Dinamani - சிறுவர்மணி - http://www.dinamani.com/weekly-supplements/siruvarmani/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3036194 வார இதழ்கள் சிறுவர்மணி அங்கிள் ஆன்டெனா -ரொசிட்டா DIN Saturday, November 10, 2018 03:41 PM +0530 கேள்வி: பறவைகள் தங்களுக்குள் பேசிக் கொள்ளுமா? அப்படியானால்  எப்படி?


பதில்: நம்மைப் போல சிந்தனாசக்தி, கற்பனை ஆகியவை கொண்ட புத்திசாலி மூளை பறவைகளுக்கு இல்லை. இத னால் அவற்றின் பாஷையில் வார்த்தை ஜாலங்கள், சொற் பிரயோகங்கள் எதுவும் கிடையாது. ஏதோ கத்தும், கூவும்... அவ்வளவுதான்.

சந்தோஷம், சோகம், ஆபத்து, பசி ஆகிய உணர்வு களை வெளிப்படுத்த சில சங்கேத சைகைகளை வைத் திருக்கின்றன.

இவற்றை வைத்துக்கொண்டுதான் தங்களது வாழ்க் கைப்பாட்டைப் பார்த்துக் கொள்கின்றன.

இந்த சங்கேத சைகை சப்தங்களை மற்ற உயிரினங்கள் எதுவும் எளிதில் புரிந்து கொள்ள முடியாது.

ஆனால், பயத்தினால் அவை எழுப்பும் குரலை மட்டும் மற்ற பறவையினங்கள் எளிதில் புரிந்து கொள்கின்றன என்கிறார்கள், ஆராய்ச்சியாளர்கள்.    

]]>
http://images.dinamani.com/uploads/user/imagelibrary/2018/11/3/w600X390/sm13.jpg http://www.dinamani.com/weekly-supplements/siruvarmani/2018/nov/10/அங்கிள்-ஆன்டெனா-3036194.html
3036193 வார இதழ்கள் சிறுவர்மணி இறைவனால் இயலாதது! - அ.ஷண்முகசுந்தரம் DIN Saturday, November 10, 2018 03:40 PM +0530 இந்திரபுரி அரசர் மேகநாதர். அவரது அரசவையில் விஸ்வேஸ்வரர் என்ற ராஜ குரு இருந்தார். அவருக்குத் தான் சகல சாஸ்திரங்களிலும் விற்பன்னர் என்ற எண்ணம்! அதனால் கர்வத்துடன் இருப்பார். 

ஒரு முறை மகததேசத்து அரசர் சந்திரகாந்தரைச்  சந்திக்கச் சென்றார் விஸ்வேஸ்வரர். சந்திரகாந்தரின் குரு ஞானானந்தர். ஞானானந்தரைப் பற்றி சந்திரகாந்தர் பெருமையாகக் கூறினார். அவரது மேதாவிலாசத்தைப் பற்றியும், கல்வி பற்றியும் பெருமைப்பட்டார் சந்திரகாந்தர். 

கர்வம் மிகுந்த விஸ்வேஸ்வரரால் அதைத் தாங்கிக் கொள்ள முடியவில்லை. 

ஞானானந்தரிடம் விஸ்வேஸ்வரர், ""நான் பல ஞானிகளிடம் வாதாடி வெற்றி வாகை சூடியுள்ளேன்... உங்களது மேதா விலாசம் பற்றி அரசர் பெருமையாகச் சொன்னார். என்னிடம் வாதாடி தங்களால் ஜெயிக்க முடியுமா?...'' எனக் கேட்டார்.
அடக்கம் மிகுந்த ஞானானந்தர் சற்றுத் தயங்கினார். ஞானானந்தரின் அருகில் அவரது ஆறு வயது மகன் சத்யானந்தன் நின்று கொண்டிருந்தான். தன் தயக்கத்தை உணர்ந்தான் அவன்.

சத்யானந்தன் விஸ்வேஸ்வரரை நோக்கி, ""பெரியவரே!.... முதலில் நான் கேட்கும் கேள்விகளுக்கு நீங்கள் பதில் சொல்லுங்கள்!....அதில் வென்றால் பிறகு என் தந்தையை வாதிற்கு அழைக்கலாம்!'' என்றான். 

விஸ்வேஸ்வரருக்கு கண்கள் சிவந்துவிட்டன. இந்தப் பொடிப்பயலின் கேள்விகளுக்கா தன்னால் பதிலளிக்க முடியாது?...என்று எண்ணிய அவர் அரசரைப் பார்த்தார். 

சந்திரகாந்தரும் சத்யானந்தனைக் கேள்வி கேட்க அனுமதித்தார். 

""இரண்டு கேள்விகளை மட்டும் கேட்கிறேன்.... முதல் கேள்வி,... என்னால் முடியும்!....கடவுளால் முடியாது அது என்ன?.....இரண்டாவது கேள்வி,....எங்கள் அரசரால் முடியும்!....கடவுளால் முடியாது அது என்ன?...''  என்று கேட்டான் சத்யானந்தன்!

விஸ்வேஸ்வர், ""ஹா! ஹா! ஹா!....உன்னால் முடியும், சர்வ வல்லமை படைத்த ஆண்டவனால் முடியாதது ஒன்று இருக்க முடியுமா?... என்ன மடத்தனமான முதல் கேள்வி!.... ....உங்கள் அரசரின் பராக்கிரமத்தை ஊர் அறியும்!....நானும் அறிவேன்!....அதற்காக அவர் ஆண்டவனைவிட வல்லமை மிக்கவர் என்று நீ சொல்லத் தகுமா?....அபச்சாரம்!.... நீயே உன் கேள்விக்கு பதில் சொல் பார்க்கலாம்!....''என்றார்.

சத்யானந்தன், விஸ்வேஸ்வரரிடம், "" என் பிறந்த தேதியை நான் கூறிவிடுவேன்!.....இறைவன் தோன்றிய தேதியைக் கூற இயலுமா?.... அடுத்து, அரசரால் ஒருவனை நாடு கடத்த முடியும்!....அண்ட சராசரங்களுக்கும் அதிபதியான பகவானால் தன் ஆட்சியின் எல்லைக்கு அப்பால் ஒருவனைக் கடத்த முடியுமா? அவரது எல்லைக்குட்படாத பிரதேசம் எது?...''

சிறுவனின் பதிலில் திகைத்த விஸ்வேஸ்வரர் கர்வம் நீங்கி கண்களில் நீர் மல்க, அவனது காலில் நெடுஞசாண்கிடையாக விழுந்தார்!

 

]]>
http://images.dinamani.com/uploads/user/imagelibrary/2018/11/10/w600X390/sm16.jpg http://www.dinamani.com/weekly-supplements/siruvarmani/2018/nov/10/இறைவனால்-இயலாதது-3036193.html
3036192 வார இதழ்கள் சிறுவர்மணி தென்னை மரம்! - பா.இராதாகிருஷ்ணன் DIN Saturday, November 10, 2018 03:37 PM +0530
நான் தான்  தென்னை  மரம் பேசுகிறேன்.  என்னுடைய தாவரவியல் பெயர் கோக்கஸ் நியூசிஃபெரா ஃபைகஸ்.  நான் எரிக்கேசியோ குடும்பத்தை சேர்ந்தவன்.  நான் செழுமை, வளமை, வெற்றி ஆகியவற்றின் அடையாளம். சங்க நூல்கள் என்னை "தெங்கு' என்றும் கூறும்.  எனக்கு  "தாழை' என்ற பெயரும் உண்டு.  நான் வேரில் நீர் வாங்கி உச்சியில் உங்களுக்கு இளநீர் தருகிறேன்.  என்னிடமிருந்து கிடைக்கும் அனைத்து பொருள்களும் நீங்கள் அன்றாடம் பயன்படுத்துபவைகளாகவே உள்ளன. 
என்னுடைய பட்டைகள், காய், ஓடு, நார், தண்டு என அனைத்து உறுப்புகளும் உங்களுக்குப் பயன்படும்.  என் பயன் கருதி தென்னிந்திய மக்கள் என்னை அதிக அளவில் வளர்க்கிறார்கள்.  லட்சத்தீவுகள், அந்தமான் தீவுகள், ஓடிஸாவிலும் என்னை அதிக அளவில் நீங்கள் காணலாம்.  நான் 15 - 30 மீட்டர் உயரமாக வளரும் தன்மையன்.  என்னை ஒரு முறை நீங்கள் வளர்த்தால் நான் உங்களுக்கு வம்சம் வம்சமாக பலன் தருவேன்.  அதனாலேயே, என்னை  "தென்னம்பிள்ளை' என்றும் அழைக்கிறார்கள்.  
குழந்தைகளே, என் பயன் கருதியே மகாகவி பாரதியாரும்,  "காணி நிலம் வேண்டும் பராசக்தி, அங்கு கேணி அருகினிலே தென்னை மரம் கீற்றும் இளநீரும் பத்து பன்னிரன்டு தென்னையும் பக்கத்திலே வேணும்' என பாடியிருக்கிறார்.   சிவபெருமானின் அடையாளமாக தேங்காய் கருதப்படுகிறது. இதில் மூன்று கண்கள் இருப்பதால் முக்கண்ணனின் அம்சமாகவே தேங்காய் போற்றப்படுகிறது.  நான் இறைவனுக்குப் படைக்கும் பிரதான நிவேதனப் பொருளாகவும் இன்றளவும் இருக்கிறேன்.  மகாலட்சுமியின் சின்னமாகவும் நானிருக்கிறேன். 
    நான் கொடுக்கும் தேங்காய் இல்லாத உணவுப் பொருள்களே இல்லை என்று சொல்லலாம்.  என் எண்ணெய் உணவுப் பொருளாகவும், எரிபொருளாகவும், குழம்புக்கு சுவையூட்டவும் உதவுகின்றன.  என் தேங்காயும், அதன் தண்ணீரும் உங்களின்  ஜீரண மண்டலத்தை சுத்தமாக்குவதோடு, வயிறு  இறக்கம், நாவறட்சி, மயக்கம், படபடப்பு, இதயத் துடிப்பு  அதிகரிப்பு ஆகியவற்றை குணப்படுத்த உதவுகிறது.  என் வேரை கசாயமிட்டு பருகினால், படை, சொறி போன்ற தோல் நோய்கள் குணமாகும்.  
நான் கொடுக்கும் இளநீர் உங்களின் உடல்சூட்டை தணிக்கும். அதில் பொட்டாசியம், மெக்னிசியம், சோடியம், கால்சியம், பாஸ்பரஸ்,  தாமிர, கந்தக இரும்புச் சத்து வைட்டமின்கள் உள்ளன. கொழுப்பு சத்து துளியும் இல்லை.  சிறுநீரக, குடல் தொற்று நோய்கள், வயிற்றுப் போக்கு ஆகியவற்றுக்கு இளநீர் அருமருந்து. குழந்தைகளே, கண்ணதாசன் ஐயாவும், பிள்ளையைப் பெத்தா கண்ணீரு, தென்னையை வெச்சா இளநீரு என பாடியிருக்கிறார். ஹஸ்த நட்சத்திரம் 2-ஆம் பாதத்தில் பிறந்தவர்களுக்கு விருட்சமாக ஜோதிடத்தில் தென்னை மரம் குறிப்பிடப்பட்டுள்ளது. 
குழந்தைகளே, நான் நாகப்பட்டினம் மாவட்டம், திருத்தெங்கூர் அருள்மிகு வெள்ளிமலைநாதர், தஞ்சாவூர் மாவட்டம், பாபநாசம் தாலுகா, காவிரி ஆற்றுக்கு வடக்கு கரையிலுள்ள வடகுரங்காடுதுறை அருள்மிகு தயாநிதீஸ்வரர் ஆகிய திருக்கோவில்களில்  தலவிருட்சமாக உள்ளேன். மரங்கள் நிழல் தரும், சாலைகளில் மலர் தூவும், இலைகளை உதிர்க்கும், பறவைகளுக்கு இடம் தந்து வசந்தம் படைக்கும். மீண்டும் சந்திப்போம் குழந்தைகளே !
(வளருவேன்)
 

]]>
http://images.dinamani.com/uploads/user/imagelibrary/2018/11/10/w600X390/sm15.jpg http://www.dinamani.com/weekly-supplements/siruvarmani/2018/nov/10/தென்னை-மரம்-3036192.html
3036191 வார இதழ்கள் சிறுவர்மணி விடுகதைகள் -ரொசிட்டா DIN Saturday, November 10, 2018 03:36 PM +0530  

1. பல் துலக்காதவனுக்கு உடம்பெல்லாம் பற்கள்...
2. முத்து வீட்டுக்குள்ளே தட்டுப் பலகை...
3. கவி பாடும் கட்டழகி, காடு சுற்றும் கருப்பழகி...
4.  இங்கே குத்துப்பட்டவன் வாயைத் திறக்கிறான்...
5. ஆயிரம் தச்சர் கூடி அழகான மண்டபம் கட்ட ஒருவர் கண் பட்டு உடைந்ததாம் மண்டபம்..
6. மூடி திறந்தா பெருஞ்சத்தம் முத்து முத்தா கொப்பளம் முழுங்கினால் தாகம் போக்கும்
7. உலகமெங்கும் படுக்கை விரித்தும் உறங்காமல் அலைகி     றான்...
8. சின்னத் தம்பிக்குத் தொப்பியே வினை...
9. அடிக்காத பிள்ளை அலறித் துடிக்கும்...


விடைகள்:


1. சீப்பு, 2.  நாக்கு, 3. குயில், 4. கடிதம், 5.  தேன்கூடு,
 6.  சோடா, 7.  கடல் அலை, 8.  தீக்குச்சி,
 9.  தொலைபேசி

]]>
http://images.dinamani.com/uploads/user/imagelibrary/2018/11/3/w600X390/sm12.jpg http://www.dinamani.com/weekly-supplements/siruvarmani/2018/nov/10/விடுகதைகள்-3036191.html
3036190 வார இதழ்கள் சிறுவர்மணி அரங்கம்: உதவும் உள்ளம்! இடைமருதூர் கி.மஞ்சுளா DIN Saturday, November 10, 2018 03:35 PM +0530  

காட்சி - 1
இடம்:  கோயில் 
மாந்தர்: வேதநாயகம்,  நீலமணி (இருவரும் நண்பர்கள்)

நீலமணி: வாங்க வேதநாயகம், நல்லா இருக்கீங்களா? உங்களைப் பார்த்து ரொம்ப நாளாச்சு... உடம்புக்கு முடியலையோ?
வேதநாயகம்: அதெல்லாம் ஒன்னுமில்ல நீலமணி.   மனசுதான் சரியில்லை. அதான் கோயிலுக்கு வந்தேன்.  
நீலமணி: என்னாச்சு  உங்க மனதுக்கு?
வேதநாயகம்: இப்பவுள்ள பிள்ளைகளப் பத்தியும் அவங்களோட எதிர்காலத்தைப் பத்தியும் நெனச்சாத்தான் ரொம்ப பயமாவும் கவலையாவும் இருக்கு.  நாம சொல்றத நல்லதையெல்லாம் எங்கே  காது கொடுத்துக் கேட்கறாங்க... அதுதான் ஆண்டவனிடம் முறையிட்டாலாவது பலன் கிடைக்குமான்னு வந்தேன். இந்தக் காலத்துத் தொழில்நுட்பம் அவங்கள என்னபாடு படுத்திக்கிட்டிருக்கு... இது எதுல  கொண்டுபோய் விடப்போகுதோ தெரியல நீலமணி.
நீலமணி: நீங்க சொல்றது நூத்துக்கு நூறு உண்மைதான் வேதநாயகம். எல்லா வீட்டிலேயும் இதே நிலைமைதான்.  இதைப் பத்தி மனசுக்குள்ள போட்டு ரொம்ப நாளா நானே குமஞ்சிகிட்டிருந்தேன்,  நீங்க அதை வாய்விட்டுச் சொல்லிட்டீங்க, அவ்வளவுதான்!  பெரியவங்க ஒழுங்கா இருந்தாதானே  பிள்ளைங்க ஒழுங்கா இருப்பாங்க... பெரியவங்களே சதா சர்வ காலமும் செல்போனும் கையுமா  அலைஞ்சா,  சின்னவங்க  என்ன செய்வாங்க?  
வேதநாயகம்: அதுக்காகப் படிக்கிற புள்ளைங்க,   படிப்பையும், கண்ணையும், புத்தியையும் கெடுத்துகிட்டு இப்படி ராப்பகலா செல்போனை வெச்சு நோண்டிகிட்டிருந்தா பார்க்க நல்லாவா இருக்கு? அவங்க ஆரோக்கியம் கெட்டுப் போகுதுல்ல... இதையெல்லாம் சொன்னா நான் பொல்லாதவனா ஆயிடுறேன். முதியோர் இல்லத்துல கொண்டுபோய் தள்ளிடுவாங்க.... காலம் ரொம்பவே கெட்டுப் போச்சு... 
நீலமணி:  மனசு சரியில்லையின்னு சொன்னீங்களே... உங்கப் பேரப்பிள்ளைதானே காரணம்...?
வேதநாயகம்: பேரப்பிள்ளையா? பெத்த பிள்ளையே சரியில்லைங்கறேன். நேரத்துக்குத் தூங்கறதில்லை, நேரத்துக்கு எழுத்திருக்கிறதில்லை, நேரங்கெட்ட நேரத்துக்கு சாப்பாடு.  அவனே அப்படீன்னா... அவன் புள்ள எப்படி இருப்பான்? அப்பாவும் புள்ளையுமா ஆளுக்கொரு  ரூம்ல  செல்போனை வச்சுக்கிட்டு நள்ளிரவு 2, 3  மணி வரை கூத்தடிக்கிறாணுங்க. கேட்டா,  ஃப்ரீ வைபை வீணாவுதாம்.  நம்ம பெத்த பிள்ளையே நாம சொல்ற பேச்சைக் கேட்கலை; பேரப்பிள்ளையைக் குத்தம் சொல்லி என்ன லாபம்? நம்ம காலத்துல, இருந்த அந்த மூனும் இந்தக் காலத்துப் பிள்ளைகளிடம் எங்கே இருக்கு நீலமணி?  சரி நான் கிளம்பறேன்...
நீலமணி:  கவலைப்படாதீங்க... அவங்க இன்னும் அனுபவப் பாடம் படிக்கலை போலிருக்கு, அதைப் படிச்சா எல்லாம் சரியாயிடும்.  காலமும் நேரமும்தான் எல்லாத்துக்கும் பதில் சொல்லும்....

காட்சி -2
இடம்: வேதநாயகத்தின் வீடு
மாந்தர்: வேதநாயகம், பேரன் தினேஷ், 
மகன் சுரேஷ், நீலமணி

(வேதநாயகத்துக்கு உடல் நிலை சரியில்லை என்று கேள்விப்பட்டு, நீலமணி,  வேதநாயகத்தைப் பார்க்க வந்து அவர் வீட்டுக் கதவைத் தட்டுகிறார்.  பேரன் தினேஷ் கையில் செல்போனைப் பார்த்தபடியே வந்து கதவைத் திறந்துவிட்டு "வாங்க'  என்றுகூடச் சொல்லாமல் உள்ளே செல்கிறான். படுக்கையிலிருந்து தட்டுத் தடுமாறி எழுந்து வந்து நீலமணியை வரவேற்கிறார் வேதநாயகம்)
நீலமணி: உடம்புக்கு என்னாச்சு?
வேதநாயகம்:  சுகர் கொஞ்சம் ஏறிப்போச்சு...  அதோடு ஜலதோஷம். 
நீலமணி: டாக்டரிடம் போனீங்களா?
வேதநாயகம்: கூட்டிட்டுப் போக யார் இருக்கா இங்கே...? அந்த ரூம்ல ஒருத்தனும் இந்த ரூம்ல ஒருத்தனுமா செல்போனில் மூழ்கிக் கிடக்கறாங்க... மருமகள் அவ அம்மா வீட்டுக்குப் போயிருக்கா.  சுடு தண்ணி வச்சுத்தரச் சொல்லி என் பிள்ளையிடம் கேட்டு இரண்டு மணி நேரமாகுது.  காதில் வாங்கினதா தெரியலை... 
நீலமணி:  வாங்க,... நான் டாக்டரிடம் கூட்டிகிட்டுப் போறேன்...
வேதநாயகம்: வேண்டாம் நீலமணி... மாத்திரை போட்டிருக்கேன், ஓய்வெடுத்தா சரியாயிடும்.
(அப்போது வேதநாயகத்தின் மகன் சுரேஷ், தன் மகன் தினேஷை பலமுறை கூப்பிட்டும் அவன் ஏன் என்றுகூடக் கேட்கவில்லை. செல்போனில் மூழ்கிப் போயிருந்தான். அவன் தன் தந்தையை மெல்லிய குரல் கொடுத்துக் கூப்பிட்டவுடன் வேதநாயகம் தட்டுத்தடுமாறி எழுந்திருந்து தன் மகன் அறை நோக்கி ஓடினார்.)
வேதநாயகம்: என்னப்பா சுரேஷ்... ஏன் கூப்பிட்டே... உடம்புக்கு என்ன செய்யுது? 
சுரேஷ்: ரொம்ப மயக்கமா வருதுப்பா.... (என்று கூறியபடி உடனே மயங்கி விழுந்தான்) 
(வேதநாயகம் பதறிப்போனார். தன் உடல் நிலையைக்கூட பொருட்படுத்தாமல் நீலமணியின் உதவியுடன் உடனே ஆட்டோவை வரவழைத்து,  சுரேஷை  டாக்டரிடம் கூட்டிச் சென்றார்)

 

காட்சி- 3
இடம்:  மருத்துவமனை (சுரேஷ் படுக்கையில் படுத்திருந்தான்)

மாந்தர்: டாக்டர், வேதநாயகம்,  நீலமணி, சுரேஷ், பேரன் தினேஷ்.
வேதநாயகம்: டாக்டர் என் மகனுக்கு என்னாச்சு?
டாக்டர்: உங்க மகன் உடலளவிலும் மனதளவிலும் ரொம்ப பாதிக்கப்பட்டிருக்கார். சாப்பாடு, தூக்கம் இரண்டும் நேரா நேரத்துக்கு இல்லைன்னு தெரியுது. அதனால 35   வயசுலயே அவருக்கு டயாப்பட்டீஸ் வந்திருச்சு. அளவு 400க்கும் மேல இருக்கு. இனிமேலாவது கவனமா இருக்கச் சொல்லுங்க...
வேதநாயகம்: அவன் என்னை பார்த்துக்கிற வயசுல நான் அவனைப் பார்த்துக்கணுமா டாக்டர்? மனசுக்கு ரொம்ப வேதனையா இருக்கு....
(டாக்டர், வேதநாயகத்தின் தோளைத் தட்டிக் கொடுத்துவிட்டுக் கிளம்பினார். இருவரும் பேசுவதைக் கேட்டுக்கொண்டிருந்தான் சுரேஷ்)
சுரேஷ்: என்னை மன்னிச்சுடுங்கப்பா, நீங்க  சொன்னபோதெல்லாம் நான் கேட்காததால்தான் இப்ப அனுபவிக்கிறேன். இந்த வியாதி என் மகனுக்கும் வந்துடுமா? 
வேதநாயகம்:  நீ அனுபவிக்கிறது மட்டுமில்லாம  உன் மகனுமா இதை அனுபவிக்கணும்? வேணாம்பா... அவன் அனுபவிக்காம இருக்கணும்னா அது உன் கையில்தான் இருக்கு....
சுரேஷ்: என்னப்பா சொல்றீங்க..?
நீலமணி: அதை நான் சொல்றேன் தம்பி.  ஒரு பொருள் நமக்கு அவசியம் தேவைப்படும்போது மட்டும்தான் பயன்படுத்தணும். ஆனால், நீயும் உன் மகனும்  வீட்டில் என்ன நடக்கிறது என்றுகூடத் தெரியாமல்  செல்போனில் சதா சர்வ காலமும் மூழ்க்கிடக்கறீங்க... விளைவு உன் மகன் ஐந்தாவது படிக்கும்போதே கண்ணாடி போட்டுவிட்டான், 35 வயதுக்குள் உனக்கு டயாபட்டீஸ் வந்துடுச்சு. தம்பி, உங்க அப்பா அடிக்கடி என்னிடம் ஒன்னு சொல்வாரு. அது என்ன தெரியுமா?  "நம்ம காலத்துல இருந்த அந்த மூணும் இப்போ இல்லை நீலமணின்னு' சொல்வாரு. அந்த மூனு என்னன்னு உங்க ரெண்டு பேருக்கும் தெரியுமா?  பணிவு, தொண்டு, கீழ்ப்படிதல்தான் அந்த மூன்றும். இதெல்லாம் எங்க காலத்தில் இருந்தது. இப்போது தேடவேண்டியிருக்கு. 
முதலில் உன்னிடம் இருந்தால்தானே உன் மகனிடமும் அது இருக்கும்? உன் தந்தை சொல்வதைப் பணிவுடன் கேட்டு, கீழ்ப்படிந்து அவருக்கு நல்ல முறையில் நீ தொண்டு செய்திருந்தால், அதைப் பார்க்கும் உன் மகனும் அதையே கற்றுக் கொள்வான். ஆனால் நீ...! அதுதான் நீ கூப்பிட்டவுடன் உன் மகன் உதவிக்கு ஓடிவரவில்லை. ஆனால்,   உடல்நிலை சரியில்லாதபோதுகூட , உன் தந்தைதான் நீ கூப்பிட்டவுடன் ஓடிவந்தார். இனிமேலாவது புரிந்து கொண்டால் நல்லது... 
(நீலமணி கூறியதைக் கேட்டு சுரேஷ் தலைகுனிந்தபடி தன் தந்தையின் கைகளைப் பற்றி மன்னிப்புக் கேட்டான்)
தினேஷ்: தாத்தா என்னையும் மன்னிச்சுடுங்க தாத்தா. அப்பா நீங்களும் என்னை மன்னிச்சுடுங்க... இனிமே இந்த மூணையும் நான் மறக்கவே மாட்டேன்''
(தாத்தா பேரனை அணைத்துக் கொண்டார். நீலமணி, வேதநாயகத்தைப் பார்த்துச் சிரித்தார். வேதநாயகம் தன் மனச்சுமை குறைந்ததை உணர்ந்தார்)

-திரை-

]]>
http://images.dinamani.com/uploads/user/imagelibrary/2018/11/10/w600X390/sm14.jpg http://www.dinamani.com/weekly-supplements/siruvarmani/2018/nov/10/அரங்கம்-உதவும்-உள்ளம்-3036190.html
3036189 வார இதழ்கள் சிறுவர்மணி மருந்து!  - என்.எஸ்.வி.குருமூர்த்தி DIN Saturday, November 10, 2018 03:32 PM +0530 வைத்தியநாதன் அந்தப் பாக்கெட்டை வாங்கிப் பார்த்தார். 
கடைக் காரர்  "சார் இது நல்லா வேலை செய்யும்.. வீட்டுக்கு வெளியே போயிடும். தக்காளியை கீறி வைங்க போதும். அதனால் உங்களுக்குப் பிரச்சினை இல்லை..கேக்கை விட இது பெட்டர்..'
அந்த எலி மருந்தை வாங்கிக் கொண்டு வீட்டில் யார் கண்ணிலும் படாமல் ஒரு இடத்தில் வைத்தார்.  ஒரு தக்காளி பழத்தை எடுத்து நடுவில் கீறி இந்த பேஸ்ட்டை அமுக்கி வைத்தார்.  இதை எலி கண்ணில் படும் இடத்தில் வைத்தால் தான் எலி சாப்பிடும்.
நடந்தது இது தான்.
போன வாரம் மிக்ஸி ஓடவில்லை என அவர் மனைவி புகார் செய்தாள். பார்த்தால் எலி ஒயரைக் கடித்து வைத்திருந்தது.  தூக்கிப் போய் புது ஒயரை மாற்றி வந்தார். நேற்று கிரைண்டர் ஒயரைக் கடித்து அது ஓடவில்லை.  மெக்கானிக் வீட்டுக்கு வந்து ஒயரை மாற்ற தண்டச் செலவு நூற்றைம்பது ஆகி விட்டது.
"எலிக்கு மருந்து வைங்க.. இல்லாட்டி எதையும் விட்டு வைக்காது'
எல்லோரும் படுத்ததும் மருந்து வைத்த தக்காளியை எடுத்துக்கொண்டு பரணில் ஏறினார். டார்ச் அடித்து ஒரு நல்ல இடம் தேடினார்.  
தக்காளியை ஒரு ஓரத்தில் வைத்துவிட்டு இறங்கிய போது அந்த மெல்லிய "கீச்' முனகல் சத்தம் அவர் கவனத்தை ஈர்த்தது.
ஐந்து எலிக் குஞ்சுகள்.. புதிதாகப் பிறந்தவை..கண் மூடிப் படுத்திருந்தன. மெல்லிய வால் ஆடியது. தாய் எலி இல்லை. 
பல் முளைக்கும் பருவத்தில் தான் எலிகள் நற நற என இருப்பதால் கூரிய பற்களால் எதையாவது கடிக்கும் என அறிந்திருந்தார் வைத்திய நாதன்.   இந்த தக்காளியை தாய் எலி சாப்பிட்டு விட்டால் என்ன செய்வது.  புதிய குஞ்சுகள் தாயைத் தேடி வெம்பி விடுமே.  அப்புறம் அவை உயிர் வாழ்வதும் கஷ்டமாச்சே. 
சே..அந்தப் பாவம் நமக்கு வேண்டாம். 
வைத்த தக்காளிப் பழத்தை எடுத்து தெரு குப்பைத் தொட்டிக்குள் ஒரு கவரில் இறுக மூடி வீசி ஏறிந்தார்.
மனைவி கேட்டாள்,  "என்னங்க.. எலி மருந்து வச்சீங்களா..'
"ஓ பரணில் வச்சிட்டேன்..எலி செத்திடும்.. தண்ணீர் தேடி எங்காவது வீட்டுக்கு வெளியில் போயி தான் சாவுமாம். கடைக்காரர் சொன்னார்.'
அதற்குப் பிறகு என்ன ஆச்சரியம்... எலித் தொல்லையே இல்லை அவர் வீட்டில்.

]]>
http://images.dinamani.com/uploads/user/imagelibrary/2018/11/10/w600X390/sm13.jpg http://www.dinamani.com/weekly-supplements/siruvarmani/2018/nov/10/மருந்து-3036189.html
3036188 வார இதழ்கள் சிறுவர்மணி தளராத மனம்! - தமிழ் அன்பன் DIN Saturday, November 10, 2018 03:29 PM +0530
சிதறிக் கிடந்த இந்தியாவின் 
சமஸ்தானங்களை எல்லாம்
பாரதம் என்னும் திருநாடாய்
பண்ணியவர் "வல்ல பாய் படேல்!'

அதனா லன்றோ அன்னாரை
இரும்பு மனிதர் என்கின்றார்!
அதற்கு மேலும்  தனி வாழ்வில்
தளரா மனமும் அவர்க்குண்டு!

வழக்கு ஒன்றில் ஒருநாள் 
வாதாடுகையில் தபேதார்
வந்திருந்த ஒரு தந்தியினை 
பட்டேலிடத்துக் கொடுத்தார்!

வாங்கி அதனைப் பார்த்தும் 
விசனம் எதுவும் இன்றி 
கட்சிக் காரரின்  நன்மைக்குக் 
கடமையுடன் வாதம் செய்தார்!

மன்றம் கலைந்து அனைவரும் 
வெளியேறுகின்ற நேரம் 
நீதியரசர், வல் லபாய் பட்டேலை
தம்மிடம் அருகில் அழைத்து, 

....""தந்தியைப் படித்துச் சற்றுத் 
தயக்கம் காட்டியது போலத் 
தெரிந்தது எனக்கு!.....ஏனோ?...நானதைத் 
தெரிந்து கொள்ள லாமா?''..... என்றார்....

....""என்னோடிருந்து தொல்லை, 
இழப்பைத் தாங்கிய மனைவி 
இறந்து பட்டாள்'' என்று 
துயருடன்  சொன்னார் பட்டேல்!

""பெருந்துயர் வந்து நின்றபோதும் 
கொண்ட கடமையில் தவறாதிருந்தீர்!
கொஞ்சமும் தளராத உள்ளம்!.....
கண்டேன் நான் உம்மிடத்தில்!....என்றார்!

எந்தச் சூழ் நிலையிலும் கடமை
ஆற்று கின்ற பக்குவம் கொண்ட ..
சர்தார் வல்லபாய் படேலை நாம் 
வணங்கி அவர் ஆசி பெறுவோம்!

 

]]>
http://images.dinamani.com/uploads/user/imagelibrary/2018/11/10/w600X390/sm12.jpg http://www.dinamani.com/weekly-supplements/siruvarmani/2018/nov/10/தளராத-மனம்-3036188.html
3036187 வார இதழ்கள் சிறுவர்மணி கதைப் பாடல்!: எங்கள் நேரு மாமா! - ரமண ராஜசேகர் DIN Saturday, November 10, 2018 03:28 PM +0530
அழகான அறிவான எங்கள் நேரு மாமா!
அலகா பாத்தினிலே பிறந்த நேரு மாமா!
பலகாலம் சிறையிருந்த எங்கள் நேரு மாமா!
பாரதத்தாய் பெற்றெடுத்த எங்கள் நேரு மாமா!

விடுதலைக்குப் பாடுபட்ட எங்கள்  நேரு மாமா!
வீதியெங்கும் முழக்கமிட்ட எங்கள் நேரு மாமா!
குடியரசை வாங்கித்தந்த எங்கள் நேரு மாமா!
குழந்தைகள் விரும்புகின்ற எங்கள் நேரு மாமா!

பஞ்ச சீலக் கொள்கை தந்தார் எங்கள் நேரு மாமா!
பாரதத்தை உயர்த்த வந்தார் எங்கள் நேரு மாமா!
அளவில்லாத ஆற்றல் கொண்ட எங்கள் நேரு மாமா!
அஹிம்சை தன்னைக் கடைப்பிடித்த  எங்கள் நேரு மாமா!

இருபதாண்டு ஆட்சி செய்த எங்கள் நேரு மாமா!
இந்தியாவை உயர்த்திவிட்ட எங்கள் நேரு மாமா!
கருத்துடனே பசுமை புரட்சி தந்த நேரு மாமா!
கண்ணைப் போல நாட்டைக் காத்தார் எங்கள் நேரு மாமா!

]]>
http://images.dinamani.com/uploads/user/imagelibrary/2018/11/10/w600X390/sm11.jpg http://www.dinamani.com/weekly-supplements/siruvarmani/2018/nov/10/கதைப்-பாடல்-எங்கள்-நேரு-மாமா-3036187.html
3036186 வார இதழ்கள் சிறுவர்மணி சிறுவர் பாடல்!: நேரு! - வரத.சண்முக சுந்தர வடிவேலு Saturday, November 10, 2018 03:27 PM +0530  

ஆனந்த பவன மாளிகை பூத்த 
அழகு ரோஜா நேரு! - இனிய 
தேனாய் விளங்கும் சுதந்தி ரத்தைத்
தேடித் தந்த நேரு!

அடிமைத் தளையை அகற்றி நாட்டில் 
அமைதி சேர்த்த நேரு - நாட்டில் 
குடிமை ஆட்சி அமைத்து உள்ளம் 
களிக்கச் செய்த நேரு!

மாமா என்றும் சாச்சா என்றும் 
மழலை அழைத்த நேரு! - சுவைத் 
தேமாங்கனியாய் மனத்தில் இனிக்கும் 
தூய மனிதர் நேரு!

உலகம் போற்றும் சரித்திரத்தை 
எழுதி வைத்த நேரு! - எங்கும் 
கலகம் இன்றி சுபிட்சம் காத்து 
கவலை ஒழித்த நேரு!

ஐந்து ஆண்டு திட்டம் மூலம் 
உயர்வைத் தந்த நேரு! - நாட்டில் 
மாந்த ருக்குள் மாமணி என்று 
மேன்மை பெற்ற நேரு!

நேரு பிறந்த நாளைக் குழந்தை 
நாளாய் போற்றும் நாடு! - நவ 
பாரதத்தை வடிவ மைத்த 
பாரத ரத்னா நேரு!

ஆசி யாவின் ஜோதி என்று 
அகிலம் போற்றும் நேரு! - மன 
நேசங்கொண்டு ஒருமைப்பாட்டை
நாட்டில் விதைத்த நேரு!

]]>
http://www.dinamani.com/weekly-supplements/siruvarmani/2018/nov/10/சிறுவர்-பாடல்-நேரு-3036186.html
3036185 வார இதழ்கள் சிறுவர்மணி பாராட்டுப் பாமாலை! - 21: எளிமை, நேர்மை, கனிவு! - புலவர் சு.மாரிமுத்து! Saturday, November 10, 2018 03:24 PM +0530  

என்னிடம் படித்தான் ஹரிராம் என்பான்
ஏழ்மைப் பெற்றோர் தினக்கூலிதான்!
உன்னதப் படிப்பு உயர்ந்த மதிப்பெண்!
உயர்நிலைக் கல்வி முடிவில் வெற்றி!

தன்னிலை உணர்ந்தே தனியார் பேருந்தில் 
தினமும் நடத்துனர் பயிற்சி பெற்றான்!
இன்னிலை ஏணிப் படியாகியது!
அரசுப் பேருந்தில் நடத்துனர் ஆனான்!

அன்பால் மக்களைக் கவர்ந்தான் நாளும்!
எளிமை, நேர்மை, கனிவும் கொண்டு 
பண்பால் பயணியரிடையே நற்பெயர்
எடுத்தான் நாளும் நடத்துனர் ஹரிராம்!

ஒருநாள்.....

வங்கியில் நகைக்கடன் வாங்கி வந்த 
வடிவேல் ஏறினான் பேருந்தில்தான்! - தங்க
நகைகள் மற்றும் பற்பல பொருட்கள் -மகள் 
திருமணத்திற்கு வாங்கிடத் திட்டம்!....

.... அங்கம் குளிர மகளின் அன்பில் ...
அதற்குள் ஊர வர இறங்கியும் விட்டான்!....
எங்கோ பணப்பையை இழந்து விட்டான்!
இருந்த நெருக்கத்தில் எடுத்தவர் எவரோ?

பே ருந்தும் போனது!....தவித்தான் வடிவேல்!...
பெற்ற பெண் ணிற்கோ கல்யாணம்!
சீரும் சிறப்பும் செய்ய எண்ணி 
சேர்த்த கடன் தொகை காணாத் துன்பம்!

பதறிய வடிவேல் தெய்வத்தை நம்பி 
பார்த்தவ  ரிடமெலாம் விசாரித்தானே!
"பார்க்கவில்லை'...."தெரியாது'....என்றே 
அனைவரும் கூறினர்....வாடினான் வடிவேல்!

பயணம் முடிந்த பேருந்தில் தான் 
பார்த்தான் ஹரிராம்!.... எடுத்தான் பையை!
கயமை எண்ணம் அவனுக்கில்லை!...
கத்தைக் கத்தையாய்ப் பெருந்தொகை கண்டு!

கண்ட பையை அலுவ லகத்தில் சேர்த்தான்!
விரைவாய்க் கிடைத்த முகவரிக்கு
கை பேசியில் உடனே தொடர்பு கொண்டான்!- நற்
செய்தியைக் கேட்ட வடிவேல் மகிழ்ந்தான்!

]]>
http://images.dinamani.com/uploads/user/imagelibrary/2018/11/10/w600X390/sm10.jpg http://www.dinamani.com/weekly-supplements/siruvarmani/2018/nov/10/பாராட்டுப்-பாமாலை---21-எளிமை-நேர்மை-கனிவு-3036185.html
3036182 வார இதழ்கள் சிறுவர்மணி கடி DIN DIN Saturday, November 10, 2018 03:11 PM +0530 ""கிளாஸ் நடக்கும்போது நீ ஏன் நடுவிலே எழுந்து போனே?''
""இல்லியே சார்,.... நான் கடைசி பெஞ்சிலேர்ந்துதானே போனேன்!...''

பொ.பாலாஜி, அண்ணாமலைநகர்.

 

""எங்க மாமா ரொம்ப மரியாதை கொடுப்பாரு!...''
""அதுக்காக?....டி.வி யிலே செய்தி வாசிப்பவர் வணக்கம் சொன்னா இவரும் எழுந்து நின்னு வணக்கம் சொல்றதா?''

எம்.அசோக்ராஜா, அரவக்குறிச்சிப்பட்டி.

 

""ஆபிரஹாம் லிங்கன் எந்த நாட்டு ஜனாதிபதியாக இருந்தார்?''
""வெளி நாட்டு ஜனாதிபதியாக இருந்தார்!''

டி.மோகன்தாஸ்,  நாகர்கோயில் - 629001.

 

""மைசூர்பாகு கேப் மேலே விழுந்து......''
""என்ன ஆச்சு!....''
"" கேப் வெடிச்சிடுச்சு!''

ஆதினமிளகி வீரசிகாமணி 

 

""எங்க அண்ணன் சபரி மலைக்கு மாலை போட்டிருக்காரு!...''
""ஆச்சரியமா இருக்கே!....அவ்வளவு பெரிய மலைக்கு மாலை எப்படிப் போட்டாரு?''

கி.திலகர், ஈரோடு - 638009.

 

""எங்க அக்கா வளைஞ்சு கொடுத்துப் போற டைப்!...''
""எப்படி சொல்றே??''
""சைக்கிள்ளே வெளியிலே போறதா இருந்தாக்கூட ஒரு எட்டு போட்டுட்டுத்தான் கிளம்புவா!...''


கோ.வினோத், கிருஷ்ணாபுரம்.

]]>
http://images.dinamani.com/uploads/user/imagelibrary/2018/11/10/w600X390/sm9.jpg http://www.dinamani.com/weekly-supplements/siruvarmani/2018/nov/10/கடி-3036182.html
3036180 வார இதழ்கள் சிறுவர்மணி கண்ணாடியின் கதை! கோட்டாறு ஆ.கோலப்பன் DIN Saturday, November 10, 2018 03:07 PM +0530
மனிதன் முதன்முதலாக கண்ணாடியைக் கண்டுபிடித்தது ஒரு சுவாரஸ்யமான தற்செயல் நிகழ்வுதான். இந்த சம்பவம்தான் கண்டுபிடிப்புக்கு ஆதாரமாக இருந்ததாக பண்டைய ரோமானிய வரலாற்று ஆசிரியர் பாலினி சொல்கிறார். 

கடற்கரை ஓரத்தில் கட்டிட கட்டுமானத்திற்கான கற்களை விற்கும் வியாபாரிகள் சிலர் ஓய்வெடுப்பதற்காக கூடாரம் அமைத்துத் தங்கினர். பசியாறுவதற்காக சில கற்களைக் கொண்டு அடுப்பு மூட்டியிருக்கிறார்கள். அந்தக் கற்கள் சூடாகி உருகி திரவமாக ஓடி பளபளப்பாக நிலத்தில் உறைந்துவிட்டது! மிக வினோதமான அந்தப் பொருளை அவர்கள் விலகி நின்று ஆச்சரியத்துடன் பார்த்தார்கள். அந்தச் சம்பவம்தான் கண்ணாடி உருவாகக் காரணமாக அமைந்தது என சொல்லப்படுகிறது. 

செயற்கையான கண்ணாடிகள் தயாரிக்கப்பட்டது எப்போது என்பது பற்றிய தெளிவான தகவல்கள் இல்லை. கி.மு.1500 ஆம் ஆண்டு கால கட்டத்தில் மெசபடோமியா மற்றும் எகிப்தில் கண்ணாடி பாத்திரங்கள் தயாரிக்கப்பட்டதாக வரலாற்று ஆசிரியர்கள் சொல்கிறார்கள். சிலிக்கா மணலில் செய்த பாத்திர அச்சுகளை உருகிய கண்ணாடி திரவத்திற்குள் தோய்த்து கண்ணாடிப் பாத்திரங்களை உருவாக்கியிருக்கிறார்கள். 

இம்முறை 500 வருடங்களில் மத்திய தரைக்கடல் பகுதிகளில் உள்ள நாடுகளில் பரவி கண்ணாடி தயாரிப்புத் தொழில் வெற்றிகரமாக இருந்துள்ளது.  கண்ணாடி தயாரிப்புக்குக் கடும் உழைப்பும், அதிக பணமும் தேவைப்பட்டன. ஆனால் கண்ணாடி விலை உயர்வானதாக இருந்தது! அக்காலகட்டத்தில் கண்ணாடிப் பொருட்களை மன்னர்களும், பெரும் செல்வந்தர்களுமே பயன் படுத்தி வந்தனர். அறிவியல் வளர்ச்சிதான் இந்தப் பாகுபாடுகளைக் களைந்தது எனலாம். 

கண்ணாடி குறித்த மேலும் ஒரு வரலாற்றுத் தகவலும் உண்டு. கி.மு. 27 ஆம் ஆண்டு காலகட்டத்தில் ஊதுகுழல் கருவி சிரியன் பொறியாளர் ஒருவரால் கண்டுபிடிக்கப்பட்டது. ஒரு நீண்ட இரும்புக் குழலின் நுனியைக் கண்ணாடித் திரவத்தின் மேல் வைத்து அதன் மறுமுனையில் இருந்து காற்றை ஊதி திரவத்தை அச்சுக்குள் படிய வைப்பதுதான் இம்முறை. இந்த யுக்தி கண்ணாடி தயாரிப்பை மிகவும் எளிமையாக்கியது. அதனால் கண்ணாடி விலையும் குறைந்தது. சாதாரண மக்கள் பயன்பாட்டுக்கு வந்தது. 
கிறிஸ்து பிறப்பதற்கு முந்தைய ஆண்டுகள் வரை கால்ஷியமும், இரும்பு தாதுக்களும் கலந்த மணல் 1700 சென்டிகிரேடுக்கு மேல் சூடாக்கும்போது உண்டாகும் பளபளப்பான திரவத்தை வைத்துத்தான் கண்ணாடிகள் தயாரிக்கப்பட்டு வந்தன. கி.பி. 1 ஆம் நூற்றாண்டில் சோடியம் கார்பனேட்டையும், கால்சியம் கார்பனேட்டையும் கலந்து உருக்கும் ரசாயன முறை கண்டுபிடிக்கப்பட்டது பிறகு அதனுடன் மக்னீஷியம் ஆக்ûஸடு சேர்த்ததும் கண்ணாடிக்கு ஒளி புகும் தன்மை வந்தது. இந்தியாவில் கி.பி. 4 ஆம் நூற்றாண்டில் இருந்தே கண்ணாடிகள் சில ஆபரணங்களாக புழக்கத்தில் இருந்திருக்கிறது. 

]]>
http://images.dinamani.com/uploads/user/imagelibrary/2018/11/10/w600X390/sm8.jpg http://www.dinamani.com/weekly-supplements/siruvarmani/2018/nov/10/கண்ணாடியின்-கதை-3036180.html
3036179 வார இதழ்கள் சிறுவர்மணி தீர்க்கதரிசி நாஸ்டர்டாமஸ் DIN DIN Saturday, November 10, 2018 03:06 PM +0530 நாஸ்டர்டாமஸ் 1503 ஆம் ஆண்டு டிசம்பர் 14 ஆம் தேதி பிரான்ஸில் ஒரு யூதக் குடும்பத்தில் பிறந்தார். இலக்கணம் வானவியல், வடிவவியல், லாஜிக், எண்கணிதம் என எல்லாம் படித்தார். 
படிப்பை முடித்தவுடன் எட்டு ஆண்டுகள் மூலிகை ஆராய்ச்சியில் ஈடுபட்டார். பெற்றோரின் விருப்பப்படி மருத்துவம் படித்தார். 
நாஸ்டர்டாமஸ் ஜோதிட நூல்களை வாசித்தபோது அவருக்கு ஜோதிட நூல்கள் மீதும் அதிக ஆர்வம் ஏற்பட்டது. மருத்துவப் படிப்பை முடித்துவிட்டு, யூத ஜோதிடர்களிடம் ஜோதிடம் பயில ஆரம்பித்தார். இதற்கிடையே திருமணம் நடந்தது.  நாஸ்டர்டாமஸýக்கு இரண்டு குழந்தைகள் பிறந்தன. நாஸ்டர்டாமலின் இனிய வாழ்க்கையை பிளேக் நோய் சூறையாடியது. மனைவியும், குழந்தைகளும் பிளேக் நோயால் இறந்து போக, வேதனையில் நாடோடியாகத் திரிந்தார்.  1544 ஆம் ஆண்டு மக்ஸ்வெல் நகருக்கு வந்தார். அங்கும் பிளேக் நோய் மக்களைக் கொன்று கொண்டிருந்தது. தான் தயாரித்த ரோஸ் மாத்திரையைக் கொடுத்து பலரை குணப்படுத்தினார். 
நாஸ்டர்டாமஸின் புகழ் நாடு முழுவதும் பரவியது. அந்நாட்டின் ராணி காத்தரீனின் மருத்துவ ஆலோசகரானார். இரண்டாவதாக ஆன் என்ற பெண்ணை மறுமணம் செய்து கொண்டார்.  
1565 ஆம் ஆண்டில் மூட்டு வலியால் வீட்டிலேயே முடங்கிப் போன நாஸ்டர்டாமஸ் தன்னுடைய மரணம் எப்போது நிகழும் என்பதை எழுதி வைத்தார். இவர் குறித்த நாளில் 1566 ஆம் ஆண்டு தனது 62 ஆவது வயதில் இறந்து போனார். இவர் எழுதிய, "தி சென்சுரீஸ்' என்ற நூல் இவர் மரணத்துக்குப் பிறகு வெளியானது. 
நாஸ்டர்டாமஸின் முதல் படைப்பு "தி பிராஃபெஸீஸ்'...  (THE PROSPHECIES).
இது 1555 ஆம் ஆண்டு முதன் முதலில் அச்சடிக்கப்பட்டது. இந்தப் புத்தகம் மூலம்தான் நாஸ்டர்டாமஸ் பிரபலமானார். ஆனால் புத்தகம் பிரபலமானபோது நாஸ்டர்டாமல் உயிரோடு இல்லை. இவரது புத்தகத்தில் உலகில் எதிர்காலத்தில் நடக்க இருக்கின்ற பல சம்பவங்களை அவர் வாழ்ந்த காலத்திலேயே எழுதி வைத்திருந்தார். அத்தனையும் உண்மையாகி ஆச்சரியம் 
பரப்பியது. 
இவரது கல்லறையில் "இங்கே புகழ் பெற்ற நாஸ்டர்டாமஸ் உறங்குகிறார்' என்று பொறித்திருந்தது. 
பிரெஞ்சுப் புரட்சியின் போது மூன்று சிப்பாய்கள் இவரது கல்லறையை உடைத்தார்கள். சவப்பெட்டிக்குள் இருந்த எலும்புக்கூட்டின் கழுத்தில் "மே 1791' என்று பொறிக்கப்பட்ட டாலர் தொங்கியது!  
225 ஆண்டுகளுக்கு முன்பே தனது புத்தகத்தில் இன்ன ஆண்டு இன்ன மாதத்தில் தன்னுடைய கல்லறையை யாராவது திறப்பார்கள் என்று நாஸ்டர்டாமஸ் குறிப்பிட்டிருந்தார். தன்னுடைய புனித குழியை யார் திறக்கிறார்களோ அவர்கள் உடனே இறந்து போவார்கள் என்று எழுதியிருந்தார்.  அதன்படி அந்த மூவருமே துப்பாக்கிக் குண்டு களுக்கு இரையானார்கள்!

