Dinamani - வெள்ளிமணி - http://www.dinamani.com/weekly-supplements/vellimani/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2926605 வார இதழ்கள் வெள்ளிமணி வழிகாட்டியின் கைகாட்டி! Friday, May 25, 2018 11:18 AM +0530 பெரியாழ்வார், தொண்டரடிப்பொடியாழ்வார். நாதமுனிகள். ஆளவந்தார், திருக்கச்சிநம்பிகள் அனந்தாழ்வான், பெரியதிருமலை நம்பிகள் இவர்கள் அனைவருக்குள்ளும் ஓர் ஒற்றுமை உண்டு. அனைவரும் நந்தவனத்தில் பூக்கள் பறித்து பெருமாளுக்கு உயர்வான புஷ்ப கைங்கரியம் செய்தவர்கள். அனைவர் கையிலும் பெரும்பாலும் பூக்குடலை இருக்கும்.

ஆளவந்தாரின் முக்கிய சீடரான பெரியதிருமலை நம்பி திருவேங்கடமுடையானுக்குக் கைங்கரியம் செய்து தமிழக திருமால் வழிபாட்டை ஒருங்குபடுத்திய ராமானுஜருக்கு குருவாகவும் தாய்மாமனாகவும் விளங்கியவர். இவர் திருமலையில் வைகாசி, சுவாதியில் திருஅவதாரம் செய்தார். திருவேங்கடத்தில் இருந்த ஸ்ரீவைணவர்களில் இவரே முதன்மையானவராக கருதப்பட்டார். 

இவர் திருவேங்கடமுடையானுக்கு நித்ய புஷ்ப கைங்கர்யக்காரராக இருந்தார். அதோடு தினமும் திருவேங்கடமுடையானுக்காக இவர் திருமலை ஆகாச கங்கையிலிருந்து தீர்த்தம் சுமந்து கொண்டு வருவார்.

இவருக்கு இரு சகோதரிகள். மணம் செய்து வைக்க வேண்டிய வயதில் மூத்தவளான பூமிப்பிராட்டிக்கு ஸ்ரீபெரும்பூதூர் ஆதிகேசவ ஆசூரிக்கும் இளையவள் பெரியபிராட்டியை மதுரமங்கல கமலநயன பட்டருக்கும் மணம் செய்து கொடுத்தார். அவர்களுக்கு பிள்ளைப்பேறு காலதாமதமானதால் திருவேங்கடமுடையானை வேண்டிக்கொண்டதால் பூமிப்பிராட்டிக்கு ராமானுஜரும் பெரிய பிராட்டிக்கு எம்பார் என அழைக்கப்படும் கோவிந்தப்பெருமாளும் மகன்களாக திருஅவதாரம் செய்தனர். பெரிய திருமலை நம்பி ஸ்ரீ ராமானுஜருக்கு குருவாகவும் விளங்கி பெருமை பெற்றார்.
கோவிந்தப் பெருமாள் (எம்பார்) யாதவப்பிரகாசரின் சூழ்ச்சியால் உள்ளங்கை கொணர்ந்த நாயனாராக மாறி, காளஹஸ்தியில் பணி செய்து கொண்டிருந்தார். அவரை மீட்டு மீண்டும் திருமால்நெறியில் சேர்க்க உடையவர் விரும்பினார் . அதன்படி, பெரிய திருமலை நம்பி தனது சீடர்களை அழைத்துக்கொண்டு கோவிந்தப் பெருமாளை பார்க்க காளஹஸ்தி சென்று கோவிந்தப் பெருமாள் எம்பெருமானுடைய பெருமைகளை உணருமாறு செய்தார். நம்பியினுடைய திருவடிகளில் விழுந்து தொழுது தன்னைப் பெரிய திருமலை நம்பியின் திருவடிப்பணி செய்வதற்கு இணைத்துக்கொள்ள வேண்டினார். 

இருவரும் திருமலைக்கு வந்தனர். நம்பி கோவிந்தப் பெருமாளுக்கு உபநயன, பஞ்ச ஸமஸ்காரமும் செய்து வைத்து ஆழ்வார்களுடைய அருளிச் செயலைக் கற்றுக்கொடுத்தார்.

ஸ்ரீ ராமானுஜர், நம்பியிடம் ஸ்ரீராமாயணம் கற்றுக் கொள்வதற்காகத் திருப்பதிக்கு வந்து, ஒரு வருடம் முழுவதும் அங்கே இருந்து ஸ்ரீ ராமாயண காலúக்ஷபம் கேட்டார். காலக்ஷேபத்தின் முடிவில், திருமலை நம்பி எம்பெருமானாரிடம் ஏதாவது பரிசைத் தன்னிடமிருந்து பெற்றுக் கொள்ள வற்புறுத்தினார். எம்பெருமானார்,கோவிந்தப் பெருமாளைப் பரிசாகக் கேட்க, நம்பியும் உம்சொத்தை நீரே கொண்டு செல்லுமென கூறினார். இருவரும் திருமலையிலிருந்து கிளம்பி, சோளிங்கபுரம் வந்து சேர்ந்தனர். கோவிந்தனிடம் முகம் வாட்டம் குறித்து கேட்டதற்கு, "ஒன்றுமில்லை சுவாமி, பெரியவரைத்தான் நினைத்துக் கொண்டிருந்தேன். அவரும் என்னை நினைத்துக் கொண்டிருப்பார். ஒரு நாள்கூட அவரை விட்டு நான் பிரிந்ததேயில்லை. தாய்மாமனே குருவானது வாழ்வில் நான் பெற்ற நல்லதற்கெல்லாம் காரணம்' என்றார். "பெரிய திருமலை நம்பியுடன் இன்னும் சிறிது காலம் அங்கிருந்து விட்டு வாரும்' என்று கூறி இரண்டு பேருடன் அனுப்பினார் உடையவர். மீண்டும் திருமலைக்குப் போய்ச் சேர்ந்தார் கோவிந்தர்.

நம்பியின் வீட்டை அடைந்தபோது, "யாரது?' என்றார் பெரியவர். "குரல் தெரியவில்லையா? நமது கோவிந்தன் தான் வந்திருக்கிறான்!' என்றார் அவரது மனைவி. "கோவிந்தனா? அவன் ஏன் இங்கு வந்தான் ? அவனை அப்படியே திரும்பச்சொல்லு'' என்றார். தந்ததைத் திரும்பப் பெறுவது வைணவ தருமமல்ல. பாடங்களின் இடையே எத்தனையோ முறை இதனைச் சொல்லியிருக்கிறேன். யாராவது "விற்ற பசுவுக்குப் புல் இடுவார்களா? அவன் போய்ச் சேர்ந்த இடமே இனி அவனுக்குக் கதி. வாசலோடு அனுப்பிவிடு' என்று தீர்மானமாகச் சொல்லிவிட்டார். அங்கிருந்தே கைகூப்பி வணங்கிவிட்டு மீண்டும் ராமானுஜரை அடைந்து சன்யாசம் பெற்றார் நம்பி. 

ராமானுஜர் ராமாயணத்தை மாமா பெரிய திருமலை நம்பியிடம் கற்க திருப்பதி சென்றபோது திருமலையின் புனிதம் கருதி ராமானுஜர் மலையின் நடைபாதையிலேயே தங்கினார். நம்பி தினமும் மதிய வேளையில் இறங்கி ராமானுஜருக்கு பாடம் சொல்லிச் செல்வார். அதனால் நம்பி திருவேங்கடமுடையானின் பிற்பகல் தரிசனத்தை காணமுடியாத குறை ஏற்பட்டது. ஒரு நாள், நம்பியின் கனவில் தோன்றிய பெருமாள், இனி, மதிய வேளை தரிசனம் செய்யலாமென வாக்களித்தார் . மறுநாள் பெரிய திருமலை நம்பி ராமானுஜருக்கு பாடம் நடத்தும்போது கண்ணெதிரே கண்ட திருப்பாதத்தையும் அங்கு உலவிய நறுமணத்தையும் வைத்து வந்திருப்பது மலையப்பனே என உணர்ந்து தொழுதனர். 

பெரியவாச்சான் பிள்ளை வியக்கும் அளவிற்கு பெரிய திருமலை நம்பி உயர்ந்ததான சம்ப்ரதாய வார்த்தைகளை உபயோகப்படுத்தி விளக்கம் சொல்லுவதில் மிகவும் நிபுணர். திருமலை தவிர வேறு எங்கும் தனிப்பெரும் சந்நிதி இவருக்கு இருப்பதாக தெரியவில்லை.

உலகம் உய்ய ஒரே வழி காட்டிய ராமானுஜருக்கு பெயரிட்டு ஞானம் நல்கி அறிவூட்டி கோவிந்த பட்டர் போன்றவர்களை துணைசேர்த்து முறைப்படுத்தியதில் ஐந்தில் ஒருபங்கு திருமலை பெரியநம்பியையேச் சாரும். பெரிய திருமலைநம்பிக்கு இவ்வருடம் மே மாதம் 27 -ஆம் தேதி வரும், சுவாதி நட்சத்திரம், இவரது அவதார திருநட்சத்திர தினமாகும். 

- இரா.இரகுநாதன்

]]>
http://images.dinamani.com/uploads/user/imagelibrary/2018/5/25/w600X390/vm1.jpg http://www.dinamani.com/weekly-supplements/vellimani/2018/may/25/வழிகாட்டியின்-கைகாட்டி-2926605.html
2926607 வார இதழ்கள் வெள்ளிமணி இன்னல் நீக்கும் ஈதல்! Friday, May 25, 2018 11:05 AM +0530 ஈதல் இல்லாதோரின் இல்லாமை என்னும் இன்னலை நீக்கும். ஈவோருக்கு இல்லாமை மட்டும் அல்ல எல்லா இல்லாமையும் அணுகாது காக்கும். இத்தகைய ஈதலையே இஸ்லாம் நான்காம் கடமையாக- ஐகாத் என்று கட்டளை இடுகிறது.

ஜகாத்தை ஆண்டிற்கு ஒருமுறை கணக்கிட்டு கொடுக்க வேண்டும். இந்த ஆண்டு இஸ்லாமியர்கள் வாழும் நாட்டில் உள்ள அரசால் நிர்ணயிக்கப்பட்ட ஆண்டாகவோ நிதி ஆண்டாகவோ வணிகம் துவக்கப்பட்ட மாதத்திலிருந்து முடியும் மாத ஆண்டாகவோ, விவசாயத்தில் நிலவரி நிர்ணயிக்கும் ஆண்டாகவோ இஸ்லாமியர்களின் ஹிஜ்ரி ஆண்டாகவோ இருக்கலாம். பெரும்பாலான இஸ்லாமியர்கள் நோன்பு நோற்கும் ரமலான் மாதத்தில் நிறைவேற்றப்படும் கடமைகளுக்கு நிறைந்த நன்மைகள் பன்மடங்கு பயன்கள் தரப்படுவதால் அதனை அடையும் ஆவலில் ரமலாம் மாதத்தில் ஜகாத் கொடுப்பதை வழக்கமாக்கி கடைபிடிக்கின்றனர்.

நீங்கள் தொழுகையை நிலைநாட்டுங்கள். ஜகாத்தும் கொடுங்கள். பணிவுடையோருடன் சேர்ந்து பணிந்திடுங்கள். அல்லது ருகூவு செய்பவர்களுடன் சேர்ந்து ருகூவு செய்யுங்கள் என்று 2-43 ஆவது குர்ஆனின் வசனம் குனிந்தும் பணிந்தும் பணிவு உடையோருடன் கூட்டாக சேர்ந்து தொழவும் ஜகாத் கொடுக்கவும் கட்டளை இடுகிறது. தொழுகை உடலினால் புரியும் வணக்கம். ஜகாத் பொருளினால் புரியும் வணக்கம். ஏழை வரி ஜகாத்தைச் செல்வந்தர்கள் சரியாக கணக்கிட்டு குறைக்காது கொடுத்தால் அவர்களின் செல்வம் தூய்மை அடையும்; செல்வம் வளர்ந்து பெருகும். அதனால்தான் ஏழை வரிக்கு ஜகாத் என்ற பெயர் ஏற்பட்டது. ஜகாத் என்னும் சொல்லுக்கு வளர்தல் என்று பொருள். ஈவதால் பொருள் பெருகுவதை அருள்மறை குர்ஆனின் 2-276 ஆவது வசனமும் உறுதி செய்கிறது. ஜகாத் என்ற சொல்லுக்குத் தூய்மை என்ற பொருளும் உண்டு. ஏழை வரியை ஏழைகளுக்கு ஈந்தபின் மீதமுள்ள பொருள்களை மாசகற்றி தூய்மைப் படுத்துகிறது ஜகாத்.

தேவையானவர்களைத் தேடிச் சென்று ஜகாத் கொடுக்க வேண்டும். தேடும் தேவையானவர்களைக் காண சில அடையாளங்கள். மார்க்க கல்வி கற்பிப்பவர்கள், கற்பவர்கள், பொருளீட்டாது ஏக இறை கொள்கையை எடுத்துரைக்கும் அறப்பணி புரியும் கள பணியாளர்கள், எந்நிலையிலும் வாட்டும் வறுமையை வெளிகாட்டாது பிறரிடம் ஈவதை விலக்கி கலங்காது வாழ்பவர்கள். ஜகாத்தின் பிரிவுகள் ஐந்து: 1. கால்நடைகளுக்குரிய ஜகாத் 2. தங்கம் வெள்ளி மீது ஜகாத் 3. விற்பனை பொருளின் மீது ஜகாத் 4. விவசாய விளை பொருள்களின் மீது ஜகாத் 5. புதைபொருள், கனிம பொருளின் மீது ஜகாத்.
 ஜகாத்தை ஒவ்வொரு ஆண்டும் அகம் மகிழ அளிக்க வேண்டும். கால்நடைகளுக்கான ஜகாத்தில் கிழடு அல்லது சொறி பிடித்த அல்லது நோயுற்ற அல்லது கீழ்த்தரமான கால்நடைகளைக் கொடுக்கக் கூடாது. நடுத்தர பிராணியைக் கொடுக்க வேண்டும். அல்லாஹ் ஜகாத்தில் உங்களின் உயர்தர பொருளை விரும்பவில்லை. எனினும் தீழ்த்தரமான பொருளைக் கொடுக்கவும் ஏவவில்லை என்ற ஏந்தல் நபி (ஸல்) அவர்களின் அறிவுரையை அறிவிப்பவர் அப்துல்லாஹிப்னு மு ஆவியா (ரலி) நூல்- அபூதாவூத்.

நமக்குத் தொழுகையை நிலைநிறுத்தும் படியும் ஜகாத்தை அளித்து வரும்படியும் கட்டளை இடப்பட்டுள்ளது. எந்த மனிதன் ஜகாத்தை அளிக்க வில்லையோ அவனின் தொழுகையும் ஏற்கபடாது என்ற எம்பெருமானார் நபி (ஸல்) அவர்களின் நன்மொழியை நவில்கிறார் அப்துல்லாஹ் இப்னு மஸ்வூத் (ரலி) நூல்- தப்ரான், தர்கீப். செல்வந்தர்கள் ஜகாத்தைச் சரியாக கணக்கிட்டு கொடுத்தால் எந்த ஏழையும் வறுமையில் வாடமாட்டான். எச்சமுதாயம் ஜகாத் கொடுக்காது தடுத்து கொள்கிறதோ அல்லாஹ் அச்சமுதாயத்தைப் பஞ்சத்தில் பரிதவிக்க விடுவான் என்று விழுமிய நபி (ஸல்) அவர்கள் விளம்பியதைப் புகல்கிறார் புரைதா (ரலி) நூல் -தப்ரானீ. காட்டிலோ, கடலிலோ ஏற்படும் பொருள் இழப்பு ஜகாத் கொடுக்காததின் விளைவு என்று அண்ணல் நபி (ஸல்) அவர்கள் அறிவித்ததைக் கூறுகிறார் அபூஹுரைரா (ரலி) நூல்- தப்ரானீ. இந்த அறிவிப்பில் காடு என்பது விவசாய விளைபொருள்களின் மீது விதிக்கப்பட்ட ஜகாத்தைக் கொடுக்காததால் விவசாயத்தில் ஏற்படும் இழப்பையும்; கடல் என்பது கடலில் கப்பலில் சென்று வாங்கி விற்பதின் மூலம் பெற்ற லாபத்தின் மீது விதிக்கப்படும் ஜகாத்தைக் கொடுக்காததால் கடலில் புயல், பூகம்பம் ஏற்பட்டு கப்பல் கவிழ்ந்து ஏற்படும் இழப்பையும் குறிக்கிறது.

எப்பொருளின் மீது ஜகாத்தின் பொருள் சேர்ந்து விடுகிறதோ அது அப்பொருளை நாசமாக்கி விடும் என்று நேச நபி (ஸல்) அவர்கள் பாசமாய் பகர்ந்ததை அறிவிக்கிறார் அன்னை ஆயிஷா (ரலி) நூல்- மிஸ்காத். கொடுக்க வேண்டிய ஜகாத்தைக் கொடுக்காமல் இருக்கும் பொருளுடன் சேர்த்து வைத்தால் இருக்கும் பொருளை இழக்க நேரிடும் என்று நபிகளின் நன்மொழிக்கு இப்னு தைமியா (ரஹ்) அவர்களின் முன்தகா என்ற நூலிலும் ஹமீது (ரஹ்) அவர்களின் ஹதீதுவின் வரலாறு என்ற நூலிலும் விளக்கி உள்ளார்கள். ஜகாத் கொடுக்க கடமையுள்ளவன்(52 1/2 தோலா வெள்ளியோ அதன் விலை மதிப்புள்ள பொருளையோ தேவைக்கு அதிகமாக வைத்திருப்பவர்) ஏழையென்று ஜகாத் பெற்றால் அவனுடைய எல்லா பொருளும் அழியும் என்று அறிஞர் அஹ்மது இப்னு ஹம்பல் (ரஹ்) அவர்கள் விளக்கம் தருகிறார்கள். தனது தேவைக்கு உரிய பொருளைப் பெற்றிருப்பவர் பிறரிடம் யாசித்தால் மறுமையில் முகத்தில் சதை அற்றவனாக வருவான் என்ற அண்ணல் நபி (ஸல்) அவர்களின் அறிவிப்பை இயம்புகிறார் இப்னு மஸ்வூது (ரலி) நூல்- திர்மிதீ, நஸஈ. பொருளைப் பெருக்க மனிதர்களிடம் யாசிப்பவன் நெருப்பு துண்டையே யாசிக்கிறான் என்ற ஏந்தல் நபி (ஸல்) அவர்களின் எச்சரிக்கையை எடுத்துரைக்கிறார் அபூஹுரைரா (ரலி) நூல்- முஸ்லிம்.

ஒவ்வொருவரும் ஒரு குறிப்பிட்ட ஆண்டை நிர்ணயித்துக் கொண்டு ஆண்டின் இறுதியில் இருப்பை இருப்பதுபோல் சரியாக கணக்கிட்டு அதற்குரிய ஜகாத்தைப் பெறும் தகுதியுடையோருக்கு மட்டுமே கொடுத்து இல்லாமை இல்லாத இனிய உலகை உருவாக்குவோம். கனிவான அல்லாஹ்வின் கருணையால் கவினுற புவியில் பூரிப்புடன் வாழ்வோம்.

 - மு.அ. அபுல் அமீன்

]]>
http://images.dinamani.com/uploads/user/imagelibrary/2018/5/25/w600X390/vm3.jpg http://www.dinamani.com/weekly-supplements/vellimani/2018/may/25/இன்னல்-நீக்கும்-ஈதல்-2926607.html
2926615 வார இதழ்கள் வெள்ளிமணி குறைவில்லா வாழ்வருளும் குழந்தை வேலன்! Friday, May 25, 2018 11:03 AM +0530 சித்தர் போகர் மக்கள் அனைவரும் பயனுரும் வகையில் நவபாஷாணத்தால் பழிநி பாலதண்டாயுதபாணியை உருவாக்கினார். அப்படி உருவாக்குவதற்கு கொடிய விஷத்தன்மை கொண்ட பாஷாணங்களை ஒன்று திரட்டி, ஒரு குறிப்பிட்ட கலவையில், குறிப்பிட்ட நாளில் அவற்றை சேர்த்து செய்தார். முதலில் தச (பத்து) பாஷாணங்களைச் சேர்த்து ஓர் அழகான தசபாஷாணச் சிலையை உருவாக்கினார்.

அதன் வேகம் (உக்ரம்), சூட்டுத் தன்மை, எதிர்பார்த்ததைவிட கடுமையாக இருந்தது. தான் வசித்து வந்த பழநிமலை வனப் பகுதியில் இதனை நிறுவிவிட முடிவு செய்தார். ஆனால் இவ்வளவு சூட்டுத் தன்மை கொண்ட சிலையை பொது இடத்தில் வைத்தால் ஏதேனும் தவறு நேர்ந்துவிடும் என்பதால் இந்த தசபாஷாண முருகனை, வருடம் 365 நாள்களும் 15 முதல் 20 டிகிரி வெப்பமே உள்ள பழநி மலையில் மிக உயரமான, பூம்பாறை என்ற கிராமத்தை தேர்வு செய்து, அங்கு இச்சிலையை பிரதிஷ்டை செய்தார். அதன் பின்னரே, நவபாஷாண சிலையை செய்து பழநி மலையில் நிறுவியுள்ளார்.

பூம்பாறையில் குழந்தை வேலன் ஆலயம் என்ற பெயரில் உள்ள முருகன் ஆலயம், பழநி முருகன் தேவஸ்தானத்தின் நேரடி நிர்வாகத்தில் பராமரிக்கப்பட்டு வருகிறது. தைப்பூசம் இங்கு சிறப்பாகக் கொண்டாடப்படுகிறது.

ஒரு தம்பதி, தனக்கு வேலப்பனே மகனாகப் பிறக்க வேண்டுமென தவமிருந்தனர். அவர்களின் வேண்டுதல் பலித்து ஓர் அழகான ஆண் மகன் பிறந்தான். இதனை கொண்டாடிய அந்த தம்பதி அனைவருக்கும் சாக்லெட்டை தந்து மகிழ்ந்தனர். அன்றிரவு அவர்களின் கனவில் வந்த குழந்தை வேலன் "எல்லோருக்கும் சாக்லெட்டை தந்தாயே எனக்கு தரவேண்டுமென்று தோன்றவில்லையா?' எனக்கேட்டு மறைந்தாராம். உடனே அவர்கள் சாக்லெட்டை வாங்கி படைத்துள்ளனர். அன்று தொடங்கிய சாக்லெட் நிவேதனத்தை பக்தர்கள் இன்றும் தொடர்கின்றனர்.

