Dinamani - மகளிர்மணி - http://www.dinamani.com/weekly-supplements/magalirmani/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3008017 வார இதழ்கள் மகளிர்மணி தோல்வியே நல்ல படங்களை தேர்ந்தெடுக்க உதவியது! DIN DIN Wednesday, September 26, 2018 10:00 AM +0530 மிஸ்கின் இயக்கத்தில் "முகமூடி' படத்தில் ஜீவாவுடன் நடித்த பூஜாஹெக்டே தற்போது 3 தெலுங்கு படங்கள், 1 ஹிந்திப் படம் என நடித்து வருகிறார். ரண்பீர் கபூருடன் இணைந்து நடித்த விளம்பரப்படம் மூலம் திரைக்கு வந்த இவரது பல படங்கள் தோல்வியடைந்துள்ளன. "என்னுடைய குடும்பம் திரையுலகத்துடன் தொடர்பு கொண்டதல்ல. திரையுலகை பொருத்தவரை நான் இன்னும் மாணவிதான். தோல்விதான் நல்ல படங்களை தேர்வு செய்ய உதவுகிறது. "பாகுபலி' பிரபாஸþடன் இப்போது நான் நடித்து வரும் படத்தின் கதை என் ஆவலை பூர்த்தி செய்யும் விதத்தில் உள்ளது'' என்கிறார் பூஜாஹெக்டே

]]>
http://images.dinamani.com/uploads/user/imagelibrary/2018/9/26/w600X390/POOJA-HEGDE.JPG http://www.dinamani.com/weekly-supplements/magalirmani/2018/sep/26/தோல்வியே-நல்ல-படங்களை-தேர்ந்தெடுக்க-உதவியது-3008017.html
3008028 வார இதழ்கள் மகளிர்மணி அம்மாவுடன் நடிக்க ஆசை! DIN DIN Wednesday, September 26, 2018 10:00 AM +0530 "என் தந்தை கமல்ஹாசனுடன் இணைந்து பலமுறை பணியாற்றியுள்ளேன். அதேபோன்று என் அம்மா சரிகாவுடன் சேர்ந்து நடிக்க வேண்டுமென்பது என்னுடைய ஆசையாகும். இது என் வாழ்க்கை, என் பெற்றோர் பெருமைபடும்படி கடினமாக உழைப்பது அவசியமாகும். என் அம்மாவும், அப்பாவும் நான்கு வயதிலேயே நடிக்க தொடங்கியவர்கள். நான் அவர்களுடன் போட்டியிடவோ, ஒப்பிட்டு பார்க்கவோ விரும்பவில்லை. நடிப்பில் அவர்களை மிஞ்சவும் முடியாது. அவர்கள் இடத்தைப் பிடிப்பதும் கடினம். வாய்ப்பு கிடைத்தால் என்அம்மாவுடன் சேர்ந்து நடிக்க விரும்புகிறேன்'' என்று கூறியிருக்கிறார் ஸ்ருதிஹாசன்.

]]>
http://images.dinamani.com/uploads/user/imagelibrary/2018/9/26/w600X390/SHRUTI-HAASAN.JPG http://www.dinamani.com/weekly-supplements/magalirmani/2018/sep/26/அம்மாவுடன்-நடிக்க-ஆசை-3008028.html
3008032 வார இதழ்கள் மகளிர்மணி தாப்ஸிக்கு பயிற்சியளித்த தமிழ் நடன இயக்குநர்கள்! DIN DIN Wednesday, September 26, 2018 10:00 AM +0530 "மன் மார்ஸியான்' என்ற படத்தில் உங்களுக்கு வித்தியாசமாக பாங்ரா நடனத்தை ஆடும் வாய்ப்பை ஏற்படுத்தியுள்ளோம். இதை உங்களுக்கு பயிற்சியளிக்கப் போகிறவர்கள் தமிழ் திரையுலகை சேர்ந்த நடன இயக்குநர்கள்'' என்று இப்படத்தின் இயக்குநர் அனுராக் காஷ்யப் கூறியபோது, வேடிக்கைக்காக சொல்கிறார் என்று நினைத்தேன். பின்னர், தமிழ் திரையுலக ஸ்டண்ட் மாஸ்டர் ராம்போ ராஜ்குமாரின் மகள்கள் நவதேவி மற்றும் நவலட்சுமி ஆகியோர் வந்து எனக்கு பாங்ரா நடன பயிற்சியளித்து ஆடவைத்தபோது ஆச்சரியமாக இருந்தது'' என்று கூறும் தாப்ஸி பன்னு நடித்த "மன்மார்ஸியான்' சமீபத்தில் திரைக்கு வந்துள்ளது.
 - அருண்
 

]]>
http://images.dinamani.com/uploads/user/imagelibrary/2018/9/26/w600X390/tap.jpg http://www.dinamani.com/weekly-supplements/magalirmani/2018/sep/26/தாப்ஸிக்கு-பயிற்சியளித்த-தமிழ்-நடன-இயக்குநர்கள்-3008032.html
3008035 வார இதழ்கள் மகளிர்மணி சுறுசுறுப்பாக்கும் சுருக்கு பைகள்! DIN DIN Wednesday, September 26, 2018 10:00 AM +0530 அன்றைய பாட்டிமார்களிடம் பேரன் பேத்திகள் "மிட்டாய் வாங்கணும்.. காசு கொடு.." என்று கேட்கும் போது பாட்டி இடுப்பில் சொருகி வைத்திருக்கும் சுருக்குப் பையை எடுத்து விரித்து சில்லறைகளை "இந்தா கண்ணு' என்று சொல்லிக் கொண்டே எடுத்துத் தருவார். அந்தத் தலைமுறை பாட்டியுடன் சுருக்குப் பையும் புழக்கத்தில் இல்லாமல் போய்விட்டது. அந்த சுருக்குப் பைக்கு மறுவாழ்வு தந்து மீண்டும் அறிமுகப்படுத்தியுள்ளார் லதிகா சக்கரவர்த்தி. இவரின் வயது எண்பத்தொன்பது. வெறும் சுருக்குப் பைதானே என்று தைத்துப் போடாமல் கலை அழகு மிளிர பல வண்ணங்களில் தயாரித்து அசத்தி வருகிறார் லதிகா. இந்த முதுமையிலும் தையல் வேலைகளை லதிகாவே செய்கிறார். "வயது வெறும் எண் மட்டுமே, உங்களுக்குத் பிடித்த வேலையை மன மகிழ்ச்சியுடன் செய்யும் போது முதுமை போய் இளமை வந்துவிடும்'' என்கிறார் லதிகா அவர் மேலும் கூறுவதாவது:
 "எல்லாம் முகநூல் செய்யும் அற்புதம்தான். "லதிகாஸ் பேக்ஸ்' என்று முகநூல் பக்கம் ஆரம்பித்து மூன்று மாதம்தான் ஆகிறது. ஓமன், ஜெர்மனி, நியூசிலாந்து போன்ற நாடுகளிலிருந்து "சுருக்குப் பைகள் தேவை' என்று ஆர்டர்கள் குவிந்த வண்ணம் உள்ளன. திகைத்துப் போய்விட்டேன். இத்தனை ஆர்டர்களை நிறைவேற்ற முடியுமா? என்ற சந்தேகம் இருந்தாலும் சுருக்குப் பைகளின் தயாரிப்பை ஆர்டர்களுக்குத் தக்கவாறு தயாரிக்கிறேன். உடலும் மனதும் ஒத்துழைக்கிறது. காரணம், எனது சுருக்குப் பைகள் தனித்துவத்துடன் மிக அழகாக இருக்கும். அதை வாடிக்கையாளர்கள் சரியாக அடையாளம் கண்டு கொண்டிருக்கிறார்கள். ஆன்லைனில் விற்பனையாகும் சுருக்குப் பைகளுக்கு விலை ஐநூறு முதல் ஆயிரத்தி ஐநூறு வரை வரும்.
 எனது சொந்த மாநிலம் அசாம். அங்கே துர்பியில் பிறந்தேன். படிப்பு நிறைவானதும் மத்திய அரசு அதிகாரியாக இருந்த கிருஷ்ணா லால் சக்கரவர்த்தி என்பவருக்கு மனைவியானேன். கணவருக்கு மாறுதல் அடிக்கடி கிடைக்கும். அதனால் அவருடன் இந்தியாவின் பல பாகங்களில் தங்க வேண்டிய அவசியம் ஏற்பட்டது. புதிய சூழலில் பல புதிய நட்புகள் பூத்தன. பலவகை கலாச்சாரங்கள் அறிமுகமாயின. பல்வேறு டிசைன்களில் உடைகள், துணிமணிகள், சேலைகள் பரிச்சயமாயின. அவற்றின் அழகு, நேர்த்தி என்னைத் தையலின் பக்கம் அழைத்துச் சென்றது. தையல் வேலையை வீட்டில் குழந்தைகளுக்காக ஆரம்பித்தேன். நாளடைவில் குழந்தைகளுக்கான பொம்மைகள் தயாரிக்கத் தொடங்கினேன். பொம்மைகளுக்கு ஆடைகள் தயாரிக்கணுமே, அவற்றையும் தைக்க ஆரம்பித்தேன். தையல் எனது மூச்சாக மாறியது.
 கணவர் இறந்ததும் மகனுடன் தங்கினேன். அங்கும் தையல் வேலையைத் தொடர்ந்தேன். சில ஆண்டுகள் இப்படியே ஓடியது. திடீரென்று சுருக்குப் பைகளைத் தயாரித்தால் என்ன என்று தோன்றியது. உடனே தொடங்கவும் செய்தேன். "இனி உடுக்க வேண்டாம்' என்று ஒதுக்கும் சேலைகள், குர்த்திகள் சுருக்குப் பைகளாக மாறின. தொடக்கத்தில் சுருக்குப் பைகளை நட்பு வட்டத்தில் விநியோகித்தேன். மறந்து போன சுருக்குப் பைகளுக்கு நல்ல வரவேற்பு கிடைத்தது.
 எனக்காக முகநூல் பக்கத்தைத் தொடங்கியது எனது பேரன்தான். சுருக்குப் பைகளை பேரன் படம் பிடித்து "லத்திகாஸ் பேக்ஸ்' என்ற வலைதளத்தில் பதிவேற்றம் செய்ய, அவற்றைப் பார்த்தவர்கள் பைகளை விலைக்கு வாங்க ஆர்வம் காட்டினார்கள். அதைக் கண்டு என்னை உற்சாகம் பிடித்துக் கொண்டது. சுறுசுறுப்பானேன். சுருக்குப் பைகளை அதிக அளவில் தயாரித்து வருகிறேன்'' என்கிறார் லதிகா சக்கரவர்த்தி.
 - ஏ. எ. வல்லபி
 

]]>
http://images.dinamani.com/uploads/user/imagelibrary/2018/9/26/w600X390/LATHIKAA.JPG http://www.dinamani.com/weekly-supplements/magalirmani/2018/sep/26/சுறுசுறுப்பாக்கும்-சுருக்கு-பைகள்-3008035.html
3008037 வார இதழ்கள் மகளிர்மணி டால்பினுடன் த்ரிஷா... DIN DIN Wednesday, September 26, 2018 10:00 AM +0530 டால்பினுடன் தொட்டு விளையாடி முத்தம் கொடுக்கும் படங்களை "கண்டதும் காதல் என்று சொல்வதை நம்புங்கள்' என்று தலைப்பிட்டு தனது இன்ஸ்டாக்ராம் பக்கத்தில் பதிவேற்றம் செய்துள்ளார். ஆனால் டால்பினுடன் த்ரிஷா இருக்கும் படங்கள் பலத்த விமர்சனங்களுக்கு இலக்காகி சமூக வலைதளங்களில், பத்திரிகைகளில், சானல்களில் த்ரிஷா இடம் பிடித்துக் கொண்டிருக்கிறார்.
 சமீபத்தில் த்ரிஷா துபாய் சென்றிருந்தார். அங்கே, நட்சத்திர ரிசார்ட் ஒன்றில் டால்பின் வசிக்கும் குளத்தில் குதித்து டால்பினுடன் விளையாடி மகிழ்ந்திருக்கிறார். அதை படம் பிடித்து வலைதளத்தில் பதிவேற்றம் செய்ய, த்ரிஷா பரபரப்பு செய்தியாகிவிட்டார்.
 டால்பின் - த்ரிஷா படங்களை பார்த்த விலங்கு நல ஆர்வலர்கள் பொங்கி எழுந்து விட்டார்கள். "இது டால்பினைக் கொடுமைப்படுத்தும் செயல். இத்தனைக்கும் த்ரிஷா விலங்குகள் கொடுமைப்படுத்துவதை எதிர்க்கும் ‘டஉபஅ’ அமைப்பின் தூதுவர்களில் ஒருவர். அவர் இப்படி நடந்து கொள்ளலாமா? டால்பின் நுட்பமான நுண்ணறிவுள்ள ஜீவி. கடலில் சுதந்திரமாகத் திரியும் டால்பினை செயற்கைக் குளத்தில் போட்டு வளர்ப்பதே கொடுமைப்படுத்துவதுதான். மனிதர்கள் விளையாட டால்பின் பொம்மை அல்ல. டால்பின்களை பல சர்க்கஸ் வேலைகள் செய்யப் பழக்க பல கொடிய முறைகளைக் கையாளுகிறார்கள். மனிதர்களுக்குப் பயந்து கொண்டுதான் டால்பின்கள் வித்தைகளை செய்கின்றன. வித்தைகளை டால்பின்கள் விரும்பிச் செய்வதில்லை.
 செயற்கைக் குளத்தின் தண்ணீர் கெட்டுவிடாமல் இருக்க குளோரின், காப்பர் சல்பேட் போன்ற ரசாயனங்கள் கலக்கப்படுகின்றன. அந்தத் தண்ணீரில் வசிக்கும் டால்பின்களின் தோல் தானே உரிய ஆரம்பிக்கிறது. கண்களின் பார்வையும் பறி போய் விடுகிறது. பிரபலங்கள் இப்படி விலங்குகளுடன் விளையாடுவதை படம் எடுத்து வலை தளங்களில் பதிவேற்றம் செய்யக் கூடாது. அதை பார்த்து மற்றவர்களும் அப்படி செய்ய விரும்புவார்கள். அதனால், கஷ்டப்படப் போவது விலங்குகள் மட்டுமே'' என்று விலங்கு நல ஆர்வலர்கள் விமர்சித்துத் தள்ளியுள்ளார்கள்.
 த்ரிஷா 2015-இல் டால்பினுக்கு முத்தம் கொடுப்பதாக படம் ஒன்றை வெளியிட்டிருந்தார். அப்போது இதுமாதிரி விமர்சனங்கள் ஏதும் எழவில்லை என்பது குறிப்பிடத்தக்கது.
 - பனுஜா

]]>
http://images.dinamani.com/uploads/user/imagelibrary/2018/9/26/w600X390/TRSIHA.JPG http://www.dinamani.com/weekly-supplements/magalirmani/2018/sep/26/டால்பினுடன்-த்ரிஷா-3008037.html
3008043 வார இதழ்கள் மகளிர்மணி மீண்டும் நடிக்க வந்ததற்கு கணவரே காரணம்! DIN DIN Wednesday, September 26, 2018 10:00 AM +0530 "வயது என்பது எண்ணிக்கையே தவிர, வயதாகி வருகிறது என்று நீங்கள் நினைத்தால்தான் அது உங்களுக்கு பிரச்னையாக தெரியும்'' என்று கூறும் மாதுரி தீட்சித். நீண்ட இடைவெளிக்குப் பின் "பாக்கெட் லிஸ்ட்' என்ற மராத்தி படத்திலும், "டோட்டல் தமால்' மற்றும் "கலங்க்' ஆகிய இரு இந்தி படங்களில் நடித்து வருகிறார். அவர் முன்பு நடித்துக் கொண்டிருந்தபோது இருந்த திரையுலகம், இன்றைய மாறுதல் பற்றி தன் அனுபவங்களை இங்கு பகிர்ந்து கொள்கிறார்:
 
 "80-களில் நான் சினிமாவில் நடிக்க தொடங்கியபோது சின்னசின்ன வேடங்களில் தான் நடித்து வந்தேன். கூடவே தொடர்ந்து நான் நடிப்பேனா என்ற சந்தேகமும் இருந்தது. என் வீட்டைப் பொறுத்த வரை அனைவருமே நன்கு படித்தவர்கள். நானும் அறிவியல் மாணவி என்பதால் மைக்ரோ பயாலஜி படிக்க விரும்பினேன். "அபோத்' என்ற படத்திற்குப் பின் தொடர்ந்து நடிப்பதில் ஆர்வம் ஏற்பட்டது. என்னுடைய குடும்பத்தில் யாருக்குமே திரையுலக தொடர்பு இல்லாததால், படங்களை எப்படி தேர்வு செய்வது என்பது எனக்கு தெரியவில்லை. ஆரம்பத்தில் நான் நடித்த படங்கள் பெரிதும் பேசப்படவில்லை என்றாலும், சினிமாவைப் பற்றி நிறைய கற்றுக் கொண்டேன்.
 நான் நன்றாக நடனமாடுவேன் என்பதால் எல்லா படங்களிலும் மாதுரி நடனமாடுவார் என்ற பொதுவான எதிர்பார்ப்பு ரசிகர்களிடம் இருந்தது. நடன காட்சி இல்லையென்றால் "ஏன் நடனமாடவில்லை?'' என்று கேட்பதும் உண்டு. கதைக்கு தேவை என்றால் மட்டுமே பாடலை வைக்க வேண்டுமே தவிர திணிக்கக் கூடாது. அப்போதுதான் இயற்கையாக இருக்கும் என்று நான் விரும்புகிறேன்.
 இந்த 53 வயதிலும், என்னை நான் வயதானவளாக நினைப்பதில்லை. என் உடல், மனம், ஆத்மா ஒரே சீராக இருப்பதற்கு தொடர்ந்து நடனமாடுவதும் காரணமாகும். உங்கள் உடலையும், மனதையும் கவனித்துக் கொண்டால் வயதாவது ஒரு பிரச்னையே இல்லை.
 நான் நடிக்க வந்தபோது இருந்த திரையுலகம் இன்றும் அப்படியே தான் இருக்கிறது. தொழில்நுட்பமும், இளம் கலைஞர்களும் வளர்ந்துள்ளனர். ஒரு வித்தியாசம் இப்போதெல்லாம் நாங்கள் நடிக்கும் காட்சிகள், வசனங்கள், எப்படி நடிக்க வேண்டும் என்ற விவரங்கள் முன்கூட்டியே தரப்படுகிறது. வரவேற்க தகுந்த மாற்றம். இது முன்பு இல்லை. பல விஷயங்களில் திரையுலகம் முன்னேறி வருகிறது.
 நான் நடிகை என்பதால் வீட்டில் எந்தவிதமான விசேஷ கவனிப்பும் கிடைக்காது. இப்போதும் கூட என்னுடைய அம்மா என்னை அதட்டுவதுண்டு. நடிகை என்ற மதிப்பு, மரியாதை எல்லாம் ஸ்டூடியோவில்தான். வீட்டில் எதிர்பார்க்க முடியாது. நான் நடித்த படங்களை வீட்டில் இப்போது பார்க்கும்போது எனக்கே வேடிக்கையாகவும், வெட்கமாகவும் இருக்கும். உடனே சேனலை மாற்றச் சொல்வேன். ஆனால் என் பிள்ளைகள் மிகவும் ரசித்து பார்ப்பதுண்டு.
 மீண்டும் நான் நடிக்க வந்ததற்கு என் கணவரின் ஆதரவுதான் காரணம். " நீ என்ன செய்ய வேண்டும் என்று நினைக்கிறாயோ அதை செய். நான் உனக்கு துணையாக இருக்கிறேன்'' என்பார். ஏதாவது தவறு நடக்குமோ என்று அவர் நினைப்பதும் இல்லை. எங்களுக்குள் ஒருவருக்குகொருவர் புரிதலும், பாதுகாப்பும் உள்ளது. அவர் ஓர் இதய மருத்துவர் என்பதால் பல மரணங்களை நேரில் பார்த்துள்ளார். வாழ்க்கை என்பது மிக குறுகிய காலம் என்பதால் அதை மகிழ்ச்சியுடன் அனுபவிக்க வேண்டும் என்பார்.
 எங்களுக்குள் பல விருப்பங்கள் இருப்பதால் பார்ட்டிகளுக்கு போகமாட்டோம். குழந்தைகளுடன் சேர்ந்திருப்பதையே விரும்புவோம். என் சுயசரிதையை எழுதுவதற்கு முன், வாழ்க்கையில் நான் இன்னும் செய்ய வேண்டியது நிறையவே இருப்பதாகவே கருதுகிறேன்'' என்கிறார் மாதுரி தீட்சித்.
 - பூர்ணிமா
 

]]>
http://images.dinamani.com/uploads/user/imagelibrary/2018/9/26/w600X390/mat.jpg http://www.dinamani.com/weekly-supplements/magalirmani/2018/sep/26/மீண்டும்-நடிக்க-வந்ததற்கு-கணவரே-காரணம்-3008043.html
3008049 வார இதழ்கள் மகளிர்மணி மூலிகை சாதங்களே பிரதானம்! DIN DIN Wednesday, September 26, 2018 10:00 AM +0530 கடந்த 12 ஆண்டுகளாக சென்னை, கீழ்கட்டளை பகுதியில் "உங்கள் அம்மாவின் சுவை' என்ற உணவகத்தை நடத்தி வருகிறார் நாகலட்சுமி. உணவகம் என்றதும் வழக்கமான சாம்பார், கூட்டு , பொரியல் போன்றவை தானே இருக்கும் இதிலென்ன ஸ்பெஷல் என நினைக்கிறீர்களா? இவர் வழக்கமான கூட்டு பொரியல் வகையறாக்களை முற்றிலும் தவிர்த்துவிட்டு முழுக்க முழுக்க இயற்கை சார்ந்த ஆரோக்ய உணவுகளை மட்டுமே தயார் செய்து வழங்கி வருகிறார். இதுகுறித்து நாகலட்சுமி நம்முடன் பகிர்ந்து கொண்டவை:
 "செவிலியர் படிப்பு முடித்ததும் திருமணம். பின்னர், ஒரு மருத்துவமனையில் செவிலியராக பணி புரிந்து வந்தேன். பின்னர், குழந்தைகள் பிறந்து வளர வளர கணவரின் வருமானமும், என்னுடைய வருமானம் போதவில்லை. எனவே, உபரியாக சிறு வருமானம் ஏதாவது வந்தால் நன்றாக இருக்குமே என்று தோன்றியது. இதனால் வீட்டிற்கு அருகிலேயே ஒரு மளிகைக் கடையை தொடங்கினேன். நர்ஸôக இருந்து கொண்டே மளிகைக் கடையும் பார்த்துவந்தேன். இதனால் கடைக்கும், நான் பணி செய்த மருத்துவமனைக்கும் தினமும் 12 கி.மீ. பயணம் செய்ய வேண்டியிருந்தது. ஒரு கட்டத்தில் நர்ஸ் வேலையைத் தொடர முடியாமல் போக, கடையை மட்டுமே கவனித்து வந்தேன். ஆரம்பத்தில் ஓரளவு வருமான கிடைத்து வந்தது.
 பின்னர், எங்கள் கடை இருந்த பகுதியில் நிறைய ஹோல்சேல் கடைகள் வந்துவந்தன. இதனால் அந்தப் பகுதி மக்கள் அனைவரும் அங்கேயே மளிகைச் சாமான்கள் வாங்க தொடங்கினர். எங்களுக்கு நஷ்டம் ஏற்பட தொடங்கியது. இதனால் சுற்றி இருந்த எல்லாரும் கடையை முடிவிட்டு மீண்டும் நர்ஸ் வேலைக்கே செல் என்று ஆலோசனை வழங்கினர்.
 கொஞ்சம் காலம் சொந்த கடையில் சுதந்திரமாக வேலை செய்து பழகிவிட்டதால், மீண்டும் வேலைக்குச் செல்ல பிடிக்கவில்லை. அதுவுமில்லாமல் கடையில் இருந்தபோது குழந்தைகளை பக்கத்திலிருந்து கவனித்துக் கொள்ளும் வாய்ப்பும் அதிகம் இருந்ததால் அதை விட்டு விட மனம் வரவில்லை.
 இதனால் வேறு என்ன செய்யலாம் என்று யோசித்தபோது, எனக்கு சமையல் நன்றாக வரும். அதனால் சின்னதாக மெஸ் வைக்கலாம் என்ற எண்ணம் தோன்ற , வீட்டில் பெட் ரூம் இருந்த பகுதியை உடைத்து தெரு பக்கம் வாசல் வைத்து பெட்ரூம்மையே மெஸ்ஸôக மாற்றினேன். பின்னர், எனது மெஸ்ஸில் வழக்கமான சாம்பார், கூட்டு, பொரியல் வகைகளை வைக்காமல், மூலிகை சாதங்களான நெல்லிக்காய் சாதம், கொத்துமல்லி சாதம், கருவேப்பிலை சாதம், சீரக சாதம், தனியா சாதம், கொள்ளு சாதம், எள்ளு சாதம், இஞ்சி சாதம், பூண்டு சாதம் என என் அம்மா சொல்லிக் கொடுத்த மூலிகை சாதங்களை மட்டுமே செய்து கொடுத்தேன்.
 நானே எதிர்பாராத அளவு மக்களிடம் நல்ல வரவேற்பு கிடைத்தது. அதிலிருந்து தொடர்ந்து 12 ஆண்டுகளாக மெஸ் நடத்தி வருகிறேன்.
 சமீப காலமாக மக்கள் ஆரோக்ய உணவுவகைகளை தேடிச் செல்ல தொடங்கியதால் தற்போது முடக்கத்தான் கீரை சாதம், கீழாநெல்லி சாதம், பசலைக்கீரை சாதம், அரைக்கீரை சாதம், சிறு கீரை சாதம், புளிச்சக் கீரை சாதம், மணத்தக்காளி சாதம், சுண்டைக்காய் சாதம், பாகற்காய் சாதம் என வழங்கி வருகிறேன்.
 ஆரம்பத்தில் கீரைசாதமா? நல்லா இருக்குமா? என்று கேட்டவர்கள் அதன் சுவையை அறிந்தவுடன் தொடர்ந்து வர ஆரம்பித்தார்கள். தற்போது கீரை சாதத்திற்காக தேடி வருபவர்களின் எண்ணிக்கையே அதிகமாக உள்ளது. மேலும், 12 ஆண்டுகளாக எங்கள் மெஸ்ஸýக்கு தொடர்ந்து வரும் வாடிக்கையாளர்களும் இருக்கிறார்கள். இதுவே எனக்கு கிடைத்த வெற்றியாக நினைக்கிறேன்'' என்றார் நாகலட்சுமி.
 - ஸ்ரீதேவி
 

]]>
http://images.dinamani.com/uploads/user/imagelibrary/2018/9/26/w600X390/RICE.JPG http://www.dinamani.com/weekly-supplements/magalirmani/2018/sep/26/மூலிகை-சாதங்களே-பிரதானம்-3008049.html
3008050 வார இதழ்கள் மகளிர்மணி அல்ஸைமர்ஸ்: மறதி ஒரு நோயா? - விளக்குகிறார் மன நல நிபுணர் வந்தனா DIN DIN Wednesday, September 26, 2018 10:00 AM +0530 இந்த தலைப்பை பார்க்கும் பொழுது பலரின் பதில் இல்லை என்றே தோன்றும். ஆனால் உண்மையில் மறதி ஒரு நோய். ஞாபக மறதி என்ற நோய் பலரையும் சிரமபடுத்துகின்றது. இதிலிருந்து விடுபட முடியாமல் பலரும் தவிக்கின்றனர். 
குழந்தைகளுக்கு மறதி வந்தால் அது அவர்களது படிப்பை பாதிக்கும், அந்த சமயத்தில் பெற்றோர் தீர்வை நோக்கி செயல் படுகிறார்கள், ஆனால் முதியவர்களுக்கான மறதியை யாரும் கண்டு கொள்வது இல்லை. வயது ஆனாலே மறதி வரும் என்று எண்ணுகிறார்கள். அல்ஸைமர் நோய் (நினைவாற்றல் பாதிப்பு ) முதுமையில் வரக்கூடிய நோய் என்பது பலருக்கும் தெரிவது இல்லை.
சாதாரண மறதி உள்ளவர்களுக்கு பொதுவாக பேனா, சாவி போன்ற பொருட்களை எங்கே வைத்தோம் என்று தேடுதல், தேதி நினைவுக்கு வராமல் இருப்பது, பாக்கெட்டில் கண்ணாடியை வைத்து கொண்டு வேறு இடத்தில் தேடுதல். மொபைல் ஃபோனில் பேசிக்கொண்டே ஃபோனை தேடுவது. சீப்பை தலையில் வைத்துக் கொண்டே அதை தேடுவது போன்ற சிரமங்கள் இருக்கும்.
அல்ஸைமர் மறதி நோய் உள்ளவர்களுக்கு பொதுவாக இப்படி சில அறிகுறிகள் ஆரம்ப காலத்தில் வரக்கூடியவை. 
இதை கவனிக்காமல் விட்டு விட்டால் அவர்களுக்கு, இந்த நோய் முற்றி போய் . தினசரி வாழ்க்கையில் நடத்தையில் தடுமாற்றம் உண்டாகும். அவர்களுக்கு அடிக்கடி குழப்பம் உண்டாகும், அன்றாட வேலைகளைச் செய்வதில் பிரச்னை, முடிவு எடுப்பதில் சிரமம், கவனிப்பதில், நேரம், தேதி, இடம் குழப்பம், சரியான வார்த்தைகள் தேர்வு செய்து பேசுவது.
செய்த வேலையை திரும்ப திரும்ப செய்வது, வீட்டில் உள்ளவர்களின் பெயர் மற்றும் அவர்கள் யார் என்று தெரியாமல் தடுமாறுவது. சாப்பாடு சாப்பிட்டுவிட்டு மீண்டும் சாப்பிடுவது, சிறு குழந்தைகள் போல நடந்து கொள்வது, வீட்டை விட்டு வெளியே சென்று விடுவது , திரும்பி வர முடியாமல் சிரமப்படுவது. 
இவை தொடரும் போது அவர்களாகவே தனக்கு ஏதோ பிரச்னை வந்துவிட்டது என்று நினைக்கின்றனர். அவை அதிகரிக்கும் போது உடல் மற்றும் மனதளவில் பாதிக்க படுகிறார்கள்.
முதியவர்களின் எண்ணிக்கை உயர்ந்து கொண்டே போகிறது ஆகையால் அல்ஸைமர்ஸ் நோயின் விகிதாச்சாரமும் அதிகரிக்க கூடும். ஆகையால், இதற்கான விழிப்புணர்வு அவசியமாகும். 
மறதி என்பது வெறும் முதியவர்களுக்கு மட்டும் வரக்கூடியவை அல்ல, சில சமயங்களில் 45 - 50வயது உடையவர்களுக்கும் வரும். இவை 65 வயது உள்ளவர்களுக்கு 5%, 80 வயது உடையவர்களுக்கு 20% முதல் 25% வரை இப்பிரச்னை வர வாய்ப்புள்ளது. இந்தியாவில் சுமார் 41லட்சத்திற்கும் மேற்பட்டவர்கள் அல்ஸைமர் நோயால் பாதிக்கப்பட்டு உள்ளனர். 2006- ஆம் ஆண்டில் உலகம் முழுவதும் 26.6 மில்லியன் மக்கள் இந்நோயால் பாதிக்கப்பட்டுள்ளதாக கணிக்கப்பட்டுள்ளது. 2050 -ஆம் ஆண்டில் இது நான்கு மடங்காகக் கூடும் என அஞ்சப்படுகிறது.
மறதிநோய் Dementia என்பது "சிதைவடையும் மனம்' என்ற பொருள் கொண்டதாகும். ஏழு வகையான dementia stages உள்ளது (mild to severe dementia). Alzheimer's disease மிக தீவிர stage Dementia வின் நோய் தாக்குதலாகும். (Mild cognitive impairment) வயது முதிர்ச்சியினால் சாதாரண அறிவாற்றல் சரிவா அல்லது முதுமையினால் மோசமான அறிவாற்றல் சரிவா என்பதை மருத்துவருடன் கலந்தாலோசித்து அதற்கு ஏற்ப சிகிச்சை மேற்கொள்ள வேண்டும். 
மறதி காரணிகள்: இம்மறதி வருவதற்கு நிறைய காரணங்கள் உள்ளன. அவை வயது, மரபியல், சுற்றுச்சூழல், வாழ்க்கை முறை மாற்றங்கள், ஊட்டச் சத்து குறைபாடு, தைராய்டு மற்றும் சர்க்கரை நோயினால் கூட வரக்கூடும்.
நீங்கள் நேசிப்பவருக்கு இந்த மறதி நோய் வந்தால் அவர்களை தனிமைப்படுத்தி காப்பகத்தில் விட வேண்டாம். அவர்களை குடும்ப உரையாடலில் சேர்த்துக் கொள்ள வேண்டும். 
சிகிச்சை முறை : உங்கள் வயது, ஒட்டுமொத்த சுகாதாரம், மருத்துவ வரலாறு மற்றும் உங்கள் நோய் எவ்வளவு கடுமையானது இப்படி பல விஷயங்களை அலசி ஆராய்ந்த பின்னர் மருத்துவர் உங்களுக்கு சிறந்த சிகிச்சையைத் தேர்வு செய்வார்.
நினைவாற்றல் அதிகரிக்கும் உத்திகள் : எடுத்த பொருளை எடுத்த இடத்தில் வைக்க வேண்டும். தினம் செய்ய வேண்டிய நடவடிக்கைகளை ஒரு வெள்ளை போர்டில் எழுதி வைக்கலாம். முதலில் அன்றைய தேதியை எழுத வேண்டும். பிறகு அன்றைய நடவடிக்கைகளை எழுத வேண்டும். பின்னர், எந்த நடவடிக்கை முடிந்து விட்டதோ அதை அழித்து விட வேண்டும். இதனால் நீங்கள் உங்கள் சாப்பாடு, மருந்துகள், மற்றும் இதர சில நடவடிக்கையை திரும்பத்திரும்ப செய்யாமல் இருப்பதை தவிர்க்கலாம். அடுத்த நாள் நீங்கள் முதலில் செய்ய வேண்டியது என்பது தேதியை மாற்ற வேண்டும். மருந்துகளை தினசரி காலை, மதியம், இரவு என வகைப்படுத்தப்பட்ட டப்பாவில் போட்டு வைக்கலாம்.
தினசரி நாளிதழ் படிக்க பழக வேண்டும். தன் பேரக் குழந்தைகளுடன் அன்றைய செய்தி நிகழ்வுகளை பகிர்ந்து கொள்ளலாம். அவர்களுடன் (Snake & Ladder) பரமபதம் விளையாடலாம். இதில், கூட்டல் கழித்தல் செய்வதன் மூலம் மூளை stimulate ஆகும். கல்லாங்காய் ஆடுவதன் மூலம் கண் மற்றும் கை மற்றும் (fine motor skills) விரல்கள் வலிமை பெறும். 
தனது குடும்ப நபர்களின் தொலைபேசி எண்களை மனப்பாடம் செய்து, திரும்ப திரும்ப சொல்லாம் அல்லது எழுதி பார்க்கலாம். 
வீட்டை விட்டு வெளியே போகும் போது கண்டிப்பாக பாக்கெட்டில் குடும்ப நபர்களின் ஃபோன் லிஸ்ட் வைத்துக் கொள்ள வேண்டும்.
குடும்ப விழாக்களுக்கு அழைத்துச் சென்று மற்றவர்களுடன் கலந்துரையாட செய்ய வேண்டும். திரும்ப திரும்ப சொன்னதையே சொன்னால் அவர்களை வேறு விதத்தில் திருப்ப (divert) வேண்டும். இப்படி சில உத்திகளை கையாளும் போது நாம் இந்த மறதி நோயை சுலபமாக கையாளலாம்.
அல்ஸைமர் நோய் ஒரு குடும்ப நோயாக அழைக்கப்படுகிறது, ஏனென்றால் நாம் நேசிப்பவர் நீண்ட காலமாக மன அழுத்தத்தால் வீழ்ச்சியடைவதைப் பார்க்கும் போது குடும்பத்தில் உள்ள அனைவருக்கும் பாதிப்பு ஏற்படுகிறது.
அல்ஸைமர் நோய் உள்ள முதியவர்களை பராமரிப்பவர்கள் (care takers) முதலில் தங்களின் உடல் மற்றும் மன ஆரோக்கியத்தை பார்த்துக் கொள்வது அவசியமாகும். 

]]>
http://images.dinamani.com/uploads/user/imagelibrary/2018/9/26/w600X390/VANDHANA.JPG http://www.dinamani.com/weekly-supplements/magalirmani/2018/sep/26/அல்ஸைமர்ஸ்-மறதி-ஒரு-நோயா---விளக்குகிறார்-மன-நல-நிபுணர்-வந்தனா-3008050.html
3008055 வார இதழ்கள் மகளிர்மணி இல்லத்தரசியும் தொழில் முனைவோர் ஆகலாம்-25 DIN DIN Wednesday, September 26, 2018 10:00 AM +0530 "கடந்த வாரம் நாம் சுப நிகழ்ச்சிகளுக்கு தேவையான வரிசைத்தட்டு, ஆரத்தித் தட்டு, காசியாத்திரை குடை, மாப்பிள்ளை தலைப்பாகை, ரெடிமேட் கூந்தல் போன்றவற்றை தொழிலாக எடுத்து செய்யலாம் என்று பார்த்தோமல்லவா, அதன் தொடர்ச்சியை இந்தவாரம் பார்ப்போம்'' என்கிறார் சுயதொழில் ஆலோசகர் உமாராஜ்:
 ஆரத்தி தட்டு: தற்போது பெரும்பாலான திருமணங்களில் ஆரத்தித் தட்டு தனி இடத்தைப் பிடித்துள்ளது. இந்த ஆரத்தித் தட்டை பல வடிவங்களில் தயார் செய்யலாம். நாம் சற்று வித்தியாசமாக பொம்மைகள் போன்றவற்றை நமது கற்பனை திறனுக்கு ஏற்றவாறு பல வடிவத்தில் செய்து வைத்து விற்பனையும் செய்யலாம், வாடகைக்கும் விடலாம். திருமண காலங்களில் இதற்கு நல்ல வரவேற்பு இருக்கும். இதன் மூலம் நமக்கு நல்ல வருமானமும் கிடைக்கும்.
 காசியாத்திரை குடை: கடையில் விற்கும் குடையை வாங்கி அப்படியே கொடுப்பதை விட, சற்று வித்தியாசமாக அதில் கற்கள் பதித்து அல்லது 3 டி வைத்து அழகான வடிவங்கள் வரையலாம். குடையின் முனையில் உல்லன் நூல் அல்லது பட்டு நூல் கொண்டு குஞ்சலம் தொங்கவிடலாம். இதனால் குடை அலங்காரமாகவும், பார்க்க அழகான தோற்றத்துடனும் இருக்கும்.
 மாப்பிள்ளை தலைப்பாகை: பெரும்பாலான இந்து திருமணங்களில் அவரவர் வழக்கப்படி திருமணத்தன்று மாப்பிள்ளைக்கு தலைப்பாகை கட்டுவது வழக்கம். தற்போது சென்னைப் போன்ற நகர்புறங்களில் உள்ளவர்களுக்கு பெரும்பாலும் தலைப்பாகை கட்டத் தெரிவதில்லை. இதனால் திருமணத்தின்போது தலைப்பாகை கட்டிவிட ஆளில்லாமல் தவிக்கிறார்கள். இதனால் ஒவ்வொரு பிரிவினருக்கும் உள்ள வழக்கப்படி ரெடிமேட் தலைப்பாகை செய்து விற்பனை செய்யலாம். நல்ல வரவேற்பு இருக்கும்.
 ரெடிமேட் கூந்தல் அலங்காரம்: திருமணம் என்றதும் பெண்கள் தங்கள் அலங்காரத்திற்காக நிறைய செலவு செய்வார்கள். அதிலும் தற்போதுள்ள பெண்கள் தங்கள் அலங்காரம் தனித்துவமாக இருக்கும் வேண்டுமென்பதில் மிகவும் சிரத்தையுடன் இருக்கிறார்கள். அவர்களுக்காகவே தற்போது பிரத்யேகமான ரெடிமேட் ஜடைகள் நிறைய வந்துவிட்டன. அந்த ரெடிமேட் ஜடைகளை நாம் நமது கற்பனைக்கேற்றவாறு பல வடிவங்களில் செய்து விற்பனை செய்யலாம். உதாரணமாக, கடைகளில் கிடைக்கும் சவுரி மூடியை வாங்கி வந்து அதில் முத்துக்கள் வைத்து அலங்காரம் செய்யலாம் அல்லது ஏலக்காய், விதவிதமான பூக்கள், பழங்கள் என மணப்பெண்ணின் சேலை நிறத்திற்கு தகுந்தவாறு தயார் செய்து விற்பனை செய்யலாம்.
 இவற்றை விற்பனை செய்வது எப்படி என்று நீங்கள் கேட்பது புரிகிறது.. இதோ அதற்கான பதில், வீட்டு வாசலில், தெருமுனையில் போர்ட் வைப்பது, உறவினர், தோழிகள் வீட்டு சுப நிகழ்ச்சிகளுக்கு உங்களது பரிசாக செய்து தாருங்கள். இதன் மூலம் நிகழ்ச்சிகளில் கலந்து கொள்பவர்களின் பார்வையில் பட்டு ஆர்டர்கள் கிடைக்கும். இணையதளம் மூலம் பரப்பலாம். மேலும், திருமண காண்ட்ராக்டர்களிடம் பேசி வைத்தும் ஆர்டர் பிடிக்கலாம். நல்ல வருமானம் தரும் தொழில் இது.
 - ஸ்ரீ

]]>
http://images.dinamani.com/uploads/user/imagelibrary/2018/9/26/w600X390/mm1.jpg http://www.dinamani.com/weekly-supplements/magalirmani/2018/sep/26/இல்லத்தரசியும்-தொழில்-முனைவோர்-ஆகலாம்-25-3008055.html
3008060 வார இதழ்கள் மகளிர்மணி அசத்தும் டிசைன்களில் "காதி' ஆடைகள்..! DIN DIN Wednesday, September 26, 2018 10:00 AM +0530 பொதுவாக ஆடைகள் விஷயத்தில் நேற்று இருக்கும் "ஸ்டைல்' இன்று இல்லை. இன்றைய ஸ்டைல் நாளை மாறிவிடும். இந்த நியதிக்கு "காதி' துணிமணிகள், ஆடைகள் மட்டும் விதிவிலக்காக இருக்குமா..?
 நேற்றுவரை, "காதி' ஆடைகளில் ஏற்பட்டு வந்த மாற்றங்கள் நத்தை வேகத்தில் இருந்து வந்தது. இப்போது அதிரடி மாற்றத்துக்கு "காதி'யும் தயாராகிவிட்டது. உள்நாட்டு சந்தை மட்டுமில்லாமல் வெளிநாட்டுச் சந்தையையும் "காதி' குறிவைத்திருக்கிறது. அதற்கேற்ற மாற்றங்களை துணிகளில் இருக்கும் டிசைன்களில், ஆடைகளின் வடிவமைப்புகளில் கொண்டு வந்துள்ளது.
 அதிலும் பெண்கள் ஆடைகளில், ஜனரஞ்சக வடிவமைப்பில் ஆயத்த ஆடைகள் இதர பிராண்டுகளின் ஆடைகளுக்கு சவால் விடுகின்றன. முன்னணி ஆடை டிசைனர்களான ராஜேஷ் பிரதாப் சிங், ரோஹித் பால், அஞ்சு மோடி, பாயல் ஜெயின், பூனம் பகத், மனிஷ் மல்ஹோத்ரா போன்றோரின் வடிவமைப்பில் உருவான பெண்களின் கதர் ஆடைகளை பிரபலப்படுத்த அழகிகளை "கேட் வாக்' வரச் செய்து "காதி' அசத்தியுள்ளது. அழகிகள் அணிந்து வந்த விதம் விதமான ஆடைகளைத்தான் பார்க்கிறீர்கள்..!
 - சுதந்திரன்
 

]]>
http://images.dinamani.com/uploads/user/imagelibrary/2018/9/26/w600X390/mm2.jpg http://www.dinamani.com/weekly-supplements/magalirmani/2018/sep/26/அசத்தும்-டிசைன்களில்-காதி-ஆடைகள்-3008060.html
3008072 வார இதழ்கள் மகளிர்மணி டிப்ஸ்.. டிப்ஸ்... DIN DIN Wednesday, September 26, 2018 10:00 AM +0530 * மணத்தக்காளி கீரையை வதக்கி பருப்போடு மிளகாய், உப்பு, புளி சேர்த்து துவையலாக அரைத்து சாப்பிட்டால் மிகவும் சுவையாக இருக்கும்.பெரியவர் முதல் சிறியவர் வரை விரும்பி சாப்பிடுவார்கள்.

* தோசைமாவில் தேங்காய்ப்பாலை சேர்த்து தோசை வார்த்து பாருங்கள். தோசையின் மணம் ஊரையே கூட்டும். மிகவும் சுவையாக இருக்கும்.

* சிலர் அவல் உப்புமா என்றால் விரும்பி சாப்பிடமாட்டார்கள். அதனால் கொத்துமல்லி, இஞ்சி சேர்த்து அரைத்து தயிரில் கலந்து அவலையும் போட்டு கிளறினால் தயிர் அவல் ரெடியாகிவிடும். இது ஆரோக்கியமான சிற்றுண்டியாக இருக்கும். 

* ஒரு கரண்டி எண்ணெய் அல்லது நெய் அடுப்பில் வைத்து காய்ந்ததும் பஜ்ஜி மாவில் ஊற்றிப் பிறகு மாவைக் கரைத்து பஜ்ஜி செய்தால் வாசனையாக இருக்கும்.

* தோசை நன்றாக மெல்லியதாக வரவேண்டும் என்றால் சிறிதளவு அரிசியுடன் சிறிது ஜவ்வரிசி சேர்த்து அரைத்தால் பளபளவென்று சுவையான மெல்லியதான தோசை வரும்.

* உளுந்து வடை எண்ணெய் குடிக்காமல் இருக்க, வடைக்கு அரைத்து எடுத்ததும் அதில் இரண்டு ஸ்பூன் அரிசிமாவைக் கலந்து வடை தட்டினால் மொறு மொறுவவென்று சூப்பராய் வரும். எண்ணெய்யும் குடிக்காது.

* இரவு நேரங்களில் சப்பாத்தி போன்றவற்றை சாப்பிட்டால் சிலருக்கு எளிதில் ஜீரணமாகாது. இதை தடுக்க மாவு பிசையும்போது ஒரு தேக்கரண்டி விளக்கெண்ணெய்யைச் சேர்க்க வேண்டும்.

* புதிய பாத்திரங்களில் ஒட்டப்பட்டுள்ள ஸ்டிக்கர்களை பிய்த்து எடுத்தாலும் அந்த பசை பாத்திரத்தை விட்டு பல நாட்களுக்கு போகாது. இதை உடனடியாக நிவர்த்தி செய்ய, அந்த ஸ்டிக்கர்களின் மீது சமையலுக்கு உபயோகப்படுத்திய எண்ணெய்யின் இரண்டு சொட்டை விட்டு அதை விரலால் தேய்த்தால் ஸ்டிக்கரும் பசையும் பாத்திரத்தை விட்டு சுத்தமாக அகன்று விடும்.

* பன்னீர் பட்டர் மசாலா வீட்டில் செய்யும் போது இஞ்சி வெங்காய விழுதை நன்கு வதக்கி பின்னர் கெட்டியாக முந்திரி கசகசா ஒரு ஸ்பூன் தேங்காய் விழுது சேர்த்து அரைத்து விட்டால் சுவையும் மணமும் ஹோட்டலை தோற்கடிக்கும்.

* பால் வேண்டாம் என அடம்பிடிக்கும் குழந்தைகளுக்கு அதே பாலில் இரண்டு ஸ்பூன் ப்ருட் ஜாமைப் போட்டுக்கலக்கி ப்ருட்டி மில்க் ஷேக்காகக் கொடுத்து ஜமாயுங்கள்.

* மோர்குழம்பு செய்யும்போது ஒரு மஞ்சள் வாழைப்பழத்தை நன்கு பிசைந்து சேர்த்துக் கொண்டால் சூப்பர் ருசிதான்.

* தோசைக்கல்லில் தோசை வார்க்க வராமல் இருந்தால் வெண்டைக்காயை தடவி தோசை வார்த்தால் தோசை நன்றாக வரும்.

* வெல்லம் சேர்த்து செய்யும் பொங்கல், பாயசம் போன்றவற்றிற்கு வெல்லத்தைக் கொஞ்சம் குறைத்துப் போட்டு கடைசியில் சர்க்கரையைக் கொஞ்சம் சேர்க்க சுவை கூடும்.

* வாழைத் தண்டை பொடிப் பொடியாய் நறுக்கி பக்கோடாவிற்கு கலந்து வைத்த மாவில் போட்டு பிசைந்து பக்கோடா செய்தால் வெங்காயத்திற்கும் வாழைத்தண்டிற்கும் வித்தியாசம் தெரியாமல் அனைவரும் விரும்பி சாப்பிடுவார்கள். 
பயனுள்ள வீட்டுக்குறிப்புகள் - நூலிலிருந்து
- சி.பன்னீர்செல்வம்
 

]]>
http://images.dinamani.com/uploads/user/imagelibrary/2018/9/26/w600X390/LADY_FINGER.JPG http://www.dinamani.com/weekly-supplements/magalirmani/2018/sep/26/டிப்ஸ்-டிப்ஸ்-3008072.html
3008073 வார இதழ்கள் மகளிர்மணி முளை கட்டிய பூண்டுகளை தூக்கி எறியாதீர்...! DIN DIN Wednesday, September 26, 2018 10:00 AM +0530 பூண்டுகளை காற்றோட்டம் நிறைந்த இடத்தில் வைப்பதால், அது முளை கட்டி விடும். மேலும் சிலர் பூண்டு முளை கட்ட ஆரம்பித்து விட்டால் அவை உடலுக்கு தீங்கு தரும் என்று தூக்கி எறிந்துவிடுவார்கள். ஆனால், அதில் ஏராளமான ஆரோக்கிய நன்மைகள் உள்ளது. 
முளை கட்டிய பூண்டுகளை தூக்கி எறியாமல் சாப்பிடுவதால் பெறும் நன்மைகள் என்னவென்று பார்ப்போம்:
முளை கட்டிய பூண்டில் பைட்டோ கெமிக்கல்களின் உற்பத்தி தூண்டப்படுவதால், அது புற்றுநோயை உண்டாக்கும் செல்களின் வளர்ச்சியை தடுத்து, புற்றுநோய் ஏற்படும் அபாயத்தை குறைக்கிறது.
உடலில் நொதிகளின் செயல்பாட்டை மேம்படுத்தி, இதயத்திற்கு செல்லும் ரத்த குழாய்களில் கொழுப்புகள் படிவதைத் தடுத்து, இதய நோய்கள் வருவதை தடுக்கிறது.
ரத்தம் உறைவதைத் தடுத்து, ரத்த ஓட்டத்தை சீராக்கி, ரத்த அழுத்த பிரச்னைகள் வராமல் தடுக்கிறது.
ஆன்டி-ஆக்ஸிடன்ட்டுகள் முளைக்கட்டிய பூண்டுகளில் ஏராளமாக இருப்பதால், இது சரும சுருக்கம் ஏற்படுவதை தடுத்து, முதுமைத் தோற்றத்தை தாமதமாக்குகிறது.
உடலின் நோயெதிர்ப்பு மண்டலத்தை வலிமையாக்கி, நோய்த்தொற்றுகள் மூலம் அடிக்கடி ஏற்படும் சளி, இருமல் போன்ற பிரச்னைகள் வராமல் தடுக்கிறது.
உடலினுள் பல்வேறு கிருமிகளை எதிர்த்துப் போராடி, ஆஸ்டியோபோரோசிஸ், மூட்டு பிரச்னைகள், வீக்கம் மற்றும் தைராய்டு பிரச்னைகளை குறைக்க உதவுகிறது.
நரம்பு செல்கள் சீரழிவதைத் தடுத்து, உடலில் உள்ள செல்களுக்கு ஊட்டமளித்து, அதன் செயல்பாட்டை சீராக்கி, நரம்பு மண்டலம் பாதிக்கப்படுவதை தடுக்கிறது.
- கே.அஞ்சம்மாள்.

]]>
http://images.dinamani.com/uploads/user/imagelibrary/2018/9/26/w600X390/POONDU.JPG http://www.dinamani.com/weekly-supplements/magalirmani/2018/sep/26/முளை-கட்டிய-பூண்டுகளை-தூக்கி-எறியாதீர்-3008073.html
3008075 வார இதழ்கள் மகளிர்மணி வறண்ட கூந்தலுக்கு..! DIN DIN Wednesday, September 26, 2018 10:00 AM +0530 2 தேக்கரண்டி தயிருடன், நன்கு பழுத்த வாழைப்பழத்தை மசித்து அதில் கலந்து கொள்ளவும். அதனுடன் எலுமிச்சைச் சாறு மற்றும் ரோஸ் வாட்டர் சேர்த்து முடியின் வேர்க்கால்களில் நன்கு தடவி 1 மணிநேரம் ஊற வைத்து, பின் அலச வேண்டும்.
 இதனை வாரத்திற்கு ஒரு முறை செய்து வர, வறண்ட கூந்தல் ஈரப்பதத்துடன் இருக்கும். மேலும் முடியின் முனையில் வெடிப்புகள் ஏற்படுவது குறையும்.
 முட்டையின் வெள்ளைக் கருவை, பாலுடன் கலந்து முடியில் தடவி 20 நிமிடம் கழித்து குளிக்க வேண்டும். இவ்வாறு செய்வதாலும் முடி வெடிப்புகள் குறைவதோடு, கூந்தல் பட்டுப் போல மின்னும்.
 - ஏ.எஸ். கோவிந்தராஜன்
 

]]>
http://images.dinamani.com/uploads/user/imagelibrary/2018/9/26/w600X390/DRY-HAIR.JPG http://www.dinamani.com/weekly-supplements/magalirmani/2018/sep/26/வறண்ட-கூந்தலுக்கு-3008075.html
3008092 வார இதழ்கள் மகளிர்மணி சமையல்... சமையல்! DIN DIN Wednesday, September 26, 2018 10:00 AM +0530 நெய் சோறு

தேவையானவை:
சீரக சம்பா அரிசி - 1 கிண்ணம்
தக்காளி - 1 பெரியது
பெரிய வெங்காயம் - 1 பெரியது
பச்சை மிளகாய் - 3
தயிர் - கால்கிண்ணம்
பிரியாணி இலை - 2
கிராம்பு - 5
ஏலக்காய் - 3
சீரகம் - சிறிதளவு
புதினா - ஒரு கைபிடி அளவு
கொத்துமல்லி - இரண்டு கைபிடி அளவு
இஞ்சி, பூண்டு விழுது - 1 மேசைக்கரண்டி
உப்பு - தேவைக்கேற்ப
திராட்சை, முந்திரி - 100 கிராம்
சமையல் எண்ணெய் - தேவைக்கேற்ப
நெய் - தேவைக்கேற்ப 
செய்முறை: வாணலியில் 2 தேக்கரண்டி நெய்விட்டு, திராட்சை, முந்திரியை வறுத்து எடுத்து வைத்துக் கொள்ளவும். பிறகு குக்கரில் 3 மேசைக்கரண்டி நெய் மற்றும் 2 மேசைக்கரண்டி எண்ணெய் விடவும். சூடானதும், பட்டை, கிராம்பு, ஏலக்காய் , சீரகம், பிரியாணி இலை போட்டு வதக்கவும். பின்னர், வெங்காயம் சேர்த்து வதக்கவும். பிறகு, தக்காளி, பச்சை மிளகாயைச் சேர்த்து வதக்கியவுடன். இஞ்சி, பூண்டு விழுதையும் சேர்த்து வதக்கவும். பின்னர், 1 கிண்ணம் அரிசிக்கு ஒன்றரை கிண்ணம் தண்ணீர் ஊற்றவும். பின்னர், அரிசியை களைந்து சேர்க்கவும். தேவையான அளவு உப்பு சேர்த்து கிளறி மூடி 3 விசில் விடவும். பிறகு குக்கரை அடுப்பிலிருந்து இறக்கி விசில் அடங்கியதும் , வறுத்து வைத்து முந்திரி, திராட்சை, பொடியாக நறுக்கிய புதினா, கொத்துமல்லி சேர்த்து கிளறி பரிமாறவும். சுவையான நெய்சோறு தயார்.

பஹாரா சோறு

தேவையானவை:
பாஸ்மதி அரிசி - 1 கிலோ
பெரிய வெங்காயம் - 250 கிராம்
தக்காளி - 2
இஞ்சி - 1 பெரிய துண்டு
பூண்டு - 2
பச்சை மிளகாய் - 5
புதினா, கொத்துமல்லி - 1 கைப்பிடி
கிராம்பு - 6
ஏலக்காய் - 3
தயிர் - 50 கிராம்
சமையல் எண்ணெய் - 200 மில்லி
உப்பு - தேவையான அளவு
செய்முறை: குக்கரில் எண்ணெய்விட்டு காய்ந்ததும், பட்டை, கிராம்பு, ஏலக்காய் சேர்த்து வதக்கவும். அதனுடன் பெரிய வெங்காயத்தையும் சேர்த்து கொள்ளவும். பின்பு இஞ்சி, பூண்டு விழுதை சேர்த்து பச்சை வாசம் போகும் வரை வதக்கும்போது. தக்காளி, புதினா கொத்துமல்லி சேர்த்துக் கொள்ளவும்.அடுத்து, தயிர் சேர்க்கவும். பின்னர் ஒரு பங்கு அரிசிக்கு ஒன்னேகால் அளவில் தண்ணீரை ஊற்றி, அரிசியைப் போடவும். தேவையான அளவு உப்பு சேர்த்து குக்கரை மூடிவிடவும். 2 விசில்விட்டு இறக்கவும். விசில் அடங்கியதும் சாதத்தை எடுத்து பரிமாறவும். 

தாராபுரம் பேனியான்

தேவையானவை:
மைதா மாவு - 1 கிண்ணம்
சர்க்கரை - 200 கிராம்
வெண்ணெய் - சிறிதளவு
எண்ணெய்- அரை லிட்டர்
நெய் - 2 தேக்கரண்டி
உப்பு - 1சிட்டிகை
செய்முறை: மைதா மாவுடன் சர்க்கரை, 1 சிட்டிகை உப்பு , சிறிதளவு நெய் சேர்த்து பூரி மாவுப் பதத்திற்கு பிசைந்து கொள்ளவும். பின்னர் வெண்ணெய்யுடன் 2 தேக்கரண்டி அரிசி மாவு சேர்த்து நன்கு கலந்து கொள்ளவும். பின்னர் பிசைந்து வைத்துள்ள மைதா மாவை பூரிகளாக திரட்டவும். அதன்மீது வெண்ணெய்யைத் தடவவும். பின்னர், சிறிய கத்தியால் நீட்டு வாக்கில் துண்டுகளாக்கி, அதனை ஒன்றன் மேல் ஒன்றாக அடுக்கி, உருட்டி மீண்டு லேசாக தேய்க்கவும். பின்னர், வாணலியில் எண்ணெய்விட்டு காய்ந்ததும், தேய்த்து வைத்துள்ள பூரியை சுட்டு எடுக்கவும். அதன் மீது சர்க்கரையை லேசாக தூவவும். சுவையான பேனியான் தயார்.