]]>
http://images.dinamani.com/uploads/user/imagelibrary/2018/11/10/w600X390/sm7.jpg http://www.dinamani.com/weekly-supplements/siruvarmani/2018/nov/10/தீர்க்கதரிசி-நாஸ்டர்டாமஸ்-3036179.html
3036178 வார இதழ்கள் சிறுவர்மணி கருவூலம்: பறக்கும் பாம்புகள்! DIN DIN Saturday, November 10, 2018 03:02 PM +0530 ஊர்வனவற்றில் மனிதன் அதிகம் அச்சப்படுவது பாம்புக்குத்தான்.எனினும் இயற்கையின் படைப்பில் அந்த உயிரினங்கள் தங்கள் வாழ்வு முறையைத்தான் பின் பற்றுகின்றனவே தவிர மனிதனை இம்சிப்பதற்காக அவை படைக்கப்படவில்லை. அவற்றில் தனித்துவம் வாய்ந்தவை பறக்கும் பாம்புகள்! பெயர்தான் இப்படியே தவிர உண்மையில் இப்பாம்புகள் பறப்பதில்லை!

பார்ப்பதற்குப் பறப்பது போல் இருந்தாலும், காற்றில் சறுக்கிச் செல்கின்றன. இப்பாம்புகள் உயரமான மரக்கிளைகளிலிருந்து உயரம் குறைவான் மரக்கிளைக்குத் தாவிச் செல்லும் தன்மை கொண்டவை. இரைகளைப் பிடிப்பதற்காகவும், எதிரிகளிடமிருந்து தற்காத்துக் கொள்வதற்காகவும் இவை இப்படிக் காற்றில் சறுக்கிச் செல்கின்றன. 

கிரைசோபிலியா (இஏதவந0டஉகஉஅ) என்ற பேரினத்தைச் சேர்ந்த இந்தப் பாம்புகளில் ஐந்து வகை உள்ளன. தெற்காசிய வெப்ப மண்டல மழைக்காடுகளில் வசிக்கும் இப்பாம்புகள் இரண்டு அடி முதல் நான்கு அடி நீளம் வரை வளரக்கூடியவை! பல்லிகள், பறவைகள் உள்ளிட்ட சிறிய உயிரினங்களை உணவாகக் கொள்ளும். 

இந்த அரிய உயிரினம் பற்றியும் அவை பறந்து செல்லும் விதம் பற்றியும் உயிரியல் ஆய்வாளர்கள் ஆய்வு செய்து வருகின்றனர். காற்றில் சுமார் நூறு அடி தூரம் வரை தனது உடலை நெளித்து பேலன்ஸ் செய்தபடி பாம்பு பறந்து செல்வது எப்படி என்ற கேள்வி பலகாலமாக இருந்து வருகிறது. 

அமெரிக்காவின் வெர்ஜீனியா மாகாணத்தில் உள்ள வெர்ஜீனியா பாலிடெக்னிக் இன்ஸ்டிடியூட் அண்ட் ஸ்டேட் யுனிவர்சிட்டியைச் சேர்ந்த ஆய்வாளர் ஜேக்úஸாச்சா தன் குழுவினருடன் இணைந்து பாம்பு பறக்கும் ரகசியம் பற்றி ஆய்வு செய்தார். 3 டி  பிரிண்டர் உதவியுடன் இந்தப் பாம்பின் உடலின் குறுக்கு வெட்டுத் தோற்றம் போன்ற ஒரு பிளாஸ்டிக் பொருள் தயாரிக்கப்பட்டது. நீரோட்டம் உள்ள ஒரு தொட்டியில் அதை வைத்தபோது நீரின் ஓட்டத்திற்கு ஏற்ப அப்பொருள் விரிந்தும், சுருங்கியும் மாற்றமடைந்ததை ஆய்வாளர்கள் கண்டறிந்தனர். 

அதன்படி இவ்வகைப் பாம்புகள் தங்கள் விலா எலும்புகளை குறுக்கியும் விரித்தும் உடலைப் பறப்பதற்கு ஏற்ற வகையில் அதிவேகமாக மாற்றிக் கொள்கின்றன என்றும், இந்த விசேஷ பண்பால்தான் அவற்றால் காற்றில் சறுக்கிச் செல்ல முடிகிறது என்றும் ஜேக்úஸாச்சா கூறுகிறார். 

பாம்பு பறக்கும் ரகசியத்தைக் கண்டறிந்துள்ள ஆய்வாளர்கள் இயற்கையின் இந்த அற்புதத் தொழில்நுட்பத்தை நவீனச் சாதனங்களில் பயன்படுத்தப்போவதாகத் தெரிவித்துள்ளனர்.

தலைக்கு மேலே பாம்பு பறந்து வருவதைப் பார்க்க நேர்ந்தால் நம் கதி என்ன? என்று யோசிக்கலாம். 

இப்பாம்புகளின் விஷம் மனிதனைக் கொல்லும் அளவு ஆபத்தானது அல்ல. தவிர அதன் அருகில் சென்றால் உங்களுக்குப் பயந்து அது சறுக்கிச் செல்லுமே தவிர மனிதர்களை நோக்கிச் சறுக்கி வராது எனறும் வல்லுனர்கள் கூறுகிறார்கள்.

]]>
http://images.dinamani.com/uploads/user/imagelibrary/2018/11/10/w600X390/sm6.jpg http://www.dinamani.com/weekly-supplements/siruvarmani/2018/nov/10/கருவூலம்-பறக்கும்-பாம்புகள்-3036178.html
3036176 வார இதழ்கள் சிறுவர்மணி நன்றிக் கண்ணீர்!     - ஜோ.ஜெயக்குமார். DIN Saturday, November 10, 2018 03:00 PM +0530 80 வயதுடைய ஒரு மனிதருக்கு இதய வலி ஏற்பட்டது. மருத்துவ மனைக்குச் சென்றார். இதயத்தில் ஆப்பரேஷன் நடந்தது.
நல்லபடியாக நடந்து முடிந்த பின்...
அவரிடம் ரூபாய் 2 லட்சத்திற்க்கான பில்லை மருத்துவமனை அதிகாரிகள் கொடுத்தனர்....
அந்த பில்லை பார்த்ததும் அவரால் அழுகையை கட்டுப்படுத்த முடியவில்லை....
அப்பெரியவரின் பரிதாபகரமான அழுகையைப் பார்த்த.....
மருத்துவர் கூறுகிறார்....
""அழாதீர்கள் தாங்களுக்கு என்னால் முடிந்த அளவு பில்லை குறைத்துவிடுகிறேன் என்றனர்!....''
அதற்கு பெரியவர், "" எனக்கு அது பிரச்சினையில்லை, பில் 10 லட்சமாக இருந்தாலும் என்னால் தர முடியும்!.....'' ஆனால் 80 வருடமாக என் இதயத்தை பாதுகாத்த இறைவன் ஒரு ரூபாய்கூட பில் கேட்கவில்லையே?.....
இவ்வளவு நாள்,  நான் இதனை உணர்ந்ததே இல்லை, இப்போது உணர்ந்தபோது, கண்ணீர் வழிகிறது,
மூன்று மணி நேரம் மட்டும் நீங்கள் பாதுகாத்ததற்கு இரண்டு  லட்சத்திற்க்கு பில்....
எல்லாம் வல்ல கடவுள் கருணையையும் அன்பையும் நினைத்து அழுதுவிட்டேன் என்றார்......
இறைவனின் அருட்கொடைக்கு நிகர் இறைவனே.....
எந்த எதிர் பார்ப்புமே இல்லாமல் எப்போழுதும் நம்மை கண்ணும் கருத்துமாக பத்திரமாக பாதுகாப்பவர் அன்பே உருவானவர் இறைவன் மட்டுமே....
நமக்கு கிடைத்த வாழ்க்கை எத்தனை பேருக்கு கிடைக்க வில்லை... என உணர்ந்தால், நாம் தினமும் இறைவனுக்கு நன்றி சொல்ல  மட்டுமே ஆலயத்திற்கு செல்வோம்.

]]>
http://images.dinamani.com/uploads/user/imagelibrary/2018/11/10/w600X390/sm5.jpg http://www.dinamani.com/weekly-supplements/siruvarmani/2018/nov/10/நன்றிக்-கண்ணீர்-3036176.html
3036174 வார இதழ்கள் சிறுவர்மணி நேருவின் பொன்மொழிகள் தொகுப்பு: ஆர்.ஜெயலட்சுமி DIN Saturday, November 10, 2018 02:59 PM +0530  

  • மிரட்டிப் பணிய வைக்கும் எந்தச் செயலும் வெறுக்கத்தக்கதே.
  • கோபமாகப் பேசும்பொழுது அறிவு தன் முகத்துக்குத் திரையிட்டுக் கொள்கிறது
  • என்ன சொல்கிறாய் என்பது முக்கியமல்ல....என்ன செய்கிறாய் என்பதுதான் முக்கியம்!
  • குழந்தைகளை வளர்க்கும் முறையைப் பொறுத்தே ஒரு நாட்டின் எதிர்காலம் உருவாகிறது!
  • துணிந்து செயல்படுபவர்களுக்குத்தான் வெற்றி கிட்டும்!  கோழைகளின் பக்கம் வெற்றி தலை வைத்துப் படுப்பதில்லை!
  • சொல்லும், செயலும் பொருந்தி வாழ்கிற மனிதனே உலகில் மிகவும் மகிழ்ச்சியாக வாழும் மனிதன்!
  • சமாதானமும், சகிப்புத் தன்மையுமே நமது லட்சியங்கள்! 
  • செயலுக்கு முன்பேயே விளைவுகள் பற்றி எண்ணி அஞ்சுகின்ற கோழைக்கு வெற்றி என்பது வெகு தூரம்!
]]>
http://images.dinamani.com/uploads/user/imagelibrary/2018/11/10/w600X390/sm4.jpg http://www.dinamani.com/weekly-supplements/siruvarmani/2018/nov/10/நேருவின்-பொன்மொழிகள்-3036174.html
3036173 வார இதழ்கள் சிறுவர்மணி குறள் பாட்டு: செய்ந்நன்றி அறிதல் DIN DIN Saturday, November 10, 2018 02:56 PM +0530 (அறத்துப்பால்   -   அதிகாரம்  11   -   பாடல்  6)


மறவற்க மாசற்றார் கேண்மை துறவற்க 
துன்பத்துள் துப்பாயார் நட்பு

-திருக்குறள்

குற்றமற்றவர் தொடர்பினை 
விட்டுவிடக் கூடாது
உதவி செய்தவர் நட்பினை 
இழந்துவிடக் கூடாது

துன்பம் வந்த நேரத்தில் 
துணையால் வந்தவர் நட்பினை 
மறந்து போகக்கூடாது
அகன்று போகக் கூடாது.


-ஆசி.கண்ணம்பிரத்தினம்

]]>
http://images.dinamani.com/uploads/user/imagelibrary/2018/11/10/w600X390/sm3.jpg http://www.dinamani.com/weekly-supplements/siruvarmani/2018/nov/10/குறள்-பாட்டு-செய்ந்நன்றி-அறிதல்-3036173.html
3036172 வார இதழ்கள் சிறுவர்மணி ஒரு நேரத்தில் ஒரு வேலை!..: ஞானக்கிளி! - 26 பூதலூர் முத்து DIN Saturday, November 10, 2018 02:54 PM +0530 ஞானம் பறந்து வந்து கிளையில் அமர்ந்தது! 
சிவகாமி வணக்கம் சொன்னாள். 

""அக்கா!.....எங்க தெருவிலே சுமதின்னு ஒரு டீச்சர் இருக்காங்க.....அவங்களைப் பார்க்கப் போனேன்.... அவங்க ஒரு நிகழ்ச்சியைச் சொன்னாங்க....''
நிகழ்ச்சி என்றதும் பிள்ளைகள் கேட்கத் தயாரானார்கள். ஞானத்துக்கும் ஆர்வமாக இருந்தது. 

""சுமதி டீச்சர் வழக்கமா மளிகைப் பொருட்கள் வாங்கற கடைக்கு அவங்க பையன்க மோகனையும், குமரனையும் அனுப்பினாங்க...... வாங்க வேண்டிய பொருட்களை வரிசையாச் சொன்னாங்க....மோகன் ஒரு தாளில் குறிச்சான்....

......""நீ இன்னும் அந்தக் காலத்திலேயே இருக்கியே....நீங்க சொல்லுங்கம்மா....''.....என்ற குமரன் அவனுடைய கைப்பேசியில் பதிவு செய்தான்.

சுமதி கொடுத்த துணிப்பையில் மோகன் எழுதிய தாளை வைத்தான். குமரன் பணத்தை வாங்கிச் சட்டைப் பையில் வைத்தான். இருவரும் மொபெட்டில் ஏறிக் கடைக்குப் போனார்கள்....வண்டியை மோகன் ஓட்டினான்...குமரன் பின்னால் அமர்ந்தபடி கைபேசியில் விளையாடினான்.

பாதி தூரம் வந்துவிட்டார்கள். ....""குமரா,....பையையும் சீட்டையும் வீட்டிலே மேசை மேலேயே வெச்சிட்டு வந்திட்டேன்...'' என்றான் மோகன்.....

....""அதனால் என்ன செல்லிலே இருக்கு கவலைப்படாதே!...'' .....

கடைக்கு முன்னால் வண்டியை நிறுத்தினார்கள். 

.....குமரன் பதற்றத்தோடு குரல் கொடுத்தான். ""மோகன்,.... விளையாட்டிலே அம்மா சொன்ன மளிகைப் பொருட்கள் பட்டியலை தவறுதலா நீக்கிவிட்டேன்!.....இப்போ என்ன செய்யறது?....''.......

---பிள்ளைகள் திகைப்போடு சிவகாமியைப் பார்த்தார்கள்.

அவள் தொடர்ந்தாள்.

""...மளிகைக் கடைக்காரர் சிவஞானம், ""தம்பிகளா,.... இந்தப் பையைப் பிடிங்க....எல்லாப் பொருளும் இதிலே இருக்கு.... அம்மா கைப்பேசியிலேயே சொல்லிட்டாங்க..... பணத்தைக் கொடுத்திட்டு நேரத்திலே புறப்படுங்க....'' என்றார்....

 ""இதிலிருந்து என்ன தெரிகிறது?''

""கையிலே கைப்பேசி,....செல்வதற்கு வண்டி,... இருந்தாலும் மறதியிலே எல்லாம் வீணாகும்!....'' என்றான் ரகுமான்.

 ""மறதி ஏன் வருது?''

""கவனக்குறைவுதான்!....எண்ணமெல்லாம் விளையாட்டிலே இருக்கறதாலே....செய்ய வேண்டிய முக்கியமான வேலை பாதிக்கது....ஒரு நேரத்திலே ஒரு வேலை என்று மனசைப் பழக்கணும்!...''

"சிவகாமி சொன்னதைக் கேட்டீங்களா?....சரியான கருத்து!....அந்தப் பழக்கம் வளர்ந்தா கவனக்குறைவுக்கு வேலையில்லே....சொன்ன வேலையை திட்டமிட்ட வேலையைச் சரியாச் செய்யலாம்!....''

ஞானம் சொன்னதை அவர்கள் உள்ளத்தில் பதித்தார்கள். சுமதி டீச்சரையும் போற்றினார்கள்.

கிளி வரும்...

]]>
http://images.dinamani.com/uploads/user/imagelibrary/2018/11/10/w600X390/sm2.jpg http://www.dinamani.com/weekly-supplements/siruvarmani/2018/nov/10/ஒரு-நேரத்தில்-ஒரு-வேலை-ஞானக்கிளி---26-3036172.html
3036171 வார இதழ்கள் சிறுவர்மணி நினைவுச் சுடர்!: பகிர்ந்து உண்டவர்! - ஆர்.மகாதேவன் Saturday, November 10, 2018 02:50 PM +0530
அந்தச் சிறுவன் வீட்டில் ஒரு பப்பாளி மரம் இருந்தது! அதில் ஒரு காய் காய்த்தது! அந்தச் சிறுவன், காய் முற்றி எப்போது பழுக்கும் என்று ஆர்வமாகத் தினமும் அந்த மரத்தைப் பார்த்து விட்டு வருவான். 

எதிர்பார்த்தபடி அந்த நாளும் வந்தது. காய் பழுக்கும் நிலையை அடைந்ததும் தன் தாயின் சம்மதத்துடன் அதைப் பறித்துப் பழுக்க வைத்தான். அது நன்றாகக் கனிந்தது. பிறகு அதை உண்ண தன் தாயின் அனுமதியைக் கேட்டான்.

அவனது தாய் சிறுவனை  நோக்கி, "" அதைக் கழுவிப் பின் தோலை நீக்கிவிட்டு சிறுசிறு துண்டுகளாக்கித் தா!'' என்று கூறினார். 

சிறுவனும் அம்மா சொன்னபடி பழத்தை நன்றாகக் கழுவி துண்டுகளாக நறுக்கிக் கொண்டு வந்தான். 

அம்மா சிறுவனிடம், ""நமது தெருவில் எவ்வளவு பேர் வீட்டில் பப்பாளி மரம் இருக்கிறது ?'' 

என்று கேட்டார். 

""நம்ம வீட்டில் மட்டும்தான்!'' 

""அப்படியானால் பழத்தை நீ மட்டும் தின்பது நியாயமா? நம் வீட்டில் மரம் இருந்தாலும் அது நம் தெருவில் உள்ளோருக்கும் சொந்தம்தான்!.... நீ இந்தப் பழத்தை நண்பர்களுடன் பகிர்ந்து உண்!''

சிறுவனும் அந்தப் பழத்தை நண்பர்களுடன் பகிர்ந்து உண்டான்!

அந்தச் சிறுவன்தான் பின்னாளில் பூதான இயக்கத்தின் முன்னோடியாகத் திகழ்ந்த விநோபா பாவே!

]]>
http://images.dinamani.com/uploads/user/imagelibrary/2018/11/10/w600X390/sm1.jpg http://www.dinamani.com/weekly-supplements/siruvarmani/2018/nov/10/நினைவுச்-சுடர்-பகிர்ந்து-உண்டவர்-3036171.html
3032651 வார இதழ்கள் சிறுவர்மணி கங்கைக் குளியல்! DIN DIN Saturday, November 3, 2018 10:22 AM +0530 கங்கைக் கரைக்குச் சற்று தூரத்தில் தள்ளாத வயதில் ஒரு கிழவர் கடுமையாக இருமிக்கொண்டிருந்தார். உடல் மெலிந்து சருகு போல் காணப்பட்டார். கண்கள் ஒளியிழந்து காணப்பட்டார். அவர் அருகே ஒரு இளம் பெண். தலைவிரிகோலமாய் அழுத வண்ணம் இருந்தாள். அங்கு வருவோர் போவோர் எல்லோரையும் பார்த்து, "ஐயா, எங்களுக்கு கொஞ்சம் உதவி செய்யுங்கள்!....'' என்று கேட்டுக் கொண்டிருந்தாள்.
 நதியில் நீராட வரும் மக்கள் கிழவரையும் அந்தப் பெண்ணையும் பார்த்துக்கொண்டிருந்தனர். அருகில் சென்று யாரும் உதவி செய்ய முன் வரவில்லை. அதற்குக் காரணம் அந்தப் பெண் விதித்த நிபந்தனைதான்!
 "இந்த வியாதிக்காரக் கிழவர் இத்தனை அழகான பெண்ணை மணந்திருக்கிறாரே....''....
 ...."புத்தி கெட்டவள்!....நோயாளிக் கணவனை இங்கு எதற்கு அழைத்து வந்திருக்கிறாள்!...''.....இவ்விதம் தங்களுக்குள் பேசிச் சென்றனரே தவிர அவருக்கு எவரும் உதவ முன் வரவில்லை.
 அப்போ,து.... திடவிரதன் என்பவன் அங்கு வந்தான். கிழவரின் நிலைமையைப் பார்த்தான். அருகில் சென்றான்.
 அவனை நோக்கி அந்தப் பெண், "ஐயா நீங்களாவது என் கணவருக்கு உதவி செய்யக்கூடாதா?'' என்று கேட்டாள்.
 திடவிரதன், ""நான் போய் வைத்தியரை அழைத்து வரட்டுமா?'' என்று கேட்டான்.
 அதற்கு அந்தப் பெண், "என் கணவர் ஒரு விரதத்தைக் கடைப்பிடித்து வருகிறார்....மருந்து எதையும் உட்கொள்ள மாட்டார்!....''
 அந்தப் பெண் பேசியதைக் கேட்ட திடவிரதன் திடுக்கிட்டான்.
 "மருந்து சாப்பிடமாட்டார் என்றால் எப்படி இவரைக் காப்பாற்றுவது?....அம்மா!....உங்களுக்கு எப்படி உதவி செய்வது என்று சொன்னால் அதை என்னால் முடிந்த அளவுக்குச் செய்கிறேன்....''
 "ஐயா!... ஒரு சிறு தவறோ,பாவமோ செய்யாதவர் யாரேனும் சற்று தூரத்தில் உள்ள கங்கையிலிருந்து தண்ணீர் எடுத்து வந்து இவருக்குக் குடிக்கக் கொடுத்தால் இவர் பிழைத்துக் கொள்வார்.... ஆனால் அதை நான் செய்ய முடியாது....வேறு எவரேனும்தான் செய்ய வேண்டும்!.... இவர் வியாதி தீர இதுதான் வழி!!.....''
 இதையெல்லாம் கேட்டுக் கொண்டிருந்த சிலர், "இதெல்லாம் நடக்கிற காரியமா?... இந்த உலகத்தில் சிறு தவறோ பாவமோ செய்யாத மனிதன் உண்டா?.....'' என்று பேசியபடி சென்றனர்.
 திடவிரதன் யோசித்தான். அவன் முகத்தில் ஒரு ஒளி தோன்றியது! "அம்மா! நீங்கள் கூறியது போல் நான் சென்று கங்கையின் புனித நீரை எடுத்து வருகிறேன்....'' என்று சொல்லிவிட்டு அந்தப் பெண் வைத்திருந்த குடத்தை வாங்கிக்கொண்டு படிகளில் இறங்க ஆரம்பித்தான்.
 எல்லோரும் வேடிக்கை பார்த்துக்கொண்டிருந்தனர்.
 "இவன் ஒரு தவறும் செய்யாத உத்தமன் போல் போகிறான்.... போகட்டும்!....என்ன நடக்கிறது என்று பார்ப்போம்!...'' எனக் கிண்டல் செய்தனர்.
 "திடவிரதன் கங்கை நதியில் நீராடிவிட்டு குடத்தில் நீரையும் மொண்டு எடுத்துக் கொண்டு கிழவரை நோக்கி வேகமாக வந்தான்.
 "அம்மா!....கங்கையில் நீராடிய உடனேயே செய்த பாவங்களெல்லாம் போய்விடும் என்பது சான்றோர் வாக்கு அல்லவா? அதில் எனக்கு முழு நம்பிக்கை இருந்தது! ஒரு வேளை நான் ஏதேனும் தவறுகள் செய்திருந்தாலும் அந்த பாவங்கள் அனைத்தும் நான் நீராடியவுடன் தீர்ந்து விட்டது!.... எனவே இந்த நீரை உங்கள் கணவருக்குப் புகட்டுகிறேன்!....'' என்று கூறிவிட்டு, கிழவரின் தலையை மடியின் மீது வைத்துக் கொண்டு அவருக்கு கங்கை நீரைப் புகட்டினான்.
 அமிர்தத்தைப் பருகியது போல் துள்ளி எழுந்தார் கிழவர்!...சில நொடிகளில் பார்வதி பரமேஸ்வரனாக இருவரும் உருமாறினர்!
 திடவிரதனுக்கு வியப்பாக இருந்தது! அவர்களை வணங்கினான். அங்கிருந்தோர் அனைவரும் திகைத்தனர்!
 "திட விரதா!....உன்னுடைய தெய்வ நம்பிக்கையை மற்றவர்களுக்கு வெளிக்காட்டவே நாங்கள் இந்த உரு எடுத்தோம்!...நீ சுபிட்சமாக வாழ்ந்து மேலே வருவாய்!''
 அவர்களைக் கண்ணீரோடு விழுந்து வணங்கினான் திடவிரதன்!
 - சி.ரகுபதி
 
 

]]>
http://images.dinamani.com/uploads/user/imagelibrary/2018/11/3/w600X390/sm14.JPG http://www.dinamani.com/weekly-supplements/siruvarmani/2018/nov/03/கங்கைக்-குளியல்-3032651.html
3032650 வார இதழ்கள் சிறுவர்மணி அங்கிள் ஆன்டெனா DIN DIN Saturday, November 3, 2018 10:18 AM +0530 கேள்வி:
 படுக்கைகள், சோபாக்கள், சினிமா தியேட்டர் இருக்கைகள் ஆகியவற்றில் வசிக்கும் மூட்டைப் பூச்சிகளுக்கு ரத்தத்தைத் தவிர வேறு உணவே கிடையாதா?
 பதில்:
 முதலில் மூட்டைப் பூச்சிகளைப் பற்றிப் புரிந்து கொள்ளுங்கள்.
 மூட்டைப் பூச்சியில் ஏகப்பட்ட வகைகள் இனங்கள் இருக்கின்றன. சிறியவை, மிகச் சிறியவை, சற்றே பெரியவை என பல சைஸ்களில் மூட்டைப் பூச்சிகள் உலகில் இருக்கின்றன.
 இவற்றில் பெரும்பாலான மூட்டைப்பூச்சிகள் 100 சதவீதம் பியூர் வெஜிடேரியன்கள். அதாவது சைவப் பிராணிகள். ஒரு வித்தியாசத்துக்காக ஞாயிற்றுக் கிழமைகளில்கூட இவை அசைவம் சாப்பிடுவதில்லை.
 தாவரங்களில் இருந்து கிடைக்கும் ஜூஸ் போன்ற திரவத்தை மட்டுமே உட்கொண்டு உயிர் வாழ்கின்றன.
 அரிதிலும் அரிதாக சில இன மூட்டைப் பூச்சிகள்தான் நாற்காலி, படுக்கை போன்றவற்றின் இடுக்குகளில் இருந்து கொண்டு, இரவில் உட்காரும், உறங்கும் மனிதர்களின் ரத்தத்தை உறிஞ்சி இம்சிக்கின்றன.
 - ரொசிட்டா
 அடுத்த வாரக் கேள்வி
 பறவைகள் தங்களுக்குள் பேசிக் கொள்ளுமா? அப்படியானால் எப்படி?
 பி.கு.: இந்தப் பகுதிக்கு வாசகமணிகளும் கேள்விகளை அனுப்பலாம். இதுவரை இந்தப் பகுதியில் வெளிவராத கேள்விகளாக இருந்தால், நிச்சயம் நல்ல பதில் கிடைக்கும்.
 

]]>
http://images.dinamani.com/uploads/user/imagelibrary/2018/11/3/w600X390/sm13.jpg http://www.dinamani.com/weekly-supplements/siruvarmani/2018/nov/03/அங்கிள்-ஆன்டெனா-3032650.html
3032649 வார இதழ்கள் சிறுவர்மணி கடி DIN DIN Saturday, November 3, 2018 10:14 AM +0530 * "வெடி வாங்க காசு வேணுமா?.....சரி, தரேன்.... ஆனா சத்தம் போடாம வெடிக்
கணும்!....சரியா?''
கே.கஸ்தூரி, காட்பாடி.

* "காபி சாப்பிடறதை விட முடியலே!...''
"ஏன்?''
"விட்டா காபி டம்ளர் கீழே 
விழுந்திடுமே!''
எம்.அசோக்ராஜா, 
3/14ஏ, அரவக்குறிச்சிப்பட்டி, 
அசூர் -620015.

* "ஒரு பிரச்னைன்னு வந்துட்டா உடனே சட்டையை எடுத்துப் போட்டுக்கணும்!''
"எதுக்காக?''
"அசட்டையாக இருக்கக்கூடாதில்லே?''
ஜி.சுந்தரராஜன், திருத்தங்கல்.

* "அந்த ஸ்வீட் கடையிலே ஏன் அவ்வளவு கூட்டம்?''
"அந்தக் கடையிலை மைசூர்பாகு வாங்கினால் ஒரு சுத்தியல் இலவசமாம்!''
கே.கஸ்தூரி, காட்பாடி

* "பாலு, மழையிலே ரெயின் கோட் போட்டுக்கிட்டு எங்கே போய் வந்தே லீவு நாளில்?''
"சும்மாதான்!.....ரெயின் கோட்டைக் கழுவி ரொம்ப நாளாச்சு!....அதான் தூசு போக நடந்துட்டு வந்தேன்!''
ஆர்.யோகமித்ரா, 
எஃப் 2, கிருஷ்ணா அபார்ட்மெண்ட்ஸ், பிளாட் - 20, சுந்தர் அவின்யூ, மகாலக்ஷ்மி காலனி, செம்பாக்கம், சென்னை - 600073.

* "என்னதுடா இது? இவ்வளவு பெரிய புல்லாங்குழல்!...''
"இது "ஃபுல் லாங்க்' குழல்!...''
சிவகுமார் நடராஜன், 
27, வண்ணாரப்பாளையம், 
பரங்கிப்பேட்டை - 608502.
வாரம் 2 டி-சர்ட் பரிசு நட்சத்திரக் குறியிட்ட 2 கடிகளும் பட்டுக்கோட்டை ரூபி ரெடிமேட்ஸ் வழங்கும் 
தலா ஒரு டி-சர்ட்டைப் பெறுகின்றன. பரிசு பெற்றவர்களுக்கு வாழ்த்துகள்.

]]>
http://images.dinamani.com/uploads/user/imagelibrary/2018/11/3/w600X390/JOKE.JPG http://www.dinamani.com/weekly-supplements/siruvarmani/2018/nov/03/கடி-3032649.html
3032647 வார இதழ்கள் சிறுவர்மணி விடுகதைகள் DIN DIN Saturday, November 3, 2018 10:13 AM +0530 1. உச்சியில் பூவிருக்கும், ஊருணிக் கரையிலிருக்கும், வெள்ளம் புரண்டு வரும். அவரை வீழ்த்த முடியாது...
 2. பூக்கும்போது மஞ்சள், பூத்ததும் சிவப்பு, காய்த்த போதும் சிவப்பு, காய்ந்ததும் கருப்பு...
 3. வந்ததுதான் வந்தீர்களே, வந்து ஒருதரம் போனீர்களே, போய் ஒருதரம் வந்தீர்களே, இனி போனால் வருவீர்களா?
 4. அண்ணன் தம்பி ஐவரும் ஆளுக்கு ஆள் வேறு உயரம், அவரவர் வீட்டுக்கும் ஒரே முற்றம்...
 5. மூன்றெழுத்து விலங்கு, நடு எழுத்து இல்லாவிடில் குழந்தைகள் விரும்புவர், கடைசி எழுத்தோ மாதமாகும்...
 6. ஊர் முழுவதுக்கும் ஒரே விளக்கு, இதற்கு ஒரு நாள் ஓய்வு..
 7. சொம்பு நிறையக் கம்பு. இது என்ன?
 8. தலையைச் சீவினால் திறப்பான்... இவன் யார்?
 9. நாலு கால் உண்டு, ஆட்ட வால் இல்லை...
 விடைகள்:
 1. நாணல் புல், 2. பேரீட்சை, 3. பல், 4. விரல்கள்,
 உள்ளங்கை, 5. கழுதை, 6. நிலா, 7. மாதுளம்பழம்,
 8. இளநீர், நொங்கு, 9. நாற்காலி
 -ரொசிட்டா

]]>
http://images.dinamani.com/uploads/user/imagelibrary/2018/11/3/w600X390/sm12.jpg http://www.dinamani.com/weekly-supplements/siruvarmani/2018/nov/03/விடுகதைகள்-3032647.html
3032646 வார இதழ்கள் சிறுவர்மணி உதவும் உள்ளம்!  ரா.முகுந்த ராஜு DIN Saturday, November 3, 2018 10:11 AM +0530 அரங்கம்
காட்சி - 1,
 இடம் - தனபால் வீடு,
 மாந்தர் - தனபால், அவரது மனைவி ராணி.
 
 தனபால் - ராணி, நாளையிலேர்ந்து அந்தச் சின்னப்பாப்பா 1ஆம் வகுப்பு படிக்குதே,....அதுக்கு நான் ஆட்டோ ஓட்டப் போறதில்லே....
 ராணி - அந்த செங்கமலம் பொண்ணு சோலையையா?
 தனபால் - கரெக்ட்!.....அந்தப் பொண்ணுதான்....அந்தம்மா செங்கமலம்கிட்டே கரெக்டா வாடகை வாங்க முடியலே.... மூணு மாசமா பாக்கி!..... இன்னிக்கு ஒரு மாசம் வாடகை கொடுத்துட்டு, மீதியை அப்புறமா தரேன்கிறாங்க....திடீர்னு அந்தம்மா புருஷன் வேலப்பனுக்கு கம்பெனியிலே வேலை இல்லேன்னுட்டாங்களாம்....வேலை தேடிக்கிட்டு இருக்காரு!.... அதுக்கு நாம் என்ன செய்யறது?.... நம்ம பொழப்பு ஓட வேண்டாமா?... அந்த ஒரு வீடுதான் அப்படி!....மத்த எல்லா வீட்டிலேயும் டாண்ணு ஒண்ணாந்தேதி வாடகை வந்திடும்!...
 ராணி - அவங்க ரொம்ப ஏழையாங்க?....
 தனபால் - ஆமாம்!.... ஆனா தனியார் பள்ளிக்கூடத்திலே சேர்த்திருக்காங்க....பள்ளிக்கூடக் கட்டணம் வேறே அங்கே அதிகம்!....அது தூரமாயிருக்கு.....கவர்மெண்ட் ஸ்கூல்லே சேர்த்திருக்கலாமில்லே....அது கிட்டேயே இருக்கு!....ஒரு தெரு தாண்டினா போதும்!....இப்போ வேலப்பன் சாருக்கு வேலை வேறே இல்லே.... ஆனா சீக்கிரம் கிடைச்சுடும்னு சொல்றாரு....அதெல்லாம் நம்ப முடியுமா?..... அந்தம்மாதான் மார்க்கெட்லே கூலி வேலை செய்யுது,.... இப்போ வேலப்பனும் அதே மார்க்கெட்டிலே கூலி வேலை செய்யறாரு...எனக்கே எங்கேயோ கடன் வாங்கித்தான் குடுத்தாங்க போலிருக்கு....
 ராணி - ஏழையாத்தானே இருக்காங்க..... வாடகை குடுக்கும்போது வாங்கிக்கிங்க....ஆட்டோவை நிறுத்திடாதீங்க....கஷ்டமாயிடும்!....பாவம் சின்னக்குழந்தை.... நமக்கு ஒரு குழந்தை இருந்தா செய்யமாட்டோமா?
 தனபால் - அதெல்லாம் முடியாது!.....நாளைக்கு நான் ஆட்டோ ஓட்டமாட்டேன்!.... தினம்
 பதினஞ்சு ரூபா பெட்ரோல் மிச்சம்!...
 
 காட்சி - 2,
 இடம் - செங்கமலத்தின் வீடு,
 மாந்தர் - ராணி, செங்கமலம், வேலப்பன், சோலை....
 (செங்கமலத்தின் வீட்டு வாசலில் சைக்கிளுடன் ராணி... வேலப்பனும் செங்கமலமும் ஆட்டோவுக்காகக் காத்திருக்கிறார்கள்--ராணி,
 செங்கமலத்தைப் பார்த்து.....--)
 ராணி - சோலை அம்மாதானே நீங்க..... என்னைத் தெரியுதா?
 செங்கமலம் - தெரியுமே!..... ஆட்டோக்காரர் தனபால் மனைவிதானே நீங்க?....அவருக்காகத்தான் காத்துக்கிட்டு இருக்கேன்...இன்னிக்கு அவரு வரலியா? நேரமாயிடுச்சே.., நானும், அவரும் இன்னும் அஞ்சு நிமிஷத்திலே வேலைக்குக் கிளம்பணும்...வரமாட்டாரா....ஏன்?....
 ராணி - தெரியலே.... நீங்க குழந்தையை என்கூட அனுப்புங்க...நான் சைக்கிளில் அழைச்சிக்கிட்டுப் போறேன்.... பள்ளி விட்டதும் திரும்பக் கொண்டு வந்தும் விடறேன்....எனக்கு ஒரு குழந்தை இருந்தா செய்ய மாட்டேனா!...
 வேலப்பன் - நல்ல குணம்மா உங்களுக்கு!...உங்க வீட்டுக்காரருக்கு வாடகை பாக்கி....அதனாலே வரலியோ.... ஏய், சோலை....இங்கே வா!....இன்னிக்கு சைக்கிள்ளே போறியா?....
 சோலை - சரிப்பா!...
 (வேலப்பன் குழந்தையை சைக்கிளில் ஏற்றி விடுகிறார்...ராணி குழந்தையை ஏற்றிச் செல்கிறாள்....--(சோலை மழலை மொழியில் பேசிக்கொண்டே செல்கிறாள்)--...பள்ளி விட்டதும் ராணி திரும்ப கொண்டு வந்தும் விடுகிறாள்.)
 
 காட்சி - 3,
 இடம் - தனபால் வீடு,
 மாந்தர் - தனபால், ராணி.
 தனபால் - ராணி,.... சைக்கிள்லே குழந்தையை ஸ்கூலுக்கு அழைச்சிக்கிட்டு போனியா,.... கடைத்தெருவிலே உன்னைப் பார்த்தேன்....
 ராணி - ஆமாங்க,....ஒங்க கிட்டே சொல்லலே....காலையிலேதான் யோசிச்சேன்.... நீங்க போயிட்டீங்க.... நான் சைக்கிள்லே அவங்க வீட்டுக்குப் போனேன்.... நீங்க சொன்னா மாதிரியே செஞ்சுட்டீங்க.... பாவங்க... அவங்க உங்களுக்காகக் காத்துக்கிட்டு இருந்தாங்க... குடிசை வீடு!....ஏழ்மை.... எல்லோரையும்போல இங்கிலீஷ் பள்ளிக்கூடத்திலே சேர்த்திருக்காங்க....ஆசை!....நம்மாலே வேறே எதுவும் உதவி செய்ய முடியாது.... இதையாவது நான் செய்யறேங்க....
 தனபால் - எதோ செய்!....உனக்கு இது சரின்னா செய்...ஆனா நான் ஓட்டமாட்டேன்... ஸ்கூல் ஃபீஸ் எல்லாம் கட்டறாங்களே....எனக்கு வாடகை குடுக்க முடியலியா....
 ராணி - அதை விடுங்க.... நான் தினமும்
 கொண்டுபோய் விட்டுட்டு அழைச்சிக்கிட்டு வரலாம்னு நெளைக்கிறேன்!....
 தனபால் - ஏதோ செய்!
 ராணி - இதுக்கு ஒத்துக்கிட்டீங்களே அது போதும்!....
 
 காட்சி - 4,
 இடம் - செங்கமலத்தின் வீடு,
 மாந்தர் - சோலை, செங்கமலம்,
 வேலப்பன், ராணி.
 ராணி - (சைக்கிள் பெல்லை அடிக்கிறாள்)....ட்ரிங்....ட்ரிங்!...
 செங்கமலம் - வந்துட்டீங்களாம்மா!....வாங்க...
 இனிமே அவரு வரமாட்டாரா?....
 ராணி- தெரியலே!....அதிருக்கட்டும்!... நீங்க சோலையை அனுப்புங்க....ரெடியாயிட்டாளா?...
 வேலப்பன் - அவ எப்பவோ ரெடியாயிட்டா!....தனபாலுக்கு எங்க மேலே கோபம்னு நினைக்கிறேன்.... பணம் வந்ததும் அவரோட பாக்கி வாடகையைத் தந்துடறோம்....
 ராணி - அதெல்லாம் சரியாயிடும்!....கவலைப்படாதீங்க....சீக்கிரம் குழந்தையை அனுப்புங்க....நான் அவளை விட்டுட்டு மார்க்கெட்டுக்குப் போகணும்....
 செங்கமலம் - உங்களை அவரு கோவிச்சுக்க மாட்டாரா?
 ராணி - அவரு அனுமதி தந்துட்டார்... நீங்க சோலையை அனுப்புங்க...
 சோலை - ஹை!.... ராணிம்மா!... இன்னிக்கும் எனக்கு சாக்லேட் வாங்கிக் கொடுக்கணும்!
 ராணி - சரி!... வா!
 (ராணி குழந்தையை பள்ளிக்கு அழைத்துச் சென்று .... திரும்பவும் வீட்டில் சேர்த்து
 விடுகிறாள்)
 
 காட்சி - 5,
 இடம் - தனபால் வீடு, மாந்தர் - ராணி, தனபால்
 தனபால் - இன்னைக்கும் அழைச்சுக்கிட்டுப் போனியா ராணி?...
 ராணி - ஆமாங்க...... போனாப் போவுது உதவி செய்வோங்க....
 தனபால் - சொன்னாக் கேட்க மாட்டே .... எனக்குப் பெட்ரோல் செலவு கொஞ்சம் மிச்சம்!.... உனக்கு என்ன தோணுதோ செய்!....
 (ராணி சோலையை தினமும் அழைத்துக் கொண்டு போவது, கொண்டு வந்து விடுவதுமாக செய்து வருகிறாள். முழுப்பரீட்சை முடிந்து விடுகிறது...பள்ளிக்கு விடுமுறையும் வந்து, பிறகு மறுபடியும் பள்ளியைத் திறக்கிறார்கள்.--
 முதல் நாள்--)
 
 காட்சி - 6,

 இடம் - செங்கமலத்தின் வீடு.
 மாந்தர் - ராணி, செங்கமலம், வேலப்பன்.
 (ராணி ஒரு கடையில் கொஞ்சம் சாக்லேட்
 வாங்கிக்கொள்கிறாள்...பிறகு சைக்கிளில்
 புறப்புடுகிறாள்)
 ராணி - (சைக்கிளில் வந்து...) ட்ரிங்....ட்ரிங்!....
 வேலப்பன் - வாங்கம்மா!....செங்கமலம், வா இங்கே!.... யார் வந்திருக்காங்க பாரு!....
 (செங்கமலம் கையில் கொஞ்சம் பணத்துடன் வெளியில் வருகிறாள்)
 ராணி - எங்கே உன் செல்லக்குட்டி சோலை?...
 செங்கமலம் - அம்மா!,.... சோலையை அரசுப் பள்ளியில் ரெண்டாம் வகுப்பிலே
 சேர்த்துட்டேன்.... கிட்டேதானே இருக்கு!....நானே கொண்டுபோய் விட்டுட்டேன்!.... எங்க குடும்ப சூழ்நிலையையும் பார்க்கணுமில்லே....ஆட்டோவுக்கு இரண்டு மாசம் வாடகைக் காசு தரணும்....இந்தாங்க,....அப்புறம்,....உங்களுக்கு எவ்வளவு தரணும்மா?...
 ராணி - அதெல்லாம் தரவேணாம்.....பரவாயில்லே.... சோலையை நல்லாப் படிக்கச்சொல்லுங்க...நான் ரொம்பக் கேட்டதாச் சொல்லுங்க...இவ்வளவு நாள் பழகி அவளைப் பார்க்காம இருக்க முடியலே...
 வேலப்பன் - தங்கமான மனசும்மா உங்களுக்கு!.... இருந்தாலும் உங்க வீட்டுக்காரர் இன்னும் கோபமாத்தான் இருப்பாருன்னு நெனைக்கிறேன்...மறுக்காம வாங்கிக்குங்க....
 ராணி - அதெல்லாம் வேண்டாம்!...அப்படி அவரு நிச்சயமா கேட்டாருன்னா வந்து வாங்கிக்கறேன்....அப்படியே சோலையையும் பார்ப்பேனில்லே!.... அவளை ரொம்ப கேட்டதாச் சொல்லுங்க.... இந்தாங்க இந்த சாக்லேட்டை அவ வந்தா கொடுத்துடுங்க.... வரேன்!...
 வேலப்பன் - நல்ல மனசும்மா உங்களுக்கு!....
 (ராணி சைக்கிளில் ஏறிக் கிளம்பி விடுகிறாள்....--மனதிற்குள்--....--- "எவ்வளவு நல்ல மனிதர்கள்!...வறுமையிலும் செம்மையாக
 இருக்கிறார்கள்'--- )
 
 காட்சி - 7,

 இடம் - ராணியின் வீடு,
 மாந்தர் - தனபால், ராணி.
 தனபால் - ராணி, என்ன இன்னிக்கு கடைத்தெருவில் உன் சைக்கிளைப் பார்க்கலையே....இன்னிக்கு ஸ்கூல் திறந்துட்டாங்களே.... சோலையைஅழைச்சுக்கிட்டுப் போகலியா?.....
 ராணி - நான் காலையிலே சோலை வீட்டுக்குப் போனேன்....(அங்கு நடந்தவற்றை விளக்குகிறாள்) அவங்களோட நிலைமையிலே நாணயமா உங்க பாக்கியைக் கொடுக்க வந்தாங்க....நான்தான் வேணாம்னுட்டேன்...எனக்கே என்ன உண்டோஅதைக் கொடுக்கிறேன்னும் சொன்னாங்க.... அதையும் நான் மறுத்துட்டேன்...ஆனா அந்த சோலையைத் தான் பார்க்க முடியலே.... அவதான் பள்ளிக்குப் போயிட்டாளே....
 தனபால் - ரொம்ப நேர்மையானவங்கதான்....நான்தான் தப்புப் பண்ணிட்டேன்!....ராணி உனக்கு ரொம்ப நல்ல மனசு!... அவங்களும் எவ்வளவு நாணயமா நடந்துக்கிட்டாங்க.... நீ அந்தப் பணத்தை வாங்கிக்காதே!....உனக்கு இவ்வளவு உதார குணம் இருக்கிறதை நினைச்சா எனக்கு சந்தோஷமா இருக்கு! நம்க்கு நல்ல குழந்தையை ஆண்டவன் தருவார்!
 (ராணி சோலையை நினைத்துக் கண்களைத் துடைத்துக் கொள்கிறாள்.)
 திரை
 

