Dinamani - மகளிர்மணி - http://www.dinamani.com/weekly-supplements/magalirmani/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2943576 வார இதழ்கள் மகளிர்மணி இது புதுசு - அருண் DIN Wednesday, June 20, 2018 11:49 AM +0530 56 வயதில் முனைவர் பட்டம் பெற்ற நடிகை

16 வயதில் "திரிசூல்' படத்தின் மூலம் அறிமுகமான பூனம் தில்லான், 40 ஆண்டுகளில் 80க்கும் மேற்பட்ட படங்களில் நடித்துள்ளார். தற்போது 56 வயதாகும் பூனம் தில்லான், தன் குழந்தைகள் கல்லூரிக்குச் செல்லும் நேரத்தில் எம்பிஏ பட்டம் பெற்றதோடு, இரண்டு கவுரவ முனைவர் பட்டத்தையும் பெற்றுள்ளார். ""நீங்கள் நினைத்ததை சாதிக்க வயது எப்போதும் தடையாக இருப்பதில்லை'' என்று கூறும் பூனம் தில்லான், தற்போது சோனி டிவியில் ஒளிப்பரப்பாகும் "தில் ஹி தோஹை' என்ற தொடரில் நடித்து வருகிறார்.


ஆங்கில படங்களில் இந்தி டப்பிங் பேசும் கஜோல்!

"அவெஞ்சர்ஸ்', "டெட்பூல்' போன்ற ஆலிவுட் படங்களை இந்தியில் டப்பிங் செய்தபோது பாலிவுட் நடிகர்களை ரண்வீர்சிங், ராணா டகுபதி ஆகியோரை டப்பிங் பேச வைத்தது ரசிகர்களிடையே பெரும் வரவேற்பை பெற்றுள்ளது. இதையறிந்த டப்பிங் பட விநியோகஸ்தர்கள் "இன்கிரடிபிள் 2' படத்தில் எலாஸ்டிகேர்ள் என்ற பாத்திரத்திற்கு பாலிவுட் நடிகை கஜோலை இந்தியில் பின்னணி பேச வைத்துள்ளனர். மேலும் பல பாலிவுட் நடிக- நடிகைகள் இப்போது பின்னணி பேசுவதில் ஆர்வம் காட்டுகிறார்களாம்.


ரஜினி கொடுத்த இன்ப அதிர்ச்சி!

""தெலுங்கு படங்களில் அம்மா வேடத்தில் நடித்துவரும் என்னை "காலா' படத்தில் நடிக்க அழைத்தபோது, ரஜினிக்கு அம்மாவாக நடிக்கவே என்னை ஒப்பந்தம் செய்திருப்பதாக நினைத்தேன். படப்பிடிப்பு துவங்கிய போதுதான் ரஜினி என்னை அழைத்து, ""இந்தப் படத்தில் எனக்கு ஜோடி நீதான்'' என்று சொன்னபோது இன்ப அதிர்ச்சியாக இருந்தது. திரைத்துறையில் எப்போது வேண்டுமானாலும் எதுவும் நடக்கலாம் என்பதால் "காலா' படம் முடியும் வரை நான் ரஜினிக்கு ஜோடியாக நடிப்பதை என் குடும்பத்தாரிடமோ, என் குழந்தைகளிடமோ சொல்லவே இல்லை'' என்கிறார் ஈஸ்வரி ராவ். 


கிராமங்களைத் தத்தெடுக்கும் நடிகை!

நடிப்பு தொழிலுக்கு அடுத்து பெண்கள் கல்வியில் மிகுந்த அக்கறை காட்டும் பாலிவுட் நடிகை ஈஷா குப்தா, உத்தர பிரதேசம் பிஜாநூர் மாவட்டத்தில் இரு கிராமங்களை தத்தெடுக்க உள்ளார். ""ஒவ்வொருவருக்கும் கல்வி அளிப்பது அவசியமாகும். சிறு நகரங்களில் படிக்க விரும்பும் குழந்தைகளுக்கு தேவையான வசதிகள் இல்லை. அதனால் இரு கிராமங்களை தத்தெடுத்து அங்குள்ள குழந்தைகள் கல்வி கற்பதற்கான வசதிகளையும், ஆசிரியர்களையும் நியமிக்க திட்டமொன்றை ஏற்படுத்தியுள்ளேன்'' என்கிறார் ஈஷா குப்தா.


வீட்டில் தோட்டம் அமைக்க யோசனை!

வித்தியாசமான பாத்திரங்களை ஏற்று நடிப்பதில் ஆர்வமுள்ள பாலிவுட் நடிகை ரிச்சா சட்டாவுக்கு, சுற்றுச் சூழல் பாதுகாப்பிலும் சமூக அக்கறையுடன் செயல் படுவதில் விருப்பம் அதிகம். அண்மையில் மும்பை மேற்கு புறநகர் பகுதியில் புதிய வீட்டில் குடியேறிய அவர், வீட்டிலேயே இயற்கை முறையில் காய்கறி தோட்டம் அமைத்துள்ளாராம். ""பூச்சிக்கொல்லி மருந்தற்ற இயற்கையான காய்கறிகளைப் பயிரிடுவது சுற்றுச்சூழலைப் பாதுகாப்பதோடு, சமைத்து சாப்பிடுவதும் உடல் ஆரோக்கியத்துக்கு நல்லது'' என்கிறார் ரிச்சா சட்டா.


சூப்பர் ஹீரோயினாக தீபிகா படுகோன்!

கடந்த ஆண்டு வெளியான கால்கேடட் நடித்த ஆங்கிலப் படமான "ஒன்டர் உமன்' பெரும் வெற்றியடைந்ததைத் தொடர்ந்து, இந்தியாவில் முதன்முறையாக ஒரு பெண்ணை சூப்பர் ஹீரோயினாக மையப்படுத்தி படமெடுக்க பாலிவுட்டில் தயாரிப்பாளர் ஒருவர் முன் வந்துள்ளார். ரூபாய் 300 கோடியில் தயாரிக்கப்படவுள்ள இந்த படத்தில் தீபிகா படுகோன், சூப்பர் ஹீரோயினாக நடிக்கப் போகிறார்.

]]>
http://images.dinamani.com/uploads/user/imagelibrary/2018/6/20/w600X390/mn13.jpg http://www.dinamani.com/weekly-supplements/magalirmani/2018/jun/20/இது-புதுசு-2943576.html
2943574 வார இதழ்கள் மகளிர்மணி சிறைக் கைதிகளுக்கு தியானப் பயிற்சி! - ஸ்ரீ DIN Wednesday, June 20, 2018 11:42 AM +0530 புழல் சிறை கைதிகளுக்குத் தியானம் சொல்லித்தருவது, பகவத் கீதை வகுப்பு எடுப்பது என தனது பிஸியான சூழலிலும் தன்னால் முடிந்த சமூக சேவையைச் செய்து வருகிறார் நடிகை குட்டி பத்மினி. மேலும், சுயசரிதைப் புத்தகம் ஒன்றையும் எழுதிவருகிறார். இது குறித்து அவர் கூறியது:

சிறைக் கைதிகளுக்கான தியானப் பயிற்சி, பகவத் கீதை வகுப்பு எடுப்பது இந்த எண்ணம் எப்படி தோன்றியது?

ஏதோ வேகத்தில் உணர்ச்சிவசப்பட்டு தவறு செய்துவிட்டு, தினம் தினம் அதனை நினைத்து மனம் குமைந்து கொண்டிருக்கும் சிறைக்கைதிகள் எப்போதும் அமைதியற்ற நிலையிலேயே இருப்பார்கள். அவர்களுக்கு தியானம் மூலம் மன அமைதியடைய செய்யலாமே என்ற எண்ணம் வர, அதற்கான முறையான அனுமதி பெற்று தியானப் பயிற்சி அளித்து வருகிறேன். அவர்களின் மன அமைதிக்காக என்னால் முடிந்த சிறிய பங்களிப்பு. அதன் அடுத்த கட்டமாகத்தான் பகவத் கீதை வகுப்பும். இதன் மூலம் அவர்கள் தண்டனைக் காலம் முடிந்து திரும்பும்போது, ஓர் அமைதியான வாழ்க்கையை அவர்கள் அமைத்துக் கொள்ள முடியும் என்று நம்புகிறேன்.

சுயசரிதை தற்போது எந்த நிலையில் உள்ளது?

கிட்டத்தட்ட எழுதி முடித்துவிட்டேன். நான் மூன்று மாதக் குழந்தையாக இருந்தபோதே சினிமாவில் நடிக்க ஆரம்பித்துவிட்டேன். இதுவரை நான் கடந்து வந்த பாதையில் இருந்த ஏற்ற இறக்கங்கள் அத்தனையும் என் சுயசரிதையில் எழுதியிருக்கிறேன். சிவாஜி, எம்.ஜி.ஆர், சாவித்திரி, ஜெயலலிதா உள்ளிட்ட ஜாம்பவான்களும் என் புத்தகத்தில் கடந்து போவார்கள். இதில், நான் இதுவரை எனக்குக்கிட்டிய அனுபவங்களை உள்ளது உள்ளபடி எழுதியிருக்கிறேன். பெயரில்லாமல் எழுதுவது, சிலவற்றை மறைத்து எழுதுவதில் எனக்கு உடன்பாடில்லை. சுயசரிதை என்பது உண்மையை எழுதுவதுதானே? இதனால், எனது மறைவுக்கு பிறகே புத்தகத்தை வெளியிடச் சொல்லி என் மகளிடம் கூறியுள்ளேன். 

]]>
http://images.dinamani.com/uploads/user/imagelibrary/2018/6/20/w600X390/kutty.jpg http://www.dinamani.com/weekly-supplements/magalirmani/2018/jun/20/சிறைக்-கைதிகளுக்கு-தியானப்-பயிற்சி-2943574.html
2943573 வார இதழ்கள் மகளிர்மணி இனி கருக்கலைப்பு செய்து கொள்ளலாம்! - ராஜி DIN Wednesday, June 20, 2018 11:41 AM +0530 அயர்லாந்து, கத்தோலிக்க கிருஸ்துவர்களை அதிகம் கொண்ட நாடு. இங்கு வாழும் மக்களுக்கு எவ்வளவு உரிமை உள்ளதோ, அதே போன்று கர்ப்பிணி பெண் வயிற்றில் வளரும் குழந்தைக்கும் முழு உரிமை உண்டு. அதன் அடிப்படையில், 1816-ஆம் ஆண்டு இந்த நாட்டில் கருக்கலைப்பு செய்து கொள்ள தடை விதிக்கப்பட்டது.
இதன் பயனாக 1983-ஆம் ஆண்டிலிருந்து 1,70,000 பெண்கள், வெளிநாடுகளுக்குச் சென்று அங்கு கருக்கலைப்பு செய்து கொண்டு, ரகசியமாய் திரும்பியுள்ளனர்.
ஆனால் நாட்டிற்குள்ளேயே, ரகசியமாக கருக்கலைப்பு செய்தால் அந்தப் பெண்ணுக்கு 14 ஆண்டுகள் சிறைவாசம் உண்டு. இதனால் பெண்கள் பல துன்பங்களை அனுபவித்து வந்தனர். 
இந்நிலையில், இந்திய பல் டாக்டரான சவிதாஹலப் பான்வர் (34), அயர்லாந்தில் கர்ப்பமானார். அவரது, வயிற்றில் வளரும் கருவிற்கு பிரச்னை ஏற்பட, ஒரு கட்டத்தில் உள்ளே வளரும் குழந்தையால் தாயின் உயிருக்கே ஆபத்து வரும் சூழல் எழுந்தது. இதனால் அயர்லாந்து மருத்துவமனையில் கருக்கலைப்புக்கு அவர் அணுகியபோது, நாட்டின் சட்டத்தைச் சொல்லி மருத்துவர்கள் மறுத்துவிட்டனர். இதனால், சவிதா இறந்துபோனார்.
இச்சம்பவம் பெண்களிடமும், பொதுமக்களிடமும் விழிப்புணர்வை ஏற்படுத்தியது. இதனிடையே இந்திய வம்சாவளியைச் சேர்ந்த, வர்டேகர் என்பவர், அயர்லாந்தின் பிரதமரானார். இவர் கிருஸ்துவர் அதே சமயம் இந்திய வழியில் அவசியமானால், பெண்களுக்கு கருச்சிதைவு செய்து கொள்ள முழு உரிமை உண்டு என்ற தெளிவான எண்ணம் கொண்டவர்.
இவர், இந்தப் பிரச்னையை மக்கள் வாக்கெடுப்புக்கு விட முடிவு செய்தார். ஏற்கெனவே, இரண்டு முறை, வாக்கெடுப்பு நடந்துள்ளது. அப்போதெல்லாம் மதம் குறுக்கீடு அதிகமாக இருந்து தோற்கடிக்கப்பட்டது. ஆனால், சமீபத்தில் புது வாக்கெடுப்பு நடத்தப்பட்டபோது, அதில் நீதி வென்றது. ஆமாம்! 
இனி பெண்கள் நியாயமான கோரிக்கையின் மூலம் கருக்கலைப்பு செய்து கொள்ளலாம். இதற்கு தற்போது 66 சதவிகிதத்தினர் ஆதரவு தெரிவித்துள்ளனர்.
இந்தியாவில் வசிக்கும் டாக்டர் சவிதாவின் பெற்றோர், இந்த முடிவு அறிந்து மகிழ்ச்சி தெரிவித்துள்ளனர். இனி சவிதாவின் ஆன்மா சாந்தியடையும் என கூறியுள்ளனர். இது பெண்களின் உரிமைக்கு கிடைத்த மற்றொரு வெற்றி.

]]>
http://images.dinamani.com/uploads/user/imagelibrary/2018/6/20/w600X390/delivery.jpg http://www.dinamani.com/weekly-supplements/magalirmani/2018/jun/20/இனி-கருக்கலைப்பு-செய்து-கொள்ளலாம்-2943573.html
2943572 வார இதழ்கள் மகளிர்மணி வாய்ப்புகளைத் தேடித் தரும் நம்பிக்கை! - பூர்ணிமா DIN Wednesday, June 20, 2018 11:39 AM +0530 அண்மையில் மகாராஷ்டிரா மாநில நடுநிலை மற்றும் நடுநிலை உயர் கல்வித்துறை தலைவராக நியமிக்கப்பட்டுள்ள சகுந்தலா காலே, நான்காம் வகுப்பு படிக்கும்போதே தந்தையை இழந்துவிட்டார். அவர் வசித்துவந்த அம்பேகான் தாலுக்காவில் மேற்கொண்டு படிக்க ஜூனியர் கல்லூரி ஏதும் இல்லாததால், சகுந்தலா பத்தாம் வகுப்பில் தேறியுவுடன் வயலில் கூலி வேலை செய்துவந்த அவரது தாய் மேலும் படிக்க வைக்கவோ, குடும்பத்தை நடத்தவோ வழி இல்லாததால் 14-ஆவது வயதிலேயே சகுந்தலாவுக்கு திருமணம் செய்து கணவன் வீட்டிற்கு அனுப்பிவிட்டார்.
கணவரின் கூட்டுக் குடும்பத்தில் வாழ்க்கைப்பட்ட சகுந்தலா, இரண்டு குழந்தைகளுக்கு தாயான நிலையில், மேற்கொண்டு படிக்க ஆசைபட்டார். அவரது மாமனாரும், கணவரும் கொடுத்த ஒத்துழைப்பால் டி.இடி முடித்த சகுந்தலா, முதல்பட்டதாரி பட்டம் பெற்றார். பின்னர் புணே பல்கலைகழகத்தின் தொலைதூர கல்வி வழி மூலம் மராத்தி மொழியில் மாஸ்டர் பட்டம் பெற்றார். தான் படித்த பள்ளியிலேயே ஆசிரியை பணியில் சேர்ந்தார். இது மட்டும் போதாது. நாம் மேலும் முன்னேற வேண்டுமானால் நம்முடைய சக்தியை வலுபடுத்த வேண்டும் என்று கருதிய சகுந்தலா, மகாராஷ்டிரா பப்ளிக் சர்வீஸ் கமிஷன் தேர்வு எழுத வேண்டுமென்ற தன் கனவை நனவாக்க விரும்பினார்.
இதன்பின்னர் தான் எப்படி தேர்வு எழுதி வெற்றிப்பெற்று, இன்று மாநிலத்தில் உயர் பதவியை அடைந்தேன் என்பது பற்றி சகுந்தலா சொல்லத் தொடங்கினார்:
""மேற்கொண்டு படிக்க வேண்டுமென்று முடிவெடுத்தேனே தவிர அதற்கு தேவையான வசதிகளோ, புத்தகங்களோ இல்லை. எங்கள் கிராமத்தில் இருந்ததோ ஒரே ஒரு டிவிதான். பள்ளியிலிருந்து வந்தவுடன் வீட்டு வேலைகளை கவனிக்க வேண்டும். கூடவே படிக்க வேண்டும் என்ற நிலைமையில் நான் தினமும் நான்கு மணி நேரம் மட்டுமே தூங்குவேன்.
விடியற்காலையில் எழுந்து தண்ணீர் பிடித்துவர செல்ல வேண்டும். வீட்டு வேலைகள் செய்யும்போதே வானொலி நிகழ்ச்சிகளை கேட்டு என் பொது அறிவை வளர்த்துக் கொண்டேன். வானொலியில் செய்திகள் வாசிக்கும் போதெல்லாம் என் பிள்ளைகள் ஓடிவந்து தகவல் கொடுப்பார்கள். 1993-ஆம் ஆண்டு மகாராஷ்டிரா பப்ளிக் சர்வீஸ் கமிஷன் கிளாஸ் 2 தேர்வு எழுதி தேர்ச்சிப் பெற்றவுடன் சோலாப்பூர் கல்வித்துறையில் வேலை கிடைத்தது.
1995- ஆம் ஆண்டு கிளாஸ் -1 ஆபிசர் தேர்வு எழுதி தேர்ச்சிப் பெற்றவுடன் மகளிர் கல்வி மற்றும் விரிவாக்கத்துறை தலைவராக நியமிக்கப்பட்டேன்.
இதுவரை என் வாழ்க்கையில் நடந்தவைகளை நினைத்து பார்க்கும் போது எனக்கே ஆச்சர்யமாக இருக்கிறது. மாணவர்களுக்கு குறிப்பாக மாணவிகளுக்கு நான் கூறுவது இதுதான். படிக்க வேண்டும் என்ற ஆர்வத்தை எப்போதும் புறக்கணிக்காதீர்கள், மனோதைரியமும், தன்னம்பிக்கையும், கடினமான உழைப்பும் இருந்தால் வாய்ப்புகள் நிச்சயம் உங்களைத் தேடி வரும்'' என்கிறார் சகுந்தலா காலே.

]]>
http://images.dinamani.com/uploads/user/imagelibrary/2018/6/20/w600X390/mn11.jpg http://www.dinamani.com/weekly-supplements/magalirmani/2018/jun/20/வாய்ப்புகளைத்-தேடித்-தரும்-நம்பிக்கை-2943572.html
2943570 வார இதழ்கள் மகளிர்மணி மூன்று அடி அதிசயம்! - அங்கவை DIN Wednesday, June 20, 2018 11:34 AM +0530 ஆர்த்தி டோக்ரா. மூன்று அடி இரண்டு அங்குல உயரம். இன்று ஆர்த்தியை இந்தியாவே அதிசயமாக ஆச்சரியமாக ஒரு சாதனைப் பெண்ணாகப் பார்க்கிறது. காரணம் பிறப்பிலேயே உயரம் குறைந்தவராகப் பிறந்த ஆர்த்தி, இப்போது ராஜஸ்தான் மாநிலத்தில் அஜ்மீர் மாவட்டத்தின் ஆட்சியராக பணி புரிகிறார். 
"மாற்றுத் திறனாளியாக இருந்த என்னை நாலு பேர் பாராட்டும்படி செய்தவர்கள் எனது பெற்றோர்தான். அப்பா இந்திய ராணுவத்தில் கர்னலாகப் பணி புரிந்தார். அம்மா பள்ளியின் முதல்வர். என்னைப் பார்த்த டாக்டர்கள் சிறப்பு பள்ளியில் சேர்க்க வேண்டும் என்றார்கள். ஆனால் பெற்றோர் பொதுவான பள்ளியில் சேர்த்துவிட்டனர். நான் பெற்றோருக்கு ஒரே குழந்தை. "என்னது... ஒரே குழந்தையா.. மகன் வேண்டாமா..' என்று அம்மாவிடம் அநேகர் கேட்பார்கள். "ஆர்த்தி எங்களுக்குப் போதும் ..' என்று அம்மா சொல்வார். மாற்றுத்திறனாளிகள் சாதிப்பது அவர்கள் பெற்றோரைப் பொறுத்த விஷயம். சில பெற்றோர் தங்களுக்குப் பிறந்த மாற்றுத்திறனாளி பிள்ளைகளை அப்படியே விட்டுவிடுவார்கள். பொருளாதாரமும் ஒரு காரணம். நான் ஒரு மாற்றுத்திறனாளியென்று என்னை எனது பெற்றோர் நினைக்கவிடவில்லை. அப்பா எல்லை பகுதியில் பணிபுரிந்தார். அம்மாதான் என்னை கண் போல பார்த்துக் கொண்டார். தில்லியில் மேல்படிப்பு படித்தேன். 2006-இ ல் ஐஏஎஸ் தேர்வினை எழுதி முதல் முயற்சியில் தேர்வு பெற்றேன். ஐஏஎஸ் பதவிக்குத் தகுதியானேன். ராஜஸ்தானில் பல இடங்களில் பணி புரிந்துவிட்டு அஜ்மீர் வந்திருக்கிறேன்..' என்கிறார் ஆர்த்தி டோக்ரா.

]]>
http://images.dinamani.com/uploads/user/imagelibrary/2018/6/20/w600X390/mn9.jpg http://www.dinamani.com/weekly-supplements/magalirmani/2018/jun/20/மூன்று-அடி-அதிசயம்-2943570.html
2943569 வார இதழ்கள் மகளிர்மணி கர்ப்பகால நீரிழிவுக்கான உணவுமுறைகள்! - ப. வண்டார்குழலி இராஜசேகர், உணவியல் நிபுணர் DIN Wednesday, June 20, 2018 11:33 AM +0530 (சென்ற வார தொடர்ச்சி)

கர்ப்பகால நீரிழிவுநோய் உள்ள பெண்களின் உணவு முறையானது, மற்றவர்களின் உணவுமுறையிலிருந்து மிகச் சிறிதளவே மாற்றம் பெற்றது. அதனால், இவர்கள் கவலையடைவதையும், மன அழுத்தத்திற்கு உள்ளாவதையும் அறவே தவிர்க்க வேண்டும்.
இப்பெண்களின் ஒருநாளைக்குரிய உணவானது, அவர்களுடைய வயது, உடல் எடை, உயரம், உடல் உழைப்பு ஆகியவற்றை பொருத்தே நிர்ணயிக்கப்படுகிறது.
நீரிழிவுள்ள கர்ப்பிணி பெண்கள் தங்களுடைய மொத்த கர்ப்பகால எடையானது 10-12 கிலோவிற்கு அதிகமாகாமல் கவனமாக இருக்க வேண்டும். இவர்களின் உடல் எடையானது, பரிந்துரைக்கப்பட்ட எடையிலிருந்து 10 சதவிகிதம் குறைவாக இருக்குமளவிற்கு உணவு முறை கடைபிடிக்க வேண்டும். 
ஒரு நாள் உணவு பட்டியலில் கிடைக்கும் மொத்த கலோரியானது 55-65% மாவுப் பொருட்களிலிருந்தும், 15-20% புரத உணவுகளிலிருந்தும், 20-25% கொழுப்பு உணவுகளிலிருந்தும் கிடைக்குமாறு பார்த்துக்கொள்ள வேண்டும்.
குறைந்தபட்சம் 200 கிராம் காய்கள், 200 கிராம் கீரைகள், இவர்களுடைய உணவில் இருக்குமாறு பார்த்துக் கொள்ள வேண்டும். நாட்டுக்காய்களும், பந்தல் வகைக்காய்களும் இவர்களுக்கு ஏற்றதாகும். 
செயற்கை முறையில் தவிடு நீக்கப்படாத முழுதானியங்கள் போதுமான அளவு நார்ச்சத்தை அளிக்க வல்லவை. 
அதிக கலோரி மற்றும் மாவுச்சத்து நிறைந்த கிழங்கு வகைகளான கருணைக்கிழங்கு, உருளைக்கிழங்கு, சர்க்கரைவள்ளி, மரவள்ளி, அக்ரோட் ஆகியவற்றை தவிர்க்க வேண்டும். 
சாதாரண அளவு வெப்பநிலையில் திடமாக இருக்கும் கொழுப்பு பொருட்களான நெய், வெண்ணெய், தேங்காய் எண்ணெய், வனஸ்பதி ஆகியவை நிறைவுற்ற கொழுப்புகளைக் கொண்டிருப்பதால், இரத்தத்தில் கொழுப்பின்; அளவை அதிகரித்து, உடல் எடையை எளிதில் அதிகரிக்கும் தன்மையுடையவை. எனவே, அவற்றை தவிர்க்க வேண்டும்.
தாவர எண்ணெய்களான சூரியகாந்தி எண்ணெய், கடுகு எண்ணெய், அரிசி தவிடு எண்ணெய், மணிலா எண்ணெய், ஆலிவ் எண்ணெய் ஆகியவைகள் ஒற்றை நிறைவுறா கொழுப்பைக் கொண்டிருப்பதால் அவை உடலுக்கு நன்மையளிக்கின்றன. நீரிழிவுள்ள கர்ப்பிணிப்பெண்கள் அசைவமாக இருப்பின், சிறு மீன்கள், தோல் நீக்கிய கோழி இறைச்சி ஆகியவற்றை சேர்த்துக் கொள்ளலாம்.
கர்ப்பகாலத்தில் அனைத்து பழங்களையும் உண்பதால் உயிர்சத்துக்கள் போதுமான அளவு கிடைக்கும் என்றாலும், எளிதில் இரத்தத்தில் சர்க்கரையை அதிகரிக்கும் பழங்களான ஆப்பிள், பப்பாளி, சப்போட்டா, அன்னாசி, திராட்சை, வாழைப்பழம், பேரீச்சை, உலர் திராட்சை ஆகியவற்றை அதிக அளவிலும், தினந்தோறும் சாப்பிடுவதைவிட வாரம் இரண்டு அல்லது மூன்று நாட்கள் குறைந்த அளவில் எடுத்துக்கொள்ளலாம். இவற்றைத்தவிர, மாதுளம், கொய்யா, நெல்லிக்கனி, நாவல், ஆரஞ்சு, எலுமிச்சை ஆகிய பழங்களை தினமும் உண்ணலாம். 
கர்ப்பகாலத்தில் நீரிழிவு உள்ள பெண்கள், மேற்கூறிய உணவுமுறையுடன், போதுமான உடற்பயிற்சி அல்லது மூச்சுப்பயிற்சி, அன்றாட வீட்டு வேலைகளை உற்சாகத்துடன் செய்யும் பழக்கம், மகிழ்ச்சியான மனநிலை மற்றும் நிம்மதியான உறக்கம் ஆகியவை ஒருசேர கடைபிடித்தார்களானால், கர்ப்பகால நீரிழிவை வென்று ஆரோக்கியமான குழந்தையைப் பெறலாம். 

]]>
http://images.dinamani.com/uploads/user/imagelibrary/2018/6/20/w600X390/mn10.jpg http://www.dinamani.com/weekly-supplements/magalirmani/2018/jun/20/கர்ப்பகால-நீரிழிவுக்கான-உணவுமுறைகள்-2943569.html
2943568 வார இதழ்கள் மகளிர்மணி இல்லத்தரசியும் தொழில் முனைவோர் ஆகலாம்-12 - ஸ்ரீதேவி DIN Wednesday, June 20, 2018 11:31 AM +0530 நாட்டில் உள்ள பெண்கள் என்ன தொழில் செய்யலாம் என்று நாங்கள் நிறைய ஐடியா கொடுத்துக் கொண்டே போகலாம். ஆனால் உங்களுக்கு இதனால் ஏதாவது நன்மை கிடைத்ததா என கடிதம் மூலமாகவோ, தெலைபேசி மூலமாகவோ எங்களுக்குத் தெரியப்படுத்தினால். அதன் மூலம் உங்களுக்கு மேலும் பல நல்ல தகவல்களைத் தருவதற்கு நல்ல வாய்ப்பாக இருக்கும். நாம் இதுவரை இத்தொடரில் பெரும்பாலும் இயற்கை சார்ந்த தொழில்கள் பற்றியே பார்த்து வந்தோம். சமீபத்தில், தமிழக அரசு வருகிற 1.1.2019 முதல் பிளாஸ்டிக் பொருள்கள் பலவற்றிற்கு தடைவிதித்துள்ளது நாம் அனைவரும் அறிந்ததே. தமிழக அரசின் இந்த அறிவிப்பை நாம் நல்லபடியாக பயன்படுத்தி பேப்பர் கூழ் கொண்டு என்னென்ன பொருட்கள் செய்யலாம் என பார்க்கலாம். 
சாதாரணமாக சாலையோரங்களில் ஒருசில பிரிவு மக்கள் பொம்மைகள் செய்வதைப் பார்த்து இருப்போம். அதாவது சிறியது முதல் பெரிய அளவிலான பொம்மைகள் மற்றும் சாமி சிலைகள் என பலவற்றை அவர்கள் செய்வதையும், கற்பனை திறனுடன், கலை நயத்துடன் வண்ணங்கள் பூசுவதையும் பார்க்கும் போது ஏதோ மிக கடினமாக இருக்குமோ என தோன்றும். இதற்கு கொஞ்சம் பயிற்சியும், கற்பனைத் திறனும் இருந்தாலே போதும்; நாமும் பொம்மைத் தொழிலில் ஈடுபடலாம். நல்ல லாபம் கிடைக்கும்.
பொம்மை செய்தல்: பொம்மை செய்ய தேவையான அச்சுகள் பல வடிவங்களில் உள்ளன. இந்த அச்சுகள் இரண்டு துண்டுகளாக காணப்படும். அவற்றை வாங்கிவந்து அதில், சில மூலப் பொருள்கள் கொண்டு சப்பாத்தி மாவு போன்று தயார் செய்து, பொம்மை அச்சின் மேல் பகுதியில் வைத்து அழுத்தி எடுத்தால், பொம்மை தயார். பின்னர், நன்கு காயவிட்டு பின் நமக்கு பிடித்த வண்ணத்தில் வர்ணம் பூச வேண்டும். இந்த வகையில், தலையாட்டி பொம்மை, மனித உருவங்கள்,சாமி சிலைகள், மிருக உருவங்கள் , குழந்தைகளுக்காக கார்ட்டூன் பொம்மைகள் என பலவற்றைச் செய்யலாம். இவை எல்லாவற்றிற்கும் அச்சுகள் உள்ளன. நமக்கு ஆர்வமும், கற்பனைத் திறனும் இருந்தால் போதும் வீட்டில் இருந்தபடியே செய்து பணம் ஈட்டலாம். இவற்றை கோயில்கள் உள்ள இடங்களில் விற்பனை செய்யலாம். நவராத்திரி, விநாயகர் சதுர்த்தி, கிருஷ்ணஜெயந்தி போன்ற பண்டிகை நாள்களில் சாமி சிலைகள், பொம்மைகளுக்கு நல்ல வரவேற்பு இருக்கும். மேலும் வெளிநாடுகளுக்கும் ஏற்றுமதி செய்யலாம்.
பூந்தொட்டி செய்தல்: வீட்டின் உள்ளே வைக்க செயற்கை பூந்தொட்டி செய்யலாம். இதற்கு மேலே குறிப்பிட்டுள்ளது போல் கலவையைத் தயார் செய்ய வேண்டும். பிறகு அதனை பூந்தொட்டி வடிவில் அல்லது பெரிய பலூன் மேல் வைத்து தொட்டி வடிவில் அதன் மேல் பரப்பி விடவும். பின் காய விடவும். பூந்தொட்டிக்கு வெளிப்புறம் டிசைன் தேவையெனில், இலைகள் போல் தனியே தயார் செய்து தொட்டி முழுவதும் ஒட்டலாம். பின் காய்ந்த பின் தேவையான வண்ணங்கள் பூசி வைக்கவும். இதே போன்று ஃப்ளவர் வாஷ், பேனா ஸ்டாண்ட், பேப்பர் ட்ரே என பலவகையான பொருட்களை நம் கற்பனைக்கு ஏற்றாற்போல் செய்து விற்கலாம். 
குப்பைக் கூடை தயாரிப்பு: இதை காகித கூழ் வைத்தும் தயாரிக்கலாம் அல்லது பழைய செய்தித் தாள்கள் வைத்தும் தயார் செய்யலாம். இதை அலுவலகப் பயன்பாட்டுக்கு மட்டும் பயன்படுத்தலாம். இதற்கு 11,18 லேயர் பேப்பரை மைதா பசை கொண்டு ஒட்ட வேண்டும் பின் காய விடவும். காய்ந்த பின் அதன் மேல் துணி ஒட்டி தயார் செய்யவும். இதை ரூ.150 முதல் ரூ.200 வரை விற்பனை செய்யலாம்.
கைகளால் செய்யும் பேப்பர் அண்ட் போர்டு: கைகளால் செய்யக் கூடிய பேப்பர் மற்றும் போர்டுக்கு எப்போதும் மவுசு அதிகம். விலையும் அதிகம். இதற்கு தேவைப்படும் பயிற்சி எடுத்து வீட்டிலிருந்தே செய்து பணம் சம்பாதிக்கலாம். முன்பெல்லாம் பேப்பர் உடன் கொஞ்சம் வெந்தயம் போட்டு ஊறவிட்டு பின் அரைத்து காகித கூழ் செய்து அதில் அன்ன கூடை, சின்ன கிண்ணம் என தயார் செய்வோம். அதையே இப்பொழுது ரெடிமேடாக கிடைக்கும் மூலப் பொருள்களைக் கொண்டு தயார் செய்கிறோம். 

]]>
http://images.dinamani.com/uploads/user/imagelibrary/2018/6/20/w600X390/mn8.jpg http://www.dinamani.com/weekly-supplements/magalirmani/2018/jun/20/இல்லத்தரசியும்-தொழில்-முனைவோர்-ஆகலாம்-12-2943568.html
2943567 வார இதழ்கள் மகளிர்மணி கண்ணைக் கவரும் கட்ச் எம்ப்ராய்டரி! - அ.குமார் DIN Wednesday, June 20, 2018 11:30 AM +0530 குஜராத் மாநிலம், கட்ச் மாவட்டத்தில் வசிக்கும் பழங்குடியினர் தயாரிக்கும் கைவினைப் பொருட்கள் மற்றும் நெசவு துணிகளை குறிப்பிடுவதுதான் கட்ச் எம்ப்ராய்டரி ஆகும். மிக நேர்த்தியாக அழகான வேலைப்பாடுகளுடன் உருவாகும் இந்த பாரம்பரிய எம்ப்ராய்டரி ஆடைகள் இந்தியாவுக்கே பெருமை சேர்ப்பதாகும். இந்த பழங்குடியினரில் ராப்ரி, கராசியா ஜாட், முட்டாவா என பல பிரிவுகள் இருந்தாலும், ஒவ்வொரு பரிவினரும் தங்களுக்கென்று தனித்தனி பாணியில் சிறு கண்ணாடிகளைப் பதித்து எம்ப்ராய்டரி செய்வது பிரமிக்க வைக்கும் கலையாகும்.

இந்த கட்ச் எம்ப்ராய்டரி பொருட்கள் கட்ச் மாவட்டத்தில் அப்தாசா, அஞ்சர், பச்சாவ், லக்பத், மண்ட்வி, முத்ரா, நகத்ராணா, ராப்பர் ஆகிய கிராமங்களில் குடிசைத் தொழிலாக தயாரிக்கப்படுகின்றன. 1999-ஆம் ஆண்டு இந்திய அரசு, கட்ச் எம்ப்ராய்டரியை புவிசார் குறியீடு சட்டத்தின் கீழ் பதிவு செய்ததோடு இதற்கென தனி முத்திரையையும் வழங்கியது. கட்ச் எம்ப்ராய்டரி வரலாறு.

ஆப்கானிஸ்தான், கிரீஸ், ஜெர்மனி, ஈரான், ஈராக் ஆகிய நாடுகளிலிருந்து 16-17 ஆம் நூற்றாண்டுகளில் அகதிகளாக வந்து குஜராத்தில் குடியேறியவர்கள்தான் இந்த பழங்குடியினர். மோச்சிஸ் என்றழைக்கப்பட்ட இவர்கள், சிந்து மாநிலத்தை சேர்ந்த சுஃபி துறவிகளிடமிருந்து இந்த எம்ப்ராய்டரி கலையை கற்றனர். கட்ச் பகுதியில் வசித்து வந்த பெண்கள், தங்கள் தேவைக்காக மட்டுமின்றி வாழ்க்கை செலவுக்காகவும் இந்த கலையை கற்றுக் கொண்டனர். அதுமட்டுமின்றி அங்குள்ள அதிகபட்ச வெப்பநிலை, அதிகபட்ச வறட்சி நிலைக்கேற்ப ஆடைகளை தயாரிக்க வேண்டியதாயிற்று. பல தலைமுறையாக எம்ப்ராய்டரி ஆடைகளை தயாரித்து வரும் இந்தப் பழங்குடியினரின் கலைநயத்தை "ராம்லீலா' படத்தின் ஆடை வடிவமைப்பாளர் திரையில் அறிமுகப்படுத்தியபின், கட்ச் எம்ப்ராய்டரி ஆடைகளுக்கு வரவேற்பு அதிகரித்துள்ளது.

தயாரிப்பு முறைகள்

பதினாறு விதமான எம்ப்ராய்டரி ஆடைகளை இவர்கள் தயாரிக்கிறார்கள். அஹீர் என்ற சமூகத்தினர் தயாரிக்கும் ஆடைகளில் விலங்குகள். பறவைகள் போன்றவை இடம் பெற்றிருக்கும். சிறு கண்ணாடி துண்டுகளைப் பதித்து உருவாக்கும் இந்த ஆடைகளுக்கு "அப்லா' என்று பெயர்.

முகலாயர்களுக்கு உரிய வடிவமைப்பில் தயாரிக்கும் ஆடைகளுக்கு "ஆரி' என்று பெயர், முஸ்லீம்கள் அதிகமாக வசிக்கும் 11 கிராமங்களில் உள்ள மக்கள், விலை உயர்ந்தப் பட்டுத் துணிகளில் உலோக கம்பிகளைப் பயன்படுத்தி கண்ணாடிகளைப் பதித்து "கோட்டணி', "செக்கன்', "சோபாட்', "கத்ரி', "முக்சோ' என்ற பெயர்களில் ஆடைகளை தயாரிக்கின்றனர்.

சிறு கண்ணாடிகளை அமைத்து குறுக்கும் நெடுக்குமாக தையலிட்டு ஜாட் சமூகத்தினர் தயாரிக்கும் ஆடைகளுக்கு "ஜாட் கராஸியா', "ஜாட் பஃபகிராணி' என்று பெயர், கிரேட் ராண் எல்லைப் பகுதியில் உள்ள பன்னிபுல் வெளியில் வசிக்கும் தலித்துகள் தயாரிக்கும் ஆடைகளுக்கு "கம்பீரா', "குழதெபா' என்று பெயர்.

கறுப்பு இரட்டை தையல் மற்றும் சாட்டின் தையல் முறைகளில் úஸாதா , ரஜ்புத், மேக்வார் சமூகத்தினர் தயாரிக்கும் ஆடைகளுக்கு "காரெக்' என பெயரிட்டுள்ளனர். கண்ணின் புருவம் என்ற அர்த்தத்தில் நெரன் எனும் ஆடை, பட்டன் துளைகள் வைத்து வித்தியாசமாக தயாரிக்கப் படுபவையாகும். அருகருகே தையலிட்டு பட்டன் துளைகளுடன் அஹிர் பாணியில் தயாரிக்கப்படும் மற்றொரு ஆடைக்கு "பக்கோ' என்று பெயர்.

கிரி பகுதியைச் சேர்ந்த ராபரில் சமூகத்தினர், "ராபரி' என்ற பெயரிலேயே புராண கதைகளை ஆடைகளில் பிரதிபலிக்கும் வகையில் தயாரிக்கும் ஆடைகள் மிகவும் பிரபலமானவையாகும். ராபரில் சமூகத்தினர் சிந்து மாகானத்திலிருந்து வெளியேறி 14-ஆவது நூற்றாண்டில் கிரி பகுதியில் குடியேறியவர்களாவர். மற்றவர்கள் தயாரிப்பிலிருந்து இவர்களது தயாரிப்பு முற்றிலும் வேறுபட்டவை என்பதுடன், இதற்கு வாடிக்கையாளர்களும் அதிகம். தரமானது, நேர்த்தியானது என்ற அர்த்தத்தில் தயாரிக்கப்படும் "சூஃப்' என்ற ஆடை வடிவமைப்புகள் இவர்களது புதிய அறிமுகமாகும்.

கட்ச் எம்ப்ராய்டரிக்கென ஷோரூம்

இந்த எம்ப்ராய்டரி தொழிலில் பல கூட்டுறவு சங்கங்கள், தனியார் நிறுவனங்களுக்கு தொடர்பு இருப்பதால், சுமார் 6 ஆயிரம் பெண்கள் இதில் ஈடுபட்டுள்ளனர். எம்ப்ராய்டரி தொழிலில் பயன்படுத்தபடும் நூல்கள், பருத்தி, பட்டு மற்றும் மெலிதான உலோக கம்பிகளால் தயாரிக்கப்படுகின்றன. டிசைன்களை வரைவதற்கும், பிரதி எடுப்பதற்கும் டிரேசிங் பேப்பர் மிகவும் முக்கியமானதாகும். ஊசி கை கருவிகள், கண்ணாடிகள், நாணயம் போன்ற சிறு உலோகங்கள், எம்ப்ராய்டரி பிரேம்கள் மிகவும் தேவையான பொருட்களாகும். 
தினசரி வாழ்க்கை சம்பவங்கள் அடிப்படையிலேயே டிசைன்கள் உருவாக்கப்படுவதுண்டு. விலங்குகள், பறவைகள், மலர்கள், கோயில்கள், நடன மங்கைகள் போன்ற வடிவங்களும் இடம் பெறும். ஒவ்வொரு தையலுக்கும் மோச்சிபாரத், அபலா கண்ணாடி வேலை, ஹீர்பாரத். சூஃப் காரெக், பக்கோ என பெயரிட்டுள்ளனர். அரச குடும்பத்தைச் சேர்ந்த, செல்வந்தர்களுக்காக பிரத்யேகமாக உருவாக்கப்படும் எம்ப்ராய்டரிகள் தரமானதாக இருக்க வேண்டுமென்பதற்காக சிறப்பு அக்கறை எடுத்துக் கொள்வதும் உண்டு.

இந்த கட்ச் எம்ப்ராய்டரி ஆடைகள், மேஜை விரிப்புகள், போர்வைகள், திரைச்சீலைகள், தரைவிரிப்புகள், சோபா, தலையனை உறைகள் அனைத்தும் ஒரே இடத்தில் கிடைக்கும் வகையில் அகமதாபாத்தில், அனார் பட்டேல் என்பவர் ஷோரூம் ஒன்றை துவங்கி கட்ச் எம்ப்ராய்டரியைப் பிரபலபடுத்தியுள்ளார்.

குஜராத் மாநிலத்தில் சுமார் 3.5 லட்சம் இளம் ஓவிய கலைஞர்கள் இருப்பதால், அவர்களுக்கும் வேலை வாய்ப்புகள் அளிக்கும் வகையில் இந்தியன் இன்ஸ்டிடியூட் ஆப் மானேஜ்மென்ட்டின் நேஷனல் இன்ஸ்டிடியூட் ஆஃப் டிசைன் மற்றும் தி சென்டர் பார் என்விரோன்மெண்ட் ஆஃப் பிளானிங் அண்ட் டெக்னாலஜி புதிய கண்டுபிடிப்புகளையும், டிசைன்களையும் அறிமுகப்படுத்தி வருகிறது. இதனால் அகமதாபாத்தில் மேலும் பல ஷோரூம்கள் திறக்கப்பட்டுள்ளன.

]]>
http://images.dinamani.com/uploads/user/imagelibrary/2018/6/20/w600X390/mn7.jpg http://www.dinamani.com/weekly-supplements/magalirmani/2018/jun/20/கண்ணைக்-கவரும்-கட்ச்-எம்ப்ராய்டரி-2943567.html
2943566 வார இதழ்கள் மகளிர்மணி எளிய மருத்துவம்  - உமாதேவி பலராமன் DIN Wednesday, June 20, 2018 11:26 AM +0530
  • குழந்தைகளுக்கு சிறந்த உணவுத் தாய்பால், சீரகத்தைப் பொடி செய்து சிறிது சர்க்கரை சேர்த்து பாலில் கலந்து குடிக்க பால் பெருகும். குழந்தைகளுக்குப் போதிய தாய்ப்பால் கிடைக்கும். மேலும் குழந்தைகளுக்கு பால் விரைவில் சீரணமாகும். அரிசிக் கஞ்சியில் வெந்தயத்தை பொடி செய்து சேர்த்துக் குடித்துவர தாய்ப்பால் கிடைக்கும்.
  • பத்து கிராம் உரித்த பூண்டை பாலில் வேகவைத்துக் கடைந்து சாப்பிட வாயு, செரியாமை, சளி ஆகியவை தீரும். குடல் புழுக்கள் வெளியேறும்.
  • ஓமத்தை வறுத்து, பொடித்து ஒரு கிராம் வீதம் நீருடன் உட்கொள்ள வாயுத்தொல்லை விலகும்.
  • சாப்பிட்ட பிறகு சிறிதளவு சோம்பினை வாயிலிட்டு மென்று தின்ன அசீரணம், மலச்சிக்கல், வாந்தி போன்றவைகளின் தொல்லைகளில் இருந்து விடுபடலாம்.
  • முட்டைகோஸ் சூப் அல்லது முட்டைக்கோஸ் இடித்து பிழிந்த சாறு தினம் காலையில் இரண்டு அவுன்ஸ் குடித்துவர குடற்புண் குணமாகும்.
  • வேப்பிலையுடன் மஞ்சள் சேர்த்து அரைத்து பூசி வந்தால் சொறி, சிரங்கு, படை போன்றவை குணமாகும்.
  • பேரீச்சம் பழங்களைத் தினமும் சாப்பிடுவதால் உடலில் நோய் எதிர்ப்பு சக்தி வளர்ந்து நரம்புகளுக்கு தேவையான சக்தி கிடைக்கின்றது.
  • புதினா இலையை அடிக்கடி உணவில் உபயோகப்படுத்தி வருவதால் தேவை இல்லாமல் உடலில் சேரும் கொழுப்பு குறையும்.
  • பசும்பாலை கறந்த சூட்டுடன் ஒரு சிட்டிகை மஞ்சள் பொடி கலந்து மூன்று நாள் விடியற்காலையில் சாப்பிட சளி, கபம் இல்லாத வரட்டு இருமல் தீரும். 
  • குழந்தை பிறப்பதற்கு முன்னும் பிறந்த பின்னும் தாய்மார்கள் பேரீச்சம் பழம் சாப்பிட்டு வந்தால் தாய்ப்பால் அதிகம் சுரக்கும், குழந்தையும் நன்கு வளரும்.
  • கருவுற்ற தாய்மார்கள் வல்லாரைக் கீரை, தூதுவளைக் கீரை போன்றவற்றை சாப்பிடுவதால் ஆரோக்கியமும், புத்திசாலித்தனமும் உள்ள குழந்தையைப் பெறுவார்கள். 
  • ]]>
    http://images.dinamani.com/uploads/user/imagelibrary/2018/6/20/w600X390/mn6.jpg http://www.dinamani.com/weekly-supplements/magalirmani/2018/jun/20/எளிய-மருத்துவம்-2943566.html
    2943564 வார இதழ்கள் மகளிர்மணி தெரிந்து கொள்வோம்: பச்சை மாங்காயில் இவ்வளவு நன்மையா? - பொ.பாலாஜிகணேஷ் DIN Wednesday, June 20, 2018 11:24 AM +0530 பலருக்கும் மாங்காயைக் கண்டால் நாவில் இருந்து எச்சில் ஊறும். ஆனால் மாங்காய் சாப்பிட்டால் உடல் வெப்பம் அதிகரிக்கும், பருக்கள் வரும் என்று பலரும் அதை வாங்கி சாப்பிடமாட்டார்கள். உங்களுக்கு ஒன்று தெரியுமா? மாங்காயில் ஏராளமான ஊட்டச்சத்துக்கள் நிறைந்துள்ளன. உண்மையில் இதனை சாப்பிட்டால் நாம் சந்திக்கும் பல பிரச்னைகளில் இருந்து விடுபடலாம். மாங்காயை சாப்பிட்டால் பெறும் நன்மைகள் என்னவென்று பட்டியலிடப்பட்டுள்ளது. அதைப் படித்து தெரிந்து கொண்டு, இனிமேல் மாங்காயை வேண்டாம் என்று தவிர்க்காதீர்கள்.

    கோடையில் அதிகப்படியான வெப்பத்தால் உடலின் நீர்ச்சத்தை இழந்து, அதனால் உடல் வெப்பமடைந்து காய்ச்சல் அல்லது சில நேரங்களில் சுய நினைவை இழக்க நேரிடும். ஆனால் மாங்காயை திண்பதன் மூலம், அதில் உள்ள சக்தி வாய்ந்த குளிர்மிக்க உட்பொருள், உடலில் நீர்ச்சத்தை சீராகப் பராமரித்து, இப்பிரச்னையைத் தடுக்கும்.

    மாங்காயில் பொட்டாசியம் அதிகம் உள்ளது. இது உடலில் எலக்ட்ரோலைட் அளவை பராமரிக்க உதவி, அதனால் இரத்த அழுத்தத்தைக் கட்டுப்பாட்டுடன் வைத்து, இதய நோயின் அபாயத்தில் இருந்து பாதுகாக்கும்.

    பச்சை மாங்காயில் ஆவியாகக் கூடிய உட்பொருட்கள் மற்றும் நார்ச்சத்து உள்ளது. இது செரிமான திரவத்தின் உற்பத்தியைத் தூண்டி, செரிமான பிரச்னைகளில் இருந்து தடுத்து, செரிமான மண்டலத்தின் ஆரோக்கியத்தை மேம்படுத்தும். ஆகவே கோடையில் வயிற்று பிரச்னைகளை சந்திக்காமல் இருக்க வேண்டுமானால், மாங்காய் துண்டுகளை சாப்பிடுங்கள்.

    பருவ நிலை மாற்றம் அல்லது ஏதேனும் வைரஸ் தொற்றுக்களால் நீங்கள் அடிக்கடி நோய்வாய்ப்படுபவராயின், பச்சை மாங்காயை சாப்பிடுங்கள். ஏனெனில் பச்சை மாங்காயில் வைட்டமின் சி மற்றும் ஆன்டி-ஆக்ஸிடன்ட் உள்ளது. 

    நெஞ்செரிச்சலால் அவஸ்தைப்பட்டு வந்தால், பச்சை மாங்காயை சாப்பிடுங்கள். அந்தப் பிரச்னையில் இருந்து உடனடி நிவாரணம் கிடைக்கும்.

    பச்சை மாங்காயை மதிய வேளையில் ஒரு துண்டு சாப்பிட்டால், மதிய வேளையில் வரும் தூக்கத்தைத் தவிர்க்கலாம் என்று நிபுணர்கள் கூறுகின்றனர். 

    பச்சை மாங்காய் கல்லீரல் சம்பந்தமான பிரச்னைகளைத் தடுக்கும். ஏனெனில் மாங்காய் பித்தநீரின் சுரப்பை அதிகரிக்கும் மற்றும் குடலை பாக்டீரியா தொற்றுக்களில் இருந்து பாதுகாக்கும். பச்சை மாங்காய் இரத்தம் சம்பந்தமான பிரச்னையில் இருந்து விடுதலை தரும். ஏனெனில் மாங்காயில் வைட்டமின் சி அதிகம் உள்ளது. அதிலும் மாங்காயை உட்கொண்டு வந்தால், இரத்த நாளங்களின் நெகிழ்வுத்தன்மை அதிகரிக்கும் மற்றும் புதிய இரத்த செல்கள் உருவாகும்.

    மாங்காயில் உள்ள ஆன்டி-ஆக்ஸிடன்ட் கொலாஜனின் கூட்டுச்சேர்க்கையில் முக்கிய பங்கை வகிக்கிறது. ஆகவே மாங்காயை சாப்பிடுவதால் சருமத்தின் பொலிவு அதிகரிப்பதோடு, முதுமையும் தள்ளிப் போகும்.

    மாங்காயில் உள்ள உட்பொருட்கள், சருமத் துளைகளில் எண்ணெய் மற்றும் அழுக்குகள் தேங்குவதைத் தடுக்கும். 

    பச்சை மாங்காயை துண்டுகளாக்கி நீரில் போட்டு கொதிக்க வைத்து, பின் அந்த நீரைக் கொண்டு இரவில் படுக்கும் முன் முகத்தைக் கழுவி, மறுநாள் காலையில் வெதுவெதுப்பான நீரால் முகத்தைக் கழுவ, முகப்பரு பிரச்னையில் இருந்து விடுபடலாம்.

    ]]>
    http://images.dinamani.com/uploads/user/imagelibrary/2018/6/20/w600X390/mn5.jpg http://www.dinamani.com/weekly-supplements/magalirmani/2018/jun/20/தெரிந்து-கொள்வோம்-பச்சை-மாங்காயில்-இவ்வளவு-நன்மையா-2943564.html
    2943563 வார இதழ்கள் மகளிர்மணி சமையல்... சமையல்! கூ.முத்துலெட்சுமி. DIN Wednesday, June 20, 2018 11:23 AM +0530 வெந்தய தோசை

    தேவையானவை: 

    இட்லி அரிசி - கால் கிலோ
    வெந்தயம் - 2 தேக்கரண்டி
    உளுந்தம்பருப்பு - அரை தேக்கரண்டி
    நெய் - 1 தேக்கரண்டி
    உப்பு - தேவையான அளவு.

    செய்முறை: அரிசி, வெந்தயம், உளுந்தம்பருப்பு மூன்றையும் ஒரு மணி நேரம் ஊற வைத்து, கிரைண்டரில் அரைத்து, தேவையான உப்பு சேர்த்துக் கலக்கவும். இந்த மாவை தோசைக்கல்லில் விட்டு, இருபுறமும் நெய் விட்டு, தோசையாக வார்க்கவும். 

    குறிப்பு: வெந்தயம் வயிற்றுக்குக் குளிர்ச்சி... உடல் சூட்டைத் தணிக்கும்.


    வெஜிடபிள் இட்லி

    தேவையானவை: 

    இட்லி அரிசி - கால் கிலோ
    உளுந்தம்பருப்பு - 100 கிராம்
    வெந்தயம் - ஒரு தேக்கரண்டி
    துருவிய கேரட், முட்டைகோஸ் - தலா ஒரு கிண்ணம்
    நறுக்கிய குடமிளகாய் - ஒன்று
    நெய் - 4 தேக்கரண்டி
    உப்பு - தேவையான அளவு.

    செய்முறை: அரிசி, உளுந்தம்பருப்பு, வெந்தயத்தை தனித் தனியாக ஊற வைத்து, கிரைண்டரில் அரைக்கவும். அரைத்த மாவை ஒன்றாகக் கலந்து, அதனுடன் உப்பு சேர்த்து கலக்கவும். வாணலியில் நெய் விட்டு, காய்கறிகளை வதக்கி, இட்லி மாவுடன் சேர்த்துக் கலக்கவும். இட்லித் தட்டில் மாவை ஊற்றி வேக வைத்து எடுக்கவும்.

    குறிப்பு: ஃபோர்ட்டீன் இட்லி எனப்படும் சிறு இட்லி தட்டுகளில் நெய் தடவி, ஒவ்வொன்றிலும் ஒரு ஸ்பூன் மாவை ஊற்றி, வேக வைத்துக் கொடுத்தால் குழந்தைகள் ஆவலுடன் சாப்பிடுவார்கள். 


    மல்டி ஃப்ரூட் ஜூஸ்

    தேவையானவை: 

    மாதுளம்பழம், ஆப்பிள், சாத்துக்குடி - தலா ஒன்று
    திராட்சை - 10
    சர்க்கரை - 2 தேக்கரண்டி

    செய்முறை: மாதுளம்பழத்தை தோல் உரித்து, முத்துக்களை எடுத்துக் கொள்ளவும். ஆப்பிளை சிறு துண்டுகளாக நறுக்கிக் கொள்ளவும். சாத்துக்குடியின் சுளைகளை உரித்துக் கொட்டை நீக்கிக் கொள்ளவும். திராட்சைப் பழம், விதை இல்லாததாக வாங்கிக் கொள்ளவும். இவை எல்லாவற்றையும் சேர்த்து மிக்ஸியில் அரைத்து, அதனை வடிகட்டி சர்க்கரை கலந்து கொடுக்கவும். 

    குறிப்பு: எல்லாப் பழங்களையும் சேர்ப்பதால் வித்தியாசமான சுவையுடன் இருக்கும். குழந்தைகளுக்கு இதனை தினமும் ஒருவேளை கொடுத்தால் எல்லா விட்டமின் சத்துக்களும் கிடைக்கும்.


    இனிப்பு ராகி தோசை

    தேவையானவை:

    கேழ்வரகு மாவு - 200 கிராம்
    வெல்லம் - 100 கிராம்
    ஏலக்காய்த்தூள் - ஒரு தேக்கரண்டி
    அரிசி மாவு - 4தேக்கரண்டி
    நெய் - ஒரு கிண்ணம்

    செய்முறை: வெல்லத்தைப் பொடித்து கொஞ்சம் தண்ணீர் விட்டுக் கரைத்து, கேழ்வரகு மாவுடன் சேர்க்கவும். இதனுடன் அரிசி மாவு, ஏலப்பொடி சேர்த்து தோசை மாவு பதத்தில் கரைத்துக் கொள்ளவும். தோசைக்கல்லில் நெய் விட்டு, இந்த மாவை தோசையாக வார்த்து எடுக்கவும். 

    குறிப்பு: கேழ்வரகில் கார்போஹைட்ரேட்டும், வெல்லத்தில் இரும்புச்சத்தும் அதிகம் உள்ளன. இவை இரண்டுமே உடல் வளர்ச்சிக்குத் தேவையானவை.


    கீரை பருப்பு மசியல்

    தேவையானவை: 

    அரிசி - கால் கிலோ
    துவரம்பருப்பு - ஒரு கிண்ணம்
    முளைக்கீரை - ஒரு கைப்பிடி அளவு
    நெய் - ஒரு தேக்கரண்டி 
    உப்பு - தேவையான அளவு.

    செய்முறை: அரிசி, பருப்பு, கீரை எல்லாவற்றையும் ஒன்று சேர்த்து குக்கரில் குழைய வேக விடவும். அதில் கொஞ்சம் நெய் விட்டு, உப்பு சேர்த்துக் கலந்து கொடுக்கவும். 

    குறிப்பு: உணவில் தினமும் ஒரு கீரை, பருப்பு சேர்ப்பதால் குழந்தைக்குத் தேவையான புரோட்டீன், விட்டமின், கால்சியம் சத்துகள் ஒருசேரக் கிடைக்கின்றன.


    பருப்பு ரசம்

    தேவையானவை: 

    துவரம்பருப்பு - ஒரு கிண்ணம்
    பூண்டு - 4 பல்
    புளி - பெரிய நெல்லிக்காய் அளவு
    சாம்பார் பொடி - ஒரு தேக்கரண்டி
    சீரகம், கடுகு - தலா கால் தேக்கரண்டி
    தக்காளி - ஒன்று (பொடியாக நறுக்கிக் கொள்ளவும்)
    பெருங்காயத்தூள் - சிறிதளவு
    நறுக்கிய கொத்துமல்லி - சிறிதளவு
    எண்ணெய் - ஒரு தேக்கரண்டி
    உப்பு - தேவையான அளவு.

    செய்முறை: துவரம்பருப்பை குழைய வேக விடவும். பூண்டைத் தோல் உரித்து நன்கு நசுக்கிக் கொள்ளவும். வாணலியில் எண்ணெய் விட்டு கடுகு, சீரகம், பூண்டு தாளித்து, புளியைக் கரைத்து அதில் விடவும். பொடியாக நறுக்கிய தக்காளி, சாம்பார் பொடி, உப்பு சேர்க்கவும். வேக வைத்த பருப்பை தண்ணீர் விட்டுக் கரைத்துச் சேர்க்கவும். நன்கு கொதித்தவுடன் நறுக்கிய கொத்துமல்லி, பெருங்காயத்தூள் போட்டு இறக்கவும்.

    குறிப்பு: சூடான சாதத்தில் நெய் விட்டு, இந்த ரசத்தைச் சேர்த்து பிசைந்து சாப்பிட்டால் மிகவும் ருசியாக இருக்கும். பூண்டு, வாயுத் தொல்லை வராமல் தடுக்கும்.


    ஃப்ரூட் தயிர் சாதம்

    தேவையானவை: 

    அரிசி - கால் கிலோ
    திராட்சை - 100 கிராம்
    மாதுளம் முத்துக்கள் - ஒரு கிண்ணம்
    வாழைப்பழம், ஆப்பிள் - தலா ஒன்று
    புளிக்காத தயிர் - ஒரு கிண்ணம்
    முந்திரி - 10.

    செய்முறை: அரிசியைக் குழைய வடித்து, தயிர் விட்டு நன்கு பிசைந்து கொள்ளவும். நறுக்கிய வாழைப்பழம், ஆப்பிள், திராட்சை, மாதுளம் முத்துக்கள் போட்டுக் கலந்து, அதன் மேல் முந்திரி வறுத்துப் போட்டுப் பரிமாறவும்.

    குறிப்பு: குழந்தைகளுக்கு விருப்பமான பழங்கள் எதுவாயினும் தயிர் சாதத்தில் கலந்து கொடுக்கலாம்.