இப்போது உலகளவில் பேசப்பட்டு வரும் அக்குபஞ்சர் வைத்திய சிகிச்சை முறையை போகர் தான் ஏற்படுத்திக் கொடுத்தவர் என்றும்; அதற்கு சான்றாக இந்த சுவாமிக்கு அபிஷேகம் செய்யும்போது சிலையினை கூர்ந்து கவனித்தால் சின்ன சின்ன புள்ளிகள், துவாரங்கள் இருப்பதையும் காணலாம்.

பூம்பாறை குழந்தை வேலன் ஆலயக்குருக்கள், பக்தர்கள் அனைவருக்கும் முருகனின் அபிஷேக சந்தனத்தையும், தீர்த்தத்தையும் பிரசாதமாகத் தருகிறார். சிலர் அதனை கண்ணாடி பாட்டிலில் கேட்டு வாங்கிச் செல்கிறார்கள். இந்த தீர்த்தத்தை சாப்பிட்டால் அது மாமருந்து. அதுவே ஏதேனும் ப்ளாஸ்டிக் பாட்டிலில் வாங்கிச் சென்று வீட்டில் வைத்திருந்தால், விஷத்தன்மை பெற்றுவிடும் என அறிவுறுத்தி சொல்லிய பிறகே கொடுக்கிறார்.

28.5.2018 - அன்று வைகாசி விசாகம் . அன்றைய தினம் பூம்பாறை குழந்தை வேலனை தரிசித்து அருள் பெறலாம்.

அரசு மற்றும் தனியார் பேருந்துகள் கொடைக்கானலில் இருந்து பூம்பாறை வழியாகச் செல்கின்றன.

தொடர்புக்கு: 94441 51068 / 94423 98231.

 - எஸ்.எஸ். சீதாராமன்

]]>
http://images.dinamani.com/uploads/user/imagelibrary/2018/5/25/w600X390/vm8.jpg http://www.dinamani.com/weekly-supplements/vellimani/2018/may/25/குறைவில்லா-வாழ்வருளும்-குழந்தை-வேலன்-2926615.html
2926619 வார இதழ்கள் வெள்ளிமணி காஞ்சி கருட சேவை! DIN DIN Friday, May 25, 2018 10:55 AM +0530 "நகரேஷி காஞ்சி' அதாவது, நகரங்களில் சிறந்தது காஞ்சிமா நகரம் என்று மகாகவி காளிதாசனால் சிறப்பிக்கப் பெற்றது காஞ்சி மாநகரம். " கல்வியில் கரையில்லா காஞ்சி' என்கிறார் திருநாவுக்கரசர். சேக்கிழார் பெருமான், "சீர் வளரும் மதிற் கச்சி', " மதில் கொண்டளித்த காஞ்சி', என்றெல்லாம் சிறப்பிக்கிறார். இரண்டாயிரம் ஆண்டுகளுக்கு மேலாக காஞ்சிமாநகர், தமிழ் நாட்டு சமயம், கலை, பண்பாடுகளில் உன்னதமான இடம் பெற்றுள்ளது.
காஞ்சிபுரத்தில் மூன்று காஞ்சிகள் உள்ளன. பெரிய காஞ்சிபுரத்தை "சிவகாஞ்சி' என்றும் சின்ன காஞ்சிபுரத்தை "விஷ்ணு காஞ்சி' என்றும் சமணர்களின் காஞ்சியை "ஜைன காஞ்சி' என்றும் கூறுகிறார்கள். இவற்றுள் விஷ்ணு காஞ்சியில் அமைந்துள்ள வரதராஜப் பெருமாள் கோயில் மிகவும் பிரசித்தி பெற்ற கோயிலாகும். சுவாமி பத்தடி உயரத்தில் நின்ற திருக்கோலத்தில் சங்கு, சக்கர, அபய, வரதம் காட்டி சேவை சாதிக்கிறார். வரதராஜப் பெருமாளின் துணைவியாக இங்கே எழுந்தருளியிருப்பது பெருந்தேவித் தாயார்.
இங்கு, "கருடசேவை' வருடத்துக்கு மூன்று முறை அதாவது வைகாசி பிரம்மோற்சவம், ஆனி மாதம், சுவாதி நட்சத்திரம் கூடிய பெரியாழ்வார் சாற்றுமுறை, ஆடிமாதம் பௌர்ணமி கஜேந்திர மோட்சம் ஆகிய வைபவங்களின்போது சிறப்பாக நடைபெறுகிறது.
காஞ்சி மாநகரம், "விழா அறாக் காஞ்சி' என்ற புகழைப் பெற்றது. ஆண்டு முழுவதும் பல விழாக்கள் நடந்தவண்ணம் இருக்கின்றன. அவற்றுள் பிரசித்தி பெற்றது "கருட சேவை' ஆகும். பல நூற்றாண்டுகளாக காஞ்சி வரதர் கருட சேவை சிறப்பாக நடைபெற்று வருவதை வரலாற்றுச் செய்திகள் தெரிவிக்கின்றன.
கி.பி. 15 -ஆம் நூற்றாண்டில் வாழ்ந்த சிலேடைப் புலவர் கவி காளமேகம் காஞ்சி மாநகரில் நடைபெறும் கருட சேவையை கண்டு தரிசிக்கும் பேறு பெற்றார். அப்போது புலவர், காஞ்சியில் கருட சேவையின்போது ஒளிமிக்க கருடன் மீது சுடர்விட்டுப் பிரகாசிக்கும் பொன்வண்ணத் திருமேனியில் வரதராஜப் பெருமாள் ஆடை அணிமணிகள் பூண்டு கம்பீரமான திருக்கோலத்தில் திருவீதி உலாவைக் கண்டு பெருமாளை வணங்கி பாடலொன்றையும் பாடியுள்ளார். கவிகாளமேகப் புலவர் வாழ்ந்தபோது, சமகாலப் புலவரான "காஞ்சிபுரம் அம்மைச்சி' என்ற பெண் பாற்புலவர் தம் அனுபவத்தையும் வரலாற்றில் பதிவு செய்துள்ளார்.
காஞ்சிபுரம் அத்திவரதர் கோயிலில் வைகாசி விசாகத்தில் நடைபெறும் கருடோற்சவமும் ஏழாம் நாள் நடக்கும் தேர்த் திருவிழாவும் மிகச் சிறப்புடையவை. இந்த வரதரின் தேர் ஒரு தடவை, காஞ்சிபுரத்து அம்மைச்சி என்கிற பெண்பாற் புலவர் வீட்டருகில் வரும்போது திசைமாறி வேகமெடுத்து அவர் வீட்டையே இடித்துத் தள்ளிவிடுவது போல் வந்து விட்டது. அதைக் கண்டு சினம் கொண்ட அம்மை, அப்போது ஒரு பாடலைப் பாடினார். இந்த பாடலைக் கேட்டதும் வேகமாக வந்த தேர் அப்பால் விலகிச் சென்று விட்டதாகச் சொல்வர்.
ஆங்கிலேயர் காலத்தில் ஆற்காடு யுத்தத்தில் நோய்வாய்ப்பட்ட ராபர்ட் கிளைவ் ஸ்ரீவரதரின் துளசி தீர்த்தம் பருகி நோய் நீங்கப் பெற்றதாகவும் அதற்கு நன்றி செய்யும்விதமாக கழுத்தில் அணியும் மகர கண்டி ஒன்றை வரதராஜப் பெருமாளுக்குக் காணிக்கையாகச் சமர்ப்பித்துள்ளார்.
கி.பி. 19 -ஆம் நூற்றாண்டில் காஞ்சிபுரம் பகுதியை ஆட்சிபுரிந்த ஆங்கிலேய அதிகாரி பிளேஸ் துரை, காஞ்சி வரதர் கருடசேவையை கண்டு தரிசித்து மனம் மகிழ்ந்து வரதருக்கு தலையில் அணியும் விலையுயர்ந்த தங்க ஆபரணம் ஒன்றை காணிக்கையாகத் தந்துள்ளார்.
திருமங்கையாழ்வார், பூதத்தாழ்வார், கூரத்தாழ்வார், ஸ்ரீராமானுஜர், ஸ்ரீ நிகமாந்த மகா தேசிகன். கன்னிகாதானம் தாதாச்சாரியார் சுவாமிகள், அப்பய்ய தீட்சிதர், புரந்தர தாசர், நடாத்தூர் அம்மாள் ஆகியோர் வரதராஜப் பெருமாளையும் பிரசித்திப் பெற்ற கருட சேவையையும் போற்றிப் பாராட்டியுள்ளனர். வரதராஜப்பெருமாள் மீது திருக்கச்சி நம்பிகள் தேவராஜ அஷ்டகமும்; வேதாந்த தேசிகர் வரதராஜ பஞ்சாசத்தும்; மணவாள மாமுனிகள் தேவராஜ மங்களமும் பாடியுள்ளனர். பிரசித்திப் பெற்ற காஞ்சி வரதர் கருடசேவை 29.05.2018 அன்று நடைபெறும்.
- டி.எம். இரத்தினவேல்

 

]]>
http://images.dinamani.com/uploads/user/imagelibrary/2018/5/25/w600X390/vm11.jpg http://www.dinamani.com/weekly-supplements/vellimani/2018/may/25/காஞ்சி-கருட-சேவை-2926619.html
2926617 வார இதழ்கள் வெள்ளிமணி அருளை வழங்கும் அஷ்ட சாஸ்தா! DIN DIN Friday, May 25, 2018 10:54 AM +0530 திருவள்ளூர் மாவட்டம், வேப்பம்பட்டு கிராமத்தில் உள்ள சாய் நகரில் உலகிலேயே முதன் முறையாக சாஸ்தாவின் எட்டுவித அபூர்வ நிலைகளைக் கொண்ட நூதன ஆலயம் கீழ்தளம், மேல்தளமாக நிர்மாணிக்கப்பட்டுள்ளது.
 ஐயப்ப வழிபாட்டில் பல்வேறு ஆராய்ச்சிகள் செய்யப் பெற்று, கலிகாலத்திற்கு உகந்தவாறு எட்டு வித அவதாரங்களை வடிவமைத்து கொடுத்து ஐயப்பனின் பாத கமலங்களை அடைந்தவர் குருசாமி பிரம்மஸ்ரீ விஸ்வநாத சர்மா. அவரது முயற்சியின் பலனாகவே இன்று அஷ்டசாஸ்தா திருக்கோயில் அமையப் பெற்றுள்ளது.
 கலியுகத்தில் பந்தள மகாராஜாவிடம் பாலகனாக வளர்ந்து மகிஷியை சம்ஹாரம் செய்தவர் ஐயப்பன். சுவாமி ஐயப்பனைசாஸ்தா, ஐயனார் என பல உருவங்களில் வழிபாடு செய்கின்றனர். சபரிமலையில் புலி வாகனனாகத் தோன்றி அங்கு கோயில் கொண்டார் சாஸ்தா.
 எங்கும் நீக்கமற நிறைந்திருக்கும் தர்மசாஸ்தாவாம் ப்ரம்மா, விஷ்ணு, ருத்ரன் ஆகிய முப்பெரும் தெய்வங்களின் சக்தியை தன்னகத்தே பெற்று ஈரேழ் உலகங்களையும் இவ்வுலகிலுள்ள அனைத்து ஜீவராசிகளையும் தன் கடைக்கண் பார்வையினால் பார்த்து காத்து ரட்சிக்கிறார் கலியுக வரதனாம் ஸ்ரீ தர்மசாஸ்தா!
 தர்மசாஸ்தாவின் எட்டு (அஷ்ட சாஸ்தா) அம்சங்களான கல்யாணவரதர், ஸ்ரீஞானசாஸ்தா, சந்தான ப்ராப்தி சாஸ்தா, மஹா சாஸ்தா, வீர சாஸ்தா, சம்மோஹன சாஸ்தா, வேத சாஸ்தா, ஸ்ரீ ஆதிபூதநாதர் ஆகிய எட்டு வகையான சாஸ்தா இருப்பது பெரும்பாலானோர் அறிந்திருக்க வாய்ப்பில்லை.
 இந்த தர்மசாஸ்தா ஆலயத்தில் அஷ்ட சாஸ்தாக்களுக்கும் தனித்தனியே சந்நிதிகள் அமைக்கப்பட்டுள்ளன. அதோடு, ஸ்ரீ சின்மய கணபதி, ஸ்ரீ பூர்ணாம்பிகா, ஸ்ரீ புஷ்களாம்பிகா சமேத ஸ்ரீ ஹரிஹரபுத்ரர் ஆகிய தெய்வங்களுக்கும் சந்நிதிகள் அமைந்துள்ளன.
 இவ்வாலயத்தில் மே 25 -ஆம் தேதி விக்னேஸ்வர பூஜை, கோ பூஜை, தன பூஜை, ஸ்ரீ கணபதி ஹோமம், ஸ்ரீ லட்சுமி சுதர்சண ஹோமம், நவக்கிரக ஹோமம் போன்ற வழிபாடுகளுடன் மஹாகும்பாபிஷேக விழா துவங்குகின்றது. மே 27 -ஆம் தேதி (ஞாயிறு) காலை 11.00 மணிக்குமேல் விமானம், மூலவருக்கு மஹாகும்பாபிஷேக வைபவம் நடைபெறுகின்றது. மே 25,
 யாகசாலை பூஜைகள் ஆரம்பமாகின்றது. பக்தர்கள் இவ்வைபவத்தில் கலந்துகொண்டு ஸ்ரீ தர்மசாஸ்தாவின் பேரருளைப் பெறலாம்.
 தொடர்புக்கு: 94441 09431 / 99625 62067.
 - மோகனா

]]>
http://images.dinamani.com/uploads/user/imagelibrary/2018/5/25/w600X390/vm9.jpg http://www.dinamani.com/weekly-supplements/vellimani/2018/may/25/அருளை-வழங்கும்-அஷ்ட-சாஸ்தா-2926617.html
2926614 வார இதழ்கள் வெள்ளிமணி ஆரூர் ஆழித்தேர் அழகு! DIN DIN Friday, May 25, 2018 10:50 AM +0530 முக்தி தரும் தலங்களுள் ஒன்று திருவாரூர். மோட்ச தலங்களில் குறிப்பாக, பார்த்தால் (காண) முக்தி தரும் தலம் சிதம்பரம். இறக்க முக்தி தருவது காசி. பிறக்க முக்தி தருவது திருவாரூர். இதைத்தான் மகாவித்வான் மீனாட்சி சுந்தரம் பிள்ளையவர்கள் "உதித்தவர் உதித்திடா ஆரூர்" என்றார். பல புராண வரலாற்றுப் பின்னணிகளையும், வரலாற்றுப் பெருமைகளையும், மிக அதிகமான தேவாரப்பாடல்கள் பெற்ற தலம் என்ற சிறப்பினையும் தன்னகத்தே கொண்டு சைவ சமயத்திற்கே தலைமைப் பீடமாய் விளங்கும் திருவாரூர் திருத்தலத்தில் நடைபெறும் தேர்த்திருவிழா மிகவும் சிறப்புவாய்ந்தது.
 கோயில்களில் நடைபெறும் திருவிழாக்களில் ரதோற்சவம் எனப்படும் தேர்த்திருவிழா ஒரு முக்கிய அங்கமாகும். தேரினை "நகரும் கோயில்' என ஆகமங்கள் கூறுகின்றன. சிவபெருமானின் அட்ட வீரச்செயல்களில் திரிபுரத்தை எரித்த வரலாறும் ஒன்றாகும். "திரிபுராந்தகர்' என்ற பெயரும் சிவனுக்கு உண்டு. இந்த வரலாற்றை தேவார, திருவாசக, திருப்புகழ் ஆசிரியர்கள் தங்கள் பாடல்களில் போற்றிப் பாடியுள்ளார்கள். ஆலய உற்சவங்களில் ஒரு நாள் இந்நிகழ்வைக் அடிப்படையாகக் கொண்டு நடத்தப்படுவதே "தேரோட்டம்' எனவும் கூறுவர். தேரோட்ட நாள் அந்தந்த கோயில்களில் பின்பற்றப்படும் ஆகம விதியைப் பொருத்தது. திருவாரூரில் ஆழித் தேர்விழா பங்குனியில் நடைபெறும் பிரம்மோத்சவத்திற்கு பிறகு அதன் அங்கமாக ஒரு குறிப்பிட்ட நன்னாளில் (சித்திரை / வைகாசி) ஏகதின விழாவாக நடைபெற்று சுவாமி யதாஸ்தானம் திரும்பிய பிறகு உற்சவம் நிறைவு பெறுகின்றது.
 இத்திருக்கோயிலின் தேரினை "ஆழித்தேர்' என நாவுக்கரசரும் "தேராரும் நெடுவீதி திருவாரூர்' என சேக்கிழார் பெருமானும் போற்றிப்பாடுகின்றனர். "ஆழித்தேர் வித்தகனை நான் கண்டது ஆருரே! என அப்பரின் தேவாரப்பாடல் சிறப்பிக்கின்றது. "திருவாரூர்த்தேர்' அழகு என்பது அருள் வாக்கியமாய் வழங்கப்பெறுகிறது. திருவாரூரின் தேரோட்டத் திருவிழாவினை திருஞான சம்பந்தரும், நாவுக்கரசரும் இவ்வூரில் வந்து தங்கி முன்னின்று அன்று போல இன்றும் நடத்துவதாகவும், அருள்மிகு தியாகராஜசுவாமி தனது பரிவாரங்களுடன் எழுந்தருளி பவனி வரும் அழகினைக் காண இந்திரன் முதலான விண்ணவரும் வருவதாக ஐதீகம்.
 மராத்தி மற்றும் தெலுங்கு இலக்கியங்கள் பெருமையாகப் பேசும் சிறப்புடையது ஆரூர் திருவீதியும், அழகுத்தேர்விழாவும். தஞ்சை சரசுவதி மகாலில் உள்ள ஓர் ஆவணத்தில் கி.பி.1776- ஆம் ஆண்டு தஞ்சை அரசர் அமரசிம்மன் திருவாரூர் தேரைப் பார்க்க நாகப்பட்டினத்திலிருந்து வருகை புரிந்த ஆங்கிலேயர் டுரியன் துரைக்கு உணவு கொடுப்பதற்காக செய்த ஏற்பாடுகளை விவரிக்கின்றது. மற்றொரு ஆவணத்தில் 1797- ஆம் ஆண்டு 4840 பேர்கள் திருவாரூத் தேரிழுக்க வரவேண்டும் என்ற மன்னனது ஆணை காணப்பெறுகின்றது.
 ராஜேந்திர சோழன் காலத்தில் அமைக்கப்பட்ட தேர்வடிவிலான குத்துவிளக்கை திருவாரூர் கோயிலில் காணலாம். மேலும் இங்கு காணப்படும் விக்கிரம சோழன் கால கல்வெட்டில் "கல்' தேரினை தன் மைந்தன் மேல் ஏற்றி பசுவிற்கு நீதி வழங்கிய மனுநீதிச்சோழன் வரலாற்றினை தெரிவிக்கின்றது.
 சங்கீத மும்மூர்த்திகளில் ஒருவரான முத்துசுவாமி தீட்சதர் இத்தல இறைவி, இறைவன் மீது கீர்த்தனங்கள் இயற்றியதோடு மட்டுமில்லாமல் சில வருடங்கள் இவ்வூரில் நடந்து வந்த தேர் விழாவினை கண்டு களித்துள்ளார்கள். திருவீழிமிழலை வீழிநாதர் கோயிலில் காணப்படும் மூன்றாம் ராஜேந்திர சோழன் (கி.பி.1263) காலக் கல்வெட்டில் அக்கோயிலுக்கு தானம் அளித்த செய்தியைக் கூறுகையில் அதில் ஒப்பமிட்டவர்களின் (கையெழுத்திட்ட) பெயர்களைக் குறிப்பிடும்போது "ஆழித்தேர் வித்தகபட்டன்' என்பவர் குறிக்கப்படுகிறார். இதன் மூலம் திருவாரூரின் ஆழித்தேரின் பெயரையே தனது பெயராகக் கொண்டுள்ளது அக்கால வழக்கமாக உள்ளது என்று அறியப்படுகின்றது.
 மிக அதிகமான எடையுடன் (சுமார் 300 டன்) சற்றேக்குறைய 96 அடி உயரத்தில் மூங்கில், காகிதம், துணிகள் போன்று பல பொருட்களைக் கொண்டு நூற்றுக்கும் மேற்பட்ட நபர்கள் இந்த பிரம்மாண்ட தேரை உருவாக்கும் வேலையினை ஆறு மாதத்திற்கு முன்பே கோயில் மண்டபத்தில் ஆரம்பிப்பார்கள்.
 இவ்வாண்டு மே 27, காலை 6.00 மணிக்குமேல் 7.00 மணிக்குள் ஆழித்தேர் வடம் பிடிக்கப்படுகின்றது. திருவாரூர் தேர்காண திரளாகச் செல்வோம்! தியாகராஜாவின் "ராஜபவனியை' தரிசித்து மகிழ்வோம்.
 தொடர்புக்கு: 04366 - 242343.
 - எஸ். வெங்கட்ராமன்