]]>
http://images.dinamani.com/uploads/user/imagelibrary/2018/11/3/w600X390/NADAKAM.JPG http://www.dinamani.com/weekly-supplements/siruvarmani/2018/nov/03/உதவும்-உள்ளம்-3032646.html
3032644 வார இதழ்கள் சிறுவர்மணி தீபாவளி டூர்! DIN DIN Saturday, November 3, 2018 10:08 AM +0530 தீபாவளி திருநாளன்று அதிகாலையிலைலே கங்கா ஸ்நானம் எல்லாம் முடித்து புத்தாடை உடுத்தி பெரியோர்களிடம் வாழ்த்து பெற்று, பட்சணங்கள் உண்டு, பட்டாசெல்லாம் கொளுத்தி மகிழ்ந்தபின் கோவை செல்வபுரம் சுவாமி விவேகானந்தர் குருகுல பள்ளியின் பத்தாம் நிலை மாணவ மாணவியர்கள் ஒரு நாள் தீபாவளி டூருக்காக வேனில் புறப்பட்டார்கள்.
 தீபாவளி டூரை மாணவர் தலைவர் கணேஷ் ஏற்பாடு செய்திருந்தாலும் தீபாவளி டூர் மட்டும் எங்கு என்பது சஸ்பென்சாகவே இருந்தது. ஆழியூர் டேமாக இருக்குமோ, இல்லை திருமூர்த்தி அணையாக இருக்குமோ என மாணவ மாணவியர் தங்களுக்குள் வினவிக் கொண்டார்கள்.
 தீபாவளி டூர் வாகனம் வழியில் தாமரைக்குளம் என்ற ஊரில் நின்றது. செல்வந்தர் பண்ணையார் பரமசிவத்திடம் மாணவர்களை ஆசி பெற வைத்தான் கணேஷ். பண்ணையார் "எங்கே டூர் செல்கின்றீர்கள்?" என கேட்க, அவரிடம் டூர் போகும் இடத்தை ரகசியமாகச் சொன்னான் கணேஷ். "அப்படியா?" என வியப்போடு கேட்ட அவர், அவர்களோடு தானும் வருவதாகச் சொல்லி நிறைய இனிப்புப் பொட்டலங்களோடும், துணிமணிகளோடும் வேனில் புறப்பட்டார்.
 சிறிது நேர பயணத்திற்குப் பின் வாகனம் கோவை பொள்ளாச்சி வடலூர் வள்ளலார் பேரைத் தாங்கிய ஆதரவற்றோர் மற்றும் முதியோர் மறுவாழ்வு மையத்தின் முன் வந்து நின்றது. அலனவரும் உள்ளே சென்றார்கள். பள்ளி மாணவ மாணவியர்களை கண்டதும் அங்குள்ள அவர்கள் அனைவரும் அடைந்த மகிழ்ச்சிக்கு அளவே இல்லை! ஆதரவற்றோர் மற்றும் முதியோர்களுக்கு துணிமணிகளையும், இனிப்புகளையும் வழங்கினார் பண்ணையார். இத்தனை நாட்கள் இது போன்றவர்களைப் பார்க்காமல் அவர்களுக்கு உதவாமல் இருந்து விட்டோமே என எண்ணி வருத்தமடைந்த பண்ணையார் பரமசிவம் இனிமேல் பல ஆதரவற்றோர்க்கு உதவி செய்யப்போவதாகவும் சொன்னார்.
 பண்டிகை என்பதே நாமும் மகிழ்ந்து மற்றவர்களையும் மகிழச் செய்வதுதான் என்பதை உணர வைத்த கணேஷுக்கு நன்றி சொன்னார் பண்லணையார். மாணவர்களும் மாணவியரும் இதுதான் உண்மையான தீபாவளி டூர் என உரக்கச் சொல்ல அதை ஆமோதிப்பது போல் வானத்தில் ஒரு பட்டாசு சத்தமாக பல வண்ணங்களோடு வெடித்து சிரித்தது.
 - எஸ்.டேனியேல் ஜூலியட்

]]>
http://images.dinamani.com/uploads/user/imagelibrary/2018/11/3/w600X390/sm11.jpg http://www.dinamani.com/weekly-supplements/siruvarmani/2018/nov/03/தீபாவளி-டூர்-3032644.html
3032643 வார இதழ்கள் சிறுவர்மணி தாத்தாவின் கோபம்! DIN DIN Saturday, November 3, 2018 10:07 AM +0530 காசிக்குத் தாத்தாவும் சென்று வந்தார் - உடன்
 களிப்போடு பிள்ளைகள் சூழ்ந்து கொண்டார்.
 ஆசையாக் கூடிப் பேசுகையில் - அங்கே
 ஆனந்தன் தாத்தாவைக் கேட்கலுற்றான்.
 "அத்தையும் காசிக்குச் சென்று வந்தாள் - இனி
 அவரைக்காய் தின்பதே இல்லையென்றாள்.
 சித்தப்பா காசிக்குச் சென்று வந்தார் - இனி
 சிகரெட் பிடிப்பதே இல்லையென்றார்.
 பாட்டியும் காசிக்குச் சென்று வந்தாள் - இனி
 பாகற்காய் தின்பதே இல்லையென்றாள்.
 சீட்டாடும் பழக்கத்தை விட்டே னென்றார் - காசி
 சென்று திரும்பிய மாமாவுமே.
 இப்படிக் காசிக்குச் சென்றோரெல்லாம் - அங்கே
 ஏதேனும் ஒன்றினை விட்டு வந்தார்.
 அப்படி நீயும் விட்டதென்ன? தாத்தா
 அவசியம் கூறிட வேண்டு'' மென்றான்.
 "கோபக்காரன் என்றே ஊரிலுள்ளோர் - என்னைக்
 கூறிடுவாரன்றோ? ஆதலினால்
 கோபத்தைக் காசியில் விட்டு வந்தேன்'' - என்றே
 கூறினார் மறுமொழி தாத்தாவுமே.
 கண்ணனும் உடனேயே, ""தாத்தா, தாத்தா நீயும்
 காசியில் விட்டதும் என்ன?'' என்றான்.
 "இந்நேரம் கோபத்தை விட்டதாய்ச் சொன்னேனே...
 எங்கே கவனமோ? '' என்றுரைத்தார்.
 முரளியும், ""தாத்தா நீ விட்டதென்ன?'' - என்றே
 மீண்டும் ஒரமுறை கேட்டிடவே
 திரும்பவும் ""கோபத்தை விட்டே'' னென்றே - தாத்தா
 செப்பினர் முரளியும் "ஓகோ'' என்றான்.
 அருணனும் கோபுவும் அழகப்பனும் - இன்னும்
 அலமுவும் கீதா காவேரியுமே
 திரும்பத் திரும்ப இக்கேள்விதனைக் - கேட்கச்
 சீறி எழுந்தனர் தாத்தாவுமே!
 "வேலையற்ற வெட்டிப் பிள்ளைகளா - என்ன
 வேடிக்கையா இங்கே காட்டுகின்றீர்?
 தோலை உரித்தே எடுத்திடுவேன்'' என்று சொல்லியே
 கையில் தடி எடுத்தார்!
 "கோபத்தைக் காசியில் விட்டே னென்றார் - இதோ
 குண்டாந்தடியுடன் வந்ததடா!
 ஆபத்து! ஆபத்து '' என்றே சொல்லி - உடன்
 அனைவரும் ஓட்டம் பிடித்தனரே!
 - அழ. வள்ளியப்பா
 

]]>
http://images.dinamani.com/uploads/user/imagelibrary/2018/11/3/w600X390/sm9.jpg http://www.dinamani.com/weekly-supplements/siruvarmani/2018/nov/03/தாத்தாவின்-கோபம்-3032643.html
3032642 வார இதழ்கள் சிறுவர்மணி இனிய நாளம்மா! DIN DIN Saturday, November 3, 2018 10:06 AM +0530 அன்பை அறத்தைத் தெய்வ மாக
 வணங்கும் நாளம்மா - புத்தாடை
 அணியும் நாளம்மா!
 இன்பமும் புதுமையும் எங்கும் தங்கி
 இனிக்கும் நாளம்மா!
 ஒற்றுமை உணர்வும் ஒருமைப்பாடும்
 ஓங்கும் நாளம்மா! - நட்பு
 ஒளிரும் நாளம்மா!
 அருளும் பொருளும் வாழ்வில் வந்து
 செழிக்கும் நாளம்மா! - மானுடம்
 தழைக்கும் நாளம்மா!
 அரக்க குணத்தை அகற்ற வந்த
 நெருப்பு நாளம்மா! - தீமையை
 மறக்கும் நாளம்மா!
 இரக்க மற்ற தீயோன் மாண்ட
 புனித நாளம்மா! - தீபாவளி
 இனிய நாளம்மா!
 - கவிச்சுடர் அழகுதாசன்

]]>
http://www.dinamani.com/weekly-supplements/siruvarmani/2018/nov/03/இனிய-நாளம்மா-3032642.html
3032641 வார இதழ்கள் சிறுவர்மணி தீபாவளித் திருநாள்! DIN DIN Saturday, November 3, 2018 10:05 AM +0530 சிறுவர் பாடல்!
 
 காரிருள் போனது!
 காலையும் ஆனது!
 ஊரெலாம் தெரிந்தது புதிய ஒளி! - ஆம்
 இன்று பிறந்தது தீபாவளி!
 இல்லம் சிறந்தது!
 உள்ளம் சிலிர்த்தது!
 எல்லோருக்கும் புதிய உடை! - மேலும்
 உண்டிட பாயசம், பருப்பு வடை!
 கண்ணும் வியந்தது!
 காட்சி விரிந்தது!
 மண்ணில் தெரிந்தது நீள் வானம்! - ஒளி
 மலர்கள் பொழிந்தது பூவாணம்!
 புதுமை மணந்தது!
 இனிமை மலர்ந்தது!
 எதிலும் கனிந்தது நல் மகிழ்வு! - அனைவர்
 எண்ணமும் நிறைந்தது இந்நிகழ்வு!
 - ஆர்.விவேகானந்தன்

]]>
http://images.dinamani.com/uploads/user/imagelibrary/2018/11/3/w600X390/sm8.jpg http://www.dinamani.com/weekly-supplements/siruvarmani/2018/nov/03/தீபாவளித்-திருநாள்-3032641.html
3032639 வார இதழ்கள் சிறுவர்மணி சவீதா காத்த குருவிக்கூடு! DIN DIN Saturday, November 3, 2018 10:04 AM +0530 பாராட்டுப் பாமாலை! 20
 உண்மைச் சம்பவத்தை அடிப்படையாகக் கொண்டது
 சத்திய மங்கலம் கிராமத்தில்
 சவீதா என்றொரு ஆசிரியை
 கருணை உள்ளம் கொண்டவராம்!
 காண்போர் போற்றும் நல்லவராம்!
 அன்புக் கணவர் மகேந்திரன்
 அருமைச் செல்வன் ஓம் ஸ்ரீமன்
 அளவாய் அமைந்த குடும்பத்தை
 அறநெறியோடு நடத்தி வந்தார்!
 விடுமுறை நாளில் குடும்பத்தோடு
 உறவினர் வீடு சென்றனராம்
 இரண்டு நாட்கள் மகிழ்வுடனே
 இனிதாய் அங்கே தங்கினராம்!
 சித்தமுடன் ஒரு சிட்டுக்குருவி
 சத்தமின்றி சவிதா ஸ்கூட்டரில்
 அழகிய வடிவில் கூடு கட்டி
 அதிலே வாழத் தொடங்கியதாம்!
 வீடு திரும்பிய சவீதாவோ
 கூடு கண்டு அதிசயித்தார்!
 அருகில் இருந்த கணவரையும்
 அழைத்துக் காட்டி அகமகிழ்ந்தார்!
 அன்பு நிறைந்த குடும்பத்தார்
 அனுதினமும் கூட்டைக் கவனித்தார்!
 சிட்டுக்குருவியின் முட்டைகள் மூன்று
 முத்துப் போலவே கூட்டில் இருந்தன.
 எல்லையில்லா மகிழ்ச்சியினை
 உள்ளத்தில் கொண்ட சவீதாவோ
 குருவி அடைகாத்து குஞ்சு பொரிக்க
 நற்றுணை நாமென உறுதி கொண்டார்!
 குஞ்சுகள் வளர்ந்து தாயுடனே
 குதூகலமாய்ப் பறந்து செல்லும்வரை
 ஸ்கூட்டரை ஓட்ட எடுப்பதில்லை!
 என்றே சவீதா முடிவெடுத்தார்!
 காக்கை குருவி நம் ஜாதியென
 காட்டிய பாரதி வழி நடந்தோர்
 ஆற்றிய நற்செயல் போற்றியே நாம்
 சூட்டுவோம் ஒரு பாமாலை!
 - மு.நடராஜன்
 நற்செயல் புரிந்த
 நல்லோரைப் பாராட்டி
 இப்பகுதிக்குக்
 கவிதைகள் எழுதலாம்
 
 
 

]]>
http://images.dinamani.com/uploads/user/imagelibrary/2018/11/3/w600X390/sm7.jpg http://www.dinamani.com/weekly-supplements/siruvarmani/2018/nov/03/சவீதா-காத்த-குருவிக்கூடு-3032639.html
3032638 வார இதழ்கள் சிறுவர்மணி மரங்களின் வரங்கள்! அத்தி மரம் DIN DIN Saturday, November 3, 2018 10:02 AM +0530 என்ன குழந்தைகளே
 நலமாக இருக்கிறீர்களா ?
 
 நான் தான் அத்தி மரம் பேசுகிறேன். எனது அறிவியல் பெயர் ஃபைக்கஸ் என்பதாகும். நான் மோரேசி குடும்பத்தைச் சேர்ந்தவன். சங்க காலத்தில் எனது பெயர் அதவம். நான் கொடுக்கும் கனி அராபிய, ஐரோப்பிய பகுதியில் பண்டைய காலத்திலிருந்தே அனைவராலும் விரும்பப்படும் கனியாக இருக்கிறது. என்னுடைய ஒரு மரத்தில் சுமார் 180 முதல் 300 கனிகள் கிடைக்கும். எனது உடம்பு மிகவும் வலிமையானது. நான் சுக்ரனுடைய அம்சம் என்று ஆன்மிக அன்பர்கள் தெரிவிக்கிறார்கள். அதாவது சுக்ராச்சாரியார் நேரிடையாக மோத மாட்டாராம். மறைந்திருந்து தான் தாக்குவாராம். அதனால் தான் "கண்டு காய் காய்க்கும் காணாமல் பூ பூக்கும்' என்ற பழமொழி எனக்குண்டு. அத்தி மர பலகைக்கு மிகவும் சக்தி உண்டுன்னும் சொல்றாங்க. மதுரையில் கம்பராமாயணத்தை அரங்கேற்றியது அத்திமர பலகையின் மீது தான்.
 நான் அனைத்து மதத்தினருக்கும் தெய்வீக மரமா இருந்திருக்கிறேன். என்னைப் பற்றி பைபிளில் குறிப்பு இருக்கு, குரானில் குறிப்பு இருக்கு. திருக்குரானில் அல்லா அத்தி மரத்தின் மீது சத்திம் செய்து சொல்வதாக உள்ளது. "அத்தி மரத்தினால் ஒரு உவமையைக் கற்றுக் கொள்ளுங்கள் அதிலே இளங்கிளை தோன்றி துளிர் விடும்போது வசந்த காலம் சமீபமாயிற்று என்று அறிவீர்கள்' எனவும், விவிலியம் அறிவிக்கிறது. நான் இன்னொன்னையும் சொல்லட்டா குழந்தைகளே, என்னை விஷ்ணுவின் அம்சம்னும் சொல்றாங்க.
 ஒரு இடத்தில் நான் இருக்கிறேன் என்றால் அதற்கு கீழே நீரோட்டம் நன்றாக இருக்கும். நகரேஷு காஞ்சி என அழைக்கப்படும் கோயில் நகரமான காஞ்சிபுரத்தில் அருள்மிகு வரதராஜப் பெருமாள் திருக்கோயிலில் 100 கால் மண்டபத்திற்கு வடக்கே உள்ள அனந்தசரஸ் திருக்குளத்தில், நீருக்கு அடியில் கருங்கல்லாலான பாறைக்குள் மிகப்பெரிய அத்தி மரத்தாலான அத்தி வரதராஜப் பெருமாள் சயன நிலையிலுள்ளார். இவர் 40 ஆண்டுகளுக்கு ஒரு முறை தான் வெளியே வருவார். கடைசியாக 1979-ஆம் வருடம் ஜுலை 2-ஆம் தேதி குளத்திலிருந்து வெளியே வந்தார். வரும் 2019-இல் அத்திவரதர் எழுந்தருளும் வைபவம் நடைபெற உள்ளது. மறக்காம போய் பாருங்க.
 என்னுடைய மரப் பட்டையை தண்ணீர் போட்டு கொதிக்க வச்சு குடிச்சால் உடம்புக்கு நல்லது. இரத்தம் சுத்திகரிப்பாகும். என்னுடைய பிஞ்சு, காய் ஆகியவைகளை சமைத்து உண்டால் எல்லா சக்தியும் உங்களுக்கு நான் கொடுப்பேன்.
 குழந்தைகளே ! குறிப்பா, உங்களில் சிலருக்கு தொங்கு தசை இருக்கும், தசை இருகி போயிருக்கும் இதை எல்லாத்தையும் நான் நீக்கி உங்களின் எலும்பை வலுவாக்குவேன். என்னுடைய பழம் சாப்பிட்டால் உங்களின் அசதி, சோர்வு, இளைப்பு போன்றவைகளை நீக்குவேன். சிறுநீர்ப்பையில் புண், கல் வராது. வாயில் துர்நாற்றம் வராமல் காப்பதுடன், முடி அடர்த்தியாக வளருவதற்கும் நான் உதவுவேன். என் கிட்டே நிறைய வைட்டமின் சத்துகள் இருப்பதாலே மூட்டு வலி என்னைக் கண்டாலே பயந்து ஓடிடும். நான் கொடுக்கும் ஒரு பழத்தில் புரத சத்து, சுண்ணாம்பு சத்து, இரும்பு சத்து, தயாமி ஆகிய சத்துகள் உள்ளன. நான் கல்லீரல் வீக்கத்தை குணமாக்குவேன். மூல நோயை போக்குவேன். என்னுடைய இலையை சிலர் உணவு உண்ணவும் பயன்படுத்தறாங்க.
 நான் சென்னை, திருவொற்றியூர் ஆதிபுரீஸ்வரர், கடலூர் மாவட்டம், கானாட்டுமுள்ளூர் அருள்மிகு பதஞ்சலி ஈஸ்வரர் ஆகிய திருக்கோவிலில் தலவிருட்சமாக உள்ளேன். என்னுடைய ராசி ரிஷபம். நட்சத்திரம் கார்த்திகை. வாழ்க்கை வளமா இருக்கனும்னா ஒவ்வொரு வீட்டிலும் மரம் இருக்கனும். மரம் உண்ணும் உணவாகி நம் உயிரைக் காக்கின்றன. எனவே, குழந்தைகளை மரங்களை வளர்ப்பதும், பாதுகாப்பதும் உங்களின் தலையாய கடமை. மரம் வரம் மட்டுமல்ல, உயிரின் ஆதாரம். நன்றி குழந்தைகளே ! சந்திப்போம்!
 (வளருவேன்)
 - பா.இராதாகிருஷ்ணன்
 

]]>
http://images.dinamani.com/uploads/user/imagelibrary/2018/11/3/w600X390/sm6.JPG http://www.dinamani.com/weekly-supplements/siruvarmani/2018/nov/03/மரங்களின்-வரங்கள்-அத்தி-மரம்-3032638.html
3032637 வார இதழ்கள் சிறுவர்மணி கருவூலம்: பிங்க் சிட்டி - ஜெய்பூர் DIN DIN Saturday, November 3, 2018 10:01 AM +0530 தீஜ் திருவிழா
 ஜெய்பூர் நகரத்தில் கொண்டாடப்படும் மிக முக்கியமான விழா தீஜ் திருவிழாவாகும். திருமணமான பெண்கள் தங்கள் கணவனின் நலம் வேண்டி கொண்டாடும் விழா தீஜ் திருவிழா.
 ஒரு சமயம் பார்வதி சிவபெருமானைத் திருமணம் செய்ய வேண்டி பல வருடங்களாக தவம் செய்தார். ஒருநாள் சிவபெருமான் பார்வதிதேவியின் தவத்தை மெச்சி அவரைத் திருமணம் செய்து கொண்டார். அந்த நாளே தீஜ் திருவிழாவாக ஜெய்பூரில் கொண்டாடப்படுகிறது. இந்த நன்னாளில் இராஜஸ்தான் திருமணமான பெண்கள் தங்கள் கணவன் நலத்தோடு வாழ வேண்டும் பார்வதிதேவியை வழிபடுகிறார்கள். திருமணமாகாத பெண்கள் சிவபெருமானைப் போன்ற சிறந்த கணவன் கிடைக்க வேண்டும் என்று வழிபடுகிறார்கள்.
 தீஜ் மாதாவை பல்லக்கில் வைத்து ஊர்வலமாக கொண்டு செல்வார்கள். சிட்டிபேலஸில் இருந்து தொடங்கி திர்போலியா நுழைவாயில் வழியாகச் செல்லும் வண்ணமயமான இந்த ஊர்வலம் கனக்விருந்தாவனில் முடிவடையும். ஓட்டகம் யானை போன்றவை வண்ணமயமான உடையுடன் இந்த ஊர்வலத்தில் பிரதானமாக காணப்படும். இந்த திருவிழாவில் கீவார் என்ற இனிப்பு முக்கிய பங்கு வகிக்கும்.
 உலகெங்கிலும் இருந்து பல சுற்றுலாப் பயணியர் இந்த திருவிழாவினைக் காண ஜெய்பூரில் கூடுவது வழக்கம். சுற்றுலா பயணியர் இராஜஸ்தானின் கலாச்சாரத்தை இந்த திருவிழாவின் மூலமாக அறிந்து கொள்ளலாம்.
 ஒவ்வொரு வருடமும் ஜீலை மற்றும் ஆகஸ்ட் மாதங்களுக்கிடையில் இந்த திருவிழா நடைபெறும். பெண்கள் இந்த திருவிழாவின் போது வண்ணமயமான உடையினை அணிவது வழக்கம். ஆண்கள் இந்த திருவிழாவின் போது நல்லமழை பெய்து பயிர்கள் செழிக்க வேண்டும் என்று வேண்டிக் கொள்ளுவார்கள்.
 ஜெய்பூர் கோயில்கள்
 கோவிந்த் தேவ்ஜி கோயில்!
 கிருஷ்ணருக்காக உருவாக்கப்பட்டுள்ள கோவிந்த் தேவ்ஜி கோயில் ஜெய் நிவாஸ் தோட்டப்பூங்காவில் அமைந்துள்ளது. முன்னதாக பிருந்தாவன் கோயிலில் இருந்த விக்கிரகத்தை மஹாராஜா இரண்டாம் ஜெய் சிங் இந்த கோவிந்த் தேவ்ஜி கோயிலில் தங்கள் குடும்ப தெய்வமாக மறுபிரதிஷ்டை செய்தார். ஜெய்பூர் மக்கள் மட்டுமின்றி ஏராளமான உள்நாட்டு வெளிநாட்டு சுற்றுலாப் பயணியர் இந்த கோயிலுக்கு வருகை தருகிறார்கள்.
 பிர்லாமந்திர்!
 மோட்டி டங்கிரி மலையின் அடிவாரத்தில் பிர்லாமந்திர் அமைந்துள்ளது. இந்த கோயில் லஷ்மிநாராயன் கோயில் என்றும் அழைக்கப்படுகிறது. இதன் கட்டுமாணப் பணிகள் 1977 ல் தொடங்கி 1985ஆம் ஆண்டில் முடிவடைந்தது. பி.எம்.பிர்லா பவுண்டேஷன் இந்த கோயிலை நிர்மாணித்தது. மூலஸ்தானத்தில் மகாவிஷ்ணுவும் லட்சுமிதேவியும் அமைந்திருக்கிறார்கள். இந்த ஆலயம் வெண்மை நிறப் பளிங்குக்கற்களால் கலைநயத்துடன் உருவாக்கப்பட்டுள்ளது.
 மோட்டி துங்கிரி விநாயகர்!
 ஜெய்பூர் நகரின் மத்தியில் அமைந்த ஒரு சிறிய மலை மோட்டி துங்கிரி. மோட்டி என்றால் முத்து. துங்கிரி என்றால் சிறிய மலை. இந்த மலையின் அடிவாரத்தில் விநாயகருக்கு ஒரு கோயில் எழுப்பப்பட்டுள்ளது. இது புகழ் பெற்ற ஜெய்பூர் நகரக் கோயில் ஆகும். இந்த கோயில் 1761 ல் சேத் ஜெய் ராம் பாலிவால் என்பவரால் கட்டப்பட்டது. பிர்லாமந்திர் கோயிலுக்கு அருகில் மோட்டி துங்கிரி மலையடிவாரத்தில் இந்த கோயில் அமைந்துள்ளது.
 கால்டாஜி கோயில்!
 ஜெய்பூரின் மிகவும் புகழ் பெற்ற தலம் இந்த கால்டாஜி தலமாகும். பதினெட்டாம் நூற்றாண்டில் அமைக்கப்பட்ட இந்த கோயில் ஜெய்பூரின் கிழக்குப் பகுதியில் சுமார் 10 கிலோமீட்டர் தொலைவில் ஆராவல்லி மலைப்பகுதியில் அமைந்துள்ளது. இந்த கோயிலின் பெரும்பாலான பகுதிகளை மலைகள் சூழ்ந்து இயற்கை எழில் கொஞ்சும் பகுதிகளாக காட்சி தருகின்றன. இராமர், கிருஷ்ணர் கோயில்கள் இந்த பகுதியில் அமைந்துள்ளன. இங்கு ஏழு புனித குளங்கள் அமைந்துள்ளன. இங்கு நீராடுவதை பக்தர்கள் பாக்கியமாகக் கருதுகிறார்கள். இந்த கோயிலில் சுமார் 200 குரங்குகள் வாழ்ந்து கொண்டிருக்கின்றன. இங்குள்ள ஒரு குளத்தில் இவை குதித்து விளையாடுவது காணக் கண்கொள்ளாக் காட்சியாகும்.
 தால் பாத்தி ச்சுர்மா!
 தால் பாத்தி ச்சுர்மா (ஈஹஹப் ஆஹஹற்ண் இட்ன்ழ்ம்ஹ) என்பது இராஜஸ்தானின் பாரம்பரியமான புகழ் பெற்ற உணவாகும். இது மூன்று முக்கிய உணவுகளை உள்ளடக்கியது. தால் என்பது ஒருவகை பயறு வகையைக் கொண்டு உருவாக்கப்படும் ஒரு குழம்பாகும். பாத்தி என்பது கோதுமை மாவு, பால் மற்றும் நெய்யினால் உருவாக்கப்படும் ஒரு உருண்டையாகும். ச்சுர்மா என்பது ஒரு இனிப்பு உணவாகும். இது கோதுமைமாவு, சர்க்கரை மற்றும் உலர்பழங்களைக் கொண்டு உருவாக்கப்படுகிறது.
 உருண்டை வடிவிலான பாத்தியை உடைத்து அதன் மீது நெய் மற்றும் தாலை உற்றிச் சாப்பிட வேண்டும். பின்னர் ச்சுர்மா என்ற இனிப்பினைச் சாப்பிட வேண்டும்.
 இதனுடன் கடலைமாவினால் செய்யப்பட்ட கடி என்ற ஒரு மோர்க்குழம்பு, ரொட்டி, ஜிலேபி, பப்பட் போன்ற உணவு வகைகளும் பரிமாறப்படுகிறது. இராஜஸ்தானில் நடைபெறும் திருமணம் மற்றும் விஷேச நிகழ்ச்சிகளில் இந்த உணவு தவறாமல் இடம் பெறுகிறது.
 இராஜஸ்தான் நகரத்தில் கச்சோரி, ஆலுபராத்தா போன்ற உணவுகளும் அதிகம் விரும்பி பயன்படுத்தப்படுகின்றன.
 இராஜஸ்தானில் மோஜாரி என்ற ஷீ மிகவும் பிரபலமாகும். இதை பெரும்பாலானோர் வாங்கி பயன்படுத்துகிறார்கள். மேலும் வண்ணமயமான உடைகள், வளையல்கள், மணிகள் போன்றவை இராஜஸ்தானின் தனிச்சிறப்பாகும். இவற்றை பிங்க்சிட்டி பகுதியில் அமைந்துள்ள ஜோஹாரி பஜார், சந்த்போல் பஜார், டிரிபொலியா பஜார், பாப்பு பஜார், நேரு பஜார், கிஷன்போல் பஜார் என பலவிதமான கடைவீதிகளில் பேரம் பேசி வாங்கலாம்.
 தொகுப்பு: ஆர்.வி.பதி
 
 

]]>
http://images.dinamani.com/uploads/user/imagelibrary/2018/11/3/w600X390/sm5.JPG http://www.dinamani.com/weekly-supplements/siruvarmani/2018/nov/03/கருவூலம்-பிங்க்-சிட்டி---ஜெய்பூர்-3032637.html
3032636 வார இதழ்கள் சிறுவர்மணி திறமை! DIN DIN Saturday, November 3, 2018 09:58 AM +0530 அரவநாட்டுக் காட்டில் வாழ்ந்து வந்த குயில் மதுரமொழி ஒருநாள் காலையில் இப்படிப் பாடிக்கொண்டிருந்தது :
 " மரம் படைத்தான்
 கிளை படைத்தான் - கிளையினிலே
 மலர் படைத்தான்
 கனி படைத்தான் - கனியினிலே
 சுவை படைத்தான்
 விதை படைத்தான் - ஆனால்
 விதை விதைக்க மனிதருக்கு
 மனம் படைப்பானோ? "
 அவ்வழியேதான் சிங்கராஜாவும் நரி அமைச்சரும் வந்துகொண்டிருந்தார்கள். அவர்களும் இப்பாடலைக் கேட்க நேர்ந்தது.
 குயில் பாடிமுடித்தததும் சிங்கராஜாவிடம் நரி, " அரசே! இந்தக் குயிலுக்கு எவ்வளவு இனிமையான குரல்..! பண் பாடுபவதில் இதற்கு இணையானவர் நம் நாட்டிலேயே இல்லை.. எல்லாம் கடவுள் கொடுத்த திறமை! " என்று சொல்லி வியந்தார்.
 சிங்கராஜாவிற்கு இதில் பெருமைப்பட எதுவும் இருப்பதாகத் தோன்றவில்லை.
 "பாடுவதெல்லாம் ஒரு திறமையா, அமைச்சரே ? இது போன்ற செயல்பாடுகளால் நமக்கு என்ன லாபம்? நாமோ காட்டு விலங்குகள்.. நமக்குத் துரத்திப் பிடிப்பதிலும் எதிர்த்துத் தாக்குவதிலும் தப்பி ஓடுவதிலும் தானே திறமை வேண்டும்? " என்றார்.
 நரி அமைச்சர் அப்போதைக்குப் பதில் எதுவும் சொல்லாமல் அமைதியாக இருந்துவிட்டார்.
 சில மாதங்களுக்குப் பிறகு, சிங்கராஜாவின் மகன் சிங்கக்குட்டிக்குப் பெயர் சூட்டுவிழா நடைபெற்றது. இளவரசனின் இந்தச் சிறப்பான விழாவைக் காண அரவநாட்டு விலங்குகள் அனைத்தும் அழைக்கப்பட்டிருந்தன. விழாவும் பிரம்மாண்டமான அரங்கினுள் ஏற்பாடு செய்யப்பட்டிருந்தது.
 வருகை தந்திருந்த விலங்குகள் யாவும் அரங்கின் அழகிய வடிவமைப்பை மெச்சிக்கொண்டிருந்தன.
 விழா தொடங்குவதற்குச் சற்று முன்னர், வேடிக்கை வாணங்கள் வெடிக்கப்பட்டன.அப்பொழுது, அவை எழுப்பிய பேரொலியினால் மிரண்டு போன சிங்கக்குட்டி இளவரசன் அழத்தொடங்கினான். சிங்கராணிக்கும் மற்ற பணிப்பெண்களுக்கும் எப்படி அவனைச் சமாதானப்படுத்துவது என்றே தெரியவில்லை. என்னென்னவோ செய்து பார்த்தும் ஒன்றும் எடுபடவில்லை.
 சிங்கராஜாவும் செய்வதறியாமல் பதற்றம் அடைந்தார். இளவரசனைச் சமாதானப்படுத்துவோருக்கு அரச பதவி கொடுப்பதாக அறிவித்தார்.
 அனைவரும் அங்குமிங்கும் ஓடிக்கொண்டிருந்தார்கள். அரங்கம் முழுவதிலுமே ஒருவிதக்
 குழப்பம் நிலவியது.
 அவ்வேளையில்,
 " அரவநாட்டு அரசரின்
 ஆசை மகனாய்ப் பிறந்தவரே..
 காட்டு ராஜா சிங்கத்தின்
 குட்டி அழகுச் சிங்கம் நீர்!
 
 ஆள வேண்டிய இளவரசே ..
 அழுகை வேண்டாம் இளவரசே!
 இக்கணமே நீர் சிரித்திடுவீர்!
 இங்கு எல்லோரும் மகிழ்ந்திடுவோம்!
 என்று தன்னுடைய இனிமையான குரலில் இளவரசனின் அருகில் அமர்ந்து பாடியது குயில் மதுரமொழி.
 அவ்வளவுதான் !
 மந்திரத்துக்குக் கட்டுப்பட்டவன் போல் சிரிக்கத்தொடங்கினான் குட்டிச் சிங்க ராஜா! குயில் பாடத்தொடங்கியதும் அரங்கில் நிலவிய பெருங்கூச்சல் கொஞ்சம் கொஞ்சமாக நின்றது. அனைவரும் மகிழ்ந்தார்கள்.
 சிங்கராஜாவும் அன்று தான் இந்தக் குயிலின் திறமையைப் பற்றித் தவறாகப் பேசியதற்காக வருந்துவது போல் நரி அமைச்சரைப் பார்த்தார்.
 பிறரிடம் உள்ள திறமை எதுவானாலும் அதனை மதிக்கக் கற்றுக்கொள்ள வேண்டும் என்பதை உணர்ந்துகொண்ட சிங்கராஜா, குயில் மதுரமொழிக்கு அரசவைப் பாடகர் என்ற புதிய பதவியைக் கொடுத்தார்.
 - க. சங்கர்
 

]]>
http://images.dinamani.com/uploads/user/imagelibrary/2018/11/3/w600X390/sm4.JPG http://www.dinamani.com/weekly-supplements/siruvarmani/2018/nov/03/திறமை-3032636.html
3032635 வார இதழ்கள் சிறுவர்மணி அப்துல் கலாமின் பொன்மொழிகள் DIN DIN Saturday, November 3, 2018 09:56 AM +0530 * ஒரு மெழுகு வர்த்தி மற்றொரு மெழுகுவர்த்திக்கு ஒளி கொடுப்பதால் அதற்கு இழப்பு ஒன்றுமில்லை.
* சிறந்த நண்பர்கள், நமது அறிவு, நாம் பெற்ற கல்வி, நமது மனசாட்சி, இவையே முக்கியமானவை ஆகும்.
* நமது உயர்வுக்கு வழி, நாம் சித்திப்பதைப் பொறுத்து நாம் விரும்பிய அளவு வாழ்க்கையில் உயர்வடைய முடியும்.
* இன்னல்களுக்கும் பிரிச்னைகளுக்கும் நாம் வளர்ச்சியடைவதற்காகக் கடவுள் வழங்கும் வாய்ப்புகள் என்பது என் நம்பிக்கையாகும்.
* உங்களின் இடைவிடாத உறுதியான முயற்சி காலந்தொட்டு வரும் மூட நம்பிக்கைகளை எதிர்த்து வெற்றி பெறச் செய்யும். 
* துணிவு, கனவு, பணிவு ஆகியவையே வெற்றியின் வழிகாட்டிகள் என்பதாகும்.
* ஒரு தலைவன் என்பவன் சாதாரண மனிதனாக இருக்கலாம். ஆனால் அபரிதமான மன உறுதி படைத்தவனாக இருக்க வேண்டும்.
* என்னால் முடியும் என்ற மன உறுதியை மாணவர்களிடையே உருவாக்குவதே கல்வியின் மிக உயர்ந்த நோக்கமாகும்.
* வாழ்க்கை சிறக்க எதிலும் அளவுடன் இருக்கப் பழகுங்கள். அளவுக்கு மிஞ்சினால் அமுதமும் நஞ்சாகும் இல்லையா?
* நமது மனசாட்சிதான் நம் இதயத்தில் ஒளிரும் ஆன்மாவின் புனிதத் தன்மை வாய்ந்த ஒளி விளக்கு!
* இன்பங்களைப் பெற முயற்சி செய்வதைவிட இலட்சியங்களைப் பெருக்க முயற்சி செய்வதே நலம் பயக்கும்!
தொகுப்பு : சஜி பிரபு மாறச்சன்
 

]]>
http://images.dinamani.com/uploads/user/imagelibrary/2018/11/3/w600X390/APJ.JPG http://www.dinamani.com/weekly-supplements/siruvarmani/2018/nov/03/அப்துல்-கலாமின்-பொன்மொழிகள்-3032635.html
3032633 வார இதழ்கள் சிறுவர்மணி குறள் பாட்டு: இனியவை கூறல் DIN DIN Saturday, November 3, 2018 09:54 AM +0530 (அறத்துப்பால் - அதிகாரம் 10 - பாடல் 6)
 அல்லவை தேய அறம் பெருகும் நல்லவை நாடி
 இனிய சொலின்.
                                            - திருக்குறள்
 நன்மையானது எது என்று
 நாடிப் பேச வேண்டுமே
 இனிமையானது எது என்று
 எண்ணிப் பேச வேண்டுமே
 
 இனியவற்றைப் பேசினால்
 எல்லாம் நன்மை ஆகுமே
 தீமைகள் தீர்ந்து போகுமே
 தெளிந்த நிலை தோன்றுமே
 -ஆசி.கண்ணம்பிரத்தினம்
 

]]>
http://images.dinamani.com/uploads/user/imagelibrary/2018/11/3/w600X390/sm3.jpg http://www.dinamani.com/weekly-supplements/siruvarmani/2018/nov/03/குறள்-பாட்டு-இனியவை-கூறல்-3032633.html
3032632 வார இதழ்கள் சிறுவர்மணி மகிழ்ச்சிக்குப் பின்னால்....    பூதலூர் முத்து DIN Saturday, November 3, 2018 09:53 AM +0530 ஞானக்கிளி! 25
 ஞானம் மரக்கிளையில் வந்து அமர்ந்தது.
 அருகே பாபு நின்றான்.
 "பாபு,...நான் இங்கே வரும் வழியில் ..."டமால்!...டமால்!' என்று சத்தம்!.... புகை மண்டலம்!....மிகவும் கவனமாகப் பறந்து வந்தேன்!.''
 "அக்கா!...தீபாவளிப் பண்டிகை வருகிறது!....பிள்ளைகள் முன்பே அதற்குத் தயாராகி வெடிகளை கொளுத்துகிறார்கள்!.... புஸ்வாணம், சங்கு சக்கரம், ராக்கெட் என்று விதவிதமாக வைத்திருக்கிறார்கள்!....சத்தத்துக்கும், புகைக்கும் அதுதான் காரணம்!....
 எல்லோரும் வந்துவிட்டதை ஞானம் உறுதிப்படுத்தியது.
 "தங்கமணி ஐயா, ஒரு வாரமாக ஒரு செய்தியை மீண்டும், மீண்டும் சொன்னார். அதை உங்களுக்கு நான் சொல்கிறேன்.''
 "அப்படி என்ன செய்தி அது?''
 எல்லோரும் ஆவலாக இருந்தார்கள்!
 "நான் வருகிற வழியில் குடிசை வீடுகளும் கொட்டகைகளும் இருந்தன. இந்த வெடிகளால் ஏற்படுகிற தீப்பொறி அங்கே போய் விழுந்தால் என்ன ஆகும்?...''
 "அங்கே வாழுகிறவர்கள் உயிருக்கே ஆபத்தாயிற்றே!...'' எல்லோரும் குரல் கொடுத்தார்கள்.
 " அதைத்தான் தங்கமணி ஐயா சொன்னார். நமக்கு இது விளையாட்டாகவும் மகிழ்ச்சியாகவும் இருக்கலாம். ஆனால் அந்த ஏழைகளுக்கு?...இதுவரை உழைத்துத் தேடியதெல்லாம் ஒரு நொடியில் ஒரு நெருப்புப் பொறியில் அழிந்து விடுமே!....அவர்கள் வெய்யிலிலும், மழையிலும் நின்று துன்பப்படுவார்களே.... கண், காது, மூக்கு, என்று உறுப்புகளுக்கும் ஆபத்தாயிற்றே!....''
 ஞானம் சொன்னதை பிள்ளைகள் ஒரு நிமிடம் சிந்தித்தார்கள்.
 "அந்தக் குடிசைகளில் இருந்து பள்ளிக்கு வரும் பிள்ளைகளின் புத்தகங்களும், நோட்டுக்களும் தீக்கு இரையாகிவிடுமே!....'' என்றான் பீட்டர்!
 ஞானம் ஒன்றை நினைவு படுத்தியது. "அன்றே பெரிவர்கள் சொல்வார்கள்....""காசைக் கரியாக்காதே!' என்று!...இது போன்ற பண்டிகைகளில் பழங்கள் வாங்கலாம். நல்ல நூல்கள் வாங்கலாம்....மற்றவர்களுக்கும் தரலாம். உடம்புக்கும் நல்லது!....அறிவு வளர்ச்சிக்கும் நல்லது!... பணம் பயனுள்ள விதத்தில் செலவானது என்ற மன நிறைவும் ஏற்படும். மிச்சமான தொகையைச் சேமிக்கவும் செய்யலாம்...''
 "அக்கா!....இந்த மாற்றம் ஒரே நாளில் நடந்து விடுமா?'' ... பாத்திமா கேட்டாள்.
 "சிறிய பிள்ளைகள் மத்தாப்பு,....வாணம் என்று ஆசைப்படுவார்கள்....அவர்களுடைய ஆசைக்கு ஒரே நாளில் தடை போட முடியாது. வளர, வளர அவர்களே மாறுவார்கள். வளர்ந்த பிள்ளைகள் சிந்தித்துப் பார்த்து நடந்து கொள்ள வேண்டும். ஒருவருடைய கொண்டாட்டம். மற்றவருடைய வேதனையாக மாறக்கூடாது.
 ஞானத்தின் கருத்துக்கள் பிள்ளைகளைச் சிந்திக்க வைத்தன. அவற்றுக்குச் செயல் வடிவம் தரவும் முடிவு செய்தார்கள்!
 கிளி வரும்....
 

]]>
http://images.dinamani.com/uploads/user/imagelibrary/2018/11/3/w600X390/sm2.jpg http://www.dinamani.com/weekly-supplements/siruvarmani/2018/nov/03/மகிழ்ச்சிக்குப்-பின்னால்-3032632.html
3032631 வார இதழ்கள் சிறுவர்மணி நினைவுச் சுடர் ! லட்சியம்! Saturday, November 3, 2018 09:51 AM +0530 பிப்ரவரி 3 ஆம் நாள் 1821. லண்டனில் ஒரு பெண் குழந்தை பிறந்தது! அதற்கு எலிசபெத் ப்ளாக் வெல் எனப் பெயரிட்டார்கள்! குழந்தை படிப்பில் படு சுட்டியாக இருந்தது. குழந்தை வளர்ந்து பெரியவளானாள்! எலிசபெத் ப்ளாக் வெல்லுக்கு மருத்துவப் படிப்பில் தீராத ஆசை! அப்போதைய இங்கிலாந்தில் மருத்துவப் படிப்புக்கு ஆண்களே விண்ணப்பிப்பர். பெண்களுக்கு மருத்துவப் படிப்பில் ஆர்வமிருந்தாலும் அவர்களுக்கு இடம் கிடைக்காது!
 குடும்பத்துடன் அவர்கள் அமெரிக்காவுக்குக் குடி பெயர்ந்தனர். பிலிடெல்ஃபியா மருத்துவப் பள்ளியில் சேர முயற்சி செய்தார் ஆனால் முடியவில்லை. நியுயார்க்கில் ஹோபர்ட் மருத்துவக்கல்லூரி என்ற பிரபல கல்லூரி இருந்தது. ஆனால் அவளைக் கல்லூரி ஏற்கவில்லை. ஏனென்றால் அவள் ஒரு பெண்! அங்கு 150 மாணவர்கள் இருந்தனர். அக்காலத்தில் பெண்கள் புத்திசாலிகள் என்பதை ஆண்கள் ஏற்க மறுத்தனர். கடைசியாக அங்கிருந்த மாணவர்களில் யாரேனும் ஒருவர் அவருக்கு ஓட்டளித்தால் கூட கல்லூரியில் சேர்த்துக் கொள்வதாகச் சொன்னார்கள். நிர்வாகத்துக்கு பயந்து பலர் அவருக்கு ஓட்டளிக்கவில்லை. ஆனால் சில இளைஞர்கள் எலிசபெத்துக்கு ஓட்டளித்தனர். கல்லூரியில் இடம் கிடைத்தது! பிறகு அற்புதமாகப் படித்துத் தேறினார்.
 இங்கிலாந்தில் பிறந்த பெண்மணி அமெரிக்காவின் முதல் பெண் மருத்துவர்!
 ஆனால் தொழில்முறையாக மருத்துவத்தை மேற்கொள்வதில் சில சிக்கல்களை ஏற்படுத்தினர். அனைத்தையும் வெற்றி கண்டார் எலிசபெத்!
 பின்னாளில் பல முக்கிய பதவிகளை வகித்தார் அவர்! எலிசெபெத் ப்ளாக்வெல் பெயரால் அமெரிக்கன் காலேஜில் சிறந்த பெண் மருத்துவருக்கு ஆண்டுதோறும் "எலிசபெத் ப்ளாக் வெல் மெடல்' வழங்கப்படுகிறது.
 ஏழைப் பெண்கள், மற்றும் குழந்தைகளுக்கான சிகிச்சையகம் ஒன்றையும் நியூயார்க்கில் தன் சொந்தப் பணத்தில் துவங்கினார் அவர்!
 அவரது பெயரால் இங்கிலாந்தில் "எலிசபெத் இன்ஸ்டிட்யூஷன் ஃபார் ஹெல்த் அண்ட் ரிசர்ச்' என்ற அமைப்பு ப்ரிஸ்டலில் ஏற்படுத்தப்
 பட்டது!
 மருத்துவச் சரித்திரத்தில் எலிசபெத் பிளாக் வெல்லின் சாதனை நிலைத்து நின்றுவிட்டது!
 -ஜோ. ஜெயக்குமார்

]]>
http://images.dinamani.com/uploads/user/imagelibrary/2018/11/3/w600X390/sm1.jpg http://www.dinamani.com/weekly-supplements/siruvarmani/2018/nov/03/நினைவுச்-சுடர்--லட்சியம்-3032631.html
3028177 வார இதழ்கள் சிறுவர்மணி அங்கிள் ஆன்டெனா Saturday, October 27, 2018 10:15 AM +0530 கேள்வி:
 தேனீக்கள் ஒரே கூட்டமாகச் சேர்ந்து சில சமயம் மனிதர்களைக் கொட்டி விடுகின்றன. இதனால் மனிதனுக்கு ஏதாவது உயிரிழப்பு போன்ற அபாயம் உண்டா?
 பதில்:
 உயிரிழப்பு என்பது நிச்சயமாகக் கிடையாதுதான். ஆனாலும் தேனீ கொட்டினால் "ஐயோ, வலி உயிர் போகிறதே..' என்றுதான் பலரும் கூச்சலிடுகிறார்கள்.
 மனிதனானாலும் சரி விலங்குகளனாலும் சரி, முறையான சிகிச்சைகள் உள்ளன. தேனீ கொட்டினால் கண் இமைகள், காது மடல்கள், உதடு, கழுத்து போன்ற இடங்களில் வீக்கம் ஏற்பட்டு விடும். இப்படி வீக்கம் ஏற்படும் இடங்களில் தேனீயின் சிறிய கொடுக்குகள் பதிந்திருக்கும்.
 இந்தக் கொடுக்குகளை, மருத்துவர் பொறுமையாக அகற்றிவிட்டு Anti-Histaminic என்ற மருந்தும் வலிநிவாரணி
 மருந்தும் கொடுப்பார். இதனால் கடிபட்ட சுவடு கூடத்
 தெரியாமல் வீக்கம் மறைந்து போகும்.
 ப்பூ... இவ்வளவுதானா... என்று நினைத்துக் கொண்டு தேன் கூட்டில் அசட்டையாகக் கையை விட்டு விடாதீர்கள்.
 -ரொசிட்டா
 அடுத்த வாரக் கேள்வி
 படுக்கைகள், சோபாக்கள், சினிமா தியேட்டர் இருக்கைகள் ஆகியவற்றில் வசிக்கும் மூட்டைப் பூச்சிகளுக்கு ரத்தத்தைத் தவிர வேறு உணவே கிடையாதா?
 பி.கு.: இந்தப் பகுதிக்கு வாசகமணிகளும் கேள்விகளை அனுப்பலாம். இதுவரை இந்தப் பகுதியில் வெளிவராத கேள்விகளாக இருந்தால், நிச்சயம்
 நல்ல பதில் கிடைக்கும்.
 

