Dinamani - வெள்ளிமணி - http://www.dinamani.com/weekly-supplements/vellimani/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3018999 வார இதழ்கள் வெள்ளிமணி மகிஷனை வதைத்த மங்கள நாயகி! - ஆர். அனுராதா DIN Friday, October 12, 2018 12:00 PM +0530 திருச்செந்தூரில் இருந்து 12 -ஆவது கிலோமீட்டரில் கன்னியாகுமரி செல்லும் கடற்கரை சாலையில் அமைந்துள்ளது  குலசேகரன்பட்டினம். சுமார் 800 ஆண்டுகளுக்கு முன்னால் மன்னன் குலசேகரப் பாண்டியனுக்கு அன்னை முத்தாரம்மனாகக் காட்சி தந்து அருளியதாக வரலாறு. குலசேகர ஆழ்வார் காலத்தில் இருந்து இவ்வூரில் அமைந்துள்ள பெருமாள் கோயிலுடன் தொடர்புடையதாக,  அண்ணனும் தங்கையுமாய்  குடிகொண்டு சிறப்பு சேர்த்ததனால், குலசேகர ஆழ்வார்  இவ்வூருக்குத் தன் பெயரையே இட்டு வழங்கியதாகச் சொல்வர். 

மைசூர் தசரா,  "தர்பார் தசரா' எனவும் , குலசேகரப் பட்டினத்து தசரா, "மக்கள் தசரா'  எனவும் அழைக்கப் படுகிறது. வீரகாளி, பத்ரகாளி, கருங்காளி, முப்புடாரி முத்தாரம்மன், உஜ்ஜயினி மாகாளி, மும்முகக்காளி, வண்டி மறித்த காளி  என்னும் 7 காளிகளுடன் முதன்மை பெற்ற சுயம்புவாய் அன்னை முத்தாரம்மனுடன் சேர்ந்து அஷ்டகாளிகள் குடிகொண்ட  ஊர் என்பது சிறப்பாகும்.

கன்னியாகுமரி  மாவட்டத்தில் புகழ்பெற்ற மயிலாடி சிற்பி சுப்பையாஆச்சாரி வீட்டிற்கு  அதிகாலை கனவில் ஓர் ஆணும் பெண்ணும் சர்வாபரணங்களுடன் வந்து, உயர்ந்த மனைப் பலகையில் ஒருசேர தம்பதிகளாய் அமர்ந்து பேசிக்கொண்டு இருந்தார்கள்.  ஒரு பாறையில் தங்களைக் கல்லில் வடித்து  குலசையில் இருந்துவரும் பெரியோர்களிடம் கொடுக்கச் சொல்லி மறைந்து போயினர். கனவில் கடவுள் இட்ட கட்டளைப்படி சிற்பி பீடம் முதல் துவங்கி சிலை செய்தார். குலசை அர்ச்சகர் கனவில் முத்தாரம்மன் தோன்றி, மயிலாடி சென்று சிலை பெற்று வந்து நிறுவ  உத்தரவு  இட்டாள். 

ஊரார்  மயிலாடி சென்று முழுச் சிலையை எடுத்து வந்து சுயம்பு அம்மனுக்கு பின்புறம் வைத்தவுடன் அளவெடுத்து செய்த சிலைபோல ஒரு செவ்வாய்க்கிழமையில் அழகாக அமர்ந்தது.  முத்தாரம்மன் அருள்மிகு ஞானமூர்த்தியாருடன் அம்மை அப்பனாக காட்சி தர, குடமுழுக்கும் நடந்தேறியது. கருவறையில் அம்பாளுக்காக இறைவன் ஞானமூர்த்தீசராக கையில் செங்கோலும் இடக்கையில் விபூதி மடலுடன்  2 கரங்களுடனும் காட்சி தருகிறார். முத்தாரம்மன்  நான்கு கரங்களுடன் உலகை உருவாக்கி, காத்து ரட்சித்து மறைத்து, அருளும் அனைத்துப் பணிகளையும்  இங்கு மேற்கொண்டிருக்கிறாள். ஞானமூர்த்தீஸ்வரரின் பணிகளையும் முத்தாரம்மனே செய்வதால், இங்கு அம்பாளும் ஞானமூர்த்தீஸ்வரரும் பரிவர்த்தனை யோக நிலையில் உள்ளனர்.

இக்கோயிலுக்கு வார செவ்வாய்க்கிழமைகள் முக்கியமான நாள்களாகும். ஒவ்வொரு தமிழ்மாதம் கடைசிச்செவ்வாய் இரவில் திருத்தேர் உலா நடைபெறுகிறது. ஆடிமாதம் 2 -ஆவது செவ்வாய் முளையிடு விழாவும்; 3 -ஆவது செவ்வாய் கொடை விழாவும்; அடுத்த புதன்கிழமை அம்மனுக்கு மஞ்சன நீராட்டு விழாவும் நடைபெறுகிறது. இத்திருக்கோயிலைப் பொறுத்தவரை தசரா திருவிழாவே  முக்கியமானதாகும்.

வரமுனி  அகத்தியர் இட்ட சாபத்தால் எருமைத் தலையும் மனித உடலுடன் கொண்ட மகிஷாசுரன் வேள்வி செய்து வரம் பெற்றான்.  முனிவர்களுக்குப் பல இடையூறுகளைச்  செய்து வந்தான்.  முனிவர்கள் அம்பிகையை  வேண்டினர். அவள் வேள்வி நடக்கும் இடத்தினைச் சுற்றி மாய அரண் ஒன்றை உருவாக்கினாள்.  முனிவர்களும் வேள்வியைத் தொடர்ந்து நடத்தினர். இறுதியில் ஒரு பெண் குழந்தையாய் ஆதிபராசக்தியே  புரட்டாசி அமாவாசை திதியன்று அவதரித்தாள். அக்குழந்தைக்கு லலிதாம்பிகை எனப்பெயரிட்டனர். நவராத்தியின் 9 நாள்களிலும் வளர்ந்த  லலிதாம்பிகை 10 -ஆம் நாள் பராசக்தி வடிவம் தாங்கி மகிஷாசுரனை வதைக்கப் புறப்பட்டாள். அவ்வாறு மகிஷாசுரனை அழித்த 10 -ஆம் நாளே இத்திருக்கோயிலில் "தசரா நாள்"' என அழைக்கப்படுகிறது.  

தசரா திருவிழாவில் அன்னையிடம் அருள்வேண்டியும் அருள்பெற்றோரும் 41 நாள்கள் விரதம்  இருந்து வேஷம்கட்டி  நேர்த்திக் கடன்  செலுத்துவர். ஆண்கள் பெரும்பாலும் காளி வேடம் அணிவர். காளிவேடம் தவிர, கிருஷ்ணர், பலராமன், பரமசிவன், இந்திரன், சந்திரன், ராமன், ஆஞ்சநேயர்,  அரசன், அரசி, குறவன்-குறத்தி , சூரியன், எமதர்மன், காவல்துறை ஆய்வாளர்கள், மோகினிப்பெண், கரடி, கருங்குரங்கு போன்ற பல வேடங்களை பக்தர்கள் அணிவர். சிறு குழந்தைகளுக்கும் வேடமிட்டு தாயார் இடுப்பில் வைத்து அழைத்து வருவதும் உண்டு.

10.10.2018  -அன்று கொடியேற்றத்துடன் தசரா விழா துவங்கியது. ஒவ்வொரு நாளும் ஒவ்வொரு வடிவுடன் ஒவ்வொரு அலங்காரத்தில் அம்மன் திருவீதி உலா நடைபெறுகிறது.  நிறைவாக,  19.10.2018 அன்று 10 -ஆம் நாள் சூலத்திற்கு மகா அபிஷேகம் நடந்து இரவு 12.00 மணிக்கு கடற்கரையில் இருக்கும் சிதம்பரேஸ்வரர் திருக்கோயிலை அம்பாள் அடைவாள்.  பிரார்த்தனையாக வேஷம் கட்டியவர்கள் அன்னையுடன் அணிவகுத்துச் செல்வார்கள்.  முதலில் மகிஷாசுரன் தலை, பின்னர் சிம்மத்தலை, அடுத்து எருமைத் தலை 4 ஆவதாகக் கோழித்தலை ஆகியவற்றைக் கொய்து வெற்றி வாகை சூடிய பின்பு வாணவேடிக்கை நடந்து  திருத்தேரில் திருக்கோயிலுக்கு மேளதாளம் முழங்கத் திரும்பி வருவாள்.

தொடர்புக்கு: 97101 97173/ 046392 50355.

]]>
http://images.dinamani.com/uploads/user/imagelibrary/2018/10/12/w600X390/vm4.jpg http://www.dinamani.com/weekly-supplements/vellimani/2018/oct/12/மகிஷனை-வதைத்த-மங்கள-நாயகி-3018999.html
3018996 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN Friday, October 12, 2018 11:30 AM +0530 *  மற்றவர்களின் நன்மைக்காக வாழ்பவர்களே வாழ்பவர்கள்; மற்றவர்கள் நடைபிணத்துக்குச் சமமானவர்கள்.

*  பிறருக்குச் செய்யும் அற்ப சேவையும்கூட உங்களிடம் பேராற்றலை விழிப்படையச் செய்யும். - சுவாமி விவேகானந்தர்

*  ஒன்றாக இருந்த பிரம்மம் பலவாகப் பெருகியது; அண்டங்களாகவும் அனைத்து உயிர்களாகவும் மலர்ந்தது. எனவே, அனைத்திலும் அமர்ந்து உறைவது பிரம்மமேயாகும். அதுவே நம் உள்ளத்திலும் ஒளிர்கிறது. அதை நாம் "ஆத்மா' என்று சொல்கிறோம். - சாந்தோக்கிய உபநிடதம்   

*  இயற்கையின் இயக்கம் ஒவ்வொன்றுக்கும், மனிதனின் செயல்கள் ஒவ்வொன்றுக்கும் அடிப்படையாக பிரம்மசக்தியே இருக்கிறது. 

*  பிரம்மத்தைப் பற்றி நாவால் பேச இயலாது. ஏனென்றால் நாவைப் பேச வைப்பதே பிரம்மம்தான். - கேனோபநிடதம்

*  பரப்பிரம்மமே ஆகாயம், காற்று, நெருப்பு, நீர், நிலம் என்ற பஞ்ச பூதங்களாக இருக்கிறது. -  பிரச்ன உபநிடதம்

*  ஆரம்பம், நடு, முடிவு ஆகியவை எதுவும் இல்லாதது பிரம்மம்.  - கைவல்ய உபநிடதம்

*  மரணம் நேர்ந்தாலும் சுயநலம் கருத வேண்டாம். சேவை செய்வதை மறக்க வேண்டாம்.

*  பிறர் நன்மைக்காக உழைப்பது மனதின் கோணல்களைத் திருத்துகிறது. - சுவாமி விவேகானந்தர்

*  பிரம்மம் எல்லாவற்றையும் காண்கிறது. அனைத்தையும் அறிகிறது.  - முண்டக உபநிடதம்

*  நம் அகத்தில் ஒளிரும் ஆன்ம ஒளியை, பரத்தில் நிலவும் பிரம்மத்தின் ஒளியோடு ஒன்றாக்க வேண்டும். - சுவேதாஸ்வதர உபநிடதம்

*  ஆத்மானந்தத்தில் திளைத்தவர்கள்  திளைப்பவர்கள் எதற்கும் அஞ்சுவதில்லை. - தைத்திரீய உபநிடதம்

*  அனைத்து மதத்தினரும் சகோதர பாசத்துடன் ஒற்றுமையுடன் சேர்ந்து வாழ வேண்டும். -  குருநானக்
 

]]>
http://images.dinamani.com/uploads/user/imagelibrary/2018/9/6/w600X390/vm2.JPG http://www.dinamani.com/weekly-supplements/vellimani/2018/oct/12/பொன்மொழிகள்-3018996.html
3018994 வார இதழ்கள் வெள்ளிமணி நிகழ்வுகள் Friday, October 12, 2018 11:29 AM +0530
ஸ்ரீ சாரதா நவராத்திரி ஏக கால லட்சார்ச்சனை!

திருப்போரூர்  - செங்கற்பட்டு சாலையில் உள்ள செம்பாக்கம் கிராமத்தில் உள்ள ஸ்ரீ பீடம் ஸ்ரீ பாலசமஸ்தான ஆலயத்தில் ஸ்ரீ சக்ர ராஜசபையில் அம்பிகை மூன்று வடிவில் குழந்தை, குமரி, தாயாக விஸ்வரூப மூலிகைத் திருமேனியில் அருள்பாலித்து வருகின்றாள். ஸ்ரீ சாரதா நவராத்திரி விழாவின் ஒரு பகுதியாக ஆக்டோபர் 19 -விஜயதசமியன்று ஸ்ரீ பாலைக்கு ஏககால லட்சார்ச்சனை வைபவம் நடைபெறுகின்றது. அன்று மாலை ஒன்பது குழந்தைகளுக்கு ஸ்ரீ பாலா (குமாரி) பூஜை நடைபெறுகின்றது. 

தொடர்புக்கு: 97899 21151 /  94453 59228.


நவராத்திரி உத்ஸவம்

திருவாரூர் மாவட்டம் தப்பளாம்புலியூர் கிராமத்தில் எழுந்தருளியிருக்கும் அருள்மிகு நித்ய கல்யாணி அம்பாள் ஆலயத்தில் நவராத்திரி உற்சவம் ஆக்டோபர் 10-இல் தொடங்கி அபிஷேகம் மற்றும் சகஸ்ரநாம பாராயண நிகழ்ச்சிகளுடன் நடைபெற்று வருகின்றது. அக்டோபர் 18-இல் நிறைவு பெறுகின்றது. 

தொடர்புக்கு: 044 - 2431 1096.


நெய்க்குள தரிசனம்!

திருமீயச்சூர்  லலிதாம்பிகை அம்மனின் நெய்க்குளம் தரிசனம் (அக்டோபர் 19) நவராத்திரி காலத்தில் பிரசித்தி பெற்றது. விஜயதசமியன்று மூன்று மூட்டை அரிசியில் சர்க்கரைப்பொங்கல், புளிசாதம், தயிர்சாதம் போன்றவற்றை தயாரித்து தேவியின் சந்நிதியின் முன் வாழையிலை, மட்டை, தென்னை ஓலை ஆகியவற்றின் மீது 15 அடி நீளத்தில் படையலாகப் படைக்கப்படும். சர்க்கரைப் பொங்கலின் நடுவில் பள்ளம் அமைத்து, இரண்டரை டின் நெய் ஊற்றப்படும். தேவிக்கு அலங்காரம் செய்யப்பட்டு தீபங்கள் ஏற்றப்பட்டு திரை விலக்கப்படும் போது தேவியின் பிம்பம் சர்க்கரைப் பொங்கலில் உள்ள நெய்க்குளத்தில் தெளிவாகத் தெரிவதை தரிசிப்பவர்களுக்கு மறுபிறவியே கிடையாது என்பது ஐதீகம். 

- குடந்தை ப. சரவணன் 


நவராத்திரி விழா

திருநெல்வேலி ரயில் நிலையத்திலிருந்து 29 கி.மீ. தொலைவில் உள்ள வடக்கு செழியநல்லூர் கிராமத்திலுள்ள துர்க்காம்பிகை ஆலயத்தில் நவராத்திரி விழா அக்டோபர் 10 -இல் தொடங்கி நடைபெற்று வருகின்றது. முக்கிய விசேஷ நாள்கள்: அக்டோபர் 17- துர்க்காஷ்டமியன்று கன்யா பூஜை, சுவாஸினி பூஜை, அக்டோபர் 18- சரஸ்வதி பூஜை, அக்டோபர் 19- துர்க்கா சூக்த ஹோமம், வனதுர்க்கா மந்திர ஹோமம் நடைபெறும்.

தொடர்புக்கு: 87545 40171 / 97901 22493.


தாமிரவருணி புஷ்கரம்  திருவிழா-2018

144 வருடங்களுக்கு ஒருமுறை நடைபெறும் மஹாபுஷ்கரம் இவ்வாண்டு, தாமிரவருணி புஷ்கரமாகக் கொண்டாடப்படுகிறது. திருநெல்வேலி, குறுக்குத்துறையில் 12.10.2018-ஆம் தேதியன்று ஸ்ரீ காமகோடி பீடாதிபதி ஸ்ரீசங்கர விஜயேந்திர சரஸ்வதி சங்கராசார்ய சுவாமிகள், மடாதிபதிகள், ஆதீன கர்த்தர்கள் தலைமையில் புஷ்கர விழா துவங்கப்பட்டு, 23.10.2018 வரை நடைபெறுகின்றது. தினமும் சதுர்வேத பாராயணம், மஹா ருத்ர ஜபம், சண்டி பாராயணம், காம்யார்த்த ஹோமங்கள் நடைபெறும். மேலும், விஷ்ணு ஸஹஸ்ரநாம பாராயணம், லலிதா ஸஹஸ்ரநாம அர்ச்சனை, ருத்ர க்ரம அர்ச்சனைகள் நடைபெறும்.

தொடர்புக்கு: 98400 53289/  94442 79696.

]]>
http://www.dinamani.com/weekly-supplements/vellimani/2018/oct/12/நிகழ்வுகள்-3018994.html
3018992 வார இதழ்கள் வெள்ளிமணி சுன்னத்தின் உன்னதம் - மு.அ. அபுல் அமீன் DIN Friday, October 12, 2018 11:24 AM +0530 இறைவன் ஒருவன் அவனின் திருத்தூதர் முஹம்மது நபி (ஸல்) அவர்கள் என்று ஏற்றுக்கொள்ளும் ஒவ்வொரு முஸ்லிமும் கட்டாயம் கடைபிடிக்க வேண்டிய கடமைகள் ஈமான், தொழுகை, நோன்பு, ஜகாத், ஹஜ் ஆகிய  ஐந்தும். அவைகளுக்கு பர்லு என்று பெயர்.
உலக மக்கள் உண்மையாய் உயரிய நெறியில் துயரின்றி தூய்மையாய் வாய்மையை பேணி வாழ வழி காட்டினார்கள் பழியறு பாச நபி (ஸல்) அவர்கள். அவர்கள் செய்ததுபோல் ஒவ்வொரு செயலையும் செவ்வனே செய்வது சுன்னத். சுன்னத்தைப் பற்றி பிடித்து உன்னதமாய் வாழ உரைக்கிறது உயர் குர்ஆனின்  3-31 -ஆவது வசனம். "" நபியே, நீங்கள் சொல்லுங்கள். நீங்கள் அல்லாஹ்வை நேசிப்பவர்களாக இருந்தால் என்னைப் பின்பற்றுங்கள், அல்லாஹ் உங்களை நேசிப்பான். இன்னும் அல்லாஹ் உங்களை மன்னிப்பான்''.
சுன்னத்தை எண்ண சுத்தியோடு செய்தால் அல்லாஹ்வின் நேசத்தைப் பெறுவதோடு, அறிந்தோ, அறியாமலோ, தெரிந்தோ, தெரியாமலோ, மறந்தோ செய்யும் தவறுகளுக்கும் அல்லாஹ்வின் மன்னிப்பு கிடைக்கும். அதனால் நபி தோழர்கள் நபிகள் நாயகம் (ஸல்) அவர்களின் நடைமுறைகளைக் கவனித்து அதன்படி ஒழுகினர். ஒல்லும் வகையெல்லாம் ஓவாது செயல்பட்டனர்; செம்மை பெற்றனர். 
ஒருமுறை பெருமானார் (ஸல்) அவர்கள் குழம்பில் இருந்த சுரைக்காய்த் துண்டுகளைத் தேடி எடுத்து சாப்பிட்டதைப் பார்த்ததும் அன்றிலிருந்து நபி தோழர்கள் சுரைக்காயை விரும்பி சாப்பிட்டதாக அனஸ் (ரலி) அவர்கள் அறிவிப்பது புகாரி, முஸ்லிம், முஅத்தா, அபூதாவூத், திர்மிதீ ஆகிய நூற்களில் காணப்படுகிறது. சுரைக்காய் நீர்த் தாவரம். பாலைவனப் பகுதியில் நீர்த்தாவரங்கள் உடலுக்கு உகந்தது. நபி தோழர்கள் நபி வழி நடந்து சுன்னத்தைக் கடைப்பிடித்ததால் எண்ணற்ற பயன்களையும் பெற்றனர்.
வேக வைக்காத பூண்டு உண்பதை உத்தம நபி (ஸல்) அவர்கள் விரும்பவில்லை என்பதையறிந்ததும் நாங்களும் பச்சைப் பூண்டு தின்பதைத் திண்ணமாய் விட்டு விட்டோம் என்று எம்பெருமானார் அவர்களின் அருமைத் தோழர் அலி (ரலி) அவர்கள் அறிவிப்பது அபூதாவூத், திர்மிதீ நூல்களில் காணப்படுகிறது. பச்சைப் பூண்டின் வாடை பலமணி நேரம் வாயில் வீசும். பேசும் பொழுது அவ்வாடை பிறரை முகம் கோண செய்யும். பிறரை வெறுப்புக்காளாக்காது காப்பாற்றவே பச்சைப் பூண்டு உண்பதை உதறினார்கள் உத்தம நபி (ஸல்) அவர்கள்.
தைமூர் பரம்பரை தார்த்தாரிய சமூக தலைவன் தைமூர் சமர்கந்த் ஆட்சியைக் கைப்பற்றும் முதல் முயற்சியில் தோல்வியுற்று ஒரு கிழவியின் குடிசையில் ஒளிந்தான். அந்த குடிசையில் வாழ்ந்த கிழவி தைமூருக்கு ஒரு தட்டில் கூழ் கொடுத்தாள். பசியில் பரிதவித்த தைமூர் தடாலடியாய் தட்டின் நடுவில் கையை வைத்தான், சூடு தாங்காமல் அலறி கையை உதறினான். பதறாமல் பாட்டி சொன்னாள், ""தட்டின் நடுவில் கை வைத்தால் சுடாமல் சுகமாகவா இருக்கும்? ஓரத்திலிருந்து சாப்பிடு''. 
கூழைக் குடித்தபின் தைமூர் அமைதியாய் அமர்ந்து அல்லாஹ்விற்கு நன்றி நவின்று ஆற அமர யோசித்தான். நபிகள் நாயகம் (ஸல்) அவர்கள் சாப்பாட்டிற்குள் விரல் முழுவதையும் நுழைக்கமாட்டார்கள் என்ற நினைவு வந்தது. பசியில் பத்தும் பறந்து போகும் என்றபடி எத்தனை சுன்னத்துகளைப் பின்பற்றாமல் விட்டுவிட்டோம் என்ற எண்ணமும் எழுந்தது. 
""அல்லாஹ்வைப் புகழ்ந்து துதித்து உணவு உண்ண வேண்டும்'' அறிவிப்பவர்- ஹுதைபா (ரலி) நூல்- முஸ்லிம், அபூதாவூத்.
""உணவின் நடுவில் அபிவிருத்தி இறங்குகிறது. எனவே, உணவின் இரு ஓரங்களில் கீழ்ப்பகுதியிலிருந்து உண்ணுங்கள், அதன் நடுவிலிருந்து உண்ணாதீர்கள்'' அறிவிப்பவர்- இப்னு அப்பாஸ் (ரலி) நூல்- அபூதாவூத், நஸஈ.
இந்த நபி மொழிகள் சாப்பாட்டிற்கு மட்டுமல்ல சகல காரியங்களுக்கும் பொருந்தும். சண்டித்தனமாக சட்டென்று அரண்மனைக்குள் அடாவடியாக புகுந்து ஆட்சியைக் கைப்பற்ற முடியாது என்பதை உணர்ந்த தைமூர் கைக்கருகில் உள்ள கீழ்ப்புறத்திலிருந்து சாப்பிட துவங்குவது போல எந்த ஓரத்திலிருந்து எந்த பகுதியைத் தாக்கத் துவங்கினால் எளிதாக வெற்றி கிட்டும் என்று திட்டமிட்டு சமர்கந்தைப் பிடித்து ஆட்சியில் அமர்ந்து, பின்னர் தோல்வி காணாது 35 ஆண்டுகளில் 27 நாடுகளை வென்றான்.
பாரசீக நாட்டின் பேரரசரான தைமூர் ஒரு பொழுதும் தன்னைப் பேரரசர் என்று சொன்னதே இல்லை. பெருமானார் நபி (ஸல்) அவர்கள் வழியில் அல்லாஹ்வின் அடிமையாகிய தைமூர் கூறுவதாக அனைத்து ஆவணங்களிலும் கட்டளைகளிலும் கடிதங்களிலும் எழுதினான் தைமூர். 
நாமூம் நபி வழியை நன்கறிந்து சுன்னத்தின் உன்னதத்தை உணர்ந்து நடந்து உயர்வு பெறுவோம்.

]]>
http://www.dinamani.com/weekly-supplements/vellimani/2018/oct/12/சுன்னத்தின்-உன்னதம்-3018992.html
3018991 வார இதழ்கள் வெள்ளிமணி தேவையுள்ளவர்களுக்கு உதவி செய்வோம்! -ஒய்.டேவிட் ராஜா DIN Friday, October 12, 2018 11:23 AM +0530 இயேசு நல்ல சமாரியன் உவமையைப் பல்வேறு காரணத்திற்காக கூறினார். இயேசுவைச் சுற்றியிருந்த ஜனங்களின் மத்தியிலே அநேகர் அவரது வார்த்தையை ஆவலோடு கேட்டுக் கொண்டிருந்தார்கள். அப்பொழுது ஒரு நியாய சாஸ்திரி அங்கு வருகிறார். நியாய சாஸ்திரிகள் என்பவர்கள், நியாய பிரமாணத்தை நன்கு கற்று, அதை கைக்கொள்ளுகிறவர்களுமாய் இருந்தார்கள். இவர்கள் நியாயப்பிரமாணத்திலே எழும்புகிற கேள்விக்கெல்லாம் சரியான விளக்கம் தருவார்கள். இப்படிப்பட்டவர்களில் ஒருவர் எழுந்து இயேசுவை சோதிப்பதற்காக, ""போதகரே, நித்திய ஜீவனைச் சுதந்தரித்துக்கொள்ளும்படிக்கு நான் என்ன செய்யவேண்டும்'' என்று கேட்டான். அதற்கு இயேசு: நியாயப்பிரமாணத்தில் என்ன எழுதியிருக்கிறது? நீ வாசித்திருக்கிறது என்ன என்றார். அவன் பிரதியுத்திரமாக: உன் தேவனாகிய கர்த்தரிடத்தில் உன் முழு இருதயத்தோடும் உன் முழு ஆத்துமாவோடும் உன் முழுப் பலத்தோடும் உன் முழுச் சிந்தையோடும் அன்புகூர்ந்து, உன்னிடத்தில் அன்புகூருவதுபோலப் பிறனிடத்திலும் அன்புகூருவாயாக என்று எழுதியிருக்கிறது என்றான்  (லூக்.10:25-27). உடனே ஆண்டவராகிய இயேசுகிறிஸ்து அந்த நியாயசாஸ்திரியைப் பார்த்துச் சொல்லுகிறார்:  நிதானமாய் உத்தரவு சொன்னாய்; அப்படியே செய், அப்பொழுது பிழைப்பாய் என்றார்  (லூக்.10:28). அத்தோடு விடவில்லை மேலும் அவன் தன்னை நீதிமானாக காட்டிக் கொள்ள மறுபடியும் ஒரு கேள்வி கேட்கிறான்:  ""எனக்குப் பிறன் யார்? என்றான். அப்பொழுது இயேசு, இந்த உவமையைச் சொன்னார். 
ஒரு மனுஷன் எருசலேமிலிருந்து எரிகோவுக்குப் போகையில் கள்ளர் கையில் அகப்பட்டான். அவர்கள் அவன் வஸ்திரங்களை உரிந்துகொண்டு, அவனைக் காயப்படுத்தி, குற்றுயிராக விட்டுப் போனார்கள்.
அப்பொழுது தற்செயலாய் ஒரு ஆசாரியன் அந்த வழியே வந்து, அவனைக் கண்டு, பக்கமாய் விலகிப் போனான். அந்தப்படியே ஒரு லேவியனும் அந்த இடத்திற்கு வந்து, அவனைக் கண்டு, பக்கமாய் விலகிப் போனான்.
பின்பு சமாரியன் ஒருவன் பிரயாணமாய் வருகையில், அவனைக் கண்டு, மனதுருகி, கிட்ட வந்து, அவனுடைய காயங்களில் எண்ணெயும் திராட்சை ரசமும் வார்த்து, காயங்களைக் கட்டி, அவனைத் தன் சுயவாகனத்தின் மேல் ஏற்றி, சத்திரத்துக்குக் கொண்டுபோய் அவனைப் பராமரித்தான். மறுநாளிலே தான் புறப்படும்போது இரண்டு பணத்தை எடுத்து, சத்திரத்தான் கையில் கொடுத்து: நீ இவனை விசாரித்துக்கொள், அதிகமாய் ஏதாகிலும் இவனுக்காகச் செலவழித்தால் நான் திரும்பி வரும்போது அதை உனக்குத் தருவேன் என்றான் (லூக்.10:30-37). 
இப்படியிருக்க, கள்ளர் கையில் அகப்பட்டவனுக்கு இந்த மூன்றுபேரில் எவன் பிறனாயிருந்தான்?  உனக்கு எப்படித்தோன்றுகிறது என்று இயேசு அவனிடம் கேட்டார்.  அதற்கு அவன்: அவனுக்கு இரக்கஞ்செய்தவனே என்றான். அப்பொழுது இயேசு அவனை நோக்கி: நீயும் போய் அந்தப்படியே செய் என்றார்.
மேலும் இந்த உவமையிலே ஆண்டவர் கற்றுக் கொடுக்கிற போதனை என்னவென்றால் அன்பு. உண்மையான அன்பு என்றால் என்ன? உண்மையான அன்பைக் குறித்து கேள்வி கேட்ட நியாய சாஸ்திரிக்கு ஆண்டவர் சரியான பதில் கொடுக்கிறார், சரியான விதத்திலே அந்த அன்பை விளக்குகிறார். தேவையுள்ளவர்களுக்கு இரக்கம் பாராட்டி உதவி செய்வதே அன்பு. அனைவரிடத்திலும் அன்புசெலுத்துவதே சிறந்த இறைபக்தியாகும். 

]]>
http://www.dinamani.com/weekly-supplements/vellimani/2018/oct/12/தேவையுள்ளவர்களுக்கு-உதவி-செய்வோம்-3018991.html
3018990 வார இதழ்கள் வெள்ளிமணி தலைநகரில் அதிருத்ர, சகஸ்ரசண்டி ஹோமம்! - எஸ். ஸ்ரீநிவாஸன் DIN Friday, October 12, 2018 11:18 AM +0530 புதுதில்லி சரோஜினி நகரில் உள்ள ஸ்ரீ விநாயகமந்திர் கடந்த 60 வருடங்களாக வழிபாட்டில் உள்ளது. ஆகம சாஸ்திர விதிகளின்படி தகுந்த நபர்களைக் கொண்டு நித்ய பூஜை, வழிபாடுகள், பிரதோஷ வழிபாடுகள், ராஜராஜேஸ்வரி அம்மனுக்கு உண்டான பூஜை, ஆஞ்சநேயர் வழிபாடு எனஅனைத்தும் சிறப்பாக நடைபெறுகின்றது.  டில்லிவாழ் தமிழர்கள் மட்டுமின்றி வட இந்தியர்களும் தினசரி வந்து தரிசனம் செய்கின்றனர். 

ஸ்ரீ விநாயக மந்திர் கமிட்டி என்ற அமைப்பின் கீழ் திறம்பட நிர்வாகிக்கப்பட்டுவரும் இந்த ஆலயத்தில் தொடர்ந்து 6 -ஆவது தடவையாக அதிருத்ர பாராயண நிகழ்ச்சி அக்டோபர் 21 முதல் 26 வரையும்; சகஸ்ர சண்டிஹோம நிகழ்ச்சி அக்டோபர் 27 முதல் நவம்பர் 3 வரையும் நடைபெறுகின்றது. நூற்றுக்கும் மேற்பட்ட வேத விற்பன்னர்கள் பாராயண, ஹோம வைபவங்களில் பங்கேற்கினறனர்.

உலக நன்மையை கருதியும் அமைதி வேண்டியும் பாரத நாடு மேன்மேலும் சுபீட்சம் அடையவும் இந்த சிறப்பு பாராயண, ஹோமங்கள் பெரிய அளவில் நடத்தப்பட உள்ளதாகவும், தலைநகரில் நடைபெற உள்ள இந்த பைவங்களுக்கு தாராளமான உதவி அளிக்குமாறும் கமிட்டியினர் வேண்டுகோள் விடுத்துள்ளனர்.  

தொடர்புக்கு:  ஸ்ரீ.ஆ.கல்யாணராமன்- 98113 46932 .

]]>
http://www.dinamani.com/weekly-supplements/vellimani/2018/oct/12/தலைநகரில்-அதிருத்ர-சகஸ்ரசண்டி-ஹோமம்-3018990.html
3018989 வார இதழ்கள் வெள்ளிமணி அரியப்பாக்கத்தில் அட்சராப்பியாசம்! - வெ. உமா DIN Friday, October 12, 2018 11:17 AM +0530 கல்விக்கடவுளான சரஸ்வதி தேவி சிவாலயங்களில் தனி சந்நிதி பெற்றும், சில தலங்களில் துர்கா, லஷ்மி, சரஸ்வதி என்று முப்பெரும் தேவிகளாகவும் எழுந்தருளியுள்ளாள். வெகு சில இடங்களிலேயே  தனி ஆலயங்கள் உள்ளன. அவ்வரிசையில் சென்னைக்கு அருகில் கலைமகளுக்கு ஒரு தனி ஆலயம் அமைந்துள்ளது. கூத்தனூரை அடுத்து சரஸ்வதி தேவிக்கு அமைந்த இரண்டாவது தனிக்கோயில் என பெருமையாகப் பேசப்படுகின்றது.
சென்னை பெரம்பூர் பகுதியிலிருந்து பல ஆண்டுகளாக திருமலை திருப்பதிக்கு பாத யாத்திரையாக செல்லும் சிவா விஷ்ணு சேவார்த்திகள் சங்கம் என்ற அமைப்பைச் சேர்ந்த அன்பர்கள் தங்கள் பயணத்தின் போது இளைப்பாறும் பொருட்டு பெரியபாளையத்திலிருந்து ஊத்துக் கோட்டை செல்லும் வழியில் உள்ள அரியப்பாக்கம் கிராமத்தில் வயல்கள் நடுவே உள்ள ஓர் இடத்தில் தங்குவது வழக்கம். அந்த இடத்திலேயே சரஸ்வதி தேவிக்கு அபூர்வமாக ஓர் ஆலயம் கட்ட தீர்மானித்து, அடுத்து வந்த வருடங்களில் அதை முறைப்படி செயல்படுத்தி, கடந்த 2015 -ஆம் வருடம் மே 1- ஆம் தேதி குடமுழுக்கு வைபவத்தை இனிது நடத்தினர். மேலும், ஆலய நிர்வாகங்களை திறம்பட நடத்துவதற்கு வித்யாரம்ப ஞானமகாசரஸ்வதி டிரஸ்ட் என்ற அமைப்பும் ஏற்படுத்தப்பட்டுள்ளது.
கருவறையில் பீடத்துடன் சுமார் 8 அடி உயரத்தில் அமர்ந்த கோலத்தில் அபயவரத ஹங்தங்களுடன், பின் கரங்களில் ஜபமாலை, ஏட்டுச் சுவடிகள் தாங்கி, வலது காலை மடித்துக் கொண்டு மடியில் வீணையுடன் ஞானசரஸ்வதி என்ற திருநாமம் கொண்டு அருளும் நான்முகனின் நாமகள் காட்சி தரும் அழகை இன்றைக்கெல்லாம் சேவித்துக்கொண்டே இருக்கலாம். இவ்வாலயத்தில் நவராத்திரி விழா அக்டோபர் 10 - இல் தொடங்கி தினசரி அபிஷேகம், அலங்காரம், சகஸ்ரநாம பாராயணங்களுடன் நடந்து வருகிறது. அக்டோபர் 19 - விஜயதசமி. அன்று கல்வி பயில தொடங்கும் குழந்தைகளுக்கு அட்சராப்பியாசம் வைபவம் நடைபெற உள்ளது. பேச்சுத்திறன் குறைபாடு உள்ள குழந்தைகளுக்கு அம்பாளை வேண்டிக் கொண்டு வெள்ளி ஊசியால் நாக்கில் எழுதப்படும். அன்று முழுவதும் பக்தர்கள் பங்கேற்கலாம். அர்ச்சனைப் பொருட்களுடன் அவசியம் தேன் வாங்கி வரவேண்டும். 

பெரியபாளையத்திலிருந்து 1 கி.மீ தூரத்தில் இந்த ஆலயம் உள்ளது. 
தொடர்புக்கு: ஆலய அர்ச்சகர்: 91235 82605 / 98408 77018.
 

]]>
http://images.dinamani.com/uploads/user/imagelibrary/2018/10/12/w600X390/vm3.jpg http://www.dinamani.com/weekly-supplements/vellimani/2018/oct/12/அரியப்பாக்கத்தில்-அட்சராப்பியாசம்-3018989.html
3018988 வார இதழ்கள் வெள்ளிமணி பெண்களின் வாழ்க்கையில் குருபகவான்! DIN DIN Friday, October 12, 2018 11:15 AM +0530 குருபகவான் பெண்களின் ஜாதகத்தில் பலம் பெற்று இருப்பதைக் கொண்டும் அவர் பார்வை நல்ல இடங்களுக்கு அமைவதைக் கொண்டும் (குறிப்பாக, மாங்கல்ய ஸ்தானத்திற்கு குருபகவானின் பார்வை, சேர்க்கை சிறப்பு) அவர் பெறும் பாக்கியங்களைக் கூறமுடிகிறது. 

ஒரு பெண்ணின் ஜாதகத்தில் குருபகவான் ஆட்சி, உச்சம் பெற்று, ஆதிபத்யச் சிறப்பு பெற்று பலம் உயர்ந்திருக்கும் நிலைமையில் போது, அவருக்கு அனைத்துச் சிறப்புகளும் தேடாமலேயே கிடைத்துவிடும். அவர் மாதர் குல மாணிக்கமாகத் திகழ்வார். இதை வடமொழியில் "ஸ்த்ரீனாம் குருபலம் ஸ்ரேஷ்டம்' என்று கூறப்படுகிறது. தன காரகர், புத்திர காரகர், பர்த்துரு காரகர் என்று அழைக்கப்படும் குருபகவான், பெண்களுக்கு பணம், குழந்தை, கணவர் ஆகிய மூன்றையும் நல்லபடியாக வழங்குவார்.

எல்லையற்ற பரம்பொருளின் பிரதிநிதித்துவம் பெற்ற குருபகவானின் பார்வை பெற்றால்தானே இந்த உலகம் தழைத்து, செழித்து, கொழித்து வளம் பெற முடியும். தனது அருள்பார்வையை பெண் ஜாதகத்தில் 5,7,9 -ஆம் இடங்களில் பதித்து நல்ல கணவன் மூலம் நல்ல குழந்தைகளைக் கொடுத்து உலகம் போற்றும் உத்தமிகளை உண்டாக்குகிறார். குருபலத்தினால் திருமாங்கல்யத்தையும் சகல ஐஸ்வர்யங்களையும் தந்து, கௌரவம் அளித்து தெய்வநிலையை உண்டாக்குகிறார். 

தர்மசிந்தனையை வாரி வழங்கி உன்னதத் தாயாக்குகிறார். உயர் பதவியை உண்டாக்கி உற்றார் உறவினர்களின் பாராட்டுகளைத் தேடித் தருவார். யோக காரகரான குருபகவானால் தீர்க்காயுளும், சகல ஐஸ்வர்யங்களும், உயர்ந்த அந்தஸ்துமுள்ள கணவரை அடைகிறார். சமூகத்தில் உயர்ந்த இடத்தைப் பிடித்து செல்வ சீமாட்டியாகப் பலர் போற்றும் பண்பின் சிகரமாகத் திகழ்கிறார். இல்லத்து அரசியாக்கி, இல்லத்தின் தலைவியாக்கி அந்த வீட்டுக்குரிய அனைத்து தகுதிகளையும் ஏற்படுத்தித் தருவார்.  இனிய இல்லறத்தை ஏற்படுத்தி, தானும் வாழ்ந்து, தான் பெற்ற மக்களையும் வளர்த்து மக்களுக்கு நன்மை செய்கிறார். இத்தகைய அருளை வழங்கும் பொன்னவன் என்ற குருபகவானை பெண்கள் அனைவரும் போற்றி வணங்கி எல்லா வளங்களையும் பெற்று பெண் இனத்திற்கே பெருமை சேர்ப்போம்.

]]>
http://images.dinamani.com/uploads/user/imagelibrary/2015/5/16/14/w600X390/shridakshinamurthi.jpg http://www.dinamani.com/weekly-supplements/vellimani/2018/oct/12/பெண்களின்-வாழ்க்கையில்-குருபகவான்-3018988.html
3018987 வார இதழ்கள் வெள்ளிமணி வையங்காக்கும் வராகன்!  - எஸ்.வெங்கட்ராமன் DIN Friday, October 12, 2018 11:09 AM +0530 உலகினைக் காக்கும் பொருட்டும், தர்மத்தை நிலை நாட்டவும் திருமால் எடுத்த அவதாரங்கள் பலவாயினும், சிறப்பித்துச் சொல்லப்படுபவை தசாவதாரங்கள் பத்தும் ஆகும். வடமொழி இலக்கியங்களில் மட்டுமல்லாமல் சங்க இலக்கியமான பரிபாடலிலும் தசாவதாரங்களைப் பற்றி குறிப்பிடப்பட்டுள்ளன. இவற்றுள், வராக அவதாரம் தனித்தன்மை வாய்ந்தது. ஆழ்வார்கள் அனைவராலும், வேதாந்த தேசிகராலும், ஸ்ரீ பராசரபட்டராலும் உயர்வாகப் போற்றி துதிக்கப்பட்டுள்ளது. தனது திவ்யப் பிரபந்த பாசுரங்களில், பொய்கை யாழ்வார், த்ரிவிக்ரம அவதாரத்தில் ""நீ உலகை அளக்கும்போது பூவுலகமானது உன்னுடைய திருவடியளவு ஒத்திருந்தது. ஆனால் அதே பூவுலகம் நீ வராகப் பெருமானாய் வந்தபோது உன் இரண்டு கோரை பற்களுக்கிடையில் சிக்குமளவிற்கு சிறியதாய் அமைந்திருந்தது. என்னே உன் திருமேனி! என்னே உன் பெருமை'' என்று போற்றிப்பாடியுள்ளார். நாம் வாழும் இந்த பூமி வராகப்பெருமானால் இரண்யாட்சன் என்ற அசுரனிடமிருந்து மீட்டு வரப்பட்டதால் இந்த காலப்பகுதியை "சுவேத வராக கல்பம்' என்று கூறுவார்கள். உலகில் எந்த பகுதிக்கும் இது பொருந்தும். பூஜைகளை முன்னெடுத்து செய்யும் போது "ஸ்வேத வராக கல்பே' என்று தான் சங்கல்பம் செய்து கொள்ளுவது நடைமுறை.

வராகப்பெருமானுக்கு நாடெங்கும் ஸ்ரீ முஷ்ணம் உட்பட பல திருக்கோயில்கள் அமைந்துள்ளன. வராஹ வழிபாடு தொன்மையானது. அவ்வரிசையில் திருவண்ணாமலை மாவட்டத்தில் வந்தவாசி- திண்டிவனம் வழியில் தெள்ளாரிலிருந்து 3 கி.மீ. தொலைவில் உள்ளது கொடியாலம் கிராமம். இங்குள்ளது ஸ்ரீ அம்புஜவல்லி தாயார் சமேத ஸ்ரீ ஆதி பூவராகர் கோயில். விக்ரமாதித்ய சோழன் காலத்துக் கல்வெட்டுக் குறிப்புகளின்படி சுமார் 1100 ஆண்டுகளுக்கு முன் ஏற்பட்ட பழைமையான ஆலயம் எனத் தெரியவருகின்றது.

சோமுகாசூரன் என்னும் அரக்கன் வேத நூலினை மறை விடமான அதல, சுதல, பாதாளத்தில் வைத்துவிட்டான். தேவர்கள், ரிஷிகள் மும்மூர்த்திகளிடம் முறையிட்டனர். அதற்கு இசைந்த திருமால் தனது வராக அவதாரத்தின் போது பூமியை மீட்கும் தருணத்தில் சோமுகாசூரனை வதம் செய்து வேதத்தையும் மீட்டுத்தந்தார் என்ற ஒரு வரலாறு, இத்தலத்தோடு சம்பந்தப்படுத்தி கூறப்படுகின்றது.

சிறிய அழகிய ஆலயம். நுழைவுவாயிலில் தீபஸ்தம்பம். கருவறையில் எம்பெருமான் வாராக மூர்த்தியாய் அபயவரத ஹஸ்தத்துடன் சங்குசக்ரதாரியாய், இடது கை பூமிப்பிராட்டியை அணைத்த கோலத்தில் (இத்தலத்தில் பூமி பிராட்டியே திருமகளாக சேவை சாதிப்பதாக ஐதீகம்) வலது காலை கீழே தொங்கவிட்டுக்கொண்டு அருளும் அற்புதக் கோலம். பூமி தேவியின் ஒரு விழி எம்பெருமானை நோக்கியும், மறு விழி நம்மை நோக்கியும் நமது குறைகளை எம்பெருமானிடத்தில் பரிந்துரைக்கும் பாணியில் உள்ளது சிறப்பு. அம்புஜவல்லித் தாயார் அதிசௌந்தர்ய ரூபத்துடன் தனி சந்நிதி கொண்டுள்ளாள். காஞ்சிப் பேரருளாளனின் அபிமான ஸ்தலமாக உற்சவர் வரதராஜரையும், தாமரை அல்லி மலர்களை கைகளில் இடம் மாறி வைத்திருக்கும் ஸ்ரீதேவி, பூதேவி மார்களையும் இங்கு தரிசிக்கலாம். சுவாமிதேசிகனின் உற்சவ திருமேனி வழிபடப்படுகின்றது. பெரிய திருவடிக்குப்பதில், சிறிய திருவடியே (ஆஞ்சநேய மூர்த்தி) அஞ்சலி ஹஸ்தத்தோடு எம்பெருமானின் சந்நிதியை நோக்கியவாறு காணப்படுகின்றார்.

இது ஒரு சிறந்த தோஷ பரிகார நிவர்த்தி தலமாகும். பன்றி, பாம்பின் மீது வாகனங்கள் ஏற்றிவிட்டால் ஏற்படும் தோஷம், வீடு, மனை வாங்கி விற்பதில் ஏற்பட்ட சட்ட சிக்கல்கள், எதிரிகள் தொல்லை நீங்க வேண்டியும், மற்றும் திருமணத் தடங்கல்கள் நீங்கவும் இவ்வாலயத்திற்கு வந்து வராகமூர்த்திக்கு திருமஞ்சனம் செய்வித்து வழிபட்டால் உடனடி பலன் கிடைக்கின்றது என்ற நம்பிக்கையில் சேவார்த்திகள் வருகின்றனர்.

இவ்வாலயத்தில் பிரதிமாதம் உத்திரட்டாதி நட்சத்திரத்தன்றும், ஆண்டு தோறும் வராக ஜயந்தியன்றும், புரட்டாசி சனிக்கிழமைகளிலும் நவராத்திரியில் சரஸ்வதி பூஜையன்றும் பெருமாள், தாயார் சிறப்பு திருமஞ்சன வழிபாடும், சாத்து முறையும், அன்னதானமும் நடைபெறுகின்றது. ஸ்ரீ முஷ்ணம் கோயில் போலவே கோரைக்கிழங்கு மாவு பிரசாதமாக அளிக்கப்படுகின்றது.

இவ்வாண்டு, அக்டோபர் 13 -ஆம் தேதி, கடைசி புரட்டாசி, சனிக்கிழமை தினத்தன்றும், அக்டோபர் 18 - சரஸ்வதி பூஜையன்றும், அக்டோபர் 23 - உத்திரட்டாதி நட்சத்திரத்தன்றும், மேற்படி வைபவங்கள் நடைபெற உள்ளதாக ஆலய அர்ச்சகர் தெரிவிக்கின்றார்.  

தொடர்புக்கு: 84282 11490 / 99769 49938.

]]>
http://images.dinamani.com/uploads/user/imagelibrary/2018/10/12/w600X390/vm2.jpg http://www.dinamani.com/weekly-supplements/vellimani/2018/oct/12/வையங்காக்கும்-வராகன்-3018987.html
3018985 வார இதழ்கள் வெள்ளிமணி பொருநை போற்றுதும்! - 11 - டாக்டர் சுதா சேஷய்யன் Friday, October 12, 2018 11:07 AM +0530 இசைத் துறையில் தாமிரவருணித் தீரத்தின் பங்களிப்பு என்றெடுத்தால், அதுவும் ஒரு ஜீவநதிதான்!

பூர்வீகம், பாலாற்றங்கரை விரிஞ்சிபுரம். இருப்பினும், பாட்டனாரின் காலத்திலேயே (18 -ஆம் நூற்றாண்டின் இடைப்பகுதி), காவிரிக்கரைக்குக் குடும்பம் குடிபெயர்ந்தது. 19- ஆம் நூற்றாண்டின் தொடக்க ஆண்டுகளில், குடும்பத்தின் கடைக்குட்டி மகனான பாலாசுவாமி, வேங்கடேஸ்வர எட்டப்ப ராஜாவின் ஆதரவால், எட்டையபுரத்தில் குடியேறினார். பின்னர் வந்த ஆண்டுகளில், மூத்த சகோதரரான முத்துசுவாமியும் எட்டையபுரத்தை அடைந்தார். 

1820-30 களில், சங்கீத மும்மூர்த்திகளில் ஒருவரான முத்துசுவாமி தீக்ஷிதரும் இவருடைய இளைய சகோதரர் பாலாசுவாமி தீக்ஷிதரும் எட்டையபுர ஆஸ்தானப் புலவர்களாகவும் வித்வான்களாகவும் திகழ்ந்தனர். 1835, அக்டோபர் 21-ஆம் நாள், எட்டையபுரத்திலேயே முத்துசுவாமி தீக்ஷிதர் சமாதியடைந்தார். தீக்ஷித சகோதரர்களால் உருவான சிஷ்ய பரம்பரை, பொருநையின் இசைப் பங்களிப்புக்கு மெருகு சேர்த்தது. 

தென்னிந்திய இசை தேவதை, பாலாசுவாமி தீக்ஷிதர் வழியாக வயலின் என்னும்  ஆபரணத்தைப் பெற்றாள் என்பது உலகறிந்த தகவல். பாலாசுவாமி தீக்ஷிதரின் மகள் அன்னபூரணியின் மகன் சுப்பராம தீக்ஷிதர்(1839-1906), தொடக்கத்தில் தாயிடமிருந்து இசை, சமஸ்கிருதம், தெலுங்கு ஆகியவற்றைக் கற்ற இவர், பின்னர், விளாத்திகுளம் கிருஷ்ண அமாத்தியரிடம் நாடகம், காவியம், அலங்காரம், வியாகரணம், சந்தஸ் போன்ற நுட்பங்களைப் பயின்றார். எட்டையபுர சமஸ்தான வித்வானாக விளங்கிய பாலாசுவாமி தீக்ஷிதர், ஐந்து வயது சுப்பராமரைத் திருவாரூரிலிருந்து எட்டையபுரத்திற்கு அழைத்துச் சென்று,  தம்முடைய மகனாகச் சுவீகரித்துக் கொண்டார். பின்னாட்களில், சுப்பராம தீக்ஷிதரும் எட்டையபுர சமஸ்தான வித்வான் ஆனார். பல்வேறு கிருதிகள், வர்ணங்கள் ஆகியவற்றை ஆக்கியுள்ளார். 1899-இல், தம்முடைய 60 -ஆவது வயதில், ஸங்கீத ஸம்ப்ரதாய ப்ரதர்ஷினி என்னும் மாபெரும் இசை நூலை இயற்றத் தொடங்கி, 1904-இல் அதனை நிறைவு செய்தார். முத்துசுவாமி தீக்ஷிதர் இயற்றிய கீர்த்தனைகள் பற்றிய விவரமான பதிவாகவும், கர்நாடக இசை நுட்பங்கள் குறித்த கலைக்களஞ்சியமாகவும், சாரங்கதேவர் தொடங்கி பல்வேறு இசைக் கலைஞர்கள் மற்றும் வாக்கேயக்காரர்களின் வாழ்க்கை வரலாற்றுச் சேகரமாகவும் இந்நூல் திகழ்கிறது. ஸங்கீத ஸம்ப்ரதாய ப்ரதர்ஷினி ஒரு மிகப் பெரிய அணை என்றும், பல நூற்றாண்டுகால இசை வித்தகமும் நுணுக்கங்களும் இந்த அணையினால் சேகரம் செய்யப்பட்டுள்ளன என்றும் இப்போதைய-சமகால இசைக் கலைஞர்களும் இசைநூல் அறிஞர்களும் வரலாற்றாசிரியர்களும் இன்னோரன்ன பிறரும் இந்தச் சேகரத்தின் மதகுகளைச் சற்றே திறந்து தங்களின் அறிவு ஓடைகளைப் பெறுகின்றனர் என்றும் இசை அறிஞர் டாக்டர் வி.ராகவன் அவர்கள் குறிப்பிடுவது வழக்கம். செளக வர்ணங்கள் மற்றும் தான வர்ணங்கள் பலவற்றை  சுப்பராம தீக்ஷிதர் இயற்றினார்.  எம்.எஸ்.சுப்புலட்சுமி அவர்களால் பிரபலமாக்கப்பட்ட சங்கராசார்யம் ஸ்மராம்யஹம் என்னும் சங்கராபரணக் கீர்த்தனை இவருடையதுதான்! ஒருமுறை, இந்தக் கீர்த்தனையின் உட்பொருள் குறித்து, மூன்று மணிநேரத்திற்கும் மேலாக விளக்கம் கொடுத்தாராம் காஞ்சி மஹாசுவாமிகள்!!

பிரதம அப்பியாச புஸ்தகம் (கர்நாடக இசையின் ஆரம்பப் பாடங்களைப் பற்றியது), ஸம்ஸ்க்ருதாந்தர திராவிட கீர்த்தனை போன்ற வேறு சில நூல்களையும் சுப்பராம தீக்ஷிதர் எழுதினார். இவரின் திருக்குமாரர் அம்பி 
தீக்ஷிதர்(1863-1936), பலகாலம் எட்டையபுர ஆஸ்தான வித்வானாக விளங்கியவர், தம்முடைய வாழ்வின் பிற்பகுதியைச் சென்னையில் கழித்தார். இவரைச் சுற்றி இசைக் கலைஞர்களும் பண்டிதர்களும் எப்போதும் இருப்பர். திருமதி டி.கே.பட்டம்மாள் அவர்களையும்  எஸ்.ராஜம் அவர்களையும் (முத்துசுவாமி) தீக்ஷிதர் கிருதிகளை மிகுதியும் பாடிப் பிரபலப்படுத்தச் செய்தவர் இவரே.  பத்தமடை படைத்த பாரத சங்கீதம் முத்துசுவாமி தீக்ஷிதர் எட்டையபுரத்திற்குச் செல்வதற்குக் காரணமாக அமைந்தவர்களில் ஒருவர், எட்டையபுர திவானாகத் திகழ்ந்த விஸ்வநாத ஐயர். விஸ்வநாத ஐயரின் கொள்ளுப் பேரனான பத்தமடை கிருஷ்ணன்(1921-2001),  பார் போற்றும் இசை வித்தகராக விளங்கினார். ஹரிகேசநல்லூர் முத்தையா பாகவதரிடமும் கல்லிடைக்குறிச்சி வேதாந்த பாகவதரிடமும் இசை பயின்ற இவர், ஹிந்துஸ்தானி இசையிலும் வல்லவர். ராகம் தானம் பாடுவதில் கைதேர்ந்தவராக இருந்து, அபூர்வ ராகங்கள் பலவற்றில் ராகம் தாளம் பாடினார். தரமிக்க வாக்கேயக்காரராகவும் திகழ்ந்த இவர், சமஸ்கிருதம், தெலுங்கு, தமிழ் ஆகிய மொழிகளில் கீர்த்தனைகளும் தில்லானாக்களும் இயற்றினார். கர்நாடக சங்கீதம், ஹிந்துஸ்தானி இசை ஆகிய இரண்டையும் இணைத்து, "பாரத சங்கீதம்' என்னும் பாணியை உருவாக்கினார். 150 -க்கும் மேற்பட்ட பாரதியார் பாடல்களுக்கு இசையமைத்துப் பலரும் அவற்றைப் பாடும்படிச் செய்தார். ஸங்கீதாரண்ய கோகிலம், பாரதி இசைக் காவலர் போன்ற பட்டங்களைப் பெற்ற இவரின் சிஷ்யர்களில் வயலின் மேதை எம்.எஸ். கோபாலகிருஷ்ணனும் சூலமங்கலம் சகோதரிகளும் அடங்குவர். 

களக்காடு கண்ட கான பாரம்பரியம்

பொருநைக் கரை இசைக் குடும்பங்களில், களக்காடு வம்சாவளிக்குத் தனியிடம் உண்டு. "ராமன் அழைக்கிறான், போய் வருகிறேன், சஞ்சலம் விடுவீரே' என்னும் பக்த ராமதாஸ் திரைப்படப் பாடல், 1940-50 -களில் வெகு பிரபலம். இப்பாடலைப் பாடி நடித்தவர் களக்காடு ராம நாராயண ஐயர் (1910-1992). தம்முடைய 14 -ஆவது வயதில், வ.வே.சு.ஐயரின் சேரன்மாதேவி குருகுலத்தில் அரங்கேற்றம் நிகழ்த்தித் தம்முடைய இசைப் பயணத்தைத் தொடங்கிய ராமநாராயண ஐயர், சென்னையில், 1930-களில், டைகர் வரதாச்சாரி கலந்துகொள்ளமுடியாத கச்சேரி ஒன்றினைத் தாம் நிகழ்த்திப் பிரபலம் ஆனார். 1946-இல், சென்னைக்கு வருகை புரிந்த அண்ணல் காந்தியடிகளைத் தம்முடைய இசையால் நெகிழச் செய்தார். கோடீஸ்வர ஐயர், பாபநாசம் சிவன் ஆகியோரோடு நெருங்கியத் தொடர்பு கொண்டிருந்த இவர், ஸ்ரீ லலிதா சஹஸ்ரநாம ஸ்தோத்திரத்தை, ராக தாளங்களோடு கூடிய கீர்த்தனைகளாக, "ஸ்ரீ லலித கீத நாராயணம்' என்னும் பெயரில் அமைத்தார். இதற்காக, காஞ்சி மஹாசுவாமிகளின் நிறைந்த ஆசியையும் பெற்றார். அபிராமி அந்தாதி, சியாமளா தண்டகம், செளந்தர்ய லஹரி ஆகியவற்றையும் வெவ்வேறு ராகங்களில் அமைத்துப் பாடினார். 

களக்காடு ராம நாராயண ஐயர் மட்டுமல்லாமல், இந்தக் குடும்பத்தின் உறுப்பினர்கள் பலரும் இசை வித்தகர்களே ஆவர். ராமநாராயண ஐயரின் தந்தையார் களக்காடு சுப்பையா பாகவதர் (1881-1955), நெல்லைச் சீமையின் பல்வேறு பகுதிகளில் முத்துசுவாமி தீக்ஷிதரின் கிருதிகளைப் பாடிப் பரப்பிய பெருமைக்குரியவர். அங்க சேஷ்டிதங்களின்றிப் பாடுவதில் சுப்பையா பாகவதர் சமர்த்தர். இவருடைய ஆற்றலை மெய்ப்பிப்பதற்காக, இவர் தலையில் எலுமிச்சம் பழம் ஒன்றை வைத்துவிட்டுப் பாடச் சொன்னாராம் திருவிதாங்கூர் அரசர் ஸ்ரீமூலம் திருநாள் மகாராஜா. கச்சேரி முழுமையும் பழம் அப்படியே உட்கார்ந்திருந்ததாம். மகாராஜா, இதற்காகவே சிறப்புப் பரிசுகள் தந்தாராம்.  களக்காடு சுப்பையா பாகவதரின் பிரதம சிஷ்யர்களில் ஒருவர், பிரபல நாகஸ்வர வித்வான் காருகுறிச்சி அருணாசலம். களக்காடு ஸ்ரீநிவாசன், களக்காடு தியாகராஜன், களக்காடு சீதாலட்சுமி என்று இந்த வம்சாவளி, இசை மேன்மைக்குத் தொடர்ந்து பங்களித்து வருகிறது. 

- தொடரும்

]]>
http://images.dinamani.com/uploads/user/imagelibrary/2018/10/12/w600X390/vm1.jpg http://www.dinamani.com/weekly-supplements/vellimani/2018/oct/12/பொருநை-போற்றுதும்---11-3018985.html
3014454 வார இதழ்கள் வெள்ளிமணி பொருநை போற்றுதும்! 10 - டாக்டர் சுதா சேஷய்யன் DIN DIN Friday, October 5, 2018 01:55 PM +0530 தாமிரவருணி ஆற்றை உருவாக்கியபின்னர், வடகரை - தென்கரைத் திருத்தலம் ஒவ்வொன்றுக்கும் சென்று, சில நாட்கள் தங்கியிருந்து, ஒவ்வோர் இறைவனுக்கும் அபிஷேக ஆராதனைகள் செய்தாராம் அகத்தியர். அப்போது, சீவலப்பேரி முக்கூடலில் தங்கினார். ஒருநாள் ஆற்றில் நீராடி எழுந்து, அர்க்கியம் கொடுத்தபோது, ஆற்றுநீரில் தவழ்ந்து வந்து அவர் கைகளில் நின்றது ஓர் அற்புதச் சங்கு. ஒன்றுக்குள் ஒன்றாக மூன்று வலம்புரிச் சங்குகள் அமைந்திருக்கும் முப்புரிச் சங்கு. இந்தச் சங்கினால் அழகருக்குச் செய்யப்படும் ஆராதனை நீர் ஒரேயொரு துளி பட்டாலும்போதும், எந்த நோயாக இருந்தாலும் பறந்தோடிவிடும்.
மூலவர் அழகராகவும் உற்சவர் ஸ்ரீதேவி பூதேவி சமேத சுந்தரராஜராகவும் திருமால் இங்கு எழுந்தருள்வதால், இத்தலம் "தென் திருமாலிருஞ்சோலை' என்றும் வழங்கப்படுகிறது. முக்கூடல் பள்ளு நூலை மீண்டும் எண்ணத் தோன்றுகிறது. ஆற்றின் வடகரை நாடு ஆசூர் நாடு; ஆசூர் என்னும் பெயர் திருமாலுக்கும் உண்டு; ஆதலால், அழகர் நாடு. ஆற்றின் தென்கரை நாடு, சீவல மங்கை வள நாடு; அதாவது தாயாரின் நாடு. அடடா, என்ன வளமான சிந்தனை!!
அதுவரை வடக்கு முகமாகப் பாயும் பொருநை நல்லாள், சீவலப்பேரியில்தான் வலம் சுழித்துத் திரும்புகிறாள். ஆகவே, இது பித்ரு தீர்த்தமாகவும் பெருமை பெறுகிறது. முன்னோர்களுக்கு இங்குக் கடன் செய்வது வெகு விசேஷம். தளவாய் அரியநாத முதலியார், ஒருமுறை இங்கு, தம்முடைய தந்தையாருக்குப் பிண்டமிட, ஆற்றுநீரிலிருந்து அவருடைய தந்தையாரே கைநீட்டிப் பிண்டத்தைப் பெற்றுக்கொண்டாராம்.
குழந்தை வடிவ ஆஞ்சநேயர், முன்பக்க மனித வடிவும் பின்பக்க ஸர்ப்ப வடிவும் கொண்ட லட்சுமணர், சீதையைத் தேடி வந்த ராமர் பாதம், சுடலை மாடனின் தோற்றுவாய் என்று பல்வேறு சிறப்புகள் கொண்ட சீவலப்பேரியின் தலையாய சிறப்பு மகாகவி சுப்பிரமணிய பாரதியார். இவ்வூர்தான், பாரதியாரின் பூர்வீகம். அழகர் கோயிலுக்கு எதிரில்தான் பாரதியின் பூர்வீக இல்லம் இருந்ததாம்.
சீவலப்பேரியைப் பார்த்து ஊரார் பயந்தும் இருக்கிறார்கள். இந்த ஊர் மாப்பிள்ளைக்குப் பெண் கொடுக்க மாட்டார்களாம். "செக்கடிக்கப் பெண் கொடுத்தாலும், சீவலப்பேரியில் பெண் கொடுக்கலாகாது' என்றொரு வாய்மொழியே நிலவியதாகச் சேதுப்பிள்ளை குறிப்பிடுகிறார். சீவலப்பேரியில், (திசை திரும்புவதாலும் கிளையாற்றைப் பெறுவதாலும்) பொருநை ஆறு அகன்று காணப்படும். நீரோடை குறைந்துவிடும் காலங்களில், வெண்மணல் பரந்து கிடக்கும்; நடப்பவர்களின் கால்களைப் பொசுக்கும். ஆற்றிலே, நடுவிலே இருக்கும் நீரை முகந்தெடுக்க, பெண்கள் இந்த மணலில் நடந்து செல்வார்கள். பெண்களின் அவதியைக் கண்ட பெற்றோர்கள், இந்த ஊர் மாப்பிள்ளைகளே வேண்டாம் என்று முடிவெடுத்தனர் போலும்!
மாறோக்க நாடும் மற்றையோர் சிலரும் சங்ககாலப் புலவர்களில் மாறோக்கத்து நப்பசலையார் என்று பெண்பால் புலவர் ஒருவர் இருந்துள்ளார். புறநானூற்றிலும் நற்றிணையிலும் இவருடைய பாடல்கள் காணப்படுகின்றன. கொற்கையைச் சூழ்ந்த பகுதி, அதாவது, தாமிரவருணி ஆறு கடலோடு சங்கமிக்கும் பகுதி, ஏறத்தாழ 13 -ஆம் நூற்றாண்டுவரை மாறோக்க (அல்லது மாறோக) நாடு என்று வழங்கப்பட்டுள்ளது. இப்பகுதியின் முக்கிய அல்லது தலைநகரம், மாறோக்கம் (அல்லது மாறோகம்). "ஓகம்' என்றால் "வெள்ளம்' என்றொரு பொருள். பாண்டியர்களுக்கு "மாறன்' என்று பட்டம் உண்டு. மாறர்களின் வெள்ளம் சூழ் நாடு, மாறோக நாடு என்றிருந்திருக்கக்கூடும். பாண்டிய வம்சாவளியினர், மதுரையில் சிலரும் கொற்கையில் சிலருமாக ஆட்சி புரிந்தபோது, மதுரைக்காரர்கள் "பாண்டியர்' என்று பட்டம் கொள்ள, கொற்கைக்காரர்கள் "மாறர்' என்று பட்டம் சூட்டிக்கொண்டதாக உ.வே.சா. உள்ளிட்ட அறிஞர்கள் கருதுகிறார்கள். 15-16 ஆம் நூற்றாண்டுகளில், மாறநாடு என்றே இப்பகுதி வழங்கப்பட்டுள்ளது. மாறோக்கத்துக் காமக்கணி நப்பாலத்தனார் என்றும் ஜோதிட இனத்தைச் சேர்ந்த புலவர் ஒருவரும் இருந்துள்ளார். 13-ஆம் நூற்றாண்டில் வாழ்ந்தார் தொல்காப்பிய உரையாசிரியரான சேனாவரையர். இவர் ஆற்றூரைச் சேர்ந்தவர். இப்பகுதி மக்களை "மாறோக்கத்தார்' என்றே குறிப்பிடுகிறார்.
சங்ககாலத்துப் புலவர்களில் மற்றுமொருவர் வெள்ளூர்க் காப்பியனார். திருநெல்வேலித் திருச்செந்தூர் பாதையில், தாமிரவருணியின் தென்கரையிலுள்ள ஆதிச்சநல்லூருக்கு அருகில் உள்ளது வெள்ளூர். 19-20 ஆம் நூற்றாண்டுகளில், வெள்ளூர்க் கவிராயர் குடும்பம் என்றே இப்பகுதியில் குடும்பம் ஒன்று வாழ்ந்துள்ளது. பத்துப்பாட்டுத் தமிழ்ச் சுவடிகளைத் தேடி, ஆழ்வார் திருநகரிக்குச் சென்றபோது, வெள்ளூர்க் கவிராயர் வீட்டில், கம்பராமாயணப் பிரதியைக் கண்டதாக
உ.வே.சா. குறிப்பிடுகிறார்.
உ.வே.சா-வுக்குப் பின்னர், தமிழ் நூல்கள் பலவற்றைத் தொகுத்து, ஆய்வு செய்து, செப்பம் செய்து வெளியிட்ட பெருமை, எஸ். வையாபுரிப் பிள்ளையையே சாரும். நெல்லைச் சிக்கநரசய்யன் கிராமத்தில் 1891-ஆம் ஆண்டு பிறந்த இவர், எண்ணற்ற தமிழ் நூல்களையும் எழுதினார். மொழியியல் புலமை பெற்றிருந்தார். மகாகவி பாரதியார், வ.உ.சி. ஆகியோரோடு நெருக்கமான அறிமுகமும், டி.கே.சி, நீலகண்ட சாஸ்திரி போன்றாரோடு அணுக்கமான நட்பும் கொண்டிருந்தார். தம்முடைய தனி நூலகத்தில் இருந்த 3000 நூல்களையும் ஏராளமான ஓலைச் சுவடிகளையும் கொல்கத்தா தேசிய நூலகத்திற்கு நன்கொடையாக வழங்கினார்.
வாழ்நாள் முழுவதும் ஒருவர் சேர்த்துப் பயன்படுத்திய நூல்கள் தொகுக்கப்பட்டு, அவருடைய பெயராலேயே நூல் நிலையம் என்றழைக்கப்பட்டு, திருநெல்வேலி ம.தி.தா. இந்துக் கல்லூரிக்குக் கொடுக்கப்பட்டுள்ளன. யாருடைய நூல்கள்? வெள்ளக்கால் ப.சுப்பிரமணிய முதலியாரின் நூல்கள்தாம்! தென்காசிக்கு அருகிலுள்ள வெள்ளக்காலில் தோன்றிய ப. சுப்பிரமணிய முதலியார், மில்டனின் "பாரடைஸ் லாஸ்ட்' என்னும் ஆங்கிலக் காவியத்தை அழகு தமிழில் "சுவர்க்க நீக்கம்' என்று மொழி பெயர்த்தார். அகலிகை வெண்பா, கோம்பி விருத்தம், கல்வி விளக்கம், நெல்லைச் சிலேடை வெண்பா உள்ளிட்ட பல நூல்களையும் இயற்றினார்.
தம்முடைய எழுத்தாலும் பேச்சாலும் தமிழுக்குத் தனிப்பெருமை தந்த ரா.பி.சேதுப்பிள்ளை, உரைநடைத் தமிழுக்கு உயர்வீச்சு கொடுத்தார். தமிழகத்தின் ஊர்ப்பெயர்கள் குறித்த இவருடைய ஆய்வு, "ஊரும் பேரும்' என்னும் அற்புதக் களஞ்சியத்தையே தமிழுக்கு அளித்துள்ளது. நெல்லை நகர்மன்றத் தலைவராகச் செயல்பட்ட காலத்தில், தெருக்களின் பெயர்கள் பல, தவறாக வழங்கப்பட்டதை மாற்றித் திருத்தினார். உரைநடையில் தமிழின்பத்தை நுகரவேண்டுமானால், சேதுப்பிள்ளையின் செந்தமிழைப் படிக்கவேண்டும் என்பார் கவியோகி சுத்தானந்த பாரதியார்.
திருநெல்வேலி வண்ணாரப்பேட்டையில் தம்முடைய இல்லத்தையே தமிழ் மாமன்றமாக மாற்றியவர் ரசிகமணி டி. கே. சிதம்பரநாத முதலியார். "டி.கே.சி. வட்டத் தொட்டி' என்றே இம்மன்றம் பெயர் பெற்றது. தமிழ்க் கவிதைகளில் பொதிந்துகிடந்த ஆழ்கருத்துகளை எடுத்துச் சொல்லியும், பிறரை அனுபவிக்கச் செய்தும் மகிழ்ந்தார்.
கம்பராமாயணத்தில் ஆழங்கால்பட்டு, அசலான கம்பர் பாடல்களுக்கு இடையில் இடைச்செருகல்களாக அநேகக் கவிதைகள் கலந்துவிட்டதைக் கண்டறிந்தார். "கம்பரைப் போன்றொரு ரசிகர் கிடைக்க, வள்ளுவர் 700, 800 ஆண்டுகள் காத்திருக்கவேண்டியதாயிற்று; டி.கே.சி. என்னும் ரசிகர் கிடைக்கக் கம்பர் 1000 ஆண்டுகள் காத்திருக்க வேண்டியதானது' என்று பெருமிதப்பட்டார் ஜஸ்டிஸ் மகராஜன்.
சென்னை வந்த காந்தியடிகளுக்கு இவரை ராஜாஜி அறிமுகப்படுத்த, அடிகளிடம் கம்பர் பாடல்கள் சிலவற்றை இவர் பாடிக் காட்டினார். அதைச் செவிமடுத்துவிட்டு, "இந்தக் காவியத்தை மூலமொழியில் அனுபவிக்க வேண்டும்' என்று தம்முடைய உள்ளக்கிடக்கையை காந்தியடிகள் வெளிப்படுத்த, "அதற்கு நீங்கள் அடுத்த பிறவியிலாவது தமிழராகப் பிறக்கவேண்டும்' என்று டி.கே.சி. கூறினாராம். தமிழ் இலக்கியத்திற்கு மட்டுமல்லாமல், தமிழ் இசைக்கும் டி.கே.சி. ஆற்றிய தொண்டு அளப்பரியது.
டி.கே.சி. மட்டுமா? தமிழிசைக்கும் தென்னிந்திய இசைக்கும் பொருநைக் கரையின் பங்களிப்பும் ஏராளமல்லவா!
- தொடரும்

 

]]>
http://images.dinamani.com/uploads/user/imagelibrary/2018/10/5/w600X390/v5.jpg http://www.dinamani.com/weekly-supplements/vellimani/2018/oct/05/பொருநை-போற்றுதும்-10---டாக்டர்-சுதா-சேஷய்யன்-3014454.html
3014453 வார இதழ்கள் வெள்ளிமணி குரு பெயர்ச்சி பலன்கள்!  ஜோதிடர் கே.சி.எஸ். ஐயர் சென்னை. DIN Friday, October 5, 2018 01:53 PM +0530  மறைமிகு கலை நூல் வல்லோன், வானவர்க்கரசன், மந்திரி
 நறைசொரி கற்பகம் பொன்நாட்டினுக் கதிபதியாகி; !
 நிறை தனம் சிவிகை மண்ணில் நீடு போகத்தை நல்கும்,
 இறைவன் குரு வியாழன் இரு மலர்ப் பாதம் போற்றி!!
 அறுபது தமிழ் வருடங்களில் முப்பத்திரண்டாவதான ஸ்ரீ விளம்பி வருடம், தட்சிணாயன புண்ணிய காலம், வர்ஷ ருது, புரட்டாசி மாதம் 25- ஆம் தேதி (11.10.2018) சுக்லபட்சம் (வளர்பிறை) திருதியை திதி, வியாழக்கிழமை, விசாக நட்சத்திரம், துலாம் ராசி, விஷ்கம்ப நாம யோகம், தைதுல கரணம், அமிர்த / சித்த யோகம் கூடிய சுபயோக சுப தினத்தில் சூரிய உதயாதி 34 நாழிகைக்குள் இரவு 19.20 (ஐஎஸ்டி) மணிக்கு மேஷ லக்னத்தில் துலாம் நவாம்சத்தில் துலாம் ராசியிலிருந்து விருச்சிக ராசிக்கு குருபகவான் பெயர்ச்சி ஆகிறார்.
 இந்த ஸ்ரீவிளம்பி வருடம் பங்குனி மாதம் 15 -ஆம் தேதி (29.03.2019) அன்று இரவு 19.48 (ஐஎஸ்டி) மணிக்கு குருபகவான் அதிசார கதியில் விருச்சிக ராசியிலிருந்து தனுசு ராசிக்குப் பெயர்ச்சி ஆகிறார்.
 இந்த விளம்பி வருடம் பங்குனி மாதம் 28 -ஆம் தேதி (11.04.2019) அன்று காலை 07.59 (ஐஎஸ்டி ) மணிக்கு குருபகவான் தனுசு ராசியில் வக்கிரமடைகிறார்.
 ஸ்ரீ விகாரி வருடம் சித்திரை மாதம் 10- ஆம் தேதி(23.04.2019) விடியற்காலை 01.30 (ஐஎஸ்டி) மணிக்கு அதிவக்கிர கதியில் குருபகவான் தனுசு ராசியிலிருந்து விருச்சிக ராசியை அடைகிறார்.
 ஸ்ரீ விகாரி வருடம் ஆடி மாதம் 27 -ஆம் தேதி (12.08.2019) அன்று விடியற்காலை 04.43 (ஐஎஸ்டி) மணிக்கு குருபகவான் வக்கிரமடைகிறார்.
 ஸ்ரீ விகாரி வருடம் ஐப்பசி மாதம் 19 -ஆம் தேதி (05.11.2019) விடியற்காலை 05.16 (ஐஎஸ்டி) மணிக்கு குருபகவான் விருச்சிக ராசியிலிருந்து தனுசு ராசிக்குப் பெயர்ச்சி ஆகிறார்.
 பொதுவாக, ஒவ்வொரு கிரகத்திற்கும் ஆறுவிதமான பலம் (ஷட்பலம்) சொல்லப்பட்டிருக்கிறது. இதில் முக்கியமானது நைசர்க்கிய பலம். அதாவது, இயற்கை பலம் அல்லது இயற்கைத் தன்மை என்பதாகும். அந்த அடிப்படையில் குரு, சுக்கிரன், புதன், சந்திரன் (வளர்பிறை) பகவான்கள் இயற்கை சுபர்கள் என்றழைக்கப்படுகிறார்கள். இந்த இயற்கை சுபர்களில் குருபகவானை முழுச்சுபர் என்று அழைக்கிறார்கள். பொதுவாக, கிரகங்கள் தாங்கள் ஏற்றுக்கொண்ட தன்மைகளின் படியும் அவர்கள் இருக்கும் இடத்திற்குத் தகுந்தபடியும் பலன்களைக் கொடுப்பார்கள். குருபகவான் சுப ஆதிபத்தியம் பெற்ற நல்ல இடங்களில் அமர்ந்திருந்தால் சிறப்பான பலன்களையும்; லக்னத்திற்கு சுப ஆதிபத்தியம் பெறாவிட்டாலும் ஸ்தான அடிப்படையில் நல்ல இடங்களில் அமர்ந்திருந்தால் நற்பலன்களையும் ஸ்தான அடிப்படையிலும் நல்ல இடத்தில் அமராமல் இருந்தாலும் சுபாவத்தில் முழுச்சுபராக இருப்பதால் கஷ்டங்களைக் குறைத்து வழங்குவார் என்று கூறவேண்டும்.
 இந்த குருபெயர்ச்சி காலத்தில் மேஷ லக்னத்திற்கு அதிபதியான செவ்வாய்பகவான் தொழில் ஸ்தானத்தில் உச்சம் பெற்றிருக்கிறார். குருபகவானும் அயன ஸ்தானமான பன்னிரண்டாம் வீட்டையும்; தனம் வாக்கு குடும்ப ஸ்தானமான இரண்டாம் வீட்டையும்; சுக ஸ்தானமான நான்காம் வீட்டையும் அந்த வீட்டில் அமர்ந்திருக்கும் ராகுபகவானையும் பார்வை செய்கிறார். அதோடு இந்த குருபெயர்ச்சி குருபகவானுக்கு உகந்த வியாழக்கிழமையன்றும் அவருக்குரிய விசாக நட்சத்திரத்திலும் நடக்கிறது. மேலும் குருபகவான் சுயசாரத்தில் சஞ்சரிப்பதும் மேன்மையாகும். குருபகவான் தான் பகை பெறும் ராசியான துலாம் ராசியிலிருந்து தன் நட்பு வீடான விருச்சிக ராசிக்குப் பெயர்ச்சி ஆகிறார்.
 இந்தப் பெயர்ச்சி காலத்தில் நாட்டில் சுபிட்சம் ஏற்படும். பொருளாதாரத்தில் அபிவிருத்தி அடைந்து காணப்படும். செவ்வாய்பகவானின் காரகத்துவங்களான உணவு, நெருப்பு, ராணுவம், காவல்துறை, ரியல் எஸ்டேட், விவசாயம், வெளிநாட்டு வர்த்தகம் போன்ற துறைகள் வளர்ச்சி அடையும். அந்நிய செலாவணி கையிருப்பு கணிசமாக உயரும்.

