் இருக்க வேண்டும். குறிப்பிட்ட சில பிரிவினருக்கு அரசுவிதிகளின்படி வயதுவரம்பில் தளர்வு வழங்கப்படும். பட்டதாரிகளுக்கு வயதுவரம்பில் உச்ச வயது வரம்பு இல்லை. 
தேர்வு செய்யப்படும் முறை: நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள்.
விண்ணப்பிக்கும்முறை: இப்பணிக்கான விண்ணப்பங்களை சென்னை, காஞ்சிபுரம், திருவள்ளூர், திருவண்ணாமலை, வேலூர், கடலூர் மற்றும் விழுப்புரம் மாவட்ட தொழிலாளர் உதவி ஆணையர்(அமலாக்கம்) அலுவலகங்களிலும், சென்னை மற்றும் வேலூர், தொழிலாளர் இணை ஆணையர் அலுவலகங்களிலும் மற்றும் சென்னை, தொழிலாளர் கூடுதல் ஆணையர் அலுவலகத்தில் பெற்றுக் கொள்ளலாம். பூர்த்தி செய்யப்பட்ட விண்ணப்பங்களை சம்பந்தப்பட்ட அலுவலகங்களில் நேரிலும் சமர்ப்பிக்கலாம். 
பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி: கூடுதல் தொழிலாளர் ஆணையர் அலுவலகம், தமிழ்நாடு தொழிலாளர் நல வாரியக் கட்டிடம், 6வது தளம், டி.எம்.எஸ். வளாகம், சென்னை - 600 006. தொலைபேசி: 044 -2433 9934
மேலும் முழுமையான விவரங்கள் அறிய: http://govtjobsdrive.in/wp-content/uploads/2018/11/Chennai_OA_Advertisement.pdf என்ற லிங்கில் சென்று தெரிந்துகொள்ளவும். 
விண்ணப்பங்கள் சென்று சேர கடைசித் தேதி: 17.12.2018. பூர்த்தி செய்யப்பட்ட விண்ணப்பங்களை நேரிலும் சமர்ப்பிக்கலாம். 
தொகுப்பு: இரா.வெங்கடேசன்

]]>
http://images.dinamani.com/uploads/user/imagelibrary/2018/12/11/w600X390/VELAI.JPG http://www.dinamani.com/weekly-supplements/ilaignarmani/2018/dec/11/வேலைவேலைவேலை-3055830.html
3055885 வார இதழ்கள் இளைஞர்மணி ஆட்டோமொபைல் டிசைன் படிப்புகள்! DIN DIN Tuesday, December 11, 2018 09:59 AM +0530 மக்கள் போக்குவரத்துக்கு பயன்படுத்தும் வாகனங்களை உற்பத்தி செய்யும் முக்கிய துறையாக ஆட்டோமொபைல் துறை விளங்கி வருகிறது. புதிய தொழில் நுட்பங்கள், புதிய வடிவமைப்புகளில் நாள்தோறும் புதிய வாகனங்கள் அறிமுகப்படுத்தப்படுகின்றன. நுகர்வோரின் தேவைக்கேற்ப வாகனங்களின் வடிவமைப்பு அவ்வப்போது மாறி வருகிறது. கணினித்துறையில் தோன்றுகிற மாற்றங்கள், புதிய கண்டுபிடிப்புகளும் ஆட்டோமொபைல் துறையில் மாற்றங்களை ஏற்படுத்துகின்றன. பல்வேறு நவீன வசதிகளும் அறிமுகப்படுத்தப்படுகின்றன. எனவே ஆட்டோமொபைல் துறையில் வடிவமைப்பு என்பது அதன் புறத்தோற்றத்தில் ஏற்படுத்தப்படும் மாறுதல்கள் மட்டுமல்ல. வாகனத்தில் நுகர்வோரின் வசதிக்காக ஏற்படுத்தப்படும் பல்வேறு மாறுதல்களும் அடங்கும். 
ஆட்டோமொபைல் துறையில் வடிவமைப்பில் மாற்றம் செய்ய அதற்கான படிப்புகள் இப்போது கற்றுத் தரப்படுகின்றன. சில கல்வி நிறுவனங்கள் ஆன்லைன் மூலமாகவும் கூட கற்றுத் தருகின்றன. 
இத்துறையில் பல்வேறு வேலை மற்றும் தொழில் வாய்ப்புகள் காத்திருக்கின்றன. அதனால் ஆட்டோ மொபைல் துறையில் வேலை பெற்றாலும், தொழிலைத் தொடங்கினாலும் ஆட்டோமொபைல் டிசைன் படிப்புகளைப் படிப்பது அவசியம். அது சம்பந்தமான படிப்புகளுக்கு எப்போதும் மாணவர்களிடையே போட்டி நிலவுகிறது. குறிப்பாக ஆட்டோமொபைல் டிசைன் படிப்புகள் மிகவும் முக்கியத்துவம் பெற்றுள்ளன.
Bachelor Of Design (B.Des.), Master Of Design (M.Des.) போன்ற பட்டப்படிப்புகளும், பல டிப்ளமோ படிப்புகளும் சொல்லித் தரப்படுகின்றன. 
ஆட்டோமொபைல் டிசைன் படிப்புகளை கற்றுத் தரும் சில நிறுவனங்கள்:
NATIONAL INSTITUTE OF DESIGN -  Bengaluru
MIT Institute of Design, MIT Art, Design and Technology University,
     Loni Kalbhor, Pune
Kalapurnam Institute, C.G Road, Ahmedabad
SGT University - SGT,Gurgaon 
Unitedworld Institute of Design, Karnavati University,  Ahmedabad
Industrial Design Centre - IIT Bombay (IDCIITB), Powai, Mumbai
- எம். அருண்குமார்

]]>
http://images.dinamani.com/uploads/user/imagelibrary/2018/12/11/w600X390/AUTOMOTIVE-DESIGN.JPG http://www.dinamani.com/weekly-supplements/ilaignarmani/2018/dec/11/ஆட்டோமொபைல்-டிசைன்-படிப்புகள்-3055885.html
3055961 வார இதழ்கள் இளைஞர்மணி இன்று...நாளையின் அடித்தளம்! DIN DIN Tuesday, December 11, 2018 09:58 AM +0530 உலகில் லட்சியங்கள் இல்லாத மனிதர்களே இருக்க மாட்டார்கள். ஒரு சிலருக்கு மாவட்டத்தின் ஆட்சியர் ஆக வேண்டும் என்றிருக்கும். ஒரு சிலருக்கு எதிர்காலத்துக்கு நிறைய சேமித்து வைக்க வேண்டும் என்றிருக்கும். சிலருக்கு உடல் எடையைக் குறைப்பதே பெரிய லட்சியமாக இருக்கும். இவ்வாறு லட்சியங்கள் ஒவ்வொருவருக்கும் மாறுபடுமே தவிர, நம் அனைவருக்கும் வாழ்க்கையில் ஏதாவது ஒன்றை அடைய வேண்டும் என்ற லட்சியம் நிச்சயம் இருக்கும். ஆனால் அதை அடைவதற்கு தேவையான முயற்சிகளை எடுக்கவிடாமல் சோம்பலும், நாளை பார்த்துக் கொள்ளலாம் என்ற அலட்சியமும் நமது லட்சியத்தை எட்ட விடாமல் தள்ளிப் போடும். 
ஏன் இவ்வாறு மனிதர்கள் எதிர்காலம் குறித்து யோசிக்காமல் இருக்கின்றனர் என்று மனித மூளையில் எதிர்காலம் பற்றிய சிந்தனைகள் குறித்து அமெரிக்காவில் ஓர் ஆய்வு நடத்தினர். அந்த ஆய்வின் முடிவில் இன்றைய நம்மைப் பற்றி மட்டும்தான் நாம் அதிகமாக யோசிக்கிறோம் என்பது தெரிய வந்தது. நாம் பிறரைப் பற்றி சிந்திக்காதது போல, எதிர்காலத்தைய நம்மைப் பற்றியும் சிந்திப்பதில்லை. எதிர்காலம் பற்றிய சிந்தனை இல்லாமல் அனைத்து காரியங்களையும் நாளைக்குச் செய்வோம் என்று தள்ளிப்போடுகிறோம்.
தள்ளிப் போடாதே
"ஒன்றே செய், நன்றே செய், அதை இன்றே செய்' என்பார்கள். ஆனால் நாம் இன்றைக்கு நல்லது என்று நினைக்கும் ஒன்று நாளையும் நல்லதாகவே இருக்குமா என்று ஆராய்ந்து அந்த ஒன்றைச் செய்ய வேண்டும். 
இனிப்பும், காரமும் இன்று நமக்கு சுவையான உணவாகத் தெரியலாம். ஆனால் எதிர்காலத்தைய நமக்கு அது பெரும் தீங்கை விளைவிக்கக் கூடும். குறுகிய கால இன்பங்களுக்கும், இன்றைய சுகங்களுக்கும் முக்கியத்துவம் அளித்து நாளைய வெற்றியைத் தள்ளிப்போடுவது எதிர்காலத்தில் இருக்கப் போகும் நமக்கு நாம் செய்யும் துரோகமாகும். 
எதிர்காலத்துக்கு வேண்டியதை இன்றே செய்
தற்போது மனிதர்களின் சராசரி ஆயுள்காலம் அதிகரித்து வரும் நிலையில், எதிர்காலத்துக்கு தேவையான பணத்தைச் சேமிக்கும் மனிதர்களின் விகிதம் குறைந்து வருவது அதிர்ச்சியளிக்கிறது. நமது எதிர்காலத்தைப் பற்றி நாம் திட்டமிடாததே இதற்குக் காரணம். எதிர்காலத்தில் நாம் எவ்வாறு இருக்க வேண்டும் என்பதை இப்போது நம்மால் தெளிவாகத் திட்டமிட முடியும். மேலும், நமது இன்றைய செயல்பாடுகளே நமது எதிர்காலத்தை எளிதாக்கவோ, கஷ்டமாக்கவோ போகிறது. எதிர்காலத்துக்குத் தேவையானவற்றை இப்போதே நாம் சேமிக்க வேண்டும். உதாரணமாக நமது எதிர்கால ஓய்வுகாலத்துக்கு பலனளிக்கும் வகையில் தற்போதைய வருமானத்தில் ஒரு குறிப்பிட்ட அளவை தொடர்ந்து சேமிக்கலாம். 
மனிதர்களின் எதிர்கால சிந்தனைகள் குறித்து நடத்தப்பட்ட மற்றொரு ஆராய்ச்சியில், சிலருக்கு வயது முதிர்வில் அவர்கள் எப்படி இருப்பார்கள் என்ற புகைப்படங்களைக் காணச் செய்து அவர்களது நடவடிக்கைகள் எவ்வாறு உள்ளன என்று ஆய்வு நடத்தினர். தங்களது வயதான தோற்றத்தைக் கண்ட நபர்கள் எதிர்காலத்துக்காக முன்பைவிட 30 சதவீதம் அதிகமாக சேமிக்க ஆரம்பித்துள்ளனர் என்று அந்த ஆய்வு கூறுகிறது.
மனநிறைவுடன் வாழ
நமது இலட்சியங்களை இன்னும் சில நாள்களில் அடைந்து விடுவோம் என்ற எண்ணத்தை மனத்தில் விதைக்கும் போது, எதிர்கால தேவைக்கு ஏற்றாற் போல, இன்றைய நம்மை கட்டுப்படுத்திக் கொள்வதும், எதிர்கால லட்சியங்களை நெருக்கமாக உணர்வதும் நமது இயல்பாகிவிடும்.
ஆனால் மனித மனம் இன்னும் சிக்கலானது. அது தனது செயல்களில் மன நிறைவைத் தேடிக் கொண்டே இருக்கும். நாம் ஒரு லட்சியத்தை கருதியிருப்போம். அது அடைய சில ஆண்டுகள் ஆகலாம். ஆனால் அது வரையிலும் நமது மனம் வேறு சிந்தனைகளுக்கு இடமளிக்காமல் திட்டமிட்டவாறு செயல்படுவதில்லை. சில சமயங்களில் லட்சியத்தையே மறந்தும், தள்ளி வைத்தும் அன்றைய செயல்களில் மட்டும் கவனம் செலுத்தி மனநிறைவு கொள்கிறது.
எனவே, நாம் ஒரு லட்சியத்தை தீர்மானிக்கும் போது அதன் பயன் எவ்வளவு மகிழ்ச்சியைத் தரும், எவ்வளவு மனநிறைவைத் தரும் என்று ஒவ்வொரு நாளும் நினைத்துக் கொண்டே இருந்தால்தான் அதனை முழு மனநிறைவுடன் அடைய முடியும்.
-க. நந்தினி ரவிச்சந்திரன்

]]>
http://images.dinamani.com/uploads/user/imagelibrary/2018/12/11/w600X390/NANTHINI.JPG http://www.dinamani.com/weekly-supplements/ilaignarmani/2018/dec/11/இன்றுநாளையின்-அடித்தளம்-3055961.html
3055959 வார இதழ்கள் இளைஞர்மணி மோங் பழம்... ஸ்டீவியா இலை: வேளாண் பட்டதாரிகளுக்கு தொழில் வாய்ப்பு! DIN DIN Tuesday, December 11, 2018 09:54 AM +0530 தென்மேற்கு சீனாவைத் தாயகமாகக் கொண்ட மோங் பழங்களை ஹிமாசலப்பிரதேசம், பலம்பூர் மாவட்டத்தில் விளைய வைத்து இந்திய விஞ்ஞானிகள் சாதனை படைத்துள்ளனர். 
மோங் பழக்கொடிகள் மலைக்காடுகளில் படர்ந்து வளரும் தன்மை உடையவை. இவை விதைக்கப்பட்டதில் இருந்து 8 மாதங்களில் கனிகளைக் கொடுக்கும். இந்தியாவின் தட்பவெப்பம் 3 மாதங்களுக்கு ஒருமுறை மாறக்கூடியது என்பதால், இந்தப் பழங்களை இங்கு விளைவிப்பது மிகப்பெரிய சவாலாக இருந்து வந்தது. என்றாலும், முதல்முறையாக, Indian Institute of Himalayan Bio-resource Technology (IHBT) மற்றும் Council of Scientific and Industrial Research (CSIR) ஆய்வுக்கூட விஞ்ஞானிகள் தற்போது மோங் பழங்களை இங்கு விளைவித்துள்ளதோடு, அவற்றின் வகைகளை அதிகரித்து மேம்படுத்தும் பணிகளில் தீவிரமாக ஈடுபட்டுள்ளனர். 
மோங் பழங்கள் சர்க்கரையைப் போல 30 மடங்கு இனிப்புச் சுவை உடையவை. இதன் பிரித்தெடுக்கப்பட்ட சாறு, பெளடர் போன்றவை 300 மடங்கு இனிப்புச் சுவை உடையவை. என்றாலும், இவற்றில் கலோரிகள், கார்போஹைட்ரேட், சோடியம், கொழுப்பு போன்றவை (0%) இல்லை. அதோடு, இதைச் சாப்பிடுவோரின் ரத்தத்தில் சர்க்கரையின் அளவு கூடுவதில்லை (Sugarfree). கலோரிகள் இல்லை என்பதால், உடல் பருமன் தடுக்கப்படுகிறது. ஒவ்வாமை எதிர் மருந்தாகவும் இது பயன்படுகிறது. அமெரிக்க தரச்சான்று நிறுவனத்தால் பக்கவிளைவுகள் அற்றது என்ற சான்று பெற்றது.
தற்போதைய நிலையில், நம் நாட்டில் 7 கோடி பேர் டைப் -2 நீரிழிவு நோயால் பாதிக்கப்பட்டுள்ளனர். இந்தப் பிரச்னையில் இந்தியா சர்வதேச அளவில் முதலிடத்தில் உள்ளது. 
இந்நிலையில், நீரிழிவு நோயைக் கட்டுக்குள் வைத்திருக்கவும், புதிய நோயாளிகள் உருவாவதை தடுக்கவும், நம் நாட்டில் மோங் பழங்களை அதிக அளவில் உற்பத்தி செய்வது அவசியம். தற்போது, இவை சர்வதேச அளவில் மிகக் குறைவாகவே உற்பத்தி செய்யப்படுவதால், அதிக விலை கொடுத்து வாங்கும் நிலை உள்ளது.
இதுகுறித்து CSIR-IHBT-யின் இயக்குநர் டாக்டர் சஞ்சய்குமார் கூறுகையில், "நம் நாட்டில் உள்ள 7 கோடி நீரிழிவு நோயாளிகளுக்கு மிக அற்புதமான மருந்து இந்தப் பழம். இதை ஆராய்ச்சி நிறுவன பண்ணையில் சோதனை முறையில் உற்பத்தி செய்வதில் வெற்றி பெற்றுள்ளோம். தற்போது இந்தப் பழங்களில் இருந்து சாறு மற்றும் பெளடர் தயாரிப்பதில் கவனம் செலுத்தி வருகிறோம். மிக விரைவில் மோங் பழச் சாறுகள், மென்பானங்கள் இந்திய சந்தைகளில் கிடைக்கும்'' என்றார்.
IHBT-யின் மூத்த விஞ்ஞானி டாக்டர் புரோபிர் குமார் பால் கூறுகையில், "மோங் பழ விதைகளை எங்களது ஆராய்ச்சி அமைப்பு மூலம் சீனாவில் இருந்து பெற்று இந்த ஆண்டு அறிமுகப்படுத்தியுள்ளோம். வேளாண் தொழில்நுட்பம், உரிய சாகுபடியாளர்கள், அறிவியல் உத்திகள் போதிய அளவில் இல்லாததால், பிறநாடுகள் இதை வணிகரீதியாகப் பயிரிடவில்லை. தற்போது, நாங்கள் அனைத்து உத்திகளையும் கையாண்டு இந்த பழத்தை வெற்றிகரமாக இந்தியாவில் விளைவித்துள்ளோம்'' என்றார்.
இப்போது கிடைக்கும் மோங் பழங்கள், இயற்கை இனிப்புக்கான சந்தையில் 2.2 சதவீதத்தையே நிரப்பி வருவதாகக் கூறப்படுகிறது. சர்வதேச அளவில் நீரிழிவு நோயாளிகளின் எண்ணிக்கை அதிகரிக்க, அதிகரிக்க மோங் பழங்களின் தேவை அதிகரிக்கும். குறிப்பாக, வரும் 2026-இல் மோங் பழங்களின் சர்வதேசச் சந்தை மதிப்பு ரூ. 2,660 கோடியாக இருக்கும் என்றும் டாக்டர் பால் கூறுகிறார்.
இதற்கு முன்னதாக சர்க்கரைக்கு மாற்றாக இருப்பது ஸ்டீவியா தாவரம் (stevia plant). இதன் பூர்வீகம் பராகுவே. இந்த செடியின் இலைகள், மோங் பழங்களை ஒத்த சுவையுடையவை. தொடக்கத்தில் இது பக்கவிளைவுகளை ஏற்படுத்தக்கூடியதாக சில ஆய்வுகள் கூறினாலும், தொடர்ந்து வந்த ஆய்வுகளுக்குப் பிறகு அனைத்து நாடுகளாலும் ஏற்றுக்கொள்ளப்பட்டது. 
இந்தியாவில், சில மாநிலங்களில் மட்டுமே குறைந்த அளவில் விளைவிக்கப்படுகிறது. தமிழ்நாட்டில் இது சீனிதுளசி என அறியப்படுகிறது. ஸ்டீவியாவை ஓர் ஏக்கரில் பயிரிட முதலாண்டில் ரூ. 3.5 லட்சம், பிறகு அடுத்த 2 ஆண்டுகளுக்கு ரூ. 2 லட்சம் என 3 ஆண்டுகளுக்கு மொத்தம் ரூ. 5.2 லட்சம் செலவாகும். அதேநேரத்தில், 3 ஆண்டுகளில் இதன் மொத்த விற்றுமுதல் ரூ. 16.2 லட்சம் கிடைக்கும். நிகர லாபம் சராசரியாக ரூ. 11 லட்சம் கிடைக்கும் என கூறப்படுகிறது. ஸ்டீவியா பயிரிட்ட 4 மாதங்களில் பலனளிக்கத் தொடங்கும். 
உலக அளவில் சர்க்கரைக்கு மாற்றான இயற்கை இனிப்புக்கான சந்தை வரும் 2022-இல் ரூ. 96 ஆயிரம் கோடியாகவும், ஸ்டீவியாவின் சர்வதேச சந்தை ரூ. 5 ஆயிரம் கோடியாகவும் இருக்கும் என Industry ARC Report தெரிவிக்கிறது. 
இந்தச் சூழலைப் பயன்படுத்தி, இங்குள்ள வேளாண் பட்டதாரிகள் விவசாயிகளுடன் இணைந்து மலைகளில் இயற்கையான முறையிலோ அல்லது பசுமை இல்லக் கூடங்கள் அமைத்தோ மோங் பழங்களை உற்பத்தி செய்யலாம். அதேபோல, ஸ்டீவியா பயிரிடுவதில் விவசாயிகளுக்குத் தேவையான தொழில்நுட்பங்களை வழங்கி, அவர்களுடன் தொழில்முறை கூட்டாளிகளாக இணைந்து செயல்படலாம். இதன்மூலம், வேளாண்மையில் புதிய போக்கு தோன்றி பலருக்கு வேலைவாய்ப்பு கிடைப்பதுடன், மோங் பழங்கள், ஸ்டீவியா சார்ந்த Sugarfree பொருள்களை உற்பத்தி செய்து, பல ஆயிரம் கோடி ரூபாய் மதிப்புள்ள சந்தையைப் பகிர்ந்துகொள்ளும் வாய்ப்பும் கிடைக்கும்.
இரா.மகாதேவன்

]]>
http://images.dinamani.com/uploads/user/imagelibrary/2018/12/11/w600X390/im5.jpg http://www.dinamani.com/weekly-supplements/ilaignarmani/2018/dec/11/மோங்-பழம்-ஸ்டீவியா-இலை-வேளாண்-பட்டதாரிகளுக்கு-தொழில்-வாய்ப்பு-3055959.html
3055773 வார இதழ்கள் இளைஞர்மணி இணைய வெளியினிலே... DIN DIN Tuesday, December 11, 2018 08:16 AM +0530 முக நூலிலிருந்து....
* ஒரு கார் வைத்திருந்தால்... 
ஆடம்பரமாய் வாழலாம். 
ஒரு சைக்கிள் வைத்திருந்தால்...
ஆரோக்கியமாய் வாழலாம். 
என் கமெண்ட்... 
அதுவும் இல்லாதவர்கள்
மேலும் ஆரோக்கியமாய் இருக்கலாம். 
நீ நட ராசா...
பெ. கருணாகரன்

* என்னதான் பேக் வீல் 
மாதிரி நேர்மையாக இருந்தாலும்...
ப்ரன்ட் வீல் மாதிரி
வளைஞ்சு கொடுத்து,
போனால்தான் 
போக வேண்டிய இடத்துக்குப்
போய்ச் சேரமுடியும். 
காளையன்

* வறுமையின் கைகளில்
தஞ்சம் புகுந்து கொண்டது...
டாம்பீக பொம்மை
வட்டூர். அ. கு ரமேஷ் 

* உரசல் பயத்தில் 
உறங்காமல் கிடக்கின்றன...
தீக்குச்சிகள்.
மு.ரா. சுந்தர மூர்த்தி

சுட்டுரையிலிருந்து...
* முயற்சி மட்டும் இருந்தால்...
சூரியன் கூட கையில் தான்.
முயற்சி மட்டும் இல்லையென்றால்...
உன் நிழல் கூட உன் காலடியில் தான். 
அம்மா பையன் 

* கண்ணும் கருத்துமாக
வாழ்கிறார்கள்...
மொபைலுடன்.
குட்டிராச்

* சொந்த பந்தங்களுடன் இணக்கமாக இருக்க முடியாதவர்கள்...
சமுதாயத்துடன்
ஒருபோதும் இணக்கமாக இருக்க முடியாது.
பாலகுருசாமி மருதா

* நாம் மேலே ஏற... ஏற...
கீழே இருப்பவர்கள் சிறிதாய் தெரிய ஆரம்பித்தால்...
"தன்னடக்கம்' என்னும் கண்ணாடி
அணிந்து கொள்வது அவசியம்.
உணர்ந்தவன் உயர்வான்.
கோழியின் கிறுக்கல் 

வலைதளத்திலிருந்து...
இன்றைய நாளில் படிக்கும் மாணவர்களுக்கான கவனிப்புகளும் அறிவுரைகளும் தாராளமாகக் கிடைக்கின்றன. அவற்றில் முக்கியமான சிலர் சொல்வது, "அதிகாலையில் படித்தால் மனதில் நன்றாகப் பதியும்'.
இத்தகைய எண்ணத்தில் பல வீடுகளில் காலை நேரத்தில் மாணவர்களைப் படிக்க வைப்பதற்காக பெற்றோர் பலவழிகளையும் கையாள்கிறார்கள்.
ஆனால் இது எல்லா மாணவர்களுக்கும் பொருந்துமா எனக் கேட்டால் இல்லை என்பதே மருத்துவர்களின் பதில்.
ஒவ்வொரு மனிதனுக்குள்ளும் "பயோகிளாக்' எனப்படும் உயிரியல் கடிகாரம் இயங்குகிறது. மனிதன் பிறந்த நொடி முதல் அவனது அக, புற காரணிகளைக் கொண்டு மனிதனின் மனநிலை, உடல்நிலை போன்றவற்றை நிர்ணயிப்பதில் பெரும் பங்கு வகிக்கும் இக்கடிகாரம் சில மனிதர்களை அதிகாலையிலும், சிலரைப் பின்னிரவிலும் அல்லது முன்னிரவிலும் உற்சாகமாக வைத்திருக்கிறது. அப்படிப்பட்ட உற்சாக மனநிலையில் இருக்கும்போது மனிதனின் செயல்திறனும் கற்கும் திறனும் மிக அதிகமாக இருக்கும். அதனால் பெற்றோர்களே, ஆசிரியர்களே அதிகாலையில் படிப்பது மட்டுமே நன்மை என்னும் கட்டாயத்தை விடுத்து, மாணவனின் வசதிக்கு ஏற்ப படிக்கும் வழக்கத்தை ஏற்படுத்திக் கொடுங்கள். படிக்கும் நேரத்தை முடிவு செய்ய அவனது கற்கும் திறனை பல்வேறு நேரங்களிலும் சோதித்து, சிறப்பாக கற்கும் நேரத்தைத் வழக்கமாக்கிக் கொள்ளுங்கள். 
மற்றுமொரு கற்றல் தொடர்பான சர்ச்சைக்குரிய அறிவுரை, கேள்விகளுக்கான விடைகளை எழுதிப் பார்த்தல். சில பள்ளிகளில் எழுதுவது மட்டுமே மாணவர்களின் கடமையாகச் சொல்லப்படுகிறது. தேர்வில் பதில் எளிதாக எழுதுவதற்கு எழுதிப் பார்த்தல் மட்டுமே தேவை என்கிறார்கள். ஒரு முறை எழுதிப் பார்ப்பது சரியானதுதான். ஆனால் எழுதிப் பார்ப்பதை மட்டுமே செய்தால் பள்ளியில் பழகும் மாணவனின் பேச்சுத் திறன் கட்டாயமாக பாதிக்கப்படுகிறது. எந்த ஒரு விஷயத்தையும் அவனது சொந்த சொற்களால் கோர்வையாகச் சொல்லத் தெரிவதில்லை. கம்யூனிகேஷன் ஸ்கில்ஸ் எனப்படும் மற்றவரோடு தொடர்பு கொள்ளும் திறனில் மிகவும் பின்தங்குகிறான்.
இதைத் தவிர்க்க உங்கள் குழந்தைகளோடு நீங்கள் அமருங்கள். அவர்கள் ஒரு பக்கம் படிக்கிறார்கள் என்றால் அதில் என்ன படித்தார்கள் என்பதை உங்களிடம் சொல்லச் சொல்லுங்கள்.சொல்லுதல் என்பது மனப்பாடம் செய்து ஒப்பித்தலைப் போல அல்லாமல் விவாதிப்பதைப் போலவே அல்லது உங்களுக்கு அவர்கள் படித்ததை விளக்குவது போலவோ இருக்கட்டும். 
http://iyarkai09.blogspot.com

]]>
http://images.dinamani.com/uploads/user/imagelibrary/2018/12/11/w600X390/im2.jpg http://www.dinamani.com/weekly-supplements/ilaignarmani/2018/dec/11/இணைய-வெளியினிலே-3055773.html
3050947 வார இதழ்கள் இளைஞர்மணி இந்தியக் கல்வி பற்றிய ஆய்வு: நம்பிக்கை தரும் மாற்றம்! இரா.மகாதேவன் DIN Tuesday, December 4, 2018 10:00 AM +0530 இந்தியாவில், ஆசிரியர்கள் மாணவர்களின் வாழ்க்கைக்கு வழிகாட்டும் அர்ப்பணிப்பு உணர்வுடன் பணியாற்றுவதாக, உலகளாவிய அளவில் சர்வதேச கல்வித் திட்டங்களை வழங்கி வரும் பிரிட்டனைச் சேர்ந்த கேம்பிரிட்ஜ் இண்டர்நேஷனல் நிறுவனம் தெரிவித்துள்ளது. இந்த நிறுவனம் கடந்த நவம்பர் மாதம் வெளியிட்டுள்ள Global Education Census 2018 என்ற ஆய்வறிக்கையில் இந்தத் தகவல் வெளியாகியுள்ளது.

இந்த ஆய்வில், சர்வதேச அளவில் பள்ளிகளில் உள்ள நடைமுறைகள், கல்விமுறை, மாணவர்கள், அவர்களின் ஆசிரியர்கள் குறித்து விரிவாக விளக்கப்பட்டுள்ளது. இந்த ஆய்வு இந்தியாவில் உள்ள பல்வேறு பள்ளிகளைச் சேர்ந்த 12 முதல் 19 வயது வரையிலான 3800 மாணவர்கள், 4400 ஆசிரியர்கள் உள்ளிட்ட உலகம் முழுவதும் உள்ள 20 ஆயிரம் ஆசிரியர்கள், மாணவர்களிடம் நடத்தப்பட்டுள்ளது.

இந்தியாவில், மாணவர்களின் பழக்க வழக்கங்கள் மற்றும் கற்பித்தல் முறைகள் மாறிவருவதை இந்த ஆய்வு தெளிவாகச் சுட்டிக்காட்டுகிறது. குறிப்பாக, மனப்பாட கற்றல் கலாசாரத்திலிருந்து, மாணவர்களின் தொழில்முறை முயற்சிகள் வெற்றியடைய ஆசிரியர்கள் உதவும் வகையிலான கற்பித்தல் முறைக்கு மாற்றமடைந்துள்ளது ஆய்வில் தெரிய வந்துள்ளது. அதோடு, இந்திய மாணவர்கள் கல்வித் திட்டம் சார்ந்து மட்டும் பயிற்றுவிக்கப்படாமல், அவர்களின் ஆர்வம் சார்ந்து, பிற கற்றல்  வாய்ப்புகளைப் பயன்படுத்திக்கொள்வதாகவும் ஆய்வு கூறுகிறது.

மேலும், இந்தியாவில் அதிகம் விரும்பப்படும் மருத்துவம், பொறியியல் துறை உள்ளிட்டவற்றிலும் கற்பித்தல் முறைகள்   மாற்றங்களைப் பெற்றுள்ளன. இந்திய மாணவர்கள் தங்கள் பாடங்களை கூடுதல் தனி வகுப்புகளிலும் கற்பதோடு, கூடுதல் கல்விசார் கற்றலிலும் (Extra - Curricular Activities) ஈடுபட்டு தங்களை வளர்த்துக் கொள்கின்றனர். இந்திய, சீன மாணவர்களே இதுபோன்ற கூடுதல் தனி வகுப்புகளில் கணிதம் (74%), இயற்பியல் (64%), வேதியியல் (62%) ஆகிய பாடங்களில் அதிக கவனம் செலுத்துகின்றனர். 

இந்திய மாணவர்கள் விவாத நிகழ்ச்சி (36%) (Debating), அறிவியல் மன்றம் (28%), கலை நிகழ்ச்சிகள் (25%), புத்தக மன்றம் (22%) போன்றவற்றில் தங்களை அதிகம் ஈடுபடுத்திக் கொள்கின்றனர்.

இந்திய பெற்றோர், தங்கள் பிள்ளைகளின் கல்வியில் மிகுந்த ஆர்வம் காட்டுகின்றனர். 66 சதவீத இந்திய மாணவர்கள், தங்கள் பெற்றோர் நாள்தோறும் பள்ளிச் சம்பவங்கள் குறித்து விசாரிப்பதாகவும், 50 சதவீத மாணவர்கள், தங்கள் பெற்றோர் பள்ளி நிகழ்ச்சிகளில் தவறாமல் பங்கேற்பதாகவும் தெரிவித்துள்ளனர்.

விஞ்ஞானியாக வேண்டும் என்ற விருப்பத்தையும் இந்திய மாணவர்களே அதிகம் (8%) தெரிவித்துள்ளனர். இந்திய பள்ளிகள் தங்கள் மாணவர்கள் லட்சியத்தை அடைய தேவையான தொழில் ஆலோசனைகளையும், உடல்நலச் சேவைகளையும் வழங்குகின்றன. குறிப்பாக, அதிக அளவில் உடல்நலன் (55%), மனநலன் (35%) பேணப்படுவதாக தெரியவந்துள்ளது.

அதேநேரத்தில், உலக அளவில் ஸ்மார்ட் போர்ட் பயன்பாடு அதிகரித்து வரும் நிலையில், இந்தியாவில் மட்டும் அதிக அளவில் இன்னும் கரும்பலகைகளையே (56%) பயன்படுத்தி வருவதாக ஆய்வு தெரிவிக்கிறது. பெரும்பாலான இந்திய ஆசிரியர்கள் மாணவர்களின் வெற்றிக்கு தங்கள் சக்தி முழுவதையும் பயன்படுத்தி உதவி வருகின்றனர்.

மாணவர்களை தேர்வுக்கு தயார்செய்வதில், இந்திய ஆசிரியர்கள் உலகின் பிற ஆசிரியர்களைக் காட்டிலும் அர்ப்பணிப்பு உணர்வுடன் செயல்படுவதாக ஆய்வு கூறுகிறது. இந்த சேவை பிறநாட்டுப் பள்ளிகளில் பெரும்பாலும் இல்லை என ஆய்வு தெரிவிக்கிறது.

தேர்வில் மாணவர்கள் பெறும் சிறப்பிடம், கோப்பைகள் மற்றும் சான்றிதழ்கள் வாயிலாக சிறப்பிக்கப்படுவதாக 60 சதவீத ஆசிரியர்கள் தெரிவித்துள்ளனர்.

மும்பையைச் சேர்ந்த HVB Global Academy-யின் Lynn Eldered Menezes கூறுகையில், ""இந்திய மாணவர்கள் உலகளாவிய மாணவர்களுக்கு இணையாக விளங்குகின்றனர். அதேநேரத்தில், ஆசிரியர்கள் வீட்டுப்பாடம் மற்றும் தனி வகுப்புகள் அவர்களுக்கு கூடுதல் சுமையாக அமையாததை உறுதிசெய்ய வேண்டும். கல்வியில் போட்டி என்பது முக்கியம். அதேசமயம், கற்றலை ஒரு விளையாட்டைப் போல மாற்ற வேண்டும். குறிப்பாக, மாணவர்களின் ஒட்டுமொத்த வளர்ச்சி என்பது அவர்களின் உணர்வுபூர்வ குறியீட்டை (Emotional Quotient) உள்ளடக்கியதாக இருக்க வேண்டும். அது மிக முக்கியம்'' என்றார்.

]]>
http://images.dinamani.com/uploads/user/imagelibrary/2018/12/3/w600X390/im3.jpg http://www.dinamani.com/weekly-supplements/ilaignarmani/2018/dec/04/இந்தியக்-கல்வி-பற்றிய-ஆய்வு-நம்பிக்கை-தரும்-மாற்றம்-3050947.html
3050948 வார இதழ்கள் இளைஞர்மணி பணியிடத்தில் தனியிடம் பெற...! DIN DIN Tuesday, December 4, 2018 10:00 AM +0530 மனிதனாய் பிறந்த ஒவ்வொருவருக்கும் வாழ்க்கையில் உயரத்துக்கு செல்ல வேண்டும் என்ற விருப்பம் கட்டாயம் இருக்கும். அதன் முதல்படியாக, பல போராட்டங்களைத் தாண்டி ஒரு பணியில் அமர்கிறோம். அது எந்த துறை, எத்தகைய பணியாயினும், பணிபுரியும் இடத்தில்  நமக்கென தனிப் பெயரையும்,  புகழையும் சம்பாதித்துக் கொள்ள வேண்டும் என்ற ஆவல் நம் அனைவருக்கும் இருக்கும். அதற்காக நமது தனித்துவத்தை உலகிற்கு உணர்த்த நினைத்து, கடினமாக உழைப்போம். பணிக்காக நம்மையே அர்ப்பணித்தும் கூட இருந்திருக்கலாம். என்னதான்  பணியில் சிரத்தையாகவும், உண்மையாகவும் இருந்தாலும், நமக்கே தெரியாமல் பணியிடங்களில் நாம் செய்யும் சில சிறிய தவறுகளால் நமது நற்பெயரை கெடுத்துக் கொள்கிறோம். அதனால் வாழ்க்கையில் வெற்றி பெறுவதற்காக நாம் எடுத்த  அனைத்து முயற்சிகளும்,  நாம் கவனிக்க மறந்து செய்யும் சிறு தவறுகளால் வீணாகிப் போகிறது. எனவே பணி இடத்தில் பின்வரும் தவறுகள் நேராதவாறு கவனமுடன் செயல்பட வேண்டும்.

தேவையானதை மட்டுமே பேச வேண்டும்: நமது அலுவலகத்தில் நடைபெறும் கூட்டமும், கருத்தரங்கு நிகழ்ச்சிகளும்தான் நமது பெயரையும், புகழையும் பரப்பவோ, அழிக்கவோ செய்யும் சரியான மேடையாகும். நாம் நேரம் தவறி கூட்டத்தில் கலந்து கொள்வதும், பிறர் தனது கருத்தைப் பேசி முடிக்கும் முன்பாக,  அவருக்கு எதிர்வினையாற்றுவதும்,  அவரது கருத்தை பிறர் புரிந்து கொள்ள முடியாமல்  செய்வதும்,  சம்பந்தமில்லாத விஷயங்களை கூட்டத்தில்  பேசுவதும் நம் நற்பெயரை பணியிடத்தில்  கெடுத்து விடும்.  

பணி தொடர்பான விஷயங்களை நம்முடன் பணிபுரியும் பணியாளர்களுடனும், பிறருடனும்  பகிரும் போது, பேசும் வார்த்தைகளில் தெளிவும், ஆழ்ந்த கருத்தும் பொதிந்திருக்க வேண்டும். தேவையற்ற வார்த்தைகளை பயன்படுத்துவதைத் தவிர்க்க வேண்டும்.

அதே போல, கூட்டம், கருத்தரங்கு தொடர்பான பணி சார்ந்த விஷயங்களை குறுஞ்செய்தி, மின்னஞ்சல் மூலமாக பகிரும் போது, எழுத்துப் பிழை, இலக்கணப் பிழை ஏதேனும் இருக்கிறதா என்று ஒருமுறைக்கு இருமுறை பரிசீலித்து அனுப்புவதே உகந்தது. ஏனெனில், நம்மை அறியாமல் நாம் செய்யும் இந்த சிறு தவறு, நம்முடைய நற்பெயரைக் கெடுத்துவிடும்.

மனிதர்கள் முக்கியம்! இன்றைய நாகரிக உலகில் செல்லிடப்பேசியை நமது உலகமாகக் கொண்டு, அதைப் பயன்படுத்திக் கொண்டே பெரும்பாலான பொழுதுகளைக் கழிக்கிறோம். பணியிடத்தில் எதிரில் வரும் சக பணியாளரைக் கண்டு கொள்ளாது,  செல்லிடப்பேசியில் பேசிக் கொண்டே செல்வோம்.

இவ்வாறு  செல்லிடப்பேசியை ஓயாமல் பயன்படுத்துவதைத் தவிர்த்து, சற்று தலை நிமிர்ந்து சகப் பணியாளர்களின் கண்களைப் பார்த்து ஒரு "ஹலோ' சொல்லி வரவேற்பது நம் நற்பெயரை பலப்படுத்தும்.

பணியிட நாகரிகம் அவசியம்: நமது வாழ்வின் பெரும்பாலான நேரத்தை நாம் பணியிடத்தில்தான் கழிக்கிறோம். அந்த நேரத்தில் நம்மை எப்போதும் ஒருவர் கண்காணித்துக் கொண்டே தான் இருக்கிறார் என்பதை நாம் மறந்து விடக்கூடாது. அந்த ஒருவர் கண்காணிப்பு கேமராவாகக் கூட இருக்கலாம். எனவே பணியிட நாகரிகம் வழுவாது நடந்து கொள்ள வேண்டியது அவசியம். 

சக பணியாளர் என்பவர் எவ்வளவு நெருங்கிய நண்பராக இருந்தாலும், அலுவலக நேரத்தில் அவரவர் தனிப்பட்ட வாழ்க்கை குறித்து பேசுவது, அடுத்தவரை பற்றி புறம் பேசுவது போன்ற செயல்கள் நமது நற்பெயருக்கு களங்கத்தையே ஏற்படுத்தும். வேலையில் பிறரின் கவனம் சிதறும்படி போனில் சத்தமாகப் பேசுவதை அறவே தவிர்க்க வேண்டும்.  உங்களுடைய மதிப்பை அது குறைக்கவே செய்யும்.

அதிக நேரம் பணியிடத்தில் செலவிடுவது: நமது அன்றாட அலுவலகப் பணிகளை அதற்கான நேரத்திற்குள் முடித்து குடும்பத்துடன் மீதி நேரத்தை செலவிடுவதே நமது திறமையை சரியாக வெளிப்படுத்தும். அவசர காலங்களில் தவிர்த்து கூடிய விரைவில் குறித்த வேலைகளை முடித்துவிட வேண்டும். 

தனி வாழ்க்கைக்கும், பணி வாழ்க்கைக்கும் இடையே சரியான கோடு கிழித்துக் கொண்டு, ஒன்றில் ஒன்று குறுக்கிடாதவாறு  செயல்படுவதே நமக்கான நற்பெயரையும், புகழையும் நிலைத்து நிற்கச் செய்யும்.

பணிவே துணை! பணியிடத்தில் தனியிடம் பிடிக்க நினைக்கும் நாம், நம் மேல் அனைவரின் தனிக்கவனமும் இருக்கும் என்பதை ஒருபோதும் மறந்து விடக் கூடாது. நம்மைப் பார்ப்பவர்களுக்கு நாம் மனஉறுதியுடையவர்களாகவும், நம்பிக்கையானவர்களாகவும் தெரிய வேண்டும். இத்துடன் பணிவும், மரியாதையும் இன்றி நமக்கான நற்பெயர் நிலைக்காது என்பதை மறந்து விடக் கூடாது. எவ்வளவு உயரத்துக்குச் சென்றாலும், சகப் பணியாளர்களிடம் நாம் பணிவுடன் நடந்து கொள்ளும் விதமே நமது நற்பெயரை காக்கும். 

]]>
http://images.dinamani.com/uploads/user/imagelibrary/2018/12/3/w600X390/im1.jpg http://www.dinamani.com/weekly-supplements/ilaignarmani/2018/dec/04/பணியிடத்தில்-தனியிடம்-பெற-3050948.html
3050959 வார இதழ்கள் இளைஞர்மணி தன்னிலை உயர்த்து! - 21 ஆர்.திருநாவுக்கரசு ஐ.பி.எஸ். Tuesday, December 4, 2018 10:00 AM +0530 பகவான் ஸ்ரீ ராமகிருஷ்ணர் அருளிய கதை இது. கடலை ஒட்டிய ஒரு கிராமம். அக்கிராமத்தின் கடற்பரப்பில் ஒரு கிணறு. அக்கிணற்றினுள் நிறைய தவளைகள் வசித்து வந்தன. ஒரு நாள் கடலில் உருவான ராட்சத அலையில் சிக்கிய தவளை ஒன்று கிணற்றுக்குள் வந்து விழுந்தது. கிணற்றுத் தவளை ஒன்று கடல் தவளை அருகில் வந்தது. ""யார் நீ? எங்கிருந்து வருகிறாய்?'' என்றது. ""நான் கடலிருந்து  வருகிறேன்'' என்றது, கடல் தவளை. ""கடலா? அது என்ன ?''  என்ற கிணற்று தவளையின் கேள்விக்கு ""கடல் மிகப் பெரியது'' என்றது கடல் தவளை. கிணற்றுத் தவளை, ஒரு இரண்டு முறை தாவி, ""உனது கடல் இதை விடப் பெரிதா?''  என்றது. ""ஆம்! அது இதைவிடப் பலகோடி மடங்கு பெரியது'' என்றது கடல் தவளை.

கிணற்றுத் தவளை மீண்டும் ஒரு பத்து முறை தாவி, ""இப்பொழுது  சொல்! உண்மையிலேயே உனது கடல் இதைவிடப் பெரிதாக இருக்குமா?'' என்றது. ""ஆம்!''  என்று சொன்ன கடல் தவளை மீது கோபம் கொண்டது கிணற்றுத் தவளை. 

""நான் வாழ்கின்ற கிணற்றினை விட உனது கடல் பெரிதாக இருக்க முடியாது. நண்பர்களே!  இவனைக் கொன்று விடுங்கள்!'' என ஆணையிட பிற கிணற்றுத் தவளைகளின் தாக்குதலில்  கடல் தவளை கல்லறையானது.

தான் வாழ்கின்ற இடம், தனக்கென்று ஒரு பகுதியைத்  தெரிந்து வைத்துக் கொண்டு அது தான் உலகம் என்று  சொல்லிக் கொள்பவர்களுக்கு இக்கதை ஒரு சாட்டையடி.  " "இந்த உலகம் ஒரு புத்தகம், பயணிக்காதவர்கள் இப்புத்தகத்தின் ஒரே ஒரு பக்கத்தை மட்டுமே படிக்கிறார்கள்'  என்கிறார் தத்துவ மேதை புனித அகஸ்டின்  அவர்கள். 

பயணம் மிக அவசியமானது. பயணம் என்றதும் அறியாமலேயே நமது மனது ஆனந்தமாடும்; உள்ளத்தில் ஒரு புதுவானம் விரிந்து காட்டும்; கனவில் காணாத நனவுகள் காட்சியுறும்; புதிய மொழிகள் காதினில் ரீங்காரமிட்டு நாவினில் தவழ்ந்து பழகும்; பழகாத பதார்த்தங்கள்  நேசம் கொள்ளும்.  நட்பின் கைகள் உலகெங்கும் வலுக்கும்.  புதுக் கலாசாரங்கள் கைகோர்க்கும். பழகிப் போன வாழ்கையை புதுப்பிக்கும்;  மொத்தத்தில் பயணங்கள் மனிதனின் மனதை வெள்ளையடித்துப் பளிச்சிடச் செய்யும்.   

பயணத்தின் ஆசைகள் தள்ளாத வயதிலும் தளிர்விடும். முதுமையை இளமைப் படுத்தும். முயற்சியை முன்னிறுத்தும். ஓர் எழுபத்தி நான்குவயது முதியவருக்கு  தனது இளைமைக்காலத்தில் ஒரு போர் விமானியாக வேண்டுமென்ற  ஆசை இருந்தது. அந்த ஆசை நிறைவேற்றப்படும் என்று விமானப்படையினர் தெரிவிக்க, மருத்துவ பரிசோதனையில் அவரது உடம்பு ஒரு பைலட்டின் உடல் வாகினைப் போல் இருப்பதாக சான்று கிடைத்தது. ஒலியினை விட இருமடங்கு வேகத்தில் செல்லக் கூடிய சுகோய்-30 எம்கேஐ போர் விமானம் தயாராய் இருந்தது. பைலட்டுடன் கோ- பைலட்டாக விமானி அணியும் ஜீ-சூட் அணிந்து அவர் பயணித்தார். 

ஒரு "பக்' "பக் " இதயத்தோடு இந்திய தேசமே அண்ணாந்து பார்த்துக் கொண்டிருக்க, ஒரு முப்பத்தாறு நிமிடங்கள் அதிவேகப் பயணத்தை அசாத்தியமாய் முடித்துக் கொண்டு, ஒரு குழந்தையின் மகிழ்வோடு கீழே இறங்கினார்.  வெற்றியோடு புன்னகைத்தார். அவர் தான் 2006 -ஆம் ஆண்டு ஜீன் மாதம் 8 ம் தேதி விண்ணில் பறந்த நம் மண்ணின் ஒப்பற்ற ஜனாதிபதி டாக்டர் ஏ.பி.ஜே அப்துல் கலாம்.அவரது பயணக் கனவு நனவானது. அவரது வாழ்வும் நம்பிக்கையின் வடிவானது. பயணம் அவருக்கு பரிசாய் அமைந்தது.

பயணித்துப் பாதை மாறினால் மூடர். பயணித்துப் பார்வை அகன்றால் மனிதன். பயணித்துப் புதுப்பாதை உருவாக்குபவனே சிறந்த தலைவன். தென்னாப்பிரிக்காவிலிருந்து 1915- ஆம் ஆண்டில் இந்தியா திரும்பிய காந்தி அவர்கள், சுதந்திரப் போராட்டத்தில் இறங்குவதற்கு முன் இந்தியா முழுவதும் சுற்றுப் பயணம் மேற்கொண்டார்.  அப்பயணத்தின் மூலம் சுதந்திரத்தினைப் பற்றி படித்தவர்களும், பணக்காரர்களும் பேசிக் கொள்கிறார்களே தவிர, பாமர மக்கள் அறியவில்லை  என்பதை உணர்ந்தார். சுதந்திரக் கனலை பட்டி தொட்டியெங்கும் பாய்ச்சிடத் துணிந்தார்.

இந்திய சுதந்திரப் போராட்டத்தில்  இந்தியாவில் அதிக சுற்றுப் பயணம் மேற்கொண்ட தலைவர் காந்தியே ஆவார். பயணத்தின் பாதைகள் ஒன்றாக இருப்பினும் பயணிகளின் பார்வை வேறுபடவில்லையெனில் அது இருண்ட பயணமே.  1921 -இல் இரண்டாவது முறையாக  மதுரைக்குப் பயணித்த போது மகாத்மா அரையாடைகளில் தொழிலாளிகள் வயல்களில் உழுவதைக் கண்டார். அவர்களைக் கண்டு தன் மேலாடையைத் துறந்தார். தொழிலாளர்களின் தோழனானார். பயணத்தில் பார்வை வேறுபடுகின்றபோது, புதியசிந்தனை உருவாகும்.  அச்சிந்தனைகளே புதிய பாதையை வகுக்கும். 

நூறு புத்தகங்களைப் படிப்பதைவிட ஓரு பயணம் சிறந்த அனுபவத்தைக் கொடுக்கும். சீன நாட்டில் கடல் கடந்து செல்லக் கூடாது என்றும் நாடு விட்டு நாடு செல்வது பாவம் என்ற எண்ணம் இருந்தது. ஆனாலும் ஒரு 32 வயது நிரம்பிய இளைஞனுக்கு இந்திய தேசத்தைப் பற்றியும், இம் மண்ணில் வாழ்ந்த புத்தரைப் பற்றியும் தெரிந்து  கொள்ள உள்ளூர ஆசை . அவரது பயண ஆசை ஆண்டாண்டு காலமாக இருந்த மூடச்சங்கிலியை உடைத்தெறிந்தது. பயணித்தார் அவ்விளைஞர். கடுங்குளிர்  பனிமலை   அவரைத் தோளில் தாங்கியது. காடுகள் பசுமைக் கம்பளம் விரித்து வரவேற்றன. நதிகளோ படகானது.

பயணத்து மகிழ்ச்சியில் அவருக்கு ஏற்பட்ட இடையூறுகள் அனுபவங்களாயின. காண்பவையெல்லாம் பாடமாயின.  நிறைய கற்றுக் கொண்டார். புத்த மடாலயங்கள் அவருக்கு புனித யாத்திரை தலங்களாகின. புத்தத் துறவிகளோடு  நிறைய அளவளாவினார். புது சிந்தனைகளைச் சேகரித்தார். பக்கங்களில் எழுத்தாணியால் நிறைத்தார்.  அவரது பயணக் குறிப்புகள்   இந்திய வரலாற்றின் ஒரு பொக்கிஷமானது. 

தனது இந்தியப் பயணத்தினை முடித்துக்கொண்டு சொந்த நாட்டிற்கு திரும்பினார்.  அன்று சாபமிட்டவர்கள் அனைவரும் பட்டுக் கம்பளம் விரித்துக் காத்திருந்தனர்.  ""யுவான் சுவாங் வாழ்க!''  என்ற பாராட்டு விண்ணைப் பிளந்தது.  யுவான் சுவாங்கின்  பயணம் இந்திய-சீன வரலாற்றில் ஒரு மைல்கல்லாகவே பரிணமிக்கிறது.

பயனுள்ளதாக இருப்பதுவே பயணம்.  பொழுது போக்குப் பயணம், கால விரயம். இலட்சியத்தை நோக்கிய பயணம் வாழ்வின் அர்த்தமாகும்.  அறிந்து கொள்ள  பயணிப்பதுவே  அற்புதங்களை உருவாக்கும்.  

1890 ஆம் ஆண்டில் பகவான் ராமகிருஷ்ண பரமஹம்சரின் சீடரான நரேந்திரர் ஒரு நீண்ட சுற்றுப் பயணம் தொடங்கினார்.  அவரது பயணத்தில் இந்தியாவில் ஏழைகளின் குடிசைகளிலும், மன்னரின்  அரண்மனைகளிலும் தங்கினார்.

அப்பொழுதுதான்  அவருக்கு  இந்திய  தேசத்தின் கலாச்சாரம் கைவசமானது. "ஒரு சிறந்த கல்வியை பயணத்தின் மூலம் தான் கற்றுக் கொண்டேன்' என்ற அமெரிக்க நாட்டு பத்திரிகையாளர் லிசா லிங்கின் வரிகளுக்கேற்ப அன்றைய பாரத மண்ணினை பாழ்படுத்திய சாதி  கொடுங்கோலையும், சமூக ஏற்றத்தாழ்வுகளையும்  கவனித்தார்.  இந்திய தேசத்தைப் புனரமைக்க வேண்டும் என்று உறுதி கொண்டார்.

அப்பயணத்தில் அவரது மனதில் ஏற்படுத்திய  மாற்றங்கள்தான் நரேந்திரன் என்னும் சீடரை "விவேகானந்தர்' என்னும் வீரத்துறவியாக்கியது.  எனவே, உண்மையான பயணங்கள் புதிய இடங்களைப் பார்ப்பது அல்ல.  அது புதிய பார்வையை ஒரு மனிதனுக்குள் உருவாக்குவதோடு, பயணிப்பவரையே அறிந்து கொள்ள  வைக்கும் ஒர் அற்புதப் பரிசாகும். 

 ""முடிவில்லாத பயணங்களையே விரும்புகிறேன்'' என்றார் அறிவியல் உலகின் மாபெரும் விஞ்ஞானி ஆல்பர்ட் ஐன்ஸ்டீன். 

அன்றாட வாழ்க்கைக்காகவே பயணித்த ஓர் இளைஞன் ஒரு ஞானியைக் கண்டான்.  அவரிடம் தனது வாழ்வின் முன்னேற்றத்திற்கு வழி கேட்டான்.  அவர் அவனுக்கு ஒரு பாதையைக் காட்டினார். அப்பாதையில் பயணித்தான். அங்கே ஒரு வெள்ளிச் சுரங்கத்தில் வேலை கிடைத்தது. அதன் மூலம் அவனது குடிசை வீடு காங்கிரீட்  ஆனது.  நடைப்பயணம் மாறி இருசக்கரமானது.

நாட்கள் நகர்ந்தன. அவன் வாழ்வை மேலும் மேம்படுத்த ஆசைப்பட்டான். மீண்டும் ஞானியிடம் வந்தான்.  ஒரு புதிய பாதையைக் காட்டினார், ஞானி. இளைஞன் பயணித்தான். அங்கே ஒரு தங்கச் சுரங்கத்தில் பணி செய்தான். வாழ்க்கை மாளிகையாய் உயர்ந்து, காரிலே பயணம் செய்தான்.  ஒரு நாள் மனதினுள் ஒரு கேள்வி எழ, ஞானியைச் சந்தித்தான். 

""சுவாமி! எனது வாழ்க்கையை உயர்த்த புதிய பாதைகளைக் காட்டிய நீங்கள், உங்களது வாழ்க்கைக்கென்று ஏதும் செய்யாமல் இங்கேயே அமர்ந்திருந்திருக்கிறீர்களே? என்றார். ஞானி  மௌனம் கலைந்து, ""புறவாழ்க்கையை மேம்படுத்த தங்கச் சுரங்கத்தை நோக்கிப் பயணிக்கலாம். அக வாழ்க்கையை மேம்படுத்த மனச் சுரங்கத்தை நோக்கியே பயணிக்க வேண்டும்.   அதனை நோக்கியே  நான் பயணிக்கிறேன்''  என்றார். வெளிப்புறப் பயணங்களும் அகம் நோக்கிய பயணங்களும் இணைந்தே ஒரு மனிதனை நீட்சியடையச் செய்கின்றன என்பதை உணர்ந்தார் இளைஞர்.

எல்லாப் பயணங்களும் பயணியே அறியாத ஒரு ரகசியமான  இடத்திற்கு கொண்டு சேர்க்கின்றன' என்ற யூதத் தத்துவ ஞானி மார்ட்டின் பூபரின் வரிகளுக்கேற்ப பயணங்கள் புதிரான விடையைத் தரும்.

பயணம் புரிந்தால் உலகம் புரியும்!
பயணத்தின் முடிவில் வாழ்க்கை தெரியும்!

(தொடரும்)

கட்டுரையாசிரியர்: காவல்துறை துணை ஆணையர், நுண்ணறிவுப் பிரிவு.

]]>
http://images.dinamani.com/uploads/user/imagelibrary/2018/12/3/w600X390/im8.jpg http://www.dinamani.com/weekly-supplements/ilaignarmani/2018/dec/04/தன்னிலை-உயர்த்து---21-3050959.html
3050960 வார இதழ்கள் இளைஞர்மணி இசையைக் கற்க...!  எம்.அருண்குமார் DIN Tuesday, December 4, 2018 10:00 AM +0530 இசை என்பது மனிதர்களின் வாழ்வில் ஒரு முக்கிய இடத்தைப் பிடித்துள்ளது. இசை ஒருவரை அமைதிப்படுத்துகிறது. அதனால் அவருடைய உடல் நலம் மேம்படுகிறது.    மூளை சுறுசுறுப்பாகின்றது.   இசை ஒவ்வொரு மனிதருடைய வாழ்க்கையிலும் அவர்களுடைய உடல் ஆரோக்கியத்தை சீராக வைத்திருக்க உதவுகிறது. 

இசையில் ஆர்வம் உள்ளவர்கள் இசையைக் கற்று அத்துறையில் வேலை வாய்ப்பு பெறலாம். அத்துறை சம்பந்தமான  தொழில்களை மேற்கொள்ளலாம். இசைக் கல்வியை வழங்கும்  அரசு மற்றும் தனியார் கல்வி நிறுவனங்கள் வழங்கி வருகின்றன.   அவற்றில் சில:

Tamil Nadu Music and Fine Arts University } http://tnmfau.ac.in/
Tamilnadu Government Music College } http://www.tn.gov.in/thiruvaiyaru_musiccollege/
KM Music Conservatory} http://kmmc.in
Madras Music Academy }  http://musicacademymadras.in
Delhi School of Music } http://www.delhischoolofmusic.net
Swarnabhoomi Academy of Music } http://sam.org.in
Calcutta School of Music } http://www.calmusic.org

பயிற்சி... அரசியல்வாதியாக!

இந்தியாவில் அரசியலில் ஈடுபடுவதற்கும், தேர்தலில் போட்டியிடுவதற்கும் எந்த கல்வித் தகுதியும் நிர்ணயிக்கப்படவில்லை.  அதனால் படித்தவர்கள், படிக்காதவர்கள் என யார் வேண்டுமானாலும் அரசியலில் ஈடுபடலாம். தேர்தலில் போட்டியிட்டு பதவிகளைப் பிடிக்கலாம் என்ற நிலையே  இப்போது உள்ளது.

தற்போது அரசியலில் ஈடுபடுவதற்கும் பயிற்சிகள்  தரக் கூடிய நிறுவனங்கள் வந்துவிட்டன.  அனுபவம் சார்ந்து பல ஆண்டுகளாக செய்யப்பட்டு வந்த விவசாயம்,  இப்போது அறிவியலாகி பல கல்வி நிறுவனங்களில் பல்வேறு படிப்புகள் கற்றுத் தரப்படுவதைப் போல  அனுபவ அடிப்படையில்  ஈடுபடக்கூடிய அரசியல்துறையும் இப்போது படிப்பாகிவிட்டது.

அரசியல் தலைவராவதற்கான தகுதியைப் பெறுவதற்கு பயிற்சி வழங்கும் சில பயிற்சி நிறுவனங்கள் :

The Institute of Political Leadership } http://www.iplindia.in
Indian Institute of Democratic Leadership } http://www.iidl.org.in/
National School of Leadership } http://www.nsl.ac.in
MIT SCHOOL OF GOVERNMENT } http://mitsog.org

]]>
http://images.dinamani.com/uploads/user/imagelibrary/2018/12/3/w600X390/im7.jpg http://www.dinamani.com/weekly-supplements/ilaignarmani/2018/dec/04/இசையைக்-கற்க-3050960.html
3050961 வார இதழ்கள் இளைஞர்மணி வாங்க இங்கிலீஷ் பேசலாம் - 168 ஆர்.அபிலாஷ் DIN Tuesday, December 4, 2018 10:00 AM +0530 புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரிடம் செல்கிறார்கள். அங்கே அவர்கள் மருத்துவருக்கான காத்திருப்போர் அறையில் இருக்கிறார்கள். நடாஷா எனும் பெண்ணும் மீசைக்காரர் எனும் போலீஸ்காரரும் அங்கு காத்திருக்கிறார்கள். அவர்கள் இடையிலான உரையாடலில் single மற்றும் silent vowels பற்றி பேச்சு வருகிறது. இந்த vowel பயன்பாடு குறித்து புரொபஸர் மேலும் விளக்குகிறார்.

புரொபஸர்: ஒரு சொல்லில் இரண்டு வவல்ஸ் வருகிறது - இவற்றில் சொல்லின் இறுதியில் தொக்கி நிற்கும் வவல் தான் சைலண்ட் வவல். இதை நாம் உச்சரிக்கத் தேவையில்லை. 

உதாரணமா Bottle என்பதில் கடைசி ங்யை நாம் உச்சரித்து பாட்டிலே / பாட்டிலி என்று படிப்பதில்லை. அடுத்த விசயம் முக்கியம் - முதல் வவலை சற்றே இழுத்து உச்சரிக்க வேண்டும். உதாரணமா, ப-ஒ-ஒள-ட்டில் என நீட்டிக்க வேண்டும். ஏனென்றால் அது ஒரு லாங் வவல். இந்த விதிமுறைப்படி இறுதியாய் ஒரு வவல் தொக்கி நிற்கிறதென்றால் சொல்லின் நடுவே வரும் மற்றொரு வவல் ஆட்டோமெட்டிக்காக லாங் வவல் ஆகி விடும். அதை நான் நீட்டி சொல்ல வேண்டும். அப்போது தான் அது அழகாக ஸ்டைலாக இருக்கும். 

கணேஷ்: சார், Style இன்னோர் உதாரணம் தானே. ஸ்டைல் ஸ்டைல் சூப்பர் ஸ்டைல்...

நடாஷா: ஆமா அந்த பாட்டில் உச்சரிப்பு தப்பா இருக்கும். லாங் வவலை போதுமான படிக்கு நீட்ட மாட்டார்கள். ஆனால் "சிவாஜி' படத்தில் வரும் "ஸ்டைல்' பாடலில் லாங் லவல் சரியாக வந்திருக்கும்.

கணேஷ்: ஒரு கூடை சன் லைட், ஒரு கூடை மூன் லைன், ஒன்றாகச் சேர்ந்தால்...
ஜூலி: இருங்க இருங்க, style - இல் ஒரு வவல் தான். அதனால் நான் சொன்ன விதிமுறையில் இது பொருந்தாது.

புரொபஸர்: ஆமா, ஆனால் ஸ்டைலில் y ஒரு வவல் போல செயல்படுகிறது.

ஜூலி: True, True..

புரொபஸர்: இந்த பழ்ன்ங் இருக்கிறதே அதைப் பற்றியும் ஒரு விதி உள்ளது.

கணேஷ்: என்ன?

புரொபஸர்: இரண்டு வவல்கள் சியாமீஸ் இரட்டையர் போல ஒட்டியபடி வந்தால் முதல் வவல் லாங் வவலாக இருக்கும். உதாரணமா true, clue, blue, shoe. அதே போல beat, leaf, wheat, train, load.

நடாஷா: சார் beat என்பதில் "பீட்' என உச்சரிப்பு வருகிறது. அதில் "ஈ' எனும் ஒலியை அழுத்தி உச்சரிக்கிறோம். Clue, blue, shoe ஆகியவற்றிலும் அப்படியே. நாம் கடைசி வவலை மெளனமாகவே விடுகிறோம். ஆனால் train, load ஆகிய சொற்களைப் பொறுத்தமட்டில் I, a ஆகிய வவல்களும் சேர்ந்து தானே ஒலிக்கின்றன. ஆனால் அடுத்த இரு சொற்களை டிரெயின், லெவுட் என நாம் உச்சரிக்கும் போது நாம் இரண்டு வவ்வல்களையும் தானே உச்சரிக்கிறோம்.
புரொபஸர்: ஆமாம் சரி தான். நீ சொல்றதை நான் மறுக்கல. முழுக்க சரி. ஆனால் டிரெயின் எனும் போது நாம் டிரெ என்பதில் உள்ள "எ'யை தான் நீட்டி உச்சரிக்கிறோம். "எ' அடுத்து வரும் "ஐ'யை சற்றே மென்மையாய் உச்சரிக்க வேண்டும். 

நடாஷா: Pip, sip, lip, dip இந்த சொற்களில் நாம் “ண்’ ஐ அழுத்தாமல் தானே உச்சரிக்கிறோம். சின்ன சொற்கள் என்பதாலா?

புரொபஸர்: அப்படி இல்ல. ஒரு வவலுக்கு அடுத்ததாய் ஒரு JÚ consonant வருமென்றால் அங்கு வவலை மென்மையாய் உச்சரிக்க வேண்டும் என்பது விதிமுறை. வெறுமனே சின்ன சொல் என்பதால் அல்ல.

நடாஷா: ஆனால் அது சின்ன சொல் தானே?

புரொபஸர்: சின்ன சொல் தான். ஆனால் அதுவல்ல வரைமுறை. Bomb, tomb, comb ஆகிய சொற்களும் சின்ன சொற்கள் தாம். ஆனால் அங்கு வவலுக்கு அடுத்தபடியாய் எவ்வளவு consonants வருகின்றன?

நடாஷா: ம்ம்ம்... ரெண்டு. M and b.

புரொபஸர்: ஆமா அதனால் தான் நான் சொன்ன விதிமுறை இங்கு பொருந்தாது. Tip என்பதில் போல bombஇல் ஞவை சன்னமாய் உச்சரிக்க மாட்டோம். ஏனென்றால் அங்கு வவலுக்கு அடுத்து இரண்டு consonants வருகின்றன. ஆகையால் “O’ சற்றே இழுத்து உச்சரிப்போம்.

கணேஷ்: சார் அந்த bark up the wrong tree கதை என்ன? நாய்க்கும் மரத்துக்கும் என்ன சம்பந்தம்?

புரொபஸர்: ஓ அதுவா, அது ஒரு சுவாரஸ்யமான கதை. சொல்றேன்.

(இனியும் பேசுவோம்)

]]>
http://images.dinamani.com/uploads/user/imagelibrary/2018/12/3/w600X390/im6.jpg http://www.dinamani.com/weekly-supplements/ilaignarmani/2018/dec/04/வாங்க-இங்கிலீஷ்-பேசலாம்---168-3050961.html
3050964 வார இதழ்கள் இளைஞர்மணி சரி​யான பார்வை... சரி​யான வழி... சரி​யான செயல்! - 23 DIN DIN Tuesday, December 4, 2018 10:00 AM +0530 செ​யின்ட் மேரீஸ் ஹையர் செகண்​டரி ஸ்கூல், மதுரை:

​ம​து​ரை​யில்  ஜேசுட்ஸ்  செயின்ட் மேரீஸ் ஹையர் செகண்​டரி ஸ்கூல்,  ஜேசுட்ஸ் வாயி​லாக 1863-ஆம் ஆண்டு ஃபாதர் ட்ரின்​கால் என்​ப​வ​ரால் குரு​கு​ல​மா​கத் தொடங்​கப்​பட்​டது. இது மதுரை மாந​க​ரின் மத்​தி​யில் அமைந்​துள்​ளது. குறிப்​பாக கத்​தோ​லிக்க மதத்​தைச் சேர்ந்த குழந்​தை​க​ளுக்​காக தொடங்​கப்​பட்​டது. 16 ஆண்​டு​க​ளுக்​குப் பிறகு - 1879 -ஆம் ஆண்டு -  அரசு இந்​தப் பள்​ளியை  ஆரம்​பப்​பள்​ளி​யாக அங்​கீ​க​ரித்​தது.  பின்​னர் 1908 -ஆம் ஆண்டு  இது  உயர்​நி​லைப் பள்​ளி​யாக மாற்​றப்​பட்​டது. இந்​தக் காலத்​தில் ஃபாதர் சாந்​தப்​பர் என்​ப​வர் இதன் முதல் தலை​மை​யா​சி​ரி​ய​ராக பதவி வகித்​தார்.  1908 -ஆம் ஆண்​டில் இந்​தப் பள்ளி நிரந்​தர அங்​கீ​கா​ரம் பெறு​வ​தற்கு முக்​கிய கார​ண​மாக அவர் இருந்​தார்.  தற்​போது   3152 மாண​வர்​கள் இந்​தப் பள்​ளி​யில் பயின்று வரு​கி​றார்​கள். இந்​தப் பள்ளியில் 118 ஆசி​ரி​யர்​கள் பணி​பு​ரி​கி​றார்​கள். இந்​தப் பள்​ளி​யின் தொடக்​கக் காலத்​தி​லி​ருந்தே மாற்​றுத்​தி​ற​னாளி மாண​வர்​கள் வாழ்க்கை மேம்​பட முக்​கி​யத்​து​வம் கொடுத்து வரு​கி​றது.  கண்​பார்​வை​யற்ற மாண​வர்​கள், கற்​றல்​தி​றன் குறை​பாடு உள்ள மாண​வர்​கள் எல்​லா​ரை​யும்  சேர்த்​துக் கொண்டு, அவர்​க​ளுக்​குச் சிறப்பு பயிற்​சி​கள் அளித்து,  அவர்​கள் பள்​ளிக்கு வரக் கூடிய சூழலை உரு​வாக்​கி​னார்​கள்.  இந்​தப் பள்​ளி​யில் தமிழ், ஆங்​கி​லம், அறி​வி​யல், இயற்கை,  சினிமா, கலை இவற்​றுக்​கெல்​லாம் கிளப் உரு​வாக்​கி​னார்​கள். இதில் நிறைய மாண​வர்​கள் கல்வி பயின்று ஜேசுட்ஸ் கல்​வி​நி​று​வ​னத்​துக்​குப் பெருமை தேடித் தந்​தார்​கள். 

செயின்ட் ஜோசப்ஸ் மெட்ரி​கு​லே​ஷன் ஹையர் செகண்​டரி ஸ்கூல், மது​ரை:​


பிரான்ஸ் நாட்டின் லியான்ஸ் நக​ரைச் சேர்ந்த செயின்ட் ஜோசப்ஸ் மிஷ​ன​ரி​யைச் சேர்ந்த சகோ​த​ரி​கள் (​Sisters of St.​Joseph of Lyons) 1906-ஆம் ஆண்டு இந்​தி​யா​வுக்கு வந்​தார்​கள்.

பெண்​க​ளுக்கு கல்​வி​யின்  அவ​சி​யத்தை  உணர்ந்து பெண்​க​ளுக்​காக தனிப் பள்​ளியை உரு​வாக்​கி​னார்​கள். அது இன்று "செயின்ட் ஜோசப்ஸ் மெட்ரி​கு​லே​ஷன் ஹையர் செகண்​டரி ஸ்கூல்' என்ற பெய​ரில் மது​ரை​யில் குய​வர்​பா​ளை​யம் பகு​தி​யில் இயங்கி வரு​கி​றது.  1900 களில் ஆண்​க​ளும் பெண்​க​ளும் சேர்ந்து படிக்​கக் கூடிய பள்​ளி​க​ளில் தங்​க​ளு​டைய பெண் குழந்​தை​களை படிப்​ப​தற்கு பெற்றோர் அனு​ம​திக்​க​வில்லை.  அந்த நிலை​யில் பெண்​க​ளுக்​கான பள்ளி மது​ரை​யில் தொடங்​கப்​பட்​ட​தும்,  நிறை​யப் பேர் பெண்​களை பள்​ளி​க​ளுக்கு அனுப்​பத் தொடங்​கி​னார்​கள்.  கட​வுள் நம்​பிக்கை , நீதி, நேர்மை, அன்பு ஆகி​ய​வற்​றுக்கு முக்​கி​யத்​து​வம் கொடுத்து இந்​தப் பள்ளி தொடங்​கப்​பட்​டது. முக்​கி​ய​மாக சமூ​கத்​தில் மிக​வும் பின்​தங்​கிய மக்​க​ளின் -  பொரு​ளா​தா​ரத்​தில் பின் தங்​கிய ஏழை​க​ளின் பெண் குழந்​தை​க​ளைப்  பள்​ளி​யில் 8 மணி நேரம் தங்க வைத்து, அவர்​க​ளுக்கு இருக்க இட​மும், உடை​யும் கொடுத்து கல்​வி​யைப் போதித்​து​வந்​தார்​கள்.   பெண் கல்​விக்​காக  இவர்​கள் ஏற்​ப​டுத்​திக் கொடுத்த இந்த அடித்​த​ளம் பின்​னா​ளில் நிறை​யப் பெண்​கள் கல்வி கற்க தூண்​டு​த​லாக இருந்​தது. 

இந்​தப் பள்​ளி​யின் முக்​கிய குறிக்​கோள் மாண​வி​களை சமூ​கப் பொறுப்​பு​ணர்​வு​ட​னும், நேர்​மை​யு​ட​னும் இருக்​கு​மாறு உரு​வாக்க  வேண்​டும் என்​பதே . இன்​றைக்​கும் இந்​தப் பள்ளி தமி​ழ​கத்​தில் ஒரு சிறந்த பள்​ளி​யாக விளங்கி வரு​றது. 

​ம​துரை கல்​லூரி: 

1854 ஆம் ஆண்டு அன்​றைய அர​சாங்​கம் "ஜில்லா பள்ளி' என்ற ஒன்றை மெக்​கா​லே​யின் முன்​மு​யற்​சி​யால்  மது​ரை​யில் தொடங்​கி​யது. 1880 இல் இந்​தப் பள்​ளி​யில் கல்​லூரி துறை ஒன்று தொடங்​கப்​பட்​டது. அது மெஜுரா காலேஜ் ஹையர் செகண்​டரி ஸ்கூல் என்று அழைக்​கப்​பட்​டது. 

அப்​போது மது​ரை​யில் இருந்த மதுரா நேடிவ் ஹைஸ்​கூல் கமிட்டி  என்ற அமைப்பு,  அப்​போது இரண்டு பள்​ளி​களை நிர்​வ​கித்து வந்​தது.  மதுரை மேற்கு சித்​திரை வீதி​யில் உள்ள அன்​னக்​குழி மண்​ட​பம் அருகே இருந்த மதுரா நேட்டிவ் ஸ்கூல் என்ற பள்​ளி​யை​யும், தெற்கு சித்​திரை வீதி​யில் வெள்ளி அம்​ப​லம் மண்​ட​பம்  என்ற இடத்​தில் இருந்த பள்​ளி​யை​யும்  நிர்​வ​கித்து வந்​தது.   ஜில்லா பள்​ளி​யை​யும் இந்த கமிட்டி கைக​ளில் எடுத்​துக் கொண்​டது. இந்த மதுரா நேடிவ் ஹைஸ்​கூல் கமிட்டி  1882 - இல் மதுரா காலேஜ் போர்​டாக மாறி​யது.  அதற்​குப் பிறகு இந்த ஜில்லா பள்ளி மதுரை நேட்டிவ் ஹைஸ்​கூல் என்று அழைக்​கப்​ட்டது. பின்​னர் அது மதுரை கல்​லூரி ஆனது. 

தற்​போது மதுரை கல்​லூரி 43 ஏக்​கர் நிலப் பரப்​ப​ள​வில்  அமைந்​துள்​ளது. ராபர்ட் எஸ்.ஃ​பிஸ்​சர் என்​ப​வர் 5 ஏக்​கர் நிலத்தை இதற்​கா​கக் கொடுத்​தார்.  ராஜா சர் அண்​ணா​மலை செட்டி​யார் இந்த கல்​லூரி வளா​கத்​தின் மீதி நிலத்தை அதா​வது 38 ஏக்​கர் நிலத்தை நன்​கொ​டை​யாக கொடுத்​தார்.  மதுரா காலேஜ் போர்ட் இந்​தக் கல்​லூ​ரியை முதல் தர கல்​லூ​ரி​யாக மாற்ற  அதன்  வளர்ச்​சிக்​காக சோர்​வில்​லா​மல் நிதி   திரட்​டி​யது. 1946 -47 ஆம் ஆண்​டு​க​ளில் பி.ஏ. கணி​தம், பொரு​ளா​தா​ரம் தொடங்​கப்​பட்​டது. 1947-48 இல் பி.காம் படிப்​பும்,  1948 -49 இல் பி.ஏ. பிஸிக்​ஸýம்,  1949 -50 இல் பி.எஸ்சி கணி​த​மும்,  1950 -51 இல் பி.எஸ்ஸி கெமிஸ்ட்ரி பாடப்​பி​ரி​வும் தொடங்​கப்​பட்​டது.  

தற்​போது  7 துறை​க​ளில் இள​நி​லைப் பட்ட​மும்,  9 துறை​க​ளில் முது​நி​லைப்​பட்​ட​மும், 1 இளம்​மு​னை​வர் ஆராய்ச்சி படிப்​பும் 6 துறை​க​ளில் முது​நிலை ஆராய்ச்​சிப் படிப்​பும்  சொல்​லித் தரப்​ப​டு​கி​றது.  மது​ரை​யி​லும், மது​ரை​யைச் சுற்​றி​யுள்ள பகு​தி​க​ளி​லும் உள்ள மாண​வர்​க​ளின்  கல்வி வளர்ச்​சிக்கு இந்​தக் கல்​லூரி முக்​கி​யப் பங்கு வகிக்​கி​றது. 

சாரா  டக்​கர் பெண்​கள் கல்​லூரி,  திரு​நெல்​வே​லி:​

சாரா  டக்​கர் அவர்​க​ளின் சகோ​த​ரர் ஜான் டக்​கர் சென்​னை​யில் கிறிஸ்​தவ மிஷ​ன​ரி​யில் வேலை பார்த்​து ​வந்​தார். அவர் பாளை​யங்​கோட்​டைப் பகு​தி​யில் இருந்​த​போது பெண்​க​ளுக்​கான  பள்​ளிக்​கூ​டம் இல்​லா​த​தைப் பார்த்​தார். வேற்று ஆண்​க​ளைப் பார்த்​தால்,  வீட்டின் உள்ளே சென்று பெண்​கள் கத​வைச் சாத்​திக் கொண்​ட​னர் என  தனது  14 வயது சகோ​தரி    சாரா டக்​க​ருக்கு கடி​தம் எழு​தி​னார். சாரா  டக்​கர் இங்​கி​லாந்​தில் இருந்​தார். இது அவ​ரின் மன​தில் வாழ்​வில் பெரும் மாற்​றத்​தைக் கொண்டு வந்​தது. பெண்​கள் சமூ​க​ரீ​தி​யா​கப் பங்​கெ​டுக்க இய​லாத சமூ​கத்​தில் - அவர்​கள் படிப்​ப​தற்கு வாய்ப்​ப​ளிக்​காத சமூ​கத்​தில் - பெண் கல்​விக்​கான தேவை இருப்​ப​தை​யும்,  பெண் கல்​வியை ஏற்​ப​டுத்த நிறைய உத​வி​கள் தேவை  என​வும்  ஜான் டக்​கர் தனது சகோ​த​ரிக்​குக் கடி​தம் மூலம் தெரி​வித்​தார்.  இது பெண் கல்​விக்​காக சாரா  டக்​கர்  தன்னை அர்ப்​ப​ணிக்க கார​ண​மாக இருந்​தது. 