]]>
http://images.dinamani.com/uploads/user/imagelibrary/2018/5/25/w600X390/vm7.jpg http://www.dinamani.com/weekly-supplements/vellimani/2018/may/25/ஆரூர்-ஆழித்தேர்-அழகு-2926614.html
2926613 வார இதழ்கள் வெள்ளிமணி பெரியவர் உகுத்த கண்ணீர் DIN DIN Friday, May 25, 2018 10:45 AM +0530 (காஞ்சி மஹாஸ்வாமிகளின் 125 ஆவது ஜயந்தி மே 29, 2018)
1957-இல் நவராத்திரி விழாவின்போது சென்னை சமஸ்கிருதக் கல்லூரிக்கு காஞ்சி மஹாஸ்வாமிகள் வந்திருந்தார்கள். அப்போது புத்திர சோகத்தால் பீடிக்கப்பட்ட ஒரு பெண்மணி பெரியவரைச் சந்தித்து அழுதார்கள். மின்சார ரயில் விபத்தில் சிக்குண்டு அபம்ரித்யு ஆன, தன் மகன் நற்கதி அடைந்தானா என்று அந்தத் தாய்க்குச் சந்தேகம். இல்லையென்றால் அவன் சாந்திக்குப் பெரியவர் அருள வேண்டும் என்று அவர் வேண்டிக்கொண்டார். "அந்த சாந்தி, இந்த ஹோமம் என்று பலரும் குழப்புகின்றனர். பெரியவர் வாயால நிஜமான பரிஹாரம் சொல்லணும். அவன் பேயாகத் திரியாமல் பெரியவா காப்பாத்தணும். " அழுகைக்கு இடையே அந்த அம்மையார் சொன்னார். 
ஒரு நிமிடம் கண்ணை மூடித் தியானித்தார் பெரியவர். "ஒன்றும் செய்ய வேண்டாம். கிராமத்துப் பண்ணையாட்கள் வேலை செய்யறாங்க இல்ல, வேலையின் போது அவங்க தொண்டைக்கு இதமா நீர் மோர் கொடுக்க ஏற்பாடு செய். தவிக்கிற குழந்தை சாந்தி ஆகிடுவான். புண்ணியமும் கிடைக்கும். நீயும் நிம்மதியா இருப்பே' என்றார். 
சாஸ்திரிய சடங்குகளுக்கு முக்கியத்துவம் கொடுக்கிற பெரியவர் வாயிலிருந்து இது வந்தது ஆச்சரியம். சுற்றியிருந்த பக்தர்களுக்கு மேலும் திடுக்கிட வைக்கும் ஒரு காட்சியும் அங்கே அரங்கேறியது. பெரியவர் மாலை மாலையாகக் கண்ணீர் உகுத்தார்கள்.
"The tears of saints more sweet by far
Than all the songs of sinners are' 
-கவி ஹெர்ரிக்
பெரியவாளை நமஸ்கரித்த அந்த அம்மாள் எழுந்து பெரியவாளை ஏறிட்டுப் பார்த்து அச்சத்துடன் "அடடா, என் பாரம் போயிடுதுன்னு சந்தோஷப்பட்டேன். இப்ப பெரியவா மனசைக் கஷ்டப்படுத்திட்டேன் போல இருக்கு" என்று புலம்பினார்கள்.
"அதெல்லாம் இல்லை. பெரியவாளுக்கு மனசும் இல்லை. கஷ்டமும் இல்லை " பிரசாதத் தட்டை நகர்த்திச் சிரித்தபடியே சொன்னார் மஹா ஸ்வாமிகள்.
(நன்றி: காஞ்சி முனிவர் நினைவுக் கதம்பம் -ரா. கணபதி)
- ஸ்ரீதர் சாமா
 

]]>
http://images.dinamani.com/uploads/user/imagelibrary/2018/5/25/w600X390/vm6.jpg http://www.dinamani.com/weekly-supplements/vellimani/2018/may/25/பெரியவர்-உகுத்த-கண்ணீர்-2926613.html
2926612 வார இதழ்கள் வெள்ளிமணி ஸ்ரீவில்புத்தூர் வைத்யநாதருக்கு திருக்கல்யாணம்! DIN DIN Friday, May 25, 2018 10:43 AM +0530 ஸ்ரீவில்லிபுத்தூர் மடவார்வளாகம் பகுதியில் அமைந்துள்ள ஸ்ரீசிவகாமி உடனுறை வைத்தியநாதசுவாமி திருக்கோயில் சுமார் 1000 ஆண்டுகள் பழைமையானது. இத்தலத்து இறைவனை பிரம்மா, சூரியன், சந்திரன், துருவாசர், அகஸ்தியர், பாரத்வாஜர் ஆகியோர் வந்து வணங்கியுள்ளனர். படிக்காசு வைத்தல் காசுவாசி வாங்கல், மிளகைப் பயிறாக்கியது, வலையனுக்குக் கண் கொடுத்தது, தேவமித்திரனுக்கு வெண்குட்டம் தீர்த்தது போன்ற சிவபிரானின் 64 திருவிளையாடல்களில் 24 திருவிளையாடல்கள் நிகழ்ந்தது இத்தலமாகும்.
 மன்னர் திருமலைநாயக்கரின் வயிற்றுவலி தீர்த்தது முதல் வைத்தியநாத சுவாமி என வழங்கப்படுகிறார். நடுவழியில் ஏழைப் பெண்ணுக்கும் பிரசவம் பார்த்தவர். வேண்டியோருக்கு வேண்டியதை வழங்கும் வைத்தியநாதர் ஆகும்
 சிவகங்கை தீர்த்தம் போன்ற புகழ்மிக்க தீர்த்தங்களைக் கொண்ட இத்தலத்தில் ஜோதிலிங்க வடிவாய் அருள்மிகு சிவகாமி அம்பாளுடன் கோயில் கொண்டு எழுந்தருளியிருக்கும் ஸ்ரீ வைத்தியநாத சுவாமிக்கு 25-05-2018 முதல் 28-05-2018 முடிய வைகாசிப் பெருந்திருவிழா நடைபெறுகிறது.
 முக்கியமாக, 25-05-2018 அன்று இரவு திருக்கல்யாணமும்; 27-05-2018 திருத்தேர் புறப்பாடும்; 28-05-2018 அன்று காலை விசாக தீர்த்தவாரியும் நடைபெறும்.
 திருக்கல்யாணத்தில் பிரார்த்தனை செய்து கொள்வோருக்கும் திருத்தேர் வடம் பிடிப்பதன் மூலம் எவ்வித தோஷமும் நீங்கும் எனப்படுவதாலும் தீர்த்தவாரி சகல நலன் தரும் என்பதாலும் அனைவரும் கலந்து கொண்டு பயன்பெறலாம்
 தொடர்புக்கு: 0456 3261262 / 99946 80255.
 -இரா.இரகுநாதன்

]]>
http://images.dinamani.com/uploads/user/imagelibrary/2018/5/25/w600X390/vm5.jpg http://www.dinamani.com/weekly-supplements/vellimani/2018/may/25/ஸ்ரீவில்புத்தூர்-வைத்யநாதருக்கு-திருக்கல்யாணம்-2926612.html
2926610 வார இதழ்கள் வெள்ளிமணி நீங்களே தேவனுடைய ஆலயம்! DIN DIN Friday, May 25, 2018 10:39 AM +0530 குட்டி பையன் சுந்தர் தன் அம்மாவோடு பல்பொருள் அங்காடிக்கு போனான். அவன் அம்மா டிராலியை தள்ளிக்கொண்டே பொருள்களை எடுத்துக் கொண்டிருந்தார். சுந்தர் விளையாடிக் கொண்டே ஸ்டோரின் வாசற்படிக்கு வந்துவிட்டான். சாலையை பார்த்தான். அழகிய வண்ண வண்ண கார்கள் ஓடுவதைப் பார்த்துக் கொண்டே கைகளைத் தட்டி வெள்ளை கார், சிவப்பு கார் என மகிழ்ச்சியுடன் சத்தமிட்டுக் கொண்டே சாலையின் புறமாக நடந்து இரு திருப்பங்களைக் கடந்து விட்டான். அப்போதுதான், நான் அம்மாவை விட்டு தூரமாக வந்துவிட்டதை அறிந்து பல்பொருள் அங்காடிக்கு போக வழி தெரியாமல் "ஓ' என அழ ஆரம்பித்துவிட்டான்.
 இவன் அழுவதைப் பார்த்து அக்கம் பக்கத்தினர் வந்து விசாரிக்க ஆரம்பித்தனர். "உன் அம்மா பெயர் என்ன?' என்று கேட்டதற்கு, "மம்மா' என்றான். அப்பா பெயர் கேட்டதற்கு "பப்பா' என்றான். "உன் பெயர் என்ன என்று கேட்க, "பேபி' என்று சொல்லி மிகவும் அழஆரம்பித்து விட்டான்.
 டிராஃபிக் போலிஸ்காரர் வந்து அவனை பெற்றோரிடம் சேர்க்க முயற்சித்தார். ஆனால், விவரம் தெரியவில்லை. போலிஸ்காரர் தம் மோட்டார்சைக்கிளில் முன்புறம் உட்கார வைத்து ஓட்டிக்கொண்டே தேட ஆரம்பித்தார். சாலை வளைவு வந்ததும் குட்டி பையன் சுந்தர், ""ரைட்... ரைட்'' என்றான். போலிஸ்காரர் ரைட்டில் வளைத்தார். இப்படியே லெஃப்ட், ரைட் என வளைவுகளை கடந்தபோது கடைசியாக மோட்டார் சைக்கிள் ஓர் ஆலயத்துக்கு முன் நின்றது.
 சுந்தர் தன் அப்பா அம்மாவுடன் காரில் ஞாயிறுதோறும் செல்லும் புனிதமேரி ஆலயம்தான் அது. அங்கு பாதிரியார், சுந்தரைப் பார்த்தவுடன், "சுந்தர் எங்கேடா போனே, உன் அம்மா உன்னைக் காணாமல் தேடி ஆலயத்துக்கு வந்து நீ கிடைக்க வேண்டும் என்று அழுது கொண்டிருந்தார்கள்'' எனக் கூறி அவன் அம்மாவிடம் அவனைச் சேர்த்தார்.
 ஒவ்வொரு ஞாயிற்றுக்கிழமையும் ஆலயத்துக்கு வரும் சுந்தருக்கு தன் பெயர் தெரியாவிட்டாலும் தமது ஆலயம் போகும் வழி தெரிந்திருந்தது. அதனால் தன் ஆலயத்தையும் பாதிரியாரையும் தன் அம்மாவையும் கிடைக்கப் பெற்றான்.
 ஆலயம் கடவுளை தொழும் இடம். ஆலயத்தில் பாட்டும் கர்த்தரின் வார்த்தையும் எல்லா மக்களின் நட்பும் உண்டு. ஆலயம் வருவோர் கடவுளின் ஆசி பெற்றுக் கொள்கின்றனர்.
 இயேசு தம் உடலை ஆலயமாக உருவகப் படுத்துகிறார். எருசலேம் ஆலயத்தைப் பார்த்து, "இவ்வாலயத்தை இடித்துப் போடுங்கள்; மூன்று நாளில் கட்டுவேன்' எனக் கூறி தான் சிலுவையின் பாடுகளை குறித்தும் சிலுவையில் அறையப் படுவதையும் மரித்து மூன்றாம் நாளில் உயிர்த்தெழுவதையும் கூறினார்.
 ஆண்டவரின் அப்போஸ்தலர் பவுல் நம் உடம்பை, உள்ளத்தை ஆன்மாவை கடவுளின் ஆலயம் என்கிறார். " நீங்கள் தேவனுடைய ஆலயமாயிருக்கிறீர்கள் என்றும் தேவனுடைய ஆவி உங்களில் வசமாயிருக்கிறதென்றும் அறியாதிருக்கிறீர்களா?'' (1 கொரிந்தியர் 3:16) நாம் ஆலயம்! புனிதமும் பரிசுத்தமும் நீண்ட உயர்ந்ததும் எல்லோரும் தொழுதுக் கொள்ளும் இனிய மகிழ்வு தரும் மனிதராவோம். புனிதம் காப்போம். மகிழ்வாய் வாழ்வோம்.
 - தே. பால் பிரேம் குமார்
 
 

]]>
http://images.dinamani.com/uploads/user/imagelibrary/2018/5/25/w600X390/vm4.jpg http://www.dinamani.com/weekly-supplements/vellimani/2018/may/25/நீங்களே-தேவனுடைய-ஆலயம்-2926610.html
2926609 வார இதழ்கள் வெள்ளிமணி நிகழ்வுகள் DIN DIN Friday, May 25, 2018 10:37 AM +0530 திருக்கல்யாணப் பெருவிழா
 திருக்கயிலாய பரம்பரைத் தருமைஆதின அருளாட்சிக்கு உட்பட்ட ஆச்சாள்புரம் அருள்மிகு திருவெண்ணீற்றுமையம்மை உடனாகிய சிவலோகத் தியாகேசர் திருக்கோயிலில் தருமைஆதீனம் 26 -ஆவது குருமகாசந்நிதானம் ஸ்ரீலஸ்ரீ சண்முகதேசிக ஞானசம்பந்த பரமாசாரிய சுவாமிகளின் திருவுளப் பாங்கின் வண்ணம் மே-31 ஆம் தேதி ஞானசம்பந்தப் பெருமானின் திருக்கல்யாணப் பெருவிழா நடைபெறுகின்றது. இதனை முன்னிட்டு அன்று காலை 9.00 மணி அளவில் ஸ்ரீபால
 சம்பந்தர் உபநயன நிகழ்ச்சியும், மாலை 5.00 மணிக்கு திருமுறைகள் திருவீதி உலா வருதலும், இரவு 9.00 மணிக்கு ஸ்ரீ திருஞானசம்பந்தர் மாப்பிள்ளை அழைப்பும் தொடர்ந்து திருக்கல்யாணமும், திருமணக் கோலத்துடன் வீதியுலாவும் மறுநாள் அதிகாலை 4.30 மணிக்குமேல் 5.30 மணிக்குள் மூலநட்சத்திரத்தில் பேரின்ப பேறளிக்கும் ஜோதியில் புகும் நிகழ்ச்சியும் நடைபெறுகின்றது.
 திருஅருட்பா இசைவிழா
 கடலூர் மாவட்டம், வடலூர், வள்ளலார் பெருவெளித்திடலில் திருஅருட்பா இசைச் சங்கத்தின் 33 -ஆவது ஆண்டு இசைவிழா, மே 25, 26, 27 - ஆம் தேதிகளில் சத்திய தருமச்சாலையின் 152 -ஆம் ஆண்டு தொடக்க நாளில் மிகச் சிறப்பாக நடைபெறுகின்றது.
 தொடர்புக்கு: 94432 62269.
 குருபூஜை
 சென்னை, தியாகராய நகர், வடக்கு உஸ்மான் சாலை, வேளூர் தேவஸ்தான இறைபணி மண்டபம், தருமபுரம் ஆதீன மடாலய தேவாலய பிரசார நிலையத்தில் திருஞானசம்பந்த சுவாமிகள் குருபூஜை விழா 31.05.2018 - அன்று நடைபெறுகின்றது.
 தொடர்புக்கு: 044 2814 2642.
••••••••••••••
 விழுப்புரம் மாவட்டம், பொம்மயபாளையம், ஸ்ரீமத் சிவஞான பாலய சுவாமிகள் திருமடத்தில் 2 -ஆம் பட்டம் ஸ்ரீமத் ஆதி சிவஞான பாலய சுவாமிகள் மகாகுருபூஜை விழா, 28.05.2018 - அன்று நடைபெறுகின்றது.
 காவடி உற்சவம்
 தஞ்சாவூர் மாவட்டம், ஆடுதுறை , அம்மன் கோயில் தெரு, அருள்மிகு சக்திவேல் முருகன் ஆலயத்தின் 49- ஆவது ஆண்டு வைகாசி விசாக பெருவிழா காவடி உற்சவம் ,
 28.05.2018 - காலை 9.00 மணியளவில் சுவாமி வீதியுலாவும்; மாலை 4.00 மணிக்கு பால்குடம், பால்காவடி, அலகு காவடி, அபிஷேகம் ஆராதனைகளுடன் சிறப்பாக நடைபெறுகின்றது.
 தொடர்புக்கு: 99447 41774.
 திருப்பணி
 திருவாரூர் மாவட்டம், நன்னிலம் தாலுக்கா, திருவாஞ்சியம் மேல வீதியில் அமைந்துள்ள அருள்மிகு மகா மாரியம்மன் ஆலயத்தில் கிராமவாசிகள், திருப்பணிகுழு சார்பில் திருப்பணி நடைபெறுகின்றது. பக்தர்கள் இவ்வாலய திருப்பணியில் பங்குகொண்டு அன்னையின் அருளைப் பெறலாம்.
 தொடர்புக்கு: 99653 64766.

]]>
http://www.dinamani.com/weekly-supplements/vellimani/2018/may/25/நிகழ்வுகள்-2926609.html
2926606 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, May 25, 2018 10:34 AM +0530 • என் தந்தை, என் தாய், என் மனைவி, என் வீடு என்று இவ்வாறு உண்டாகும் "எனது' என்னும் உணர்ச்சியே மோகம் எனப்படும்.
- பத்மபுராணம்

• நீரில் கரைந்துபோன உப்புக் கட்டியைக் கண்ணால் காண முடியாது; நாவினால் ருசித்தறியலாம். அவ்வாறே உள்ளத்தின் ஆழத்தில் ஊடுருவியிருக்கும் பிரம்மத்தை வெளி இந்திரியங்களால் அறிய முடியாது. 

• தீர்க்கதரிசியாகிய கருணை நிறைந்த குருவின் உபதேசத்தால் ஏற்படும் ஞானம், அக்ஞானம் நீங்குவதால்தான் அறிய முடியும். அந்த உபதேசமாவது ""உன்னைச் சுற்றிக் காணப்படும் உலகம் நீயன்று. நீ பிரம்மமே.''

• நல்லோர்களின் கூட்டுறவால் பற்றின்மை ஏற்படுகிறது. பற்றின்மையால் மாயையிலிருந்து விடுதலை ஏற்படுகிறது. மாயையிலிருந்து விடுதலை கிடைத்தால் என்றும் மாறாத உண்மை உண்டாகிறது. மாறாத உண்மையை உணரும்போது ஜீவனுக்கு முக்தி ஏற்படுகிறது. (பஜகோவிந்தம்)

• "எனக்குக் குணமும் இல்லை; செயலுமில்லை. நான் என்றும் இருப்பவன், சுதந்திரமானவன். அழியாதவன்; அஸத்தான உடலல்லன்'' என்று இங்ஙனம் அறிவதுதான் ஞானம்.

• வைராக்கியத்தின் பயன் ஞானம்; ஞானத்தின் பயன் விஷய சுகங்களை நாடாமல் ஆத்மானந்தத்தை அனுபவித்தல்; அதனால் விளைவது பரம சாந்தி. 

• முக்தியை விரும்பி ஒருவன் காசிக்கு யாத்திரை சொல்லலாம்; விரதமிருக்கலாம்; ஏழைகளுக்குத் தானம் செய்யலாம்; ஆனால் ஞானமின்றி இவை முக்தியளிக்கமாட்டா.
- ஆதிசங்கரர்

• இறைவனைத் தவிர்த்த மற்ற எல்லா விஷயங்களையும் முற்றிலும்விட்டு, அவனுடைய திருவடிகளில் உங்களுடைய ஆத்மாவைச் சமர்ப்பியுங்கள். அவ்வாறு உய்வடையுங்கள்.

• ஆத்மா அழிவற்றது. நிலையானது. உடலோ மின்னலைக் காட்டிலும் நிலையற்றது. இவ்வாறு உள்ள நிலைமையில் இறைவனை நினைத்துக்கொண்டே இருங்கள்.

• "நான்', "என்னுடையது' என்று இரண்டு வகைப் பற்றுக்களையும் வேரற (வாசனையும் இல்லாதபடி) அழித்துவிட்டு இறைவனைச் சேருங்கள்.

• எல்லாச் செல்வங்களும் இறைவனுக்கு உரியவை. நாமும் அவனுடைய சொத்துக்கள் என்று நினையுங்கள்.

• இறைவனால் இறைவனுக்குத் தொண்டு செய்வதற்கென்று கொடுக்கப் பெற்ற நமது மனம், மொழி, மெய் மூன்றையும் பிற விஷயங்களிலிருந்து திருப்பி, அவனிடம் வையுங்கள். அவ்வாறு செய்தால், அவனுடைய தொண்டுகளுக்கு விரோதமான இடையூறுகள் ஒழியும். 