குரு பலம் என்றால் என்ன?
 குருபகவான் ராசியிலிருந்து 2,5,7,9,11- ஆம் வீடுகளில் சஞ்சரிக்கும் காலத்தில் குருபலம் உண்டாகிறது என்று கூறுகிறோம். பொதுவாக, குருபகவான் பலம் பெற்று கேந்திர திரிகோண ராசிகளில் அமர்ந்தால் மூன்று லட்சம் தோஷங்களைப் போக்குவார் என்று நம்பப் படுகிறது. பகவத் கீதையில் "புரோகிதர்களில் நான் குருபகவான்' என்று கிருஷ்ண பரமாத்மா கூறுகிறார்.
 இந்த விருச்சிக ராசி சஞ்சாரத்தினால் துலாம், கடகம், ரிஷபம், மீனம், மகரம் ராசிகள் சிறப்பான நற்பலன்களைப் பெறப்போகின்றன. குருபகவான் 5,7,9, -ஆம் பார்வைகளில் மீனம், ரிஷபம், கடக ராசிகளைப் பார்வை செய்கிறார். பொதுவாக, குருபகவான் சரம், ஸ்திரம், உபயம் ஆகிய மூன்று ராசிகளையும் பார்வை செய்வார். அதனால் அவரை முழுச்சுபர் என்று கூறுவது சாலச்சிறந்தது அல்லவா?
 இந்த குரு பெயர்ச்சி காலத்தில் கடகம், ரிஷபம், மீன ராசிகள் சற்று கூடுதலான பலன்களைப் பெறப் போகின்றன. மேஷம், மிதுனம், சிம்மம், கன்னி, விருச்சிகம், தனுசு, கும்ப ராசிகள் மிதமான பலன்களைப் பெறுகின்றன.
 குருபகவான் வக்கிரம் பெறும் 12.04.2019 முதல் 12.08.2019 வரை உள்ள காலகட்டத்தில் இந்த ஏழு ராசிகளும் நன்மை அடையும். அதோடு 29.03.2019 முதல் 23.04.2019 வரை குருபகவான் 26 நாள்கள் தனுசு ராசியில் சஞ்சரிக்கிறார், இந்த 26 நாள்கள் விருச்சிகம், கும்பம், மேஷம், மிதுனம், சிம்மம் ஆகிய ஐந்து ராசிகளும் சிறப்பான நற்பலன்களைப் பெறுவார்கள். திருமணம் செய்யும் காலங்களில் வரன், வது இருவரில் ஒருவருக்கு குருபலம் ஏற்பட்டால் திருமணம் செய்யலாம்.
 

]]>
http://images.dinamani.com/uploads/user/imagelibrary/2018/10/5/w600X390/GURUBAGAVAN.JPG http://www.dinamani.com/weekly-supplements/vellimani/2018/oct/05/குரு-பெயர்ச்சி-பலன்கள்-3014453.html
3014452 வார இதழ்கள் வெள்ளிமணி குருவின் திருவருள் பெறும் வழிகள்! DIN DIN Friday, October 5, 2018 01:48 PM +0530 குரு சீடனின் உள்ளத்தில் கருவாய் இருந்து அவனுக்குள்ள திறமைகளை வெளியில் கொண்டு வருவது, உபதேசம் என்று கூறப்படுகிறது. குரு ஸ்தானம் மிகவும் உன்னதமானது. ரத்த சம்பந்தமில்லாத ஒருவருக்கு தன் அனுபவ அறிவை போதிப்பது குரு தர்மமாகும், குரு தன் சீடனுக்குச் செய்யும் உபகாரத்தை தீட்சை என்று கூறுவர். இந்த தீட்சைகள்மூன்று வகைப்படும். அவை: 1. சமய தீட்சை, 2. விசேட தீட்சை, 3. நிர்வாண தீட்சை.
சரியை மார்க்கத்தை தொடங்குவதற்கு முன் செய்யப்படுவது சமய தீட்சையாகும். 
கிரியை மார்க்கத்திற்கு நாம் செல்லும்போது நாம் பெறுகின்ற தீட்சை விசேஷ தீட்சையாகும். 
ஞான மார்க்கத்தில் நாம் காலடி வைக்கும் போது குரு நமக்கு வழங்கும் தீட்சை நிர்வாண தீட்சையாகும். 
குரு தம் ஆற்றலை ஏழு வடிவங்களில் உணர்த்துகிறார். அவை: 
*ஸ்பரிச தீட்சை- குரு தன் சீடனைத் தொடுவது. 
*நயன தீட்சை- குரு தன் அருட்பார்வையால் நோக்குதல். 
*மானச தீட்சை- குரு தன் மனதால் சீடனின் மனதை வசப்படுத்துதல். 
*வாசக தீட்சை- வாசகம் என்பது உபதேசம். 
*மந்திர தீட்சை- மந்திரங்களை உபதேசிப்பது. 
*யோக தீட்சை- யோகம் என்பது சேர்க்கை. 
*ஒளத்திரி தீட்சை- ஹோமம் செய்து சீடனின் அஞ்ஞானத்தைப் போக்குவது.
சிவராஜயோகம் - ஒரு சிறப்புப் பார்வை
சூரிய -குரு பகவான்கள், 1,5,9-ஆம் வீட்டோர்களாகி சேர்ந்திருந்தால் சிவராஜ யோகம் முழுமையாக ஏற்படும். இது ஒரு தன யோகமாகும். உயர் பதவி, பட்டம் , அந்தஸ்து, கௌரவம், அரசு பதவி, செல்வந்தராகவும் முடியும். திடீர் அதிர்ஷ்ட வாய்ப்புகளும் உண்டாகும். சத்சந்தான (நல்ல குழந்தைகள்) பாக்கியம் உண்டாகும். வாழ்வில் சுபிட்சங்கள் கூடும். 
பொதுவாகவே, இத்தகையோர் பக்திமானாக இருப்பர். குருபகவான் ஆன்மிகத்தை அல்லது பக்தியைக் குறிக்கும் கிரகமாகும். சூரியபகவான் ஆன்மாவைக் குறிக்கும் கிரகமாவார். வியாழனாகிய ஜீவன் பரமாத்மாவாகிய சூரியபகவானை நாடி நிற்பதை இது ஒருவாறு குறிக்கிறது. இந்த சிவராஜயோகத்தில் குருபகவான் ஆட்சி, உச்சம் பெற்றிருப்பது சிறப்பாகும். தந்தையை குறிக்கும் கிரகமாகிய சூரியபகவான் ஆட்சி, உச்சம் பெற்றுள்ள குருபகவானுடன் இணைந்திருந்தால் தந்தை புகழ் பெற்ற சிறந்த மனிதராக இருப்பார் என்றும் கூறலாம்.

]]>
http://images.dinamani.com/uploads/user/imagelibrary/2018/10/5/w600X390/v3.jpg http://www.dinamani.com/weekly-supplements/vellimani/2018/oct/05/குருவின்-திருவருள்-பெறும்-வழிகள்-3014452.html
3014451 வார இதழ்கள் வெள்ளிமணி காலமும் நேரமும் காளி தேவியின் கையில்..! DIN DIN Friday, October 5, 2018 01:45 PM +0530 "காளி தேவி' காலசொரூபி! காலத்தை கணிப்பவள். "எங்கே எப்போது அதர்மம் தலைதூக்குகிறதோ அங்கே அப்போது நான் வருவேன்' என்று கீதையில் ஸ்ரீ கிருஷ்ணன் சொன்னதை அப்படியே முழுமையாக செய்து காட்டுபவள்தான் "காளி தேவி!' அதர்மம், எங்கே தலைவிரித்தாடுகிறதோ அங்கே அழிவை ஏற்படுத்துவாள். மோசக்காரர்களை நாசம் செய்வாள். அக்கிரமக்காரர்களை காலம் ,நேரம் பார்த்து அடியோடு அழித்துவிடுவாள். நல்லவர்களுக்கு நன்மையே செய்வாள் அந்த மஹாகாளி.
 தட்சன் நடத்திய யாகத்தில் சென்று கலந்துகொள்ள வேண்டுமென்று ஆசைப்பட்டாள் மஹேஸ்வரி. பரமேஸ்வரனிடம் அனுமதி கேட்டாள். மறுத்தார் மஹேஸ்வரன். இருந்தும் யாகத்துக்குச் சென்றாள் உமாதேவி. அங்கே தட்சனால் அவமானப் படுத்தப் பட்டாள். கோபம் கொண்ட உமாதேவி யாக குண்டத்தில் விழுந்து தன்னை மாய்த்துக்கொண்டாள். பரமேஸ்வரன் தேவியை உயிர்த்தெழ செய்தார். அப்போது உயிர் பெற்ற தேவி ஒரு பயங்கரமான உருவத்துடன் பத்து அவதாரங்களாக பத்து மஹா வித்யைகளைத் தோற்றுவித்தாள்.
 அதில் முதலாவது வித்யையே, "காளி' தேவி. மயானத்தில் ஒரு சவத்தின்மேல் கழுத்தில் கபால மாலை, சிவந்த கண்கள், நீட்டிய நாக்கு, ஒரு கையில் வெட்டப்பட்டத் தலை, மறுகையில் வாள் என்று பத்து கைகளுடன் காட்சி அளித்தாள்.
 மஹாகாளி பார்ப்பதற்குப் பயங்கரமான தோற்றத்துடன் காணப்பட்டாலும் பக்தனிடத்தில் ஒரு தாயைப்போன்று பரிவு, பாசமுடன் இருந்து அருள்பாலிக்கிறாள். காளிதேவி மிகவும் சுறுசுறுப்பானவள். எப்போதும் தாமதத்தை விரும்பாதவள். யமனையே தன் வசப்படுத்தி வைத்திருப்பவள். எதிலும் அச்சமில்லை என்பது அவளது கொள்கை. உலகத்தின் காலப்பரிமாணத்தைக் குறிப்பவள் இந்த காளிதேவி. இவள் மாகாளி, பிடாரி, பத்ரகாளி, அங்காளி என்று கிராம தேவதையாக இருந்து அருள்பாலிப்பவர்.
 இந்த காளி தேவியை உபாசனை செய்தவர்களில் மிக முக்கியமானவர் ராமகிருஷ்ண பரமஹம்சர்.
 மஹாராஷ்ட்ரா மன்னன் "சிவாஜி' இந்த காளிதேவியை வணங்கிவிட்டுத்தான் போருக்குப் செல்வான். வரும்போது வெற்றியோடு திரும்பி வருவான்.
 மகாகவி பாரதியார் காளிதேவி குறித்து அருமையாகப் பாடி இருக்கிறார்.
 மந்திரங்களுக்கு தலைவி என்பதால் பல மந்திரவாதிகள் காளிதேவியைத் துதித்து மந்திர சக்திகளைப் பெற்றுள்ளனர்.
 அக்காலத்து மன்னர்கள் பலர் காளிக்கு பல கோயில்களைக் கட்டி வைத்துவிட்டுப் போயிருக்கின்றனர்.
 காளிதேவியின் அருளைப் பெற்ற கவி காளிதாஸ் காளிதேவியின் மீது அற்புதமான பாடல்களைப் பாடியிருக்கிறார். இவர், காளியின் 12 விதமான உபாசனை முறைகளை "சித்கன
 சந்திரிகை' என்ற நூலில் குறிப்பிட்டுள்ளார்.
 "தேவி மஹாத்மியம்' காளிதேவியை அன்னை பராசக்தியாக, துர்க்கையாக கூறுகிறது."துர்க்கா', " சப்தசதி' நூல்கள் காளியின் ஆற்றலை விரிவாகக் கூறுகிறது. திருப்புகழில் காளிதேவியை பலவாறாகப் புகழ்ந்து பாடுகிறார் அருணகிரியார்.
 காளியின் பீஜாசரம் "க்ரீம்' என்பதாகும். காளிதேவியின் உபாசனத்தினால் மனதில் அதீத தைரியம், வாக்கில் நல்ல கல்வி வன்மை, எதையும் முன்கூட்டியே அறிந்து கொள்ளும் தன்மை, நிகரற்ற செல்வம், நோய்நொடியற்ற நல்ல வாழ்க்கை ஆகியவை அமையப் பெறும்.
 ஓம் அஸ்யஸ்ரீ மஹாகாளி மஹாமந்தரஸ்ய:
 பைரவிருஷி: விராட்சந்தக:
 ஸ்ரீ தக்ஷிண காளி தேவதா:
 ஹ்ரீம் பீஜம் ஹும் சக்தி ஸ்வாகா: கீலகம்!
 - நவராத்திரி நந்நாளில் இம்மந்திரத்தைச் சொல்லி காளிதேவியை பூஜித்தால் முழுமையான பலனை அடையலாம்.
 - ராமசுப்பு
 

]]>
http://images.dinamani.com/uploads/user/imagelibrary/2018/10/5/w600X390/v2.jpg http://www.dinamani.com/weekly-supplements/vellimani/2018/oct/05/காலமும்-நேரமும்-காளி-தேவியின்-கையில்-3014451.html
3014450 வார இதழ்கள் வெள்ளிமணி பரலோக ராஜ்யத்தை சுதந்தரிப்போம்! DIN DIN Friday, October 5, 2018 01:43 PM +0530 இயேசு வாழ்ந்த காலத்தில் மக்கள் செய்த முக்கியமான பணிகள் நான்கு. ஒன்று விவசாயம். இயேசு தனது உவமைகளில் பலவற்றை விவசாயத்தோடு தொடர்பு படுத்திப் பேசினார். பயிராக வளராமல் களையாக இருந்தால் தூதர்கள் கைகளால் அறுபட்டு, தீச்சூளையில் எறியப்படுவோம் என எச்சரித்தார்.
இரண்டாவது தொழில், கால்நடை மேய்த்தல். அதை வைத்தும் அவர் பல உவமைகள் சொன்னார். செம்மறிகளையும், வெள்ளாடுகளையும் பிரிப்பேன். செம்மறியாடுகள் பரலோக ராஜ்யம் செல்ல, வெள்ளாடுகள் எரிநரகத்தில் எறியப்படும் என்றார்.
மூன்றாவது தொழில், வணிகம். நல்ல வணிகன் ஒரு நல்ல முத்தைக் கண்டடைவான். வணிகனின் கையில் நாம் ஒரு நல்ல முத்தாக இருக்க வேண்டும். அப்போது தான் பரலோக ராஜ்யம் சாத்தியமாகும். விலைமதிப்பற்ற, போலித்தனமான முத்துகள் புறங்கையால் ஒதுக்கப்படும் என்றார்.
நான்காவது மீன்பிடி தொழில். இந்த உவமையில் ""பரலோகராஜ்யம் கடலிலே போடப்பட்டு, சகல விதமான மீன்களையும் சேர்த்து வாரிக்கொள்ளும் வலைக்கு ஒப்பாயிருக்கிறது. அது நிறைந்தபோது, அதைக் கரையில் இழுத்து, உட்கார்ந்து, நல்லவைகளைக் கூடைகளில் சேர்த்து, ஆகாதவைகளை எறிந்துபோடுவார்கள். இப்படியே உலகத்தின் முடிவிலே நடக்கும். தேவதூதர்கள் புறப்பட்டு, நீதிமான்களின் நடுவிலிருந்து பொல்லாதவர்களைப் பிரித்து, அவர்களை அக்கினிச் சூளையிலே போடுவார்கள்; அங்கே அழுகையும் பற்கடிப்பும் உண்டாயிருக்கும் என்றார்.'' (மத்தேயு 13 : 47 - 50)
கடலில் மீனவர்கள் மீன் பிடிப்பதற்காக வலை வீசும்போது, அதில் எல்லா வகையான மீன்களும் பிடிபடுகின்றன. இந்த மீன்களில் நல்ல மீன் எது கெட்ட மீன் எது என்பது பற்றி மீனவர்கள் நன்கு தெரிந்து வைத்திருப்பர். நல்ல மீன்களை பயன்படுத்துவதற்காக கூடையிலும் கெட்ட மீன்களை குப்பைக் கூடையிலும் வீசுவர். நமது பார்வைக்கு நல்ல மீனைப் போன்று தெரியும் ஆனால் அதை பயன்படுத்த முடியாத மீன்கள் போடும் இடத்தில் போடுவர்.
இயேசு சொல்லும் இந்த உவமையில் இரண்டு வித மனிதர்களைப் பற்றிப் பேசுகிறார். தேவ வசனத்தைக் கேட்டு, அதன்படி நடக்காதவர்கள் மற்றும் வழிவிலகிப் போகும் மக்கள் கெட்ட மீன்கள் எனலாம். இயேசுவின் வார்த்தையைக் கேட்டு, அதன்படி தேவனுக்கு பயந்து நல் வழியில் நடப்பவர்கள் நல்ல மீன்கள் எனலாம்.
எனவே, வேத வசனத்தைக் கேட்கின்ற நாம் மனம் திரும்பி இறைவனின் வழியில் வரவேண்டும் என்பதே அவருடைய எதிர்பார்ப்பு. உலகத்தின் முடிவு நிச்சயம் உண்டு. ஒவ்வொருவருடைய மரணமும், அவருடைய உலகத்தின் முடிவு. இறுதித் தீர்ப்பு இறைவன் முடிவு செய்யும் நாளில் நடக்கும். இப்போது வலை வீசப்பட்டுள்ளது. இந்த வலைக்குள் நுழைந்து தேவனின் எல்லைக்குள் பிரியத்துடன் வாழ்பவர்கள் பாக்கியவான்கள். இறைவனுக்கு ஏற்புடைய நல்ல மீன்களாக வாழும் ஒவ்வொருவரும் இறைவனின் கூடையில் நுழைவது நிச்சயம். தேவனுடைய வார்த்தையைக் கேட்டபின்பும் கெட்ட மீன்களாக வாழ்பவர்கள் முடிவில்லா நெருப்பில் விழப் போவதும் சர்வ நிச்சயம். எனவே நல்லவர்களாக வாழ்வோம் பரலோக ராஜ்யத்தை சுதந்தரிப்போம்.
- ஒய்.டேவிட் ராஜா



 

]]>
http://images.dinamani.com/uploads/user/imagelibrary/2018/10/5/w600X390/KINGDOM-HEAVEN.JPG http://www.dinamani.com/weekly-supplements/vellimani/2018/oct/05/பரலோக-ராஜ்யத்தை-சுதந்தரிப்போம்-3014450.html
3014449 வார இதழ்கள் வெள்ளிமணி சிவ சிந்தனையாளர் கட்டிய சிவாலயம்! DIN DIN Friday, October 5, 2018 01:42 PM +0530 பல்லவ மன்னர்களில் தலை சிறந்து விளங்கியவன் மூன்றாம் விஜய நந்திவர்ம பல்லவ மன்னன். வேலூர் மாவட்டத்தில் உள்ள வேலூர் பாளையத்தில் (அரக்கோணத்திலிருந்து 9. கி.மீ தூரம்) இம்மன்னன் வழங்கிய செப்பேடு ஒன்று இருந்து வந்ததாம். அதில் இம்மன்னனின் பராக்கிரமங்கள் அடங்கிய செய்திகளோடு, "அரனின் திருவடித்தாமரைகளை தலையில் தரித்தவன்' என்ற பொருளில் "ஹர சரண ஸரோஜ உத்தம்ஸ சின்னஹ' என்ற வரிகளும் காணப்பட்டதாம். அதாவது இவரை சதா சிவ சிந்தனை உடையவர் என்று சிலாகித்து கூறுவதாக அமைந்துள்ளது. இவன் காலத்தில் கட்டப்பட்ட கோயில் தான் இவ்வூரிலுள்ள அருள்மிகு பிரம்மாம்பிகை உடனுறை பிரம்மேஸ்வரர் ஆலயம். சுமார் 1000 ஆண்டுகளுக்கு மேல் பழைமையானது.
 ஒரு காலத்தில் சீரோடும், சிறப்போடும், விளங்கி சிறந்த பரிகாரத் தலமுமாகவும் வழிபடப்பட்ட இத்திருக்கோயில் காலத்தின் கோலத்தால் வழிபாடு குன்றி, பராமரிப்பு இன்றி சிதிலமடைந்த நிலைக்கு தள்ளப்பட்டு ஆலயமும் குறுகிவிட்டது. தற்போது கிராம மக்கள் ஆதரவுடன் ஸ்ரீ பிரம்மமேஸ்வரர் அறக்கட்டளை திருப்பணிக்குழு என்ற அமைப்பின் மூலம் திருப்பணி வேலைகள் பல ஆண்டுகளுக்குப் பிறகு துவங்கப்பட்டு நடைபெற்று வருகின்றது. ஈசனின் கருவறை, விமானம், அர்த்த மண்டபம் மற்றும் கோஷ்ட பஞ்சரம் பணிகள் நிறைவு பெற்றுள்ளது. அம்பாள் சந்நிதி வேலைகள் நடைபெற்று வருகின்றன. இருப்பினும் நிதிப்பற்றாக் குறையினால் தாமதம் ஆகி வருகின்றது. பக்தர்கள் இத்திருப்பணியில் பங்குகொண்டு இறையருள் பெறலாம்.
 தொடர்புக்கு: 94447 53444 / 98431 60640.
 - எழுச்சூர் க.கிருஷ்ண குமார்
 

]]>
http://www.dinamani.com/weekly-supplements/vellimani/2018/oct/05/சிவ-சிந்தனையாளர்-கட்டிய-சிவாலயம்-3014449.html
3014448 வார இதழ்கள் வெள்ளிமணி பழங்கள் வழங்கும் வைத்தியம் DIN DIN Friday, October 5, 2018 01:42 PM +0530 பழங்களின் பயனைக் குர்ஆன் பல வசனங்களில் பகர்கிறது. இறைதூதர் இனிய நபி (ஸல்) அவர்களும் இனிய கனிகள் நனிமிகு மருந்தாவதைப் பொருந்த சொல்லி பழம் உண்பதையும் பிழிந்த உடனே புளிக்கவைக்காது பழச்சாறு அருந்துவதையும் அதனால் உடல் திருந்துவதையும் தீர்க்கமாய் சொல்லி இருக்கிறார்கள்.
 விதையை முளைக்க வைத்து திராட்சையையும் காய்கனிகளையும் ஜைதூனையும் (ஆலிவ்) பேரீட்சையையும் அடர்ந்த தோட்டங்களையும் கனி வகைகளையும் தீவனங்களையும் மனிதர்களுக்காகவும் கால்நடைகளுக்காகவும் உற்பத்தி செய்வதாக உரைக்கிறது உத்தம குர்ஆனின் 80-27 முதல் 32 வரையுள்ள வசனங்கள். பழங்கள் பார்வைக்கு ஒரே மாதிரி தோன்றினாலும் ஒவ்வொரு பழமும் வெவ்வேறு சுவை உடையதாய் இருப்பதை 6-141 ஆவது வசனம் இயம்புகிறது. பூமியில் பேரீட்சை, திராட்சை தோட்டங்களை ஏற்படுத்தி அதில் ஒலித்தோடும் நீர் ஊற்றுகளை உருவாக்கியதை உரைக்கிறது 36- 34 ஆவது வசனம்.
 முதல் மனிதன் ஆதி நபி ஆதம் அவர்களைப் படைத்த அல்லாஹ் மீதமான மண்ணில் உருவாக்கியது பேரீட்சை மரம். பேரீட்சை மரத்தினடியில்அன்னை மரியம் அவர்கள் ஈசா நபியைப் பிரசவித்ததாக அல்மகாஸிதுல் ஹசனா என்ற நூலில் குறிப்பிடப்படுகிறது.
 பண்படுத்தப்பாடாத பாலை நிலத்தில் மண்டி வளரும் பேரீட்சை மரம். பேரீட்சை மரத்தில் தோன்றும் பாளைகளில் அடுக்கடுக்காய் பூக்கள் பூக்கும். பூக்கள் காய்த்து மனிதர்கள் பறிக்க எளிதாக பாளைகள் தாழ்ந்து தொங்க பழக்குலைகள் வெளிவருகின்றன. வளர்ந்த மரங்களின் பழுப்பு வண்ண பழமே சிற்றீச்சை. விளைந்து பதப்படுத்தப்பட்டதே பேரீட்சை என்னும் பெரிய பழம். பேரீட்சைகளில் இருவகை உண்டு. தோற்றத்தில் நெய்ப்பு இல்லாது உலர்ந்து சுருங்கியது ஒருவகை. மற்றொரு வகை தேனில் ஊறியது போல வழவழப்பும் நெய்ப்பும் உடையது. பேரீட்சை குளிர்ச்சி உடையது. அது சிறுநீரக அழற்சி, சிதைவு, வலி, வறட்சியைக் குணமாக்கும். ரத்த பித்தம், சீதபேதி, எரிச்சல், இருமல், மூச்சுதிணறல் மூச்சு அடைப்பை நீக்கும்.
 மாதுளை, ஆலிவ் மரங்களின் இலைகள் ஒரே மாதிரி தோற்றம் உடையவை. ஆயினும் இம்மர கனிகள் வெவ்வேறான சுவை உடையன என்பதை 6-99 ஆவது வசனம் விளக்குகிறது. ஒருமுறை அன்பளிப்பாக அளிக்கப்பட்ட உலர்ந்த திராட்சைப் பழங்களைப் பக்கத்தில் இருந்தவர்களுக்குப் பகிர்ந்தளித்து உண்ட உத்தம நபி (ஸல்) அவர்கள் உலர்ந்த திராட்சை நல்ல உணவு. நரம்பிற்கு முறுக்கேறும் உறுதியைக் கொடுக்கிறது. வலியைப் போக்குகிறது. வாய்நாற்றத்தை மாற்றுகிறது. வாயில் ஊறும் சளி கோழையை குணப்படுத்துகிறது. ரத்தத்தைச் சுத்தம் செய்கிறது. இப்பழத்தின் இன்சுவை குமுறும் கோபத்தை அடக்கும் என்று அறிவித்தார்கள். ஆயினும் திராட்சைப் பழத்தைக் கண்ணியம் வாய்ந்தது என்று அழைப்பதை அண்ணல் நபி (ஸல்) அவர்கள் தடுத்த தகவலைத் தருகிறார் அபூஹுரைரா (ரலி). இக்கூற்றை உறுதிபடுத்தி திராட்சை அல்லது கொப்பு அல்லது கொத்து என்று கூறுமாறு கோமான் நபி (ஸல்) அவர்கள் அறிவித்ததைத் தெரிவிக்கிறார் வாயில் இப்னு ஹுஜ்ரு (ரலி) இவ்விரு செய்திகளும் முஸ்லிம் நூலில் உள்ளன.
 குர்ஆனின் 95- ஆவது அத்தியாயத்திற்கு அத்தி என்று பெயர். அந்த அத்தியாயத்தின் முதல் வசனம் அத்தி ஜைத்தூன் மீது சத்தியம் செய்து துவங்குகிறது. மனிதன் உண்ணும் பழங்களில் உயர்ந்தது அத்தி. அத்திப்பழம் தின்ற நொடியில் உடலில் நோய் எதிர்ப்பு சக்தியைப் பெருக்கும். அத்தியில் உள்ள நார்ச்சத்து சீரணத்தைச் சீராக்கி மலச்சிக்கலைப் போக்கும். சிறுநீர் பாதையை சுத்தப்படுத்தும். வாய்நாற்றத்தைப் போக்கும். தலைமுடி வளர உதவும். கேடின்றி கூடுதல் வலுவை மர பழத்தின் கொட்டைகளிலிருந்து எடுக்கப்படும் எண்ணெய் எண்ணற்ற நன்மைகளை நல்குகிறது. எனவே, இவ்விரு பழங்களைச் சத்திய சான்றுகள் ஆக்குகிறது அருமறை குர்ஆன்.
 சொர்க்கத்திலும் பலவகை பழங்களும் பேரீச்சைகளும் மாதுளையும் உள்ளதை உரைக்கிறது 55 -68 ஆவது வசனம். சொர்க்கத்தில் நோயின்றி நலமாய் வாழ்வோர் சத்துடைய பழங்களைவிட சுவைமிகு கனிகளையே விரும்புவர். வந்த விருந்தைப் போற்றி உணவளித்து ஏற்ற உதவிகளை நோற்று செய்த வானத்தவருக்கு நல்விருந்தான நல்லடியார்கள் வாழும் சொர்க்கத்தில் முள் இல்லாத இலந்தை மரத்தின் பழங்கள் அவற்றின் சுவைக்காகவே தின்னப்படும் என்றும் சொர்க்கத்தில் உள்ள வாழை மரங்களில் அடியில் இருந்து நுனிவரை பழ குலைகள் குவிந்திருக்கும் என்றும் அதிகமான வகைவகையான பழங்கள் பல்கி இருக்கும் என்றும் 56-28, 29,32 ஆவது வசனங்கள் கூறுகின்றன.
 இறைமறை குர்ஆன் கூறும் பழங்கள் வழங்கும் வைத்தியத்தை வகையாய் அறிந்து தகையோடு உண்டு பகையாய் தாக்கி தொகையை தொலைக்கும் நோய்கள் அண்டாது அந்நோய்களால் திண்டாடாது திண்ணமாய் திடமான உடலோடு எண்ணமெல்லாம் இனிக்க எழிலாய் வாழ்வோம். ஏற்றம் பெறுவோம். மாற்றம் இல்லாது இறைவனைப் போற்றி புகழ்வோம்.
 - மு.அ.அபுல் அமீன்
 
 

]]>
http://images.dinamani.com/uploads/user/imagelibrary/2018/10/5/w600X390/v1.jpg http://www.dinamani.com/weekly-supplements/vellimani/2018/oct/05/பழங்கள்-வழங்கும்-வைத்தியம்-3014448.html
3014447 வார இதழ்கள் வெள்ளிமணி நிகழ்வுகள் DIN DIN Friday, October 5, 2018 01:41 PM +0530 ஏகதின லட்சார்ச்சனை
தாமிரவருணி நதிக்கரையில் கார்க்கோடக úக்ஷத்திரத்தில் கல்யாண குணாத்மகனாய் எழுந்தருளியிருக்கும் ஸ்ரீ பூமிநீளா சமேத ப்ரஹன் மாதவப்பெருமாள் திருக்கோயிலில் அக்டோபர் 12 -ஆம் தேதி, காலை 9.15 மணி முதல் மாலை 5.00 மணி வரை ஏகதின லட்சார்ச்சனை நடைபெறுகின்றது. 
தொடர்புக்கு : 82202 99952/ 94449 05057.
ஷீரடி சாயிபாபா ஆலயத்தில் விழாக்கள்
திருமயிலையில் உள்ள ஷீரடி சாயிபாபா ஆலயத்தில் மகானின் 100 -ஆவது மகாசமாதி நாளை முன்னிட்டும், பூஜ்யஸ்ரீ நரசிம்ம சுவாமிஜியின் 62 -ஆவது ஆராதனையை முன்னிட்டும் பல்வேறு ஆன்மீக நிகழ்ச்சிகள் அக்டோபர் 8 -இல் தொடங்கி அக்டோபர் 26 வரை நடைபெறுகின்றது. அக்டோபர் 18 - பாபா மஹா சமாதி நாள், அக்டோபர் 24 - ஸ்ரீ நரசிம்ம சுவாமிஜியின் ஆராதனை. 
தொடர்புக்கு : 044-2464 0784.
ஸ்ரீ முஷ்ணத்தில் பவித்ரோத்ஸவம் 
கடலூர் மாவட்டம், ஸ்ரீமுஷ்ணத்தில் உள்ள அருள்மிகு அம்புஜவல்லி சமேத பூவராக பெருமாளுக்கு அக்டோபர்-22 தொடங்கி 24 வரை திருப்பவித்ரோத்ஸவம் நடைபெறுகின்றது. இதனை முன்னிட்டு, ஏற்பாடு செய்யப்பட்டுள்ள பூஜை, ஹோம வைபவங்களில் பக்தர்கள் பங்கேற்கலாம். 
தொடர்புக்கு : 94431 81679 / 63815 69852.
நவராத்திரி விழா
சென்னை தியாகராயநகர் வடக்கு உஸ்மான் சாலையில் உள்ள தருமபுர ஆதீன சமயப்பிரசார நிலையத்தில் உள்ள முத்தையா மணி விழா மண்டபத்தில் நவராத்திரி விழா கொலுக்கண்காட்சியுடன் அக்டோபர் 10 -இல் தொடங்கி 18 வரை நடைபெறுகின்றது. இதனையொட்டி அபிராமி அந்தாதி பாராயணம், சொற்பொழிவு, இன்னிசை கலை நிகழ்ச்சிகள் நடைபெறுகின்றன. 
தொடர்புக்கு: 96266 14594. 
ஸ்ரீ சிவன்சார் ஜெயந்தி
காஞ்சி மகாசுவாமிகள் பூர்வாஸ்ரம சகோதரர் பூஜ்யஸ்ரீ சிவன் சாரின் ஜெயந்தியை முன்னிட்டு அக்டோபர் 7 -ஆம் தேதி தியாகராய நகர் ஆர்.கே. மிஷன் பள்ளி வளாகத்தில் உள்ள இன்போஸிஸ் ஹாலில் பிரவசனம், சங்கீதக் கச்சேரிகள் நடைபெறுகின்றன. நேரம்: மாலை 6 மணி. 
தொடர்புக்கு: 96000 15230.

]]>
http://www.dinamani.com/weekly-supplements/vellimani/2018/oct/05/நிகழ்வுகள்-3014447.html
3014446 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, October 5, 2018 01:40 PM +0530 • உங்கள் குழந்தைகளைச் சிறுவயதிலேயே வலிமை உடையவர்களாக ஆக்குங்கள். பலவீனத்தை அவர்களுக்குச் சொல்லித் தராதீர்கள்.

• உடலிலும் மனதிலும் வலிமை இல்லாவிட்டால் ஆன்மாவை அடைய முடியாது. 

• நீயே உன் விதியைப் படைப்பவன் என்பதைத் தெரிந்துகொள்.

• உனக்குத் தேவையான எல்லா வலிமைகளும் உனக்குள் இருக்கின்றன. 

• உன்னை நீயே, "பலவீனன்' என்று நினைத்துக் கொள்வதுதான் மிகப் பெரிய பாவம்.

• உன்னிடம் அளவற்ற நம்பிக்கையை வளர்த்துக்கொள். பிறகு அந்த நம்பிக்கையை நாட்டிற்கு வழங்கு.

• இளைஞர்களே! என் நம்பிக்கை எல்லாம் உங்களிடம்தான் இருக்கிறது.

• எதற்கும் கலங்காத நம்பிக்கை, எதற்கும் தளராத தன்னம்பிக்கை உனக்கு இருக்க வேண்டும்.

• நாம் உண்மைக்காக எதையும் துறக்கலாம். ஆனால் எதற்காகவும் நாம் உண்மையைத் துறக்கக் கூடாது.

• பிறரது குற்றங்களைப் பற்றி ஒருபோதும் பேசாதே. அவை அவ்வளவு கெட்டவை ஆனாலும் சரி; அதனால் எந்தப் பயனும் ஏற்படுவதில்லை.

• பொய் சொல்லாமல் இருத்தல், மது குடிக்காமல் இருத்தல், தீய வழியில் செல்லாமல் இருத்தல், பிறருக்கு நன்மை செய்தல் ஆகியவற்றால் மனம் தூய்மை 
அடைகிறது.
- சுவாமி விவேகானந்தர்

]]>
http://images.dinamani.com/uploads/user/imagelibrary/2018/10/5/w600X390/kamalanandhar.JPG http://www.dinamani.com/weekly-supplements/vellimani/2018/oct/05/பொன்மொழிகள்-தொகுப்பு-சுவாமி-கமலாத்மானந்தர்-3014446.html
3014445 வார இதழ்கள் வெள்ளிமணி முக்தி தரும் மோட்சபுரி!  Friday, October 5, 2018 01:38 PM +0530 அயோத்தி, துவாரகை, காஞ்சி, உஜ்ஜையினி, மதுரா, வாரணாசி, கயா ஆகிய ஏழு நகரங்களும் முக்தி தரும் சப்த மோட்சபுரிகளாகும். இவற்றில் பிகாரில் உள்ள இந்த கயா நகரம் பாட்னாவிற்கு தெற்கே 100 கி.மீ. தொலைவில் அமைந்துள்ளது. புத்தமதத்தை நிறுவிய பகவான் புத்தர் பீஹாரில் உள்ள கயா நகரில் ஞானத்தை அடைந்தார். 
இந்த நகரம் மூன்று பக்கங்களிலும் சிறிய மலைகளால் சூழப்பட்டுள்ளது. மேற்கு பக்கத்தில் பல்குனி என்கிற நதி ஓடுகிறது. அக்கரையில் சீதா மாதா ஆலயம் உள்ளது. கயாவில் பல்குனி நதி, விஷ்ணு பாதம், அட்சய வடம் ஆகிய மூன்று இடங்களில் வழிபாடு செய்து, பிண்டம் வைத்தால் முன்னோர்கள் முக்தி அடைவார்கள். 
கயாசுரன் ஓர்அரக்கன். இவன் மகாவிஷ்ணுவை நோக்கி செய்த கடும் தவத்தை மெச்சி, அவன் முன் தோன்றினார். "என்னுடைய உடல் எல்லா தீர்த்தங்களைக் காட்டிலும் புனிதமாக வேண்டும். என்னைத் தொடுபவர்கள் அக்கணமே புனிதம் பெற வேண்டும்' என்று கயாசுரன் கேட்க, அதையே அருளினார். அதனால் மக்கள் பலரும் கயாசுரனின் உடலைத் தொட்டு தங்கள் பாவங்களைப் போக்கிக் கொண்டனர். எமதர்மராஜன் பாதிக்கப்பட்டான். பூமியில் சுமை கூடியது. எமன் பிரம்மாவிடமும், பிரம்மா விஷ்ணுவிடம் இதைத் தெரிவித்தனர். உடனே விஷ்ணு, "பிரம்மாவிடம் நீ கயாசுரனிடம் சென்று பவித்ரமான உன் உடல் மீது யக்ஞம் செய்ய வேண்டும் எனக் கேள்' என்றார். 
பிரம்மாவும் கயாசுரனிடம் கேட்க, "ஒரு நல்ல காரியத்துக்கு என் உடல் பயன்படுமானால் அது எனக்கு மகிழ்வே!' என்று வடக்கே தலை வைத்து, தெற்கே கால் நீட்டி தன் உடலை கீழே கிடத்தினான். அவனது உடல் மீது பிரம்மா வேள்வியை செய்ய உச்சக் கட்டத்தில் அவன் தலை அசையத் துவங்கியது. விஷ்ணு தன் கதாயுதத்தால் அவன் மார்பை அழுத்தி, தனது பாதத்தை அவன் மீது வைத்து அவன் தலை ஆட்டத்தை நிறுத்தி அவனை பாதாள லோகம் அனுப்பினார்.
அதற்கு முன், அவனுக்கு "என்ன வரம் வேண்டும்?' என்றார். கயாசுரன், "இத்தலம் என் பெயரால் விளங்க வேண்டும். இங்கு வந்து பிண்டம் போட்டுச் சிரார்த்தம் செய்பவர் அனைவருக்கும் பாவங்கள் தொலைந்து முக்தி கிடைக்க வேண்டும்' என கேட்க, விஷ்ணுவும் அருளினார். 
முதலில் பல்குனி நதி, பின் விஷ்ணு பாதம், அதன் பின் அட்சய வடம் ஆகிய இடங்களில் பிண்டம் அளிப்பது மரபாக உள்ளது. பல்குனிநதியில் எப்போதும் நீர் இருக்காது. மழைக்காலத்தில் ஓடி உடனே வறண்டுவிடும். கயையில் பல்குனி நதிக்கரையில் இறந்து போன தங்கள் முன்னோர்களுக்கு பிண்ட தானம் செய்யப்படுகிறது. அதிலும் 16 பிண்டங்களை தன்னை வளர்த்து ஆளாக்கிய தாயாருக்கு மட்டும் கொடுத்து செய்யப்படுகிறது. தங்கள், உறவினர்கள், நண்பர்கள், ஆசையுடன் வளர்த்த மிருகங்கள், செல்லப் பிராணிகள், மரம், செடி, கொடிகள், தெரிந்தவர்கள், தெரியாதவர்கள் என அனைவருக்கும் 64 பிண்டங்கள் வைத்து செய்வது மரபு. அவ்வாறு அளிக்கப்படும் பிண்டத்தால் அவர்கள் நற்கதி பெறுவார்கள். அவ்வாறு சடங்குகள் முடித்த பிறகு அவற்றை பக்தியுடன் எடுத்துச் சென்று விஷ்ணுபாதக் கோயிலில் உள்ள கயாசுரன் தலை வைத்திருந்த விஷ்ணு பாதத்தில் சேர்க்கப்படுகிறது. விஷ்ணு பாதம் சுமார் 40 செ.மீ நீளமுடையது. அது வெள்ளிக் கவசத்தால் சூழப்பட்டுள்ளது. இக் கோயில் கிழக்கு நோக்கி எண் கோண வடிவத்தில் கருங்கற்களால் கட்டப்பட்டுள்ளது. 
ஒருமுறை, ஸ்ரீராமபிரான் வனவாசத்தில் வருட திதி வந்தது. வழக்கம் போல் லட்சுமணர் பிûக்ஷ வாங்க சென்றிருந்தார். வெகு நேரமாயிற்று. ராமர் தம்பியைத் தேடி கிளம்பினார். சிரார்த்த நேரம் வந்தது. சீதை தவித்தாள். நேரம் கடந்தால் பிதுர்க்கள் சபிப்பார்களே என நினைத்தாள். பழங்களை பறித்து அக்கினியில் வேகவைத்து பிசைந்து பிண்டம் செய்ய அவள் முன் பிதுர்க்கள் தோன்றினர். மாமனார் தசரதன் பிண்ட தானம் வேண்டினார். பிள்ளைகள் செய்ய வேண்டியதை தான் செய்வது தவறு என்று சொன்னாள். தசரதரோ "உரிய காலத்தில் தகுந்த சாட்சி வைத்துக் கொண்டு கொடுக்கலாம்' என சொன்னார். 
சீதையும் பல்குனி நதி, பசு, ஒரு பிராமணன், துளசிச்செடி மற்றும் அட்சய வட ஆலமரம் ஆகியவற்றிடம் என் கணவரிடம் சொல்லுவதற்காக உங்களை சாட்சி வைத்து பிதுர்க்களுக்கு பிண்டம் தருகிறேன் என கொடுக்க, அவர்களும் பெற்றுக் கொண்டு மகிழ்வுடன் மறைந்தனர். 
சிறிதுநேரத்தில் ராம லட்சுமணர்கள் தானியங்களோடு வந்து சமையலை செய்யச் சொன்னார்கள். சீதை நடந்ததைக் கூறினாள். ராமன் இது இயல்பை மீறிய செயல் என நினைத்தான். இதை உணர்ந்த சீதை பல்குனி நதி, பசு , ஒரு பிராமணன், துளசிச்செடி மற்றும் அட்சய வட ஆலமரம் ஆகியவற்றை சாட்சிக்கு அழைத்தாள். அட்சய வட ஆலமரம் தவிர மற்றவர்கள் "நாங்கள் அறியோம்' என்று சொல்லி விட்டன.
ராமர் நீராடி வந்து சங்கல்பம் செய்து பிதுர்க்களை அழைக்கும்போது தாங்கள் ஏற்கெனவே சீதை தந்த பிண்டத்தை பெற்றுக்கொண்டோம் என அசரீரியாக ஒலிக்க ராமர் சமாதானமானார்.
சீதை கோபமுற்று "பொய் சொன்ன பல்குனி நீர் வற்றிப்போகக்கடவது' என்றும்; "பசுவே! இனி உன் பின் பாகத்திலேயே வாசம் செய்வேன், கயாமுழுவதும் இனி எங்கும் துளசி வளராது, கயா பிராமணர்கள் தங்கள் வித்தையை விற்று திருப்தி இல்லாமலே வயிறு வளர்க்கும் அவலம் உண்டாகும்' என நால்வருக்கும் சாபமிட்டாள். இந்த சாபத்தின் விளைவால்தான் கயாவில் துளசி வளருவதே கிடையாது. மேலும் பல்குனி நதியும் வற்றிபோய் காட்சியளிக்கிறது. 
ஆலமரம் உண்மை சாட்சி சொன்னதால், "யுகங்கள் நீடுழி வாழ்ந்து யுக முடிவில் உன், அட்சய வட இலையிலேயே பரமாத்மா குழந்தையாய் தோன்றுவார்' என்று அருளினாள். மேலும், கயாவில் ஸ்ரார்த்தம் செய்வதன் பலன் கிடைக்க அட்சய வடத்திலும் பிண்டங்களை அர்ப்பணம் செய்வார்கள் என்றும் ஆசீர்வதித்தாள்.
இத்தனை புராணச்சிறப்பும் ஆன்மீக வழிபாடும் சிறந்த கயையில் புரட்டாசி மகாளய பட்ச நாட்கள் உட்பட எந்த நாளிலும் சென்று வழிபட்டு முன்னோரின் ஆசியினைப் பெறலாம்.
- இரா.இரகுநாதன்
 

]]>
http://images.dinamani.com/uploads/user/imagelibrary/2018/10/5/w600X390/VISHNU_PATHAM.JPG http://www.dinamani.com/weekly-supplements/vellimani/2018/oct/05/முக்தி-தரும்-மோட்சபுரி-3014445.html
3008789 வார இதழ்கள் வெள்ளிமணி சகலகலாவல்லவர் ஸ்ரீவேதாந்த தேசிகன்! ஏ.அர்ஜுன் சம்பத் Friday, September 28, 2018 10:00 AM +0530 வேதாந்த தேசிகன் 1268-ஆம் ஆண்டு, புரட்டாசி மாதம், திருவோண நட்சத்திரத்தில், காஞ்சிபுரத்தை அடுத்துள்ள தூப்புல் எனும் சிற்றூரில் அனந்தசூரி சோமயாஜிக்கும், தோதாரம்மாவுக்கும் திருவேங்கடவன் அருளால் மகவாக அவதரித்தார். திருமலை திருப்பதியில் உள்ள திருமணியின் அம்சமாக இவர் தோன்றியதால் பெற்றோர் இவருக்கு வேங்கடநாதன் எனப் பெயரிட்டனர். பின்னாளில் இவர் "சுவாமி தேசிகன்', "தூப்புல் நிகமாந்த தேசிகன்', "தூப்புல் பிள்ளை', "வேதாந்த தேசிகன்' போன்ற பெயர்களால் அழைக்கப் பெற்றார்.
 தாய்மாமன் கிடாம்பி அப்புள்ளான், நடாதூர் அம்மாள் ஆகியோரிடம் கல்வி கற்றார். சமஸ்கிருதம், தமிழ், பிராக்கிருதம் உள்ளிட்ட எட்டு மொழிகளில் இலக்கண சுத்தமாக கவிபாடும் ஆற்றல் பெற்றவர். கீதை, உபநிடதம் முதலியவற்றுக்கு விசிஷ்டாத்வைத பூர்வமாக உரையும் கண்டார். எட்டு மொழிகளில் புலமை பெற்றிருந்தாலும், தமிழ் மொழி மீதிருந்த பற்று காரணமாக "சந்தமிகு தமிழ்மறையோன்' எனத் தம்மை பெருமைப்படுத்திக்கொண்டார்.
 உரிய வயதில் திருமங்கை எனும் நல்லாளை திருமணம் செய்து கொண்டார். காஞ்சி வரதராஜப் பெருமாளின் அருளால் தனக்கு பிறந்த குழந்தைக்கு வரதன் எனப் பெயர் சூட்டினார். பெண்கள் உட்பட அனைத்து சாதியினரும் வேதங்களை கற்கலாம் என்று கூறி ராமானுஜரை தொடர்ந்து சிறந்த சமூக சீர்திருத்த வாதியாக தொடர்ந்தார். வடமொழியில் வேதங்களில் புரிந்து கொள்ள முடியாத பகுதிகளைக் கூட தமிழ் வேதமாகிய பாசுரங்கள், பிரபந்தங்கள் மூலம் தாம் தெளிவு பெற்றதாக கூறினார்.
 காஞ்சி வரதன் கோயிலில் நாலாயிரம் ஓதுவதை சிலர் எதிர்த்த போது அவர்களோடு வாதிட்டு வென்றார். இந்த வெற்றிக்குப் பரிசாக பெருமாளின் திருச்சின்னங்களின் ஒன்றை தேசிகருக்கு வழங்கினார்கள். தேசிகரும் "திருச்சின்னமாலை'என்ற பிரபந்தத்தை அருளிச்செய்தார்.
 பெருமாளின் திருவடி பாதுகையின் சிறப்பு பற்றி "பாதுகா சஹஸ்ரம்' எனும் ஆயிரம் ஸ்லோகங்கள் அடங்கிய சமஸ்கிருத நூலை ஒரே இரவில் இயற்றினார். இதன் காரணமாக, ரங்கநாதபெருமாள் "கவிதார்க்கிக கேசரி' எனும் பட்டத்தை வழங்கினார். தேசிகன் வைணவர்களின் வாழ்வியலுக்கு சிறந்த உதாரணமாக திகழ்ந்தார்.
 ஒரு நல்ல ஆச்சாரியனாகவும் தனது சீடர்களுக்கு சிறந்த குருநாதராகவும் திகழ்ந்தார். அதே போன்று பாகவதர்களுக்கும் நல்ல முன்னுதாரணமாக இருந்தார். தமிழிலும் வடமொழியிலும் பல நூல்களை இயற்றியுள்ளார். 405 தமிழ் பிரபந்தங்களை அருளியுள்ளார். நூற்றுக்கும் மேற்பட்ட நூல்களை இயற்றியுள்ளார்.
 ஸ்ரீ வித்யாரண்ய ஸ்வாமிகளின் சமகாலத்தவரான தேசிகன் அவரின் சிறந்த தோழராகவும் திகழ்ந்தார். விஜயநகர சாம்ராஜ்ஜியத்தின் செல்வாக்குப் பெற்றிருந்த வித்யாரண்யர் மன்னரிடம் சொல்லி தேசிகனுக்கு பெரும் தனம் கிடைக்க வழிவகை செய்தார். மன்னரும் தேசிகனை அழைத்தார். ஆனால் பெருமாள் ஒருவரைத்தவிர வேறு எவரிடமும் தான் தனம் வேண்டி செல்லமாட்டேன். காஞ்சி பேரருளாளன் வரதனே தமக்கு பெரும் தனம் என்று ஐந்து சுலோகங்கள் அடங்கிய "வைராக்கிய பஞ்சகம்' எனும் பாடல் மூலம் அறிவித்தார்.
 ஒருமுறை காஞ்சிக்கு அடுத்துள்ள திருப்புட்குழி என்னும் கிராமத்தில் வைசூரி எனப்படும் கொடிய நோயால் மக்கள் அவதிப்பட்டனர். ஸ்வாமி தேசிகன் பெருமாளின் சக்கரமான சுதர்சனாழ்வார் மேல் "சுதர்சனாஷ்டகம்' பாடி சக்கரத்தாழ்வாரின் திருவருளால் அனைவரையும் காத்தார்.
 சுவாமி தேசிகன் திருவஹீந்திரபுரத்துக்குச் சென்று அங்குள்ள கருடநதியில் நீராடி அடியவர்க்கு மெய்யனான ஸ்ரீ தேவநாதன் செங்கமலத் தாயாரை வணங்கி, ஒளஷதகிரி என்னும் மலையில் கருட மந்திரத்தை ஜபித்து வந்தார். கருடன் அவர்முன் தோன்றி அவருக்கு கல்வி, ஞானத்திற்கு அதிபதியான ஸ்ரீ ஹயக்ரீவரின் மந்திரத்தை உபதேசித்தார். அன்றிலிருந்து ஹயக்ரீவ மந்திரத்தை ஜபித்து வந்தார். ஹயக்ரீவர் இவருடைய கடும் தவத்தால் மகிழ்ந்து தன் லாலாமயமான அமிர்தத்தை தேசிகனுக்கு அளித்தார். ஹயக்ரீவரின் திருவருளால் சகல ஞானமும் பெற்றார். "ஞானானந்த மயம் தேவம்' எனத் தொடங்கும் ஹயக்ரீவ ஸ்தோத்திரத்தை அருளினார்.
 ஸ்ரீபாஷ்யம் அருளிய ராமானுஜருக்கு சன்மானமாக சரஸ்வதி தேவி ஹயக்ரீவ விக்கிரஹத்தை அருளினாள். ராமானுஜர் அதனை பிள்ளான் என்பவருக்கு கொடுத்தார். பிள்ளான் வம்சத்தில் வந்த புண்டரீகாட்சர் தேசிகன் காலத்தில் வாழ்ந்தவர். அதுசமயம், ஹயக்ரீவ பெருமானை தேசிகனிடம் பூஜிக்க கொடுத்தார் புண்டரீகாட்சன். சுவாமி தேசிகன் ஹயக்ரீவரைத் தனது இஷ்டதெய்வமாக பூஜித்து வந்தார்.
 திருவஹீந்திரபுரத்தில் தேசிகன் வசித்த காலத்தில் கரடுமுரடான இடத்தில் ஓர்அழகிய கிணற்றை கட்டி முடித்தார். அதனை இன்றும் காணலாம். சிற்பி ஒருவன் தேசிகனிடம் அவரைப் போல ஒரு சிற்பம் செய்ய வேண்டும் என்றார். தேசிகனும் ஒப்புக்கொண்டு தன் சிற்பத்தை செய்து முடித்தார். வலக்கையில் ஞான முத்திரையும், இடக்கையில் ஸ்ரீகோஷமும் கொண்டு வீற்றிருந்த கோலத்தில் அவர் செய்த விக்கிரஹத்தை இன்றும் திருவஹீந்திரபுரத்தில் தரிசிக்கலாம்.
 வடகலை வைணவத்தை பின்பற்றும் கோயில்களில் இவருக்கென தனி சந்நிதியோடு முதல் வழிபாடும் நடத்தப்படுகிறது. திருமலையில் வெள்ளிக்கிழமை திருமஞ்சனத்திற்கு (நீராட்டல்) முன் தேசிகரின் அடைக்கலப்பத்து இன்றும் பாடப்பெற்று வருகிறது
 நூறு ஆண்டு காலம் வாழ்ந்து ஸ்ரீவைணவத்தைப் பேணிக் காத்தார். தனது கிரந்தங்கள் மூலமாகவும், நேரிலும் வாதங்கள் புரிந்து வெற்றி பெற்றார். சகலகலா வல்லவரான இவர், சர்வ தந்திர சுவதந்திரர்! "பூகோளா நிர்ணயம்' என்னும் அற்புத நூலை இயற்றியுள்ளார். பாம்பாட்டி ஒருவன் ஏவிய பாம்புகளை எதிர்கொள்ள கருடனை வேண்டி, "கருடதண்டகம்' பாடி அருளினார்.
 சுவாமி தேசிகனின் 750-ஆவது அவதார தினம் அனைத்து வைணவத் திருத்தலங்களிலும் தேசிகன் சந்நிதிகளில் சிறப்பு வழிபாடுகளுடன் சிறப்பாக நடைபெற்றது.
 
 

]]>
http://www.dinamani.com/weekly-supplements/vellimani/2018/sep/28/சகலகலாவல்லவர்-ஸ்ரீவேதாந்த-தேசிகன்-ஏஅர்ஜுன்-சம்பத்-3008789.html
3008796 வார இதழ்கள் வெள்ளிமணி மௌனம் மகத்தானது DIN DIN Friday, September 28, 2018 10:00 AM +0530 அருள் பெற்றோர் அதிகம் பேச மாட்டார்கள். அவர்களின் மௌனம் மகத்தானது. அம்மௌனத்தின் விளைவும் மகத்துவம் உடையதாக இருப்பதை இவ்வுலகின் கடந்த கால நிகழ்கால நிகழ்வுகளில் நிதர்சனமாக காண்கிறோம். மௌனத்தின் மகத்துவம் கூறும் மணிமொழிகளையும் அணியாகும் அதன் பயன்களையும் பகுத்தாய்வோம்.
 பொழுது புலர்ந்ததும் மனித உடலில் உள்ள உறுப்புகள் நாவிடம் அல்லாஹ்விற்கு அஞ்சி நேர்மையாக இருக்குமாறும் நீ கோணினால் உன்னை அண்டியுள்ள நாங்களும் கோணலாகி விடுவோம், என்று பணிவோடு பகரும் என்ற பாசநபி (ஸல்) அவர்களின் மணிமொழியை அறிவிக்கிறார் அபூஸஈதில் குத்ரீ (ரலி) நூல்- திர்மிதீ. எவர் அல்லாஹ்வையும் மறுமை நாளையும் விசுவாசிக்கிறாரோ அவர் நல்ல சொற்களைச் சொல்லவும், அல்லது மௌனமாக இருக்கவும். திருத் தூதர் நபி (ஸல்) அவர்கள் திருவாய் மொழிந்ததை அறிவிப்பவர் அபூஹுரைரா (ரலி) நூல்- திர்மிதீ. எவர் வாய்மூடி இருக்கிறாரோ அவர் முக்தி பெற்றவர் என்று முஹம்மது நபி (ஸல்) அவர்கள் மொழிந்ததை இயம்புகிறார் இப்னு உமர் (ரலி) நூல்- திர்மிதீ. நல்ல சொல் அல்லாஹ்வின் நெருக்கத்தை ஏற்படுத்தும். நவிலும் சொல்லில் நன்றல்லாதது ஒன்றான இறைவனிடம் ஒனறாது தடுத்து விடும் என்ற தாஹா நபி (ஸல்) அவர்களின் தகவலைத் தருகிறார் அபூஹுரைரா (ரலி) நூல்- புகாரி, முஸ்லிம், திர்மிதீ, முஅத்தா. இனிய நபி (ஸல்) அவர்களின் இக்கருத்துகளைக் கவனமாக கடைபிடிப்பதற்காக நபி தோழர் முதல் கலீபா அபூபக்கர் சித்தீக் (ரலி) அவர்கள் தேவையற்ற பேச்சுகளை பேசாதிருக்க வாயில் கூழாங்கற்களை அடைத்துக் கொள்வார்கள்.
 சுருங்க சொல்லி விளங்க வைக்குமாறு நான் கட்டளை இடப்பட்டு இருக்கிறேன் என்ற இனிய நபி (ஸல்) அவர்களின் கனிவான மொழியை அனைவரும் கவனமாக கடைபிடிக்க வேண்டும். ஆகுமான பேச்சுகளையும் அளவோடு பேசவேண்டும் என்பதே இஸ்லாமிய போதனை என்ற சாதனை நபி (ஸல்) அவர்களின் நீதியை நினைவுறுத்துகிறார் அபூஹுரைரா (ரலி) நூல் - திர்மிதீ, முஅத்தா. வெற்றியடையும் வழியைக் காட்டுமாறு வள்ளல் நபி (ஸல்) அவர்களிடம் கேட்டபொழுது நாவைக் கட்டுப்படுத்த நவின்றதை அறிவிக்கிறார் ஸýஃப்யான் இப்னு அப்துல்லாஹ் (ரலி) நூல்- திர்மிதீ.
 அதிகமான உரையாடல் அல்லாஹ்வின் நினைவை நீக்கி உள்ளதைக் கல்லாக்கி விடும். கல்லான மனம் மக்களை விட்டு விலக வைக்கும் என்ற ஏந்தல் நபி (ஸல்) அவர்களின் எழில் மொழியை எடுத்துரைக்கிறார் இப்னு உமர் (ரலி) நூல்- திர்மிதீ. வீண் பேச்சுகளில் தலையாயது கோள் சொல்வது. கோள் சொல்பவன் சொர்க்கம் புகமாட்டான் என்று பூமான் நபி (ஸல்) அவர்கள் புகன்றதை அறிவிக்கிறார் ஹுதைபா (ரலி) நூல்- புகாரி, முஸ்லிம், அபூதாவூத், திர்மிதீ. மௌனம் பிறருக்கு நாம் செய்த உதவிகளை மற்றவர்களிடம் பகிரங்கப்படுத்தி உதவி பெற்றவர்களைப் பங்கபடுத்தாது பாதுகாக்கும். பிறர் நம்மிடம் நவிலும் ரகசியங்களை எந்த சூழ்நிலையிலும் எவரிடத்தும் வெளிப்படுத்தாமல் பாதுகாக்க சாதகமாக அமையும். அதனால்தான் மௌனம் பலம் பொருந்திய கோட்டை என்று கூறினார் அபூசுலைமான் தாரானி (ரஹ்).
 தொழுகையை முறையாக தொழுது நாவைச் சீராய் காத்தால் சகல செயல்களும் சீரகாக இருக்கும் என்று இயம்பினார் யூனூஸ் இப்னு உபைத் (ரஹ்). வீண் பேச்சினால் வேலையை இழந்தவர்கள் உண்டு. அதிக பேச்சு அமைதியைக் குலைக்கும். மனஅமைதியும் பறிபோகும். சுற்றுச்சூழலையும் பாதிக்கும். சிந்தித்து சிக்கனமாய் பேசுவது சிறப்பைத் தரும். அமைதி காக்க வேண்டிய இடத்தில் அனாவசிய பேச்சு ஆபத்தை உண்டாக்கும்.
 மன்சூர் இப்னு முஅதஸ் என்ற பெரியார் இரவு- இஷா தொழுகைக்குப்பிறகு எதுவும் பேசாமல் நாற்பது ஆண்டுகள் மௌனம் காத்தார். இன்னொரு பெரியார் ரபீவு இப்னு கைதம் உலக விவகாரங்கள் பற்றி இருபது ஆண்டுகள் பேசாது மௌனம் காத்தார். மௌனம் என்பது இறை மொழி. மற்றவை மாற்றமான மொழிபெயர்ப்புகள் என்று மொழிந்தார்.
 மௌலானா ரூமி (ரஹ்). வாய்மூடி இருந்தால் மனம் மூடும். மனம் மூடினால் நான் என்ற மமதை மறையும். நான் என்ற மமதை மறைந்தால் இறை பேற்றைப் பெறலாம். இதனையே குணங்குடி மஸ்தான்,
 நான் என்பது அற்று
 நீ என்பது உற்று
 நான் நீ ஆவது எக்காலமோ?
 என்று பாடினார்.
 பிறரைப் பழிப்பதும் பரிகசிப்பதும் மௌனத்திற்கு மாறானது. அதனால்தான் அருமறை குர்ஆனின் 49-11 ஆவது வசனம் பரிகசிப்பதைத் தடை செய்கிறது. 49-12 ஆவது வசனம் புறம் பேசுவதைப் புறக்கணிக்க புகலுகிறது. இவ்விரண்டும் பெரும் சண்டை, குழப்பம், கலவரங்களை உண்டு பண்ணும். இதுபோன்ற சந்தர்ப்பங்களில் மௌனமே மகத்தானது. அவசியமின்றி பேசாமலும் அளவற்று பேசாமலும் மகத்தான மௌனத்தைக் கடைபிடித்து மகத்துவம் பெறுவோம்.
 - மு.அ. அபுல் அமீன்
 

]]>
http://images.dinamani.com/uploads/user/imagelibrary/2018/9/27/w600X390/v2.jpg http://www.dinamani.com/weekly-supplements/vellimani/2018/sep/28/மௌனம்-மகத்தானது-3008796.html
3008809 வார இதழ்கள் வெள்ளிமணி தரிசிக்க வேண்டிய தட்சிணாமூர்த்தி DIN DIN Friday, September 28, 2018 10:00 AM +0530 சென்னை- வேலூர் நெடுஞ்சாலையில் காவிரிப்பாக்கத்திற்கு சற்று முன்பாக, ஒச்சேரிக்கு அருகாமையில் சிறுகரும்பூர் என்ற ஊரில் சுயம்புலிங்க சக்கரபீட சுந்தர காமாட்சி அம்மன் திருக்கோயில் அமைந்துள்ளது. பழம் பெருமை வாய்ந்த இக்கோயில் சோழ மன்னர்களால் கட்டப்பெற்ற பெருமை வாய்ந்தது. இத்திருக்கோயிலில் கருவறையின் தெற்கு தேவ கோஷ்ட தெய்வமாக வீற்றிருந்து அருளும் ஸ்ரீ தட்சிணாமூர்த்தி சுவாமியின் ஜடை முடியில் 63 சிவலிங்கங்கள் போன்று சிற்ப வேலைப்பாடுகளுடன் காட்சி அளிக்கிறது. இந்த லிங்க வடிவங்கள் 63 நாயன்மார்களை குறிப்பிடுவதாக ஓர் ஐதீகம் இத்தலத்தில் கூறப்படுகிறது.
 காஞ்சி மகாசுவாமிகள் 1974 மற்றும் 1978- ஆம் ஆண்டுகளில் இக்கோயிலுக்கு விஜயம் செய்து அம்பாளை தரிசித்தார் என்ற தகவலும் கிடைக்கிறது.
 எதிர் வரும் குரு பெயர்ச்சி (4.10.2018) அன்று சிறுகரும்பூர் திருக்கோயிலுக்குச் சென்று, அபூர்வ தட்சிணாமூர்த்தியை வழிபட்டு வாழ்வில் வளமனைத்தும் பெறுவோம்.
 தொடர்புக்கு: 94860 60120/ 94863 70223.
 - கி. ஸ்ரீதரன்
 
 

]]>
http://images.dinamani.com/uploads/user/imagelibrary/2018/9/27/w600X390/v3.jpg http://www.dinamani.com/weekly-supplements/vellimani/2018/sep/28/தரிசிக்க-வேண்டிய-தட்சிணாமூர்த்தி-3008809.html
3008812 வார இதழ்கள் வெள்ளிமணி மன்னிக்கும் குணத்தை கொடுக்கும் தேவன்! DIN DIN Friday, September 28, 2018 10:00 AM +0530 மன்னிக்கும் சுபாவம் ஒவ்வொருவருக்கும் அவசியம். மன்னிக்கும் குணம் இல்லாமல் நாம் மெய்யான சாட்சிகளாய் இருப்பதில்லை.
 தேவன் நம்முடைய தப்பிதங்களை மன்னிக்கவேண்டுமென்று ஜெபிக்கிறோம். அதில் தவறு ஒன்றும் இல்லை. அது நல்லது. ஆனால் தேவன் நம்முடைய பாவங்களை மன்னிப்பது குறித்து என்ன சொல்லுகிறார்? "மனுஷருடைய தப்பிதங்களை நீங்கள் அவர்களுக்கு மன்னியாதிருந்தால், உங்கள் பிதா உங்கள் தப்பிதங்களையும் மன்னியாதிருப்பார்' (மத் 6:15). ஜெபத்திற்கும் மன்னிக்கும் தன்மைக்கும் உள்ள உறவைப் பாருங்கள். கர்த்தருடைய ஜெபத்தில் "எங்கள் கடனாளிகளுக்கு நாங்கள் மன்னிக்கிறது போல' என்று கூறுகிறார். இல்லையென்றால் நீங்கள் இவ்விதமாக ஜெபிப்பதில் பிரயோஜனம் இல்லை. நீங்கள் மன்னிக்கமுடியாத காரியங்களை இருதயத்தில் வைத்திருந்தால் அது கசப்பான உணர்வுகளை உங்களில் கொண்டிருக்கச் செய்யும். அந்த கசப்பான உணர்வுகள் வெறுப்பான தன்மைகளை வெளிப்படுத்தும்.
 மன்னிப்பது குறித்து இயேசு மத்தேயு 18:23-35 வரை உள்ள பகுதியில் ஓர் உவமையைச் சொன்னார், ஒரு ராஜா ஒருமுறை தன்னிடம் வேலை செய்யும் ஊழியக்காரர்களிடத்தில் கணக்குப் பார்க்கத் தொடங்கினபோது, பதினாயிரம் தாலந்து கடன் பட்டவன் ஒருவனை அவனுக்கு முன்பாக கொண்டு வந்தார்கள்.
 கடனைத்தீர்க்க அவனுக்கு பணம் இல்லாதபடியால், அவனுக்கு உண்டான எல்லாவற்றையும் விற்று, கடனைத் தீர்க்கும்படி ராஜா கட்டளையிட்டான்.
 அப்பொழுது, அந்த ஊழியக்காரன் தாழ விழுந்து, வணங்கி: "ஆண்டவனே! என்னிடத்தில் பொறுமையாயிரும், எல்லாவற்றையும் உமக்குக் கொடுத்துத் தீர்க்கிறேன்' என்றான்.
 உடனே அந்த ராஜா மனமிரங்கி, அவனை விடுதலைப்பண்ணி, கடனையும் அவனுக்கு மன்னித்துவிட்டான்.
 அப்படியிருக்க, இந்த விடுதலை செய்யப்பட்ட ஊழியக்காரன் புறப்பட்டுப்போகையில், தன்னிடத்தில் நூறு வெள்ளிப்பணம் கடன்பட்டிருந்தவனாகிய தன் உடன் வேலைக்காரரில் ஒருவனைக்கண்டு, அவனைப்பிடித்து, தொண்டையை நெரித்து: "நீ பட்ட கடனை எனக்கு கொடுத்துத் தீர்க்கவேண்டும்?' என்றான்.
 அப்பொழுது அவனுடைய உடன் வேலைக்காரன் அவன் காலிலே விழுந்து: "என்னிடத்தில் பொறுமையாயிரும், எல்லாவற்றையும் உமக்குக் கொடுத்துத் தீர்க்கிறேன்' என்று, அவனை வேண்டிக்கொண்டான்.
 அவனோ சம்மதியாமல், போய், அவன் பட்ட கடனைக் கொடுத்துத் தீர்க்குமளவும் அவனைக் காவலில் போடுவித்தான்.
 நடந்ததை அவன் உடன்வேலைக்காரர் கண்டு, மிகவும் துக்கப்பட்டு, ராஜாவினிடத்தில் அறிவித்தார்கள்.
 அப்பொழுது, ராஜா அவனை அழைப்பித்து: "பொல்லாத ஊழியக்காரனே, நீ என்னை வேண்டிக்கொண்டபடியினால், அந்தக் கடன் முழுவதையும் உனக்கு மன்னித்துவிட்டேன். நான் உனக்கு இரங்கினதுபோல, நீயும் உன் உடன் வேலைக்காரனுக்கு இரங்கவேண்டாமோ!' என்று சொல்லி, அவனுடைய ஆண்டவன் கோபமடைந்து, அவன் பட்ட கடனையெல்லாம் தனக்குக் கொடுத்துத் தீர்க்குமளவும் தண்டனை கொடுக்கிறவர்களிடத்தில் அவனை ஒப்புக்கொடுத்தான்.
 ஆகவே, நாமும் நம்முடைய சகோதரன் செய்த தப்பிதங்களை மனப்பூர்வமாய் மன்னியாமற்போனால், என் பரமபிதாவும் உங்களுக்கு இப்படியே செய்வார் என்று இயேசு கூறுகிறார்.
 ஆண்டவருடைய அன்பு, பாவிகளையும் மன்னிக்கும் அன்பு. சிலுவையில் தன்னைக் கொடூரமாய் அறைந்தவர்களைப் பார்த்து "இயேசு, "பிதாவே, இவர்களுக்கு மன்னியும், தாங்கள் செய்வது இன்னதென்று அறியாதிருக்கிறார்களே!' என்றார். (லூக் 23:34). மன்னிக்கிற குணத்தை கர்த்தர் நமக்குக் கொடுக்கும்படி ஜெபிப்போம். அது கிறிஸ்துவை நம்மில் வெளிப்படுத்தும்.
 - ஒய். டேவிட்ராஜா
 
 

]]>
http://images.dinamani.com/uploads/user/imagelibrary/2018/9/27/w600X390/v4.JPG http://www.dinamani.com/weekly-supplements/vellimani/2018/sep/28/மன்னிக்கும்-குணத்தை-கொடுக்கும்-தேவன்-3008812.html
3008814 வார இதழ்கள் வெள்ளிமணி மகாளயபட்ச திதிகளில் தர்ப்பணம் கொடுப்பதன் பலன்கள் DIN DIN Friday, September 28, 2018 10:00 AM +0530 பித்ருக்களுக்கு தர்ப்பணம் செய்வது என்பது நாம் தொன்று தொட்டு செய்து வரும் கடமைகளில் முக்கியமானதாகும். அதிலும் மகாளயபட்சத்தில் செய்வது என்பது மிகவும் நல்லது. மகாளயபட்சத்தின் 15 நாள்களும் பித்ருக்கள் நம்மோடு இருப்பார்கள் என்பதால் அத்தினங்களில் அவர்களை வழிபட வேண்டும். புரட்டாசி மாதப் பௌர்ணமிக்கு மறுநாள் பிரதமை திதியிலிருந்து அமாவாசை திதி வரை உள்ள நாள்களே மகாளய பட்சம் ஆகும். இந்த ஒவ்வொரு திதியிலும் செய்யப்படும் சிராத்தத்திற்கு ஒவ்வொரு பலன் உண்டு. அதன் விவரம் வருமாறு:
1. பிரதமை (25.09.2018) - செல்வம் பெருகும்.
2. துவிதியை (26.09.2018) - வம்சம் விருத்தியாகும்.
3. திருதியை (27.09.2018) - நல்ல திருமணப்பேறு உண்டாகும்; காரியசித்தி உண்டாகும்.
4. சதுர்த்தி (28.09.2018) - எதிரிகளின் தொல்லை நீங்கும்.
5. பஞ்சமி (29.09.2018) - விரும்பிய படி நிலம், வீடு வாங்குவது கைகூடும்.
6. சஷ்டி (30.09.2018) - பெயரும் புகழும் நிலைத்திருக்கும்.
7. சப்தமி (01.10.2018) - சிறப்பான பதவிகள் கிடைக்கும்.
8. அஷ்டமி (02.10.2018) - சிறந்த அறிவாற்றல் தரும்.
9. நவமி (03.10.2018) - நல்ல வாழ்க்கைத் துணை (கணவன்/ மனைவியை) அடைதல்.
10. தசமி (04.10.2018) - தடைகள் நீங்கி விருப்பங்கள் நிறைவேறும்.
11. ஏகாதசி (05.10.2018) - கலைகளில் வளர்ச்சி உண்டாகும்.
12. துவாதசி (06.10.2018) - தங்கம், வைரம் போன்ற ஆபரணங்கள் சேரும்.
13. திரயோதசி (07.10.2018) - கால்நடைச் செல்வம் பெருகும். தீர்க்காயுள் உண்டாகும்.
14. சதுர்த்தசி- மகாளய அமாவாசை (08.10.2018) - கணவன் -மனைவி ஒற்றுமை; எதிர்கால தலைமுறையினருக்கு நன்மை பெறுதல். மூதாதையர் ஆசீர் வாதம் கிடைக்கும்; நற்பலன்கள் அனைத்தையும் அடைதல்.
15.(09.10.2018)-காலை 9.48 வரை அமாவாசை.








 

]]>
http://www.dinamani.com/weekly-supplements/vellimani/2018/sep/28/மகாளயபட்ச-திதிகளில்-தர்ப்பணம்-கொடுப்பதன்-பலன்கள்-3008814.html
3008828 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, September 28, 2018 10:00 AM +0530 * உலகில் ஒருவன் மிகவும் சாத்விக இயல்புடன் நடந்துகொண்டால், அவனைச் "சக்தியற்றவன்' என்றே சாதாரண மக்கள் நினைத்து விடுவார்கள். மேலும் அவனை அலட்சியமே செய்வார்கள். அதனால் உலகத்தில் சரியான காரியங்கள் நடைபெற வேண்டுமானால், கொஞ்சம் அதிகாரத் தோரணையைக் காட்டிக் கடுமையாகவும் இருக்க வேண்டியது அவசியம். 
- ராமாயணம்

* உங்களில் ஒவ்வொருவரும் பேராற்றல் படைத்தவராக வேண்டும். இது நிச்சயம் முடியும் என்றே நான் கூறுகிறேன்.

* இந்த உலகம் மிகப் பெரிய ஓர் உடற்பயிற்சிகூடம். இங்கு நாம் நம்மை வலிமையுடையவர்களாக்கிக் கொள்வதற்காக வந்திருக்கிறோம்.

* பலவீனத்திற்குப் பரிகாரம், ஓயாமல் பலவீனத்தைக் குறித்துச் சிந்திப்பதல்ல; மாறாக, வலிமையைக் குறித்து சிந்திப்பதுதான்.

* நாம் எல்லோரும் இறைவனுடைய பிள்ளைகள்; எதையும் செய்யக் கூடிய ஆற்றல் நமக்கு உண்டு.

* நீ மனிதனாகப் பிறந்திருக்கிறாய். நீ வாழ்ந்து மறைந்ததற்குப் பின்னால் ஓர் அழியாத அறிகுறி எதையாவது விட்டுச் செல். 

* நம்மை ஆண்மை படைத்தவர்களாக்கும் மதமே நமக்கு வேண்டும். நம்மை ஆண்மை படைத்தவர்களாக்கும் கல்வியே நமக்கு வேண்டும்.

* பிறருடைய பாராட்டுக்கும் பழிக்கும் செவி சாய்த்தால், மகத்தான காரியம் எதையும் நாம் செய்ய முடியாது. 

* கனவுகளிலிருந்து விழித்தெழுங்கள்! தளைகளிலிருந்து விடுபடுங்கள்! அஞ்சாதீர்கள்!

* அளவற்ற வலிமையும், பெண்ணைப் போல் இரக்கம் உள்ள இதயமும் பெற்றிருப்பவனே உண்மையான வீரன்.

* இப்போது இந்தியாவுக்கு என்ன வேண்டும்? தியாக மனப்பான்மை கொண்ட இளைஞர்கள் குறைந்தது ஆயிரம் பேர் வேண்டும் மூடர்கள் அல்ல.

* இரக்கம் உள்ள இதயம், சிந்தனை ஆற்றல் படைத்த மூளை, வேலை செய்யக் கூடிய கைகள் ஆகிய இந்த மூன்றும் நமக்குத் தேவை.

* வலிமை நிறைந்த ஒரு களஞ்சியமாக உன்னை நீ உருவாக்கிக்கொள். 