தனது நூறு பவுன் தங்க நகை​யை​யும், தன்​னு​டன் படிக்​கும் சக மாண​வி​க​ளி​டம் 200 பவுன் தங்க நகை​யை​யும் வசூ​லித்து, தனது அண்​ணன் ஜான் டக்​க​ருக்கு அனுப்பி வைத்​தார். அதை வைத்து பெண்​கள் பள்​ளி​யை​யும், ஆசி​ரி​யைப் பயிற்சி பள்​ளி​யை​யும் திரு​நெல்​வேலி மாவட்​டத்​தில் நிறு​வும்​படி ஜான் டக்​க​ரி​டம் கேட்டுக் கொண்​டார்.  

சாரா  டக்​கர் அனுப்​பிய முதல் தொகையை வைத்து 1843 ஆம் ஆண்டு கடாச்​ச​பு​ரத்​தில் பெண்​கள் ஆசி​ரி​யர் பயிற்சி பள்ளி பெண்​க​ளுக்​காக முதன்​மு​த​லாக அந்​தப் பகு​தி​யில் தொடங்​கப்​பட்​டது.

அதே வரு​டம் சாத்​தான்​கு​ளத்​தில் பெண்​கள் பள்​ளி​யும் விடு​தி​யும்  கட்டப்​பட்​டது. சாரா  டக்​கர் ஆசி​ரி​யர் பயிற்​சிப் பள்​ளி​யில் படித்து முடித்த ஆசி​ரி​யர்​க​ளைக் கொண்டு மிக குறு​கிய காலத்​தில் பாளை​யங்​கோட்டை, தென்​காசி, நல்​லூர், திரு​நெல்​வேலி ஜங்​ஷன்,  ஆகிய 20க்கும் மேற்​பட்ட கிளைப் பள்​ளி​கள் தொடங்​கப்​பட்​டன. இது மட்டு​மின்றி 1895 ஆம் ஆண்டு தென்​னிந்​தி​யா​வி​லேயே சாரா டக்​கர் பெண்​கள் கல்​லூரி திரு​நெல்​வே​லி​யில் தொடங்​கப்​பட்​டது. இதுவே இந்​தி​யா​வில் தொடங்​கப்​பட்ட முதல் பெண்​கள் கல்​லூ​ரி​யா​கும்.  லக்​னெü​வின் தென்​ப​கு​தி​யில் இதற்​குப் பிற​கு​தான் ஆரம்​பித்​தார்​கள். இன்று நிறைய பள்​ளி​கள் வளர்ந்து நிற்​கின்​றன. 

மாற்றுத்திறனாளியான சாரா  டக்​க​ரால் நடக்க முடி​யா​விட்​டா​லும் படுத்த படுக்​கை​யில் இருந்து கொண்டே தையல் வேலை​க​ளைச் செய்​தும் தனது நண்​பர்​க​ளுக்​குக் கடி​தம் எழு​தி​யும் நிறைய பணத்​தைச் சேர்த்​துச் சேர்த்து திரு​நெல்​வே​லி​யில் மற்​றும் அதைச் சுற்​றி​யுள்ள பகு​தி​யி​லும் உள்ள பெண்​க​ளின் கல்​விக்​காக அனுப்பி வந்​தார். தன்​ன​ல​மற்ற கல்​விப்​ப​ணியை முழு​மூச்​சாக நடத்​தி​
யி​ருக்​கி​றார்.

சாரா  டக்​க​ரின் விருப்​பப்​படி பணி​க​ளைச் செய்து முடிக்க மரியா சைல்​ட​ரஸ், சோபியா டீக்​கள், சோவன்னா போன்​ற​வர்​கள் உத​வி​யி​ருக்​கி​றார்​கள்.  அவர்​க​ளின் முயற்​சி​யி​னால் சாரா  பெண்​கள் பள்ளி மற்​றும் ஆசி​ரி​யைப் பயிற்​சிப் பள்ளி 1858 -ஆம் ஆண்டு திரு​நெல்​வே​லி​யில் பாளை​யங்​கோட்​டை​யில் தொடங்​கப்​பட்​டது.

லட்சக்​க​ணக்​கான பெண்​க​ளுக்கு கல்வி என்ற விளக்கை ஏற்​றிய சாரா  டக்​கர் வாழ்​நாள் இறு​தி​வரை திரு​ம​ணம் செய்து  கொள்​ள​வில்லை. அவ​ரு​டைய முயற்​சி​யி​னால் உரு​வா​கிய பள்ளி, கல்​லூ​ரி​களை அவர் இந்​தி​யா​விற்கு வந்து ஒரு​முறை கூட நேரில்  பார்த்​தது இல்லை.  பெண்​கள் கல்​வி​யின் வாயி​லாக  முன்​னேற வேண்​டும் என்ற  ஒரே கார​ணத்​துக்​காக தனது வாழ்க்​கையை அர்ப்​ப​ணித்த சாரா டக்​க​ரின் பெரும்​பணி என்​றும் நினைவு கூரத்​தக்​கது. 

(​தொ​ட​ரும்)​

 கட்டு​ரை​யா​சி​ரி​யர்: சமூக கல்வி ஆர்​வ​லர் www.indi​a​collegefinder.org

]]>
http://images.dinamani.com/uploads/user/imagelibrary/2018/12/3/w600X390/im9.jpg http://www.dinamani.com/weekly-supplements/ilaignarmani/2018/dec/04/சரி​யான-பார்வை-சரி​யான-வழி-சரி​யான-செயல்---23-3050964.html
3050965 வார இதழ்கள் இளைஞர்மணி இர​வைப் பக​லாக்​கும் "நைட் சைட்  ஆப்'! ​அ.​சர்ஃப்​ராஸ்​ DIN Tuesday, December 4, 2018 10:00 AM +0530
​வ​ன்​பொ​ருள்​களை (ஹார்ட்​வேர்) அடிப்​ப​டை​யாக வைத்து ஸ்மார்ட் போன்​களை முன்பு மக்​கள் வாங்கி வந்​த​னர். ஆனால், தற்​போது துல்​லி​ய​மா​கப் புகைப்​ப​டம் எடுக்​கும் கேம​ராக்​க​ளைக் கொண்ட ஸ்மார்ட் போன்​க​ளைத்​தான் இன்​றைய இளை​ஞர்​கள் அதி​க​மாக விரும்பி வாங்​கு​கி​றார்​கள்.

அதிக மெகா பிக்​ஸல்​க​ளைக் கொண்ட கேம​ராக்​க​ளில் எடுக்​கப்​ப​டும் புகைப்​ப​டங்​களை அழ​கு​ப​டுத்த ஆப்​க​ளும் உண்டு. இது ஒரு​வ​ரின் முகத் தோற்​றத்​தையே மாற்​றி​வி​டு​கி​றது.

ஆனால், இவை அனைத்​தும் பக​லில் - வெளிச்​சத்​தில் - எடுக்​கப்​ப​டும் புகைப்​ப​டங்​க​ளில்​தான் செய்ய முடி​யும். ஆனால், இர​வில் -குறைந்த வெளிச்​சத்​தில் - எடுக்​கப்​ப​டும் புகைப்​ப​டங்​களோ மங்​க​லா​க​வும், இருள் சூழ்ந்​த​தா​க​வும் இருக்​கும்.

நீண்ட கால​மாக நிலவி வரும் இந்​தப் பிரச்​னைக்கு கூகுள் நிறு​வ​னம் தீர்வு கண்​டுள்​ளது. அந்த நிறு​வ​னத்​தின் ஸ்மார்ட் போன் "பிக்​ஸல்' கேம​ரா​வில் "நைட் சைட்' எனும் புதிய கூகுள் ஆப்பை பத​வி​றக்​கம் செய்​தால் போதும். பின்​னர் குறைந்த வெளிச்​சத்​தில் புகைப்​ப​டம் எடுத்​தா​லும், அவை பகல் நேரத்​தில் எடுத்​த​தைப் போலவே இருக்​கும்.  

இந்​தச் செய​லி​யைப் பயன்​ப​டுத்தி புகைப்​ப​டத்தை எடுக்​கும்​போது மட்டும் சிறிது நேரம் கேம​ராவை அசைக்​கா​மல் வைத்​தி​ருக்க வேண்​டும். அப்​போது, இரு​ள் சூழ்ந்த இடங்​க​ளில் எல்​லாம் அதி​கப்​ப​டி​யான வெளிச்​சத்​து​டன் புகைப்​ப​டம் பதி​வா​கி​றது.

இதன் கார​ண​மாக, குறைந்த வெளிச்​சத்​தில் எடுக்​கப்​பட்ட புகைப்​ப​ட​மும் தெள்​ளத் தெளி​வாக தெரி​கி​றது. இந்த வச​தியை முன்​பக்க செல்ஃபி கேம​ரா​வில் பயன்​ப​டுத்​த​லாம். நைட் சைட்​டில் எடுக்​கப்​பட்ட பகல் நேர வெளிச்ச புகைப்​ப​டங்​களோ இன்​னும் தெளி​வா​கக் காணப்​ப​டு​கின்​றன.  இந்​தச் செயலி,  ஸ்மார்ட் போன் கேமரா புகைப்​ப​டங்​களை அடுத்​த​கட்​டத்​துக்கு கொண்டு சென்​றுள்​ளது என்றே கூற​லாம்.

]]>
http://images.dinamani.com/uploads/user/imagelibrary/2018/12/3/w600X390/im10.jpg http://www.dinamani.com/weekly-supplements/ilaignarmani/2018/dec/04/இர​வைப்-பக​லாக்​கும்-நைட்-சைட்--ஆப்-3050965.html
3050968 வார இதழ்கள் இளைஞர்மணி இணைய வெளி​யி​னிலே... DIN DIN Tuesday, December 4, 2018 10:00 AM +0530 முக நூலி​லி​ருந்து....​

ஒதுங்க ஒரு மர​நி​ழ​லும் இல்லை...
புய​லுக்​குப் பிற​கான வெயி​லில். 

​நே​ச​மிகு ராஜ​கு​மா​ரன்​

 

ஏட்டி​லி​ருக்​கும் சுரைக்​கா​யைக் கறி சமைக்க 
கடுகு தேடும் உன் அவ​ச​ரத்தை... 
அல்ல... அல்ல...
அதி புத்​தி​சா​லித்​த​னத்தை என்​ன​வென்​பது?

​கவி வள​நா​டன்


நீ அ​றி​வதை எல்​லாம் 
சொல்ல வேண்​டும் என்று 
அவ​சி​யம் இல்லை...
ஆனால் நீ அ​றிந்​தது எல்​லாம் 
உண்​மையா என்று 
நீ அ​றிந்து வைத்​தி​ருப்​பது அவ​சி​யம்...

​செய்​யத் அன்​சா​ரி​


மற்​ற​வர்​களை எடை​போ​டு​வ​தில் காலத்தை வீணாக்​கா​தீர்​கள். 
ஏனெ​னில்...
அவர்​களை நேசிப்​ப​தற்கு உங்​க​ளுக்கு நேர​மில்​லா​மல் போய்​வி​டும்.

​மாரி அனி​தா


எல்​லை​யற்று இயங்​கு​கி​றேன் 
என் எல்​லைக்​குள்.

​ஆ​ரூர் தமிழ்​நா​டன்



சுட்​டு​ரை​யி​லி​ருந்​து...​


என்​னு​டன் இருந்​த​வர்​கள்...
காக்கை பிடித்து பிழைத்​துக் கொண்​டார்​கள்
நான் இன்​னும் கழுகை தேடிக் கொண்​டி​ருக்​கி​றேன்

 துரை.​கு​ணா​


ஆயி​ரம் பேருக்கு 
எதி​ரி​யா​கக்   கூட   இருப்​பேன்...
ஆனால் ஒரு​வ​ருக்​கே​னும்
துரோ​கி​யாக இருக்க மாட்டேன். 

நிலாப்​பெண்


ஒரு​வரை மன்​னிக்​குற அள​விற்கு நல்​ல​வ​னாக இருங்​கள்...
மறு​ப​டி​யும் அவரை நம்​பு​கிற அள​வுக்கு முட்டா​ளாக இருக்​கா​தீர்​கள்.

​எம்.​சி.​எச்.​பி​ர​வீ​ணா



தெரிந்தே செய்த தவ​றுக்கு... விளக்​க​வுரை தேவை​யில்லை 

​ம​ணி​வண்​ணன் குமார்​



வலை​த​ளத்தி​லி​ருந்து...

""வெண்​டைக்​காய் ஃப்ரை  என ஒன்று செய்​தி​ருக்​கி​றேன்,.  சாப்​பிட்​டுப் பார்த்​து​விட்​டுச்  சொல்​லுங்​கள்'' என்​றார் மனைவி .  சாப்​பிட்​டுப் பார்த்​தேன்.  விளக்​க​வி​ய​லாத அருமை.  கசப்​பி​ழந்து எண்​ணெய் புகுந்த  கொத்​த​வ​ரங்​காய் வற்​றல் போல் சுவை.  தன்​னி​யல்​பான கொழ​கொ​ழப்​பின்றி   மென்​மை​யும் மொறு​மொ​றுப்​பும்  மறந்​து​போய்ச் சங்​க​மித்த பதம்.  வெண்​டைக்​கா​யா​னது இதை​வி​டச் சிறப்​பாக நடத்​தப்​பட்டு   நான் பார்த்​த​தில்லை.

பதி​ல​ளிப்​ப​தில்​தான் ஒரு பிரச்​னை. நன்​றாக இருப்​ப​தா​கச் சொன்​னால்,   வாரம் நான்கு நாள் இதை வெறுக்​கும் வரை தின்ன வேண்​டும் .  ("உங்​க​ளுக்​குத்​தான் பிடிக்​குமே') பிடிக்​க​வில்லை என்​றாலோ,  இது​தான் வாழ்க்​கை​யில்  எங்​கள் கடை​சிச் சந்​திப்பு  ("அவ​ருக்​குப் பிடிக்​காது') .

வெண்​டைக்​காய் ஃப்ரை​யின்   முதன்​மைக் கச்​சாப் பொருள்  வெண்​டைக்​கா​யி​லி​ருந்து வரு​கி​றது.  வெண்​டைக்​காய் ஃப்ரை சார்ந்து  நிரந்​தர முடி​வொன்றை   மேற்​கொள்​ளும் முன்பு   அத​னு​டைய கருத்​தை​யும்  அறிய விரும்​பு​கி​றேன்:

"" யாரு​மற்ற வெளி​யில்   முக​ம​றி​யாத் தோட்டக்​கா​ரன்   பிஞ்​சில் பறித்த வெண்​டைக்​காயே,  என்​னால் வதக்கி உண்​ணப்​ப​டு​வதை  நீ வி​ரும்​பு​கி​றாயா?   அல்​லது நறுக்​கிப் பொரி​ய​லா​வ​தில்  கண் வைத்​தி​ருக்​கி​றாயா?  

https://www.writerp​ayon.​com

]]>
http://images.dinamani.com/uploads/user/imagelibrary/2018/12/3/w600X390/im11.jpg http://www.dinamani.com/weekly-supplements/ilaignarmani/2018/dec/04/இணைய-வெளி​யி​னிலே-3050968.html
3050946 வார இதழ்கள் இளைஞர்மணி நீரில் மூழ்கியவரைக் காப்பாற்றும் ட்ரோன்! - ந.ஜீவா Tuesday, December 4, 2018 07:21 AM +0530 தண்ணீரில் மூழ்கியவரை காப்பாற்றுவது மிக மிகச் சிரமமான வேலை. ஓடுகின்ற ஆற்றில் ஏதாவது ஓரிடத்தில் நீரில் "சுழி' இருக்கும்.  அந்த இடத்தில் ஒருவர் சிக்கிக் கொண்டால் - அவர் எவ்வளவுதான் நீச்சல் தெரிந்தவராக இருந்தாலும் - நீரினுள் மூழ்கடிக்கப்பட்டு இழுத்துச் செல்லப்படுவார்.  கடலிலோ  சொல்லவே வேண்டியதில்லை.  அலைகள், கடலின் அடியில் இருக்கும் உயிரினங்கள் என கடலில் மூழ்கியவரைக் காப்பாற்றுவதில் நிறைய சிக்கல்கள் உள்ளன.  எனவே மூழ்கியவரைக் காப்பாற்றுவதே  பெரும்பாடாகிவிடும்.  இம்மாதிரியான சிக்கல்களை எதிர்கொள்ளும்விதமாக நீரில் மூழ்கியவரைக் காப்பாற்றும் ட்ரோன்     ஒன்றை  உருவாக்கியுள்ளார்கள் விசாகபட்டினத்தைச் சேர்ந்த  சைஃப் ஆட்டோமேஷன் (SAIF AUTOMATION) நிறுவனத்தினர். 

இதை உருவாக்கிய  அலியாஸ்கர்  ஜெர்மனி நாட்டின்  சீஜென் பல்கலைக்கழகத்தில் மெக்கட்ரானிக்ஸ் பிரிவில் முதுகலைப் பட்டப்படிப்பு முடித்தவர். இவர் தனது தந்தையுடனும், சகோதரருடனும் இணைந்து  இந்த ட்ரோன் உருவாக்கும் பணியில் ஈடுபட்டு வெற்றிகரமாக அதை உருவாக்கியிருக்கிறார்.

விசாகபட்டினம் கடல் பகுதியில் பலர் அடிக்கடி கடலில் மூழ்கிவிடுவதை அறிந்த அலியாஸ்கர்,   அதைத் தடுக்க தனது கல்வியறிவு பயன்பட வேண்டும் என்று விரும்பினார்.    நீரில் மூழ்கியவர்களைக் காப்பாற்ற ஒரு ட்ரோனை உருவாக்கினால் என்ன என்ற எண்ணம் அவருக்குத் தோன்றியுள்ளது. அதனால் 2017 ஆம் ஆண்டு ட்ரோனை உருவாக்கும் பணியில் இறங்கியிருக்கிறார். 

இந்த ட்ரோன் ரிமோட் மூலம் இயக்கப்பட வேண்டும் என்பதால்,  அது தொடர்பான அறிவுமிக்கவர்களைப் பணியில் அமர்த்தி,  ட்ரோனின் வடிவம், அதன் அளவு,  எடை உட்பட பலவிதமான சிக்கலான பிரச்னைகளுக்கு முதலில் தீர்வு கண்டிருக்கிறார் அவர்.

கடல் கொந்தளிப்பு, புயல், மழை போன்ற காலங்களில் எந்த  எலக்ட்ரானிக் சிக்னலும் கிடைக்காமல் போய்விடும் என்பதால், இந்த ட்ரோன் இண்டர்நெட்டைச் சார்ந்து செயல்படாமல் உருவாக்கப்பட்டுள்ளது.  ரேடியோ அதிர்வலையைக் கொண்டு செயல்படுமாறு இந்த ட்ரோனை தயாரித்திருக்கிறார்கள்.

கப்பலிலோ, படகிலோ சென்று கொண்டு இருக்கும்போது  ஒருவர் கடலில் தவறி விழுந்துவிட்டால் அவரை மீட்பதற்காக  கப்பலில், படகில் செல்பவர்கள் யாரும் கடலில் குதிக்க வேண்டியதில்லை.  இந்த ட்ரோனை கடலில் வீசி எறிந்து,  ரிமோட் மூலம் இயக்க வேண்டும். 

அவ்வாறு தூக்கியெறியப்பட்ட  ட்ரோன்  ஒரு நொடிக்கு 14 மீட்டர் வேகத்தில் மூழ்கிக் கொண்டிருப்பவரை நோக்கிச்  செல்லும்.  மனிதர்கள் இந்த வேகத்தில் நீந்திச் சென்று மூழ்கிக் கொண்டிருக்கும் மனிதரை மீட்க முடியாது.    

விரைவாகச் செல்லும் ட்ரோனைப் பிடித்துக் கொண்டு மூழ்கிக் கொண்டிருக்கும் நபர் மீண்டு விடலாம். 

மூழ்கிக் கொண்டிருக்கும் ஒருவரை நீச்சல் தெரிந்த ஒருவர் மீட்கச் செல்லும்போது, மூழ்கிக் கொண்டிருப்பவர் உயிர் பயத்தில் மீட்க வந்தவரின் கைகளையோ, கால்களையோ பிடித்துக் கொண்டால்,  மீட்கச் சென்றவர் நீந்த முடியாமல் தானும் நீரில் மூழ்கிவிடும் அபாயம் ஏற்படுவதுண்டு.  ஆனால் இந்த ட்ரோனைக் கொண்டு மீட்கும்போது அந்தப் பிரச்னை இல்லை. 

இந்த ட்ரோனை அருகிலிருந்துதான் இயக்க முடியும் என்பதில்லை.   குறைந்தபட்சம் 3 கி.மீ.  தொலைவில் இருந்தும் அதிகபட்சம்10 கி.மீ. தொலைவில் இருந்தும் இயக்க முடியும்.    எனவே ட்ரோனை இயக்குபவர் ஆபத்தான பகுதிகளிலிருந்து தொலைவில் இருந்தே  இதை  இயக்க முடியும். 

பேட்டரியினால் இயங்கக் கூடிய இந்த ட்ரோனை  இரண்டு மணிநேரத்தில் சார்ஜ் செய்துவிடலாம்.  குறைந்தபட்சம் முக்கால் மணிநேரம் பேட்டரி டவுன் ஆகாமல் இந்த ட்ரோன்  இயங்கும்.  இதில் கேமரா,  உட்பட தேவையான பல கருவிகளையும் இணைத்துக் கொள்ளலாம். 

மூழ்கிக் கொண்டிருப்பவரை மீட்கும் போது ஏதேனும் பிரச்னை என்றால் தானே முடிவெடுத்து மீட்கும் வகையில் இந்த ட்ரோன் உருவாக்கப்பட்டுள்ளது.  

12 கிலோ எடையுள்ள இந்த ட்ரோனைத் தூக்கிச் செல்வது,  வேறு இடங்களுக்குக் கொண்டு  செல்வது, கையாள்வது மிக எளிது.

""நிறைய ஏரிகளும், அணைகளும், நீர்நிலைகளும் அதிகமாக உள்ள நம்நாட்டில் இந்த ட்ரோனின் தேவை அதிகமாகவே இருக்கிறது'' என்கிறார்  இதன் தயாரிப்பாளர் அலியாஸ்கர்.

]]>
http://images.dinamani.com/uploads/user/imagelibrary/2018/12/3/w600X390/im2.jpg http://www.dinamani.com/weekly-supplements/ilaignarmani/2018/dec/04/நீரில்-மூழ்கியவரைக்-காப்பாற்றும்-ட்ரோன்-3050946.html
3047610 வார இதழ்கள் இளைஞர்மணி சிறு வணிகர்கள்...ஆன்லைன் வர்த்தகத்தில்! DIN DIN Wednesday, November 28, 2018 10:39 AM +0530 புத்தகங்கள், வீட்டு உபயோகப் பொருள்களிலிருந்து சாப்பிடும் உணவுப் பொருள்கள் வரை அனைத்தையும் ஆன்லைன் மூலம் வாங்கிப் பயன்படுத்துவது என்பது மிகவும் சாதாரணமாகிவிட்டது. போக்குவரத்து நெரிசல் மிகுந்த சாலைகளில், நேரத்தைச் செலவழித்து அலைந்து திரிந்து பொருள்களை வாங்குவதைப் பலர் விரும்புவதில்லை. இருக்கும் இடத்திலேயே எல்லாப் பொருள்களும் தங்களுடைய கைகளில் வந்து விழ வேண்டும் என்றே விரும்புகிறார்கள். இணையதளங்களிலேயே பொருள்களைப் பார்த்து, தேர்ந்து எடுக்கிறார்கள்.
இப்படியே ஆன்லைன் வியாபாரம் அதிகமாகிக் கொண்டே போனால் தங்களுடைய பிழைப்புக்காக சிறிய கடைகளை நடத்துபவர்களின் நிலை என்ன ஆகும்? என்று கவலையுடன் யோசித்து, அவர்களையும் ஆன்லைன் பக்கம் திருப்பி விட முயற்சி செய்திருக்கிறது இதயம் நல்லெண்ணெய் நிறுவனமும் பஞ்ச் குருகுலம் என்னும் தொண்டு நிறுவனமும். அவர்கள் தமிழ்நாடு முழுக்க உள்ள சிறிய வணிகர்களுக்கு ஆன் லைன் வியாபாரம் தொடர்பான விழிப்புணர்வையும் பயிற்சிகளையும் அளித்து வருகிறார்கள். சமீபத்தில் சென்னை நுங்கம்பாக்கத்தில் உள்ள ஆஷா நிவாஸ் சோசியல் சர்வீஸ் சென்டரில் பயிற்சி அளித்தார்கள். அதில் அவர்களுக்குப் பயிற்சி அளித்த பி.ஜி.ராஜனிடம் பேசியதிலிருந்து...
"இன்று உலக அளவில் ஆன்லைன் வர்த்தகம் அதிகமாகி வருகிறது. மாறிவரும் தொழில்நுட்பத்துக்கு ஏற்ப நமது சிறு வணிகர்களும் மாற வேண்டிய அவசியம் உள்ளது. அதற்கான பயிற்சிகளைத்தான் நாங்கள் தமிழ்நாடு முழுவதும் 250 பயிற்றுநர்களைக் கொண்டு அளித்து வருகிறோம்.
முதலில் சிறுவணிகர்களுக்கு வணிகம் எப்படியெல்லாம் மாறிவந்திருக்கிறது என்று விளக்குகிறோம். தற்போது ஆன்லைன் வர்த்தகம் அதிகமாகிக் கொண்டிருக்கிறது.
இதற்காக சிறு வணிகர்கள் அச்சப்படத் தேவையில்லை. அவர்களும் ஆன்லைன் வர்த்தகத்தில் ஈடுபட வேண்டும் என்று நாங்கள் சொல்லித் தருகிறோம்.
இந்த ஆன்லைன் வர்த்தகத்தை நடத்த அவர்களுக்கு ஒரு செயலி தேவை. "செட்டியார் மளிகை' என்ற பெயரில் ஒரு செயலி தற்போது உள்ளது. தேவைப்பட்டால், வணிகர்கள் தங்களுடைய தேவைக்கேற்ப புதிய செயலியை அதற்கான தொழில்நுட்ப அறிவுள்ளவர்களின் துணையுடன் வடிவமைத்துக் கொள்ள முடியும்.
அந்தச் செயலியில் ஒரு வணிகரின் கடையில் உள்ள பொருள்களைப் பற்றிய எல்லா விவரங்களும் பதிவு செய்யப்பட வேண்டும். பின்னர் அந்தப் பகுதியில் உள்ள மக்களை எஸ்எம்எஸ், வாட்ஸ்ஆப், மெயில் போன்றவற்றின் மூலமாக வணிகர்கள் தொடர்பு கொண்டு தங்களுடைய கடையில் உள்ள பொருள்களைப் பற்றிய விவரங்களை மக்களுக்குச் சொல்ல வேண்டும். இவ்வாறு "வணிகர்கள் - மக்கள் தொடர்பை' ஏற்படுத்திக் கொண்டால், மக்கள் தமக்குத் தேவையான பொருள்களை ஆர்டர் செய்வார்கள். வணிகர்கள் அவர்களுடைய வீட்டிலேயே பொருள்களைச் சப்ளை செய்ய வேண்டும். பொருள்களுக்கான தொகையை ரொக்கமாகவோ, பல்வேறு பண அட்டைகளின் மூலமாகவோ, ஆன்லைன் மூலமாகவோ பெற்றுக் கொள்ள வேண்டும்.
ஒரு சிறுவணிகரால் இவற்றையெல்லாம் செய்ய முடியாது; அதற்கான வசதி அவரிடம் இல்லையென்று அவர் நினைத்தால், ஒருபகுதியில் உள்ள சிறுவணிகர்கள் பலர் ஒன்றாகச் சேர்ந்து செயலி, பொருள்களை வைத்திருக்கும் பெரிய இடம், வாகன வசதிகள் அனைத்தையும் கூட்டாகவே செய்து கொள்ளலாம்.
ஏனென்றால் இப்போது சிறுவணிகரின் போட்டியாளர் அருகில் உள்ள இன்னொரு சிறு வணிகர் அல்ல; மாறாக, உலகம் தழுவிய அளவில் வணிகம் செய்யும் ஆன்லைன் வர்த்தகர்கள்.
இந்த ஆன்லைன் வர்த்தகம் தொடர்பான அனைத்து விவரங்களையும் சிறுவணிகர்களுக்கு நாங்கள் சொல்லிக் கொடுப்பதோடு, வணிகர்களின் உடல் நலம், அவர்களின் வாழ்க்கை இலக்கு, சமூக நோக்கு பற்றிய அனைத்தையும் நாங்கள் நடத்தும் பயிற்சி வகுப்புகளில் சொல்லித் தருகிறோம்.
ஒரு கடையை நடத்துபவர் கடைக்குத் தேவையான பொருள்களை எப்படி வாங்குவது? எப்படி ஸ்டாக் வைப்பது? எப்படி அவற்றைப் பாதுகாப்பது, கடையில் வேலை செய்பவர்களை எப்படி நடத்துவது? வாடிக்கையாளர்களை எப்படி அணுகுவது? அவர்களிடம் எப்படி நடந்து கொள்வது? கடையில் வீணாகும் பொருள்களை எப்படி லாபகரமாகப் பயன்படுத்துவது? தரமான பொருள்களை வாடிக்கையாளர்களுக்குக் கிடைப்பதற்கு என்ன செய்வது? என வணிகம் தொடர்பான எல்லாவற்றையும் அவர்களுக்கு பேச்சின் மூலமாகவும், செயல்முறையின் மூலமாகவும் பயிற்றுவிக்கிறோம்'' என்றார்.
ந.ஜீவா


 

]]>
http://images.dinamani.com/uploads/user/imagelibrary/2018/11/28/w600X390/im11.jpg http://www.dinamani.com/weekly-supplements/ilaignarmani/2018/nov/28/சிறு-வணிகர்கள்ஆன்லைன்-வர்த்தகத்தில்-3047610.html
3047608 வார இதழ்கள் இளைஞர்மணி நீட் தேர்வுக்கு புதிய செயலி! Wednesday, November 28, 2018 10:37 AM +0530 இன்றைய கல்வி யுகத்தில் பள்ளிப் படிப்பை மாணவர்கள் பலரும் சுமையாகவும், கடினமானதாகவும் நினைக்கும் மனப்போக்கு உள்ளது. அதிலும் 12-ஆம் வகுப்புக்கு வந்துவிட்டால் மருத்துவம், ஐஐடி, ஐஐஎம், சட்டம் போன்ற உயர் கல்வியில் சேருவதற்கான நுழைவுத் தேர்வுகள் குறித்த அழுத்தமும் மாணவர்களைத் தொற்றிக் கொண்டுவிடுகிறது. இதற்காக தனிப்பயிற்சி வகுப்புக்கு செல்வது முதல் செயலி மூலம் படிப்பது வரை, தேர்வில் அதிக மதிப்பெண்கள் பெறுவதற்கான பல்வேறு உத்திகளையும் கையாள வேண்டிய அவசியமும் ஏற்பட்டுள்ளது.
ஆனால், ஒருபுறம் பள்ளிப் படிப்பிலும் கவனம் செலுத்திக் கொண்டு, மறுபுறம் ஏழை கிராமப்புற மாணவர்களின் மருத்துவக் கனவை நிறைவேற்றும் முயற்சியாக நீட் தேர்வு பயிற்சிக்கான செல்லிடப்பேசி செயலியையும் உருவாக்கியிருக்கிறார் ஒரு மாணவி. அவர் இனியாள் கண்ணன். 
தமிழகத்தின் விருதுநகர் மாவட்டத்தைச் சேர்ந்தவரும், தில்லி காவல் துறையின் போலீஸ் பயிற்சிப் பிரிவின் இணை ஆணையருமான கண்ணன் ஜெகதீசனின் மூத்த மகள்தான் இனியாள் கண்ணன். 
கடந்த ஆண்டு தற்கொலை செய்துகொண்ட மாணவி அனிதாவையும், "நீட்'டையும் இணைக்கும் வகையில் "அனீடா' (ANEETA) என்ற பெயரில் ஒரு செயலியை இனியாள் உருவாக்கி இருக்கிறார். தில்லியில் சன்ஸ்கிருதி பள்ளியில் 12-ஆம் வகுப்பில் கணினி அறிவியல் பாடப் பிரிவை எடுத்துப் படிக்கும் இம்மாணவி, இச்செயலியை உருவாக்கி இருப்பதைப் பற்றி நம்மிடம் கூறியதாவது: 
"தந்தையின் பணியிட மாற்றல் காரணமாக கடந்த ஆண்டு ஜூலையில் புதுச்சேரியில் இருந்து தில்லி வந்தோம். அப்போது, மாணவி அனிதா நீட் தேர்வில் தோல்வியுற்றதால் தற்கொலை செய்துகொண்டதாக ஊடகங்களில் வெளிவந்த செய்தி அதிர்ச்சி அளித்தது. மாணவி அனிதா பிளஸ் டூவில் 1,200 மதிப்பெண்களுக்கு 1,176 மதிப்பெண்கள் எடுத்த நிலையிலும் நீட் தேர்வில் தேர்ச்சியடையாததால் மருத்துவப் படிப்பில் சேரமுடியவில்லை என்பது மிகவும் வேதனையை அளித்தது. அப்போதுதான், நீட் தேர்வு எழுதப் போகும் மாணவர்களுக்குப் பயன்படும் ஒரு செயலியை உருவாக்கும் எண்ணம் எனக்கு ஏற்பட்டது.
தற்போது செல்லிடப்பேசிகள் அனைவரிடமும் இருப்பதால், அந்த செயலி மூலம் மாணவர்கள் எளிதாக நீட் தேர்வை எதிர்கொள்ள, தங்களைத் தயார்படுத்திக் கொண்டு பயனடைய முடியும் என எண்ணினேன். இதையடுத்து, செயலியை உருவாக்குவதில் ஆர்வத்துடன் ஈடுபட்டேன். இதற்கு ஆறு மாதங்கள் ஆகின.
இந்த செயலியில் சில ஆண்டுகளுக்கான 180 கேள்வித்தாள்கள் இடம்பெற்றுள்ளன. அதற்கான விடைகளும் தரப்பட்டுள்ளன. இதை நீட் தேர்வுக்கு தயாராகும் மாணவர்கள் பயிற்சி செய்தால் தேர்வு குறித்து எளிதாக அறிந்துகொள்ள முடியும். கேள்விக்கான விடையை அளித்து நாம் நம்மையே மதிப்பீடு செய்து கொள்ளலாம். 
அனாலிசிஸ் கிராஃப் மூலம் எந்த பாடத்தில் நாம் வலுவாக இருக்கிறோம் என்பதையும் தெரிந்துகொள்ள முடியும். இது முற்றிலும் கிராமப்புற மாணவர்களுக்கு உதவும் வகையில் உருவாக்கப்பட்டுள்ளது. எவ்வித கட்டணமும் இல்லாத இந்த செயலி, ஒரு மாதம் முன்புதான் செயல்பாட்டுக்குக் கொண்டு வரப்பட்டது. அதற்குள் 5 ஆயிரம் பேர் இதை பதிவிறக்கம் செய்துள்ளனர்.
தற்போது வரை இந்த செயலியை நான் மட்டுமே நிர்வகித்து வருகிறேன். பள்ளி இறுதித் தேர்வில் கவனம் செலுத்தி வருவதால், யாராவது தானாக முன்வந்து உதவ விரும்பினால், அவர்களும் இந்தச் செயலியில் நீட் தொடர்பான கேள்விகள், பதில்களைப் பதிவேற்றம் செய்யலாம். ஆசிரியர்கள், பயிற்றுவிப்பாளர்கள்ஆகியோருக்கு என்னைவிட அதிகமாகவே தெரியும் என்பதால் அவர்களும் பங்களிப்புச் செய்ய முன்வரலாம். ஒருவர் பதிவேற்றம் செய்தால் அது இந்தியாவில் உள்ள அனைத்து மாணவர்களுக்கும் பயனுள்ளதாக இருக்கும்.
சமுதாய வளர்ச்சிக்கு மாணவர்கள் பங்களிக்க முடியும் என்பதை இச்செயலியை உருவாக்கியிருப்பதன் மூலம் உணர்கிறேன். நூலகத்தில் கூட நீட் தேர்வு போன்ற முக்கிய நுழைவுத் தேர்வுக்கான புத்தகங்கள் இருக்காது. இதனால், செயலி மூலம் இக்குறையைப் போக்க முயற்சி செய்துள்ளேன்.
12-ஆம் வகுப்பு முடித்த பிறகு கணினி பொறியாளராக எண்ணி உள்ளேன். இந்த செயலிக்கு முன்பு ஸொட்டீரியா (SOTERIA) எனும் பெண்கள் பாதுகாப்பு செயலியையும் உருவாக்கி உள்ளேன். 
நார்மலாக பெண்கள் பாதுகாப்பு தொடர்புடைய செயலிகளில் ஆபத்து காலங்களில் அவர்களின் குடும்ப உறுப்பினர்களின் செல்லிடப்பேசிகளுக்கும், காவல் அதிகாரிகளுக்கு மட்டுமே அலர்ட் போகும். நான் உருவாக்கிய செயலியில் ஆபத்தில் உள்ள ஒருவர் அலர்ட் அனுப்பியவுடன், இதே செயலியைப் பயன்படுத்தும் அருகில் உள்ள பிறருக்கும் அலர்ட் சென்றுவிடும். காரணம், ஆபத்து வரும்போது அருகில் உள்ளவர்கள்தான் உடனடியாக உதவ முடியும். 
இதுபோன்று செயலியை உருவாக்கும் பணியை எனது பாடப் படிப்புடன் சேர்ந்து ஆர்வமாகச் செய்து வருகிறேன். சொல்லப்போனால் இதன் மூலம் எனக்கு படிப்பில் ஆர்வம் அதிகரிக்கிறது. 
இந்த "அனீடா' செயலியை உருவாக்க தொடங்கிய ஆரம்பக் கட்டத்தில் எனது பெற்றோர் எனக்கு மிகவும் ஊக்குவிப்பாக இருந்தனர். நீட் தொடர்பான கேள்விகளை எளிது, நடுத்தரம், கடினமானது என வகைப்படுத்துவதற்கு நிறைய ஆலோசனை அளித்தனர்.
எனது தந்தை கண்ணன்ஜெகதீசன் கல்விக்கு அதிக முக்கியத்துவம் அளிப்பவர். அவரது குடும்பத்திலேயே முதல் தலைமுறை பட்டதாரி அவர்தான் என்பதால், கல்வியின் மூலம் எத்தகைய மாற்றத்தையும் சமூகத்தில் கொண்டு வர முடியும் என்பதை நன்கு தெரிந்தவர். இதனால், என்னையும், எனது சகோதரி ஓவியாளையும் கல்வியுடன் சமூகத்திற்கு பயனளிக்கும் விஷயங்களிலும் ஈடுபட ஊக்குவித்து வருகிறார்'' என்று முகமலர்ச்சியுடன் கூறுகிறார் இனியாள் கண்ணன்.
-வே.சுந்தரேஸ்வரன்
படங்கள்: டி.ராமகிருஷ்ணன்.

]]>
http://images.dinamani.com/uploads/user/imagelibrary/2018/11/28/w600X390/im6.jpg http://www.dinamani.com/weekly-supplements/ilaignarmani/2018/nov/28/நீட்-தேர்வுக்கு-புதிய-செயலி-3047608.html
3047609 வார இதழ்கள் இளைஞர்மணி வீடுகளுக்கும் கழிவுநீர் சுத்திகரிப்பு கருவி: இளைஞர்களின் புதிய சாதனை! Wednesday, November 28, 2018 10:35 AM +0530 நம் நாட்டில் 60 கோடி மக்கள் தண்ணீர் பிரச்னையால் மிகப் பெரிய அளவில் பாதிக்கப்பட்டுள்ளனர்; குடிநீர் பற்றாக்குறை, அசுத்த தண்ணீர் காரணமாக ஏற்படும் நோய் பாதிப்புகளால், ஆண்டுக்கு 2 லட்சம் பேர் இறக்கின்றனர் என்று கடந்த ஜூன் மாதம் வெளியான ஓர் ஆய்வு தெரிவிக்கிறது. மேலும், இந்தியாவின் 21 நகரங்களில் வரும் 2020 இல் நிலத்தடிநீர் முழுமையாக வற்றிவிடும் எனவும் அந்த ஆய்வில் எச்சரிக்கப்பட்டுள்ளது.
மழைநீர் சேகரிப்பு ஒன்றே நிலத்தடி நீர்மட்டத்தை உயர்த்துவதற்கான ஒரு செயலாக இனியும் இருக்க முடியாது. மழை பெய்யாவிட்டால், மழைநீர்ச் சேகரிப்புத் திட்டம் எந்த பயனையும் அளிக்காது. எனவே, நாம் நாள்தோறும் பயன்படுத்தும் கோடிக்கணக்கான லிட்டர் தண்ணீரை முறைப்படி சுத்திகரித்து முழுமையான மறுசுழற்சிக்கு கொண்டு வர வேண்டும். மேலும் அன்றாடம் வெளியேற்றப்படும் கழிவுநீர், மறுசுழற்சிக்கு வராமலேயே ஆறு, குளங்களில் கலந்து வீணாவதோடு, சுற்றுச்சூழலையும் பாதித்து நோய்களைப் பரப்பி வருகிறது.
இந்தப் பிரச்னைக்கு தீர்வுகாணும் வகையில் மும்பையைத் தளமாகக் கொண்டு உருவாகியுள்ளது INDRA Water System என்ற புதிய ஸ்டார்ட்அப். மும்பை கே.ஜெ. சோமையா பொறியியல் கல்லூரியில் இளநிலை இயந்திர பொறியியல் பயின்ற க்ருனல் படேல், மதுரை தியாகராஜர் பொறியியல் கல்லூரியில் கடந்த 2012 இல் இளநிலை இயந்திர பொறியியல் பயின்ற புவனேஸ்வரைச் சேர்ந்த அம்ரித் ஓம் நாயக் ஆகியோர் தங்கள் முதுநிலை இயந்திர பொறியியல் கல்வியை கடந்த 2015 இல் வாஷிங்டன் பல்கலைக்கழகத்தில் பயின்றனர். அப்போது, நண்பர்களான இருவர் மனதிலும் உதித்ததுதான், இந்த ஸ்டார்ட் அப்.
2017 இல் இருவரும் சேர்ந்து மும்பையில் "இந்த்ரா வாட்டர் சிஸ்டம்; என்ற ஸ்டார்ட்அப்-ஐ தொடங்கினர். இதன்மூலம், மின்உறைவிப்பு (electrocoagulation) முறையில் கழிவுநீரைச் சுத்திகரிக்கும் சிறிய இயந்திரத்தை உருவாக்கினர். இந்த இயந்திரம் தொழிற்சாலைகள், ஜவுளி, வேதியியல் பொருள்கள் உற்பத்தி நிறுவனங்கள், மருந்து தொழிற்சாலைகள் மற்றும் குடியிருப்புகள், வணிக வளாகங்கள், நகராட்சி நிறுவனங்கள் என எல்லா இடங்களிலும் பயன்படுத்தும் வகையில் வடிவமைக்கப்பட்டிருக்கிறது.
இந்த இயந்திரத்தின் வழியாக செல்லும் கழிவுநீரில் மின்சாரத்தைச் செலுத்துவதன் மூலம் அதிலுள்ள அசுத்த வேதியியல் பிணைப்புகள் உடைக்கப்பட்டு தண்ணீர் தூய்மைப்படுத்தப்படுகிறது. 
இந்த தொழில்நுட்பம் சாதாரண வேதியியல் முறைகளில் தண்ணீரை சுத்திகரிப்பதைக் காட்டிலும் பலமடங்கு சிறந்ததாகக் கருதப்படுகிறது.
இதற்காக, க்ருனல் மற்றும் அம்ரித் இருவரும் சேர்ந்து ஸ்மார்ட் மென்பொருள் அமைப்பு ஒன்றையும் உருவாக்கியுள்ளனர். இந்த மென்பொருள், கழிவுநீர் சுத்திகரிப்பு இயந்திரத்தின் வழியாக தண்ணீர் செல்லும்போது என்ன மாதிரியான வினைகள் நடைபெறுகின்றன என்பதை, இயந்திர கற்றல் வழிமுறைகள் (Machine Learning Algorithms) மற்றும் கணித்தல் மூலம் இயங்கி நமக்கு விளக்குகிறது. இந்த கழிவுநீர் சுத்திகரிப்பு முறை முழுக்க முழுக்க தானியங்கி முறை அல்லது ரிமோட் கன்ட்ரோல் அமைப்பு மூலம் மட்டுமே நடைபெறுகிறது.
50 லட்சம் லிட்டர் கழிவுநீர் சுத்திகரிப்பு சோதனைக்குப் பிறகு கடந்த 6 மாதங்களுக்கு முன்பு வணிகப் பயன்பாட்டுக்கு வந்துள்ள இந்த இயந்திரம், மற்ற இயந்திரங்களைக் காட்டிலும் 40 சதவீதம் குறைந்த இடத்தில் செயல்படுகிறது. மேலும், கழிவுநீரில் இருந்து 95 சதவீதம் சுத்திகரிக்கப்பட்ட நன்னீரை வழங்குகிறது. 
இதையொட்டி, அனைத்திந்திய மேலாண்மை கூட்டமைப்பு மற்றும் மும்பை மேலாண்மை கூட்டமைப்பு ஆகியவை இணைந்து கடந்த செப்டம்பர் மாதம் நடத்திய Digital Disrupt - The New Normal மாநாட்டில், Leading Startup-2018 என்ற அங்கீகாரத்தை இந்த்ரா வாட்டர் சிஸ்டம் பெற்றுள்ளது. 
மேலும், India Innovation Growth Program 2.0,  Lockheed Martin நிறுவனம், டாடா அறக்கட்டளை, மத்திய அரசின் அறிவியல், தொழில்நுட்பத் துறை ஆகியவை இணைந்து நடத்தும் IIG-2.0 திட்டத்தில் சிறந்த முதல் 50 ஸ்டார்ட் அப்-களில் ஒன்றாக இது தேர்ந்தெடுக்கப்பட்டுள்ளது. 
தொடங்கிய 6 மாதங்களில் ரூ. 1 கோடி வருவாய் ஈட்டியுள்ள இந்த்ரா வாட்டர் சிஸ்டம், அடுத்த 6 மாதங்களில் ரூ. 6 கோடி முதல் 7 கோடி வருவாய் ஈட்ட இலக்கு நிர்ணயித்துள்ளது. 
இந்த ஸ்டார்ட்அப் குறித்து அம்ரித் கூறுகையில், "இந்த தொழில்நுட்ப மாற்றங்களை மக்கள் ஏற்றுக்கொள்ள யோசிப்பதுதான் மிகப் பெரிய பிரச்னையாக உள்ளது. தற்போதைக்கு எங்களது இயந்திரத்தின் மூலம் நாளொன்றுக்கு 35 லட்சம் லிட்டர் கழிவுநீரை சுத்திகரிக்க வேண்டும் என்பதே எங்களது இலக்கு'' என்கிறார். 
- இரா.மகாதேவன்


 

]]>
http://images.dinamani.com/uploads/user/imagelibrary/2018/11/28/w600X390/im7.jpg http://www.dinamani.com/weekly-supplements/ilaignarmani/2018/nov/28/வீடுகளுக்கும்-கழிவுநீர்-சுத்திகரிப்பு-கருவி-இளைஞர்களின்-புதிய-சாதனை-3047609.html
3047591 வார இதழ்கள் இளைஞர்மணி வாங்க இங்கிலீஷ் பேசலாம் 167 ஆர்.அபிலாஷ் DIN Wednesday, November 28, 2018 09:51 AM +0530 புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரிடம் செல்கிறார்கள். அங்கே அவர்கள் மருத்துவருக்கான காத்திருப்போர் அறையில் இருக்கிறார்கள். நடாஷா எனும் பெண்ணும் மீசைக்காரர் எனும் போலீஸ்காரரும் அங்கு காத்திருக்கிறார்கள். அவர்கள் இடையிலான உரையாடலில் bark up the wrong tree எனும் சொற்றொடர் வருகிறது. கணேஷ் அதன் பொருள் என்ன என புரொபஸரிடம் வினவுகிறான்.

புரொபஸர்: டேய் தம்பி...
கணேஷ்: என்ன சார்?
புரொபஸர்: இன்னிக்கு உலகமே நமது விரல் நுனியில் வந்திடுச்சு. நீ மொபைலில் ஒரு தட்டு தட்டினால் இந்த கேள்விக்கான பதில் தெரிஞ்சுக்கலாமே. ஏன் எங்கிட்டயே கேட்கிறே?
கணேஷ்: அதில்ல சார், உங்களை மாதிரி அழகா புரியற மாதிரி விளக்குறதுக்கு கூகிளால முடியுமா சார்? அதான்..
புரொபஸர்: சரி அதை விடு, ஒருவேளை எனக்கு தெரியலேன்னா என்ன பண்ணுவே, அப்போ you are barking up the wrong tree. ஏன்னு யோசிச்சு சொல்லு. சரியா சொன்னேன்னா உனக்கு ஒரு சாக்லேட் தரேன்.
கணேஷ்: சாக்லேட் வேணாம் சார். இன்னிக்கு என் கெர்ல்பிரண்டை டின்னருக்கு அழைச்சிட்டு போறேன். அதுக்கு ரூ.500 கைமாத்தா குடுங்களேன்.
புரொபஸர்: சரி... பதில் சொல்லு.
கணேஷ்: சார் bark up the wrong treeன்னா தப்பான ஆள்கிட்ட கேட்குறது. நீங்க தான் மரம். சின்ன மரம். கூகிள் ஒரு பெரிய மரம். நான் ஒரு நாய். நான் எனக்குத் தேவையானதை உங்ககிட்ட அடையலாமுன்னு நினைச்சு உங்களைப் பார்த்து குரைக்கிறேன். ஆனால் நீங்க சரியான இலக்கு இல்லைன்னு எனக்கு அப்போ தெரியல. அதனால I was barking up the wrong tree. சரியா?
புரொபஸர்: அந்த சொற்றொடருக்கு கிட்டத்தட்ட மூணு அர்த்தங்கள் உண்டு. To make the wrong choice, to ask the wrong person, to follow the wrong course. தவறான முடிவெடுப்பது, தவறான ஆட்களிடம் கேட்பது, தவறான வாழ்க்கைப் பாதையைத் தேர்வது. நீ பாதிதான் சரியா சொன்னே... அதனால ரூ 250 மட்டும் தரேன்.
ஜூலி (கணேஷிடம்): போச்சா, 500 ரூபாய் போச்சா
கணேஷ்: ஆக்சுவலி எனக்கு 250 ரூபாய் போதும். அவர் கிட்ட 250 கேட்டா 100 தான் தருவார். அதனால தான்...
ஜூலி: மிச்ச 250?
கணேஷ்: அதை நீ தான் கொடுக்கப் போறே
ஜூலி: நானா? சரி ஆனால் அதுக்கு நீ ஒரு கேள்விக்கு பதில் சொல்லணும்.
கணேஷ்: சரி கேளு
ஜூலி: H-A-T-E- ஹேட்
கணேஷ்: ஆமா
ஜூலி: இதில ரெண்டு vowels உண்டு. எதெதென்னு சொல்லு. அதோடு இந்த vowels இன் வகைமை என்னென்னு சொல்லு.
கணேஷ்: ம்ம்ம்... vowel ன்னா உயிரெழுத்து மாதிரி. அ, இ, உ மாதிரி. இங்கிலீஷ்ல a, i, e, o, u எல்லாம் வவல்ஸா வரலாம். சரியா?
ஜூலி: ம்ம்...
கணேஷ்: Hateஇல் a மற்றும் e ரெண்டும் vowels. என்ன வகைன்னா தெரியல. இல்ல... இல்ல... இரு தெரியும் - short and long vowels.
ஜூலி: எது short எது long?
கணேஷ்: ஹேட்... ஹேட் - இதில ஹ தான் நீளமா வருது. அதனால அது long vowel. சரியா?
ஜூலி: ம்ம்... அடுத்தது?
கணேஷ்: e - அது short vowel.
ஜூலி: தப்பு...
கணேஷ்: இல்ல... சரி
ஜூலி: தப்புன்னா ஒத்துக்கிட்டு வாயை மூடு. இல்ல கடிச்சு வச்சிருவேன் கிர்ர்ர்...
கணேஷ்: சார்...
புரொபஸர்: ஜூலி இஸ் ரைட். அது short vowel இல்ல. அது ஒரு silent vowel.
கணேஷ்: இல்லையே சார். Hate என சொல்லும் போது கடைசி ஒலியில் e இருக்குதே.
புரொபஸர்: இல்ல. Pet, wet, met, get ஆகிய சொற்களில் வரும் e எழுத்துக்கு ‘G' எனும் ஒலி வருகிறது. Me என்பதில் அதே e ‘ஈ' ஓசை பெறுகிறது. ஆனால் இங்கே hateஇல் e என்பதற்கு "எ' / "ஈ' ஒலிகள் இல்லை கவனித்தாயா? ஹேட்டெ என்றோ ஹேட்டீ என்றோ நாம் சொல்வதில்லை. ஹேட் என நின்று போகிறது - பல்லி வால் போல ங் துண்டிக்கப்படுகிறது. அதனால் தான் இது silent vowel. இதுக்கு ஒரு தனி விதிமுறை உண்டு.
கணேஷ்: என்ன?
(இனியும் பேசுவோம்)

]]>
http://images.dinamani.com/uploads/user/imagelibrary/2018/11/28/w600X390/eng.JPG http://www.dinamani.com/weekly-supplements/ilaignarmani/2018/nov/28/வாங்க-இங்கிலீஷ்-பேசலாம்-167-3047591.html
3047564 வார இதழ்கள் இளைஞர்மணி ஒழுக்கமே உன்னத மேன்மை! ஆர்.திருநாவுக்கரசு ஐ.பி.எஸ். DIN DIN Wednesday, November 28, 2018 09:40 AM +0530 தன்னிலை உயர்த்து! 20

பாண்டவர்கள் சூதாட்டத்தில் நாட்டை இழந்த பின்பு, கெளரவர்களின் ஆணையின்படி பதின்மூன்று ஆண்டுகள் வனவாசம் சென்றனர். பதின்மூன்று நாட்கள் மட்டுமே முடிந்திருந்தது. பதினான்காம் நாளில் பீமனும், அர்ஜுனனும் ஆயுதங்களைக் கையிலேந்தி போர்க்கோலத்துடன் தங்களது அண்ணன் தருமர் முன் வந்தனர். தருமர் அவரது தம்பிகளின் போர்க்கோலம் கண்டு திகைத்தார்.
"ஏன் இந்த போர்க்கோலம்?'' என்றார் தருமர். அதற்கு பீமன், "அண்ணா! சிறப்பு வாய்ந்த தருணங்களில் ஒரு நாள் என்பது ஒரு வருடமாக கருதப்படுவது உண்மைதானே?'' என்றார். "ஆம்'' என்றார் தருமர். 
"அப்படியானால், நாம் வனவாசம் மேற்கொண்டு நேற்றுடன் பதின்மூன்று நாட்கள் முடிந்துவிட்டது. சாஸ்திரப்படி இதனை பதின்மூன்று ஆண்டுகளாக கணக்கிடலாம். எனவே புறப்படுங்கள்! அஸ்தினாபுரத்தின் மீது படையெடுத்து, கெளரவர்களைச் சிதறடிப்போம். உங்களை நாட்டின் மன்னராக்குவோம்'' என்றார். 
அதற்கு தருமர், ""சூதாட்டத்தில்தான் நாட்டை இழந்தோம், சூதாடியபோது சிறப்பு வாய்ந்த தருணம் எதுவுமில்லை. எனவே சாஸ்திர விலக்குகளை இங்கு கையாள முடியாது. இங்கு, ஒரு வருடம் என்றால் அது ஒரு வருடம்தான். ஒரு வருடத்தை ஒரு நாளாக எண்ணுவதற்கு இடமில்லை. பதவி ஆசைக்காக தருமத்தைப் புறக்கணிக்க முடியாது. பதின்மூன்று ஆண்டுகள் முடிவதற்கு முன்பாக ஆயுதம் எடுக்க என் மனம் இடம் தராது'' என்றார். 
உண்மையான தருமம் என்பது உண்மையின்படி வாழ்வது; நேர்மையாக வாழ்வது. மொத்தத்தில் மனித ஒழுங்கில் வாழ்வது. எனவே தான், தருமர் ஒழுக்கத்தின் அடையாளமானார். ஒழுக்கமே தருமத்திற்கு அடிப்படையானது. அறத்தின் ஆரம்பமும், முழுமையும் ஒழுக்கமேயாகும். 
ஒழுக்கத்தை மறந்திருப்பது விலங்கு. ஒழுக்கம் பழகுவது மனிதம். ஒழுக்கம் நிறைந்திருத்தல் புனிதம். சூரியனைச் சுற்றும் பூமியும், பூமியுடன் சேர்ந்து சுழலும் சந்திரனும் ஒழுங்கின் நிலைப்பாடுகள். பருவ காலங்கள் ஒழுங்கின் சிறப்பியல்புகள். பருவ காலங்கள் ஒழுங்கின்றிப் போனால் ஐந்திணை ஒழுக்கங்கள் அஸ்தமித்துவிடும்.
ஒழுக்கமுடையவர்கள் வாழ்க்கையில் சாதிக்கிறார்கள். சாதிப்பவர்கள் ஓர் ஒழுங்கின் அடிப்படையில் வாழ்பவர்கள். 
அமெரிக்க நாட்டின் கொலராடோ பல்கலைக் கழகத்தில் பயின்றவர் பில் டூமி. அவர் கல்லூரி நாட்களில் ஒரு முன்னணி விளையாட்டு வீரர் அல்ல. ஆனால் ஓர் ஆர்வமுள்ள ஒட்டப்பந்தய வீரர். பல்கலைக் கழகத்தில் அவர் பயிற்சியில் இருக்கும்போது, மாலையில் பயிற்சி முடித்தவுடன் அனைவரும் கடுமையான பயிற்சியின் காரணமாக தளர்வுற்று ஓய்வுக்குச் சென்றுவிடுவர். ஆனால் பில் டூமி மட்டும் சுமார் இருபது நிமிடம் மட்டும் பயிற்சி மைதானத்திலேயே ஓய்வெடுப்பார். பின்னர் மீண்டும் ஒருமணி நேரம் அதே பயிற்சியை மேற்கொள்வார்.
ஓய்வு நேரத்தையும் தனது வளத்திற்காக பயன்படுத்தி, வாழ்க்கையை முழுவதுமாக விளையாட்டுக்கே அர்ப்பணித்ததால் 1966- இல் "டெக்காத்லான்' போட்டியில் உலக சாதனை படைத்தார். 1968-ஆம் ஆண்டு டோக்கியோ ஒலிம்பிக்கில் தங்கப் பதக்கம் வென்றார். 1984-இல் டெக்காத்லான் போட்டியில் வென்றதற்காக புகழாரம் சூட்டப்பட்டார். அவருடைய சாதனைகளை முறியடிக்க இதுவரை எவரும் பிறக்கவுமில்லை என்பதுதான் வரலாறு. ஒழுக்கத்தின் அடிப்படையில் அமைகின்றவரின் வாழ்க்கை இவ்வுலகிற்கு ஓர் எடுத்துக்காட்டு.
உண்மையில், "ஒழுங்கு என்பது திறமையைச் செயல்திறனாக மாற்றுகின்ற பதமான நெருப்பு' என்கிறார் அமெரிக்க நாட்டு அறிஞர் ராய் எல்.ஸ்மித். தனக்கென்று சுய ஒழுக்கத்தினை ஏற்படுத்தத் தயங்குபவர்களும், அஞ்சுபவர்களும் வெற்றியடைவதில்லை. மாறாக தனக்கென சுய ஒழுங்கைக் கடைபிடிப்பவர்கள்தான் உயர்நிலைக்கு உந்தப்படுகிறார்கள்.
உலகின் மிகச்சிறந்த நகரங்களில் முதன்மையான நகரம் சுவிட்சர்லாந்து நாட்டின் ஜுரிச் நகரமாகும். அங்கு ஒரே பாதையில் பேருந்துகள், மகிழுந்துகள் (Cars) மின்சார தொடர் வண்டிகள் பயணிக்கின்றன. வனத்திலே நீர் அருந்தச் செல்ல யானை முதல் மான் வரை ஒரே பாதையைத்தான் பயன்படுத்துகின்றன. அவற்றுக்குள் எவ்வித இடர்பாடுகளையும் ஏற்படுத்திக் கொள்ளாததுபோல், இந்நகரத்தில் வாகனங்கள் பயணிக்கின்றன. அதற்கு அவர்கள் ஒழுங்கினை முதன்மைப் படுத்திகொண்டதே காரணமாக அமைகிறது.
சரியான நிமிட நேரத்திற்கு கிளம்பி, சரியான நிமிட நேரத்திற்கு சேரும் எல்லா மின்சார இரயில்களும் கடிகாரத்தின் முட்களைச் சரிப்படுத்துகின்றன. ஆம்! ஒழுங்கு ஓர் அழகு! ஒழுங்கு ஓர் அற்புதம்! ஒழுங்குபடுத்தப்பட்ட பூக்கள் ஓர் அழகிய மாலை. ஒழுங்கமைக்கப்பட்ட கற்களே உயரிய கோபுரங்கள். ஒழுங்கமைக்கப்பட்ட சொற்கள், கவிதை. ஒழுங்கான மனிதமே, உன்னதம். சறுக்கல் வாழ்க்கை சரித்திரமாவதில்லை. கிறுக்கல் வாழ்க்கை நேர்ப்படுவதில்லை. ஒழுக்கமான வாழ்க்கையே பிறரும் பயணிக்கத் துடிக்கும் பண்பான வாழ்க்கைப் பாதையாகும். 
நாடக ஆசிரியரும், சிந்தனையாளருமான ஜார்ஜ் பெர்னார்ட் ஷா, "மனதை சுறுசுறுப்பாகவும், சவால்களை ஏற்றுக்கொள்ளவும், சரியானவைப் பற்றி மட்டுமே தொடர்ந்து சிந்திக்கவும் பழகிக் கொள்பவர்கள், தங்களுக்கு உதவக்கூடிய ஒழுங்கமைக்கப்பட்ட சிந்தனையை வளர்த்துக்கொள்கிறார்கள்' என்கிறார். மனதைச் சரிப்படுத்தவில்லையெனில் இழுக்கமே வந்து சேரும். ஒழுக்கம் மறந்தால் இழுக்கம். ஒழுக்கம் மீறினால் ஆபத்து. ஒழுக்கமே உயர்வு. ஒழுக்கமே ஆனந்தம். ஒழுக்கமே மதிப்பாகும்.
அலைபாய்கின்ற மனது ஓர் ஒழுங்கிற்குள் அடைபட மறுக்கும். ஒழுக்கத்தினை எள்ளி நகைக்கும். ஆனால், இலட்சியத்தை அடைவதற்காக விரும்பாதவற்றையும், விரும்பி செய்வதுதான் ஒழுங்கு. அவ்வொழுக்கமே ஒருவரை மேன்மைப்படுத்தும். ஒழுக்கத்தை மறுக்கும் இழுக்கமோ அவரைக் கீழ்மைப்படுத்தும். மேலும், ஒழுக்கம் இல்லாதவர்கள் அவர்கள் செய்யாத தீங்கிற்கும் ஆளாவார்கள் என்பதை 
ஒழுக்கத்தின் எய்துவர் மேன்மை இழுக்கத்தின் 
எய்துவர் எய்தாப் பழி
என்று ஒழுக்கத்தின் மாண்பினை பாராட்டி, இழுக்கத்தினை எச்சரிக்கிறார் நம் தெய்வப் புலவர் திருவள்ளுவர்.
ஒழுக்கமே மனிதத்தின் அடிப்படை. ஆதலால்தான் அமெரிக்க கவிஞர் பில்லி கிரஹாம், 

When wealth is lost,  nothing is lost,
When health is lost,  something is lost,
When Character is lost, all is lost

என்ற வரிகள் மூலம் வாழ்வின் இலக்கணத்தை உணர்த்துகிறார். நம்மிடமுள்ள செல்வத்தை இழப்பின், ஒன்றும் இழப்பில்லை. உடல் நலம் இழப்பின், சிறிது இழந்திருப்பது உண்மை. பண்பினை இழந்தால், வாழ்வில் எல்லாம் இழந்துவிட்டோம். இனி இழப்பதற்கு ஒன்றுமில்லை' என்றுணர்த்துகிறது இப்பாடல்.
ஒரு தந்தை, தனது மகனுக்கு பட்டம் விட கற்றுக் கொடுத்துக் கொண்டிருந்தார். பட்டம் அழகாக மேலே பறந்து கொண்டிருந்தது. "மகனே! கையிலிருக்கும் நூல் என்ன செய்கிறது?'' என்றார் தந்தை. உடனே மகன், "அப்பா... இந்த நூல்தான் பட்டத்தின் சுதந்திரத்தை தடுத்துக் கொண்டிருக்கிறது'' என்று சொன்னான். 
"இல்லை மகனே! நூல்தான் அதனை உயர பறக்க வைத்துக் கொண்டு இருக்கிறது'' என்றார் தந்தை. தந்தை சொல்வதில் உண்மையில்லையென மகன் சிரித்தான். 
பிறகு, தந்தை ஒரு கத்தரியால் நூலை வெட்டினார். பட்டம் விடுபட்டு தாறுமாறாய் காற்றில் பறந்தது. பின்னர் சற்று தூரத்தில் வேகமாய் கீழே விழுந்தது. மகன் தந்தையை ஆச்சரியமாய்ப் பார்த்தான். 
"மகனே! இந்த பட்டத்தின் நூலைப் போன்றதுதான் ஒழுக்கம். அது தங்களது சுதந்திரத்தை பறித்துக் கொண்டிருப்பதாக நினைத்து அதிலிருந்து விடுபடுபவர்கள் கீழே விழுந்த பட்டத்தைப் போன்று விரைவில் வீதியில் கிடப்பர். ஒழுக்கம் ஒன்றே ஒருவரை பட்டம்போல் உயரப் பறக்க வைக்கும்'' என்றார் தந்தை. ஒழுக்கத்தால் உயர்கின்ற வாழ்க்கையே உயர்வான வாழ்க்கை.
ஒழுக்கமே உயரிய வாழ்வு!
ஒழுக்கமே உன்னத மேன்மை!
(தொடரும்)
கட்டுரையாசிரியர்: 
காவல்துறை துணை ஆணையர், நுண்ணறிவுப் பிரிவு. 

]]>
http://www.dinamani.com/weekly-supplements/ilaignarmani/2018/nov/28/ஒழுக்கமே-உன்னத-மேன்மை-ஆர்திருநாவுக்கரசு-ஐபிஎஸ்-3047564.html
3047546 வார இதழ்கள் இளைஞர்மணி நுழைவுத் தேர்வு எழுதுவோருக்கு செயலிகள்! Wednesday, November 28, 2018 09:35 AM +0530 தமிழ்நாட்டில் தமிழக அரசின் கட்டுப்பாட்டில் இயங்கும் தமிழக கல்வி நிறுவனங்களில் பி.ஆர்க்., எனப்படும் கட்டடக் கலை பொறியியல் படிப்பில் சேர்வதற்கு நாட்டா எனப்படும் நேஷனல் ஆப்டிடியூட் டெஸ்ட் பார் ஆர்கிடெக்சர் என்ற நுழைவுத் தேர்வை எழுதி தேர்ச்சி பெற வேண்டும். 
இத்தேர்வில் பங்கு பெறுவதற்கு பயிற்சி அளிக்கும் செயலிகளை செல்லிடப் பேசிகளில் பதிவிறக்கம் செய்தும் பயிற்சி பெறலாம். 
சில செயலிகள் : 
Steps To Architecture
I}Arch Mock Test
NATA : National Aptitude Test in Architecture
அதுபோல JEE நுழைவுத் தேர்வுகளுக்கு பயிற்சி பெறுவதற்கான செல்லிடப் பேசி செயலிகளும் பயன்பாட்டில் உள்ளன.
மத்திய அரசின் கட்டுப்பாட்டின் கீழ் இயங்கும் மத்திய கல்வி நிறுவனமான ஐஐடி எனப்படும் இந்தியன் இன்ஸ்டியூட் ஆப் டெக்னாலஜியில் பொறியியல் படிப்புகளில் சேருவதற்கு JEE எனப்படும் ஒருங்கிணைந்த நுழைவுத் தேர்வு நடத்தப்படுகிறது. இத்தகைய நுழைவுத் தேர்வுகளை எழுதுவதற்கு நாடு முழுவதும் பல்வேறு தனியார் நிறுவனங்கள் பயிற்சி அளிக்கின்றன. 
அது மட்டுமல்ல, அத்தகைய பயிற்சியை செல்லிடப் பேசி செயலிகள் மூலமாகவும் பெற முடியும். பல நிறுவனங்கள் செல்லிடப் பேசி செயலியை அறிமுகப்படுத்தியுள்ளனர். 
அதில் கூகுள் பிளே ஸ்டோர் மூலம் இலவசமாக பதிவிறக்கம் செய்து கொள்ளக் கூடிய செயலி :
AskIITians  - https://www.askiitians.com/
எம்.அருண்குமார்

]]>
http://images.dinamani.com/uploads/user/imagelibrary/2018/11/28/w600X390/NATA_APP.JPG http://www.dinamani.com/weekly-supplements/ilaignarmani/2018/nov/28/நுழைவுத்-தேர்வு-எழுதுவோருக்கு-செயலிகள்-3047546.html
3047482 வார இதழ்கள் இளைஞர்மணி வேலை...வேலை...வேலை... DIN DIN Wednesday, November 28, 2018 08:54 AM +0530 தேசிய காப்பீடு நிறுவனத்தில் வேலை
பதவி: Accounts Apprentice
காலியிடங்கள்: 150
தகுதி: வணிகவியல் துறையில் 60 சதவீத மதிப்பெண்களுடன் பட்டம் பெற்றிருக்க வேண்டும் மற்றும் சிஏ தேர்ச்சி பெற்றிருக்க வேண்டும் அல்லது நிதியியல் பிரிவில் எம்பிஏ முடித்திருக்க வேண்டும் அல்லது வணிகவியல் துறையில் முதுகலைப் பட்டம் பெற்றிருக்க வேண்டும்.
வயதுவரம்பு: 1.11.2018 தேதியின்படி 21 வயதிலிருந்து 27 வயதிற்குள் இருக்க வேண்டும். குறிப்பிட்ட சில பிரிவினருக்கு உச்சபட்ச வயது வரம்பில் தளர்வு உண்டு. 
தேர்வு செய்யப்படும் முறை: ஆன்லைன் எழுத்துத் தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்பக் கட்டணம்: ரூ.600. எஸ்சி, எஸ்டி, மாற்றுத்
திறனாளி விண்ணப்பதாரர்கள் ரூ.100 செலுத்த வேண்டும். 
விண்ணப்பிக்கும் முறை: www.nationalinsuranceindia.com என்ற இணையதளத்தின் மூலம் ஆன்லைனில் விண்ணப்பிக்கவும்.
மேலும் விவரங்கள் அறிய: https://drive.google.com/file/d/1qmQBC6YSEHYNZphsKnHR0g1crQioF8w3/view என்ற லிங்கில் சென்று தெரிந்துகொள்ளவும்.
ஆன்லைனில் விண்ணப்பிப்பதற்கான கடைசித் தேதி: 27.11.2018

மாவட்ட நீதித்துறையில் வேலை
மொத்த காலியிடங்கள்: 80 
பதவி: ஓட்டுநர், முதுநிலைக் கட்டளை நிறைவேற்றுநர், நகல் பரிசோதகர், ஜெராக்ஸ் இந்திரம் இயக்குபவர், 
அலுவலக உதவியாளர், இரவுக் காவலர், மசால்ச்சி (Masalchi), துப்புரவு பணியாளர், கணினி இயக்குநர்), சுகாதார பணியாளர்.
தகுதி: வேலைக்கேற்ப கல்வித் தகுதி மாறுபடும். 
தேர்வு செய்யப்படும் முறை: எழுத்துத் தேர்வு, நேர்முகத் தேர்வு, தகுதி மற்றும் இனசுழற்தி அடிப்படையில் மட்டுமே தகுதியானவர்கள் தேர்வு செய்யப்படுவார்கள்.
விண்ணப்பிக்கும் முறை: கீழே கொடுக்கப்பட்டுள்ள வலைதளத்தில் உள்ள மாதிரி விண்ணப்பப் படிவத்தைப் பதிவிறக்கம் செய்து பூர்த்தி செய்து தேவையான சான்றிதழ்களின் நகல்களோடு அஞ்சலில் அனுப்பி வைக்க வேண்டும்.
முகவரி: முதன்மை மாவட்ட நீதிபதி, முதன்மை மாவட்ட நீதிமன்றம், தேனி - 625 523.
கல்வித் தகுதி, வயது வரம்பு, சம்பளம் ஆகிய முழுமையான விவரங்கள் அறிய: https://districts.ecourts.gov.in/sites/default/files/Advertisement%20for%20Recruitment%20to%20Fill%20up%20the%20Vacancies%20in%20Various%20Post%20in%20Theni%20Judicial%20Unit_0.pdf  என்ற வலைதளத்தில் கொடுக்கப்பட்டுள்ள அறிவிப்பைப் பார்த்து தெரிந்துகொள்ளவும்.
விண்ணப்பிப்பதற்கான கடைசித் தேதி: 30.11.2018

கெயில் நிறுவனத்தில் வேலை 
மொத்த காலியிடங்கள்: 160 
பதவி: Junior Engineer,  Foreman,  Junior Chemist,  Junior Superintendent,  Technician, Assistant (Stores & Purchase), Accounts Assistant,  Marketing Assistant,  Assistant (HR).
வயது வரம்பு: ஒவ்வொரு பணிக்கும் தனித்தனியான வயது வரம்பு அறிவிக்கப்பட்டுள்ளது. 
தகுதி: பொறியியல் துறையில் பட்டயம், இளங்கலை பட்டம் பெற்றவர்கள், வேதியியல் துறையில் முதுகலை பட்டம், பத்தாம் வகுப்பு தேர்ச்சியுடன் ஐடிஐ முடித்தவர்கள் என வேலைக்கேற்ப கல்வித் தகுதி மாறுபடும். 
விண்ணப்பக் கட்டணம்: ரூ.50. 
தேர்வு செய்யப்படும் முறை: எழுத்துத் தேர்வு மற்றும் திறன் தேர்வு மூலம் தகுதியானவர்கள் தேர்வு செய்யப்படுவார்கள்.
மேலும் முழுமையான விவரங்கள் அறிய : http://gailonline.com/careers/currentOpnning/GAIL-OPEN-MISC-5-2018/Detailed%20Advertisement%20(English).pdf என்ற லிங்கில் சென்று தெரிந்துகொள்ளவும். 
விண்ணப்பிப்பதற்கான கடைசித் தேதி: 30.11.2018

அஞ்சல் துறையில் வேலை
மொத்த காலியிடங்கள்: 11 
பதவி: M.V. Mechanic (Skilled),    Copper & Tinsmith (Skilled),   M.V. Electrician (Skilled),   Tyreman (Skilled).
வயதுவரம்பு: 01.07.2019 தேதியின்படி 18 முதல் 30 வயதிற்குள் இருக்க வேண்டும். 
தகுதி: சம்பந்தப்பட்ட துறையில் ஐடிஐ முடித்தவர்கள் விண்ணப்பிக்க தகுதியானவர்கள்.
விண்ணப்பக் கட்டணம்: பொது மற்றும் ஓபிசி பிரிவினர் ரூ.100. மற்ற அனைத்து பிரிவு விண்ணப்பதாரர்களுக்கும் கட்டணம் செலுத்துவதில் விலக்கு அளிக்கப்பட்டுள்ளது.
விண்ணப்பிக்கும் முறை: www.tamilnadupost.nic.in என்ற இணையதளத்தில் கொடுக்கப்பட்டுள்ள விண்ணப்பத்தைப் பதிவிறக்கம் செய்து, அதனைப் பூர்த்தி செய்து கீழ்வரும் அஞ்சல் முகவரிக்கு விரைவு அஞ்சலில் அனுப்ப வேண்டும்.
பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி: 
The Manager, Mail Motor Service, No.37, (Old No.16/1), Greams  Road, Chennai - 600 006.
தேர்வு செய்யப்படும் முறை: எழுத்துத்தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள்.
மேலும் முழுமையான விவரங்கள் அறிய: http://www.tamilnadupost.nic.in/SkilledArtisan.pdf என்ற லிங்கில் சென்று தெரிந்துகொள்ளவும்.
விண்ணப்பங்கள் சென்று சேர கடைசித் தேதி: 3.12.2018

தமிழ்நாடு இந்து அறநிலையத் துறையில் வேலை
பதவி: EXECUTIVE OFFICER, GRADE-IV
காலியிடங்கள்: 65
சம்பளம்: மாதம் ரூ.19500 - 62000
தகுதி: பத்தாம் வகுப்பு தேர்ச்சி அல்லது பல்கலைக்கழக மானிய குழுவால் அங்கிகரிக்கப்பட்ட தமிழ் புலவர் பட்டம் பெற்றவர்கள் விண்ணப்பிக்க தகுதியானவர்கள். 
பதவி: EXECUTIVE OFFICER, GRADE-III
காலியிடங்கள்: 55
சம்பளம்: மாதம் ரூ.20.600 - 65,500
தகுதி: ஏதாவது ஒரு துறையில் இளங்கலை பட்டம் பெற்றிருக்க வேண்டும். தமிழில் எழுத, படிக்க தெரிந்திருக்க வேண்டும்.
வயதுவரம்பு: 01.07.2018 தேதியின்படி 25 முதல் 35 வயதிற்குள் இருக்க வேண்டும். 
தேர்வு செய்யப்படும் முறை: எழுத்துத் தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்பக் கட்டணம்: ரூ.150. இதனை ஆன்லைனில் செலுத்தவும்.
விண்ணப்பிக்கும் முறை: www.tnpsc.gov.in என்ற இணையதளத்தின் மூலம் ஆன்லைனில் விண்ணப்பிக்க வேண்டும்.
மேலும் முழுமையான விவரங்கள் அறிய: http://www.tnpsc.gov.in/notifications/2018_32_notyfn_EOGrade_IV.pdf , http://www.tnpsc.gov.in/notifications/2018_31_notyfn_EOGrade_III.pdf  ஆகிய வலைதள லிங்கில் சென்று தெரிந்துகொள்ளவும்.
விண்ணப்பிப்பதற்கான கடைசித் தேதி: 3.12.2018
தொகுப்பு: இரா.வெங்கடேசன்