    ]]>
    http://images.dinamani.com/uploads/user/imagelibrary/2018/6/20/w600X390/mn4.jpg http://www.dinamani.com/weekly-supplements/magalirmani/2018/jun/20/சமையல்-சமையல்-2943563.html
    2943559 வார இதழ்கள் மகளிர்மணி இரைப்பை இல்லாமலும் வாழலாம்! - பிஸ்மி பரிணாமன் DIN Wednesday, June 20, 2018 11:01 AM +0530 உடல் உறுப்புகளில் எது முக்கியம் எது முக்கியம் இல்லாததது என்று யாராலும் சொல்ல முடியாது. உணர்தல், சுவைத்தல், பார்த்தல், முகர்தல், கேட்டல், இவற்றிற்குக் காரணமாக அமைந்திருக்கும் மெய், வாய், கண், மூக்கு, செவி என்னும் ஐம்புலன்கள் மிக முக்கியமானவை. இந்த புலன்கள் அடங்கிய உடல் இயங்க சக்தி வேண்டும். அந்த சக்தியைக் கொடுப்பது சாப்பிடும் உணவு. உட்கொள்ளும் உணவை ஜீரணித்து சத்துக்களை உறிஞ்சி உடலின் பல அவயவங்களுக்கும் அனுப்புவது இரைப்பை. அந்த இரைப்பை இல்லாமல் வாழ முடியுமா.? "முடியும்.. இரைப்பை இல்லாமல் நான் வாழ்கிறேனே' என்கிறார் நடாஷா. தான் சமைக்கும் உணவை கால் வயிறு கூட சாப்பிட முடியா விட்டாலும், குடும்பத்தினருக்காக வகைவகையான உணவு வகைகளை நளபாகத்தில் சமைத்துத் தள்ளுகிறார் நடாஷா. நடாஷாவுக்கு பிறக்கும் போது இரைப்பை இருந்தது. பிறகெப்படி இல்லாமல் போனது? நடாஷா மனம் திறக்கிறார்: 
    ""விதம் விதமான சுவையான உணவுவகைகள் தயாரிப்பது எனக்கு பிடித்தமான விஷயம். தவிர எனக்கு அருமையாக சமைக்கவும் வரும். எனது உணவு வகைகளுக்காக ஒரு ரசிகர்கள் கூட்டமே உள்ளது. எனது வலைதள பக்கத்தில் வகைவகையான உணவுவகைகளை மட்டுமே பதிவு செய்துவருகிறேன் என்றால் பார்த்துக் கொள்ளுங்கள். மருந்துக்குக் கூட வேறு விஷயம் இருக்காது. அந்த அளவுக்கு சமையல் பைத்தியம். ஆனால் என் துரதிர்ஷ்டம்... என்னதான் வகைவகையாக சமைத்தாலும், திருப்தியாக அவற்றை என்னால் உண்ண முடியாது. எப்படி இருக்கிறது என்று சுவை பார்க்கலாம். அவ்வளவுதான். எந்த உணவையும் ஊறுகாயைத் தொட்டுக் கொள்வது மாதிரி தொட்டுக் கொள்ளலாம். அதையும் மருத்துவரின் அனுமதியுடன்தான் செய்ய முடியும். சப்பு கொட்டி வயிறு நிறைய சாப்பிட வேண்டும் என்று ஆர்வம், ஆசையை ஒதுக்கி வைக்க எக்கச்சக்கமான கட்டுப்பாடுகள் இருந்தாலும், சமைப்பதை மட்டும் நான் நிறுத்தியதில்லை. 
    நான் பிறந்தது, வளர்ந்தது, படித்தது மும்பையில். தற்சமயம் வசிப்பது புணேயில். இங்கே பல பிரபலமான உணவகங்களுக்கு சமையல் ஆலோசகராக பணிபுரிந்து வருகிறேன். கம கமவென்று சமைக்கவும் செய்கிறேன். 
    "2010 வரை. எல்லாரையும் போன்று வயிறு நிறைய சாப்பிட்டு வாழ்ந்தவள்தான். 2010 -இல் இடது தோளில் வலி ஆரம்பித்தது. வலியென்றால் உயிர் போகிற வலி. சாப்பிடும்போது வலி உச்சத்தைத் தொடும். தோளில் வலி என்பதால் எலும்பு மருத்துவரைப் பார்த்தேன். எக்ஸ்ரே எடுக்கச் சொன்னார். வேறு பல பரிசோதனைகள் செய்து கொள்ளச் சொன்னார். அறுவை சிகிச்சையும் இரண்டு முறை செய்தார். பிஸியோதெரப்பியும் தொடர்ந்தது. ஆனால் வலி குறையவில்லை. வலியை உணராமல் இருக்க மாத்திரைகளை சாப்பிடத் தொடங்கினேன். வலி கொஞ்சம் குறைந்தது. 2010 -க்கு முன்பு எனது எடை எண்பத்திதெட்டு கிலோவாக இருந்தது. வலியை உணர்ந்த சில மாதங்களில் எனது எடை முப்பத்தெட்டாக குறைந்து போனது. அல்ட்ராசவுண்ட், சோனோகிராஃபி என்று தொடர் சோதனைகள் நடத்தினாலும், வலி ஏன், எதனால் வருகிறது என்று கண்டுபிடிக்க முடியவில்லை. 
    பல டாக்டர்களை மாற்றி மாற்றி பார்த்து கடைசியில் டாக்டர் எஸ். எஸ். பலேராவிடம் சென்றேன். அவரிடம் போகாமல் இருந்திருந்தால் நான் இல்லாமல் போயிருப்பேன். அவரது மருத்துவமனையில் படுக்கையில் முழங்கால்களை மடித்து உட்கார்ந்திருந்தேன். அப்படியிருந்தால் வலி குறைந்திருப்பதாக உணர்ந்ததால் அப்படி அமரத் தொடங்கினேன். நான் இருக்கும் நிலையைப் பார்த்த டாக்டர் பலேரா," உனக்கு வயிற்றில் அல்சர் ஏற்பட்டு ரணமாகியுள்ளது. அங்கிருந்து கசியும் ரத்தம்தான் உன்னை சித்திரவதை செய்யும் வலிக்கு மூல காரணம்'' என்றார். பரிசோதனை மூலம் டாக்டர் சொன்னது உண்மைதான் என்று தெரியவந்தது. 
    மார்புப் பகுதியையும் வயிறையும் பிரிக்கும் சவ்வுப் பகுதியான உதரவிதானத்தில் இரண்டு விதமான புண்கள் ஏற்பட்டிருந்தன. புண்களிலிருந்து ரத்தமும் கசிய ஆரம்பித்துவிட்டது. வலியை உணராமல் இருக்க எனக்குத் தரப்பட்ட மாத்திரைகளினால் எனது வயிற்றின் உள்ளுறுப்புகள் சேதமாகி வேலை செய்வதை நிறுத்திக் கொண்டன. வலியை உணராமல் செய்யும் மாத்திரைகள் இரைப்பை, குடல்களுக்கு ஆபத்தை வரவழைக்கும் என்று அப்போதுதான் தெரிந்தது. உதரவிதானத்திலிருந்து தோள்பட்டையை இணைக்கும் நரம்பின் வழியாக வலி தோள்பட்டையைப் பாடுபடுத்தியது. அதை தோளின் எலும்பில் ஏற்பட்ட வலியென்று நான் மட்டுமல்ல இதர டாக்டர்களும் தவறாக முடிவு செய்துவிட்டோம். 
    "அறுவை சிகிச்சைதான் ஒரே வழி. ஆனால் அறுவை சிகிச்சையின்போது உயிரும் பிரியலாம்' என்று டாக்டர் பலேரா சொன்னார். நானும் பெற்றோரும் வேறு வழியில்லாமல் அறுவை சிகிச்சைக்குச் சம்மதித்தோம். அறுவை சிகிச்சை ஒன்பது மணி நேரம் நீண்டது. முடிவில், அல்சர் புண்களால் சிதைந்து போயிருந்த இரைப்பையை நீக்கினார்கள். அதனால் பயந்த மாதிரி உயிருக்கு ஆபத்து ஏதும் வரவில்லை. அறுவை சிகிச்சை முடிந்த சில நாட்களில் நான் உணவை சாப்பிட முயன்ற போது , " நீ இந்த உணவை சாப்பிடக் கூடாது. ஏனென்றால் உனக்கு வயிறு இல்லை... அதாவது இரைப்பை இல்லை..' என்று அம்மா சொன்னார். 
    அம்மா என்ன சொல்கிறார் என்று எனக்கு உடனே புரியவில்லை. வயிரைத் தொட்டுப் பார்த்தேன். வயிறு இருக்கிறதே... பிறகு ஏன் வயிறு இல்லை .. இரைப்பை இல்லை என்கிறார் என்று புரியாமல் விழித்தேன். அம்மா அறுவை சிகிச்சையின் போது நடந்தது என்ன என்று விரிவாகச் சொல்ல, எனக்குப் புரிந்தது. 
    இரைப்பைத்தான் வயிற்றின் பிரதான உறுப்பு என்று எனக்குப் புரிய ஆரம்பித்தது. இரைப்பைத்தான் உண்ணும் உணவை அரைத்து பிசைந்து கூழாக்கி சத்துக்களை உறிஞ்சிக் கொண்டு குடலுக்கு அனுப்புகிறது. என்ன சாப்பிட்டாலும் இரைப்பை இல்லாததினால் உணவு நேரடியாக குடலுக்கு வந்துவிடும். குடல் அதை ஜீரணிக்க முயலும். பிறகு அதை வெளியேற்ற முயற்சி செய்து கொண்டே இருக்கும். அதனால் என்ன சாப்பிட்டாலும் சிறிது நேரத்தில் கழிவறைக்குப் போக வேண்டிய கட்டாயம் எனக்கு. இதை மருத்துவ பாஷையில் க்ன்ம்ல்ண்ய்ஞ் ள்ஹ்ய்க்ழ்ர்ம்ங் என்கிறார்கள். அதனால், தினமும் சுமார் எட்டு முறை கொஞ்சம் கொஞ்சமாக உணவினைச் சாப்பிட்டு வருகிறேன். 
    பெரும்பாலும் திரவ உணவை, காய்கறிகளை சார்ந்துள்ளேன். அடிக்கடி மருத்துவரை கண்டு பரிசோதனை செய்து கொள்கிறேன். வயிற்றில் தானே உருவாகும் விட்டமின் பி எனக்கு உருவாகாது. எனக்கு விட்டமின் டி குறைபாடும் உண்டு. அதனால் இந்த விட்டமின்களை மாதம் ஒருமுறை ஊசி மூலம் உடலில் ஏற்றிக் கொள்கிறேன். இனிப்புள்ள உணவுவகைகளை நான் ஒதுக்கியே ஆகவேண்டும். உடல் நான் விருப்பப்படுகிற மாதிரி ஒத்துழைக்காததால், உடலுக்கு ஏற்றவாறு என்னை மாற்றிக் கொண்டேன். அதனால் எனக்கும் பெற்றோர்க்கும் கணவருக்கும் ஏற்படும் சிரமத்தைத் தவிர்க்க முடிந்திருக்கிறது. எனது கணவர் சுவீடன் நாட்டுக்காரர். காதல் திருமணம். குழந்தைகள் வேண்டாம் என்று தீர்மானித்திருக்கிறோம்'' என்கிறார் நடாஷா.

    ]]>
    http://images.dinamani.com/uploads/user/imagelibrary/2018/6/20/w600X390/mn3.jpg http://www.dinamani.com/weekly-supplements/magalirmani/2018/jun/20/இரைப்பை-இல்லாமலும்-வாழலாம்-2943559.html
    2943558 வார இதழ்கள் மகளிர்மணி திரைப்படமாகும் ஐ.ஏ.எஸ் அதிகாரியின் வாழ்க்கை! - பனுஜா DIN Wednesday, June 20, 2018 11:00 AM +0530 ஷாலினி ஐ.ஏ.எஸ் கர்நாடகத்தில் பிரபலம். பஞ்சாயத்து நிர்வாகம் சரிவர நடக்கவும், சாதாரண மக்கள் அரசின் பல தரப்பட்ட உதவிகளை உரிமையுடன் கேட்டுப் பெறவும் ஷாலினி ஐ.ஏ.எஸ் எடுத்த நடவடிக்கைகள் மக்களின் பாராட்டுகளைப் பெற்றதுடன் நின்றுவிடவில்லை. பிரதமரிடம் தேசிய விருது பெற்றிருக்கும் ஷாலினி, தற்போது கர்நாடகா அரசில் சுகாதாரம் மற்றும் குடும்பநலத் துறையில் முதன்மை செயலாளராகப் பணி புரிகிறார். ஷாலினியின் கணவர் ரஜ்னிஷ் கோயல். அவரும் ஐ.ஏ.எஸ் அதிகாரி. 
    ஷாலினியின் அப்பாவும் ஒரு ஐ.ஏ.எஸ் அதிகாரி. ஷாலினியின் முன்னோர்கள் ஒன்றுபட்ட இந்தியாவில் வசித்தாலும், நாடு பிரிவினை செய்யப்பட்டதும், அவர்கள் வாழ்ந்த பகுதி பாகிஸ்தானுக்குப் போய்விட்டது. தாய் மொழியில் ஐ.ஏ.எஸ் தேர்வு எழுதி வெற்றி பெற்ற ஷாலினி 1989- இல் ஐ.ஏ.எஸ் தேர்வில் வெற்றி பெற்ற பெண்களில் முதலாவதாக வந்திருந்தார். தனது ஐ.ஏ.எஸ் நிர்வாக அனுபவங்களை இந்த ஐ.ஏ.எஸ் தம்பதிகள் "ஐ.ஏ.எஸ் தம்பதிகளின் கனவு' என்ற தலைப்பில் நூலாக எழுதி வெளியிட்டுள்ளனர். நூலும் நல்ல விற்பனையானதால் அந்த நூலை அடிப்படையாக வைத்து கன்னட திரைப்படம் ஒன்று உருவாகிறது. "ஷாலினி ஐ.ஏ.எஸ்' என்ற பெயரில் தயாரிக்கும் இந்தத் திரைப்படத்தின் படப்பிடிப்பு பாகிஸ்தானிலும் நடக்குமாம். இந்தப் படத்தை இயக்குபவர் விருது பட இயக்குநர் நிகில் மஞ்சு. 
    ஷாலினியின் அப்பா இறந்த பிறகு தனது உடல் உறுப்புகளை தானம் செய்ய ஒப்புதல் தந்திருந்தார். அப்பாவின் வழியில் தனது உடல் உறுப்புகளைத் தானம் செய்ய ஒப்புதல் தந்திருக்கும் ஷாலினி, உடல் உறுப்பு தானத்தை ஊக்குவிக்கவும் பரப்புரை செய்து வருகிறார். கர்நாடகா மாநில பெண்கள் பல்கலைக்கழகம் பெண்களின் நலனில் ஷாலினியின் பங்களிப்பிற்காக கெளரவ முனைவர் பட்டம் வழங்கி சிறப்பு செய்திருக்கிறது.
    சாதாரணமாக ஒருவரின் வாழ்க்கைப் படமாகும்போது சம்பந்தப்பட்டவரின் பெயரை வைக்க மாட்டார்கள். ஆனால் ஷாலினி ஐ.ஏ.எஸ் கர்நாடகத்தில் பெயர் சொல்லலும் ஐ.ஏ.எஸ் அதிகாரி என்பதால் அவரது பெயரையே படத்தின் தலைப்பாக வைத்துவிட்டார்கள்.

    ]]>
    http://images.dinamani.com/uploads/user/imagelibrary/2018/6/20/w600X390/mn2.jpg http://www.dinamani.com/weekly-supplements/magalirmani/2018/jun/20/திரைப்படமாகும்-ஐஏஎஸ்-அதிகாரியின்-வாழ்க்கை-2943558.html
    2943557 வார இதழ்கள் மகளிர்மணி பாண்டிச்சேரியில் இருந்து சென்னை வரை! - ஸ்ரீதேவி குமரேசன் Wednesday, June 20, 2018 10:56 AM +0530 மார்பக புற்று நோய் குறித்து விழிப்புணர்வு ஏற்படுத்தும் வகையில் பார்வை திறன் குறைந்த கல்லூரி மாணவி திவ்யா வருகிற ஆகஸ்ட் 5- ஆம் தேதி பாண்டிச்சேரியில் இருந்து சென்னை வரை பிங்கதான் எனும் மாரத்தான் ஓட்டத்தை மேற்கொள்கிறார். 
    பஜாஜ் எலெக்ட்ரிகல்ஸ் நிறுவனம் மற்றும் கலர்ஸ் டிவியும் இணைந்து "கலர்ஸ் பிங்க்தான்' எனும் இந்த மாரத்தானை சென்னைத் தீவுத் திடலில் ஆகஸ்ட் 5-ஆம் தேதி ஏற்பாடு செய்துள்ளனர். 
    காரணம், சமீபத்திய ஆய்வின்படி இந்தியாவில், அதிலும் குறிப்பாக சென்னையில் மார்பக புற்றுநோய் அதிகமாக பரவி வருகிறது. ஏனெனில் மார்பக புற்றுநோய் பற்றிய விழிப்புணர்வு இந்திய பெண்களிடம் அறவே இல்லை. 
    மார்பகங்களில் உருவாகும் புற்றுநோய் கட்டிகளை சூடுகட்டி, வேர்குரு... என தவறாக கருதுகிறார்கள். இதனால் ஆண்களும், பெண்களும் சரி சமமாக பாதிக்கப்படுகிறார்கள். மேலும், வாழ்க்கை முறையும், தட்ப வெப்ப சூழ்நிலையும் பல மாற்றங்களை கொண்டு வந்திருப்பதால்... சிறு கட்டியாக இருந்தாலும்... அதை உடனே சோதித்து பார்க்க வேண்டிய கட்டாயத்தில் நாம் இருக்கிறோம். எனவே, மார்பக புற்றுநோய் குறித்து விழிப்புணர்வு ஏற்படுத்தும் இந்த பிங்கதான் ஓட்டத்தில் கலந்து கொள்வது பெருமையாக உள்ளது. 
    இதில் யார் வேண்டுமானாலும் கலந்து கொள்ளலாம். 3கிமீ, 5 கிமீ மற்றும் 10 கிமீ உள்ளிட்ட பிரிவுகளைக் கொண்ட இந்த ஓட்டத்துக்கான ஆன்லைன் பதிவுகளை www.pinkathon.in/chennai வலைதளத்தில் செய்யலாம். 21 கிமீ ஓட்டத்துக்கான பதிவுகளுக்கு ண்ய்ச்ர்ஃல்ண்ய்ந்ஹற்ட்ர்ய்.ண்ய் க்கு மின் அஞ்சல் அனுப்பலாம். யுனைடெட் சிஸ்டர்ஸ் பவுண்டேஷன் ஏற்பாட்டில் மேக்ஸிமஸ் ஆதரவில் நடைபெறும் பெண்களுக்கான இந்தியாவின் மிகப்பெரிய ஓட்டமான மாரத்தான் இது. 
    கடந்த 100 ஆண்டுகளுக்கும் மேலாக உலக சாதனை படைத்த இந்தியத் தட கள வீராங்கனை அறிமுக விழாவில் 102 வயது மன் கவுர், சென்னை அப்பல்லோ மருத்துவமனையைச் சேர்ந்த புற்றுநோய் அறுவை சிகிச்சை நிபுணர் டாக்டர் ஏ பி சுபாஷ் குமார் மற்றும் புற்றுநோய் மருத்துவர் டாக்டர் ரமணன் ஆகியோர் பங்கேற்கின்றனர். இது குறித்து திவ்யா கூறுகையில்:
    ""நான் கிராமப்புறத்தைச் சேர்ந்தவள், எனக்கு பார்வை திறன் குறையுள்ளது. தற்போது பன்னிரெண்டாம் வகுப்பு முடித்துவிட்டு ராணிமேரி கல்லூரியில் சேர்ந்துள்ளேன். எனக்கு ஏற்கெனவே ஓட்டப்பந்தயங்களில் கலந்துகொள்ள வேண்டும் என்ற ஆசையிருந்தது. தற்போது, இந்த ஓட்டத்தைப்பற்றி அறிந்ததும் உடனே ஒத்துக்கொண்டேன். பாண்டிச்சேரியில் இருந்து சென்னை வரை 150 கி.மீ. ஓட்டம். இதில் கலந்து கொள்வது அவ்வளவு எளிதல்ல, அதனால் பிங்கதான் அமைப்பைச் சேர்ந்தவர்கள், எனக்கு நீண்ட தூர ஓட்டத்துக்கான பயிற்சி அளித்து வருகிறார்கள். தற்போது தேசிய விருது பெற்ற ஜூடோ சாம்பியனான மகேஷ்வரி என்ற பார்வை திறன் குறையுடையவரும் என்னுடன் இணைந்துள்ளார். ஆக ஆகஸ்ட் 5 -ஆம் தேதி பாண்டிச்சேரியில் தொடங்கி சென்னை வரை இருவரும் மார்பக புற்றுநோய்க்கான விழிப்புணர்வு ஓட்டத்தை மேற்கொள்கிறோம். எங்களுக்குத் துணையாக அனிதா என்கிற பயிற்சியாளர் பயிற்சியளித்து வருகிறார். 
    இந்த விழிப்புணர்வு ஓட்டம் சென்னை தீவுத்திடலில் தொடங்கி 5 கி.மீ வரை பயணித்து மீண்டும் தீவுத்திடலிலேயே முடிகிறது. 3 நாள்கள் நடைபெறவுள்ள இந்த நிகழ்ச்சியின் கடைசி நாளான ஆகஸ்ட் 5-ஆம் தேதி நாங்கள் பாண்டிச்சேரியில் தொடங்கி சென்னையில் முடித்து வைக்கிறோம். 
    பஜாஜ் எலெக்ட்ரிகல்ஸ் நிறுவனர் மிலிந்த் சோமன் இதுகுறித்து கூறுகையில் ""சென்னைக்கு ஐந்தாவது முறையாக கலர்ஸ் பிங்கதானைக் கொண்டு வருவதில் குதூகலம் அடைகிறோம். இந்நகரமும், மக்களும், எங்களை ஆதரிப்பார்கள் இந்த ஓட்டத்துக்கு மிகப் பெரிய வெற்றியை வழங்குவார்கள் என்றும் நம்புகிறோம். மாரத்தானை விடவும் பிங்கதான் பிரம்மாண்டமாகும். 21 கிமீ தூர ஓட்டங்களில் 10,000க்கும் மேற்பட்ட பெண்கள் பங்கேற்க உள்ளனர். ரன்னிங் கியருடன் ஓடலாம். புடவை, சல்வார் கம்மீஸ், என அவர்களுக்கு வசதியான மற்றும் பிடித்தமான எந்த உடையிலும் பெண்கள் ஓட அனுமதி உண்டு'' என்றார்.
    பஜாஜ் எலெக்ட்ரிகல்ஸ் இணை மேலாண் இயக்குநர் அனந்த் பஜாஜ் கூறுகையில், ""பெண்களுக்குச் சம உரிமை வழங்குவதையும் தாண்டியது பெண்களுக்கான ஆற்றலை அளிப்பது, சுய நம்பிக்கை கொள்ளும் அளவுக்குப் பெண்களுக்கு மன உறுதியை ஊட்டுவதுடன், சுயமாகச் செயல்பட்டு இன்னும் குறிப்பாகத் தங்களது உடல் ஆரோக்கியத்தையும், நலத்தையும் கவனித்துக் கொள்ளும் சுய கட்டுப்பாட்டையும் வளர்த்துக் கொள்ள விழிப்புணர்வு ஏற்படுத்துவதே இந்த மாரத்தானின் நோக்கமாகும். இந்த ஓட்டத்தில் கலந்து கொள்பவர்களுக்கு அப்பல்லோ மருத்துவமனை சார்பில் இலவச பரிசோதனைகள் மேற்கொள்ளப்படுகிறது'' என்றார். 

    ]]>
    http://images.dinamani.com/uploads/user/imagelibrary/2018/6/20/w600X390/mn1.jpg http://www.dinamani.com/weekly-supplements/magalirmani/2018/jun/20/பாண்டிச்சேரியில்-இருந்து-சென்னை-வரை-2943557.html
    2938830 வார இதழ்கள் மகளிர்மணி ராணுவ வீரர்களுக்காக நகைகளை விற்ற பெண்மணி! DIN DIN Wednesday, June 13, 2018 11:34 AM +0530 இமய மலையின் சியாச்சின் சிகரம் கடல் மட்டத்திலிருந்து இருபதாயிரம் அடிகள் உயரத்தில் இருக்கிறது. பனிப்பாறை களால் மூடப்பட்டிருக்கும் இந்த மலைச் சிகரம் கடுங்குளிர் கோட்டை என்று சொல்லலாம். உலகின் மிக உயரத்தில் அமைந்துள்ள போர்க்களமும் சியாச்சின்தான்.
    பாகிஸ்தான் தீவிரவாதிகளுக்கும் இந்திய ராணுவத்திற்கும் இங்கே அடிக்கடி போர் நடக்கும். எதிரிகளின் தாக்குதல்களை சமாளிக்கும் தருணங்கள் போக மற்ற நேரங்களில் பனிப் புயலை, பனிச்சரிவுகளை தினமும் சந்திக்க வேண்டிய கட்டாயம் இந்திய ராணுவத்தினருக்கு உள்ளது. உயரம் காரணமாகவும், கடுங்குளிர் காரணமாகவும் சியாச்சின் பகுதியில் உயிர் வாயு எனப்படும் ஆக்சிஜனின் அளவு மிகவும் குறைந்தே இருக்கும். அதனால், எதிரிகள் அல்லது பேரிடர்கள் காரணமாக உயிரிழப்பதைவிடவும், சுவாசிக்கத் தேவையான ஆக்சிஜன் கிடைக்காமல் இறக்கும் ராணுவ வீரர்கள்தான் இரு தரப்பிலும் அதிகம். ஆக்சிஜன் சிலிண்டர்கள் சண்டிகர் நகரிலிருந்து "லே' மலைப்பாதை வழியாக அனுப்பப்படுகிறது என்றாலும் அவை உரிய நாளில் சியாச்சின் சென்றடையும் என்று உறுதியாகச் சொல்ல முடியாது. பனிப்புயல், பனிச்சரிவுகளும்தான் தாமதத்திற்கு காரணம்.
    இப்படிப் பல கோணங்களில் கஷ்டப்படும் நமது ராணுவ வீரர்களின் இன்னல்களை எண்ணி வருத்தப்பட்டதுடன், அனுதாபப்பட்டதுடன் நிற்காமல், வீரர்களுக்கு ஆக்சிஜன் தயாரித்து சிலிண்டர்களில் அடைத்து விநியோகம் செய்ய ஓர் ஆலையை சியாச்சின் பகுதியில் சுமார் பதின்மூன்றாயிரம் அடி உயரத்தில் உருவாக்குவதில் உதவ முன் வந்தவர் சுமிதா. இந்த ஆலையை நிர்மாணிக்க ஒன்றேகால் கோடி செலவாகும். தனது பங்களிப்பிற்காக சுமிதா ஒன்றேகால் லட்சம் வழங்கியுள்ளார். அந்தத் தொகைக்காக தனது நகைகளை விற்கவும் சுமிதா தயங்கவில்லை:
    "இந்த ஆலையால் ஆக்சிஜன் ராணுவ வீரர்களை சென்றடைவதற்கு ஆகும் நேரமும், செலவும், கால தாமதமும் கணிசமாகக் குறையும். சுமார் 9 ஆயிரம் ராணுவ வீரர்கள் இந்த ஆலையால் பயன் பெறுவார்கள். 1999 லிருந்து ராணுவ வீரர்களின் நலனுக்காக என்னால் ஆனதைச் செய்துவருகிறேன். ஒருமுறை சியாச்சின் அடிவாரத்தில் இருக்கும் முகாமிற்குச் சென்றிருந்தேன். அப்போதுதான் அங்கு நிலவும் சூழல் பற்றி அனுபவ பூர்வமாகத் தெரிந்து கொண்டேன்.
    கோடைகாலத்திலேயே சியாச்சின் அடிவார முகாமில் குளிரின் அளவு மைனஸ் முப்பத்தைந்து டிகிரி செல்ஷியஸ். குளிர்காலத்தில் அது மைனஸ் ஐம்பத்தைந்து வரை கீழே போகும். அடிவாரத்தில் இந்த சூழ்நிலை இருக்கும் போது , சியாச்சின் சிகரத்தில் பனித்திரையின் உக்கிரம் குறித்து சொல்லவே வேண்டாம். கால்கள் கட்டையாக மரத்துப் போகும். கவனக் குறைவாக இருந்தால் கண் பார்வை கூட போய்விடும். அங்கே சுவாசிப்பது இமாலய சாதனை.. சவால் என்று சொல்ல வேண்டும். அந்த அளவுக்கு சிரமங்களை ராணுவ வீரர்கள் எதிர் கொள்ள வேண்டியுள்ளது. நாட்டைக் காப்பதை மூச்சாகக் கருதும் ராணுவ வீரர்கள் மூச்சு விட்டு சுவாசிப்பதற்கு போதிய ஆக்சிஜன் கிடைக்காமல் திண்டாடுகிறார்கள்.
    ஆக்சிஜன் ஆலை நிர்மாணிக்கத் தேவைப்படும் தொகையான ஒன்றேகால் கோடியுடன் ஒப்பிடும் போது எனது பங்களிப்பு ஒரு துளியாக இருக்கலாம். ஆனால் இது ஒரு தொடக்கம் மட்டும்தான். தேவைப்படும்போது நான் நன்கொடையை இனியும் தருவேன். நான் ஒரு பள்ளி ஆசிரியை. கணவர் இந்திய விமானப்படையிலிருந்து விருப்ப ஓய்வு பெற்றவர். ராணுவ வீரர்களுக்காக நான் செய்து வரும் பங்களிப்பிற்கு பக்க பலமாக நிற்பவர். சியாச்சின் பகுதியில் இறப்பவர்களின் சுமார் எழுபது சதவீதம் ராணுவ வீரர்கள் அங்கே நிலவும் கடுங்குளிரினால்தான் உயிரை இழக்கிறார்கள். எனது மகனும் ராணுவத்தில் பணியாற்றி வருகிறான். அதனால் ராணுவ வீரர்களின் நலனில் அக்கறை காட்டுவது என் கடமையாகிறது. ஆக்சிஜன் ஆலை உருவாக்க ஆகும் தொகையைத் திரட்ட அறக்கட்டளை ஒன்றை தொடங்கியுள்ளேன். ஆளுக்கு ஒரு ரூபாய் நன்கொடை தந்தால் போதும். ஆக்சிஜன் ஆலை சியாச்சின் அடிவாரத்தில் உருவாகும்..'' என்கிறார் சுமிதா.
    - அங்கவை
     

    ]]>
    http://images.dinamani.com/uploads/user/imagelibrary/2018/6/13/w600X390/mm19.jpg http://www.dinamani.com/weekly-supplements/magalirmani/2018/jun/13/ராணுவ-வீரர்களுக்காக-நகைகளை-விற்ற-பெண்மணி-2938830.html
    2938829 வார இதழ்கள் மகளிர்மணி நம்மில் ஒருவராக ஏற்றுக் கொள்ள முடியும்! DIN DIN Wednesday, June 13, 2018 11:33 AM +0530 ஆட்டிசம் பாதிப்புக்கு ஆளான சிறப்புக் குழந்தைகளுடன் கிட்டத்தட்ட 20 ஆண்டுகளாக பயணித்து வருபவர் ராதா நந்தகுமார். இவர், மல்டி டிஸபளிட்டி உள்ள குழந்தைகள் குறித்து விழிப்புணர்வு ஏற்படுத்தும் வகையில் புத்தகங்கள் பலவற்றை எழுதியுள்ளார். மேலும், சிறப்பு பள்ளிகளில் பணிபுரியும் ஆசிரியர்களுக்கு பயிற்சியாளராகவும், பெற்றோருக்கு வழிகாட்டியாகவும் இருக்கிறார். இவர், சமீபத்தில் "பேரன்புடன்' என்ற குறும் படத்தை தயாரித்துள்ளார். இது குறித்து அவர் நம்முடன் பகிர்ந்து கொண்டவை:
    "சாதாரண மனிதர்கள் போல கேட்டு அதை உடனடியாக உணரும் நேரக் கணக்கில் சில நடவடிக்கைகள் மாறிப் போவதுதான் ஆட்டிசம் எனப்படுகிறது. உதாரணமாக, சதாரண மனிதர்களாகிய நாம் ஒரே நேரத்தில் வெவ்வேறு விதமாக வெவ்வேறு ஒலி அளவில் உள்ள சப்தங்களை உள்வாங்குவோம். நமது காதும், உணர்வுகளும் அதை தனித்தனியாக இது விமானம் பறக்கிற சப்தம், அருகில் பேருந்து வரும் சப்தம், ஒலிபெருக்கியில் பாடலின் சப்தம் என பிரித்துணரும். ஆனால்ஆட்டிசம் பாதிப்புக்கு ஆளானவர்களுக்கு இந்த சப்தம் ஒரே டெசிபலில் பிரித்துணர முடியாத அளவில் ஒட்டுமொத்தமாகக் காதில் கேட்கும். எந்த ஒலி எதற்கானது என்று பிரித்தறிவதில் குழப்பம் ஏற்படும். அப்படி ஒட்டுமொத்தமாகக் காதில் கேட்டால் எவ்வளவு எரிச்சல் வரும்? அந்த எரிச்சல்தான் அவர்களை சாதாரண மனிதர்களைப் போன்று செயல்பட முடியாமல் தடுத்துவிடுகிறது. இது ஒரு குறைபாடுதானே தவிர நோயல்ல. பெற்றோரின் சரியான கவனிப்பு மற்றும் முறையான பயிற்சிகளைக் குழந்தைகளுக்கு வழங்கினால், ஆட்டிசம் பாதிப்புக்குள்ளான குழந்தைகளை ஓரளவு இயல்பானவர்களாக மாற்றவும் அவர்களுக்குள்ளே ஒளிந்திருக்கும் திறமையை வெளிக்கொண்டுவரவும் , நம்மில் ஒருவராக ஏற்றுக் கொள்ளவும் முடியும். 
    சிறப்பு குழந்தைகளுடனான பயணம் எப்படி தொடங்கியது? 
    அதற்கு நான் என்னைப் பற்றி முதலில் சொல்ல வேண்டும். நல்ல அந்தஸ்தில் உள்ள அனைவரும் படித்த பெரிய குடும்பத்தில் நான் திருமணமாகி வந்தேன். என் கணவரும் மிகப்பெரிய படிப்பாளி. டெல்லியில் ஆடிட்டராக பணியாற்றி வந்தார். அதனால் நாங்கள் டெல்லியில் செட்டிலாகியிருந்தோம்.
    என் முதல் குழந்தை பிறந்து மூன்று, நான்கு மாதங்களில் அவனுக்கு வலிப்பு வந்தது. அப்போதுதான் அவனுக்கு உடல் ரீதியாக பிரச்னை இருப்பதை உணர்ந்தோம். அதன்பிறகு அவனுக்கு தினமும் வலிப்பு வர ஆரம்பித்தது. இதனால் மருத்துவரை அணுகி தினசரி சிகிச்சை பெற்று வந்தோம். தினசரி மருத்துவர் என்ன ஆலோசனை வழங்குகிறாரோ அதனை தவறாமல் செய்து வந்தேன். எனது உழைப்பை பார்த்துவிட்டு குழந்தைகள் நல மருத்துவர் சுனந்தா ரெட்டி, என்னைப் போன்று குழந்தைகளின் பெற்றோரை ஒரு குழுவாக சேர்த்து முறையான, சரியான மருத்துவ வசதியில்லாத குப்பத்துப் பகுதிகளுக்குச் சென்று நம்மாலான உதவிகளை செய்வோம் என்று "கேர் நிதி' (Care Nidhi) என ஒரு டிரஸ்ட் ஆரம்பித்து செயல்படலாம் என்றார். இப்படித்தான் என் பயணம்தொடங்கியது. 
    இந்நிலையில், என் குழந்தை வளர்ந்து சிறப்பு பள்ளிக்கு செல்ல ஆரம்பித்தான். அவனுடன் தினமும் நானும் செல்வேன். அந்தப் பள்ளிகளில் உள்ள குழந்தைகளுக்கு நானே விரும்பிச் சென்று அவர்களுக்கு தேவையான உதவிகளை செய்ய ஆரம்பித்தேன். ஒரு கட்டத்தில் இந்த குழந்தைகளை எப்படி பாதுகாக்க வேண்டும் என்பதை முழுமையாக அறிந்து கொண்டேன். நான் ரொம்பவும் ஈடுபாட்டுடன் வேலை செய்வதை பார்த்து அந்த சிறப்பு பள்ளியில் என்னை ஆசிரியையாக வரும்படி அழைத்தார்கள். இதனால், சிறப்பு குழந்தைகளைப் பராமரிக்கத் தேவையான ஆசிரியர் பயிற்சியும் பயின்றேன். 
    இதற்கிடையில் எனக்கு இரண்டாவது குழந்தை பிறந்தான். முதல் குழந்தை இப்படி பிறந்துவிட்டான் என்பதால் மிகச் சிறந்த மருத்துவர்கள் பலரிடம் முறையான மருத்துவ ஆலோசனை பெற்ற பிறகுதான் அடுத்த குழந்தையை பெற்றுக் கொண்டேன். இந்தியாவிலேயே மிகச் சிறந்த மருத்துவரிடம்தான் டெலிவரியும் பார்த்துக் கொண்டேன். 
    குழந்தை நார்மலாகத்தான் இருந்தான். அவனுக்கு இரண்டு வயதாகும்போது, மூத்த மகனுக்கு மிகவும் சீரியஸôகிவிட்டது. இதனால் அவனுடன் மருத்துவமனையிலேயே தங்க வேண்டிய சூழ்நிலை ஏற்பட்டது. அதனால் என் மாமியார், நாத்தனார் பொறுப்பில் இரண்டாவது மகனை விட்டேன். மூத்த மகனை கவனிப்பதிலேயே இருந்தேன். இதற்கிடையில் பெரிய மகன் சிகிச்சை பலனின்றி இறந்து விட, வீட்டிற்கு திரும்பியதும் தான் இளையவனை கவனித்தேன். நன்றாக ஓடியாடி விளையாடிக் கொண்டிருந்த குழந்தை ஓரே இடத்தில் உட்கார்ந்து ஒரே விளையாட்டை மீண்டும் மீண்டும் விளையாடிக் கொண்டிருந்தான். நான் சிறப்பு பள்ளிகளில் ஏற்கெனவே பணியாற்றிய அனுபவம் உள்ளதால். எனக்கு சந்தேகம் ஏற்பட்டு உடனடியாக மருத்துவரை அணுகினேன். அவர்கள் ஆட்டிசம் பாதித்திருப்பதை உறுதி செய்தார்கள். இதற்கிடையில் பெரிய மகன் இறந்த கவலையில் பாதிக்கப்பட்டு, கிட்னி பெயிலராகி என் கணவரும் இறந்தார். 
    அதன்பிறகு, என் மகனை முழுமையாக பார்த்துக் கொள்ள வேண்டிய பொறுப்பு எனக்கு வந்தது. என் குடும்பத்தினர் டெல்லியில் தனியாக இருக்க வேண்டாம் என்று சென்னை அழைத்து வந்துவிட்டார்கள். 
    சென்னை வந்ததும் மகனை "ப்ளே ஸ்கூலில்' சேர்த்தேன். அவனை அவர்களால் சரியாக கவனித்துக் கொள்ள முடியவில்லை. அதனால் சிறப்பு பள்ளியில் சேர்த்து விட்டேன். அதன்பின்னர் அவன் நன்றாக படிக்க ஆரம்பித்தான், ஆங்கிலம் நன்றாக பேசுவான். டைப் ரைட்டிங் கற்றுக் கொண்டான். அதன் மூலம் ஆங்கிலத்தில் கவிதைகள் எழுதி வருகிறான். தற்போது பன்னிரண்டாம் வகுப்பு முடித்துவிட்டான். அவன் படித்த சிறப்பு பள்ளியான வித்தியாசாகர் பள்ளியில் இருந்த ஆசிரியர்கள் எல்லாரும் அவன் படித்த பள்ளியின் நிர்வாகி லயோலா கல்லூரியில் சேர்த்து விட முயற்சி செய்தனர். ஆனால், நான்தான் வேண்டாம் என்று மறுத்துவிட்டேன். இதன்பிறகு அவனுக்கு படிப்பு தேவையில்லை. ஏனென்றால் இதுவரை, அவனுக்கு தனியாக சாலையைக் கடக்கவோ, பணத்தின் மதிப்போ தெரியவில்லை எனவே, வாழ்க்கைக்கு தேவையான அடிப்படை விஷயங்கள் கற்றுக்கொண்டாலே போதும் என்று நினைத்தேன். 
    தற்போது, வடபழனியில் உள்ள எம்.ஜி.ஆர் ஜானகி , கொளப்பாக்கம் புனித பிரான்ஸிஸ் பள்ளி, பத்மா சுப்பிரமணியம் பாலாபவன், மாண்ட்ஃபோர்ட் ஆகிய நான்கு பள்ளிகளில் ஆலோசகராக இருக்கிறேன். மேலும், சிறப்பு பள்ளியில் பணிபுரியும் ஆசிரியர்களுக்கு பயிற்சி அளிப்பது, பெற்றோர்களுக்கு சரியான புரிதல் கொடுத்து வழிநடத்துவது போன்றவற்றை செய்து வருகிறேன். 
    சிறப்பு குழந்தைகளுக்கான புத்தகங்கள் எழுதுவதிலும், முனைப்பாக உள்ளேன். காரணம், தனி ஒருவருக்கு பயிற்சி அளிப்பதை விட ஒரு ஆசிரியருக்கோ, புத்தகமோ எழுதி வைத்தால் நான் இருந்தாலும், இல்லை என்றாலும் அது பலருக்கும் பயனுள்ளதாக இருக்கும் என்பதால் இந்த முயற்சியில் இறங்கியிருக்கிறேன். 
    குறும்படத்திற்கான எண்ணம் எப்படி தோன்றியது? 
    கடந்த சில மாதங்களுக்கு முன் ஒரு துயர சம்பவம். சென்னையில் நடந்தது. சக மனிதர்களால் உதாசீனப்படுத்தப்பட்ட ஒரு தெய்வக்குழந்தைக்கு நேர்ந்த சம்பவம் இன்னும் அழுகை முட்டிக்கொண்டு வருகிறது. இங்கு அந்த சம்பவம் எத்தனை பேருக்கு தெரியும் என்பது சந்தேகம். அந்த தெய்வக் குழந்தை தன் வாழ் நாட்களை அழகுற அமைத்து வந்தான். தன் குறைபாட்டிலிருந்து வெளிவந்து தன் தந்தையின் உதவியோடு இந்த உலகை அழகாக படம் பிடித்துக் கொண்டு ஒரு நிறுவனத்தில் வேலை பார்த்து வந்தான். அன்று அந்த துயர நாளில் அவன் தந்தை வர சற்று தாமதமாக, அவனாக வீட்டிற்குத் திரும்ப முயற்சிக்க... வழிதவறிப்போனான். 
    ஒவ்வொருவரிடமும் தனக்குத் தெரிந்த மொழியில் முகவரி சொல்ல யாரும் அவனது நிலையைப் புரிந்துகொள்ளவில்லை. இறுதியாக தன் தந்தை தபால் நிலையத்தில் வேலை பார்ப்பவர். ஏதாவது தபால் நிலையத்திற்குப் போய்விட்டால் அவர்கள் எப்படியாவது அவன் தந்தையின் முகவரியைக் கண்டுபிடிக்க முயற்சி செய்துவிடுவார்கள் என்று அந்த பிள்ளை அங்கும் வழி கேட்டு சென்றுள்ளது. என்றாலும் அவனின் நிலை அவனை புறக்கணிக்க வைக்கவே பயன்பட்டது. 
    இறுதியாக, களைத்துப் போய் ஒரு சாலையோரம் அமர்ந்தவனுக்கு ஏதோவொரு தண்ணீர் லாரி எமனாக மாறிப்போனாது. அந்த முயற்சிமிக்க குழந்தை இவ்வுலகை விட்டுக் கடந்தே போனான். இந்த குழந்தைகள் மீதான பொறுப்புணர்வை அதிகப்படுத்த விரும்பினேன். இப்படி தொடங்கியதுதான் இந்த "பேரன்புடன்' என்ற குறும்படம்''என்றார் ராதா நந்தகுமார். 
    - ஸ்ரீதேவி குமரேசன்
     

    ]]>
    http://images.dinamani.com/uploads/user/imagelibrary/2018/6/13/w600X390/mm18.jpg http://www.dinamani.com/weekly-supplements/magalirmani/2018/jun/13/நம்மில்-ஒருவராக-ஏற்றுக்-கொள்ள-முடியும்-2938829.html
    2938828 வார இதழ்கள் மகளிர்மணி டிப்ஸ்.. டிப்ஸ்.. DIN DIN Wednesday, June 13, 2018 11:27 AM +0530 * வேகவைத்த உருளைக்கிழங்கு தோலை வீணாக்காமல் கண்ணாடிகளைத் துடைத்தால் பளிச்சென்றிருக்கும். 

    * முட்டை வாங்கி பிரிட்ஜில் வைக்கும் முன் முட்டைக் கூட்டில் சமையல் எண்ணெய்யைத் தடவி அதில்முட்டைகளை வைத்தால் கெடாது.

    * சீனி வைத்துள்ள பாட்டில் அல்லது ஜாரில் சிறிது கிராம்புத் துண்டுகளை போட்டு வைத்தால் எறும்பு வராது.

    * மீன், இறைச்சி ஆகியவற்றை சுத்தம் செய்யும்போது கையில் சிறிது தேங்காய் எண்ணெயைத் தடவிக் கொள்ளுங்கள்.வாடை அடிக்காது. கையில் பாதிப்பு ஏற்படாது.

    * பூரி செய்யும்போது மாவுடன் ரவையை வறுத்து சேர்த்து பிசைந்தால் பூரி சுவையுடனும், மொறுமொறுப்புடனும் இருக்கும்.

    * வீட்டில் எறும்புகள் தொல்லை இருந்தால் அதற்கு பெருங்காயத் தூளைத் தூவிவிடவும்.

    * இட்லி மாவு புளிக்காமல் இருக்க பிளாஸ்டிக் டப்பாவில் போட்டு பிரிட்ஜில் வைக்கலாம்.

    * துணிகளில் எண்ணெய், நீங்காத அழுக்கு இருந்தால் நீலகிரித் தைலத்தை சில சொட்டுகள் விட்டு சோப்பு போட்டு அலசினால் நீங்கும்.

    * வெள்ளிப் பாத்திரங்களின் பளபளப்பு மாறாமல் இருக்க அவ்வப்போது விபூதியைக் கொண்டு தேய்த்தால் பளபளப்புடன்இருக்கும்.

    * பூண்டு, வெங்காயம்,மாமிசம் இவற்றை கத்தியால் வெட்டும்போது துர்நாற்றம் வீசும். இதற்கு சிறிதளவு கல் உப்பை பொடித்து கத்தியில் தடவி நீரில் கழுவினால் போதும்.

    * பழங்களை கடைகளில் இருந்து வாங்கி வரும்போது வீட்டில் அவற்றை சிறிதளவு வினிகர் கலந்த நீரில் போட்டு கழுவி சாப்பிடலாம். கிருமிகள் இருக்காது.

    * அரிசி, கோதுமை போன்ற தானியங்களை போட்டு வைத்துள்ள பாத்திரத்தில் சிறிது வெந்தயக் கீரையை போட்டு வைத்தால் பூச்சிகள் தொல்லை இருக்காது.

    * வாழைத் தண்டை பொடிப் பொடியாக நறுக்கி பக்கோடாவிற்கு கலந்து வைத்த மாவில் போட்டுப் பிசைந்து பக்கோடா செய்தால் சுவையாக இருக்கும்.

    * உளுந்து வடை செய்யும்போது மாவில் சிறிது சேமியாவை தூள் செய்து போட்டு கலந்து வடை செய்தால் மொறு மொறுவென சுவை ஆக இருக்கும்.

    * கத்தரிக்காயை வேக வைக்கும்போது ஒரு தேக்கரண்டி தயிர் சேர்க்க வேண்டும், கத்தரிக்காய் நன்றாக குழையும், ருசியும் கூடும்.
    கை வைத்தியம்!

    * தேங்காயைப் பாலெடுத்து, சிறிது கற்கண்டு சேர்த்து நெய்யில் வறுத்த பெருங்காயம் பொடியும் சேர்த்துப் பருகி வர, மூலத்தினால் உண்டான எரிச்சல் வலி குறையும்.

    * சேப்பங்கிழங்கை புளி சேர்த்துச் சமைத்துச் சாப்பிட்டால், மூலம் நீங்கும்.

    * பிரண்டையை நெய் விட்டு வதக்கி அரைத்து, பாக்களவு, காலை, மாலை சாப்பிட்டு வர, மூலத்தால் உண்டாகும் வலி, குருதிப் போக்கு சரியாகும்.
    ஆர்.பிரபா, திருநெல்வேலி, சு. இலக்குமணசுவாமி.

    ]]>
    http://images.dinamani.com/uploads/user/imagelibrary/2018/6/13/w600X390/mm17.jpg http://www.dinamani.com/weekly-supplements/magalirmani/2018/jun/13/டிப்ஸ்-டிப்ஸ்-2938828.html
    2938827 வார இதழ்கள் மகளிர்மணி தெரிந்து கொள்வோம்: நீரிழிவு மற்றும் இரத்த அழுத்தத்திற்கு சிறந்த முந்திரிப் பழம்...! DIN DIN Wednesday, June 13, 2018 11:24 AM +0530 • முந்திரிப் பழத்தில் புரோட்டீன், பீட்டா - கரோட்டீன், டானின் என்ற ஆண்டி-ஆக்ஸிடண்ட், நார்ச்சத்துக்கள் போன்றவை வளமாக நிறைந்துள்ளது.

    • ஆரஞ்சு பழத்தை விட 5 மடங்கு அதிகமான சத்துக்கள் ஒரு முந்திரிப் பழத்தில் உள்ளது. நீரிழிவு மற்றும் இரத்த அழுத்தத்தினால் கஷ்டப்படுபவர்கள், முந்திரிப் பழத்தை சாப்பிட்டு வந்தால், அதனை குணமாக்கலாம்.

    • முந்திரிப் பழத்தைச் சாப்பிட்டால், வைட்டமின் சி குறைவினால் ஏற்படும் ஸ்கர்வி என்ற நோயின் தாக்கத்தில் இருந்து விடுபடலாம்.

    • முந்திரிப் பருப்பில் நார்ச்சத்து, வைட்டமின்கள், கனிம தாதுக்கள் உள்ளதோடு, நோய்கள் மற்றும் புற்றுநோயினை வராமல் தடுக்க உதவும். இதில் இதயத்திற்கு நன்மை தரக்கூடிய ஒற்றை நிறைவு பெறாத கொழுப்பு அமிலங்களான ஒலியிக் மற்றும் பால்மிட்டோயிக் அமிலங்கள் அதிக அளவில் காணப்படுகிறது.

    • முந்திரிப் பழமானது, நமது உடம்பின் நோயெதிர்ப்பு சக்தியை உருவாக்கி, ஈறுகளில் ரத்தக் கசிவுகள், பற்களின் பிரச்னைகள் மற்றும் நகங்கள் ஆகியவற்றின் ஆரோக்கியத்தை மேம்படுத்துகிறது.
    - பி. பரத்

    ]]>
    http://images.dinamani.com/uploads/user/imagelibrary/2018/6/13/w600X390/mm16.jpg http://www.dinamani.com/weekly-supplements/magalirmani/2018/jun/13/தெரிந்து-கொள்வோம்-நீரிழிவு-மற்றும்-இரத்த-அழுத்தத்திற்கு-சிறந்த-முந்திரிப்-பழம்-2938827.html
    2938824 வார இதழ்கள் மகளிர்மணி சமையல்... சமையல்! DIN DIN Wednesday, June 13, 2018 11:18 AM +0530 பீன்ஸ் பனீர் மசாலா

    தேவையானவை
    பீன்ஸ் - 200 கிராம்
    பனீர் - 150 கிராம்
    தக்காளி - 4
    வெங்காயம் - 2
    பச்சை மிளகாய் - 3
    இஞ்சி பூண்டு விழுது - அரைதேக்கரண்டி
    தனியாத்தூள் - 4 தேக்கரண்டி
    கரம் மசாலா - 1 தேக்கரண்டி
    உப்பு, எண்ணெய் - தேவைகேற்ப
    கடுகு, கறிவேப்பிலை - தாளிக்க
    கொத்துமல்லி - சிறிது
    செய்முறை: பீன்ஸையும், பனீரையும் சிறுசிறு துண்டுகளாக நறுக்கிக் கொள்ளவும். தக்காளி, வெங்காயம் பச்சை மிளகாய் இவைகளை நீளவாக்கில் நறுக்கி வைக்கவும். பாதி வெந்ததும், தக்காளி, வெங்காயம், பச்சைமிளகாய், பனீர், இஞ்சி பூண்டு விழுது, கரம் மசாலா, தனியாத்தூள் சேர்த்து உப்பிட்டு நன்கு கலந்து தொடர்ந்து வேக வைக்கவும். தண்ணீர் முழுவதும் வற்றி, மசாலா கலவை நன்கு சுருண்டு கமகம என வாசனை வந்ததும், கடுகு, கறிவேப்பிலை தாளித்து இறக்கவும். இதில் கொத்துமல்லியை மேலாகத் தூவிக் கொள்ளவும். பீன்ஸ் பனீர் மசாலா தயார். எல்லா வித சாதங்களுடனும் வைத்து சாப்பிட மிகவும் சுவையாக இருக்கும். 
    குறிப்பு: பீன்ஸ், பனீரில் புரதம், தாதுப் பொருள்கள், வைட்டமின்கள் உள்ளதால் ஆரோக்கியத்திற்கும் 
    நல்லது. குறிப்பாக உடலுக்கு புரதம் நன்கு கிடைக்கும்.
    எம். கார்த்திகா, பெங்களூரு. 

    வெள்ளரி சாதம்

    தேவையானவை: 
    பச்சரிசி -1 கிண்ணம்
    வெள்ளரி துருவல்- 1/2 கிண்ணம்
    பச்சை மிளகாய் - 4
    பெருங்காயத்தூள் - 1/2 தேக்கரண்டி
    உப்பு - தேவையான அளவு
    இஞ்சி - ஒரு துண்டு
    எலுமிச்சம்பழச்சாறு - 1 மேசைகரண்டி
    மஞ்சள்தூள் - ஒரு சிட்டிகை
    கறுவேப்பிலை - சிறிதளவு
    கடுகு - 1/ 2 தேக்கரன்டி
    உளுத்தம்பருப்பு - 1/ 2 தேக்கரண்டி
    நெய் - தேவையான அளவு
    செய்முறை : முதலில் அரிசியில் உப்பு சேர்த்து உதிராக வடித்துக் கொள்ளுங்கள். பச்சை மிளகாய், இஞ்சியைப் பொடியாக நறுக்குங்கள். நெய்யைக் காயவைத்து, கடுகு, உளுத்தம்பருப்பு தாளித்து, இஞ்சி, பச்சை மிளகாய், பெருங்காயம், மஞ்சள்தூள் சேர்த்து, வெள்ளரி துருவலையும் சிறிது உப்பையும் சேர்த்து, 5 நிமிடம் வதக்கி இறக்குங்கள். அந்தக் கலவையுடன் உதிராக வடித்து வைத்துள்ள சாதம், எலுமிச்சம்பழச் சாறு சேர்த்துக் கிளறிப் பரிமாறுங்கள். சுவையான வெள்ளரி சாதம் தயார். மிகவும் சத்தானதும் கூட.

    வெஜிடபிள் ஊத்தப்பம்

    தேவையானவை:
    இட்லி மாவு - அரை கிலோ
    கேரட், முட்டை கோஸ் துருவல் - தலா 1 கிண்ணம் 
    பொடியாக நறுக்கிய வெங்காயம் - 1 கிண்ணம்
    நறுக்கிய குடமிளகாய் - 1 கிண்ணம்
    எண்ணெய், உப்பு - தேவையான அளவு.
    செய்முறை: துருவிய கேரட், முட்டைகோஸ், நறுக்கிய குடமிளகாய், வெங்காயம் எல்லாவற்றையும் வாணலியில் கொஞ்சம் எண்ணெய் விட்டு நன்றாக வதக்கவும். அத்துடன் உப்பு சேர்த்து கிளறி எடுத்து, தோசை மாவுடன் கலந்து வைக்கவும். பின்னர், அடுப்பில் தோசைக் கல்லை வைத்து சூடானதும், கலந்து வைத்துள்ள மாவை எடுத்து சிறிய தோசைகளாக வார்த்து எடுக்கவும். 
    குறிப்பு: சூடாகச் சாப்பிட்டால் சுவையாகவும் மணமாகவும் இருக்கும். இதற்கு புதினா சட்னி சிறந்த 
    காம்பினேஷன்.
    - முத்தூஸ், தொண்டி. 

    பழ சொய்யன்

    தேவையானவை:
    வாழைப்பழம் - 4
    கொய்யாப்பழம் - 2
    பலாச்சுளை - 12
    ஆப்பிள் பெரியது - 1
    சர்க்கரை - 300 கிராம்
    மைதா - 200 கிராம்
    நெய் - 4 தேக்கரண்டி
    எண்ணெய் - தேவைக்கேற்ப
    உப்பு - சிறிது 
    சோடா - 1 சிட்டிகை
    செய்முறை: அனைத்துப் பழங்களையும் நன்கு கழுவி, தோலெடுத்து, பின்பொடிப்பொடியாக, அரிந்துக் கொள்ளவும். பின் ஒரு வாணலியில் நெய்யை ஊற்றி சூடாக்கி, அதில் இந்தப் பழக் கலவைகளைப் போட்டு நன்கு வதக்கிக் கொள்ளவும். இரு நூறுகிராம் சர்க்கரையைப் பாகாக்கி, அதில் இந்தப் பழக் கலவையைப் போட்டு நன்கு கிளறவும். பின் வேறொரு வாயகன்ற பாத்திரத்தில் மீதமுள்ள சர்க்கரை, மைதா, உப்பு, சோடா எல்லாவற்றையும் சேர்த்து, பஜ்ஜி மாவு பதத்திற்கு கரைத்துக் கொள்ளவும். பின் பழப் பூரணத்தை ஒரு தட்டில் எலுமிச்சை அளவிற்கு உருட்டி வைத்துக் கொள்ளவும். வாணலியில் எண்ணெய் காய்ந்ததும், உருட்டி வைத்துள்ள உருண்டைகளை, ஒவ்வொன்றாக மைதா கலவையில் முக்கி எடுத்து எண்ணெய்யில் போடவும். அடுப்பை சிம்மில் வைக்கவும். பின் சிவந்ததும் எடுத்து ஒரு தட்டில் பரத்தவும், பழ சொய்யன் தயார்.
    - சுகந்தா ராம், சென்னை.

    கோதுமை உருண்டை

    தேவையானவை:
    கோதுமை மாவு - 1 கிண்ணம்
    நெய் - 1 1/4 கிண்ணம்
    மாவு சர்க்கரை - 1 கிண்ணம்
    (வெல்லத்தை நன்றாக பொடி செய்தும் மாற்றாக 
    கலக்கலாம்)
    பொடித்த ஏலக்காய் - 1 தேக்கரண்டி
    வறுத்த பாதாம் பருப்பு - 8
    செய்முறை: வாணலியில் கோதுமை மாவை கொட்டி வறுத்துக் கொள்ளவும். மாவு சர்க்கரை அல்லது வெல்லத்தைப் பொடியாக்கி வைத்துக் கொள்ளவும். வறுத்த கோதுமை மாவில், வெல்லத்தைக் கொட்டி, முக்கால் கிண்ணம் நெய்யை ஊற்றி நன்றாக கலக்கவும். அத்துடன் 1 தேக்கரண்டி ஏலக்காய்ப் பொடியைச் சேர்க்கவும். பாதாம் பருப்பை, தனியாக நெய்யில் வறுத்து ரெடியாக வைத்திருந்து, கலக்கவும். பிறகு கையின் மத்தியில், மாவை எடுத்து வைத்துக் கொண்டு சிறுசிறு பந்துகளாக உருட்டவும்.
    இந்த இடத்தில் ஒரு சிறு யோசனை: கோதுமை ரவையை பொடித்து வைத்துக் கொண்டு, நெய்யில் வறுத்து, உருண்டையாகப் பிடிக்கும்போது, மேலாக சேர்ப்பது உண்டு. இதனால் கோதுமை உருண்டையை கடிக்கும்போது கரகரவென தனி டேஸ்ட்டாக இருக்கும்.
    குறிப்பு: கூடுதலாக நெய் கொஞ்சம் வைத்துக் கொள்ளவும். தேவைப்பட்டால் உபயோகித்துக் கொள்ளலாம்.
    - ராஜிராதா, பெங்களூரு.