* மற்றவர்களின் நன்மைக்காக நீ உன் வாழ்க்கையைத் தியாகம் செய். 
- சுவாமி விவேகானந்தர்


 

]]>
http://www.dinamani.com/weekly-supplements/vellimani/2018/sep/28/பொன்மொழிகள்-தொகுப்பு-சுவாமி-கமலாத்மானந்தர்-3008828.html
3008864 வார இதழ்கள் வெள்ளிமணி சிவ ஸ்தலங்களில் குரு பெயர்ச்சி விழா DIN DIN Friday, September 28, 2018 10:00 AM +0530 நவக்கிரகங்களில் ஒருவரான பிரகஸ்பதி என்று அழைக்கப்படும் குருபகவான் எதிர் வரும் அக்டோபர் 4 ஆம் தேதி (புரட்டாசி -18) வியாழக்கிழமையன்று இரவு 10. 05 மணிக்கு துலாம் ராசியிலிருந்து விருச்சிக ராசிக்கு பிரவேசிக்கின்றார். இந்த குரு பெயர்ச்சியை முன்னிட்டு மேஷம், (குரு 8- இல்) மிதுனம் (குரு 6 -இல்) சிம்மம் (குரு 4 -இல்), கன்னி (குரு 3 -இல்) விருச்சிகம் (குரு 1-இல்) , தனுசு (குரு 12- இல்), கும்பம் (குரு 10- இல்) ராசிக்காரர்கள் பரிகாரம் செய்து கொள்ளுமாறு ஜோதிட ரீதியாக அறிவுறுத்தப்பட்டுள்ளது. தமிழ்நாட்டில் உள்ள சிவாலயங்களில் கோஷ்ட மூர்த்தியாக உள்ள குருதட்சிணா மூர்த்தி அல்லது நவக்கிரக குருபகவானுக்கு சிறப்பு வழிபாடுகள் நடைபெறுகின்றன. பக்தர்கள் பங்கேற்று பரிகாரம் செய்ய ஏதுவாக சில தலங்களின் விவரங்கள் கீழே குறிப்பிடப்பட்டுள்ளன.
குரு தட்சிணாமூர்த்தி சிறப்பு தலங்கள்
ஆலங்குடி

திருவாரூர் மாவட்டம், வலங்கைமான் வட்டத்தில் உள்ள ஆலங்குடி அருள்மிகு ஆபத்சகாயேஸ்வர சுவாமி திருக்கோயிலில் தட்சிணாமூர்த்தி சுவாமிக்கு முதல்கட்டமாக செப்டம்பர் -27 முதல் அக்டோபர் -1 வரையிலும், இரண்டாம் கட்டமாக அக்டோபர் -8 முதல் -15 வரையிலும் லட்சார்ச்சனை நடைபெறுகின்றது.
தொடர்புக்கு: 04374 - 269407.
தக்கோலம்
வேலூர் மாவட்டம், அரக்கோணம் வட்டம், தக்கோலம் எனும் திருவூறல் தலத்தில் அருள்மிகு கிரிராஜகன்னிகாம்பாள் உடனுறை ஜலநாதீஸ்வரர் திருக்கோயிலில் அபூர்வ திருக்கோலத்தில் வீற்றிருக்கும் தட்சிணாமூர்த்தி சுவாமிக்கு அக்டோபர் 4 -ஆம் தேதி சிறப்பு அபிஷேகம், அலங்கார தரிசனம், லட்சார்ச்சனை வைபவம் நடைபெறுகின்றது. தொடர்புக்கு: ஆலய குருக்கள்: 99947 86919.
கோவிந்தவாடி
காஞ்சிபுரம் மாவட்டம், காஞ்சியிலிருந்து அரக்கோணம் செல்லும் சாலையில் சுமார் 15 கி.மீ. தொலைவில் உள்ள கோவிந்தவாடி கிராமத்தில் அருள்மிகு கைலாசநாதர் கோயிலில் கோஷ்டத்திலேயே தனிக்கோயில் கொண்டிருக்கும் தட்சிணாமூர்த்தி சுவாமிக்கு அக்டோபர் 4 -ஆம் தேதி ஏகதின லட்சார்ச்சனை வைபவம் நடைபெறுகின்றது.
தொடர்புக்கு: 044 - 27294200.
நவக்கிரக குருபகவான் சிறப்பு தலங்கள்
திட்டை

தஞ்சை மாவட்டம் திட்டையில் உள்ள அருள்மிகு வசிஷ்டேஸ்வரர் திருக்கோயில் குருபகவான் ராஜகுருவாக எழுந்தருளியுள்ளார். குரு பெயர்ச்சியை முன்னிட்டு அக்டோபர் -10 ஒருநாள் மட்டும் லட்சார்ச்சனையும், தொடர்ந்து அக்டோபர் -12 முதல் 15 வரை சிறப்பு குரு பரிகாரமும் நடைபெறுகின்றது.
தொடர்புக்கு: 90479 20205/ 04362 252858.
பாடி
சென்னை 50 -இல் உள்ள திருவலிதாயம் எனும் பாடியில் உள்ள அருள்மிகு ஜெகதாம்பிகை உடனுறை திருவல்லீஸ்வரர் திருக்கோயிலில் அக்டோபர் -3 முதல் 5 வரை லட்சார்ச்சனை வைபவமும், அக்டோபர் 5 -ஆம் தேதி குரு பரிகார ஹோமமும் நடைபெறுகின்றது.
தொடர்புக்கு: 044 - 2654 0706.
- எஸ்.வெங்கட்ராமன்
ஏகலட்ச மூலமந்திர ஜபயாகம்
ஈரோடு மாவட்டம், சத்தியமங்கலத்தில் உள்ள ஸ்ரீ அங்காள பரமேஸ்வரி அம்மன் திருக்கோயிலில் செப்டம்பர் 29 மற்றும் 30 -ஆம் தேதிகளில் ஏகலட்ச மூலமந்திர ஜபம், தசாம்ச ஹோமங்கள் நடைபெறுகின்றது. செப்டம்பர் 30 -ஆம் தேதி, பவானி நதிக்கரைக்கு ஸ்ரீ அங்காள பரமேஸ்வரி அம்மன் எழுந்தருளி தீர்த்தவாரி உத்சஸவம் நடைபெறுகின்றது.
தொடர்புக்கு: 99441 00700/ 98422 92044.
தருமச்சாலை திருப்பணி
சிதம்பரம் அருகே விபீஷ்ணபுரம் லலிதாம்பாள் நகரில் ராமலிங்க சுவாமிகள் சத்திய ஞானசபை 1994-இல் அமைக்கப்பட்டு செயல்பட்டு வருகிறது. இந்நிலையில் தருமசாலை நிர்வாகிகள், பக்தர்கள் நிதிஉதவியுடன் தருமசாலைக்கு ஓர் இடத்தை விலைக்கு வாங்கி கட்டடம் கட்டி வருகின்றனர். 21-1-2019 தைப்பூசத்தில் தருமசாலை கும்பாபிஷேகம் நடைபெறவுள்ளது. பக்தர்கள் இத்திருப்பணியில் பங்கு பெற்று நலம் பெறலாம்.
தொடர்புக்கு: கே.ஜெகஜோதிநாதன் - 97906 26721.




 

]]>
http://images.dinamani.com/uploads/user/imagelibrary/2018/9/27/w600X390/v6.jpg http://www.dinamani.com/weekly-supplements/vellimani/2018/sep/28/சிவ-ஸ்தலங்களில்-குரு-பெயர்ச்சி-விழா-3008864.html
3008904 வார இதழ்கள் வெள்ளிமணி பொருநை போற்றுதும்! 9 - டாக்டர் சுதா சேஷய்யன் DIN DIN Friday, September 28, 2018 10:00 AM +0530 திருநெல்வேலி-பாளையங்கோட்டையிலிருந்து சுமார் 15 கி.மீ. வடகிழக்காக இருக்கிறது சீவலப்பேரி என்னும் சிற்றூர். இந்த ஊரில் வாழ்ந்த ஒருவருடைய உண்மைக்கதையை ஒட்டித்தான் "சீவலப்பேரி பாண்டி' என்னும் புதினமும், அதே பெயரிலான திரைப்படமும் உருவாகின.
 அதென்ன "சீவலப்பேரி'? பாண்டிய மன்னரான ஸ்ரீவல்லப பாண்டிய மன்னர், மக்களின் தேவைகளுக்காக ஏரி ஒன்றை ஏற்படுத்தினார். ஸ்ரீ வல்லபப் பேரேரி (பேர்+ஏரி=பெரிய ஏரி) என்று வழங்கப்பட்ட இது, காலப்போக்கில் ஸ்ரீ வல்லபேரி (பேரேரி, பேரி ஆனது), சீவல்லபேரி என்றாகி, பின்னர் சீவலப்பேரி ஆகிவிட்டது.
 சீவலப்பேரிக்கு மேற்கே, சிறிது தொலைவில் இருக்கிறது ராஜவல்லிபுரம். சொல்லின் செல்வர் ரா.பி. சேதுப்பிள்ளையின் "ரா'-வுக்கும், வல்லிக்கண்ணனின் "வல்லி'-க்கும் காரணமான ஊர். இந்த ஊரின் பெயர்கூட ராஜவல்லபபுரம் என்பதாகக் கூறும் சேதுப்பிள்ளை, அதுவே மருவி ராஜவல்லிபுரம் ஆகிவிட்டது என்கிறார். "பண்டிதத்தனத்தில் குறையுடையதாக இருந்தாலும், அழகிலும் மக்களை வசீகரிப்பதிலும் "ராஜவல்லிபுரம்' என்பதே நிலைத்துவிட்டது' என்கிறார் வல்லிக்கண்ணன்.
 இருக்கட்டும், சீவலப்பேரி கதைக்கு வருவோம். பாண்டிய மன்னர்களில் பலருக்கு "ஸ்ரீ வல்லபன்' என்னும் பட்டம் இருந்துள்ளது. தென்காசிப் பாண்டியர்களில்கூட, 1534 - வாக்கில், சடையவர்மன் சீவல்லப பாண்டியன் ஆட்சி நடத்தினார்; விஜயநகரப் பேரரசர் அச்சுத தேவராயருக்குத் தம்முடைய மகளை மணமுடித்துக் கொடுத்தார். ஆனால், சீவலப்பேரி பெயர்க்காரணகர்த்தா, இடைக்காலப் பாண்டியரான சடையவர்மன் சீவல்லபராகவோ (1132-1143) மாறவர்மன் சீவல்லபராகவோ (1145-1162) இருக்கவேண்டும். இதில் ஒன்றை கவனிக்கவேண்டும். "ஸ்ரீ' என்னும் சொல்லை, "சீ' என்று இழுத்துச் சொல்கிற வழக்கம் நெல்லைப் பகுதியில் பரவலாகக் காணப்படுகிறது. ஸ்ரீ வில்லிப்புத்தூர் என்பதையும் சிரிவில்லிப்புத்தூர் அல்லது சீவில்லிப்புத்தூர் என்றுதான் பலர் கூறுவார்கள். "ஸ்ரீ வல்லப' என்பது கல்வெட்டுகள் பலவற்றில்கூட, "சீவல்லப' என்றே பொறிக்கப்பட்டுள்ளது. இதுவே, சீவலப்பேரியின் பெயர்க் கதை.
 தாமிரவருணி பாய்கிறது. ஆற்றின் வடகரையில் உள்ள பகுதி ஆசூர் வளநாடு; தென்கரையிலே உள்ள பகுதி சீவல மங்கை நன்னாடு. "ஆசூர்' அல்லது "ஆசூரி' என்னும் சொல்லுக்கு "ஆற்றல் தருகிற', "வளம் சேர்க்கிற', "வலிமையான', "நன்மை செய்கிற' என்னும் பொருள்கள் உண்டு. அறுவை சிகிச்சை நிபுணர்கள், ஆசூரிக்கள் என்றழைக்கப்பட்டுள்ளனர். தாமிரவருணியின் வடகரை நாடு, குற்றாலத்திலிருந்து வரும் சிற்றாற்றுக்கும் தாமிரவருணிக்கும் இடையில் உள்ளது. திரிகூட மலையில் பிறப்பெடுக்கும் சிற்றாறு, பஞ்சந்தாங்கி, செண்பகக் காடு, மாவடித் துறை போன்ற பகுதிகளைக் கடந்து வருகிறது. இங்கெல்லாம், ஏராளமான மூலிகைச் செடிகளும் பச்சிலைச் செடிகளும் காணப்படுகின்றன. இங்கு மட்டும் 2000-க்கும் மேற்பட்ட மலர்ச் செடிகளும் 2000 - க்கும் மேற்பட்ட மூலிகைகளும் உள்ளதாகக் கணக்கெடுத்தார் 1935 -இல் இப்பகுதியைச் சுற்றிப் பார்த்த டாக்டர் வைட் என்பார். சிற்றாற்றின் நீர், மூலிகைகளால் வலு சேர்க்கப்பட்ட நீர். இதனால், நோய் தீர்த்து ஆற்றல் தருவது என்னும் வகையில், வடகரை நாடானது "ஆசூர் நாடு' என்றுஅழைக்கப்பட்டிருக்க வேண்டும்.
 வடகரை நாட்டை "ஆசூர் வளநாடு' என்றும், தென்கரை நாட்டை "சீவல நன்னாடு' என்றும் போற்றுகிற "திருமுக்கூடல் பள்ளு' என்னும் நூல் (17-ஆம் நூற்றாண்டில் பாடப்பட்டது; ஆசிரியர் யாரென்று தெரியவில்லை), சீவலப்பேரிப் பகுதியை "முக்கூடல்' என்றே விவரிக்கிறது. திரிகூட மலையிலிருந்து, குற்றால அருவியாகக் கீழிறங்கி, தென்காசி, சுந்தரபாண்டியபுரம், மேலப்பாவூர், கீழப்பாவூர், வெள்ளக்கால், வீரக்கேரளம்புதூர், கிடாரக்குளம், களாக்குடி, அழகியபாண்டியபுரம், வேங்கடாசலபுரம் ஆகிய பகுதிகளில் கிழக்காகப் பாயும் சிற்றாறு, கங்கைகொண்டானைத் தாண்டியதும், தெற்கு நோக்கித் திரும்பி, சீவலப்பேரியில் தாமிரவருணியுடன் கலக்கிறது. "பூமாமேவு முக்கூடல்' என்பது முக்கூடல்பள்ளு வரி. தாமிரவருணி, சிற்றாறு - இரண்டு நதிகள் சரி; மூன்றாவது எங்கே? மூன்றாவது நதியானது, கோதண்டராம நதி ஆகும்.
 எங்கே இருக்கிறது இந்தக் கோதண்டராம நதி? இதைக் காண்பதற்கு, இன்னும் சற்று வடக்கே செல்லவேண்டும். கழுகுமலைப் பகுதியில் உற்பத்தியாகி, கரடிகுளம், சிதம்பரம்பட்டி வழியாகக் கயத்தாறு பகுதியை அடைகிறது அளவில் சிறிய ஆறு ஒன்று; இப்போதைய காலங்களில், இதற்கு உப்போடை என்றோ உப்பாறு என்றோ பெயர். வழியிலிருக்கும் குளம் குட்டைகள் பலவற்றுக்கும் இதனுடைய நீர் வழிந்துவிடுவதால், இதன் ஆற்றுப் போக்கு, குறைவாகவே இருக்கும். கயத்தாறிலிருந்து கங்கைகொண்டானை அடைகிற உப்போடை, அங்கு, சிற்றாறோடு கலக்கிறது. இவ்வாறு கலப்புண்ட சிற்றாறுதான், தெற்கே ஓடி, சீவலப்பேரியில் பொருநையோடு பொருந்துகிறது. ஒரு காலத்தில் உப்போடைக்குத்தான் கயத்தாறு என்றும் கோதண்டராம நதி என்றும் பெயர்கள். கயத்தாற்றின் கரையிலிருக்கும் ஊர், கயத்தாறு (ஆம், வீரபாண்டிய கட்டபொம்மனின் கயத்தாறுதான்) ஆனது.
 நதிகள் சேரும் கூடல் நகரம்
 இரண்டு நதிகள் கங்கைகொண்டானில் சேர்ந்து, பின்னர் மூன்றாவதோடு சீவலப்பேரியில் சேரும் இப்போதைய நிலையில்லாமல், சில நூற்றாண்டுகளுக்கு முன்னர், மூன்று நதிகளும் சீவலப்பேரியில் சேர்ந்தன. ஆகவேதான், இந்த இடம் "முக்கூடல்' ஆனது. வடக்கே உள்ள கங்கை-யமுனை-சரஸ்வதி ஆகியவற்றின் திரிவேணி சங்கமம் போன்று, இந்த முக்கூடலும் சிறப்பானது. எனவே, இது தென் திரிவேணி.
 முக்கூடல் பள்ளு என்னும் நூல், சீவலப்பேரியில் எழுந்தருளியிருக்கும் அழகரைப் (திருமால்) பற்றிப் பாடுகிறது. ஸ்ரீ சீவலமங்கை உடனாய ஸ்ரீ சுந்தரராஜப் பெருமாள்தான் இந்த அழகர். இவர் அகத்தியரால் பிரதிஷ்டை செய்யப்பட்டவர். இதெப்படி என்கிறீர்களா?
 சிவன் - பார்வதி கல்யாணத்தின்போது, உயர்ந்துவிட்ட தென் பகுதியைச் சமன் செய்வதற்காக வந்தாரல்லவா அகத்தியர்? அப்போது, திருமால் தலமாக இருந்த குற்றாலம் கோயிலுக்குள் நுழைய முற்பட்டார். சைவர் என்பதால் அங்கிருந்தோர் அனுமதி மறுக்க, உள்ளிருந்த சுவாமியையே மாற்றி, குற்றாலநாதரான சிவபெருமானாக ஆக்கிவிட்டார். திருமால், சிவனார் ஆகிவிட்டார். அப்படியே விட்டு விடலாமா?
 ஹரியும் ஹரனும் ஒன்று என்பதை ஊருக்கு உணர்த்த ஆசைப்பட்ட அகத்தியர், மாற்றப்பட்ட அழகரைச் சீவலப்பேரிக்கு அழைத்து வந்து பிரதிஷ்டை செய்தார். இந்தப் பகுதியின் இயற்கை அழகில் உள்ளம் மயங்கிய மாயோன், தாம் எழுந்தருளியதோடு, இங்கேயே தங்கிவிடத் திருவுள்ளம் கொண்டார். மாலவனின் உள்ளம் அறிந்த மகாலட்சுமித் தாயார், அழகரை வலம் வந்துத் திருமார்பில் அமர்ந்தாள். ஸ்ரீ வலம் வந்ததால், இது ஸ்ரீ வலப்பேரி ஆகி, சீவலப்பேரி ஆனதாக இந்த வரலாறு கூறுகிறது. அகத்தியர் பிரதிஷ்டை செய்ததைத் தொடர்ந்து கெüதம முனிவர் கருவறை அமைத்து வழிபட, தொடர்ந்து 12 -ஆம் நூற்றாண்டில், மாறவர்ம ஸ்ரீ வல்லப பாண்டிய மன்னர், திருப்பணிகள் செய்து, கோயிலைப் பெரிதாக்கியுள்ளார்.
 முச்சிகரப் பொதிகையில் சிவனார் அருள, முந்நீர்ச் சங்கமத்தில் அழகர் அருளும் கதை இது! விஷ்ணு துர்க்கைக்குத் தனிக் கோயில், அருள்மிகு விசாலாட்சி உடனாய அருள்மிகு காசி விசுவநாதர் கோயில், சீவலமங்கை உடனாய அழகர் கோயில் என்று ஆன்மிகத் திருத்தலமாகத் திகழ்கிற சீவலப்பேரியில், பொருநை ஆற்றுக்குச் சக்கர தீர்த்தம் என்னும் பெயரும் சிறப்பும் வழங்கப்படுகின்றன. இதென்ன கதை? திருமாலின் கையிலிருக்கும் ஸ்ரீ சக்கரம், ஒருமுறை, அந்தணப் பெண்மணி ஒருத்தியை வதம் செய்ய நேரிட்டது. இதனால், பிரம்மஹத்தி தோஷம் பீடித்தது. எவ்வாறு சாபத்தைப் போக்கிக்கொள்வது என்று பகவானிடம் முறையிட்டபோது, பொருநை முக்கூடலில் மூழ்கினால் பாவம் போகும் என்று பரம்பொருள் வாக்களித்தார். அதன்படி, ஸ்ரீசக்கரமானது, சீவலப்பேரிக்கு வந்து, பொருநையில் நீராடி எழ, அழகராகக் காட்சி தந்த ஆண்டவனார், அதனை ஏற்று அருளினார். இதனால், தாமிரவருணியே சக்கர தீர்த்தமும் ஆகிறது. சித்திராப் பெüர்ணமி நன்னாளில் அழகர் ஆற்றில் இறங்கி பக்தர்களுக்கு அருள்பாலிக்கும் வைபவம் இப்போதும் நடைபெறுகிறது.
 இங்கெழுந்தருளியிருக்கும் கருடாழ்வாரும் விசேஷமானவர். இப்பகுதியை ஆண்டுவந்த பாண்டிய மன்னர் ஒருவருக்குக் கண்பார்வை குன்றியது. அவரை ஏமாற்ற முற்பட்ட பகைவர்களில் ஒருவன், கருட விக்ரகம் செய்து, இவ்வழியாகக் கருங்குளத்திற்குக் கொண்டு சென்றான். போகும் வழியில், அதீதமாகத் தன் எடையைக் கூட்டிக்கொண்ட கருடர், அவனை மேலே தூக்கவொட்டாமல் செய்தார். இதற்கிடையில் சுற்று நிலைமை மாறிவிட, தப்பித்துக்கொள்ள நினைத்த பகைவன், ஆற்றங்கரையிலேயே கருடரைப் போட்டுவிட்டு ஓடிவிட்டான். அரசரின் கனவில் தோன்றிய அழகர், கருடரைக் கொணர்ந்து தம் கோயிலில் வைக்குமாறு உத்தரவிட, அவ்வாறே செய்த அரசருக்குக் கண்பார்வையும் மீண்டது. இன்றளவும், கண் நோய்கள் தீருவதற்காக கருட சேவை செய்யும் நேர்த்திக் கடன் வழக்கம், இக்கோயிலில் உண்டு.
 - தொடரும்
 

]]>
http://images.dinamani.com/uploads/user/imagelibrary/2018/9/27/w600X390/v7.jpg http://www.dinamani.com/weekly-supplements/vellimani/2018/sep/28/பொருநை-போற்றுதும்-9---டாக்டர்-சுதா-சேஷய்யன்-3008904.html
3008915 வார இதழ்கள் வெள்ளிமணி புண்ணியம் தரும் புரட்டாசி! DIN DIN Friday, September 28, 2018 10:00 AM +0530 "கன்னியா மாதம்' என்று சொல்லப்படும் புரட்டாசி மாதம் மகாவிஷ்ணுவுக்கு உகந்த மாதம். இம் மாதத்தில் விரதம் கடைப்பிடித்து மகாவிஷ்ணுவை வழிபடுவதால் பாவங்கள் அழியும், புண்ணியம் சேரும், என்று ஞான நூல்கள் கூறுகின்றன.
 திருப்பதி திருமலையில் எழுந்தருளியிருக்கும் வேங்கடவனை தரிசிக்க புனிதம் சேரும், செல்வ வளம், ஆரோக்கியமான வாழ்வு கிட்டும்.
 ஏழுமலையான் என்று போற்றப்படும் ஸ்ரீ வேங்கடாஜலபதி, புரட்டாசி மாதம், திருவோணம் நட்சத்திரத்தில் ஒரு சனிக்கிழமையன்று திருமலையில் எழுந்தருளினார் என்று விஷ்ணுபுராணம் கூறுகிறது. புரட்டாசியில் ஏழுமலையானை தரிசிக்க இயலாதவர்கள் தங்கள் ஊரில் அருள்புரியும் பெருமாளைத் தரிசித்து அந்த பலன்களை அடையலாம்.
 தமிழ் மாதங்களில் சித்திரையும் புரட்டாசியும் எமனின் கோரைப் பற்கள் வெளியே தெரியும் மாதங்கள் என்று சாஸ்திரம் கூறுகிறது. அதனால் பெருமாளை வழிபடுவதன் மூலம் எமனின் கோரைப்பற்களின் பயங்கரம் நம்மைத் தாக்காது என்று ஞானநூல்கள் கூறுகின்றன. சனிக்கிழமைகளில் விரதம் மேற்கொள்வதால் சனிபகவானின் தாக்கம் குறையும்.
 புரட்டாசி அமாவாசை மகாளயபட்ச அமாவாசை என்று போற்றப்படுகிறது. பித்ருக்களை வழிபடுவது இம்மாதத்தில் மிகவும் சிறப்பாகப் போற்றப்படுகிறது. புரட்டாசி பௌர்ணமிக்கு அடுத்த பிரதமை முதல் அமாவாசைக்கு அடுத்துள்ள பிரதமை வரை உள்ள பதினாறு நாள்களும் மகாளயப்பட்சம் என்று வேதங்கள் கூறுகின்றன. இந்த மகாளய பட்சத்தில் வரும் மகா பரணி, அஷ்டமி, திரயோதசி ஆகிய நாள்கள் மிகவும் சிறப்புடைய நாள்கள். அத்துடன் புரட்டாசி அமாவாசை பித்ருக்களை திருப்திபடுத்தும் புனித நாள் ஆகும்.
 புரட்டாசி அமாவாசையை தொடர்ந்து நவராத்திரி விழா ஆரம்பமாவதால் நவராத்திரி காலங்களில் துர்க்கை, லட்சுமி, சரஸ்வதி ஆகிய முப்பெரும் தேவியர்களை வழிபட்டு நலம் பெறும் புண்ணிய மாதமாகும்.
 - டி.ஆர். பரிமளரங்கன்
 

]]>
http://images.dinamani.com/uploads/user/imagelibrary/2018/9/27/w600X390/v8.jpg http://www.dinamani.com/weekly-supplements/vellimani/2018/sep/28/புண்ணியம்-தரும்-புரட்டாசி-3008915.html
3004165 வார இதழ்கள் வெள்ளிமணி தேவனுடைய செயல்! - ஒய். டேவிட்ராஜா DIN Friday, September 21, 2018 10:00 AM +0530 தேவனை விசுவாசிக்கிற அனைவருக்கும் அவர்களுடைய வாழ்க்கையில் நேரிடுகின்ற ஒவ்வொரு சம்பவத்திலும் அது உயர்வானாலும் தாழ்வானாலும்,  இன்பமானாலும் துன்பமானாலும்,  நன்மையானாலும் தீமையானாலும் தேவன் ஒரு நோக்கத்திற்காகவே இதை அனுமதிக்கிறார், செய்திருக்கிறார் என்று அறியலாம். இதை ஆதியாகமத்தில் யோசேப்புக்கு நேரிட்ட சம்பவத்தை உதாரணமாக பார்க்கலாம். 
யோசேப்பு தன்னுடைய வாழ்க்கையில் தன் சொந்த சகோதரர்களால் கொடுமைப்படுத்தப்பட்டு, எகிப்துக்கு போகிறவர்களிடத்தில் விற்றுப்போட்டார்கள். ஆனால் ""கர்த்தர் யோசேப்போடே இருந்தார், அவன் காரியசித்தியுள்ளவனானான்'' என்று ஆதியாகமம் 39:2-இல் பார்க்கலாம். யோசேப்பின் சகோதரர்கள் மற்றும் தாய் தந்தையர் இவனை வணங்குவார்கள் என்று முன்னமே தேவன் சொப்பனம் மூலம் தெரியப்படுத்தியிருந்தார்.  
நாட்கள் சென்றது, யோசேப்பு செய்யாத குற்றத்துக்காக சிறையில் அடைக்கப்பட்டான். சிறைச்சாலையில், ""கர்த்தர் அவனோடே இருந்தபடியினாலும், அவன் எதைச் செய்தானோ அதைக் கர்த்தர் வாய்க்கப்பண்ணினபடியினாலும், அவன் வசமாயிருந்த யாதொன்றையும் குறித்துச் சிறைச்சாலைத் தலைவன் விசாரிக்கவில்லை'' ஆதியாகமம் 39:23 என்று வாசிக்கிறோம்.
தேவன் யோசேப்புக்கு சொப்பனத்தின் அர்த்தத்தை விளக்கும் சக்தியை கொடுத்திருந்தார். அங்கு சிறைச்சாலையில் யோசேப்போடு  பானபாத்திரக்காரரின் தலைவனும்,  சுயம்பாகிகளின் தலைவனும் அடைக்கப்பட்டனர். ஒரு நாள் அந்த இருவரும் சொப்பனம் கண்டனர். அதன் அர்த்தத்தை யோசேப்பு கூறினான். அதாவது, பானபாத்திரக்காரரின் தலைவனுக்கு, விடுதலையும், மீண்டும் அதே வேலையும் கிடைக்கும் எனவும், சுயம்பாகிகளின் தலைவனுக்கு, மரண 
தண்டனையும் கிடைக்கும் என்று யோசேப்பு கூறினான். அதன்படியே ஆனது. 
இரண்டு ஆண்டுகளுக்குப் பின்னர் பார்வோன் ராஜா ஒரு சொப்பனம் கண்டான். இதன் அர்த்தம் என்னவாக இருக்கும் என்று கலக்கத்துடன் காணப்பட்டான். உடனே பார்வோன் ராஜா எகிப்திலுள்ள சகல மந்திரவாதிகளையும் சகல சாஸ்திரிகளையும் அழைப்பித்து, அவர்களுக்குத் தன் சொப்பனத்தைச் சொன்னான்; ஒருவராலும் அதன் அர்த்தத்தைப் பார்வோனுக்குச் சொல்லக் கூடாமற்போயிற்று.
அப்போது, பார்வோனின் உடன் இருந்த பானபாத்திரக்காரரின் தலைவன் ராஜாவிடம் தனக்கும் சுயம்பாகிகளின் தலைவனுக்கும் சிறைச்சாலையில் கண்ட சொப்பனம் குறித்தும் அதன் அர்த்தத்தை யோசேப்பு கூறியதையும் சொன்னான். உடனே ராஜா, யோசேப்பை சிறையில் இருந்து அழைப்பித்து, தன்னுடைய சொப்பனத்தைக் கூறினார். யோசேப்பு அதன் அர்த்தத்தைத் தெளிவாகக் கூறினான். 
அதன் விவரமாவது: "பார்வோனுக்கு நான் சொல்லவேண்டிய காரியம் இதுவே; தேவன் தாம் செய்யப்போகிறதைப் பார்வோனுக்குக் காண்பித்திருக்கிறார்.  எகிப்து தேசமெங்கும் பரிபூரணமான விளைவு உண்டாயிருக்கும் ஏழு வருஷம் வரும். அதன்பின் பஞ்சமுண்டாயிருக்கும் ஏழு வருஷம் வரும்; 
அப்பொழுது எகிப்து தேசத்தில் அந்தப் பரிபூரணமெல்லாம் மறக்கப்பட்டுப்போம்; அந்தப் பஞ்சம் தேசத்தைப் பாழாக்கும். வரப்போகிற மகா கொடுமையான பஞ்சத்தால் தேசத்தில் முன்னிருந்த பரிபூரணமெல்லாம் ஒழிந்துபோம். இந்தக் காரியம் தேவனால் நிச்சயிக்கப்பட்டிருக்கிறது என்பதையும், தேவன் இதைச் சீக்கிரத்தில் செய்வார் என்பதையும் குறிக்கும்பொருட்டு, இந்தச் சொப்பனம் பார்வோனுக்கு இரட்டித்தது. ஆகையால், விவேகமும் ஞானமுமுள்ள ஒரு மனுஷனைத் தேடி, அவனை எகிப்து தேசத்துக்கு அதிகாரியாகப் பார்வோன் ஏற்படுத்துவாராக' (ஆதியாகமம் 41:28-31) என்று சொல்லி முடித்தான். 
இதைக்கேட்ட பார்வோன் ராஜா யோசேப்பையே அதிகாரியாக நியமித்தார். அந்த நேரத்தில் தன்னுடைய பெற்றோர் மற்றும் சகோதரர்கள் வசிக்கும் கானான் தேசத்திலும் பஞ்சம் உண்டாயிற்று, அவர்கள் உணவு பெற்றுக்கொள்ள எகிப்துக்கு வந்தனர். 
அப்போது யோசேப்பு தன் சகோதரர்களைப்பார்த்துச் சொன்னான், "நீங்கள் எகிப்துக்குப் போகிறவர்களிடத்தில் விற்றுப்போட்ட உங்கள் சகோதரனாகிய யோசேப்பு நான்தான். என்னை இவ்விடத்தில் வரும்படி விற்றுப்போட்டதினால் நீங்கள் சஞ்சலப்படவேண்டாம், ஜீவரட்சனை செய்யும்படிக்குத் தேவன் என்னை உங்களுக்கு முன்னே அனுப்பினார். பூமியிலே உங்கள் வம்சம் ஒழியாமலிருக்க உங்களை ஆதரிக்கிறதற்காகவும் பெரிய ரட்சிப்பினால் உங்களை உயிரோடு காப்பதற்காகவும் தேவன் என்னை உங்களுக்கு முன்னமே அனுப்பினார்.' (ஆதியாகமம் 45:4,5,7) 
ஆகவே, தேவன் தம்முடைய பிள்ளைகளுக்கு ஒருபோதும் தீமை செய்யார்.  "தேவனிடத்தில் அன்பு கூறுகிறவர்களுக்கு சகலமும் நன்மைக்கேதுவாக நடக்கிறதென்று நான் நிச்சயத்திருக்கிறேன்'  என்று பரிசுத்த வேதாகமத்தில் கூறியிருக்கிறபடி நாம் கலங்க வேண்டாம், திகைக்க வேண்டாம். தேவன் அனைத்தையும் நமக்கு நன்மையாக செய்து முடிப்பார்  என்று விசுவாசிப்போம். தேவ ஆசீர்வாதத்தை சுதந்தரிப்போம்.

 

]]>
http://www.dinamani.com/weekly-supplements/vellimani/2018/sep/21/தேவனுடைய-செயல்-3004165.html
3004175 வார இதழ்கள் வெள்ளிமணி முன்னோருக்கான முதல் கடமை!   - இரா.இரகுநாதன் DIN Friday, September 21, 2018 10:00 AM +0530 தமிழர் வாழ்வியலில் இறந்துபட்ட முன்னோரை தெய்வமாக்கி வழிபடுவது ஒரு முக்கிய சடங்காகவே இருந்துள்ளது. தமிழகத்தில் போரில் வீர மரணம் அடைந்த வீரர்களின் நினைவாக அவர்கள் உருவம் பொறித்த நடுகற்கள் ஆயிரக் கணக்கில் உள்ளன. மன்னனோ அல்லது உயர்ந்த நிலையில் உள்ளவர்களோ இறந்தால் அவர்களைப் பள்ளிப்படுத்திய இடத்தில் ஒரு கோயில் கட்டி வழிபடும் பழக்கம் இருந்துள்ளது.  

இந்து மதத்தில்  பிண்டம் வைத்துப்  படைப்பது  மிகவும் முக்கியமான சடங்காகப் போற்றப்படுகிறது. இறந்த முன்னோர்கள் தென் திசையில் தனியுலகில் இருந்து கொண்டு  தம் வாரிசுகள் வாழ்வை நெறிப்படுத்திக் கொண்டு நம் கரங்களால் எள்ளும் சாதமும் பெற்று உண்டு நம்மை ஆசீர்வதித்துக் கொண்டு இருக்கின்றார்கள். அவர்கள் தென் திசையில் இருப்பதால்தான் அவர்களை தென்னவர், தென்புலத்தார் , தென்புலம் வாழ்நர் எனவும் குறிப்பிடுகின்றனர்.

முன்னோர் வழிபாட்டை, திருக்குறளும் பிற இலக்கியங்களும் "நீத்தார் கடன்' என்று போற்றுகின்றன. இப்படி நம் முன்னோர்களை வழிபடுவதை வள்ளுவர், "தென்புலத்தார் தெய்வம் விருந்து ஒக்கல் தான் என்றாங்கு ஐம்புலத்தாறு ஓம்பல் தலை' என்று வழிபாட்டில் அவர்களை வழிபடுவதையே முதன்மையாக வைத்து குறளை இயற்றியுள்ளார்.   

இலக்கியங்களில் மட்டுமில்லாமல் இதிகாசங்களிலும் நம் முன்னோர்களுக்கு கடன் செலுத்தும் கடமை குறிப்பிடப்படுகிறது. "திலதர்ப்பணபுரி' என்ற தேவாரபாடல் பெற்ற தலம் நன்னிலம் வட்டம் பூந்தோட்டத்திற்கு அருகில் உள்ளது. அங்கு இருக்கும் இறைவன் பெயர் முக்தீஸ்வரர் என்பதாகும்.

தசரதனுக்கும், ஜடாயுவிற்கும் ராமன் திலதர்ப்பணம் செய்த இடம் என்ற புராணப் பெருமை உடையது இத்தலம்.  ராமர் இங்கு தர்ப்பணம் செய்து வழிபட்டதால் தசரதனுக்கு முக்தி அளித்தார் சிவபெருமான் என்று இவ்வாலயத்தின் தலபுராணம் கூறுகிறது. ராமர் தர்ப்பணம் செய்தபோது மாதா, பிதா, குரு, தெய்வம் ஆகிய நால்வரையும் வணங்கி நான்கு பிண்டங்கள் பிடித்து வைத்து பூஜித்தார். இந்த சாத உருண்டைகள்  லிங்கங்களாக மாறின. தனி சந்நிதியில் இந்த லிங்கங்களையும், ராமர்,  தர்ப்பணம் செய்யும் கோலத்தில் உள்ளதையும் தரிசிக்கலாம்.   ராமர் தர்ப்பணம் செய்யும் பாவனையில்  வலது காலை மண்டியிட்டு, வடக்கு நோக்கி திரும்பி வணங்கியபடி காட்சி தருகிறார். 

நற்சோதி என்ற மன்னன்  தன் தந்தைக்கு பிதுர் காரியங்கள் செய்ய வேண்டி வந்தது. எந்த ஊரிலும்  பித்ருக்கள் நேரடியாக வந்து அன்னத்தைப் பெற்றுக் கொள்ளவில்லை. எங்கு வந்து நேரடியாகப் பிண்டங்களைப் பெற்றுக் கொண்டு என்னை ஆசிர்வதிக்கிறார்களோ அதுவரை ஓயமாட்டேன் என்று ஊர் ஊராகச் சென்று பித்ரு காரியங்கள் செய்தான் மன்னன். கடைசியில் திலதர்ப்பணபுரி வந்தபோது பித்ருக்கள் பிண்டத்தை கைநீட்டி வாங்கிக் கொண்டார்களாம். அவனது விக்ரகமும்  பிண்டம் கொடுக்கும் வகையில் ராமர் சந்நிதியிலேயே அமைந்துள்ளது. 

முன்னோர்களுக்கு தர்ப்பணம் செய்ய காசி, ராமேஸ்வரம், ஸ்ரீவாஞ்சியம், திருவெண்காடு, திலதர்ப்பணபுரி (செதலபதி), கயா, அலகாபாத்தில் உள்ள திரிவேணி சங்கமம் ஆகிய  7 தலங்கள் சிறந்த தலங்களாக கருதப்படுகிறது. இவ்வூர்களில் நம்  முன்னோர்களுக்கு கொடுக்கப்படும் அர்க்கியம் மற்றும் பிண்டங்கள் அவர்களிடம் நேரிடையாக சென்று சேர்ந்து நம்மை ஆசிர்வதிக்கிறார்கள் என்று  சொல்லப்படுகிறது. 

தூல சரீரத்தை விட்டுப் பிரிந்த பிறகு மனிதனின் ஆன்மா குறிப்பிட்ட காலம் வரை  நம்மையே கவனித்துக் கொண்டு பிதுர்லோகம் என்னும் தென்புலத்தில் வாழ்ந்து  இருக்கும் . ஆன்மா மோட்சம் அடைந்து விட்டாலோ அல்லது மறுபிறவி பெற்று விட்டாலோ நாம் அளிப்பவை ஆன்மா ஐக்கியப்பட்டுள்ள  இடத்திற்கு தானே சென்று சேர்ந்து விடும். ஓர் ஆன்மா மறு பிறவியில்லாத மோட்சத்தை அடைந்தால் இறைவனிடம் சேர்ந்து விட்டால்  நாம் செய்யும் முன்னோர் கடன் இறைவனைச் சென்று சேர்ந்து விடும் எனப்படுகிறது. 

தமிழ் மாதப்பிறப்பு, அமாவாசை மற்றும் தங்கள் தாய் தந்தையர் இறந்த நாள்களிலும் தங்கள் முன்னோர்களை வேண்டி பிண்டதானம் செய்வது முக்கியமானதாகக் கருதப்படுகிறது. இதைத் தவிர, மகாளய அமாவாசையும் மகாளய பட்சமும் நம் முன்னோர்களுக்கு திதி கொடுப்பதற்கு உகந்த நாள்களாகும்.

"மறந்தவனுக்கு மகாளயபட்சம்'  என்பது பழமொழி. அதாவது முன்னோர்களுக்கு ஒரு வருடம் திதி  கொடுக்காமல் மறந்து இருந்தாலும்  புரட்டாசி மாதத்தில் வரும் மகாளய அமாவாசையன்று கொடுத்தால் அந்த ஒரு வருட திதி கொடுத்த பலன் வந்து சேரும் என்பது இதன் பொருளாகும். தென்புலத்தில் இருக்கும் மறைந்த நம் முன்னோர்கள் மொத்தமாக பதினைந்து நாள்கள் அவ்வுலகில் இருந்து பூமிக்கு வந்து 15 நாள்கள் நம்மோடு தங்கிச் செல்லும் காலமே மகாளயபட்சம் ஆகும்.  இது புரட்டாசி மாதத்து பெளர்ணமி திதிக்கு மறுநாள் பிரதமை திதியில் துவங்கி அமாவாசை வரை நீடிக்கும்.

அந்நாள்களில் புனிதத் தலங்கள் புண்ணிய தீர்த்தங்களுக்கு சென்று புனித நீராடி நம் முன்னோர்களின் ஆத்ம சாந்திக்காக வேண்டுதல் செய்யலாம். அவரவர் சக்திக்கு தகுந்தவாறு வஸ்திரதானம், அன்னதானம்,  சிரமப்படும் மாணவர்களின் கல்விக்கு வித்யாதானம் செய்யலாம். இவ்வாறு செய்வதால் நம்முடன் இருக்கும் நம் முன்னோர்கள் மகிழ்வுடன் நம்மையும் நம் வாரிசுகளையும் ஆசீர்வதிப்பார்கள்.

இவ்வாண்டு, செப்டம்பர் 25 -ஆம் தேதிதுவங்கி, அக்டோபர் 7-ஆம் தேதி வரை மகாளய பட்சமும்;  தொடர்ந்து அக்டோபர் 8 -ஆம் தேதி மகாளய அமாவாசையும் வருகிறது. 

]]>
http://images.dinamani.com/uploads/user/imagelibrary/2018/9/20/w600X390/vm3.jpg http://www.dinamani.com/weekly-supplements/vellimani/2018/sep/21/முன்னோருக்கான-முதல்-கடமை-3004175.html
3004211 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN Friday, September 21, 2018 10:00 AM +0530 மலர்களில் மணம் இருப்பதைப் போலவே இறைவனும் உன்னிடமே இருக்கிறான். இதை அறியாமல், தன்னிடம் இருக்கும் கஸ்தூரியை உணராத மான், அதைப் புல்லில் தேடுவது போல் நீ ஏன் வெளியில் தேடுகிறாய்?  

- கபீர்தாசர்

 

இறைவனின் திருவுள்ளம் இருந்தால் மாயை மனிதனைப் பந்தப் படுத்தாமல் விலகிவிடும்.

- அன்னை ஸ்ரீ சாரதாதேவியார்

 

"எதையும் உங்களால் சாதிக்க முடியும்' என்று நம்புங்கள். "இறைவன் நமது பக்கம் இருக்கிறார்' என்பதை அறிந்து கொள்ளுங்கள். 

 

வாழ்நாள் குறுகியது. அதை மகத்தான ஒரு காரியத்தின் பொருட்டு தியாகம் செய்துவிடுங்கள்.

 

நமது நாட்டிற்கு வீரர்களே தேவைப்படுகிறார்கள். வீரர்களாகத் திகழுங்கள்.

 

இந்தியாவையும், உலகம் முழுவதையும் நாம் விழித்
தெழச் செய்ய வேண்டும். உ யிரே போனாலும் நேர்மையுடன் இருங்கள்.  

 

அறிவாற்றல் பொருந்தியவர்களாகவும், தூய்மை மிக்கவர்களாகவும் இருக்கும் ஒரு நூறு இளைஞர்கள் முன்வாருங்கள். நாம் இந்த உலகத்தையே  மாற்றி அமைக்கலாம்.

- சுவாமி விவேகானந்தர்

 

உள்ளத்தின் அடிப்படையில் தோன்றும் உயர்வுகள் இறைவனால் அருளப்படுகின்றன. அவை இறைவனைப் போலவே என்றுமே நிலையானவை.

- கெளடில்ய அர்த்த சாஸ்திரம்

 

தீரனாகவும், தயாளனாகவும், குணவானாகவும், ஆச்சார சீலனாகவும், தர்ம நியாயங்கள் தெரிந்தவனாகவும், விவேகியாகவும் ஒருவன் இருந்தாலும்கூட  அவன் மகாபாவிகளுடன் ஒருபோதும் தொடர்புகொள்ளக் கூடாது. 

 

மாறாக அவனுக்கு மகாபாவிகளாகிய தீயவர்களுடன் எப்போதும் தொடர்பு ஏற்படுமானால், அவர்களின் நடத்தையைப் பின்பற்றி நாளடைவில் இவனும் அவர்களுக்குச் சமமாவது நிச்சயம்.

- அத்யாத்ம ராமாயணம், அயோத்தியா காண்டம்

 

மதப்பற்றும் தெய்வ நம்பிக்கையும் இல்லாதவர்களிடம், இறைவனின் புனிதமான நாமத்தின் பெருமையை எடுத்துச் சொல்ல முயற்சி செய்யாதே.
- சைதன்யர்

 

அளவுக்கு மீறிய போக வாழ்க்கையால் மனம் வருந்துகிறது; சிந்தனை, வாக்கு, செயல் எல்லாமே இழிவாகின்றன; மாசு படிகின்றன.     

- குருநானக்

 

எந்த மனிதனிடம் சத்தியம், சாந்தம், புலனடக்கம், தைரியம், உறுதி, சோம்பலின்மை, ஆசையின்மை, சமபுத்தி போன்ற குணங்கள் இருக்கின்றனவோ, அவனிடம் அகில உலகமும் நிலைபெற்றுவிட்டன. அவன் 
உடலில் இறைவன் கோயில்கொண்டிருக்கிறார்.

- பத்ம புராணம்

 

பக்தியைப் பெற்றவன் பக்தியையே காண்கிறான், அதையே கேட்கிறான், அதையே பேசுகிறான், அதையே சிந்திக்கிறான். 

- தேவரிஷி நாரதர் (பக்தி சூத்திரங்கள்)

 

உடலுக்கும் குணங்களுக்கும் ஒரு பெரிய வேறுபாடு இருக்கிறது. அதாவது, உடல் சீக்கிரமே நாசமடையும்; குணம் உலகம் உள்ளளவும் நிலைத்து நிற்கும். ஆகவே நற்குணங்களைக் கொண்டவர்களாக நாம் வாழ வேண்டும்.

- இதோபதேசம்

 

செய்நன்றியை மறந்தவனுக்குப் பிராயச்சித்தமே கிடையாது.  

- ராமாயணம்

]]>
http://images.dinamani.com/uploads/user/imagelibrary/2018/9/6/w600X390/vm2.JPG http://www.dinamani.com/weekly-supplements/vellimani/2018/sep/21/பொன்மொழிகள்-3004211.html
3003961 வார இதழ்கள் வெள்ளிமணி பொருநை போற்றுதும்! - 8 - டாக்டர் சுதா சேஷய்யன் Friday, September 21, 2018 10:00 AM +0530 திரிகூட ராசப்பரின் சமகாலத்துப் பொருநைக்கரைப் புலவர்களில் ஒருவர் நமச்சிவாயக் கவிராயர். பாபநாசத்தை ஒட்டிய விக்கிரமசிங்கபுரத்தில் தோன்றியவர். பாபநாசம் அருள்மிகு உலகம்மைமீது அபார பக்தி பூண்டிருந்தார். நாள்தோறும் உலகம்மையை அர்த்தஜாம பூஜையில் தரிசித்துவிட்டு வீடு திரும்புவார். திரும்பும்போது, அம்மைமீது பாடல்களைப் பாடிக் கொண்டேயும் நடப்பது இவர் வழக்கம். இவருக்கே தெரியாமல், அம்மை இவரைப் பின்தொடர்ந்து நடப்பாளாம். 

ஒருநாள் இவ்வாறு நடக்கும்போது, கவிராயர், தாம் தரித்திருந்த தாம்பூலத்தை உமிழ, அதன் துளிகள், பின் தொடர்ந்த அம்மைமீது தெறித்துவிட்டன. அவற்றைத் துடைக்காமல் அம்மையும் சந்நிதிக்குத் திரும்பிவிட்டாள். மறுநாள் காலை, அம்மையின் ஆடையில் படிந்திருந்த தாம்பூலத் துளிபற்றி, அர்ச்சகர் அரசரிடம் முறையிட... அரசரும் பரிகாரம் தேட முயல... அரசர் கனவில் தோன்றிய அம்பிகை, உண்மை உரைத்துக் கவிராயருக்கு மரியாதை செய்யச் சொன்னாள். கவிராயரை மாலை மரியாதையோடு கோயில் சந்நிதிக்கு அழைத்து வரச் செய்த மன்னர், என்ன இருந்தாலும் மனம் சமாதானமடையாமல், கவிராயரைச் சோதிக்க எண்ணினார். அம்பிகையின் திருக்கரத்தில் பூச்செண்டு ஒன்றை வைத்துப் பொன் கம்பிகளால் கட்டிவிட்டு, பாட்டால் அச்செண்டை எடுக்கும்படிக் கவிராயரைப் பணித்தார்.  கவிராயரும் பாடப் பாட, பொன் கம்பிகள் ஒவ்வொன்றாகத் தெறித்து விழுந்து, கவிராயரின் பெருமையை உலகுக்கு உணர்த்தின. 

சிங்கை (விக்கிரமசிங்கபுரம்) உலகம்மை மீது இவர் பாடிய உலகம்மைப் பிள்ளைத் தமிழ், உலகம்மை அந்தாதி, உலகம்மை கொச்சகக் கலிப்பா, உலகம்மை பதிற்றுப்பத்து அந்தாதி, உலகம்மை சந்த விருத்தம் ஆகிய ஐந்து நூல்களோடு, அத்தலத்துச் சிவபெருமான்மீது பாடியுள்ள சிங்கைச் சிலேடை வெண்பா என்னும் நூலும் சேர்த்து "சிங்கைப் பிரபந்தத் திரட்டு' என்று வழங்கப்படுகின்றன. 

நமச்சிவாயக் கவிராயரை மட்டுமல்லாமல், விக்கிரமசிங்கபுரம், மேலும் சில பெருமக்களையும் தந்துள்ளது. நமச்சிவாயக் கவிராயரின் தந்தையார் முக்களாலிங்கனார், பாபநாசத் தலபுராணம் பாடினார். நமச்சிவாயக் கவிராயரின் தமையனார் ஆனந்தக்கூத்தர். இவரின் மகனே, சிவஞான போதத்திற்குத் திராவிட மாபாடியம் பாடிய சிவஞான முனிவர் ஆவார். இளமையிலேயே துறவுபூண்டு சிவஞானத் தம்பிரான்(இவரின் சமாதி நாள் 17.04.1785) என்று போற்றப்பெற்ற இவர், அகிலாண்டேஸ்வரிப் பதிகம், பஞ்சாக்ஷர தேசிக மாலை, இலக்கண விளக்கச் சூறாவளி, சிவஞான சித்தியார் சுபக்கப் பொழிப்புரை, தொல்காப்பியச் சூத்திர விருத்தி, திருத்தொண்டத் திருநாமக் கோவை, அமுதாம்பிகைப் பிள்ளைத் தமிழ், இளசை அந்தாதி, சித்தாந்தப் பிரகாசிகை, தர்க்க சங்கிரஹம் உள்ளிட்ட பல்வேறு நூல்களை எழுதினார். இலக்கியம், இலக்கணம், தர்க்கம், கண்டனம், உரை விளக்கம் என்று பல்வகைப்பட்ட நூல்களின் ஆசிரியராகத் திகழ்ந்த சிவஞான முனிவர், தமிழகமெங்கும் பயணித்தார்; ஆங்காங்கே தமிழ்ப் பணியும் ஆன்மிகப் பணியும் ஆற்றியதால், மாணாக்கர்கள் பலர் இவரிடம் பயின்றனர். இவருடைய தலை மாணாக்கரே, கந்தபுராணம் பாடிய கச்சியப்பர். 

18-ஆம் நூற்றாண்டின் கடைப்பகுதியில், வீரபாண்டிய கட்டபொம்மனின் சமகாலத்தவராக வாழ்ந்த முத்தாலங்குறிச்சி கந்தசாமிப் புலவர் பல்வேறு நொண்டி நாடகங்களைப் பாடினார்.  இவருக்குக் கண்பார்வை முழுவதுமாகப் பறிபோனது. திருச்செந்தூர் முருகப்பெருமான்மீது நொண்டி நாடகம் பாட, கண் பார்வை மீண்டது. இதுகுறித்துக் கேள்வியுற்ற திருவிதாங்கூர் மன்னர் மார்த்தண்ட வர்ம குலசேகர ராமராஜர், ஈற்றடி கொடுத்துப் பாடச் சொல்ல, தொடர்ந்து திருவனந்தபுரம் நொண்டி நாடகம் பாடினார். மன்னர் கொடுத்த ஏராளமான பொன்னையும் பொருளையும் கொணர்ந்து, திருச்செந்தூர் திருக்கோயில் திருப்பணி செய்தார். 

நெல்லைச் சாரலின் தமிழ்ச் சாரல் 17-ஆம் நூற்றாண்டிலேயும், நெல்லைச் சீமையானது, பெரும் பண்டிதர்களைப் பலரைக் கண்டுள்ளது. தமிழுக்குத் தனிப்பெருமை சேர்த்த குமரகுருபர சுவாமிகளை நாம் ஏற்கெனவே சந்தித்தோம். அவருடைய இளைய சகோதரர் குமார கவிராயர் என்றழைக்கப்பட்டார். இவரும் கவிநூல்கள் செய்தார். 

சங்கர நமச்சிவாயர் என்னும் புலவர், ஊற்றுமலை ஜமீன்தாரின் ஆஸ்தானப் புலவராகத் திகழ்ந்தார். ஜமீன்தார் மருதப்பப் பாண்டியரின் வேண்டுகோளுக்கிணங்க, நன்னூலுக்கு விருத்தியுரை வகுத்தார். இதுவே நன்னூலுக்கான உரைகளில் மிகச் சிறந்ததாகப் போற்றப்படுகிறது. 

ஊற்றுமலை என்பது சங்கரன்கோவிலுக்கு அருகில் இருக்கும் பகுதி. வீரை என்று வழங்கப்படும் வீரகேரளம்புதூர்தான், இதன் முக்கிய ஊர். ஊற்றுமலை ஜமீனுக்குக் குலதெய்வமாக விளங்கிய வீரை நவநீதகிருஷ்ணன் திருக்கோயில் நைவேத்யத்தில் லட்டு என்பது தேங்காய் அளவும், தேன்குழல் என்பது பெரிய சந்தனக்கல் அளவும் இருக்குமாம். 

ஊற்றுமலையோடும் நெல்லையோடும் எண்ணிப் பார்க்கவேண்டிய மற்றுமொரு 17- ஆம் நூற்றாண்டுப் பெரும்புலவர், கடிகை முத்துப் புலவர் ஆவார். எட்டையபுரத்தில் பிறந்து, சமஸ்தானப் புலவராக இருந்தார். திக் விஜயம், பக்தி, அகவாழ்க்கை என்ற வகை நூல்களைப் பாடினார். கடலரசனை நோக்கித் தலைவி இரங்குவதாக அமைந்த "சமுத்திர விலாசம்' என்னும் நூல், இவருக்கு மிக்க புகழ் தந்தது. இவருடைய மாணாக்கரே, இஸ்லாமியத் தமிழுக்குப் பெருந்தொண்டாற்றிய உமறுப்புலவர் ஆவார். 

தாமிரவருணிக் கரை, பல்வேறு தமிழ்ப் புலவர்களைத் தந்துள்ளது. புலவராற்றுப்படை (1695) பாடிய திருமேனி ரத்தினக் கவிராயர் (நாம் ஏற்கெனவே கண்டுள்ள தென்திருப்பேரை காரி ரத்தினக் கவிராயரின் மைந்தர் இவர்), சங்கர நமச்சிவாயரின் திருக்குமாரரும் தத்துவ சித்தாந்த நூல்களை எழுதியவருமான முத்துக்குமாரசுவாமிப் பிள்ளை, திருச்செந்தூர் புராணம் பாடிய திருச்செந்தூர்க் கோயில் குருக்களான வென்றிமாலைக் கவிராயர் (17-ஆம் நூற்றாண்டின் பிற்பகுதி), வடமொழி-தென்மொழி இலக்கண ஒற்றுமைகளை எடுத்துக் காட்டும் "பிரயோக விவேகம்' என்னும் நூல் செய்த ஆழ்வார் திருநகரி சுப்பிரமணிய தீக்ஷிதர் (17-ஆம் நூற்றாண்டு), பொதிகை நிகண்டு கொடுத்த கல்லிடைக்குறிச்சி சாமிநாதக் கவிராயர், அவருடைய திருமகனார் சிவசுப்பிரமணியக் கவிராயர், அணியாபரண நல்லூர் வைரவநாதக் கவிராயர், ஆழ்வார் திருநகரி வேங்கடத்துறைவான் கவிராயர், கருவை தலபுராணம் இயற்றிய கருவை எட்டிச்சேரி திருமலைவேல் கவிராயர், குருகை மாலை பாடிய ஆழ்வார் திருநகரி ராமரத்தினக் கவிராயர், வாசுதேவ நல்லூர் புராணம் பாடிய சொக்கம்பட்டி பொன்னம்பலம் பிள்ளை, வண்ணம் பாடுவதில் வல்லவராகத் திகழ்ந்து "புலவர் கோடாலி' என்றழைக்கப்பட்ட தென்காசிப் பொன்னம்பலம் பிள்ளை, தேசிகர் வண்ணமும் இரட்டை மணிமாலையும் இயற்றிய திருநெல்வேலி அம்பலவாணக் கவிராயர் (19-ஆம் நூற்றாண்டு), திருப்புடைமருதூர் பதிற்றுப்பத்து அந்தாதி பாடிய அவருடைய மகன் முத்துக்குமாரசுவாமிக் கவிராயர், ஆழ்வார் திருநகரியின் வெள்ளூர்க் கவிராயர், செங்கோட்டை கவிராச பண்டாரம் என்று இந்தப் பட்டியல் தொடர்கிறது. 

தாமிரவருணியின் ஜீவப் பிரவாகத்தைப் போலவே, இவளின் கரையிலிருந்து புறப்படும் தமிழின் பிரவாகமும் என்றும் வற்றாத ஜீவநதிதான்! 

பொருநைத் தமிழின் பேரலைகளில் ஒருவர், வண்ணச்சரபம் தண்டபாணி சுவாமிகள்! சங்கரலிங்கம் என்னும் இயற்பெயரோடு, திருநெல்வேலியில் 1839-இல் தோன்றிய இவர், எட்டு வயதிலேயே கவிதை மழை பொழிந்தார்; இதனால், "ஓயா மாரி' என்று பாராட்டப்பெற்றார்.  முருக பக்தரானார்.  உச்சி முதல் உள்ளங்கால் வரை திருநீற்றை உத்தூளனமாகப் பூசிக்கொண்டு, கையில் தண்டம் ஏந்தினார்; இக்கோலத்தைக் கண்டோர் இவரை "தண்டபாணி சுவாமிகள்' என்றழைத்தனர். சந்த யாப்பில், "வண்ணம்' என்று வழங்கப்படும் கவிதைகளை அதிகம் பாடினார்; ஆகவே, வண்ணச் சரபம் சுவாமிகள் ஆனார். 
லட்சக்கணக்கில் பாடல்கள் இயற்றினார். இசைக் கீர்த்தனைகள் வரைந்தார். தமிழலங்காரம், அருணகிரிநாதர் புராணம், புலவர் புராணம், வருக்கக் குறள், சத்திய வாசகம், தில்லைத் திருவாயிரம், திருவரங்கத் திருவாயிரம், திருமயிலைக் கலம்பகம், சென்னைக் கலம்பகம், பழநித் திருவாயிரம் உள்ளிட்ட ஏராளமான நூல்களையும் குருபர தத்துவம் என்னும் பெயரிலான தன் வரலாற்றையும் படைத்தார். 

பெண் விடுதலை, விதவை மறுமணம் ஆகியவற்றை ஆதரித்துப் புரட்சிக் குரல் கொடுத்தார். ஆங்கிலேய ஆதிக்கத்தை எதிர்த்தார். "நீசர் குடை நிழலில் வெம்பித் தரைமகள் அழும் துயர் சகிக்கிலேன்' என்று பாடி அந்நிய ஆதிக்கத்தைச் சாடினார். கடும் தவத்தில் ஈடுபட்ட வண்ணச் சரபம் சுவாமிகள், 1898-இல் மறைந்தார். 

நெல்லைத் தச்சநல்லூரில் 1885-இல் பிறந்தவர் அழகிய சொக்கநாதப் பிள்ளை. அனவரத நாதர் பதிகம், சங்கரநயினார் கோவில் அந்தாதி, நெல்லை நாயக மாலை, கோதைக் கும்மி போன்ற நூல்களையும் பத சாகித்யங்கள் பலவற்றையும் யாத்தார். இவர் பாடிய காந்திமதியம்மைப் பிள்ளைத் தமிழ் கேட்டு, ராஜவல்லிபுர வள்ளல் முத்துசாமி, இவருக்கு வைரக் கடுக்கன் இட்டுப் பெருமைப்பட்டாராம். 

"தமிழ் வளர்த்த திருநெல்வேலி' என்னும் நிலையில், மிக முக்கியமாக எண்ணப்படவேண்டியவர்,  நெல்லை வண்ணாரப் பேட்டைத் திருப்பாற்கடல் நாதன் கவிராயர். முத்து வீரியம் என்னும் இலக்கண நூலுக்கு உரை வகுத்த இவர், உ.வே.சா. அவர்களுக்குப் பத்துப்பாட்டு, சீவக சிந்தாமணி, கொங்குவேள் மாக்கதை போன்ற நூல்களின் ஏட்டுச் சுவடிகளைக் கொடுத்தார்.  

- தொடரும்

]]>
http://images.dinamani.com/uploads/user/imagelibrary/2018/9/20/w600X390/vm1.jpg http://www.dinamani.com/weekly-supplements/vellimani/2018/sep/21/பொருநை-போற்றுதும்---8-3003961.html
3004220 வார இதழ்கள் வெள்ளிமணி வித்தியாசமாய் வீற்றிருக்கும் தட்சிணாமூர்த்தி! - கே.எஸ். பொன்னம்பலம் DIN Friday, September 21, 2018 10:00 AM +0530 நமது திருக்கோயில்களில் தட்சிணாமூர்த்தி சனகாதி முனிவர்களுக்கு உபதேசம் செய்யும் கோலத்தில் கல்லால மரத்தடியில் வீற்றிருப்பார். ஆனால் ராஜபாளையத்திலிருந்து சுமார் 20 கி.மீ. தூரத்தில் சங்கரன்கோவில் செல்லும் வழியில் உள்ள தாருகாபுரம் என்னும் கிராமத்தில் உள்ள சிவன்கோயிலில் தட்சிணாமூர்த்தி நவக்கிரகங்கள் மீது அமர்ந்து அருள்பாலிக்கிறார்.  

இதேபோன்று, மயிலாடுதுறை- திருவாரூர் செல்லும் வழியில் உள்ள பூந்தோட்டம் எனும் ஊரில் உள்ள பழைமையான சிவன்கோயிலில் தட்சிணாமூர்த்தி நவக்கிரகங்களை உள்ளடக்கிய லக்கினங்களின் மீது அமர்ந்துள்ளார். நவக்கிரக தோஷம் உள்ளவர்கள் இந்த தட்சிணாமூர்த்தியை வணங்கினால் அனைத்து தோஷங்களும் நீங்கப் பெறுவர். 

]]>
http://www.dinamani.com/weekly-supplements/vellimani/2018/sep/21/வித்தியாசமாய்-வீற்றிருக்கும்-தட்சிணாமூர்த்தி-3004220.html
3004226 வார இதழ்கள் வெள்ளிமணி நிகழ்வுகள் DIN DIN Friday, September 21, 2018 10:00 AM +0530 புரட்டாசி பிரம்மோற்ஸவம்

கரூர் மாவட்டம், தான்தோன்றிமலை, அருள்மிகு கல்யாண வெங்கடரமண சுவாமி திருக்கோயிலில்  புரட்டாசி பிரம்மோற்ஸவம் செப்டம்பர் 13 - இல் தொடங்கி அக்டோபர் 3 வரை நடைபெறும். செப்டம்பர் 21 - திருத்தேர், செப்டம்பர் 26, 30-வெள்ளி கருட சேவை.

தொடர்புக்கு: 04324 257531.


திருப்பணி

சிவகங்கை மாவட்டம், காரைக்குடி வட்டம், கொரட்டி கிராமத்தில் சுமார் 300 ஆண்டுகள் பழைமையான அருள்மிகு  உடைய நாயகி அம்பாள் சமேத அருள்மிகு உடைய நாயனார் ஈஸ்வரர் திருக்கோயில் உள்ளது. இவ்வாலயம், குன்றக்குடியிருந்து சுமார் 3 கி.மீ. தொலைவில் உள்ளது. இத்திருக்கோயில் மிகவும் சிதிலமடைந்த நிலையில் காணப்படுவதால் புதுப்பிக்க வேண்டிய நிலையில் உள்ளது. இக்கோயிலை புதுப்பிக்க வேண்டி கமிட்டி ஏற்படுத்தப்பட்டு திருப்பணி வேலைகள் தொடங்கி நடைபெற்று வருகின்றன. பக்தர்கள் இத்திருப்பணியில் பங்கு கொண்டு ஈசன்அருள் பெறலாம்.

தொடர்புக்கு:  96988 07442.

]]>
http://www.dinamani.com/weekly-supplements/vellimani/2018/sep/21/நிகழ்வுகள்-3004226.html
3004101 வார இதழ்கள் வெள்ளிமணி திருவடிசூலத்தில் திவ்ய தேசங்களின் சங்கமம்! - எஸ்.வெங்கட்ராமன் Friday, September 21, 2018 10:00 AM +0530 ஸ்ரீமந்நாராயணன் சகல புவனங்களையும், அதில் உறையும் ஜீவராசிகளையும் ரட்சிக்கவும், தர்மத்தை காத்து நிலை நிறுத்தவும் திருவுள்ளம் கொண்டு யுகங்கள் தோறும் பற்பல திவ்ய அவதாரங்களை எடுத்து திருவருள் புரிந்துள்ளார்.  பகவானை துதித்து ஆழ்வார்களால் மங்களாசாசனம் செய்யப்பட்ட  திவ்ய தேசங்கள், இந்த பூ உலகில் 106 என்ற எண்ணிக்கையிலும், வானுலக திருப்பதிகளாகிய பாற்கடல், திருவைகுந்தம் ஆகிய இரண்டும் சேர்ந்து 108 - ஆக வழிபடப்படுகின்றது. 

இப்புண்ணிய ஸ்தலங்களில் பகவான் ஒவ்வொருவருக்கும் காட்சியளித்து அனுக்கிரகம் செய்த பெருமையுடையது என்பர். இத்தகைய சிறப்பு வாய்ந்த திருமால் திவ்ய தேசங்களை நாம் வாழும் காலத்திற்குள் தரிசிக்க வேண்டும்! இதற்கெல்லாம் உடல் ரீதியாகவும், மனரீதியாகவும், பொருளாதார வசதிகளும் இருக்க வேண்டுமல்லவா? அதனாலேயே நாம் தரிசிக்க ஏதுவாக, 108 வைணவ திவ்ய தேசங்களையும் ஒரே இடத்தில் அமைத்து தந்துள்ளார்கள் தேவி உபாசகர் புண்ணியக்கோட்டி மதுரை முத்துசுவாமிகள்.

திருவடிசூலம் ஓர் அற்புத ஸ்தலமாகும். ஞானசம்பந்தப் பெருமானின் தேவாரப்பதிகம் பெற்ற திருத்தலம். இங்கு ஈஸ்வரன் கோயிலிருந்து சற்று தொலைவில் மலைகளும், வனங்களும் சூழ்ந்த பகுதி ஸ்ரீ கோயில்புரம் என்று அழைக்கப்பட்டு வருகின்றது. வேகவதி நதி ஒரு காலத்தில் ஓடி வளப்படுத்திய பகுதி என கூறப்படுகிறது. தற்போது அந்த நதி அந்தர்வாகினியாக (மறைவாக, பூமியின் கீழ்) இருப்பதாக ஐதீகம். 

துவாபரயுகத்தில் பகவான் கண்ணன் பசுக்கூட்டங்களுடன் வேணுகானம் இசைத்த இடம். இந்த கலியுகத்தில் தன் தங்கையுடன் கோயில் கொண்டு அருள்புரிய திருவுள்ளம் கொண்டுள்ளார். அந்த எண்ணக்கிடக்கையை அம்பாளின் அருளாளர் மூலம் ஈடேற்றிக் கொண்டார். அதன் தாக்கம் தான் நாம் இப்பொழுது காணும் விஸ்வரூபிணி தேவி கருமாரி அம்மன் சந்நிதியும், ஸ்ரீவாரு வேங்கடேசப் பெருமாள் சந்திதியும். ஏற்கெனவே ஆதி மகாசக்தி பலயுகங்களுக்கு முன் திருவடி பதித்து திரிசூல நாட்டியம் ஆடிய இடம்.

இத்தலத்திற்கு மேலும் சிறப்பு சேர்க்கும் வகையில், தற்போது ஸ்ரீவேங்கடேசப் பெருமாள் கோயிலைச் சுற்றி 108 வைணவ திவ்ய தேசங்களும் சிறிய தனித்தனி ஆலயமாகக் கட்டப்பட்டுள்ளது. இந்த அமைப்பு அமைவதற்கு முன், நிலவுலகில் உள்ள ஒவ்வொரு திவ்ய தேசங்களுக்கும் சென்று, அங்கு ஒவ்வொரு சாளக்கிராமங்களை வைத்து பூஜிக்கப்பட்டு அத்தலத்தின் புண்ணிய தீர்த்தங்களைக் கொண்டே, அந்தந்த திவ்ய தேச எம்பெருமாள் எவ்வகையான ரூபத்தில் ஆராதிக்கப்பட்டு வருகின்றாரோ அத்தகு ரூபங்களாகவே திரு உருவம் அமைத்து பிரதிஷ்டையான பெருமையுடையது. இந்த திவ்ய தேச சந்நிதிகளுக்கும் கடந்த ஏப்ரல் 2018 -இல் அஷ்டபந்தன மஹாசம்ப்ரோக்ஷண வைபவம் சிறப்பாக நடந்தேறியது.

திருமலையில் எழுமலைகளைக் கடந்து பெருமாளை சேவிக்க வேண்டும். ஆனால் இங்கு ஸப்த சைலஜ மத்யபீடம் என்று ஏழுமலைகளின் நடுவே கோயில் கொண்டுள்ள திருவேங்கடவனையும் அவரைச்சுற்றி 108 வைணவ திவ்யதேசங்களையும் ஒரே சேர தரிசிப்பது என்பது நாம் செய்த புண்ணியமே. கண்கொள்ளாக் காட்சி. வேறு எங்கும் இத்தகைய அமைப்பு இருப்பதாக தெரியவில்லை.

பெருமாளின் வழிபாட்டிற்குரிய புனிதமான புரட்டாசி மாதத்தில் இந்த திவ்ய தேசங்கள் தரிசனம் கண்டு திருவேங்கடவனின் பேரருளைப் பெறுவோம்.
காஞ்சி மாவட்டம், செங்கற்பட்டு - திருப்போரூர் வழித்தடத்தில் செங்கையிலிருந்து 9 கி.மீ தூரத்தில் உள்ளது திருவடிசூலம். 

தொடர்புக்கு:  98405 00272 . 

]]>
http://images.dinamani.com/uploads/user/imagelibrary/2018/9/20/w600X390/vm2.jpg http://www.dinamani.com/weekly-supplements/vellimani/2018/sep/21/திருவடிசூலத்தில்-திவ்ய-தேசங்களின்-சங்கமம்-3004101.html
3004104 வார இதழ்கள் வெள்ளிமணி தவக்கோலத்தில் தட்சிணாமூர்த்தி - டி.ஆர். பரிமளரங்கன் DIN Friday, September 21, 2018 10:00 AM +0530 ஒரு சில கோயில்களில் கால்களை மாற்றி மடக்கி வைத்தும் குத்துகாலிட்ட நிலையிலும் காட்சி தரும் தட்சிணாமூர்த்தி, கடலூர் அருகில் அமைந்துள்ள தீர்த்தனகிரி சிவக்கொழுந்தீஸ்வரர் கோயிலில் இரண்டு கால்களையும் மடக்கி பீடத்தின் மீது அமர்ந்து தவக்கோலத்தில் காட்சி தருகிறார். இவருக்கு கீழே முயலகன் இல்லை. நான்கு சீடர்கள் மட்டும் காட்சி தருகின்றனர்.

]]>
http://www.dinamani.com/weekly-supplements/vellimani/2018/sep/21/தவக்கோலத்தில்-தட்சிணாமூர்த்தி-3004104.html
3004158 வார இதழ்கள் வெள்ளிமணி நீர் பருகலில் நிறைவு - மு.அ.அபுல் அமீன் DIN Friday, September 21, 2018 10:00 AM +0530 நில உலகில் வாழும் மனிதர்கள் உண்ணும் உணவு விளைய உறுதுணையாகும் நீர் உண்பவருக்கு உணவாகவும் அமைகிறது. நீரின் பயன்கள் பல. நீரின் பல பயன்களையும் பயனுற பெற நீரைப் பருகும் முறை பாங்காக அமைய வேண்டும்.
உங்களின் நீர் பூமிக்குள் போய்விட்டால் அப்பொழுது ஒலித்தோடும் நீரை உங்களுக்குக் கொண்டு வருபவன் அல்லாஹ் என்பதை அறிவிக்கிறது அருமறை குர்ஆனின் 67-30 ஆவது வசனம். இயந்திரங்களைப் பூமிக்குள் செலுத்தி எத்தனை காலத்திற்கு  எத்தனை அடிமட்ட நீரை உறிஞ்ச வேண்டும் என்பதை எண்ணிப்பார்க்க ஏவுகிறது இந்த வசனம். இஸ்ர வேலர்கள் செங்கடலைக் கடந்து ஸினாய் திடலில் தங்கிய பொழுது அல்லாஹ் ஊற்றுகளை உண்டாக்கி பருக நீர் கொடுத்ததைப் பகர்கிறது 2-60 ஆவது வசனம். வானத்திலிருந்து தூய நீரை நாம் இறக்கினோம் என்று இறைவன் 25- 48 ஆவது வசனத்தில் இயம்புகிறான். மழைநீர் மற்ற நீரினும் தூயது என்பதை அழுத்திச் சொல்கிறது இவ்வசனத்தில் வரும் மாஅன்தஹூரன் என்னும் அரபி சொல். இளநீர் மற்ற பொருள்களைச் சுத்தப்படுத்தாது. தூயநீர்  மனிதர்கள் குடிக்கவும் பொருள்களைக் கழுவி சுத்தப் படுத்துவதற்கும் பயன்படும்.
பாத்திரத்தில் வாய் வைத்து ஓசையின்றி மெதுவாக நீரை உறிஞ்சி குடிப்பார்கள் உத்தம நபி (ஸல்) அவர்கள். மண், செம்பு, மரம், பளிங்கு பாத்திரங்களில் நீர் அருந்துவார்கள் நீதர் நபி (ஸல்) அவர்கள். பாத்திரங்களை மூடி வைக்கவும் நீர் பைகளைக் கட்டி வைக்கவும் கருணை நபி (ஸல்) அவர்கள் கட்டளை இட்டதை இயம்புகிறார் ஜாபிர் (ரலி) நூல் -புகாரி, முஸ்லிம்,  அபூதாவூத். இது தூசு பாத்திரத்தில் பையில் விழாமலும் நீர் மாசுறாமலும் இருப்பதற்காக இயம்பியது. நீரில் உள்ள தூசியைக் களைய நீரில் வாயால் ஊத கூடாது. தூசி படர்ந்த பகுதியை மட்டும் கீழே ஊற்றியபின் எஞ்சிய நீரைப் பருகி விஞ்சிய தாகத்தைத் தணித்தார்கள் தாஹா நபி (ஸல்) அவர்கள் என்று எடுத்துரைக்கிறார் அபூகதாதா (ரலி) நூல் -புகாரி, முஸ்லிம், திர்மிதீ, நஸஈ.
நின்று நீர் அருந்துவதை நீதர் நபி (ஸல்) அவர்கள் தடை செய்த தகவலைத் தருகிறார் அனஸ் (ரலி) நூல்- முஸ்லிம், திர்மிதீ. இன்றைய மருத்துவம் நின்று கொண்டு நீர் அருந்துவதால் குடல் இறக்கம், விதை வீக்கம் ஏற்படுவதாக கூறுகிறது. 
ஒட்டகம் ஓர் இழுப்பில் ஒரே மூச்சில் நீர் குடிக்கும். அவ்வாறு குடிப்பது கூடாது. மூச்சுவிட்டு மூன்று முறையில் நீர் குடிக்க கூறினார்கள் குவலயம் திருத்த வந்த திருநபி (ஸல்) அவர்கள் என்று அறிவிக்கிறார் அனஸ் (ரலி) நூல்- புகாரி, முஸ்லிம், அபூதாவூத், திர்மிதீ. அவ்வாறு மூச்சுவிடும் பொழுது நீருள்ள பாத்திரத்தில் மூச்சு விடாது பாத்திரத்தை வாயிலிருந்து நகர்த்தி கொண்டு மூச்சுவிட முத்து நபி (ஸல்) அவர்கள் மொழிந்ததை அறிவிக்கிறார் அபூதர்தா (ரலி) நூல் -புகாரி, முஸ்லிம், திர்மிதீ, நஸஈ. ஒரே இழுப்பில் ஒரு மூச்சில் நீர் குடிப்பது விலங்குகளின் பழக்கம்.  மனிதர்கள் விலங்கினும் வேறுபட்டு மேலான ஆறறிவு படைத்தவர்கள். அதற்கேற்ப ஆரோக்கியமான பழக்கங்களைக் கடைப்பிடிக்க வேண்டும். நீர் பாத்திரத்தில் மூச்சு விடுவதால் கரியமில வாயு நீரில் கலக்கும்.
கோபம் கொண்டவர் குளிர்ந்த நீர் பருகினால் கோபத்திற்குக் காரணமான கழுத்து நரம்புகள் முறுக்கேறி சூடான உடல் கட்டுக்குள் அடங்கி கோபம் குறையும். படுத்தவாறு நீர் பருகுவது நரம்பு தளர்ச்சியை உண்டாக்கும். பாலில் நீர் கலந்து பருகினார்கள் அருமை நபி (ஸல்) அவர்கள். அவ்வாறு பருகுவது உடல் நலத்திற்கு உகந்தது என்று உரைத்ததை அறிவிக்கிறார் ஜாபிர் (ரலி) நூல்- புகாரி. பருகும் பானங்களில் மேலானது இனிப்பு உள்ளதும் குளிர்ந்து உள்ளதும் என்று கூறியதைக் கூறுகிறார் அன்னை ஆயிஷா (ரலி) நூல்- திர்மிதீ.
மக்காவில் சிறப்புமிக்க புனித ஹரம் ஷரீபில் உள்ள ஜம் ஜம் கிணறு உருவாகி 4863 ஆண்டுகள் ஆவதாக ஆய்வாளர்கள் கணக்கிடுகின்றனர். இந்த ஜம் ஜம் நீர் தாகம் தீர்ப்பதோடு பசியாளிகளின் பசியையும் தீர்க்கும். எல்லா நோய்களுக்கும் நல்மருந்து என்பது உறுதியான உண்மை. உள்ளம் ஒன்றி ஒன்றான இறைவனை இறைஞ்சி நிறையவே இந்நீரைக் குடித்து பயன் பெற்றோர் பலர்.
முறையோடு நீர் பருகி நிறைவு பெறுவோம். இறைவன் அருளால் நிம்மதியாக வாழ்வோம்.