]]>
http://images.dinamani.com/uploads/user/imagelibrary/2018/11/28/w600X390/VELAI.JPG http://www.dinamani.com/weekly-supplements/ilaignarmani/2018/nov/28/வேலைவேலைவேலை-3047482.html
3047458 வார இதழ்கள் இளைஞர்மணி கல்லா அறிவும் கற்றல் அறிவும்...சுகி. சிவம் Wednesday, November 28, 2018 08:47 AM +0530 நீ... நான்... நிஜம்! 46
தூக்கணாங்குருவிக்கு இத்தனை அழகாகக் கூடுக் கட்டும் தொழில்நுட்பத்தைச் சொல்லிக் கொடுத்தவர் யார்? எந்த Polytecnic -இல் அது இந்த வித்தையைப் படித்தது? அடைகாக்கத் தெரியாத குயிலுக்கு, இனவிருத்தி கெடாமல் இருக்க, முட்டையைக் காகத்தின் கூட்டில் விட வேண்டும் என்ற திருட்டுத்தனம் எங்கிருந்து வந்தது? காகங்கள் இல்லாத நேரம் பார்த்து முட்டையை விடுவதால் திருட்டுத்தனம் என்கிறேன்! அது சரி! முட்டையில் இருந்து வந்த குயில்குஞ்சுகள் காக்கைக் குஞ்சுகளை (போட்டியாகக் கருதி) கீழே தள்ளி விட வேண்டும் என்கிற கள்ளத்தனத்தை எங்கிருந்து கற்றன? கற்பதற்கான வாய்ப்பே இல்லாத போது அவை பிறவிக்குணம் என்றுதானே கொள்ள வேண்டும்? இவையாவும் மரபணுக்களில் பொதிந்துள்ள மகத்துவம் என்கிறார் பேரா.க.மணி... தமது "மனித ஜினோம்' என்கிற புத்தகத்தில்... நான் படித்து முடித்ததும் பிரமித்துப்போனேன். படைப்பின் ரகசிய சுருதிகளை வரிக்கு வரி உள்ளடக்கிய அந்தப் புத்தகம், வாழ்க்கை பற்றிய என் பார்வையையே புரட்டிப்போட்டு விட்டது.
வாழ்வைக் கொண்டு செலுத்த எல்லா உயிரினங்களுக்கும் அறிவு தேவைப்படுகிறது. இந்த அறிவை இரண்டாகப் பகுத்து கற்ற அறிவு - கல்லா அறிவு என்று வகைப்படுத்த முடியும். தாய்ப்பறவையிடமிருந்து விதவிதமான வித்தைகளைக் குஞ்சுப் பறவைகள் கற்கின்றன. தாய்ப்பருந்து நெருக்கடிகளைச் சமாளிக்கும் வித்தைகளைக் குஞ்சுப் பருந்துக்குப் போதிக்கின்றது. அதேசமயம் தாயையே அறியாத, தாயுடன் வாழாத, குயில்கள் கல்லா அறிவை மரபணு மூலம் பெற்று வாழப் பழகி விடுகின்றன. ஒரு விழிப்படைந்த விவேகமான சமூகம் கல்லா அறிவுக்கும், கற்றலறிவுக்கும் சம மரியாதை கொடுக்கக் கடமைப்பட்டிருக்கிறது. பேராசிரியர் மணி அழகாக எழுதுகிறார்: "நாம் மூளை கல்லா அறிவுக்காகத் தந்திருக்கும் முக்கியத்துவத்தை நாம் குறைத்து மதிப்பிட்டிருப்பது போல், விலங்குகளின் கற்றலறிவையும் கல்வித்திறனையும் நாம் குறைத்து மதிப்பிட்டிருக்கிறோம்'' என்கிறார். 
இப்போது நீங்கள், "எதற்காக இவன் திடீர் என்று மரபணு, அதன்மூலம் பெறும் கல்லா அறிவு என்பதை எழுதுகிறான்' என்று யோசிக்கக் கூடும். சுயமுன்னேற்றம், தன்னம்பிக்கைப் பயிலரங்குகள் நடத்தும் பலர், ஒரு பகுதியை அறவே அறியாமல் நடத்துகிறார்கள் என்ற கருத்தை வற்புறுத்தத்தான்... வேறென்ன காரணம்! மனிதனுடைய 7வது குரோமோசோமில் உள்ள ஒரு ஜீன் (மரபணு) அவனுக்கு விசேடமான உள்ளுணர்வை (Instinct) வழங்கி அதன்மூலம் அவனுக்கென்று தனி பண்பாட்டுக் கலாச்சாரத்தையும் வழங்குகிறது என்று விஞ்ஞானம் விளக்குகிறது என்று கேள்விப்பட்டால் நாம் திடுக்கிட்டுப் போக மாட்டோமா என்ன? பிறவிக்குணம் என்பது விலங்குகளுக்கு மட்டும் இல்லை... மனிதனுக்கும் இருக்கிறது என்கிற புரிதல் பல வகையில் நாம் விழிப்புணர்வு பெற உதவக் கூடும் என்றே நான் கருதுகிறேன். விலங்குக்கும் நமக்கும் உள்ள ஒற்றுமை என்ன? வேற்றுமை என்ன என்ற தெளிவு பிறக்க இந்த உண்மையை நாம் கண்டிப்பாக உணரவேண்டும். "மனித ஜினோம்' புத்தகத்தில் பேராசிரியர் க. மணி எழுதி இருப்பதை அப்படியே தருகிறேன். ஒரு முறைக்குப் பலமுறை கவனமாக வாசிக்க வேண்டிய பகுதி அது: 
"சிலந்திகள் வலை பின்னுகின்றன.. ஈசல்கள் புற்று கட்டுகின்றன. ஆசிரியர் சொல்லித் தராமலேயே அவை தமது உள்ளறிவால் அதாவது பிறவி அறிவால் செய்து கொள்கின்றன. அவற்றின் பிறவி அறிவு என்ன சொல்கிறதோ, அதைமீறி அவை எதுவும் செய்வதில்லை. செய்யவும் கற்றுக் கொள்வதில்லை. கரடி, பாம்பு, முதலை, கோழி, குதிரை போன்ற விலங்குகள் பிறக்கும் போதே பெற்ற அறிவின்படி வாழ்கின்றன. மூளையில் பதிக்கப்பட்ட குணாதிசயங்களின்படி சங்கிலிப் பிணைப்பால் விலங்கிடப் பட்டிருப்பதால்தான் அவற்றை நாம் விலங்கு என்கிறோம்'' என்று எழுதுகிறார். மனிதன் அப்படியா? பிறவி அறிவு தாண்டி "கற்றல்' என்கிற அதி ஆச்சரியமான ஆற்றல் பெற்றிருக்கிறான். தாய், தந்தை, ஆசிரியர், சமூகம், திரைப்படம், கணினி, உறவு, நட்பு, இப்படி எங்கெங்கிருந்தோ பலவற்றைக் கற்கும் பழக்கம் உடையவன் மனிதன். அவனுக்குள் இருக்கும் Freewill என்கிற சுதந்திர உணர்வு ஒவ்வொரு மனிதனை ஒவ்வொரு திசையில் உந்தித் தள்ளி விடுகிறது. 
மனிதன் எப்படி விலங்கிலிருந்து பீறிட்டெழுந்து விண்ணகம் நோக்கி விரைவில் உயர முடிகிறது என்ற கேள்விக்கு அந்தப் புத்தகம் விடையளிக்கிறது. அப்படியே தருகிறேன். வாசியுங்கள்:
"யானை என்னவெல்லாம் செய்யும் என்பதைப் பட்டியலிட்டுச் சொல்லிவிடலாம். ஆனால் ஒரு மனிதனால் இவ்வளவு தான் செய்ய முடியும் என்பதைப் பட்டியலிட முடியாது. அதனால் தான் உலகில் ஆயிரக்கணக்கான மொழிகளும், பண்பாட்டு, சடங்கு வேற்றுமைகளும் காணப்படுகின்றன. ஒரு காரியத்தைச் செய்வதற்கு முன்பே முழுவதையும் மனத்தில் எண்ணித் துணிந்து மனிதன் செயல்படுகிறான். விலங்குகள் அப்படிச் சிந்தித்து ஒரு காரியத்தை முடிவு செய்வதில்லை. உள்ளுணர்வு பிறப்பிக்கும் கட்டளைகளுக்குக் கீழ்ப்படிந்தே செயல்படுகின்றன. விலங்குகள் சனிப்பிரதோஷத்திற்கு நோன்பிருப்பதோ, நெற்றியில் திருநீற்றுப்பட்டை இட்டுக் கொள்வதோ, திருமாங்கல்யம் அணிவதோ, நல்ல காரியம் செய்வதற்கு முன்பாகக் குளித்து முழுகுவதோ, வேள்வி செய்து, பூணூல் பூண்டு கொள்வதோ, கணவனை இழந்துவிட்டால் ஈமக்கிரியைகளை செய்து விதவைக் கோலம் பூணுவதோ கிடையாது. தான் பெற்ற அறிவை நூலாக எழுதி அச்சடித்து கடையில் விற்பதும் இல்லை' என்கிறார் பேரா.க. மணி. இதை அப்படியே Serious ஆக எடுத்துக் கொண்டு இவற்றை அவசியப்படுத்துவதாகச் சண்டைக்கு வரவேண்டாம். கலகலப்பான ஒரு Observation அவரது வர்ணனை என்று புரிந்து கொள்ள வேண்டும். 
இப்போது புத்தகத்தை நிறுத்திக் கொண்டு நம்முடைய சிந்திக்கிற திறனைப் பயன்படுத்துவோம். மனிதன் விலங்கா? என்று கேட்டால், ஓர் எல்லையில் "ஆம்' என்று தான் பதில் அளிக்க வேண்டி வரும். விலங்கு இல்லையா என்று கேட்டால் அதற்கும் பதில் "ஆம்' என்றுதான் வரும். இதுதான் மனித இனத்தின் அதி ஆச்சரியம். படைப்பின் அற்புதம். பிரபஞ்சத்தின் பேராற்றல்... ஆம்... இல்லை... என்று பதில் எதிர் எதிராகச் சொல்ல முடியாமல் "ஆம்' என்றே இரண்டிற்கும் சொல்ல வேண்டி இருக்கிறது. 
பசி, தாகம், காமம் இவை எல்லாமே விலங்கிற்கு வெறும் உடல் தேவைகள். உடலின் உந்துதல்கள். ஆனால் மனிதனுக்கு இவை உடல் சார்ந்த பிரச்னைகள் மட்டுமல்ல. அந்தஸ்து, கவுரவம், பாவபுண்ணியம், காவல்துறை, நீதிமன்ற தண்டனைகள் என்கிற சமய, சமூகப் பிரச்னைகள். மரபணுவின் தூண்டுதலால் ஒரு மனிதன் ஒரு செயலைச் செய்ய முற்பட்டாலும் அவனது கற்றல் அறிவு, சமூகப் பொறுப்பு, மான அவமானம் குறித்த கவனம், இவையெல்லாம் கூட செயல் மீதான மறு தீர்மானத்திற்குக் காரணிகள் ஆகின்றன. கட்டுக் கடங்காத காமம் ஏற்பட்டு ஒரு பெண்ணைக் கற்பழிக்கக் கூட தயங்காத காமுகர்கள், குறுக்கே தன் மனைவியோ தாயோ வந்துவிட்டால் ஏன் தடுமாறுகிறார்கள்? எல்லாரும் அப்படி இல்லை என்றாலும் ஒரு சிலருக்கு இந்தத் தடுமாற்றம் உண்டுதானே? இவையெல்லாம் விலங்கு நிலையில் இருந்து சமூகம் பரிணாமம் அடைந்து கொண்டிருத்தலின் வெளிப்பாடு. 
விலங்குகள் மனிதனைப் பயத்தாலோ, பசியாலோ நெருங்குமே ஒழிய, பிடித்து வைத்து பிழைப்பு நடத்தலாம்... காட்சிப் பொருளாக்கிக் காசு சம்பாதிக்கலாம் என்றெல்லாம் நெருங்குவதில்லை. ஏன்? எந்த ஈயும் தவளையும் மனிதனைப் பிடித்து சோதனைச் சாலையில் அடைத்து வைத்து நோய்களையும் மருந்துகளையும் கண்டறிவதில்லை. பன்றிகளின் பான்கிரியாûஸ அறுத்து மனிதனுக்கு இன்சுலின் கொடுத்து, சர்க்கரையால் சாக இருந்தவனின் சர்க்கரையைச் சாகடிக்க முடியும் என்று பன்றிகள் கண்டறிந்ததில்லை. ஆனால் இவை அனைத்தையும் மனிதன் செய்திருக்கின்றான். பாதிவிலங்கு... பாதிமனிதன்... சேர்ந்து செய்த உருவம் என்று மிருகங்கள் பாட்டு படிப்பதில்லை. மனிதனால் குதிரை போல் ஓடமுடியவில்லை. ஆனால் குதிரை வேகத்தைப் பெற குதிரைமீது உட்காரலாம் என்று மனிதனுக்கு மட்டுமே தோன்றியது. ஆச்சர்யம் இல்லையா? நாம் விலங்கும் கூட... ஆனால் விலங்கு மட்டும் அல்ல என்று விளங்கிக் கொள்ள வேண்டும். 
ஒரு வேடிக்கைக் கதை... முரட்டுக் குதிரைகளை விரைவாக ஓட்டும் போட்டியில் கலந்து கொள்ள முடிவு செய்த இருவர், எதற்கும் திறமைகளைத் தாண்டி ஜெயிக்க வேண்டி வந்தால் உதவட்டும் என்று ஒரு மந்திரவாதியிடம் உதவி கேட்டனர். அவர் ஒரு மத்து, விளக்குமாறு, செருப்பு மூன்றையும் மந்திரித்துக் கொடுத்தார். குதிரை மெதுவாகப் போனால் மத்தால் ஒரு தட்டு தட்டினால் வேகம் இரண்டு மடங்காகும் என்றார். அது போதாத போது விளக்கு மாற்றால் அதன் தலையில் ஒரு தட்டு தட்டினால் வேகம் இன்னும் இரண்டு மடங்காகும் என்றார். முடிவில் ஜெயிக்கப்போட்டி கூடிவிட்டால் செருப்பால் அதன் தலையில் மூன்று அடி போட்டால் வேகம் கட்டுக்கடங்காமல் பன்மடங்காகும் என்று விளக்கி இருவருக்கும் மத்து, விளக்குமாறு, செருப்பு ஆளுக்கு ஒன்று கொடுத்தனுப்பினார்.
முதல் நபர் தோற்றுப் போய் திரும்பி வந்தார். இரண்டாம் நபரோ ஜெயித்துப் பரிசு கொண்டு வந்தார். இருவருக்கும் ஒரே அனுபவம் தான். மத்தால் தட்டிய போது குதிரைகள் பறந்தன. ஆனால் விளக்குமாற்றால் தட்டியதும் குதிரைபோன வேகத்தில் இருவரும் கீழே விழுந்துவிட்டனர். முதல் நபர் வழியின்றி திகைத்து நின்று தோற்றுப் போனார். இரண்டாம் நபரோ.. பளிச்சென்று செருப்பால் தன் தலையில் மூன்றுமுறை அடித்துக் கொண்டார். அவ்வளவுதான் குதிரையை விட வேகமாக ஓடத் தொடங்கினார். முன்னால் போய் குதிரை மீது ஏறிக்கொண்டார். கதை என்ன சொல்லுகிறது? என்ன தான் சொல்லிக் கொடுத்தாலும், பிரச்னை வருகிறபோது, சொந்த புத்தி என்ற ஒன்று இருப்பவர்கள் தான் ஜெயிக்கமுடிகிறது! 
நம்மிடம் கல்லா அறிவும் உண்டு. கற்றல் அறிவும் உண்டு. இதையும் தாண்டி சொந்த அறிவும் உண்டு என்பதை உணர வேண்டாமா? 
(தொடரும்)


 

]]>
http://images.dinamani.com/uploads/user/imagelibrary/2018/11/28/w600X390/im4.jpg http://www.dinamani.com/weekly-supplements/ilaignarmani/2018/nov/28/கல்லா-அறிவும்-கற்றல்-அறிவும்சுகி-சிவம்-3047458.html
3046925 வார இதழ்கள் இளைஞர்மணி இணைய வெளியினிலே... DIN DIN Tuesday, November 27, 2018 02:48 PM +0530 முக நூலிலிருந்து....
• ஒரு துளி நீர் கூட...
பல அடி ஆழம் வரை 
சென்றால் தான் கிடைக்கும்.
குடிநீரை வீணாக்காதீர்கள்.
சி.பழனி வேலன்

• ஒரு மலையில் வெயில்...
ஒரு மலையில் மழை.
சிபிச்செல்வன் முத்து

• உப்பும் புளியும்
பக்குவமாய் கூடினதால்
மட்டும் உணவுக்கு
"ருசி' கிட்டி விடுவதில்லை...
அன்னமிட்டாரின் எண்ணமும் கலந்த
"ரசவாதம்' தான் நெஞ்சு நிறைகிறது.
டஸ் ரமேஷ்

• தென்னை மரங்களா...
தீக்குச்சிகளா... 
என்னமாய் சிதறிக் கிடக்கின்றன? 
"தென்னையப் பெத்தா இளநீரு
பிள்ளையைப் பெத்தா
கண்ணீரு'ன்னு பாடின கவிஞன்
தென்னையப் பெத்தாலும் கண்ணீர் என்று பாடுவாரா?
டிகே கலாப்ரியா

சுட்டுரையிலிருந்து...
• ஒரு நாள் எனக்கு மரணம் வரும்...
அன்று நீ என்னைப்
பார்த்து கண்ணீர் விடாதே...
எழுந்தாலும் எழுந்து விடுவேன்
"உன் கண்ணீரை' த் துடைக்க.
ஏ.நம்பிராஜன் அய்யனார்

• என் ஆசைகள் அனைத்தும்
சின்ன சின்ன ஆசைகளே...
அதனால் தானோ என்னவோ,
நிறைவேறாமலேயே போய்விடுகிறது. 
ஆசைப்படுவதில் 
ஏனடி கஞ்சத்தனம் என்று?
மென்பனி

• இந்த கல்லில் இருக்கும்
ஈரம் கூட...
என்னைக் காதலித்த
இதயங்களில் இல்லை. 
விஜய் முனியா

• எந்த ஒரு மனிதனின்
உழைப்பும் "பணமாகும்'
உழவனுடைய
உழைப்பு மட்டுமே...
மனிதனுக்கு "உணவாகும்'.
காளையன்

வலைதளத்திலிருந்து...
டிசம்பர் 2004. இனி சென்னையில்தான் வேலை என்ற நிலையில் சென்னையில் வந்து இறங்கினேன். பதின்மூன்று ஆண்டுகாலம் ஓடிவிட்டது. தொடக்கத்தில் சென்னை தந்த கலக்கம், எரிச்சல் கொஞ்சம் நஞ்சமல்ல. திருநெல்வேலி சொர்க்கம் என்றும் சென்னை குப்பை என்ற எண்ணமும் மனம் முழுக்க நிறைந்திருந்தது. ஒருநாள் விடுமுறை கிடைத்தாலும் எப்போது இந்த சென்னையை விட்டு ஓடுவோம் என்ற எண்ணம் மேலோங்கிய காலம். இரவு ஏழு மணிக்கு மேல் சென்னைக்குக் கொம்பும் ரத்தக்காட்டேறியின் பற்களும் முளைத்துவிடும் என்று நம்பிய காலம். சென்னையில் கண்ணில் பட்ட ஒவ்வொன்றும் எரிச்சலை மட்டுமே கொண்டு வந்தது. முறையான பேருந்து இல்லை. மரியாதை இல்லை. ஊர் முழுக்க குப்பை. நீர்ப் பிரச்சினை. இப்படியே எண்ணங்கள் ஓடும். 
மெல்ல மெல்ல சென்னை என்னை உள்வாங்கிக் கொண்டது. இப்போதும் திருநெல்வேலிக்குச் செல்வது சொர்க்கம் போன்ற ஒரு நிகழ்வுதான் என்றாலும், சென்னையை வெறுத்துச் செல்லும் காலங்கள் ஓடிப் போய்விட்டன. திருநெல்வேலியில் ஒரு வாரம் தங்கிவிட்டு வரலாம், இனி அங்கேதான் வாழ்க்கை என்றால் பைத்தியம் பிடித்துவிடும் என்ற நிலைக்கு வந்தாகிவிட்டது. சென்னை தன் கடல் போன்ற வளத்தைத் திறந்துகாட்டிவிட்டால் அக்கடலின் வசீகரத்தில் இருந்து யாராலும் வெளியேறவே முடியாது. சென்னையின் நிறம் நீலம் என்றால் நீலம் தீண்டிய உடல் இழக்க விரும்பாத போதையை சென்னை உங்களுக்குப் புகட்டும். எனக்குப் புகட்டி இருக்கிறது. 
தொடக்கத்தில் கண்ணில் பட்ட எரிச்சல்களெல்லாம், சென்னையின் குணங்கள் என்றாகிப் போகின. சென்னையின் பிரம்மாண்டத்துக்கு இணையான ஊர் தமிழ்நாட்டில் இல்லை என்று அடிக்கடி தோன்றும். சென்னைக்குள் பத்து திருநெல்வேலிகளைப் பார்க்கலாம். ஐந்து திருச்சிகளைப் பார்க்கலாம். அப்புறம் என்ன?
http://www.haranprasanna.in/

]]>
http://images.dinamani.com/uploads/user/imagelibrary/2018/11/27/w600X390/im2.JPG http://www.dinamani.com/weekly-supplements/ilaignarmani/2018/nov/27/இணைய-வெளியினிலே-3046925.html
3046924 வார இதழ்கள் இளைஞர்மணி வாட்ஸ்ஆப் ஸ்டிக்கர்ஸ்! DIN DIN Tuesday, November 27, 2018 02:44 PM +0530 குறுந்தகவல் பரிமாற்ற சேவையுடன் தொடங்கப்பட்ட வாட்ஸ் ஆப், அசூர வேக தொழில்நுட்ப வளர்ச்சியால் இன்று புகைப்படங்கள், வீடியோக்கள் என பலவகையிலான தகவல்களைப் பகிரும் சமூக வலைத்தளமாக உருவெடுத்துள்ளது.
ஃபேஸ்புக்கில் தங்களின் புகைப்படங்களைப் பகிர்ந்து லைக்குகளைப் பெறுவதைப்போல், வாட்ஸ் ஆப் குரூப்பிலும் புகைப்படங்களைப் பகிர்ந்து அதுகுறித்து விவாதம் நடத்தும் இளைஞர்கள் பட்டாளம் ஏராளம்.
இந்நிலையில், வாட்ஸ் ஆப் அறிமுகப்படுத்தியுள்ள ஸ்டிக்கர்கள், இளைஞர்கள் மத்தியில் பிரபலமாகி வருகின்றன. ஒருவர் தன்னுடைய புகைப் படங்களை எடுத்து அதை பல்வேறு முகபாவங்களை வெளிப்படுத்தும் ஸ்டிக்கராக மாற்றி, பிறருக்கு நிலைமைக்கு ஏற்ப அனுப்புவதுதான் இந்த புதிய சேவையாகும்.
இந்தியாவில் பண்டிகைகளின்போதுதான் வாட்ஸ் ஆப்பில் புகைப்படமாகவோ, வீடியோவாகவோ அதிகமாக வாழ்த்துகள் பகிரப்படுகின்றன. இதுபோன்ற நேரங்களில் இந்த வாட்ஸ் ஆப் ஸ்டிக்கர்களை இளைஞர்கள் அதிகஅளவில் பயன்படுத்துவார்கள் என்று எதிர்பார்க்கப்படுகிறது.
இந்த சேவையைப் பெற முதலில் ஆன்ட்ராய்டு பயன்பாட்டாளர்கள் 2.18.329 வெர்ஷனுக்கும், ஐஓஎஸ் பயன்பாட்டாளர்கள் 2.18.100 வெர்ஷனுக்கும் அப்டேட் செய்து கொள்ள வேண்டும். பின்னர் ஏற்கெனவே உருவாக்கப்பட்ட ஸ்டிக்கர்களை இணையதளங்களில் இருந்து பதிவிறக்கம் செய்து பயன்படுத்திக் கொள்ளலாம். தங்களது புகைப்படங்களை ஸ்டிக்கர்களாக மாற்றி பயன்படுத்த வேண்டும்மென்றால், கூகுள் பிளே ஸ்டோரில் sticker maker for whatsapp என்ற ஆப் - ஐ பதிவிறக்கம் செய்து, அதில் உங்கள் புகைப்படங்களை வைத்து சுருக்கி, வெட்டி ஸ்டிக்கர்களாக மாற்றலாம். பின்னர் வாட்ஸ் ஆப்பில் அதனைக் கொண்டு வந்துவிடலாம். அதன் பின்னர் ஸ்டிக்கர்களில் மாற்றம் செய்ய இயலாது.
இந்த ஸ்டிக்கர்களை வாட்ஸ் ஆப்பில் நாம் டைப் செய்யும் இடத்தில் இருந்தே எடுத்து சாட்களில் இணைத்து அனுப்பலாம். எனினும், ஸ்டிக்கர்களை உருவாக்கும் ஆப்களை வாட்ஸ் ஆப் நிறுவனம் மூன்றாம் நபர்களுக்கு அளித்துள்ளதால், பிளே ஸ்டோரிலும், ஐஓஎஸ்ஸிலும் ஏராளமான ஆப்கள் அதிகரித்து வருகின்றன. ஒரே அம்சத்துடன் ஏராளமான ஆப்கள் ஆப் ஸ்டோரில் வருவதால், ஸ்டிக்கர் ஆப்களை நீக்க ஆப்பிள் நிறுவனம் நடவடிக்கை எடுத்து வருகிறது. 
அ. சர்ஃப்ராஸ்

]]>
http://images.dinamani.com/uploads/user/imagelibrary/2018/11/27/w600X390/SARFRAZ.JPG http://www.dinamani.com/weekly-supplements/ilaignarmani/2018/nov/27/வாட்ஸ்ஆப்-ஸ்டிக்கர்ஸ்-3046924.html
3046923 வார இதழ்கள் இளைஞர்மணி சரியான பார்வை... சரியான வழி... சரியான செயல்! 22 - தா.நெடுஞ்செழியன் Tuesday, November 27, 2018 02:42 PM +0530 ஃபாதர் பெர்ட்ராம் (Father Bertram) 1870 ஆம் ஆண்டு பிரான்சில் பிறந்தார். இவர் சிறுவயதிலேயே தன்னை மதுரை மிஷனுக்காக அர்ப்பணித்துக் கொண்டார். இவர் சிறந்த ஒருங்கிணைப்பாளர், அமைப்பாளர். மிகச்சிறந்த நிர்வாகி. 1908-ஆம் ஆண்டிலிருந்து 1916-வரை திருச்சி செயின்ட் ஜோசப் கல்லூரியின் முதல்வராகப் பணியாற்றி வந்தார். இவருடைய காலத்தில் இந்தக் கல்லூரி புகழின் உச்சியை அடைந்தது. சென்னைப் பல்கலைக்கழகத்தின் சிண்டிகேட் மெம்பராக 1916-இல் தேர்ந்தெடுக்கப்பட்டார். இவரே பின்னாளில் ஜூலை 1925 இல் சென்னையில் லயோலா கல்லூரியைத் தொடங்கினார். 1925 -35 வரை 10 ஆண்டுகள் லயோலா கல்லூரியின் முதல்வராக இருந்தார். பின்னர் 1936-ஆம் ஆண்டு இயற்கை எய்தினார். 
ஃபாதர் பெர்ட்ராம் இந்தக் கல்லூரியைத் தொடங்குவதற்காக நிதி திரட்டினார். முதல் உலகப்போர் முடிந்தவுடன் வெளிநாடுகளுக்கு நிதி திரட்டச் சென்றார். உலகப்போரின் காரணமாக உலகப் பொருளாதாரம் மிக வீழ்ச்சியடைந்திருந்ததால் அவர் நினைத்த அளவுக்கு நிதி கிடைக்கவில்லை. அப்போது ரோம் நகரில் உள்ள "ஜெனரல் சொசைட்டி' போப்பாண்டவரிடம் பிரச்னைகளைக் கூறினார். போப் பெனடிக்லய ஒரு லட்சம் லயர் (LIRE) இத்தாலியப் பணத்தை நன்கொடையாகக் கொடுத்தார். செயின்ட் ஜோசப் கல்லூரியில் இருந்து 2 லட்சம் ரூபாயைக் கடனாகப் பெற்றார். இந்தக் கல்லூரி தொடங்குவதற்காக சென்னை நுங்கம்பாக்கம் பகுதியில் டேங்க் பண்ட் ரோடு மற்றும் ரயில்வே லைனுக்கு இடையே 50 ஏக்கர் நிலத்தை வாங்கினார். 
இவருடைய முயற்சியால் லயோலா கல்லூரி 1924-ஆம் ஆண்டு மார்ச் 10-ஆம் தேதி தொடங்கப்பட்டது. முதலில் தொடங்கப்பட்ட பாடப்பிரிவுகள் பி.ஏ. பொருளாதாரம், வரலாறு, கணிதம். 1925 ஆம் ஆண்டு மாணவர் விடுதிகள் மூன்று கட்டப்பட்டன. இந்த தனிமனிதரின் முயற்சியினால் இன்றைக்கு லயோலா கல்லூரி உச்சநிலையை அடைந்துள்ளது. 
இந்தக் கல்லூரி. அதன் தொடக்கத்தில் இருந்தே எண்ணற்ற சமூகப் பணிகளை ஆற்றி வருகிறது. 1961 -62 இல் சென்னையில் ஏற்பட்ட வெள்ளத்தின்போது வெள்ளத்தால் பாதிக்கப்பட்ட மக்களுக்கு இக்கல்லூரி அடைக்கலம் கொடுத்தது; மக்களுக்கு இந்தக் கல்லூரி மாணவர்கள் உதவினார்கள். 
இந்தக் கல்லூரி தற்போதும் எல்லாத்துறைகளிலும் மாணவர்களின் வளர்ச்சிக்காக அரும்பணி ஆற்றி வருகிறது. சென்னைப் பல்கலைக்கழகத்தின் தன்னாட்சிக் கல்லூரியாக இயங்கி வருகிறது. இந்திய அளவில் உள்ள கல்லூரிகளின் தரவரிசைப் பட்டியலில் இந்தக் கல்லூரி முன்னிலை வகிக்கிறது. 20 துறைகளில் இளங்கலை மற்றும் முதுகலை பட்டப்படிப்புகள் வழங்கப்பட்டு வருகின்றன. 
இதுதவிர, எண்ணற்ற கல்வியோடு இணைந்த செயல்பாடுகளும் இந்தக் கல்லூரியில் செயல்படுத்தப்படுகின்றன. 
என்எஸ்எஸ், என்சிசி, ஆர்மி ரெட் கிராஸ், என்விரோ கிளப், ஃப்ரண்ட்ஸ் ஆஃப் போலீஸ், லயோலா பிரஸ் கிளப், லயோலா கம்யூனிட்டி ரேடியோ, ஃபோரம் ஃபார் இன்டலக்சுவல் டெவலப்மெண்ட் உட்பட நிறைய கல்வி சார்ந்த கூடுதல் செயல்பாடுகள் (Extracurricular Activities) இந்தக் கல்லூரியில் உள்ளன.
லொயோலா கல்வி நிறுவனத்தில் வேறு சில கல்வி முயற்சிகளும் உள்ளன. என்டமாலஜி ரிசர்ச் செய்கிறார்கள். ஆசிரியர்களை உருவாக்குவதற்காக இங்கே கல்வியியல் கல்லூரியும் செயல்பட்டு வருகிறது. எல்லாத்துறைகளிலும் மாணவர்கள் சிறப்பாகப் பயின்று வருகிறார்கள். குறிப்பாக புள்ளியியல், சிறப்பு விலங்கியல், சோசியல் சயின்சஸ், தாவர உயிரியல், பயோ டெக்னாலஜி போன்ற எல்லாத்துறைகளிலும் வளர்ச்சி உள்ளது. 
ஃபாதர் ஆல்பர்ட் லெபாயூ பெல்ஜியத்தில் பிறந்தவர். இவரும் ஜேசுஸ்ட்க்காக தன்னை அர்ப்பணித்துக் கொண்டவர். இந்தியாவில் நல்ல கல்விச் சூழலை உருவாக்க வேண்டும் என்பதற்காக சிலருடைய உதவியுடன் 1923- இல் பாளையங்கோட்டையில் செயின்ட் சேவியர்ஸ் கல்லூரியைத் தொடங்கினார். இவரே இக்கல்லூரியின் முதல்வராக 1923-இல் 1926 வரைக்கும் இருந்தார். இவர் இசைத்துறையில் மிக ஆர்வம் கொண்டவர். இது 1987-இல் தன்னாட்சிக் கல்லூரியாக மாறியது. இந்தக் கல்லூரி 58 ஏக்கர் வளாகத்தில் அமைந்துள்ளது. 13 இளங்கலைப் பட்டப்படிப்புகளும், 14 முதுகலைப் பட்டப்படிப்புகளும், 4 இளம்முனைவர் பட்டப்படிப்புகளும், 10 ஆராய்ச்சிப் படிப்புகளும், 11 டிப்ளமோ சர்டிபிகேட் படிப்புகளும் இங்கு சொல்லித் தரப்படுகிறது. 15 வெளிநாட்டு மாணவர்களும் இந்தக் கல்லூரியில் பயில்கிறார்கள். இந்தக் கல்லூரியில் படித்த மாணவர்கள் உலக அளவில் எண்ணற்ற ஆராய்ச்சிக் கட்டுரைகளை சமர்ப்பிக்கிறார்கள். 
குறிப்பாக இக்கல்லூரியில் விலங்கியல் பிரிவில் என்டமாலஜி ஆராய்ச்சி 1982-இல் தொடங்கப்பட்டது. தாவரவியல் பிரிவில் சென்டர் ஃபார் பயோ டைவர்சிடி அண்ட் பயோ டெக்னலாஜி 1984-இல் தொடங்கப்பட்டது. விலங்கியல் ஆராய்ச்சி மையம் 1985-இல் தொடங்கப்பட்டது. தாவரவியல் ஆராய்ச்சி மையம் 1993-இல் உருவாக்கப்பட்டது. சென்டர் ஃபார் அக்வா கல்சர் ரிசர்ச் சென்டர் (1996), பிளான்ட் மாலிக்குலர் பயலாஜி ரிசர்ச் (2001) உட்பட பல ஆராய்ச்சிப் பிரிவுகள் இந்தக் கல்லூரியில் தொடங்கப்பட்டுள்ளன. 
இங்கும் ஆசிரியர் பயிற்சி கல்லூரி 1950- இல் இருந்தே இயங்கி வருகிறது. 1923 திருநெல்வேலி போன்ற நகரத்தில் 25 மாணவர்களை வைத்து உருவாக்கப்பட்ட இந்த கல்லூரி, தற்போது எண்ணற்ற மாணவர்களை எம்ஜடியில் பொறியியல் படிப்பில் சேர்வதற்கு தகுதிப்படுத்தி வருகிறது. உலக அரங்கில் விளையாட்டுத்துறையில் மாணவர்களை இக்கல்லூரி உருவாக்கி வருகிறது. குறிப்பாக ஜேசுட்ஸ் கல்லூரி நிர்வாகத்தினர் கல்விக்கு எவ்வளவு முக்கியத்துவம் கொடுக்கிறார்களோ அதே அளவுக்கு விளையாட்டிற்கும் முக்கியத்துவம் தருகிறார்கள். சமூகப் பணிக்கும், மக்களுக்குத் தொண்டு செய்வதிலும் இவர்கள் அரும்பணி ஆற்றியுள்ளார்கள். இவர்கள் எல்லாருமே வெளிநாடுகளில் இருந்து வந்து, உலகிலேயே மிக பின்தங்கிய இடங்களில் கல்விப் பணிக்காக தங்களை அர்ப்பணித்து, தன்னலமற்று எதையும் எதிர்பார்க்காமல், மக்களின் வாழ்க்கைத் தரம் மேம்பட அதற்குக் கல்வி ஒன்றே ஒரு சிறந்த வழியாகும் எனக் கருதி அவர்கள் வித்திட்ட விதைகள் பெரிய ஆலமரங்களாக நிமிர்ந்து நிற்கின்றன. இந்த மரங்களைப் பாதுகாக்க வேண்டியது இன்றைய தலைமுறையினரின் கடமையாகும். 
மதுரையில் உள்ள அமெரிக்கன் கல்லூரி, இது மிகப் பழமையான கல்லூரியாகும். இந்தக் கல்லூரி அமெரிக்கன் மதுரா மிஷன் என்ற மிஷனரியின் வாயிலாக 1881- ஆம் ஆண்டு கலை மற்றும் அறிவியல் கல்விக்கு முக்கியத்துவம் கொடுத்து தொடங்கப்பட்ட கல்லூரியாகும். இது தொடங்கப்பட்ட காலத்தில் தென்தமிழகத்தில் தொடங்கப்பட்ட ஒரே கலை அறிவியல் கல்லூரி இதுதான். ஜான் டேவிட்சன் ராக்பெல்லர் என்பவர் இந்தக் கல்லூரிக்காக அதிக நன்கொடைகள் கொடுத்திருக்கிறார். இந்தக் கல்லூரி 1881-ஆம் ஆண்டு அமெரிக்கன் மதுரா மிஷன் என்ற மிஷனரியால் திருமங்கலத்தில் ஒரு சிறிய பள்ளியாகத் தொடங்கப்பட்டது. பின்னர் சில ஆண்டுகள் கழித்து மதுரையில் பசுமலைக்கு மாற்றப்பட்டது. பசுமலைக்கு மாணவர்கள் வந்து செல்ல வைகை ஆறு இடையில் குறுக்கீடாக இருந்ததனால் வைகையாற்றின் வடகரைக்கு அருகே இந்தக் கல்லூரியின் புதிய வளாகம் திறக்கப்பட்டது. 1906 ஆம் ஆண்டிலிருந்து இதே இடத்தில் இந்தக் கல்லூரி செயல்பட்டு வருகிறது. 
மாணவர்கள் தங்கிப் படிப்பதற்காக நல்ல சூழ்நிலையையும், எண்ணற்ற மரங்களையும் நல்ல விளையாட்டு மைதானத்தையும் இந்தக் கல்லூரியில் உருவாக்கியிருப்பதை இதன் சிறப்பம்சமாகச் சொல்லலாம். இந்தக் கல்லூரியும் பிற ஜேசுட்ஸ் கல்லூரியைப் போலவே கல்வியைத் தாண்டி விளையாட்டிலும் மற்ற கோ- கரிகுலர் ஆக்டிவிட்டிஸியிலும் சிறப்பாக உள்ளது. முதலில் இந்தக் கல்லூரி சென்னைப் பல்கலைக்கழகத்துடன் இணைக்கப்பட்டது. தற்போது மதுரை காமராஜ் பல்கலைக்கழகத்தின் கீழ் செயல்பட்டு வருகிறது. பல்கலைக்கழக மானியக் குழுவால் 19777 -1978 ஆம் ஆண்டில் தன்னாட்சிக் கல்லூரியாக அறிவிக்கப்பட்டது. தற்போது 25 இளங்கலைப் பட்டப் படிப்புகளும், 13 முதுகலைப் பட்டப்படிப்புகளும் சொல்லித் தரப்படுகின்றன. 7 ஆராய்ச்சி மையங்களில் இளம் முனைவர் பட்டப்படிப்புகளும், முனைவர் பட்டப்படிப்புகளும் இங்கு உள்ளன. இந்தக் கல்லூரியில் உள்ள அப்ளைடு சையின்ஸ் துறையும், இந்திய மொழி இலக்கியங்களை ஆங்கிலத்தில் மொழிபெயர்க்கும் படிப்பு மையமும் உலக அளவில் கவனத்தை ஈர்த்துள்ளன. இங்கு உலகத்தரத்திலான கல்வி கற்கும் வசதிகள் உள்ளன. 
இதுபோன்று இன்னும் பல சிறப்பான கல்லூரிகளை பற்றி இனி பார்ப்போம்.
(தொடரும்)
கட்டுரையாசிரியர்: சமூக கல்வி ஆர்வலர் 
www.indiacollegefinder.org


 

]]>
http://images.dinamani.com/uploads/user/imagelibrary/2018/11/27/w600X390/LOYOLA1.JPG http://www.dinamani.com/weekly-supplements/ilaignarmani/2018/nov/27/சரியான-பார்வை-சரியான-வழி-சரியான-செயல்-22---தாநெடுஞ்செழியன்-3046923.html
3043018 வார இதழ்கள் இளைஞர்மணி வேலை வாய்ப்பு: தகவல் தரும் இணையதளம்! - எம்.அருண்குமார் DIN Wednesday, November 21, 2018 04:59 PM +0530 வேலை வாய்ப்புகளை அறிந்து கொள்வதற்காக மத்திய அரசு நேஷனல் கேரீர் சர்வீஸ் என்ற இணையதளத்தைத் தொடங்கி அதனைப் பயன்பாட்டில் வைத்துள்ளது.
வேலை தேடுவோரையும், வேலை தருபவர்களையும் ஒருங்கிணைத்து வேலை வாய்ப்புகள் எங்குள்ளன என்பதைத் தெரியப்படுத்தும் வகையில் மத்திய அரசின் தொழிலாளர் மற்றும் வேலை வாய்ப்புத் துறை சார்பாக இந்த இணைய தளம் உருவாக்கப்பட்டுள்ளது.
அதுமட்டுமல்ல,  அந்த இணையதளத்தில் வேலை வாய்ப்பு முகாம்கள் நடைபெறும் தேதி, இடம் ஆகியவை குறித்த தகவல்களும் அவ்வப்போது பதிவு செய்யப்படுகின்றன. 
வேலை வாய்ப்புக்கான மாடல் கேரீர் சென்டர்கள் நாடு முழுவதும் 107 இடங்களில் அமைக்கப்பட்டுள்ளன.  அவை குறித்த தகவல்களும் அந்த இணையதளத்தில் உள்ளன.  தமிழ்நாட்டில் சென்னை, வேலூர் கோவை ஆகிய இடங்களில் மாடல் கேரீர் சென்டர்கள் இயங்குகின்றனர்.   அந்த மாடல் கேரீர் சென்டர் மூலம் வேலை தேடுபவர்கள் தங்களுக்குத் தேவையான ஆலோசனைகளைப் பெறலாம்.   மேலும் திறன் மேம்பாட்டு  பயிற்சி வழங்குபவர்கள் குறித்த தகவல்களும் இந்த இணையதளத்தில் உள்ளன.  
மேலும் விவரங்களுக்கு :https://www.ncs.gov.in/Pages/default.aspx

]]>
http://images.dinamani.com/uploads/user/imagelibrary/2018/11/21/w600X390/im9.jpg http://www.dinamani.com/weekly-supplements/ilaignarmani/2018/nov/21/வேலை-வாய்ப்பு-தகவல்-தரும்-இணையதளம்-3043018.html
3043013 வார இதழ்கள் இளைஞர்மணி தன்னிலை உயர்த்து! - 19: தன்னைச் செதுக்குவதே புனிதம்! ஆர்.திருநாவுக்கரசு ஐ.பி.எஸ். Wednesday, November 21, 2018 04:50 PM +0530 ஒரு பெரிய மலை. அதில் துள்ளி விளையாடியது ஓர் அணில். அப்போது மலைக்கும், அணிலுக்கும் சிறு வாக்குவாதம் துவங்கியது. மலை மிகவும் கர்வமாக அணிலைப் பார்த்து, "" நீ ஒரு பொடிப் பயல்'' என்றது. அணில் அதைப் பற்றிக் கவலை கொள்ளவில்லை. அணில் மிகவும் அடக்கமாக ""உண்மைதான், நீங்கள் பெரிய ஆள்தான். அதற்காக, நீங்கள் அனைத்திலும் பெரியவர் என்று கர்வப்படாதீர்கள். நான் சிறியவனாக இருப்பதிலேயே பெருமை கொள்கிறேன்'' என்றது. ""நான் கர்வப்பட்டுக்கொள்ள ஆயிரம் காரணங்கள் இருக்கிறது. நீ பெருமைப்பட்டுக்கொள்ள உன்னிடம் என்ன இருக்கிறது?'' என்றது மலை. 

""உங்களைப்போல் ஒரு காட்டையே என்னால் முதுகில் சுமக்க முடியாது. ஆனால், என்னைப்போல் ஒரு சிறு பட்டாணியை உங்களால் உடைக்க முடியுமா?'' என்று கேட்க, மலை மலைத்துபோனது. ஆட்டுக்கு வாலினை அளந்து வைத்த கடவுளால் எல்லாமே மிகச் சரியாகத்தான் அளவிடப்பட்டு படைக்கப்பட்டிருக்கிறது என்பதை அமெரிக்க இலக்கிய மேதை எமர்சன் தனது கவிதைக் கதையில் "பிறப்பொக்கும் எல்லா உயிர்க்கும்' என்ற தெய்வப் புலவரின் வரிகளை வாழ்விற்கு மையப்படுத்துகிறார். 

பிறப்பு ஒன்றுதான். சிறப்பு அதனதன் செயலால் வரும் என்பது வள்ளுவரின் தெளிவு. அதுவே வாழ்க்கையின் விளக்கம். மனிதன் எவ்வளவு முயன்றாலும் வான்குருவியின் கூடுபோல் அழகாய் கூடுகட்ட இயலாது. எத்தகைய வலிமையுடையவனாய் இருந்தாலும், அளவில் சிறிய கறையானைப்போல் புற்றையும், தேனீக்களைப்போல் தேன்கூட்டையும் கட்ட முடியாது.  ஒவ்வோர் உயிரும் தனக்கென்று ஒரு பலத்தினைக் கொண்டுள்ளது என்பதை 

வான்குருவியின் கூடு வல்லரக்குத் தொல்கறையான்
தேன்சிலம்பி யாவர்க்கும் செய்யரிதால் யாம்பெரிதும்
வல்லோமே யென்று வலிமை சொல வேண்டாங்காண்
எல்லார்க்கும் ஒவ்வொன் றெளிது  

என்ற வரிகளால் விளக்குகிறார் தமிழ் மூதாட்டி ஓளவையார். 

எனவே, எங்கு பிறந்தோம்? எப்படிப் பிறந்தோம்? என்பதை விட எப்படி வாழ்ந்தோம் என்பதுதான் வாழ்வின் வரலாறு. வாழ்க்கை என்பது இல்லாததை நினைத்து வருந்துவதற்கல்ல; இருப்பதை வளர்த்துக் கொள்வது. பிறரைப் பார்த்து ஏங்கி வாழ்வதல்ல; மற்றவர்களைத் தாங்கி வாழ்வது.    பிறரைப் பார்த்து வருத்தத்தோடு வாழ்வதல்ல; பிறர் பார்த்து வாழ்த்தும் அளவிற்கு வாழ்வதே வாழ்க்கை. 

உண்மையில் ஒவ்வொரு மனிதனும் ஓர் அதிசயம். அளப்பரிய ஆற்றலுடையவர். யாவர்க்கும் ஒப்பில்லாதவர்.  "ஒரு மனிதன் தன்னை மற்றொரு மனிதனுடன் ஒப்பிடுவது குற்றம்' என்பார் காரல் மார்க்ஸ். நேற்றைவிட இன்று, இன்றைவிட நாளை எனத் தனது திறமையை தன்னோடு ஒப்பிட்டுக் கொள்பவன் மனிதத்தின் புனிதன், தன்னை தினமும் உயர்த்திக் கொள்பவன் மகான். தன்னை பிறரோடு ஒப்பிட்டுக் கொள்பவன் மனிதப் பிழை. 

இரும்பினை வார்த்தெடுப்பதுபோல், மனிதத்தை வார்த்தெடுக்கின்றபோது வலிமை வாய்ந்த மனிதன் உருவாகிறான். தன்னையும் தனது திறமையையும் உணர்ந்தவர்களே தரணியில் நிலை பெற்றிருக்கிறார்கள். அதற்கு குங்பூவின் புரூஸ்லீ ஒரு தக்க சான்று. புரூஸ்லீ தனது கடுமையான உழைப்பினால் தனது உடலின் ஒவ்வொரு சென்டி மீட்டரில் உள்ள தசைகளையும் வலிமைப்படுத்தினார். பின்னர் அவருக்கு திரைப்படங்களில் நடிக்கும் வாய்ப்புக் கிடைத்தது. 1970களில் திரையுலகில் ஒரு வினாடிக்கு இருபத்தி நான்கு படங்கள் (Frame) மட்டும் ஓடும். மற்ற நடிகர்கள் அந்த வேகத்திற்கு ஈடுகொடுக்க முடியாமலிருந்தபோது, புருஸ்லீயின் சண்டையிடும் வேகத்திற்கு அந்த சுருளால் ஈடுகொடுக்க முடியவில்லை. கடைசியில், புரூஸ்லிக்காக முப்பத்தி நான்கு படங்கள் (Frame)  ஓடுகின்ற காமிராவின் வேகத்தை மாற்றியமைத்தனர். தொழில் நுட்பத்திற்கேற்ப மனிதன் மாறுகின்ற காலத்திற்கு விதிவிலக்காய், தனது வேகத்திற்கு தொழில்நுட்பத்தை மாற்றச் செய்தவர் புரூஸ்லீ. "நான் சொன்னேன் என்பதற்காக நீ நம்பாதே. உனது சொந்த தேடலைச் செய்' என்ற புருஸ்லீயின் வரிகள், ஒவ்வொருவரையும் தனக்குள்ளே உள்ள திறமைகளைத் தோண்டச் சொல்கிறது. ஆரோக்கியமான உடல் கொண்ட மனிதனிடமே ஆரோக்கியமான சிந்தனைகள் உருவாகுமென்பதால், உடல் வலிமை ஒவ்வொரு மனிதனின் மனவலிமைக்கு அர்த்தமாய் அமைகிறது.    

தன்னைக் கூர்மைப்படுத்திக் கொள்பவர்களே அதிகம் சாதிக்கிறார்கள். ஒரு கிராமத்திலிருந்து இரண்டு நண்பர்கள் மரம் வெட்டச் சென்றனர். முதலாமவர் ஒரு நாளில் முப்பது மரங்களை வெட்டினார். இரண்டாமவர் பத்து மரங்களை மட்டுமே வெட்ட முடிந்தது.  இரண்டாமவர், முதலாமவரிடம்  "" நான் காலையிலிருந்து தொடர்ந்து வெட்டிக்கொண்டேயிருந்தேன், ஆனால், உனது திசையிலிருந்து அடிக்கடி மரம் வெட்டும் சத்தமும் நின்றுபோயிருந்தது, அப்படியிருக்க, எவ்வாறு என்னைவிட இருபது மரங்களை அதிகமாக வெட்டினாய்?'' என்றார். அதற்கு, ""இதில் இரகசியம் ஒன்றும் இல்லை. நான் ஒவ்வொரு மரத்தை வெட்டிய பிறகும், எனது கோடாரியைக் கூர்மைப்படுத்தினேன்''  என்றார் முதலாமவர்.

கூர்மைப்படுத்துவதால் பணித்திறன் பல மடங்காகும். பணிபுரிபவருக்கும் பாராட்டுதல் கிடைக்கும், தொடர்ந்து உழைப்பதைவிட அவ்வப்போது கூர்மைப்படுத்திக் கொள்வதே வெற்றியைத் தருகிறது. "" எனக்கு ஒரு மரத்தை வெட்ட ஆறு மணி நேரம் தரப்பட்டால், அதில் நான்கு மணி நேரத்தை என் கோடாரியைக் கூராக்கச் செயல்படுவேன்'' என்றார் அமெரிக்க நாட்டின் அற்புதமான அதிபர் ஆப்ரஹாம் லிங்கன்.

தன்னைச் செதுக்குபவர்கள், தனது வியர்வைகளை வெற்றித் துளிகளாக்கு
கிறார்கள். அவர்களது மனம் தோல்வியிலும் செப்பனிட்டு, தன்னைச் செம்மைப்படுத்திக் கொள்கிறது. தாமஸ் ஆல்வா எடிசன் ஆயிரம் முறை பல்வேறு சோதனைகளைச் செய்து இறுதியில் டங்ஸ்டன் உலோகக் கம்பிச் சுருளை எரிய வைத்து மின்சார பல்பைக் கண்டுபிடித்தார். அப்போது எடிசனின் நண்பர், ""நீங்கள் ஆயிரம் முறை சோதனைகள் செய்த பிறகே வெற்றி பெற்றீர்கள், ஆயிரம் முறை தோற்றபோது உங்களது மனம் மிகவும் வருத்தப்பட்டிருக்கும்? தோல்விகள் உங்களது முயற்சியைத் தடை செய்திருக்கும் தானே?'' என்றபோது,  ""நான் எனது தோல்விகளைப் பற்றி கவலைப்பட்டதேயில்லை. நான் ஒரு சோதனையில் தோல்வியடையும் போதெல்லாம், அதை எப்படிச் செய்யக்கூடாது என்பதை அறிந்து கொண்டேன். அந்தத் தோல்வியிலிருந்து பாடம் கற்றுக்கொண்டேன். பாடம் கற்கும் போதெல்லாம் எனது அறிவு கூர்மை பெற்றது. எனவே வெற்றி எனக்கு எளிதாகிப் போனது'' என்றார். தன்னைச் செதுக்கத் துணிபவர்கள் தோல்வியடைவதில்லை. மாறாக அவர்கள் வெற்றியில் பரிணமிக்கிறார்கள். 

வாழ்க்கையில் வெற்றிச் சிகரங்களை எட்ட நினைப்பவர்கள் தனது வாழ்நாள் முழுதும் தன்னைச் செதுக்கிக் கொண்டே இருப்பர். லண்டன் எழுத்தாளர் ஜார்ஜ் பெர்னார்டு ஷா, "வாழ்க்கை ஒரு சிறிய மெழுகுவர்த்தி  அல்ல எனக்கு. அது ஓர் அபாரமான தீப்பந்தம். இக்கணத்தில் அதை நான் பிடித்திருக்கிறேன். எதிர்கால சந்ததியினருக்கு அதைக் கொடுப்பதற்கு முன், அதை என்னால் எவ்வளவு பிரகாசமாக்க முடியுமோ, அவ்வளவு பிரகாசமாக சுடர்விடச் செய்ய நான் விரும்புகிறேன்''என்றார்.  உழைப்பதும், அதன் மூலம் மக்களுக்கு பயன்படுபவராக இருப்பதும் சிறப்பு.

தாளாற்றித் தந்த பொருளெல்லாந் தக்கார்க்கு வேளாண்மை செய்தற் பொருட்டு என்ற திருவள்ளுவரின் வரிகளுக்கேற்ப, உழைப்பால் உயர்ந்தவர்களே பிறருக்கு உதவ முன் வருவார்கள் என்பது கண்கூடு. 

தன்னை செதுக்குபவர் தன்னிகரில்லாதவர். அவர்களுக்கு கால்கள் ஓடினால் தான் இதயம் வலுப்பெறும் என்பதும், நித்தமும் பிரார்த்தித்தால் மட்டுமே ஏராளமான செயல்களைச் சாதிக்க  முடியும் என்று தெரியும். அவர்களின் உடலுக்கான பயிற்சியும், உள்ளத்திற்கான தியானமும் அவர்களுக்குள்ளிருக்கும் புனிதர்களைக் காணும் இரு கண்கள்.

ஒரு நல்ல சிற்பி அற்புதமான சிலையை வடிப்பதோடு நில்லாமல் பல இளஞ் சிற்பிகளை உருவாக்குவார். அதுபோல், வாழ்வில் உயர்ந்தவர்கள் தங்களைப் போல்  பிறர் உயர ஏணிகளாய் இருப்பர். அவர்கள் எந்த ஒரு மனிதனையும், அவர் எப்படி இருக்கிறாரோ அதே போல் நடத்தாமல், ஒரு மனிதன் எப்படி உருவாக வேண்டுமோ அந்த முறையில் அவரை நடத்துவார். அவர் கண்ணில் பாறைகளில் கற்கள் தெரிவதில்லை, அவற்றினுள் உள்ள  சிலைகளே  தெரியும்.   
ஒரு கிராமத்துக் கோயில். நள்ளிரவில் கருவறையில் உள்ள தெய்வச் சிலையைப் பார்த்து,  கருவறையின் வாயிற்படி, ""என்னைத் தெரிகிறதா?'' என்று கேட்டது.  சிலை ஆச்சரியமாய்ப் பார்க்க, ""சுவாமி!  நீயும் நானும் ஒரே பாறையில்தான் இருந்தோம். ஒரு நாள் சிற்பி ஒருவரின் உளியால் நாம் இரண்டாகப் பிளவுபட்டோம். பிறகு என்மேல் அவர் உளிகொண்டு செதுக்க ஆரம்பித்தார். நான் என்னை இறுக்கிக் கொண்டு கடினக் கல்லானேன். அச்சிற்பி என்னைவிட்டு இடம் பெயர்ந்தார்''  என்றது வாயிற்படி. 

அதற்கு சிலை "உண்மைதான்; சிற்பி  பின்னர் என்னைச் செதுக்க ஆரம்பித்தார். அவரது உளிகள் என்னில் தேவயற்றவற்றை அகற்றியது, அப்போது என்னுள் வலிகளும் தந்தது. கடைசியில் சிலையாகி விழிகளும் தந்தது.  இன்று நான் தெய்வச் சிலையானேன்'' என்றது கற்சிலை. 

கற்கள் ஒன்றுதான், வாயிற்படி காலில் மிதிபடுகிறது. கற்சிலை ஆராதிக்கப்படுகிறது. காரணம் கற்சிலை தன்னைச் செதுக்கத் தெரியாவிட்டாலும் தன்னைச் செதுக்க அனுமதித்தது. தன்னில் தேவையற்றதை அகற்றியது.   

கல்லைச் செதுக்கினால் தெய்வம்!
மனிதனைச் செதுக்கினால் புனிதம்!

(தொடரும்)


கட்டுரையாசிரியர்: காவல்துறை துணை ஆணையர், நுண்ணறிவுப் பிரிவு.


 

]]>
http://images.dinamani.com/uploads/user/imagelibrary/2018/11/21/w600X390/im6.jpg http://www.dinamani.com/weekly-supplements/ilaignarmani/2018/nov/20/தன்னிலை-உயர்த்து---19-தன்னைச்-செதுக்குவதே-புனிதம்-3043013.html
3043004 வார இதழ்கள் இளைஞர்மணி ஜப்பானில் மனிதவள மேலாண்மை: இங்கு போல அங்கு இல்லை! - ந.ஜீவா Tuesday, November 20, 2018 12:00 AM +0530 இன்று வாழ்க்கை உலகமயமாகிவிட்டது.  இங்கிருந்து கொண்டே உலகின் எந்த ஒரு மூலையில் உள்ள அலுவலுகத்துக்காக வேலை செய்யலாம். வெளிநாடுகளுக்கு வேலைக்குச் செல்வதும் இன்று  அதிகரித்துவிட்டது.

இப்படிப்பட்ட சூழ்நிலையில் கல்வியும் உலகமயமாக வேண்டும்.  உலக அளவிலான நிலைமைகளைக் கணக்கில் எடுத்துக் கொண்டு கல்வி கற்பிக்கப்பட வேண்டும். 

இந்த நோக்கத்துடன், சென்னை அரும்பாக்கத்தில் உள்ள டி.ஜி.வைஷ்ணவ கல்லூரியில் மனிதவள மேலாண்மைப் பிரிவில் பயிலும் மாணவ, மாணவிகள் கடந்த மாதம் 5 நாட்கள் ஜப்பானின் டோக்கியோ நகருக்குச் சென்றிருக்கிறார்கள்.  அங்குள்ள தொழிற்சாலைகள், கல்வி நிறுவனங்களுக்குச் சென்றிருக்கிறார்கள்.  ஜப்பானின் தொழிற்சாலை
களில் தொழிலாளர் - நிர்வாகத்தினரின் உறவு எவ்வாறு உள்ளது?  தொழிலாளர்
களின் வாழ்க்கை நிலை  எவ்வாறு உள்ளது? 

என்றெல்லாம்  நேரில் பார்த்துத் தெரிந்து வந்திருக்கிறார்கள்.

இதுகுறித்து மாணவ, மாணவிகளுடன் ஜப்பான் நாட்டுக்குச் சென்ற அந்த கல்லூரியின் மனிதவள மேலாண்மைப் பிரிவைச் சேர்ந்த சி.திலகா நம்மிடம்  பேசியதிலிருந்து...

""கடந்த மாதம் ஜப்பான் நாட்டின் டோக்கியோ நகருக்கு எங்கள் கல்லூரியின் மனிதவள மேலாண்மைப் பிரிவில் பயிலும் மாணவ, மாணவிகளும் நானும்,  என்னுடன் பணிபுரியும் ஏ.புஷ்பநாதனும் சென்றோம்.

நமது நாட்டில் மனிதவள மேலாண்மைப் பிரிவில் பணிபுரிபவர்கள் சந்திக்கும் பிரச்னைகளை இங்குள்ள பல நிறுவனங்களுக்கு நேரில் சென்று  எங்கள் மாணவ,மாணவிகள்   தெரிந்து கொண்டிருக்கிறார்கள்.    வெளிநாட்டில் உள்ள நிறுவனங்களின் மனிதவள மேலாண்மைப் பிரிவின் செயல்பாடுகளைப் பற்றி படித்துத் தெரிந்திருக்கிறார்கள். நேரில் சென்று தெரிந்து கொள்ள வேண்டும் என்பதற்காக  டோக்கியோவில்  ஐந்து நாட்கள் தங்கியிருந்தோம்.  

ஜப்பானில் உள்ள சிடிஎஸ் நிறுவனம், ஜப்பான் மின்ட்  என்ற நாணயத்தொழிற்சாலை, அங்குள்ள  உலகப் புகழ்பெற்ற ரிக்கோ பல்கலைக்கழகம்,  பேனாசோனிக் நிறுவனம்,  யாகூல்ட் கோகா சேல்ஸ் நிறுவனம் மற்றும் ஜப்பான் தமிழ்ச்சங்கம் ஆகியவற்றுக்குச் சென்றோம். 

அங்குள்ள  நிறுவனங்களில் ஷிப்ட் நேரம் 9 மணி நேரம்.  அதற்கும் மேல் வேலை இருந்தால் வேலையை முடித்துக் கொடுத்துவிட்டுத்தான் அங்கு வேலை செய்பவர்கள் செல்கிறார்கள்.  அதிக நேரம் வேலை செய்வதற்கு 
அதிகப் பணம் கொடுக்கப்படுவதில்லை. 

ஒரு தொழிற்சாலையின் ஒரே பிரிவிலேயே ஆண்டுக்கணக்கில் ஒருவர் வேலை செய்வதில்லை.  தொழிற்சாலையின் பல பிரிவுகளில் மாறி மாறி வேலை செய்து, வேலை முழுவதையும் கற்றுக் கொண்டு தங்களுடைய திறமையை மேம்படுத்திக் கொள்கிறார்கள். 

அங்குள்ள தொழிலாளர்களுக்கு வேலைதான் முக்கியம். குடும்ப உறவுகளுக்கு அதிக முக்கியத்துவம் கொடுப்பதில்லை.  

பல கார், இரு சக்கர வாகனங்களைத் தயாரிக்கும் தொழிற்சாலைகள் உள்ள அந்த நாட்டில்  அதிகமான கார்களையோ, இரு சக்கர வாகனங்களையோ பார்க்க முடியவில்லை.  எல்லாரும் எலக்ட்ரிக் ட்ரெயினில் போகிறார்கள்.

சைக்கிளில் போகிறார்கள். நடந்து போகிறார்கள்.    வேலை செய்யும் நிறுவனத்துக்கு அருகிலேயே அவர்கள் தங்குவதற்கான குடியிருப்புகளை  நிறுவனமே கட்டிக் கொடுத்திருப்பதால்,  இந்த போக்குவரத்துப் பிரச்னைகள் அங்கே முற்றிலும் இல்லை. 

சில ஆண்டுகள் ஒரு நிறுவனத்தில் வேலை செய்துவிட்டு,  அதிக சம்பளத்துக்காக வேறொரு நிறுவனத்துக்கு மாறிச் செல்வது அங்கே இல்லை. ஓய்வு பெறும்  வரை ஒரே நிறுவனத்தில்தான் வேலை செய்கிறார்கள். காரணம், ஒரு குறிப்பிட்ட வேலைக்கு எல்லா நிறுவனங்களிலும் ஒரே அளவிலான சம்பளமே அங்கு தரப்படுகிறது.   எனவே அதிக சம்பளத்துக்காக வேலையை யாரும் விடமாட்டார்கள்.  பல நிறுவனங்களுக்கு மாறிச் சென்றால் ஓய்வூதியமும் அங்கே குறைந்துவிடுகிறது. 

தொழிற்சங்கங்கள் அங்கே குறைவு. அப்படியே இருந்தாலும் சம்பள உயர்வு, பதவி உயர்வு போன்ற பிரச்னைகளை அவர்கள் எழுப்புவது இல்லை.  வேலை செய்யும் இடத்தின் தரத்தை மேம்படுத்துவது,  சூழ்நிலையை மேம்படுத்துவது தொடர்பாக மட்டுமே அவர்கள் நிர்வாகத்திடம் பேசுகிறார்கள்.  இவையெல்லாம் எங்களுடைய மாணவர்கள்  கண்டறியாதவை.  

இவ்வாறு அங்குள்ள பணியாளர்கள் இருப்பதற்கு அங்குள்ள நிர்வாகத்தினரின் செயல்களே காரணம், ஒரு நிறுவனம் ஒருவரை வேலைக்கு எடுத்துக் கொண்டு அவருக்கு வேலை தருவதுடன்,  அவரை மேலும் படிக்க வைக்கிறது. அவருடைய திறமையை வளர்க்கிறது. அவரை தத்து எடுத்துக் கொண்டதைப் போல பார்த்துக் கொள்கிறது.

சம்பளம் தருவதுடன், நிறுவனங்களில் உள்ள கேண்டீன்களில் மானிய விலையில் உணவுப் பொருள்களைத் தருகிறது.  

நிறுவனமே குடியிருப்புகளைக் கட்டிக் கொடுத்திருக்கிறது.  ஓய்வூதியமும் தருகிறது. இப்படிப்பட்ட சூழ்நிலையில்தான் அங்குள்ள தொழிலாளர்கள் வேலையை முக்கியமானதாகக் கருதுகிறார்கள். 

மக்கள் தொகை குறைவாக இருப்பதால், குழந்தை பெற்றுக் கொள்வதை ஊக்குவிக்கிறார்கள். பேறுகால விடுப்பு பெண்களுக்கு மட்டுமல்ல, குழந்தையைப் பார்த்துக் கொள்வதற்காக குடும்பத்தின் ஆண்களுக்கும் விடுப்பு உண்டு. ஒருவர் உடல், மன நலக் குறைவினால் லீவு எடுக்க நேர்ந்தால், அவர் முழுவதும் தேறிவரும் வரை  சம்பளத்துடன் லீவு தருகிறார்கள்.

அங்கே மருத்துவம், கல்வி இரண்டும் தரமாக உள்ளன.  தரத்தில் அரசு, தனியார் நிறுவனம் என்ற வித்தியாசம் இல்லை. 

நமது நாட்டின் நிறுவனங்களின் நிலைமையில் இருந்து நிறைய வேறுபாடுகளைப் பார்க்க முடிந்தது. இவற்றையெல்லாம் எங்கள் மாணவர்கள் நிறுவனங்களில் நேரில் பார்த்து தெரிந்து கொண்டார்கள்.  அங்குள்ள மனிதவளமேலாண்மைக் கல்வி பற்றியும் தெரிந்து கொண்டார்கள். 
கட்டணத்தை விட கூடுதலாக ஒரு பைசா கூட கேட்காத டாக்ஸி டிரைவர்களை,

காலை 5 மணிக்கு வெறிச்சோடிக் கிடக்கும் சாலையில்  எந்தவொரு வாகனமும் செல்லாவிட்டாலும் சிக்னலை மதித்துக் காத்திருக்கும் மக்களை அங்குதான் பார்க்க முடியும்'' என்றார்.

]]>
http://images.dinamani.com/uploads/user/imagelibrary/2018/11/21/w600X390/im1.jpg http://www.dinamani.com/weekly-supplements/ilaignarmani/2018/nov/20/ஜப்பானில்-மனிதவள-மேலாண்மை-இங்கு-போல-அங்கு-இல்லை-3043004.html
3043007 வார இதழ்கள் இளைஞர்மணி புதிய முறையில் JEE Main தேர்வு! - க.நந்தினி ரவிச்சந்திரன் DIN Tuesday, November 20, 2018 12:00 AM +0530
பிளஸ் 2 தேர்ச்சி பெற்று ஐஐடி, என்ஐடி மற்றும் பல தனியார் கல்லூரிகளில் உயர்கல்வி தொடர விரும்பும் மாணவர்கள் எழுதும்  முக்கியமான நுழைவு தேர்வான JEE  Main தேர்வு வரும் ஆண்டு முதல் ஆண்டுக்கு இரண்டு முறை நடைபெறவுள்ளது. இதன் மூலம் அகில இந்திய அளவில் பொறியியல் மற்றும் ஆர்க்கிடெக்சர் இளநிலை படிப்புகளை பயில மாணவர்களுக்கு ஓர் அருமையான வாய்ப்பு கிடைத்திருக்கிறது.

2019-ஆம் ஆண்டு முதல் இத்தேர்வு 2 கட்டங்களாக நடைபெறவுள்ளது. முதல் கட்டம் 2019-ஆம் ஆண்டு  ஜனவரி 6 முதல் 20 வரையிலும், இரண்டாம் கட்டம் ஏப்ரல் 6 முதல் 20 வரையிலும் தேசிய தேர்வு முகமை(என்டிஏ) மூலமாக நடத்தப்படவுள்ளது. தேர்வு பாட திட்டத்தில் எந்த ஒரு பெரிய மாற்றமும் இல்லையென்றாலும் தேர்வு முறைகளில் சில மாற்றங்களை தேசிய தேர்வு முகமை புகுத்தியுள்ளது. இரண்டு கட்டங்களிலும் முதல் தாள் பி.இ/பி.டெக் படிப்புகளுக்கும், இரண்டாம் தாள் பி.ஆர்க்/பி.பிளானிங் படிப்புகளுக்கும் 
நடைபெறும்.

முதல் தாள் முழுவதும் கணினி வழி தேர்வாகும். இரண்டாம் தாளில் வரைகலை தேர்வைத் தவிர்த்து ஏனைய கேள்விகள் கணினி வழித் தேர்வாக நடத்தப்படும். கணினி வழி தேர்வில் அனைத்து கேள்விகளும் கொடுக்கப்பட்டுள்ள நான்கு விடைகளில் சரியான விடையைத் தேர்ந்தெடுக்கும் வகையில் கொள்குறி வினாவிடை  வடிவில் அமைந்திருக்கும்.

முதல் தாளில் பாடப்பிரிவிற்கு 30 கேள்விகள் வீதம் இயற்பியல், வேதியல் மற்றும் கணிதம் ஆகிய 3 பாடப்பிரிவுகளில் இருந்து மொத்தம் 90 கேள்விகள் கேட்கப்படும். இந்த கேள்விகள் அனைத்தும் ஆங்கிலம், இந்தி மற்றும் குஜராத்திய மொழிகளில் (குஜராத், டாமன் & டையூ,  நாகர்  ஹவேலி பகுதி மாணவர்களுக்கு)  வடிவமைக்கப்பட்டிருக்கும்.

இரண்டாம் தாளில் கணிதத்தில் 30 கேள்விகள், திறனறிவு கேள்விகள் 50 மற்றும் வரைகலை கேள்விகள் 2 என மொத்தம் 82 கேள்விகள் கேட்கப்படும். வரைவதற்கு பேனா மற்றும் பேப்பர் ஆகியவை தேர்வு மையத்திலேயே வழங்கப்படும். வரைகலை கேள்வி ஒவ்வொன்றிற்கும் 35 மதிப்பெண்கள் வழங்கப்படும். கணினி வழித் தேர்வில் உள்ள அனைத்து கேள்விகளுக்கும் சரியான விடைக்கு 4 மதிப்பெண்களும், தவறான விடைக்கு எதிர்மறையாக 1 மதிப்பெண் கழித்தும் கணக்கிடப்படும்.

புதிய மாற்றங்கள்

மாதிரித் தேர்வுகள்: மாணவர்கள், தேர்வுக்கு பயிற்சி பெறும் வகையில் ஜேஇஇ மாதிரித் தேர்வுகளுக்காக பதிவு செய்வதை கடந்த செப்டம்பர் 1-ஆம் தேதி முதல் என்டிஏ தொடங்கியுள்ளது. . இதன் மூலம் நுழைவுத் தேர்வு எழுதும் மாணவர்களுக்கு தேர்வு குறித்து சரியான புரிதல் கிடைக்கும்.

பொது சேவை மையங்கள்: தேர்வுக்கான விண்ணப்பங்களை பூர்த்தி செய்தவது, சமர்ப்பிப்பது தொடர்பான விசயங்களில் மாணவர்களுக்கு உதவுவதற்கு ஏதுவாக நாடு முழுவதும் 1.5 லட்சம் பொது சேவை மையங்கள் தொடங்கப்பட்டுள்ளன.

வயது வரம்பு : 2017,2018 ஆம் ஆண்டுகளில் 2 முடித்தவர்களும் 2019-ஆம் +2 தேர்வு எழுதவிருக்கும் மாணவர்களும் இத்தேர்விற்கு விண்ணப்பிக்கலாம். விண்ணப்பதாரருக்கு வயது வரம்பு ஏதுமில்லை.

தேர்வு: JEE  Main தேர்வு 2019 ஜனவரி மற்றும் ஏப்ரல் என இருமுறை நடைபெற உள்ளது. தேர்வில் கலந்து கொள்ள விரும்பும் மாணவர்கள் இருமுறையுமோ அல்லது ஏதாவது ஒரு முறையோ தேர்வு எழுதிக் கொள்ளலாம். இரு தேர்வுகளிலும் பங்கு பெற்ற மாணவர்களுக்கு இரண்டில் சிறந்த மதிப்பெண் பெற்ற தேர்வின் முடிவை வைத்து  தரவரிசை நிர்ணயம் செய்யப்படும். 

நெறிமுறைப்படுத்துதல்: பல்வேறு தினங்களில் தேர்வுகள் நடைபெறவுள்ளதால் ஒருங்கிணைந்த தரவரிசை பட்டியல் தயாரிக்க தேர்வுகளின் மதிப்பெண்களை நெறிமுறைப்படுத்த வேண்டியது அவசியமாகிறது. எனவே நிர்ணயிக்கப்பட்ட சூத்திரத்தின் அடிப்படையில் மாணவர்களின் சதவிகித மதிப்பெண்கள் கணக்கிடப்பட்டு தரவரிசை நிர்ணயம் செய்யப்படுகிறது. இரண்டாம் தாளைப் பொருத்த வரையில் ஒரே நாளில் தேர்வு நடத்தப்படுவதால் மதிப்பெண் நெறிமுறைப்படுத்தப்படுவதில்லை.

தேர்வு முடிகள்: ஜனவரி 6 முதல் 20 வரை நடைபெறவுள்ள முதல் கட்ட தேர்வின் முடிவுகள் ஜனவரி 31 அன்று வெளியிடப்படும். இரண்டாம் கட்ட தேர்வு ஏப்ரல் மாதம் முடிவடைந்த பிறகு இதன் தேர்வு முடிகளுடன் தகுதியான கட்-ஆப் மதிப்பெண் விவரம் மே மாதம் முதல் வாரத்தில் அறிவிக்கப்படும்.

பொதுவான தரவரிசைப் பட்டியல்: ஏப்ரல் மாத 2-ஆம் கட்ட தேர்வு முடிவடைந்த பிறகு மே முதல் வாரத்தில் பொதுவான தரவரிசைப்பட்டியல் வெளியிடப்படும். இந்த பட்டியலில் தேர்வாளர்களின் தேசிய அளவிலான மற்றும் வகுப்பு வாரியான தரவரிசை எண் குறிப்பிடப்படும். இந்த தரவரிசை எண் அடிப்படையிலேயே என்.ஐ.டி, ஐ.ஐ.டி மற்றும் ஜி.எப்.ஐ.டி ஆகிய கல்வி நிறுவனங்களில் இளநிலை பட்ட படிப்பில் சேர அனுமதி வழங்கப்படும்.

தரவரிசையைத் தீர்மானிக்கும் முக்கிய அம்சங்கள்: இயற்பியல், வேதியல் மற்றும் கணிதத்தில் உள்ள முக்கியமான தலைப்புகளில் தெளிவான அறிவு பெற்றிருப்பது.  அதிக அளவிலான பயிற்சி மேற்கொண்டிருப்பது. கொள்குறி வினாவிடை கேள்விகளுக்கு சரியான நேரத்தில் பதில் வழங்குவது. வியூகம் மற்றும் நேர ஆளுமை.  பொறுமை, அமைதி மற்றும் நம்பிக்கையுடன் தேர்வை எதிர்நோக்குவது.

மேற்சொன்னவற்றை எல்லாம் தெளிவாக கவனத்தில் கொண்டு முறையாக தேர்வை எதிர்கொண்டால் நுழைவு தேர்வில் சிறந்த தரவரிசை எண் பெற்று தேசிய அளவிலான சிறந்த கல்வி நிறுவனங்களில் நுழைந்து விடலாம் என்பதில் எந்த ஒரு ஐயமும் இல்லை. எனவே மாணவர்களே புத்தியை தீட்டிக்கொள்ளுங்கள். பரீட்சைக்கு நேரமாச்சு.

]]>
http://images.dinamani.com/uploads/user/imagelibrary/2018/11/21/w600X390/im2.jpg http://www.dinamani.com/weekly-supplements/ilaignarmani/2018/nov/20/புதிய-முறையில்-jee-main-தேர்வு-3043007.html
3043008 வார இதழ்கள் இளைஞர்மணி உலகத் தர அறிவியல் போட்டி: வெற்றி பெற்ற மாணவ விஞ்ஞானிகள்! - இரா.மகாதேவன் DIN Tuesday, November 20, 2018 12:00 AM +0530 புதிய கண்டுபிடிப்புகளை உருவாக்க பெரியவர்களால் மட்டுமல்ல, இளையோராலும், சிறுவர்களாலும் முடியும் என்பதற்கு எத்தனையோ முன்னுதாரணங்கள் உள்ளன. 

இளையோரின் உத்திகளை அவ்வப்போது தூண்டி, அவர்களின் பயனுள்ள யோசனைகளைப்   பயன்பாட்டுக்குக் கொண்டுவர, சர்வதேச நாடுகள் பல முன்னெடுப்புகளில் ஈடுபட்டுள்ளன. இதற்காக, அரசு மற்றும் தனியார் ஆய்வு நிறுவனங்கள், உயர் கல்வி நிறுவனங்கள் பல திட்டங்களைத் தீட்டி செயல்படுத்தி வருகின்றன.

அவற்றில் ஒன்றுதான், நம் நாட்டின் மேற்கு வங்க மாநிலம், காரக்பூரில் உள்ள இந்திய தொழில்நுட்பக் கழகத்தின் (IIT-K) இளம் விஞ்ஞானிகள் திட்டம் (Young Innovators Porgram - YIP). இந்த நிறுவனத்தின் மாணவ அமைப்பாகச் செயல்பட்டுவரும் Branding and Relations Cell இங்ப்ப் பிரிவு இளம் விஞ்ஞானிகளை உருவாக்கவும், ஊக்குவிக்கவும் கடந்த ஆண்டு (2017) முதல் இந்தத் திட்டத்தின் கீழ் அறிவியல் மற்றும் தொழில்நுட்பப் போட்டியை நடத்தி வருகிறது. இந்தப் போட்டியில் நாடு முழுக்க உள்ள அனைத்துப் பள்ளிகளைச் சேர்ந்த 8,9,10 ஆம் வகுப்பு மாணவர்கள் 2 அல்லது 3 பேர் கொண்ட ஒரு குழுவாகப் 
பங்கேற்கலாம்.  

போட்டியில் பங்கேற்கும் மாணவர்கள் தூய சக்தி, சுகாதாரம் மற்றும் தூய்மை, வள மேலாண்மை, வன்பொருள் மாதிரி அமைப்பு, தயாரிப்பு வடிவமைப்பு, பேரழிவு மேலாண்மை ஆகிய பிரச்னைகளில் புதிய தீர்வுகளைக் கண்டறிந்து அவற்றை திட்ட அறிக்கையாக போட்டி அமைப்பிடம் சமர்ப்பிக்க வேண்டும். 4 சுற்றுகளைக் கொண்ட இந்தப் போட்டியில் 3-வது சுற்றுக்கு (அரையிறுதி) தேர்ந்தெடுக்கப்படும் பள்ளி மாணவர்கள் IIT}K வளாகத்துக்கு அழைக்கப்பட்டு, தங்கள் கண்டுபிடிப்பு குறித்த செயல்விளக்கம் அளிக்கக் கோரப்படுவர். இதில், தேர்வாகும் மாணவர்கள் இறுதிச் சுற்றில் பங்கேற்பர். அவர்களில் இருந்து முதல் 3 இடங்களைப் பெற்ற பள்ளிகளை நடுவர் குழு தேர்ந்தெடுக்கும்.

இளம் விஞ்ஞானிகள் திட்டத்தின் நிகழாண்டு போட்டியில், இந்தியா மற்றும் சிங்கப்பூரில் இருந்து 2000 பள்ளிகள் பங்கேற்றன. இதில், திருச்சி செல்லம்மாள் வித்யாலயா, Zee School உள்ளிட்ட 24 பள்ளிகள் அரையிறுதிப் போட்டிக்கு தகுதிபெற்றன. 

இந்தப் பள்ளி மாணவர்கள் தங்களது கண்டுபிடிப்புகளுடன் IIT-K வளாகத்துக்கு வந்து நடுவர்கள் முன்னிலையில் செயல் விளக்கம் அளித்தனர். இதிலிருந்து மிகச் சிறந்த 6 பள்ளிகள் இறுதிச்சுற்றுக்கு தேர்ந்தெடுக்கப்பட்டன. இறுதிச்சுற்று கடந்த அக்டோபர் மாதம் 27, 28 ஆம் தேதிகளில் நடைபெற்றது.