     

    ]]>
    http://www.dinamani.com/weekly-supplements/magalirmani/2018/jun/13/சமையல்-சமையல்-2938824.html
    2938821 வார இதழ்கள் மகளிர்மணி இல்லத்தரசியும் தொழில் முனைவோர் ஆகலாம்-11 DIN DIN Wednesday, June 13, 2018 11:10 AM +0530 இந்த வாரம் "நேச்சுரல் டை' (இயற்கை சாயம்) பற்றி பார்ப்போம். நேச்சுரல் டை என்பது துணிகளில் வண்ணம் மற்றும் விதவிதமான டிசைன்களால் செய்யப்படுவது. மேலும் நேச்சுரல் டை என்பது பெரிய கடல் என்றே சொல்லலாம். அதிலும் நம்மை மிகவும் வியக்க வைப்பது மகாராஷ்டிராவில் உள்ள அஜந்தா குகை ஓவியங்கள். அவை உலகப் புகழ் பெற்றதும் கூட, உலக பாரம்பரிய சின்னங்களாக உள்ள இந்த ஓவியங்கள் இயற்கை வண்ணங்களால் செய்யப்பட்டவை. 2000 ஆண்டுகளைக் கடந்தும் இதன் நிறம் இன்னும் மங்கவில்லை என்பதே இதன் சிறப்பு. மேலும், வளர்ந்த நாடுகளில் துணிகளில் அச்சிடும் கெமிக்கல் டைக்குத் தடை செய்து, நேச்சுரல் டைக்கு முக்கியத்துவம் அளிக்கிறார்கள். நாமும் நேச்சுரல் டைக்கு முக்கியத்துவம் அளிக்கலாமே நாட்டுக்கும் நல்லது, நமக்கும் நல்லதுதானே.
     ஸ்கிரீன் பிரிண்டிங்: இதற்கு தேவையான ஸ்கிரீன்கள் பல டிசைன்களில் ரெடிமேடாகவே கிடைக்கின்றன. அல்லது நமக்கு ஏதேனும் டிசைன் தேவையெனில் ஆர்டர் கொடுத்தும் செய்து கொள்ளலாம். அதில் நேச்சுரல் டை உபயோகப்படுத்தி பிரிண்டிங் செய்யலாம். இதையும் புடவை, சுடிதார், பெட்சீட், தலையனை உறை என பலவற்றிற்கும் பயன்படுத்தலாம். இதற்கு சன்மைக்கா போட்ட டேபிள் தேவைப்படும். நீங்கள் எந்தவிதமான பிரிண்டிங் செய்கிறீர்களோ அதற்கு ஏற்றாற்போல் சன்மைக்கா போட்ட டேபிள் தேவை. அதாவது புடவை என்றால் புடவை நீளத்திற்கு வீட்டில் டேபிள் இருந்தால் நல்லது. அல்லது சுடிதார், கைக்குட்டை, தலையனை உறை என்றால் சிறிய அளவு மேசை தேவைப்படும். இடவசதியும் மேசை வைக்கும் அளவு இருந்தால் போதும். இதற்கு ரூ.1000 முதலீடு இருந்தால் போதுமானது.
     டை அண்ட் டை : நேச்சுரல் டை ரெடிமேடாகவே கடைகளில் கிடைக்கும். அல்லது நாமே இதை தயார் செய்யலாம். இதைக் கொண்டு பிளைன் புடவை, துப்பட்டா, சுடிதார் என வண்ணம் தோய்க்கலாம். அல்லது வட்ட வடிவ டிசைனாகவும், அலை அலையாகவும் என பல வகைகளில் டிசைன்கள் செய்து விற்பனை செய்யலாம். நல்ல வரவேற்பு இருக்கும். இதற்கு ரூ.500 முதலீடு செய்தால் போதும்.
     பிளாக் பிரிண்டிங்: இதற்கு தேவையான பிளாக்குகள் ரெடிமேடாகவே பல டிசைன்களில் கடைகளில் கிடைக்கின்றன. அல்லது உருளைக் கிழங்கு, பீட்ரூட், வெங்காயம் போன்றவற்றை வைத்தும் பிளாக்காக உபயோகப்படுத்தலாம். இதற்கு பிளீச்சிங் போடாத காட்டன் துணிகளை வாங்கி பிளாக் பிரிண்ட் செய்து, சுடிதார், நைட்டி, புடவை போன்றவற்றை உருவாக்கலாம். மேலும், பெட்ஷீட், தலையனை உறை, ஸ்கிரீன் என பலவற்றிலும் உபயோகப்படுத்தலாம். கெமிக்கல் டை என்றால் பளீச் என்று இருக்கும். நேச்சுரல் டை என்றால் சற்று டல்லாகத்தான் தோற்றமளிக்கும்.
     கலம்காரி: கலம்காரி டிசைன் என்பது ஆந்திராவில் மிகவும் பிரபலமானது. தற்பொழுது கலம்காரி டிசைன்கள் இளம் பெண்களிடையே அதிகவரவேற்பு பெற்று வருகிறது. இதற்கு பாலில் கடுக்காய்ப் பொடிப் போட்டு துணிகளை ஊற வைத்து பின் காயவிட்டு மடித்து வெயிலில் வைத்து அதன்பிறகு அதில் கையால் வரைவது தான் கலம்காரி டிசைன். இதுவே தற்போது அச்சு வழியாகவும் செய்யப்படுகிறது. இதில் வார்லி ஆர்ட்ஸ், பேப்ரிக் பெயிண்டிங், மதுபானி என நிறைய வகைகளைச் சொல்லிக் கொண்டே போகலாம். உங்களுக்கு எது பிடித்து உள்ளதோ அதை தேர்வு செய்து வீட்டில் இருந்தபடியே செய்யலாம். நல்ல வரவேற்பும், கனிசமான வருமானமும் கிடைக்கும்.
     - ஸ்ரீ
     
     
     

    ]]>
    http://images.dinamani.com/uploads/user/imagelibrary/2018/6/13/w600X390/mm15.jpg http://www.dinamani.com/weekly-supplements/magalirmani/2018/jun/13/இல்லத்தரசியும்-தொழில்-முனைவோர்-ஆகலாம்-11-2938821.html
    2938820 வார இதழ்கள் மகளிர்மணி கர்ப்பகால நீரிழிவுக்குக்கான உணவுமுறைகள்! DIN DIN Wednesday, June 13, 2018 11:09 AM +0530 "என்ன இப்படி இளச்சிட்டீங்க? ஷுகர் இருக்கா?' முப்பது வயசுதான் ஆகுது... அதுக்குள்ளயே தலமுடியெல்லாம் நரச்சி வயசான ஆளு மாதிரி இருக்குறான்.. ஷுகர் ஏதாச்சும் வந்துடுச்சா? "சாப்பாடு கொஞ்சமாதான் சாப்பிட்டீங்க? போதுமா? என்ன ஏதாச்சும் டயட் கன்ட்ரோல்ல இருக்கீங்களா? இல்ல, சக்கர நோயா?' எங்கே சென்றாலும், இப்படி அன்றாட வேலைகள், உணவுப்பழக்கம் போன்றவற்றில் பல சந்தேகங்களைப் புகுத்திப் பாடாய் படுத்தும் சர்க்கரை நோயைக்கண்டும், தனக்கும் வந்துவிடுமோ என்று பயத்துடனும்தான் பலர் வாழ்க்கையை ஓட்டிக் கொண்டிருக்கிறார்கள். 
    சர்க்கரை நோய் எனப்படும் நீரிழிவு நோயைப் பற்றிய பல தகவல்களை பல்வேறு வகையான ஊடகங்களின் வாயிலாகவும், ஏற்கெனவே நீரிழிவு நோயாளிகளாக இருப்பவர்கள், நண்பர்கள்; மூலமாகவும் தினம் தினம் அனைவரும் கேட்டுக் கொண்டிருப்பதால், முதல் நிலை மற்றும் இரண்டாம் நிலை நீரிழிவு பற்றிய புரிதல் சற்று அதிகமாகவே இருக்கிறது. 
    ஆனால், கர்ப்பகாலத்தில் பெண்களுக்கு ஏற்படும் திடீர் சிக்கலான கர்ப்பகால நீரிழிவு பற்றியும், அதற்கான உணவுமுறை பற்றியும் முழுமையான தெளிவு பெண்களுக்கு போதுமான அளவில் இல்லை என்றே எண்ணவைக்கிறது அதிகரித்து வரும் தற்போதைய புள்ளிவிவரங்கள். 
    இந்தியாவில் வெவ்வேறு இடங்களில், புவியமைப்பைச் சார்ந்து 3.8 % முதல் 21% வரை கர்ப்பகால நீரிழிவு நோய் பரவியுள்ளதாக சமீபத்திய புள்ளிவிவரம் தெரிவிக்கிறது. 
    சென்னையில் 16.2 சதவிகிதமும், ஈரோட்டில் 18.8 சதவிகிதமாகவும் இருக்கிறது. இந்தியர்களிடமிருந்து முற்றிலும் மாறுபட்ட வாழ்க்கை முறையையும், உணவுப் பழக்கத்தையும் பின்பற்றும் அமெரிக்காவில், வருடத்திற்கு 1,00,000 பெண்கள் கர்ப்பகால நீரிழிவால் அவதிப்படுவதாக ஆய்வுகள் கூறுகின்றன. 
    நீரிழிவு நோய் எப்படி வருகிறது?
    கணையம் எனப்படுகின்ற உறுப்பானது, பீட்டா செல்களின் மூலம் இன்சுலின் என்ற ஹார்மோனை சுரக்கிறது. இந்த இன்சுலின் சுரப்பானது, ஒருவரின் உடலிலுள்ள சர்க்கரையை ஆற்றலாக மாற்றி உடலுக்கும் அன்றாட வேலைகளுக்கும் தேவையான சக்தியை உருவாக்கித்தருகிறது. இதனால் சர்க்கரையின் அளவு இரத்தத்தில் அதிகரிப்பது தவிர்க்கப்பட்டு ஒரு சராசரி நிலையில் வைக்கப்படுகிறது. 
    இவ்வாறு சுரக்கப்படுகிற இன்சுலின் அளவு குறைவதாலோ அல்லது சுரக்கப்பட்ட இன்சுலின் வீரியம் இல்லாமலும் மற்றும் சரியாக பயன்படுத்த முடியாத ஒரு நிலை உடலுக்கு வருவதாலோ, இரத்தத்தில் சர்க்கரையின் அளவு கட்டுப்பாட்டிற்குள் இல்லாமல் அதிகமாகி விடுகிறது. இதனால், புரதம் மற்றும் கொழுப்பு போன்ற பிற சத்துக்களின் செயல்பாடுகளில் மாற்றம் ஏற்பட்டு பல்வேறு விதமான உடல் நலக் கோளாறுகள் ஏற்படுகின்றன. 
    இந்த நிலையே சர்க்கரை வியாதி அல்லது நீரிழிவு நோய் அல்லது மதுமேகம் என்றழைக்கப்படுகிறது. 
    கர்ப்பகால நீரிழிவு 
    கர்ப்பகாலம் என்பது, அதிகளவு இன்சுலினை வெளியிடுவதாகவும் அதே சமயம் எதிர் இன்சுலின் ஹார்மோன்களான ஈஸ்ட்ரோஜன், புரோஜஸ்ட்ரான், பிளாசன்ட்டாவின் லாக்டோஜன், கார்டிசோன் மற்றும் வளர்ச்சியைத் தூண்டும் ஹார்மோன் போன்றவைகளின் செயல்பாட்டால், குறைந்த அளவு இன்சுலின் தாங்குதிறன் அல்லது செயல்திறன் கொண்ட நிலையாகவும் இருக்கிறது. கர்ப்பகாலத்தில் நீரிழிவு ஏற்படுவதற்கு, அப்பெண்ணின் முன்கர்ப்பகால ஆரோக்கியம், பணிச்சூழல், உணவுமுறை, சமூக மற்றும் பொருளாதார நிலை ஆகியவையும் காரணங்களாகின்றன. கர்ப்பகால நீரிழிவு நோய் உள்ள பெண்கள், பிரசவத்திற்குப் பிறகு இன்சுலின் சுரப்பு சீரடைந்து, இரத்தத்தில் சர்க்கரை அளவு இயல்பு நிலைக்குத் திரும்பினாலும், பின்னாளில், இரண்டாம் நிலை (TYPE 2) நீரிழிவுக்கான வாய்ப்புகள் சற்று அதிகம்தான். 
    பொதுவாக கர்ப்பிணி பெண்களின் உடல் எடை 10 கிலோ முதல் 12 கிலோ வரையில், குறிப்பாக 20 வாரங்களுக்குப்பிறகு அதிகரிக்கும். இதற்குக் காரணம், குழந்தையின் வளர்ச்சி, உடலின் கொழுப்பு, தாய்ப்பால் சுரப்பிற்கு இயற்கையாகவே பெண்களின் உடலில் ஏற்படும் மாற்றங்கள் ஆகியவற்றைப் பொருத்ததாகும். 
    கர்ப்பிணி பெண்களுக்கு, எந்த மாதத்திலும் நீரிழிவு நோய்க்கு வாய்ப்புகள் இருந்தாலும், 7, 8, 9 மாதங்களில் ஏற்படும் நீரிழிவானது, உடல் எடை அதிகமான பெரிய குழந்தைகளை பிரசவிக்கும் நிலை இருப்பதாக ஆய்வுகள் கூறுகின்றன. குறிப்பாக 35 வயதிற்குமேல் நீரிழிவு வரும் வாய்ப்புகள் 2% முதல் 7% வரை அதிகரிக்கிறது. பெண்கள் கருவுற்றிருக்கும்போது ஏற்படும் நீரிழிவு நோயானது, குழந்தை பிறப்பு வரை சில சிக்கல்களை ஏற்படுத்துகிறது.
    25 வயதிற்கும் குறைவான பெண்களாகவும், எந்தவிதமான ஆபத்து காரணிகளும் (RISK FACTORS) இல்லாமல் இருந்தாலும் கர்ப்பகால நீரிழிவு பரிசோதனை தேவையா என்று கேட்டுக்கொண்டிருக்கும் பலர் இருந்தாலும், கர்ப்பகாலத்தில் செய்யும் முறையான பரிசோதனைகள், நீரிழிவு, அதிக இரத்த அழுத்தம், தைராய்டு நோய்கள், மரபணு சார்ந்த குறைபாடுகள் ஆகியவற்றை முன்கூட்டியே கண்டுபிடித்து, சரியான மருத்துவம் அளித்தால்தான், தாய், சேய் இருவரையும் ஆரோக்கியமாக வைத்திருக்கமுடியும் என்பதுதான் மருத்துவர்களின் கருத்து. 
    கர்ப்பகால நீரிழிவு நோயை தொடக்கத்திலேயே கண்டுபிடித்து முறையான சிகிச்சையளிக்கத் தவறினால், அறுவை சிகிச்சை மூலம் பிரசவம், குழந்தைக்கு காயங்கள் ஏற்படுதல், குழந்தை இறந்து பிறத்தல் போன்றவைகள் நிகழும் அபாயம் இருக்கிறது. 
    கர்ப்பிணிப்பெண்கள், தனக்கு நீரிழிவு வந்துவிட்டதை எண்ணி கவலைப்படுவதால், மனதளவிலும் உடலளவிலும் பாதிக்கப்பட்டு, அவர்களின் ஆரோக்கியமும், உள்ளிருக்கும் குழந்தையின் ஆரோக்கியமும் சீர்குலைகிறது. மாறாக, நீரிழிவு வந்துவிட்டபின், சரியான உணவுமுறை, அவற்றை எவ்வாறு பின்பற்றுவது என்பதுபற்றி உணவியல் வல்லுநர்களிடம் ஆலோசனைகளைப் பெற்று அதன்படி செயல்படுவதுதான் நல்லது. 
    கர்ப்பகால நீரிழிவு உடைய பெண்கள் பின்பற்ற வேண்டிய ஒருநாளைக்குரிய உணவுப்பட்டியல் கீழே கொடுக்கப்பட்டுள்ளது. இந்த மாதிரி உணவுப்பட்டியலை அடிப்படையாக வைத்துக்கொண்டு தங்களது அன்றாட உணவுப்பபட்டியலை சற்றே மாற்றிக்கொள்ளலாம். 
    கர்ப்பகால நீரிழிவுள்ள பெண்களுக்கான ஒருநாள் மாதிரி உணவுப்பட்டியல்
    காலை 6.00 மணி - பலதானிய சத்துமாவு கஞ்சி (1 டம்ளர் 150மி.லி)
    காலை 8.00 மணி - கேழ்வரகு தோசை (அ) சப்பாத்தி (3) புதினா சட்னி (2 தேக்கரண்டி )
    முற்பகல் 11.00 மணி - காய்கறி கலந்த சூப்(1 கப்)
    நண்பகல் 1.00 மணி - சாதம் (1 கப்) பொண்ணாங் 
    கன்னி கீரைச் சாம்பார் 
    (1 கப்) கொத்தவரங்காய் 
    பொரியல் (1 கப்), பூண்டு 
    ரசம், தயிர் (50 மி.லி) 
    மாலை 4.00 மணி - சர்க்கரை இல்லாத பால் 
    (150 மி.லி) கொண்டை 
    கடலை சுண்டல் (1 கப்)
    இரவு 8.00 மணி - இட்லி (அ) தோசை (அ) 
    சோள உப்புமா, வெங்காய 
    சட்னி (2 தேக்கரண்டி)
    இரவு 10.00 மணி - சர்க்கரை இல்லாத பால்; 
    (150 மி.லி) கொய்யாப்
    பழம் (1)
    அதிகம் சேர்த்துக்கொள்ள வேண்டியவைகள்:
    கீரைகள், காய்கள் (குறிப்பாக பந்தல் வகை காய்கள்), வெந்தயம், சீரகம், சோம்பு, மஞ்சள், சுக்கு, திப்பிலி ஆகியவை அதிகமான நார்ச்சத்து உள்ளவை. 
    குறைந்த அளவில் எடுத்துக்கொள்ள வேண்டியவைகள்
    தானியங்கள், பருப்புகள், கிழங்கு வகைகள், பால் பொருட்கள், பழங்கள், இறைச்சி உணவுகள், முட்டை.
    தவிர்க்க வேண்டிய உணவுகள்
    சர்க்கரை, மைதா, தேன், பழ ஜாம், ஜெல்லி, கேக் வகைகள், செயற்கை பானங்கள், பதப்படுத்தப்பட்ட உணவுகள்
    - ப. வண்டார்குழலி இராஜசேகர், 
    உணவியல் நிபுணர், 
    இந்திராகாந்தி அரசு பொது மருத்துவமனை மற்றும் ஆராய்ச்சி நிலையம், புதுச்சேரி.


     

    ]]>
    http://images.dinamani.com/uploads/user/imagelibrary/2018/6/13/w600X390/mm14.jpg http://www.dinamani.com/weekly-supplements/magalirmani/2018/jun/13/கர்ப்பகால-நீரிழிவுக்குக்கான-உணவுமுறைகள்-2938820.html
    2938819 வார இதழ்கள் மகளிர்மணி இயற்கை விவசாயத்தில் எல்லை தாண்டியும் வெற்றி பெறலாம்! DIN DIN Wednesday, June 13, 2018 11:04 AM +0530 இயற்கை விவசாயம் சார்ந்த உணவுப் பொருள்களை தென் தமிழகத்தில் முதன் முதலாகத் தொடங்கி தொழில் முனைவராக உயர்ந்திருப்பவர் மதுரையைச் சேர்ந்த கவிதா செந்தில் குமார். "வணிகத்திலும் பெண்கள்' வெற்றிகரமாக செயல்படலாம்' என்று நிரூபித்திருப்பவர் இவர். "ஆர்கானிக் கோல்டு' என்னும் பெயரில் பத்தாண்டுகளாக பலவகை அரிசிகளில் தொடங்கி மரச்செக்கு எண்ணெய் வகைகள், மளிகைப் பொருள்கள், தேன், பருப்பு சிறுதானியங்களை எளிதாக சமைக்கும் விதத்தில் ரவை, மாவு, களி மிக்ஸ் தயாரித்து விற்பனை செய்து வரும் கவிதா, மதுரை நகரத்தையும் தாண்டி அகில இந்திய எல்லையையும் தாண்டி வெளிநாடுகளுக்கும் உணவுப் பொருள்களை ஏற்றுமதி செய்து வருகிறார். கவிதா தனது தொழில் அனுபவங்களைப் பகிர்கிறார்: 
    "எனது பலமே கிராமப்புறம் தான். எனது சொந்த ஊர் காரைக்குடி பக்கம் உள்ள ஒரு கிராமம். அப்பா விவசாயி. அதனால் எனக்கும் சிறுவயதிலிருந்தே வேளாண்மையில் ஆர்வம் இருந்தது. ரசாயன உரம், பூச்சிக்கொல்லி மருந்துகளால் மக்களின் வாழ்க்கை மட்டுமல்ல விலை நிலங்களும் வெகுவாகப் பாதிக்கப்பட்டிருக்கின்றன என்கிற விழிப்புணர்வு உழவர்கள் மத்தியிலும், மக்களிடையேயும் வந்துள்ளது. எனக்கும் இயற்கை விவசாயம் குறித்து போதுமான புரிதல் இருந்ததால் அதையே எனது வியாபார தளமாக்கிக் கொண்டேன். மக்களின் உடல்நலத்திற்கு கேடு விளைவிக்காத சத்துக்கள், விட்டமின்கள், தாதுக்கள் தரும் இயற்கை விவசாயத்தில் விளையும் உணவுப் பொருள்களை விற்கிறேன் என்ற திருப்தி தற்போது எனக்கு கிடைத்திருக்கிறது. அதனால் இந்தத் தொழிலை வெகுவாக நேசிக்கிறேன். 
    மதுரை சுற்று வட்டாரத்தில் இயற்கை வேளாண்மையில் ஈடுபட்டிருக்கும் விவசாயிகளை சந்தித்தேன். அங்கே வயலில் இயற்கை விவசாயம்தான் நடைபெறுகிறது என்பதை உறுதி செய்து கொண்டு, தரக் கட்டுப்பாடு அலுவலகத்தில் சான்றிதழ்களையும் பெற்று பொருள்களை விற்று வருகிறேன். இடையிடையே வயல்கள், தோப்புகள், தோட்டங்களுக்குச் சென்று இயற்கை உரம் போடப்படுகிறதா. இயற்கை பூச்சி மருந்துகள் அடிக்கப் படுகின்றனவா என்று கள ஆய்வு செய்வதை விட்டுவிடவில்லை. 
    ரசாயன உரங்கள் போடப்பட்டிருக்கும் வயல்களின் தன்மை, குணம், சத்து மாறியிருக்கும். இயற்கை உரம் போடத் தொடங்கினாலும், மண் பழைய இயற்கைத் தன்மையை மீட்டெடுக்க குறைந்தது நான்கு ஆண்டுகளாவது பிடிக்கும். அந்த நான்கு ஆண்டுகளில், நாற்று, செடி, கொடி, மரங்களுக்கு இயற்கை உரம் போட்டாலும், முன்பு போட்ட ரசாயன உரத்தின் தாக்கம் மண்ணில் இருக்கத்தான் செய்யும். விளையும் காய்கறிகளும் கொஞ்சம் நோஞ்சானாகத்தான் இருக்கும். மக்களும் வாங்கத் தயங்குவார்கள். அதனால் விவசாயிக்குத் தொடக்கத்தில் நஷ்டம் ஏற்படும். இயற்கை உரம் போடத் தொடங்கி நான்கைந்து ஆண்டுகள் முடியும் போது மண் வளம் புதுப்பிக்கப்பட்டு நல்ல விளைச்சல் கிடைக்கும். இயற்கை முறையில் விளைவிக்கப்படும் உணவுப் பொருள்களுக்கு தேவையான சந்தையும், நியாயமான விலையும் கிடைக்கிறது. முறையான வணிகம் நடத்த முடிகிறது. அதனால் விளைவிப்பவர்களுக்கும், விற்பவர்களும் போதுமான வருமானம் உறுதி செய்யப்படுகிறது. 
    தொடக்கத்தில் சிரமத்தை அனுபவித்தேன். இயற்கை விவசாயத்தில் விளைவிக்கப்பட்ட காய்கறிகள், கீரைகள் வைத்து வியாபாரத்தை சிறிதாகத் தொடங்கினேன். வியாபாரம் சூடு பிடித்ததும், அரிசி, பருப்பு, சிறுதானிய உணவுப் பொருட்கள் விற்பனையை ஆரம்பித்தோம். சமையலுக்குத் தயார் (ready   to  cook)நிலையில் இருக்கும் உணவு வகைகளையும் அறிமுகம் செய்தேன். விற்பனை பொருள்களுக்கு "அறுவடை', "திருவிழா' போன்ற சொற்களை அடைமொழியாக வைத்து விற்கிறேன். 
    வியாபாரத்தில் ஆர்வம் உள்ள பெண்களுக்கு அவர்கள் வாழும் பேரூர்களில் "ஃபிராஞ்சைஸ்' முறையில் விற்பனை நிலையங்கள் தொடங்க ஆவன செய்து வருகிறேன். பெண்களுக்கு தொழில் வாய்ப்பு தொடர்பான கருத்தரங்கு, பட்டறைகளில் எனது வியாபார வெற்றி குறித்துப் பேசி பெண்களை ஊக்குவித்து வருகிறேன். இயற்கை விவசாயம் எவ்வளவு முக்கியமானது. அவசியமானது என்பதையும் அந்த தருணங்களில் வலியுறுத்தி வருகிறேன். உழவர்கள் - விற்பனையாளர்கள் - நுகர்வோர் என்று எனது வியாபாரம் விரிந்து வருகிறது. 
    இந்தியாவில், பதினேழு மாநிலங்களில் இயற்கை விவசாயம் செய்யும் சுமார் மூவாயிரம் சிறு, குறு விவசாயிகளிடமிருந்து விளை பொருள்கள் வாங்குகிறேன். உற்பத்தியாளர்கள் கேட்கும் நியாமான விலையைத் தந்துவிடுவதால், தரமான பொருள்கள் கிடைக்கின்றன. கலப்படம் ஏதும் நிகழ்வதில்லை. இயற்கை உணவுப் பொருள்களில் மக்களின் தேவைகளை உரிய முறையில் அ முதல் ஃ வரை நிறைவேற்ற எங்களால் முடிகிறது. பலருக்கும் வேலை வாய்ப்புகள் ஏற்படுத்திக் கொடுத்திருக்கிறோம். இயற்கை விவசாயத்தில் விளையும் பொருள்கள் என்று உத்திரவாதம் கொடுப்பதால், வளைகுடா, ஐரோப்பிய நாடுகளிலும் எனது பொருள்கள் விற்பனையாகின்றன. ஆன்லைன் விற்பனையும் இருக்கிறது. தரம் இருக்கும் பட்சத்தில், வாடிக்கையாளர்கள் உணவுப் பொருள்களை விரும்பி வாங்குகின்றனர். இது நான் என் அனுபவத்தில் படித்த பாடம். 
    எனது தொழிலின் அடுத்த திருப்பமாக தொடங்கியதுதான் "பாரம்பரிய விருந்தகம்'. அறுபது வகையான உணவு வகைகளை காரைக்குடி சமையல் முறையில் தயார் செய்து ஆர்டர்களின் அடிப்படையில் சமைத்து வழங்கி வருகிறோம். இந்தப் பிரிவை ஆரம்பித்து ஓர் ஆண்டு ஆகிறது. உணவுப் பொருள்களைச் சந்தைப்படுத்தும் வேலைகளை கணவர் கவனித்துக் கொள்கிறார்'' என்கிறார் கவிதா செந்தில்குமார்.
    - பிஸ்மி பரிணாமன்


     

    ]]>
    http://images.dinamani.com/uploads/user/imagelibrary/2018/6/13/w600X390/mm13.jpg http://www.dinamani.com/weekly-supplements/magalirmani/2018/jun/13/இயற்கை-விவசாயத்தில்-எல்லை-தாண்டியும்-வெற்றி-பெறலாம்-2938819.html
    2938817 வார இதழ்கள் மகளிர்மணி முகப்பரு நீங்கி முகம் பொலிவு பெற! DIN DIN Wednesday, June 13, 2018 10:53 AM +0530 • முகத்தில் பரு வந்து காய்ந்து போனால் முகத்தில் திட்டு திட்டாக, கருமை நிறத்துடன் முகம் பொலிவிழந்து காணப்படும். அதற்கு ஜாதிக்காயை நீரில் ஊறவைத்து அரைத்துக் கொண்டு அதனுடன் சந்தனத் தூளைக் கலந்து, முகப்பரு தழும்புகளின் மீது தடவி வர முகப்பருக்கள் நீங்கி முகம் பொலிவு பெறும்.
    • இரண்டு ஸ்பூன் புதினா சாற்றுடன், ஒரு ஸ்பூன் பயிற்ற மாவைக் கலந்து முகப்பரு தழும்புகளின் மீது பூசிவர முகப்பரு தழும்புகள் நீங்கி முகம் பளிச்சிடும்.
    • பாதாம் பருப்பை ஊறவைத்து பாலுடன் சேர்த்து நன்றாக அரைத்து விழுது போன்று ஆக்கி, இந்த பேஸ்ட்டை முகத்தில் பூசி வர முகப்பருவினால் ஏற்பட்ட தழும்புகள் மறைந்து முகம் பளிச்சிடும். 
    • கடலை மாவு, பாசி பயறு இரண்டையும் அரைத்து வைத்து கொண்டு தினமும் காலையில் குளிக்கப் போகும் முன் ஒரு கைப்பிடி மாவை எடுத்து நீரில் குழைத்து முகத்தில் தடவி, அரைமணி நேரம் ஊறிய பிறகு குளித்துவிடுங்கள். தொடர்ந்து இரண்டு வாரங்கள் இது போன்று செய்து வந்தாலே முகத்தில் உள்ள தழும்புகள் மறைந்து முகம் பளபளப்பாவதை உங்களால் உணரமுடியும். 
    • நாம் அன்றாடம் பயன்படுத்தும் பால் ஒரு நல்ல இயற்கை க்ளென்சராகும் (CLEANSER). குளிர்ந்த பாலில் பஞ்சை நனைத்து முகத்தில் தடவி சிறிது நேரம் வைத்திருந்து பின் முகத்தை கழுவி விட . இது ஒரு சிறந்த கிளென்சிங் ஆகும்.
    • இளநீரும் ஒரு மிகச்சிறந்த கிளென்சிங் பொருள். எனவே தேங்காய் தண்ணீரை வீணாக்காமல் அவற்றை முகத்தில் தடவி வர முகம் பளிச்சிடும். 
    • சிலருக்கு முகத்தில், மூக்கில், கண்ணங்கள் என கருப்பு நிற திட்டுகள் காணப்படும். இதை கிராமப்புறத்தில் "மங்கு' என குறிப்பிடுவார்கள். இவற்றைப் போக்க, ஜாதிக்காய், சந்தனம், வேப்பங்கொழுந்து ஆகியவற்றை நீரில் கலந்து நன்றாக அரைத்துக் கொள்ளுங்கள். அரைத்த சாந்தை முகத்தில் உள்ள கருப்பு திட்டுகள் மீது தடவுங்கள். வாரத்திற்கு ஒருமுறை இவ்வாறு செய்து வந்தால் முகத்தில் உள்ள கருந்திட்டு மறைந்துவிடும்; முகமும் பொலிவு பெறும். 
    -எஸ். சரோஜா
     

    ]]>
    http://images.dinamani.com/uploads/user/imagelibrary/2018/6/13/w600X390/mm12.jpg http://www.dinamani.com/weekly-supplements/magalirmani/2018/jun/13/முகப்பரு-நீங்கி-முகம்-பொலிவு-பெற-2938817.html
    2938816 வார இதழ்கள் மகளிர்மணி ரம்யாவின் அடுத்த தூள் பாடல்...! DIN DIN Wednesday, June 13, 2018 10:51 AM +0530 மலையாளம் தமிழ் படங்களில் நடிக்கும் ரம்யா நம்பீசன் மலையாளப் பாடல்களை பாடி பிரபலம் அடைந்தார். தமிழில் "பாண்டிய நாடு' படத்தில் "ஃபை ஃபை ஃபை' பாடலைப் பாடி தமிழ்நாடு, கேரளத்தைக் கலக்கினார். கொஞ்சம் இடைவெளி விட்டு ரம்யா மீண்டும் தமிழில் பாடுகிறார். "நட்புன்னா என்ன தெரியுமா" என்ற படத்திற்காக பாடியிருக்கும் ரம்யா, "அருவா சண்டை' படத்திலும் பாடுகிறார். பொதுவாக ரம்யா குத்துப் பாடல் பாடுவார். இப்போது தனது பாதையை மாற்றிக் கொண்டு இதயத்தை வருடும் கிராமப்புற மெலடியைத் தொட்டிருக்கிறார். "சிட்டு சிட்டு குருவி.." என்று தொடங்கும் அந்தப் பாடலை வைரமுத்து எழுதியுள்ளார்.
     -பனுஜா

    ]]>
    http://images.dinamani.com/uploads/user/imagelibrary/2018/6/13/w600X390/mm11.jpg http://www.dinamani.com/weekly-supplements/magalirmani/2018/jun/13/ரம்யாவின்-அடுத்த-தூள்-பாடல்-2938816.html
    2938815 வார இதழ்கள் மகளிர்மணி நேரு பாராட்டிய பெண் DIN DIN Wednesday, June 13, 2018 10:50 AM +0530 தேசிய காங்கிரஸ் கூட்டம் 1922-ஆம் ஆண்டு காகிநாடாவில் நடைபெற்றது. அதையொட்டி பொருட்காட்சி ஏற்பாடு செய்யப்பட்டது. அதன் வாசலில் துர்கா கேட் கீப்பராக நின்றாள். டிக்கெட் இல்லாமல் யாரையும் உள்ளே அனுமதிக்கக் கூடாது என்பது சிறுமிக்கு இட்ட உத்தரவு.
     ஜவஹர்லால் நேரு அப்போது பொருட்காட்சியைப் பார்க்க வந்தார். வாசலில் நின்றிருந்த சிறுமி, அவரை உள்ளே அனுமதிக்கவில்லை. "இரண்டணா கொடுத்து டிக்கெட் வாங்குங்கள்'' என்றாள் சிறுமி. அந்த நேரம் பணமில்லாமல் நேரு விழிக்க, தூரத்தில் இருந்த சில தொண்டர்கள் ஓடி வந்தார்கள். சிறுமியைப் பார்த்து "அவர் யார் தெரியுமா?'' என்று மிரட்டினர்.
     "ஓ.. தெரியுமே' என்றாள். "அவரை நிறுத்தலாமா?'' என்று கேட்டனர். "நீங்கள்தானே யாரையும் டிக்கெட் இல்லாமல் அனுப்பக் கூடாது என்றீர்கள்.. அதன்படியே செய்தேன்'' என்றார்.
     உடனே நேரு, "அந்தச் சிறுமியின் செயல் சரியானதுதான் நாமே சில விதிகளை உண்டாக்கிவிட்டு, அதை மீறக்கூடாது, இந்தச் சிறுமியைப் போன்ற பெண்கள்தான் தற்போது நம் நாட்டிற்குத் தேவை'' என்றார். அந்தச் சிறுமிதான், சுதந்திரப் போராட்ட வரலாற்றில் இடம்பெற்ற துர்காபாய் தேஷ்முக்.
     - டி.எஸ்.பாலு

    ]]>
    http://images.dinamani.com/uploads/user/imagelibrary/2018/6/13/w600X390/mm9.jpg http://www.dinamani.com/weekly-supplements/magalirmani/2018/jun/13/நேரு-பாராட்டிய-பெண்-2938815.html
    2938814 வார இதழ்கள் மகளிர்மணி நெதர்லாந்து நாட்டில் நிருத்யோத்சவ் நடனவிழா DIN DIN Wednesday, June 13, 2018 10:49 AM +0530 நெதர்லாந்து நாட்டில் வாழும் இந்தியர்கள் சார்பில் "நிருத்யோத்சவ்' என்ற நடனவிழா மிகச் சிறப்பாக டென் ஹாகில் கொண்டாடப்பட்டது. இங்கு வாழும் இந்திய குழந்தைகளிடையே நம் நாட்டின் பாரம்பரிய நடனங்கள் கற்றுத் தேர்வதை ஊக்குவிக்கும் வகையில் இந்த விழா நடத்தப்படுவது குறிப்பிடத்தக்கது. இதில் இந்தியாவின் அனைத்து பகுதிகளையும் சார்ந்த மக்கள், ஏராளமான தமிழர்கள் உட்பட, சிறப்பாக பங்கேற்றனர். ஆடல் பாடல் நாட்டியம் என பல்வேறு கலை நிகழ்ச்சிகளின் முத்தாய்ப்பாக "லயா நடனப்பள்ளி' மாணவிகளின் பரதநாட்டிய நிகழ்ச்சி அமைந்தது.
     கடந்த 4 ஆண்டுகளாக நெதர்லாந்தில் இந்த நடனப்பள்ளியை நடத்தி இங்கு வளரும் இந்திய பிள்ளைகளுக்கு நம் பாரம்பரிய நடனக் கலையை கற்றுத் தருகிறார் வைஜெயந்தி பஞ்சாபகேசன். இவர் பாரம்பரியம் மிக்க கலை குடும்ப வாரிசு ஆவார். இவரது தாத்தா வயலின் வித்வான் கலைமாமணி கிருஷ்ணமூர்த்தி, இவரது கொள்ளுப்பாட்டி திருவில்லிப்புத்தூர் கல்யாணி அம்மாள் ஆவார். இவரிடம் சீரிய பயிற்சி பெற்ற எனது மகள் ஐஸ்வர்யலட்சுமியும் இந்த விழாவில் பங்கேற்று சிறப்பாக நடனமாடி அனைவரையும் மகிழ்வித்தது, எனக்கு ஒரு தாயாக மனநிறைவை தந்தது.
     - ஜெயந்தி பழனியப்பன்
     

    ]]>
    http://images.dinamani.com/uploads/user/imagelibrary/2018/6/13/w600X390/mm8.jpg http://www.dinamani.com/weekly-supplements/magalirmani/2018/jun/13/நெதர்லாந்து-நாட்டில்-நிருத்யோத்சவ்-நடனவிழா-2938814.html
    2938812 வார இதழ்கள் மகளிர்மணி வேதிகாவுக்கு இந்தி பட வாய்ப்பு DIN DIN Wednesday, June 13, 2018 10:48 AM +0530 "காவியத் தலைவன்' , "பரதேசி' போன்ற படங்களில் நடித்த வேதிகா தற்போது ராகவா லாரன்ஸ் இயக்கத்தில் தயாராகும் காமெடி கலந்த திகில் படமான காஞ்சனா -3 இல் நடித்து வருகிறார். இப்போது இவருக்கு பாலிவுட்டில் தயாராகும் இம்ரான் ஹாஷ்மியின் "தி பாடி' என்ற படத்தில் கல்லூரி செல்லும் இளம் வெகுளிப் பெண்ணாக நடிக்க வாய்ப்பு கிடைத்துள்ளது. இதுவும் சஸ்பென்ஸ் திரில்லர் படமாம்.
     -அருண்

    ]]>
    http://images.dinamani.com/uploads/user/imagelibrary/2018/6/13/w600X390/mm7.jpg http://www.dinamani.com/weekly-supplements/magalirmani/2018/jun/13/வேதிகாவுக்கு-இந்தி-பட-வாய்ப்பு-2938812.html
    2938811 வார இதழ்கள் மகளிர்மணி கீர்த்தி சுரேஷுக்கு புதுப்பட வாய்ப்புகள் DIN DIN Wednesday, June 13, 2018 10:47 AM +0530 இருபதாண்டுகள் ரசிகர்கள் மனதில் நீங்காத இடத்தைப் பிடித்திருந்த மறைந்த நடிகை சாவித்திரியின் வரலாறு "நடிகையர் திலகம்' ( தமிழ்) மற்றும் "மகாநதி' (தெலுங்கு) என்ற பெயர்களில் திரைப்படமாக வெளிவந்தது. இதில் சாவித்திரியாக நடித்த கீர்த்தி சுரேஷூக்கு நல்ல புகழ் கிடைத்திருப்பதால் கீர்த்தி மகிழ்ச்சியில் உள்ளார். தெலுங்கில் வெளியான மகாநதி அமெரிக்காவில் மட்டும் 2 மில்லியன் டாலர் வசூலை பெற்றிருப்பதால், புதிய பட வாய்ப்புகள் கீர்த்தி சுரேஷை தேடி வரத் தொடங்கியுள்ளது.

    ]]>
    http://images.dinamani.com/uploads/user/imagelibrary/2018/6/13/w600X390/mm6.jpg http://www.dinamani.com/weekly-supplements/magalirmani/2018/jun/13/கீர்த்தி-சுரேஷுக்கு-புதுப்பட-வாய்ப்புகள்-2938811.html
    2938807 வார இதழ்கள் மகளிர்மணி பர்தா பாக்ஸராக நடிக்கும் டிஸ்கா சோப்ரா Wednesday, June 13, 2018 10:46 AM +0530 கொல்கத்தா குடிசைப் பகுதிகளில் வசிக்கும் ஏழைப் பெண்கள், வறுமையிலிருந்து தங்களை காப்பாற்றிக் கொள்ள, பர்தா அணிந்து பாக்சிங் கற்றுக் கொள்வதுண்டு. சண்டையின் போது காயமடைந்தால் மருத்துவ உதவியோ, கையுறைகளையோ அளிப்பதில்லை. இதை அடிப்படையாக வைத்து தயாரிக்கப்படும் "பயோஸ்கோப் வாலா' என்ற படத்தில் "தாரே ஜமீன்பர்', "காயல் ஒன்ஸ் அகெய்ன்' போன்ற படங்களில் நடித்த டிஸ்கா சோப்ரா, பர்தா அணிந்து பாக்சிங் பயிற்சி பெறும் ஏழைப்பெண் வகிதாவாக நடிக்கிறார். இதற்காக பர்தா அணிந்து பாக்சிங் பயிற்சிப் பெற்று வருகிறாராம்.

    ]]>
    http://images.dinamani.com/uploads/user/imagelibrary/2018/6/13/w600X390/mm77.jpg http://www.dinamani.com/weekly-supplements/magalirmani/2018/jun/13/பர்தா-பாக்ஸராக-நடிக்கும்-டிஸ்கா-சோப்ரா-2938807.html
    2938810 வார இதழ்கள் மகளிர்மணி தனிமைத் தாயாக கஜோல் DIN DIN Wednesday, June 13, 2018 10:44 AM +0530 தனிமைத் தாய்க்கும் மகனுக்கும் நடக்கும் பாசப் போராட்டத்தை அடிப்படையாக கொண்ட குஜராத்தி மொழியில் பிரபலமான "பேட்டா கக்தோ' என்ற நாடகத்தை இந்தியில் "ஈ.வா' என்ற பெயரில் பிரதீப் சர்க்கார் இயக்குகிறார். இதில் மூன்றாண்டு இடைவெளிக்குப் பின் இந்தியில் நடிக்க வந்துள்ள கஜோல், தனிமைத் தாயாக நடிக்கிறார்.

    ]]>
    http://images.dinamani.com/uploads/user/imagelibrary/2018/6/13/w600X390/mm5.jpg http://www.dinamani.com/weekly-supplements/magalirmani/2018/jun/13/தனிமைத்-தாயாக-கஜோல்-2938810.html
    2938809 வார இதழ்கள் மகளிர்மணி மலாலா வாழ்க்கை திரைப்படமாகிறது DIN DIN Wednesday, June 13, 2018 10:43 AM +0530 உலகில் இளம் வயதில் நோபல் பரிசு பெற்ற பாகிஸ்தான் நாட்டின் இளம் சமூக ஆர்வலருமான மலாலா யூசுப் சாயின் வாழ்க்கை "குல் மகாய்' என்ற பெயரில் திரைப்படமாக்கப்பட்டு வருகிறது. இதற்காக பாகிஸ்தானில் அவர் வசித்த வீடு, படித்தபள்ளி, தலிபான் தீவிரவாதிகளால் அவர் சுடப்பட்ட இடம் ஆகிய பகுதிகளிலேயே சம்பவங்கள் படமாக்கப்படுகின்றன. குழந்தை நட்சத்திரம் ரீம் ஷேக், மலாலாவாக நடிக்கிறார். "குல் மகாய்' இந்த ஆண்டுக்குள் வெளியாக உள்ளது. முதல் நாள் வசூலை, மலாலா நடத்தும் அறக்கட்ட ளைக்கு வழங்கப் போகிறார்களாம்.

    ]]>
    http://images.dinamani.com/uploads/user/imagelibrary/2018/6/13/w600X390/mm4.jpg http://www.dinamani.com/weekly-supplements/magalirmani/2018/jun/13/மலாலா-வாழ்க்கை-திரைப்படமாகிறது-2938809.html
    2938808 வார இதழ்கள் மகளிர்மணி மேக் அப் இன்றி நடிப்பது புது அனுபவம் DIN DIN Wednesday, June 13, 2018 10:42 AM +0530 நந்திதா தாஸ் இயக்கும் படங்களில் நடிக நடிகைகளுக்கு மேக் அப்பிற்கு அவர் முக்கியத்துவம் அளிப்பதில்லை. அவரது இயக்கத்தில் வெளிவரவுள்ள காலஞ்சென்ற பிரபல எழுத்தாளர் சதாத் ஹாசன் மாண்டோவின் வாழ்க்கை வரலாறான "மாண்டோ' திரைப்படத்தில் மாண்டோ மனைவி சபியா பாத்திரத்தில் நடிக்கும் ரசிகா தூகலையும் மேக் - அப் இன்றியே நடிக்க வைத்திருக்கிறாராம். "மாண்டோவும், அவரது மனைவி சபியாவும் வாழ்ந்த ஆறாண்டு கால வாழ்க்கை படத்தின் முக்கிய பகுதியாகும். மேக் - அப் இன்றி சபியாவின் பாத்திரத்தில் என்னை நந்திதா நடிக்க வைத்தது புது அனுபவமாக இருந்தது'' என்கிறார் ரசிகா தூகல்.
     

    ]]>
    http://images.dinamani.com/uploads/user/imagelibrary/2018/6/13/w600X390/mm3.jpg http://www.dinamani.com/weekly-supplements/magalirmani/2018/jun/13/மேக்-அப்-இன்றி-நடிப்பது-புது-அனுபவம்-2938808.html
    2938806 வார இதழ்கள் மகளிர்மணி அக்னி புத்ரி! Wednesday, June 13, 2018 10:26 AM +0530 டெசி தாமஸ்க்கு மற்றொரு சிறப்புப் பெயர் உண்டு. அது "அக்னி புத்ரி'. ஆமாம் அக்னி ஏவுகணைகளை வெற்றிகரமாக ஏவியதில் முக்கிய பங்கு வகித்தவர். 1988-ஆம் ஆண்டு பணியில் சேர்ந்ததிலிருந்தே அக்னி ஏவுகணைப்பிரிவில் பணிபுரிந்து வந்தாலும் "அக்னி 4'-ஐ தலைமை ஏற்று 2011-இல் வெற்றிகரமாக விண்ணில் செலுத்த முன் நின்றவர். 
    அதுமட்டுமல்ல "அக்னி -5' இது கண்டம் விட்டு கண்டம் பாயும் ஏவுகணைக்கும் தலைமை ஏற்று வெற்றிகரமாக விண்ணில் ஏவிய பெருமை இவருக்கு உண்டு. இதனால் இவருக்கு அக்னி புத்ரி என்ற செல்லப் பெயரை வைத்து விட்டனர். ஏவுகணை பிரிவில், ஒரு பெண்மணி, தலைமை நிர்வாகியாக இருந்தது உலகளவில், முதன்முதலில் இவர் மட்டுமே. இப்போது இவருக்கு மற்றொரு பெருமையும் சேர்ந்துள்ளது. 
    இதுநாள்வரை ஹைதராபாத்தில் பணிபுரிந்தவர், இனி பெங்களூருவில் தனது பணியைத் தொடருகிறார். எப்படி? ஈதஈஞ நிறுவனத்தில் விண் பயணம் பற்றிய அறிவியல் சார்ந்த 10 நிறுவனங்களின் கூட்டு தலைமை டைரக்டர் ஜெனரலாக பதவி ஏற்றுள்ளார். டெசிக்கு சொந்த ஊர் கேரளாவின் ஆலப்புழா. 
    - ராஜிராதா

    ]]>
    http://images.dinamani.com/uploads/user/imagelibrary/2018/6/13/w600X390/mm1.jpg http://www.dinamani.com/weekly-supplements/magalirmani/2018/jun/13/அக்னி-புத்ரி-2938806.html
    2934224 வார இதழ்கள் மகளிர்மணி தலை மற்றும் கூந்தலை பாதுகாக்கும் சீயக்காய்! Friday, June 8, 2018 06:26 PM +0530 சீயக்காய் என்பது - நம் கூந்தலையும், தலைச்சருமத்தையும் பராமரிக்க காலம் காலமாக நாம் பயன்படுத்தி வரும் பொருட்களில் ஒன்றாகும். சீயக்காய் உங்கள் கூந்தல் மற்றும் தலைச்சருமத்திற்கும் சேர்த்து பல்வேறு நன்மைகளை அளிக்கிறது. ஒரு தலைசிறந்த இயற்கை சுத்திகரிப்பானாக செயல்படும். மேலும் ரசாயனம் கலந்த ஷாம்புவில் இருந்து, உங்கள் தலைச்சருமம் பாதுகாக்கப்படுகிறது. முடிக்கு நல்ல பாதுகாப்பு வழங்குகிறது. பலர் இன்னும் கூந்தலுக்கு சோப்புகளை தான் பயன்படுத்துகின்றனர். அவை உங்கள் தலைச்சருமத்தை வறட்சியாக்கி, செபோர்ஹெயிக் டெர்மட்டிட்டிஸ் எனப்படும் அழற்சி நிலையை ஏற்படுத்துவதால், அவை கூந்தலுக்கு பரிந்துரைக்கப்படுவதில்லை.

    • சீயக்காய் மிதமான தன்மையை கொண்டுள்ளதால், மென்மையான தலைச்சருமத்தை கொண்டவர்களும் கூட இதனை பயன்படுத்தலாம். இது தலைச்சருமத்தை வறட்சியாக்காது.

    • உங்கள் கூந்தலில் உள்ள அதிகப்படியான சிக்கலை நீக்கவும் சீயக்காய் உதவும். அதனால் சீயக்காய் பயன்படுத்திய பிறகு தனியாக கண்டிஷனர் பயன்படுத்த வேண்டும் என்ற அவசியமில்லை.

    • மயிர்கால்களுக்கு வைட்டமின் "டி' மற்றும் "சி' போன்ற ஊட்டச்சத்துக்களை அளித்து, இது தலைச்சருமத்திற்கு புத்துணர்ச்சி அளிக்கும்.

    • இது மற்ற மூலிகைகள் மற்றும் இயற்கை சாறுகளுடன் நன்றாக ஒன்றிவிடும். அதனால் கூந்தலின் ஆரோக்கியத்திற்கு பயனாக அமையும்.

    • கூந்தலுக்கு சாயம் போடுவதற்கு முன், அது இயற்கை சாயமாக இருந்தாலும் கூட, கூந்தலை சீயக்காய் கொண்டு கழுவ வேண்டும். இதனால் சாயம் அதிக நேரம் ஊறி, நீண்டு நிலைக்கும். 
    - கவிதா பாலாஜி

    ]]>
    http://images.dinamani.com/uploads/user/imagelibrary/2018/6/6/w600X390/mm7.jpg http://www.dinamani.com/weekly-supplements/magalirmani/2018/jun/06/தலை-மற்றும்-கூந்தலை-பாதுகாக்கும்-சீயக்காய்-2934224.html
    2934237 வார இதழ்கள் மகளிர்மணி தெரிந்து கொள்வோம்: பொன்னாங்கண்ணி கீரையின் மகத்துவம்! Friday, June 8, 2018 06:24 PM +0530 பொன்னாங்கண்ணி கீரையைப் பற்றிப் பார்க்கலாம். வாரத்தில் குறைந்தது ஒரே ஒரு முறையாவது கீரைகளை உணவில் சேர்த்துக் கொள்ள வேண்டியது அவசியம். நமது உடலுக்கு தேவையான அத்தியாவசிய சத்துக்கள் பல நாம் அன்றாடம் உண்ணும் உணவின் மூலமாகவே கிடைத்துவிடுகின்றன. ஆனால் நாம் சரியான சரிவிகித உணவை சாப்பிட வேண்டியது மிகவும் அவசியம். எனவே, அனைவருக்கும் சரிவிகித உணவு அவசியமாகிறது.

     உடல் எடை குறைய : உடல் எடை குறைய பொண்ணாங்கன்னி கீரை உதவுகிறது. பொன்னாங்கண்ணி கீரையுடன் மிளகும், உப்பும் சேர்த்து சாப்பிட்டு வந்தால் உடல் எடை குறையும்.

     உடல் எடை அதிகரிக்க : பொன்னாங்கண்ணி கீரை உடல் எடையை குறைக்க மட்டுமில்லாமல் கூட்டவும் உதவுகிறது. துவரம் பருப்பு, நெய்யுடன் சேர்த்து சாப்பிட்டால் உடல் எடைக்கூடும் என்பது இந்த கீரையின் தனித்தன்மை. பொன்னாங்கண்ணி கீரையைத் தொடர்ந்து சாப்பிட்டால், உடல் வலிமை பெரும். எலும்புகள் உறுதியாகும்.

     வாய் துர்நாற்றம் : வாயில் இருந்து வரும் துர்நாற்றம் நமது பலவீனமாக அமையும். பொன்னாங்கண்ணி கீரையைத் தொடர்ந்து சாப்பிட்டு வர வாய் துர்நாற்றம் போகும்.

     புத்துணர்ச்சி : பொன்னாங்கண்ணி கீரையைத் தினமும் சாப்பிட்டு வந்தால், இதயம் மற்றும் மூளை புத்துணர்வு பெறுகிறது. இதனால் நாம் சுறுசுறுப்பாக செயல்பட முடிகிறது.

     நோய்கள் : பொன்னாங்கண்ணி கீரை மூலநோய் மற்றும் மண்ணீரல் நோய்களைப் குணப்படுத்தும் ஆற்றல் கொண்டது.

     பார்வை திறன்: பொன்னாங்கண்ணி கீரையைத் தொடர்ந்து 27 நாட்கள் சாப்பிட்டு வந்தால் பகலிலும் நிலவை பார்க்கலாம். அந்த அளவுக்கு கண் பார்வை நன்றாக தெரியும்.

     இரத்த சுத்திகரிப்பு: பொன்னாங்கண்ணி கீரையை நன்றாக நீரில் இட்டு கழுவி, சிறிது சிறிதாக நறுக்கி, அதனுடன் பாசிப்பருப்பு, சின்ன வெங்காயம், சீரகம், பூண்டு, மிளகுத்தூள் சேர்த்து வேகவைத்து மசியல் செய்து சாப்பிட்டு வந்தால் அசுத்த இரத்தம் சுத்தமாகும்.

     சிவந்த கண்கள்: இரவு சரியாக தூக்கமில்லாத காரணத்தாலும், நீண்ட நேரம் செல்போன், கணினி போன்ற எலட்ரானிக் சாதனங்களைப் பார்ப்பதாலும் கண்கள் சிவந்து காணப்படுகிறது. இதனை போக்க பொன்னாங்கண்ணி கீரையைப் பொறியல் செய்து சாப்பிட்டு வந்தால் இந்தப் பிரச்னை நீங்கும்.

     பொன்னிறம்: பொன்னாங்கண்ணி கீரை தங்கம் போன்ற சருமத்தை தரும் ஆற்றல் கொண்டது. இந்தக் கீரையைச் சாப்பிட்டால் அழகு மேம்படும்.

     இவ்வளவு பயனுள்ள கீரைகளை வீட்டில் வளர்த்தும் பயன் படுத்தலாம் பொன்னாங்கண்ணி கீரையின் தண்டுகளைக் கிள்ளி மண்ணில் ஊன்றி வைத்தாலே கீரை செடி நன்றாக வளர்ந்து விடும். இதனை நீங்கள் வீட்டிலேயே வளர்க்கலாம்.

     - பொ.பாலாஜிகணேஷ்
     
     

    ]]>
    http://images.dinamani.com/uploads/user/imagelibrary/2018/6/6/w600X390/a6.jpg http://www.dinamani.com/weekly-supplements/magalirmani/2018/jun/06/தெரிந்து-கொள்வோம்-பொன்னாங்கண்ணி-கீரையின்-மகத்துவம்-2934237.html
    2934241 வார இதழ்கள் மகளிர்மணி லட்சியம் நிச்சயம் வெல்லும்! DIN DIN Wednesday, June 6, 2018 11:56 AM +0530 வாழ்க்கையில் எதிர்பாராதவிதமாக ஏதாவது சிறிய அசம்பாவிதம் நடந்துவிட்டால் கூட "எல்லாம் குடி முழுகிப் போய்விட்டது.. எதிர்காலம் இனி இருண்டு போகும்..' என்று பரிதவிக்கும் பலர் இருக்கிறார்கள். இரண்டு கண்களாலும் பார்க்க இயலாதவர், அதுவும் ஒரு பெண் ஐஏஎஸ் தேர்வில் வெற்றி பெற்று பலருக்கும் வழிகாட்ட வந்திருக்கிறார். முற்றிலும் பார்வை இழந்த பிராஞ்சல் பாட்டீல் மும்பை உல்லாஸ் நகரைச் சேர்ந்தவர். கேரளம் எர்ணாகுளம் மாவட்ட உதவி ஆட்சியராகப் பொறுப்பேற்றிருக்கிறார். இந்தியாவில் முதல் முறையாக, பார்வையற்ற ஒருவர், அதிலும் பெண் அதிகாரி, மாவட்ட (பயிற்சி) உதவி ஆட்சியராக பொறுப்பேற்றுக் கொண்டிருப்பது ஒரு சாதனை. உழைப்பும் மன உறுதியும் இருந்தால் கண் பார்வை இல்லாமலிருந்தாலும் வாழ்க்கையில் சாதனை படைக்கலாம் என்று நிரூபித்திருப்பவர் பிராஞ்சல்.
    "எட்டு வயது வரை ஓடி விளையாடி.. பள்ளி சென்று வந்து கொண்டிருந்தேன். கண்களில் எந்தப் பிரச்னையும் இல்லை. ஆனால் வகுப்பில் சக மாணவி பென்சிலால் என் கண்ணைக் குத்த .. பென்சிலும் கண்ணில் ஆழமாக இறங்க.. ஒரு கண் பார்வை பறி போனது. கண்ணில் ஏற்பட்ட காயத்தால் உயிர் போகிற வலி. காயத்தை ஆற்றவும், வலியைக் குறைக்கவும் டாக்டர்கள் மருந்துகள் தந்தார்கள். இந்த மருந்துகளின் பின்விளைவுகள் இரண்டாவது கண்ணையும் பாதிக்கும் என்று டாக்டர்கள் எச்சரித்தார்கள்.
    அவர்கள் சொன்ன மாதிரியே, ஓர் ஆண்டிற்குள் இரண்டாவது கண்ணின் பார்வையும் போய் விட்டது. "எல்லாம் மகளின் தலை விதி..' என்று என் பெற்றோர் முடங்கிவிடவில்லை. என்னையும் முடக்கிவிடவில்லை. பார்வையில்லாதவர்கள் பயிலும் பள்ளியில் என்னைச் சேர்ந்த்துவிட்டார்கள்.
    பிரெய்ல் முறையில் பள்ளிப் படிப்பை முடித்தேன். மும்பையில் பிரசித்தி பெற்ற கல்லூரியில் சேர்ந்து இளங்கலை பட்டப்படிப்பை முடித்தேன். கல்லூரிக்கு வீட்டிலிருந்து தனியே பஸ்ஸில் வந்து போவேன். பலரும் நான் பஸ் ஏற இறங்க.. இருக்கையில் அமர உதவுவார்கள். "இவ்வளவு கஷ்டப்பட்டு நீண்ட தூரம் தனியாகப் பயணித்து படிக்கணுமா'. அப்படிப் படித்து என்னதான் சாதிக்கப் போகிறாய்?' என்று கேட்டவர்களும் உண்டு. இரவு போனால் பகல் வரும் . எனக்கு எல்லாம் இரவாகவே மாறிவிட்டது. இருந்தாலும் , மனதை உடைந்து போக விடவில்லை. "என்ன இந்த வாழ்க்கை' என்று யாரையும் நிந்திக்க தோன்றவில்லை .
    முதுகலை படிக்க டில்லி ஜவஹர்லால் நேரு பல்கலைக்கழகத்திற்குச் சென்றேன். பிறகு பிஎச்டி செய்ய பெயரைப் பதிவு செய்தேன் . அப்போதுதான் நாமும் ஐஏஎஸ் அதிகாரி ஆக வேண்டும் என்ற எண்ணம் வந்தது. கணினி விஞ்ஞானத்தில் அதீத முன்னேற்றம் காரணமாக புதிதாக அறிமுகம் ஆகியிருக்கும் மென்பொருள்கள் எனக்குக் கை கொடுத்தன . இந்த மென்பொருள்கள், படிக்க வேண்டிய புத்தகங்களைக் கணினி வழியாக வாசித்துக் காட்டும். அந்த மென்பொருளை என் மடிக் கணினியில் பொருத்தினேன்.
    நான் படிக்க வேண்டிய நூல்களை, கணினி வாசிக்க நான் கவனமாகக் கேட்டு மனதில் பதித்துக் கொண்டேன். மனதில் பதிய வேண்டும் என்பதற்காக கணினி வாசிப்பதை பல முறை போட்டுக் கேட்பேன். 2016- இல் ஐஏஎஸ் தேர்வு எழுதினேன். தேர்வின் முடிவு வெளியானபோது எனக்கு 733 ஆவது ரேங்க்தான் கிடைத்திருந்தது. அதன் காரணமாக ஐஏஎஸ் பதவி கிடைக்கவில்லை.
    ஆனால், ரயில்வேயில் நிதி மற்றும் கணக்குத் துறை அதிகாரியாக நியமன ஆணை வந்தது. ஆயினும், ரயில்வே துறை "கண் பார்வை சற்றும் இல்லாதவரை பணியில் சேர்த்துக் கொள்ள மாட்டோம்' என்று சொல்ல என்னால் பணியில் சேர முடியவில்லை. தேர்வு ஆணையத்திடம் முறையிட்டாலும், உடனடி நிவாரணம் கிடைக்கவில்லை. அதுவும் நல்லதற்கு என்றுதான் சொல்ல வேண்டும்.
    எனது பணி குறித்து ஒரு தீர்மானம் ஆக காலதாமதம் ஆகும் என்று தெரிந்ததும் ஐஏஎஸ் கனவை நனவாக்க மீண்டும் ஐஏஎஸ் தேர்வு எழுத ஆயத்தம் செய்து.. 2017-இல் தேர்வு எழுதி 124 ஆவது ரேங்க்கில் தேறினேன். இந்த ரேங்க் எடுத்ததினால், நான் கனவு கண்ட மாதிரி ஐஏஎஸ் அதிகாரியாக ஆக முடிந்தது.
    பயிற்சிக்காக எர்ணாகுளம் உதவி ஆட்சியராக எனக்கு பணி நியமனம் கிடைத்துள்ளது. எனக்கு ஊக்கமும், மன தைரியமும் ஊட்டி வளர்த்த எனது தாய் என்னை "உதவி ஆட்சியர்' இருக்கையில் அமர வைக்க அனுமதி வேண்டும் என்று உயர் அதிகாரிகளிடம் கேட்டேன். அவர்கள் ஒத்துக் கொண்டனர். என் அம்மா அந்த அலுவலக நாற்காலியில் அமரச் செய்து அழகு பார்த்தார். அவர் கண்களிலும் எனது கண்களிலும் ஆனந்தக் கண்ணீர்'.
    ஐஏஎஸ் தேர்வு எழுத விரும்புபவர்களுக்கு நான் சொல்ல விரும்புவது இதுதான். முதலில் உங்களை நீங்கள் நம்ப வேண்டும். உங்களாலும் முடியும் என்ற திடம் வேண்டும். நம் வாழ்வில் நம்பிக்கை என்பது வேண்டும். லட்சியம் நிச்சயம் வெல்லும். எதிர்மறை கருத்துக்களுக்கு முக்கியத்துவம் கொடுக்காதீர்கள்.
    விமர்சனங்களுக்கு காது கொடுங்கள். அதற்காக விமர்சனங்களைக் கண்டு வீழ்ந்து விடாதீர்கள். நாம் விரும்பும் எதிர்பார்க்கும் பலன்கள் கை மேல் கிடைக்க கால தாமதம் ஆகலாம். அதற்காக முயற்சிகளைப் பாதியில் விட்டுவிடக் கூடாது.
    எனது சொந்த முயற்சி, நான் படித்த கல்வி, என் மேல் நான் கொண்டிருந்த நம்பிக்கை என்னை இங்கு கொண்டு வந்து சேர்த்திருக்கிறது. நான் சொன்ன விடையை எனக்காக எழுதியவர் ஒழுங்காக எழுதியதால்தான் எனக்கு 124 ஆவது ரேங்க் கிடைத்திருக்கிறது. நினைத்தது மாதிரி எல்லாம் நடந்தது'' என்கிறார் பிராஞ்சல்.
    - பிஸ்மி பரிணாமன்

     

    ]]>
    http://images.dinamani.com/uploads/user/imagelibrary/2018/6/6/w600X390/mm15.jpg http://www.dinamani.com/weekly-supplements/magalirmani/2018/jun/06/லட்சியம்-நிச்சயம்-வெல்லும்-2934241.html
    2934240 வார இதழ்கள் மகளிர்மணி முடியாதது எதுவுமில்லை! DIN DIN Wednesday, June 6, 2018 11:55 AM +0530 இந்த ஆண்டு ஜனவரி மாதம் புதுதில்லி ராஷ்டிரபதி பவனில் ஒரு விழா நடந்தது. ஐஸ்வர்யா ராய், எவரெஸ்ட் சிகரத்தில் முதன்முறையாக ஏறிய வீராங்கனை பச்சேந்திரி பால், ஏவுகணைப் பெண்மணி டெஸ்ஸி தாமஸ் போன்ற புகழ்பெற்ற சாதனைப் பெண்மணிகளுக்குப் பாராட்டு விழா நடைபெற்றது. அந்த சாதனைப் பெண்மணிகளுள் ஒருவராக அமர்ந்திருந்தார் மஞ்சு தேவி. படிப்பறிவில்லாத அந்தப் பெண் ஒரு சுமைதூக்கும் தொழிலாளி.
     ராஜஸ்தான் மாநிலம் ஜெய்ப்பூர் ரயில்நிலையத்தில் 2013-ஆம் ஆண்டிலிருந்து சுமை தூக்குபவராக வேலை செய்கிறார் மஞ்சு தேவி. அந்த ரயில்வே ஸ்டேஷனின் முதல் பெண் போர்ட்டர் மட்டுமல்ல அவர், வடமேற்கு ரயில்வேயிலும் அவர்தான் முதல் பெண் சுமைதூக்கும் தொழிலாளி.
     டெல்லி ராஷ்டிரபதி பவனில் நடக்கும் விழாவுக்கு அவருக்கு அழைப்பு வந்தபோது, "அய்யய்யோ... நானா என்னால் முடியாது. அங்கே வந்து போக எல்லாம் என்னால் முடியாது. எனக்கு மூன்று குழந்தைகள். அவர்களை விட்டுவிட்டு என்னால் வர முடியாது'' என்று மறுத்திருக்கிறார். அருகில் இருந்தவர்கள் எல்லாரும் பேசி அவரைச் சம்மதிக்க வைத்து டெல்லிக்கு அனுப்பி வைத்திருக்கிறார்கள். அவருக்கு மத்திய பெண்கள் மற்றும் குழந்தைகள் மேம்பாட்டு அமைச்சகம் "சாதனைப் பெண்மணி' விருது கொடுக்கவே டெல்லிக்கு அழைத்திருந்தார்கள்.
     மஞ்சு தேவியின் சொந்த ஊர் ஜெய்ப்பூர் அல்ல. ஜெய்ப்பூர் மாவட்டத்தில் உள்ள சுந்தர்புரா என்கிற கிராமம்தான் அவருடைய சொந்த ஊர். எதற்கு ஜெய்ப்பூருக்கு வந்தார்?
     மஞ்சு தேவியின் கணவர் மகாதேவ் ஜெய்ப்பூர் ரயில்வே ஸ்டேஷனில் சுமைத்தூக்கும் தொழிலாளி. நீண்ட காலமாக கல்லீரலில் பாதிப்பு. ஐந்தாண்டுகளுக்கு முன்பு மரணமடைந்தார். அப்போது மஞ்சு தேவிக்கு வயது 33. "மூன்று குழந்தைகள். கல்வியறிவில்லை. குழந்தைகளை எப்படிக் காப்பாற்றுவது? என்ன வேலை செய்வது?' கவலையில் மூழ்கி இருந்த மஞ்சுவின் கண்களில் பட்டது கணவர் மகாதேவின் போர்ட்டருக்கான அனுமதி, அடையாளவில்லை. அதன் எண் 15.
     "நான் போர்ட்டர் வேலை செய்தால் என்ன?'
     மஞ்சு தேவி உடனே ரயில்வே சுமைதூக்கும் தொழிலாளர் சங்கத்தைச் சேர்ந்தவர்களைப் போய் பார்த்தார். அவரால் போர்ட்டர் வேலை செய்ய முடியுமா? என்று முதலில் சந்தேகத்துடன் பார்த்த சங்கத்தினர், மஞ்சுதேவியின் மன உறுதியை அதற்கும் மேலாக அவருடைய அழுகையைப் பார்த்து வேறு வழியின்றி ரயில்வே அதிகாரிகளிடம் அழைத்துச் சென்றனர்.
     "ரயில்வேயில் பெண் போர்ட்டர்களே இல்லையே?'' கைவிரித்தனர் அதிகாரிகள். மஞ்சு தேவி கெஞ்சினார். வேறு வழியின்றி அனுமதி கொடுத்தனர். ரயில்வேயில் சுமைதூக்கும் பெண் தொழிலாளி என்பவரே இல்லையாதலால், அவர்களுக்கென யூனிபார்மும் இல்லை. அதற்குப் பிறகு, அதிகாரிகள் கலந்து பேசி யூனிபார்மை முடிவெடுத்திருக்கிறார்கள். ஏதோ ஒரு வேகத்தில் மஞ்சுதேவி வேலைக்கு வந்துவிட்டாரே தவிர, போர்ட்டர் வேலை செய்வதில் ஆயிரம் சிரமங்கள் இருந்தன. 100க்கும் அதிகமான ஆண் போர்ட்டர்கள் மத்தியில் ஒரு பெண் போர்ட்டர்.
     "அவர்களுக்கு மத்தியில் உட்கார்வதற்கே முதலில் உடம்பெல்லாம் கூசியது. நான் நினைப்பதை அவர்களிடம் பேச கூட முதலில் தயக்கமாக இருந்தது'' என்கிறார் மஞ்சுதேவி.
     ரயில் பயணிகளோ இந்தப் பெண்ணால் சுமையைத் தூக்க முடியுமா? என்று சந்தேகப்பட்டு, ஆண் போர்ட்டர்களிடம் சுமையைக் கொடுத்தனர். உண்மையில் ஒரு 30 கிலோ எடையைத் தூக்கும் உடல் வலிமை கூட மஞ்சுதேவிக்கு அப்போது இல்லை. வறுமையால் மஞ்சுதேவியின் குடும்பம் வாடிப் போனது.
     "வேலைக்குச் சேர்ந்த புதிதில் நான் வேலை செய்த நேரத்தைவிட அழுத நேரமே அதிகம்'' என்கிறார் மஞ்சுதேவி. தப்பாக முடிவெடுத்துவிட்டதாக குழம்பித் தவித்திருக்கிறார். மஞ்சுதேவியின் அம்மாதான் அந்த நேரத்தில் மஞ்சுதேவிக்கு ஊக்கம் கொடுத்திருக்கிறார். கொஞ்சம் கொஞ்சமாகப் பேசி அவரை தைரியமிக்க பெண்ணாக மாற்றியிருக்கிறார். அதற்குப் பின்தான் மஞ்சு தேவி ஒரு முடிவுக்கு வந்திருக்கிறார். பிரச்னைகள், கஷ்டங்கள் இருக்கின்றன. முதலில் என்ன சூழ்நிலை இருக்கிறதோ, அதை ஒத்துக் கொள்வது, அதன் பிறகு அதிலிருந்து மீள படிப்படியாக முயற்சி செய்வது என்ற முடிவே அது.
     கிராமத்தில் மஞ்சுதேவியின் அம்மாவுடன் இருந்த குழந்தைகள் ஜெய்ப்பூருக்கு வந்தார்கள். 3 ஆயிரம் ரூபாய் வாடகையில் ஓர் அறையே உள்ள வீட்டில் வாழ்க்கை. குழந்தைகளைப் பள்ளியில் சேர்த்தாயிற்று. "எனது கிராமத்தில் முன்னேறுவதற்கான வாய்ப்புகள் குறைவு. அவர்கள் தினம்தோறும் ஒழுங்காகப் பள்ளிக்குச் செல்கிறார்களா? என்று கூட என்னால் கண்காணிக்க முடியாது. போர்ட்டர் வேலையில் கிடைக்கும் கூலியில் வாரத்துக்கு ஒருமுறை கிராமத்துக்குப் போய் அவர்களைப் பார்த்துவிட்டு வருவதும் கூட என்னால் முடியாமல் போய்விடும். அதனால் அவர்களை ஜெய்ப்பூருக்கு அழைத்து வந்துவிட்டேன்'' என்கிறார் மஞ்சுதேவி.
     ""போர்ட்டர் வேலைக்குச் சேர்ந்த தொடக்கத்தில் ஒரு சிறிய சூட்கேúஸ பெரிய மலை மாதிரி எனக்குத் தோன்றும்'' என்று கூறும் மஞ்சுதேவி, இப்போது 80 கிலோ பொருள்களைக் கூட அனாயசமாக தூக்கி, வண்டியில் வைத்து இழுத்துச் செல்கிறார்.
     "இந்த போர்ட்டர் வேலையில் உள்ள ரிஸ்க், பெருங்கூட்டம் உள்ள ரயில்வே பிளாட்பாரத்தில் சுமையையும் இழுத்துக் கொண்டு மிக வேகமாக உரிய ரயில்பெட்டியை நோக்கி விரைந்து செல்வதுதான்'' என்கிறார்.
     காலை 5.00 மணிக்கே ரயில்வே ஸ்டேஷனுக்கு வந்துவிடும் மஞ்சுதேவி, ரயில்வே ஸ்டேஷனின் நுழைவு வாயிலில் நின்று கொண்டு சுமை தூக்க வாய்ப்பளிக்கும் ரயில் பயணிகளுக்காகக் காத்திருக்கிறார். இவ்வளவுதான் இன்றைக்கு கூலி கிடைக்கும் என்று சொல்ல முடியாது. என்றாலும் மஞ்சுதேவி தனது குழந்தைகளை படிக்க வைத்துக் கொண்டிருக்கிறார்.
     "நம்மால் முடியும் என்று நாம் நினைக்க ஆரம்பித்தால், நம்மால் முடியாதது என்று எதுவுமில்லை'' என்கிறார் உறுதியாக மஞ்சுதேவி.
     - ந.ஜீவா
     
     

    ]]>
    http://images.dinamani.com/uploads/user/imagelibrary/2018/6/6/w600X390/mm14.jpg http://www.dinamani.com/weekly-supplements/magalirmani/2018/jun/06/முடியாதது-எதுவுமில்லை-2934240.html
    2934239 வார இதழ்கள் மகளிர்மணி மாணவி... மனைவி... கேப்டன்... அழகி..! DIN DIN Wednesday, June 6, 2018 11:54 AM +0530 ஷாலினி சிங்கின் வாழ்க்கையில்தான் எத்தனை மாற்றங்கள்... திருப்பங்கள்.. நாட்டின் எல்லையில் வீரமரணம் அடைந்த கேப்டனின் மனைவியாக இருந்தவர், கணவனின் பெயர் சொல்ல ராணுவத்தில் சேர்ந்து கேப்டன் ஆனதென்ன.. பிறகு ராணுவத்திலிருந்து விடை பெற்று "திருமதி இந்தியா'வாகத் தேர்ந்தெடுக்கப்பட்டதென்ன..! இத்தனைத் திருப்பங்களைச் சந்தித்த ஷாலினி சிங் மனம் திறக்கிறார்:
    "எனக்கு திருமணமானபோது வயது பத்தொன்பதுதான். இந்திய ராணுவத்தில் மேஜராக இருந்த அவினாஷ் சிங்குடன் 1997-இல் திருமணம் நடந்தது. திருமணம் ஆனாலும் படிப்பை நிறுத்தவில்லை. தொடர்ந்து படிக்க கணவர் அனுமதித்திருந்தார். திருமணமாகி இரண்டு ஆண்டுகள் கழிந்து 1999 -இல் மகன் துருவ் பிறந்தான். 
    கணவர் காஷ்மீர் எல்லை பகுதியில் பணிபுரிந்து கொண்டிருந்தார். எப்போதாவதுதான் தொலைபேசியில் பேச முடியும். 2000 -ஆம் ஆண்டில் அலைபேசி பரவலாக இல்லை. தவிர.. அலைபேசியின் விலை அன்று ஆகாச விலை. எல்லை பகுதியில் ஆயிரம் வீரர்களுக்கு ஒரே ஒரு தொலைபேசி பூத். நீண்ட கியூவில் காத்திருந்து சில நிமிடங்கள் பேசுவார். அதுவும் சரிவரக் கேட்காது. ஆனாலும் பேசுவோம். துருவ்வின் மழலைச் சத்தம் கேட்டு அவினாஷ் பூரித்துப் போவார். அப்படியே நாட்கள் ஓடியிருந்தால் எவ்வளவு நன்றாக இருந்திருக்கும்.
    "மாணவி, மனைவி, தாய், மருமகள் என்று ஒவ்வொரு நாளும் பல பொறுப்புகளில் கடமை செய்துகொண்டிருந்தேன். 2001 செப்டம்பர் 28 -இல் எனக்கு வந்த தொலைபேசி அழைப்பு எல்லாவற்றையும் புரட்டி அலங்கோலமாக்கியது. பயங்கரவாதிகள் நாலு பேரை தனியாளாகச் சுட்டுக் கொன்ற அவினாஷின் மார்பில் எதிரியின் குண்டு பாய்ந்தது. உயிருக்குப் போராடிக் கொண்டிருப்பதாகத் எனக்கு தொலைபேசி மூலம் தகவல் வந்தது. எனது நெஞ்சிலும் குண்டு பாய்ந்ததாக வலித்தது. உலகமே இருண்டது. இருபத்தொன்பதாவது வயதில் கணவர் வீர மரணம் அடைந்தார். அப்போது எனக்கு வயது இருபத்துமூன்று. நான் கணவரை இழக்க.. துருவ் அப்பாவை இழந்தான். சோகம் எங்கள் இருவருக்கும் சேர்ந்தே வரும் என்று கொஞ்சம் கூட நினைக்கவில்லை. 
    அந்த இளம் வயதில் வாழ்க்கை திடீரென்று அர்த்தம் இல்லாமல் போய்விட்டது. பலரும் வருவார்கள். ஏதோ சொல்வார்கள். போவார்கள். இவை எல்லாம் கனவில் நடப்பதாய் எனக்குத் தோன்றும். நாட்கள் போகப்போக... இழப்பு எப்படியானது என்று தெரியாமலேயே துருவ் எப்போதும் போல் மடியில் விளையாடிக் கொண்டிருந்தான். மகனுக்காக நான் மன தைரியத்துடன் இருக்க வேண்டும் என்று தீர்மானித்தேன். 
    நானும் கணவரைப் போல் ராணுவத்தில் சேர்ந்தால் என்ன என்று நினைத்தேன். முது நிலை படிப்பைப் பாதியில் விட்டு விட்டு ராணுவத்தில் சேர நடத்தப்படும் தேர்வுக்கு என்னைத் தயார் செய்தேன். தேர்வில் வெற்றி பெற்றேன். நேர்முகத் தேர்வு அலகாபாத்தில் நடந்தது. நான் துருவ் எனது பெற்றோர்கள் அலஹாபாத் சென்றோம். அவர்கள் வெளியில் துருவுடன் தங்க நான் பயிற்சி முகாமில் தங்க வேண்டிய கட்டாயம். பகலில் பயிற்சி தேர்வு இடைவேளையில், முகாமிற்கு வெளியே வந்து துருவ்வை சந்தித்துவிட்டுப் போவேன். இப்படி ஒரு வாரம் துருவ்வை விட்டுப் பிரிந்து இருந்தேன். கடைசியில் ராணுவத்தில் தேர்ந்தெடுக்கப்பட்டு சேர்ந்தேன். 
    ஆறுமாதம் பயிற்சிக்கு சென்னைக்கு அனுப்பினார்கள். துருவ்வை விட்டு ஆறு மாதம் பிரிந்திருக்க வேண்டிய கட்டாயம். ராணுவ உடையை அணிந்தேன். செருப்பு போய் பூட்ஸ் வந்தது. 
    பயிற்சி முடிந்ததும் 2002 செப்டம்பர் 7-இல் ராணுவத்தில் அதிகாரியாக நியமிக்கப்பட்டேன். சில மாதம் கழித்து எனது கணவருக்கு "கீர்த்தி சக்கரா' விருது வழங்கப்பட்டது. என் கணவர் சார்பில், ராணுவ அதிகாரியான நான் ராணுவ சீருடையில் அன்றைய ஜனாதிபதி டாக்டர் கலாமிடமிருந்து பெற்றுக் கொண்டேன். அந்த நாளை என்னால் மறக்க முடியாது. 
    ஆறு ஆண்டுகள் ராணுவத்தில் பணி புரிந்தேன். இடையில் எனக்குத் தூணாக நின்ற அப்பாவும் காலமானார். துருவ்விற்கு பதினாறு வயது நிறைவாகிவிட்டது. நானும் ராணுவத்திலிருந்து ஓய்வினைப் பெற்றுக் கொண்டேன். கணவரின் தீரச் செயலுக்கு அரசு அறிவித்த தொகை இன்னமும் கிடைக்கவில்லை. அதற்காகப் போராடி வருகிறேன். "படித்த, அதிகாரியாகப் பணி புரிந்த என்னால் அரசு அறிவித்த சன்மானத்தை வாங்குவதில் சிக்கல் உள்ளது. தாமதம் உள்ளது. சாதாரண படைவீரர் ஒருவரின் மனைவி என்ன பாடு பட வேண்டுமோ' என்று நினைக்கும் போது வருத்தமாக உள்ளது.
    தற்சமயம் டில்லியில் வசித்து வருகிறோம். நான் ஒரு வேலையையும் தேடிக் கொண்டிருக்கிறேன். சில மாதங்களுக்கு முன், திருமதி இந்தியா அழகிப் போட்டியின் விளம்பரம் பார்த்து " என்னதான் நடக்கிறது.. என்று பார்ப்போமே' என்று கலந்து கொண்டேன். எனக்கு வயது இப்போது முப்பத்தொன்பது. பல்வேறு சுற்றுகள். வெவ்வேறான கேள்விகள். என்னை ‘Classic Mrs India 2017 Queen of Substance’ ஆகத் தேர்ந்தெடுத்தார்கள். எனக்கு கிரீடம் அணிவித்த தருணத்தில் "உங்களது இப்போதைய லட்சியம் என்ன..'' என்று கேட்டார்கள். "மகன் துருவ்வை அப்பா மாதிரி புகழ் பெற்றவனாக ஆக்கவேண்டும். '' என்கிறார் கேப்டன் ஷாலினி சிங்.
    - கண்ணம்மா பாரதி

    ]]>
    http://images.dinamani.com/uploads/user/imagelibrary/2018/6/6/w600X390/mm13.jpg http://www.dinamani.com/weekly-supplements/magalirmani/2018/jun/06/மாணவி-மனைவி-கேப்டன்-அழகி-2934239.html
    2934238 வார இதழ்கள் மகளிர்மணி டிப்ஸ்.. டிப்ஸ்.. DIN DIN Wednesday, June 6, 2018 11:47 AM +0530 • அடைக்கு மாவு அரைக்கும்போது அரிசி, பருப்புடன் இரண்டு வேகவைத்த உருளைக்கிழங்குப் போட்டு அரைத்தால் அடைமிகவும் ருசியாக இருக்கும்.