 

]]>
http://www.dinamani.com/weekly-supplements/vellimani/2018/sep/21/நீர்-பருகலில்-நிறைவு-3004158.html
2999563 வார இதழ்கள் வெள்ளிமணி யோகமும் ஆரூரும்..! - எம். சங்கர்  DIN Friday, September 14, 2018 10:00 AM +0530 யோகாசனம் பதஞ்சலி முனிவரால் பரப்பப்பட்ட கலை என அறியப்பட்டாலும், யோக பதங்களை உலகுக்கு அருளியது ஆரூர் அமர்ந்த தியாகராஜப் பெருமானே என்பது த்வாபர யுகத்தில் தியாகராஜப் பெருமான் நிகழ்த்திய 104-ஆவது லீலையான காத்யாயன ரிஷி மூலம் தன் பதம் காட்டிய லீலையில் விளக்கமாக சொல்லப்பட்டிருப்பதன் மூலம், யோகத்துக்கான மூலாதார தலமும் திருவாரூரே என்பதை அறிய முடிகிறது.

மூலாதாரத்தின் சக்தி தேவதை குண்டலினி - விநாயகர் அதிதேவதையாகவும், நான்கு பீஜங்களின் சொரூபியாக சிவபெருமானும் விளங்குகிறார் எனவும், அதிஷ்டான பத்மாசனத்தில் ஆறு இதழ்க் கமலத்தின் நடுவே தத்புருஷ ரூபமாக சிவபெருமானும், அதிதேவதையாக பிரம்மனும் விளங்குகின்றனர் எனவும்,  மணிபூரகம் எனும் 10 தள கமலத்தில் அகோரசிவமாய் சிவபெருமானும், அதிதேவதையாக ஸ்ரீ மகாவிஷ்ணுவும் விளங்குகின்றனர் எனவும், 12 தள அநாஹதத்தில் ஸத்யோஜாத மூர்த்தியாக சிவபெருமானும், அதிதேவதையாக ருத்ர மூர்த்தியும் விளங்குகின்றனர் எனவும் காத்யாயன மகரிஷி மக்களுக்கு எடுத்துரைத்துள்ளார்.

இவை தவிர, விசுத்தி பத்மத்தில் வாமதேவமாக சிவபெருமானும், அதிதேவதையாக மகேஸ்வரரும் விளங்குகின்றனர் எனவும், ஆக்ஞா சக்கரத்தில் ஈரிதழ் பத்மத்தில் ஈசான மூர்த்தியாக சிவபெருமானும், அதிதேவதையாக சதாசிவரும் விளங்குகின்றனர் எனவும், சகஸ்ரதள பத்மத்தில் ஐம்பது மாத்ருகா பீஜங்களுக்கு மத்தியில் சிவபெருமான் சித்சக்தியுடன் உள்ளார் எனவும் யோகத்தில் அமர்ந்த சிவனே ஆரூரில் அருளும் தியாகராஜப் பெருமான் எனவும் காத்யாயன மகிரிஷி விளக்கியிருப்பதன் மூலம் லோக நாயகனும், யோக நாயகனும் தியாகராஜப் பெருமானே என்பது புலனாகிறது.

அஜபாயோகியான (ஹம்ஸயோகி) ஸ்ரீ தியாகராஜப் பெருமான் குறித்து ஸ்ரீ முத்துஸ்வாமி தீட்சிதர் பாடிய தியாகராஜ யோக வைபவம் என்ற கீர்த்தனையில்,  ஹிமாவானுடைய யோகப் பெருமையுள்ளவர் ராஜயோகி, யோக பிரயோகத்தில் வித்தகர், சதாசிவத்தின் யோகப்புகழ் உள்ளவர் தியாகராஜர் என கூறியுள்ளார். மேலும், தன் யோக சக்தியினால் உலகத்தின் சிருஷ்டிக்கும் காரணமானவர் அவரே எனவும் முத்துஸ்வாமி தீட்சிதர் விளக்கி
யுள்ளார்.

திருவாரூர் திருத்தலத்தில் தியாகராஜப் பெருமான் புறப்பாடு அஜபா நடனத்துடனேயே நிகழும்.  பாற்கடலில் பள்ளிகொண்ட ஸ்ரீமந் நாராயணனால் நெஞ்சில் நிறுத்தி வழிபடப்பட்ட ஆத்மார்த்த மூர்த்தியான தியாகராஜப் பெருமான், மகாவிஷ்ணுவின் மூச்சுக் காற்றில் ஆடிய நடனமே அஜபா நடனம் எனப்படுகிறது. இதுவும் ஓர் யோக சாஸ்திரமாகவே கொள்ளப்படுகிறது.

இதே போன்று, விடங்கர் தலத்தின் தலைமை பீடமாகக் குறிப்பிடப்படும் திருவாரூரும், பிற விடங்கர் தலங்களும் ஒவ்வொரு யோக வகைகளாகவே குறிக்கப்படுகின்றன. திருவாரூர் - மூலாதாரம், திருக்காரவாசல் - சுவாதிஷ்டானம், திருநாகை - மணிபூரகம், திருநள்ளாறு - அநாகதம், திருக்குவளை - விசுத்தி, திருமறைக்காடு - ஆஞ்ஞா, திருவாய்மூர் - சஹஸ்ராரம் எனக் குறிப்பிடப்படுகிறது.

பார் போற்றும் ஆரூர் ஆழித்தேரும், யோகாசனத்தையே அடிப்படையாகக் கொண்டதாக உள்ளது என்பதை முசுகுந்த சகஸ்ரநாம 56- ஆவது நாமாவளி விளக்குகிறது. நான்கு சக்கரங்களும் மூலாதாரத்தின் நான்கு இதழ்கள் எனவும், வெளிச் சக்கரங்களின் அச்சுக்கள் இரண்டும் சிவசக்தி அம்சங்கள் எனவும், தேரின் அடிப்பாகம் ஆத்ம தத்துவம், நடுப்பாகம் வித்யா தத்துவம், மேல்பாகம் சிவ தத்துவம் எனவும் நாமாவளியில் குறிப்பிடப்பட்டுள்ளது.

இத்தலத்து அம்பாள் கமலாம்பிகை  அமர்ந்துள்ள கோலம் உலகில் வேறெங்கும் காண முடியாத யோகக் கோலமான குட்டிகாசனக் கோலம் என்பது தனிச் சிறப்பு. இத்தலத்து உத்ஸவ அம்பாளின் திருப்பெயர் மனோன்மணி எனக் குறிப்பிடப்படுகிறது. சகஸ்ரஹாரத்தில் குண்டலினி யோகத்துக்கு மனோன்மணி என்றே பெயர் விளங்குகிறது.

பதஞ்சலி முனிவருக்கு பாத தரிசனம் அளித்த தியாகராஜப் பெருமானே யோகத்துக்கும், இசைக்கும் மூலம் என்பதும்,  ஆயிரமாயிரம் அதிசயங்களும், அளவிடமுடியாத ரகசியங்களும் கொண்ட தியாகராஜப் பெருமான் அருளும் திருவாரூரே இசைக்கும், யோகத்துக்கும் மூலாதார தலம் என்பதும்  உலகின் எந்தத் தலத்துக்கும் கிட்டாத தனிச் சிறப்பு.

தகவல் : பி. பஞ்சாபகேசன், திருக்கோயில் ஆராய்ச்சியாளர் மற்றும் நூலாசிரியர்,  நூல்- "இசை  திருவாரூர்'.

]]>
http://images.dinamani.com/uploads/user/imagelibrary/2018/9/13/w600X390/vm1.jpg http://www.dinamani.com/weekly-supplements/vellimani/2018/sep/14/யோகமும்-ஆரூரும்-2999563.html
2999564 வார இதழ்கள் வெள்ளிமணி சித்தர்கள் வழிபட்ட மேலைத்திருப்பதி! - இரா.இரகுநாதன் DIN Friday, September 14, 2018 10:00 AM +0530 தன்னை திருமாலுக்கு அர்ப்பணித்துக் கொண்டு பெருமாளை வணங்கி பாசுரங்களை சேவித்து, பிட்சை ஏந்தி பகுத்துண்டு வாழும் முரட்டு பெருமாள் பக்தர்களை "மொண்டிகள்' என அழைப்பர்.  அவர்கள் சேர்ந்து வாழ்ந்த இடம் மொண்டிப் பாளையம் எனவும் வழங்கப்பட்டது.

மொண்டிப் பாளையம் தலத்தில் திருப்பதி  வெங்கடாஜலபதி அரூபியாய், வேறு எந்த வைணவத்தலத்திலும் இல்லாத வகையில் நான்கு புறமும் பட்டையாக வேதங்களின் அம்சமாக  மத்தியில் கூர்மையாக, வாழைப்பூ போலவும் குவிந்த தாமரை வடிவைப் போலவும் சாளக்கிராம மூர்த்தியாக சுயம்புவாக எழுந்தருளினார்.  இவ்வுரு மயன் உருவாக்கிய வடிவமென அகத்தியர் கூறுகிறார். இந்த மூர்த்திக்கான பூஜை முறையை துர்வாச மகரிஷி வகுத்தார். திருமலை ஸ்ரீநிவாசனே அங்கு தோன்றியதால் அப்பகுதி ஸ்ரீநிவாசபுரம் என்ற பெயரோடு விளங்கத் தொடங்கியது. இத்தல மூலவர், சித்தர் பெருமக்களால் வணங்கப்பெற்ற சிறப்புடையவர். 

கொங்கு நாட்டு ஆலத்தூர் கிராமத்து கம்மவார் குல மேதளமிட்டார் மாதவநாயக்கர் மகன் கொண்டம நாயக்கர், ஆடு  மாடு மேய்த்துக் கொண்டிருந்தபோது தமது பதினாறாம் வயதில் இறையருளால் சித்து வேலைகள் தானே வந்தடைந்தது.

கொண்டம நாயக்கர் பெருமாள் வாக்குப்படி, கொள்ளேகாலம் தாலூக்கா, காயல்பட்டினம் சென்று கடும் எதிர்ப்புகளுக்கிடையே நெருப்பு மூட்டையை தலையில் சுமந்தும் கடும் விஷத்தை உண்டும்  தன் பக்தியை மெய்ப்பித்தார். முன்பே தேவர்களால் வைக்கப்பட்ட செல்வத்தை  எடுத்துக் கொண்டும் அவ்வூரிலுள்ளோர், திருப்பதி வெங்கடாஜலபதிக்கு கட்டி வைத்த காணிக்கைகளுடன் சத்தியமங்கலத்தார்கள் கொடுத்த  காணிக்கையையும் கொண்டு கர்ப்பகிரகம், அர்த்தமண்டபம் கட்டி  பூஜை நடத்தத் தொடங்கினார். கொண்டமநாயக்கர் தமது 33 -ஆம் வயதில் வைகுண்டப் பதவியடைந்தார்.

காலப்போக்கில், காளாப்பட்டி, லட்சும நாயக்கர்  மீண்டும் திருப்பணி செய்து கும்பாபிஷேகம் செய்ய பணத்திற்கு பெருமாளை வேண்டினார். அவரிடம் ஒருவர் ஆறு தலைமுறையாய் திருப்பதி வெங்கடாஜபதிக்கு காணிக்கை கட்டி வைத்துக் கொண்டிருக்கிறோம். நேற்று இரவு  கனவில் பெருமாள் வந்து கட்டி வைத்திருக்கும் காணிக்கையை மொண்டிபாளையம் பெருமாள் கோயில் கும்பாபிஷேக செலவிற்குக் கொடுக்கச் சொன்னார் எனக்கூறி தந்துவிட்டுப்போனார். அந்த திரவியத்தால் கும்பாபிஷேகத்தை வேத முறைப்படி சிறப்பாக மறுபடியும்  நடத்தினர். திருப்பதி போன்றே இங்கும் பூஜைகள் நடைபெறுகின்றன. திருப்பதி பெருமாளே இங்கு தமிழகத்தின் மேற்குப்பகுதியில் எழுந்தருளியிருப்பதால் "மேலைத் திருப்பதி' என்று அழைக்கப்படுகிறது.

சரும நோய்களை தீர்த்தருளும் இந்த வெங்கடேசப் பெருமாள் கோயிலில் வெள்ளெருக்கம் மொக்கு, வேப்பிலைக் கொழுந்து, துளசி, எலுமிச்சை ஆகிய மருத்துவ குணங்கள் அடங்கிய  மல்லிப்பொட்டு எனும் மூலிகைப் பொருட்கள்  கொண்ட  பிரசாதம் வழங்கப்படுகிறது.

திருக்கோயில் பிரகாரத்தில் ருக்மணி சத்யபாமா உடனுறை ஸ்ரீவேணுகோபாலர்,  ஸ்ரீசுதர்சனர், ஆழ்வார்கள்,  உடையவர்,  விஷ்வúக்ஷனர், விநாயகர், ஸ்ரீலட்சுமி சந்நிதி, ஆண்டாள் சந்நிதி,  ஸ்ரீபாதம்,  கருடன், துவார பாலகர் ஆகியோர் எழுந்தருளியுள்ளனர்.  சனிபகவான், வீரஆஞ்சநேயர் மற்றும் சொர்க்கவாயில் அருகேயுள்ள வைகுண்ட நாராயண மூர்த்தி ஆகியோர் அருளுகின்றனர்.

இங்கு, புரட்டாசி சனிக்கிழமையன்று தரிசனம் செய்வதை சித்தர் நூல்கள் பெருமையாக கூறுகின்றன. காலை விரதமிருந்து நெய் தீபமேற்றி தொழுபவர்க்கு சுப பலன்கள் யாவும் சேரும் என்கிறார்கள். வடகிழக்கில் காக வாகனத்தில் உள்ள  சனிபகவானை புரட்டாசி மாதம் சனிக்கிழமை தொழுதால் செல்வம் கூடும். வழக்குகள் தவிடு பொடியாகும். சண்டை சச்சரவுகள் இல்லாத அமைதியான வாழ்வு நலமோடு கிட்டும். குடும்ப ஒற்றுமை மேம்படும். 

15.09.2018 (ஆவணி 30) சனிக்கிழமை முதல்  20.10.2018 முடிய 6 சனிவாரங்களிலும் அதிகாலை 4.00 மணிக்குத் திருமஞ்சனமும் இரவு 7.30 மணிக்கு கருட வாகனத்தில் பெருமாள் புறப்பாடும்  நடைபெறும்.  

இத்தலத்திற்குச் செல்ல அன்னூர்,  அவிநாசியில் இருந்து பேருந்து மூலமும் மொண்டிப்பாளையம் செல்லலாம்.  

தொடர்புக்கு: 04296 289270 ; 9629111099.

]]>
http://images.dinamani.com/uploads/user/imagelibrary/2018/9/13/w600X390/vm3.jpg http://www.dinamani.com/weekly-supplements/vellimani/2018/sep/14/சித்தர்கள்-வழிபட்ட-மேலைத்திருப்பதி-2999564.html
2999580 வார இதழ்கள் வெள்ளிமணி பாரினில் ஒரு பாற்கடல்! - இ.சுரேஷ்குமார் Friday, September 14, 2018 10:00 AM +0530 நில உலகில் காணப்படாததும் மற்றும் இத்தேக சம்பந்தத்தை விடுத்துச் சூக்கும சரீரத்தில் ஆன்மாவானது விளங்கும்போது எம்பெருமான் தமது அடியார்களை அழைத்துச் சென்று பாற்கடல் நாயகனாக பள்ளி கொண்டு சேவை சாதிக்கின்றார். இதுவே, வைணவ உலகில் திருப்பாற்கடல் என்று அழைக்கப்பட்டு 107 -ஆவது திவ்ய தேசமாகப் போற்றப்படுகின்றது. இங்கிருந்து கொண்டே ஆழ்வார்களால் மங்களாசாசனம் செய்யப்பட்ட பதி. அந்தப் பெயரினிலேயே இப்பூவுலகில் ஒரு தலம் உள்ளது.

வேலூர் மாவட்டம், காவேரிப்பாக்கத்திலிருந்து 3 கி.மீ. தூரத்தில் உள்ளது திருப்பாற்கடல் எனும் கிராமம். நாராயண சதுர்வேதி மங்கலம் என்று கல்வெட்டுகள் இவ்வூரை குறிப்பிடுகின்றன. 

இங்குள்ள தொன்மையான ஸ்ரீரங்கநாதப் பெருமாள் ஆலயத்தில் மூலஸ்தானத்தில் ஆதிசேஷன் மேல் சயனித்து, தலையணைக்கு மரக்காலை வைத்துக்கொண்டு, ஸ்ரீ தேவி, பூதேவியுடன்  நாபியில், தாமரைத் தண்டின் மேல் பிரம்மா அமர்ந்து அரங்கனை கை கூப்பும் நிலையில் அளிக்கும் அற்புத சேவையை  இன்றைக்கெல்லாம் கண் கொட்டாமல் பார்த்துக் கொண்டே இருக்கத் தோன்றும். 

அத்தி ரங்கரில் மூத்த ஆதிமூல ரங்கர் இவரே எனக் கூறப்படுகிறது. தனி சந்நதியில் ஸ்ரீரங்கநாயகித் தாயார் கம்பீரத்துடன் வீற்றிருக்கும் கோலம். தாயாரின் திருமுக மண்டலம் முதிர்ச்சியடைந்த தாயின் உணர்ச்சிகளை பிரதிபலிக்கின்றது. பெரிய திருவடி, சிறிய திருவடி சந்நிதிகளும் உள்ளன.

திருக்கோயில் சார்பாக வெளியிடப்பட்ட தல வரலாற்றுத் தகவலின் படி, சத்யவிரத ஷேத்திரமான காஞ்சியில் சரஸ்வதி இல்லாமல் மற்ற பத்தினிகளான சாவித்ரி, காயத்ரியோடு பிரம்மா ஒரு யாகத்தைத் தொடங்க, கோபங்கொண்ட சரஸ்வதி வேகவதி என்ற நதிரூபமாக யாகத்தை அழிக்கவரவே, எம்பெருமான் ஆதிசேஷன் மேல் சயனத்துடன் அணை போல் அந்நதியை தடுத்தாராம். 

சரஸ்வதி கோபம் தணிந்து ஒதுங்க, யாகம் பூர்த்தியானது. பிரம்மாவின் பிரார்த்தனைக்கு இணங்க நிரந்தரமாக சேவை தரும் இப்பெருமானைச் சேவிப்போர்க்குச் சித்ர குப்தன் எழுதிவைத்த பாவங்கள் நீங்கப் பெறுவதாக ஜதீகம். இந்த தகவல்கள் ஸ்ரீ நிகமாந்த மகாதேசிகர் அருளிய மெய்விரத மான்மியம் என்னும் மங்களாசாசனப் பாசுரங்களிலிருந்து அறியப்படுகின்றது. திருமணப் பிராப்தி, சந்தான பாக்கியம் வேண்டி இங்கு வந்து பக்தர்கள் பரிகாரம் செய்து பலன்பெறுவது கண்கூடு.

தற்போது இந்த ஆலயத்தில் திருப்பணி வேலைகள் மேற்கொள்ளப்பட்டு நடந்துவருகின்றது. 107- ஆவது திவ்யதேசத்திற்கு ஒப்பாகப் போற்றப்படும், இவ்வாலயத் திருப்பணியில் திருமால் அடியார்கள் அவசியம் பங்கேற்க வேண்டும். 

தொடர்புக்கு: எஸ். கௌதம் - 99421 58089 / 98944 02289.

]]>
http://images.dinamani.com/uploads/user/imagelibrary/2018/9/13/w600X390/vm4.jpg http://www.dinamani.com/weekly-supplements/vellimani/2018/sep/14/பாரினில்-ஒரு-பாற்கடல்-2999580.html
2999581 வார இதழ்கள் வெள்ளிமணி ஸ்ரீ மகாலட்சுமியின் திருக்கோயில்கள் - டி.ஆர். பரிமளரங்கன் DIN Friday, September 14, 2018 10:00 AM +0530 புதுக்கோட்டை     புவனேஸ்வரி கோயிலில் "அஷ்டதசபுஜ மகாலட்சுமி', 18 திருக்கரங்களுடன் அருள்புரிகிறாள். செங்கல்பட்டு படாளம் அருகே அரசர் கோயிலில் வலது காலில் ஆறு விரல்களுடன் "சுந்தர மகாலட்சுமி' வீற்றிருக்கிறாள். ஆந்திர மாநிலம், மங்களகிரி நரசிம்மர் ஆலயத்தில் ஆபரணங்கள் ஏதுமின்றி சாந்த நிலையில் தவக்கோலத்தில் அருள்கிறாள் மகாலட்சுமி!  தெலுங்கானா,  ஹைதராபாத்தில் உள்ள யாதகிரிகுட்டாவில் ஸ்ரீ நரசிம்ம மூர்த்தியுடன் அருள்புரிகிறாள் ஸ்ரீ மகாலட்சுமி. மும்பை, போரிவிலியை அடுத்துள்ள "வசை' என்னும் இடத்தில் "ஹேதவடே' எனும் கிராமத்தில் வெள்ளிக்கிழமை அன்று மட்டும் திறக்கும் மகாலட்சுமி கோயில் உள்ளது. இங்கு, மூலஸ்தானத்தில் ஒரு பாறையே திருமகளாகக் கருதப்படுகிறது.

]]>
http://images.dinamani.com/uploads/user/imagelibrary/2018/9/13/w600X390/vm5.jpg http://www.dinamani.com/weekly-supplements/vellimani/2018/sep/14/ஸ்ரீ-மகாலட்சுமியின்-திருக்கோயில்கள்-2999581.html
2999583 வார இதழ்கள் வெள்ளிமணி உயிருக்கு (ஆன்மாவுக்கு) உணவு அளிப்போம்! - தே. பால் பிரேம் குமார் DIN Friday, September 14, 2018 10:00 AM +0530 கர்த்தர் ஆதாம் ஏவாளை படைத்து சகல ஜீவ ராசிகளையும் தாவர வகைகளையும் உணவாகக் கொடுத்தார். இவ்வுடல் உண்டு புஷ்டியாயிருந்து உடல் பலம் கொண்டு தம் பணிகளை செய்ய கர்த்தர் கொடுத்தார். ஆகவே, நாம் உயிர் வாழ நல்ல உணவுகளையும் ஏற்ற காலங்களில் மழையையும் நீர் ஊற்றுகளையும் தந்துள்ளார்.
நம் ஆன்மாவுக்கு உணவு இயேசுவே. "வானத்திலிருந்து இறங்கின அப்பம் நானே!'  என்கிறார். ஆன்மாவுக்கு மனிதன் தினமும் உணவளிக்க வேண்டும். "" ஒருவன் தாகமாயிருந்தால் என்னிடத்தில் வந்து பானம் பண்ணக் கடவன்'' (யோவான் 7: 37) நம் உடலுக்கு நல்ல உணவளிக்கிறோம். ஆனால், (உயிருக்கு) ஆன்மாவுக்கு உணவளிப்பது இல்லை. எனவே, உடல் புஷ்டியாயும் ஆன்மா மெலிந்தும் காணப்படுகிறது.  ஆதலால் நம் உள்ளத்தில் இறைவன் வாழாமல் தீயோன் வாழ இடம் தருகின்றோம். இதனால் ஆன்மா, வறுமை, ஏழ்மை, தீய செயல்கள், ஆகாமிய வாழ்வு இவற்றால் துன்பப் படுகிறது. 
ஆன்மாவுக்கு உணவளிப்பது எப்படி எனில் ஜெப வாழ்வு வாழ்தல், நம்முன்னோர் இறைவனை அந்தி, சந்தி, மத்தியானம், நடு இரவுகளில் எழுந்து ஜெபித்தார்கள்;  ஆன்ம பலம் பெற்றார்கள். 
கடவுளை தியானம் செய்து மனதில் நினைத்து நினைத்து அவன் புகழ் சொல்லி மகிழ்ந்தார்கள். அவர்கள் ஆன்மா பலமுள்ளதாயிருந்தது. 
கடவுளின் கட்டளைகளைக் கைக்கொள்ளுதல் உயிருக்கு உணவு ஆகும். சன்மார்க்க வாழ்வு உயிருக்கு உணவு ஆகும். பிறருக்கு சேவை செய்தால் ஆன்மா உணவு பெறும். நல்ல இறை மகனாய் சாட்சி உள்ள வாழ்வு கடமைகளைச் செய்தல் உயிருக்கு உணவளிப்பது ஆகும். 
ஆலயம் சென்று இறைவனை தொழுதால் ஆன்மா பலம் அடையும். பெற்றோரை கனம் பண்ணுதல் ஆன்மாவுக்கு உணவளிப்பது ஆகும். மொத்தத்தில் இறைவனை சார்ந்த வாழ்வு ஆன்மாவுக்கு உணவளிக்கும் வாழ்வு. இறைவனை சார்ந்து நாம் உடலுக்கு நல்ல உணவளிப்போம். உயிருக்கும் உணவளித்து உடலையும் ஆன்மாவையும் புஷ்யாக வைத்திருப்போம். உயிருக்கு உணவாகும் இயேசுவை  போற்றுவோம்.

]]>
http://www.dinamani.com/weekly-supplements/vellimani/2018/sep/14/உயிருக்கு-ஆன்மாவுக்கு-உணவு-அளிப்போம்-2999583.html
2999584 வார இதழ்கள் வெள்ளிமணி மாநபி மணி மொழியில் மருத்துவம் - மு.அ. அபுல் அமீன் DIN Friday, September 14, 2018 10:00 AM +0530
அல்லாஹ் எந்த நோயையும் அதற்குரிய நிவாரணத்தை அருளாமல் இறக்குவதில்லை என்று இறைதூதர் இனிய நபி (ஸல்) அவர்கள் இயம்பியதை அறிவிக்கிறார் அபூஹுரைரா (ரலி) நூல் புகாரி. எல்லா நோய்களையும் நீக்கும் மருந்தை நீக்கமற நிறைந்துள்ள இறைவன் உண்டு பண்ணி இருக்கிறான். நோய் ஏற்பட்டால் மருத்துவம் செய்யுங்கள்.  தடை செய்யப்பட்ட ஹராமான மருத்துவம் வேண்டாம் என்ற ஏந்தல் நபி(ஸல்) அவர்களின் மணிமொழியை அறிவிக்கிறார் அபூதர்தா (ரலி) நூல்- அவூதாவூத். இன்றைய மருத்துவத்துறை புதிய புதிய நோய்களைக் கண்டறிந்து அந்நோய்களுக்குரிய சிகிச்சைகளையும் கண்டுபிடிப்பதைக் காண்கிறோம். புத்தியைப் பேதளிக்கச் செய்யும் போதை பொருள்களைக் கொண்டு மருத்துவம் செய்வதை மாநபி (ஸல்) அவர்கள் தடுத்ததைத் தொடுத்து உரைக்கிறார் வாபில் இப்னு ஹஜ்ரு (ரலி) நூல் -முஸ்லிம், அபூதாவூத், திர்மிதீ.
இறப்பைத் தவிர பிற நோய்களுக்குக் கருப்பு பயற்றில் (கருஞ்சீரகம்) நிவாரணம் உண்டு என்று உத்தம நபி (ஸல்) அவர்கள் உரைத்ததை அறிவிக்கிறார் அபூஹுரைரா (ரலி) நூல்- புகாரி, முஸ்லிம், திர்மிதீ. இன்று கருஞ்சீரக மருந்துகள் இல்லாத இடமே இல்லை. கீரையை கொண்டு உங்கள் உணவை அலங்கரியுங்கள். நபிமார்களின் குழம்பு கீரை; அரசர்களின் குழம்பு இறைச்சி என்றும் இறைதூதர் நபி (ஸல்) அவர்கள் அறிவித்ததை மஙானீ நூலில் காணலாம். சித்த, ஆயுர்வேத, யூனானி, அலோபதி முதலிய அனைத்து மருத்துவ முறைகளிலும் கீரையின் பயன்கள் சீராய் குறிப்பிடப்படுவதைக் 
காண்கிறோம்.
விலா வலிக்கு ஜைத்தூண் எண்ணெயைக் கொண்டும் வர்ஸ் என்ற ஏமன் நாட்டு மூலிகையை கொண்டும் மருந்து தயாரிக்க மாநபி (ஸல்) அவர்கள் ஏவியதை எடுத்துரைக்கிறார் ஜைதுப்னு அர்கம் (ரலி) நூல்- திர்மிதீ. ஜைத்தூண் எண்ணெய் என்பது ஆலிவ் எண்ணெய். உற்பத்தி உறுப்புகளை உறுதியாக்கி உற்பத்தி பெருக்கத்திற்கு உதவும். ரத்த கொதிப்பைக் கட்டுப்படுத்தும். முதுமையின் தளர்ச்சியைத் தடுக்கும் தன்மை உடையது ஆலிவ் எண்ணெய் என்று ஆய்வாளர்கள் அறிவிக்கின்றனர். விலா வலி, தொண்டை வலிக்கு அகர் (அதிமதுர) குச்சி சிறந்த மருந்து என்பதும் மாநபி (ஸல்) அவர்களின் மணிமொழி. மூக்கில் ரத்தம் வடிந்தால் அதிமதுர குச்சியை நீரில் கரைத்து மூக்கில் செலுத்தினால் வழியும் ரத்தம் வடியாது தடுக்கும்.
எவர் ஒவ்வொரு நாளும் காலையில் ஏழு அஜ்வா பேரீச்சம் பழங்களைத் தின்கிறாரோ அவருக்கு அந்நாள் முழுவதும் நஞ்சை முறிக்கும் சக்தி உருவாகும் என்று உத்தம நபி (ஸல்) அவர்கள் உரைத்ததை அறிவிக்கிறார் ஸஃதுப்னு அபீவக்காஸ் (ரலி) நூல்- புகாரி, முஸ்லிம், அபூதாவூத். இச்செய்தியை அன்னை ஆயிஷா (ரலி) அறிவிப்பது முஸ்லிமில் உள்ளது. அஜ்வா என்னும் பேரீச்சம் பழம் மதீனாவில் விளையும் உயர் ரக பழம்; விலையும் அதிகம். ஒவ்வொரு தாவரத்தையும் சுவைக்கும் பசுவின் பால் புருவ வியர்வையை விரல் நீக்குவது போல நெஞ்சு எரிச்சலை நீக்கும், முதுகு எலும்பை வலுவாக்கும். மூளையை பலப்படுத்தும். பார்வையை தெளிவாக்கும். மறதியை விரட்டும் என்ற மாநபி (ஸல்) அவர்களின் மணிமொழியை அறிவிப்பவர் அப்துல்லாஹ் இப்னு மசூத் (ரலி) நூல்- புகாரி, முஸ்லிம். பாலில் பேரீச்சம் பழத்தை வேக வைத்து வெண்ணெய் சேர்த்து சாப்பிடுவார்கள். சாந்த நபி (ஸல்) அவர்கள். இப்படி சாப்பிடுவதால் தாது விருத்தியாகும்; மூளையும் இதயமும் வலுவுறும். பாலுடன் பருப்பு வகைகளைச் சேர்த்து சாப்பிடுவது கூடாது. அதனால் தசைப் பிடிப்பு ஏற்படும். பாலை அதிகம் அருந்துவது கண் பார்வையை குறைக்கும். மூட்டுவலியை உண்டாக்கும். இரைப்பையை பருக்க வைக்கும் என்றும் ஏந்தல் நபி (ஸல்) அவர்கள் எச்சரித்தார்கள். இரைப்பை கல் இன்று பலரை வருத்தும் நோயாக உள்ளது.
முஹம்மது நபி (ஸல்) அவர்கள் ஒரு துண்டு பார்லி ரொட்டியில் பேரீச்சம் பழத்தை வைத்து இது தாவர ரொட்டி என்று மொழிந்ததை அறிவிக்கிறார் யூசுப் இப்னு அப்துல்லாஹ் இப்னு ஸலாம் (ரலி) நூல்- அபூதாவூத். பார்லி சூப் 
காய்ச்சலைக் குறைக்கும். சிறுநீரைப் பெருக்கி சுத்தப்படுத்தும். வெந்தயத்தின் விந்தை பயனை அறிவோர் எடைக்கு எடை தங்கம் கொடுத்து வெந்தயம் வாங்குவர் என்ற ஏந்தல் நபி (ஸல்) அவர்களின் நன்மொழி ஜாத்துல் மஆத் என்ற நூலில் உள்ளது. வெந்தயம் இனிப்பு நீரை விரட்டும் விரோதி. ரத்த கொழுப்பைக் குறைக்கும். பாலூட்டும் தாய்மார்களின் பாலைப் பெருக்கும். வெந்த வெளி புண்கள் வயிற்றுப் புண்களை ஆற்றும்.
தாஹா நபி (ஸல்) அவர்கள் ஆண்கள் தங்கம் அணிவதைத் தடுத்தார்கள். அறிவிப்பவர் -அபூஹுரைரா (ரலி) நூல் -புகாரி. இன்றைய மருத்துவ ஆய்வுகள் ஆண்கள் தங்கம் அணிந்தால் ஆண்மை குறைகிறது என்று கூறுகிறது. 
மாநபி (ஸல்) அவர்களின் மணிமொழியில் மறைந்துள்ள மருத்துவ மகிமையை உணர்ந்து உண்ணும் உணவினை உரிய முறையில் தேர்வு செய்து சீராய் உண்டு தீரா நோய்கள் தீண்டாது தடுத்து நலமாய் வளமாய் வாழ்வோம்.
- மு.அ. அபுல் அமீன்

]]>
http://www.dinamani.com/weekly-supplements/vellimani/2018/sep/14/மாநபி-மணி-மொழியில்-மருத்துவம்-2999584.html
2999585 வார இதழ்கள் வெள்ளிமணி ரெட்டியார்பட்டி சாயிபாபா ஆலயம்! - ஆர். ரவி DIN Friday, September 14, 2018 10:00 AM +0530 பாபாவிற்கு கோயில் எழுப்ப வேண்டும் என்ற லட்சியத்தை நிறைவேற்றுவது சாதாரணமான  ஒன்றல்ல.  தனது பிறந்த ஊரான திருநெல்வேலி மாவட்டம், ரெட்டியார்பட்டியில் சுமார் ஐயாயிரம் சதுரஅடியில் "குபேர சாயிபாபா' 
கோயிலைக் கட்டி சாதித்திருக்கிறார் தோத்தாத்ரி!    

கடந்த ஜூன் மாதம் இக்கோயிலின் கும்பாபிஷேகம் நடைபெற்றது குறிப்பிடத்தக்கது. 

பாபா கோயிலைக் கட்ட ஆரம்பித்த நாளிலிருந்தே வேலைகள் சிறப்பாக நடைபெற்றுள்ளது.  தன்னால் முடிந்த அளவு பக்தர்களின் உதவியுடனும் ஊர்ப் பொதுமக்கள் ஆதரவுடனும் கோயிலை கட்டியுள்ளார். அவரது குடும்பத்தாரும் அவருக்கு எல்லாவிதத்திலும் உறுதுணையாக இருந்துள்ளனர். அவர் யாரிடமும் போய் யாசகம் கேட்கவில்லை.  கடன்வாங்கியும் விருப்பப்பட்ட பக்தர்கள் அளித்த நன்கொடைகளை பெற்றும் கோயிலை உருவாக்கியதாகக் கூறுகிறார். 

விசாலமாக கட்டப்பட்டுள்ள இக்கோயிலின் மேல் தளத்தில் பிரார்த்தனை கூடமும் கீழே தரைத்தளத்தில் பெரிய அன்னதானக்கூடமும் மையத்தில் பாபாவின் திருவுருவமும்  நிறுவப்பட்டுள்ளன. மேலும், இந்த ஆலயத்தில் பாண்டுரங்கர், கணபதி, விநாயகர், தத்தாத்ரேயர் போன்ற தெய்வ மூர்த்தங்களும் அமைந்துள்ளன. அதோடு, ராகு, கேது தோஷம் உள்ளவர்களுக்காக பரிகாரத் தலமும் அமைக்கப்பட்டுள்ளது குறிப்பிடத்தக்கது.

""மனிதப்பிறவி எடுத்திருப்பது சுகபோகங்களை அனுபவிப்பதற்காக மட்டுமல்ல, பிறரது நன்மைக்காகப்  பாடுபடுவதற்காகவும் என்ற புரிதல் வேண்டும். அதற்காகவே நிர்மாணிக்கப்பட்டதே இந்த பாபா ஆலயம். இன்னும் மேல்தளத்தில் பல்வேறு கட்டுமானப் பணிகள் நடைபெற வேண்டி உள்ளது. நிறைய பணத்தேவையும் உள்ளது.  பாபாவின் கருணை அதையும் செய்து கொடுக்கும்''என்கிறார் பெரியவர் தோத்தாத்ரி.

இவ்வாலயம், திருநெல்வேலி புதிய பேருந்து நிலையத்தில் இருந்து சுமார் 7 கி.மீ. தொலைவில் ரெட்டியார்பட்டி உயர்நிலைப்பள்ளிக்கு எதிர்புறத்தில் அமைந்துள்ளது.

]]>
http://images.dinamani.com/uploads/user/imagelibrary/2016/7/21/4/w600X390/saibaba.jpg http://www.dinamani.com/weekly-supplements/vellimani/2018/sep/14/ரெட்டியார்பட்டி-சாயிபாபா-ஆலயம்-2999585.html
2999586 வார இதழ்கள் வெள்ளிமணி வேண்டியதைக் கொடுக்கும் திருவேங்கைநாதர்! - பொ.ஜெயச்சந்திரன் DIN Friday, September 14, 2018 10:00 AM +0530 காமதேனு பசு இந்திரனின் சபைக்கு காலதாமதமாக வந்ததால் கோபமடைந்த இந்திரன் பூலோகத்தில் காட்டுப்பசுவாக பிறக்கும்படி சபித்தான். அதன்படி, காமதேனு பசு பூலோகத்தில் கபில முனிவர் தங்கியிருந்த கபில வனத்தை அடைந்தது. கபில முனிவரின் உபதேசப்படி சாப விமோசனம் பெற தினந்தோறும் கங்கை நீரைக் காதுகளில் நிரம்பிக்கொண்டு வந்து மகிழவனேஸ்வரருக்கு அபிஷேகம் செய்து வந்தது. கோ-பசு-கர்ணம்-காது இதுவே,  "திருக்கோகர்ணம்' என்று ஆனது.   

காமதேனு பசு இவ்வாறு வழிபட்டுக் கொண்டிருக்கும் நாளில் அதன் பக்தியை சோதிக்க விரும்பிய சிவபெருமான் புலியின் உருவத்தில் பசுவை வழிமறித்துக் கொல்ல முயன்றது. உடன் தேவ பசுவானது தான் சிவபெருமானுக்கு செய்யும் வழிபாட்டை முடித்து விட்டு தனக்காக காத்திருக்கும் கன்றுக்கு பால் கொடுத்து விட்டு திரும்பி வருவதாகவும் சத்தியம் செய்து விட்டு சென்றது. அங்கு தன் கடமைகளை நிறைவேற்றி விட்டு தான் கூறியபடி புலி இருக்கும் இடம் வந்தது. பசுவின் நியம உறுதியையும், வாக்கு தவறாத செயல்பாட்டையும் கண்டபுலி (சிவபெருமான் பார்வதி தேவியுடன்) ரிஷப வாகனத்தில் தோன்றி பசுவுக்கு காட்சி கொடுத்து மோட்சம் அளித்தார். புலி (வேங்கை) உருவத்தில் சிவபெருமான் காட்சி கொடுத்து மோட்சம் அளித்ததால் திருவேங்கைவாசல் என்றும் இத்திருத்தலம் இன்றும் மோட்ச ஸ்தலமாக விளங்குகிறது. 

கோயிலின் தென் புறத்தில் திருக்குளம் உள்ளது. திருக்கோயில் உள்ளே நுழைந்ததும் முதலில்  காட்சியளிப்பது அம்மன் திருமுகங்கள்! இரண்டுமே பிரஹன்நாயகி, பெரியநாயகி, பிரஹதாம்பாள் என்ற திரு நாமங்களை கொண்ட புதுக்கோட்டை மன்னர்களின் குலதெய்வமான அம்பாள்தான். இரண்டு அம்பாள் இருப்பதன் காரணம் தொண்டைமான் மன்னர் ராஜா ராமச்சந்திர தொண்டைமான் திருப்பணி செய்யும் போது அம்மனின் கையில் சிதிலம் ஏற்பட்டுவிடுகிறது. உடனே மன்னர் அதை குளத்தில் போட்டுவிட உத்தரவு விடுகிறார். அன்று இரவே, அம்மன் மன்னர் கனவில்  "உன் மனைவிக்கு கை ஒடிந்தால் தள்ளி விடுவாயா?' என்று கேட்க, உடனே மன்னர் மந்திரிகள், குருக்கள் ஆலோசனைப்படி தனி சந்நிதியை அமைத்து மண்டபத்தை சற்று சாய்வாகக் கட்டினார். ஏனெனில் கோயிலில் நுழைந்த உடனேயே இரு அம்பாளும் தெரிய வேண்டும் என்ற நோக்கத்துடன் அவ்வாறு செய்தார்.   

கடைசியாக புதுக்கோட்டை சமஸ்தானத்தை ஆண்ட மாட்சிமை தங்கிய ஸ்ரீராஜகோபால தொண்டைமான் தன்னுடைய பெயருக்கு முன் ஸ்ரீபிரஹதாம்பாள் போட்டுக்கொள்வார். இதிலிருந்தே தொண்டைமான் மன்னர்கள் அம்பாளிடம் கொண்டிருந்த பக்தியின் பெருமையை அறியலாம். இத்தலத்தில் உள்ள கல்வெட்டுகள் ஏராளம். அவற்றில் கண்டறியப்பட்டவை பதினைந்து. அதில் 6 கல்வெட்டுகள், சோழர் காலத்தவை;  7 கல்வெட்டுகள் பாண்டியர் காலத்தவை; விஜயநகர மன்னர்களின் கல்வெட்டு ஒன்றும்; பல்லவராயர் காலத்து ஒன்றுமாகும். அதில், விக்கிரம சோழன் காலம் முதல், சித்ரா பெüர்ணமி விழா சிறப்பாக கொண்டாடப்பட்டதை கல்வெட்டொன்று 
தெவிக்கிறது. 

கருவறையில் மூலவர் புலி முகத்துடன் கூடிய சிவலிங்கமாக இருப்பதால் வியாக்ரபுரீஸ்வரர் என்று வடமொழியிலும், திருவேங்கைநாதர் என்று தமிழிலும் அழைக்கப்படுகிறார். இந்த லிங்க திருமேனியை சுயம்புவாகவும், சோழர்களின் சின்னமான புலியை குறிப்பதாகவும் கூறுவோர் உண்டு. உள்பிரகாரத்திலே திருச்சுற்று மண்டபத்தில் பிராம்மி, வைஷ்ணவி, கெüமாரி, வராகி, மகேஸ்வரி, இந்திராணி, சாமுண்டி ஆகியோர்  அமைந்துள்ளனர். திருச்சுற்று மண்டபத்தில் வலதுபுறமாக கிருஷ்ணதேவராயர் மற்றும் கம்பண்ணராஜா முதலியோர் திருவுருவங்களை தூணிலே வடிவமைக்கப்பட்ட மண்டபத்தில் காணமுடியும். அந்த மண்டபத்தில் பல்வவர்கால முருகப்பெருமான் 5 அடி உயரம் கொண்ட பிரம்மாண்டமான திருமேனி உள்ளது. 

தட்சிணாமூர்த்தி சிவசக்தியாக அர்த்தநாரீஸ்வரர்  திருக்கோலத்தில் சதுர பீடத்தில் அமர்ந்து ஒற்றைக்காலில் நின்று கொண்டு அருள்பாலிக்கும் காட்சி அலாதியானது. திருச்சுற்றில் வடபுறத்தில் வள்ளி, தெய்வானையுடன் கூடிய முருகப்பெருமான், பின்புறம் விஷ்ணு, பைரவர், சூரியன், சனிபகவான் உள்ளனர்.  இக்கோயிலில் நவக்கிரக சந்நிதியில் நவக்கிரங்களுக்கு  பதிலாக 9 விநாயகர்கள் அமைந்துள்ளனர்.  

புதுக்கோட்டையில் இருந்து அன்னவாசல், இலுப்பூர் செல்லும் நகரப்பேருந்துகளில் இக்கோயிலை அடையலாம்.   

தொடர்புக்கு: 97888 40290 / 97512 39014.      

]]>
http://images.dinamani.com/uploads/user/imagelibrary/2018/9/13/w600X390/vm6.jpg http://www.dinamani.com/weekly-supplements/vellimani/2018/sep/14/வேண்டியதைக்-கொடுக்கும்-திருவேங்கைநாதர்-2999586.html
2999587 வார இதழ்கள் வெள்ளிமணி பொன்மொழிகள்! சுவாமி கமலாத்மானந்தர் DIN Friday, September 14, 2018 10:00 AM +0530
மனதில்  உறுதி வேண்டும், வைராக்கியம் வேண்டும். 

மனதை எப்போதும் இளமையாகவும், உற்சாகமாகவும் வைத்திருக்க வேண்டும்.

மாணவர்களுக்குப் படிப்பு சொல்லிக் கொடு. முடிந்த அளவு ஜபம், தியானம் செய்.

மனம் சஞ்சலப்படும்போதெல்லாம் இறைவனிடம் மனம் திறந்து  பிரார்த்தனை செய். 

மனிதப்பிறவி இறைவனுக்குச் சமர்ப்பிக்கப்படும்போதுதான் மிகவும் பாக்கியம் பெறுகிறது. 

நாளும் நேரமும் பார்த்து காலத்தை வீணாக்காமல், நல்ல காரியங்களை விரைவாகச் செய்து முடி. 

யார் இறைவனையே நம்பி வாழ்கிறார்களோ, அவர்களை அவர் எல்லா ஆபத்துகளிலிருந்தும் பாதுகாக்கிறார்.  - அன்னை ஸ்ரீ சாரதாதேவியார்

எந்த மனிதன் தன் பெற்றோருக்குப் பணிவிடை செய்வதையே தன் முதல் கொள்கையாகக் கருதிச் செய்கிறானோ, எவன் உண்மை பேசியும் நாணயம் தவறாமல் நடந்தும் வருகிறானோ, எந்த மனிதன் தன் புலன்களை அடக்கியாள்கிறானோ அவனிடம் பகவான் இருக்கிறார். - பத்ம புராணம்

காட்டில் வாழும் மிருகங்கள், அந்தக் காட்டில் தங்களுக்கு வகை வகையான உணவுகள் கிடைக்கும் வரையில்தான் அந்தக் காட்டில் வாழும். இல்லையென்றால் அவை வேறு கானகத்தை நாடும். இது போலவே, மனிதன் வாழ்க்கையில் வெறுப்பு ஏற்படும்போது, மரணத்தை வரவேற்று மயானபூமிக்குச் சென்று விடுகிறான்.

நல்லவர்கள் ஒருபோதும் கொடியவர்களை நாடமாட்டார்கள். அதனால், கொடியவர்களுக்குக் கொடியவர்களே நண்பர்களாகி விடுவார்கள். இருவர் செயல்முறைகளும் ஒன்றாகிவிடுவதால், அவர்கள் தங்களுக்குள் ஒருவரை ஒருவர் பாராட்டிப் பேசிக் கொள்வார்கள். அவர்கள் இப்படிப் பாராட்டிக் கொள்வது பன்றி சேற்றில் புரண்டு, உடல் முழுவதும் சேற்றைப் பூசிக்கொள்வது போன்றது. - வேமன்னா

வீட்டிற்கு வந்தவன், சரணடைந்தவன், உயிரை யாசிப்பவன் ஆகியவர்களைக் கொல்வது மிகவும் இழிவானது. - மகாபாரதம்,  ஆதிபர்வம்

குருவின் முன்னிலையில் பணிவில்லாமல் உயர்ந்த ஆசனத்தில் அமரக் கூடாது. - விஷ்ணு புராணம்

]]>
http://images.dinamani.com/uploads/user/imagelibrary/2018/9/6/w600X390/vm2.JPG http://www.dinamani.com/weekly-supplements/vellimani/2018/sep/14/பொன்மொழிகள்-2999587.html
2999588 வார இதழ்கள் வெள்ளிமணி நிகழ்வுகள் DIN DIN Friday, September 14, 2018 10:00 AM +0530 திருப்பணி

தக்கோலத்தில் (அரக்கோணம் அருகில்) உள்ள அருள்மிகு ரத்தினவல்லி சமேத சோமநாதீஸ்வரர் திருக்கோயிலில், அபூர்வ திருக்கோலத்தில் ஸ்ரீ கபாலபைரவர் பிரதிஷ்டையாக உள்ளது. அம்பிகையைப் போலவே மேற்கரங்களில் பாசம் அங்குசம் ஏந்தி காட்சியளிக்கும் தொன்மையான இந்த பைரவ மூர்த்தி ஆலயத்தில் கண்டு எடுக்கப்பட்டதாகும்.  இத்திருப்பணியில் பக்தர்கள் பங்கேற்கலாம். 
தொடர்புக்கு :  97878 12628 / 99448 58037. 

விழுப்புரம் மாவட்டம், திண்டிவனம் வட்டம், மோழியனூர் கிராமத்தில் எழுந்தருளியிருக்கும் அரி ஓம் ஸ்ரீ பெருமாள்,  ஸ்ரீ மாரியம்மன் ஆலய திருப்பணி நடைபெறுகின்றது. பக்தர்கள் இத்திருப்பணியில் பங்கேற்று நலம் பெறலாம்.
தொடர்புக்கு: 75501 68641.

வேலூர் மாவட்டம், சோளிங்கர் அடுத்த பாண்டியநல்லூர் கிராமத்தில் எழுந்தருளி அருள்பாலிக்கும் அருள்மிகு ஸ்ரீ ஹரிஹர கற்பக விநாயகர் ஆலயம் மற்றும் அருள்மிகு கனகதுர்க்கை அம்மன் ஆலயங்களின் கோபுர திருப்பணி வேலைகள் நடைபெற்று வருகின்றன. பக்தர்கள் இத்திருப்பணியில் பங்கு கொண்டு இறையருள் பெறலாம்.
தொடர்புக்கு: 90030 99048 / 94441 25383.


நித்தியபடி திருவாராதனை வைப்புநிதி

சுமார் 450 ஆண்டுகள் பழைமை வாய்ந்த ஸ்ரீ வீர ஆஞ்சநேயர் கோதண்டராமர் கோயில் புதுச்சேரி, முத்தியால்பேட்டை எம்.எஸ். அக்ரஹாரத்தில் உள்ளது. ஆஞ்சநேயர் சஞ்சீவி மலையை கொண்டு சென்றபோது அதிலிருந்து பிசிறு மண் விழுந்த இடத்தில் இந்தக் கோயில் அமைந்துள்ளது குறிப்பிடத்தக்கது.  நபர் ஒன்றுக்கு ரூ. 1000/- வைப்பு நிதியாக வைத்து நித்தியபடி திருவாராதனை (பூஜை) செய்ய முடிவெடுக்கப்பட்டு செயல்படுத்தப்படுகிறது. 
தொடர்புக்கு: என். திருமலை- 93805 97788.

 

பால்குட யாத்திரை

காஞ்சிபுரம் மாவட்டம், மதுராந்தகம் வட்டத்தில் சித்திரவாடி கிராமத்தில் உள்ளது அருள்மிகு பிரஸன்ன வெங்கடேசப் பெருமாள் ஆலயம். இங்கு, செப்டம்பர் 22 -ஆம் தேதி, காலை 6.00 மணி அளவில் மதுராந்தகம் ஏரிகாத்த ராமர் கோயிலிலிருந்து பால்குட பாத யாத்திரை புறப்பட்டு சித்திரவாடியை வந்தடையும்.
தொடர்புக்கு: 92452 66443 / 91502 44977. 


தங்க கருட வாகன சேவை


விழுப்புரம் மாவட்டம், உளுந்தூர் பேட்டை வட்டத்தில் உள்ள பாதூர் கிராமத்தில் உள்ள அருள்மிகு அலர்மேல்மங்கா நாயிகா சமேத ஸ்ரீபிரஸன்ன வெங்கடேசப் பெருமாள் ஆலயத்தில் நடைபெற்றுவரும் வருடாந்திர பிரம்மோற்சவத்தில் முக்கிய நிகழ்வாக, செப்டம்பர் 16- தங்க கருட வாகனம், செப்டம்பர் 18- திருக்கல்யாணம் போன்றவை நடைபெறும்.
தொடர்புக்கு: 97519 84402 / 96773 34550.


பிரம்மோற்சவம்


திருச்சி மாவட்டம், முசிறி வட்டத்தில் உள்ள குணசீலம் அருள்மிகு பிரஸன்ன வேங்கடாசலபதி  பெருமாள் ஆலயத்தில் வருடாந்திர பிரம்மோற்சவம் நடைபெறுகின்றது. 16.09.2018 - கருடசேவை, 19.09.2018 - திருக்கல்யாண உத்ஸவம், 21.09.2018 - திருத்தேர், தீர்த்தவாரி நடைபெறும்.
தொடர்புக்கு: கே.ஆர். பிச்சுமணி அய்யங்கார்- 89032 75310/  04326 275210.

]]>
http://www.dinamani.com/weekly-supplements/vellimani/2018/sep/14/நிகழ்வுகள்-2999588.html
2999562 வார இதழ்கள் வெள்ளிமணி பொருநை போற்றுதும்! - 7 - டாக்டர் சுதா சேஷய்யன் Thursday, September 13, 2018 12:49 PM +0530 விஜயநகரப் பேரரசைத் தொடர்ந்து வந்த ஆண்டுகளில், திருநெல்வேலியையும் தென்காசியையும் தலைநகரங்களாகக் கொண்டு பாண்டிய மன்னர்கள் சிலர் ஆட்சி புரிந்தனர். தென்காசியைத் தலைநகரமாகக் கொண்டு ஆண்ட மன்னர்கள், தென்காசிப் பாண்டியர்கள் என்றே அழைக்கப்படுகின்றனர். இவர்களில் முதலாமவர் சடையவர்மன் (ஜெடிலவர்மன்) பராக்கிரம பாண்டியன் (1422-1463) ஆவார். 

இவர் காலத்துக்கு முன்பாக, சச்சிதானந்தபுரம், முத்துத்தாண்டவ நல்லூர், சைவ மூதூர், குயின்குடி, சித்தர்வாசம், சித்தர்புரி, சிவமணவூர், மயிலைக்குடி, சித்திர மூலத்தானம், வசந்தகுடி,  சப்த மாதர் ஊர், கோசிகம், பலாலிங்கப் பாடி, ஆனந்தக் கூத்தனூர் போன்ற பல பெயர்களால் அழைக்கப்பட்ட இவ்வூருக்கு, மக்கள் புழக்கத்தில் இருந்த பெயர் "செண்பகப் பொழில்' என்பதேயாகும். செண்பக மரங்கள் நிறைந்த மழைக்காடுகள் அடர்ந்த இப்பகுதியை, சிற்றாற்றங்கரையில் புலிகளின் நடமாட்டம் அதிகம் இருந்த பகுதியைத் தம்முடைய ஆட்சிபீடமாக்கிக் கொண்டு பராக்கிரம பாண்டியன் ஆளத் தொடங்கினார். தம்முடைய நகரத்திற்குப் புலியூர் என்றே பெயரிட்டார். புலியூருக்குக் கிழக்கேயும் புலி நடமாட்டம் அதிகம் இருந்தது. ஆகவே, அப்பகுதிக்குக் கடுவாய்க்காடு என்று பெயர். புலியூருக்குத் தென்மேற்கே, அடர்காட்டுக்குள், மலைச் சரிவில் ஓர் அருவி; அதுவே புலி அருவி. பராக்கிரம பாண்டியன் இப்பகுதிகளில் ஆட்சி நடத்திய காலத்தில், இவருடைய கனவில் தோன்றினார் சிவப்பரம்பொருள்.  பாண்டிய முன்னோர்கள் வழிபட்ட சிவலிங்கம், செண்பகக் காடுகளில் உறைவதாகக் கூறி, கோட்டையிலிருந்து ஊர்ந்து செல்லும் எறும்புகளைப் பின் தொடர்ந்தால், அவை சென்று சேரும் இடத்தில் சிவலிங்கம் இருப்பதாகவும், பக்தர்கள் வடக்கிலுள்ள காசிக்குச் செல்லவேண்டிய அவசியம் இல்லாமல், இவ்விடமே தென்காசியாக விளங்குமென்றும் இறைவனார் உரைக்க, அதன்படி, பராக்கிரம பாண்டியன் திருப்பணி செய்து, புலியூருக்கு மேற்கே, சந்நிதிகளும் கோபுரங்களும் எழுப்புவித்த திருக்கோயிலே அருள்மிகு விசாலாட்சி அம்பாள் சமேத அருள்மிகு காசி விசுவநாதர் திருக்கோயிலாகும். இக்கோயிலின் பெயரால், ஊரும் தென்காசி ஆனது.  கோயில் மூலவர் மிகப் பழைமையானவர் என்றாலும், கோயிலின் இருப்பு பலருக்கும் தெரியும்வகையில் உயர்கோபுரமும் மாடங்களும்  எழுப்பி, கோயிலைச் சுற்றித் தம்முடைய தலைநகரத்தையும் பராக்கிரம பாண்டிய மன்னர் நிர்மாணித்தார். தென்காசியும் தென்காசியை மையமாகக் கொண்ட பாண்டிய அரசும் இவ்வாறு தோன்றியதால், இவ்வழி வந்த மன்னர்கள், "தென்காசிப் பாண்டியர்கள்' என்றே பெயர் பெற்றனர். 

1616 -ஆம் ஆண்டுவாக்கில் ஆட்சி நடத்திய கொல்லம் கொண்டான் என்னும் மன்னர்வரை நீண்ட இந்தத் தென்காசி வம்சாவளியில், இலக்கியம் படைத்த மன்னரும் இருந்தனர். இவர்களில் மூவர் முக்கியமானவர். மூவரும் சகோதரர்கள்; சடையவர்மன் பராக்கிரம குலசேகர பாண்டியன் (ஆட்சிக்காலம் 1543-1552) புதல்வர்கள், குலசேகரனுக்குப் பின்னர் ஆட்சிக்கு வந்த நெல்வேலி மாறன், இவர்களைத் தத்தெடுத்துக் கொண்டதாகவும் கூறப்படுகிறது.

வரகுணராம பாண்டியன், கருவை எனப்படும் கரிவலம் வந்த நல்லூரிலும் தென்காசியிலுமாக வாழ்ந்தார்; முடி சூட்டிக் கொள்ளவில்லை; லிங்கபுராணம், வாயு சங்கிதையின்(சைவ புராணத்தின் ஒரு பகுதி) தமிழ் வடிவம், அம்பிகை மாலை ஆகியவற்றைப் பாடினார்.  வரதுங்க ராம பாண்டியன்,  சில காலம் ஆட்சி நடத்தினார்; ஸ்காந்த மகாபுராணத்தின் பகுதியான பிரமோத்தர காண்டம், குட்டித் திருவாசகம் என்று போற்றப்படுகிற திருக்கருவை அந்தாதி, அகவாழ்க்கை இன்ப நூலான கொக்கோகம் ஆகியவற்றைப் பாடினார். 

தமிழ்த் திறம் மிக்க தென்காசிப் பாண்டியர்களில், அதிகம் பிரபலமானவர் அதிவீரராம பாண்டியன் (ஆட்சிக்காலம் 1600 வாக்கில்). மகாபாரதத்தில், கிளைக் கதைகளில் ஒன்றாகக் காணப்படுவது நளன் தமயந்தி சரித்திரம். சிறிய கதை என்பதால் நள உபாக்கியானம் என்றழைக்கப்படுகிறது. இதனை "நளவெண்பா' என்று தமிழில் பாடினார் புகழேந்திப் புலவர். நிஷத நாட்டு மன்னனான நளன் கதையை விரிவுபடுத்தி, வடமொழியில் ஹர்ஷ மன்னர் "நைஷதம்' என்னும் பெயரில் பாடினார்.  இதே நைடதத்தைத் தமிழில் பாடினார் அதிவீரராமர். ஹர்ஷரின் நைஷதம், வடமொழி பஞ்சகாவியங்களுள் ஒன்றாகப் போற்றப்படுகிறது. புலமையும் வளமையும் செறிந்ததான அதிவீரராம நைடதம், "நைடதம், புலவர்க்கு ஒளடதம்' என்று பாராட்டப் பெறுகிறது. 

அதிவீரராமரின் மற்றுமொரு நூல், நீதிநூல்களில் ஒன்றாகப் பலருக்கும் பரிச்சயம் ஆன "வெற்றிவேற்கை'. நல்ல நீதிகளைத் தெரிவிக்கும் நூலாக, மானுட இனம் தன்னுடைய தவறுகளைக் களைந்துகொள்வதற்கு ஏதுவாகப் பாடப்பட்ட இந்நூலுக்கு, "நறுந்தொகை' என்னும் பெயரைத்தான் அதிவீரராமர் சூட்டினார்.  வெற்றிவேற்கை வீரராமன்

கொற்கை ஆளி, குலசேகரன், புகல்
நல்தமிழ் தெரிந்தநறுந்தொகைதன்னால்
குற்றம் களைவோர்குறைவிலாதவரே 

- என்பது வெற்றிவேற்கையின் நூல் பயன் பாடல். 

வெற்றி தரும் வேலைக் கையில் பிடித்த வீரராமன் என்று ஆசிரியர் குறிக்கப்படுகிறார்.  ஆசிரியருக்கான அடைமொழியே நூலின் பெயராகப் பழக்கப்பட்டுவிட்டது. "கொற்கை ஆளி' என்பதிலிருந்து இவருடைய ஆட்சி, கொற்கைப் பகுதிவரை (தாமிரவருணி கடலில் சங்கமிக்கும் பகுதி) பரந்திருந்தது என்று அறியலாம். கூர்ம புராணம், மகாபுராணம், காசி காண்டம் ஆகிய நூல்களையும் இவர் பாடினார். நைடதம் என்பது நள அரசனைப் பற்றியதலவா? மானுடனைப் பற்றிக் காவியம் பாடுவதென்பது நரஸ்துதிதானே! ஆகவே, அதற்குப் பரிகாரம் செய்யும்படி இவருடைய அண்ணன் வரதுங்கராமன் கூற, அதன்படியே காசிக்குச் சென்று, காசி மான்மியத்தைக் காசி காண்டமாகப் பாடினாராம். 

குற்றாலத்துறைந்த குளிர்தமிழ்

தென்காசி என்றவுடன் தொடர்ந்து நெஞ்சை வருடுவது குற்றாலத்துச் சாரல்தானே! 

தென்காசியை நிர்மாணித்த பராக்கிரம பாண்டியன் காலத்திலும் அதைத் தொடர்ந்தும், இப்பகுதியில் பல்வேறு ஊர்களும் நிலைபெற்றன. விசுவநாதரின் நித்திய பூஜைக்காகக் கொடுக்கப்பட்ட ஊர் வாழ்விலான்குடி, கோயில் பூஜாரிகளைக் குடியமர்த்தி மானியமாக வழங்கப்பட்ட இடம் மேலகரம், கோயில் ஆபரணங்களைச் செய்வோருக்கான ஊர் தட்டான்குளம், ஓதுவார் பெருமக்கள் வாழ்வதற்காகப் பாட்டார்குறிச்சி, அரச குடும்பமும் அலுவலர்களும் வாழுவதற்கான கடுவாய் அகற்றி (இப்போது கடுவாய்க்கத்தி என்று வழங்கப்படுகிறது) மற்றும் சுந்தரபாண்டியபுரம், நான்குனேரி பக்கம் குக்கிராமத்தைச் சேர்ந்த திரிகூட ராசப்ப கவிராயர் (18 -ஆம் நூற்றாண்டின் தொடக்க ஆண்டுகள்) , மேலகரத்தில் வந்து குடியேறினார். குற்றாலச் சாரல், இவர் உள்ளத்தையும் வருடிவிட,  "குற்றாலக் குறவஞ்சி' என்னும் அற்புத நாடகக் காவியம் உருவானது. 

வானரங்கள் கனிகொடுத்து மந்தியொடு கொஞ்சும்
மந்தி சிந்து கனிகளுக்கு வான் கவிகள் கெஞ்சும்
கானவர்கள் விழி எறிந்து வானவரை அழைப்பார்
கமனசித்தர் வந்து வந்து  காயசித்தி விளைப்பார்
தேனருவித் திரை எழும்பி வானின்வழி ஒழுகும்
செங்கதிரோன் தேர்க்காலும் பரிக்காலும் வழுகும்
கூனலிளம் பிறை முடித்த வேணி அலங்காரர்
குற்றாலத் திரிகூட மலையெங்கள் மலையே! 

- என்று அந்தக் குற்றாலத்துக் குறத்தி பாடும்போது, தமிழ் மக்கள் அனைவருமே நடனமாடாமல் இருக்கமுடியுமா? மக்கள் புழக்கத்தில் இருந்த குறவஞ்சிப் பாடல்கள், வழக்கொழிந்தபோது, அவற்றை மீளக் கண்டெடுத்துக் கொடுத்தார் ரசிகமணி டி. கே. சி. அவர்கள். மேலகரத்துக் கவிராயரின் பாடல்களை மேலைநாடுகளுக்கும் கொண்டு சென்றார் ருக்மிணிதேவி அருண்டேல். 

குற்றாலக் குறவஞ்சிக் காவியத்தைப் பாடியதற்காக,  மதுரை சொக்கநாத மன்னர்,  கவிராயருக்கு வழங்கிய பரிசுப் பகுதியே "குறவஞ்சிமேடு' என்பதாகும். திருக்குற்றாலத் தலபுராணம், குற்றாலநாதர் பெயரிலான சிலேடை வெண்பா, உலா, ஊடல், மாலை, பிள்ளைத் தமிழ், அந்தாதி, யமக அந்தாதி போன்ற நூல்களையும் இவர் யாத்தார். கவிராயரின் மகன் பாவாடைக் கவி என்பவர், இலஞ்சி முருகப்பெருமான்மீது, முருகன் உலா என்னும் நூலை இயற்றினார். 

- தொடரும்

]]>
http://images.dinamani.com/uploads/user/imagelibrary/2018/9/13/w600X390/vm2.jpg http://www.dinamani.com/weekly-supplements/vellimani/2018/sep/14/பொருநை-போற்றுதும்---7-2999562.html
2995373 வார இதழ்கள் வெள்ளிமணி ஆரூரே மூலம்! அஜபாவே யோகம்! Friday, September 7, 2018 11:00 AM +0530 உலகெங்கும் நிறைந்திருக்கும் இறை பரம்பொருள், பூவுலகில் சுயம்புவாக, புற்றுவடிவில் கோயில் கொண்ட முதல் தலமாக, மூலாதார தலமாக, திருமூலட்டானமாகக் குறிப்பிடப்படும் திருத்தலம் திருஆரூர் எனப்படும் திருவாரூர்.
 திருவாரூர் குறித்து "இசை திருவாரூர்' என்கிற ஆராய்ச்சி நூலை எழுதிய பி.பஞ்சாபகேசன் நூலைப்பற்றி கூறுகிறார்:
 ஒருவனாய் உலகேத்த நின்ற நாளோ?
 எனத் தொடங்கும் பதிகத்தில்,
 ஓர் உருவே மூன்றுருவாக ஆன நாளோ?
 காலனை வதைத்த நாளோ?
 காமனை எரித்த நாளோ?
 மண்ணுலகையும், விண்ணுலகையும் படைத்த நாளோ?
 மான்மறி எந்தி, திருமகளை ஓர் பாகம் கொண்டதற்கு
 முன்னோ? பின்னோ?
 திருஆரூர் கோயிலாகக் கொண்ட நாளே!
 - என திருநாவுக்கரசர் வியந்து பாடியிருப்பதே இத்தலத்தின் தொன்மைக்குச் சான்று.
 பக்தனின் வேண்டுகோளுக்காக, அறநெறி தவறியவர்களைத் தண்டிப்பதற்காக, மக்களின் அன்புக்காக இறைவன் ஓர் இடத்தில் கோயில் கொண்டதாகவும், இறைவன் எழுந்தருளிய இடத்தை அலங்கரிக்க மன்னர்கள், மக்கள் நகர்களை நிர்மாணித்ததாகவும் பல புராணங்கள் உண்டு. ஆனால், இறைவன் தானே விரும்பி, தனக்காக ஒரு நகரை நிர்மாணித்து கோயில் கொண்டார் என்றால் அது திருவாரூர் திருத்தலம் மட்டுமாகவே இருக்கும்.
 திருப்பாற்கடலில் பள்ளிகொண்ட பகவான் ஸ்ரீ மகாவிஷ்ணுவால் ஆத்மார்த்த மூர்த்தியாக வழிபடப்பட்டு, திருவாரூரில் அருளும் ஸ்ரீ தியாகராஜப் பெருமான், விஸ்வகர்மாவைக் கொண்டு 8 கி.மீ. அகலமும், 16 கி.மீ. நீளமும் கொண்டதாக திருவாரூர் திருத்தலத்தை நிர்மாணித்து, கோயில், குளம், யாகசாலை அமையும் இடங்கள் என அனைத்தையும் தானே நிர்மாணித்தார் என்பது அவரது இரண்டாவது லீலையான நகர் நிர்மாண லீலையாகக் குறிப்பிடப்பட்டிருப்பது வேறெங்கும் இல்லாத சிறப்பு!
 ஒரு திருத்தலத்தில் இறைவன் ஓரிரு லீலைகளை நிகழ்த்தியிருப்பதாகக் குறிப்பிடப்படும் நிலையில், ஸ்ரீ தியாகராஜப் பெருமான் 400 லீலைகளை நிகழ்த்திய ஒரே தலம் திருவாரூர் மட்டுமே ஆகும்.
 நான்கு யுகங்களைக் கடந்தது, மூன்று சகஸ்ரநாமாவளிகளைக் கொண்டது, அதிக தேவாரப் பதிகங்களைக் கொண்டது, பஞ்ச பிரம்மத்தலம், சர்வதோஷ நிவர்த்தித் தலம், நந்தியம்பெருமான் நின்ற கோலத்தில் அருளும் தலம், கிரஹண காலத்தில் அபிஷேகம் நடைபெறும் ஒரே தலம், நித்ய பிரதோஷ தலம், 7 இயந்திரங்களின் மீது பிரதிஷ்டை செய்யப்பட்டு கடன் நிவர்த்தி அருளும் ருணவிமோசனர் காட்சி தரும் தலம், ஆகமத்துக்கு முந்தைய தலம் என ஆயிரமாயிரம் அதிசயங்களும், அளவிட முடியாத ரகசியங்களும் நிறைந்த ஆரூர் திருத்தலமே இசைக்கும், யோகத்துக்கும் மூலாதாரம் என்பது அறிதலுக்கு அரிய சிறப்பு.
 இசையும் திருவாரூரும்: தியாகராஜப் பெருமான் பூவுலகிற்கு எழுந்தருளியபோதே 18 விதமான இசைக் கருவிகளும் பூலோகம் வந்தன என தியாகராஜப் பெருமானின் லீலைகளில் குறிப்பிடப்பட்டிருப்பது, 4 யுகங்களுக்கு முன்பே இசை பரவியிருந்த திருத்தலம் திருவாரூர் என்பதற்குச் சான்று.
 தியாகராஜப் பெருமானுடன் பூவுலகுக்கு வந்த வாத்யங்களில், நாகசுரம், சுத்த மத்தளம், பஞ்சமுக வாத்யம் ஆகியன குறிப்பிடத்தக்கவை. இதில், பஞ்சமுக வாத்யம் சிவபெருமான் திருநடனம் புரிய திருமால் வாசித்த தாள வாத்யமாகக் குறிப்பிடப்படுகிறது. இந்த வாத்யத்தில் உள்ள பஞ்ச முகங்கள், ஸத்யோஜாதம், தத்புருஷம், வாமனம், ஈசானம், அகோரம் ஆகிய சிவபெருமானின் 5 முகங்களை, குணங்களைச் சுட்டுவதாகக் குறிப்பிடப்படுகிறது. பஞ்சமுக வாத்யத்திலிருந்து எழும் ஒலி ரி, க, ம, த, நி என்ற 5 சுவரங்களுடன் ஒத்ததாக இருப்பது தனிச் சிறப்பு.
 பஞ்சமுக வாத்யத்தின் ஒவ்வொரு முகத்திலிருந்தும் 7 தாளங்கள் வீதம் 35 தாளங்கள் உருவாகியதாகக் குறிப்பிடப்படுகிறது. இதில், சத்யோஜாதத்திலிருந்து நாக பந்தனம், பவணம், ஏகம், ஏக சரம், திவிசரம், சஞ்சாரம், விசேயம் ஆகிய தாளங்களும், வாமதேவத்திலிருந்து ஸ்வஸ்திகம், சலஹேரஹலம், புல்ல விஷேபம், சஞ்சாரவிலகி, குண்டலி விஷேபம், பூர்வம், கண்டநாக பந்தம் ஆகிய தாளங்களும் உருவாகியுள்ளன.
 அகோரத்திலிருந்து அலக்னம், உத்சாரம், விச்ராமம், விஷமாலி, ஸ்புரணகம், சரிஸ்புரி, ஸ்புரிதம் ஆகிய தாளங்களும், ஈசானத்திலிருந்து சமஸ்கலிதம், விகடம், சத்ருசம், கலி, அடகலி, அனுத்புல்லம், குத்தம் ஆகிய தாளங்களும், தத்புருஷத்திலிருந்து சுத்தம், ஸ்வரஸ்புரணம், உத்தளி, அஞ்சலிபுலிதம், அர்த்தகடம், தகராக்யம், மாணிக்கவல்லி ஆகிய தாளங்களும் உருவாகியுள்ளன.
 இறைவனுடன் இசை தோன்றிய ஆரூரின் இறை வழிபாட்டில் இசைக்கென தனியிடம் என்றென்றும் உண்டு. தினமும் மாலை வேளையில் தியாகராஜப் பெருமானுக்கு பணி எனும் மாலை (பாம்பு) சாற்றப்படும் போது பஞ்சமுக வாத்யத்தில் வாசிக்கப்பட வேண்டிய தாளம் நாகபந்தனம். நாகசுரத்தில் வாசிக்க வேண்டிய ராகம் சங்கராபரணம். இதே போல, திருவாரூர் ஆழித்தேர் புறப்பாட்டுக்கும், வீதியுலாவின் போது ஒவ்வொரு வீதியிலும் வாசிக்கப்பட வேண்டிய ராகங்களும் பட்டியலிடப்பட்டுள்ளன.
 நாயன்மார்களில் ஒருவரான திருநீலகண்ட யாழ்ப்பாணர் தன் குலமரபுப்படி திருவாரூர் கோயில் முன்பாக நின்று யாழ் மீட்டி இசை பாடியபோது, அவரது இசைக்கு மயங்கிய தியாகராஜப் பெருமான், யாழ்ப்பாணருக்கு தரிசனம் அளிப்பதற்காக கோயிலின் வடபுறத்தில் ஒரு வாயிலை ஏற்படுத்தி, சன்னிதானத்திலிருந்து வடக்கு வாசல் அருகே (ஒட்டு தியாகர்) எழுந்தருளினார் என்ற ஐதீகம் திருநீலகண்ட யாழ்ப்பாணரின் பக்தியை மெச்சவும், இசையின் மேன்மையை உலகுக்கு உணர்த்தவும் தியாகராஜர் நிகழ்த்திய லீலைகளில் ஒன்று.
 மச்ச புராணக் குறிப்புகள்படி, புராண காலங்களில் இசைக் கருவிகள் 18 பிரிவுகளாக இருந்ததாகவும், அவை 4 விதமாக நரம்பு வாத்யங்கள், துளையுள்ள வாத்யங்கள், தோல் வாத்யங்கள், உலோக வாத்யங்கள் எனவும் பிரிக்கப்பட்டிருந்ததாகவும் குறிப்பிடப்படுகிறது. இந்த 18 வகையான வாத்யங்களும் முதன்முதலில் பூலோகம் வந்த இடம், திருவாரூர் என தியாகராஜப் பெருமான் லீலையில் குறிப்பிடப்பட்டிருப்பது, இறை உறை இடத்துக்கு மட்டுமல்ல, இசைக்கும் மூலாதார தலம் திருவாரூரே.
 (அடுத்த இதழில்)
 - எம். சங்கர்
 
 
 

]]>
http://www.dinamani.com/weekly-supplements/vellimani/2018/sep/07/ஆரூரே-மூலம்-அஜபாவே-யோகம்-2995373.html
2995375 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, September 7, 2018 11:00 AM +0530 * "பிரசாதமும் கடவுளும் வேறல்ல' என்ற உறுதியான நம்பிக்கையை, நீ உன் மனதில் எப்போதும் பதிய வைத்துக்கொள். 

* அதிகாலை மூன்று மணிக்கு எழுந்து ஜபம் செய்தால், எப்படி மனதில் நிம்மதியில்லாமல் போகும்? 

* எப்போதும் ஸ்ரீ ராமகிருஷ்ணரின் உபதேசங்களை நினைவில் வைத்திருந்தால், மனம் தானாக அமைதியடையும்.

* ஸ்ரீ ராமகிருஷ்ணர் எப்போது ஒரு பக்தனைப் பிடித்துவிட்டாரோ, அதன்பிறகு அவனுக்கு வீழ்ச்சியே இல்லை.

* தினமும் பத்தாயிரம் முறை அல்லது, இருபதாயிரம் முறை ஜபம் செய்ய வேண்டும்.

* கடவுள் நமக்கு விரல்களைக் கொடுத்திருப்பதற்குக் காரணம், மந்திர ஜபம் செய்யும் பேற்றை அவையும் பெற வேண்டும் என்பதுதான். 

* பிரசாதமாக இருந்தால் ஐந்து வேளை சாப்பிட்டாலும் தவறில்லை; பிரசாதத்தைச் சாதாரண சாதத்துடன் ஒப்பிடக் கூடாது.