இதில், சட்டீஸ்கர் மாநிலம், ராய்ப்பூரில் உள்ள காங்கேர் வேலி அகாதெமி பள்ளி மாணவர்கள் பரிநீதி புரா, மன்வீர்சிங் ஆகியோர் கண்டுபிடித்த குறைந்த செலவில், வீட்டிலேயே தயாரிக்கப்படும் மூலிகை சுவாச வடிகட்டி (Low}cost home - made herbal mask) முதலிடத்தை வென்றது. அதேபோல, ஆந்திர மாநிலம், குண்டூரைச் சேர்ந்த கிராஸ்வோர்ட் பள்ளி மாணவர்கள் ஹேமஸ்ரீவாணி, விஸ்ணுதேஜா, சுடன்ஷூ ஆகியோர் உருவாக்கிய சாலைக் குழிகளை உடனடியாக சரிசெய்யும் மின்னணு கருவியான Pothole Warrior இரண்டாமிடத்தை வென்றது. மேலும், ஜார்கண்ட் மாநிலம், ஜாம்சேத்பூரைச் சேர்ந்த தாராபூர் பள்ளி மாணவர்கள் அதிதி சாஹே, சுடிபா பட்டாச்சார்ஜி ஆகியோர் கண்டுபிடித்த சூரிய மற்றும் மீயொலி உணரிகளை (Solar and Ultrasonic sensors) வைத்து கழிவுகளைக் கையாளும் ஸ்மார்ட் கழிவு மேலாண்மை கருவி மூன்றாவது இடத்தைப் பிடித்தது.

இவற்றோடு KIIT International பள்ளியின் Pollution Biosensor திட்டம், BP Vidyamandir பள்ளியின் Train Turbine  மற்றும் Small home Illumination போன்ற செயல்திட்டங்கள் மாணவர்களின் உயர்சிந்தனைகளின் வெளிப்பாடாக அமைந்திருந்தன. செயல்திட்டங்களின் உண்மைத் தன்மை, சமூக தாக்கம், வழங்கல் தரம், ஒட்டுமொத்த திட்ட உத்தி ஆகியவை மதிப்பீடு செய்யப்பட்டு சிறந்த கண்டுபிடிப்புகள் தேர்வுசெய்யப்பட்டன.

இவற்றோடு KIIT International பள்ளியின் Pollution Biosensor திட்டம், BP Vidyamandir பள்ளியின் Train Turbine மற்றும் Small home Illumination போன்ற செயல்திட்டங்கள் மாணவர்களின் உயர்சிந்தனைகளின் வெளிப்பாடாக அமைந்திருந்தன.  

இந்தத் திட்டத்தில் நிகழாண்டு 35 சதவீத மாணவிகள் பங்கேற்றது அனைவரையும் வியப்பில் ஆழ்த்தியுள்ளது. இந்தப் போட்டி இவ்வளவு முக்கியத்துவம் பெற, இதன் மதிப்பீடுகள் அனைத்தும் சர்வதேச அளவில் அமைந்ததும் முக்கிய காரணம். 

]]>
http://images.dinamani.com/uploads/user/imagelibrary/2018/11/21/w600X390/im3.jpg http://www.dinamani.com/weekly-supplements/ilaignarmani/2018/nov/20/உலகத்-தர-அறிவியல்-போட்டி-வெற்றி-பெற்ற-மாணவ-விஞ்ஞானிகள்-3043008.html
3043009 வார இதழ்கள் இளைஞர்மணி வேலை... வேலை... வேலை... தொகுப்பு:  இரா. வெங்கடேசன் DIN Tuesday, November 20, 2018 12:00 AM +0530 எஸ்பிஐ வங்கியில்   வேலை 

பதவி: Analytics Translators 
பதவி: Sector Credit Specialists 
பதவி:Portfolio Management Specialists 
பதவி: Sector Risk Specialists 
தகுதி: கணினி அறிவியல் பிரிவில் பிஇ அல்லது பி.டெக், எம்சிஏ, நிதியியல் துறையில் எம்பிஏ, சிஏ, ஐசிடபுள்யூஏ, சிஎப்ஏ முடித்தவர்கள் விண்ணப்பிக்க தகுதியானவர்கள். 
வயது வரம்பு: 30.09.2018 தேதியின்படி 25 வயதிலிருந்து  35 வயதிற்குள் இருக்க வேண்டும். 
விண்ணப்பக் கட்டணம்: ரூ.600. எஸ்சி, எஸ்டி மற்றும் மாற்றுத்திறனாளிகளுக்கு ரூ.100. இதனை ஆன்லைனில் செலுத்த வேண்டும். 
விண்ணப்பிக்கும் முறை: ஜ்ஜ்ஜ்.ள்க்ஷண்.ஸ்ரீர்.ண்ய் என்ற இணையதளத்தின் மூலம் ஆன்லைனில் விண்ணப்பிக்க வேண்டும்.
தேர்ந்தெடுக்கப்படும் முறை:  கல்வித் தகுதியின் அடிப்படையில் நேர்முகத் தேர்வுக்கு விண்ணப்பதாரர்கள் தேர்ந்தெடுக்கப்படுவார்கள்.  நேர்முகத் தேர்வில் தகுதியான நபர்கள் தேர்ந்தெடுக்கப்படுவார்கள்.
மேலும் முழுமையான விவரங்கள் அறிய: https://www.sbi.co.in/webfiles/uploads/files/1540825071053_SBI_NOTICE_AD.pdf  என்ற லிங்கில் சென்று தெரிந்துகொள்ளவும். 
ஆன்லைனில் விண்ணப்பிப்பதற்கான கடைசித் தேதி: 22.11.2018

 

அம்பத்தூர் அரசினர் தொழிற்பயிற்சி
நிலையத்தில் உதவியாளர் வேலை

பதவி: அலுவலக உதவியாளர் 
தகுதி: 8-ஆம் வகுப்பு தேர்ச்சி (எழுத, படிக்க தெரிந்திருக்க வேண்டும்). (தாழ்த்தப்பட்டோர்(அருந்ததியர்) (முன்னுரிமை பெற்றவர்) மகளிர், (ஆதரவற்ற விதவையர்) என சுழற்சி அடிப்படையில் தகுதியுள்ள நபர்களிடமிருந்து விண்ணப்பங்கள் வரவேற்கப்படுகின்றன. 
வயதுவரம்பு: 01.11.2018 தேதியின்படி 18 வயதிலிருந்து 35 வயதுக்குள் இருக்க வேண்டும்.
சம்பளம்: குரூப் டி தரத்திலானது. மாதம் ரூ.15,700 - 50,000
தகுதியும் விருப்பமும் உள்ளவர்கள் தங்களது சாதி, முன் அனுபவ சான்று, வீட்டு முகவரி, தொலைபேசி எண் ஆகிய விபரங்களுடன் துணை இயக்குநர், முதல்வர், அரசினர் தொழிற்பயிற்சி நிலையம், அம்பத்தூர், சென்னை - 600098 எனும் முகவரிக்கு விண்ணப்பிக்க வேண்டும். 
விண்ணப்பங்கள் சென்று சேர கடைசித் தேதி: 23.11.2018
மேலும் முழுமையான விவரங்கள் அறிய: 044-26252453 என்ற தொலைபேசி எண்ணில் தொடர்புகொண்டு தெரிந்துகொள்ளலாம். 


பாரத் பெட்ரோலியம் கார்ப்பரேஷன் 

நிறுவனத்தில் வேலை
மொத்த காலியிடங்கள்: 142 
பதவி: Chemist Trainee  

தகுதி: வேதியியல் துறையில் 60 சதவீத மதிப்பெண்களுடன் எம்.எஸ்சி முடித்து சம்பந்தப்பட்ட துறையில் குறைந்தபட்சம் ஓர் ஆண்டு பணி அனுபவம் பெற்றிருக்க வேண்டும். 
சம்பளம்: மாதம் ரூ.13,500 - 31,500

பதவி: Operator Trainee 

தகுதி: பொறியியல் துறையில் கெமிக்கல் பிரிவில் 60 சதவீத மதிப்பெண்களுடன் டிப்ளமோ முடித்து 5 ஆண்டு பணி அனுபவம் பெற்றிருக்க வேண்டும். 
சம்பளம்: மாதம் ரூ.13,500 - 31,500
பதவி: General Workman-B (Trainee)  
1. Mechanical  
2. Electrical  
3. Instrumentation  
4. Chemical  
தகுதி: பொறியியல் துறையில் கெமிக்கல், மெக்கானிக்கல், எலக்ட்ரானிக்ஸ், எலக்ட்ரிக்கல், இன்ஸ்ட்ருமென்ட் டெக்னாலஜி அல்லது இன்ஸ்ட்ரூமென்டேஷன் மற்றும் கண்ட்ரோல் துறையில் முதல் வகுப்பில் டிப்ளமோ தேர்ச்சி பெற்றிருக்க வேண்டும். 
சம்பளம்: மாதம் ரூ.11,500 - 20,000
வயதுவரம்பு: 01.10.2018 தேதியின்படி 18 வயதிலிருந்து 30 வயதிற்குள் இருக்க வேண்டும்.
தேர்வு செய்யப்படும் முறை: எழுத்துத் தேர்வு மற்றும் திறன் தேர்வு அடிப்படையில் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை: ஜ்ஜ்ஜ்.க்ஷட்ஹழ்ஹற்ல்ங்ற்ழ்ர்ப்ங்ன்ம்.ஸ்ரீர்ம் என்ற இணையதளத்தின் மூலம் ஆன்லைனில் விண்ணப்பிக்க வேண்டும்.
மேலும் முழுமையான விவரங்கள் அறிய: https://www.bharatpetroleum.com/images/files/KR%20ADVTMT%20WEBSITE(4).pdf என்ற லிங்கை கிளிக் செய்து தெரிந்துகொள்ளவும். 
விண்ணப்பிப்பதற்கான கடைசித் தேதி: 26.11.2018

]]>
http://images.dinamani.com/uploads/user/imagelibrary/2018/11/21/w600X390/im4.jpg http://www.dinamani.com/weekly-supplements/ilaignarmani/2018/nov/20/வேலை-வேலை-வேலை-3043009.html
3043010 வார இதழ்கள் இளைஞர்மணி நீ... நான்... நிஜம்! - 45: பக்தி போதுமா? கர்மம் வேண்டுமா? சுகி. சிவம் DIN Tuesday, November 20, 2018 12:00 AM +0530 ஒருவர் காலில் முள் தைத்து விட்டது என்று வைத்துக் கொள்வோம்.  நம் ஊரில் அதை ஒருவர் எப்படிச் சொல்கிறார்?  ""என் காலில் முள் குத்திவிட்டது'' என்பார். இதைக் கடுமையாக விமர்சனம் செய்யவும் முடியும். முள் இருப்பது தெரியாமல் காலைக் கொண்டு போய் வைத்துவிட்டு முள்மீது குற்றப்பத்திரிக்கை படிக்கும் விதமாக முள் குத்தி விட்டது என்று முள் மீது பழிபோடுகிறோம். முள் என்ன... ஓடி வந்து இவர் காலைத் தேடி வந்தா ஏறிக் கொண்டது? இது, பழியைத் தான் ஏற்காமல் முள் மீது சுமத்தும் இந்திய மனோபாவம்  என்று சிலர் தாக்குவார்கள்! சிலரோ நடப்பதெல்லாமே இறைவன் செயல்.. இப்போது முள் குத்த வேண்டும் என்ற விதி.. அதனால் அது நடந்துவிட்டது என்கிற இந்தியப் பெருஞானம் தான் அப்படி ஒரு வார்த்தை அமைப்பை உருவாக்கியது என்று வாதிடுவார்கள்.

ஆங்கிலத்தில் இந்த Escapism இல்லை. "I ran on the thorn’ என்று பழியைத் தன்னுடையது என்று ஒப்புக் கொள்ளும் பொறுப்பேற்கும் பண்பு உண்டு என்று கூட சொல்வார்கள். இது ஞானமா? பொறுப்பின்மையா? பொறுப்பின்மைதான் ஞானமா? என்கிற சிக்கல்களுக்குள் நான் நுழைய விரும்பவில்லை. தன் தவறுகள் தன்னால்தான் நிகழுகின்றன என்கிற பொறுப்பேற்பே ஞானம் என்கிற எண்ணம் உடையவன்  நான். கடவுள் மீது பழி போட்டுத் தப்புவது உண்மை ஆன்மிகம் ஆகாது என்பதே என் எண்ணம்.  ஜெர்மனியில் இருந்து ஒரு நாத்திகர்  ஆசார்ய  வினோபாபாவேயைச் சந்திக்க வந்தார்.  தாம் நாத்திகர் என்பதால் வினோபா பாவே என்ற பக்திமான் சந்திக்க மறுக்கக் கூடும்  என்றும் பயந்தார்.

அதனால் அவர் முன்னெச்சரிக்கையுடன், ""ஐயா நான் நாத்திகன்'' என்றார். வினோபா சிரித்தபடி, ""அப்படியானால் தன் வாழ்க்கைக்கு முற்றிலும் தானே பொறுப்பு ஏற்கும் நபர் நீங்கள். உங்களைச் சந்திப்பதில் எனக்குக் கூடுதல் மகிழ்ச்சி'' என்றார் வினோபா. கடவுள் பக்தி உடைய பலரும் ஞானத்தாலோ, சமர்ப்பண உணர்வாலோ எல்லாம் கடவுள் செயல் என்பதில்லை. தங்கள் பொறுப்பைத் தட்டிக் கழிக்கும் பல நபர்கள் எதற்கெடுத்தாலும் கடவுளை வம்புக்கு இழுத்து அவர்தான் இவரது எல்லா வேலைகளையும் செய்ய வேண்டிய நபர்போல் பேசுவார்கள். அதுமட்டுமல்ல... ""நீங்கள் உழைக்க வேண்டாம்; பாடுபடவேண்டாம்; ஒரு வேலையும் செய்து மெனக்கெட வேண்டாம்; எல்லாமே பகவான் பார்த்துக் கொள்வார்... சும்மா... சும்மா கோவில் கோவிலாகப் போனால் போதுமானது'' என்று உபதேசம் வேறு செய்வார்கள். இவர்கள் மிகவும் ஆபத்தானவர்கள். 

கர்மயோகத்தின்படி வேலைகள் செய்வதும் முக்கியம். கடவுளோடு இணைந்திருத்தலும் முக்கியம். கடவுள் உடனான நம் தொடர்பு பிரிக்க முடியாதது  என்பதைப் போலவே கடவுளின் தனித்துவத்தையும் நம்முடைய தனித்துவத்தையும் பகுத்தறிய வேண்டும். சிக்கலான விஷயம், எங்கள் பள்ளிக் கணக்காசிரியர் சொன்ன வேடிக்கைக் கணக்கு. இதை விளக்க எனக்கு உதவியது உங்களுக்கும் உதவக் கூடும். வாழ்நாள் முழுவதும் மூத்த மகனால் நன்கு ஆதரிக்கப்பட்ட தந்தை ஒருவர் தம் சொத்தை இவ்வாறு பகிர்ந்து எழுதினார். "அதிகம் உதவிய மூத்தவனுக்குப் பாதிச்சொத்து. ஓரளவு உதவிய இரண்டாம் மகனுக்கு மூன்றில் ஒரு பங்கு... கைவிட்ட கடைசிமகனுக்கு ஒன்பதில் ஒரு பங்கு' என்று எழுதி வைத்துவிட்டு இறந்து போனார். அவரது சொத்துக்களில் 17 பசுக்கள் இருந்தன. இதை எப்படி பாதிப்பங்கு, 1/3, 1/9 என்று பிரிக்க முடியாமல் பிள்ளைகள் தலையைப் பிய்த்துக் கொண்டார்கள். அந்த ஊர்ப் பெரியவரிடம் வழக்கைக் கொண்டு போனபோது அவர் சிரித்தபடி, தம்முடைய ஒரு பசுவை  மூவருக்கும் தானமாகத் தருவதாகச் சொன்னார். மூவரும் அது அவமானம் பெற மாட்டோம் என்றனர். ""அவசரப் படாதீர்கள்... என்னுடைய பசுவுடன் சேர்த்தால் அப்பா விட்டுப்போன சொத்து 18 பசுக்கள். 18-இல் பாதி மூத்தவனுக்கு பிடி ஒன்பது பசு...18-இல் மூன்றில் ஒரு பங்கு அடுத்தவனுக்கு பிடி ஆறு பசு... 18 -இல் 1/9 பங்கு ... அதாவது இரண்டு. கடைசிப் பிள்ளைக்கு. 9+6+2=17 வந்தது. மீதம் ஒன்று இருந்தது. அது என்னுடைய பசு'' என்று தானம் கொடுத்தவர் எடுத்துக்கொண்டு நடையைக் கட்டினார். அந்த ஒரு பசு கணக்கிலும் வரும்... கணக்கிலும் வராது... பிரச்சனை தீர சேரும்... பிரச்சனை முடிந்தாலும் அது தன் தனித்துவம் விடாது... அந்தப் பசுமாதிரி தான் கடவுள்'' என்பார் எங்கள் ஆசிரியர்.. அது பிரச்சனை தீர உதவும். ஆனால் நமக்கே நமக்கு அல்ல... அது தனி... இந்த நுட்பம் ஆத்திகர்களுக்கு இன்று புரிய வேண்டும்.

எந்த வேலையுமே நாம் செய்யாமல் எல்லாமே கடவுள் செய்வார் என்பது பிரார்த்தனையை மட்டுமே வற்புறுத்துவது எப்படி சரியான ஆன்மிகம் ஆகும்? லெüகிக லாபம் எதிர்பார்க்கிறவன் கஷ்டப்பட்டு உழைக்கக் கடமைப்பட்டவன். வெறும் பிரார்த்தனை... பஜனை... பக்தி போதாது. நான் இப்படிச் சொன்னதும் சிலர் வரிந்து கட்டிக் கொண்டு, ""இவன் பக்திக்கெதிரானவன்... நாத்திகன்'' என்று குற்றம் சுமத்துவார்கள். அதனால் காஞ்சிமகா சுவாமிகள் சொன்ன வரிகளை, பெரியவர் புகழ் பரப்பும்  சாமிநாதன்   கொடுத்த குறிப்பை அப்படியே தருகிறேன்.

"ஒரு முதலாளிக்கு இரண்டு ஊழியர்கள். ஒருவன் எப்போதும் பார்த்தாலும் ஒரு வேலையும் செய்யாமல் முதலாளியையே சுற்றி சுற்றிவந்து புகழ்ந்து பேசிக் கொண்டே இருப்பான். அவருக்கான எந்த வேலையும் செய்ய மாட்டான். மற்றொருவனோ, முதலாளியின் நிறுவன வேலை தனிப்பட்ட வேலை என்று பார்த்துப் பார்த்து செய்வான். சதாசர்வ கலாமும் முதலாளியின் வேலைகள் சரியாக நடக்க வேண்டுமே என்று ஓடி ஓடி உழைப்பான். ஒரு நல்ல முதலாளிக்கு இதில் யாரை அதிகமாகப் பிடிக்கும். ஸ்தோத்திரம் பண்ணிக் கொண்டே இருப்பவனைவிட, தன் கஷ்டங்களைக் குறைக்க வேலை செய்பவனைத் தானே பிடிக்கும். ஈச்வரனும் அப்படிப் பட்ட முதலாளிதான். அவரது வேலைகளைப் பார்க்கிறவர்களை அவர் ப்ரியமாகப் பார்த்துக் கொள்ளுவார்' என்கிறார் ஸ்ரீ மகா சுவாமிகள்.

இந்த உலகம் கர்மபூமி. உழைப்பால் உருளுகிறது. இதில் நாம் பார்க்கும் எல்லா வேலைகளும் பகவானது வேலைகள். அதை அலட்சியம் செய்து விட்டு, பகவானை ஏமாற்றுவது சரியான வாழ்க்கை முறையா என்பதே என் கேள்வி! ஒரு மனிதன் தான் செய்ய வேண்டிய எந்தக் கடமையையும் செய்யாமல் எல்லாமே கடவுள் தனக்காகச் செய்யட்டும் என்று பேசுவது சரியான அணுகுமுறை ஆகாது. இஸ்லாத்தில் நான் படித்த சம்பவம் ஒன்று சொல்லுகிறேன். ஓர் அரபி, நபிகள் பெருமகனாரிடம் வந்து,""இறைத்தூதரே... என் ஒட்டகத்தை இறைவன் பொறுப்பில் ஒப்படைத்துவிட்டு நான் நிம்மதியாக எங்கு வேண்டுமானாலும் போகலாமா?'' என்று கேட்டார். நபிகள் நாயகம் அவர்கள், ""முதலில் உன் ஒட்டகத்தின் கால்களைக் கயிறு கொண்டு நன்றாகக் கட்டிவை. அதன்பின்பு பொறுப்பை இறைவனிடம் ஒப்படைத்துவிடு'' என்கிறார்கள். இஸ்லாத்தில் சொல்லப்படும் தவக்குல் என்னும் ஒப்படைத்தல் கடமைகளைச்  செய்யாதிருத்தலோ, பொறுப்பில் இருந்தும் செய்ய வேண்டிய முயற்சியில் இருந்தும் நழுவுவது அல்ல என்றும் மார்க்க அறிஞர்கள் விளக்கம் தருகிறார்கள். 

மகாகவி பாரதியை நன்கு கற்றவர்கள் கீழ்க்கண்ட வரிகளை அறிந்திருப்பார்கள். ""ஒரு விதமான செய்கையும் இல்லாமல் சும்மா இருப்பது இவ்வுலகத்தில் எப்பொழுதும் சாத்தியப் படாது'' என்கிறார். மேலும் ""நான் பிரிவில்லை என்று கண்டு தெய்வமே உள்ளதாகையால் அதற்குச் சேவகமாக உலகத் தொழில்களைப் பிழையில்லாமல் செய்து கொண்டு வர வேண்டும். கடமையைத் தவிர்ப்போன் விடுதலை பெற்றவன் அன்று. விடுதலையின் தலைமேலே ஒரு கடமை நிற்கிறது. தெய்வத்துக்கே கடமை உண்டு.  பகவான் கர்மயோகி.  ஸந்நியாஸம் அவசியமில்லை. பெண்டு பிள்ளைகள் பொய் இல்லை. மற்ற மனிதர்கள் மண்கட்டிகள் அல்லர். அவர்களுக்கு நாம் செலுத்த வேண்டிய கடமைகள் உண்டு. தெய்வமே துணை என்று இருப்போர் ஓயாமல் தொழில் செய்து கொண்டிருப்பார்கள்'' என்றெல்லாம் பாரதியார் எழுதி எழுதிப் புரிய வைக்கிறார்.

இறைவழிபாடு பற்றிய பாரதியின் பார்வை விசாலமானது. கோவிலுக்குப் போவது சாமி கும்பிடுவது என்பதை எல்லாம் தாண்டிப் போகிறது அது. அவர் எழுதுகிறார்: "கோயிலுக்குப் போனாலும் சரி. போகாவிட்டாலும் சரி.. தெய்வத்தைக் கும்பிட்டாலும் சரி.. பிறரை ஏமாற்றுவதை நிறுத்தினால் தெய்வம் அருள்புரியும்' என்று பொட்டிலடித்த மாதிரி கர்ஜிக்கிறார். ""உழைப்பு அற்ற பக்தியைப் பாரதியார் ஏற்கவில்லை. உழைப்பு எப்போதும் உண்டு. தெய்வம் சரண் என்றிருப்போர் உள்ளத்திலே தாபமின்றி  உழைப்பார்கள். ஆனபடியால் அவர்களுடைய செய்கைக்கு வலிமை அதிகம். வேகம் அதிகம். உயர்வு அதிகம். அழகு அதிகம். பயன் அதிகம். உழைப்பு எப்போதுமுண்டு. தெய்வத்தின் தலையிலே சுமையைப் போட்டுவிட்டு நாம் கவலை, பயம் என்ற இரண்டு நாய்களுக்கும் உள்ளத்தை இரையாக்காமல் சந்தோஷமாகப் பாடிக் கொண்டு நிலத்தை உழுவது நல்லது.  அழுது கொண்டே உழுதால் உழவுக்குக் கெடுதி!'' என்று முழங்குகிறார் பாரதி. "ஊருக்கு உழைத்திடல் யோகம்' என்றவர் அல்லவா பாரதி. இதனை ஏன் எழுதுகிறேன் தெரியுமா?

விழிப்படைதல் என்று கடந்த சிலவாரங்கள் நான் கூறிவந்ததைத் தவறாகப் புரிந்து கொண்டு ஆசிரமங்களுக்குள் ஓடி ஒளிந்து கொள்ளும் அரைகுறை ஸந்யாஸிகளை நான் ஆதரிப்பதாகக் கருத வேண்டாம் என்பதைப் புரிய வைக்கவே எழுதுகிறேன். கர்மயோகிகளே சமூகத்தின் உடனடித் தேவை என்பதற்காகவே எழுதுகிறேன். 

(தொடரும்)

]]>
http://images.dinamani.com/uploads/user/imagelibrary/2018/10/30/w600X390/im4.jpg http://www.dinamani.com/weekly-supplements/ilaignarmani/2018/nov/20/நீ-நான்-நிஜம்---45-பக்தி-போதுமா-கர்மம்-வேண்டுமா-3043010.html
3043015 வார இதழ்கள் இளைஞர்மணி வாங்க இங்கிலீஷ் பேசலாம் - 166 ஆர்.அபிலாஷ் DIN Tuesday, November 20, 2018 12:00 AM +0530 புரொபஸர், கணேஷ், மற்றும் ஜுலி ஆகியோர் செல்லப்பிராணி களுக்கான உளவியலாளரிடம் செல்கிறார்கள். அங்கே அவர்கள் மருத்துவருக்கான காத்திருப்போர் அறையில் இருக்கிறார்கள். நடாஷா எனும் பெண்ணும் மீசைக்காரர் எனும் போலீஸ்காரரும் அங்கு காத்திருக்கிறார்கள். நடாஷா புரொபஸரிடம் ஒரு சந்தேகம் கேட்கிறார்.  Herb என்பதற்கு முன் ஹ சரியா, இல்ல ஹய் சரியா?

புரொபஸர்: நல்ல கேள்விம்மா! Herb எனும் சொல் அமெரிக்க ஆங்கிலத்தில் erb என்றும் பிரித்தானிய ஆங்கிலத்தில் Herb என்றும் வரும். அதாவது பிரித்தானிய ஆங்கிலத்தில் "ஹெ' ஒலி வரும். ஆகையால் அமெரிக்க ஆங்கிலத்தில் எழுதும் போது an herb என்றும் பிரித்தானிய ஆங்கிலத்தில் a herb என்றும் எழுத வேண்டும். கொஞ்சம் பிசகினால் தப்பாகி விடும். என் இங்கிலிஷ் டீச்சர் a herb என்று தான் சொல்லித் தந்தாங்க எனச் சொல்லி நியாயப்படுத்த முடியாது.
நடாஷா: தாங்க்ஸ். என்னோட ஒரு பிரண்டு. அவள் பேரு பிங்கி. பிங்கி ற்ட்ங் பயன்படுத்தும் போது ற்ட்ங்ங் என்று சொல்வாள். எப்பவுமே அப்படித் தான் பேசுவாள். ஆனால் நான் ற்ட்ன்ட் என்று தான் உச்சரிப்பே. I like ‘thuh’ smile of yours.
புரொபஸர்: சரிம்மா… ற்ட்ங் விசயத்தில்…

நடாஷா: I really meant that as a compliment. Nice smile.

புரொபஸர்: நன்றி!
கணேஷ்: சார்... ஒரு மாணவி உங்களுடைய புன்னகையைப்  பாராட்டலாமா? அதை நீங்க ஏத்துக்கலாமா? அது சரியா?
புரொபஸர்: ஏன் கூடாது? அவங்க என் மாணவி இல்ல. இருந்தாலும் கூட  ஓகே தான். அதில எந்த தப்பான உத்தேசமும் இரண்டு பேருக்கும் இல்லாத பட்சத்தில.நடாஷா: Yeah right, I agree!

கணேஷ்: ஓகே சார், சும்மா தான் கேட்டேன். தப்பா எடுத்துக்காதீங்க.
புரொபஸர்: உன்கிட்ட எந்த தப்பான உத்தேசமும் இல்லேன்னு நம்புறேன். அதனால no problem. வர வர நம்மூர்ல எல்லாத்தையும் சந்தேகிக்கிறாங்க. ஒரு தாத்தா தலையைத் தொட்டு ஆசீர்வாதம் பண்ணினா கூட சந்தேகப்படுறாங்க. இது மாதிரி சந்தர்ப்பங்களில் men are always under a cloud. நிஜமா தப்பு செய்யுறவங்க தப்பிடுவாங்க, அப்பாவிகள் அடி வாங்குவாங்க. In this time of pseudo-activism, people bark up the wrong tree.

கணேஷ்: Under a cloud சந்தேகத்துக்கு உள்ளாகிறதா சார்?
புரொபஸர்: அதில்ல, சரியா சொல்றதுன்னா தொடர்ந்து, ஆதாரமில்லாமலே ஒருவர் சந்தேகிக்கப்படுறது. உறுதிப்படாத சந்தேகம்.
கணேஷ்: ஸ்யுடோ ஆக்டிவிசம்ன்னா போலியான அரசியல் போராட்டமா சார்?
புரொபஸர்: இல்ல ஆக்டிவிசம்னா வெறும் அரசியல் செயல்பாடல்ல, ஆக்டிவிசம் என்றால் ஓர் அரசியல் சமூக மாற்றத்தை கொண்டு வர்றதுக்கான பிரச்சார முயற்சிகள். அது தெருவில இறங்கி போராடறதாகவோ வழக்கு தொடுப்பதாகவோ மறியல் பண்றதாகவோ ஊடகங்களில் எழுதுவதாகவோ இருக்கலாம்.

கணேஷ்: சார், நான் இப்போ அதிகமா பார்க்கிறது எதிலேயும் பட்டுக்காம பேஸ்புக்கிலும் டிவிட்டரிலும் ஷேர் பண்ணி நடக்கிற ஆக்டிவிசம். பேசுறது கூட இல்ல ஜஸ்ட் லைக் போட்டு, ஒரு ஸ்டேட்டûஸ காப்பி பேஸ்ட் பண்ணிக்கிட்டு தங்களை ஆக்டிவிஸ்டுன்னு சொல்லிக்கிறாங்க. Social media activits ன்னு இன்னிக்கு இவங்களுக்கு மீடியா பட்டம் வேற கொடுத்துக்குது.
புரொபஸர்: நீ சொல்றது உண்மைதான். ஆனால் அதே நேரம் இவங்க ஒரு பெரிய அளவிலான அழுத்தத்தை ஊடகங்கள் மேல கொடுக்கிறாங்க. ஒரு பிரச்னையை கவனிச்சு அதைப் பெரிசா பேச வைக்கிறாங்க. சில நேரம் அது ஒரு சரியான ஆக்டிவிசமா மாறுவதுண்டு. 
நடாஷா: Actually sir, we live in an age of 
clicktivism. ஒண்ணும் பண்ண முடியாது.
புரொபஸர்: அப்படி சொல்லிட முடியாது. எந்த பிரச்சாரமும் போராட்டமும் களத்தில் நடப்பில் நிகழணும். இல்லேன்னா அது கள நிலவரத்தை புரிஞ்சுக்காத அரைகுறை பிரச்சாரமாயிடும். தம்மோட பிரச்சாரத்தோட விளைவு என்னன்னு கவலைப்படாம, அடுத்தடுத்த நாட்கள் புதுப்புது பிரச்னைகளுக்காக கிளிக் பண்ணிட்டு மறந்திடுவாங்க. ஆங்கிலத்தில் இதை slactivism சொல்வாங்க. Clicktivism என்பதை விட இது தான் பொருத்தமான சொல்.
நடாஷா: மீடூ இயக்கம் இப்படித் தான் ஒரு ள்ப்ஹஸ்ரீந்ற்ண்ஸ்ண்ள்ம் ஆ மாறிக்கிட்டு போகுது. 
புரொபஸர்: நாம தேவையில்லாம distract ஆகிறோம். நீ அந்த ற்ட்ங் பற்றி கேட்டே இல்ல…
கணேஷ்: சார் எனக்கு அந்த bark up the wrong tree ஐ கொஞ்சம் விளக்குங்களேன் ப்ளீஸ்.

(இனியும் பேசுவோம்)

]]>
http://images.dinamani.com/uploads/user/imagelibrary/2018/11/21/w600X390/im7.jpg http://www.dinamani.com/weekly-supplements/ilaignarmani/2018/nov/20/வாங்க-இங்கிலீஷ்-பேசலாம்---166-3043015.html
3043016 வார இதழ்கள் இளைஞர்மணி ஓஷன் என்ஜினியரிங் படிப்பு! DIN DIN Tuesday, November 20, 2018 12:00 AM +0530 கடல் சார்ந்த பல்வேறு தொழில்நுட்பங்களை அறிய ஓஷன் என்ஜினியரிங் படிக்க வேண்டும்.  அது தொடர்புடைய வேலை வாய்ப்புகளைப் பெற அந்த படிப்பு  உதவியாக இருக்கும்.
கடல் சார் தொழில்நுட்பங்கள் படித்தாலே உடனடியாக வேலை வாய்ப்பும், நல்ல சம்பளமும் கிடைப்பது உறுதி.     கடல் சார்ந்த கட்டுமானங்கள், கப்பல் கட்டுமானங்கள், தொழில் நுட்பங்கள் உள்ளிட்ட பல்வேறு கட்டுமானங்கள் குறித்தும் அறிய ஓஷன் என்ஜினியரிங் படிக்கலாம்.  கடலில் பயன்படுத்தப்படும் வாகனங்களின் தொழில் நுட்பங்கள் அனைத்தும் ஓஷன் என்ஜினியரிங் படிப்பில் கற்றுத் தரப்படுகின்றது.   
ஓசியன் என்ஜினியரிங் படிப்பு நடத்தும் கல்வி நிறுவனம் :
Indian Institute of Technology Madras - Department of Ocean Engineering - http://www.doe.iitm.
 

]]>
http://images.dinamani.com/uploads/user/imagelibrary/2018/11/21/w600X390/im8.jpg http://www.dinamani.com/weekly-supplements/ilaignarmani/2018/nov/20/ஓஷன்-என்ஜினியரிங்-படிப்பு-3043016.html
3043020 வார இதழ்கள் இளைஞர்மணி சரியான பார்வை... சரியான வழி... சரியான செயல்!   - தா.நெடுஞ்செழியன் DIN Tuesday, November 20, 2018 12:00 AM +0530 1895 ஆம் ஆண்டு ஊட்டி ஏரியிலிருந்து 300 அடி உயரத்தில்,   ஊட்டியில் கிறிஸ்துவ சேவை செய்ய வந்த சிஸ்டர்களுக்காக வாங்கப்பட்ட  இடத்தில் தொடங்கிய பள்ளிதான் St. Hilda’s School & Junior College. இந்தப் பள்ளி 6 மாணவர்களைக் கொண்டு தொடங்கப்பட்டது.

1895 கேம்ப்ரிட்ஜ் யுனிவர்சிட்டி எக்ஸôம் எழுதினார்கள்.   தேயிலை மற்றும் காப்பித் தோட்டத்தில் வேலை செய்யக்  கூடிய பணியாளர்கள், அதிகாரிகளின்  குழந்தைகளுக்கு ஆங்கில கல்வி அளிக்க வேண்டும் என்பதற்காக இப்பள்ளி தொடங்கப்பட்டது. சிஸ்டர் மார்த்தா என்பவர் இந்தப் பள்ளியை  முதன்முதலாக நடத்தினார். இந்தப் பள்ளியில் உள்ள
சர்ச் 1902-1903 - இல் நிறுவப்பட்டது.  

1900-ஆம் ஆண்டு செயின்ட் ஜோசப் மிஷனரி  சிஸ்டர்ஸ்  15 மாணவிகளை வைத்து,  குன்னூரில்  தொடங்கிய பள்ளிதான் இன்று ST. JOSEPH’S CONVENT ANGLO INDIAN GIRLS’ HIGHER SECONDARY SCHOOL என்று வளர்ந்திருக்கிறது. ஊட்டியில் வேலை செய்த   ஐரோப்பிய தோட்டத் தொழிலாளர்களின் குழந்தைகளின் கல்விக்காக இந்தப் பள்ளி  தொடங்கப்பட்டது.  பின்னர் அங்கே வேலை பார்க்கும் தொழிலாளர்களின் பெண் குழந்தைகளும் சேர்த்துக் கொள்ளப்பட்டார்கள்.   இங்கு மிகக் குறைந்த கல்விக் கட்டணமே பெறப்படுகிறது.   தற்போது  1500 மாணவிகள் படித்து வருகிறார்கள்.  குறிப்பாக விளிம்புநிலையில்  வாழும் ஏழைப் பெண் குழந்தைகளுக்கு தரமான கல்வி தர வேண்டும் என்பதே இப்பள்ளியின் நோக்கம்.  

இந்தப் பள்ளி நாட்டிற்காகப் பாடுபடும் பல சிறந்த பெண்களை உருவாக்கிக் கொடுத்திருக்கிறது.  பெண்  நாடாளுமன்ற உறுப்பினர்கள், வெளியுறவுச் செயலர்கள், வெளிநாட்டுத் தூதர்கள், நிர்வாகிகள், தொழில்முனைவோர்கள், டாக்டர்கள் என எண்ணற்ற துறைகளில் மாணவிகளை உருவாக்கியுள்ளது.   

இதேபோன்று  இன்று ஊட்டியில் கேட்டி என்ற இடத்தில்   "தி லெய்ட்லா மெமோரியல் ஸ்கூல் அண்ட் ஜூனியர் காலேஜ்'  என்ற  பெயரில் செயல்பட்டு வரும் பள்ளி,  1914 -ஆம் ஆண்டு   கொடைக்கானலில்  ரெவரண்ட்  ஜான் ப்ரீடன் என்ற ஐரோப்பியரின் முன்முயற்சியால் தொடங்கப்பட்டது.  1922 ஆம் ஆண்டுதான் அது ஊட்டியில் கேட்டி என்ற இடத்துக்கு மாற்றப்பட்டது.   ஐரோப்பிய புராடஸ்டண்ட் மதப்பிரிவினரின் குழந்தைகளும், இந்தியாவில் உள்ள  ஆங்கிலோ - இந்தியன் குழந்தைகளும் கல்வி கற்பதற்காக  இந்தப் பள்ளி தொடங்கப்பட்டது.    

சர் ராபர்ட் லெய்ட்லா நிறைய  பண உதவிகளை இந்தப் பள்ளிக்காக அளித்ததால் இந்த பள்ளி "லெய்ட்லா மெமோரியல் ஸ்கூல்' என்றழைக்கப்படுகிறது. கடல் மட்டத்திலிருந்து 2082  மீட்டர்  உயரத்தில், ஏறத்தாழ 224 ஏக்கர் பரப்பளவில்  வனப்பகுதியில்  அமைந்துள்ள  இந்த கல்வி நிறுவனம்,  நல்ல தரமான கல்வியைத் தரவேண்டும்  என்ற நோக்கத்துடன் இன்றுவரை செயல்பட்டுக் கொண்டிருக்கிறது.  சமூகத்தின் அனைத்துப் பிரிவுகளைச் சேர்ந்த மக்களின் குழந்தைகள் எல்லாரும்  ஆங்கிலத்தைக்  கற்க வேண்டும் என்ற நோக்கத்துடன் இது தொடங்கப்பட்டது. பின்னர் பொதுக்கல்வி கற்றுத் தரப்பட்டது.  இப்பள்ளி ஆண், பெண் இருபாலருக்குமான தங்குமிடப் பள்ளி. மாணவர்கள் பெற்றோரைப் பிரிந்து வாழ்வது தெரியாமல் இருக்க மனநிம்மதி தரும் எல்லா வசதிகளும் இந்தப் பள்ளியில் உள்ளன. பெற்றோரைப் போன்று அன்பு செலுத்தும் ஆசிரியர்களைக் கொண்டுள்ளது இந்தப் பள்ளி.     ஜே பீரிடன்தான் இந்தப் பள்ளியை  1910-இல் நிறுவினார். இந்தப் பள்ளி 1915-இல்  33 மாணவர்களும், 1917-இல் 101 மாணவர்களும்  என வளர்ந்தது. தற்போது ஆயிரத்துக்கும் மேற்பட்ட மாணவர்கள் படிக்கின்றனர். காட்டேஜ் சிஸ்டத்துடன் ஹாஸ்டல்கள் மிக நேர்த்தியான முறையில் உள்ள மிக நல்ல கல்வி நிறுவனமாக நீலகிரியில் செயல்பட்டு வருகிறது.  

ஜேசுட்ஸ் (Jesuits)  என்று அழைக்கப்படக் கூடிய  "சொசைட்டி ஆப் ஜீஸஸ்'   என்ற அமைப்பு  செயின்ட் இக்னேஷியஸ் என்பவரால் உருவாக்கப்பட்டது.  1491-ஆம் ஆண்டு ஸ்பெயினில் பிறந்த செயின்ட் இக்னேஷியஸ்  1534 - இல் ஜேசுட்ûஸ பிரான்சில் உருவாக்கினார்.  இது கத்தோலிக்க  சர்ச்சின் நிறுவனமாகும்.  உலகமெங்கும்  பள்ளிகளையும் கல்லூரிகளையும் நிறுவ வேண்டும் என்று செயின்ட் இக்னேஷியஸ் நினைத்தார்.    அந்த  கனவு  உலகமெங்கும்  380 உயர்நிலைப் பள்ளிகளையும், 190 கல்லூரிகளையும்  உருவாக்கியுள்ளது. 

1852-ஆம் ஆண்டு   பிரான்சில்  ஜேசுட்ஸின் பணிகளின் ஒரு பகுதியாக   " மதுரா மிஷன்' என்ற அமைப்பைத் தொடங்கினார்கள்.  அவர்கள் மூலமாக தென்னிந்தியாவில் கல்விப் பணிகள் தொடங்கப்பட்டன.    இந்த அமைப்பின் மூலமாக  ஆந்திராவில் இரண்டு கல்லூரிகளும், பீகாரில் மூன்று கல்லூரிகளும், கோவாவில் ஒரு கல்லூரியும், குஜராத்தில் ஒரு கல்லூரியும் , ஜார்கண்டில் ஆறு கல்லூரிகளும்,  கர்நாடகாவில் 16 கல்லூரிகளும், கேரளாவில் இரண்டு கல்லூரிகளும்,  மத்தியபிரதேசத்தில் ஒரு கல்லூரியும், மகாராஷ்டிராவில்  9 கல்லூரிகளும், ஒடிசாவில்  2 கல்லூரிகளும், ராஜஸ்தானில்  2 கல்லூரிகளும், தமிழ்நாட்டில்  12 கல்லூரிகளும், தெலங்கானாவில் ஒரு கல்லூரியும், மேற்கு வங்காளத்தில் 7 கல்லூரிகளும்  தொடங்கி நடத்தப்பட்டு வருகின்றன. இவற்றைத் தவிர,  உலகமெங்கும் வெவ்வேறு நாடுகளில் இவர்கள் கல்விப் பணிக்காகத் தங்களை அர்ப்பணித்தார்கள். 

மதுரை மிஷன் என்றாலும் அது திருச்சியில் இருந்துதான் மதுரைக்கு வந்தது. தமிழகத்தில் 1844-ஆம் ஆண்டு செயின்ட் ஜோசப்ஸ் கல்லூரி திருச்சியில் தொடங்கப்பட்டது. பதினெட்டாம் நூற்றாண்டில் உயர்கல்வியைப் பற்றி திருச்சிப் பகுதியில் வாழ்ந்த மக்கள் சிந்தித்துப் பார்க்காத சூழ்நிலையில் இந்த கல்லூரி தொடங்கப்பட்டது. 1866-ஆம் ஆண்டு சென்னைப் பல்கலைக்கழகத்தின் கீழ் இயங்கி வந்தது.  1978-ஆம் ஆண்டு தன்னாட்சி பெற்ற கல்விநிறுவனமாக இது  செயல்பட்டு வருகிறது. 

இந்தக் கல்லூரி   தற்போது பாரதிதாசன் பல்கலைக்கழகத்தின் கீழ் தன்னாட்சிக் கல்லூரியாக இயங்கி வருகிறது. இது ஆண், பெண் இருபாலரும் படிக்கக் கூடிய கல்லூரியாக உள்ளது. இங்கு 21 இளங்கலைப் பட்டப்படிப்புகளும்,  27 முதுகலைப் பட்டப்படிப்புகளும், இளமுனைவர் பட்டப்படிப்பு 13 துறைகளிலும்,  பிஎச்டி 13 துறைகளிலும்  24  இதர பிரிவுகளிலுமாக மொத்தம்  98 பாடப் பிரிவுகளில் கல்வியை வழங்கி வருகிறார்கள். இந்தக் கல்லூரி வளாகத்தின் பரப்பளவு 75.8 ஏக்கராகும். திருச்சியின் மையத்தில் இது அமைந்துள்ளது. திருச்சியைச் சுற்றியுள்ள மாணவர்கள் இங்கு வந்து பயின்று  உலக அளவில் தனிமதிப்பினை உருவாக்கி வருகிறார்கள். 

எண்ணற்ற துணை வேந்தர்களையும், தொழிலதிபர்களையும் இந்தக் கல்லூரி உருவாக்கியுள்ளது.  இந்தக் கல்லூரியில் படித்த முன்னாள் மாணவர்களில் குறிப்பிடத்தக்கவர் முன்னாள் குடியரசுத்தலைவர் டாக்டர் அப்துல்கலாம். உச்சநீதிமன்ற நீதிபதியாக இருந்த ஏ.ஆர்.லட்சுமணன், அறிவியல் தொழில்நுட்பத்துறையின் செயலராக  இருந்த  டாக்டர் பி.இராமசாமி,  முன்னாள் தலைமைத் தேர்தல் ஆணையர் என்.கோபாலஸ்வாமி,  மத்திய புலனாய்வுத் துறையின் தலைவராக இருந்த ராஜா செல்லையா ஆகியோர் குறிப்பிடத்தக்கவர்கள். 1983-இல் இயற்பியல்துறையில்  நோபல் பரிசு வாங்கிய சுப்பிரமணியம் சந்திரசேகர் இங்குதான் படித்தார். நோபல் பரிசு வாங்கிய டாக்டர் சர்.சி.வி.ராமனும் இங்குதான் படித்திருக்கிறார். நோபல் பரிசு வாங்கிய இரண்டு இயற்பியல் அறிஞர்களை உருவாக்கிய ஒரே கல்விநிறுவனம் இதுதான்.  எழுத்தாளர் சாண்டில்யன்,  திரைப்பட   நடிகர் அசோகன்,   தற்போது இயக்குநராக உள்ள பிரபு சாலமன் ஆகியோரும்  இங்குதான் படித்திருக்கிறார்கள்.    இந்திய அளவில் தரவரிசைப் பட்டியலில் இந்த கல்லூரி நல்ல இடத்தைப் பெற்றுள்ளது. ஜேசுட்ஸ் அமைப்பு இந்தக் கல்லூரி நிர்வாகத்தை அன்று முதல் இன்றுவரை மிகத் திறம்பட நடத்தி வருவதே இதற்கு காரணம். 

(தொடரும்)

கட்டுரையாசிரியர்: சமூக கல்வி ஆர்வலர் 
www.indiacollegefinder.org

]]>
http://images.dinamani.com/uploads/user/imagelibrary/2018/11/21/w600X390/im10.jpg http://www.dinamani.com/weekly-supplements/ilaignarmani/2018/nov/20/சரியான-பார்வை-சரியான-வழி-சரியான-செயல்-3043020.html
3043021 வார இதழ்கள் இளைஞர்மணி ரோபோ செய்தி வாசிப்பாளர்! - அ.சர்ஃப்ராஸ் DIN Tuesday, November 20, 2018 12:00 AM +0530 தொழில்நுட்ப வளர்ச்சியால், இயற்கைக்கும் செயற்கைக்கும் இடையேயான வித்தியாசம் குறைந்து வருகிறது. மனிதனின் வேலைப் பளுவைக் குறைக்க ரோபோக்கள் உருவாக்கப்பட்டன. 

அந்த ரோபோக்களில் செயற்கை நுண்ணறிவை (ஆர்டிஃபிஷியல் இன்டெலிஜென்ஸ் - ஏ.ஐ.) பொருத்தி நிலைமைக்கு ஏற்ப தானாக செயல்பட வைத்து வருகின்றனர் விஞ்ஞானிகள். 

இந்த ஏ.ஐ. தொழில்நுட்பத்தை பயன்படுத்தி, சீனாவில் செயற்கையாக செய்தி வாசிப்பாளரை உலகில் முதல் முறையாக அறிமுகம் செய்துள்ளது அந்நாட்டு அரசு தொலைக்காட்சியான ஜின்ஹுவா. இந்த தொழில்நுட்பத்தை அந்நாட்டின்  இணையதள நிறுவனமான சோகா உருவாக்கிஉள்ளது.

செய்தி தொலைக்காட்சி திரையில் பார்ப்பதற்கு ஆண் செய்தி வாசிப்பாளரைப்போல் உடை அணிந்து இருக்கும் இவருக்கு ஜாங் ஜோ எனப் பெயரிடப்பட்டுள்ளது. கணினியில் பதிவிடப்படும் செய்தியை அப்படியே மனிதக் குரலில் பேசும் ஜாங் ஜோ, செய்திக்கு ஏற்ப தனது முகபாவங்களை மாற்றியும், புருவங்களை அசைத்தும் வாசிக்கிறார்.

மற்றொரு செய்தி வாசிப்பாளரின் குரலையும், முக அசைவையும் ஜாங் ஜோக்கு அளித்திருக்கிறார்கள். ஆங்கிலம், சீன என இரு மொழிகளில் செயற்கையான செய்தி வாசிப்பாளர்கள் பேசுகின்றனர். சீன மொழி செய்தி வாசிப்பாளருக்கு கிவ் ஹோ எனப் பெயரிடப்பட்டுள்ளது.

இந்த செயற்கை செய்தி வாசிப்பாளர் தொழில்நுட்பம் வெறும் தொலைக்காட்சிகளுக்கு மட்டுமில்லை என்று கூறும் சோகா நிறுவனம், வரும் நாள்களில் குழந்தைகளுக்கு கதை சொல்லும் பெற்றோர்களாக இவர்களை உருவாக்குவோம் என்றும் தெரிவித்துள்ளது.

இந்த செயற்கை செய்திவாசிப்பாளர்கள் 24 மணி நேரமும் களைப்படையாமல் பணியாற்றுவார்கள் என்று கூறும் ஜின்ஹுவா தொலைக்காட்சி, இதனால் தங்கள் நிறுவனத்துக்கு செலவு குறையும் என்கிறது. ஜாங் ஜோ, கிவ் ஹோ இருவரையும் சமூக வலைத்தளம், இணையதளம் ஆகியவற்றில் இடைவிடாமல் செய்தி வாசிக்கவும் இந்த தொலைக்காட்சி பயன்படுத்தி வருகிறது. பிழைஇல்லாமல் வாசிப்பதிலும், பிரேக்கிங் நியூஸ்களை உடனடியாக தெரியப்படுத்துவதிலும் இவர்கள் வல்லமை படைத்து வருவதாக ஒருபுறம் பாராட்டுகள் குவிந்தாலும், மனிதர்களின் நுணுக்கமான அசைவுகள் இல்லாத காரணத்தால், இந்த செயற்கையான செய்திவாசிப்பாளர்களை தொடர்ந்து பார்க்க முடியவில்லை என்றும் பார்வையாளர்கள் சிலர் கருத்து தெரிவிக்கின்றனர்.

]]>
http://images.dinamani.com/uploads/user/imagelibrary/2018/11/21/w600X390/im11.jpg http://www.dinamani.com/weekly-supplements/ilaignarmani/2018/nov/20/ரோபோ-செய்தி-வாசிப்பாளர்-3043021.html
3043022 வார இதழ்கள் இளைஞர்மணி இணைய வெளியினிலே... DIN DIN Tuesday, November 20, 2018 12:00 AM +0530  

உதிக்கும்போதும் மறையும்போதும் ரசிக்கும் உலகம்...
உச்சிக்கு வந்தால் திட்டித் தீர்க்கும்...
சூரியனை மட்டுமல்ல, மனிதனையும்.

- ஜானகி ராஜன்


தோற்றாலும் நம்பிக்கையோடு இரு.
ஆனால்... யாரையும் நம்பி தோற்றுவிடாதே...
அதன் வலி மரணத்தை விட கொடியது.

- திருப்பதி ராஜா


கோபம் வரும்போது வாயை மூடிக்கொள்.
குழப்பம் வரும்போது கண்களை மூடிக்கொள்.
தோல்வி வரும்போது காதுகளை மூடிக் கொள்.
வெற்றி வரும்போது மனதை மூடிக்கொள்.

- ஜெயபிரகாஷ்


ஒவ்வோர் ஆண்டும் புதிதாகச் செய்து  இழுத்து வருகிற பூரி ஜெகன்னாதர் ரதம் போல...
தினமும்  புதுக்கவலைகள் இழுத்துப் போகிறது வாழ்வை.

- டிகே கலாப்ரியா


சுட்டுரையிலிருந்து...

நோக்கத்தை முன்னிறுத்தினால்...
அது பணி.
நம்மை முன்னிறுத்தினால்...
அது  பதவி

- அனாமிகா

நெருக்கமாப்  பழகுறவங்களக் கண்டுக்காம... 
தெனாவட்டா  பேசறவங்களையே தேடிப் போய் பேசுறாங்க... 
பலர்.

- செந்தமிழ்நாட்டு தமிழச்சி


கோபத்துல செல்போனை மெத்தை மீது தூக்கி போடுற மாதிரியான மொமண்ட்... போய் மெத்தை மேல சரியா விழும் வரை ஒரு பதட்டமாவே இருக்கும்.


- காற்றின் மொழி சேட்டு


தினசரி வாழ்க்கையைக் கடக்க நிறையப் புன்னகையும், சில கண்ணீர்த் துளிகளும் தேவைப்படுகின்றன.

- குட்டிமா

வலைதளத்திலிருந்து...

இந்த ஆண்டு (2018)  இயற்பியலுக்கான  நோபல் பரிசை அமெரிக்காவைச் சேர்ந்த "ஆர்தர் ஆஸ்கின்' என்பவர் பெற்றிருக்கிறார். இவரின் வயது 96. 

அமெரிக்க நாட்டைச் சேர்ந்த இவர்,  "ஆப்டிகல் டிவீசர்ஸ்' எனப்படும் லேசர் தொழில்நுட்பத்தில் நிகழ்த்திய கண்டுபிடிப்புக்காக நோபல் பரிசு பெறுகிறார். பரிசுத் தொகையான 6.5 கோடி ரூபாயில் (மூன்று பேருக்குப் பகிர்ந்தளிக்கப்படுகிறது) 50 சதவிகிதத்தை இவர் பெறுகிறார். 

சதம் அடிக்க நான்கே ஆண்டுகள் உள்ள நிலையில், இப்படியொரு பரிசைப் பெற்று உலகோரை வியப்பில் ஆழ்த்தியிருக்கிறார் இந்தக் கிழவர். ஆனால், இதை அவர் ஒரு பொருட்டாக மதிக்கவில்லையாம்.

கிழவர் அப்படியென்ன செய்துவிட்டார்?   

"சிறிய பாகங்களைப் பிடித்துக்கொள்வதற்காக ஒரு இடுக்கி (ட்வீஸர்) பயன் படுத்தப்படுவதை,  நாமெல்லாம்  வாட்ச் ரிப்பேர்,   மொபைல் போன் ரிப்பேர் கடைகளுக்குச் சென்றிருந்தால் பார்த்திருப்போம் இல்லையா? அதுபோல நானோ, மைக்ரோ துகள்களில் நடைபெறும் அணு ஆராய்ச்சிகளில் கண்களுக்கே புலப்படாத ஒன்றைப் பற்றிப் பிடித்துக்கொள்ள ஓர் உபகரணம் வேண்டுமென்பதை உணர்ந்து இவர் தொடங்கிய ஆராய்ச்சிதான் "ஆப்டிகல் ட்வீஸர்'. லேசர்  உயர் ஒளிக்கற்றைகளைச் செலுத்தி அவை தரும் அழுத்தத்தின்மூலம் பிடித்துக்கொள்ளும் நுட்பத்தைக் கண்டுபிடித்ததுதான் இவரது சாதனை. குறிப்பாக, தற்போது "லேசர்' மூலம் செய்யப்படும் கண் அறுவைச் சிகிச்சையின் போது பேருதவி புரியும் என்று மருத்துவத்துறை மகிழ்கிறது.

அமெரிக்காவின் பெல் ஆராய்ச்சி மையத்தில் மூத்த விஞ்ஞானியாக இருக்கும் இவர், இயற்பியலின் ஒளியியல்துறையில் மிகப்பெரிய சாதனைபுரிந்து, 96 வயதில் (இவர்தான் உலகிலேயே இதுவரை "நோபல்' பெற்றிருப்பவர்களில் மூத்த வயதுடையவர்) 2018ஆம் ஆண்டுக்கான பரிசினை (மூன்றிலொருவராகப்) பெற்றிருக்கிறார்.  

https://kadavulinkadavul.blogspot.com

]]>
http://images.dinamani.com/uploads/user/imagelibrary/2018/11/21/w600X390/im12.jpg http://www.dinamani.com/weekly-supplements/ilaignarmani/2018/nov/20/இணைய-வெளியினிலே-3043022.html
3036160 வார இதழ்கள் இளைஞர்மணி நீ... நான்... நிஜம்! -44 சுகி. சிவம் DIN Tuesday, November 13, 2018 10:00 AM +0530 என்னைச் சந்திக்கும்  பலரும் அடிக்கடி   சொல்லி  வருத்தப்படும்  விஷயம் ஒன்று உண்டு.  அது இதுதான். 

""நானும்  என்ன என்னவோ பண்ணிப் பார்க்கிறேன். என் வாழ்க்கையில்  அரை அங்குலம் கூட முன்னேற்றம்  வரல சார்.  எனக்கு மட்டும்  ஒண்ணுமே நடக்க மாட்டேங்குது  சார்''  என்று புலம்புவார்கள்.  ""அப்படி என்ன பண்ணினீர்கள்?'' என்று எதிர்க்கேள்வி  கேட்டால்,   பல பேர்  மோன நிலைக்குப் போய்விடுவார்கள்.  சிலர் நமக்கு ஆறுதலாகப் பேச மாட்டேன்  என்கிறானே.. இவன்  என்று எரிச்சலுடன்  என்னை எரிக்கும் வகையில்  பார்ப்பார்கள். 

ஒருசிலர்  மட்டுமே என் கேள்வியின்  கனம் உணர்ந்து,  ""யோகா  செய்கிறேன். மூச்சுப் பயிற்சியும்  கூட... சுய முன்னேற்ற  புத்தகங்கள் படிக்கிறேன். வெற்றியாளர்கள் வாழ்க்கை வரலாறு படிக்கிறேன். எங்கு, யார் சுயமுன்னேற்றப் பயிற்சி  அரங்குகள் நடத்தினாலும்  பணம் கட்டி முதல் ஆளாகப் போய் பயிற்சி  எடுக்கிறேன்.  ஸ்ரீஸ்ரீ ரவிசங்கர்,  சத்குரு ஜக்கி வாசுதேவ், மனவளக்கலை  யோகா  எதையும்  விடறதே இல்லை சார்''  என்று சூப்பர்  மார்க்கெட்டுகளில் தரும் கம்ப்யூட்டர் ஜெனரேட்டட் பில் மாதிரி நீளமான பட்டியல் வாசிப்பார்கள்.

இத்தனை செய்கிறவர்கள் ஒன்றே ஒன்று செய்வதில்லை.  தான் வாழ்வில் செய்கிற தவறுகள் என்ன என்பதைத் தீர்க்கமாக  ஆராய்ந்து ஒப்புக் கொள்வதில்லை. தவறுகளை ஒப்புக் கொள்ளும்போது கூட  அவசர அவசரமாக மேலோட்டமாக ஒப்புக் கொண்டு,  அது ஒரு பெரிய  விஷயமே இல்லை என்கிற தோரணையில் அதைவிடுங்கள் என்கிற அழுத்தம் கொடுத்தபடி பேசுகிறார்கள்.  இது சரியன்று.  உங்கள் வாழ்க்கையில் மிகப்பெரிய  மாற்றம் நிகழ வேண்டும் என்றால் நீங்கள் செய்ய வேண்டியது ஒன்றுதான். 

தயவு தாட்சண்யம்  இல்லாமல்,  ""இது என் தவறுதான் இதுதான் என் தவறு. இதன் வழியை யார் மீதாவது போட்டுத் தப்பிக்கிற முட்டாள்தனமும் என்னுடையது.  நான்தான் பிழை..குற்றம் குறை எனதே'' என்று  உறுதிபட உணர்ந்து கொண்டால் மட்டுமே உங்கள் வாழ்வில் மிகப்பெரிய மாற்றம் வரும். ஞானமடைந்து உச்சம்தொட்ட மகான்கள் வாழ்வைக் கூர்ந்து கவனியுங்கள். தங்கள் பிழையைத் தயக்கமே இன்றி, சமாதானங்கள் சொல்லாமல்  ஒப்புக் கொண்டிருப்பார்கள்.வாழ்வில் தலைகீழ் மாற்றம் நிகழ வேண்டுமானால், நாம் செய்ய வேண்டிய  ஒரே வேலை,  உடனடி வேலை. ""ஆம். இவை எல்லாம் என் பிழைகள்'' என்று  தீர்க்கமாக  உணர்வதுதான். அதிரடி மாற்றம் அப்போதுதான் சாத்தியமாகும். பிறரிடம் ஒப்புக் கொண்டு அவஸ்தைப்படுங்கள் அவமானப்படுங்கள் என்பது என் அறிவுரை அல்ல. உங்களிடமே  நீங்கள் உங்கள் தவறுகளை ஒப்புக் கொள்ள மறுப்பதால்தான் முன்னேற்றம்  தடைப்படுகிறது.

சீதாபிராட்டியை  இராவணன்  தூக்கிக் கொண்டு போன செய்தியை   ஜடாயு மூலம் அறிந்ததும் இராம, இலட்சுமணர்களுக்கு  அப்படி ஒரு கோபம் வருகிறது. ""கோதண்டம்  கொண்டு  மூதண்டம்  அளிப்பேன்''  என்று இராமர் வில் வளைக்கிறார். கிழட்டு ஜடாயு இராம பாணத்தை விட கூர்மையான வார்த்தைகளால் இராமனை வைகிறார். ""முட்டாள்தனமாக நடந்து கொண்டவர்கள் நீங்கள். காட்டில் ஒரு பெண்ணைத் தனியாக விட்டுவிட்டு மான்பின்னால் போகிற செயல் அறிவுடைமையா? பிழை செய்தவர்கள் நீங்கள். இப்போது  உலகையே  அழிப்பேன் என்று வில்லை எடுக்கிறீர்களே. வெட்கமாக இல்லையா உங்களுக்கு?'' என்று அவமானப்படுத்தி  ஏசுகிறார் ஜடாயு. கம்பன் பாடல் தருகிறேன் "கொம்பிழை மானின் பின் போய் குலப்பழி கூட்டிக் கொண்டீர். உம்பிழை என்பதல்லால் உலகம் செய் பிழையும் உண்டோ' என்று வில்லால் கொல்ல நினைத்தவனை, சொல்லால் கொல்கிறார் ஜடாயு. இராம, இலட்சுமணர்  தங்கள் தவறுணர்ந்து வில்லைக் கீழே போட்டு திருத்திக் கொள்கின்றார்கள். 

எல்லாரும்  தங்கள் தோல்விகட்கு உலகத்தை,  பிரபஞ்சத்சை, கடவுளைக் குறை கூறுகிறார்கள். தங்கள்  பிழை என்று உள்முகப் பார்வை  பார்த்தால்  உண்மை புரியும்.பிரபஞ்சத்தின் மையம் நீதான். அதன் பிழையே பிரபஞ்சம் முழுமையிலும் எதிரொலிக்கிறது. “THE SECRET' என்றொரு புத்தகம் பரபரப்பாகப்  பேசப்பட்டது. உங்கள் மையத்திற்கேற்பவே உங்கள் உலகம் கட்டமைக்கப்படுகிறது என்பதை அந்தப் புத்தகம்  அழுத்தமாகப் பேசியது. ஒரு HOMO SEXUAL நபர் தெருவில் இறங்கிய மறுகணமே அவனை விரும்பும், அல்லது வெறுக்கும் நபர்களின் வட்டம் உருவாகிவிடுகிறது. அவனுக்கான அவமதிப்புகள் கட்டமைக்கப்படுகின்றன. அவமானங்கள் வட்டம் சுற்றித் தொடங்கிவிடுகின்றன.  ஒவ்வொருவரும் அவரவருக்கான  உலகத்தை  அவர் அவரே  கட்டமைக்கிறார் என்கிற  பிரபஞ்ச  இரகசியம் பலருக்கும் இன்னும் புரிபடவில்லை.

ஒவ்வொரு  பிரச்சனையிலும் பிறர்  என்ன  செய்திருக்கலாம். எப்படி நடந்து கொண்டிருந்திருக்கலாம் என்பதைப் பற்றி விஸ்தாரமாகப் பட்டியல்  போடும் நாம்,  நாம் எப்படி நடந்து  கொண்டிருந்திருக்கலாம்  என்பதைப் பற்றி யோசிப்பதே  இல்லை.  

தன் பிழை  உணர்தலே  முன்னேற்றத்தின் தலையாய விதி  என்கிறேன். பிறர்தான் குறையானவர்கள், குற்றவாளிகள்  என்கிற நம் மனப்போக்கை விளக்க  தென்கச்சி  சாமிநாதன்  ஒரு  கதை   சொல்லுவார்.   தன் மனைவிக்குக் காது கேட்காது  என்று ஒருவருக்கு  எண்ணம்.  அதை மனைவிக்குப் புரிய வைக்க முடிவு செய்தார்.  

வாசலில் நின்றபடி, "" இன்று  என்ன சமையல்?'' என்று கேட்டார்.  சப்தமில்லை. ஹாலில் வந்து கேட்டார். அதற்கும் பதில் வந்த மாதிரி தெரியவில்லை. சமையல் அறைக்கே வந்து சத்தமாக, ""இன்று என்ன சமையல்?'' என்று கத்தினார். ""முருங்கைக்காய்  சாம்பார். முட்டைக் கோஸ் பொரியல்னு மூணு தடவை  சொன்னேனே... காதில  வாங்காம மறுபடி மறுபடி கேட்டா நான் என்ன பண்றது''  என்றாராம்  மனைவி.

இன்னொரு கதை சொல்கிறேன்.  உண்மைச் சம்பவங்களைச் சொன்னால் பலருக்கும் "சுருக்'கென்று  தைப்பதால் என் மீது  கடுங்கோபம்  வருகிறது. அதனால்  கதைகளாகச் சொல்லி  காயப்படுத்தாமல் நல்லது செய்ய முடியுமா? என்று பார்க்கிறேன்.  ஓர் அரசர் தன் பிறந்தநாளன்று  சிறைக் கைதிகளைச் சந்தித்து  உணவளிக்கப் போனார்.  ஒரு கைதி, ""ஐயா  நான் நல்லவன் திருடவே இல்லை. காவலர்கள்  என்னைக்  கைது செய்திருக்கிறார்கள்'' என்று  புகார்   சொன்னான். 

இன்னொரு கைதியோ ""என்னைக் கொலைக் குற்றம் சாட்டி உள்ளே வைத்துள்ளார்கள்.  நான் ஈ  எறும்புக்குக் கூட  தீங்கு   செய்யாதவன்''  என்றான். இன்னொருவனோ, ""மன்னா என்னைப் பார்த்தால் கற்பழிக்கிற பாவி மாதிரியா தெரிகிறது. நான் மகா உத்தமன்'' என்று நல்லவன் மாதிரி முகத்தைக் காட்டினான்.  ஒரே ஒருவன், ""அரசே  நானும்  இவர்கள் மாதிரிதான் சொல்லிக் கொண்டிருந்தேன். ஆனால்  சிறிது நாட்களாக தீர்க்கமாக யோசித்தேன்.  நான்  வாழ்வில்  தவறுகள்  செய்த  அயோக்கியன். கைதான தண்டனை  சரிதான்'' என்று கை கூப்பி நின்றான். 

அரசர் மந்திரியை  அழைத்து,  ""இந்த அயோக்கியனை உடனே வெளியே அனுப்புங்கள். கெட்டவன். பாவி. மற்ற இவர்கள் எல்லாம் எவ்வளவு நல்லவர்கள். இந்த மோசமானவன் இங்கிருந்தால்  மற்ற  நல்லவர்களை எல்லாம் கெடுத்து விடுவான். இனி ஒரு கணம் இவன் இங்கே இருக்கக் கூடாது'' என்று உத்தரவிட்டார். இதுதான் தலைகீழ் மாற்றம் என்கிறேன். நாம் நமது தவறுகளையும் பிழைகளையும் சமாளித்து சமாதானம் சொல்லுவதை விட்டுவிட்டு  ஒப்புக் கொள்ளும் அந்த கணத்தில்  பிரபஞ்சம்  நம்மைச் சிக்கலில்  இருந்து  விடுவிக்கிறது.   இது புரிந்தால்  முன்னேற்றம்  சாத்தியம்.

"ஏதிலார்  குற்றம்  போல்  தம்குற்றம்  காணின்'  என்கிறார்  வள்ளுவர்.  எப்படி எல்லாம் உலகில் மக்கள் இருக்கிறார்கள் தெரியுமா? ஒருவருடைய தவறுகளைச் சுட்டிக்காட்ட வேண்டிய  கட்டாயம்,  குடும்ப நன்மை,  அலுவலக நிர்வாகம்  காரணமாக  ஏற்பட்டு  சுட்டிக் காட்டினால்,   சுட்டிக்காட்டியவர் மீது குற்றங் குறைகளைக் கண்டுபிடித்து,  கதை புனைந்து,  அவதூறு  பரப்பவும் பலர் தயாராகி விட்டார்கள்.  

அஞ்ஞானிக்கும் ஞானிக்கும் இருக்கிற  மிகப் பெரிய  வேறுபாடு  இதுதான். அஞ்ஞானி அடுத்தவர்  பிழைகளைப்  பட்டியல்  போடுகிறான்.  ஞானியோ தன் குறைகளைப் பட்டியல்  போடுகிறான். தன்பிழை இன்னது என்று துல்லியமாகக் கண்டறிந்து விட்டால் அவனது முன்னேற்றத்தை கடவுளாலும் தடுக்க முடியாது. 

(தொடரும்)

]]>
http://images.dinamani.com/uploads/user/imagelibrary/2018/10/30/w600X390/im4.jpg http://www.dinamani.com/weekly-supplements/ilaignarmani/2018/nov/13/நீ-நான்-நிஜம்--44-3036160.html
3036161 வார இதழ்கள் இளைஞர்மணி வேலை... வேலை... வேலை... இரா. வெங்கடேசன் DIN Tuesday, November 13, 2018 10:00 AM +0530
மேற்கு ரயில்வேயில் வேலை

பணி: Level 4/5  

காலியிடங்கள்: ஹாக்கி (ஆண்)- 2, ஹாக்கி (பெண்)-2, கூடைப்பந்து (பெண்)-1 
தகுதி: ஏதாவது ஒரு துறையில் பட்டம் பெற்றிருக்க வேண்டும். 
பணி: கங்ஸ்ங்ப் 2/3:  
காலியிடங்கள்: ஹாக்கி (ஆண்)-1, ஹாக்கி (பெண்)-2, கூடைப்பந்து (ஆண்)-2, கூடைப்பந்து (பெண்)-2, கைப்பந்து (ஆண்)-1, கைப்பந்து (பெண்)-2, பளு தூக்குதல் (ஆண்)-2, பவர் லிப்டிங் (ஆண்)-2, ஹேண்ட் பால் (ஆண்)-2. 
தகுதி: பிளஸ் டூ தேர்ச்சி பெற்றிருக்க வேண்டும்.   சம்பந்தப்பட்ட விளையாட்டில் ஒலிம்பிக்கிலோ, தேசிய அளவிலோ, மாநில அளவிலோ, ஆசிய அளவிலோ அணியில் இடம் பெற்றிருக்க வேண்டும். 
வயது வரம்பு: 1.1.2019 தேதியின்படி 18 வயதிலிருந்து 25 வயதிற்குள் இருக்க வேண்டும். 
விண்ணப்பக் கட்டணம்: பொது மற்றும் ஓபிசியினருக்கு ரூ.500. மற்ற அனைத்து பிரிவினருக்கும் ரூ.250  
மேலும் முழுமையான விவரங்கள் அறிய :  https://www.rrc-wr.com/PDF%20Files/Sports_Notification_18_19.pdf  என்ற லிங்கில் சென்று தெரிந்துகொள்ளவும்.  
ஆன்லைனில் விண்ணப்பிக்க கடைசி நாள்: 15.11.2018. 


மத்திய அரசுத் துறைகளில் மொழிபெயர்ப்பாளர் வேலை

பதவி: Junior Translator in Central Secretariat Official Language Service (CSOLS)
பதவி: Junior Translator in M/o Railways (Railway Board)
பதவி: Junior Translator in Armed Forces Headquarters (AFHQ)
பதவி: Junior Translator/Junior Hindi Translator in subordinate offices who have adopted Model RRs of DoP&T for JT/JHT
பதவி: Senior Hindi Translator in various Central Government Ministries/ Departments/Offices
பதவி: Junior Translator/Junior Hindi Translator in subordinate offices who have not yet adopted Model RRs of DoP&T for JT/JHT
பதவி: Hindi Pradhyapak in Central Hindi Training Institute (CHTI)

வயதுவரம்பு: 01.01.2019  தேதியின்படி 30 வயதிற்குள் இருக்க வேண்டும். குறிப்பிட்ட பிரிவினர்களுக்கு வயது வரம்பில் விலக்கு உண்டு. 
தகுதி: மொழிசார்ந்த பாடங்களில் முதுகலைப் பட்டம், மொழிபெயர்ப்பு படிப்பில் டிப்ளமோ முடித்தவர்கள் மற்றும் பணி அனுபவம் பெற்றிருப்பவர்கள் விண்ணப்பிக்க தகுதியானவர்கள்.
கட்டணம்: பொது மற்றும் ஓபிசி பிரிவினருக்கு ரூ.100. எஸ்சி, எஸ்டி மற்றும் மாற்றுத்திறனாளிகள், பெண் விண்ணப்பத்தாரர்களுக்கு கட்டணம் விலக்கு அளிக்கப்பட்டுள்ளது. 
விண்ணப்பிக்கும் முறை: www.ssc.gov.in என்ற இணையதளத்தின் மூலம் ஆன்லைனில் விண்ணப்பிக்க வேண்டும்.
வங்கி வழியாக கட்டணம் செலுத்துவதற்கான கடைசித் தேதி: 26.11.2018
மேலும் முழுமையான விவரங்கள் அறிய: https://ssc.nic.in/SSCFileServer/PortalManagement/UploadedFiles/notice_jht2018_22102018.pdf என்ற லிங்கில் சென்று தெரிந்துகொள்ளவும்.
ஆன்லைனில் விண்ணப்பிப்பதற்கான கடைசித் தேதி: 19.11.2018 


மத்திய அரசு துறைகளில் ஸ்டெனோகிராபர் வேலை 

பதவி: Stenographer Grade "C' & "D' Examination 
தகுதி: பிளஸ் டூ அல்லது அதற்கு நிகரான படிப்பில் தேர்ச்சி பெற்றிருக்க வேண்டும். அத்துடன் ஹிந்தி அல்லது ஆங்கில மொழிகளில் தட்டச்சு பயிற்சியும் பெற்றிருக்க வேண்டும். "கிரேடு -டி' பணிகளுக்கு நிமிடத்திற்கு 80 வார்த்தைகளும், "கிரேடு-சி' பணிகளுக்கு நிமிடத்திற்கு 100 வார்த்தைகளும் சுருக்கெழுத்தில் குறிப்பெடுத்து அதை குறித்த நேரத்தில் தட்டச்சு செய்யும் திறன் பெற்றிருக்க வேண்டும். 
வயது வரம்பு: 1.1.2018 தேதியின்படி 18 வயது பூர்த்தி அடைந்தவராகவும் 27 வயதிற்கு உட்பட்டவராகவும் இருக்க வேண்டும். "கிரேடு-சி' பணிக்கு  30 வயதிற்குள் இருப்பவர்கள் விண்ணப்பிக்க தகுதியானவர்கள். இட ஒதுக்கீடு பிரிவினருக்கு அரசு விதிகளின்படி வயது வரம்பில் தளர்வுகள் வழங்கப்படும்.
தேர்வு செய்யப்படும் முறை: எழுத்து தேர்வு  மற்றும் தட்டச்சு சுருக்கெழுத்து திறன் தேர்வு, சான்றிதழ்கள் சரிபார்க்கப்பட்டு  மதிப்பெண்களின் தரவரிசை பட்டியல் ஆகியவற்றின் அடிப்படையில் தகுதியானவர்கள் பணிக்கு தேர்வு செய்யப்படுவார்கள்.
கட்டணம்: ரூ.100 கட்டணமாக செலுத்த வேண்டும். எஸ்.சி, எஸ்.டி மற்றும் மாற்றுத்திறனாளிகள், முன்னாள் படைவீரர்கள் மற்றும் அனைத்துப் பிரிவுவைச் சேர்ந்த பெண் விண்ணப்பதாரர்களுக்கு கட்டணம் விலக்கு அளிக்கப்பட்டுள்ளது. 
வங்கி மூலம் கட்டணம் செலுத்துவதற்கான கடைசித் தேதி: 21.11.2018
விண்ணப்பிக்கும் முறை: https://ssc.nic.in என்ற இணையதளத்தின் மூலம் ஆன்லைனில் மட்டுமே விண்ணப்பிக்க முடியும். தமிழக விண்ணப்பதாரர்கள் www.sscsr.gov.in என்ற இணையதளத்தில் சென்று தேர்வு மையங்கள் போன்ற விவரங்களைத் தெரிந்துகொள்ளவும். 