]]>
http://images.dinamani.com/uploads/user/imagelibrary/2018/10/27/w600X390/HONEY-BEE.JPG http://www.dinamani.com/weekly-supplements/siruvarmani/2018/oct/27/அங்கிள்-ஆன்டெனா-3028177.html
3028179 வார இதழ்கள் சிறுவர்மணி மூன்று கூழாங்கற்கள்! DIN DIN Saturday, October 27, 2018 10:14 AM +0530 அந்தச் செம்படவனுக்கு மூன்று நாள்களாக ஒரு சிறிய மீன்கூட அகப்படவில்லை. கடலின் ஆழமான பகுதியிலும் இதே நிலைமை தொடர்ந்ததால் அவன் மிகுந்த கோபத்தில் இருந்தான்.
 அப்போது, அங்கிருந்து திரும்பிக் கரைக்குச் செல்ல நினைத்து மீன்வலையை தண்ணீரிலிருந்து வேகமாக வெளியே இழுத்தான்.
 என்ன ஆச்சரியம் ! வலையின் உட்புறத்தில் ஒரு மீன் மாட்டியிருந்தது. செம்படவனுக்கு மகிழ்ச்சி தாளவில்லை. உடனே அதை படகுக்கு இழுத்தான் . அதனைக் கொஞ்சம் அருகில் பார்க்கும்போதுதான் அவனுக்கு ஓர் உண்மை புரிந்தது. ஒரு வளர்ந்த உள்ளங்கையின் அளவே இருந்த அந்த மீன் நொடிக்கொரு முறை சிவப்பு, பச்சை, நீலம், வெண்மை என நிறம் மாறிக்கொண்டிருந்தது.
 "இது என்ன, வினோதமாக இருக்கிறதே ! '' என்று நினைத்த அவன், அந்த அதிசய மீனைப் பத்திரமாக வீட்டிற்குக் கொண்டுசென்றான்.
 அவனுடைய வீட்டில் ஒரு மீன்தொட்டி இருந்தது. செங்கற்களால் கட்டப்பட்ட அழகிய தொட்டி. முக்கால் பாகம் நீர் நிரம்பியிருந்த அதன் அடியில் ஏராளமான கூழாங்கற்கள் இருந்தன. அந்தத் தொட்டியில்தான் நிறம்மாறும் மீனை விட்டான் அவன்.
 அவனது மனைவிக்கும் மகனுக்கும் கூட நிறம்மாறும் மீனை மிகவும் பிடித்துப்போயிற்று. ஒவ்வொரு நாளும் ஒருவேளை இரையிட்டு, நீர்மாற்றி மீனின் மீது தனி அக்கறை கொண்டு அதனைப் பேணிவந்தார்கள்.
 ஒரு நாள் காலை அந்தத் தொட்டிக்குள்ளிருந்த கூழாங்கற்களில் ஒன்று தங்கமாக மாறியிருந்தது!
 செம்படவனுக்கு மிக்க மகிழ்ச்சி! அதிசய மீன்தான் இப்படிச் செய்திருக்கிறது என்று உணர்ந்த அவன், மீனுக்கு இரை இடுவதை நான்கு வேளையாக உயர்த்தினான். ஆனால் அந்த மீனால் உணவை உண்ண முடியவில்லை!
 பல நாள்கள் கழித்து, தொட்டிக்குள்ளிருந்த கூழாங்கற்களில் ஒன்று வெள்ளியாக மாறியிருந்தது. தங்கத்தை எதிர்பார்த்துக் காத்திருந்த செம்படவன், கொஞ்சம் ஏமாற்றம் அடைந்தாலும் ஒருவாறாக மனதைத் தேற்றிக்கொண்டான். அதிசய மீனுக்கு உணவு என்று நினைத்த அவன், இரை இடுவதை ஆறு வேளைக்கு உயர்த்தினான்.
 சில நாள்கள் சென்றன. கழித்து, கூழாங்கற்களில் ஒன்று வெண்கலமாக மாறியிருந்தது. ஆனால் அந்த அதிசய மீன் ஏனோ மாயமாய் மறைந்துவிட்டிருந்தது !
 செம்படவன் குழப்பமடைந்தான். சிந்தனை வயப்பட்டவனாகக் கடற்கரைக்குச் சென்று அமர்ந்துகொண்டான்.
 அப்போது அங்கே ஓர் அசரீரி கேட்டது.
 " மீனவனே ! அன்று உனக்கு மீனெதுவும் கிடைக்காதபோது, நிறம்மாறும் மீன் கிடைத்தது. அதை நீ விற்றிருக்கலாம். இருந்தும், அன்பு கொண்டு வளர்த்தாய்! அதற்குத்தான் தங்கக் கூழாங்கல் கொடுத்தேன். அதன் பிறகு நீ மீனுக்கு இரைகொடுப்பதை மிகவும் அதிகப்படுத்தியது அதன் மீது கொண்ட பாசத்தால் அல்ல!... தங்கத்துக்காகத்தான் என்பதை உணர்ந்தேன்!... அதனால்தான் வெள்ளிக் கூழாங்கல்லைக் கொடுத்தேன். மூன்றாம் முறை நீ முழுப்பேராசைக்காரன் ஆகிவிட்டாய். இருந்தும், நீ இவ்வளவு நாள்கள் மீனை கவனித்துக்கொண்டதற்காக வெண்கலக் கூழாங்கல்லைக் கொடுத்துவிட்டு மீனையும் எடுத்துக்கொண்டேன்.''
 செம்படவன் தொடர்ந்து கவனித்தான்.
 " ஒருவர் மீது நாம் அன்பு செலுத்தும்போது நன்றிக்காக அவர் நமக்கு ஏதேனும் உதவி செய்வார். ஆனால், அதன் பிறகும் நாம் அவர் மீதுதான் அன்புகொண்டிருக்க வேண்டுமே தவிர, அவர் செய்யும் உதவியின் மேல் அல்ல. உனக்குக் கிடைத்த பரிசுகள் நீ செய்த உதவியின் தன்மையைப் பொறுத்தவையே !'' என்று சொல்லிவிட்டு மறைந்தது அந்த அசரீரி.
 செம்படவன் தன்தவற்றை உணர்ந்து அன்றிலிருந்து அனைவரிடத்திலும் அன்புகொண்டு எதையும் எதிர்
 பாராதவனாக உதவிகள் செய்து வருகிறான்.
 - க. சங்கர்
 
 
 

]]>
http://images.dinamani.com/uploads/user/imagelibrary/2018/10/27/w600X390/sm9.JPG http://www.dinamani.com/weekly-supplements/siruvarmani/2018/oct/27/மூன்று-கூழாங்கற்கள்-3028179.html
3028178 வார இதழ்கள் சிறுவர்மணி மரங்களின் வரங்கள்! கொய்யா மரம்! DIN DIN Saturday, October 27, 2018 10:13 AM +0530 என்ன குழந்தைகளே
 நலமாக இருக்கிறீர்களா ?
 
 நான் தான் கொய்யா மரம் பேசுகிறேன். நான் 16-ம் நூற்றாண்டில் போர்த்துகீசியர்கள் இந்தியாவிற்கு வணிகம் செய்ய வந்த போது நானும் அவர்களுடன் வந்தேன். எனக்கு இந்தியாவின் தட்பவெப்ப நிலை மிகவும் பிடிக்கும். அதனால், நான் அங்கு தான் வளருவேன், இங்து தான் வளருவேன் என்றில்லாமல் எங்கும் வளர்ந்து ஆண்டு முழுவதும் பலன் தருவேன்.
 குழந்தைகளே மூளைக்கு சக்தி கொடுக்கும் தன்மை என் காயில் அதிகம் இருக்கிறது. அதனால் உங்களின் அறிவுத் திறன் அதிகரிக்கும். என்னிடம், வைட்டமின் "சி' மற்றும் தாதுப் பொருள்கள் அதிகமாக உள்ளன. என்னிடம் நார்ச்சத்து, கால்ஷியம், இரும்பு, பாஸ்பரஸ் போன்ற கனிமங்களும் அதிக அளவில் உள்ளன. மலச்சிக்கலும் நான் அருமருந்து. என்னுடைய இலைகளை பல் வலியை குணப்படுத்தும். என்னுடைய காய் வயிற்றுக் கடுப்புக்கு எதிரி.
 என்னுடைய இலைகளைத் தேயிலைப் போல் வெந்நீரில் கலந்து பருகினால் வயிற்றுப் பிரச்சினைகள் தீருவதுடன், நீரிழிவு நோயும் கட்டுக்குள் வரும். நீங்கள் உணவு உண்டப் பின் என்னை சாப்பிட்டால் உள்ளுறுப்புகளாகிய செரிமான உறுப்புகள் அதாவது வயிறு, குடல், இரைப்பை, கல்லீரல், மண்ணீரல் பலப்படும். ஆரம்ப நிலையில் உள்ள மூல நோய்க்கு என் பழம் சிறந்த மருந்து. என் பழம் வயிற்றிலுள்ள கிருமிகளை நீக்கும். என்னுடைய கொழுந்து இலையை மென்று உண்டால் உணவு செரியாமை, வயிறு மந்தம், குடல் வாயு தீரும். இரத்தச் சோகை மற்றும் நோய் எதிர்ப்புச் சக்தி குறைவாக இருப்பவர்கள் 48 நாட்கள் தொடர்ந்து என் பழந்தை உண்டால் அதிலுள்ள இரும்பு சத்து இரத்த சோகையை குணப்படுத்தி மீண்டும் வராமல் தடுப்பதுடன் இரத்தத்தை சுத்திகரித்து உடலில் நோய் எதிர்ப்புச் சக்தியை உருவாக்கும். "என்னை ஏழைகளின் ஆப்பிள்'' என்றும் சொல்வார்கள்.
 வியாதிகள் பல இருந்தாலும் உலகமே நடுங்கும் வியாதியான புற்று நோயை கூட தடுக்கும் சக்தி எனக்கு உண்டு. புற்று நோய் கட்டிகள் வராமல் நான் தடுக்கும் குணம் என் காயில் இருக்கின்றன. புற்று நோய் இருப்பவர்கள் தினம் ஒரு கொய்யாவை சாப்பிட்டு வந்தால் நோயின் தன்மை படிபடியாகக் குறையும்.
 குழந்தைகளே, என் பழத்தை இரவில் சாப்பிடக் கூடாது என்று சொல்வார்கள். அதே போன்று வாத நோய் மற்றும் ஆஸ்துமான நோயாளிகள் அளவோடு தான் சாப்பிட வேண்டும்.
 மரங்களை மாண்புடன்
 வளர்ப்பது நம் கடமை !
 (வளருவேன்)
 - பா.இராதாகிருஷ்ணன்
 
 

]]>
http://images.dinamani.com/uploads/user/imagelibrary/2018/10/27/w600X390/GUAVA_TREE.JPG http://www.dinamani.com/weekly-supplements/siruvarmani/2018/oct/27/மரங்களின்-வரங்கள்-கொய்யா-மரம்-3028178.html
3028176 வார இதழ்கள் சிறுவர்மணி ஆண் என்ன? பெண் என்ன? DIN DIN Saturday, October 27, 2018 10:10 AM +0530 அரங்கம்
காட்சி -1,
இடம் - வீடு, (காலை 7 மணி), மாந்தர் - ராதா, (ஒன்பதாம் வகுப்பு மாணவி), ராம் (எட்டாம் வகுப்பு மாணவன்), தாய் கமலா,
கமலா - ராதா!,....ராதா!...., எழுந்திரு...., மணி ஏழாகுது....பள்ளிக்கூடம் போக வேண்டாமா?....ராம்!.....உனக்குத் தனியா சொல்லணுமா?....
ராதா - போம்மா!.....எப்பவும் என்னதான் முதல்ல எழுந்துக்க சொல்லுவீங்க,....முதல்ல அவன எழுப்புங்க....
ராம் - (இழுத்து மூடிப் படுத்தபடி...) ......போடீ!...அம்மா உன்னதான் முதல்லே கூப்பிட்டாங்க....முதல்லே நீ எழுந்திரு....
கமலா - காலையிலேயே ஆரம்பிச்சுட்டீங்களா? ரெண்டு பேரும் எழுந்திருங்க......காலையிலே எழுந்திருச்சி ஏதாவது கொஞ்சம் கூடமாட சின்னச்சின்ன வேலை செய்வோம்....அப்படிங்கற எண்ணமே வரமாட்டேங்குதே,.....என்ன பிள்ளைங்க!....
ராதா - ஐயோ!....ஆரம்பிக்காதீங்க.....உங்களுக்கு ஆம்பிளைப் பிள்ளைதான் பெரிசு!.....அவனைச் சொல்லுங்க...., வீட்லே கூடமாட வேலை செய்யின்னு....
ராம் - நான் ஏன் செய்யணும்?....நீதான் பெண்
பிள்ளை!....வீட்டு வேலை செய்யணும்!....
ராதா - நானும் செய்யமாட்டேன்.....அதெல்லாம் அந்தக் காலம்....உனக்கு என்ன கொம்பா முளைச்சிருக்கு?....
கமலா - ரெண்டு பேரும் செய்ய வேண்டாம்!.....
விடுங்க சாமி,....நானே செய்யறேன்....வாய் பேசாம சீக்கிரம் கிளம்புங்க.....உங்களை எப்படி வளர்க்கப் போறேனோ,.....தெரியலே பகவானே!....

காட்சி - 2,
இடம் - வீடு, (மாலை - 5 மணி) ,
மாந்தர் - கமலா, ராதா, ராம், கற்பகம் எதிர் வீட்டு மாமி)
(கமலா காலில் அடிபட்டுப் படுத்திருக்கிறாள்)
கற்பகம் - கமலா!....ரொம்ப வலிக்கிறதா,....இன்னும் நாலைந்து நாள்ல சரியாயிடும்.... கவலைப்படாதே,....இப்ப பிள்ளைங்க ரெண்டு பேரும் வந்துடுவாங்க.....உனக்கும் கொஞ்சம் உதவியா இருப்பாங்க....
கமலா - உதவியா?..... என்ன சொல்றீங்க மாமி, உங்களுக்குத் தெரியாதா.....ரெண்டு பேரும் போட்டி போட்டுக்கிட்டு ஒரு வேலை செய்யமாட்டாங்க....ஏடாகூடமா வாய் வேறே!..... வீட்டு வேலையைச் செய்ய ஆண் என்ன? பெண் என்ன?.... இவங்களுக்கு எப்படிப் புரிய வைக்கறதுன்னே தெரியலே....
(ராதாவும், ராமுவும் பள்ளி வேனிலிருந்து இறங்குகிறார்கள்....)
ராம் - (வாசலிலிருந்தே)....அம்மா!...,அம்மா!...இன்னிக்கு டீச்சர் ஒரு போட்டி சொன்னாங்க...
(அம்மாவைப் பார்த்ததும் அதிர்ந்து போகிறார்கள்...)
ராதா - அம்மா!....இது என்னட கால்ல கட்டு?.... என்னம்மா ஆச்சு?....
கமலா - ஒண்ணுமில்லேம்மா கீழே விழுந்துட்டேன்.... என்னவோ போட்டின்னு சொன்னியே என்ன அது?
ராம் - அதை அப்புறம் சொல்றேம்மா......... எப்படிம்மா எங்க விழுந்தீங்க?.....
கமலா - அந்த பித்தளை அண்டாவ பரண் மேலே தூக்கி வைத்தேன்....அது கை தவறி கால் மேலேயே விழுந்திடுச்சி.....அதுல இந்தக் கால்ல அடிபட்டு ரத்தம் வந்திடுச்சி.... நானும் தடுமாறி கீழே விழுந்திட்டேன்....அதுல இடது கால்ல சுளுக்கு பிடிச்சிடிச்சி...(இரண்டு பெரும் அழுகிறார்கள்).....பயப்
படாதீங்க....டாக்டர் நாலு நாளில் சரியாயிடும்னு சொல்லியிருக்காரு....
ராதா - உங்களுக்கு இப்ப நடக்க முடியாதாம்மா....
ராம் - அப்பாக்கு போன் பண்ணி உடனே வரச் சொல்லிடுவோம்மா....
கமலா - வேண்டாம்ப்பா.....டிரெயினிங்க முடிச்சுட்டு அடுத்த வாரமே வரட்டும்!.....பெரிய காயம்
இல்லேடா....ரொம்ப அவசியம்னா மெதுவா கொஞ்சம் நடக்கலாம். நாம சமாளிப்போம். நீங்க ரெண்டு பேரும் போய் முகம், கை, கால் கழுவிட்டு டிரெஸ் மாத்திட்டு வந்து ஏதாவது ஸ்நாக்ஸ் எடுத்து சாப்
பிடுங்க....நான் பக்கத்து மெஸ்ஸுக்கு போன் செய்து நம்ம கணேசன்கிட்டே குடிக்க சூடா பால் கொண்டு வரச் சொல்றேன்....போங்க...
கற்பகம் - என்ன சொல்றே கமலா?....பால் எதுக்கு மெஸ்ஸிலே வாங்கணும்?....பாக்கெட் பால் வருதே ரெண்டு பேரும் காய்ச்சிக் குடிப்பாங்க....
ராதா - எங்களுக்குப் பால் காய்ச்சத் தெரியாது....நாங்க வாங்கியே குடிக்கிறோம் மாமி!.....
கற்பகம் - பால் காய்ச்சறது பெரிய வேலையா?....வாங்க ரெண்டு பேரும்!....இன்னக்கு நான் சொல்லித் தரேன்....அப்புறம் நீங்களே காய்ச்சிடுவீங்க....
ராம் - மாமி!....அவளுக்கு மட்டும் சொல்லிக் குடுங்க....
ராதா - மாமி!....அவனுக்கே சொல்லிக் குடுங்க....பெண்கள்தான் வீட்டு வேலை செய்யணும்னு சட்டமா?....
ராம் - ஆமாம்!....சட்டம்தான்!.....வேணும்னா மாமியைக் கேளு!.....மாமி!..., அந்தக் காலத்துலே உங்க அப்பா, தாத்தா எல்லாம் பால் காய்ச்சினாங்களா?
கமலா - ஐயோ!...... ஆரம்பிச்சிட்டீங்களா....இது இப்போதைக்கு முடியாது!.....
கற்பகம் - பொறு கமலா, நானே பதில் சொல்றேன்....(பிள்ளைகளைப் பார்த்து)....நீங்க ரெண்டு பேரும் பேசறதும் தப்புதான்!......இப்படிப் புரியாம பேசக்கூடாது....வாங்க....வேலையைப் பார்த்துக்கிட்டே பேசுவோம்.....நான் சொல்றதை முதல்லே நிதானமா கேளுங்க....(சமையலறைக்கு மூன்று பேரும் செல்கிறார்கள்)....ராதா!....நீ அந்தப் பாத்திரத்தை எடு!
ராதா - இந்தாங்க மாமி!.......
கற்பகம் - ராம்!....நீ சர்க்கரை டப்பாவை எடு....பாலைப் பாத்திரத்திலே ஊத்து!
ராம் - ஊத்திட்டேன் மாமி!....
கற்பகம் - ....கொண்டா இப்படி!....அடுப்புலே வைப்போம்!....ஐந்து நிமிஷத்திலே விசில் வந்துடும்!....அதுவரைக்கும் நான் சொல்றதைக் கேளுங்க!.... அந்தக் காலத்துலே ஒரு குடும்பம்னா இந்த மாதிரி ரெண்டு மூணு பேர் இருக்கமாட்டாங்க....ஒரு பெரிய்ய்ய்ய கூட்டுக் குடும்பமா இருப்பாங்க....நிறைய வீடுகள்ல தாத்தா, பாட்டி, அவங்களுக்குப் பிறந்த பையன்கள் நாலைந்து பேர்,.....மருமகள்கள்,....பேரன்கள், பேத்திகள்,....இப்படி கூட்டமா சேர்ந்து வாழுவாங்க.....நான் சின்ன பிள்ளையா இருக்கும்போது என் தாத்தா பாட்டி வீட்டிலேதான் இருந்தேன்....சித்தப்பா, பெரியப்பா, சின்ன அத்தைன்னு ஆறு குடும்பம்....
ராதா - அங்க பெண்கள் நிறைய பேர் இருப்பாங்களா மாமி?
கற்பகம் - பெரிய பெண்களே ஐந்து பேர் இருப்போம்!......அதனாலே வீட்டுக்குள்ளே இருக்கிற சமையல் வேலை, வீட்டை சுத்தப்படுத்தறது,....குழந்தைகளை வளர்க்கிறது,....எல்லாம் சேர்ந்து செய்வாங்க....யாருக்காவது ஒருத்தருக்கு உடம்பு முடியலேன்னாலும் ஒருத்தருக்கு ஒருத்தர் உதவி செய்துக்குவாங்க....ஒத்தாசையா இருப்பாங்க.... வீட்டிலே எந்த வேலையும் தடைபடாது!....பால் காய்ஞ்சிடுச்சி!....தொடாதீங்க சுடப்போகுது!...... (அடுப்பை அணைத்து விட்டு) ஆறட்டும்!..
ராம் - சரி மாமி!..... அக்கா!....நீயும் தொடாதே!....சுட்டுடப் போகுது!.....
ராதா - அப்புறம்?.... சொல்லுங்க மாமி....
கற்பகம் - ஆனா இப்போ அது மாதிரி இல்லே.....பிடித்தாலும், பிடிக்கலேன்னாலும் நீங்க ரெண்டு பேரும் இன்னும் நாலு நாளைக்கு கொஞ்சம் பொறுமையா அம்மாவுக்கு உதவி செய்யுங்க....இப்படி நீயா?....நானான்னு பேசினீங்கன்னா உங்களால வீட்டிலே மட்டுமில்லே....ஹாஸ்டல்ல கூட இருக்க முடியாது....இன்னிக்கு மட்டுமில்லே பிற்காலத்துலேயும் ரொம்பக் கஷ்டம்தான்!.....நான் சொல்றது புரியுதா?........சரி,....பால்லே சர்க்கரை போட்டு ஆற்றித் தரேன்.....அம்மாகிட்டே உட்கார்ந்து குடிங்க....
(முன்னறைக்கு வருகிறார்கள்)
கமலா - மாமி!.....உங்களுக்கு ரொம்ப சிரமம்!.....உட்காருங்க......ஆமா....ஏதோ போட்டின்னு சொன்னீங்களே என்ன போட்டி?
ராம் - ஆமாம்மா!....."தூய்மை இந்தியா' திட்டத்துக்காகத்தான் இந்தப் போட்டி!....நாங்க எங்க பொருட்களையும் வீட்டையும் சுற்றியிருக்கிற இடத்தையும் தூய்மையாகவும், அழகாகவும் வெச்சிருக்கோமான்னு பார்க்கிறத்துக்கு வருவாங்க....
கற்பகம் - நல்ல போட்டிதான்!....யார் வருவாங்க?
ராதா - எங்க பள்ளிக்கூடத்திலேர்ந்து ரெண்டு டீச்சர் எல்லா ஸ்டூடண்ட்ஸ் வீட்டுக்கும் வருவாங்க..... இன்னும் ரெண்டு மூணு நாளைக்குள்ள காலையிலோ, மாலையிலோ வருவாங்க....
ராம் - இப்ப பார்த்து எங்கம்மாவுக்கு முடியலே.....என்ன செய்யறது?....எங்களுக்குப் பரிசு கிடைக்
காது!.... நூறு பேருக்கு பரிசு குடுக்கறதா இருக்காங்க....
கமலா - நல்லதா போச்சு!.....இப்பத்தானே மாமி சொன்னதைக் கேட்டீங்க....நீங்களே உங்களுக்குத் தெரிஞ்சதை முடிஞ்சவரைக்கும் செய்ங்க....
கற்பகம் - உண்மைதான்!....சீக்கிரம் எழுந்து வீட்டுக்கு வெளியே உள்ள எல்லாம் சுத்தப்படுத்துங்க.....தோட்டத்துச் செடிக்கு தண்ணீர் விடுங்க....குளிக்கும்போதே துணி எல்லாம் துவைத்து காயப் போடுங்க....சாப்பிட்ட தட்ட கழுவி வைங்க....அப்புறம் எடுத்த பொருளை எடுத்த இடத்துலே ஒழுங்கா வைங்க....அவ்வளவுதான் முடிந்தது!
கமலா - இப்ப போய் இந்த பால் டம்ளரையும் உங்க டிபன் பாக்ûஸயும் கழுவி வைங்க....புத்தகம், பேனா, பென்சில் எல்லாம் எடுத்து ஒழுங்கா வைங்க....காலையிலே காயப்போட்ட துணியை மடிச்சு வைங்க....இந்த சின்ன சின்ன வேலையை நேரத்துக்கு ஒழுங்கா செய்தாலே வீடு பார்க்க அழகாகவம், சுத்தமாவும் இருக்கும்!.....கண்டிப்பா உங்களுக்குப் பரிசும் கிடைக்கும்!....என்ன பேசாம இருக்கீங்க?.....
ராம் - அம்மா!.....நீங்க சொன்ன மாதிரி செய்தேன்மா!.....இத்தனை நாளும் ஏதோ தெரியாம பேசிட்டேன்!....உங்களுக்கு நான் உதவி செய்யாம இருந்ததுக்கு வருத்தமா இருக்கும்மா!.....மாமி சொன்னது சரிதான்னு இப்பத்தான் புரியுது!.....வெரி ஸôரிம்மா....
ராதா - எத்தனையோ நாள் நீங்க தனியா வேலை செய்யும்போது பார்த்துக்கிட்டு இருந்தேனே தவிர உங்களுக்கு உதவி செய்யவே இல்லை!......உங்களுக்கு ஒரு நாள் கூட ரெஸ்ட் கிடையாது!.....அதைக்கூட நான் யோசிக்கலே....இவன் புரியாம பேசினான்!....நானும் கூட சேர்ந்து பேசியிருக்கேன்!.....இனிமே இந்த மாதிரி பேசமாட்டேன்!.....வெரி சாரிம்மா....
கமலா - பரவாயில்லே.....விடுங்க.....நீங்க ரெண்டு பேரும் புரிந்துகொண்டு மாறினதே போதும்!.....இதுக்கு நாம மாமிக்குதான் நன்றி சொல்லணும்!.....
மூன்று பேரும் - (சேர்ந்து சிரித்துக்கொண்டே)
நன்றி மாமி!....
திரை

• கே.பார்வதி

 

]]>
http://images.dinamani.com/uploads/user/imagelibrary/2018/10/27/w600X390/NADAKAM.JPG http://www.dinamani.com/weekly-supplements/siruvarmani/2018/oct/27/ஆண்-என்ன-பெண்-என்ன-3028176.html
3028175 வார இதழ்கள் சிறுவர்மணி விடுகதைகள் DIN DIN Saturday, October 27, 2018 10:08 AM +0530 1. சின்னப் பெட்டிக்குள் சிறை இருப்பான், வெளியே வந்தால் பளிச்சிடுவான்...
2. ஒரு கரண்டி மாவில் ஊருக்கே தோசை...
3. குண்டுக் குள்ளனுக்குக் குடுமி நிமிர்ந்து நிற்குது...
4. தரையில் இருப்பான், தண்ணீரில் படுப்பான்...
5. வம்புச் சண்டைக்கு இழுத்தாலும் வாசல் தாண்ட மாட்டான்...
6. நீல நிற மேடையிலே கோடி மலர் கிடக்குது. எடுப்பாரும் இல்லை, தொடுப்பாரும் இல்லை...
7. எட்டாத தூரத்திலே எவரும் இல்லாத காட்டிலே எழிலான பெண் ஒருத்தி இரவெல்லாம் சிரிக்கிறாள்...
8. ஊருக்கு அழகு எது என்றேன்... ஒன்றுடன் சேர்ந்து ஐந்து என்றார்...
9. சித்திரையில் சிறு பிள்ளை, வைகாசியில் வளரும் பிள்ளை...
விடைகள்:
1. முத்து, 2. நிலா, 3. தேங்காய், 4. படகு, 
5. நாக்கு, 6. விண்மீன்கள், 7. நிலவு, 
8. ஆறு, 9. பனம்பழம்
-ரொசிட்டா
 

]]>
http://www.dinamani.com/weekly-supplements/siruvarmani/2018/oct/27/விடுகதைகள்-3028175.html
3028174 வார இதழ்கள் சிறுவர்மணி கடி DIN DIN Saturday, October 27, 2018 10:07 AM +0530 • "ரசத்தைக் கடிச்சு சாப்பிட்டேன்!....''
"என்ன உளர்றே?...''
"அதிரசத்தை...கடிச்சு சாப்பிட்டேன்...''
கே.ஆர்.ஜெயக்கண்ணன், 
கன்னியாகுமரி.

• "உங்க ஊர்லே மழையெல்லாம் எப்படிப் பெய்யுது?''
"வழக்கம் போலத்தான்!.... மேலே
யிருந்து கீழே பெய்யுது!...''
டி.மோகன்தாஸ், 
நாகர்கோவில்.

• "வீடு படமும், மனுஷன் படமும் வரைஞ்சிருக்கேன்னு சொல்றியே?....வீடு மட்டும்தானே இருக்கு!....மனுஷன் எங்கே?''
"மனுஷன் வீட்டுக்குள்ளே இருக்கான்!''
ஆ.சுகந்தன், 
கம்பைநல்லூர்.

• "மார்க் ஷீட்டைப் பார்த்தா தலை 
சுத்துதேடா!....''
"எனக்கும் அப்படித்தான்பா!.....
கொஸ்டின் பேப்பரைப் பார்த்ததும் தலை 
ஒரேடியா சுத்திச்சு!....''
பர்வதவர்த்தினி, 
சென்னை.

• "என்னோட செல்ஃபோன் லாக் 
ஆயிடுச்சி!''
"கடையிலே குடுத்து சரி பண்ணிடேன்!...''
"அதில்லே.....படிக்கிற பையனுக்கு எதுக்கு செல்ஃபோன்னு, எங்கப்பா 
பீரோவிலே வெச்சு லாக் பண்ணிட்டார்!''
கே.ஆர்.ஜெயக்கண்ணன், 
2/127, கவர்குளம்தேரிவிளை, 
சந்தையடி அஞ்சல், 
கன்னியாகுமரி - 629703.

• சலவைக்காரர்: மொத்தம் 28 உருப்படி இருக்குங்க..., எண்ணிப்பார்த்துக்கோங்க!...
வீட்டுக்காரர்: அது சரிப்பா!....,உருப்படியா எத்தனை இருக்கு,....அதைச் சொல்லு!...
உ.அலிமா பீவி, 
116/63, கல்வத்து நாயகம் தெரு, 
கடையநல்லூர் - 627751.

வாரம் 2 டி-சர்ட் பரிசு நட்சத்திரக் குறியிட்ட 2 கடிகளும் பட்டுக்கோட்டை ரூபி ரெடிமேட்ஸ் வழங்கும் தலா ஒரு டி-சர்ட்டைப் பெறுகின்றன. பரிசு பெற்றவர்களுக்கு வாழ்த்துகள்.


 

]]>
http://images.dinamani.com/uploads/user/imagelibrary/2018/10/27/w600X390/JOKE.JPG http://www.dinamani.com/weekly-supplements/siruvarmani/2018/oct/27/கடி-3028174.html
3028173 வார இதழ்கள் சிறுவர்மணி பனித்துளியில் பாடம்! DIN DIN Saturday, October 27, 2018 10:04 AM +0530 செல்வராஜ் ஒல்லியாக சுறுசுறுப்பாக இருப்பவன். அவனுக்கு திடீரென்று பெரும் செல்வம் சேர்ந்தது!
 ஆடம்பரமாக வாழத் தொடங்கினான். எப்பொழுதும் படுக்கையில் படுத்தபடி இருந்தான். வயிறு முட்ட சுவையான் உணவுகளைச் சாப்பிட்டான். உடற்பயிற்சியோ, உடலுழைப்போ இன்றி வாழ்ந்தான். நாளாக, ஆக செல்வராஜின் உடல்நிலை கெடத் தொடங்கியது. அவனால் படுக்கையை விட்டு எழுந்திருக்க முடியவில்லை. சாப்பிடவும் பிடிக்கவில்லை....உயிர் வாழ்வதே சுமையாகத் தோன்றியது.
 திறமையான ஒரு மருத்துவரிடம் சென்ற செல்வராஜ், " ஐயா, நீங்கள்தான் என்னைப் பழைய நிலைக்குக் கொண்டுவர வேண்டும்....எந்த மருந்து கொடுத்தாலும் சாப்பிடுகிறேன்!...'' என்றான்.
 செல்வராஜின் நிலையை உணர்ந்த மருத்துவர், "நான் சொல்கிறபடி செய்யுங்கள்!... ஒரே வாரத்தில் உங்கள் உடல் நிலையில் முன்னேற்றம் தெரியும்'' என்றார்.
 "என்ன செய்ய வேண்டும்?''
 "ஒரு குவளைப் பாலில் அதிகாலையில் ஆற்றோரம் இருக்கும் செடிகளின் இலைகளில் படிந்திருக்கும் பனித்துளிகளில் பத்து சொட்டு விட்டுக் குடிக்க வேண்டும்!... பிறகு ஒரு ரொட்டித் துண்டு சாப்பிட வேண்டும்!....''
 மருத்தவரிடமிருந்து விடை பெற்ற செல்வராஜ், ஒரு வாரம் கழித்து மீண்டு மருத்தவரைச் சந்தித்து, "ஐயா, நீங்கள் சொன்னபடியே செய்தேன்.....என் உடல் எவ்விதத்திலும் சரியாகவில்லை....மோசமாகத்தான் இருக்கிறது!...'' என்றான்.
 வியப்படைந்த மருத்துவர், "'பத்து சொட்டுப் பனித்துளி நாள்தோறும் எப்படிக் கிடைத்தது??'' என்று கேட்டார்.
 "என் வேலைக்காரர்கள் கொண்டு வந்து தந்தார்கள்!...''
 "ம்....சரியாப் போச்சு!....வேலைக்காரர்களை எதிர்பார்க்காமல் நீரே அதிகாலையில் எழுந்து பனித்துளிகளைத் திரட்ட வேண்டும்!....ஒரு வாரம் சென்று என்னை வந்து பார்...''
 ஒரு வாரம் சென்றது. மருத்தவரைச் சந்தித்த செல்வராஜ், "ஐயா, நீங்கள் சொன்னபடியே செய்தேன்.....உடல்நிலை நன்றாக உள்ளது. என்னால் இப்போது ஓடக்கூட முடியும்!....வெறும் பாலுக்கும் பனித்துளிக்கும் இவ்வளவு ஆற்றலா?.....என்னால் நம்ப முடியவில்லை!...'' என்றான்.
 "உன் உடல் நிலை தேறியது பாலினாலும், பனித்துளியாலும் இல்லை....நீ அதிகாலையில் எழுந்திருந்து ஆற்றோரம் வரை நடந்து சென்றதாலும், பனித்துளியைத் தேடி அதை திரட்டக் குனிந்து, நிமிர்ந்து சிரமப்பட்டதாலும்தான்!.....'' என்று சிரித்துக்கொண்டே அவனைத் தட்டிக்கொடுத்தார் மருத்துவர்!
 - ஆர்.அஜிதா.
 
 

]]>
http://images.dinamani.com/uploads/user/imagelibrary/2018/10/27/w600X390/sm8.JPG http://www.dinamani.com/weekly-supplements/siruvarmani/2018/oct/27/பனித்துளியில்-பாடம்-3028173.html
3028172 வார இதழ்கள் சிறுவர்மணி கதைப் பாடல்! அழகு. இராமானுஜன் Saturday, October 27, 2018 10:01 AM +0530 நல்ல நண்பர்!
 'அப்பன்' என்னும் ஆட்டுக்குட்டி
 அறிவும் பொலிவும் உடையது!
 "சுப்பன்' என்னும் மான் குட்டியைத்
 தோழனாக்கித் தொடர்வது!
 அன்னை மானும் ஆடும் கூடி
 அவற்றின் நட்பை வளர்த்திடும்
 உன்ன தத்தை கடப்பங் காட்டின்
 விலங்கனைத்தும் புகழ்ந்தன!
 ஆடும், மானும் உறங்கும் தருணம்
 பார்த்து ஏய்த்துக் குட்டிகள்
 காடு சுற்றிப் பார்க்கக் கருதி
 மனம் போல் நடக்கலாயின!
 இடையில் பார்த்த நரியின் குட்டி
 வெறித்துத் துரத்த முனைந்தது!
 தொடை நடுங்கி மானின் குட்டி
 துயரம் கொண்டு துவண்டது!
 "அலறல் கேட்டால் இறைவன் வருவான்
 அபயம் தருவான்'' என்றெண்ணி
 பலமாய் "அப்பன்' சத்தம்போட்டு
 பதற்றம் தவிர்க்கலானது!
 அலறல் கேட்டு குட்டியானை
 குப்பன் ஓடி வந்தது!
 மலங்க மலங்க விழித்து நரியின்
 குட்டி ஓட்டம் பிடித்தது!
 தங்கள் உயிரைக் காப்பதற்கு
 இறைவன் தூதர் போலவே
 அங்கு வந்த குப்ப னுக்கு
 இரண்டும் நன்றி கூறின!
 "தமக்கு இறைவன் தந்த வலிமை
 பிறர்க்கு உதவத்தான் எனும்
 அமுத மொழியை தினமும் எனது
 அம்மா சொல்லித் தருகிறாள்!...
 ...அதனை மதித்தே உமக்கு உதவ
 அடியேன் இன்று செயல்பட்டேன்!''
 பதமாய் சொன்ன குப்பன் தானோர்
 வேண்டு கோளை வைத்தது!......
 ..."நல்ல நண்பர் தேடு கின்றேன்
 கிடைக்க வில்லை இது வரை!...
 சொல்லற்கினிய உமது நட்பில்
 என்னை இணைத்துக் கொள்ளுங்கள்!"
 தேடிவந்த ஆடும் மானும்
 நடந்த கதையை அறிந்தன!
 ""கோடி பொன்னை விடவும் மேலாம்
 குப்பன் உதவி'' என்றன!
 "உயிரைக் காத்த குப்பன் ஆசை
 உயர்ந்த ஆசை !....ஆதலால்....
 உயிர் இருக்கும் வரையில் நட்பைத்
 தொடர்க '' என்று கூறின!
 அம்மா, அப்பா தம்மை ஏய்க்கும்
 அனைத்துச் செயலும் அவரவர்
 தம்மைத் தாமே ஏய்த்துக் கொள்ளும்
 தவறாய்ப் போகும் சிறுவர்காள்!

]]>
http://images.dinamani.com/uploads/user/imagelibrary/2018/10/27/w600X390/sm7.jpg http://www.dinamani.com/weekly-supplements/siruvarmani/2018/oct/27/கதைப்-பாடல்-3028172.html
3028171 வார இதழ்கள் சிறுவர்மணி நானும் வரட்டுமா? Saturday, October 27, 2018 09:59 AM +0530 சிறுவர் பாடல்!
 குண்டுப் பையன் நண்டைப் பார்த்து கேள்வி கேட்கிறான்
 நண்டாரே, நண்டாரே எங்கே போறீங்க?
 குண்டு பையா, குண்டு பையா, நல்லாக் கேட்டுக்கோ!
 மண்ணைத் தோண்டி நானும் வீடு கட்டப்போகிறேன்!
 வண்டைப் பார்த்து குண்டுப்பையன் வணங்கிக் கேட்கிறான்
 வண்டாரே, வண்டாரே எங்கே போறீங்க?
 குண்டு பையா, குண்டு பையா சொல்வேன் கேட்டுக்கோ!
 வண்ண மலரில் வாசத்தேனை எடுக்கப் போகிறேன்!
 நத்தையிடம் குண்டுப் பையன் நயமாயக் கேட்கிறான்
 நத்தையாரே, நத்தையாரே எங்கே போறீங்க?
 மெத்தப் படித்த குண்டுப் பையா மெதுவா கேட்டுக்கோ!
 சுத்தமான நீரை முதுகில் சுமக்கப் போகிறேன்!
 சித்தெறும்பைப் பார்த்துக் குண்டுப் பையன் கேட்கிறான்
 சித்தெறும்பே, சித்தெறும்பே எங்கே போறீங்க?
 சத்தமின்றிக் காதில் சொல்வேன் நீயும் கேட்டுக்கோ!
 பத்திரமா புற்றில் உணவை வைக்கப் போகிறேன்!
 குருவிதனைப் பார்த்து குண்டுப் பையன் கேட்கிறான்
 குருவியாரே, குருவியாரே, எங்கே போறீங்க?
 துருவித் துருவிக் கேட்பதனால் நானும் சொல்கிறேன்!
 இரையைத் தேடிக் குஞ்சுக்கு நான் ஊட்டப் போகிறேன்!
 குண்டுப் பையன் நானும் உங்கள் கூட வரட்டுமா?
 உண்பதற்கும், உழைப்பதற்கும் உதவி செய்யவே!
 குண்டுப் பையா நீயும் எங்கள் கூட வந்திடு!
 சண்டையின்றி ஒன்று கூடி உழைக்க வந்திடு!
 - கடலூர் நா.இராதாகிருட்டிணன்
 
 
 
 

]]>
http://images.dinamani.com/uploads/user/imagelibrary/2018/10/27/w600X390/sm6.jpg http://www.dinamani.com/weekly-supplements/siruvarmani/2018/oct/27/நானும்-வரட்டுமா-3028171.html
3028169 வார இதழ்கள் சிறுவர்மணி அமுதசுரபி அர்ச்சனா! DIN DIN Saturday, October 27, 2018 09:48 AM +0530 பாராட்டுப் பாமாலை! 19
 உண்மைச் சம்பவத்தை
 அடிப்படையாகக் கொண்டது

 சென்னை வில்லிவாக்கத்தில்
 சீர்மிக அன்பு உளங்கொண்ட
 நன்மகள் அர்ச்சனா என்பவரும்
 நலமாய் வாழ்ந்து வருகின்றார்
 இளமையில் தந்தையை இழந்த அவர்
 எதிர்த்து நின்று வறுமை வென்று
 வளமிகு வாழ்வைச் செய்தொழிலால்
 வளர்த்துக் கொண்ட திறனாளர்
 வறுமையின் கொடுமை உணர்ந்ததனால்
 வாழ்வில் துயரில் வாழ்வோரின்
 வெறுமை வாழ்வில் ஓரளவு
 வெளிச்சம் கொடுக்க உறுதி கொண்டார்!
 அரிசி, பருப்பு காய்கறிகள்
 அனைத்தும் தனது கைப்பணத்தில்
 சரியாய் வாங்கி தன் வீட்டில்
 சமைத்துப் பொட்டல மாய்க்கட்டி
 எடுத்துக்கொண்டு இரவலர்கள்
 இருக்கும் இடத்துக்கே சென்று
 கொடுத்து அவர்கள் பசி போக்கி
 கொள்ளை மகிழ்ச்சி கொள்கின்றார்!
 அறச் செயல் செய்யும் அன்புடைய
 அர்ச்சனாவை நாம் வாழ்த்திடுவோம்!
 திறமை வளர்த்து அவர் போல் நாம்
 செய்வோம் தொண்டு முடிந்தவரை!
 மணிமேகலை ஆ புத்திரன் போல்
 மற்றவர் பசிப்பிணி தீர்த்து வைக்கும்
 பணி செய்கின்ற அர்ச்சனாவைப்
 பைந்தமிழால் நாம் வாழ்த்திடுவோம்!
 - புலவர் முத்து முருகன்
 நற்செயல் புரிந்த
 நல்லோரைப் பாராட்டி
 இப்பகுதிக்குக்
 கவிதைகள் எழுதலாம்
 
 
 

]]>
http://images.dinamani.com/uploads/user/imagelibrary/2018/10/27/w600X390/sm5.jpg http://www.dinamani.com/weekly-supplements/siruvarmani/2018/oct/27/அமுதசுரபி-அர்ச்சனா-3028169.html
3028168 வார இதழ்கள் சிறுவர்மணி கருவூலம்: பிங்க் சிட்டி - ஜெய்பூர் DIN DIN Saturday, October 27, 2018 09:46 AM +0530 இராஜஸ்தான் மாநிலத்தின் தலைநகரான ஜெய்பூர் நகரம் இந்தியாவின் முதல் திட்டமிடப்பட்ட நகரமாகும். ஜெய்ப்பூர் நகரம் 1727 இல் ஆமர் பகுதியை ஆண்ட "இரண்டாம் ஜெய் சிங்' என்பவரால் திட்டமிடப்பட்டு உருவாக்கப்பட்டது. இந்திய வாஸ்து சாஸ்திரம் மற்றும் சிற்ப சாஸ்திரப்படி ஜெய்பூர் நகரம் வித்யாதர் பட்டாச்சார்யா என்பவர் நிர்மாணித்தார். 
இளஞ்சிவப்பு வண்ணம் விருந்தோம்பலைக் குறிக்கும். வேல்ஸ் இளவரசர் மற்றும் ராணி விக்டோரியா ஆகியோர் 1876 ல் ஜெய்பூருக்கு வருகை தந்த போது அவர்களை வரவேற்கும் விதமாக மகாராஜா சவாய் ராம் சிங் ஜெய்பூர் நகர கட்டடங்களுக்கு இளஞ்சிவப்பு வர்ணம் தீட்டி வரவேற்க முடிவு செய்து அதற்கான உத்தரவினை பிறப்பித்தார். இளவரசர் ஜெய்பூரை "இளஞ்சிவப்பு நகரம்' என்று வர்ணித்தார். 
மகாராஜா சவாய் ராம் சிங் பெரும் பணக்காரராகவும் அதிகாரம் மிக்க ஆட்சியாளராகவும் திகழ்ந்தார். அவர் ஜெய்பூரின் ஒரு குறிப்பிட்ட பகுதி முழுவதும் இளஞ்சிவப்பு வண்ணத்தை மட்டுமே பயன்படுத்தப்பட வேண்டும் என்று 1877 ஆம் ஆண்டில் ஒரு சட்டத்தை நிறைவேற்றினார். அந்த சட்டம் இன்றளவும் பின்பற்றப்பட்டு வருவது குறிப்பிடத்தக்கது.
பிங்க் சிட்டி சோராவார் சிங்க தர்வாஸô, சூரஜ் போல், சந்த்போல், கிஷன் போல், நயா போல், ஷிவ் போல், ராம் போல் என்று ஏழு நுழைவாயில்களைக் கொண்டது. 
ஆமர் கோட்டை (Amer Fort)
ஆமர் கோட்டை ஆம்பர் கோட்டை என்றும் அழைக்கப்படுகிறது. இது 4 சதுர கிலோமீட்டர் பரப்பளவில் ஆமர் நகரத்தின் மலை உச்சியில் அமைந்துள்ளது. ராஜா மான் சிங் அவர்களால் இக்கோட்டை 1592 ல் கட்டப்பட்டது. பின் வந்த அரசர்களின் வழித்தோன்றல்களால் மேம்படுத்தப்பட்டது. இக்கோட்டை நான்கு பகுதிகளைக் கொண்டது. நான்கு முக்கிய வாசல்களையும் கொண்டது. ஜெய்பூர் பகுதியில் சுற்றுலா செல்பவர்கள் இக்கோட்டையினை விரும்பிக் கண்டு களிக்கிறார்கள்.
ஜெய்கர் கோட்டை (Jaigarh Fort)
ஜெய்கர் கோட்டை ஆமர் பகுதியில் ஆரவல்லி மலைத்தொடரில் அமைந்துள்ளது. தனது போர் வெற்றியைக் கொண்டாடும் விதத்தில் மன்னர் இரண்டாம் சவாய் ஜெய்சிங் இக்கோட்டையினை 1726ல் கட்டினார். ஆம்பர் கோட்டையின் வடிவத்தில் அமைக்கப்பட்ட ஜெய்கர் கோட்டை வடக்கு தெற்காக மூன்று கிலோ மீட்டர் நீளமும் கிழக்கு மேற்காக ஒரு கிலோ மீட்டர் நீளமும் கொண்டது. 
இக்கோட்டை வளாகத்தில் ஆயுத சாலை, அருங்காட்சியகம் போன்றவை அமைந்துள்ளன. ஜெய்கர் கோட்டையை ஒரு சுரங்கப்பாதை ஆம்பர் கோட்டையுடன் இணைக்கிறது. ஜெய்பூர் நகரத்திலிருந்து பத்து கிலோ மீட்டர் தொலைவில் ஜெய்கர் கோட்டை அமைந்துள்ளது. 
நகார்கர் கோட்டை (Nahargarh Fort)
ஆராவல்லி மலையில் அமைந்துள்ள மற்றொரு கோட்டை நகார்கர் கோட்டையாகும். இக்கோட்டை முதலில் சுதர்ஷன்கார்க் என்று அழைக்கப்பட்டது. பின்னர் நகார்கர் கோட்டை என்று அழைக்கப்பட்டது. நகார்கர் என்றால் புலி என்று பொருள். இக்கோட்டை டைகர் கோட்டை என்றும் அழைக்கப்படுகிறது. இக்கோட்டை 1734 ஆம் ஆண்டில் மகாராஜா சவாய் ஜெய்சிங் ஆல் கட்டப்பட்டது. சவாய் ராம்சிங் 1868 ல் இக்கோட்டையினைப் புதுப்பித்தார். ஜெய்பூரின் பாதுகாப்பு அரணாகத் திகழ்கிறது. 
நகர அரண்மனை (City Palace)
ஜெய்பூர் மன்னர் இரண்டாம் ஜெய்சிங் இந்த அரண்மனையை 1729 முதல் 1732 காலங்களில் கட்டி முடித்தார். இதனை வடிவமைத்துக் கட்டியவர் வித்யாதர் பட்டாச்சாரியா. சிவப்பு மற்றும் இளஞ்சிவப்பு மணல் கற்களைக் கொண்ட இந்த அரண்மனை உருவாக்கப்பட்டுள்ளது.
ஜெய்பூர் மன்னரின் இருப்பிடம் இந்த நகர அரண்மனையாகும். இந்த அரண்மனை பதாமி சாளுக்கியர் மற்றும் முகலாயக் கட்டிடக் கலைகளின் கலவையாகத் திகழ்கிறது. இந்த அரண்மனையில் முபாரக் மஹால் மற்றும் சந்திர மஹால் என்ற இரண்டு கட்டிடங்கள் அமைந்துள்ளன. 
முபாரக் மஹால் எனும் வரவேற்பு மண்டபம் நகர அரண்மனையின் முகப்பில் அமைந்துள்ளது. இந்த மஹால் 19ம் நூற்றாண்டில் மஹாராஜா சவாய் மதோ சிங் எனும் மன்னரால் கட்டப்பட்டது. முபாரக் மஹால் இஸ்லாமிய ஐரோப்பிய கட்டட அமைப்பில் கட்டப்பட்டது.
ஜெய்பூர் மன்னரின் குடும்பத்தினர் தங்கும் இடமாகத் திகழ்ந்தது சந்திரமஹால் ஆகும். ஏழு தளங்களைக் கொண்டது. இந்த அரண்மனை கலை நயம் மிக்கதாகத் திகழ்கிறது. தற்போது இந்த அரண்மனையில் ஜெய்பூர் மன்னர் பரம்பரையினர் வசிக்கின்றனர்.
சந்திர மஹால் தற்போது அருங்காட்சியமாக அமைக்கப்பட்டுள்ளது. பொதுமக்கள் காலை ஒன்பது மணிமுதல் மாலை ஐந்து மணிவரை பார்வையிட அனுமதிக்கிறார்கள். ஒருவருக்கு கட்டணமாக நூற்றி முப்பது ரூபாய் வசூலிக்கப்படுகிறது.
ஹவா மஹால் (Hawa Mahal)
ஹவா மஹால் என்றால் "காற்று அரண்மனை" என்று பொருள். 1799ஆம் ஆண்டில் ஹவா மஹாலை இரண்டாம் ஜெய்சிங்கின் பேரனும் மஹாராஜா ஸவாய் மாதோஸிங்கின் மகனுமான சவாய் ப்ரதாப் ஸிங் என்பவர் உருவாக்கினார். இந்த அரண்மனை உஸ்தா லால் சந்த் என்பவரால் வடிவமைக்கப்பட்டது. சவாய் ப்ரதாப் ஸிங் கிருஷ்ண பக்தி உடையவர். இதன் காரணமாக இந்த மஹால் கிருஷ்ணரின் கிரீட வடிவில் அமைக்கப்பட்டது. இந்த அரண்மனையில் சிறிய ஜன்னல்கள் 953 உள்ளன. ஜரோக்கள் என்று அழைக்கப்படும் இந்த ஜன்னல்கள் சிக்கலான பின்னல் வேலைப்பாடுகளால் அமைந்தவை. இந்த அரண்மனையின் ஐந்தடுக்குக் கட்டடம் தேன்கூட்டைப் போன்று அறுகோண வடிவத்தில் அமைக்கப்பட்டுள்ளது. இராஜவம்சத்தைச் சேர்ந்த பெண்கள் இந்த அரண்மனைக்குள் நின்று அவர்கள் நிற்பது வெளியே இருப்பவர்களுக்குத் தெரியாத வண்ணம் வெளியில் நடைபெறும் அன்றாட நிகழ்வுகளை அவர்கள் கவனிக்கும் விதத்தில் இந்த அரண்மனை ஜன்னல்கள் அமைக்கப்பட்டுள்ளன. சிவப்பு மற்றும் இளஞ்சிவப்பு வண்ண மணல்கற்களால் கட்டப்பட்டுள்ள இந்த அரண்மணை ஜெய்ப்பூர் நகரத்தின் முக்கிய வணிகப் பகுதியில் அமைந்துள்ளது. அதிகாலை வேளையில் இந்த அரண்மனை சூரியனின் பொன்னிற ஒளியுடன் மின்னும். ஹவா மஹாலின் கட்டட அமைப்பு ஹிந்து இராஜபுத்திர கட்டடக்கலையும் இஸ்லாமிக் முகலாயக் கட்டடக்
கலையும் கலந்த ஒரு கலவையாகும். ஹவா மஹால் இராஜஸ்தான் அரசு தொல்பொருள் துறையால் பராமரிக்கப்படுகிறது.
ஹவா மஹால் ஜெய்ப்பூர் நகரத்தின் வடக்கில் பிரதான சாலை கூடும் பதி செüபத் என்ற இடத்தில் (பெரிய நான்கு சதுரம்) அமைந்துள்ளது.
ஜல் மகால் (Jal Mahal)
ஜல் மஹால் என்றால் நீர் அரண்மனை என்று பொருள். இது ஜெய்பூர் நகரத்தில் மான் சாகர் ஏரியின் நடுவில் அமைந்த அழகிய அரண்மனை ஆகும். 
இதனை மன்னர் சவாய் பிரதாப் சிங் 1799 ல் கட்டினார். முகலாயக் கட்டிடக் கலையின் அடிப்படையில் கட்டப்பட்டது.
ஐந்து அடுக்குகள் கொண்ட ஜல் அரண்மனை சிவப்புக் கற்களால் கட்டப்பட்டது. ஏரியில் நீர் முமுமையாக நிரம்பும் போது ஜல் மகாலின் முதல் நான்கு அடுக்குகள் நீரில் மூழ்கிவிடும். ஐந்தாம் அடுக்கு மட்டும் வெளியே காட்சியளிக்கும்.
இந்த அரண்மனையின் மேற்கூரையின் நான்கு முனைகளில் உள்ள விதானங்கள் நேர்த்தியாகவும் அழகாகவும் வடிவமைக்கப்பட்டுள்ளன. 
கனக் விருந்தாவன்
கனக் விருந்தாவன் என்பது ஜெய்பூர் நகரத்தில் அமைக்கப்பட்டுள்ள ஒரு அழகிய தோட்டம். 
ஆராவல்லி மலைத்தொடர்களுக்கு இடையில் அமைந்த ஒரு சிறிய பள்ளத்தாக்கில் இந்த தோட்டம் அமைக்கப்பட்டுள்ளது. 
ஆமர் கோட்டைக்குச் செல்லும் வழியிலும் நகார்கர் கோட்டையின் கீழ்ப்பகுதியிலும் இந்த தோட்டம் அமைக்கப்பட்டுள்ளது. 
ஜெய்பூரின் வடக்கு திசையில் எட்டு கிலோமீட்டர் தொலைவில் இந்த கனக் விருந்தாவன் அமைந்துள்ளது. 
ஜெய்பூர் நகரின் முக்கிய சுற்றுலாத்தலங்களின் ஒன்றாக இது திகழ்கிறது.
தொடரும்... 
தொகுப்பு: ஆர்.வி.பதி
 