* எவ்வளவு துன்பம் இருந்தாலும், இறைவன் நாமத்தை ஜபம் செய்வது பயத்தை விலக்கிவிடும்.

* பொறுமை மிகவும் உயர்ந்த குணம். அதைவிட மேலான குணம் எதுவும் இல்லை.

* இறைவனைச் சரணடையுங்கள். "என்னைப் பாதுகாப்பதற்கு இறைவன் ஒருவர் இருக்கிறார்' என்ற எண்ணம் மனதில் இருந்தால் போதும். * ஒரு சாதாரணப் பொருள் வீணாவதையும் நாம் அனுமதிக்கக் கூடாது.

* கடவுள் தரும் கஷ்டங்களையும் துன்பங்களையும் முணுமுணுக்காமல் ஏற்றுக்கொள்ள வேண்டும். அவரது திருவுளம் போலவே எல்லாம் நடக்கும். 

* "இறைவன் எனக்குச் சொந்தமானவர்' என்ற உண்மையான நம்பிக்கை உனக்கு இருக்க வேண்டும்.

* மற்றவர்களுக்குத் தானம் செய்யும்போது, அந்த தானத்தின் பலனையும் அதனுடன் சேர்த்துக் கொடுக்க வேண்டும். 
- அன்னை ஸ்ரீ சாரதாதேவியார்
 

]]>
http://images.dinamani.com/uploads/user/imagelibrary/2018/9/6/w600X390/vm2.JPG http://www.dinamani.com/weekly-supplements/vellimani/2018/sep/07/பொன்மொழிகள்-தொகுப்பு-சுவாமி-கமலாத்மானந்தர்-2995375.html
2995376 வார இதழ்கள் வெள்ளிமணி செங்கையின் சக்தி! DIN DIN Friday, September 7, 2018 11:00 AM +0530 செங்கல்பட்டு மாவட்டத்தின் வெள்ளைக்கார கலெக்டர் தனக்கு பிரதான அலுவலகம் அருகே கலெக்டர் பங்களா கட்ட குறுக்கே நின்ற சக்திவிநாயகர் திருக்கோயிலை அகற்றும் உத்தரவில் கையொப்பம் போட்டுவிட்டு வீட்டிற்குச் சென்று கண்ணயர்ந்தார். யானை ஒன்று கனவில் பிளிறிக்கொண்டு முட்ட வந்து மிரட்டிவிட்டு மறைந்து போனது. கனவு கண்ட கலெக்டர் ஜோதிடர் ஒருவரிடம் பலன் கேட்டதில் விநாயகருக்கு எதிராக எந்த செயல் செய்வதாக இருந்தாலும் நிறுத்தக் கூறினார். உடனே தன், முன் உத்தரவை நிறுத்தி கலெக்டர் பங்களாவை தொலைவில் கட்டச் சொன்னார். அதோடு தினமும் விநாயகரை வணங்கிவிட்டு செல்லும் வழக்கத்தை மேற்கொண்டார்.
 சுமார் 700 ஆண்டுகளுக்கு முன் வியாபாரி ஒருவர் தனது மிளகு மூட்டைகளுடன் வடநாட்டுக்குச் சென்று கொண்டிருந்தார். ஒரு பகல் பயணத்தில் வணிகர் செங்கழுநீர்பட்டு என்னும் ஊரில் மலைகள் சூழ்ந்த மரம் அடர்ந்த வனத்தைக் கடந்து கொண்டிருந்தார். வழியில் கள்வர்கள் அவரைச் சூழ்ந்தனர். பயத்தில் "கடவுளே காப்பாற்று!' என இறைவனை வேண்டினார்.
 எதிர்பாராமல் திடீரென்று யானையொன்று அங்கு வந்து ஆரவாரஞ்செய்தது. அருகிலிருந்த மணற்குன்றை குத்தி கிளப்பி அனைவரையும் விரட்டியது. பயங்கொண்ட திருடர்கள் நாற்புறமும் சிதறியோடினர். மேடிட்டிருந்த மணற்குன்று கரைந்து புதையுண்டிருந்த ஒரு விநாயகப் பெருமானின் சிலா ரூபம் வெளிப்பட்டது. யானையும் ஓடி மறைந்தது. நடந்த நிகழ்ச்சியைக் கண்ட வணிகர் மெய்சிலிர்த்து பெருமகிழ்வுற்றார். கிடைத்த லாபத்தில் பெரும் பகுதியைத் தன்னைக் காத்தருளிய ஸ்ரீவிநாயகப் பெருமானுக்கென ஒரு திருக்கோயிலை கட்டுவித்து மக்கள் வழிபாடு செழிக்கச் செய்தார்.
 தெற்கு நோக்கி அமர்ந்து அருள்பாலிக்கும் விதமாக ஸ்ரீசக்திவிநாயகப் பெருமானின் சந்நிதியுள்ளது. முக்கியமாக, சதுர்த்தி, திங்கள்கிழமைகளில் இத்தல விநாயகரை வணங்குவது சிறப்பு. திருச்சுற்றில் முதலில் நவக்கிரகச் சந்நிதியும் அருகில் வள்ளி தேவசேனா சமேத கல்யாண சுப்பிரமணிய சுவாமி சந்நிதியும் உள்ளன. இவரை, கிருத்திகை, செவ்வாய்கிழமை, சஷ்டி திதிகளில் உபவாசம் இருந்து வணங்கினால் கல்யாணத் தடைகள் விலகுகிறது.
 இவ்வாலயம், செங்கல்பட்டு பேருந்து நிலையம் மற்றும் ரயில் நிலையத்திலிருந்து 1 கி.மீ. தொலைவில் ஜி. எஸ். டி சாலையில் அமைந்துள்ளது.
 தொடர்புக்கு: 0442743 1291/ 93400 91600.
 - செங்கை பி.அமுதா

]]>
http://images.dinamani.com/uploads/user/imagelibrary/2018/9/6/w600X390/vm3.jpg http://www.dinamani.com/weekly-supplements/vellimani/2018/sep/07/செங்கையின்-சக்தி-2995376.html
2995378 வார இதழ்கள் வெள்ளிமணி துறப்பதில் துவங்கிய ஆண்டு! DIN DIN Friday, September 7, 2018 11:00 AM +0530 ஹிஜ்ரத் என்னும் அரபி சொல்லுக்குத் துறப்பது என்றுபொருள். பொருளை மனைவியை மக்களை வீட்டை நாட்டைத் துறப்பது ஹிஜ்ரத். முதல் மனிதன் ஆதிநபி ஆதம் அவர்களிடம் இருந்தே முதல் ஹிஜ்ரத் துவங்கியது. ஆதம் நபியும் அவர்களின் மனைவி அன்னை ஹவ்வா அவர்களும் பிரிக்கப்பட்டு வானிலிருந்து பூமிக்கு இறக்கப்பட்டதே முதல் ஹிஜ்ரத். அந்த ஹிஜ்ரத் தின்ன தடுக்கப்பட்ட பழத்தைத் தின்றதால் இறைவன் தந்த தண்டனை ஆயினும் வான மண்டலத்திலிருந்து மற்றொரு மண்டலமாகிய பூமிக்கு வந்தது ஹிஜ்ரத்.
 இந்நிகழ்ச்சிக்குப் பின்னர், பல நபிமார்கள் ஏக இறை கொள்கையை ஏற்க மறுத்து தீர்க்கமாக மூர்க்கமாக நபிமார்களுக்கும் அவர்களின் கொள்கையை ஏற்றவர்களுக்கும் எண்ணற்ற தொல்லைகளையும் துன்பங்களையும் இழைத்தபொழுது இறைவன் கட்டளையை ஏற்று வாழ்ந்த நாட்டிலிருந்து பிற நாடுகளுக்குச் சென்றதும் ஹிஜ்ரத்.
 இறைவனின் கட்டளையை விட்டெறிந்து இணை வைத்து வணங்கும் நம்ரூதின் கொடுங்கோல் ஆட்சியை எதிர்த்து உறவினரை உதறிவிட்டு அல்லாஹ்வின் ஆணையை ஏற்று தாய் நாடாம் ஈராக்கை விட்டு எகிப்து ஷாம் நாடுகளின் வழியே பாலஸ்தீனத்தில் குடியேறினார்கள் இப்ராஹீம் நபி. கூபாவுக்குப் பக்கத்தில் உள்ள கவ்தி என்ற ஊரிலிருந்து ஹான் என்ற ஊருக்குச் சென்றார்கள். அவர்களுடன் அவர்களின் மனைவி சாராவும் லூத் நபியும் சென்றதை இன்னும் அவரையும் லூத்தையும் அகிலத்தாருக்கெல்லாம் பரக்கத் செய்திருக்கும் ஒரு பூமியில் (பாலஸ்தீனத்தில் உள்ள பைத்துல் முகத்தஸ்) ஈடேற்றம் பெற செய்தோம் என்று எழில்மறை குர்ஆனின் 21-71 ஆவது வசனம் குறிப்பிடுகிறது. இவ்வசனத்தில் வரும் அவரையும் என்பது இப்ராஹீம் நபியைக் குறிக்கிறது.
 சாலிஹ் நபி அவர்களின் நான்காயிரம் விசுவாசிகளுடன் ஹிஜ்ரு என்ற நகரிலிருந்து ஹிஜாஸýக்கு தென்கிழக்கில் ஏமன் நாட்டைச் சேர்ந்த ஹலரமவ்த் என்ற இடத்திற்கு ஏக இறை கொள்கையை எடுத்துரைக்க ஹிஜ்ரத் செய்தார்கள்.
 இப்படி பயண வரலாறுகள் பல உண்டு. ஆனால் வரலாறு படைத்த பயணம் நயமுடைய நந்நபி (ஸல்) அவர்கள் ஏக இறை கொள்கையை ஏற்காத குறைஷிகளின் கொடூர தாக்குதலுக்கு உள்ளாகி தொல்லைபட்ட ஏக இறை கொள்கையை ஏற்றவர்களைக் காப்பாற்ற மக்காவைத் துறந்து மதீனா சென்று ஏற்ற கொள்கையில் மாற்றம் இன்றி வெற்றியுற்று நல்லாட்சி நடத்தி ஏழு ஆண்டுகளுக்குப்பின் மக்காவை வென்று மாபாதக குறைஷிகளை மன்னித்து மக்களாட்சி அமைத்ததே.
 இரண்டாம் கலீபா உமர் (ரலி) அவர்கள் இந்த வரலாற்று சிறப்புடைய ஹிஜ்ரத்தைக் குறிப்பிடும் ஹிஜ்ரி ஆண்டைத் துவக்கினார்கள். இரவையும் பகலையும் இரு சான்றுகளாக ஆக்கி இரவாகிய சான்றை இருளாக்கி பகலாகிய சான்றைப் பார்க்கும்படி ஆக்கினோம். ஆண்டுகளின் கணக்கையும் எண்ணிக்கையையும் நீங்கள் அறிவதற்காக என்று 17-12 ஆம் வசனம் கூறுகிறது. 10-5 ஆவது வசனமும் இதை உறுதிப்படுத்துகிறது. 9-36 ஆவது வசனம் வானங்களையும் பூமியையும் படைத்த நாளில் இருந்து அல்லாஹ்வின் விதிப்படி மாதங்களின் எண்ணிக்கை பன்னிரண்டு என்று பகர்கிறது. பன்னிரண்டு மாதங்களின் மொத்த நாள்கள் 355. இது சந்திர கணக்கு. சூரிய கணக்கில் பன்னிரண்டு மாதங்களின் மொத்த நாள்கள் 365 1/4. சுப்ஹை (வைகறையை) வெளிப்படுத்துபவன் இரவை ஓய்வானதாகவும் சந்திரனையும் சூரியனையும் கணக்காக ஆக்கினான். இது மிக்க அறிந்தவனின் தக்க ஏற்பாடு என்று உரைக்கிறகு 6-96 ஆவது வசனம்.
 ஹிஜ்ரி ஆண்டு துவங்குவதற்கு முன்னரே அரேபியாவில் பன்னிரண்டு மாதங்கள் நடைமுறையில் இருந்தன. அவற்றில் முதல் மாதமான முஹர்ரம் மாதத்தைப் புனித மாதமாக கருதிய அரேபியர்கள் இம்மாதத்தில் போர்புரிய மாட்டார்கள். இதே முஹர்ரம் மாதம்தான் ஹிஜ்ரி ஆண்டின் முதல் மாதமாகவும் விளங்குகிறது.
 ஹிஜ்ரி 1440 ஆம் ஆண்டு, 12.09.2018 -இல் பிறக்கிறது. இஸ்லாமிய புத்தாண்டில் இந்தியாவில் ஒருமைப்பாடு ஓங்கி ஒளிர நல்லிணக்கத்தைப் பேணி நாடு உயர உழைக்க உறுதி பூணுவோம்.
 - மு.அ. அபுல் அமீன்

]]>
http://images.dinamani.com/uploads/user/imagelibrary/2018/5/25/w600X390/vm3.jpg http://www.dinamani.com/weekly-supplements/vellimani/2018/sep/07/துறப்பதில்-துவங்கிய-ஆண்டு-2995378.html
2995379 வார இதழ்கள் வெள்ளிமணி அன்னையின் கருணை! DIN DIN Friday, September 7, 2018 11:00 AM +0530 மகிழ்வை வாரி வழங்கும் நிகழ்வுகளில் முக்கியமானது பிறந்தநாள் கொண்டாட்டம்! அத்தகைய ஆனந்தம் தரும் நாள்களில் ஒன்றுதான் செப்டம்பர் 8 -ஆம் நாள். அன்றுதான் தேவ அன்னையான மரியாளின் பிறந்தநாள். வேளாங்கண்ணி மாதாவின் திருநாள்.
 ஒன்பது நாள்களுக்கு முன்னதாகவே கொடியேற்றப்பட்டு விழா நிகழ்வுகள் ஆரம்பமாகின்றன. நவநாள்கள் ஒன்பது நாள்களிலும் தினந்தோறும் செப வழிபாடுகள் பக்தி சிரத்தையோடு நடைபெறுகின்றன.
 தமிழ்நாடு, கேரளம் மட்டுமல்லாது இந்தியாவின் பல்வேறு பகுதிகளிலிருந்தும் ஜாதி மத வேறுபாடின்றி மக்கள் வந்து இந்த நிகழ்ச்சிகளில் கலந்துகொண்டு அன்னையின் அருளைப் பெறுகின்றனர்.
 ஆற்றுவோர் அற்று அரற்றுகின்ற பலருக்கும் வேளாங்கண்ணியின் நூற்றுக்கணக்கான புதுமைகள் வாரந்தோறும் ஆற்றுப் பெருக்கினைப் போல் நிகழ்வது வழிபாட்டின் வல்லமையை நமக்கு எடுத்துக் காட்டுகிறது. அன்னையின் திருத்தலத்தில் நம்பிக்கையோடு, கலங்கிய கண்களோடு, உருக்கத்தோடு வேண்டும் கோடானு கோடி பக்தர்களின் காட்சியானது மெய்சிலிர்க்க வைக்கின்றது.
 " உலகம் நினைப்பதைவிட ஓராயிரம் புதுமைகளை வலிமையுடன் நிகழ்த்திக்காட்டுகிறது வழிபாடு' என்று கவிஞர் டென்னிசன் பாடினார். செபமானது தவித்த பலரின் வாழ்வை மாற்றியிருக்கிறது. குவிந்த துன்ப மேகத்தை துரத்தியிருக்கிறது. இறுகிய இதயங்களை இளக வைத்திருக்கிறது.
 ஆம், நம்பிக்கையுடன் வேளை நகர் அன்னையை தரிசிக்க சென்ற எவருமே வெறுங்கையுடன் திரும்பியதில்லை. பார்வையற்றோர் பார்க்கின்றனர். கேட்கும் திறனில்லாதோர் கேட்கின்றனர். தீராத நோய்கள் குணமாகின்றன. சிக்கல்களில் மாட்டியுள்ள மனிதர் தெளிவான தீர்ப்பு காண்கின்றனர். மன அழுத்தம் மாறியிருக்கிறது. உறவுப் பிரச்னைகளில் தெளிவு பிறக்கிறது. துணை தேடும் இளையோர் தகுந்த வாழ்க்கைத் துணையை கண்டடைகின்றனர். பிள்ளைப் பேறின்றி தவிக்கும் பெண்கள் குழந்தைபாக்கியம் பெறுகின்றனர். கேட்கும் எதுவுமே கிடைக்காமற் போயினும், கேட்காமலேயே மன அமைதியையும் புத்துணர்வையும் அருள்கிறாள் அன்னை. அன்னையின் கருணைக்கு எல்லையும் உண்டோ?
 - பிலோமினா சத்தியநாதன்
 
 

]]>
http://images.dinamani.com/uploads/user/imagelibrary/2018/9/6/w600X390/vm4.jpg http://www.dinamani.com/weekly-supplements/vellimani/2018/sep/07/அன்னையின்-கருணை-2995379.html
2995380 வார இதழ்கள் வெள்ளிமணி திருப்புகழ், தேவாரம் இசைப்போட்டிகள் DIN DIN Friday, September 7, 2018 11:00 AM +0530 திருப்புகழ் கான சரஸ்வதி T.V. சுந்தவல்லி அம்மையார் நினைவு திருப்புகழ், தேவாரம் இசைப்போட்டிகள், 23.09.2018 -ஆம் தேதி, சென்னை, மயிலாப்பூர் ராமகிருஷ்ண மடம் சாலையில் உள்ள P.S. மேநிலைப் பள்ளியில் காலை 08.30 மணி முதல் நடைபெறும். திருப்புகழ் போட்டி- 08.30 மணி, தேவாரம் -10.00 மணி, கந்தரநுபூதி - 11.00 மணி.
 போட்டியில் கலந்து கொள்ள விரும்புவோர் தங்கள் விவரங்களை 15.09.2018 -ஆம் தேதிக்குள் கீழே குறிப்பிட்டுள்ள இ-மெயில் முகவரிக்கு அனுப்பவும். முதல் பரிசு ரூ. 1000/-, இரண்டாம் பரிசு ரூ. 500/-
 தொடர்புக்கு: 044 2446 2657, 95433 70047/ 88385 19017.
 இ-மெயில் முகவரி: ற்ஸ்ள்ன்ய்க்ஹழ்ஹஸ்ஹப்ப்ண்ஃஞ்ம்ஹண்ப்.ஸ்ரீர்ம்
 
 

]]>
http://www.dinamani.com/weekly-supplements/vellimani/2018/sep/07/திருப்புகழ்-தேவாரம்-இசைப்போட்டிகள்-2995380.html
2995382 வார இதழ்கள் வெள்ளிமணி நிகழ்வுகள் DIN DIN Friday, September 7, 2018 11:00 AM +0530 பிரம்மோற்சவம்
தஞ்சாவூர் மாவட்டம், திருவையாறு, மேட்டுத்தெருவில் ஸ்ரீ அப்பர் சுவாமிகள் எழுந்தருளிய உப்பங்கோட்டை எனும் சமுத்திர தீர்த்தக்கரையில் உள்ளது ஸ்ரீ அபீஷ்டவரத மஹாகணபதி ஆலயம். இங்கு வருடாந்திர பிரம்மோற்சவம் செப்டம்பர் 13 -இல் தொடங்கி 24 வரை நடைபெறுகின்றது. உற்சவ காலங்களில் காலை 8.00 மணி மற்றும் இரவு 8.00 மணிக்கு சுவாமி புறப்பாடு நடைபெறும். ஏற்பாடுகளை ஸ்ரீ அபீஷ்டவரத மஹா கணபதி சேவா டிரஸ்ட் செய்துள்ளது. 
தொடர்புக்கு: 94435 61685 / 94423 26486.
கணபதிக்கு கல்யாணம்!
தஞ்சை மாவட்டம், பாபநாசம் வட்டத்தில் உள்ளது மெலட்டூர் கிராமம். பாகவத மேள நாட்டிய நாடகங்களுக்கு பிரசித்தி பெற்ற ஊர். இத்திருத்தலத்தில் உள்ள ஸ்ரீ சித்திபுத்தி சமேத ஸ்ரீதட்சிணா மூர்த்தி விநாயகர் கோயிலில் நடைபெறும் வருடாந்திர விநாயகர் சதுர்த்தி உற்சவத்தில் 7 -ஆம் நாள் நடைபெறும் விநாயகர் திருக்கல்யாணம் வைபவம் மிகவும் விசேஷமானது. அவ்வமயம், திருமணப்பேறு வேண்டி நாடெங்கிலும் உள்ள பக்தர்கள் திருமண வயதில் உள்ள தங்கள் மகள் அல்லது மகனுடன் வந்திருந்து பலன் அடைவது கண்கூடு. இவ்வாண்டு, செப்டம்பர் 10 -ஆம்தேதி திருக்கல்யாண உற்சவம் நடைபெறும். 
தொடர்புக்கு : 99943 67113 / 098440 96444.
மஹாகும்பாபிஷேகம்
சென்னை, செம்பாக்கம் கிராமத்தில் உள்ள அருள்மிகு அகிலாண்டேஸ்வரி சமேத ஜம்புலிங்கேஸ்வரர் ஆலயத்தில் நூதன ஐந்து நிலை ராஜகோபுரம் நிர்மாணிக்கப்பட்டு மஹாகும்பாபிஷேகம், செப்டம்பர் 12 -ஆம் தேதி நடைபெறுகின்றது. 
தொடர்புக்கு: என். ஸ்ரீநிவாஸன் - 94441 35353.
***************
சென்னை, சூளைமேடு, முதல் தெரு, வீரபாண்டியன் நகரில் கோயில் கொண்டுள்ள அருள்மிகு ஆனந்த விநாயகர் ஆலயத்தின் மஹாகும்பாபிஷேக விழா 12.09.2018, காலை 6.00 மணி முதல் 7.30 மணிக்குள் நடைபெறும்.
****************
திருவாரூர், நன்னிலம், 38 ஆலங்குடி கிராமத்தில் எழுந்தருளி அருள்புரியும் அருள்மிகு அகிலாண்டேஸ்வரி சமேத அகதீஸ்வரர் மற்றும் பூர்ணபுஷ்கலாம்பாள் சமேத மஹா சாஸ்தா ஆலயத்தில் செப்டம்பர் 12 -ஆம் தேதி, காலை 9.00 மணி முதல் 11.00 மணி வரை விமானம் மற்றும் மூலவர்களுக்கு மஹாகும்பாபிஷேகம் நடைபெறுகின்றது.
மஹாசம்ப்ரோக்ஷணம்
திருவண்ணாமலை மாவட்டம், வந்தவாசி வட்டம், எரமலூர் கிராமத்தில் உள்ள பல்லவர் காலத்தைச் சேர்ந்த ஸ்ரீ சுந்தரவரத லஷ்மீநாராயணப் பெருமாள் கோயில் உள்ளது. பல ஆண்டுகளாகச் சிதலமடைந்திருந்த நிலையில் எரமலூர் ஸ்ரீ சுந்தர வரத லட்சுமிநாராயணப் பெருமாள் கைங்கர்ய டிரஸ்ட் மூலம் திருப்பணி வேலைகள் மேற்கொள்ளப்பட்டு, மஹாசம்ப்ரோக்ஷணம் செப்டம்பர் 12 -ஆம் தேதி, காலை 10.30 மணி அளவில் நடைபெறும். 
தொடர்க்கு: 98405 78398 / 99947 83677.
பாலாலய ஸ்தாபனம்
சென்னை - அரக்கோணம் செல்லும் வழியில் தக்கோலத்திற்கு முன்பாக 4. கி.மீ. தொலைவில் உள்ளது பிச்சிவாக்கம் (காஞ்சி மாவட்டம் - ஸ்ரீபெரும்புதூர் வட்டம்) இங்குள்ள 1000 ஆண்டுகளுக்கு மேல் பழைமையான அருள்மிகு பரமானந்தவல்லி உடனுறை ஸ்ரீபட்டமுடீஸ்வரர் திருக்கோயிலில் திருப்பணி வேலைகள் மேற்கொள்ள வேண்டியுள்ளதால், பாலாலய ஸ்தாபனம் (பூமி பூஜை) செப்டம்பர் 12 -ஆம் தேதி, காலை 04.30 - 6.00 மணிக்குள் நடைபெறுகின்றது. 
தொடர்புக்கு: 90924 15100 / 95249 49373.
அதிபத்தநாயனார் திருவிழா
நாகப்பட்டினத்தில் அருள்மிகு அதிபத்த நாயனார் அவதரித்த மீனவ தலைமை கிராமம் நம்பியார் நகர், புதிய கடற்கரைப் பகுதியில் அதிபத்தநாயனார் திருவிழா செப்டம்பர் 7 -ஆம் தேதி நடைபெறுகின்றது. அன்று மதியம் 1.00 மணி அளவில் நாகை ஸ்ரீநீலாயதாட்சியம்மன் திருக்கோயிலிருந்து ரிஷப வாகனத்தில் சுவாமி, அம்பாள் கடற்கரைக்கு எழுந்தருள்வர். தொடர்ந்து அதிபத்த நாயனார் உற்சவ மூர்த்தி அடியார்களுடன் கடற்கரை வருதலும், நாயனார் இறைவனுக்கு தங்கமீனை சிவார்ப்பணம் செய்யும் நிகழ்வும் இறுதியாக அம்மையப்பன் நாயனாருக்கு காட்சியருளும் நிகழ்வும் நடைபெறுகிறது.
சஷ்டி வர்தந்தி மகோத்ஸவம்
சென்னை, மேற்கு மாம்பலம், யோகசாந்தி குருகுலம் ஸ்தாபகர் குருஜி சுவாமி பிரம்மயோகனந்தாவின் சஷ்டி வர்தந்தி மகோத்ஸவம் தியாகராய நகர் கிருஷ்ணகான சபாவில் செப்டம்பர் 9 -ஆம் தேதி நடைபெறுகிறது. நிகழ்ச்சிகள் அன்று மாலை 3.00 மணி முதல் தொடர்ந்து நடைபெறும். 
தொடர்புக்கு : 98408 32624 / 99404 54596.
 

]]>
http://www.dinamani.com/weekly-supplements/vellimani/2018/sep/07/நிகழ்வுகள்-2995382.html
2995387 வார இதழ்கள் வெள்ளிமணி பொருநை போற்றுதும்! 6 - டாக்டர் சுதா சேஷய்யன் DIN DIN Friday, September 7, 2018 11:00 AM +0530 இப்போதைய தண்பொருநை, அதாவது தாமிரவருணி, பொதிகை மலையில் (மேற்குத் தொடர்ச்சி மலையின் கிழக்குச் சரிவு), கடல்மட்டத்திலிருந்து சுமார் 5659 அடி உயரத்தில் பிறக்கிறாள். மேற்குத் தொடர்ச்சி மலைகளின் அசம்பு மலைகளில் அசைந்தாடித் தொடர்கிறாள். அம்பாசமுத்திரம், கல்லிடைக்குறிச்சி, ஹரிகேசநல்லூர், வீரவநல்லூர், காருகுறிச்சி, சேரன்மாதேவி, அரியநாயகிபுரம், சுத்தமல்லி, திருநெல்வேலி, மருதூர், மணற்கரை, ஆதிச்சநல்லூர், ஸ்ரீ வைகுண்டம், ஆழ்வார் திருநகரி என்று ஊர்கள் பலவற்றின் வழியோடி, (ஆற்றூர்) ஆத்தூர்- புன்னைக்காயல் பகுதியில் கடலோடு சங்கமிக்கிறாள். மலைப் பகுதிகளில் இவள் ஓடிவரும்போதே, பேயாறு, உள்ளாறு, பாம்பாறு, கீரியாறு ஆகிய நதிகள் இவளோடு கலக்கின்றன. கரையாறு நீர்த்தேக்கப் பகுதியில் கரையாறும் கலக்கிறது. தொடர்ந்து, வாணதீர்த்த அருவியாக 130 அடி கீழே பாய்பவள், பாபநாசப் பகுதியை அடைகிறாள். பாபநாசத்தை இவள் அடையும்போது, சேர்வலாறு சேர்ந்துவிடுகிறது. பாபநாச மலைகளிலிருந்து கல்யாண தீர்த்தமாகவும் அகத்தியர் அருவியாகவும் சுமார் 90 அடி கீழே சரிகிறாள்.
 பாபநாசத்திலிருந்து கிழக்கு முகமாகச் சமவெளிகளில் ஓடத் தொடங்குகிற தாமிரவருணியோடு, கல்லிடைக்குறிச்சிக்கு அருகே, மாஞ்சோலை மலைகளில் தொடங்கும் மணிமுத்தாறு வந்து இணைகிறது. திருப்புடைமருதூரை அடையும்போது கடனா நதி வந்து கலக்கிறது. இதற்கு முன்பாகவே, வராக நதி, ராம நதி, ஜம்பு நதி, கல்லாறு, கருணையாறு போன்றவை, கீழாம்பூர் பகுதியில் கடனா நதியில் சேர்ந்துவிடுகின்றன. களக்காட்டில் உற்பத்தியாகும் பச்சையாறு, தருவையில் வந்து தாமிரவருணியோடு இணைகிறது.
 திருநெல்வேலி பாளையங்கோட்டை இடைபுகுந்து ஓடிவரும் தாமிரவருணித் தாய், சீவலப்பேரிக்கு அருகே சிற்றாற்றைச் சந்திக்கிறாள். குற்றால மலைகளில் தோன்றி, குண்டாறு, அனும நதி, கருப்ப நதி, அழுதகண்ணி ஆறு ஆகிய நீரோடைகளைத் தன்னோடு சேர்த்து கொண்டுவரும் சிற்றாறுதான், தாமிரவருணியின் மிக முக்கியமான கிளைநதி எனலாம். சித்திரா நதி என்றும் சித்தாறு என்றும் வழங்கப்படுவது சிற்றாறுதான்.
 தாமிரவருணி நல்லாள் உற்பத்தி ஆவது, பெரும் பொதிகை என்றழைக்கப்படுகிற பொதிய மலையில் ஆகும். பொதியில், சிவஜோதிப் பர்வதம், தென் கைலாயம், அகத்தியர் மலை, பொதலேகா போன்ற பெயர்களாலும் வழங்கப்படுகிற பொதிகை, மேற்குத் தொடர்ச்சி மலைத் தொடரின் தென்பகுதியான அசம்பு மலைகளில் உள்ள உயர்சிகரமாகும். சுமார் 1866 மீட்டர் உயரமுள்ள இதன் வடிவமைப்பு, திபெத்- மானசரோவர் கைலாய மலையமைப்பை ஒத்திருக்கிறது. சுற்றிலும் உள்ள மலைகளும் குன்றுகளும், மலைத் தொடர்களாக, அதாவது, அலை அலையான அமைப்பைக் கொண்டிருக்க, பொதிகை மட்டும் (வடக்கே கைலாயம் போல்), முக்கோண வடிவில் தனித்தோங்கி நிற்கிறது. மேற்கில் திருவனந்தபுரத்திலிருந்தும் கிழக்கில் பாளை அம்பாசமுத்திரப் பகுதிகளிலிருந்தும் இந்த வடிவமைப்பைத் தெளிவாகக் காணலாம். கிரேக்கர்களால் "பெட்டிகோ' (பொதிகை என்பதன் மரு) என்றழைக்கப்பட்ட இம்மலை, "மலையம்' என்றேகூட குறிக்கப்படுகிறது. தென் மலையான இங்குப் புறப்படும் காற்று, "தென்றல்' ஆனது; தென்றலுக்கு, வடமொழியில் "மலையமாருதம்' என்று பெயர் (மலைய + மாருதம்=காற்று).
 அகத்தியர் அகம்கொண்ட பொதியம்
 இந்த மலையில்தான் அகத்தியர் நிரந்தர வாசம் செய்வதாகக் கருதப்படுகிறது. "பொதிந்து' என்றால், "உள்ளுறை' என்றும் "மறைவாக' என்றும் பொருள்கள் உண்டு. அகத்தியரும் சித்தர்கள் பலரும் இம்மலைமீதும் இதன் குகைகளிலும், உலகப் பார்வையிலிருந்து மறைந்து வாழ்வதால், இப்பெயர் போலும்! இப்போதும்கூட, அகத்தியர் அவ்வப்போது இங்கு உலவுவதாகவும், மகாஞானிகளின் கண்களுக்கு மட்டும் புலப்படுவார் என்றும் சொல்கிறார்கள். 20 ஆம் நூற்றாண்டின் தொடக்ககாலங்களில், வ வே சு ஐயர் இம்மலைக் காடுகளில் அகத்தியரோடு உரையாடினார் என்றும் கூறுகிறார்கள்.
 இம்மலைமீதுதான், சிவபெருமான் தமிழ் மொழியை வெளியிட்டு, அகத்தியரிடம் தந்தாராம். தமிழுக்கு இலக்கணம் வகுத்த அகத்திய மாமுனி, தம்முடைய மாணாக்கரான தொல்காப்பியருக்கு அதனைக் கற்றுக் கொடுத்த இடமும் இதுவே. அகத்தியருக்கு இங்கொரு கோயில் இருந்ததாகப் பண்டைய தமிழ் இலக்கியங்கள் கூறுகின்றன.
 வீரசோழியம் உள்ளிட்ட பெüத்தத் தமிழ் நூல்கள் சில, அவலோகிதேஸ்வரர் என்னும் போதிதருமரிடத்தில் அகத்தியர் தமிழ் கற்றதாகக் குறிப்பிடுகின்றன. சீனப் பயணி ஸுவான்ஸாங், பொதல மலையுச்சியில் அவலோகிதேஸ்வரருக்குக் கோயில் இருந்ததாக எழுதுகிறார். தேராவாத பெüத்த நூல்கள், அவலோகிதேஸ்வரரைப் "பொதலகிரிநிவாசி' என்றே விவரிக்கின்றன. 20 ஆண்டுகளுக்கும் மேலாக இந்தியாவில் வாழ்ந்தவரும், சிலப்பதிகார மணிமேகலை இரட்டைக் காவியங்களை ஜப்பானிய மொழியில் மொழிபெயர்த்தவருமான ஷு ஹிகோஸகா என்னும் அறிஞர், கீழுள்ள உலகைப் பார்த்தபடி நின்ற கடவுள், மீண்டும் வானோக்கிக் காற்றில் மறைந்த இடம் பொதிகை மலையுச்சியே என்றும் அவலோகிதேஸ்வரரின் உறைவிடமாகப் போற்றப்படுவதும் இதுவே என்றும் உறுதிப்படுத்துகிறார்.
 தாமிரவருணியின் பெயருக்கு, அறிவியல்ரீதியான காரணம் ஒன்றும் உண்டு. இந்நதியின் நீரில் செப்பு, அதாவது தாமிரம் இருப்பதாகக் கருதப்படுகிறது. இதனாலேயே, ஆற்றின் சில இடங்களில், லேசான செம்மை நிறம் தென்படுகிறது. தாமிரவருணியின் தனிச் சுவைக்கும் (திருநெல்வேலி அல்வாவின் தனிச் சுவைக்கும்தான்) இதுவே காரணம் என்கிறார்கள்.
 தாமிரத்துக்கும் தாமிரவருணிக்குமான தொடர்பில் இன்னுமொரு சுவாரசியம் உண்டு. தாமிரவருணிக் கரையில், திருநெல்வேலியில், தாமிர சபையில் (செப்பம்பலம்), நடராஜப் பெருமான் ஆனந்தத் திருநடனம் ஆடுகிறார். சிவப் பரம்பொருளின் பஞ்ச சபைகளில் ஒன்றான இங்கு, நடராஜர் ஆடுவது முனி தாண்டவம் அல்லது காளிகா நடனம். இது "படைத்தல்' (சிருஷ்டி) தொழிலுக்கான நடனம். மானுட இனம் பெருமளவில் பயன்படுத்திய முதல் உலோகம், தாமிரமே ஆகும்.
 தாமிரவருணி என்னும் தமிழ்த் தொட்டில்
 தமிழின் ஊற்றுக்கண்ணாகப் போற்றப்பெறுகிற தாமிரவருணிக் கரைக்குப் புலவர்களோடும் தமிழோடும் எப்போதுமே நெருங்கிய தொடர்பு உண்டு. மாறோக்கத்து நப்பசலையார், வெள்ளூர்க் காப்பியனார், பனம்பாரனார் போன்ற பண்டைக் கால புலவர்களும், அதிவீரராம பண்டிதர், நன்னூல் உரையாசிரியரான சங்கர நமசிவாயர், மயிலேறும் பெருமாள் பிள்ளை போன்ற இடைக்காலத்தவரும், மேலகரம் திரிகூட ராசப்பக் கவிராயர், திருநெல்வேலி நெல்லையப்பப் பிள்ளை, சிவஞான முனிவர், விக்கிரமசிங்கபுரம் நமச்சிவாயக் கவிராயர், முத்தாலங்குறிச்சி கந்தசாமிப் புலவர், வேணுவன புராணம் பாடிய அருணாசலக் கவிராயர் போன்ற பிற்காலத்தவரும், நெல்லையப்பன் கவிராயர், குட்டிக் கவிராயர், சுப்பிரமணிய பாரதியார், கா.சு.பிள்ளை, வெள்ளக்கால் சுப்பிரமணிய முதலியார், டி. கே. ராமானுஜக் கவிராயர், ஆசுகவி அழகிய சொக்கநாதப் பிள்ளை, வையாபுரிப் பிள்ளை, ரா.பி.சேதுப்பிள்ளை, தொ.மு.சி.ரகுநாதன், ரசிகமணி டி.கே.சிதம்பரநாத முதலியார், ஜே.ஆர்.ரங்கராஜு, வல்லிக்கண்ணன், தி.க.சிவசங்கரன், மீ.ப.சோமசுந்தரம் (சோமு), ர(வணசமுத்திரம்). சு.நல்லபெருமாள், சு.சமுத்திரம், கல்யாண்ஜி என்னும் வண்ணதாசன், க.ப.அறவாணன், வண்ணநிலவன் போன்ற நவீன காலத்தவரும் பொருநைக் கரையின் புதல்வர்களேயாவர். புதுமைப்பித்தனின் சொந்த ஊரும் திருநெல்வேலியே ஆகும்.
 - தொடரும்

]]>
http://images.dinamani.com/uploads/user/imagelibrary/2018/9/6/w600X390/vm5.jpg http://www.dinamani.com/weekly-supplements/vellimani/2018/sep/07/பொருநை-போற்றுதும்-6---டாக்டர்-சுதா-சேஷய்யன்-2995387.html
2995388 வார இதழ்கள் வெள்ளிமணி காளமேகக் கவிபாடல் வலஞ்சுழி விநாயகர்! DIN DIN Friday, September 7, 2018 11:00 AM +0530 தஞ்சைமாவட்டம்- கும்பகோணத்திற்கு அருகில் உள்ள சுவாமி மலைக்கு அண்மையில் திருவலஞ்சுழி எனும் திருத்தலம் உள்ளது. காவிரி வலமாகச் சுழித்து ஓடியதால் இத்தலத்திற்கு வலஞ்சுழி என்று பெயர். இங்கே கோயில் கொண்டுள்ள திருவலஞ்சுழிநாதர் தேவாரப்பாடல்களால் போற்றப் பெற்றவர். இத்திருக்கோயிலில் அருள்பாலிப்பவரே "சுவேதவிநாயகர்' எனும் "வெள்ளைப்பிள்ளையார்' ஆவார்.
இத்தலத்திற்கு திருவலஞ்சுழி என்று பெயர் ஏற்பட பிரம்மாண்ட புராணம்-பாபநாசத் தல மான்மியத்தில் புராணக்கதை ஒன்று கூறப்படுகிறது. ஒருசமயம், இத்திருத்தலத்தில் காவிரி தென்புறம் திரும்பி வலமாகச்சுழல அச்சுழற்சியால் பெரும்பள்ளம் ஏற்பட்டு அதன்வழியாக, கீழைத்திசையில் ஆறு ஓடாமல் தடைப்பட்டு பாதாளம் சென்றுவிடுகிறது. காவிரி வலமாகச்சுழித்த இடம் திருவலஞ்சுழி என அழைக்கப்படுகின்றது. தண்ணீருக்கு வழியின்றி பயிர்வளம் குன்றியது. ஜீவராசிகள் அழிந்தன.
இச்செய்தி பாபநாசத்தில் அரசாட்சிபுரியும் பிரதாபவீரனிடம் தெரிவிக்கப்பட்டது. பிரதாப வீரன் தன்னுடைய படையோடு திருவலஞ்சுழிக்கு வந்து அங்கே அருள்பாலித்துவரும் சிவபெருமானையும் சுவேத (வெள்ளை) விநாயகரையும் வணங்கி, வலஞ்சுழியில் ஏற்பட்ட பெரும்பள்ளத்தினை மூட முயற்சித்தான். மூன்றுஆண்டுகள் கடந்தும் அதனை மூடமுடியாது வருந்தினான். முடிவில் அவ்வூரில் சற்றுத் தொலைவில் வசித்துவரும் ஏரண்ட முனிவரைச் சரண் புகுந்தான். ஏரண்டம் என்றால் ஆமணக்கு என்று பொருள். அந்த முனிவர் வசித்து வந்த பகுதி (ஆமணக்கு) "கொட்டையூர்' எனப் பெயர்பெற்றது.
ஏரண்டமுனிவரும் அதற்கு ஒரு வழி கூறினார். "காவிரியில் ஏற்பட்ட சுழற் பள்ளத்தை அடைக்க எனக்கு அல்லது உனக்கு நிகரான ஒருவர் அதில் இறங்க வேண்டும். அப்போதுதான் அந்த பள்ளம் அடைபடும்' என்றார் முனிவர். உலக நன்மையின்பொருட்டு நானே அதில் வீழ்கின்றேன்' என்று கூறி சிவபஞ்சாக்ஷரம் ஜபித்தவாறே சுழற்பள்ளத்தில் குதித்து காவிரியினை மேலெழப் பாய்ந்து கீழைத் திசையில் ஓடச்செய்தார்.
அதனால் மன்னன் பிரதாபவீரனுக்கு பிரம்மஹத்திதோஷம் ஏற்பட்டது. அந்த தோஷத்திலிருந்து விடுபடுவதற்காக கொட்டையூருக்கு தென்மேற்கிலமைந்த பாபநாசத் தலத்தின் மேற்கில் 108 சிவாலயத்தை நிறுவி பிரம்மஹத்திதோஷம் நீங்கப்பெற்றான்.
இத்திருத்தல விநாயகரை கடல் நுரையினாலான சுயம்புமூர்த்தி என்றும் கூறுவர்.
இந்திரனால் இவ்வூரில் நிறுவப்பட்ட பெருமைமிகு பிள்ளையாரை காளமேகக் கவிராயர் தன் பாடலால் "பிறவாத ஆம்பல்' என வலஞ்சுழி மேவிய விநாயகர் மீது கவி பாடினார். "பறக்காத வண்டு, தீக்கனலில் கருகாத கரி, பன்முறை பண்ணிற்காக பயன்படுத்தப்பட்ட போதிலும் ஒன்றோடொன்று ஒட்டிவிடாத வீணையின் தந்தி, நெருப்பிலும் உருக்குலையாத பெருந்தங்கம், முழுதும் வெண்மையாய் விளங்கும் மண்டலத்தில் ஒரு சிந்தூரப்பொட்டு, பூசுதற்கு பயன்படாத சாந்து, பெருஞ் சுனையில் முளைக்காத ஆம்பல்' என்று அமைகின்றது கவி காளமேகப்புலவரின் சொற்றொடர்கள்.
- முனைவர் ஆ. வீரராகவன்
 

]]>
http://images.dinamani.com/uploads/user/imagelibrary/2018/9/6/w600X390/vm6.jpg http://www.dinamani.com/weekly-supplements/vellimani/2018/sep/07/காளமேகக்-கவிபாடல்-வலஞ்சுழி-விநாயகர்-2995388.html
2990729 வார இதழ்கள் வெள்ளிமணி முக்தி தரும் பிந்து மாதவப் பெருமாள்! Friday, August 31, 2018 11:00 AM +0530 முற்காலத்தில் தெய்வ சிந்தையே நமது மூச்சாகக் கொண்டு இறைவனை இடையறாது தியானித்துத் தவமியற்றும் தவசிகள் அதிக அளவில் வாழ்ந்து வந்தனர். இத்தகைய நோக்கத்துடன் கானகத்தையடைந்து அந்த அமைதியான சூழலில் மனதை ஒரு நிலைப்படுத்தித் தவமியற்றி வந்தனர். இவ்வாறு தவமியற்றும் ரிஷிகளுக்கு அசுரர்கள், அரக்கர்கள் போன்றவர்கள் கணக்கற்ற தொல்லைகளை அளித்துத் தவம் ஈடேறாமல் இடையூறு செய்து வந்தனர். 
ரோமரிஷியும் அவரது சீடர்களும் தவம்புரிந்து வந்தபோது பிரதூர்த்தன் என்ற அரக்கன் பலமுறை தவசாலைக்கு வந்து தொல்லைகள் கொடுத்து வந்தான். இதனால் வெகுண்ட ரிஷி அவனைப் புலியாக மாறுமாறு சபித்தார். புலியுருவை அடைந்த அரக்கன் கானகத்தில் வாழும் உயிரினங்களை அழிக்க முற்பட்டதுடன் நில்லாமல் முனிவர்களுக்கு முன்னைவிட அதிக அளவில் இன்னல்களை அளித்து வந்தான். வேறு வழியின்றி முனிவர்கள் இந்திரனைச் சரண் அடைந்தனர். முனிவர்களின் வேண்டுகோளுக்கு செவி சாய்த்த இந்திரன் தானும் புலியாக உருமாறிப் பிரதூர்த்தனுடன் போரிட்டான். 
இறுதியாக, உயிரிழக்கும் நிலையில் அவனுக்கு நல்லெண்ணம் உதித்தது. செய்த தவறையுணர்ந்த அரக்கன் நற்கதி பெற வேண்டும் என இந்திரனும், தேவர்களும் திருமாலை வழிபட்டனர். திருமாலும் சங்கு, சக்ரம் தாங்கி தேவியருடன் காட்சியளித்து அரக்கனுக்கு நற்கதியளித்தார். அரக்கனுக்கு அருள்புரிந்த அதே கோலத்தில் இத்திருக்கோயிலில் எழுந்தருளுமாறு ரோமரிஷியும், அவரது சீடர்களும் திருமாலிடம் வேண்டிக் கொண்டனர். திருமாலும் அதே கோலத்தில் இங்கு எழுந்தருளினார். பிரதூர்த்தன் நற்கதியடைந்த திருத்தலம் அந்த அரக்கன் பெயரால் "பிரதூர்த்தப்பட்டு' என்று அழைக்கப்பட்டது. காலப்போக்கில் அப்பெயர் மருவி "துத்திப்பட்டு' என்றே வழங்கப்படுகிறது. 
இங்கு எழுந்துள்ள இக்கோயிலை வரதராஜப் பெருமாள் கோயில் என்றே அழைக்கின்றனர். நுழைவாயிலில் 45 அடி உயரமுள்ள ஐந்து நிலை கோபுரம் அமைந்துள்ளது. இவ்வாலயத்தில் ஒரேயொரு பிரகாரமும் மூன்று கருவறைகளும், ஒரு மகாமண்டபமும், ஒரு முகமண்டபமும் உள்ளன. கொடி மரம், கருடாழ்வார் ஆகியோரைக் கண்ணுற்றவாறே மகா மண்டபம், முதல் மண்டபம் ஆகியவற்றைக் கடந்து மூலஸ்தானத்தை அடையலாம். மூலவர் பிந்து மாதவராய்ப் பெருமாள் (வரதராஜர்) ஆறடி உயரம் கொண்ட மூர்த்தியாக, நின்ற கோலத்தில் அருளாட்சி புரிகிறார். இருமருங்கும் ஸ்ரீதேவி, பூதேவி சமேதராய் இடம் பெற்றுள்ளனர். சதுர்புஜங்களைப் பெற்றுள்ளார். மேலுள்ள இரு கரங்களைச் சங்கும், சக்கரமும் அலங்கரிக்கின்றன. கீழ் இடது கரம் கதாயுதத்தை ஏந்தியுள்ளது. கீழ் வலதுகரம் அபய முத்திரையை அளிக்கிறது. உற்சவர் மூன்றடி உயரமுடைய எழிலுருவமாகத் துலங்குகிறார். அவரது உருவமைப்பு மூலவரைப் போலவே உள்ளது. மூலவரின் சந்நிதிக்கு மேல் பதினெட்டடி உயரமுள்ள தேஜோ விமானம் அணி செய்கிறது.
கருவறையை அடுத்து, வெளிச்சுற்றில் பெருந்தேவி, குமுதவல்லித் தாயார் தனிச்சந்நிதியில் எழுந்தருளியுள்ளனர். மறுபுறத்தில் ஆண்டாள் அமைந்துள்ளார். ஸ்ரீதேவி, பூதேவி, சக்கரத்தாழ்வார், நம்மாழ்வார், மணவாள முனிகள் உடையவர் ஆகியோரது திருவுருவங்களும் இக்கோயிலில் இடம் பெற்றுள்ளன. மண்டபச் சுவர் ஒன்றில் இத்தலத்தில் நற்கதியடைந்த பிரதூர்த்தன் மற்றும் ரோமரிஷியின் திருவுருவங்கள் இடம்பெற்றுள்ளன. இந்தப் புண்ணிய பதியில் விஷ்ணு புராணத்தைப் பராசர முனிவர் மைத்ரயே மகரிஷிக்கு எடுத்துரைத்ததாகவும் கூறுவர். இத்தல பெருமானை வழிபடுபவர்களுக்கு இறக்கும் தருவாயிலும் முக்தி கிடைக்க வழிவகை உண்டு என்பர்.
இக்கோயிலில் இருகாலப் பூஜை நடைபெற்று வருகிறது. தை மாதத்தில் சங்கராந்தி பண்டிகையும், வைகாசி விசாகத்தின் போது நடைபெறும் கருடசேவையும், கஜேந்திர மோட்ச விழாவும் விமரிசையாகக் கொண்டாடப்படுகின்றன. காணும் பொங்கல் தினத்தில் உற்சவரை அருகிலுள்ள நிமிஷாசல மலையைச் சுற்றி வலம் வரச் செய்வது வழக்கம். அம்மலையில் ரோமரிஷி இன்றும் தவமியற்றுவதாகவும், நாள் தோறும் பிந்து மாதவப் பெருமாளைப் பூசிப்பதாகவும் ஐதீகம். அத்திமரத்தாலான சிம்மம், ஹம்ஸம், குதிரை, கருடன், சூரியப்பிரபை, யாளி போன்ற வாகனங்கள் ஆலயத்தில் உள்ளன.
பிற்காலத்தில் பழுதுப்பட்டிருந்த இக்கோயிலை விஜய நரசிம்மராயர் புதுப்பிக்கச் செய்ததாகவும் நாள்தோறும் நான்கு வேதங்களையும் பாராயணம் செய்ய அந்தணர்களை நியமித்து, அவர்களுக்கு மானியங்கள் அளித்ததாகவும் கல்வெட்டு தகவல்கள் கூறுகின்றன.
அமைவிடம் : ஆம்பூரில் இருந்து குடியாத்தம், பேர்ணாம்பட்டு ஆகிய ஊர்களுக்கு செல்லும் பேருந்துகளில் சென்றால் இக்கோயிலை எளிதில் அடையலாம். 
- இராம.இரவிச்சந்திரன்
 

]]>
http://images.dinamani.com/uploads/user/imagelibrary/2018/8/30/w600X390/vm1.jpg http://www.dinamani.com/weekly-supplements/vellimani/2018/aug/31/முக்தி-தரும்-பிந்து-மாதவப்-பெருமாள்-2990729.html
2990731 வார இதழ்கள் வெள்ளிமணி அஷ்டமியில் அவதரித்த அச்சுதன்! DIN DIN Friday, August 31, 2018 11:00 AM +0530 அமாவாசை மற்றும் பெளர்ணமிக்குப் பின் வரும் பிரதமையில் இருந்து சதுர்த்தசி வரை உள்ள நாள்களை திதி என்பர். ஒருவருடைய பிறப்போ, இறப்போ இந்த திதியை மையமாக வைத்துத்தான் கணிக்கப்படுகின்றது. இதில் சுப நிகழ்ச்சிகள் செய்வதற்காக ஒரு நாள் பார்த்துக் கூறவேண்டுமென ஜோதிடரிடம் சென்று கேட்டால் அஷ்டமி, நவமி இல்லாத நாளாகப் பார்த்து நாள் குறித்துக் கொடுப்பார்கள்.
 ஜோதிட சாஸ்திரத்தில் இது பற்றி தேடும்போது 8 என்ற எண் சனி கிரகத்தைக் குறிக்கிறது . சனி தாமஸ குணமுள்ளவன். 9 என்ற எண் செவ்வாய் கிரகத்தைக் குறிக்கிறது . இவன் கடுமையான வேகம் கொண்டவன். இதனால் இந்த இரண்டு நாள்களும் தவிர்ப்பது நல்லது எனக் கூறுகிறார்கள். அஷ்டமியில் (8) கிருஷ்ணனும், நவமியில் (9) ராமனும் ராஜ வம்சத்தில் பிறந்தாலும் மானிடனாக பிறந்ததால் அவர்கள் பட்ட துன்பங்கள் நாம் அனைவரும் அறிவோம்.
 கம்சனை வதம் செய்வதற்காக 8 ஆவது குழந்தையாக பிறந்த கண்ணனுக்கு ரோஹிணி நட்சத்திரம் ஆகையால், இதில் பிறந்தால் மாமனுக்கு ஆகாது என்றும் கூறுவார்கள். இதனால்தான் எதற்கும் 8 ஆம் எண் வந்தால் அதனை விலக்க வேண்டுமென பொதுமக்களில் சிலரும்; எண் கணித வித்தகர்களும் கூறுகிறார்கள். ஆனால் இவை மனிதனுக்கு மட்டுமே பொருந்தும்; கடவுளுக்கும் தேவர்களுக்கும் பொருந்தாது.
 தீயோரை அழிக்கவும் நல்லோரை, எளியோரைக் காக்கவுமே அவதாரங்கள் நடந்தன. அதனால் இந்த இரண்டு நாள்களையும் ஸ்ரீமன் நாராயணன் தன் அவதார நாள்களாக தேர்ந்தெடுத்தார். ஒருத்தி (தேவகி) மகனாய் பிறந்து ஓரிரவில் ஒருத்தி (யசோதை) மகனாய் வளர்ந்தவனான அச்சுதன், அனந்தன், கோவிந்தன், மாதவன், மதுசூதனன், துவரகாபுரீசன் என பல பெயர்களால் போற்றப்படும் கள்வன் மாயக் கண்ணன் பிறந்த திதி அஷ்டமி, நட்ஷத்திரம் ரோஹிணி. இந்த அஷ்டமி நாளை கோகுலாஷ்டமி என்று ஸ்மார்த்த சித்தாந்தத்தவாதிகள் (சைவம் வைணவம் இரண்டும் ஒன்றென வணங்குபவர்கள்) கொண்டாடுகிறார்கள். வைணவ சித்தாந்தவாதிகள் ரோஹிணி நட்ஷத்திரம் வரும் நாளை ஸ்ரீ ஜெயந்தி மற்றும் கிருஷ்ண ஜெயந்தியென கொண்டாடுகிறார்கள்.
 இந்த வருடம், வருகிற செப்டம்பர் 2 மற்றும் 3-ஆம் தேதிகளில் கோகுலாஷ்டமி மற்றும் ஸ்ரீ ஜெயந்தி கொண்டாடப்படுகிறது. இதனை வட மாநிலங்களில் வெகு விமரிசையாக 3 நாள்கள் கொண்டாடுகிறார்கள்.
 தென்னாட்டில் அந்த நன்னாளில், வீட்டிலிருக்கும் குழந்தையின் காலை இழை கோலத்து மாவில் பதியவிட்டு அடியடியாக தோய்த்து, வாசலிலிருந்து பூஜைக்கோயில் வரையிலும், பாலகிருஷ்ணன் நம் வீட்டிற்குள் அடியெடுத்து உள்ளே வருவதாக கோலம் போடுவர். கண்ணனுக்கு பிடித்த முறுக்கு, சீடை, வெல்ல உருண்டை, தட்டை, அதிரசம் போன்றவைகளை முன்னமே செய்து, அன்றைய தினம் வடை பாயசத்துடன் சாப்பாடு செய்து, பழம் பாக்கு வெற்றியையுடன் முக்கியமாக, வெண்ணெயும் வைத்து பூஜை செய்து உற்றார் உறவினர்களுக்கு கொடுத்து உண்டு மகிழ்வார்கள்.
 நாளெல்லாம் என்றும் திருநாளே என்று அஷ்டமியில் அவதரித்த அந்த அச்சுதனைக் கொண்டாடுவோம்.
 - எஸ்.எஸ். சீதாராமன்
 
 

]]>
http://images.dinamani.com/uploads/user/imagelibrary/2018/8/30/w600X390/vm2.jpg http://www.dinamani.com/weekly-supplements/vellimani/2018/aug/31/அஷ்டமியில்-அவதரித்த-அச்சுதன்-2990731.html
2990732 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, August 31, 2018 11:00 AM +0530 • நன்மையை விட்டுவிட்டுத் தீமையை மட்டும் கைக்கொள்வது தீயவர்களின் குணமாகும். 

• பக்தனின் இதயத்தில் இறைவனைப் பற்றிய ஞானம் தானாகவே பதியும். பந்தப்பட்ட மனிதனின் இதயத்தில் ஈசுவர ஞானம் பதிவதில்லை.

• இறைவனைக் காண வேண்டும் என்ற ஆவல் தீவிரமாக உனக்கு இருக்கவேண்டும்.

• தூய பக்தர்களின் உள்ளத்தில் இறைவன் தோன்றுகிறான், ஆதலால் தூய்மையானவனாக இரு.

• இறைவனின் திருவருள் பெற்ற மனிதன், அற்பமான உலக விஷயங்களில் ஆசைப்படுவதில்லை.

• நீ யாருக்காக உழைக்கிறாயோ, அந்த இறைவனே உனக்கு வேண்டியவைகளை அளிப்பான்.

• நீ உலகத்தில் வாழ்ந்து வா. ஆனால் உலகப்பற்றுள்ளவனாக இருக்காதே.

• உன் மனம் சதாசர்வகாலமும் இறைவனிடம் நிலைபெற்று இருக்க வேண்டும்.

• உலக விஷயங்களை நாடிச் செல்வதால் மனம் சிதறி விரையமடைகிறது. 

• இறைவன் நாமத்தைச் சொல்பவர்கள் பரிசுத்தர்கள்.

• ஆன்மிக முன்னேற்றத்திற்கு அவசியமானவைகளில் சத்சங்கமும் ஒன்றாகும்.

• ஒருவன் பெரியோர்களின் நடவடிக்கைகளை பின்பற்றித் தன்னுடைய ஒழுக்கத்தைச் சீர்திருத்திக் கொள்ள முயற்சி செய்வது எப்போதும் நல்லது.

• ஒருவன் உயர்வடைய விரும்பினால் அடக்கம் உடையவனாக இருக்க வேண்டும்.

• உயர்ந்த குணமுள்ள மனிதன் எப்போதும் பணிவுடன் இருக்கிறான்.

• இறைவனுடன் ஐக்கியமாகி சாந்தமாக இருக்கும் மனதில்தான் இறைவனின் திவ்ய தரிசனம் தோன்றும். 
- பகவான் ஸ்ரீ ராமகிருஷ்ணர்

]]>
http://images.dinamani.com/uploads/user/imagelibrary/2018/8/30/w600X390/kamalanandhar.JPG http://www.dinamani.com/weekly-supplements/vellimani/2018/aug/31/பொன்மொழிகள்-தொகுப்பு-சுவாமி-கமலாத்மானந்தர்-2990732.html
2990733 வார இதழ்கள் வெள்ளிமணி மாணவரின் மதிப்புயர் மரியாதை DIN DIN Friday, August 31, 2018 11:00 AM +0530 இந்தியாவில் பேராசிரியராய் பணியில் அமர்ந்து பல மாணவர்களைப் பல துறைகளிலும் பளிச்சிட செய்து இந்திய அயலுறவு துறையில் தூதராக தூய பணி புரிந்து இந்திய குடியரசு தலைவராய் கோலோச்சிய தத்துவ மேதை டாக்டர் சர்வபள்ளி ராதாகிருஷ்ணன் அவர்களின் பிறந்தநாள் செப்டம்பர்- 5, ஆசிரியர் நாள்.
 ஆணவம் அழித்து மானமோடு வாழ கல்வி தானம் தரும் ஆசிரியர்களுடன் மாணவரின் மதிப்புயர் மரியாதையான உறவுக்கு ஈடான உறவு இவ்வுலகில் வேறெதுவும் இல்லை. ஞாலம் ஞாயிறிலிருந்து ஒளி பெறுவதுபோல மாணவர்கள் ஆசிரியர்களிடமிருந்து அறிவொளி பெற்று அறியாமை இருளிலிருந்து வெளிச்சத்திற்கு வந்து ஒளிவிட்டு பிரகாசிக்கின்றனர். விழி திறந்த ஆசிரியர்களை அழியாத அருந்தொண்டால் பழியறு பணியாற்றி ஒரு தலைமுறையை பாங்குற வாழ்ந்து ஓங்கு புகழ் பெற்று அடுத்த தலைமுறைக்கு வழிகாட்டிகளாகவும் விளங்க செய்கின்றனர்.
 ஒரு நாட்டில் ஒழுக்கம் ஓம்பும் ஒப்பற்ற சமுதாயம் உருவாக அடித்தளம் அமைப்பவர்கள் ஆசிரியர்கள். அப்படி அமையும் சமுதாயத்தின் வளர்ச்சிக்கும் உயர்வுக்கும் உறுதுணை புரிபவர்களும் ஆசிரியர்களே.
 உலக மக்களுக்கு உண்மையை கற்பிப்பவராகவே அனுப்பப் பட்டதாக அண்ணல் நபி (ஸல்) அவர்கள் நவின்றதாக கூறுகிறார் அப்துல்லாஹ் பின் அம்ரு (ரலி) நூல்- தாரமி. "கற்ற கல்வியை மற்றவர்களுக்குக் கற்று கொடுப்பவர் மறுமை நாளில் மன்னரரைப் போன்று வருவார்'' என்ற மாநபி (ஸல்) அவர்களின் மணிமொழியைப் பகர்கிறார்- அனஸ் பின் மாலிக் (ரலி) நூல்- பைஹகீ.
 "உபகாரத்திற்குப் பகரம் உபகாரமே'' என்ற 55- 60 ஆவது குர்ஆன் வசனப்படி ஆசிரியர்களை மதித்து மரியாதை செய்து அவர்களுக்கு உரிய உதவிகளை வாழ்நாள் முழுவதும் வாய்ப்பு கிடைத்த பொழுதெல்லாம் செய்ய வேண்டும். சட்டமேதை ஷாபி இமாம் அவர்கள் ஐயமகற்றும் விளக்கம் கூறுகையில் எங்கள் ஆசிரியர் மாலிக் இமாம் அவர்கள் கூறினார்கள் என்று மரியாதையுடன் ஆசிரியரைப் பெருமை படுத்துவார்கள்.
 ஆசிரியர்கள் பள்ளியில் கல்லூரியில் பல்கலைக் கழகத்தில் தரும் பாட பயிற்சிகளைப் பயிற்றுவித்தபடி முயற்சியோடு முடிப்பது ஆசிரியர் மாணவர் உறவைப் பலப்படுத்துவதோடு பயன்மிக்கதாகவும் அமையும்; நயனுடைய நன்மக்களாக மாணவர்களை மாற்றும். " பணிவுடனும் பணிவிடையுடனும் கல்வியைத் தேடியவர் வென்றவரே'' என்று ஷாபி இமாம் இயம்பியது இக்பால் பி அல்மாயிர் ரி ஜால் என்ற நூலில் உள்ளது.
 உற்றுழி உதவி உறுபொருள் கொடுத்து பிற்றை நிலை பிறழாது கற்ற நிகழ்ச்சி. அப்பாஸிய கலீபா ஹாரூண் ரஷீது அவரின் ஒரு மகனை அஸ்மயீ என்ற பெரியாரிடம் குருகுல முறையில் கல்வி கற்க அனுப்பினார். ஒருமுறை மன்னர் மகனைப் பார்க்க சென்றார். அப்போது ஆசிரியர் ஒலு (தொழுகைக்காக கைகால் முகம் கழுவி சுத்தம்) செய்ய அரசரின் மகன் நீரூற்றினார். ஆசிரியர் அவரின் கால்களைக் கழுவினார். மன்னரோ அவரின் மகனின் ஒரு கையால் நீரூற்றி மறுகையால் ஆசிரியரின் காலைக் கழுவிவிட ஏவும்படி வேண்டினார். நூல் - தஃலீமுல் முத அல்லிம். மாணவர்கள் தவறான சொல்லால் செயலால் ஆசிரியர்களின் உள்ளங்களைப் புண்படுத்தக் கூடாது. அவ்வாறு செய்வது பண்புடையதல்ல. பண்புடன் ஆசிரியர்களிடம் நடந்துகொண்டால் ஆசிரியர்களும் மாணவர்களிடம் அன்பும் அக்கறையும் இரக்கமும் காட்டி இன்முகத்துடன் மாணவர்கள் பன்முகத்தன்மை உடையவர்களாக உன்னத பல்கலையும் பயிற்றுவிப்பர்.
 மாணவர்கள் கல்வி பெற ஆறு அம்சங்கள் தேவை என்று அலி (ரலி) கூறுகிறார்கள். (1) புத்திக்கூர்மை (2) கற்கும் ஆவல் (3) பொறுமை (தேவையான பணம் (5) காலம். இந்த ஐந்து அம்சங்கள் உள்ள மாணவர்களுக்கே ஆறாவது அம்சமாகிய நேர்வழியைக் காட்டி நெறிபடுத்த ஆசிரியர்களால் முடியும். நூல்- தஃலீமுல் முத அல்லா. ஆசிரியர் சொல்லிலும் செயலிலும் மாணவர்களுக்கு முன்மாதிரியாக திகழ வேண்டும். நிகழ்காலத்தில் மட்டுமல்ல, எதிர்கால்த்தில் எண்ணி ஏற்று நடக்கும் நுண்ணிய திண்ணிய நடைமுறையாக இருக்க வேண்டும்.
 ஏழ்மையில் உள்ள மாணவர்களுக்கு உரிய கல்வியைக் கற்பித்து வாழ்க்கையில் உயர உதவுவது ஆசிரியர்களின் உத்தம பணி. அப்படி உயர்ந்த மாணவர்கள் ஆசிரியர்களை வாழும் காலவமெல்லாம் வாழ்வளித்த வள்ளல்களாக நன்றி செலுத்துவதை நினைவு கூர்வதைக் காண்கிறோம்.
 இமாம் அபூஹனிபா ஏழை மாணவர் அபூ யூசுபிற்குப் பொருளுதவி புரிந்து கல்வி கற்பித்தார்கள். அம்மாணவர் சட்ட வல்லுநராகி அப்பாஸிய பேரரசில் மஹதி, ஹாதி, ஹாரூன் ரஷீது ஆகிய மூன்று கலீபாக்களின் ஆட்சியில் தலைமை நீதிபதியாக பணியாற்றினார். நூல்- முகத்தி மத்துல் ஹிதாயா.
 மாணவர் ஆசிரியருக்கு இடையே நல்லிணக்க நல்லுறவு தொடர்வது கால விரையமின்றி கல்வி கற்று ஞாலம் போற்றிட வாழ வழி வகுக்கும்.
 - மு.ஆ. அபுல் அமீன்

]]>
http://images.dinamani.com/uploads/user/imagelibrary/2018/8/30/w600X390/vm3.jpg http://www.dinamani.com/weekly-supplements/vellimani/2018/aug/31/மாணவரின்-மதிப்புயர்-மரியாதை-2990733.html
2990734 வார இதழ்கள் வெள்ளிமணி நிகழ்வுகள் DIN DIN Friday, August 31, 2018 11:00 AM +0530 ஸ்ரீ கோகுலாஷ்டமி உத்ஸவம்
 குரோம்பேட்டை, கிருஷ்ணா நகர் இரண்டாவது பிரதான சாலையில் உள்ள ஸ்ரீ ராமபக்தசமாஜ மண்டபத்தில் 39-ஆம் ஆண்டு ஸ்ரீகோகுலாஷ்டமி உத்ஸவம் செப்டம்பர் 1-இல் தொடங்கி செப்டம்பர் 16 வரை நடைபெறுகின்றது. இதனையொட்டி ஸ்ரீமத் வால்மீகி ராமாயண மூலபாராயணமும் உபன்யாசமும் பஜன், நாமசங்கீர்த்தன இன்னிசை நிகழ்ச்சிக்கும் ஏற்பாடாகியுள்ளன. செப்டம்பர் 16 -ஆம் தேதி பாகவத பத்ததியுடன் ஸ்ரீருக்மணி கல்யாணமும் அன்று மாலை ஆஞ்சநேய உத்ஸவத்துடன் விழா நிறைவு பெறுகின்றது.
 தொடர்புக்கு: 98412 84637 / 98409 70419.
 மஹாகும்பாபிஷேகம்
 திருவிடைமருதூர் வட்டம், கோட்டூர் அருள்மிகு பூர்ண புஷ்கலாம்பிகா சமேத ஸ்ரீ ஐயனார் திருக்கோயிலில் திருப்பணிகள் செய்யப்பட்டு, செப்டம்பர் 6 -ஆம் தேதி, காலை 8.30 -9.30 மணிக்குள் மஹாகும்பாபிஷேக விழா நடைபெறுகின்றது. முன்னதாக, யாகசாலை பூஜைகள், ஹோமங்கள் செப்டம்பர் 4, 5 -ஆம் தேதிகளில் நடைபெறும்.
 நாகப்பட்டினம் மாவட்டம், சீர்காழி தாலுக்காவில் உள்ள தொல்காப்பியக்குடி கிராமத்தில் எழுந்தருளி அருள்புரியும் அருள்மிகு அகிலாண்டேஸ்வரி சமேத அருள்தரும் மிர்திஞ்ஜீஸ்வரர் என்கின்ற மூர்த்திராஜமுடையார் (மார்கண்டேயர் பூஜித்த தலம்) ஆலயத்தில் செப்டம்பர் 6 -ஆம் தேதி, காலை 10.15 மணி அளவில் மஹாகும்பாபிஷேகம் நடைபெறுகின்றது.
 குருபூஜை விழா
 திருவாரூர், வன்மிகபுரம் என்னும் மடப்புரம் ஸ்ரீ குருதட்சிணாமூர்த்தி சுவாமிகளின் 183 -ஆவது ஆண்டு குருபூஜை வைபவம் செப்டம்பர் 10 -ஆம் தேதி நடைபெறுகின்றது. இதனையொட்டி, மஹாபிஷேகம், ஆராதனைகள், சொற்பொழிவுகள் நடைபெறும்.
 தொடர்புக்கு: 94434 36393 / 04366 222732.
 