ஓட்டையப்பம் 

தேவையானவை:
பச்சரிசி மாவு - கால் கிலோ 
சாதம் - 1 கிண்ணம்
தேங்காய்த் துருவல் - 1கிண்ணம்
முட்டை - 2
உப்பு - தேவையான அளவு
சர்க்கரை - தேவைக்கேற்ப
செய்முறை: மிக்ஸியில் பச்சரிசி மாவை தண்ணீர் விட்டு அரைக்கவும். பின்னர், தேங்காய்த் துருவல், சாதம் இரண்டையும் சேர்த்து அரைக்கவும். பின்னர், முட்டையை நன்கு அடித்து, 1 சிட்டிகை சர்க்கரை அனைத்தையும் ஒன்றாக சேர்த்து மிக்ஸியில் தோசை மாவு பதத்திற்கு அரைத்துக் கொள்ளவும். பின்னர், தோசை தாவாவில் சிறிது மாவை எடுத்து ஊற்றி தோசை சுடுவது போன்று சுட்டெடுக்கவும். ( ஒட்டாடை செய்வதற்கென்றே ஒருவகையான மண் சட்டி உள்ளது. அதிலும் செய்யலாம்) சுவையான ஓட்டையப்பம் ரெடி. 
- பாத்திமா பீ


 

]]>
http://www.dinamani.com/weekly-supplements/magalirmani/2018/sep/26/சமையல்-சமையல்-3008092.html
3008133 வார இதழ்கள் மகளிர்மணி கின்னஸ் சாதனை நிகழ்த்த வேண்டும்! Wednesday, September 26, 2018 10:00 AM +0530 தமிழகத்தில் மறக்கப்பட்டு வரும் கோலத்தை திருச்சி ஸ்ரீரங்கத்தில் வாழ்ந்து வரும் மங்களம் சீனிவாசன் முகநூல் மூலமாக உலகம் முழுக்க வாழும் தமிழ் குடும்பங்களுக்குக் கொண்டு போய் சேர்க்கிறார். கோலத்துடன் நின்றுவிடாமல் தனது வட்டத்தை ரங்கோலி, தஞ்சாவூர் ஓவியம் என்று விரிவாக்கி தனது இல்லத்தையும், முகநூலையும் ஒரு கலைக்கூடமாக மாற்றியுள்ளார். இதுகுறித்து அவர் நம்முடன் பகிர்ந்து கொண்டவை:

"பிறந்தது ஸ்ரீரங்கத்தில். வளர்ந்தது நெய்வேலியில். அப்பா நெய்வேலி நிலக்கரி நிறுவனத்தில் கணக்காளராக வேலை செய்து வந்தார். அம்மா அருமையாகக் கோலம் போடுவார். கோலத்தில் அவர்தான் எனது குரு. நெய்வேலியில் கிடைக்கும் வெண்நிற மணலைத்தான் கோலமாவாகப் பயன்படுத்துவோம். ஐம்பது புள்ளி, எண்பது புள்ளி கோலம் என்று போட்டி போட்டுக் கொண்டு போடுவோம். அப்படித்தான் கோலத்தைக் கற்றுக் கொண்டேன். எனது மாமா மகனைத் திருமணம் செய்து கொண்டதால் ஸ்ரீரங்கத்தில் நிரந்தரவாசியாகிவிட்டேன். கணவர் "பெல்' நிறுவனத்தில் பணிபுரிகிறார். 
கோயில்களுக்குப் போவதில் எனக்கு அத்தனை விருப்பம். நேரம் கிடைக்கும் போதெல்லாம் ஸ்ரீரங்கத்தைச் சுற்றியுள்ள எல்லா கோயிலுக்கும் சென்று வழிபட்டு வருவேன். கோயிலில் கோலம் போடுவேன். வில்வ, வன்னி மரக் கன்றுகளை கோயிலில் நட்டு வருவேன். இவைதான் எனது அன்றாட வேலைகளாக இருந்தன. 
"தமிழ்நாடு அரசின் கைத்திறத் தொழில்கள் வளர்ச்சிக் கழகம் எனது வாழ்க்கையில் திருப்பத்தை ஏற்படுத்தியது. எனக்கு கோலம் வரைய வரும் என்றாலும் ஓவியம் வரைய வராது. இந்தக் கழகம் ஓர் ஆண்டு ஓவியப் பயிற்சி வகுப்புகளை உதவித் தொகை வழங்கி நடத்தியது. நூறு பெண்கள் இந்த பயிற்சி வகுப்பில் சேரலாம். சுமார் இரண்டாயிரம் பெண்கள் மனு செய்திருந்தனர். தேர்வு வைத்து தெரிவு செய்யப்பட்டவர்களில் நானும் ஒருத்தி. 
46-ஆம் வயதில் நான் மீண்டும் மாணவியானேன். சிரத்தையுடன் ஓவிய நுணுக்கங்களை கற்றுக் கொள்ளத் தொடங்கினேன். முதல் ஏழுமாதம் மனித உடல் கூறுகளை வரைவதை அக்கு வேறு ஆணி வேறாகச் சொல்லிக் கொடுத்தார்கள். பென்சில் கொண்டுதான் வரைய வேண்டும். மை கொண்டு வரையத் தொடங்கியது எட்டாம் மாதத்தில். பிறகு தஞ்சாவூர் ஓவியம் வரைவது குறித்து பயிற்சிகள் தரப்பட்டன. 
இந்த அடிப்படை பயிற்சிகள் என்னுள் ஒளிந்திருந்த கலைத் திறனைப் பட்டை தீட்டி வெளியே கொண்டுவந்தன. இப்போது மனித உருவத்தை அல்லது சிக்கலான ஓவியத்தை எந்தக் கோணத்திலும் என்னால் சரியாக வரைய முடியும். இந்த தன்னம்பிக்கையை அந்த பயிற்சி வகுப்புகள் தந்தன. 
வீட்டில் விழாக்காலங்களில் பல வண்ணப் பொடிகளைக் கொண்டு ஓவியம் வரைவேன். வருகிறவர்கள் பாராட்டுவார்கள். என்னைப் பற்றி அறிந்த ஒரு விழா அமைப்பாளர், "மாதம் இருபதாயிரம் தருகிறேன்... விழா சமயங்களில் பொருத்தமான கோலங்களை போட்டுத் தர வேண்டும் என்று அணுகினார். அப்போது வியாபார ரீதியாக இயங்க மனம் இடம் தரவில்லை. அதனால் அந்த வாய்ப்பினைப் பயன்படுத்திக் கொள்ளவில்லை.
"தஞ்சாவூர் ஓவியத்தில் நகாசு வேலைகள் அதிகம். தவிர ஓவியம் வரையும் துணியை சலவைக்கல் அளவுக்கு வழுவழுப்பாகக் கொண்டுவந்த பிறகுதான் ஓவியம் வரையத் துவங்க வேண்டும். உழைப்பு அதிகம். நான் பயன்படுத்தும் தங்கத்தில் உருவாகும் மெல்லிய தகடுகள் (foil) அசலானவை. மாசு குறைந்த தங்கத் தகடுகளை பயன்படுத்துவதில்லை. தஞ்சாவூர் ஓவியத்திற்கு ஆரம்ப வேலைகளுக்காக உதவியாளர்கள் இருக்கிறார்கள். ஒரு நாளைக்கு பன்னிரண்டு மணி நேரம் ஓவியங்களுக்காகச் செலவிடுகிறேன். தஞ்சாவூர் ஓவியங்களுக்கு நல்ல வரவேற்பு உள்ளது. பலரும் தங்கள் குல தெய்வத்தை வரையச் சொல்லி ஆர்டர்கள் செய்கிறார்கள். அவர்கள் தரும் படத்தை அடிப்படையாக வைத்து வரைந்து சம்பந்தப்பட்டவர்களுக்கு அனுப்பி ஒப்புதல் பெற்ற பின் ஓவியத்தை பூர்த்தி செய்வேன். எனது ஓவியங்களைப் பார்த்து திருப்தி அடைந்த காஞ்சி மடம் ஆதிசங்கரருக்குப் பின் அவதரித்த எழுபத்திரண்டு சங்கராச்சாரிகளின் படங்களை வரையச் சொல்லியிருக்கிறார்கள். இந்த வாய்ப்பு கிடைத்ததை எனது வாழ்நாள் சாதனை என்று சொல்லலாம். இந்த அரிய வாய்ப்பு நான் வணங்கும் அகிலாண்டேசுவரி அருளால் கிடைத்திருக்கிறது என்று நம்புகிறேன்.
கோலம், ரங்கோலி ஓவியம் எனது ஆத்ம திருப்திக்காக வரைகிறேன். அதை நான் வணங்கும் கடவுள்களுக்கு கலை வழிபாடாகக் கருதுகிறேன். 2013 -இல் எனது மகள்களான பார்கவி, ஐஸ்வர்யா "மை மாம்ஸ் ஆர்ட் கேலரி' என்ற முகநூல் பக்கத்தைத் தொடங்கினார்கள். எனது கலைப் படைப்புகளின் படங்களை அதில் பதிவேற்றம் செய்தார்கள். இது மட்டும் நடந்திருக்காவிட்டால் , என்னைப் பலருக்கும் தெரியாமல் போயிருக்கும். பெற்ற தாய்க்கு மகள்கள் உரிய விதத்தில் உதவினார்கள். எனது முகநூலைப் பார்த்தவர்கள் என்னைத் தொடர்பு கொள்கிறார்கள். சுமார் ஒரு லட்சம் பேர்கள் இந்த முக நூல் பக்கத்தைத் தொடர்கிறார்கள் என்றால் பார்த்துக் கொள்ளுங்கள்.
வண்ணக் கோலப் பொடியில் ஜரிகை வேலைக்காக பயன்படுத்தும் தங்க நிறப் பொடியை சரியான வண்ணம் வரும் விதத்தில் உருவாக்குவதில் சிக்கல் உள்ளது. பல ஆண்டுகளாக பரீட்சித்துப் பார்த்து, எலுமிச்சை நிற மஞ்சள், காவி, ஆரஞ்சு, அடர் சிவப்பு நிறங்களை உரிய விகிதத்தில் கலந்து தங்கத்தின் உண்மையான பகட்டினை பொடியில் கொண்டு வந்திருக்கிறேன். இது எனக்குத் தொழில் ரீதியாகக் கிடைத்த வெற்றி. கோலம், ரங்கோலி, தஞ்சாவூர் ஓவியங்களில் கின்னஸ் சாதனை நிகழ்த்த வேண்டும். அதற்கான வேலைகளில் இறங்கியுள்ளேன்'' என்கிறார். 
- கண்ணம்மா பாரதி

]]>
http://images.dinamani.com/uploads/user/imagelibrary/2018/9/26/w600X390/THANJAAVOOR_OVIYAM.JPG http://www.dinamani.com/weekly-supplements/magalirmani/2018/sep/26/கின்னஸ்-சாதனை-நிகழ்த்த-வேண்டும்-3008133.html
3008146 வார இதழ்கள் மகளிர்மணி மித்தாலி, ஜூலன்: புதிய சாதனை! DIN DIN Wednesday, September 26, 2018 10:00 AM +0530 இந்திய மகளிர் கிரிக்கெட்டில் வேகப்பந்து வீச்சாளர் ஜூலன் கோஸ்வாமி, கேப்டன் மிதாலி ராஜ் புதிய உலக சாதனையை நிகழ்த்தியுள்ளனர். 
இந்திய மகளிர் அணி இலங்கையில் சுற்றுப்பயணம் மேற்கொண்டு மூன்று ஒருநாள் போட்டிகளில் விளையாடியது. போட்டியில் இந்தியா, இலங்கையை வீழ்த்தியது.
இந்த போட்டியில் கேப்டன் மித்தாலி ராஜ் பங்கேற்று, மகளிர் கிரிக்கெட்டில் உலகளவில் ஒருநாள் போட்டிகளில் அதிக ஆட்டங்கள் கேப்டனாக இருந்தவர் என்ற பெருமையை பெற்றார். மித்தாலி கேப்டனாக இலங்கை அணியை எதிர்த்து ஆடியது "118-வது ஒருநாள் போட்டி'யாகும். இதற்கு முன் இங்கிலாந்தின் சார்லோட் எட்வர்ட்ஸ் "117 ஒருநாள் போட்டிகளில்' கேப்டனாக ஆடியதே சாதனையாக இருந்தது. அந்த சாதனையை தற்போது மித்தாலி உடைத்திருக்கிறார்.
சர்வதேச மகளிர் கிரிக்கெட்டில் சிறந்த வேகப் பந்துவீச்சாளர் என்ற பெருமை பெற்ற இந்தியாவின் ஜூலன் கோஸ்வாமி "டெஸ்ட் மேட்சுகள்', "ஒரு நாள் போட்டிகள்', "டி 20' என்று மூன்று விதமான கிரிக்கெட் போட்டிகளையும் சேர்த்து ஒட்டுமொத்தமாக 300 விக்கெட்களுக்கு மேல் குவித்து புதிய சாதனை படைத்திருக்கிறார். ஜூலன், டெஸ்ட் போட்டிகளில் 40, ஒருநாள் போட்டிகளில் 205 மற்றும் டி20 போட்டிகளில் 56 விக்கெட்டுகள் வீழ்த்தி இந்தப் புதிய மைல் கல்லை கடந்துள்ளார். 
இதற்கு முன் ஜூலன் ஒருநாள் போட்டிகளில் எடுத்த 200 விக்கெட்டுகள்தான் சாதனையாகக் கருதப்பட்டு வந்தது. தனது சாதனையை தானே மாற்றியமைத்துள்ளார்.
 

]]>
http://images.dinamani.com/uploads/user/imagelibrary/2018/9/26/w600X390/cric.jpg http://www.dinamani.com/weekly-supplements/magalirmani/2018/sep/26/மித்தாலி-ஜூலன்-புதிய-சாதனை-3008146.html
3008166 வார இதழ்கள் மகளிர்மணி சேவை செய்ய சேர்ந்து நின்றோம்! DIN DIN Wednesday, September 26, 2018 10:00 AM +0530 ஆண்களுக்கு சமமாக பெண்களும் பல்வேறு அமைப்புகளில் இருந்து சாதனை புரிந்து வருகின்றனர் என்பது அறிந்ததுதான். தனியொருவராக இருந்து சாதிப்பதை விட ஒரு குழு அல்லது அமைப்பாக இருந்தால் இன்னும் தேவைப்படுவோருக்கு அதிகமாக உதவலாமே என்று ஐந்து பெண்மணிகளின் எண்ணத்தில் உருவானதுதான் "டச்சஸ் கிளப்'. இதன் 17-ஆவது ஆண்டு விழா வித்தியாசமான முறையில் சமீபத்தில் நடைபெற்றது. இதுகுறித்து அமைப்பாளர்களில் ஒருவரான சுஜாதா முந்த்ரா கூறியதாவது:
"ஏழை எளிய பெண்களுக்கும், சிறு குறு பெண் தொழிலாளர்களுக்கும், முதலாளியாக விரும்பும் பெண்களுக்கும் உதவி செய்யலாமே என்ற எண்ணம் ஏற்பட, நீனா ரெட்டி (சவேரா ஓட்டலின் நிர்வாக இயக்குநர்) ரதி நீலகண்டன், அனு அகர்வால், அனுராதா சச்தேவ் என நாங்கள் ஐவரும் சேர்ந்து 2002 -ஆம் ஆண்டு "டச்சஸ் கிளப்' (Duchess Club) என்ற அமைப்பை தொடங்கினோம். 
எங்கள் எண்ணம் தெளிவாக இருந்ததால் ஒவ்வொரு மாதமும் நாங்கள் கூடி புதிதாக ஏதாவது தெரிந்து கொள்ள அல்லது மற்றவர்களுடன் இணைந்து செயல்பட இந்த அமைப்பு எங்களுக்கு உதவுகிறது. இதில் சுமார் 300 பெண்மணிகள் அங்கத்தினர்களாக இருக்கிறார்கள். பெண்களை உயர்த்துவதே இந்த அமைப்பின் நோக்கம். இதில் கெüரவ அங்கத்தினர்களாக எழுத்தாளர் சிவசங்கரி, நடிகையும் இயக்குநருமான சுஹாசினி மணிரத்னம், நாட்டியக் கலைஞர் அனிதா ரத்னம், ஐ.ஏ.எஸ். அதிகாரி கரியாலி, மருத்துவர் பிரீதிகா சாரி ஆகியோர் இருக்கிறார்கள்.
எங்கள் அமைப்பு பல்வேறு நிகழ்ச்சிகளை ஆண்டு முழுவதும் நடத்துகிறது. அவைகளில் சிறப்பானது "டச்சஸ் உத்சவ்' (Dutchess Utsav), டச்செஸ் கார் ரேலி (Dutchess Car Rally), ஒவ்வொரு ஆண்டும் சர்வதேச மகளிர் தினத்தன்று பெண் குழந்தைகளின் அறிவுத்திறனை மேம்படுத்தும் வகையில் கேள்வி -பதில் போட்டி நடத்துகிறோம். கண் பார்வையற்ற மாற்று திறனாளிகளின் கிரிக்கெட் போட்டி போன்றவற்றை நடத்தி வருகிறோம். 
அதுபோன்று டச்சஸ் உத்சவ் என்பதில் கலைப்பொருள்களின் கண்காட்சியை ஆண்டுதோறும் நடத்தி வருகிறோம். அதில் கிடைக்கும் வருவாயை எங்கள் அமைப்பினரின் மேம்பாட்டுக்கே செலவு செய்கிறோம். 
அந்த வகையில், இந்த ஆண்டுக்கான உத்சவம் கடந்த வாரம் சவேரா ஓட்டலில் இரண்டு நாட்கள் நடைபெற்றது. இந்த உத்சவத்தினை நடிகர் கணேஷ் வெங்கட்ராமன் தொடங்கி வைத்தார். முதல் நாள் ஒரு fashion show நிகழ்ச்சியும் நடைபெற்றது. இந்த நிகழ்ச்சிகள் எல்லாவற்றிலும் யார் வேண்டுமானாலும் கலந்து கொள்ளலாம். அனுமதி இலவசம். இந்த கண்காட்சியில் பல்வேறு அமைப்பைச் சார்ந்தவர்கள் சுமார் 85 ஸ்டால்கள் அமைத்திருந்தனர். இங்கு விற்கப்படும் பொருட்கள் தரமானவையாகவும், சிறந்தவையாகவும் இருக்க நாங்கள் பார்த்துக் கொள்கிறோம். அதன்படி, இந்த வருடம் ஆர்கானிக் உணவு பொருட்களும் விற்பனைக்கு வைக்கப்பட்டன. எங்கள் அமைப்பின் பத்தாவது ஆண்டுவிழாவின் போது "டச்சஸ் உதவும் கரங்கள்' என்ற ஒன்றை தொடங்கினோம். இதன்மூலம் பல்வேறு அடித்தட்டு ஏழை எளிய பெண் குழந்தைகளுக்கு, குறிப்பாக மாணவிகளுக்கு, அவர்கள் கல்வி கற்பதற்கு உதவி செய்து வருகிறோம். அதில் ஓர் அங்கமாக 12- ஆவது வகுப்பில் படிக்கும் சுமார் 230 மாணவிகளை தேர்ந்தெடுத்து அவர்களுக்கு மாலை வேளைகளில் டியூஷன் சொல்லிக் கொடுத்து வருகிறோம். இப்படி வறுமையில் இருக்கும் பெண்கள் சுயதொழில் செய்து அவர்கள் வாழ்வாதாரத்தை உயர்த்திட எங்களால் முடிந்த பல உதவிகளை செய்ய முயற்சித்து வருகிறோம். முடிந்தவரை நாங்கள் தொடர்ந்து முயற்சி செய்வோம்'' என்றார். 
கண்காட்சியில் "நாம்' அமைப்பின் சார்பில் ஸ்டால் அமைத்திருந்த, சுஹாசினி மணிரத்னம் கூறியதாவது: எங்களது "நாம்' அமைப்பு சார்பில் ஆண்டுதோறும் நடைபெறும் இந்த "மகளிர் உத்சவத்தில்' இணைந்து செயல் பட்டுவருகிறோம். அந்த வகையில் இந்த டச்சஸ் மகளிர் உத்சவத்திலும் கடை எடுத்துள்ளோம். இதில் கிடைக்கும் பணத்தில் ஏழை மாணவ, மாணவிகளின் படிப்பிற்கு செலவு செய்கிறோம். அந்த வகையில், புதுமையாக ஏதாவது செய்ய வேண்டும் என்று நினைத்தோம். இதற்காக, VIP பெண்மணிகள் பலர் ஓரிருமுறை உபயோகித்து பிறகு ஓரங்கட்டிவிடும் கைப்பை, புடவைகள், போன்றவற்றை அவர்களிடமிருந்து சேகரித்து வந்து ஸ்டாலில் வைத்தோம். இதையறிந்த பல விஐபி பெண்மணிகள் மனமுவந்து தங்களது கைப்பை, புடவைகள் போன்றவற்றை இலவசமாகவே தந்தனர். வயலின் விற்பன்னர் டி.என்.கிருஷ்ணன் மகள் விஜி கிருஷ்ணன் (அவரும் ஒரு வயலின் இசைக் கலைஞர்தான்), எங்கள் அமைப்பிற்கு சுமார் 150 புடவைகளை அளித்துள்ளார்கள். இந்த கண்காட்சியில் சுமார் 60 ஆயிரம் ரூபாய்க்கும் மேல் பல்வேறு பொருட்கள் விற்றுள்ளது. இந்த பணத்தின் மூலம் சுமார் 30 குழந்தைகளின் படிப்பு செலவிற்கு பணம் கிடைத்துள்ளது எனக்கு மகிழ்ச்சி அளிக்கிறது'' என்றார்.
- சலன்

]]>
http://images.dinamani.com/uploads/user/imagelibrary/2018/9/26/w600X390/MAGALIR.JPG http://www.dinamani.com/weekly-supplements/magalirmani/2018/sep/26/சேவை-செய்ய-சேர்ந்து-நின்றோம்-3008166.html
3008022 வார இதழ்கள் மகளிர்மணி திருமணத்தில் விருப்பமில்லை! DIN DIN Wednesday, September 26, 2018 07:52 AM +0530 "என்னுடைய மாநிலமான ஹரியானாவில் பெரும்பாலான பெண்கள் வாழ்க்கையில் சொந்தமாக பணம் சேர்க்க முடியாது. கூண்டில் அடைக்கப்பட்ட வாழ்க்கைதான் அவர்களுடையது. என்னைப் போன்று வெளியே வருபவர்களால் தான் பணம் சேமிக்க முடியும். என்னைப் பொருத்தவரை நான் தனித்து பணம் சேமிக்க வேண்டுமென்பது என் குறிக்கோளாகும். எனக்கு திருமணத்திலும் விருப்பமில்லை. யாரையாவது காதலிக்கும்போது அவரை கணவராக ஏற்றுக் கொள்வேன். இந்த உறவு என் வாழ்க்கையில் தனிபட்ட விஷயமாகும். நான் தேர்ந்தெடுப்பவை, செய்பவை அனைத்தும் கணவர் பெருமைபடும்படியாகவே இருக்கும்'' என்கிறார் மல்லிகா ஷராவத்.

]]>
http://images.dinamani.com/uploads/user/imagelibrary/2018/9/26/w600X390/mal.jpg http://www.dinamani.com/weekly-supplements/magalirmani/2018/sep/26/திருமணத்தில்-விருப்பமில்லை-3008022.html
3008010 வார இதழ்கள் மகளிர்மணி மீண்டும் கிராமத்துப் பெண்ணாக அம்ரிதா ஐயர்! Wednesday, September 26, 2018 07:49 AM +0530 "படைவீரன்' படத்தில் கிராமத்துப் பெண்ணாக நடித்த அம்ரிதா ஐயருக்கு மீண்டும் கிராமத்துப் பெண்ணாக கன்னடத்தில் மறைந்த நடிகர் ராஜ்குமாரின் பேரன் வினய் ராஜ்குமாருடன் நடிக்கும் வாய்ப்பு "இராமயணா' என்ற படத்தில் கிடைத்துள்ளது. இதன் படப்பிடிப்பு ராஜ்குமார் பிறந்த ஊரான கஜனூரில் நடப்பது விசேஷமாகும். அம்ரிதா ஐயர் தமிழ் பெண்ணாக இருந்தாலும், முதல் நாள் படப்பிடிப்பின்போது படத்தின் இயக்குநர் தேவனூர் சந்துருவிடமும், வினய் ராஜ்குமாரின் தந்தை ராகவேந்திராவிடமும் கன்னடத்தில் பேசி அசத்தியுள்ளார்.
 

]]>
http://images.dinamani.com/uploads/user/imagelibrary/2018/9/26/w600X390/AMRITHA.JPG http://www.dinamani.com/weekly-supplements/magalirmani/2018/sep/26/மீண்டும்-கிராமத்துப்-பெண்ணாக-அம்ரிதா-ஐயர்-3008010.html
3003540 வார இதழ்கள் மகளிர்மணி முயன்றால் நிச்சயம் முடியும்!  - ஸ்ரீதேவி Sunday, September 23, 2018 12:27 PM +0530 சென்னை வள்ளுவர்கோட்டத்தை அடுத்து அமைந்துள்ள அன்னை தெரசா மகளிர் வளாகத்தில் அளித்து வரும்  "மாடித் தோட்ட  பயிற்சி'  அங்கு,  அங்கமாக இருக்கும் சுயஉதவிக் குழு பெண்களின் மூலம்  பட்டித் தொட்டியெங்கும் பரவி அனைவரின் கவனத்தையும் ஈர்த்துள்ளது.  அந்தவகையில், அங்கு மாடித்தோட்ட பயிற்சி பெற்று, தற்போது மாடி தோட்ட பயிற்றுநர்களாக மாறியிருக்கின்றனர் "மாடித் தோட்ட தொழிற் குழு' அமைப்பினர்களான  ரேவதி, ஸ்ரீமதி, புனிதா, காஞ்சனா  ஆகிய நால்வர். அவர்களில் ரேவதி  நம்மிடம் பகிர்ந்து கொண்டவை: ""நாங்கள் நால்வரும் அம்பத்தூர் பகுதியைச் சேர்ந்தவர்கள். கடந்த 12 ஆண்டுகளாக ஒவ்வொருவரும் தனித்தனியாக சுயஉதவிக்குழுவை  நடத்தி வருகிறோம். சமீபத்தில் அன்னை தெரசா மகளிர் வளாகத்தில் மாடித்தோட்ட பயிற்சி அளிப்பதை அறிந்து நாங்கள் நால்வரும்  பயிற்சி பெறலாம் என்று முடிவு செய்து வந்தோம்.

15 நாள் பயிற்சி, அந்த பதினைந்து நாளும் நாங்கள் மகளிர் வளாகத்திலேயே தங்கி பயிற்சி பெற்றோம்.  பின்னர் பயிற்சி முடிந்து திரும்பியதும். அலுவலகத்தில் இருந்து அழைப்பு வந்தது.  மாடித்தோட்டம்  பயிற்சி பெற்ற எங்களுக்கு  வேலை வாய்ப்பும் அவர்களே ஏற்படுத்தி தந்தார்கள்.  

இதன் மூலம் கிருஷ்ணசாமி கல்லூரியில் முதன்முதலில்  காய்கறி, கீரை பயிர்களை  25 கூடைகளில் அமைத்து தந்தோம்.   நாங்கள்  அமைத்த பயிர்கள் செழித்து வளர ஆரம்பித்தது. இதனால் கல்லூரி முதல்வர், தனது  வீட்டில் அமைத்து தரும்படி கேட்டார்.  அதன்பிறகு கிண்டி என்யூஎல்எம் அலுவலகம், மகேஸ்வரி ஐஏஎஸ் அம்மாவின் வீடு என ஒவ்வொரு ஆர்டராக வரத் தொடங்கின. பெரும்பாலும்  அரசு அலுவலகங்கள், அரசு பள்ளிகள் என அரசு சார்ந்த இடங்களில்தான் வாய்ப்புகள் வந்தன.  நாங்கள் நன்றாக மாடித்தோட்டம் அமைத்து கொடுக்க  தொடங்கியதும்.   வங்கியில் லோன் பெற்று  மேலும் விரிவு படுத்த  தொடங்கியுள்ளோம்.  தற்போது  நால்வரும் சேர்ந்து  எங்களுக்கென "மாடித் தோட்ட தொழிற்குழு'  என அமைப்பை உருவாக்கி அதன்மூலம் மாடித்தோட்டம் அமைத்து தருகிறோம். 


நவம்பர் மாதம்தான்  பயிற்சியைப் பெற்றோம். அதற்குள் 300 கூடைகளுக்கு மேல் அமைத்துக் கொடுத்துவிட்டோம். தற்போது,  அன்னை தெரசா வளாகத்தில் பயிற்சி பெற வருபவர்களுக்கு எங்களை பயிற்சி ஆசிரியராகவும் நியமித்திருக்கிறார்கள். இதுவரை 22 பேருக்கு நாங்கள் பயிற்சியும்  அளித்துள்ளோம்.   

சென்னையில் சிறந்தமுறையில் மாடித்தோட்டம் அமைத்து கொடுத்ததற்காகவும், சிறந்த  பயிற்றுனர்களாகவும்   எங்களைத் தேர்வு செய்து மகளிர் வளாகத்தின் மூலம் பரிசு அளித்துள்ளனர். மாடித் தோட்டம் அமைப்பதற்கான அனைத்து உபகரணங்களையும் நாங்களே எடுத்துச் சென்றுவிடுவோம்.  இது நம்மால்  முடியுமா?  என்ற தயக்கத்துடன் களமிறங்கிய எங்களுக்கு  முயன்றால்  நிச்சயம் சாதிக்க முடியும் என்ற நம்பிக்கையை ஏற்படுத்தியுள்ளது'' என்றார். 

]]>
http://images.dinamani.com/uploads/user/imagelibrary/2018/9/19/w600X390/mn10.jpg http://www.dinamani.com/weekly-supplements/magalirmani/2018/sep/19/முயன்றால்-நிச்சயம்-முடியும்-3003540.html
3003546 வார இதழ்கள் மகளிர்மணி ஸ்விட்சர்லாந்தில் ஸ்ரீதேவிக்கு சிலை! - பனுஜா Sunday, September 23, 2018 12:22 PM +0530 அண்மையில் துபாயில் திடீரென்று மரணமடைந்த நடிகை ஸ்ரீதேவிக்கு  ஸ்விட்சர்லாந்தின் பெர்ன் நகரில் சிலை அமைக்க ஸ்விட்சர்லாந்து அரசு முடிவு செய்துள்ளது. 

லண்டனில் உலகத்தின் பிரபலங்களின் ஆளுயர மெழுகு சிலைகள் நிறுவப்பட்டு வரும் 'மேடம் துசாட்ஸ்' மெழுகு அருங்காட்சியத்தில் 2012 - வாக்கில் நடிகை ஸ்ரீதேவியின் உருவச்சிலையை  நிறுவ  பல முயற்சிகள்  எடுக்கப்பட்டன. ஆனால் ஸ்ரீதேவியின் மெழுகு உருவச்சிலை  'மேடம் துசாட்ஸ்' மெழுகு அருங்காட்சியில் நிறுவப்படவில்லை.

இந்த அருங்காட்சியகத்தில் இந்தியப் பிரதமர் மோடி, அமிதாப் பச்சன், ஷாருக்கான், சல்மான்கான், சச்சின் டெண்டுல்கர், மாதுரி தீட்சித், கரீனா கபூர் உட்பட இந்திய பிரபலங்களின் பதின்மூன்று சிலைகள் நிறுவப்பட்டுள்ளன.

இந்தியாவைச்  சேர்ந்த மறைந்த பாலிவுட் தயாரிப்பாளரும், இயக்குநருமான யாஷ் சோப்ரா தனது பல படங்களின் படப்பிடிப்பை ஸ்விட்சர்லாந்தில் நடத்தினார். இதன் காரணமாக ஸ்விட்சர்லாந்துக்கு சுற்றுலா பயணம் மேற்கொள்ளும் இந்தியர்களின் எண்ணிக்கை பெருமளவில் அதிகரித்தது. இதனால், ஸ்விட்சர்லாந்தின் சுற்றுலா வருவாயைப் பெருக்கிய  யாஷ் சோப்ராவை கெளரவிக்கும் வகையில் 2016-ஆம் ஆண்டு  ஸ்விட்சர்லாந்து அரசு சார்பில் இன்டர்லேகன் நகரில் அவரது சிலை திறக்கப்பட்டது. இது தவிர  அந்த நகரில் ஓடும் ரயில் ஒன்றுக்கும்  அவரது பெயர் சூட்டப்பட்டது.

ஆனால், யாஷ் சோப்ராவின்  முன்னோடியாக,  ஸ்விட்சர்லாந்தின் சுற்றுலாவை இந்தியாவில் பிரபலப்படுத்தியது  மறைந்த நடிகை ஸ்ரீதேவிதான்.  ஸ்ரீதேவி நடித்த 'சாந்தினி' படத்தின் பாடல் காட்சிகள் பெரும்பாலும் ஸ்விட்சர்லாந்தில் ஆல்ப்ஸ் மலையிலும்,  அதன் பள்ளத்தாக்குகளிலும்தான்   படம்பிடிக்கப்பட்டன. அதனால், 'சாந்தினி' படத்தில் ஸ்ரீதேவி நடித்த  இடங்களை தேடிப் போய்ப் பார்க்கும் ரசிகர்கள் கூட்டம்  இன்றைக்கும்  இருக்கிறது.  

அது போன்று மறைந்த இந்திய  நடிகர் ராஜ்கபூர்தான் ஸ்விட்சர்லாந்தின் இயற்கை அழகை வண்ணத்தில் இந்தியர்களுக்கு முதன் முதலில் வெள்ளித்திரை மூலம் அறிமுகப்படுத்தினார். பின்பு 1964-இல் வைஜெயந்திமாலா நடித்த 'சங்கம்', 1967-இல் ஷர்மிளா தாகூர் நடித்த 'ஆன் ஈவினிங் இன் பாரிஸ்' படங்களை ஸ்விட்சர்லாந்தில் படம் பிடித்தார். இந்தப் படங்கள் மூலம்தான் இந்தியர்களுக்கு 'ஸ்விட்சர்லாந்து என்ற சொர்க்கம் உலகில் உள்ளது' என்று தெரிய வந்தது. தொடர்ந்து ஹிந்திப் படங்களின் படப்பிடிப்புகள் ஸ்விட்சர்லாந்தில்   நடந்தன.  

சிவாஜி - காஞ்சனா ஜோடியில் இயக்குநர் ஸ்ரீதர்  தயாரித்து இயக்கிய  'சிவந்த மண்'  படப்பிடிப்பின்  சில பகுதிகள் ஸ்விட்சர்லாந்தில் எடுக்கப்பட்டன. 

ஆக,  ஸ்ரீதேவி  ஸ்விட்சர்லாந்தின்  சுற்றுலாவுக்கான அழகான  விளம்பர தூதராக மாறியிருந்தார். அதன் அடிப்படையில் இப்போது பெர்ன் நகரில்  ஸ்ரீதேவியின்  சிலை அமையப் போகிறது.

]]>
http://images.dinamani.com/uploads/user/imagelibrary/2018/9/19/w600X390/mn13.jpg http://www.dinamani.com/weekly-supplements/magalirmani/2018/sep/19/ஸ்விட்சர்லாந்தில்-ஸ்ரீதேவிக்கு-சிலை-3003546.html
3003549 வார இதழ்கள் மகளிர்மணி இதுபுதுசு - அருண் DIN Wednesday, September 19, 2018 01:27 PM +0530
ஜான்வியை தொடர்ந்து நடிக்க வரும் குஷி

காலஞ்சென்ற நடிகை ஸ்ரீதேவியின் மூத்தமகள் ஜான்வியை தொடர்ந்து, அவரது  தங்கை குஷியை படத்தில் நடிக்க வைக்க  ரகசிய ஏற்பாடுகள்  நடந்து வருகின்றது. குஷி நடிப்பதற்கேற்ப  கதையை உருவாக்க கூறியுள்ள தயாரிப்பாளர் கரண் ஜோகர், அவரை அறிமுகப்படுத்தும் பொறுப்பை ஏற்றுள்ளதோடு,  முதல் படத்தில்  அவருக்கு ஜோடியாக  நடிக்க  ஷாரூக்கான் மகன் ஆர்யனை தேர்வு   செய்துள்ளாராம்.

இயற்கையை விரும்பும் நடிகை!

பாலிவுட் நடிகை யாமிகவுதம், தன் வாழ்க்கை, சாப்பிடும் உணவு அனைத்துமே இயற்கையாக இருக்க வேண்டுமென்று விரும்புவதுபோல்,  சுற்றுச் சூழலும் இயற்கையாக இருக்கவேண்டுமென்பதற்காக,  இமாச்சல பிரதேசத்தில்  உள்ள தன்னுடைய  வீட்டையும் பசுமை வீடாக மாற்ற  தீர்மானித்துள்ளாராம்.  ""இந்த பசுமை வீடு பயனுள்ளதாக  இருப்பதோடு,  நகர வாழ்க்கையிலிருந்து விலகி ஓய்வெடுக்க வரும்போது  எனக்கு  புத்துணர்வை அளிக்கும்''  என்கிறார் யாமிகவுதம்.

நல்ல வழிகாட்டி தேவை!

"ஹேப்பி  பாக்  ஜாயேகி'  படத்திற்கு  பின்  "காக்டெயில்'  என்ற படத்தில் நடிக்க ஒப்பந்தமாகியுள்ள மாடலும், பாலிவுட் நடிகையுமான டயானா பென்ட்டி,  ""இந்தி திரையுலகம்  எனக்கு புதிது  என்பதால்   நல்ல படங்களை தேர்ந்தெடுக்கவும், வழிகாட்டவும்  யாரும்  இல்லை. இங்கு  எனக்கு தெரிந்தவர்களும் குறைவு. அதனால் யார் என்ன சொல்கிறார்களோ  அதை அப்படியே கண்மூடித்தனமாக பின்பற்ற நான் தயாராக இல்லை. "காக்டெயில்' படத்திற்கு  பின் நல்ல  வாய்ப்புகள் கிடைக்குமென  நம்புகிறேன்'' என்கிறார் டயானா  பென்ட்டி.

வெற்றி தோல்வியைப்  பற்றி சிந்திப்பதில்லை!

""என்னுடைய அம்மா சொல்வது போன்று  நல்லவை  என்றுமே  தோல்வி அடைவதில்லை. நான் விதியை நம்புகிறேன். என் தனிப்பட்ட வாழ்க்கையாகட்டும், தொழில் ஆகட்டும். இரண்டையும் ஒன்றாகவே கருதுகிறேன். ஒவ்வொன்றிலும் கிடைக்கும் அனுபவங்கள் போன்று எல்லாருடைய வாழ்க்கையிலும் வெற்றி தோல்வி நிச்சயமாக  இருக்கும் என்று நம்புவதால் நான் எதைப் பற்றியும் சிந்திப்பதில்லை. ஒவ்வொரு தவறு மூலமாகவும் வெற்றியை கண்டுள்ளேன்'' என்று கூறுகிறார்  ஹூமா குரேஷி.

இயக்குநரான கங்கனா ரணாவத்!

"மணிகர்னிகா', "தி குயின்  ஆஃப் ஜான்சி'   படத்தில் பிரதான பாத்திரத்தில் நடித்து வரும் கங்கனா  ரணாவத், தற்போது  அப்படத்தின்  இயக்குநர்   கிரிஷ்   ஜகர்லாமுடி, ஹைதராபாத்தில் என் டிஆர் பற்றிய வாழ்க்கை படத்தை எடுப்பதில் மும்முரமாக இருப்பதால், படத்தை இயக்கும் பொறுப்பை கங்கனாவே ஏற்றுள்ளார். ஏற்கெனவே எடுக்கப்பட்ட  சில காட்சிகளை ரீ ஷூட்டிங் செய்வதோடு, படத்தின் நாயகன் சோனு சூட் நடித்த காட்சிகளையும் நீக்கியதால், சோனு சூட் படத்திலிருந்து விலகியிருப்பதுதான் பாலிவுட்டில் பரபரப்பான தகவலாகும். ஆனால் கங்கனா தரப்பில் இத்தகவல்கள் மறுக்கப்பட்டுள்ளது.

ஷகிலாவாக  நடிக்கும் ரிச்சா சட்டா!

""மலையாள நடிகை ஷகிலாவின் வாழ்க்கையை  "ஷகிலா'  என்ற பெயரில் திரைப்படமாக தயாரிக்கும் இயக்குநர் இந்திரஜித் லங்கேஷ், உண்மை சம்பவங்களை இணைத்து உருவாக்கிய  திரைக்கதையை  கேட்டபோது கதையமைப்பு  என்னை மிகவும் கவர்ந்தது.  இதுபோன்ற படங்கள் சமூக பொறுப்புகளை வளர்க்கக் கூடியதாகும். இதில் நடிப்பதற்கு முன் ஷகிலாவை இருமுறை நேரில் சந்தித்தேன். ஒரு நடிகையின் வாழ்க்கை நடிப்பதோடு நின்று விடுவதில்லை. ஷகிலா இப்போது சுதந்திரமானவராகவும் ஆன்மிகத்தில் நாட்டமுள்ளவராகவும் இருக்கிறார். அவரது பாத்திரத்தை ஏற்று நடிப்பது  ஒரு சவாலான விஷயமாகும்'' என்கிறார் நடிகை ரிச்சா சட்டா.

]]>
http://images.dinamani.com/uploads/user/imagelibrary/2018/9/19/w600X390/mn17.jpg http://www.dinamani.com/weekly-supplements/magalirmani/2018/sep/19/இதுபுதுசு-3003549.html
3003544 வார இதழ்கள் மகளிர்மணி கற்பனை வளம் மிகுந்த சிக்கன் ஒர்க்!  - ஸ்ரீதேவி DIN Wednesday, September 19, 2018 01:01 PM +0530 "சித்திரமும் கைப்பழக்கம், செந்தமிழும் நா பழக்கம்'  என்ற சொல்லுக்கு ஏற்ப கலைநயமும், கற்பனை வளமும்  நிரம்ப அமைந்துள்ள கைவேலைப்பாடான   எம்ப்ராய்டரிங்கில் ஏராளமான வகைகள் உண்டு.  அவற்றில் காலத்தினால் அழிக்கமுடியாமல் இன்றும் டிரண்டில் இருக்கும் சில வகைகளும் உண்டு. அந்தவகையில்  சிக்கன் ஒர்க், கட்ச் ஒர்க், மிரர்  ஒர்க் என 50-க்கும் மேற்பட்ட வகைகளை செய்து அசத்துகிறார் சென்னையைச் சேர்ந்த ஸ்ரீ தேவி.  மேலும் இவர், எம்ப்ராய்டரிங் தொழிலில் ஆர்வமுள்ளவர்களுக்கு வழிகாட்டியாகவும் இருக்கிறார்.  இவரைச் சந்தித்தோம்:

""எம்.பில். முடித்துவிட்டு  2007 - ஆம் ஆண்டு வரை  ஓர் அலுவலகத்தில்  வேலை பார்த்தேன். பிறகு  சூழ்நிலைக் காரணமாக  வேலையைத் தொடர முடியாமல் போனது.  அதனால்,  வீட்டில் கிடைக்கும் ஓய்வு நேரத்தை வீணடிக்காமல் பயனுள்ளதாக  மாற்றிக் கொள்ள வேண்டும் என்ற எண்ணம் தோன்ற... சிறுவயதில்  பொழுதுபோக்காக கற்றுக்கொண்ட  எம்ப்ராய்டரிங்கை   செய்ய ஆரம்பித்தேன். அப்போதுதான், புதுவகையான எம்ப்ராய்டிங் வகையறாக்கள் நிறைய வந்திருப்பதை அறிந்தேன்.  அதனால்  தரமணியில்  உள்ள பாலிடெக்னிக் மூலம்  எம்ப்ராய்டரிங்கில்  புரொஃபஷனல்  கோர்ஸ் முடித்தேன். இதனால்  50-க்கும்  மேற்பட்ட  எம்ப்ராய்டரிங் வகைகளை கற்றுக்கொள்ள முடிந்தது. 

அதில் என்னை மிகவும் கவர்ந்தவை  சிக்கன், கட்ச்  மற்றும்  மிரர் ஒர்க். இதில் சிக்கன் வேலைப்பாடு  என்பது லக்னோவின் பாரம்பரிய எம்ப்ராய்டரிங் கலை. அங்கே  சிக்கன் (இஏஐஓஅச) என்பதற்கு எம்ராய்டரிங் என்று அர்த்தம். இதை ஷேடோ ஒர்க்  என்றும் சொல்கிறோம்.  கட்ச் வேலைப்பாடு  என்பது குஜராத் ஸ்டைல்.  கட்ச் மாவட்டத்தில்  பிரபலமானதால் அந்தப் பெயர். மிரர் ஒர்க் பற்றி பலருக்கும் தெரியும். ஆரம்ப காலத்தில் ஒரிஜனல்  கண்ணாடிகள் வைத்து செய்யப்பட்டது.  பின்னர், துவைப்பதிலும், பராமரிப்பதிலும் சிரமம் ஏற்பட, சமீபகாலமாக செயற்கைக் கண்ணாடிகள் பயன்படுத்தப்படுகிறது.

விருப்பப்பட்டால் ஒரிஜினல் கண்ணாடித்  துண்டுகளும் பயன்படுத்துகிறோம். இதற்கு எப்போதும் பெண்களிடைய வரவேற்பு உள்ளதால் அனைத்து தரப்பு பெண்களாலும் விரும்பப்படுகிறது. 

சிக்கன் ஒர்க் செய்ய  ஆர்கண்டி  துணி சிறந்தது. கட்ச் மற்றும் மிரர் ஒர்க்கை எந்தத் துணியிலும் செய்யலாம். கழுத்துப் பகுதியை அடைத்ததுபோன்று ஆடம்பரமாகவும் செய்யலாம்.   அல்லது மெல்லிய கோடுகளாக  சிம்பிளாகவும் செய்யலாம். 

சிம்பிளான மிரர்  ஒர்க் எம்ப்ராய்டரிங்கை  ஒரே நாளில்  முடித்துவிடலாம், ஆனால், கட்ச் ஒர்க் மட்டும்  கொஞ்சம் தாமதாகும்,  ஒரு பிளவுஸ் செய்வதற்கே ஒரு வாரம்  வரை தேவைப்படும்.  அதுவே  சிக்கன் ஒர்க் என்றால் நான்கு நாள்களில் முடித்துவிடலாம்.  சல்வார், சேலை என்றால் பல  நாள்கள் தேவைப்படும்.   உழைப்பைப் பொறுத்து லாபம் கிடைக்கிறது.  

கொஞ்சம் கற்பனை வளம் உள்ளவர்கள் இதனை தொழிலாக எடுத்து, வாடிக்கையாளர்களின் விருப்பத்துக்கு ஏற்றமாதிரி புதுப்புது டிசைன்கள் செய்து கொடுத்தால்  நல்ல வரவேற்பு இருக்கும்.  அடிப்படை எம்ப்ராய்டிங் தெரிந்தவர்கள் ஒரே நாள் பயிற்சியின் மூலம்  மூன்று வகையான எம்ப்ராய்டிங்கையும் கற்றுக் கொள்ள முடியும்.  மேலும்,  வீட்டின் அருகில் உள்ள  சிறிய அளவில் துணி வியாபாரம்  செய்பவர்கள், துணிக்கடைகள், பொட்டிக் வைத்திருப்பவர்கள் போன்றோருடன் இணைந்து செய்தால் லாபம் அள்ளும் தொழில் இது'' என்கிறார்.

]]>
http://images.dinamani.com/uploads/user/imagelibrary/2018/9/19/w600X390/mn12.jpg http://www.dinamani.com/weekly-supplements/magalirmani/2018/sep/19/கற்பனை-வளம்-மிகுந்த-சிக்கன்-ஒர்க்-3003544.html
3003542 வார இதழ்கள் மகளிர்மணி ராஷி கன்னாவின் ஏமாற்றம்! - சுதந்திரன் DIN Wednesday, September 19, 2018 12:58 PM +0530 தொடக்கம் முதல் இறுதி வரை கண்களை இமைக்க விடாமல்  படம் பார்க்க வைக்கும்  "இமைக்கா நொடிகள்' படத்தில்  ரசிகர்களைக் கவர்ந்தது  "திக்' .. திடுக்'  திரைக்கதை,   நடிப்பால்   அசத்திய நயன்தாரா, விஜய் சேதுபதி,  அனுராக் காஷ்யப், இயக்குநர் அஜய் ஞானமுத்து.  இந்தப் பட்டியலில்   அடுத்து  சேர்பவர்   அதர்வாவுடன் ஜோடி சேர்ந்த   புதிய வரவான ராஷி கன்னா.  

பார்க்க  ரஷ்ய அழகி போல இருக்கும்  ராஷி கன்னா,  சிந்து நதி பாயும் பஞ்சாப்பைச் சேர்ந்தவர். நடுத்தர குடும்பம். படித்தது டில்லியில். ஆங்கில இலக்கியத்தில் இளநிலை பட்டம் பெற்றவர்.  

மாடல், பாடகி, நடிகை என்ற தளங்களில் இயங்கி வந்தாலும் தற்போது முதலில் நடிப்பு பிறகு மாடலிங் அப்புறம் தான் பாடுவதற்கு  ஒப்புக் கொள்கிறார். 2013- ஆம் ஆண்டு வெளியாகிய  "மெட்ராஸ் கஃபே'  ஹிந்தி படத்தின் மூலம் அறிமுகமான ராஷிக்கு  தொடர்ந்து சிவப்பு கம்பளம்  விரித்தது தெலுங்கு பட உலகம்.  

ராஷி நடித்து  முதலில் தெலுங்கில் வெளியான திரைப்படம்  "மனம்'.   சின்ன வேடத்தில் நடித்திருந்தார். தொடக்கத்தில் ராஷி தெலுங்கில் நடித்த திரைப்படங்களில் பெரும்பாலானவை  வசூல் ரீதியாக தோல்வியைத் தழுவின. நல்லவேளை... ராஷி ராசியில்லா நடிகை என்று  யாரும் முத்திரை  குத்தவில்லை. 

ராஷி  தெலுங்கில்  நடித்த    "சுப்ரீம்',  "பெங்கால் டைகர்',  "ஜில்'  போன்ற படங்கள் வெற்றியை  அள்ளித்தந்தன.  ஜூனியர் என்டிஆருடன்  ராஷி  நடித்த "ஜெய் லவ குசா'  திரைப்படம்,  ராசியை புகழ் ஏணியின் உச்சத்தில் ஏற்றி விட்டுத்தான் ஓய்ந்தது. இடையே ராஷி மோகன்லாலுடன் "வில்லன்' மலையாளப் படத்திலும் நடித்து  முடித்தார். "வில்லன்'  படத்தில் நடிகர் விஷாலும்  நடித்திருந்தார். படத்தில், ராஷி  போலீஸ் பாத்திரத்தில்  சும்மா மிரட்டியிருந்தார்.

"ஆக்ஸிஜன்',  "டச் சேசி சூடு',  "டோலி பிரேமா',  "சீதாராம கல்யாணம்' உள்ளிட்ட தெலுங்கு படங்களில் வலம் வந்திருக்கும்  ராஷி தமிழுக்கு  "இமைக்கா நொடிகள்'  மூலம்  அறிமுகம்  ஆகியிருக்கிறார்.  

"சொல்லப்போனால் எனது முதல் தமிழ் வெளியீடு  சித்தார்த்துடன் நடிக்கும் "சைத்தான் கே பச்சா'வாகத்தான்  இருந்திருக்கணும். இந்தப் படத் தயாரிப்பு தொடங்கி இரண்டு ஆண்டுகள் ஆகின்றன. இந்தப் படத்தின் வெளியீடு தாமதமானதால்  "இமைக்கா  நொடிகள்'  முந்திக் கொண்டது. என்னை "இமைக்கா  நொடிகள்' படத்திற்காக  ஒப்பந்தம் செய்தபோது   படத்தில் நயன்தாரா நடித்திருக்கும்  பாத்திரமான   சிபிஐ   போலீஸ் அதிகாரி   ஆண் பாலாக   இருந்தது. அதற்குப் பொருத்தமான நடிகரைத் தேடிக் கொண்டிருந்தார்கள்.  பிறகு  பெண்  சிபிஐ  போலீஸ் அதிகாரியாக மாற்றப்பட்டது. நயன்தாரா  ஒப்பந்தமானார்.  நயன், அனுராக் காஷ்யப், விஜய் சேதுபதி படத்தில் நடித்து  படத்திற்கு நட்சத்திர அந்தஸ்தினை வழங்கினார்கள்.  புகழ் பெற்ற  நடிகர்கள்  நடிக்கும் படத்தில் நாமும் நடிக்கிறோம் என்று பெருமையாக  இருந்தது. மாடலாக இருந்த நான் படத்தில் மாடலாக  நடித்ததும் ஓர் அபூர்வ  பொருத்தம்தான். "இமைக்கா நொடிகள்' படத்தில் ஒரு காட்சியில்கூட நயன்தாராவுடன் சேர்ந்து நடிக்க வாய்ப்பு அமையாதது ஏமாற்றம்தான்.  ஆனால்  படம் ஏகோபித்த பாராட்டுகளைப் பெற்றிருப்பதில்  மகிழ்ச்சி''  என்கிறார்  ராஷி. 

இசையிலும்  தீவிர  ஆர்வம்  உள்ள ராஷி  மூன்று தெலுங்கு படங்களில் பாடல் பாடியுள்ளார்.  "வில்லன்' மலையாள படத்திலும்  ஒரு "புரோமோ' சாங்கை ராஷி  பாடி  அசத்தியிருக்கிறார்.   ராஷி  இன்ஸ்டாகிராமிலும் பிரபலம். அவரை சுமார் பதினெட்டு  லட்சம் பேர் இன்ஸ்டாகிராமில் பின்தொடர்கின்றனர்.

ராஷிக்கு   உடலைக் கட்டமைப்பாக   வைத்திருப்பதில் அதிக அக்கறை உண்டு. அவர் உடற்பயிற்சி செய்யும் காணொளிகள்  இணையத்தில் பதிவேற்றம் செய்யப்பட்ட போது வைரலாயின.  ""இதுவரை  சுமார் பதினேழு  படங்கள் வெளியாகியுள்ளன. அதில்  பதினைந்து  தெலுங்கு  மொழியில் தயாரிக்கப்பட்டவை.  ஜெயம் ரவி ஜோடியாக  "அடங்க மறு' படத்திலும், விஷாலுடன்  "அயோக்யா'  படத்திலும்  நடித்து வருகிறேன். இதனால் ஹைதராபாத்திற்கும்  சென்னைக்குமாக  பறந்து  கொண்டிருக்கிறேன்''  என்று சொல்லும்    ராஷி திருமணமானவர்.   

]]>
http://images.dinamani.com/uploads/user/imagelibrary/2018/9/19/w600X390/mn11.jpg http://www.dinamani.com/weekly-supplements/magalirmani/2018/sep/19/ராஷி-கன்னாவின்-ஏமாற்றம்-3003542.html
3003539 வார இதழ்கள் மகளிர்மணி இல்லத்தரசியும் தொழில் முனைவோர் ஆகலாம்-24  - ஸ்ரீ DIN Wednesday, September 19, 2018 12:48 PM +0530 ""இந்த வாரம் நாம்   பார்க்கப் போவது பாரம்பரியம் மிக்க  தொழில்.  அதாவது, என்னதான்   நவநாகரிகம்  அதிகம்  ஏற்பட்டாலும் தம்  மகள், மகன் திருமணம் என்று வந்தவுடன்  அவரவர் மதத்திற்கு  ஏற்றாற்போன்று  சாஸ்திரம், சம்பிரதாயம் படிதான்  திருமணம் செய்வர்.  அதிலும்  குறிப்பாக   வரிசை தட்டு, ஆரத்தி தட்டு,  காசி யாத்திரை  குடை,  தலைப்பாகை,  பட்டம், ரெடிமேட்  கூந்தல் அலங்காரம்  ஆகியவற்றில்  அதிக கவனம் செலுத்துவோம்.  இதில்  நம்முடைய கௌரவம்,  அந்தஸ்து வெளிப்படும்.  அதனால்  போட்டி  போட்டுக்  கொண்டு அதைத் தேடி  கண்டு பிடித்து  வாங்கி வருவோம்.  இவற்றிற்கு  எப்போதும் தேவை இருந்து  கொண்டே  இருப்பதால்  இதையே  ஏன் நாம் ஒரு தொழிலாக  எடுத்து  செய்யலாம்.  அது எப்படி  என பார்ப்போம்''  என்கிறார் சுய  தொழில் ஆலோசகர் உமாராஜ்.

வரிசை தட்டு: வரிசை தட்டு என்றவுடன்,  நினைவுக்கு  வருவது,  சில ஆண்டுகளுக்கு முன்  ஒரு முஸ்லிம் வீட்டின்  திருமணத்திற்கு வரிசை  தட்டுகளை பேக் செய்து  தரும்படி  கேட்டார்கள். அது  சற்று வித்தியாசமாக இருக்க வேண்டும் என்று விரும்பினார்கள்.  அவர்கள் விரும்பிய படியே வித்தியாசமாக சுமார் 35 தட்டுகள் பேக் செய்து கொடுத்தோம்.  11 மணிக்குச் சென்ற நாங்கள் 3 மணிக்கு வேலையை முடித்துவிட்டு திரும்பிவிட்டோம்.  அதற்கு எங்களுக்கு கிடைத்த வருமானம் எவ்வளவு தெரியுமா?  ரூ. 4,500.  வெறும் பேக்கிங் தானே என்று எண்ணாமல் அந்த வேலையை  செய்ததால் 3 மணி நேரத்தில் நல்ல தொகை  கிடைத்தது.   இதில் நிறைய வகையான பேக்கிங் இருக்கிறது. மேலும் அவரவர் கற்பனைக் கேற்றவாறும் செய்யலாம். இதைக் கற்றுக் கொண்டால் இதையும் ஒரு தொழிலாக எடுத்து செய்யலாம்.  நல்ல வருமானம் கிடைக்கும். திருமண கான்ட்ராக்டர்களோடு இணைந்து செய்தால் நிறைய ஆர்டர்கள் நிச்சயம் கிடைக்கும். 

வரிசை தட்டு எப்படி செய்து என்று பார்ப்போம்:    ஹார்ட் போர்டு வாங்கி வந்து தேவையான அளவில்  சதுரமாக  வெட்டிக் கொள்ள வேண்டும்.  பின் நான்கு புறமும் 2 அங்குலம் அளவு தனியாக  வெட்டி நான்கு புறமும்  ட்ரே போன்று ஒட்டிக் கொள்ள வேண்டும்.  இப்போது  வேறு ஒரு  ஹார்ட் போர்டில்   நமக்கு தேவையான வடிவத்தை  உதாரணமாக மயில், அன்னம் போன்ற விரும்பிய வடிவத்தை வெட்டிக் கொள்ளுங்கள்.  பிறகு ட்ரேயின்   பக்கவாட்டில்   அதனை ஒட்டிவிட்டு பின் இதற்கு தேவையான வர்ணம் அடித்து, ஸ்டோன் கொண்டு அழகு படுத்தலாம். இதே போன்று உங்கள் கற்பனைக்கு ஏற்றாற்போல் நீங்கள் செய்யலாமே.  

]]>
http://images.dinamani.com/uploads/user/imagelibrary/2018/9/19/w600X390/mn9.jpg http://www.dinamani.com/weekly-supplements/magalirmani/2018/sep/19/இல்லத்தரசியும்-தொழில்-முனைவோர்-ஆகலாம்-24-3003539.html
3003538 வார இதழ்கள் மகளிர்மணி பாரதப் பெண்ணின் அடையாளம்! - ஜோதி லட்சுமி DIN Wednesday, September 19, 2018 12:45 PM +0530 உலகின் எந்தப் பிரதேசத்திலும் இல்லாத அளவுக்குப் பெண்மையைப் போற்றும் வழக்கம் நம் தேசத்தில் இருந்து வந்துள்ளது. பெண்தெய்வ வழிபாட்டில் தொடங்கி இயற்கையின் அத்தனை வடிவங்களையும் பெண்ணாகவே போற்றும் கலாச்சாரம் இந்த மண்ணில் தான் சாத்தியமாகியுள்ளது. ஆற்றலின் வடிவமாக பெண் காணப்படுகிறாள். பெண்ணே இந்த தேசத்தின் இயக்கும் சக்தியாக இருந்து வருகிறாள். வேதகாலம் தொடங்கி இன்று வரை பெண் இயக்கும் சக்தியாய் தன் அன்பினால் இவ்வையத்தைப் பேணி வளர்ப்பவளாக விளங்குகிறாள். பெண்ணின் அன்பினால் இவ்வையம் தழைப்பதைப் போலவே அவளது அறிவாற்றலும் கல்வியும் புலமையும் கூட இந்த தேசத்தை மேன்மை கொள்ளச் செய்துள்ளன. ஆயிரமாயிரம் ஆண்டுகளாய் இந்தத் தன்மை தொடர்ந்தே வந்துள்ளது. புராணங்கள் முதல் தற்காலம் வரை காலந்தோறும் அறிவிற்சிறந்த பண்டிதைகள் இந்த தேசத்தில் தோன்றியிருக்கிறார்கள். 

வேதம் என்பது பெண்களுக்கானது அல்ல, பெண்கள் அதனைப் படித்தல் கூடாது என்ற வழக்கம் இருப்பதாய் சிலர் சொல்லிக்கொள்வதுண்டு அது அவர்களின் அறியாமையைக் காட்டுகிறது. வேதங்களைச் செய்தவர்களில் பெண்கள் உண்டு எனும் போது வேதம் எப்படி பெண்ணுக்கானதாக  இல்லாமல் இருக்க முடியும். வேத காலத்தில் இருபதுக்கும் மேற்பட்ட பெண் பண்டிதர்கள் இருப்பதைக் காண்கிறோம். இவர்கள் தந்த படைப்புகளையும் உள்ளடக்கியதே ரிக்  வேதம் என்னும் உண்மையை மறந்து விட இயலாது. அதர்வண வேதத்திலும் கூடப் பெண்களின் பங்களிப்பு இருப்பதைக் காண்கிறோம்.  

"பிருஹத்தேவதா' என்னும் நூல் - அதிதாட்சாயணி, அபாலாஆத்ரேயி, கோதா, யமிவைவஸ்வதி, ரோமசா, லோபலமுத்திரா, மமதா, வாக்அம்ருணி எனத் தொடங்கி இருபத்தேழு பெண்கள் தங்கள் பங்களிப்பை வேதங்களில் செய்துள்ளதாகக் குறிப்பிடுகிறது. இதனால் ஓர் உண்மை தெள்ளத் தெளிவாகப் புலப்படுகிறது. வேத காலத்தில் பெண்கள் கல்வியிற்சிறந்து விளங்கியுள்ளனர். கல்வி அவர்களுக்கு மறுக்கப்படவில்லை என்பதோடு தம் ஆற்றலை வெளிப்படுத்தும் வாய்ப்பும் அவை அங்கீகரிக்கப்பட்ட தன்மையும் விளங்குகிறது. 

அது போல, புராண காலத்திலும் கார்க்கி, மைத்ரேயி, உபயபாரதி போன்ற பெண்களைக் காண்கிறோம். கார்க்கி  உபநிடதத்தில் தன் பங்களிப்பை செய்துள்ளதோடு பிரம்ம யக்ஞத்திலும் கலந்து கொண்டு விவாதங்களை நடத்திய தத்துவ ஞானியாக இராமாயணத்தில் காண்கிறோம். மைத்ரேயி இந்தியப் பெண்களின் அறிவாற்றலின் வடிவமாகவே இன்றளவும் போற்றப்படுகிறார். அத்வைத தத்துவத்தை உலகிற்குத் தந்த மகான் ஆதி சங்கரர், மண்டனமிஸ்ரருடனான தன் விவாதத்தின் வெற்றி தோல்வியை கணித்துக் கூறும் நடுவராக உபய பாரதியை அங்கீகரித்துள்ளார் என்பதில் அவரது ஞானம் புலப்படுகிறது. இன்னும் இப்படி எத்தனையோ பெண்களைப் புராணங்களில் காண்கிறோம்.

நமது சங்ககாலப் பெண்கள் எப்படி இருந்தனர் என்று பார்த்தால் மகிழ்ச்சியே தோன்றுகிறது. ஒüவையார் போன்றவர்கள் இரு ராஜ்யங்களுக்கிடையிலான அரசியல், போர் இவற்றில் தம்மை ஈடுபடுத்திக்கொண்டு தம் கருத்தைச் சொல்லும் அளவுக்கு வல்லமை மிகுந்தவர்களாக இருந்துள்ளார். காக்கைப் பாடினியார், ஒக்கூர்மாசாத்தியார், வெள்ளிவீதியார் என ஒரு மிக நீண்ட பட்டியல் பெண் கவிஞர்களைப் பார்க்கிறோம். சங்கப் பாடல்கள் பல சமூக, வாழ்வியல் செய்திகளைத் தன்னுள் கொண்டவை.அதன் அத்தனை பரிமாணங்களிலும் மகளிரின் பங்களிப்பு இருப்பதைக் காண்கிறோம். அகப்பாடல்கள், புறப்பாடல்கள் என எல்லாவற்றிலும் இவர்களின் பங்களிப்பு உணர்த்துவது ஒன்று தான். அந்தப் பெண்களுக்குத் தங்கள் உணர்வுகளை, எண்ணங்களை, சிந்தனைகளைப் பதிவு செய்வதற்கான களம் இருந்துள்ளது.அத்தகைய பதிவுகள் சமூகத்தால் எந்தப் பாகுபாடும் இன்றி ஏற்றுக்கொள்ளப்பட்டுள்ளன. இதில் கவனிக்கத் தக்க அம்சமாக இருப்பது, பெண்கள் அரசியல் பேசுகிறார்கள், அறம் பற்றிப் பேசுகிறார்கள். காதல் உணர்வுகளை மிகத் தெளிவாக அழகாய் எடுத்தியம்புகிறார்கள். அவை அங்கீகாரமும் பெற்றிருக்கின்றன.இந்தக் காலங்களில் சமூக நிலைப்பாடுகளில், செயல்பாடுகளில் ஆணுக்கும் பெண்ணுக்கும் பேதம் இருப்பதாகத் தெரியவில்லை.

இப்படி, கல்வி, புலமை மட்டுமல்ல தம் அறிவாற்றலால், திறமையால் நாடாண்ட பெண்களையும் வரலாறு சொல்லிக் கொண்டிருக்கிறது.ஒவ்வொரு காலத்திலும் இந்த தேசத்தின் பல்வேறுபட்ட பிரதேசங்களிலும் இதற்கான சாட்சியங்கள் உண்டு. இங்கே பெண்கள் கல்வி மறுக்கப்பட்டு வீட்டுக்குள் பூட்டி வைக்கப்பட்டனர் என்னும் வாதம் உடைபடும்படியான உதாரணங்களை இந்தியாவின் எல்லா மூலை முடுக்குகளிலிருந்தும் எடுத்து வைக்க இயலும்.

சில காலங்களில், உலகின் எல்லா விஷயங்களிலும் ஏற்றத்தாழ்வு இருப்பது போலவே  இதிலும் ஏற்றத்தாழ்வு  இருந்திருக்கிறது. கல்வியும் வாய்ப்பும் கிடைக்கப் பெறாத காலங்கள் இருந்திருக்கின்றன. அதற்காக அதனை மறுக்கப்பட்டதாகக் கொண்டு வாதிடல் அர்த்தமற்றது. ஒவ்வொரு காலத்திலும் ஏற்படும் சமூக பொருளாதார அரசியல் சூழ்நிலைகள் நாட்டில் பல அம்சங்களில் பாதிப்பை ஏற்படுத்துவது போன்றே  பெண்களின் முன்னேற்றம், உரிமைகள், அங்கீகாரம் போன்றவற்றிலும் பாதிப்பை ஏற்படுத்தி இருப்பது உண்மை. என்றபோதிலும் அதிலிருந்து தம்மை விடுவித்துக் கொண்டு தமது ஆற்றலை வெளிப்படுத்திய பெண்கள் எல்லாக் காலங்களிலும் இருந்திருக்கிறார்கள் என்பதும் மறுக்க முடியாத நிஜம்.