    • கடலை எண்ணெய்யை நான்கு அல்லது ஐந்து சொட்டுவிட்டால் துவரம்பருப்பு சீக்கிரமே வெந்துவிடும்.

    • பீட்ரூட் சூப் செய்யும்போது தக்காளியையும் வேக வைத்து மிக்ஸியில் அரைத்து சூப் செய்தால் சுவையாக இருக்கும்.

    • மோர்க் குழம்பில் மிளகாயை அரைத்துக் கலப்பதோடு மோர் மிளகாயை வறுத்துப் போட்டுவிட்டால் செம டேஸ்ட்டாக இருக்கும்.

    • எலுமிச்சைத் தோலால் தேய்த்தால் மரச்சாமான்கள் பளபளப்பாகும். 

    • உருளைக்கிழங்கு வேகவைத்த நீரில் வெள்ளிப் பாத்திரங்களை அலம்பினால் பளபள வென்றிருக்கும்.

    • மோர் அதிகமாகப் புளித்துப் போய் விடாமல் இருக்க அதில் ஒரு காய்ந்த மிளகாயைப் போட்டு வைக்கவும்.

    • ஒரு நாளைக்கு ஒருவருக்கு 40 கிராம் நார்ச்சத்து தேவை. அதனால் தினம் 200 கிராம் கொண்டைக்கடலை சுண்டல், அல்லது 200 கிராம் கீரை அல்லது 200 கிராம் காய்கறி உணவுடன் சேர்த்துக் கொள்ள வேண்டும்.

    • பாகற்காயில் உள்ள இரண்டு வேதிப் பொருட்களுக்கு ரத்தத்திலுள்ள சர்க்கரையைக் குறைக்கும் குணமுண்டு. இன்சுலின் ஊசி மருத்திலுள்ள வேதிப் பொருட்கள் பாகற்காயில் உள்ளது.

    • மைதா மாவில் செய்யப்படும் பேக்கரி உணவு வகைகளில் சேர்க்கப்படும் ரசாயனப் பொருட்கள் கணையத்தை பாதிக்கும். இன்சுலின் சுரக்கும் பீட்டா செல்களை சிறிது சிறிதாக அழித்து நீரழிவு நோய்க்கு வழி வகுக்கும்.
    - எச். சீதாலட்சுமி, நெ.இராமன், சண்முக சுப்ரமணியன்


     

    ]]>
    http://images.dinamani.com/uploads/user/imagelibrary/2018/6/6/w600X390/a7.jpg http://www.dinamani.com/weekly-supplements/magalirmani/2018/jun/06/டிப்ஸ்-டிப்ஸ்-2934238.html
    2934236 வார இதழ்கள் மகளிர்மணி சமையல்... சமையல்! DIN DIN Wednesday, June 6, 2018 11:45 AM +0530 கேரட் குடைமிளகாய் நூடுல்ஸ் சூப்

    தேவையானவை: 
    கேரட் - 1
    பச்சை குடைமிளகாய் -1
    பிளைன் நூடுல்ஸ் - கால் கிண்ணம்
    பூண்டு பற்கள் - 7
    மக்காச்சோள மாவு - 1 தேக்கரண்டி
    வெண்ணெய் - 2 தேக்கரண்டி
    மிளகுத்தூள் - 2 தேக்கரண்டி
    எலுமிச்சை - 1
    பொடியாக நறுக்கிய கொத்துமல்லி இலை - சிறிது
    உப்பு - தேவையான அளவு
    செய்முறை : கேரட்டை நன்றாக கழுவி பின் தோலைச் சீவிப் பொடியாக நறுக்கிக் கொள்ளவும். குடை மிளகாயை கழுவி நடுவில் இருக்கும் விதைகளை எடுத்து கொள்ளவும். பின் பொடியாக நறுக்கிக் கொள்ளவும். பூண்டை பொடியாக நறுக்கி கொள்ளவும் அல்லது நன்கு நசுக்கிக் கொள்ளவும். ஒரு சிறிய பாத்திரத்தில் தேவையான அளவு தண்ணீர் விட்டு கொதிக்க ஆரம்பித்ததும் நூடுல்ûஸ சேர்த்து சிறிது வேகவைத்து கொள்ளவும். அடிகனமான வாணலியில் வெண்ணெய்யை உருக்கி பின் பொடியாக நறுக்கிய பூண்டு சேர்த்து நன்கு வாசம் வரும் வரை வதக்கவும். பின் பொடியாக நறுக்கிய கேரட்டை சேர்த்து நன்கு வதக்கவும். கேரட் லேசாக வதங்கியதும் நறுக்கிய குடைமிளகாய் சேர்த்து லேசாக வதக்கவும். பின் 2 கப் தண்ணீர் சேர்த்து சிறிது நேரம் வேகவைக்கவும். அவை வேகும் போது மக்காச்சோள மாவை சிறிது தண்ணீர் விட்டு நன்றாக கரைத்து கொள்ளவும். சூப் லேசாக கொதிக்க ஆரம்பித்ததும் தேவையான உப்பு மற்றும் வேகவைத்த நூடுல்ûஸ சேர்த்து கலந்து கொதிக்க விடவும். பின் கரைத்து வைத்துள்ள மக்காச்சோள மாவு கரைசலை சேர்த்து சிறிது கெட்டியான பின் பொடியாக நறுக்கிய கொத்துமல்லி இலை, மிளகுத்தூள் மற்றும் எலுமிச்சை சாறு கலந்து இறக்கவும். சூடாக பரிமாறவும்.

    வெண்டைக்காய் அவியல்

    தேவையானவை
    வெண்டைக்காய் - 10- 15
    பெரிய வெங்காயம் - 1
    தயிர் - கால் கிண்ணம்
    மஞ்சள் தூள் - கால் தேக்கரண்டி
    கடுகு - 1 தேக்கரண்டி
    உளுத்தம்பருப்பு - அரை தேக்கரண்டி
    கறிவேப்பிலை - 1 கொத்து
    தேங்காய் எண்ணெய் - 2 தேக்கரண்டி
    உப்பு - தேவையான அளவு
    அரைக்க
    தேங்காய்த் துருவல் - அரை கிண்ணம்
    சின்ன வெங்காயம் - 2
    பூண்டு பற்கள் - 2
    சீரகம் - அரை தேக்கரண்டி
    பச்சை மிளகாய் - 2
    மிளகாய் வற்றல் - 1
    செய்முறை : வெண்டைக்காயை நன்கு கழுவி கொள்ளவும். பின் ஒரு சுத்தமான துணியில் துடைத்து கொள்ளவும். பின் நடுவில் கீறி நறுக்கி கொள்ளவும். வெங்காயத்தை நீளவாக்கில் நறுக்கிக் கொள்ளவும். ஒரு சிறிய சட்னி ஜாரில் தேங்காய்த் துருவல், சின்ன வெங்காயம், பூண்டு பற்கள், பச்சை மிளகாய், காய்ந்த மிளகாய் மற்றும் சீரகம் சேர்த்து சிறிது தண்ணீர் விட்டு அரைத்து கொள்ளவும். பின்னர், வாணலியில் தேங்காய் எண்ணெய் விட்டு சூடானதும் நறுக்கிய வெங்காயம் சேர்த்து வதக்கவும். பின் நறுக்கிய வெண்டைக்காயைச் சேர்த்து மிதமான தீயில் வைத்து வதக்கவும். அவை வதங்கியதும் கால் கப் தண்ணீர் தெளித்து வேகவைக்கவும். வெண்டைக்காய் நன்கு வெந்ததும் மஞ்சள் தூள் மற்றும் தேவையான அளவு உப்பு சேர்த்து கொள்ளவும். பின் அரைத்த தேங்காய் விழுது சேர்த்து சிறிது நேரம் கொதிக்க விடவும். பின் தயிர் சேர்த்து சிறிது நேரம் லேசாக கொதித்ததும் இறக்கவும். சிறிது கறிவேப்பிலை சேர்த்து நன்கு கிளறி விடவும். வாணலியில் சிறிது எண்ணெய் விட்டு சூடானதும் கடுகு உளுந்தம்பருப்பு தாளித்து அவியலில் சேர்க்கவும். 

    மிளகு தோசை 

    தேவையானவை:
    இட்லி அரிசி -1 கிண்ணம்
    பச்சரிசி - அரை கிண்ணம்
    கருப்பு உளுந்து - கால் கிண்ணம்
    மிளகுத்தூள் - 3 தேக்கரண்டி
    பொடியாக நறுக்கிய வெங்காயம் - 1 கிண்ணம்
    கறிவேப்பிலை - சிறிது
    தேங்காய்த் துருவல் - அரை கிண்ணம்
    தேங்காய் எண்ணெய் - தேவையான அளவு
    உப்பு - தேவைக்கேற்ப
    செய்முறை: ஒரு பாத்திரத்தில் அரிசி மற்றும் உளுந்தையும் சேர்த்து கழுவிக்கொண்டு 2 மணி நேரம் ஊறவைக்கவும். பின் தண்ணீரை வடிகட்டவும். மிக்ஸி ஜாரில் வடிகட்டிய அரிசி மற்றும் உளுந்தையும் சேர்த்து சிறிது தண்ணீர் விட்டு அரைக்கவும். அரைத்த மாவை ஒரு பாத்திரத்தில் மாற்றவும். மேலும் 1.5 கப் தண்ணீர் விட்டு கலக்கவும். அரைத்த மாவில் உப்பு, பொடியாக நறுக்கிய வெங்காயம், கறிவேப்பிலை, தேங்காய்த் துருவல் மற்றும் மிளகுத்தூள் சேர்த்து நன்கு கலக்கவும். தோசைக்கல்லை சூடாக்கவும். நன்கு சூடானதும் 1 கரண்டி மாவை எடுத்து ரவா தோசை போல் ஓரத்தில் இருந்து மெலிதாக ஊற்றவும். தேங்காய் எண்ணெய்யை தோசையை சுற்றி விடவும். தோசை பொன்னிறமாக மாறியதும் திருப்பி போட்டு 1 நிமிடம் நன்கு முறுகியதும் எடுக்கவும். தேங்காய்ச் சட்னியோடு பரிமாறவும்.

    கருப்பு உளுந்து சின்ன வெங்காயம் துவையல் 

    தேவையானவை 
    சின்ன வெங்காயம் - 15
    பூண்டு பற்கள் - 5
    கருப்பு உளுந்து - 2 தேக்கரண்டி
    காய்ந்த மிளகாய் - 8
    புளி - சிறிது
    பெருங்காயத்தூள் - அரைத் தேக்கரண்டி
    நல்லெண்ணெய் - 2 தேக்கரண்டி
    கல் உப்பு - சிறிது
    செய்முறை: சின்ன வெங்காயம் மற்றும் பூண்டு பற்கள் தோலை உரித்து கொள்ளவும். வாணலியில் சிறிது எண்ணெய் விட்டு சூடானதும் கருப்பு உளுந்தம் பருப்பை சேர்த்து நன்கு வாசம் வரும் வரை வறுத்து தனியே எடுத்து வைக்கவும். பின் அதே வாணலியில் சிறிது எண்ணெய் விட்டு சூடானதும் காய்ந்த மிளகாய் சேர்த்து லேசாக வறுத்து தனியே எடுத்து வைக்கவும். பின் சின்ன வெங்காயம் மற்றும் பூண்டு பற்கள் சேர்த்து மிதமான தீயில் பொன்னிறமாக ஆகும் வரை வறுத்துக்கொள்ளவும். அடுப்பை நிறுத்தும்போது புளியை சேர்க்கவும். ஒரு சிறிய சட்னி ஜாரில் கல் உப்பு மற்றும் வறுத்த காய்ந்த மிளகாய் சேர்த்து நன்கு அரைத்து கொள்ளவும். பின் வதக்கிய சின்ன வெங்காயம், பூண்டு மற்றும் புளி சேர்த்து சிறிது தண்ணீர் விட்டு அரைத்து கொள்ளவும். கடைசியாக வறுத்து வைத்துள்ள கருப்பு உளுந்து மற்றும் பெருங்காயத்தூள் சேர்த்து லேசாக அரைக்கவும். பின் பரிமாறும் கிண்ணத்தில் மாற்றி சிறிது தண்ணீர் விட்டு நன்றாக கலந்து விடவும். 
    சுவையான துவையல் ரெடி.

    இந்த வார சமையல் குறிப்புகளை வழங்குபவர் முத்துலட்சுமி மாதவகிருஷ்ணன்.

     

    ]]>
    http://www.dinamani.com/weekly-supplements/magalirmani/2018/jun/06/சமையல்-சமையல்-2934236.html
    2934234 வார இதழ்கள் மகளிர்மணி பதினாறு ஆண்டுகளில் நாற்பத்தைந்து அறுவை சிகிச்சைகள்! DIN DIN Wednesday, June 6, 2018 11:36 AM +0530 அழகான பெளலமிக்கு அந்த விபத்து நடந்த போது வயது பன்னிரண்டு. விபத்தில் வலது கையை இழந்தார். அதன் பிறகு பதினாறு ஆண்டுகளில் நாற்பத்தைந்து அறுவை சிகிச்சைகள் தற்போது தனது கையைக் காப்பாற்றிக் கொண்டுள்ளார். தன்னம்பிக்கைக்கு எடுத்துக்காட்டான பெளலமி தனக்கு நேர்ந்த விபத்து பற்றியும், திருமணம் குறித்தும் சொல்கிறார்.
     "மும்பையிலிருக்கும் நான் பள்ளி விடுமுறைகளில் ஹைதராபாத்தில் இருக்கும் தாய்மாமா வீட்டிற்கு வந்துவிடுவேன். அங்கே கசின்களுடன் ஆட்டம் பாட்டம் கொண்டாட்டம் என்று பொழுது போகும். நாங்கள் இரண்டாவது தளத்தில் ஓடி விளையாடுவோம். அப்படி விளையாடும் போது என் கையிலிருந்த விளையாட்டுப் பொருள் அதிக மின் அழுத்தம் உள்ள மின்கம்பியில் பட... என் வலது கை, இடது கால், அணிந்திருந்த உடைகள் கருகி தூக்கி எறியப்பட்டேன்.
     ஏறக்குறைய எண்பது சதவீதம் கருகிப் போயிருந்தது. அனுபவமுள்ள மருத்துவர்கள் "ஆண்டவன் புண்ணியத்தில் உயிர் பிழைத்தது. முற்றிலும் கருகிய வலது கையைத் துண்டித்து எடுக்க வேண்டும்.. வேறு வழியே இல்லை' என்று சொல்லிவிட்டார்கள். பெற்றோர், உறவினர் துடிதுடித்துப் போனார்கள். கடைசியில் வலது கை துண்டிக்கப்பட்டது. அப்போது நான் ஆறாவது படித்துக் கொண்டிருந்தேன். ஒரு மாத சிகிச்சைக்குப் பிறகு என்னை மும்பைக்கு விமான ஆம்புலன்சில் கொண்டு சென்றார்கள். பிரீச் கேண்டி மருத்துவமனையில் சேர்த்தார்கள். எட்டு மாத சிகிச்சை நடந்தது.
     தோல், தசை இல்லாதிருந்த எனது இடது கையையும், இடது பாதத்தையும் சீரமைக்க மருத்துவர்கள் படாத பாடுப் பட்டார்கள். எனது அடிவயிறை வெட்டித் திறந்து அத்துடன் எனது இடது கையை வைத்து கட்டு போட்டார்கள். அப்படிச் செய்தால் சதை கையில் வளருமாம்.
     இரண்டு மாதம் கழித்து கால்களிலிருந்து நரம்புகளை எடுத்து இடது கையில் பொருத்தினார்கள். இடது கை மீண்டும் சுமாரான வடிவத்தைப் பெற்றாலும், பட்டன் போடவோ, கீழே விழுந்த பின்னை எடுக்கவோ, கூந்தலை வரவோ என்னால் முடியாது.
     அம்மாவிடம்... எனது வலது கை ஏன் இப்படி சூம்பிப் போய் இருக்கிறது என்று விடாமல் கேட்பேன். முன் பாகம் கழன்று கீழே விழுந்துருச்சு... அது தானா சீக்கிரம் வளர்ந்துவிடும்.. கவலைப்படாதே..' என்பார். வெட்டிய கை வளராது என்று அப்போது தெரியவில்லை... அப்பா அம்மாதான் எனக்கு பலமாக இருந்தார்கள். மிகவும் சிரமப்பட்டார்கள். எனது கவனத்தைத் திருப்ப, எப்பவும் எதையாவது சொல்லி என்னை சிரிக்க வைத்துக் கொண்டே இருப்பார்கள். ஆனால் என்னைப் பார்க்க வருபவர்கள்.. "பெளலமியின் வாழ்க்கை அவ்வளவுதான்...' என்று என் காதுபட சொல்லிவிட்டுப் போவார்கள்.
     பள்ளி ஆசிரியர்கள், மருத்துவமனையில் நான் படிக்க நோட்ஸ் கொடுத்து உதவினார்கள். நான் விடை சொல்ல இன்னொருவர் பதில் எழுத ஆவண செய்து உதவினார்கள். அதனால் நடுத்தர மதிப்பெண்களைப் பெற்று தேர்வில் தேர்ச்சி பெற முடிந்தது. சில மாதங்களில் வலது கையில் செயற்கைக் கையை பொருத்தினார்கள். ஆனால் என்னால் அதை கையாள முடியவில்லை. அதிக எடை காரணமாக அதை பொருத்திக்கொள்ள முடியவில்லை. அதனால் இடது கையால் எழுதப் பழகினேன்.
     "எம்பிஏ படித்து முடித்து, அப்பா செய்யும் பிசினஸில் ஈடுபட்டுள்ளேன். எனது பள்ளித் தோழனான சந்தீப் ஜோத்வானியைத் திருமணம் செய்து கொண்டிருக்கிறேன். திருமணமாகி மூன்றாண்டுகள் ஆகின்றன. என்னை நன்றாகப் புரிந்து கொண்டிருப்பதுடன் கரிசனமாகவும் கவனித்துக் கொள்கிறார்.
     என்னால் கார் ஓட்ட முடியும். பங்கீ ஜம்ப் கூட செய்வேன். வானத்திலிருந்து குதித்திருக்கிறேன். வாழ்க்கையில் பல இழப்புகள் வரலாம். துவண்டு அங்கேயே நின்றுவிடக் கூடாது. விபத்தில் கைகளை இழந்தாலும், முழுமையான வாழ்க்கையை வாழ்ந்து கொண்டிருக்கிறேன்'' என்கிறார் பெளலமி.
     - அங்கவை
     

    ]]>
    http://images.dinamani.com/uploads/user/imagelibrary/2018/6/6/w600X390/mm12.jpg http://www.dinamani.com/weekly-supplements/magalirmani/2018/jun/06/பதினாறு-ஆண்டுகளில்-நாற்பத்தைந்து-அறுவை-சிகிச்சைகள்-2934234.html
    2934233 வார இதழ்கள் மகளிர்மணி இல்லத்தரசியும் தொழில் முனைவோர் ஆகலாம்-10 DIN DIN Wednesday, June 6, 2018 11:34 AM +0530 தங்கம் மட்டுமே அழகு அல்ல, அதை ஆபரணமாக செய்து பெண்கள் அணிவதால்தான் அதற்கு அழகும் மதிப்பும் கூடுகிறது. இந்தவாரம் நகை தயாரிப்பு பயிற்சிகளைப் பற்றி பார்க்கலாம். உலக அளவில் இந்திய பெண்களை குறிப்பாக, தமிழ்நாட்டு பெண்களை வியந்து பார்க்கின்றனர் என்றால் அதற்கு அவர்களின் நகை சேமிப்புதான் காரணம் என்றால் மிகையாகாது.
     முன்பெல்லாம் தங்க நகையைப் பொருத்தவரை பொற்கொல்லர்கள் வடிவமைத்து செய்து தரும் நகைகளே பெரும்பாலும் பெண்கள் அணிந்து வந்தனர். காலப்போக்கில் மனிதர்களின் தேவையும், ரசனையும் மாறிவிட, கணினி மூலம் வடிவமைப்புகள் மாறி, இயந்திரங்களின் மூலம் தற்போது நகைகள் தயாராகி வருகிறது. அந்த வகையில் நகைகள் தயார் செய்தல், நகைகளை வடிவமைத்தல், நகைகளை மதிப்பீடு செய்தல், பாலீஷ் செய்தல் போன்ற பலவிதமான பயிற்சிகள் அரசாங்கத்தின் மூலம் குறைவான கட்டணத்தில் ஒரு வருடம், மூன்று மாதம், இரு வாரம் என பயிற்சிகள் அளிக்கப்படுகின்றன.
     இப்பயிற்சிகள் மட்டுமின்றி நவீன நகை வடிவமைப்பு பயிற்சிகள், நகை உற்பத்தி மேலாண்மை பயிற்சியும் அளிக்கப்படுகின்றன. இப்பயிற்சி பெற்றோர், சொந்தமாக வீட்டில் இருந்தபடியே இத்தொழிலை செய்யலாம். அடுத்ததாக நகை பாலீஷ் செய்யும் பயிற்சி, நகைகளை சுத்தம் செய்யும் பயிற்சி ஆகியவையும் அளிக்கப்படுகின்றன. ஆண், பெண் இருபாலரும் இதில் கலந்து கொள்ளலாம்.
     நவீன நகை வடிவமைப்பு மற்றும் உற்பத்தி
     இது ஒரு வருட கால பயிற்சியாகும் . இப்பயிற்சியில் நகைகள் செய்வது, மதிப்பீடு உட்பட அனைத்து பயிற்சிகளும் அளிக்கப்படும். 10-ஆம் வகுப்பு படிப்பு போதுமானது. இப்பயிற்சி முடிப்பவர்களுக்கு பயிற்சி காலத்தின் போதே பெரிய, பெரிய நகை தொழிற்சாலைகள், கடைகள் மூலம் வேலை வாய்ப்பு உறுதி செய்யப்படுகிறது.
     நகை மதிப்பீட்டாளர் பயிற்சி
     இது இரண்டு வார கால பயிற்சியாகும். இப்பயிற்சி முடித்தவர்கள், வங்கிகளில் பகுதிநேர, முழு நேர நகை மதிப்பீட்டாளர் பணிக்குச் செல்லலாம்.
     கணினி நகை வடிவமைப்பு பயிற்சி
     இது 3 மாத கால பயிற்சியாகும். இப்பயிற்சியில் கணினி மூலம் நகைகள் டிசைன் செய்வது பற்றி பயிற்சி அளிக்கப்படுகிறது. இப்பயிற்சி பெற்றோர் பல நகை தயாரிப்பு முன்னணி நிறுவனங்களில் வேலை வாய்ப்பு பெறலாம்.
    சென்னையில் இப்பயிற்சி அளிக்கப்படும் இடம்
     டாக்டர் தர்மாம்பாள் அரசினர் மகளிர் பாலிடெக்னிக் கல்லூரி, தரமணி, சென்னை - 600 113. தொ.பே. 9600318040, 9445368910.
     -ஸ்ரீதேவி


     
     
     
     

    ]]>
    http://images.dinamani.com/uploads/user/imagelibrary/2018/6/6/w600X390/mm9.jpg http://www.dinamani.com/weekly-supplements/magalirmani/2018/jun/06/இல்லத்தரசியும்-தொழில்-முனைவோர்-ஆகலாம்-10-2934233.html
    2934232 வார இதழ்கள் மகளிர்மணி அம்மா! - ப்ரீத்தா ரெட்டி DIN DIN Wednesday, June 6, 2018 11:30 AM +0530 பிரபலங்கள் தங்கள் தாயார் குறித்து எழுதும் தொடர்:
    மருத்துவர் பிரதாப். சி. ரெட்டியின் புதல்வி. அப்பல்லோ குழுமத்தின் துணைத்தலைவி. உடல் நல சிகிச்சை சம்பந்தப்பட்ட மைக்ரோசாஃப்ட் விருதினை பெற்றவர். எம்.ஜி.ஆர். மருத்துவப் பல்கலைகழகத்தினால் கெளரவ டாக்டர் பட்டம் வழங்கப் பெற்றவர். இவரது உடல் நல சேவைகளுக்காக பல நிறுவனங்களினால் பாராட்டும், விருதும் பெற்ற ப்ரீத்தா ரெட்டி தனது தாயார் பற்றி இங்கு கூறுகிறார்: 
    "என் தாயார் பெயர் சுசரிதா ரெட்டி. இன்று நாங்கள் இருக்கும் வாழ்வுக்கு அவர் தான் காரணம் என்று சொன்னால் யாரும் நம்ப மாட்டார்கள். எல்லோருக்கும் எனது தந்தையாரை தெரியும். நாங்கள் நால்வரும், அதாவது என்னுடன் பிறந்த மூன்று பேர்களும் பெண்கள். நான் ப்ரீத்தா ரெட்டி, எனது சகோதரிகள் சிந்தூரி ரெட்டி, சங்கீதா ரெட்டி, சுனிதா ரெட்டி. ஆனால் எனது தாயாரை பலபேர்களுக்கு தெரியாது. ஆனால் அவர்தான் இந்த பெரிய ஆலமரத்தின் ஆணி வேர் என்று சொன்னால் பலருக்கும் ஆச்சரியமாக இருக்கும். அவரைப் பற்றி எதை சொல்வது எதை விடுவது என்று எனக்கு தெரியவில்லை. அவரை பற்றி சொல்ல வேண்டும் என்றால் எங்கள் சிறிய வயதை நோக்கி நான் பின்னால் பயணம் போக வேண்டும்.
    அந்த காலத்தில் நாங்கள் சாதாரணமான குடும்பத்தில் பிறந்தவர்கள். எங்கள் தந்தையார் படிப்பில் சிறந்தவர். அவர் எங்கள் நால்வரையும் நல்ல நிலைக்கு கொண்டு வர வேண்டும் என்று மிகவும் விரும்பினார். அதற்காக இரவும் பகலும் உழைக்க தயாராக இருந்தார். அவருக்கு உறுதுணையாக இருந்தார் எங்களது தாயார். 
    குழந்தைகளான எங்கள் நால்வருக்கும் எந்த சிறு பிரச்னை வந்தாலும் (குழந்தையாக இருந்தபோது குட்டிக் குட்டி சண்டைகள் ) நாங்கள் எல்லோரும் செல்வது எங்கள் தாயாரிடம் தான். நான் பல முறை வியந்து பார்த்திருக்கிறேன். எந்தப் பிரச்னை என்றாலும் அதற்கு சரியான தீர்வு சொல்லக் கூடியவர் எனது தாயார்தான் . உழைப்பாளர் பிரச்னை என்றாலும் பதில் சொல்வார். குடும்பப் பிரச்னை என்றாலும் நல்லதொரு தீர்வு அவரிடம் இருக்கும். தங்களின் கீழ் வேலை செய்வோரிடம் ஏற்படும் எந்த விஷயம் குறித்தும் அவரிடம் நாம் ஆலோசனை கேட்கலாம். அவரது முடிவு மிகவும் சரியாக இருக்கும். நாங்கள் பலசமயம் தலையைப் போட்டு உடைத்துக் கொள்ளும் எந்த ஒரு விஷயத்திற்கும் இவரிடம் மிகவும் சாதாரணமாக அதே சமயம், சரியானத் தீர்வு கிடைக்கும். எப்படி இவருக்கு மட்டும் இந்த வகையாக யோசிக்க முடிகிறது என்று நான் நினைப்பதுண்டு. ஒன்று மட்டும் நிச்சயம் இவரிடம் நாங்கள் நால்வர் செய்யும் வேலையை கொடுத்தாலும் மிகவும் திறமையாக செய்து விட்டு அடுத்தது என்ன என்று எங்களை பார்ப்பார் என்று நான் நினைக்கிறேன். 
    சில வருடங்களுக்கு முன் ஒரே சமயத்தில் நான் இரண்டு இடத்தில் இருக்க வேண்டிய நிலை. என்ன செய்வது என்று எனக்குத் தெரியவில்லை. இவரைப் பார்த்தால் அவர் வருத்தப்படுவார். அவரைப் போய் பார்த்தால் இவருக்கு கோபம் வரலாம். இந்த மாதிரி இக்கட்டான நிலையில் நான் என்ன செய்வது என்று புரியாமல் தவித்துக் கொண்டிருந்தேன். விஷயத்தை கேள்விப்பட்ட எனது தாயார் என்னை அழைத்து "நீ கவலை படாதே. யாராவது ஒருவரை இங்கே அழைத்து வந்து என்னிடம் விட்டுவிடு. நீ வரும் வரைக்கும் நான் அவர்களைப் பார்த்துக் கொள்கிறேன்' என்றார். உண்மையிலேயே நான் சந்தோஷப் பட்டேன். ஒருவரை அம்மாவிடம் விட்டுவிட்டு மற்றவரை சந்திக்க சென்றுவிட்டு வந்தேன். இருவருமே இன்றும் என்னுடன் மகிழ்ச்சியாக பேசிக் கொண்டிருக்கிறார்கள். 
    வேலை செய்வதில் எனது தாயாருக்கு நிகர் எனது தாயார்தான். சளைக்காமல் வேலை செய்வார். அவருக்கு மற்றவர்கள் வேலை செய்வதைப் பார்க்கவும் பிடிக்கும். சரியாக செய்யவில்லை என்றால் நாசுக்காக அதை சுட்டிக் காட்டி திருத்தவும் தெரியும். யாரையும் அதட்டி நான் பார்த்ததில்லை. இன்று கூட அவரால் சும்மா உட்கார முடியாது. காலை சுமார் 8 மணிக்கு கிளம்பினார் என்றால் இரவு 8 மணிக்குத்தான் அவரால் வீட்டிற்கு வந்து சேர முடியும். ஒரு முறை நாங்கள் ஒரு புதிய ஆஸ்பத்திரிரையை கட்டிக் கொண்டிருந்தோம். அந்த ஆஸ்பத்திரியில் எந்த வசதிகள் எங்கெங்கு இருக்கவேண்டும் என்று முடிவு செய்து வைத்திருந்தோம். குறிப்பாக எக்ஸ்ரே, ரத்த -பரிசோதனை போன்ற வசதிகளை மாடியில் வைத்திருந்தால் அது சரியாக இருக்கும் என்று நினைத்தோம். அப்பொழுது அங்கு வந்த எனது தாயார் என்னை சைகை செய்து அழைத்து வேறு ஒரு அறைக்கு அழைத்துச் சென்றார். அடுத்த அறைக்கு சென்றவுடன் இந்த மாதிரி விஷயங்கள் எல்லாம் கீழ் அறையிலேயே, அதாவது தரை தளத்திலேயே இருந்தால் நன்றாக இருக்கும் இல்லையா? நம்மிடம் தங்காதவர்களும் தேவை என்றால் கீழேயே தங்களுக்கு தேவையான விஷயங்களை செய்துகொண்டு செல்ல சௌகரியமாக இருக்கும் இல்லையா என்றார். இந்த சிறிய விஷயம் கூட அன்று எங்கள் மனதிற்கு தோன்றவில்லை. இன்று எங்கள் அப்போலோ மருத்துவமனை எங்கெல்லாம் இருக்கிறதோ அங்கெல்லாம் இடம் இருந்தால் தரை தளத்திலேயே இந்த வசதிகளை செய்துள்ளோம். மக்கள் செளகரியமாக வந்து செல்லவும், எங்களிடம் தான் தங்கவேண்டும் என்று இல்லை. எங்களிடம் உள்ள தரமான விஷயங்களை அவர்கள் உபயோகித்துக் கொண்டால் அதுவே எங்களுக்கு மகிழ்ச்சி.
    எனது தாயார் தெய்வ பக்தி கொண்டவர். ஒரு நாளும் தெய்வத்திற்கு பூஜை செய்யாமல் அவரால் இருக்க முடியாது. உடல் சோர்வாக இருந்தாலும் சரி, அன்று ஒரு ஐந்து நிமிடங்களாவது வீட்டில் உள்ள பூஜை அறைக்கு வந்து, அவருக்கு தெரிந்த ஸ்லோகத்தை சொல்லி இரண்டு பூக்களை கையால் போடாமல் போகமாட்டார். அதே போன்று சென்னையில் இருந்தால் செவ்வாய், வெள்ளி, இந்த இரு தினங்களிலும் எங்கள் அப்போலோ ஆஸ்பத்திரியில் உள்ள கோயிலில் எனது தாயாரை எல்லோரும் பார்க்கலாம். காலை, மாலை இரு வேளையும் வந்து இவர் பூ போட்டு ஆண்டவனை வணங்குவது தவறாமல் நடக்கும். மற்ற தினங்களில் மற்ற மருத்துவமனைக்கும் இவர் செல்வார். இவரது இந்த பக்தியினால் தான் நாங்கள் எல்லோரும் இன்றும் நன்றாக இருக்கிறோம் என்று நினைக்கிறேன்.
    சமையலில் எனது தாயார் எக்ஸ்பர்ட். எங்களது குழந்தைப் பருவ புகைப் படங்களைப் பார்த்தாலே தெரியும். நாங்கள் எல்லோருமே குண்டாக இருப்போம். எங்களை எல்லாம் சரியான நேரத்திற்கு உணவளித்து, ஒரு முறைக்கு இருமுறை பார்த்து எல்லாம் சரியாக இருக்கிறதா என்று பார்த்துப் பார்த்து ஊட்டுவார். தெலுங்கு சமையல் அனைத்தும் அவருக்கு அத்துப்படி. அதில் அவருக்கு தெரியாத சமையல் வகைகளே இல்லை என்று நான் நினைக்கிறேன். அதனால் மற்ற வகை சமையல் அவருக்கு தெரியாது என்று இல்லை. அவரது கைப் பக்குவம் எல்லா வகையான சமையலுக்கும் பொருந்தும். 
    ஒருமுறை நான் கோபத்துடன் எனது தட்டில் வைக்கப்பட்ட உணவு வேண்டாம் என்றேன். அப்பொழுது எனது தாயார் என்ன சொன்னார் தெரியுமா? "உலகில் கோடான கோடி பேர் இந்த உணவு கூட இல்லை என்று வருத்தப்படுகிறார்கள். நீ ஏன் வேண்டாம் என்கிறாய் ? உணவு தெய்வதிற்கு சமமானது. தட்டில் வைக்கப்படுவதற்கு முன் வேண்டாம் என்று சொல்ல வேண்டும். வைத்தபின் சாப்பிட வேண்டும். எந்த ஒரு உணவுப் பண்டத்தையும் நாம் வீணாக கொட்டக் கூடாது'' இந்த எண்ணம் எனது மனதில் பசுமரத்தாணி போல் பதிந்து விட்டது. இன்றும் நான் எந்த இடத்திற்கு சென்று சாப்பிட்டாலும் தேவைப்படும் அளவிற்கு மட்டுமே எடுத்துக்கொண்டு சாப்பிடுவேன். உணவை பற்றி சொல்லும் போது எனது தாயார், உணவு வகைகளை பற்றி இரண்டு புத்தகங்கள் ஆங்கிலத்தில் எழுதி உள்ளார்கள். அந்த புத்தகத்தின் பெயர் "நாஸ்டால்ஜியா - குசின்' (அம்மா! - ப்ரீத்தா ரெட்டி
    பிரபலங்கள் தங்கள் தாயார் குறித்து எழுதும் தொடர்:
    மருத்துவர் பிரதாப். சி. ரெட்டியின் புதல்வி. அப்பல்லோ குழுமத்தின் துணைத்தலைவி. உடல் நல சிகிச்சை சம்பந்தப்பட்ட மைக்ரோசாஃப்ட் விருதினை பெற்றவர். எம்.ஜி.ஆர். மருத்துவப் பல்கலைகழகத்தினால் கெளரவ டாக்டர் பட்டம் வழங்கப் பெற்றவர். இவரது உடல் நல சேவைகளுக்காக பல நிறுவனங்களினால் பாராட்டும், விருதும் பெற்ற ப்ரீத்தா ரெட்டி தனது தாயார் பற்றி இங்கு கூறுகிறார்: 
    "என் தாயார் பெயர் சுசரிதா ரெட்டி. இன்று நாங்கள் இருக்கும் வாழ்வுக்கு அவர் தான் காரணம் என்று சொன்னால் யாரும் நம்ப மாட்டார்கள். எல்லோருக்கும் எனது தந்தையாரை தெரியும். நாங்கள் நால்வரும், அதாவது என்னுடன் பிறந்த மூன்று பேர்களும் பெண்கள். நான் ப்ரீத்தா ரெட்டி, எனது சகோதரிகள் சிந்தூரி ரெட்டி, சங்கீதா ரெட்டி, சுனிதா ரெட்டி. ஆனால் எனது தாயாரை பலபேர்களுக்கு தெரியாது. ஆனால் அவர்தான் இந்த பெரிய ஆலமரத்தின் ஆணி வேர் என்று சொன்னால் பலருக்கும் ஆச்சரியமாக இருக்கும். அவரைப் பற்றி எதை சொல்வது எதை விடுவது என்று எனக்கு தெரியவில்லை. அவரை பற்றி சொல்ல வேண்டும் என்றால் எங்கள் சிறிய வயதை நோக்கி நான் பின்னால் பயணம் போக வேண்டும்.
    அந்த காலத்தில் நாங்கள் சாதாரணமான குடும்பத்தில் பிறந்தவர்கள். எங்கள் தந்தையார் படிப்பில் சிறந்தவர். அவர் எங்கள் நால்வரையும் நல்ல நிலைக்கு கொண்டு வர வேண்டும் என்று மிகவும் விரும்பினார். அதற்காக இரவும் பகலும் உழைக்க தயாராக இருந்தார். அவருக்கு உறுதுணையாக இருந்தார் எங்களது தாயார். 
    குழந்தைகளான எங்கள் நால்வருக்கும் எந்த சிறு பிரச்னை வந்தாலும் (குழந்தையாக இருந்தபோது குட்டிக் குட்டி சண்டைகள் ) நாங்கள் எல்லோரும் செல்வது எங்கள் தாயாரிடம் தான். நான் பல முறை வியந்து பார்த்திருக்கிறேன். எந்தப் பிரச்னை என்றாலும் அதற்கு சரியான தீர்வு சொல்லக் கூடியவர் எனது தாயார்தான் . உழைப்பாளர் பிரச்னை என்றாலும் பதில் சொல்வார். குடும்பப் பிரச்னை என்றாலும் நல்லதொரு தீர்வு அவரிடம் இருக்கும். தங்களின் கீழ் வேலை செய்வோரிடம் ஏற்படும் எந்த விஷயம் குறித்தும் அவரிடம் நாம் ஆலோசனை கேட்கலாம். அவரது முடிவு மிகவும் சரியாக இருக்கும். நாங்கள் பலசமயம் தலையைப் போட்டு உடைத்துக் கொள்ளும் எந்த ஒரு விஷயத்திற்கும் இவரிடம் மிகவும் சாதாரணமாக அதே சமயம், சரியானத் தீர்வு கிடைக்கும். எப்படி இவருக்கு மட்டும் இந்த வகையாக யோசிக்க முடிகிறது என்று நான் நினைப்பதுண்டு. ஒன்று மட்டும் நிச்சயம் இவரிடம் நாங்கள் நால்வர் செய்யும் வேலையை கொடுத்தாலும் மிகவும் திறமையாக செய்து விட்டு அடுத்தது என்ன என்று எங்களை பார்ப்பார் என்று நான் நினைக்கிறேன். 
    சில வருடங்களுக்கு முன் ஒரே சமயத்தில் நான் இரண்டு இடத்தில் இருக்க வேண்டிய நிலை. என்ன செய்வது என்று எனக்குத் தெரியவில்லை. இவரைப் பார்த்தால் அவர் வருத்தப்படுவார். அவரைப் போய் பார்த்தால் இவருக்கு கோபம் வரலாம். இந்த மாதிரி இக்கட்டான நிலையில் நான் என்ன செய்வது என்று புரியாமல் தவித்துக் கொண்டிருந்தேன். விஷயத்தை கேள்விப்பட்ட எனது தாயார் என்னை அழைத்து "நீ கவலை படாதே. யாராவது ஒருவரை இங்கே அழைத்து வந்து என்னிடம் விட்டுவிடு. நீ வரும் வரைக்கும் நான் அவர்களைப் பார்த்துக் கொள்கிறேன்' என்றார். உண்மையிலேயே நான் சந்தோஷப் பட்டேன். ஒருவரை அம்மாவிடம் விட்டுவிட்டு மற்றவரை சந்திக்க சென்றுவிட்டு வந்தேன். இருவருமே இன்றும் என்னுடன் மகிழ்ச்சியாக பேசிக் கொண்டிருக்கிறார்கள். 
    வேலை செய்வதில் எனது தாயாருக்கு நிகர் எனது தாயார்தான். சளைக்காமல் வேலை செய்வார். அவருக்கு மற்றவர்கள் வேலை செய்வதைப் பார்க்கவும் பிடிக்கும். சரியாக செய்யவில்லை என்றால் நாசுக்காக அதை சுட்டிக் காட்டி திருத்தவும் தெரியும். யாரையும் அதட்டி நான் பார்த்ததில்லை. இன்று கூட அவரால் சும்மா உட்கார முடியாது. காலை சுமார் 8 மணிக்கு கிளம்பினார் என்றால் இரவு 8 மணிக்குத்தான் அவரால் வீட்டிற்கு வந்து சேர முடியும். ஒரு முறை நாங்கள் ஒரு புதிய ஆஸ்பத்திரிரையை கட்டிக் கொண்டிருந்தோம். அந்த ஆஸ்பத்திரியில் எந்த வசதிகள் எங்கெங்கு இருக்கவேண்டும் என்று முடிவு செய்து வைத்திருந்தோம். குறிப்பாக எக்ஸ்ரே, ரத்த -பரிசோதனை போன்ற வசதிகளை மாடியில் வைத்திருந்தால் அது சரியாக இருக்கும் என்று நினைத்தோம். அப்பொழுது அங்கு வந்த எனது தாயார் என்னை சைகை செய்து அழைத்து வேறு ஒரு அறைக்கு அழைத்துச் சென்றார். அடுத்த அறைக்கு சென்றவுடன் இந்த மாதிரி விஷயங்கள் எல்லாம் கீழ் அறையிலேயே, அதாவது தரை தளத்திலேயே இருந்தால் நன்றாக இருக்கும் இல்லையா? நம்மிடம் தங்காதவர்களும் தேவை என்றால் கீழேயே தங்களுக்கு தேவையான விஷயங்களை செய்துகொண்டு செல்ல சௌகரியமாக இருக்கும் இல்லையா என்றார். இந்த சிறிய விஷயம் கூட அன்று எங்கள் மனதிற்கு தோன்றவில்லை. இன்று எங்கள் அப்போலோ மருத்துவமனை எங்கெல்லாம் இருக்கிறதோ அங்கெல்லாம் இடம் இருந்தால் தரை தளத்திலேயே இந்த வசதிகளை செய்துள்ளோம். மக்கள் செளகரியமாக வந்து செல்லவும், எங்களிடம் தான் தங்கவேண்டும் என்று இல்லை. எங்களிடம் உள்ள தரமான விஷயங்களை அவர்கள் உபயோகித்துக் கொண்டால் அதுவே எங்களுக்கு மகிழ்ச்சி.
    எனது தாயார் தெய்வ பக்தி கொண்டவர். ஒரு நாளும் தெய்வத்திற்கு பூஜை செய்யாமல் அவரால் இருக்க முடியாது. உடல் சோர்வாக இருந்தாலும் சரி, அன்று ஒரு ஐந்து நிமிடங்களாவது வீட்டில் உள்ள பூஜை அறைக்கு வந்து, அவருக்கு தெரிந்த ஸ்லோகத்தை சொல்லி இரண்டு பூக்களை கையால் போடாமல் போகமாட்டார். அதே போன்று சென்னையில் இருந்தால் செவ்வாய், வெள்ளி, இந்த இரு தினங்களிலும் எங்கள் அப்போலோ ஆஸ்பத்திரியில் உள்ள கோயிலில் எனது தாயாரை எல்லோரும் பார்க்கலாம். காலை, மாலை இரு வேளையும் வந்து இவர் பூ போட்டு ஆண்டவனை வணங்குவது தவறாமல் நடக்கும். மற்ற தினங்களில் மற்ற மருத்துவமனைக்கும் இவர் செல்வார். இவரது இந்த பக்தியினால் தான் நாங்கள் எல்லோரும் இன்றும் நன்றாக இருக்கிறோம் என்று நினைக்கிறேன்.
    சமையலில் எனது தாயார் எக்ஸ்பர்ட். எங்களது குழந்தைப் பருவ புகைப் படங்களைப் பார்த்தாலே தெரியும். நாங்கள் எல்லோருமே குண்டாக இருப்போம். எங்களை எல்லாம் சரியான நேரத்திற்கு உணவளித்து, ஒரு முறைக்கு இருமுறை பார்த்து எல்லாம் சரியாக இருக்கிறதா என்று பார்த்துப் பார்த்து ஊட்டுவார். தெலுங்கு சமையல் அனைத்தும் அவருக்கு அத்துப்படி. அதில் அவருக்கு தெரியாத சமையல் வகைகளே இல்லை என்று நான் நினைக்கிறேன். அதனால் மற்ற வகை சமையல் அவருக்கு தெரியாது என்று இல்லை. அவரது கைப் பக்குவம் எல்லா வகையான சமையலுக்கும் பொருந்தும். 
    ஒருமுறை நான் கோபத்துடன் எனது தட்டில் வைக்கப்பட்ட உணவு வேண்டாம் என்றேன். அப்பொழுது எனது தாயார் என்ன சொன்னார் தெரியுமா? "உலகில் கோடான கோடி பேர் இந்த உணவு கூட இல்லை என்று வருத்தப்படுகிறார்கள். நீ ஏன் வேண்டாம் என்கிறாய் ? உணவு தெய்வதிற்கு சமமானது. தட்டில் வைக்கப்படுவதற்கு முன் வேண்டாம் என்று சொல்ல வேண்டும். வைத்தபின் சாப்பிட வேண்டும். எந்த ஒரு உணவுப் பண்டத்தையும் நாம் வீணாக கொட்டக் கூடாது'' இந்த எண்ணம் எனது மனதில் பசுமரத்தாணி போல் பதிந்து விட்டது. இன்றும் நான் எந்த இடத்திற்கு சென்று சாப்பிட்டாலும் தேவைப்படும் அளவிற்கு மட்டுமே எடுத்துக்கொண்டு சாப்பிடுவேன். உணவை பற்றி சொல்லும் போது எனது தாயார், உணவு வகைகளை பற்றி இரண்டு புத்தகங்கள் ஆங்கிலத்தில் எழுதி உள்ளார்கள். அந்த புத்தகத்தின் பெயர் "நாஸ்டால்ஜியா - குசின்' (Nostalgia - Cuisine) இரு தொகுதிகளாக வெளியாகி உள்ளது. 
    ஒரு முறை நான் உடல் நலமில்லாமல் இருந்தேன். மற்றவர்களைப்போல் அழுது ஆர்பாட்டம் பண்ணாமல் என்னைப் பக்கத்தில் இருந்து பார்த்துக்கொண்டு, சரியான நேரத்திற்கு மருந்து மாத்திரைகளை கொடுத்து என்னை சரியாக்கிய தெய்வம் எனது தாயார்தான். ஆண்டவன் என் முன் தோன்றி ஒரு வரம் தருகிறேன் என்ன வேண்டும் என்று கேட்டால், நான் கேட்பது ஒன்றுதான். இதே பெற்றோரின் வயிற்றில் மீண்டும் பிறக்க வேண்டும் என்றே கேட்பேன். 
    - சலன்) இரு தொகுதிகளாக வெளியாகி உள்ளது. 
    ஒரு முறை நான் உடல் நலமில்லாமல் இருந்தேன். மற்றவர்களைப்போல் அழுது ஆர்பாட்டம் பண்ணாமல் என்னைப் பக்கத்தில் இருந்து பார்த்துக்கொண்டு, சரியான நேரத்திற்கு மருந்து மாத்திரைகளை கொடுத்து என்னை சரியாக்கிய தெய்வம் எனது தாயார்தான். ஆண்டவன் என் முன் தோன்றி ஒரு வரம் தருகிறேன் என்ன வேண்டும் என்று கேட்டால், நான் கேட்பது ஒன்றுதான். இதே பெற்றோரின் வயிற்றில் மீண்டும் பிறக்க வேண்டும் என்றே கேட்பேன். 
    - சலன்

    ]]>
    http://images.dinamani.com/uploads/user/imagelibrary/2018/6/6/w600X390/PREETHA.JPG http://www.dinamani.com/weekly-supplements/magalirmani/2018/jun/06/அம்மா---ப்ரீத்தா-ரெட்டி-2934232.html
    2934229 வார இதழ்கள் மகளிர்மணி புடவையில் பாரம்பரிய சிலம்பம்! DIN DIN Wednesday, June 6, 2018 11:20 AM +0530 2016-ஆம் ஆண்டு தேசிய கைத்தறி தினத்தன்று, மராட்டிய மாநிலப் பெண்கள் புடவை அணியும் பாணியில் சாதாரண கைத்தறி புடவை அணிந்து தமிழ்ப் பெண்ணான ஐஸ்வர்யா மணிவண்ணன், சிலம்பம் ஆடும் வீடியோ ஒன்று வெளியாகி, லட்சகணக்கானவர்கள் பார்வையில் வைரலாக பரவியது. கைத்தறி விளம்பரத்திற்காக எடுக்கப்பட்ட அந்த வீடியோ, பரபரப்பை ஏற்படுத்துமென யாருமே எதிர்பார்க்கவில்லை. எனக்கு கைத்தறி ஆடைகள், புடவைகள் மிகவும் பிடிக்கும். அதைவிட, சிலம்பம் மிகவும் பிடிக்கும் என்று கூறும் ஐஸ்வர்யா சென்னையைச் சேர்ந்தவர்.
     தமிழகத்தில் பிரபலமான வீர விளையாட்டு எனப்படும் பாரம்பரிய விளையாட்டான சிலம்பம், மூவாயிரம் ஆண்டுகளுக்கு முன்னதாக அகத்திய முனிவர் மற்றும் பல தமிழ் அறிஞர்கள் குறிப்பிட்டுள்ளனர். சிலப்பதிகாரம், சங்க கால இலக்கியங்களில் சிலம்பம் கம்பு சூத்திரம் என குறிப்பிடப்பட்டுள்ளது. சேர, சோழ, பாண்டிய மன்னர்கள் காலத்தில் சிலம்பம் வீர விளையாட்டாக கருதப்பட்டதோடு, உலகில் உள்ள பழமையான வீரவிளையாட்டுகளில் சிலம்பம் முன்னோடியாக கருதப்படுகிறது.
     சிலம்பம் ஆட முக்கிய தேவை மூங்கில் கொம்புகள். "சிலம்' என்பதற்கு மலை என்று பொருள், "பிரம்பு' என்பது மூங்கிலை குறிக்கும். மான் கொம்பு, வேல் கொம்பு, வாள், சுருள்வாள் போன்றவைகளும் சிலம்பாட்டத்தில் பயன்படுத்துவதுண்டு. பண்டைய தமிழ் மன்னர்கள் காலத்தில் போர்களின்போது சிலம்பம் முக்கியத்துவம் பெற்றிருந்தது. ஆங்கிலேயர்களை ஜான்சிராணி எதிர்ப்பதற்கு முன்பே, தமிழகத்தில் ஆங்கிலேயர்களை எதிர்த்து போராடிய வேலுநாச்சியார் சண்டையின் போது எதிராளியை தாக்க சிலம்பத்தைப் பயன்படுத்தியதாகவும் வரலாறு கூறுகிறது.
     ஆங்கிலேயர் ஆட்சிக்குப் பின் சிலம்பம் பெரும்பாலும் கோயில் திருவிழாக்கள், பொது நிகழ்ச்சிகளில் இடம் பெறும் கலையாக மாறியது. இதற்காக உருமி மேளம் உருவாயிற்று. கடந்த சில ஆண்டுகளாக சிலம்பமும் ஒரு விளையாட்டாக கருதப்பட்டு தனிப்பட்ட அமைப்புகள், குழுக்கள் பயிற்சியளிக்க தொடங்கி உலக அளவில் உஸ்பெகிஸ்தான், தைவான், போர்ச்சுகல், பிலிப்பைன்ஸ் போன்ற நாடுகளில் பிரபலமடைந்து விளையாட்டு பட்டியலில் இதுவும் அங்கீகாரம் பெற்றது. கராத்தே, பயிற்சியில் வழங்குவது போன்று பெல்ட் முறை அறிமுகப்படுத்தப்பட்டது. இது குறித்து ஐஸ்வர்யா கூறியது:
     சிலம்பம் கற்பதில் எப்படி ஆர்வம் ஏற்பட்டது?
     ஐந்தாண்டுகளுக்கு முன் பரத நாட்டியம் கற்று வந்தபோது கூடவே சிலம்பம் கற்பது நடன கலைஞர்கள் உடற்கட்டு ஒரே சீராக இருக்க உதவும் என்று நடன ஆசிரியர் கூறினாராம். முன்னாள் முதல்வர் எம்.ஜி.ஆருக்கு சிலம்பம் பயிற்சியளித்த ஸ்டண்ட் மாஸ்டரும், நடிகருமான அழகர்சாமியிடம் பயிற்சிப் பெற்ற மடக்குளம் ரவி ஆசான் மூலம் பவர் பாண்டியன் ஆசானிடம் சிலம்பம் பயிற்சி பெற தொடங்கினேன்.
     உடல் மொழிக்கு சிலம்பம் தீவிர உணர்வுகளை அளிக்கக் கூடியது என்றாலும், சில நேரங்களில் பயிற்சியின்போது காய மேற்பட்டால் வலுக்கட்டாயமாக ஒய்வெடுக்க வைத்துவிடும். இருந்தாலும் பரத நாட்டியமா? சிலம்பமா? என்ற கேள்வி எழுந்தபோது சிலம்பம் பயிற்சி பெறுவதையே தேரந்தெடுத்தேன்.
     சிலம்பம் நமக்குள் தற்காப்பு உணர்வு, உறுதி, சுயமரியாதை, பிறருக்கு மரியாதை அளித்தல் போன்றவைகளை தூண்டுகிறது. இதனால் ஒரே விஷயத்தில் மட்டும் நாம் கவனம் செலுத்த வேண்டிய அவசியமில்லை. நம் உடலை இடதுபுறமாகவும், வலது புறமாகவும் சம அளவில் இயக்க சிலம்பம் உதவுகிறது. இதனால் சிந்திக்கும் ஆற்றல் கூடுகிறது. இது ஒரு தற்காப்பு கலை. இதை கற்பதால் உடல், மனம் இரண்டும் உறுதிபடும்.
     அதுசரி, புடவையில் சிலம்பம் எப்படி?
     நமது பாரம்பரிய கைத்தறி ஆடைகள் நெசவாளர்களின் கைத்திறனையும், தரத்தையும், மதிப்பையும் தொனிப்பவை. அதை மேலும் மேம்படுத்துவதற்காக புடவை அணிந்து சிலம்பம் ஆடுவது போல் வீடியோ ஒன்றை தயாரித்து வெளியிட்டார்கள். இதை பார்த்தவர்கள் இ}மெயில் மூலம் தொடர்பு கொள்ள துவங்கினர். பாரம்பரிய வீர விளையாட்டை மற்றவர்களுக்கு கற்றுத் தருவதை கடமையாகவும், பெருமையாகவும் கருதுகிறேன். எனக்கும் சிலம்பத்திற்கும் உள்ள தொடர்பை விளக்கும் வகையில் ஆவண படமொன்றை தயாரிக்கவுள்ளேன் என்கிறார் ஐஸ்வர்யா.
     -பூர்ணிமா

    ]]>
    http://images.dinamani.com/uploads/user/imagelibrary/2018/6/6/w600X390/mm6.jpg http://www.dinamani.com/weekly-supplements/magalirmani/2018/jun/06/புடவையில்-பாரம்பரிய-சிலம்பம்-2934229.html
    2934226 வார இதழ்கள் மகளிர்மணி கல்லூரி முதல்வரான திருநங்கை! DIN DIN Wednesday, June 6, 2018 11:16 AM +0530 மானபி பந்தோ பாத்யாயா, திருநங்கை ஆவார். மேற்கு வங்கம் கிருஷ்ணகர் மகளிர் கல்லூரியில் பேராசிரியராகப் பணிபுரிந்து வருகிறார். இவர், 1995 -ஆம் ஆண்டில் திருநங்கைகளுக்காக முதன் முதலில் பத்திரிகை தொடங்கினார். 2005-இல் திருநங்கைகளில் முதன்முதலில் பிஎச்டி பட்டம் பெற்றவர். கல்லூரியில் இவரது சிறந்த பணிக்காகவும், இவரின் தகுதிக்காகவும் அக்கல்லூரியின் முதல்வராகத் தேர்வு செய்யப்பட்டுள்ளார். இன்று (ஜூன் 6) முதல் முதல்வராக பொறுப்பேற்கவுள்ள மானபி கூறுகிறார்:
     "நான் எனது குழந்தைப் பருவத்தை நாடியாவில் தான் கழித்தேன். நான் எனது வீட்டிற்கு மீண்டும் திரும்பியுள்ளேன். ஒரு நீண்ட போராட்டத்திற்கு பிறகு எனக்கு கண்ணியமும் பெருமையும் கிடைத்துள்ளது.
     மகிழ்ச்சியாக உள்ளது.
     நான் 2003 மற்றும் 2004-இல் தொடர்ச்சியான சில அறுவை சிகிச்சை மூலம் முழுப் பெண்ணாக மாறினேன். 2004 -ஆம் ஆண்டு சோம்நாத் ஆக இருந்த நான் மானபி ஆக மாறினேன் (மானபி என்றால் பெங்காலி மொழியில் அழகிய பெண் என அர்த்தம் )'' என்றார்.
     - விசாலாட்சி
     

    ]]>
    http://images.dinamani.com/uploads/user/imagelibrary/2018/6/6/w600X390/mm8.jpg http://www.dinamani.com/weekly-supplements/magalirmani/2018/jun/06/கல்லூரி-முதல்வரான-திருநங்கை-2934226.html
    2934223 வார இதழ்கள் மகளிர்மணி மீண்டும் சரோஜாதேவி Wednesday, June 6, 2018 11:10 AM +0530 நீண்ட இடைவெளிக்குப்பின் கன்னடத்தில் "நடசர்வ பவுமா' என்ற படத்தில் ஒரு காட்சியில் வாழ்நாள் விருது பெறும் நடிகை பாத்திரத்தில் சரோஜாதேவி நடிக்கிறார். படத்தில் அவர், அவராகவே நடிக்க, பத்திரிகையாளராக நடிக்கும் புனித் ராஜ்குமார், சரோஜாதேவியை பேட்டி காண்பது போன்ற காட்சி அண்மையில் படமாக்கப்பட்டது.
     - அருண்
     
     

    ]]>
    http://images.dinamani.com/uploads/user/imagelibrary/2018/6/6/w600X390/mm5.jpg http://www.dinamani.com/weekly-supplements/magalirmani/2018/jun/06/மீண்டும்-சரோஜாதேவி-2934223.html
    2934220 வார இதழ்கள் மகளிர்மணி காமெடி படத்தில் நடிக்க ஆசை! DIN DIN Wednesday, June 6, 2018 11:02 AM +0530 25 ஆண்டுகளுக்கு முன் தொடர்ந்தாற்போன்று 30 படங்களுக்கு மேல் நடித்த ரவீனா டாண்டன், மீண்டும் படங்களில் நடிக்க வாய்ப்பு தேடுகிறார். "எனக்கு பொருத்தமான கேரக்டர்கள் என்ன என்பது இன்றைய இயக்குநர்களுக்கு தெரியும். வழக்கமான காதல் கதைகளை தவிர்த்து நல்ல நகைச்சுவை படமாக இருந்தால் நடிக்க தயாராக இருக்கிறேன். மற்ற பாலிவுட் நடிகைகள் சுயசரிதை எழுதுவதுபோல் நானும் எழுதப் போகிறேன்'' என்கிறார் ரவீனா.