]]>
http://www.dinamani.com/weekly-supplements/vellimani/2018/aug/31/நிகழ்வுகள்-2990734.html
2990735 வார இதழ்கள் வெள்ளிமணி தேவனால் கூடாத காரியம் ஒன்றுமில்லை! DIN DIN Friday, August 31, 2018 11:00 AM +0530 இயேசு ஒருமுறை கெனேசரேத்து கடலருகே நின்றுகொண்டிருந்தபோது, தேவ வசனத்தைக் கேட்ட ஆவலாய் ஜனங்கள் இயேசுவை நோக்கி வந்தனர். உடனே அவர், அங்கே கரையில் தங்களுடைய வலைகளை அலசிக்கொண்டிருந்த மீனவர்களின் படகுகளைக் கண்டார். சரித்திர ஆசிரியர்கள், "இயேசுவின் நாள்களிலே அந்தக் கடலைச் சுற்றிலும் ஏறக்குறைய இரண்டாயிரம் படகுகள் இருந்தன' என்று சொல்லுகிறார்கள். அதில் சீமோன் பேதுருவின் படகை இயேசு கேட்டார். பேதுரு தன்னுடைய படகை அவருக்குக் கொடுத்தார். இயேசு அந்த படகில் ஏறி உட்கார்ந்து, சூழ உள்ள ஜனங்களுக்கு பிரசங்கம் பண்ணினார்.
 லூக்கா 5: 4 வசனத்தில் கூறியுள்ளபடி, "அவர் போதகம்பண்ணி முடித்தபின்பு சீமோனை நோக்கி: ஆழத்திலே தள்ளிக்கொண்டுபோய், மீன்பிடிக்கும்படி உங்கள் வலைகளைப் போடுங்கள் என்றார். சீமோன் தலைமுறை தலைமுறையாகவே மீன் பிடித்தொழிலைச் செய்பவர். இதனால் நல்ல அனுபவம் அவருக்கு இருந்தது. எங்கு எப்போது எந்த இடத்தில் மீன்கள் இருக்கும் என்று நன்றாக அறிந்தவர். ஆனாலும் அவரும் அவரது குழுவினரும் இரவு முழுவதும் பிரயாசப்பட்டுப் பார்த்தார்கள். ஆனாலும், ஒரு சின்ன மீனைக் கூட அவரால் பிடிக்க முடியவில்லை. தோல்வியிலும் படுதோல்வி. இதையெல்லாம் அறிந்த தேவன் சொன்னார் "ஆழத்திலே தள்ளிக்கொண்டுபோய் வலையைப் போடுங்கள்' என்று. அதற்குச் சீமோன்: ஐயரே, இராமுழுவதும் நாங்கள் பிரயாசப்பட்டும் ஒன்றும் அகப்படவில்லை; ஆனாலும் உம்முடைய வார்த்தையின்படியே வலையைப் போடுகிறேன் என்றான். (லூக்கா 5: 5)
 நடந்தது என்ன? வேதம் சொல்லுகிறது, "அந்தப்படியே அவர்கள் செய்து, தங்கள் வலை கிழிந்து போகத்தக்கதாக மிகுதியான மீன்களைப் பிடித்தார்கள்' (லூக்கா. 5:6). இயேசுவின் அற்புதத்தை, கண் எதிரே பேதுரு கண்டார். இரவு முழுவதும் பிரயாசப்படும்போது, அந்த மீன்கள் எங்கே போயிற்று? ஆம், இல்லாத இடத்திலும், உருவாக்கித்தர ஆண்டவர் வல்லமையுள்ளவர். அவரால் முடியும். எல்லாம் முடியும்.
 இந்த அற்புதமான சம்பவத்தில் இருந்து அறிந்துகொள்ள வேண்டியது: "பிரயாசத்தாலும், அனுபவத்தாலும் முடியாதது, தேவனாலே முடியும். தேவனால் கூடாத காரியம் ஒன்றுமில்லை.' தேவன் நம்முடை தோல்வியை ஜெயமாக மாறப்பண்ணுகிறவர். அவர் நம்முடைய பிரயாசத்தை ஆசீர்வதிக்கும்போது, நிச்சயமாகவே நாம் ஆசீர்வாதமுள்ளவர்களாய் திகழ்வோம் என்பதில் எந்தவித சந்தேகமும் இல்லை.
 - ஒய்.டேவிட் ராஜா
 

]]>
http://images.dinamani.com/uploads/user/imagelibrary/2018/8/30/w600X390/JESUS_BOAT.JPG http://www.dinamani.com/weekly-supplements/vellimani/2018/aug/31/தேவனால்-கூடாத-காரியம்-ஒன்றுமில்லை-2990735.html
2990737 வார இதழ்கள் வெள்ளிமணி வேளைக்கொரு அலங்காரம்... நேரத்திற்கொரு பலகாரம்! DIN DIN Friday, August 31, 2018 11:00 AM +0530 கண்ணபிரான் துவாரகையை அரசாளும் அரசன். அதனால் இங்கே அவனுக்கு வேளைக்கொரு அலங்காரம்... நேரத்திற்கொரு பலகாரம்! அறுசுவை உணவை அடிக்கடி உட்கொள்வதால் சரியான செரிமானத்துக்குத் தேவையான லேகியம் கூட இங்கே அக்கறையுடன் கண்ணனுக்குப் புகட்டப்படுகிறது. துவாரகைக் கோயிலில் மணிக்கொரு முறை அரசன் கண்ணபிரானுக்கு அளிக்கப்படும் நிவேதனத்தை "போக்' என்பர்.
 அதிகாலை ஐந்து மணிக்குத் திருப்பள்ளி எழுச்சி நடத்தி மன்னன் கண்ணனுக்கு முகம் கழுவி தங்கப் பல்குச்சியால் பல் தேய்த்து விட்டுச் சந்தனமும் குங்குமமும் இட்டுப் பழங்களை "முதல் போக்' ஆக அளிக்கிறார்கள். ஏழரை மணிக்கு லட்டு, ஜிலேபி என்று தின்பண்டங்களை உண்ணுவதிலிருந்து கண்ணனது போக்யங்கள் தொடங்கி விடுகின்றன. எட்டு மணிக்கு நெய், சர்க்கரை, பால், தயிர் என்று கொண்டு வந்து அவன் முன் வைத்து விடுகிறார்கள். பகல் பன்னிரண்டு மணிக்கு ராஜபோஜனம் தருகிறார்கள். ஐந்து மணி வரை ஓய்வு எடுக்க விடுகிறார்கள்.
 இரவில் கடைசி உணவாக பாதாம் பருப்பு வகைகளும் உலர்ந்த பழங்களும் லேகியமும் வைக்கிறார்கள். தினந்தோறும் பதினேழு முறை போகி நிவேதனம் அவனுக்குப் படைக்கப்படுகிறது. ஒரு மணி நேரத்திற்கு ஒருமுறை அவனுக்கு உடையலங்காரத்தை மாற்றிவிடுகிறார்கள்.
 பத்துவகை பூஜைகள்: உடுப்பியில் ஸ்ரீ கிருஷ்ணருக்கு நிர்மால்ய விஸர் ஜன பூஜை, உஷத்கால பூஜை, அக்ஷய்ப் பாத்திர பூஜை, பஞ்சாமிர்த பூஜை, உத்வார்த்தன பூஜை, கலச பூஜை, தீர்த்த பூஜை, அலங்கார பூஜை, அவசர பூஜை, மஹா பூஜை ஆகிய பூஜைகள் உண்டு .
 நான்கு வகை வழிபாடுகள்: உடுப்பி கிருஷ்ணனுக்கு வழிபாட்டு முறைகள் நான்கு வகையில் பிரிக்கப்படுகிறது. பாலே முகூர்த்தம், அக்னி முகூர்த்தம், கட்டிகே முகூர்த்தம், பக்தா முகூர்த்தம் எனும் நான்கு வேலைகளில் கிருஷ்ணனுக்கு வழிபாடுகள் நடைபெறுகின்றன.
 முக்கிய உத்ஸவங்கள்: உடுப்பி கிருஷ்ணருக்கு செய்யும் முக்கியமான உத்ஸவங்கள் ரத உத்ஸவம், சுவர்ண பல்லக்கு உத்ஸவம், கருட உத்ஸவம், ரஜத ரஜோத்ஸவம், பிரம்மோத்ஸவம் ஆகியவை முக்கிய உத்ஸவங்களாகும்.
 நான்கு திருக்கரங்களுடன் கிருஷ்ணர்: அகமதாபாத்திலிருந்து ராஜ்காட் - ஜாம்நகர் வழியாக துவாரகை திருத்தலத்தை அடையலாம். துவாரகையில் உள்ள கண்ணன் கோயிலை "ஜகத்மந்திர்' என்று அழைக்கிறார்கள். இங்கு மூலஸ்தானத்தில் மேற்கு திசை நோக்கி அருள்புரியும் கிருஷ்ணர் நான்கு திருக்கரங்களுடன் வெள்ளி மஞ்சத்தில் நின்ற திருக்கோலத்தில் காட்சி தருகிறார்.
 ஆலிலை கிருஷ்ணர்: பீகாரில் உள்ள ஸ்ரீ கதாதரர் கோயிலின் முன் உள்ள பெரிய ஆலமரத்தின் கீழ் பகவான் கிருஷ்ணன் குழந்தை வடிவில் ஆலிலையில் படுத்துக்கொண்டு வலது கால் கட்டை விரலை வாயில் வைத்துக்கொண்டிருக்கும் சிறிய திருவுருவத்தைத் தரிசிக்கலாம். இவரை தொட்டு வணங்குவது இங்கு வழக்கத்தில் உள்ளது.
 - ஆர் மகாதேவன்
 
 

]]>
http://images.dinamani.com/uploads/user/imagelibrary/2018/8/30/w600X390/vm4.jpg http://www.dinamani.com/weekly-supplements/vellimani/2018/aug/31/வேளைக்கொரு-அலங்காரம்-நேரத்திற்கொரு-பலகாரம்-2990737.html
2990739 வார இதழ்கள் வெள்ளிமணி துயில் கொள்ளும் கண்ணன்! DIN DIN Friday, August 31, 2018 11:00 AM +0530 நாகர்கோவில் பாலமோர் சாலை வழியில் உள்ள தலம் அழகிய பாண்டியபுரம். இங்கு அமைந்துள்ள அழகிய நம்பி திருக்கோயிலில் நாதசுரம், தவில் போன்ற வாத்தியங்கள் இசைக்கப் படுவதில்லை. காரணம், இங்கு குழந்தை வடிவில் கண்ணன் துயில் கொண்டிருக்கிறார் என்பது தான். எனவே, பக்தர்கள் அமைதியாக வழிபட்டு மௌனமாகச் செல்கிறார்கள்.
 - டி.ஆர். பரிமளரங்கன்
 

]]>
http://www.dinamani.com/weekly-supplements/vellimani/2018/aug/31/துயில்-கொள்ளும்-கண்ணன்-2990739.html
2990740 வார இதழ்கள் வெள்ளிமணி பொருநை போற்றுதும்! 5 - டாக்டர் சுதா சேஷய்யன் DIN DIN Friday, August 31, 2018 11:00 AM +0530 பொருநை என்னும் பேராறு: நெல்லைச் சீமையின் நதிக்குத் தாமிரவருணி என்று பெயர். இந்தப் பெயர் குறித்துப் பற்பல ஆய்வுகளும் கருத்து மோதல்களும் உண்டு.
 பண்டைய இலக்கியங்கள், இவ்வாற்றைப் "பொருநை' என்று வழங்குகின்றன. "பொருநல் வடகரை' என்று தொலைவில்லி மங்கலத்தை நம்மாழ்வார் குறிப்பிடுகிறார். பாண்டிய நாட்டைப் பற்றிப் பாடுகிற சேக்கிழார், "தண்பொருந்தப் புனல்நாடு' என்கிறார். இவற்றையெல்லாம் வைத்துப் பார்க்கும்போது, "பொருந்தம்' என்னும் சொல்லிலிருந்து "பொருநை' என்னும் பெயர் வந்திருக்கலாமோ என்று தோன்றுகிறது. "குளிர்ச்சி பொருந்திய ஆறு' என்பதைச் சுட்டுவதற்கு, "தண்பொருந்தப் புனல்' என்று முற்காலத்தோர் குறிப்பிட்டிருக்க வேண்டும். "தண்பொருந்த' என்பதே காலப்போக்கில் "பொருந்தல்' என்றும் "பொருநை' என்றும் மருவியிருக்கக்கூடும். 1013 ஆண்டு காலத்ததான முதலாம் ராஜராஜசோழ மன்னரின் வட்டெழுத்துக் கல்வெட்டு ஒன்றில், சீவலப்பேரியை அடுத்துள்ள தாமிரவருணிப் பகுதிக்குத் தண்பொருந்தம் என்னும் பெயர் குறிக்கப்பட்டுள்ளது.
 அனுமனும் பிறரும் சீதையைத் தேடிப் புறப்பட்டபோது, தென் திசையின் சிறப்புமிக்க தாமிரவருணிப் பேராற்றைப் பற்றிக் குறிப்பிட்டுச் சொல்கிறான் சுக்ரீவன்.
 தஸ்யாஸீனம் நகஸ்யாக்ரே மலயஸ்ய மஹெüஜஸம் தரக்ஷ்ய ஆதித்ய ஸங்காசம் அகஸ்த்யம் ரிஷி ஸத்தமம்
 ததஸ்தேநாப்யநுக்ஞாதா: ப்ரஸனேன மஹாத்மனா தாம்ரபர்ணீம் க்ராஹஜுஷ்டாம் தரிஷ்யத மஹாநதீம்
 ஸô சந்தனவனைஸ் சித்ரை: ப்ரச்சன்ன த்வீப வாரிணீ காந்தேவ யுவதீ காந்தம் ஸமுத்ரபவ காஹதே -
 (மலைய மலைக்கு முன்பாக, சூரியனைப் போன்று பிரகாசிக்கும் அகத்திய மாமுனிவரைக் காண்பீர்கள். அந்த மகாத்மாவால் அனுமதிக்கப்பட்டு, முதலைகள் நிரம்பியதான தாமிரவருணிப் பேராற்றைக் கடந்து செல்லுங்கள். ஆங்காங்கே தீவுகள் கொண்டதும், சந்தன மரங்கள் நீர் மூடப்பட்டதுமான இந்த நதியானவள், தன்னுடைய நாயகனை அணைகிற ஆரணங்குபோல் கடலில் கலக்கிறாள்) (ஸ்ரீமத் வால்மீகி ராமாயணம், கிஷ்கிந்தா காண்டம், 41ஆவது ஸர்கம், வரிகள் 14-17)
 இதே விதமாகச் சுக்ரீவன் கூறிய அறிவுரையைக் கம்பநாட்டாழ்வாரும் படம் பிடிக்கிறார்.
 தென் தமிழ்நாட்டு அகன்பொதியில் திருமுனிவன் தமிழ்ச் சங்கம் சேர்கிற்பீரேல்
 என்றும் அவன் உறைவிடமாம்; ஆதலினால் அம்மலையை இறைஞ்சி ஏகி
 பொன் தினிந்த புனல் பெருகும் பொருநை எனும் திருநதி பின்பு ஒழிய, நாகக்
 கன்று வளர் தடம் சாரல் மயேந்திர மாநெடு வரையும் கடலும் காண்டிர் - "
 பொதியமலைச் சாரலில் அகத்தியரும் புலவர்க் கூட்டமும் உண்டு; அவ்விடத்து ஈர்ப்பிலும் அழகிலும் வசப்பட்டுவிடாமல், அம்மலையை வணங்கித் தாண்டி, தாமிரவருணியையும் தாண்டிச் செல்லுங்கள்' என்பதாக அவ்வறிவுரை அமைகிறது.
 தாமிரவருணி என்பதன் வடமொழிச் சாயல், தாம்ரபர்ணி என்பதாகும். இதனை, தாம்ர+ பர்ணி என்று பிரிக்கலாம். "தாம்ர' என்றால் செம்மை அல்லது சிவப்பு; "பர்ணம்' என்றால் இலை. இலைகள் பலவற்றைக் கொண்டது என்பதால், மரத்தைப் பர்ணி என்று குறிப்பதுண்டு. ஆகவே, தாம்ரபர்ணி என்றால் "சிவப்பு இலைகளைக் கொண்ட மரம்' என்று சிலர் பொருள் காண்கிறார்கள்.
 இலங்கையின் "மகாவமிசம்' என்கிற நூலில், இலங்கைக்குத் "தம்பாபன்னி' என்னும் பெயர் இருந்ததாகக் குறிப்பு காணப்படுகிறது. இலங்கையின் தேராவாத வகை பெüத்தத்திற்கே, "தாம்ரபர்ணியா' என்றொரு பெயர் உண்டு. இவற்றைக் கொண்டு, இலங்கையிலிருந்து திருநெல்வேலிப் பகுதிக்குக் குடியேறிய மக்களால், குடியேறிய பகுதியிலிருந்த ஆற்றுக்கு இப்பெயர் அளிக்கப்பட்டது என்று சிலர் சொல்வதுண்டு.
 இதெல்லாம் இருக்கட்டும்; தாமிரவருணியின் தோற்றத்தையும் பெயரையும் குறித்துப் புராணங்கள் என்ன சொல்கின்றன?
 சிவப்பு மலர்களின் ஆறு: சிவனுக்கும் பார்வதிக்கும் திருக்கைலாயத்தில் திருமணம். அப்போது, அனைவரும் கைலாயத்தில் குழுமிவிட, வடக்கு தாழ்ந்து உலகின் தென்பகுதி உயர்ந்துவிட்டது. உலகைச் சமன் செய்வதற்காக, அகத்திய முனிவரைத் தென் திசைக்குப் போகச் சொன்னார் பரம்பொருள். தான் மாத்திரம் போகவேண்டுமே என்று அகத்தியர் கலங்கியபோது, அம்பிகை பராசக்தியின் அருளானது, பெண் வடிவம் தாங்கி அவருக்கு முன் செல்லும் என்றும், எந்த இடத்தில் அந்தப் பெண் நின்றுவிடுகிறாளோ அங்கேயே அகத்தியர் தமது வாசத்தை அமைத்துக் கொள்ளலாம் என்றும் ஐயன் அருளினாராம். அதன்படி, அழகான அணங்காக அம்மையின் அருள் முன் செல்ல, வழி தொடர்ந்தார் அகத்தியர். தென் மலைப் பகுதிகளை அடைந்தபோது, அந்தப் பெண்வடிவம், தாமரை மாலையாக மாறியது. அந்த மாலையிலிருந்து பெருக்கெடுத்த பிரவாகமே தாமிரவருணியானது. தாம்ர (சிவப்பு) நிற மலர்மாலையிலிருந்து பெருக்கெடுத்தவள் என்பதால் தாமிரவருணியானாள். இந்தக் கதைக்கு இன்னும் சில வேறுபாடுகளும் உள்ளன. அகத்தியர் புறப்பட்டபோது, அவரின் கமண்டலத்தில், அம்பிகையே நீர் நிரப்பி அனுப்பினாள் என்றும் அந்தக் கமண்டல நீரிலிருந்து தாமிரவருணித் தாய் தோன்றினாள் என்றும் ஒரு கதை. தாமிரவருணி மஹாத்மியம் மற்றொரு கதையைத் தருகிறது. தென் திசையை அடைந்த அகத்தியர், சிவனாரை நினைத்துப் பூஜை செய்தார்; சிவனார் அங்கே தோன்ற, பூஜைக்குப் பயன்படுத்தப்பட்ட தாமரை மாலை, சிவபெருமானைக் கண்டமாத்திரத்தில் நதியாக மாறிப் பெருக்கெடுத்தது. சங்கநூலான பரிபாடல், அகத்தியரால் பொருநை உருவாக்கப்பட்டது என்றே பகர்கிறது.
 ஆன்பொருநையும் தண்பொருநையும்: தமிழிலக்கியத்தில், "பொருநை' என்னும் பெயரால் இரண்டு ஆறுகள் சுட்டப்படுகின்றன. ஒன்று, சேர வேந்தர் இனம் தழைத்தோங்கக் கரைகொடுத்த ஆன்பொருநை; மற்றது, பாண்டிய நாகரிகப் பெருமைக்கு இடங்கொடுத்த தண்பொருநை. ஆன்பொருநை என்பது, கரூருக்குப் பக்கத்தில் பாய்கிற, தற்காலங்களில் அமராவதி என்னும் பெயரால் அழைக்கப்படுகிற ஆறு. தண்பொருநை என்பது தாமிரவருணி.
 ஆனைமலைப் பகுதிகளில் உருவாகும் அமராவதி ஆறு, வடக்கு-வடகிழக்காகப் பாய்ந்து, அமராவதி, உடுமலைப்பேட்டை, தாராபுரம், அரவக்குறிச்சி வழியாகத் திருமுக்கூடலை அடைந்து, அங்கு காவிரியுடன் இணைகிறது. ஆனால், இதே ஆறு, முற்காலத்தில், ஆனைமலைப் பகுதிகளிலிருந்து வடமேற்கு-தெற்கு-தென்மேற்காக ஓடி, அரபிக் கடலில் கலந்ததாகத் தெரிகிறது. மாறாக, குளிர்ச்சிமிக்கத் தென்மலையில் பிறந்து, சமவெளியில் வீழ்ந்து, பல்வேறு கிளைநதிகளைக் கூட்டிக் கொண்டு, மன்னார் குடா பகுதியில் கடலில் கலப்பவள் தாமிரவருணி. கரைகளில் மாடு கன்றுகளுக்கான (ஆநிரைகளுக்கான) மேய்ச்சல் காடுகளைக் கொண்டதால், (ஆன் பொருந்தியதால்) அது ஆன்பொருநை. குளிர்ச்சி பொருந்தியதால், இது தண் பொருநை.
 - தொடரும்
 
 

]]>
http://images.dinamani.com/uploads/user/imagelibrary/2018/8/30/w600X390/vm5.jpg http://www.dinamani.com/weekly-supplements/vellimani/2018/aug/31/பொருநை-போற்றுதும்-5---டாக்டர்-சுதா-சேஷய்யன்-2990740.html
2990741 வார இதழ்கள் வெள்ளிமணி என்ன தவம் செய்தனை யசோதா? DIN DIN Friday, August 31, 2018 11:00 AM +0530 பகவான் கிருஷ்ணனை தேவகியின் மைந்தன் என்று சொல்வதிலோ, அல்லது வசுதேவன் புத்திரன் என்று சொல்வதிலோ அல்லது நந்தகோபன் குமாரன் என்று சொல்வதிலோ இல்லாத புளகாங்கிதம் அவனை "யசோதை பாலன்' என்று அழைப்பதில் பக்தர்களுக்கு ஏற்படுமாம். கர்ப்பம் தரிக்காமலேயே கண்ணனுக்கு பாலூட்டி, சீராட்டி வளர்க்கும் பாக்கியம் பெற்றவள் அல்லவா யசோதை? பாலகிருஷ்ண லீலைகளை அணுஅணுவாக அனுபவித்தவள் யசோதை. அகில உலகையும் கட்டியாளும் அந்த பரமாத்மாவை உரலில் கட்டிப்போட்ட உத்தமி அவள். சனகாதி முனிவர்களும், தேவாதி தேவர்களும் தங்களுக்கு யசோதையின் பாக்கியம் கிடைக்கவில்லையே என்று ஆதங்கப்படுகிறார்களாம். யசோதைக்கு கிடைத்த பாக்கியம், கர்ப்பவாசம் தரித்து கிருஷ்ணனை பெற்று எடுத்த தாய் தேவகிக்கும் கிடைக்கவில்லை. அதனால் அவள் மிகவும் குறைப்பட்டுக் கொண்டாளாம். அதனை குலசேகர ஆழ்வார், தனது "ஆலை நீள் கரும்பு' என்னும் பாசுரத்தில் கண்ணனது பிள்ளைச் செயல்களைக் காணப் பெறாத "தேவகியின் புலம்பல்' என்ற தலைப்பில் அழகாக சித்தரித்துள்ளார்.
குருவாயூரப்பன் சந்நிதியில் "ஸ்ரீமந் நாராயணீயம்' காவியத்தை இயற்றிய நாராயண பட்டத்ரி, அதில் "யசோதை அண்டம் முழுவதும் உள்ள அனைத்துப் புண்ணிய சீலர்களையும் வென்றுவிட்டாள்! என்னே வியப்பு!' என்று வியந்து கூறுகிறார். "ஏரார்ந்த கண்ணி யசோதை இளஞ்சிங்கம்' என்பது ஆண்டாள் நாச்சியாரின் வாக்கு. ஸ்ரீ நாராயண தீர்த்தர் தனது கிருஷ்ண லீலாதரங்கிணி பாடல்களிலும், ஸ்ரீ ஜயதேவர் தனது கீத கோவிந்தத்திலும் இன்னும் பல அருளாளர்களும் தங்களது இசைக் காவியத்திலும் பாடி பரவசம் அடைந்துள்ளார்கள். முத்தாய்ப்பாக, சுமார் 350 வருடங்களுக்கு முன் அவதரித்த ஊத்துக்காடு வேங்கடகவி என்ற மகான் தான் கிருஷ்ண தரிசனம் பெற்றதோடு மட்டுமில்லாமல் அவர் இயற்றிய தமிழ் பாடல்களின் (கீர்த்தனைகள்) மூலம் நம்மையும் அந்த ஆனந்த அனுபவநிலைக்கு இட்டுச்செல்கின்றார். அதில் ஒன்றுதான். "என்ன தவம் செய்தனை யசோதா? எங்கும் நிறை பரபிரும்மம், "அம்மா' என்றழைக்க..." என்று தொடங்கும் பாடல், இன்றளவும் பாடப்படும் எளிய தமிழ் பாடல்.
இத்தனை பாக்கியம் யசோதைக்கு எதனால் ஏற்பட்டது? சுகப்பிரம்ம ரிஷி பரீட்சித் மகாராஜாவுக்கு கூறுவதாக அமைந்த புராண வரலாற்றின்படி அஷ்ட வசுக்களில் சிறந்தவரான துரோணரும் அவரது மனைவியுமான தராவும் வம்சவிருத்தி நிமிர்த்தமாக பிரம்மனிடம் ஒரு வித்தியாசமான வரம் ஒன்றை வேண்டிப் பெற்றனர். அதாவது, "பிரபஞ்சத்தில் மீண்டும் பிறக்கும்போது உன்னதமான பிரபுவாகிய புருஷோத்தமன் தனது வசீகரமான குழந்தையுருவில் எங்களுக்கு மகனாகப் பிறக்க வேண்டும். எங்களுடன் பகவான் நிகழ்த்தும் பால்ய லீலைகளைக் கேட்ட மாத்திரத்தில் எல்லோரும் பிறவிக்கடலைக் கடக்கும் அளவுக்கு சக்தி வாய்ந்தவர்களாக ஆக வேண்டும்! என்றனராம். பிரம்மன் இந்த வரத்தை அளித்ததால் பிருந்தாவனத்தில் துரோணர் நந்த மகா ராஜாவாகவும், தரா அவரது மனைவி யசோதையாகவும் தோன்றினார்கள் என்கின்றது. (ஆதாரம்: இஸ்கானின் வெளியீடான "கிருஷ்ணா')
தனது அவதார நோக்கங்களை நிறைவேற்றும் பொருட்டு பகவான் கண்ணன் தனது வளர்ப்பு தாய், தந்தையரிடம் விடை பெற்று தன் அண்ணன் பலராமனுடன் துவாரகைக்கு ஏகினான். கம்ச வதத்திற்குப் பிறகு துவாரகை மன்னனாக முடி சூட்டும் வைபவத்தின் போது, குழுமியிருந்த பொதுமக்களின் பக்கம் பகவான் கிருஷ்ணன் தன் பார்வையை செலுத்திய வண்ணம் இருந்தார். அருகிலிருந்த பலராமர், குலகுரு, முதலியோர்கள் ஏதும் புரியாமல் தவித்தனர். பார்வையாளர்கள் மத்தியில் சரியாக சீவப்படாத தலையுடனும் பழைய புடவையை அணிந்து கொண்டு மிகவும் எளிமையாகத் தென்பட்ட பெண்மணியை தனது அருகில் வரும்படி செய்தார் கிருஷ்ணர். பிறகு சபையோர்களைப் பார்த்து தன்னை வளர்த்து ஆளாக்கிய அன்னை யசோதையே அந்த பெண்மணியென்றும் அவள் கையால் மகுடம் வாங்கித் தரிப்பதே தனக்கு பெருமை என்றும் கூறி அவ்வாறே செயல்பட்டார்.
கண்ணனின் இந்த செய்கைக்கு கூடியிருந்தோர் ஆர்பரித்து ஆராவாரம் செய்தனர். அதோடுமட்டுமில்லாமல் யசோதையை பார்த்து "யாதுவரம் வேண்டும்?' என கிருஷ்ணர் கேட்க, யசோதையும், "கண்ணா, இனி நான் எத்தனை பிறவி எடுத்தாலும் உனது தாயாக அதுவும் வளர்ப்புத் தாயாகும் பேற்றினை அருள வேண்டும்! என வேண்டினாள். பகவானும் அவ்வாறே ஆகட்டும் என்று வரமளித்தார். அவ்வரத்தினால் யசோதை தன் அடுத்த பிறவியில் வகுளாதேவியாகப் பிறந்து கலியுக தெய்வமாம் வேங்கடரமணன் என்கின்ற ஸ்ரீநிவாஸனுக்கே வளர்ப்புத் தாயாகும் வாய்ப்பைப் பெற்றாள். என்னே யசோதை யின் பெருமை!
எதிர்வரும் செப்டம்பர் 2 , 3 -ஆம் தேதிகளில், ஸ்ரீ கிருஷ்ண ஜெயந்தி மகோத்சவம் நடைபெறுகின்றது.
- எஸ்.வெங்கட்ராமன்

 

]]>
http://images.dinamani.com/uploads/user/imagelibrary/2018/8/30/w600X390/vm6.jpg http://www.dinamani.com/weekly-supplements/vellimani/2018/aug/31/என்ன-தவம்-செய்தனை-யசோதா-2990741.html
2986715 வார இதழ்கள் வெள்ளிமணி பொன்மொழிகள்! சுவாமி கமலாத்மானந்தர் DIN Friday, August 24, 2018 11:22 AM +0530 இறைவனையே நினைத்து வாழும் பக்தனுக்கு என்றும் ஆனந்தம் உண்டு. இறைவனையே நினைத்து வாழாத பக்தனுக்கு என்றும் துயரம்தான். மனிதனுடைய குற்றங்கள்தான் அவன் வேதனைகளுக்குக் காரணம். "இறைவனுடைய ஆதிக்கத்துக்கு உட்பட்டவர்கள் நாம்' என்று உண்மையான ஒரு பக்தன் உறுதியாக நம்புகிறான்.

- ஸ்ரீ ராமானுஜர்

 

உறக்கத்தைக் கெடுப்பது, ஆன்மிகக் கருத்துக்கள் சொல்வதைத் தடுப்பது, கணவன்  மனைவியைப் பிரிப்பது, தாய்  சேயைப் பிரிப்பது ஆகியவை பிரம்மஹத்திற்குச் சமமான பெரிய பாவங்களாகும்.

- தேவி பாகவதம்

 


எவன் எந்த வித்யையை நன்கு கற்றிருக்கிறானோ, அதுதான் அவனுக்கு மேலான தெய்வம். அதைத்தான் அவன் பூஜித்து அர்ச்சனை செய்ய வேண்டும். அதுதான் அவனுக்கு உதவி செய்யும்.

- விஷ்ணுபர்வம்

 

அகண்டத்தில் பிரம்மா, விஷ்ணு, சிவன் என்னும் பேதத்தையும் உண்டு பண்ணி, புத்திமான்களையும் பிரம்மா, விஷ்ணு, சிவன் என்னும் பேதத் தன்மைகளைக் கொள்ளும்படியாக மாயை மயக்குகிறது. ஆகையால் நிகழாததை நிகழச் செய்வதில் வல்லது மாயை.

-  மாயா பஞ்சகம்

 

சேராததை முடித்து வைப்பது எதுவோ, அதுதான் மாயை. எது இன்னதென்று சொல்ல முடியாதோ அதுதான் மாயை. 

- வடமொழி சுலோகம்

 

"சம்சார மாயை' என்ற தூக்கத்திலிருந்து விழிப்பது எளிதன்று. அதற்கு, "மாயைலிருந்து விடுபட வேண்டும்'என்ற தீவிர விருப்பம் உள்ளத்தில் பொங்க வேண்டும். அன்றியும் கத்திமுனைமேல் நடப்பது போன்று இடைவிடாத ஜாக்கிரதையுடன் புலன்களையும், மனதையும் மாசற நிறுத்தி வேற்றுமை உணர்ச்சியை அறவே நீக்க வேண்டும்.

- உபநிஷதம்

 

செப்பிடு வித்தைக்காரனுடைய ஜாலங்கள் அவனை மயக்காது, பிறரை மயக்கும். அதுபோல, யோக மாயையானது பகவானை மயக்காது, பிறரையே மயக்கும்.

- ஆதிசங்கரர்

 

குருடன்  வழியில் இருக்கும் வைக்கோல் துரும்பை மிதித்தாலும் பயம் கொள்கிறான். அதுபோன்று மாயையால் கட்டுண்டவர்கள், ஒவ்வொரு சிறிய விஷயத்தையும் கண்டு பயமடைகிறார்கள்.

ஞானதரிசிவி

]]>
http://images.dinamani.com/uploads/user/imagelibrary/2018/8/3/w600X390/vm2.JPG http://www.dinamani.com/weekly-supplements/vellimani/2018/aug/24/பொன்மொழிகள்-2986715.html
2986714 வார இதழ்கள் வெள்ளிமணி நிகழ்வுகள் DIN DIN Friday, August 24, 2018 11:18 AM +0530 லக்ஷ்மி குபேர தனாகர்ஷன யந்திர கலச பூஜை

சென்னை, முகப்பேர் மேற்கு, காளமேகம் சாலையில் அமைந்துள்ள அருள்மிகு கனகதுர்க்கா திருக்கோயிலில் லக்ஷ்மி குபேர தனாகர்ஷன யந்திர கலச பூஜை, 31.08.2018 அன்று நடைபெறுகின்றது.  
தொடர்புக்கு : 044 2653 6606.    

திருக்குட நன்னீராட்டுப் பெருவிழா

கோவை மாவட்டம், பேரூர் வட்டம், தொண்டாமுத்தூர் ஒன்றியம், நரசீபுரம் கிராமம் அருள்மிகு கற்பக விநாயகர் திருக்கோயில் மற்றும் அருள்மிகு தருமராஜா திருக்கோயிலில் திருக்குட நன்னீராட்டுப் பெருவிழா, 29.08.2018, காலை 9.00 மணிக்குமேல் 10.00 மணிக்குள் நடைபெறுகின்றது. 
மண்டல வழிபாடு தொடர்ந்து 48 நாள்களுக்கு நடைபெறும். 
தொடர்புக்கு: 94437 93033.

திருப்பவித்ரோத்ஸவம்

கரூர், தான்தோன்றிமலை அருள்மிகு கல்யாண வெங்கடரமண சுவாமி திருக்கோயிலில் 25.08.2018, காலை 7.35 மணி முதல் 8.35 மணிக்குள் திருப்பவித்ரோத்ஸவம் நடைபெறுகின்றது. முன்னதாக, ஆகஸ்ட் - 23, 24 தேதிகளில் ஹோமங்கள், பூஜைகள் நடைபெறும்.
தொடர்புக்கு: 04324 257531.

ஆடித்திருவிழா - திருக்காப்பு திருவிழா

காஞ்சிபுரம் மாவட்டம், செங்கல்பட்டு வட்டம், வெண்பாக்கம் கிராமம், அருள்மிகு குப்பகரை அம்மன் திருக்கோயிலில், 26.08.2018 - அன்று திருக்காப்பு திருவிழா தொடங்குகிறது.  29.08.2018 -ஆம் தேதி, அருள்மிகு குப்பகரை அம்மனுக்கும் அருள்மிகு தண்டுமாரி அம்மனுக்கும் கூழ் ஊற்றுதல், விசேஷ திருக்குட திருவிழா, மஞ்சள் நீராடல் மற்றும் பல நிகழ்ச்சிகளும் நடைபெறும்.

]]>
http://www.dinamani.com/weekly-supplements/vellimani/2018/aug/24/நிகழ்வுகள்-2986714.html
2986713 வார இதழ்கள் வெள்ளிமணி தவறுகளை திருத்திக் கொள்வோம்! - ஒய்.டேவிட் ராஜா DIN Friday, August 24, 2018 11:17 AM +0530 ஒரு விஷயத்தை நன்றாகச் செய்ததற்காக, மற்றவர்கள் நம்மைப் பாராட்டும்போது அதை ஏற்றுக்கொள்கிறோம். அந்தப் பாராட்டைப் பெற நாம் தகுதியானவர் என்றும் நினைக்கிறோம். அதேபோல், தவறு செய்துவிடும்போதும் அதற்கான பொறுப்பை நாம் ஏற்றுக்கொள்ளத் தயங்குகிறோம். அதைத் தெரியாமல் செய்திருந்தாலும், அல்லது அதை மற்றவர்கள் கவனிக்காமல் போயிருந்தாலும், அதற்கான பொறுப்பை ஏற்றுக்கொள்ள வேண்டும். அப்படிச் செய்வதற்கு நமக்கு மனத்தாழ்மை தேவை. ஏனென்றால், ""ஒவ்வொருவனும் தன்னைக்குறித்து தேவனுக்குக் கணக்கொப்புவிப்பான்.'' (ரோமர் 14:12) என்ற வசனத்தின்படி, நாம் ஒவ்வொருவரும் நம்முடைய செயல்களுக்காகக் கடவுளுக்குக் கணக்குக் கொடுக்க வேண்டும் என்பதை மறந்துவிடக் கூடாது.

தவறு சிறிதாக இருக்கும்போதே நாம் அதை தெரிந்துகொண்டு திருத்திக்கொள்ள வேண்டும். தவறுகள் தொடரும்போது அது பழக்கமாக மாறி நம்மை ஆட்கொண்டுவிடுகிறது. 

தன் மகனின் நடவடிக்கைகளில் ஏற்பட்ட தவறான மாற்றத்தை கண்டறிந்த அவனின் தந்தை, தன்னுடைய வயது முதிர்ந்த தந்தையிடம் அனுப்பி வைத்தார். ""இவன் என்ன சொன்னாலும் சில பழக்க வழக்கங்களை மாத்தவே மாட்டேங்கிறான். நீங்க தான் அவன திருத்தணும்''  என்று தன் தந்தையிடம் சொன்னார். தாத்தாவைப் பார்த்ததும் அந்த சிறுவனுக்கு மிகுந்த சந்தோஷம். 

தாத்தா ஒரு நாள் அவனை ஒரு காட்டுக்கு அழைத்து போனார். அங்கு இருந்த ஒரு சிறிய செடியை பிடுங்க சொன்னார். உடனே ரொம்ப சுலபமா பிடிங்கி விட்டான். அப்புறம் கொஞ்சம் பெரிய செடியை பிடுங்க சொன்னார். கொஞ்சம் முயற்சி பண்ணி பிடுங்கினான். இன்னும் கொஞ்சம் பெரிய புதர் மாதிரி இருந்ததை பிடுங்க சொன்னார். ரொம்ப கஷ்டப்பட்டுப் பிடுங்கினான். அதற்குள் அவன் மிகவும் களைத்து போனான் . அப்புறம் ஒரு பெரிய மரத்தை காட்டி, அதை பிடுங்க சொன்னார். ஆனால் அவன் எவ்வளவு முயன்றும் முடியவில்லை. ""என்னால முடியாது தாத்தா'' என்று சொல்லிவிட்டான். தாத்தா சொன்னார், ""இதோ பாரு, இப்படித்தான் உன்கிட்ட இருக்குற சில கெட்ட பழக்க வழக்கங்களையும் மாத்திக்கணும். அது சுலபமா போய்விடும். அந்த கெட்டப் பழக்கங்கள் வளர்ந்த பெரியதாக மாறிவிடும்போது அதில்  இருந்து விடுபடுவது ரொம்ப கஷ்டம். விலகவும் முடியாது. உன் அப்பா சொல்ற மாதிரி கேட்டு நடந்தேன்னா, நீ நல்லா இருப்பே'' ன்னு சொன்னார். பையனும் அவங்க அப்பா சொன்ன மாதிரி கெட்ட பழக்கவழக்கங்களை மாற்றி நல்லவனாய் வாழ்ந்தான். திறமையான மனிதனாய் மாறினான்.

தேவன் ஓர் இரக்கமுள்ள அப்பாவைப் போல இருக்கிறார். தவறுகளை அவர் பார்க்கும் விதமாக அவருடைய பிள்ளைகளாகிய நாமும் பார்க்க வேண்டும் என்று எதிர்பார்க்கிறார். (சங்கீதம் 130:3) நாமும் நம்மிடம் உள்ள தவறுகளைத் திருத்திக் கொள்வோம் சிறப்பாக வாழ்வோம். 

]]>
http://www.dinamani.com/weekly-supplements/vellimani/2018/aug/24/தவறுகளை-திருத்திக்-கொள்வோம்-2986713.html
2986711 வார இதழ்கள் வெள்ளிமணி ஒன்றான இறைவனிடம் ஒன்றித்தல் - மு.அ. அபுல் அமீன் DIN Friday, August 24, 2018 11:16 AM +0530 ஒன்றான இறைவனிடம் ஒன்றிப்பது ஒப்பற்ற அற்புத நற்பேறு. நன்றான நற்செயல்களின் நற்பயனே ஒன்றான இறைவனிடம் ஒன்றும் பொற்புடைமை. அத்தகு அருட்பேற்றை எய்தும் ஏற்ற செயல்களைப் போற்றும் குர்ஆன் சாற்றுவதையும் அவ்வழியில் நம்மை ஆற்றுப்படுத்துவதையும் ஆய்வோம்.
பற்றற்றான் பற்றினைப் பற்றி பிடிப்பதற்கு பற்றுவிடும் முதல்படி உளத்தூய்மை. அதுவே ஒன்றான இறைவனிடம் ஒன்ற வைக்கும். தூய்மையான உள்ளத்தில் தீய எண்ணங்கள் எழாது, அலைபாயும் அகத்தின் விழைவு விபரீதமாகிவிடும். விழுந்து வீழ்ந்து தாழ்ந்து ஓய்ந்து மாய்ந்திடும் நிலையே ஏற்படும். இக வாழ்வில் அகபுற தூய்மை உடையோர் இறைவனிடம் ஒன்றுவர் என்று உரைக்கிறது 87- 14 ஆவது வசனம்.
நீர் கீழ்ப்படியும் என்று ஏவியதும் அகிலத்தைக் கரிக்கும் அல்லாஹ்விடம் இறைத்தூதர் கீழ்ப்படிந்ததாக இயம்பும் 2-131 ஆவது வசனப்படி இறைவனுக்குக் கீழ்ப்படிந்து இறைவன் இட்ட கட்டளையை விட்டு விடாது நிறைவேற்ற வேண்டும். நீங்கள் என்னை நினைவு கூருங்கள். நான் உங்களை நினைப்பேன். எனக்கு நன்றி விசுவாசமாய் இருங்கள் என்ற 2-152 ஆவது வசனப்படி இறை கட்டளைகளை நிறைவேற்றுவது இறைவனை நினைவு கூர்வதாகும். அகிலத்தில் நாம் துய்ப்பதெல்லாம் தூய அல்லாஹ்வின் அருட்கொடை என்பதை உணர்ந்து அல்லாஹ்விற்கு நன்றி செலுத்தும் பொழுது அல்லாஹ் நன்றி உடையவனைப் பற்றி வானவர்களிடம் நவில்வதாக நந்நபி (ஸல்) அவர்கள் நவின்றதை அறிவிக்கிறார் அபுஹுரைரா (ரலி) நூல்- புகாரி, முஸ்லிம்.
அடியார்கள் மீது இரக்கம் காட்டும் இறைவனின் பொருத்தத்தை நாடி தேடி தம்மையே விற்றவர்கள் மனிதர்களில் உண்டு என்ற 2-207 ஆவது வசனம் அல்லாஹ்விற்காக ஏற்ற ஏக இறை கொள்கையை நிலைநிறுக்குவதற்காக உடல், பொருள், உயிர் அனைத்தையும் துறந்த ஸýஹைப் இப்னு ஸினான் ரூமி (ரலி) அம்மார் பின் யாஸிர் (ரலி) பிலால் (ரலி) கப்பாப் இப்னு அரத்து (ரலி)  முதலியவர்களைக் குறிப்பிடுகிறது. இவ்வசனம் இறங்கியதும் இறைத்தூதர் இனியநபி (ஸல்) அவர்கள் இவர்களின் வியாபாரம் லாபம் ஈட்டிவிட்டது என்று பாராட்டினார்கள். இவ்வுலகின் ஆசாபாசங்களிலிருந்து அகன்று அனைத்தையும் அல்லாஹ்விற்கு அர்ப்பணித்தல் ஒன்றான இறைவனிடம் ஒன்றிடும் நித்திய லாபத்தை நிச்சயம் தரும். அல்லாஹ்வை வழிபட்டு தொழுகை நோன்பு ஜகாத் ஹஜ் கடமைகளைக் காலத்தில் கவனமாக நிறைவேற்றி நல்லதை ஏவி தீயதை விலக்கிடும் நற்செயல்களில் நலிவின்றி ஈடுபடுவதே இறைவனிடம்  இணைக்கும்.
அல்லாஹ்வின் படைப்புகளின் மீதுள்ள பற்றைத் துறத்தல் என்று பகரும் 9-24 ஆவது வசனத்தை விளக்கிய விழுமிய நபி (ஸல்) அவர்கள் உங்களில் ஒருவருக்கு அவருடைய பெற்றோர் மக்கள் மனிதர்கள் ஆகியோரை விட அனைத்து பொருள்களை விட அல்லாஹ் உவப்புக்கு உரியவனாக ஆகும்வரை உண்மை விசுவாசி ஆக முடியாது. அறிவிப்பவர்- அனஸ் (ரலி) நூல்- புகாரி, முஸ்லிம்.
வசதி வாய்ப்புகள் வந்தபொழுதும் வந்தவற்றை இழந்த பொழுதும் இறைவனுக்கே நன்றி நவில்வோர் இறைவனிடம் ஒன்றுவர் என்று தெளிவு படுத்துகிறது 11-9 ஆவது வசனம். மக்காவில் உள்ள சொத்து சொந்தம் அனைத்தையும் துறந்து மதீனாவிற்கு வந்த மக்கத்து அகதிகளுக்கு அபயமளித்து ஆதரவு நல்கி போதிய பொருள்கள் தங்கும் இடங்கள் தந்த மதீனா வாசிகளைப்போல் அல்லாஹ்விற்காக தயாள உள்ளத்தோடு தக்கோருக்கு மிக்க தானம் தருவோர் இறைவனிடம் ஒன்றுவர் என்று நன்றாய் விளக்குகிறது 59-9 ஆவது வசனம். 
இகத்தில் புற கண்களால் பார்க்கமுடியாத அல்லாஹ்வை அகத்தில் அடைய தேடுவது தேவையற்ற இறைவனிடம் இணைக்கும் என்பதை எடுத்து இயம்புகிறது 6-103 ஆவது வசனம். இறைவனைப் புகழும் சொற்களால் துதி செய்வார்கள். அவர்கள் பெருமை கொள்ளமாட்டார்கள் என்ற  32-15 ஆவது வசனப்படி இறைவனைப் புகழ்ந்து துதித்து தற்பெருமை இல்லாது இருப்பவரே ஒன்றான இறைவனிடம் ஒன்றுவர். அல்லாஹ்வின் அவனின் தூதரின் கட்டளைகளை மாற்றாது செயல்
படுபவர் இறைவனின் இணக்கத்தைப் பெறுவர் என்று இயம்புகிறது 33-36 ஆவது வசனம். பாவங்களை விட்டு பரிசுத்தப்படுத்தி கொண்டவரும் இறைவனின் இணக்கத்திற்கு உரியவர் என்று உரைக்கிறது 87-14 ஆவது வசனம்.
இப்படி தரங்களைப் படிக்கும் நாம் படிப்படியாக பாவங்களைவிட்டு விலகி ஆவலோடு ஏவலை எடுத்து நடந்து ஏக இறை கொள்கையில் நிலையாக நின்று ஒன்றான இறைவனிடம் ஒன்றுவோம்.

]]>
http://www.dinamani.com/weekly-supplements/vellimani/2018/aug/24/ஒன்றான-இறைவனிடம்-ஒன்றித்தல்-2986711.html
2986710 வார இதழ்கள் வெள்ளிமணி உன்னத வாழ்வருளும் உளுந்தை! - கி.ஸ்ரீதரன் DIN Friday, August 24, 2018 11:15 AM +0530 திருவண்ணாமலை மாவட்டத்தில் வந்தவாசி வட்டத்தில் உள்ளது உளுந்தை கிராமம். சுகநதி என்னும் ஆற்றின் கரையில் இவ்வூர் இயற்கை வளம் சூழ அமைந்துள்ளது. ஊரின் வடகிழக்கு மூலையில் சிவன் கோயிலும், ஊரின் மேற்கில் பெருமாள் கோயிலும் பெரிய அகன்ற தெருவின் இருபுறமும் அழகுற அமைந்துள்ளன. பெருமாள் கோயில் ஓரளவு நல்ல நிலையில் உள்ளது. சமீபத்தில் குடமுழுக்கும் நடந்துவிட்டது. ஆனால் சிவனாலயம் வழிபாடு இல்லாமல் சுமார் 60 வருடங்களுக்கு மேல் எந்தவித திருப்பணியும் மேற்கொள்ள இயலாமல் சற்று பாழடைந்து விட்டது. இதன் சிறப்பை அறிந்தால் மட்டுமே இவ்வாலயத்தில் திருப்பணி வேலைகள் தொய்வு இல்லாமல் நடைபெற வேண்டியதன் அவசியம் தெரிய வரும்.

கிழக்கு நோக்கிய திருக்கோயிலில் கருவறை, அர்த்த மண்டபம், மகாமண்டபம் என்ற அமைப்புகளுடன் கோஷ்ட தெய்வங்களுடன் கூடிய ஓர் அழகிய சிவனாலயமாகும் இது. கருவறையில் அகத்தீசுவரர் என்ற திருநாமம் தாங்கி சற்று பெரிய லிங்க வடிவத்துடன் ஈசன் காட்சி தரும் கோலத்தை இன்றைக்கெல்லாம் பார்த்துக்கொண்டே இருக்கலாம். தான் குடிகொண்டுள்ள வீடு பழுதடைந்தாலும் தன்னை வழிபட வரும் அடியவர்களுக்கு வீடுபேறு வழங்கி உன்னத வாழ்வை அருளுவதே தன் குறிக்கோள் என்று சொல்லாமற் சொல்லும் திருவுருவம். 

மகாமண்டபத்தில் தெற்கு நோக்கி பக்தர்க்கு அருளுவதில் தான் ஒன்றும் இறைவனுக்கு சளைத்தவள் அல்ல என்ற விதத்தில் நின்ற கோலத்தில் சிற்பியின் கை வண்ணத்தில் அம்பிகை மிளிர்கிறாள். அகில லோகத்திற்கும் அன்னை ஆதலால் அகிலாண்டேசுவரி என்று திருநாமம் கொண்டுள்ளாள் போலும். அழகிய சுதை வடிவ சிற்பங்கள், வேலைப்பாடு மிக்க நந்நி மண்டபம், கொடிக்கம்பம், பலிபீடம் என அனைத்து அம்சங்களும் நேர்த்தியாக உள்ளன. சிவலிங்கத்திற்கு வெகுநாள்களாக அபிஷேகம் செய்யாததால் பொலிவிழந்து காணப்படுகிறது. ஆலயதீர்த்தக்கிணறு அனுதினமும் ஆதவன் வழிபாடு நிகழ்த்தும் சாளர அமைப்பைக்கொண்ட ஆலயம்.

கல்வெட்டுக்கள் கூறும் தகவலின்படி, சோழமன்னன் மூன்றாம் குலோத்துங்க சோழன் (1178  - 1218) காலத்தில் இக்கோயில் கட்டப்பட்டதை அறியமுடிகிறது. உளுந்தை கோயிலை நிர்வகித்து வந்த "அரசுபட்டன்' என்ற சிவபிராமணர் பற்றிய செய்தி ஒரு கல்வெட்டில் காணப்படுகிறது. விளக்கு எரிப்பதற்கு நிலங்கள் தானம் அளித்த செய்திகளும் இடம் பெற்றுள்ளன. இவ்வூருக்கு அருகே கீழ்கொடுங்கலூர், மருதாடு போன்ற ஊர்களில் உள்ள ஆலயங்களில் காணப்படும் சோழர் கால கல்வெட்டுகளிலும் இவ்வூரைப்பற்றியும், குறிப்புகள் காணப்படுவது சிறப்பு.

புனிதர் பாதம் பட்ட இந்த ஊரில் உள்ள ஆலயம் மேலும் பாழாகும் நிலைக்கு தள்ளப்படாமல் இருக்க, திருப்பணி வேலைகள் மேற்கொள்ள வேண்டி ஒரு வருடம் முன்பு பாலாலயம் செய்யப்பட்டது. இருப்பினும் போதிய நிதி உதவி இல்லாததால் வேலைகள் சற்று தாமதமாகும் நிலையில் உள்ளது. எனவே சிவனடியார்கள் தங்களுக்கு கிடைக்கும் ஒரு பொன்னான வாய்ப்பாகக் கருதி, அளவற்ற புண்ணியம் நல்கும் இவ்வாலய திருப்பணி வேலைகளில் உடனடியாக பங்கேற்று இறையருள் பெறலாம்.

தெடர்புக்கு: 94432 27217 / 99410 08076.

]]>
http://images.dinamani.com/uploads/user/imagelibrary/2018/8/24/w600X390/vm5.jpg http://www.dinamani.com/weekly-supplements/vellimani/2018/aug/24/உன்னத-வாழ்வருளும்-உளுந்தை-2986710.html
2986709 வார இதழ்கள் வெள்ளிமணி தஞ்சையில் பஞ்சம் தீர்த்தவர்! - எஸ்.வெங்கட்ராமன் Friday, August 24, 2018 11:13 AM +0530 நிலையில்லா இவ்வுலக வாழ்க்கையிலும் மக்களின் அன்றாட இன்னல்களுக்கு அருமருந்தளித்து இம்மையையும் பயனுடையதாகச் செய்து மறுமைக்கும் வழிகாட்டத் தோன்றிய வெகுசில மகா புருஷர்களில் ஒருவராக இன்று மந்த்ராலயத்தில் பிருந்தாவனவாசியாய் தம்மை வணங்க வரும் பக்தர்களின் குறைகளை நீக்கிக்கொண்டும், வேண்டும் வரங்களை அளிக்கும் கல்பவிருட்சமாக விளங்கிக்கொண்டிருக்கின்றார் மகான் ஸ்ரீராகவேந்திர ஸ்வாமிகள். அற்புத மகிமைகள் பல வாய்ந்தது அவரது சரித்திரம்.

அது 1642 -ஆம் வருடம், நாயக்கமன்னர்கள் வம்சத்தில் விஜயராகவநாயக் என்பவர் தஞ்சையை ஆண்டு வந்தார். அவ்வமயம், அண்டை நாடுகளில் படையெடுப்புகள் மிகுதியாக இருந்ததால் போர்களில் தோல்வி முகமாகவே இருந்தது. போதாக் குறைக்கு, இயற்கை செய்த சதியினால் மழை இன்றி வறட்சி மிகுந்து பஞ்சமும் ஆட்கொண்டது. எதிரிகளுடன் சமாதானம் செய்து கொள்ள பெரும் பொருட் செலவுகளை சந்திக்க நேர்ந்தது. இருப்பினும் மன்னர் தானிய சேமிப்பு களஞ்சியத்திலிருந்து மக்களுக்கு வழங்கி அவர்களின் பசிப்பட்டினிக்கு தீர்வுகாண ஆரம்பித்தார். ஆனால் இந்த நிலை நீடிப்பதில் சிரமம் ஏற்பட்டது. தீவிரமாக யோசித்த மன்னர் அச்சமயம், கும்பகோணத்தில் இருந்த ராகவேந்தரரை தஞ்சைக்கு அழைத்து வர ஏற்பாடுகளை செய்தார். 

நாயக்க மன்னர்களின் பேரன்புக்கும், மரியாதைக்கும் பாத்திரரான ஸ்ரீராகவேந்திரர் உடனடியாக தஞ்சைக்கு வந்தார். தஞ்சாவூரின் மிக மோசமான நிலையை கண்டறிந்தார். உடனே தனது ஆராதனை தெய்வமான மூல ராமரை தியானித்து தானியக் களஞ்சியத்தில் (கிடங்கு) பீஜாட்க்ஷர மந்த்ரத்தை ("ஸ்ரீ' என்ற அட்சரத்தை எழுதியதாகவும் கூறப்படுவது உண்டு) எழுதி அதற்குள் போட்டார். என்ன ஆச்சரியம்! தானியக்களஞ்சியம் முழுவதும் தானியமாக நிரம்பியது. அள்ள அள்ள குறையாமல் இருந்தது. மக்களின் பசிப்பிணி தீர்க்க உடனடியாக சாத்தியமாயிற்று. மேலும் அவர் சில யாகங்கள் செய்ய வருணபகவானின் கருணையும் ஒன்றுசேர அபரிமித மழை பெய்து தஞ்சை தரணியை வளப்படுத்தியது. சோழ மண்டலமே தன்னிறைவு பெற்றது என்று சொல்லவும் வேண்டுமோ நன்றிக்கடனாக மன்னர் அளித்த வைரமாலையை யாகத்தில் அர்ப்பணித்தார் மகான். அதனால் சற்று மனதளவில் கோபம் கொண்டான் மன்னன். அவனின் மனநிலையை அறிந்த மகான் மீண்டும் அக்னிதேவனை பிரார்த்திக்க முன்னிலும் மிகப் பொலிவுடன் அந்த மாலை நெருப்பிலிருந்து மேலே வந்தது. மகான்களின் செயலுக்கு எதாவது அர்த்தம் இருக்கும் என புரிந்துகொண்ட மன்னனும் மன்னிப்பு கேட்டான்.

மந்திராலய திக்ஷத்திரத்தில் 1671-ஆம் ஆண்டு ஜீவனோடு பிருந்தாவன பிரவேசம் செய்தார் ராகவேந்திரர். அவரின் மிருத்திகா பிருந்தாவனம் இந்தியா மட்டுமல்லாமல் பிறநாடுகளிலும் அமைந்துள்ளது. அவ்வகையில் திருவள்ளூர் மாவட்டம் நெய்வேலி கிராமத்தில் சூர்யோதயா நகரில் அமைந்துள்ள பிருந்தாவனமும் ஆகும். ஆனால் இது சற்று வித்தியாசமானது. "ஸ்ரீராகவேந்திர க்ரந்தாலயா என்றும்', "ப்ரதிரூபமந்த்ராலயம்' என்றும் சிறப்பித்து அழைக்கப்படுகின்றது. இங்கு ஒரே பார்வையில் ஸ்ரீராகவேந்திரரின் பிருந்தாவனத்தையும் அதன் கீழ் ஸ்ரீகுரு ராஜர் அமர்ந்து அருள்பாலிப்பதையும் தரிசித்து ஆனந்த அனுபவம் பெறலாம்.

இன்னும் பல சிறப்பான அம்சங்கள் வாய்க்கப்பெற்ற இந்த க்ரந்தாலயத்தில் மகானின் 347 -ஆவது ஆண்டு ஆராதனை மகோத்சவம் ஆகஸ்ட் 27 (பூர்வ), ஆகஸ்ட் 28 (மத்ய), ஆகஸ்ட் 29 (உத்ர) என மூன்று நாள்களிலும் முத்தான நிகழ்ச்சிகளுடன் நடைபெறுகின்றது. 

திருவள்ளூர் மாவட்ட ஆட்சியர் அலுவலகத்திற்கு அருகில் ஊத்துக் கோட்டை சாலையில் 6 கி.மீ. தூரத்தில் உள்ளது க்ரந்தாலயம்.
தொடர்புக்கு: 94459 52585/  98845 52585. 

]]>
http://images.dinamani.com/uploads/user/imagelibrary/2018/8/24/w600X390/vm4.jpg http://www.dinamani.com/weekly-supplements/vellimani/2018/aug/24/தஞ்சையில்-பஞ்சம்-தீர்த்தவர்-2986709.html
2986687 வார இதழ்கள் வெள்ளிமணி பொருநை போற்றுதும்! - டாக்டர் சுதா சேஷய்யன் DIN Friday, August 24, 2018 10:25 AM +0530 ஸ்ரீ ராகவேந்திர சுவாமி மடம் என்று வழங்கப்பெறுகிற மாத்வ மடத்ரயங்களில் ஒன்றான ராயரு மடத்தின்  ஆசார்யரான ஸ்ரீ விபுதேந்திர தீர்த்தர் (1435-1490), நெடுநாட்கள் தாமிரவருணிக் கரையில் வசித்தார் (ராகவேந்திர சுவாமிக்கு முன்னதாக, இந்தப் பீடம், விபுதேந்திர பீடம் என்றே அழைக்கப்பட்டது). அதற்கு முன்னதாக, பல காலம் அஹோபிலத்தில் தவமியற்றிய இவருக்கு, பவநாசினி நதிக்கரையில் "ஷோடச பாஹு நரசிம்ஹ' விக்ரகம் (பதினாறு கர நரசிம்மர்) கிட்டியது. 14 கரங்களில் பல்வேறு விதமான ஆயுதங்களைத் தாங்கிக்கொண்டு, அவற்றைப் பயன்படுத்தாமல், மீதமிரண்டு கரங்களால் இரணியனைக் கிழிக்கும் கோலத்தில் அமர்ந்த நரசிம்மர். தாமிரவருணிக் கரையில், தம்முடைய சீடரான ஸ்ரீ ஜிதமித்ர தீர்த்தரிடம் நரசிம்மத் திருச்சிலையை ஒப்படைத்துவிட்டு பிருந்தாவனம் புகுந்தார் விபுதேந்திரர். ராயரு மடப் பரம்பரையினரால் இன்றளவும் இந்த நரசிம்மர் ஆராதிக்கப்படுகிறார். ஸ்ரீ விபுதேந்திர தீர்த்தரின் மூல பிருந்தாவனம், தாமிரவருணித் தீர்த்தக்கரை ஸ்ரீநிவாசப் பெருமாள் கோயிலுக்கு முன்பாக அமைந்துள்ளது.  

தாமிரவருணியின் கரைக்கு தியானச் சிறப்பு சேர்த்தவர்களில் தலையாயவராக நீலகண்ட தீக்ஷிதரைச் சுட்டலாம்.  அப்பைய தீக்ஷிதரின் தம்பி மகனான (தம்பி பேரன் என்றும் சொல்லப்படுகிறது) இவர், 1613 - ஆம் ஆண்டு அவதரித்ததாகத் தெரிகிறது. பாலாற்றங்கரை விரிஞ்சிபுரம்' அடையபலம் பகுதியைச் சேர்ந்த இவர், மதுரைவாசியானது விதியின் விளையாட்டு. 

இவருடைய தந்தை இறந்தபோது உருவான சொத்துப் பிரச்னையில், உடைமைகள் இல்லாத நிலைக்குத் தள்ளப்படுகிறார்.  சிறுவனாக இருந்த நீலகண்டன், தமக்குப் பொருட் சொத்து வேண்டாமென்று கூறி, அப்பைய தீக்ஷிதரின் ஞான உபதேசத்தையும், ஞான ஆன்மச் சொத்தையும் பெற்றுக் கொள்கிறார். தென் திசை நோக்கிப் பயணிக்க, மதுரை மன்னர் திருமலை நாயக்கர், இவருடைய ஞானத்தால் ஈர்க்கப்பட்டுத் தமது மந்திரியாகப் பொறுப்பேற்கும்படி வேண்டுகிறார். வேண்டுகோளுக்கு இணங்கி, மதுரை அரசாங்கத்தின் மந்திரியாகிறார். 

ராஜரீகக் கடமைகளில் நீலகண்ட தீக்ஷிதரின் திறமையும் செம்மையும் அரசுக்குப் பெருமை கூட்டுகின்றன. இருப்பினும், விதியின் விளையாட்டு மீண்டும் தொடங்குகிறது. 

தமது புதிய அரண்மனையைக்  கோலாகலமாகக் கட்டுவதற்கான ஏற்பாடுகளைச் செய்கிற நாயக்க மன்னர், அங்கு தமது மற்றும் தம்முடைய தேவியின் சிலாரூபங்களை நிறுவத் தீர்மானிக்கிறார். சிலை அமைப்புப் பணிகள், பெரும்புகழ் பெற்ற சிற்பியின் தலைமையில் நடைபெறுகின்றன. 
மந்திரியான தீக்ஷிதர், கட்டுமான மற்றும் சிலை அமைப்புப் பணிகளை அவ்வப்போது மேற்பார்வையிடுவது வழக்கம். என்ன காரணத்தாலோ சிலைப் பணிகள் தாமதப்பட, மேற்பார்வையிடச் செல்லும் மந்திரி, சிற்பியை அழைத்து விசாரிக்கிறார். தயக்கத்தோடு தவிக்கிறார் சிற்பி. மன்னரின் சிலையை அமைப்பதில் சிக்கல் ஏதுமில்லை. ஆயின், ராணியின் சிலை... ராணி சிலையில், தொடைப் பகுதியைச் செதுக்கும்போதெல்லாம், கல் தெறித்துத் தெறித்துப் போகிறது. ஒவ்வொரு முறையும் தாய்க்கல்லை மாற்றி... எந்த தெய்வக் குற்றமோ... இப்படியாகிறதே! 

சிற்பியின் சங்கடத்தைச் செவி மடுக்கும் தீக்ஷிதர், சில கணங்கள் கண்மூடிச் சிந்திக்கிறார். பின்னர், கண்களைத் திறந்து, சிற்பியைத் தீர்க்கமாகப் பார்க்கிறார். "அப்படியே செதுக்குங்கள்; மகாராணிக்குத் தொடையில் மச்சமுண்டு. அதுவே கல் தெறிக்கிறது' என்று கூறிவிட்டுச் செல்கிறார். 

சில நாட்களுக்குப் பின்னர் சிலைப் பணிகளைப் பார்வையிட மன்னரே வர....ராணி சிலையின் அமைப்பு கருத்தில் நெருடுகிறது. ராணியின் தொடையில் மச்சம் இருப்பது மந்திரிக்கு எப்படித் தெரிந்தது? மன்னரின் ரத்தம் கொதிக்கிறது. தம்முடைய மந்திரிப் பதவியைப் பயன்படுத்தி, ராணி ஸ்நானம் செய்கையில் யாருக்கும் தெரியாமல் அந்தரமாகப் பார்த்துவிட்டார் என்று எண்ணுகிறார். 

மந்திரிக்குத் தக்க தண்டனை கொடுக்க எண்ணிய மன்னர், அதையும் செயல்படுத்துகிறார். அடுத்த நாள் காலை, வழக்கமாக தீக்ஷிதரை அழைத்துப் போவதற்கு வருகிற அரசவைத் தேர் அன்றும் வருகிறது. தேரில் வீரர்கள் இருவர் வருகின்றனர். அவர்களின் கைகளில்....பழுக்கக் காய்ச்சிய இரும்புக் கூர்தடி. ஆமாம், தவறான எண்ணத்தோடு  தம் மனைவியை நோக்கிய மந்திரியின் (அதுதான் மன்னரின் கருத்து) பார்வையைப் பறித்துவிடுவதுதான் மன்னரின் எண்ணம். 

தேர் வருவதை மட்டும் கண்ட தீக்ஷிதர் மகள், அதில் காய்ச்சிய இரும்புடன் வீரர்கள் இருப்பதைக் காணாமல், தாழ்வாரத்திலிருந்தே குரல் கொடுத்தாளாம்: "அப்பா, உங்களை அழைத்துப் போக ரதம் வந்துவிட்டது.' 

அம்பாள் பராசக்தியைப் பூஜித்துக் கொண்டிருந்த தீக்ஷிதர், உள்ளிருந்தபடியே ஞானதிருஷ்டியில் தேரைக் கண்டார்; தேர் வீரர்களைக் கண்டார்; காய்ச்சிய இரும்பையும் கண்டார். மன்னரின் உள்ளம் உணர்ந்தார்; அரச நெஞ்சத்தின் தவிப்பும் அதன் நியாயமும் புரிந்தது. தன்னுடைய ஞானக்கண், அநாவசியமான குழப்பங்களை ஏற்படுத்திவிட்டதை அறிந்தார். தமக்குத் தாமே தண்டனையிட்டுக்கொள்ள முடிவெடுத்தார். அம்பாளுக்கு தீபாராதனை காட்டிவிட்டு, அதே கற்பூரத் தீயால் தம்முடைய  கண்களைச் சுட்டுக்கொண்டார். பார்வை பறிபோனது. 

நடந்ததை அறிந்த அரசர், தீக்ஷிதரைத் தாம் சந்தேகித்ததை எண்ணி மனம் கலங்கினார். இத்தகைய ஞான திருஷ்டியால் எதைத்தான் காண முடியாது என்பதைப் புரிந்துகொண்டார். ஓடிவந்து காலில் பணிந்து மன்னிப்பும் கோரினார். 

அரச பணிகளைத் துறக்க முடிவெடுத்த தீக்ஷிதர், யாருடைய தொந்தரவும் இல்லாமல், ஒதுக்குப்புறமாகத் தவமிருக்க விழைந்தார். அரசாங்க இடைஞ்சல்களும் குடிபடைகளின் கேளிக்கைகளும் இல்லாமல், ஒதுங்கியிருந்து தவம் செய்வதற்காக, தீக்ஷிதருக்குத் திருமலை நாயக்க மன்னர் வழங்கிய கிராமமே, தாமிரவருணிக் கரையின் (தாழையூத்துக்கு அருகில்) பாலாமடை! சிவலீலார்ணவம், கங்காவதரணம் ஆகிய காவியங்களையும், நளசரித்ரம் என்னும் நாடகத்தையும், கலிவிடம்பனம், வைராக்ய சதகம், சாந்தி விலாஸம், சிவோத்கர்ஷ மஞ்சரி, சிவதத்வ ரஹஸ்யம், குரு தத்வ மாலிகா, ரகுவீரஸ்தவம், சண்டீரஹஸ்யம், முகுந்தவிலாஸம் உள்ளிட்ட பல நூல்களை இவர் இயற்றியுள்ளார். 

மீனாட்சியம்மையை எண்ணி  ஆனந்தஸôகரஸ்தவம் என்னும் ஸ்துதியைப் பாடினார். அதில் உருகிப் போன அம்பிகை, இவருடைய கண் பார்வையை மீண்டும் கொடுத்ததாகத் தெரிகிறது. 

கலி விடம்பனத்தில் கூறுகிறார்:
ந பேதவ்யம் ந போதவ்யம் ந ஸ்ராவ்யம் வாதினோ வச:
ஜடிதி ப்ரதி வக்தவ்யம் ஸபாஸý விஜிகீஷுபி:  

(அச்சப்படவேண்டியதில்லை, புரிந்துகொள்ள வேண்டியதில்லை; எதிர்வாதி கூறுவதைச் செவிமடுக்கக்கூட வேண்டியதில்லை. வாதத்தில் வெற்றிபெற எண்ணுபவர் (எதுவும் தெரியாமல்)  உடனடியாக எதிர்க் கூக்குரல் கொடுத்தால் போதும்).

நீலகண்ட தீக்ஷிதரின் தியானத்தைக் கலைக்கக்கூடாது என்பதற்காகப் பாலாமடையில் சேவல்கூடக் கூவாது என்பார்கள். இந்த கிராமத்திலேயே தீக்ஷிதர் சித்தியடைந்தார்.

- தொடரும்

]]>
http://images.dinamani.com/uploads/user/imagelibrary/2018/8/24/w600X390/vm3.jpg http://www.dinamani.com/weekly-supplements/vellimani/2018/aug/24/பொருநை-போற்றுதும்-2986687.html
2986686 வார இதழ்கள் வெள்ளிமணி பரிவுடன் அருளும் பரிமுகக் கடவுள்! - எஸ்.ஆர்.எஸ். ரெங்கராஜன் DIN Friday, August 24, 2018 10:23 AM +0530 ஹயக்ரீவப் பெருமாளின் மந்திர உபதேசம் பெற்று பல்வேறு கலைகளிலும் சிறந்தவராய் திகழ்ந்தவர் சுவாமி தேசிகன். இவருக்கு மாமாவான அப்புள்ளார் மூலம் உபதேசம் பெற்றார். முன்னதாக, கருட மந்திர  உபதேசம் பெற்ற சுவாமி தேசிகன் கருடபகவானின் அனுக்கிரகத்தால் ஹயக்ரீவ உபாசகரானார். இவர்,  வடமொழியில் பல கிரந்தங்களையும் தமிழில் அருளிச் செய்துள்ளார்.


சுவாமி  தேசிகன், புரட்டாசி திருவோணத்தில் அவதரித்தவர். ஹயக்ரீவர் பெருமானின் திருநட்சத்திரமும் ஆவணி சிரவணமே. அதேபோன்று, மத்வ சம்பிரதாயத்தில் "சோதே' மடத்து வாதிராஜ சுவாமிகளும் சிறந்த ஹயக்ரீவ உபாசகர், இவர் தன் கையால் ஹயக்ரீவருக்கு ஆராதனை செய்து "ஹயக்ரீவ பிண்டி' என்ற நைவேத்தியம் செய்வார். இதை ஒரு பாத்திரத்தில் வைத்துக் கொண்டு தன் தலைமீது வைத்துக் கொள்வார். ஹயக்ரீவர் குதிரை வடிவம் கொண்டு தன் முன் இரண்டு கால்களை வாதிராஜ சுவாமிகளின் தோள்களில் வைத்துக்கொண்டு அந்த பிரசாதத்தை உண்பார். மீதம் இருப்பதையே பிரசாதமாகக் கொண்டு விடுவார் வாதிராஜ சுவாமிகள். 


ஹயக்ரீவரை திருமால் திருக்கோயில்களில் தனி சந்நிதியில் தரிசிக்கலாம். திருவஹிந்திபுரம் ஒளஸதகிரி மலையில் ஹயக்ரீவரின் சந்நிதி அமைந்துள்ளது. மேலும் தேவதைகள் சந்நிதியில் சுவாமி தேசிகனால் ஆராதிக்கப்பட்ட யோக ஹயக்ரீவரையும் தரிசிக்கலாம். செட்டி புண்ணியம் தலத்திலும் (செங்கற்பட்டு) அருகில் யோக ஹயக்ரீவரை தரிசிக்கலாம். இன்னும் பல தலங்களிலும் ஹயக்ரீவர் சந்நிதி கொண்டருள்கின்றார்.


26.08.2018 - ஸ்ரீஹயக்ரீவர் ஜெயந்தி திருநாள்.

]]>
http://images.dinamani.com/uploads/user/imagelibrary/2018/8/24/w600X390/vm2.jpg http://www.dinamani.com/weekly-supplements/vellimani/2018/aug/24/பரிவுடன்-அருளும்-பரிமுகக்-கடவுள்-2986686.html
2986685 வார இதழ்கள் வெள்ளிமணி வருவாய் தாயே வரலட்சுமி! - ராமசுப்பு DIN Friday, August 24, 2018 10:21 AM +0530 சுமங்கலிப் பெண்கள் அனுசரிக்கும் விரதமே "வரலட்சுமி விரதம்' ஆடி அல்லது ஆவணி மாதத்தில் பௌர்ணமிக்கு முன்பு வரும் வெள்ளிக்கிழமையில் "வரலட்சுமி விரதம்' அனுஷ்டிக்கப்படுகிறது. இவ்வாண்டு, வரலட்சுமி விரதம் 24.08.2018 அன்று வருகிறது.
புராண காலத்தில் நான்காவது மனு என்ற அரசன் ஆண்டுவந்த காலத்தில் "விகுண்டை' என்ற பெண்ணுக்கு மகனாக அவதரித்தார் "ஸ்ரீமஹாவிஷ்ணு! ‘ அவர், திருமண வயதானதும்  "ஸ்ரீ லட்சுமி' என்ற திருமகளைத் திருமணம் செய்து கொண்டார்.
ஒருசமயம், ஸ்ரீவைகுண்டத்தில் ஸ்ரீ லட்சுமியை வர்ணித்து, அவளது புகழைப் பாடினாள் யாழ்மீட்டும் கந்தர்வப் பெண் ஒருத்தி. யாழை மீட்டிக்கொண்டு அந்த கந்தர்வப்பெண் பாடும் அழகைக் கேட்டு லட்சுமி பூரித்துப் போனாள். 
அந்த அளவில்லா மகிழ்ச்சியிலே, தன் கூந்தலில் சூடியிருந்த வாசமிகு மலர்சரத்தை அந்த கந்தர்வப் பெண்ணுக்குப் பரிசாக அளித்தாள். 
மஹாலட்சுமி கையால் கொடுத்த மலர்சரத்தை பெருதற்கரிய பிரசாதமாக மனநிறைவோடு ஏற்றுக் கொண்டாள் அந்த கந்தர்வப் பெண். அதை கலைமகளாய் திகழும் தன் யாழிற்குச் சூட்டினாள்.
அப்போது எதிரே துர்வாசக முனிவர் வந்தார். அற்புதமான நறுமணம் கமழும் அந்த மலர் மாலையை பற்றி அந்த கந்தர்வப் பெண்ணிடம் கேட்டார். 
அப்பெண் முழுவிவரத்தையும் கூறி அந்த மலர்மாலையை "துர்வாசக முனிவருக்கே' அளித்தாள். அதைப்பெற்றுக்கொண்ட துர்வாசகர், எதிரே ஐராவதம் யானை மீது பவனி வந்த இந்திரனுக்கு கொடுத்தார். 
அவன் மிக அலட்சியமாக அதை வாங்கி, ஐராவதம் யானையின் மத்தகத்தில் வைத்தான். இதை இடையூறாக எண்ணிய யானை, கோபத்தில் அந்த மலர்சரத்தை எடுத்து கீழே போட்டு காலால் மிதித்து சிதைத்தது. 
இதைக்கண்டு கோபமடைந்த முனிவர், ""லட்சுமியின் பெருமையை அறியாத மூடனே, நீ அனைத்துச் செல்வங்களும் இழந்து, பிச்சைக்காரன் போன்று திரிவாயா!'' என்று சாபமிட்டார். அடுத்த நொடி, இந்திரனின், செல்வம், ஐராவதம் யானை அனைத்தும் பாற்கடலில் மூழ்கின. தான் மீண்டும் பழைய நிலைக்கு வரவேண்டும் என்று பிரம்மனை நோக்கித் தவமிருந்தான். பிரம்மா தோன்றி, ""நீ நல்ல நிலைமைக்கு வரவேண்டுமென்றால் ஸ்ரீமஹாவிஷ்ணுவை அணுகி அவர் உதவியை நாடு'' என்று வரமருளினார். மஹாலட்சுமியையும் திருமாலையும் துதித்து மீண்டும் நல்ல நிலைமைக்கு வந்தான் இந்திரன்.
செல்வம், நிலம், கல்வி, அன்பு, புகழ், அமைதி, மகிழ்ச்சி, வலிமை என்ற எட்டு சக்திகளையும் பெற்ற "அஷ்டலட்சுமி'யை பெற இந்திரன் எவ்வாறு ஸ்ரீலட்சுமியை துதி செய்து அனைத்தையும் அடைந்தானோ, அதேபோன்று நாமும் பெற அனுஷ்டிப்பதே "வரலட்சுமி விரதம்!' 
திருமணமான பெண்கள் தங்கள் திருமாங்கல்யம் நிலைத்திருக்கவும், செல்வம் சேரவும், நோயின்றி வாழவும், குழந்தைகள் கல்வியில் மோலோங்கவும் இந்த "வரலட்சுமி விரத'த்தை கடைப்பிடித்து, ஒவ்வொரு வருடமும் பூஜை செய்ய வேண்டும். 
வீட்டின் கிழக்கு திசையில் ஈசான்ய மூலையில் பூஜைக்கான இடத்தைத் தேர்ந்தெடுத்து, நன்றாக மெழுகி, கோலமிட்டு, ஒரு சிறுமண்டபம் போன்று அமைத்து, மலர்களால் அலங்கரித்து, அந்த மண்டபத்தின் கீழ் நுனி வாழை இலையில் நெல் அல்லது அரிசியைப் பரப்பி, அதன்மீது மாவிலை கொத்துடன் கூடிய தேங்காய் கலசத்தை வைத்து, அந்த கலசத்திற்கு புதிய ஆடை, தங்க ஆபரணம் சார்த்தி, "வரலட்சுமியின் முகத்தை தேங்காயின் மீது பதித்து மலர்சூட்டி அலங்கரித்து வைக்க வேண்டும்.
பூஜை ஆரம்பிக்கும் முன் நல்ல நேரத்தில் ஒரு தாம்பாளத்தில் அரிசியை நிரப்பி, அதன்மேல் கலசத்தை வைத்து, வாசலின் உள்நிலைப்படி அருகே வைக்கவேண்டும்.  பின்பு தூப தீபம் கற்பூரம் காட்டி, ஆரத்தியெடுத்து வரலட்சுமியை, "வரலட்சுமி தாயே என் வீட்டிற்கு வரவேண்டும்' என்று பயபக்தியோடு அழைத்து வந்து அலங்கரிக்கப்பட்ட மண்டபத்தில் கொண்டு வந்து வைத்து, மங்களகரமான தோத்திரங்களை சொல்லி, பாடவேண்டும்.
விநாயகர் பூஜை முடித்து, வரலட்சுமி மீதான ஸ்தோத்திரப் பாடல்களைப் பாடி அஷ்டோத்ர அர்ச்சனைகள் செய்து, பழங்கள் மற்றும் உணவுகளை நைவேத்தியம் செய்து, தூப தீப கற்பூர ஆரத்திகாட்டி, பூஜையை முடிக்க வேண்டும்.
பூஜை முடிந்த பின்னர், அஷ்டலட்சுமிகளுடன் வரலட்சுமியையும் சேர்த்து ஒன்பது லட்சுமிகள் என்ற கருத்தில்  மஞ்சள் நூலிலான சரடை எடுத்து ஒன்பது முடிச்சுகளைப் போட்டு நடுவில் ஒரு புஷ்பம் கோர்த்து அந்த மஞ்சள் நூலை பெண்களின் வலது கையில் அவர்களது கணவன்மார்கள் கட்டிவிட வேண்டும். கணவன் வீட்டிலோ, ஊரிலோ இல்லாத பட்சத்தில் வேறு ஒரு சுமங்கலிப் பெண் இதைக் கட்டலாம். பின்னர், சுமங்கலிப் பெண்களுக்கு தாம்பூலம் கொடுத்துவிட்டு பூஜையை நிறைவு செய்ய வேண்டும். வரலட்சுமி பூஜையை அனுஷ்டிப்பதால் நம் வீட்டில் என்றும் சகல சௌபாக்கியங்களும் நிறைந்திருக்கும்.

]]>
http://images.dinamani.com/uploads/user/imagelibrary/2018/8/24/w600X390/vm1.jpg http://www.dinamani.com/weekly-supplements/vellimani/2018/aug/24/வருவாய்-தாயே-வரலட்சுமி-2986685.html
2986684 வார இதழ்கள் வெள்ளிமணி நவக்கிரகங்கள் விரும்பும் வழிபாடு! - கே. லலிதா DIN Friday, August 24, 2018 10:13 AM +0530
  • மஹாவிஷ்ணு வழிபாடு சூரியனுக்கும் புதனுக்கும் பிடித்தமான வழிபாடாகும். 
  • சிவபெருமான் வழிபாடு சனிபகவானுக்கு பிடித்தமானது. 
  • லட்சுமி தேவியை  வழிபடுவதால் சந்திரனும் சுக்கிரனும் மகிழ்ச்சி அடைகின்றனர். 
  • விநாயகரை வழிபட்டு  வந்தால் கேதுபகவான் நன்மைகளை வாரி வழங்குவார். 
  • தட்சிணாமூர்த்தியை வழிபடுவது குருபகவானுக்கு பிடித்தமானது. 
  • துர்க்கை வழிபாடு ராகுபகவானுக்கு மிகவும் விருப்பமான வழிபாடாகும்.
  • ]]>
    http://www.dinamani.com/weekly-supplements/vellimani/2018/aug/24/நவக்கிரகங்கள்-விரும்பும்-வழிபாடு-2986684.html
    2986683 வார இதழ்கள் வெள்ளிமணி அறிவுக்கண் திறக்கும் ஸ்ரீ காயத்ரி மந்திரம்! - டி.ஆர். பரிமளரங்கன் Friday, August 24, 2018 10:12 AM +0530  

     

     

    "ஓம் பூர் புவ  ஸூவ:
    தத் ஸவிதுர் வரேண்யம்
    பர்கோ தேவஸ்ய தீமஹி
    தியோ யோந: ப்ரசோதயாத்!'

    காயத்ரி மந்திரம் அறிவுக்கண் திறக்கும் சக்தி கொண்டது என்று வேத நூல்கள் கூறுகின்றன. ஸ்ரீ காயத்ரி தேவி, காலையில் குழந்தையாகவும் மதியம் நடுத்தர வயதினளாகவும் மாலையில் முதிய தோற்றத்துடனும் காட்சி தருவாள் என்று சாஸ்திரம் கூறுகிறது. மேலும் காலை பிரம்ம சொரூபிணியாகவும் மாலையில் விஷ்ணு சொரூபிணியாகவும் நடுப்பகல் ருத்ர சொரூபிணியாகவும் அருள்புரிகிறாள். இத் தேவியின் வாகனம் அன்னம்!

    விஸ்வாமித்திரரின் தவத்திற்கு மகிழ்ந்த காயத்ரி தேவி, இந்த மந்திரத்தை அவருக்கு உபதேசித்தாள் என்று புராணம் சொல்கிறது. இந்த மந்திரத்தை ஜபித்ததின் பலனாகதான் இலங்கை வேந்தன் ராவணனை ஸ்ரீ ராமபிரான் வதம் செய்தான் என்றும் புராணங்கள் விளக்குகின்றன. தகுந்த குருவிடம் இம்மந்திரத்தை உபதேசம் பெற்று முறைப்படி தினமும் ஜபித்து வந்தால் முகத்தில் ஒரு தேஜஸ் ஏற்படும் என்று வேதவிற்பன்னர்கள் கூறுவர்.

    ஆவணி மாத அவிட்டம் நட்சத்திரத்தன்று பூணூல் அணியும் விழாவை ஒரு சாரார் கொண்டாடுவர். அன்று குருமுகமாக பூஜை செய்தபின், தாங்கள் அணிந்திருக்கும் பழைய பூணூலை அகற்றியபின், அதற்குரிய மந்திரங்கள் சடங்குகள் நடந்தபின், அங்கு தலைமை தாங்கி நடத்தும் குருவின் ஆலோசனைப்படி மந்திரம் ஜெபித்து புது பூணூல் அணிந்து கொள்வர். அப்போது, " ஸ்ரீகாயத்ரி மந்திரம்' ஜெபிக்கப்படும். இதனைத் தொடர்ந்து தினமும் காலையும் மாலையும் இந்த வழிபாட்டினை மந்திரம் ஜெபித்து மேற்கொள்வது வழக்கம்.

    பொதுவாக, கற்றுக் கொண்ட "தேவமந்திரங்களுக்கு அப்போதைக்கப்போது பழைமை தோஷம் ஏற்படுகிறதாம். அந்த தோஷத்தை அகற்றி, கற்றவற்றை தகுந்த குருவின் மூலமான மீண்டும் புதுப்பித்துக்கொள்ளவே, "ஆவணி அவிட்டம்' அன்று புதுப்பூணூல் அணிதல் சடங்குகள் செய்தல் என்பது தொன்றுதொட்டு நடைமுறையில் உள்ளது. எனவே, ஆவணி அவிட்டம் போற்றப்படுகிறது.