சூரியனைக் கைகளால் மறைத்துவிடல் இயலாதது போல ஆற்றலோடு கூடிய பெண்களின் எழுச்சியையும் மறைத்து விடல் இயலாது. அரசாண்ட பெண்கள் என எடுத்துக்கொண்டால் மஹாராஷ்ட்ரத்தின் அகல்யா தேவி கலை மற்றும் இலக்கியத்திற்குப் புத்துயிர் அளித்துப் போற்றிய ஆட்சியாளராய்த் திகழ்ந்தார். ராணி ரசியா சுல்தானா டெல்லியின் ஒரே பெண் ஆட்சியாளர். தனது அகமதுநகரைக் காக்க அக்பரையே எதிர்த்து நின்ற வீராங்கனை ராணி சந்த் பீபி, கொரில்லா தாக்குதல்களால் தன் எதிரிகளை நடுங்கச் செய்த ஆந்திரத்தின் நாகம்மா, ராணி ருத்ரமாதேவி,  கர்நாடகத்தின் கெல்லடி சென்னம்மா. ஒüரங்கசீப்பை எதிர்த்துப் போரிட்ட தாராபாய், தமிழகத்தின் வேலு நாச்சியார், ராணி  மங்கம்மா, ஜான்சியின் ராணி லட்சுமிபாய். இவர்கள் இந்த பரந்த பாரத தேசத்தின் சில ராணிமார்கள். இவர்களைப் போன்றே  இன்னும் எத்தனையோ ராணிமார்கள் இந்த நாட்டின் ஆட்சிப் பொறுப்பில் இருந்து மக்களைக் காக்கும் பெரும் பணியில் தன்னை ஈடுபடுத்திக் கொண்டுள்ளனர்.  

இவர்கள் அனைவருமே வெவ்வேறு காலத்தில் வெவ்வேறு பகுதிகளில், வேறுபட்ட சூழ்நிலைகளில் வாழ்ந்தவர்கள்.  இவர்களின் காலத்திலும் கற்பனை செய்ய முடியாத அளவுக்கு சாதிய, மதப் பாகுபாடுகள் இருந்தன. சதி போன்ற கொடிய வழக்கங்களும் சடங்குகளும் கூட  நடைமுறையில் இருந்தன. அவற்றையெல்லாம் தாண்டியே இந்தப் பெண்மணிகள் தங்களின் சுவடுகளை, அடையாளங்களை வரலாற்றில் பதிய வைத்துள்ளனர். மேலும் சில பெண்கள் வரலாற்றை உருவாக்குபவர்களாக இருந்துள்ளனர். வீர சிவாஜியை உருவாக்கிய ஜீஜாபாய் போன்று  எண்ணற்ற மகளிர் நம் முன்னோடிகளாக வாழ்ந்துள்ளனர். இவர்களைப் பற்றிக் கூறும் பொழுது சுவாமி விவேகானந்தர், "தாயின் அன்பு மகத்தானது அது அச்சமற்றது எல்லைகளற்றது அது தியாகத்தின், உண்மையின் உரு' என்கிறார். 

விருப்பம், லட்சியம் என்று தெளிந்த சிந்தையும் வைராக்கியமும் படைத்தவர்களாக பக்தி மார்க்கத்திலும், ஞான மார்க்கத்திலும் கூட நம் பாரதப் பெண்டிர் பெரும் ஆத்ம சாதனைகளை நிகழ்த்திக் காட்டி இருக்கிறார்கள். பக்தி மார்க்கத்தில் தன்னை ஈடுபடுத்திக் கொண்டு இறைவனை தன் நட்பாக காதலனாகக் கண்ட தமிழகத்துக் காரைக்கால் அம்மையார், ஆண்டாள், ராஜஸ்தானத்து மீரா பாய், மராட்டியத்தில் ஜனாபாய், கோமாபாய், கேரளத்தின் லலிதாம்பிக அந்தரஜனம், வங்கத்தின் ஆஷா பூர்ணாதேவி.

பக்தி சுவை பொங்கும் கணக்கற்ற பாடல்களும், நாமாவளிகளும், பாசுரங்களும் இந்த பக்தைகளின் பங்களிப்பாக நமக்கு கிடைத்திருக்கின்றன. இதில் கவனிக்கத் தக்கது மீராபாய் அரச குல மங்கை,  வீட்டுப் பெண், ஜனாபாய் பணிப்பெண்ணாக வாழ்ந்தவர். ஆண்டாள் கோயிலில் கைங்கர்யம் செய்தவர் வீட்டுப் பெண், காரைக்கால் அம்மையாரோ வியாபாரியின் வீட்டுப் பெண். வேறுபட்ட குடும்ப, பொருளாதார நிலையில் வாழ்ந்தவர்கள் என்றாலும் அனைவரும் தம் லட்சியத்தில் சற்றும் தளர்ந்தவர்களாக இல்லை. 

ஞானமார்க்கத்தில் வாழ்ந்து  தெய்வங்களுக்கு நிகராக தங்களை உயர்த்திக் கொண்டவர்களும் இருக்கிறார்கள். நாம் இன்றும் நம் வழிகாட்டிகளாய் அவர்களைப் போற்றி வணங்குகிறோம். யோக வாசிஷ்டம் சொல்லும் சுதலா, ராமகிருஷ்ண பரமஹம்சரின் குருவாக விளங்கிய பைரவிபிராமணி, அன்னை சாரதா தேவி, சித்தர்களுக்கு நிகராக தத்துவப்பாடல்களைத் தந்து சித்தி அடைந்த ஆவுடையக்காள் மற்றும் அக்கமஹாதேவி என்று ஆத்ம ஞானிகள் வரிசையும் இந்த தேசத்தின் பெண்களுக்கு வாய்த்திருக்கிறது. 

சென்ற நூற்றாண்டை எடுத்துக் கொண்டால் சுதந்திரப்போரில் தன்னை ஈடுபடுத்திய பெண்கள் சிவகங்கையை சேர்ந்த குயிலி தொடங்கி தில்லையாடி வள்ளியம்மை, கவிக்குயில் சரோஜினி நாயுடு வரை ஏராளமானோர் உள்ளனர். கலை, அறிவியல் என எல்லாத் துறைகளிலும் இன்றும் தங்கள் இருப்பை நிலைநிறுத்திக் கொள்கின்ற பெண்மணிகளைப் பார்க்கிறோம். பெண் உரிமை பற்றிய கருத்தாக்கங்கள் முக்கியத்துவம் பெற்றுள்ள இன்று நாம் மனதில் கொள்ள வேண்டியது, நமது ஆற்றல் இந்த சமூகத்திற்கானதாக, பாரத தேசத்தின் மேன்மைக்கானதாக இருக்க வேண்டும். தொன்று தொட்டு அதுவே நமது அடையாளம்.

ஆக, புராணங்கள் தொடங்கி இலக்கியம், வரலாறு என அத்தனையும் நமக்கு சொல்வது ஒன்றே தான் அது, விருப்பம், ஆர்வம், துடிப்பு இவை மூன்றும் கொண்ட பெண்ணின் ஆற்றல் வெளிப்பட்டே தீரும். எந்தக் காரணங்களும் அவற்றுக்குத் தடையாய் நிற்க முடியாது. அப்படித் தடையாய் வரும் அத்தனையும் தாண்டி சக்தி வடிவாய் பெண் உயர்ந்து நிற்பாள்.                  

]]>
http://images.dinamani.com/uploads/user/imagelibrary/2018/9/19/w600X390/mn8.jpg http://www.dinamani.com/weekly-supplements/magalirmani/2018/sep/19/பாரதப்-பெண்ணின்-அடையாளம்-3003538.html
3003536 வார இதழ்கள் மகளிர்மணி சமையல்... சமையல்! - எஸ். சரோஜா Wednesday, September 19, 2018 12:35 PM +0530 பிரெட் சில்லி மசாலா

தேவையானவை:

ப்ரெட் துண்டுகள்    - 6 
வெங்காயம் - 1 
தக்காளி - 3 
நறுக்கிய இஞ்சி, பூண்டு -1 தேக்கரண்டி 
மிளகாய் வற்றல் - 2 
தக்காளி சாஸ்   -2  தேக்கரண்டி
சோயா சாஸ் - 1  தேக்கரண்டி
சர்க்கரை -1 தேக்கரண்டி
வினிகர், உப்பு - தேவையான அளவு
எண்ணெய் - 3   தேக்கரண்டி
செய்முறை:  ப்ரெட்  துண்டுகளை  சதுர துண்டுகளாக   நறுக்கி வைத்து கொள்ளவும். பின்னர், தோசைக்கல்லில்  சிறிது எண்ணெய் விட்டு சூடானதும் வெட்டி வைத்துள்ள ப்ரெட் துண்டுகளைப் போட்டு வறுத்தெடுக்கவும். வாணலியில் எண்ணெய் விட்டு நறுக்கிய இஞ்சி, பூண்டு சேர்த்து பின்னர் மிளகாய்வற்றல் , வெங்காயம் சேர்த்து வதக்கவும். பின்னர் தக்காளி, உப்பு, சர்க்கரை, கலந்து  தக்காளி சாஸ்,  சோயா சாஸ், வினிகர் மற்றும் சிறிதளவு தண்ணீர் விட்டு கொதிக்க விடவும்.  இப்போது வறுத்து வைத்த ப்ரெட் துண்டுகளை சேர்த்து லேசாக  புரட்டி இறக்கவும். சுவையான "பிரெட் சில்லி மசாலா' ரெடி .


ரவா  குழல்  புட்டு


தேவையானவை:

ரவை - 250 கிராம்
சர்க்கரை - 1 கிண்ணம்
அரை மூடி தேங்காய் - துருவியது
உப்பு - ஒரு சிட்டிகை
நெய் - 1தேக்கரண்டி
செய்முறை:  ரவையை  வாசனை வரும்வரை நன்கு வறுத்து எடுத்து ஒரு பாத்திரத்தில் மாற்றிக் கொள்ளவும். பின்னர் ரவை  சூடு ஆறியதும் தண்ணீரில் உப்பு சேர்த்து  சிறிது சிறிதாக  ரவையில் தெளித்து பிசறிக் கொள்ளவும்.  பின்னர்,  புட்டு வேக வைக்கும் குழாயில்  சிறிது  ரவை, சிறிது தேங்காய் என குழாய் கொள்ளும் அளவு  வைத்து வேகவிடவும்.   புட்டு வெந்ததும் எடுத்து  சர்க்கரை,  ஒரு தேக்கரண்டி நெய் சேர்த்து பரிமாறவும். சுவையான  "ரவா குழல் புட்டு' தயார். 

 

இட்லி மஞ்சூரியன்


தேவையானவை:

இட்லி - 6 
மைதா மாவு - 1 மேசைக்கரண்டி  
கடலை மாவு - 1  மேசைக்கரண்டி 
சோளமாவு - 1 மேசைக்கரண்டி 
இஞ்சி - 1 துண்டு 
பச்சை மிளகாய் - 4 
பூண்டு - 5 பல் 
முந்திரி - 8 
தக்காளி சாஸ் - 1 தேக்கரண்டி
உப்பு - சிறிது 
எண்ணெய் -  தேவையான அளவு. 
வெங்காயத்தாள் - சிறிது
செய்முறை: இட்லியை  நீளத் துண்டுகளாகவோ, அல்லது சதுரமாகவோ வெட்டிக் கொள்ளவும்.   பின்னர், அகலமான பாத்திரத்தில்  மைதா மாவு, சோளமாவு, கடலை மாவு மூன்றையும் எடுத்துக் கொள்ளவும்.  அத்துடன், இஞ்சி, பூண்டு, பச்சை மிளகாய், முந்திரி அரைத்து  சேர்க்கவும். பின்னர்,  தக்காளி சாஸ்,  உப்பு சேர்த்து கெட்டியாகக் கரைத்துக் கொள்ளவும். வாணலியில் எண்ணெய் விட்டுக் காய்ந்ததும் இட்லித்துண்டுகளை கலவையில் முக்கி எண்ணெயில் போட்டு  பொரித்து எடுக்கவும். அதன் மீது பொடியாக நறுக்கிய வெங்காயத் தாள் தூவி  சுடச்சுட பரிமாறவும். சுவையான "இட்லி மஞ்சூரியன்' தயார்.


மசாலா மினி இட்லி


தேவையானவை :

இட்லிமாவு - 4 கிண்ணம் 
பெரிய வெங்காயம் - 2
தக்காளி - 3
மிளகாய்த்தூள் - 2 தேக்கரண்டி
எண்ணெய் - 2 தேக்கரண்டி
இஞ்சி, பூண்டு விழுது - ஒரு தேக்கரண்டி
கடுகு - அரை தேக்கரண்டி
சோம்பு - அரை தேக்கரண்டி
உளுந்து - அரை தேக்கரண்டி
உப்பு - தேவையான அளவு
கறிவேப்பிலை - சிறிது
கொத்துமல்லித்தழை - சிறிது 
செய்முறை:   இட்லி மாவை  மினி இட்லி தட்டில் ஊற்றி வேகவைத்து எடுத்துக் கொள்ளவும். பின்னர், வெங்காயம், தக்காளியை மெல்லியதாக நறுக்கவும். வாணலியில் எண்ணெய் காயவைத்து கடுகு, சோம்பு, உளுந்து, தாளித்து நறுக்கிய வெங்காயம், தக்காளி, உப்பு சேர்த்து நன்கு வதக்கவும்.  அத்துடன் இஞ்சி, பூண்டு விழுது, மிளகாய்த்தூள் சேர்த்து பச்சை வாசனை போகும் வரை வதக்கி, அதில் அரை டம்ளர் தண்ணீர் சேர்த்துக் கொதிக்க விடவும்.  தண்ணீர் வற்றியதும் மசாலாவுடன் இட்லிகளைச் சேர்த்து  நன்கு புரட்டி கொத்துமல்லித்தழை தூவிப் பரிமாறவும். சுவையான மசாலா மினி இட்லி தயார்.

]]>
http://images.dinamani.com/uploads/user/imagelibrary/2018/9/19/w600X390/mn7.jpg http://www.dinamani.com/weekly-supplements/magalirmani/2018/sep/19/சமையல்-சமையல்-3003536.html
3003534 வார இதழ்கள் மகளிர்மணி டிப்ஸ்.. டிப்ஸ்... -  சு.கௌரிதரன், பொன்னேரி. DIN Wednesday, September 19, 2018 12:31 PM +0530 மோர்க்  குழம்பில் பூசணி, சுரை, வெண்டை  போன்ற  காய்கள் ஏதாவது ஒன்றை சேர்த்து செய்தால் மோர்க் குழம்பு  கூடுதல்  ருசியாக இருக்கும்.

சர்க்கரைப் பாகில் சிறிது பால் விட்டால்  கசடுகள் மேலே தேங்கும்.  அவற்றை ஒரு கரண்டியால்   எடுத்துவிட்டால்  கூடுதல் சுவையாக இருக்கும்.  அதுபோன்று வெல்லப்பாகில்  எலுமிச்சை  சாறு ஒரு துளி விட்டு  வடிக்கட்டினால்  கசடுகள் வந்துவிடும்.

புளிக்கரைசலில்  உப்புக் கலந்து தேய்க்கப்  பித்தளை - செம்பு  பாத்திரம்  பளபளக்கும். நல்லத் தண்ணீரில் கழுவித் துடைக்க வேண்டும்.

ரவா  கேசரியில், ஊறவைத்த ஜவ்வரிசி (அ)  வறுத்த சேமியா  கலந்தால் பார்க்க அழகாகவும், சுவை கூடுதலாகவும் இருக்கும்.

மாதுளைச்சாறு,  காய்ச்சி ஆறிய பால்,  பனங்கற்கண்டுடன் பருகினால் பானம் சுவை கூடுவதுடன்  எலும்பு, நரம்பு, பற்கள் பலப்படும்.  இரும்புச்சத்து கூடிடும்.

எலுமிச்சைச்சாறு, ஆரஞ்சு சாறு, இஞ்சிச்சாறு இவற்றுடன்  மிளகுத்தூள் ஒரு சிட்டிகை, நாட்டுச்சர்க்கரை  சேர்த்துப் பருகிட  உடல் அசதி  நீங்கும். ஜீரணசக்தி,   புது ரத்தம்  ஊறும்.  உடல் நிறங்கூடும்.  

துவரம் பருப்பு,  மிளகாய் வற்றல், பூண்டுப் பற்கள்  தனித்தனியே வறுத்து, சிறிது உப்பு சேர்த்து  துவையலாக அரைத்து  காரக் குழம்பு சாதத்துடன்  சேர்த்து  சாப்பிட்டால் சுவை  கூடுதலாக இருக்கும்.

எலுமிச்சை, பூண்டுச்சாறு அல்லது   துளசிச்சாறு தடவ  முகப்பரு சரியாகி, வடுமறைந்து முகம் அழகாகும்.

உலையிலிட்ட  அரிசி கொதி வரும் நுரையோடு  கூடிய  நீரை ஒரு  டம்ளர் எடுங்கள். அதில் பனங்கற்கண்டு, வெண்ணெய் சேர்த்துப் பருகிட உடல் சோர்வு நீங்கி புத்துணர்ச்சி கிடைக்கும்.  வயிற்று சம்பந்தபட்ட நோய் விலகும்.  உடல் சூடும் குறையும். 

பிஞ்சு முருங்கை, அவரை, நாட்டுக் கத்திரிக்காய், சுரை, சௌசௌ, முள்ளங்கி, வெள்ளை வெங்காயம், கோஸ்  இவற்றையெல்லாம் அடிக்கடி உணவில்  சேர்க்க நோய் எதிர்ப்பு சக்தி கிட்டும். நினநீரோட்டம் சீராகும். உடல் சூடு சமநிலையில் இருக்கும். கீரைகளும் நல்லது. ஆரோக்யம் கூட்டும். தோல்  சுருக்கம் ஏற்படாது.

]]>
http://images.dinamani.com/uploads/user/imagelibrary/2018/9/19/w600X390/mn4.jpg http://www.dinamani.com/weekly-supplements/magalirmani/2018/sep/19/டிப்ஸ்-டிப்ஸ்-3003534.html
3003533 வார இதழ்கள் மகளிர்மணி சரும பிரச்னைகளை போக்கும் கடலை மாவு! - கவிதா பாலாஜி DIN Wednesday, September 19, 2018 12:29 PM +0530 கடலை மாவு  உங்கள்  சருமத்தை எப்படி பாதுக்காக்கிறது என்று பார்ப்போம்: 

சருமம் மென்மையாக:  ஒரு கிண்ணத்தில் 2 தேக்கரண்டி  கடலை மாவு,  ஒரு சிட்டிகை மஞ்சள் தூள் சேர்த்து சிறிதளவு தண்ணீர் விட்டு கலந்து முகத்தில் பூசி அரை மணி நேரம் கழித்து வெதுவெதுப்பான நீரில் முகத்தைக்  கழுவி வர சருமம் மென்மையாகும்.

குளிக்கும் போது: குளிக்கும் போது கடலை மாவு தேய்த்து  குளித்தால் முகம் வழுவழுப்பாகும். சுருக்கம் ஏற்படாது. இளமையாக காட்சியளிக்கலாம். இரண்டு தேக்கரண்டி கடலை மாவுடன், 2 தேக்கரண்டி ரோஸ்வாட்டர், 4 தேக்கரண்டி பால் சேர்த்து கலக்கி, பின்னர் நன்றாக முகத்தில் பூச வேண்டும்.10 நிமிடம் கழித்து, குளிர்ந்த நீரில் முகத்தை கழுவினால் சருமம் மென்மையாக இருக்கும். கடும் வெயிலில் சென்றாலும் முகம் கருக்காது. பொலிவிழந்த சருமும் இளமை பெறும். 

எண்ணெய்ப் பசை நீங்க: சருமம் எண்ணெய் வழிந்து பிசு, பிசுப்பாக இருந்தால் கடலை மாவு,  தயிர் , எலுமிச்சை சாறு மூன்றையும்  கலந்து முகத்தில் தடவி சில நிமிடங்கள் ஊற வைத்து வெதுவெதுப்பான நீரில் கழுவினால் எண்ணெய்ப் பசை நீங்கி முகம் பொலிவு பெறும்.

சோர்வான முகம்:  முகம் எப்போதும் சோர்ந்து வாடியது போன்ற தோற்றத்துடன்  இருப்பவர்கள். தோலுடன் இருக்கும் அரை கிலோ கடலை பருப்பு, துளசி இலை 50 கிராம், வேப்பங்கொழுந்து 5 கிராம் இவற்றை நிழலில் உலர்த்தி, நன்றாக அரைத்து கொள்ள வேண்டும்.  கிண்ணத்தில் 2 தேக்கரண்டி அரைத்தப்  பொடியைப்  போட்டு அதில் இரண்டு துளி எலுமிச்சை சாறு சேர்த்து முகத்திற்கு பூசி ஐந்து நிமிடம் கழித்து வெதுவெதுப்பான நீரில் முகத்தை கழுவினால் முகம்  சோர்வு நீங்கி புத்துணர்வுடன்  காணப்படும்.  வாரம் ஒரு முறை செய்தால் போதும். 

வெயில் கருமையை போக்க: வெயிலில் அடிக்கடி செல்பவர்களுக்கு, சூரிய ஒளி பட்டு முகம் கருப்பாகும். தேங்காய் பால் 1 தேக்கரண்டி, கடலை மாவு 1 தேக்கரண்டி  இரண்டையும் கலந்து முகத்தில் பூச வேண்டும். உலர்ந்ததும் கழுவ வேண்டும். வாரம் இரு முறை இப்படி செய்தால் முகம் பிரகாசமாக இருக்கும்.

உருளைக்கிழங்கு: உருளைகிழங்கு சாறுடன் கடலை மாவையும் சேர்த்து முகத்தில் தேய்த்து வந்தாலும் முகம் பொலிவு பெறும். இது  பார்லர் சென்று  பேஷியல் செய்த  அனுபவத்தை கொடுக்கும்.

குளியல் பவுடர்: முகம் மற்றும் மேனி அழகிற்கு கடலை பருப்பு கால் கிலோ, பாசி பயறு கால் கிலோ, ஆவாரம் பூ காய வைத்தது 100 கிராம் மூன்றையும் அரைத்து சோப்புக்கு பதிலாக பயன்படுத்தி வந்தால் விரைவில் சருமம் மென்மையாகும். 

வறட்சியைப் போக்க: கடலை மாவில், தேன், 1 சிட்டிகை மஞ்சள் தூள் மற்றும் சிறிது பால் சேர்த்து பேஸ்ட் செய்து முகத்தில் தடவி, 20 நிமிடம் ஊற வைத்து, குளிர்ந்த நீரில் அலசினால், வறட்சி நீங்கி, முகம் பட்டுப்போன்று மென்மையாக இருக்கும்.

பரு நீங்க:  கடலை மாவு, சிறிது சந்தனப் பவுடர், மஞ்சள் தூள் மற்றும் பால் சேர்த்து பேஸ்ட் செய்து, முகத்தில் தடவி 20 நிமிடம் ஊற வைத்து கழுவினால், நல்ல பலன் கிடைக்கும். வாரத்திற்கு மூன்று முறை செய்து வந்தால், நல்ல மாற்றம் தெரியும்.

தேவையற்ற முடியா?:  சிலருக்கு மீசை போன்று முடி வளரும். அதை தடுப்பதற்கு, கடலை மாவில் மஞ்சள் தூளை சேர்த்து, நீர்விட்டு பேஸ்ட் செய்து தினமும் காலை மற்றும் மாலையில், முகத்தில் தடவி ஊற வைத்து கழுவி வந்தால், நாளடைவில் முடியின் வளர்ச்சி தடைபடுவதை உணரலாம்.

மூட்டுகளில் கருமை: முழங்கை மற்றும் கழுத்துகளில் இருக்கும் கருமையைப் போக்க  கடலை மாவு பேஷியல்  சரியான தீர்வு.  கடலை மாவில், தயிர் மற்றும் மஞ்சள் தூள் சேர்த்து கலந்து கருமையாக உள்ள இடங்களில் தடவி, 30 நிமிடம் ஊற வைத்து, பின் நீரில் கழுவி, நல்லெண்ணெய் கொண்டு மசாஜ் செய்தால், கருமை விரைவில் போய்விடும்.
 

]]>
http://images.dinamani.com/uploads/user/imagelibrary/2018/9/19/w600X390/mn5.jpg http://www.dinamani.com/weekly-supplements/magalirmani/2018/sep/19/சரும-பிரச்னைகளை-போக்கும்-கடலை-மாவு-3003533.html
3003532 வார இதழ்கள் மகளிர்மணி கிராம்பு மகத்துவம்!  - உ.ராமநாதன் DIN Wednesday, September 19, 2018 12:27 PM +0530 கிராம்பில் புரதம், கொழுப்பு, பைனின், யூஜினால், வேனலின், நார்ப்பொருள், கால்சியம் பாஸ்பரஸ், வைட்டமின்கள் ஏ,பி,சி, ஹைட்ரோ குளோரிக் அமிலம் முதலியன அடங்கியுள்ளன.

தொடர் குமட்டல், வாந்தி ஏற்பட்டால் கிராம்புடன் ஏலக்காய் சேர்த்து  பொடித்து  இளஞ்சூடான நீரில்  கலந்து குடித்து வர வாந்தி குமட்டல் நிற்கும்.

கிராம்புகளை நீரிலிட்டு கொதிக்க வைத்து கஷாயம் செய்து, அத்துடன் தேன் கலந்து குடித்து வர  ஆரம்பநிலை ஆஸ்துமா குணமாகும்.

கிராம்பை சமையலிலும், பண்டங்களில் சேர்த்து சாப்பிட்டு வர, உடலிலுள்ள தீமைதரும் சில பாக்டீரியாக்களை அழிக்கும்.  இதிலுள்ள அசிடைல்  யூனினால் கை, கால்களில் ஏற்படும்  தசைபிடிப்பு மற்றும் வலியை போக்கும் ஆற்றல் கொண்டது.

சிறிது நல்லெண்ணெய்யில் இரண்டு கிராம்பை பொடித்துப் போட்டு  சூடாக்கி  ஆறினதும். மூன்று  துளிகள்  காதில் இட்டுவர, காது வலி நீங்கும்.

கொஞ்சம்  தேனில்   கிராம்புத்தூள் சேர்த்து சாப்பிட்டு  வர நினைவாற்றல்  அதிகரிக்கும்.

எலுமிச்சைச் சாறு, இஞ்சிச்சாறு இவற்றுடன் சிறிது கிராம்புத்தூள், இட்டு கலந்து  குடித்து வர சாதாரண பித்தம் விலகும்.

அதிமதுரத்துடன், கிராம்பு  வைத்து பொடித்து  தேனில் சேர்த்து  சாப்பிட்டால்,  குற்றிருமல்  குணமாகும். 

கிராம்புடன் நீர் தெளித்து மைய அரைத்து,  சூடாக்கி  கை, கால் மூட்டுகளில் தடவி வர,  மூட்டு வலி  நீங்கும்.

வெள்ளைப் பூண்டுடன்,  கிராம்பு வைத்து  அரைத்து சிறிதளவு சாப்பிட்டால்  குடற்புழுக்கள் அழியும்.

பாலில் கிராம்புத்தூள் மஞ்சள் தூள்  சேர்த்து  குடித்தால்  மூக்கிலிருந்து நீர் ஒழுகல் நிற்கும்.

சொத்தை பற்களில் கிராம்பு எண்ணெய்யை  சிறிது பஞ்சில் தோய்த்து  வைத்தால் பல்வலி நீங்கும், ஈறு வீக்கம் குணமாகும்.

உப்புடன்  கிராம்பை வைத்து பொடித்து  சாப்பிட்டால்  தொண்டை  கரகரப்பு  நீங்கி  நலம் பயக்கும்.

கிராம்புடன் சீரகம்  வெற்றிலை  வைத்து மென்றுதின்று,  ஒரு டம்ளர்  லேசான சுடுநீர் குடித்தால்,  வயிற்று பொருமல் வற்றும். 

சுக்கு, கிராம்பு, துளசி இலை இட்டு கஷாயம்  செய்து பருகி வர  சளித்தொல்லை குணமாகும்.

கிராம்புடன் சின்ன வெங்காயம்  வைத்து விழுதாக  அரைத்து  நெற்றியில்  பற்றிட்டால்,  ஒற்றைத் தலைவலி ஓடிவிடும்.

ஒரு வெற்றிலையுடன், நான்கு கிராம்பு சேர்த்து  மென்று தின்றால் அஜீரணம் அகலும்.

மஞ்சளுடன், கிராம்பு வைத்து விழுதாக  அரைத்து தேள் கடி,  பூரான்கடி  போன்றவற்றின்  மீது  தடவி வர விஷம் முறியும், வலி நீங்கும்.

(எளிய இயற்கை மருந்துகள் நூலிலிருந்து)

]]>
http://images.dinamani.com/uploads/user/imagelibrary/2018/9/19/w600X390/mn6.jpg http://www.dinamani.com/weekly-supplements/magalirmani/2018/sep/19/கிராம்பு-மகத்துவம்-3003532.html
3003530 வார இதழ்கள் மகளிர்மணி நிஜமான நிர்வாகிகள்! -ராஜிராதா DIN Wednesday, September 19, 2018 12:18 PM +0530 ""குடும்பத் தலைவியர்தான் நிஜமான மிகப் பெரிய நிர்வாகிகள். அவர்களை மதித்து,  மரியாதை கொடுக்க வேண்டியது ஒவ்வொருவரின் கடமை.  என்னைப் பெருத்தவரை நம் நாட்டிலும் சரி, உலகம் முழுவதும் உள்ள குடும்பத் தலைவியரை மதிக்கிறேன். பாராட்டுகிறேன். அவர்களுக்கு ஈடு இணை இல்லை'' என்கிறார் ஐஸ்வர்யாராய்.

]]>
http://images.dinamani.com/uploads/user/imagelibrary/2018/9/19/w600X390/mn3.jpg http://www.dinamani.com/weekly-supplements/magalirmani/2018/sep/19/நிஜமான-நிர்வாகிகள்-3003530.html
3003529 வார இதழ்கள் மகளிர்மணி குழந்தைகளுக்கான சத்துக்குறைவைப் போக்க வேண்டும்!  - திவ்யா சத்யராஜ் DIN Wednesday, September 19, 2018 12:17 PM +0530 பெங்களூரூவில் உள்ள  "அக்ஷய பாத்ரா'  தொண்டு நிறுவனம் உதவியுடன், தமிழக அரசுடன் இணைந்து அரசுப் பள்ளிகளில்  ஊட்டச்சத்து மிக்க காலை உணவு வழங்கும் திட்டத்தை ஆரம்பிக்க  உள்ளனர். அக்ஷய பாத்ராவின் நல்லெண்ண தூதரான, ஊட்டச் சத்து நிபுணர், திவ்யா சத்யராஜ் கூறுகையில்:

""நியூட்ரிஷனிஸ்ட்  ஆக வேண்டும் என்பது தான் எப்போதும் என் கனவாக இருந்தது.  உணவு தான் மருந்து என்பது என் நம்பிக்கை.  எல்லா உடல், மனப் பிரச்னைகளையும் சரி செய்யும் சக்தி உணவுக்கு உண்டு.

ஆரோக்கியம் என்பது வசதி உள்ளவர்களுக்கு மட்டும் என்ற நிலை கண்டிப்பாக மாற வேண்டும் என்று நினைப்பேன். அதனாலேயே பொருளாதார வசதி குறைந்த சூழலில் வளரும் குழந்தைகள் பற்றி ஓர்ஆய்வை செய்தேன்.  அவர்களுக்கு என்ன மாதிரியான உடல் உபாதைகள், நோய்கள் வருகின்றன என்ற அடிப்படையில் என்னுடைய இந்த ஆராய்ச்சி சென்றபோது, நான் தெரிந்து கொண்டது, இந்தக் குழந்தைகளுக்கு நோய் எதிர்ப்பு சக்தி மிகவும் குறைவாக இருக்கிறது என்பதே. 

காரணம், அவர்களுக்கு உணவு இருக்கிறது. ஆனால், ஊட்டச்சத்து மிகுந்த உணவு கிடைப்பதில்லை. இவர்கள் பெரும்பாலும் அரசு பள்ளிகளில் படிக்கும் குழந்தைகள்.  இவர்களுக்கு அவசியமான ஊட்டச்சத்து மிக்க உணவை எப்படி தரலாம் என்று ஆய்வு செய்தேன். தமிழக சுகாதாரத்துறை செயலாளர் டாக்டர் ராதாகிருஷ்ணன், கல்வி அமைச்சர் செங்கோட்டையன் ஆகியோருடன் கலந்து பேசினேன்.

அந்த நேரத்தில் தான்,  "அக்ஷய பாத்ரா'  என்னைத் தொடர்பு கொண்டு, அவர்களின்  ஊட்டச் சத்து விழிப்புணர்வு விளம்பரத் தூதராக இருக்க முடியுமா? என்று கேட்டனர்.

எந்த லாப நோக்கமும் இல்லாமல், குழந்தைகளுக்கு மதிய உணவு தரும் அமைப்பு இது.  மற்ற மாநிலங்களில் மிகவும் வெற்றிகரமாக இதை செய்கின்றனர். என்னுடைய  ஆய்வு மொத்தமும்  தமிழகத்தில் அரசுப் பள்ளிகளில் படிக்கும் குழந்தைகள் ஆரோக்கியமாக இருக்க என்ன செய்ய வேண்டும் என்பது பற்றியது மட்டுமே.  அவர்கள் கேட்டவுடன் நான் கொஞ்சமும் யோசிக்கவில்லை. காரணம்,  ஒபாமா போன்ற தலைவர்கள் பாராட்டிய மதிய உணவுத் திட்டம் வழங்கும் தன்னார்வ தொண்டு நிறுவனம் இது. நம் தமிழக குழந்தைகளுக்கு இதை முறையாக எப்படி பயன்படுத்தலாம் என்று யோசித்தேன். 

நமது  அரசு பள்ளிகளில் ஏற்கெனவே மதிய உணவுத் திட்டம் சிறப்பாக செயல்படுகிறது.

ஆனால், அரசு பள்ளிக் குழந்தைகளுக்கு காலை உணவு தான் பிரச்னை. பல குழந்தைகள் காலை உணவே சாப்பிடாமல் பள்ளிக்கு வருகின்றனர். எனவே, முதல் கட்டமாக கேழ்வரகில் செய்த சத்தான உணவு, பால் கொடுக்கலாம் என்று திட்டமிட்டு வருகிறோம்.  படிப்படியாக தமிழகம் முழுவதும் ஊட்டச் சத்துக் குறைபாடு உள்ள குழந்தைகளுக்கு சத்தான முழுமையான காலை உணவு தரும் திட்டத்தை "அக்ஷயபாத்ரா' உதவியுடன் செயல்படுத்த உள்ளோம். 

நான் நியூட்ரிஷனிஸ்ட்  படிப்பு முடித்து, பயிற்சி செய்ய ஆரம்பித்து இரண்டு ஆண்டுகள் ஆகியிருந்த சமயம்.  ஒரு நாள், டிபார்ட்மென்ட் ஸ்டோரில் வீட்டிற்கு தேவையானதை தேர்வு செய்து கொண்டிருந்தேன்.  ஷாப்பிங் முடித்து வெளியில் வந்தபோது, 10 ரூபாய் மதிப்புள்ள டிராயிங் புத்தகங்களை ரோட்டில் நின்று விற்றுக் கொண்டிருந்தன சில குழந்தைகள்.  அங்கு ஒரு பெண்மணியிடம்,   ""அம்மா, 10 ரூபாய் தான் அம்மா.  ஒரு புக் வாங்கிக்கோங்க''  என்று கெஞ்சியது ஒரு குழந்தை.  அந்தக் குழந்தையிடம் எதுவும் வாங்காவிட்டாலும் பரவாயில்லை. ஆனால், கடுமையான வார்த்தைகளால் திட்டிவிட்டு, காரில் ஏறிச் சென்று விட்டார் அந்தப் பெண்.

எனக்கு அதிர்ச்சி, கோபம், இயலாமை,  குற்ற உணர்வு என்று அனைத்தும் ஒரே நேரத்தில் பொங்கியது. அந்தப் பெண், பல மணி நேரம் செலவு செய்து விலை உயர்ந்த பல பொருட்களை வாங்கினார். தன்னுடைய செல்லப் பிராணிகளுக்கு வெளிநாட்டு பிஸ்கட்டுகள்,  அவற்றை சுத்தம் செய்ய ஷாம்பு, சோப்பு என்று வாங்கிக் குவித்தார். அவர் செலுத்திய தொகை பல ஆயிரங்கள். ஆனால், வெயிலில் நின்று, ""பசிக்குது, 10 ரூபாய்க்கு புக் வாங்கிக்கோங்க'' என்ற குழந்தையை கடுமையான வார்த்தைகளுடன் எப்படி கடந்து போக முடிந்தது? என்ற கேள்விதான், தமிழ் நாட்டுக் குழந்தைகள் ஆரோக்கியமாக இருக்க நான் ஏதாவது செய்தே ஆக வேண்டும் என்ற உறுதியை எனக்குத் தந்தது.

என்னைப் பொருத்தவரை, அடுத்தவரின் பசிக்கு உதவுவது என்பது சேவை இல்லை.  முடிந்தவர்கள், தேவையானவர்களுக்கு செய்ய வேண்டிய நியாயம். இந்த ஒரு சிறிய விஷயத்தைக் கூடவா வசதி உள்ளவர்களால் செய்ய முடியாது? வசதி உள்ள வீட்டில் பிறந்த குழந்தைகள் மட்டும் தான் ஆரோக்கியமாக இருக்க வேண்டுமா?  எங்கே பிறந்திருந்தாலும் குழந்தை,  குழந்தை தானே? ஒரு 10 ரூபாயை பசித்தவருக்கு தராமல் நகர்வது பெரிய குற்றம் என்று தோன்றியது. தங்கள் குழந்தைக்கும் செல்லப் பிராணிக்கும் கணக்கே இல்லாமல் செலவு செய்பவர்களால், ரோட்டில் நின்று இருக்கும் ஒரு குழந்தைக்கு 10 ரூபாய் தர முடியாது என்பது எந்த விதத்தில் சரி? வசதி படைத்தவர்களின் செல்லப் பிராணிகள், பொருளாதார வசதி படைத்த ஏழை குழந்தைகளைவிடவும் வசதிகளை அனுபவிக்கிறது!

நாம் எந்தத் துறையில் இருந்தாலும் நம்மை சுற்றி இருப்பவர்களுக்கு ஏதாவது செய்து  கொண்டே  இருக்க வேண்டும் என்ற எண்ணம் என் தந்தையிடம் (நடிகர் சத்யராஜ்) இருந்து வந்தது. 

ஊட்டச் சத்து குறைவான குழந்தைகளுக்காக செய்ய வேண்டியது தான் நிறைய இருக்கிறது. சில மாதங்களுக்கு முன் பிரதமருக்கு கடிதம் எழுதியதும் சுகாதாரத் துறையில் நடக்கும் அவலங்களில் இருந்து, சராசரி மக்களை காப்பாற்ற வேண்டும் என்ற ஆதங்கத்தில்தான்.  மருத்துவம் வர்த்தகம் ஆகிவிட்ட  நிலையில், நிறைய கார்ப்பரேட் மருத்துவமனைகள் வெறும் லாப நோக்கத்தை மட்டுமே வைத்து செயல்படுகின்றன.

எனக்கு தெரிந்த பெண் ஒருவர்.  மதுரையில் ஒரு தனியார் மருத்துவமனையில் அட்மிட்  ஆனார். நான் பார்க்கப் போயிருந்த நேரம், அவர் நன்றாகவே இருந்தார். அவர் குணமான பின்பும் தேவையில்லாமல் ஆறு நாட்கள் அதிகமாக மருத்துவனையில் வைத்திருந்தனர். அவசியமே இல்லாத பரிசோதனைகளை செய்து கொண்டிருந்தனர். இந்தப்போக்கு மாற வேண்டும். இதற்கென பிரசாரம் நாம் செய்ய வேண்டும்'' என்றார். 

]]>
http://images.dinamani.com/uploads/user/imagelibrary/2018/9/19/w600X390/mn1.jpg http://www.dinamani.com/weekly-supplements/magalirmani/2018/sep/19/குழந்தைகளுக்கான-சத்துக்குறைவைப்-போக்க-வேண்டும்-3003529.html
3003528 வார இதழ்கள் மகளிர்மணி ஸதியின் சாதனை! - பிஸ்மி பரிணாமன்  Wednesday, September 19, 2018 12:15 PM +0530  

ஆசிரிய சமூகத்தில்  "நல்லாசிரியர்'  விருது  வழங்கிவரும் திட்டத்தின் கீழ் இந்த ஆண்டு தமிழகத்திலிருந்து ஒருவர் மட்டுமே தேர்ந்தெடுக்கப்பட்டுள்ளார். செப்டம்பர்  ஐந்து - ஆசிரியர் தினத்தன்று  டில்லியில் இந்த விருதினைப் பெற்று வந்திருக்கிறார் ஆர். ஸதி. இவர் கோவையை அடுத்த  மதுக்கரை ஒன்றியத்தில் மலுமிச்சம்பட்டி ஊராட்சி ஒன்றிய தொடக்கப் பள்ளியின் தலைமை ஆசிரியர். ஸதியால் பள்ளியின் தரம் மட்டும் உயரவில்லை. பேரூரான மலுமிச்சம்பட்டியே புரட்சிகரமான  மாற்றத்திற்கு உள்ளாகியுள்ளது. தேசிய அளவில்  நல்லாசிரியர் விருது ஸதிக்கு கிடைப்பதற்கு  இதுவும் ஒரு காரணம். தனது கல்விப் பயணம் குறித்து   ஸதி  மனம் திறக்கிறார்:

""எனது சொந்த  ஊர்  கோத்தனூர்.  அப்பா கல்வித் துறையில் பணியாற்றியவர். 1995-இல் ஆசிரியப் பணியில் சேர்ந்தேன். சரித்திரத்தில் முதுநிலைப் பட்டத்துடன், தமிழ் இலக்கியத்தில் இளநிலை பட்டப்படிப்பை  முடித்துள்ளேன். கணவர் இந்திய விமானப்படையில் பணியாற்றி விருப்ப ஓய்வு பெற்றவர். தற்சமயம் வங்கியில் பணி புரிகிறார். மகள் பிரஷிதா. பொறியியல் பட்டப்படிப்பில் நான்காம் ஆண்டு மாணவி. மகன் பிரஜ்வின் ஒன்பதாம் வகுப்பில்.   நடுவில்  இடமாற்றங்கள் வந்தன.  2009 -ஆம் ஆண்டு தலைமை ஆசிரியையாக பதவி உயர்வு கிடைத்தது.  ஏன்   "ஸதி'  என்று  பெயர் வைத்தார்கள் என்று  சிலர் கேட்பார்கள்.  பார்வதியின் இன்னொரு பெயர்தான் "ஸதி'  என்று விளக்கம் தருவேன்.   

மலுமிச்சம்பட்டி தலைமை ஆசிரியராக 2012 -இல்  பொறுப்பு எடுத்துக் கொண்ட போது, பள்ளியில் மாணவர்களின் எண்ணிக்கை குறைவாக இருப்பதால், பெற்றோர்களை அவர்களது வீட்டிற்குச் சென்று சந்தித்தோம்.  பள்ளியில் கழிப்பறைகள் போதுமானதாக இல்லை. இருந்தவகைகளும் மோசமான நிலையில் இருந்தன. முதலில் அதை சீர்  செய்ய வேண்டுமென்றார்கள். மத்திய அரசின் திட்டத்தின் கீழ் நிதி உதவி கேட்க, ஒரு லட்சம் கிடைத்தது. கழிப்பறைகளை புதுப்பிக்க அந்தத் தொகை போதுமானதாக இல்லை. கூடுதல் உதவி பெற ஊருக்கு அருகில் செயல்படும் "எல் அண்ட் டி' நிறுவனத்திடம் பள்ளியின் நிலைமை குறித்து விளக்கினோம். 

எங்களது அணுகு முறையினால்  "எல் அண்ட் டி' நிறுவனம்   எங்கள்  பள்ளியை தத்து எடுத்துக் கொண்டது. அது பள்ளிக்கு திருப்புமுனையாக அமைந்தது. புதிய கட்டடங்கள் கட்டப்பட்டன. வசதிகள் பெருகியது. தரையில் சலவைக் கற்கள் பதிக்கப்பட்டன. ஸ்மார்ட் அறை ரெடியானது. அடிப்படை  ஆங்கிலம், கணக்கு கற்பிக்க இரண்டு சிறப்பு ஆசிரியர்களையும் "எல் அண்ட் டி' நிறுவனம் பணியில் அமர்த்தியது. இன்னொரு தனியார் நிறுவனமான "மெஸ்ஸர் கட்டிங் சிஸ்டம்' கணினி பயிற்சி வசதிகளை ஏற்படுத்தித் தந்துள்ளது. 

பள்ளியில் "டேப்லெட்'  பயன்பாட்டுடன்  சரியான ஆங்கில உச்சரிப்பை சிறப்பாசிரியர்கள் சொல்லித் தரத் தொடங்கியதிலிருந்து ஒரு புதிய திசை நோக்கி பயணம் ஆரம்பித்தது.  அதனால் மாணவர்களுக்கு ஆங்கிலம் கற்பதில் ஆர்வம் வந்திருக்கிறது.  "விகேசி' நிறுவனம்  ஒவ்வொரு மாணவர்களுக்கும் கல்வி ஆண்டு துவக்கத்தில் காலணிகள், டை, ஐ.டி கார்டுகளை வழங்கினார்கள். இந்த உதவிகளால்  பின்தங்கியிருந்த  பள்ளிக்கும்,  அங்கு படிக்கும் மாணவர்களுக்கும்  பெருமளவு மாற்றம்  ஏற்பட்டது. இந்த மாற்றம் பள்ளி மாணவ மாணவிகளிடையே தன்னம்பிக்கையை விதைக்க... பள்ளிக்கு வராதவர்கள் கூட வருகை தர ஆரம்பித்தார்கள்.  அதனால் மாணவர்களின் எண்ணிக்கை  146  லிருந்து  270  ஆக உயர்ந்தது. 

இந்த பள்ளியின் சிறப்பம்சம் சுமார் 25 மாற்றுத் திறனாளிகள் படித்து வருவதுதான்.  வட மாநிலங்களிலிருந்து வேலை நிமித்தம் இங்கு வந்து தங்கியிருப்பவர்களின் குழந்தைகளும்  படிக்கிறார்கள்.  வசதியில்லாத  இந்தக் குழந்தைகளுக்கு  எங்களால் ஆன  உதவிகளை செய்துவருகிறோம்.

சுகாதாரப் பணியாளர்  ஒருவரையும் ஏற்பாடு செய்துள்ளோம்.  அதனால், பள்ளி வளாகம்,  கழிப்பறைகள் சுத்தமாக  இருக்கின்றன.   பள்ளியில்  முதன் முதலாகச் சேரும்  மாணவர்களுக்கு மாலை அணிவித்து  நாங்கள் செய்யும் வரவேற்பு காத்திருக்கிறது. விவசாயம், தோட்டம் குறித்து மாணவர்கள் தெரிந்து கொள்ள வேண்டும் என்பதற்காக பள்ளியில் மாணவர்களைக் கொண்டு தோட்டம் அமைத்திருக்கிறோம்.

பெற்றோர்களை  மாணவர்களின் கல்வியில்,  கவனிப்பில் பங்கு பெற வேண்டும்  என்பதற்காக  ஒவ்வொரு வகுப்பிலும்  ஐந்து அன்னையர்கள் அடங்கிய  குழு ஒன்றினை   உருவாக்கினோம்.  பல  வேளைகளில் அவர்களுடன்  கலந்துரையாடி கருத்துப் பரிமாற்றம்  செய்து கொள்கிறோம். வாசிப்பு அவசியம் என்பதற்காக  நாளிதழ்கள் பத்திரிகைகளை வாங்கி மாணவர்களை வாசிக்க  வைக்கிறோம்.  பாடங்களை நாடக பாணியில் நடத்துவதால் மாணவர்கள் வகுப்பில்  லயித்து ஐக்கியமாகிவிடுகிறார்கள். 

இந்தியாவில்  திறந்த வெளியை  இயற்கை  அழைப்புகளை  நிவர்த்தி செய்வதற்காகப்   பயன்படுத்துகிறார்கள்.   "குட்டி கமாண்டோ' என்ற பெயரில் குழு ஒன்றினை  அமைத்து   காலை மாலை வேளைகளில்  திறந்த வெளியில்  யாராவது அசுத்தம் செய்து கொண்டிருந்தால், உடனே  கையில் இருக்கும் விசிலை முழக்கி  சக மாணவர்களைக் கூட்டி ""இங்கே அசுத்தம் செய்யக் கூடாது. நோய் பரவும்.  பொதுக் கழிப்பறையைப் பயன்படுத்துங்கள்'' என்று சொல்லி அவர்களை அனுப்பி வைக்கிறோம். 

வழக்கமான  கரும்பலகைகளை  மாற்றிவிட்டு  புதிதாக  பச்சை போர்டுகள்   பொருத்தப்பட்டன.  புரொஜக்டர், கணினி வழி பாடங்கள் செய்முறைகள் நடத்தப்படுகின்றன.  உள் அரங்கு, திடல்  விளையாட்டுகளும் மாணவர்களுக்கு அறிமுகப்படுத்தப்பட்டுள்ளது.  இந்த வசதிகள்  நகர்ப்புற   பள்ளிகளில் இருக்கலாம். அவற்றினை  மலுமிச்சம்பட்டி தொடக்கப் பள்ளியில்  கொண்டு வந்துள்ளோம்  என்பது  ஒரு சாதனைதான். 

இந்தப் பள்ளி  கொண்டு வந்த மாற்றங்கள்,  இந்த ஆண்டு சுதந்திர தினத்தன்று மாவட்ட  ஆட்சியர்   மாணவர்கள் பலருக்கு  விருது வழங்கி பாராட்டினார்.  2016-இல்  கோவையில் சிறந்த பள்ளியாக ஆட்சியர் விருது  எங்கள் பள்ளிக்கு   வழங்கப்பட்டது.  2017-இல் தமிழகத்தில் சிறந்த பள்ளிக்கான  "டாக்டர் ராதாகிருஷ்ணன் விருது'  எங்கள் பள்ளிக்குக் கிடைத்தது. விருதுகளின் அடுத்த கட்டமாக  "நல்லாசிரியர்'  விருது வாங்கச் சென்றிருந்த  போது பிரதமர் மோடியைச் சந்திக்கும் வாய்ப்பு கிடைத்தது''  என்கிறார் ஸதி.

]]>
http://images.dinamani.com/uploads/user/imagelibrary/2018/9/19/w600X390/mn2.jpg http://www.dinamani.com/weekly-supplements/magalirmani/2018/sep/19/ஸதியின்-சாதனை-3003528.html
2998998 வார இதழ்கள் மகளிர்மணி இது புதுசு -அருண் DIN Wednesday, September 12, 2018 09:06 PM +0530 ஸ்ரீதேவி  பற்றிய புத்தகம்!

காலஞ்சென்ற நடிகை ஸ்ரீதேவி, பலமொழிகளில் நடித்த பின் பாலிவுட்டில் எப்படி பிரபலமானார் என்பது குறித்த புத்தகமொன்றை லலிதா ஜயர் என்பவர் "ஸ்ரீதேவி: குயின் ஆஃப் ஹார்ட்ஸ்'  என்ற தலைப்பில் எழுதியுள்ளார். ஸ்ரீதேவி ஹிந்தி படங்களில் நடித்தபோது,  தொடக்கத்தில் அவருக்கு, பாலிவுட்டில் குழந்தை நட்சத்திரமாக இருந்த நாஸ் ஏற்ற இறக்கத்துடன் பின்னணி குரல் கொடுத்ததாகவும், "ஆக்ரி ரஸ்தா' என்ற படத்தில் நடிகை ரேகாவும், சில மலையாள படங்களில் நடிகை ரேவதி பின்னணி குரல் கொடுத்ததாகவும் குறிப்பிடப்பட்டுள்ள இந்த புத்தகம்  விரைவில்  வெளியாகிவுள்ளது.

கபடி வீராங்கனையாக கங்கனா!

அஸ்வினி ஐயர் திவாரி இயக்கத்தில் உருவாகும்  "பங்கா'  ஹிந்தி திரைப்படத்தில் தேசிய அளவிலான  கபடி விளையாட்டு வீராங்கனையாக கங்கனா  ரணாவத் நடிக்கிறார்.  அவருடன் பஞ்சாபி பிரபல பாடகரும், நடிகருமான ஐஸிகில் மற்றும் நீனா குப்தாவும் நடிக்கின்றனர்.  ""என்னுடைய குடும்பம் எப்போதுமே  எனக்கு நல்லது கெட்டது எதுவானாலும் சக்தியை தரும் தூணாக நிற்கும்.  அந்த உணர்வுகளை பிரதிபலிப்பது போன்று  "பங்கா' திரைக்கதை  அமைந்துள்ளது. முதன்முறையாக நான் கபடி வீராங்கனையாக நடிப்பதால் இப்படத்தை மிகவும் முக்கியமானதாக  கருதுகிறேன்'' என்று கூறுகிறார் கங்கனா.

எனக்கென்று தனி வீடு இல்லை!

ஹிந்தி சின்னத்திரையில் நடுத்தர குடும்பம், மாமியார் மருமகள் பிரச்னைகளை வைத்து வெற்றிகரமான பல தொடர்களை எடுத்துவரும் முன்னாள் பாலிவுட்  நடிகர் ஜித்தேந்திராவின் மகள் ஏக்தா கபூர்.  மற்றவர்கள் சொல்லும்  உண்மை அனுபவங்களின் அடிப்படையிலேயே கதைகளை அமைத்து தொடர்களை உருவாக்குகிறாராம். ""எங்களுக்காக  வீடு கட்ட வேண்டுமென்பதற்காக என்  தந்தை எவ்வளவு  சிரமபட்டார் என்பது எனக்குத் தெரியும். எனக்கென்று தனி வீடு இல்லை. என் பெற்றோருடன்  தான் வசிக்கிறேன். இன்னமும் எனக்கு மாதந்தோறும் அவர்கள் பாக்கெட் மணி கொடுக்கிறார்கள்.  என் பெற்றோரைச்   சார்ந்திருப்பதால் தனியாக நான் எந்த காசோலையிலும் கையெழுத்திடுவதில்லை'' என்று கூறும் ஏக்தா கபூர், இன்னமும் திருமணம் செய்து கொள்ளவில்லை.

மாமியாரைப் பற்றி மருமகன் தயாரிக்கும் ஆவணப்படம்!

நான்கு தென்னிந்திய  மொழிகளில்  மட்டுமின்றி  ஹிந்தி, துளு மொழிகளிலும் நடித்துள்ள நடிகை பாரதி விஷ்ணுவர்தனைப் பற்றி,  அவரது  மருமகனும், நடிகருமான அனிருத், "பால பங்கரா' என்ற தலைப்பில் ஆவணப் படமொன்றை தயாரித்து வருகிறார். ""மூத்தமகள், சகோதரி , மருமகள், பிரபல நடிகரின் மனைவி, நடிகை, பாடகி,  சமூக சேவகி என பன்முகங்களை கொண்ட  என் மாமியார்  பாரதி, 50ஆண்டுகளாக  பல மொழிகளில் நடித்த அனுபவங்களை முழுநீள ஆவணப்படமாக எடுப்பதில் பெருமைப்படுகிறேன்'' என்று கூறும் அனிருத், ஏற்கெனவே  சில குறும்படங்களை தயாரித்துள்ளார். ஆணாதிக்கம்  நிறைந்த படவுலகம்!

""ஹிந்தி திரையுலகம் ஆணாதிக்கம் மிகுந்தது. பிரபலமானவர்களாக இருந்தால் அவர்கள் சொல்லும் ஜோக்குகள் மட்டமாக இருந்தாலும், அவர் சொல்லி முடிப்பதற்குள் சுற்றிலும் இருப்பவர்கள் சிரிப்பார்கள். வேறு வழியின்றி நாமும் சேர்ந்து சிரிப்போம். நாம் அதைவிட  நல்ல ஜோக் சொன்னாலும்,  பிரபலமானவர் என்ன நினைப்பாரோ என்று நினைத்து சிரிக்க மாட்டார்கள். இதற்காக நான் வருத்தப்பட்டதும் உண்டு'' என்று வெளிப்படையாக சொல்லியிருக்கிறார் பாலிவுட்  நடிகை நேஹா தூப்யா.
அனுபவங்களை புத்தகமாக எழுதும் ஷோபனா!

""நல்ல படங்கள் வெளியாகும் நிலையில், திரைப்படங்களில் நடிக்க முடியவில்லையே என்று நான் வருத்தப்பட்டதில்லை. வெளி உலகத்தைப் பார்க்கவே விரும்புகிறேன். அப்போது உலகம் பதிலுக்கு என்னைப் பார்ப்பதாக உணர்கிறேன். என் குறுகலான இடத்திலிருந்து மக்களை பார்க்கும்போது, அவர்களது பேச்சு, நடவடிக்கைகள்  எதற்காக, ஏன் அப்படி செய்கிறார்கள் என்பதை கவனிப்பது எனக்கு பிடித்திருக்கிறது. எனக்கு விருப்பமானதை செய்ய நான் நினைப்பதை போலவே நல்ல விஷயங்களை தெரிந்து கொள்ளவும் விரும்புகிறேன்'' என்று கூறும் பல தேசிய, மாநில விருதுகளைப் பெற்றுள்ள நடிகை ஷோபனா  தற்போது நடனம்,  திரையுலகம் பற்றிய  தனது அனுபவங்களை புத்தகமாக  எழுதப் போகிறாராம்.

]]>
http://images.dinamani.com/uploads/user/imagelibrary/2018/9/12/w600X390/mn17.jpg http://www.dinamani.com/weekly-supplements/magalirmani/2018/sep/12/இது-புதுசு-2998998.html
2998997 வார இதழ்கள் மகளிர்மணி வருடம் 25 லட்சம் சம்பாதிக்கும் ஸ்வேதா! - கண்ணன் DIN Wednesday, September 12, 2018 09:01 PM +0530 ஃபேஷன் டிசைனிங்கிற்குப் புகழ்பெற்ற  "நிப்ட்'  கல்லூரியில் பட்டம் பெற்று  ஆடு வளர்ப்பில் ஈடுபட முடிவெடுத்த ஸ்வேதாவின் வெற்றிக் கதை:

கடந்த 2015-இல் திருமணமாகி கணவருடன் பெங்களூருக்கு குடிபெயர்ந்த ஸ்வேதாவின் பயணம் அப்போது தான் தொடங்கியது. அந்தக் காலகட்டத்தில் அவர் ஒரு வெற்றிகரமான  ஃபேஷன் டிசைனராகத் திகழ்ந்தார். 

பின்னர், பெங்களூரில் உள்ள சுகபோகமான வாழ்க்கையைத் துறந்து, உத்தரகாண்ட்  மாநிலத்தின் டேராடூன் அருகிலுள்ள ராணிபோக்ரி என்ற சிறு கிராமத்திற்குச் சென்றார். அங்கு ஆடு வளர்ப்பு தொழிலைத் துவங்க தனது மொத்த சேமிப்பையும் முதலீடு செய்தது மட்டுமில்லாமல், தொழிலை விரிவுபடுத்த வங்கிக் கடனையும் பெற்றார்.

வங்கிக்கடன் பெற்றுத் துவக்கத்தில் 250 ஆடுகளுடன் தொழிலை துவங்கினார். இவரது பண்ணையில் ஜம்னாபாரி -டோடாபாரி முதல் சிரோகி- பர்பாரி வரை நாட்டு ஆடு ரகங்கள் மட்டுமே உள்ளன.

ஆடுகளுக்கு முறையான பாதுகாப்பும், ஊட்டச்சத்தும் கிடைப்பதை அவ்வப்போது உறுதி செய்து கொள்கிறார் ஸ்வேதா. சில நேரங்களில் அவரே ஆடுகளைச் சந்தைகளுக்குக் கூட்டிச் செல்கிறார். பாரம்பரிய சந்தையுடன் சேர்த்து, இணையதளங்களில் கூட  ஆடுகளை விற்கிறார்.

முதல் வருடமே அசத்தல்.  கடந்த ஆண்டு ஸ்வேதா ரூ.25 லட்சம் விற்றுமுதலாகப் பெற்றார். மேலும் மற்றவர்கள் சொந்தத் தொழில் துவங்குவதை ஊக்கப்படுத்தும் வகையில் தனது பண்ணையில் பயிற்சி வகுப்புகளையும் நடத்த துவங்கி எடுத்துக்காட்டாகத் திகழ்கிறார் ஸ்வேதா. 

இவர், ""செய்யும் தொழிலே தெய்வம்' என்ற முன்னோர் வாக்கிற்கிணங்கச் செய்யும் தொழிலை விரும்பிச் செய்தால் வாழ்வின் உயரங்களை அடைய முடியும்''  என்று அழுத்தமாகச் சொல்கிறார்.

]]>
http://images.dinamani.com/uploads/user/imagelibrary/2018/9/12/w600X390/mn16.jpg http://www.dinamani.com/weekly-supplements/magalirmani/2018/sep/12/வருடம்-25-லட்சம்-சம்பாதிக்கும்-ஸ்வேதா-2998997.html
2998996 வார இதழ்கள் மகளிர்மணி வாஜ்பாயும் ஹிந்தி சினிமாவும்! - ராஜிராதா DIN Wednesday, September 12, 2018 08:58 PM +0530 வாஜ்பாய்க்கு  இந்திப் படங்களை பார்ப்பது ரொம்ப பிடிக்கும். இப்படி பல படங்களை அண்ணன் குழந்தைகளுடன் பார்ப்பது பிடிக்கும். வாஜ்பாயுடன் உள்ள மாலா திவாரி.  அவரது அண்ணன் மகள். இன்று 61 வயதாகும் மாலா, "தனக்கு பெயர் வைத்ததே  வாஜ்பாய்தான்' என்கிறார். 

""நான் 1955-இல் பிறந்தேன். அதற்கு, ஓராண்டுக்கு முன்பு  "நாகின்'  படம் ரிலீஸானது.  வைஜெயந்திமாலா நடித்த இந்த படமும்  பாடல்களும் சூப்பர் ஹிட். இந்த படத்தின் கேரக்டர் மாலா பெயர்தான் எனக்கு சூட்டப்பட்டதாம்.
 

]]>
http://images.dinamani.com/uploads/user/imagelibrary/2018/9/12/w600X390/mn15.jpg http://www.dinamani.com/weekly-supplements/magalirmani/2018/sep/12/வாஜ்பாயும்-ஹிந்தி-சினிமாவும்-2998996.html
2998995 வார இதழ்கள் மகளிர்மணி பன்முக ஆளுமை! DIN DIN Wednesday, September 12, 2018 08:57 PM +0530
கட்டட  கலைஞர்..  நடன மங்கை.. ஹோட்டல் அதிபர் என  பல முகங்களை தன்னகத்தே கொண்டவர் கிருத்திகா சுப்ரமணியன் (44).  ஒரே சமயத்தில் பலவற்றில் மனதை  செலுத்தி;  அனைத்திலும் வெற்றி பெறும் திறன்கொண்டவர்.
அந்த வகையில்,  தற்போது இவர் கையில் எடுத்திருப்பது எழுத்துத்துறையை.

ஆம், இவர் எழுதிய ‘பதஉஅநமதஉந’ என்ற புத்தகம் சமீபத்தில் வெளியானது.

தஞ்சாவூருடன்  இவருக்கு நெருங்கிய  உறவு  உண்டு.  7-ஆம் வயதில்  அங்குதான் பரத நாட்டியம் கற்கத் தொடங்கினார்.  அது மட்டுமல்ல தஞ்சை பற்றிய அனைத்தும் இவருக்கு அத்துப்படி. 

""பார்க்கவேண்டிய முக்கிய இடங்களை வருங்கால  சந்ததியினருக்கு உணர்த்துவதே  தன் நோக்கம்''  என கூறும் கிருத்திகா,  இனி வருடம்   ஒரு புத்தகம்  இது சார்ந்து  எழுத  திட்டமிட்டுள்ளாராம்.

]]>
http://images.dinamani.com/uploads/user/imagelibrary/2018/9/12/w600X390/mn14.jpg http://www.dinamani.com/weekly-supplements/magalirmani/2018/sep/12/பன்முக-ஆளுமை-2998995.html
2998994 வார இதழ்கள் மகளிர்மணி தினமணியின் விநாயகர் சதுர்த்தி நல்வாழ்த்துகள்: இமயமலை ஏறிய தந்தையும், மகளும்! - அ.குமார்  DIN Wednesday, September 12, 2018 08:51 PM +0530 2018- ஆம் ஆண்டு மே 16-ஆம் தேதி குர்கோன் பகுதியை  சேர்ந்த அஜித் பஜாஜ் (53) மற்றும் அவரது மகள் தியா (24) ஆகிய இருவரும் 8,848 மீ.  உயரமுள்ள இமயமலை மீது ,  இந்தியாவில் முதன் முதலாக  ஒன்றாக ஏறிய தந்தையும் - மகளும் என்ற பெருமையை  பெற்றுள்ளனர்.