    ]]>
    http://images.dinamani.com/uploads/user/imagelibrary/2018/6/6/w600X390/mm4.jpg http://www.dinamani.com/weekly-supplements/magalirmani/2018/jun/06/காமெடி-படத்தில்-நடிக்க-ஆசை-2934220.html
    2934219 வார இதழ்கள் மகளிர்மணி பெயரை மாற்றுவது என் விருப்பம்! DIN DIN Wednesday, June 6, 2018 10:59 AM +0530 அண்மையில் தொழிலதிபர் ஆனந்த் அஹுஜாவை திருமணம் செய்து கொண்ட சோனம் கபூர், தற்போது தன்னுடைய பெயருடன் அஹுஜா என்ற பெயரை சேர்த்துள்ளார். "நான் ஒரு பெண்ணியவாதி. என் தந்தைக்கு மதிப்பளிக்கும் வகையில் அவரது குடும்பத்தினர் பெயரான கபூரை என் பெயருடன் சேர்த்துக் கொண்டேன். என் கணவரின் குடும்ப பெயர் அஹுஜா என்பதால், அவர் குடும்பத்தினருக்கு மதிப்பளிக்கும் வகையில் அஹுஜாவை சேர்த்துள்ளேன். இதில் என்னுடைய கணவர் பெயரை சேர்ப்பது என்னுடைய விருப்பம். திருமணமான பல நடிகைகள் கணவர் பெயரை சேர்க்காமலேயே நடிக்கவில்லையா'' என்று கேட்கிறார் சோனம் கபூர் அஹுஜா.

    ]]>
    http://images.dinamani.com/uploads/user/imagelibrary/2018/6/6/w600X390/SONAM.JPG http://www.dinamani.com/weekly-supplements/magalirmani/2018/jun/06/பெயரை-மாற்றுவது-என்-விருப்பம்-2934219.html
    2934218 வார இதழ்கள் மகளிர்மணி நாடகத்தில் நடிக்க விரும்பும் பாலிவுட் நடிகை! DIN DIN Wednesday, June 6, 2018 10:58 AM +0530 "தாஸ்தேவ்' படத்தில் நடித்த ரிச்சா சட்டா, திரைப்படத்தில் நடிக்க வருவதற்கு முன் நாடகங்களில் நடித்துக் கொண்டிருந்தாராம். சர்வதேச அளவில் பிரபலமான "ஒயிட் ராபிட் ரெட் ராபிட்' என்ற நாடகத்தில் நடிக்க ஒப்புக் கொண்டுள்ளார். "ஒரு நடிகருக்கு நாடக அனுபவம் முக்கியம். எனக்கு நேரம் கிடைக்கும் போதெல்லாம் மும்பையில் உள்ள வினய் பதாக்கின் நாடக கம்பெனியின் நாடகங்களில் நடிக்க சென்றுவிடுவேன்'' என்று கூறும் ரிச்சா, அடுத்து ஷகீலா வாழ்க்கை வரலாற்றுப் படமான "செக்ஷன் 375' என்ற படத்தில் அக்ஷய் குமாருடன் நடித்து வருகிறார்.

    ]]>
    http://images.dinamani.com/uploads/user/imagelibrary/2018/6/6/w600X390/mm3.JPG http://www.dinamani.com/weekly-supplements/magalirmani/2018/jun/06/நாடகத்தில்-நடிக்க-விரும்பும்-பாலிவுட்-நடிகை-2934218.html
    2934217 வார இதழ்கள் மகளிர்மணி விளம்பர தூதுவராக டாப்சிக்கு டிமாண்ட்! DIN DIN Wednesday, June 6, 2018 10:56 AM +0530 நான் நடித்துள்ள "சூர்மா' படத்தை ஆவலோடு எதிர்பார்த்துக் கொண்டிருக்கும் டாப்சி பன்னுவுக்கு பெண்கள் பயன்படுத்தும் பொருட்களை தயாரிக்கும் நிறுவனங்கள், தங்கள் தயாரிப்புகளின் விளம்பர தூதுவராக நடிக்க அழைப்புகள் விடுத்துள்ளன. ஏற்கெனவே ஒப்பந்தம் செய்திருந்த நிறுவனங்கள் கூட கங்கனா ராவத், காத்ரினா கைப் ஆகியோரை ரத்து செய்துவிட்டு அதிக தொகைக்கு டாப்சியை ஒப்பந்தம் செய்துள்ளனர். அனைத்து வயது பெண்களும் ஏற்றுக் கொள்ளும் வகையில் டாப்சியின் அழகும், உடலமைப்பும் இருப்பதால் டிமாண்ட் அதிகரித்திருப்பதாக கூறப்படுகிறது.

    ]]>
    http://images.dinamani.com/uploads/user/imagelibrary/2018/6/6/w600X390/mm2.jpg http://www.dinamani.com/weekly-supplements/magalirmani/2018/jun/06/விளம்பர-தூதுவராக-டாப்சிக்கு-டிமாண்ட்-2934217.html
    2934216 வார இதழ்கள் மகளிர்மணி இளம் பாடகர்களுக்கு அட்வைஸ்! Wednesday, June 6, 2018 10:53 AM +0530 1969 -ஆம் ஆண்டு கொல்கத்தா இரவு விடுதியொன்றில் பாடத் தொடங்கிய உஷா உதுப், கடந்த 50 ஆண்டுகளில் 17 இந்திய மொழிகளிலும், 8 அயல்நாட்டு மொழிகளிலும் ஏராளமான பாடல்களைப் பாடியுள்ளார். "மேடையேற விரும்பும் இளம் பாடகர்களுக்கு நான் கூறும் அறிவுரை இதுதான்: "முதலில் உங்கள் மீது நம்பிக்கை வையுங்கள். உங்களுக்கென்று கனவுகள் இருந்தால் அதை கை விடாதீர்கள். உங்கள் திறமையை குறைத்து மதிப்பிடாமல் 100 சதவீதம் நேர்மையுடன் மேடையில் பாட வேண்டும்'' என்கிறார் உஷாஉதுப்.

    ]]>
    http://images.dinamani.com/uploads/user/imagelibrary/2018/6/6/w600X390/mm1.jpg http://www.dinamani.com/weekly-supplements/magalirmani/2018/jun/06/இளம்-பாடகர்களுக்கு-அட்வைஸ்-2934216.html
    2929824 வார இதழ்கள் மகளிர்மணி திருமணங்கள்: அன்றும் இன்றும்! DIN DIN Wednesday, May 30, 2018 11:25 AM +0530 அன்னை கஸ்தூர்பா காந்தியின் 150-ஆம் ஆண்டு பிறந்த நாள் கொண்டாட்டம் சென்னை, "தக்கர் பாபா வித்யாலயா' வில் ஆண்டு முழுவதும் ஒவ்வொரு மாதமும் கஸ்தூர்பா குறித்த ஏதேனும் ஒரு தலைப்பில் கலந்துரையாடல் நடத்துவது என்று முடிவெடுத்துள்ளனர். இந்த மாதம், "திருமணம் -அன்றும் இன்றும்' என்ற தலைப்பில் காந்திஜி, கஸ்தூரிபாய் இருவரின் வாழ்க்கையையொட்டி நடைபெற்ற கலந்துரையாடல் கருத்துச் செறிவோடு இருந்தது . இந்த கலந்துரையாடலில் லூசியா, சென்னை உயர் நீதி மன்றம், காந்தி மையத்தின் பொறுப்பாளர் பிரேமா, வழக்கறிஞர் மீனா குமாரி, தொழிலதிபர் உஷா ஆகியோர் கலந்து கொண்டு பேசினர்.
    பிரேமா அண்ணாமலை, (காந்தி மையத்தின் பொறுப்பாளர்): திருமணம் என்பது ஆண்-பெண் சம்பந்தப் பட்டது என்பதைத் தாண்டி, அதுவொரு சமுதாயம் சார்ந்த நிகழ்வு. திருமணத்தைப் பொருத்தவரை அன்றும், இன்றும் பல சடங்குகளில் பல மாற்றங்கள் ஏற்பட்டிருந்தாலும் "திருமணம்' என்ற நிகழ்வு எல்லோருடைய வாழ்விலும் நிகழவேண்டும். என்னைப் பொருத்தவரை திருமணம் செய்து கொண்டு சமுதாயம், பெருமிதம் கொள்ளும் வண்ணம் வாழ்ந்து காட்டுவது தான் ஒவ்வொருக்கும் சவால். அதற்கான எடுத்துக்காட்டாக காந்தி - கஸ்தூரிபாவின் வாழ்க்கை. இருவருக்கும் 13வது வயதிலேயே திருமணம் நடைபெற்றது. அக்காலக்கட்டத்தில் பால்ய விவாகம் என்பது சமுதாய வழக்கு. அதனால் திருமணம் என்பது ஏன், எதற்கு அதன் தாத்பர்யம் என்ன என்பதெல்லாம் தெரியாமல் சேர்ந்து விளையாட ஒரு தோழி, தோழன் கிடைத்துவிட்டதாக நினைத்தார்கள். அடுத்து வந்த காலங்களில் மனைவி என்பவள் கணவன் சொல்படி கட்டாயம் கேட்கத்தான் வேண்டும் என்று காந்தி நினைத்தார். ஆனால், தனக்கு விருப்பமானதை செய்ய வேண்டும் என்ற எண்ணம் கஸ்தூரிபாவிற்கு இருந்தது. அன்பும் பாசமும்தான் அவர்கள் இருவரையும் இறுதிவரை இணைபிரியாமல் வைத்திருந்தது. 
    காந்தியடிகளைப் பொருத்தவரை கணவன், மனைவி உறவு என்பது.. not made for each other...it is complementary to each other''. ஒருவருக்கொருவர் இணையாக, துணையாக, நிறைவாக இருப்பதுதான். அப்படித்தான் காந்தி-கஸ்தூரிபா உறவு இருந்தது. காந்தியடிகளைப் பொருத்தவரை அவர் வெளிநாட்டிற்கு சென்று படித்தவர். உலக ஞானம் கொண்டவர். அவர், தனது மனைவிக்கும் உலக விஷயங்களை சொல்லித் தரவேண்டும் என்று ஆசைப்பட்டார். ஆனால் அம்மையாரோ, அவற்றைத் தெரிந்துக் கொள்வதைவிட தனது கணவனை சரியாகப் புரிந்துக் கொண்டார். தன் கணவர் தன் மீது கொண்ட அதீதமான அன்பு என்ன என்பதும் நன்றாக புரிந்து வைத்திருந்தார். அதனால் தான் அன்பின் மூலம் எல்லாரையும் எந்தவிதமான ஏற்றதாழ்வும் பார்க்காமல் அவர் செய்த வேலை வெறும் கஸ்தூரி என்றிருந்தவரை கஸ்தூரி"பாவாக மாற்றியது. தன் ஊண், உயிரோடு தன் கணவரது நாட்டுக்கான பணியை ஏற்றுக் கொண்டார். இப்படிப்பட்ட எண்ணங்கள் உடைய இருவரும் இணைந்து கடைசி வரை வாழ்ந்தார்கள் என்பதே மிகவும் சிறப்பான ஒன்று. இதுதான் இன்றைய தலைப்பிற்கு சரியான உதாரணம் என்று நான் நினைக்கிறேன்.
    லூசியா, (சென்னை உயர் நீதி மன்றம்): கஸ்தூரிபா மிக சிறிய வயதில் திருமணம் செய்து கொண்டவர். விளையாட்டுப் பருவம் . தனது கருத்துகளை சொல்லுவதில் உறுதியாக இருந்தவர். கணவருடைய குறிக்கோளை, லட்சியத்தைப் புரிந்து கொண்டவர். அதற்கு துணை நின்றவர். நான்கு ஆண் குழந்தைகளையும் பெற்று, அனைவரையும் அன்பாக வளர்த்தவர். ஆசிரமத்தை நிர்வகித்தவர். சிறந்த கணக்காளர். கணவரின் கருத்துகளையும் கோட்பாடுகளையும் குறிக்கோளையும் முன்னிறுத்தி தனது வாழ்வை நடத்திச் சென்றவர். அவர் இறந்தபோது அவரது உடலை தனது மடியில் ஏந்திய காந்திஜி, "இவள் இல்லாத என் வாழ்வை நினைத்துப் பார்க்க முடியவில்லை'' என்றார். "Behind every successful man there is a woman' என்று சொல்வது காந்தியின் குடும்பத்திற்கு மிகப் பொருந்தும். அன்றும் இன்றும் என்று சொல்வதை விட என்றும் இப்படி ஒரு திருமண வாழ்க்கை அமைந்தால் யார்தான் மகிழமாட்டார்கள்.
    மீனா, (வழக்கறிஞர்): திருமணத்தில் சப்தபதி எனும் சடங்கிணைப் பற்றி கூற வேண்டும். இது எல்லா மதத்தினருக்கும் பொருந்தும் என்று நான் நினைக்கிறேன். கணவன் மனைவி இருவரும் ஏழு அடிகளை இணைத்து எடுத்துவைத்து ஆண்டவனை பிரார்த்திக்கும் போது, "எங்களுக்கு ஆரோக்கியமான உணவை தா : கஷ்ட நஷ்டங்களில் இருவரும் சேர்ந்திருப்போம், வாழ்க்கையில் அனைத்தையும் பகிர்ந்துக்கொள்வோம் என்று சபதம் மேற்கொண்டு திருமண பந்தத்தில் இணைகிறார்கள். அன்றைய காலகட்டத்தில் குடும்பத்தில் அனைவரும் இணைந்து பல மணி நேரம் ஒன்று கூடி, ஒன்றாக சமைத்து, ஒன்றாக உணவு உண்டு கருத்துகளை, எண்ணங்களை பரிமாறிக்கொண்டனர். அதனால் ஒரு புரிதல் இருந்தது. ஆனால், இன்றைய சூழலில், ஆர்டர் செய்த, யாரோ சமைத்த உணவினை தனித்தனியாக - கைப்பேசியையோ அல்லது தொலைக்காட்சியினைப் பார்த்துக் கொண்டே உண்ணும் பழக்கமே உள்ளது. இதில் புரிதல் எங்கிருந்து தோன்றும் ? அன்றைக்கு வாழ்ந்த வாழ்க்கையில் சில மாற்றங்களும், இன்றைக்கு பல மாற்றங்களையும் நாம் செய்தாக வேண்டிய நிலை இருக்கிறது.
    உஷா (தொழிலதிபர்): "காந்தி சுயசரிதையில் கூறுகிறார் "நான் எனது மனைவி மீது அதிகாரத்தை செலுத்தும் ஒரு கணவனாக இருந்தேன். அவள் எழுதப்படிக்க தெரியாதவள் என்பதால் அவளை படி என்று கட்டாயப்படுத்தியுள்ளேன்; கருத்துவேறுபாட்டினால் பல நாட்கள் இருவரும் பேசிக்கொள்ளாமலேயே இருந்தோம்'' என்றுக் கூறுகிறார். கஸ்தூரிபா துன்புறுத்தல்களை மௌனமாக தாங்கிக்கொண்டு, கணவர் என்றேனும் திருந்திவிடுவார் என்ற நம்பிக்கையில் வாழ்கிறார். 
    காந்தியும் ஒரு கட்டத்தில் தன் தவற்றினை உணர்ந்து "என் மனைவி தான் எனக்கு சத்தியாகிரகத்தை சொல்லிக்கொடுத்த குரு'' என புகழ்கிறார். இன்றைய மனைவிகளும் தங்களது கணவர்கள் திருந்திவிடுவார்கள் என்ற நம்பிக்கையில் தான் வாழ்கிறார்கள்; ஆனால் ஆண்களில் பலர் "இவள் எனது மனைவி, இவளால் என்னை மீறி எங்கும் போய்விட முடியாது; நான் என்ன செய்தாலும் இவள் என் காலடியில்தான் கிடக்க வேண்டும் என்று நினைக்கிறார்கள். இதனால் திருமண வாழ்க்கையில் அமைதி உருக்குலைந்துப் போகிறது. கணவனும் மனைவியும் விட்டுக்கொடுத்து, ஒருவர் மீது ஒருவர் மரியாதையை செலுத்தினால் வாழ்க்கையில் ஜெயிக்கலாம். 
    - சலன்

    ]]>
    http://images.dinamani.com/uploads/user/imagelibrary/2018/5/30/w600X390/mm22.jpg http://www.dinamani.com/weekly-supplements/magalirmani/2018/may/30/திருமணங்கள்-அன்றும்-இன்றும்-2929824.html
    2929823 வார இதழ்கள் மகளிர்மணி வலிதான் வெற்றியின் ரகசியம்! - ஷாஷா திருப்பதி DIN DIN Wednesday, May 30, 2018 11:22 AM +0530 வான் வருவான்' பாடலுக்கு தேசிய விருதைப் பெற்றுள்ளார் ஷாஷா திருப்பதி. தமிழ், தெலுங்கு, மலையாளம், கன்னடம் உள்பட 12 இந்திய மொழிகளில் பாடுகிறார். தாய் மொழியான காஷ்மீரி மொழிக்குப் பிறகு தேசிய விருதைப் பெற்றுத் தந்த தமிழ் மொழிதான் பிடிக்கிறது என்கிறார் ஷாஷா. பாடகி மட்டுமல்ல. அவர் ஓர் இசைக் கலவையாளர். சவுண்ட் டிஸைனர். பாடலாசிரியர். நாடறிந்த தன்னம்பிக்கைப் பேச்சாளர்.
    தேசிய விருது பெற தில்லிக்கு வந்திருந்த அவரை "தினமணி'க்காக சந்தித்தோம். 
    ஒரு பாடகி தன்னம்பிக்கைப் பேச்சாளர் ஆகியது எவ்வாறு?
    வாழ்க்கையில் சந்தித்த அவமானங்களும், அது தந்த அனுபங்களும்தான் காரணம். இசைக்கு எந்த வகையிலும் சம்பந்தம் இல்லாத குடும்பத்தில் பிறந்து, முட்டி மோதி பாடகியானதை பல மணி நேரம் பேசலாம்.
    உங்கள் வாழ்க்கையில் எதிர்கொண்ட அவமானங்கள் தொடர்பாக பல தடவைகள் பேசியுள்ளீர்களே..? 
    அவற்றை அவமானங்கள் என்று சொல்வதைவிட வாழ்க்கைப் போராட்டங்கள் எனக் கூறுவதே சரியாக இருக்கும் என நினைக்கிறேன். கனடாவில் படித்துக் கொண்டிருந்த மருத்துவப் படிப்பை இடை நிறுத்திவிட்டு இசை ஆர்வத்தில் மும்பை வந்தேன். மும்பையில் ஒரு ஈ , காக்காவைக் கூடத் தெரியாது. தங்குவதற்கு இடம் இல்லை. துணைக்கு ஆள் கிடையாது. ஒவ்வொரு ஸ்டுடியோவும் ஏறி இறங்கி வாய்ப்புக் கேட்டேன். எந்தக் கதவுகளும் திறக்கவில்லை. "இவ்வளவு கேவலமான குரலை வைத்துக் கொண்டு நீ எல்லாம் ஏம்மா பாட ஆசைப்படறே' என்றார் ஓர் இசையமைப்பாளர். ஒருநாள் 3 மணி நேரம் பயணம் செய்து இசைமைப்பாளர் ஒருவரைப் பார்க்கச் சென்றேன். கன மழையில் ஆறு மணி நேரம் என்னை அவர் காக்க வைத்தார். இறுதியில் நேரமில்லை எனக் கூறி என்னை அவர் பார்க்கவில்லை. மழையில் தெப்பலாக நனைந்திருந்தேன். நிராகரிப்பால் கூனிக் குறுகிப் போயிருந்த அந்த மழையின் இரவில் "செமையாக வாழ்ந்து காட்ட வேண்டும்' என முடிவெடுத்தேன். அந்த அவமானங்கள்தான் என்னை உறுதியாக்கியது. பாடகியாக வேண்டும் என்ற எனது நெஞ்சுரத்தை, பிடிவாதத்தை வளர்த்தது. கனடாவில் மருத்துவராகியிருக்க வேண்டிய என்னை தேசிய விருது வாங்கும் அளவுக்கு உயர்த்தியது அவமானங்கள்தான். அவமானம் தந்தவர்களுக்கு நன்றி. 
    பாட வந்த சில ஆண்டுகளுக்குள் தேசிய விருது கிடைக்கும் என நினைத்தீர்களா..?
    பகல் கனவில் கூட நான் அப்படி நினைக்கவில்லை. வாழ்க்கையின் கடைசிக் காலத்தில் தேசிய விருது கிடைக்கலாம் என நினைத்தேன். பாட வந்து சில ஆண்டுகளே ஆனாலும், எனக்கு "வான் வருவான்' போல சில அற்புதமான பாடல்கள் கிடைத்தன. 
    தமிழ் தெரியுமா..?
    தெரியாது.
    ஆனால், நீங்கள் பாடும் பாடல்களில் தமிழ் உச்சரிப்பும் உணர்வும் மிகத் தெளிவாக உள்ளதே..?
    ஒவ்வொரு தடவையும் பாடலின் உள்ளடக்கத்தையும், எந்தப் சூழலில் பாடப்படுகிறது என்பதையும் கேட்டறிவேன். பாடல் வரிகளைச் சரியாக உச்சரிப்
    பதில் இசையமைப்பாளர்கள், பாடலாசிரியர்கள் உதவுவார்கள். "ராசாளி' பாடல் பாடிய போது கவிஞர் தாமரை அருகில் இருந்து ஒவ்வொரு வரியையும் மிகச் சரியாகவும் தெளிவாகவும் உச்சரிக்க உதவினார். 
    தெரிந்த மொழிகளில் பாடுவதற்கும், தெரியாத மொழிகளில் பாடுவதற்கும் இடையே என்ன வித்தியாசம்..?
    சினிமாப் பாடல்களுக்கு மொழி தடையாக இருப்பதாக நினைக்கவில்லை. திரையில் நடிகர்கள் வெளிப்படுத்தும் உணர்வுகளை பாடல் வரிகளில் மிகச் சரியாக வெளிப்படுத்த வேண்டும். அதற்கு மொழி தடையில்லை. 
    ஆச்சரியமான விஷயம் என்னவென்றால், நான் சிறுமியாக இருந்த போது ஆரம்பித்தது. நாங்கள் இசைக் குடும்பமல்ல. ஆனால், வீட்டில் நாள் முழுவதும் பாடல்கள் ஒலித்துக் கொண்டே இருக்கும். முகமது ரஃபி, லதா மங்கேஷ்கரைத் தாண்டிய இசை அவர்களுக்குத் தெரியாது. அந்தக் காலத்தில்தான், ஏ.ஆர்.ரகுமானின் "கண்ணாளனே' பாடலை முதல்தடவையாகக் கேட்டேன். மொழியைத் தாண்டிய ரசனையில் அந்தப் பாடல் என்னை தூங்க விடாமல் அலைக்கழித்தது. அந்தப் பாடலின் அத்தனை இசைக் கோர்வையும் எனக்கு அத்துப்படி. ஆனால், அந்தப் பாடலின் இசையமைப்பாளரின் பெயர் தெரியாது. பிறகு, "பம்பாய்', "ரங்கீலா" எனத் தொடர்ச்சியாக அவரின் இசை பரீட்சயமானது. இசை ஆர்வம் அதிகரிக்க, இசை கற்கட்டும் என கனடாவில் இருந்து அகமாதபாத்துக்கு அனுப்பினார்கள். பாட்டியுடன் தங்கி இசை கற்றேன். வீட்டில் கைச் செலவுக்கு கொடுக்கும் பாக்கெட் மணியை சேமித்து சேமித்து ரஹ்மானின் பாடல் கேசட்டுகளை வாங்கினேன். அவரின் பாடல்கள் தான் பின்னாளில் நான் மும்பைத் தெருக்களில் தனியாக அலைந்த போது துணையாக இருந்தது. 
    எதிர்காலத் திட்டம்...?
    நான் நன்றாகப் பாடுவேன் என இப்போது கூட நினைக்கவில்லை. இப்போதும் நன்றாகப் பாட முயற்சி செய்யும் ஒருத்தியாகத்தான் என்னைப் பார்க்கிறேன். இசைத் துறையில் எத்தனையோ இளம் திறமைசாலிகளைக் கண்டுள்ளேன். அவர்களின் திறமைக்கு முன்னால் போட்டியிடுவது சாதாரண விஷயமாகத் தெரியவில்லை. முடியும் வரை போராடிக் கொண்டிருப்பேன். 
    -அருளினியன்

    ]]>
    http://images.dinamani.com/uploads/user/imagelibrary/2018/5/30/w600X390/mm17.jpg http://www.dinamani.com/weekly-supplements/magalirmani/2018/may/30/வலிதான்-வெற்றியின்-ரகசியம்---ஷாஷா-திருப்பதி-2929823.html
    2929822 வார இதழ்கள் மகளிர்மணி எளிய மருத்துவம்  DIN DIN Wednesday, May 30, 2018 11:18 AM +0530 * பாதங்களில் வெடிப்பு, தீராத பிளவு ஏற்பட்டு வலி ஏற்பட்டு வருவதைத் தடுக்க, தூங்கச் செல்லும் முன் வெதுவெதுப்பான நீரில் புங்கமரக்காய்த் தோலை ஊறவைத்து அதில் கல் உப்பைச் சேர்க்கவும். இந்த நீரில் கால்களை கால் மணி நேரம் வைத்திருக்க வேண்டும். பின்னர், எலுமிச்சம் பழத்தை வெட்டி அதன் தோலை பாதங்களில் தேய்க்கவும். அதன் பிறகு துணியால் நன்கு துடைத்து கிளிசரின் தடவிவரவும். அவ்வப்போது இப்படி செய்து வரவேண்டும்.

    * கை, கால்களில், முகத்தில் முடி இருப்பதால் பெண்களுக்கு அழகு கெடும். இதைத் தடுக்க கடலை மாவுடன் கஸ்தூரி மஞ்சளை சமபங்கு எடுத்து பால் கலந்து கலவையாக்கவும். பின்னர், இதை முடி உள்ள இடங்களில் தடவ வேண்டும். சிறிது நேரம் கழித்து காய்ந்த அந்த கலவையை துணியால் தேய்த்து எடுத்துவிடவும். இப்படி தொடர்ந்து செய்து வர முடி உதிரும்.

    * கால், கைகளிலும் முகத்திலும் கருமை நிறம் இருப்பது அழகைக் கெடுக்கும். இதைத் தடுக்க பாதாம் எண்ணெய்யைத் தடவி வர பலன் கிட்டும்.

    * வாய்ப்புண் தொல்லையா, மூட்டுவலியால் அவதிப் படுபவர்களா, தீராத தலைவலியா... பலா மரத்தின் இலையை நீரில் கொதிக்க வைத்து வடிகட்டவும். பின் அதில் பனங்கற்கண்டை கலந்து தினமும் காலை வேளையில் அருந்தி வர வாய்ப்புண் தீரும். கஸ்தூரி மஞ்சள், சாம்பிராணி, கடுகு ஆகியவற்றை சம பங்கு எடுத்து நீர் விட்டுஅரைக்கவும். அதை சுட வைத்து சிறிது கற்பூரம் சேர்க்கவும். இந்த கலவையை மிதமான சூட்டில் வலிக்கும் பகுதியில் தடவி வந்தால் மூட்டு வலி குணமாகும். கற்பூரவல்லி, நல்லெண்ணெய், சர்க்கரை இவற்றை கலந்து நெற்றியில் பற்றுப் போட்டால் தலைவலி குணமாகும்.

    * முகத்தில் உள்ள கருமை மறைய மஞ்சள்தூளில் கரும்புச் சாறு கலந்து தடவி வர பலன் கிட்டும்.

    * தொண்டைப்புண் நீங்க சித்தரத்தையைப் பொடி செய்து அதை தேனில் கலந்து சாப்பிட்டு வரவும்.
    - ஆர்.ரக்சனா சக்தி


     

    ]]>
    http://images.dinamani.com/uploads/user/imagelibrary/2018/5/30/w600X390/mm16.jpg http://www.dinamani.com/weekly-supplements/magalirmani/2018/may/30/எளிய-மருத்துவம்-2929822.html
    2929820 வார இதழ்கள் மகளிர்மணி தெரிந்து கொள்வோம்: ஊட்டச்சத்து மிகுந்த பிஸ்தா! DIN DIN Wednesday, May 30, 2018 11:16 AM +0530 * பிஸ்தா பருப்பு மிகுந்த ஊட்டச்சத்து கொண்டது. உதாரணமாக சுமார் 28 கிராம் பருப்பில் உடலுக்குத் தேவையான நார்ச்சத்து, புரதம், பொட்டாசியம், துத்தநாகம், பாஸ்பரஸ், வைட்டமின் பி6 மற்றும் மாங்கனீஸ் அதிக அளவு உள்ளன.

    * பிஸ்தா பருப்பில் மிக அதிகமாக ஆன்டி-அக்ஸிடன்ட்டுகள் உள்ளன. இவை எல்லாமே மனிதர்களின் ஆரோக்கியத்திற்கு பல வழிகளில் நன்மை தரும். ஆராய்ச்சி முடிவுகள், பிஸ்தா பருப்பு இதயத்திற்கு நன்மை தரும் கொழுப்பை கொண்டிருப்பதால் பல்வேறு இதய வியாதிகளை தடுக்கும் தன்மை கொண்டது. மேலும் இது கெட்ட கொழுப்பை குறைத்து இதய நோய்கள் வருவதை 12% வரை குறைக்கும்.

    * மன அழுத்தத்தினால் வரும் இரத்தக் கொதிப்பை பிஸ்தா பருப்பு நல்ல வகையில் கட்டுப்படுத்தும். மேலும் இரத்த குழாய்களை விரிவடைய செய்து, நல்ல இரத்த ஓட்டத்தை உண்டாக்கி இரத்த அழுத்தத்தைக் குறைக்கிறது.

    * பிஸ்தா சாப்பிட்ட பிறகு உடலில் க்ளுகோஸ் மற்றும் இன்சுலின் அளவு குறைவாக இருப்பதை பல ஆய்வுகள் உறுதிப்படுத்தி உள்ளது. இது பெப்டைட் 1 என்னும் ஹார்மோன் அளவை அதிகரித்து உடலின் க்ளுகோஸ் அளவை சீராக வைக்கிறது.

    * பிஸ்தாவில் உள்ள நார்ச்சத்து உணவு செரிமானத்தை சீர் செய்து மலச்சிக்கலை தடுக்கிறது மற்றும் இந்த நார்ச்சத்து குடலில் நல்ல பாக்டீரியா வளர்ச்சிக்கு உதவுகிறது. குடலில் உள்ள பாக்டீரியா இந்த நார்ச்சத்தை நொதிக்கச்செய்து மற்றும் பல நன்மைகளை கொண்ட குறுகிய சங்கிலி கொழுப்பு அமிலங்களை உற்பத்தி செய்கிறது.

    * பிஸ்தா பருப்பில் உள்ள துத்தநாகம் உடலின் நோயெதிர்ப்புத் தன்மையை உயர்த்துவதாக அறியப்படுகிறது. மேலும் உடலில் நோய் எதிர்ப்புத் திறனை அதிகரிக்கச் செய்யும்.

    * பிஸ்தா பருப்பு கர்ப்ப காலத்தில் உடலுக்குத் தேவையான மற்றும் முக்கியமான பல ஊட்டச்சத்துக்களைக் கொடுக்கிறது. பிஸ்தா பருப்பு தாய்ப்பால் கொடுக்கும் தாய்மார்களுக்கு மிக அதிகமாகப் பயன்படுவதோடு, தாய்மார்களுக்கு அளவிட முடியாத ஊட்டச்சத்துக்களை அள்ளி வழங்குகிறது.
    - பொ.பாலாஜிகணேஷ்
     

    ]]>
    http://images.dinamani.com/uploads/user/imagelibrary/2018/5/30/w600X390/mm15.jpg http://www.dinamani.com/weekly-supplements/magalirmani/2018/may/30/தெரிந்து-கொள்வோம்-ஊட்டச்சத்து-மிகுந்த-பிஸ்தா-2929820.html
    2929819 வார இதழ்கள் மகளிர்மணி சமையல்... சமையல்! DIN DIN Wednesday, May 30, 2018 11:13 AM +0530 பேரீச்சம் பழ மில்க் ஷேக்

    தேவையானவை:
    பேரீச்சம் பழம் - 200 கிராம்
    பால் - முக்கால் லிட்டர்
    உலர்ந்த திராட்சை - 25 கிராம்
    முந்திரி - 20 கிராம்
    வால்நட் - 10 கிராம்
    ஏலக்காய் - 4 
    செய்முறை: பாலை கொதிக்க வைத்து அதில் சுத்தம் செய்த பேரீச்சம் பழத்தை ஊறவைக்கவும். நன்கு ஊறியவுடன் மற்ற பொருட்களைச் சேர்த்து அரைக்கவும். குளிர்சாதனப் பெட்டியில் சிறிது நேரம் வைத்திருந்து சில்லென்று பரிமாறவும். சுவையான பேரீச்சம் பழ மில்க் ஷேக் தயார்.

    பேரீச்சம் பழ துவையல்

    தேவையானவை:
    பேரீச்சம் பழம் - 50 கிராம்
    உளுந்தம் பருப்பு - 20 கிராம்
    கடலைப் பருப்பு - 20 கிராம்
    காய்ந்த மிளகாய் - 10 
    புளி - சிறிதளவு
    உப்பு - தேவைக்கேற்ப
    பெருங்காயம் - கால் தேக்கரண்டி
    கறிவேப்பிலை - 2 தேக்கரண்டி
    செய்முறை: பேரீச்சம் பழத்தை கொட்டை நீக்கி சுத்தம் செய்து வைக்கவும். நல்லெண்ணெய்யைச் சூடாக்கி, அதில் உளுந்தம் பருப்பு, கடலைப்பருப்பு, காய்ந்த மிளகாய், பெருங்காயம், கறிவேப்பிலை சேர்த்து சிவக்க வறுக்கவும்.
    இவை ஆறிய பின் பேரீச்சம் பழம், புளி, உப்பு சேர்த்து கெட்டியாக அரைக்கவும். தேவைப்பட்டால் சிறிது நல்லெண்ணெய்யில் கடுகு தாளித்து சேர்க்கலாம். இதனை சாதம், இட்லி, தோசை, சாப்பாத்தி உடன் சாப்பிடலாம். குளிர் சாதனப் பெட்டியில் 10 நாள் வரை வைத்திருந்து உபயோகிக்கலாம்.

    பேரீச்சம் பழ அல்வா 

    தேவையானவை:
    பேரீச்சம் பழம் - 20
    கற்கண்டு - தேவையான அளவு
    தேங்காய்ப்பால் - தேவையான அளவு
    நெய் - தேவையான அளவு
    செய்முறை: பேரீச்சம் பழத்தை கொட்டை நீக்கி, தண்ணீரில் வேக வைத்து விழுது எடுத்து கொள்ள வேண்டும். பழத்துக்கு ஏற்ப கற்கண்டைப் பொடியாக்கி அதோடு சேர்த்துக் கொள்ள வேண்டும். தேங்காய்ப் பாலை ஊற்றி ஏற்கெனவே தயார் செய்த விழுதை சேர்த்து மிதமான தீயில் கிளற வேண்டும், பின்பு நெய் சேர்த்து கொள்ளவும். அல்வா பதத்துக்கு வந்ததும் இறக்கி ஆறிய பின் பரிமாறவும்.
    பேரீச்சம் பழ அல்வா (கேரளா ஸ்டைல்)
    பேரீச்சம் பழம் - 20 
    நெய் - கால் லிட்டர்
    சர்க்கரை - 100 கிராம்
    பால் - அரை லிட்டர்
    ஏலக்காய் பொடி - சிறிதளவு
    குங்குமப்பூ - சிறிது
    முந்திரி பருப்பு - 10
    செய்முறை: சுட வைத்த பாலில் கொட்டை நீக்கிய பேரீச்சம் பழங்கள் சிலவற்றை சிறிது நேரம் ஊர வைத்து, பின்னர் பேஸ்ட் போன்று அரைத்துக் கொள்ள வேண்டும். சிறிது நெய் ஊற்றி ஒரு பாத்திரத்தில் இட்டு அடுப்பில் வைத்து, அதில் அரைத்து வைத்துள்ள பேரீச்சம் பழத்துடன், சர்க்கரை சேர்த்து நன்கு கிளறி விட வேண்டும். பிறகு பால், சிறிது குங்குமப்பூ ஏலக்காய்ப் பொடி மற்றும் முந்திரி பருப்பு சேர்த்து கிளறி விட்டு அடுப்பில் இருந்து இறக்கி நெய் தடவிய தட்டில் ஊற்றி குளிர வைக்கவும்.

    பேரீச்சை அத்தி பழ அல்வா

    தேவையானவை:
    பேரீச்சம் பழம் - 100 கிராம்
    உலர்ந்த அத்திப் பழம் - 2
    நெய் - 150 கிராம்
    சர்க்கரை - கால் கிலோ
    எண்ணெய் - 50 மி.லி
    முந்திரி - 25 கிராம்
    திராட்சை 25 கிராம்
    வெள்ளரி விதை - 2 தேக்கரண்டி
    பழ ரக எசன்ஸ் - சிறிதளவு
    செய்முறை: பேரீட்சை மற்றும் அத்திப் பழங்களைச் சேர்த்து முதல் நாள் இரவு மூழ்கும் அளவில் நீர் சேர்த்து காலை வரை ஊற வைக்கவும். பின்னர், அந்த நீருடன் நைசாக அரைக்கவும், வாணலியில் நெய், எண்ணெய்யை ஒன்றாக சேர்க்கவும். பின் சர்க்கரை, அரைத்த பேரீட்சை விழுது சேர்த்து நன்றாக கிளரவும். கிளறும் போது நெய், எண்ணெய் கலவை ஒன்றாக சேரும் அளவு நன்றாக கிளரவும் ஒட்டாமல் வரும்போது முந்திரி, திராட்சை, வெள்ளரி விதை மற்றும் சிறிதளவு பழ ரக எசன்ஸ் சேர்த்து கிளறி இறக்கவும். சுவையான பேரீச்சை அத்தி பழ அல்வா தயார். 
    குறிப்பு: பேரீச்சை அல்வா செய்யும் போது கருப்பு பேரீச்சையாக இருக்க வேண்டும். பொள்ளாச்சி பகுதிகளில் பேரீட்சை அல்வா பிரபலம். இதில் அதிகளவு இரும்பு சத்து இருப்பதால், ரம்ஜான் நோன்பு காலங்களில் உடல் சோர்வை நீக்குகிறது. 

    பேரீச்சம் ஹோம்மேட் சாக்லேட்

    தேவையானவை:
    பேரீச்சம்பழம் - 30
    சாக்லெட் பார் - 1
    கோகோ பவுடர் - 1
    பாதம் - 30
    சர்க்கரை - சிறிதளவு
    செய்முறை: பேரீச்சம் பழம் கொட்டைகளை நீக்கிவிட்டு அதற்கு பதில் பாதாமை நடுவில் வைக்கவும். பின்னர் சாக்லெட் பார், கோகோ பவுடர் எடுத்து காய்ச்சிக் கொள்ளவும். பின்னர், ஐஸ் ட்ரேயில் காய்ச்சிய சாக்லெட்டை சிறிது ஊற்றி சிறிது நேரம் ஆறவிடவும். பின்னர், அதில் பாதம் வைத்த பேரீச்சம் பழத்தை எடுத்து வைத்து அதன் மேல் மீதமுள்ள காய்ச்சி சாக்லெட்டை ஊற்றி ப்ரிஜ்ஜில் வைத்து விடவும். ஹோம் மேட் பேரீச்சம் பழ சாக்லெட் தயார்.

    பேரீச்சம் பழ பர்ஃபி

    தேவையானவை:
    பேரீச்சம் பழம் - 20
    வேர்க்கடலை - 100 கிராம்
    சர்க்கரை - 50 கிராம்
    ஏலக்காய்த் தூள் - 2 தேக்கரண்டி
    செய்முறை: பேரீச்சம் பழங்களை துண்டு துண்டுகளாக நறுக்கவும். பின்னர் வேர்க்கடலையை ஒன்றிரண்டாக பொடிக்கவும். வாணலியில் சர்க்கரையை இட்டு பாகு காய்ச்சவும். ஒரு தட்டில் பாகு ஊற்றி பேரீச்சம் துண்டுகள் மற்றும் வேர்க்கடலைப் பொடி துண்டுகளைச் சேர்த்து கிளறி விடவும். பின்னர், ஏலக்காய்ப் பொடி சேர்த்து கிளறவும். ஒரு தட்டில் ஊற்றி ஆறவிடவும் பின்னர் துண்டுகளாக்கினால் பேரீச்சம் பழ பர்ஃபி தயார்.

    இந்த வாரம் ரம்ஜான் ஸ்பெஷல் பேரீச்சம் பழம் சமையல் குறிப்புகளை வழங்குபவர் பாத்திமா பீ.

     

    ]]>
    http://www.dinamani.com/weekly-supplements/magalirmani/2018/may/30/சமையல்-சமையல்-2929819.html
    2929817 வார இதழ்கள் மகளிர்மணி டயட் ரெடிமிக்ஸ் உணவு தயாரிப்பு! DIN DIN Wednesday, May 30, 2018 11:02 AM +0530 இல்லத்தரசியும் தொழில் முனைவோர் ஆகலாம்-9

    விதவிதமான ருசியான உணவு வகைகளை தயார் செய்து சாப்பிட வேண்டும் என்று சிலர் நினைப்பார்கள். ஆனால், அதை செய்வதற்கு நேரம் இருக்காது. குடும்பத்தில் உள்ள அனைவருக்கும் ஓட்டலில் வாங்கி கட்டுபடியும் ஆகாது. எனவே, நாம் வீட்டில் இருந்தபடியே தோசை மிக்ஸ், சத்து மாவு, பொங்கல் மிக்ஸ், திடீர் புட்டு, தோசை மிக்ஸ், இட்லி மிக்ஸ், ரவா தோசை மிக்ஸ், இடியாப்ப மிக்ஸ், பாதாம் மிக்ஸ், பாயசம் மிக்ஸ், மசாலா பொடி வகைகள் மற்றும் சாம்பார் பொடி, ரசப்பொடி, என பல வகையான ரெடிமிக்ஸ்களை தயார் செய்து விற்பனை செய்யலாம். இவை அனைத்தும் ஈரப்பதம் இல்லாமல் செய்வதால் எளிதில் கெடாது. இதற்கு பதப்படுத்தும் பொருளும் ஏதும் சேர்க்க வேண்டாம். வரவேற்பும் நன்றாக இருக்கும். இதையே சற்று வித்தியாசமாக செய்தால் வரவேற்பு கூடுதலாக இருக்கும். அதாவது மூலிகைப் பொடி வகைகளான, புளியம் இலைப் பொடி, எலுமிச்சை இலைப் பொடி, வேப்பம் பூ பொடி, கொள்ளுப் பொடி, ஆவாரை இலைப் பொடி என பல்வேறு மூலிகைப் பொடி வகைகளை தயார் செய்து அருகில் உள்ளவர்களுக்கு கொடுக்கலாம். இதில் கெமிக்கல் எதுவும் இல்லாததால், ஆர்கானிக் உணவு பொருள் அங்காடிகளுக்கும் விற்பனை செய்யலாம். இதனால் கணிசமான வருமானமும் கிடைக்கும்.
    டயாபட்டிக் உணவு: இது சிறுதானியத்தில் செய்யக் கூடியது. வரகு பொங்கல் மிக்ஸ், முத்து சோள ரொட்டி மிக்ஸ், கம்பு தோசை மிக்ஸ், கேழ்வரகு இட்லி மிக்ஸ் நவதானிய அடை மிக்ஸ் என பலவகையான டயாபட்டிக் ரெடி மிக்ஸ்களை தயாரித்து விற்பனை செய்யலாம். இது டயாபட்டிக் உள்ளவர்களுக்கு மட்டும் இல்லாமல் அனைவரும் சாப்பிட நல்ல தரமான உணவு பொருளாகும். இதற்கு நல்ல வரவேற்பும் இருக்கும்.
    ஐஸ் கிரீம், குல்ஃபி ஐஸ்: இதற்கு பிளண்டர் தேவை. மேலும், வீட்டில் பிரிட்ஜ் இருந்தால் போதும். (பிளண்டர் ரூ.1000 முதல் ரூ.2000 வரையில் கிடைக்கிறது) பழங்கள், சிறுதானியம் ஆகியவற்றைக் கொண்டு ஐஸ் மற்றும் குல்ஃபி ஐஸ் தயாரிக்கலாம். 
    இதற்கு குழந்தைகள் மத்தியில் நல்ல வரவேற்பு கிடைக்கும். இதனை செய்வதும் எளிது. இதில் மலாய் குல்ஃபி, கேசர் குல்ஃபி, பிஸ்தா குல்ஃபி, ஸ்ட்ராபெர்ரி குல்ஃபி பலவகையான குல்ஃபி இருக்கிறது. இவற்றை தயாரிக்கும் முறைகளை கற்றுக் கொண்டு வீட்டிலிருந்தபடியே தயார் செய்து விற்பனை செய்யலாம். 
    என்ன தொழில் செய்கிறோம் என்பது முக்கியம் இல்லை. அதை எவ்வாறு செய்தால் வெற்றிபெறலாம் என்பதை கற்றுக் கொண்டு புத்திசாலித்தனத்துடன் செய்தால் நிச்சயம் ஜெயிக்கலாம். ஒருநாளில் நீங்களும் தொழில் முனைவோர் ஆகலாம்.
    - ஸ்ரீ
     

    ]]>
    http://images.dinamani.com/uploads/user/imagelibrary/2018/5/30/w600X390/mm14.jpg http://www.dinamani.com/weekly-supplements/magalirmani/2018/may/30/டயட்-ரெடிமிக்ஸ்-உணவு-தயாரிப்பு-2929817.html
    2929816 வார இதழ்கள் மகளிர்மணி இறுக்கமான உள்ளாடை அணிபவர்களா? உஷார்! DIN DIN Wednesday, May 30, 2018 10:55 AM +0530 பெண்களுக்கு ஆடை , அலங்காரம் என்றாலே பிரியம் தான். உடல் அமைப்பை அழகாக காட்டும் ஆடைகளையே விரும்புவார்கள். இதனால் உள்ளாடைகளையும் இறுக்கமாக அணிகிறார்கள். உள்ளாடைகளை இறுக்கமாக அணிவதால் பல இன்னல்களை சந்திப்பார்கள். இருப்பினும் அவர்கள் அதையே தொடர்ந்து செய்வார்கள். இப்படி இறுக்கமாக உள்ளாடை அணிவதால் ஏற்படும் பிரச்னைகளை பற்றி பார்க்கலாம்.
     பெண்கள் கட்சிதமாக ஆடை அணிகிறோம் என்ற பெயரில் நிறைய பேர் இறுக்கமாக தான் உள்ளாடை அணிகிறார்கள். இதனால் நிறைய பேருக்கு அலர்ஜி ஏற்படுவதும் உண்டு. நாள் கணக்காக அரிப்பு ஏற்படும். எதனால் இப்படி ஏற்பட்டது என்று யாரும் கவனிப்பதும் இல்லை.
     ரத்த ஓட்டம், நெஞ்செரிச்சல், அலர்ஜிகள் என இறுக்கமாக உள்ளாடை அணிவதால் பல உடல்நல பிரச்னைகள் ஏற்படுகின்றன. இறுக்கமாக உள்ளாடை அணிவதால் சீரான ரத்த ஓட்டம் தடைப்படுகிறது. இதனால் அவ்விடத்தில் இருக்கும் நரம்புகள் உணர்ச்சியற்று போக வாய்ப்புகள் இருக்கின்றன.
     சீரான ரத்த ஓட்டம் தடைப்படும் போது அவ்விடத்தில் இருக்கும் திசுக்கள் இறந்து போக கூடும். எரிச்சல், அலர்ஜி போன்றவை ஏற்படவும் இறுக்கமான முறையில் உள்ளாடை அணிவது ஓர் காரணமாக அமைகிறது. தினமும் இவ்வாறு நீங்கள் அணிவதால் உடல்நல அபாயங்கள் ஏற்பட வாய்ப்புகள் அதிகம். எனவே, இறுக்கமான முறையில் உள்ளாடை அணிய வேண்டாம். சிலர் உள்ளாடையை வயிறு வரை ஏற்றி இறுக்கமாக அணிவார்கள். இது வயிறு பகுதியை மிகவும் கடினமாக உணர செய்யும். இதனால் ஏற்படும் அமில எதிர்வினையின் காரணமாக நெஞ்செரிச்சல் ஏற்பட வாய்ப்புகள் உண்டு. அவ்விடத்திற்கும் காற்றோட்டம் தேவை. இறுக்கமாக உள்ளாடை அணிவதால் காற்றோட்டம் தடைப்படுகிறது.
     இதனால் வியர்வை அதிகம் வெளிப்பட்டு அவ்விடத்திலேயே தங்கி பாக்டீரியா தொற்று ஏற்படும் அபாயமும் உண்டு. மிக இறுக்கமாக உள்ளாடை அணிவதால் பெண்களுக்கு சிறுநீர் குழாய் தொற்று ஏற்படும் அபாயம் இருக்கிறதாம். இதற்கு காரணம் காற்று புகாத வண்ணம் உள்ளாடை அணிவதே ஆகும். இது மெல்ல மெல்ல ஈஸ்ட் தொற்று ஏற்பட காரணமாகவும் அமைகிறது.
     சில குறிப்பிட்ட துணி ரகங்களில் தயாரிக்கப்படும் உள்ளாடைகளை இறுக்கமாக அணிவதால் சரும நோய்கள் ஏற்படவும் வாய்ப்புகள் இருக்கின்றன. முக்கியமாக நைலான் போன்றவை ஆகும். சிவந்த தடுப்புகள், சருமம் பழுத்து காணப்படுதல் போன்றவை ஏற்பட அதிக வாய்ப்புகள் இருக்கின்றன.
     - பா. கவிதாபாலாஜி

    ]]>
    http://images.dinamani.com/uploads/user/imagelibrary/2018/5/30/w600X390/mm11.jpg http://www.dinamani.com/weekly-supplements/magalirmani/2018/may/30/இறுக்கமான-உள்ளாடை-அணிபவர்களா-உஷார்-2929816.html
    2929815 வார இதழ்கள் மகளிர்மணி அம்மா! - ரேவதி சங்கரன் DIN DIN Wednesday, May 30, 2018 10:54 AM +0530 பிரபலங்கள் தங்கள் தாயார் குறித்து எழுதும் தொடர்:
    திரைப்படம், சின்னத்திரை நடிகையாக, தொகுப்பாளராக பிரபலமானவர் ரேவதி சங்கரன். கதாகாலட்சேபம், பாடகி, நாடக ஆக்கம், வசனம், பாட்டிவைத்தியம், கந்தபுராணப் பாடல்கள் 10000 பாடல்களுக்கு டியூன் அமைத்தவர் எனப் பன்முகத் திறமை கொண்டவர். தனது தாயார் கமலம் குறித்து இங்கே விவரிக்கிறார்: 
    என் அம்மா பேரு கமலம். இன்று நான் இந்த அளவிற்கு இருக்கிறேன் என்றால் அதற்கு முழுமையான காரணம் எனது அம்மாதான். எப்படி என்று நீங்கள் கேட்பது என் காதில் விழுகிறது. நான் பிறந்தது என்னவோ சென்னையில்தான். ஆனால் என் அம்மா இருந்தது மதுரையில். பிள்ளை பேற்றிற்காக எனது அம்மா தனது தாயாரின் வீடான சென்னைக்கு வந்திருந்தார்கள். நான் பிறந்த மூன்று மாதத்தில் என்னை அழைத்துக் கொண்டு மதுரைக்குச் சென்று விட்டார்கள். விடுமுறை என்றால் அன்று மட்டும் அல்ல என்றுமே பாட்டி தாத்தா வீடுதானே குழந்தைகளுக்கு சொர்க்கம். இன்றைய சாந்தோமில் தான் எனது பாட்டி தாத்தா தங்கி இருந்தார்கள். அன்று எங்கள் பக்கத்து வீட்டில் இருந்தவர்கள் யார் தெரியுமா? இசையரசி எம்.எஸ்.சுப்புலக்ஷ்மி - சதாசிவம் தம்பதியர்தான். அவர்கள் வீட்டில் பாடும் போது எங்கள் வீட்டில் அது நன்றாக கேட்கும். எங்கள் வீட்டில் உள்ள பெரியவர்கள் குறிப்பாக என் அம்மாவுக்கு அவர்களுடன் நல்ல பழக்கம் ஏற்பட்டது. இதன் விளைவாக எனக்கும் ஒரு சில பாடல்கள் தெரிந்தன. அவைகளை நான் அவர்களிடம் பாட, அவர்கள் எனது பாட்டை பாராட்டி என்னை மட்டும் அல்ல எனது குடும்பத்தாரையும் மகிழ்வித்தார்கள். சரி, இந்த பாடல்கள் எப்படி எனக்கு தெரிந்தது என்று நான் முதலில் சொல்லவேண்டும் இல்லையா? 
    எனது அம்மா ஒரு முறை என்னை எனது தாத்தா வீடான சென்னைக்கு அழைத்துச் சென்றார். சரி நாம், எப்பொழுதும் போல் விடுமுறைக்கு தாத்தா வீட்டிற்கு வந்திருக்கிறோம் என்று நினைத்தால், விடுமுறை முடிந்து இங்கேயே ஒரு பள்ளியில் என்னை படிக்க வைக்க முடிவு செய்தார். அதுதான் சென்னை தி.நகரில் (அன்றைய மாம்பலம்). ஏன் இந்த எண்ணம் என்று அன்று எனக்கு தெரியவில்லை. நான் சென்னையில் படிக்கச் ஆரம்பித்தேன். அவ்வப்பொழுது அம்மா வருவார் நான் அழுவேன். ஆனால் பின்னர் தான் அவர் செய்த மிகப் பெரிய தியாகம் எனக்கு தெரிந்தது . தனது பெண் குழந்தையான என்னை தனியே தாத்தா வீட்டில் விட்டு விட்டு இருக்க அம்மாவால் எப்படி முடிந்தது. ஆனால் ஒரு குழந்தை நல்ல முறையில் வளர்ந்து பின்னாளில் சிறந்த ஒரு பெண்மணியாக மாறுவதற்கு எனது அம்மா செய்த தியாகம் அது என்று புரிந்தது. 
    எப்போது என்னைப் பார்த்தாலும் பாட்டை பற்றியும் எனது பள்ளியை பற்றியும் அம்மா கேட்டு தெரிந்து கொள்வார். இன்று நான் பல்வேறு கர்நாடக இசை பாடல்களை பாடுகிறேன் என்றால் அதற்கு நான் சென்னையில் இருந்ததுதான் காரணம். இங்கு என்னால் பாட்டு சிறப்பாக கற்க முடிந்தது. பத்தமடை சுந்தரம்தான் எனக்கு பாட்டு கற்றுக் கொடுத்தார். நீலா பாலசுப்ரமணியம் தான் எனக்கு நடனம் கற்றுக் கொடுத்தார். 
    சென்னையில் இருக்கும் போதெல்லாம் ஒருமுறையேனும் நாங்கள் காஞ்சிபுரம் செல்லாமல் இருக்கமாட்டோம். எங்கள் "சாரதா வித்யாலயா' பள்ளிக்கு பக்கத்தில் இருந்த தருமபுரம் ஆதீனம் இருந்த இடத்தில் "இங்கு தேவாரம் கற்றுக் கொடுக்கப்படும்' என்று போர்டு வைத்திருந்தார்கள். அன்று நான் சின்ன பெண், துடுக்குத்தனமாக பேசுவேன் என்பதாலும் மகா பெரியவரிடம் நாங்கள் தேவாரம் கற்றுக் கொள்ளலாமா என்று கேட்டேன். "கற்றுக் கொள்ளலாமே' என்று கூறியதுடன், நாங்கள் ஒரு நான்கு பெண் குழந்தைகள் அடுத்த நாளே தருமபுரம் மடத்துக்கு சென்று, தேவாரம் கற்றுக் கொள்ள வந்துள்ளோம் என்று கூறினோம். அங்கு இருந்த தருமபுரம் ஸ்வாமி நாதன் எங்களுக்கு சந்தோஷமாக கற்றுக் கொடுத்தார். 
    மதுரைக்கு அவ்வப்போது செல்வதனால், இங்கு நான் சென்னையில் கற்ற பாட்டு, நடனம் முதலிய எனது திறமையை காண்பித்து, பல்வேறு பரிசுகள் பெற்றேன். அதில் குறிப்பாக சொல்லவேண்டும் என்றால் "கந்தர் கலிவெண்பா' போட்டி பற்றி குறிப்பிட வேண்டும். திருப்பனந்தாள் மடம் யார் மனப்பாடமாக, சரியாக "கந்தர் கலிவெண்பாவை' ஒப்பிக்கிறார்களோ அவர்களது மூன்று வருட பள்ளிப் படிப்பின் கட்டணத்தை நாங்கள் கட்டி விடுகிறோம் என்று அறிவித்திருந்தார்கள். இது நான்காம் வகுப்பு படிக்கும் எல்லா குழந்தைகளுக்கும் பொருந்தும் என்று போட்டிருந்தது. தேவாரம் மனப்பாடமாக கற்றபிறகு இது என்ன என்ற நினைப்பில் நான் கலந்து கொள்ள பெயர் கொடுத்து முதல் பரிசையும் பெற்றேன். 
    அன்று தலைமை தாங்கிய வெங்கட்ராமையர் என்பவர்தான் எனக்கு பரிசினை அளித்தார். சமீபத்தில் அவரை சென்னையில் உள்ள ஒரு கோயிலில் பார்த்த போது காலில் விழுந்து ஆசீர்வாதம் வாங்கியபின், என்னை தெரிகிறதா என்று கேட்டேன். "மதுரை ரேவதி தானே' என்று சரியாக சொன்னார். எப்படி இவ்வளவு சரியாக சொல்கிறீர்கள் என்று கேட்டதற்கு, "அன்று நீங்கள் ஒருவர்தான் முதல் பரிசுக்கு சிறப்பாக பாடி தேர்வு பெற்றவர் என்றார். அந்த அளவிற்கு நான், மதுரையில் மிகவும் புகழ் பெற்றவள். இதற்கு எல்லாம் காரணம் எனது அம்மாதான். அவர்தான் தனது குழந்தை எல்லாம் கற்று புகழ் பெறவேண்டும் என்று நினைத்தார். 
    மதுரையில் நான் சிறுமியாக இருந்த போது எம்.எஸ். அம்மாவின் குடும்பம் எல்லோரும் அங்கு தான் இருந்தார்கள். எனது தாத்தா அங்கு புகழ் பெற்ற மருத்துவர். அன்றைய எல்.எம்.பி. (L .M .P ) சுற்று வட்டாரத்தில் உள்ள பல குடும்பங்கள் எல்லோரும் இவரிடம்தான் மருத்துவம் பார்ப்பார்கள். என்னை பொருத்தவரை எனக்கு பிறந்த வீடு புகுந்த வீடு இரண்டும் ஒன்றுதான். 
    எனது அம்மா கண்டிப்பானவர், அதே சமயம் அன்பானவர். எல்லோரையும் ஏற்றத்தாழ்வு இல்லாமல் சரி சமமாக பார்க்க கூடியவர். மதுரையில் உள்ள எங்கள் வீட்டில் ஓர் அறைமுழுவதும் அரிசி கொட்டிவைத்திருப்பார்கள் . அந்த அறைக்கு பெயரே அரிசி அரை என்றுதான் அழைப்பார்கள். எங்கள் வயல் வெளியில் வேலை செய்யும் வேலையாட்கள் அனைவர்க்கும் தனது கையாலேயே உணவு செய்து எனது அம்மா பரிமாறுவார். என்னையும் பரிமாற சொல்வார். ஒருமுறை நான் குழந்தையாக இருந்த போது ஏன் இப்படி நாமே பரிமாறவேண்டும் என்று கேட்டபோது, அவர்கள் எல்லோரும் நாம் சாப்பிட வேலை செய்கிறார்கள். நாம் அவர்களுக்கு செய்யும் ஒரே கைமாறு அவர்களை சந்தோஷமாக வைத்துக் கொள்வதுதான். இந்த மாதிரி செய்து அவர்களுக்கு நாம் மரியாதை அளிக்கவேண்டும் , மகிழ்விக்கவேண்டும் என்பார்கள். என் அம்மாவின் நல்ல மனமும் அவரது தயாள குணமும் எனக்கு அன்று தெரிந்தது.
    எனது தந்தை ஸ்ரீனிவாசனுக்கு என் அம்மா ஒரு நல்ல மதி மந்திரியாக இருந்தார். எனக்கு நல்ல தாயாராக மிளிர்ந்தார். எங்களிடம் இருந்த வயல் காடுகளை சிறந்த முறையில் நிர்வகிப்பதும் அம்மாதான்.
    பிரச்னை என்று வரவிடவே மாட்டார். எந்த அளவிற்கு சிக்கனமாக செலவு செய்யணுமோ அந்த அளவிற்கு செலவு செய்வார். அதே சமயம் தேவையானவற்றை வாங்காமல் இருக்க மாட்டார். மதி மந்திரி என்று நான் சொன்னதிற்கு காரணம் இதுதான். அதே போல் சிறந்த தாயார் என்பதற்கு எங்களை அவர் வழி நடத்தி சென்ற முறையும் பாராட்டவேண்டிய ஒன்று தான். தனது குழந்தைகளுக்கு (எனக்கு இரு தம்பிகள்) என்ன தேவை, அதை எப்படி கொடுக்க வேண்டும் என்று சரியாக தெரிந்தவர் என் தாயார். அதே போல் சாப்பாட்டிலும் அவரது பங்கு அளப்பறியது. சமையலில் எதனுடன் எது இணைத்தால் சுவையாக இருக்கும் என்று நன்றாக தெரிந்தவர். 
    உதாரணமாக, பருப்பு துவையலுக்கு சீரக ரசம் இருந்தால் அதன் சுவையே தனி என்று சொல்வார். இந்த காம்பினேஷன் என் பாட்டியிடமிருந்து என் அம்மா தெரிந்து கொண்டது என்று கூறலாம். இது போல பல காம்பினேஷன் அவரிடம் உண்டு. இப்படி வாழ்க்கைக்கு தேவையான பல்வேறு விஷயங்களை எங்களுக்கு சொல்லாமல் சொல்லி கொடுத்தவர் அம்மா. 
    அன்று நான் கற்ற பாடம் தான் இன்று எனக்கு உறுதுணையாக இருக்கிறது. நான் மேடையில் பேசுவதற்கு, பாடுவதற்கும் அவரது ஆரம்ப பாடம் தான் காரணம். அன்று அவர் செய்த தியாகம் தான் இன்று என்னை வழிநடத்துகிறது என்று சொன்னால் அது மிகை இல்லை. 
    - சலன்