• எண்ணிறந்த ஜீவன்களையும், முடிவற்ற கல்யாண குணங்களையும் உடையவன் இறைவன். அவனுடைய நழுவ விடாத திருவடிகளை அடையுங்கள். 
- நம்மாழ்வார்

]]>
http://images.dinamani.com/uploads/user/imagelibrary/2018/5/25/w600X390/vm2.jpg http://www.dinamani.com/weekly-supplements/vellimani/2018/may/25/பொன்மொழிகள்-தொகுப்பு-சுவாமி-கமலாத்மானந்தர்-2926606.html
2922223 வார இதழ்கள் வெள்ளிமணி சுகம் தரும் சுகவனேஸ்வரர்! DIN DIN Friday, May 18, 2018 09:45 AM +0530 பிரம்மதேவன் ஒருமுறை படைப்பின் ரகசியத்தை சுகமுனிவரிடம் கூற, அவர் அதனை சரஸ்வதியிடம் எடுத்துரைத்தார். சினங்கொண்ட நான்முகன் சுகமுனிவரைக் கிளியாக பிறந்திட சாபம் கொடுத்தார். வருந்திய சுகமுனிவர் பூவுலகம் வந்து, கிளிகள் கூட்டமாக வாழ்ந்திருந்த சுகவனத்தை அடைந்தார். அங்கே, புற்றின் அடியில் வெளிப்பட்ட சிவலிங்கத் திருமேனியை நெல் மணிகளால் பிற கிளிகளோடு பூசித்து வந்தார். அப்போது வேடன் ஒருவன் கிளிகளைத் தாக்கிட கிளிகள் யாவும் அங்கிருந்த ஒரு புற்றில் ஒளிந்து கொண்டன.
 வேடன் மிகுந்த கோபம் கொண்டு புற்றை மண் வெட்டியால் வெட்டினான். அப்போது புற்றுக்குள்ளிருந்த சிவிலிங்கத் திருமேனியை காத்திட கிளி வடிவில் இருந்த சுகமுனிவர், தன் இறக்கைகளால் இறைவனை மறைத்து காத்திட முயற்சிக்கையில் வேடனால் வெட்டப்பட்டார். அப்போது சிவலிங்கத்திலிருந்து குருதி கொப்பளிக்க, அதனைத் கண்ட வேடன் மயக்கமுற்றான். அப்போது ஈசன், அங்கே தோன்றி சுகமுனிவரின் சாபத்தையும் விலக்கியதோடு வேடனுக்கும் திருவருள் செய்தார். அதுமுதல் இங்கே எழுந்தருளியுள்ள ஈசன், சுகவன ஈசுவரர் எனும் சிறப்புப் பெயர் கொண்டார். மேலும் கிளிவனமுடையார், கிளிவனநாதர் என்றும் பல பெயர்களால் அழைக்கப்படுகிறார். மூலவரின் திருமேனியில் வேடனால் வெட்டுண்ட காயத்தை அபிஷேகத்தின் போது தரிசனம் செய்யலாம்.
 சேலம் மாவட்டத்தில் அமைந்துள்ள சுகவனேஸ்வரர் திருக்கோயில் மூன்று நிலை ராஜகோபுரம், ஒரு பிரகாரத்துடன் அமைந்துள்ளது. வெளிச்சுற்றில் அறுபத்து மூவர், சப்தமாதர், நால்வர், இரட்டை விநாயகர், ஆலமரச்செல்வர் சந்நிதிகள் உள்ளன. பஞ்சபூதலிங்கங்கள், கங்காளர், காசிவிசுவநாதர், ஜேஷ்டாதேவி ஆகிய சுற்றுபிரகார சந்நிதிகள், அறுபடை வீடு சிற்பங்கள் கொண்ட முருகப்பெருமான் சந்நிதி, பிரம்மா, சண்டிகேசுவரர், துர்க்கை சந்நிதிகளும் உள்ளன. சுயம்புலிங்கமாக சுகவனேசுவரர் எழுந்தருளியுள்ளார். நீண்டு உயர்ந்த பாணம் மூலவர் திருமேனி ஒரு பக்கம் சாய்ந்திருப்பதோடு, வெண்மையான வெட்டுத் தழும்பும் காணப்படுகிறது. கிளிமுகம் கொண்ட சுகமுனிவரும் சிலைவடிவில் காட்சி தருகிறார்.
 மரகதவல்லி, பச்சைநாயகி என்று அழைக்கப்படும் அன்னை, சொர்ணாம்பிகை எனும் திருநாமத்துடன் நின்ற கோலத்தில் எழுந்தருளியுள்ளார். சிறப்பு நாள்களில் அம்மனுக்கு தங்கக்கவசம் சார்த்தப்படுகிறது. இத்திருக்கோயிலுக்குள் அமைந்துள்ள அமண்டுக தீர்த்தம் தவளைகள் வாழாத திருக்குளமாகத் திகழ்கிறது. இதுதவிர பாபநாச தீர்த்தம், மனுசரணதீர்த்தம், மானத தீர்த்தத்தோடு மணிமுத்தாறு புனித தீர்த்தங்களாக அமைந்துள்ளன. தலமரம் பாதரி நந்தவனத்தில் உள்ளது.
 இத்திருக்கோயிலின் தல விநாயகர் விகடச்சக்கர விநாயகர் எனும் திருநாமம் கொண்டுள்ளார். வீரபத்திரர் தக்கனின் யாகத்தை அழித்தபோது அவரை எதிர்கொண்ட திருமால் தனது சக்கரத்தை எறிய, வீரபத்திரர் அணிந்திருந்த கபால மாலையில் ஒரு தலை, அந்த சக்கரத்தைக் கவ்விக்கொண்டது. அதனைக் கண்ட விநாயகர் கூத்தாடியபோது, அதுகண்டு சிரம் நகைக்க, சக்கரமும் அதன் வாயிலிருந்து விழுந்தது. அதனை எடுத்துக்கொண்டு களிப்பில் ஆடியவரே விகடச்சக்கர விநாயகர் ஆவார்.
 நவகிரங்கள் தனிசந்நிதியாக அமைந்ததோடு செவ்வாய் கேது இடம் மாறியுள்ளன. இத்தலத்தில் உள்ள முருகப்பெருமான் மீது அருணகிரிநாதர் திருப்புகழ் பாடியுள்ளார். இங்கு, ஆயிரம் ஆண்டுகளுக்கு முற்பட்ட பதினைந்து கல்வெட்டுகள் காணப்படுகின்றன. கோப்பரகேசரி என்ற பட்டம் கொண்ட சோழமன்னன் காலத்தில் கல்வெட்டு வெட்டப்பட்டது. பிற்கால சோழர்கள் மன்னர்கள் தாங்கள் முடிசூட்டிக் கொள்ளும் பொழுது பரகேசரி என்றும் அடுத்து வருபவர் ராஜகேசரி என்றும் பட்டம் தாங்கினார். அவ்வாறு வந்த சோழ மன்னர்களில் பரகேசரியும், ராஜகேசரியும் இங்கு ஆட்சி புரிந்துள்ளதும் இங்குள்ள பரகேசரியின் மூன்று கல்வெட்டுக்களும் ராஜகேசரியின் இரண்டு கல்வெட்டுகளும் தெரிவிக்கின்றன. பரகேசரி முதல் ராஜகேசரி வரை சுமார் 200 ஆண்டுகளாக கிளிவண்ணமுடைய பெருமான் என்றே மூலவர் அழைக்கப்பட்டதும், அன்னதானம் வழங்கியமையும் குறிப்பிடத்தக்க செய்திகளாகும்.
 இக்கோயிலில் வைகாசிப் பெருந்திருவிழா 20-5-2018 - அன்று கொடியேற்றத்துடன் தொடங்கி முக்கிய திருவிழாவான தேரோட்டம் 28-5-2018 - அன்று நடைபெறுகிறது.
 வழித்தடம்: சேலம் பேருந்து நிலையத்தில் இருந்து நகரப்பேருந்துகளும், ஆட்டோ வசதிகளும் உள்ளன.
 - பொ.ஜெயச்சந்திரன்
 

]]>
http://images.dinamani.com/uploads/user/imagelibrary/2018/5/18/w600X390/v9.jpg http://www.dinamani.com/weekly-supplements/vellimani/2018/may/18/சுகம்-தரும்-சுகவனேஸ்வரர்-2922223.html
2922222 வார இதழ்கள் வெள்ளிமணி நரம்பு நோய் அகற்றும் திருவாலீஸ்வரர்! DIN DIN Friday, May 18, 2018 09:40 AM +0530 காஞ்சிபுரம் மாவட்டம், திருக்கழுகுன்றம் வட்டம், நெரும்பூர் என்ற கிராமத்தில் அருள்மிகு திரிபுரசுந்தரி உடனுறை அருள்தரும் திருவாலீஸ்வரர் திருக்கோயில் அமைந்துள்ளது. தற்போது, இத்திருக்கோயிலின் நிலை மிகவும் மோசமான சூழலில் உள்ளது. மேலும் குடமுழுக்குக் கண்டு 50 ஆண்டுகளுக்கு மேல் ஆகிவிட்டது என்பது தெரியவருகிறது. மதில் சுவர்கள் முழுவதுமாக இருந்த அடிச்சுவடே இல்லாமல் போய்விட்டது. 3 நிலை ராஜகோபுரம் எந்தவித ஆதாரமும் இன்றி நின்றுக்கொண்டிருப்பதால் விழுந்துவிடும் நிலையில் காணப்படுகிறது.
 ராஜராஜ சோழ மன்னன், சம்புவராயர்கள், விஜயநகர மன்னர்கள் காலத்திய கல்வெட்டுகள் இக்கோயிலில் காணப்படுகின்றன. ராஜராஜ சோழனுடைய கல்வெட்டில் இக்கோயிலுக்கு விளக்கு எரிப்பதற்கும், வழிப்பாட்டிற்கும் நிலம் தானம் அளித்த செய்தி கூறப்பட்டுள்ளது. இவ்வூர், "நெரும்பூர் என்றே கல்வெட்டில் பொறிக்கப்பட்டுள்ளது. கம்பண்ணவுடையார் (கி.பி. 1367) காலத்தில் கோயிலுக்கு நிலம் அளிக்கப்பட்டது.
 கிழக்கு நோக்கிய வாயில் கொண்ட திருக்கோயில். பலிபீடம், நந்தி மன்டபம் வெளியே அமைந்துள்ளது. இத்திருக்கோயிலுக்குள் நுழைந்தவுடன் மகா மண்டபம், அந்தராளம் மற்றும் கருவறை என்ற அமைப்பில் உருவாக்கப்பட்டுள்ளது. கருவறையின் உள்ளே ஆயிரம் ஆண்டுகளுக்கு முற்பட்ட வட்ட வடிவ ஆவுடையாருடன் கூடிய லிங்கத்திருமேனி நம்மை மெய்சிலிர்க்க வைக்கிறது. தன்னை நாடி வரும் பக்தர்களின் குறைகளைப் போக்கி நல்வாழ்வு அளிக்கிறார் மகேஸ்வரன்!
 மகாமண்டபத்தில் இருந்து அந்தராளத்திற்கு செல்லும் நுழைவாயிலின் வலது பக்கம் விநாயகரும், இடது பக்கம் பாலமுருகனும் அமைந்து அருளுகின்றனர். மகா மண்டபத்தில் வலப்புறம் கிழக்கு நோக்கி ஒரு மேடையில் பெரிய உருவில் மகா கணபதியும், அருகில் மூன்று நாகர்களும் அருளுகின்றனர். மகா மண்டபத்தின் இடப்புறம் கிழக்கு நோக்கி இரண்டு நாகர்களும் முருகப் பெருமானும் அருள் கூட்டுகின்றனர். அதற்கு எதிரில் காலபைரவர் அமைந்து அருளுகின்றார்.
 மகா மண்டபத்தில் தெற்கு நோக்கி சந்நிதி கொண்டு அம்பிகை திரிபுரசுந்தரி பக்தர்களின் குறைகளைப்போக்கி மேற்கைகளில் அங்குசம், பாசம் தாங்கியும் கீழ் கைகளில் அபயவரத முத்திரைத் தாங்கியும் நல்லருள் புரிகின்றார். மகா மண்டபத்தின் மேற்கூரையை சூரியன், சந்திரன் இவர்களை பாம்பு பிடிப்பது போன்ற சூரிய சந்திர கிரகணம் சார்ந்து புடைப்புச் சிற்பமும், யானை, மச்சம் (மீன்) போன்ற புடைப்பு சிற்பங்களும் வடிவமைக்கப்பட்டுள்ளன. வெளிப்புற சுற்றில் நர்த்தன கணபதி, மகா விஷ்ணு, பிரம்மா, விஷ்ணு துர்கை அருளுகின்றனர்.
 நரம்புத் தளர்ச்சி நோய், காக்காய் வலிப்பு நோய் உள்ளவர்கள் இத்தல ஈசனை ஆராதிக்க நோய் குணமாகும். இவ்வீசனை தரிசித்து அபிஷேகம் செய்வித்து அபிஷேக விபூதியை வாங்கி வந்து தண்ணீரில் இட்டு பருகி வர, இந்நோய்கள் குணமாகும்.
 இக்கோயிலில் ஒருகால பூஜை மட்டுமே நடந்து வருகிறது. நடைத் திறக்கும் நேரம், காலை 7.30 மணி முதல் 8.30 மணி வரை சிவாச்சாரியார் வீடு அருகில் உள்ளது.
 இவ்வாலயத்தை புதுப்பிக்கும் கடமை இந்து சமய அற நிலையத்துறைக்கும் சிவனேய செல்வர்களுக்கும் பக்தக்கோடிகளுக்கும் உள்ளது.
 தொடர்புக்கு : 88700 30252 / 96773 24135.
 - க. கிருஷ்ணகுமார்
 
 

]]>
http://images.dinamani.com/uploads/user/imagelibrary/2018/5/18/w600X390/v8.jpg http://www.dinamani.com/weekly-supplements/vellimani/2018/may/18/நரம்பு-நோய்-அகற்றும்-திருவாலீஸ்வரர்-2922222.html
2922220 வார இதழ்கள் வெள்ளிமணி சிறப்புகள் மிகுந்த வைகாசி! DIN DIN Friday, May 18, 2018 09:39 AM +0530 வளம் தரும் வைகாசி மாதத்தை "மாதவ மாதம்' என்றும் வைகாசம் என்று போற்றுவர். வைகாசி முதல் தேதியில் கங்கை நதியில் நீராடினால் ஏழேழு ஜென்மங்களில் செய்த பாபங்கள் நீங்கும் என்று சாஸ்திரம் கூறுகிறது. கங்கையில் நீராட வசதி இல்லாதவர்கள் தங்கள் ஊருக்கு அருகில் உள்ள புனித நீர் நிலைகளில் வடக்கு நோக்கி கங்கையை பிரார்த்தித்து நீராடினால் கங்கையில் நீராடிய பலன் கிடைக்கும் என்று வேத நூல்கள் கூறுகின்றன.
 வைகாசி என்பதை விசாகம் என்றும் சொல்வர். விசாகம் என்றால் " மலர்ச்சி' என்று பொருள். வைகாசிதான் சமஸ்கிருதத்தில் வைசாகம் ஆனது. இம்மாதத்தில் புனித நதியில் நீராடி மஹாவிஷ்ணுவை துளசி பத்ரங்களால் பூஜை செய்தால் நற்பேறுகள் பல பெறலாம் என்று விஷ்ணு புராணம் கூறுகிறது.
 வைகாசி மாதத்தில் பல அவதாரங்கள் நிகழ்ந்ததாகப் புராணங்கள் கூறுகின்றன. வைகாசி பௌர்ணமி அன்று சிவபெருமானின் நெற்றியிலிருந்து வெளிப்பட்ட தீப்பொறியானது ஆறு குழந்தைகளாக சரவணப்பொய்கையில் தோன்றியது. ஆதிசக்தியானவள் அந்த ஆறு குழந்தைகளை அரவணைத்து ஓருடல் ஆக்கினாள் என்பது புராணம். அக்குழந்தையே ஆறுமுகனான முருகப்பெருமான். வைகாசி சுக்ல சதுர்த்தசியில்தான் மஹாவிஷ்ணு தன் பக்தன் பிரகலாதனுக்காக ஒரு நொடிப்பொழுதில் நரசிம்ம அவதாரம் எடுத்தார்.
 கௌதம புத்தர் அவதரித்தது ஓர் வைகாசி பௌர்ணமி என்று வரலாறு சொல்கிறது. அவர், கயாவில் போதி மரத்தடியில் ஞானம் பெற்றதும் வைகாசி பௌர்ணமியே.
 வைகாசி மாத மூலநட்சத்திர நாள் திருஞானசம்பந்தரின் திருநட்சத்திர தினம். அன்று ஆச்சாள் புரத்தில் திருஞானசம்பந்தர் விழா சிறப்பாகக் கொண்டாடப்படுகிறது.
 நம்மாழ்வார், திருக்கோட்டியூர் நம்பிகள் அவதரித்த மாதம் வைகாசி. காஞ்சி மகாபெரியவர் அவதரித்ததும் வைகாசி பௌர்ணமியே. ஆதிசங்கரர் தோன்றியது வைகாசி பஞ்சமி.
 வைகாசி பௌர்ணமியன்று சிவபெருமானுக்கு மகிழம்பூ நிறத்தில் பட்டாடை சாற்றி, 108 பத்ம ராகக் கற்களாலான மாலை அணிவித்து, எள்சாதம் நிவேதனம் செய்து வழிபட்டால் தெரிந்தோ தெரியாமலோ செய்த பாபங்கள் நீங்கும் என்று சாஸ்திரம் கூறுகிறது.
 வைகாசி மாதம் சிவபெருமானை போற்றி கடைப்பிடிக்கப்படும் விரதம், "ரிஷப விரதம்' ஆகும். ரிஷப விரத நாளில் ரிஷப வாகனத்தில் உமாமகேஸ்வரராக வீற்றிருக்கும் சிவபெருமானை வழிபட வேண்டும். இதனால் வாகனங்கள் வாங்க வேண்டும் என்று நினைப்பவர்களுக்கு வாகனங்கள் வாங்கும் யோகம் உண்டாகும். வாகனம் வைத்திருப்போர் புதிய வாகனத்தை வாங்கும் யோகம் கிட்டும்.
 வைகாசி விசாகத்தில் எமதர்மராஜன் அவதரித்ததாக புராணம் கூறுகிறது. ஆகையால் எமதர்மராஜன் எழுந்தருளியுள்ள ஸ்ரீ வாஞ்சியம் மற்றும் திருச்சி மண்ணச்சநல்லூர் அருகேயுள்ள திருப்பைஞ்ஞீலி திருத்தலங்களில் சிறப்பு வழிபாடுகள் நடைபெறும்.
 - டி.ஆர். பரிமளரங்கன்
 
 
 

]]>
http://images.dinamani.com/uploads/user/imagelibrary/2018/5/18/w600X390/v7.jpg http://www.dinamani.com/weekly-supplements/vellimani/2018/may/18/சிறப்புகள்-மிகுந்த-வைகாசி-2922220.html
2922219 வார இதழ்கள் வெள்ளிமணி சக்தி வழிபாட்டுச் சிறப்பிற்கு ஈந்தமுக்கல் ஜாலாம்பாள்! DIN DIN Friday, May 18, 2018 09:38 AM +0530 சென்னை- தாம்பரம் - ஸ்ரீபெரும்புதூர் சாலையில் தாம்பரம் அருகே பழைய பெருங்க(கு)ளத்தூரில் சக்தி வழிபாட்டின் பெருமையை கூறும் அருள்மிகு ஈந்தமுக்கல் ஜாலாம்பாள்அம்மன் திருக்கோயில் அமைந்துள்ளது.
 வரலாற்றுச் சிறப்பு மிக்கதும் பழம் பெருமை வாய்ந்ததுமான பெருங்களத்தூரில் அகிலாண்டேசுவரி சமேத அகத்தீஸ்வரர் கோயிலும்; ஸ்ரீதேவி பூதேவி சமேத ஆதிகேசவப் பெருமாள் கோயிலும் அமைந்துள்ளன.
 ஸ்ரீ ஈந்தமுக்கல் ஜாலாம்பாள் அம்மன் கோயிலின் கருவறையில் வழிபாட்டில் உள்ள அம்மன் சிரசுப்பகுதி (தலைப்பகுதி) மட்டும் அமைந்து வழிபடப் பெறுகிறாள். ஆந்திர மாநிலத்தில் நெல்லூரிலிருந்து சுமார் 100 கி.மீ. தொலைவில் ஈந்தமுக்கலூர் என்ற ஊர் அமைந்துள்ளது. அயலார் படையெடுப்பின் காரணமாக அம்மனை கொண்டுவந்து இங்கே ஸ்தாபித்து கோயில் கட்டி வழிபட்டதாகத் தலச்சிறப்பு கூறப்படுகிறது. மேலும் ஜுவாலையில் (நெருப்பில்) தோன்றியதால் ஜாலாம்பாள் என்று அழைக்கப்படுவதாகவும் கூறுகின்றனர்.
 கருவறையில் பின்னாளில் அமைக்கப்பட்ட அம்மன் இடது காலை மடக்கி அமர்ந்த கோலத்தில் தனது கரங்களில் உடுக்கை, சூலம், கத்தி, கபாலம் தாங்கி அருள் வழங்கும் அற்புதக் கோலத்தைக் காணலாம். புன்னகைத் தவழும் முகத்துடன் விழிகளில் அருட்பார்வையுடன் காட்சி தருகிறாள். தீ சுவாலை போன்ற கிரீடம் அணிந்த நிலையில், தலைக்கு மேலே நாகம் குடை பிடிப்பதையும் காண கண் கோடி வேண்டும்.
 திருக்கோயில், கருவறை, அர்த்த மண்டபம், இடைநாழி, முன்மண்டபம், மகாமண்டபம் என்ற கட்டட அமைப்புகளைக் கொண்டு விளங்குகிறது. மகாமண்டபப் பகுதியில் கொடிமரம். பலிபீடம், அம்மனின் சிம்ம வாகனம் ஆகியவை அமைந்துள்ளன. இம்மண்டபம் அண்மையில் கட்டப்பட்டதாகும்.
 திருக்கோயிலின் நுழைவு வாயில் அழகிய வேலைபாட்டுடன் காட்சி தருகிறது. வாயிலின் மேற்புறம் பூர்ணகும்பம் காட்சி அளிக்கிறது. நுழைவு வாயிலை அடுத்துள்ள மகாமண்டபம் அழகிய சிற்ப வேலைபாட்டுடன் நாயக்க கால கலை அம்சத்துடன் விளங்குகிறது. மண்டபத்து தூண்களில் ராமா, அனுமன், பெருமாள் அவதாரங்கள், அம்மனை வழிபடும் காட்சி, மண்டபத்தை கட்டியவர்களின் உருவங்கள், அன்னம், கிளி போன்ற சிற்பங்கள், புடைப்புச் சிற்பங்களாகக் காட்சி அளிக்கின்றன.
 மண்டபத்து விதானத்தில் சக்தி வழிபாட்டின் தத்துவத்தை எடுத்துக்கூறும் நவ (ஒன்பது) கோண வடிவமும் அதன் நடுவே, கவிழ்ந்த தாமரை போன்ற சிற்ப வேலைப்பாடுகளும் வியக்க வைக்கிறது. அதனைச் சுற்றி பெண்கள் நடனமாடும் கோலத்தையும் கஜலட்சுமியின் வடிவத்தையும் காணலாம். சதுர வடிவமான சிற்பத்தில் நான்கு மூலைகளில் ராமர் வில்லை -அம்பை ஏந்தி நிற்கும் கோலத்திலும்; மற்றோரு மூலையில் அம்மனின் வடிவத்தையும்; அடுத்த மூலையில் யானையின் மீது அமர்ந்து ஓலைச் சுவடியைத் தாங்கி, விரிசடையுடன் காட்சி தரும் முனீசுவரரையும் விதான சிற்பங்களில் கண்டு மகிழ்ந்து போற்றலாம்.
 இச்சிற்பத்தில் கிளிகள் அதிகமாகக் காட்டப்பட்டுள்ளன. பச்சைக்கிளிகள் தூது செல்லும் தன்மை உடையது. நம் குறைகளை, வேண்டுதல்களை அம்மனிடம் எடுத்துக்கூற, இவ்வாறு கிளிகள் சிற்ப வடிவங்களாக அமைக்கப்பட்டிருக்க வேண்டும் எனக் கருத முடிகிறது. "" ஒளி நின்ற கோணங்கள் ஒன்பதும் மேவி உறைபவளே'' எனப் போற்றப்படும் நவ கோண வடிவம் சிற்பமாகக் காட்சி அளிக்கும் மண்டபத்திலிருந்து அம்மனை வழிபட, நினைத்தது நடக்கும் எனச் சிறப்பித்துக் கூறப்படுகிறது.
 திருச்சுற்றில் விநாயகர் சந்நிதி, தல மரங்கள் வேம்பு- வில்வம் காணப்படுகின்றது. குழந்தை பாக்கியம் வேண்டுவோரும் குறையில்லாமல் பிரசவபேறு வேண்டியும் பெண்கள் சிறப்பாக வழிபடுகின்றனர். இக்கோயிலில் ஆடிமாதத் திருவிழா சிறப்பாக நடைபெறுகிறது. புரட்டாசி மாதம் 10 நாள்கள் பிரம்மோத்சவ திருவிழாவும் நடைபெறும். திருவிழா துவங்குவதற்கு முன்னதாக கிராம தேவதையான செல்லியம்மனுக்கு சிறப்பு வழிபாடுகளைச் செய்து விழாவினைத் துவக்குகின்றனர்.
 பழைய பெருங்களத்தூரில் அருளாட்சி செய்து வரும் ஸ்ரீ ஈந்தமுக்கல் ஜாலாம்பாள் அம்மன் திருக்கோயிலில் திருப்பணிகள் நிறைவேறி 22.04.2018 -அன்று கும்பாபிஷேகம் நடைபெற்று, மண்டலாபிஷேக வழிபாடு சிறப்பாக நடைபெற்று வருகின்றது.
 - கி. ஸ்ரீதரன்
 