அஜித் பஜாஜூம், தியாவும் சேர்ந்தாற் போல் மலையேறுவது இது முதல் தடவையல்ல, தியா சிறுமியாக இருந்தபோதே இருவரும் சேர்ந்தும் தனித்தனியாகவும் பல சாதனைகளை  செய்துள்ளனர். 30 ஆண்டுகளாக விளையாட்டுத் துறையில் பல துணிகரமான செயல்களை புரிந்ததற்காக பத்மஸ்ரீ விருது பெற்ற அஜித் பஜாஜ்,  வடதுருவம், தென் துருவம் மற்றும் கிரீன்லாண்ட்ஐஸ்கேப் ஆகியவற்றில்  ஸ்கேட்டிங்   செய்து போலார் ட்ரிலாஜி என்ற விருது பெற்ற முதல் இந்தியராவர்.

அஜித், ஒன்பது வயதாக இருந்தபோது அவரது தந்தை முதன்முதலாக  அவரை இரவு முழுவதும் மலையேறும் பயிற்சிக்காக அழைத்துச் சென்றாராம். அதன்பின்னர் மலையேறுவது என்பது அஜித்தின் வாழ்க்கையில் துணிச்சல்மிக்க விளையாட்டாக மாறியது. கல்லூரியில் படித்துக் கொண்டிருந்தபோது தான், முதன்முதலாக இமயமலை ஏறிய எட்மண்ட் ஹிலாரியை  சந்தித்தார். அப்போதுதான் தானும் இமயமலை மீது ஏற வேண்டுமென்ற  எண்ணம்  அவருக்கு தோன்றியதாம்.  பிறகு தன் மனைவி ஷெர்லியுடன் சேர்ந்து  ஸ்நோ  லெப்பர்ட் என்ற துணிச்சல் மிக்க பயண சுற்றுலா நிறுவனமொன்றை  துவக்கினார்.  1990-ஆம் ஆண்டு  தன் பெற்றோர்  தொடங்கிய  நிறுவனத்தில்  தற்போது  தியாவும் இணைந்துள்ளார். 

2008-ஆம் ஆண்டு  தியா தன் 14-ஆவது வயதில் கிரீன் லாண்ட்  மேற்கு கடற்கரை ஸூகாயகிங் எக்ஸ்பெடிசன்' அமைப்பில் உறுப்பினரானார். 2011-ஆம் ஆண்டு மே மாதம் 17-ஆவது வயதில் டிரான்ஸ் கிரீன்லாண்ட்  ஸ்கேட்டிங்' அமைப்பில் மிகக் குறைந்த வயதுடைய உறுப்பினரானார். 2012-ஆம் ஆண்டு ஐரோப்பாவில் மிக உயரமான மலையாக  கருதப்படும் மவுண்ட் எல்ப்ரஸ் ( 5642 மீ.) மீது ஏறி சாதனை படைத்தார். கிரீன்லாண்ட் ஐஸ் கேப்பை கடந்த முதல் இந்தியர்கள் என்ற பெருமையை அஜித்தும்,  அவரது மகள் தியாவும் பெற்றனர். 

தன் தந்தையுடன் மேற் கொண்ட மலையேற்றத்தைப் பற்றி தியா என்ன சொல்கிறார்?

சிறுவயதிலிருந்தே எனக்கு துணிச்சல் மிக்க விளையாட்டுகளிலும், வெளிப்புற நிகழ்ச்சிகளிலும் பங்கேற்பதில் மிகவும் விருப்பமிருந்தது. ஆனால் மலையேற்றத்தில் விருப்பமில்லை.என் தந்தைதான் இதில்  ஆர்வமூட்டினார். என்னுடைய தோழிகள் உறங்கிக் கொண்டிருக்கும் நேரத்தில் எழுந்து, மலையேறும் பயிற்சி பெறுவது த்ரில்லிங்காக  இருந்தது.  நாளடைவில் மலையேற வேண்டுமென்பதில் பைத்தியமாகவே மாறினேன்.

மூன்றாண்டுகளுக்கு முன் துணிச்சல் மிக்க இளம் வயதினர்'   இமயமலை ஏறுவது  குறித்து பேச்சு எழுந்தபோது, கல்லூரியில் படித்துக் கொண்டிருந்த என்னை சந்திக்க வந்த என் தந்தை இதுபற்றி   என்னிடம்  கூறினார்.  பட்டம் பெற்றவுடன் என் தந்தையுடன் சேர்ந்து  இருவரும் ஒன்றாக  மலையேறுவது என தீர்மானித்து அதற்காக  ஓராண்டு  பயிற்சி பெற்றோம்.  இதற்காக நீச்சல், ஒட்டப்பயிற்சி, ஜிம் பயிற்சி  என மும்முரமாக  இறங்கி  மலையேறுவதற்கான உடல் தகுதி பெற்றோம். முதற்கட்டமாக  லடாக்கில் இருமுறை,  பிரான்ஸ் மற்றும் நேபாளத்தில்  தலா  ஒருமுறை என நாங்களிருவரும் ஒரே சமயத்தில் மலையேறி  பயிற்சி பெற்றோம்.

இமயமலை மீது ஏறத் தொடங்கிய பின்னர்தான் அதன் உயரம் எங்களுக்கு பயத்தை தந்தது. பொதுவாகவே  மலையேற்றத்தின்போது குறிப்பிட்ட நேரத்தில்  சாப்பிடுவது, தூங்குவது போன்றவைகளை  கடைபிடிக்க வழியில்லை. 24 மணி நேரமும் என் தந்தையும் கூடவே, இருந்ததால்  சிரமமாக இருந்ததோடு  சில நேரங்களில் எரிச்சலும் தடுமாற்றமும் எழுந்ததுண்டு.

ஒருநாள் இரண்டாம்  முகாமில் நாங்கள் தங்கியிருந்தபோது,  மலையை வெடிவைத்து தகர்த்தாற்போல் திடீரென  பனிப்புயல்  ஒன்று உருவாகி எங்கள் குழுவினர் தங்கியிருந்த கூடாரத்தை தாக்கியதில்   கூடாரமே சின்னாபின்னமாகிவிட்டது. இனியும் பயணத்தை தொடர  வேண்டுமா என்ற பயமும், சந்தேகமும் ஏற்பட்டது.  அதற்கேற்ப பருவ நிலையும் மோசமாக இருந்தது.  மறுநாள் காலை நாங்கள் விழித்தெழுந்தபோது வானம் வெளுத்து துல்லியமாக இருந்தது. பயணத்தை  தொடர்ந்தோம்'' என்று  தியா கூறி முடிக்க அவரது தந்தை அஜித்  பஜாஜ்  மேலும் தொடர்ந்தார்.

""மே 16- ஆம் தேதி நாங்களிருவரும் மலையுச்சியை  நோக்கி ஏறும்போது, அரைமணி நேரம் முன்பாக திடீரென என்னால் மேற்கொண்டு மலை ஏறமுடியவில்லை. காரணம் என்னுடைய  ஆக்ஸிஜன்  மாஸ்க்கில்  ஏதோ கோளாறு என தெரிந்தது. சிரமப்பட்டு ஐந்தாறு அடிகள் எடுத்து வைத்து ஏறினால் மேற்கொண்டு அடியெடுத்து வைக்க முடியாமல் கால்கள் தடுமாறியது.

என்னால் மலை உச்சியை அடைய முடியாது என கருதி,  என்னுடைய  மகளை தொடர்ந்து ஏறும்படி  கூறினேன். என்னுடைய பயணத்தை தொடர முடியாதோ என்ற எண்ணமும் தோன்றியது. என்னை தனியாக  விட்டுவிட்டு  செல்ல மனமின்றி  தியா திரும்பி  திரும்பி பார்த்தபடியே ஏறிச் சென்று கொண்டிருந்தார். அரைமணி  நேரம் கழித்து பார்த்தபோது அவள் மலை உச்சியில்  நின்று கொண்டிருப்பது தெரிந்தது.  அப்போது  காலை 4.45மணி.

அதற்குள் என்னுடைய ஆக்ஸிஜன்  மாஸ்க் மீண்டும் வேலை செய்ய தொடங்கியது. 15 நிமிடங்களுக்குள் நானும் மேலே சென்று, உணர்ச்சி வசப்பட்டு என் மகளை அணைத்துக் கொண்டேன்.  ஒரே நேரத்தில் இருவரும் ஒன்றாக  மலை உச்சிக்கு சென்றடைய  முடியவில்லையே  என்ற வருத்தம் இருந்தாலும், முதன்முதலாக  தந்தையும், மகளும் இமயமலை மீது ஏறி சாதனை படைத்துவிட்டோமே  என்ற ஆத்ம  திருப்தியும், மகிழ்ச்சியும் ஏற்பட்டது.  உடனே  தேசிய கொடியை எடுத்து பெருமையுடன்  ஏற்றி சில புகைப்படங்களை எடுத்துக் கொண்டோம்.  எங்களை பொருத்தவரை இது ஒரு மறக்கமுடியாத பயணமாகும். நம்பிக்கையும், பொறுமையும் எங்களை சாதனையாளர்களாக  மாற்றியது'' என்றார்.

தந்தையும், மகளுமாக இமயமலை மீதேறி  சாதனை படைத்ததன் மூலம் என்ன சொல்ல விரும்புகிறீர்கள்? உங்கள்  அடுத்த திட்டம் என்ன?

பெற்றோர்  அளிக்கும் ஊக்கமும், ஆதரவும் இருந்தால் பெண்களால் எதையும் சாதிக்க முடியும் என்பதை உணர்த்தியுள்ளோம்.  அடுத்து அண்டார்டிகாவில் உள்ள மிகப்பெரிய  மலையான  வின்சன் மாசிப் மீது ஏற  திட்டமிட்டுள்ளோம். இதற்காக மேலிட அனுமதி கேட்டுள்ளோம்''  என்று  ஒரே குரலில் அஜித் பஜ்ஜாஜும், தியாவும் கூறினர்.

]]>
http://images.dinamani.com/uploads/user/imagelibrary/2018/9/12/w600X390/mn13.jpg http://www.dinamani.com/weekly-supplements/magalirmani/2018/sep/12/தினமணியின்-விநாயகர்-சதுர்த்தி-நல்வாழ்த்துகள்-இமயமலை-ஏறிய-தந்தையும்-மகளும்-2998994.html
2998991 வார இதழ்கள் மகளிர்மணி மாடலாக அமிதாப்பச்சனின் மகளும் பேத்தியும்..! - ஏ. எ. வல்லபி   DIN Wednesday, September 12, 2018 08:24 PM +0530 அமிதாப் பச்சனின் மகளான ஸ்வேதா பச்சன் நந்தா மாடலாக 2016-லேயே மேடை ஏறிவிட்டார். எஸ்கார்ட்  நிறுவனத்தின் உரிமையாளர்களின் குடும்பத்தில் மருமகளாக இருந்தாலும் ஸ்வேதா வணிக நிறுவனம் எதையும் தொடங்கவில்லை.  புகழ் வெளிச்சத்திலிருந்து சற்று விலகி  இருந்து வந்தாலும், ஸ்வேதா இந்த ஆண்டு ஃபேஷன் உலகில் புதுமைகளை அறிமுகப்படுத்த பல்வகை வடிவ ஆடைகளை ஆன்லைன் மூலம் விற்க  ""M x S'   நிறுவனம் ஒன்றை தொடங்க உள்ளார். பருத்தி, செயற்கை இழை முதல் தோலால் உருவாக்கப்படும் நவீன ஆடைகள் வரை அசத்தும் டிசைன்களில் ஃபேஷன் சந்தையை ஆக்கிரமிக்க விற்பனையை செப்டம்பர் மாதம் அதிரடியாகத் தொடங்க உள்ளார். சிறுமிகள் முதல் பேரிளம் பெண்களுக்கான ஆயத்த உடைகள் மட்டுமே விற்பனைக்கு  கிடைக்கும். 

புதிய வணிக முயற்சிக்கு விளம்பரம் வேண்டுமே.?   

தனது ஆடைகளின்  விளம்பரத்திற்காக  மாடல்களைத் தேடி ஸ்வேதா அலையவில்லை.   மாடலாக  தனது மகளும், அமிதாப் பச்சனின்  பேத்தியுமான நவ்யா நவேலி நந்தாவை களம் இறக்கியிருக்கிறார். கூடவே ஸ்வேதாவும் மகளுடன் அவ்வப்போது இணைந்து மாடலிங் செய்துள்ளார். ஸ்வேதா, நவ்யா  இணைந்து  நிற்கும்  படங்களில்   "மாடலிங்கில்   மின்னுவது.. நீயா நானா' என்று கேட்கிற மாதிரி அமைந்து விட்டிருக்கிறது.

இதைப் புரிந்து கொண்ட  அமிதாப்  "எதற்கு வம்பு' என்று நினைத்தாரோ என்னவோ  மகளையும்   பேத்தியையும்  ""சூப்பர்ர்ர்ர்ர்.... அளவில்லாத   அன்பும் ஆசிர்வாதங்களும்... மகளுக்கும் மகளின்  மகளுக்கும்..'' என்று புகழ்ந்து தள்ளியிருக்கிறார். 

இந்த மாடலிங்  செய்ய  ஸ்வேதா  மகள்  நவ்யாவுக்கு  "ஊதியமாக  என்ன அன்பளிப்பு செய்தார்'  என்று கேட்டதற்கு,   கிடைத்த பதில் என்ன தெரியுமா?

""உருளைக்   கிழங்கு  சிப்ஸ்  கொடுத்து நவ்யாவை  மாடலிங்  செய்ய வைத்தேன்'' அழகு மிளிரும் நவ்யா மாடலிங் செய்யத் தொடங்கிவிட்டதால் விரைவில் திரைப்படங்களிலும் நடிப்பார்  என்று பேச்சு அடிபட  ஆரம்பித்துவிட்டது, அப்படி நவ்யா நடிக்க வந்தால் ஊதியம் உருளைக் கிழங்கு சிப்ஸ்களாக இருக்காது என்பது மட்டும் நிச்சயம்.

]]>
http://images.dinamani.com/uploads/user/imagelibrary/2018/9/12/w600X390/mn11.jpg http://www.dinamani.com/weekly-supplements/magalirmani/2018/sep/12/மாடலாக-அமிதாப்பச்சனின்-மகளும்-பேத்தியும்-2998991.html
2998989 வார இதழ்கள் மகளிர்மணி இல்லத்தரசியும் தொழில் முனைவோர் ஆகலாம்-23  - ஸ்ரீதேவி Wednesday, September 12, 2018 08:17 PM +0530 ""கடந்த 1998-ஆம் ஆண்டில்  இருந்தே  தொழில்  முனைவோருக்கான பயிற்சியை அளித்து வருகிறேன். இதனால் , பலதரப்பட்ட  பெண்களை அதிகம் சந்திக்கும் வாய்ப்பு  கிடைக்கிறது.  அந்த வகையில், சென்ற மாதம் என்னுடைய பயிற்சி மையத்திற்கு ஒரு பெண்மணி  வந்திருந்தார்.   நான் ஏதாவது ஒரு சிறு தொழில் செய்தாக  வேண்டும். எனக்கு உதவுங்கள் என்றார். அதிலும் அதிக முதலீடு இருக்கக் கூடாது, மாதம் ரூ.2000 ஆவது வருமானம் கிடைக்க வேண்டும் என்றார். அவரைப் பற்றி விசாரித்ததில்  அவர் அதிகம் கோயிலுக்குச் செல்பவர் என்பதையும், அங்கு அதிகம்  பெண்களுடன் சகஜமாக பேசுபவர்  என்பதையும் அறிந்தேன்.  அவரிடம்  "நீங்கள்ஆர்கானிக் பெருங்காயம்  செய்யலாமே  அதற்கு ரூ. 1100  முதலீடு  இருந்தால் போதும்.  (2 கிலோ செய்வதற்கு)  25 கிராம் ரூ. 25க்கு விற்பனை செய்யலாம்  நல்ல லாபம் கிடைக்கும்' என்றேன். அவருக்கு நம்பிக்கை வரவில்லை. இருப்பினும் நான் சொல்வதை போன்று செய்து விற்பதாக கூறினார். அதற்கான பொருட்களையும் வாங்கி பெருங்காயம் செய்து டப்பாக்களில் அடைத்து கோயிலுக்கு போகும்போது 10 டப்பாக்கள் எடுத்துச் சென்றார். ஆர்கானிக் பெருங்காயம் வீட்டில்  செய்தது  என்றவுடன் நிறைய பேர் வாங்கி கொண்டனர். அதுமட்டுமல்லாது கேண்டீன் ஆர்டரும் கிடைக்க  தற்போது வாரம் ரூ.1000- வீட்டிலிருந்தபடியே சம்பாதிக்கிறார் என்பது மகிழ்ச்சிகுரிய விஷயம் தானே''  என்கிறார் சுய தொழில் ஆலோசகர் உமாராஜ்.

இந்த வாரம் அலங்கார  செயற்கை நீரூற்று  
தயாரிப்பு பற்றி பார்ப்போம்:

""சலசலக்கும் நீரோடையின்  சத்தமும்,  அருவி நீரின்  குளிர்ச்சியும் யாருக்குத்தான் பிடிக்காது.  அழகான  அந்த அருவியின்  நீரோட்டத்தையும், அமைதி கலந்த  அந்த சத்தத்தையும்  எப்பொழுதாவது  மட்டுமே  ரசிக்கிற வாய்ப்பு கிடைக்கும்  ஆனால்  அதை வீட்டிலேயே உருவாக்கி  ரசிக்க முடிந்தால் மகிழ்ச்சியானதாக இருக்கும் அல்லவா.  

இதற்கு ரூ. 1000 முதலீடு இருந்தால் போதும்  ஒரு  செயற்கை நீரூற்று செய்யலாம். அதை அப்படியே ரூ.2000க்கும் விற்பனை செய்யலாம். இதற்கு தேவையான பிளாஸ்டிக்  டப், பிளாஸ்டோ பாரிசம்,  பெயிண்ட், பூக்கள், செடிகள், புற்கள், பொம்மைகள், மோட்டார் (அக்வேரியத்தில் கிடைக்கும்) மேலும் பிளாஸ்டோ பாரிசம் கலக்கும்  விதமும்  கற்பனைத் திறனும் இருந்தால் நிறைய டிசைன் செய்யலாம். மேலும் வீட்டிற்குள்ளே, அழகுக்காகவும், வாஸ்து நம்பிக்கைக்காகவும் செயற்கை நீரூற்று வைக்கிற வழக்கம் பரவலாகி வருகிறது. 

இதை செய்வதற்கு  இரண்டு நாள்கள்  தேவைப்படும்  முழுக்க காய்ந்த பிறகுதான் பெயிண்ட் அடிக்க முடியும். விற்பனை  செய்வதும் எளிது. நவராத்திரி, திருமணம், கிரகப்பிரவேசம் உள்ளிட்ட அனைத்து விசேஷங்களுக்கும் அன்பளிப்பாக வழங்கலாம். மேலும் இதையே ஹோட்டல்களில் கூட பெரியளவில்  செட்டிங்  செய்து தரலாம்.  இதில் கற்பனைக்கு ஏற்றாற்போல் கோயில்,  கோபுரம்,  மலை, பூங்கா, பானையில் இருந்து  நீர் ஊற்றுவருவது போன்று செய்யலாம்.  இதற்கு  முதலில் ஒரு நாள் பயிற்சி எடுத்துக் கொண்டாலே போதுமானது.  நல்ல வரவேற்பு மிக்க லாபம் கொடுக்கக் கூடிய தொழில் இது.

]]>
http://images.dinamani.com/uploads/user/imagelibrary/2018/9/12/w600X390/mn12.jpg http://www.dinamani.com/weekly-supplements/magalirmani/2018/sep/12/இல்லத்தரசியும்-தொழில்-முனைவோர்-ஆகலாம்-23-2998989.html
2998987 வார இதழ்கள் மகளிர்மணி பன்னிரண்டு வயது: நான்கு புத்தகங்கள்! - அங்கவை DIN Wednesday, September 12, 2018 08:07 PM +0530 ஈரோட்டைச் சேர்ந்த   சுரேஷ் - பிரியா தம்பதியின் மகள். வயது  பன்னிரண்டு. மாணவியான  சக்தி ஸ்ரீதேவி. குழந்தைகளுக்கான  மூன்று கதைப் புத்தகங்களை எழுதி வெளியிட்டிருக்கிறார். இந்தச் சின்ன வயதில் சரளமான ஆங்கில மொழியில் எழுதியிருக்கும்  சக்தி ஸ்ரீதேவி,  ஈரோடு  இந்தியன்  பப்ளிக் பள்ளி மாணவி. ஆங்கில வழியில் படிப்பதினாலும்,  குழந்தைகளுக்கான கதைகளை ஆங்கிலக் கதைகளை படிப்பதினாலும், ஆங்கிலம்  சக்தியின் வசமாகியுள்ளது.  இது குறித்து சக்தி கூறியது:

""வாசிப்பு பழக்கம்  என்னை எழுதத் தூண்டியது. இப்போது கணினி மூலம் எழுதுவதால் கணினியை இயக்கக் கற்றேன். பிறகு கணினியில்  தட்டச்சு படித்தேன். போகப் போக பெயிண்ட், போட்டோஷாப் போன்ற மென்பொருள்களையும் கையாளத் தெரிந்து கொண்டேன். அதனால், கதைகளுக்கான படங்கள், வடிவமைப்பு  செய்யவும் கற்றுக் கொண்டேன். எனது புத்தகங்களில் அச்சிடப்பட்டிருக்கும் படங்கள் நான் வரைந்ததுதான். அச்சடிப்பது மட்டும் வெளியில்.   

எனது எழுத்துப் பயணம் தொடங்கியது எட்டாவது வயதில்.  "பெலேனா - த  பாலட் டான்ஸர்'  (Ballena the Ballet Dancer)  என்ற கதையை எழுதி நான் படிக்கும் பள்ளியில் வெளியிட்டேன். அதை வாசித்தவர்கள் பாராட்டினார்கள்.  ஆசிரியர்களும்  பெற்றோரும்  தொடர்ந்து எழுதுமாறு ஊக்குவித்தார்கள். பதினோராம் வயதில்  இரண்டாவது கதை புத்தகமான "கேண்டி  - த ராயல் கேட்'  ( Candy  the   Royal  Cat  ). அதுவும் பள்ளி மாணவர்களிடையே நல்ல வரவேற்பை பெற்றது.  அந்த உற்சாகத்தில் மூன்றாவது  புத்தகத்தையும் எழுதி வெளியிட்டேன். அதன் தலைப்பு  ‘The Kid Who Taught the Way of Living'. 

தினமும்  இரவு  பள்ளிப்பாடங்களை முடித்ததும்  கணினியின் முன் அமர்ந்து ஏதாவது வாசிப்பேன். ஏதாவது எழுதுவேன். ஆங்கிலத்தில் புதிய சொற்களைத் தெரிந்து கொள்வேன். இந்தப் பழக்கம்தான்  எனக்கு  ஆங்கில அறிவைத் தந்தது. எனக்கென்று  வலைதளம் இருந்தாலும்,  முகநூல் பக்கம் இல்லை.  அலைபேசி கூட இல்லை.  அலைபேசி வேண்டும் என்று நான் பெற்றோரிடம்  கேட்கவும் இல்லை. தற்சமயம் நான்காவது கதை புத்தகத்தை எழுதிக் கொண்டிருக்கிறேன். 

நான் ஒரு  மேடைப்  பேச்சாளரும்  கூட. பிறருக்கு  சாதனை செய்வதில் உந்துதல் தரும் கருத்தை மையமாகக் கொண்டு எனது பேச்சுகள் அமையும்.  நான்  எனது சொந்த "மேற்கோள்களை' உருவாக்கி வருகிறேன். அவற்றை தொகுத்து புத்தகமாகவும் வெளியிடுவேன்.  நான் எழுதிய  கதைகளை  தமிழிலும்  மொழி பெயர்த்து  வெளியிட  உள்ளேன்''  என்கிறார்  கடுகு  சிறுத்தாலும் காரம் குறையாது  என்பதை மெய்ப்பிக்கும் குழந்தை எழுத்தாளர் சக்தி ஸ்ரீதேவி.

]]>
http://images.dinamani.com/uploads/user/imagelibrary/2018/9/12/w600X390/mn10.jpg http://www.dinamani.com/weekly-supplements/magalirmani/2018/sep/12/பன்னிரண்டு-வயது-நான்கு-புத்தகங்கள்-2998987.html
2998986 வார இதழ்கள் மகளிர்மணி குப்பை லாரி ஓட்டும் இரும்பு மனுஷி!  - பாலா DIN Wednesday, September 12, 2018 07:54 PM +0530 ஆண்களுக்கு  என்றே  முத்திரை குத்தப்பட்ட  பல தொழில்களில் சர்வ சாதாரணமாகக் கால் பதித்து  சாதிக்கத் தொடங்கிவிட்டனர் பெண்கள்.  அந்த வகையில்   ஆட்டோ, டிராக்டர், பேருந்து,  டாக்ஸி என ஓட்டிக் கொண்டு இருக்கும் பெண்களின் வரிசையில்,  தூத்துக்குடி மாநகராட்சியில் குப்பை லாரி ஓட்டும்  வேலையில் முதல்  பெண்ணாக  களமிறங்கி தைரியமாக பணி செய்து வருகிறார் ஜெயலட்சுமி.   அவர் கடந்து வந்த பாதை குறித்து நம்முடன் பகிர்ந்து கொண்டவை: 

எப்படி ஓட்டுநர் பணியில் ஆர்வம் வந்தது?

எம்.ஏ.படித்துவிட்டு பெற்றோரின் விருப்பப்படி  ஆசிரியை பயிற்சியை முடித்தேன்.  வீட்டில் அம்பாஸிடர் கார் இருந்ததால்  அப்பாவின்  உதவியோடு கார் ஓட்டக் கற்றுக் கொண்டேன்.  அந்த சமயத்தில், என்னுடைய  அப்பாவின் நண்பர் ஓட்டுநர் பயிற்சிப் பள்ளி வைத்திருந்தார். அதில் டிரைவிங் கற்றுக் கொள்ள வரும் பெண்களுக்கு பயிற்சி அளிக்க எனக்கு வாய்ப்புக் கொடுத்தார். நான் மற்ற பெண்களுக்கு பயிற்சி அளித்ததுடன்  கனரக வாகனங்களை ஓட்டவும் கற்றுக் கொண்டேன்.

பின்னர்,  கனரக வாகனங்களுக்காக லைசன்ஸ் எடுக்க முடிவு செய்தேன். இதற்காக தென்காசி ஆர்டிஓ  அலுவலகத்திற்கு சென்றேன்.   பொதுவாக  5கி.மீ. தூரம் ஓட்டிக் காட்டினால் போதும்.  ஆனால் நான் முதல் முயற்சியிலேயே 25கி.மீ. தூரத்தை  சர்வ சாதாரணமாகக் கடந்து வந்தேன்.  இதனால் கனரக வாகன லைசன்ஸ் பெற்று வேலை வாய்ப்பு அலுவலகத்தில் பதிவு  செய்தேன். 
1999 -இல் திருநெல்வேலி  மாநகராட்சியில்  தண்ணீர் லாரி  ஓட்டுநராக வேலை கிடைத்தது. சில சமயம் அதிகாரிகளின் கார்கள் மற்றும் ஜீப்கள் என ஓட்டியிருக்கிறேன்.  ஆனால், சிறுவயதிலிருந்தே  எனக்கு இராணுவத்தில் சேரவும், வித்தியாசமான சவாலான வேலைகளைச் செய்ய வேண்டும் என்றும் கனவு இருந்து வந்தது.

இதற்கிடையில்  திருமணம்  முடிந்தவுடன்  தூத்துக்குடி  வந்தேன். என் கணவர் எனது சொந்த மாமாவின் மகன் பேக்கரி வைத்து இருக்கிறார். அதனால், புகுந்த  வீட்டிலும் எனக்கு பெருமையான  வரவேற்பு கிடைத்தது. அவர்களின் ஒத்துழைப்பு கிடைத்ததால் என்னால் தொடர்ந்து பணி செய்ய முடிகிறது. 

குப்பை லாரி  தூரத்தில் வருகிறது என்றாலே மூக்கைப்  பொத்திக் கொண்டு ஒதுங்கும் நிலையில் .  குப்பை லாரியை ஓட்டுவது இழிவான வேலையாக நான் நினைத்ததில்லை.  ஒரு நாள் குப்பை லாரி வந்து குப்பைகள் அள்ளாமல் போனால் நகரமே நாறிவிடும். தொற்று வியாதிகளை வெற்றிலைப் பாக்கு வைத்து அழைத்தது மாதிரி ஒட்டிக் கொள்ளும்.  அதனால் தினமும் நகரைச் சுத்தம் செய்யும்  இந்தப் பணியை  மிகவும் ஆத்மார்த்தமாக  நேசிக்கிறேன். 

இந்த வித்தியாசமான பணியில் உங்களுக்கு வரவேற்பு எப்படி ?

அதிகமாக  எதிர் கொண்டது நக்கல் பார்வைகளையும், கிண்டல் பேச்சுகளும் இன்று வரை தொடர்கதைதான். என்னுடைய  திறமையைக் கொண்டு எனக்குப் பிடித்தமான  வேலைகளைச் செய்து வருகிறேன். உடன் பணி செய்யும் சகோதரர்கள். ஏதாவது பிரச்னை என்றால் உதவ முன் வருவார்கள். சிலசமயம் வண்டி பழுதடைந்தால் அவர்கள்  தங்களது வண்டியை எனக்கு கைமாற்றிவிட்டு,  என் வண்டியைச் சரி செய்து எடுத்து வருவார்கள். புயல், மழை, வெள்ளம், சுனாமி காலங்களில்  இரவு முழுவதும் மணல் மூட்டைகளை எடுத்துச் சென்று ஆபத்தான இடங்களில்  போட்டு வந்தேன்.

தனிப்பட்ட முறையில் உங்களால்  எதிர் கொள்ளப்படும் சிரமங்கள்?

எனக்குப் பல சிரமங்கள் இருக்கிறது. தூத்துக்குடி போன்ற நகரங்களில் இவ்வளவு பெரிய வாகனத்தை ஓட்டுவதும். சின்ன சின்ன குறுகிய சந்துகளில், குப்பையை அள்ளிய பின் லாகவமாக  எடுத்துச் செல்லுவதிலும் மிகவும் சிரமப்பட வேண்டியிருக்கும். ஆனால் மன உறுதி இருந்தால், நம்மால் முடியும் என்ற நம்பிக்கை இருந்தால் எந்தக் கடினமான வேலையாக இருந்தாலும், பெண்களால் எளிதாகச் செய்துவிட முடியும்.

எதிர்வரும்  காலங்களை எப்படி திட்டமிட்டுள்ளீர்கள்?

நமது ஊரில்   நிலவும் இன்றைய  பொருளாதார சூழ்நிலை காரணமாக பெண்களும் கடினமான வேலைகளை செய்யத் தயாராய் இருக்கிறார்கள் அவர்களுக்காகவே  ஒரு டிரைவிங் சென்டர்  தொடங்கி  கனரக வாகனங்களை இயக்க இலவசமாக பயிற்சி கொடுக்க வேண்டும் என்ற எண்ணம் இருக்கிறது. விரைவில் செயல்படுத்தவுள்ளேன். குடும்பம் என்னும் மிகக் கனமான சுமையைத் தன் தோள்களில், மனதில் சுமந்து வெற்றிகரமாக வாழ்க்கையை ஓட்டும் பெண்களுக்கு கனரக வாகனங்கள் ஓட்டுவதில் பெரிய சிரமம்  தோன்றாது.

]]>
http://images.dinamani.com/uploads/user/imagelibrary/2018/9/12/w600X390/mn9.jpg http://www.dinamani.com/weekly-supplements/magalirmani/2018/sep/12/குப்பை-லாரி-ஓட்டும்-இரும்பு-மனுஷி-2998986.html
2998982 வார இதழ்கள் மகளிர்மணி சமையல்... சமையல்! DIN DIN Wednesday, September 12, 2018 07:22 PM +0530
சர்க்கரைவள்ளிக் கிழங்கு வறுவல்!

தேவையானவை:

சர்க்கரைவள்ளிக் கிழங்கு - 250 கிராம்
மிளகு - 1 தேக்கரண்டி
ஓமம் -  2 சிட்டிகை
உப்பு - தேவைக்கேற்ப
நல்லெண்ணெய் -  தேவைக்கேற்ப
செய்முறை:  சர்க்கரை வள்ளிக்கிழங்கை தோல் நீக்கி  பொடியாக நறுக்க வேண்டும்.  எண்ணெய்யை  வாணலியில் ஊற்றி,   சூடு செய்து  கிழங்கை நன்கு வறுக்கவும். சிறிது உப்பு சேர்த்து வறுத்தால் விரைவில் நன்கு வறுபடும். பின்னர், சிறிய உரலில் ஓமம்,  மிளகு, உப்பு மூன்றையும் சேர்த்து இடித்துப் பொடிக்கவும். வள்ளிக் கிழங்கு நன்கு கரகரப்பாக  ஆனதும் எடுத்து, அதன்மீது இடித்ததைத் தூவிக் கலந்து பரிமாறவும். மிகவும் சுவையாக இருக்கும்.


கீரை ஊத்தப்பம்

தேவையானவை: 
பச்சரிசி - அரை கிண்ணம்
புழுங்கல் அரிசி -அரை கிண்ணம்
உளுந்தம் பருப்பு - அரை கிண்ணம்
வெங்காயம் - 2
பச்சைமிளகாய் - 2
இஞ்சி - 1 துண்டு
ஏதாவது 3 வகை கீரை - 1 கிண்ணம்
எண்ணெய் - தேவைக்கேற்ப
உப்பு - தேவைக்கேற்ப
செய்முறை:  அரிசியையும் உளுத்தம்பருப்பையும் ஒன்றாக சேர்த்து ஒரு மணி நேரம் ஊற வைத்து அரைத்து கொள்ளவும். வாணலியில் கொஞ்சம் எண்ணெய் விட்டு சூடானதும்  பொடியாக நறுக்கிய வெங்காயம், ப.மிளகாய், இஞ்சியைச் சேர்த்து நன்கு வதக்கவும்.  பின்னர்   ஆய்ந்து சுத்தம் செய்து வைத்துள்ள கீரைகளை பொடியாக நறுக்கிச் சேர்த்து நன்கு வதக்கவும். அரைத்து வைத்த மாவுடன் சேர்த்து, உப்பு சேர்த்து நன்கு கலக்கவும். அடுப்பில் தவாவை வைத்து சூடானதும் மாவை ஊத்தப்பங்களாக வார்த்து, சுற்றிலும் எண்ணெய் விட்டு சுட்டு எடுக்கவும். ஆரோக்கியமான "கீரை ஊத்தப்பம்' ரெடி.

 

நெல்லிக்காய்த்  துவையல்!

தேவையானவை:
பெரிய  நெல்லிக்காய் - 10
பச்சை மிளகாய் - 3
வெந்தயம் - அரைத் தேக்கரண்டி
சீரகம் -  கால் தேக்கரண்டி
உப்பு -  தகுந்த அளவு
மஞ்சள் தூள் - கால் தேக்கரண்டி
செய்முறை:   நெல்லிக்காயைச் சுத்தம்  செய்து கொட்டை  நீக்கி, பல்பல்லாக அரிந்து கொள்ள வேண்டும். பச்சை மிளகாயை இரண்டாக  நறுக்கி வைக்கவும். ஒரு சிறிய உரலில் வெந்தயம், சீரகம், சிறிது உப்பு சேர்த்து இடித்த பின்னர், மஞ்சள் தூள், மிளகாய், நெல்லிக்காய் சேர்த்து, கரகரப்பாக இடித்து, எடுக்க வேண்டும்.  அப்படியே பரிமாறலாம். சுவையாக இருக்கும்.

- இல. வள்ளிமயில், திருநகர். 


வேர்க்கடலை வடை


தேவையானவை:
 வறுக்காத வேர்க்கடலை - 1 கிண்ணம்
இஞ்சி - 1 சிறிய துண்டு
பச்சைமிளகாய் - 2
உப்பு - தேவைக்கேற்ப
வெங்காயம் - 1
புதினா - சிறிது
கொத்துமல்லித் தழை - சிறிது
செய்முறை: வேர்க்கடலையை  அரை மணி நேரம்  ஊறவைத்து நீரை வடித்து எடுத்துக்கொள்ளவும்.  பின்னர், தோல் சீவிய இஞ்சி, பச்சை மிளகாய், உப்பு சேர்த்து தண்ணீர் சேர்க்காமல் அரைத்துக் கொள்ளவும்.  அரைத்த வேர்க்கடலை விழுதுடன்   பொடியாக நறுக்கிய வெங்காயம், புதினா, கொத்துமல்லி சேர்த்துக் கலக்கவும். வாணலியில் எண்ணெய் ஊற்றி சூடானதும் மாவை வடைகளாகத் தட்டிப் போட்டு பொரித்தெடுக்கவும். சுவையான "வேர்க்கடலை வடை' தயார்.

 - ஏ.எஸ். கோவிந்தராஜன், சென்னை.

]]>
http://images.dinamani.com/uploads/user/imagelibrary/2018/9/12/w600X390/mn8.jpg http://www.dinamani.com/weekly-supplements/magalirmani/2018/sep/12/சமையல்-சமையல்-2998982.html
2998979 வார இதழ்கள் மகளிர்மணி டிப்ஸ்.. டிப்ஸ்... - சி.பன்னீர்செல்வம் DIN Wednesday, September 12, 2018 06:51 PM +0530  

கேரட்டை   அரைத்து மோரில் கலந்து  அடிக்கடி சாப்பிட்டு வர உடல் பருமன் குறையும்.


கர்ப்பிணி பெண்கள் அடிக்கடி இளநீர், தர்ப்பூசணிப்பழம் ஆகியவை சாப்பிட்டு வந்தால் குழந்தை வெளுப்பாகப் பிறக்கும்.


பொன்னாங்கண்ணி கீரையுடன் வெள்ளைப் பூண்டு கலந்து சாப்பிட சர்க்கரை நோய் இருக்காது.


கேசரி செய்யும் போது நீரின் அளவைக் குறைத்து அதிக அளவு பால் கலந்து செய்து பாருங்கள். கேசரி நல்ல மணத்துடன் பால்வாசனையுடன் மாறுதலான சுவையுடன் இருக்கும்.


மிளகு ரசத்திற்கு குழைவாக வெந்திருக்கும் பட்டாணி நீரை சேர்த்தால் ரசம் சுவையாக இருக்கும்.


கீரை பயத்தம் பருப்பு கூட்டு செய்யும்போது ஒரு கப் பாலை விட்டால் மணமாக இருக்கும்.


திராட்சை ரசத்தை தேனுடன் கலந்து உணவிற்குப்பின் சாப்பிட்டு வந்தால் இதய பலவீனம் குணமாகும்.


மாம்பழச்சாற்றுடன் கேரட்சாறும் கலந்து அருந்த சிறுநீர் வழிகள் தூய்மை அடையும். தோல்நோய்கள் மறையும். முகப்பரு மறையும்.


அவரைக்காய் விதைகளை அரைத்து முகத்தில் பூசி வர முகப்பருக்கள், கரும்புள்ளிகள் மறைந்து முகம் பளப்பளக்கும்.


தேங்காய் எண்ணெய், விளக்கெண்ணெய், வேப்பஎண்ணெய் இவைகளை சம அளவில் கலந்து வலியுள்ள மூட்டுகள் மேல் பூசி லேசாகத் தேய்த்து விட்டால் மூட்டு வலி குணமாகும்.


தினமும் சுத்தமான தேனுடன் பேரிச்சம் பழம் கலந்து குடித்து வந்தால் உடல் பருமன் குறையும்.


நல்லெண்ணெய்யில் வேப்பம் பூ போட்டு தலைக்கு தேய்த்துக் குளித்தால் பொடுகெல்லாம் போய்விடும்.


பீர்க்கங்காய் இலையை அரைத்துப் பூசி குளித்தால் தோல் சம்பந்தப்பட்ட நோய்கள் அகலும்.


வயிற்று வலிக்கு பச்சை வெங்காயத்துடன் உப்பு கலந்து சாப்பிட குணமாகும்.


ஒரு லிட்டர் நல்லெண்ணெய்யில் 35 கிராம் சீரகத்தை பொடித்து சேர்த்துக் காய்ச்சி வாரம் இருமுறை நீராடினால் பித்தம், மயக்கம், தலைச்சுற்றல், தலைவலி, ஒற்றைத்தலைவலி நீங்கும்.


(பயனுள்ள வீட்டு குறிப்புகள்-நூலிலிருந்து )

]]>
http://images.dinamani.com/uploads/user/imagelibrary/2018/9/12/w600X390/mn7.jpg http://www.dinamani.com/weekly-supplements/magalirmani/2018/sep/12/டிப்ஸ்-டிப்ஸ்-2998979.html
2998977 வார இதழ்கள் மகளிர்மணி தலை சீவும்போது கவனிக்க வேண்டியவை! - பா.கவிதா DIN Wednesday, September 12, 2018 06:47 PM +0530
தலைக்கு குளித்தவுடன் ஈரமாக உள்ள கூந்தலை சீவக் கூடாது.  ஏனெனில் கூந்தலானது ஈரமாக இருக்கும் போது சீவினால் முடியில் முடிச்சுகள் மற்றும் சிக்குகள் அதிகமாக இருக்கும்.  இந்த நிலையில் சீப்பை கொண்டு சீவினால் முடியானது கொத்தாக வேரோடு வந்துவிடும்.


தலை சீவும் போது மண்டை  ஓட்டில் நன்கு பதியும்படி சீவ வேண்டும். கூந்தலும், தலைச்சருமமும் ஒன்றல்ல. ஆகவே தலைச்சருமத்தில் நன்கு படும்படி சீவினால் தலைச்சருமத்தில் இரத்த ஓட்டம் அதிகரித்து மயிர்க்கால்  தூண்டப்பட்டு  முடி நன்கு வளரும். இவ்வாறு தினமும் செய்தால் கூந்தலானது நன்கு ஆரோக்கியமாக வளரும்.


கூந்தலை முதலில் சீவ ஆரம்பிக்கும்போது கூந்தலின் முனையில் இருந்து ஆரம்பிக்க வேண்டும்.  ஏனென்றால் கூந்தலில் முடிச்சுகளானது முனையிலேயே அதிகமாக இருக்கும். ஆகவே  முதலில் இந்த முடிச்சுகளை அகற்றிப் பின் ஆரம்பத்தில் இருந்து சீவினால்  கூந்தல் உதிராமல் இருக்கும். இல்லையென்றால் கூந்தல் வேரோடு தான் வரும்.


கூந்தலை இறுக்கமாக கட்டக்கூடாது.  நிறையபேர் இந்த மாதிரியே கூந்தலை கட்டுகின்றனர்.   அதுபோன்று கூந்தலை போனி டைல் போடக்கூடாது. அப்படி போட்டால் முடியானது பிளவுபட்டு  வளர்ச்சி தடைப்படும்.

]]>
http://images.dinamani.com/uploads/user/imagelibrary/2018/9/12/w600X390/mn6.jpg http://www.dinamani.com/weekly-supplements/magalirmani/2018/sep/12/தலை-சீவும்போது-கவனிக்க-வேண்டியவை-2998977.html
2998976 வார இதழ்கள் மகளிர்மணி பகல் தூக்கம் நல்லதா?  கெட்டதா? - பொ.பாலாஜிகணேஷ் DIN Wednesday, September 12, 2018 06:44 PM +0530 பகலில் தூங்கினால்  உடல் குண்டாகிவிடும். இதுதான் பலரது கருத்து. ஆனால் அது தவறு. வயிறு நிறைய உணவு சாப்பிட்டுவிட்டு, அளவுக்கு அதிகமாக தூங்கினால் தான் ஆபத்து என்கிறது புதிய ஆய்வுகள்.

பொதுவாக, நமது உடல் ஒரு நாளைக்கு இரண்டு வேலை தூங்கும் விதமாகத்தான் படைக்கப்பட்டிருக்கிறது. இரவில் 6 முதல் 8 மணி நேரம் தூங்க வேண்டும். காலை முதல் மதியம் வரை மூளைக்கு கடுமையான வேலை கொடுக்கும் பொது, சற்று ஆசுவாசப்படுத்திக்கொள்ள மூளையோ, உடலோ தானாக ஒய்வு கேட்கும். அந்த நேரத்தில் எல்லாவற்றையும் மறந்து அரை மணி நேரம் குட்டித் தூக்கம் போட்டால், உடலும் மூளையும் மீண்டும் சுறு சுறுப்பாகி விடுகின்றன. இப்படிப் போடும் பகல் குட்டித்தூக்கம் மூளையின் செயல்பாட்டை  அதிகரிப்பதாக கலிபோர்னியா பல்கலைக்கழக ஆய்வு முடிவு தெரிவித்துள்ளது. 39 பேரிடம் இந்த ஆய்வை மேற்கொண்டார்கள்.அப்போது பகலில் தூங்கினால் மூளை செயல் பாடு அதிகரித்து அறிவுத்திறன் வளரும் என்பது தெரியவந்தது. ஆய்வுக்கு உட்படுத்தப்பட்ட 39 பேரை இரவு நேரத்தில் நன்றாக தூங்க வைத்து, பகல் நேரத்தில் நீண்ட நேரம் படிக்க வைத்தனர்.

அதே நேரத்தில் சுமார் 20 பேரை பகலில் 90 நிமிடம் மட்டும் சிறிய அளவில் தூங்க வைத்தார்கள். இவர்களின் செயல் திறன் பின்னர் பரிசோதிக்கப்பட்டது. இதில் இரவில் மட்டுமே தூங்கியவர்களை விட பகலில் சிறிது நேரம் தூங்கியவர்களின் மூளை செயல்பாட்டுத்திறன் அதிகரித்து காணப்பட்டது. இந்த சோதனையை பல முறை மேற்கொண்ட போதிலும் ஒரே முடிவு தான் வந்தது.

மேலும் பகல் நேரத்தில் தூங்குவது, இதயத்திற்கு நல்லது என்று அமெரிக்காவின் பென்சில்வேனியா கல்லூரி பேராசிரியர்கள் ரியான் பிரிண்டில், சாரா கன்குளின் ஆகியோரும் கண்டறிந்துள்ளனர். இவர்கள் 89 மாணவர்களிடம் மேற்கொண்ட  ஆய்வில் இது தெரியவந்துள்ளது.

இவர்களால் ஆய்வுக்குட்படுத்தப்பட்ட  மாணவர்களில் ஒரு பகுதியினரை பகலில் ஒரு மணி நேரம் தூங்கும் படியும், மற்றொரு பகுதியினரை, பகலில் தூங்காமல் இருக்கும் படியும் இருக்கச்  செய்து ஆய்வு மேற்கொண்டனர். ஆய்வின் முடிவில் பகலில் ஒரு மணி நேரம் தூங்கினால் ரத்த அழுத்தம் குறைவது உறுதி செய்யப்பட்டுள்ளது.  பகலில் தூங்குவதன் மூலம் இதய நோய் தாக்குவது தடுக்கப்படுகிறது என்பதும்  தெரிய வந்துள்ளது.

இந்த இரண்டு ஆய்வுகளுமே இன்னொரு எச்சரிக்கையையும் கொடுத்துள்ளன. பகலில் குட்டித் தூக்கம் மட்டுமே பயன் தரும். அதை  விட்டு  அரை மணி நேர தூக்கம் ஒரு மணி நேரம், இரண்டு மணி நேரம் என நீடித்துக் கொண்டே போனால், அவர்களுக்கு நீரிழிவு நோய் ஏற்ப்பட வாய்ப்பு அதிகம் என்பது தான் அந்த எச்சரிக்கை. எனவே பகலில் அளவாக தூங்கினால் நலமாக வாழலாம்!

]]>
http://images.dinamani.com/uploads/user/imagelibrary/2018/9/12/w600X390/mn5.jpg http://www.dinamani.com/weekly-supplements/magalirmani/2018/sep/12/பகல்-தூக்கம்-நல்லதா--கெட்டதா-2998976.html
2998975 வார இதழ்கள் மகளிர்மணி சாதம் எப்படி சாப்பிட வேண்டும்...?   - சாந்தி கண்ணன் DIN Wednesday, September 12, 2018 06:43 PM +0530 பலரும் இன்று குக்கரில் வேகவைத்த சாதம்  சாப்பிடுகிறார்கள். கஞ்சியை வடிக்காமல் சாதம் சாப்பிடுவதால் தான் நீரிழிவு ஏற்படுகிறது.

சாதம் வடித்த கஞ்சி சூடாக இருக்கும்போது சிறிது உப்பைப்போட்டு பருகினால் கண் எரிச்சல், பித்தம் ஆகியவை அகலும். அதுவே கஞ்சி ஆறிப்போய் குடித்தால் வாயுவை ஏற்படுத்தும். 

சாதம் உலையில் கொதிக்கும் போதே கஞ்சியை எடுத்துப்பருகினால் நீர்க்கடுப்பை நீக்கும்.

கொதிக்கக் கொதிக்க சோற்றை சாப்பிடக்கூடாது. மிதமான சூட்டிலேயே சாப்பிட வேண்டும். அதே நேரம் சில்லென்று ஆறிப்போய் சாப்பிட்டால் கீல் வாதம், மூட்டு வாதத்தை ஏற்படுத்தும்.

பழையமுது சாப்பிட்டுத்தான் நம் முன்னோர் நல்லதெம்புடனும் ஆரோக்கியத்துடனும் வாழ்ந்தார்கள்.

முதல் நாள் சாதத்தில் தண்ணீர்  ஊற்றி, மறு நாள் காலையில் பழைய சோற்றை சாப்பிடுவது உடலுக்கு குளிர்ச்சி, வலிமை தருவதுடன் வயிற்றுக்கோளாறு, அல்சர், மூட்டு வலி, தோல் நோய்கள் எதுவும் பாதிக்காமல் பாதுகாக்கிறது.

பழைய சோற்றில் தயிர் ஊற்றி சாப்பிடக் கூடாது. மோராக கடைந்து  ஊற்றி சாப்பிட வேண்டும்.

சோறு வெதுவெதுப்பாக இருக்கையில் பசும்பால் ஊற்றி சாப்பிட்டால்,  தண்ணீர்த்தாகம் ஏற்படுவதும் பித்தம் உண்டாவதும் நீங்கும்.

பச்சரிசி சோற்றில் பால் சேர்த்துச் சாப்பிட வாதம், பித்தம் நீங்கும்.

சிலர் சாம்பார், ரசம், வற்றல்குழம்பு என்று சாதத்தில் பிசைந்து சாப்பிட்டு மோர் போட்டு சாப்பிடாமல் எழுந்து விடுவார்கள். இது உடம்புக்கு மிகவும் கெடுதல். மோர் சாதம் செரிமானக் கோளாறுகளை நீக்கி, வாதம், பித்தத்தை தணிக்கிறது.

மாதாந்திர பிரச்னை உள்ள பெண்களுக்கு சிவப்பரிசி சாதம் மிகவும் நல்லது.

சம்பா சோறு வயிற்றுப் பொருமலுக்கு மிகவும் நல்லது.

வாழையிலையில் சாப்பிடுவதால் அதிலுள்ள துவர்ப்பு சத்து உடலில் சேர்ந்து நன்மை செய்கிறது. 
 

]]>
http://images.dinamani.com/uploads/user/imagelibrary/2018/9/12/w600X390/mn4.jpg http://www.dinamani.com/weekly-supplements/magalirmani/2018/sep/12/சாதம்-எப்படி-சாப்பிட-வேண்டும்-2998975.html
2998974 வார இதழ்கள் மகளிர்மணி சாதிக்கத் துடிக்கும் மங்கை!  - சி.சண்முகவேல்  DIN Wednesday, September 12, 2018 06:38 PM +0530 அரியலூர் மாவட்டம் ஜயங்கொண்டத்தைச் சேர்ந்தவர் சிவகாமி(42). பிறவி கண்பார்வை குறைபாடு கொண்ட இவர் பத்தாம் வகுப்பு வரை படித்துள்ளார். திருமணமான இவருக்கு கணவர் செந்தில்குமார், இரண்டு பெண் குழந்தைகள் உள்ளனர். கடந்த 2012-ஆம் ஆண்டு மாற்றுத் திறனாளிகள் நலத்துறை சார்பில் ரூ.2 லட்சத்து 20 ஆயிரம் கடனுதவி பெற்று ஜெயங்கொண்டம் வட்டாட்சியர் அலுவலகத்தில் ஜெராக்ஸ் (நகலகம்)  கடை நடத்தி வருகிறார்.

இவருக்கு பள்ளி பருவத்திலிருந்து விளையாட்டில் ஆர்வம் இருந்துள்ளது. பள்ளிகள் அளவில் குண்டு, வட்டு எறிதல், ஓட்டப்பந்தயம் உள்ளிட்ட பல்வேறு விளையாட்டு போட்டிகளில் பங்கேற்று பரிசு பெற்றுள்ளார்.

மேலும், இவர் கடந்த 2012-ஆம் ஆண்டு நடைபெற்ற மாற்றுத்திறனாளிகளுக்கான மாவட்ட, மாநில,தேசிய விளையாட்டுப் போட்டிகளில் வட்டு, குண்டு எறிதல், ஓட்டப்பந்தயத்தில் முதலிடம் பெற்றார்.  

2018 ஜூன் 15 முதல் 18-ஆம் தேதி வரை தாய்லாந்து நாட்டில் நடைபெற்ற சர்வதேச விளையாட்டில் வட்டு எறிதலில் தங்கமும், ஜெர்மனியில் ஜூலையில் நடந்த குண்டு எறிதல் போட்டியில் தங்கம் வென்று சாதனை படைத்தார். தற்போது சர்வதேச போட்டியில் பங்கேற்பதற்காக பெங்களூரில் பயிற்சி பெற்று வருகிறார். விளையாட்டில் சிறந்து விளங்கிய போதிலும் தன்னைப் போன்ற பிற மாற்றுத் திறனாளிகளின் முன்னேற்றத்துக்கு பாடுபட்டு வருகிறார்.

இதுகுறித்து சிவகாமி கூறியது: மாற்றுத் திறனாளிகளுக்கான மாவட்ட, மாநில, தேசிய விளையாட்டுப் போட்டிகளில் குண்டு, வட்டு எறிதல், ஓட்டப்பந்தயப் போட்டிகளில் 2012 முதல் 2018 வரை தொடர்ந்து முதலிடம் பெற்று வருகிறேன். 2015, 2018-ஆம் ஆண்டுகளில் மாநில, சர்வதேச அளவில் நடைபெற்ற மாற்றுத் திறனாளிகளுக்கான நீச்சல் போட்டியில் முதலிடம் பெற்றுள்ளேன். இதுவரை 56 தங்கப் பதக்கம் உள்பட 70 பதக்கங்களை பெற்றுள்ளேன். 

என்னுடைய ஆர்வத்தை ஊக்குவிக்கும் வகையில் மறைந்த முன்னாள் குடியரசுத் தலைவர் ஏ.பி.ஜெ.அப்துல் கலாம் பாராட்டியது மறக்க முடியாத நிகழ்வாகும். அடுத்தாண்டு (2019) பெங்களூருவில் நடைபெறும் சர்வதேச விளையாட்டுப் போட்டிகளில் பங்கேற்பதற்காக பெங்களூருவிலுள்ள ஸ்போர்ட்ஸ் அத்தாரிட்டி ஆப் இந்தியா கிளப்பில் பயிற்சி எடுத்து வருகிறேன்.

2015-ஆம் ஆண்டு பாரா ஒலிம்பிக்கில்  ஓட்டப்பந்தயத்தில் தங்கப்பதக்கம் வென்ற மாரியப்பன், விளையாட்டில் சாதிக்கத் துடிக்கும் மாற்றுத் திறனாளிகளுக்கு நம்பிக்கையை ஏற்படுத்தியிருக்கிறார். 

ஹரியானாவில் நானும், மாரியப்பனும் ஒரே மைதானத்தில் பயிற்சி பெற்றது மறக்க முடியாதது. விளையாட்டு போட்டிகளில் வெற்றி பெறுவோருக்கு அளிக்கப்படுவதைப் போல மாற்றுத் திறனாளிகளுக்கும் ஊக்கத்தொகை வழங்க வேண்டும். மேலும் மாற்றுத் திறனாளிகளுக்காக முதலமைச்சர் கோப்பைக்கான விளையாட்டு போட்டிகள் நடத்தப்பட வேண்டும் என்றார். 

இன்னும் பல சாதனைகள் மூலம் பதக்கங்கள் வென்று நாட்டுக்கு பெருமை சேர்க்க வேண்டும் என்ற உத்வேகத்துடன் காணப்படும் சிவகாமியின் கனவு நிறைவேறும் நாள் வெகுதொலைவில் இல்லை என்பதால் அவருக்கு நமது பாராட்டுகள்.

]]>
http://images.dinamani.com/uploads/user/imagelibrary/2018/9/12/w600X390/mn3.jpg http://www.dinamani.com/weekly-supplements/magalirmani/2018/sep/12/சாதிக்கத்-துடிக்கும்-மங்கை-2998974.html
2998973 வார இதழ்கள் மகளிர்மணி முடி திருத்தும் ஆசிரியை! - பிஸ்மி பரிணாமன் DIN Wednesday, September 12, 2018 06:37 PM +0530 மேல்நிலை ஆசிரியையாக  அரசு ஆணை கிடைத்ததும், அந்தப் பெண்ணுக்கு ஆனந்தம் பொங்கியது. இரவலாகப் பெற்ற உடைகளை அணிந்து, கால்வலிக்க நீண்ட தூரம் நடந்து படித்தது வீணாகவில்லை என்பதையும் தாண்டி வறுமையைப் போக்க வழி பிறந்துள்ளது என்பதில்  அந்தப் பெண்ணுக்கு பரம நிம்மதி. பணியில் சேர திருவண்ணாமலை மாவட்டம், ஜவ்வாதுமலைப் பகுதியில் அரசவெளி அரசுப் பழங்குடியினர் உண்டு உறைவிடப் பள்ளிக்கு 2006 -இல் மாணவ மாணவிகளுக்கு பகிர்ந்தளிக்க  பிஸ்கட்டுகள் மிட்டாய்களுடன் சென்றபோது  அவருக்கு பெரிய  அதிர்ச்சி   காத்திருந்தது. மாணவர்கள் யாரும் இல்லாமல் பள்ளி வெறிச்சோடி கிடந்தது. வருகை ஏட்டில் மாணவ மாணவிகளின் பெயர்கள் இருந்தன.  ஆனால்  பள்ளிக்கு  வருவதில்லை. "மதிய உணவு வாங்க  சில மாணவர்கள் வருவார்கள்.  வாங்கிக் கொண்டதும் போய் விடுவார்கள்' என்று  பள்ளியில் சொன்னார்கள்.  மற்றபடி  கால்நடைகளை மேய்க்கவும், வீட்டிற்குத் தேவையான சுள்ளி விறகு பொறுக்கவும்  காட்டுக்குள் செல்வதும்தான்  சிறுவர் சிறுமியரின் பிரதான வேலை  என்று தெரிய வந்ததும், தனக்கு  எவ்வளவு  சுமையுள்ள  பணி தரப்பட்டுள்ளது என்பதை  அந்த ஆசிரியை புரிந்து கொண்டார். 

சிறுவர் சிறுமிகளை பள்ளிக்கு அழைத்து வர வீடு வீடாக ஏறி இறங்கினார். ""பிள்ளைகளை பள்ளிக்கு  படிக்க  அனுப்பணுமா'' என்று  ஏதோ  குற்றம் செய்ய அழைப்பது மாதிரி அந்த ஆசிரியையை ஒருமாதிரி பார்த்தனர் பெற்றோர் ""நீங்க  சொல்லிக் கொடுத்தாலும் கொடுக்கலைன்னாலும் மாசம் முடிஞ்சா சம்பளம் கிடைக்கும்... இவங்களை  ஸ்கூலுக்கு அனுப்பினா  மாடு மேய்க்கிற வேலையை யார் பார்ப்பா... வீட்டு வேலைகளை யார் பார்க்கிறது'' என்று கிராம மக்கள் கேட்க, ""வேணும்னா ஞாயிறு  அன்று நான் வந்து உங்க வீட்டு வேலைகளை செய்து தர்றேன்.. பிள்ளைகளை படிக்க அனுப்புங்கள்'' என்று அதிரடியாக  ஆசிரியை  சொல்ல, திகைத்து நின்றனர் கிராமத்து மக்கள்.  

பல  முயற்சிகளுக்குப் பின்  சிலர்  தங்கள் பிள்ளைகளை  வேண்டா வெறுப்பாக பள்ளிக்கு அனுப்பினார்கள். குளிக்காமல் எண்ணெய் பாராத பரட்டை தலையுடன் அழுக்கு உடையுடன் வந்த பிள்ளைகளில் சிறுமிகளுக்கு  அந்த ஆசிரியை தலையில் எண்ணெய் தடவி சீவி ரிப்பன்   வைத்து  பின்னி விட்டார்.   ஆண் பிள்ளைகளுக்கு  நீண்டு  சிலும்பி நிற்கும்  தலை முடியை  எப்படி  சரி செய்வது  என்று  குழம்பினார்.   முடி வெட்டக் கூட  அவர்கள் வீட்டில் காசில்லை என்பதை புரிந்து கொண்ட  ஆசிரியை,  முடி வெட்டிவிடவும்   பயிற்சி பெற்று ஆண் பிள்ளைகளுக்கு முடி வெட்டிவிடத்  தொடங்கினார்.  விடுதியில் தினமும் குளிக்கச் சொல்லி  துவைத்த ஆடையை  உடுத்தச்  சொல்லி  கண்ணாடியில் பார்க்கச்  சொன்னதும். "அட..  நான்தானா இது'  என்று  ஆச்சரியப்பட்ட மாணவ மாணவியர் குளித்து  துவைத்த  உடையை  அணிந்தால்  தோற்றத்தில் வரும் மாற்றத்தை  உணர்ந்தனர்.  மதிய உணவை தேவைப்படுபவர்களுக்கு ஊட்டி விட்டு  அந்த  ஆசிரியை  அனைத்து பிள்ளைகளுக்கும் தாயாக மாறினார். மாணவ மாணவியரும் ஆசிரியையிடம் ஒட்டிக் கொண்டனர். அந்த பிள்ளைகளைக் கொண்டு பள்ளிக்கு வராமல் டிமிக்கி கொடுக்கும் பிள்ளைகளை அழைத்து வரச் சொல்லி  பெயரளவில் இருந்த பள்ளியை மாணவ மாணவிகளால் நிரப்பினார்.  பெற்றோர்களும்  தங்கள் குழந்தைகளுக்கு ஏற்பட்டுள்ள மாற்றத்தைக் கண்டு  குழந்தைகளைப் பள்ளிக்கு  தொடர்ந்து அனுப்ப ஆரம்பித்தனர். 