]]>
http://images.dinamani.com/uploads/user/imagelibrary/2018/10/27/w600X390/JAIGARH-FORT.JPG http://www.dinamani.com/weekly-supplements/siruvarmani/2018/oct/27/கருவூலம்-பிங்க்-சிட்டி---ஜெய்பூர்-3028168.html
3028167 வார இதழ்கள் சிறுவர்மணி விலைக்கு அடங்காதவை! DIN DIN Saturday, October 27, 2018 09:41 AM +0530 முத்துக் கதை
 அரசர் ஜனேந்திரர் திடீரென்று ஒரு அறிவிப்பு செய்தார்!....."செல்வத்தால் வாங்க முடியாத நான்கு பொருட்களைச் சொல்பவர்க்கு ஆயிரம் பொற்காசுகள் பரிசாகத் தரப்படும்! ....என்பதே அது!
 பலரும் அறிவிப்பைக் கேட்டனர். ஆனால் யாரும் பதில் கூற முன்வரவில்லை! பல நாட்கள் சென்றன.
 ஒரு நாள் சித்தேஸ்வர் என்ற இளைஞன் அரண்மனைக்கு வந்தான். அரசர் கேட்ட கேள்விக்குத் தன்னிடம் பதில் இருப்பதாகச் சொல்லி அனுப்பினான்.
 செய்தி அறிந்த அரசர், உடனே இளைஞனை வரச்சொன்னார்.
 இளைஞனைச் சந்தித்த அரசர், ""செல்வத்தால் வாங்க முடியாத நான்கு பொருட்கள் என்னென்ன?,... என்ற கேள்விக்கு உன்னிடம் பதிலிருக்கிறதா? ....சரி!....சொல்!....''
 சித்தேஸ்வரன் அரசரை நோக்கி, "....அரசே!....செல்வத்தால் அடைய முடியாத பொருட்கள் நான்கு அல்ல.... ஏராளமாக இருக்கின்றன....பச்சைக்குழந்தையின் முகத்தில் செல்வத்தால் சிரிப்பு வரவழைக்க முடியாது!.....முதுமை அடைந்தோருக்கு மீண்டும் இளமை தருவது!,..... செல்வத்தால் கனவுகளை மறுக்கவோ, பெறவோ முடியாது...... நிம்மதியாகப் படுத்தவுடன் தூக்கத்தை செல்வத்தால் அடைய முடியாது.... புரிந்து கொள்ளும் புத்திசாலித்தனம் செல்வத்தால் வராது....முகத்தின் இயற்கை அழகை செல்வம் வாங்க முடியாது.... கருணையும், தயையும், கொண்ட நல்ல மனிதர்களின் அன்பு செல்வத்தால் கிடைக்காது....காலத்தின் ஓட்டத்தை நிறுத்தி வேண்டுமளவு காலத்தை ஒருவன் செல்வத்தால் மிச்சப்படுத்திக்கொள்ள முடியாது....பகலையோ, இரவையோ செல்வம் நிர்ணயிக்க முடியாது!... தாய், தந்தை, குரு இவர்களை செல்வம் தீர்மானிப்பதில்லை....நல்ல ரசனை, உள்ளத்தில் பரவசம் என்பவை செல்வத்தால் பெறப்படுபவை அல்ல....இன்னின்ன சப்தம், காட்சிகள், உணர்வுகள்தான் வேண்டும் என்பதை செல்வம் நிர்ணயிக்க முடியாது!....கிடைக்கும் காட்சிகளும், கிடைக்கும் சப்தங்களுமே நமது கொடுப்பினை.... இறைவனிடம் பக்தியுடன் கூடிய ஈடுபாடு செல்வத்தால் வருவல்ல....இதுபோல் ஏராளமான செல்வத்தின் கட்டுக்கடங்காத விஷயங்கள் உள்ளன...நீங்கள் நான்கு விஷயங்களை மட்டுமே கேட்டுள்ளீர்கள்....போதுமா? ....''
 சித்தேஸ்வரனின் சொற்களில் வியந்து, மயங்கிப் போனார் அரசர்! கண்களில் நீர் பெருக்கெடுத்தது! பரவச உணர்வில் திக்குமுக்காடினார் ஜனேந்திரர்!
 சாஷ்டாங்கமாக சித்தேஸ்வரனின் கால்களில் விழுந்தார் அவர்.
 ஆயிரம் பொற்காசுகள் அடங்கிய பொன்முடிப்பை சித்தேஸ்வரனிடம் நீட்டினார் அரசர்!
 அதை வாங்கிக்கொள்ள மறுத்த சித்தேஸ்வர் மறைந்துவிட்டான்!.....
 ஒரு குரல் மட்டும் கேட்டது!
 "மன்னா! நல்ல பதில்கள்கூட விலைக்கு அடங்காதவைதான்!.... நீ நல்ல மனது உடையவன்! உனக்கு இந்த பதில் இறைவனால் கிடைத்தது!.... நலங்களைப் பெறுவாய்!....''
 சபையே அந்தக் குரலுக்கு வணக்கம் செலுத்தியது!
 - மாலோலன்
 
 
 

]]>
http://images.dinamani.com/uploads/user/imagelibrary/2018/10/27/w600X390/sm4.jpg http://www.dinamani.com/weekly-supplements/siruvarmani/2018/oct/27/விலைக்கு-அடங்காதவை-3028167.html
3028166 வார இதழ்கள் சிறுவர்மணி பொன்மொழிகள்! DIN DIN Saturday, October 27, 2018 09:39 AM +0530 • நீ ஒரு நல்ல நண்பனாக இருக்கிறாயா?.....அப்படியானால் உனக்கு நிச்சயம் நல்ல நண்பர்கள் இருப்பார்கள்! 
- எமர்சன்
• உள்ளத்தின் அன்பின் ஒளி வீசினால் அதில் நல்லோர்களே தென்படுவர்! 
- இங்கர்சால்
• தெரிந்து கொள்ள வேண்டாதவற்றைக் கற்பிக்கவோ, கற்கவோ கூடாது! 
- ஹெலன் கெல்லர்
• நன்றாகத் தெரிந்த விஷயமா?....அதைப் பற்றிக் குறைவாகப் பேசு!.....சற்றும் உனக்குத் தெரியாத விஷயமா? அதைப் பற்றிப் பேசவே பேசாதே! 
- கார்னோட்
• கவலை என்பது ஒருவித அச்சம்! 
- பெர்ட்ரண்டு ரஸ்ஸல்
• கர்வம் தேவர்களைக்கூட அசுரராக்கும்!.....
அடக்கம் மனிதர்களை தேவராக்குகிறது! 
- ஆஸ்டின்
• அனுபவம் ஒரு நம்பகமான விளக்கு. அதைத் துணாயாகக் கொண்டு வழி நடக்கலாம்! 
-பிலிப்ஸ்
* அமைதியான மொழியில் கோபம் கரைந்து விடுகிறது! 
- சிங்சென்
* நிதானமே செயல்களை வடிவமைக்கிறது...! 
நிதானமின்மை செயல்களில் படபடப்பை 
எற்படுத்துகிறது! 
-யாரோ
* ஆவலுடன் உண்பதற்கு பசி முக்கியம்!.....பசி, உணவின் சுவையை இரட்டிப்பாக்குகிறது!
- யாரோ
 

]]>
http://images.dinamani.com/uploads/user/imagelibrary/2018/10/27/w600X390/sm3.jpg http://www.dinamani.com/weekly-supplements/siruvarmani/2018/oct/27/பொன்மொழிகள்-3028166.html
3028165 வார இதழ்கள் சிறுவர்மணி குறள் பாட்டு: மக்கட் பேறு DIN DIN Saturday, October 27, 2018 09:37 AM +0530 (அறத்துப்பால் - அதிகாரம் 7 - பாடல் 6)
 குழல் இனிது யாழ் இனிது என்பதம் மக்கள்
 மழலைச்சொல் கேளாதவர்.
                                                           - திருக்குறள்
 புல்லாங்குழல் இசையினை
 இனிமையென்று சொல்லுவார்
 யாழ் மீட்டும் இசையினை
 இனிமையென்று சொல்லுவார்
 
 பிள்ளைகளின் பேச்சைவிட
 இனிமையான இசையில்லை
 மழலை மொழி கேளாதவர்
 இசையைப் புகழ்ந்து பேசுவார்
 -ஆசி.கண்ணம்பிரத்தினம்

]]>
http://images.dinamani.com/uploads/user/imagelibrary/2018/10/27/w600X390/sm2.jpg http://www.dinamani.com/weekly-supplements/siruvarmani/2018/oct/27/குறள்-பாட்டு-மக்கட்-பேறு-3028165.html
3028163 வார இதழ்கள் சிறுவர்மணி நினைவுச் சுடர் ! தோட்டக்காரரின் அறிவுரை! Saturday, October 27, 2018 09:36 AM +0530 அந்த மாந்தோப்பின் மரங்களில் மாங்கனிகள் நிறையக் காய்த்துத் தொங்கிக்கொண்டிந்தன. தோப்பு ஒரு பள்ளிக்கு அருகில் இருந்தது. அந்த வழியே சென்ற சில பள்ளிச் சிறுவர்களுக்கு நாக்கில் நீர் ஊறியது!....சிறுவர்கள் தோப்பினுள் நுழைந்தனர். மரத்தில் ஏறினர். பழங்களைப் பறித்தனர். ஆசை தீர உண்டனர்.
 தோப்பின் தோட்டக்காரர் இதைப் பார்த்து விட்டார்! அவர்களை நோக்கி சத்தமிட்டார். பயந்து போன சிறுவர்கள் ஓட்டம் பிடித்தனர். ஒரே ஒரு குள்ளமான சிறவன் மட்டும் மாட்டிக்கொண்டான்!.... அவன் கையில் ஒரு மாங்கனியும் இருந்தது!....தோட்டக்காரர் அவன் கையைக் கெட்டியாகப் பிடித்துக் கொண்டார்.
 மிகவும் பயந்து போன அந்தக் குள்ளச் சிறுவனின் கண்களில் நீர்!....
 சிறுவன் தோட்டக்காரரிடம், "ஐயா!....எனக்கு அப்பா இல்லை!....நாங்கள் மிகவும் ஏழை....ஏதோ ருசிக்காக நண்பர்களுடன் இந்த மாந்தோப்பில் புகுந்து விட்டேன்!....தயவு செய்து மன்னிச்சிடுங்க....இனிமே இந்த மாதிரி தவற்றைச் செய்ய மாட்டேன்!... இந்தாங்க உங்கள் தோட்டத்து மாங்கனி!...'' என்றான் நடுங்கிக்கொண்டே!....
 தோட்டக்காரருக்கு சிறுவனிடத்தில் பரிதாபம் ஏற்பட்டது!....பிடியைத் தளர்த்தினார்.
 "தம்பி!.....உன் அப்பா இருந்திருந்தால் இந்த மாதிரி தவறுகளை செய்ய விட்டிருப்பாரா?....உன் தவறுகளைத் தட்டிக்கேட்டிருப்பார்!.... இப்போது அவர் இல்லை....இனி உன் வாழ்நாளில் தவறுகள் செய்யும்போது உன்னை நீயே தட்டிக் கேட்டுத் திருத்திக் கொள்ள வேண்டும்!.... வேறு வழியில்லை....அந்த மாம்பழத்தை நீயே வைத்துக்கொள்!....'' என்று கூறி மேலும் ஒரு பழத்தையும் கொடுத்தார் தோட்டக்காரர்!
 அந்தச் சிறுவன் பெரியவனான்.....பெரிய பதவியிலும் அமர்ந்தார்.....அந்தத் தோட்டக்காரரின் அறிவுரையை தன் வாழ்நாள் முழுவதும் கடைப்பிடித்தார்.....அவர்தான் நமது முன்னாள் பிரதமர் லால்பகதூர் சாஸ்திரி!....
 -அ.கருப்பையா,
 பொன்னமராவதி
 

]]>
http://images.dinamani.com/uploads/user/imagelibrary/2018/10/27/w600X390/sm0.JPG http://www.dinamani.com/weekly-supplements/siruvarmani/2018/oct/27/நினைவுச்-சுடர்--தோட்டக்காரரின்-அறிவுரை-3028163.html
3028164 வார இதழ்கள் சிறுவர்மணி பாபுவுக்கு ஒரு பரிசு! 24  பூதலூர் முத்து DIN Saturday, October 27, 2018 09:35 AM +0530 ஞானக்கிளி!
 ஞானம் கிளையில் அமர்ந்தது. சிவகாமி எழுந்தாள். "அக்கா,....பாபுவுக்கு அவங்க அம்மா ஒரு அழகான கைக்கடிகாரம் பரிசாகக் கொடுத்திருக்காங்க...''
 "என்ன விஷயம்?''
 முதல் நாள் நடந்ததை அவள் சொன்னாள்.
 ""பாபு அப்போதுதான் பள்ளி வாயிலில் நுழைந்தான். கைப்பேசியை (செல்ஃபோன்) பள்ளியில் அதற்கான பொறுப்பு ஆசிரியரிடம் ஒப்படைத்துவிட்டுப் போக வேண்டும்.
 அவனுடைய அம்மா கல்யாணிக்கு ஒரு செய்தியைச் சொல்ல வேண்டும். அதைச் சொன்னபின் கொடுக்கலாம் என நினைத்தான். அதே நேரத்தில் கல்யாணிக்கும் ஒரு விஷயம் நினைவுக்கு வந்தது. பாபுவுக்குப் பேசியில் அழைப்பு.
 ""பாபு, நீ காலையிலேயே செய்தித்தாளில் பார்த்துவிட்டு நம்ம பகுதியிலே மின்தடைன்னு சொன்னே....அந்த நேரம் முடிஞ்சு மின்சாரம் வந்திருக்கும்.....மோட்டாரை நிறுத்தாம வெளியில் கிளம்பி வந்திட்டேன்....''
 "அம்மா,....கவலைப்படாதேம்மா!..... நான் நிறுத்திட்டேன்!.....செடிக்குத் தண்ணீர் ஊற்றும் "ஹோஸ்பைப்'பிலும் தண்ணீர் போனபடி இருந்துச்சு....அதையும் நிறுத்திட்டேன்!....கதவு, கேட்டையும் பூட்டிட்டேன்...''
 " பாபு இப்படிச் சொன்னதும் கல்யாணி அம்மா வயிற்றிலே பால் வார்த்தது மாதிரி இருக்குமே.... பெரிய விஷயங்களில் ஈடுபட்டுத்தான் குடும்பத்துக்கு நிம்மதியைத் தர வேண்டும் என்பதில்லை!....
 சிறிய விஷயங்களில் கவனமாக இருந்து,...உதவி செய்தாலே போதும்!....அதுவே பெரிய நன்மைதான்!....வாகனத்திலே சின்ன திருகாணிதானேன்னு விட முடியுமா?...அதையும் சரியாத்தான் முடுக்கணும்!....'' என்றது ஞானம்.
 "அக்கா, சரியாச் சொன்னே....நாம் வழக்கமாகச் செய்கிற வேலை இது இல்லையே என்று பாபு வந்திருந்தா மோட்டார் பழுதாகி இருக்கும்....மேல் தொட்டியிலே நீர் நிரம்பி வீணாகத் தெருவுக்குப் போயிருக்கும்....''
 "எவ்வளவு பொறுப்புணர்ச்சி!....''
 "அது மட்டுமில்லே....பாபு தினந்தோறும் சற்று நேரம் செய்தித்தாள் படிப்பான்....படிப்பு தொடர்பான செய்தி,....தன்னம்பிக்கைக் கதைகள் எல்லாம் படிப்பான்.....மின்தடை பற்றிய தகவல் இருந்தால் அம்மாவிடம் தெரிவிப்பான்...''
 "படிக்கிற பிள்ளைக்கு இதுதான் அழகு!....'' ...பாபுவை அருகில் அழைத்தது. அவன் தோளில் அமர்ந்தது.
 அம்மா அன்போடு வாங்கித் தந்த அந்தக் கடிகாரத்தை அவன் ஞானத்திடம் காட்டினான். பிள்ளைகளும் பார்த்து மகிழ்ந்தார்கள்.....அவனுடைய கைகளைப் பற்றிப் பாராட்டும் வாழ்த்தும் கூறினார்கள்.
 கிளி வரும்....
 
 

]]>
http://images.dinamani.com/uploads/user/imagelibrary/2018/10/27/w600X390/sm1223.jpg http://www.dinamani.com/weekly-supplements/siruvarmani/2018/oct/27/பாபுவுக்கு-ஒரு-பரிசு-24-3028164.html
3025514 வார இதழ்கள் சிறுவர்மணி பிஞ்சுக் கை வண்ணம் - II DIN DIN Tuesday, October 23, 2018 12:34 PM +0530 பிஞ்சுக் கை வண்ணம் - II

]]>
http://www.dinamani.com/weekly-supplements/siruvarmani/2018/oct/23/பிஞ்சுக்-கை-வண்ணம்---ii-3025514.html
3025513 வார இதழ்கள் சிறுவர்மணி பிஞ்சுக் கை வண்ணம் - I DIN DIN Tuesday, October 23, 2018 12:33 PM +0530 பிஞ்சுக் கை வண்ணம் - I

]]>
http://www.dinamani.com/weekly-supplements/siruvarmani/2018/oct/23/பிஞ்சுக்-கை-வண்ணம்---i-3025513.html
3025512 வார இதழ்கள் சிறுவர்மணி அங்கிள் ஆன்டெனா -ரொசிட்டா DIN Tuesday, October 23, 2018 12:32 PM +0530 கேள்வி: ஜோசியக்காரர் வைத்திருக்கும் கிளி, எப்படி சரியான படங்களைத் தேர்ந்தெடுத்துக் கொடுக்கிறது? அதற்கும் ஜோசியம் தெரியுமா? இல்லை வேறு ஏதாவது சிறப் பம்சம் இருக்கிறதா?

பதில்: கிளியின் சிறப்பம்சம் என்னவென்று உங்களுக்குத் தெரியும். அது நன்றாகப் பேசும்... கற்றுக் கொடுத்தால்! இதற்குக் காரணம் கிளிக்கு இயற்கை கொடுத்த வரம். அதற்கு கவனிப்புத் திறன் (ஞக்ஷள்ங்ழ்ஸ்ண்ய்ஞ் இஹல்ஹஸ்ரீண்ற்ஹ்)  மிகவும் அதிகம்.

எதையும் கூர்ந்து கவனிப்பதால்தான் கிளியால் மிமிக்ரி செய்ய முடிகிறது. அதாவது நம்மைப் போலப் பேச முடிகிறது.

ஆனால், பாவம் கிளிக்கு ஜோதிடமெல்லாம் தெரியாது.

ஜோதிடர் உங்களிடம் பேசிக் கொண்டே கூண்டின் கதவைத் திறப்பார். கிளி வெளியே வரும். வரிசையாக அடுக்கப் பட்டிருக்கும் ஜோதிட அட்டைகளைக் கலைக்கத் தொடங்கும். 

அப்போது எஜமானர் (கிளி ஜோதிடக்காரர்) தனது கையில் வைத்திருக்கும் சிறிய நெல்மணியை மெதுவாக ஆட்டுவார். இந்த சிக்னலைக் கூர்ந்து கவனித்துக் கொண்டிருக்கும் கிளி, சாதுரியமாகப் புரிந்து கொண்டு, கலைப்பதை நிறுத்திவிட்டு, எந்த அட்டையை வாயில் வைத்திருக்கிறதோ அதைக் கொண்டு வந்து அவரிடம் கொடுக்கும்.  இதுதான் கிளியின் கெட்டிக்காரத்தனம். அந்த அட்டையில் என்ன வருகிறதோ அது உங்கள் அதிர்ஷ்டம்.

இந்தத் திறமையை வளர்ப்பதற்கு, கிளி ஜோசியக்காரர் அந்தக் கிளிக்குப் பயிற்சி கொடுத்திருப்பார். அது அவரது கெட்டிக்காரத்தனம்!    

]]>
http://images.dinamani.com/uploads/user/imagelibrary/2018/10/6/w600X390/sm11.jpg http://www.dinamani.com/weekly-supplements/siruvarmani/2018/oct/23/அங்கிள்-ஆன்டெனா-3025512.html
3025510 வார இதழ்கள் சிறுவர்மணி அன்பளிப்பு! - மயிலை மாதவன் DIN Tuesday, October 23, 2018 12:30 PM +0530 ஒரு அரசனும் அமைச்சரும் குதிரைகள் பூட்டிய  ரதத்தில்  ஏறி ஊரைச் சுற்ரிப் பார்க்கக் கிளம்பினர். பாதையில் ஒரு மாந்தோட்டம் இருந்தது. மரத்தில் பழங்கள் பழுத்துத் தொங்கின. பார்த்தாலே நாவில் நீர் ஊறியது! அந்த மாந்தோட்டத்தின் அருகே ஒருவர் நின்று கொண்டிருந்தார்.  அவனிடம் ஒரு பழம் வேண்டும் என்று கேட்டார் அரசர். அவரும் அருகிலுள்ள ஒரு மரத்திலிருந்து ஒரு பழத்தைப் பறித்துக் கொடுத்தார்.  அதை நறுக்கி அமைச்சருடன் பகிர்ந்து சாப்பிட்டார் அரசர்! பழம் மிகவும் ருசியாக இருந்தது! 

பழத்தின் சுவையில் மயங்கிய அரசர் அரண்மனைக்கு நிறைய மாம்பழங்களை எடுத்துச் செல்ல நினைத்தார்.

""எனக்கு இரண்டு, கூடைகள் நிறைய இந்தப் பழங்களைத்  தர முடியுமா?...பணம் தருகிறேன்'' என்று கேட்டார். 

""வாருங்கள்....இது என் நண்பனின் தோட்டம்! அருகில் என் தோட்டம் இருக்கிறது..... அங்கும் இதே வகை மரங்கள் இருக்கின்றன.....இந்தப் பழம் போலவே அவைகளும் ருசியாக இருக்கும்!....பறித்துத் தருகிறேன்!....'' என்று கூறி அருகிலுள்ள தனது தோட்டத்திற்கு அழைத்துச் சென்றார் அந்தத் தோட்டக்காரர்!

அங்கு இரண்டு பெரிய கூடைகள் நிறைப் பழங்களைப் பறித்து கூடைகளை இலைகளை வைத்துமூடிக் கட்டினார் தோட்டக்கார்.

""பார்த்தீர்களா?.... நண்பனின் தோட்டத்தில் உள்ள பழங்களை இலவசமாகப் பறித்துக் கொடுத்து விட்டு, பணம் என்றதும் தன் தோட்டத்துப் பழங்களைப் பறித்துத் தருகிறார்!....'' என்றார் அரசர் அமைச்சரிடம்!

அது அந்த மனிதரின் காதுகளில் விழுந்துவிட்டது!

அவர் அரசரை நோக்கி, ""நீங்கள் அரசர் என்பதைச் சொல்லித் தெரிய வேண்டியதில்லை!....நீங்கள் ஒரு பழம் ருசி பார்க்கக் கேட்டீர்களே....என்று எனது நண்பரது தோட்டத்தில் பறித்துக் கொடுத்தேன்!.....ஆனால் நீங்கள் நிறையப் பழம் வேண்டும் என்று கேட்டதும், அவரைக் கேட்காமல் அங்கு பறிப்பது நேர்மை அல்ல என்று என் தோட்டத்திற்கு அழைத்து வந்தேன்.....நீங்கள் இந்தப் பழங்களுக்கு விலை கொடுப்பீர்கள் என்று திர்பார்க்கவில்லை.....கொடுத்தாலும் அதை ஏற்றுக் கொள்ள எனக்கு விருப்பமில்லை!....நல்ல ஆட்சி செய்யும் தங்களைக் காணும் பாக்கியமே எனக்குப் போதும்!....இதை என் அன்பளிப்பாக மறுக்காமல் எடுத்துச் செல்லுங்கள்!....''

தோட்டக்காரரைத் தவறாக எடை போட்டுவிட்டோம் என்பதை எண்ணி வெட்கப்பட்டார் அரசர்.

]]>
http://images.dinamani.com/uploads/user/imagelibrary/2018/10/23/w600X390/sm14.jpg http://www.dinamani.com/weekly-supplements/siruvarmani/2018/oct/23/அன்பளிப்பு-3025510.html
3025507 வார இதழ்கள் சிறுவர்மணி மரங்களின் வரங்கள்! - பா.இராதாகிருஷ்ணன் DIN Tuesday, October 23, 2018 12:28 PM +0530 பலா மரம்!   

என்ன குழந்தைகளே நலமாக  இருக்கிறீர்களா ?

நான் தான் பலா மரம் பேசுகிறேன். என்னுடைய தாவரவியல் பெயர் ஆர்ட்டோ கார்பஸ் ஹெடெரொஃ பில்லஸ்  லாம்க்.  நான் மோரேஸி என்ற குடும்பத்தைச் சேர்ந்தவள். நான் எனதருமை தமிழ் மக்களின் முக்கனிகளில் இரண்டாவதாக இருக்கிறேன்.  என்னை குழந்தைகளிலிருந்து பெரியவர்கள் வரை அனைவரும் விரும்பி சாப்பிடுவார்கள்.  

நான் கால்நடைகளுக்கு நல்ல உணவாகவும் விளங்குகிறேன்.  நான் ஒரு பசுமை மாறா மரம்.  நான் வறண்ட இடங்களில் கூட முழுமையாக இலையை உதிர்த்திடாது ஓங்கி உயர்ந்து வளருவேன்.  நான் ஈரச் செழிப்புள்ள மணற்பாங்கான நிலங்களிலும், மலைச்சரிவுகளில் அதிகமாகக் காணப்படுவேன். 

குழந்தைகளே, என்னுடைய காய்களை கறியாகச் சமைத்து உண்ணலாம். சுவையாக இருக்கும்.  என்னை நேரடியாக உண்பதுடன், ஜாம்,  பானம், ஜெல்லி முதலியவையும் செய்து சாப்பிடலாம்.  நான் வீணை, தம்புரா முதலிய இசைக் கருவிகளும், பல விதமான மரச்சாமான்கள், பொம்மைகள்  செய்யவும் பயன்படுவேன்.  நான் ஆஸ்துமா, கண் பார்வை குறைவு, புற்று நோய், உயர் இரத்த அழுத்தம் போன்ற நோய்களிலிருந்து உங்களைப் பாதுகாப்பேன்.  

என்னிடம் புரத சத்தும், நோய் எதிர்ப்பு சக்தியும் அதிகமாக உள்ளது.  என்னிடம் பொட்டாசிய சத்து அதிகமாக இருப்பதால், உங்கள் உடலில் சோடியத்தின் அளவை சீராகப் பராமரிக்கவும், பக்கவாதம் மற்றும் மாரடைப்பு வராமல் தடுப்பேன்.  என்னிடம் நார்ச்சத்து அதிகமாக உள்ளதால் செரிமான மண்டலத்தை சீராக வைத்திருந்து மலச்சிக்கல் பிரச்சினையைத் தீர்ப்பேன்.  மேலும், உடலிலிருந்து நச்சுக்கள் அனைத்தையும் வெளியேற்றி என் பழத்தைப் போலவே உங்களையும் பளபள என வைத்திருப்பேன்.  என்னுடைய இலையை காய வைத்து பொடியாக்கி  தேனில் கலந்து காலை வேலையில் அருந்தினால் நாள்பட்ட வயிற்றுப் புண்ணைப் போக்குவேன்.  நான் முதுமையை தள்ளிப் போடுவேன்.  என் காம்பு அருகிலுள்ள சிறு முட்களை எண்ணி ஆறால் பெருக்கி ஐந்தால் வகுத்தால் என்னுள்ள உள்ள பலா பழத்தின் சுளைகளை அறியலாம் என "கணக்கதிகாரம்'  என்ற  நூல் தெரிவிக்கிறது.  

நான் தமிழ் ஆண்டில் சுபகிருது ஆண்டை சேர்ந்தவள். 

என்னுடைய நட்சத்திரம் உத்திராடம், ராசி மிதுனம். 

(வளருவேன்)

]]>
http://images.dinamani.com/uploads/user/imagelibrary/2018/10/23/w600X390/sm13.jpg http://www.dinamani.com/weekly-supplements/siruvarmani/2018/oct/23/மரங்களின்-வரங்கள்-3025507.html
3025506 வார இதழ்கள் சிறுவர்மணி விடுகதைகள் -ரொசிட்டா DIN Tuesday, October 23, 2018 12:25 PM +0530 1. கொடுக்க முடியும்... குறையாது...
2. அண்ணன் தம்பி சேராவிட்டால் ஊருக்கெல்லாம் கொண்டாட்டம்...
3. சிவப்புப் பெட்டிக்குள் சில்லறை கொட்டிக் கிடக்குது...
4.  நெருப்பு பட்டால் அழுவான்... இவன் யார்?
5. வாசலில் பூத்திருக்கும் வாழ்வரசி...
6. பூவில் பிறக்கும் நாவில் சுவைக்கும்...
7. தாவி வருவான், தவழ்ந்து வருவான், சீறியும் வருவான்...
8. கறுப்பர்கள் கூட்டம், சீப்பைக் கண்டால் ஓட்டம்...
9. கைக்குள் வரைபடம், நம்பினோர்க்கு அது வாழ்க்கை நிலவரம்...

விடைகள்:

1. கல்வி, 2.  தண்டவாளம், 3. மிளகாய், 
4. மெழுகுவர்த்தி,  5.  கோலம், 6.  தேன், 
7.  ஆறு, 8.  பேன், 9.  கைரேகை

]]>
http://images.dinamani.com/uploads/user/imagelibrary/2018/6/23/w600X390/sm12.jpg http://www.dinamani.com/weekly-supplements/siruvarmani/2018/oct/23/விடுகதைகள்-3025506.html
3025505 வார இதழ்கள் சிறுவர்மணி கடி DIN DIN Tuesday, October 23, 2018 12:24 PM +0530
""இன்னிக்கு உங்க வீட்டிலே என்ன குழம்புடா?''
""ஐஸ் குழம்புடா...''
""அதென்ன குழம்பு?''
""ஃபிரிட்ஜ்லே வெச்ச பழங்குழம்பு!...''

 

""கன மழைக்கும், சாதாரண மழைக்கும் என்ன வித்தியாசம்?.''
""சாதா மழைத் தண்ணியைவிட கனமழைத் தண்ணி கனமாயிருக்கும்னு நெனைக்கிறேன்!....''

யோகமித்ரா, சென்னை.

 

""எதுக்கு தம்பியை இப்படித் திட்டறே?''
""அவன் கொட்டாங்கொச்சியிலே வீணை செய்யறான்மா....''
""அது நல்ல விஷயம்தானே....அதுக்கு ஏன் திட்டறே?''
""அதுக்கு கம்பி கட்டறதுக்கு நான் வாசிக்கிற நிஜ வீணையின் கம்பியை கட் பண்ணிக்குடுக்கச் சொல்றாம்மா....'''

ஜோ.ஜெயக்குமார், நாட்டரசன்கோட்டை.

 

""இவனுக்கு பயாலஜின்னா பயமா?''
""ஏன் கேட்கிறே?''
""...பயலாஜின்னு சொல்றானே?''

என்.பர்வதவர்த்தினி, சென்னை - 600075.

 

""எனக்கு இங்கிலீஷ் வெஜிடபிள்ஸ்தான்  பிடிக்கம்!...''
""என்னென்ன?...''
""பிரிஞ்சால்...,லேடீஸ் ஃபிங்கர்,....டிரம்ஸ்டிக்....''

ஏ.நாகராஜன், சென்னை.

 

""உங்க வீட்டு நாய் கடிக்குமா?''
""ம்ஹூம்....கடிக்கவே கடிக்காது!...''
""பின்னே எப்பிடி அது சாப்பிடுது?''

உ.அலிமா பீவி, கடைய நல்லூர் - 627751.

]]>
http://images.dinamani.com/uploads/user/imagelibrary/2018/10/23/w600X390/sm12.jpg http://www.dinamani.com/weekly-supplements/siruvarmani/2018/oct/23/கடி-3025505.html
3025504 வார இதழ்கள் சிறுவர்மணி அற்புதம்! - மு.முத்துராம்சுந்தர் DIN Tuesday, October 23, 2018 12:21 PM +0530 தன் குரு  விநய மகரிஷிக்கு மரியாதை செய்ய நினைத்தான் திவ்யபாலன். தன் கை நிறையக் காணிக்கைப் பொருட்களோடு பக்தியோடு குருவை நோக்கி விரைந்தான் அவன். 

சாம்பவன் என்ற யோகி விநய ரிஷியின் மீது பொறாமை கொண்டவன். காணிக்கைப் பொருட்களோடு குருவை நோக்கிச் சென்றுகொண்டிருந்த திவ்யபாலனைப் பார்த்தான் சாம்பவன். 

""எங்கே செல்கிறாய்?''

""என் பிரிய குரு விநய மகரிஷியிடம் செல்கிறேன்...''

 ""கையில் என்ன?''

""அவருக்கு இந்த எளியேனுடைய காணிக்கை...''

""உன் குருவிற்கு எதுவுமே தெரியாது!.... நானோ பல யோகங்களைக் கற்றவன்....நீரிலும் நடப்பேன்....நெருப்பிலும் குளிப்பேன்...வானிலும் பறப்பேன்!....இதுவரை உன் குரு இது போன்ற அதிசயங்களை நடத்தியிருக்கிறாரா?.....அவர் ஒரு ஏமாற்றுப் பேர்வழி!..... அவரிடம் சென்று நீ எதையும் கற்றுக்கொள்ள இயலாது!....உன் நேரத்தை வீணாக்காதே!...அவர் எந்த அற்புதத்தையும் இதுவரை செய்ததில்லை!...''

""நான் ஏன் அவரை என் குருவாகக் கொண்டிருக்கிறேன் தெரியுமா?''

""ஏன்?...''

""அவர் பிறரைப் பற்றி ஒருபோதும் குறை கூறியதில்லை.... இதுதான் நீங்கள் சொன்ன எல்லா அற்புதங்களையும் விட அற்புதமானது!....என நான் நினைக்கிறேன்....அதனால்தான் அவரை மதித்து வணங்குகிறேன்....'' என்றான் சீடன். 

யோகி வெட்கத்தால் தலை குனிந்தார்.

]]>
http://images.dinamani.com/uploads/user/imagelibrary/2018/10/23/w600X390/sm11.jpg http://www.dinamani.com/weekly-supplements/siruvarmani/2018/oct/23/அற்புதம்-3025504.html
3025503 வார இதழ்கள் சிறுவர்மணி கதைப் பாடல்!: போட்டியும் பொறாமையும்! - புலேந்திரன் DIN Tuesday, October 23, 2018 12:20 PM +0530 மாதவன் வகுப்பில் பாடத்தில்
மனத்தைச் செலுத்திப் படித்திடுவான்!
நாதன், தான்பார்த்த தொலைக்காட்சி
நாடகம் பற்றிப் பேசிடுவான்!

அதனால் தேர்வில் மாதவனே 
அதிக மதிப்பெண்  எடுத்து வந்தான்!
அதனைப் பார்த்துப் பொறாமையினால்
அவன் மேல் வெறுப்பு நாதனுக்கு!

மாதவனோடு பேசமாட்டான்!
மறைமுகப் பேச்சால் வருத்திடுவான்!
வீதியில் நடந்தே போனாலும் 
விலகிப் போவான் அவன் தனியே!

அன்று நடந்தது இடைத்தேர்வு
அதிர்ந்து போனான் நாதனுமே!- அவனிடம்
தங்கை வாங்கிய பேனாவை 
தந்திடவில்லை திருப்பி அவள்! - நாதனும்

திருப்பிக் கேட்க மறந்திட்டான்!
தேர்வை எப்படி எழுதுவது?...
திரண்டே கண்ணீர் கொட்டியது!
ஆசிரியர் இதனைக் கேட்டறிந்தார்!

""இரண்டு பேனா வைத்திருப்போர்
இரவல் கொடுத்தே உதவிடுங்கள்!...''
பரிந்தே உரைத்தார் ஆசிரியர்
பலரும் சொல்லினர் இல்லையென்றே!...

எழுந்தான் மாதவன்,....""என்னிடத்தில்
இருக்கிறது!...'' என்றே கொடுத்திட்டான்!
அழுதவன் முகத்தில் மகிழ்ச்சியுடன் 
அதனை வாங்கி எழுதிட்டான்!

பதிலை எழுதிக் கொடுத்துவிட்டு
படியில் இறங்கிய மாதவனை 
எதிரில் வந்த நாதனுமே
இருகரம் பற்றிக் கண்கலங்கி,....

""அன்பு நண்ப!....என்னைவிட 
அதிக மதிப்பெண் வாங்கிவரும் 
உன்மேல் கொண்ட பொறாமையினால்
உன் மனம் வருந்திடப் பேசிவிட்டேன்!....

என்றன் தவறை உணர்ந்துவிட்டேன்!
என்னை நீயும் மன்னிக்கணும்!''
என்றதைக் கேட்ட மாதவனும்,....
""இனிய நண்ப!....படிப்பினிலே 

போட்டி இருக்கலாம்!....மனத்தினிலே 
பொறாமை இருந்திடக் கூடாது!
ஊக்கம் இருந்தால் என்னிலும் நீ 
உயர்ந்த மதிப்பெண் பெற்றிடலாம்!''

இதமாய் சொன்னதை நாதனுமே 
ஏற்றே படித்தான் தேர்வினிலே
மதிப்பெண் நூற்றுக்கு நூறெடுத்தே 
மகிழ்ந்தே சிரித்தனர் இருவருமே!

]]>
http://images.dinamani.com/uploads/user/imagelibrary/2018/10/23/w600X390/sm10.jpg http://www.dinamani.com/weekly-supplements/siruvarmani/2018/oct/23/கதைப்-பாடல்-போட்டியும்-பொறாமையும்-3025503.html
3025502 வார இதழ்கள் சிறுவர்மணி சிறுவர் பாடல்!: அறிவியல் வளர்ந்தாச்சு! - நா.இராதா கிருட்டினன் DIN Tuesday, October 23, 2018 12:14 PM +0530 ஆட்டுக்கல்லும் போயாச்சு!
அரைத்திட கிரைண்டர் வந்தாச்சு!
வீட்டில் அம்மா மாவாட்டும் 
வேலை மிகவும் எளிதாச்சு!

அம்மிக் கல்லும் போயாச்சு!
அதற்கோர் மிக்ஸி வந்தாச்சு!
காய்கறி, பழங்கள் கெட்டுவிடாமல்
காத்திடும் குளிர்சாதனப்பெட்டி!

வெள்ளாவி வைத்துத் துணிகளையே 
வெளுக்கும் காலம் போயாச்சு!
அள்ளிப் போட்டால் துவைப்பதற்கு 
அழகாய்  இயந்திரம் வந்தாச்சு!

வானொலிப் பெட்டி போயாச்சு
வந்தது வண்ணத் தொலைக்காட்சி!
உடனடி பாக்கெட் வந்தாச்சு
சமைப்பது இங்கே எளிதாச்சு!

விண்ணில் சாட்டிலைட்  விட்டாச்சு
விரைந்து அறிவியல் வளர்ந்தாச்சு!
கல்வி, கேள்விக்கு உதவி செய்ய
கணினியில் கூகுள் வந்தாச்சு!

வழியைக் காட்டும் வரைபடத்தோடு
ஆண்ட்ராய்டு செல்ஃபோன் இருக்கிறதே! - போனில்
படத்துடன் செய்திகள் அனுப்பி இங்கே 
பலருடன் பகிர்வது எளிதாச்சு!

மின்சாரம் சட்டெனப் போனவுடன் - சில
இயக்கங்கள் சற்றே நின்றுவிட்டால்
தடையே இல்லா மின்சக்தியினைத்
தருவதற்கு இன்வெர்டர் வந்தாச்சு!

 

]]>
http://images.dinamani.com/uploads/user/imagelibrary/2018/10/23/w600X390/sm9.jpg http://www.dinamani.com/weekly-supplements/siruvarmani/2018/oct/23/சிறுவர்-பாடல்-அறிவியல்-வளர்ந்தாச்சு-3025502.html
3025500 வார இதழ்கள் சிறுவர்மணி பாராட்டுப் பாமாலை!  - 19:  அறிந்துளம் நெகிழ்ந்தார்! - தளவை இளங்குமரன் DIN Tuesday, October 23, 2018 12:12 PM +0530 திருநெல் வேலி பாளையங்கோட்டையில்
திம்ம ராஜ புரத்தைச் சேர்ந்த 
அரிய மனிதர் "ஆயிரம்' என்பவர்
ஆயுதப் படைச் சாலையின் ஓரம்

கரும்புச் சாறு விற்பனை செய்யும் 
கடை வைத் துள்ளார், கடந்தவ் வழியே 
இரண்டு சக்கர வண்டியில் சென்றோர்
எவரோ தவற விட்ட "பை' கண்டார்!....

எடுத்துப் பையைத் திறந்தவர் பார்த்ததில்
இரண்டு புள்ளி ஒன்று ஐந்து இலட்சம்!....
...அடுக்காய்த்ப் பணத்துடன்  திருமண அழைப்புகள்!...
அதுனுள் இருந்ததை அறிந்துளம் நெகிழ்ந்தார்!

ஓட்டமாய் இரண்டு தினங்கள் ஓடியும் 
ஒருவரும் பையைத் தேடி வராததால்
ஆட்சியர் "ஷில்பா பிரபாகர் சதீஷை'...
அவரும் சந்தித்து அதையொப்படைத்தார்!

பிரான்சேரி சித்தன்பச்சேரியைச் சேர்ந்த 
"பெருமாள்' என்பவர் உடைமை அவையெனக்
கறாராய்த் தீர விசாரித்து அவரின் 
கையினில் பையினை ஆட்சியர் சேர்த்தார்!

"ஆயிரம்' அவர்களின் நேர்மையைப் போற்றியே 
ஆட்சியர் உள்ளம் நெகிழ்ந்து பாராட்டினார்!
"ஆயிரம்' அவர்களின் நற்செயல் போற்றியே 
பாயிரப் "பாராட்டுப் பாமாலை' சூட்டுவோம்!

]]>
http://images.dinamani.com/uploads/user/imagelibrary/2018/10/23/w600X390/sm8.jpg http://www.dinamani.com/weekly-supplements/siruvarmani/2018/oct/23/பாராட்டுப்-பாமாலை----19--அறிந்துளம்-நெகிழ்ந்தார்-3025500.html
3025498 வார இதழ்கள் சிறுவர்மணி கருவூலம்: கன்னியாகுமரி மாவட்டம்! DIN DIN Tuesday, October 23, 2018 12:08 PM +0530 திருவிதாங்கோடு அரப்பள்ளி!

இயேசுவின் 12 சீடர்களில் ஒருவரான புனித தோமையரால் கி.பி. 63 ஆம் நூற்றாண்டில் கட்டப்பட்டதாகும். தமிழகத்தின் பழமையான  முதல் கிறிஸ்துவ தேவாலயம். இதனை புனித தோமையார் சர்வதேச வழிபாட்டு நிலையமாக அறிவித்துள்ளார். 