 

]]>
http://images.dinamani.com/uploads/user/imagelibrary/2018/5/18/w600X390/v6.jpg http://www.dinamani.com/weekly-supplements/vellimani/2018/may/18/சக்தி-வழிபாட்டுச்-சிறப்பிற்கு-ஈந்தமுக்கல்-ஜாலாம்பாள்-2922219.html
2922218 வார இதழ்கள் வெள்ளிமணி தேவனிடத்தில் விசுவாசமாயிருப்போம்!   DIN DIN Friday, May 18, 2018 09:33 AM +0530 ஒருவருடைய எதிர்பார்ப்புகள் நிச்சயம் நடக்குமென்ற உறுதி கிடைக்க வேண்டுமென்றால், அதை நம்புவதற்கு நியாயமான காரணங்கள் இருக்க வேண்டும். இன்னும் சொல்லப்போனால், "எதிர்பார்க்கிற காரியங்கள் நிச்சயமாக நடக்கும் என்ற உறுதி' என்பதற்கு கிரேக்க மொழியில் ஆழமான அர்த்தம் இருக்கிறது. இது ஒருவருக்குள் உண்டாகிற வெறும் உணர்ச்சியோ ஆசையோ கிடையாது. ஆகவே, விசுவாசம் என்பது அத்தாட்சியின் அடிப்படையில் உறுதியான நம்பிக்கை வைப்பதைக் குறிக்கிறது.
 விசுவாசமானது நம்பப்படுகிறவைகளின் உறுதியும், காணப்படாதவைகளின் நிச்சயமுமாயிருக்கிறது என்று எபிரேயர் 10:1-இல் வாசிக்கிறோம். இந்த விசுவாசம் தேவன் பேரில் நமக்கு இருக்கும்போது அனைத்து காரியங்களும் நன்மையாகவே நடக்கும்.
 பரிசுத்த வேதாகமத்தில் மத்தேயு 8:5-13 -இல் ஒரு சம்பவத்தை பார்க்கலாம்:
 இயேசு கப்பர்நகூமில் பிரவேசித்தபோது, நூற்றுக்கு அதிபதி ஒருவன் அவரிடத்தில் வந்து, ஆண்டவரே! என் வேலைக்காரன் வீட்டிலே திமிர்வாதமாய்க் கிடந்து கொடிய வேதனைப்படுகிறான் என்று அவரை வேண்டிக்கொண்டான்.
 அதற்கு இயேசு: நான் வந்து அவனைச் சொஸ்தமாக்குவேன் என்றார். நூற்றுக்கு அதிபதி பிரதியுத்தரமாக: ஆண்டவரே! நீர் என் வீட்டுக்குள் பிரவேசிக்க நான் பாத்திரன் அல்ல; ஒரு வார்த்தை மாத்திரம் சொல்லும், அப்பொழுது என் வேலைக்காரன் சொஸ்தமாவான்.
 நான் அதிகாரத்துக்குக் கீழ்ப்பட்டவனாயிருந்தும், எனக்குக் கீழ்ப்பட்டிருக்கிற சேவகருமுண்டு; நான் ஒருவனைப் போவென்றால் போகிறான். மற்றொருவனை வாவென்றால் வருகிறான். என் வேலைக்காரனை இதைச் செய் என்றால் செய்கிறேன் என்றான்.
 இயேசு இதைக் கேட்டு ஆச்சரியப்பட்டு, தமக்குப் பின் செல்லுகிறவர்களை நோக்கி: இஸ்ரவேலருக்குள்ளும் நான் இப்படிப்பட்ட விசுவாசத்தைக் காணவில்லை என்று, மெய்யாகவே உங்களுக்குச் சொல்லுகிறேன் என்று சொல்லிவிட்டு, நூற்றுக்கு அதிபதியை நோக்கி: நீ போகலாம், நீ விசுவாசித்தபடியே உனக்கு ஆகக்கடவது என்றார். அந்த நாழிகையிலே அவன் வேலைக்காரன் சொஸ்தமானான்.
 இங்கு இயேசு திமிர்வாத நோயை குணமாக்குவார் என்ற விசுவாசம் நூற்றுக்கு அதிபதிக்கு இருந்ததால் வேலைக்காரனின் நோய் குணமானது. எபிரேயர் 11:6-இல், விசுவாசமில்லாமல் தேவனுக்குப் பிரியமாயிருப்பது கூடாத காரியம்; ஏனென்றால், தேவனிடத்தில் சேருகிறவன், அவர் உண்டென்றும், அவர் தம்மைத் தேடுகிறவர்களுக்குப் பலன் அளிக்கிறவரென்றும் விசுவாசிக்க வேண்டும்.
 எனவே தேவனிடத்தில் விசுவாசமாயிருப்போம் நன்மைகûளை சுதந்தரிப்போம்.
 - ஒய். டேவிட் ராஜா
 

]]>
http://images.dinamani.com/uploads/user/imagelibrary/2018/5/18/w600X390/v5.jpg http://www.dinamani.com/weekly-supplements/vellimani/2018/may/18/தேவனிடத்தில்-விசுவாசமாயிருப்போம்-2922218.html
2922217 வார இதழ்கள் வெள்ளிமணி சோகத்தைத் தீர்க்கும் சோமநாதர்! DIN DIN Friday, May 18, 2018 09:32 AM +0530 மதுரை சொக்கேசன்- மதுரை ராணி மீனாட்சியின் நாயக்க வம்சத்திற்கு பின் திண்டுக்கல் முகமதிய தளபதிகள் மதுரையை கைப்பற்ற முனைந்தனர். சிவகங்கை மன்னர் சசிவர்ணரும், சேது காவலரும் துணுக்குற்றனர். சேது சேனை வீரத்திற்கு இலக்கணம் வகுத்த தளவாய் வெள்ளையன் சேர்வைக்காரன் தலைமையிலும், சிவகங்கை மறவர்படை விவேகத்தின் விளக்கமாக திகழ்ந்த பிரதானி தாண்டவராயபிள்ளை தலைமையிலும் எழுந்தது. போர் முரசு ஆர்ப்பரித்தது. அவர்கள் ஆலவாய் அண்ணலையும் அங்கயற்கண்ணியையும் தக்க பாதுகாப்புடன் மானாமதுரைக்கு கொண்டு வந்து சோமநாதர் திருக்கோயிலில் பாதுகாப்பு செய்தனர். நாயக்க மன்னருக்கும் வெள்ளிக்குறிச்சி என்ற இடத்தில் அடைக்கலம் கொடுத்தனர். மதுரை தம்பதிகள் இரண்டு ஆண்டு காலம் இவ்வாலயத்தில் இனிது வீற்றிருந்தனர்.
 அருள்மிகு ஆனந்தவல்லி சமேத ஸ்ரீ சோமநாதேஸ்வரர் திருக்கோயில் சிவகங்கை மாவட்டம், மானாமதுரையில் உள்ளது. இத்தலத்து இறைவன், சோமநாதரை நினைத்து வேண்டினால் வாழ்க்கையில் நம்மிடம் இருக்கும் சோகங்களுக்கு உடனடி தீர்வு கிடைக்கும் என்பது ஐதீகம். இங்குள்ள தீர்த்தத்தில் நீராடி இறைவனை மனம் உருகி வேண்டினால் தொழுநோய்கள் குணமாகின்றன. சிவன் வெள்ளை சுயம்பு மூர்த்தியாக அருள்பாலிக்கிறார் என்பது குறிப்பிடத்தக்கது.
 வழித்தடம்: சிவகங்கையிலிருந்து தெற்கே 18 கி.மீ தூரத்தில் மானாமதுரை ஆலயம் உள்ளது.
 - பொ.ஜெயச்சந்திரன்

]]>
http://images.dinamani.com/uploads/user/imagelibrary/2018/5/18/w600X390/v4.jpg http://www.dinamani.com/weekly-supplements/vellimani/2018/may/18/சோகத்தைத்-தீர்க்கும்-சோமநாதர்-2922217.html
2922216 வார இதழ்கள் வெள்ளிமணி ஈருலகிலும் நேரிய வாழ்வு! DIN DIN Friday, May 18, 2018 09:30 AM +0530 இஸ்லாமிய ஹிஜ்ரி ஆண்டின் ஒன்பதாவது மாதமான ரமலான் மாதம் முழுவதும் நோன்பு நோற்பது இஸ்லாமியர்களின் மூன்றாவது முக்கிய கடமை. இதனைக் குர்ஆனின் 2-185 ஆவது வசனம், "" உங்களில் எவர் ரமலான் மாதத்தை அடைவதை அண்ணல் நபி (ஸல்) அவர்கள் விளக்கியதை விவரிக்கிறார் அபூஹுரைரா (ரலி) "" பிறையை பார்த்து நோன்பு நோற்றிடுங்கள். பிறையை பார்த்து நோன்பை நிறைவு படுத்துங்கள். மேக மூட்டத்தால் பிறை தென்படாமல் இருந்தால் நோன்பிற்கு முந்திய ஷஃபான் மாதத்தை முப்பது நாள்களாக முழுமை படுத்துங்கள். நோன்பை முடிப்பதற்குரிய ஷவ்வால் மாத பிறை தென்படுவதிலும் மேக மூட்டம் முட்டுக்கட்டையாக இருந்தால் நோன்பையும் முப்பது நாள்கள் நோற்று முழுமைப்படுத்துங்கள். நூல்- புகாரி. ஏழாவது மாதமான ரஜப் பிறந்ததும் பெருமானார் முஹம்மது நபி (ஸல்) அவர்கள் "" எங்கள் இறைவனே! ரஜப் மாதத்திலும் ஷஃபான் மாதத்திலும் பரக்கத்தை (அருளை) இறக்கி வைத்து சஹருடைய புனித ரமலான் மாதத்தை நாங்கள் அடைய அருள்புரிவாயா!'' என்று இறைஞ்சினார்கள். இவ்வாண்டு, ரமலான் மாதம் 17 அல்லது 18.5.2018 -இல் பிறக்கிறது.
 வைகறை தொழுகைக்கு பாங்கு (தொழுகை அழைப்பு) ஒலிப்பதற்கு பத்து நிமிடங்களுக்கு முன் சாப்பிடுவதைப் பருகுவதை நிறுத்தி உண்ணாது இருப்பதே நோன்பு. இரவின் பிற்பகுதியில் சாப்பிடுவதற்குச் சஹர் சாப்பாடு என்று சொல்வார்கள். சஹர் சாப்பாட்டின் சிறப்பைச் சீலநபி (ஸல்) அவர்கள் ஞாலமறிய செப்பியது - நமது நோன்பிற்கும் வேதம் அருளப்பட்ட மற்றவர்களின் விரதத்திற்கும் இடையில் உள்ள வேறுபாடு சஹர் நேரத்தில் உண்பது என்று உரைத்ததை அறிவிப்பவர் அம்ர்பின்அல்ஆஸ் (ரலி) நூல்- முஸ்லிம். சஹரில் உணவை உண்ணுங்கள். அதில் அருள் அதிகம் உள்ளது என்று உத்தம நபி (ஸல்) அவர்கள் உரைத்ததை அறிவிக்கிறார் அனஸ் (ரலி) நூல்- முஸ்லிம். நோன்பு நோற்றவர் மறதியாக உண்டால், பருகினால் நோன்பை முழுமைப்படுத்த முஹம்மது நபி (ஸல்) அவர்கள் மொழிந்ததை அறிவிக்கிறார் அபூஹுரைரா (ரலி) நூல்- புகாரி.
 பயணத்தில் இருப்போர் விரும்பினால் நோன்பு நோற்கவும் விரும்பாவிடில் விட்டு விடவும் விழுமிய நபி (ஸல்) அவர்கள் விளம்பியதை அறிவிக்கிறார்கள் அன்னை ஆயிஷா (ரலி) நூல் }புகாரி. பயணத்திலோ நோயினாலோ விட்ட நோன்பை பயணம் முடிந்து ஊர் திரும்பியபின் நோய் நீங்கி நலம் பெற்ற பின் கணக்கிட்டு நோற்க கட்டளையிடுகிறது. குர்ஆனின் 2-185 ஆவது வசனம்.
 பகல் முடிந்து சூரியன் மறைந்து இரவு துவங்கிவிட்டால் நோன்பு திறக்க சிறப்புடைய நபி (ஸல்) அவர்கள் பொறுப்புடன் புகன்றதை உரைக்கிறார் உமர் (ரலி) நூல்- முஸ்லிம். நோன்பு திறப்பதில் அலட்சியமாக காலம் கடத்துவது கூடாது என்பதை "" நோன்பு திறப்பதை விரைவுபடுத்தும் காலம் எல்லாம் மக்கள் நன்மையில் நிலைத்திருப்பார்கள்'' என்று நீதர் நபி (ஸல்) அவர்கள் நினைவுறுத்தியதை அறிவிக்கிறார் சஹல் பின் ச அத் (ரலி) நூல்- முஸ்லிம். நோன்பாளிக்கு இரு மகிழ்ச்சிகள் இருக்கின்றன. நோன்பைத் திறக்கும் பொழுது ஏற்படுவது ஒரு மகிழ்ச்சி. மற்றொன்று மறுமையில் இறைவனைச் சந்திக்கும் பொழுது ஏற்படும் மகிழ்ச்சி என்ற மாநபி (ஸல்) அவர்களின் மணிமொழியை மகிழ்வோடு கூறுகிறார் அபூஹுரைரா (ரலி) நூல் - முஸ்லிம்.
 நோன்பு நோற்கும் நல்லடியார்கள் நல்லதையே நாடி நல்லதையே செய்து வல்லோன் அல்லாஹ்வின் அருளை அதிகமதிகம் பெறுவதற்காக "" ரமலான் வந்து விட்டால் சொர்க்க வாசல்கள் திறக்கப்படுகின்றன. நரக வாயில்கள் அடைக்கப்படுகின்றன. சைத்தான்கள் விலங்கிடப்படுகின்றனர்'' என்று ஏந்தல் நபி (ஸல்) அவர்கள் விளக்கியதை விளம்புகிறார் அபூஹுரைரா (ரலி) நூல்- புகாரி. நோன்பு நோற்றவர்கள் மட்டும் ரய்யான் என்னும் நுழைவு வாயில் வழியே சொர்க்கம் செல்வார்கள். மற்றவர்கள் அவ்வாயில் வழியே செல்ல முடியாது என்று செம்மல் நபி (ஸல்) அவர்கள் செப்பியதைச் செவியுற்று தெரிவிக்கிறார் சஹ்ல்பின் சஅத் (ரலி) நூல்- முஸ்லிம். நம்பிக்கையோடு நன்மையை நோக்கி ரமலான் மாதம் நோன்பு நோற்பவரின் முந்திய பாவங்கள் மன்னிக்கப்படும் என்ற ஏந்தல் நபி (ஸல்) அவர்களின் அறிவிப்பைத் தெரியப்படுத்துகிறார் அபூஹுரைரா (ரலி) நூல்- புகாரி.
 இறைமறை குர்ஆன் இயம்பும் வண்ணம் இறைதூதர் நபி (ஸல்) அவர்கள் நடந்து காட்டிய முறையில் நோன்பு நோற்று நேற்றுவரை உள்ள பாவங்கள் மன்னிக்கப்பட்டு ஆவி துறந்த பின் மறுமையிலும் நறுமணம் வீசும் சொர்க்கத்தில் சுகம் பெறுவோம். ஈருகிலும் நேரிய வாழ்வு வாழ்வோம்.
 - மு.அ. அபுல் அமீன்
 

]]>
http://images.dinamani.com/uploads/user/imagelibrary/2018/5/18/w600X390/v3.jpg http://www.dinamani.com/weekly-supplements/vellimani/2018/may/18/ஈருலகிலும்-நேரிய-வாழ்வு-2922216.html
2922215 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, May 18, 2018 09:29 AM +0530 * 1. பக்தர்களுடன் கூடி வாழ்தல். 2. பகவான் லீலைகளைச் சொல்லும் கதைகளைக் கேட்டு ஆனந்தமடைதல். 3.குருவின் சரணங்களை, புகழுக்கு ஆசைப்படாமல் வழிபடுதல். 4. தூய்மையுடன் பகவானின் தெய்விகக் குணங்களைப் பாடுதல். 5. வேதங்களில் கூறியுள்ளபடி, முழு நம்பிக்கையுடன் மந்திரங்களையும், பகவான் நாமங்களையும் ஜபம் செய்தல். 6. தன்னடக்கம், நல்வழியில் நடத்தல், அதிகப்படியான உலகக் காரியங்களைக் குறைத்துக்கொள்ளுதல், புண்ணிய புருஷர்களுடைய கடமைகளில் ஈடுபடுதல். 7. உலகம் அனைத்தையும் இறைவன் உருவமாக நினைத்து, பக்தர்களுக்கு சேவை செய்வதை, இறைவனிடம் உள்ள பக்திக்கு மேலானதாகக் கருதுதல். 8. கிடைத்ததைக் கொண்டு திருப்தி அடைதல், கனவிலும் கூடப் பிறரிடம் குறை காணாமல் இருத்தல். 9. வேஷம் போடாமல் உண்மையில் எளிய வாழ்க்கை வாழ்ந்து, சந்தோஷமோ துக்கமோ ஏமாற்றமோ இல்லாமல் எப்போதும் இறைவனின் பாதங்களையே 
நம்பியிருத்தல்.
- துளசிதாசர்

* இறைவன் நாமத்தைப் பாடுவதால்தான் எல்லோரும் துயரத்திலிருந்தும், தவறுகளிலிருந்தும் விடுபட்டு சாந்தியை அடைய முடியும்.

* தன்னைப் பார்த்த அளவிலேயே பிறர் கிருஷ்ண நாமத்தை உச்சரிக்கும்படி செய்ய வல்லவன் யாரோ, அவனே சிறந்த வைஷ்ணவன் பக்தன். 

* எள்ளளவேனும் பக்தியில்லாதவர்களின் சேர்க்கை, பக்தி மார்க்கத்தில் ஈடுபட்டவர்களின் முன்னேற்றத்துக்குப் பெரும் தடையாகும்.

* உண்மையான பக்தியும், தெய்வ நம்பிக்கையும் இல்லாதவன் செய்யும் பூஜைகளும், மந்திரக் கிரியைகளும், ஆடம்பர வழிபாடுகளும் வீணானவை.

* இறைவனுக்குச் செய்யும் சேவை ஒன்றில்தான் உலக ஜீவன்கள் அனைத்தும் ஒன்றுபடுகின்றன. 
- ஸ்ரீ கிருஷ்ண சைதன்யர்

* துணியை நீரால் தூய்மை செய்யலாம். மனதிலுள்ள பாவமாகிய மாசைக் கடவுள் நாமத்தால் கழுவ வேண்டும். 

* பக்தர்கள் எப்பொழுதும் முகமலர்ச்சியோடும், மனமகிழ்ச்சியோடும் இருக்கிறார்கள். பகவான் திருநாமங்களைக் கேட்பதனால் துன்பங்கள் தேய்ந்து போகின்றன.

* அவன் யஜமானன், அவன் உண்மையான யஜமானன்; அவன் பெயரே உண்மைதான். அவனது குணங்களை வர்ணிக்க எவராலும் ஆகாது. மக்கள் "எனக்கு', "எனக்கு' என்று அவன்முன் கைநீட்டி இரந்துகொண்டே இருக்கிறார்கள். அந்த வள்ளலும் எவ்வளவு பேர் வந்து என்னென்ன கேட்டாலும் சிறிதும் அலுக்காமல் சலிக்காமல், அவரவருக்கு வேண்டியதை எடுத்து வழங்கிக் கொண்டேயிருக்கிறான்.

* நான் அவன் திருமுன் போய் நிற்கும்போது என்ன காணிக்கை செலுத்துவது, எந்த வகையில் என்ன வார்த்தை பேசினால் அவனது கடைக்கண் பார்வை என்மீது விழும் என்பதே எனக்குள்ள பெரிய பிரச்னை. நாம் பொன்னான காலைப் பொழுதில் எழுந்து பகவானின் உண்மைத் திருநாமங்களை ஓதவும், அவனது சிறப்புகள் குறித்துச் சிந்திக்கவும் வேண்டும்.