2013- இல் அந்த  ஆசிரியையை  பணி மாற்றம் செய்ய,   மாணவ மாணவியர் பெற்றோருடன்  சேர்ந்து  காட்டிய எதிர்ப்பால்  அந்த  ஆசிரியை  அந்தப் பள்ளியிலேயே  தொடர்கிறார். அந்த  ஆசிரியை  மகாலட்சுமி. மகாலட்சுமி கூறுகையில்: 

""நான் திருவண்ணாமலை  மாவட்டத்தில்  செல்லங்குப்பத்தைச் சேர்ந்தவள். கண் பார்வை போய்  உடல் நலம் இல்லாத அப்பா.. பயனிலை சரியில்லாத அம்மா... அக்காதான் கூலி வேலை செய்து படிக்க வைத்தார். பிளஸ் டூவில் நல்ல மதிப்பெண்கள் பெற்று தேறினேன். மருத்துவம் படிக்க நிர்ணயிக்கப்பட்ட மதிப்பெண்ணுக்கு மூன்று குறைவாக எடுத்ததால் ஆசிரிய பயிற்சியில் சேர்ந்தேன்.  அரசு ஆசிரியர் வேலையும் கிடைத்தது.  தேவையான அளவுக்கு மாணவர்கள் கிடைத்ததும், கல்வி அதிகாரிகளிடம் சொல்லி பழைய கட்டடத்தைப் புதுப்பித்தேன். புதியதாகவும்  கட்டிக் கொடுத்தார்கள். அரசு, மாணவ மாணவிகளுக்குத் தரும் உதவிகள் அவர்களுக்குச் சென்றடையச் செய்தேன். இவை எல்லாம் என் கடமை என்றுதான் செய்கிறேன்.  ஏனென்றால் நான் வறுமைக்  கோட்டுக்கு மிகவும் கீழே உள்ள குடும்பத்தில்  பிறந்தவள். தமக்கை இல்லாமலிருந்தால் எனக்கு படிப்பு வெளிச்சம் கிடைத்திருக்காது. ஆசிரியையாக  ஆகியிருக்க முடியாது.  அதனால்தான்  வறுமைக்கோட்டிற்கு கீழே உள்ள மாணவர் மாணவிகளிடம் அன்பு செலுத்துகிறேன். பாடம் சொல்லிக் கொடுக்கிறேன். அவர்களுடன் ஆடி... பாடி... விளையாடுகிறேன். ஆரம்பத்தில் ஒரு மாணவனுக்கு முடி வெட்டிவிட அரை மணி நேரம் தேவைப்படும். இப்போது பத்து நிமிடத்தில்  முடிக்கிறேன். பாடம் நடத்துவதுடன், முடி திருத்தல் வேலையும்  தொடர்கிறது.

முகநூல் மூலம் எனது வேண்டுகோளை ஏற்று, பள்ளிக்குத் தேவையான உதவிகள் கிடைத்து வருகின்றன. தரைக்கு டைல்ஸ்  போட்டிருக்கிறோம். மாணவ மாணவியர் தங்கும் விடுதியை மேம்படுத்தியிருக்கிறோம். மேல் கூரைகளை மாற்றி அமைத்துள்ளோம். 

எனக்குத் திருமணமாகி ஒரு மகன் உண்டு. அவனும் இந்தப் பள்ளியில் படிப்பான். கணவரும் எனக்கு ஒத்துழைப்பு தந்து உற்சாகப்படுத்துகிறார். எனக்கென்று குடும்பம் அதன் பொறுப்புகள் இருந்தாலும், பள்ளிப் பொறுப்புகளை  நான் மாற்றி வைப்பதில்லை.  சில சமயங்களில்   திருமணம் செய்து கொள்ளாமல் இருந்திருந்தால் முழு நேரத்தையும் பள்ளிக்காக செலவழித்திருக்கலாம்  என்று  கூட  நினைத்திருக்கிறேன்.  அந்த அளவுக்கு இந்தப் பள்ளியையும், மாணவ மாணவிகளையும்  நேசிக்கிறேன். இந்தப் பள்ளி நான் வளர்த்த குழந்தை.     மாணவ மாணவியருக்குத்தான் என் வாழ்க்கையில் முதலிடம் தந்து வருகிறேன்'' என்கிறார்  மகாலட்சுமி.

]]>
http://images.dinamani.com/uploads/user/imagelibrary/2018/9/12/w600X390/mn2.jpg http://www.dinamani.com/weekly-supplements/magalirmani/2018/sep/12/முடி-திருத்தும்-ஆசிரியை-2998973.html
2998972 வார இதழ்கள் மகளிர்மணி பணிப் பெண்.. மாணவி.. தொழில் முனைவர்! - கண்ணம்மா பாரதி  Wednesday, September 12, 2018 06:28 PM +0530 "மீனை இலவசமாகக் கொடுக்காதீர்கள்... அது ஒரு நாளைக்குத் தான் போதுமானதாக இருக்கும். பதிலாக மீன் பிடிப்பது எப்படி  என்று கற்றுக் கொடுங்கள்...  அதை வைத்து வாழ்நாள்  முழுவதும் பிழைத்துக் கொள்வார்கள்'' என்று சொல்வதுண்டு. மீனும் கொடுத்து மீன் பிடிக்கவும் கற்றுக் கொடுக்கிறார் உடுமலைப்பேட்டைக்கு அருகில் மொடக்குப்பட்டி கிராமத்தின் தொழில் முனைவர்  சிந்து  அருண்.  கணினி  தொழில்நுட்பம்  படித்து முடித்து, கணினி மேலாண்மையில் முதுகலைப்  பட்டம் படிக்க இங்கிலாந்து சென்று, அங்கே கை நிறைய சம்பாதித்த போதிலும்... மன நிறைவு கிடைக்காமல்  பிறந்த கிராமத்திற்கே வந்து சேர்ந்தவர் சிந்து. தற்போது, செக்கு எண்ணெய்யை விற்பனை செய்வதுடன்  தேங்காய் கொப்பரை, பருத்தி  வாங்கி விற்பதை சிந்து தொழிலாகக் கொண்டிருக்கிறார். தனது தொழில் அனுபவங்களை  சிந்து பகிர்கிறார்:   

""உடுமலைப்பேட்டைக்கு   அருகிலிருக்கும்  சொந்த கிராமமான மொடக்குப்பட்டியில்தான் தொடக்க கல்வி.  அப்பா அம்மா ஆசிரியர்கள். தமிழ் வழி கல்விதான். கணினி தொழில்நுட்பத்தில் பி.டெக்.,  படித்தேன். மேல்படிப்பு வெளிநாட்டில் படிக்க ஆசை. அந்தக் கனவு நனவாக  அதிகம் பிடிபடாத ஆங்கில  அறிவு  என்னிடம் வர அழிச்சாட்டியம் செய்தது.  ""முதலில் உன் ஆங்கிலத்தை நேர்படுத்து... மேல்படிப்பு வெளிநாட்டில்  சாத்தியமாகும்''  என்று தோழி  மேகலா சொல்லியதோடு அல்லாமல் அவரே  முறையாக ஆங்கிலம் பேச வைத்தார்.   


அந்த தைரியத்தில்  லண்டனின்  பிரபலமான  நான்கு பல்கலைக்கழகங்களுக்கு மேல் படிப்பிற்காக மனு செய்தேன்.  "தி வார்விக்' பல்கலைக்கழகத்தில் இடம் கிடைத்தது. தொடக்கத்திலிருந்தே எனது விருப்பங்களை நிறைவேற்றி வந்த பெற்றோர், நான் லண்டன் சென்று படிக்கவும் உடன்பட்டார்கள். வெளிநாடு சென்று படிக்க  அதிக பணச் செலவு ஆகும். எங்களிடம் அவ்வளவு பணம் கையில் இல்லை. இதை அறிந்த பெரியப்பா  தனது  சொத்துக்களை  வைத்து கல்விக் கடன்  பெற உதவினார். நானும் லண்டனுக்குப் பறந்தேன்.  


லண்டனில் தங்கிப் படிக்க விடுத்திச்  செலவு,  உணவுக்கு..  கைச் செலவுக்கு என்று பணத்தின் தேவை அதிகமானது.  பெற்றோரை, பெரியப்பாவை பணத்திற்காக தொந்தரவு செய்ய வேண்டாம் என்று  முடிவு  செய்து,  பகுதி நேர வேலைக்காக முயற்சித்தேன்.  பகுதி நேர வேலை கிடைப்பதும் குதிரைக் கொம்பாக இருந்தது. கடைசியில்  உணவு விடுதி ஒன்றில் விடுப்பில்  பெண்கள் சென்றால் அவர்களுக்குப் பதிலாக வேலை செய்ய  வாய்ப்பு கிடைத்தது. அந்த வாய்ப்பினை சிக்கென்று  பிடித்துக் கொண்டேன். சில வாரங்களில்  நண்பர் ஒருவர் மூலமாக  பகுதி நேர  பணிப் பெண் வேலை நிரந்தரமாகக் கிடைத்தது. காலை ஒன்பது முதல் நாலரை மணி வரை  கல்லூரியில் மாணவியாக இருப்பேன். மாலை  ஆறு முதல் பன்னிரண்டு வரை  உணவு விடுதியில் பணிப்பெண். இதற்கிடையில்  நான் நேரம் ஒதுக்கிப் படிக்க வேண்டும். எப்படியோ கணினி மேலாண்மையில்  முது நிலைப் பட்டத்தை முடித்து  லண்டனில் வேலையும் கிடைத்தது.  சுமாரான  சம்பளம். வாழ்வாதாரத்திற்காக ஒத்துக் கொண்டேன். சீக்கிரமே  கை  நிறைய சம்பளத்துடன்  வேலை கிடைத்தது. வசதியான  வாழ்க்கையை நடத்த முடிந்தது.  இருந்தாலும் சொந்தமாக தொழில் ஒன்றைத்  தொடங்க வேண்டும் என்ற  உந்துதலில், அந்த வேலையை உதறி  சொந்த ஊருக்குத் திரும்பினேன். பெற்றோரின் ஆசியுடனும், அண்ணனின் பண உதவியுடனும்      2010 -இல் "ஆன்லைன்' வர்த்தகத்தைத் தொடங்கினேன். அந்தக்  கால கட்டத்தில் ஆன்லைன் வர்த்தகம் பிரபலமாகவில்லை. நான் புத்தகங்கள்,  செல் போன்களை விற்க ஆரம்பித்தேன். 

தொடக்கத்தில் வியாபாரம் சூடு பிடித்தாலும், போகப் போக வேகம் குறைந்தது. அதைச் சரிக்கட்ட முதலீட்டினை அதிகரிக்க  பண வசதி போதுமானதாக  இல்லாததால் புதிய யுக்திகளை வர்த்தகத்தில் அறிமுகம் செய்ய முடியவில்லை. வியாபாரம் நஷ்டத்தைச் சந்திக்க.... வர்த்தகத்தை நிறுத்த முடிவு செய்தோம். தொழில் முயற்சியில்  ஆரம்பமே கசப்பாக அமைந்துவிட்டது. சுமார் இருபது லட்சம் நஷ்டம் ஏற்பட்டது. ஆனாலும் தொழில் ஒன்றை மீண்டும் துவங்க வேண்டும் என்பதில் ஆர்வமாக இருந்தேன். "வயது இருபத்தைந்தாகி விட்டது. திருமணம் செய்த பிறகு என்ன தொழில் வேண்டுமானாலும் தொடங்கிக் கொள்' என்று பெற்றோர்  சொல்ல, திருமண தகவல் மையம்   மூலம்   அறிமுகமான  அருணுடன்  திருமணம் நடந்தது. 

கருவுற்றதும்  குழந்தை பெற்று  வளரும் வரை எனது தொழில் துவங்கும் கனவை சிறிது காலம் ஒத்தி வைத்தேன். அதற்குப் பிறகு கணவருடன் இணைந்து  அவர் உறவினர் ஒருவர் நடத்தி வந்த  நிறுவனத்தை நிர்வாகம் செய்ய தொடங்கினோம். பிறகு என் மாமாவின் நிறுவனத்தை ஏற்று நடத்த ஆரம்பித்தோம். வெளிநாடுகளுக்கு தேங்காய் ஏற்றுமதி, உள்மாநிலங்களுக்கு விநியோகம் என்று வர்த்தகத்தை மேம்படுத்தினோம். அடுத்த கட்ட நடவடிக்கையாக குளிர்  முறையில் செக்கில் ஆட்டி எடுக்கப்படும் எண்ணெய் வகைகளை "பிரஸ்úஸா' என்ற பெயரில் அறிமுகம் செய்துள்ளோம். 

சூரியகாந்தி, ஆலிவ், தவிடு எண்ணெய்களில்  மூலப் பொருள்களான சூரியகாந்தி, ஆலிவ், தவிட்டிலிருந்து  எடுக்கப்படும் உண்மையான  எண்ணெய் எத்தனை சதவீதம் உள்ளது  என்பதை  மக்கள்  உணரத்   தொடங்கியுள்ளார்கள். அதனால்  செக்கு எண்ணெய் குறித்து பேச ஆரம்பித்திருக்கிறார்கள்.  தரமான செக்கு எண்ணெய்  விலை அதிகம் என்பதாலும்,  சுத்திகரிக்கப்பட்ட எண்ணெய் விலை குறைவு என்பதாலும்  பெரும்பாலான மக்கள்  அவர்கள் பயன்படுத்தும்  சுத்திகரிக்கப்பட்ட  எண்ணெய் வகைகள்  உடல் நலத்திற்கு உகந்ததுதானா  என்று  சிந்திக்காமல்  பயன்படுத்தி வருகிறார்கள். செக்கில் ஆட்டி  எடுக்கப்படும் எள், நிலக்கடலை, தேங்காய்   எண்ணெய் வகைகள் மீண்டும் பிரபலமானால்  எள்,  நிலக்கடலை, தென்னை   பயிரிடுவது அதிகமாகும். விளைச்சல் பெருகும். எண்ணெய் விலையும் குறையும்.. எங்களது செக்கு  எண்ணெய் வகைகள் ஆன்லைனிலும்  விற்பனையாகிறது'' என்கிறார் சிந்து அருண். 

]]>
http://images.dinamani.com/uploads/user/imagelibrary/2018/9/12/w600X390/mn1.jpg http://www.dinamani.com/weekly-supplements/magalirmani/2018/sep/12/பணிப்-பெண்-மாணவி-தொழில்-முனைவர்-2998972.html
2994686 வார இதழ்கள் மகளிர்மணி வலிதான் பதக்கம் பெற உந்துகோலாக அமைந்தது! DIN DIN Wednesday, September 5, 2018 11:14 AM +0530 சென்ற (2014) ஆசிய போட்டிகளைவிட இரண்டு தங்கப் பதக்கங்கள், பதினொன்று வெள்ளிப் பதக்கங்கள் அதிகம் பெற்று இந்தியா தர வரிசையில் அதே எட்டாம் இடத்தைத் தக்க வைத்துக் கொண்டுள்ளது. பெண்கள் ஹாக்கி போட்டியில் தங்கம் வெல்லும் வாய்ப்பு கிடைத்தால் இந்தியா ஏழாம் இடத்தைப் பிடிக்கலாம்.
இந்திய அணிக்கு இத்தனை பதக்கங்களைக் கொண்டு வந்ததில் பெண் வீராங்கனைகளுக்கு அதிகப் பங்குண்டு. மூன்று தங்கப் பதக்கங்களை வினேஷ் பொகாட், ராஹி சார்னோபத், ஸ்வப்னா பர்மன் கொண்டுவர, 400 மீ. தொடர் ஓட்டத்தில் நான்கு பெண் வீராங்கனைகள் ஓடி தங்கம் பெற்றுள்ளனர். இந்தத் தொடர் ஓட்டத்தில் தொடர்ந்து ஐந்து ஆசிய போட்டிகளில் பெண்கள் அணி வென்று வருகிறது.
இந்திய பெண் வீராங்கனைகளில் நல்ல வசதி படைத்த குடும்பங்களிலிருந்து வருகிற பெண்களும் இருக்கிறார்கள். வறுமையின் பிடியில் சிக்கிய குடும்பங்களிலிருந்தும் வீராங்கனைகள் தோன்றுகிறார்கள். அந்த வரிசையில் ஸ்வப்னா பர்மன், ஹிமா தாஸ், பி.யு . சித்ரா, தீபா கர்மாகர் என்று பட்டியல் தொடர்கிறது.
மிகச் சாதாரண குடும்பங்களிலிருந்து வரும் பெண் வீராங்கனைகள் தொடக்கத்தில் சந்திக்கும் சவால்கள் பல. முதல் கட்டத்தில், வறுமை. விளையாட்டிற்குத் தேவையான காலணிகள், வேறு உபகரணங்கள் வாங்க முடியாது. ஊட்ட உணவு கனவில் மட்டும். பணம் இல்லாததால், கிராமத்திலிருந்து நகருக்குச் சென்று பயிற்சியாளரிடம் பயிற்சியும் பெற முடியாது. இதையும் தாண்டி விளையாட்டு தேர்வுகளுக்குச் சென்றால், "இதெல்லாம் உன்னால் முடியாது' என்ற நிராகரிப்புகள். ஒரு வழியாக திறமையிருந்தும் பளிச்சென்று காட்டி பல கணிப்பாளர்களின் கவனத்தைக் கவரும் போது... சிலருக்கு கதவுகள் திறக்கின்றன. பிறகு வருவது எதிர்பாரா அனுபவங்கள். அதையும் தாண்டி அரசு உதவிகளுடன் பயிற்சிகள் பெறும் போது பல கட்டங்களில் அனுமதிக்கப்பட்ட அரசு உதவிகள், வசதிகள், சத்தான உணவு வகைகள் வீராங்கனைகளை முழுமையாக அடையாது. இப்படி பல வகை தடைகளை இடையூறுகளை மீறித்தான் விளையாட்டு அரங்கில் சாதிக்க வேண்டியுள்ளது.
ஆசிய விளையாட்டில் ஹெப்டத்லான் போட்டியில் தங்கப் பதக்கம் வாங்கியிருக்கும் முதல் இந்திய பெண் வீராங்கனை ஸ்வப்னா பர்மனின் இரண்டு பாதங்களிலும் தலா ஆறு விரல்கள்.
ஸ்வப்னா பிறந்த போது "ஒரு பாதத்தில் ஆறு விரல் இருந்தாலே அதிர்ஷ்டம். இரண்டு பாதத்தில் தலா ஆறு விரல்களுடன் பிறந்திருக்கிறாள். அதிர்ஷ்டம் கொட்டோ கொட்டு என்று கொட்டப் போகிறது' என்றார்கள்.
அது நடக்கவே இல்லை என்பதுதான் நிஜம்.
ஹெப்டத்லான் விளையாட்டில் ஏழு போட்டிகள் நடக்கும். 100 மீ. தடை ஓட்டம், உயரம் தாண்டுதல், குண்டு எறிதல், இருநூறு மீட்டர் ஓட்டம், நீளத் தாண்டுதல், ஈட்டி எறிதல், 800 மீ ஓட்டம் என்று ஏழு போட்டிகளில் கலந்து கொள்ள வேண்டும். இதற்கேற்ற உடல் வலுவும், அசாதாரண மன உறுதியும் இருந்தால்தான் ஹெப்டத்லான் போட்டியில் பளிச்சிட முடியும். போட்டிகள் ஏழு என்றாலும், தரப்படும் பதக்கம் என்னவோ ஒன்றுதான்.
அதிர்ஷ்டம் என்று சொல்லப்பட்ட அந்த இரண்டு ஆறாவது விரல்கள்தான் ஸ்வப்னாவிற்கு தடையாக இருந்தன. பாதத்தின் ஆறு விரல்களுக்கு அழுத்தம் வராமல் இடம் தரும் விஷேச காலணி வாங்க ஸ்வப்னாவிற்கு வசதியில்லை. அப்பா பர்மன் ரிக்ஷா ஓட்டிப் பிழைத்து வந்தவர். அவரைப் பக்கவாதம் தாக்க படுக்கையில் வீழ்ந்தார். அம்மா தேயிலைத் தோட்டத் தொழிலாளி. அவர் சம்பாத்யத்தில்தான் குடும்பம் பட்டினியிலிருந்து தப்பி வருகிறது. அப்பா ரிக்ஷா ஓட்டும் போது மகளுக்கு வாங்கித் தந்த காலணியை போட்டிகள் நடக்கும் போது மட்டும் ஸ்வப்னா பயன்படுத்தி வந்தார். பயிற்சிகளின் போது ஐந்து விரல்களுக்குப் பொருத்தமாக இருக்கும் காலணியை அணிந்து ஓடுவார், தாண்டுவார், குதிப்பார். பயிற்சியின் போது அந்த ஆறாவது விரல்கள் காலனியில் இடம் இல்லாமல் ஏனைய விரல்களுடன் இறுக்கப் படுவதால் பெரும்வலி ஏற்படும். நடக்கும் போது ஏற்படும் வலி, ஓடும்போது விண் விண் என்று தெறிக்கும். உயிர் போகிற வலியைப் பொறுத்துக் கொண்டு ஸ்வப்னா தங்கத்தைத் துரத்தியிருக்கிறார். அப்பா வாங்கித் தந்த பழைய காலணியை அணிந்து தனக்குப் பதக்கத்தையும் ஈட்டிக் கொண்டிருக்கிறார். அந்த இரண்டு ஆறாவது விரல்களை அறுவை சிகிச்சை செய்து அகற்றியிருக்கலாம். "அவற்றை அதிர்ஷ்டம் என்று சொல்லி வளர்த்தார்கள்.. போகப் போக அவை எனது அடையாளமாகிவிட்டன... அதனால் அவற்றை அகற்ற மனம் வரவில்லை'' என்கிறார் ஸ்வப்னா பர்மன்.
கால்கள் தந்த அதீத வலி வேதனைகளுடன் தீவிர பல்வலியும் ஸ்வப்னாவை ஒரு வழி செய்துவிட்டது. போட்டி துவங்குவதற்கு இரண்டு நாட்களுக்கு முன்பாகவே பல்வலி ஸ்வப்னாவை இம்சிக்கத் தொடங்கிவிட்டது. பல்வலி தலையில் சம்மட்டி அடிப்பதை போன்ற வலி அதிர்வுகளை ஏற்படுத்த நடக்கவே தள்ளாடினார். பல்வலியை உணராமல் இருக்க மருந்து மாத்திரைகள் ஏதும் உட்கொள்ளவில்லை. மருந்து உட்கொண்டால் மருத்துவப் பரிசோதனையில் முடிவுகள் மருந்துகளின் வீரியத்தால் ஏடாகூடமாக அமைந்து விட்டால், போட்டியில் பங்கெடுக்க முடியாதே என்ற பயம் ஸ்வப்னாவை " மருந்து மாத்திரை வேண்டாம்.. வலியையைப் பொறுத்துக் கொள்ளலாம்' என்ற முடிவுக்குத் தள்ளியது. பல்வலியால் ஸ்வப்னாவிற்குச் சரியாக சாப்பிடவும் இயலவில்லை. வலது தாடையும் வீங்கி விட்டது. தங்கக் கனவு தவிடு பொடியாகிவிடக் கூடாது என்பதற்காக பல், கால்கள் தந்த வலிகளின் கூட்டணியை எதிர் கொண்டார். இந்திய தேசிய விளையாட்டு தினமான ஆகஸ்ட் 29 அன்று, அதிகப் புள்ளிகள் பெற்று ஹெப்டத்லான் போட்டியில் இந்தியாவின் முதல் தங்க மங்கையாக சாதனை படைத்துள்ளார்.
ஸ்வப்னாவின் இந்த மகத்தான சாதனைக்குப் பின் மேற்கு வங்க அரசு பத்து லட்சம் பரிசும் அரசு வேலையும் தருவதாக அறிவித்துள்ளது. ஸ்வப்னாவின் சிரமங்களை அறிந்து கொண்ட சென்னை பெரம்பூர் ரயில் பெட்டித் தொழிற்சாலை, ஆறு ஜோடி பிரத்யேக காலணிகளை பரிசாக வழங்க அமெரிக்காவின் "நைக்' காலணி நிறுவனத்திடம் ஆர்டர் செய்துள்ளது. இது வரவேற்கப்பட வேண்டிய பாராட்டப்பட வேண்டிய நடவடிக்கை என்றாலும், ஸ்வப்னாவின் வெற்றியும் அதற்குப் பின்னால் அவர் அனுபவித்த வலியும்தான் இந்த உதவிகள் வர காரணங்களாக அமைந்துள்ளன.
"வலிதான் பதக்கம் பெற உந்துகோலாக அமைந்தது' என்று ஸ்வப்னா ரத்தினச் சுருக்கமாகச் சொன்னதில் எத்தனை ரணங்கள் மறைந்துள்ளன என்பதை உணர முடியும்.
கூலித் தொழிலாளிகளான பெற்றோருக்கு மகளாய் பிறந்த பி.யு. சித்ரா சரித்திரத்தில் முதுநிலைப் பட்டதாரி. இதுவரை அரசு வேலை எதுவும் தரப்படவில்லை. உலக சாம்பியன் போட்டியில் 1500 மீ. ஓட்டப் போட்டியில் தூரத்தைக் கடக்க சுமார் நான்கு நிமிடங்கள் பன்னிரண்டு விநாடிகள் எடுத்து சாதனை புரிந்த சித்ரா, ஆசிய போட்டியில் அதே தூரத்தைக் கடக்க சுமார் நான்கு நிமிடங்கள் பதின்மூன்று விநாடிகள் எடுத்துக் கொண்டதால் வெண்கலப் பதக்கம் பெற்றார்.
போட்டியாளர்களின் திறமைகள் அதிகரிப்பதால் விளைந்த மாற்றம் இது. சித்ரா புதிய சாதனை நிகழ்த்துவார் என்று எதிர்பார்ப்பு நீர்க் குமிழியாக உடைந்தது.
சித்ரா போல் ஹிமா தாஸும் புதிய சாதனை நிகழ்த்துவார் என்ற எதிரிபார்ப்பும் பலிக்கவில்லை. ஆனால் அவர் ஆசிய விளையாட்டிற்கு முன்னதாகப் படைத்த சாதனை பல விளம்பர வாய்ப்புகளை அளித்துள்ளது. சாதாரண குடும்பத்திலிலிருந்து வந்த சிந்து இன்று தனது திறமையால் நூறு கோடிக்கும் மேலாக சம்பாதித்துள்ளார். பதட்டத்தால் பின்தங்கியவர்கள் ஹிமா, சித்ரா உள்ளிட்ட வீரர்கள் அனைவருக்கும் பதட்டம் , மன அழுத்தத்தைக் கையாளும் பயிற்சி வெகு முக்கியம் என்பதையே இது காட்டுகிறது .
தட்டு எறிவதில் சாதனை படைப்பார் என்று கணிக்கப்பட்ட சீமா புனியா தனக்கு கிடைத்த வெண்கலப் பதக்கத்துடன் வழங்கப்பட்ட பரிசுத்தொகையான ஐம்பதாயிரத்துடன் தந்த பங்காக ஒரு லட்சம் சேர்த்து கேரளா வெள்ள நிவாரண நிதிக்கு அளித்துள்ளார்.
ஏழ்மைக் குடும்பத்தில் பிறந்த டூட்டி சந்த்யிடம் ஆண்மைத்தனம் உள்ளதாக புகார் எழுந்து, இறுதியில் சர்வதேச விளையாட்டு நீதிமன்றத்தின் அனுமதியுடன் பெண்களுக்கான ஆசிய போட்டிகளில் கலந்து கொண்டார். 100, 200 மீ ஓட்டப் போட்டிகளில் இரண்டு வெள்ளிப் பதக்கங்களை வென்று அசத்த ஒடிசா அரசிடம் மூன்று கோடி பரிசாகப் பெறப் போகிறார்.
பரமபதத்தில் மேலே போய் கீழே வருவது போன்று அல்லாடியவர் கைத் துப்பாக்கி வீராங்கனை ராஹி சர்னோபத். சற்றும் தடுமாறாமல் நின்று விளையாடி 25 மீ கைத் துப்பாக்கி சுடுவதில் தங்கப் பதக்கம் வென்றவர். மிகவும் எதிர்பார்க்கப் பட்ட மனு பாகெர் குறைந்த புள்ளிகள் எடுத்ததால் விளையாட முடியாமல் போக... கை கொடுத்தவர் ராஹி.
வெள்ளிப் பதக்கங்கள் பெற்றிருக்கும் பின்கி பலோரா, அபூர்வி சந்தேலா, நீனா வரகில், சுதா சிங் குறிப்பிடத்தக்கவர்கள்.
கபடியில் இந்திய ஆண்கள் அணி வெண்கலம் வாங்க... பெண்கள் அணி வெள்ளி பெற்றது ஆறுதலான விஷயம். இருபது ஆண்டுகளுக்குப் பிறகு ஹாக்கியில் இந்திய பெண்கள் அணி இறுதிச் சுற்றில் ஆடுவது ஆனந்தத்தையே தருகிறது.
பொருளாதார பாதுகாப்புடன், வாய்ப்பு வசதிகள் கிடைத்தால் இந்திய வீராங்கனைகள் புதிய சாதனைகள் படைப்பார்கள்..!
- ஏ.வல்லபி








 

]]>
http://images.dinamani.com/uploads/user/imagelibrary/2018/9/5/w600X390/mm11.jpg http://www.dinamani.com/weekly-supplements/magalirmani/2018/sep/05/வலிதான்-பதக்கம்-பெற-உந்துகோலாக-அமைந்தது-2994686.html
2994685 வார இதழ்கள் மகளிர்மணி தங்கம் வாங்கியதும் திருமண ஒப்பந்தம்..! DIN DIN Wednesday, September 5, 2018 11:11 AM +0530 ஆசிய விளையாட்டுப் போட்டியில் தங்கம் வாங்கியதும் திருமணத்தை நிச்சயம் செய்திருக்கிறார் மல்யுத்த வீராங்கனை வினேஷ் பொகாட்.
 ஆகஸ்ட் 27 இரவு. டில்லி விமான நிலையம் எப்போதும் போல சுறுசுறுப்பாக செயல்பட்டுக் கொண்டிருந்தது. திடீரென்று மகிழ்ச்சி களேபரம். வினேஷின் விரலில் மல்யுத்த வீரரான சோம்வீர் ரத்தி மோதிரம் அணிவித்து கொண்டிருந்தார். பிறகு வினேஷ் சோம்வீரின் விரலில் மோதிரம் அணிவித்தார். அப்போதுதான் வினேஷின் ஆண் தோழராக சோம்வீர் ஏழு ஆண்டுகளாக இருந்து வருகிறார் என்ற குட்டு வெளிப்பட்டது. சமயோஜிதமாக கேக் வெட்டி வினேஷ் சோம்வீர் குடும்பத்தினர் மற்றும் நண்பர்களுக்கு வழங்கவும் செய்தார்கள்.
 ஈட்டி எறியும் வீரர் நீரஜ் சோப்ராவுடன் இணைத்து வினேஷ் பேசப்பட்டு வந்தாலும், சம்பந்தப்பட்ட இருவரும் மறுத்து வந்தனர். அந்த மறுப்பு இந்த திருமண நிச்சயம் மூலம் உறுதி செய்யப்பட்டுள்ளது.
 திருமண நிச்சயம் நடந்தாலும் கல்யாணம் உடனடியாக இல்லையாம். வினேஷ் கலந்து கொள்ள வேண்டிய போட்டிகள் வரிசையாக உள்ளனவாம். தவிர 2020 ஒலிம்பிக்சில் மல்யுத்தத்தில் தங்கப் பதக்கத்தை வினேஷ் குறி வைத்திருப்பதால் திருமணம் இப்போதைக்கில்லையாம்..!
 - அங்கவை

]]>
http://images.dinamani.com/uploads/user/imagelibrary/2018/9/5/w600X390/mm9.JPG http://www.dinamani.com/weekly-supplements/magalirmani/2018/sep/05/தங்கம்-வாங்கியதும்-திருமண-ஒப்பந்தம்-2994685.html
2994684 வார இதழ்கள் மகளிர்மணி பத்மினி ஒரு சிறந்த மனிதாபிமானி! - லட்சுமி என்.ராவ் Wednesday, September 5, 2018 11:10 AM +0530 நாட்டிய பேரொளி பத்மினி மறைந்து ஒரு மாமாங்கம் ஆகிறது. ஆம், இந்த மாதத்துடன் அவர் மறைந்து 12 ஆண்டுகள் ஆகின்றன. தமிழ், தெலுங்கு, மலையாளம் மற்றும் ஹிந்தி என சுமார் 250 படங்களில் நடித்து புகழ் பெற்ற பத்மினியின் ஆத்மார்த்த சிஷ்யையாக இருந்து பின்னர் உதவியாளராகவும் மாறியவர் லட்சுமி என். ராவ். இவர், நடன ஆசிரியை. எம்.ஜி.ஆர்., சிவாஜி, நடன ஆசிரியர்களான கோபாலகிருஷ்ணன், சத்யம், பத்மாசுப்ரமணியம் ஆகியோரின் பாராட்டையும் பெற்றவர். தன் வாழ்க்கையில் ஏற்பட்ட கரடு முரடான பாதை மற்றும் நடிகை பத்மினியுடன் பழகிய நாட்களை நினைவு கூறுகிறார் லட்சுமி என். ராவ்: 
"வாழ்க்கை பல்வேறு படிப்பினைகளை நமக்கு அளிக்கிறது. பலருக்கு சொர்க்கபுரியாகவும் சிலருக்கு தினம் தினம் பிரச்னைகளாகவும் மாறி விடுகிறது. கணவனும் மனைவியும் ஒருசேர இணைந்த ரயில் தண்டவாளங்களைப் போல் வாழ்க்கை ஓட்டத்தில் ஓடும்பொழுது, வாழ்க்கை இனிமையாகவும் சுவையாகவும் மாறி விடுகிறது. ஆனால், சிலரது வாழ்க்கையில் விதி விளையாடி விடுகிறது. ஏழையாக இருந்தால் அடிமட்ட பிரச்னைகள் நமக்கு அத்துப்படியாகிவிடும். ஆனால் பணம் கையில் புரண்ட பிறகு விதிவசத்தால் ஏழையாக மாறினால் என்ன செய்வது என்று அறியாமல் திக்கு முக்காடி திணறி சோகத்தின் உச்சிக்கே சென்றுவிடுவோம். அப்படிப்பட்ட வாழ்க்கையின் எல்லைக்கே ஓடி, ஓய்ந்து இன்று ஒவ்வொரு படியாக ஏறி, என்னை நிலை நிறுத்திக் கொண்டுள்ளேன். 
ஸ்ரீரங்கப்பட்டினத்தில் பிறந்து, கதாகாலசேபம் செய்யும் தந்தை ராஜேந்திர ராவ் சொல்லிக் கொடுத்த நடன அசைவுகள் மூலம் ஓரளவு புகழ் பெற்றேன். சென்னை சென்றால் பிரபலம் ஆகலாம் என்று அறிந்ததன் விளைவு சென்னை வந்தோம். நடிகை பண்டரிபாயின் படத்தில் ஒரு வேடம், ஏ.பி.நாகராஜன் இயக்கிய முதல் படத்தில் ஒரு வேடம் என்று மெல்ல மெல்ல குழந்தை நட்சத்திரமாக கால் ஊன்ற ஆரம்பித்தேன். சிறந்த குழந்தை நட்சத்திரமாக 1954-இல் "ஸ்கூல் மாஸ்டர்' படத்திற்காக ஜனாதிபதி ராஜேந்திர பிரசாத் கையால் தேசிய விருதும் பெற்றேன். பின்னர் பண்டித ஜவஹர்லால் நேருவிடம் சிறந்த குழந்தை நடனமணி என்ற விருதையும் பெற்றேன். என்னுடைய நடனத்திறமையும், நடிப்பு திறமையும் பார்த்த பத்மினி பிக்சர்ஸ் பந்துலு, தனது திரைப்பட நிறுவனத்திற்கு 5 ஆண்டுகளுக்கு 250 ரூபாய் சம்பளத்துக்கு ஒப்பந்தம் செய்து கொண்டார். அன்று இந்த பணம் மிக மிக பெரிய தொகை. நடிப்பு ஒரு புறம் என்றாலும் நடனத்தை நான் விடவில்லை. 
அதுவே பத்மினி குழுவில் என்னை சேர்க்க வைத்தது. பின்னர், கொஞ்சம் வளர்ந்ததும் அவரின் உதவியாளராக மாறினேன். 
பத்மினி சிறந்த நடன மணி மட்டும் அல்ல, சிறந்த மனிதாபிமானமிக்க பெண்மணி. அவரது நடிப்பு போலவே அவரது வாழ்க்கை முறையையும் சிறப்பாக அமைத்துக் கொண்டார். அனைவரிடமும் அன்புடனும், பண்புடனும் பழகுவார். இல்லாதவர்களுக்கு உதவுவார். அவருடன் இருந்த நாட்கள் மிகவும் இனிமையானது. அவருடன் நான் இருந்த நாட்களை ஒரு புத்தகமாகவே எழுதலாம். 
1974- ஆம் வருடம் அமெரிக்காவில் இருந்தபொழுது என் வீட்டில் இருந்து சென்னைக்கு வர அழைப்பு வந்தது. 1975-இல் திருமணம். சில பல வருடங்களில் அடுத்தடுத்து 2 பெண் குழந்தைகள் பிறந்தனர். சுகமாக போய் கொண்டிருந்த என் வாழ்க்கை திடீரென்று தடம் புரள ஆரம்பித்தது. கணவர் திடீரென்று காலமானார். கண்ணை கட்டி காற்றில் விட்டது போன்ற நிலை. பெரிய பெண் கல்லூரிக்கு போய் கொண்டிருந்த நேரம். சிறியவளின் வயது 10. தனிமரமாக நின்ற பொழுது என்னை பயமுறுத்தியது குழந்தைகளின் படிப்புதான். ஆனாலும் நான் விடாமல் போராடி அவர்களை நல்ல பள்ளியிலும், கல்லூரியிலும் படிக்க வைத்தேன். பெரியவள் சுபஸ்ரீயை NCCல் (national cadet cops) சேர்த்துவிடும்படி கல்லூரியில் சொன்னார்கள். சற்று யோசித்தேன். அப்போது கல்லூரி நிர்வாகத்தினர், "என்சிசி மூலம் பலரும் புது டில்லியில் கூடுவார்கள். உங்கள் பெண்ணோ சிறப்பாக நடனம் ஆடுகிறார். தமிழ்நாட்டிற்கான பரிசை தட்டிவருவார் என்று நாங்கள் நம்புகிறோம். அதனால் அவரை அனுப்பி வையுங்கள்'' என்றார்கள். சரி என்று அனுப்பி வைத்தேன். ஒவ்வொரு மாநிலத்தில் இருந்து வந்தவர்களும் அவர்களின் பாரம்பரிய நடனத்தை ஆடி காண்பித்தார்கள். சுபஸ்ரீ நமது பரத நாட்டியத்தை ஆடி, தங்கம் வென்று வந்தாள். இன்று அவரும் நடன ஆசிரியராக இருக்கிறார். 
அடுத்தவள் ஜெயஸ்ரீ. இவள் கலாஷேத்திராவின் மாணவி. அலஹாபாத் பல்கலைக்கழகத்தில் பட்டப்படிப்பு முடித்து, நடனத்தில் பட்டமும் வாங்கி பல்வேறு தொலைக்காட்சி நிகழ்ச்சிகளிலும் பங்கு கொண்டு பிரகாசிக்கிறார். அவளது 6 வயது மகள், நான் சிறு வயதில் ஆடியதை போல் இன்று ஆடிக் கொண்டு இருக்கிறார். 
என்னுடன் பிறந்தவர்கள் 5 பேர். 2 அண்ணன்கள், ஒரு அக்கா ஒரு தம்பி ஒரு தங்கை. கணவர் இல்லாத நிலை ஒரு பக்கம். என் குழந்தைகள் ஒரு பக்கம், என் கூடப் பிறந்தவர்கள் மறுபக்கம். ஒவ்வொருவரையும் கரை சேர்க்க வேண்டிய கடமை எனக்கு இருந்தது. நல்ல வேளையாக சொந்த வீடு இருந்ததால் வீட்டு வாடகை பிரச்னை இல்லாமல் தப்பித்தோம். பின்னர், தட்டுதடுமாறி கஷ்டப்பட்டு உடன்பிறப்புகள் ஒவ்வொருவரையும் கரை சேர்த்தேன். என் கணவர் விட்டு சென்ற ஒரு சில கடன்களையும் கட்டி முடித்தேன். எல்லாவற்றையும் முடித்து விட்டு திரும்பி பார்த்தால், என் பெண்கள் வளர்ந்து திருமணத்திற்கு தயாராக இருந்தார்கள். மிகவும் போராடி அவர்கள் விரும்பும் வண்ணம், திருமணமும் செய்து வைத்தேன்.
இவையனைத்தையும் நிறைவேற்றி கொடுத்தது நடனக் கலைதான். இன்றும் என்னிடம் நடனக் கலை இருப்பதால் யாரிடமும் செல்லாமல் என் தேவைகளை நானே செய்து கொள்கிறேன். என்னுடைய சிறு வயதில் நடனத்தை, பார்த்து கொண்டிருந்தாலே அப்படியே நடனமாடும் திறமை என்னிடம் இருந்தது. இதை நான் பல சமயங்களில் நிரூபித்ததனால் பல ஆசிரியர்கள் என்னை வாரி அணைத்து உச்சி முகர்ந்து இருக்கிறார்கள்.
நடனம் தான் என் உயிர், மூச்சு என்றாகிவிட்டது. கஷ்டங்கள் வரும்போதெல்லாம் நான் ஆண்டவனை கேட்பது ஒன்றுதான். கடைசி வரை என்னை நடன ஆசிரியையாக இருக்க செய். ஒவ்வொரு குழந்தையும் அரங்கேற்றம் செய்யும் பொழுது என் துன்பங்களை மறந்து நான் குதூகலிப்பேன்'' என்றார். 
- சலன்

]]>
http://images.dinamani.com/uploads/user/imagelibrary/2018/9/5/w600X390/mm8.JPG http://www.dinamani.com/weekly-supplements/magalirmani/2018/sep/05/பத்மினி-ஒரு-சிறந்த-மனிதாபிமானி---லட்சுமி-என்ராவ்-2994684.html
2994682 வார இதழ்கள் மகளிர்மணி அதிகாலையில் தண்ணீர் குடிப்பதால் கிடைக்கும் நன்மைகள்! DIN DIN Wednesday, September 5, 2018 11:04 AM +0530 அதிகாலையில் வெறும் வயிற்றில் தண்ணீர் குடிப்பதால் கிடைக்கும் நன்மைகளில் முதன்மையாக குடல் சுத்தமாகும். அதற்கு தண்ணீர் குடித்தவுடன், சிறிது நேரத்திலே குடல் சுத்தமாகிவிடும். இப்படி தினமும் தவறாமல் குடல் சுத்தமானாலே, உடலில் உள்ள கழிவுகளானவை முற்றிலும் வெளியேறிவிடும். தண்ணீரானது உடலின் மூலைமுடுக்குகளில் தங்கியுள்ள நச்சுக்களை சிறுநீர் மூலமாக வெளியேற்றிவிடும்.
தண்ணீரை வெறும் வயிற்றில் குடித்து வந்தால், உடலில் உள்ள கழிவுகள் மற்றும் நச்சுக்கள் வெளியேறி, விரைவில் பசி எடுக்க ஆரம்பித்துவிடும். வெறும் வயிற்றில் தண்ணீர் குடிப்பதால், இரத்தத்திலுள்ள சிவப்பணுக்களின் வளர்ச்சியானது அதிகரித்து, இரத்தமானது அதிகப்படியான ஆக்ஸிஜனை கொண்டிருப்பதால், உடலானது எனர்ஜியுடன் இருக்கும்.
பெரும்பாலானோருக்கு உடலில் நீர்ச்சத்து குறைவாக இருப்பவர்கள் தினமும் அதிகாலையில் வெறும் வயிற்றில் தாண்ணீர் குடித்து வந்தால், உடலின் நீர்ச்சத்தானது அதிகரித்து தலைவலி குறையும். மேலும் அல்சர் ஏற்படாமல் தடுக்கலாம்.
எடையை குறைக்க நினைப்பவர்கள், அதிகாலையில் வெறும் வயிற்றில் தண்ணீர் குடித்து வந்தால், உடலில் தங்கியுள்ள நச்சுக்களுடன், உடலின் மெட்டபாலிசம் அதிகரிப்பதால் தேவையற்ற கொழுப்புகளும் கரைந்து வெளியேறி, உடல் எடை குறைய உதவியாக இருக்கும்.
குடலானது சுத்தமாக இல்லாவிட்டால், முகத்தில் பருக்கள் வர ஆரம்பிக்கும். இப்படி பருக்கள் வந்தால் சருமமானது அழகை இழந்துவிடும். எனவே தினமும் தண்ணீரைக் குடித்து வந்தால், குடலியக்கம் சீராக நடைபெற்று, முகம் பருக்களின்றி பொலிவுடன் காணப்படும்.
- பொ.பாலாஜி கணேஷ்
 

]]>
http://images.dinamani.com/uploads/user/imagelibrary/2018/9/5/w600X390/WATER.JPG http://www.dinamani.com/weekly-supplements/magalirmani/2018/sep/05/அதிகாலையில்-தண்ணீர்-குடிப்பதால்-கிடைக்கும்-நன்மைகள்-2994682.html
2994680 வார இதழ்கள் மகளிர்மணி கரிசலாங்கண்ணிக் கீரையின் பயன்கள்! DIN DIN Wednesday, September 5, 2018 11:03 AM +0530 * கரிசலாங்கண்ணிக் கீரையில் சிறிது பால் விட்டு அரைத்து தலையில் தேய்த்து குளித்து வர தலைமுடி உதிர்வது நிற்கும். முடி கறுத்து வளரும். 

* இதன் இலைகளை மென்று பல் துலக்கினால் ஈறுவீக்கம், பல்வலி, பல் தேய்வு முதலிய குறைகள் நீங்கும். பற்கள் உறுதியாகும். பற்களில் உள்ள மஞ்சள் நிறம் நாளடைவில் மாறும்.

* கரிசலாங்கண்ணிக் கீரைச் சாறுடன் சிறிது தேன் கலந்து குழந்தைகளுக்கு கொடுத்து வந்தால் சளித்தொல்லை நீங்கும். உடலில் பெருகும் வேண்டாத பித்த நீரை வெளியேற்ற உதவும்.

* விஷப்பூச்சிகள் கடித்த இடத்தில் கரிசலாங்கண்ணிக் கீரையை அரைத்து தடவினால் விஷம் இறங்கும்.

* கரிசாலை, கையாந்தகரை, பொற்றிலைப்பாவை, பிருங்கராஜ் போன்ற பல பெயர்களால் அழைக்கப்படுகிறது.
- சு.பொன்மணி ஸ்ரீராமன்

]]>
http://images.dinamani.com/uploads/user/imagelibrary/2018/9/5/w600X390/mm5.jpg http://www.dinamani.com/weekly-supplements/magalirmani/2018/sep/05/கரிசலாங்கண்ணிக்-கீரையின்-பயன்கள்-2994680.html
2994679 வார இதழ்கள் மகளிர்மணி பிரிட்ஜ் பராமரிப்பு சில தகவல்கள்! DIN DIN Wednesday, September 5, 2018 11:01 AM +0530 * பிரிட்ஜை சமையலறையில் வைக்கக் கூடாது. 

* பிரிட்ஜை அடிக்கடி திறக்கக் கூடாது, திறந்தால் உடனே மூடிவிட வேண்டும். இது மின்சாரத்தை மிச்சப்படுத்த உதவும்.

* பின்பக்கம் உள்ள கம்பி வலைகள் சுவரை ஒட்டி இருக்கக் கூடாது. அந்த வலையில் தண்ணீர் படக் கூடாது. பின்புறம் படியும் ஒட்டடையை மெதுவாக தென்னந்துடைப்பம் மூலம் அகற்ற வேண்டும்.

* பிரிட்ஜை துடைக்கும்போது ஈரத்துணி அல்லது ஃபோர்ம் போன்றவற்றைக் கொண்டு துடைக்கக் கூடாது. உலர்ந்த துணி கொண்டு துடைக்க வேண்டும்.

* வெளியூர் செல்லும்போது ஃபிரிட்ஜைக் காயவைத்துச் செல்ல வேண்டும். மாதமிருமுறை ஃபிரிட்ஜுக்கு விடுமுறை கொடுக்கவும்.

* பிரீசரில் உள்ள ஐஸ் தட்டுகள் எடுக்க வரவில்லை எனில் கத்தியைக் கொண்டு குத்தக் கூடாது. அதற்குப் பதில் ஒரு பழைய காஸ்கட்டைப் போட்டு அதன்மேல் வைத்தாலோ அல்லது சிறிது கல் உப்பைத் தூவி வைத்து அதன் மேல் ஐஸ் தட்டுக்களை வைத்தாலோ சுலபமாக எடுக்க வரும்.

* பிரிட்ஜிலிருந்து வித்தியாசமாக ஓசை வந்தால் உடனடியாக ஒரு மெக்கானிக்கை அழைத்து சரி பார்க்க வேண்டும்.

* அதிகப்படியான பொருட்களை அடைத்து வைக்கக் கூடாது. ஒவ்வொரு பொருளுக்கும் காற்று செல்வதற்கு ஏற்ப சிறிது இடைவெளி விட்டு வைக்க வேண்டும்.

* பிரிட்ஜுக்குக் கண்டிப்பாக நில இணைப்புகள் (Earth) கொடுக்க வேண்டும்.

* பிரிட்ஜை காற்றோட்டம் உள்ள அறையில் மட்டுமே வைக்க வேண்டும். 

* பிரிட்ஜின் உட்பகுதியை சுத்தம் செய்யும் போது கண்டிப்பாக சோப்புகளை உபயோகப்படுத்தக் கூடாது. இது உட்சுவர்களை உடைக்கும். மாறாக சோடா உப்பு கலந்த வெந்நீரை உபயோகிக்கலாம்.

* உணவுப் பொருட்களைச் சூட்டோடு வைக்காமல் குளிர வைத்த பின்தான் வைக்க வேண்டும். வாழைப்பழத்தை எக்காரணத்தை கொண்டும் பிரிட்ஜில் வைக்கக் கூடாது.

* பிரிட்ஜில் வைக்கும் பாட்டில்களை அடிக்கடி சுத்தம் செய்து வெய்யிலில் காய வைத்து உபயோகிக்க வேண்டும்.

* பச்சை மிளகாய் வைக்கும்போது அதன் காம்பை எடுத்து விட்டுத் தான் வைக்க வேண்டும். பிரிட்ஜில் வைக்கும் உணவுப் பொருட்களை மூடி வைக்க வேண்டும்.

* பிரிட்ஜிலிருந்து துர்நாற்றம் வீசாமல் இருக்க அதனுள் எப்போதும் சிறிது புதினா இலையையோ, சாறு பிழிந்த எலுமிச்சம் பழ மூடிகளையோ வைக்கலாம்.

* கொத்துமல்லிக் கீரை, கறிவேப்பிலை இவைகளை ஒரு டப்பாவில் போட்டு மூடி வைத்தால் ஒரு வாரத்திற்கு பசுமை மாறாமல் இருக்கும்.

* பிரிட்ஜின் காய்கறி ட்ரேயின் மீது ஒரு கெட்டித் துணி விரித்து பச்சைக் காய்கறிகளைப் பாதுகாத்தால் வெகு நாள் அழுகிப் போகாமல் இருக்கும்.

* சப்பாத்தி மாவின் மேல் சிறிது எண்ணெய்யைத் தடவி பின் ஒரு டப்பாவில் போட்டு பிரிட்ஜில் வைத்தால் நான்கு நாட்கள் ஃபிரஷாக இருக்கும்.

* பொரித்த பப்படம், சிப்ஸ், பிஸ்கட் போன்றவை அதிக நாட்கள் மொறுமொறுப்பாக இருக்க வேண்டுமானால் அவற்றை ஒரு பாலிதீன் கவரில் போட்டு ஃபிரிஜ்ஜில் வைக்க வேண்டும்.

* அதிக ஸ்டார்கள் உள்ள பிரிட்ஜை வாங்கினால், மின்சாரத்தை அதிக அளவு மிச்சப்படுத்தும். 
- கவிதா

]]>
http://images.dinamani.com/uploads/user/imagelibrary/2018/9/5/w600X390/mm4.jpg http://www.dinamani.com/weekly-supplements/magalirmani/2018/sep/05/பிரிட்ஜ்-பராமரிப்பு-சில-தகவல்கள்-2994679.html
2994678 வார இதழ்கள் மகளிர்மணி சமையல்... சமையல்! DIN DIN Wednesday, September 5, 2018 10:56 AM +0530 இந்த வாரம் சமையல் குறிப்புகளை வழங்குபவர் முத்துலஷ்மி மாதவ கிருஷ்ணன்.
 தக்காளி வெங்காயம் தொக்கு

 தேவையானவை:
 பெரிய வெங்காயம் -2
 நன்கு பழுத்த தக்காளி - 5
 பொடியாக நறுக்கிய பச்சைமிளகாய் -2
 மிளகாய்த்தூள் -2 தேக்கரண்டி
 மஞ்சள் தூள் - கால் தேக்கரண்டி
 வெந்தயம் அரை தேக்கரண்டி
 கடுகு - அரை தேக்கரண்டி
 உளுத்தம்பருப்பு - அரை தேக்கரண்டி
 பெருங்காயத்தூள் - அரை தேக்கரண்டி
 கறிவேப்பிலை - சிறிது
 நல்லெண்ணெய் - 3 தேக்கரண்டி
 உப்பு - தேவைக்கேற்ப
 செய்முறை : வெங்காயம் மற்றும் தக்காளியை பெரிய துண்டுகளாக நறுக்கிக் கொள்ளவும். பச்சை மிளகாயைப் பொடியாக நறுக்கி கொள்ளவும். மிக்ஸியில் நறுக்கிய வெங்காயம் சேர்த்து லேசாக அரைக்கவும். (தண்ணீர் விடாமல் கொர கொரப்பாக அரைக்கவும்). அரைத்த விழுதை ஒரு சிறிய கிண்ணத்தில் மாற்றி கொள்ளவும். பின் தக்காளி சேர்த்து தண்ணீர் விடாமல் அரைத்து கொள்ளவும். வாணலியில் எண்ணெய் விட்டு சூடானதும் வெந்தயம் சேர்த்து பொரிந்ததும் கடுகு உளுத்தம்பருப்பு தாளித்து பின் வெங்காய விழுது மற்றும் பச்சை மிளகாய் சேர்த்து நன்கு வதக்கவும். அவை நன்கு வதங்கியதும் தக்காளி விழுதை சேர்த்து வதக்கவும். பின் தேவையான அளவு உப்பு, மஞ்சள் தூள், மிளகாய்த் தூள் மற்றும் கறிவேப்பிலை சேர்த்து 7 நிமிடங்கள் மிதமான தீயில் வைத்து வதக்கவும். அவை நன்கு கெட்டியான பின் பெருங்காயத்தூள் சேர்த்து நன்கு கலந்து விடவும். தொக்கின் மேலே எண்ணெய் பிரியும் வரை கொதிக்க வைத்து இறக்கவும்.

பனீர் குருமா

தேவையானவை:
 பனீர் - 150 கிராம்
 மஞ்சள் தூள்- அரை தேக்கரண்டி
 மிளகாய்த்தூள் - கால் தேக்கரண்டி
 கரம் மசாலா தூள் - அரை தேக்கரண்டி
 கஸþரி மேத்தி - 1 தேக்கரண்டி
 பிரிஞ்சி இலை -1
 சர்க்கரை - கால் தேக்கரண்டி
 கறிவேப்பிலை - 10
 கொத்துமல்லி இலை - சிறிது
 எண்ணெய்- 3 மேசைக்கரண்டி
 உப்பு - தேவைக்கேற்ப
 அரைக்க:
 தேங்காய்த் துருவல் - கால் கிண்ணம்
 வெங்காயம் - 1
 தக்காளி - 2
 பச்சை மிளகாய் - 2
 கொத்துமல்லி இலை - சிறிது
 இஞ்சி - சிறிய துண்டு
 சோம்பு - 1 தேக்கரண்டி
 கிராம்பு - 3
 ஏலக்காய் - 3
 அன்னாசிப்பூ - 1
 பட்டை - சிறிய துண்டு
 முந்திரி பருப்பு-5
 செய்முறை : தக்காளி மற்றும் வெங்காயத்தை நறுக்கி கொள்ளவும். மிக்ஸியில் எல்லாவற்றையும் சேர்த்து நன்கு அரைத்து கொள்ளவும். தேவைப்பட்டால் சிறிது தண்ணீர் விட்டு அரைத்து கொள்ளவும். ஒரு கனமான வாணலியில் எண்ணெய் விட்டு சூடானதும் பிரிஞ்சி இலை மற்றும் கறிவேப்பிலை சேர்த்து நன்கு வாசனை வந்ததும் அரைத்த தேங்காய் விழுதை சேர்த்து நன்கு கைவிடாமல் வதக்கவும். பனீரை விரும்பிய வடிவில் வெட்டி கொள்ளவும். தேங்காய் விழுது லேசாக வதங்கியதும் சிறிது நேரம் மூடிப் போட்டு வதக்கவும். வாணலியின் ஓரங்களில் எண்ணெய் பிரியும் போது 1 கிண்ணம் தண்ணீர் விட்டு நன்கு கலந்து விடவும். பின் தேவையான அளவு உப்பு, மிளகாய்த் தூள் மற்றும் மஞ்சள் தூள் சேர்த்து கொதிக்க விடவும். குருமா நன்கு கொதித்ததும் நறுக்கிய பனீரை சேர்த்து கலந்து கொள்ளவும். பின் கரம் மசாலா தூள் சேர்த்து மெதுவாக கிளறி விடவும். கடைசியாக சிறிது சர்க்கரை மற்றும் கஸþரி மேத்தி(காய்ந்த வெங்காயத்தாள்) சேர்த்து லேசாக கொதித்ததும் இறக்கவும். கொத்துமல்லி இலை தூவி பரிமாறவும்.

ப்ரோக்கோலி மசாலா

தேவையானவை:
 சிறிய ப்ரோக்கோலி -1
 வெங்காயம் -1
 இஞ்சி பூண்டு விழுது - அரை தேக்கரண்டி
 சீரகம் - கால் தேக்கரண்டி
 மிளகாய்த்தூள் - முக்கால் தேக்கரண்டி
 மஞ்சள்தூள் - கால் தேக்கரண்டி
 தனியாத்தூள் - 1 தேக்கரண்டி
 கரம் மசாலா தூள் - 1 தேக்கரண்டி
 சர்க்கரை - 1 தேக்கரண்டி
 ஃப்ரஷ் கிரீம் - 1 தேக்கரண்டி
 எண்ணெய்- 2 தேக்கரண்டி
 உப்பு - தேவைக்கேற்ப
 அரைக்க :
 வெங்காயம் -2
 தக்காளி -2
 பாதாம் -10
 செய்முறை: குக்கரில் வெங்காயம், தக்காளி, பாதாம் சேர்க்கவும். தண்ணீர் விட்டு 1 விசில் வந்ததும் இறக்கவும். பெரிய பாத்திரத்தில் 2 கப் தண்ணீர் சேர்த்து கொதிக்க விடவும். பின் அதில் ஆய்ந்து வைத்துள்ள ப்ரோக்கோலியைப் போட்டு மூடி வைக்கவும். பின் அதில் ஐஸ் கட்டிகள் போட்டு குளிர விடவும். 5 நிமிடங்கள் கழித்து தண்ணீரை வடிகட்டவும். வேகவைத்த வெங்காயம், தக்காளி, பாதாம் பருப்பு சேர்த்து மிக்ஸியில் நைஸôக அரைக்கவும். வாணலியில் எண்ணெய் விட்டு சூடானதும் சீரகம் போட்டு பொரிந்ததும், பொடியாக நறுக்கிய வெங்காயம் போட்டு வதக்கவும். குறைந்த தீயில் வைத்து வதக்கவும். வெங்காயம் பொன்னிறமாக மாறியதும், இஞ்சி பூண்டு விழுது சேர்த்து வதக்கவும். பின் அரைத்த விழுதை போட்டு வதக்கவும். 2 நிமிடங்கள் வதக்கிய பின்னர் 2 கப் தண்ணீர் விட்டு கொதிக்க விடவும். சிறிது கொதித்த பின் மஞ்சள் தூள், மிளகாய்த் தூள் மற்றும் தனியாத் தூள் சேர்த்து கிளறவும். பின் ப்ரோக்கோலியைச் சேர்த்து கிளறவும். தேவையான உப்பு சேர்த்து மிதமான தீயில் கொதிக்க விடவும். பின் கஸýரி மேத்தி இலைகள், சீனி, ஃப்ரெஷ் கிரீம் மற்றும் 1/2 கப் தண்ணீர் விட்டு 10 - 15 நிமிடங்கள் கொதிக்க வைத்து இறக்கவும். மசாலாவின் மேலே எண்ணெய் மிதக்கும் வரை கொதிக்க வைத்தால் போதும். சுவையான ப்ரோக்கோலி மசாலா தயார். ரொட்டி, புலவ், நாண் போன்ற உணவு வகைகளுக்கு சூப்பரான சைட் டிஷ்.

பீட்ரூட் குருமா

தேவையானவை:
 பீட்ரூட் - 1
 பச்சை மிளகாய் - 1
 கறிவேப்பிலை - 10
 பட்டை - சிறிய துண்டு
 மிளகாய்த்தூள் - 1 தேக்கரண்டி
 கரம் மசாலா தூள்- 2 தேக்கரண்டி
 பால் - கால் டம்ளர்
 கொத்துமல்லி இலை - சிறிது
 எண்ணெய் - 1 மேசைக்கரண்டி
 உப்பு - தேவையான அளவு
 அரைக்க:
 தேங்காய்த் துருவல் - 1 தேக்கரண்டி
 தக்காளி -2
 சோம்பு - 1 தேக்கரண்டி
 இஞ்சி - சிறிய துண்டு
 அன்னாசிப்பூ-1
 கிராம்பு -3
 முந்திரி பருப்பு - 5
 செய்முறை: பீட்ரூட்டை நன்கு கழுவி கொள்ளவும். பின் தோல் சீவி பொடியாக நறுக்கி கொள்ளவும். குக்கரில் நறுக்கிய பீட்ரூட்டை சேர்த்து 1/2 கப் தண்ணீர் ஊற்றி 3 விசில் வரும் வரை வேக வைக்கவும். மிக்ஸியில் தக்காளி, சோம்பு, இஞ்சி, கிராம்பு மற்றும் அன்னாசிப்பூ சேர்த்து நன்கு அரைக்கவும். பின்னர், தேங்காய்த் துருவல், முந்திரி பருப்பு சேர்த்து நன்கு அரைத்து கொள்ளவும். அடி கனமான வாணலியில் எண்ணெய் விட்டு சூடானதும் பட்டை, பச்சை மிளகாய் மற்றும் கறிவேப்பிலை சேர்த்து தாளித்து பின் அரைத்த தேங்காய் விழுதைச் சேர்த்து நன்கு கைவிடாமல் வதக்கவும். அவை நன்கு வதங்கியதும் மிளகாய்த்தூள் மற்றும் வேகவைத்த பீட்ரூட்டை சேர்க்கவும். பின் தேவையான அளவு உப்பு சேர்த்து கலந்து கொதிக்க விடவும். குருமா கொதிக்க ஆரம்பித்ததும் கரம் மசாலா தூள் மற்றும் பால் சேர்த்து லேசாக கொதித்ததும் கொத்துமல்லி இலை தூவி இறக்கவும்.
 
 
 

]]>
http://www.dinamani.com/weekly-supplements/magalirmani/2018/sep/05/சமையல்-சமையல்-2994678.html
2994676 வார இதழ்கள் மகளிர்மணி அம்மியில் அரைத்து சாப்பிட்ட வரை ஆரோக்கியமாக இருந்தோம்! DIN DIN Wednesday, September 5, 2018 10:49 AM +0530 அம்பத்தூர் ஓ.டி ரயில்வே பாலம் அருகில் போக்குவரத்து பேரிரைச்சல் நிறைந்த அந்தப் பகுதியில் தன்னந்தன்னியாக சாலையோரத்தில் உள்ள ஒரு சிறிய குடிசையில் அம்மி கல், உரல் செய்து விற்பனை செய்வதையும், அதனுள்ளே இருந்து எழும் உளிக்கல் இடும் ஓசையையும் அந்தப் பகுதியைக் கடந்து செல்பவர்கள் யாரும் கவனிக்காமல் இருக்க முடியாது. நமது கவனத்தை ஈர்த்த அந்த கல் உரல் செய்பவரான லட்சுமி குடும்பத்தாரை சந்தித்தோம்:
"கடந்த 20 ஆண்டுகளுக்கு முன்பு இங்கு வந்து கடை போட்டோம். நல்ல வியாபாரம் ஆனது. அதனால இங்கேயே குடிசைப் போட்டு தங்கிவிட்டோம்.
எங்களுக்கு பூர்வீகம் திருவண்ணாமலை மாவட்டத்தில் வெம்பாக்கம் அருகில் உள்ள திருபனம்பூர். எங்களுடைய பாட்டன், பூட்டன் காலத்திலிருந்தே அம்மி, உரல் செய்வதுதான் தொழில். பரம்பரை தொழிலானதால், எங்களது அப்பாவிற்கு பிறகு நாங்களும் இந்த தொழிலையே கற்றுக் கொண்டு செய்து வருகிறோம். இந்த தொழிலைத் தவிர எங்களுக்கு வேறு எந்த தொழிலும் தெரியாது. ஆம்பள, பொம்பள என எல்லாருமே அம்மி, உரல்ன்னு எல்லாமே செய்வோம்.
அந்தக் காலத்தில் எங்க ஆளுங்க, வீட்டில உள்ள ஆம்பள புள்ளைக்கு 5 வயசு ஆனதும் அம்மியும், உரலும் செய்ய கற்றுக் கொள்ள ஸ்கூல் மாதிரி கொண்டாந்து விட்டுடுவாங்க. முதல் படிப்பு பொத்தல் போடுறதல தொடங்கி படிப்படியா போய் கடைசியா அறுவ போடச் சொல்லித்தருவாங்க. ஒருபுள்ள முழுசா இந்தத் தொழிலைக் கற்றுக் கொள்ள குறைஞ்சது 16 வருஷம் ஆகும்.
அம்மியும் - உரலும் சக்தியும், சிவனும் மாதிரி வீட்டோட சாமி. அதனாலதான் அந்தக் காலத்தில் அம்மியும், உரலும் இல்லாத வீடே இருக்காது. புருஷனும், பொண்டாட்டியும் அம்மி கல்லும், ஆட்டு உரலும் மாதிரி நீண்ட காலத்துக்கு நல்ல ஆயுளோட உறுதியா சேர்ந்து வாழணும்தான் கல்யாணத்துல அம்மியும், உரலையும் வைப்பாங்க.