    பூணூல் அணியும் பாரம்பரியத்தைச் சார்ந்தவர்கள் தங்கள் இல்லத்தில் ஆண் குழந்தைகளுக்கு மூன்று முதல் ஏழு வயதிற்குள் பூணூல் அணியும் விழாவினை மேற்கொள்வர். இதனை, "பூணூல் கல்யாணம்' என்று போற்றுவர்.  

    இறைவனுக்கும் இறைவிக்கும் மூன்றாவது கண் உண்டு! அதேபோன்று இயற்கையாக இரு கண்களுடன் இருக்கும் மனிதர்களுக்கும் மூன்றாவது கண் உண்டு. அது அகக்கண்! ஆகும். அந்த அறிவுக் கண்ணைத் திறந்து வைப்பதற்கான விழாவே,  "பூணூல் கல்யாணம்' எனப்படும்  "உபநயனம்' ஆகும். "உபநயனம்' என்றால் உப- கூடுதல், நயனம்- கண். இரு கண்களுடன் கூடுதலான அறிவுக்கண்ணைத் திறக்கும் நிகழ்ச்சிதான் உபநயனம் விழாவாகப் போற்றப்படுகிறது.

    ]]>
    http://images.dinamani.com/uploads/user/imagelibrary/2016/8/19/w600X390/gayathri.jpg http://www.dinamani.com/weekly-supplements/vellimani/2018/aug/24/அறிவுக்கண்-திறக்கும்-ஸ்ரீ-காயத்ரி-மந்திரம்-2986683.html
    2982325 வார இதழ்கள் வெள்ளிமணி குலம் தழைக்க குலதீபமங்கலம்! DIN DIN Friday, August 17, 2018 10:48 AM +0530 "தட்சிண பினாகனி' என்று புகழப்படும் தென்பெண்ணை ஆற்றங்கரையில் உள்ள பழைமையான ஊர்களில் ஒன்று குலதீபமங்கலம். வேளாண்மை வளத்துடன் திகழும் இக்கிராமத்தை அந்தகாலத்திலிருந்து இக்காலம் வரை பல மகான்களும், அருளாளர்களும் தங்கள் விஜயங்களினால் மென்மேலும் புனிதப்படுத்தி வருகின்றனர். "அகரம் குலதீபமங்கலம்' என்ற பெயருடன் ஆன்மீக மணம் கமழ விளங்குகிறது.
     அமைந்துள்ள ஆலயங்கள்: காவல் தெய்வங்களிலிருந்து காக்கும் தெய்வங்கள் வரை குடிகொண்டுள்ள அனைத்து ஆலயங்களையும் இவ்வூரின்கண் தரிசிக்கலாம். பல குடும்பங்கள் குலதெய்வமாக வணங்கப்படும் அய்யனார், சுடுமண் சிற்பத்தினால் ஆன குதிரை, யானை உருவங்கள் சூழ ஊரின் நுழைவு வாயிலில் கோயில் கொண்டுள்ளார்.
     தென்கிழக்குப் பகுதியில், வயல்களின் நடுவே துர்க்கையம்மன் மேடு என்று அழைக்கப்படும் பகுதியில் அம்பிகை துர்கை சங்கு சக்ரம் ஏந்தி கலைமானுடன் ஒரு பெரிய கற்பாறையில் புடைப்புச்சிற்பமாகக் காட்சியளிக்கின்றாள். தொன்மையான பல்லவர்கள்கால கலையம்சத்துடன் திகழும் இந்த அம்பிகையை ஊர்மக்கள் பயபக்தியுடன் வழிபடுகின்றனர்.
     அகன்ற வீதியுடன் திகழும் அக்ரகாரத்தின் நுழைவில் உள்ளது அருள்மிகு காமாட்சியம்மன் உடனுறை கைலாசநாதர் கோயில் நித்ய பூஜைகள் மற்றும் விழாக்கள் குறைவின்றி நடைபெறும் ஆலயமாகத் திகழ்கின்றது. இறைவன் கருவறைக்கு முன் உள்ள மண்டபத்தில் அம்பலத்திற்கு தானம் அளிக்கும் செய்தினை தெரிவிக்கும் சோழர்கள் கால கல்வெட்டு உள்ளது.
     வீதியின் நடுவே உள்ள பஜனை மடத்தில் ராமர் பட்டாபிஷேகம், மற்றும் பாமா ருக்மணியுடன் இருக்கும் கிருஷ்ணபகவான் ஓவியப்படங்கள் வழிபடப் படுகின்றது. பல வருடங்களுக்கு முன் சித்திகள் பல கைவரப்பெற்ற வாசுதேவ பரபிரும்மம் என்ற அருளாளரால் பூஜிக்கப்பட்ட பெருமையுடையது இந்த படங்கள்.
     பஜனை மடத்திற்கு அருகில் உள்ளது கனகவல்லித் தாயார் சமேத வீரராகவப் பெருமாள் சந்நிதி. மூலஸ்தானத்திலேயே கல்யாண கோலத்துடன் திருமணத் தடைகளை நீக்கும் தெய்வீகத் தம்பதிகளாக கண் நிறைந்து காட்சியருளுகின்றனர் பெருமாளும் தாயாரும். சிறிய திருவடி, பெரிய திருவடி சந்நிதிகளும், கருட வாகனமும் ஆலயத்திற்கு மேலும் அழகு சேர்க்கின்றன. வீதியின் கடைசியில் திரௌபதி அம்மன், மாரியம்மன் கோயில்கள் உள்ளன. திரௌபதியம்மன் கோயிலில் ஆண்டுதோறும் நடக்கும் தீமிதித் திருவிழாவில் பல கிராமங்களிலிருந்தும் பங்கேற்பர். விழாக்காலங்களில் 15 நாட்களுக்கு "பாரதம்' வாசிக்கப்படுகின்றது.
     பாதம் பதித்த புனிதர்கள்: குறுமுனி அகஸ்தியர் இங்கு சிலகாலம் ஆற்றங்கரையில் ஆஸ்ரமம் அமைத்து வாசம் செய்ததாக செவிவழிச் செய்தி உண்டு. இக்கூற்றை நிரூபணம் செய்யும் வகையில் திரௌபதி அம்மன் கோயிலில் இருக்கும் பகுதி "அகஸ்தியர் மூலை' என்று வழங்கப்படுகின்றது. அரசாங்க பதிவேடுகளிலும் இப்பெயரே உள்ளது. காஞ்சி மகாசுவாமிகள் 1925 -ஆம் வருடம் ஒரு தடவை விஜயம் செய்ததுடன் அதன்பின் 1946 -ஆம் வருடம் இவ்வூருக்கு அருகில் துரிஞ்சல் ஆற்றுப் பகுதியில் உள்ள வசந்த கிருஷ்ணாபுரம் என்ற ஊரில் சாதுர்மாஸ்ய விரதம் மேற்கொண்டிருந்த சமயத்தில் அடிக்கடி இவ்வூருக்கு விஜயம் செய்துள்ளார்.
     சிருங்கேரி சன்னிதானம் ஸ்ரீ சந்திரசேகர பாரதி மஹாஸ்வாமிகள் ஒரு வருடம் இங்கு வந்து அனுக்கிரகித்துள்ளார்கள். தபோவனத்துப் பேரருளாளர் ஸ்ரீ ஞானானந்த சுவாமிகள் நினைத்த போதெல்லாம் இவ்வூருக்கு வருவாராம். முதன் முதலில் சிவ - விஷ்ணு ஆலயத்தில் மின்சார வசதி வந்தவுடன் அதனை திறந்து வைத்துள்ளார். குலதீபத்தை பிரகாசிக்க செய்தார் என்பர்.
     திருவண்ணாமலையிலிருந்து குகை நமச்சிவாய சித்தர் இவ்வூருக்கு வந்துள்ளார். யோகி ராம் சுரத்குமார் (விசிறி சாமியார்), தயானந்த சரஸ்வதி சுவாமிகள் போன்ற அருளாளர்கள் விஜயம் செய்துள்ளார்கள். இவ்வூரில் வாழ்ந்த பெரியோர்கள் சிலர் சாஸ்திர சம்பிரதாயங்களில் பாண்டித்யம் பெற்று பிற்காலத்தில் சந்நியாஸ தீட்சைப்பெற்று இங்கேயே சித்தியடைந்து அதிஷ்டானவாசியாக உள்ளனர். தற்காலத்தில் பரனூர் மகான் ஸ்ரீ கிருஷ்ணப்ரúமி சுவாமிகள், திருக்கோயிலூர் ஜீயர் சுவாமிகள், மஹாராண்யம் பூஜ்யஸ்ரீ முரளீதரஸ்வாமிகள் போன்ற அருளாளர்கள் இங்கு அடிக்கடி விஜயம் செய்த வண்ணம் உள்ளனர்.
     ருத்ராபிஷேகமும், ராதாருக்மணி கல்யாணமும்: இவ்வூருக்கு பெருமை சேர்க்கும் வகையில் இவ்வூர் வாசிகள் ஆண்டு தோறும் ஒன்று கூடி மஹன்யாச ஏகாதச ருத்ரஜப ஹோமத்தையும், ருத்ராபிஷேகத்தையும், பஜனோத்வ பத்ததியில் ராதாகல்யாண மகோத்ஸவத்தையும் பெரிய அளவில் நடத்தி வருகின்றார்கள். அவ்வகையில் இந்த வைபவங்கள் இவ்வாண்டு, ஆகஸ்ட் 17, 18, 19 தேதிகளில் நடைபெறுகின்றது.
     திருக்கோவிலூரிலிருந்து மணலூர் பேட்டை வழியாக திருவண்ணாமலை செல்லும் சாலையில் சுமார் 5 கி.மீ. தூரத்தில் உள்ளது குலதீபமங்கலம்.
     தொடர்புக்கு: 94440 12905 / 94430 45976.
     - எஸ்.வெங்கட்ராமன்
     
     
     

    ]]>
    http://images.dinamani.com/uploads/user/imagelibrary/2018/8/17/w600X390/v6.jpg http://www.dinamani.com/weekly-supplements/vellimani/2018/aug/17/குலம்-தழைக்க-குலதீபமங்கலம்-2982325.html
    2982324 வார இதழ்கள் வெள்ளிமணி மூன்று முக முருகன்! DIN DIN Friday, August 17, 2018 10:47 AM +0530 "அஞ்சு முகம் தோன்றில்
     ஆறு முகம் தோன்றும் வெஞ் சமரில்
     அஞ்சேல் என வேல் தோன்றும்
     நெஞ்சில் ஒருகால் நினைக்கில் இருகாலும்
     தோன்றும் முருகா என்று ஓதுவார் முன்''
     முருகப்பெருமான் பல திருத்தலங்களில் பல கரங்களுடன், பல திருமுகங்களுடன் காட்சியளித்தாலும் மூன்று முகம் உடைய முருகனைப் பற்றி எங்கும் குறிப்புகள் கிடைக்கவில்லை. ஆனால் அபூர்வமாக, தமிழ் நாட்டில் ஈரோடு மாவட்டம் , கோபிசெட்டிபாளையம் வட்டத்தில் உள்ள காசிபாளையத்தில் சிவகிரி, குமரன் கரடு என்று அழைக்கப்படும் குன்றில், குமரப் பெருமான் மூன்று முகமும் ஆறு திருக்கரங்களுடனும் நின்றவாறு அருள்பொழிகின்றார்.
     இவ்வூரின் கிழக்கே சுமார் 1 கி. மீ. தொலைவில் சத்தி - ஈரோடு நெடுஞ்சாலையின் வடக்கு பகுதியில் மூன்று சிறு சிறு குன்றுகள் கிழக்கு மேற்காக வரிசையாக அமைந்துள்ளன. அதில் மேற்குப் பகுதியில் உள்ள குன்றில் அருள்மிகு மாதேஸ்வரன் லிங்க வடிவில் எழுந்தருளியுள்ளார். கிழக்குப் பகுதியில் உள்ள குன்றில் மூன்று முகம் ஆறு கரங்களுடன் கூடிய அருள்மிகு முருகப்பெருமான் "ஸ்ரீ முத்து வேலாயுதசுவாமி' என்கிற திருப்பெயருடன் சுமார் 3 அடி உயர கருங்கல் திருமேனியாக வள்ளி தெய்வானை சமேதராக அருள்பாலித்து வருகிறார்.
     ஸ்ரீ மூன்று முக முத்து வேலாயுதசுவாமியின் வலதுபுறம் உள்ள மூன்று கரங்களில் வஜ்ராயுதம், அம்பு, சின்முத்திரையும் இடதுபுறம் உள்ள மூன்று கரங்களில் மான், வில், அபயக்கரத்துடன் பாம்பும், பின்புறம் மயிலும் காணப்படுகிறது.
     முருகன் திருக்கோயில்களில் கருவறைக்கு முன்பு மயில் அமைந்திருக்கும். ஆனால் இத்திருக்கோயில் முன்பு சக்திவேல் நிறுவப்பட்டுள்ளது. இவ்வேல் சூரபத்மனை வதம் செய்ய உமையவளால் வழங்கப்பட்டது. இவ்வேலின் ஒருபுறம் சரவணபவ சக்ரமும் மறுபுறம் "ஓம்' என்ற பிரணவ எழுத்துடன் சூலாயுதமும் வஜ்ஜராயுதமும் பொறிக்கப்பட்டுள்ளன.
     முருகப்பெருமான், இச்சாசக்தி, கிரியாசக்தி, ஞானசக்தி ஆகிய 3 சக்திகளின் திருவுருவாக மும்முகம் கொண்டு மக்களுக்கு நலம் அருள்வதற்காக உருவெடுத்து குடிகொண்டார். குமரன் குடிகொண்ட கரட்டில் பதினென் சித்தர்களும் அரூப நிலையில் வந்து ஈசனையும் முருகனையும் வணங்குவதாக ஐதீகம்!
     இக்கோயில் சுமார் 700 ஆண்டுகளுக்கு மேல் பழைமையானது என அறிய முடிகிறது. இக் கோயிலை பழைமை மாற்றாமல் புதுப்பிக்க வேண்டும் என முடிவு செய்து, அதற்காக ஊரே கூடி, உருவானது மூன்று முகம் ஸ்ரீ முத்து வேலாயுத சுவாமி திருக்கோயில். எனவே, சக்தி மிகுந்த இக்கோயிலில் மேற்கொள்ளப்படும் ஒவ்வொரு பணியும் இறைவனிடம் உத்தரவு கிடைத்தபிறகே இதுவரை மேற்கொள்ளப்படுகிறது. தற்பொழுது கருவறை, அர்த்த மண்டபம் முன்புறமாக மகாமண்டபம் ஆகம விதிகளின் படி அமைக்கப்பட்டுள்ளது. குன்றின் மேல் செல்ல படிக்கட்டுக்கள் தவிர, வாகனங்கள் செல்லவும் சாலைவசதி அமைக்கப்பட்டுள்ளது. கோயில் சுற்றுப்பிரகாரம் விரிவுபடுத்தப்பட்டு விசேஷ நாள்களில் தேர் சுற்றி வருவதற்கு தக்கவாறு சாலையை அகலப்படுத்தியுள்ளனர்.
     மாதவம் செய்யும் மாதேஸ்வரன் குடிகொண்டுள்ளதாலும், மகனான முருகன் குடிகொண்டுள்ள தலமாதலாலும், ஞானவேல் நின்று அருளும் தலமாதலாலும் அனைத்து சித்தர்களும் சித்தியடைய வேண்டி தவம் செய்வதற்கு உரிய இடமாக தேர்ந்தெடுத்த இந்த சிவகிரி குமரன் கரட்டில் மகாமேருவை மையப்படுத்தி 18 சித்தர்கள், மஹா கணபதி, சிவகுருநாதர் என்னும் ஞானஸ்கந்தர், அகத்தீசர், நந்தியம்பெருமான் ஆகியோர் பிரபஞ்ச நாயகர்களாக குடிகொண்ட சித்தர்சபை நிர்மாணிக்கப்பட்டுள்ளது. சபையின் நடுவே மகா மேரு , அதன்முன்பு நந்தியம் பெருமான், சிவலிங்கம் உள்ளது. இங்கு முருகப்பெருமான் தவக்கோலத்தில் வீற்றிருந்து பதினெண் சித்தர்கள் சபையினை பேராட்சி செய்கின்றார். பெளர்ணமி, சஷ்டி, கிருத்திகை, பிரதோஷம் ஆகிய நாள்களில் தரிசன நேரங்கள் கூடும்.
     இக்கோயிலின் திருப்பணி வேலைகள் தொடங்கி நடைபெற்று வருகின்றது. எதிர்வரும் தை மாதம் மஹா கும்பாபிஷேகம் செய்ய முருகன் அருள்கூடியுள்ளது. பக்தர்கள் இத்திருப்பணியில் பங்குகொண்டு முருகனருள் பெறலாம்.
     ஈரோடு மாவட்டம் கோபியிலிருந்து சத்தியமங்கலம் செல்லும் சாலையில் 9 கி.மீ. தொலைவில் இத்திருக்கோயில் அமைந்துள்ளது.
     தொடர்புக்கு: 97862 85405/ 82480 04435.
     - இரா.இரகுநாதன்
     
     

    ]]>
    http://images.dinamani.com/uploads/user/imagelibrary/2018/8/17/w600X390/v5.jpg http://www.dinamani.com/weekly-supplements/vellimani/2018/aug/17/மூன்று-முக-முருகன்-2982324.html
    2982321 வார இதழ்கள் வெள்ளிமணி பொருநை போற்றுதும்! 3 - டாக்டர் சுதா சேஷய்யன் DIN DIN Friday, August 17, 2018 10:43 AM +0530 1855-ஆம் ஆண்டு, ஏப்ரல் 4 -ஆம் தேதி, பெருமாள் பிள்ளைக்கும் மாடத்தி அம்மாளுக்கும், திருவிதாங்கூர் ஆலப்புழையில் பிறந்தவர் சுந்தரம் பிள்ளை. இளமையிலேயே தேவார திருவாசகச் சைவப் பெருநூல்களின்பால் அதிவிருப்பம் கொண்ட இவர், 1876-இல் இளங்கலை பட்டம் பெற்று, 1877-இல், திருநெல்வேலி ஆங்கிலோ-வெர்னாகுலர் ஹைஸ்கூலில் பணியமர்ந்தார். சுவாமி விவேகானந்தரோடு உரையாடி, அவருக்குச் சைவ சித்தாந்தப் பெருமைகளை இவர் எடுத்துக் கூறியதாகத் தெரிகிறது. 1891-இல், இன்றளவும் பெயர் விளங்கி ஒளிர நிறுத்திய தமது "மனோன்மணீயம்' என்னும் நாடகக் காவியத்தை வெளியிட்டார்.
     தமிழ் இலக்கிய வரலாற்றில் தன்னேரில்லாச் சிறப்பிடம் பெற்றுள்ள இக்காவியத்தில், பொதியத்தின் பெருமையையும் பொருநையின் மேன்மையையும் பெருமிதத்தோடு கூறுகிறார்.
     பல்லாயிரத்த தேவரும் பிறரும்
     நிலைபெற நின்ற பனிவரை துலையின்
     ஒருதலையாக, உருவம் சிறிய
     குறுமுனி தனியாயுறும் மலை மற்றோர்
     தலையாச் சமமாய் நின்றதேல்,
     மலைகளில் மலையமோ அலது
     பொன்வரையோ பெரிது?
     (பல்லாயிரக்கணக்கான தேவர்களுள் மற்றவர்களும் நின்ற பனிமலையாம் இமயம், துலாக்கோலின் ஒரு தட்டில் நின்றபோது, அதனைச் சமன் செய்ய, அகத்தியர் தனியொருவராக அமர்ந்த பொதியமலை, துலாக்கோலின் மறுதட்டில் நின்றது. ஆகவே, மலைகளில் பெரியது, மலையம் என்னும் பொதியமா? அன்றி இமயமா?)
     அமிழ்தினும் சிறந்த தமிழ்மொழி பிறந்த மலையம்
     நின்றிழிந்து விலையுயர் முத்தும்
     வேழ வெண் மருப்பும் வீசிக் காழகில்
     சந்தனாடவியும் சாடி வந்துயர்
     குங்குமம் முறித்துச் சங்கினம் அலறும்
     தடம்பணை தவழ்ந்து, மடமயில் நடம்பயில்
     வளம் பொழில் கடந்து குளம் பல நிரப்பி,
     இருகரை வாரமும் திருமகள் உறையுளாப்
     பண்ணும் இப்புண்ணிய தாமிரவருணி
     (அமிழ்தினும் சிறந்த தமிழ்மொழி பிறந்த பொதிய மலையினின்று வீழ்ந்திறங்கி, விலைமிக்க முத்துக்களையும் யானைத் தந்தங்களையும் வீசி, அகில், சந்தனம் போன்ற மரங்கள் அடர்ந்த காட்டில் மோதிப் பாய்ந்து, உயர்ந்தோங்கிய குங்கும மரங்களை முறித்துக் கொண்டு, சங்குகள் ஒலிசெய்யும் பரந்துபட்ட வயல்வெளிகளில் மெல்லத் தவழ்ந்து, இளமைமிக்க மயில்கள் நடமாடும் சோலைகளைக் கடந்து, குளங்கள் பலவற்றை நிரம்பச் செய்து, தனது கரைகள் இரண்டையும் திருமகளின் வசிப்பிடமாகப் பண்ணும் புண்ணிய தாமிரவருணி)
     இந்த நாடகக் காவியத்தில், ஜீவக வழுதி என்னும் பாண்டிய மன்னனுக்குக் குலகுரு, சுந்தர முனிவர் ஆவார். "காலம் என்பது கறங்குபோல் சுழன்று மேலது கீழாக் கீழது மேலா மாற்றிடும்' என்றும் "முக்கியம் புகழோ, தக்க உன் கடமையோ?' என்றும் வேத நெறியில் வாழ்வியல் உரைக்கும் சுந்தர முனிவரை, பொருநைக் கரையில் தமக்கு குருவாகத் திகழ்ந்த கோடகநல்லூர் சுந்தர சுவாமிகளை மனத்தில் கொண்டே மனோன்மணீய ஆசிரியர் படைத்தார் என்பது கண்கூடு.
     "உன் சீரிளமைத் திறம் வியந்து வாழ்த்துதுமே' என்று தமிழ் வாழ்த்துப் பாடும்போதெல்லாம், மனோன்மணீயம் என்னும் காவியமும், அதன் பாயிரப் பகுதியில் அமைந்துள்ள தமிழ் வாழ்த்தும் கிட்டுவதற்குத் தாமிரவருணித் தீரமே காரணம் என்று தலைநிமிர்த்திப் பெருமிதப்படாமல் இருக்கமுடியாது.
     பொருநையில் பிறந்து புகழுடன் தொடர்ந்து..: தாமிரவருணிக் கரை தந்த மற்றுமொரு தவப்புதல்வர், குமரகுருபர சுவாமிகள் ஆவார். சண்முக சிகாமணிக் கவிராயருக்கும் சிவகாமி அம்மாளுக்கும், ஸ்ரீ வைகுண்டத்தில், 1625 -ஆம் ஆண்டு திருச்செந்தூர் முருகப்பெருமான் திருவருளால் தோன்றிய இவர், ஏழு வயது வரை வாய் பேசாதிருந்து, பின்னர் முருகப் பெருமான் அருளாலேயே பேசத் தொடங்கினார். மீனாட்சியம்மை மீதும் முத்துக்குமாரசுவாமி மீதும் பிள்ளைத் தமிழ் பாடியுள்ள இவர், தமிழின் பெருமையை வடநாட்டிலும் நிறுவினார். இந்துஸ்தானி மொழியை ஆசறக் கற்று, அதன் வழி, தமிழ்மொழி நூல்களின் சிறப்புச் செய்திகளை வடநாட்டிலும் எடுத்துரைத்தார். கம்பநாட்டாழ்வாரின் காவியச் சிறப்பை இவர் விதந்தோதியதைச் செவியுற்றுத்தான், துளசிதாசர் என்னும் பெருமகனார், ராமாயணத் திருக்கதையை "ராம சரித மானஸம்' என்னும் பெயரில் இந்தி மொழியில் யாத்தார் என்று சொல்லப்படுகிறது.
     வேத நெறி கண்ட உயர் ஆசான்கள்: ஸ்ரீ வைணவ ஆசார்யப் பெருமக்களில் ஒருவரும் தென்கலை சம்பிரதாயத்தின் பிரதான குருவுமான மணவாள மாமுனிகள், திருநாவீறுடைய தாசரண்ணர்,அரங்க நாச்சியார் ஆகியோரின் திருமகனாக, 1370 -ஆம் ஆண்டு ஐப்பசி மூலத் திருநாளில், ஆழ்வார் திருநகரியில், அழகிய மணவாளன் என்னும் பிள்ளைத் திருநாமத்தோடு தோன்றினார். ராமானுஜரைப் போற்றும் வகையில் இவர் இயற்றிய "யதிராஜ விம்சதி' பெரும் சிறப்புக்குரியது. தென்கலை சம்பிரதாயத்தில், நம்மாழ்வார், ராமானுஜர், மணவாள மாமுனிகள் ஆகிய மூவரும் பிரணவத்தின் அகார, உகார, மகாரங்களாகக் கருதப் பெறுகின்றனர்.
     ராமானுஜரைப் போலவே, இவரும் ஆதிசேஷ அவதாரம். "பெரிய ஜீயர்' என்னும் சிறப்புப் பெயரும், வைணவ நித்ய அனுசந்தானத்தில் "ஜீயர் திருவடிகளே சரணம்' என்று இயம்புவதில் உள்ள ஜீயர் என்னும் பதமும் இவரையே குறிப்பன.
     நம்மாழ்வார் திருவவதாரம் செய்த ஆழ்வார் திருநகரியில், 16 -ஆம் நூற்றாண்டில் தோன்றியவர் திருக்குருகைப் பெருமாள் கவிராயர். சடையன் என்னும் இயற்பெயர் கொண்டு, இலக்கணப் பெரும்புலவராகத் திகழ்ந்த இவர், திருக்குருகை மான்மியம் பாடியதால், திருக்குருகைப் பெருமாள் என்னும் பெயர் பெற்றார். நம்மாழ்வாரின் பரிபூரண பக்தராக விளங்கினார். ஆகவே, தம்முடைய இலக்கண நூல்கள் மூன்றனுக்கும், நம்மாழ்வாரின் திருநாமமான "மாறன்' என்பதையே சூட்டினார்; மாறன் அகப்பொருள், மாறன் பாப்பாவினம், மாறன் அலங்காரம் ஆகியவை இந்நூல்கள்.
     தாமிரவருணித் தென்கரைத் தலங்களில் ஒன்றான தென் திருப்பேரையில் 16-17 -ஆம் நூற்றாண்டுக் காலகட்டத்தில் பிறந்தவர் காரி ரத்தினக் கவிராயர். திருகுருகைப் பெருமாளின் மாறன் அலங்காரத்திற்கு உரையும், திருக்குறள் நுண்பொருள் மாலை என்னும் நூலும் இயற்றினார்.
     ஜகத்குரு ஸ்ரீ ஆதி சங்கராசார்ய மூலாம்னாய ஸ்ரீ காஞ்சி காமகோடி பீடத்தின் ஆசார்ய பெருமக்களில் சிலருக்குத் தாமிரவருணியோடு நெருங்கிய தொடர்புண்டு. ஆதி சங்கர பகவத்பாதராலேயே சந்நியாச தீûக்ஷ வழங்கப்பெற்றவர், ஸ்ரீ காஞ்சி காமகோடி பீடத்தின் மூன்றாவது பீடாதிபதியாகச் சிம்மாசனம் ஏறியவரான ஸ்ரீ சர்வக்ஞாத்ம இந்திர சரஸ்வதி சுவாமிகள் தாமிரவருணிக் கரையில் தோரூர் என்னும் ஊரில் தோன்றியவர். இவர், பகவத்பாதரின் உள்ளம் கவரும் அளவுக்குத் தம்முடைய ஏழாவது வயதிலேயே பரமஞானியாகத் திகழ்ந்தவர்.
     காஞ்சியில் ஆதி சங்கரர் சர்வக்ஞ பீடமேறிய நிலையில், தாமிரவருணிக் கரை வேத பண்டிதர்கள் பலர் காஞ்சிக்கு வந்து சங்கரரோடு வாதப் பிரதிவாதங்களில் ஈடுபட்டனர். மூன்று நாட்கள் வாதத்திற்குப் பின்னர், சங்கரரின் கருத்தை ஏற்று அவர்கள் சீடர்களாக, ஏழாண்டு மட்டுமே நிரம்பியிருந்த மகாதேவர், துறவுக்கோலம் பூண்டார்; ஆதி சங்கரரின் நிறைந்த அன்புக்குப் பாத்திரமானார். அவரே, ஸ்ரீ சர்வக்ஞாத்மர். ஆதி சங்கரர் தமது பிரம்ம சூத்ர பாஷ்யத்தில் தந்திருக்கும் கருத்துகளை மேலும் விளக்கிச் சொல்வதாக இவருடைய "ஸம்úக்ஷப சாரீரகம்' என்னும் நூல் விளங்குகிறது. பஞ்ச ப்ரக்ரியம், பிரமாண லக்ஷணம் என்னும் வேறு இரு நூல்களையும் இவர் யாத்துள்ளார்.
     இந்த பீடத்தின் 14 -ஆவது பீடாதிபதியாக விளங்கிய முதலாம் ஸ்ரீ வித்யா கனேந்திர சரஸ்வதி சுவாமிகள் (272 - 317), மலய மலைப் பகுதியில், பல்வேறு கிராமங்களில் துர்சம்பவங்களைத் தோற்றுவித்த உக்ர பைரவரை சாந்தப்படுத்தி, கிராமங்களில் அமைதியைத் தவழச் செய்தார். அதே மலயத்தின் அகத்திய மலைகளில் சமாதியடைந்தார். இவரைத் தொடர்ந்து பீடமேறியவர் ஸ்ரீ கீஷ்பதி கங்காதரேந்திர சரஸ்வதி சுவாமிகள் (317 -- 329). மகா ஞானியான இவருக்கு, சாக்ஷôத் அகத்தியரே பஞ்சதசாக்ஷரி மந்திரத்தை உபதேசித்ததாகத் தெரிகிறது. இவரும் தாமிரவருணித் தீரத்தில், அகத்திய மலைகளில் சித்தியடைந்தார்.
     - தொடரும்

    ]]>
    http://images.dinamani.com/uploads/user/imagelibrary/2018/8/17/w600X390/v4.jpg http://www.dinamani.com/weekly-supplements/vellimani/2018/aug/17/பொருநை-போற்றுதும்-3---டாக்டர்-சுதா-சேஷய்யன்-2982321.html
    2982319 வார இதழ்கள் வெள்ளிமணி ஏற்றம் தரும் திருவோணம் திருநாள்! DIN DIN Friday, August 17, 2018 10:32 AM +0530 தர்மம், அர்த்தம், காமம் மற்றும் மோட்சம் முதலான நான்கு புருஷார்த்தங்களை தரக்கூடிய விஷ்ணுவின் நட்சத்திரமாக திருவோணம் அமைந்துள்ளது. திருவோணம் என்பது 27 நட்சத்திரங்களில் ஒன்று. இதனை, வடமொழில் "சிரவணம்' என்றும் குறிப்பிடுகிறார்கள். இவ்வாண்டு, திருவோணம் திருநாள் 25.08.2018 - அன்று வருகிறது.
    திருமாலின் தசாவதாரங்களுக்கும் முந்தைய ஸ்ரீ ஹயக்ரீவனின் நட்சத்திரம் திருவோணமாகும். வாமன அவதாரமும் சிரவண தினத்திலேயே அமைந்துள்ளது. கலியுகத்தின் கண்கண்ட தெய்வம் திருப்பதி ஸ்ரீநிவாஸனின் நட்சத்திரமும் சிரவணமாக அமைந்துள்ளது. சிரவண நட்சத்திரத்தின் ஏற்றம் மிகவும் பெருமை வாய்ந்ததாக அமைந்துள்ளதால் பக்தர்கள் அந்த தினத்தையே ஒரு விரத தினமாக அனுஷ்டித்து திருமாலின் அருளைப் பெறுகிறார்கள். சிரவணம் என்ற தன்மை முதலாவதாக கொண்டாடப்படுகிறது. 
    திருவோண நட்சத்திரத்தில் திருப்பதி ஸ்ரீநிவாஸனின் "மணி'யின் அம்சமாக புரட்டாசி மாதத்தில் வைணவ குருவான சுவாமி தேசிகர் அவதரித்ததுடன் சிறந்த ஹயக்ரீவ உபாஸகராகவும் விளங்கினார்.
    மத்வ சம்பிரதாயத்திலும் ஸ்ரீ வாதிராஜ சுவாமிகள் தோன்றியதும் திருவோணத் திருநாளே! அதனால்தான் இரண்டு மஹான்களும் ஸ்ரீஹயக்ரீவ உபாஸகர்களாக விளங்கினார்கள். இந்த மஹநீயர்களால் திருவோண நட்சத்திரத்திற்கே பெருமை ஏற்படுகிறது என்று பெருமை கொள்ளலாம். 
    முதலாழ்வார்கள் என்று போற்றப்படும் மூவரில் "பொய்கையாழ்வார்' காஞ்சியில் ஐப்பசி திருவோணத்தில் அவதரித்தவர். அதேபோன்று திருவோணம் திருநாள் திருப்பதி ஸ்ரீநிவாஸனை முன்னிட்டு, புரட்டாசி மாதத்தில் ஸ்ரீ நிவாஸனுக்கு பிரம்மோத்ஸவமாகக் கொண்டாடப்படுகிறது. பல திருத்தலங்களில் பிரம்மோத்ஸவம் போன்ற திருவிழாக்கள், திருவோண நட்சத்திரத்தை ஆரம்ப நாளாகவோ அல்லது முடிவு நாளாகவோ வைத்துக் கொண்டாடப்படுகிறது. 
    எந்தெந்த தலங்களில் ஸ்ரீநிவாஸப் பெருமாள் பிரதான பெருமாளாக அமைந்துள்ளாரோ அத்திருத்தலங்களில் திருவோணம் திருநாள் மிக விசேஷமாகக் கொண்டாடப்படுகிறது. புகழ்பெற்ற ஸ்ரீநிவாஸ தலங்களில் கும்பகோணத்திற்கு அருகே அமைந்துள்ள "ஒப்பில்லா அப்பன்' திருக்கோயிலில் "சிரவண தீபம்' ஏற்றப்பட்டு பெருமாளுக்கு சமர்ப்பிக்கப்படுகிறது. அச்சமயத்தில் எம்பெருமானைத் தரிசிப்பவர்களுக்குப் பெருமாள் அர்ச்சகர் வாயிலாக பக்தர்களுக்கு அருள்வாக்கு நல்குகிறார். 
    சென்னையிலிருந்து மதுராந்தகம் செல்லும் பாதையில் வேடன்தாங்கல் ஊருக்கு அருகில் அமைந்துள்ள தென்திருப்பதி என்று போற்றப்படும் திருமலை வையாவூரில் ஒவ்வொரு திருவோணத்தன்றும் திருவோண விழா நடைபெறுகிறது.
    திருவோணம் திருநாள் விசேஷமாக ஹயக்ரீவரை முன்னிட்டு திருவஹிந்திபுரத்தில் ஆவணி மாதம் 10 நாள்கள் திருவிழாவாகக் கொண்டாடப்படுகிறது.
    திருவோண நட்சத்திரத்தன்று விரதம் இருந்து எம்பெருமானை ஆராதிப்பவர்கள் எல்லாவித மேன்மையும் அடைவார்கள். பொதுவாக, திருவோணம் திருநாள் விஷ்ணுவின் அம்சத்தைக் கொண்டது. தமிழ்நாட்டில் மட்டுமின்றி கேரள மக்கள் ஆவணி மாத திருவோணம் திருநாளை, "ஓணம்' பண்டிகையாகக் கொண்டாடுகிறார்கள்.
    - எஸ்.ஆர்.எஸ். ரெங்கராஜன்
     

    ]]>
    http://images.dinamani.com/uploads/user/imagelibrary/2018/8/17/w600X390/v3.jpg http://www.dinamani.com/weekly-supplements/vellimani/2018/aug/17/ஏற்றம்-தரும்-திருவோணம்-திருநாள்-2982319.html
    2982318 வார இதழ்கள் வெள்ளிமணி பகைமையை மன்னிப்போம்! DIN DIN Friday, August 17, 2018 10:28 AM +0530 மாற்கு 11:25-இல் நீங்கள் நின்று ஜெபம் பண்ணும்போது, ஒருவன்பேரில் உங்களுக்கு யாதொரு குறை உண்டாயிருக்குமானால், பரலோகத்திலிருக்கிற உங்கள் பிதா உங்கள் தப்பிதங்களை உங்களுக்கு மன்னிக்கும்படி, அந்தக் குறையை அவனுக்கு மன்னியுங்கள் என்று இயேசு கூறினார்.
     பகைமை உணர்வு தேவையில்லாதது. பகைமை உணர்வுடன் நடந்து கொள்வதால் எதையும் சாதித்துவிட முடியாது. இந்த பகைமை உணர்வு மிகுந்த தீங்கானது. நாம் யார் மீது பகைமை உணர்வு கொண்டிருக்கிறோமோ, அவர்களால் நமக்கோ, நம்மால் அவர்களுக்கோ தீய செயல்கள் தொடர்ந்து தோன்றிக் கொண்டிருக்கும், என கொள்ள வேண்டும். அப்படி எப்போதும் பகைமை பாராட்டுவது நம் உடல் ஆரோக்கியத்திற்கும், மனவளர்ச்சிக்கும் உகந்தது அல்ல.
     பகைவனை அழிக்க வேண்டுமென்றால், பகைமையை அழிக்க வேண்டும். அதற்கு மிக முக்கியமான ஒன்றுதான் மன்னிப்பு. இந்த மன்னிக்கும் மனம் நம்மில் காணப்படும்போது நம் உடலும் உள்ளமும் நலமுடன் காணப்படும்.
     ஒரு நாள் வகுப்பறையில் ஆசிரியர் நீதிபோதனை பாடம் நடத்தி கொண்டிருந்தார். அப்போது, மாணவர்களிடம் ""யார் மீதேனும் மன்னிக்க முடியாத கோபம் இருக்கிறதா உங்களுக்கு? யாரையேனும் பழி வாங்கத் துடிக்கிறீர்களா?'' என்று கேட்டார்.
     வகுப்பு மாணவர்கள் அனைவரும் ஒரே குரலில் "ஆமாம்.. அய்யா' என்றார்கள். ஆசிரியருக்கு மிகுந்த வியப்பு, ஒவ்வொருவராக அழைத்து "மன்னிக்கவும் மறக்கவும் முடியாத அளவுக்கு எத்தனை கோபங்கள் உள்ளன?' என்று கேட்டார். ஒவ்வொருவரும் ஐந்து, பத்து என்று அடுக்கி கொண்டே சென்றார்கள்.
     மாணவர்களுக்கு பழிவாங்கும் எண்ணம் தவறு என்று புரிய வைக்க நினைத்தார். வகுப்பறைக்கு ஒரு கூடையில் தக்காளி கொண்டுவரப்பட்டது. ஒவ்வொரிடமும் ஒரு பையை கொடுத்தார், யார்மீது எத்தனை பழிவாங்கும் எண்ணம் உள்ளதோ அத்தனை தக்காளிகளை தாங்கள் பையில் எடுத்துகொள்ளுங்கள் என கூறினார்.
     "இந்தத் தக்காளி பையை எப்போதும் உங்கள் கூடவே இருக்கவேண்டும், தூங்கும் போதும் அருகிலேயே வைத்திருக்கவேண்டும்' என கட்டளையிட்டார். ஒன்றும் அறியாமல் தலையை ஆட்டினார்கள் மாணவர்கள்.
     இரண்டு மூன்று நாள்கள் ஒரு பிரச்னையும் இல்லை. ஆனால், அடுத்தடுத்த நாள்களில் தக்காளிகள் அழுகி நாறத் துவங்கின. நாற்றம் அடிக்கும் பையுடன் வெளியே செல்ல மாணவர்கள் கூச்சப்பட்டனர். ஒரு கட்டத்தில் ஆசிரியரிடம் சென்று, இந்த நாற்றமான பைகளைத் தூக்கி எறிய அனுமதி கேட்டனர். "நாற்றம் வீசுபவை தக்காளி மட்டுமல்ல அந்த நாற்றத்தைப் போலவே, உங்கள் பகைமை உணர்வும் பழி வாங்கும் குணமும் மனதுக்குள் அழுகி நாறிக் கொண்டிருக்கின்றன. ஆகவே, பகை- பழியை மறந்து மன்னித்து விடுவதாக இருந்தால், தக்காளி பையை தூக்கி எறியுங்கள்' என்றார் ஆசிரியர்! அப்போது தான் மாணவர்களுக்கு மனத் தெளிவு பிறந்தது.
     அப்போதே தக்காளி பைகளை குப்பைத் தொட்டியில் வீசிய மாணவர்கள், பகை மறந்து ஒருவரையொருவர் ஆரத் தழுவிக் கொண்டு வகுப்பறைக்கு திரும்பினர்.
     எப்போதும் தீய சிந்தனைகள், அதன் எண்ணங்கள், அதை செயலாக்கும் திட்டங்கள், செயலாக்கம் என நம் வாழ்வில் பெரும் பகுதியை செலவிடுகின்றோம். நம் எண்ணங்கள் இவ்வாறு பகைமை பாராட்டுவதால், நமக்கு ஏற்படும் இழப்புகள் பற்றி சிந்திப்பது இல்லை. பகைமை பாராட்டுவதில் முனைப்புகாட்டி, நம் சந்தோஷத்தை இழக்கிறோம்.
     நீதிமொழிகள் 19:11-இல் "மனுஷனுடைய விவேகம் அவன் கோபத்தை அடக்கும்; குற்றத்தை மன்னிப்பது அவனுக்கு மகிமை.'' என்று சொல்லப்பட்டுள்ளதுபோல, நாமும் பிறருடைய பகைமையை, குற்றங்களை மன்னிப்போம் நலமுடன் வாழ்வோம்.
     - ஒய்.டேவிட் ராஜா
     
     

    ]]>
    http://images.dinamani.com/uploads/user/imagelibrary/2018/8/17/w600X390/JESUS.JPG http://www.dinamani.com/weekly-supplements/vellimani/2018/aug/17/பகைமையை-மன்னிப்போம்-2982318.html
    2982317 வார இதழ்கள் வெள்ளிமணி தியாக திருநாளின் விழுமியம் DIN DIN Friday, August 17, 2018 10:28 AM +0530 'பக்ரீத்' என்னும் உருது மொழி சொல்லால் குறிப்பிடப்படும் ஹஜ் பெருநாளுக்குத் "தியாகத் திருநாள்' என்ற பெயரும் உண்டு. இப்ராஹீம் நபி இறைவன் கட்டளையை ஏற்று திட்டமிட்டு மாற்றம் ஏதுமின்றி மனமாச்சரியம் தளர்ச்சி தடுமாற்றம் இல்லாது செய்த தியாகத் திருநாளே ஹஜ் பெருநாள். 22.08.2018 -இல் கொண்டாடப்படும் ஹஜ் பெருநாள் வாழ்த்துகளைத் தினமணி வாசகர்களோடு பகிர்ந்து கொள்கிறேன். இதுபோன்ற பல தியாக வரலாறுகளைத் தியாகம் என்பதே இஸ்லாம் என்று பாடி சுருங்க செல்லி விளங்க வைத்தார் மறைந்த இசைமுரசு நாகூர் இ.எம். ஹனீபா.
     உலகில் முதன் முதலில் ஆதிநபி ஆதம் அவர்களின் மகன்களில் விவசாயி காபீல் மோசமான உணவு பொருளைக் குர்பானியாக வைத்தார். மற்றொரு மகன் ஹாபீல் கால்நடைகளை உடையவர். ஆடுகளைக் குர்பானியாக வைத்தார். இறையச்சமுடைய ஹாபீலின் குர்பானி ஏற்கப்பட்டது. இறை கட்டளையை மீறிய காபீலின் குர்பானி ஏற்கப்படவில்லை. இதனையே இறையச்சம் உடையவர்களின் குர்பானியைத்தான் இறைவன் ஏற்கிறான் என்று இயம்புகிறது இறைமறை குர்ஆனின் 5-27 ஆவது வசனம். இதன்பின் ஒவ்வொரு வகுப்பினருக்கும் குர்பானி கடமையாக்கப்பட்டதைக் குறிப்பிடுகிறது 22-34 ஆவது வசனம்.
     தனக்கு மிஞ்சியதைக் கொடுப்பது தானம். தனக்கு உரியதைக் கொடுப்பது தயாளம். தன்னையே கொடுப்பது தியாகம். தன் மகன் இஸ்மாயிலை இறைவன் கட்டளைக்குப் பணிந்து இப்ராஹீம் நபி துணிந்து பலியிட முனைந்ததை அணிந்துரைக்கிறது அருமறை குர்ஆனின் 37-105 ஆவது வசனம்.
     என் தொழுகையும் என் பலி (குர்பானி)யும் என் வாழ்வும் இறப்பும் அனைத்தையும் ஆளும் அல்லாஹ்விற்கே உரியவை என்ற 6-162 ஆவது வசனப்படி இன்றும் பக்ரீத்தில் கொடுக்கப்படும் குர்பானியும் இப்ராஹீம் நபி அவர்களின் எண்ணத்தைப் பிரதிபலிப்பதாகவும் திண்ணமான உறுதியுடனும் இருக்க வேண்டும். இதைத்தான் நீங்கள் கொடுக்கும் குர்பானியின் மாமிசமோ ரத்தமோ இறைவனிடம் செல்வதில்லை. உங்கள் உள்ளத்தில் உள்ள இறையச்சமே இறைவனை அடைகிறது என்று 22-37 ஆவது வசனம் அறிவிக்கிறது. அதனால்தான் அல்லாஹ் இஸ்மாயில் நபிக்குப் பதிலாக ஒரு கொழுத்த பருத்த ஆட்டை இறக்கி வைத்ததை இயம்புகிறது 37- 107 ஆவது வசனம்.
     இந்நிகழ்ச்சியை உன் இன மக்களைப் பல்கி பெருக்கி உலகின் பல பாகங்களிலும் பரவ செய்து உன் வழி மரபு உங்களுக்கு ஆசி கூறுவர் என்று பலி பீடத்தில் (குர்பானி கொடுத்த இடத்தில்) அசரீரி ஒலித்ததாக யூதநூல் தோரா குறிப்பிடுகிறது.
     குர்பானி இப்ராஹீம் நபியின் வழி என்று வள்ளல் நபி (ஸல்) அவர்கள் விளக்கியதை விளம்புகிறார் ஜைது பின் அர்கம் (ரலி) நூல்- இப்னு மாஜா. குர்பானி கறியை மூன்று பங்கிட்டு ஒரு பங்கை ஏழைகளுக்கும் ஒரு பங்கை உறவினர்களுக்கும் கொடுத்து குர்பானி கொடுத்தவர் ஒரு பங்கை எடுத்து பயன்படுத்தலாம். எனினும் முழு குர்பானியையும் ஏழைகளுக்கு வழங்குவது ஏற்றம்.
     தியாகத் திருநாளில் விழாவின் விழுமியத்தை விளங்கி இல்லாதோரின் இல்லாமையை இல்லாமல் ஆக்க தயாள மனத்தோடு தாரளமாய் ஏராளமாய் ஏழைகளுக்குத் தானம் வழங்கி தியாகம் புரிந்து சகோதரத்துவம் பேணும் சமத்துவ சமுதாயம் உருவாக உறுதி பூணுவோம். இறுதி நாளின் அதிபதியாம் இறைவனின் அருளைப் பெறுவோம்.
     - மு.அ. அபுல் அமீன்
     

    ]]>
    http://images.dinamani.com/uploads/user/imagelibrary/2018/8/17/w600X390/v2.jpg http://www.dinamani.com/weekly-supplements/vellimani/2018/aug/17/தியாக-திருநாளின்-விழுமியம்-2982317.html
    2982316 வார இதழ்கள் வெள்ளிமணி நிகழ்வுகள் DIN DIN Friday, August 17, 2018 10:26 AM +0530 மஹாகும்பாபிஷேகம்
    சென்னை, தெற்கு மலையம்பாக்கம், அருள்மிகு மரகதாம்பிகை சமேத அருள்மிகு மஹாலிங்கேஸ்வரர் ஆலயத்தில் விநாயகர், முருகர், அருள்மிகு மரகதாம்பிகை சமேத மஹாலிங்கேஸ்வரர் மற்றும் கோஷ்ட தெய்வங்களுக்கு கும்பாஷேக விழா நடைபெறுகின்றது. 
    தொடர்புக்கு: 98413 56272.
    நாள்: 24.08.2018, நேரம்: காலை 7.45 - 8.45 மணி.
    ***********
    சிவகங்கை மாவட்டத்தில் சொக்கநாதபுரம் என்னும் சிற்றூர் கல்லலுக்கு அருகே 6 கி.மீ. தொலைவில் அமைந்துள்ளது. இங்கு, நான்கு திசைக்கும் நான்கு திருக்கோயில்களாக ஸ்ரீ கற்பக விநாயகருடன் கூடிய ஸ்ரீ வேலாயுத சுவாமி திருக்கோயில், ஸ்ரீ காளகாம்பாள், ஸ்ரீ சுப்பிரமணியசுவாமி மற்றும் ஸ்ரீ சிறுதேன்மொழி அம்பாள் சமேத ஸ்ரீ திருக்கண்ணன்குடி நாயனார் திருக்கோயில்கள் தனித்தனியாக அமைந்துள்ளன. இந்த நான்கு கோயில்களுக்கும் 12.09.2018 -ஆம் தேதி திருக்குட நன்னீராட்டு பெருவிழா நடைபெறுகின்றது.
    தொடர்புக்கு: சொக்கலிங்கம் - 94422 33982.
    ************
    காஞ்சி மாவட்டம், வையாவூர் (செங்கற்பட்டு -படாளம் கூட்ரோடு ) செல்லும் வழியில் உள்ள அம்ருதபுரி ஸ்ரீ ராமானுஜ யோக வனத்தில் ஸ்ரீ மதுரவல்லி தாயார் சமேத ஸ்ரீநிவாஸப் பெருமாள் ஆலயத்தில் ஸ்ரீநவக்ரஹ விநாயகர் நூதன உற்சவர் மற்றும் பதினெட்டு சித்தர்கள், நூதன பைரவர் விமானங்களுக்கு அஷ்டபந்தன மஹாகும்பாபிஷேகம், 23.08.2018 -இல் நடைபெறுகின்றது. பூர்வாங்க பூஜைகள் ஆகஸ்ட் 22 - இல் ஆரம்பமாகிறது. 
    தொடர்புக்கு: ஸ்ரீ ஸ்ரீ நிவாஸ நிகேதனம்: 044 - 28174179.
    ************
    தஞ்சாவூர் மாவட்டம், திருவிடைமருதூர் வட்டம், திருபுவனம் அருள்மிகு விராலிமலை ஸ்ரீ சதாசிவசுவாமிகள் மடலாயத்தில் பல்வேறு திருப்பணி வேலைகள் நடைபெற்று வருகின்றது. இங்கு, சித்த தட்சிணாமூர்த்தி விக்ரகம் பிரதிஷ்டையாகியுள்ளது. சுமார் 40 வருடங்களுக்குப்பிறகு அஷ்டபந்தன மகா கும்பாபிஷேகம் ஆகஸ்ட் 23, காலை 10.45 மணி அளவில் நடைபெறுகின்றது. இதனையொட்டி யாகசாலை பூஜைகள் ஆகஸ்ட் 21- இல் ஆரம்பமாகின்றது. 
    தொடர்புக்கு: 99441 78340 / 74187 43762.
    வைரவிழா
    காஞ்சி காமகோடி பீடத்தைச் சேர்ந்த வேத தர்மஸôஸ்திர பரிபாலன சபை கும்பகோணத்தில் இயங்கி வருகின்றது. இச்சபையின் வைரவிழா ஆண்டினை முன்னிட்டு சிறப்பு நிகழ்ச்சிகள் பல்வேறு இடங்களில் நடைபெறுகின்றது. தொடர்ந்து, 120, 121, 122, 123 -ஆவது வைபவங்கள் மதுரையில் ஆகஸ்ட்-18, 19 தேதிகளில் மதுரை, சங்கரமடம், வைதீக சமாஜ வளாகம், தாம்ப்ரஸ் டிரஸ்ட் மஹாலில் நடைபெறும். 
    தொடர்புக்கு : 98846 55618.
    **************
    பெங்களூரூ, அல்சூர் பகுதியில் ஸ்ரீ சுப்ரமண்ய சுவாமி திருக்கோயிலில் கடந்த 60 ஆண்டுகளாக ஸ்ரீதேவாரத் திருப்புகழ் அருட்பா பாராயண சபை இயங்கி வருகின்றது. இந்த சபையின் வைரவிழா, அருணகிரி நாதர் விழா ஆகஸ்ட் 17 -இல் தொடங்கி 19 -வரை நடைபெறுகின்றது. இதனையொட்டி, நிகழ்ச்சிகள் பெங்களூர் இந்திராநகர் மெட்ரோ ரயில் நிலையம் எதிரில் உள்ள பரிமள சபாங்கணா (ஸ்ரீ ராகவேந்திரமடம்) வளாகத்தில் நடைபெறுகின்றது.
    திருப்பவித்ரோத்ஸவம்
    திருச்சி மாவட்டம், முசிறி வட்டம், குணசீலம் அருள்மிகு பிரஸன்ன வேங்கடாசலபதி பெருமாள் திருக்கோயிலில் திருப்பவித்ரோத்ஸவ விழா, ஆகஸ்ட் 19 -இல் தொடங்கி 23 வரையும்; தொடர்ந்து ஆகஸ்ட் 25 -ஆம் தேதி ஸ்ரீமத் விகநஸாசார்ய திருநட்சத்திர விழாவும் நடைபெறுகின்றது. மஹாபவித்ர மாலை சாற்றும் வைபவம் ஆகஸ்ட் 23, காலை 11.00 மணி அளவில் நடைபெறும். 
    தொடர்புக்கு: கே.ஆர்.பிச்சுமணி அய்யங்கார்- 94863 04251.
    ஆடி மாத கூழ்வார்த்தல் திருவிழா,
    வேலூர் மாவட்டம், வாலாஜா வட்டம், பாண்டியநல்லூர் அருள்மிகு ஸ்ரீகனகதுர்க்கை அம்மன் ஆலயத்தில் 12 -ஆம் ஆண்டு ஆடி மாத கூழ்வார்த்தல் திருவிழா, 19.08.2018 -அன்று காலை 7.00 மணிக்கு கணபதி ஹோமத்துடன் தொடங்கி நடைபெறுகின்றது. 
    தொடர்புக்கு: 90030 99048 / 94441 25383.

    ]]>
    http://www.dinamani.com/weekly-supplements/vellimani/2018/aug/17/நிகழ்வுகள்-2982316.html
    2982315 வார இதழ்கள் வெள்ளிமணி மண் பிரசாதம்! DIN DIN Friday, August 17, 2018 10:24 AM +0530 நகரின் நடுப்பகுதியில் அமைந்திருக்கும் நாகர் திருக்கோயிலை வைத்தே கன்னியாகுமரி மாவட்டத்தின் தலைநகரான நாகர்கோவிலுக்கு அப்பெர் வந்தது. நாகராஜருக்கென்று தனிக்கோயில் இங்கு மட்டும் அமைந்துள்ளது என்பது குறிப்பிடத் தக்கது. களக்காடு பகுதியை ஆட்சி செய்த அரசர் மார்தாண்டவர்மா தனக்கு ஏற்பட்ட சரும நோயை போக்குமாறு இங்கு வந்து வழிபட்டுள்ளார். பூரண குணம் அடைந்த மகிழ்ச்சியில் ஆலயம் அமைத்தார். ஆனால் கருவறையில் மட்டும் நாகர்கள் வருவதற்கு ஏற்றவாறு தென்னை ஓலைக்கூரை வேயப்பட்டது.
     இங்கு, மூலவர் நாகராஜர் இருக்கும் இடம் முற்காலத்தில் நீர் சூழ்ந்த வயல் இருந்த இடம் என்பதால் எப்போதும் நீர் ஊறிக் கொண்டே இருக்கும். அது இன்றும் காணக்கூடிய அதிசய நிகழ்வாகும். இந்த நீருடன் சேர்ந்த மணலே இங்கு பிரசாதமாக மக்களுக்கு வழங்கப்படுகிறது. இந்த மண்ணானது எடுக்க எடுக்க வந்து கொண்டே இருக்கிறது. இந்த மண்ணின் நிறம் ஆறு மாதம் கறுப்பு நிறமாகவும் ஆறு மாதம் வெள்ளை நிறமாகவும் இருப்பது அதிசயமான ஒன்றாகும்.
     நாகதோஷம் உள்ளவர்கள் ஆயில்யம் நட்சத்திரம் அன்று, இங்கு வந்து பிரார்த்தனை செய்தால் நாகதோஷம் நீங்கும்.
     - நாஞ்சில் சு. நாகராஜன்
     

    ]]>
    http://www.dinamani.com/weekly-supplements/vellimani/2018/aug/17/மண்-பிரசாதம்-2982315.html
    2982314 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, August 17, 2018 10:24 AM +0530 * ஆத்மாதான் இந்த அழியும் உடலில் ஜீவனைப் புகுத்தி இயங்க வைத்திருக்கிறது. ஜடமான இந்த உடலில் உணர்வையும், அறிவையும் வைத்திருக்கிறது. இந்த அவலட்சணமான மேனிக்கு மினுக்கும், வனப்பும் ஊட்டுவதும் அதுவே. ஆத்மாவின் இயக்கத்தாலும் உதயத்தாலுமே ஜீவராசிகளின் வாழ்க்கை மலர்கிறது; இயங்கி வருகிறது.
    - ரிக் வேதம்

    * பாலில் வெண்ணெய் மறைந்திருப்பது போன்று ஆத்மா உயிர்களில் வசித்திருக்கிறது. அது மனம் என்னும் மத்தால் கடையப்பட வேண்டும்.
    - அம்ருத பிந்தூபநிஷதம்

    * காரணத்துக்கு அன்னியமாய்க் காரியமில்லை. உதாரணம்: மண்ணினால் உண்டாக்கப் பெற்ற பானை முதலிய பண்டங்கள், மண்ணுக்கு அந்நியமாக எப்படிக் காணவில்லையோ, நூலினால் நெய்யப் பெற்ற புடவைகள் நூலுக்கு அந்நியமாக எப்படிக் காணவில்லையோ, தங்கத்தால் செய்த ஆபரணங்கள் தங்கத்துக்கு அந்நியமாக எப்படிக் காணவில்லையோ, இரும்பினால் செய்த ஆயுதங்கள் இரும்புக்கு அந்நியமாக எப்படிக் காணவில்லையோ, அதுபோன்று பிரம்மத்தால் உண்டாக்கப் பெற்ற பிரபஞ்சங்கள், பிரம்மத்தைத் தவிர வேறில்லை என்று அறிவது.
    - வாசுதேவ மனனம்

    * நீண்ட காலம் உட்கார்ந்திருந்தாலும், நீண்ட காலம் அலைந்து திரிந்தாலும் மனிதனின் ஆயுள் குறைந்து கொண்டேயிருக்கிறது. அதனால் நேரத்தைப் பாதுகாத்துக்கொள்ளுங்கள்.
    - ராமாயணம்

    ]]>
    http://images.dinamani.com/uploads/user/imagelibrary/2018/8/17/w600X390/kamalanandhar.JPG http://www.dinamani.com/weekly-supplements/vellimani/2018/aug/17/பொன்மொழிகள்-தொகுப்பு-சுவாமி-கமலாத்மானந்தர்-2982314.html
    2982313 வார இதழ்கள் வெள்ளிமணி துன்பங்கள் துடைக்கும் முத்துமாரியம்மன்! DIN DIN Friday, August 17, 2018 10:22 AM +0530 விழுப்புரம் மாவட்டம், திண்டிவனம்- வந்தவாசி செல்லும் பாதையில் 2 கி.மீ. தொலைவில் உள்ளது பட்டணம் என்னும் கிராமம்! இங்கு, கோயில் கொண்டருளும் அருள்மிகு முத்துமாரியம்மனை கிராம மக்கள் மிகுந்த ஈடுபாட்டுடன் வழிபட்டு வருகின்றனர். சுமார் 150 ஆண்டுகளுக்கு முன்பாக இத்திருக்கோயிலை அமைத்துள்ளனர்.
     அம்மன் அமர்ந்த திருக்கோலத்தில் உடுக்கை, பாசம் ஏந்தி அபய கரத்துடன் அருள்புரிகின்றாள். திருப்பாதங்களுக்குக் கீழ் புறத்தில் ரேணுகா தேவியின் அம்சமாக சிரசு பகுதி மட்டும் காணப்படுகின்றது. ஆண்டுதோறும் சித்திரை மாதம் வாணவேடிக்கையுடன் அம்மன் வீதிவுலா வரும். தீமித்திருவிழாவும் சிறப்பாக நடைபெறுகின்றது. மிகவும் சக்தி வாயந்தவள் இந்த அம்மன். அம்பாளை வழிபட்டு வந்தால் நம் துன்பங்கள் அனைத்தும் அகலும்.
     2014- ஆம் ஆண்டு பெய்த பெருமழையில் கோயிலின் மீது இடி- மின்னல் தாக்கி விரிசல் கண்டது. எனவே, ஊர் மக்கள் இணைந்து புதியதாக கோயில் கட்டத்துவங்கினர். திருப்பணி வேலைகள் பாதியளவுக்கு முடிவடைந்துள்ள நிலையில் திருப்பணியை மீண்டும் தொடர பொருளுதவி தேவைப்படுகிறது. பக்தர்கள் இவ்வாலயத் திருப்பணியில் பங்குகொண்டு அம்மனின் அருளைப் பெறலாம்.
     தொடர்புக்கு: 90872 21887 / 78451 38956.
     - மா. கார்த்திக்

    ]]>
    http://images.dinamani.com/uploads/user/imagelibrary/2018/8/17/w600X390/v1.jpg http://www.dinamani.com/weekly-supplements/vellimani/2018/aug/17/துன்பங்கள்-துடைக்கும்-முத்துமாரியம்மன்-2982313.html
    2982312 வார இதழ்கள் வெள்ளிமணி மனக்குழப்பம் நீக்கும் முதல்கட்டளை மெய்ஞானமூர்த்தி! Friday, August 17, 2018 10:21 AM +0530 மகாபாரதத்தை எழுதிய வியாச முனிவர் பாரதத்தின் பல தலங்களுக்கும் சென்று இறைவனை வழிபட்டு வந்தார். தன்னுடைய திருத்தல யாத்திரையின் போது தஞ்சாவூர் மாவட்டம் கும்பகோணம் அருகில் இருக்கும் "முதல் கட்டளை' என்ற ஊரில் சில காலம் தங்கியிருக்க தீர்மானித்தார். இத்தலத்திலேயே சிவலிங்கத் திருமேனி ஒன்றை பிரதிஷ்டை செய்து நாள் தோறும் வழிபட்டு வந்தார். ஈசன் அருளிய வேதங்களை ஓதினார். ஆனாலும் அந்த வேதங்களின் உண்மைப் பொருளை உணர முடியாமல் தவித்தார். மனமுருக ஈசனிடம் வேண்டிக்கொள்ள, "யாம் உணர வைப்போம்!'' என்று அசரீரி ஒலித்தது. அதனால் மன நிம்மதி அடைந்தார்.
     ஒரு நாள் வியாசர் முன் சிவனடியார் ஒருவர் தோன்றினார். அவரை வரவேற்று உபசரித்தார் வியாசர். வேதங்களின் மெய்ப்பொருள் பற்றிய ஐயத்தை நீக்கவே யாம் வந்தோம் என்று சிவனடியார் கூறியதும் வேத வியாசர் மகிழ்ச்சியும், ஆர்வமும் பொங்க அடியாரை பணிந்து வணங்கினார். சிவனடியார் "முனிவரே எம்மை உற்று நோக்குங்கள், வேதத்தின் மெய்ப்பொருளை அறியலாம்'' என்றார். வியாசர் அடியாரை உற்று நோக்க அங்கே ஈசன் காட்சி அருள, வேதத்தின் மெய்ப்பொருள் சிவபெருமானே என்று உணர்ந்தார் வியாசர்.
     இச்சம்பவம் நிகழ்ந்த திருத்தலம் தான் "முதல் கட்டளை' கிராமம். கி.பி. 16- ஆம் நூற்றாண்டில் தஞ்சாவூர் நாயக்கர்கள் ஆட்சியின் கீழ் வந்தது. மன்னர் அச்சுதப்பர் சிறந்த சிவபக்தர். இவர், திருவிடைமருதூர் மகாலிங்க சுவாமி கோயிலின் ஆடிப்பூர திருவிழாவிற்காக முதல் கட்டளை கிராமத்தை கொடையாக கி.பி.1571 -ஆம் ஆண்டு அளித்தார் என்று இலந்துறை கல்வெட்டு கூறுகிறது. வியாசருக்கு மெய்ஞானம் அளித்ததால் இவ்வூர் இறைவன், "மெய்ஞான மூர்த்தி' என்றும், அம்பாள், "ஞானாம்பிகை' என்றும் திருநாமம் கொண்டுள்ளார்.
     நாயக்கர்களுக்குப் பின்னர் மராட்டிய மன்னர் துளஜா ஆட்சிக் காலத்தில் பெரும் குழப்பம் ஏற்பட்டு தஞ்சாவூர் மண்ணில் நிச்சயமற்ற சூழல் நிலவியது. இது மன்னர் துளஜாவிற்கு ஏற்பட்ட மனக்குழப்பம் நீங்க முதல்கட்டளை மெய்ஞான மூர்த்தியை வழிபட்டு தனது குழப்பங்கள் நீங்கப் பெற்றார். இதனால், தன் காணிக்கையாக இத்திருக்கோயிலுக்கு திருப்பணிகள் செய்து அக்கிராமத்திற்கு, "துளசேந்திரபுரம்' என்று பெயரிட்டு பல தர்மங்கள் செய்தார்.
     வியாசருக்கு மெய்ஞானம் அருளிய இத்தல இறைவனான அருள்மிகு மெய்ஞானமூர்த்தி சுவாமி, கல்வியில் பின் தங்கியோரை முன்னேற்றியும் மனக்குழப்பம் நீக்கியும் பக்தர்களுக்கு அருள்புரிகின்றார். இத்திருக்கோயிலின் அஷ்டபந்தன மஹா கும்பாபிஷேகம் 23.08.2018 -அன்று நடைபெறுகின்றது.
     தொடர்புக்கு: 98654 02603.
     -ஆதலையூர் சூரியகுமார்
     
     

    ]]>
    http://images.dinamani.com/uploads/user/imagelibrary/2018/8/17/w600X390/MUDALKATTALAI.JPG http://www.dinamani.com/weekly-supplements/vellimani/2018/aug/17/மனக்குழப்பம்-நீக்கும்-முதல்கட்டளை-மெய்ஞானமூர்த்தி-2982312.html
    2977859 வார இதழ்கள் வெள்ளிமணி பித்ருக்கள் ஆசி வழங்கும் பூந்துருத்தி! DIN DIN Friday, August 10, 2018 10:31 AM +0530 தெய்வ வழிபாட்டில் குறைகள், தென்புலத்தார் எனப்படும் பித்ருக்களுக்கு செய்யவேண்டிய கடமைகளில் தவறுதல் போன்றவற்றினால் ஏற்படும் துன்பங்களுக்கும் இடர்களுக்கும் தீர்வு அளிக்கும் தலமாகவும், பித்ருதோஷ நிவர்த்தி தலமாகவும் பரிகாரத்தலமாகவும் விளங்குகின்றது திருப்பூந்துருத்தி.
     திருநாவுக்கரசு சுவாமிகள் திருமடம் அமைத்து திருத்தொண்டுகள் பலவும் புரிந்து திருப்பதிகங்கள் அருளிச் செய்து வழிபட்ட சிறப்பிற்குரிய திருத்தலம் திருப்பூந்துருத்தி. தேவாரத்திருப்பதிகம் பெற்ற காவிரிக்குத் தென்கரையில் இத்தலம் 11 ஆவது தலம். திருவையாற்றைத் தலைமைத் தலமாகக் கொண்டு விளங்கும் சப்தஸ்தான தலங்களுள் ஒன்றாகும்.
     புராண வரலாறுபடி, இந்திரன் சீர்காழியில் இறைவனைப் பூஜிக்க தான் அமைத்த மலர்ப்பூங்காவை வளப்படுத்துவதற்கு விநாயகரை வேண்ட அவரும் காவிரியை சோழநாட்டிற்கு அனுப்பினார். காவிரி பூந்துருத்தியில் கடல்போல் தேங்கி நின்றுவிட்டது. ஐயாறப்பன் அருளால் காவிரி கிழக்கு நோக்கி ஓடி இந்திரன் பூங்காவை வளப்படுத்தியது. காவிரி ஓடிய பிறகு பூப்போல் மென்மையாய் மணல்மேட்டிலிருந்த நிலம் பூந்துருத்தி எனக் கூறப்படலாயிற்று. தலவரலாற்றின்படி, கௌதம முனிவரின் சாபத்தினால் உடம்பெல்லாம் ஆயிரம் கண்களைப்பெற்ற இந்திரன் இத்தலத்தில் மலர்வனம் உண்டாக்கி அம்மலர்களைத் தூவி இறைவனை வழிபட்டு உடல்நலம் உற்றான். மலர்கள் நிறைந்த வனமாக இருந்ததால் பூந்துருத்தி எனவும், எழுந்தருளியுள்ள இறைவன் திருநாமம் புட்பவனநாதர் எனவும் பெயர் பெற்றார்.
     காசிப முனிவரின் கடுந்தவத்திற்கு இணங்கி, இங்குள்ள கிணற்றில் கங்கை உட்பட பதின்மூன்று புண்ணிய நதிகளை பொங்கி எழச்செய்து காசி விசாலாட்சி சமேதராக அவருக்கு இறைவன் காட்சி நல்கியது ஓர் ஆடி அமாவாசை தினத்தன்று என்று கூறப்படுகின்றது. இத்தலத்தில் உள்ள ஆதி விநாயகர் சந்நிதி முன்பு காசிதீர்த்தம் என வழங்கப்படும் அக்கூபத்தைக் காணலாம்.
     திருஞான சம்பந்தர், அப்பர் பெருமானைக்காண இத்தலத்திற்கு வந்தபோது அப்பர் ஒருவரும் காணாதபடி அவருடைய சிவிகையைத் தாங்கி வந்தார். அவ்விடம் "சம்பந்தர் மேடு' என அழைக்கப்படுகின்றது. அருணகிரிநாதர் அருளிய திருப்புகழ், வள்ளலார் அருளிய பாடல்கள் இத்தலத்திற்கு உண்டு. "பொய்யிலியர்' என இத்தல இறைவனை சேக்கிழார் பெருமான் குறிப்பிடுகின்றார். சைவ சமயத்தில் 9 ஆம் திருமுறை ஆசிரியர்களில் ஒருவரான பூந்துருத்தி காடவநம்பியின் அவதாரத்தலம். கிருஷ்ணலீலாதரங்கிணி இயற்றிய ஸ்ரீநாராயண தீர்த்த சுவாமிகள் தொடர்புடைய ஊர்.
     இன்னும் பல சிறப்புகளும், கட்டட கலைகள் நிறைந்ததும், கல்வெட்டுச்சான்றுகளுடன் திகழ்வதும், சிறப்பு வாய்ந்த கோஷ்ட தெய்வங்களுடன் கூடியதுமானதும், சம்பந்தருக்காக விலகிய நந்தியையும், விழாக்கள் நிறைந்ததுமான இத்தலத்தின்கண் பிரதி ஆடி அமாவாசையன்று நடைபெறும் பித்ருபூஜை வழிபாடு சிறப்பானது. பொதுமக்கள் நலன் வேண்டியும், உலக நன்மைக்காகவும், அனைத்து துறைகளில் மேன்மையடையவும் பித்ருக்களை வேண்டி ஆண்டுதோறும் இந்த பூஜை அருள்மிகு சௌந்தர நாயகி அம்மன் சமேத புஷ்பவனேஸ்வரர் திருக்கோயில் வளாகத்தில் நடத்தப்படுகின்றது.
     அளப்பரிய பலன்களை அளிக்கவல்ல இந்த பித்ரு பூஜை சிறப்பு வழிபாட்டில் ஆண்டுதோறும் எண்ணற்ற பக்தர்கள் கலந்து கொள்வதே இதற்குச் சான்று. இவ்வாண்டு, ஆகஸ்ட் 11 -ஆம் தேதி சனிக்கிழமை ஆடி அமாவாசை அன்று இத்திருத்தலத்திற்குச் செல்லும் அன்பர்கள் குடமுருட்டி ஆற்றில் நீராடி விட்டு, ஆலயத்தில் உள்ள கங்கை பொங்கிய கிணற்றிலிருந்து நீரை தலையில் தெளித்துக்கொண்டு (கங்காஸ்நான ப்ரோக்ஷணம்) இறைவனை தரிசித்த பிறகு பித்ரு பூஜையில் பங்கேற்பது மிக மிக நல்லது.
     இத்தலத்திற்குச் செல்ல தஞ்சை பேருந்து நிலையத்திலிருந்து பேருந்து வசதிகள் உள்ளன. திருச்சியிலிருந்து கல்லணை வழியாக வரலாம்.
     தொடர்புக்கு : எ. பத்மநாபன் - 98944 01250.
     - எஸ்.வெங்கட்ராமன்
     