* முற்பகலில் செய்வதின் விளைவுகள் நமக்குப் பிற்பகலில் கிடைக்கின்றன. இந்தப் பிறவியில் நாம் செய்யும் காரியங்களுக்கு ஏற்ப அடுத்த பிறவியில் நமக்கு உடல் அமைகிறது. ஆனால் மோட்சமோ, அவனது அருள் நோக்கைப் பெறும்போதுதான் கிடைக்கும்.
- குருநானக்
 

]]>
http://images.dinamani.com/uploads/user/imagelibrary/2018/5/18/w600X390/v2.jpg http://www.dinamani.com/weekly-supplements/vellimani/2018/may/18/பொன்மொழிகள்-தொகுப்பு-சுவாமி-கமலாத்மானந்தர்-2922215.html
2922214 வார இதழ்கள் வெள்ளிமணி பெரியபுராணம் தந்த பெரியவர்! DIN DIN Friday, May 18, 2018 09:26 AM +0530 தெண்ணீர் வயல் தொண்டை நாடு நன்னாடு சான்றோர் உடைத்து என்னும் வாக்கிற்கிணங்க செல்வம்மலி குன்றத்தூரில் அவதரித்தார் சேக்கிழார். சேக்கிழாருக்கு பெற்றோர் இட்ட பெயர் அருண்மொழித்தேவர் என்பதாகும். பிறந்த குடிக்குப் பெருமை சேர்த்த காரணத்தால் கோவூர்கிழார் என வழங்கி அதுவே பின்னர் சேக்கிழார் ஆனது.
 சேக்கிழாரின் தந்தை பெயர் வெள்ளியங்கிரி என்பதும் தாயார் அழகாம்பிகை என்பதும் கர்ண பரம்பரைச் செய்தியாக உள்ளன. அவரது தம்பியின் பெயர் திருஞான சம்பந்தரின் திருப்பெயராகிய "பாலறாவாயர்' என்பதாகும். இளம் வயதிலேயே கல்வி, ஒழுக்கம், பக்தி ஞானம் ஆகியவற்றில் தலைசிறந்து காணப் பெற்றமையினால் இவரது புலமையும் புகழும் சோழ மன்னனின் செவிகள் வரை பாய்ந்தது. தக்கோரை அனுப்பி, வரவழைத்து கெüரவம் தந்து தலைமை அமைச்சராக்கி "உத்தம சோழப்பல்லவன்' என்னும் பட்டம் தந்து அதிகார உரிமைகளை வழங்கினான்.
 அமைச்சுரிமை பெற்ற சேக்கிழார் பெருமான் கும்பகோணத்துக்கு அருகில் தங்கினார். இமைப்பொழுதும் நெஞ்சில் நீங்காத ஈசன் திருவடிகளை தினந்தோறும் காலையும், மாலையும் போற்றும் வண்ணம் திருநாகேசுரத்து ஈசன் ஆலயத்திற்குச் சென்று வழிபட்டார். சேக்கிழார் சோழநாட்டுத் திருநாகேச்சுரம் போலவே தமது ஊராகிய குன்றத்தூரில் திருநாகேச்சுரம் என்ற பெயரால் ஆலயம் அமைத்து தினசரி ஆறுகால பூஜைகள் செய்திட வேண்டுவன செய்தார்.
 மன்னன் சைவத்திலிருந்து மாற விரும்பியபோது சைவத்தின் பெருமையையும், சிவபெருமானின் பேரருளையும், அடியார்களின் சேவை மற்றும் தியாக வரலாறுகளையும் மன்னர் சற்று சிந்தித்தால் நலம் என்று எடுத்துரைத்தார் சேக்கிழார். மன்னனும் சேக்கிழாரின் அன்பில், எடுத்துச் சொல்லும் தாயன்பில் பெரிதும் உளம் வைத்து, அப்படியானால் இதனை விடச் சுவையான வரலாறும் உளதோ? எனக் கேட்டான். சேக்கிழாரும் மனிதன் தெய்வ நிலைக்கு உயர்ந்த அற்புத நாயன்மார் பெருமக்களின் வரலாற்றினை சிறிது எடுத்துரைத்தார். தேசமும் மக்களும் நல்வழி செல்ல வேண்டின் தாங்கள் எனக்கு எடுத்துரைத்த இச்சிறப்பான தகவல்களை ஏன் ஒரு முழு நூலாக ஆக்கித் தரக்கூடாது என வினவினார்.
 தேசம் உய்வு பெற, சைவம் தழைத்திட ஈசனின் கட்டளையாகவே சேக்கிழார் அதனைக் கருதினார். அடியார்கள் வரலாற்றினை ஈசனருளால் பாடித்தருகிறேன் என உரைத்தார்.
 மன்னனும் மிக மகிழ்ந்து அதற்கான அத்தனை ஏற்பாடுகளையும் செய்து தந்தார். சேக்கிழார் பெருமானும் தில்லையம்பதி சென்று ஆடல் வல்லானையும், அன்னை சிவகாமியையும் வணங்கி நூல் எழுத அருள் கேட்ட போது அம்பல வாணனே "உலகெலாம்' என அடியெடுத்துக் கொடுத்து அருளினார். சேக்கிழார் பெருமானும் "உலகெலாம் உணர்ந்து ஓதற்கரியவன்' எனத் தொடங்கி, "அடியார் புகழ் நின்றது உலகெலாம்' என நிறைவு செய்தார்.
 மன்னனும் மனம் மகிழ்ந்து அரங்கேற்றம் செய்திட தில்லைக்கு வந்தான். சைவ அடியார் பெருமக்கள் முன்னிலையில் அரங்கேற்றம் செய்தார் சேக்கிழார் பெருமான். நடராஜப் பெருமானுக்கு உகந்த சித்திரைக் திருவாதிரையில் தொடங்கி, சித்திரைத் திருவாதிரையிலேயே நிறைவு செய்தார்.
 திருக்கயிலையில் தொடங்கி, திருக்கயிலேயே நிறைவெய்துமாறு திருத்தொண்டர் தொகை, திருத்தொண்டர் திருவந்தாதி ஆகியவற்றை வகை, தொகை நூல்களாகக் கொண்டு பதிமூன்று சருக்கங்களோடு 4286 பாடல்களாக அமைக்கப்பெற்று திருத்தொண்டர் புராணம் என்ற பெரியபுராணம் அரங்கேற்றப் பெற்றது.
 மாமன்னன் அநபாயச் சோழன் சேக்கிழாரை யானை மீது அமரச்செய்து தான் அவர் பின்னால் அமர்ந்து தானே தன்னிரு கைகளால் அவருக்கு கவரி வீசி நன்றியினைப் புலப்படுத்தினார்.
 மன்னன் பணி தவிர்த்து, மன்றிலாடும் ஈசன் பணியே பணியாய்க் கொண்டு தில்லையிலே வாழ்ந்து தவநிலையிலமர்ந்து வைகாசிப் பூசத்திருநாளில் தில்லை நாதனின் திருவடிகளில் கலந்தார். தமிழைப் போற்றும் ஒவ்வொருவருக்கும் பெரியப் புராணத்தைப் பரவச் செய்வோம் எனும் உறுதி மொழியை இந்த நன்னாளில் ஏற்போம்
 - இலக்கிய மேகம் ந. சீனிவாசன்
 

]]>
http://images.dinamani.com/uploads/user/imagelibrary/2018/5/18/w600X390/v1.jpg http://www.dinamani.com/weekly-supplements/vellimani/2018/may/18/பெரியபுராணம்-தந்த-பெரியவர்-2922214.html
2922213 வார இதழ்கள் வெள்ளிமணி எமதர்மனுக்கு கோயில்! Friday, May 18, 2018 09:24 AM +0530 வைகாசிமாத பௌர்ணமியன்று எமதர்ம ராஜன் அவதரித்ததாகப் புராணம் கூறுகிறது. எனவே, விசாகப் பௌர்ணமி அன்று எமதர்மராஜனை நினைத்து வழிபட்டால் நோய், நொடி இல்லாமல் ஆரோக்கியமுடன் வாழலாம். மேலும் எதிர்பாராத விபத்துகள் ஏற்படாது என்று சாஸ்திரம் கூறுகிறது.
 "காலன்' என்று சொல்லப்படும் எமதர்மராஜன் மூலவராக எழுந்தருளியிருக்கும் கோயில்கள் சில தமிழகத்தில் உள்ளன. அந்த வகையில் தஞ்சாவூர் மாவட்டம், பட்டுக்கோட்டையை அடுத்த திருச்சிற்றம்பலம் என்னும் இயற்கை எழில் சூழ்ந்த கிராமத்தில் எதர்மராஜனுக்காக தனிக்கோயில் உள்ளது. இத்திருக்கோயில் எருமை வாகனத்தில் எமதர்மராஜனின் கீழ் வலது கையில் தீச்சுடரும் இடது கையில் ஓலைச் சுவடிகளும் மேல் வலது கையில் சூலாயுதமும் இடது கரத்தில் "கதை'யுடனும் அருள்புரிகிறார். பரிவாரத் தெய்வங்களாக பாம்பாட்டி சித்தரும் அய்யனாரும் உள்ளார்கள்.
 சுமார் 3000 ஆண்டுகள் பழைமை வாய்ந்த திருக்கோயிலாகும். தர்மநெறி தவறாதவராக இருப்பவர்கள் "எமன்' என்று போற்றி வழிபட்டால் பாபங்கள் மன்னிக்கப்பட்டு பூலோகத்திலும் எமலோகத்திலும் கடுமையான தண்டனை மற்றும் துன்பங்கள் குறையும் ஞானநூல்கள் கூறுகின்றன. அதனால்தான் இங்கு எமதர்மராஜனுக்குக் கடிதம் எழுதுகிறார்கள்.
 இக்கோயிலின் வடபுறத்திலிருக்கும் புனித குளத்தில் பெண்களின் நிழல் கூட பட்டதில்லை என்கின்றனர்.
 பிறரிடம் பணம் கொடுத்து ஏமாந்தவர்கள், பகை, பயம் உள்ளவர்கள், நோயினால் அவதிப்படுபவர்கள், அடிக்கடி பயணம் மேற்கொள்பவர்கள், விபத்து பயம் உள்ளவர்கள் இங்கு, எமதர்மராஜனை வழிபட்டு பலம் பெறுகிறார்கள். மேலும் பெண்கள் மாங்கல்ய பாக்கியம் நீடூழி நிலைக்க எருமைப்பால் நிவேதித்து பலன் பெறுவது கூடுதல் சிறப்பாகும்.
 - டி.ஆர். பரிமளரங்கன்
 

]]>
http://www.dinamani.com/weekly-supplements/vellimani/2018/may/18/எமதர்மனுக்கு-கோயில்-2922213.html
2922187 வார இதழ்கள் வெள்ளிமணி நிகழ்வுகள் Friday, May 18, 2018 08:55 AM +0530 அவதார உற்சவம்
திருவண்ணாமலை மாவட்டம், செய்யார் வட்டம், கொரக்கை கிராமத்தில் எழுந்தருளி அருள் புரியும் ஸ்ரீ பூமி நீளா சமேத வரதராஜப் பெருமாள் திருக்கோயிலில் மே 11,12 - தேதிகளில் அவதார உற்சவம் (நான்காம் ஆண்டு விழா) நடைபெறுகின்றது. மே 11 -கருட சேவை, மே 12- திருமஞ்சனம் மற்றும் திருக்கல்யாண உற்சவமும் நடைபெறுகின்றன.
தொடர்புக்கு: 94444 64902. 
பிரம்மோற்சவப் பெருவிழா
திருவண்ணாமலை மாவட்டம், செங்கம் வட்டம், வடமாத்தூர் கிராமத்தில் அருள்பாலிக்கும் அருள்மிகு மரகதாம்பிகை உடனுறை மதுரநாதீஸ்வரர் திருக்கோயிலில் 19.5.2018 முதல் 28.5.2018 வரை பிரம்மோற்சவப் பெருவிழா நடைபெறுகின்றது. அருள்மிகு மாணிக்க விநாயகர் ஆலயத்தில் 19.5.2018 முதல் 29.5.2018 வரை பிரம்மேற்சவப் பெருவிழா 
நடைபெறுகின்றது. 
தொடர்புக்கு: 97904 76666.
****************
தஞ்சை மாவட்டம், பாபநாச வட்டம், திருக்கூடலூர் திவ்ய தேசத்தில் (ஆடுதுறை பெருமாள் கோயில்) உள்ள ஸ்ரீஜகத் ரட்சகப் பெருமாள் திருக்கோயிலில் வைகாசி விசாக பிரமமோற்சவம் மே 20- இல் கொடியேற்றத்துடன் துவங்குகின்றது. மே 23 -கருடúஸவை, மே 28 -திருத்தேர், மே 29 - திருமஞ்சனம். 
தொடர்புக்கு: : 96598 80628 / 94430 06638.
***************
கடலூர் மாவட்டம், காட்டுமன்னார்கோயில் வட்டம், திருநாரையூர் கிராமத்தில் கோயில் கொண்டு விளங்கும் அருள்மிகு பொள்ளாப்பிள்ளையார், அருள்மிகு திரிபுரசுந்தரி அம்பிகா சமேத ஸ்ரீ சௌந்தரேஸ்வரர் திருக்கோயிலில் வைகாசி பிரம்மோற்சவம் 18.5.2018 முதல் 29.5.2018 வரை நடைபெறுகின்றது. 27.5.2018 - திருத்தேர்.
தொடர்புக்கு: 98944 06321.
குருபூஜை
கடலூர் மாவட்டம், காட்டுமன்னார்கோயில் வட்டம், திருநாரையூரில் ஸ்ரீ நம்பியாண்டார் நம்பிகள் குருபூஜை விழா, 19.5.2018 - அன்று, 108 குத்துவிளக்கு பூஜை, சிறப்பு வழிபாடுகளுடன் சமயச் சொற்பொழிவுகள், அபிஷேக ஆராதனைகளுடன் நடைபெறும். 
*************
தஞ்சாவூர் மாவட்டம், கும்பகோணம் வட்டம், அருள்மிகு நாகநாத சுவாமி திருக்கோயிலில் 50 ஆவது பொன்விழா ஆண்டு சேக்கிழார் வைகாசிப் பூசப்பெருவிழா மே 15 -இல் தொடங்கி மே 20 வரை நடைபெற்றுவருகின்றது. 
தொடர்புக்கு: : 0435 - 2463354.
*************
சென்னை தியாகராய நகர் வடக்கு உஸ்மான் சாலையில் உள்ள தருமபுர ஆதீன மடாலய தேவாலய சமயப்பிரசார நிலையத்தில் உள்ள முத்தையா மணிவிழா மண்டபத்தில் மே 20 -ஆம் தேதி சேக்கிழார் சுவாமிகள் குருபூஜை விழா நடைபெறும். நேரம் மாலை 06.15 மணி. 
தொடர்புக்கு: : 044 - 28142642.
திருப்பணி
ஈரோடு மாவட்டம், கோபி, நம்பியூர் தாலுக்கா, நம்பியூர்- காவிலிபாளையம் செல்லும் வழியில் கொமரபாளையம், சாய்நகரில் ஓம் ஸ்ரீ நாக சாயி ஈஸ்வரர் திருக்கோயில் அமைந்துள்ளது. இக்கோயிலில் ஸ்ரீ சீரடியில் இருப்பதைப் போன்று மிகச் சிறப்பான முறையில் துனி, துவாரகமாயி அன்னதான கூடம் போன்றவைகளுக்கு திருப்பணி நடைபெற்று வருகின்றது. பக்தர்கள் இத்திருப்பணியில் பங்கு கொள்ளலாம்.
தொடர்புக்கு: 79048 42676. 
***********
சிவகங்கை மாவட்டம், மானாமதுரை வட்டம், தஞ்சாக்கூர் ஸ்ரீ அரூப சக்தி ஞானாம்பிகை சமேத ஸ்ரீ பரஞ்சோதி ஈசுவரர் திருக்கோயிலில் புதிதாக ஐந்து நிலை ராஜகோபுரம், முன் மண்டபம், விநாயகர், சுப்ரமணியர், விஷ்ணு, மஹாலட்சுமி, ஸ்வர்ணாகர்ஷன பைரவர், நவக்கிரகங்கள், சூரியன், சந்திரன் ஆகிய தெய்வங்களுக்கான சந்நிதிகள், பரஞ்சோதி ஈசுவரர் கருவறை கோபுரம் கல் திருப்பணி ஆகியவை மேற்கொள்ளப்படுகின்றன. உற்சவர் நடராஜர், ஞானாம்பிகை, தட்சிணாமூர்த்தி சந்நிதிகள் புனரமைக்கப்பட்டு கும்பாபிஷேகம் நடைபெற உள்ளது. 
தொடர்புக்கு: 99449 40477 / 96294 99966.
*************
தஞ்சாவூர் மாவட்டம், கருக்கா கோட்டை, காசவளநாடு ஊரில் கோயில் கொண்டுள்ள அருள்மிகு திரௌபதை அம்மன் அருள்தரும் வீரனார் திருக்கோயிலில் திருப்பணிகள் நடைபெற்று வருகின்றன. வெகுவிரைவில் கும்பாபிஷேகம் காண இருக்கும் இத்திருக்கோயிலின் திருப்பணியில் பக்தர்கள் பங்குகொள்ளலாம்.
தொடர்புக்கு: 94427 29664.
ஸ்ரீ சீதா கல்யாண மகோத்சவம்
திருவாரூர் மாவட்டம், குடவாசல் வட்டம், 
கண்டிரமாணிக்கம் கிராமத்தில் உள்ள ஸ்ரீ கோதண்ட
ராமஸ்வாமி, வரதராஜஸ்வாமி திருக்கோயிலில் மே 20- ஆம் தேதி மாலை 4.00 மணி அளவில் ஸ்ரீசீதாராமச்சந்திர சுவாமிக்கு திருக்கல்யாண மகோத்சவம் நடைபெறுகின்றது. 
தொடர்புக்கு: 94437 48915.
காஞ்சி மகா சுவாமிகள் ஜயந்தி
ஸ்ரீஸ்ரீஸ்ரீ மஹா பெரியவாளின் கோலாகல 125- ஆவது மஹா அனுஷஜயந்தி மஹோத்சவம், ஸ்ரீ சந்த்ரசேரேந்த்ர ஸரஸ்வதி பக்த ஜன ட்ரஸ்ட் சார்பில் மே 24 முதல் ஜூன் 3 வரை, சென்னை, மேற்கு மாம்பலம், அயோத்யா மண்டபத்தில் நடைபெறுகின்றது. ஹோமங்கள். அனுஷ நட்சத்திரம் - மே 29. 
தொடர்புக்கு: 044 2371 1931/ 98844 02391.
********************
சென்னை விருகம்பாக்கம் நடேச நகரில் உள்ள ஸ்ரீ சிவவிஷ்ணு ஆலயத்தில் காஞ்சி மாமுனிவர் 125 ஆவது மஹா அனுஷ மகோத்சவம் மே 20 -இல் தொடங்கி மே 29 வரை நடைபெறுகின்றது. 
தொடர்புக்கு: : 98400 94246.
 

]]>
http://www.dinamani.com/weekly-supplements/vellimani/2018/may/18/நிகழ்வுகள்-2922187.html
2917688 வார இதழ்கள் வெள்ளிமணி குதிரை முக நந்தி வாகனம்!   DIN DIN Friday, May 11, 2018 11:11 AM +0530 முன்பொரு சமயம் இந்திரன் சாபத்தினால் பூமியில் அவதரிக்க நேர்ந்தது. இந்திரன் சிவபெருமானை நோக்கி கடும் தவம் செய்தான். இறைவன் அவனுக்கு நீண்ட நாள்களாக தரிசனம் அளிக்காமல் இருந்தார். இந்திரனின் கடும் தவத்தினால் இறைவன் அவருக்கு அசரீரி மூலமாக பக்கத்தில் துர்வாசர் பிரதிஷ்டை செய்த அருள்மிகு பங்கஜவல்லி சமேத கெங்காதீஸ்வரர் திருக்கோயில் உள்ளது. அங்கு சென்று இறைவனை வணங்கி பின் அதன் மேற்குபுறத்தில் உள்ள விருப்பாட்சிபுரம் எனும் ஊரில் அமைந்துள்ள சிவனை வணங்கி பின் கோனைப்புதூரில் உள்ள சிவனையும் வணங்கி இவ்விடத்தில் வந்து பூஜை செய்தால் உனக்கு காட்சி கிடைக்கும் என்று கூறியதன் பேரில் இந்திரனும், அவ்வாறே செய்தான்.
சிவபெருமானும் இந்திரனுக்கு காட்சி தருவதற்காக கிளம்பும் வேளையில் நேரமாகிவிட்டபடியால் ரிஷபத்தின் மேல் ஏறிக்கொண்டு இந்த ரிஷபம் குறிப்பிட்ட நேரத்திற்குள் நம்மை அழைத்து செல்லுமா என்றும், அதே நேரம் இதுவே ஒரு குதிரையாக இருந்தால் நாம் விரைவில் இந்திரனுக்கு காட்சி தரலாமே என்றும் எண்ணினார். இது ரிஷபத்திற்கு தெரிந்து ஈசன் நம்மைப் பற்றி இப்படி நினைத்துவிட்டாரே என்று எண்ணி ஈசனின் எண்ணப்படி குதிரை முகத்துடன் வடிவெடுத்து ஈசனை குறிப்பிட்ட காலத்திற்குள் குறிப்பிட்ட இடத்திற்கு அழைத்து சென்று ஈசனின் எண்ணத்தை பூர்த்தி செய்தது. எனவே தான் இத்திருத்தலத்தில் குதிரை வடிவுடன் கூடிய ரிஷபம் அமைந்துள்ளது.
இந்த ஆலயம் மிகவும் சிதிலமடைந்து சிவன், அம்பாள், முருகன், பெருமாள், ஐயப்பன், நவக்கிரகம், ஆஞ்சநேயர் மற்றும் பைரவர் சந்நிதிகள் கட்டப்பட்டு 2014- இல் கும்பாபிஷேகம் நடைபெற்றது.
துலாபார காணிக்கை: சிவஸ்தலங்களில் துலாபார காணிக்கை செலுத்தும் வழக்கம் எங்கும் இல்லை. ஆனால் இந்த சிவஸ்தலத்தில் துலாபார காணிக்கை செலுத்தும் வழக்கம் உள்ளது. பக்தர்கள் தங்களின் வேண்டுதலின்படி காரியபலிதம் ஆனவுடன் இங்கே வந்து துலாபார காணிக்கை செலுத்துகிறார்கள். இத்திருத்தலத்தில் 12.5.2018, காலை 10.30 மணிக்கு குழந்தை வரம் வேண்டி ஸ்ரீ சந்தான கோபால யாகம், 13.05.2018, காலை 10.00 மணிக்கு சுயம்வர தடை நீங்க ஸ்ரீ கந்தர்வ ராஜ யாகம் (சுயம்) , ஸ்ரீ ஸ்வயம்வர கலா பார்வதி யாகம் நடைபெற உள்ளது. பிரதி மாதம் 2 மற்றும் 4 ஆவது சனி, ஞாயிற்றுக்கிழமைகளில் இந்த யாகம் தொடர்ந்து நடைபெற உள்ளது. பக்தர்கள் இந்த யாகங்களில் பங்குகொண்டு இறையருள் பெறலாம்.
இத்திருத்தலம், திருவண்ணாமலை மாவட்டம், ஆரணி- சேத்துபட்டு வழியில் 12 கி.மீ. தொலைவில் அமைந்துள்ளது.
தொடர்புக்கு: 90433 78922/ 94443 60042.
- சுப்ரமணியம்
 