எங்கள் பாட்டன் காலத்தில் 25முதல் 35 ரூபாய்க்கு விற்ற அம்மி, உரல். என் அப்பா காலத்தில் 100-150 ரூபாய்க்கு விற்கப்பட்டது. அப்போதெல்லாம் எங்களுக்கு ஓய்வில்லாமல் வேலை இருந்து கொண்டே இருக்கும். காஞ்சிபுரத்தை ஒட்டிய சுற்று கிராமங்களான வாலாஜா, சங்கராபுரம் போன்ற கிராமங்களில் உள்ள மலைகளுக்குச் சென்று இளவட்ட ஆம்பளைங்க கல் அறுத்து வந்து போடுவாங்க, மீதி உள்ள ஆம்பள, பொம்பள எல்லாம் சேர்ந்து அம்மி, உரல் எல்லாம் செய்வோம். முதல் போட வேண்டிய அவசியமில்லாததால் நல்ல லாபம் கிடைத்தது.
இப்போது நாங்க நேரடியாக கல் அறுக்க முடியாது, அரசாங்கம் தடை விதிச்சாட்டாங்க. கான்ட்ராக்ட்காரங்கதான் அறுத்து தரணும். அதனால கல்லுக்கு பணம் கட்டி வாங்கி வர வேண்டியதா இருக்குது. மேலும், பெட்ரோல் விலை உயர்வு, வண்டி கூலி அதுஇதுன்னு இப்போ முதலே கணிசமாக ஒரு தொகை வந்துடுது. இதற்கு மேலே செய்கூலியை சேர்த்து இப்போ அம்மி 600 ரூபாய்க்கும், உரல் 1000 ரூபாய்க்கும் விற்பனை செய்றோம். நியாயமா நாங்க அம்மியை 2000த்துக்கும், உரலை 3,000க்கும் விற்றால்தான் எங்களுக்கு கட்டுப்படியாகும். ஆனா, அந்த விலைக்கு மிக்ஸி, கிரைண்டர்ன்னு கிடைக்கிறதால 2000, 3000 கொடுத்து அம்மியும், உரலும் வாங்க யாரு இருக்கா? அந்த மவுசு எல்லாம் இப்போ மாறிப்போச்சு.
ஊர்லயும் எங்க ஜனஞ்சங்க குறைஞ்சு போய்ட்டாங்க. இந்தத் தொழில விட்டுட்டு வெவ்வேறு தொழிலுக்கு போக ஆரம்பிச்சுட்டாங்க. எங்க பேரப்பிள்ளைங்க காலத்துல இந்தத் தொழில் இல்லாமயே போய்டும்ன்னுதான் நினைக்கிறேன்.
இப்போ, எங்க பையன் இந்த வேலையை எடுத்துச் செய்றான். நாங்க அவனுக்கு ஒத்தாசையா இருக்கிறோம். மருமக, பேர குழந்தைகள்ன்னு இந்த குடிசையிலதான் தங்கியிருக்கோம்.
ஆனா ஒண்ணுங்க, அம்மியில மசாலா அரைச்சு குழம்பு வெக்கறதுக்கும், ஆட்டு உரலில் மாவு அரைத்து இட்லி சுட்டு சாப்பிடுவதிலும் உள்ள ருசியே தனிதாங்க. அதெல்லாம் இந்த காலத்து புள்ளைங்களுக்கு தெரியாமயே போய்டுச்சேன்னு நினைச்சா வருத்தமா இருக்கு.
அம்மியிலும், உரலிலும் அரைத்து சமைத்து சாப்பிட்ட வரை ஜனங்களும் ஆரோக்கியமாதான் இருந்தாங்க. அதெல்லாம் இப்போ மறக்கடிக்கப்பட்டதால , சுகரு, பீபின்னு கண்ட நோயுங்க வந்து ஆட்டிப் படைக்குது.
இப்பல்லாம், கல்யாணம்- காட்சி, தீபாவளி பண்டிகைன்னு வந்தா தான் அம்மி, உரலைத் தேடி வர்றாங்க. ஒருநாளைக்கு ஒரு அம்மி, உரல் விற்பதே பெரிய விஷயமா இருக்கு. அதனால, இப்போ தொங்கு ஊஞ்சல் செய்யவும் பழக்கிக் கொண்டு வர்றோம்.
பெரிய கடைகள், ரோட்டோர கடைகள்ன்னு நிறைய இடத்துல நாமக்கல், சேலம் பகுதியில மிஷ்ன்ல செய்ற சின்ன உரலை வாங்கிவந்து விக்கிறாங்க. சரி நாங்களும் வாங்கி வந்து விற்கலாம்ன்னு போய்பார்த்தோம். அங்கே போனதுக்கு அப்புறம்தான் தெரிந்தது. அந்த கல்லு எல்லாம் உறுதியான மலைக்கல்லுல செய்யலங்க. பாதி கல்லு மாவுக் கல்லுப்போட்டு செய்றாங்க. அது வாங்கி வந்து உபயோகித்தோம்ன்னா, சீக்கிரத்தில் உடைஞ்சு போய்டும். அதுவுமில்லாம, அந்த கல்லுல மசாலா இடிக்கும்போது சிறு மண் நறநறன்னு வந்துக்கிட்டே இருக்கும். இதையெல்லாம் பார்த்துட்டு எங்களுக்கு வாங்க புடிக்காம திரும்பி வந்துட்டோம்.
இப்போது நாங்களே நல்ல மலைக்கல்லா பார்த்து வாங்கி வந்து சின்ன உரல் செய்து விற்க ஆரம்பிச்சுட்டோம். பெரிய வருமானம் இல்லனாலும், ஏதோ, எங்க குடும்பத்த நடத்துற அளவுக்கு வருமானம் கிடைக்குது அதுவே போதும்'' என்றார்.
- ஸ்ரீதேவி குமரேசன்

 

]]>
http://images.dinamani.com/uploads/user/imagelibrary/2018/9/5/w600X390/URAL.JPG http://www.dinamani.com/weekly-supplements/magalirmani/2018/sep/05/அம்மியில்-அரைத்து-சாப்பிட்ட-வரை-ஆரோக்கியமாக-இருந்தோம்-2994676.html
2994675 வார இதழ்கள் மகளிர்மணி இல்லத்தரசியும் தொழில் முனைவோர் ஆகலாம்-22 DIN DIN Wednesday, September 5, 2018 10:47 AM +0530 "முன்பெல்லாம் என்னுடைய "சணல் பை' தயாரிப்புகளை விற்பனை செய்வதற்காக விற்பனை பொருள்காட்சியில் கலந்து கொள்வேன். ஒருமுறை நடைபெற்ற பொருள்காட்சியில், எனது பக்கத்து ஸ்டாலில் ஒரு வயதான பெண்மணி துடைப்பம் விற்பனை செய்தார். நன்கு பழகிய பின், அவரைப் பற்றி அறிந்தேன். அவரது மகன் திருமணத்திற்கு பின்னர், இவரையும் (கணவர் இல்லை) இவரது மாற்றுத் திறனாளியான மகளையும் விட்டுவிட்டு தனிக்குடித்தனம் சென்றுவிட்டார். அது சமயம் ஒரு தன்னார்வ தொண்டு நிறுவனம் மூலமாக துடைப்பம் செய்யும் பயிற்சி எடுத்துக் கொண்டனர் இருவரும். தொழில் செய்வதற்கான சிறிதளவு மூலதனமும் தொண்டு நிறுவனம் அளிக்க, தாயும், மகளும் துடைப்பம் செய்து விற்பனை செய்வதை முழு நேர தொழிலாக செய்தனர். விற்பனையும் நன்றாக இருந்ததால் தனியே வீடு வாடகைக்கு எடுத்து தங்கி இருந்தனர். அதோடு மட்டுமல்லாது தனது மகனுடைய குழந்தைகளுக்கும் செலவு செய்யும் அளவிற்கு அவர்கள் வருமானம் ஈட்ட தொடங்கிவிட்டனர். அவர்கள் செய்து விற்பனை செய்யும் துடைப்பம் தரமானதாகவும், விலை குறைவாகவும், நீடித்து உழைக்கக் கூடியதாகவும் இருந்ததால் அவர்களுக்கு தனியார் அலுவலகங்கள், அரசு அலுவலகங்கள் மற்றும் பொதுமக்கள் என நிறைய வாடிக்கையாளர்கள் உருவாகினர். தற்போது அவர்கள் சிறந்த தொழில்முனைவோராக மாறி நல்ல வருமானமும் ஈட்டி வருகின்றனர். அந்த வகையில் இந்தவாரம் துடைப்பம் தயார் செய்வதைப் பற்றி பார்ப்போம்'' என்கிறார் சுயதொழில் ஆலோசகர் உமாராஜ்:
 "ஒரு 30-40 ஆண்டுகளுக்கு முன்பு காடுகளில், மலையடிவாரங்களில் விளையும் பூந்துடைப்பக் குச்சிகளை அறுத்து வந்து நன்கு காய வைத்து அதிலுள்ள முட்களைத் தட்டி சுத்தம் ஒரு கைப்பிடி அளவுள்ள துடைப்பம் தயார் செய்து 25 பைசாவிற்கு விற்பார்கள். பின்னர், காலத்துக்கேற்ப துடைப்பமும் மாறிவிட்டது.
 தற்போதுள்ள துடைப்பம் தயார் செய்ய முதலீடு என்று பார்த்தால் ரூ.10,000/- செலவு பிடிக்கும். இதை செய்வதற்கு இயந்திரம் தேவையில்லை. கைகளில் செய்யக் கூடிய சுலபமான தொழில். மேலும், இதற்கு தேவையான மூலப் பொருள்கள் குச்சி (டைகர் கிராஸ்) கம்பி, பிளாஸ்டிக் ஓயர், கட்டர் (அ) கத்தி, பிளாஸ்டிக் பைப் ஆகியவையாகும். இந்த மூலப் பொருள்கள் அனைத்தும் சென்னை பாரிமுனையில் மொத்த விலைக்கடைகளில் கிடைக்கும். இந்த துடைப்ப புல் ஒரு கட்டு ரூ. 100 முதல் விற்கப்படுகிறது இதில் 15-20 துடைப்பம் செய்யலாம். அங்கேயே இதற்கு தேவைப்படும் மற்ற பொருள்களையும் வாங்கிக் கொள்ளலாம். இந்த துடைப்பத்திற்கான புற்கள் அசாம், திரிபுரா, மேகாலயா போன்ற இடங்களில் விளைகிறது. பார்ப்பதற்கு மூங்கில் மரம் போல் தோற்றம் அளிக்கும். அடர்த்தியாக வளரும்.
 துடைப்பம் தயார் செய்ய ஒரு நாள் பயிற்சி எடுத்தாலே போதுமானது. சிலருக்கு பார்க்கவோ, கேட்கவோ செய்தாலும் ஐடியா வந்துவிடும். குச்சிகளில் பெரியதாக உள்ளதை முதலில் எடுக்கவும். சிறிய குச்சிகளை உள்ளே வைத்து உருட்டிக் கொள்ளவும். பிறகு கம்பியை வைத்து இறுக்கி கட்டவும். உங்களுக்கு இதன் பின்னல் தெரிந்தால் ஒயர் கொண்டும் பின்னலாம். பின்னர் கம்பியை வைத்து முறுக்கி விட்டால் போதும். மற்றொரு வகை குச்சிகளை தேவையான அளவு எடுத்து பின் கம்பியை வைத்து கட்டி விடவும். ஒயர் கொண்டு சுற்றி விடவும். பின்னர், இதற்கென உள்ள பிளாஸ்டிக்கினால் ஆன கைப்பிடி பைப் வைத்து இறுக்கமாக சொருகினால் துடைப்பம் தயார்.
 இதே போன்றுதான் விசிறி மாடல் துடைப்பமும் தயார் செய்ய வேண்டும். இதை பெரியது, சிறியது என சைஸ் வாரியாக செய்யலாம். இதை தனியே விற்பனை செய்யாமல் மொத்தமாக கடைகளுக்கு சப்ளை செய்யலாம். இதற்கான தேவைகள் எப்போதும் உண்டு. வீட்டில் உள்ள பெண்கள் பலர் சேர்ந்து செய்தால் முதலீடு குறைந்துவிடும். பெரிய உழைப்பும் இருக்காது. டென்ஷன் இல்லாமல் செய்யக் கூடியது. நல்ல லாபமும் கிடைக்கும். துடைப்பம் செய்யும் தொழில் தானே என குறைத்து மதிப்பிட வேண்டாம். உண்மை, நேர்மை, தரம் இருந்தால் வெற்றி நிச்சயம்.
 - ஸ்ரீ
 

]]>
http://images.dinamani.com/uploads/user/imagelibrary/2018/9/5/w600X390/GRASS-BROOM-STICK.JPG http://www.dinamani.com/weekly-supplements/magalirmani/2018/sep/05/இல்லத்தரசியும்-தொழில்-முனைவோர்-ஆகலாம்-22-2994675.html
2994674 வார இதழ்கள் மகளிர்மணி திக்.. திக்... சூழ்நிலையில் தங்கம்! DIN DIN Wednesday, September 5, 2018 10:44 AM +0530 ராஹி சர்னோபாத் - கைத் துப்பாக்கி சுடுதலில் தங்கப் பதக்கம் பெற்ற முதல் இந்தியப் பெண். கைத் துப்பாக்கியால் சுடும் ராஹி ஆசிய விளையாட்டுப் போட்டியின் இறுதிச் சுற்றில் சந்தித்தது திக் திக் தருணங்கள்.
 வாய்ப்புகள் ஐந்து. அதில் எதிராளியை வெற்றி காண ராஹி குறைந்தது இரண்டு புள்ளிகளாவது அதிகப்படியாக பெற்றாக வேண்டிய கட்டாயம். செம அழுத்தத்தின் பிடியில் ராஹி சிக்கியிருந்தார். அடுத்தடுத்த நிமிடங்களில் என்ன நடக்கும் என்று ராஹிக்கே தெரியாது. ஆனால் எல்லாம் சுபமாக முடிந்தது. ராஹி மிக கவனமாக கடைசிநேர அழுத்தங்களில் மூழ்கிவிடாமல் மனதை ஒருநிலைப்படுத்த ஆசிய போட்டியில் கைத் துப்பாக்கி சுடுவதில் தங்கப் பதக்கம் பெறும் முதல் பெண் வீராங்கனையானார்.
 ராஹி, ஆசிய விளையாட்டுப் போட்டியில் பெண்களுக்கான 25 மீட்டர் கைத் துப்பாக்கி பிரிவில் கலந்து கொண்ட போது, இறுதிச் சுற்றில் 2 புள்ளிகளுக்குப் பின்தங்கியிருந்தார். இறுதிச் சுற்றில் மொத்தம் எட்டு வீராங்கனைகள் மோதினார்கள். அவர்களுக்குத் பத்து சுற்றுகள் தரப்படும். ஒவ்வொரு சுற்றின் போதும் போட்டியாளர் இலக்கை நோக்கி ஐந்து முறை சுடவேண்டும். இலக்கில் சுட்டால் ஒரு புள்ளி சுடுபவருக்குக் கிடைக்கும். நான்கு சுற்றுகள் நிறைவானதும் யார் யார் எத்தனை புள்ளிகள் எடுத்துள்ளனர் என்று கணக்கிடப்படும். அந்த முடிவில் குறைந்த புள்ளிகள் பெற்றவர் ஐந்தாவது சுற்றில் விளையாடாமல் வெளியேறிவிட வேண்டும். அதனால், ஐந்தாவது சுற்றில் ஏழு போட்டியாளர்கள் மட்டுமே இருப்பார்கள். ஐந்தாவது சுற்றின் முடிவில், மிகக் குறைந்த புள்ளி எடுத்தவர் வெளியேற வேண்டும். இந்த "வெளியேற்றம்' அடுத்தடுத்த சுற்றில் நடக்கும். அப்படி இறுதியான சுற்றில் இரண்டு போட்டியாளர்கள் தங்கம், வெளிப் பதக்கங்களுக்காக மோதுவார்கள்.. இல்லை, இல்லை சுடுவார்கள்.
 இறுதிச் சுற்றில் ஆரம்பத்திலிருந்தே ராஹி வைத்த குறி தப்பாது சுட்டுத் தள்ளிக் கொண்டிருந்தார். ஒரு தருணத்தில் இரண்டாம் இடத்தைப் பிடித்திருந்த தாய்லாந்து வீராங்கனையான யாங்பாய்பூனை விட மூன்று புள்ளிகள் அதிகம் பெற்றிருந்த ராஹிக்கு சோதனை வந்தது ஏழாவது சுற்றில். இந்த சறுக்கலால், ஒன்பதாவது சுற்றின் இறுதியில் முப்பத்தி நான்கு புள்ளிகள் பெற்று யாங்பாய்பூன் முதல் இடத்திற்கு முன்னேற முப்பத்திரண்டு புள்ளிகள் பெற்று ராஹி இரண்டாவது ஸ்தானத்தில் நின்றார். இரண்டு புள்ளிகள் வித்தியாசம் இமயமலையாகத் தெரிந்தது.
 இறுதிச் சுற்று... ஐந்து முறை சுடும் வாய்ப்புகளில், யாங்பாய்பூனை விட குறைந்தது இரண்டு புள்ளிகளாவது அதிகம் பெற்றேயாக வேண்டிய நிர்பந்தம் ராஹிக்கு ஏற்பட்டது. அனைவரும் அது நடக்காது என்றே நினைத்தார்கள். அந்த திக் திக் நிமிடங்களில் இறங்கு முகத்திலிருந்த ராஹி கீழ் நோக்கி பயணிப்பார் என்றே கணிப்பு இருந்தது. ஆனால் பாதகமான அந்த சூழ்நிலை ராஹிக்குச் சாதகமாக அமைந்தது. இறுதிச் சுற்றில் ராஹி இரண்டு புள்ளிகளை மட்டுமே ஈட்ட முடிந்தது. யாங்பாய்பூன் இறுதிச் சுற்றில் சொதப்பி ஒரு புள்ளி கூட எடுக்கவில்லை. அதனால் ராஹி, யாங்பாய்பூன் தலா முப்பத்திநான்கு புள்ளிகள் எடுத்து சம நிலையில் நின்றனர். முதலாவது இடம் யாருக்கு என்று தீர்மானிக்க முடியாத நிலை. டை பிரேக்கர் மட்டுமே அதைத் தீர்மானிக்க முடியும்.
 ஆரம்ப டை பிரேக்கில் சம புள்ளிகளை இருவரும் எடுக்க சம நிலை தொடர்ந்தது. இரண்டாவது டை பிரேக்கர் தரப்பட்டது. இந்த சுடுதலில் ராஹி மூன்று புள்ளிகள் எடுக்க யாங்பாய்பூன் இரண்டு புள்ளிகள் மட்டுமே எடுத்தார். ராஹி தங்கப் பதக்கத்திற்கு உரியவர் ஆனார். நடைபெறும் ஆசியப் போட்டியில், இந்தியாவிற்கு நான்காவது தங்கப் பதக்கத்தையும் சேர்த்தார்.
 ராஹியின் சொந்த மாநிலம் மஹாராஷ்டிரா. இருபத்தெட்டு வயதாகிறது. ராஹி 25 மீட்டர் கைத் துப்பாக்கி கொண்டு சுடும் பிரிவில் 2010, 2014 காமன்வெல்த் போட்டிகளில் தங்கப்பதக்கங்கள் பெற்றிருந்தாலும், 2014 -ஆம் ஆசிய விளையாட்டுப் போட்டியில் வெண்கல பதக்கம் பெற்றவர். மூன்று முறை தொடர்ந்து போராடி ஆசிய போட்டியில் தங்கப் பதக்கம் வாங்கும் கனவை நனவாக்கியுள்ளார்.
 இரண்டு ஆண்டுகளுக்கு முன் தோள்பட்டையில் ஏற்பட்ட காயம் காரணமாக துப்பாக்கி ஏந்த முடியாமல் இருந்த ராஹி அதன் காரணமாக ரியோ ஒலிம்பிக்சிலும் கலந்து கொள்ள இயலாமல் போய்விட்டது. அதற்கிடையில் உக்ரைன்னைச் சேர்ந்த பயிற்சியாளர் காலமாகவே ராஹி துவண்டு போனார். ஒலிம்பிக்சில் பதக்கங்களை பெற்ற ஜெர்மனியைச் சேர்ந்த பெண் பயிற்சியாளரின் வழிகாட்டலில் ராஹி மீண்டு வந்து தங்கம் வென்றுள்ளார்.
 "வெற்றி தோல்வி எனது பயணத்தில் மாறி மாறி வந்துள்ளன. ஆசிய போட்டியில் அந்த திக் திக் தருணங்களை மறக்க முடியாது. இடைவெளி ஏற்பட்டாலும், தங்கப் பதக்கங்கள் கிடைக்கும் சந்தர்ப்பங்களும் வரத்தான் செய்கின்றன'' என்கிறார் ராஹி.
 - கண்ணம்மா பாரதி
 
 

]]>
http://images.dinamani.com/uploads/user/imagelibrary/2018/9/5/w600X390/RAHI.JPG http://www.dinamani.com/weekly-supplements/magalirmani/2018/sep/05/திக்-திக்-சூழ்நிலையில்-தங்கம்-2994674.html
2994673 வார இதழ்கள் மகளிர்மணி ஒடிசி நடனத்தில் ஜங்கிள் புக்! DIN DIN Wednesday, September 5, 2018 10:38 AM +0530 ரூட்யார்ட் கிப்லிங் 124 ஆண்டுகளுக்கு முன் குழந்தைகளுக்காக எழுதிய உலக பிரசித்திப் பெற்ற கதை "ஜங்கிள்புக்'. இக்கதை பெங்களூரைச் சேர்ந்த தேவ்ஜனி சென் (52) என்பவர் மூலம், ஒடிசி நடன பாணியில் நாட்டிய நாடகமாக அரங்கேறியுள்ளது.
 குழந்தைகள் முதல் பெரியவர்கள் வரை வயது வித்தியாசமின்றி கார்ட்டூன், அனிமேஷன் மூவி, ஆக்ஷன் மூவி என பல வகையில் பார்த்து ரசிக்கும் "ஜங்கிள் புக்' கதை தேவ்ஜனிசென் முயற்சியால், நாட்டிய நாடகமாக உருவாகி, இந்தியாவின் பல நகரங்களில் மேடையேறி மக்களின் வரவேற்பை பெற்று வருகிறது.
 1980-ஆம் ஆண்டு முதல் கட்டாக், புவனேஷ்வர், கொல்கத்தா போன்ற நகரங்களில் பெற்றோருடன் வசித்தபோதே தேவ்ஜனி சென், காலஞ்சென்ற ஒடிசி நடன குரு கேளுசரண் மகோபத்ராவிடம் நடனம் பயின்றுள்ளார். 2003-ஆம் ஆண்டு பெங்களூரில் ஒடிசி நடன பள்ளியை தொடங்கியபோது, முழு அளவில் நடந்த ஸ்மிருதி நந்தன் கலாசார மையத்துடன் இணைந்து, 7 மாணவிகளுடன் நடனப்பள்ளியை தொடங்கினார். இன்று 55 மாணவிகளுடன் பெங்களூரில் இந்திரா நகர் மற்றும் இந்திய அறிவியல் கழகம் ஆகிய இரு இடங்களில் கிளைகளாக இந்த நடனப்பள்ளி வரிவடைந்துள்ளது. ஜங்கிள் புக் கதையை நாட்டிய நாடகமாக தேர்ந்தெடுக்க என்ன காரணம் என்பதை தேவ்ஜனி சென் விளக்குகிறார்:
 "கொல்கத்தாவில் வசித்தபோது நான்காவது படிக்கும்போதே நான் பரதம், மணிப்புரி, கதக் ஆகிய நடனங்களை பயிலத் தொடங்கினேன். ஆனால் பிற்காலத்தில் நான் நடனத்தையே தொழிலாக கருதுவேன் என்று நினைத்ததில்லை. மும்பையில் ஜான்சன் அண்ட் ஜான்சன் நிறுவனத்தில் தகவல் தொழில்நுட்ப ஊழியராக பணியாற்றி வந்தேன். பல ஆண்டுகளாகியும் எதிர்பார்த்த வாய்ப்புகள் கிடைக்காது என்று தெரிந்ததால், வேலையை விட்டுவிட்டு நடனத்துறையில் முழு ஈடுபாட்டை காட்டினேன். பெங்களூரு வந்த பிறகு நடனப்பள்ளியொன்றை தொடங்கி பயிற்சியளிக்க தொடங்கினேன். அப்போதுதான் ஜங்கிள் புக் பற்றிய நினைவு வந்தது. இந்த கதை உலகம் முழுவதும் பல மொழிகளில் அனைவருக்கும் தெரிந்த கதைதான். பசுமை நிறைந்த காட்டில் வசிக்கும் மௌகிலி என்ற சிறுவனை, கருணை உள்ளம் கொண்ட ஓநாய் தாயன்புடன் கவனித்துக் கொள்வதும், காட்டினுள் வழி காட்டும் வயதான கரடியும் எப்படி அந்த சிறுவனை பாதுகாக்கின்றன என்பதை அறியும்போது, கூடவே நட்பு, வீர செயல்கள் அனைத்தும் அந்த கதையில் அடங்கியிருப்பது தெரிந்தது. இந்த கதை மூலம் குழந்தைகள் வன்முறைக்கு ஆளாவதை தடுக்கவும், பாதுகாப்பு குறித்தும் மக்களிடையே விழிப்புணர்வை ஏற்படுத்த முடியுமென என் மனதில் தோன்றியது.
 ஒடிசி நடனத்தில் புதுமையை புகுத்த வேண்டுமென்று நினைத்த எனக்கு ஜங்கிள் புக் கதையை நாட்டிய நாடகமாக்க நினைத்தேன். அதே சமயம் அன்னதா பட் நாயக் என்ற புல்லாங்குழல் இசைக் கலைஞர் எனக்கு அறிமுகமானார். ஒடிசி நடன அடிப்படையில் நான் வடிவமைத்த மேடை கதைக்கு ஏற்றபடி முழுமையாக இசையமைத்து கொடுத்தார். இந்த நாட்டிய நாடகத்தில் 35 மாணவிகளை பயன்படுத்தியுள்ளேன்.
 ஒடிசியில் ஆண் நடன கலைஞர்களையும் சேர்ப்பதன் மூலம் ஒடிசி நடனத்தை மேம்படுத்த நினைத்தேன். இதற்கு ஒத்துழைப்பு தர ருத்ராக்ஷயா பவுண்டேஷன் முன் வந்தது. ஒடிசி நடனத்தில் "தாண்டவம்' என்ற பிரிவுக்கு மட்டும் ஆண் நடன கலைஞர்கள் பங்கேற்கின்றனர். இதுவும் மக்களிடையே வரவேற்பை பெற்றுள்ளது.
 நம் நாட்டில் குழந்தைகள் பாதுகாப்பு குறித்து பல நடவடிக்கைகள் மேற்கொள்ளப்படுகின்றன. குழந்தைகள் வன்கொடுமைக்கு ஆளாவது குறித்தும், பாதிக்கப்படும் குழந்தைகளுக்கு புனர்வாழ்வு கொடுக்கவும் தன்னார்வ தொண்டு நிறுவனமான ஃபெயித் பவுண்டேஷனுடன் கைகோர்ப்பதென தீர்மானித்தேன். பாதிக்கப்பட்ட குழந்தைகளுக்கு கல்வி, நிதியுதவி அளிக்க போதுமான நிதிவசதி இல்லை என தெரிந்தது. மேலும் பாதிப்புக்குள்ளாகும் குழந்தைகளின் பெற்றோரும் தங்கள் உரிமைகளை உணர்ந்து புகார் அளிக்க தயங்குவதும் தெரிந்தது. இது குறித்து மக்களிடம் விழிப்புணர்வு ஏற்படுத்த நினைத்தேன். இதற்காகவே ஜங்கிள் புக் கதையை நாட்டிய நாடகமாக அரங்கேற்றி, அதன்மூலம் கிடைக்கும் தொகையை ஃபெயித் பவுண்டேஷனுக்கு கொடுத்து வருகிறேன். இந்த நடன நிகழ்ச்சியின் மூலம் நான் வெளிப்படுத்தும் கருத்துகள் நிகழ்ச்சியைப் பார்க்கும் மக்கள் மனதில் நிச்சயம் பதியுமென நினைக்கிறேன்'' என்றார் தேவ்ஜனி சென்.
 நிகழ்ச்சிகள் நடத்தியதில் வசூலாகும் தொகையை அறக்கட்டளைகளுக்கு கொடுத்து உதவுவது தேவ்ஜனி சென்னுக்கு புதிதல்ல.
 2014-ஆம் ஆண்டு நடத்திய நிகழ்ச்சியில் வசூலான தொகையை அப்படியே பெங்களூரில் உள்ள முதியோர் இல்லத்திற்கு கொடுத்து உதவினார். இதே போன்று இவரது குரு கேளுசரண் மகோபத்ராவின் பத்தாவது நினைவு நாளான்று, புவனேஸ்வரில் உள்ள அவரது குழுவினர் அனைவரையும் பெங்களுருக்கு வரவழைத்து நிகழ்ச்சிகளை நடத்தி வசூலான தொகை அனைத்தையும் மூத்த குடிமக்களுக்காக உதவி வரும் ஆஷ்வாசன் பவுண்டேஷனுக்கு கொடுத்து உதவியுள்ளார்.
 - பூர்ணிமா
 
 
 
 
 

]]>
http://images.dinamani.com/uploads/user/imagelibrary/2018/9/5/w600X390/mm2.jpg http://www.dinamani.com/weekly-supplements/magalirmani/2018/sep/05/ஒடிசி-நடனத்தில்-ஜங்கிள்-புக்-2994673.html
2994671 வார இதழ்கள் மகளிர்மணி தமிழுக்கு வரும் ஸ்ரீ ரெட்டி! DIN DIN Wednesday, September 5, 2018 10:35 AM +0530 திரையுலகில் நடிகைகளுக்கு ஏற்படும் தொல்லைகளை வெளிஉலகுக்கு தெரியப்படுத்த போராட்டம் நடத்தி பரபரப்பை ஏற்படுத்திய நடிகை ஸ்ரீரெட்டி, தெலுங்கு பட உலகில் வாய்ப்புகள் கிடைக்கவில்லை என்ற காரணத்திற்காக தற்போது சென்னையில் குடியேறியுள்ளார். இவரை வைத்து "ரெட்டி டைரி' என்ற பெயரில் சித்திரை செல்வன் படமொன்றை தயாரிக்கிறார். "இத்திரைப்படம் என்னுடைய வாழ்க்கையை அடிப்படையாக கொண்டதல்ல. உண்மை சம்பவங்களின் அடிப்படையில் உருவாக்கப்பட்ட கதை'' என்கிறார் ஸ்ரீரெட்டி.
 - அருண்
 
 

]]>
http://images.dinamani.com/uploads/user/imagelibrary/2018/9/5/w600X390/SRI-REDDY.JPG http://www.dinamani.com/weekly-supplements/magalirmani/2018/sep/05/தமிழுக்கு-வரும்-ஸ்ரீ-ரெட்டி-2994671.html
2994670 வார இதழ்கள் மகளிர்மணி ரஜினி படத்தில் த்ரிஷா! DIN DIN Wednesday, September 5, 2018 10:34 AM +0530 கார்த்திக் சுப்புராஜ் இயக்கத்தில் ரஜினிகாந்த் நடிக்கும் படத்தில் கதாநாயகியாக நடிக்க மாளவிகா மோகன், மேகா ஆகாஷ் ஆகியோர் பெயர் பரிசீலனையில் இருந்தாலும், இறுதியில் தற்போது விஜய்சேதுபதியுடன் "96' என்ற படத்தில் நடிக்கும் த்ரிஷாவுக்கு, ரஜினியுடன் ஜோடி சேரும் வாய்ப்பு கிடைத்துள்ளது. மேலும் ரஜனியுடன் விஜய் சேதுபதியும் நடிப்பதால், இரண்டு நடிகர்களுடன் நடிக்கும் வாய்ப்பு கிடைத்ததை அதிர்ஷடமாக நினைக்கிறார் த்ரிஷா.

]]>
http://images.dinamani.com/uploads/user/imagelibrary/2018/9/5/w600X390/TRISHA.JPG http://www.dinamani.com/weekly-supplements/magalirmani/2018/sep/05/ரஜினி-படத்தில்-த்ரிஷா-2994670.html
2994669 வார இதழ்கள் மகளிர்மணி கஜோலுடன் அமிதாப்பச்சன்! DIN DIN Wednesday, September 5, 2018 10:33 AM +0530 அண்மையில் சிங்கப்பூரில் போர்டிங் பள்ளியில் படித்து வரும் தன் மகள், தன்னை பார்க்க வந்தபோது, பத்திரிகையாளர்கள் கண்களில் படாமல் திரும்பவும் சிங்கப்பூர் சென்று மகளை விட்டுவிட்டு வந்துள்ள நடிகை கஜோல். தன்னுடைய மகன் வெளி உலகுக்கு தெரிந்தவனாக இருந்தாலும், மகளை மட்டும் அடையாளம் காட்டாமல் பாதுகாத்து வரும் கஜோல் இடையில் தமிழில் "விஐபி -2' படத்தில் நடித்த பின், இந்தியில் "தில்வாலே' படத்திற்கு பின் மூன்றாண்டுகள் கழித்து தன் கணவர், அஜய் தேவ்கன் தயாரிக்கும் "ஹெலிகாப்டர் ஈ.வா' என்ற படத்தில் நடித்துள்ளார். இவருடன் நீண்ட இடைவெளிக்குப்பின் அமிதாப்பச்சன் முக்கிய காட்சியில் நடிக்க ஒப்புக்கொண்டுள்ளார்.

]]>
http://images.dinamani.com/uploads/user/imagelibrary/2018/9/5/w600X390/KAJOL.JPG http://www.dinamani.com/weekly-supplements/magalirmani/2018/sep/05/கஜோலுடன்-அமிதாப்பச்சன்-2994669.html
2994668 வார இதழ்கள் மகளிர்மணி சமூக பிரச்னைகளில் ஆர்வம்! DIN DIN Wednesday, September 5, 2018 10:32 AM +0530 மனதில் பட்டதை ஒளிவு மறைவின்றி வெளிப்படுத்தும் நடிகை கங்கனா ரணாவத், மீண்டும் பாலிவுட்டில் யாரையும் குறிப்பிடாமல் தன் கருத்தை கூறி பரபரப்பை ஏற்படுத்தியிருக்கிறார். " உங்கள் தேவையை பேசுவதற்காக மட்டுமே இந்த நட்சத்திர அந்தஸ்து கிடைக்கவில்லை. பிரபலமானவர்களை மட்டுமே படம் பிடிக்கும் காமிராக்கள் நாட்டின் பல பிரச்னைகளை படம் பிடிப்பதே இல்லை. திரையுலகில் உள்ள பலர், நமக்கு குடிநீர், மின்சார விநியோகம் போன்ற பிரச்னைகள் ஏதும் இல்லாதபோது நாம் ஏன் அதை பற்றி பேச வேண்டுமென கேட்கிறார்கள். இந்த நாட்டில் வசிக்கும் நாம் இப்படி பேசுவது என் மனதை மிகவும் வருத்துகிறது. இப்படி ஒதுங்குவது சரியல்ல'' என்கிறார் கங்கனா ரணாவத்.

]]>
http://images.dinamani.com/uploads/user/imagelibrary/2018/9/5/w600X390/KANGANA.JPG http://www.dinamani.com/weekly-supplements/magalirmani/2018/sep/05/சமூக-பிரச்னைகளில்-ஆர்வம்-2994668.html
2994667 வார இதழ்கள் மகளிர்மணி எதிர்பாராத வாய்ப்பு! DIN DIN Wednesday, September 5, 2018 10:31 AM +0530 "குயின்' இந்திப் படத்தை முதலில் பார்த்தபோது இதில் என்ன சிறப்பு இருக்கிறதென்று நினைத்தேன். ஒவ்வொரு திரைப்படத்தை பார்க்கும்போதும், புத்தகத்தை படிக்கும்போதும் அதில் வரும் முக்கிய கதாபாத்திரத்தில் என்னை நிறுத்தி சற்று மிகையாகவே கற்பனை செய்து பார்ப்பேன். ஒரிஜினல் "குயின்' படத்தை பார்த்தபோது, அதில் எனக்கு தகுதியான பாத்திரம் இருப்பதாக நான் நினைக்கவில்லை. இருப்பினும் குயின் படம் என்னை வெகுவாக கவர்ந்தது. ஆனால் திடீரென அதன் தமிழ்ப் பதிப்பான "பாரிஸ் பாரிஸ்' படத்தில் நடிக்க அழைப்பு வந்தபோது, பலரும் நடிக்க எதிர்பார்த்த அந்தப் படத்தில் நடிப்பதை அதிர்ஷ்டமாக கருதி உடனே ஒப்புக் கொண்டேன்'' என்று கூறியிருக்கிறார் காஜல் அகர்வால்.

]]>
http://images.dinamani.com/uploads/user/imagelibrary/2018/9/5/w600X390/KAJAL-AGGARWAL.JPG http://www.dinamani.com/weekly-supplements/magalirmani/2018/sep/05/எதிர்பாராத-வாய்ப்பு-2994667.html
2994666 வார இதழ்கள் மகளிர்மணி முகச்சுருக்கம் நீங்கி இளமை பெற... DIN DIN Wednesday, September 5, 2018 10:27 AM +0530 நீங்கள் செய்யும் சின்ன சின்ன விஷயங்கள் கூட உங்கள் சருமத்திற்கு மெருகூட்டக் கூடும். அதனால் ஆரம்பித்திலேயே கவனித்தால் சுருக்கங்கள் வருவதை தள்ளிப் போடலாம். 50 வயதிலும் இளமையாக தெரியலாம்.
 பீட்ரூட் : பீட்ரூட்டை அரைத்து அதன் விழுதை முகத்தில் தடவி 5 நிமிடங்கள் கழித்து முகத்தை கழுவ வேண்டும். தினமும் இப்படி செய்தால் முகத்தில் சுருக்கங்கள் மறைந்து சருமம் இளமையாகும்.
 சந்தனப் பொடி : சந்தனப் பொடி, ரோஸ் வாட்டர் மற்றும் சிறிது பால் மூன்றும் கலந்து முகம், கை, கழுத்து போன்ற பகுதிகளில் தேய்த்து 15 நிமிடங்கள் கழித்து வெதுவெதுப்பான நீரில் குளியுங்கள். சில வாரங்களில் 5 வயது குறைவாக தெரிவீர்கள்.
 சுடு நீர் : சுடு நீரில் குளிப்பதை தவிருங்கள். இவை சரும துவாரங்களை சுருங்கச் செய்வதோடு விரைவில் சுருக்கங்களை தந்துவிடும். அதிக நேரம் சுடு நீரில் குளிப்பதாலும் சுருக்கங்கள் உண்டாகும். பச்சைத் தண்ணீரில் அல்லது வெதுவெதுப்பான நீரில் குளிக்கவும்.
 உணவு : விட்டமின் ஏ, சி, ஈ அதிகம் உள்ள உணவுகளை தினமும் சாப்பிட்டு வந்தால் சுருக்கங்கள் ஏற்படாது. ஏற்கெனவே உண்டான சுருக்கங்களும் நாளடைவில் மறைந்து இளமையான தோற்றத்தைப் பெறுவீர்கள்.
 கேரட் சாறு: கேரட் சாறு எடுத்து அதனை சருமத்தில் பூசிக் கொள்ள வேண்டும். இதனால் அழகான, வழுவழுப்பான சருமம் தோன்றும். மேலும் நிறமும் மிளிரும்.
 ரோஜா இதழ்கள்: ரோஜா இதழ்களை அரைத்து அதனுடன் பாலாடையைக் கலந்து சருமத்தின் மீது பூசுங்கள். 15 நிமிடங்கள் கழித்து முகத்தை கழுவுங்கள். முகத்தில் சுருக்கங்கள் மறைந்து புதுப் பொலிவு உண்டாகும்.
 - முத்தூஸ்.
 

]]>
http://images.dinamani.com/uploads/user/imagelibrary/2018/9/5/w600X390/mm1.jpg http://www.dinamani.com/weekly-supplements/magalirmani/2018/sep/05/முகச்சுருக்கம்-நீங்கி-இளமை-பெற-2994666.html
2994665 வார இதழ்கள் மகளிர்மணி சமூக வலைதளங்களில் படங்களைப் பதிவேற்றுபவரா? உஷார்! Wednesday, September 5, 2018 10:26 AM +0530 சமூக வலைதளங்களில், படத்தைப் பதிவு செய்துள்ள பெண்கள், வக்கிர எண்ணம் கொண்ட நபர்களால், துன்புறுத்தப்படும் சம்பவங்கள் அடிக்கடி நடக்கின்றன. இத்தகைய பாதிப்புகளை தவிர்க்க, படங்களை, வலைப்பதிவேற்றம் செய்யாமல் இருப்பதே நல்லது என்கின்றனர், போலீசார். தற்போது அதிகளவிலான பள்ளி மற்றும் கல்லூரி மாணவிகள், சமூக வலை தளங்களில் இணைந்திருக்கின்றனர்.
 அவர்களில், மிகப் பெரும்பாலானோர், தங்களின் புகைப்படங்களையும் பதிவேற்றம் செய்துள்ளனர். பேஸ்புக், ட்விட்டர், வாட்ஸப், கூகுள் பிளஸ் என நீளும் சமூக வலைதளங்களின் பட்டியலில், இணைந்திருப்பதே பெருமை என்று இளம் தலைமுறையினர் பலரும் நினைக்கின்றனர். தகவல் பகிரவும், தொடர்பு கொள்ளவும் பேருதவியாக இருக்கும் சமூக வலை தளங்களால் ஏற்படும் நன்மைகளைப் போலவே, தீமைகளும் ஏராளமாக இருக்கின்றன; இதை பலர் அறிவதில்லை.
 சமூக வலைதளங்களில், ஒருவருக்கு 100 நண்பர்கள் இருப்பதாக வைத்து கொண்டால், அவர்கள் பார்வைக்கு பதிவேற்றம் செய்யப்படும் படங்களும், தகவல்களும், அந்த 100 நண்பர்களுடைய நண்பர்களாலும் பார்க்கப்படுகின்றன; அவர்களில் ஒருவர், தவறான எண்ணம் கொண்டவராக இருந்தாலும், படங்களை கெட்ட நோக்கத்துடன் பயன்படுத்திவிட முடிகிறது. இது பற்றிய விழிப்புணர்வு இன்றி, பெண்கள், தினமும் தங்கள் படங்களையும், குடும்ப படங்களையும் பதிவேற்றம் செய்கின்றனர். சமீபத்தில், கோவை மாவட்டத்தில் தனியார் கல்லுôரியில் படிக்கும் மாணவியர் சிலர், தங்கள் புகைப்படத்தை பேஸ்புக்கில் வெளியிட்டுள்ளனர். போலி அக்கவுண்ட் மூலம் திருடப்பட்ட மாணவியரின் புகைப்படங்கள் ஆபாச இணையதளங்களில் பதிவேற்றம் செய்யப்பட்டுள்ளன. இதனால், மிகுந்த மன அழுத்தத்திற்கு ஆளான மாணவியர், போலீஸ் உதவியை நாடியுள்ளனர்.
 பாதிக்கப்பட்ட கோவை மாணவி கூறியதாவது: "எனது பேஸ்புக்கில், முறையான பாதுகாப்பு செய்து வைத்திருந்தேன். ஆனால், என் தோழியின் புகைப்படத்தை எப்படியோ எடுத்து, அதில் ஒரு போலி ஐ.டி., தயார் செய்து, எனக்கு நட்பு அழைப்பு வந்திருந்தது. கவனிக்காமல் நானும், தோழி தானே என நினைத்து நண்பராக்கிவிட்டேன்.
 அந்த மர்ம நபர், எனது அக்கவுண்டில் இருந்து குரூப் படங்களை பயன்படுத்தி, எங்கள் தோழிகள் அனைவரின் பெயரிலும், போலி ஐ.டி., தயார் செய்து பல தோழிகளுக்கு அழைப்பு அனுப்பி விட்டார். அவர்களும், யாரென்று தெரியாமல், ஏற்றதன் விளைவு, அனைவருக்கும் பாதிப்பு ஏற்பட்டுள்ளது. இப்போது, ஆபாச மெசேஜ், படங்கள், அழைப்புகள் வருகின்றன. புகைப்படங்கள் தவறாக பயன்படுத்திவிடுவேன் என்ற மிரட்டல்கள் வேறு வருகின்றன. பல தோழிகளின் புகைப்படங்கள், முகம் தெரியாத நபரிடம் இருப்பது, கவலையளிக்கிறது. ஒருவரே, அனைத்து பெண்களுக்கும் மெசேஜ் செய்கிறாரா, அல்லது பலர் இணைந்து இதுபோன்ற காரியங்களில் ஈடுபடுகிறார்களா? என்பது புரியவில்லை. தோழிகள் அனைவரும் பயந்துள்ளனர். இதுகுறித்து, காவல் நிலையத்தில் புகார் பதிவு செய்துள்ளேன். மிகவும் பாதுகாப்பாக இருந்தும், இத்தவறு நடந்துவிட்டது'' என்று அவர் கூறினார். ஆகவே பெண்களே சமுக வலைத்தளங்களை பயன்படுத்தும் போது மிகவும் எச்சரிக்கையாக இருங்கள்.
 - கவிதா பாலாஜிகணேஷ்
 
 
 

]]>
http://images.dinamani.com/uploads/user/imagelibrary/2018/9/5/w600X390/SOCIAL-MEDIA.JPG http://www.dinamani.com/weekly-supplements/magalirmani/2018/sep/05/சமூக-வலைதளங்களில்-படங்களைப்-பதிவேற்றுபவரா-உஷார்-2994665.html
2990031 வார இதழ்கள் மகளிர்மணி இணைப்பு பாலம் சுஹாசினி Wednesday, August 29, 2018 12:06 PM +0530  

பிரபல நடிகை சுஹாசினி மணிரத்னம், லக்சம்பர்க் நாட்டின் கௌரவ அயல்நாட்டு பிரதிநிதியாக உள்ளார். இதற்கு சம்பளம் எதுவும் கிடையாது. அந்த நாடு சார்ந்த ஒரு அலுவலகம் திறந்து அதனை அவரே பராமரித்து செலவு செய்ய வேண்டும். லக்சம்பர்க் நாட்டின் மொத்த ஜனத்தொகை 6 லட்சம்.
இவர்கள் சென்னைக்கு வந்தால், அவர்கள் கேட்கும் உதவிகளை, தேவைகளை செய்து தர வேண்டும். மேலும் எதிர்பாராதவிதமாக ஒருவர் இறந்துவிட்டால், அவரது உடலை அந்த நாட்டுக்கு அனுப்புமுன், சுஹாசினி சான்றிதழ் வழங்க வேண்டும்.
இவரைப் போன்று இந்தியாவில் 215 அயல்நாட்டு பிரதிநிதிகள் உள்ளனர். இவை கௌரவ பதவி மட்டுமே. சுஹாசினி, சினிமா உலகம் சார்ந்து தென் இந்திய மற்றும் ஐரோப்பிய பகுதிகளிடையே, ஒரு இணைப்பு பாலமாகவும் செயல்படுகிறார்.
 - ராஜிராதா
 

]]>
http://images.dinamani.com/uploads/user/imagelibrary/2018/8/29/w600X390/SUHA.JPG http://www.dinamani.com/weekly-supplements/magalirmani/2018/aug/29/இணைப்பு-பாலம்-சுஹாசினி-2990031.html
2990035 வார இதழ்கள் மகளிர்மணி 54 வயதில் தாயானவர்! Wednesday, August 29, 2018 11:56 AM +0530  

பெண்ணாகப் பிறப்பதில், வளர்வதில், திருமணம் செய்து கொள்வதில், குழந்தை பெற்றுக் கொள்வதில்... என்று எல்லா நிலைகளிலும் பல சிக்கல்கள்... பிரச்னைகள்... விமர்சனங்கள் எப்போதும் உண்டு. அந்தவகையில், ஐம்பத்து நான்கு வயதாகும் பிரபல நடிகை பிரிகிடி நைல்சன் கதையும் இதுதான்...
"குழந்தை பெற்றுக் கொள்வது எனது தனிப்பட்ட விஷயம். எனது சொந்த விருப்பம். இதை பற்றி விமர்சிக்கவோ, விவாதிக்கவோ வேண்டிய அவசியம் இல்லை'' என்று கோபத்தில் கொப்பளித்திருக்கிறார் பிரிகிடி. என்றாலும் விமர்சனங்கள் தணியவில்லை.
பதிலுக்கு, " இந்த விமர்சனங்கள் நடுநிலையானதல்ல. வயதான பெண்கள் குழந்தை பெற்றுக் கொள்வதை விமர்சிப்பவர்கள், முதுமையில் ஆண்கள் தந்தையாவது குறித்து விமர்சனம் செய்வதில்லை. விவாதம் நடத்துவதில்லை. கேட்டால், ஆண்கள் முதுமையில் குழந்தை பெற்று தந்தையாவது, அவரது தனிப்பட்ட விருப்பம், தனிமனித சுதந்திரம். அதில் குறுக்கிட முடியாது என்று விலகிக் கொள்கிறார்கள். வயதான பெண் குழந்தை பெற்றுக் கொண்டால் ஓடிவந்து விமர்சிக்கிறார்கள் .. இது என்ன நியாயம்? நான் குழந்தை பெற்றுக் கொண்டது பலருக்கும் பிடிக்காது என்று வைத்துக் கொள்வோம். இந்த விஷயம் எனது வாழ்க்கை தொடர்பானது. எனக்கும் என் கணவருக்கும் இடையில் இது குறித்து கருத்து வேறுபாடு ஏதும் இல்லை. இந்த வயதில் குழந்தைப் பெற்றுக் கொள்வது குறித்து இருவரும் கலந்து பேசி முடிவெடுத்தோம்'' என்கிறார் பிரிகிடி.
பிரிகிடி, தனது கரு முட்டைகளை உறை நிலையில் சேமித்து வைக்க முடிவு செய்த போது அவருக்கு வயது நாற்பது. பதினான்கு ஆண்டுகளுக்குப் பிறகு பிரிகிடி மீண்டும் கருத்தரிக்க விரும்பினார். அவரது சொந்த கருமுட்டை என்றாலும், வயது காரணமாக கரு தரிக்கும் வாய்ப்பு மூன்று முதல் நான்கு சதவீதம் மட்டுமே வாய்ப்பு உள்ளதாக மருத்துவ ஆய்வுகள் சொன்னாலும், பிரிகிடி செயற்கை முறையில் கருத்தரிப்பு செய்து கொள்ள முடிவு செய்தார்.
குழந்தை எதுவும் இல்லை. அந்தக் குறையைப் போக்கிக் கொள்வதற்காக ஐம்பத்திநான்காம் வயதில் செயற்கை முறையில் பிரிகிடி கருத்தரிக்கத் தயாரானார் என்று நினைக்க வேண்டாம்.
பிரிகிடி தனது முதல் கணவர் மூலம் நான்கு ஆண் குழந்தைகளுக்குத் தாயானவர். டிஸ்ஸி என்பவரை இரண்டாம் கணவராக ஆக்கிக் கொண்டபின், ஐந்தாவது குழந்தையாக "ஃப்ரிடா'வை செயற்கை முறையில் கருத்தரித்துப் பிரிகிடி பெற்றுக் கொண்டிருக்கிறார்.
மாதவிடாய் நின்றுபோன பெண்கள் கருத்தரிப்பதும், குழந்தை பெற்றுக் கொள்வதும் சாத்தியமா என்று கேட்பவர்களுக்கு கிடைக்கும் பதில் இதுதான். "சாத்தியம்தான்... ஆனால் அதில் பலவித ஆரோக்கிய உடல்நல சிக்கல்கள், அபாயங்கள் உள்ளன' என்று மருத்துவ ஆய்வுகள் சொல்கின்றன.
பொதுவாக ஐம்பது வயதிற்கு மேல் பெண்கள் குழந்தை பெற்றுக் கொள்ள தீர்மானித்தால், வயது குறைவான பெண்களிடம் இருந்து கருமுட்டைகளைப் பெற்று அந்த முட்டைகளைத் தங்கள் கருப்பையில் செயற்கை முறையில் வைத்து கருத்தரிப்பார்கள். விரல் விட்டு எண்ணிவிடக் கூடிய சிலர்தான் எதிர்காலத்தில் தேவைப்படலாம் என்று தீர்மானித்து இளம் வயதிலேயே சொந்தக் கரு முட்டைகளை உறை நிலையில் பத்திரமாகச் சேமித்து வைப்பார்கள்.
ஐம்பது வயதுக்கு மேல் பெண்களுக்கு சர்க்கரை வியாதி வரும் வாய்ப்பு உள்ளது. அதுபோலவே, உடலில், ரத்தத்தில் கொழுப்பின் அளவு அதிகரிக்கும் அபாயமும் இருக்கிறது. முப்பது வயதுக்கு மேல் கருத்தரிக்கும் பெண்களுக்கே ரத்த அழுத்தம், வலிப்பு நோய், சர்க்கரை நோய் என்று பல சிக்கல்கள் ஏற்படுகிறபோது, ஐம்பது வயதில் கருத்தரிக்கும் பெண்களுக்கு ஏற்படும் அபாயங்கள், உபாதைகள் குறித்து சொல்லவும் வேண்டுமா என்ன..!
ஐம்பது வயதில் குழந்தை பெற்றுக் கொண்டால் போதுமா..? குழந்தைக்குத் தாய்ப்பால் கொடுக்க வேண்டாமா? ஐம்பது வயதுக்கு மேல், குழந்தை பெற்றுக் கொண்டால் தாய்பால் சுரப்பு தொடர்பான பிரச்னைகளை எதிர்கொள்ள வேண்டிவரும்.
பேறுகாலத்திற்குப் பிறகு மெனோபாஸ் எனப்படும் மாதவிடாய் நிலையை மீண்டும் எதிர்கொள்வதில் பிரச்னைகள் ஏற்படலாம். சிக்கல் ஏற்படலாம். "மகப்பேறு காலம் முடிந்ததும், தாய்மார்களுக்குப் பொதுவாக ஹார்மோன்களில் சமநிலை மாறுபடும். மாதவிடாய் ஏற்படுவதில் பல மாற்றங்கள் ஏற்படும். வயதான பெண்களுக்கு இயற்கையாக ஏற்படும் சோர்வு, பலவீனம், அவர்கள் மன நிலையையும் உடல் நலத்தையும் பாதிக்கலாம்.
இத்தனை அபாயங்கள் இருந்தும் தைரியமாக பிரிகிடி பெண் குழந்தையை எந்தவித சிக்கல்கள் இன்றி பெற்றுக் கொண்டிருக்கிறார்.
 - அங்கவை
 
 

]]>
http://images.dinamani.com/uploads/user/imagelibrary/2018/8/29/w600X390/0000actress_turns_mother.jpg http://www.dinamani.com/weekly-supplements/magalirmani/2018/aug/29/54-வயதில்-தாயானவர்-2990035.html
2990051 வார இதழ்கள் மகளிர்மணி காயம் செய்த மாயம்! - மல்யுத்த வீராங்கனை வினேஷ் போகாட் DIN DIN Wednesday, August 29, 2018 11:16 AM +0530 ஆசிய போட்டியில், இந்தியாவிற்காக தங்கப் பதக்கம் வென்ற "முதல் மல்யுத்த வீராங்கனை வினேஷ் போகாட். ரியோ ஒலிம்பிக்சில் முழங்காலில் ஏற்பட்ட காயத்தினால் மல்யுத்தப் போட்டியில் கலந்து கொள்ள முடியாமல் வெளியேறிய வினேஷ் போகாட் ஏமாற்றத்தில் கண்ணீர் சிந்தினார். இந்த ஆண்டு ஏப்ரல் மாதம் நடந்த காமன்வெல்த் விளையாட்டுப் போட்டியில் மல்யுத்தத்தில் தங்கப் பதக்கம் வென்றார். அதன் தொடர்ச்சியாக வினேஷ் ஜாகர்த்தாவில் நடந்து கொண்டிருக்கும் பதினெட்டாவது ஆசிய போட்டியில், இந்தியாவிற்காக தங்கப் பதக்கம் வென்ற "முதல் மல்யுத்த வீராங்கனை' என்ற சாதனை புரிந்து ஆனந்தக் கண்ணீர் சிந்தியுள்ளார்.
 பெண்கள் மல்யுத்தப்போட்டியில் "ஃப்ரீ ஸ்டைல்' ஐம்பது கிலோ (உடல்) எடைப் பிரிவில் வினேஷ் போகாட், ஜப்பானின் யூகி இரியை இறுதிப்போட்டியில் 6-3 புள்ளிகளில் வீழ்த்தி தங்கப் பதக்கத்தைத் தட்டிக் கொண்டார்.
 "இந்தப் போட்டியில் தங்கப் பதக்கம் பெற வேண்டும் என்ற லட்சியத்துடன் உழைத்தேன். காமன்வெல்த் போட்டிகளில் இருமுறை தங்கப் பதக்கம் பெற்றிருந்தாலும், ஆசிய போட்டிகளில் வெள்ளிப் பதக்கங்களை மட்டுமே வென்றிருக்கிறேன். போட்டியில் எனது உடலும், பயிற்சியால் கிடைத்த மன உறுதியும் ஒத்துழைத்தது. கடவுளும் கருணை காட்டினார். விளையாட்டு வீரர்களுக்கு காயங்கள் ஏற்படுவது தவிர்க்க முடியாதது. அது அவர்களின் வாழ்க்கையில் ஓர் அங்கமாகும். காயம் ஏற்பட்ட பிறகுதான் விளையாட்டு வீரர்கள் வலுவுடன் எழுகிறார்கள். தவற விட்டதை பிடிக்க கடும் முயற்சியில் ஈடுபடுகிறார்கள் என்று சொல்வதுண்டு. காயத்திற்குப் பிறகுதான் கடும் பயிற்சியில் ஈடுபட்டேன். அதன் பயனாக வெற்றியையும் அறுவடை செய்திருக்கிறேன். எனது விஷயத்தில் காயம் மாயம் செய்திருக்கிறது என்று நம்புகிறேன். போட்டியின் போது எதிராளியை எடை போட்டு அவரை வீழ்த்துவதில் குறியாக இருப்பேன். பார்வையாளர்களின் உற்சாகக் குரல்கள் கூட என் காதுகளில் விழாத அளவிற்கு போட்டியில் ஒன்றிவிடுவேன்'' என்கிறார் வினேஷ்.
 ரியோ ஒலிம்பிக்சில் வினேஷ் தோற்றது சீனாவின் யனன் சன் என்பவரிடம். யனனிடம் வினேஷ் வேறு இரண்டு போட்டிகளில் தோல்வி அடைந்துள்ளார். மூன்று முறை வினேஷை தோற்கடித்த அதே யனனை ஆசிய போட்டியில் ஆரம்பத்திலேயே வினேஷ் தோற்கடித்தார். இந்த வெற்றியால் எதிராளியைவிட தான் உறுதியாக இருப்பதாக வினேஷ் உணர... அது அவருக்கு வெற்றியின் ஏணிப்படியாகியது.
 "ஆண் மல்யுத்த வீரரான சுஷில்குமார் நண்பர். அவரிடம் மல்யுத்தம் குறித்து பேசுவேன். அவரது ஆலோசனைகளை மனதில் குறித்துக் கொள்வேன். 2014 ஆசிய போட்டியில் எனக்கு வெண்கலம்தான் கிடைத்தது. ""மனத்தைத் தளர விடாதே.. நடப்பதெல்லாம் நல்லதுக்குத்தான்... இதைவிட உயர்ந்த பதக்கம் உனக்காகக் காத்திருக்கலாம்'' என்று சுஷில் ஆறுதல் சொன்னார். சுஷில் என்றால் இந்த ஆறுதல்தான் எனக்கு நினைவுக்கு வரும்.
 பிரபல மல்யுத்த வீராங்கனைகளான கீதா போகாட், பபிதா போகாட்களுக்கு வினேஷ் தங்கை முறை வேண்டும். இந்திய மல்யுத்த சங்க அலுவலர்களுக்கும் வினேஷுக்கும் சில கருத்து வேறுபாடுகள் இருந்தாலும், அது வினேஷின் வெற்றியைப் பாதிக்கவில்லை. வினேஷ் தனிப்பட்ட முறையில் பயிற்சி பெற்றவர்.
 ஒலிம்பிக்ஸ் பதக்கம் குறித்து வினேஷ் சொல்வது:
 "ஒலிம்பிக்ஸ் ஒலிம்பிக்ஸ்தான்.. ஆசியா போட்டிகள் ஒலிம்பிக்ஸýடன் ஒப்பிட இயலாது. நிச்சயம் எனது முழு திறமையைக் காட்டுவேன். அதற்கேற்ற பலன் கிடைக்கும்'' என்கிறார். வினேஷுக்கு இருபத்தி மூன்று வயதாகிறது. வினேஷிற்கு மல்யுத்தம் தவிர பிடித்தமான விளையாட்டு டென்னிஸ்.
 - பிஸ்மி
 

]]>
http://images.dinamani.com/uploads/user/imagelibrary/2018/8/29/w600X390/mm13.jpg http://www.dinamani.com/weekly-supplements/magalirmani/2018/aug/29/காயம்-செய்த-மாயம்---மல்யுத்த-வீராங்கனை-வினேஷ்-போகாட்-2990051.html
2990049 வார இதழ்கள் மகளிர்மணி இந்திய வீராங்கனைகளில் அதிக சம்பளம் வாங்குபவர்..? DIN DIN Wednesday, August 29, 2018 11:13 AM +0530 சர்வதேச விளையாட்டுத் துறையில் அதிக வருமானம் ஈட்டுபவர்களின் பட்டியல் வெளியாகியுள்ளது. அதிக வருமானம் ஈட்டும் விளையாட்டு வீராங்கனைகளில் முதல் பத்து பேரில் எட்டு பேர் டென்னிஸ் விளையாட்டைச் சேர்ந்தவர்கள். முதல் இடத்தை கடந்த மூன்று ஆண்டுகளாக பிடித்திருப்பவர் வேறு யாருமில்லை. டென்னிஸ் வீராங்கனை செரினா வில்லியம்ஸ். இவரது ஆண்டு வருமானம் 120 கோடி.
 இந்தப் பட்டியலில் ஏழாவது இடத்தைப் பிடித்திருப்பவர் இறகுப் பந்தாட்ட வீராங்கனை பி. வி. சிந்து. சிந்துவின் ஆண்டு வருமானம் சுமார் அறுபது கோடி. இந்தியாவில் அதிக வருமானம் ஈட்டும் வீராங்கனையும் சிந்துதான்.
 "உலகப் பட்டியல் ஒன்றில் இந்தியாவிலிருந்து எனது பெயர் மட்டும் இடம் பெறுவது மகிழ்ச்சியைத் தரும் விஷயம்தானே... எனக்கு வருகிற வருமானம் நேராக வங்கிக் கணக்கிற்குப் போய்விடும்'' என்கிறார் சிந்து. இருபத்துமூன்று வயதாகும் சிந்து இறகுப் பந்தாட்டத்தில் சர்வதேச தர வரிசையில் மூன்றாம் இடத்தில் இருக்கிறார். சிந்துவின் வருமானம், புகழ் குறித்த செய்திகள், இறகுப் பந்தாட்டம் பக்கம் இளம் பெண்களை ஈர்க்கும்..! ஈர்க்கவும் தொடங்கியிருக்கிறது..!
 - பனிமலர்
 