    ]]>
    http://images.dinamani.com/uploads/user/imagelibrary/2018/5/30/w600X390/mm9.jpg http://www.dinamani.com/weekly-supplements/magalirmani/2018/may/30/அம்மா---ரேவதி-சங்கரன்-2929815.html
    2929813 வார இதழ்கள் மகளிர்மணி அரசுக்கும், அரசியலுக்கும் எதிரான போராட்டம்! DIN DIN Wednesday, May 30, 2018 10:47 AM +0530 மணிப்பூர் மாநிலத்தில் 16 ஆண்டுகளாக ராணுவத்தினருக்கு அளிக்கப்பட்ட ஆயுதபடைக்கு சிறப்பு அதிகாரம் என்ற சட்டத்தை திரும்ப பெற வேண்டுமென்பதற்காக உண்ணாவிரதம் இருந்த சமூக ஆர்வலர் ஐரோம் ஷர்மிளா, போராட்டத்தை கைவிட்டு, சட்டமன்ற தேர்தலில் போட்டியிட்டபோது, சொந்த மாநில மக்களாலேயே புறக்கணிக்கப் பட்டார். இதனால் மனமுடைந்த ஷர்மிளா, மணிப்பூரைவிட்டு வெளியேறி ஊட்டியில் குடியேறி, பிரிட்டிஷ் பிரஜையான டெஸ்மாண்ட் கவுடின்ஹா என்பவரை மணந்து கொண்டார். அண்மையில் பெங்களூரு வந்த அவர் அளித்த பேட்டியின் ஒருபகுதி.
     அண்மையில் மேகாலயா மற்றும் அருணாச்சல பிரதேசத்தில் சில காவல் நிலையங்களிலும் ராணுவத்தினருக்கு அளிக்கப்பட்ட சிறப்பு அதிகாரத்தை ரத்து செய்திருப்பது. தங்கள் போராட்டத்திற்கு கிடைத்த வெற்றியாக கருதலாமா?
     ராணுவத்தினருக்கு அளிக்கப்பட்ட சிறப்பு அதிகாரத்தை ரத்து செய்திருப்பது அவர்களுடைய அரசியலாகும் என்னுடைய 16 ஆண்டு கால போராட்டத்திற்கு கிடைத்த வெற்றியாக இதை கருத முடியாது. பிரிட்டிஷார் காலத்திய சட்டத்தை உள்நாட்டில் பாதுகாப்புக்காக எனக் கூறி இப்போது அமல்படுத்த வேண்டிய அவசியமென்ன? இது ஜனநாயக, குடியரசு நாடு. உள்நாட்டு பாதுகாப்புக்காக, அமர்த்தப்பட்ட ராணுவத்தினருக்கு சிறப்பு அதிகாரம் அளிப்பது ஜனநாயகத்திற்கு முரணானது. 16 ஆண்டுகளாக துவக்கத்திலிருந்தே என்னுடைய போராட்டத்தை அரசு புறக்கணித்து வந்தது.
     இதுவரை மணிப்பூர் மக்களுக்காக நடத்திய போராட்டத்தை கைவிட்டு வெளியேறியது உங்கள் மாநில மக்களை ஏமாற்றியதாக கருதுகிறீர்களா?
     கடந்த 16 ஆண்டுகளாக எந்த சுயநலமும் இன்றி மாநில மக்கள் அச்சமின்றி வாழ வேண்டுமென்பதே என் போராட்டத்தின் நோக்கமாகும். ஒரு துளி தண்ணீர் கூட அருந்தவில்லை. பின்னர் என்னுடைய போராட்டத்தை வேறுவிதமாக நடத்த தீர்மானித்தேன். மக்களின் கருத்தைக் கேட்டேன். அவர்களும் புறக்கணித்தனர். அதன் பின்னர்தான் என் விருப்பப்படி முடி வெடுத்து போராட்டத்தை மாற்றினேன். இதனால் மக்களின் வெறுப்புக்காளானேன். எந்த காரணத்திற்காகவும் நான் அவர்களை இணைத்துக் கொள்ள விரும்பவில்லை. இதனால் மக்கள் என்னை வெறுத்தனர். உண்ணாவிரதத்தை கைவிட்டது திருப்புமுனையாக அமைந்தது. அதுவரை அவர்கள் என்னை கடவுளாகவும், சகோதரியாகவும், மகளாகவும் கருதியவர்கள், என்னை ஏழையாகவும், சுயநலவாதியாகவும் பிரச்னையிலிருந்து தப்பிக்கும் பெண்ணாகவும் கருத தொடங்கினர். இத்தகைய மனிதர்கள் நடுவில் வாழும் நான், என் போராட்டத்தை புதுமையாகவும், வேறு முறையிலும் நடத்த விரும்பினேன். ஆனால், அது மக்களுக்காக அல்ல. என் மாநிலத்திற்காக.
     மீண்டும் அரசியலுக்கு வருவீர்களா?
     எல்லாமே அரசியல்தான். இங்கு மாணவர்களிடம் பேசுவது கூட ஒரு வகையான அரசியல்தான். ஆனால் நான் நடத்துவது மாநில மற்றும் தேசிய அரசியலுடன் தான். மக்களின் கோரிக்கைகளை நம் பிரதிநிதிகள் அரசுடன் விவாதிப்பதுதான் ஜனநாயகம். ஆனால் நடப்பது என்ன? மக்கள் அளிக்கும் வாக்குகளால் ஒரு அமைச்சருக்கு தேவையான அதிகாரம் கிடைக்கிறதா? நான் தேர்தலில் நின்றபோது எனக்கு கிடைத்த 90 வாக்குகள் என்னை இப்படித்தான் சிந்திக்க வைக்கிறது. நான் தேர்தலில் போட்டியிடுவதற்கு என் சொந்த சகோதரனே கடுமையான எதிர்ப்பை காட்டினான்.
     துவக்கத்தில் என்னுடைய போராட்டத்திற்கு ஆதரவளித்து வந்த என் சகோதரன், ஒரு கட்டத்தில் என் போராட்டத்தை தவறு என்றும், எனக்கு கிடைத்த புகழை தனக்கு சாதகமாகவும் பயன்படுத்திக் கொள்ள துவங்கினான். என் நீண்ட கால போராட்டத்தை சில அமைப்புகளுடன் சேர்ந்து கொண்டு நான் போட்டியிட்ட குராய் தொகுதியில் எனக்கெதிராக இழிவுப்படுத்தி பிரசாரம் செய்தான்.
     ஒவ்வொரு தேர்தலின் போதும் என் புகழைப் பயன்படுத்தி இடைத்தரகர் போன்று செயல்பட்டு சில லட்சங்கள் பெற்றுக் கொள்வதை நான் மறைமுகமாக அறிந்தேன். இதனால் நான் போராட்டத்தை கைவிடுவதாக அறிவித்ததற்கு, தேர்தலில் போட்டியிட போவதாக கூறியதற்கும் எதிர்ப்பு தெரிவித்தான். முதல்வர் தொகுதி தவுபால், என்னுடைய தொகுதி குராய் தேர்தலில் முதல்வரை எதிர்த்து போட்டியிட நினைத்தபோது, இரண்டு தொகுதிகளில் நான் போட்டியிடுவதற்கு என் சகோதரன் எதிர்ப்பைத் தெரிவித்தான். தன் சொந்த புத்தியை பயன்படுத்தாமல், பிறர் சொல்வதை கேட்டு செயல்பட்டான். என் ஆதரவாளர்கள், என் நம்பிக்கை, உரிமைகள் அனைத்தும் தவறாக விமர்சிக்கப்பட்டது. தேர்தல் பிரசாரத்தின் போது எனக்கெதிராக லட்சக்கணக்கில் ரூபாய் செலவிடப்பட்டது. இது மிகவும் கேவலமானது. ஒரு துளி தண்ணீர் கூட அருந்தாமல், என் நாக்கு வறண்டு போன நிலையில் நான் நடத்திய போராட்டம் பலனின்றி போனது. இந்த உண்மை அவர்களது பிரசாரத்தால் எடுபடவில்லை. அவர்கள் என்னிடம் கேட்ட கேள்விகளுக்கு நான் எழுதி தந்த பதில்களில் பெரும்பகுதி நீக்கப்பட்டு, அவர்களாகவே சொந்தமாக பதில்களை எழுதி, என்னுடைய உண்மை வரலாற்றையே சிதைத்துவிட்டனர். இதனால் தான் என் சுய சரிதையை நானே எழுத தீர்மானித்துள்ளேன். இப்போது நான் தினமும் பிரார்த்தனை செய்வது என் சுதந்திரத்திற்காகத்தான்.
     - அ.குமார்
     
     

    ]]>
    http://images.dinamani.com/uploads/user/imagelibrary/2018/5/30/w600X390/mm8.jpg http://www.dinamani.com/weekly-supplements/magalirmani/2018/may/30/அரசுக்கும்-அரசியலுக்கும்-எதிரான-போராட்டம்-2929813.html
    2929812 வார இதழ்கள் மகளிர்மணி சமூக வலைதளத்தில் ஐஸ்வர்யா! DIN DIN Wednesday, May 30, 2018 10:46 AM +0530 2018- ஆம் ஆண்டு வெளியான "சர்ப்ஜித்' படத்திற்குப் பின் ஐஸ்வர்யாராய் பச்சன் நடிக்கும் புதிய படங்கள் ஏதும் வெளிவராத நிலையில் உலகம் முழுவதும் ரசிகர்களை வைத்துள்ள ஐஸ்வர்யா, தற்போது முக நூல், டுவிட்டர் மற்றும் இன்ஸ்டாகிராம் மூலம் நேடியாக ரசிகர்களை தொடர்பு வைப்பதில் ஆர்வம் காட்டி வருகிறார். திரையுலகை பொருத்தவரை தற்போது அனில் கபூருடன் நடித்துவரும் "ஃபன்னேகான்' இவரது அடுத்து வெளிவரவுள்ள படமாகும்.
     - அருண்
     

    ]]>
    http://images.dinamani.com/uploads/user/imagelibrary/2018/5/30/w600X390/mm7.jpg http://www.dinamani.com/weekly-supplements/magalirmani/2018/may/30/சமூக-வலைதளத்தில்-ஐஸ்வர்யா-2929812.html
    2929811 வார இதழ்கள் மகளிர்மணி மிகவும் விருப்பமான பெண்மணிகளில் முதலிடம்! DIN DIN Wednesday, May 30, 2018 10:45 AM +0530 கடந்த ஆண்டில் இந்தியாவில் அனைத்துத் துறைகளிலும் மிகவும் விருப்பமான 50 பெண்மணிகள் யார் என்ற கருத்து கணிப்பில் முதலிடத்தைப் பிடித்துள்ளார் 2017 -ஆம் ஆண்டின் "உலக அழகி' பட்டம் பெற்ற மானுஷி சில்லர். ""ஒவ்வொரு பெண்ணுக்கும் உள்ள கனவுகள்தான் எனக்குள்ளும் இருந்தது. இதுவே என்னை அனைவரும் விரும்பும் பெண்ணாக தேர்ந்தெடுக்க வைத்திருக்கலாம். இன்றைய பெண்கள் முதலில் தங்களை நம்புவதுடன், தான் யார் என்பதையும் உணர வேண்டியது முக்கியமாகும். மற்றவர்கள் வழிகாட்டுதலை விட உங்களுக்கென்று தன்னம்பிக்கையுடன் பாதையை தேர்ந்தெடுங்கள்'' என்கிறார் மானுஷி.

    ]]>
    http://images.dinamani.com/uploads/user/imagelibrary/2018/5/30/w600X390/mm6.jpg http://www.dinamani.com/weekly-supplements/magalirmani/2018/may/30/மிகவும்-விருப்பமான-பெண்மணிகளில்-முதலிடம்-2929811.html
    2929810 வார இதழ்கள் மகளிர்மணி குதிரை சவாரி பயிற்சி பெறும் நடிகை! DIN DIN Wednesday, May 30, 2018 10:43 AM +0530 மூன்றாம் பானிபட் யுத்தத்தை அடிப்படையாக வைத்து அர்ஜுன் சிங், சஞ்சய் தத் ஆகியோருடன் நடிகை கீர்த்தி சனோன் நடிக்கும் பானிபட் சரித்திரப் படத்தை சுனிதா கவுரிகர் தயாரித்து வருகிறார். வரலாற்று படமென்பதால், அமெச்சூர் ரைடர்ஸ் கிளப்பைச் சேர்ந்த சுரேஷ் உதவியுடன் கீர்த்தி சனோன் குதிரையேற்றப் பயிற்சி பெற்று வருகிறாராம். பயிற்சி பெறும் குதிரையுடன் தன்னுடைய புகைப்படத்தையும், தகவலையும் இணையதளத்தில் வெளியிட்டுள்ளார் கீர்த்தி சனோன்.

    ]]>
    http://images.dinamani.com/uploads/user/imagelibrary/2018/5/30/w600X390/mm5.jpg http://www.dinamani.com/weekly-supplements/magalirmani/2018/may/30/குதிரை-சவாரி-பயிற்சி-பெறும்-நடிகை-2929810.html
    2929809 வார இதழ்கள் மகளிர்மணி பியானோ தேர்ச்சி பெற்ற நடிகை! DIN DIN Wednesday, May 30, 2018 10:42 AM +0530 "ஹேப்பி பாக் ஜாயேகி' , "லக்னோ சென்ட்ரல்' ஆகிய படங்களில் நடித்த டயானா பென்ட்டி, கடந்த எட்டாண்டுகளாக பியானோ வாசிப்பில் பயிற்சிப் பெற்று, அண்மையில் பித்தோவனின் பிரபலமான பாடலொன்றை இசைத்து வீடியோவாக இன்ஸ்டா கிராம் பக்கத்தில் வெளியிட்டு பாராட்டுகளைப் பெற்றுள்ளார். இந்தியா அணுசக்தி வல்லரசு நாடு என நிரூபிக்க 1998 - ஆம் ஆண்டு பொக்ரானில் நடத்திய அனுகுண்டு சோதனையை அடிப்படையாக வைத்து அபிஷேக் சர்மா இயக்கத்தில் தயாராகும் "பார்மனு' டயானா பென்ட்டியின் அடுத்த படமாகும்.
     

    ]]>
    http://images.dinamani.com/uploads/user/imagelibrary/2018/5/30/w600X390/mm4.jpg http://www.dinamani.com/weekly-supplements/magalirmani/2018/may/30/பியானோ-தேர்ச்சி-பெற்ற-நடிகை-2929809.html
    2929808 வார இதழ்கள் மகளிர்மணி தோல்விக்கு நடிகைகள் காரணமல்ல! DIN DIN Wednesday, May 30, 2018 10:41 AM +0530 "என் தனிப்பட்ட வாழ்க்கையைப் பற்றி மற்றவர்கள் தெரிந்து கொள்ள வேண்டிய அவசியமில்லை. திரைத்துறையைப் பொருத்தவரை ரசிகர்கள் ஏற்றுக் கொள்ளும் வகையில் எனக்குப் பிடித்த பாத்திரம் என்றால் மட்டுமே நடிக்க ஒப்புக் கொள்வேன். நல்ல படமாக இருந்து வெற்றி பெற்றால் உங்கள் தனிப்பட்ட வாழ்க்கையை பற்றி யாரும் பேசமாட்டார்கள். ஒருவேளை படம் தோல்வியடைந்தால் நடிகைகள் தனிப்பட்ட வாழ்க்கையை காரணமாக சொல்வது தவறு'' என்கிறார் ராணி முகர்ஜி.

    ]]>
    http://images.dinamani.com/uploads/user/imagelibrary/2018/5/30/w600X390/mm3.jpg http://www.dinamani.com/weekly-supplements/magalirmani/2018/may/30/தோல்விக்கு-நடிகைகள்-காரணமல்ல-2929808.html
    2929807 வார இதழ்கள் மகளிர்மணி நர்கீஸ் தத்தாக மனீஷா கொய்ராலா! Wednesday, May 30, 2018 10:40 AM +0530 பாலிவுட் நடிகர் சஞ்சய் தத்தைப் பற்றி ராஜ்குமார் ஹிராணி எழுதிய "சஞ்சய்' என்ற புத்தகம் திரைப்படமாகிறது. இதில் சஞ்சய் தத்தாக ரண்பீர் கபூர் நடிக்க, சஞ்சய் தத்தின் தாயார் நர்கீஸ் தத்தாக மனீஷா கொய்ராலா நடிக்கிறார். நர்கீஸ் தத்தாக நடிப்பது நடிகைகள் எதிர்பார்க்கும் கனவு பாத்திரமாகும். ""புற்று நோயால் இறந்த நர்கீஸ் தத்துக்கு புற்றுநோயிலிருந்து மீண்ட நான், படத்தில் சில நிமிடங்களே வந்து போகும் காட்சி என்பதால் கவுரவ தோற்றத்தில் நடிக்க ஒப்புக் கொண்டேன். இது அவருக்கு நான் செலுத்தும் அஞ்சலியாகும்'' என்கிறார் மனீஷா.

    ]]>
    http://images.dinamani.com/uploads/user/imagelibrary/2018/5/30/w600X390/mm2.jpg http://www.dinamani.com/weekly-supplements/magalirmani/2018/may/30/நர்கீஸ்-தத்தாக-மனீஷா-கொய்ராலா-2929807.html
    2929805 வார இதழ்கள் மகளிர்மணி காவல்துறையில் பெண்கள்! DIN DIN Wednesday, May 30, 2018 10:11 AM +0530 உலகில் முதன்முதலில் லண்டன் மாநகர காவல் துறையில்தான் 1916 -ஆம் ஆண்டு 30 பெண்காவலர்கள் சேர்த்துக் கொள்ளப்பட்டனர்.

    * இந்தியாவில், 1937 - ஆம் ஆண்டு கேரள மாநிலம் திருவிதாங்கூர் சமஸ்தானத்தில் முதன்முதலில் காவல்துறையில் பெண்களையும் சேர்த்து கொண்டார்கள்.

    * 1948 - ஆம் ஆண்டு டெல்லியில் ஒரே பெண் உதவி ஆய்வாளர் தலைமையில் பெண்கள் காவலர் பிரிவு ஏற்படுத்தப்பட்டது.

    * 1973- ஆம் ஆண்டு பெண்களை முழுமையாகக் கொண்ட காவல் நிலையம் கேரள மாநிலம் கொல்லங்கோட்டில் துவங்கப்பட்டது.

    * தமிழ்நாட்டில் 1973- ஆம் ஆண்டு ஒரு பெண் உதவி ஆய்வாளர், ஒரு தலைமைக்காவலர், இருபது பெண்காவலர்கள் பணியில் அமர்த்தப்பட்டனர். 

    * 1992- ஆம் ஆண்டு சென்னை ஆயிரம் விளக்கில் முழுவதும் பெண்களைக் கொண்ட அனைத்து மகளிர் காவல் நிலையம் தொடங்கப்பட்டது.
    - கோட்டை செல்வம்
     

    ]]>
    http://www.dinamani.com/weekly-supplements/magalirmani/2018/may/30/காவல்துறையில்-பெண்கள்-2929805.html
    2929804 வார இதழ்கள் மகளிர்மணி முக சுருக்கம் மறைய... Wednesday, May 30, 2018 10:11 AM +0530 வயது ஏற ஏற முகத்தில் சுருக்கம் ஏற்படுவது இயற்கை. ஆனால், நாம் சில முன்னெச்சரிக்கை நடவடிக்கைகளை மேற்கொண்டால், முக சுருக்கத்தை சில வருடங்களுக்குத் தள்ளிப்போடலாம். அதேபோன்று, சில பயிற்சிகளினாலும் சுருக்கத்தை நீக்கலாம். அடிக்கடி கோபம் கொள்பவர்களுக்கு விரைவிலேயே முகத்தில் சுருக்கம் ஏற்படும் வாய்ப்பு இருப்பதாக ஆய்வுகள் கூறுகின்றன. எனவே, கோபம் கொள்வதைத் தவிர்க்க வேண்டும். அடிக்கடி நெற்றியைச் சுருக்கும் பழக்கமுள்ளவர்களுக்கும் முகத்தில் சுருக்கம் ஏற்பட வாய்ப்பு உண்டு. 

    முக சுருக்கம் மறைய இதோ சில டிப்ஸ்
    * இளமையிலேயே முதுமைத் தோற்றத்துடன் இருப்பவர்கள், தினமும் ஒரு கைப்பிடி அளவு ஸ்ட்ராபெரி அல்லது 3 நெல்லிக்காய்களைச் சாப்பிட வேண்டும்.

    * தக்காளி பழச்சாறு, நன்றாகப் பழுத்த வாழைப்பழம் ஆகியவற்றை முகத்தில் தடவி வந்தால் முக சுருக்கம் மறையும்.

    * தரமான சந்தனப்பவுடருடன் கிளிசரின் சேர்த்து, பேஸ்ட் போன்று நன்கு குழைத்து, அதை முகத்தில் நன்கு பூசி, சிறிது நேரத்திற்குப் பின் கழுவிவிட வேண்டும். இதை வாரம் ஒருமுறை செய்து வர, முக சுருக்கம் நீங்கும்.

    * காரட் சாறுடன் சிறிதளவு கடலை மாவு கலந்து, பேஸ்ட் போல செய்து அதை முகத்தில் பூசி சிறிது நேரத்திற்குப் பின் கழுவ வேண்டும். இவ்வாறு செய்து வந்தால், நாளடைவில் முக சுருக்கம் நீங்கும்.

    * வறண்ட சருமம் உடையவர்கள் வெறும் காரட் சாற்றினை மட்டும் முகத்தில் தேய்த்துவர, முக சுருக்கம் மறையும்.

    * காரட் சாறுடன் தேன் கலந்து அதனை முகத்தில் பூசி, சிறிது நேரத்திற்குப் பின், மென்மையான ஈரத்துணியால் துடைத்து எடுக்க வேண்டும். இவ்வாறு செய்துவந்தால், முக சுருக்கம் மறையும்.

    * தயிருடன் கடலை மாவைக் கலந்து , பேஸ்ட்டாக்கி முகத்தில் தடவி, 15 நிமிடம் கழித்து கழுவ வேண்டும். இவ்வாறு தொடர்ந்து செய்து வந்தால், முக சுருக்கம் மறையும். 

    * சாத்துக்குடிச்சாறு ஒரு தேக்கரண்டி, தேன் ஒரு தேக்கரண்டி கலந்து முகத்தில் பூசி, 30 நிமிடம் வைத்திருந்து பின் முகத்தைக் கழுவவும். இதுபோன்று 10 நாள்கள் செய்து வந்தால், முக சுருக்கம் மறையும்.
    ( நீங்களும் அழுகு ராணி ஆகலாம் நூலிலிருந்து)
    - சரசுவதி பஞ்சு

    ]]>
    http://images.dinamani.com/uploads/user/imagelibrary/2018/5/30/w600X390/mm1.jpg http://www.dinamani.com/weekly-supplements/magalirmani/2018/may/30/முக-சுருக்கம்-மறைய-2929804.html
    2925339 வார இதழ்கள் மகளிர்மணி ஹை ஹீல்ஸ் அணிபவர்கள் கவனத்திற்கு! Friday, May 25, 2018 11:20 AM +0530 குதிகால் செருப்புகள் பெண்களுக்கு கம்பீரமான தோற்றத்தை மட்டுமின்றி தைரியத்தையும், தன்னம்பிக்கையையும் கொடுக்கிறது! இதனால், குட்டையான பெண்கள் தங்களுக்கு உயரமும் கம்பீரமான தோற்றமும் கிடைக்க உயரமான குதிகால் செருப்புகளைத் தேடி அதிகவிலை கொடுத்து வாங்கி அணிகிறார்கள். அப்போது அசெüகரியம், ஆரோக்கிய சீர்கேடுகளையும் சந்திக்கிறார்கள்.


     குதிகால் செருப்பணியும் 50 சதவீத பெண்கள் காலில் சுளுக்குடனும், குதிகால் வலியுடனும் அவதிப்படுவதுண்டு.
     மேலும், குதிகாலின் பின்பக்கம் சிலருக்கு சிவந்து வீங்கியிருக்கும். அவர்களது காயம் வெளியே தெரியாமல் குதிகாலின் உள்ளெலும்பில் கீறலோ அல்லது முறிவோ ஏற்பட்டிருக்கலாம்.
     இயல்பு நிலை பாதிக்கும் வண்ணம் குதிகால் நரம்பில் "நியுரோமா' எனப்படும் கடுமையான வலி ஏற்படலாம்.
     குதிகால் செருப்புகளை நீண்டநேரம் அணியும்போது குதிகால் தசைநார்கள் சுருங்கிப் போகும். அதிக உயரமான குதிகால் செருப்புகளை நீண்டநேரம் அணியும் போது முதுகுத் தண்டில் விரிசல் ஏற்பட்டு அதிக அழுத்தம் ஏற்படுவதுடன், முழங்கால் மூட்டுவலியும் ஏற்படும்.
     குதிகால் செருப்பில் அழகும், ஆபத்தும் அதிகளவில் உள்ளன. எனவே அதிக நேரம் குதிகால் செருப்பு அணிந்திருப்பதை தவிர்க்க வேண்டும்.
     - கவிதா பாலாஜி
     

    ]]>
    http://images.dinamani.com/uploads/user/imagelibrary/2018/5/23/w600X390/sm7.jpg http://www.dinamani.com/weekly-supplements/magalirmani/2018/may/23/ஹை-ஹீல்ஸ்-அணிபவர்கள்-கவனத்திற்கு-2925339.html
    2925340 வார இதழ்கள் மகளிர்மணி "பட்டாம் பூச்சி' ஐஸ்வர்யா! Friday, May 25, 2018 11:20 AM +0530 எழுபத்தொன்றாவது "கேன்ஸ்' படவிழாவில் முன்னணி நடிகைகளான பிரியங்கா சோப்ரா, தீபிகா படுகோன், சோனம் கபூர் கலந்து கொண்டு வித்தியாசமான உடை அணிந்து வலம் வந்தாலும், எல்லாரது கவனங்களையும் ஒரு சேர கவர்ந்து கொண்டவர் நாற்பத்திநான்கு வயதாகும் முன்னாள் உலகப் பேரழகி ஐஸ்வர்யா ராய்.


     விழாவில் நடந்த சிவப்பு கம்பள வரவேற்பில், பட்டாம் பூச்சி டிசைனில் வித்தியாசமான நீல நிறத்தில் கிறிஸ்டல்களின் அசத்தும் வேலைப்பாடுகள் கொண்ட இருபது அடி நீள கவுன் அணிந்து, ஐஸ்வர்யா கேன்ஸ் படவிழாவில் தலைப்பு செய்தியானார். பட்டாம் பூச்சி உடையில் "வயசாச்சா ... எனக்கா..' என்று கேட்கிற மாதிரி அழகாக "கேட் வாக்' நடந்து வந்த ஐஸ்வர்யாவின் படங்கள், காணொளிகள் சமூக வலைத்தளங்களில் வைரலாகியிருக்கின்றன.
     இந்த பட்டாம் பூச்சி உடையை துபையைச் சேர்ந்த மைக்கேல் சின்கோ ஐஸ்வர்யாவுக்கென்று ஸ்பெஷலாக வடிவமைத்திருக்கிறார்.

     

    உடையைப் பார்த்துப் பார்த்துத் தைக்க 125 நாட்கள் பிடித்ததாம். உடைக்கான செலவு, உடையின் மதிப்பு எவ்வளவு என்று சொல்லாவிட்டாலும், சில கோடிகளைத் தொடும் என்பது நிச்சயம். கேன்ஸ் விழாவில் ஐஸ்வர்யா கலந்து கொள்வது இது பதினேழாவது முறையாகும். மறக்காமல் மகள் ஆராத்யாவுடன் ஐஸ்வர்யா கேன்ஸ் படவிழாவில் கலந்து கொண்டார்.

    - பனுஜா
     

    ]]>
    http://images.dinamani.com/uploads/user/imagelibrary/2018/5/23/w600X390/sm8.jpg http://www.dinamani.com/weekly-supplements/magalirmani/2018/may/23/பட்டாம்-பூச்சி-ஐஸ்வர்யா-2925340.html
    2925357 வார இதழ்கள் மகளிர்மணி பொரி அரிசி கஞ்​சி​யின் ஆரோக்​கிய நன்​மை​கள்! Friday, May 25, 2018 11:19 AM +0530 பொ​ரி அரிசி உருண்​டைக்கு நல்ல மருத்​துவ குணம் இருக்கு. இதை தின​மும் சாப்​பிட்டு வந்​தால் வாதம், கபம் சம்​பந்​த​மான நோய்​கள், வாந்தி வரு​வது போன்ற பிரச்​னை​கள் காணா​மல் போய்விடும்.

    எந்த நோயாக இருந்​தா​லும் உடல் சோர்வு ஏற்​ப​டும்​போது நெற்​பொரி (அரி​சிப் பொரி) கஞ்சி குடிக்க, நோயி​னால் உண்​டா​கிற உடற்​சோர்வு மாறும். உடல் வன்மை பெரு​கும். அதிக தாகம் எடுப்​பது, வாந்தி, வயிற்​றுப்​போக்கு, வயிறு மந்​தம், நாக்கு ருசி​யில்​லா​மல் போவது போன்ற பிரச்​னைக்கு நெற்​பொரி கஞ்சி நல்ல தீர்வு.


    பால் கஞ்சி: பச்​ச​ரி​சி​யும் பசும்​பா​லும் சேர்த்து காய்ச்​சு​வது, பால் கஞ்சி! இதைக் குடித்து வரும்​போது பித்​தத்​தால் வரும் உடல் எரிச்​சல் தீரும், ஆண்மை பெரு​கும்.

    கொள்​ளுக் கஞ்சி: கொள்​ளும் அரி​சி​யும் சேர்த்து காய்ச்​சும் கஞ்சி! இதைக் குடிப்​ப​தால், நல்ல பசி உண்​டா​கும்.


    - வேத​வல்லி
     

    ]]>
    http://images.dinamani.com/uploads/user/imagelibrary/2018/5/23/w600X390/sm15.jpg http://www.dinamani.com/weekly-supplements/magalirmani/2018/may/23/பொரி-அரிசி-கஞ்​சி​யின்-ஆரோக்​கிய-நன்​மை​கள்-2925357.html
    2920922 வார இதழ்கள் மகளிர்மணி காமெடி படத்தில் தீபிகா படுகோன்!   Wednesday, May 23, 2018 11:48 AM +0530 சஞ்சய் லீலா பன்சாலி இயக்கத்தில் தீபிகா படுகோன் நடித்து வெற்றி பெற்ற "ராம்லீலா'. "பாஜிராவ் மஸ்தானி', "பத்மாவத்' ஆகிய படங்களை தொடர்ந்து மீண்டும் தீபிகாவை வைத்து படம் தயாரிக்க சஞ்சய் தீர்மானித்துள்ளார். இந்த முறை தீபிகாவுக்காக நகைச்சுவை கலந்த திரைக்கதையை உருவாக்கியிருக்கிறாராம். தீபிகா ஒப்புக் கொண்டால் நீண்ட இடைவெளிக்குப் பின் அவர் நடிக்கும் நகைச்சுவை படமாக இது அமையுமென எதிர்பார்க்கிறார்கள்.

    ]]>
    http://images.dinamani.com/uploads/user/imagelibrary/2018/5/16/w600X390/mm5.jpg http://www.dinamani.com/weekly-supplements/magalirmani/2018/may/16/காமெடி-படத்தில்-தீபிகா-படுகோன்-2920922.html
    2925362 வார இதழ்கள் மகளிர்மணி இந்தியாவின் முதல் பெண்கள் கால்பந்து பயிற்சியாளர்! DIN DIN Wednesday, May 23, 2018 11:42 AM +0530 சிறுவயது முதலே கால்பந்து விளையாட்டில் மிகுந்த ஈடுபாடு கொண்ட அஞ்சு து ராம் பேக்கர் (30) பெண் பயிற்சியாளராக வேண்டுமென்ற ஒரே லட்சியத்துடன் கடினமாக உழைத்து, பயிற்சிப் பெற்று தற்போது இந்தியாவிலேயே முதல் பெண்கள் கால்பந்து பயிற்சியளாருக்கான "ஏ லைசன்ஸ் கோச்' உரிமையை பெற்றுள்ளார். எனக்கு கிடைத்துள்ள இந்த "ஏ லைசன்ஸ் கோச்' எனக்களிக்கப்பட்ட மிக பெரிய பொறுப்பாகவும், புதிய சவால்களை எதிர்கொள்ளவும் வழங்கப்பட்டதாகவே கருதுகிறேன் என்று கூறும் அஞ்சு து ராம்பேக்கர், இதற்காக தனக்கேற்பட்ட எதிர்ப்புகளையும், இன்னல்களையும் நம்முடன் இங்கு பகிர்ந்து கொள்கிறார்:
     "கோலாப்பூர், பெக்கநல் நகரத்தில் பிறந்த எனக்கு சிறுவயது முதலே ஆண்களுக்கே உரிய விளையாட்டு என்றாலும் கால்பந்து விளையாட்டில் மிகுந்த ஆர்வம் ஏற்பட்டது. கால்பந்து விளையாட்டை பெண்கள் கூட விளையாடலாம் என்ற எண்ணமும் இருந்தால், பள்ளிக்கூடம் முடிந்து வீடு திரும்பும்போது சிறுவர்களுடன் சேர்ந்து விளையாடுவதில் முதலாவதாக இருந்தேன். பண்ணை மற்றும் வீட்டு வேலை, எருமைகளைப் பராமரிப்பது, பள்ளிக்குச் செல்வது என பல்வேறு வேலைகளுக்கிடையே கால்பந்து விளையாட்டிலும் கவனம் செலுத்துவது பெரிய சவாலாக இருந்தது.
     இதில் உள்ள கடினமான பயிற்சி பெண்களின் ஆர்வத்துக்கு தடையாக இருந்தாலும், எனக்குள் இருந்த மன உறுதி, கால்பந்து ஆடுவதை விட்டு விலக இடம் தரவில்லை. தினசரி வாழ்க்கைக்கும், கடினமான உழைப்புக்கும் இடையிலுள்ள மதிப்பு, எதிர்காலத்தில் நல்லதொரு வாழ்க்கையை அமைத்து தருமென்ற நம்பிக்கையை வளர்த்தது.
     என் குடும்பத்தை பொருத்தவரை ஊர் மக்கள் எதிர்ப்புக்கு அஞ்சி என்னை கால்பந்து விளையாட போகக்கூடாது என்று முதலில் தடை விதித்தனர். ஆண்கள் தான் கால்சட்டை அணிந்து, நேரத்திற்கு வீட்டுக்கு வராமல் கால்பந்து ஆடுவார்கள். இது பெண்களுக்கு ஒத்துவராது என்று ஊர் பெரியவர்கள் சிலர் என் தந்தையிடம் வந்து எனக்கு அறிவுறுத்தக் கூறினர்.
     கால்பந்து விளையாடுவது ஆண்களுக்கு மட்டுமே உரியது. பெண்களால் ஆட முடியாது என்ற நிலை மாறிவந்ததால், பெண்களாலும் கால்பந்து விளையாட முடியும் என்று என் குடும்பத்தினரும், நண்பர்களும் ஏற்றுக் கொண்டதால் என்னுடைய ஆர்வத்துக்கு தடை விதிக்கவில்லை. அதே போன்று ஆண்கள் மட்டுமே மோட்டார் பைக் ஒட்ட வேண்டும் என்ற விதிமுறையை மீறி நானும் பைக் ஓட்ட கற்றுக் கொண்டதோடு, லைசன்சும் பெற்றேன். இருப்பினும் கால்பந்து ஆடுவதை நிறுத்திவிட்டு, பத்தாம் வகுப்பு முடித்தவுடன் திருமணம் செய்து கொள்ளும்படி கூறினர். ஆனால், நான் பள்ளி படிப்பை முடித்தவுடன் மேற்கொண்டு உடற்பயிற்சி கல்வியிலும் பட்டம் பெற்றேன்.
     இறுதியில் என் திறமையையும், ஆர்வத்தையும் உணரும் சந்தர்ப்பம் வந்தது. கோலாப்பூரில் உள்ள பெண்கள் கால்பந்து குழுவுக்கு தலைமை ஏற்கும் பொறுப்பு கிடைத்தது. சில மாதங்களுக்குள் மும்பை சென்று தேர்வு பயிற்சி பெறும் வாய்ப்பும் கிடைத்தது. என் பெற்றோருக்கு விருப்பம் இல்லையென்றாலும், எப்படியோ அனுமதி பெற்று மகாராஷ்டிரா குழுவுக்காக அசாமில் நடந்த தேசிய பெண்கள் கால்பந்து போட்டியில் விளையாடினேன். இந்த தகவல் பத்திரிகைகளில் செய்தியாக இடம் பெற்றது. சோலப்பூரிலும் பரபரப்பை ஏற்படுத்தியது. என் பெற்றோரை பொருத்தவரை தொழில் ரீதியாக கால்பந்து விளையாட்டில் நல்ல எதிர்காலம் இல்லையென்று கருதி, என்னை போலீஸ் படையில் சேரும்படி கூறினர். ஏதாவது ஒரு வேலையில் சேர்ந்து குடும்பத்தை காப்பாற்றுவேன் என்று பார்த்தனர். ஆனால் நான் தொடர்ந்து மகாராஷ்டிரா குழுவில் தேசிய சாம்பியன்ஷிப் போட்டிகளில் விளையாடி வந்தேன்.
     இறுதியில் புணே சென்று மேற்கொண்டு படிக்கப் போவதாக கூறி வீட்டை விட்டு வெளியேறினேன். ஆனால் எப்படியும் பெண்கள் கால்பந்து பயிற்சியாளராக வேண்டுமென்ற லட்சியம் என் மனதில் இருந்தது. புணேயில் படித்துக் கொண்டிருந்தபோது, இந்தியா கேம்ப் பயிற்சிக்காக இருமுறை தேர்ந்தெடுக்கபட்டேன். எதிர்பாராதவிதமாக அந்த கேம்ப் செயல்படவில்லை.
     வாழ்க்கைக்கு தேவையான கல்விச் செலவு, உணவு, உடை, தங்க இடம் போன்றவைகளுக்காக பேராட வேண்டியிருந்தது. என் செலவுக்காக புணேயில் படித்துக் கொண்டே வேலை பார்க்கத் தொடங்கினேன். இதற்கு தீர்வுகாண இரண்டு வழிகள் தான் இருந்தது. கால்பந்து பயிற்சியாளர் ஆகும் ஆசையை விட வேண்டும். அல்லது புதிய வழியை தேர்ந்தெடுக்க வேண்டும். இரண்டாவது வழிதான் சரியெனப்பட்டது. வீடுகளில் வேலை செய்ய ஒப்புக் கொண்டேன். கூடுதலாக பணம் புரட்ட அருகில் இருந்த பெட்ரோல் பங்க்கில் வேலை பார்த்தேன். இதன் மூலம் ஓரளவு படிப்பு, உணவு, உடை, தங்க இடம் ஆகிய செலவுகளுக்கான பணம் கிடைத்தது.
     பின்னர் மும்பையில் நடந்த சீனியர் தேசீய பயிற்சிக்குச் சென்றேன். மகாராஷ்டிரா குழு. "மேஜிக் பஸ்' என்ற தன்னார்வ தொண்டு நிறுவனத்தில் பயிற்சியாளர் பணியை வழங்கியது. உடனடியாக பணியில் சேர்ந்தேன். வாய்ப்புகள் அதிகரித்தது. கூடவே என் வாழ்க்கைக்காக பணம் தேவைப்பட்டது. பின்னர் தேசிய அளவில் விளையாடுவதை குறைத்துக் கொண்டு உள்ளூரிலேயே போட்டிகளில் விளையாடத் தொடங்கினேன்.
     பெண்களுக்கு பயிற்சியளிப்பது ஆண்களுக்கு பயிற்சியளிப்பது போன்று அத்தனை சுலபமல்ல. இருந்தாலும் என்னைப் பொருத்தவரை பயிற்சியின்போது ஆண்} பெண் வித்தியாசம் பார்ப்பதில்லை. பெரும்பாலும் ஆண்களுக்கு பயிற்சியளிப்பதற்கு ஏற்கெனவே மும்பையில் சிறுவர்களுக்கு பயிற்சியளித்த அனுபவம் உதவியாக இருந்தது. 2010} ஆம் ஆண்டு முதன் முறையாக வெளிநாட்டு பயணமாக நெதர்லாண்ட் சென்றபோது, கே.என்.வி.பி. சர்வதேச கோச்சிங் கோர்ஸ் பெருமளவில் உதவியாக இருந்தது. இந்தியாவிலேயே முதல் கால்பந்து பயிற்சியாளராக "ஏ லைசன்ஸ் கோச்' சான்றிதழ் கிடைத்தது. தற்போது நூறு சதவீதம் பயிற்சியளிக்க முடியுமென்ற நம்பிக்கை உள்ளது. பெரியசவால்களை ஏற்பது, இத்துறைக்கு வர விரும்பும் மற்றவர்களுக்கும் புத்துணர்வை அளிக்க உதவும்'' இவ்வாறு கூறினார் அஞ்சு து ராம்பேக்கர்.
     - பூர்ணிமா
     

    ]]>
    http://images.dinamani.com/uploads/user/imagelibrary/2018/5/23/w600X390/sm22.jpg http://www.dinamani.com/weekly-supplements/magalirmani/2018/may/23/இந்தியாவின்-முதல்-பெண்கள்-கால்பந்து-பயிற்சியாளர்-2925362.html
    2925360 வார இதழ்கள் மகளிர்மணி "அம்மா' எனும் தெய்வத்தைக் கொண்டாடுவோம்! - டாக்டர் சுதா சேஷய்யன் DIN DIN Wednesday, May 23, 2018 11:40 AM +0530 தினமணி மகளிர்மணியில் வெளிவந்த தொடர் "அம்மா'. இத்தொடரில் பிரபலங்கள் தங்களது அம்மா குறித்த நினைவுகளை வாசகர்களுடன் பகிர்ந்து கொண்டனர். இத்தொடர் "அம்மா' என்கிற பெயரிலேயே நூலாக வடிவம் பெற்றது. இதன் வெளியீட்டு விழா அன்னையர் தினம் மே}13 அன்று சென்னை, நாரதகான சபா அரங்கில் நடைபெற்றது. இந்நிகழ்ச்சியில் தினமணி ஆசிரியர் கி.வைத்தியநாதன் வரவேற்புரை ஆற்ற, நடிகர் சிவகுமார் நூலை வெளியிட, டாக்டர் சுதா சேஷய்யன் பெற்றுக் கொண்டார்.
     "அம்மா' தொடரில் எழுதியிருந்த 28 பிரபலங்களின் சார்பாக, டாக்டர் சுதா சேஷய்யன் பேசியது:
     "நம்முடைய இலக்கியங்களிலும், புராணங்களிலும் இருக்கக் கூடிய தாய்மார்கள் எனக்கு நினைவுக்கு வருகிறார்கள். கலீல் ஜிப்ரான் தனது கவிதையொன்றில், "ஒவ்வொருவர் வீட்டிலும் கடவுள், தான் இருக்க முடியாது என்பதற்காகவே தாயை அனுப்பினான்' என்று எழுதியிருப்பார். ஆனால், கடவுளுக்குக் கூட என்ன ஆசை தெரியுமா... தான் தாயாக இருக்க வேண்டும் என்றுதான் ஆசை. அதனால்தான் "தாயுமானவர்' என அவர் கூடத் தாயாக இருக்க முயற்சி செய்திருக்கிறார்.
     கம்பராமாயணத்தில் ஒரு பாட்டு இருக்கிறது. விராடன், இராமனைப் பார்த்து துதிப்பதாக ஒரு அற்புதமான பாட்டு .. அந்த பாடலில் விராடன் சொல்லுவான்... இராமனைப் பார்த்து "உலகின் தாயாகி அய்ய..' அவன் இராமா என்று சொல்லவில்லை. உலகின் தாயாகி அய்ய... ஆண் வடிவத்தில் நிற்கின்ற இராமனை,
     இராமபிரானே என்று கூப்பிடவில்லை. உலகின் தாயாகி அய்ய என்றான். உலகத்திற்கே தாயாகியவனே என்றான்... அப்படியென்றால் கடவுளுக்குக் கூடத் தாயாக இருக்க வேண்டும் என்கிற ஆசைதான் அதிகம்.


     அதே இராமாயணத்தில், கம்பராழ்வாரின் காவியத்தில். ஒரு தாயைப் பற்றிச் சொல்லக் கூடிய ஒரு சொல் உண்டு. அந்தச் சொல் எல்லா தாய்மார்களுக்கும் பொருந்தும். அது... சுமித்ரைக்கு குழந்தை பிறக்கிறது. அவளது முதல் குழந்தை இலக்குவன் அது நமக்கு தெரியும். இலக்குவனுக்கு இளையவன் என்றொரு பெயர் உண்டு. அந்த இளையவன் பிறந்ததும் கம்பன் என்ன எழுதுகிறான் தெரியுமா? "இளையவற் பயந்தனள் இளைய மென்கொடி' என்று. ஒரு குழந்தை பிறந்தால்.. குழந்தையை "தாய்ப் பெற்றாள்' என்று சொல்லலாம். இல்லை... இலக்கியமாக சொல்ல வேண்டும் என்றால் "ஈன்றாள்' என்று சொல்லலாம். ஆனால், கம்பர் என்ன சொல்லுகிறார் தெரியுமா... பயந்தாள்... பயத்தல்.. அதி அற்புதமான சொல். "பயத்தல்' என்றால் "கொடுத்தல்' என்று பொருள். இளைய மென்கொடி, இளையவன் பயந்தாள். அதாவது, இளையவனைப் பெறவில்லை... இளையவனை கொடுத்தாள் என்கிறார். இளையபெருமானைப் பொருத்தவரை எப்போதும் இராமனோடு இருந்தவர். சுமித்ரையின் இன்னொரு மகன் சத்ருகனன் எப்போதும் பரதனோடு இருந்தவன்.
     இந்தப் பிள்ளைகளை அவள் தனக்கென்று பெற்றுக் கொள்ளவில்லை. அவர்கள் எந்தக் காலத்திலும் அவளுக்கு உதவியாக இருக்கப் போவதில்லை. அடுத்தவர்களுக்கு மாத்திரமே உதவியாக இருக்கப்போகிறார்கள் என்று நினைத்தோ... என்னவோ... கம்பர் "கொடுத்தாள்' என்று முதலிலேயே எழுதினார்.
     அதில்.. சுமித்ரையைப் போன்று ஒரு தாயை எங்குமே பார்க்க முடியாது. இராமன் கானகம் புறப்பட வேண்டும். அம்மா! கானகம் புறப்படுகிறேன் என்று கோசலையிடம் சொன்னான். கோசலை அழுதாள். ஏற்கெனவே கைகேயியிடம் சொல்லியாகிவிட்டது. அவள்தான் போகும்படி ஆணையிட்டாள். எஞ்சியிருப்பது, சுமித்ரை. சுமித்ரையிடம் சொல்லுவதற்காக போனான். இராமன் போனபோது, உடன் போனவன் இளையவன்,
     இளையவனுக்கு மனதிற்குள்ளே ஒரு சின்ன குறுகுறுப்பு... அண்ணனோடு தானும் கானகம் போக வேண்டும். ஆனால், சிக்கல், காட்டுக்கு போக வேண்டுமென்றால் பெற்றவரிடத்தில் அனுமதி வாங்க வேண்டும். அதுதான் முறை. ஏதாவது சாபத்தால் கானகம் போனால் அனுமதி வாங்க வேண்டாம். ஆனால், அப்படியில்லாமல் அவர்கள் கானகம் போக வேண்டும் என்றால் பெற்றோரிடத்தில் அனுமதி வாங்க வேண்டும். அப்பாவிடத்தில் அனுமதி வாங்குகிற நிலைமை இப்போது இல்லை. ஆனால், தாயிடத்திலாவது சொல்லிவிட்டு போக வேண்டும். வந்து நிற்கிறான். அண்ணனோடு வந்து நிற்கிறான். அவனுக்குள் சின்ன குறுகுறுப்பு... அம்மாவிடத்தில் போய் "அம்மா நான் அண்ணனோடு கானகம் போகிறேன்' என்று சொன்னால்.. ஒரு சராசரி தாய் என்ன செய்வாள். போக அனுப்ப மட்டாள்.. "அவனுக்குதானே கைகேயி சொன்னாள், உனக்கில்லையே.. நீயேன் போகிறாய்' என்று அந்தத் தாய் தடுப்பதற்கான வாய்ப்பு உண்டு. எப்படியாவது அவள் தடுப்பாள்... அவள் தடுத்தால் போக முடியாது. அவள், தடுக்காமல் அனுமதி தர வேண்டுமே, என வழி தெரியாமல்... மனதில் குறுகுறுப்புடன் நிற்கிறான், தவிக்கிறான்.
     கைகேயி கொடுத்தனுப்பிய மரவுரிகள் வருகின்றன. மரவுரிகளில் ஒன்று எடுத்து அணிந்து கொண்டு தாயின் கால்களில் போய் விழுகிறான்.
     சுமித்ரை பேசுகிறாள்... தன் காலில் விழுந்த மகனை தூக்கினாள். தூக்கிவிட்டுச் சொன்னாள்... "இனிமேல் உனக்கு அந்த வனம்தான் வழி... அவ்வனம் நீ வணங்கும் தெய்வம்.. இனிமேல் உனக்கு தசரதன் யார் தெரியுமா? இராமன். இனிமேல் உனக்கு தாய்மார்கள் யார் தெரியுமா? ஜனகனுடைய மகளாக இருக்கிறாளே அந்த சீதை. இவ்வழி நிற்பதும் தவறு. இனிமேல் நீ இங்கே நிற்கக் கூடாது... புறப்படு' என்றாள். அம்மா அனுமதிப்பாளா என்று தவிக்கிற இலக்குவனுக்கு எப்படி இருந்திருக்கும் இந்த வார்த்தைகளை கேட்டவுடன்.
     இதோடு அவள் நிறுத்தவில்லை. புறப்படு என்று சொல்லுபோதே இன்னொன்றும் சொன்னாள்... "தம்பி என்னும் படியன்று அடியாரின் ஏவல் செய். (நீ புறப்பட்டு போகும்போது நீயும் இந்த நாட்டின் இளவரசன் என்று நினைத்து போகாதே... அப்படி நினைத்தால் உனக்கு வசதிகளை கேட்கத் தோன்றும்... அதனால் அவனுடைய அடிமையாக போ...' என்றாள்.
     இதோடு அவள் நிறுத்தவில்லை.. இதற்குபிறகு இன்னொன்றும் சொன்னாள்.. "மண்ணும் நகர்க்கே அவன் வந்திடில் வா... இல்லையெனில் முன்னம் முடி... 14 வருஷம் கழித்து அவன் திரும்பி வந்தான் என்றால் அவன் கூட வா.. இல்லையென்றால் அவனுக்கு முன்னால் மடிந்து போடா' என்றாள்... இப்படி ஒரு அம்மா இருக்க முடியுமா? இதென்ன அம்மாவா! அம்மாவின் மனசு இப்படி கல் மனசா.. அப்படி இல்லை.. தாய் என்பவள் எப்போதுமே எங்கே நன்மையிருக்கிறதோ.. எங்கே தர்மம் இருக்கிறதோ... எங்கே செயல் வீரம் இருக்கிறதோ.. அங்கே தன்னுடைய மகனும் இருக்க வேண்டும் என்று ஆசைபடுபவள்.
     தன்னுடைய மகனோ, மகளோ எந்த காலத்திலேயும் தப்பான இடத்துக்கு போகக் கூடாது என்று நினைப்பவள். அதனால்தான் பல நேரங்களிலே தன்னுடைய பிள்ளையோ.. பெண்ணோ தப்பு செய்துவிட்டால்... என்ன சொல்லுவாள் தெரியுமா... "சகவாச தோஷம்...' என் பிள்ளை இதை பண்ணியிருக்கமாட்டான். கூட இருந்தவன் கெடுத்திருப்பான். காரணம், அவள் மனசுகுள்ளே எப்போதுமே தன்னுடைய பிள்ளை நல்ல இடத்தில் இருக்க வேண்டும் என்கிற ஆசை.
     தனக்கு எந்த துன்பம் வந்தாலும்... தன்னுடைய பிள்ளையும், பெண்ணும் அந்த துன்பத்தின் சாயலில் விழுந்துவிடக் கூடாது என்கிற மனம்தான் அம்மாவின் மனம்.
     நான் என்னிடம் இருந்தே ஒரு உதாரணம் சொல்கிறேன்... கடைசி மூன்று, நான்கு ஆண்டுகளாக நான் வெளியூர் போவதை நிராகரித்தேன், மறுதலித்தேன். எங்கே போனாலும் இரவு வந்துவிட வேண்டும். அம்மா கூட இருக்க வேண்டும். அம்மாவோடு இருக்க வேண்டும் என்பதை, அந்த உணர்வை ரொம்ப தாமதமாகத்தான் நான் உணர்ந்தேன். என்று நான் நம்புகிறேன். இன்னும் சில ஆண்டுகளுக்கு முன்னாலேயே எனக்கு ஒரு புத்தி வந்திருக்கக் கூடாதா என்று இப்பொழுது நினைத்துப் பார்க்கிறேன்.
     பல ஆண்டுகள், பல இடங்களுக்கு, பல வெளியூர்களுக்கு, வெளிநாடுகளுக்கு போனபோதெல்லாம். என் அம்மாவிடம் ஒண்ணு சொல்லுவேன். "அம்மா நான் போகிற ஊரின் முக்கியமான டெலிபோன் நெம்பர், முகவரி எல்லாம் எழுதி வெச்சிருக்கேன்' என்பேன். ஆனால், அவர் அதை கண்டு கொள்ளவே மாட்டார்.
     காது கொடுத்து கேட்வே மாட்டார். ஒரே ஒரு பதில் மட்டும்தான் எப்போதும் வழக்கமாகச் சொல்லுவார்.. "இருக்கட்டும்' . நான் மீண்டும் சொல்வேன். "அம்மா ஏதவாது "எமர்ஜென்சி' என்றால் கூப்பிட வைத்திருக்கிறேன்' என்பேன். அதற்கு அவர் சொல்லுவார், "எந்த எமர்ஜென்சியும் வர வேண்டாம் என்று பகவான்கிட்ட வேண்டிக்கிறேன் நீ போய்ட்டு வா' என்பார். இதுதான் எப்போதும் அவரது பதில். ஏதாவது எமர்ஜென்சி ஏற்பட்டு அதற்காக நீ என்னைப் பார்க்க ஓடி வர வேண்டும் என்கிற நிலை வரக் கூடாது. நீ நிம்மதியாக போய்விட்டு வா... நான் போன் பண்ணமாட்டேன் என்பார்... நான் போன் பண்ணினால் அங்கே நீ போய் இருக்கிற வேலை பாதிக்கும், குழப்பம் வரும், நீ வர வேண்டும் என்ற தவிப்பு வரும் அதனால் நான் போன் பண்ணமாட்டேன் என்பார். அதுபோன்று போன்பண்ணவும் மாட்டார். அப்படி ஒரு நிலை ஏற்படாது.. பகவான் பார்த்துக் கொள்வார். அதுதான் ஒரு தாயின் மனது.
     தன்பொருட்டு எந்த துன்பமும், எந்த சலனமும் தன்னுடைய குழந்தைகளுக்கு வரக்கூடாது என்று நினைக்கக்கூடிய தாயின் மன நிலையை, அதுபோன்ற மன நிலையை எல்லாரும் உணர்ந்து கொண்டால் அதன்பின்னர், தாய்மார்களை தவிக்க விடக்கூடிய சூழல் வந்துவிடாது. தாயை தள்ளி வைக்க வேண்டும் என்று நினைக்கும் சூழல்களும் ஏற்படாது.
     தாயிற் சிறந்த கோயிலும் இல்லை... என்கிற நிலையில் இருக்கும் அந்த தாயை தவிக்க விடக் கூடாது.
     ஒவ்வொருவருக்கும் அவரவர் அம்மா ஒசத்திதான். பிரபலங்களின் தாய்மார்கள் என்றில்லை. பிரபலம் இல்லாதவர்களின் தாய்மார்களும் கூட ஒசத்திதான், சிறந்தவர்கள்தான்.
     ஒவ்வொரு அம்மாவும், ஏதோ ஒரு விதத்திலே சிறந்தவர்தான்... நாம சில சமயங்களில் நினைப்போம். என் அம்மா கண்டிப்பானவளாக இருந்தாள், என் அம்மா என்னிடம் பேசுவதில்லை, என் அம்மா என்னைப் பார்க்கவே இல்லை.. என்றெல்லாம் சொல்லியிருப்போம். இதற்கு பின்னால் ஏதோ ஒரு காரணம் இருந்திருக்கும். அது அந்தத் தாய்க்குத்தான் தெரியும்.
     குழந்தைகளை விட்டுவிட்டு வேலைக்கு போவது சாதாரண விஷயம் இல்லை. ஆனால், அந்த சமயத்தில் கூட "என் அம்மா என் குழந்தைகளைப் பார்த்துக் கொண்டாள்' என்று எத்தனை பேர் எழுதியிருந்தார்கள் அம்மா தொடரில். அதனால் ஒவ்வொரு அம்மாவும் உயர்ந்தவள்தான். தெய்வம் தான். அந்த தெய்வத்தை அவரவர் உள்ளங்களிலாவது கோயில் வைத்து கொண்டாடுவோம். அந்த தாயை எவ்வளவு நல்லவிதமாக நாம் பார்த்துக் கொள்ள முடியுமோ, அப்படி பார்த்துக் கொள்வோம்'' என்றார்.
     - ஸ்ரீதேவி குமரேசன்
     

    ]]>
    http://images.dinamani.com/uploads/user/imagelibrary/2018/5/23/w600X390/sm16.jpg http://www.dinamani.com/weekly-supplements/magalirmani/2018/may/23/அம்மா-எனும்-தெய்வத்தைக்-கொண்டாடுவோம்---டாக்டர்-சுதா-சேஷய்யன்-2925360.html
    2925342 வார இதழ்கள் மகளிர்மணி  அம்மா! - டாக்டர் பிரியா ராமசந்திரன் Wednesday, May 23, 2018 11:34 AM +0530 பிரபலங்கள் தங்கள் தாயார் குறித்து எழுதும் தொடர்:
    குழந்தைகள் நல சிகிச்சை நிபுணரான பிரியா ராமசந்திரன், புகழ் பெற்ற பிளாஸ்டிக் சர்ஜனும் தனது தாயாருமான டாக்டர் மாதங்கி ராமகிருஷ்ணனைப் பற்றி கூறுகிறார்:
     என் தாயார், எனது தாத்தா பாட்டிக்கு ஒரே குழந்தை. அதே போலத்தான் நானும். என் பெற்றோருக்கு ஒரே குழந்தை. அந்தக் காலத்திலே எனது தாயாரின் குடும்பம் மிகவும் ஏழ்மையான குடும்பம். கஷ்டப்பட்டு வளர்ந்த குடும்பம். பெண் பிள்ளையாக இருந்தாலும் கஷ்டப்பட்டு அம்மாவை அவர்கள் படிக்க வைத்தார்கள். 1952 -53 ஆம் வருடம் தனது மருத்துவப் படிப்பிற்காக அம்மா அமெரிக்கா சென்றார். பின்னர் இங்கிலாந்து சென்று படித்தார். ஒரு பெண்ணை இவ்வளவு தைரியமாக அந்தக் காலத்திலே தாத்தாவின் குடும்பம் அனுப்பியிருக்கிறது என்றால் என் தாயாரை அவர்கள் ஆண்பிள்ளை போல் வளர்த்தார்கள் என்று தான் கூறவேண்டும். அதே போன்றுதான் என்னையும் எனது பெற்றோர் வளர்த்தார்கள். நான் எனது தந்தையை வெளிநாட்டில் இருந்தபோது பறிகொடுத்தேன். உடனே சென்னை வந்தேன். மகனாகவே வளர்த்ததால், எனது தந்தையின் ஈமச் சடங்குகளை நான் தான் செய்தேன் என்று சொன்னால் இன்று யாரும் நம்ப மாட்டார்கள். நுங்கம்பாக்கம் மயானத்தில் எனது தந்தையின் உடலுக்கு நான் தான் கடைசி மரியாதை செய்து தீ வைத்தேன்.
     அதற்கு எனது தாயார் சொன்ன காரணம் என்ன தெரியுமா? "உன்னை தன் மகளாக மட்டும் அல்ல; மகனாகவும் பார்த்தார் உன் தந்தை. அதனால் நீயே எல்லாவற்றையும் செய்'. என்றார்.
     அதேபோன்று எனது திருமணத்தின்போது எனது தந்தையார் இல்லை. எங்களது வழக்கத்தின்படி தந்தையின் மடியில் என்னை உட்கார வைத்து எனக்கு என் கணவர் தாலி கட்ட வேண்டும். அப்படி தந்தை இல்லாத பட்சத்தில் யாராவது ஒரு நெருங்கிய உறவுக்காரத் தம்பதியை மணமேடையில் உட்காரவைத்து அவர்கள் மடியில் நான் உட்கார தாலியை கட்டிக் கொள்ளவேண்டும்.
     எனக்கு அதில் விருப்பம் இல்லை. அதனால் எனது தாயாரின் மடியில் நான் உட்கார என் கணவர் எனக்கு தாலியை கட்டினார்.
     என்னதான் வெளிநாடு சென்றாலும் எனது தாயார் என்றும் புடவைதான் உடுத்துவார். வெளிநாடுகளில் படித்தபோதும் அவர் இதை மாற்றிக் கொள்ளவில்லை. குளிர் என்று கூறினாலும் "புடவைதான் எனக்கு சுகம்' என்று கூறுவார். அதேபோன்று அரசாங்க வேலையை அவர் விரும்பி செய்தார். காரணம் கேட்டதற்கு "அங்குதான் ஏழைகள் பலருக்கு நம்மால் உதவமுடியும்' என்பார். நான் சிறுவயதாக இருக்கும்போது உடல் முழுவதும் தீக்காயம் பட்ட பலரைப் பார்த்திருக்கிறேன். அவர்கள் குணமான பிறகும் பலர் எங்கள் வீட்டிலேயே இருப்பார்கள். "ஏன் அவர்கள் வீட்டிற்குப் போகவில்லை?' என்று நான் ஒருமுறை கேட்டபோது என் தாயார் கூறியது என் காதுகளில் இன்றும் ஒலித்து கொண்டிருக்கிறது.'அவர்கள் வீட்டில் உள்ள ஸ்டவ் வெடித்து இங்கு வரவில்லை. மாமியார் மருமகள் சண்டையினால் இது நிகழ்ந்திருக்கிறது. அவர்களுக்கு ஒரு விடிவு காலம் வரும் வரை இது தொடரும்' என்று கூறினார். இன்று கூட இந்தப் போக்கு ஆங்காங்கே ஒன்றிரண்டு நடக்கத்தான் செய்கிறது. எங்கள் வீட்டில் வைத்து அவர்களைப் பாதுகாக்கும் அளவிற்கு எனது அம்மா மிகுந்த தயாள குணமுடையவர்.
     இன்று நான் பல்வேறு புத்தகங்களையும், கம்பனையும், தமிழ் இலக்கியங்களையும் படிக்கிறேன். ஆனால் எனது தாயார் தனது துறையைச் சார்ந்த புத்தகங்களை மட்டுமே இன்றும் படிக்கிறார். யார் வீட்டிற்கு வந்தாலும் அவர்கள் என் தாயாரை புத்தகமும் கையுமாகத்தான் பார்ப்பார்கள். "கஷ்ட காலத்திலிருந்து என்னை மீட்டது இந்த படிப்புதான்' என்று கூறுவார்கள். அவர் "பத்மஸ்ரீ' விருது வாங்கி விட்டார். "பி.சி.ராய்' விருதும், பல்வேறு விருதுகளையும் பெற்ற பின்னரும் இன்றும் புத்தகம் படிப்பதை அவர் நிறுத்துவதாக இல்லை. அவரைப் பொருத்தவரை படிப்பு அவரது உயிர் என்றே நான் நினைக்கிறேன்.
     எங்கள் வீட்டை பொருத்தவரையில் ஆண்- பெண் என்ற பாகுபாடு கிடையாது. ஏழை பணக்காரன் என்ற பாகுபாடும் கிடையாது. எல்லோரும் ஒன்று. அதேபோன்று நான் ஒரே குழந்தையென்ற செல்லமும் கிடையாது. அவர் எப்படி கஷ்டப்பட்டு படித்து முன்னேறினாரோ அதே போல் நானும் படித்து முன்னேறவேண்டும் என்று அவர் விரும்பியதால்தான் நான் இன்று அதே மருத்துவத் துறையில் இருக்கிறேன். எனக்கு வேறு சாய்ஸ் அம்மா கொடுக்கவில்லை. "நீயும் மக்களுக்கு சேவை செய்யவேண்டும். அதனால் இதே மருத்துவத் துறையில் படி' என்று கூறினார். அவரைப் போன்றே நானும் வெளிநாடு சென்று படித்தேன்.
     எங்கள் உலகம் சிறிய உலகம். நான், என் கணவர், அம்மா. இப்பொழுது எனது இரு மகன்கள். அவர்களுக்கும் அம்மா எனக்கு என்ன சொன்னாரோ அதையே சொல்லிக் கொடுத்து வளர்க்கிறார்கள். என் மகன்கள் இருவரும் தங்களது அம்மம்மாவை எந்த இடத்திலும் வீட்டுக் கொடுக்க மாட்டார்கள். அதேபோன்று எனது தாயாருக்கும் தன் பேரன்கள் மேல் பாசம் அதிகம்.
     எனது தாயார் தனது பெற்றோரை கடைசி வரை பார்த்துக் கொண்டார்கள். இன்று எனது ஒரே விருப்பம் எனது அம்மாவையும் அவர்கள் விரும்பும் எல்லாவற்றையும் கொடுத்தது சந்தோசமாக பார்த்துக் கொள்ளவேண்டும் என்பதுதான். அது இன்று வரை நடக்கிறது; நாளையும் தொடரும். நான் வெளிநாட்டில் பத்து ஆண்டுகள் வாழ்ந்தாலும் எனக்கு அங்கு நிரந்தரமாக தங்க வேண்டும் என்ற விருப்பம் என்றுமே வந்ததில்லை. ஏன் திரும்பவும் சென்னை வந்தேன் தெரியுமா? என் தாயாருடன், சந்தோஷமாக வாழவேண்டும் என்பதால் தான்.
     தனி ஒரு மனுஷியாக நின்று என்னை ஆளாக்கி இன்று நான் ஒரு புகழ் பெற்ற மருத்துவராக இருக்கிறேன் என்றால் அதற்கு காரணம் எனது தாயார்தான். இன்றுள்ள குழந்தைகளுக்கு படிப்பின் முக்கியத்துவம் தெரியாமல் வளர்கிறார்கள். ஒன்று மட்டும் நிச்சயம். நாம் எவ்வளவு கடுமையாக உழைத்து படிக்கிறோமோ அந்த அளவு சந்தோசம் நம்மை தேடி ஓடி வருகிறது என்பது நிச்சயம். இதை நான் என் வாழ்க்கையில் பார்த்து உணர்ந்து கொண்டேன். அதனால் தான் என்னிடம் வரும் இளம் மருத்துவர்களுக்கும் இதையே நான் சொல்கிறேன். என் தாயார் அன்று என்னிடமும் தன்னைச் சுற்றியிருப்பவர்களிடமும் சொன்னதையே இன்று என்னை சுற்றி இருப்பவர்களுக்கும் நான் சொல்கிறேன். "படியுங்கள். படிப்பு உங்களை பல மடங்கு உயர்த்தும். இன்று படித்தால் நாளை அதன் பலன் நீங்கள் கேட்காமலேயே உங்களை வந்தடையும்'. இது என் தாயாரின் தாரக மந்திரம். எனக்கும் தான்.
     - சலன்

    ]]>
    http://images.dinamani.com/uploads/user/imagelibrary/2018/5/23/w600X390/sm9.jpg http://www.dinamani.com/weekly-supplements/magalirmani/2018/may/23/அம்மா---டாக்டர்-பிரியா-ராமசந்திரன்-2925342.html
    2925356 வார இதழ்கள் மகளிர்மணி டிப்ஸ்.. டிப்ஸ்.. DIN DIN Wednesday, May 23, 2018 11:29 AM +0530 * நீண்ட நேரப்​ப​ய​ணத்​திற்​குப் பின் களைப்பு ஏற்​பட்​டால், அந்​தக் களைப்​பைப் போக்க, உப்பு பெரு​ம​ளவு உத​வு​கி​றது. ஒரு பெரிய பேசி​னில் வெது​வெ​துப்​பான நீர் எடுத்து, அதில் சிறி​த​ளவு உப்பு கலந்து, ஒரு பதி​னைந்து நிமி​டங்​கள் கால்​கள் நனை​யும்​படி உட்கார்ந்​தால், கால்​வலி, களைப்பு எல்​லாம் பறந்​து​போ​கும்.