ஆரஞ்சுப் பழத்தோட்டம்! - சுற்றுச் சூழல் பூங்கா

31 ஏக்கர் அரசு பழத்தோட்டத்தில் சுற்றுலாப் பயணிகளுக்காக சுற்றுச் சூழல் பூங்கா அமைக்கப்பட்டுள்ளது. செயற்கை நீரூற்று, சிறுவர் பூங்கா, மூங்கில் பூங்கா, மூலிகைத் தோட்டம், பலவகை மரங்களோடு கூடிய பூந்தோட்டம் உட்பட பல்வேறு பொழுது போக்கு அம்சங்கள் இடம் பெற்றுள்ளன. 

அருவிக்கரை!

குமரி மாவட்டத்தின் அழகிய ஆற்றுப் பகுதிகளில் முதன்மையானது அருவிக்கரை.  மாத்தூர் தொட்டிப் பாலத்தின் கீழ் பகுதி வழியாக வரும் பரளியாறு, அருவிக்கரை வழியாக திருவட்டாறு ஆதிகேசவப் பெருமாள் கோயில் வளாகத்தைத் தொட்டவாறு "மூவாற்று முகத்தில்' கோதையாற்றுடன் இணைகிறது.  இவ்விடம் கண்களுக்குத் திகட்டாத விருந்தாகும். 

தேரூர் பறவைகள் சரணாலயம்!

குமரி மாவட்டத்தில் சுசீந்திரம்,  தேரூர், பறக்கை குளப்பகுதிகள் பறவைகள் சரணாலயமாகத் திகழ்கின்றன. 

முட்டம் கடற்கரை!

இக்கடற்கரையில் அலைகளின் வேகம் அதிகம்! மேடுபள்ளமான நிலப்பரப்பும், செம்மண் அகழி என இயற்கை எழில் மிக்க கடற்கரை. இங்குள்ள கலங்கரை விளக்கம் மிகப் பழமையானது. நாட்டில் உள்ள 193 கலங்கரை விளக்குகளில் இதுதான் முதலில் கட்டப்பட்டது. பழையான சர்ச் ஒன்றும் இங்குள்ளது. பிரபலமான சுற்றுலாத் தலம்.

சொத்தவிளை கடற்கரை!

நாகர்கோவிலுக்கு மிக அருகில் உள்ள புகழ் பெற்ற சுற்றுலாத்தலம். அழகிய புல்வெளிகள், சிறுவர்பூங்காக்களோடு ஒரு காட்சி கோபுரமும் உள்ளது. 4 கி.மீ. நீளமுள்ள அழகிய கடற்கரை. 

வட்டக்கோட்டை!

திருவிதாங்கூர் அரசால் கடற்கரைப் பகுதியை பாதுகாக்க 18 ஆம் நூற்றாண்டில் கட்டப்பட்டது. ஆரம்பத்தில் செங்கல் கோட்டையாக இருந்தது. பின்னர் கல்கோட்டையாக மாறியது. 3.5 ஏக்கர் பரப்பில் 25 மீ உயரம் கொண்ட கோட்டையின் ஒரு பகுதி கடல் வரையிலும் மற்றொரு பகுதி மலைப்பகுதி வரையிலுமாக இருந்தது. தற்போது சில பாகங்கள் கடலுக்குள் உள்ளன. 

அமைதியான சூழ்நிலை, ஒருபுறம் கடல் அலைகள். மற்றொருபுறம் மலை என காட்சியளிக்கும் சுற்றுலாத்தலம். 

உதயகிரிக்கோட்டை!

புலியூர்க்குறிச்சி என்னும் இடத்தில் இக்கோட்டை உள்ளது. திருவாங்கூர் அரசர்கள் இதனை ராணுவத்திற்காக பயன்படுத்தினர். 16ஆம் நூற்றாண்டில் கட்டப்பட்டதாகக் கருதப்படுகிறது. 90 ஏக்கர் பரப்புள்ள இக்கோட்டை மார்த்தாண்ட வர்மரால் புதுப்பிக்கப்பட்டது.  உள்ளேயே 200 அடி உயரக் குன்று உள்ளது. 

பாரதமாதா கோயிலும், ராமாயணக் காட்சிக்கூடமும்!

 கன்னியாகுமரி விவேகானந்த கேந்திரத்தில் உள்ளன. சுமார் மூன்றரை ஏக்கர் நிலப்பரப்பில் ராமாயணக் காட்சிக் கூடம், பாரத மாதா கோயில் மற்றும் வீர ஆஞசநேயர் சிலை ஆகியன ஒரே வளாகத்தில் நிறுவப்பட்டுள்ளன. இங்கு முழு ராமாயணமும் 108 நிகழ்வுகளாக ஆறு அடி உயரமும், நான்கு அடி அகலமும் கொண்ட அளவில் ஓவியங்களாக வடிவமைக்கப்பட்டுள்ளன. முகப்பில் 27 அடி உயரமுள்ள ஆஞ்சநேயர் சிலை உள்ளது.  மண்டபத்தின் மேல் மாடியில் வெண்கலத்தாலான 15 அடி உயர பாரதமாதா சிலையும் அமைக்கப்பட்டுள்ளது. 

மேலும் பல தெய்வச் சிற்பங்களும், ஓவியங்களும், அலங்காரப்பூங்காவும், நீரூற்றும் உள்ளன.  

தேங்காய் பட்டினம்!

மகேந்கிர மலையில் உற்பத்தியாகும் பழையாறு  கடலுடன் சேரும் இடம்! அடர்ந்த தென்னந்தோப்புகள் உள்ளன. 

கடுக்கரை!

மேற்குத் தொடர்ச்சி மலைகளால் சூழப்பட்டு நடுவில் ஒரு சிறிய குன்றின் கீழ் அமைந்துள்ளது. சிறிய அழகிய கிராமம். பசுமை மாறாக் காடுகளும், வற்றாத ஓடைகளும், வடக்கே உலக்கை அருவியும் உள்ளன. கண்ணுக்கினிய சுற்றுலாத் தலம்!

சங்குத்துறை!

நாகர் கோயிலிலிருந்து 10 கி.மீ. தொலைவிலேயே உள்ள சுற்றுலாத்தலம். குழந்தைகள் பூங்காவோடு இருக்கும் கடற்கரை. 

சுவாமி சிலைகள் ஊர்வலம்!

திருவிதாங்கூர் மன்னர் ஆட்சிக் காலத்தில் பத்மநாபபுரம்  அரண்மனையில் நவராத்திரி விழா விமரிசையாகக் கொண்டாடப்பட்டது. பின்னர் 1840 இல் தலைநகரம் திருவனந்தபுரத்திற்கு மாற்றப்பட்டதைத் தொடர்ந்து நவராத்திரி விழாவின்போது 3 ஆலயங்களின் 3 சுவாமி விக்கிரகங்கள் பத்மநாபபுரம் அரண்மனைக்கு மேளதாளத்தோடு  செல்கின்றன. 

சிவாலய ஓட்டம்!

சிவராத்திரியின்போது கல்குளம் மற்றும் விளவங்கோடு வட்டங்களுக்கு உட்பட்ட 12 சிவாலயங்களுக்கு சுமார் 110 கி.மீ. தூரத்திற்கு,

""கோவிந்தா!....கோபாலா!' என்ற முழக்கத்துடன் ஒடிச் சென்று இறைவனை வணங்குகிறார்கள். சைவ, வைணவ ஒற்றுமைக்காக ஏற்பட்ட வழக்கம் இன்று வரை தொடர்கிறது!

தமிழறிஞர் சிலைகள்!

பழம்பெரும் இலக்கண நூல்களை தந்த தொல்காப்பியருக்கு காப்புக்காட்டிலும், பண்டைத் தமிழறிஞர்கள் அதங்கோட்டாசானுக்கும், அதங்காட்டிலும் சிலைகள் அமைக்கப்பட்டுள்ளன. தமிழறிஞர் பனம்பாரனார் எழுதிய "பனம்பாரம்' என்ற நூலில் சில பாடல்கள் மட்டும் கிடைத்துள்ளன. அவருக்கு பனம்பழஞ்சியில் சிலை வைப்பதற்கு முயற்சிகள் நடைபெறுகிறது. 
குமரிக் கண்டம்! - சில தகவல்கள்!

இன்றுள்ள இந்தியாவின் தென் எல்லையான குமரி முனைக்குத் தெற்கே முற்காலத்தில் இருந்த நிலப்பகுதியே "குமரிக் கண்டம்' என்று கூறப்படுகிறது. தமிழ் இலக்கிய நூல்களில் இது குறித்த பல தகவல்கள் உள்ளன. பிற மொழி நூல்களிலும் இக்கருத்தைப் பிரதிபலிக்கும் சில தகவல்கள் உள்ளன. தமிழர்களின் பெருமைக்குரிய வரலாறு கி.மு. 10,500 ஆண்டுகளுக்கு முந்தையது என்று கருதப்படுகிறது. இதனைப் பாண்டிய மன்னர்கள் ஆண்டதாகவும் முதல் மற்றும் இரண்டாம் தமிழ்ச் சங்கங்கள் குமரிக் கண்ட பகுதியில்தான் கூடியதாகவும் கூறப்படுகிறது. 

மொத்தம் நான்கு முறை ஏற்பட்ட  ஆழிப் பேரலைகளால் இப்பகுதி கொஞ்சம், கொஞ்சமாக கடலில் மூழ்கியதாகவும் கூறப்படுகிறது. அக்காலத்தில் வாழ்ந்தவர்கள்தான் தொல்காப்பியரும், அதங்கோட்டாசானும், பனம்பாரனாரும்.

நாம் அன்றாடம் பார்க்கும் சூரிய உதயமும், அஸ்தமனமும் கன்னியாகுமரியில் பார்க்கும்போது அற்புத அழகுடன் காட்சியளிக்கும்! அதிலும் பெளர்ணமி நாளில் கண்கொள்ளாக் காட்சியாக இருக்கும்! கடற்கரையில் உள்ள 58 அடி உயர தொலை நோக்கியுடன் பார்த்தால் தத்ரூபமாகப் பார்க்கலாம்!

நதிநீர் இணைப்பு!

மகேந்திரகிரி மலையில் உற்பத்தியாகும் பறவையாற்றையும், அதே மலையில் உற்பத்தியாகும் பழையாற்றையும்  கி.பி. 900 இல் பாண்டிய மன்னர் இரண்டாம் ராஜசிம்மன் இணைத்தார். பறவையாற்றின் குறுக்கே 20 அடி உயரத்தில் நீண்ட பாறைகளைக் கொண்டு அணை கட்டப்பட்டது. உயரமான குன்றுகளைக் குடைந்து சுமார் 20 மைல் நீளத்துக்குக் கால்வாய் வெட்டப்பட்டது. இந்த கால்வாய் மூலம் பறவையாற்றின் நீர் பழையாற்றுக்கு வந்து சேர்ந்தது. 

ஆராய்ச்சி நிலையம்!

மலர் சாகுபடி ஆராய்ச்சிக்கென்று 2008 இல் "தோவாளை' யில் இந்நிலையம் ஏற்படுத்தப்பட்டது.  நெல் சாகுபடி ஆராய்ச்சிக்கான நிலையம் "திருப்பதிச் சாரம்' என்னுமிடத்தில் உள்ளது

"மருத்துவாழ் மலை!' எனப்படும்
 "மருந்து வாழ் மலை!'

அநுமன் சஞ்சீவி மலையை எடுத்துச் சென்றபோது விழுந்த பல துண்டுகளில் இதுவும் ஒன்று எனக் கூறப்படுகிறது.  அரிய வகை மூலைகள் நிறைந்த மலை! இம்மலையில் சுமார் ஒரு கி.மீ. நீளத்திற்கும் மேலான குகைப் பாதை உளளது. மேலும் குகையினுள் 800 அடி வரை உயரம் உள்ள இடமும் உள்ளது! இங்குதான் ஸ்ரீ நாராயணகுரு சில ஆண்டுகள் தவமிருந்தார். கார்த்திகை தீபத்தன்று மலை உச்சியில் தீபம் ஏற்றுகிறார்கள்.   

ஸ்ரீ நாராயணகுரு!-(1855-1928)

இவர் இந்தியாவின் தலைசிறந்த ஆன்மீக ஆசான்களில் ஒருவராகவும், சமூக சீர்திருத்தவாதியாகவும் இருந்தார். இவர் கேரளா, கர்நாடகா, தென் தமிழகப் பகுதிகளில் பல கோயில்களைக் கட்டி சாதி மத பேதமின்றி அனைவரும் வழிபட ஏற்பாடு செய்தார். ஏராளமானோர் இவரது போதனைகளைப் பின்பற்றி வருகின்றனர்.  "சுவாமி தோப்பு இந்த அமைப்பின் தலைமையிடமாகும். 

கைவினைப் பொருட்கள் தயாரித்தல்

தேனீ வளர்ப்பு, கற்சிற்பங்கள் செய்தல், நெசவுத் தொழில்,  மீன்பிடித்தொழில், விவசாயம், பூ விற்பனை, ரப்பர் பொருட்கள் தயாரிப்பு, உணவு பதனிடுதல், பனை ஓலைகளில் கலையழகுடன் கூடிய கைவினைப் பொருட்கள் தயாரித்தல், போன்ற பலவகைத் தொழில்களும் நிறைந்த மாவட்டம் இது! 
இயற்கைக் காட்சிகள் நிறைந்த  கன்னியாகுமரி மாவட்டம் சுற்றுலாச் செல்பவர்கள் வாழ்வில் மறக்க இயலாத மிக அழகிய ஆன்மீக  இடமும் கூட! 
முற்றும்.

தொகுப்பு :கே. பார்வதி திருநெல்வேலி டவுண் 

]]>
http://images.dinamani.com/uploads/user/imagelibrary/2018/10/23/w600X390/sm7.jpg http://www.dinamani.com/weekly-supplements/siruvarmani/2018/oct/23/கருவூலம்-கன்னியாகுமரி-மாவட்டம்-3025498.html
3025495 வார இதழ்கள் சிறுவர்மணி ஒற்றுமையின் மதிப்பு! - மயிலை மாதவன். DIN Tuesday, October 23, 2018 11:35 AM +0530 தாத்தா வேலுச்சாமியின் கையைப் பிடித்துக் கொண்டு கடைக்குச் சென்றான் சீனு. தாத்தா, முருகன் கடையில்  பழங்களை விற்றுக் கொண்டிருந்தான். அப்போது வேலுச்சாமி பழங்கள் வாங்குவதற்காக அங்கு வந்தார்.  என்னப்பா முருகன்!....திராட்சை என்ன விலை?''

முருகன் தன் முன் இருந்த இரண்டு கூடைகளை ஒவ்வொன்றாய்க் காட்டி, ""இது கிலோ எண்பது ரூபாய்.....இது கிலோ நாற்பது ரூபாய்!'' என்றார்.

அதற்கு வேலுச்சாமி, ""என்னப்பா இது இரண்டு கூடைகளிலும் இருப்பது ஒரே வகை திராட்சைப் பழங்கள்தானே!....அப்புறம் ஏன் விலையில் இந்த வித்தியாசம்?''

அதற்கு பழக்கடைக்காரர் முருகன், ""ஐயா,....இந்தக் கூடையில் உள்ளது திராட்சைக் குலை!....ஆனால் இதில் உள்ளது உதிர்ந்த திராட்சைகள்!....குலையாக இருக்கும் திராட்சைகள் பல நாள் தாங்கும்.....அழுகாது!....ஆனால் இப்படி உதிர்ந்த திராட்சைகள் சீக்கிரம் அழுகிவிடும்.... அதனால்தான் இந்த விலை வித்தியாசம்!...''

வேலுச்சாமி ஒரு குலையுடன் இருந்த திராட்சையை சிரித்தபடியே வாங்கிக் கொண்டார். 

இரண்டு திராட்சைகளை அதிலிருந்து பிட்டு பேரன் சீனுவுக்குக் கொடுத்தார்.

சுவைத்துக் கொண்டே வந்த பேரனிடம், ""ஒரு விஷயம் கவனிச்சியா சீனு!.....ஒற்றுமையா குலையா,,,...காம்புடன் இருந்த திராட்சைகள் விலைமதிப்பு உயர்ந்ததாகவும். பிரிந்து போன உதிர்ந்த பழங்கள் மதிப்பில் குறைந்து விடுகிறது.... அது போலத்தான் இந்த சமுதாயம் ஒற்றுமையா இருக்கிற வரைக்கும் மதிப்பில் உயர்ந்தும்,.....வேற்றுமைகளோடு பிரிந்திருக்கும் சமுதாயம் மதிப்பில் தாழ்ந்தும் விடும்!....'''

""சூப்பர் தாத்தா!.....ஒற்றுமைக்கு இந்த நிஜக்கதை நல்ல உதாரணம்......இன்னும் ரெண்டு திராட்சை குடுங்க....ரொம்ப சுவையா இருக்கு!....''

""நாம வீட்டுக்குப் போய் எல்லோரோடும் ஒற்றுமையா சாப்பிடலாம்!...''

 ""ஓ.கே. தாத்தா!''

]]>
http://images.dinamani.com/uploads/user/imagelibrary/2018/10/23/w600X390/sm6.jpg http://www.dinamani.com/weekly-supplements/siruvarmani/2018/oct/23/ஒற்றுமையின்-மதிப்பு-3025495.html
3025494 வார இதழ்கள் சிறுவர்மணி பொன்மொழிகள்! தொகுப்பு: நெ.இராமன் DIN Tuesday, October 23, 2018 11:32 AM +0530 அன்பை அடிப்படையாகக் கொண்ட  ஒழுக்கமே மதம் எனப்படும். 
- சுவாமி விவேகானந்தர்

ஆயிரம் வீண் வார்த்தைகளைவிட ஒரு நல்ல வார்த்தை மேலானது. 
- புத்தர்

தவறை உணர்வதே அதைத் தவிர்ப்பதற்கான முதல் படியாகும். 
-  புதுவை அன்னை

ஒவ்வொரு புனிதமான ஆசையும் சிறந்த வழிபாடாகும்! 
- மகாவீரர்

நல்லவற்றைக் கேட்காதவனே செவிடன்! 
- ஆதிசங்கரர்

தவங்களில் உயர்ந்தது பொறுமைதான்! 
- குருநானக்

உள்ளத்தில் அன்பு உள்ளதா?...அப்படியானால் அங்கு இறைவனும் இருக்கிறார்! 
- காந்தியடிகள்

பிறர் காண தான தருமம் செய்யாதே! 
- இயேசு

மற்றவர் செய்ய வேண்டும் என நினைப்பதை நீயே செய்யலாமே! 
- இராமகிருஷ்ணர்

பிறருடைய தவறுகளையும் குற்றங்களையும் தேடித் திரிய வேண்டாம்! 
- நபிகள் நாயகம்

]]>
http://images.dinamani.com/uploads/user/imagelibrary/2018/7/6/w600X390/sm7.jpg http://www.dinamani.com/weekly-supplements/siruvarmani/2018/oct/23/பொன்மொழிகள்-3025494.html
3025492 வார இதழ்கள் சிறுவர்மணி குறள் பாட்டு: அறன் வலியுறுத்தல் DIN DIN Tuesday, October 23, 2018 11:30 AM +0530 (அறத்துப்பால்   -   அதிகாரம் 4   -   பாடல் 6)

அன்று அறிவாம் எண்ணாது அறம் செய்க மற்று அது
பொன்றும் கால் பொன்றாத் துணை.

-திருக்குறள்


பிறகு பார்த்துக் கொள்ளலாம் 
என்று காலம் தள்ளாது
நல்லதையே செய்வதால்
நன்மையெல்லாம் கை கூடும்

வாழுகின்ற காலத்தில்
வறண்ட எண்ணம் கொள்ளாமல்
கடைப்பிடிக்கும் அறநெறி
கடைசிக் காலத் துணையாகும்


-ஆசி.கண்ணம்பிரத்தினம்
 

]]>
http://images.dinamani.com/uploads/user/imagelibrary/2018/9/22/w600X390/sm4.jpg http://www.dinamani.com/weekly-supplements/siruvarmani/2018/oct/23/குறள்-பாட்டு-அறன்-வலியுறுத்தல்-3025492.html
3025491 வார இதழ்கள் சிறுவர்மணி மூன்று கண்ணாடிகள்!: ஞானக்கிளி! - 23 பூதலூர் முத்து DIN Tuesday, October 23, 2018 11:29 AM +0530 ஞானம் வந்து அமர்ந்ததும் ஒரு காட்சியைக் கவனித்தது. 

அந்தப் பிள்ளைகளோடு... புதிதாக ஒரு பெண் இருந்தாள். அவள் அவளுடைய கைப்பையிலிருந்து ஒரு கண்ணாடியை எடுத்து முகத்தைப் பார்த்தாள். தலை முடியைச் சரி செய்தாள். அவள் பெயர் பொற்கொடி என்று மேரி அறிமுகம் செய்தாள். அவளோடு படிப்பவளாம். 

""பொற்கொடிக்கு என் வாழ்த்துக்கள்....தலை முடி கலையக் கூடாது.....முகம் தெளிவாக இருக்க வேண்டும் என்ற அவளுடைய அக்கறையைப் பாராட்டுகிறேன்.....அவள் பையிலிருந்து கண்ணாடியை எடுத்ததும் தெரியவில்லை.....வைத்ததும் தெரியவில்லை....''

""பாத்திமா சொன்னாள்...""எங்கள் தெருவில் மதியழகின்னு ஒரு பொண்ணு.....அவ, வீட்டிலே இருக்கிற பெரிய கண்ணாடி முன்னாலே போய் நின்னா, சோறு, தண்ணீர், பள்ளிக்கூடம்,....படிப்பு எல்லாவற்றையும் மறந்திடுவா...முடியைப் பின்னி ஒற்றைச் சடை....பிறகு அதைப் பிரிச்சிட்டு இரட்டைச் சடை... அவற்றைப் பின்னால் போடுவது.....முன்னால் போடுவது....அது ஒரு வழியா முடியும்....பொட்டு வைக்க...பூ வைக்க....

நேரம் எடுப்பா....பையிலே உணவுப் பாத்திரத்தை எடுத்து வைக்க மறந்திடுவா.....அம்மாதான் எடுத்து வைக்கணும்....

""இப்படி நேரம் போனா பள்ளிப் பேருந்து போயிடுமே...''

""அதே கதைதான்!.....அண்ணனிடம் சொல்லிப் பள்ளியிலே விடச் சொல்லுவா....அவருக்கு வேலை இருந்தா ஆட்டோவுக்கு வீண் செலவு....''

ஞானம் சொன்னது....""தங்கமணி ஐயா சொன்ன ஒரு செய்தி முக்கியமானது...பெண்கள் பலர் நிலைக்கண்ணாடி முன்னால வெகு நேரம் நிற்கறவங்க....ஆண்கள், பெண்கள் வேறுபாடு இல்லாம தொலைக்காட்சி என்ற கண்ணாடி, ஸ்மார்ட்ஃபோன் என்ற கண்ணாடி இவற்றுக்குப் பல மணி நேரத்தைப் பலி கொடுக்கிறாங்க....இந்த நிலை மாறினால்தான் அவங்க வாழ்க்கையிலும் நல்ல மாற்றம் ஏற்படும்!...''

""அக்கா!....மூன்று கண்ணாடிப் பிரச்னை உனக்கு இல்லே!....அதனால நீ மனத்தளவில் தெளிவா இருக்கே...'' என்றாள் மேரி. 

""இந்த மூன்று கண்ணாடியையும் விலக்கி வைக்க முடியாது!....அவற்றில் நமக்குப் பயன்தரக் கூடிய தேவை என்ன?....எது நம் நேரத்தை வீணாக்கும்?.... எது நம் வளர்ச்சிக்குத் துணையாக இருக்கும்?....என்று சிந்தித்தால் போதும்!....''

நிலைக்கண்ணாடி முன்னால் அஞ்சு நிமிஷத்துக்கு மேல் வேலையே இல்லை....தொலைக்காட்சி தேவையிருந்தால் அரைமணி நேரம்....ஸ்மார்ட்போன் மிகமிக அவசியமான...முக்கியமான தேவை இருந்தால் மட்டுமே பயன்படுத்துவேன்....என்று நீங்கள் ஒரு சபதம் எடுக்க வேண்டும்!....பிறகு பாருங்கள்!....உங்கள் வாழ்வு என்னும் வண்டி முன்னேற்றத்தை நோக்கிப் பச்சைக் கொடி அசையும்!...'''

ஞானம் தெளிவாகச் சொன்னது.

கிளி வரும்....

]]>
http://images.dinamani.com/uploads/user/imagelibrary/2018/10/23/w600X390/sm5.jpg http://www.dinamani.com/weekly-supplements/siruvarmani/2018/oct/23/மூன்று-கண்ணாடிகள்-ஞானக்கிளி---23-3025491.html
3025490 வார இதழ்கள் சிறுவர்மணி நினைவுச் சுடர்!: சொல்லாததற்குக் காரணம்! நெ.இராமன், சென்னை DIN Tuesday, October 23, 2018 11:27 AM +0530 விவேகானந்தர் இந்தியாவிலிருந்து ஆன்மீகச் சொற்பொழிவுக்காக அமெரிக்கா சென்றிருந்தார். அங்கு அவர் சில நாட்கள் தங்க வேண்டியிருந்தது. அவர் வெள்ளையர்களைவிட சற்று கருப்பாக இருந்ததால் சில அமெரிக்க வெள்ளையர்கள் அவரை  "நீக்ரோ' இனத்தவர் என நினைத்தனர். அந்நாட்களில் நீக்ரோக்கள் அமெரிக்காவில் கேவலமாக நடத்தப்பட்டார்கள்.  விவேகானந்தர் தன்னை யாராவது "நீக்ரோ' என்று கூறினால் அதை மறுத்துப் பேசுவதில்லை. 

சுவாமிஜி மற்ற நீக்ரோக்களைப் போலவே சில இடங்களில் தாழ்வாக நடத்தப்பட்டார். ஒரு நாள் அவர் அமெரிக்காவிலுள்ள ஒரு சலூனுக்குப் போனார். அவரை நீக்ரோ என நினைத்த சலூன்காரர், அவரை வெளியே போக உத்தவிட்டார். அமைதியாக வெளியேறினார் அவர்.

மற்றொரு சமயம் அவரை நீக்ரோ என்று நினைத்து,   ஒரு ஹோட்டலில் அவருக்குத் தங்குவதற்கு இடம் தர மறுத்தனர்...வெளியே போ!...என்று துரத்தினர். 

அப்போதும் தான் நீக்ரோ அல்ல என்று சொல்லவில்லை. 

நீண்ட நாட்களுக்குப் பிறகு மேலைநாட்டு சீடர் ஒருவர் சுவாமிஜியிடம்,   

""நீங்கள் நீக்ரோ அல்ல....என்று  சொல்லியிருக்கலாமே!....ஏன் சொல்ல
வில்லை?...''

""அப்படியானால் நீக்ரோ என்னைவிடத் தாழ்வானவன் என்பதை நானே ஒப்புக் கொள்வதுபோல் ஆகாதா/....மனிதரில் பேதத்தை என்னால் பார்க்க முடியாது....மேலும் அதனால் கிடைக்கும் சலுகைகள் எனக்குப் பிடிக்காது!... அது ஒருவனைக் கீழே தள்ளிவிட்டு இன்னொருவன் முன்னேறுவது போலாகும்!...நான் அதற்காக இந்த உலகில் பிறக்கவில்லை!'' என்றார்.

]]>
http://images.dinamani.com/uploads/user/imagelibrary/2018/10/23/w600X390/sm4.jpg http://www.dinamani.com/weekly-supplements/siruvarmani/2018/oct/23/நினைவுச்-சுடர்-சொல்லாததற்குக்-காரணம்-3025490.html
3025484 வார இதழ்கள் சிறுவர்மணி அரங்கம்: மாண்பு! ரா.முகுந்த ராஜு Tuesday, October 23, 2018 11:24 AM +0530
காட்சி - 1
இடம் - குணாளன் வீடு,   மாந்தர் - குணாளன், அம்மா, அப்பா.

அம்மா - குணா!....செட்டியார் கடையிலே அஞ்சு  ரூபாய் சோப்பு ரெண்டு வாங்கிட்டு வா!.....
குணாளன் - சரி, காசு குடு!....
அம்மா - அப்பாகிட்டே வாங்கிக்கோ!....
குணாளன் - (அப்பாவிடம் போய்...) அப்பா!....பத்து ரூபாய் தாப்பா!....அம்மா சோப்பு வாங்கி வரச்சொன்னாங்க....
அப்பா: (சட்டைப் பையிலிருந்து காசை எடுத்து) இந்தா...
(அப்பா கொடுத்த பத்து ரூபாய்த்தாளை வாங்கிக்கொண்டு  கடைக்கு ஓடுகிறான்)


காட்சி - 2
இடம் - செட்டியார் மளிகைக் கடை   மாந்தர் - செட்டியார், குணாளன்.

குணாளன் - ஐயா, அம்மா ரெண்டு சோப்பு வாங்கி வரச்சொன்னாங்க..... காசு அப்புறமாத் தரேன்னு சொன்னாங்க.....
(செட்டியார் யோசிக்கிறார்....."அவர்கள் ஏழைகள் தான்....ஆனால் கடனில் சாமான் வாங்க மாட்டார்கள்.... அப்பப்பக் காசு கொடுத்துத்தான் வாங்குவார்கள்..... பையன் இப்படிச் சொல்லிக் கேட்கிறான்.....இப்போ என்ன செய்யறது?....' என்று நினைத்துக் கொண்டே இரண்டு சோப்புகளைத் தருகிறார்....கணக்கு எழுதி வைத்துக் கொள்கிறார்....)   


காட்சி - 3
இடம் - பள்ளிக்கூடம்,   மாந்தர் - சத்யா, குணாளன்.

குணாளன் - சத்யா!....,இன்று பள்ளிக்கூடம் விட்டவுடன் ஹோட்டலில் போய் சாப்பிடுவோம்!.....ரொம்ப நாளாகவே எனக்கு ஆசை!....நடராஜன் அடிக்கடி அங்கே போய் சாப்பிடுவான். அதான் எனக்கும் அதே ஆசை!....
சத்யன் - ஏதுடா காசு?....அங்கே போனால் எப்படியும் பத்து ரூபாய் வேணுமே!.......யார் தந்தார்கள்?....
குணாளன் - அம்மாதான் காலையிலே தந்தாங்க.....அதான்!...
(சத்யனுக்கு சந்தேகம்....ஏனெனில் குணாளன் அப்பாவும், அம்மாவும் கையில்காசு தந்ததில்லை!....--(மனதிற்குள்....) இது என்ன இது புதுசா இருக்கே!....என்னன்னு கண்டுபிடிக்கணும்!)
சத்யன் - அந்த ஓட்டலுக்கு நான் வரலேடா!.....எனக்கு வயிறு சரியில்லே....
குணாளன் -  நான் மட்டும் எப்படிடா சாப்பிடறது?..... எனக்கு தனியா ஓட்டலுக்குப் போய் பழக்கமில்லேடா.....நீயும் வாடா!.....
சத்யன் - சரி, நான் வரேன்......ஆனா இந்தக் காசு உனக்கு எப்படி வந்தது? அதைச் சொல்லு முதல்லே!.....அதைச் சொல்லிட்டா நான் உங்கூட வருவேன்....இல்லேன்னா வர முடியாது!..... 
குணாளன் - அம்மா சோப் வாங்க காசு தந்தாங்க....நான் செட்டியார் கடையிலே கடன் சொல்லிட்டு பத்து ரூபாயை நானே வெச்சிக்கிட்டேன்!.....இதோ பார்! (பத்து ரூபாய்த் தாளைக் காண்பிக்கிறான்)
சத்யன் - அம்மாவிடம் செட்டியார் கேட்
பாரே....அப்ப நீ மாட்டிக்குவே!....நீ ஒரு தப்பு செய்யத் தயாராயிட்டே!.....அம்மாவும், அப்பாவும் அடிப்பார்கள்....திட்டுவார்கள்!.....இனிமே உன்னை எதற்கும் நம்ப மாட்டார்கள்!.... வீட்டில் காசு தொலைஞ்சா உன்னை சந்தேகத்தோடு பார்ப்பார்கள்!....இதெல்லாம்.

அம்மாவும், அப்பாவும் அடிப்பார்கள்....திட்டுவார்கள்!.....இனிமே உன்னை எதற்கும் நம்ப மாட்டார்கள்!.... வீட்டில் காசு தொலைஞ்சா உன்னை சந்தேகத்தோடு பார்ப்பார்கள்!....இதெல்லாம் தேவையா?.... இது உனக்குப் பிடிச்சிருக்கா?....
குணாளன் - ஐயய்யோ!....ஆமாண்டா!.....தெரியாம செஞ்சுட்டேன்!.....பின்னால் நடக்கப்போவதைப் பற்றி நான் நினைக்கவே இல்லேடா!.... பயமாயிருக்குடா!....நான் மோசடி பண்ணிட்டேன்!.... யோசிக்காம முட்டாள்தனம் பண்ணிட்டேன்!....எனக்கு என்ன பண்றதுன்னே தெரியலேடா....இனிமே என்னை என் அப்பா, அம்மா ரெண்டு பேருமே நம்ப மாட்டாங்களா?...... (அழுகிறான்)
சத்யா - அழாதேடா!.....எந்தக் காரியம் செய்தாலும் யோசிக்கணும்டா....தப்பு செய்ய நினைக்கவே கூடாது!.... தப்பு செய்யற பழக்கம் வந்துடுச்சின்னா மாத்திக்கறது ரொம்பக் கஷ்டம்!...... அதுக்குள்ளே எல்லா அவதூறுகளும் வந்து சேர்ந்திடும்!.... 
குணாளன் - இப்ப என்னடா செய்யணும்!....சீக்கிரம் சொல்லுடா....
சத்யா - செட்டியார் கடைக்குப் போவோம்!.....உங்கிட்டே  இருக்கிற ரூபாயைக் கொடுத்து கடனை அடைச்சிடுவோம்!..... நீ அப்பா,அம்மாகிட்டே நடந்ததைச் சொல்லிடு!.... மன்னிப்புக் கேள்!.... அவங்க உன்னை நிச்சயம் மன்னிச்சிடுவாங்க....
குணாளன் - சரிடா....
( செட்டியார் கடைக்குச் செல்கிறார்கள். )
குணாளன் - ஐயா!.....காலையிலே கடனா சோப் வாங்கினேனே.....பத்து ரூபாய்க்கு!.... இந்தாங்க பத்து ரூபாய்!.....கணக்குலே எழுதியிருந்தா அடிச்சிடுங்க....!
செட்டியார் - ஓ! அதுவா!....இப்போதான் அம்மா வந்தாங்க சாமான் வாங்க!.....நீ கொடுக்க வேண்டியதைச் சொன்னேன்..... அவங்களே கொடுத்திட்டாங்க தம்பி!....
(--குணா மனதிற்குள்---- "அப்பாகிட்டேயிருந்து பத்து ரூபாயை வாங்கறதை அம்மா பார்த்தாங்களே..... அப்படியிருந்தும் ரூபாயைக் கொடுத்திருக்காங்களே.....காசு கொடுத்துத்தானே அனுப்பினேன்னு செட்டியார்கிட்டே சொல்லாம நான் வாங்கின கடனைக் குடுத்திருக்காங்களே.... அம்மா எப்படிப்பட்டவங்க!.....அவங்களுக்கு நல்ல பிள்ளையா நடந்துக்கலையே நான்!'---கண்களில் நீர்---)
சத்யா - குணா!.....அம்மாவைப் பார்த்தியா?....உன்னைக் காட்டிக் கொடுக்காம செட்டியாரிடம் எதுவும் சொல்லாம காசைக் கொடுத்திருக்காங்க.....நீ ஏதோ தப்பு செய்து விட்டாய் என்பது அவங்களுக்குத் தெரிந்து விட்டது!.... நீ போ!....உன் வீட்டுக்குப் போய் நான் சொன்னபடி எல்லாத்தையும் சொல்லி அவங்க கிட்டே மன்னிப்புக் கேள்!


காட்சி - 4
இடம் - குணாளன் வீடு,   மாந்தர் - குணாளன், குணாளனின் அம்மா, அப்பா.


(அப்பா ஒரு மேஜை அருகே உட்கார்ந்திருக்கிறார். அம்மா குணாளன் வருவதைப் பார்க்கிறாள்)
அம்மா - வா குணா!.....
குணாளன் - (கண்களில் நீருடன்) அம்மா!....இன்னிக்கு நான்ஒரு தப்பு பண்ணிட்டேம்மா!.....
அம்மா - என்ன தப்பு!.....சொல்லு!...
குணாளன் - காலையிலே அப்பா கொடுத்து பத்து ரூபாயை செட்டியார் கடையிலே நான் குடுக்கலே!.....சோப்பைக் கடனா வாங்கி வந்திட்டேன்.....
அப்பா - ரூபாயை என்ன பண்ணே?....
குணாளன் - எனக்கு ஹோட்டல்லே சாப்பிடணும்னு ஆசை வந்திடுச்சி!.... அந்தப் பத்து ரூபாய்க்கு தோசை சாப்பிடலாம்னு நெனைச்சேன்!....
அப்பா - சாப்பிட்டியா?
குணாளன் - இல்லேப்பா....என்னோட நண்பன் சத்யாவைக் கூப்பிட்டேன்....அவன், "ஏதுடா காசு'ன்னு கேட்ட உடனே எல்லாத்தையும் சொல்லிட்டேன்!.... அவன்தான் காசை செட்டியார் கிட்டே திருப்பிக் கொடுக்கச் சொல்லி.... எனக்கு நல்ல புத்தி சொன்னான். உங்ககிட்டே மன்னிப்பும் கேட்கச் சொன்னான்!....
அம்மா - பரவாயில்லையே.... நல்ல நண்பன்தான் உனக்கு!....
குணாளன் - செட்டியார் கிட்டே பணத்தைத் திருப்பிக் கொடுக்கப் போனபோதுதான் தெரிஞ்சுது!....நீயும் என்னைக் காட்டிக் கொடுக்கலேங்கிற விஷயம்....ரொம்ப சாரிம்மா....இனிமே இப்படி செய்யமாட்டேம்மா!....
அம்மா - அற்ப ஆசையின் விளைவைப் பார்த்தியா..... எனக்கு செட்டியார் கடனைக் கேட்டவுடன் புரிஞ்சு போச்சு!....உங்கிட்டே கேட்கலாம்னு இருந்தேன்... நீயே எல்லத்தையும் சொல்லி மன்னிப்பும் கேட்டுட்டே! ..... விடு இனி இப்படிச் செய்யாதே..... அற்ப ஆசைகளுக்கு,....இடம் கொடுக்காதே.... 
அப்பா - விடுடா!....நாங்க உன்னை மன்னிச்சுட்டோம்!.......தப்பைத் தப்புன்னு ஒத்துக்கிட்டு மன்னிப்புக் கேட்கறதுக்கு ரொம்ப நல்ல மனசு இருக்கணும்!.... நீ ரொம்ப நல்ல குழந்தை!.... போ!.... அம்மா டிபன் செஞ்சு வெச்சிருக்காங்க....போய்ச் சாப்பிடு!....
குணாளன் - அது மட்டுமில்லேப்பா!....இனிமே நீங்க என்னை நம்ப மாட்டீங்கன்னும் சத்யா சொன்னான்... ஏன் யாருமே நம்ப மாட்டாங்கன்னும் சொன்னான் அதான் எனக்கு ரொம்ப கவலையா ஆயிடுச்சு!

]]>
http://images.dinamani.com/uploads/user/imagelibrary/2018/10/23/w600X390/sm1.jpg http://www.dinamani.com/weekly-supplements/siruvarmani/2018/oct/23/அரங்கம்-மாண்பு-3025484.html
3020897 வார இதழ்கள் சிறுவர்மணி  அங்கிள் ஆன்டெனா ரொசிட்டா DIN Monday, October 15, 2018 04:15 PM +0530 கேள்வி: இரட்டைத் தலை உள்ள பாம்புகூட இருக்கிறது என்கிறார்களே, உண்மையா?

பதில்: எப்போதாவது நடக்கும் அதிசய.ம் இது. இரட்டைத் தலை பாம்பு உண்மையிலேயே இருக்கத்தான் செய்கிறது. படத்தைப் பாருங்கள்..

அமெரிக்காவிலுள்ள வடக்கு விர்ஜினியா பகுதியில், ஒரு பண்ணை வீட்டுக்காரர்கள் இந்தப் பாம்பு தங்கள் வயல்வெளியில் சுறுசுறுப்பாகச் சென்று கொண்டிருந்ததைப் பார்த்து, ஆராய்ச்சியாளர்களுக்குத் தொலைபேசி மூலம் தகவல் தெரிவித்து, அவர்களிடம் ஒப்படைத்தார்கள்.

இந்த இரட்டைத்தலை பாம்பை, பல நாட்கள் ஆராய்ச்சி செய்து பார்த்ததில் அதற்கு இரண்டு மூளைகளும், ஒரு இதயமும், ஒரு நுரையீரலும் இருப்பதைக் கண்டறிந்தார்கள்.

இரண்டு தலைகளுக்கும் தங்களுக்குத் தேவயான இரையைக் கவ்விப் பிடிக்கும் திறன் இருந்தது. அதிலும் இடது பக்கத் தலைக்கு இந்தத் திறன் மிகவும் அதிகமாக இருந்ததாம்.    

]]>
http://images.dinamani.com/uploads/user/imagelibrary/2018/10/6/w600X390/sm11.jpg http://www.dinamani.com/weekly-supplements/siruvarmani/2018/oct/15/அங்கிள்-ஆன்டெனா-3020897.html
3020896 வார இதழ்கள் சிறுவர்மணி நிதானம்! - சி.பன்னீர்செல்வம் DIN Monday, October 15, 2018 04:13 PM +0530 சந்திர தேவ் மகரிஷியிடம் அருணனும், பால கோவிந்தும் சீடர்களாக இருந்தனர். இருவரும் பலசாலிகள்! புத்திசாலிகள்! இருப்பினும் பால கோவிந்த் சற்று நிதானமானவன். அருணனோ துடுக்குத்தனம் நிறைந்தவன்!...பால கோவிந்தைவிட தான் கெட்டிக்காரன் என்று நிரூபிக்க வேண்டும் என்று அருணன் விரும்பினான்.  பாலகோவிந்தோ எப்போதும் புன்சிரிப்புடன் தன் கடமையைச் செய்துவந்தான்.  

சந்திர தேவ் மகரிஷி  இதை அறிந்துகொண்டார்.

ஒருநாள் அவர், ""ஹே,... அருணா!...ஹே....பாலகோவிந்த்!....இருவரும் இங்கே வாருங்கள்!...'' என  சீடர்களை அழைத்தார். இருவரும் அவர் முன் வந்து நின்றனர். 
""எனக்கு இன்று ஏனோ அதிகமாகப் பசிக்கிறது......அதோ! அந்த மரத்திலிருந்து 
பழங்களைப் பறித்துவாருங்கள்...'' என்றார். 

உடனே அருணனும், பாலகோவிந்தும் பழங்களைப் பறிக்க விரைந்தனர். ஆனால் மரத்தை நெருங்க முடியவில்லை....மரத்தைச் சுற்றி முட்புதர்கள் இருந்தன. 

எப்படியும் ரிஷியிடம் நற்பெயர் வாங்கிவிட வேண்டும் என நினைத்த அருணன் சற்றே பின்னோக்கி வந்து பின்னர் முன்னோக்கி வேகமாக ஒடிக் குதித்து மரத்தைப் பிடித்துக் கொண்டு ஏறிவிட்டான்.  பழங்களை முடிந்த அளவுக்குப் பறித்தான். பின் மரத்திலிருந்து குதித்தான் முட்புதரினால் உடலில் காயங்கள் ஏற்பட்டன. அதைப் பொருட்படுத்தாமல்  வேகமாக ஓடி குருவிடம் பழங்களை அளித்தான். 

பாலகோவிந்தோ, ஒரு அரிவாளை எடுத்து வந்து முட்செடிகளை வெட்டினான்.

மரத்தின் அருகே செல்லும்படி வசதி செய்தான். இதற்கு சில நிமிடங்கள் ஆகிவிட்டன....அப்போது சில வழிப்போக்கர்கள் வந்தனர். அவர்கள் மரத்தை பாலகோவிந்த அமைத்த பாதை வழியே மரத்தை அடைந்தனர்.  பழங்களைப் பறித்துச் சாப்பிட்டனர்.  மரத்தடியில் படுத்து இளைப்பாறினர். பாலகோவிந்தும் சில பழங்களைப் பறித்துக் கொண்டான். பறித்த பழங்களை சந்திரதேவ் மகரிஷியிடம் தந்தான். 

அருணன் கொடுத்த பழங்களைச் சாப்பிட்டுக்கொண்டிருந்தார் ரிஷி! அருணனுக்குப் பெருமை பிடிபடவில்லை!

மகரிஷி அருணைப் பார்த்து, ""உன் வேகமும்,,  சாமர்த்தியமும் அருமை! ஆனால் நீ மிகவும் அவசரபுத்தியுடன் செயல்பட்டிருக்கிறாய்....உடலில் காயம் வேறு! .... பாலகோவிந்தைப் பார்....அவன் பொறுமையினால் எனக்கு மட்டுமல்ல....வழிப்போக்கர்களுக்கும் அல்லவா பசியாற்றிவிட்டான்!... பொறுமையின் பயன் பலரைச் சென்று அடையும்...அருணா, குழந்தாய்!...வெறும் வேகம் மட்டும் போதாது! சற்றே நிதானமாக சிந்தித்து செயல் படுவாய்!''

அருணனுக்கு இப்போதெல்லாம் பால கோவிந்தனிடம் பொறாமை என்பதே இல்லை. இருவரும் மிகச் சிறந்த சீடர்களாக புன்சிரிப்புடன் கல்வி கற்கின்றனர். புன்னகையுடன் பணிகளைச் செய்கின்றனர். 

]]>
http://images.dinamani.com/uploads/user/imagelibrary/2018/10/15/w600X390/SM15.jpg http://www.dinamani.com/weekly-supplements/siruvarmani/2018/oct/15/நிதானம்-3020896.html
3020895 வார இதழ்கள் சிறுவர்மணி முருங்கை மரம்!:   என்ன குழந்தைகளே நலமாக  இருக்கிறீர்களா ? - பா.இராதாகிருஷ்ணன் DIN Monday, October 15, 2018 04:11 PM +0530 நான் தான் முருங்கை மரம் பேசுகிறேன். என்னுடைய தாவரவியல் பெயர் மொரிங்கா ஆலிஃபெரா,  நான் மொரிங்கேசி  குடும்பத்தைச் சேர்ந்தவள். மொரிங்க என்பது முருங்கை என்ற தமிழ் பெயரிலிருந்து உருவாக்கப்பட்ட பெயர். ஆலிஃபெரா என்றால் எண்ணெயுடைய விதையைக் குறிக்கும். 

குழந்தைகளே, நான் ஒரு மருத்துவப் பொக்கிஷம், ஆரோக்கியப்  பெட்டகம்.   என்னுடைய காயை அனைவரும் விரும்பி சாப்பிடுவார்கள். என்னிடம் அதிகம் சத்துகள் உள்ளன. நீங்கள் வீட்டிற்கு ஒரு முருங்கை மரம் ல் 4 மடங்கு "வைட்டமின் "ஏ' சத்தும், வாழைப்பழத்தைப் போல் 3 மடங்கு பொட்டாசியம் சத்தும், தயிரில் இருப்பதை விட 2 மடங்கு புரோட்டின் சத்தும்  உள்ளன.  எந்த கீரையிலும் இல்லாத அதிக அளவில் 75 மடங்கு இரும்பு சத்து உள்ளன. அதனால் என்னையும் "பிரம்ம விருட்சம்' என்றே சித்தர்கள் அழைத்தனர்.  

"ஒரு முருங்கை மரமும், ஒரு பசுவும் இருந்தால், விருந்தாளிக்கு மனம் களிக்கச் செய்வேன்' என்ற பழமொழி வீட்டிற்கு ஒரு முருங்கை மரம் வேண்டும் என்பதையும், நான் மருந்தாகவும், விருந்தாகவும் விளங்குவேன் என்பதையும் விளக்குகிறது.   

நான் அதிகம் வலுவில்லாதவள் தான். ஆனால், என்னுடைய இலைகள், வேர், காய் என அனைத்து பாகங்களுமே மருத்துவ குணம் நிறைந்தவை.  என்னுடைய காய் மற்றும் இலையில் வைட்டமின் "சி' அதிகமாக உள்ளது.  என்னுடைய இலையில் அதிக அளவில் இரும்புச் சத்து உள்ளதால் நான் உங்களின் இரத்த சோகையைத் தீர்த்து, உங்கள் உடலை வலு பெற வைப்பேன்.  உங்கள் இரத்தம் சுத்தமடையும். மெலிந்த தேகம் உள்ளவர்கள் வாரமிருமுறை என்னுடைய கீரையை சமைத்து உண்டால்  உடம்பு வலுவடையும். என்னுடைய இலையின் சாறு விக்கலைப் போக்கும்.  நான் வயிற்றுப் புண்ணையும், அஜீரண கோளாறுகளையும், மலச்சிக்கலையும் போக்குவேன்.  என்னுடைய பூக்களை நிழலில் உலர்த்தி பொடி செய்து காலையில் கஷாயம் செய்து அதனுடன் பனை வெல்லம் கலந்து அருந்தினால்  உடல் வலுவடைந்து நரம்புகள் புத்துணர்வுப் பெறும். 