]]>
http://images.dinamani.com/uploads/user/imagelibrary/2018/8/29/w600X390/SINDHU.JPG http://www.dinamani.com/weekly-supplements/magalirmani/2018/aug/29/இந்திய-வீராங்கனைகளில்-அதிக-சம்பளம்-வாங்குபவர்-2990049.html
2990047 வார இதழ்கள் மகளிர்மணி தொட்டதெல்லாம் பொன்! - இசைக்கலைஞர் பின்னி கிருஷ்ணகுமார் DIN DIN Wednesday, August 29, 2018 11:11 AM +0530 நான் தொட்டதெல்லாம் பொன். இசைக் கலைஞராகத் தான் ஆக வேண்டும் என்பது என்னுடைய குழந்தை பருவ கனவு. என் குடும்பத்தில் முந்தைய தலைமுறையில் யாரும் இசை கலைஞர்களாக இருந்ததில்லை. என் பெற்றோர் இசை ரசிகர்கள் அவ்வளவே. ஆனால், நானும் என் மூன்று சகோதரிகள் ஒரு சகோதரர் என்று ஐந்து பேரும் இசையைத் தான் எங்களின் விருப்பத் துறையாக தேர்வு செய்துள்ளோம். எங்கள் ஐவருக்கும் இசையில் எப்படி இத்தனை ஈடுபாடு வந்தது என்று நினைத்தால், எனக்கு வியப்பாகவே இருக்கும். சகோதரிகள் மூவரும் மியூசிக் டீச்சர்களாக உள்ளனர். என் சகோதரர், திருவனந்தபுரம் சுவாதித் திருநாள் இசைக் கல்லுôரியில் வயலின் பேராசிரியராக பணி செய்கிறார்.
 இசை, நடனப் போட்டிகள் கேரளாவில் நடைபெறுவதைப் போல உலகத்தில் வேறு எங்கும் நடக்காது. அதனாலேயே மற்ற மாநிலங்களைவிடவும் கேரளாவில் இருந்து அதிகமாக பாடகர்கள், நடனக் கலைஞர்கள் உருவாகிறார்கள். மாநில அளவில் இசை, நடன விழாக்கள் நடந்தால், ஏழு நாட்கள் வரை கேரள அரசே விடுமுறை அறிவித்து விடும். கலைகளுக்கு அவ்வளவு முக்கியத்துவம் தருவார்கள்.
 நான் 10-ஆம் வகுப்பு படித்தபோது, மாநில அளவிலான போட்டிகளில் ஒட்டுமொத்த சாம்பியன்ஷிப் பட்டத்தை வாங்கி இருக்கிறேன். கிளாசிக்கல் மியூசிக், லைட் மியூசிக் என்று எந்த போட்டி நடந்தாலும் முதல் பரிசை நான் தான் வாங்குவேன். கேரளாவில் மிகப் பெரிய கௌரவமாக கொண்டாடப்படும், மாநில அரசின் விருதான "கலா திலகம்' என்ற பட்டம் எனக்கு கிடைத்தது. இது எனக்கு மிகுந்த உத்வேகத்தை தந்தது. இசையில்யில் நான் தொட்டதெல்லாம் பொன்னாக, இசை தான் எனக்கு எல்லாம் என்று முடிவு செய்து விட்டேன்.
 இசை ஏன் எனக்குப் பிடித்தது என்று கேட்டால், சொல்லத் தெரியவில்லை. இசைக்கும் எனக்கும் பூர்வ ஜென்ம பந்தம் இருப்பதாக நம்புகிறேன். குழந்தையாக இருந்தபோது, நான் எப்படி பாடினேன் என்று தெரியாது. ஆனால், போட்டிகளில் கலந்து கொண்டு முதல் பரிசு வாங்கியபோது, எல்லாரும், பாப்பா நல்லா பாடினே என்று பாராட்டுவார்கள். ஐந்து வயதில் தொடங்கி, நான் பிறந்த தொடுபுழா மாவட்டத்தில் எங்கு இசைப் போட்டி நடந்தாலும் கலந்து கொள்வேன். முதல் பரிசு வாங்குவேன். பொதுவாகவே வகுப்பில் முதல் ரேங்க் ஒருமுறை வாங்கிய மாணவன் அவ்வளவு எளிதாக அதை விட்டுக் கொடுக்க மாட்டான். அது தான் என் விஷயத்திலும் நடந்தது. இசையோடு பரதம், மோகினி ஆட்டம், குச்சுப்புடி என்று மூன்று வகை நடனங்களையும் கற்றேன்.
 "கதாபுரசங்கம்' என்ற பெயரில் பாடியபடியே நடிக்கும் (ஹரிகதா போல) இசை-நடன நிகழ்ச்சி கேரளாவில் நடக்கும். இந்த போட்டியில் ஏழு முதல் 40 வயது வரை கலைஞர்கள் பங்கெடுக்கலாம். இதிலும் முதல் பரிசு வாங்கினேன். பெண்கள் பத்திரிகையான "மங்களம்' நடத்திய போட்டியில் ஒட்டு மொத்த சாம்பியன்ஷிப் பட்டம் பெற்றேன். இப்படி தொடர்ந்து முதல் பரிசு வாங்கியதில் நான் இசை கலைஞர்தான் என்று முடிவு செய்து விட்டேன்.
 நான் முடிவு செய்தால் போதுமா? பெற்றோர் ஆதரிக்க வேண்டும், கடவுள் கிருபை வேண்டும். என் அதிர்ஷ்டம் அதுவும் இயல்பாக எனக்கு வாய்த்தது.
 என் வீட்டில் இருந்து திருவனந்தபுரத்திற்கு ஆறு மணி நேர பேருந்து பயணம். அங்கே போட்டி நடந்தாலும் பெண் குழந்தை, இவ்வளவு துôரம் பயணம் செய்து போட்டிகளில் கலந்து கொள்ள வேண்டாம் என்று சொன்னதேயில்லை. எங்கு போட்டி நடந்தாலும் என் பெற்றோர் என்னை அழைத்துச் செல்வார்கள். உடன் இருந்து உற்சாகப்படுத்துவார்கள். குறிப்பிட்ட துறையில் குழந்தைக்கு ஆர்வம் இருக்கிறது என்று தெரிந்ததும் எல்லா விதத்திலும் எனக்கு ஆதரவாக இருந்தார்கள்.
 அதனால் தான் 15 வயதிற்குட்பட்டவர்களுக்கு மிகப் பெரிய கெüரவமாகக் கருதப்படும் கலாதிலகம் விருதை என்னால் வாங்க முடிந்தது. 50 ஆண்டுகளுக்கும் மேலாக இந்த விருதிற்கான போட்டி நடக்கிறது. எனக்கு முன்னும் பின்னும் என் மாவட்டத்தில் இருந்து என்னை தவிர வேறு யாரும் இந்த விருதை வாங்கியதில்லை.
 இசை தொடர்பான எதற்கும் என் பெற்றோர் "நோ' சொல்லாமல் இருந்ததால், நானும் மிகுந்த ஈடுபாடு, அர்ப்பணிப்போடு இசையைக் கற்றேன்.
 கச்சேரிகள் செய்ய ஆரம்பித்து, 18 வயதில் என் பெயர் பிரபலமடைய தொடங்கியது. இசையையே விருப்பப் பாடமாக படி என்று திருவனந்தபுரம் இசைக் கல்லுôரியில் சேர்த்தனர் என் பெற்றோர். கல்லுôரியில் நடந்த போட்டிகளிலும் தொடர்ந்து முதல் பரிசு வாங்கியதால் என்னை ஒரு பெண் என்று வேறுபடுத்தி யாரும் பார்த்ததில்லை. போட்டிகளில் கலந்து கொள்ளும் ஆண் பாடகர்களும் ஒரு சக பாடகி என்ற ரீதியில் தான் என்னை பார்த்தார்கள். அந்த சமயத்தில் இளம் ஆண் பாடகர்களில் பிரபலமாக இருந்தவர் என் கணவர் கிருஷ்ணகுமார்.
 ஒரு போட்டியில் பெண் பாடகிகளில் முதல் பரிசு எனக்கு கிடைத்தால், ஆண் பாடகர்களில் முதல் பரிசு அவருக்கு கிடைக்கும். முதுநிலை இசை படிப்பின்போது, அவருடைய குருவிடம் நான் பயிற்சி பெற்றேன். என் சகோதரர் அவரின் இசைக் கச்சேரிகளில் வயலின் வாசிப்பார். நட்பாக ஆரம்பித்தது காதலாக, திருமணம் செய்து கொண்டோம். என் மகள் ஷிவாங்கி என்னோடு நிறைய தனி ஆல்பங்களில் பாடுகிறார். மகன் விநாயக் சுந்தருக்கும் இசையில் நல்ல ஆர்வம் உள்ளது.
 முழு நேர இசைப் பள்ளியை ஆரம்பித்து, பயிற்சி தருகிறேன். பின்னணிப் பாடகி சுஜாதா மோகனின் மகள் சுவேதா மோகன் என் மாணவிதான். அவரும் நிறைய தமிழ், மலையாள திரைப்பட பாடல்களை பாடுகிறார்'' என்கிறார்.
 சந்திப்பு : கீதா
 

]]>
http://images.dinamani.com/uploads/user/imagelibrary/2018/8/29/w600X390/mm12.jpg http://www.dinamani.com/weekly-supplements/magalirmani/2018/aug/29/தொட்டதெல்லாம்-பொன்---இசைக்கலைஞர்-பின்னி-கிருஷ்ணகுமார்-2990047.html
2990045 வார இதழ்கள் மகளிர்மணி டிப்ஸ்... டிப்ஸ்... Wednesday, August 29, 2018 11:07 AM +0530 பட்சண டிப்ஸ்.. 
• முறுக்குக்கு மாவு பிசையும்போது அதில் ஒரு தேக்கரண்டி நெய் சேர்த்தால் முறுக்கு அதிக மொறு மொறுப்பு தன்மையுடன் இருக்கும்.

• கடலை எண்ணெய்யில் பலகாரம் செய்யும்போது கடலை எண்ணெய்யை முதலில் நன்றாக புகை வரும்வரை சூடேற்றி பின் தெளிய வைத்து இறுத்துக் கொண்டு அதில் பலகாரம் செய்தால் கடலை எண்ணெய் வாடை ஒரு துளியும் இருக்காது.

• மைசூர்பாகு இரண்டுவிதமாக செய்யலாம். நெய்விட்டு செய்தால் இளகின பதத்தில் எடுத்துவிட வேண்டும். அப்போதுதான் வாயில் போட்டதும் கரையும். டால்டா அல்லது ரீபைண்ட் எண்ணெய்யில் செய்தால் முற்றிய பதம் வர வேண்டும். அப்போதுதான் கரகரப்பாக இருக்கும்.

• இனிப்பு வகைகள் செய்யும்போது கட்டாயம் ஏலக்காய்த் தூள் தேவைப்படும். ஒவ்வொரு முறையும் ஏலக்காயைப் பொடி செய்வதை விட வாணலியில் ஏலக்காயை சூடு வரும் வரை லேசாக வறுத்து பிறகு மிக்ஸியில் பொடித்து வைத்துக் கொண்டால் தேவைப்படும்போது உபயோகித்துக் கொள்ளலாம்.

• லட்டுக்குப் பாகு எடுக்கும்போது கம்பிப்பாகு பதத்தில் எடுத்துவிட வேண்டும். அதுபோன்று பூந்தி முத்துகள் முழுசாக வெந்துவிடாமல் முக்கால் பாகம்தான் வெந்திருக்க வேண்டும். முழுசாக வெந்துவிட்டால் காராபூந்தி பதத்துக்கு வந்துவிடும். பூந்தியைப் பாகில் கலந்தவுடன் சூட்டோடு உருண்டை பிடித்துவிட வேண்டும்.
- ஆர்.ஜெயலட்சுமி 

சமையல் டிப்ஸ்... 
• புளியோதரை செய்யும்போது வறுத்த வேர்க்கடலையைச் சேர்த்தால் சுவை அதிகம் இருக்கும்.

• முருங்கைக்கீரையுடன் கேரட் துருவல், பீன்ஸ், பாசிப்பருப்பு கலந்து வேகவைத்து பொரியல் செய்தால் சுவை கூடுதலாக இருக்கும்.

• பனியாரம் செய்யும்போது மாவில் சிறிது ஆப்பசோடா கலந்தால் பொசுபொசுவென இருக்கும்.

• முறுக்கு தயார் செய்யும்போது தேங்காய்ப்பால்,வெண்ணெய் மாவுடன் கலந்தால் மொறுமொறுவென இருக்கும். 
- ஆர். பிரபா

]]>
http://images.dinamani.com/uploads/user/imagelibrary/2018/8/29/w600X390/VERKADALAI.JPG http://www.dinamani.com/weekly-supplements/magalirmani/2018/aug/29/பட்சண-டிப்ஸ்-2990045.html
2990040 வார இதழ்கள் மகளிர்மணி வாய் துர்நாற்றத்தை 2 நிமிடங்களில் போக்க... DIN DIN Wednesday, August 29, 2018 10:49 AM +0530 தினமும் தூங்கி எழுந்த பிறகோ அல்லது ஒவ்வொரு முறையும் உணவு உண்ட அடுத்த 1 மணி நேரத்திற்கு பிறகு வாயில் துர்நாற்றம் ஏற்பட நேரும். அதை தடுக்க, இதை செய்து பாருங்கள்:
 எலுமிச்சம், ஆரஞ்சு, புதினா இவைகளில் ஏதேனும் ஒன்று எடுத்து சாப்பிட்டு வாய் கொப்புளிக்க துர்நாற்றம் போய்விடும்.
 உப்பு தண்ணீரில் வாய் கொப்புளிக்க துர்நாற்றம் போய்விடும். தேங்காய் எண்ணெய்யைச் சிறிது எடுத்து வாயில் ஊற்றி 5நிமிடம் கழித்து உமிழ்ந்துவிட வேண்டும். இப்படி செய்து வர கிருமிகள் அண்டாதாம். பழங்களை அடிக்கடி சாப்பிட்டுவர இந்தப் பிரச்னையில் இருந்து விரைவில் நிவாரனம் கிடைக்கும்.
 - பொ.பாலாஜிகணேஷ்
 
 

]]>
http://images.dinamani.com/uploads/user/imagelibrary/2018/8/29/w600X390/mm11.jpg http://www.dinamani.com/weekly-supplements/magalirmani/2018/aug/29/வாய்-துர்நாற்றத்தை-2-நிமிடங்களில்-போக்க-2990040.html
2990039 வார இதழ்கள் மகளிர்மணி வெந்தயத்தில் டீயா? DIN DIN Wednesday, August 29, 2018 10:48 AM +0530 ஒவ்வொருவர் வீட்டின் சமையலறையிலும் பொதுவாக காணப்படும் ஒரு பொருள் வெந்தயம். வெந்தயம் உணவின் சுவையை அதிகரிக்க மட்டுமின்றி, உடல் ஆரோக்கியத்தையும் மேம்படுத்த உதவுகிறது. பலருக்கும் வெந்தயம் உடல் சூட்டை தணிக்கும் என்று தான் தெரியும். ஆனால் வெந்தயத்தில் ஏராளமான நன்மைகள் அடங்கியுள்ளன. 
• வெந்தயத்தில் டீ தயாரித்துக் குடிக்கவும் செய்யலாம். ஒரு பாத்திரத்தில் நீரை ஊற்றி, அதில் வெந்தயத்தை சிறிது சேர்த்து மூடி வைத்து 3 நிமிடம் கொதிக்க வைத்து இறக்கி வடிகட்டி, தேன் சேர்த்து சூடாகவோ அல்லது குளிர்ச்சியான நிலையிலோ குடிக்க வேண்டும். 
• மாதவிடாய் காலத்தில் பெண்கள் வயிற்று வலி மற்றும் பிடிப்புக்களை சந்திப்பார்கள். இந்த சமயத்தில் வெந்தய டீயைக் குடித்தால், வலியில் இருந்து உடனடி நிவாரணம் கிடைக்கும்.
• ஒருவர் தினமும் வெந்தய டீயை குடித்து வந்தால், சர்க்கரை நோய் மற்றும் டைப்-2 சர்க்கரை நோயின் தாக்கத்தைத் தடுக்கலாம். கொலஸ்ட்ரால் பிரச்சனையும் குறையும். 
• வெந்தய டீ மிகச்சிறந்த மலமிளக்கியாக செயல்படும். 
• உடலில் தேங்கியுள்ள கொழுப்புகளை கரைப்பதோடு, அடிக்கடி பசி ஏற்படுவதையும் தடுத்து, உடல் எடையைக் குறைக்க பெரிதும் உதவியாக இருக்கும்.
• குடல் மற்றும் சிறுநீரகங்களைச் சுத்தமாக வைத்துக் கொள்ளும். இது கழிவுகளை உடலில் இருந்து எளிதில் வெளியேற்றும்.
• இதய நோயின் தாக்கத்தைத் தடுக்கும். 
• வைட்டமின் பி1 குறைபாட்டினால் ஏற்படும் பெரி பெரி நோயின் தாக்கத்தை குறைக்க உதவும். 
• வெந்தய டீயில் வைட்டமின்கள் மற்றும் கனிமச் சத்துக்கள் ஏராளமான அளவில் நிறைந்துள்ளன. இதை தாய்ப்பால் கொடுக்கும் பெண்கள் தொடர்ந்து குடித்து வந்தால், தாய்ப்பால் சுரப்பு அதிகரிப்பதோடு, தாய்ப்பாலில் சத்துக்களும் அதிகரிக்கும்.
• வெந்தய டீயில் அழற்சி எதிர்ப்பு பண்புகள் ஏராளமாக அடங்கியுள்ளன. ஆகவே மூட்டு வலி, முழங்கால் வலி உள்ளவர்கள், வெந்தய டீயைக் குடித்து வந்தால், அந்தப் பிரச்னையில் இருந்து முழுவதுமாக விடுபடலாம்.
• வெந்தயம் மிகச்சிறந்த சளி கரைப்பான். சைனஸ் மற்றும் சளித் தொல்லை அதிகம் இருந்தால், வெந்தய டீ உடனடி நிவாரணம் கொடுக்கும்.
• வெந்தயம் சிறுநீர் பெருக்கியாக செயல்படும். 
• தலைக்கு ஷாம்பு போட்டு முடியை அலசிய பின், வெந்தய டீயால் தலைமுடியை அலசி, பின் கண்டிஷனர் பயன்படுத்தினால் பொடுகு போய்விடும்.
• வெந்தய டீ தொண்டைப் புண்ணை குணப்படுத்தும். அதற்கு வெந்தய டீயை சற்று சூடாக குடிக்க வேண்டும். 
• வாய் புண் அல்லது வாய் அல்சர் உள்ளதா? அப்படியெனில் தினமும் வெந்தய டீயால் வாயைக் கொப்பளியுங்கள். இப்படி தினமும் வாய் புண் போகும் வரை செய்யுங்கள்.
• வெந்தய டீ, வாய் துர்நாற்ற பிரச்னையில் இருந்து விடுவிக்கும். அதிலும் வெந்தய டீயை குளிக்கும் நீரில் கலந்து குளித்தால், உடல் துர்நாற்ற பிரச்னையும் நீங்கும்.
- பா.பரத்

]]>
http://images.dinamani.com/uploads/user/imagelibrary/2018/8/29/w600X390/mm9.jpg http://www.dinamani.com/weekly-supplements/magalirmani/2018/aug/29/வெந்தயத்தில்-டீயா-2990039.html
2990037 வார இதழ்கள் மகளிர்மணி கிருஷ்ண ஜெயந்தி ஸ்பெஷல் சமையல்! DIN DIN Wednesday, August 29, 2018 10:45 AM +0530 பூந்தி லட்டு

தேவையானவை:
கடலை மாவு - 2 கிண்ணம்
எண்ணெய் - பூந்தி செய்ய
சர்க்கரை - 2 கிண்ணம்
நெய் - 3 தேக்கரண்டி
ஏலக்காய்த் தூள் - சிறிதளவு
முந்திரி, பாதாம் - பொடியாக நறுக்கியது சிறிதளவு
காய்ந்த திராட்சை - சிறிதளவு
கசகசா - சிறிதளவு
ஆரஞ்சு கலர் - சிறிதளவு
செய்முறை: கடலைமாவில், ஆரஞ்சு கலரை சிறிதளவு தண்ணீரில் கலந்து சேர்த்து பஜ்ஜி மாவு பதத்திற்கு கரைக்கவும். வாணலியில் தேவையான அளவு எண்ணெய் ஊற்றவும். எண்ணெய் நன்கு காய்ந்ததும் பூந்தி கரண்டியை எண்ணெய்க்கு மேலாக பிடித்து சிறிதளவு கடலைமாவு கலவையை அதில் ஊற்றி பூந்திகளை பொரித்தெடுக்கவும். அதே சமயம் மற்றொரு பாத்திரத்தில் இரண்டு கிண்ணம் சர்க்கரைக்கு முக்கால் கிண்ணம் தண்ணீர் சேர்த்து பாகு காய்ச்சவும். ( கட்டை விரல் மற்றும் ஆள்காட்டி விரலில் எடுத்துப் பார்த்தால் கம்பி போல் வரவேண்டும்). பின்னர், நெய்யில் கசகசா, முந்திரி, பாதாம், திராட்சை பொரித்து நெய்யுடன் ஏலக்காய் சேர்த்து பாகில் கலக்கவும். பாகு, பூந்தி இரண்டையும் சூடாக இருக்கும்போதே ஒன்றாக கலக்கவும். கைப்பொறுக்கும் அளவு சூட்டில் உருண்டைகளாகப் பிடித்து வைக்கவும். பூந்தி லட்டு தயார். (கையில் சிறிது நெய் பூசிக்கொண்டு லட்டு பிடிக்கவும்)

தேங்காய் ரவா லட்டு

தேவையானவை: 
ரவை - 1 கிண்ணம்
சர்க்கரை - 1 கிண்ணம்
தேங்காய்த்துருவல் - 1 கிண்ணம்
ஏலக்காய்த் தூள் - 1 தேக்கரண்டி
நெய் - 3 தேக்கரண்டி
முந்திரிப்பருப்பு - 10
பால் -1 டம்ளர்
செய்முறை: வாணலியில் ஒரு தேக்கரண்டி நெய்விட்டுச் சூடாக்கவும். இதில் ரவையைச் சேர்த்து மிதமான வெப்பத்தில் லேசாக வறுத்துக் கொள்ளவும். வறுத்த ரவையை தனியே எடுத்து வைக்கவும். பின்னர், வெறும் வாணலியில் தேங்காய்த் துருவலை லேசாக வறு த்துக் கொள்ளவும். பின்னர், சர்க்கரையையும், ஏலக்காயையும் பொடியாக திரித்துக்கொள்ளவும். வாணலியில் மீதமுள்ள நெய்விட்டு முந்திரிப் பருப்பை லேசான பொன்னிறமாக வறுத்துக்கொள்ளவும். ஒரு பாத்திரத்தில் வறுத்த ரவை, பொடித்த சர்க்கரை , ஏலக்காய் , வறுத்த முந்திரி அனைத்தையும் கலந்து கொள்ளவும். பின்னர், பாலைக் கொதிக்க வைத்து இறக்கி கொஞ்சம் கொஞ்சமாக கலந்து வைத்துள்ள ரவை கலவையில் விட்டு கை சூடு பொறுக்குமளவு உருண்டையைப் பிடித்துக் கொள்ளவும். தேங்காய் ரவா லட்டு தயார். 

மசாலா சீடை 

தேவையானவை: 
வறுத்து அரைத்த உளுந்து மாவு - ஒரு தேக்கரண்டி 
அரிசி மாவு - அரை கிண்ணம்
புதினா - ஒரு கைப்பிடி
இஞ்சி விழுது - ஒரு தேக்கரண்டி
மசாலாத்தூள் - ஒரு தேக்கரண்டி
வெண்ணெய் - 2 தேக்கரண்டி
சீரகம் - ஒரு தேக்கரண்டி
மிளகுத்தூள் - ஒரு தேக்கரண்டி
பெருங்காயத்தூள் - சிறிதளவு
எண்ணெய் - தேவைக்கேற்ப
உப்பு - தேவையான அளவு. 
மஞ்சள் தூள் - சிட்டிகை
செய்முறை: புதினாவை ஆய்ந்து சுத்தம் செய்து விழுதாக அரைத்துக் கொள்ளவும். பின்னர், அரிசி மாவுடன் புதினா விழுது, உளுந்து மாவு, இஞ்சி விழுது, மசாலாத்தூள், வெண்ணெய், சீரகம், மிளகுத்தூள், பெருங்காயத்தூள், உப்பு , மஞ்சள் தூள் சேர்த்துப் பிசையவும். சின்னச்சின்ன சீடைகளாக உருட்டி வைக்கவும். வாணலியில் எண்ணெய் விட்டு காய்ந்ததும், மிதமான தீயில் உருட்டிய சீடைகளைப் போட்டு பொன்னிறமாக வேகவிட்டு எடுக்கவும். சுவையான மசாலா சீடை தயார்.

மூலிகை முறுக்கு

தேவையானவை: 
அரிசி மாவு - 1 கிண்ணம்
வெற்றிலை -2 
ஓமம் - 1 தேக்கரண்டி
இஞ்சி - 1 துண்டு
மிளகு - 2 தேக்கரண்டி
சோம்பு - 2 தேக்கரண்டி
துளசி இலை - 1 கைப்பிடி
வறுத்து அரைத்த உளுந்து மாவு - 2 தேக்கரண்டி
கடலை மாவு - 1கிண்ணம்
எண்ணெய்- தேவைக்கேற்ப
உப்பு - தேவையான அளவு
மஞ்சள் தூள், பெருங்காயம் - 1 சிட்டிகை
வெண்ணெய் - 2 தேக்கரண்டி
செய்முறை: வெற்றிலை, துளசி, இஞ்சி, பூண்டு, சோம்பு , மிளகு, ஓமம் ஆகியற்றை மிக்ஸியில் நைஸôக அரைத்து அரிசி மாவு, கடலை மாவு, வறுத்த உளுந்து மாவு, உப்பு, மஞ்சள் தூள், பெருங்காயம், வெண்ணெய் சேர்த்துப் பிசைந்து கொள்ளவும். பின்னர், முறுக்கு அச்சில் கலந்து வைத்துள்ள மாவை சிறிது சிறிதாக போட்டு காயும் எண்ணெய்யில் பிழிந்து வேகவிட்டு எடுக்கவும். சத்தான மூலிகை முறுக்கு தயார்.

சிறுதானிய தட்டை

தேவையானவை: 
அரிசி மாவு, வறுத்து அரைத்த கம்பு மாவு, 
வறுத்து அரைத்த திணை மாவு, கேழ்வரகு மாவு - தலா 1 கிண்ணம்
வெண்ணெய் - 4 தேக்கரண்டி
மிளகாய்த்தூள்- 2 தேக்கரண்டி 
எள் - 4 தேக்கரண்டி
பொடியாக நறுக்கிய கொத்துமல்லி, கறிவேப்பிலை - சிறிதளவு, 
எண்ணெய் - தேவையான அளவு
உப்பு - தேவைக்கேற்ப
பெருங்காயம் - 1 சிட்டிகை
செய்முறை: அரிசி மாவுடன் கம்பு மாவு, திணை மாவு, கேழ்வரகு மாவு, வெண்ணெய், எள், மிளகாய்த்தூள், உப்பு, பெருங்காயம் ,கொத்துமல்லி, கறிவேப்பிலை சேர்த்துப் பிசைந்து கொள்ளவும். பின்னர், கலந்து வைத்துள்ள மாவில் இருந்து சிறிது சிறிதாக எடுத்து உருட்டி ஒரு பிளாஸ்டிக் ஷீட்டில் வேண்டிய அளவில் வட்ட வடிவாக தட்டி அதை எண்ணெய்யிலிட்டு பொரித்து எடுக்கவும். சுவையான, சத்தான சிறுதானிய தட்டை தயார். 

அவல் பாயசம். 

தேவையானவை: 
அவல் - 250 கிராம் 
சர்க்கரை - 200 கிராம் 
பால் - அரை லிட்டர் 
முந்திரி - 10 கிராம் 
ஏலக்காய் - 4 
காய்ந்த திராட்சை - 10 கிராம் 
நெய் - 50 கிராம் 
செய்முறை: பாலை காய்ச்சி தனியாக வைத்துக் கொள்ள வேண்டும். ஏலக்காயில் சிறிது சர்க்கரை சேர்த்து மிக்ஸியில் பொடித்து தூள் செய்து கொள்ளவும். வாணலியில் நெய் விட்டு லேசாக சூடானதும் முந்திரியை பொன்னிறமாக வறுத்து எடுத்து கொள்ள வேண்டும். அதிலேயே அவலை லேசாக வறுத்து கொள்ள வேண்டும். பின்னர், 5 நிமிடம் தண்ணீரில் ஊற வைக்க வேண்டும். அவல் ஊறியதும், வாய் அகண்ட பாத்திரத்தில் அவலைப் போட்டு வேக வைக்கவும். அவல் வெந்த பிறகு சர்க்கரை, பால், ஏலக்காய்த் தூள் அனைத்தும் போட்டு நன்கு கிளறவும். முந்திரி, திராட்சையை சேர்க்கவும். 
சுவையான அவல் பாயசம் தயார். 
- தவநிதி

]]>
http://www.dinamani.com/weekly-supplements/magalirmani/2018/aug/29/கிருஷ்ண-ஜெயந்தி-ஸ்பெஷல்-சமையல்-2990037.html
2990034 வார இதழ்கள் மகளிர்மணி இல்லத்தரசியும் தொழில் முனைவோர் ஆகலாம்-21 DIN DIN Wednesday, August 29, 2018 10:29 AM +0530 "சில வாரங்களுக்கு முன்பு கைகளால் செய்யும் கால் மிதியடி பற்றி பார்த்தோம். தற்போது குறைந்த முதலீட்டில் மிதியடி இயந்திரம் அதாவது கைத்தறி போல செய்வது எப்படி என்பதை பார்க்கலாம்'' என்கிறார் சுயதொழில் ஆலோசகர் உமாராஜ்:
 மிதியடி தயாரிப்பு
 பெண்கள் வீட்டில் இருந்தபடியே செய்யவும், தங்களின் ஓய்வு நேரத்தை பயன் உள்ளதாக ஆக்கவும் சிறந்த தொழில் இது. இதற்கு தேவையான மிஷின் மூன்று விதமாக உள்ளது. அதாவது மூன்று மாடல்களில் மிதியடி தயாரிக்க ரூ.5250 மற்றும் ரூ.7750, ரூ. 8,750 எனும் விலைகளில் கிடைக்கின்றன. மேலும் இதை தயாரிக்க பாவு நூல் மற்றும் வேஸ்ட் பனியன் துணி தேவை. இது காலால் மிதித்து நெசவு செய்வது போன்று சுலபமாக செய்யலாம். இதற்கு 10 ஷ்10 அடி இடம் இருந்தால் போதுமானது. ஒரு நாளைக்கு 50 கால்மிதியடி வரை தயார் செய்யலாம்.
 ஒரு மிதியடி தயாரிக்க அடக்க விலை ரூ.8 செலவாகும். அதாவது ஒரு கிலோ பனியன் வேஸ்ட் ரூ.14, ஒரு கிலோ பாவு நூல் ரூ. 100. ஒரு மிதியடி தயாரிக்க 400 கிராம் பனியன் வேஸ்ட்டும், ரூ. 2. பாவு நூல் செலவாகும். மொத்தத்தில் ஒரு மேட் தயாரிக்க ரூ.7.60 செலவாகும். மொத்த வியாபாரிகளுக்கு ரூ. 12 முதல் ரூ.15 வரை விற்பனை செய்யலாம். நல்ல லாபம் கிடைக்கும். தேவையும் இருந்து கொண்டே இருக்கும் தொழிலாகும் இது. மிஷின் வாங்குபவர்களிடமே இதற்கான செய்முறை பயிற்சியை பெற்றுக் கொள்ளலாம். இந்த மிஷின் சேலத்தில் தயாரிக்கப்படுகின்றன. அவர்களே வேஸ்ட் பனியன், பாவு நூல் என சப்ளையும் செய்கிறார்கள்.
 - ஸ்ரீ
 

]]>
http://images.dinamani.com/uploads/user/imagelibrary/2018/8/29/w600X390/mm7.jpg http://www.dinamani.com/weekly-supplements/magalirmani/2018/aug/29/இல்லத்தரசியும்-தொழில்-முனைவோர்-ஆகலாம்-21-2990034.html
2990033 வார இதழ்கள் மகளிர்மணி நோயற்ற சமுதாயம் உருவாக... DIN DIN Wednesday, August 29, 2018 10:26 AM +0530 இயற்கை சார்ந்த விவசாயத்தை விட்டு வெகுதூரம் சென்று விட்ட நிலையில், மீண்டும் மெல்ல இயற்கை விவசாயம் துளிர் விட்டு வருகிறது. மரபு தொடர்ச்சியை இழந்துவிட்ட நிலையில், இயற்கை விவசாய முறையில் மாடித் தோட்டத்திலும், விவசாய நிலங்களிலும் காய்கறி, கீரைகளை விளைவித்து அதன்மூலம் தனி நபர் பொருளாதார மேம்பாட்டை சாத்தியமாக்கி வருகிறார் சேலத்தில் ஆரண்யா அமைப்பை நடத்திவரும் அல்லி.
 நாமக்கல் மாவட்டம், ராசிபுரம் வட்டம், தொப்பப்பட்டி என்ற குக்கிராமத்தில் விவசாயப் பின்னணி குடும்பத்தில் பிறந்து, நகர வாழ்க்கைக்கு இடம் பெயர்ந்தவர் அல்லி. காய்கறிகள், கீரைகள் நகர வாழ்க்கையில் கிடைக்காமல் போய்விட்டதன் புறச் சூழலே அல்லியின் இயற்கை விவசாயத்துக்கு அடித்தளமிட்டது எனலாம்.
 இயற்கை விவசாயத்தில், பெர்மாகல்சர் என்ற நிரந்தர வேளாண்மைக்கு முன்னோடியாகத் திகழும் அல்லிக்கு, காந்தியப் பொருளாதார மேதை ஜே.சி.குமரப்பா தான் முன்மாதிரி. அதன் தொடர்ச்சியாக ஜப்பானிய வேளாண் அறிஞர் மசானபு புகாக்கோவின் "ஒற்றை வைக்கோல் புரட்சி' புத்தகமும், ரேச்சலின் "சைலண்ட் ஸ்பிரிங்' எனும் புத்தகமும் ஏற்படுத்திய தாக்கமும் தான் காரணம். அதேபோல, ஆஸ்திரேலியாவின் பில் மொலிசன் தான் முதலில் பெர்மாகல்சர் எனும் வேளாண் நுட்பத்தை சொல்லித் தருகிறார். இவர்களின் ஒட்டுமொத்த தமிழக வடிவமாக இருக்கும் நம் இயற்கை வேளாண் விஞ்ஞானி கோ.நம்மாழ்வாரின் வழியில் இயற்கை விவசாயம் சார்ந்த விழிப்புணர்வை ஏற்படுத்தி வருகிறார் அல்லி.
 "எங்கள் கிராமத்தில் பிளஸ் 2 வரை படித்தேன். 17 வயதில் திருமணமாகி, 23 வயதில் சேலத்தில் வாடகை வீட்டில் கணவருடன் குடி அமர்ந்தேன். சேலத்துக்கு இடம்பெயர்ந்த நிலையில் கிராமத்தில் கிடைக்கும் காய்கறிகள், கீரைகள் கிடைக்காமல் இருந்தது. நகரப் பகுதியில் கிடைக்கும் காலிஃபிளவர் பிற காய்கறிகள் எனக்கு புதிதாக இருந்தன. கிராம வாழ்க்கை முறையில் இருந்து நகர வாழ்க்கை முற்றிலும் வேறுபட்டு இருந்ததை உணர்ந்தேன். உணவுப் பழக்கம் முதல் அனைத்திலும் வித்தியாசத்தை அறிந்தேன்.
 இதனால் நாமக்கல் மாவட்டத்தில் இருந்து எனது பெற்றோர், உறவினர்கள் காய்கறிகள், கீரைகள், பருப்பு வகைகளை அனுப்பி வைத்து அதைச் சமைத்து சாப்பிட்டு வந்தேன். பின்னர், வாடகை வீட்டில் வசிக்கும்போது மண் தொட்டிகளில் செம்பருத்தி, ரோஜா செடிகளை வளர்த்து வந்தேன்.
 எங்கள் கிராமத்தில் இருந்து கொண்டு வரப்பட்ட பல்வேறு விதைகள் மூலம் மண் தொட்டிகளில் தக்காளி, கத்தரிக்காய், வெங்காயம், பச்சை மிளகாய் ஆகியவற்றைப் பயிரிட்டு சமையலுக்குப் பயன்படுத்தி வந்தேன்.
 எங்கள் வீட்டுக்கு வரும் நண்பர்களுக்கு மண் தொட்டியில் வளர்க்கப்படும் காய்கறிகள், கீரை வகைகளை இலவசமாக வழங்கி வந்தேன்.
 பின்னர், மெல்ல மெல்ல புற ஊதாக்கதிர் கொண்டு தயாரிக்கப்படும் பாலிதீன் பைகள் மூலம் பல்வேறு காய்கறிகள், கீரைகளைப் பயிரிட்டு வந்தேன். நண்பர்கள் கேட்டுக் கொண்டதால், அவர்கள் வீட்டிலும் மாடித் தோட்டம் அமைத்துக் கொடுத்தேன். அப்படி ஆரம்பித்ததுதான் "ஆரண்யா கிச்சன் அன்ட் டெரஸ் கார்டனிங்'.
 உணவே மருந்து என நம் முன்னோர்கள் கூறியது நூற்றுக்கு நூறு உண்மை. அதிலும் தற்போதைய உணவுப் பழக்க முறை மாற்றத்தால் பல்வேறு நோய்களுக்கு ஆளான சமூகமாக மாறிவிட்டது. ஏதோ ஓர் இடத்தில் நாம் தவறு செய்திருப்பதை உணர முடிகிறது.
 குறிப்பாக, விவசாய நிலங்களில் பயன்படுத்தப்படும் உரம், பூச்சி கொல்லிகள் 5 ஆவது தலைமுறை மருந்தாக உள்ளது. இந்த மருந்துகளைச் சுவாசிப்பதன் மூலம் பல்வேறு வித நோய்களும் வருகின்றன. விவசாயிகள் எளிதில் மன அழுத்தத்துக்கு உள்ளாகி தற்கொலை செய்து விடும் நிகழ்வும் மருந்தின் எதிர்வினையாக உள்ளது குறிப்பிடத்தக்கது.
 இயற்கை விவசாயத்தை மக்களிடையே கொண்டு செல்லும் வகையில் மாடித் தோட்டத்தில் காய்கறிகள், கீரைகளைப் பயிரிடவும் பயிற்சி அளித்து ஆலோசனைகளை வழங்குகிறோம். மேலும், தோட்டங்களிலும் இயற்கை விவசாய முறைப்படி காய்கறி, கீரைகளைப் பயிரிட ஆலோசனையும், வேளாண் தொழில்நுட்பங்களையும் வழங்கி வருகிறோம். இதற்காக ஆரண்யா அமைப்பை நிறுவி 10 ஆண்டுகளாக இந்தப் பணியை செய்து வருகிறோம்.
 கூரை வீடு அமைத்தல், மண் கூரை அமைத்தல், ஆரண்யா ஆர்கானிக் ஃபார்மிங் மூலம் வெளியூர்களில் அமைக்கப்படும் ஃபார்மிங் வேலைகள் போன்ற பணிகளையும் செய்து வருகிறோம். இந்தப் பணியை நம்மாழ்வாருடன் இரண்டு ஆண்டுகள் கூடவே இருந்த குமார் அம்பாயிரம்தான் முன்னின்று கவனித்து வருகிறார்.
 காய்கறிகள், கீரைகளைப் பயிரிட்டு குறுகிய காலத்திலேயே அறுவடை செய்து விட முடியும். இதன் மூலம் தோட்டம் வைத்திருப்பவர்கள் இரட்டிப்பு லாபம் பெறலாம். அரை ஏக்கர் நிலம் இருந்தால் போதும் காய்கறி, கீரைகளைப் பயிரிட்டு நல்ல விளைச்சலைப் பெற்று லாபம் பெற முடியும்.
 இதுவரை சுமார் 600 பேருக்கு மாடித்தோட்டம் அமைக்க பயிற்சி வகுப்புகளை வழங்கி உள்ளோம். விவசாய நிலங்களிலும் இயற்கை விவசாயப் பயிற்சி வழங்கி வருகிறோம். பள்ளி, கல்லூரி மாணவ சமுதாயத்தினரும், பிற தன்னார்வலர்களுக்கும் இயற்கை விவசாயம் குறித்த ஆலோசனைகளை வழங்கி வருகிறோம்.
 இதுதவிர்த்து, கைத்தறி நெசவு தொழிலைக் காப்பாற்றும் வகையில் புதிய முயற்சி எடுத்துள்ளேன். கைத்தறித் தொழிலில் இருப்பவர்களில் குறிப்பாக சுமார் 60 வயதுக்கு மேற்பட்டவர்களை அத் தொழிலில் இருந்து விடுபடாமல் இருக்கும் வகையில், அவர்களுக்கு வேலை வழங்கி வருகிறேன். கைத்தறி நெசவு மூலம் சேலைகளை உற்பத்தி செய்து, தமிழகம் முழுவதும் விற்பனை செய்து வருகிறேன். எனது மகள் கீர்த்தனா, ஆடை வடிவமைப்புப் பட்டம் பெற்ற நிலையில் ஆடை வடி வமைப்புகளை தந்து வருகிறார். மேலும் அந்த ஆடை வடிவமைப்புகளும், ஆடைகளாக சந்தைக்குக் கொண்டு வருவதில் அவரின் பங்கு முக்கியமாக உள்ளது.
 இதுதவிர, கைத்தறி நெசவாளர்களுக்கு போதிய உபகரணங்களை வழங்கி, ஆடைகளாகப் பெற்று வருகிறேன். இதன் மூலம் அவர்களின் வாழ்வாதாரமும் மேம்படுகிறது. கைத்தறி ஆடைகள் குறித்த விழிப்புணர்வையும் ஏற்படுத்தி வருகிறேன்.
 சேலத்துக்கு இடம்பெயர்ந்த நிலையில், தையல் கடை தொடங்கினேன். இதன் மூலம் பல வாடிக்கையாளர்கள் கிடைத்தனர். தையல் கடையும், துணி விற்பனையும் தான் நிரந்தர வருமானத்தைத் தந்து வருகிறது.
 நோயற்ற சமூகத்தை ஏற்படுத்த இயற்கைக்குத் திரும்புவது தான் ஒரே வழி. உடல், மனம், நோய் எல்லாவற்றுக்கும் ஒரே தீர்வும் இதுதான்'' என்றார் அல்லி.
 கட்டுரை: ஆர்.ஆதித்தன்
 படங்கள்: வே.சக்தி
 

]]>
http://images.dinamani.com/uploads/user/imagelibrary/2018/8/29/w600X390/ALLI.JPG http://www.dinamani.com/weekly-supplements/magalirmani/2018/aug/29/நோயற்ற-சமுதாயம்-உருவாக-2990033.html
2990030 வார இதழ்கள் மகளிர்மணி பாதிக்கப்பட்ட பெண்களுக்கு எதிரான சட்டம்! DIN DIN Wednesday, August 29, 2018 10:20 AM +0530 தென் கொரியாவில் பெண்கள் வன்கொடுமைகளினால் பாதிக்கப்பட்டால், சட்டங்கள் அவரை காப்பாற்றுவதில்லை. ஒரு பெண், தன்னை ஒருவர் பலாத்காரம் செய்து விட்டதாக உள்ளூர் காவல்துறையிடம் புகார் கொடுத்தார். ஆனால் நடந்தது என்ன தெரியுமா? 
பலாத்காரம் செய்தவர் அந்தப் பெண் தன்னை ஏமாற்றிவிட்டதாகவும், அவளால் தான் பல கஷ்டங்களை அனுபவித்த தாகவும், கட்டாயப்படுத்தி காரியம் சாதித்துக் கொண்டாள் எனவும் எதிர்புகார் கொடுக்க, காவல்துறையோ, யாரை ஆதரிப்பது? யாரை கேள்விகேட்பது? என தினறும். இதனால் பாதிக்கப்பட்ட பெண்ணின் நிலைமை மேலும் பாதிக்கப்படுகிறது. 
இந்நிலையில், சமீபத்தில் சியோ-ஹை-ஜின் எனும் பெண்மணி, தன்னை வன்கொடுமைக்கு ஆளாக்கியவருக்கு எதிராக நான்கு ஆண்டுகளாக கடுமையாகப் போராடி தண்டனை வாங்கிக் கொடுத்துள்ளார்.
அத்துடன் நின்று விடாமல் ‘THE WITCH' என்ற இயக்கத்தை தொடங்கி, பாதிக்கப்பட்ட பெண்களுக்கு உதவி வருகிறார். மேலும், அவர்களுக்காக போராடி, குற்றமிழைத்தவர்களுக்கு தண்டனையும் பெற்றுத் தருகிறார். இதனால் கொரிய அரசாங்க கொள்கையில் மாற்றம் ஏற்பட்டுள்ளது.
ஒரு பெண் தான் பாதிக்கப்பட்டவள் என நிரூபித்திருந்தால், அந்த வழக்கு முடியும் வரை கொடுமையிழத்தவர் அந்தப் பெண் பற்றி எந்த குற்றச்சாட்டை கூறினாலும் அதனை விசாரிக்கக்கூடாது என அரசு கடும் சட்டத் திட்டங்களை கொண்டு வந்துள்ளது. இதனால் பாதிப்புக்கு உள்ளான பெண்கள் தற்போது நிம்மதிப் பெருமூச்சு விடுகிறார்கள்.
-ராஜேஸ்வரி
 

]]>
http://images.dinamani.com/uploads/user/imagelibrary/2018/8/29/w600X390/SEO-HYUN-JIN.JPG http://www.dinamani.com/weekly-supplements/magalirmani/2018/aug/29/பாதிக்கப்பட்ட-பெண்களுக்கு-எதிரான-சட்டம்-2990030.html
2990029 வார இதழ்கள் மகளிர்மணி கேரளத்தில் சேவை செய்யும் நடிகைகள்! DIN DIN Wednesday, August 29, 2018 10:18 AM +0530 சென்னை நகரம் மழை வெள்ளம், ஏரி நீர் இவற்றில் சிக்கிய போது "அன்போடு கொச்சி' அமைப்பு புதிய துணிமணிகளை சென்னை மக்களுக்கு அனுப்பி வைத்து உதவியது.
 கேரளத்தில் பிரளயம் போல வெள்ளத்தின் ஆக்கிரமிப்பு ஓங்க, கேரளத்தின் பெரும்பகுதிகள் தீவுகள் ஆகிவிட்டன. அவதிப்படும் கேரளா மக்களுக்கு தேவையான பொருள்களை அனுப்பி வைக்க மீண்டும் "அன்போடு கொச்சி' அமைப்பு, கொச்சி நகர்வாழ் மக்களிடமிருந்தும் கடைகளிலிருந்தும் உதவி கோர ஆரம்பித்து... கிடைத்த பொருள்களைத் தேவையான இடங்களுக்கு அனுப்பிக் கொண்டிருக்கிறது.
 "அன்போடு கொச்சி' அமைப்பிற்கான பணிகளை செய்ய சமூக ஆர்வலர்கள் முன்வந்தது போல தமிழ், மலையாள நடிகை பார்வதியும் சேவை செய்ய முன் வந்திருக்கிறார். மேக்கப் ஏதும் போட்டுக் கொள்ளாமல், நடிகை என்ற பந்தா இல்லாமல், சுழன்று சுழன்று வேலை பார்க்கிறார். சக சேவையாளர்களுடன் சேர்ந்து நன்கொடையாக வந்திருக்கும் பொருள்களை பிரித்து பேக் செய்வதில் உதவிவருகிறார். தவிர பல முறை முகநூல் பக்கத்தில் "லைவ்'வில் வந்து கேரளத்தில் வெள்ள நிலை குறித்து பேசுவதுடன் என்னென்ன பொருள்கள் உடனடியாகத் தேவை என்பதற்கும் வேண்டுகோள் விடுக்கிறார் ..!
 வேறு மலையாள நடிகைகள் கேரளத்தில் வெள்ள நிவாரண வேலைகளில் ஈடுபடாத நிலையில், பார்வதி கொச்சியில் காலை முதல் மாலை வரை எல்லா சேவையாளர்களுடன் சேர்ந்து பணி செய்து வருவது, மீண்டும் நடிகை பார்வதியை வித்தியாசமாக வெளிக்காட்டியிருக்கிறது.
 நடிகை பார்வதியின் சேவையை அறிந்ததும் உடனே உதவிகள் செய்ய புறப்பட்டவர் இன்னொரு முன்னணி மலையாள நடிகை அமலாபால். அமலா - பார்வதியுடன் இணையாமல் ஆலுவா பகுதியில் செயல்படும் முகாமிற்குப் போய்விட்டார். மலையாளப் படத்தில் நடிக்கும் போது விபத்தால் இடது கை அடிபட்டு காயம் ஏற்பட்டு சிகிச்சையிலிருந்தாலும், ஒரு கையால் பொருள்களைக் கையாண்டு உதவிகள் செய்து வருகிறார்.
 இன்னொரு மலையாள நடிகை பூர்ணா (மலையாள படங்களில் ஷம்னா காசிம்) கொச்சி தம்மனம் பகுதியில் வெள்ளப் பாதிப்பு மக்கள் வசிக்கும் தற்காலிக முகாமில் பணிகளை செய்து வந்தார்..!
 கீர்த்தி சுரேஷ் திருவனந்தபுரம் பகுதியில் செயல்படும் முகாமில் இணைந்து பொது மக்களிடம் உதவிகள் கேட்டு வேண்டுகோள் விடுத்தக் கொண்டிருந்தார்.
 - சுதந்திரன்
 

]]>
http://images.dinamani.com/uploads/user/imagelibrary/2018/8/29/w600X390/mm6.jpg http://www.dinamani.com/weekly-supplements/magalirmani/2018/aug/29/கேரளத்தில்-சேவை-செய்யும்-நடிகைகள்-2990029.html
2990028 வார இதழ்கள் மகளிர்மணி மீண்டும் ப்ரீத்தி ஜிந்தா DIN DIN Wednesday, August 29, 2018 10:16 AM +0530 பாலிவுட் நடிகை ப்ரீத்தி ஜிந்தா (43) சிறிது இடைவெளிக்குப்பின் மீண்டும் "பையா ஜி சூப்பர்ஹிட்' என்ற படத்தின் மூலம் திரைக்கு வருகிறார். ஆக்ஷன், காமெடி கலந்த இந்தப் படத்தில் ஒரு ரவுடியின் மனைவியாக நடிக்கிறார் ப்ரீத்தி ஜிந்தா. இதை வெளிப்படுத்தும் வகையில் கையில் துப்பாக்கி வைத்திருக்கும் தன் படத்தை இன்ஸ்டாகிராமில் வெளியிட்டு "ஹாய், ரசிகர்களே, என்னை யார் என்று ஊகிக்க முடிகிறதா? நான்தான் ப்ரீத்தி ஜிந்தா. மீண்டும் உங்களை சந்திக்க வருகிறேன்'' என்று குறிப்பிட்டிருக்கிறார்.
 - அருண்.
 

]]>
http://images.dinamani.com/uploads/user/imagelibrary/2018/8/29/w600X390/mm5.jpg http://www.dinamani.com/weekly-supplements/magalirmani/2018/aug/29/மீண்டும்-ப்ரீத்தி-ஜிந்தா-2990028.html
2990027 வார இதழ்கள் மகளிர்மணி திரைப்பட தயாரிப்பாளராகும் லாராதத்தா DIN DIN Wednesday, August 29, 2018 10:15 AM +0530 "அழகி போட்டியில் நான் பங்கேற்றபோது ஏதும் தெரியாமல் இருந்தேன். இப்போது அழகிபோட்டிகளில் பங்கேற்கும் பெண்கள் நிறைய விஷயங்களை தெரிந்து வைத்துள்ளனர். எங்களைப் போலின்றி திறமைசாலிகளாகவும் உள்ளனர்'' என்று கூறும் முன்னாள் பிரபஞ்ச அழகி லாரா தத்தா (40) தற்போது பல நடிகைகள் திரைப்படத் துறையில் இறங்கியிருப்பதால், தானும் மீடியம் பட்ஜெட்டில் படங்களை தயாரிக்க போவதாக கூறியுள்ளார்.

]]>
http://images.dinamani.com/uploads/user/imagelibrary/2018/8/29/w600X390/mm4.jpg http://www.dinamani.com/weekly-supplements/magalirmani/2018/aug/29/திரைப்பட-தயாரிப்பாளராகும்-லாராதத்தா-2990027.html
2990026 வார இதழ்கள் மகளிர்மணி தந்தையை பற்றி ஆவணப்படமெடுத்த மகள்! DIN DIN Wednesday, August 29, 2018 10:14 AM +0530 பிரபல புகைப்பட கலைஞர் ரகுராயின் மகள் அவனிராய் (26) தயாரிப்பாளர் அனுராக் காஷ்யப் உதவியுடன் "ரகுராய்: ஆன் அன்பிரேம்ட் போர்ட்ரெய்ட்' என்ற தலைப்பில் 55 நிமிட ஆவண படமொன்றை தயாரித்துள்ளார். தந்தை மகளுக்கான உறவு, ரகுராய் பார்வையில் இந்தியா, காஷ்மீர் என மூன்று பகுதிகளாக பிரித்து தயாரித்த இந்த ஆவணப்படம் அண்மையில் மும்பை திரைப்பட விழாவில் திரையிடப்பட்டபோது, அவனிராயின் 75 வயதான தந்தை ரகுராய் மிகவும் பாராட்டியுள்ளார்.

]]>
http://images.dinamani.com/uploads/user/imagelibrary/2018/8/29/w600X390/mm3.jpg http://www.dinamani.com/weekly-supplements/magalirmani/2018/aug/29/தந்தையை-பற்றி-ஆவணப்படமெடுத்த-மகள்-2990026.html
2990025 வார இதழ்கள் மகளிர்மணி தெலுங்கு படத்தில் நடிப்பது புது அனுபவம்! DIN DIN Wednesday, August 29, 2018 10:13 AM +0530 "இதுவரை நான் இந்தி படங்களை தவிர வேறு மொழி படங்களில் நடித்ததில்லை. ஒரு மலையாள படத்தில் மட்டும் சிறப்பு தோற்றத்தில் நடித்துள்ளேன். தற்போது தெலுங்கில் தயாரிக்கப்படும் என்.டி.ராமாராவ் வாழ்க்கை வரலாற்றில் அவரது மனைவி பசவதாரகம் பாத்திரத்தில் நடிக்கும்போது, காலை 9 மணிக்கு தொடங்கி மாலை 6 மணிக்கு படப்பிடிப்பு முடிவதும், தொழில் கலைஞர்கள் நேரத்தை வீணாக்காமல் திட்டமிட்டப்படி பணியாற்றுவதும் எனக்கு புது அனுபவமாக இருக்கிறது. பாலிவுட்டில் பெரும்பாலும் படப்பிடிப்பு நடிகர்களால் தாமதப்படுவதுண்டு. இங்குள்ள வர்கள் தொழிலில் காட்டும் அக்கறை வியக்க வைக்கிறது'' என்கிறார் பாலிவுட் நடிகை வித்யாபாலன்.
 

]]>
http://images.dinamani.com/uploads/user/imagelibrary/2018/8/29/w600X390/mm2.jpg http://www.dinamani.com/weekly-supplements/magalirmani/2018/aug/29/தெலுங்கு-படத்தில்-நடிப்பது-புது-அனுபவம்-2990025.html
2990024 வார இதழ்கள் மகளிர்மணி ஜோதிகாவை பாராட்டிய இயக்குநர்! DIN DIN Wednesday, August 29, 2018 10:11 AM +0530 அண்மையில் சென்னை பெரம்பூர் பள்ளியொன்றில் நடந்த "ஸ்போர்ட்ஸ் டே' நிகழ்ச்சியில் பெற்றோர்களும் பங்கேற்கும் "லைம் அண்ட் ஸ்பூன்' போட்டியில் நடிகை ஜோதிகா பங்கேற்கும் காட்சி "காற்றின்மொழி' என்ற படத்திற்காக படமாக்கப்பட்டது. அதன் இயக்குநர் ராதாமோகன் கூறியதாவது, ""பத்தாண்டுகளுக்கு முன் வெளியான "மொழி' படத்திற்குப் பிறகு மீண்டும் என்னுடைய இயக்கத்தில் ஜோதிகா நடிக்கிறார். அப்போது அவரிடம் காணப்பட்ட சுறுசுறுப்பும், வேகமும், தொழிலில் காட்டும் அக்கறையும் இன்றும் அப்படியே இருப்பது என்னை வியக்க வைக்கிறது'' என்று பாராட்டியிருக்கிறார்.

]]>
http://images.dinamani.com/uploads/user/imagelibrary/2018/8/29/w600X390/JOTHIKA.JPG http://www.dinamani.com/weekly-supplements/magalirmani/2018/aug/29/ஜோதிகாவை-பாராட்டிய-இயக்குநர்-2990024.html
2990023 வார இதழ்கள் மகளிர்மணி "சின்ரெல்லா'வாக ராய் லட்சுமி! DIN DIN Wednesday, August 29, 2018 10:10 AM +0530 எஸ்.ஜே.சூர்யாவின் "இசை' படத்திற்கு உதவியாளராக பணியாற்றிய வினோத் வெங்கடேஷ் இயக்கத்தில் உருவாகும் "சின்ரெல்லா' படத்தில் நடிக்க. தற்போது "நீயா - 2' படத்தில் நடித்து வரும் ராய்லட்சுமி ஒப்பந்தமாகியுள்ளார். ஏற்கெனவே இந்தப் படத்தில் நடிக்க நயன்தாரா, த்ரிஷா, எமிஜாக்சன் ஆகியோரை அணுகியபோது, படத்தின் தலைப்பும், கதையும் பிடித்திருந்தாலும் வேறு சில காரணங்களால் நடிக்க மறுத்துவிட்டார்களாம். ராய்லட்சுமி நடிக்கும் "சின்ரெல்லா' படப் பிடிப்பு அக்டோபரில் துவங்குமென தெரிகிறது.

]]>
http://images.dinamani.com/uploads/user/imagelibrary/2018/8/29/w600X390/mm1.jpg http://www.dinamani.com/weekly-supplements/magalirmani/2018/aug/29/சின்ரெல்லாவாக-ராய்-லட்சுமி-2990023.html
2990022 வார இதழ்கள் மகளிர்மணி பிரியங்கா நிக் ஆகிறார் பிரியங்கா சோப்ரா! Wednesday, August 29, 2018 10:09 AM +0530 அரசல் புரசலாகப் பேசப்பட்டாலும் இந்தி நடிகை பிரியங்கா சோப்ரா "உண்டு... இல்லை' என்று உறுதியாகச் சொல்லாததினால், கடைசியில் "வெறும் நட்புமட்டும்தான்' என்று சொல்லிவிடுவாரோ என்று இந்தி ரசிகர்கள் எதிர்பார்த்த நிலையில் ஆகஸ்ட் 18 அன்று பிரியங்காவின் நிச்சயதார்த்தம் மும்பையில் நடந்து முடிந்திருக்கிறது.
 வரன் பாப் பாடகர் நிக் ஜோனாஸ். வயது இருபத்தைந்து. பிரியங்காவிற்கோ முப்பத்தாறு. விரைவில் பிரியங்கா சோப்ரா, பிரியங்கா நிக் என்றோ பிரியங்கா ஜோனாஸ் என்றோ அறியப்படுவார். அழைக்கப்படுவார்.
 இந்து சமய முறைப்படி நடந்த நிச்சயதார்த்தத்தில், வரனும் அவரது பெற்றோரும் இந்திய உடை அணிந்திருந்தனர். நிக் குர்தா பைஜாமா... நிக்கின் அம்மா சேலை உடுத்த, அப்பா குர்த்தா அணிந்திருந்தார். கடைசியில் சூட்டிற்கு மகனும் அப்பாவும் மாறினார்கள்.
 சடங்கில் கலந்து கொள்ள இந்தி நடிகைகள் ஆலியா, பரினீதி சோப்ரா வருகை தர... முகேஷ் அம்பானி மனைவி நீட்டா, மகள் இஷாவுடன் கலந்து கொண்டார். முகேஷின் மகன் ஆகாஷின் நிச்சயதார்த்தத்தில் நிக்கும் கலந்து கொண்டார்.
 பிரியங்கா - நிக் திருமண தேதி இன்னமும் தீர்மானிக்கப்படவில்லை. 2017 -இல் தான் ஒரு விழாவில் பிரியங்காவும் நிக்கும் சந்தித்துக் கொண்டார்கள். ஒரு ஆண்டு முடிவதற்குள் நிச்சயதார்த்தம். வேகமான காதல்.
 "இன்று நான் ஒரு மாயாஜாலம் நிகழ்ந்ததை பார்த்தேன். ஏதோ கனவில் கற்பனையில் ஒரு தேவதை தொடர்பான ஒன்று நடக்கிற மாதிரியிருந்தது'' என்கிறார் பரினீதி சோப்ரா. பிரியங்காவுக்கு நெருங்கிய உறவு. பிரியங்காவை பரினீதி "அக்கா' என்று அழைப்பார். நிச்சயம் முடிந்ததும் பிரியங்கா மும்பையில் ஒரு அநாதை இல்லத்திற்குப் போய் அங்கு வாழும் குழந்தைகளின் முன் நடனம் ஆடி மகிழ்வித்தார்.
 - பனுஜா

]]>
http://images.dinamani.com/uploads/user/imagelibrary/2018/8/29/w600X390/PRIYANKA.JPG http://www.dinamani.com/weekly-supplements/magalirmani/2018/aug/29/பிரியங்கா-நிக்-ஆகிறார்-பிரியங்கா-சோப்ரா-2990022.html
2984761 வார இதழ்கள் மகளிர்மணி தேசத்தலைவர்களின் வரலாறு சொல்லும் மூவர்ணம்!  - ஸ்ரீதேவி குமரேசன் Wednesday, August 22, 2018 10:00 AM +0530 சுதந்திரத்திற்கு முன்பு  ஆங்கிலேயர் ஆட்சியை எதிர்த்து  "தியாக பூமி'  என்ற படத்தை இயக்கிய  கே.சுப்பிரமணியம்  பேத்தி,  நாட்டியக் கலைஞர்  பத்மா சுப்பிரமணியனின் அக்காள் மகள்,  திரைத்துறையில் நடன இயக்குநராக இருந்த ரகுராமனின் தங்கை என பல பெருமைகளுக்கு சொந்தக்காரரும், "நிருத்யார்ப்பணம்' எனும் நடனப்பள்ளியின் இயக்குநராகவும், சமூகசேவகியாகவும் இருந்து வருபவர் தாட்சாயணி.  இவர்,  72 -ஆவது சுந்திரதினத்தையொட்டி   "மூவர்ணம்'  என்ற நாட்டிய நாடகத்தின் பாடல், வசனம் எழுதி, நடனம்  அமைத்து அரங்கேற்றினார்.  சென்னை, மயிலாப்பூரில் நடைபெற்ற இவ்விழாவில் சிறப்பு விருந்தினர்களாக  மூப்படை வீரர்கள் கலந்து கொண்டனர்.  இதுகுறித்து தாட்சாயணி நம்முடன் பகிர்ந்து கொண்டவை:  

""என்னுடைய சிறுவயதிலிருந்தே  அம்மா பாமாவின்  உடன்பிறந்த தங்கையான பத்மா சுப்பிரமணியத்தின் நடனம் மீது ஆர்வம் அதிகம்.   எனக்கு 3 வயதாக இருந்தபோது,  ஒரு முறை சித்தி தனது நாட்டியத்தில் என்னை பால மீனாட்சியாக அலங்காரம் செய்து நாட்டியத்தின் நடுவே  நிறுத்திவிட்டார்.  அது முதல்  சித்தியிடம் நடனம் பயில ஆரம்பித்துவிட்டேன்.    மேலும், நரசிம்மச்சாரி மற்றும்  வசந்தலஷ்மி  இரு குருமார்களிடமும் நடனம் பயின்றுள்ளேன். பின்னர், நான் வளர்ந்து கல்லூரி வந்தவுடன்  நடனப்பள்ளியைத் தொடங்கினேன்.