    * வெ​து​வெ​துப்​பான நீரில் சிறிது ஆலிவ் ஆயில் கலந்து, குழந்​தை​க​ளைக் குளிப்​பாட்​டி​னால் குழந்​தை​க​ளின் தோலின் மென்​மையை ஆலிவ் ஆயில் பரா​ம​ரிக்​கும்.

    * தி​ராட்​சைப்​ப​ழம் கிட்னிக்​குப் பாது​காப்பு அளிக்​கும் பழம், மல​மி​ளக்​கி​யா​க​வும் பயன்​ப​டும். இதை, பழ​மா​கவோ, பழ​ர​ச​மா​கவோ உண்​டால், நேரடி பலன் கிடைக்​கும்.

    * இ​ரவு மீந்​து​போன சாதத்தை ஹாட்பேக்​கில் வைத்​தி​ருந்து, காலை​யில் சைனீஸ் ஃப்ரைட் ரைஸ் செய்​ய​லாம் அல்​லது. சிறிது நீர்​விட்டு மசித்து, ஸாலட் அல்​லது உரு​ளைக்​கி​ழங்கு மசி​ய​லோடு கலக்​க​லாம்.

    • கு​ழந்​தை​யைக் குளிப்​பாட்​டும்​போது, தண்​ணீ​ரில் சிறி​த​ளவு டெட்டா​லை​யும், சிறி​த​ளவு உப்​பை​யும் கலந்து குளிப்​பாட்​டி​னால் குழந்​தை​யின் மென்​மை​யான தோல் மேலும் மென்​மை​யாக ஆவ​து​டன், எந்​த​வித தோல் வியா​தி​க​ளும் வராது. தண்​ணீரை விளா​வி​ய​பின்பு தான் டெட்டா​லை​யும், உப்​பை​யும் சேர்க்க வேண்​டும்.

    • தர்​பூ​ச​ணித் தோல், பரங்​கிக்​காய் தோல், பீர்க்​கங்​காய்த் தோல், வெந்த உரு​ளைக்​கி​ழங்கு அல்​லது பச்சை உரு​ளைக்​கி​ழங்கு தோல், சுரைக்​காய் தோல் போன்​ற​வற்​றி​லி​ருந்து, வங்​கா​ளி​கள் வித​வி​த​மான துவை​யல்​கள் செய்​கின்​ற​னர்.

    • தி​னந்​தோ​றும் காலை​யில் வெறும் வயிற்​றில், வெது​வெ​துப்​பான நீரில் ஒரு மூடி எலு​மிச்​சை​யைப் பிழிந்து அருந்​தி​னால், நாள் முழு​வ​தும் புத்​து​ணர்ச்​சி​யோடு இருக்​க​லாம்.

    • க​ரு​வுற்ற தாய்​மார்​கள் ஆறாம் மாதத்​திற்​குப் பின், அரை லிட்டர் நீரைக் கொதிக்க வைத்து, அதில் இரண்டு தேக்​க​ரண்டி பார்லி அரி​சியை மிக்​ஸி​யில் போட்டு பொடி செய்து, கொதிக்​கும் நீரில் போட்டு, கொதிக்​க​வைத்து எடுத்து, ஆறி​ய​பின் ஒரு தேக்​க​ரண்டி எலு​மிச்​சைச் சாறும், உப்​பும் சேர்த்து காலை, மாலை அருந்தி வர, நீர் சுருக்கு நீங்கி, கால் வீக்​கம் வடி​யும். மேற்​படி பார்லி நீரை காலை​யி​லேயே தயார் செய்து வைத்​துக் கொண்டு, தேவை​யா​ன​போது, சூடு செய்து, எலு​மிச்​சைச் சாறும், உப்​பும் கலக்​க​லாம். எலு​மிச்​சைச் சாறும், உப்​பும் கலந்து வைத்​து​விட்​டோ​மா​னால், வெகு சீக்​கி​ரம் புளிப்பு ஏறி, அசி​டிடி உரு​வா​கும்.

    • தக்​காளி சூப் தயா​ரிக்​கும்​போது, சிறிது கச​க​சாவை நெய்​யில் வறுத்து, பொடித்​துப்​போட்​டால், சூப் மண​மா​க​வும், மிகுந்த சுவை​யு​ட​னும் இருக்​கும்.

    • எள், கச​கசா இரண்​டும் ஒவ்​வொரு தேக்​க​ரண்டி, அரை தேக்​க​ரண்டி ஓமம், கால் தேக்​க​ரண்டி மிளகு ஆகி​ய​வற்றை சிறிது நெய் அல்​லது எண்​ணெய்​யில் மணம் வரும்​வரை வறுத்து, உப்பு சேர்த்து, கர​க​ரப்​பாக பொடித்து, சூடான சாதத்​தில் போட்டு பிசைந்து சாப்​பிட்​டால், புது​வி​த​மான சுவை​யும், மண​மும் கிடைக்​கும். வயிற்​றுப்​புண் ஆறும். கபம் நீங்​கும். வெயி​லில் அலைந்த களைப்​பும் நீங்​கும்.
    - சர​சு​வதி பஞ்​சு​
     

    ]]>
    http://images.dinamani.com/uploads/user/imagelibrary/2018/5/23/w600X390/sm14.jpg http://www.dinamani.com/weekly-supplements/magalirmani/2018/may/23/டிப்ஸ்-டிப்ஸ்-2925356.html
    2925355 வார இதழ்கள் மகளிர்மணி சமையல்... சமையல்​! DIN DIN Wednesday, May 23, 2018 11:26 AM +0530 வெள்ளை பணி​யா​ரம்

    தே​வை​யா​னவை:
    ​பச்​ச​ரிசி - ஒரு கிண்​ணம் 
    உளுந்து - 4 தேக்​க​ரண்டி
    நெய் - 2 தேக்​க​ரண்டி
    சர்க்​கரை - ஒரு தேக்​க​ரண்டி
    எண்​ணெய் - தேவைக்​கேற்ப
    உப்பு - தேவைக்​கேற்ப
    ​செய்​முறை: ​அ​ரிசி, உளுந்தை சேர்த்து சுத்​தம் செய்து 2 மணி நேரம் ஊற​வி​ட​வும். பிறகு உப்பு, சர்க்​கரை சேர்த்து நைக அரைக்​க​வும் (தோசை மாவு பதத்​தில் இருக்க வேண்​டும்). வாண​லி​யில் எண்​ணெய், நெய் ஊற்றி, காய்ந்​த​தும் வட்ட வடிவ அக​லக் கரண்​டி​யால் மாவை ஊற்​ற​வும். ஒரு​பு​றம் வெந்​த​தும் மறு​பு​றம் திருப்பி போட்டு வேக​வி​ட​வும். இதை ஒவ்​வொன்​றா​கத்​தான் செய்ய வேண்​டும். 
    குறிப்பு: மாவு புளிக்​கக் கூடாது. அரைத்த 10 நிமி​டத்​தில் செய்​ய​வும். இதற்கு கார சட்னி சூப்​பர் காம்​பி​னே​ஷன்.

    கல்​கண்டு வடை

    தே​வை​யா​னவை:
    உளுந்து - ஒன்​றரை கிண்​ணம்
    பச்​ச​ரிசி - 2 தேக்​க​ரண்டி
    கல்​கண்டு - ஒரு கிண்​ணம்
    எண்​ணெய் - தேவைக்​கேற்ப
    ​செய்​முறை: ​பச்​ச​ரிசி, உளுந்தை ஒன்​றாக சேர்த்து அரை மணி நேரம் ஊற வைத்து, கெட்டி​யாக அரைத்​துக் கொள்​ள​வும். முக்​கால் பதம் அரைத்​த​வு​டன் பொடித்து வைத்த கல்​கண்டை சேர்த்​துக் கரைக்​க​வும் உளுந்தை அரைக்​கும்​போது, தண்​ணீர் சிறிது கூட சேர்க்​கக் கூடாது. அரைத்து முடித்​த​தும் மாவு நீர்க்க இருப்​பது போல் தெரிந்​தால், சிறிது அரிசி மாவு சேர்த்​துக் கொள்​ள​வும். வாண​லி​யில் எண்​ணெய்யைச் சூடாக்கி, மாவை வடை​க​ளாக தட்டிப் போட்டு, வேக​விட்டு எடுக்​க​வும் (தீயை மித​மாக எரிய விட வேண்​டும்).

    கும்​மா​யம்

    தே​வை​யா​னவை:
    ​வெள்ளை முழு உளுந்து - ஒரு கிண்​ணம்
    பச்​ச​ரிசி - ஒரு தேக்​க​ரண்டி
    பாசிப்​ப​ருப்பு - கால் கிண்​ணம்
    கருப்​பட்டி (அ) வெல்​லம் - ஒன்​றரை கிண்​ணம்
    நெய் - கால் கிண்​ணம்
    ​செய்​முறை: ​உ​ளுந்து, அரிசி, பாசிப்​ப​ருப்பை தனித்​த​னியே வெறும் வாண​லி​யில் சிவக்க வறுக்​க​வும். இவற்றை ஒன்​று​சேர்த்து மாவாக அரைக்​க​வும். கருப்​பட்டி (அ) வெல்​லத்தை கரைத்து வடி​கட்​டிக் கொள்​ள​வும். வடி​கட்​டிய தண்​ணீ​ரில் மாவைக் கொட்டி, கட்டி இல்​லா​மல் கரைத்​துக் கொள்​ள​வும். அடி கன​மான பாத்​தி​ரத்​தில் பாதி நெய் விட்டு, சூடா​ன​தும், கரைத்து வைத்​துள்​ளதை கொட்டி, அடுப்பை சிறு தீயில் வைத்​துக் கிள​ற​வும். கைவி​டா​மல் கிள​றிக் கொண்டே மீதி நெய்​யைச் சேர்த்து, மாவு நன்கு வெந்து கையில் ஒட்டா​மல் வரும்​போது இறக்​க​வும்.

    இ​னிப்பு சீயம்

    ​தே​வை​யா​னவை: 
    ​பச்​ச​ரிசி, உளுந்து - தலா ஒரு கிண்​ணம்
    உப்பு - ஒரு சிட்டிகை
    எண்​ணெய் - தேவைக்​கேற்ப
    ​பூ​ர​ணம் செய்ய: 
    ​தேங்​காய் - ஒன்று
    பொடித்த வெல்​லம் - ஒன்​றரை கிண்​ணம்
    ஏலக்​காய்த்​தூள் - 2 தேக்​க​ரண்டி
    நெய் - 3 தேக்​க​ரண்டி
    ​செய்​முறை: ​தேங்​கா​யைத் துரு​விக் கொள்​ள​வும். வெல்​லத்தை கரைத்து வடி​கட்​ட​வும். வாண​லி​யில் நெய் விட்டு, தேங்​காய் துரு​வல் சேர்த்து ஈரம் போக கிள​ற​வும். அத​னு​டன் கரைத்த வெல்​லம், ஏலக்​காய்த்​தூள் சேர்த்து நன்கு சுருளக் கிளறி இறக்கி ஆற​வி​ட​வும். இது​தான் பூர​ணம்.
    பச்​ச​ரிசி, உளுந்தை ஒன்​றாக சேர்த்​துக் களைந்து, ஒரு மணி நேரம் ஊற​விட்டு, பின் நைஸôக அரைத்து, உப்பு சேர்த்​துக் கரைத்​துக் கொள்​ள​வும். கிளறி வைத்​துள்ள பூர​ணத்தை சிறு எலு​மிச்சை அளவு உருண்​டை​க​ளாக உருட்​டிக் கொள்​ள​வும். வாண​லி​யில் எண்​ணெய்​யைச் சூடாக்கி, பூர​ணத்தை அரைத்து வைத்​துள்ள மாவில் தோய்த்து, எண்​ணெ​யில் போட்டு பொரித்​தெ​டுத்​தால் சுவை​யான இனிப்பு சீயம் தயார்!

    ஜவ்​வ​ரிசி ஊத்​தப்​பம்

    தே​வை​யா​னவை:
    ​இட்லி அரிசி - 4 கிண்​ணம்
    உளுந்து - ஒரு கிண்​ணம்
    ஜவ்​வ​ரிசி - கால் கிலோ
    வெங்​கா​யம் - 2
    கடுகு, உளுத்​தம்​ப​ருப்பு - தலா ஒரு தேக்​க​ரண்டி
    பச்சை மிள​காய் - 4
    எண்​ணெய், உப்பு - தேவைக்​கேற்ப
    ​செய்​மு​றை:​ அரிசி, உளுந்தை ஒன்​றா​கச் சேர்த்து ஊற வைத்து, தோசைக்கு அரைப்​பது போல் அரைத்து, புளிக்​க​விட்டு உப்பு சேர்க்​க​வும். மறு​நாள் ஜவ்​வ​ரி​சியை அரை மணி நேரம் ஊற வைத்து மாவில் சேர்க்​க​வும். வாண​லி​யில் எண்​ணெய்யைச் சூடாக்கி... கடுகு, உளுத்​தம்​ப​ருப்பு, நறுக்​கிய வெங்​கா​யம், பச்சை மிள​காய் தாளித்து மாவில் சேர்க்​க​வும். தோசைக் கல்​லைச் சூடாக்கி, மாவை கெட்டி​யாக ஊற்றி, எண்​ணெய் விட்டு, இரு​பு​ற​மும் வேக​விட்டு எடுத்து, காரச் சட்னி​யு​டன் பரி​மா​ற​வும்.
    குறிப்பு: விருப்​பப்​பட்​டால், கேரட் துரு​வல் சேர்த்​துக் கொள்​ள​லாம்.

    குழி பணி​யா​ரம்

    தே​வை​யா​னவை:
    பச்​ச​ரிசி, புழுங்​க​ல​ரிசி - தலா ஒரு கிண்​ணம்
    உளுந்து - அரை கிண்​ணம்
    ஜவ்​வ​ரிசி - கால் கிண்​ணம்
    வெந்​த​யம் - ஒரு தேக்​க​ரண்டி
    வெங்​கா​யம் - ஒன்று
    பச்சை மிள​காய் - 3
    கடுகு, உளுத்​தம்​ப​ருப்பு - தலா அரை தேக்​க​ரண்டி
    தேங்​காய் துரு​வல் - 4 தேக்​க​ரண்டி
    கறி​வேப்​பிலை - சிறி​த​ளவு
    எண்​ணெய், உப்பு - தேவைக்​கேற்ப
    ​செய்​முறை: ​பச்​ச​ரிசி மற்​றும் புழுங்​க​ல​ரிசி, உளுந்து, வெந்​த​யம் ஆகி​ய​வற்றை ஒன்​றாக ஊற விட​வும். 2 மணி நேரம் கழித்து நைஸôக அரைக்​க​வும். அரைக்​கும்​போது, 10 நிமி​டம் ஊற வைத்த ஜவ்​வ​ரி​சியை மாவு​டன் சேர்த்து அரைக்​க​வும். உப்பு சேர்த்​துக் கலக்கி, 5 - 6 மணி நேரம் புளிக்​க​விடவும். வெங்​கா​யம், பச்சை மிள​கா​யைப் பொடி​யாக நறுக்​க​வும். வாணலியில் எண்​ணெய் சூடாக்கி, கடுகு, உளுத்​தம்​ப​ருப்பு, கறி​வேப்பிலை தாளித்து, வெங்​கா​யம், பச்சை மிள​காய், தேங்​காய் துரு​வல் சேர்த்து வதக்கி மாவில் சேர்க்​க​வும். குழி பணி​யார சட்டியை சூடாக்கி, சிறிது எண்​ணெய் விட்டு, மாவை குழி​க​ளில் ஊற்றி, இரு​பு​ற​மும் வேக​விட்டு எடுத்​தால் சுவை​யான குழி பணி​யா​ரம் ரெடி.

    இ​ந்த வாரம் செட்டி​நாடு சமை​யல் குறிப்​பு​களை வழங்​கு​ப​வர் எம். சுகாரா

    ]]>
    http://www.dinamani.com/weekly-supplements/magalirmani/2018/may/23/சமையல்-சமையல்​-2925355.html
    2925344 வார இதழ்கள் மகளிர்மணி தேவை விழிப்புணர்வு! DIN DIN Wednesday, May 23, 2018 10:57 AM +0530 உலக மாதவிடாய் தினம் மே-28
     மாதவிடாய் என்பது பெண்களின் வழக்கமான உடல் செயல்பாடு என்கிற விழிப்புணர்வு மக்களிடம் இல்லை. இந்தியாவில் கடந்த 4ஆண்டுகளுக்கு முன்பு 2014 -ஆம் ஆண்டின் எடுக்கப்பட்ட ஒரு கணக்கெடுப்பின்படி சுமார் 42சதவித பெண்களுக்கு மாதவிடாய் பற்றிய போதிய விழிப்புணர்வு இல்லை என்பது தெரியவந்துள்ள தகவல். அதோடு மாதவிடாய் காலங்களில் உடலை எந்தளவுக்கு சுத்தமாக வைத்திருக்க வேண்டும் என்கிற விழிப்புணர்வும் அவர்களுக்கு இல்லை என்பது தெரியவந்துள்ளது.
     மாதவிடாய் காலங்களில் சரியான முறையில் பராமரிக்கவில்லையென்றால் நோய் தாக்கம் ஏற்படும், மற்றும் இதனால் குழந்தை பெறுவதில் சிக்கலை ஏற்படுத்தும் என்று தெரியாமல் உள்ளனர். பெண்கள் இந்தியா போன்ற வளரும் நாடுகள் மட்டுமல்ல, வறுமையில் உழலும் ஆப்பிரிக்கா நாடுகளிலும், பணக்கார நாடான அமெரிக்காவிலும் மாதவிடாயால் பெண்கள் குறிப்பாக பள்ளி கல்லூரி செல்பவர்கள் அதிகம் பாதிப்படைகின்றனர் என்கிறது உலக சுகாதார நிறுவனம்.
     மாதவிடாய்க்குப் பயன்படுத்தத் தேவையான சுகாதாரமான பொருட்கள் கிடையாமையாலும் தண்ணீர், துப்பரவு, சுகாதார வசதிகள் இல்லாமையாலும் ஆப்பிரிக்காவின் பல பகுதிகளில் சிறுமியர் ஐந்து நாட்கள் வரை பள்ளிக்கூடங்களுக்குச் செல்லாமல் இருக்கின்றனர். கடந்த 2015 -ஆம் ஆண்டு வங்காள தேசத்திலுள்ள ஒரு பள்ளியில் துப்பரவு வசதிகளை மேம்படுத்தியதால் அப்பள்ளியின் சிறுமியரின் சேர்க்கைப் 11சதவிகிதம் அதிகரித்தது என்பது குறிப்பிடத்தக்கது.
     வளர்ந்து வரும் நாடுகளிலுள்ள பள்ளிகளில் மாதவிடாய்க் கழிவு அகற்றல் குறித்து அதிகம் கவனம் செலுத்தப்படுவதில்லை. உலகளவில் பள்ளிகளில் மாணவியர்களுக்குத் தண்ணீர் மற்றும் துப்பரவு வசதி 47சதவீதம் மட்டுமே கிடைக்கிறது. பள்ளிகளில் கழிவறைகள் இருந்தாலும் கூட அங்கு மாதவிடாய் கழிவுகளைச் சேகரிக்கும் கூடைகள் வைக்கப்பட்டிருப்பதில்லை. இதனால் பயன்படுத்தப்பட்டு அப்புறப்படுத்தப்பட்ட மாதவிடாய் அணையாடைகள் பள்ளி வளாகத்தில் பல்வேறு இடங்களிலும் கிடக்கிறது ஆனால் நம் தமிழகத்தில் இது போன்று பல இன்னல்கள் குறைவுதான் என்று சொல்லலாம். மக்களிடம் இது போன்று மாதவிடாய் குறித்து விழிப்புணர்வை ஏற்படுத்த வேண்டும் என ஜெர்மனியைச் சேர்ந்த வாஸ் என்கிற தனியார் சேவை நிறுவனம் தான் மே 28- ஆம் தேதியை உலக மாதவிடாய் சுகாதார நாளாக பல நாடுகளில் உள்ள சுகாதார அமைப்புகளின் ஆதரவோடு இந்த நாளை உருவாக்கி அறிவித்தது. அந்தத்தினத்தில் பல பேரணி, கருத்தரங்குகள், விழிப்புணர்வு நாடகம், கட்டுரைப்போட்டிகளை நடத்தி வருகிறது.
     மாதவிடாயின்போது பின்பற்ற வேண்டிய உணவுமுறைகள்!
     கால்சியம் : அந்த நாட்களில் கால்கள் இழுப்பதும், அடி வயிற்றில் அதிக வலியும் இருக்கும். அதனால் கால்சியம் நிறைந்த உணவுகளான பால், தயிர், வெண்டைக்காய், பாதாம் ஆகியவற்றை சாப்பிடுங்கள். மேலும் கண்டிப்பாக ஏதேனும் கீரைகளை சேர்த்துக் கொண்டால் படிப்படியாக இந்தப் பிரச்னைகள் குணமடையும்.
     வைட்டமின்: வைட்டமின் பி6 நமது உடலில் ஏற்படும் ஹார்மோன் பிரச்னைகளை சரி செய்கிறது, நோய் எதிர்ப்பு சக்தியை அதிகரிக்கிறது, "ப்ரி மென்ஸýரல் சின்ட்ரோம்'ஐ குறைக்கிறது. வைட்டமின் டி எலும்புகளை வலுவாக்கிறது. மிகவும் முக்கியமாக, மாதவிடாய்க்கு முன்பு மேற்கூறிய வைட்டமின் சத்துக்கள் அதிகம் இருக்கும் ஆரஞ்சு, நட்ஸ் வகைகள், வாழைப்பழம், மீன், தர்பூசணி, கீரை போன்றவற்றை சாப்பிடுங்கள். வலியில்லாத மாதவிடாய்க்கு தயாராக இந்த வைட்டமின்கள் தேவை.
     தண்ணீர்: பலர் பீரியட்ஸின் போது கழிப்பறையை பயன்படுத்துவதை எரிச்சலான ஒரு விஷயமாக நினைத்து, அந்த நாட்களில் தண்ணீர் குடிப்பதை தவிர்ப்பார்கள். ஆனால், அந்த நாட்களில் நிறைய தண்ணீர் குடிக்க வேண்டும். எவ்வளவு தண்ணீர் குடிக்கிறோமோ அந்த அளவுக்கு வயிற்றுவலி குறையும். தண்ணீருக்கு பதில் ஜூஸ்களையும் பருகலாம்.
     சாக்லெட்: நாம் மகிழ்ச்சியாகவும், டென்ஷன் இல்லாமலும் இருக்க மூளையில் செரட்டோனின் என்ற அமிலச்சுரப்பு அவசியம். இதற்கு, டார்க் சாக்லெட்டுகளைச் சாப்பிடுவதால் செரட்டோனின் அதிக அளவு சுரக்கிறது. அதனால் மாதவிடாயினால் ஏற்படும் டென்ஷன், பதட்டம் குறைய சாக்லேட் சாப்பிடலாம்.
     கொழுப்பு உணவுகள் வேண்டாம்: அதிக கொழுப்புள்ள வெண்ணெய், கிரீம் போன்ற உணவுகள் பெண்களின் ஈஸ்ட்ரோஜென் ஹார்மோனைத் தூண்டிவிடும். மாதவிடாய் காலத்தில் இதனால் அதிக உதிரப் போக்கு ஏற்பட வாய்ப்புள்ளது.
     ஃபைபர் : மாதவிடாய் காலத்தில் ஏற்படும் செரிமானப் பிரச்னையால் பலர் சாப்பிடவே மாட்டார்கள். சாப்பிடாமல் இருப்பதால் உடல் சோர்வு, பலகீனமாகும். அதனால் உணவில் பட்டாணி, கோதுமை, ரெட் பீன்ஸ், அவகோடா, கொய்யா, ப்ராக்கோலி போன்றவற்றை சேர்த்துக்கொள்ள மிக எளிதாக உணருவீர்கள்.
     - ஜெயா ஷோமான்
     
     
     
     
     

    ]]>
    http://images.dinamani.com/uploads/user/imagelibrary/2018/5/23/w600X390/sm13.jpg http://www.dinamani.com/weekly-supplements/magalirmani/2018/may/23/தேவை-விழிப்புணர்வு-2925344.html
    2925343 வார இதழ்கள் மகளிர்மணி இல்லத்தரசியும் தொழில் முனைவோர் ஆகலாம்-8 DIN DIN Wednesday, May 23, 2018 10:55 AM +0530 இயற்கை விவசாயம் குறித்த விழிப்புணர்வு அதிகரித்து வருகிறது. கிராமப்புறங்கள் மட்டுமல்லாமல், நகரங்களிலும் மொட்டைமாடி தோட்டங்களும் பெருகி வருகின்றன. அதனால் விவசாயம் செய்பவர்களுக்கு இயற்கை உரம் பெரிதும் தேவைப்படுகிறது. எனவே, வீட்டிலிருந்தபடியே இயற்கை உரம் தயாரித்து விற்பனை செய்யலாம். நல்ல வரவேற்பு இருக்கும் என்கிறார் சுயதொழில் ஆலோசகர் உமாராஜ்.
     அசோலா: இது ஒருவகையான இயற்கை உரம். பாசி போல் இருக்கும். ஆடு, மாடு, கோழிகளுக்கு தீவனமாகவும், செடிகளுக்கு உரமாகவும் உபயோகிக்கலாம். இதற்கு வெயில் தேவையில்லை. நிழலாக இருந்தாலே போதும். இதற்கு மாட்டுச் சாணம், செம்மண், தண்ணீர், ஒருவகையான விதை உபயோகப்படுத்தப்படுகிறது.
     மீன் அமிலம்: விலை மலிவாக கிடைக்கும் மீன் அல்லது மீன் மார்க்கெட்டில் இருக்கும் மீன் கழிவுகளை உபயோகப்படுத்தி மீன் அமிலம் தயாரிக்கப்படுகிறது. டிரம், மீன், கருப்பட்டி தேவையானால் வாழைப்பழம். ஒரு ஏக்கருக்கு 200 முதல் 300 மி.லி. தண்ணீரில் கலந்து பயன்படுத்தினாலே போதுமானாது. இது நல்ல வீரியம் உள்ள இயற்கை உரம்.

    அமிர்த கரைசல்: இது மாட்டுச் சாணம், கோமியம், கடலைப் புண்ணாக்கு, வெல்லம் இவற்றைக் கொண்டு தயாரிக்கப்படும் இயற்கை உரம்.
     ஜீவாமிர்தம்: மாட்டுச் சாணம், கோமியம், கருப்பட்டி, பயிறு மாவு போன்றவற்றை உபயோகப்படுத்தித் தயாரிக்கப்படுகிறது. இந்த உரம் செடிகளுக்கு மிக்க ஊட்டச்சத்தை அளித்து செழிப்பாக வளரச் செய்கிறது.
     முட்டை அமிலம்: முட்டை அல்லது முட்டை ஓட்டிலிருந்து தயாரிக்கப்படும் இந்த உரம். பூச்செடிகளுக்கு மிகவும் பயன்படுகிறது.
     பஞ்ச காவ்யம்: தயிர், நெய், சாணம், கோமியம், பால் இவற்றைக் கொண்டு தயாரிக்கப்படும் இந்த உரத்தை பஞ்சகாவ்யம் எனப்படுகிறது. இது செடிகள் பூஞ்சை தொற்று ஏற்படாமல் தடுத்து நல்ல வளமாக வளரச் செய்கிறது.
     தேமோர் கரைசல்: இது தேங்காய் பாலில் இருந்து தயாரிக்கப்படுகிறது, இது பூச் செடிகள் மற்றும் மாமரத்திற்கு மிகவும் உபயோகமானது. மாமரம் பூ எடுக்கும் தருவாயில் மரத்தின் மீதும் தெளிக்கப்படும் இந்த உரம், பூக்கள் உதிராமல் இருக்கவும், நிறைய காய்கள் பிடித்து விளைச்சல் அதிகரிப்பதற்கும் இந்த உரம் பயன்படுத்தப்படுகிறது.
     அரப்பு மோர் கரைசல்: மோரில் அரப்பு இலையை அரைத்து அதனை பதப்படுத்தி தயாரிக்கப்படும் இந்த உரம். செடிகளை பாதிக்கும் பூச்சிகளைக் கட்டுப்படுத்தக் கூடியது.
     மண் புழு உரம்: மண் புழு உரத்தில் 3 வகை உள்ளது. தொட்டி முறை, குவியல் முறை, சில்க் பாயல் சீட் முறை. இது வீட்டில் கிடைக்கும் காய்கறி கழிவுகளைக் கொண்டு தயாரிக்கப்படும் உரம். அல்லது விவசாயம் செய்பவர்கள் அவர்கள் தோட்டத்தில் உள்ள செடிகளின் கழிவுகளை வைத்து தயார் செய்யலாம்.
     மேலே சொன்ன அனைத்து வகை உரங்களையும் தயாரிக்க ஒரு நாள் அல்லது இரண்டு நாள் பயிற்சி வகுப்புகள் அரசு சார்பில் நடத்தப்படுகிறது. அதில் கலந்து கொண்டு உரம் தயாரிக்க கற்றுக் கொண்டு, வீட்டில் இருந்தபடியே இத்தொழிலை செய்யலாம். நல்ல லாபம் கிடைக்கும்.
     இதற்கான பயிற்சி வகுப்புகள் நடக்குமிடம்: தமிழ்நாடு கால்நடை மருத்துவ வேளாண்மை அறிவியல் பல்கலைக் கழகம், காட்டுப்பாக்கம், காட்டாங்கொளத்தூர், காஞ்சிபுரம் மாவட்டம், தொலைபேசி : 044- 27452371 மற்றும் விவேகானந்தா வேளாண்மை பயிற்சி மையம், கன்னியாகுமரி ஆகிய இடங்களில் இலவசமாக பயிற்சியளிக்கப்படுகிறது.
     - ஸ்ரீ
     

    ]]>
    http://images.dinamani.com/uploads/user/imagelibrary/2018/5/23/w600X390/sm12.jpg http://www.dinamani.com/weekly-supplements/magalirmani/2018/may/23/இல்லத்தரசியும்-தொழில்-முனைவோர்-ஆகலாம்-8-2925343.html
    2925338 வார இதழ்கள் மகளிர்மணி இதய பாதுகாப்பு பிரசாரத்தில் பூஜா சோப்ரா DIN DIN Wednesday, May 23, 2018 10:40 AM +0530 உலக சுகாதார தினத்தன்று தொடங்கப்பட்ட "ஹேப்பி ஹார்ட் இந்தியா' திட்டத்தில் 12 வயதுக்குட்பட்ட இதய கோளாறால் பாதிக்கப்பட்டுள்ள 200 குழந்தைகளுக்கு இலவச இதய அறுவைசிகிச்சை அளிக்க "ஏஷியன் ஹார்ட் இன்ஸ்டிடியூட்' முன்வந்துள்ளது. இதயத்தை ஆரோக்கியமாக வைத்துக் கொள்வது பற்றிய விழிப்புணர்வு பிரசாரத்தில் ஈடுபட்டுள்ள பாலிவுட் நடிகர் அக்ஷய்குமாரை தொடர்ந்து, நடிகை பூஜா சோப்ரா இணைந்துள்ளார். இளம் வயதிலேயே இதய நோயால் பாதிக்கப்படுபவர் அதிகரித்து வருவதால், ஆரோக்கியமான இந்தியாவில் இதய பாதுகாப்பு குறித்து விழிப்புணர்வை ஏற்படுத்தவே இதில் இணைந்துள்ளதாக கூறுகிறார் பூஜா சோப்ரா.
     -அருண்

    ]]>
    http://images.dinamani.com/uploads/user/imagelibrary/2018/5/23/w600X390/sm6.jpg http://www.dinamani.com/weekly-supplements/magalirmani/2018/may/23/இதய-பாதுகாப்பு-பிரசாரத்தில்-பூஜா-சோப்ரா-2925338.html
    2925336 வார இதழ்கள் மகளிர்மணி தயாரிப்பாளரான ஜெனிலியா! DIN DIN Wednesday, May 23, 2018 10:39 AM +0530 "மவுலி' என்ற மராத்தி படத்தை தயாரிப்பதன் மூலம் ஜெனிலியா தேஷ்முக் தயாரிப்பாளராகியுள்ளார். இவரது கணவரும், நடிகருமான ரித்தேஷ் தேஷ்முக், ஏற்கெனவே 2014- ஆம் ஆண்டு வெளியான "லேய் பாரி' என்ற மராத்தி படத்தில் நடித்துள்ளார். தற்போது இவரையே கதாநாயகனாக வைத்து "மவுலி' படத்தை தயாரிக்கும் ஜெனிலியா, இது எங்களுடைய பெருமைக்குரிய படைப்பாக இருக்கும் என்று கூறியுள்ளார். முன்னாள் நடிகை உஷாகிரணின் பேத்தி சயாமிகேர், ரித்தேஷூடன் ஜோடியாக நடிக்கிறார்.

    ]]>
    http://images.dinamani.com/uploads/user/imagelibrary/2018/5/23/w600X390/sm5.jpg http://www.dinamani.com/weekly-supplements/magalirmani/2018/may/23/தயாரிப்பாளரான-ஜெனிலியா-2925336.html
    2925335 வார இதழ்கள் மகளிர்மணி சல்மானுக்கு நெருக்கமான கரிஷ்மா DIN DIN Wednesday, May 23, 2018 10:37 AM +0530 என்னுடைய சகோதரி கரினா கபூரை விட நான்தான் சல்மான்கானுடன் நீண்ட கால நெருங்கிய சிநேகிதியாக இருந்து வருகிறேன். கரினாவை பொருத்தவரை சல்மான்கான் அவளை இன்னும் குழந்தையாகவே கருதுகிறார். 90- களில் நாங்கள் சேர்ந்து நடித்த "அந்தாஸ் அப்னே அப்னே', "பிவீ நெ.1' போன்ற படங்கள் பெறும் வரவேற்பை பெற்றதுடன், எங்களை ரசிகர்கள் சிறந்த ஜோடியாகவே கருதினார்கள்'' கரிஷ்மா கபூர் அண்மையில் பங்கேற்ற எண்டர்டெய்ன்மெண்ட் கிராத்'' என்ற நிகழ்ச்சியின்போது கூறியுள்ளார்.

    ]]>
    http://images.dinamani.com/uploads/user/imagelibrary/2018/5/23/w600X390/sm4.jpg http://www.dinamani.com/weekly-supplements/magalirmani/2018/may/23/சல்மானுக்கு-நெருக்கமான-கரிஷ்மா-2925335.html
    2925334 வார இதழ்கள் மகளிர்மணி அநாதை விலங்குகளுக்கு சரணாலயம் DIN DIN Wednesday, May 23, 2018 10:35 AM +0530 தன்னுடைய 30-ஆவது பிறந்த நாளை கொண்டாடிய அனுஷ்கா சர்மா, நகரத்திற்குள் கைவிடப்பட்ட அநாதை விலங்குகளுக்காக மும்பை புறநகர் பகுதியில் சரணாலயம் ஒன்றை அமைத்து விலங்குகளை பாதுகாக்கப் போவதாக அறிவித்துள்ளார். "இது என்னுடைய நீண்ட நாள் கனவாகும். இது குறித்து உடனிருந்து உதவவும், ஆலோசனை கூற விருப்பமுள்ளவர்கள் கூறும் கருத்துக்களையும் கேட்க தயராக இருக்கிறேன்'' என்கிறார் அனுஷ்கா சர்மா.

    ]]>
    http://images.dinamani.com/uploads/user/imagelibrary/2018/5/23/w600X390/sm3.jpg http://www.dinamani.com/weekly-supplements/magalirmani/2018/may/23/அநாதை-விலங்குகளுக்கு-சரணாலயம்-2925334.html
    2925333 வார இதழ்கள் மகளிர்மணி புத்தகப் பிரியை நிக்கி கல்ராணி DIN DIN Wednesday, May 23, 2018 10:33 AM +0530 "டார்லிங்' , "கலகலப்பு -2' ஆகிய படங்களில் நடித்த நிக்கி கல்ராணிக்கு படப்பிடிப்பு இடைவேளை, பயணங்களின்போது புத்தகங்கள் படிப்பதில் ஆர்வம் அதிகமாம். "ஓஷோவின் சிந்தனைகள்' சுலபமாகவும், நடைமுறைக்கு ஏற்றதாகவும் இருப்பதாக கூறும் நிக்கி கல்ராணிக்கு "சஸ்பென்ஸ்' நிறைந்த திகில் நாவல்களும் பிடிக்குமாம். தற்போது நிறைய ஆன்மிக தத்துவ நூல்களை படிக்க துவங்கியிருக்கிறாராம்.

    ]]>
    http://images.dinamani.com/uploads/user/imagelibrary/2018/5/23/w600X390/sm2.jpg http://www.dinamani.com/weekly-supplements/magalirmani/2018/may/23/புத்தகப்-பிரியை-நிக்கி-கல்ராணி-2925333.html
    2925332 வார இதழ்கள் மகளிர்மணி "கதகளி' நடன பயிற்சியளிக்கும் முதல் பெண்மணி! Wednesday, May 23, 2018 10:29 AM +0530 திருவனந்தபுரத்தில் பெற்றோருடன் வசித்து வந்த லலிதாவுக்கு சிறுவயது முதலே, கேரளாவின் பாரம்பரிய நடனமான கதகளி மீது தீராத ஆர்வமிருந்ததால், தானும் கதகளியை முறையாக கற்றிருந்தார். 17-ஆவது வயதில் கே.ஜி.தாஸ் என்பவரை திருமணம் செய்து கொண்டபின் கேரளாவைவிட்டு கணவருடன் வெளியேற வேண்டியதாயிற்று. இவரது கணவர் ஒரு தலைமைப் பொறியாளர் என்பதால் ஒடிசா, டெல்லி, புணே, பாக்தாத், திரிபோலி என பல இடங்களுக்கு மாற்றலாகி கொண்டிருந்தார். இந்தியாவில் தங்கும் போதெல்லாம் கதகளி நிகழ்ச்சியை நடத்த லலிதாதாஸ் தவறுவதில்லை. சில சமயங்களில் ஆர்வம் காரணமாக கதகளி நடன நிகழ்ச்சியைக்காண பல தடவை கேரளா சென்றதும் உண்டு.
     1999-ஆம் ஆண்டு கணவர் காலமான பின்பு, அடிக்கடி கேரளா சென்று கதகளி நடனத்தை பார்த்துவிடுவது லலிதா தாஸþக்கு சிரமமாக இருந்தது. பெங்களூரில் தன்மகளும், எழுத்தாளருமான மீனா தாஸ் வீட்டில் தங்கியிருந்த லலிதா தாஸ், ஒருநாள் தன் இயலாமையை மகள் மீனாதாஸ் மற்றும் அவரது கணவர் நாராயணனிடம் கூறியபோது, பெங்களூரிலேயே "கதகளி' பயிற்சி மையமொன்றை தொடங்கினால் என்ன என்ற யோசனை சொன்னனர். 2009-ஆம் ஆண்டு "பெங்களூரு கிளப் ஃபார் கதகளி அண்ட் த ஆர்ட்ஸ்' என்ற அமைப்பு உருவாயிற்று.
     மலையாளிகள் மட்டுமன்றி கன்னடர், தெலுங்கர், தமிழர் என பிற சமூகத்தினரும் கதகளி பயிற்சி பெற வேண்டுமென்ற எண்ணத்தில் துவங்கப்பட்ட இந்த அமைப்பில் எதிர்பார்த்ததை விட நிறையபேர் பயிற்சி பெற தொடங்கினர். கதகளி நடனத்துடன் குச்சிப்புடி, பரதநாட்டியம், மோகினியாட்டம் போன்ற பிற நடனங்களும் கற்று தரப்பட்டன. தன்னுடைய தாய்க்கு உதவும் பொருட்டு லலிதா தாஸின் மகள் மீனாதாஸ் கதகளி நடன அடிப்படையிலேயே இதிகாச கதைகளை நாட்டிய நடாகமாக வடிவமைத்து தந்ததோடு, தானும் மேடையேறி ஆடத் தொடங்கினார். இதனால் கதகளி நடன பயிற்சியளிக்கும் முதல் பெண்மணி என்ற பெருமை லலிதா தாஸþக்கு கிடைத்தது. "கதகளி' பயிற்சி மையத்தைத் தொடங்கி வெற்றிகரமாக நடத்த காரணம் என்ன என்பதை லலிதா தாúஸ (81) கூறுகிறார்:
     "சிறுவயது முதலே "கதகளி' நடனத்தில் ஈடுபாடு கொண்ட நான், தற்போது வயது முதிர்வு காரணமாக கேரளா செல்ல முடியாது என்ற காரணத்தால் பெங்களூரிலேயே என் மகள் உதவியுடன் கதகளி பயிற்சி மையமொன்றை தொடங்கினேன். எனக்காக என் மகள் மீனா தாஸ், கர்ணன், வால்மீகி பிரதிபா, சிலப்பதிகாரம் போன்ற இதிகாசங்களை நாட்டிய நாடகமாக வடிவமைத்து கொடுத்தார். கதகளி நாட்டிய அடிப்படையில் இவைகளை நடத்த கேரளாவிலிருந்தே 55 பேரை வரவழைத்து மேடை ஏற்றினேன். நல்ல வரவேற்பு கிடைத்தது. இந்த மூன்று நாட்டிய நாடகங்களையும் பெங்களூரில் மட்டுமின்றி பல்வேறு நகரங்களிலும் நடத்தியுள்ளேன். இதற்காக "சமன்வே கலாஸ்ரீ விருது' உள்பட எட்டு விருதுகள் கிடைத்துள்ளன. இந்த நாட்டிய நாடகத்திற்காக உடைகளை கலா மண்டலம் கோபி வடிவமைத்து கொடுத்ததோடு, நாடகத்திலும் நடித்து வருகிறார்.
     கதகளி பயிற்சி பெற நல்ல இசை, இசைக்கேற்ப முகபாவம், நடிப்பு முக்கியம். கதகளி கலைஞர்கள் வெளிபடுத்தும் கண்ணசைவுகள், முத்திரைகள் மூலமாகவே பார்வையாளர்கள் கதையை புரிந்து கொள்ளலாம். கதகளிக்காகவே தங்களை அர்ப்பணித்து கொண்ட கலைஞர்களும் உண்டு. நிறைய பொது நிகழ்ச்சிகள், சபாக்களில்இருந்து இந்த நாட்டிய நாடகங்களை நடத்த வாய்ப்புகள் வருகின்றன. என் ஆயுள் உள்ளவரை ஆண்டுக்கு ஐந்து அல்லது ஆறு முறையாவது இந்த நாட்டிய நாடகத்தை மேடை ஏற்ற வேண்டுமென்பதே என் கனவாக உள்ளது'' என்கிறார் லலிதா தாஸ்.
     - பூர்ணிமா
     

    ]]>
    http://images.dinamani.com/uploads/user/imagelibrary/2018/5/23/w600X390/sm1.jpg http://www.dinamani.com/weekly-supplements/magalirmani/2018/may/23/கதகளி-நடன-பயிற்சியளிக்கும்-முதல்-பெண்மணி-2925332.html
    2920920 வார இதழ்கள் மகளிர்மணி இட்லி சாம்பாரை விரும்பும் நடிகை!   Friday, May 18, 2018 03:39 PM +0530 2015-ஆம் ஆண்டு தன் கணவரும் இயக்குநருமான அனுராக் காஷ்யாப்பிடமிருந்து விவாகரத்து பெற்ற புதுச்சேரியை பிறப்பிடமாக கொண்ட பாலிவுட் நடிகை கல்கி கோச்சலின், தற்போது விதவிதமான கைப் பைகள் சேகரிப்பதில் ஆர்வம் காட்டி வருகிறார். புதுச்சேரிக்கு வந்து செல்வது புத்துணர்வை அளிப்பதாக கூறும் இவருக்கு தென்னிந்திய உணவுகள் குறிப்பாக இட்லி சாம்பார் மிகவும் பிடிக்குமாம். தன்னுடைய வளர்ப்பு பூனைக்கு இவர் வைத்துள்ள பெயர் "தோசை' .

    ]]>
    http://images.dinamani.com/uploads/user/imagelibrary/2018/5/16/w600X390/mm3.jpg http://www.dinamani.com/weekly-supplements/magalirmani/2018/may/16/இட்லி-சாம்பாரை-விரும்பும்-நடிகை-2920920.html
    2920944 வார இதழ்கள் மகளிர்மணி பெண்கள் கோழையாக இருக்கக் கூடாது!   DIN DIN Wednesday, May 16, 2018 11:32 AM +0530 கோட்டூர்புரம் பகுதியில் வசித்து வருபவர் ஆண்டாள். இவரை, "ஆட்டோ ஆண்டாள்' என்றால் அந்தப் பகுதியில் அனைவருக்கும் தெரியும். 17 ஆண்டுகளாக ஆட்டோ ஓட்டி வரும் ஆண்டாள். தனிமைத் தாயாக இருந்து தனது மகளை வளர்த்து பயோ மெடிக்கல் வரை படிக்க வைத்திருக்கிறார். ஆண்டாள் கடந்து வந்த பாதை குறித்து நம்முடன் பகிர்ந்து கொண்டவை:
    " திடீரென்று கணவர் உடல்நிலை பாதிக்கப்பட்டு இறந்துவிட, என் குழந்தையின் எதிர்காலம் குறித்த கேள்வி எழுந்தது. அதனால், எங்கள் வீட்டிற்கு அருகில் லோடு வண்டி வைத்திருந்த ஒரு பெரியவரிடம் சென்று ஏதாவது வேலை இருக்குமா என்று கேட்டேன். "லோடு வண்டியில் நீ என்னம்மா வேலை செய்வ' என்றார். பின் சூழலைப் புரிந்து கொண்டு "கிளீனராக இருக்கிறாயா' என்று கேட்டார். சரி என்றேன். தினமும் வண்டியை துடைக்க வேண்டும். காலையில் கோயம்பேடு காய்கறி சந்தையில் இருந்து காய்கறி லோடு ஏற்றி வர அவருடன் செல்ல வேண்டும். தினமும் 50 ரூபாய் சம்பளம் தருவார்.
    ஒரு கட்டத்தில், "50 ரூபாய்க்காக இப்படி கஷ்டப்படுவதைவிட, ஆட்டோ ஓட்டினால் உனக்கு அதிகமாக வருமானம் கிடைக்கும் என்றார் பெரியவர். அது என் மனதில் பதிந்துவிட, எப்படியும் ஆட்டோ வாங்கிவிட வேண்டும் என்று சிறிது சிறிதாக 10 ஆயிரம் ரூபாயைச் சேர்த்தேன். என் அம்மாவை துணைக்கு அழைத்துக் கொண்டு, ஆட்டோ எடுக்கச் சென்றேன். பெண் என்பதால், எங்குச் சென்றாலும் ஆட்டோ தர மறுத்தார்கள்.
    இந்நிலையில், எங்கள் பகுதியில் உள்ள ஆட்டோ ஓட்டுநர் ஒருவர், அவரது பழைய ஆட்டோவை விற்றுவிட்டு, புது ஆட்டோ வாங்குவதை அறிந்து அவரிடம் அந்த பழைய ஆட்டோவை வாங்கினேன்.
    அதுவரை ஆட்டோ ஓட்டி எனக்கு பழக்கமில்லை. ஆனால், ஆட்டோவை வீட்டிற்கு கொண்டு வர வேண்டுமே? அதனால் அவரிடமே ஆட்டோ எப்படி ஸ்டார்ட் செய்ய வேண்டும், கிளட்சை எப்படி மாற்ற வேண்டும் என்பதையெல்லாம் கேட்டு தெரிந்து கொண்டேன். அதற்கு முன்பு நான் பஜாஜ் எம்.ஐ.டி வண்டியை ஓட்டியிருக்கிறேன். அதில் கிளட்ச் போட்டு ஓட்டிய பழக்கமிருந்ததால், அந்த வண்டியை ஓட்டுவது போன்று நினைத்துக் கொண்டு ஆட்டோவை வீட்டுக்கு ஓட்டி வந்தேன்.
    பின்னர், தினமும் குழந்தையைப் பள்ளிக்கு அனுப்பிவிட்டு ஆட்டோவை எடுத்துக் கொண்டு சவாரிக்கு செல்வேன். அதுவரை ஆட்டோ ஓட்டியதே இல்லை என்பதே எனக்குத் தோன்றவில்லை. சர்வ சாதாரணமாக ஆட்டோவை ஓட்டினேன். இப்போது, நினைத்துப் பார்த்தால் அது நான்தானா என்று ஆச்சரியமாக இருக்கிறது. அன்றைய சூழ்நிலைதான் எனக்கு அந்த தைரியத்தை கொடுத்தது. கோழையாக இருந்திருந்தால் நான் என்னவாகியிருப்பேன் என்று எனக்கே தெரியவில்லை.
    ஆரம்பத்தில் ஆட்டோவில் ஏறுவதற்கு அனைவரும் பயப்படுவார்கள். பெண் ஆட்டோ ஓட்டினால் பத்திரமாக கொண்டுபோய் சேர்ப்பாளா என்ற பயம். அது ஒருபுறம் என்றால் எங்கள் பகுதியில் உள்ளவர்கள் என்னை ஏளனமாக பார்ப்பார்கள். புறம் பேசுவார்கள். மனது உடைந்து போவேன். ஆனால், எந்த நிலையிலும் என் தைரியத்தை மட்டும் இழக்கவில்லை. பிறகு கொஞ்சம் கொஞ்சமாக சவாரி கிடைக்க ஆரம்பித்தது.
    ஆனால், ஆட்டோ ஸ்டாண்டில் சேர்க்க மாட்டார்கள். அதனால், ஸ்டாண்டில் நிறுத்தாமல் கொஞ்சம் தள்ளிச் சென்று நிற்பேன். ஒரு கட்டத்தில் அண்ணா பல்கலைக்கழக கேட் அருகே நிற்கும் ஆட்டோ ஓட்டுநர்கள் என்னை அங்கே நிற்க அனுமதித்தார்கள். தற்போது, 17 ஆண்டுகளை கடந்து வந்துவிட்டேன். என் மகளை பயோ மெடிக்கல் வரை படிக்க வைத்துள்ளேன். சொந்தமாக எங்களுக்குன்னு ஒரு வீடும் வாங்கிவிட்டேன். எல்லாம் கனவு மாதிரி தோன்றுகிறது.
    கடந்த இரண்டு ஆண்டுகளாக "ஓலா' ஆட்டோ ஓட்டி வருகிறேன். இன்று பெண்கள் அதிக நம்பிக்கையோடு வந்து என் ஆட்டோவில் ஏறுகிறார்கள். பாதுகாப்பாகவும் உணருகிறார்கள். எல்லாவற்றுக்கும் காலச் சூழல்தான் காரணம்'' என்கிறார்.
    - ஸ்ரீதேவி குமரேசன்
     

    ]]>
    http://images.dinamani.com/uploads/user/imagelibrary/2018/5/16/w600X390/mm17.jpg http://www.dinamani.com/weekly-supplements/magalirmani/2018/may/16/பெண்கள்-கோழையாக-இருக்கக்-கூடாது-2920944.html
    2920943 வார இதழ்கள் மகளிர்மணி ஸ்டெம் செல்: உயிர் காக்கும் அற்புதம்!   DIN DIN Wednesday, May 16, 2018 11:30 AM +0530 உடல் உறுப்புகள், ரத்த தானம் போன்று இப்போது ஸ்டெம் செல் தானம் பேசப்படுகிறது. ஸ்டெம் செல் தானம் செய்பவருக்கும் அதை பெறுபவருக்கும் இந்த செல்லின் அமைப்பு எல்லா வகையிலும் பொருத்தமாக ஒன்று போல இருக்க வேண்டும். ஆனால் இது அபூர்வத்திலும் அபூர்வமாக அமையும் பொருத்தமாகும். கோடியில் சிலர் மட்டுமே ஸ்டெம் செல்களை தானமாகப் பெறமுடியும். ஒன்றுபோலான ஸ்டெம் செல்கள் கிடைப்பது அரிதிலும் அரிது என்பதினால், பிறந்த குழந்தையின் தொப்புள் கொடியை அதில் இருக்கும் ஸ்டெம் செல்களுக்காக மருத்துவ ரீதியாக சேமித்து வைக்கச் சொல்கிறார்கள். குழந்தை வளரும் போது எந்த வகை நோய் வந்தாலும் தொப்புள் கொடியில் ஸ்டெம் செல்களை புதுப்பித்து குணப்படுத்திவிடலாம். ஒருவரது எலும்பு மஜ்ஜையை நோயாளிக்கு செலுத்தியும் ஸ்டெம் செல் சிகிச்சை அளிக்கலாம். இந்த சிகிச்சை முறை நோயைக் குணப்படுத்தும் என்று உறுதியாகச் சொல்ல முடியாது. இன்றைய நவீன மருத்துவத்தின் அறிய கண்டுபிடிப்பு ஸ்டெம் செல்கள் மூலம் புற்று நோய் முதலான குணப்படுத்த முடியாத நோய்களை குணப்படுத்தலாம் என்பதுதான்.
     பெண்களும் ஸ்டெம் செல்களை தானம் செய்யலாம் என்று செய்து காட்டியிருக்கும் முதல் பெண் தமிழ் நாட்டைச் சேர்ந்தவர். ஸ்டெம் செல்களைத் தானம் செய்து ஐந்து வயது இலங்கையைச் சேர்ந்த சிறுமியை காப்பாற்றி மறுவாழ்வு தந்திருக்கிறார், திருச்சியை அடுத்துள்ள பச்சபெருமாள்பட்டியைச் சேர்ந்த டாக்டர் கண்மணி கண்ணன். கண்மணி மருத்துவம் படிக்க கொச்சி எர்ணாகுளத்தில் இருக்கும் "எய்ம்ஸ்" (எய்ம்ஸ்) மருத்துவக் கல்லூரிக்கு வந்த மாணவி. வந்த இடத்தில் ஸ்டெம் செல் தானத்தின் முக்கியத்துவத்தைப் புரிந்து கொண்டு தன் பெயரைப் பதிவு செய்தார்.
     மீதியை டாக்டர் கண்மணி விளக்குகிறார்:
     "ரத்தப் புற்றுநோய், சிவப்பணுக்கள் குறைபாட்டால் உருவாகும் "தாலசீமியா', வெள்ளையணுக்கள், சிவப்பணுக்கள், தட்டணுக்கள் குறைபாட்டால் ஏற்படும் "ஏபிளாஸ்டி அனீமியா' போன்ற நோய்களுக்கு நம்பகமான சிகிச்சை ஸ்டெம் செல்கள் மூலம் குணப்படுத்துவதுதான். நோயாளிக்குப் பொருத்தமான "ஸ்டெம் செல்'கள் தானமாகக் கிடைத்தால் அவரது நோய் முழுமையாகக் குணமாகிவிடும். ஆனால் நோயாளிக்குப் பொருத்தமான ஸ்டெம் செல்கள் கிடைப்பது குதிரைக் கொம்பு. அதுபோன்று, ஸ்டெம் செல் தானம் செய்ய முன்வருபவர் பதினெட்டு முதல் ஐம்பது வயதுக்குள் இருக்க வேண்டும்.
     பச்சபெருமாள்பட்டி தான் எனது சொந்த ஊர். அப்பா டாக்டர். அம்மா பள்ளி ஆசிரியை. கொச்சி}எர்ணாகுளத்தில் உள்ள "அம்ருதா' மருத்துவக் கல்லூரியில் நுழைவுத் தேர்வு எழுதி தகுதியின் அடிப்படையில் எம்.பி.பி.எஸ். படிக்க என்னைச் சேர்த்துக் கொண்டார்கள். இரண்டாம் ஆண்டு படிக்கும் போதுதான் , "ஸ்டெம் செல்' பற்றியும் ஸ்டெம் செல்களை பயன்படுத்தி செய்யப்படும் சிகிச்சைகள் பற்றியும் தெரிந்து கொண்டேன். ஸ்டெம் செல்கள் கொண்டு பல தீராத நோய்களைத் தீர்க்க முடியும். ஸ்டெம் செல்கள் கடவுள் கொடுத்த வரம் என்று தெரியவர, நாமும் ஸ்டெம் செல்களை தானம் செய்வோம். தீரா நோயினால் அல்லல்படுபவர்களுக்கு உதவுவோம் என்று முடிவு செய்தேன். ஸ்டெம் செல்கள் தானம் செய்வதை ஊக்கப்படுத்தும் "தாத்ரி' அமைப்பில் எனது பெயரைப் பதிவு செய்தேன்.
     ஸ்டெம் செல் தானம் செய்யவும் கொடுப்பினை வேண்டும். ஸ்டெம் செல்கள் தனித்தன்மை கொண்டவை. ஒருவரது ஸ்டெம் செல்கள் இன்னொருவரது ஸ்டெம் செல்கள் போலிருக்காது. பத்து லட்சம் பேரில் ஒருவருக்குத்தான், வேறொருவரின் ஸ்டெம் செல்கள் பொருந்தும். ஒருவர் ஸ்டெம் செல்களைத் தானம் செய்ய பதிவு செய்திருந்தாலும் அவர் தானம் செய்ய வாய்ப்பு கிடைக்காமலே போய்விடலாம். நான் பதிவு செய்தாலும், அப்படித்தான் எனக்கும் இரண்டு ஆண்டுகள் ஓடின. அழைப்பு ஏதும் வரவில்லை.
     "சென்ற ஆண்டு அந்த அழைப்பு வந்தது. ரத்த அணுக்கள் தொடர்பான "தாலசீமியா' நோய் பாதிக்கப்பட்ட ஐந்து வயது சிறுமி பெங்களூருவில் மருத்துவ சிகிச்சை பெற்றுவர, அந்தச் சிறுமிக்கு எனது ஸ்டெம் செல்கள் கச்சிதமாகப் பொருந்துகின்றன என்று உமிழ் நீர் பரிசோதனையில் உறுதி செய்யப்பட்டது. அந்த சிறுமி சிகிச்சைக்காக இலங்கையிலிருந்து குடும்பத்துடன் பெங்களூரு மருத்துவமனையில் இருந்தார்.
     "உமிழ் நீர்' பரிசோதனை என்பது ஸ்டெம் செல் தானம் செய்பவரின், அதை பெறுபவரின் உமிழ் நீரை எடுத்து பரிசோதனை செய்தால், அவரவர் ஸ்டெம் செல்லின் அமைப்பு பற்றி தெரியவரும். தானம் செய்பவர் தனக்கு வேண்டிய ஸ்டெம் செல்களை வைத்துக் கொண்டு, நோயாளிக்குத் தேவையான ஸ்டெம் செல்களை உடலினுள் உற்பத்தி செய்ய வேண்டும். அதற்காக சில மருந்துகளை நான் உட்கொள்ள ஆரம்பித்தேன். அந்த மருந்துகளில் சில பின்விளைவுகள் உண்டு. அது தெரிந்துதான், தானத்திற்கு சம்மதித்தேன்.
     ஸ்டெம் செல்களை சேகரிப்பது கிட்டத்தட்ட டயாலிசிஸ் செய்வது மாதிரிதான். ஒரு தமனியிலிருந்து ரத்தம் எடுத்து மெஷின் வழியாக செலுத்தி ஸ்டெம் செல்களை பிரித்து எடுத்துவிட்டு மீண்டும் இன்னொரு தமனி வழியாக உடலுக்குள் ரத்தத்தை செலுத்துவார்கள். உடலில் எலும்பில் நல்ல வலி ஏற்படும். சேகரிக்கப்பட்ட செல்களை பெங்களூருக்கு அனுப்பி அங்கே, அந்த இலங்கைச் சிறுமிக்கு செலுத்தினார்கள். இது நடந்தது 2017 ஏப்ரல் மாதம். எனது ஸ்டெம் செல்லை அந்தச் சிறுமியின் உடல் ஏற்றுக் கொண்டதா என்று கண்காணிப்பார்கள். 2018 ஏப்ரலில் எனது ஸ்டெம் செல்களை அந்தச் சிறுமியின் உடல் முழுமையாக ஏற்றுக் கொண்டுள்ளது என்று ஆய்வுகள் நிரூபிக்க... அந்த சிறுமி தாலசீமியா நோயிலிருந்து முழு விடுதலை பெற்றதாக மருத்துவரீதியாக அறிவிப்பு வெளியானது. அதற்குள், நான் எம்பிபிஎஸ் பட்டம் பெற்று சொந்த ஊர் வந்து அப்பாவுடன் சேர்ந்து டாக்டராக சேவை செய்து வருகிறேன். ஸ்டெம் செல் தானம் குறித்த விழிப்புணர்ச்சியை கேரள பெண்களிடையே பரப்பவும், எனது ஸ்டெம் செல்களைத் தானமாகப் பெற்ற இலங்கைச் சிறுமியின் பெற்றோர் என்னைச் சந்தித்து நன்றி சொல்ல விரும்பியதால், கொச்சி அம்ருதா மருத்துவக் கல்லூரியில் ஒரு "சந்திப்பை' ஏற்பாடு செய்திருந்தார்கள். நானும் பெற்றோருடன் நிகழ்ச்சியில் கலந்து கொண்டேன்.
     சந்திப்பின்போது, இலங்கைச் சிறுமி ஸ்ரீமல்லி பாலசூர்யாவுடன் சந்திப்பு நிகழ்ந்தது. "தாலசீமியா' நோய் பாலசூர்யாவுக்கு வந்திருப்பது கண்டுபிடிக்கப்பட்டபோது அவளுக்கு வயது இரண்டு. தொடர்ந்து சுமார் இரண்டரை ஆண்டுகள் பதிநான்கு நாட்களுக்கு ஒரு முறை புதிய ரத்தம் செலுத்தி காப்பாற்றிக் கொண்டிருந்தார்கள். ஸ்டெம் செல் சிகிச்சைக்காக பெங்களூரு வந்து பாலசூர்யாவும் ஸ்டெம் செல்களுக்களைப் பெற பெயரைப் பதிவு செய்ய... நல்ல நேரம் எனது ஸ்டெம் செல்கள் பாலசூரியாவுக்குப் பொருந்த... பாலசூரியாவுக்கு மறுபிறவி கிடைத்துள்ளது. அவளது பெற்றோர் கண்களில் தளும்பும் கண்ணீருடன் நன்றி சொன்னார்கள். எனது தங்கையாக பாலசூரியாவைக் கட்டிப் பிடித்துக் கொண்டேன். பாலசூரியாவுக்கு அவளது பழைய ரத்தப் பிரிவு போய், எனது ரத்தப் பிரிவிற்கு வந்துவிட்டாள். அந்த வகையில். பாலசூரியா எனது தங்கைதானே...
     கேரளத்தில் ஸ்டெம் செல்களைத் தானம் செய்த முதல் பெண் நான் என்பதால், என்னைப் பற்றி ஊடகங்கள் எழுதின. அதன் வீச்சு அமெரிக்க வரை போய் அங்கிருந்து ஒரு அமெரிக்கக்காரர் பாராட்டினார். "எனது மனைவியைப் புற்றுநோய் காவு வாங்கிவிட்டது. ஸ்டெம் செல்கள் மூலம் சிகிச்சை அளித்தாலும் பயன் தரவில்லை. மனைவி இறந்ததும் நான் ஸ்டெம் செல் தானம் குறித்து பரப்புரை நடத்தி வருகிறேன். நீங்களும் ஸ்டெம் செல் குறித்த விழிப்புணர்வை இந்தியாவில் பரப்பவேண்டும் இந்த வேண்டுகோளை இறந்து போன என் மனைவி உங்கள்முன் வைப்பதாக நினைத்துக் கொள்ளுங்கள்' என்று கேட்டுக் கொண்டார்'' என்கிறார் டாக்டர் கண்மணி.
     - பிஸ்மி பரிணாமன்
     

    ]]>
    http://images.dinamani.com/uploads/user/imagelibrary/2018/5/16/w600X390/mm16.jpg http://www.dinamani.com/weekly-supplements/magalirmani/2018/may/16/ஸ்டெம்-செல்-உயிர்-காக்கும்-அற்புதம்-2920943.html
    2920942 வார இதழ்கள் மகளிர்மணி எளிய மருத்துவம்!   DIN DIN Wednesday, May 16, 2018 11:25 AM +0530 * ஒரு தம்ளர் வெந்நீரில் ஒரு தேக்கரண்டி சர்க்கரை, ஒரு தேக்கரண்டி நெய் விட்டு கலக்கிக் குடித்தால் வயிற்று வலி மாயமாய் மறைந்துவிடும்.