கணினி எழுத்துத்தேர்வு நடைபெறும் நாள்: 6.2.2019

மேலும் முழுமையான விவரங்கள் அறிய: https://ssc.nic.in/SSCFileServer/PortalManagement/UploadedFiles/notice_steno2018_22102018.pdf என்ற லிங்கில் சென்று தெரிந்துகொள்ளவும். 
விண்ணப்பிப்பதற்கான கடைசித் தேதி: 19.11.2018


தமிழ்நாடு ஊரக வளர்ச்சித் துறையில் வேலை 

மொத்த காலியிடங்கள்: 175
பதவி: Assistant Director of Horticulture - 74

தகுதி: தோட்டக்கலைத் துறையில் எம்.எஸ்சி முடித்திருக்க வேண்டும்.
பதவி: Horticultural Officer - 101

தோட்டக்கலைத் துறையில் பி.எஸ்சி முடித்திருக்க வேண்டும். 
வயதுவரம்பு: 01.07.2018 தேதியின்படி 30 வயதிற்குள் இருக்க வேண்டும். அரசு விதிகளின்படி இட ஒதுக்கீடு பிரிவினருக்கு வயதுவரம்பில் தளர்வு வழங்கப்படும்.
கட்டணம்: தேர்வுக் கட்டணமாக ரூ.200 மற்றும் விண்ணப்ப பதிவு கட்டணமாக ரூ.150 செலுத்த வேண்டும். கட்டணத்தை ஆன்லைன் மற்றும் வங்கிகள் மூலமாவும் செலுத்தலாம். எஸ்.சி, எஸ்டி, மாற்றுத்திறனாளிகளுக்கு கட்டணம் செலுத்துவதில் விலக்கு அளிக்கப்பட்டுள்ளது. ஒன்டைம் பதிவுக்கட்டணம் என்ற முறையில் விண்ணப்பிப்பவர்கள் தேர்வுக் கட்டணம் மட்டும் செலுத்தினால் போதுமானது. 
தேர்வு கட்டணம் செலுத்துவதற்கான கடைசித் தேதி: 23.11.2018
தேர்வு செய்யப்படும் முறை: எழுத்துத் தேர்வு மற்றும் நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை:www.tnpsc.gov.in / www.tnpscexams.net / www.tnpscexams.in  ஆகிய இணையதளத்தில் ஆன்லைனில் விண்ணப்பிக்க வேண்டும். 
மேலும் முழுமையான விவரங்கள் அறிய: http://www.tnpsc.gov.in/notifications/2018_29_notyfn_adhho.pdf  என்ற லிங்கில் சென்று தெரிந்துகொள்ளவும். 
விண்ணப்பிப்பதற்கான கடைசித் தேதி: 21.11.2018


தமிழக கூட்டுறவு சங்கங்கள் மற்றும் கூட்டுறவு துறையில் இளநிலை ஆய்வாளர் வேலை

மொத்த காலியிடங்கள்: 30
பதவி: இளநிலை ஆய்வாளர் 
தகுதி: பத்தாம் வகுப்பு மற்றும் பிளஸ் டூ தேர்ச்சி பெற்றிருந்தால் போதுமானது. 
வயது வரம்பு: 01.07.2018 தேதியின்படி 18 வயதிலிருந்து 45 வயதிற்குள் இருக்க வேண்டும். அரசு விதிகளின்படி இட ஒதுக்கீடு பிரிவினருக்கு வயதுவரம்பில் தளர்வு வழங்கப்படும்.
சம்பளம்: மாதம் ரூ.20,600 - ரூ.65,500
விண்ணப்பிக்கும் முறை: www.tnpsc.gov.in / www.tnpscexams.net / www.tnpscexams.in ஆகிய இணையதளத்தின் மூலம் ஆன்லைனில் விண்ணப்பிக்க வேண்டும். 
தேர்வு செய்யப்படும் முறை: எழுத்துத் தேர்வு மற்றும் நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவார்கள். 
எழுத்துத் தேர்வு நடைபெறும் தேதி: 27.01.2019 
கட்டணம்: தேர்வுக் கட்டணமாக ரூ.150 மற்றும் விண்ணப்ப பதிவு கட்டணமாக ரூ.150 செலுத்த வேண்டும்.   எஸ்.சி, எஸ்டி, மாற்றுத்திறனாளிகளுக்கு கட்டணம் செலுத்துவதில் விலக்கு அளிக்கப்பட்டுள்ளது.  
மேலும் முழுமையான விவரங்கள் அறிய: http://www.tnpsc.gov.in/notifications/2018_28_notyfn_JICS.pdf என்ற லிங்கில் சென்று தெரிந்துகொள்ளவும்.
விண்ணப்பிப்பதற்கான கடைசித் தேதி: 21.11.2018

]]>
http://images.dinamani.com/uploads/user/imagelibrary/2018/11/10/w600X390/im8.jpg http://www.dinamani.com/weekly-supplements/ilaignarmani/2018/nov/13/வேலை-வேலை-வேலை-3036161.html
3036166 வார இதழ்கள் இளைஞர்மணி இணைய வெளியினிலே... DIN DIN Tuesday, November 13, 2018 10:00 AM +0530
முக நூலிலிருந்து....


புல்வெளியில் நிழல் பரப்பும் மரவெளியும், 
இளவெயிலும், பேரழகு.

- சுந்தரபுத்தன் நடராஜன்


உலகில் இரு வகை கதைகளே உள்ளன. 

1. கதை
2. சுட்டகதை!

- நேசமிகு ராஜகுமாரன்


சிலரிடம்   பேசி   என்ன  ஆகப்போகிறதென்று
சிலரிடம்   பேசுவதில்லை...
சிலரைப்  பார்த்து  என்ன  ஆகப்போகிறதென்று
சிலரைப்  பார்ப்பதில்லை...
அப்படி    சில   நேரங்களில்
வாழ்ந்து  என்ன  ஆகப்போகிறதென்று...
தோன்றிவிடுவதும்  உண்டு.

- ரெவித்தம்பி பொன்னன்

 

நாம் மெழுகுவர்த்தியைச் சுமக்கிறோம்... 
உலகம் வெளிச்சத்தைச் சுமக்கிறது.

- டிகே கலாப்ரியா


நிஜத்தில் சொல்லும் பொய்யைக் கூட கண்டுபிடித்து விடலாம்.
புனைவில் மனிதன் சொல்லும் பொய்யைக் கடவுளாலும் 
கண்டு பிடிக்க முடியாது !

- பாதசாரி விஸ்வநாதன்

 

சுட்டுரையிலிருந்து...

பேசிக் கொண்டே இருப்பவர்களுக்கு...
கேட்கக் கூடிய பொறுமை இருக்காது.

- சப்பாணி


கஷ்டப்பட்டு முன்னேறி ஒரு நல்ல இடத்துக்கு வந்தவனால மட்டும் தான்...
அதே இடத்துக்கு இன்னொருத்தரைக் கஷ்டப்படாம கொண்டு வர முடியும்.
ஆனா, அவங்களுக்கு அந்த இடத்தை கையாளவும் தெரியல; கடைப்பிடிக்கவும் முடியலை.

- விருச்சிகன்

சோகம் என்னும்  பறவைகள் உங்கள் தலைக்கு  மேல் பறப்பதை உங்களால் தடுக்க இயலாது...
ஆனால், அவை உங்கள் தலையிலே கூடுகட்டி வாழ்வதை...
உங்களால் தடுக்க இயலும். 

- எலிசை வேலன்

வீணாக்கும் உணவுகளை   உள்ளே போட்டால், அதன் பெயர் தொப்பை. 
வீணான உணவுகளை  வெளியே போட்டால்,  அதன் பெயர் குப்பை.

- ச.மணி


வலைதளத்திலிருந்து...

ஒரு இலக்கியக் கூட்டத்தில் என்ன நடக்கிறது?  பிரபலங்கள் கலந்து கொண்டிருக்கிறார்களே என்ற ஆவலுடன் "யு ட்யூப்' புண்ணியத்தில்  பார்த்து கேட்டு...  ரொம்பவும் தெளிவடைந்திருக்கிறேன்.
அதாகப்பட்டது...
பேசும் போது... யாரைப் பற்றிப் பேச வேண்டும்,  எதைப் பற்றிப் பேச வேண்டும் என்பதை எல்லாம் பற்றிக் கவலைப்பட வேண்டியதில்லை.  
சும்மா "மாங்கு மாங்கு'னு நோட்ஸ் எல்லாம்  எடுத்து அதில் எது முக்கியமானது இந்தப் பாயிண்டை சொல்லணுமா வேண்டாமான்னு  எதுவும் யோசிக்க வேண்டியதில்லை...
கையில மைக்கை வாங்கினோமா...  உடனே  தன் சுய பிரதாபங்களை 
அளந்துவிட வேண்டும். 
அப்புறம் ஓர் ஏழெட்டு வெளி நாட்டு எழுத்தாளர்களின்  பெயர்களையும் அவர்கள் எழுதிய புத்தகங்கள்/கவிதைகள்/  கதைகள்... என்று பெயர்களை சொல்லிக் கொண்டே  இருக்க வேண்டும். 
அதிலும் குறிப்பாக... ஜனரஞ்சகமான... வாசகர்கள்  வாசித்திருக்கும் எதைப் பற்றியும் மறந்தும் கூட உச்சரிக்க கூடாது... முடிந்தால்...  யாருமே அறியாத... ஒருவர் பெயரைச் சொல்லி  கூட்டத்தில் இருப்பவர்கள் அனைவரும்  புருவம் நெரிக்க, "இவர் குறிப்பிடுவது யாராக  இருக்க முடியும்' என்று யோசித்துக்கொண்டிருக்க...
தொடர்ந்து பேச வேண்டும்.  ஒரு வழியாக சுயபிரதாபம் முடியும் போது,  விருப்பமிருந்தால் எதைப் பற்றி பேச வந்தோமோ, அதைப் பற்றி இரண்டு 
வார்த்தை சொல்லி... அடேங்கப்பா... 
என்னைப் போன்றவர்கள் பிரபலங்களிடமிருந்து   கற்றுக் கொள்ள இன்னும் நிறைய இருக்கின்றன.

http://puthiyamaadhavi.blogspot.com

]]>
http://images.dinamani.com/uploads/user/imagelibrary/2018/11/10/w600X390/im10.jpg http://www.dinamani.com/weekly-supplements/ilaignarmani/2018/nov/13/இணைய-வெளியினிலே-3036166.html
3036167 வார இதழ்கள் இளைஞர்மணி சரியான பார்வை... சரியான வழி...  சரியான செயல்! - 20  - தா.நெடுஞ்செழியன் DIN Tuesday, November 13, 2018 10:00 AM +0530
ஊட்டியிலிருந்து 6 கிமீ  தொலைவில் உள்ள லவ்டேல் என்ற இடத்தில்  "லாரன்ஸ் மிலிட்டரி அûஸலம்ஸ்' (The Lawrence Military Asylums)  என்ற தங்குமிடப் பள்ளி மேஜர் ஜெனரல் சர் ஹென்றி லாரன்ஸ் என்பவர் நினைவாகத் தொடங்கப்பட்டது.  அவர்  விக்டோரியா அரசியின் லெப்டினன்ட் கர்னலாக வேலை பார்த்தவர். "ஒட்டச்சாமன் அûஸலம் ஃபார் ஆர்பன்ஸ்' என்ற பெயரில்   பிரிட்டிஷ் ராணுவ வீரர்களின் இந்திய குழந்தைகளுக்காக இந்தப் பள்ளி தொடங்கப்பட்டது. 

1856 ஆம் ஆண்டு  சர் ஹென்றி லாரன்ஸ் ரூ.5000  நன்கொடை கொடுத்து இந்த அனாதைக் காப்பகம் லவ்டேல் என்ற  இடத்தில்  தொடங்கப்பட்டது.  சர் ஹென்றி லாரன்ஸ் ஒவ்வோராண்டும் ரூ.1000 நன்கொடையாகக் கொடுத்துவந்தார்.  1859 ஆண்டு பிஷப் டீல்ட்ரி என்பவரால்  ரூ.22, 600 ரூபாய்க்கு "ஸ்டோன் ஹவுஸ்' -  என்ற கட்டடம் வாங்கப்பட்டு,  இந்தப் பள்ளி நடத்தப்பட்டது.  ஸ்டோன் ஹவுஸ்  என்பது 130 அடி  உயரமுள்ள இத்தாலிக் கோதிக் ஸ்டைலில் உள்ள அடர்ந்த காடுகளிடையே உள்ள கட்டடம் ஆகும்.  1913 முதல் இந்தப் பள்ளி   Maj Gen Sir Henry Lawrence Memorial School  என்ற பெயரில் இயங்கி வருகிறது.  

இந்தப் பள்ளி பிரிட்டிஷ் நிர்வாகத்தின் கீழ் 1949 வரை இருந்தது.     1949 செப்டம்பர் மாதம்  6 ஆம்தேதியிலிருந்து இந்திய அரசிடம் ஒப்படைக்கப்பட்டது. இந்திய அரசின்  மனித வள மேம்பாட்டுத்துறை அமைச்சகத்தின் கீழ்  செயல்படுகிறது. 

இது பொதுப்பள்ளி. 40 சதவீதம்  குழந்தைகளுக்கு இட ஒதுக்கீடு உள்ளது. 20 சதவீதம் கட்டண மானியம் இராணுவத்தினர் குழந்தைகளுக்குத் தரப்படுகிறது.  இந்தப் பள்ளியில்  இந்தியாவின் பலதரப்பட்ட மாணவர்களும், 20 சதவீதம் வெளிநாட்டு மாணவர்களும்  படிக்கிறார்கள்.     

இந்தப் பள்ளியின்  எண்ணற்ற மாணவர்கள் கல்வியின் வாயிலாக மிக உயர்ந்த நிலைக்குச் சென்றிருக்கிறார்கள்.  உதாரணமாக,  இந்தப் பள்ளியில் பயின்ற அருண் எம்  குமார் என்பவர் ஓடஙஎ என்ற நிறுவனத்தின் இந்திய தலைவராகவும், தலைமைச் செயல் அதிகாரியாகவும் உள்ளார்.

சி.விஜயகுமார்  என்பவர்  ஹெச்சிஎல் டெக்னாலஜிஸ் என்ற நிறுவனத்தின் தலைவராகவும், தலைமைச் செயல் அதிகாரியாகவும் உள்ளார். இந்தப் பள்ளியில் பயின்ற எண்ணற்ற மாணவர்கள் தொழிலதிபர்களாகவும்,  பல்வேறு அரசுத்துறைகளில் பணியாற்றும் சிறந்த நிர்வாகிகளாகவும் உள்ளனர்.

மிகவும் ரம்மியமான இயற்கைச் சூழ்நிலையில் மாணவர்கள் இயற்கையோடு இயைந்து படிக்கும் வண்ணம் மிகவும் அழகாக இந்தப் பள்ளி 710 ஏக்கர் பரப்பளவில் அமைந்துள்ளது.  

இதே போன்று 1858 ஆம் ஆண்டு தாமஸ் ஸ்டேன் என்பவர்  "ஸ்டேன்ஸ் ஆங்கிலோ இண்டியன்' என்ற பள்ளியைத் தொடங்கினார்.   கோவையிலிருந்து 80 கி.மீ. தொலைவில் உள்ள குன்னூரில் கடல் மட்டத்திலிருந்து 1858 உயரத்தில்   சிறியதாக இந்தப் பள்ளி தொடங்கப்பட்டது.   இது ஆண்- பெண் இருபாலாரும் சேர்ந்து படிக்கும்  பள்ளி.  இங்கே கல்விக்கு மட்டுமின்றி, விளையாட்டுக்கும் பிற போட்டிகளுக்கு முக்கியத்துவம் கொடுக்கப்படுகிறது.  கிறிஸ்தவர்கள் மட்டுமின்றி, எல்லா மதத்தைச் சேர்ந்தவர்களும், மலைவாழ் மக்களும், தேயிலை, காப்பித் தோட்டங்களில் பணிபுரியும் மக்களும் பயன்பெற வேண்டும் என்பதற்காக  இது  தொடங்கப்பட்டது.  மாணவர்கள் முழுமையான வளர்ச்சி பெற  வேண்டும் என்ற உயரிய நோக்கத்துடன் தொடங்கப்பட்ட இப்பள்ளி,    சுற்றுச் சூழலைப்  பாதுகாக்க வேண்டும் என்பதை  முக்கிய குறிக்கோளாகக் கொண்டுள்ளது. இந்தப் பள்ளியில் பயிலும் மாணவர்கள் கட்டாயமாக ஏதாவது ஓர் இசையைக்  கற்றுக் கொள்ள வேண்டும். இது  அன்று முதல் இன்றுவரை தொடர்கிறது.    வாழ்க்கையில் மேன்மேலும் மாணவர்கள் உயர வேண்டும்  என்ற உயரிய நோக்கத்துடன்,  கல்வி, விளையாட்டு, இசை, பிற செயல்பாடுகளின் மூலம் மாணவர்களின் திறமைகளை வளர்க்கும்விதமாக இப்பள்ளி செயல்படுகிறது. இந்தப் பள்ளியின் மிகச் சிறந்த முன்னாள் மாணவர்கள்,  ஐஏஎஸ் அதிகாரிகள் ஆகியோரைக் கொண்டு இதன் நிர்வாகம் மிகச் சிறந்த முறையில் இயங்கி வருகிறது.   நவீன ரோபாட்டிக்ஸ், கம்ப்யூட்டர் சயின்சில்  உள்ள நவீன கண்டுபிடிப்புகள் பற்றியும் இங்கே  கற்றுத் தரப்படுகிறது.  ஊட்டியில் இப்பள்ளி இப்போதும் சிறப்புடன் செயல்பட்டு விருகிறது.   

1899 ஆம் ஆண்டு  ஊட்டியில் ஹெப்ரான் ஸ்கூல் தொடங்கப்பட்டது. கிறிஸ்டியன் வொர்க்கராக இந்தியாவுக்கு செயல்பட வந்த ஒருவரால்  இந்த பள்ளி தோற்றுவிக்கப்பட்டது.  இந்தப் பள்ளியின்  10 சதவீதம் இடம்   வெல்லிங்டன் பகுதியில் பணிபுரியும் இராணுவப் பணியாளர்களுக்கு வழங்கப்படுகிறது. இது தொடக்கத்தில் பிரிட்டிஷ் பாடத்திட்டத்துடன் நடத்தப்பட்டது.  பொட்டானிகல் கார்டன் அருகில் 20 ஏக்கர் பரப்பளவில் மிக ரம்மியமான சூழ்நிலையில்,   கல்வி கற்பதற்கான அனைத்து வசதிகளுடனும், விளையாட்டில் மாணவர்கள் சிறந்து விளங்க,  உள், வெளி விளையாட்டரங்கங்கள், நீச்சல்குளம் உள்ளிட்ட வசதிகளுடனும்  இந்தப் பள்ளி அமைக்கப்பட்டுள்ளது. Cambridge International General Certificate of Secondary Education என்ற  உலகளாவிய பாடத்திட்டம் இங்கு  நடத்தப்படுகிறது.  இதன் தேர்வு கேம்ப்ரிட்ஜ் இண்டர்நேஷனல் தேர்வாகும்.  இதில் படித்த மாணவர்கள் உலகின் எந்த ஒரு வெளிநாட்டு கல்லூரிகளிலும் சென்று படிக்கலாம்.  ஹெப்ரான் பள்ளி 8 ஆகஸ்ட் 1913 அன்று டிபிஐ(DIRECTORATE OF PUBLIC INSTRUCTION)- இல் சர்வதேசப் பள்ளியாக ரிஜிஸ்டர் செய்யப்பட்டது. இது இந்தியாவின் முதல் ஐரோப்பிய  பள்ளி  என்று 1913 - இல் அங்கீகாரத்தைப்  பெற்றது.  ஏறத்தாழ இப்பள்ளியில் பயிற்றுவிக்கக் கூடிய   65 ஆசிரியர்கள் உலகின் பல்வேறு நாடுகளிலிருந்தும் -  உதாரணமாக,  யுகே, ஆஸ்திரேலியா, நியூசிலாந்து, யுஎஸ்ஏ, கனடா, கென்யா, தெற்கு கொரியா, ஐரோப்பா என எல்லா நாடுகளில் இருந்தும் -  இங்கு வந்து பயிற்றுவிக்கிறார்கள்.  35 நிர்வாகப் பணியாளர்கள் உள்ளனர்.  பெரும்பான்மையான  ஆசிரியர்கள் 20 ஆண்டுகளுக்கும் மேலாக இங்கே பணியாற்றுகிறார்கள்.  ஆசிரியர்களுடைய குழந்தைகளும் இங்கு படிக்கிறார்கள்.  இந்தப் பள்ளியில்  படித்த மாணவர்கள்,  இந்தப் பள்ளியில் படிப்பு முடிந்ததும்,   உலகின் சிறந்த பல்கலைக்கழகங்களில் படிக்கிறார்கள். மியூசிக் துறைக் கல்வியில் உலகிலேயே சிறந்த  "இம்ப்ரீயல் காலேஜ்   லண்டன்' -  இல் படிக்கிறார்கள். பொருளாதாரம் படிக்க வேண்டும் என்றால் "லண்டன் ஸ்கூல் ஆஃப் எகானமிக்ஸ் - இல் படிக்கிறார்கள். 

ஊட்டியில் குன்னூரில் 1888 ஆம் ஆண்டு  பேட்ரிசியன் பிரதர்ஸ் என்று அழைக்கப்படும்  Brothers of St. Patrick - Bp St.Joseph’s College தொடங்கப்பட்டது.  கடல் மட்டத்திலிருந்து 1800  அடி உயரத்தில்  உள்ள  St.Joseph’s Boys’ Hr. Sec. School, St. Joseph’s Academy ஆகியவை தான் செயிண்ட் ஜோசப்ஸ் கல்லூரி என்று அழைக்கப்படுகிறது. அறுபதுகள் வரை இந்தப் பள்ளியின் நிர்வாகம் ஐரீஷ் நாட்டைச் சேர்ந்தவர்களின் கைகளில்தான் இருந்தது.  குன்னூர் - வெல்லிங்டன் ரயில்நிலையங்களுக்கு நடுவில் இப்பள்ளி அமைந்துள்ளது.  கால்பந்து விளையாட்டுக்கு இந்தப் பள்ளியில் முக்கியத்துவம் தருகிறார்கள்.  

டாக்டர் பார்டூ என்பவரால்  குன்னூரில் மிகப் பெரிய இடம் வாங்கப்பட்டு இந்தப் பள்ளி நிறுவப்பட்டது. அப்போது வெல்லிங்டனில் படித்து வந்த மாணவர்கள் குன்னூருக்கு இடமாற்றம் செய்யப்பட்டார்கள். இந்தப் பள்ளியில் ஜிம்னாஸ்டிக் விளையாட்டுக்கா ன எல்லா வசதிகளும் உள்ளன.    இங்கு ஸ்டேட் போர்டு, ஐசிஎஸ்சி,  ஐஎஸ்சி,    பாடத்திட்டங்களும்  சொல்லித் தரப்படுகின்றன.   

(தொடரும்)

கட்டுரையாசிரியர்: சமூக கல்வி ஆர்வலர் 
www.indiacollegefinder.org

]]>
http://images.dinamani.com/uploads/user/imagelibrary/2018/11/10/w600X390/im9.jpg http://www.dinamani.com/weekly-supplements/ilaignarmani/2018/nov/13/சரியான-பார்வை-சரியான-வழி--சரியான-செயல்---20-3036167.html
3036168 வார இதழ்கள் இளைஞர்மணி மடிக்கும் ஸ்மார்ட்போன்! - அ.சர்ஃப்ராஸ் DIN Tuesday, November 13, 2018 10:00 AM +0530 மக்கள் பயன்பாட்டுக்கு கணினி வந்த பிறகு, எப்படி மடிக் கணினியாக மாற்றம் கண்டதோ, அதேபோல் ஸ்மார்ட்போனும் தற்போது மடிக்கும் ஸ்மார்ட்போன் ஆகிவிட்டது.

ஆம், உலகின் முதல் மடிக்கும் ஸ்மார்ட்போன் சந்தைக்கு வந்துள்ளது. பல ஆண்டுகளாக இந்த தொழில்நுட்பத்தை உருவாக்கி வருவதாக கூறும் சாம்சங், எல்ஜி போன்ற முன்னணி நிறுவனங்கள் இதை உருவாக்கவில்லை.

மாறாக, அமெரிக்காவின் கலிஃபோர்னியாவைச் சேர்ந்த ரோயோலி என்ற ஸ்டார்ட் அப் நிறுவனம் "ஃபிளக்ஸிபாய்' எனும் மடிக்கும் ஸ்மார்ட்போனை உருவாக்கி சந்தைப்படுத்தி சாதனை படைத்துள்ளது.  

மடிப்பதற்கு முன்பு 7.8 அங்குலமாக இருக்கும் இந்த ஸ்மார்ட்போன், மடித்த பின்பு மூன்று திரைகளாக மாறுகிறது. அதாவது முன்பும், பின்பும் இரு திரைகளாகவும், அதற்கு நடுவே உள்ள பகுதி போன் திரையாகிறது.

வீடியோ பிளே ஆகிக் கொண்டிருக்கும்போது, தொலைபேசி அழைப்பு, இ-மெயில் வந்தாலும், வீடியோவுக்கு எந்தவித இடையூறும் இல்லாமல் அதை மூன்றாவது திரையில் வைத்து படித்துவிடலாம். மடித்துவிட்ட ஸ்மார்ட்போனில் எந்த ஒரு பகுதியில் இருந்தும் இயக்கும் வசதி இதில் அளிக்கப்பட்டுள்ளது. 

இந்த புதிய மடி ஸ்மார்ட்போன் உறுதியானது என்று கூறும் "ஃபிளக்ஸிபாய்' நிறுவனம், இதை உறுதி செய்ய சுமார் 2 லட்சம் முறை மடித்து சோதனை நடத்தியுள்ளதாகவும் கூறுகிறது. இதில் செல்ஃபி கேமரா 20 மெகா பிக்ஸலாகவும், பின்புறம் உள்ள கேமரா 16 மெகா பிக்ஸலாகவும் உள்ளது. சீனா சந்தையில் இந்த மடி ஸ்மார்ட்போன் கிடைக்கிறது. 128 ஜி.பி. கொண்ட மடி ஸ்மார்ட்போன் ரூ. 1.15 லட்சத்துக்கும், 256 ஜி.பி. கொண்ட மடி ஸ்மார்ட்போன் ரூ. 1.29 லட்சத்துக்கும் கிடைக்கிறது. இதனை ஆன்லைனில் பதிவு செய்தும் பெறலாம். 

இந்த புதிய தொழில்நுட்பம் எந்தவித பாதிப்புமின்றி,  வெற்றி பெற்றால், ஸ்மார்ட்போன் விரும்பிகளுக்கு இந்த மடி ஸ்மார்ட்போன் ஒரு மாற்றத்தைக் கொண்டு வரும் என்பதில் மாற்றமில்லை.

]]>
http://images.dinamani.com/uploads/user/imagelibrary/2018/11/10/w600X390/im11.jpg http://www.dinamani.com/weekly-supplements/ilaignarmani/2018/nov/13/மடிக்கும்-ஸ்மார்ட்போன்-3036168.html
3036148 வார இதழ்கள் இளைஞர்மணி இரவு... பகல்... வேலை: எப்போதும் மகிழ்ச்சி! -  வெ.ந.கிரிதரன்  Tuesday, November 13, 2018 10:00 AM +0530  

கார்ப்பரேட் மயமான இன்றைய பணிச் சூழலில் தவிர்க்க முடியாத சில விஷயங்களில் சுழற்சி முறை பணி - ஷிப்ட்  முறை முக்கியமானதாகும்.

பன்னாட்டு மென்பொருள் நிறுவனங்கள், கால் சென்டர்கள் தொடங்கி உள்நாட்டு தொழிற்சாலைகள், ஊடகங்கள் என பல்வேறு துறைச் சார்ந்த பணிகளில் ஷிப்ட் அடிப்படையிலான வேலை என்பது தவிர்க்க இயலாததாகிறது.

காலையில் பணிக்குச் சென்று மாலையிலோ, இரவோ வீடு திரும்பும் பணியாளர்கள் அலுவலகம் புறப்படும்போதும், வீடு திரும்பும்போதும் பேருந்து, ரயில்களில் கூட்ட   நெரிசலில் சிக்கித் தவிப்பதும், இருசக்கர, நான்கு சக்கர வாகனங்களில் அலுவலகத்திற்கு செல்வோர் சாலைப் போக்குவரத்து நெரிசலில் சிக்கி சின்னாபின்னம் ஆவதும்  சென்னை போன்ற பெருநகரங்களில் சகஜமாகிவிட்டது.  

இவர்களைக் காணும்போது, காலையில் பீக் ஹவர்ஸ் நேரத்துக்கு முன்பாக   அதிகாலையிலோ, மதிய உணவுக்கு பின்போ, ஊரெல்லாம் அடங்கிய பிறகான இரவிலோ தொடங்கும் ஷிப்ட் முறையிலான பணி பரவாயில்லை என்றுதான் ஆரம்பத்தில் எல்லாருக்கும் தோன்றும்.

ஆனால், இப்பணி முறையின் காரணமாக தூக்கமின்மை, தலைவலி, மலச்சிக்கல் போன்ற  பல்வேறு உடல்நலப் பாதிப்புகள் ஏற்படும்போதும், குடும்பத்தினருடனும், உறவினர்களுடனும்  சரி வர நேரத்தைச் செலவிட முடியாமல் போகும்போதுதான் ஷிப்ட் பணி முறையால்  விளையும் பாதகங்கள் நமக்குப் புரிய வருகின்றன.

 ஷிப்ட் முறையில் பணிக்கு செல்வோர் அலுவல் சார்ந்த புறவாழ்க்கையையும், குடும்பம்  சார்ந்த அகவாழ்க்கையையும் சரியாக கையாள்வதற்கான வழிமுறைகளை இங்கே  காண்போம்.எந்த ஷிப்ட் சிறந்தது? 

பள்ளி, கல்லூரி தேர்வுகளுக்கு படிக்கும் மாணவர்களில் அதிகாலையில் படிப்பவர்கள், இரவு முழுவதும் கண்விழித்து பயில்பவர்கள் என இரு  வகையினர் உண்டு. இதேபோன்று பணியிலும் காலை வேளையில் சிறப்பாகப்  பணிபுரிவோர், இரவில் நன்றாகப் பணியாற்றுபவர்கள் என இரு பிரிவினர் உண்டு. இந்த வகைப்பாட்டின்படி உங்கள் ஷிப்ட் பணி நேரத்தை தேர்ந்தெடுத்துக் கொள்வது அவசியம். 

பணியாளர்களின் திறனை முழுமையாக, சிறப்பாகப் பயன்படுத்திக் கொள்ள தொழில் நிறுவனங்களும் இந்த வகைப்பாட்டின்படி செயல்பட தங்களது பணியாளர்களை அனுமதிப்பது   நல்லது.

நிர்வாகத்திடம் தெரிவியுங்கள்!

பணியின்தன்மையைப் பொருத்தோ, உங்களது திறனைப் பொருத்தோ கூடுதல் நேர பணியை உங்களிடமிருந்து அலுவலக நிர்வாகம் எதிர்பார்க்கலாம்.

அத்தகைய தருணங்களில், வழக்கமான பணி நேரத்துக்கு பிறகு,  உங்கள் பெற்றோரை மருத்துவமனைக்கு அழைத்துச் செல்லுதல், நீங்கள் யோகா வகுப்புக்கு செல்வது உட்பட  அலுவலகத்துக்கு வெளியே உள்ள உங்களுக்கான பொறுப்புகளை நிர்வாகத்திடம் தயங்காமல் எடுத்துச் சொல்லுங்கள்.  இல்லையெனில், கூடுதல் நேர பணி அவ்வளவு பயனுள்ளதாக இருக்காது. 
இளைப்பாற நேரம் ஒதுக்குங்கள்! 

பகல்பொழுதில் பணியாற்றுபவர்களை ஒப்பிடும்போது, ஷிப்ட் முறையில் பணிபுரிபவர்களுக்கு நாளடைவில் உடல்ரீதியான,  மனரீதியான பிரச்னைகள் வரும் அபாயம் இருக்கத்தான் செய்கிறது. 

இப்பிரச்னைகளில்  இருந்து தற்காத்துக் கொள்ள உங்களின் அன்றாட மற்றும் அலுவலகப் பணிகளுக்கு இடையே மனதையும், உடலையும் உற்சாகமாய் வைத்துக் கொள்ளவதற்கான  வழிமுறைகளைக் கையாள்வது அவசியம். அதாவது அன்றாடம் குறைந்தபட்சம் ஒரு மணி நேரமாவது நமக்கு பிடித்தான புத்தகத்தை படிப்பது, சமையல் செய்வது, பிடித்தமான இசையைக் கேட்பது போன்ற ஏதாவதொன்றில் நம்  மனதைச் செலுத்த வேண்டியது அவசியம். இதன் பயனாக நம் மனதும், உடலும் உற்சாகம்  அடைந்து, அதன் மூலம் கிடைக்கும் புத்துணர்ச்சி நாள் முழுவதும் நம்மை சுறுசுறுப்பாய்  வைத்திருக்கும்.

இணையத்தில் கொஞ்ச நேரம்!

இன்று இணையமும், சமூக ஊடகங்களும் ஒன்றிலிருந்து ஒன்று பிரிக்க முடியாதபடி பின்னி பிணைந்துள்ளன. இதன் விளைவாக பலர் இணைய அடிமைகளாக, தங்களின் பெரும்பாலான நேரத்தை ஃபேஸ்புக், வாட்ஸ்-அப் என சமூக  ஊடகங்களிலேயே செலவிடுகின்றனர். அவ்வாறு இல்லாமல், உங்கள் அன்றாட அலுவலகப்   பணிக்கு இடையே அவ்வப்போது சிறிது நேரம் சமூக ஊடகங்களை துழாவுங்கள். இதன் மூலம் சமூகம், அரசியல் உள்ளிட்ட நிகழ்வுகள் குறித்த பல்வேறு தகவல்கள் தெரியவருவதுடன், இந்த தளங்களில் வரும் நையாண்டி, நகைச்சுவைகள் உங்களை  மனஅழுத்தத்துக்கு உள்ளாகாமல் தடுக்கும்.  

முக்கியமானவர்களைச்  சந்தியுங்கள்!   

ஷிப்ட் முறையில் பணிபுரிபவர்களின் முக்கிய பிரச்னைகளில் ஒன்று, வாரவிடுமுறை நாளின் பெரும் பகுதியும் தூக்கத்திலேயே  கழிகிறது என்பதுதான். இந்த  நிலையை மாற்றி, வார விடுமுறைகளில் குடும்பத்தினருடன் ஷாப்பிங், கோயில், திரையரங்கம் என வெளியில் செல்வதை தவறாமல்   பின்பற்றுங்கள், இதன் பயனாக குடும்ப உறுப்பினர்களுக்கு  உங்கள் மீதான பற்றுதல் அதிகரிக்கும். உற்றார், உறவினர்கள் அனைவரும் அவ்வப்போது சந்திக்க இயலாவிட்டாலும், அவர்களில்  உங்களுக்கு மிகவும் பிடித்தவர்களை, நீங்கள் முன்னுதாரணமாக கருதுபவர்களை  குறைந்தபட்சம் மூன்று மாதங்களுக்கு ஒருமுறையாவது சந்தித்துப் பேசுங்கள்.

]]>
http://images.dinamani.com/uploads/user/imagelibrary/2018/11/10/w600X390/im1.jpg http://www.dinamani.com/weekly-supplements/ilaignarmani/2018/nov/13/இரவு-பகல்-வேலை-எப்போதும்-மகிழ்ச்சி-3036148.html
3036149 வார இதழ்கள் இளைஞர்மணி எலக்ட்ரானிக் குப்பைகளை சேகரிக்கும் மாணவர்கள்! DIN DIN Tuesday, November 13, 2018 10:00 AM +0530 மனிதர்கள் பயன்படுத்தும் பொருள்களில் ஏற்படும்  மாற்றங்களுக்கேற்ப அவர்கள் கொட்டும் குப்பையிலும் மாற்றங்கள் ஏற்படுகின்றன.  ஒவ்வொரு வீட்டிலும்  கடந்த பத்தாண்டுகளாகப் பயன்படுத்திய பழைய  பழுதடைந்த, பயன்படுத்தப்படாத செல்போன்கள், கம்ப்யூட்டர், சிடி, பிரிண்டர்ஸ்,  கால்குலேட்டர், பேட்டரிகள்,  டிவி,   மருத்துவக் கருவிகள், வாஷிங் மெஷின், குளிர்சாதனப் பெட்டிகள் போன்ற  எலக்ட்ரானிக் குப்பைகள் நிறைந்திருக்கின்றன.  இவற்றை பழைய பொருள்களை வாங்குபவரிடம் கொடுத்துவிடுவார்கள். அவர் இந்தப் பொருள்களில் உள்ள செம்பு, வெள்ளி, பிளாட்டினம் போன்ற உலோகங்களை மட்டும்  எடுத்துக் கொண்டு,  அப்படியே அவற்றைக்  குப்பையில் போட்டுவிடுவார்.  இந்தப் பொருள்களில் உள்ள லித்தியம், மெர்க்குரி,  கோபால்ட்,  செலினியம் போன்ற நச்சுத்தன்மை உள்ள பொருள்கள் அப்படியே  மண்ணிலும் நீரிலும் கலந்து பலவிதமான சுற்றுச்சூழல் பிரச்னைகளை ஏற்படுத்துகின்றன.  

பயன்படுத்தப்படாத எலக்ட்ரானிக் பொருள்கள் குறித்து  மக்களுக்கு விழிப்புணர்வை ஏற்படுத்த வேண்டும் என்று நினைத்தார்கள்  மும்பை புறநகர்ப் பகுதியான  கோரிகானில் உள்ள விப்கியார் உயர்நிலைப் பள்ளியில் பத்தாம் கிரேடு படிக்கும் சூர்யா பாலசுப்ரமணியனும், 9 ஆம் கிரேடு படிக்கும் த்ரிஷா பட்டாசார்யாவும்.

பள்ளியின் ஊக்குவிப்பு காரணமாக இந்தப் பள்ளியில் படிக்கும் மாணவர்கள்,   பல்வேறு போட்டிகளில் பங்கேற்பார்கள். அந்த அடிப்படையில் சூர்யா பாலசுப்பிரமணியனும், த்ரிஷாவும்  "பேன் இண்டியா போட்டி'யில்  கலந்து கொண்டார்கள். பேன் இண்டியா போட்டிகளில் வேறு பல  போட்டிகள் இருந்தாலும், பயன்படாத எலக்ட்ரானிக் பொருள்களைச் சேகரிப்பதை இவர்கள் எடுத்துக் கொண்டார்கள். நான்காவது பரிசையும் வென்றார்கள். 

""பலவிதமான போட்டிகள் இருந்தாலும்,  யார் கவனத்திலும் அதிகம் படாத -ஆனால் அதிகம் பாதிப்பை ஏற்படுத்தும்   பயன்படுத்தப்படாத எலக்ட்ரானிக் பொருள்கள் குறித்து விழிப்புணர்வை ஏற்படுத்துவதற்காகத்தான்  அவற்றைச் சேகரிக்கும் போட்டியை நாங்கள் தேர்ந்தெடுத்தோம். 

இதற்காக நாங்கள் செய்த முதல்  வேலை, எங்களுடைய பள்ளியில் படிக்கும் மாணவர்களிடம் அவர்கள் வீட்டில் பயன்படுத்தப்படாமல் கிடக்கும் எலக்ட்ரானிக் பொருள்களைக் கொண்டு வரச் சொன்னதுதான்.  அப்போது பள்ளி மாணவர்களிடம்  இந்தப் பொருள்களினால் ஏற்படும் ஆபத்துகளைப் பற்றிச் சொன்னோம்.  மாணவர்கள் எங்கள் கோரிக்கையை ஏற்று அவர்கள் வீட்டில் இருந்து கொண்டு வந்தார்கள்.  நிறைய பழைய செல்போன்களும் சிடிகளும் வந்து குவிந்தன.    அதற்குப் பிறகு பள்ளியருகே, எங்களுடைய வீட்டருகே உள்ள பல அபார்ட்மென்ட்களில் வாழ்பவர்களிடம் கேட்டோம். அவர்களிடமும் பயன்படுத்தப்படாத எலக்ட்ரானிக் பொருள்களினால் ஏற்படும் ஆபத்துகளைப் பற்றி விளக்கிச் சொன்னோம்  இப்போது எங்களுக்கு நிறைய பொருள்கள் கிடைத்தன.  பயன்படுத்தப்படாத வாஷிங் மெஷின்கள், லேப்டாப்கள், சார்ஜர்கள்,  செல்போன்கள் என  380 கிலோ எடையுள்ள பொருள்கள் கிடைத்தன. அவற்றை எல்லாம் ஒரு லாபநோக்கமற்ற தன்னார்வ அமைப்பிடம் கொடுத்தோம்.  அவர்கள் அவற்றை முறையாக கழிவுநீக்கம் செய்யும் நிறுவனங்களிடம் விற்றுவிட்டார்கள். அதிலிருந்து கிடைத்த பணத்தை  படிக்க வசதியில்லாத 17 ஆயிரம் ஏழை மாணவர்களின் கல்விக்குப் பயன்படுத்துகிறோம்.

நாங்கள் போட்டிக்காக  இந்தப் பணியில் ஈடுபட்டோம். ஆனால் போட்டி முடிந்துவிட்டாலும், நாங்கள் இந்த பணியில் இருந்து விலகிவிடவில்லை. தொடர்ந்து பயன்படாத எலக்ட்ரானிக் பொருள்களைச் சேகரித்து முறையாகக் கழிவுநீக்கம் செய்வதற்குத் தந்து வருகிறோம்'' என்றார்.

]]>
http://images.dinamani.com/uploads/user/imagelibrary/2018/11/10/w600X390/im2.jpg http://www.dinamani.com/weekly-supplements/ilaignarmani/2018/nov/13/எலக்ட்ரானிக்-குப்பைகளை-சேகரிக்கும்-மாணவர்கள்-3036149.html
3036150 வார இதழ்கள் இளைஞர்மணி கைகள் இல்லாமல் பைக் ஓட்ட முடியும்! - வி.குமாரமுருகன் DIN Tuesday, November 13, 2018 10:00 AM +0530 பைக்குகளில் சாலைகளில் பறந்து செல்பவர்களைப் பார்த்து, "ஐயோ... நம்மால் இப்படி பைக்கில் செல்ல முடியவில்லையே' என ஏங்கும் கை இல்லாதவர்களின் கவலையைப் போக்கியுள்ளனர் பொறியியல் மாணவர்கள். 
திருநெல்வேலி மாவட்டம் ஆய்க்குடி ஜெ.பீ. பொறியியல் கல்லூரியில் பயிலும் மாணவர்கள்தான் கைகள் இல்லாத மாற்றுத்திறனாளிகளின் கவலையைப் போக்கும் வகையில் புதிய வாகனத்தைக் கண்டுபிடித்துள்ளனர். பொதுவாக கால்கள் இல்லாதவர்கள் அல்லது கால்களின் செயல்பாடு இல்லாத மாற்றுத்திறனாளிகள் பைக்குகளை ஓட்டிச் செல்வதைப் பார்த்திருப்போம். ஆனால்,  இரு கைகளும் இல்லாத அல்லது கைகளின் செயல்பாடு இல்லாத மாற்றுத்திறனாளிகள் பைக்குகளை ஓட்டிச் செல்வதை நாம் பார்த்திருக்க மாட்டோம். 

சாமானியர்களாகிய நாம் இது பற்றி சிந்திந்திருக்கவே மாட்டோம். ஆனால், ஆய்க்குடி ஜெ.பீ. பொறியியல் கல்லூரி மாணவர்களுக்கு தோன்றிய இந்த சிந்தனைதான், கைகள் இல்லாத, கைகள் செயல்படாத மாற்றுத்திறனாளிகளும் எளிதாகப் பயன்படுத்தும் வகையில் புதிய வாகனத்தை உருவாக்க முடிந்துள்ளது. கைகள் இல்லாதவர்களின் ஏக்கத்தைப் போக்கியுள்ள கல்லூரியின் மெக்கானிக்கல் துறை மாணவர்கள் வேதநாயகம், கிவியோன், ஜிபின் பி ஜார்ஜ், அருண்ராஜ், வில்சன் ஆகியோர் நம்மிடம் கூறியது:

""பொதுவாகவே சாதாரண மக்களுக்கான புராஜெக்டுகளை விட இது போன்ற மாற்றுத்திறனாளிகளுக்கான புதிய வடிவமைப்புக்களை உருவாக்க வேண்டும் என்பதுதான் எங்கள் லட்சியமாக இருந்தது. அதற்காக பல விஷயங்களைத் தேர்வு செய்தோம். அவற்றில் சில ஏற்கெனவே உருவாக்கப்பட்டிருந்தது தெரிய வந்தது. அப்போதுதான் கால்கள் இல்லாதவர்களுக்கு வாகனம் ஓட்டுவதற்கான வசதி இருக்கும் நிலையில், கைகள் இல்லாதவர்களுக்கு அத்தகைய வாய்ப்பு இல்லாதது தெரிய வந்தது. பல இடங்களில் கைகள் இல்லாதவர்கள் மற்றவர்களின் துணையுடன்தான் செல்ல வேண்டிய நிலை இருப்பதையும் தெரிந்து கொண்டோம். இதைத் தொடர்ந்து எங்கள் கல்லூரியின் மூத்த மாணவர்கள் ஷெரின்ஷாம், சுப்பிரமணி, ஆஸ்டின் கோல்ட்வின் ஆகியோரின் உதவியுடன்  அவர்கள் ஏற்கெனவே உருவாக்கியிருந்த வாகனத்தில் பல மாற்றங்களைப் புகுத்தி கைகள் இல்லாத மாற்றுத்திறனாளிகள் ஓட்டக் கூடிய 
வாகனத்தை உருவாக்கினோம். 

இந்த வாகனத்தை இரு கால்களையும் பயன்படுத்தி இயக்க முடியும். கால்களைப் பயன்படுத்தி 7 வகையான இயக்க நிலைகளைக் கட்டுப்படுத்தும் வகையில் இந்த வாகனம் வடிவமைக்கப்பட்டுள்ளது. இரு கால்களையும் பயன்படுத்தி வாகனத்தின் ஸ்டியரிங்கை இயக்க முடியும். வலது காலைப் பயன்படுத்தி ஆக்சிலேட்டரை இயக்க முடிவதுடன், ஒலி எழுப்பவும் முடியும். இடது காலைப் பயன்படுத்தி பிரேக், இண்டிகேட்டர் மற்றும் சீட் பெல்ட்டினை சரி செய்யவும் முடியும். 

அண்ணா பல்கலைக்கழகத்தின், திருநெல்வேலி மண்டல வேலைவாய்ப்பு மற்றும் பயிற்சித்துறை இயக்குநரகம், தொழிலாளர் மற்றும் வேலைவாய்ப்புத் துறை ஆகியவை சார்பில் நடைபெற்ற நந்ண்ப்ப் நன்ம்ம்ண்ற் டழ்ர்த்ங்ஸ்ரீற் உஷ்ல்ர் -வில் நூற்றுக்கணக்கான பொறியியல் கல்லூரிகளுக்கு மத்தியில் எங்களின் புதிய உருவாக்கம் முதலிடத்திற்கு தேர்வு பெற்றது. 

எங்களை, அப்போதைய திருநெல்வேலி மாவட்ட ஆட்சியர் பாராட்டினார். இந்த வெற்றியானது எங்களுக்கு புதிய உத்வேகத்தை அளித்துள்ளது. ஜெ.பீ. பொறியியல் கல்லூரியின் நிர்வாகி அருள்சகோதரி பிரதீபா, முதல்வர் முனைவர்.ராஜ்குமார் மற்றும் துறைத்தலைவர் சாமி உள்ளிட்டோர் புதிய கண்டுபிடிப்புக்களை உருவாக்க எங்களுக்கு ஒத்துழைப்பு அளித்தனர்'' என்றனர் பெருமையுடன். 

பொறியியல் படித்து விட்டு வேலை கிடைக்காதவர்கள் மத்தியில் முயற்சியும், ஒத்துழைப்பும் இருந்தால் எதையும் சாதிக்கலாம் என்பதை இந்த இளைஞர்களின் உருவாக்கம் உணர்த்தியுள்ளது குறிப்பிடத்தக்கது. 

]]>
http://images.dinamani.com/uploads/user/imagelibrary/2018/11/10/w600X390/im3.jpg http://www.dinamani.com/weekly-supplements/ilaignarmani/2018/nov/13/கைகள்-இல்லாமல்-பைக்-ஓட்ட-முடியும்-3036150.html
3036156 வார இதழ்கள் இளைஞர்மணி வாங்க இங்கிலீஷ் பேசலாம் - 165 ஆர்.அபிலாஷ் DIN Tuesday, November 13, 2018 10:00 AM +0530
புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரிடம் செல்கிறார்கள். அங்கே அவர்கள் மருத்துவருக்கான காத்திருப்போர் அறையில் இருக்கிறார்கள். நடாஷா எனும் பெண்ணும் மீசைக்காரர் எனும் போலீஸ்காரரும் அங்கு காத்திருக்கிறார்கள். A historical என்று சொல்ல வேண்டுமா அல்லது an historical என்பது சரியா என கணேஷ் கேட்க புரொபஸர் ஏன் a historicalஎன்பதே சரி என்பதை விளக்குகிறார்.

புரொபஸர்: consonant ஒலியென்றால் ஹ தான் வர வேண்டும் என்றேன் இல்லையா! Historical என்பதன் முதல் எழுத்து "ஹி' என ஆரம்பிக்கிறதா அல்லது "இ'யா? 
கணேஷ்: இஸ்டிரியா? ஹிஸ்டிரியா? குழப்பமா இருக்குதே.
ஜூலி: ஹிஸ்டிரி தான்.
கணேஷ்: அப்படீன்னா ஹ history தான்.
நடாஷா: ஏர்ன்ழ் என்பது an hour தானே?
புரொபஸர்: ட்ர்ன்ழ் என்பதை ஹவர் என்றல்ல ஆர் என்றே உச்சரிக்கிறோம். வவல் ஓசையுடன் இது தொடங்குகிறது. ஆகையால் an hour தான் சரி.
கணேஷ்: சார்... அப்போ எழுத்தை வைத்து கண்டுபிடிக்க முடியாதா?
புரொபஸர்: முடியாது மட்டுமில்ல; அப்படி கண்டுபிடிக்க முயல்வதும் தப்பாக முடியும். ஓர் எழுத்துக்கான உச்சரிப்பு அது இருக்கும் சொல்லைப் பொறுத்து மாறும். இது ஆங்கிலத்தின் தனித்துவம். மய்க்ஷங்ப்ண்ங்ஸ்ஹக்ஷப்ங் என்பதில் ன் எழுத்து அ எனும் ஓசையைக் கொண்டிருக்கிறது. unfair உம் அப்படித் தான். ஆனால் utopian world என்பதில் u எழுத்தின் ஓசை "உ' அல்ல, "யு' - யுட்டோப்பியா. ஆகையால் a utopia.
கணேஷ்: அதென்ன சார் யுட்டோப்பியா?
புரொபஸர்: யுட்டோப்பியா என்பது ஒரு perfect place. எந்த குறையுமற்ற உன்னதமான ஓர் உலகம்; அப்பழுக்கற்ற இடம். 
கணேஷ்: யுட்டோப்பியாவுக்கு  எதிரான சொல்?
நடாஷா:   dystopia.
புரொபஸர்: இது யுட்டோப்பியாவுக்கு நேர் எதிரான நிலை. ஒரு கற்பனையான உலகம். எல்லாமே கெட்டு சீரழிந்த உலகம். சர்வாதிகார ஆட்சி  நடக்கிற, சுற்றுச்சூழல் சீர்கெட்டுப் போன உலகம்.
கணேஷ்: டிஸ்டோப்பியா பற்றி நீங்க சொல்வதைக் கேட்க ரொம்ப பரிச்சமாய் தோணுதே சார்!
புரொபஸர்: சரி... நமக்கு எதுக்கு அரசியல்? விசயத்துக்கு வருவோம். சில அரசியல்வாதிகள் இருப்பார்கள். வறுமை உள்ளிட்ட மக்களைப் பாதிக்கிற பல்வேறு பிரச்னைகளைப் பற்றி கருத்து ஏதும் தெரிவிக்க மாட்டார்கள். ஆனால் இன அடையாளத்துக்கு இழுக்கென்றால் கிளம்பி வந்து போராடுவார்கள். இன்னும் சிலர் ஊழலைத் தவிர வேறெதைப் பற்றியும் பேச மாட்டார்கள். இவர்களைப் பற்றி பேசும் போது they have a one - track mind என்பார்கள். இங்கே ர் என்பதன் ஒலி என்ன? ஒ தானே?
கணேஷ்: ஆமார் சார் ஒன் டிராக். ஒன், டு, த்ரீ என்று தானே சொல்கிறோம்.
புரொபஸர்: இல்லை. நல்லா யோசிச்சு பார். ஒன், டூ. த்ரீ என்றா சொல்கிறோம்? வொன், டூ, த்ரீ என்பதல்லவா சரி?
கணேஷ்: ஆமா சார்... என் டீச்சர் எனக்கு ஸ்கூலில் சரியா சொல்லித் தரல.
புரொபஸர்: அதில என்ன இருக்கு? இப்போ கத்துக்கிட்டே இல்ல. Outgoing, outrageous, ongoing என்பதில் எல்லாம் ங்ய் தான் வரும். முதல் இரு சொற்களில் "ஒள' எனும் ஒலியும் மூன்றாவதில் "அ-ஒ' என இடைப்பட்ட ஒலியும் வருகிறது. இப்படி ஞ எனும் எழுத்து விதவிதமான ஒலிகளில் தோன்றுவதை கவனி. ஆகையால், he has a one-track mind, but he is an outstanding talent. அதே போல mango என்பதில் "எம்' ஒலியும் MBA என்பதில் "எ' 
ஒலியும் என இருவேறு ஒலிகள் வருகின்றன. He used to eat a mango daily while preparing for an MBA degree.  
கணேஷ்: அடடா
நடாஷா: சார், ட்ங்ழ்க்ஷ என்பதற்கு முன் ஹ சரியா, இல்ல ஹய் சரியா?

(இனியும் பேசுவோம்)

]]>
http://images.dinamani.com/uploads/user/imagelibrary/2018/11/10/w600X390/im7.jpg http://www.dinamani.com/weekly-supplements/ilaignarmani/2018/nov/13/வாங்க-இங்கிலீஷ்-பேசலாம்---165-3036156.html
3036157 வார இதழ்கள் இளைஞர்மணி ஃபோரக்ஸ் அன்ட் டிரஸரி மேனேஜ்மென்ட் ! DIN DIN Tuesday, November 13, 2018 10:00 AM +0530 ஃபோரக்ஸ் அன்ட் டிரஸரி மேனேஜ்மென்ட் குறித்த படிப்பு படித்தால் பெரிய கார்ப்பரேட் நிறுவனங்களில் வேலை வாய்ப்புகளும், அது சம்பந்தமான ஆலோசனை நிறுவனங்களை தொடங்குவதற்கான வாய்ப்புகளும் காத்திருக்கின்றன. 

வெளிநாடுகளுக்கு ஏற்றுமதி, இறக்குமதியில் ஈடுபடும் நிறுவனங்கள் ஃபாரின் எக்சேன்ஜ் எனப்படும் அந்நிய செலாவணி ஈட்டக்கூடிய நிலை உள்ளது.  அதே போல பெரிய கார்ப்பரேட் நிறுவனங்களின் நிதி சம்பந்தமான துறைகளைக் கையாள திறமையான நபர்கள் தேவைப்படுகின்றன.  அந்நிய செலாவணி மற்றும் நிதி சம்பந்தமான துறைகளை கையாள வேண்டிய நபர்கள்  ஃபோரக்ஸ் அன்ட் டிரஸரி மேனேஜ்மென்ட் சம்பந்தமான படிப்புகளை படித்திருக்க வேண்டியது அவசியமாகும்.  அவர்களால் தான்  அவற்றைக் கையாள முடியும்.
அத்தகைய படிப்பை நடத்தும் நிறுவனங்கள் :

The Institute of Chartered Accountants of India - https://www.icai.org/post.html?post_id=3552
National Institute of Securities Markets -http://www.nism.ac.in/index.php/academic-programs/part-time-programs/certificate-in-treasury-management
ifbi - http://www.ifbi.com/tradefin.aspx
 

]]>
http://images.dinamani.com/uploads/user/imagelibrary/2018/11/10/w600X390/im6.jpg http://www.dinamani.com/weekly-supplements/ilaignarmani/2018/nov/13/ஃபோரக்ஸ்-அன்ட்-டிரஸரி-மேனேஜ்மென்ட்--3036157.html
3036158 வார இதழ்கள் இளைஞர்மணி டிஸ்க் ஜாக்கியாகுங்கள்! - எம்.அருண்குமார் DIN Tuesday, November 13, 2018 10:00 AM +0530
இசைத் துறையில் அனுபவமும், மியூசிக் டிராக்குகளை கலந்து வழங்கும் அனுபவமும் உள்ளவர்கள் அத்துறையில் நல்ல வருவாய் ஈட்டுகின்றனர்.  இத்தகைய திறமை உள்ளவர்கள் டிஸ்க் ஜாக்கி என்று அழைக்கப்படுகின்றனர்.   இசை நிகழ்ச்சிகளை இவர்கள் இருந்தால் மட்டுமே நடத்த முடியும்.  அவர்களால் மட்டுமே அந்த இசை நிகழ்ச்சிகளை வெற்றி பெறச் செய்ய முடியும்.  

பெரிய விருந்து நிகழ்ச்சிகள், பெரிய விடுதிகளில் நடைபெறும் நிகழ்ச்சிகளில் இதுபோன்று இசை நிகழ்ச்சிகளை டிஸ்க் ஜாக்கிகள் நடத்துகின்றனர்.  பெருநகரங்களில் டிஸ்க் ஜாக்கி வேலை வாய்ப்புகள் காத்திருக்கின்றன.

மும்பை, புதுதில்லி, சென்னை, பெங்களுரூ, ஹைதராபாத் உள்ளிட்ட நகரங்களில் டிஸ்க் ஜாக்கி ஆவதற்கான படிப்புகளை நடத்தும் மற்றும் பயிற்சியளிக்கும் நிறுவனங்கள் இயங்குகின்றன.

டிஸ்க் ஜாக்கி படிப்புகளை நடத்தும் சில நிறுவனங்கள் :  

I Love Music Academy, Gurgaon - https://www.ilovemusic.edu.in
Electronyk Academy, Delhi -   www.electronykacademy.com
Jazzy Joe, Delhi -   www.jazzyworkshop.com
Skratchlab DJ Academy, Chennai -  www.skratchlab.com
Global DJ Music Production & DJ Training Academy, Mumbai -   www.globaldj.co.in

 

]]>
http://images.dinamani.com/uploads/user/imagelibrary/2018/11/10/w600X390/im5.jpg http://www.dinamani.com/weekly-supplements/ilaignarmani/2018/nov/13/டிஸ்க்-ஜாக்கியாகுங்கள்-3036158.html
3036159 வார இதழ்கள் இளைஞர்மணி தன்னிலை உயர்த்து! - 18 ஆர்.திருநாவுக்கரசு ஐ.பி.எஸ். DIN Tuesday, November 13, 2018 10:00 AM +0530 ஓர் ஆசிரியர் தனது மாணவர்களை அழைத்துக் கொண்டு அருகில் இருந்த ஆற்றங்கரைக்குச் சென்றார். மாணவர்களிடம் ஒரு கண்ணாடி ஜாடியைக் கொடுத்து, ""கற்களால் இந்த கண்ணாடி ஜாடியை நிரப்புங்கள்'' என்றார். மாணவர்களும் நிரப்பி எடுத்து வந்து, ஜாடியை ஆசிரியரிடம் கொடுத்து, ""ஐயா! முழுவதுமாக நிரப்பி விட்டோம்'' என்றனர்.  ""இதற்கு மேல் நிரப்ப முடியுமா?'' என்ற ஆசிரியரின் கேள்விக்கு, ""வாய்ப்பே இல்லை ஐயா'' என்றனர் மாணவர்கள். ஆசிரியர் கீழே கிடந்த சிறிய கூழாங்கற்களை எடுத்தார். அதே ஜாடியில் போட்டுக் குலுக்கினார். அவை பெரிய கற்களுக்கு நடுவில் இருந்த இடைவெளிகளில் உள்ளே சென்று நிரம்பின. மேற்கொண்டு கூழாங்கற்களைப் போட இடம் இல்லை. ""இப்போது நிரம்பிவிட்டதா?'' என்று கேட்டார், ஆசிரியர். ""நிரம்பி விட்டது ஐயா'' என்றனர், மாணவர்கள் . 

அப்போது, ஆசிரியர் அங்கிருந்த மணலைக் கையில் அள்ளி ஜாடியில் போட்டார். ஜாடியை மேலும் குலுக்கினார். பெரிய கற்கள் மற்றும் சிறு கூழாங்கற்களுக்கு இடையில் இருந்த இடைவெளிகளில் மணல் இறங்கியது. மாணவர்கள் ஆச்சரியப்பட்டனர். இப்பொழுது மாணவர்களிடம், ""இதே ஜாடியை முதலில் மணலால் நிரப்பியிருந்தால், பெரிய கற்களுக்கு இடம் இருந்திருக்குமா?'' என்றார் .  ""இருந்திருக்காது,  ஐயா!'' என்றனர் மாணவர்கள்.

""கேளிக்கை, களியாட்டம், வீண் அரட்டை, பொழுதுபோக்கு போன்ற அற்ப விஷயங்கள் இந்த மணல் போன்றவை. வீடு, வாகனம், ஆடம்பர பொருட்கள் போன்ற செல்வங்கள் கூழாங்கற்களுக்குச் சமமானவை. வாழ்க்கையை மேம்படுத்தக்கூடிய அன்பு, கருணை, உடல்நலம், மனநலம், விருந்தோம்பல், அறச் செயல்கள் போன்ற உன்னதமான செயல்கள் பெரிய கற்கள் போன்றவை'' என்றார் 

ஆசிரியர்.  அற்பமான காரியங்களுக்கு வாழ்க்கையை முதலில் அர்ப்பணித்துவிட்டால், அடிப்படை செயலுக்கு வாய்ப்பில்லாமல் வாழ்க்கை தடம் மாறிவிடும். முதலில் அடிப்படை செயல்களுக்கு வாழ்க்கையில் இடம் கொடுத்தால் மட்டுமே சின்ன சின்ன காரியங்களுக்கும்  இடம் இருக்கும். முக்கியத்துவமான செயல்பாடுகள் மட்டுமே வாழ்வின் அர்த்தங்களை நிர்ணயிக்கின்றன. 

உலக கோடீஸ்வரர்களில் ஒருவர் அமெரிக்க நாட்டைச் சேர்ந்த வாரன் பப்பெட். அவர் தனது வெற்றிக்கு அடையாளமாக தனது வாழ்க்கையின் உயரிய லட்சியங்கள், தனது தொழிலின் லட்சியங்கள், கல்வியில் சாதிக்க வேண்டியவை என  இருபத்தைந்து லட்சியங்களைப் பட்டியலிட்டார். பின்னர், அவற்றில் மிக முக்கியமான ஐந்தினை, கற்களைப் போன்றவற்றைப் பட்டியலிட்டார். அதனை முதன்மைப்படுத்தினார். ஒவ்வொரு நாளும், இந்த ஐந்து லட்சியங்களைச் சார்ந்த பணிகளை முதலில் செய்து முடித்தார். இரண்டாவதாக, முக்கியமான ஐந்து லட்சியங்களைத் தேர்ந்தெடுத்தார். அவை கூழாங்கற்களைப் போன்றவை. அவற்றை நேரம் கிடைக்கும்போது செயல்படுத்தலானார். எஞ்சியதில் ஐந்து லட்சியங்களை வட்டமிட்டார். அவை மணல் போன்றவை. அவற்றை வாரத்தின் இறுதியில் நண்பர்களின் நட்பினைப் புதுப்பித்துக் கொள்ளவும், மனதினை அவ்வப்போது  உற்சாகப்படுத்தி கொள்வதற்கு மட்டுமே அதற்காக நேரத்தை ஒதுக்கினார். இறுதியில் வட்டமிடாத பத்து செயல்களை ஓரங்கட்டினார். வாழ்வின் உயரத்தில் நின்றார்.
வாழ்வின் முக்கியத்துவம் வாய்ந்தவை  அறத்தின் அடிப்படையில் அமைந்தால் அவை வெற்றியைத் தரும்.  குடிக்க தண்ணீர் எடுக்கச் சென்ற தருமர் தனது நான்கு தம்பிகளும், குளக்கரையில் இறந்து கிடப்பதைக் கண்டார். தருமரும் நீர் அருந்த குளத்தில் கை வைக்க, ""எனது கேள்விகளுக்குப் பதில் கூறினால், இத்தண்ணீரை பருகலாம், இல்லையெனில் உமது தம்பிகளுக்கு நேர்ந்த கதியே உனக்கும் நேரும்''   என்றான் யட்சன்.  நடந்ததைப் புரிந்து கொண்ட தருமர், ""கேள்விகளைக் கேள்'' என்றார். கேட்ட கேள்விகளுக்கெல்லாம் தருமரின் பதில்களில் திருப்தியடைந்த யட்சன், ""தருமரே! உமது தம்பியரில் யாராவது ஒருவருக்கு உயிர் தருகிறேன். யார் வேண்டும்?'' எனக் கேட்க, தருமரோ ""நகுலன் உயிர்பெற வேண்டும்'' என்றார். ""வீரம் மிகுந்த சகோதரர்களான அர்ஜுனனையும்,  பீமனையும் விடுத்து நகுலனது உயிரை ஏன் கேட்கிறாய்?'' என்றார் யட்சன். அதற்கு தருமர், ""என் தந்தைக்கு குந்தி, மாத்ரி என்று இருமனைவியர். எனது தாயார் குந்தியின் குழந்தைகளில் நான் ஒருவன் உள்ளேன். அதுபோல் மாத்ரி தாயின் ஒரு குழந்தையேனும் உயிரோடு இருப்பது தானே தர்மம்'' என்றார். தருமர் வெற்றியை விட அறத்தை முன்னிறுத்தினார். ஆதலால், யட்சன் மற்ற தம்பிகளையும் உயிர்ப்பித்தார். அறத்தை முன்னிறுத்தும் போது அனைத்தும் சாத்தியமாகிறது. 

மனிதப் பண்புகளை வெளிப்படுத்தும் கண்ணாடி போன்றவை முதன்மையானவை. 

"இதம்தரும் மனையின் நீங்கி 
இடர்மிகு சிறைபட்டாலும்
பதந்திரு இரண்டும் மாறி
பழிமிகுந்திழிவுற்றாலும்
விதந்தரு கோடி இன்னல் 
விளைந்தென்னை அழித்திட்டாலும்
சுதந்திர  தேவி நின்னை
தொழுதிடல் மறக்கிலேனே...'  

எனக் கசிந்துருகி கவிதை பாடிய பாரதியின் முதன்மை சுதந்திரம் தவிர வேறொன்றும் இல்லை என்பது வெளிப்பாடு.

""அறத்தை முன்னிறுத்தாமல், நேர்மையற்ற வழியில் வெற்றியை நோக்கி முன்னேறினால் பாவங்களே வந்து சேரும்'' என்கிறார் மகாத்மா காந்தி. ""உழைக்காமல் கிடைக்கும் செல்வமும்,  ஒழுக்கம் இல்லாத அறிவும்,  நியாயம் இல்லாத வணிகமும், மனிதம் இல்லாத அறிவியலும்,  மனசாட்சியின்றி பெறும் இன்பமும், கொள்கை இல்லாத அரசியலும்,  தியாகம் இல்லாத வழிபாடும் அதர்மத்தின் வடிவங்கள். அவை பாவச் செயல்கள்'' என அழுத்தமாய்க் கூறுகிறார் மகாத்மா.  முக்கியத்துவம் அறியாதவர்கள் வாழ்வின் கடைசி மனிதர்கள். முக்கியத்துவத்தை அறிந்தவர்கள் வாழ்வில் முன்னேறுபவர்கள். முக்கியத்துவத்தை கையாளுபவர்களே முதன்மையானவர்கள்.

முக்கியத்துவத்திற்கு முன்னுரிமை அளிப்பவர் வாழ்க்கை முன்னிறுத்தப்படும். எஸ்.எல்.வி-3 திட்டப் பணிகளுக்கான தலைமையேற்றபோது டாக்டர்  ஏ.பி.ஜே. 
அப்துல் கலாமுக்கு நேர நிர்வாகம் ஒரு சவாலாக இருந்தது. தினமும் காலை நடைப் பயிற்சியின் போதே அன்றைய அலுவல் திட்டத்தைத் தயாரித்து அதில் ஒவ்வொரு நாளும் நிறைவேற்ற வேண்டிய முக்கியமான மூன்று செயல்களைத் தீர்மானித்திருக்கிறார். அவரது அக்னிச் சிறகுகளில், "அலுவலகத்தில் நுழைந்ததும் முதல் வேலையாக எனது மேசையில் ஒழுங்குபடுத்துவதில் பத்து நிமிடங்கள் செலவிடுவேன். எல்லாத் கோப்புகளையும் விரைவாக துருவிப்பார்த்து உடனடிக் கவனம் செலுத்த வேண்டியவை, முக்கியத்துவம் குறைந்தவை, ஒத்திபோட வேண்டியவை, படிப்பதற்கானவை என பகுத்துக்கொள்வேன். அதிக முன்னுரிமை கொடுக்கப்பட வேண்டியவை தவிர வேறு எதுவும் மேசைகளில் இருக்காது' என்கிறார். முக்கியத்துவத்திற்கு முன்னுரிமை அளித்ததால்தான் அப்துல் கலாம்  வாழ்வின் உன்னத மனிதர்களில் ஒருவராய்த் திகழ்ந்தார்.

"நாடு எனக்கு என்ன செய்தது என்பதைவிட, நாட்டிற்கு நான் என்ன செய்தேன்?' என்ற அமெரிக்க அதிபர் ஜான் கென்னடியின் வரிகளைப்போல்,  தனது நாட்டின் நலன் காப்பவர்களே தலைவர்கள். "ஒரு படையை வழிநடத்திச் செல்லும் ஒரு தளபதிக்கு,  எப்போதும், எந்நேரத்திலும், அவரது நாட்டின் பாதுகாப்பு, கெளரவம் மற்றும் குடிமக்கள் நலனே முதன்மையாக இருக்கவேண்டும். அடுத்ததாக, தனது கட்டளைக்கு செயல்படும் போர்வீரர்களின் நலனும், மரியாதையும் இடம்பெற வேண்டும். தலைவனின் சொந்த நலனும், பாதுகாப்பும் எப்போதும், எந்நேரத்திலும் இறுதியாகவே இருக்க வேண்டும்' என்கிறார் பிரிட்டிஷ் இராணுவ அதிகாரி பீல்டு மார்ஷல் பிலிப் ஷெட்வுட். 

அன்பை முதன்மைப்படுத்தினால் வாழ்வு அழகாகிறது.  அன்று இரவு பத்து மணி இருக்கும். ""அப்பா... உங்களிடம் ஒரு கேள்வி கேட்கலாமா?'' என்றான் அவரது பத்து வயது மகன். ""கேள்'' என்றார் தந்தை. ""ஒரு மணி நேரத்தில் நீங்கள் எவ்வளவு சம்பாதிப்பீர்கள்?'' என்ற மகனின் கேள்விக்கு,  ""இது உனக்கு தேவையில்லாதது; இதை ஏன் கேட்கிறாய்?'' என்றார் கோபத்துடன். இருப்பினும்,  ""நூறு டாலர்'' என்று பெருமையாகச் சொன்னார். ""அப்பா... எனக்கு ஐம்பது டாலர் கடனாகத் தர முடியுமா?'' என்றதும், தந்தை கோபமடைந்தார். ""பொம்மை வாங்க வேண்டுமா? அதற்கு இத்தனை கேள்வியா?'' என்றார். வாடிய முகத்தோடு நீண்ட நேரம் கழித்தும் தூங்காமல் விழித்திருந்த மகனிடம், ""இந்தா! நீ கேட்ட 50 டாலர்'' என்று வேண்டா
வெறுப்பாய் தந்தார்.

உடனே எழுந்து ஓடிச்சென்று ஒரு பையில் தான் சேர்த்து வைத்திருந்த 50 டாலரை எடுத்து வந்தான். ""அப்பா! இப்பொழுது என்னிடம் நூறு டாலர் இருக்கிறது. இதை வைத்துக் கொள்ளுங்கள். நாளை நீங்கள் அலுவலகத்தில் இருந்து ஒரு மணி நேரம் முன்னதாக வருகிறீர்களா! ஒரு மணி நேரம் என்னோடு செலவிடுங்கள்'' என்றான். சுக்குநூறாகிப் போனது தந்தையின் இதயம். தனது குழந்தை மகிழ்ச்சியாக இருக்க வேண்டும் என்று நினைத்து, நிறையப் பணம் சம்பாதிக்க இரவு பகல் பாராது உழைத்தார் தந்தை,  ஆனால், மகனின் மகிழ்ச்சி தந்தையுடன் விளையாடுவதுதான் என்பது  புரியாமல். 

பணம் அவசியம்தான். ஆனால் அதைவிட பாசம் முக்கியம். முக்கியத்துவத்தினை அறியாமல் வாழ்க்கை பயணமானால் வாழ்க்கை திசைமாறிப் போகும். அவ்வப்போது நமது முக்கியத்துவத்தையும், முன்னுரிமையையும் சரிசெய்து கொண்டால்,  நமது லட்சியம் அர்த்தமுள்ளதாகவே பயணிக்கும்.

முக்கியத்துவம் முதன்மையானது!
முக்கியத்துவமே மனிதனை முழுமைப்படுத்தும்! 

(தொடரும்)

கட்டுரையாசிரியர்: 
காவல்துறை துணை ஆணையர், நுண்ணறிவுப் பிரிவு. 