    ]]>
    http://images.dinamani.com/uploads/user/imagelibrary/2018/8/10/w600X390/POONTHURUTTHI.JPG http://www.dinamani.com/weekly-supplements/vellimani/2018/aug/10/பித்ருக்கள்-ஆசி-வழங்கும்-பூந்துருத்தி-2977859.html
    2977858 வார இதழ்கள் வெள்ளிமணி பொருநை போற்றுதும்! 2- டாக்டர் சுதா சேஷய்யன் DIN DIN Friday, August 10, 2018 10:30 AM +0530 தென்னாட்டுத் தீர்த்தங்களின் பெருமையை, நிமிச் சக்கரவர்த்திக்கு எடுத்துக் கூறுகிறார் கரபாஜன ரிஷி.
     அரசே, முந்தைய யுகங்களின் பிறப்பெடுத்த பெருமக்கள் பலரும், கலியுகத்திலும் பிறப்பெடுக்கவேண்டும் என்று ஆசைப்படுகின்றனர். காரணம், பிற யுகங்களைக் காட்டிலும் கலியுகத்திலேயே கடவுள் பக்தர்கள் அதிகம் தோன்றுகின்றனர். குறிப்பாக, தாமிரவருணி, க்ருதமாலா, பயஸ்வினி, காவிரி, மஹாநதி போன்ற நதிகள் பாயும் திராவிடப் பகுதிகளில் (தோன்றுகின்றனர்). இந்த நதிகளின் நீரைப் பருகுபவர்கள், மனத் தூய்மை பெற்று, பகவான் வாஸýதேவனிடம் பக்தி பூணுவார்கள் (ஸ்ரீமத் பாகவதம், ஏகாதச ஸ்கந்த: பஞ்சம அத்யாய, ஸ்லோகம் 38, 39, 40).
     திருநெல்வேலியில் கோயில் கொண்டுள்ள காந்திமதி அன்னையைப் போற்றுகிறார் சங்கீத மும்மூர்த்திகளில் ஒருவரான முத்துசுவாமி தீக்ஷிதர்.
     சுத்த தாம்ரபர்ணீ தட ஸ்திதாம் பரிசுத்தமான தாமிரவருணியின் தடத்தில் நிலை கொண்டவளே (ஸ்ரீ காந்திமதீம் சங்கர யுவதீம் என்னும் தேசி சிம்ஹாரவ ராகக் கீர்த்தனை)
     தீக்ஷிதரே, "கரையை உடைத்துக் கொண்டு பாயும் தாமிரவருணித் தீரத்தில் கோயில்' கொண்டவராகக் கல்லிடைக்குறிச்சி ஸ்ரீ லக்ஷ்மி வராகரைப் பாடுகிறார்.
     பங்க ஹர தாம்ரபர்ணீ தீரஸ்தம் (ஸ்ரீ லக்ஷ்மீவராஹம் பஜேஹம் என்னும் ஆபோகி ராகக் கீர்த்தனை)
     அன்று தொடங்கி இன்றுவரை, புனிதப் புனலாகத் திகழும் தாமிரவருணிக் கரைக்கு மேலும் புனிதம் சேர்த்த மகான்கள் பலருண்டு.
     தாமிரவருணி தந்த வைணவ தரிசனம்: "வேதம் தமிழ் செய்த மாறன்' என்று போற்றபெறுபவரும் ஆழ்வாராதிகளில் தலையாயவராகக் கருதப்படுபவருமான நம்மாழ்வார், தாமிரவருணிக் கரையில், திருக்குருகூரில் திருவவதாரம் செய்தார். இந்த மகானின் பெருமையை விளக்கும் வகையில், ஆழ்வார் திருநகரி என்றே இவ்வூர் திகழ்கிறது.
     புளியமரத்துப் பொந்தில் ஊன் உறக்கமும் பேச்சு அசைவுகளும் இல்லாமல், யோகத்தில் அமர்ந்திருந்த நம்மாழ்வாரின் பேரொளியால் ஈர்க்கப்பட்டு ஆழ்வார் திருநகரியை அடைந்தார் மதுரகவி. நம்மாழ்வாரோடு தங்கிக் கைங்கர்யத்தில் இவர் ஈடுபட்டிருந்த காலத்தில், ஆழ்வார், திருநாடு அலங்கரிக்கும் சமயம் நெருங்கியது. கண்ணீரோடு நின்ற சீடர் மதுரகவியிடம், தாமிரவருணியில் நீரெடுத்து, அதனை அடுப்பில் காய்ச்சும்படிப் பணித்தாராம். அவ்வாறே மதுரகவியும் செய்ய......இதுவரை பார்த்தறியாத ஓர் உருவச்சிலை தோன்றியது. ஆழ்வாரிடம் அச்சிலையைக் காட்ட, அது "பவிஷ்யதாசார்யர்' (வருங்கால ஆசான்) என்று கூறினார். பிற்காலங்களில், ஸ்ரீ வைணவத்திற்குப் பெரும்பாதையிட்ட எம்பெருமானார் ராமானுஜரின் திருவுருவமே அது! மீண்டும் தாமிரவருணி நீரெடுத்துக் காய்ச்சுவதற்கு ஆணையிட... இம்முறை, நம்மாழ்வாரின் திருவுருவச் சிலை உருவானது. அதனையே தமது வடிவமாகக் கொள்ளும்படிக் கூறிவிட்டு, நம்மாழ்வார் திருநாடு அலங்கரித்தார் எனப்படுகிறது.
     நம்மாழ்வார் மதுரகவி ஆழ்வார் என்னும் சிஷ்ய பரம்பரையின் சிறப்புக்கும், ஸ்ரீ ராமானுஜரை அடையாளம் காட்டுவதற்கும் தாமிரவருணித் தண்ணீரே வழி கோலியது எனலாம்.
     பத்தமடை கொடுத்த பேராசான்: தாமிரவருணியிலிருந்து கிளைபிரிந்து ஓடிவரும் வாய்க்காலால் வளமை பெற்று, பச்சைக் கம்பளமாகப் பளபளத்த ஊர் பத்தமடை. பத்தமடை வெங்கு ஐயருக்கும் அவருடைய தர்மபத்தினி பார்வதி அம்மாளுக்கும் 1887 - ஆம் ஆண்டு செப்டம்பர் 8 -ஆம் நாள், பரணித் திருநட்சத்திரத்தில் பிறந்த செல்வத் திருக்குமாரன், ஆன்மிக உலகின் பேராசானாக அருள்புரிந்தார். அப்பைய தீக்ஷிதரின் வம்சாவளியில், அவருடைய தம்பி மகனான நீலகண்ட தீக்ஷிதரின் பரம்பரையில் வந்தது இக்குடும்பம். குழந்தைக்குப் பெற்றோர்கள் "குப்புசுவாமி' என்று பெயர் சூட்டினர். வெங்கு ஐயர், எட்டயபுரத்திற்குக் குடியேற, முத்துசுவாமி தீக்ஷிதரின் பெயரால் இவ்வூரில் விளங்கும் தீக்ஷிதர் தெருவில், கல்மண்டபம் என்னும் வீட்டில், சிறுவன்
     குப்புசுவாமியின் வாசம்.
     ராஜா உயர்நிலைப் பள்ளியில் பயில்கிற காலத்தில், தேகப் பயிற்சியில் மிகுந்த ஆர்வம் கொண்டிருந்த குப்புசுவாமிக்கு, உடற்பயிற்சி ஆசிரியராக விளங்கியவர் சாம்பசிவ ஐயர். இதே சாம்பசிவ ஐயரின் மருமகனோடு சேர்ந்து சிலம்பப் பயிற்சியும் பெற்றான் குப்புசுவாமி. அந்த மருமகன் யார் தெரியுமா? அதே தீக்ஷிதர் தெருவில் வசித்து வந்த சுப்பிரமணியம். ஆமாம், மகாகவி பாரதியார் என்றறியப்பெறுகிற சுப்பிரமணிய பாரதியார்தாம்!
     மக்கள் பணியே மகேசன் பணி என்னும் எண்ணம் சிறு வயது முதலே நெஞ்சத்தில் நிலைகொண்டதால், 1905 -ஆம் ஆண்டு, இண்டர்மீடியட் தேர்வில் வெற்றிபெற்ற கையோடு, தஞ்சாவூர் பிரின்ஸ் ஆஃப் வேல்ஸ் மருத்துவப் பள்ளியில் சேர்ந்தான் குப்புசுவாமி. சப் அஸிஸ்டண்ட் சர்ஜன் படிப்புக்குப் (உதவி மருத்துவராகப் பணியாற்றுவதற்கான லைசென்ûஸப் பெற்றுத் தரும் கல்வி) பயின்றுகொண்டிருந்த நிலையிலேயே தந்தையார் காலமாகிவிட, குடும்பச் சுமைகள் குப்புசுவாமியின் முதுகில் ஏறிக் கொண்டன. இருப்பினும், நலவாழ்வு மற்றும் பொதுச் சுகாதாரப் பணிகளைப் புறந்தள்ளிவிட மனமில்லை. மக்களுக்கு நோய்த் தீர்வு தந்தால் மட்டும் போதாது; வியாதிகளே வராமல் தடுக்கவேண்டும்; ஆரோக்கியமான பழக்க வழக்கங்களைச் சமுதாயத்தில் உருவாக்கவேண்டும் என்றெல்லாம் கருதிய குப்புசுவாமியின் அவா, "அம்ப்ரோசியா' என்னும் மருத்துவப் பத்திரிகையாக மலர்ந்தது. "அம்ப்ரோசியா' என்னும் கிரேக்க மொழிச் சொல்லுக்கு நேரடியான வடமொழிச் சொல் "அம்ருதம்' எனலாம். இரண்டுக்குமே "மரணமின்மை' என்றுதான் பொருள். 32 பக்கங்களோடு 1909- இல் முதன்முதலில் தொடங்கப்பெற்ற அம்ப்ரோசியா, பல்வேறு மருத்துவ அறிஞர்களின் கட்டுரைகளைத் தாங்கியபடி, மக்களுக்கு விழிப்புணர்வு தரும் வகையில், 4 ஆண்டுகளுக்கு வெளிவந்தது. தென்னிந்தியாவின் நலவாழ்வு-சுகாதார வரலாற்றில், இப்படியொரு விழிப்புணர்வுப் பத்திரிகையை முதன்முதலில் நடத்தியவர் குப்புசுவாமியே ஆவார்.
     சிங்கப்பூரிலும் மலாயாவிலும் மருத்துவப் பணிபுரிந்த நிலையிலும், ஏராளமாகச் செல்வம் கொட்டிய நேரத்திலும், நோயாளிகள் பலரை வாஞ்சையோடு கவனித்த காலத்திலும், பஜனை, சங்கீர்த்தனம், வேதாந்தம் ஆகியவற்றில்தாம் குப்புசுவாமிக்கு ஆத்மார்த்த ஈடுபாடு இருந்தது. தம்மிடம் சேர்ந்த பொருளையும் பணத்தையும் அள்ளி அள்ளிக் கொடுத்தார். இறை சிந்தனையில் மூழ்கிய உள்ளம், இறைவனை ஆத்மார்த்தமாக உணரவேண்டும் என்று விழைந்தது. அனைத்தையும் விட்டுவிட்டு இந்தியா திரும்பிய குப்புசுவாமி, வாரணாசிக்குச் சென்றார். தொடர்ந்து, கையில் பைசாக் காசுகூட இல்லாமல், முழுமையாகத் தம்மைக் கடவுளின் கரங்களில் கொடுத்துவிட்டு, "யாரேனும் தந்தால் சாப்பாடு, இடமேதும் கிடைத்தால் உறக்கம்' என்ற நிலையில், பரிவ்ராஜகராக, கால்நடையாகப் பற்பல இடங்களிலும் சுற்றித் திரிந்தார்.
     நடந்து நடந்தே ரிஷிகேசத்தை அடைந்துவிட்டார் குப்புசுவாமி. அங்கிருந்த வயது முதிர்ந்த துறவி, சுவாமி விசுவானந்தர், குப்புசுவாமியை உற்று நோக்கினார்; தமது காலில் விழுந்த அந்த இளைஞரின் தீட்சண்யத்தை உணர்ந்தார். "பிûக்ஷகூடக் கிடையாது' என்று விரட்டியடிக்கப்பட்ட குப்புசுவாமியை மெல்ல அரவணைத்து, சந்நியாச தீûக்ஷயளித்து, தீக்ஷôநாமமும் சூட்டினார். 1924 - ஆம் ஆண்டு, ஜூன் 1- ஆம் தேதி, அதுவரை பத்தமடை குப்புசுவாமியாக இருந்த மருத்துவர், சுவாமி சிவானந்த சரஸ்வதி என்னும் மகானாக மாறினார்.
     அச்சமில்லா ஆன்மவீரராக, அனைவருக்கும் அடைக்கலம் அளித்த அண்ணலாக, சமரசச் சிந்தனையைப் பரவச் செய்த சாதனையாளராகத் துலங்கியவர் சுவாமி சிவானந்தர். தம்முடைய கம்பளத்தைக் கடித்துப் பாழ்படுத்திய எலிக்கும் அதன் குஞ்சுகளுக்கும்கூட பாதுகாப்புக் கொடுத்து, எதிர்பாராதவிதமாக அவை இறந்துபோனபோது, அவற்றுக்காக மகா மிருத்யுஞ்சய மஹா ஹோமம் செய்து அவற்றின் ஆன்மசாந்திக்கு வழிகோலியவர்.
     ஆற்றங்கரைக் காட்டின் அவதார புருஷர்: தாமிரவருணிக் கரை சித்த மகாபுருஷர்களில் ஒருவர், கோடகநல்லூர் சுந்தர சுவாமிகள்.
     தாமிரவருணித் தீரத்தின் ஊர்களில் ஓன்று, திருநெல்வேலிக்குச் சுமார் 20 கி.மீ. வடக்கேயுள்ள கங்கைகொண்டான். இந்த ஊரில், யஜ்ஞேச்வர சிவன் என்னும் ஞானிக்கும் அவர்தம் திருவாட்டியாம் காமாட்சி அம்மாளுக்கும், 1831- ஆம் ஆண்டு, டிசம்பர் 3 -ஆம் தேதி (கார்த்திகை 20) அனுஷ நட்சத்திர அமாவாசைத் திருநாளில், இரண்டாவது மகனாகத் தோன்றியவர் சுந்தரேசன். இந்தக் குடும்பமும் அப்பைய தீக்ஷிதர் பரம்பரையைச் சேர்ந்ததாகும். சிறு வயதிலேயே பெற்றோர் காலமாகிவிட, அண்ணா ராம சுப்புவும் தம்பி சுந்தரேசனும் தாய்மாமா வெங்கட சுப்பையரால் பத்தமடையில் வளர்க்கப்பட்டார்கள்.
     சிறு வயதிலேயே ஆன்மிக நாட்டம் அதிகம் பெற்றவராகத் திகழ்ந்த சுந்தரேசன், பெரியவர்களின் வற்புறுத்தலால், அடைச்சாணி கிராமத்தைச் சேர்ந்த ஜானகி என்னும் மங்கை நல்லாளை மணந்தார். பத்தமடையிலேயே இல்லறம் நடத்தி, சாதுக்களுக்கும் அதிதிகளுக்கும் விருந்துபசாரம் செய்து வாழ்ந்தார். பத்தமடையிலும் அடைச்சாணியிலும் மந்திர உபதேசம் பெற்ற சுந்தரேசன், தாமிரவருணிக் கரை கிராமங்களில் வேத-வேதாந்த-புராண உபன்யாசங்கள் நிகழ்த்துவது வழக்கம். இவ்வாறு கோடகநல்லூரில் (பத்தமடைக்கு எதிர்க்கரையில் உள்ள சிற்றூர்) உபன்யாசம் செய்துகொண்டிருந்த ஒரு நாளில், திடீரென்று பாதியில் அதை நிறுத்திவிட்டு, வேறு ஒருவரைத் தொடரச் சொல்லிவிட்டு, ஆற்றங்கரைப் புதர்களுக்குள் சென்று, கேசத்தை மழித்துக்கொண்டு, பூணூலைத் துறந்து, பூரண சந்நியாசியாகத் திரும்பினார். உபன்யாசத்தின் இடையில் பீறிட்டுவந்த வைராக்கியம், 23 வயதில் வித்வத் சந்நியாசம் பெற்றுக்கொள்ளச் செய்தது.
     தொடர்ந்து வந்த ஆண்டுகளில், அவதூத சந்நியாசியாக (ஆடையற்றவராக; அனைத்தையும் உதறியவர் என்பதே இப்பெயருக்கான பொருள்; தன்முனைப்பு, சடங்கு, சம்பிரதாயம் போன்றவற்றை உதறிய இத்தகையோர், தேக சிந்தனையையும் உதறியவர்கள்), கோடகநல்லூர் "பத்தமடை பகுதியின் தாமிரவருணி கோரைக் காட்டிற்குள் தவம், யோகம், நிஷ்டை என்று ஆழ்ந்துவிட்டார். யார் கண்ணிலும் படமாட்டார். மனைவி ஜானகி மட்டும், உணவு தயாரித்துக் கொண்டுவந்து, அதிகாலையிலிருந்து காட்டோரத்தில் காத்திருப்பார். சில நாட்கள், சுவாமிகள் வெளிவந்து உணவை உண்பார். சில நாட்கள், கண்டும் காணாமல் காட்டின் அடர்த்திக்குள் மறைந்து கொள்வார். அந்தி சாயும்வரை காத்திருக்கும் ஜானகி, மீண்டும் அடுத்த நாள் அதே வழக்கத்தைத் தொடர்வார்.
     இக்காலகட்டத்தில், திருநெல்வேலிப் பகுதிக்கு யாத்திரை வந்த சிருங்கேரி ஸ்ரீ சாரதா பீடாதிபதி ஜகத்குரு அபிநவ நரசிம்ம பாரதி சுவாமிகள், கோரைக் காட்டுக்குள் சென்று சுந்தர சுவாமிகளைச் சந்தித்தாராம். அவருடைய வாக்கை ஏற்று, சிவன் திருநாமத்தைப் பரவச் செய்வதற்காக, வெளியுலகம் போந்தார். இதற்காகக் கெüபீனமும் அரையாடையும் அணிந்தார்.
     தாமிரவருணியின் வடகரையின் தலங்களுக்குச் சென்று, அப்படியே ஆத்தூர் சங்கமம் (தாமிரவருணி கடலில் கலக்கும் பகுதி) அடைந்து, மீண்டும் தென் கரை வழியே பாணதீர்த்தம் வரை யாத்திரை செய்து, "தாமிரவருணி பரிக்ரமா' (ஆற்றை முழுமையாகச் சுற்றி வருதல்) நிறைவேற்றியுள்ளார். இவ்வாறு செல்கிற காலத்தில், ஆங்காங்கே சீடர்கள் வந்து சேர்ந்துள்ளனர்.
     சுவானுபூதி ரசாயனம், சுவானுபவ ரசமஞ்சரி, நிஜானந்த விலாசம் போன்ற வேதாந்த நூல்களை எழுதிய சுந்தர சுவாமிகள், சிவ பஜனைகளும் சங்கீர்த்தனங்களும் நிகழ்த்துவார். ஜாதி இன பேதங்கள் இல்லாமல், ஆண்கள் அனைவரையும் தத்தம் பெயருக்குப் பின்னால், "சிவன்' என்னும் அடைமொழியை இணைத்துக் கொள்ளப் பணித்தார்.
     நடைபயணமாகவே காசி வரைக்கும் சென்றார். தேவகோட்டை, தஞ்சாவூர் உள்ளிட்ட ஊர்களிலும் சுற்று வட்டாரங்களிலும் உபன்யாசங்கள் செய்தார். ஊர்க்காரர்கள் மரியாதையோடு கொண்டுவந்து சமர்ப்பித்த சன்மானங்களைக் கொண்டு கும்பாபிஷேகம் உள்ளிட்ட அறப்பணிகள் பலவற்றை நிகழ்த்தினார். சில இடங்களில் நெடுங்காலம் தங்கி, வேதாந்தப் பாடங்கள் சொன்னார். இறந்த பிள்ளையை உயிருடன் எழுப்பியது, ஒரே சமயத்தில் ஏழு ஊர்களில் முன்னின்று கும்பாபிஷேகம் நடத்தியது என்று இவர் ஆற்றிய அற்புதங்கள் அதிகம். காசியிலிருந்து பாணலிங்கம் கொணர்ந்து, 1864- இல் பத்தமடை கீழ அக்ரஹாரச் சிவன் கோயிலில் பிரதிஷ்டை செய்தார். இன்றளவும், பத்தமடை கீழத் தெரு (இப்போதைய சிவானந்தர் தெரு) அருள்மிகு மீனாட்சி சுந்தரேசுவரர் கோயிலில், இந்தச் சிவபெருமான் அருள்பாலிக்கிறார்.
     1873-74 வாக்கில், வடலூர் ராமலிங்க சுவாமிகளைச் சிதம்பரம் பகுதியில் சந்தித்துச் சுந்தர சுவாமிகள் உரையாடியதாகத் தெரிகிறது. நகரத்தார் பெருமக்களின் வேண்டுகோளுக்கிணங்கச் செட்டிநாட்டுப் பகுதிகளில் சுவாமிகள் அதிகம் தங்கினார். 1878- ஆம் ஆண்டு, அக்டோபர் 21 -ஆம் தேதி, ஐப்பசித் தேய்பிறை தசமியில், அரிமளம் என்னும் ஊரில் சுவாமிகள் மகாசித்தி அடைந்தார். அரிமளம் அருள்மிகு காந்திமத நாத அனவரத நாதர் திருக்கோவிலில் மகா சமாதியில் அருள்கிறார்.
     சுந்தர சுவாமிகளின் உபதேசம் பெற்று, கழுத்தில் ஏக ருத்ராக்ஷம் அணிந்து, பெயர்களுக்குப் பின்னால் "சிவன்' என்னும் அடைமொழியைச் சேர்த்துக் கொண்டார்கள் வையச்சேரி ராமசாமி சிவன் மற்றும் மகாவைத்யநாத சிவன் சகோதரர்கள். கர்நாடக இசையுலகில் கொடி கட்டிப் பறந்த இவர்கள், சுந்தர சுவாமிகளின் முக்கிய சீடர்கள் ஆவர். மாவடி சிதம்பரம் பிள்ளை, கோயில் மணியம் சுப்பிரமணிய பிள்ளை, காந்திமத நாத பிள்ளை, சதாசிவ தர்வாடி, கிருஷ்ண தர்வாடி, தளவாய் ராமசாமி முதலியார் ஆகிய நெல்லைப் பிரமுகர்கள், பிரதான சீடர்கள் ஆயினர். புதுக்கோட்டையில், ஐந்து வயதுச் சிறுமிக்கும் வண்டிக்கார ரங்க கோனாருக்கும் சுவாமிகள் உபதேசம் செய்ததாகத் தெரிகிறது.
     இந்தச் சீடர்கள் வரிசையில், தாமிரவருணித் தீரத்திற்குத் தனிச்சிறப்பு சேர்த்த மற்றொருவரும் உண்டு. திருநெல்வேலி ஆங்கிலோ வெர்னாகுலர் ஹை ஸ்கூலில் (பின்னாட்களில் இதுவே இந்து கல்லூரி ஹை ஸ்கூல்) ஆசிரியராகப் பணியாற்றிய சுந்தரம் பிள்ளையே இவர். உலகம் இவரை மனோன்மணீயம் சுந்தரனார் என்றறியும்.
     - தொடரும்
     
     

    ]]>
    http://images.dinamani.com/uploads/user/imagelibrary/2018/8/10/w600X390/vm23.jpg http://www.dinamani.com/weekly-supplements/vellimani/2018/aug/10/பொருநை-போற்றுதும்-2--டாக்டர்-சுதா-சேஷய்யன்-2977858.html
    2977857 வார இதழ்கள் வெள்ளிமணி விசுவாசத்தில் வல்லமை! DIN DIN Friday, August 10, 2018 10:25 AM +0530 நம்முடைய விசுவாசம் தெளிவானதாகவும், எந்த சந்தேகமும் இல்லாததாகவும் இருக்க வேண்டும். அது தேவன் நல்லவர், வல்லவர் என்பதை விசுவாசிப்பது மட்டுமல்ல, அவர் சொன்னபடியே ஆகும்' (மாற்கு 11:23) என்பதில் முழு நம்பிக்கை வைப்பதாகும்.
    விசுவாசத்தினால் ஒரு குறிப்பிட்ட இலக்கை அடையக் கேட்கும் போது பதிலும் தெளிவாகவே இருக்கும். "நீங்கள் எவைகளைக் கேட்டுக் கொள்வீர்களோ' விசுவாசமும், ஜெபமும் ஒரு காரியத்துக்காக ஒன்றுபட்டு தேவனை நாடும்போது, அவற்றை கொடுப்பதற்கு தேவன் தம்மையே அர்ப்பணிக்கிறார்.
    மாற்கு 11:4-இல் ஆதலால், நீங்கள் ஜெபம் பண்ணும்போது எவைகளைக் கேட்டுக்கொள்வீர்களோ, அவைகளைப் பெற்றுக் கொள்வோம் என்று விசுவாசியுங்கள். அப்பொழுது அவைகள் உங்களுக்கு உண்டாகும் என்று சொல்லுகிறேன்' என கூறப்பட்டுள்ளது. நிறைவான விசுவாசம், நிறைவான ஜெப வேண்டுதல்களை தன்னுள் கொண்டிருக்கும். அது எவ்வளவு பெரிய, விவரிக்கமுடியாத செயல்பாட்டு பகுதியாக இருந்தலும் எவைகளைக் கேட்டுக் கொள்வீர்களோ அவைகளைப் பெற்றுக் கொள்வீர்கள்' என்பதை எவ்வளவு நிச்சயமான, உறுதியான வாக்குதத்தம்.
    நம்முடைய தலையாய கரிசனை எல்லாம் நமது விசுவாசத்தைப்பற்றியதுதான். அதன் வளர்ச்சியைப்பற்றிய பிரச்னைகளும், அதன் ஆற்றல்மிகு முதிர்ச்சியடைவதற்கான செயல்களையும் பற்றியதுதான். சிதறாமல், சந்தேகம் அல்லது பயம் இல்லாமல், எதைக் கேட்கிறோமோ அதை விடாப்பிடியாக பிடித்துக்கொள்ளும் ஒரு விசுவாசம். நமக்கு அவ்விதமான விசுவாசம்தான் தேவை. நடைமுறைப்படுத்துவதிலும், செயல்பாட்டிலும், விசுவாசம் விலைமதிப்பற்ற முத்தைப்போன்றது.
    விசுவாசம் மற்றும் ஜெபத்தைப்பற்றி நமது ஆண்டவர் கூறிய மேலே குறிப்பிட்ட வாசகங்கள் அதிக முக்கியத்தவம் வாய்ந்தவை.
    விசுவாசம் தெளிவாக, குறிப்பான காரியத்துக்காக இருக்க வேண்டும். அது ஏதோ உறுதியற்ற, நிச்சயமற்ற, தெளிவற்ற மங்கலான காரியம் அல்ல. தேவன் நமக்காக செயலாற்ற முடியும் என்ற ஏதோ ஒருவிதமான நம்பிக்கையைவிட அது மேலானதாக இருக்கவேண்டும். நாம் கேட்பதை பெற்றுக்கொள்வோம் என்ற எதிர்பார்ப்பு உள்ளதாக இருக்கவேண்டும். மாற்கு 11.23-ஆம் வசனத்தில், தான் சொன்னபடி நடக்கும் என்று, தன் இருதயத்தில் சந்தேகப்படாமல் விசுவாசித்தால், அவன்சொன்னபடியே ஆகும்'' என்று சொல்லப்பட்டிருக்கிறது.
    எவ்வளவு ஆழமான நமது விசுவாசமும், வேண்டுதலும் தெளிவானதாக இருக்கிறதோ, அவ்வண்ணமாகவே அதற்குக் கிடைக்கும் பதிலும் இருக்கும். நாம் ஜெபிக்காத ஒன்றை கிடைக்கப்பெறாமல், உண்மையாக எதை நாடி எதைக் குறிப்பிட்டு, எதற்காக ஜெபித்தோமோ அது கிடைக்கப் பெறுவோம்.
    விசுவாசமும், ஜெபமும் வேண்டுதலுக்கான காரியத்தைத் தேர்வு செய்து, தேவன் என்ன நடப்பிக்க வேண்டுமென தீர்மானம் செய்கின்றது. அவன் சொன்னபடியே ஆகும்.
    "விசுவாசம் மற்றும் ஜெபத்தின் எல்லா கோரிக்கைகளையும் நிச்சயமாக முழுமையாக நிறைவேற்ற கிறிஸ்து ஆயத்தமாக இருக்கிறார். தேவனிடம் சமர்ப்பிக்கும் கோரிக்கைகள் தெளிவானதாக, உறுதியானதாக, நிச்சயமானதாக இருப்பின், அவை சமர்ப்பிக்கப்பட்ட மாதிரியே தேவன் அதை நிறைவேற்றுவார்.
    - ஒய். டேவிட் ராஜா

     

    ]]>
    http://images.dinamani.com/uploads/user/imagelibrary/2018/8/10/w600X390/v23.jpg http://www.dinamani.com/weekly-supplements/vellimani/2018/aug/10/விசுவாசத்தில்-வல்லமை-2977857.html
    2977856 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, August 10, 2018 10:24 AM +0530 * மக்கள் தங்களுக்கு வரும் இன்ப துன்பங்களை வினைவழியே விட்டு, இறைவனை முற்றிலும் நம்பியிருக்க வேண்டும். அவன் சம்மதத்தின்படியே அனைத்தும் நடைபெறும் ஆதலால், பயனை நோக்காமல் இருப்பதே உயர்ந்த பண்பாகும். 

    * மனிதப்பிறவி அரிதாயினும் அதுவே மிகுதியும் அஞ்சத்தக்கது. ஏனென்றால் மனிதர்கள் தங்கள் செயல்களால் இந்தப் பிறவிக்குப் பிறகு வரும் பிறவியில் மேலாயினும் கீழாயினும் போகக்கூடும். 
    - பாம்பன் சுவாமிகள்

    * மேருமலையை வில்லாகக் கொண்டவர், வெள்ளிமலையான கயிலாயத்தின் சிகரத்தில் வசிப்பவர், நாகராஜனை நாண்கயிறாகக் கொண்டவர், திரிபுரர்களை அழித்தவர், தேவர்களால் துதிக்கப்பட்டவர் அப்படிப்பட்ட சந்திரசேகரனான பரமேஸ்வரனை நான் சரணடைகிறேன். என்னை யாரால் என்ன செய்ய முடியும்?
    - ஸ்ரீ சந்திரசேகராஷ்டகம் 

    * ஒரு செயலை நாளை செய்ய வேண்டுமென்றால் இன்று செய். இன்று செய்ய வேண்டுமென்றால் இப்போதே செய். ஒரு கணத்தில் பிரளயமே வந்துவிடலாம், பின்னர் செய்வதுதான் என்ன? - கபீர்தாசர்

    * இறைவனே! திருநீறு பூசிய மெய்யடியார்களுக்குச் சதா விருந்து வைப்பதால் வருகிற வறுமையையும், விரதமிருந்து இளைக்கிற உடம்பையும் எனக்குக் கொடு.
    - சிவப்பிரகாச சுவாமிகள்

    * எரிகிற நெருப்பை நீரினால் அணைப்பது போல, மனதில் எழுகிற கோபத்தைப் புத்தியினால் அடக்குகிறவனே மகாத்மா.கோபத்தை அடைந்த எவன்தான் பாவத்தைச் செய்யமாட்டான்?கோபத்தினால் ஆட்கொள்ளப்பட்டவன் பெரியோர்களையும் கொன்றுவிடுவான். தீய சொற்களால் சாதுக்களை அவமதித்தும் பேசுவான். அவன் எது சொல்லத்தக்கது, எதுசொல்லத்தகாதது என்பதை அறியான்.பாம்பு தன் சட்டையை உதறித் தள்ளுவதைப் போல, எழுகிற கோபத்தைப் பொறுமையினால் உதறித் தள்ளுபவனே புருஷன் என்று கருதப்படுவான்.
    - ராமாயணத்தில் ஹனுமான் சொன்னது

    * காட்டிலோ, போரிலோ, பகைவர், வெள்ளம், நெருப்பு ஆகியவற்றின் நடுவிலோ, பெருங்கடலிலோ, மலையுச்சியிலோ இருப்பவனாயினும், அந்த மனிதனை முற்பிறவியில் செய்யப்பட்ட புண்ணியங்கள் (நல்வினைகள்) காப்பற்றுகின்றன.
    - பர்த்ருஹரி

    * எல்லோரும் சித்தர்களாக ஆகிவிட முடியாது. மக்கள் தங்கள் சித்தத்தை அடக்குவது கடினம். ஆனால் அவர்கள் சிறந்தவர்களாக விளங்க முயற்சி செய்ய வேண்டும். அவர்கள் தங்கள் எண்ணங்களில் பரிசுத்தமானவர்களாக இருக்க வேண்டும்.
    - மயான யோகியார்

    * தீமை செய்தால் தீமை செய்வதுதான் உலக வழக்கம். ஆனால் தீமை செய்தாலும் நன்மை செய்வது உத்தமர் வழக்கம். 
    - குருநானக்

    * நல்ல நூல்கள் பலவற்றைக் கற்றாலும் காண்பதற்கு அரிது எல்லையில்லாத சிவம்.
    - அவ்வை குறள்

    * ஒவ்வொரு நாளும் இந்த வாழ்க்கையின் துன்பத்திற்கும் இன்பத்திற்கும் நூற்றுக்கணக்கான ஆயிரக்கணக்கான சந்தர்ப்பங்களும் காரணங்களும் உண்டாகின்றன. ஆனால் அவையெல்லாம் அறிவில்லாதவனைத்தான் பாதிக்குமே தவிர, விவேகமுள்ளவனை அணுகாது.
    - மகாபாரதம்

    ]]>
    http://images.dinamani.com/uploads/user/imagelibrary/2018/8/10/w600X390/kamalanandhar.JPG http://www.dinamani.com/weekly-supplements/vellimani/2018/aug/10/பொன்மொழிகள்-தொகுப்பு-சுவாமி-கமலாத்மானந்தர்-2977856.html
    2977855 வார இதழ்கள் வெள்ளிமணி உலக அமைதிக்கு அடித்தளம் ஹஜ் DIN DIN Friday, August 10, 2018 10:21 AM +0530 ஆதம் நபி படைக்கப்படுவதற்கு முன்னர் உருவான உருவான கஃபாவை இப்ராஹீம் நபி புதுப்பித்து கட்டி முடித்தவுடன் மக்களை ஹஜ்ஜுக்கு வருமாறு அழைக்க கட்டளை இட்டதை இயம்புகிறது இறைமறை குர்ஆனின் 22-27 ஆவது வசனம்.
     "ஹஜ்ஜுக்காக மக்களுக்கு நீங்கள் அறிவியுங்கள். கால்நடையாகவும் மிக தொலைவான ஒவ்வொரு பாதையிலிருந்தும் மெலிந்த ஒட்டகம் ஒவ்வொன்றின் மீதும் உங்களிடம் வருவார்கள். தொலைவிலிருந்து நீண்ட பயணம் செய்து நடப்பதால் மெலிந்து போன ஒட்டகம் என்பதை இவ்வசனத்தில் வரும் குல்லிளாமிர் என்ற அரபி சொல் குறிக்கிறது. இப்ராஹீம் நபி ஹஜ்ஜுக்கு வரும்படி மக்களை அழைக்க அறிவுறுத்தும் அல்லாஹ் அந்த அழைப்பினை ஏற்று மக்கள் நடந்தும் தொலைவிலிருந்து வாகனங்களில் வருவதையும் தெரிவிக்கிறது இவ்வசனம். இன்றும் உலகின் எல்லா நாடுகளிலிருந்தும் எண்ணற்ற மக்கள் கோடி கோடியாக வந்து கூடி அகில உலக அமைதிக்கு அடித்தளம் அமைக்கும் அற்புதம் அருமை குர்ஆனை மெய்ப்பிக்கும் பொற்புடைய நிகழ்ச்சி.
     இப்ராஹீம் நபி என் குரல் எட்டாதே என்றார்கள். அறிவிப்பது உங்கள் கடமை. எட்ட செய்வது என் பொறுப்பு என்றான் இறைவன். இப்ராஹீம் நபி ஸபா மலையின் மீது ஏறி நின்று இரு கை விரல்களையும் இரு காதுகளில் வைத்துக் கொண்டு நான்கு திசைகளிலும் திரும்பி, ""மக்களே அறிந்து கொள்ளுங்கள். உங்கள் இறைவன் ஓர் ஆலயத்தைப் புதுப்பித்து அப்பழைமையான ஆலயத்திற்கு வருமாறு உங்களுக்கு உத்தரவு இட்டுள்ளான். அல்லாஹ்வின் ஆணையை ஏற்று அவனின் சங்கையான ஆலயத்திற்கு வந்து ஹஜ் செய்யுங்கள். ஹஜ் செய்த பயனாய் நயமிகு நாயகன் அல்லாஹ் உங்களுக்குச் சொர்க்கத்தை அளிப்பான். நரக நெருப்பிலிருந்து உங்களுக்கு விடுதலை வழங்குவான்'' என்று முழங்கினார்கள். இப்ராஹீம் நபியும் இஸ்மாயில் நபியும் நடந்தே ஹஜ்ஜுக்குச் சென்றனர். ஹரமை நெருங்கியதும் காலணிகளைக் கழட்டி விடுவர் என்று முஜாஹிது (ரஹ்) அறிவிக்கிறார்.
     பூர்வீக ஆலயத்தைச் சுற்றி தவாப் செய்ய கட்டளையிடுகிறது 22-29 ஆவது வசனம். அல்லாஹ் மக்கமா நகரைக் கண்ணியப்படுத்தி இருப்பதை 27-91 ஆவது வசனம் கூறுகிறது. ஹரம் சரீபை அபயம் உள்ள இடமாக ஆக்கியிருப்பதை அறிவிக்கிறது 29-67 ஆவது வசனம். மக்காவில் மரம், செடி, கொடிகளை வெட்டக்கூடாது. குருவிகள் பூச்சிகளை வேட்டையாடக் கூடாது. இந்த அபய நகருக்குள் புகுந்த குற்றவாளியைப் பிடித்து இந்நகருக்கு வெளியில் கொண்டு சென்று தண்டிக்க வேண்டும்.
     வானவர் ஜிப்ரயீல் சுட்டிக் காட்டிய ஆறு இடங்களில் இப்ராஹீம் நபி அடையாள கல் நட்ட பகுதியே புனித பகுதி. அதன்பின் மக்காவை ஹிஜ்ரி 8- இல் வெற்றி கொண்ட மாநபி (ஸல்) அவர்கள் தோழர் தமீம் பின் அஸதுல் குஜாயீ (ரலி) அவர்களிடம் இவ்விடங்களைக் குறித்து கூறி மீண்டும் அடையாளக் கல் நட்ட இடங்களுக்கு அனுப்பினார்கள். அவை, தன்ஈம் 7.5 கி.மீ., நக்லா 13 கி.மீ., அவாத் லபன் 16 கி.மீ., ஜிஃரானா 22 கி.மீ., ஹுதைபியா 22 கி.மீ., அரபா 22 கி.மீ. இந்த ஆறு எல்லைகளுக்கு உட்பட்டதே மக்கா. குர்ஆனில் குவலய மக்கள்கூடும் மக்காவிற்குப் பதினொரு சிறப்பு பெயர்கள் பதியப்பட்டுள்ளன.
     ஈசா நபியை பின்பற்றிய யேமன் நாட்டரசர் அஸ் அதுல் ஹிம்யரீ வேதங்களில் குறிப்பிடப்படும் அஹ்மது என்று பெயர் பூண்ட ஒரு தூதர் விரைவில் வருவார் என்று கூறுவார். இவரே முதன்முதலில் கஃபாவிற்குக் கிலாம் என்னும் போர்வையை போர்த்தியவர்.
     பெற்றோரிடம் அனுமதி பெற்று ஹஜ்ஜுக்குச் செல்வது சிறப்பு. உலகின் அனைத்து பகுதிகளில் இருந்தும் மக்காவிற்கு வரும் ஹஜ் பயணிகள் எட்டாம் நாள் மினாவிற்குச் சென்று பகலிலும் இரவிலும் அங்கு தங்க வேண்டும். ஒன்பதாம் நாள் காலையில் சுபுஹு (வைகறை) தொழுகை தொழுதபின் அரபா சென்று அந்தி வரை தங்கி அயராது அல்லாஹ்வைத் துதிக்க வேண்டும். தொய்வில்லாது இங்கு செய்யும் துதி ஹஜ் கடமைகளில் கட்டாயமும் முக்கியத்துவமும் உடையது. நோயுற்றவர்களையும் அனைத்து மருத்துவ வசதிகளை உடைய அவசர ஊர்தி (ஆம்புலன்ஸ்) களில் படுக்க வைத்து அரபாவில் ஊர்திகளை நிற்க வைத்து இருப்பதை நான் நேரில் பார்த்தேன். பத்தாம் இரவு முஜ்தலிபாவில் சுபுஹு வரை தங்கி வணக்க வழிபாடுகளில் ஈடுபட்டு சைத்தானை விரட்ட எறியும் சிறு கற்களைப் பொறுக்க வேண்டும். மினாவில் மீண்டும் 10,11,12 ஆகிய நாள்களில் தங்கி சங்கையுடன் சகல வணக்கங்களையும் புரிந்து சைத்தானுக்குக் கல் எறிந்து மக்கா திரும்பி தவாப் ஸயீ செய்து ஹஜ்ஜை முடிக்க வேண்டும்.
     உலக இஸ்லாமியர்கள் ஒன்றுகூடி ஒருமித்து அன்றும் இன்றும் என்றும் ஒரே சீருடையில் பேருலகாளும் பேராளன் அல்லாஹ்வை வணங்கி வழிபடும் பொழுது உருவாகும் உலக சகோதரத்துவம் உலகம் முழுவதும் நிலவி உலகம் அமைதியாய் ஆக்க வழியில் முன்னேறும். அல்லாஹ் அருள்புரிவானாக!
     - மு.அ. அபுல் அமீன்
     

    ]]>
    http://images.dinamani.com/uploads/user/imagelibrary/2018/8/10/w600X390/v22.jpg http://www.dinamani.com/weekly-supplements/vellimani/2018/aug/10/உலக-அமைதிக்கு-அடித்தளம்-ஹஜ்-2977855.html
    2977854 வார இதழ்கள் வெள்ளிமணி ஆடி அமாவாசையில் ஆதிநாயகன் தரிசனம்! DIN DIN Friday, August 10, 2018 10:19 AM +0530 ஸ்ரீரங்கம் கோயில் பங்குனித் திருவிழா அரங்கனிடம் உத்தரவு கேட்டுதான் துவங்கப்பட்டது. 8 -ஆம் திருநாள் நடந்து கொண்டிருந்தது. அரங்கனின் பக்தர்கள் அனைவரும் திருமுற்றத்தில் கூடி அவனுக்கு திருமஞ்சனம் ஆவதை கண்ணாரக் கண்டு தரிசிக்கக் காத்திருந்தார்கள்.
     தொண்டை மண்டலத்தை வெற்றி கொண்டு, தெற்கு நோக்கி முன்னேறிக் கொண்டிருந்த முகம்மதியப்படையின் முக்கிய நோக்கம் திருவரங்கத்தை வசப்படுத்துவதும் அற்புத அழகிய மணவாளன் விக்கிரகத்தை கவர்ந்து செல்வதும் ஆகும்.
     கொள்ளிடம் ஆற்றில் துணி துவைத்துக்கொண்டு இருந்த ஈரம் கொல்லிகள் (சலவையாளர்கள்) மூலமும் அரங்கனின் மீது மதிப்புக் கொண்டிருந்த ஒற்றர்கள் மூலமும் படைகள் நெருங்குவதை உணர்ந்தனர் கோயிலார்கள். மாற்று நடவடிக்கை எடுக்க முடிவு செய்தனர்.
     ஸ்ரீரங்கம் கோயில் நிர்வாகத்தில் நிகமாந்த தேசிகர், பிள்ளைலோகாசாரியார் போன்ற ஆச்சாரியர்கள் முக்கியப் பங்காற்றி வந்தனர். முக்கியஸ்தர்கள் அனைவரும் கலந்து ஆலோசித்து மூலவர் அரங்கனை கல்திரையிட்டு மூடி, அதன்முன் வேறு ஒரு விக்ரஹத்தை வைத்தனர்.
     ஸ்ரீரங்க நாச்சியார் மூலவரையும், திருவாபரணங்களையும் வில்வ மரத்தின் அடியில் பாதுகாப்பாக மறைத்து வைத்தனர். மற்ற ரகசிய அறைகளையும் அடையாளம் தெரியாமல் மறைத்தனர். அழகிய மணவாளனுக்கு திருவாராதனம் செய்யும் பாவனையில் திரை சேர்த்தனர்.12 ஆயிரம் ஸ்ரீவைஷ்ணவர்கள் அங்கேயே காத்திருந்தனர். அழகிய மணவாளன் அங்கேயே இருப்பதாக தோற்றத்தை உருவாக்கினர்.
     பிள்ளைலோகாசார்யர் தலைமையில் ஒருகுழு அந்தரங்க சீடர்களுடன் அழகிய மணவாளனை மங்களாசாஸனம் செய்து கொண்டு அவனோடு பல்லக்கில் தெற்கு திசை நோக்கி விரைந்தனர்.
     படையெடுத்து வந்த உலுக்கான் உற்சவ விக்ரகம் அழகிய மணவாளனைக் காணாமல் கோபம் கொண்டான். தங்கள் இளவரசி சுரதாணியை (துலுக்க நாச்சியார்) இந்த வைணவ கூட்டம் தான் விக்ரஹத்தை காட்டி மயக்கி ஏதோ செய்து கொன்று விட்டனர் என்று முடிவு செய்தான்.
     திருக்கோயிலில் இருந்து பெருமாள் போனார் என அறிந்து அதனை தரைமட்டமாக்கினான். சுமார் ஒரு லட்சம் படை வீரர்களுடன் ஸ்ரீ ரங்கத்தில் நுழைந்தான், கண்ணில் கண்டவர்களை அழித்தொழித்தான்.
     நெடுந்தொலைவு இருளில் காட்டிலும் முள்ளிலும் கல்லிலும் பயணித்த பிள்ளைலோகாச்சாரியார் அழகிய மணவாளனுடன் சென்று ஜ்யோதிஷ்குடி என்கிற ஊரில் தங்கியிருந்தார். வயது முதிர்ச்சி, பட்ட அல்லல்கள், கவலை ஆகியவற்றால் 1323 -இல் தமது 120 -ஆவது திருநட்சத்திரத்தில் திருநாட்டுக்கு எழுந்தருளினார்.
     அழகிய மணவாளனும் மீதமிருந்தோறும் 1323 - ஆம் ஆண்டு ஜூலை மாதம் ஜ்யோதிஷ்குடியிலிருந்து புறப்பட்டு 1325 வரை திருமாலிருஞ்சோலை; 1326 - வரை கேரளத்து கோழிக்கோடு; 1327 -வரை திரிகடம்புரா; அங்கிருந்து புறப்பட்டு 1328 -இல் புங்கனூர்; பின்னர், அங்கிருந்து சென்று 1343 வரை மேல்கோட்டையில் 15 ஆண்டுகள் தங்கி இருந்தார். அங்கிருந்து கிளம்பி 1344 முதல் 1370 வரை 26 ஆண்டுகள் திருமலையிலும் பாதுகாப்பாகத் தங்கியிருந்தார்.
     விஜயநகர செஞ்சியின் மன்னன் கோபண்ணா என்பவன் செஞ்சி சிங்கவரம் கோயிலில் பாதுகாத்தான். திருச்சி மண்ணச்சநல்லூர் அருகில் உள்ள அழகியமணவாளம் என்னும் கிராமத்தில் வைத்து ஆராதித்தான். ஸ்ரீரங்கத்தில் 48 ஆண்டுகள் கடந்து பரிதாபி வருஷம் வைகாசி மாசம் 17 -ஆம் நாள் அழகிய மணவாளனையும் உபய நாச்சிமார்களையும் கொண்டு வந்து சேர்ப்பித்தான் என இந்திய கல்வெட்டு ஆண்டறிக்கை எண் 55/1892 உறுதி செய்கிறது.
     திருவரங்கத்தில் கொல்லப்பட்ட 12 ஆயிரம் பேர், பிள்ளைலோகாச்சாரியாருடன் பயணப்பட்டவர்கள் போக, சுமார் 1000 }க்கும் குறைவான வைணவர்கள், பெருமாள் இறுதியாகத் தங்கியிருந்த திருப்பாச்சூர், கோவர்த்தக்குடி, திருவரங்கப்பட்டி அழகிய மணவாளம் ஆகிய பகுதிகளில் வர்ண பேதம் ஏதுமில்லாமல் ஆசாரப்படி குடியேறியிருந்தனர். அரங்கனின் மீதான அன்பால் ஒரு திருக்கோயிலை புதியதாக நிர்மாணித்து அரங்கன் வழிபாட்டினை தொடர்ந்தனர்.
     அந்த ஊர்களுக்கு நடுவில் அமைந்து முதன்மையான மக்கள் வசிப்பிடப் பகுதியாக கோயிலுக்கு கோபுரம் போல் அமைந்ததால் இப்பகுதி கோபுரப்பட்டி எனவும், திருவரங்கனே "ஆதி முதல்வனே' இங்கு குடி கொண்டுள்ளதால் இறைவனுக்கு "ஆதிநாயகப்பெருமாள்' என்றும்; தாயார் "ஆதிநாயகித்தாயார்' எனவும் கொண்டு வழிபடப்பட்டனர்.
     காவிரிக்கும் கொள்ளிடத்திற்கும் இடையே ஸ்ரீரங்கம் இருப்பது போன்று இங்கும் பெருவள வாய்க்கால் மற்றும் கம்பலாறு என்று இரு வாய்க்கால்கள் நடுவே எழிலுற கோயிலுள்ளது. இந்த கோயிலிலுள்ள கல்வெட்டு இதனை புதுக்கிடை (புதியதாகப் பெருமாள் கிடக்கும் தலம்) என்று குறிப்பிடுகின்றது. பழைய கிடக்கை (முன்பே கிடந்த இடம்) ஸ்ரீரங்கம் என்று அறிந்து கொள்ளலாம்.
     பிள்ளைலோகாச்சாரியருடன் சென்று திரும்பி வராத வைணவர்கள் அனைவருக்கும் சேர்த்து ஆடி அமாவாசையன்று பெருவள வாய்க்காலில் திதி கொடுக்கும் பழக்கம் துவங்கியிருக்கிறது.
     இன்றும் தங்களது முன்னோருக்கு ஆடி அமாவாசை, மஹாளய அமாவாசை மற்றும் தை அமாவாசையன்றும் மற்ற அமாவாசை நாள்களிலும் இறந்த தங்கள் முன்னோருக்கு திதி கொடுக்கும்போது திருவரங்கத்தில் இறந்துபோன 12 ஆயிரம் பேருக்கும் எனச்சொல்லி திதி கொடுத்து கோபுரப்பட்டியில் ஆதிநாயகப் பெருமாளை தரிசனம் செய்யும் பழக்கம் உள்ளது.
     சோதிடர்கள் வாக்கின் படி, சனிக்கிழமைதோறும் விரதமிருந்து வழிபட தீயவை நீங்கி நல்லவை பெருகும். விவசாயிகள் வழிபட செல்வம் சேரும். ஜீவராசிகளின் நோய் நீக்கும் தலம். தொழில் வியாபாரம் சிறக்க, நல்ல சந்ததி உண்டாக, கல்வியில் சிறக்கவும், திருமணத் தடைகள் நீங்க வழிபடப்படும் கோயிலாகும்.
     கி.பி.1323 வாக்கில் கட்டப்பட்ட கோபுரப்பட்டி ஆதிநாயகப்பெருமாள் கோயில் திருவரங்கத்து அரங்கன் பள்ளி கொண்டிருப்பது போலவே பால சயனத்தில் ஆதிசேஷன் மேல் பள்ளி கொண்டுள்ளார். ஆதிநாயகியும் அரங்கநாயகியைப் போலவே தனி சந்நிதியில் இருந்து அருளுகிறாள்.
     திருச்சி மண்ணச்சநல்லூரில் இருந்து 5 கி.மீ. தொலைவில் உள்ள கோபுரப்பட்டிக்கு அரசுப்பேருந்துகள், தனியார் மினி பேருந்துகள், ஆட்டோக்கள் இயங்குகின்றன
     தொடர்புக்கு: 99442 82827 / 98424 91322.
     - இரா. இரகுநாதன்
     
     
     

    ]]>
    http://images.dinamani.com/uploads/user/imagelibrary/2018/8/10/w600X390/GOPURAPATTI.JPG http://www.dinamani.com/weekly-supplements/vellimani/2018/aug/10/ஆடி-அமாவாசையில்-ஆதிநாயகன்-தரிசனம்-2977854.html
    2977853 வார இதழ்கள் வெள்ளிமணி திருவையாற்றில் அப்பர் கயிலாயக் காட்சி விழா! DIN DIN Friday, August 10, 2018 10:18 AM +0530 தஞ்சை மாவட்டம், திருவையாறு அருள்மிகு அறம்வளர்த்த நாயகி உடனுறை ஐயாறப்பர் திருக்கோயிலில் ஆகஸ்ட் 11- ஆம் தேதி (ஆடி- 26) ஆடி அமாவாசை அன்று அப்பர் திருக்கயிலாயக் காட்சி திருவிழா விமரிசையாக நடைபெறுகின்றது. இதனையொட்டி, காலை ஐயாறப்பர் ஆலயத்தில் சிவபூஜையும் பின்னர், காவிரியில் பஞ்சமூர்த்திகள் எழுந்தருளி தீர்த்தவாரியும்; மேட்டுத்தெரு அருள்மிகு அபீஷ்ட வரத மகாகணபதி சந்நிதிக்கு எதிரில் இருக்கும் திருக்குளத்தில் (உப்பங்குட்டை) பஞ்சமூர்த்திகளும் அப்பர் பெருமானும் எழுந்தருளி தீர்த்தவாரியும் நடைபெறும். பின்னர், மாலை ஐயாறப்பர் ஆலயத்தின் முன் மண்டபத்தில் ஓதுவார்கள் அடியார் பெருமக்கள் ஒன்றுகூடி அப்பரின் ஐந்து பதிகங்களை பக்கவாத்தியத்துடன் இசைத்து ஆராதனை செய்வார்கள்.
     இரவு விழாவின் முக்கிய நிகழ்வான அப்பர் பெருமானுக்கு அருள்மிகு அறம்வளர்த்த நாயகி உடனுறை அருள்மிகு ஐயாறப்பர் திருக்கயிலாயக் காட்சி கொடுத்தருளும் நிகழ்வு வெகு சிறப்பாக நடைபெறுகின்றது.
     தொடர்புக்கு: 99762 53220/ 94448 85679.
     

    ]]>
    http://images.dinamani.com/uploads/user/imagelibrary/2018/8/10/w600X390/APPAR.JPG http://www.dinamani.com/weekly-supplements/vellimani/2018/aug/10/திருவையாற்றில்-அப்பர்-கயிலாயக்-காட்சி-விழா-2977853.html
    2977851 வார இதழ்கள் வெள்ளிமணி நிகழ்வுகள் Friday, August 10, 2018 10:11 AM +0530 கடம்பாடி தீமிதித் திருவிழா
    திருக்கழுக் குன்றம் வட்டம், மாமல்லபுரத்திற்கு அருகே 5 கி.மீ. தொலைவில் கிழக்கு கடற்கரை சாலை, கடம்பாடி கிராமத்தில் அருள்மிகு மாரிசின்னம்மன் ஆலயத்தில் தீமிதித் திருவிழா ஆகஸ்ட் 13 -இல் நடைபெறுகின்றது. 
    தொடர்புக்கு: 044- 2744 2229 / 81245 24068. 
    ஆடித்திருவிழா
    சென்னை, குன்றத்தூர், திருநீர்மலை சாலையில் அமைந்துள்ள அருள்மிகு சக்தி கோயில், காத்யாயணி தேவி, மந்தவெளி அம்மன், அருள்மிகு கங்கை அம்மன் ஆலயத்தில் 10.08.2018 முதல் 13.08.2018 வரை, 34 -ஆம் ஆண்டு ஆடித்திருவிழா சிறப்பாக நடைபெறுகின்றது.
    தொடர்புக்கு: 91765 39026/ 95511 84326.
    **********
    விழுப்புரம் மாவட்டம், மேல்மலையனூர் தாலுக்கா, அவலூர்பேட்டை, அருள்மிகு மன்னார்சாமி சமேத அருள்மிகு பச்சையம்மன் ஆலயத்தில் ஆடி 4 -ஆம் வெள்ளிக்கிழமையில் (10.08.2018) ஆலய நுழைவு வாயில் திறப்பு விழா, பூ கரகம், அக்னி கரகம் எடுக்கும் விழா நடைபெறும். 
    தொடர்புக்கு: 94430 98027 / 93605 60918.
    **********
    சென்னை, முகப்பேர் மேற்கு காளமேகம் சாலையில் அமைந்துள்ள ஸ்ரீ கனகதுர்க்கா திருக்கோயிலில் ஆடிப்பூரம் (13.08.2018) அன்று, காலை 8.00 மணி முதல் பக்தர்களே பாலபிஷேகம் செய்யும் வைபவம் நடைபெறுகின்றது.
    தொடர்புக்கு: 044 2653 6606.
    உக்ர பிரத்தியங்கிரா ஹோமம்
    சென்னை, முகப்பேர் மேற்கு காளமேகம் சாலையில் அமைந்துள்ள ஸ்ரீ கனகதுர்க்கா திருக்கோயிலில் ஆடி அமாவாசையை முன்னிட்டு, 11.08.2018 - அன்று அதர்வண காளி உக்ர பிரத்தியங்கிரா தேவிக்கு காய்ந்த 
    மிளகாய் ஹோமம் நடைபெறும். 
    தொடர்புக்கு: 044 2653 6606.
    **********
    சிவகங்கை மாவட்டம், மானாமதுரையில் வேதியரேந்தல் விளக்கு என்று அழைக்கப்படும் பகுதியில் உள்ள ஸ்ரீ மஹா பஞ்சமுக பிரத்தியங்கிரா தேவியின் ஸôக்த மடாலயத்தில் ஆகஸ்ட் 10 - ஆம் தேதி ஸ்ரீ மஹா பஞ்சமுக பிரத்தியங்கிரா ஹோமம், ஆகஸ்ட் 11 -ஆம் தேதி ஸ்ரீ தசமஹாவித்யா ஹோமமும் நடைபெறும். 
    தொடர்புக்கு : 04574-291021, 98428 58236.
    ஆடிப்பூர முப்பெரும்விழா
    திருவண்ணாமலை மாவட்டம் போளூர் வட்டம், பெரணம்பாக்கம் கிராமத்தில் எழுந்தருளியுள்ள அருள்மிகு ஸ்ரீ மங்களாம்பிகையம்மன் உடனுறை ருணஹரேச்வரர் திருக்கோயிலில் 5 -ஆம் ஆண்டு ஆடிப்பூர முப்பெரும் விழா ஆகஸ்ட் 13 -ஆம் தேதி நடைபெறுகின்றது. 
    தொடர்புக்கு: 94436 85816 / 99433 94583.
    ஆடிப்பூர சீமந்தப் பெருவிழா
    ஆடிப்பூரத்தை முன்னிட்டு சென்னை கோடம்பாக்கம், ஆண்டவர் நகர், முதல் தெருவில் அமைந்துள்ள அருள்மிகு தேவி கருமாரி அம்மன் மகா பிரத்யங்கிரா தேவி திருக்கோயிலில் ஆடிப்பூர சீமந்தப் பெருவிழா ஆகஸ்ட் 13- ஆம் தேதி, அன்னை கருமாரியம்மனுக்கு ஒரு லட்சத்து எட்டாயிரம் வளையல் அலங்காரமும், மகா பிரத்யங்கிரா தேவிக்கு 1008 நலங்கு வைபவமும் நடைபெறுகின்றது. 
    தொடர்புக்கு : என். சங்கர் -75501 84324.
    அகண்ட சகஸ்ரநாம பாராயணம்
    குரோம்பேட்டை, நேருநகர், பத்மநாபன் தெருவில் உள்ள அருள்மிகு தனுஷ்கோடி கோதண்ட ராமஸ்வாமி திருக்கோயிலில் ஆகஸ்ட்15 -ஆம் தேதி அகண்ட விஷ்ணு சகஸ்ரநாம பாராயணம் காலை 9.00 மணி முதல் மாலை 4.00 வரை தொடர்ந்து நடைபெறும். 
    நவகலச திருமஞ்சனம்
    காஞ்சிபுரம் மாவட்டம், திருக்கழுக்குன்றம் வட்டம், மாம்பாக்கம் கிராமத்தில் கோயில் கொண்டுள்ள அருள்மிகு எதிராஜவல்லி நாயிகா சமேத ஸ்ரீ ஆதிகேசவப்பெருமாள் சந்நிதியில் ஆகஸ்ட் 12- ஆம் தேதி காலை 11.00 மணி அளவில் நவகலச திருமஞ்சனமும் தொடர்ந்து ஊஞ்சல் உத்சவமும் நடைபெறுகின்றது. 
    தொடர்புக்கு : கோமடம் ஸ்ரீராமன் - 98840 96463.
    குருபூஜை
    ஆந்திரா மாநிலம், சித்தூர் மாவட்டம், புத்தூர் ரயில் நிலையம் அருகில் உள்ள நாராயண வனத்தில் சத்குரு சொரைக்காய் சுவாமிகளின் 116 -ஆவது குருபூஜை மற்றும் கலச பூஜை மகா அபிஷேக வைபவங்கள் ஆகஸ்ட்-15 -ஆம் தேதி நடைபெறுகின்றது.
    ஸ்ரீ அரவிந்தர் ஜெயந்தி
    பகவான் ஸ்ரீ அரவிந்தரின் 146 -ஆவது ஜெயந்தி விழா, ஆகஸ்ட் 15 -ஆம் தேதி மேற்கு தாம்பரம் சக்தி நகரில் அமைந்துள்ள ஸ்ரீ அரவிந்தர் நினைவு மையத்தில் காலை 8.00 மணி முதல் தொடர்ந்து நடைபெறுகின்றது. 
    தொடர்புக்கு : 94440 10100.
     

    ]]>
    http://www.dinamani.com/weekly-supplements/vellimani/2018/aug/10/நிகழ்வுகள்-2977851.html
    2973601 வார இதழ்கள் வெள்ளிமணி சக்தி கொடுத்து வெற்றி தருவாள் ஸ்ரீ கனக துர்க்கா! DIN DIN Friday, August 3, 2018 10:34 AM +0530 கலியுகத்தில் துர்க்கையின் திருவருள் ஒன்றே அறம், பொருள், இன்பம் வீடுகளாகிய சதுர்வித பிராப்தங்களை தர வல்லது என்று அன்னையின் மந்திராவர்ணங்கள் நமக்கு தெளிவாக்குகின்றது.
    செல்வத்தைத்தரும் பொழுது திருமகளாய் கல்வியைத் தரும் பொழுது கலைமகளாய் ஆற்றலை தரும் பொழுது கொற்றவையாய் பக்தர்களுக்கு அருள்புரிகின்றாள் கனக துர்க்கை.
    ஆகமங்கள், உபநிஷடங்கள் தேவிபுராணம் முதலிய புராணங்களில் சக்தி துர்க்கையை பற்றியும் அன்னையின் சிறப்புகளைப் பற்றியும் கூறப்பட்டுள்ளன. எந்த காரியம் செய்தால் அன்னையின் அனுக்கிரஹம் கிடைக்குமோ, அதைச் செய்வதுதான் பக்தி, அந்த ஸ்திரமான பக்தியுடன் தொடர்ந்து அன்னையின் வழிபாட்டில் ஈடுபட வேண்டும்.
    "துர்காம் தேவீம் சரணமஹம் பிரபத்யே
    ஸீதரஸி தரஸே நம'
    துர்க்காம்பிகையே, உன்னை சரணடைகிறேன் என்று வேதம் சொல்கிறது.
    சகல வேதங்களும் பரப்ரம்ம ஸ்வரூபிணியான அம்பிகையிடமிருந்தே உண்டாயின அதனால் அம்பிக்கைக்கு வேத ஜனனி, வேதரூபிணி, வேதமாதா என்ற திருநாமங்களும் உண்டு. ஆகவே, வேதம் அம்பிகையை "ஜாதவேதஸே' என்று அழைக்கின்றது.
    ஆயிரம் திருநாமங்களைக் கொண்டு அவதரித்த தசபுஜ அன்னையை தச துர்க்கா என்றும் கூறுவதுண்டு. அவை, மூல துர்க்கா, வன துர்க்கா, சூலினி துர்க்கா, ஜாதவேத துர்க்கா, சாந்தி துர்க்கா, சபரி துர்க்கா, ஜ்வல துர்க்கா, லவண துர்க்கா, தீப துர்க்கா, ஆசூரி துர்க்கா என்ற பத்து அவதாரங்களும் ஒன்றாகி பத்து கரத்தாள் ஸ்ரீ கனகதுர்க்கா என்ற திருநாமத்துடன் சென்னைமேற்கு முகப்பேரில் 1 -ஆவது பிளாக், காளமேகம் சாலையில் இரண்டு தளங்களுடன் திருக்கோயில் கொண்டு அருள்பாலிக்கிறாள்.
    இவ்வாலயத்தில் அம்பாள் சுமார் எட்டரை அடி உயரத்தில் அமைந்து பக்தர்களின் வேண்டுதல்களுக்கு செவிசாய்த்து துன்பங்களைத் துடைத்து அருள்செய்கிறார். கனக துர்க்காதேவி சிவபெருமானுக்கு பிரியமானவள். பூரண ப்ரம்மஸ்வ ரூபிணி, விஷ்ணு மாயா எனறு துதிக்கப்படுகிறாள். புத்தி, தூக்கம், பசி, தாகம், சோம்பல், சாந்தி, தயை, ஞானம், துஷ்டி, புஷ்டி, லட்சுமி, என்று சகல ரூபமானவள்! ஸப்த சதியில் யாதேவி என்ற மந்திரம் இதை விளக்குகின்றது.
    "மந்திர மஹார்ணவத்தில்' கூறப்படும் ஜயா, விஜயா, பத்ரகாளி, மந்திர ஸிமுகி, துர்முகி, ப்ரச்ஞா, வியாக்ரமுகி என்ற திருநாமங்களையும் பெற்று நாராயணியாகவும் ஈசானியாகவும் துர்க்கா தேவியாகவும் விஷ்ணு மாயையாகவும் கிருஷ்ண சக்தியாகவும் கலியுகத்தில் கனக துர்க்கையாகவும் தேவி தோன்றினாள்.
    தேவியருக்கெல்லாம் பீஜ ரூபமாகவும் மூலப் ப்ரக்ருதியாகவும் விளங்குகிறாள். மஹாலட்சுமி ரூபமான கனக துர்க்கை ராஜ்யங்களுக்கு ராஜலட்சுமியாகவும் குடும்பத்தில் கிரஹலட்சுமியாகவும் ஸ்வர்க்கத்தில் ஸ்வர்க்க லட்சுமியாகவும் அக்னியில் ஜ்வாலையாகவும் உஷ்ண சக்தியாகவும் சூரியனில் ஒளிக்கதிர்களாகவும் சந்திரனில் குளிச்சியாகவும் தாமரையில் சாந்தியாகவும் பரந்தாமன் கிருஷ்ணனிடம் சர்வசக்தி வடிவமாகவும் திகழ்கிறாள்.
    இந்த கனக துர்க்கா ஆலயத்தில் மூலவர் கனகதுர்க்கா தேவி, லட்சுமி நாராயணன், அஷ்ட பைரவர், சனீஸ்வரர், நவக்கிரக சந்நிதி, வராகி, ரங்கநாதர், ப்ரந்தியங்கிரா தேவி, நரசிம்மர், தட்சிணாமூர்த்தி, சக்கரத்தாழ்வார், 12 ஜோதிர்லிங்கங்கள், சப்த கன்னியர் மற்றும் நாகர் என அனைத்து தெய்வங்களும் அமைந்து அருள்கின்றனர்.
    பக்தர்கள் தங்கள் வேண்டுதல்கள் நிறைவேற, மேற்கு முகப்பேர் ஸ்ரீ கனக துர்க்கா தேவியை தரிசித்து அருள்பெற்று மகிழலாம்.
    - ராணி மாதவன்
     

    ]]>
    http://images.dinamani.com/uploads/user/imagelibrary/2018/8/3/w600X390/vm7.jpg http://www.dinamani.com/weekly-supplements/vellimani/2018/aug/03/சக்தி-கொடுத்து-வெற்றி-தருவாள்-ஸ்ரீ-கனக-துர்க்கா-2973601.html
    2973600 வார இதழ்கள் வெள்ளிமணி பொருநை போற்றுதும்!- டாக்டர் சுதா சேஷய்யன் DIN DIN Friday, August 3, 2018 10:32 AM +0530 பொருநை போற்றுதும்!- டாக்டர் சுதா சேஷய்யன்
    தாம்ரபர்ணீம் து கெளந்தேய கீர்த்தயிஷ்யாமி தாம் ஸ்ரýணு
    யத்ர தேவைஸ்தபஸ்தப்தம் மஹதிச்சத்பிராச்ரமே
    (ஸ்ரீ வியாச மஹாபாரதம், வன பர்வம், தீர்த்த யாத்ர பர்வம், ஸ்லோகங்கள் 14-15) 
    (குந்தி புதல்வனே, தாம்ரபர்ணியின் பெருமையைச் சொல்கிறேன், கேள். முக்தியடையும் ஆசையில், தேவர்களும் இங்குத் தவம் செய்துள்ளனர். வனத்தில் வாசம் செய்கையில், யுதிஷ்டிரருக்கும் பிற பாண்டவர்களுக்கும் குரு தெளம்யர் கூறுவது)
    நம்மாழ்வாரால் "பொருநல்' என்றும், கம்பநாட்டாழ்வாரால் "பொன் திணிந்த புனல் பெருகும் பொருநை' என்றும், சேக்கிழார் பெருமானால் "தண்பொருந்தம்' என்றும், குமரகுருபரரால் "அங்கயற்கண்ணியின் எல்லையில்லாக் கருணைபோல் பொங்கும் பொருநை' என்றும், டாலமி காலத்து கிரேக்கர்களால் "சோலன்' என்றும், மகாகவி பாரதியாரால் "தமிழ் கண்டதோர் வையை பொருநை' என்றும் போற்றப்பட்டுள்ள தாமிரவருணித் தாய், பொதியத்தில் பிறந்து புன்னைகாயலில் கடலரசனோடு சங்கமிக்கிறாள். 
    கொற்கையின் முத்துக்கள், கிருஷ்ணாபுரத்துச் சிற்பங்கள், வடகரையிலும் தென்கரையிலும் நின்று அருள்பாலிக்கும் நவதிருப்பதி-நவகைலாயத் திருக்கோயில்கள், திக்கெல்லாம் புகழுறும் திருநெல்வேலி,திருவைகுண்டம்,திருச்செந்தூர்,பத்தமடை,குற்றாலம்,கழுகுமலை, அம்பாசமுத்திரம் உள்ளிட்ட உன்னத ஊர்கள், ஆதிச்சநல்லூர் ஆதிநாகரிகம், தமிழும் இசையும் ஆன்மிகமும் பொங்கிப் பிரவகித்த பாண தீர்த்தகல்யாண தீர்த்தபாம்பன் அருவிப் பாய்ச்சல்கள், விடுதலைப் போரின் விழுப்புண்கள் என்று தாமிரவருணியின் பெருமைகள் ஏராளம் ஏராளம்! "ரத்ன பரீக்ஷô' என்ற தலைப்பின்கீழ், நவரத்தினங்கள் குறித்து விவரிக்கிற கெüடில்ய சாணக்யர், மஹேந்திர மலையை ஒட்டிய கடலில் கிடைக்கும் முத்துக்களை "மஹேந்திரம்' என்றும், பாண்டிய நாட்டுக் கடற்கரைப் பகுதியில் கிட்டும் முத்துக்களை "பாண்டியகவாடகம்' என்றும் விவரித்தாலும், தாமிரவருணி ஆற்று முகத்துவாரத்தில் கிடைப்பனவற்றைத் தனிச் சிறப்போடு "தாம்ரபர்ணிகா' என்று பெருமைப்படுத்துகிறார். 
    நடைபெற்றுக் கொண்டிருக்கும் ஸ்ரீ விளம்பி ஆண்டில், தாமிரவருணித் தாய், மஹா புஷ்கரப் பெருவிழா காண்கிறாள். கொண்டாட்டத்திற்குக் கேட்க வேண்டுமா? 
    ஈதோ தண்பொருநை!
    "தாமிரவருணி' என்கிறார்களே, இவளுக்கும் தாமிரத்துக்கும் (செப்பு என்னும் உலோகம்) என்ன தொடர்பு? "பொருநை' என்னும் பெயரின் பொருத்தம் என்ன? திருவிடைமருதூர் போல், திருப்புடைமருதூர் என்று ஓர் ஊராமே! அரவங்குளத்து ஜடாயு தீர்த்தக் கரைதான், ஜடாயுவிற்கு ராமபிரான் அந்திமக் கிரியைகள் செய்த இடமா? திருவாரூர்த் தேர் அழகு, திருவிடைமருதூர் தெரு அழகு என்பதுபோல், பாபநாசப் படித்துறை அழகு என்பது வழக்கமோ! திருவள்ளூர் வீரராகவப் பெருமாளின் அடியார்கள் குடியேறிய இடம், (திருநெல்வேலி) வீரராகவபுரம் ஆகிவிட்டதோ? பூலித்தேவன், கட்டபொம்மன் தொடங்கி, வ உ சி, பாரதியார் தொடர்ச்சியாக, சுவாமி சிவானந்தர், (கோடகநல்லூர்) சுந்தர சுவாமிகள், (மனோன்மணியம்) சுந்தரனார், வேதாந்த பாகவதர், வி வி சடகோபன், ரசிகமணி டிகேசி, சென்னிகுளம் ரெட்டியார் என்று எத்தனை எத்தனை மாமனிதர்கள் இவளின் கரையில்! 
    இருங்கள், இருங்கள் தாமிரவருணிச் சீமையின் பல்வேறு பெருமைகளைப் பார்ப்பதற்கு முன்னர், புஷ்கரம் என்றால் என்ன, இந்த ஆண்டு ஏன் குறிப்பாகத் தாமிரவருணிப் புஷ்கரம் என்று தெரிந்து கொள்வோம். 
    புராணங்களில் காணப்படுகிற தகவல்களைக் கொண்டுதான், "ஆற்றுப் 
    புஷ்கரங்கள்' குறித்து நாம் புரிந்துகொள்கிறோம். 
    ஆற்றுப் பாய்ச்சலில் அழகிய புஷ்கரம்
    பிரம்மாவை எண்ணி தியானம் செய்தார் பிரஹஸ்பதி என்கிற வியாழகுரு. அவர் எதிரில் போய் பிரம்மா நிற்க, பிரம்ம கமண்டலம் தனக்கு வேண்டும் என்று யாசித்தார் அந்தப் பெருங்கிரஹத்தார். தியானம், தவம் ஆகியவற்றை முறையாகச் செய்து முறையாக யாசித்தால், கேட்டதைக் கொடுப்பதில் என்ன தடை? அதுவும் மண்ணால் ஆன கமண்டலம்தானே, கொடுத்துவிட்டால் போயிற்று! வியாழகுருவோ, கோள்களில் மிக நல்லவர் என்று பெயர் வாங்கியவரும்கூட; ஆகவே அவருக்குத் தருவதில் தவறில்லை என்று கருதிய பிரம்மா, கமண்டலத்தைக் கொடுத்துவிட்டார். 
    தம் கையில் கமண்டலத்தைப் பிடித்து பிரம்மா நீட்ட, பெற்றுக் கொள்வதற்கு வியாழன் முயல... கமண்டலமோ கைவிட்டு அகல மறுத்தது. மண் கமண்டலம் ஏன் மறுக்கிறது? 
    கமண்டலத்திற்கு உள்ளே... ஒருவர் அமர்ந்திருக்கிறார். தன்னையே சுருக்கிக்கொண்டு, கமண்டலத்தின் வளைவு நெளிவுகளுக்குள் சுருண்டு புரண்டு ஒருவர் அமர்ந்திருக்கிறார். அவர்தாம், தாமும் நகர மறுத்து கமண்டலத்தையும் கட்டிவிட்டார். யார் அவர்? 
    வருணதேவனுக்கு மகன் ஒருவன் இருந்தான். அவனுக்குப் புஷ்கரன் என்று பெயர். ("புஷ்கரன்' - புஷ்= புஷ்டி, கரன்= செய்பவன்; அதாவது, புஷ்டியை, போஷாக்கைத் தருபவன் என்று பொருள். மழைக் கடவுளான வருணன்தானே, தன்னுடைய பலனாக, ஊட்டத்தை, சக்தியை, புஷ்டியைத் தரவேண்டும்! அதைக் காட்டத்தான், அவனுடைய மகனுக்கு இப்படியொரு பெயர் போலும்!) இளமைப் பருவம் எய்தியதும், தவ வாழ்க்கை மேற்கொண்டான் புஷ்கரன். அவன் தவத்தை மெச்சி பிரம்மா எதிர்நின்றதும், "நதிகளையும் நீர்ப்பரப்புகளையும் எப்போதும் தூய்மை செய்பவனாகத் தான் இருக்கவேண்டும் என்றும், அதுவே தன்னுடைய நிரந்தர அவா' என்றும் வேண்டினான். 
    பிறர்மீது தன் அழுக்கைச் சுமத்த நினைக்காமல், பிறர் அழுக்கைத் தான் ஏற்றுத் துடைக்கவேண்டும் என்று எண்ணுவது எவ்வளவு உத்தமம்! புஷ்கரன் நதிகளில் பிரவேசிக்கும்போதெல்லாம், அந்தந்த நதிகள் கூடுதல் புனிதம் பெறும் என்ற வரத்தை நல்கிய பிரம்மா, சிருஷ்டியின் தூய்மை காக்கப்படவேண்டும் என்பதற்காகப் புஷ்கரனைத் தம்முடைய கமண்டலத்திலேயே தங்கியிருக்குமாறும் கேட்டுக் கொண்டார். 
    இப்போது வந்தது சிக்கல்! பிரம்ம கமண்டலத்தில் வீற்றிருந்த புஷ்கரன், வியாழனோடு போக மறுத்தார். காரணம்? கமண்டலத்தை வியாழன் விழைந்த சுயநலம். ஆமாம், வியாழகுரு நல்லவர்தாம்; கோள்களிலேயே சுபகிரஹம் என்று பெயர் வாங்கியவர்; குரு பார்வை கோடி நன்மை என்று போற்றப்படுபவர். ஆனாலும், அவருக்குச் சற்றே பேராசை. புஷ்கரனை உள்ளடக்கிய பிரம்ம கமண்டலம் தன்னிடத்தில் இருந்தால், எல்லா நன்மைகளுக்கும் தாமே அதிபதியாகி, அசுபங்களைத் துடைக்கும் பெருமிதத்தையும் தாமே பெற்றுக்கொள்ள வேண்டும் என்கிற ஆசை; இதை வைத்து தமக்கே முதல் நிலை கிடைத்து, எல்லோரும் தம்மையே பாராட்டவேண்டும் என்கிற பேராசை. அழுக்குகளை நீக்கும் ஆற்றலைப் பெற்றவராயிற்றே புஷ்கரன், வியாழகுருவின் அகந்தை அழுக்கை அறியமாட்டாரா என்ன? புஷ்கரனின் புனிதச் சிந்தனையை உணர்ந்த பிரம்மா, புஷ்கரனுக்கும் வியாழனுக்கும் மட்டுமல்லாமல், மானுடம் அனைத்துக்கும் பயன் தரும் அற்புத வழியைக் கண்டுபிடித்தார். வியாழகுரு, ஒரு ராசியிலிருந்து மற்றொரு ராசிக்குள் புகுகிற காலகட்டத்தில்மட்டும், கமண்டலம் அவர் கையில் இருக்கும் என்று வரம் கொடுத்துவிட்டார். 
    அதன்படி, ஒரு ராசிக்குள் வியாழகுரு பிரவேசிக்கிற முதல் 10 நாட்களும், அந்த ராசியை விட்டு வெளியேறுகிற (அடுத்த ராசிக்குள் பிரவேசிப்பதற்கு முன்னதாக) கடைசி 10 நாட்களும், பிரம்மகமண்டலம் வியாழகுருவின் கையில் இருக்கும். ராசிக்குள் பிரவேசித்து சஞ்சரிக்கும் வியாழன், அந்தந்த ராசிக்கு உரித்தான புனித நதியிலேயும் அந்தந்தக் காலகட்டத்தில் தங்குகிறார். புனித நீராடித் திருக்கோயிலுக்குள் நுழைகிறோம் இல்லையா? அதுபோல, குறிப்பிட்ட ராசியின் குறிப்பிட்ட நதியில், பிரம்மகமண்டலத்தைக் கையில் ஏந்தியபடியே புனித தீர்த்தமாடி, அந்தக் குறிப்பிட்ட ராசிக்குள் வியாழகுரு பிரவேசிக்கிறார். அந்த சமயத்தில், கமண்டலத்தைவிட்டு வெளிப் போந்து, வியாழனுடைய கையைப் பற்றிக் கொண்டுத் தாமும் நதியில் இறங்குகிறார் புஷ்கரன். இதனால், அந்த நதியானது, பலமடங்கு புனிதம் அடைவதோடு, அந்த சமயத்தில் அதில் நீராடும் ஜீவர்களின் மாசுகளும் பாவங்களும் அகற்றப்படுகின்றன. இந்தக் கோலாகலத்தைக் காண்பதோடு, தாங்களும் புனிதம் சேர்த்துக் கொள்வதற்காக, தேவர்களும் ரிஷிகளும்கூட அந்த நதியில் நீராடி, அதன் கரைகளில் தங்குகிறார்கள். 
    இவ்வாறு, குருவாலும் புஷ்கரனாலும் புனிதம் கூட்டப்பெறுகிற நிகழ்வே, "ஆற்றுப் புஷ்கரம்' (நதிப் புஷ்கரம்) ஆகிறது. 
    தாமிரவருணி மஹாபுஷ்கரம் 2018 
    நிகழும் ஸ்ரீவிளம்பி ஆண்டு, புரட்டாசி 25ஆம் நாள், அதாவது அக்டோபர் மாதம் 11ஆம் தேதி (திருக்கணிதப் பஞ்சாங்கப்படி, காலை 4.49 மணிக்கு), வியாழகுரு (துலா ராசியை விட்டகன்று) விருச்சிக ராசிக்குள் பிரவேசிக்கிறார். விருச்சிக ராசிக்கான நதி தேவதை, தாமிரவருணி ஆவாள். ஆகையால், அக்டோபர் 12 முதல் 21 வரை தாமிரவருணி புஷ்கரம் நடைபெறுகிறது. 
    குறிப்பிட்ட ராசியில் குரு சஞ்சரிக்கும் ஓராண்டுக் காலம் முழுவதுமே, குறிப்பிட்ட நதியிலும் தங்குகிறார். புஷ்கரனும் தம்முடைய அருளைச் சேர்க்கிறார். இந்த வகையில், 2019ஆண்டு நவம்பர் 4ஆம் தேதிவரை தாமிரவருணித் தாய் சிறப்படைகிறாள் என்றாலும், குரு பிரவேசப் பத்து நாட்கள் "ஆதி புஷ்கரம்' என்றும், குரு அகல் பத்து நாட்கள் "அந்த்ய புஷ்கரம்' என்றும் பெருமை கொள்கின்றன. 
    வியாழகுருவானவர், குறிப்பிட்ட ஒரு ராசிக்குள் பிரவேசித்து சஞ்சாரம் செய்வது, 12 ஆண்டுகளுக்கு ஒருமுறை நிகழும். இப்போது விருச்சிக ராசிக்குள்ளும் தாமிரவருணிக்குள்ளும் சஞ்சரிக்கப் புகுகிற வியாழன், இன்னும் 12 ஆண்டுகளுக்குப் பின்னரே, மீண்டும் இங்கு வருவார். இது மட்டுமின்றி, 144 ஆண்டுகளுக்கு ஒருமுறை மட்டுமே, அனைத்து கோள்களும் ஒரேமாதிரியான அமைப்பில் வரும். இவ்வகையிலும், 144 ஆண்டுகளுக்குப் பின்னர் ஒரேவகையான கோள் அமைப்பு வருகிறது. ஆகவே, இது மஹாபுஷ்கரம் ஆகிறது. 
    - தொடரும்
     

    ]]>
    http://images.dinamani.com/uploads/user/imagelibrary/2018/8/3/w600X390/vm6.jpg http://www.dinamani.com/weekly-supplements/vellimani/2018/aug/03/பொருநை-போற்றுதும்--டாக்டர்-சுதா-சேஷய்யன்-2973600.html