    * உடல் பருமனைக் குறைக்க இரவு ஒரு தேக்கரண்டி ஓமத்தைத் தண்ணீரில் போட்டு, காலையில் வடிகட்டி ஒரு தேக்கரண்டி தேனுடன் கலந்து குடித்து வந்தால் போதும்.

    * அவரை இலையை அரைத்து தினமும் காலையில் முகத்தில் தடவி வந்தால், முகத்தில் இருக்கும் தழும்புகள், முகப்பருக்கள் நீங்கிவிடும்.

    * சுக்கைத் தூளாக்கி எலுமிச்சைச் சாறில் கலந்து தின்றால் பித்தம் குறையும்.

    * மூட்டு வலியா? தேங்காய் எண்ணெய் - எலுமிச்சைச் சாறை கொதிக்கவிட்டு ஆறியபின் மூட்டுக்களில் தேய்த்தால் நிவாரணம் கிடைக்கும்.

    * துளசி இலை போட்ட நீரை தினசரி குடித்து வந்தால் ஞாபகமறதி நீங்கி மூளை பலம் பெறும்.

    * மிளகுத் தூளுடன் நெய், வெல்லம் கலந்து உருண்டையாக்கி சாப்பிட்டுவர தொண்டைப்புண் குணமாகும். 
    - முத்தூஸ்

    ]]>
    http://images.dinamani.com/uploads/user/imagelibrary/2018/5/16/w600X390/mm15.jpg http://www.dinamani.com/weekly-supplements/magalirmani/2018/may/16/எளிய-மருத்துவம்-2920942.html
    2920941 வார இதழ்கள் மகளிர்மணி டிப்ஸ் கார்னர்: கிச்சன் டிப்ஸ்! DIN DIN Wednesday, May 16, 2018 11:24 AM +0530 * தோசை மாவில் ஒரு கையளவு கடலை மாவு போட்டு நன்றாக கலந்து தோசை வார்த்து திருப்பிப் போட்டு அதன் மேல் வெண்ணெய்யோ நெய்யோ தடவி வைத்து கொடுங்கள். ஓட்டல் தோசை போன்று மொறு மொறுவென்று இருக்கும்.

    * பயத்தம் பருப்பு மசியல் செய்ய குக்கரில் பயத்தம் பருப்பு வேகவைக்கும் போது ஒரு ஸ்பூன் நல்லெண்ணெய் ஊற்றி தண்ணீர் குறைவாக வைத்தால் பருப்பு ஒட்டாமல் வரும். வெந்த பிறகு நீர் விட்டு கரைத்து விட்டால் தனித் தனியாகி மசியலும் நன்றாக வரும்.

    * தக்காளி பச்சடி, கீரை மசியல் செய்யும் போது கடுகுக்குப் பதில் சீரகத்தைத் தாளித்தால் சுவையாக இருக்கும். வாசனையும் தூக்கும்.

    * பால் பாயாசம் செய்யும்போது கொஞ்சம் பாதாம் பருப்பை அரைத்த விழுதையும் சேர்த்துக் கொதிக்க விட்டுச் செய்தால் பாயாசம் மிகவும் சுவையாக இருக்கும்.

    * அடைமாவு அரைக்கும் போது வெங்காயம், கறிவேப்பிலை, கொத்துமல்லி, இஞ்சி, பூண்டு எல்லாவற்றையும் போட்டு நைசாக அரைத்து அடை செய்தால் அடை மிகவும் மணமாகவும், ருசியாகவும் இருக்கும்.எல்லா சத்துக்களும் வீணாகாமல் கிடைக்கும்.

    * முள்ளங்கி இலையைச் சிறிது எண்ணெய் விட்டு வதக்கி மிளகாய் வற்றல், உளுத்தம் பருப்பு, பெருங்காயம் வறுத்துச் சேர்த்து துவையல் அரைத்தால் டேஸ்ட் அசத்தலாக இருக்கும்.

    * வாழைப்பூவை ஆய்ந்து வேக வைத்து அத்துடன் சிறிது தேங்காய்த் துருவல், பச்சை மிளகாய், உப்பு சேர்த்து மிக்சியில் ஒரு சுற்று சுற்றி தயிரில் கலந்து பெருங்காயம், கடுகு, உளுத்தம் பருப்பு தாளிக்க அருமையாக இருக்கும்.

    * எந்தக் காயைப் போட்டு சாம்பார் செய்தாலும் அத்துடன் கூட இரண்டு பெரிய நெல்லிக்காய்களையும் பெரிய துண்டுகளாக நறுக்கி செய்தால் சாம்பாரின் சத்தும் சுவையும் கூடும்.

    * வடகத்தை வெறும் வாணலியில் வறுத்த பின் எண்ணெயில் வறுத்தால் நன்றாக பொரிந்து மொறு மொறுப்பாக இருக்கும்.

    * ஓமப்பொடி செய்யும்போது கடலை மாவு மூன்று பங்கு, அரிசி மாவு ஒரு பங்கு, சிறிது மைதா கலந்து செய்தால் எண்ணெய் குடிக்காமலும், நொறுங்கிப் போகாமலும் நன்றாக எடுக்க முடியும்.

    * தோசைமாவு, பொங்கல் போன்றவற்றில் சீரகத்தை கைகளால் சிறிது தேய்த்து போட்டால் சுவையுடன் மணமாக இருக்கும்.
    (பயனுள்ள வீட்டு குறிப்புகள் - நூலிலிருந்து)
    - சி.பன்னீர்செல்வம்

    ]]>
    http://images.dinamani.com/uploads/user/imagelibrary/2018/5/16/w600X390/mm14.jpg http://www.dinamani.com/weekly-supplements/magalirmani/2018/may/16/டிப்ஸ்-கார்னர்-கிச்சன்-டிப்ஸ்-2920941.html
    2920938 வார இதழ்கள் மகளிர்மணி தெரிந்து கொள்வோம்! எலுமிச்சை மருத்துவ குணங்கள்!   DIN DIN Wednesday, May 16, 2018 11:20 AM +0530 சுப காரியங்களில் முதல் இடம் வகிக்கும் பழம் எலுமிச்சையாகும். விலை மலிவாகவும், எல்லா சத்துக்களும் உடைய பழங்களில் எலுமிச்சையும் ஒன்று. மனிதர்களுக்கு ஏற்படும் எல்லாவித நோய்களையும் குணமாக்கும் நிவாரணியாக எலுமிச்சை விளங்குகிறது. எலுமிச்சையில் அதிக கால்சியம், ஃபோலிக் அமிலம் மற்றும் சிட்ரிக் அமிலம் உள்ளது. இது தாகத்தைப் போக்க உதவும் பானமாகவும் மற்றும் பலவித மருத்துவக் குணங்கள் நிறைந்துள்ள பழமாகவும் உள்ளது. எலுமிச்சம் பழத்தைப் போல எலுமிச்சம் பழத்தின் தோலிலும் ஏராளமான நன்மைகள் உள்ளது.

    மருத்துவ குணங்கள் :
    * தேள் கொட்டின இடத்தில் எலுமிச்சம் பழத்தை இரண்டு துண்டாக வெட்டி தேய்த்தால் விஷம் முறியும்.

    * எலுமிச்சம் பழத்திற்கு வாந்தி, குமட்டல், மயக்கம், நீர்வேட்கை, கண் நோய், காது வலி போன்றவற்றை குணப்படுத்தும் தன்மை உள்ளது.

    * எலுமிச்சம் பழச்சாற்றை தலையில் தேய்த்து குளித்தால் பித்தம், உடல் உஷ்ணம் போன்றவை குறையும்.

    * விரலில் நகச்சுற்று ஏற்பட்டவுடன் எலுமிச்சம் பழத்தை துளையிட்டு, விரலை அதனுள் சொருகி வைத்தால் வலி குறையும்.

    * எலுமிச்சம் பழச்சாற்றுடன் தேன் கலந்து குடித்து வந்தால் வறட்டு இருமல் தீரும்.

    * மருதாணியை அரைத்து எலுமிச்சம் பழச்சாற்றில் கலந்து பாதத்தில் தடவி வந்தால் எரிச்சல் ஏற்படுவது குறையும்.

    * எலுமிச்சம் பழத்தின் விதைகளை நீரில் போட்டு காய்ச்சி, அதில் இருந்து எழும் ஆவியை முகத்தில் படும்படி ஆவி பிடித்தால் முகம் பெலிவு பெறும்.

    * உயர்தர பொட்டாசியம், எலுமிச்சைச் சாற்றில் உள்ளதால் இதய நோயாளிகளின் இதயத்தை பலமாக்குகிறது.

    * வெளியூர் பயணத்தின்போது சிறுநீரகத் தொற்று ஏற்படாமல் இருக்க, எலுமிச்சைச் சாற்றை கையோடு எடுத்துச் செல்லலாம். எலுமிச்சைச் சாறு, சிறுநீரை அதிகரித்து, தொற்றுக்கள், நச்சுக்களை வெளியேற்றுகிறது.

    * எலுமிச்சை, ஆன்டி ஆக்ஸிடென்ட்டாக செயல்பட்டு, ரத்தத்தைச் சுத்திகரிக்கும்.

    * காலையில் வெந்நீரில் 5-10 மி.லி. எலுமிச்சை சாறு கலந்து குடிப்பது, உடலில் உள்ள நச்சுக்களை நீக்க உதவும். கொலஸ்ட்ரால், உயர் ரத்த அழுத்தத்தைக் குறைக்கும்.

    * எலுமிச்சைச் சாற்றை, மிதமான வெந்நீரில் கலந்து வாய் கொப்பளித்தால் வாய் துர்நாற்றம், பல் வலி, ஈறுகளில் ரத்தம் போன்ற பாதிப்புகள் இருந்தால் சரியாகும்.

    * கபம் அதிகம் இருந்தால் 10 மி.லி. எலுமிச்சைச் சாற்றுடன் ஐந்து மி.லி. இஞ்சிச் சாறு, சிறிது தேன் சேர்த்து, சுடுநீரில் கலந்து குடிக்கலாம்.

    * வயிற்றில் காற்று அடைத்ததுபோல், அழுத்தமாக இருந்தால் சுடுநீரில் எலுமிச்சைச் சாறு, வறுத்துப் பொடித்த சீரகம் அரை டீஸ்பூன், சிறிது தேன் கலந்து அருந்தலாம். சட்டென காற்று வெளியேறி, வயிறு லேசாகும்.

    * மூல நோய் இருப்பவர்கள் ஒரு மணி நேரத்துக்கு ஒருமுறை ஒரு எலுமிச்சம் பழத்தை இரண்டாக வெட்டி, அதில் கறுப்பு உப்பு கலந்து, வாயில் அடக்கிக்கொள்ளலாம். வலி, வீரியம் குறையும்.
    - வேதவல்லி
     

    ]]>
    http://images.dinamani.com/uploads/user/imagelibrary/2018/5/16/w600X390/MM13.jpg http://www.dinamani.com/weekly-supplements/magalirmani/2018/may/16/தெரிந்து-கொள்வோம்-எலுமிச்சை-மருத்துவ-குணங்கள்-2920938.html
    2920935 வார இதழ்கள் மகளிர்மணி சமையல்... சமையல்...   DIN DIN Wednesday, May 16, 2018 11:15 AM +0530 குளு குளு நெல்லி பச்சடி

    தேவையானவை :
    பெரிய நெல்லிக்காய் - 3
    பச்சை மிளகாய் - 1
    வெங்காயம் - 2
    கேரட் துருவல் - 2 கிண்ணம்
    கெட்டித் தயிர் - 1 கிண்ணம்
    மிளகு தூள் - 1 தேக்கரண்டி
    சர்க்கரை - 1 தேக்கரண்டி
    கொத்துமல்லித் தழை - சிறிது
    உப்பு - தேவையான அளவு
    செய்முறை: முதலில் நெல்லிக்காய்களை கழுவி சுத்தம் செய்து துருவிக் கொள்ளவும். 1 கிண்ணம் தயிரில் நீளவாக்கில் அரிந்த வெங்காயம், துருவிய கேரட், நறுக்கிய பச்சை மிளகாய், நெல்லி துருவல், மிளகுதூள், சர்க்கரை போட்டு கலக்கவும். இறுதியாக உப்பு, கொத்துமல்லித் தழை கலந்து பரிமாறவும். வெயில் காலத்திற்கு ஏற்ற சுவையான, சத்தான குளு குளு நெல்லி பச்சடி தயார்.
    - உமாதேவி பலராமன், திருவண்ணாமலை.

    பச்சை புளி காய்ச்சல்

    தேவையானவை:
    புளி - தேவையான அளவு (வெந்நீரில் ஊற
    வைக்கவும்) 
    அரைக்க:
    பச்சைமிளகாய் - 3
    மிளகாய் வற்றல் - 2
    கறிவேப்பிலை - கைப்பிடி அளவு 
    நல்லெண்ணெய் - 1/4 கிண்ணம்
    வறுத்துப் பொடிக்க :
    மிளகு,வெந்தயப் பொடி - தலா 2 தேக்கரண்டி,
    எள்ளுப்பொடி- 4 தேக்கரண்டி
    தாளிக்க: 
    கடுகு - 1 தேக்கரண்டி
    பெருங்காயப் பொடி 
    பொட்டுக்கடலை - 1/2 கிண்ணம்
    நிலக்கடலை - 3/4 கிண்ணம்
    செய்முறை: வாணலியில், எண்ணெய் ஊற்றி, கடுகு தாளித்து, அரைத்த பச்சை மிளகாய், மிளகாய் வற்றல், கறிவேப்பிலையை சேர்த்து வதக்கி கொள்ளவும். பின்னர், ஊர வைத்த புளியைக் கரைத்து விட்டு நன்கு கொதிக்க விடவும். புளி நன்கு கொதித்து வரும்போது. பொட்டுக் கடலை, நீலக்கடலையை வறுத்து சேர்க்கவும். இறக்கும் பொழுது, பெருங்காயப் பொடி, மற்ற பொடிகளையும் கலந்துக் கிளறிவிடவும். நல்ல மணமும், ருசியுமானது. ஒரு மாதம் வரை, ப்ரிட்ஜில் வைத்து சாப்பிடலாம். கெட்டுப் போகாது. 
    - கிரிஜா ராகவன், 
    கோவை. 

    முள்ளங்கி குருமா

    தேவையானவை:
    கசகசா - 1 தேக்கரண்டி
    தேங்காய்த் துருவல் - 1 தேக்
    கரண்டி
    நாட்டுத் தக்காளி - 1
    வெங்காயம் - 1
    பச்சை மிளகாய் - 1
    கடுகு - 1 தேக்கரண்டி
    சீரகம் - அரை தேக்கரண்டி
    வெந்தயம் - அரை தேக்கரண்டி
    உளுந்தம் பருப்பு - 1தேக்
    கரண்டி
    நல்லெண்ணெய் - 50 கிராம்
    கறிவேப்பிலை - 1 கொத்து
    மஞ்சள் தூள் - அரை தேக்
    கரண்டி
    தனியாத்தூள் - 1 தேக்கரண்டி
    மிளகாய்த் தூள் - 1 தேக்
    கரண்டி
    புளி - நெல்லிக்காய் அளவு
    கல் உப்பு - ருசிக்கேற்ப
    செய்முறை: தக்காளி, வெங்காயம் இரண்டையும் நீளவாக்கில் நறுக்கி வைத்துக் கொள்ளவும். பச்சை மிளகாயை இரண்டாக வெட்டி நுனியில் கீறிக் கொள்ளவும். முள்ளங்கியை தோல் சீவி, வட்ட வடிவில் நறுக்கிக் கொள்ளவும். வாணலியில் எண்ணெய்விட்டு தாளிதம் செய்து வெங்காயம், பச்சை மிளகாய், தக்காளி, முள்ளங்கியும் சேர்த்து நன்கு வதக்கவும். பின்னர், கரைத்து வைத்துள்ளப் புளிக்கரைசலை ஊற்றி, கல் உப்பு, மிளகாய்த்தூள், மஞ்சள்தூள், தனியா
    தூள் சேர்த்து தேவையான தண்ணீர்விட்டு கொதிக்கவிடவும். ஒரு கொதி வந்ததும், தேங்காய், கசகசா சேர்த்து அரைத்த விழுது சேர்த்து ஒரு கொதிவிட்டு கொத்துமல்லி, கறிவேப்பிலை தூவி இறக்கி வேறு பாத்திரத்தில் மாற்றி வைக்கவும். 
    - எஸ். நவீனா தாமு, 
    திருவள்ளூர்.

    நேந்திர உன்னக்காயி 
    ( இனிப்பு நேந்திரம் ரோல்)

    தேவையானவை:
    பாதி பழுத்த நேந்திரங்காய் - 2
    தேங்காய்த் துருவல் - 1 கிண்ணம்
    சர்க்கரை - 1 கிண்ணம்
    உலர்ந்த திராட்சை - 10
    உடைத்த முந்திரி பருப்பு - 10
    ஏலக்காய் தூள் - அரை தேக்கரண்டி
    நெய், எண்ணெய் - போதுமான அளவு
    உப்பு - தேவைக்கேற்ப
    செய்முறை: பாதி பழுத்த நேந்திரம் பழத்தை எடுத்து 3 அல்லது 4 ஆக நறுக்கி, பாத்திரத்தில் தண்ணீரை ஊற்றி, அதில் நறுக்கியதை போட்டு வேக வைக்கவும். நன்கு வெந்தவுடன் தோல் தனியாக வந்துவிடும். பின்னர், தோலை நீக்கிவிட்டு, பழத்தைத் தண்ணீர் விடாமல் மாவு போன்று மிக்ஸியில் அரைத்துக் கொள்ளவும். 
    பின்னர், சிறு இரும்புச் சட்டியில் உடைத்த முந்திரி பருப்பு, உலர்ந்த திராட்சை, ஏலக்காய் பொடி ஆகியவற்றை போட்டு, நெய் 2-3 தேக்கரண்டி ஊற்றி வதக்கி கொள்ளவும். ஒரு பாத்திரத்தில் தண்ணீரை ஊற்றி, அதில் சர்க்கரையைக் கொட்டிப் பாகு செய்யவும். அதில் தேங்காய்த் துருவல், வறுத்த முந்திரி, திராட்சை கலவை கலந்து நன்கு அடித்து வைத்துக் கொள்ளவும்.
    இதனிடையே நேந்திர பழமாவை, எலுமிச்சை அளவு உருட்டி, பிறகு தட்டி நீளமாக்கி, நடுவில் குழி செய்து அதனுள் தேங்காய்த் துருவல் கலவையை நிரப்பி, மூடி பிறகு செவ்வகமாக உருட்டிக் கொள்ளவும். வாணலியில், எண்ணெய் ஊற்றி, இளம் சூட்டில் நன்கு சிவக்கும் வரை பொறித்து எடுக்கவும். ஊட்டச்சத்து நிறைந்த இனிப்பு நேந்திரம் ரோல் ரெடி.
    - ராஜிராதா, பெங்களூரு.

    ]]>
    http://www.dinamani.com/weekly-supplements/magalirmani/2018/may/16/சமையல்-சமையல்-2920935.html
    2920932 வார இதழ்கள் மகளிர்மணி இல்லத்தரசியும் தொழில் முனைவோர் ஆகலாம்-7   DIN DIN Wednesday, May 16, 2018 11:07 AM +0530 பெண்கள் நினைத்தால் எதையும் சாதிக்க முடியும் என்று மிக பெருமையாக சொல்ல முடியும். உதாரணமாக, ஒருமுறை ஒரு பெண் என்னிடம் வந்தார். "மாதம் 2-3 ஆயிரம் வரை சம்பாதித்தால் போதும். அதற்கான வழியை சொல்லுங்கள் என்றார்'. 
    முதலில் அவரைப் பற்றிய விவரங்களைக் கேட்டறிந்தேன். அதில் அவரது இல்லத்திற்கு அருகில் தனியார் பள்ளி இருப்பதையும், அவருக்கு கட்லெட் நன்றாக செய்ய வரும் என்பதையும் அறிந்து கொண்டேன். அதனால் அவரிடம் "மாலை நேரங்களில் கட்லெட் செய்து விற்பனை செய்யுங்கள்' என்றேன். அவரும் காய்கறி கட்லெட் செய்து வீட்டின் வாசலிலேயே வைத்து விற்பனை செய்ய ஆரம்பித்தார். தற்போது அவருக்கு விற்பனை அமோகமாக நடக்கிறது. தரமானதாகவும், சுவையாகவும் இருப்பதால், பள்ளி குழந்தைகள் மட்டுமல்லாமல் அவர்களது பெற்றோர்களும் வாங்கி சுவைக்க ஆரம்பித்துவிட்டனர். அவர், கேட்டதை விட இப்போது வருமானம் கூடுதலாகவே கிடைக்கிறது. இன்று அவரும் நல்ல தொழில்முனைவோர் தானே'' என்கிறார் கைத்தொழில் ஆலோசகர் உமாராஜ்: 
    பிரியாணி 
    சைவ பிரியாணியோ அல்லது அசைவ பிரியாணியோ எதுவாக இருந்தாலும் சரி, பெரும்பாலானவரை கவர்ந்த உணவு பிரியாணி எனலாம். ஆனால், பலருக்கும் பிரியாணி எத்தனை முறை செய்தாலும் சரியாக செய்ய வராது. எனவே, உங்களுக்கு பிரியாணி நன்றாக செய்ய வரும் என்றால், முதலில் அக்கம்பக்கத்து வீடுகளின் விசேஷங்களுக்கு ஆர்டர் பிடித்து செய்து கொடுக்கலாம். மேலும், தெரிந்தவர்கள், வாட்ஸ் அப், பேஸ் புக் போன்றவற்றின் மூலமும் விளம்பரப்படுத்தலாம். இது நல்ல வரவேற்பு உள்ள தொழில். அதனால், நிச்சயம் நல்ல லாபம் கிடைக்கும்.
    ஆர்கானிக் பெருங்காயம்
    ஒரு வகையான மரத்தின் பிசினில் இருந்து பெருங்காயம் தயாரிக்கப்படுகிறது. இந்த பிசினை நேரடியாகவும் சமைக்கலாம். ஆனால், ஒரு துளி பிசின் 50 பேர் உண்ணக்கூடிய அளவிலான சமையலில்தான் உபயோகிக்க முடியும். எனவே, இதனை நேரடியாக ஒரு குடும்பத்திற்கு தேவையான அளவு சமையலில் சேர்க்க முடியாது. அதனால், இதனுடன் கூட்டு பொருள்கள் சிலவற்றை சேர்த்து, பதப்படுத்திதான் பெருங்காயம் தயாரிக்கப்படுகிறது. இதனை, எளிய முறையில் மிக குறைவான முதலீட்டில், வீட்டில் இருந்தபடியே தயார் செய்ய முடியும். எனவே, பெருங்காயம் தயாரிக்கும் பயிற்சி வகுப்புகளில் கற்றுக் கொண்டு வீட்டிலிருந்தபடியே தயாரித்து அக்கம் பக்கம் உள்ள வீடுகள், ஹோட்டல், கேட்டரிங் சர்வீஸ் வைத்திருப்போர் போன்றோருக்கு விற்பனை செய்யலாம். குறைந்த முதலீட்டில் நல்ல லாபம் கிடைக்கும். 
    முத்துச் சோளமாவு ரொட்டி 
    இதைச் செய்வது மிகவும் எளிது. சப்பாத்தி போன்று திரட்ட முடியாது. அடை போன்று தட்டி மல் துணியில் சுற்றி வைத்தால் 2-3 நாள்கள் வரை கெடாது. சத்தும் நிறைந்தது. நீரிழிவு நோயாளிகளுக்கு எதிர்ப்பு சக்தியை அதிகரிக்கும் தன்மை கொண்டது. இரும்பு சத்து அதிகம் உள்ளதால் ரத்த சோகையை போக்கக் கூடியது. நார்ச் சத்தும் அதிகம் உள்ளதால் கொழுப்பைக் குறைக்கும். போலிக் ஆசிட் அதிகம் உள்ளதால் கர்ப்பபை அடைப்பைப் போக்கும். இத்தனை சத்து நிறைந்த முத்துச் சோளத்தை ரொட்டியாக தட்டி மாலை நேரங்களில் விற்பனை செய்ய, நல்ல லாபம் கிடைக்கும். 
    மத்திய அரசின் சான்றிதழுடன் 6 நாட்கள் கேட்டரிங் இலவச பயிற்சி நடைபெற உள்ளது. இதில் பங்கு பெறுவோருக்கு அரசு சார்பில் ரூ. 1, 800 ஊக்கத் தொகையும், சான்றிதழும் வழங்கப்படுகிறது. இதில் வெஜ் பிரியாணி, வெஜ் ரைஸ், பல வகை கிரேவி, பஜ்ஜி, போண்டா, கட்லெட் ஆகியவை பெரிய அளவில் செய்வதற்கு பயிற்சி அளிக்கப்படுகிறது. நேரம் மதியம் 2 மணி முதல் 5 மணி வரை. தொடர்புக்கு: 95001 48840.
    - ஸ்ரீ

    ]]>
    http://images.dinamani.com/uploads/user/imagelibrary/2018/5/16/w600X390/mm12.jpg http://www.dinamani.com/weekly-supplements/magalirmani/2018/may/16/இல்லத்தரசியும்-தொழில்-முனைவோர்-ஆகலாம்-7-2920932.html
    2920931 வார இதழ்கள் மகளிர்மணி ஆஸ்துமா நோயாளிக்கு ஏற்ற உணவு வகைகள்!   DIN DIN Wednesday, May 16, 2018 11:05 AM +0530 சென்ற வார தொடர்ச்சி...
    ஆஸ்துமா நோயாளிகளுக்குத் தேவையான முக்கிய சத்துக்களும் உணவுகளும் வழங்குகிறார் உணவியல் நிபுணர் ப.வண்டார்குழலி இராஜசேகர்.

    * ஆன்ட்டி ஆக்ஸிடன்ட்ஸ் எனப்படும் செல் சிதைவைத் தவிர்க்கும் உயிர்வளியேற்ற எதிர்ப்பொருட்கள் நிறைந்த உணவுகள், நுரையீரல் மற்றும் சுவாசப் பாதையில் ஏற்படும் செல் சிதைவைத் தவிர்க்கிறது. பச்சை காய்கறிகள், பழங்கள், கேரட், பெர்ரி வகை பழங்கள் போன்றவற்றில் இந்த ஆன்ட்டி ஆக்ஸிடன்ட்ஸ் அதிகமாக உள்ளன. 

    * ஒமேகா 3 கொழுப்பு அமிலம் மற்றும் ஒமேகா 6 கொழுப்பு அமிலம் ஆகியவை நுரையீரலிலுள்ள காற்றறைகள் மற்றும் மூச்சுக்குழல்களில் உற்பத்தியாகும் லுகோடிரையன்ஸ் (bronchoconstrictive leukotrienes) என்ற ஒவ்வாமையை உருவாக்கும் பொருளால் ஏற்படும் சுவாசக் குழாய்களின் இறுக்கத் தன்மையும், சுருக்கத்தையும் குறைக்கின்றன. இவ்விரண்டு சத்துக்களும், கானாங்கெளுத்தி, மத்தி போன்ற மீன்களிலும், ஆளி விதை, வால்நட், முட்டை, முழு தானியங்கள், எள் போன்ற உணவுகளிலும் போதுமான அளவு கிடைக்கின்றன. 

    * சுவாசப்பாதை மற்றும் சிறு காற்றறைகளில் ஏற்படும் அழற்சியைப் போக்கி, மென்மையாக தசைகளைக் காக்கும் நிவாரணியாக மக்னீசியம் சத்து உதவி செய்கிறது. இந்த குறிப்பிட்ட சத்தானது, அடர் பச்சை நிறமுள்ள கீரைகள் மற்றும் காய்கள், பரங்கி விதை, பாதாம் கொட்டை போன்ற உணவுகளில் இருக்கின்றது. குறிப்பாக தூதுவேளை, பொன்னாங்கன்னி, பசலை, வல்லாரை போன்ற கீரைகள் நன்மையளிக்கும். 

    * சுவாசக் குழலின் சுருக்கத்தைக் குறைத்து, சீரான சுவாசத்தைக் கொடுப்பதற்காக மூளைச் செல்களுக்கு உணர்வுகளை அனுப்ப உதவி புரியும் மீத்தைல்சான்தேன் (Methylxanthines) என்ற பொருள் காபிக் கொட்டையில் உள்ள கபின் என்ற உட்பொருளில் இருப்பதாக ஆய்வின் மூலம் கண்டறியப்பட்டுள்ளது. ஆகவே, கலப்படமில்லாத காபியை ஒரு நாளைக்கு ஒரு கப் மட்டுமே குடிப்பதால், ஆஸ்துமா நோயாளிகளுக்கு நன்மையே. 

    * ஆஸ்துமா நோயாளி, நீரிழிவு நோயாளியாக இல்லாத நிலையில், கலப்படமில்லாத சுத்தமான தேன், அதிலும் குறிப்பாக ஒரு வருடம் பழைய தேன் ஒரு தேக்கரண்டி, உணவிற்கு ஒரு மணிநேரத்திற்கு முன்னர் குடிப்பதால், இருமலால், தொண்டை மற்றும் உணவுக்குழலில் ஏற்பட்டிருக்கும் அழற்சி சரி செய்யப்படுகிறது. 
    ஆஸ்துமா நோயாளிகளுக்கு நிவாரணமளிக்கும் மருந்துகளும் சில உணவுகளுடன் சேரும்போது ஏற்படும் சத்துக் குறைபாடு, சில குறிப்பிட்ட அழற்சிப் பொருட்கள் அதிகரித்தல் போன்றவைகளை கருத்தில் கொண்டே உணவுமுறை வரையறுக்கப்பட வேண்டும். இதில், நோயாளியினுடைய வயது, பாலினம், நோயின் தீவிரம், நோயின் நிலை ஆகியவை மிக முக்கியமாகும். எனவே, அவைகளுக்குத் தகுந்தவாறும், நோயாளியின் தனிப்பட்ட உணவுப் பட்டியல் தயாரித்தல் என்றும் நலம் பயக்கும். மேலும், ஆஸ்துமா நோய்க்குத் தரப்படும் மருந்துகளால் வாய் மற்றும் தொண்டை வறட்சி, குமட்டல், வாந்தி, அதிக சோடியத்தால் கால்களில் வீக்கம், பொட்டாசியம் சத்துக் குறைதல், வயிற்றுப்போக்கு, கை நடுக்கம், தலைவலி, தொடர்ச்சியான இருமலால் உணவு செரிமான மண்டலத்தில் கீழிறங்காமல் எதிர்த்திசையில் மேலேறி வாந்தி போல் வருதல் ஆகியவை பெரும்பாலும் ஏற்படும். எனவே அவற்றை சரிசெய்யும் விதத்தில் திட உணவுகளைத் தவிர்த்து, பழச்சாறு, சூப், மசித்த சோறு அல்லது காய்கள், கஞ்சி போன்ற திரவ நிலையில் இருக்கும் உணவுகள் இருமலைக் குறைப்பதுடன் எளிதில் செரிமானத்திற்கும் உதவி புரியும். 
    ஆஸ்துமா நோயாளிகள், அவர்களுக்குத் தேவையான சத்துள்ள உணவுப் பொருட்களை அன்றாட உணவில் சேர்த்துக் கொள்வதுடன், அவ்வப்போது ஒரு குறிப்பிட்ட இடைவெளியில், தங்களது ஆரோக்கியத்தையும், ஊட்டச்சத்து குறைபாடுகள் நிவர்த்தியாகிவிட்டனவா என்றும் மருத்துவரிடமும், உணவியல் வல்லுநர்களிடமும் ஆலோசனைகள் பெற்றுவருவதால், ஆஸ்துமாவிற்கு நிரந்தரத் தீர்வு பெறுவதுடன் அன்றாட வாழ்க்கையை நிம்மதியுடன் வாழலாம். 

    கீழே கொடுக்கப்பட்டுள்ள உணவுகள் ஆஸ்துமா நோயாளிகளுக்கு நிவாரணமளிக்கும்.
    மஞ்சள், மிளகு மசாலா பால்
    தேவையானவை: பால் - 100 மி.லி. , நாட்டு சர்க்கரை - 1 தேக்கரண்டி, பூண்டு - 3 பல், பொடி செய்வதற்கு: கொம்பு மஞ்சள் - இரண்டு துண்டுகள், மிளகு 1 தேக்கரண்டி, சீரகம் - 1 தேக்கரண்டி, திப்பிலி - 4, ஏலக்காய் - 3, சுக்கு - இரண்டு துண்டுகள்.
    செய்முறை: பொடி செய்வதற்கு கொடுத்துள்ள அனைத்தையும், மிக்ஸியில் அரைத்து காற்று புகாத புட்டியில் வைத்துக் கொள்ளவும். பாலைக் கொதிக்க விட்டு, அதில் பொடியாக நறுக்கிய பூண்டு, நாட்டு சர்க்கரை மற்றும் அரைத்த பொடியில் அரை தேக்கரண்டி சேர்த்து ஒரு கொதிவிட்டு, வடிகட்டி பருகவும். பால் ஒவ்வாமை இல்லாதவர்கள் தினமும் இரவில் உறங்கச் செல்வதற்கு ஒரு மணி நேரத்திற்கு முன்னர், இந்தப்பாலை குடித்து வருவதால், அதிக அளவில் தேங்கியுள்ள சளி, இரத்தத்திலும் குடலிலும் உள்ள நச்சுக்கள் மற்றும் வாயு போன்றவை வெளியேற்றப்படுகின்றன. இதனால் நுரையீரலும் சுவாச மண்டலமும் நலம் பெற்று, நோயின் தீவிரம், அதனால் ஏற்படும் தொற்று ஆகியவற்றை கட்டுப்படுத்தப்படுகின்றன. 

    தூதுவளை, இஞ்சி துவையல்
    தேவையானவை: தூதுவளைக்கீரை - 2 கைப்பிடி, இஞ்சி - விரல் நீளத் துண்டு, சின்ன வெங்காயம் - 2, பச்சை மிளகாய் -1, பூண்டு - 5 பற்கள், கல் உப்பு - தேவையான அளவு, நல்லெண்ணெய் - ஒரு தேக்கரண்டி
    செய்முறை: தூதுவளைக்கீரையை நன்கு சுத்தம் செய்யவும். இஞ்சி, சின்ன வெங்காயம், பச்சை மிளகாய், பூண்டு ஆகியவற்றை சிறிது நல்லெண்ணெயில் லேசாக வதக்கி, கடைசியில் தூதுவளைக்கீரையை சேர்க்கவும். சிறிதளவு நீர் மற்றும் உப்பு சேர்த்து மைய அரைத்துக் கொள்ளவும். மீதமுள்ள நல்லெண்ணெயில், அரைத்த விழுதைச் சேர்த்து இரண்டு நிமிடங்கள் வதக்கி, சூடு ஆறியபின் சுத்தமான பாத்திரத்தில் துவையலை மூடி வைத்துக்கொண்டு, தேவையானபோது உபயோகித்துக் கொள்ளலாம். ஒரு வாரம் நன்றாக இருக்கும்.
    தூதுவளையில் அழற்சியைக் கட்டுப்படுத்தும் நுண்பொருட்கள், இஞ்சி மற்றும் பூண்டு ஆகியவை சுவாச மண்டலத்திற்கு நன்மையளிப்பதால், இந்தத் துவையலை ஆஸ்துமா நோயாளிகள் உணவாக சேர்த்துக் கொள்ளலாம். தொண்டை எரிச்சல் இருந்தால், மிளகாயைத் தவிர்க்கலாம். 
    தொகுப்பு: சுஜித்

    ]]>
    http://images.dinamani.com/uploads/user/imagelibrary/2018/5/16/w600X390/mm11.jpg http://www.dinamani.com/weekly-supplements/magalirmani/2018/may/16/ஆஸ்துமா-நோயாளிக்கு-ஏற்ற-உணவு-வகைகள்-2920931.html
    2920928 வார இதழ்கள் மகளிர்மணி அம்மா! - பாரதி பாஸ்கர்   DIN DIN Wednesday, May 16, 2018 10:59 AM +0530 பிரபலங்கள் தங்கள் தாயார் குறித்து எழுதும் தொடர்: 

    சிறந்த பட்டிமன்ற பேச்சாளர், தனியார் வங்கியில் உயர் பதவி வகிப்பவர், மகாகவி பாரதி மீது அபரிமிதமான பற்று கொண்டவர், தமிழ் இலக்கியத்தின் மீது பாசம் கொண்டவர். தனது தாயார் கல்பகம் குறித்து பகிர்ந்து கொள்கிறார்:
    "எனது தாயார் பெயர் கல்பகம். இவர் அனந்தராம ஐயர் அவர்களின் பேத்தி. அனந்தராம ஐயர்தான் "கலித்தொகை' என்ற நூலை கண்டெடுத்தவர். எங்கள் குடும்பமே தமிழ் மீதும், தமிழ் படைப்புகள் மீதும் ஆழமான பற்று கொண்டவர்கள். இன்னும் சொல்லப் போனால் எங்கள் குடும்பத்தின் முதல் பட்டதாரி என் அம்மா தான். அதுமட்டுமல்லாமல், அதற்கும் மேலே படித்து வேலைக்கும் சென்றவர். இவர் இன்டர்மீடியட் (Intermediate) என்று அன்று சொல்வோமே (பட்டதாரி படிப்பிற்கு முன்) அந்த படிப்பை ராணிமேரி கல்லூரியில் பயின்றவர். அதில் தேர்ச்சி பெற்றபின் அவரது படிப்பை நிறுத்த அவரது தந்தையார் முடிவு செய்தார். தந்தை சொல் மிக்க மந்திரமில்லை என்பதால் மவுனமாக இருந்தார். எல்லா வகுப்பிலும் முதல் இடம் பெற்று தேர்ச்சி பெறும் இவர் வகுப்பிற்கு வரவில்லை என்றதும் காரணத்தை அறிந்த கல்லூரி நிர்வாகத்தினர், என் பாட்டி வீட்டிற்கு சென்று தாத்தாவிடம் பேசி மீண்டும் கல்லூரிக்கு வரவழைத்தனர். 
    பின்னர் பிரெசிடென்சி கல்லுரியில் பட்ட மேற்படிப்பு படித்து தங்கப் பதக்கம் பெற்று வெளியே வந்தார் அம்மா. அக்கவுன்டண்ட் ஜெனரல் (AG’s) அலுவலகத்தில் வேலைக்கு சேர்ந்து உயர் பதவி வகித்து ஓய்வு பெற்றார். எதுவுமே பக்கத்தில் இருந்தால் அதன் மதிப்பு தெரியாது என்று கூறுவார்கள். அது 100-க்கு 200 சதவிகிதம் உண்மை என்று இன்று நான் உணருகிறேன். 
    எங்களுடைய குடும்பம் நடுத்தர குடும்பம் தான். எல்லா வீட்டிற்கும் இருக்கும் பிரச்னைகள் எங்களுக்கும் உண்டு. என்னுடன் பிறந்தவர்கள் இரண்டு பேர். அவர்கள் இருவரும் எனக்கு முன் பிறந்த சகோதரிகள். என் அம்மா சந்தோஷம் என்றாலும் பெரிதாக அலட்டிக் கொள்ளமாட்டார். துக்கம் ஏற்பட்டாலும் ஓரமாக உட்கார்ந்து அழவும் மாட்டார். எது வந்தாலும் அதை சந்திக்கப் பழகவேண்டும் என்று கூறுவார். அந்த அளவிற்கு மன உறுதியானவர். எதையும் தாங்கும் இதயம் பெற்றவர். 
    பள்ளியில் படிக்கும் நாட்களிலேயே நான் பல்வேறு பேச்சுப் போட்டிகளில் பங்கு கொண்டு பரிசுகள் வாங்கினேன். கொடுக்கப்பட்ட தலைப்புகளில் நான் என்ன பேச வேண்டும் என்று எனக்கு எழுதிக் கொடுப்பதும் அம்மா தான். அதைத்தான் நான் மனப்பாடம் செய்து மேடையில் பேசி பரிசு பெறுவேன். ஒருமுறை வழக்கம்போல பேச்சுப் போட்டியில் எனக்குத்தான் முதல் பரிசு. எனது சக மாணவத் தோழிகளுடன் பஸ் பிடித்து வீட்டிற்கு வந்து கொண்டிருந்தோம். வெற்றி பெற்ற சந்தோஷத்தில் என் கழுத்தில் உள்ள செயின் காணாமல் போனதை கவனிக்கவில்லை. 
    வீட்டை நெருங்குவதற்கு முன் கழுத்தில் செயின் இல்லை என்று தெரிந்த பிறகு பயம் என்னை பற்றிக் கொண்டது. எனக்கோ அம்மா என்ன சொல்வார்களோ என்று பயம் ஒருபுறம். திட்டினால் என்ன செய்வது என்ற நினைப்பு மறுபுறம். நடுத்தரக் குடும்பத்தில் ஒரு தங்க செயின் காணாமல் போனால் என்ன செய்வார்கள் என்று தெரியும். எனது தோழிகள் அனைவரும் தங்கள் வீட்டிற்கு செல்லாமல் என் கூடவே நடந்து என் வீட்டிற்கு வந்தார்கள். 
    எல்லோரும் என் அம்மாவிடம் சொல்லி என்னை காப்பாற்ற முடிவு செய்தனர். நான் உள்ளே நுழையவும் என் முகத்தை பார்த்தே அம்மா ஏதோ நடந்திருக்கிறது என்று கண்டுபிடித்துவிட்டார். ""பரிசு கிடைக்கவில்லையா?'' என்று கேட்டபோது "முதல் பரிசு கிடைத்தது' என்று கூறிவிட்டு, தங்க செயின் காணாமல் போனதை கூற, "பரிசு பெற்றதை கொண்டாடுவோம். உன்னுடையதாக இருந்தால் அது உனக்கு கிடைக்கும். அதற்காக கவலைப்படாதே'' என்றார். பேச்சுப் போட்டிகளில் நான் கலந்து கொள்ளும் போது, பரிசு வாங்கினாலும் வாங்கா விட்டாலும் கவலைப் படாதே. பங்கு கொள்வதே முக்கியம் என்று கூறுவார். 
    அம்மா எப்போதும் ஒரு வார்த்தை கூட அதிர்ந்து பேசியது கிடையாது. சரியான வார்த்தைகள் விழாமல் இருந்தால் அது பெரிய பிரச்னையை உருவாக்கிவிடும். பின் அதை அள்ள முடியாது என்றும் கூறுவார். "இனிய உளவாக இன்னாத கூறல் கனிஇருப்ப காய் கவர்ந்தற்று' - இப்படி பேசும் போதெல்லாம் ஒரு திருக்குறள் கூறுவார். 
    உடன் பிறந்த எல்லாரும் சேர்ந்து, அம்மா திருக்குறள் சொல்ல தொடங்கிவிட்டார் என்று அவரை அன்று கேலி செய்வோம். ஆனால் அவர் எதைப் பற்றியுமே கவலைப்படாமல் வாழ்ந்து வந்தார். மேடையில் எப்பொழுதாவது ஒரு திருக்குறள் சொல்வது எப்படி? நாள் தவறாமல் ஒவ்வொரு நாளும் பலமுறை திருக்குறள் சொல்வது எவ்வளவு பெரிய விஷயம். என் அம்மாவின் தமிழ் பற்றிற்கு இது ஒரு சிறிய உதாரணம். 
    தமிழ் இலக்கியத்தில் எந்த அளவிற்கு ஆர்வம் அதிகமோ அந்த அளவிற்கு ஆங்கில இலக்கியத்திலும் அவருக்கு பற்று உண்டு. காலையில் தனது வேலைகளை எல்லாம் முடித்து விட்டு ஆங்கில நாளேடு முழுவதும் படித்துவிடுவார். வரி விளம்பரத்தையும் விடமாட்டார். அதே போன்று ஆங்கில கவிதைகளையும் அவர் ஆர்வத்தோடு படிக்க தவறாதவர். அவரது இலக்கிய ஆர்வத்தாலும், அவருக்கு மகாகவி பாரதி மீது இருந்த பற்றாலும்தான் நான் பிறந்தவுடன் எனக்கு முண்டாசுக் கவிஞன் பாரதியார் பெயரையே வைத்து அழகு பார்த்தார். அதே போன்று அவருக்கு எழுத்தாளர் ஆர்.சூடாமணி கதைகள் என்றால் விருப்பம் அதிகம். 
    எனது அம்மா simple  living,  high  thinking என வாழ்ந்தவர். தெய்வ நம்பிக்கை அதிகம். எல்லாரது வீட்டிலும் வம்பு பேசுவது உண்டு. எங்கள் வீட்டிலும் அது அவ்வப்போது நடக்கும். ஆனால் அதில் என் அம்மா என்றுமே கலந்து கொண்டது இல்லை. அதில் அவருக்கு விருப்பமும் கிடையாது. யாராவது வந்துவிட்டு போனால் நாம் எல்லாரும் ஏதாவது குறை அல்லது குற்றம் கூறுவோம். அதையும் அவர் செய்ய மாட்டார். "அவர்களுக்கு என்ன நிலைமையோ, என்னவோ' என்று சாதாரணமாக கூறிவிட்டு வேறு இடத்திற்கு சென்று விடுவார்.
    கல்லூரி நாட்களில் நான் குரூப் ஸ்டடி(group study) என்று கூறிவிட்டு எனது வகுப்பு மாணவிகளுடன் அரட்டை அடிக்க கிளம்பி விடுவேன். 
    ஒருமுறை அப்படி சென்ற பின் திடீரென்று என் தோழியின் வீட்டுக் கதவு தட்டப்பட நான் எட்டிப் பார்த்தேன். என் அம்மா நின்றிருந்தார். சரி, நாங்கள் படிக்கிறோமா, இல்லையா என்று நம்மை உளவு பார்க்கத்தான் வந்திருக்கிறார் என்று நானும் என் தோழிகளும் நினைத்தோம். கதவை திறந்த பின்னர் என்னைப் பார்த்து "நீ சாப்பாட்டை மறந்து வைத்துவிட்டு வந்து விட்டாய்' என்று கூறி சாப்பாட்டுப் பையை கொடுத்து விட்டு வேறு எதுவும் பேசாமல் நடக்க தொடங்கினர். அவர் போகும் வரை நான் பார்த்துக் கொண்டிருந்தேன். எனக்கு அது ஒரு நீண்ட நடையாக தோன்றியது. இந்த அம்மாவுக்கு நாம் என்ன கைம்மாறு செய்யப் போகிறோம் என்று என் மனம் என்னை கேட்பது போன்று இருந்தது. நான் நன்றாக வாழ விரும்பும் தெய்வம் எனது அம்மா என்று எனக்கு தோன்றிய பிறகு அவர் விரும்பும் அனைத்தையும் செய்ய நான் முடிவெடுத்தேன். அப்படியே இன்றுவரை வாழ்கிறேன். 
    - சலன்
     

    ]]>
    http://images.dinamani.com/uploads/user/imagelibrary/2018/5/16/w600X390/mm9.jpg http://www.dinamani.com/weekly-supplements/magalirmani/2018/may/16/அம்மா---பாரதி-பாஸ்கர்-2920928.html
    2920926 வார இதழ்கள் மகளிர்மணி சுட்டெரிக்கும் வெப்பத்தில் இருந்து சருமத்தை பாதுகாக்க    Wednesday, May 16, 2018 10:58 AM +0530 * தினமும் வெயிலில் அலைந்து திரிந்து வேலை செய்பவர்களுக்கு தோலின் நிறம் கருமையாக மாறிவிடும். அதைத் தடுப்பதற்கு சில எளிய வழிகள் இதோ:

    * வெயிலில் சென்று விடு திரும்பியதும், கை, கால்களை கழுவிவிட்டு ப்ரிஜ்ஜில் உள்ள ஐஸ் கட்டிகள் சிலவற்றை எடுத்து மெல்லிய காட்டன் துணியில் சுற்றி ஒத்தடம் கொடுக்கலாம். 

    * காலை குளிக்கச் செல்வதற்கு முன்பு உருளைக்கிழங்கை தோல் நீக்கிவிட்டு மிக்ஸியில் அரைத்து முகம், கை, கால்களில் பூசி அரை மணி நேரம் வைத்திருந்து பின்பு குளிக்கலாம். உருளைக்கிழங்கில் ஸ்டார்ச் அதிக அளவில் உள்ளதால், இது வெயிலால் உண்டாகும் சருமப் பிரச்னைகளைத் தீர்த்து, தொற்றுக்கள் ஏதும் ஏற்படாமல் பார்த்துக் கொள்ளும். 

    * கை, கால்களில் வெயிலினால் கருமையாக மாறியுள்ள இடங்களில் தேனை தடவி 10 நிமிடம் வைத்திருந்து கழுவி வர விரைவில் பழைய நிறத்திற்கு மாறிவிடும்.

    * கிரீன் டீயை கொதிக்க வைத்து இறக்கி, ஆறிய பின் பஞ்சினால் கருமையான இடங்களில் ஒத்தடம் கொடுக்க நிவாரணம் கிடைக்கும்.

    * தயிரை சருமம் பாதிக்கப்பட்ட இடத்தின் மீது தடவி காயவிட்டு, பின் வெது வெதுப்பான நீரில் கழுவினால் கருந்திட்டுக்கள் மறைந்து சருமம் மென்மையாகும். சருமத் தொற்றுகளும் ஏற்படாது.

    * தினமும் குளிக்கச் செல்வதற்கு அரைமணி நேரம் முன்பு தேங்காய் எண்ணெய்யை எடுத்து உடல் முழுவதும் தடவி, உலர விட்டு பின் வெதுவெதுப்பான நீரில் குளிக்க வெயிலின் தாக்கத்தினால் நிறம் மாறாமல் இருக்கும். 

    * முட்டையின் வெள்ளைக்கரு சரும எரிச்சலைப் போக்கும் தன்மை கொண்டது. எனவே, முட்டை வெள்ளைக்கருவை தனியாக எடுத்து நேரடியாக சருமத்தில் தடவி வர, சருமத்தில் ஏற்பட்ட பாதிப்புகள், சருமம் சிவந்து இருந்தாலும் அவற்றை சரிசெய்து விடும். வெறும் வெள்ளைக்கரு மட்டுமில்லாமல் இதனுடன் சிறிது தேனும் கலந்து பயன்படுத்தலாம்.
    - எஸ். சரோஜா

    ]]>
    http://images.dinamani.com/uploads/user/imagelibrary/2018/5/16/w600X390/mm8.jpg http://www.dinamani.com/weekly-supplements/magalirmani/2018/may/16/சுட்டெரிக்கும்-வெப்பத்தில்-இருந்து-சருமத்தை-பாதுகாகக-2920926.html
    2920925 வார இதழ்கள் மகளிர்மணி தனியாக சுற்றுப் பயணமா? சில யோசனைகள்!   DIN DIN Wednesday, May 16, 2018 10:43 AM +0530 இன்று ஏராளமான பெண்கள் சுயேட்சையாக உலகை வலம் வருகின்றனர். அதிலும் சிலர் தங்கள் பைக்கிலேயே இந்தியா முழுவதும் மற்றும் வெளிநாடுகளிலும் சுற்றி வருகிறார்கள்.
     அந்த வகையில், கேன்டிடா லூயிஸ் என்பவர் பைக்கில், தன்னந்தனியாக பயணங்களை மேற்கொள்ள அஞ்சுவதில்லை. இவர், 22 மாநிலங்கள், 32,000 கிலோமீட்டரை பைக்கிலேயே சுற்றியுள்ளார். இதற்காக இவர் பெரிதாக திட்டமிடுவதும் இல்லை.
     சரி, இந்த பயணங்களின்போது கவனிக்க வேண்டியவை என்ன எனக் கேட்டால், அவர் கூறுவது இதுதான்:
     பயணம் புறப்பட்டுவிட்டால் பயப்படக் கூடாது. தனிமையில் இருப்பதாக உணரக் கூடாது. சில இடங்களில், இந்த தனிமையால் பிரச்னை வந்தால், உடனே அந்த இடத்தைவிட்டு புறப்பட்டு விட வேண்டும்.
     எல்லாரும் நல்லவர்கள். நமக்கு உதவி செய்ய தயராய் இருப்பர் என நம்புதல் அவசியம். சில சமயம் பயணத்தின்போது வண்டிக்கு பிரச்னை ஏற்படுவதுண்டு. உடனே தயங்காமல், பின்னால் வரும் டிரக்குகளை நிறுத்தி, ஏறி அமர்ந்து பயணிக்க தயாராய் இருக்க வேண்டும். டிரக் டிரைவரை நம்ப வேண்டும். முன்னோக்கி சென்றாலும், பின்புறம் யாராவது நம்மை பின்தொடர்ந்து வருகிறார்களா என கண்காணிக்க வேண்டும். இது போன்ற கட்டங்களில் நிமிட முடிவு, எடுக்க தயாராய் இருக்க வேண்டும். கையில் எமர்ஜென்சிக்கு பயன்படுத்த மிளகுப் பொடி, மிளகாய்ப் பொடி போன்றவற்றை தயாராய் வைத்திருக்க வேண்டும். அப்போதுதான் தூவி தப்பித்துவிட முடியும். நீங்கள் எங்கு பயணிக்கிறீர்கள் என்ற தகவலை உங்கள் உறவினர்கள்; நண்பர்களிடம் அவ்வப்போது தெரிவிக்க வேண்டும்.
     கூடுதலாக இன்று எங்கு உள்ளீர்கள், நாளை எங்கு இருப்பீர்கள் என்ற தகவல்களையும் பகிர்ந்து கொள்வது நல்லது. துணிவே துணை என்பதை மறந்துவிட வேண்டாம்.
     - ராஜிராதா
     
     

    ]]>
    http://images.dinamani.com/uploads/user/imagelibrary/2018/5/16/w600X390/mm7.jpg http://www.dinamani.com/weekly-supplements/magalirmani/2018/may/16/தனியாக-சுற்றுப்-பயணமா-சில-யோசனைகள்-2920925.html
    2920924 வார இதழ்கள் மகளிர்மணி மேக்னா குல்சார் இயக்கத்தில் அலியாபட்   DIN DIN Wednesday, May 16, 2018 10:42 AM +0530 "பெண்களை மையப்படுத்தி நான் படமெடுப்பதில்லை என்றாலும் என்னுடைய படங்களில் நல்ல வலுவான பெண் கதாபாத்திரங்கள் இடம் பெறுவதுண்டு. தற்போது என் இயக்கத்தில் வெளிவரும் "ராஸி', 1971- ஆம் ஆண்டு நடந்த உண்மை சம்பவத்தின் அடிப்படையில் ஒரு பெண் உளவாளியைப் பற்றியதாகும். "ராஸி' படத்தில் உங்களை ஆச்சரியப்படுத்தும் வகையில் அலியாபட்டை நடிக்க வைத்திருப்பதால், ஒரு புதிய அலியா பட்டை நீங்கள் பார்க்கலாம்'' என்கிறார் கவிஞரும், இயக்குநருமான குல்சார். நடிகை ராக்கி குல்சார் தம்பதியின் மகள் மேக்னா குல்சார். "ராஸி' இவரது இயக்கத்தில் உருவாகும் நான்காவது படமாகும்.
     - அருண்
     
     

    ]]>
    http://images.dinamani.com/uploads/user/imagelibrary/2018/5/16/w600X390/mm6.jpg http://www.dinamani.com/weekly-supplements/magalirmani/2018/may/16/மேக்னா-குல்சார்-இயக்கத்தில்-அலியாபட்-2920924.html
    2920921 வார இதழ்கள் மகளிர்மணி தனிமை தாயாக இருப்பது மகிழ்ச்சிதான்!   DIN DIN Wednesday, May 16, 2018 10:39 AM +0530 பிரபல எழுத்தாளர் சல்மான் ருஷ்டியின் முன்னாள் மனைவியும், மாடலுமான பத்மா லட்சுமிக்கு கிருஷ்ணா தியா லட்சுமி டெல் என்ற பெயரில் பெண் குழந்தை உள்ளது. "தனிமை தாயாக மகளை வளர்ப்பது சிரமமாக இல்லையா'' என்று கேட்டபோது, "ஒரு குழந்தைக்கு தாயாக இருப்பதே மகிழ்ச்சிதான். என்னை நான் தனிமைத் தாயாக நினைக்கவே இல்லை. என் மகளுக்கு உடை, கல்வி, உறவு என பார்த்து கொள்ள குடும்ப உறுப்பினர்கள் உள்ளனர். மேலும் அவள் மூலம் மகள் என்ற உறவு எனக்கு கிடைத்திருப்பது மகிழ்ச்சியாக இருக்கிறது'' என்கிறார் பத்மா லட்சுமி.

    ]]>
    http://images.dinamani.com/uploads/user/imagelibrary/2018/5/16/w600X390/mm4.jpg http://www.dinamani.com/weekly-supplements/magalirmani/2018/may/16/தனிமை-தாயாக-இருப்பது-மகிழ்ச்சிதான்-2920921.html
    2920918 வார இதழ்கள் மகளிர்மணி பெண்ணியவாதிகள் குறித்த ஆவணம்!   Wednesday, May 16, 2018 10:33 AM +0530 "வரலாறு படைத்த வைர மங்கையர்' என்னும் தலைப்பில் மூன்று தொகுதிகளில் ஐம்பத்திரெண்டு பெண்மணிகளின் பங்களிப்பை பேராசிரியர் பானுமதி தருமராஜன் ஆவணப்படுத்தியுள்ளார். இன்றைய பெண்ணியவாதிகள் தங்களது முன்னோடிகள் குறித்து அறிந்து கொள்ள தனது கள, ஆவண ஆய்வின் அடிப்படையில் வரலாற்று உண்மைகளைத் தொகுத்து தந்துள்ளார் பேராசிரியர் பானுமதி தர்மராஜன். அவர், நம்முடன் பகிர்ந்து கொண்டவை:
     "உலகம் தோன்றிய நாளிலிருந்து பெண்கள் பல சிக்கல்களை, பிரச்னைகளை சந்தித்து வருகின்றனர். நாட்டின் விடுதலைக்காக, பெண்களின் உரிமைகளுக்காக ஒவ்வொரு நாட்டிலும் பெண்களின் பங்களிப்பு உண்டு. அது இந்தியாவிற்கும் தமிழகத்திற்கும் பொருந்தும்.
     பெண்களின் முன்னேற்றம்; சாதனைகள் பெருகி வந்தாலும் புதுப்புது சிக்கல்களும் சவால்களும் கால மாறுதல்களுக்கு ஏற்றவாறு ஏற்பட்டு வருகின்றன. இன்றைய பெண்களின் வளர்ச்சிக்கு, கடந்த காலத்தில் பெண்ணியம் பேசிய, பெண்ணுக்கு நீதி கேட்ட பெண்ணியவாதிகள்தான் காரணம்.
     சுதந்திரப் போராட்டத்திற்கு முன்பும் பின்பும் பெண்ணியவாதிகளின் உழைப்பு, செய்த தியாகங்கள், நமது வரலாற்றில் உரிய இடம் பெறவில்லை. அப்படியே வெகு சிலரைப் பற்றிய குறிப்புகள் இடம் பெற்றிருந்தாலும் அவை சில சொற்களில் அல்லது சில வரிகளில் நின்று விட்டன. பெண்ணியவாதிகளின் பங்களிப்பு முறையாக, சரியாக ஆவணப்படுத்தப்படவில்லை என்பதுதான் கசப்பான உண்மை. அந்தக் குறையைக் கணிசமான அளவில் தீர்த்து வைக்கவும், சென்ற அதற்கு முந்தைய தலைமுறையில் ஆளுமை திறமை, வல்லமை கொண்டிருந்த பெண்மணிகள் குறித்து இன்றைய தலைமுறையினரும், வரும் தலைமுறையினரும் தெரிந்து கொள்ளவும் வேண்டும் என்ற நோக்கத்தில் பல வரலாற்று குறிப்புகளைத் தேடி எடுத்து... தமிழகத்தில் அந்தப் பெண்மணிகள் வாழ்ந்த இடங்களுக்குச் சென்று தகவல்கள் திரட்டி அதன் அடிப்படையில் இந்த நூல்களை உருவாக்கியிருக்கிறேன்.
     பெண்ணியம் குறித்த பிரச்னைகள் தீர்ந்து விட்டனவா என்றால் முழுமையாகத் தீர்ந்து விடவில்லை. பெண்களை மதித்து சரிசமமாக நடத்தாத வரையில் பெண்களின் பிரச்னைகள் இருக்கத்தான் செய்யும். ஒரு வீட்டில் ஒரு பெண்ணுக்கு வெளியே பிரச்னை ஏற்பட்டால் அந்தப் பெண் வீட்டில் இருக்கும் ஆண்களுக்கு ரோஷம் வரும். அக்கம் பக்கத்து ஆண்களும் குரல் கொடுப்பார்கள். அதுவே சில வீதிகள் தாண்டிவிட்டால் அந்தப் பெண்ணுக்காக குரல்கள் எழும்பாது. பெண்களை மதிக்க வீட்டிலேயே கற்றுக் கொடுக்கணும். வீடுகளில் குழந்தைகள் முன் பெண்கள் மதிக்கப்படணும். அப்படி ஒவ்வொரு வீட்டிலும் இந்த சூழல் உருவானால்தான் ஆண் குழந்தைகள் பெரியவர்களாக வளரும் போது பிற பெண்களை மதிக்க தொடங்குவார்கள். அடுத்த தலைமுறையை இப்படி வளர்த்தால் மாற்றம் நிச்சயம் வரும்.
     வீட்டிலும் சரி... விருந்திலும் சரி.. முன்பெல்லாம் ஆண்கள் உணவருந்திய பிறகுதான் பெண்கள் சாப்பிடணும். இப்போது அதெல்லாம் மாறிவிட்டது. அந்தக் காலத்தில் வேலை செய்யும் பெண்கள் சம்பளம் வாங்கும் போது அலுவலகத்தில் கையொப்பமிட்டு சம்பளம் வாங்க வேண்டும். அப்படி வாங்கும் சம்பளத்தை வாங்க வெளியே கணவன் காத்திருப்பார். இப்போது சம்பளம் வங்கிக் கணக்கில் மாதா மாதம் வரவு வைக்கப் படுவதால் பெண்களின் "டெபிட் கார்டு' பெரும்பாலும் கணவர்கள் கையில்தான் இருக்கிறது. நகர்ப்புறங்களில் பெண்களின் முன்னேற்றம் ஓரளவு வந்திருக்கிறது. பொருளாதாரச் சுதந்திரம் ஓரளவு கிடைத்திருக்கிறது. ஆனால் கிராமப்புறங்களில் பெரிதாக மாற்றங்கள் வரவில்லை.
     இந்தியாவில் பெண்களின் ஜனத்தொகை ஏறக்குறைய ஆண்களின் ஜனத்தொகைக்குச் சமமாக உள்ளது. எல்லாத்துறையிலும் ஐம்பது சதவீதம் ஒதுக்கீடு தர வேண்டிய தருணம் வந்து விட்டது. ஆனால் இங்கே 33.33 சதவீத இட ஒதுக்கீடே இன்னும் சாத்தியமாகவில்லை. பஞ்சாயத்து நிர்வாகத்தில் பெண்கள் சிறப்பாகச் செயல்படும் போது, இதர நிர்வாகத் துறைகளிலும் பெண்கள் சிறப்பாகச் செயல்படுவார்கள். வாய்ப்பு கொடுத்துப் பாருங்கள். பெண்கள் சாதித்துக் காட்டுவார்கள்.
     எப்படி வெற்றிகரமான ஆணின் பின்னால் ஒரு பெண் இருக்கிறாரோ.. அதுபோல் சாதனை புரியும் பெண்ணுக்குப் பின்னால் பலமாக ஆண் இருக்கிறார். இப்படி மனைவியின் வெற்றிக்காக உதவும் கணவர்களையும் பாராட்ட வேண்டும். அப்போதுதான், மற்ற ஆண்களும் தன் மனைவியின் உயர்வுக்கு தங்களின் பங்களிப்பினை மனமுவந்து செய்வார்கள்.
     இப்போது பரவலாகப் பேசப்படுவது பாலியல் அத்துமீறல்களும் பலாத்காரங்களும் தான். இதிலிருந்து பெண்கள் தங்களைக் காத்துக் கொள்ள தற்காப்பு கலை ஒன்றை பழகி வைத்துக் கொள்வது நல்லது. ஜன நடமாட்டம் இல்லாத இடங்களைத் தவிர்ப்பதும் அவசியம். இதனால் வழிப்பறியைக் குறைக்கலாம். பாலியல் வன்முறைக்கு கடும் தண்டனை குறைந்த காலத்திற்குள் நீதிமன்றத்தால் வழங்கப்பட வேண்டும். அப்போதுதான் பிஞ்சுப் பெண் குழந்தைகளையும், இளம் பெண்களையும் காப்பாற்ற முடியும்.'' என்கிறார் 69 வயதாகும் சென்னையைச் சேர்ந்த வரலாற்றுப் பேராசிரியர் பானுமதி தருமராஜன்.
     - அங்கவை
     
     

    ]]>
    http://images.dinamani.com/uploads/user/imagelibrary/2018/5/16/w600X390/mm1.jpg http://www.dinamani.com/weekly-supplements/magalirmani/2018/may/16/பெண்ணியவாதிகள்-குறித்த-ஆவணம்-2920918.html