]]>
http://images.dinamani.com/uploads/user/imagelibrary/2018/11/10/w600X390/im4.jpg http://www.dinamani.com/weekly-supplements/ilaignarmani/2018/nov/13/தன்னிலை-உயர்த்து---18-3036159.html
3034242 வார இதழ்கள் இளைஞர்மணி திட்டமிடுங்கள்... முடிவெடுக்க! DIN DIN Tuesday, November 6, 2018 02:45 PM +0530 வேலை கிடைக்கவில்லை என்று வாடிக் கொண்டிருக்கும் இளைஞர்களுக்கு வேலை ஒரு கட்டத்தில் கிடைத்துவிடும். அப்படி கிடைத்த வேலையைத் தக்க வைத்துக் கொள்ள சில ஆண்டுகள் போராட வேண்டியிருக்கும். அதற்கான திறமைகளை வளர்த்துக் கொள்ள வேண்டியிருக்கும். வேலையைத் தக்க வைத்துக் கொண்ட பிறகு, அந்த நிறுவனத்தில் தலைமைப் பொறுப்பு வரும் வாய்ப்பு கூட சிலருக்குக் கிட்டும். அப்படித் தலைமைப் பொறுப்புக்கு வந்துவிட்டால் பல முடிவுகளை எடுக்க வேண்டியிருக்கும். முடிவெடுப்பது எப்படி?
 நாம் உணர்ச்சி வசப்பட்டிருக்கும்போது நாம் எடுக்கும் சில முடிவுகள் எப்போதும் நன்மையில் முடியாது. பல சமயங்களில் அம்முடிவுகள் தவறானதாக இருக்கவே வாய்ப்புகள் அதிகம்.
 ஒரு நிறுவனத்தில் பணிபுரியும் ஒருவர் தனது உயர் அதிகாரி திட்டிவிட்டார் என்பதற்காக கோபப்பட்டு பணியை விட்டுவிட்டால், பாதிக்கப்படப் போவது பணியாளரே தவிர, அதிகாரி அல்ல. எனவே கோபப்படாமல் நிதானமாக யோசித்து முடிவெடுக்க வேண்டும். பணியாளரே உணர்ச்சியைக் கட்டுப்படுத்த வேண்டும் என்றால், ஓர் நிறுவனத்தில் உயர் அதிகாரிகளாகப் பணிபுரிபவர்கள், உணர்ச்சிகளைக் கட்டுப்படுத்த கட்டாயம் தெரிந்திருக்க வேண்டும். ஏனெனில் உணர்ச்சி வசப்பட்டு அவர்கள் எடுக்கும் முடிவுகள் நிறுவனத்துக்கே தீமையை விளைவிக்கும்.
 உதாரணமாக, ஓர் நிறுவனத்தில் நல்லவர், அன்பானவர் என்று பெயரெடுத்த ஒரு பணியாளர் வேலையில் நாட்டம் இல்லாதவராகவும், திறன் குறைந்தவராகவும் இருக்கிறார். அவரைப் பணியில் இருந்து நீக்க வேண்டியதுதான் நிறுவனத்துக்கு லாபத்தைத் தரும். ஆனால் அவர் நல்லவர் என்ற காரணத்துக்காக, அவர் மீது இரக்கப்பட்டு அவருடைய உயர் அதிகாரி அவரைப் பணியில் தொடரவிட்டால், அலுவலகத்துக்கு இழப்பு ஏற்படும். அதே சமயம் அந்தப் பணியாளரைத் திருத்துவதற்கு முயற்சி செய்ய வேண்டும்.
 திட்டமிடுதல்: ஒரு நிறுவனத்தில் உயர்பதவியில் இருக்கும் ஒருவருக்கு நிறைய பொறுப்புகள் இருக்கும். அவர் ஒரு நாளைக்கு பல முக்கியமான விஷயங்களில் முடிவெடுக்க வேண்டிய கட்டாயத்தில் இருப்பார். அப்போது பதற்றத்தாலும், மன அழுத்தத்தாலும் தவறான முடிவுகளை எடுக்கவும் வாய்ப்பு உண்டு. அதனால் ஒரு முடிவை எடுப்பதற்கு முன்பு அதுகுறித்து தெளிவாகத் திட்டமிட வேண்டும். .
 பிறர் கருத்தைக் கேட்பது: நிறுவனத்தின் தலைமை அதிகாரியாகப் பணிபுரியும் ஒருவருக்கு அந்த நிறுவனத்தின் அவரே முடிவுகளையும் அவர்களே எடுக்க வேண்டும் என்று தோன்றும். ஏனெனில் பிறர் முடிவால் ஏதேனும் தவறு நடந்து விடுமோ? என்ற பயம். ஆனால் மற்றவர்களின் கருத்துகளைக் கேட்காமல் எடுக்கப்பட்ட தனிப்பட்ட முடிவு எப்போதும் நன்மையில் முடியும் என்று கூற முடியாது. அதனால் தலைவராக இருந்தாலும், பிறரின் கருத்துகளைக் கேட்டு ஆலோசனை நடத்திய பின்பு முடிவெடுப்பதே சிறந்தது.
 பதறாத காரியம் சிதறாது: ஒரு கடினமான விஷயத்தில் முக்கியமான முடிவெடுக்கும் போது தலைமைப் பொறுப்பில் உள்ளவர்கள் தங்களது உள்ளுணர்வின்படி சென்றால் அந்த முடிவு சிறப்பாக இருக்காது. எந்த ஒரு முடிவையும் உரிய காலம் எடுத்து நிதானமாக யோசித்து எடுக்க வேண்டும். "லேட்டா வந்தாலும் லேட்டஸ்டா வந்தோம்ல' என்பது போல் சிறிது நேரம் யோசித்து எடுக்கும் முடிவு நன்மையில் முடியும்.
 சரியாகவும், திட்டமிட்டும், மனத் தெளிவுடனும் முடிவெடுத்தவர்கள்தான் பின்னாளில் சாதனையாளர்களாக, நிறுவனங்களின் தலைமை அதிகாரியாக இருப்பார்கள். அதனால் ஒரு முடிவை அவசரப்பட்டு எடுத்துவிட்டு பின்பு வருத்தப்படுவதற்கு பதிலாக, நிதானமாக யோசித்து, உணர்ச்சிகளைக் கட்டுப்படுத்தி முடிவெடுத்தோம் என்றால் அந்த முடிவுகள் அனைத்தும் நம் வாழ்க்கையில் வெற்றிக் கனியை பரிசாகத் தரும். தலைமைப் பொறுப்பு வர விரும்பும் இளைஞர்கள் எல்லாரும் இதை மனதில் எப்போதும் நிறுத்தி வைத்துக் கொள்வது நல்லது.
 - க. நந்தினி ரவிச்சந்திரன்
 
 

]]>
http://images.dinamani.com/uploads/user/imagelibrary/2018/11/6/w600X390/im9.jpg http://www.dinamani.com/weekly-supplements/ilaignarmani/2018/nov/06/திட்டமிடுங்கள்-முடிவெடுக்க-3034242.html
3034241 வார இதழ்கள் இளைஞர்மணி காற்றில் மாசை குறைக்கும் கருவி! DIN DIN Tuesday, November 6, 2018 02:43 PM +0530 நாளுக்கு நாள் வாகனங்கள் அதிகமாகிக் கொண்டே போகின்றன. காற்றில் கலக்கும் வாகனப் புகையின் அளவும் அதிகரித்துக் கொண்டே போகிறது. தில்லி போன்ற பெரிய நகரங்களில் மக்கள் மூச்சுவிடவே சிரமப்பட வேண்டியுள்ளது.
இந்நிலையில் வாகனங்களில் இருந்து வரும் புகையில் உள்ள காற்றை மாசுபடுத்தும் கார்பனின் அளவைக் குறைத்தால் என்ன என்று தோன்றியது சிதம்பரம் அண்ணாமலைப் பல்கலைக்கழகத்தில் படித்துக் கொண்டிருந்த தினகரனுக்கு. அதற்கான முயற்சியில் அவர் இறங்கியபோது அவருக்குத் துணையாக நின்றவர்கள் இருவர். ஒருவர் அந்த மாணவரின் அப்பா கெஜவரதன். இன்னொருவர் அப்பாவின் நண்பர் துக்காராம். அவர்களிருவரும் சென்னையில் உள்ள அசோக் லேலண்ட் தொழிற்சாலையில் பணியாற்றிக் கொண்டிருந்தார்கள். வாகனங்களின் என்ஜின் இயங்குவதைப் பற்றிய தொழில்நுட்பங்கள் அவர்களுக்குத் தெரியும் என்பதால், அவர்களுடைய துணையுடன் வாகனங்களில் இருந்து வெளிவரும் புகையில் மாசின் அளவைக் குறைக்கும் ஒரு கண்டுபிடிப்பை அந்த மாணவரால் கண்டுபிடிக்க முடிந்திருக்கிறது. தற்போது வெளிநாட்டில் நிறுவனம் ஒன்றில் பணியாற்றிக் கொண்டிருக்கும் அவரிடம் பேசியதிலிருந்து...
"நான் சிதம்பரம் அண்ணாமலைப் பல்கலைக்கழகத்தில் படித்துக் கொண்டிருந்த போது புராஜெக்ட் வொர்க் செய்ய வேண்டியிருந்தது. என்னுடன் பயின்ற பல மாணவர்கள் பல புதுபுது ஐடியாக்களுடன் "அதைச் செய்ய வேண்டும்; இதைச் செய்ய வேண்டும்' என்று ஆர்வமாகப் பேசிக் கொள்வார்கள். அப்படி அவர்கள் பேசிக் கொண்டிருந்த ஒரு விஷயம்தான், தண்ணீரில் ஓடும் கார்களைத் தயாரிப்பது. ஆனால் அது நடைமுறையில் சாத்தியமற்றது என்று எனக்குத் தோன்றினாலும், தண்ணீரை எரிபொருளாக மாற்ற முடியுமா என்ற சிந்தனை எனக்குள் எழுந்தது. 
அதன் விளைவாக பல ஆராய்ச்சிகள் செய்து தண்ணீரை எலக்ட்ரோலைஸிஸ் (electrolysis) முறையில் ஆக்ஸி - ஹைட்ரஜனாக மாற்ற முடியும் என்று கண்டறிந்தேன். இந்த ஆக்ஸி - ஹைட்ரஜனை வாகனங்களில் ஏற்கெனவே உள்ள பெட்ரோல், டீசல் போன்ற எரிபொருள்களின் வாயுக்களுடன் சேர்த்துச் செலுத்திப் பார்த்தால், என்ன விளைவு ஏற்படும் என்று ஆராய்ச்சி செய்தேன். விளைவு அற்புதமாக இருந்தது. 
வாகனத்தில் உள்ள ஏர் ஃபில்டர் பகுதியில் இருந்து வெளிவரும் பெட்ரோல், டீசல் எரிபொருள்களின் வாயுக்களுடன் இந்த ஆக்ஸி -ஹைட்ரஜனைச் சேர்த்துவிட்டதும், என்ஜினுக்குள் படிந்திருக்கும் மொத்த அழுக்கும் வெளி வர ஆரம்பித்தது. 
வழக்கமாக வாகனங்களில் பயன்படுத்தப்படும் எரிபொருள்கள் நூறு சதவீதமும் அதன் என்ஜின் இயக்கத்தின்போது பயன்படுத்தப்படுவதில்லை. இந்த ஆக்ஸி - ஹைட்ரஜன் அதில் சேர்ந்ததும் எரிபொருள்கள் முழுமையாகப் பயன்படுத்தப்படுகின்றன. இதனால் கார்பன் போன்ற அழுக்குகள் என்ஜினின் உள் பகுதியில் படிவதில்லை. புகையில் கலக்கும் கார்பனின் அளவும் இதனால் பெரிய அளவில் குறைந்துவிடுகிறது. இதனால் என்ஜினின் இயக்கம் எளிதாகி முழுத்திறனுடன் இயங்கத் தொடங்குகிறது என்பதைக் கண்டுபிடித்தேன். 
அதன் பிறகு எனது அப்பா மற்றும் அவரின் நண்பரின் உதவியுடன் ஆக்ஸி - ஹைட்ரஜனை உருவாக்கும் இயந்திரத்தைத் தயாரித்தேன். இந்த இயந்திரம் பேட்டரியால் இயங்கக் கூடியது. இந்த இயந்திரத்திலிருந்து வெளிவரும் ஆக்ஸி - ஹைட்ரஜனை வாகனத்தின் எரிபொருள் வாயுக்களுடன் இணைத்துவிட்டு, வாகனத்தின் என்ஜினை இயக்கினால், கார், வேன் போன்ற வாகனங்கள் 20 நிமிடங்களிலும், லாரி, பஸ் போன்ற வாகனங்கள் 45 நிமிடங்களிலும் தூய்மையாகி விடுகின்றன. இதனால் வாகனங்களில் இருந்து வெளிவரும் புகையின் அளவும் குறைந்துவிடுகிறது. வாகனங்களின் இயங்கும் ஆற்றல் அதிகரிக்கிறது. எல்லாவற்றுக்கும் மேலாக எரிபொருள் செலவு குறைகிறது.
இப்போது இந்த ஆக்ஸி - ஹைட்ரஜன் இயந்திரத்தைத் தயாரிப்பது, தேவையானவர்களுக்கு அவற்றைத் தருவது, கார், லாரி போன்ற வாகனங்களைத் தூய்மைப்படுத்துவது ஆகிய பணிகளை என் தந்தையும், அவரின் நண்பரும் செய்து வருகிறார்கள். 
வாகனங்களில் இருந்து வரும் புகையைக் குறைப்பது மிகத் தேவையான ஒன்றாக மாறிவிட்ட இக்காலத்தில் இந்தக் கண்டுபிடிப்பு சுற்றுச்சூழலைப் பாதுகாப்பதில் மிக முக்கியமான பங்கு வகிக்கும் என்பதில் சந்தேகமில்லை'' என்றார். 
- ந.ஜீவா


 

]]>
http://images.dinamani.com/uploads/user/imagelibrary/2018/11/6/w600X390/im8.jpg http://www.dinamani.com/weekly-supplements/ilaignarmani/2018/nov/06/காற்றில்-மாசை-குறைக்கும்-கருவி-3034241.html
3034240 வார இதழ்கள் இளைஞர்மணி மூன்றாவது கண்! சுகி. சிவம் DIN DIN Tuesday, November 6, 2018 02:36 PM +0530 நீ... நான்... நிஜம்! -43
விழிப்புணர்வு என்ற வார்த்தையைப் படித்துவிட்டு அதெல்லாம் மகான்கள், ஞானிகள் சமாச்சாரம் என்று தூரத்தில் போய் விட வேண்டாம்... ஏழெட்டு கேள்விகள் கேட்கிறேன்... பாத்ரூமுக்குள் குளிக்க ஆரம்பித்த பிறகு, "ஆஹா துண்டு எடுக்கவில்லை... சோப்பு கொண்டு வரவில்லை' என்று கவலைப்பட்ட துண்டா? கழிவறையை உபயோகப்படுத்திய பிறகு, "அடடா... குழாயில் தண்ணீர் வரவில்லையே' என்று கண்டறியும் விநோத மனிதரா நீங்கள்? அடையாள அட்டை, பாஸ்போர்ட், டிக்கட் இத்யாதிகளைத் தேடுகிறேன் பேர்வழி என்று கலவரம் அடைந்து கலாட்டா செய்கிறவரா? கைபேசி எங்கே வைத்தோம் என்பது தெரியாமல் பிறரிடம் மிஸ்டு கால் கொடு என்று கெஞ்சிய பிறகு, அடடா silent-இல் அல்லவா போட்டோம் என்று தலையில் அடித்துக் கொள்ளும் பழக்கம் உண்டா? இருவரிடம் அல்லது மூவரிடம் சந்திப்பதாக (ஒரே நாள் ஒரே நேரத்தில்) வாக்குக் கொடுத்து விட்டு, "அடடா... முட்டாள் தனம் செய்துவிட்டோமே' என்று வருத்தப்பட்ட துண்டா? "நாம் இவ்வளவு கோபப் பட்டிருக்க வேண்டாம்... இந்த விஷயத்தைக் கேட்டிருக்க வேண்டாம்... அந்த வார்த்தையைச் சொல்லியிருக்க வேண்டாம்' என்று Flash Back சீன்களை ஓட்டி அதை Erase (அழிக்க) அல்லது Delete (நீக்க) பண்ண தத்தளிப்பது உண்டா?
"அதைச் சாப்பிட்டிருக்க வேண்டாம்... இதை இந்த அளவு சாப்பிட்டிருக்கக் கூடாது'' என்று பலமுறை சொல்லிக் கொள்கிற அல்லது நினைக்கிற பழக்கம் உண்டா? தொடர்ந்து தாமதமாகப் போய் பள்ளி, கல்லூரி, அலுவகங்களில் அவமானப்படுவது உண்டா? மன்னிப்பு கேட்டு இளிக்கும் வழக்கம் உள்ளவரா? பேசக் கூடாத மனிதரிடம் பேசக் கூடாத விஷயத்தைப் பேசி பிரச்சனைக்கு அடிக்கடி ஆளாவது வழக்கமா? உங்கள் செயல்களை மற்றவர் விமர்சித்தாலும் பிடிக்காது... தானாகவும் தன்னை விமர்சிக்கும் வழக்கமுமற்றவரா? என்னுடைய மதம், மொழி, இனம், நாடு, வழிபாடு, ஜாதி, குலம், கோத்திரம் மிகமிக உயர்ந்தது என்கிற கர்வம் உடையவரா? இதில் எந்த கேள்விக்கு "ஆம்' என்ற பதில் வந்தாலும் நீங்கள் விழிப்படைய வேண்டியவர். இன்னும் விழிப்படையாதவர். இத்தனை கேள்வி எழுப்பும் இவன் ரொம்ப யோக்யனா? இவன் மட்டும் இந்த மாதிரி இருப்பதில்லையா? இப்படிக் கேட்க இவனுக்கு என்ன தகுதி இருக்கிறது? என்று பொருமுகிற நபரா? மன்னிக்கவும் நீங்கள் ரொம்பவே தூக்கத்தில் இருப்பவர்... விழிக்க இரண்டு மூன்று ஜன்மங்கள் கூட எடுக்க வேண்டி இருக்கலாம்... கோபம் வருகிறதா? சரி வம்பை நிறுத்திவிட்டு விஷயத்துக்கு வருகிறேன்.
கடந்த சில இதழ்களில் புத்தர், காஞ்சி மகாபெரியவர், இப்படிப் பட்டவர்கள் பற்றி நான் எழுதியதைப் படித்துவிட்டு, "என்னடா இவன் சாமியார்கள் சமாச்சாரமாக எழுதுகிறான். அதுவும் இளைஞர் மணியில், சுயமுன்னேற்றம் குறித்த கட்டுரையில் போய் இந்த மாதிரி மனிதர்களையா எழுதுவார்கள்?' என்று சிலர் யோசித்திருக்கலாம். இவன் இந்து மத ஞானியரை நைசாக நுழைத்து இந்து மதப் பிரச்சாரம் மறைமுகமாகச் செய்கிறானோ என்று கூட சிலர் சந்தேகப் பட்டிருக்கலாம். விழிப்பு என்பது மதத்திற்கு அப்பாற்பட்டது. கிறித்தவத்தில் இயேசுவின் பணி கூட மதமாகப் புரிந்து கொள்ளப்பட்டதே ஒழிய, அதன் சூட்சுமம் பலருக்கும் தெரியவில்லை. இயேசு குறித்து என் பார்வையைச் சொல்கிறேன். பிறகு முடிவு செய்யுங்கள்... இயேசுவின் வசனங்களில் புகழ் பெற்ற வசனம் உண்டு. "இறந்தவனை இறந்தவர்களிடமே விட்டுவிடுங்கள். இறந்தவரை இறந்தவர்களே பார்த்துக் கொள்வார்கள்' என்றொரு பொன்மொழி. இதன் ஆழமான பொருள் மதத்தன்மையில் ஊறியவர்களுக்கு ஒருபோதும் விளங்காது. மதவெறி கடந்து விழிப்படைந்தவர்களுக்கு மட்டுமே அதன் உண்மை தரிசனமாகும். விளக்குகிறேன்.
ஆழமான ஏரியில் ஒருவர் வலையை வீசி மீன் பிடித்துக் கொண்டிருந்தார். அவர் நிறைய மீன்கள் பிடித்த மகிழ்ச்சியில் மீன் போலவே துள்ளினார். அப்போது அவரது தோள்களை வலிவும் பொலிவும் மிக்க கைகள் அழுத்தின. அந்த அழுத்தத்தில் அளவு கடந்த அன்பும் கருணையும் அர்த்தமாயின. திடுக்கிட்டுத் திரும்பிய மீனவர் தம் தோள்களை அழுத்திக் கொண்டிருக்கும் கைகளுக்குச் சொந்தக்காரரைக் கண்டார். ஊடுருவும் பார்வை. கவர்ந்திழுக்கும் காந்தம் போன்ற திருமுகம். அவரது ஆளுமை வட்டத்தில் இருந்து மீளுவது அத்தனை சுலபமல்ல. "இப்படிச் சின்னச் சின்ன மீன்களைப் பிடித்தே காலம் கழிக்கிறாயே? என்னுடன் வா. வாழ்க்கையைப் பிடிக்க, இதைவிட உயர்ந்தவற்றை வலை வீசி பிடிக்கும் கலையைச் சொல்லித் தருகிறேன்'' என்றார் அந்தப் புனிதர்... அவர் பெயர் இயேசுபிரான். மறுதலிக்க முடியாதவராய், வலையையும் மீன்களையும் வீசி விட்டு அவர் பின்னே நடக்கத் தொடங்கினார் அந்த மீனவர். அவரது கருணை மழை, ஞான அலை, மீனவரை அவர் பின்னே போக விட்டது. இருவரும் சிறிது தொலைவு நடந்த சமயம்... உறவினர்கள் ஓடி வந்தார்கள்.
"உன் தகப்பன் இறந்து விட்டான்... வா... உடனே வா'' என்று மீனவரின் உறவினர்கள் கூவி அழைத்தனர். கைகளைக் கூப்பி யேசுவை நோக்கியவர், ""போதகரே என் தந்தை இறந்து விட்டாராம்... அவரை அடக்கம் செய்துவிட்டு உங்கள் பின்னே வந்து விடுகிறேன்... நீங்கள் கொஞ்சம் காத்திருக்க இயலுமா?'' என்று கண்ணீர் மல்கக் கேட்டார் அவர். இயேசு சிரித்தபடி சொன்னார். "இறந்தவரை இறந்தவர்களே அடக்கம் செய்யட்டும். நீ போக வேண்டாம். நீ என்னுடன் வா. நீ உயிருடன் இருக்கிறாய். இந்தக் கிராமத்தில் அநேக மனிதர்கள் இறந்தவர்கள். அவர்கள் இறந்தவரை அடக்கம் செய்து விடுவார்கள்'' என்றபடி இயேசு புறப்பட்டார்.
இறந்தவர்கள் இறந்தவரை அடக்கம் செய்வார்கள் என்ற வசனம் புரிகிறதா? உயிரோடு இருக்கும் போதே சிலர் செத்தவர்களைப் போல ஆகி விடுவதை யேசு குறிப்பிடுகிறார். அவர்கள் விழிப்படையாதவர்கள். இருந்தும் இல்லாதவர்கள். உயிருண்டு... ஆனால் உயிர்ப்பில்லை. அவர்கள் இறந்தவர்கள்... அவர்கள் நிஜமாகவே மரித்துப்போனவர்களை அடக்கம் செய்வார்கள் என்கிறார் யேசு. என்னை உலுக்கிய வரிகளில் வலிமையான வரி இது!
விழிப்புணர்வு என்பது மதங்கடந்தது என்பதை உணர்த்த இஸ்லாத்தில் இருந்தும் ஓர் உதாரணம் தருகிறேன். ஹசரத் அலி என்கிற பெருமகனார், இஸ்லாத்தை - மார்க்கத்தை நிலை நாட்ட ஒருவருடன் போருக்கு அழைக்கப்பட்டார். போரிட வந்தவருக்குக் கொள்கை விளக்கங்களை உணர முடியாததால், "என்னைப் போரில் நபிகள் வென்றால் மார்க்கத்தில் இணைகிறேன். வெற்றி முடிவானது'' என்று சவால் விட்டார். நபிகள் ஹசரத்தைப் போரிட பணித்தார். மற்ற விவரங்களை நாகூர் ரூமி அவர்கள் புத்தகத்திலிருந்து படித்ததைத் தருகிறேன். தன் எதிரியைக் கீழே தள்ளி அவன் நெஞ்சின் மீது அலி உட்கார்ந்து விட்டார்கள். வெற்றி முடிவானது. அந்த நேரத்தில் அந்த எதிரி ஒரு காரியம் செய்தான். தோற்றுப் போகப் போகிறோம் என்று தெரிந்து விட்ட தருணத்தில் யாரும் செய்ய நினைக்காத, செய்யத் துணியாத காரியம் அது. திடீரென்று அலீயவர்கள் முகத்தில் காறி உமிழ்ந்துவிட்டான். அவ்வளவுதான்! அலீக்குக் கோபம் பொங்கியது. அவனைக் கொல்ல வாளை உருவினார்கள். ஆனால் என்ன நினைத்தார்களோ, உடனே எழுந்துவிட்டார்கள். "உன்னைக் கொல்லாமல் விட்டுவிடுகிறேன். நீ போய்விடு'' என்றார்கள். எதிரிக்கு ஒரே ஆச்சரியம். நாமாக இருந்திருந்தால் தப்பித்தோம் பிழைத்தோம் என்று ஓடி வந்திருப்போம். ஆனால் அவனோ அலீயின் செயலுக்கு விளக்கம் கேட்டான். முகத்தில் காறி உமிழ்ந்து அவமானப்படுத்தியும் ஏன் என்னை விடுகிறீர்கள்? என்று கேட்டான்.
அலீ சொன்னார்கள்: நீ என் முகத்தில் காறி உமிழ்ந்த போது எனக்கு பயங்கரமான கோபம் வந்துவிட்டது. உடனே நான் உன்னைக் கண்டம் துண்டமாக வெட்டிப் போட நினைத்தேன். ஆனால் அப்படி நான் செய்திருந்தால், அது என் கோபத்தின் காரணமாக உன்னைக் கொலை செய்ததாகும். இது இறைவனுக்காக நடத்தப்படும் யுத்தம். இதில் என்னுடைய உணர்ச்சிகளுக்கு இடம் கொடுத்து இந்தப் போரின் புனிதத்தைக் கெடுக்க நான் விரும்பவில்லை. ஃபார்ஸி மொழியில் இயற்றப்பட்ட தனது மஸ்னவி என்ற காவியத்தில் மௌலானா ஜலாலுத்தீன் ரூமி (ரஹ்) அவர்கள் இந்த நிகழ்ச்சியை விவரித்து சிலாகிக்கிறார்கள்'' என்கிறார் நாகூர் ரூமி. இறைவனுக்காக என்று தொடங்கிய சண்டை தன் மீது எச்சில் துப்பியதற்கான கொலையில் முடிவது சரியல்ல என்ற விழிப்பே அலீ அவர்களின் சிறப்பு.
கோபத்தில் நாம் எதுசெய்தாலும் அது விழிப்புணர்வற்ற செயல் என்று அறிய வேண்டும். இன்னும் பல புனிதமான பெயர்களில் மனிதர்கள் வன்முறை இன்று நிகழ்த்துகிறார்கள். ஆனால் உண்மையான காரணம் அறிவு தூங்கி வழிய, மனக்குழப்பம் தலைவிரித்தாடி அந்தப் பிழைகளை அரங்கேற்றம் செய்கிறார்கள். இந்த நுட்பமான பார்வையை உங்கள் மூன்றாவது கண்தான் வழங்கமுடியும். விழிப்புணர்வற்ற நிலையை விளக்கும் ஜென் கதை ஒன்று சொல்கிறேன். கொஞ்சம் நம்ம ஊர் சரக்காக்கித் தருகிறேன்.
பல அடுக்குகளைக் கொண்ட மாடியின் உச்சியில் நின்று கொண்டிருந்தார் ஒரு நபர். தரை தளத்தில் தெரிந்த நீச்சல் குளத்தை இரசித்துக் கொண்டிருந்தார். அப்போது பக்கத்தில் ஒரு பெருங்கூச்சல் கேட்டது. "ஏ... ராமசாமி உன் மகன் நீச்சல் குளத்தில் விழுந்துட்டான்'' என்று அலறினார் ஒருவர். அவ்வளவுதான்... மேல்மாடியிலிருந்து நீச்சல் குளம் நோக்கிக் குதித்தார் அந்த நபர். ஆனால் நீச்சல் குளம் நோக்கித் தலை கீழாக வரும் பாதி வழியில் தான் அவருக்கு உரைத்தது... "நான் ராமசாமி இல்லையே... கிருஷ்ணசாமி அல்லவா என் பெயர்' என்று குழம்பினார். கொஞ்ச தூரத்தில் வரும்போது நமக்கு மகன் இல்லை காரணம் திருமணமே ஆகவில்லை... அப்படியிருக்க ஏன் குதித்தோம் என்று கவலைப்பட்டார். இது உண்மையல்ல... ஒரு வேடிக்கைக் கதை... ஆனால் பல மனிதர்கள் குழப்பத்திலும் மயக்கத்திலும் செயல்படுகிறார்கள். என்பதை எடுத்துரைக்கும்... இல்லை... இடித்துரைக்கும் கதை. நாம் குழப்பத்தில் செயல்படுகிறோம் என்பதை உணரும் அந்தக் கணத்தில்தான் விழிப்பே தொடங்குகிறது... புரிந்தால் சரி!
(தொடரும்)

]]>
http://images.dinamani.com/uploads/user/imagelibrary/2018/11/6/w600X390/im7.jpg http://www.dinamani.com/weekly-supplements/ilaignarmani/2018/nov/06/மூன்றாவது-கண்-சுகி-சிவம்-3034240.html
3034239 வார இதழ்கள் இளைஞர்மணி வேலை...வேலை...வேலை... Tuesday, November 6, 2018 02:30 PM +0530 மத்திய உளவுத் துறையில் வேலை
மொத்த காலியிடங்கள்: 1054 (தமிழகத்திற்கு 40 இடங்கள் ஒதுக்கப்பட்டுள்ளன)
பதவி: Security Assistant (Executive)
சம்பளம்: மாதம் ரூ.5,200 - 20,200 
வயதுவரம்பு: 27 வயதிற்குள் இருக்க வேண்டும்.
தகுதி: பத்தாம் வகுப்பு தேர்ச்சி பெற்றிருக்க வேண்டும். தமிழில் எழுத, பேச தெரிந்திருக்க வேண்டும். 
தேர்வு செய்யப்படும் முறை: எழுத்துத் தேர்வு மற்றும் நேர்முகத் தேர்வின் அடிப்படையில் தகுதியானவர்கள் தேர்வு செய்யப்படுவார்கள். 
விண்ணப்பக் கட்டணம்: பொது மற்றும் ஓபிசி பிரிவைச் சேர்ந்த ஆண்களுக்கு மட்டும் ரூ.50. பெண்கள், இதர பிரிவைச் சேர்ந்த விண்ணப்பதாரர்களுக்கு கட்டண விலக்கு அளிக்கப்பட்டுள்ளது. கட்டணத்தை ஆன்லைன் அல்லது ஆஃப்லைன் முறையில் செலுத்தலாம்.
விண்ணப்பிக்கும் முறை: www.mha.gov.in அல்லது www.ncs.gov.in என்ற வலைதளத்தில் ஆன்லைன் மூலம் விண்ணப்பிக்க வேண்டும். 
மேலும் முழுமையான விவரங்கள் அறிய: https://mha.gov.in/sites/default/files/VacanciesSecurityAssistant_18102018.pdf என்ற லிங்கில் சென்று தெரிந்துகொள்ளவும்.
விண்ணப்பிப்பதற்கான கடைசித் தேதி: 10.11.2018

இஎஸ்ஐசி -இல் மருத்துவ அதிகாரி வேலை
மொத்த காலியிடங்கள்: 771 (தமிழகத்திற்கு 11 இடங்கள் ஒதுக்கப்பட்டுள்ளன) 
பதவி: Insurance Medical Officers (IMO)
சம்பளம்: மாதம் ரூ.53,100 - 1,67,800
வயதுவரம்பு: 30 வயதிற்குள் இருக்க வேண்டும். குறிப்பிட்ட சில பிரிவினருக்கு அரசு விதிகளின்படி வயதுவரம்பில் தளர்வு வழங்கப்படும்.
தகுதி: எம்பிபிஎஸ் பட்டம் பெற்று பயிற்சி முடித்து இந்திய மருத்துவ கவுன்சிலில் பதிவு செய்திருக்க வேண்டும்.
தேர்வு செய்யப்படும் முறை: ஆன்லைன் எழுத்துத்தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள்.
விண்ணப்பக் கட்டணம்: பொது மற்றும் ஓபிசி பிரிவினருக்கு ரூ.500. மற்ற அனைத்து பிரிவினரும் ரூ.250 கட்டணமாகச் செலுத்த வேண்டும். இதனை ஆன்லைனில் செலுத்த வேண்டும். 
கட்டணம் செலுத்துவதற்கான கடைசித் தேதி: 13.11.2018
விண்ணப்பிக்கும் முறை: www.esic.nic.in என்ற இணையதளத்தின் மூலம் ஆன்லைனில் விண்ணப்பிக்க வேண்டும். 
மேலும் முழுமையான விவரங்கள் அறிய: https://www.esic.nic.in/attachments/recruitmentfile/f8516daa3766aaa2501c69dfb87a6419.pdf? என்ற லிங்கில் சென்று தெரிந்துகொள்ளவும். 
விண்ணப்பிப்பதற்கான கடைசித் தேதி: 10.11.2018

தமிழக அரசில் வேலை 
பதவி: கங்ஸ்ரீற்ன்ழ்ங்ழ் ண்ய் நற்ஹற்ண்ள்ற்ண்ஸ்ரீள்
காலியிடங்கள்: 03
சம்பளம்: மாதம் ரூ.56,100 - 1,77,500
வயதுவரம்பு: 01.07.2018 தேதியின்படி 30 வயதிற்குள் இருக்க வேண்டும். எஸ்சி, எஸ்டி, எம்பிசி, பிசி, பிசிஎம், டிசி 
பிரிவினருக்கு வயது உச்ச வரம்பு கிடையாது. 
தகுதி: முறையான பாடத்தின்கீழ் படித்து புள்ளியியல் துறையில் முதுகலை பட்டம் பெற்றிருக்க வேண்டும். தமிழில் சரளமாக பேசவும், எழுதவும் தெரிந்திருக்க வேண்டும். 
தேர்வு செய்யப்படும் முறை: எழுத்துத்தேர்வு மற்றும் நேர்முகத் தேர்வின் அடிப்படையில் தகுதியானவர்கள் தேர்வு செய்யப்படுவார்கள். 
தேர்வு நடை பெறும் தேதி: 12.01.2019
தேர்வு நடைபெறும் இடங்கள்: சென்னை, மதுரை, கோவை, திருச்சி, திருநெல்வேலி
தேர்வு கட்டணம்: ரூ.200. இதனை ஆன்லைன் முறையில் செலுத்தலாம். 
விண்ணப்பிக்கும் முறை: www.tnpsc.gov.in என்ற இணையதளத்தின் மூலம் ஆன்லைனில் விண்ணப்பிக்க வேண்டும். 
மேலும் முழுமையான விவரங்கள் அறிய: http://www.tnpsc.gov.in/notifications/2018_25_notyn_lect_in_statistics.pdf என்ற லிங்கில் சென்று பாருங்கள்.
ஆன்லைனில் விண்ணப்பிப்பதற்கான கடைசித் தேதி: 11.11.2018

துணை ராணுவத்தில் வேலை
பதவி: Constable (Animal Transport)
காலியிடங்கள்: 85 (ஆண்கள் - 72, பெண்கள் - 13)
தகுதி: பத்தாம் வகுப்பு தேர்ச்சி பெற்றிருக்க வேண்டும். 
வயதுவரம்பு: 18 வயது முதல் 25 வயதிற்குள் இருக்க வேண்டும். 
சம்பளம்: மாதம் ரூ.21700 - 69100
விண்ணப்பக் கட்டணம்: ரூ.100. இதனை ஆன்லைனில் செலுத்தலாம். எஸ்சி, எஸ்டி, முன்னாள் ராணுவத்தினர், பெண் விண்ணப்பதாரர்கள் கட்டணம் செலுத்தத் தேவையில்லை. 
விண்ணப்பிக்கும் முறை: www.recruitment.itbpolice.nic.in என்ற வலைதளத்தின் மூலம் ஆன்லைனில் விண்ணப்பிக்க வேண்டும்.
மேலும் முழுமையான விவரங்கள் அறிய: http://recruitment.itbpolice.nic.in என்ற வலைதளத்தைப் பாருங்கள். 
விண்ணப்பிப்பதற்கான கடைசித் தேதி: 11.11.2018

நிலக்கரி நிறுவனத்தில் வேலை
பதவி: Staff Nurse T & S (Trainee)
காலியிடங்கள்: 48 
தகுதி: பிளஸ் டூ தேர்ச்சியுடன் செவிலியர் பாடத்தில் 3 ஆண்டு டிப்ளமோ, சான்றிதழ் பெற்று நர்சிங் கவுன்சிலில் பதிவு செய்திருக்க வேண்டும். 
பதவி: Technician CT Scan T & S (Trainee)
காலியிடங்கள்: 3 
தகுதி: பத்தாம் வகுப்பு தேர்ச்சியுடன் ரேடியோகிராபி பாடத்தில் 2 ஆண்டு டிப்ளமோ தேர்ச்சியுடன் சிடி ஸ்கேனில் 6 மாத பயிற்சி முடித்திருக்க வேண்டும். 
பதவி: Technician MRI T & S (Trainee)
காலியிடங்கள்: 2 
தகுதி: பத்தாம் வகுப்பு தேர்ச்சியுடன் ரேடியோகிராபி பாடத்தில் 2 ஆண்டு டிப்ளமோ தேர்ச்சியுடன் எம்ஆர்ஐயில் 6 மாத பயிற்சி முடித்திருக்க வேண்டும். 
வயதுவரம்பு: 30 வயதிற்குள் இருக்க வேண்டும். இடஒதுக்கீட்டு பிரிவினருக்கு அரசுவிதிகளின்படி வயதுவரம்பில் தளர்வு வழங்கப்படும். 
விண்ணப்பிக்கும் முறை: www.ncl.cil.in என்ற இணையதளத்தில் ஆன்லைனில் விண்ணப்பிக்க வேண்டும். 
மேலும் முழுமையான விவரங்கள் அறிய: http://www.nclcil.in/recruitment/Employment%20Notification(Paramedical%20Staff).pdf என்ற வலைதளத்தில் கொடுக்கப்பட்டுள்ள அறிவிப்பைப் பார்த்து தெரிந்துகொள்ளவும். 
ஆன்லைனில் விண்ணப்பிப்பதற்கான கடைசித் தேதி: 12.11.2018.

கனரா வங்கியில் வேலை 
பதவி: Probationary Officers (PO)
காலியிடங்கள்: 800
தகுதி: ஏதாவதொரு துறையில் 60 சதவீத மதிப்பெண்களுடன் இளங்கலை பட்டம் பெற்றிருக்க வேண்டும். 
வயதுவரம்பு: 01.10.2018 தேதியின்படி 20 - 30 வயதிற்குள் இருக்க வேண்டும். அரசு விதிகளின்படி இட ஒதுக்கீடு பிரிவினருக்கு வயதுவரம்பில் தளர்வு அளிக்கப்படும்.
சம்பளம்: மாதம் ரூ.23,700 - 42,020
தேர்வு செய்யப்படும் முறை: ஆன்லைன் எழுத்துத் தேர்வு மற்றும் குழு விவாதங்கள் அடிப்படையில் தகுதியானவர்கள் தேர்வு செய்யப்படுவார்கள். 
விண்ணப்பக் கட்டணம்: பொது மற்றும் ஓபிசி பிரிவினருக்கு ரூ.708. எஸ்சி, எஸ்டி மற்றும் மாற்றுத்திறனாளிகளுக்கு ரூ.118. இதனை ஆன்லைன் மூலம் செலுத்தலாம்.
விண்ணப்பிக்கும் முறை: www.canarabank.com என்ற வலைதளத்தின் மூலம் ஆன்லைனில் விண்ணப்பிக்கலாம். 
ஆன்லைன் எழுத்துத் தேர்வு நடைபெறும் தேதி: 23.12.2018
மேலும் முழுமையான விவரங்கள் அறிய: https://www.canarabank.com/media/8121/rp-1-2018-web-advertisement-english-22102018.pdf என்ற லிங்கை கிளிக் செய்து தெரிந்துகொள்ளவும். 
விண்ணப்பிப்பதற்கான கடைசித் தேதி: 13.11.2018
தொகுப்பு: இரா.வெங்கடேசன்

]]>
http://images.dinamani.com/uploads/user/imagelibrary/2018/11/6/w600X390/VELAI.JPG http://www.dinamani.com/weekly-supplements/ilaignarmani/2018/nov/06/வேலைவேலைவேலை-3034239.html
3034178 வார இதழ்கள் இளைஞர்மணி ஆபத்தான செல்ஃபி...எச்சரிக்கும் ஆப்! Tuesday, November 6, 2018 10:00 AM +0530 பலரது லைக்குகளைப் பெறுவதற்காக எடுக்கப்படும் அபாயகரமான செல்ஃபி (கைப்படம்), சிலரது உயிரைப் பறிக்கும் கடைசிப் புகைப்படமாக அமைந்துவிடுகிறது. அபாயகரமான செல்ஃபி மோகத்தில் உலகம் முழுவதும் கடந்த 6 ஆண்டுகளில் 250-க்கும் மேற்பட்டவர்கள் உயிரிழந்துள்ளனர் என ஆய்வுத் தகவல்கள் தெரிவிக்கின்றன. இதில், இந்தியா, பாகிஸ்தான், அமெரிக்கா, ரஷியா ஆகிய நாடுகள் முன்னிலை வகிக்கின்றன.
 இதைத் தடுக்கும் வகையில் தில்லி இந்திரபிரஸ்தா தகவல் தொழில்நுட்ப நிறுவனத்தைச் சேர்ந்த ஆராய்ச்சியாளர்கள் புதிய செயலி "ள்ஹச்ற்ண்ங்'- யை உருவாக்கி உள்ளனர். இதில், நமது ஸ்மார்ட் போனில் உள்ள கேமரா எச்சரிக்கையாகச் செயல்படுகிறது. அபாயகரமான இடங்களில் நின்று நாம் செல்ஃபி எடுத்தால், அந்த இடத்தின் அபாயகரமான தன்மையை இந்த செயலி எச்சரிக்கும்.
 உதாரணமாக, ரயில் தண்டவாளம், நீர்நிலைகள், உச்சி மலை, பெரிய விலங்குகள் போன்றவற்றுடன் நாம் செல்ஃபி எடுக்க முயன்றால், "நீங்கள் பாதுகாப்பான இடத்தில் இல்லை' என்று இந்த செயலி எச்சரிக்கும்.
 உலகம் முழுவதும் 5,500-க்கும் மேற்பட்ட அபாயகரமான இடங்கள் இந்த ஆப்பில் பட்டியலிடப்பட்டுள்ளன. இந்த அபாயகரமான இடங்களை நிர்ணயிப்பதற்காக ஆராய்ச்சியாளர்கள் ஓராண்டுக்கு முன்பே "லோகேஷன் மார்க்கர்' எனும் ஆப்பை வெளியிட்டு, பொது மக்களின் தகவல்களைப் பெற்றுள்ளனர். ஒரே இடத்தை குறிப்பிட்டு அபாயகரமான பகுதி என மூன்றுக்கும் மேற்பட்டோர் பதிவிட்டால் அதை அபாயகரமான பகுதியாக நிர்ணயித்துள்ளனர். இதுபோன்று சுமார் 6000 இடங்கள் அபாயகரமான பகுதிகளாக இவர்கள் முடிவு செய்துள்ளனர். இதுகுறித்து இந்த செயலியை உருவாக்கிய தில்லி ஐஐஐடி பேராசிரியர் பொன்னுரங்கம் குமாரகுரு கூறியதாவது:
 ""கடந்த ஓராண்டாக எங்கள் குழு இந்த செயலியை உருவாக்கும் பணியில் தீவிரமாக ஈடுபட்டது. ஸ்மார்ட் போனில் டேட்டா (இண்டர்நெட்) ஆப் செய்யப்பட்டிருந்தாலும் இந்த செயலி செயல்படும். எவ்வளவு உயரத்தில் நாம் நிற்கிறோம். நமக்கு பின்னால் என்ன பொருள் உள்ளது உள்ளிட்ட பல்வேறு விவரங்களை இந்த ஆப் எச்சரிக்கும்' என்றார்.
 - அ.சர்ஃப்ராஸ்
 

]]>
http://images.dinamani.com/uploads/user/imagelibrary/2018/11/6/w600X390/im1.JPG http://www.dinamani.com/weekly-supplements/ilaignarmani/2018/nov/06/ஆபத்தான-செல்ஃபிஎச்சரிக்கும்-ஆப்-3034178.html
3034221 வார இதழ்கள் இளைஞர்மணி வாங்க இங்கிலீஷ் பேசலாம் 164 - ஆர்.அபிலாஷ் DIN DIN Tuesday, November 6, 2018 09:52 AM +0530 புரொபஸர், கணேஷ், மற்றும் ஜுலி ஆகியோர் செல்லப்பிராணிகளுக்கான உளவியலாளரிடம் செல்கிறார்கள். அங்கே அவர்கள் மருத்துவருக்கான காத்திருப்போர் அறையில் இருக்கிறார்கள். நடாஷா எனும் பெண்ணும் மீசைக்காரர் எனும் போலீஸ்காரரும் அங்கு காத்திருக்கிறார்கள். அப்போது நடாஷா The Girl in Room 105 எனும் சேத்தக் பகத் நாவல் பற்றி குறிப்பிடுகிறார்.

நடாஷா: அந்த நாவலின் கதைக்கரு என்பது the difficulty in unloving and how a man finally learns to unlove.
கணேஷ்: Learning to unlove கேட்கவே விசித்திரமாய் உள்ளதே?
புரொபஸர்: நானும் அந்த நாவலைப் படித்தேன். Unlove என்பதை அதில் தான் முதல் முதலாய் எதிர்கொண்டேன்.
கணேஷ்: சார்... நீங்க சேத்தன் பகத்தெல்லாம் படிப்பீங்களா?
புரொபஸர்: Why not? சேத்தன் பகத் வணிக இலக்கிய உலகில் பல புரட்சிகளைச் செய்தவர் தெரியுமா? ஆங்கில நாவல் ஒன்றை நூறு ரூபாய்க்கு, சூப்பர் மார்க்கெட்டுகளில் கூட விற்க முடியுமெனக் காட்டியவர் அவர். இலக்கிய ஆர்வமோ, செறிவான ஆங்கிலப் பழக்கமோ இல்லாத எத்தனையோ இந்தியர்களுக்கு வணிக நாவல் ஒன்றை ஆங்கிலத்தில் எழுதி கொண்டு சேர்ப்பிக்க முடியும் என காட்டியவர். அதற்காக அவர் சற்றே எளிமையான நேரடியான ஆங்கிலம் ஒன்றைப் பயன்படுத்தினார். அன்றாட பேச்சு போன்ற ஆங்கிலம். மேற்கத்திய சாயல் அற்ற இந்திய ஆங்கிலம். 
நடாஷா: What you spoke of is his historical importance? ஆனால் அவருடைய இலக்கிய இடம் என்ன?
கணேஷ்: Historical என்றால் அவர் எழுதியது வரலாற்று நாவலா? "பொன்னியின் செல்வன்' போல?
நடாஷா: This is a different historical.
கணேஷ்: ஓ...
புரொபஸர்: நான் சொல்றேன். Historical என்றால் இரண்டு பொருள். ஒன்று வரலாற்று பூர்வமான / ரீதியான. அன்னா ஹசாரே இயக்கம் நினைவுள்ளதா?
கணேஷ்: ஆமாம் சார். நான் அப்போது சின்னப் பையன். 
புரொபஸர்: நடாஷா சொல்வது ஓரளவுக்கு உண்மை தான். அந்த இயக்கம் தோன்றின அவசரத்தில் காணாமல் போய் விட்டது. ஆனால் அதற்கு ஒரு historical importance உண்டு. 
கணேஷ்: ம்ம்ம்?
புரொபஸர்: ஆமாம், காங்கிரஸ் ஆட்சிக்குப் பின்னான வரலாற்றை யாராலும் அன்னா ஹசாரே இன்றி பேச முடியாது. அந்த அளவுக்கு அது ஒரு திருப்புமுனை வரலாற்று நிகழ்வு. கொள்கை அளவிலோ நோக்கத்தின் அடிப்படையிலோ அன்றி, வரலாற்று ரீதியாக மட்டுமே இது ஒரு முக்கியமான போராட்டம் - a historically important agitation. 
கணேஷ்: சார்... ஒரு சந்தேகம்.
புரொபஸர்: கேள்.
கணேஷ்: An historically important என்று தானே வர வேண்டும். நீங்க ஏன் a historically என்றீர்கள்?
புரொபஸர்: நல்ல கேள்வி. நிறைய பேருக்கு இது குறித்து குழப்பம் உண்டு. A மற்றும் an இரண்டும் articles. அதாவது சுட்டிடைச் சொல். "ஒரு' எனும் பொருளில் பயன்படுத்தப்படுவது. ஆங்கிலத்தில் எழுத்துகளின் ஓசையை vowel மற்றும் consonant என பிரிக்கிறார்கள். Apple என்பதன் ஆ ஒரு consonant  ஓசை. Orange உம் அப்படித்தான். ஆனால் mango என்பதன் m ஒரு consonant

ஒலி. வவ்வல் ஒலியுடன் ஒரு சொல் துவங்கினால் அதற்கு முன்பு வரும் சுட்டிசைச் சொல் "an' என்று வர வேண்டும் என்பது நியதி. அப்போது தான் an apple என லாகவமாய் இரண்டு சொற்களையும் இணைத்து ஒற்றைச் சொல் போல படிக்க முடியும். கன்செனண்ட் ஒலி என்றால் அரை வினாடி இடைவெளி விட்டே a mango எனப் படிப்போம். ஆகையால் அங்கு an வேண்டாம். A போதும். சரி இப்போது சொல். Historical என்பதன் முதல் எழுத்தின் ஓசை வவ்வலா கன்செனண்டா? "ஹி'யா, "இ'யா?
(இனியும் பேசுவோம்)

]]>
http://images.dinamani.com/uploads/user/imagelibrary/2018/11/6/w600X390/im6.jpg http://www.dinamani.com/weekly-supplements/ilaignarmani/2018/nov/06/வாங்க-இங்கிலீஷ்-பேசலாம்-164---ஆர்அபிலாஷ்-3034221.html
3034220 வார இதழ்கள் இளைஞர்மணி படியுங்கள்...பேஷன் கம்யூனிகேஷன்! DIN DIN Tuesday, November 6, 2018 09:42 AM +0530 ஃபேஷன் தொழில்துறை மிகப்பெரிய தொழில் துறையாகும். உலகம் முழுவதும் பலரும் இத்தொழிலில் ஈடுபட்டு வருகின்றனர். அதிக வருவாய் ஈட்டக் கூடிய தொழிலாகவும் இது திகழ்கின்றது. 
மிகவேகமாக வளர்ந்து வரும் தொழில்துறைகளில் ஃபேஷன் துறையும் ஒன்றாகும். அதில் ஃபேஷன் கம்யூனிகேஷன் படித்தவர்களுக்கு அதிக வேலை வாய்ப்புகள் காத்திருக்கின்றன. ஃபேஷன் என்றாலே வித்தியாசமாக வடிவமைப்பதாகும். அதை விளம்பரப்படுத்துவதிலும் வித்தியாசத்தைக் காட்ட வேண்டும். அதனால் ஃபேஷன் கம்யூனிகேஷன் படித்தவர்கள் புதிய வடிவமைப்பு, புதிய விளம்பர யுக்தி, புதிய முறையில் சந்தைப்படுத்துவது, புதிய முறையில் கண்காட்சியில் காட்சிப்படுத்துவது உள்பட பல திறமைகளைக் கொண்டவர்களாக இருக்க வேண்டும். அதற்கு ஃபேஷன் கம்யூனிகேஷன் சம்பந்தமான படிப்புகளைப் படிக்க வேண்டும். 
இந்தியாவில் ஃபேஷன் கம்யூனிகேஷன் படிப்பை நடத்தும் நிறுவனங்கள் :
National Institute of Fashion Technology, Bangalore. 
National Institute of Fashion Technology, New Delhi. 
National Institute of Fashion Technology, Mumbai. 
National Institute of Fashion Technology, Chennai. 
Symbiosis Institute of Design,  Pune.
வெளிநாடுகளில் ஃபேஷன் கம்யூனிகேஷன் படிப்பை நடத்தும் நிறுவனங்கள் :
Central Saint Martins, London Parsons. 
The New School for Design, New York. 
Bunka Fashion College / Bunka Women's University, Tokyo. 
Fashion Institute of Technology, New York. 
Ecole De La Chambre Syndicale, Paris.
- எம்.அருண்குமார்
 

]]>
http://images.dinamani.com/uploads/user/imagelibrary/2018/11/6/w600X390/im5.jpg http://www.dinamani.com/weekly-supplements/ilaignarmani/2018/nov/06/படியுங்கள்பேஷன்-கம்யூனிகேஷன்-3034220.html
3034219 வார இதழ்கள் இளைஞர்மணி  அர்ப்பணிப்பே இறைமை! ஆர்.திருநாவுக்கரசு ஐ.பி.எஸ். DIN DIN Tuesday, November 6, 2018 09:39 AM +0530 தன்னிலை உயர்த்து! 17
 1935 ஆம் வருடம். ஹங்கேரி நாட்டின் இராணுவ சுடுதளம். துப்பாக்கி சுடும் பயிற்சியில் சக வீரர்களெல்லாம் தங்கள் இலக்குகளை பொறுமையாக குறி பார்த்துக் கொண்டிருந்தனர். ஒரே ஒரு வீரர் மட்டும் தனது இலக்குகளை நொடிப் பொழுதில் சுட்டுத் தள்ளினார். அவரது பெயர் ஒலிம்பிக் போட்டிக்கு பரிந்துரைக்கப்பட்டது. ஒரு சாதாரண வீரர், ஒலிம்பிக் போட்டியில் பங்குபெற இயலாது என அவரது பெயர் பின்பு நிராகரிக்கப்பட்டது. வாய்ப்பு கிடைக்கவில்லையே என வேதனைப்படவில்லை. வாய்ப்பை உருவாக்க தனது உழைப்பை அர்ப்பணித்தார். இலக்குகள் மாறாத சுடுதிறனும், துப்பாக்கி சுடுதலில் அவர் காட்டிய அர்ப்பணிப்பும், அவர் தங்கமகனாக வருவார் என்ற நம்பிக்கையை மக்கள் மனதில் உருவாக்க காரணமானது.
 1940-இல் துருக்கியில் நடைபெறவிருந்த ஒலிம்பிக் போட்டிக்கு அவரது பெயர் பரிந்துரைக்கப்பட்டது. அதற்கான பயிற்சியிலிருக்கும்போது ஒரு கையெறிகுண்டு தவறி வெடிக்கவே, இலக்குகளைச் சிதற வைத்த அவரது வலதுகை சிதறிப் போனது. அன்று, ஹங்கேரி மக்களின் ஒட்டுமொத்த ஒலிம்பிக் கனவும் நொறுங்கிப் போனது.
 ஒரு மாதம் மருத்துவமனை. மருத்துவர்கள் அவரது இழந்த கைகளுக்கு சிகிச்சை அளித்துக் கொண்டிருந்தார்கள். அந்த வீரனோ, ஹங்கேரி நாட்டு மக்கள் இழந்த நம்பிக்கைக்கு சிகிச்சை அளித்துக் கொண்டிருந்தார். இழந்த கையின் வேதனை ஒரு பக்கம். கிடைத்த வாய்ப்பு பறிபோய்விடுமோ என்ற ஏக்கம் மறுபக்கம். "வலது கை தானே போனது... இடதுகை உள்ளதே' என்றது அவரது நம்பிக்கை. இடது கையில் துப்பாக்கி ஏந்தினார்.
 மெய்வருத்தம் பாரார் பசிநோக்கார் கண்துஞ்சார்
 எவ்வெவர் தீமையும் மேற்கொள்ளார் - செவ்வி
 அருமையும் பாரார் அவமதிப்புங் கொள்ளார்
 கருமமே கண்ணாயினார்
 என்ற குமரகுருபரரின் வரிகளுக்கேற்ப துப்பாக்கியோடு வாழ்ந்தார். ஒலிம்பிக்கிற்கு தயாராகயிருந்தார். இருப்பினும் சோதனை மீண்டும் வந்தது. ஆம்... உலகம் போரில் மூழ்கியிருந்தது. எனவே, 1940 மற்றும் 1944-ஆம் ஆண்டுகளில் போரினால் ஒலிம்பிக் போட்டிகள் ரத்து செய்யப்பட்டன. வெற்றியாளர்கள் கூட சோதனைகளில் சில நேரங்களில் துவண்டுவிடுவதுண்டு. ஆனால், ஓர் அர்ப்பணிப்பாளன் வாழ்வில் துவண்டு போவதேயில்லை. எட்டு வருடங்களும் பயிற்சியைத் தொடர்ந்தார். 1948-ஆம் வருடம் லண்டன் ஒலிம்பிக்கில் கலந்து கொண்டார். அவரை வேடிக்கை பார்க்க வந்தவர் என்று நினைத்துக் கொண்டிருக்க, வெற்றிக்கனி பறித்து தங்க மகனானார். 1952-இல் நடைபெற்ற பின்லாந்து ஒலிம்பிக்கிலும் தங்கத்தையே ஹங்கேரிக்கு பரிசாய் பெற்றுத் தந்தார். அந்த வீரர்தான் கரோலி டாகாக்ஸ். வெற்றியாளர்கள் தடைக்கற்களை வெற்றிப் படிகளாக்குகிறார்கள். அர்ப்பணிப்பாளர்கள் சோதனைகளையும், வேதனைகளையும் சாதனைகளாக்குகிறார்கள்.
 "ஒரு லட்சியத்தை எடுத்துக் கொண்டு அதற்காக அர்ப்பணியுங்கள். பொறுமையுடன் விடாமுயற்சி செய்தால் உங்களுக்கான காலம் நிச்சயம் வரும்' என்ற சுவாமி விவேகானந்தரின் வரிகள்தான் அர்ப்பணிப்பவர்களுக்கு வாழ்வின் அடிநாதம்.
 முழுமையாக ஒரு செயலில் தன்னை அர்ப்பணிக்கின்ற மனிதனுக்கு அந்தச் செயலே, அவருக்கு புகழினைப் பெற்றுத் தரும். நற்செயல்களுக்கு அர்ப்பணிப்பவர்களின் பெயர்களை அச்செயலே முன்நிறுத்தும். செயல்திறன் கொண்ட அர்ப்பணிப்புதான் இந்த சமூகத்தின் ஆக்கப்பூர்வமான விடிவெள்ளி.
 தேசத்திற்காக தனது குடும்பத்தைத் துறக்கும் இராணுவ வீரன், வீரத்தின் அர்ப்பணிப்பு. ஆரோக்கியத்திற்காக நோய்களைத் தாங்கும் மருத்துவர், ஆரோக்கியத்தின் அர்ப்பணிப்பு. குடும்பத்திற்காக தனது தேவைகளைச் சுருக்கும் பெற்றோர் அன்பின் அர்ப்பணிப்பு. கணவனுக்காக தனது கண்களைக் கட்டிக்கொண்ட காந்தாரி பதிபக்தியின் அர்ப்பணிப்பு என தங்களது பண்பினால் அர்ப்பணிப்பிற்கு அழகு சேர்ப்பவர்கள் இம்மனிதத்தின் உன்னதங்கள். தந்தையின் விருப்பத்திற்காக பிரம்மச்சரியத்தை வாழ்க்கையாக்கிக் கொண்ட தேவவிரதன் என்ற காங்கேயன் உலகமே அதிசயிக்கும் அர்ப்பணிப்பாளன். ஆதலால்தான் யாரும் செய்ய முடியாத தியாகத்தை செய்பவர் பீஷ்மர் என்ற பொருள்படுவதால் தேவவிரதன் மகாபாரதத்தில் பீஷ்மரென்றே அழைக்கப்பட்டார்.
 மகாத்மா காந்தி சிறுவனாய் இருக்கும்போது, சிரவணனின் "பிதுர் பக்தி' என்ற நாடகம் பார்த்தார். அதில் சிரவணனின் பெற்றோர் பார்வையற்றவர்கள். இருப்பினும் அவர்கள் காசிக்கு தீர்த்த யாத்திரை செல்ல ஆசைப்பட்டனர். சிரவணன் ஒரு கொம்பால் இருபுறமும் தராசு போல் கூடைகளைக் கட்டி அதில் தனது தாய் தந்தையரை அமர வைத்து அழைத்துச் சென்றான். பல காடுகள் மலைகள் கடந்தான். வழியில் பெற்றோரை ஓரிடத்தில் இறக்கி வைத்துவிட்டு, குடிக்க தண்ணீர் எடுக்கச் சென்றான். அவன் குடுவையில் தண்ணீர் எடுத்தபோது ஏற்பட்ட சத்தம் யானை தண்ணீர் குடிப்பது போன்று கேட்கவே, அங்கு வேட்டைக்கு வந்த அயோத்தி மன்னர் தசரதன் யானைதான் தண்ணீர் குடிக்கிறது எனத் தவறாக எண்ணி அத்திசை நோக்கி அம்பினை எய்தினார். அதில் சிரவணன் இறந்தான். தன்னுடைய ஆற்றலான இளம் வயதை பெற்றோருக்காக அர்ப்பணித்த சிரவணன் மோகன்தாஸ் கரம்சந்த் காந்தியின் நெஞ்சில் விதையாய் விழுந்ததால் மகாத்மா காந்தி என்னும் விருட்சம் உலகிற்குப் பரிசானது.
 மாபெரும் வெற்றியாளர்களின் முதல் அடையாளம் அர்ப்பணிப்பு. இதில் அதிகம் பங்கேற்பவர்கள் விஞ்ஞானிகளே. தனது அறிவின் ஆற்றலோடு அறிவியல் ஆற்றலை வெளிப்படுத்த ஓர் இடம் தேடினார் ஜெகதீஷ் சந்திரபோஸ். கல்கத்தா பிரிசிடென்சி கல்லூரி அவரது அறிவுக்கு இடம் தந்தது. ஆனால் உழைப்பிற்கு சன்மானம் தர இயலவில்லை என்றது. ஊதியமின்றி உள்ளம் மகிழ்ந்து உழைத்தார். "என் கடன் பணி செய்து கிடப்பதே' என்று வாழ்ந்தார். கழிப்பறைதான் அவரது ஆராய்ச்சிக் கூடம்.
 ரைட் சகோதரர்களைப் பற்றி ஜான் ட்ரோபிரிட்ஜ் என்னும் கவிஞர்,
 ஊசி, நூலுடன்
 மெழுகு, சுத்தி
 இடுப்புக் கச்சை பக்கிள் திருகாணி -
 இப்படிப்பட்ட பொருட்களையே
 மேதைகள் பயன்படுத்துகிறார்கள் -
 வடிவத்திற்கு இரண்டு வெüவால்கள்!
 அதிசயமான மனிதர்கள்!
 ஒரு கரிச்சட்டி, இரண்டு துருத்திகள்!
 என்று நையாண்டிக் கவிதை எழுதினார். அதைப் போல ஜெகதீஷ் சந்திரபோஸின் உதவியாளர் ஒரு மரச்சாமான் செய்பவராக இருந்தார். பொருளுதவி இல்லாதபோதும், போஸ் கம்பியில்லாத் தந்தியைக் கண்டுபிடித்தார். உண்மையில் அற்புத சிந்தையானாலும், உன்னத உழைப்பாலும் மார்கோனிக்கு முன்னதாகவே வானொலிக்கு முதல் புள்ளியிட்டவர் போஸ். அகச்சிவப்பு கதிர் (இன்ப்ராரெட் டிடெக்டர்) கண்டுபிடிப்புடன், கிரெஸ்கோகிராப் போன்ற கண்டுபிடிப்புகளுக்கு தனது வாழ்நாளுக்கு பின்னரும் வாழும் பெருமை சேர்த்தார். ஜெகதீஸ் சந்திரபோஸ் அர்ப்பணிப்பின் அடையாளமானார். இவர் போன்று எண்ணிலடங்கா விஞ்ஞானிகளின் அர்ப்பணிப்புதான் இன்றைய அறிவியல் வளர்ச்சிக்கு அடித்தளம்.
 ஒரு செடியைப் பேணி வளர்ப்பதுபோல் மனிதத்தில் வளர்க்கப்பட வேண்டிய மகத்தான பண்பு, அர்ப்பணிப்பு. ஒரு துறவியின் பயணத்தில் ஒரு பெரிய ஆலயத்தின் கட்டுமானப் பணி தென்பட்டது. நல்ல உச்சி வெயில். அங்கே ஒருவர், கற்களை எடுத்துக் கொடுக்க, மற்றவர் அதனை எடுத்து கட்டிக் கொண்டிருந்தார். ""என்னப்பா! என்ன செய்கிறீர்கள்?'' என்று ஒரு கேள்வி எழுப்ப, பதிலுக்கு ""இந்த வேகாத வெயிலிலும், வேலைசெய்ய வேண்டியிருக்கு. அதுதான் எங்கள் தலைவிதி'' என்று ஒருவர் தன்னை நொந்துகொண்டார். கேட்டுக்கொண்டே அதன் உட்புறத்திற்கு பயணமானார். உள்ளே ஒருவர் அந்த கற்களுக்குள் ஒரு சிற்பத்தை வெளிக்கொணர்ந்து கொண்டிருந்தார். ""என்னப்பா செய்கிறீர்?'' என்ற கேள்விக்கு ""சிலை வடிக்கிறோம். நல்ல ஊதியம் இங்கே கிடைப்பதால் மலைமீது வந்து இந்த சிலையை வடிக்கிறோம்'' என்றார்.
 அவர்களைக் கடந்து செல்ல, அருகிலிருக்கின்ற சிறு பாறையை ஒருவர் உச்சி வெயிலில் சம்மட்டியால் பிளந்து கொண்டிருந்தார். ""என்னப்பா செய்கிறாய்?'' என்ற துறவியின் கேள்விக்கு, ""சுவாமி! இறைப்பணி செய்து கொண்டிருக்கிறேன். அடுத்தமுறை நீங்கள் வரும்போது ஓர் அற்புதமான ஆலயம் இங்கு இருக்கும். அங்கே, இறைவன் அழகாய் குடிகொண்டிருப்பார். நீங்கள் இங்கேயே தங்க வேண்டியிருக்கும். அப்படிப்பட்ட ஓர் ஆலயம் கட்ட, இறைவன் என்னைப் படைத்திருக்கிறார். என்னை அவருக்கு அர்ப்பணிக்கிறேன்'' என்றார். கிடைத்த வேலையினை நொந்துகொண்டு செய்வது சலிப்பு. அது பணியின் கொடூரம். கிடைக்கும் பணத்திற்காகவும், பலனுக்காகவும் செய்தால் அது கடமை. உள்ளன்போடு செய்தால் அது அர்ப்பணிப்பு. அர்ப்பணிப்போடு பணிபுரிபவர்கள் இந்த வையத்தில் வாழ்வாங்கு வாழ்பவர்கள். அவர்களுக்கு ஒரு நல்ல இடம் தெய்வங்களோடு காத்திருக்கும் என்பதை,
 வையத்தில் வாழ்வாங்கு வாழ்பவன் வானுறையும்
 தெய்வத்துள் வைக்கப் படும்
 என்கிறார் நம் தெய்வப் புலவர் திருவள்ளுவர்.
 உழைக்க மறுப்பது மனிதக் களை. சன்மானத்திற்காக உழைப்பது கடமை. உழைப்போடு ஒன்றிணைவது அர்ப்பணிப்பு. வாழ்வையே அர்ப்பணித்தல் தியாகம்.
 அர்ப்பணிப்புதான் தெய்வீகத்தின் அடிச்சுவடு. அர்ப்பணிப்பு இறைமையின் வடிவம். எப்பொழுதும்போலவே, அதிபத்தர் கடலுக்குள் மீன்பிடிக்கச் சென்றார். ஆனால், இவரது வலையில் மட்டும் முதல் மீன் மிகப்பெரிய மீனாகவே வந்து மாட்டிக்கொள்ளும். இறைவனோடு கொண்ட அன்பினால் என்றும்போலவே, முதல் மீனை கடலுக்குள்ளேயே விட்டுவிடுவார். அதை இறைவனுக்கு அர்ப்பணித்தோம் என்பார். முன்பெல்லாம், நிறைய மீன்கள் வலையில் விழ, இப்பொழுதெல்லாம் அந்த ஒற்றை மீனோடு, ஒரு மீனும் வலையில் விழவில்லை. ஆனாலும், அந்த ஒற்றை மீனையும் இறைவனுக்கு அர்ப்பணிக்க இவர் தவறவில்லை. குடும்பம் வறுமையில் வாடியது. "அதிபத்தருக்கு மட்டும் ஏன் இந்த சோதனை?' என்று அந்த சோழநாட்டு நுளைப்பாடி கிராமமே வருத்தத்தில் திளைத்தது. அன்றும் கடலில் வலைவீச, முதலாய் அகப்பட்ட மீன் ரத்தினங்களோடும், வைரங்களோடும் மின்னியது. உடன் வந்தவரெல்லாம் அதிசயிக்க, இதை வைத்துக் கொண்டு ஆண்டாண்டு காலத்திற்கும் எந்த பசியும் இல்லாமல் செல்வச் செழிப்போடு வாழலாம் என்று மீனவ நண்பர்கள் கூறினர். ஆனாலும், முதலில் கிடைக்கும் மீனை இறைவனுக்கு கொடுப்பதுதான் வழக்கம்; இன்றும் அதனை இறைவனுக்கே அர்ப்பணிப்பேன் என்று நவரத்தின மீனை இறைவனுக்காக அர்ப்பணித்தார் அதிபத்தர். உயிர் மீனைக் கடலில் விட்டார். விண்மீனுக்கு அருகிலிருந்து இறைவன் தன்னையே நந்தி வாகனத்தின் மீது வந்து அருள்பாலித்தார். அதிபத்தர் அறுபத்து மூன்று நாயன்மார்களுள் ஒருவரானார். சூடிக் கொடுத்த மலர்கொடிக்கு எவ்வாறு இறைவன் புதுப் பூவை விட, தலையில் முடிந்த பூவை அர்ப்பணித்தபோது ஏற்றுக்கொண்டாரோ, அதேபோல் முடிந்ததை உண்மையாக அர்ப்பணிக்கும்போது இறைவன் அவர்களை முழுமையாகவே ஏற்றுக் கொள்கிறார். அர்ப்பணிப்பு மனிதத்தை இறைத்தன்மையாக்கும்.
 உன்னத உழைப்பு அர்ப்பணிப்பு!
 அர்ப்பணிப்பே இறைமை!!
 (தொடரும்)
 கட்டுரையாசிரியர்:
 காவல்துறை துணை ஆணையர், நுண்ணறிவுப் பிரிவு.
 

]]>
http://images.dinamani.com/uploads/user/imagelibrary/2018/11/6/w600X390/im4.jpg http://www.dinamani.com/weekly-supplements/ilaignarmani/2018/nov/06/அர்ப்பணிப்பே-இறைமை-ஆர்திருநாவுக்கரசு-ஐபிஎஸ்-3034219.html
3034218 வார இதழ்கள் இளைஞர்மணி சரியான பார்வை... சரியான வழி... சரியான செயல்! 19 - தா.நெடுஞ்செழியன் Tuesday, November 6, 2018 09:31 AM +0530 வாணியம்பாடியில் உள்ளசர் சையத் அஹமத் கான் என்பவர் கல்வியின் பால் அவருக்கு உள்ள ஈடுபாட்டினாலும், இஸ்லாமிய மதத்தினர் கல்வி கற்க வேண்டும் என்ற விருப்பத்தாலும், "வாணியம்படி முஸ்லீம் எஜுகேஷனல் சொûஸட்டி' என்ற தொண்டு நிறுவனத்தை 1901- ஆம் ஆண்டு தொடங்கினார். அதன் மூலமாக 1903- ஆம் ஆண்டு இசுலாமியா தொடக்கப் பள்ளி தொடங்கப்பட்டது. பின்னர் வாணியம்பாடியில் உள்ள இஸ்லாமிய சமூகத்தினரால் இந்தப் பள்ளி உயர்நிலைப்பள்ளியாக 1912- ஆம் ஆண்டு உருவாக்கப்பட்டது. இதே நிறுவனத்தின் கீழ் 1916- ஆம் ஆண்டு இசுலாமியாக் கல்லூரிக்கு அன்றைய மெட்ராஸ் மாகாணத்தின் ஆளுநராக இருந்த லார்ட் பென்ட்லேண்ட் என்பவரால் அடிக்கல் நாட்டப்பட்டது. 1919 -இல் கல்லூரி தொடங்கப்பட்டது. 1921- இல் இதற்கு அங்கீகாரம் வழங்கப்பட்டது. இந்தக் கல்லூரிக்கு நவாப் சி. அப்துல் ஹக்கீம் சாஹிப் என்பவர் ரூ 50 ஆயிரம் நன்கொடை அளித்தார். அதை வைத்து இந்தக் கல்லூரியின் முதல் கட்டடம் கட்டப்பட்டது. 
1901 -இல் "வாணியம்படி முஸ்லீம் எஜுகேஷனல் சொûஸட்டி' தொண்டு நிறுவனத்தால் உருவாக்கப்பட்ட இந்தக் கல்லூரி, அந்தப் பகுதியில் வாழும் எண்ணற்ற மாணவர்களை மிகுந்த தகுதியும் திறமையும் உள்ளவர்களாக உயர்த்தியுள்ளது. 
இந்த கல்லூரி இஸ்லாமியர்களுக்கு என தொடங்கப்பட்டது என்றாலும், பல்வேறு மதத்தைச் சேர்ந்தவர்களும் கல்வி பயில அனுமதிக்கப்பட்டனர். ஆர்க்காடு மாவட்டத்தில் உள்ள பல்லாயிரக்கணக்கான மாணவர்கள் கல்வி பயில இந்தத் தொண்டு நிறுவனம் தொடங்கி வைத்த பள்ளிகளும், கல்லூரிகளும் பெரும் உதவி புரிந்துள்ளன. 
இந்த வாணியம்பாடி இஜுகேஷனல் சொசைட்டி 1901-இல் இருந்து பல்வேறு கல்வி நிறுவனங்களை உருவாக்கியுள்ளது. 1957- இல் இசுலாமியா பெண்கள் மேனிலைப் பள்ளியைத் தொடங்கியது. 1984 -இல் இசுலாமியா இண்டஸ்டிரியல் ட்ரெயினிங் சென்டரும், 1997- இல் இசுலாமியா பெண்கள் கலை மற்றும் அறிவியல் கல்லூரியும் தொடங்கப்பட்டன. எண்ணற்ற மாணவர்கள் இந்த பள்ளிகளிலும் கல்லூரிகளிலும் படித்து முன்னேறியிருக்கிறார்கள். நூறு ஆண்டுகளுக்கு முன்பே இந்தப் பகுதியில் உள்ள எல்லா மக்களும் கல்வி பெற வேண்டும் என்ற தெளிவான பரந்த சிந்தனையுடன் இங்குள்ள கல்வி நிறுவனங்கள் தொடங்கப்பட்டதால், வாணியம்பாடி பகுதி "அலிகார் ஆஃப் செளத்' என்ற பெருமைக்குரியதாகத் திகழ்கிறது.
உதாரணமாக, வாணியம்பாடி இசுலாமியா கல்லூரியில் பயின்ற முன்னாள் மாணவர்களில் ஒருவர் ஆனந்தகிருஷ்ணன். அவர் பத்மஸ்ரீ விருது பெற்றவர். அண்ணா பல்கலைக்கழகத்தின் துணைவேந்தராகப் பணிபுரிந்திருக்கிறார். ஐஐடி கான்பூரின் வேந்தராகப் பணியாற்றியிருக்கிறார். தமிழக அரசிற்கு இன்பர்மேஷன் டெக்னாலஜி அண்ட் இ- கவர்னன்ஸ் துறைக்கு ஆலோசகராக இருந்திருக்கிறார். இவரைப் போன்று எண்ணற்றவர்கள் கல்வி பயின்று முன்னேறியிருக்கிறார்கள். 
முதலாம் உலகப் போர் நிறுத்தப்பட்ட நாளில் - 1.11.1918 அன்று - வேலூர் மாவட்டம் வாணியம்பாடியில் இந்து மேனிலைப் பள்ளி தொடங்கப்பட்டது. இந்தப் பள்ளி இப்போது நூறாவது ஆண்டைக் கொண்டாட உள்ளது. 
"சமூக நல சேவா சங்கம்' என்ற அமைப்பின் நிதி உதவியுடன் இந்தப் பள்ளி தொடங்கப்பட்டது. 
இந்த மாவட்டத்தில் உள்ள நகரம் மற்றும் கிராமங்களில் வாழும் மக்கள் கல்வி பெறவேண்டும்; கல்வியின் வாயிலாக அவர்கள் வாழ்வில் உயர்ந்த நிலையை அடைய வேண்டும் என்ற நோக்கத்துடன் அன்றைய சமூக சேவகர்கள் கல்விப் பணிகளைச் செய்தனர். அதற்கு இன்று நல்ல பலன் கிட்டியுள்ளது. 
கிறிஸ்தவ மிஷினரிகள் வெளிநாடுகளில் இருந்து நம் நாட்டிற்கு வந்ததற்கான காரணம், கிறித்துவ மதத்தைப் பரப்புவதற்கு மட்டும்தான் என்று ஒரு கருத்து இருந்தாலும், கிறிஸ்தவ மிஷினரிகளின் சேவைகள் குறிப்பாக, கல்வி மற்றும் மருத்துவ சேவைகள், கல்வி மற்றும் மருத்துவத்துக்கான அடித்தளத்தை நம்நாட்டில் ஏற்படுத்தின என்பதை மறுக்க முடியாது. அதனால் சுதந்திரத்திற்குப் பிறகு தமிழகத்தில் ஒரு கட்டமைப்பான கல்விச் சூழலை உருவாக்குவது எளிதாக இருந்தது. இந்த அடித்தளம் தமிழகத்தில் இல்லாமல் இருந்திருந்தால் தமிழகமும் வட இந்திய மாநிலங்களைப் போல கல்வியிலும் மருத்துவத்திலும் பின்தங்கியிருக்கும் என்பதில் மாற்றுக் கருத்தே கிடையாது. எண்ணற்ற கிறிஸ்தவ மிஷனரி இன்ஸ்ட்டிடியூஷன்களை தமிழகத்தில் உருவாக்கி தமிழகத்தின் கல்விக்கான அடித்தளத்தை நிறுவி வந்தார்கள்.
உதாரணமாக சென்னையில் செயின் ஜார்ஜ் ஆங்கிலோ -இந்தியன் ஹையர் செகண்டரி ஸ்கூல் செனாய் நகரில் சென்னை பச்சையப்பன் கல்லூரிக்கு எதிரே 1715-ஆம் ஆண்டு தொடங்கப்பட்டது. சென்னையில் பெற்றோர் இல்லாத ஆண் குழந்தைக்காக அனாதை காப்பகம் (The Military (later Madras) Male Orphan Asylum) ஒன்றை உருவாக்கினார்கள். இந்தப் பள்ளி சென்னையில் 300 ஆண்டுகளைக் கடந்து வெற்றிகரமாக கல்விப் பணியாற்றி வருகிறது. பல்வேறு மதத்தவரும் இனத்தவரும் படிக்கும் வண்ணம் இதை நடத்தினார்கள். 
இதேபோன்று பிஷப் கூரி ஹையர் செகண்டரி பள்ளி (Bishop Corrie Anglo Indian Higher Secondary School) என்று வழங்கப்படும் இந்த பள்ளி 1834- ஆம் ஆண்டு பேரண்டல் அகாடெமி என்ற பெயரில் ஜார்ஜ் டவுன் பகுதியில் தொடங்கப்பட்டது. இந்தப் பள்ளி 1836 -ஆம் ஆண்டு மெட்ராஸ் கிராமர் ஸ்கூல் என்ற பெயர் மாற்றம் பெற்றது. 1896 இல்தான் இது பிஷப் கூரி பள்ளி என்றழைக்கப்பட்டது. இந்தப் பள்ளியை நிறுவியவர் டேனியல் கூரி என்பவர் ஆவார். 1978-இல் இப்பள்ளி சி.எஸ்.ஐ.பிஷப் கூரி ஆங்கிலோ இந்தியன் ஹையர் செகண்டரி பள்ளி ஆனது. வடசென்னையில் இயங்கி வரும் இப்பள்ளி மீனவ சமூகத்தினர், வணிகர்களின் குழந்தைகள் கல்வி பெற வேண்டும் என்ற உயர்ந்த நோக்கத்துடன் தொடங்கப்பட்டு இன்றைக்கும் சிறப்பாக இயங்கி வருகிறது. 
சென்னையில் செயின்ட் மேரீஸ் ஆங்கிலோ இண்டியன் ஸ்கூல் 1839- ஆம் ஆண்டு ரெவரண்ட் ஜோசப் கேரியூ என்பவரால் தொடங்கப்பட்டது. இந்தப் பள்ளியும் 175 ஆண்டுகளைக் கடந்துள்ளது. 
1842, 13 ஜனவரி அன்று ஃபர்ஸ்ட் பிரசன்டேஷன் ஸிஸ்டர்ஸ் இறைப்பணி செய்வதற்காக சென்னைக்கு வந்தார்கள். இவர்கள் ஜார்ஜ் டவுன் பகுதியில் உள்ள இந்தியர்கள் மற்றும் ஐரோப்பிய மாணவர்களைப் பயிற்றுவிப்பதற்காக அழைக்கப்பட்டார்கள். கலோனல் ஸ்மித் என்கிற ஆங்கில அதிகாரியின் மனைவி தனது கணவன் இறந்ததன் நினைவாக ஐரோப்பிய படைவீரர்களின் இந்திய குழந்தைகளுக்கான காப்பகத்துக்கு அடிக்கல் நாட்டினார்கள். மிஸஸ் ஸ்மித் 1810 ஆம் ஆண்டு அவர்களுக்காக சென்னை ஜார்ஜ் டவுன் பகுதியில் ஒரு பள்ளியைத் தொடங்கினார். செயின்ட்மேரீஸ் ஆர்பனேஜ் பள்ளி என்று அது அழைக்கப்பட்டது. மவுண்ட்ரோடில் செயின்ட் ஆர்சுலஸ் என்ற பள்ளியை நிறுவினார்கள். இந்தப் பள்ளி ஜார்ஜ்டவுனில் 1946 வரை இயங்கிவந்தது, 1947 முதல் சர்ச் பார்க் கேம்பஸுக்கு மாற்றப்பட்டு St. Ursula’s European and Anglo-Indian Middle School என்ற பெயரில் இயங்கி வந்தது. தற்போது ST. URSULA’S ANGLO-INDIAN HIGHER SECONDARY SCHOOL என்ற பெயரில் இயங்கி வருகிறது. 
1837 -ஆம் ஆண்டு ரெவரன்ட் ஜான் ஆண்டர்சன் என்பவர் சர்ச் ஆஃப் ஸ்காட்லாந்திலிருந்து வந்தார். தென்னிந்தியாவில் ஆங்கில வழி கல்வி நிறுவனங்கள் தேவை என்று உணர்ந்து அதைத் தொடங்கி வைத்த பெருமை அவரையே சாரும். 1837-இல் ஜெனரல் அசெம்பிளி ஸ்கூல் என்ற பள்ளியை சென்னை ஜார்ஜ் டவுனில் நிறுவினார். அது 1865 இல் கல்லூரியாக மாற்றப்பட்டது. 1877- இல் அது மெட்ராஸ் கிறிஸ்டியன் காலேஜ் என்பதாக மாறியது. இந்தக் கல்லூரி ஜார்ஜ் டவுனிலிருந்து உயர்நீதிமன்ற வளாகத்துக்கு எதிரில் இருந்து பின்னர் 400 ஏக்கர் சேலையூர் காட்டில் தாம்பரம் அருகே மாற்றப்பட்டது. 1939-இல் மாணவிகளும் இந்த கல்லூரியில் சேர்த்துக் கொள்ளப்பட்டார்கள். இன்றும் எம்சிசி மாணவர்கள் உலக அளவில் தனிமுத்திரை பதித்து வருகிறார்கள். கல்லூரியும் அகில இந்திய அளவில் உயர்கல்வி முத்திரை பதித்து வருகிறது. 
(தொடரும்)
கட்டுரையாசிரியர்: சமூக கல்வி ஆர்வலர் 
www.indiacollegefinder.org

]]>
http://images.dinamani.com/uploads/user/imagelibrary/2018/11/6/w600X390/im3.jpg http://www.dinamani.com/weekly-supplements/ilaignarmani/2018/nov/06/சரியான-பார்வை-சரியான-வழி-சரியான-செயல்-19---தாநெடுஞ்செழியன்-3034218.html
3030115 வார இதழ்கள் இளைஞர்மணி வாட்ஸ் ஆப்... புதிய சேவைகள்! அ.சர்ஃப்ராஸ் DIN Tuesday, October 30, 2018 02:43 PM +0530 பயனாளிகளின் தேவைக்கு ஏற்ப பல்வேறு மாற்றங்களை வாட்ஸ் ஆப் கொண்டு வருகிறது. தற்போது பயன்பாட்டாளர்களுக்கு மேலும் பாதுகாப்பு அம்சத்தை அதிகரிக்க அந்த நிறுவனம் புதிய முயற்சியில் ஈடுபட்டு வருகிறது.

கைரேகை, முகபாவம் ஆகியவற்றைப் பதிவு செய்து ஸ்மார்ட் போன்களுக்குள்ளே நுழைகிறோமோ, அதுபோல வாட்ஸ் ஆப்பிலும் நுழைய இந்த பாதுகாப்பு அம்சம் கொண்டு வரப்பட உள்ளது.

இந்த புதிய முறைப்படி, வாட்ஸ் ஆப்பிற்குள் நுழைய முதலில் கைரேகை, முகபாவம் ஆகியவற்றைப் பதிவு செய்யும்படி கேட்கும். இது ஒத்து போகவில்லை என்றால், பாஸ்கோட் எனும் ரகசிய எண்களைப் பதிவு செய்ய வாட்ஸ் ஆப் கேட்கும். அதன் பிறகுதான் நமது வாட்ஸ் ஆப்பைப் பயன்படுத்த முடியும். இதன் மூலம் ஒருவரின் வாட்ஸ் ஆப் பயன்பாட்டை மேலும் பாதுகாப்பானதாக மாற்ற முடியும். இந்த புதிய வசதி ஐ போன்களுக்கு வந்துவிட்டதாகவும், ஆன்ட்ராய்ட் போன்களுக்கு அடுத்த கட்டமாக வரும் என்றும் கூறப்படுகிறது.

இதேபோல், வாட்ஸ் ஆப்பில் ஒருவருக்கு தவறுதலாக அனுப்பப்பட்ட தகவலை டெலிட் செய்யும் வசதிக்கு அளிக்கப்பட்டிருந்த அவகாசம் 13 மணி 8 நிமிடம் 16 நொடிகளாக நீட்டிக்கப்பட்டுள்ளது. முன்பு இந்த அவகாசம் ஒரு மணி 8 நிமிடம் 16 நொடிகளாக நிர்ணயிக்கப்பட்டிருந்தது. ஆனால் இந்த அவகாசத்திற்குள் தகவல் பெறப்பட்டவர் அந்தத் தகவலை டவுன்லோடு செய்து பார்த்துவிட்டால் எதுவும் செய்ய இயலாது. 

மேலும், தேவையற்ற குழுக்களில் இருந்து வரும் தகவல்களை நாம் "மியூட்' செய்து வைப்பதுண்டு. ஆனாலும் அந்தத் தகவல்கள் வாட்ஸ் ஆப் முன்பகுதி (நோட்டிபிகேஷன்) திரையில் சத்தமில்லாமல் வெளியாகும். இதைத் தடுக்கும் வகையில் "வெகேஷன் மோட்' எனும் புதிய சேவையை வாட்ஸ் ஆப் அறிமுகம் செய்ய உள்ளது. இதன் மூலம் "மியூட்' செய்யப்பட்ட குழுக்களின் தகவல்களின் வரவைக் காண்பிக்காது. மேலும் வாட்ஸ் ஆப் கணக்குகளை இன்ஸ்டாகிராமுடன் இணைக்கும் புதிய சேவைக்கான முயற்சியும் நடைபெற்று வருவதாக தகவல்கள் தெரிவிக்கின்றன.