]]>
http://images.dinamani.com/uploads/user/imagelibrary/2018/5/11/w600X390/v9.jpg http://www.dinamani.com/weekly-supplements/vellimani/2018/may/11/குதிரை-முக-நந்தி-வாகனம்-2917688.html
2917686 வார இதழ்கள் வெள்ளிமணி ஆனை முகத்தானுக்கு அற்புத ஆலயம்!   DIN DIN Friday, May 11, 2018 11:10 AM +0530 சிவகங்கை மாவட்டம், தேவகோட்டைக்கு அருகேயுள்ள நயினார்வயல் எனும் கோட்டூரில் வசித்த மக்கள் மதுரையிலிருந்து வந்தவர்கள் எனவும் அவர்களில் புதிதாகத் திருமணம் ஆனவர்கள் கிழக்குப் பகுதியில் இருந்த வயலில் புதிதாக வீடு கட்டி வசிக்கத் தொடங்கியதால் அந்தப்பகுதி "திருமண வயல்' எனவும் அழைக்கப்பெற்றது. நயினார் வயலில் அருள்பாலிக்கும் சுயம்புலிங்கமான அருள்மிகு அகஸ்தீஸ்வரருக்கும், அம்பிகை சௌந்தர நாயகிக்கும் இந்தப் பகுதியில் திருமணம் நடைபெற்றதாகக் கருதப்பெறுவதாலும் "திருமணவயல்' எனவும் அழைக்கப்பெறுகின்றது.
 இத்திருமணவயல் உடையார் குடியிருப்பில் சுமார் நூறு ஆண்டுகளுக்கு முன்னர் சைவர் சேவுகப்பெருமாள் என்னும் பெரியவர் விநாயகர் வழிபாட்டில் பெரிதும் ஈடுபாடு கொண்டு விநாயகரை வழிபாடு செய்து வந்தார். அந்தப்பகுதியில் உள்ளவர்களுக்கு நிறைய ஆன்மீக நூல்களை வாசிக்கும் பழக்கத்தை உருவாக்கினார். குறிப்பாக விநாயகர் அகவலை அனைவரும் பாராயணம் செய்யும்படி நெறிப்படுத்தினார். அவரின் பக்தி மற்றும் பிரார்த்தனையின் பலனாகவும் அவரை மேலும் ஊக்குவிக்கும் வண்ணமாகவும் அந்த ஊருக்கு ஒரு மௌன சுவாமிகள் எழுந்தருளினார். அந்த சுவாமிகள் ஒரு சித்தராகத் திகழ்ந்ததால் ஆன்மீகம் மட்டுமின்றி யோகக்கலை மற்றும் மருத்துவத்திலும் ஏழை எளியவர்களுக்கு வழிகாட்டி உதவி வந்தார்.
 இவரையே சைவர் சேவுகப்பெருமாள் ஐயா தனது வாழ் நாள் முழுவதுமாக வைத்துப் பராமரித்து வந்தார். அந்த சித்தர் தோற்றுவித்த வழிபாட்டு நெறிகளின்படி அடுத்துவந்த தலைமுறையினரும் முழு முதற்கடவுளான விநாயகப்பெருமானைப் போற்றி வழிபாட்டினைத் தொடர்ந்தனர். தற்போது அருள்மிகு ஸ்ரீ மஹா கணபதி ஆலய அறக்கட்டளை என்ற அமைப்பின் மூலமாக விநாயகர் பெருமானுக்கு ஒரு புதிய ஆலயம் முற்றிலும் கருங்கல் திருப்பணியாக செய்யப்பட திட்டமிடப்பட்டு கடந்த 2012 -ஆம் ஆண்டு அடிக்கல் நாட்டப்பட்டது.
 கன்னியாகுமரியில் உள்ள உலகப் புகழ் பெற்ற ஸ்ரீ விவேகானந்தர் தியான மண்டபத்தினை உருவாக்கிய அதே ஸ்தபதியரின் கை வண்ணத்தில் இரண்டு அடுக்குகளை கொண்ட ஆலயமாக நயினார் வயலில் விநாயகர் ஆலயம் அமைய உள்ளது. கீழ் அடுக்கில் தியான மண்டபமும், மேல் அடுக்கில் கருவறையில் விநாயகப் பெருமான் ஆலயமும் அமைய உள்ளது.
 கருவறை விமானம் தஞ்சை பெரிய கோயில் ஆலய விமான அமைப்பின் வடிவத்தை ஒத்திருக்கும். உச்சியில் தாமரை மலர்ந்த நிலையில் கோபுர கலசம் இருக்கும். மூலாதாரம், சுவாதிஷ்டானம், மணிபூரகம், அனாகதம், விசுக்தி, ஆக்ஞா என்ற ஆறு ஆதாரங்களைக் கடந்து சகஸ்ராரம் என்னும் ஆயிரம் இதழ் தாமரையில் தியான நிலையின் உச்சமாக ஆன்மாவை உணரும் விதத்தினை இந்த விமானத்தின் மேல் உள்ள தாமரை மலர் பிரதிபலிக்கும் விதமாக இருக்கும் என்பதில் சிறிதும் ஐயமில்லை.
 தற்போது புதிய ஆலயம் கட்டும் பணி வளர்ச்சியடைந்த நிலையிலும் விநாயகப் பெருமானுக்கு உரிய அனைத்து வழிபாடுகள், உற்சவங்கள் சிறப்பாக நடைபெறுகின்றது. வெகு விரைவில் திருப்பணிகள் நிறைவுற்று கும்பாபிஷேகம் நடைபெற உள்ளது.
 தொடர்புக்கு: 94894 91371.
 - எஸ். சாரதா

]]>
http://images.dinamani.com/uploads/user/imagelibrary/2018/5/11/w600X390/v8.jpg http://www.dinamani.com/weekly-supplements/vellimani/2018/may/11/ஆனை-முகத்தானுக்கு-அற்புத-ஆலயம்-2917686.html
2917685 வார இதழ்கள் வெள்ளிமணி நல்வாழ்க்கை கொடுக்கும் ஸ்ரீஅரங்குளநாதர்!   DIN DIN Friday, May 11, 2018 11:08 AM +0530 சோழ நாட்டில் வாழ்ந்த கைவல்யன் என்பவன் தரும சிந்தனை மிக்கவனாய் தன் மனைவி சுமதியுடன் இல்லறம் நடத்தி வந்தான். மகப்பேறின்மையால் மனம் வருந்திய அவன் தன் மனைவியுடன் தீர்த்தயாத்திரை மேற்கொண்டான். வழியில் அரன் குளத்தை அடைந்து, உத்தமமான ஹரதீர்த்தத்தில் நீராடி சிவனை தியானித்துத் தவம் புரியலானான், கடுமையான அவனது தவத்தைக் கண்டு மகிழ்ந்த சிவபெருமான் நேரில் காட்சி தந்தருளி அவன் வேண்டிய வண்ணம் புத்திர பாக்கியம் உண்டாக அருள்பாலித்தார் இறைவன் திருவருளால் பிறந்த ஆண்குழந்தைக்கு நிம்பாரணியன் என்னும் பெயர் சூட்டி மகிழ்ந்தான்.
 கைவல்யன் நிம்பாரணியனைத் தக்கமுறையில் சீராட்டி வளர்த்து உரிய பருவத்தில் சுயம்பிரயை எனும் பெண்ணை திருமணம் செய்து வைத்தான். அவர்களுக்கும் நீண்ட காலம் வரை மகப்பேறு கிட்டாமல் மனம் வருந்தினர். தந்தையாகிய கைவல்யனின் அறிவுரைப்படி நிம்பாரணியர் ஹரத்தீர்த்தத்தில் நீராடி சிவபெருமானைச் சிவலிங்க வடிவில் கருதி வழிபட்டுத் தவம் புரியத் தொடங்கினார்.
 திருக்கயிலையில் சிவபெருமான் உமாதேவியுடன்மகிழ்ச்சியுடன் வீற்றிருக்கையில் தேவியார் சிவபெருமானை நோக்கி "நாதா! தங்கட்கு யாரிடத்து அதிக அன்பு உண்டு? அதனைத் தெரிவிக்க வேண்டும்'' என வினவினாள் சிவபெருமான் புன்னகையை செய்து, "தேவியே என் மனையாளாகிய உன்னிடமும், மனோகரமாயுள்ள சந்திரனிடத்தும், கங்கையினிடத்தும், மிக்க அன்புள்ள அடியாரிடத்தும் எக்காலத்திலும் எமக்கு ஒரு தனியான அன்பு உண்டு. இது சத்தியம்!'' என்றார். அதைக்கேட்ட உமாதேவி மற்ற பொருள்களுடன் தன்னையும் சமமாகக் கூறியமைக்காகச் சினந்து மொழி கூறிக் கோபத்துடனும் துக்கத்துடனும் தரையில் படுத்தாள். சிவபெருமான் மனமிளகி இனிய சொற்களால் ஆறுதல் கூறியும் தேவியின் சினம் தணியவில்லை.
 அது கண்ட தேவதேவர் சினமுற்று "எமது அன்பான சொற்களை மதியாது, பூமியிற்படுத்த நீ பாவபுண்ணியங்கட்கு இடமாகிய பூமியிற் சென்று பிறப்பாயாக'' என்று சாபமிட்டார். தேவியார் நடுக்கமுற்று, தன் பிழையைப் பொறுத்தருளுமாறு பணிந்தாள். சிவபெருமான் தேவியை நோக்கி, ""தேவி நீ அஞ்சவேண்டாம். சாபத்தின் முடிவில் நன்மையே உண்டாகும். நாமே உம்மை மணம் புரிவோம். திருவரன்குளம் என்னும் திருத்தலத்தில் நிம்பாரணியன் மகப்பேறு வேண்டி நம்மைத் துதித்துக் கொண்டிருக்கிறான். நீ அவன்பாற் சென்று, அவனுக்குப் குழந்தையாய் தோன்றுவாய். தக்க காலத்தில் உன்னைத் திருமணம் புரிவோம்'' என்றளினார்.
 சிவபெருமான் திருவருளால் பெரியநாயகி சிவபெருமானை மணக்கும் விருப்பம் மிக்கவளாய் பெற்றோர் அனுமதி பெற்று, நீண்ட காலம் தவம் புரிந்தார். இறைவன் மனங்கனிந்து முறைப்படி வைகாசி மாதம் சுக்கிலபட்சம் பூச நட்சத்திரத்தன்று பெரியநாயகியைத் திருமணம் புரிந்து கொண்டு பெரியநாயகி சமேத அரன்குளநாதராக அனைவருக்கும் காட்சி தந்தருளினார்.
 பாம்புகளின் அரசனாக ஒளி பொருந்திய நாகரத்தினங்களை கொண்ட ஆயிரம் முடிகளுடன் விளங்கும் ஆதிசேடன், அரன்குளத்தை அடைந்து தென்புறத்தில் மாசில்லாத தீர்த்தம் ஒன்று உண்டாக்கி, அதில் நீராடி கருடன் தங்களுக்குக்கு கொடுக்கும் கொடுமைகள் விலக அரன்குளநாதரை வழிபாடு செய்தான். சிவபெருமான் தோன்றி நினது அன்னையின் சாபமும், கருடனது பகையாகிய பயமும் உனக்கு வேண்டாம். பாம்புகள் எமக்கு அணி ஆவார்கள். நீ நமது ஆணையால் பூமியைச் சுமக்கும் பேறு பெறுவாய். கல்பகோடி காலத்தில் நீ நமது சாயுச்சியம் பெறுவாய் என்று திருவாய் மலர்ந்தருளினார். ஆதிசேடன் தன் குறைகள் நீங்கி உய்வு பெற்றான்.
 இது பூரம் நட்சத்திற்குரிய கோயிலாகும். பூரம் நட்சத்திரத்தில் பிறந்தவர்கள் தங்கள் பிறந்தநாள், மாதந்திர நட்சத்திரநாள், திருமணநாள், ஆடிப்பூரம் ஆகிய நாள்களில் இங்கே வந்து வழிபடலாம். பிறந்த குழந்தைகளுக்கு நேரம் சரியில்லை என்றால் பிள்ளைத்தத்து கொடுக்கலாம்.
 திருமணம் இங்கே நடைபெற்றால் மகப்பேறு தடையில்லாமல் இருக்கும். தம்பதியினர் ஒற்றுமையோடு அதிக ஆண்டுகள் வாழ்க்கையை நடத்தி மணிவிழா காண்பர். அதனால் ஆயுள் அதிகரிக்க வைப்பார் அரங்குளநாதர்.
 இக்கோயிலில் வைகாசி பெருந்திருவிழா வரும் 19-5-2018 - அன்று கொடியேற்றத்துடன் தொடங்கி, 27.05 2018 - அன்று இரட்டைத் தேரோட்டமும்; 28.05-2018 - அன்று தெப்ப உற்சவம் ஆகிய நிகழ்ச்சிகள் நடைபெறவுள்ளது.
 வழித்தடம்: புதுக்கோட்டையிலிருந்து ஆலங்குடி சாலையில் திருவரங்குளம் உள்ளது.
 தொடர்புக்கு: 97512 39014.
 - பொ.ஜெயச்சந்திரன்
 
 

]]>
http://images.dinamani.com/uploads/user/imagelibrary/2018/5/11/w600X390/v7.jpg http://www.dinamani.com/weekly-supplements/vellimani/2018/may/11/நல்வாழ்க்கை-கொடுக்கும்-ஸ்ரீஅரங்குளநாதர்-2917685.html
2917684 வார இதழ்கள் வெள்ளிமணி அகத்தியர் வழிபட்ட அகத்தீஸ்வரர்!   DIN DIN Friday, May 11, 2018 11:06 AM +0530 சித்தர்களில் புகழ் வாய்ந்த சித்தர் அகத்தியர். குட்டையாக இருந்ததால் குறுமுனி என்றும் அழைக்கப்பட்டவர். சீதையை பிரிந்த ராமபிரான் மனச்சோர்வுடன் இருந்தபோது அவர் தைரியமடையவும் எதிரிகளை வெல்லவும் "ஆதித்ய ஹிருதயம்' என்னும் மந்திரத்தையும் உபதேசித்தவர்.
 சிவன், பார்வதி திருமணம் நடைபெற்றபோது வடதிசை தாழ்ந்திட, தென்திசை உயர்வு பெற்றதால் உலகம் சமநிலை பெற வேண்டி சிவபிரானால் தென்திசைக்கு அனுப்பி வைக்கப்பட்டவர் அகத்திய முனிவர். இவர் பொதிகை மலையில் இஷ்ட தெய்வமான முருகனை வணங்கினார். அகத்தியரின் பக்திக்கு மெச்சிய முருகன் அவ்விடத்தில் ஒரு சுகந்த மனம் உண்டாக்கினான். அகத்தியர் அந்த மணத்தை நுகர்ந்து சுவாசிக்க, அதிலிருந்து இனிமையான மொழி தமிழ் உண்டாயிற்று. அப்படி முருகன் அருளினாலும், அகத்தியரின் ஆர்வத்தினாலும் உண்டான மொழி தமிழ் என்பர் அறிஞர்.
 அதன்பின் அம்மொழிக்கு அகத்தியர் எழுத்து, சொல், பொருள், யாப்பு அணி அடங்கிய அகத்தியம் எனும் மகத்தான இலக்கண நூலை உருவாக்கினார் என்பது வரலாறு.
 அகத்தியர் நாள்தோறும் தென்னாட்டில் ஊர் ஊராகச் சென்று சிவபூஜை செய்து வந்தார். ஏற்கெனவே சிவாலயம் உள்ள ஊர்களில் வணங்கியதோடு அல்லாமல் ஆலயங்கள் இல்லாத ஊர்களில் புதிய சிவாலயங்களை உருவாக்கி அதில் சிவ வழிபாடு செய்வதை வழக்கமாகக் கொண்டிருந்தார். அப்படி அவரால் உருவாக்கப்பட்ட அல்லது வழிபடப்பட்ட ஆலயங்களில் உள்ள மூலவர்கள் அவர் பெயரால் அகத்தீஸ்வரர் என்றழைக்கப்பட்டன. அவ்வாறு அமைந்த ஆலயம்தான் தஞ்சை மாவட்டம், பேராவூரணியை அடுத்துள்ள கொரட்டூர் - சோழகனார் வயல் பகுதியில் அமைந்துள்ள அருள்மிகு அகிலாண்டேஸ்வரி சமேத அகத்தீஸ்வரர் திருக்கோயில்.
 அகத்தியரால் உருவாக்கப்பட்ட பெருமையும், சிறப்பும் உடைய இந்த ஆலயம் காலப்போக்கில் சிதலமடைந்தபோது தஞ்சையை ஆண்ட சரபோஜி மன்னரால் செங்கல் தளியாக எழுப்பிக்கப்பட்டது.
 அம்மன்னர் காலத்தில் வெண் குட்ட நோயால் பாதிக்கப்பட்ட பக்தர் ஒருவர் எந்த வைத்தியம் பார்த்தும் பலனளிக்காமல் மனமுடைந்து தற்கொலை எண்ணத்துடன் இந்த ஆலயத்திற்கு வந்து வழிபட்டார். தொடர்ந்து சில நாள்கள் வழிபட்டு வருகையில் அகத்தீஸ்வரர் திருவருளால் அவரது நோய் படிப்படியாக குணமடைந்து பழைய நிலைக்கு திரும்பினார்.
 இறைவன் வைத்தியநாதனாக மாறி அவரது நோயை நீக்கி அருளினார் என்றே கொள்ள வேண்டும்.
 இத்திருக்கோயிலில் அன்னை அகிலாண்டேஸ்வரி என்னும் திருநாமத்துடன் எழுந்தருளி அருள்பாலித்து வருகிறார். அகத்தியர் தென்னாட்டில் இருக்கும்போது வேள்விகள் செய்து வந்தார். அப்போது தேவர்கள் அவர்மீது கோபித்து மழைவளம் குன்றச் செய்தனர். உடன் அகத்தியர் முறையாக யாகங்கள் செய்து மும்மூர்த்திகளுக்கும் முறையாக அவிர்ப்பாகம் அளித்ததனால் அஞ்சிய தேவர்கள் தாங்களும் அவிர்ப்பாகம் பெற்றுக்கொண்டு கனமழை பெய்யச்செய்தனர்.
 எனவே, இவ்வாலயம் திருப்பணி செய்யப்பட்டு, கும்பாபிஷேகம் நடைபெற்றால் பருவமழை தவறாது பெய்யும் என்பது இப்பகுதி மக்களின் நம்பிக்கை.எனவே, அகத்தீஸ்வரர், அகிலாண்டேஸ்வரி, விநாயகர், சுப்ரமணியர், தட்சிணாமூர்த்தி, சண்டிகேஸ்வரர் உட்பட பழுதடைந்த அனைத்து சந்நிதிகளையும் புதுப்பித்து வருகின்றனர். திருப்பணி வேலைகள் நிறைவுபெறும் தருவாயில் உள்ளன. விரைவில் திருக்குடமுழுக்குவிழா நடைபெறும்.
 தொடர்புக்கு: 87541 49853/ 94424 28992.
 - டி. கோவிந்தராஜு
 