என்னுடைய பயன்பாட்டை நம் முன்னோர்கள் ஆண்டாண்டு காலமாக அனுபவித்து வந்துள்ளார்கள். பழங்காலத்தில் அரசர்கள் வீரர்களுக்கு முருங்கை கீரையை உணவாகக் கொடுத்து வந்தனர்.  அதனால் அவர்கள் பலமுடன் போர் புரிந்தனர் என வரலாற்று ஆய்வாளர்கள் தெரிவிக்கின்றனர்.  

மனிதர்களின்றி மரங்கள் இருக்கும் ஆனால் மரங்களின்றி மனிதர்கள் இல்லை
(வளருவேன்)

]]>
http://images.dinamani.com/uploads/user/imagelibrary/2018/10/15/w600X390/SM14.jpg http://www.dinamani.com/weekly-supplements/siruvarmani/2018/oct/15/முருங்கை-மரம்---என்ன-குழந்தைகளே-நலமாக--இருக்கிறீர்களா--3020895.html
3020894 வார இதழ்கள் சிறுவர்மணி விடுகதைகள் DIN DIN Monday, October 15, 2018 04:09 PM +0530 1. பாளை போல பூ பூக்கும், பார்த்தவருக்கு விருப்பமூட்டும், தலையிலே சூடாதது என்ன பூ?
2. யானை படுக்க நிழல் உண்டு, கடுகு மடிக்க இலை இல்லை...
3. சிறகில்லாத பறவை, தேசமெங்கும் திரியும்...
4.  அந்தரத்தில் தொங்குது சொம்பும் தண்ணீரும்...
5. பையில் இது இருந்தால், வேறு எதுவும் இருக்காது...
6. நூறு கிளிக்கு ஒரே வாய்...
7. பயந்தால் விட மாட்டான், பழகினால் மறக்க மாட் டான்...
8. உச்சிக் கிளையிலே சாட்டை தொங்குது...
9. ஊசி மூக்கன், உள்ளங்கை கட்டையன், ஊருக்கு செல்லப் பிள்ளை... இவன் யார்?

-ரொசிட்டா

1. வாழைப்பூ, 2.  சவுக்கு மரம், 3. கடிதம், 
4. இளநீர்க்காய், 5.  கிழிசல், 6.  வாழைப்பூ, 
7.  நாய், 8.  முருங்கை, 9.  வெற்றிலை

]]>
http://images.dinamani.com/uploads/user/imagelibrary/2018/9/22/w600X390/sm17.jpg http://www.dinamani.com/weekly-supplements/siruvarmani/2018/oct/15/விடுகதைகள்-3020894.html
3020892 வார இதழ்கள் சிறுவர்மணி நெகிழிச் சாலை! DIN DIN Monday, October 15, 2018 04:06 PM +0530 நெதர்லாண்டைச் சேர்ந்த "சைமன் ஜோரிட்ஸ்மா' என்பவரும், "ஆனி கெளட்ஸ்டால்' என்பவரும் சேர்ந்து ஆராய்ச்சி செய்து பிளாஸ்டிக் ரோடை வடிவமைத்திருக்கிறார்கள்! ஆமாம்! நெகிழிச் சாலையேதான்! சிமென்ட், அல்லது தார், அல்லது அஸ்ஃபால்ட்  இவை அனைத்தும் கருங்கல் துகள்களை இணைக்கும் பொருட்கள்.  இச்சாலைகள் மழையாலும், உடைந்து விட வாய்ப்பு உள்ளது. மேலும் புதிய சாலைகளை அமைக்கும் போது பெரும்பாலும் இவற்றை உடைப்பது கடினமாக இருக்கிறது. 

நெகிழிச் சாலை சாதாரணசாலையைவிட மூன்று பங்கு உழைக்கும்! .... நெகிழிச் சாலையின் உட்புறம் வெற்றிடம் இருப்பதால் அவை மழைநீருக்கு வடிகால்களாக இருக்கும்!  துண்டுதுண்டாக பலகைகள் போல் தயாரித்து ஒன்று சேர்த்து அமைத்து விடுவதால்...பழுதடைந்த இடத்தை எளிதில் மாற்றிவிடலாம்! நெகிழிப் பலகைகள் உள்ளே நல்ல வெற்றிடம் இருப்பதால் மின்சார கேபிள்கள், மற்றம்  
தண்ணீர்க் குழாய்களுக்காகத் தோண்டிக்கொண்டிருக்க வேண்டியதில்லை! லேசாக இருப்பதால் எளிதில் அடுக்கி எங்கு சாலை போடவேண்டுமோ அங்கு எடுத்துச் சென்று வேலையை முடிக்கலாம்! 

மழையினால் சாலை பழுதடையாது! சாலையில் மேடுபள்ளங்கள் இருக்காது. கேபிளோ, குழாய்களோ பழுதடைந்து விட்டால் தோண்ட வேண்டியதில்லை சாலையின் துண்டை அகற்றி விட்டு மீண்டும் பொருத்திவிடலாம்! நெகிழியை மறுசுழற்சி செய்யும் வாய்ப்பும் கிடைக்கிறது! 

நெகிழிச் சாலை மகிழ்ச்சி தருமா என்று போகப்போகத்தான் தெரியும்!

]]>
http://images.dinamani.com/uploads/user/imagelibrary/2018/10/15/w600X390/sm13.jpg http://www.dinamani.com/weekly-supplements/siruvarmani/2018/oct/15/நெகிழிச்-சாலை-3020892.html
3020891 வார இதழ்கள் சிறுவர்மணி அரங்கம்: பூச்சி!  திரை DIN Monday, October 15, 2018 04:04 PM +0530 க.சங்கர்

காட்சி -1,   
இடம் - சாலை,  மாந்தர் - ராமனாதன், மகள் மிதிலா

(காலை - ராமனாதன் மிதிலாவை இரு சக்கர வாகனத்தின் பின்னால் அமர்த்திக்கொண்டு செல்கிறார்.  தெருமுனையில் படுத்திருக்கும் நாய் அவர்களை அமைதியாகப் பார்க்கிறது
மதியம் - ராமனாதன் தனியாக அதே வாகனத்தில் வருகிறார்.  நாய் சிறிது தூரம் வரை துரத்திச் சென்று குரைக்கிறது. திரும்பிச் செல்லும்போதும் குரைக்கிறது.
மாலை - ராமனாதன் மிதிலாவைப் பின்னால் அமர்த்திக்கொண்டு திரும்புகிறார். அவர்களை அமைதியாகப் பார்க்கிறது.)

காட்சி - 2,   
இடம் - ராமனாதனின் வீடு,   
மாந்தர் - ராமனாதன், அவர் மனைவி சுமித்ரா, மகள் மிதிலா. 

ராமனாதன் - சுமி....என்னோட "டை' யை எங்கியாவது பார்த்தியா?
(சுமித்ரா டையுடன் வருகிறாள்) 
சுமித்ரா - டீக்கடையைத் தாண்டிப் போகும்போது கவனமா இருங்க.....வழக்கம்போல் அந்த நாய் உங்களைத் துரத்தப்போகுது....
ராமனாதன் - அதுக்கு நான் என்ன செய்யமுடியும்?...
சுமித்ரா - இந்த இடத்திலே எத்தனை வீடுங்க இருக்கு.... ஆனா அவங்களை யாரும் அந்த நாய் ஒண்ணும் பண்றதில்லே.....உங்களை மட்டும்தான் அது எதிர்க்குதாம்....இஸ்திரி போடுற அம்மா சொன்னாங்க....
ராமனாதன் - எப்பவும் துரத்தறதில்லே....லஞ்சுக்கு வரப்போ மட்டும்தான் துரத்துது...!
(மிதிலா முகத்தைக் கோணலாக வைத்துக் கொண்டே வருகிறாள்)
சுமித்ரா - ஏண்டி முகத்தை அப்படி வெச்சிருக்கே?...
மிதிலா - எனக்கு பாகற்காயே பிடிக்கலே.....ஏன் அதையே  பண்றீங்க?....மதியம் நான் சாப்பிட மாட்டேன் போங்க....
சுமித்ரா - சாப்பிடாட்டி போ!....நாளைக்கும் அதேதான்!....
மிதிலா - சரி,....இன்னிக்கு மதியம் சாப்பிடறேன்..... நாளைக்கு வேறே ஏதாவது செய்யுங்க.....ப்ளீஸ் மா!....
(இருவரும் சிரிக்கிறார்கள்)

காட்சி - 3,   
இடம் - சாலை,    மாந்தர் - ராமனாதன், நாய்.

(உணவு இடைவேளையின் போது ராமனாதன் வீட்டிற்கு வருகிறார். ஏதோ சிந்தனையில் ஆழ்ந்திருக்கிறார். தெரு முனையில் நாய் அவர் குறுக்கே பாய்கிறது. தடுமாறி வண்டியுடன் கீழே சாய்கிறார்)

காட்சி - 4,   
இடம் - ராமனாதனின் வீடு, நேரம் - மாலை 4 மணி,   
மாந்தர் - ராமனாதன், சுமித்ரா, மிதிலா.

சுமித்ரா - அந்த நாயைப் பத்தி நகராட்சியில் புகார் கொடுங்கன்னு சொன்னா கேட்டீங்களா?....இப்போ பாருங்க என்னாச்சுன்னு!....
ராமனாதன் - ஒண்ணும் ஆகலே....கையிலே லேசா அடி....காலையிலேயே ஆஃபீஸ் போக ரெடியாயிடுவேன்
சுமித்ரா - இப்போ கம்ப்ளெயிண்ட் கொடுக்கப் போறீங்களா இல்லையா?....
ராமனாதன் - ஓ.கே!....நீ இதை விடு!.....நான் 
பார்த்துக்கறேன்!..... 
மிதிலா - கமப்ளெயின்ட் பண்ணிடலாம்பா....

காட்சி -5,   
இடம் - இஸ்திரிக் கடை,   நேரம் - மாலை 5-30,   மாந்தர் - ராமனாதன், இஸ்திரி பழனியம்மாள்

பழனியம்மாள் - வாங்க சார்,....இப்போதான் சார் உங்க ஆர்டரை முடிச்சேன்.....கையிலே என்னாச்சுங்க?....
ராமனாதன் - எல்லாம் அந்த நாயாலதாம்மா....அது யோரோடது?....யார் வளர்க்கிறாங்க?....
பழனியம்மாள் - அது தெரு நாய் சார்....பேரு "பூச்சி'....
ராமனாதன் - பூச்சியா?....யார் வெச்ச பேரு?.....
பழனியம்மாள் - எல்லாம் அந்த ஸ்கூல் பசங்க சார்....பத்து வருஷத்துக்கு முன்னாடி யாரோ இங்கே விட்டுட்டுப் போயிட்டாங்க....
ராமனாதன் - இல்லே சார்.....உங்க குடியிருப்புப் பகுதியிலேதான்....அப்போ அது கரும்புக் காடா  இருந்துச்சு.....ஒரு வேப்பமரத்துக்கு கீழே நின்னு ரெண்டு நாளா கத்திக்கிட்டே இருந்திச்சு....மதியம் அங்கே கொஞ்ச நேரம் விளையாட வர பக்கத்து ஸ்கூல் பசங்கதான் அது இது கொடுத்துப் பாத்துக்கிட்டாங்க.... "பூச்சி' பேர் வெச்சதும் அவங்கதான்.....ஒவ்வொரு மத்தியானமும் அந்த மரத்துக் கீழே கூடிடுவாங்க.....
ராமனாதன் - அப்படியா?....ஆனா அந்தப் பக்கமெல்லாம் பூச்சி வந்ததே இல்லியே....
பழனியம்மாள் - தெரியலே சார்!.....ஒரு வேளை பயமா இருக்கலாம்....குடியிருப்புக்கான  வேலை ஆரம்பிக்கறப்போ அந்த வேப்பமரத்தை வெட்டினாங்க.... அப்போ கோபத்திலே சிலரைக் கடிச்சிருக்கு!.....ரொம்பவுமே அடிச்சு விரட்டி விட்டாங்க.....ஒரு கால்ல இன்னும் அந்தத் தழும்பு இருக்கு.....பார்த்தாலே தெரியும்....
ராமனாதன் - அந்த வேப்ப மரம் எங்கம்மா 
இருந்தது?...
பழனியம்மாள் - உங்க வீடு இருக்கிற இடத்துலேதான் சார்!.....

காட்சி - 6,   
இடம் - ராமனாதனின் வீடு,  
மாந்தர் - ராமனாதன், சுமித்ரா, மிதிலா.
(ராமனாதன், இஸ்திரி போடும் பழனியம் மாளுடன் நடந்த உரையாடலை விவரித்து முடிக்கிறார்.)

ராமனாதன் - இப்போ சொல்லு,.....பூச்சி மேலே என்ன தப்பு இருக்கு?...... அதுக்கு குழந்தைகளை ரொம்ப பிடிக்கும்!.....அதான் மிதிலா இருக்கும்போது துரத்துறதில்லேன்னு நினைக்கிறேன்.....
சுமித்ரா - நீங்க சொல்றது சரிங்க.....நாம இங்கே வர்றதுக்கு முன்னாடி இது பூச்சியோட இடமா இருந்திருக்கு....அதோட சந்தோஷத்தை மறைமுகமா நாம கெடுத்திருக்கோம்......பூமி எல்லோருக்கும் பொதுவானதுதானே?.....
ராமனாதன் - ம்ம்ம்......மிதிலா, என்ன கம்ப்ளெயின்ட் பண்ணிர்லாமா?.....
மிதிலா - வேணாம்ப்பா.......டெய்லி எதாவது சாப்பிடக் கொடுக்கலாம்......
சுமித்ரா - வெரி குட், சூப்பர்!.....நாளைக்கே ஏதாவது செய்வோம்!.....
மிதிலா - ஆனா.....கொஞ்சம் ருசியா ஏதாவது கொடுங்க.....பாகற்காய் மட்டும் செஞ்சு குடுக்காதீங்க....பூச்சி ரொம்ப பாவம்!
(சொல்லி விட்டு மிதிலா ஓடுகிறாள்....சுமித்ரா துரத்துகிறாள்...)
 

]]>
http://images.dinamani.com/uploads/user/imagelibrary/2018/10/15/w600X390/sm12.jpg http://www.dinamani.com/weekly-supplements/siruvarmani/2018/oct/15/அரங்கம்-பூச்சி-3020891.html
3020889 வார இதழ்கள் சிறுவர்மணி கடி DIN DIN Monday, October 15, 2018 03:57 PM +0530  ""என்னடா இது என் வடையிலே ரெண்டு ஓட்டை விழுந்திருக்கு?''
""அது பைனாகுலர் வடைடா!''

டி.மோகன்தாஸ், நாகர்கோயில்.

 

""எதுக்கு நாய்க்கு "சூது' ன்னு பேர் வெச்சிருக்கீங்க?''
ஏன்?
""அது கவ்விடும்!''

சிவகுமார் நடராஜன், பரங்கிப்பேட்டை. 

 

""எதுக்கு கையிலே நோட்டுப் புஸ்தகத்தை வெச்சிக்கிட்டு கோழி கிளர்றதைப் பார்த்துக்கிட்டு இருக்கே?''
""என் கையெழுத்து கோழி கிறுக்கல் மாதிரி இருக்குன்னு சார் சொன்னாரு.... அதான் ஒப்பிட்டுப் பார்த்திக்கிட்டிருக்கேன்!''

ஆர்.யோகமித்ரா, சென்னை - 600073.

 

""டேய் ராமு, ஹோம் ஒர்க் கொடுத்தேனே,....அது எங்கே?''
""சாப்டுட்டேன் சார்!''
""ஏன்?''
""அந்த ஹோம் ஒர்க் அல்வா மாதிரி ஈஸின்னு நீங்கதானே சொன்னீங்க....''

உ.அலிமா பீவி, கடையநல்லூர் - 627751

 

""எடுத்ததற்கெல்லாம் எனக்கு கோபம் வருது,.....டாக்டர்!''
""அப்படியா?....கொஞ்ச நாளைக்கு எதையும் எடுக்காம இருங்களேன்!''

வே.ந.கதிர்வேல், காட்பாடி. 


""தேர்வு நெருங்கிக்கிட்டே இருக்கு!...
.எதாவது டவுட் இருந்தா கேளுங்க....''
""சார்!....நீங்க சைன்ஸ் வாத்தியாரா?.....இங்கிலீஷ் வாத்தியாரா?''

எம்.ஏ.நிவேதா, அசூர். 
 

]]>
http://images.dinamani.com/uploads/user/imagelibrary/2018/10/15/w600X390/sm11.jpg http://www.dinamani.com/weekly-supplements/siruvarmani/2018/oct/15/கடி-3020889.html
3020888 வார இதழ்கள் சிறுவர்மணி திமிங்கல வேட்டை நிறுத்தப்படுமா? -ரமணி DIN Monday, October 15, 2018 03:53 PM +0530 திமிங்கிலங்கள் தற்போது எண்ணிக்கையில் குறைவாக இருப்பதாகக் கருதப்படுகிறது. கடல் வாழ் உயிரினங்களின் சமநிலை பாதிக்கப்படும் அபாயம் உள்ளதாகவும் ஆர்வலர்கள் கூறுகிறார்கள். 

எனவே பிரேசில் நாடு , "ஃப்ளோரியானோஜோலிஸ் டெக்ளரேஷன்'  என்ற தீர்மானத்தைக் கொண்டு வந்தது. அதன் நோக்கம், திமிங்கில வேட்டையை நிறுத்துவதுதான்!  

இக்கருத்தை "உலக திமிங்கில பாதுகாப்பு' அமைப்பிடம் பரிந்துரைத்தது.  அந்த அமைப்பு  ஒரு ஓட்டெடுப்பு நடத்தியது! 

அதில் பிரேசில், ஆஸ்திரேலியா உட்பட திமிங்கில வேட்டையைத்  தடைசெய்வதற்கு ஆதரவாக 40 நாடுகள் முன்வந்தன.   

எனினும், ஜப்பான், நார்வே உள்ளிட்ட  27 நாடுகள் திமிங்கில வேட்டையை ஆதரித்தன. சுற்றுச் சூழல் ஆர்வலர்கள், பிரேசிலின் கருத்தை ஆதரிக்கின்றனர். அனேகமாக திமிங்கில வேட்டை நிறுத்தப்பட்டுவிடும் என்றே தோன்றுகிறது!

]]>
http://images.dinamani.com/uploads/user/imagelibrary/2018/10/15/w600X390/sm10.jpg http://www.dinamani.com/weekly-supplements/siruvarmani/2018/oct/15/திமிங்கல-வேட்டை-நிறுத்தப்படுமா-3020888.html
3020886 வார இதழ்கள் சிறுவர்மணி கதைப் பாடல்!: இரு கண்கள்! - கெங்கை பாலதா DIN Monday, October 15, 2018 03:49 PM +0530 பன்னீர் என்ற ஒரு பையன் 
பத்தாம் வகுப்பு படிப்பவனாம்!
சின்ன வயது முதற்கொண்டு 
விளையாட்டில் ஆர்வம் உடையவனாம்!

கால் பந்துப் போட்டி என்றாலும்
கைப்பந்துப் போட்டி என்றாலும்
கபாடிப் போட்டி என்றாலும்
குண்டு எறிதல் என்றாலும்

ஈட்டி எறிதல் என்றாலும்
ஓட்டப் பந்தயம் என்றாலும்
உயரம் தாண்டுதல் என்றாலும்
நீளம் தாண்டுதல் என்றாலும் 

நடந்த  போட்டிகள் அனைத்திலுமே
நன்றாய் அவனும் கலந்து கொண்டான்!
பரிசுகள் அள்ளிக் குவித்திடுவான்!
பள்ளிக்குப் பெருமை சேர்த்திடுவான்!

இதனால் மகிழ்ந்தனர் அவன் பெற்றோர்!
இருப்பினும் மனதில் ஒரு கவலை! 
அனைத்துப் பாடங்களில் தேர்ச்சி - அவன் 
அடையவில்லை என அறிந்தே!

பத்தாம் வகுப்பில் தேர்ச்சி பெற
பாடத்தில் அவன் ஆர்வம் கொள்ள
திட்டாமல் அவனுக் கறிவுறுத்த
திட்டம் ஒன்று தாய் வகுத்தாள்!

அவனோ ஒரு நாள் உணவுண்ண 
அமர்ந்தபோது அவன் அன்னை 
தட்டில் சோறு மட்டும் இட்டுக்
கட்டளையிட்டாள் "உண்!' என்று!

""குழம்பு, காய்கறி இல்லாச் சோற்றை 
எவ்வாறுண்பது?'' என திகைத்தான்! - தாய்
குழம்பை ஊற்றி "உண்' என்றாள்!
""காய்கறி வேண்டும்!'' எனக் கேட்டான்!

வட்டியில் காய்கறி வைத்துக் கொண்டு,
""உடலின் வலிமை உணாவால் அமையும்!
படிப்பால் அமையும் வாழ்வின் வளமை!...
படித்திடு!.... நன்றாய் மதிப்பெண் பெறவே!

விளையாட்டுக்கு வேண்டும் உடல் வலிமை!
படிப்புக்கு வேண்டும் அறிவுக் கூர்மை!
விளையாட்டில் காட்டும் ஆர்வம் போல
படிப்பில் காட்டு.... ஆர்வம்... தம்பி!

சொன்னாள் அம்மா, அவனிடமே!
""விளையாட்டும் படிப்பும் இரு கண்கள்!''
என்று உணர்ந்தான், அவன்  படிக்க 
அன்று முதலாய் ஆரம்பித்தான்!
 

]]>
http://images.dinamani.com/uploads/user/imagelibrary/2018/10/15/w600X390/sm9.jpg http://www.dinamani.com/weekly-supplements/siruvarmani/2018/oct/15/கதைப்-பாடல்-இரு-கண்கள்-3020886.html
3020885 வார இதழ்கள் சிறுவர்மணி சிறுவர் பாடல்!: காக்கையக்கா! - அழகு. இராமானுஜன் DIN Monday, October 15, 2018 03:45 PM +0530 காக்கை யக்கா கரியவள்!
கடின அலகு உடையவள்!
ஊக்கத்தாலே மரம்தனில் 
கூடி கட்டி வாழ்பவள்!

வெள்ளை முட்டை இடுபவள்
கரிய குஞ்சு பொரிப்பவள்!
ஆ காயத் தோட்டி என்று அவளை 
அன்புடனே அழைக்கிறோம்!

எங்கள் அம்மா கூரை மேல்  
சோறு வைத்து அழைத்ததும்
அங்கு வந்து சேர்பவள்
ஆசையோடு பார்ப்பவள்! 

தனது இனத்தைக் கூட்டியே 
தானும் இணைந்து உண்பவள்!
உனக்கும் எனக்கும் ஒற்றுமையின் 
பெருமை உரைத்துச் சிரிப்பவள்!

கரிய தனது அலகை விரித்து 
கத்தும் சத்தம் கேட்போம்!
கா........கா.......கா.......கா
கா........கா.........கா!

]]>
http://images.dinamani.com/uploads/user/imagelibrary/2018/10/15/w600X390/sm8.jpg http://www.dinamani.com/weekly-supplements/siruvarmani/2018/oct/15/சிறுவர்-பாடல்-காக்கையக்கா-3020885.html
3020883 வார இதழ்கள் சிறுவர்மணி சிறுவர் பாடல்!: உயர்ந்த மனிதர்! - அ.கருப்பையா DIN Monday, October 15, 2018 03:43 PM +0530 "பிபான்ஸ்' நாட்டில் இருக்கின்ற 
பொழுது போக்கும் ஓரிடத்தில்
ஏராளமான குப்பைகளை 
எடுக்கும் புதுமையைக் கேளுங்கள்!

அங்கே வாழும் பறவைகளுள் 
"ரூக்' எனும் இனவகைக் காக்கைகள்
பொங்கும் மதிநுட்பம் நிறைந்தனவாம்!
புரிந்தே மனிதருடன் பழகிடுமாம்!

"நிக்கோலஸ் வில்லியர்ஸ்' என்பவர்தான் 
நித்தம் காக்கைக்குப் பயிற்சி தந்தே 
அக்கம் பக்கத்து அசுத்தங்களை 
அகற்றும் பணிக்கு ஏவுகிறார்!

பயிற்சி பெற்ற காக்கைகளும் 
சிறு சிறு குப்பைகளையெல்லாம் -கொத்தி
உயரப் பறந்தோர் இடம் குவிக்கும்!
உணவே அதற்கு வெகுமதியாம்!

முழுதாய் நாட்டைத் தூய்மை செய்ய 
முயற்சி மேலும் மேற்கொண்டு 
குழுக்கள் பிரிந்து காக்கைக்கு 
வெவ்வேறு பயிற்சி அளிக்கின்றார்!

"தூய்மை இந்தியா' பேசும் நாம் 
தொண்டு செய்வோம் அவை போன்றே 
ஆய்வு, திட்டம் தேவையில்லை...
அவரவர் செயலே போதுமன்றோ?

"ஊதியம் கேட்கா ஊழியரை'...
உருவாக்கித் தூய்மைப் பணி செய்யும் 
சேதியை யாவர்க்கும் அறிவித்து 
செயலில் காட்டுதல் மிக நன்றாம்!

சுற்றுச் சூழல் காப்பதுடன் 
சுகமாய் வாழ எல்லோரும் 
கற்றுக் கொடுத்த பாடத்தைப் - பின் 
பற்றுகிறதாம் பிரான்ஸ் நாடும்! 

"காக்கைக்குப் பாராட்டு' இங்கிருந்து 
காதில் விழா(து) நாம் அறிவோம்!
ஊக்கம் கொடுத்துப் பயிற்சி தரும் 
உயர்ந்த மனிதர்க்குப் பாராட்டு!

 

]]>
http://images.dinamani.com/uploads/user/imagelibrary/2018/10/15/w600X390/sm7.jpg http://www.dinamani.com/weekly-supplements/siruvarmani/2018/oct/15/சிறுவர்-பாடல்-உயர்ந்த-மனிதர்-3020883.html
3020882 வார இதழ்கள் சிறுவர்மணி கருவூலம்: கன்னியாகுமரி மாவட்டம்! தொகுப்பு :கே. பார்வதி - திருநெல்வேலி டவுண்  Monday, October 15, 2018 03:43 PM +0530 பழமையான புகழ் பெற்ற கோயில்கள்! 

கன்னியாகுமரி பகவதி அம்மன் கோயில்! 

1000 ஆண்டுகளுக்கு மேல் பழமையான கோயில். சக்தி பீடங்களில்  ஒன்று! இந்தியப் பெருங்கடல்.  அரபிக்கடல், வங்காள வரிகுடா என மூன்று கடல்களும் கூடுமிடத்தில் இந்தியாவின் தென்முனையில் உள்ளது. தமிழகத்தின் பிரசித்தி பெற்ற ஆலயங்களில் ஒன்று.

தாணுமாலயன் கோயில் - சுசீந்திரம்!

சிவன், பிரம்மா, விஷ்ணு என மும்மூர்த்திகளும் லிங்க ரூபத்தில் மூலவராகக் கொண்டிருக்கும் ஆலயம்தான் சுசீந்திரம் தாணுமாலயன் ஆலயம். 

4 ஏக்கர் பரப்பில் அமைந்த இக்கோயில், சிற்பங்கள் நிறைந்தது. செண்பகராமன் மண்டபம், இசைத்தூண்கள் கொண்ட குணசேகர மண்டபம், ஊஞ்சல் மண்டபம், வசந்த மண்டபம் என பல மண்டபங்களைக் கொண்டது. சிற்பங்கள் நிறைந்த சித்திரசபை மண்டபமும் இருக்கிறது. 

குணசேகர மண்டபத்தில் 4 தொகுதி இசைத்தூண்கள் இருக்கின்றன.  இவை ஒரே கல்லில் குடைந்து உருவாக்கப்பட்டவை! இத்தூண்களைத் தட்டினால் இனிய இசை வரும். இத்தூண்களில் வாசித்து  அக்காலத்தில் நாட்டிய  நிகழ்ச்சிகள் நடத்தியுள்ளனர். 

அனுமன் சிலை!

இக்கோயிலில் உள்ள 18 அடி உயர அனுமன் சிலை மிகவும் பிரசித்தி பெற்றது. 
ராஜகோபுரம்!

இக்கோயிலின் 133 அடி உயரமுள்ள ராஜகோபுரம் 7 நிலைகளைக் கொண்டது! 7 நிலைகளின் உட்பகுதியில் அழகிய சுவரோவியங்கள் தீட்டப்பட்டுள்ளன. 
புனித சவேரியர் பேராலயம் - கோட்டாறு!

மாவட்டத்தில் முதன்மை கத்தோலிக்க ஆலயம். 1544 இல் குமரி மாவட்டத்திற்கு கிறிஸ்துவ மதத்தைப் பரப்ப வந்த புனித சவேரியரால் சிறிய அளவில் நிறுவப்பட்டது. இன்று விரிவடைந்து பேராலயமாக உள்ளது. 

நாகர் கோயில் நாகராஜா கோயில்!

இக்கோயில் பெயராலேயே நாகர் கோயில் என்று ஊர் அழைக்கப்படுகிறது. இது கேரள பாரம்பரிய அமைப்பில் கட்டப்பட்டது.  இங்கு இறைவன் நாக ரூபமாகவே வணங்கப்படுகிறார். இக்கோயிலைச் சுற்றி ஏராளமான பாம்பு சிலைகள் உள்ளன. கருவறையின் மேலே ஓலை வேயப்பட்டுள்ளது. மேலும் கருவறை மண் 6 மாதங்கள் கருப்பாகவும், 6 மாதங்கள் வெண்மையாகவும் காணப்படுகிறது. 

பத்மநாபபுரம் அரண்மனை!

தக்கலை அருகே உள்ளது பத்மநாபபுரம் அரண்மனை.  6 ஏக்கர் பரப்பளவில் அமைந்த இந்த அரண்மனை வளாகத்தில், தாய்க் கொட்டாரம், மந்திர சாலை, நாடகசாலை, உப்பரிகை மாளிகை, தெற்குக் கொட்டாரம் என பல பகுதிகள் உள்ளன. இந்த அரண்மனை 17 ஆம் நூற்றாண்டில் திருவிதாங்கூர் சமஸ்தானத்தை ஆண்ட ரவிவர்மா குலசேகரப் பெருமாள் ஆட்சிக் காலத்தில் கட்டப்பட்டது.  அரண்மனையில் 14 மாளிகைகள் உள்ளன. மேலும் 4 கி.மீ. நீளத்திற்கு கிரானைட் கற்களால் கட்டப்பட்ட கோட்டைச் சுவரும் உள்ளது. பத்மநாபபுரம் 1795 வரை திருவிதாங்கூர் சமஸ்தானமாக இருந்துள்ளது. 

மாளிகையின் கதவுகளும், ஜன்னல்களும், தூண்களும், உத்திரங்களும் நுட்பமான வேலைப்பாடுகளுடன் உள்ளன. பிரமிக்க வைக்கும் பிரம்மாண்டமான தோற்றத்துடன், கலையழகும் கொண்ட மாளிகை இது!

மாத்தூர் தொட்டிப் பாலம்!

ஆசியாவின் மிகப் பெரிய தொட்டிப்பாலம்! மலைப்பாங்கான காடுகளாக இருந்த மாத்தூர் பகுதியில் உள்ள "கணியான் பாறை' என்ற மலையையும், "கூட்டு வாயுப் பாறை'  என்ற மலையையும் இணைத்து பறளியாற்றுத் தண்ணீரைக் கொண்டு செல்வதற்காக இரண்டு மலைகளுக்கு நடுவில் கட்டப்பட்டுள்ளது.  இந்தப் பாலம் வழியாக ஒரு மலையிலிருந்து இன்னொரு மலைக்குத் தண்ணீர் கொணடு செல்லப்படுகிறது. திருவட்டாரிலிருந்து 3 கி.மீ. தொலைவில் உள்ளது. 1971 இல் கட்டப்பட்ட இப்பாலம் 1204 அடி நீளமும் தரையிலிருந்து 104 அடி உயரமும் கொண்டது. பிரம்மாண்டமான இப்பாலத்தை 32 அடி சுற்றளவு கொண்ட 28 தூண்கள் தாங்கி நிற்கின்றன,. 

தண்ணீர் செல்லும் பாதை 7 அடி அகலமும், 7 அடி உயரமும் கொண்டது. படிக்கட்டுகள் மூலம் ஏறிச் சென்று நீர் ஓடும் அழகையும், இயற்கைக் காட்சிகளையும் கண்டு ரசிக்கலாம்! 

விவேகானந்தர் பாறையும் நினைவு மண்டபமும்!

கன்னியாகுமரி கடற்கரையில் இருந்து 500 மீட்டர் தூரத்தில் உள்ள ஒரு பாறையே விவேகானந்தர் பாறை என்று அழைக்கப்படுகிறது. 

சுவாமி விவேகானந்தர் கன்னியாகுமரிக்கு 1892 ஆம் ஆண்டு டிசம்பர் 25 ஆம் தேதி வந்திருந்தபோது இப்பாறைக்கு நீந்திச் சென்று 3 நாட்கள் தியானம் செய்திருக்கிறார். எனவே அவரது நினைவாக இப்பாறையில் விவேகானந்தர் நினைவு மண்டபமும், மேலும் அம்மன் பாதம் கோயிலும், தியான மண்டபமும் அமைக்கப்பட்டுள்ளன. விவேகானந்தர் நின்ற நிலையில் சிலையும் உள்ளது. கடற்கரையிலிருந்து விவேகானந்தர் பாறைக்குச் செல்ல படகு வசதி செய்யப்பட்டுள்ளது. 

அய்யன் திருவள்ளுவர் சிலை!

தமிழ் நாடு அரசு, கலைஞர் கருணாநிதி முதலமைச்சராக இருந்த காலத்தில் ஜனவரி 1 ஆம் தேதி  உலகப் பொதுமறையாம் திருக்குறளை இயற்றிய திருவள்ளுவருக்கு குமரியில் கடல் நடுவே, நீர் மட்டத்தில் இருந்து 30 அடி உயரமுள்ள பாறை மீது அமைத்த 133 அடி உயரச் சிலை வைத்துள்ளது! 

இச்சிலை பல கற்களைக் கொண்டு கட்டப்பட்ட பல மாடிக் கட்டிடம் போன்ற அமைப்புக் கொண்டது. உலகில் இது போன்று கருங்கற்களால் ஆன சிலை வேறு கிடையாது! 3 டன் முதல் 8 டன் வரை எடையுள்ள 3681 கருங்கற்கள் கொண்டு உருவாக்கப்பட்டுள்ளது. மொத்த எடை 7000 டன்! 

சிலையின் எடை மட்டும் 2500 டன்! சிலையைத் தாங்கியுள்ள பீடத்தின் எடை 1500 டன்! பீடத்தைச் சுற்றி அமைக்கப்பட்டுள்ள மண்டபத்தின் எடை 3000 டன்!பீடத்தின் 38 அடி உயரமானது அறத்துப்பாலின் 38 அதிகாரங்களையும், சிலையின் உயரமான 95 அடி பொருட்பால், மற்றும் இன்பத்துப் பாலின் 95 அதிகாரங்களையும் குறிப்பதாகத் திகழ்கிறது. வள்ளுவர் கையில் ஏந்தியிருக்கும் ஏட்டின் நீளம் 10 அடி!

காந்தி மண்டபம் 

கடற்கரையில் சுமார் அரை ஏக்கர் நிலப்பரப்பில் 79 அடி உயரத்தில் கட்டப்பட்டுள்ளது. 

காந்தியடிகளின் அஸ்தி குமரிக்கடலில் கரைப்பதற்கு முன்பு பொதுமக்கள் அஞ்சலி செலுத்துவதற்காக வைக்கப்பட்ட இடத்தில்தான் இந்த நினைவு மண்டபம் கட்டப்பட்டுள்ளது. 

மண்டபத்தின் உள்ளே காந்தியடிகளின் வாழ்க்கையைச் சித்தரிக்கும் அரிய வகை புகைப்படங்கள் வைக்கப்பட்டுள்ளன. ஆண்டுதோறும் அக்டோபர் 2 ஆம் தேதி காந்தியடிகளின் அஸ்தி வைக்கப்பட்ட இடத்தில் சூரிய ஒளி விழும் வகையில் இம்மண்டபம் வடிவமைக்கப்பட்டுள்ளது. 

மண்டபத்தின் மேல் பகுதியில் நின்று கடற்கரையின் அழகையும் கடலழகையும் பார்த்து ரசிக்கலாம்.

சிதறால் - சமணர் நினைவுச் சின்னங்கள்!

மார்த்தாண்டத்திலிருந்து 7 கி.மீ. தொலைவில் உள்ள சிதறால் கிராமத்தின் மலைப் பகுதியில் உள்ளது. இக்குடைவரைக்கோயில்கள் கி.மு. முதல் நூற்றாண்டு முதல் கி.பி. 6 ஆம் நூற்றாண்டுக்குள் நிறுவப்பட்டவை. இங்கு சமண சமயத்தின் தீர்த்தங்கரர்களான் மகாவீரர், பார்சுவநாதர், போன்றவர்களின் சிற்பங்களும் பத்மாவதி தேவதையின் சிற்பம் மற்றும் யட்சர்கள், யட்சிணிகள் சிற்பங்களும் செதுக்கப்பட்டுள்ளன. 

முதலாம் மகேந்திர வர்ம பல்லவன் காலத்திய கோயில் என்று கருதப்படுகிறது.  தற்போது தொல்லியல் துறையின் பாதுகாப்பில் உள்ளது. 

தொடரும்

]]>
http://images.dinamani.com/uploads/user/imagelibrary/2018/10/15/w600X390/sm6.jpg http://www.dinamani.com/weekly-supplements/siruvarmani/2018/oct/15/கருவூலம்-கன்னியாகுமரி-மாவட்டம்-3020882.html
3020880 வார இதழ்கள் சிறுவர்மணி நீ எந்தக் காகம்? - தேனி.எஸ்.ஆறுமுகம் DIN Monday, October 15, 2018 03:35 PM +0530 பலராம் பிழைப்பதற்கு வழியின்றித் தவித்தான். என்ன செய்வதென்று தெரியவில்லை....ஒரு  நாள் அறிவுமதி என்ற அறிஞரைச் சந்தித்தான். அவரிடம் தன் கஷ்டங்கைச் சொன்னான். 

எல்லாவற்றையும் பொறுமையாகக் கேட்டார் அறிவுமதி. அவர் பலராமிடம், ""இந்த பூமி பரந்து விரிந்து கிடக்கிறது....இந்த ஊரில் உனக்கு வேலை கிடைக்கவில்லை என்றால் வெளியூர் சென்று வேலை தேடு...உன் முயற்சிக்கு ஏற்ப இறைவன் கூலி தருவான்...''

பலராமும் சம்மதித்துப் புறப்பட்ட  மூன்றாம் நாள் ஊருக்குத் திரும்பினான். 

ஊருக்குத் திரும்பியவன், அறிவுமதியைச் சந்தித்தான்.

அவரிடம், ""தங்கள் அறிவுரைப்படி நான் கிளம்பிவிட்டேன்.....வழியில் பாலைவனம்!....ஒரே ஒரு மரம் மட்டும் தென்பட்டது....கடுமையான வெயிலில் நடந்து களைத்துப் போய் அந்த மர நிழலில் அமர்ந்தேன்....அந்த மரத்தில் சிறகொடிந்த ஒரு நொண்டிக்காகம் பசியால் துடித்துக் கொண்டிருந்தது...அப்போது எங்கிருந்தோ பறந்து வந்த இன்னொரு காகம், தான் கொண்டு வந்த உணவை இந்த நொண்டிக் காக்கைக்கு ஊட்டி விட்டுச் சென்றது! எங்கோ பாலைவனத்தில் பசியால் கிடந்து துடிக்கும் ஒரு நொண்டிக்காக்கைக்கு மற்றொரு காகத்தின் மூலம் உணவை அளிக்கும் இறைவன், என்னை மட்டும் கை விட்டு விடுவானா....என்ற எண்ணம் எனக்குள் தோன்றியது!....திரும்பி வந்து விட்டேன்!...'' என்றான். 

அறிவுமதி சிரித்துக் கொண்டே, ""அது சரி!....நீ அதில் எந்தக் காகம்?'' என்று கேட்டார். 

""ஐயா, நீங்கள் என்ன சொல்கிறீர்கள்?''

""யாராவது உணவு தருவார்களா,....என்று பரிதவிக்கும் நொண்டிக் காகமா?....அல்லது .....பாடுபட்டு உணவு தேடி தானும் உண்டு பிறருக்கும் வழங்கும் வலிமை உள்ள காகமா?...நீ எந்தக் காகமாக இருக்கு விரும்புகிறாய்?''
இப்போது நம்பிக்கையோடு உற்சாகமும் பலராமுக்கு ஏற்பட்டு விட்டது. 

தற்போது அவன் வறுமை நீங்கி சந்தோஷமாக இருக்கிறான்!

]]>
http://images.dinamani.com/uploads/user/imagelibrary/2018/10/15/w600X390/sm5.jpg http://www.dinamani.com/weekly-supplements/siruvarmani/2018/oct/15/நீ-எந்தக்-காகம்-3020880.html
3020879 வார இதழ்கள் சிறுவர்மணி பொன்மொழிகள்! DIN DIN Monday, October 15, 2018 03:33 PM +0530 தகுதியில்லாத மனிதனைப் புகழ்வது மோசமாக உற்பத்தி செய்யப்பட்ட பொருளை விற்பதற்குச் சமம்! 
- சீனா

ஏழை உறவினரை அலட்சியம் செய்யாதே! 
- பாரசீகம்

கைகள் சிறியதாய் இருந்தால் என்ன? பெரிய உதவிகளை அவைகள் செய்யும்! 
- நார்வே

காலையில் செய்ய வேண்டியதை மாலை வரை தள்ளிப் போட வேண்டாம்! 
- இங்கிலாந்து

செயல்களில் எண்ணங்கள் பளிச்சிடும்! 
- போயாஸ்

கடுங்குளிராயிருந்தால் என்ன? கிழிந்த கந்தல் ஆடையோடு இருந்தால் என்ன? என் ஒழுக்கம் எனக்கு உஷ்ணம் தரும்! 
- டிரைடன்

பேராசை நல்லதல்ல....நிராசையும் நல்லதல்ல! 
-மனுநீதிச் சோழன்

துன்பம் வந்துற்றபோது அழுகின்றவர்கள் அடிமைகள் ஆவார்கள்! 
- காந்தியடிகள்

பழி வாங்குதல் வீரமன்று!.... பொறுப்பதே வீரம்! 
- ஷேக்ஸ்பியர்

]]>
http://images.dinamani.com/uploads/user/imagelibrary/2018/9/22/w600X390/sm9.jpg http://www.dinamani.com/weekly-supplements/siruvarmani/2018/oct/15/பொன்மொழிகள்-3020879.html
3020878 வார இதழ்கள் சிறுவர்மணி குறள் பாட்டு: நல்குரவு DIN DIN Monday, October 15, 2018 03:30 PM +0530 (பொருட்பால்   -   அதிகாரம்  105   -   பாடல்  5)

நல்குரவு என்னும் இடும்பையுள் பல்குரைத் 
துன்பங்கள் சென்று படும்.


-திருக்குறள்

வறுமை என்பது கொடியது
வறுமை என்பது தீயது
வறுமைக்கு மறு பெயர் துன்பமே
துன்பத்துள் பலவகை அடங்குமே

குத்தகையாகத் துன்பத்தை
எடுத்துக் கொண்டது போலவே 
வறுமையுற்றவன் வாழ்வினைத் 
துன்பம் மொய்த்துக் கொள்ளுமே

-ஆசி.கண்ணம்பிரத்தினம்

]]>
http://images.dinamani.com/uploads/user/imagelibrary/2018/6/23/w600X390/sm4.jpg http://www.dinamani.com/weekly-supplements/siruvarmani/2018/oct/15/குறள்-பாட்டு-நல்குரவு-3020878.html
3020877 வார இதழ்கள் சிறுவர்மணி புதிய பார்வை!: ஞானக்கிளி! - 22 பூதலூர் முத்து DIN Monday, October 15, 2018 03:28 PM +0530 ஞானத்துக்கு பிள்ளைகள் வணக்கம் சொன்னார்கள். 
 பாபு எழுந்தான்.
""அக்கா,.....ரெண்டு நாளைக்கு  முன் எங்க தெருவிலே ஒரு நிகழ்ச்சி!.....''
""என்ன நடந்தது?....தயங்காமல் சொல்...''
""பார்வதிங்கிற அம்மா சமையல் வேலையிலே இருந்தாங்க....கடைக்குப் போக ஆள் இல்லேன்னு இரண்டாம் வகுப்பு படிக்கிற அவங்க பொண்ணு மஞ்சுளாவை அனுப்பினாங்க...பக்கத்திலேதான் கடை...என்ன பயம்... என்ற எண்ணம்.....நேரம் ஆகியும் அவளைக் காணோம்!.... அந்தக் கடை மூடி இருந்தது....அவ வீட்டுக்குத் திரும்பாம தெரு முனையிலே இருந்த இன்னொரு கடைக்குப் போனா....அப்போ என்ன நடந்தது தெரியுமா?''
எல்லோரும் திகைப்புக்கு உள்ளானார்கள்....ஞானத்தின் முகத்திலும் கவலை தெரிந்தது.
""முன்பின் தெரியாத ஒருத்தன் வந்து மஞ்சுளாவிடம் பேச்சுக் கொடுத்தான். "பொட்டுக்கடலையை நானே வாங்கித் தர்றேன்' னு வாங்கி வந்தான். கொடுத்திட்டு அவள் கழுத்திலே போட்டிருந்த சங்கிலியை கழற்றினான்...மஞ்சுளா அழுது கத்தவே ....அவளைத் தூக்கிக்கிட்டு வேகமா நடந்தான்.....தற்செயலா அந்த வழியாக வந்த போலீஸ்காரர் சந்தேகத்திலே அவனை நிறுத்தி மஞ்சுளாவை மீட்டார்!....அவனைக் காவல் நிலையத்துக்கு அழைச்சிக்கிட்டுப் போனாங்க....இதை எங்க அம்மா சொன்னாங்க....''
ஞானத்தோடு சேர்ந்து எல்லோரும் நிம்மதிப் பெருமூச்சு விட்டார்கள். 
ஞானம் கேட்டது...""சிவகாமி,....இது பற்றி உன் கருத்து என்ன?''
""பாபு சொன்னதிலே இரண்டு விஷயத்தை கவனிக்கணும்....தங்கச் சங்கிலியை மஞ்சுளாவுக்குப் போட்டது,....அவ்வளவு சின்னக் குழந்தையை கடைக்கு அனுப்பியது....இரண்டுமே ஆபத்தை விலை கொடுத்து வாங்குகிற விஷயங்கள்....பெரிவர்கள் செய்தாலும் அது தவறுதானே?....''
மேரி சொன்னாள்....""நம்மைப் போன்றவங்க படிப்பிலே கவனம் செலுத்தணும்...நகைதான் நமக்கு அழகையும், மதிப்பையும் தரும்கிற கருத்து மாறணும்....அது இப்போ ஆபத்தைத்தான் தருது....மஞ்சுளா போன்ற குழந்தைகள் மட்டுமல்ல....பெரிய பிள்ளைகளும் அவர்களுடைய அறியாமையாலும்,...பக்குவமில்லாத துணிச்சலாலும் பல ஆபத்துக்களில் சிக்கறாங்க....எங்கேயும் எப்போதும் யாரிடமும் நாம் எச்சரிக்கையாக இருப்பது நல்லது!.....எந்தப் புற்றில் எந்த பாம்பு இருக்குமோ?''
அதைக் கேட்டு ஞானம் வியந்தது!
""எப்படிப்பட்ட பக்குவம் நம் பிள்ளைகளுக்கு இருக்கிறது!....சிவகாமியும், மேரியும் ஒரு வகுப்பே நடத்திட்டாங்க....
உங்களுக்கு எப்படிப்பட்ட நண்பர்கள் பார்த்தீர்களா?...
"விழித்துக் கொண்டோரெல்லாம் பிழைத்துக் கொண்டார்' னு பட்டுக்கோட்டை கல்யாண சுந்தரம் என்ற கவிஞர் பாடியிருக்கிறாரே....தங்கமணி ஐயா சொல்வார்....சாலையோ, பயணமோ புதியவர் சந்திப்போ,...புதிய இடமோ எச்சரிக்கையாக இருப்போம்!.....ஆபத்தை நாமே உருவாக்காமலும்....எதிர்பாராமல் வந்தால் விழிப்பாக இருந்து அதிலிருந்து மீளவும்,...விலகவும் கற்போம்!..''
அன்றைய சந்திப்பு அவர்களுக்கு ஒரு புதிய பார்வையை வழங்கியது.
கிளி வரும்....