தற்போது 40-ஆவது  ஆண்டில் எனது நடனப்பள்ளி அடியெடுத்து வைக்கிறது. மூவர்ணம் உருவானது எப்படி என்றால்,  2005- ஆம் ஆண்டு  ஒரு பள்ளியில் நடந்த சுதந்திரதின விழாவிற்கு என்னை  சிறப்பு விருந்தினராக அழைத்திருந்தனர்.  அங்கே சென்றிருந்தபோது, 8-வது படிக்கும் மாணவி ஒருத்தி எனக்கு மலர் கொத்து கொடுத்து வரவேற்றாள். அப்போது அந்த மாணவி  தேசிய கொடியை தவறாக தலைகீழாக குத்தியிருந்தாள். இதைக் கண்டதும் நான் பதறிப்போனேன். அந்த மாணவியிடம் நீ  தேசிய கொடியை தவறாக குத்தியிருக்கிறாய் முதலில் சரி செய் என்றேன். அந்த பெண்ணும் அப்படியா? என்று கேட்டபடி கொடியை சரி செய்தாள்.   8-ஆவது படிக்கும் மாணவிக்கு கொடியை எப்படி குத்த வேண்டும் என்று கூட தெரியவில்லையே என்ற வருத்தம் ஏற்பட்டது.  இதை அந்த பள்ளி தலைமையாசிரியரிடமும் தெரிவித்தேன். அவர் சிரித்துக் கொண்டே   மழுப்பிவிட்டார்.  அது எனக்கு மிகப் பெரிய வருத்தத்தை அளித்தது.  அந்த சம்பவம்தான்  இந்த நாட்டிய நாடகம் உருவாக  காரணமாக அமைந்தது. 

இதனால், இளம் தலைமுறையினருக்கு நமது  தேசம் குறித்த விழிப்புணர்வை ஏற்படுத்த வேண்டும் என்ற எண்ணம் வந்தது. அன்று இரவே  நமது தேசம் குறித்தும்,  நமது நாடு சுதந்திரம் பெற தங்களது வாழ்க்கையையே  அழித்துக் கொண்ட தேச தலைவர்கள் குறித்தும் ஒரு பாடலை எழுதத் தொடங்கினேன். இதற்காக தேசத் தலைவர்களின் வரலாறுகளை முழுமையாக படித்து தெரிந்து கொண்டு பின்னர் பாடலை எழுதி முடித்தேன்.  எழுதி முடித்து படிக்கும்போது என் கண்களில் கண்ணீர் தாரை தாரையாக வழிந்து கொண்டிருந்தது.

இம்மண்ணுக்காக  தேசத்தலைவர்கள் தங்களது   உதிரம் சிந்தியதால் சிவந்த நிறத்தை குறிக்கும் ஆரஞ்சும்,  சத்தியம்,  தர்மத்தின் வழியில் நடப்போம் எனும் வெள்ளை நிறமும், பசுமையை குறிக்கும் பச்சை நிறமும்  கொண்ட  நமது தேசிய கொடியின்   மூன்று நிறங்களையும்,  நாட்டியத்தில் இருக்கும் மூன்று வர்ணங்களை இந்தப் பாடலில்  கொண்டு வருவதாலும்  "மூவர்ணம்'  என பெயரிட்டேன்.   பாடலை லீலாவதி கோபால கிருஷ்ணன் மற்றும்  இந்த பாடலுக்கு இசையமைத்துக் கொடுத்த  சசிதரனும் பாடலைப் பாடி கொடுத்தனர். நட்டுவாங்கம் நான் பாடியிருப்பேன். பின்னர்,  எனது மாணவிகளை வைத்து நடனம் அமைத்தேன்.  அதன்பிறகு 2005-இல் இருந்து ஒவ்வொரு ஆண்டும்   சுதந்திரதினத்தன்று தொடர்ந்து     டெல்லி தமிழ்ச் சங்கம், கார்த்திக் பைன் ஆர்ட்ஸ், பாரத் கலாச்சார், மும்பை சண்முகநாதன் அரங்கம் , 2014-இல் புதுயுகம் தொலைக்காட்சி என  பல்வேறு மேடைகளில் இந்தப் பாடலை  அரங்கேற்றி வருகிறேன்.  ஒவ்வொரு ஆண்டும் ஏதாவது ஒரு சிறிய மாற்றம் செய்து அரங்கேற்றுவேன். 

அந்த வகையில்,  இந்த ஆண்டு நாட்டிய நாடகமாக மாற்றினேன்.  இதில் நமது தேசத் தலைவர்களான மகாத்மா காந்தி, வ.உ.சி., பகத்சிங், வீர சிவாஜி, ஜான்சிராணி, வீரபாண்டிய கட்டபொம்மனின் கடைசி நிமிடங்கள், கொடிகாத்த குமரன்,  கப்பலோட்டிய தமிழன், பாரதியார், அந்தமான் கைதிகள், ஜாலியன் வாலாபாத் படுகொலை,   உப்பு சத்தியாகிரகம், காந்தி நூல் நூற்பது குறித்து இதுவரை  வெளியில்  தெரியாத சில  விஷயங்களை வசனமாக எழுதி,  "உண்மை சொல்வோம், நன்மை செய்வோம், நலம் காண்போம்' என முடித்து  நாடகமாக்கினேன். 

பின்னர், நடனத்தின்  ஊடே  நாடகமும் கலந்து வருவதுபோன்று  நாட்டிய நாடகமாக அமைத்தேன்.  நாட்டிய நாடகம் தயார் ஆனதும்  நமது தேசத் தலைவர்கள் யாரையாவது சிறப்பு விருந்தினர்களாக அழைக்கலாம் என்று நினைத்தேன்.  அப்போது  என் நினைவுக்கு வந்தவர்கள் இந்த தேசத்திற்காக இரவும் பகலும்  அயராது உழைத்து வரும் நமது  முப்படை வீரர்கள். அவர்கள்தான் இதற்கு பொருத்தமானவர்கள் என்ற எண்ணம் வர, முப்படையைச் சேர்ந்தவர்களையும் இந்த நிகழ்ச்சிக்கு சிறப்பு விருந்தினர்களாக அழைத்தேன்.

அத்துடன் எங்கள் நடனப்பள்ளி தொடங்கி நாற்பதாவது ஆண்டு என்பதால் எனது சித்தி பத்மா சுப்பிரமணியம் இதை  "ரூபி ஜுபுளி' என கொண்டாட வேண்டும் என்றார்.  எனது நடனப்பள்ளியும் சுதந்திரதின நன்னாளில்தான் தொடங்கப்பட்டது.  அதனால் 40-ஆவது ஆண்டுவிழாவையும் சேர்த்து கொண்டாடினோம்.  அதற்காக எனது நடன குருவான பத்மா சுப்பிரமணியத்தையும், வசந்த லட்சுமியையும் அழைத்திருந்தேன். நரமசிம்மாச்சாரி தற்போது இல்லை.  மேலும், நீதிபதி சந்துரு, சீ.வி. சந்திர சேகர், எஸ்.பி.முத்துராமன் போன்றோர் கலந்து கொண்டனர்.  

நாட்டிய நாடகத்துக்கான கதை எழுதி தயார் ஆனதும்,   பாடல் ரெக்காடிங் செய்ய 4 நாள்களும், நாட்டியத்திற்கு  கோரியகிராபிக்கு 15 நாளும் ஆனது. பிறகு,  மூன்று பிரிவுகளாக மாணவிகளை பிரித்து  கிட்டதட்ட  2 மாதங்கள் ஒத்திகை நடத்தினோம்.  இந்த நாட்டிய நாடகத்தில் சுமார் 87 பேர்  கலந்து கொண்டனர்.  எனது பழைய மாணவிகளின் மகள்கள்  தற்போது என்னிடம் நாட்டியம் கற்று வருகிறார்கள். அதனால் தாயும், மகள்களும் சேர்ந்து  இதில் ஆடியுள்ளனர்.  மேலும்  டி.ஏ.வி., ஆதம்பாக்கம் பள்ளியில் இருந்து நான்கு மாணவர்கள் கலந்து கொண்டனர்.   திருவள்ளூர் சேவாலயா பள்ளியில் இருந்து 18  மாணவ-மாணவிகளும் வந்திருந்தனர்.   அதுபோன்று கப்பலோட்டிய தமிழனாகவும், பாரதியாராகவும் ஜெயசூர்யா எனும் நடன ஆசிரியர் நடித்துக் கொடுத்தார்.  நிகழ்ச்சிக்கு  மூன்று நாள்களுக்கு முன்பு நாட்டியத்திற்காக பயிற்சி பெற்றிருந்த வேதமூர்த்தி என்பவருக்கு ஒரு விபத்தில் இடுப்பு எலும்பு முறிந்துபோக, அவரால் நிகழ்ச்சியில் கலந்து கொள்ள முடியாமல் போனது. அவரது பாத்திரத்திற்கு மூன்று நாளில் யார் கிடைப்பார், யாருக்கு பயிற்சியளிப்பது என்று குழம்பி நின்றேன். அந்த நேரத்தில் என் மாணவியின் தந்தை ஒருவர் நான் நடித்து தருகிறேன் என்று சொன்னார். மூன்றே நாளில் அவருக்கு பயிற்சியளித்தோம். அவரும் மேடையில் முடிந்தவரையில் நன்றாக நடித்துக் கொடுத்தார்.

எனது மாணவிகள், அவர்களது பெற்றோர், என் குடும்பத்தினர்,  நண்பர்கள், எனது தாயின் இடத்திலிருந்து  பக்கபலமாக இருந்த எனது சித்தி பத்மா சுப்பிரமணியம் என அனைவரும்  எனக்கு துணை நின்று நிகழ்ச்சியை நடத்திக் கொடுத்தது மிகவும் மகிழ்ச்சியாக இருந்தது.

]]>
http://images.dinamani.com/uploads/user/imagelibrary/2018/8/21/w600X390/mn1.jpg இயக்குநர். எஸ்.பி. முத்துராமன்,  முப்படையைச் சேர்ந்த கர்னல் அழகர்ராஜ், கேப்டன் சியாம் சுந்தர், ஸ்குவாட்ரன் லீடர் எஸ்.ரவிசங்கர், நீதிபதி சந்துரு, சீ.வி. சந்திரசேகர், பத்மா சுப்பிரமணியம். http://www.dinamani.com/weekly-supplements/magalirmani/2018/aug/22/தேசத்தலைவர்களின்-வரலாறு-சொல்லும்-மூவர்ணம்-2984761.html
2984765 வார இதழ்கள் மகளிர்மணி கோவைக்காய் மருத்துவ குணங்கள்! - தொண்டி முத்தூஸ். DIN Wednesday, August 22, 2018 10:00 AM +0530 மருத்துவ குணங்கள்!

கோவைக்காயின் இலைகள், தண்டு, வேர், காய், கனி என அனைத்து பாகங்களும் மருத்துவ பயன்களை கொண்டுள்ளது. இவை தோல்நோய்கள் ஆகியவற்றை  குணப்படுத்தும் ஆற்றல் கொண்டது.  நீரிழிவு நோய்க்கு கோவைக்காய் நல்ல பலனை அளிக்கும்.

நீரிழிவு நோயாளிகளின் இரத்தத்தில் சேரும் சர்க்கரை அளவைக் கோவைக்காய் கட்டுப்படுத்தும் என்று நிரூபிக்கப்பட்டுள்ளது. பரம்பரை காரணமாக நீரிழிவு நோய் இருப்பவர்கள் கோவைக்காயை 30 வயது முதலே உணவில் சேர்த்துக் கொண்டால் நல்லது.  நீரிழிவு   நோய் வராமல் தடுக்கலாம்.

கோவைக்காயை வாரம் இரண்டு நாள் உணவில் சேர்த்தால் வாய்ப்புண் குணமாகும். பச்சையாகவே கோவைக்காயை மென்று துப்பிவிட்டாலே வாய்ப்புண்  ஆறிடும். ஒரே ஒரு கோவைக்காயை எடுத்து மோருடன் அரைத்து குடித்தாலும் மேற்சொன்ன பலன்களை பெறலாம்.

கோவைக்காய் இலை மற்றும் தண்டு கபத்தை வெளியேற்றும். வலி குறைக்கும். இலை, தண்டு, கஷாயம் மார்புச்சளி, சுவாசக்குழாய் அடைப்பு இவற்றிற்கு நல்ல மருந்தாகும். இலைகளை வெண்ணெய்யுடன் கலந்து புண்கள், பிற தோல்நோய்களை குணப்படுத்த உதவும்.

கோவைப்பழம் கபத்தை உண்டாக்கும். சீக்கிரத்தில் ஜீரணமாகாது. ஆனால் மூச்சு இரைத்தல், வாந்தி, வாய்வு, ரத்த சோகை, பித்தம், காமாலை முதலான  பிரச்னைகளை குணப்படுத்தும். கடிகளால் ஏற்பட்ட காயங்களின் மீது கோவை இலையை அரைத்து வைத்துக் கட்டினால் புண் விரைவில் ஆறும்.

கோவைக்காய் பித்தம், ரத்தப் பெருக்கு,  வயிற்றில் உள்ள பூச்சி ஆகியவற்றுக்கு நல்ல மருந்தாகும்.

]]>
http://images.dinamani.com/uploads/user/imagelibrary/2018/8/21/w600X390/mn4.jpg http://www.dinamani.com/weekly-supplements/magalirmani/2018/aug/22/கோவைக்காய்-மருத்துவ-குணங்கள்-2984765.html
2984766 வார இதழ்கள் மகளிர்மணி டிப்ஸ்... டிப்ஸ்... -  எச். சீதாலட்சுமி DIN Wednesday, August 22, 2018 10:00 AM +0530 தோசை, ஆப்பம் செய்யும்போது கல்லில் மாவு ஒட்டிக் கொண்டு எடுக்க முடியாமல் இருந்தால்  கோலியளவு புளியை ஒருவெள்ளைத் துணியில் மூட்டையாக கட்டி, எண்ணெய்யில் தொட்டு தோசைக் கல்லில் தேய்த்தபிறகு மாவை வார்த்தால் தோசை எடுப்பதற்கு எளிதாக வரும்.
இரவில் சப்பாத்தியோ, பூரியோ மீதமாகிப் போனால் அவற்றுடன்  ஒரு உருளைக்கிழங்கினை தோலுடன் வைத்து மூடி விட்டால் மிருதுவாக இருக்கும்.
புதினா, தக்காளி இரண்டையும்  நன்கு அரைத்து பஜ்ஜி மாவில் கலந்து பஜ்ஜி சுட்டால் மணமும் சுவையும் சூப்பராக இருக்கும்.
இரண்டு வாழைப் பழத்துடன்  சிறிது சர்க்கரை சேர்த்து மிக்ஸியில் அரைத்து ஒன்றரை டம்ளர் பால் கலந்து கொதிக்க வைத்து ஏதாவது ஒரு எசன்ஸ் ஊற்றினால் புதுமையான சுவையான பாயசம் ரெடி.
தேன் குழல் மாவுடன்  வேக வைத்த உருளைக்கிழங்கை மசித்து சேர்த்துப் பிசைந்து செய்தால் தேன்குழல்   கரகரப்புடன் இருக்கும்.
காலிஃப்ளவரை சமைக்கும்போது சிறிது பால் சேர்க்க  வெள்ளை நிறம் மாறாது.  பச்சை வாடை தெரியாது.
பரோட்டா அல்லது நான் செய்யும் மாவு பிசையும்போது தண்ணீருக்குப் பதிலாக குடிக்கிற சோடாவை ஊற்றிப் பிசைந்து பாருங்கள். பரோட்டா மிருதுவாக பஞ்சுபோன்று மெத்து மெத்தென்று வரும்.
தினமும் காலையில் எலுமிச்சை ஜூஸ்  குடித்து வந்தால் நமது  உடலில் உள்ள நச்சுக்கள் வெளியேறிவிடும்.

]]>
http://images.dinamani.com/uploads/user/imagelibrary/2018/8/21/w600X390/mn5.jpg http://www.dinamani.com/weekly-supplements/magalirmani/2018/aug/22/டிப்ஸ்-டிப்ஸ்-2984766.html
2984767 வார இதழ்கள் மகளிர்மணி கீரை : கவனிக்க வேண்டியவை! - ஆர். ஜெயலட்சுமி DIN Wednesday, August 22, 2018 10:00 AM +0530
# அரைக்கீரையை இளசான இலையாக பூச்சியில்லாமல் ஆய்ந்து கொள்ள வேண்டும்.

# முளைக்கீரையினை தண்டு இளசாக இருந்தால் தண்டுடன் கிள்ள வேண்டும். தண்டு முற்றலாக இருந்தால் இலையாகக் கிள்ளிக் கொள்ள வேண்டும். முற்றிய தண்டினைப் பொடியாக நறுக்கிக் கூட்டு வைக்கப் பயன்படுத்திக் கொள்ளலாம்.

# சிறுகீரை இளசாக இருந்தால் தண்டுடன்   பொடியாக நறுக்கிப் பயன்படுத்தலாம்.

# அகத்திக் கீரையில் இலையை மட்டும் உருவி சுத்தம் செய்து சமைக்க வேண்டும்.

# முருங்கைக் கீரையினைத் தனித்தனியாக காம்பு  நரம்பு இல்லாமல் ஆய்ந்து கொள்ள வேண்டும்.

# வெந்தயக் கீரையை வேர் பகுதியினை சிறிது நறுக்கிவிட்டு  அப்படியே பொடியாக நறுக்கி உபயோகிக்கவும்.

# முள்ளங்கிக் கீரையில் நடுவில் உள்ள  தண்டினை நீக்கி விட்டு இலையை மட்டும் பொடியாக நறுக்கி பொரியல்,  கூட்டிற்குப் பயன்படுத்தலாம்.

# கீரைத்தண்டு இளசான கீரைத்தண்டாக  வாங்கி ஆய்ந்து  பொடியாக நறுக்கி பொரியல்  கூட்டிற்குப் பயன்படுத்தலாம். தண்டினை நாரெடுத்துவிட்டுப் பொடியாக நறுக்கிக் கொள்ளவும்.

# புதினாவில் இலையை மட்டும்  ஆய்ந்து  பயன்படுத்த வேண்டும்.

# பீட்ரூட்  கீரையைப்  பொடியாக நறுக்கி  கூட்டு அல்லது பொரியல் செய்தால் சுவையாக இருக்கும்.

# புளிச்சக் கீரையில் இலைகளை மட்டும் கிள்ளிப் பொடியாக நறுக்கிப் பயன்
படுத்தவும்.

# மணத்தக்காளிக் கீரையின் தண்டு தடிமனாக இருக்கும். எனவே  கீரை, காய், பூ முதலிய எல்லாவற்றையும் ஆய்ந்து பொடியாக நறுக்கி சமைக்க வேண்டும்.

# எந்த கீரையாக இருந்தாலும் நறுக்கியவுடன்  பெரிய பாத்திரத்தில்  தண்ணீர் வைத்து  இரண்டு முறைக்கு மேலாக நன்றாக அலசி வடிகட்டும் கூடையில் போட்டு வடிகட்ட வேண்டும். அதுபோன்று கீரையை ஆய்ந்த உடனே  அலசி நறுக்க வேண்டும். அப்போதுதான் சத்துகள் வீணாகாது.

# கீரை வகைகளை குக்கரில் வேக வைத்தால் பசுமை நிறம்மாறி பழுப்பு நிறமாக மாறிவிடும்.

# கீரைவகைகளை வாணலியில் சிறிது எண்ணெய் விட்டு வதக்கி தண்ணீர்விட்டு வேக வைத்தால் பசுமை மாறாமல் இருப்பதுடன்  ருசியும் கூடுதலாக இருக்கும்.

# கீரைகளைச் சமைத்து இறுதியில்தான்  தாளிக்க வேண்டும்.  அதுபோன்று கடுகு, உளுத்தம்பருப்பு,  சீரகம், மிளகாய் வற்றல், பெருங்காயப் பொடி சேர்த்து தாளித்தால் மணமாகவும், ருசியாகவும் இருக்கும்.

# கீரை வேகும்போது  தண்ணீர் அதிகமாக இருந்தால் வடித்து சூப் செய்யலாம்.

# கீரை மசியலை பருப்புச் சட்டியில் மரமத்தினால் கடைந்தால் இயற்கையான ருசியுடன் இருக்கும். மிக்ஸியில் கடையும்போது ருசி மாறிவிடும். 

# கீரை மசியலை தாளிப்பதற்கு  வடகம் சிறந்தது.  ருசியும் கூடுதலாக இருக்கும்.

# பொதுவாக எல்லாக் கீரை சமையலுக்கும் தேங்காய்த்  துருவல் சேர்த்து சமைத்தால் ருசியாக இருக்கும்.  தேங்காய்க்குப் பதிலாக உடைத்த கடலை மற்றும் வேர்க்கடலை பொடி செய்து சேர்த்தால்  ருசி  கூடுதலாக இருக்கும். அரிசியை வறுத்து பொடி செய்தும் கீரை பொரியலில் சேர்க்கலாம்.

# கீரையை தினமும் நாம் உணவில் சேர்த்துக் கொள்வது மிகவும் அவசியம்.  அகத்திக் கீரையை வாரத்தில் ஒரு நாள் கட்டாயம் சாப்பிட்டால் வயிற்றிலுள்ள  பூச்சிகளை அழித்துவிடும்.

 "தினம் ஒரு கீரை'  என்ற நூலிலிருந்து

]]>
http://images.dinamani.com/uploads/user/imagelibrary/2018/8/21/w600X390/mn6.jpg http://www.dinamani.com/weekly-supplements/magalirmani/2018/aug/22/கீரை--கவனிக்க-வேண்டியவை-2984767.html
2984768 வார இதழ்கள் மகளிர்மணி கவர்ச்சி மட்டுமே அழகு அல்ல! -  பனுஜா DIN Wednesday, August 22, 2018 10:00 AM +0530 இரண்டு ஆண்டுகளுக்கு முன்  ரோமானியாவைச் சேர்ந்த   பெண்  புகைப்பட நிபுணர் மிஹேலா நோராக் தனது வேலையை ராஜினாமா செய்து விட்டு உலகை சுற்ற கிளம்பினார்.  பல நாடுகளில்  பெண்களின் அழகில் இருக்கும் வேற்றுமைகளில்  ஒற்றுமையை    புகைப்படங்களாக வார்த்து  The  Atlas  of  beauty என்ற  தொகுப்பை வெளியிடவே  இந்த உலக சுற்றுப் பயணம்.  

மிஹேலா ஐம்பத்திமூன்று நாடுகளை சுற்றி ஆயிரக்கணக்கான  இளம், வயோதிக பெண்களை  ஆயிரக்கணக்கில் படங்கள் எடுத்து அதில் ஐநூறு படங்களைத் தெரிவு செய்து  தொகுப்பினை  வெளியிட்டுள்ளார்.  மிஹேலா இந்தியா வரவும் மறக்கவில்லை. தொகுப்பிற்கு வெளிநாடுகளில் நல்ல வரவேற்பு.  ஒவ்வொரு படம் குறித்தும் எங்கே எப்போது படம் எடுக்கப்பட்டது என்ற விளக்கமும் உண்டு. பாடகி, ஹெலிகாப்டர் பைலட், காய்கறி விற்பவர், புற்றுநோய் வந்து குணமானவர், கவிதாயினி, செவிலி, வீட்டுத் தலைவி    என்று பல தரப்பட்டவர்களை  படம் எடுத்திருக்கிறார். 

"பெண்களை காட்சிப் பொருளாக்கி, பாலியல் பண்டமாக காண்பிக்கப்படுவதுதான் அழகு  என்று சொல்லப்படுகிறது. அழகான பெண் என்று கூகுளில்  தேடினால் கவர்ச்சியான பெண்களின் படங்கள்தான் வரும். அழகு என்பதின் பொருளே மாறிவிட்டிருக்கிறது. கவர்ச்சியும்  அழகுதான். ஆனால் கவர்ச்சி மட்டுமே அழகு  அல்ல. அழகில் பாலியல் கவர்ச்சியை பார்க்கும்  அணுகு முறைதான் அதிகமாக உள்ளது. பெண்கள் விரும்பியும் விரும்பாமலும்  அவை நடந்து விடுகின்றன. என்னைக் கவர்ந்த பெண்களைப் படம் பிடித்திருக்கிறேன். அழகு என்பதன்  உண்மையான பொருளினை  விளக்கவே  இந்த   தொகுப்பு.   

“ஒரு புகைப்படம்  எடுப்பதில் சில  நிமிடம் முதல் ஒரு மணி நேரம் வரை செலவழித்தேன். இந்தத் தொகுப்பின் அட்டைப் படத்தில்  இருக்கும் பெண் இந்தியர். காசியில் கங்கையில்  அந்தப் பெண் பூஜை செய்யும் போது எடுக்கப்பட்டப்  படம்.  

அதிகாலையில் கங்கைக்கு வந்திருந்த அந்தப் பெண்ணிடம் அனுமதி கேட்டு பல படங்களை  எடுத்து முடித்தேன்.  இந்தத் தொகுப்பு மூலமாக  நான் பெரிதும் பக்குவப்பட்டிருக்கிறேன். பல நாட்டுப் பெண்கள் குறித்து பல விஷயங்களை அறிந்து கொள்ள முடிந்திருக்கிறது.

நான்  இயல்பாகவும்  எளிமையாகவும்  இருக்கும் சாதாரண சாமான்ய பெண்களின் வித்தியாசமான அசாதாரண அழகினை கூடுமானவரை ஒப்பனை இல்லாமல் பிரதிபலித்திருக்கிறேன். அதனால் படங்களை பார்க்கும் அனைவருக்கும்   ஆச்சரியம். செயற்கைத்தனம் எனது படங்களில் சற்றும் இல்லாததால்  என் படங்களை மக்கள் விரும்புகிறார்கள். சில பெண்கள்  லேசாக  மேக்கப்  செய்து கொண்டு  வந்தார்கள். அது அவர்கள் விருப்பம். நான் அதற்கு ஒத்துப் போனேன். அவர்களது விருப்பங்கள் மதிக்கப்பட  வேண்டாமா?

சில பெண்களை படம் எடுக்கும் போது வீட்டில் அனுமதி பெற்று  காமிரா முன் நின்றார்கள். சிலர் "படம் எல்லாம் பிடிக்க வேண்டாம்' என்று ஒதுங்கி விட்டார்கள். பெர்லின் நகரில் என்னை  ஒரு பெண் சந்தித்தாள்...  நான் பெர்லின் வந்த நோக்கத்தைச் சொன்னதும்... " உங்களுக்கு ஒரு  யோசனை' என்றாள். நல்ல தரமான புதிய காமிரா வாங்கச் சொல்லப் போகிறாள் என்று நினைத்தேன். ஆனால் அவள் சொன்ன  யோசனையைக் கேட்டதும்  நான் கலகலவென்று சிரித்தே விட்டேன். நல்ல ஷூ ஒன்றை வாங்குங்கள்.. ஏனென்றால்  நீங்கள் இன்னும் பல நாடுகள் சுற்ற வேண்டும்...பல நாட்டுப் பெண்களை சந்தித்து படங்களை  காமிராவினால் பிடிக்கவேண்டும். இதற்கு நீங்கள் நடை நடை என்று நடக்க வேண்டும்... அதனால் சொல்கிறேன்.. நல்ல ஷூ வாங்கிக் கொள்ளுங்கள்'' என்றாள்..  

அழகு என்பது இயல்பாக  இருப்பதுதான். இயல்பாக வெளிப்படுவதுதான். எனது தொழில்   அந்த இயல்பைப்   பதிவு செய்வது. பெண்கள் வல்லமை கொண்டவர்கள்.  பன்முகத் தன்மையைக் கொண்டிருப்பவர்கள்.  அதிலும் இந்திய பெண்கள் தைரியமும் அழகும் கொண்டிருப்பவர்கள். இந்தப் பண்புகளை  மீண்டும் உலகுக்கு  உரக்கச்   சொல்வதற்காக   வரும்   செப்டம்பர் மாதம் என்னுடைய "த அட்லஸ் ஆஃப் ப்யூட்டி' இரண்டாவது பாகத்தை பிரசுரிக்க உள்ளேன்''  என்கிறார்  மிஹேலா நோராக்.

]]>
http://images.dinamani.com/uploads/user/imagelibrary/2018/8/21/w600X390/mn9.jpg http://www.dinamani.com/weekly-supplements/magalirmani/2018/aug/22/கவர்ச்சி-மட்டுமே-அழகு-அல்ல-2984768.html
2984769 வார இதழ்கள் மகளிர்மணி நான்கு ஆண்டுகளில் 25 பதக்கங்கள்! - பூர்ணிமா DIN Wednesday, August 22, 2018 10:00 AM +0530 கோயம்புத்தூரை சேர்ந்த துப்பாக்கி சுடுதல் போட்டிகளில் பங்கேற்கும் பூஜா (19) 2014- ஆம் ஆண்டு முதல் இதுவரை மாநில அளவில் நடந்த குறிபார்த்து துப்பாக்கியால் சுடும் போட்டிகளில் கலந்து கொண்டு 25  பதக்கங்களைப் பெற்றுள்ளார்.  அண்மையில் மதுரையில் நடந்த 44-ஆவது மாநில அளவிலான துப்பாக்கி  சுடுதல் போட்டியில், ஜூனியர் 10 மீட்டர் ஏர் பிஸ்டல் பிரிவில் தங்கப்பதக்கமும், 25 மீட்டர் ஏர்பிஸ்டல் பிரிவில் தங்கம், வெள்ளி, வெண்கலம் என மூன்று பதக்கங்களையும் பூஜா பெற்றுள்ளார்.

ஈசா காலேஜ் ஆப் என்ஜினியரிங் அண்ட் டெக்னாலஜியில் பி.டெக் படித்துக் கொண்டிருக்கும் பூஜா, கடந்த நான்காண்டுகளாக  துப்பாக்கி சுடுதல் போட்டிகளில் பங்கேற்று வருகிறார். தற்போது இந்த  துப்பாக்கி சுடுதல் போட்டிகளில் பங்கேற்பவர்கள் எண்ணிக்கை அதிகரித்து வருகிறது. ஓராண்டிற்கு முன்புதான்  தேசிய அளவில் 10 மீட்டர் ஏர்பிஸ்டல் பிரிவுக்கு பூஜா முன்னேறியுள்ளார். சர்வதேச ஷூட்டிங் ஸ்போர்ட்ஸ் பெடரேஷனை சேர்ந்தவர்களுடன்தான் போட்டியிட வேண்டும் என்பதால் இதில் தங்கம் வாங்கியதை பெருமையாக கருதுகிறார் பூஜா.

இவருக்கு துப்பாக்கி சுடுதல் போட்டியில் பங்கேற்கும் ஆர்வம் எப்படி ஏற்பட்டது? அவரே சொல்கிறார்:
""என்னுடைய அம்மா சாந்தி, என்.சி.சி.யில் சேர்ந்திருந்தபோது,  துப்பாக்கி சுடும் பயிற்சி பெற விரும்பினார். ஆனால் வாய்ப்பு கிடைக்கவில்லை. அதனால் எனக்கு எப்படியாவது துப்பாக்கி சுடும் பயிற்சியளிக்க விரும்பினார். ஆரம்பத்தில் எனக்கு ஈடுபாடு இல்லையென்றாலும்,  பின்னர் இந்த விளையாட்டை மிகவும் விரும்பத் தொடங்கினேன். கோயம்புத்தூர் ரைபிஃள் கிளப் பெரிதும் ஆதரவளித்தது. வீட்டில் பயிற்சிபெற 10 மீட்டர் தொலைவு இடைவெளி இருந்தாலும், கிளப்பில் பயிற்சி பெற்றேன். கிளப்பை  புதுப்பித்த போது, பல அடிப்படை வசதிகள் செய்யப்பட்டன. கிளப்பில் உள்ள 10 அடி தொலைவு இடைவெளி கூட இப்போது ஏர்கண்டிஷன் செய்யப்பட்டுள்ளது.

இந்த பயிற்சியில் எனக்கு ரோல் மாடல் யாரும் இல்லை.  ஆனால் இந்திய துப்பாக்கி சுடுதல் வீராங்கனை ஹீனா சித்து பங்கேற்று  வெற்றி பெற்ற போட்டிகள் அனைத்தையும் பார்ப்பேன். அதில் அவர் துப்பாக்கி ஏந்தும் விதம், குறிபார்க்கும்போது கால்களை எப்படி வைப்பது போன்ற சில நுணுக்கமான விஷயங்களை கவனித்து அதன்படியே செய்வேன். 10 மீட்டர் தொலைவு ஏர்பிஸ்டல் போட்டிகளில்  பங்கேற்பதைவிட, 25 மீட்டர்  தொலைவு பிரிவில் பங்கேற்பதை மிகவும் விரும்புவேன். அதற்கான  பயிற்சியும் பெற்றுள்ளேன்.
கடந்த ஆண்டு தேசிய அளவில் 10 மீட்டர் ஏர்பிஸ்டல் போட்டிகளில் பங்கேற்ற நான், தற்போது சென்னையில் ஆக.30 முதல் செப்.14-ஆம் தேதி வரை தேசிய அளவில் நடைபெறவுள்ள போட்டியில் பங்கேற்கவுள்ளேன். அதற்கான பயிற்சிகளில் ஈடுபட்டுள்ளேன்'' என்று கூறும் பூஜா, வருங்காலத்தில் பொது சேவை துறையில் பணியாற்ற விரும்புகிறார்.

பூஜாவின்  சாதனையை பற்றி அவரது  தாய் சாந்தி கூறுகையில், ""பெற்றோர் தங்கள் குழந்தைகளை குறிப்பாக  பெண்களை ஏதாவது ஒரு விளையாட்டுத் துறையில் ஈடுபடுத்துவது அவசியமாகும். அப்போதுதான் அவர்களுக்கு தன்னம்பிக்கை அதிகரிக்கும். துணிவு பிறக்கும்.  என்னைப் பொருத்தவரை நான் என்.சி.சி.யில் இருந்தபோது, எனக்கு  கிடைக்காத  வாய்ப்பை என் மகள் பூஜாவுக்கு ஏற்படுத்தி தர விரும்பினேன். எதிர்பாராதவிதமாக அவளுக்கும் விளையாட்டில் ஆர்வம் ஏற்படவே,  அவள் படிக்கும் கல்லூரியும் அவள் பயிற்சிக்குச் செல்லும் போதும், போட்டிகளில் பங்கேற்கும் போதும் ஊக்கமளித்து வருகிறது'' என்றார்.

]]>
http://images.dinamani.com/uploads/user/imagelibrary/2018/8/21/w600X390/mn9a.jpg http://www.dinamani.com/weekly-supplements/magalirmani/2018/aug/22/நான்கு-ஆண்டுகளில்-25-பதக்கங்கள்-2984769.html
2984770 வார இதழ்கள் மகளிர்மணி இல்லத்தரசியும் தொழில் முனைவோர் ஆகலாம் - 20  - ஸ்ரீ DIN Wednesday, August 22, 2018 10:00 AM +0530 ""பாக்கு மட்டை யில்  தட்டு,  கிண்ணம்,  ஸ்பூன்  ஆகியவை செய்வது பற்றி பார்க்கலாம்''  என்கிறார் சுயதொழில் ஆலோசகர் உமாராஜ்:

பாக்கு மட்டை தட்டு தயாரிப்பு:

ஆரம்பத்தில்  பாக்குமட்டையை  எரிபொருளாகத்தான்  பயன்படுத்தி  வந்தனர். பாக்கு மட்டைகளை கொண்டு பிளாஸ்டிக், பேப்பர் தட்டுகளுக்கு பதிலாக தட்டுகள்,  கிண்ணம், ஸ்பூன்  என செய்து விற்பனை  செய்ய ஆரம்பித்தனர்.

இதற்கு  மக்களிடையே   நல்ல வரவேற்பு உள்ளது. இந்த பாக்கு  மட்டை  தட்டுகள், செய்வதற்கான இயந்திரங்கள் ரூ.2.00 லட்சம்  முதல் உள்ளன. இதற்கு 10 ஷ் 10 அடி அல்லது  அதற்கு  மேலும் இடம் இருந்தால்  நல்லது. மேலும்,  இந்த தட்டுகள் 12 அங்குலம், 10  அங்குலம், 8 அங்குலம், 4 அங்குலம்  என தயார்  செய்ய தனித்தனி மிஷின்கள்  உள்ளன.  

பாக்கு மட்டைகள், கிருஷ்ணகிரி, சேலம், பொள்ளாச்சி, ஈரோடு, மேட்டுப்பாளையம் ஆகிய இடங்களில் கிடைக்கின்றன. இதனை செய்வதும் சுலபம்தான். பாக்கு மட்டையை ஒரு மணி நேரம் தண்ணீரில்  ஊற வைக்க வேண்டும். பிறகு முதலில் பெரிய அளவு தட்டு செய்யும் மிஷினில் வைத்து பெரிய தட்டுகளும், அதே மட்டையை அடுத்தடுத்த மிஷினில் வைத்து சிறிய அளவு தட்டுகளையும் செய்யலாம். தற்போது பிரியாணி கண்டெய்னருக்கு மூடிபோட்டு வைக்கவும் தயார் செய்கின்றனர். அதுபோன்று சூப் பௌல், விசிறி, டிபன் தட்டு, ஓவல் வடிவம்,  போன்ற பல வடிவங்களில் செய்யலாம். இதற்கான மிஷின்கள்  தர்மபுரி,  சேலம், கோயம்புத்தூர் ஆகிய இடங்களில் தயாரிக்கப்படுகின்றன. அவர்களே  செய்முறை பயிற்சியையும்  கற்று தருகிறார்கள்.

ஒரு சிலர் பாக்கு மட்டையையும் கொடுத்து நீங்கள் தயாரிக்கும் பொருட்களையும் அவர்களே வாங்கிக் கொள்ளவும் செய்கிறார்கள். இந்த மிஷினை இயக்குவதற்கு வீட்டு உபயோகத்திற்கு பயன்படுத்தும் மின்சாரம் போதுமானது. அதிக இயந்திரங்கள் பயன்படுத்தும்போது உங்கள் தொழிலை மாவட்ட தொழில்  மையத்தில் பதிவு செய்து மின்கட்டண சலுகையும்  பெறலாம். இடவசதி, பொருளாதார வசதி, ஊக்கம் இருந்தால் இந்த காலத்திற்கு அருமையான  தொழில் இது. 

]]>
http://images.dinamani.com/uploads/user/imagelibrary/2018/8/21/w600X390/mn10.jpg http://www.dinamani.com/weekly-supplements/magalirmani/2018/aug/22/இல்லத்தரசியும்-தொழில்-முனைவோர்-ஆகலாம்---20-2984770.html
2984771 வார இதழ்கள் மகளிர்மணி இது புதுசு DIN DIN Wednesday, August 22, 2018 10:00 AM +0530  

தங்க மீன் காத்ரினா கைப்

"பாரத்'  பட த்தின்  இயக்குநர் அலி அப்பாஸ் ஜாபர், நடிகை காத்ரினா கைய்ப்பை  "கோல்ட் பிஷ்' என்று அழைப்பாராம். அண்மையில்  காத்ரினாவை அழைத்து ஸ்கிரிப்ட்  ஒன்றை கொடுத்து,  ""படித்துபார், பிடித்திருந்தால் ஒப்புதல் கொடு'' என்று கூறினாராம்.  கதை பிடித்துப் போக, ஏற்கெனவே அலி அப்பாஸ் இயக்கத்தில் இரு படங்களில் நடித்திருந்ததால் நடிக்க ஒப்புக் கொண்டார்.  "பாரத்'  படத்தில் பிரியங்கா  சோப்ரா நடிக்க இயலாமல் விலகி கொண்ட  பாத்திரத்தில்தான், தற்போது காத்ரினா நடிக்கிறார் என்பதோடு படத்தின் நாயகன்  சல்மான்கான் என்ற தகவலையும், பின்னர்தான் காத்ரினாவிடம் அலி அப்பாஸ் கூறினாராம்.

 

லண்டன் செல்லும் ஷர்மிளா தாகூர்


செப். 7 முதல் 11 -ஆம் தேதி வரை லண்டன் கியாஒவலில் நடைபெறவுள்ள இந்தியா, இங்கிலாந்தின் ஐந்தாவது மற்றும் இறுதி கிரிக்கெட் போட்டியை  காண, காலஞ்சென்ற இந்திய கிரிக்கெட் கேப்டன் மன்சூர் அலிகானின்  மனைவியும், முன்னாள் நடிகையுமான ஷர்மிளா தாகூர் லண்டன்  செல்கிறார். காரணம் 1932 - ஆம்  ஆண்டு இந்தியாவின் முதல் டெஸ்ட் மேட்ச் நடந்து, 2007-ஆம் ஆண்டு 75 ஆண்டுகள் நிறைவடைந்ததன் நினைவாக மெர்ல்போன் கிரிக்கெட் கிளப் உருவாக்கிய  "பட்டோடி டிராபி'யை இந்த தொடரில் வெற்றி பெறும் அணிக்கு வழங்கப் போகிறார்களாம்.

 

18 வயது பெண்ணுக்கு அம்மாவாக பிரியங்கா சோப்ரா


சோனாலி போஸின், "தி  ஸ்கை இஸ் பிங்க்' என்ற இந்தி படத்தில் சயிரா வாசிமுக்கு அம்மாவாக நடிக்க பிரியங்கா சோப்ரா ஒப்புக் கொண்டுள்ளாராம். 18 வயது பெண்ணுக்கு அம்மாவாக நடிக்க முடியுமா என்று கேட்டவுடன், கொஞ்சமும் தாமதிக்காமல் பிரியங்கா ஒப்புக் கொண்டாலும், அவரது தோற்றம் 18 வயது பெண்ணின் அம்மா வேடத்துக்கு பெருந்துமா என்ற தயக்கம் இப்போது,  தயாரிப்பாளருக்கு ஏற்படுள்ளதாம். ஏற்கெனவே பிரியங்கா,  "பியார் இம் பாஸிபிள்' என்ற படத்தில் டீன் ஏஜ் பெண்ணுக்கு தாயாக நடித்துள்ளதால் என்னுடைய அழகு எந்த வகையிலும் குறைந்துவிடாது  என்கிறாராம். 


 சல்மான்கான் படத்தில் நோரா


"சத்யமேவ ஜெயதே' படத்தில் மொராக்கா - கனடியன் அழகி நோரா பட்டேஹி (26) பாடிய "தில்பார்' என்ற பாடல் யூ டியூப்பில் வெளியானபோது உடனடியாக நூறு மில்லியன் பார்வையாளர்கள் கவனத்தை  ஈர்த்துள்ளது. பாலிவுட் படங்களில் நடிக்கும் கனவுடன் இந்தியாவுக்கு வந்துள்ள நோராவின் அதிர்ஷ்டம் அதிரடியாக  சல்மான்கான் நடிக்கும் "பாரத்' படத்தில் முக்கிய பாத்திரத்தில் நடிக்க வாய்ப்பு கிடைத்துள்ளது. "ஒபே டு மை பாதர்'  படத்தில் 5 வித்தியாசமான பாத்திரங்களில் நடிக்கும் சல்மான்கானுடன் நடிக்க வாய்ப்பு கிடைத்திருப்பதை பெருமையாக நினைக்கிறேன்'  என்று கூறும் நோரா,வருண் சர்மாவுடன் நடனமாடிய  "கிகி  சேலஞ்ச்'  வீடியோவும் வைரலாகி பரபரப்பை ஏற்படுத்தியுள்ளது.


முதல் படத்தில் வெற்றி கிடைப்பது அதிர்ஷடம்


""ஒருவர் டாக்டராக வேண்டுமானால் படித்து,  தேர்வு எழுதி பயிற்சிப் பெற்ற பின்னரே  தொழில் செய்ய முடியும். திரைப்படத் துறையில் இதுபோன்ற விதிமுறைகள் இல்லை. பார்வைக்கு சற்று அழகாக இருந்தாலும் போதும். என்னைப் பொருத்தவரை நான் பிரபலமானவரின் மகள்  என்பதால் முதல் முயற்சியிலேயே ( ஸ்டூடண்ட் ஆப் தி இயர்)  வெற்றி கிடைத்துவிட்டது.  முதல் முயற்சியிலேயே உங்களுக்கு வெற்றி கிடைத்தால் அதிர்ஷ்டம்தான். அதன்பிறகு தெய்வம் தான் துணை'' என்கிறார் அலியா பட்.


சமூக சேவையில் மகிழ்ச்சி காண்பவர்


"ஹன்டார்' படத்தின் மூலம் பிரபலமான சாய் தாமான்கர்,  "லவ்சோனியா'  என்ற படத்தில் விலைமாதுவாகவும், தரகராகவும் நடிக்க முன் வந்துள்ளார். ""கிராமத்துப் பெண்களை அழைத்து வந்து மும்பை சிவப்பு விளக்கு பகுதியில் விபசாரத்தில் தள்ளும் அஞ்சலி என்ற கதாபாத்திரத்தில் நடிப்பது  ஒரு சவாலான விஷயமாகும்''  என்று கூறும் சாய் த மான்கர், மராத்தி, இந்தி படங்களில் நடிப்பதோடு,  பானி அறக்கட்டளை மூலம் மகாராஷ்டிரா வறட்சிப் பகுதி மக்களுக்கு தேவையான உதவிகளையும் செய்து வருகிறார். இது அவருக்கு மன நிம்மதியையும், மகிழ்ச்சியையும் அளிக்கிறதாம்.
- அருண்

]]>
http://images.dinamani.com/uploads/user/imagelibrary/2018/8/21/w600X390/mn11.jpg http://www.dinamani.com/weekly-supplements/magalirmani/2018/aug/22/இது-புதுசு-2984771.html
2984772 வார இதழ்கள் மகளிர்மணி ஊதியத்தில் பாலின வேறுபாடு ஏன்?"" - அ.குமார் DIN Wednesday, August 22, 2018 10:00 AM +0530 ஆண் - பெண் பாகுபாடு கூடாது என்று கொள்கை  அளவில் பேசினால் மட்டும்  போதாது. செயல்படுத்த அரசு மட்டுமல்ல, தொழிலதிபர்களும் ஆண்களுக்கு இணையாக பெண்களுக்கும் வாய்ப்பளிக்க  முன் வர வேண்டும்'' என்கிறார் பயோகான் நிறுவனத் தலைவரும், நிர்வாக இயக்குநருமான கிரண் மஜூம்தார் ஷா.
 
""உலக பொருளாதாரத்தில் மறைமுகமாக 50  சதவீதம் பெண்களின் பங்களிப்பு இருப்பதாக நான் நம்புகிறேன். கடந்த பத்தாண்டுகளில் பெண்கள் ஆரோக்கியம், கல்வி, பொருளாதார பங்களிப்பு, அரசியல் தலைமை போன்றவைகளில் குறிப்பிடும் வகையில் முன்னேற்றம் அடைந்திருந்தாலும், சம உரிமை பெறுவதில் ஆண்- பெண் வித்தியாசம் இன்னமும் இருக்கிறது. அண்மையில் உலக பொருளாதார பொது மன்றம் வெளியிட்ட பாலின இடைவெளி அறிக்கையின்படி நம்முடைய நாட்டில் இந்த வித்தியாசம்  மறைய இன்னும்  சில நூற்றாண்டுகள் ஆகுமென்பது  தெரியவந்துள்ளது.

இந்த அறிக்கையின்படி, உதாரணமாக 2017 -ஆம் ஆண்டில் உலக அளவில் பெண்களின் சராசரி ஆண்டு வருமானம் அமெரிக்க டாலர் 12 ஆயிரம் அதே நேரத்தில் ஆண்களின் ஆண்டு வருமானம் அமெரிக்க டாலர் 21 ஆயிரம். ஆண்கள் செய்யும் அதே நேரம், வேலை, இலக்கு அனைத்தும் பெண்களுக்கு இருந்தாலும் ஊதியம் குறைவு. இது உலக அளவில் நடப்பதுதான். பெண்களுக்கு குறைந்த சம்பளம் வழங்குவது மட்டுமல்ல. மூத்த நிர்வாகம் அவர்களுக்குரிய மரியாதையையும் அளிப்பதில்லை. அமெரிக்காவில் உள்ள 500 மிகப் பெரிய நிறுவனங்களிலேயே 4  சதவீதம் பெண்கள் மட்டுமே தலைமை செயல்  அதிகாரி பதவியில் உள்ளனர்.

இந்தியாவில் 2016-ஆம் ஆண்டு மான்ஸ்டர் ஊதிய புள்ளி விவரப்படி ஆண்கள் சம்பாதிக்கும் ஊதியம் மணிக்கு ரூ. 346 என்றால், பெண்கள் ஊதியம் மணிக்கு ரூ.200 ஆகும். இதுபோன்ற பாகுபாடு காரணமாக பெண்களின் கடின உழைப்பு,  தகுதி ஆகியவை ஊதியம் மற்றும் பதவி உயர்வு போன்றவைகளால் பாதிக்கப்படுவதால் நிர்வாகங்களுக்கு பெருமளவில் இழப்பு ஏற்படுகிறது. பொறியியல், கணிதம், கம்ப்யூட்டர் புரோகிராம், அறிவியல், விளையாட்டு போன்றவைகளில் பெண்கள் தங்கள் திறமைகளை நிரூபித்து வருகின்றனர். இந்திய விண்வெளி ஆராய்ச்சி அமைப்பில் உள்ள 20 சதவீதம் விஞ்ஞானிகளில் 13 ஆயிரம் பேர் பெண்கள். என்னுடைய பயோகான் நிறுவனத்திலும் 20  சதவீதம் பெண் விஞ்ஞானிகள் உள்ளனர். 

இந்தியாவில் பெண்கள் மீதான ஆதிக்கம் குறைந்து வருவதாக தெரியவந்திருப்பது நம்பிக்கையை ஏற்படுத்தினாலும்,  அதே நேரத்தில் பாலின பாகுபாட்டிற்கும் முடிவு கட்டுவது அவசியமாகும். பெண்களுக்கு சரிசமமான வாய்ப்புகளை அளிப்பது, பொருளாதாரம் மூலமாக அதிகாரமளிப்பது நியாயமானது மட்டுமல்ல, நாட்டின் பொருளாதாரமும் நல்ல வளர்ச்சி அடையும். அதற்கான உத்திரவாதம் அளிப்பதற்கு முன் நாம் செய்ய வேண்டிய கடமைகளும் உள்ளது.

பெண்கள் உண்மையிலேயே சந்திக்கும் ஆரோக்கியம், கல்வி, வேலை வாய்ப்புக்கான கொள்கை திட்டங்களை நிறை வேற்றுவதுடன், சுயமாக பயன்படுத்திக் கொள்ளும் வகையில் குறிப்பிட்ட தொகையை  அளிக்க ஒப்பந்தம் செய்து கொள்வது அவசியம்.

கல்வி பாட திட்டத்தை பெண்கள் எளிதில்  கிரகித்து   கொள்ளும் வகையில் அமைக்க வேண்டும். பாட புத்தகங்களில் வழக்கமாக இடம் பெறும் படங்களுடன் பெண்களை மேன்மை படுத்தும்படியான  படங்களை சேர்க்க வேண்டும். பெண்களுக்கு அறிவியல்,  தகவல் தொழில் நுட்பம், பொறியியல், கணிதம்   போன்றவைகளை தேர்ந்தெடுத்து கற்க  ஊக்கமளிக்க வேண்டும்.
சமூக மட்டத்தில் பெண்களுக்கு அதிகாரமளிப்பது பெண்கள் கல்வியை உயர்த்த உதவும். எப்போது ஒரு தாய் கல்வி கற்றவளாக, அதிகாரம் மிக்கவளாக, தன் வாழ்க்கையை தானே அமைத்து கொள்பவளாக இருக்கிறாளோ அவள்தான்  தன் பெண்ணை பள்ளிக்கு அனுப்பும் சக்தியுடையவளாக இருப்பாள்.

ஆண்களை விட பெண்களுக்கு ஊதியம் குறைவாக கொடுக்கும் முறை இன்னமும் ஏன் தொடர்கிறது  என்ற கேள்வியை கேட்க வேண்டிய  தேவை உள்ளது. வேலை செய்யும் இடத்தில் ஒரே மாதிரியான வேலை, நேரம் என்றிருக்கும்போது, ஆண்களைவிட பெண்களுக்கு குறைவான ஊதியம் அளிப்பதை எதிர்த்து உலக அளவில் "சமமான ஊதியம், சமமான வேலை' என்ற போராட்டம் நடத்தப்பட வேண்டும். இதற்கான  சட்டமியற்ற அரசு முன் வர வேண்டும்.

உள்ளூர் மாநில  மற்றும்  மத்திய அரசு மட்டத்தில் அரசியலில் பெண்கள் பங்கேற்கும் வாய்ப்புகளை அதிகரிக்க வேண்டும். சட்டமியற்றும் போதும், அரசியலிலும் பெண்கள் தொடர்பான பிரச்னைகளில் தெளிவாக பேச அனுமதிப்பதன் மூலம் ஆண்- பெண் என்ற இடைவெளியை குறைக்க  உதவும். 
காரியதரிசி, செவிலியர், ஆசிரியை, விற்பனையாளர் என குறிப்பிட்ட பணிகளுக்கு மட்டுமே பெண்களை ஒதுக்குவதை தவிர்த்து, அவர்களது திறமைகளுக்கேற்ற பணிகளை வழங்கும் வாய்ப்புகளை அதிகரிக்க வேண்டும். இந்தியாவில் சமூக, பொருளாதார அமைப்புகளில் பெண்கள் ஆரோக்கியத்திற்காக செலவிடும் தொகையை விட ஆண்களுக்கு ஒதுக்கப்படும் தொகை அதிகமாகும். ஆய்வறிக்கைகளின்படி தாயின் ஆரோக்கியத்துக்கு அளிக்கப்படும் உதவிகள்தான் குழந்தைகள் ஆரோக்கியமாக வளர்வதற்கும், நன்னடத்தைக்கும்,  திறமையாக கல்வி கற்பதற்கும் உதவும். அது மட்டுமல்ல, குடும்பத்தினர் நலனுக்கும் பெண்கள் ஆரோக்கியமாக இருப்பது அவசியம்.

பெண்களுக்கு எதிரான வன்முறைகள் தொடர்ந்து அதிகரிக்கின்றன. தற்போதுள்ள பலமற்ற சட்டத்தை இன்னும் கடுமையாக்க அரசு, அவசர நடவடிக்கை எடுக்க வேண்டியது அவசியமாகும். இப்போதுள்ள சட்டத்தில் குற்றவாளிகள் சுலபமாக தப்பிக்க முடிகிறது. இதை தவிர்க்க சிறப்பு நீதிமன்றங்கள் அமைத்து,  பாலியல் வழக்குகளை துரிதமாக விசாரித்து தண்டனை வழங்குவதன் மூலம் பாதிக்கப்படும் பெண்களுக்கு உடனடி நீதி கிடைக்கும்.

பால்ய விவாகங்களை  தடை செய்ய சட்டம் இருந்தாலும், இந்தியாவில் இன்னும்பால்ய விவாகங்கள் நடைபெறுவதை தடுக்க முடியவில்லை. அதிகாரப் பூர்வமான ஆய்வறிக்கையில் இந்தியாவில் நடைபெறும் திருமணங்களில், மூன்றில்  ஒன்று மணமகள் 18 வயதுக்குட்பட்டவளாகவே இருக்கிறார். பால்ய விவாகங்கள் பெண்களின் கல்வியை பாதிக்கும் மிகப் பெரிய இடையூறாக  உள்ளது.  பெண்கள் தடையில்லா கல்வி பெற வேண்டுமெனில்  பால்ய விவாகங்களுக்கு முற்றுப் புள்ளி  வைக்க வேண்டும். இவையனைத்தும் மத்திய அரசு உடனடியாக செய்ய வேண்டியவையாகும்''  இவ்வாறு கிரண் மஜூம்தார் ஷா கூறினார்.

]]>
http://images.dinamani.com/uploads/user/imagelibrary/2018/8/21/w600X390/mn14.jpg http://www.dinamani.com/weekly-supplements/magalirmani/2018/aug/22/ஊதியத்தில்-பாலின-வேறுபாடு-ஏன்-2984772.html
2984775 வார இதழ்கள் மகளிர்மணி கம்பளித்  துணி பராமரிப்பு! - ஆர். மீனாட்சி DIN Wednesday, August 22, 2018 10:00 AM +0530
கம்பளித் துணிகளை வெது வெதுப்பான நீரில்தான்  அலச வேண்டும்.  முறுக்கிப் பிழியக் கூடாது. லேசாகப் பிழிந்து அப்படியே நீர்வடியும்படி கயிற்றில் போட்டுவிட வேண்டும். வெயிலில் உலர்த்தக் கூடாது. கம்பளித் துணிகள் அதிக நாட்கள் உழைக்க இதுதான் வழி.

கம்பளித் துணிகளை வைக்கும் பெட்டியில் படிகாரத்தைத் தூள் செய்து மெல்லிய துணியில் முடிச்சாக  முடிந்து போட்டு  வைத்தால் பூச்சி அரிக்காது.

கம்பளித் துணிகளைத் துவைக்கும்போது தண்ணீரில் சிறிது நவச்சாரம்  கலந்து கொண்டால் துணியின் அழுக்கு நீங்கிப் புதிதாகத் தெரியும். அதே சமயம் பூச்சியும் அரிக்காது.

]]>
http://images.dinamani.com/uploads/user/imagelibrary/2018/8/21/w600X390/mn16.jpg http://www.dinamani.com/weekly-supplements/magalirmani/2018/aug/22/கம்பளித்--துணி-பராமரிப்பு-2984775.html
2984776 வார இதழ்கள் மகளிர்மணி சாதனை பெண்கள் - கே.ராமச்சந்திரன்  DIN Wednesday, August 22, 2018 10:00 AM +0530
மல்லம்மா

கர்நாடக மாநிலம்    கொப்பல் மாவட்டத்தில் தானாப்பூர் என்கிற கிராமத்தில் பத்தாம் வகுப்பு படித்து வந்த இந்த பெண்ணின் வீட்டில் கழிப்பறை இல்லை. அம்மா, "பணம் இல்லை' என்று மறுத்து விடுகிறார். "நீ கழிப்பறை கட்டித் தரும் வரை நான் சாப்பிட மாட்டேன்' என்று உண்ணாவிரதம் இருக்க ஆரம்பித்துவிட்டாள் மல்லம்மா. 

இந்த செய்தி கிராம பஞ்சாயத்து தலைவரை எட்டுகிறது. அவர் மல்லம்மாவுக்கு உதவ முன் வருகிறார். இந்த செய்தி பிரதமர் மோடிக்கும் சென்றது. அவர் அந்த பெண்ணையும், பஞ்சாயத்து தலைவரையும் பாராட்டி  பேசினார். மல்லம்மா வீட்டில் கழிப்பறை வசதி வந்து விட்டது! அவருடைய உண்ணா விரதமும் முடிவடைந்தது!


சுக்ரி


சுக்ரி என்ற பெண்மணி கர்நாடகத்தின் வட கன்னட மாவட்டத்தில் நாட்டுப் பாடல்கள் பாடுவதில் பிரபலமானவர். பத்மஸ்ரீ - விருது பெற்றவர். இவருடைய நினைவில் 5000 நாட்டுப் பாடல்கள் இப்போதும் இருக்கின்றனவாம். இவரது பாடல்கள் கொண்ட ஒரு புத்தகத்தை கர்நாடக ஜனவாத அகாதெமி வெளியிட்டிருக்கிறது. கார்வார் வானொலி நிலையம் இவரது இனிமையான குரலில் பாடிய பாடல்களைப் பதிவு செய்து வைத்திருக்கிறது.

இவரைப்பற்றிய இன்னொரு தகவல் தனது  கணவர் குடிப்பழக்கத்தால்  இறந்து விடவே   பல போராட்டங்களை நடத்தி,  கிராமத்தில் சாராய கடைகளை  மூட வைத்தார். இந்த 80 வயதிலும் வயல்களில் வேலை செய்கிறார். 
 

]]>
http://images.dinamani.com/uploads/user/imagelibrary/2018/8/21/w600X390/mn17.jpg http://www.dinamani.com/weekly-supplements/magalirmani/2018/aug/22/சாதனை-பெண்கள்-2984776.html
2984774 வார இதழ்கள் மகளிர்மணி சரும பிரச்னைகளை போக்க... - பா.பரத்  Tuesday, August 21, 2018 08:43 PM +0530 பெண்களில் சிலருக்கு முகத்தில் முடி வளர்வது ஒரு பெரிய பிரச்னையாக இருக்கும்.  கடைகளில் நிறைய லோஷன்களும், க்ரீம்களும் கிடைக்கின்றன. அவைகளை வாங்கி உபயோகப்படுத்தினாலும் ஒரேயடியாகத் தீர்வு கிடைப்பதில்லை. இதற்கு, நல்ல வைத்தியம் கஸ்தூரி மஞ்சள்.  

கஸ்தூரி மஞ்சள் நாட்டு மருந்து கடைகளில் கிடைக்கும்.  இதனை வாங்கி அத்துடன் கொஞ்சம் பச்சைப் பயறு சேர்த்து வெயிலில் உலர்த்தி மிக்ஸியில் அல்லது மெஷினில் கொடுத்து நைசாக அரைத்து வைத்துக்கொண்டு தினமும் குளிக்கும்போகும் முன் 1 தேக்கரண்டி எடுத்து தண்ணீரில்  குழைத்து முகத்தில் தடவி சிறுது நேரம் வைத்திருந்து பின்னர். நன்கு தேய்த்துக் குளிக்க வேண்டும். கஸ்தூரி மஞ்சளும்  உடனடியாக  முகத்தில் உள்ள முடிகளை  நீக்கி விடாது.

நாளடைவில் தான் போக்கும்; ஆனால், புதிதாக முடிகளை வளரவிடாது. அதனால், தினந்தோறும் விடாமல் கஸ்தூரி மஞ்சள் தூளை முகத்தில் பூசிக் குளித்து வந்தால், விரைவில் முகத்தில் உள்ள தேவையற்ற முடிகள் உதிர்ந்துவிடும். மேலும், நல்ல வழுவழுப்பான முக அழகையும் பெறலாம்.

சரும பிரச்னைகளுக்கு  கஸ்தூரி மஞ்சள் தூளை வெந்நீரில் குழைத்து மேல் பூச்சாகப் பூசி வர வேண்டும்  அல்லது  குளிக்க போகும் முன் கஸ்தூரி மஞ்சள், துளசி ஆகியவற்றைச் சம அளவாகச் சேர்த்து  அரைத்து  உடலில் தேய்த்து, சிறிது நேரம் வைத்திருந்து, வெந்நீரில் குளிக்க வேண்டும்.

குளிப்பதற்கு முன்  கஸ்தூரி மஞ்சள் தூளை பூசுவதற்கு நேரம் கிடைக்கவில்லை என்றால் தினமும் நேரம் கிடைக்கும் போது முகத்தில்  தடவி  வைத்திருந்து  நன்கு காய்ந்ததும் முகத்தை கழுவ வேண்டும்.  இவ்வாறு  செய்து வர  சரும பிரச்னைகள் விரைவில் குணமாகும்.

]]>
http://images.dinamani.com/uploads/user/imagelibrary/2018/8/21/w600X390/mn15.jpg http://www.dinamani.com/weekly-supplements/magalirmani/2018/aug/22/சரும-பிரச்னைகளை-போக்க-2984774.html