]]>
http://images.dinamani.com/uploads/user/imagelibrary/2018/10/30/w600X390/im11.jpg http://www.dinamani.com/weekly-supplements/ilaignarmani/2018/oct/30/வாட்ஸ்-ஆப்-புதிய-சேவைகள்-3030115.html
3030114 வார இதழ்கள் இளைஞர்மணி சரியான பார்வை... சரியான வழி... சரியான செயல்!  - 18  - தா.நெடுஞ்செழியன் DIN Tuesday, October 30, 2018 02:41 PM +0530 1909ஆம் ஆண்டு சிவகங்கை மாவட்டத்தில் உள்ள காரைக்குடி அருகே உள்ள கோட்டையூர் என்ற கிராமத்தில் கோட்டையூர் வீரப்ப அழகப்ப ராமநாதச் செட்டியார் பிறந்தார்.  சென்னை பிரசிடென்சி கல்லூரியில் படித்த இவர், புகழ்பெற்ற தொழில் அதிபராக  விளங்கினார். சர்வபள்ளி ராதாகிருஷ்ணனின் நண்பராக விளங்கினார். 1930 ஆம் ஆண்டு 21 வயதில் ஏம்.ஏ., இங்கிலீஷ் லாங்க்வேஜ் அண்ட் லிட்டரேச்சர் வாங்கிய முதல் நாட்டுக்கோட்டை நகரத்தார் இவரே. பின்னர் உயர்கல்விக்காக இங்கிலாந்து சென்றார். அங்கே  சட்டம் படித்து பார் அட் லா  பட்டம் பெற்றார்.  அங்கே படிக்கும்போது சார்டர்டு பேங்க் லண்டனில் முதல் இந்திய பயிற்சியாளராகவும்  பணியாற்றினார்.  தொழில் முனைவோராகும் இவருடைய  முயற்சியையும், வணிக அறிவையும் தொழில் திறமையையும் பாராட்டி 1946 ஆம் ஆண்டு 37 வயதில்   KNIGHT என்ற பட்டம் அவருக்கு வழங்கப்பட்டது.   1956 ஜனவரி 26 இல் இவருக்கு பத்மபூஷன் பட்டம் வழங்கப்பட்டது. இவர் தனது 48 ஆம் வயதில் மறைந்தாலும்,  மறைவதற்கு முன்பு வரை அவர் கல்விக்காக யாருமே நினைத்துப் பார்க்க முடியாத அளவுக்கு  சேவைகள்  செய்திருக்கிறார்.  

1943 ஆம் ஆண்டு திருவாங்கூர் பல்கலைக்கழகத்தில்  தமிழ் வளர்ச்சிக்காக 1 லட்சம் ரூபாய் உதவித் தொகை கொடுத்தார். 

1947 ஆம் ஆண்டு அன்னி பெசண்ட் அம்மையாரின் நூற்றாண்டு விழாவைக் கொண்டாடினார்.  

தொழில் அதிபர்கள் எல்லாரும் கல்வி வளர்ச்சிக்கு  உதவ வேண்டும் என்பதற்கு முன்னுதாரணமாக காரைக்குடியில் ஒரு கலைக்கல்லூரியை நிறுவினார். அதுவே இந்நாளில் அழகப்பா ஆர்ட்ஸ் காலேஜ் என்று அழைக்கப்படுகிறது. அவருடைய தாராளமான நன்கொடையினால் எண்ணற்ற  கல்விநிறுவனங்கள் காரைக்குடியில் தோன்றியுள்ளன.   காரைக்குடி பகுதியில் உள்ள மக்களுக்கு அக்கல்வி நிறுவனங்கள் முன்னேற்றத்தைக் கொடுத்திருக்கின்றன. 

அன்றைய பிரதமர் ஜவகர்லால் நேருவுடன் கலந்துரையாடி மத்திய அரசின் ஆராய்ச்சிக் கூடம் ஒன்றை  அழகப்பா பல்கலைக்கழக வளாகத்தில் நிறுவ வேண்டும் என்று முயற்சிகள் மேற்கொண்டார்.  1948 ஆம் ஆண்டு ஜூலை மாதம் 25 ஆம் தேதி ஜவகர்லால் நேரு காரைக்குடிக்கு வந்து  கல்லூரிக்கான அடிக்கல் நாட்டினார்.  1952 ஜூலை மாதம் 21 ஆம் தேதி  அழகப்பா காலேஜ் ஆஃப்  இன்ஜினியரிங் & டெக்னாலஜி தொடங்கப்பட்டு அங்கே சிவில், மெக்கானிக்கல்,  எலக்ட்ரிகல், எலக்ட்ரானிக்ஸ்  கற்றுத் தரப்பட்டது.  1953 இல் சென்ட்ரல் எலக்ட்ரோ கெமிக்கல் ரிசர்ச் இன்ஸ்ட்டிடியூட் (இஉஇதஐ) - காரைக்குடி உருவானது. 

அன்றைய துணை ஜனாதிபதி டாக்டர் சர்வபள்ளி ராதாகிருஷ்ணன் அதைத் தொடங்கி வைத்தார்.   அப்போது அவர், 300 ஏக்கர் நிலத்தையும் 15 லட்சம் ரூபாய் நன்கொடையையும் அழகப்பா செட்டியார்  மத்திய அரசுக்குக் கொடுத்து காரைக்குடியில் இந்த எலக்ட்ரோ கெமிக்கல் ரிசர்ச் இன்ஸ்ட்டிடியூட் உருவாக வித்திட்டதையும்,   வெளிநாடுகளில் சென்று அழகப்பா செட்டியார் கல்வி கற்றாலும்,  தொழில்துறையில் எவ்வளவுதான் அவர் முன்னேறினாலும், நமது நாடு, நம் மக்கள், அறிவியல் தொழில்நுட்பத்தில் சிறந்து விளங்க வேண்டும் என்பதற்காக தன்னலமற்று அவர்  ஆற்றிய பணியை டாக்டர் சர்வபள்ளி ராதாகிருஷ்ணன் அப்போது  பாராட்டிப் பேசினார்.  

அவருடைய வாழ்வில்  தனது சொந்த நலனுக்காக  எதையும் செய்யாமல் கல்வி வளர்ச்சிக்காக அவர் ஏற்படுத்திய கல்விக் குழுமங்களே அவரைப் பற்றிய நினைவலைகளை எப்போதும்  மக்கள் மனதில் எழுப்பும் என்பது உறுதி. 

அழகப்பா செட்டியார்  சென்னை அண்ணா பல்கலைக்கழகத்தில் உள்ள அழகப்பா காலேஜ் ஆஃப் டெக்னாலஜி உருவாகக் காரணமாக இருந்தார்.   வேதியியல்,  டெக்ஸ்டைல், தோல்தொழில்நுட்ப துறைகளில் பொறியியல் மற்றும் தொழில்நுட்பக் கல்வி வளர்ச்சியடைய முக்கியப் பங்கு ஆற்றினார். அதனால் இவருடைய நினைவாக ஏசி காலேஜ் ஆப் டெக்னாலஜி என்று அண்ணா பல்கலைக்கழகத்தில் பெயரிடப்பட்டுள்ளது.  இவர் கல்விக்காக கொடுத்த நன்கொடைகள் கணக்கில் அடங்காதவை.   

டாக்டர் அழகப்பா செட்டியார் 47 ஆண்டுகளே உயிர் வாழ்ந்தார். அதில்  37 ஆண்டுகள் அவர் கல்வி கற்பதற்காகவும், வெளிநாடுகளில் பணியாற்றினார்.  வெளிநாட்டில் இருந்து இந்தியாவிற்கு வந்து அவர் வாழ்ந்த 10 ஆண்டுகளில் 27க்கும் மேலான கல்வி நிறுவனங்களை உருவாக்கியுள்ளார். மாணவர்கள் மற்றும் மக்களுக்குத் தேவையான மருத்துவ வசதிகளைச் செய்து கொடுத்தார். உயர்கல்வி கற்பதற்காக வெளிநாடுகளுக்குச் சென்று படிக்கக் கூடிய மாணவர்களுக்குக் கல்வி உதவித் தொகை வழங்கினார்.  கொச்சியில் ஏழை மாணவர்களுக்கு  இலவச காலை உணவு அளித்தார்.  கொச்சியில் "சவுத் இண்டியன் சேம்பர் ஆஃப் காமர்ஸ்' உருவாகக் காரணமாக இருந்தார்ó. கொச்சியில் புவியியல் ஆராய்ச்சி, கொச்சியில் மகப்பேறு மருத்துவமனை  உருவாக உதவி புரிந்தார். சென்னையில் தக்கர் பாபா வித்யாலயா, டில்லியில் செüத் இண்டியன் எஜுகேஷன் சொசைட்டி (எஸ்ஐஎஸ்) மதுரையில்  லேடி டோக் கல்லூரி அவரால் உருவாக்கப்பட்டவை. சமூக உதவிக்காகவும், கல்வி வளர்ச்சிக்காகவும் இவர் 10 ஆண்டுகளில் ஆற்றிய பணிகள்  மெய்சிலிர்க்க வைப்பவை.

இன்று நிறைய தகவல் தொழில்நுட்ப வளர்ச்சி இருந்தாலும், மனிதர்கள் செய்யக் கூடிய வேலைகளைச்  செய்துதரும் எளிய கருவிகள் வந்துவிட்டாலும்,  ஒரு வீடு கட்டுவதே பெரிய காரியமாக இப்போது பலருக்கும் இருக்கும்போது, இவர் அந்தக் காலத்திலேயே மக்கள் நலனுக்காக    இவ்வளவு கல்விக் கூடங்களை உருவாக்கியிருப்பது வியக்க வைக்கிறது. குறிப்பாக கிராமப்புறங்களில் அடித்தட்டு மக்களும், அம்மா, அப்பாக்கள் படிக்காத முதல் தலைமுறை மாணவர்களும் வாழ்க்கையில் மேம்பட வேண்டும் என்ற  உயர்ந்த லட்சியத்துடன் இவர் அந்நாளில் விதைத்த விதைகள் வளர்ந்து,  இன்று பரந்துவிரிந்த பல ஆலமரங்களாக  பல தனிமனிதர்களுக்குப் பயன்படும்விதமாக அமைந்துள்ளன.  

அழகப்பா செட்டியாரைப் போன்று,  பலர்  தங்கள் சொந்த வாழ்க்கையில் நல்ல வளர்ச்சி அடைந்தாலும்,  தங்களைப் போலவே பிறரும் வளர வேண்டும் என்பதற்காக,   ஆற்றிய பணிகளால்தான் இன்றைக்கு தமிழகம் ஓரளவு சிறந்த நிலையை அடைந்துள்ளது.   

இலர்களைப் போன்று  கல்விக்காகப் பணியாற்றிய எண்ணற்றவர்களை நாம் மறந்துவிடக் கூடாது.  

குறிப்பாக சுதந்திரம் அடைந்தவுடன் அன்றைக்கிருந்த அரசியல்வாதிகள் தொழில் அதிபர்களுடன் இணக்கமாக இருந்து கல்வி ஒன்றே மக்களின் வாழ்க்கையில் எண்ணற்ற மாறுதல்களை உருவாக்கும் என்ற நல்ல எண்ணத்துடன், தனிமனித மேம்பாடே தமிழகத்தின் வளர்ச்சிக்கு அடித்தளமாக இருக்கும் என்பதை மனதில் கொண்டு, தாங்கள் பணம் அதிகமாகச் சேர்க்க வேண்டும் என்ற எண்ணமின்றி, எந்தவொரு எதிர்பார்ப்பும் இன்றி சுயநலமில்லாமல்  உழைத்தார்கள்.  இந்த நூற்றாண்டில் இவர்களைப் போன்ற மக்களைக் காண்பது அரிது. 

(தொடரும்)

கட்டுரையாசிரியர்: சமூக கல்வி ஆர்வலர் 

www.indiacollegefinder.org


இன்னும் சில சேவைகள்


Alagappa Chettiar Government College of Engineering & Technology (ACCET) at Karaikudi, Tamil Nadu. (Now an autonomous government institution)
Alagappa Matriculation Higher Secondary School, Chennai.
Alagappa College of Polytechnic, Karaikudi.
Alagappa Physical Education College, Karaikudi.
Alagappa Primary School, Karaikudi.
Alagappa Model Higher Secondary School at his birthplace, Karaikudi.
A ladies' hostel at Vepery, Chennai.
A gift for the development of the township infrastructure of Kottaiyur
A gift for the Meenakshi club at Kandanur.
A donation for the H.M.I.S Fund
Foundation of an engineering college at Annamalai University, Chidambaram.
A donation to establish higher education in Malaysia. 
A donation for publishing Tamil Kalangiyam.
A donation to the Cochin Cyclone Relief fund.
A donation for indigenous medicine research by Ernakulam Maharaja College.

]]>
http://images.dinamani.com/uploads/user/imagelibrary/2018/10/30/w600X390/im10.jpg http://www.dinamani.com/weekly-supplements/ilaignarmani/2018/oct/30/சரியான-பார்வை-சரியான-வழி-சரியான-செயல்----18-3030114.html
3030111 வார இதழ்கள் இளைஞர்மணி இணைய வெளியினிலே... DIN DIN Tuesday, October 30, 2018 02:21 PM +0530
முக நூலிலிருந்து....

வேகமாக  அழிந்து வரும் சிற்றுயிர்களின் பட்டியலில் கொசுக்களைச் சேர்க்க முடியாமல் போனது தான்... 
நவீன மருந்து கம்பெனிகளின் வெற்றி!

- வணவை தூரிகா


பிச்சை வாழ்வு என்றாலும், 
எனக்குள் இன்னும் மிச்சமிருக்கிறது...
கொஞ்சம் ஈகோ.

- பாதசாரி விஸ்வநாதன்

 

நமது ஆளுமையை, நம்மை விட பலவீனமானவர்களிடம் மட்டுமே... 
99 சதவீதமும் காட்டியிருக்கிறோம் என்பதை  உணரும் போதுதான், நாம் எப்பேர்பட்ட கோழைகள் என்பது உரைக்கிறது.  

- வளர்ந்து கெட்டவன்


சம்பாதிக்கிறதுக்குப்  படிக்கிறோம்.
கொஞ்சநாள் கழிச்சு... 
பசங்க படிக்கிறதுக்குச் சம்பாதிக்க ஆரம்பிச்சுடறோம்!

- ஜலாலுதீன்


சுட்டுரையிலிருந்து...

ஒரு போதும் அன்பை யாசித்துப் பெறாதே...
ஏனெனில் எஞ்சியதைத் தான் இங்கு பிச்சையிடுவார்கள்.

- முகிலன்

ஆங்கிலம் 

ஒருவேளை அழியலாம்...
தமிழ் அழியாது..
Thank u, Tnk u ஆகலாம். 
நன்றி, நறி ஆகாது...

- ராதா நைனா



காசு காகத்திடம் இருந்தால் கூட...
காக்கா பிடிப்பார்கள் மனிதர்கள்.

- லதா கார்த்திகேசு


விலகி நிற்கும் வரை... 
கண்ணாடியும் பிரதிபலிக்காது...
உன்னை.

- மாதவன்


வலைதளத்திலிருந்து...


கலை என்று சொல்லிக்கொண்டு வணிகம் செய்வதும் பொருள் ஈட்டுதலும் கலைச் செயல்பாடுகள் அல்ல. சொல்லப் போனால், கலைக்கு எதிரான செயல்பாடுகள். இன்று பெரும்பான்மையான கல்வி நிறுவன அதிபர்கள் தம்மை "கல்வித் தந்தையர்' என்று கூறிக் கொள்வதைப் போல ஆபாசமானது.

உடனே கேட்பார்கள், ""எழுத்தாளன் பணம் பெறுவதில்லையா?'' என்று. அவன் வாங்குவது உப்பு, புளி, மிளகாய்க்கும் ஆகாது. யோக்கியமாகப் பிழைக்க வேண்டுமானால் வேறு தொழில் செய்ய வேண்டும். புலியை முறத்தால் விரட்டிய புறநானூற்றுத் தமிழினம், ஒன்றில் டாஸ்மாக் கடையோரங்களில் வீழ்ந்து கிடக்கிறது; அன்றேல் சினிமாவின் பின்னால் அலைகிறது. ""இரண்டும் ஒன்றா'' என்பீர்கள். ""ஆம்'' என்பேன் நான்.

எழுத்தாளனுக்கு மரியாதை தராத சமூகம்,  நுண்கலைகளை எங்ஙனம் போற்றும்? கலைப் போலிகளைத்தான் கொண்டாடும். அறிவுத்தளத்தில் வெட்டாந்தரையாக, கூழாங்கற்கள் சிதறிக் கிடக்கும் சமூகமாக மாறிப் போகும். "இல்லானை இல்லாளும் வேண்டாள், ஈன்றெடுத்த தாய் வேண்டாள், செல்லாது அவன் வாய்ச் சொல்' என்பது போல, காசு, பணம் ஈட்டத் தெரியாத எழுத்தாளனை எவர் மதிப்பார்கள்?

https://nanjilnadan.com

]]>
http://images.dinamani.com/uploads/user/imagelibrary/2018/10/30/w600X390/im9.jpg http://www.dinamani.com/weekly-supplements/ilaignarmani/2018/oct/30/இணைய-வெளியினிலே-3030111.html
3030107 வார இதழ்கள் இளைஞர்மணி தன்னிலை உயர்த்து!: வார்த்தைகளே வாழ்வின் வரம்!  ஆர்.திருநாவுக்கரசு ஐ.பி.எஸ். DIN Tuesday, October 30, 2018 01:16 PM +0530 ஒரு நாள் மாலைப்பொழுதில் துறவி ஒருவர், ஒரு கிராமத்திற்கு வருகை தந்தார். அக்கிராமத்தினர் துறவியிடம், ""ஐயா! தாங்கள் இங்கு வந்திருப்பது மிக்க மகிழ்ச்சி. எங்கள் கிராமத்து பெரியவர் ஒருவர்  உடல் நலமின்றி இருக்கிறார். நீங்கள் முயற்சி செய்து அப்பெரியவரைக் காப்பாற்றுங்கள். அவர் மிகவும் நல்லவர்'' என்றழைத்தனர். துறவியும், ""அப்படியே ஆகட்டும்!'' என்று கூறி, அவ்விடம் சென்றார். அங்கு கூடியிருந்தவர்களிடம், ""பெரியவர் நலம்பெற நான் சொல்லும் மந்திரத்தை நீங்கள் அனைவரும் மனதார திருப்பிச் சொல்லுங்கள். அவரை நலமாக்க முடியும்''  என்றார். 

அப்போது கூட்டத்தில் இருந்த இளைஞர் ஒருவர், ""ஐயா... அது எப்படி சாத்தியமாகும்? பெரியவரை நலமாக்க வேண்டும் என்றால் ஒரு நல்ல மருத்துவரை அழைத்து வாருங்கள்; அவருக்கு வைத்தியம் செய்யுங்கள். அதை விட்டுவிட்டு வெறும் வார்த்தைகளை எல்லாரும் உச்சரிப்பதால் அவருக்கு ஒன்றும் ஆகிவிடாது'' என்று "வெட்டென பேசேல்' என்ற ஓளவையாரின் ஆத்திச்சூடியினை மறந்து கோபமாகப் பேசினார். துறவி இளைஞனைப் பார்த்து, ""எனது வாழ்க்கையிலேயே மிகப் பெரிய முட்டாளை இன்று தான் பார்க்கிறேன்'' என்றார். இதைக் கேட்ட அந்த இளைஞனுக்கு கோபம் தலைக்கேறியது. அவர் துறவியைப் பார்த்துக் கோபமாக, ""நான் என்ன முட்டாளா! நீங்கள்தான் முட்டாள்'' என்று கூச்சலிட்டார். உடனே துறவி, ""நான் உன்னிடம் முட்டாள் என்ற வார்த்தையைத்தானே உச்சரித்தேன். அது உனக்குள் ஏன் கோபத்தை உருவாக்கியது? அப்படியென்றால் எதிர்மறை வார்த்தை உன்னைக் கோபப்படுத்தும் என்றால், நேர்மறை வார்த்தை ஏன் அவரை நலம் பெறச்செய்யாது'' என்றார்.

""இதுதான் வார்த்தைகளின் பலம்'' என்றார். எதிர்மறை வார்த்தைகள் ஒரு மனிதனைக் காயப்படுத்தும்.  ஆக்கப்பூர்வமான வார்த்தைகள் மனதிற்கு மருந்தாக அமையும். இளைஞன் வார்த்தையின் ஆற்றலை அறிந்தான். கோபத்தில் பேசுகின்ற சொற்கள் சுவற்றில் அடித்த ஆணிகள். நாம் ஆணிகளென்னும் வார்த்தைகளை திரும்பி எடுத்தாலும், சுவற்றினை ஆழமாய் காயப்படுத்திய ஓட்டைகளை எளிதில் சரிப்படுத்த முடிவதில்லை. நேர்மறையான வார்த்தைகளே, நேர்த்தியான மனிதர்களை உருவாக்குகிறது. 

சொல், மொழியின் வெளிப்பாடு மட்டுமல்ல, அது உள்ளத்தின் வெளிப்பாடு; சொற்கள் வெறும் வார்த்தைகள் அல்ல. அது அவர் வாழ்கின்ற வாழ்வின் அடையாளம். "உள்ளத்தில் உண்மை ஒளி உண்டாயின், வாக்கினிலே ஒளி உண்டாகும்' என்ற மகாகவி பாரதியின் வரிகளைப்போல் எந்த மனதில்  நல்ல எண்ணங்கள் விதையாகி வளர்கின்றதோ, அந்தச்செடியில் அழகிய பூக்களாய் வார்த்தைகள் மலரும். அது அனைவர் மனதையும் காந்தமாய் ஈர்க்கும். பண்போடு அழைத்து, இனிமையாகப் பேசுபவர்கள் சொல்கின்ற பணியினை வேகமாகச் செய்வதற்கு உலகமே காத்திருக்கும் என்பதை 

"விரைந்து தொழில்கேட்கும் ஞாலம் நிரந்தினிது
சொல்லுதல் வல்லார்ப் பெறின்'

என்கிறார் தெய்வப்புலவர் திருவள்ளுவர்.  

அன்போடு பேசினால் வார்த்தைகள் பூக்களாகும். விளைவு பேசுபவர்களின் கழுத்தில் அது மாலையாகும். கோபத்தில் கனன்று பேசும்போது வார்த்தைகள் அம்பாகும். அது தொடுத்தவர் மனதைப் புண்ணாக்கிவிட்டுத்தான் அடுத்தவர் மனதைக் காயப்படுத்தும். கோபத்திற்கு துணையாக வார்த்தை என்னும் கணையை கையில் எடுக்கும் மனிதன் சுற்றம் இழந்து, சொந்தமின்றி தனி மரமாவான். வீட்டில், பொது இடங்களில் பேசும்போதுகூட இறைவன் சன்னதியில் பேசுவதாக நினைத்துப் பேசுகின்றபோது, சொல்லுக்கும், மந்திரத்திற்கும் வேறுபாடு இல்லை. அவையில் பேசுகின்ற சொற்களை வீட்டில் கற்றுத்தரும் பெற்றோரின் குழந்தை அவையத்து முந்தியிருப்பர். 

வார்த்தைகள் வரமாவதும், சாபமாவதும் வழங்குபவரின் கையில் உள்ளது. மனிதத்தின் மனதினைச் சொற்களால் பிரதிபலித்த கண்ணாடி இலக்கியம் முல்லைப்பாட்டு. மன்னருடன் வீரர்கள் போருக்குச் சென்றிருந்தனர். அவர்களது பிரிவால் அவரது துணைவியர் வருந்தி  காத்திருந்தனர். ஒவ்வொரு நாளும் மாலை என்றும் போல் வந்தது. ஆனாலும் தலைவன் மட்டும் திரும்பி வரவில்லை. தலைவன் வரும் வழிபார்த்து தலைவி ஊருக்கு வெளியே இருந்த கோவிலின் அருகில் சென்று நின்றாள். "இன்றாவது இந்த பாதை தனது தலைவனை அழைத்து வருமா?' என்று  வழிமேல் விழி வைத்தாள். தனது தலைவன் வருவதைப் பற்றி யாராவது தகவல் சொல்வார்களா என எதிர்பார்த்திருந்தாள். இதனை "விரிச்சி கேட்டல்' என்கிறது இலக்கணம். அப்பொழுது ஒரு மாட்டிடையன் மாடுகளை மேய்த்து விட்டு வீடு திரும்பினான். மாடுகள் அவனைப் பின் தொடர்ந்தன. அப்போது கன்றுக்குட்டி ஒன்று அத்தலைவியைப்  போலவே அந்த கிராமத்து வாசலில் தனது தாய்ப் பசுக்காக ஏங்கி  நின்றது.  மாட்டிடையன் அந்த கன்றினைப் பார்த்து, ""இதோ உனது தாய்ப் பசு வருகிறது'' என்று சொல்லிவிட்டு, அக்கோயிலைக் கடந்தான். இதனைக் கேட்டதும், இடையன் தனக்காகச் சொல்லியதாக நினைத்தாள். அதனை இறைவனின் வரம் என நினைத்தாள். தன் தலைவன் வந்துவிடுவான் என்று தலைவி உள்ளம் மகிழ்ந்தாள். ஆறுதல் படுத்துகின்ற வார்த்தைகளால் ஆறாத புண்ணும் ஆறிவிடும். பாராட்டப்படுகின்ற வரிகளால் துள்ளாத மனமும் துள்ளி விளையாடும். 

வளம் வாய்ந்த வார்த்தைகளைப் பேசுபவர்களே பலம் வாய்ந்தவர்கள். பறவைகள் பறவைகளாகப் பிறந்து பறவைகளாக மடிகின்றன. விலங்குகளும் அப்படியே. மனிதன் மட்டுமே மனிதனாய் பிறந்து மனிதனாக வாழ முடியும். அவனைவிட கீழாய் விலங்காக மாற முடியும். வாழ்வில்  உன்னத நிலையை அடைந்து இறைநிலையை அடைய முடியும். இத்தகைய இயற்கை நியதியினைத் தனது சொல்வன்மையால் மாற்றியவர் அனுமன். இலங்கையில் சீதையின் இருப்பிடம் அறிந்து திரும்பி வந்தார். தான் கண்ட காட்சியை இராமனிடம் சொல்ல முற்பட்டபோது, "கண்டனன் கற்பினுக் கணியைக் கண்களால்' என்ற வரிகளில் சீதை உயிரோடு இருக்கிறாள்; கற்புடன் இருக்கிறாள்; அதைக் கண்ணால் பார்த்தேன் என்பதை ஒற்றை வரிகளில் சொல்லியதால் தான் அனுமன் "சொல்லின் செல்வன்' என இராமனின் மனதில் இடம் பிடித்தார். ஆதலால்தான் இன்றும் இறை மேடையில் இராமன், இலட்சுமணன், சீதாப் பிராட்டியோடு வானரர் இனத்தில் பிறந்த அனுமனும் இடம் பிடித்தார்.

வார்த்தைகள்  ஆற்றல் வாய்ந்தவை. யு கேன் ஹீல் யுவர்செல்ப் (வர்ன்  ஸ்ரீஹய் ஏங்ஹப் ஹ்ர்ன்ழ்ள்ங்ப்ச்) என்ற புத்தகத்தின் ஆசிரியரான கோலின், தனக்கு ஏற்பட்டிருந்த நோயைத் தன்னுடைய மனோசக்தியால் விரட்டியடித்தார். மனதின் பலத்தை தருகின்ற சொற்களை ஒரு கேரட்டை வைத்து தன்னுடைய புத்தகத்தில் விளக்கியுள்ளார். சில கேரட்டுகளை எடுத்து இரண்டு பாகங்களாகப் பிரித்து நட்டுவைத்தார். தொட்டியில் ஒரு +(கர்ஸ்ங்) வடிவத்தைக் குறியிட்டார். மற்றொரு தொட்டியில் -(ஏஹற்ங்)  வடிவத்தை குறியிட்டார். தினமும் (+) தொட்டிக்குத் தண்ணீர் ஊற்றி, ""உன்னை எனக்குப் பிடிக்கும், நீ நன்றாக வளர்வாய்'' என நேர்மைறையான எண்ணங்களால் அவற்றை வாழ்த்தினார். 

(-) குறியிட்ட தொட்டியில் தண்ணீர் ஊற்றி, "" நீ நன்றாக வளர மாட்டாய்! உன்னை எனக்குப் பிடிக்கவில்லை'' என்று எதிர்மறை வசைகளைப் பொழிந்தார். ஒரு வாரத்திற்கு பிறகு (+) தொட்டியில் இருந்த கேரட்டுகள் துளிர்விட்டிருந்தன. (-) தொட்டியில் இருந்த கேரட்டுகள் கருகியிருந்தன. நேர்மறை வார்த்தைகளில் உயிரை உருவாக்கும் சக்தி இருப்பதே இந்த ஆய்வின் உண்மை.  

பேசுவது மனிதம். பேசாமலிருப்பது தெய்வீகம்.  ""நாம் பேசுகின்ற வார்த்தைகள் உண்மையாக இருந்தாலும், அது பிறருக்குப் பயனுள்ளதாக இராவிட்டால், சிலரால் அது விரும்பப்படாவிட்டால்,  அதைப்  பேச வேண்டிய அவசியமில்லை'' என்கிறார் புத்தர். நாம் பேசுவது உண்மை என்று விரும்பியதைப் பேசினால், விரும்பத்தகாத நிகழ்வுகள் நடந்து விடும். சிந்திக்காமல் பேசுவது முட்டாள் தனம். சிந்தித்து பேசுவதே உத்தமம்.  

ஒரு  குருவிடம் பயின்ற சீடர்கள் விடைபெறும் காலம் வந்தது. அப்போது ஒரு சீடர், ""சுவாமி!   நாங்கள் எப்படி பேசவேண்டும் என்று  அறிவுரை கூறுங்கள்'' என்றார். ""நீங்கள் பேசுவதற்குமுன், நாம் பேசப்போவது உண்மைதானா? உண்மையென்றால் அது நாம் சொல்பவருக்கு தேவையானதா?  அதைக் கூறுவதால் கேட்பவருக்கு நன்மை பயக்குமா?  இறுதியில் இதை இனிமையாகச் சொல்ல முடியுமா? என்ற நான்கு கேள்விகளுக்கும் பதில் "ஆம்'  என்றால் பேசத் தொடங்குங்கள். இல்லையெனில் அமைதியாகவே இருந்து கொள்ளுங்கள்'' என்றார். ஒருமுறை பேசுவதற்கு முன்னால் இருமுறை யோசிப்பவர்களின் பேச்சுகள் வரலாறாகின்றன.

சிலரது பேச்சு மலைக்க வைக்கும். நம்மை வியக்க வைக்கும்.  பேச்சில் பண்பு வெளிப்படுவது போல், பேசும் விதத்தில் பாரம்பரியமே வெளிப்படும். அமெரிக்க நாட்டில் 1893 ஆம் வருடம் செப்டம்பர் 11- இல்  உலகத் தலைவர்களெல்லாம் அங்கிருப்பவர்களை ""சீமான்களே! சீமாட்டிகளே!'' என்றழைத்தபோது, சுவாமி விவேகானந்தர் மட்டும், தன் காந்தக் குரலால் ""எனதருமை அமெரிக்கச் சகோதர, சகோதரிகளே!'' என்று அழைத்தபோது தங்களை மறந்து அவர்கள் கைதட்டிய ஓசை விண்ணைப் பிளந்தது.  இந்திய தேசத்தின் பண்பாட்டையும், பாரம்பரியத்தையும் விவேகானந்தர் தனது மொழிகளால் அமெரிக்க மண்ணில் அன்று வித்திட்டார். இன்று ஆலமரமாய் நமது பெருமை உலகிற்கு வெளிப்படுகிறது.  

பேச்சு ஒரு கலை. இறைமை தந்த அற்புதப் பரிசு. அதைச் சிதறாமல் சிக்கனமாய் பயன்படுத்துபவருக்கே பாராட்டுகள் அதிகம் கிடைக்கும். "சொல்லின் சுருக்கம் அறிவின் உயிர்' என்பார் ஆங்கிலக் கவிஞர் ஷேக்ஸ்பியர். இங்கிலாந்து நாட்டின் பிரதமராக இருந்த வின்ஸ்டன் சர்ச்சிலை ஆக்ஸ்போர்டு பல்கலைக் கழகத்தில் உரையாற்ற அழைத்தனர். சர்ச்சில் அருக்கே உரிய பாணியில் தலையில் தொப்பி, கையில் ஊன்றுகோல், வாயில் சுருட்டோடு மேடையேறினார். கைதட்டல் அரங்கை அதிர வைத்தது. பிரசங்க மேடைக்கு வந்தார். எப்பொழுதும் போல அவர் எழுதி வைத்திருக்கும் குறிப்பினை மேடையின் பீடத்தில் வைப்பதற்குப் பதிலாக தனது தொப்பியை வைத்தார். மிகவும் உயர்ந்த தொனியில் ""எப்பொழுதும் விடாமல் முயற்சி செய்யுங்கள்'' என்று சூளுரைத்துவிட்டு, தொப்பியை தலையில் வைத்துகொண்டு புறப்பட்டார். ஆக்ஸ்போர்டு பல்கலைக் கழக வரலாற்றில் மிகச்சிறிய உரை அது. ஆனாலும், இங்கிலாந்து மக்களின் உள்ளத்தில் இன்றும் வாழும் வார்த்தைகள்.   

இனியவை பேசினால் இன்பம் பெருகும்; பகைமை விலகும்; குடும்பம் உயரும்; சமூகம் சிறக்கும்; வாழ்வு மகிழும்; உறவுகள் விரியும். பேச்சு என்பது வாழும் வாழ்க்கையின் நெறிமுறை. இன்சுலின் சர்க்கரை நோயிலிருந்து காப்பதுபோல் இனிய சொல் பிரச்னைகளில் இருந்து காக்கும்.

அன்று சிறுவனுக்கு அவனது தாயின் மீது கோபம். கோபத்தோடு, ""நான் உன்னை வெறுக்கிறேன், நான் உன்னை வெறுக்கிறேன்''  என்று கத்தினான். அம்மாவின் பார்வையிலிருந்து ஓடிப்போய்,  அருகிலிருந்த மலை குகை வரை அந்த வார்த்தைகளை சத்தமாய் சொல்லிக் கொண்டே ஓடினான். 

அவனது குரல் அருகில் இருந்த குகையில் பட்டு எதிரொலித்தது. அந்த எதிரொலியும் "நான் உன்னை வெறுக்கிறேன்' என்று சத்தமாய் சொன்னது. மனிதச் சுவடுகளே இல்லாத ஒரு மாபெரும் சத்தத்தில் எதிரொலியைக் கேட்டதும் பயந்தே போனான் அந்தச் சிறுவன். 

தாயிடம் மீண்டும் ஓடி வந்தான். அவளது காலினை இறுகப்பிடித்துக்கொண்டு  நடந்ததைச் சொன்னான். அன்னைக்கு அது புரிந்திருந்தாலும், மகனுக்கு அதைத் தெளிவாகப் புரிய வைக்க வேண்டும் என்பதற்காக, அதே மலை குகைக்கு  அழைத்துச் சென்றார். ஒரே ஒரு நிபந்தனை. இம்முறை "நான் உன்னை விரும்புகிறேன்! நான் உன்னை விரும்புகிறேன்!'  என்று சத்தமாய் கத்தச் சொன்னார். அடுத்த வினாடியில் மொத்த பள்ளத்தாக்குமே எதிரொலித்து அவனை விரும்பியதைக் கண்டான். 

அன்னை ஆச்சரியமாக மகனிடம் சொன்னார்: ""நமது வாழ்க்கையும் இதுபோன்றதுதான். இந்த உலகத்திற்கு நாம் எத்தகைய வார்த்தைகளை கொடுக்கின்றோமோ, அத்தகைய வாழ்க்கையை நாம் உலகிலிருந்து பெறுவோம்''

எழுத்துகளின் தொகுப்பு வார்த்தை!
வார்த்தைகளின் தொகுப்பு வாழ்க்கை! 
வார்த்தைகளில் வரம்பு மீறினால் வாழ்க்கை சாபம்!
வார்த்தைகளைக் கட்டுப்படுத்தினால் வாழ்க்கை  வரம்!!
(தொடரும்)

கட்டுரையாசிரியர்: காவல்துறை துணை ஆணையர், நுண்ணறிவுப் பிரிவு. 

]]>
http://images.dinamani.com/uploads/user/imagelibrary/2018/10/30/w600X390/im8.jpg http://www.dinamani.com/weekly-supplements/ilaignarmani/2018/oct/30/தன்னிலை-உயர்த்து-வார்த்தைகளே-வாழ்வின்-வரம்-3030107.html
3030106 வார இதழ்கள் இளைஞர்மணி வேலை... வேலை... வேலை... DIN DIN Tuesday, October 30, 2018 01:05 PM +0530 தேசிய ஆயுர்வேத ஆராய்ச்சி மையத்தில் வேலை


பதவி: Post of Pharmacist (Ayurved)
பதவி: Staff Nurse(Ayurveda) 
பதவி: Lower Division Clerk(LDC)  
பதவி: Multi Tasking Staff (MTS)  

தகுதி: பார்மசி முடித்தவர்கள் (ஆயுர்வேதம்), 12 மற்றும் 10-ஆம் வகுப்பு முடித்தவர்கள் விண்ணப்பிக்கலாம். 
வயதுவரம்பு: 30 வயதுக்குள் இருக்க வேண்டும். 
விண்ணப்பிக்கும் முறை: www.nia.nic.in என்ற வலைதளத்தின் மூலம் ஆன்லைனில் விண்ணப்பிக்க வேண்டும். 
மேலும்   முழுமையான விவங்கள் அறிய: http://www.nia.nic.in/pdf/englishversionniafile.pdf என்ற வலைதளத்தில் கொடுக்கப்பட்டுள்ள அறிவிப்பை பார்த்து தெரிந்துகொள்ளவும். 
விண்ணப்பிப்பதற்கான கடைசித் தேதி: 31.10.2018

 

தமிழ்நாடு கட்டுமான தொழிலாளர் நல வாரியத்தில் வேலை

மொத்த காலியிடங்கள்: 177
பதவி: இளநிலை உதவியாளர்   
தகுதி: பத்தாம் வகுப்பு தேர்ச்சி பெற்றிருக்க வேண்டும்.
பதவி: கணி இயக்குபவர்  
தகுதி: பத்தாம் வகுப்பு தேர்ச்சியுடன், கணினியில் சான்றிதழ் அல்லது பட்டம் பெற்றிருக்க வேண்டும். கணினியில் ஒரு மணி நேரத்தில் 8 ஆயிரம் எழுத்துக்கள் தமிழ் மற்றும் ஆங்கிலத்தில் தட்டச்சு செய்யும் திறன் பெற்றிருக்க வேண்டும்.
சம்பளம்: மேற்கண்ட இரு பதவிகளுக்கும் மாதம் ரூ.19,500 - 62,000 வழங்கப்படும். 
வயதுவரம்பு: 18 முதல் 30 வயதிற்குள் இருக்க வேண்டும்.
தேர்வு செய்யப்படும் முறை: எழுத்துத் தேர்வு மற்றும் சான்றிதழ் சரிபார்ப்பு அடிப்படையில் தகுதியானவர்கள் தேர்வு செய்யப்படுவார்கள்.
விண்ணப்பக் கட்டணம்: ஆதிதிராவிடர், அருந்ததியர், பட்டியல் பழங்குடியினர் மற்றும் அனைத்து வகுப்புகளைச் சேர்ந்த ஆதரவற்ற விதவைகள், மாற்றுத்திறனாளிகளுக்கு கட்டணம் செலுத்துவதில் விலக்களிக்கப்பட்டுள்ளது. மற்ற அனைத்து பிரிவினரும் ரூ.100 கட்டணமாகச் செலுத்த வேண்டும். கட்டணத்தை “The Secretary, TNCWWB” என்ற பெயருக்கு சென்னையில் மாற்றத்த வைகையில் வங்கி வரைவோலையாக எடுத்து விண்ணப்பத்துடன் இணைத்து அனுப்ப வேண்டும். 

விண்ணப்பிக்கும் முறை: http://www.labour.tn.gov.in என்ற வலைதளத்தில் கொடுக்கப்பட்டுள்ள விண்ணப்பத்தை பதிவிறக்கம் செய்து, பூர்த்தி செய்து தேவையான சான்றிதழ் நகல்களை இணைத்து கீழ்காணும் முகவரிக்கு அனுப்பி வைக்க வேண்டும். 

முகவரி: செயலாளர், தமிழ்நாடு கட்டுமானத் தொழிலாளர்கள் நல வாரியம், 8,வள்ளுவர் கோட்டம் நெடுஞ்சாலை, நுங்கம்பாக்கம், சென்னை - 600 034
மேலும்  முழுமையான விவரங்கள் அறிய: https://drive.google.com/file/d/1z3ANkAbIoZyW8YQo174mZK_gau_Mb2UR/view என்ற   லிங்கில் சென்று தெரிந்துகொள்ளவும். 
விண்ணப்பிப்பதற்கான கடைசித் தேதி:  02.11.2018


ராணுவத்தில் ஹவில்தார் வேலை

பதவி: HAVILDAR
காலியிடங்கள்: 20
வயதுவரம்பு: 01.10.2018 தேதியின்படி 20 வயது முதல் 25 வயதிற்குள் இருக்க வேண்டும்.
தகுதி: எம்.எஸ்சி., எம்.சி.ஏ., எம்.ஏ., எம்.டெக்., பி.டெக்., பி.எஸ்சி., இளங்கலை அறிவியல் பட்டம் பெற்றவர்களும், ஆங்கிலம், ஹிந்தி, உருது, வரலாறு, புவியியல், அரசியல் அறிவியல், பொருளாதாரம், உளவியல், கணிதவியல், சமூகவியல் போன்ற துறைகளில் இளங்கலை, முதுகலை பட்டம் பெற்றவர்களும் விண்ணப்பிக்க தகுதியானவர்கள். 
தேர்வு செய்யப்படும் முறை: கல்வியில் பெற்ற மதிப்பெண்கள், விண்ணப்பத்தில் குறிப்பிட்டுள்ள தகுதிகளின் அடிப்படையில்  எழுத்து தேர்வு, டீச்சிங் ஆப்டிடியூடு டெஸ்ட் மற்றும் நேர்முகத் தேர்வு மூலம் தகுதியானவர்கள் தேர்வு செய்யப்பட்டு பயிற்சியில் சேர்த்துக் கொள்ளப்படுவார்கள். ஓராண்டு பயிற்சிக்குப்பின் பணி நியமனம் வழங்கப்படும். 
எழுத்துத் தேர்வு நடைபெறும் தேதி: 24.02.2019
விண்ணப்பிக்கும் முறை: www.joinindianarmy.gov.in  என்ற வலைதளத்தின் மூலம் ஆன்லைனில் விண்ணப்பிக்க வேண்டும்.
மேலும் முழுமையான விவரங்கள் அறிய: http://www.joinindianarmy.nic.in/writereaddata/Portal/BRAVO_NotificationPDF/Final_2018}19_SAC_Notfn_English_and_Hindi.pdf  என்ற லிங்கை கிளிக் செய்து தெரிந்துகொள்ளவும்.
விண்ணப்பிப்பதற்கான கடைசித் தேதி: 03.11.2018
 

ரயில்பெட்டி தொழிற்சாலையில் வேலை

மொத்த காலியிடங்கள்: 374
பதவி: தொழில் பழகுநர் பயிற்சி 
ஐடிஐ முடித்தவர்கள்:    Fitter,  Carpenter,  Painter(Gen),  Machinist,  Welder(G&E) ,  Electrician  

பிளஸ் டூ முடித்தவர்கள்:   Fitter,  Machinist ,   Welder (G&E) ,  Electrician,

தகுதி: பிளஸ் டூ 50 சதவீதம் மதிப்பெண்களுடன் தேர்ச்சி பெற்றவர்கள் அத்துடன் ஐடிஐ முடித்தவர்கள் விண்ணப்பிக்கலாம். பிளஸ் டூ தேர்ச்சி பெற்றவர்கள் விண்ணப்பிக்கலாம். 
வயதுவரம்பு: 15 முதல் 22 வயதிற்குள் இருக்க வேண்டும். ஐடிஐ படிக்காதவர்கள் 24 வயதிற்குள் இருக்க வேண்டும்
மேலும் முழுமையான விவரங்கள் அறிய: http://www.dlw.indianrailways.gov.in/view_detail.jsp?lang=0&id=0,297,310&dcd=1674&did=153897931805292E9551922808B43661843D302E74539    என்ற வலைதளத்தில் சென்று தெரிந்துகொள்ளவும்.
விண்ணப்பிப்பதற்கான கடைசித் தேதி: 09.11.2018

தொகுப்பு: இரா.வெங்கடேசன்

]]>
http://images.dinamani.com/uploads/user/imagelibrary/2018/10/30/w600X390/im7.jpg http://www.dinamani.com/weekly-supplements/ilaignarmani/2018/oct/30/வேலை-வேலை-வேலை-3030106.html
3030102 வார இதழ்கள் இளைஞர்மணி மோட்டார் ஸ்போர்ட் இன்ஜினியரிங்!  - எம்.அருண்குமார் DIN Tuesday, October 30, 2018 12:55 PM +0530 மெக்கானிக்கல் மற்றும் ஆட்டோமொபைல் என்ஜினியரிங் ஒன்றாக இணைந்ததே மோட்டார் ஸ்போர்ட் என்ஜினியரிங்.   மெக்கானிக்கல் மற்றும் ஆட்டோமொபைல் ஆகிய இரு பிரிவுகள் சம்பந்தமான படிப்பை ஒன்றாக இணைந்து படிப்பது மோட்டார் ஸ்போர்ட் என்ஜினியரிங் படிப்பாகும்.   ரேஸ்களில் பயன்படுத்தப்படும் வாகனங்களைத் தயாரிக்கும் தொழிலில் ஈடுபட்டுள்ள நிறுவனங்களில் மோட்டார் ஸ்போர்ட் என்ஜினியரிங் படித்தவர்களுக்கு வேலை வாய்ப்புகள் காத்திருக்கின்றன.   மோட்டார் ஸ்போர்ட் வாகனங்களை வடிவமைப்பது, தயாரிப்பது உள்ளிட்ட தொழில்நுட்பம் குறித்து இத்துறை படிப்பில் கற்றுத் தரப்படுகிறது.  

மோட்டார் ஸ்போர்ட் என்ஜினியரிங் படிப்புகளை நடத்தும் சில கல்வி நிறுவனங்கள்:

Hindustan Academy's Motorsport Engineering 
}http://www.rachf1.com/news/hindustan}academys}motorsport}engineering
Cornerstone International College } http://www.cornerstone.edu.in/
Cornerstone International College } http://www.mitindia.edu/en/

]]>
http://images.dinamani.com/uploads/user/imagelibrary/2018/10/30/w600X390/im6.jpg http://www.dinamani.com/weekly-supplements/ilaignarmani/2018/oct/30/மோட்டார்-ஸ்போர்ட்-இன்ஜினியரிங்-3030102.html
3030101 வார இதழ்கள் இளைஞர்மணி வாங்க இங்கிலீஷ் பேசலாம் - 163 ஆர்.அபிலாஷ் DIN Tuesday, October 30, 2018 12:53 PM +0530 புரொபஸர், கணேஷ், மற்றும் ஜுலி ஆகியோர் செல்லப் பிராணிகளுக்கான உளவியலாளரிடம் செல்கிறார்கள். அங்கே அவர்கள் மருத்துவருக்கான காத்திருப்போர் அறையில் இருக்கிறார்கள். நடாஷா எனும் பெண் அங்கு காத்திருக்கிறார். உளவியலாளரைச் சந்தித்து விட்டு திரும்ப வரும் ஒரு மீசைக்காரருடன் புரொபஸர் உரையாடும் போது வினைச்சொற்களின் phenomenology குறித்து விவாதம் திரும்புகிறது. பேக்கிலர்ட் எனும் சிந்தனையாளர் emerge எனும் சொல் குறித்து விளக்கியதை புரொபஸர் கணேஷுக்குச் சொல்லித் தருகிறார்.

புரொபஸர்:  கணேஷ் நீ சொல்வது சரி தான். ஒரு புது எழுத்தாளன் கவனிப்பின்றி இருக்கிறான். இருட்டில் இருக்கிறான். அவன் ங்ம்ங்ழ்ஞ்ங் ஆகும் போது அவன் நிறைய பேரால் கவனிக்கப்படுகிறான். அவன் நேரடியாக எதன் பின்னிருந்தும் வெளிப்படவில்லை. ஆனால் emerge என்ற சொல் ஓர் உருவகமாகவும் செயல்படுகிறது என்று பேக்கிலர்ட் சொல்கிறார். இளம் எழுத்தாளன் புகழ்பெற்ற எழுத்தாளர்களால் மறைக்கப்பட்டிருக்கிறான், அவன் இருட்டுக்குள் மறைந்திருக்கிறான், ஒரு நத்தை தன் உடலை கூட்டுக்குள்ளிருந்து பாதி வெளியே நீட்டுவது போல இளம் எழுத்தாளனும் தோன்றுகிறான். ஆகையாலே emerge எனும் சொல் பொருத்தமாக இருக்கிறது. இப்படி நத்தை உருவகம் இச்சொல்லின் பின்னே உள்ளது. இதை பேக்கிலர்ட் phenomenology of home}leaving verb என்கிறார். நத்தை ஓடு எனும் ஒன்றையும், கவனிப்பாரற்ற நிலை எனும் ஓட்டையும் இந்த சொல் இணைக்கிறது. நத்தை ஓடு எனும் படிமம் இல்லை என்றால் நம்மால் emerge என்ற சொல்லையே புரிந்து கொள்ள முடியாது.  Emerge என்றதுமே நம் மனதில் ஒருவர் எங்கிருந்தோ தலைதூக்கும் சித்திரம் வருகிறது அல்லவா? இச்சித்திரம் இயற்கையை ஒன்றி வாழ்ந்த நம் முன்னோரின் ஆதி மனத்தில் இருந்து தோன்றியது, இச்சொற்கள் வழி நாம் இன்றும் அவர்களைப் போல சிந்திக்கிறோம் என்கிறார் பேக்கிலர்ட். கணேஷ்: சார் அதென்ன confess? நீங்க அவரிடம் so you confessed என்றீர்களே?

புரொபஸர்: ஓ! அது வழக்கமான ஒரு சொல் - குற்றத்தை ஒப்புக் கொள்வது என்பது ஒரு பொருள். பாதிரியாரிடம் ஒருவர் பாவமன்னிப்புக் கோருவது இன்னொரு confess. ஆனால் நான் குறிப்பிட்டது வேறொரு வகை confess. அதாவது to acknowledge something reluctantly. 

உதாரணமாய், ஓர் அரசியல் தலைவருக்கு இரண்டு மனைவிகள். இரண்டாம் மனைவியின் அந்தஸ்தை அவர் நீண்ட காலமாய் பொதுவில் ஒப்புக் கொள்ளாமலேயே இருக்கிறார். ஆனால் ஒருநாள் அவர் தன் இரண்டாம் துணையை சற்று தயக்கத்துடன் பொதுவெளியில் ஏற்றுக் கொள்ளும் தருணம் வருகிறது. அப்போது he confessed to having a second wife என சொல்லலாம். 2006-இல் விடுதலைப் புலிகள் அமைப்பின் ஆண்டன் பாலசிங்கம் ராஜீவ் காந்தி கொலைக்குக் காரணம்   புலிகள் அமைப்பே என ஒப்புக் கொண்டார். அதை ஒரு மாபெரும் வரலாற்றுத் துயரம் என்றார். A monumental historical tragedy. அந்த குற்றத்துக்கு தாம் வருந்துவதாய் தெரிவித்தார். இதைப் பற்றின செய்தி டைம்ஸ் ஆப் இந்தியா பத்திரிகையில் வெளியான போது We killed Rajiv, confesses LTTE என தலைப்பிட்டார்கள். இங்கே claims என்பதற்குப் பதில் confesses வருவதற்குக் காரணம் புலிகள் அமைப்பு இந்த படுகொலைக்கு பொறுப்பேற்க நீண்ட காலம் தயங்கி வந்தது, 2006 }இல் தான் புலிகள் முதன்முதலில் இதை ஏற்கிறார்கள் என்பது.

கணேஷ்: சார்... அப்புறம் இன்னொரு சந்தேகம். You were under fire from the activists என்று கேட்டீர்களே, இதில் under fire என்பது துப்பாக்கிச் சூடா?

புரொபஸர்: நல்ல கேள்வி கணேஷ். மய்க்ங்ழ் ச்ண்ழ்ங் என்பது ராணுவத் தாக்குதல்களின் புலத்தில் இருந்து வந்த ஒரு ண்க்ண்ர்ம் தான். அதன் மற்றொரு பொருள் கடும் விமர்சனத்துக்கு உள்ளாவது. உதாரணமாய்Chetan Bhaghat was under fire from the  metoo activists after Ira Trivedi accused him of inappropriate sexual behaviour. சேதன் பகத்தின் பாலியல் அத்துமீறல்கள் குறித்து இரா த்ரிவேதி ஙங்ற்ர்ர் இயக்கத்தின் போது புகார் தெரிவித்திட, பகத் போராளிகளின் கடும் தாக்குதலுக்கு உள்ளானார்.

நடாஷா: அவருக்கு அவசியம் தான். He deserved, though he is an interesting pulp writer. நீங்க அவரோட லேட்டஸ்ட் The Girl in Room 105 படிச்சீங்களா? 

(இனியும் பேசுவோம்)

]]>
http://images.dinamani.com/uploads/user/imagelibrary/2018/10/30/w600X390/im5.jpg http://www.dinamani.com/weekly-supplements/ilaignarmani/2018/oct/30/வாங்க-இங்கிலீஷ்-பேசலாம்---163-3030101.html
3030098 வார இதழ்கள் இளைஞர்மணி நீ... நான்... நிஜம்! - 42: மனதின் வெறியா? அறிவின் நெறியா? சுகி. சிவம் DIN Tuesday, October 30, 2018 12:41 PM +0530 அண்மையில் ஒரு மாதம் அமெரிக்காவில் சுற்றிக் கொண்டிருந்தேன். ஒரு விமான நிலையத்தில் என்னை வரவேற்று அழைத்துப் போக வந்த  நண்பர் ஒருவர்  செய்த சின்னத் தவறு, சிலமணித்துளிகள் எங்களைச் சிக்கலில் ஆழ்த்தியது. தமது காரை அவசரத்தில் "பார்க்' செய்துவிட்டு வந்திருக்கிறார்... அல்லது செல்பேசியில் பேசியபடியே கவனம் இங்கு இல்லாதபடி வந்திருக்க வேண்டும்.  எங்கே பார்க் செய்தோம் என்று அவருக்குச் சரியாக நினைவில் இல்லை. அங்கு கார் பார்க்கிங் கட்டிடங்கள் ஏழெட்டு மாடிகள் உடையவை. அதிலும் பல நூற்றுக்கணக்கான கார் ஒரு தளத்தில் நிற்கும். பார்க்கிங்கிற்கு அடையாள எண் உண்டு. அவசரத்தில் குறித்துக் கொள்ளாமல் வந்து படாதபாடு பட்டார். இந்தக் குழப்பங்கள் யாவுமே ஒருவரது விழிப்புணர்வற்ற நிலையின் விளைவே.

நம்முடைய ஒவ்வொரு சொல்லுக்கும், ஒவ்வொரு செயலுக்கும் ஏன் ஒவ்வொரு அசைவுக்கும் நாம் பொறுப்பேற்க வேண்டும். ஏன் செய்கிறோம்... என்ன செய்கிறோம்... எதற்காக இப்படிச் செய்கிறோம்...என்று விழிப்புடன் செய்ய வேண்டியது நம் கடமை. 

சர்க்கரை நோயாளியான ஒருவர், சர்க்கரை தன் உயிர் குடிக்கும் வெள்ளை விஷம் அது என்று அறிந்தும், மனைவிக்குத் தெரியாமல் சர்க்கரை போட்டு காப்பி சாப்பிட்டதைப் பெருமைபடப் பேசிக் கொள்கிறார். குடியை மறக்க வைத்தியம் செய்து குடும்பமே போராடி மீட்ட நண்பர் ஒருவர், குடித்துச் செத்துப் போய் குழிக்குள் போகிறார். ஏதோ ஒன்றைக் கண்டிப்பாகச் செய்தே ஆக வேண்டும் என்று மனம் பாடாய்ப் படுத்துவதை உளவியல் நிபுணர்கள் OCD என்கிறார்கள். ஏதோ ஒரு விஷயத்தில் ஆழ்மனம் (அசேதன மனம்) தீர்க்கமாய் ஈடுபட்டு, பிடிவாதமாகச் செய்து முடித்து விடுகிறது. இந்த உலகில் நிகழும் பெருவாரியான பிழைகளுக்கு இதுவே காரணம். 

அமெரிக்காவில் ஒரு சூப்பர் மார்க்கெட்டில் நாங்கள் பொருட்கள் வாங்கச் சுற்றியபோது தமிழகத்தின் பிரபல நடிகர் ஒருவரின் கதை எங்களுக்குச் சொல்லப்பட்டது. பரபரக்கும் கையரிப்பால் நான்கைந்து சின்னப்பொருட்களை அந்த நடிகர் தம் பெரிய பேண்ட் பாக்கெட்டில் சுருட்டிக் கொண்டு வாசலுக்கு வந்து விட்டார். பில் கொடுக்காமல் வெளியேறியதும் வாசலில் உள்ள வேவு பார்க்கும் பெருங்கருவி குரல் எழுப்பி ஊரைக் கூட்டி விட்டது. போலீசும் வந்து விட்டது. நடிகர் பெயர் பேப்பரில் வந்தால் அவமானமாகி விடுமே என்று அவருடன் குழுவில் வந்திருந்த வயதான நடிகர் திருடியதாகப் பலிகடா ஆக்கப்பட்டார். மனத்தின் பரபரப்பு தான் இந்தத் திருட்டின் காரணம். பணத்தின் ஆசையல்ல... இதுவும் ஒருவகை மனக்குழப்பமே...  மனித மனத்தின் செயல்பாடுகளை Conscious behavior மற்றும் Compulsive behavior என்று இரண்டாகப் பிரிக்கின்றனர். இன்று பலரிடமும் Conscious குறைந்து Compulsive அதிகமாகி வருகிறது.

இப்போது நெடுஞ்சாலைகளில் நிகழும் கோர விபத்துக்களைக் குறைக்க அரசுகள் ஏகப்பட்ட முயற்சிகள் எடுத்து வருகின்றன. என்றாலும் தொற்று நோய்களால் நிகழும்  மரணங்களை  விடவும் சாலை விபத்து மரணங்கள் அதிகம் என்கிறது புள்ளி விவரம். நாகா என்கிற புத்தகப் பிரியர் தம் புத்தகத்தில் இதுபற்றி எழுதிய வரிகள் என்னை வெகுவாகத் தைத்தன. அவர் எழுதுகிறார். "தமிழக நகரங்கள் பலவற்றிலும் பறக்கும் பைக்குகளில் செல்லும் இளஞர்களைக் கண்டால் வருத்தமாக உள்ளது. பைக்குகளில் செல்பவர்கள் தங்களைத் "தல', "தளபதி' என்று நினைத்துக் கொண்டு, நிழலை நிஜமாக்க முயன்று வன்முறை அல்லவா நிகழ்த்துகிறார்கள். இப்போதெல்லாம் டூ வீலர்கள் சாலையில் நேராகச் செல்வதில்லை என்பதைக் கவனித்திருக்கிறீர்களா?! இளைஞர்களின் பைக்குகள் ஆங்கில எழுத்து "ந' போன்று சாலைகளில் இடம்}வலம்}இடம் என்று சாலைகளை அளந்து, கூட்டிப் பெருக்கி செல்கிறது. சிறிய சந்து கிடைத்தால் போதும் வளைந்து குனிந்து, போகும் போக்கில் மற்ற பயணிகளை நடு நடுங்க வைத்துப் போவதை எல்லாருமே பார்த்துக் கொண்டுதானே இருக்கிறோம்? வளைந்து நெளிந்து வாகனங்களுக்கு இடையில் கிடைக்கும் சிறிதளவு இடைவெளியில் பறவைகளைப் போல வண்டிகளைப் பறக்கவிடும் நபர்களைப் பார்த்து, பயந்து போய் விடுகிறேன்.

வேகம் மட்டுமின்றி, லேன் (Lane) டிசிப்ளின் என்ற ஒழுக்கத்துடன் ஓட்டும் பழக்கம் இப்போது வழக்கொழிந்தே போய் விட்டது. சாலையின் இடதுபுறத்தில் செல்க என்ற அறிவுரைகள் காற்றில் கரைந்து போய் காலம் பல கடந்துவிட்டது. 

6 வழிச்சாலையோ, 4 வழிச்சாலையோ, எதுவாகினும் கார்களுக்கு நடுவே டூ வீலர்கள் அடைத்தபடி செல்வதால், லேன் டிசிப்ளின் என்ற ஒரு விஷயமும் சுத்தமாக மறைந்தே போய்விட்டது, கொடுமையிலும் கொடுமை! இளைஞர்களும், இளைஞிகளும் "வண்டி ஓட்டுவதே த்ரில்லுக்குத்தான் அங்கிள்' என்று நம்மை ஏளனத்துடன் வயதானவராகப் பார்க்கிறார்களோ? 

முன்பு, ஏதோ, அங்கொன்றும், இங்கொன்றுமாக இப்படி சாலையில் சர்க்கஸ் காண்பித்தவர்கள் இப்போது பல்கிப் பெருகி சாலையை "ரேஸ்' நடக்கும் பந்தய மைதானமாக மாற்றிவிட்டார்கள். இவ்வளவு விரைவாக  வண்டியைச் செலுத்தும் நம்மூர் "பைக்கிகள்' Grand Prix எனப்படும் ரேசுக்குப் போய் தங்கள் திறமைகளைக் காண்பித்தால் நமக்கு நான்கு பதக்கங்களாவது மிஞ்சும்! இப்போது ஊனமுற்றவர்களை உருவாக்கி கொண்டு இருக்கிறோம்' என்று வருந்துகிறார் நாகா.  

எது இளைஞர்களை இப்படி பிணமாகவோ நடைப்பிணமாகவோ ஆக்குகிறது. வெறி...வெறி... முட்டாள்தனமான வெறி.  என்ன செய்கிறோம்... ஏன் செய்கிறோம்? இதன் விளைவு என்னாகும்? எதிர்பாராமல் என்ன என்ன நடக்க வாய்ப்பு உண்டு? இப்படி விழிப்புணர்வுடன் சிந்தித்து மனத்தின் வெறியை  விட அறிவின் நெறி முக்கியம் என்கிற தெளிவு ஏற்பட்டால் விபத்துகள் நடக்குமா?

செல்ஃபி என்றொரு பைத்தியம் இன்று மக்களைப் பேயாய்ப் பிடித்து ஆட்டுகிறது! ஆபத்தான மலையுச்சி, ஓடும் ரயில், விபத்து விளையும் விபரீத இடங்களில் கூட "செல்ஃபி... செல்ஃபி' என்று இளைஞர்கள் பரபரக்கிறார்கள். 

பலர் செத்துப் போன செய்தி கேட்ட பின்னும் அது என்னவோ அடுத்தவனுக்கு மட்டும் தான் நடக்கும் என்று அறிவீனமாகக் கருதியபடி தங்கள் முட்டாள்தனத்தைத் தொடருகிறார்கள். அதுமட்டுமா? ஆண்மை அழிந்தாலும் ஈரல் கிழிந்தாலும் குடலே கருகி சுடலை ஆனாலும் குடி... குடி... என்று குடித்து அழிகிறார்கள். எல்லாமே விழிப்புணர்வின்மையின் விளைவுதான்.

ஓர் இளைஞன்  விழிப்புணர்வுள்ளவன் எப்படி இருப்பான் என்பதற்கு Positive உதாரணம் சொல்லட்டுமா? 

பகத்சிங். ஸ்காட்டைக் கொல்ல முயன்றவன், சட்டமன்றத்திற்குள் கையெறி குண்டுகளை வீசிய தீவிரவாதி எப்படி விழிப்புணர்வுள்ளவன் என்று நீங்கள் கருதலாம்.  பகத்சிங் வாக்கு மூலத்தைப் 
பாருங்கள். 

"தனிப்பட்ட  வன்முறைச் செயல்களால் உலகத்தில் யாருமே எங்குமே வெற்றிபெற்றதில்லை என்பது நமக்குத் தெரியும். நமது நோக்கம் சிலரைக் கொல்வதல்ல.. மாறாக இச்சமூக அமைப்பை மக்களுக்கான குடியரசாக மாற்றம் செய்வது' என்று தன் செயலின் நியாயத்தை அவன் தெளிவு செய்தான்.

1929 ஏப்ரல் 8 டெல்லி மைய மண்டபத்தில் இந்திய வைஸ்ராயாக இருந்த வெள்ளைக்காரன் இர்வின், பொதுமக்கள் பாதுகாப்புச் சட்டம் மற்றும் தொழில் தகராறு சட்ட விதிகளை அறிமுகப்படுத்தினான். அவைத் தலைவர் விவாத இறுதியில் பேசமுற்பட்ட போது "இன்குலாப் ஜிந்தாபாத்' என்று குரலெழுப்பிய படி கையெறி குண்டினைச் சட்டமன்ற மையத்தில் நடைபாதை ஒன்றில் வீசினான் பகத்சிங். இதில் முக்கியமான விழிப்புணர்வு... எவருக்கும் உயிராபத்து ஏற்படக் கூடாது என்கிற கவனத்துடன் குண்டு எறியப்பட்டது. இதுதான் முக்கியம். பின்னர் இன்னொரு குண்டும் வீசப்பட்டது. 

பிரிட்டாஷாரின் அடக்குமுறைச் சட்டங்களை எதிர்க்க இந்திய உறுப்பினர்களின் கண்திறக்க வைக்கவே இந்தக் குண்டுவீச்சு நிகழ்ந்தது. குண்டுவீச்சு அடக்குமுறைக்கான எதிர் ஆயுதமே ஒழிய, உயிரிழப்புக் கூடாது என்பதில் கூடுதல் கவனம். குண்டுகளைத் தொடர்ந்து துண்டறிக்கைகளை வீசி உலகின் கவனத்தை நியாயத்தின் பக்கம் திருப்பினார் பகத்சிங். கோழையைப் போல தப்பியோட வில்லை.  பிரிய முடியாத நட்பு காரணமாக, அவரது நண்பர் பி.கெ.தத்தான் இரண்டாவது குண்டு வீசியதாக வலிந்து வாக்கு மூலம் கொடுத்தார். இருவரும் துணிவுடன் கைதானார்கள். வரலாற்றுச் சிறப்புமிக்க அந்த வாக்கு மூலத்தின் சில வைர வரிகளை வாசிப்போமா?  இதையும் நான் நாகாவின் நூலிலிருந்துதான் படித்தேன்.

"மனித சமூகத்தை நேசிப்பதில் நாங்கள் யாருக்கும் சளைத்தவர்கள் அல்ல. மனித உயிர் விவரிக்க முடியாத அளவு புனிதமானது என்று நாங்கள் அறிவோம். இங்கிலாந்தை அதன் கனவுலகிலிருந்து வெளியே கொண்டுவர கைக்குண்டுகள் தேவைப்படுகிறது. அதற்காகவே நாங்கள் குண்டுகளை எறிந்தோம். எங்களின் நோக்கம் செவிடர்களுக்கும் கேட்கும்படியாக உரக்க கத்திச் சொல்வது?'  குண்டு வீச்சுக்கான காரணத்தை இதை விட அழகாகச் சொல்ல முடியுமா என்ன?

பகத்சிங் மேலும் சொல்கிறார்.  "புரட்சி என்பது ரத்தகளறி அல்ல. அநியாயத்தின் அடிப்படையில் கட்டப்பட்டிருக்கும் சமூக அமைப்பை மாற்றுவது வறுமையிலிருந்து மனித சமூகத்திற்கு விடுதலை கிடைக்க வேண்டும். புரட்சியின் பலி பீடத்திற்கு எங்களின் இளைமையின் நறுமணத்தைப் பூசுவதற்கு வந்திருக்கிறோம்.' பகத்சிங்கின்  இந்த வாக்குமூலத்தை வழக்கறிஞர் அஸப் அலி நீதிமன்றத்தில் பதிவு செய்தபோது அங்கிருந்த நான்கு நீதிபதிகளில் மூவர் கண்ணீர் சிந்தினர் என்கிறார்கள்.  

பகத்சிங்கின் கடைசி நாள் கூட வீரத்தின் தலை நாள் என்பதைப் படிக்கும் போது நெஞ்சு நிறைகிறது. "லெனின் வாழ்க்கை வரலாறு' என்ற நூலை ஒரே நாளில் படிக்க வேண்டும் என்ற துடிப்புடன் வலது கையில் புத்தகத்தைப் பிடித்தபடி படித்துக் கொண்டிருந்தார் பகத்சிங். 

ஒரு சிறை அதிகாரி தயங்கியபடி, ""சர்தார் உங்களை இன்றே தூக்கில் தொங்கவிடவேண்டும், என்று உத்தரவு வந்துள்ளது. தயாராகுங்கள்'' என்றார். லெனின் வாழ்க்கை வரலாற்றைக் படித்துக்கொண்டிருந்த  பகத்சிங், ""கொஞ்சம் பொறு ஒரு புரட்சியாளனை இன்னொரு புரட்சியாளன்  சந்தித்துப் பேசிக்கொண்டிருக்கும் நேரம் இது. குறுக்கே வராதே'' என்று வாய்மூடவைத்தார்.  மரணத்தின் பிடியிலும் விழிப்புணர்வுடன் இருந்த பகத்சிங் எங்கே? வாழும் கணத்திலும் உறங்கிக் கிடக்கும் இன்றைய இந்திய இளைஞர்கள் எங்கே? அதனால் தான் ஜவஹர்லால் நேரு, "பகத்சிங் ஒரு குறியீடு' என்று சிலாகித்தார்.

(தொடரும்)

]]>
http://images.dinamani.com/uploads/user/imagelibrary/2018/10/30/w600X390/im4.jpg http://www.dinamani.com/weekly-supplements/ilaignarmani/2018/oct/30/நீ-நான்-நிஜம்---42-மனதின்-வெறியா-அறிவின்-நெறியா-3030098.html
3030095 வார இதழ்கள் இளைஞர்மணி தேவை...  தனித்திறன்கள்!  - வி.குமாரமுருகன்  DIN Tuesday, October 30, 2018 12:03 PM +0530 முதுகலை பட்டப்படிப்பு படித்திருந்தாலும் கூட கிடைக்காத வேலை இளநிலை படித்தவர்களுக்கோ அல்லது அதை விட குறைந்த கல்வித் தகுதி உடையவர்களுக்கோ கூட எளிதில் கிடைப்பதை பார்த்திருப்போம். அப்படி என்றால் அவர்களிடம் ஏதோ அதிகப்படியான விஷயம் இருக்கிறது என்று அர்த்தம். 

ஆனால், நாம் என்ன சொல்வோம்?  "என்னை விட படிப்புல குறைவா இருக்கிறவரை அந்த நிறுவனத்தில் வேலைக்கு சேர்த்துக்கிட்டாங்க. இதுக்கெல்லாம் கடுமையான சிபாரிசு இருந்தா மட்டும்தான் முடியும்' என்று சொல்வோம். 

ஆனால், உண்மையில் அந்த நிறுவனத்தின் வேலை வாய்ப்பு வழங்கும் அதிகாரி எதிர்பார்த்த விஷயம் நம்மிடம் இருந்திருக்காது என்ற உண்மையை நாம் புரிந்து கொள்வதில்லை. பல நிறுவனங்கள் கல்வித்தகுதியை மட்டுமே பார்த்து வேலையை வழங்குவதில்லை.   நமது தனித்திறன்கள்தாம்  நம்மை நோக்கி வெற்றியைக் கொண்டு வரும். 

முன்பெல்லாம், 10 ஆம் வகுப்பு படித்து முடித்து டீச்சர் டிரெய்னிங் படித்தவர்களுக்கு இடைநிலை ஆசிரியர் வேலை எளிதாகக் கிடைத்தது.  பல முதுகலைப் பட்டங்களும், எம்பில், பிஎச்டி, பி.எட்., எம்.எட், என எல்லா விதமான படிப்புகளையும் முடித்தவர்களுக்கு கூட அவ்வளவு எளிதாக ஆசிரியர் வேலை கிடைப்பதில்லை. பி.எட். என்பது முன்பெல்லாம் ஆசிரியர்களுக்கான தகுதியாக இருந்தது.  இப்போது ஆசிரியர் தகுதித்தேர்வு என்ற திறன் சார்ந்த தேர்வில் வெற்றி பெற்றால்தான் ஆசிரியர் வேலை கிடைக்கும் நிலை வந்துவிட்டது.

அப்போதும் கூட ஆசிரியராக முடியுமா என்றால் அது முடியாது. அதன் பின் ஆசிரியர் தேர்வு வாரியம் நடத்தும் தேர்வையும் சந்தித்து அங்கு நமது திறமையைக் காட்டினால் மட்டுமே ஆசிரியராகப் பணிபுரிய வாய்ப்பு கிடைக்கும். 

இப்படி படிப்பைத் தாண்டி தனித்திறன்களை வளர்த்துக் கொள்பவர்களால் மட்டுமே வெற்றியை, வேலையைப் பெற முடியும்.  இந்நிலையில் கல்வித் தகுதியை மட்டுமே வைத்து திறன்களை மதிப்பிட முடியாது என்பதால்தான் கல்வி தகுதியையும் தாண்டிய திறன்களை நிறுவனங்கள் எதிர்பார்க்கின்றன. 

நமது பயணம் எதை நோக்கி இருக்க வேண்டும் என்பதில் தெளிவு இருக்க வேண்டும். அதாவது எந்தத் துறையில்  நாம் வேலை தேட வேண்டுமோ, அத்துறை சார்ந்த பல்வேறு விவரங்களைப் படித்து, கேட்டு, தெரிந்து கொள்வதை வழக்கமாக்கிக் கொள்ள வேண்டும். 

முதல் வாய்ப்பிலேயே அனைவருக்கும் வேலை கிடைத்து விடும் எனச் சொல்ல முடியாது. அப்படி வாய்ப்புக் கிடைக்காத நிலையில், அந்த நிறுவனம் எந்த காரணத்துக்காக நம்மைத் தேர்வு செய்யவில்லையோ அதைக் கண்டுபிடிக்க வேண்டும். அந்த நிறுவனம் எதிர்பார்க்கும் பணித்திறன்கள்,தனித்திறன்கள் என்ன என்பதை தெரிந்து கொள்வதில் ஆர்வம் காட்ட வேண்டும். அப்படி தெரிந்து வைத்துக் கொண்டால், அதே துறையிலுள்ள வேறு நிறுவனத்திற்கு வேலைக்கு முயற்சி செய்யும் போது நாம் கற்றுக் கொண்ட திறன்கள் நமக்கு கைகொடுக்கும். 

இப்போது எல்லாம், ஒரு நிறுவனத்தின் நேர்முகத் தேர்வுக்கு செல்லும் இளைஞர்கள், அந்த நிறுவனம் குறித்த தகவல்களை தெரிந்து கொள்ளாமலேயே செல்வதை வழக்கமாக்கி கொண்டுள்ளனர். அதனால் கூட அவர்களுக்கு அந்நிறுவனத்தில் வேலை வாய்ப்பு கிடைக்காமல் போய் விடுகிறது, விரல் நுனியில் உலகம் இருக்கும் நிலையில், நேர்முகத் தேர்வுக்கு அழைத்துள்ள நிறுவனத்தின் விவரங்களைத் தெரிந்து கொண்டு, அந்த நிறுவனத்தின் வளர்ச்சிக்கான சில விஷயங்களை நமது திறன் சார்ந்த கருத்துடன் நேர்முக தேர்வில் அவர்கள் கேட்கும் நேரத்தில் பதிவு செய்து விட்டால், வேலை நம்மை தேடி வீட்டிற்கே வந்து விடும். 

அத்துடன், ஒரு பொருள் குறித்த அறிவு என்பது அப்படியே இருந்தால் அது பயன் தராது, ஆண்ட்ராய்டு கைபேசிகளில் உள்ள அப்டேட் போல் துறை சார்ந்த, பொருள் சார்ந்த அறிவையும் அப்டேட் செய்தால் மட்டுமே, நம் திறன்களின் மீது நிறுவனங்களுக்கு நம்பிக்கை வளர்ந்து நமது வளர்ச்சிக்கும் காரணமாக அமையும். இல்லையென்றால் சேர்ந்த வேலையைத் தக்க வைத்துக் கொள்ள முடியாத  நிலை  வந்து விடும். 

சில பேர் நிறுவனத்துக்கு விண்ணப்பிக்கும் போது கூட யாரோ ஒருவர் தயார் செய்த விண்ணப்ப படிவத்தை பார்த்து அதே போல் தயார் செய்து அனுப்புவார்கள். இதை விட நாம் சுயமாகத் தயாரித்து அனுப்பும் விண்ணப்பம் கூட நிறுவனத்தின் அதிகாரிகளை ஈர்க்கக் கூடும். அதிலும் கூட தனித்திறனுக்கு மரியாதை கிடைக்கும். 

 பெரிய அரங்கில் ஒரே மாதிரியான சீருடையில் குவிந்திருக்கும் மாணவர்கள் மத்தியில் யாரோ ஒருவர் மட்டும் வண்ண உடையில் இருந்தால், அது மற்றவர்களைக் காட்டிலும் வித்தியாசப்படுத்திக் காட்டும். எதற்காக வண்ண உடை என்ற கேள்வி எழும். இது போல்தான் நூற்றுக்கணக்கானோர் திரண்டு வந்திருக்கும் வேலை வாய்ப்புச் சந்தையில் நமது நடை, உடைகளில் நாம் காட்டும் தனித்திறன் கூட மெருகு சேர்க்கும். பலரும் தெரிவிக்கும் கருத்துக்கு மாறாக புதிய கருத்தை, சிந்தனையை, வெளிப்படுத்தும் விதத்தில் கூட புதிய உத்திகளுடன் திறமையாக வெளிப்படுத்தினால் வேலை பெறவும் முடியும். உயரத்தை எட்டவும் முடியும்.

]]>
http://images.dinamani.com/uploads/user/imagelibrary/2018/10/30/w600X390/im3.jpg http://www.dinamani.com/weekly-supplements/ilaignarmani/2018/oct/30/தேவை--தனித்திறன்கள்-3030095.html
3030093 வார இதழ்கள் இளைஞர்மணி வைக்கோல் கூழ்... பேப்பர் கப்... தட்டுகள்! - ந.ஜீவா DIN Tuesday, October 30, 2018 12:01 PM +0530 பஞ்சாப், ஹரியானா மாநிலங்களில் முக்கிய விளைபொருள்கள் நெல்லும், கோதுமையும்.  அறுவடை முடிந்த பிறகு  வைக்கோலை நாம் சேர்த்து வைத்து மாடுகளுக்கு உணவாகக் கொடுப்போம். பஞ்சாப், ஹரியானாவிலும் அப்படித்தான் செய்கிறார்கள்.  ஆனாலும் கோதுமையும் அங்கே விளைவதால், கோதுமை அறுவடை முடிந்த பின்பு  கோதுமைத்தாள்களையும் மாடுகளுக்கு உணவாக அளிக்கிறார்கள். வைக்கோலை விட கோதுமைத்தாள்களை மாடுகள் எளிதில் செரித்துவிடுகின்றன. எனவே அங்கே நிறைய வைக்கோல் எஞ்சிவிடுகிறது.  வீணாகக் குவிந்து கிடக்கும் வைக்கோலை என்ன செய்வது? எரித்துவிடுகிறார்கள். விளைவு? காற்றிலே வைக்கோல் புகை கலந்து காற்றை 
மாசாக்குகிறது. 

தலைநகர் தில்லியிலும் அதன் சுற்றுப்புறங்களிலும் காற்று அதிக அளவில் மாசடைந்து போனதற்கு  காரணம், இந்த வைக்கோல்  எரிப்பே.  வைக்கோலை எரிக்காமல் அவற்றை வேறு எதற்காகவாவது பயன்படுத்த முடியுமா? என்று ஆராய்ச்சி செய்ததன் விளைவாக  ஓர் இயந்திரம் ண்டுபிடிக்கப்பட்டிருக்கிறது. அதைக் கண்டுபிடித்தது, டெல்லி ஐஐடியின் முன் முயற்சியால் உருவான "க்ரியா லேப்ஸ்' என்ற நிறுவனம். அதன் தலைமைச் செயல் அதிகாரியான அன்குர் குமார் இது பற்றி கூறும்போது...

""மாடுகள் வைக்கோலைச் செரிக்க முடியாமல் போய்விடுவதற்குக் காரணம், வைக்கோலில் உள்ள அதிக அளவிலான சிலிக்கா பொருள்கள்தான். வைக்கோலில் உள்ள சிலிகாவையும் லிக்னினையும் பிரித்து எடுத்துவிட்டால், அதை கூழ் போல ஆக்கிவிடலாம்.  பேப்பர் கப்,  தட்டுகள், மேசை விரிப்புகள் எல்லாம் செய்யலாம்.  