]]>
http://images.dinamani.com/uploads/user/imagelibrary/2018/10/15/w600X390/sm4.jpg http://www.dinamani.com/weekly-supplements/siruvarmani/2018/oct/15/புதிய-பார்வை-ஞானக்கிளி---22-3020877.html
3020876 வார இதழ்கள் சிறுவர்மணி நினைவுச் சுடர்!: பரிசு! - ரமணி, சென்னை. DIN Monday, October 15, 2018 03:25 PM +0530 லண்டனில் ஒரு நிகழ்ச்சி ஏற்பாடாகியிருந்தது.  நிகழ்ச்சியில் சார்லி சாப்ளின் போல் வேடமிட்டுக் கொண்டு அவரைப் போலவே நடித்துக் காட்ட வேண்டும்! என்பதுதான் நிபந்தனை! யார் சார்லியைப் போல தத்ரூபமாக நடிக்கிறாரோ அவருக்கு முதல் பரிசு! மூன்று பரிசுகள் வரை வழங்கப்படும் என்று அறிவிப்பு செய்திருந்தார்கள்! ஆர்வமுள்ள பலர் அதில் கலந்து  கொண்டார்கள்!.....

கடைசி நேரத்தில் நிகழ்ச்சியில் கலந்து கொள்ள விருப்பம் தெரிவித்து,  ஒரு இளைஞர் விண்ணப்பித்திருந்தார். அந்த நிகழ்ச்சியில் அந்த இளைஞரும் பங்கேற்றார். 

நிகழ்ச்சி இனிதே முடிந்தது. வந்து நடித்தவர் அனைவரும் வெளுத்துக் கட்டியிருந்தனர்! சபையில் ஒரே ஆரவாரம்! எல்லோரும் சார்லியைப் போலவே அற்புதமாக நடித்திருந்தனர். 

கடைசியில் முதல் பரிசு, இரண்டாம் பரிசு பெற்றவர்களின் பெயர்கள் அறிவிக்கப்பட்டன! கை தட்டல்! ஆரவாம்! பிறகு மூன்றாம் பரிசும் அறிவிக்கப்பட்டது! அதை வாங்கிக் கொள்ள கடைசி நேரத்தில் விண்ணப்பித்த அந்த இளைஞர் வந்தார்.  மகிழ்ச்சியுடன் மூன்றாம் பரிசைப் பெற்றுக்கொண்டார். மூன்றாம் பரிசைப் பெற்றுக் கொண்ட அந்த இளைஞர் யார் தெரியுமா? சாட்சாத் "சார்லி சாப்ளின்' தான்!

]]>
http://images.dinamani.com/uploads/user/imagelibrary/2018/10/15/w600X390/sm3.jpg http://www.dinamani.com/weekly-supplements/siruvarmani/2018/oct/15/நினைவுச்-சுடர்-பரிசு-3020876.html
3020875 வார இதழ்கள் சிறுவர்மணி பிஞ்சுக் கை வண்ணம் - II DIN DIN Monday, October 15, 2018 03:23 PM +0530 பிஞ்சுக் கை வண்ணம் - II

]]>
http://www.dinamani.com/weekly-supplements/siruvarmani/2018/oct/15/பிஞ்சுக்-கை-வண்ணம்---ii-3020875.html
3020874 வார இதழ்கள் சிறுவர்மணி பிஞ்சுக் கை வண்ணம் - I Monday, October 15, 2018 03:23 PM +0530 பிஞ்சுக் கை வண்ணம் - I

]]>
http://www.dinamani.com/weekly-supplements/siruvarmani/2018/oct/15/பிஞ்சுக்-கை-வண்ணம்---i-3020874.html
3015045 வார இதழ்கள் சிறுவர்மணி பரிவு! DIN DIN Saturday, October 6, 2018 10:12 AM +0530 மழை நின்று சிறிது நேரமே ஆகியிருந்த நள்ளிரவில் கதவு கீறிச்சிடும் சத்தம் கேட்டு விழித்து எழுந்தார் தாத்தா. வாசல் கதவை யாரோ திறப்பது போல் தோன்றியது. உடனே சாளரத்தின் வழியே எட்டிப் பார்த்தார். கையில் எதையோ வைத்துக்கொண்டு வெளியே சென்றுகொண்டிருந்தவன் அவருடைய பேரன் பிரதீப்குமார்.
 இந்தக் காட்சியைக் கண்டதும் தாத்தா, தன்னுடைய கம்பளியை எடுத்துப் போர்த்திக்கொண்டு அவனைப் பின்தொடர்ந்தார். கொஞ்சம் தொலைவாகச் சென்றுகொண்டிருந்த பிரதீப்பைக் கவனித்து வந்த அவருக்கு இதில் எவ்வித ஆச்சரியமும் தோன்றவில்லை.காரணம் மாலையில் டியூஷன் முடித்து வரும்போதே அவன் முகம் ஏனோ தோய்ந்து போயிருந்தது. உணவு உண்ணும் போதும் அமைதியாகவே இருந்தான் பிரதீப். உறங்கச் செல்வதற்கு முன் வழக்கமாகச் சிரித்துப் பேசும் அவனுடைய வழக்கமும் அன்று தொலைந்து போயிருந்தது. அதனால் அவனுடைய மனதிலிருந்த நோக்கத்தை அறிய விரும்பி அவன் போக்கிலேயே போய்க்கொண்டிருந்தார். ஒரு பெரிய வேப்பமரத்தின் அடியில் நின்றான் பிரதீப். மரத்தைச் சுற்றிலும் எதையோ தேடினான். தாத்தா வேறொரு மரத்திற்குப் பின்னால் நின்றுகொண்டு நடப்பதைப் பார்க்கலானார். சிறிது நேரத்தில் மரத்தினருகே உடைந்து கிடந்த ஒரு பீப்பாயின் துண்டுக்குள் உற்றுப்பார்த்தான். அதன் பக்கத்தில் வந்து அதற்குள்ளிருந்த ஏதோ ஒன்றை எடுத்தான் பிரதீப். அது ஒரு நாய்க்குட்டி! கண்விழித்து அதிக நாட்கள் ஆகியிருக்கவில்லை. இவன் கையில் எடுத்ததும் அது உறக்கம் விழித்துக் கத்தத் தொடங்கியது. கையில் வைத்திருந்த பால் பாக்கெட்டைக் கிழித்து ஒரு கொட்டாங்கச்சியில் ஊற்றி வைத்தான். கொஞ்சம் முரண்டு பண்ணிய நாய்க்குட்டி, பிறகு அதைக் குடிக்கத் தொடங்கியது. பிரதீப் அது குடிப்பதையே பார்த்துக்கொண்டு நின்றிருந்தான்.
 " பிரதீப்,.... நாய்க்குட்டி மேல அவ்ளோ பாசமா ? " என்றவாறு அவன் முன்னால் வந்து நின்றார் தாத்தா. பிரதீப் சிறிது பயந்துபோனான் . ஆனால், தாத்தா தன்னை திட்டப்போவதில்லை என்று தெரிந்ததும் தைரியம் அடைந்தான்.
 " என்ன பண்றது தாத்தா .. இதை இப்படியே விட்டுட்டு வந்தது ஒரு மாதிரியாவே இருக்கு .. தூக்கம் கூட வரலை. இதே நினைப்பாவே இருந்துச்சு. " " நீ எப்போ இதை விட்டுட்டு வந்தே?
 " தாத்தா, இந்தக் குட்டிய யாரோ எங்கேயோ விட்டுட்டப் போயிட்டாங்க. ஸ்கூல்லயிருந்து வந்து நான் அப்பாவுக்காக இங்க வெயிட் பண்ணிட்டிருந்தப்ப பார்த்தேன். பாவமா கத்திக்கிட்டிருந்துச்சு. பாக்கெட் மணில ஏதாவது வாங்கலாமான்னு யோசிச்சேன். ஆனா, அப்பா வந்ததும் மழை வந்துரும்னு சொல்லி அவசரமா கூட்டிட்டுப் போயிட்டார்''
 அதன் பிறகு அவனது மனம் இதை நினைத்து எப்படியெல்லாம் கஷ்டப்பட்டிருந்திருக்கும் என்பதை தாத்தா உணர்ந்துகொண்டார். பிற உயிர்களின் மேல் பரிவு கொள்ளும் தன் பேரனை நினைத்துப் பெருமைப்பட்டார் தாத்தா. எனினும் இந்த நேரத்தில் இப்படித் தனியாகப் புறப்பட்டு வந்த அவனது அசட்டுத் துணிச்சலைக் கண்டித்தார். " சரிப்பா. . இனி வீட்டுக்குப் போலாமா ?
 பிரதீப் தயங்ஙகினான். " தாத்தா.. நீங்க அப்பாகிட்ட பர்மிஷன் வாங்கிக்கொடுத்தீங்கனா.. இதை நாமே வளர்க்கலாம். " என்றான் . அவனைப் புரிந்துகொண்டவனாக அதற்கு ஒப்புக்கொண்டார். மிக்க மகிழ்ச்சியுடன் நாய்க்குட்டிக்கு என்ன பெயர் வைக்கலாம் என்று நினைத்துக்கொண்டே அதைத் தூக்கினான் பிரதீப்.
 - க. சங்கர்
 
 
 
 

]]>
http://images.dinamani.com/uploads/user/imagelibrary/2018/10/6/w600X390/sm13.jpg http://www.dinamani.com/weekly-supplements/siruvarmani/2018/oct/06/பரிவு-3015045.html
3015044 வார இதழ்கள் சிறுவர்மணி  நாவல் மரம்! DIN DIN Saturday, October 6, 2018 10:11 AM +0530 மரங்களின் வரங்கள்!

 என்ன குழந்தைகளே நலமாக இருக்கிறீர்களா ?
 நான் தான் நாவல் மரம் பேசுகிறேன். என்னுடைய தாவரவியல் பெயர் ஸைனஸ்கியம் குமினியை, நான் மிர்டேசி என்ற குடும்பத்தைச் சேர்ந்தவள். உங்கள் பள்ளிக்கு அருகே என்னை விற்பதை நீங்கள் பார்த்து, உண்டு களித்திருப்பீர்கள். உங்களை மாதிரியே விநாயகருக்கும் என்னை மிகவும் பிடிக்கும். ஏழை சிறாருக்கு நான் ஏற்றக் கனி. மே, ஜுன் மாதங்களில் நான் அதிகமாகக் காணப்படுவேன்.
 என்னை நீங்கள் சாப்பிட்டல் உங்கள் நாக்கின் நிறம் கருமையாக மாறும். நாக்கு வறண்டு, தண்ணீர் குடிப்பீர்கள். இப்படி நாக்கின் நிறத்தை நான் மாற்றுவதால் நா+அல் - நாவல் என்றனர். என்னுடைய சுவை துவர்ப்பு. என்னை அருகதம், நவ்வல், நம்பு, சாட்டுவலம், சாம்பல் எனவும் அழைப்பர்.
 நான் காற்றைத் தடுத்திடுவேன். கட்டட வேலைக்கும் என்னுடை மரம் உபயோக்கப்படும். நீரிழிவு எனப்படும் சர்க்கரை நோய் உள்ளவர்களுக்கு நான் அருமருந்து. கால்நடைகளுக்கு கலப்புத் தீவனம் தயாரிக்கப் பயன்படுவேன்.
 என் பழக்கொட்டையில், புரதமும், கால்சியம், நார்ச்சத்து அதிகமாக உள்ளது. பாலுடன் பட்டைச் சாறைக் கலந்து உண்டால் வயிற்றுப் போக்கு நீங்கும். வைட்டமின் பற்றாக்குறையையும் நீக்குவேன்.
 என்னுடைய இலையை பொடி செய்து பல் தேய்த்தால் ஈறுகள் வலுவடையும். என் இலையின் சாம்பல் நாள்பட்ட தீக்காயங்கள், வெட்டுக் காயங்களைக் குணப்படுத்தும். நீங்கள் தினம் ஒன்று என்று என்னை சாப்பிட்டால் நான் உங்களுக்கு குளிர்ச்சியைத் தருவேன். என்னை வீட்டில் வளர்க்க மாட்டார்கள். ஏனென்றால், என்னை தேடி அதிகமாக கருவண்டுகள் வரும். அது உங்களையும் கடிக்குமில்லையா, அதனால் தான் என்னை வீடுகளில் வளர்க்க மாட்டார்கள்.
 அம்பிகை நீரால் லிங்கம் அமைத்து பூஜித்தது என் மர நிழலில் தான். திருச்சிராப்பள்ளி மாவட்டம், திருவானைக்காவல், அருள்மிகு ஜம்புகேசுவரர் திருக்கோவிலில் நான் தான் தலவிருட்சமாக இருக்கிறேன்.
 நான் தமிழ் ஆண்டில் விகாரி ஆண்டை சேர்ந்தவள்.
 என்னுடைய நட்சத்திரம் ரோகிணி
 மனிதர்களின்றி மரங்கள் இருக்கும் ஆனால் மரங்களின்றி மனிதர்கள் இல்லை
 (வளருவேன்)
 - பா.இராதாகிருஷ்ணன்
 

]]>
http://images.dinamani.com/uploads/user/imagelibrary/2018/10/6/w600X390/sm12.jpg http://www.dinamani.com/weekly-supplements/siruvarmani/2018/oct/06/நாவல்-மரம்-3015044.html
3015043 வார இதழ்கள் சிறுவர்மணி அங்கிள் ஆன்டெனா DIN DIN Saturday, October 6, 2018 10:09 AM +0530 கேள்வி:
 அண்டார்டிகா பகுதிகளில் எப்போதும் பனிப் பாறைகள் நிறைந்து காணப்படுகின்றன. இவை எப்படி இவ்வளவு உயரமாகவும் பரந்து விரிந்தும் உண்டாகின்றன?
 பதில்:
 அண்டார்டிகா பகுதியில் பனிப் பாறைகள் மிகுந்து காணப்படுவதற்கு முதல் காரணம், அங்கு நிலவும் கடுங்குளிர். இந்தக் குளிர் எப்படி ஏற்படுகிறது என்பது பற்றி இன்னொரு முறை தெரிந்து கொள்வோம்.
 இந்தப் பனிப் பாறைகள் அளவில் மிகப் பெரியவை. சமீபத்தில் ஆராய்ச்சியாளர்கள், சிங்கப்பூர் நாட்டின் மொத்த பரப்பளவுக்குச் சமமான ஒரு பனிப்பாறையைக் கண்டார்கள் என்பது வியக்க வைக்கும் செய்தி.
 இவ்வளவு பெரிய பனிப்பாறைகள், முதலில் சிறிய அளவில் பனித்துகள் விழுந்து விழுந்து சிறிய பாறையாகின்றன. சிறு துளி பெருவெள்ளம் என்பது போல.
 இப்படி உண்டாகும் சிறிய பனிப் பாறைகள் அங்குள்ள நீரோட்டத்தில் வழுக்கிக் கொண்டு செல்லும் போது, மேலும் மேலும் பனிப்பாறைகள் ஒன்றுடன் ஒன்று சேர்ந்து கொண்டே வரும். இப்படிச் சேருவதில் பல பாறைகள் சிறிது சிறிதாக ஆங்காங்கே தங்கி விடுகின்றன.
 இவை மேலும் மேலும் சேர்ந்து ஒன்றாகக் கலந்து விடுகின்றன. அளவில் எவ்வளவு பெரியவையாக மாறினாலும் இவை ஒற்றுமையாக ஒன்றாகக் கூடி விடுகின்றன. அங்கிருக்கும் கடல் நீரின் அடர்த்தியை விட இந்தப் பனிப் பாறைகளின் அடர்த்தி குறைவாக இருப்பதால் நீரில் மிதந்து கொண்டிருக்கின்றன. இந்தப் பெரிய பனிப் பாறைகளுக்கு வயதும் அதிகம் இருக்கும். பல ஆண்டுகளாக உருவானவை அல்லவா?
 -ரொசிட்டா
 அடுத்த வாரக் கேள்வி
 இரட்டைத் தலை உள்ள
 பாம்புகூட இருக்கிறது என்கிறார்களே,
 பி.கு.: இந்தப் பகுதிக்கு வாசகமணிகளும் கேள்விகளை அனுப்பலாம். இதுவரை இந்தப் பகுதியில் வெளிவராத கேள்விகளாக இருந்தால், நிச்சயம்
 நல்ல பதில் கிடைக்கும்.
 
 
 
 
 
 
 
 

]]>
http://images.dinamani.com/uploads/user/imagelibrary/2018/10/6/w600X390/sm11.jpg http://www.dinamani.com/weekly-supplements/siruvarmani/2018/oct/06/அங்கிள்-ஆன்டெனா-3015043.html
3015042 வார இதழ்கள் சிறுவர்மணி விடுகதைகள் DIN DIN Saturday, October 6, 2018 10:07 AM +0530  1. இந்த வால் குதிரை ஓட ஓடக் குறையும்...
 2. பூக்கும், காய்க்கும், வெடிக்கும்... ஆனால் பழுக்க மட்டும் செய்யாது...
 3. எல்லா வித்தையும் தெரிந்தவன், தெரியாதவன் போலப் பாவனை செய்கிறான்...
 4. ஆடி ஆடி நடப்பான், அரங்கதிர வைப்பான்...
 5. அடிப்பக்கம் மத்தளம், இலையோ நீண்டது, குலையோ பெரிது, காயோ துவர்ப்பு, பழமோ இனிப்பு...
 6. ஒருவனுக்கு உணவு அளித்தால் ஊரையே கூட்டி விடுவான்...
 7. கோட்டைக்குள் உள்ள வெள்ளைக்காரர்கள் வயதானால் வெளியேறி விடுவார்கள்...
 8. தண்ணீரிலே கண்ணீருடன் காத்திருக்கும், கதிரவன் வரவு கண்டால் முகம் மலர்ந்து விடும்...
 9. புதரின் நடுவே பொன் போலப் பூத்திருக்கும், பொய் சொன்ன பூ என்று புராணக்கதை கூறும்...
 விடைகள்:
 1. ஊசி நூல், 2. இலவம் பஞ்சு, 3. சர்க்கஸ் கோமாளி,
 4. யானை, 5. வாழை மரம், 6. காகம், 7. பற்கள்,
 8. தாமரைப் பூ, 9. தாழம்பூ
 -ரொசிட்டா
 

]]>
http://www.dinamani.com/weekly-supplements/siruvarmani/2018/oct/06/விடுகதைகள்-3015042.html
3015041 வார இதழ்கள் சிறுவர்மணி உப்பு DIN DIN Saturday, October 6, 2018 10:06 AM +0530 அரங்கம்
 காட்சி 1,

 இடம் - அரண்மனை அந்தப்புரம்,
 மாந்தர் - மன்னர் கஜராஜபூபதி, அமைச்சர்
 நல்லசிவம் மகாராணி பவளக்கொடி, சமையல் காரர் - சக்கரபாணி, நேரம் - காலை நேரம்
 (மன்னர் கஜராஜபூபதி போஜனப் பிரியர் எப்போதும் ஏதாவது தின்று கொண்டே இருக்க வேண்டும்)
 
 மன்னர் - "ராணி. பசி எடுக்கிறது ஏதாவது இருக்கிறதா.'
 ராணி - "பிரபோ.. அரை நாழிகைக்கு முன்னர் தானே ஆப்பமும் அதிரசமும் சாப்பிட்டீர்கள். அதற்குள்ளாகவா பசி ?'
 மன்னர் - "என்னவோ தெரியவில்லை. அகோரப் பசி எடுக்கிறது வர வர. இரவு தூக்கத்தில் நடு இரவில் விழித்தால் ஒரே பசி. நேற்று என்ன செய்தேன் தெரியுமா. அர்த்த ஜாம வேளை பத்து லட்டுகளை சாப்பிட்டபின் தான் தூக்கமே வந்தது.'
 மகாராணி - "இது என்னவோ எனக்கு நல்லதாகப் படவில்லை. ஏதோ வியாதி என்றே நினைக்கிறேன். உங்கள் உடல் பெருத்து விட்டதால் அங்கி ஒன்று கூட பத்தவில்லை. ஆறு மாதத்துக்கு ஒரு முறை புதிதாக தைக்க வேண்டி உள்ளது. பாதுகைகளும் அளவு போதவில்லை.'
 மன்னர் - "அது கூட பரவாயில்லை. கட்டிலில் படுத்துப் புரள இடமே போதவில்லை. விழுந்து விடுவேனோ என பயமாக உள்ளது.'
 ராணி - "ஹும் .. நான் தரையில் தான் எப்போதும் தூங்குகிறேன். வெட்கக் கேடு. கட்டிலில் இடம் போதவில்லை. போன வருடம் தான் புதிய பெரிய சந்தனமரக் கட்டில் மாற்றினோம்.'
 மன்னர் - "எதற்கும் அரண்மனை வைத்தியரை இன்று வரவழைத்து உடலை பரிசோதிக்க வேண்டும்.. சரி களைப்பாக உள்ளது. கொஞ்சம் பழச்சாறும் புதிதாகச் சுட்டசோமாசாவும் எடுத்து வரச் சொல்.அப்புறம் தர்பாரில் நான் கொறிக்க நெய்யில் வறுத்த முந்திரி சேடி கை தட்டில் நிரப்பச் சொல்.. மறந்து விடாதே ராணி.'
 (மன்னர் பழச்சாறு அருந்தி ஏப்பம் விட்டபடி
 தர்பார் மண்டபம் நோக்கிச் செல்கிறார் மகாராணி பின் தொடர)
 
 காட்சி 2,
 இடம் - தர்பார் மண்டபம்,
 மாந்தர் - மன்னர், மகாராணி, புலவர்கள், அமைச்சர் நல்ல சிவம், பல நாடுகளில் இருந்தும் வந்துள்ள சமையல் கலைஞர்கள்.
 
 புலவர் - பழஞ்சோற்றுக் கீரனார். - "மன்னா நீ வாழ்க. கணபதிக் கடவுளை ஒத்த உருவமும் அறிவும் ஒருங்கே பெற்ற உன் கொற்றம் வாழ்க. தங்கள் நா வன்மை குறித்து ஒரு பாடல் எழுதி உள்ளேன்.'
 மன்னர் - "ம்..., பாடுங்கள் கேட்போம்.'
 புலவர் பாடுகிறார் - "அப்பம் ஆப்பம் இடியாப்பம், லட்டு, புட்டு, சீடை, சேவு, பூந்தி, பொங்கல், புளியோதரை, வடைகள் ஒருசேர அமைந்தாலும் உன் நா
 ருசிக்குப் போதுமோ?
 மன்னர் - "பலே பிரமாதம். இந்தாரும் பரிசு முத்து மாலை. அமைச்சரே புலவர் பாடியது போல இன்று இரவுக்கு அனைத்தையும் தயார் செய்து விடுங்கள்.. நாவில் எச்சில் ஊறுகிறது.'
 அமைச்சர் நல்ல சிவம் - "சரி மன்னா.'
 (பல நாடுகளில் இருந்தும் வந்த சமையல் கலைஞர்கள் தாங்கள் செய்து வந்த புதுவித பலகார இனிப்பு வகைகளை மன்னருக்கு சமர்ப்பிக்கிறார்கள்.)
 வேங்கி நாட்டு சமையல் கலைஞர் - "மன்னா இது எங்கள் நாட்டின் விசேஷப் பலகாரம் முந்திரியை நெய் விட்டு வறுத்து அதை தேன் பாகில் ஊறவைத்துச் செய்தது. சிறிது ருசி பார்த்து கருத்துச் சொல்ல
 வேண்டும்.'
 மன்னர் - சிறிது சாப்பிட்டு - "ஆஹா என்ன சுவை. வேங்கி நாட்டு பரிசாரகரே இதனை எங்கள் நாட்டு சமையல் காரருக்கு பதம் சொல்லிச் செல்ல வேண்டும். பிடியுங்கள் ஆயிரம் பொன் பரிசு.'
 (காலச் சக்கரம் வேகமாக சுழல்கிறது)
 
 காட்சி 3,
 இடம் - அரண்மனை,
 மாந்தர்- மகாராணி மன்னர் அமைச்சர் வைத்தியர் சிகாமணிப் பண்டிதர்
 (மன்னர் உடல் மிகவும் பருத்து விட்டது.. நடக்க யாராவது இருபுறமும் தாங்கி பிடித்துக் கொண்டால் தான் முடியும். படுக்கையில் இருந்து எழ தூக்கி விட வேண்டும். )
 
 மகாராணி - "அமைச்சர் பெருமானே. மன்னர் உடல் வர வர பெருத்துக் கொண்டே போகிறது. எனக்குப் பயமாக உள்ளது. நீங்கள் தான் ஏதாவது உபாயம் செய்ய வேண்டும். வைத்தியர் என்ன சொல்கிறார்.'
 வைத்தியர் - "மகாராஜாவுக்கு உடலில் ஒரு குறையும் இல்லை. ஆனால் பெருந்தீனி என்னும் சுபாவமே நோயாக மாறியுள்ளது. உணவைக் குறைக்க வேண்டும், நெய், எண்ணெய் உதவாது. கீரைகள் பழங்கள் மட்டும் சாப்பிட வேண்டும். பத்தியமாக கஞ்சி சாப்பிட்டு வந்தால் உடல் மெலியும் ஆரோக்கியம் தானாக வந்து விடும்.'
 அமைச்சர் நல்ல சிவம் - "மன்னர் பத்தியத்துக்கு ஒப்புக்கொள்ள மாட்டார். எதற்கும் குல குரு முனிவரிடம் யோசனை கேட்போம்.'
 
 காட்சி 4,

 இடம் அரண்மனை,
 மாந்தர் - குலகுரு முனிவர், மன்னர்,
 வைத்தியர், அமைச்சர்.
 (படுக்கையில் இருக்கும் மன்னரை குலகுரு பார்க்க வருகிறார்.)
 படுத்த படியே - "குருவே வணங்குகிறேன். மன்னிக்க வேண்டும் எழ முடியவில்லை. மரியாதைக் குறைவாக எண்ண வேண்டாம்.'
 குரு முனிவர் - "மன்னா. உன் பணிவையும் பக்தியையும் நான் அறிவேன். உன்னைப் பழைய நிலைக்கு மெல்லிய உடல் வாகுக்கு என்னால் கொண்டு வர முடியும். நான் சொல்வதைக் கேட்பாயா?'
 மன்னர் - "கண்டிப்பாக'
 குரு - "நீ என்ன வேண்டுமானாலும் சாப்பிடு. எத்தனை முறை வேண்டுமானாலும் சாப்பிடு. ஆனால் உப்பில்லாமல் சமைக்க வேண்டும். உப்பு அறவே கூடாது. ஒரு ஆறு மாத காலம் தான். சத்தியம் செய்வாயா உப்பின்றி சாப்பிடுவேன் என.'
 மன்னர் - "நிச்சயம் குருவே. உங்கள் சொல்படி கேட்கிறேன். சத்தியமாக இனி உப்பின்றியே உண்பேன். எப்படியாவது நான் எழுந்து யார் துணையும் இன்றி நடந்தால் போதும்.'
 (குரு ஆசீர்வதித்து செல்கிறார்.)
 
 காட்சி 5,
 இடம் - அரண்மனை,
 மாந்தர் - மன்னர், ராணி, பரிசாரகர், அமைச்சர்
 (மறுநாள் உப்பில்லா உணவு பரிமாறப் பட)
 
 மன்னர் - (சிறிது வாயில் போட்டு விட்டு ) - "மனுஷன் தின்பானா இதை. சகிக்கவில்லை ருசி.'
 அமைச்சர் - "மன்னா கொஞ்சம் பல்லைக் கடித்துக் கொண்டு, வேண்டும் அளவு சாப்பிடுங்கள். ஒரு ஆறு மாதம் தான்'
 ராணி - "ஆம் பிரபோ!... அப்புறம் உங்களிஷ்டம் போல சாப்பிடலாம்.'
 மன்னர் - (எல்லோரையும் முறைத்தபடி) "ம்.... தின்று தொலைக்கிறேன்.'(தனக்குள்) எங்கே தின்பது. ஒரு கவளம் கூட செல்லவில்லை ..
 (இப்படியாக உணவின் அளவு குறைய உண்ணும் வேளைகள் குறைய மன்னர் உடல் தானாக இளைக்கிறது. தொந்தி கரைகிறது..சுறுசுறுப்பாக எழுந்து நடக்கிறார்.)
 
 காட்சி 6,
 இடம் - முனிவர் ஆசிரமம்,
 மாந்தர் - குலகுரு முனிவர், அமைச்சர், மன்னர்
 (ஆறு மாதம் கழித்து - மன்னர் ரதத்தில் முனிவர் குடிலுக்குச் சென்று அவரை வணங்க.)
 
 முனிவர் - "மன்னா உரித்த சின்ன வெங்காயம் தொட்டுக் கொண்டு இந்த உப்பிட்ட கம்பங் கூழ் சிறிது குடித்துப் பார்.'
 மன்னர் -"ஆஹா அமிதமாக இருக்கிறதே. என் கண்ணைத் திறந்த ஆசானே. நாக்கின் ருசிக்கு அடிமையாக இருந்த எனக்கு நல்ல புத்தி வரச் செய்து விட்டீர்கள். தாங்கள் மட்டும் தக்க சமயத்தில் வந்திராவிடில் நான் உடல் ஊதி வெடித்தே போயிருப்பேன். என் இளமையும் ஆரோக்கியமும் திரும்பப் பெற காரணகர்த்தா தாங்கள் தான்.'
 முனிவர் - "மன்னா.. ஒரு வேளை உண்பவன் யோகி, இருவேளை உண்பவன் போகி எனப்படும் இல்லறத்தான். மூன்று வேளை உண்பவன் ரோகி. உயிர் வாழத்தான் உண்ண வேண்டும். உண்பதற்காக உயிர் வாழக் கூடாது. எத்தனையோ செல்வந்தர்கள் இதைக் கடை பிடித்தால் உலகில் உணவுப் பஞ்சமே இராது. பெருந்
 தீனிக் காரன் தன் பற்களால் தனக்குத் தானே சவக் குழியைத் தோண்டிக்கொள்கிறான். செவிக்குணவில்லாத போழ்து சிறிது வயிற்றுக்கும் ஈயப்படும் என வள்ளுவப் பெருந்தகை சொல்லி இருக்கிறார். உணவு கால் பங்கு தண்ணீர் கால் பங்கு காற்று அரைப் பங்கு வயிற்றில் இருப்பது தான் சரியான ஆரோக்கிய செரிமான விகிதம். கல்வி கேள்விகளில் இனி உன் கவனம் செல்லட்டும்'
 (குருவை வணங்கி விடை பெறுகிறார் மன்னர். ஆரோக்கியமான மலைக் காற்றை சுவாசித்தபடி.)
 திரை
 
 
 

]]>
http://images.dinamani.com/uploads/user/imagelibrary/2018/10/6/w600X390/NADAGAM.JPG http://www.dinamani.com/weekly-supplements/siruvarmani/2018/oct/06/உப்பு-3015041.html
3015040 வார இதழ்கள் சிறுவர்மணி கடி DIN DIN Saturday, October 6, 2018 10:05 AM +0530 * "கணக்கு சொல்லித் தரப்போறியா?....
இரு!....ஹெல்மெட் போட்டுக்கிட்டு 
வர்றேன்''
"எதுக்கு?''
"நீ குட்டிக் குட்டிதானே சொல்லித்தருவே?''
கே.ஆர்.ஜெயக்கண்ணன், 
சந்தையடி போஸ்ட் - 629703.

* "ரொம்ப நாளா கையிலே இந்த கட்டி இருக்கு...''
"அதை ஏன் கட்டிக் காத்துக்கிட்டிருக்கே..... டாக்டர் கிட்டே காமிக்க வேண்டியதுதானே!''
பொ.பாலாஜி, 
அண்ணாமலைநகர்.

* "அப்பா இந்தாங்க தர்மம்!.... போட்டுக்கிட்டுப் போங்க!...''
" என்னடா இது?....ஹெல்மெட்டை 
தர்மம்ங்கிறே!
"அதுதானே தலை காக்கும்?''
க.சங்கர், 
நாகர்பாளையம்.

* "நானும் பல ஊர் சுத்தி பார்த்துட்டேன்....எந்த வித்தியாசமும் தெரியலே....''
"ஏன் அப்படி?
"எல்லா ஊரிலேயும் சுத்தி ஒரே மாதிரிதான் இருக்கு!...''
ஜி.சுந்தரராஜன், 
திருத்தங்கல், - 626130

* "என்னது இது?.... லீவு லெட்டர் பத்து பக்கம் இருக்கு!''
"எங்கப்பா மெகா சீரியல் கதாசிரியர் சார்!....''
எம்.எஸ்.வி.அருண், 
1/1746, முத்தமிழ் மூன்றாவது தெரு, 
சோலையம்மன் நகர், 
அடந்தாங்கல், ரெட்ஹில்ஸ் - 600052.

* "எங்கப்பா ஒரு ஓட்டைப் பொருளை வாங்கி வந்தார்....எனக்கு ரொம்ப சந்தோஷமா இருந்திச்சு!''
"அதுக்கு ஏன் சந்தோஷப்படறே?''
"அது புல்லாங்குழலாச்சே!''
பொ.பாலாஜி, 
11/12, ராஜேந்திரா கார்டன், 
சிவபுரி மெயின் ரோடு, 
அண்ணாமலைநகர் - 608002.
வாரம் 2 டி-சர்ட் பரிசு நட்சத்திரக் குறியிட்ட 2 கடிகளும் பட்டுக்கோட்டை ரூபி ரெடிமேட்ஸ் வழங்கும் 
தலா ஒரு டி-சர்ட்டைப் பெறுகின்றன. பரிசு பெற்றவர்களுக்கு வாழ்த்துகள்.
 

]]>
http://images.dinamani.com/uploads/user/imagelibrary/2018/10/6/w600X390/JOKE.JPG http://www.dinamani.com/weekly-supplements/siruvarmani/2018/oct/06/கடி-3015040.html
3015039 வார இதழ்கள் சிறுவர்மணி கசமாடிப் பாட்டி! DIN DIN Saturday, October 6, 2018 10:03 AM +0530 "தாதன்கால்' என்னும் கிராமத்தில் "கசமாடிப் பாட்டி' என்ற ஒரு வயதான பாட்டி வசித்து வந்தார். அந்தப் பாட்டி வளர்த்த புளியமரம் நிறையக் காய்கள் காய்த்தது! கோணல் கோணலாக காய்த்துத் தொங்கிய புளியங்காய்களை பள்ளி மாணவ, மாணவிகள் கல்லெறிந்து கீழே விழச் செய்து அதை ருசித்து சாப்பிடுவார்கள். புளியங்காய்கள் புளிப்பு உடையது என்றாலும் பள்ளியில் படிக்கும் சிறுவர், சிறுமியர் அதை விரும்பி சாப்பிட வந்தார்கள்.
 இதைக் கண்ட கசமாடிப் பாட்டி புளிய மரத்தைச் சுற்றி முள் வேலி போட்டாள். மேலும் புளிய மரத்தைக் கையில் தடியுடன் காவல் காக்கவும் செய்தாள்! சிறுவர், சிறுமியர் யாராவது புளிய மரத்தில் கல்லெறிந்தால் பாட்டி அவர்களை கடுமையான வார்த்தைகளால் திட்டுவாள்! மேலும் கையில் உள்ள தடியால் அவர்களை அடித்து விரட்டுவாள்!
 ஒரு முறை புளியமரத்தில் ஏறி புளியங்காய் பறித்த சிறுவனை அடித்து விட்டாள். சிறுவன் அழுதுகொண்டே சென்றான். கசமாடிப் பாட்டி கையில் தடியோடு புளிய மரத்தைக் காவல் காத்துக் கொண்டிருந்ததால் பள்ளிச் சிறுவர், சிறுமியர் புளியங்காய்களை தின்ன ரொம்பவே ஏங்கித் தவித்தார்கள்!
 ஒருநாள்....
 கசமாடிப்பாட்டிக்கு சற்று உடல் நிலை சரியில்லாமல் போனது!....சோர்வுடன் கட்டிலில் படுத்துக் கொண்டிருந்தார். பக்கத்தில் இருந்த மேஜையில் காபி குடித்த ஃப்ளாஸ்கும், சர்க்கரை பாட்டிலும் இருந்தன. அருகில் சர்க்கரை சிறிது சிந்தியிருந்தது. சின்னஞ்சிறிய சர்க்கரைக் கட்டிகள் இருந்தன. அவற்றை ஒரு எறும்பு கஷ்டப்பட்டு இழுத்துக் கொண்டிருந்தது. உதவிக்கு மற்றொரு எறும்பும் சேர்ந்து கொள்ள இரண்டும் விறுவிறுவென்று சர்க்கரைக் கட்டியை இழுத்துச் சென்றன.
 உடல் நிலை சரியில்லாத அந்த நிலையிலும் பாட்டிக்கு, அதைப் பார்த்ததும் முகத்தில் புன்னகை ஏற்பட்டது. எப்படி ஒன்றுக்கொன்று உதவி புரிந்து வாழ்க்கை நடத்துகின்றன என்பதை அவள் மிகவும் ரசித்தாள். மனதில் இந்தக் காட்சியைக் கண்ட அவளுக்கு சந்தோஷமாய் இருந்தது.
 பாட்டிக்கு உடம்பு சரியில்லாததை அறிந்துகொண்டனர் சிறுவர்கள்! இதுதான் தக்க சமயம் என்றறிந்த சிறுவர்கள் கசமாடிப் பாட்டியின் புளியமரத்தில் கல்லெறிந்தனர். புளியம்பழங்களும், காய்களும், லொத், லொத் தென்று கீழே விழுந்தன. அவைகளை அள்ளிக்கொண்ட சிறுவர், சிறுமியர் தங்களுக்குள் பகிர்ந்துகொண்டு சப்புக்கொட்டி ருசித்து மகிழ்ந்து கொண்டிருந்தனர்.
 ஒரே சிரிப்புச் சத்தம்! ஆரவாரம்!
 சத்தம் கேட்ட பாட்டி வீட்டின் ஜன்னல் கதவைத் திறந்தாள். பள்ளிச் சிறுவர், சிறுமியர் ஆசையோடு சுவைத்துக் கொண்டிருந்ததைப் பார்த்தாள். அவர்கள் முகத்தில் அத்தனை மகிழ்ச்சி! ஆனால் இப்போது பாட்டிக்குக் கோபமே வரவில்லை! மாறாக அவளுக்கு சந்தோஷமே ஏற்பட்டது! மற்றவர்கள் சந்தோஷமாய் இருப்பதைப் பார்ப்பதுதான் எவ்வளவு மகிழ்ச்சி என்பதை உணர்ந்து கொண்டாள் அவள்! அவளது மனம் கனியத் தொடங்கியது!
 வீட்டுக் கதவைத் திறந்துகொண்டு வெளியே வந்தாள். அவளைக் கண்ட சிறுவர்கள் ஓடத் தொடங்கினர்.
 கசமாடிப் பாட்டி அவர்களை நோக்கி, ""குழந்தைகளே!....ஒடாதீர்கள்!....நான் உங்களை ஒன்றும் செய்யமாட்டேன்!'' என்றதும் சிறுவர்கள் ஓடாமல் நின்றார்கள்.
 மீண்டும் அவர்களை நோக்கித் தன் பொக்கை வாய்ச்சிரிப்புடன், "இத்தனை நாள் உங்களுடைய சந்தோஷத்தைப் பார்க்காமல் எனது வருமானத்தை மட்டுமே பார்த்தேன்!.....அதற்காக நான் வருத்தமடைகிறேன் கண்ணுகளா!....இப்போ நீங்க எல்லாரும் சந்தோஷமா இருக்கறதைப் பார்த்தேன்.... இப்பதான் எனக்கு மனசு நிறைஞ்சு இருக்கு.....இனிமே நீங்க பயமில்லாம புளியங்காய்களை, பழங்களை பறிச்சு, ருசிச்சு சாப்பிடுங்க....
 ஆனா அளவோடு சாப்பிடுங்க.....
 நிறைய சாப்பிட்டால் காய்ச்சல் வரும்!'' என்று அறிவுரை கூறினாள் பாட்டி.
 தன் மன மாற்றத்திற்குக் காரணமான எறும்புகளை நினைவு கூர்ந்தவாறே தான் போட்டிருந்த முள் வேலியைப் பிரிக்கத்தொடங்கினாள் கசமாடிப்பாட்டி!
 - எஸ்.டேனியேல் ஜூலியட்
 

]]>
http://images.dinamani.com/uploads/user/imagelibrary/2018/10/6/w600X390/sm9.jpg http://www.dinamani.com/weekly-supplements/siruvarmani/2018/oct/06/கசமாடிப்-பாட்டி-3015039.html
3015038 வார இதழ்கள் சிறுவர்மணி உயிரைக் காத்த ஒற்றுமை! DIN DIN Saturday, October 6, 2018 10:02 AM +0530 கதைப் பாடல்!

ஒருதாய் மக்கள் நால்வருமே 
ஒற்றுமை இல்லாப் பிள்ளைகளாம்!
ஒருவருக் கொருவர் உதவிடவே 
உள்ளம் இல்லா திருந்தனராம்!
ஒற்றுமை இல்லா அவர்களையே 
ஊரார் எவரும் மதிப்பதில்லை!
ஒட்டடைக் குச்சி நோஞ்சானும் 
உரசிப் போவான் முறைப்புடனே!
காட்டில் கிடைக்கும் தேன், கடுக்காய் 
கடையில் விற்றே வாழ்க்கையினை 
ஓட்டும் மக்களை காட்டினிலே 
ஒரு புலி தாக்கி வந்ததுவாம்! 
காட்டுப் பிழைப்பும் கடல் பிழைப்பும் 
காப்பே இல்லா நாள் பிழைப்பாம்!
காட்டில் திரியும் புலிக்கு அஞ்சி 
கடத்தினர் நாட்களை அவ்வூரார்! 
ஒற்றுமை இல்லா நால்வருமே 
ஒருநாள் அந்தக் காட்டுக்குள் 
சற்றே தள்ளித் தனித் தனியே 
சாக்குடன் கடுக்காய் பொறுக்கினராம்!
மூத்தவன் அருகில் அந்தப் புலி 
மோப்பம் பிடித்தே வந்ததுவாம்!
ஆற்றல் இல்லா அவன் பயந்தே 
"அய்யோ!....புலி!'' என்று அலறினனாம்!
அடுத்த கணமே கூரிய கல் 
அந்தப் புலியைத் தாக்கியதாம்! 
கொடிய புலியின் ஒரு கண்ணில் - கல்
கடுமை யாகத் தாக்கியதாம்!
பின்னால் ஓடி வந்தவனோ 
பெரிய கல்லுடன் "அண்ணா! உன் 
தம்பி இருக்கிறேன் அஞ்சாதே! 
தாக்கிடு புலியை'' என்றானாம்!
தம்பி இருக்கும் துணிச்சலிலே 
தாக்கினான் புலியை மூத்தவனும் !
வந்தே மற்ற இருவருமே
வரிப்புலி ஓடிட தாக்கினராம்!
அண்ணன் தம்பிகள் ஒற்றுமையை 
அறிந்தே ஊரார் வியந்தனராம்!
அன்று முதலாய் அவர்களுமே 
அனைவரின் மதிப்பிலும் உயர்ந்தனராம்!


 

]]>
http://images.dinamani.com/uploads/user/imagelibrary/2018/10/6/w600X390/sm8.jpg http://www.dinamani.com/weekly-supplements/siruvarmani/2018/oct/06/உயிரைக்-காத்த-ஒற்றுமை-3015038.html
3015037 வார இதழ்கள் சிறுவர்மணி  உணர்ந்தால் பெருமை வாழ்க்கைக்கு! DIN DIN Saturday, October 6, 2018 10:00 AM +0530 சிறுவர் பாடல்!
உணர்ந்தால் பெருமை வாழ்க்கைக்கு!
 சொல்லால் பெருமை கவிதைக்கு
 சுவையால் பெருமை கரும்புக்கு
 வில்லால் பெருமை அம்புக்கு
 விழியால் பெருமை மானுக்கு
 பூவால் பெருமை முல்லைக்கு
 காயால் பெருமை முருங்கைக்கு
 குரலால் பெருமை குயிலுக்கு }தோகை
 விரிப்பால் பெருமை மயிலுக்கு
 காற்றால் பெருமை விசிறிக்கு
 முத்தால் பெருமை சிப்பிக்கு
 படியால் பெருமை ஏணிக்கு
 பண்பால் பெருமை ஞானிக்கு!
 கன்றால் பெருமை பசுவிற்கு
 ஒன்றால் பெருமை ஒன்றுக்கு -இதை
 உணர்ந்தால் பெருமை வாழ்க்கைக்கு!
 - அழகு இராமானுஜன்
 
 
 
 

]]>
http://images.dinamani.com/uploads/user/imagelibrary/2018/10/6/w600X390/sm7.jpg http://www.dinamani.com/weekly-supplements/siruvarmani/2018/oct/06/உணர்ந்தால்-பெருமை-வாழ்க்கைக்கு-3015037.html
3015036 வார இதழ்கள் சிறுவர்மணி விருந்தோம்பல்! DIN DIN Saturday, October 6, 2018 09:59 AM +0530 இல்லம் தேடி வருவோரை 
இனிய தமிழால் "வருக' வென 
முல்லை நகையால் வரவேற்றல் 
மூத்த தமிழர் பண்பாடு!
வந்தா ருக்குக் குடிநீரை 
வழங்கிப் பின்னர் அறுசுவையைத் 
தந்தே அவரை மகிழ்வித்தல் 
தமிழர் காட்டும் பண்பாடு!
செல்லும் விருந்தை அன்போடு 
"சென்று வருக மீண்டு' மெனச் 
சொல்லி விருந்தை ஓம்புதலே 
சுத்தத் தமிழர் பண்பாடு!
தமிழர் பண்பாம் விருந்தோம்பல் 
தரணிப் புகழைப் பெற்றதனால் 
தமிழர் பண்பைக் காத்திடவே 
தம்பி தங்காய் வருவீரே!
- கே.பி.பத்மநாபன்

]]>
http://images.dinamani.com/uploads/user/imagelibrary/2018/10/6/w600X390/sm6.JPG http://www.dinamani.com/weekly-supplements/siruvarmani/2018/oct/06/விருந்தோம்பல்-3015036.html
3015035 வார இதழ்கள் சிறுவர்மணி தாயுமான பாலமுருகன்! DIN DIN Saturday, October 6, 2018 09:58 AM +0530 உண்மைச் சம்பவத்தை அடிப்படையாகக் கொண்டது
பாராட்டுப் பாமாலை! 17
அயனாவரத்தின் அருகே ஓர் ஊர்
நம்மாழ்வார் பேட்டை என்பது அதன் பெயர்
அந்தப் பகுதியைச் சேர்ந்தவன் கார்த்திக் 
மயிலையில் விடுதியில் தங்கிப் படித்தான்!
எட்டாம் வகுப்பில் அவன் பயின்றான்
தந்தையை இழந்தவன்....தாயின் காப்பில் 
இருந்தான்.....அண்மையில் அவரும் மறைந்தார்!
எதிர்பாராமல் நடந்த ஓர் நிகழ்வில்!.....
அந்தப் பகுதியில் ஆய்வுக்குச் சென்ற 
அயனாவரத்தின் உதவி ஆணையர்
பாலமுருகனின் பார்வைக்கு வந்தது- ஏழை 
மாணவன் கார்த்திக் ஆதரவு இழந்தது!....
இதயம் கனக்க விடுதிக்குச் சென்றார்
இழப்பில் துடித்த கார்த்திக்கைக் கண்டார்!
சிறகுகள் இழந்த பறவையைப் போல - அந்தச் 
சிறுவன் இருந்தான்....நெஞ்சம் பதைத்தார்!
"அம்மா இருந்தால் என்ன செய்வாரோ 
அந்த உதவியை உனக்கு நான் செய்வேன் 
மனம் கலங்காதே...என்றும் நான் துணை'' - என 
மகனாய் எண்ணி அவனை அணைத்தார்!
இரவுப் பணிக்குப் பின் இல்லம் திரும்பினார் - அவரது 
இல்லத் துணைவியிடம் செய்தியைக் கூறினார்!
"ஏற்கனவே உள்ள மகன் மகளோடு - நமக்கு
இன்னொரு புதுமகன் அவன்தான் கார்த்திக்!
நம் மகன் மகளுக்கு வழங்கும் அன்பை 
இந்த பிள்ளைக்கும் வழங்குவோம் இனிமேல்!
மனைவியோடு பிள்ளைகள் மகிழ்வுடன் ஏற்றனர்!
மனித நேயத்திற்கு மகுடம் சூட்டினர்!
கடமையில் கருணை சேரும்போது 
கண்ணீர் சிந்தும் நெஞ்சங்கள் மகிழும்!
ஆணையர் பாலமுருகன் அதற்கோர் சான்று!
அவரது பண்பைப் போற்றுவோம் இன்று!
-சோழமைந்தன்

நற்செயல் புரிந்த  
நல்லோரைப் பாராட்டி  
இப்பகுதிக்குக்  
கவிதைகள் எழுதலாம்

]]>
http://images.dinamani.com/uploads/user/imagelibrary/2018/10/6/w600X390/sm5.jpg http://www.dinamani.com/weekly-supplements/siruvarmani/2018/oct/06/தாயுமான-பாலமுருகன்-3015035.html