நானும்,  கனிகாவும், பிரஜீத் தத்தாவும் இணைந்து  இதற்கான தொழில்நுட்பங்களைக் கண்டுபிடித்து,  அதன் விளைவாக வைக்கோலைக் கூழ் ஆக்கும் இயந்திரத்தைக் கண்டுபிடித்திருக்கிறோம். 

முதலில் வைக்கோல் கூழால் ஆன பேப்பர் கப், தட்டுகள் போன்ற பொருள்களைத் தயாரித்து விற்பனை செய்யலாம் என்றுதான் திட்டமிட்டோம். ஆனால்  அதைத் தயாரித்துச் சந்தைப்படுத்த நீண்ட காலம் பிடிக்கும் என்பதால்,  மேலும் நாடு முழுவதும் உள்ள தேவையில்லாத வைக்கோலை கூழாக மாற்ற  முடியாது என்பதால்,  இந்த கருவியைத் தயாரித்து விற்கலாம் என்று திட்டமிட்டோம். 

இந்தக் கருவியை வாங்கும் ஒருவர் வைக்கோல் கூழைத் தயாரித்து, அதை வைத்து  பேப்பர் கப், தட்டுகளை உருவாக்கி விற்பனை செய்ய முடியும். தேவைப்படுபவர்களுக்கு நேரடியாக வைக்கோல் கூழை விற்பனை செய்யவும் முடியும்.

ஆயிரம் கிலோ வைக்கோலில் இருந்து 500 கிலோ வைக்கோல் கூழ் தயாரிக்க முடியும். ஒரு கிலோ வைக்கோல் கூழின் விலை ரூ.40 -45 வரை விற்கிறது.  வைக்கோலை வீணாக எரிக்கும் விவசாயிகள், இந்த இயந்திரத்தின் மூலம் பயன் அடைய முடியும். மேலும் நம் நாடு முழுக்க நெல் விளையும் பகுதிகளில் இந்த இயந்திரம் பயன்படுத்தப்படுமானால், சுற்றுச்சூழல் எந்த அளவுக்கு பாதுகாக்கப்படும் என்பதை கற்பனை செய்யவே முடியாது.  

இந்த வைக்கோல் தயாரிக்கும் இயந்திரத்தைப் பயன்படுத்தி  கூழ் தயாரிக்கும் நிறுவனத்தைத் தொடங்க ரூ.30 இலிருந்து ரூ.35 லட்சங்கள் வரை ஆகும்.  ஒரு நாளைக்கு 2 ஆயிரம் கிலோ வைக்கோலை கூழாக மாற்ற முடியும்'' என்றார்.

ஐஐடி - டெல்லியில் பயோமெடிக்கல் என்ஜினியரிங் துறையில் உதவிப் பேராசிரியராகப் பணிபுரியும் நீட்டு சிங் இதுபற்றிக் கூறுகையில்,  ""இந்த இயந்திரம் அறிவியலையும், சமுதாயத்தையும், சுற்றுச்சூழல் பாதுகாப்பையும் மிக அழகாக ஒருங்கிணைத்துவிட்டது'' என்கிறார் பெருமையாக.

]]>
http://images.dinamani.com/uploads/user/imagelibrary/2018/10/30/w600X390/im2.jpg http://www.dinamani.com/weekly-supplements/ilaignarmani/2018/oct/30/வைக்கோல்-கூழ்-பேப்பர்-கப்-தட்டுகள்-3030093.html
3030092 வார இதழ்கள் இளைஞர்மணி மாணவர்கள் பங்கேற்கும்  சர்வதேச மாநாடு! - இரா.மகாதேவன் Tuesday, October 30, 2018 11:58 AM +0530 இன்று உலகப் புகழ்பெற்ற பல்கலைக்கழகங்களில் ஒன்றாக விளங்கும் ஹார்வார்ட் பல்கலைக்கழகத்தில் உலகம் முழுக்க இருந்து 6,700 மாணவர்கள் கல்வி பயின்று வருகின்றனர். சர்வதேச அளவில் அனைத்து மாணவர்களின் முன்னேற்றத்துக்கான பல திட்டங்களை இந்தப் பல்கலைக்கழகம் செயல்படுத்தி வருகிறது. இதன் ஒருபகுதியாக மாணவர்களை அனைத்து திறன் கொண்டவர்களாக மாற்றவும், அவர்களுக்கு பயிற்சி அளிக்கவும் 214 மாணவர் அமைப்புகளை (Student Organizations) ஏற்படுத்தியுள்ளது ஹார்வார்ட் பல்கலைக்கழகம். அவற்றில் ஒன்றுதான் Harvard Model United Nations (HMUN)  அமைப்பு.

ஹார்வார்ட் பல்கலைக்கழகம் 1927-இல் முதன்முறையாக நாடுகளின் மாதிரி கூட்டமைப்பு (ஙர்க்ங்ப் கங்ஹஞ்ன்ங் ர்ச் சஹற்ண்ர்ய்ள்) மாநாட்டை நடத்தியது. இதன்பிறகே 1945-இல் ஐக்கிய நாடுகள் கூட்டமைப்பு உருவானது. இதைத் தொடர்ந்து, மாதிரி ஐக்கிய நாடுகள் கூட்டமைப்பு மாநாட்டை (Model United Nations conference) 1953 முதல் ஹார்வார்ட் பல்கலைக்கழகம் நடத்தி வருகிறது. அமெரிக்காவில் மட்டுமே நடைபெற்றுவந்த இந்த மாநாடு, கடந்த 2010 முதல் சீனாவிலும்,  இந்தியாவில்  

தெலங்கானா மாநிலம், ஹைதராபாத்தில் கடந்த 2011 முதல் நடைபெற்று வருகிறது Harvard Model United Nations India (HMUN -India) மாநாடு. பள்ளி மாணவர்கள் சர்வதேச பிரச்னைகள் குறித்து அறிந்துகொள்ளவும், அதற்கான தீர்வுகளை யோசிக்கவும், விவாதிக்கவும் வழிகாட்டும் இந்த மாநாடு ஆண்டுதோறும் ஆகஸ்ட் மாதத்தில் 4 நாள்கள் நடைபெறுகிறது. 

கடந்த ஆகஸ்ட் 12 முதல் 15-ஆம் தேதி வரை நடைபெற்ற இந்த மாநாட்டில் இந்தியா உள்ளிட்ட 11 நாடுகளைச் சேர்ந்த 150 பள்ளிகளில் இருந்து 200 ஆசிரிய ஆலோசகர்கள், 1400 மாணவர்கள் பங்கேற்றனர்.

இந்த மாநாட்டில் பங்கேற்கும் மாணவர்கள் ஐக்கிய நாடுகள் கூட்டமைப்பின் செயல்பாடுகள், சர்வதேச உறவுகளில் இதன் பிரதிநிதிகள், இதர சர்வதேச அமைப்புகளின் உறுப்பினர்கள், நாடுகளின் அமைச்சரவைகளுக்கு உள்ள பணிகள் குறித்து விரிவாக அறிந்துகொள்ள முடியும். மேலும், சர்வதேசப் பிரச்னைகளில் உலகத் தலைவர்கள் கொண்டுவரும் வரைவுத் தீர்மானங்கள் குறித்து அறிந்துகொள்ளவும், அதுகுறித்து மாநாட்டில் விவாதிக்கவும் வாய்ப்புக் கிடைக்கும். 

உலகளாவிய பிரச்னைகள் குறித்து   பிற தன்னார்வலர்களுடன் சேர்ந்து விவாதித்து, நம்முடைய திறமைகளை மேம்படுத்திக் கொள்ள முடியும். குறிப்பாக, சர்வதேச அமைதி, பாதுகாப்பு, பொருளாதாரம் மற்றும் சமூக முன்னேற்றம் குறித்த சிக்கலான  பிரச்னைகளில் வெளிப்படையாகப் பேசுவதற்கான ஆக்கப்பூர்வமான மன்றமாக இது உள்ளது. மாநாட்டின் போது, சர்வதேச சமுதாயத்தின் தேவைகளுக்கு ஏற்ப, நாடுகள் தங்களின் ஆர்வமிக்க செயல்பாடுகளை சமநிலையில் வைத்திருக்க வேண்டியதன் அவசியம், நாடுகளின் சக்தி மற்றும் சர்வதேச பேச்சுவார்த்தைகளுக்கான அளவுகோல்கள் குறித்தும் மாணவர்கள் அறிந்துகொள்ள முடியும். 

கடந்த ஆகஸ்ட் மாதம் ஹைதராபாத்தில் நடைபெற்ற மாநாட்டில், சமுதாய முன்னேற்றத்தில் தாக்கத்தை ஏற்படுத்திய பல ஆளுமைகள் பங்கேற்றனர். குறிப்பாக, ஹார்வார்ட் பல்கலைக்கழகத்துடன் இணைந்து இந்த மாநாட்டை ஒருங்கிணைத்த Worldview Education நிறுவுநர் மற்றும் தலைமைச் செயல் அதிகாரி சம்ரீத் ரெட்டி, இந்தியாவுக்கான முன்னாள் ஆப்கன் அரசு தூதர் சய்தா முகமது அப்தாலி, இஸ்ரோ முன்னாள் தலைவர் ஏ.எஸ். கிரண்குமார், 

இந்திய வர்த்தக மற்றும் தொழில்துறை கூட்டமைப்பின் உதவி செயலாளர் சோபா மிஸ்ரா கோஸ், ஃபிளேம் பல்கலைக்கழகப் பேராசிரியர் சாரோன் பார்ன்ஹார்ட், கோக்க கோலாவின் பெருநிறுவன விவகாரங்களுக்கான இந்திய துணைத் தலைவர் இஸ்தீயக் அம்ஜத், இதே நிறுவனத்தின் பெருநிறுவன விவகாரங்களுக்கான இயக்குநர் சந்த்ரமோகன் குப்தா உள்ளிட்டோர் பங்கேற்று மாணவர்களுடன் உரையாடினர்.

கடந்த மாநாட்டில் பங்கேற்க பள்ளி பதிவுக்கட்டணமாக ஒரு மாணவர் மற்றும் ஆசிரிய ஆலோசகருக்கு சேர்த்து ரூ. 6795 பெறப்பட்டுள்ளது. பள்ளி அல்லாத பங்கேற்பாளருக்கு 13,800 ரூபாயும், அவருக்கான கட்டாய ஆசிரிய ஆலோசகருக்கு 6,795 ரூபாயும் கட்டணம் நிர்ணயிக்கப்பட்டிருந்தது. இதில், மாநாட்டின் பல்வேறு நிகழ்ச்சிகள், திறன்வளர்ப்பு முகாம், பயிற்சிப் பட்டறை, உணவு, ரயில், விமான நிலையங்களில் இருந்து மாநாட்டு அமைப்பு பரிந்துரைத்த விடுதி மற்றும் விடுதியில் இருந்து மாநாட்டு அரங்குக்கு வந்து செல்வதற்கான வாகனப் போக்குவரத்து கட்டணம் ஆகியவை அடங்கும்.  வரும் ஆண்டு மாநாட்டில் பங்கேற்க இப்போதே தயாராகுங்கள்.

]]>
http://images.dinamani.com/uploads/user/imagelibrary/2018/10/30/w600X390/im1.jpg http://www.dinamani.com/weekly-supplements/ilaignarmani/2018/oct/30/மாணவர்கள்-பங்கேற்கும்--சர்வதேச-மாநாடு-3030092.html
3025243 வார இதழ்கள் இளைஞர்மணி ஹைப்பர்லூப் தொழில்நுட்பத்தில் புதிய வாகனம்! Tuesday, October 23, 2018 10:55 AM +0530 18-ஆம் நூற்றாண்டில் முதல் ரயில் போக்குவரத்து உருவானது. மணிக்கு 57 கி.மீ. வேகத்தில் தொடங்கிய ரயில் போக்குவரத்து தற்போது மணிக்கு 1,223 கி.மீ. வேகத்தில் இயக்கக் கூடிய ஹைப்பர்லூப் ரயிலாக மாறியுள்ளது. இந்த ஹைபர்லூப் தொழில்நுட்பத்தை 2012ஆம் ஆண்டு தனியார் விண்வெளி ஆய்வு மையமான ஸ்பேஸ் ஏக்ஸின் தலைவர் எலன் மஸ்க் வெளியிட்டார்.
இதற்கான செயல்வடிவத்தில் உலகம் முழுவதும் உள்ள விஞ்ஞானிகள் ஈடுபடவும் அவர் வழிவகுத்தார். ஹைப்பர்லூப் டிரான்ஸ்போர்டேஷன் டெக்னாலஜிஸ், விர்ஜின் ஹைப்பர்லூப் ஒன் ஆகிய இரண்டு நிறுவனங்களும் இந்தப் பணியில் கடந்த 5 ஆண்டுகளாக ஏராளமான விஞ்ஞானிகளை ஈடுபடுத்தின. இறுதியில், மணிக்கு 1,223 கி.மீ. வேகத்தில் செல்லும் உலகின் முதல் ஹைப்பர்லூப் வாகனத்தை அமெரிக்காவைச் சேர்ந்த ஹைப்பர்லூப் டிரான்ஸ்போர்டேஷன் டெக்னாலஜிஸ் ஸ்பெயினில் கடந்த வாரம் வெளியிட்டது.
இறக்கை இல்லாத விமானத்தைப்போல் வடிவமைக்கப்பட்டுள்ள இந்த வாகனம், 105 அடி நீளமும், 5 டன் எடையும் கொண்டது. 40 பேர் பயணம் செய்யும் வகையில் வடிவமைக்கப்பட்டுள்ளது.
இதற்காக பிரத்யேகமாக வடிவமைக்கப்பட்ட குழாய் போன்ற பாதையில் மின்காந்த உந்து சக்தியால் இந்த வாகனம் இயங்குகிறது. வைபிரேனியத்தைக் கொண்டு இது உருவாக்கப்பட்டுள்ளது. இது எஃகைவிட 10 மடங்கும், அலுமினியத்தைவிட 8 மடங்கும் அதிக பலம் கொண்டது. ஆனால், எடையில் பல மடங்கு குறைவானது. சோதனைக்காக பிரான்ஸýக்குக் கொண்டு செல்லப்பட்டுள்ள இந்த வாகனம், அடுத்த ஆண்டு முதல் பயன்பாட்டுக்கு வரும் என்று நம்பிக்கை தெரிவித்துள்ளது.
அடுத்த தலைமுறைக்கான ஹைப்பர்லூப் போக்குவரத்து ஐக்கிய அரபு அமீரகம், சீனா ஆகிய நாடுகளில் முதல் முறையாக தொடங்கப்பட உள்ளன. அமெரிக்கா, இந்தியா, பிரேஸில், பிரான்ஸ், செக் குடியரசு, இந்தோனேசியா, கொரியா ஆகிய நாடுகளில் ஹைப்பர்லூப்பைத் தொடங்க ஒப்பந்தம் செய்யப்பட்டுள்ளது. இந்தியாவில் மும்பையில் இருந்து புணேவுக்கு ஹைப்பர்லூப் அமைக்க ஒப்பந்தம் செய்யப்பட்டுள்ளது. இதன் மூலம் 5 மணி நேரப் பயணம் அரை மணி நேரமாக குறையும் என்று தெரிவிக்கப்பட்டுள்ளது. விமானத்தை விட வேகமாக செல்லும் ஹைப்பர்லூப்பின் கட்டணங்கள் குறைவாக இருந்ததால்தான் இது மக்களுக்கான போக்குவரத்தாக மாறும்.
- அ.சர்ஃப்ராஸ்


 

]]>
http://images.dinamani.com/uploads/user/imagelibrary/2018/10/23/w600X390/HYPER.JPG http://www.dinamani.com/weekly-supplements/ilaignarmani/2018/oct/23/ஹைப்பர்லூப்-தொழில்நுட்பத்தில்-புதிய-வாகனம்-3025243.html
3025478 வார இதழ்கள் இளைஞர்மணி புத்தியுள்ள மனிதரெல்லாம்... மகிழ்ச்சி காண்பதில்லை! DIN DIN Tuesday, October 23, 2018 10:38 AM +0530 "மகிழ்ச்சி என்பது அறிவாளிகளுக்கு மிக அரிதான ஒன்று' என்று புகழ்பெற்ற அமெரிக்க எழுத்தாளரான எர்னஸ்ட் ஹெமிங்வே கூறினார். சராசரி அறிவு உடையவர்கள் கூட தங்கள் வாழ்க்கை நிலையைப் பற்றி சிறிதும் கவலை கொள்ளாமல் அன்றாடப் பொழுதுகளை மகிழ்ச்சியாக கழித்து வருவதை நாம் காண்கிறோம். ஆனால் அதே நேரத்தில் குடும்ப வாழ்க்கையிலும், தொழிலிலும் வெற்றிகள் கண்டு பல சாதனைகளைப் படைத்த புத்திசாலிகள் பலர், தங்கள் வாழ்க்கையில் மகிழ்ச்சியை தேடிக் கொண்டே இருப்பார்கள். அவர்களது இந்த தேடலுக்கு காரணம் என்ன..?
 எல்லாவற்றையும் ஆராய்வது: நம் வாழ்வில் சந்திக்கும் அனைவரும் நம் வாழ்க்கைக்கு தேவையானவர் என கருத முடியாது. சிலர் நம் வாழ்க்கையில் பல காலகட்டங்களிலும் கூடவே இருப்பர். சிலர் சிறிய காலத்திற்குள்ளேயே நம் வாழ்க்கையில் தோன்றி மறைவர். நாம் சந்திக்கும் அனைவரின் குண நலன்களையும் நாம் அலசி ஆராயத் தேவையில்லை. ஏனெனில் சிலர் உள்ளத்தில் ஒன்றை வைத்து வெளியில் ஒன்று பேசுவர். இவர்களில் பலரின் உண்மையான முகங்களை நாம் அறிந்து கொள்ள முயற்சி செய்யாதவரை நம் வாழ்க்கை மகிழ்ச்சிதான். ஆனால் அதீத புத்திசாலிகள் தன் வாழ்க்கையைக் கடக்கும் அனைவரையும் ஆராய்ச்சி செய்து தங்களது மகிழ்ச்சியை தொலைத்து விடுவதுண்டு.
 உயர்விலும் உயர்வு தேடுதல்: அறிவாளிகளுக்கு தங்களது தேவை என்ன என்பதிலும், தாம் என்னவாக விரும்புகிறோம் என்பதிலும் ஒரு தெளிவான திட்டமிட்ட பார்வை இருக்கும். ஓர் இடத்தை அவர்கள் அடைந்து விட்டால் அதிலேயே நில்லாமல் மேலும் உயர யோசித்துக் கொண்டே இருப்பர். ஆனால் அது எல்லாத் துறைகளிலும் அடைவது சாத்தியமில்லை என்பதால் அவர்களுக்கு ஏமாற்றம் மட்டுமே மிஞ்சுகிறது.
 அளவுக்கு மிஞ்சிய சுயமதிப்பீடு: புத்திசாலிகள் தாங்கள் பெறும் வெற்றி தோல்விகளைப் பற்றிய சுயமதிப்பீடுகளில் கண்டிப்புடன் இருப்பது மட்டுமல்லாது தங்களது ஒவ்வொரு நடத்தைகள் பற்றிய சுயமதிப்பீட்டிலும் அளவு மிஞ்சிய கண்டிப்புடன் இருந்து குறைகளைக் கண்டுபிடிப்பதை வழக்கமாகக் கொள்வர். என்றோ தான் செய்த ஒரு செயலை எண்ணி, பல நாள்கள் உறக்கத்தை கெடுத்து இதை இப்படிச் செய்திருக்கலாமோ இல்லை அப்படிச் செய்திருக்கலாமோ என குழம்பிக் கொண்டே தங்களது மகிழ்ச்சியைத் தொலைத்து விடுகின்றனர்.
 நிஜத்தை விட்டு விலகி இருப்பது: புத்திசாலிகள் எல்லாவற்றிலும் சிறந்தவற்றையே தேர்ந்தெடுத்து அதனை அடைவதே கனவாகவும், கருத்தாகவும் கொண்டிருப்பர். அவர்களது கனவுகள் மிக ஆழமானதாகவும், மிகுந்த சிரத்தையுடையதாகவும் இருக்கும். இதனை அடையும் முயற்சியில் அவர்கள் தங்கள் வாழ்வின் கணிசமான நேரத்தையும் உழைப்பையும் செலவிடுவதால் எண்ணியதை எட்டும் வரையில், ஓயாது உழைத்து சில சிறு சிறு மகிழ்ச்சிகளை ரசித்து வாழும் வாய்ப்பைக்கூட இழந்து விடுகின்றனர்.
 சிலர் தன் அறிவிற்கும் தனது திறமைக்கும் தான் இங்கே இருக்க வேண்டிய ஆளே இல்லை என எண்ணிக் கொண்டு சமயத்தில் வேற்று கிரக மனிதர் போலவே செயல்படுவார்கள். இதனால் அவர்களால் கடைசி வரை தங்களை திருப்திபடுத்திக் கொள்ளவோ, அதன்மூலம் வாழ்வில் மகிழ்ச்சியைக் காணவோ முடிவதில்லை.
 தனிமையில் தள்ளப்படுவது: ஒருவரை முழுவதும் புரிந்து கொள்வது மனிதர்களுக்கு மிகச் சிறந்த அனுபவத்தை வழங்கக் கூடியதாக விளங்கும். ஆனால் அறிவாளிகளைப் புரிந்து கொள்வதும், அவர்களது கருத்துகளில் பொதிந்துள்ள ஆழத்தையும், அர்த்தத்தையும் அறிந்து கொள்வதும் அனைவருக்கும் எளிதானதல்ல. அதனால் அறிவாளிகளுடன் கலந்துரையாடவும், அவர்களைப் புரிந்து கொள்வதும் சராசரி அறிவுடைய சாமானியர்களால் இயலாத ஒன்றாகிவிடுகிறது. புத்திசாலிகள் தனிமைப்படுத்தப்படுகின்றனர். சின்னஞ்சிறு விஷயங்களையும் பகிர, தக்க துணையின்றி அவர்கள் வருத்தம் கொள்ள வேண்டிய நிலை எழுகிறது.
 இவ்வாறு தங்களைச் சுற்றி இருக்கும் சின்னஞ்சிறு இன்பங்களையும், அதனால் பெறும் மகிழ்ச்சிகளையும் கண்டு கொள்ளாமல் கடிவாளம் கட்டிய குதிரை போல ஓடி வாழ்க்கையின் சிறு சிறு இன்பங்களைக் கூட அறிய முடியாமல் தவற விட்டுவிடுகின்றனர். எனவே மூளை சொல்வதைக் கேட்க வேண்டிய நேரத்தில் மூளையையும், மனம் சொல்வதைக் கேட்க வேண்டிய நேரத்தில் மனதையும் கேட்டு நடந்தால் வாழ்க்கை மிக அழகாக அமையும்.
 - க. நந்தினி ரவிச்சந்திரன்
 
 
 

]]>
http://images.dinamani.com/uploads/user/imagelibrary/2018/10/23/w600X390/im7.jpg http://www.dinamani.com/weekly-supplements/ilaignarmani/2018/oct/23/புத்தியுள்ள-மனிதரெல்லாம்-மகிழ்ச்சி-காண்பதில்லை-3025478.html
3025463 வார இதழ்கள் இளைஞர்மணி வாழைப்பழத் தோல்: வேலை... தொழில் வாய்ப்பு! DIN DIN Tuesday, October 23, 2018 10:29 AM +0530 கடந்த 1985-இல் வெளியான "கீதாஞ்சலி' திரைப்பட நகைச்சுவை காட்சியில், சாமியாராக நடித்த கவுண்டமணியிடம் தீர்வு தேடி வரும் ஒரு விவசாயி, வாழை அதிகமாக விளைந்தும், விலை கிடைக்கவில்லை, காப்பாற்ற வேண்டும் என்பார். இதையடுத்து, வாழைப்பழத்தில் ஒரு புரட்சி ஏற்படுத்தப் போவதாகக் கூறி, கடைக்குச் செல்லும் கவுண்டமணி, வாழைப்பழம் வாங்கி, தோலைத் தின்றுவிட்டு, பழத்தை தூக்கியெறிவார். அதில்தான் சத்து அதிகமாக உள்ளது என்றும் கூறுவார்.
இதை நம்பி, மக்களும் வாழைப்பழத் தோலை வாங்கி உண்ண, அதன் விலை பன்மடங்கு உயர்ந்துவிடும். இதன் மூலம், விவசாயியும், அவர்மூலம் சாமியாரும் பயன்பெறுவதாகக் காட்சி இருக்கும். இந்த படம் கடந்த 33 ஆண்டுகளுக்கு முன்பு வெளியான போது, இதுகுறித்த ஆய்வுப்பூர்வமான உண்மைகள் எதுவும் வெளியாகவில்லை. நகைச்சுவைக்காகவே அந்தக் காட்சி வைக்கப்பட்டது. ஆனால், அது நகைச்சுவையல்ல, உண்மையே என்று இன்றைய ஆய்வுகள் நிரூபித்துள்ளன. ஆஸ்திரேலியா மற்றும் வியத்நாம் விஞ்ஞானிகள் இதை உறுதிசெய்துள்ளனர்.
தாவரங்களில் விதை மற்றும் சதைப்பகுதி உருவாகும் முன்பு, அதன் தோல் பகுதியே முதலில் உருவாகிறது. நுண்ணுயிர்த் தொற்றுகள் உள்ளிட்ட பாதிப்புகளில் இருந்து தற்காத்துக் கொள்ள இயற்கையாக அமைந்த அரண் அது. அதுபோலவே, வாழைப்பழத் தோலும் விஷ எதிர்ப்பு தன்மை கொண்டதாகவும், கொடிய நுண்ணுயிரிகளால் பழத்துக்கு எந்த பாதிப்புகளும் நேராமல் காக்கக்கூடிய ஆயுதமாகவும் பயன்படுகிறது.
இதையொட்டி, தீக்காயம், ரத்தசோகை, வயிற்றுப்போக்கு, தீராத புண், எரிச்சல், நீரிழிவு, இருமல், பாம்புக்கடி போன்றவற்றுக்கு மரபுரீதியான மருந்தாக வாழைப்பழத் தோல் பயன்படுத்தப்பட்டு வருகிறது. 
இந்த நிலையில், லண்டனில் உள்ள பிரிட்டிஷ் பன்னாட்டு தகவல் மற்றும் ஆய்வு நிறுவனத்தின் கீழ், நெதர்லாந்தின் ஆம்ஸ்டர்டாம் நகரில் இருந்து செயல்படும் Elsevier பதிப்பு நிறுவனம், தன்னுடைய Journal of Functional Foods என்ற ஆய்வுப் புத்தகத்தில், Phenolic compounds within Banana Peel and their Potential Uses- A Review என்ற ஆய்வுக் கட்டுரையை கடந்த ஜனவரி மாதம் வெளியிட்டுள்ளது.
ஆஸ்திரேலியாவில் உள்ள நியூகேஸில் பல்கலைக்கழகத்தின் சுற்றுச்சூழல் மற்றும் வாழ்க்கை அறிவியல் பள்ளியைச் சேர்ந்த விஞ்ஞானிகள், Hang 
T. Vu,  Quan V,  Vuong, வியத்நாம் தேசிய வேளாண் பல்கலைக்கழகத்தின் உணவு அறிவியல் மற்றும் தொழில்நுட்பத் துறையைச் சேர்ந்த Christopher J. Scarlett 
 ஆகியோர் வியத்நாம் அரசின் நிதி உதவியுடன் ஆய்வு மேற்கொண்டு, கடந்த ஜூலை 2017-ல் இந்த கட்டுரையைச் சமர்ப்பித்தனர். பரிசீலனைக்குப் பிறகு 6, நவம்பர் 2017-ல் ஏற்றுக்கொள்ளப்பட்ட கட்டுரை, 22, டிசம்பர் 2017-இல் Elsevier நிறுவனத்தின் இணையதளத்தில் வெளியிடப்பட்டது.
வாழைப்பழத் தோலில் இயற்கையாக உள்ள வேதிப்பொருள்கள், ஊட்டச்சத்து மருந்துகள் மற்றும் நோய் தீர்க்கும் மருந்துகள் தயாரிக்கும் தொழில்துறையில் அதிக அளவில் பயன்படும் என்பதற்கான ஆதாரமாக இந்த ஆய்வுகள் உள்ளதாக மருத்துவத்துறை கருதுகிறது.
காரணம், பல நோய்களுக்குத் தீர்வாக இருந்துவரும் பினோலிக் கலவைகள் (Phenolic Compounds) பிற பழங்களை ஒப்பிடும்போது, வாழைப்பழத் தோலில் அதிகச் செறிவுடன் காணப்படுவதாகவும், இந்த கலவைகள் விஷ எதிர்ப்புத் தன்மை கொண்டதாகவும், நுண்ணுயிரி தொற்றுகள் தாக்காத, நோய் எதிர்ப்புப் பண்புகள் அதிகம் கொண்டவை என்றும் ஆய்வில் தெரிய வந்துள்ளது. இந்த பினோலிக் கலவைகள், பொதுவாக, இருதய நோய் தடுப்பு, புற்றுநோய், நீரிழிவு, உடல்பருமனுக்கான தீர்வுகளுடன் தொடர்புடையவை. 
ஆசியாவை பூர்வீகமாகக் கொண்ட மிகப் பழைமையான வாழைப்பழங்களில் ஒன்றான Musa paradisiaca என்ற இனத்தில், அதிக அளவிலான பினோலிக் கலவைகள் இருப்பதாகக் கண்டறியப்பட்டுள்ளது. மேலும், இந்திய வகைப் பழங்களான ராஜ புளூ, ரஸ்தாளி, கற்பூரவல்லி, கேரளத்தின் நேந்திரன் வகைப்பழங்களும் ஆய்வு செய்யப்பட்டு உறுதி செய்யப்பட்டுள்ளன.
வாழைப்பழத் தோலில் உள்ள அதிக அளவிலான Prebiotic என்ற பொருள், நம் பெருங்குடலில் உள்ள நன்மைபயக்கும் பாக்டீரியாவை ஊட்டப்படுத்துகிறது. இந்த பாக்டீரியாக்கள், நாம் உண்ணும் உணவில் உள்ள சத்துக்களை உடல் கிரகிக்கத் தேவையான செரிமான நொதிகளையும், வைட்டமின்களையும் உற்பத்தி செய்யக் கூடியவை. மேலும், வாழைப்பழத் தோல் அமிலநீக்கியாகவும், தைராய்டு போன்றவற்றுக்கான தீர்வாகவும் அறியப்படுகிறது. இதில், பினோலிக் கலவைகள் அல்லாமல், 40 தனி கலவைகள் உள்ளதாகவும் தெரிய வருகிறது.
இந்த ஆய்வுக் கட்டுரையின் முக்கியத்துவம் கருதி Elsevier இணையதளத்தில் இருந்து சர்வதேச அளவில் மிக அதிகமானோர் இதைப் பதிவிறக்கம் செய்துள்ளனர். 
சர்வதேச அளவில் ஆண்டுதோறும் 11.5 கோடி டன் வாழை உற்பத்தி செய்யப்படுகிறது. இதில், 23 சதவீதத்துடன் (சுமார் 3 கோடி டன்) இந்தியா முதலிடத்தில் உள்ளது. வாழைப்பழத்தின் எடையில் 3-இல் ஒருபங்கு என்ற அளவில், பயன்பாடுமிக்க சுமார் 3.8 கோடி டன் வாழைப்பழத் தோல்கள் ஆண்டுதோறும் வீணாகி வருகின்றன. இனி இந்த நிலை மாறி, இவற்றுக்கான தேவை அதிகரிக்கும் சூழல் உருவாக உள்ளது.
வாழைப்பழத் தோலில் இருந்து மருந்து உற்பத்தி செய்வதற்கான ஆராய்ச்சியில் நம் நாட்டு இளைஞர்கள் தீவிரமாக ஈடுபடுவதன் மூலம் இங்குள்ள அதிகப்படியான வளங்களை நாமே பயன்படுத்திக் கொள்வதற்கும், குறைந்த விலையில் மருந்து கிடைப்பதற்கும், வாழை விவசாயிகள் பயனடையவும் வாய்ப்பாக அமையும்.
அதோடு, வாழைப்பழத் தோலில் இருந்து வாழைத்தோல் கறி, ஸ்மூத்தி, வாழை டீ, சட்னி, ஊறுகாய், வாழைத்தோல் தூள், கேக் ஆகியவற்றைத் தயாரித்து விற்பனைக்குக் கொண்டு வர முடியும். இதற்கான தயாரிப்பு முறைகள் தற்போது இணையத்தில் கிடைக்கின்றன. உணவு விடுதிகளில் வாழைத்தோல் உணவுப் பொருள்களை தயாரித்து பரிமாறுவதன் மூலம் வாடிக்கையாளர்களை ஈர்க்க முடியும்.
நோய் குறைய, வேலைவாய்ப்பு பெருக விழிப்புணர்வுதான் இப்போதைய தேவை. 
- இரா.மகாதேவன்

]]>
http://images.dinamani.com/uploads/user/imagelibrary/2018/10/23/w600X390/BANANA-PEEL-_BEAUTY.JPG http://www.dinamani.com/weekly-supplements/ilaignarmani/2018/oct/23/வாழைப்பழத்-தோல்-வேலை-தொழில்-வாய்ப்பு-3025463.html
3025456 வார இதழ்கள் இளைஞர்மணி தனிமையுணர்வு எனும் நோய்! DIN DIN Tuesday, October 23, 2018 10:21 AM +0530 பரபரப்பான நம் அன்றாட வாழ்க்கைக்கு இடையே இனம்புரியாத ஒரு தனிமையுணர்வை, வெறுமையை நாம் அனைவரும் எப்போதாவது உணர்வதுண்டு. எவ்வித மாற்றமும் இல்லாமல், பெரும்பாலானோரின் வாழ்க்கை இயந்திரமயமாய் ஒரே மாதிரியாக சக்கரம் போல் சுழன்று கொண்டிருப்பது இதற்கு முக்கிய காரணமாக இருக்கலாம்.
 ஆனால், இன்றைய இளம் தலைமுறையினர் மத்தியில் இந்த தனிமையுணர்வு நாளுக்கு நாள் அதிகரித்து வருவதாக ஓர் ஆய்வு அதிர்ச்சி தகவல் அளிக்கிறது. 18 முதல் 30 வயதுக்குட்பட்ட ஆண்களில் 73 சதவீதம் பேர் தங்களை தனிமைப்படுத்தி கொள்வதாகவும், இதுவே பெண்களில் 31 வயது முதல் 40 வயதுக்குட்பட்டவர்களில் 83 சதவீதம் பேர் தங்களைத் தாங்களே தனிமைப்படுத்தி கொள்கின்றனர் என்றும் அந்த புள்ளி விவரம் தெரிவிக்கின்றது.
 ஒருவர் தம்முடைய நேரம் முழுவதையும் தனிமையில் கழிக்க விரும்புவது என்பது மட்டும் தனிமையுணர்வு கிடையாது. இந்த சமூகத்துடன் பின்னிப் பிணைவதில் இருந்து தம்மை விடுவித்து கொள்வது, சகமனிதர்களுடன் பழகுவதில் ஏற்படும் தயக்கம், தடுமாற்றம், பெரிய கூட்டத்துக்கு மத்தியில் அந்த கூட்டத்தோடு கூட்டமாக தம்மால் ஒன்றிபோக முடியாதது போன்றவை ஒருவர் தனிமையுணர்வுக்கு ஆட்பட்டிருக்கிறார் என்பதற்கான அறிகுறிகளாகும்.
 மனிதர்கள், தங்களது அகம் மற்றும் புறவாழ்க்கை சார்ந்த பல்வேறு தேவைகளுக்கு ஒருவரையொருவர் சார்ந்து வாழ வேண்டியுள்ளது. இவ்வாறு ஒருவர் மற்றொருவரைச் சார்ந்தும், குழுக்களாகவும் வாழ்வதுதான் மதிப்பும், மகிழ்ச்சியும், பாதுகாப்பானதும்கூட.
 மாறாக, குடும்பம் மற்றும் சமூகத்திலிருந்து தங்களைத் தாங்களே தனிமைப்படுத்திக் கொண்டு வாழ்வது அவர்களின் உடல்நலம், மனநலத்துக்கு உகந்ததல்ல. இயற்கைக்கு முரணான இந்த அணுகுமுறை, நாளடைவில் வாழ்க்கையைப் பற்றிய ஒருவித பயத்திற்கும், மனஅழுத்தத்துக்கும் வழிவகுத்துவிடும்.
 ஆனால், இன்றைய நவீன உலகில் வாழ்க்கை முறையில் ஏற்பட்டு வரும் பல்வேறு மாற்றங்களால் மக்கள் மத்தியில் தனிமையுணர்வு அதிகரித்து வருகிறது.
 அதிகரித்து வரும் தனிக்குடித்தன வாழ்க்கை முறை, நம் குடும்ப உறுப்பினர்கள் மற்றும் நண்பர்களுக்கும், நமக்கு இடையே மிகப் பெரிய இடைவெளியை ஏற்படுத்தி விடுகிறது.
 பொருள் ஈட்டும் பொருட்டு நாம் பெரும்பாலும் வீடு, அலுவலகம் என இரண்டு முனைகளுக்கு இடையே ஊசலாடிக் கொண்டிருப்பதால் சமுதாயத்துடனான நம் தொடர்புகள் மெல்ல மெல்ல அற்றுப் போகின்றன.
 குறிப்பாக, பேஸ்புக், வாட்ஸ்-அப் போன்ற சமூக ஊடகங்களின் ஆதிக்கம் ஒரு மனிதனை சக மனிதரிடமிருந்து தனிமைப்படுத்திவதில் இன்று முக்கியப் பங்கு வகிக்கின்றது. முகம் தெரியாதவர்களுடன் புதிய உறவை தொடர்பை ஏற்படுத்த ஏதுவாக இருக்கும் சமூக ஊடகங்களுக்கு அடிமைகளாகிவிடுவதால், தங்களின் கண்ணெதிரே உள்ள பல உறவுகளின் அருமை, பெருமைகள் இன்றைய இளைய தலைமுறைக்கு தெரியாமலேயே போய்விடுகிறது.
 தனிமை மனநிலையிலிருந்து ஒருவர் வெளியே வருவதென்பது உண்மையில் கொஞ்சம் கடினமான விஷயம்தான். மேலும், இதற்கான செயல் தந்திரம் ஒருவருக்கொருவர் மாறுபடும் என்றாலும், பொதுவான சில வழிமுறைகளைக் கடைப்பிடிப்பதன் மூலம், தனிமை எண்ணத்திலிருந்து நாம் நாளடைவில் விடுபடலாம்.
 வீட்டை விட்டு வெளியே வாருங்கள் - தனிமையின் தாக்குதலில் இருந்து விடுபட முதலில் நாம் வீட்டிலேயே முடங்கிக் கிடப்பதை விடுத்து, வாயிற் கதவுகளை திறந்து சமுதாயத்தை நோக்கி நடை போட வேண்டும். இந்தப் பயணத்தில் நீங்கள் சந்திக்கும் பலதரப்பட்ட மனிதர்களில் இருந்து உங்கள் எண்ண அலைகளுக்கு ஒத்துபோகும் மனிதர்களுடன் நட்பை, புதிய உறவை ஏற்படுத்திக் கொள்ளுங்கள். அவர்களிடம் உங்களது எண்ணங்களைச் சற்றும் தயக்கமின்றி பகிர்ந்து கொள்ளுங்கள்.
 இந்த நட்பு வட்டம் எண்ணிக்கையில் பெரிய அளவாக இருக்க வேண்டுமென்ற அவசியம் இல்லை. ஆரம்பத்தில் குறிப்பிட்ட சிலருடன் நட்பு பாராட்டினாலே போதுமானது. நாளடைவில் அந்த நட்பு வட்டம் விரிவடைந்து உங்களின் தனிமையைத் தவிடுபொடி ஆக்கிவிடும்.
 குறிப்பாக, இளம் தலைமுறையினர் சமூக ஊடகங்களின் வாயிலாகக் கிடைக்கும் முகம் தெரியாத உறவுகளுக்கு தரும் முக்கியத்துவத்தை விட வீட்டிலும், பணி புரியும் இடத்திலும், சமூகத்திலும் தங்களைச் சுற்றியுள்ள உண்மையான உறவுகளுக்கு முக்கியத்துவம் அளித்து அவர்களுடன் நிறைய நேரத்தைச் செலவிட வேண்டும்.
 தெரிந்தோ, தெரியாமலோ தவறு செய்வது மனித இயல்பாகும் என்ற யதார்த்த உண்மையை நாம் உணர வேண்டும். அப்போதுதான் சிறு தவறு செய்பவர்கள், குறைகள் உடையவர்களுடன் நாம் பழக முடியும்.
 உங்களை நீங்களே உயர்த்தி கொள்ளுங்கள் - உங்களிடமுள்ள நேர்மறையான பண்புகள், சாதனைகளைப் பட்டியலிடுங்கள். இதன் மூலம் உங்களின் தன்னம்பிக்கையை வளர்த்து, சமூகத்தைப் பற்றிய பயத்தை வென்றெடுங்கள். இயந்திர வாழ்க்கைக்கு இடையே இளைப்பாற நேரம் ஒதுக்குங்கள். தனிமையெனும் நோயிலிருந்து விடுபடுங்கள்.
 - வெ.ந.கிரிதரன்
 

]]>
http://images.dinamani.com/uploads/user/imagelibrary/2018/10/23/w600X390/LONELYNESS.JPG http://www.dinamani.com/weekly-supplements/ilaignarmani/2018/oct/23/தனிமையுணர்வு-எனும்-நோய்-3025456.html
3025454 வார இதழ்கள் இளைஞர்மணி வேலை...வேலை...வேலை... DIN DIN Tuesday, October 23, 2018 10:14 AM +0530 ராணுவ பப்ளிக் பள்ளிகளில் ஆசிரியர் வேலை
மொத்த காலியிடங்கள்: 8000
பதவி: Post Graduate Teacher (PGT)  
பதவி: Trained Graduate Teacher (TGT)
பதவி: Primary Teacher (PRT) 
வயதுவரம்பு: 01.04.2019 தேதியின்படி 40 வயதுக்குள் இருக்க வேண்டும்.
தகுதி: சம்பந்தப்பட்ட பாடப்பிரிவுகளில் 50 சதவீத மதிப்பெண்களுடன் இளங்கலை, முதுகலை பட்டத்துடன் பி.எட் முடித்திருக்க வேண்டும். அனைத்து விண்ணப்பத்தாரர்களும் CTET, TET தேர்வில் தேர்ச்சி பெற்றிருக்க வேண்டும்.
தேர்வு செய்யப்படும் முறை: APS அமைப்பால் நடத்தப்படும் ஸ்கிரீன் தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்பக் கட்டணம்: ரூ.500. இதனை ஆன்லைன் மூலம் செலுத்தலாம். 
விண்ணப்பிக்கும் www.aps-csp.in என்ற வலைதளத்தின் மூலம் ஆன்லைனில் விண்ணப்பிக்க வேண்டும்.
மேலும் முழுமையான விவரங்கள் அறிய: www.awesindia.com என்ற வலைதளத்தில் கொடுக்கப்பட்டுள்ள அறிவிப்பைப் பார்த்து தெரிந்து கொள்ளுங்கள்.
தேர்வு நடைபெறும் தேதி: நவம்பர் 17, 18 தேதிகளில் நடைபெறும். 
விண்ணப்பிப்பதற்கான கடைசித் தேதி: 24.10.2018

பெல் நிறுவனத்தில் வேலை
மொத்த காலியிடங்கள்: 320 
பயிற்சி: டெக்னீசியன் தொழில்பழகுநர் பயிற்சி
வயது வரம்பு: 18 வயது முதல் 27 வயதுக்குள் இருக்க வேண்டும். ஓபிசி, எஸ்ஸி, எஸ்டி பிரிவினருக்கு உச்சபட்ச வயதுவரம்பில் விலக்கு உண்டு.
தகுதி: பொறியியல் துறையில் எலக்ட்ரானிக்ஸ் அண்ட் கம்யூனி கேஷன், எலக்ட்ரிகல் அண்ட் எலக்ட்ரானிக்ஸ், மெக்கானிகல், கம்ப்யூட்டர் சயின்ஸ், மெக்கட்ரானிக்ஸ், சிவில் போன்ற ஏதாவதொரு பிரிவில் 3 ஆண்டு டிப்ளமோ முடித்திருக்க வேண்டும்.
உதவித்தொகை: பயிற்சிக்கு தேர்ந்தெடுக்கப் படுபவர்களுக்கு பயிற்சியின்போது மாதம் ரூ.4,000 உதவித்தொகை வழங்கப்படும். 
விண்ணப்பிக்கும் முறை: www.bheledn.com என்ற வலைதளத்தில் உள்ள மாதிரி விண்ணப்பப் படிவத்தின்படி விண்ணப்பத்தைப் பூர்த்தி செய்து தேவையான சான்றிதழ்களின் நகல்களோடு அஞ்சல் மூலமாகவோ அல்லது hradmin-edn@bhel.in என்ற இ மெயில் மூலமாகவோ அனுப்ப வேண்டும்.
முகவரி: DGM/HR, BHARAT HEAVY ELECTRICALS LIMITED, ELECTRONICS DIVISION, MYSURU ROAD, BENGALURU - 560 026 
மேலும் முழுமையான விவரங்கள் அறிய: www.bheledn.com/images/pdf/TA.pdf என்ற லிங்கில் தெரிந்துகொள்ளவும்.
விண்ணப்பிப்பதற்கான கடைசித் தேதி: 31.10.2018 

வனத்துறையில் வேலை
மொத்த காலியிடங்கள்: 878
பதவி: வனக்காப்பாளர்
தகுதி: பிளஸ் டூ வில் இயற்பியல், வேதியியல், உயிரியல், விலங்கியல், தாவரவியல் ஆகியவற்றில் ஏதேனும் ஒன்றைப் பாடமாக எடுத்துப் படித்திருக்க வேண்டும். 
பதவி: ஓட்டுநர் உரிமத்துடன் கூடிய வனக்காப்பாளர்
தகுதி: பிளஸ் டூ வில் இயற்பியல், வேதியியல், உயிரியல், விலங்கியல், தாவரவியல் ஆகியவற்றில் ஏதேனும் ஒன்றைப் பாடமாக எடுத்துப் படித்திருக்க வேண்டும். ஓட்டுநர் உரிமம் பெற்றிருக்க வேண்டும். 
வயது: 21 வயதிலிருந்து 30 வயதுக்குள் இருக்க வேண்டும். எஸ்சி, எஸ்டி பிரிவினருக்கு வயது உச்சபட்ச வரம்பில் விலக்கு உண்டு.
தேர்வு செய்யப்படும்முறை: உடற்தகுதித் தேர்வு, எழுத்துத் தேர்வு ஆகியவற்றின் அடிப்படையில் தகுதியான நபர்கள் தேர்ந்தெடுக்கப்படுவார்கள்.
விண்ணப்பிக்கும் முறை: www.forests.tn.gov.in என்ற இணையதளத்தில் ஆன்லைன் மூலமாக விண்ணப்பிக்க வேண்டும். 
மேலும் விவரங்களுக்கு: http://tnfusrc.in/drfgoct18/uploads/loadpdf.php?file=k7m5p+fQk8y6wNLixN2WopjWzst9tN/FppyXow==&t=0rjFodnKx8m8w9rhj9nJ0A== என்ற வலைதள லிங்கில் சென்று பார்க்கவும்.
விண்ணப்பிக்க கடைசித் தேதி: 5.11.2018

தமிழக சிறைத் துறையில் வேலை
பதவி: Assistant Jailor
காலியிடங்கள்: 30
சம்பளம்: மாதம் ரூ.35,400 - 1,12,400
வயதுவரம்பு: 18 வயது முதல் 30 வயதுக்குள் இருக்க வேண்டும். 
தகுதி: ஏதாவதொரு துறையில் இளங்கலைப் பட்டம் பெற்றிருக்க வேண்டும். 
தேர்வு செய்யப்படும் முறை: எழுத்துத்தேர்வு மற்றும் நேர்முகத் தேர்வின் மூலம் தகுதியானவர்கள் தேர்வு செய்யப்படுவார்கள், 
விண்ணப்பக் கட்டணம்: ரூ.150. இதனை ஆன்லைனில் செலுத்தலாம். விதவைகள், எஸ்சி, எஸ்டி மற்றும் மாற்றுத்திறனாளிகள் விண்ணப்பக் கட்டணம் செலுத்த தேவையில்லை.
விண்ணப்பக் கட்டணம் செலுத்துவதற்கான கடைசித் தேதி: 09.11.2018
விண்ணப்பிக்கும் முறை: www.tnpsc.gov.in என்ற இணையதளத்தின் மூலம் ஆன்லைனில் விண்ணப்பிக்க வேண்டும்.
மேலும் விவரங்கள் அறிய: www.tnpsc.gov.in என்ற வலைதளத்தில் கொடுக்கப்பட்டுள்ள அறிவிப்பை பார்த்து தெரிந்துகொள்ளவும்.
விண்ணப்பிப்பதற்கான கடைசித் தேதி: 07.11.2018
தொகுப்பு: இரா.வெங்கடேசன்

]]>
http://images.dinamani.com/uploads/user/imagelibrary/2018/10/23/w600X390/VELAI.JPG http://www.dinamani.com/weekly-supplements/ilaignarmani/2018/oct/23/வேலைவேலைவேலை-3025454.html
3025453 வார இதழ்கள் இளைஞர்மணி பேப்பர் இன்ஜினியரிங் படிப்பு! DIN DIN Tuesday, October 23, 2018 10:03 AM +0530 காகிதம் இல்லாமல் வாழ்க்கை இல்லை. சாதாரணமாக வீட்டிற்குத் தேவையான மளிகை பொருட்களை மடிக்கும் காகிதம் முதல் நாளிதழ்கள், குறிப்பேடுகள், மாணவர்களுக்கான நோட்டுப் புத்தகங்கள், வெள்ளை தாள்கள் என எல்லாவற்றுக்கும் காகிதம் என்பது மிகவும் அத்தியாவசியமானது. காகிதம் இல்லாமல் எதையும் செய்துவிட முடியாது. கணினி பயன்பாடு இருந்தாலும், காகிதத்துக்கான முக்கியத்துவம் இருந்து கொண்டே தான் இருக்கின்றது. காடுகளை அழிவதை தடுக்க காகிதத்தின் பயன்பாட்டை குறைக்க வேண்டுமென்ற கோரிக்கை இருந்தாலும், அதன் பயன்பாடு குறையவில்லை. அதற்கான தேவை அதிகரித்துக் கொண்டு தான் உள்ளது.
இத்தகைய சூழ்நிலையில் பேப்பர் இன்ஜினியரிங் படித்தால் அத்துறையில் தொழில் தொடங்கி வருவாய் ஈட்டலாம். காகிதம் தயாரிக்கும் தொழில் நிறுவனங்களில் வேலைக்குச் சேர்ந்து வருவாய் ஈட்டலாம். அதற்கு பேப்பர் தொழில் நுட்பம் கற்றுக் கொள்ள பேப்பர் இன்ஜினியரிங் படிக்க வேண்டியது அவசியமாகும். 
M.Tech./M.Arch. & M.U.R.P ஆகிய படிப்புகள் பேப்பர் டெக்னாலஜிதுறையில் உள்ளன.
பேப்பர் இன்ஜினியரிங் படிப்புகளை நடத்தும் கல்வி நிறுவனம் :
Indian Institute of Technology, Roorkee - https://www.iitr.ac.in/academics/pages/Postgraduate_Programmes_Including_Ph_D__.html 
- எம்.அருண்குமார்
 

]]>
http://images.dinamani.com/uploads/user/imagelibrary/2018/10/23/w600X390/im6.JPG http://www.dinamani.com/weekly-supplements/ilaignarmani/2018/oct/23/பேப்பர்-இன்ஜினியரிங்-படிப்பு-3025453.html
3025452 வார இதழ்கள் இளைஞர்மணி அன்பே அரண்! - ஆர். திருநாவுக்கரசு ஐ.பி.எஸ். DIN DIN Tuesday, October 23, 2018 10:01 AM +0530 தன்னிலை உயர்த்து! 15
ஒரு குருவும் அவரது சீடரும் குளக்கரையில் அமர்ந்திருந்தார்கள். சீடன் குருவிடம் அன்பினைப் பற்றி பல கேள்விகளைக் கேட்டார். குருவும் நிதானமாக பதில் அளித்தார். சீடன், ""குருவே... அன்பில் சுயநலமிக்க அன்பு, சுயநலமற்ற அன்பு என உண்டா?'' என்று கேட்டார். குருவும், சீடனுக்கு பதிலை விளக்க அவரை அழைத்து கொண்டு அருகிலே தூண்டிலோடு இருந்த இளைஞரிடம் சென்றார். அங்கே கூடையில் அவன் பிடித்து வைத்திருந்த மீன்கள் துடித்துக்கொண்டிருந்தன. குரு அந்த இளைஞனிடம், "தம்பி! மீன் உனக்கு பிடிக்குமா?'' என்றார். இளைஞனும் "ஆமாம் ஐயா... மீன் என்றால் எனக்கு உயிர். எனக்கு மிகவும் பிடிக்கும். பிடித்து வைத்த இந்த மீன்களை எல்லாம் நன்கு சமைத்து ருசித்து சாப்பிடப் போகிறேன்'' என்றார்.
அதே நேரத்தில் வயது முதிர்ந்த பெரியவர் ஒருவர் குளக்கரைக்கு வந்தார். அவர் கையில் இருந்த பையில் மீன்கள் விரும்பி உண்ணும் பொரி இருந்தது. கையில் இருந்த பொரியை எடுத்து தண்ணீரில் தூவினார். நூற்றுக்கணக்கான மீன்கள் துள்ளிவந்து பொரியினை தங்களுக்கு இரையாக்கின. குரு அப்பெரியவரிடமும், "பெரியவரே! மீன் உங்களுக்கு பிடிக்குமா?'' என்றார். பெரியவரும், "ஆமாம் ஐயா... மீன் என்றால் எனக்கு உயிர்; அதனால் தான் தினமும் இங்கு வந்து மீன்களுக்கு உணவு அளிக்கிறேன்'' என்றார். 
இப்போது குரு சீடனிடம், ""பார்த்தாயா! இருவரும் மீன் மீது அளவு கடந்த அன்பு வைத்திருக்கிறார்கள். அந்த இளைஞன் தனது பசியாற்ற மீன்கள் மீது அன்பு செலுத்துகிறான். அது சுயநலமிக்க அன்பு. ஆனால், இந்த பெரியவரோ, மீன்களின் பசியாற்ற வேண்டும் என்ற இரக்க உணர்வோடு உணவு அளிக்கிறார். இது சுயநலமற்ற அன்பு'' என்றார். அன்பானது மனதினில் உருவாகின்ற அற்புதமான உணர்வு. ஓர் ஆழமான உணர்வு.
சுயநலமில்லாத அன்புதான் இரக்கம். அது மனிதத்தில் உருவாகின்ற ஆழமான உணர்வு. "வாடிய பயிரைக் கண்டபோதெல்லாம் வாடினேன்' என்ற மகான் வள்ளலாரின் உணர்வு; காற்றில் வளைந்து, நெளிந்து, ஒரு பிடிப்புக்காக ஏங்கிய முல்லைக்கொடிக்கு தான் சென்ற தேரினைக் கொடுக்கும் பாரியின் உணர்வு; தன் தோகை விரித்தாடும் ஆடும் மயிலினைக் கண்டு, தன்னைப்போல் குளிரில் நடுங்குகிறதோ என உள்ளம் சிலிர்த்து, தான் போர்த்தியிருந்த போர்வையைப் போர்த்தும் பேகனின் உணர்வு; துரத்தி வந்த பருந்திற்காக, தனது தொடையின் தசையினைத் தருகின்ற மன்னன் சிபியின் உணர்வு; இவை மனிதத்தின் புனிதமான உணர்வு. அன்பினில் உயர்ந்திருக்கின்ற மனிதனுக்கு, எதிரியென எவருமில்லை. உண்மையில் மனிதனின் எதிரி வெளியே இருப்பதில்லை. அவனுக்குள்ளேதான் இருக்கின்றான்.
நல்லவர்களுக்கு இரங்குவது இயற்கை. "பகைவனுக்கு அருள்வாய்! நன்னெஞ்சே! பகைவனுக்கு அருள்வாய்!' என்று எதிரிக்காக பிரார்த்திக்கும் மகாகவி பாரதி, அன்பின் மணிமகுடம். நமக்கு பகைவரே இல்லை. மனதில் பகைமையும் இல்லை என்ற அன்புள்ளம் கொண்ட மனிதருக்கு"யாதும் ஊரே; யாவரும் கேளீர்' தான். 
அமெரிக்காவினுடைய பதினாறாவது ஜனாதிபதியாக இருந்தவர் ஆப்ரகாம் லிங்கன். அவரை எதிர்த்து தேர்தலிலே எட்டு பேர் பேட்டியிட்டார்கள். அவர்கள் லிங்கன் வெற்றி பெறக் கூடாது என்பதற்காக பல கெடுதல்கள் செய்தார்கள். அத்தனையும் மீறி அவர் ஜெயித்துவிட்டார். அமெரிக்க அதிபராகப் பதவி ஏற்பதற்கு முன்பாக தனது தனிச் செயலாளரை அழைத்தார். தன்னை எதிர்த்துப் போட்டியிட்டஎட்டு பேர்களின் முகவரியைப் பெற்றார். உடனே அவர்களின் வீட்டிற்குச் சென்று வாழ்த்துக்களைப் பெற்றுத் திரும்பினார் ஆப்ரகாம் லிங்கன்.
தனிச் செயலாளர் இதை எதிர்பார்க்கவில்லை. அவர் லிங்கனிடம், ""நீங்கள் இந்த நாட்டின் முதல் குடிமகன். உங்களுடைய அதிகாரத்தால் இவர்கள் அனைவரையும் ஒழித்துவிடலாமே. அதைவிட்டுவிட்டு அவர்களின் வீட்டிற்குச் சென்று ஏன் வாழ்த்தினைப் பெறுகிறீர்கள்?'' என்றார். அதற்கு ஆபிரகாம் லிங்கன், "அந்தக் காரியத்தை தான் இப்பொழுது நான் செய்து வந்தேன். பகைவர்களை பொறாமையால் அழிப்பதற்குப் பதிலாக அன்பினால் அவர்களது பகைமையை அழித்தேன்'' என்றார். "அன்பு பொறுமையானது; நன்மை செய்யும்; பொறாமைப்படாது; தற்புகழ்ச்சி கொள்ளாது; இழிவானதைச் செய்யாது; தன்னலம் நாடாது; எரிச்சலுக்கு இடம் கொடாது; தீங்கு நினையாது. தீவினையில் மகிழ்வுறாது; மாறாக உண்மையில் அது மகிழும். அனைத்தையும் பொறுத்துக் கொள்ளும்; அனைத்தையும் எதிர்நோக்கி இருக்கும்; அனைத்திலும் மனஉறுதியாய் இருக்கும். அன்பு ஒருபோதும் அழியாது'' என்ற பைபிளின் வரிகளை வாழ்க்கையில் பிரதிபலித்தார் ஆபிரகாம் லிங்கன். 
"கருணையோடும் அன்போடும் செயல்பட்ட பெயரற்ற, நினைவற்ற செயல்கள் தான் ஒரு நல்லவனின் வாழ்வில் மிகச்சிறந்த பகுதி'' என்கிறார் இங்கிலாந்து நாட்டு கவிஞர் வில்லியம் வேர்ட்ஸ் வர்த்.
இரண்டு சாதுக்கள் வட இந்திய பனிமலைப் பாதையில் ஓர் ஆலயம் நோக்கி பயணித்தனர். திடீரென பனி மழை பெய்தது. பனியிலிருந்து பாதுகாத்துக்கொள்ள கைகோர்த்து நடந்தனர். அவர்களது பயணத்தில் சாலை ஒரத்தில் ஒரு மனிதன் சாகும் தறுவாயில் இருந்தான். ஒரு சாது, தன்னுடன் வந்த சாதுவிடம், ""நாம் இருவரும் கைதாங்கலாக இவரை அழைத்துக்கொண்டு பக்கத்து கிராமத்திற்குச் சென்று விடலாம். அங்கு மருத்துவம் பார்த்து இவர் பிழைத்து கொள்ளட்டும்'' என்றார். "இல்லை... இல்லை... என் உடம்பெல்லாம் நடுங்குகிறது, பனியும் பொழிகிறது. கோயிலுக்குச் செல்ல நேரமாகிவிட்டது. நான் முன்னே செல்கிறேன்'' என்று சொல்லி அவர் பயணத்தைத் தொடர்ந்தார். 
"இந்த உலகில் நான் ஒருமுறைதான் வலம் வருவேன். எனவே யாருக்காவது அன்பை என்னால் காட்ட முடிந்தால், எந்த நன்மையாவது செய்ய முடிந்தால், நான் இப்போதே செய்து விடுகிறேன். அதைத் தள்ளிப் போடவோ, ஒதுக்கவோ மாட்டேன். ஏனெனில் இந்த வழியே நான் மறுபடியும் வரமுடியாமல் போகலாம்' என்ற பழமையான வரிகள் சாதுவின் மனதில் நிழலாட, சாது படுத்திருந்தவரிடம் சென்று அவர் கால்களிலும், கைகளிலும் தனது கைகளால் அழுத்தி தேய்த்தார். மெதுவாய் அந்த மனிதன் கண் திறந்தார். சாது தனது தோளிலே அவரைச் சுமந்தார். இருவரது உடலின் வெப்பமும் இருவரது இரத்த ஒட்டத்தை மெதுவாய் அதிகரிக்கச் செய்தது. பனியின் தாக்கம் குறைந்தது. 
ஒரு மைல் தூரம் கடந்த பின்பு அவ்வழியில் இன்னொருவர் படுத்திருந்தார். அருகில் சென்று பார்த்தபோது, அவர் முன்னால் சென்ற சாது எனத் தெரிந்தது. 
புறத்துறுப் பெல்லாம் எவன்செய்யும் யாக்கை
அகத்துறுப்பு அன்பி லவர்க்கு
என்ற வள்ளுவரின் வரிகளுக்கேற்ப அச்சாது அன்பில்லாத வெற்றுடம்பாய் கிடந்தார்.
"தன்னலம் கொண்ட அன்பு தனித்துவிடப்பட்டது. சுமைகளைத் தாங்கும் அன்பிற்கு ஆற்றல் கூடியது. தன் சக மனிதர்களை நேசிப்பவனை உலகம் புகழ்கிறது'' என்றார் அரிஸ்டாட்டில். அன்பு அழகாகவே மனிதர்களைப் புரிந்து கொள்கிறது.
"அன்பும், சிவமும் இரண்டு'' என்பார் அறிவிலார், "அன்பே சிவம்' என்பதை அறிந்தபின் அன்பே சிவமாய் அமர்ந்திருப்பார் என்று உலகம் தேடும் உன்னத நிலையை அடைய நினைப்பவருக்கு 
வானுக்குள் ஈசனைத் தேடும் மதியிலீர்...
ஊனுக்குள் ஈசன் ஒளிந்திருந்தானே 
என்று மனிதர்களிடம் "அன்பை பெருக்குங்கள், அன்பில்தான் இறைவன் வெளிப்படுவார்' என்கிறது திருமூலரின் திருமந்திரம்.
"இந்த உலகம் அன்பினால் மட்டுமே இயங்கிக்கொண்டு இருக்கிறது. அன்பில்லாத வாழ்க்கை பூவும், பழமும் இல்லாத மரத்தை போன்றது'' என்கிறார் கலீல் ஜிப்ரான். மனித மகிழ்ச்சிக்கு அன்புதான் அடிப்படை ஊற்று, பெற்றோருக்கும், குழந்தைகளுக்கும், சகோதரர்களுக்கும், சகோதரிகளுக்கும், கணவனுக்கும், மனைவிக்கும் இடையே உள்ள அன்புதான் மகிழ்ச்சிக்கு அடிப்படை.
மனிதர்கள் நேருக்கு நேர் சந்திக்கின்றபோது அவர்களின் நடை உடை பாவனைகள் மற்றவர்கள் மீது சில பாதிப்புகளை ஏற்படுத்தும். அது சில காலம் மட்டுமே நிற்கும். அவர்கள் காட்டுகின்ற அன்பு தான் நெடுங்காலம் கல்லில் செதுக்கிய சிற்பம் போல் அவர்கள் மனதில் அழகாய் நிலைபெறும். தியானிக்கின்றபொழுது மூளையில் உருவாகும் ஆல்பா அலைகள் மூளையினுடைய செயல்திறனைத் தூண்டுவது பிறர் மீது அன்பினை மலரச் செய்கிறது என்கிறது ஆராய்ச்சியின் முடிவுகள். 
ஒரு கிராமத்து மனிதன் நள்ளிரவில் சட்டென்று விழிந்தெழுந்தான். அவன் மிகவும் அன்பானவன். சக மனிதர்களை நேசிப்பவன். கடவுள் பக்தன். நிலவொளியில் அவன் கண்களில் ஒரு தேவதை பளிச்சிட்டாள். அவள் கையில் ஒரு தங்க புத்தகம். அவன் மெல்ல அருகில் சென்று, ""தேவதையே! இப்புத்தகத்தில் என்ன இருக்கிறது?'' என்று கேட்டார். 
"கடவுளை நேசிப்பவர்களின் பெயர்கள் இருக்கின்றன'' என்றது தேவதை. "எனது பெயர் இருக்கிறதா?'' என்று ஆவலாய்க் கேட்டான். புத்தகத்தை புரட்டி பார்த்துவிட்டு "இல்லை'' என்றது தேவதை. "இன்னொரு புத்தகம் கடவுளிடம் இருக்கிறது. அதில் உமது பெயர் இருக்கிறதா? என்று பார்ப்போம். அதை நாளை எடுத்து வருகிறேன்'' என்று சொல்லி பறந்தது தேவதை.
மறுநாள் விடியலுக்கு பதிலாக இரவுக்காக காத்திருந்தான். சொன்னபடியே தேவதை புதிய புத்தகத்தோடு வந்தது. "இதில் என் பெயர் இருக்கிறதா?'' என்றான். "இருக்கிறது, இப்புத்தகத்தில் உனது பெயர் மட்டும்தான் இருக்கிறது'' என்றது தேவதை. "அப்படியென்றால் இது என்ன புத்தகம்?'' என்றான். "இது கடவுளால் நேசிக்கப்படுபவர்களின் பெயர்களை கடவுளே எழுதி வைப்பது'' என்றது தேவதை. அன்பானவர்கள், கடவுளின் வடிவங்கள். காட்சியில் சாதாரணமானவர்கள், இயல்பானவர்கள், இயற்கையானவர்கள், இதமானவர்கள், நல்லவர்கள், பாசமிக்கவர்கள், தன்னலமற்றவர்கள், உண்மையாய் உழைப்பவர்கள், உலகை விரும்புபவர்கள், குடும்பத்தை நேசிப்பவர்கள், பணியில் புனிதமானவர்கள். மொத்தத்தில் மனிதத்தின் மாண்பானவர்கள். அவர்களின் கைகள், உதவி கரம் நீட்டும் ஏழ்மையின் வாய்க்கு உணவளிக்கும். அவர்களின் கால்கள் துயரப்படுபவர்களை நாடிச் செல்லும். அவரது கண்களில் துயரமானவர்களே தென்படுவார்கள். அவரது செவிகளில் துயரப்படுபவர்களின் ஓலங்களே கேட்கும். மொத்தத்தில் அவரது உடலும், உள்ளமும் இயலாதவர்களுக்காக மட்டுமே உழைத்துக் கொண்டிருக்கும். அவர்களது அன்பினில் இவ்வுலகம் நிலைக்கும். அவர்களது பெயரை இறைவன் உச்சரித்துக் கொண்டிருப்பார்.
அன்பு மனிதனை கடவுளிடம் சேர்க்கும்!
அன்பே மனிதனை கடவுளாக்கும்! 
(தொடரும்)
கட்டுரையாசிரியர்: 
காவல்துறை துணை ஆணையர், 
நுண்ணறிவுப் பிரிவு. 
 

]]>
http://images.dinamani.com/uploads/user/imagelibrary/2018/10/23/w600X390/im5.jpg http://www.dinamani.com/weekly-supplements/ilaignarmani/2018/oct/23/அன்பே-அரண்---ஆர்-திருநாவுக்கரசு-ஐபிஎஸ்-3025452.html
3025206 வார இதழ்கள் இளைஞர்மணி சரியான பார்வை... சரியான வழி... சரியான செயல்! 17 - தா.நெடுஞ்செழியன் Tuesday, October 23, 2018 10:00 AM +0530 கோயம்புத்தூரில் பி.எஸ்.கோவிந்தசாமி நாயுடு என்பவர் தொழிலதிபர். அவர் தன்னுடைய குடும்ப வளர்ச்சி பிற குடும்பங்களின் வளர்ச்சிக்கும் பயன்பட வேண்டும் என்ற நோக்கம் உடையவர். இவர் கோயம்புத்தூரில் கல்விக்காக அரும்பணியாற்றினார். இவரும் இவர் வழி வந்தவர்களும் இன்று கோயம்புத்தூரில் உயர்கல்விக்கான தனி முத்திரையைப் பதித்து உள்ளனர். 
1921 ஆம் ஆண்டு இவர்களால் "சர்வஜன உயர்நிலைப் பள்ளி' தொடங்கப்பட்டது. 1926 ஆம் ஆண்டு பிஎஸ்ஜி அண்ட் சன்ஸ் சாரிட்டி ட்ரஸ்ட் (PSG & SON’S CHARITIES TRUST) உருவாக்கப்பட்டது. சர்வஜன உயர்நிலைப் பள்ளி இந்த அறக்கட்டளையின் கீழ் கொண்டு வரப்பட்டது. அந்த பள்ளியில் பயின்ற முதல் பேட்ச் 1927-ஆம் ஆண்டு பாஸ் செய்தார்கள். 1934-இல் மகாத்மா காந்தியும், 1935-இல் டாக்டர் சர் சிவி இராமன் பிஎஸ்ஜி இன்ஸ்ட்டியூட்டுக்கு வருகை தந்தனர். 
1926 பிஎஸ்ஜி இண்டஸ்டிரியல் இன்ஸ்டிடியூட் தொடங்கப்பட்டது. 1939-ஆம் ஆண்டு இரண்டாம் உலகப் போருக்கான படைத் தொழில்நுட்பவியலாளர்கள் பயிற்சி பெற இந்த பிஎஸ்ஜி இண்டஸ்டிரியல் இன்ஸ்டிடியூட்டைத் தேர்வு செய்தார்கள். 1939-ஆம் ஆண்டு பிஎஸ்ஜி பாலிடெக்னிக்கல் கல்லூரியில் மெக்கானிக்கல், எலக்ட்ரிகல் துறைகளை உருவாக்கினார்கள். 1941-பிஎஸ்ஜி பிரைமரி ஸ்கூல் தொடங்கப்பட்டது. 1947-இல் சுதந்திரம் அடைந்த பிறகு பிஎஸ்ஜி ஆர்ட்ஸ் அண்ட் சயின்ஸ் கல்லூரி உருவாக்கப்பட்டது. 1951-ஆம் ஆண்டு பிஎஸ்ஜி காலேஜ் ஆப் டெக்னாலஜி உருவாக்கப்பட்டது. 1961-ஆம் ஆண்டு ரூரல் ஹெல்த் கேர் சென்டர் மருத்துவமனை வேடப்பட்டி என்ற ஊரில் ஆரம்பிக்கப்பட்டது. பிஎஸ்ஜி காலேஜ் பீளமேடு இன்று தொழில்நுட்பக்கல்வியில் மிக அதிக சாதனைகள் புரிந்து உலக அளவில் புகழ் பெற்றிருக்கிறார்கள். கல்விக்கு மட்டுமல்லாமல், மக்கள் நலன் சார்ந்த பல்வேறு பணிகளைச் செய்து வருகிறார்கள். உதாரணமாக, 2015-ஆம் ஆண்டு "சமர்ப்பண்' என்ற சுற்றுச்சூழலுக்கு மாசு ஏற்படுத்தாத சுடுகாடு ஒன்றினை கோயம்புத்தூரில் உருவாக்கி அதை மக்களுக்கு சமர்ப்பணம் செய்துள்ளார்கள்.
சென்னையில் மறைந்த வி.எல்.எத்திராஜ் முதலியார், லக்ஷ்மணசாமி முதலியாரின் மகனாவார். அவர் சிறந்த வழக்கறிஞர். பிரசிடென்சி காலேஜிலும், யுனிவர்சிட்டி ஆஃப் டப்ளினிலும் படித்தார். பின்னர் வழக்கறிஞராக சென்னை உயர்நீதிமன்றத்தில் பணியாற்றி வந்தார். இவர் வழக்கறிஞராக மட்டுமில்லாது, சிறந்த கொடையாளராகவும் இருந்தார். இவர் பெண் கல்வியின் அவசியத்தை உணர்ந்து 1948 ஆம் ஆண்டு எத்திராஜ் மகளிர் கல்லூரியைத் தொடங்கினார். அவருடைய சேமிப்பில் பெரும் பகுதியை - அந்தக் காலத்தில் ரூ.10 லட்சத்தையும், அவர் பெயரில் இருந்த இரண்டு பங்களாக்களையும் - இந்தக் கல்லூரிக்காக இலவசமாக வழங்கினார். சென்னையின் மிக முக்கியமான பகுதியில் 9 ஏக்கர் பரப்பளவில் இந்த கல்லூரி வளாகம் அமைந்துள்ளது. நல்ல கவ்விக்கான கட்டமைப்பையும் ஏழை எளிய மாணவர்கள், குறிப்பாக கிராமப்புறங்களில் முதல் தலைமுறை மாணவிகள் படிக்க வேண்டும் என்பதற்காக தங்குமிட வசதியும் கொண்டுள்ள இந்த கல்லூரியில் இன்று 6,700 மாணவிகள் பயின்று வருகிறார்கள். 
இதேபோன்று 1953 ஆம் ஆண்டு ஏ.எம்எம். முருகப்பன் செட்டியார், ஏ.எம்எம். வெள்ளையன் செட்டியார், ஏ.எம்எம். அருணாச்சலம் செட்டியார் இவர்கள் மூவரும் தங்களுடைய தந்தையான ஏ.எம்எம். முருகப்பா செட்டியாரின் நினைவாக ஏஎம்எம் சாரிட்டிஸ் டிரஸ்ட் என்பதை நிறுவினார்கள். இந்த டிரஸ்ட் பின்னாளில் ஏஎம்எம் பவுண்டேஷனாக மாற்றப்பட்டது. இவர்களும் தங்களுடைய தொழில் வருவாயில் கிடைத்த லாபத்தை மக்கள் வாழ்க்கைத்தரம் மேம்படுவதற்காக பல்வேறு கல்விப் பணிகளைச் செய்துள்ளார்கள். 1957-ஆம் ஆண்டு சென்னை ஆவடியில் 12.5 ஏக்கர் நிலப்பரப்பில் முருகப்பா பாலிடெக்னிக் கல்லூரியை உருவாக்கினார்கள். இந்த பாலிடெக்னிக் கல்லூரி தமிழகத்திலேயே ஒரு சிறந்த பாலிடெக்னிக்காக இருந்து வருகிறது. இங்குள்ள மாணவர்களுக்கான வேலை வாய்ப்பினையும் முருகப்பா குழுமமே அளித்து வருகிறது. இது மட்டுமல்லாது, ஆர்க்காடு ராமசாமி முதலியார் முருகப்பா குழுமத்தின் டியூப் இன்வெஸ்ட் மென்ட் கம்பெனியின் நிறுவனரும், தலைமை இயக்குநராகவும் இருந்துவந்தார். 
1927-இல் நடேச ஐயர் என்பவர் அம்பத்தூர் வெங்கடாபுரத்தில் "அம்பத்தூர் இஜுகேஷன் சொûஸட்டி' வாயிலாக நடுநிலைப்பள்ளி ஒன்றைத் தொடங்கினார். பின்னர் அது ஏஎம்எம் பவுண்டேஷனின் நிர்வாகத்துக்கு மாற்றப்பட்டு, சென்னை - திருவள்ளூர் நெடுஞ்சாலையில் அம்பத்தூரில் வேறு இடத்துக்கு மாற்றப்பட்டது. 22.3 ஏக்கர் பரப்பளவு உள்ள அந்த வளாகத்தில் சர் ராமசாமி முதலியார் மேல்நிலைப் பள்ளியாக 1960-இல் பெயர் மாற்றம் பெற்றது. முருகப்பா குழுமத்தின் எண்ணற்ற பண, இட, பொருள் உதவிகளைக் கொடுத்து நடத்தப்படும் இந்தப் பள்ளி அம்பத்தூர் அருகே ஒரு புகழ்வாய்ந்த நிறுவனமாக விளங்கி வருகிறது. அம்பத்தூரில் தொழிற்பேட்டைகளில் பணிபுரியும் எண்ணற்ற தொழிலாளர்களின் குடும்பங்கள் மேம்பட வேண்டும்; அவர்களுடைய குழந்தைகளுக்கு நல்ல கல்வி கிடைக்க வேண்டும் என்பதற்காக ஆங்கிலம், மற்றும் தமிழ் மீடியத்தில் இந்தப் பள்ளி நடத்தப்பட்டு வருகிறது. 
1963-ஆம் ஆண்டு சென்னை திருவொற்றியூரில் வெள்ளையன் செட்டியார் உயர்நிலைப் பள்ளியைத் தொடங்கினார்கள். 11.66 ஏக்கர் வளாகத்தில் இந்தப் பள்ளி அமைந்துள்ளது. திருவொற்றியூர் அதிக மக்கள் நெருக்கம் உள்ள, தொழிற்சாலைகள் நிறைந்த பகுதியாகும். குறிப்பாக, முருகப்பா குழுமத்தின் கார்போரண்டம் யுனிவர்சல் கம்பெனியின் தொழிலாளர்களின் குழந்தைகளும், வடசென்னையில் உள்ள மீனவர்களின் குழந்தைகளும் கல்வி கற்பதற்காக நல்ல விளையாட்டு மைதானத்துடன், அடிப்படை கட்டுமான வசதியுடன் 1963 இல் இருந்து இந்த உயர்நிலைப் பள்ளி செயல்பட்டு வருகிறது. இந்த இருபள்ளிகள் தவிர 1981-இல் டிஏமெட்ரிக்குலேஷன் ஸ்கூல்- அம்பத்தூர், 1985- இல் ஏஎம் மெட்ரிக்குலேஷன் ஸ்கூல் ஏஎம்எம் பவுண்டேஷன் வாயிலாக தொடங்கப்பட்டது, இன்றும் வெள்ளையன் செட்டியார் பள்ளியும், சர் ராமசாமி முதலியார் பள்ளியும் ஏழை எளிய மாணவர்களுக்கு மிகக் குறைந்த கட்டணத்தில் அரசு பள்ளிக்கு நிகராக முருகப்பா குழுமத்தின் நன்கொடையுடன் தரமான கல்வியை அளித்து வருகிறது. 
இதேபோன்று, எஸ்.ஆர்எம்.எம். அண்ணாமலைச் செட்டியார் (சட்டப்ப ராமனாத முத்தையா அண்ணாமலைச் செட்டியார் என்பது முழுப் பெயராகும்) குடும்பத் தொழிலில் ஈடுபட்டு தென்கிழக்கு ஆசியாவிலேயே மிக யாரும் நினைத்துக் கூடப் பார்க்காத காலத்தில் வங்கித் தொழிலை நடத்திவந்தார். இவர் 30 செப்டம்பர் 1881-இல் கானாடு காத்தான் என்ற மதுரைக்கு அருகில் உள்ள கிராமத்தில் பிறந்தார். இவரே பின்னாளில் இந்தியன் பேங்க் - ஐ உருவாக்கிய நிறுவுநராக இருந்தார். இவருடைய சகோதரர் ராமசாமி செட்டியார் இம்பீரியல் பேங்க் ஆஃப் இந்தியா (ஐபிஐ)வின் முதல் கவர்னராக இருந்தார். இது பின்னாளில் ஸ்டேட் பேங்க் ஆஃப் இந்தியாவாக உருவாகியது. இவர் செட்டிநாடு ராஜா என்ற பட்டம் 1929-ஆம் ஆண்டு இவருக்கு அளிக்கப்பட்டது. 1914-இல் மெட்ராஸ் பிரசிடென்சியில