]]>
http://images.dinamani.com/uploads/user/imagelibrary/2018/5/11/w600X390/v6.jpg http://www.dinamani.com/weekly-supplements/vellimani/2018/may/11/அகத்தியர்-வழிபட்ட-அகத்தீஸ்வரர்-2917684.html
2917683 வார இதழ்கள் வெள்ளிமணி தேசிகர் உகந்த திருத்தலம் ஸத்யாகாலம்!   Friday, May 11, 2018 10:59 AM +0530 ஸ்ரீ ராமாநுஜருக்குப் பின்னர் தோன்றிய மகான்களில் ஸ்ரீ வேதாந்ததேசிகர் மிகவும் முக்கியமானவர். காஞ்சிமா நகரில் தூப்புல் என்ற திவ்வியதேசத்தில் திருவேங்கடமுடையான் சந்நிதியில் ஒலிக்கும் திருமணியின் அம்சமாக ஸ்ரீ வேதாந்ததேசிகர் அவதரித்த எழுநூற்றைம்பதாவது வருடம் தற்போது நடைபெறுகின்றது. புரட்டாசி திருவோணம் அவரது அவதாரத் திருநட்சத்திரமாகும். 
ஸ்ரீ ராமாநுஜரைப் போலவே ஸ்ரீ வேதாந்ததேசிகரும் ஸ்ரீரங்கத்தில் நீண்டகாலம் தங்கி அருட்பணி ஆற்றிக்கொண்டிருந்தபோது வடநாட்டிலிருந்து இஸ்லாமியர்கள் பெரும்படையுடன் தமிழகமெங்கும் ஊடுருவத்தொடங்கினர். வரும் வழியிலுள்ள திருக்கோயில்களையெல்லாம் அவர்கள் சூறையாடி வந்ததைக் கேள்விப்பட்ட தேசிகரும் மற்ற பக்தர்களும் பெருமை மிக்க ஸ்ரீரங்கம் திருக்கோயிலின் மூலஸ்தானத்தைக் கற்களைக்கொண்டு மூடிவிட்டார்கள். பிள்ளைலோகாச்சாரியார் உள்ளிட்ட பக்தர்கள் ஸ்ரீதேவி பூதேவி சமேத ஸ்ரீரங்கநாதர் உற்சவமூர்த்திகளைத் தோளில் சுமந்தபடி திருமாலிருஞ்சோலைக்குச் சென்றனர். அங்கு சிலகாலம் இருந்த பின்னர், திருப்பதி திருமலைக்கு கொண்டு சென்று திருவேங்கடமுடையானின் மூலஸ்தானத்தில் வைத்து பூஜித்து வந்தார்கள். இடைப்பட்ட காலத்தில் ஸ்ரீ பிள்ளைலோகாச்சாரியார் முக்தியடைந்து விட்டார்.
இஸ்லாமியப்படையினர் ஸ்ரீரங்கத்தை நெருங்கிக்கொண்டிருந்த நிலையில், ஸ்ரீ சுதர்சனபட்டர் என்னும் பெரியவர் தாம் எழுதிய "சுருதப்பிரகாசிகை' என்னும் அரிய வைணவ தத்துவ நூலையும், தம்முடைய மகன்கள் இருவரையும் ஸ்ரீ தேசிகரின் பாதுகாப்பில் ஒப்படைத்து, ஸ்ரீரங்கத்திலேயே தங்கியிருந்து, படையெடுப்பின் போது இறுதி மூச்சை விட்டார்.
ஓலைச்சுவடி, இரு சிறுவர்கள் மற்றும் தம்முடைய சீடர்கள் சிலருடன் மேற்கு நோக்கிப் பயணித்த ஸ்ரீ தேசிகர், அமைதி தவழும் ஸத்யாகாலத்தை அடைந்து அங்கேயே தங்கியிருக்கலானார். எழில்மிகுந்த ஸ்ரீ கோட்டை வரதராஜர், ஸ்ரீ பெருந்தேவித்தாயார் அருள்பாலிக்கும் திருக்கோயிலும் அவரது கருத்தைக் கவர்ந்தன. 
தமது நித்திய அநுஷ்டானங்களைக் குறைவறச் செய்து வந்தது மட்டுமின்றி, புதுப்புது நூல்கள் இயற்றியும், சீடர்களுக்கு நல்லுபதேசமும் செய்தும் காலம் கழித்து வந்த ஸ்ரீ வேதாந்ததேசிகர், ஸத்யாகாலத்தில் சுமார் பன்னிரெண்டு ஆண்டு காலம் தங்கியிருந்தார். 
ஸ்ரீ சுதர்சன பட்டரால் தம்மிடம் ஒப்படைக்கப்பட்ட சுருதப்பிரகாசிகை என்ற நூலில் பொதிந்துள்ள தத்துவங்களைப் பிரசாரம் செய்து வந்ததுடன், ஸ்ரீ சுதர்சன பட்டரின் மகன்களுக்கும் பூணூல் அணிவித்துக் குறைவற வளர்த்துவந்தார். 
நடுவில் சிறிது காலம் திருநாராயணபுரம் என்னும் மேல்கோட்டைக்கு எழுந்தருளி, ஸ்ரீசெல்வநாராயணப் பெருமாளை வணங்கி, அங்கும் சில நூல்களை இயற்றினார். 
மீண்டும் ஸத்யாகாலம் திரும்பிய ஸ்ரீ தேசிகர், ஸ்ரீரங்கநாதப் பெருமானை மீண்டும் தரிசிக்க ஆவல் கொண்டார். அந்நியர் படையெடுப்பால் ஸ்ரீரங்கத்துக்கு உண்டாகியிருக்கும் ஆபத்துகளை விரைவில் நீக்குமாறு ஸ்ரீரங்கநாதர்-ஸ்ரீரங்கநாயகித்தாயார் இருவரையும் பிரார்த்தித்துக்கொண்டு, அபீதிஸ்தவம் (பயம்போக்கும்துதி) என்ற வடமொழி ஸ்தோத்திரத்தை இயற்றினார். இருபத்தொன்பது சுலோகங்கள் கொண்ட அந்த ஸ்தோத்திரத்தை ஸ்ரீரங்கம் உள்ள திசையைநோக்கியபடி தினந்தோறும் பாடி, மனமுருகி வேண்டியும் வந்தார். 
அச்சமயத்தில், செஞ்சியைச் சேர்ந்த கோபணராயன் என்ற மன்னன் படையெடுத்துவந்து, ஸ்ரீரங்கத்திலிருந்த இஸ்லாமியப் படையினரை விரட்டி, ஸ்ரீதேவி பூதேவி சமேத ஸ்ரீரங்கநாதர் உற்சவ மூர்த்திகளை திருப்பதி திருமலையிலிருந்து கொண்டுவந்து மீண்டும் ஸ்ரீரங்கம் திருக்கோயிலில் பிரதிஷ்டை செய்து பூஜைகள் நடைபெற வழிவகுத்தான்.
இதை அறிந்த ஸ்ரீ வேதாந்த தேசிகர், ஸ்ரீ கோட்டை வரதராஜப் பெருமாளையும், ஸ்ரீ பெருந்தேவித் தாயாரையும் வணங்கி உத்தரவு பெற்றுக்கொண்டு, மகிழ்ச்சியுடன் ஸ்ரீரங்கம் திரும்பி, ஸ்ரீ ரங்கநாதரை வழிபட்டார் என்பது வரலாறு. 
பெங்களூரு - மைசூரு சாலையில், பெங்களூருவிலிருந்து சுமார் 125 கி.மீ. தூரத்தில், மட்டூர் மற்றும் கொள்ளேகால் அருகில் உள்ள ஸத்யாகாலம் இயற்கை எழில்கொஞ்சும் திருத்தலமாகும். மற்ற வைணவத் திருக்கோயில்களில் அமர்ந்த திருக்கோலத்தில் காட்சிதரும் ஸ்ரீ வேதாந்த தேசிகர், இத்திருக்கோயிலில் மட்டும் நின்ற திருக்கோலத்தில் தரிசனம் தருகின்றார். 
- எஸ். ஸ்ரீதுரை

]]>
http://images.dinamani.com/uploads/user/imagelibrary/2018/5/11/w600X390/v5.jpg http://www.dinamani.com/weekly-supplements/vellimani/2018/may/11/தேசிகர்-உகந்த-திருத்தலம்-ஸத்யாகாலம்-2917683.html
2917679 வார இதழ்கள் வெள்ளிமணி சுறுசுறுப்பே நல்வாழ்வுக்கான ராஜபாதை!   DIN DIN Friday, May 11, 2018 10:47 AM +0530 நமது வாழ்க்கை நன்றாக இருக்க வேண்டுமானால் சுறுசுறுப்பு என்பது மிகவும் அவசியமான ஒன்றாகும். உடலும் மனமும் நலமுடன் இருக்க, மருத்துவர்கள் கூறும் அறிவுரை சுறுப்பாக இருக்க வேண்டும் என்பதே. இதை நம் வாழ்வில் தினமும் கடைபிடிக்கும்போது வாழ்வு இன்பமாக இருக்கும். இதை ஒரு உதாரணத்துடன் அறியலாம்.
 ஜப்பானியர்களுக்கு மீன் உணவு என்றால் கொள்ளை பிரியம். எனவே இங்கு உள்ள தீவு ஒன்றில் வசிக்கும் மீனவர்கள், படகெடுத்துக்கொண்டு சில கிலோமீட்டர்கள் தொலைவில் உள்ள கடற்பகுதிக்கு மீன் பிடிக்கச் செல்வார்கள். தங்களுக்குத் தேவையான மீன்களைப் பிடித்துவிட்டு, அங்கிருந்து திரும்பி வர இரண்டு நாட்களாகிவிடும்.
 ஒரு குறிப்பிட்ட இடத்தில் கிடைக்கும் மீன்கள்தான் மிக ருசியானதாக இருக்கும். ஆனால், மீன் பிடித்ததும் கொண்டு வர இரண்டு நாட்களாகி விடுவதால் அந்த மீனின் சுவை போய் விடுவதாக ஊரார் புகார் தெரிவித்தனர்.
 இதனால் மீனவர்கள், தங்களது படகில் ஐஸ்கட்டிகளைக் கொண்டு சென்று அதில் மீன்களை பதப்படுத்திக் கொண்டு வந்தார்கள். ஆனாலும், மக்களுக்குத் திருப்தி இல்லை. ஃப்ரெஷ் மீனுக்கும் ஐஸ் கட்டிகளில் வைக்கப்பட்ட மீனுக்கும் சுவை வேறுபடுவதாக மீண்டும் தெரிவித்தனர்.
 இப்பொழுது மீனவர்கள், ஒரு சிறு தண்ணீர் தொட்டி ஒன்றைச் செய்து, அதில் மீன்களைப் பிடித்துப் போட்டு கொண்டு வந்தனர். ஆயினும், அத்தனை பெரிய கடற்பரப்பில் நீந்திக்கொண்டிருந்த மீன்கள், சிறிய தண்ணீர்த் தொட்டியில் இரண்டு நாட்களாக சோம்பிக் கிடப்பதினால் மீனின் சுவை குன்றிப் போவதாக மீண்டும் மக்கள் கூறினர்.
 இதனால் தீவிர ஆலோசனைக்குப் பின், மீனவர்கள் புதிதாக ஒன்றைச் செய்தார்கள். அதாவது, ஒரு குட்டிச் சுறா மீன் ஒன்றைப் பிடித்து அந்தத் தொட்டிக்குள் விட்டு விட்டார்கள். இந்தச் சுறாவிடமிருந்து தப்பிப்பதற்காக அந்த மீன்கள் எல்லாம் அந்தத் தொட்டிக்குள் வேக வேகமாக நீந்திக் கொண்டே இருந்தன ஓய்வின்றி.
 இப்பொழுது இரண்டு நாட்கள் கழித்து வந்த அந்த மீன்கள் முன்னெப்போதையும் விட மிகச் சுவையானதாக இருந்தனவாம்.
 பரிசுத்த வேதாகமத்தில் இந்த சுறுசுறுப்பு குறித்து அநேக இடங்களில் கூறப்பட்டுள்ளது. அதில், "சோம்பற்கையால் வேலைசெய்கிறவன் ஏழையாவான்; சுறுசுறுப்புள்ளவன் கையோ செல்வத்தை உண்டாக்கும்.''( நீதிமொழிகள் 10: 4) "சோம்பேறியின் வழி முள்வேலிக்குச் சமானம்; நீதிமானுடைய வழியோ ராஜபாதை'' (நீதிமொழிகள் 15:19).
 நாமும் இந்த உலகத்தில் சுறுசுறுப்புடன் வெற்றியுள்ள வாழ்க்கை வாழவே தேவன் நம்மைப் படைத்திருக்கிறார். அதுபோல, நமது வாழ்வு நன்றாக இருக்கவேண்டுமென்றால் எப்போதும் சுறுசுறுப்பாக ஓடிக்கொண்டே இருக்க வேண்டும். நாம் சோம்பிக்கிடந்தால் பிரச்னைகள் என்கிற சுறா நம்மை விழுங்கிவிடும். சுறுசுறுப்பாய் வாழும்போது பிரச்னைகள் தோற்றுப்போகும் நமது வாழ்க்கை என்ற மீன்கள் சுவையாக வெற்றியுள்ளதாக இருக்கும்.
 -ஒய்.டேவிட் ராஜா
 

]]>
http://images.dinamani.com/uploads/user/imagelibrary/2018/5/11/w600X390/v4.jpg http://www.dinamani.com/weekly-supplements/vellimani/2018/may/11/சுறுசுறுப்பே-நல்வாழ்வுக்கான-ராஜபாதை-2917679.html
2917678 வார இதழ்கள் வெள்ளிமணி நிகழ்வுகள்   DIN DIN Friday, May 11, 2018 10:45 AM +0530 குடமுழுக்கு விழா
காவிரி நதிக்கு வடக்கிலும் சுவேதாரண்யம் என்னும் புண்ணிய தலத்திற்கு மேற்கிலும், சுவேதகேது மகாராஜாவுக்கு சந்தான பாக்கியம் அளித்த மணிக்கர்ணிகை தீர்த்தத்தின் வட பகுதியில் அமைந்துள்ளது மதங்காஸ்ரமம் என்னும் திருநாங்கூர் புண்ணிய ஷேத்திரம்! இத்தலத்தில் பேசும் தெய்வமாக அருள்பாலித்துவரும் ஸ்ரீமகாகாளியம்மனுக்கு குடமுழுக்கு விழா, 23}05}2018 }அன்று காலை 6.00 மணி முதல் 7}30 மணிக்குள் நடைபெறுகிறது. காலை 9.00 மணிக்கு மேல் மகாகாளியம்மன் வீதியுலா நடைபெறும். 
தொடர்புக்கு: 94439 21312/ 97867 44799. 
- பொ.ஜெயச்சந்திரன் 
திருப்பணி
சென்னை, ஆவடி அருகில் உள்ள வீராபுரத்திலிருந்து 3 கி.மீ. தொலைவில் பாண்டேஸ்வரம் என்னும் புண்ணிய தலம் உள்ளது. இங்கு, ஸ்ரீ ராமர், சீதை, லட்சுமணன் சமேத 9 நவக்கிரகங்கள் மற்றும் 27 நட்சத்திரங்களை தன் வாலில் உள்ளடக்கிய ஸ்ரீ பக்த நவக்ரஹ ஆஞ்சநேயர் ஆலயம் அமைக்கும் திருப்பணி நடைபெறுகிறது. மேலும் தியான மண்டபம், அன்னதான மண்டபம், மடப்பள்ளி ஆகியவையும் அமைய உள்ளன. பக்தர்கள் இவ்வாலய திருப்பணியில் பங்குகொண்டு ஸ்ரீ ஆஞ்சநேயரின் அருளைப் பெறலாம்.
தொடர்புக்கு: 92824 38111.
**************
வேலூர் மாவட்டம், ஆம்பூர் தாலுக்கா ஒடுகத்தூர் அடுத்த பாக்கம் கிராமத்தில் உத்திரகாவேரி ஆற்றங்கரையில் அமைந்துள்ளது சுமார் 1000 ஆண்டுகள் பழைமை வாய்ந்த சிவாலயம். ஆற்றில் ஏற்பட்ட வெள்ளப் பெருக்கால் ஆலயம் சிதிலமடைந்தது. வழிபாடுகள் நின்று சில நூறு ஆண்டுகளாகின்றன. இவ்வாலயத்தைப் புனரமைக்கும் திருப்பணிகள் நடைபெற்று வருகின்றன. பக்தர்கள் இச்சிவாலய திருப்பணியில் பங்குகொண்டு சிவனருள் பெறலாம். 
தொடர்புக்கு: 86958 75868.
**************
நாகப்பட்டினம் மாவட்டம், சீர்காழி தாலுக்கா, சேமங்கலம் கிராமத்தில் எழுந்தருளி அருள்பாலிக்கும் ஸ்ரீ பார்வதி அம்பிகா சமேத ஸ்ரீ அகஸ்தீஸ்வர சுவாமி, ஸ்ரீ லட்சுமி நாராயணப் பெருமாள், ஸ்ரீ பூர்ண புஷ்கலாம்பிகா சமேத ஸ்ரீ ஹரிஹரபுத்ர சுவாமி கோயில்களில் நடைபெறவிருக்கும் கும்பாபிஷேகத்தை முன்னிட்டுத் திருப்பணிகள் நடைபெற்று வருகின்றன. பக்தர்கள் இவ்வாலயங்களில் நடைபெறும் திருப்பணிகளில் பங்கு கொண்டு நலம் பெறலாம்.
தொடர்புக்கு: 94424 21681 / 94864 89449.


 

]]>
http://www.dinamani.com/weekly-supplements/vellimani/2018/may/11/நிகழ்வுகள்-2917678.html
2917677 வார இதழ்கள் வெள்ளிமணி சொர்க்கத்தில் சுக வாழ்வு   DIN DIN Friday, May 11, 2018 10:43 AM +0530 உலகில் வாழும் மனிதனின் உயரிய இலக்கு மறுமையில் சொர்க்கத்தில் சுகமாக வாழ்வதே. சொர்க்கத்தில் சுக வாழ்வு யாருக்குக் கிடைக்கும் என்பதை எழில்மறை குர்ஆனின் 39}20 ஆவது வசனம், " எவர் ஏக இறைவனுக்கு அஞ்சி நடக்கின்றனரோ அவர்களுக்கு மேலான இடமுண்டு. அதற்கு மேலும் கட்டடங்கள் இருக்கும். அதில் நீரருவிகள் தொடர்ந்து ஓடும். இவ்வாறே அல்லாஹ் வாக்களிக்கிறான். அல்லாஹ் அவனின் வாக்குறுதியில் மாற மாட்டான் என்று கூற 9}72 ஆவது வசனம் உறுதி செய்கிறது. 
குர்ஆனின் விரிவுரை விளக்க நூல் இப்னு கதீரில் அல்லாஹ் சொர்க்கத்தில் ஏற்படுத்தியிருக்கும் உயர்தரமான வாழ்விடங்கள் அழகிய கட்டடங்களாக இருக்கும். வெள்ளி தங்க கிண்ணங்களிலும் கோப்பைகளிலும் பால் மற்றும் பருகும் பானங்கள் பரிமாறப்படும். உற்சாகமான நறுமணம் கமழும். சொர்க்க கட்டடங்களின் தரையில் முத்துகளும் மரகத கற்களும் கிடக்கும். மணல் இல்லாமல் குங்கும பூக்கள் பரவி கிடக்கும். சொர்க்கத்தில் நுழைந்தவர் இந்த இன்பங்களைத் துய்ப்பர். சோர்வின்றி சுகமாக இருப்பர். அவரின் ஆடைகள் அழுக்கடையாது. அவரும் இளமை மாறி முதுமை அடைய மாட்டார். 
சொர்க்கவாசிகளின் சுகமான வாழ்வைச் சுருக்கமாக கூறுகின்றன 88}10 முதல் 16 ஆவது வசனங்கள். மேலான சொர்க்க பதியில் இருக்கும் செழிப்பான முகங்கள் யாதொரு வீண் சொற்களையும் செவியுறாது. சொர்க்கத்தில் வற்றாது ஓடும் ஒரு சுனை உண்டு. அதில் உயர்ந்த இருக்கைகளும் இருக்கும். கெண்டிகளும் வைக்கப்பட்டிருக்கும். திண்டு தலையணைகள் வரிசையாக வைக்கப்பட்டிருக்கும். உயர்ந்த விரிப்புகள் இவர்களின் கீழ் விரிக்கப்பட்டிருக்கும். இரண்டு சொர்க்கங்கள் உள்ளன. அவற்றில் பண்ட பாத்திரங்கள் வெள்ளியால் ஆனவை. வேறு இரண்டு சொர்க்கங்கள் உள்ளன. அவற்றில் பாத்திரங்கள் தங்கத்தினால் ஆனவை. அங்கு வாழ்வோரின் கண்கள் ஒளிமிக்கவை.
சொர்க்க இருப்பிடங்கள் குறித்த குர்ஆனின் வசனங்கள் அடியார்கள் அதனை அடைய முயற்சிக்க வேண்டும் என்பதை வலியுறுத்துகின்றன. அம்முயற்சிகள் நற்செயல்களே. அந்நற்செயல்களில் முதலாவது அல்லாஹ்வின் மீது அசையாத மாறாத நம்பிக்கை கொள்வது. வணக்க வழிபாடுகளை அதிகப்படுத்துவது. 2}82 ஆவது வசனம் எவர் உண்மையாக நம்பி நற்செயல் செய்கிறாரோ அவரே சொர்க்கவாசி. அதில் அவர் என்றென்றும் தங்குவர் என்று உரைக்கிறது. நற்செயல் புரியும் நல்லோர்களுக்குரிய பயனைப் பன்மடங்கு பெருக்கி தரும் பேராளன் அல்லாஹ்வின் அருளால் அந்நல்லோர் சொர்க்கத்தில் சுகமாக நிம்மதியாக நிலையாக வாழ்வார்கள்.
உங்களின் பொருள்களும் பிள்ளைகளும் உங்களை இறைவனிடத்தில் நெருக்கமாக்கி வைக்காது. இறையச்சத்தோடு நற்செயல்கள் செய்ததற்குப் பதில் அவர்களுக்கு இரட்டிப்பு கூலி கிடைக்கும். அவர்கள் சொர்க்க மாளிகைகளில் கவலையின்றி களிப்பாய் இருப்பார்கள் என்று 34}37 ஆவது வசனம் கூறுகிறது. உலக செல்வங்கள் பொருள்கள் மீது தீரா மோகம் கொண்டு மாயும் வரை மாறாதிருப்போர் மறுமையில் சொர்க்க மாளிகைகளில் சுகமாக வாழ்வர்.
இறைதூது பெற்ற இனிய நபி (ஸல்) அவர்கள் அதனை எடுத்துரைத்து மக்களைத் திருத்த தன் உடல் உழைப்பு பொருள் செல்வம் அனைத்தையும் அல்லாஹ்விற்காக அர்ப்பணித்த அன்னை கதீஜா (ரலி) அவர்களுக்கு சொர்க்கத்தில் கோணல் இல்லாது நேர்த்தியாக அமைக்கப்பட்ட முத்து மாளிகை இருக்கும்.
இறைவனைத் தொழும் இனிய இல்லம் கட்டுவோருக்கு அல்லாஹ் சொர்க்கத்தில் ஒரு வீட்டைக் கட்டுகிறான். அல்லாஹ்வைக் கண்ணியப்படுத்த புண்ணிய பள்ளிகளைக் கட்டுவோர், பராமரிப்போர், பழுது பார்ப்போர், தூய்மை படுத்துவோர், புனரமைப்போரை அல்லாஹ் சொர்க்கத்தில் கண்ணியப் படுத்துகிறான்.
காலையிலும் மாலையிலும் பள்ளி சென்று தொழுவோருக்கு உரிய இடத்தைத் தயார் செய்கிறான் தயாளன் அல்லாஹ். தொடர்ந்து கடமையான தொழுகையோடு உபரி (கூடுதல்) தொழுகை தொழுவோருக்கும் வீடுகளைத் தயார் செய்கிறான் நாம் நாளும் தொழும் அல்லாஹ்.
அழகிய நற்குணம் உடையோருக்கும் சொர்க்கத்தில் உரிய வாழ்விடம் கிடைக்கும். உண்மையை உறுதியாக உரைப்போருக்கும் நகைச்சுவையாக கூட பொய் பேசாதவருக்கும் சொர்க்கத்தின் மையப் பகுதியில் இருப்பிடம் இருக்கும். வீண் வாக்குவாதம் செய்யாதவருக்கு சொர்க்கத்தின் வெளிப்பகுதியில் வீடு கிடைக்கும். சொர்க்க அறைகளில் உள்ளிருந்து வெளியில் பார்க்க முடியும். வெளியிலிருந்தும் உள்ளே பார்க்க முடியும். 
ஒரு கிராமவாசி சொர்க்கத்தில் சுக வாழ்வு யாருக்குக் கிடைக்கும் என்று கேட்டார். அவருக்கு சொல்லப்பட்ட பதில். உயர்தரமான பேச்சைப் பேசுபவர், ஏழைகளுக்கு உணவு அளிப்பவர், நோன்பு நோற்பவர், இரவில் மனிதர்கள் உறங்கும் வேளையில் எழுந்து தொழுபவர், மக்களுக்கு நன்மை செய்பவர், வளியவர்களுக்கு உதவுபவர், நோயாளிகளை விசாரித்து வேண்டிய உதவிகளை விழைந்து செய்து நோய் தீர, இறைஞ்சுபவர்களுக்குச் சொர்க்கத்தில் சுகமாய் வாழும் உறைவிடம் உத்திரவாதம். 
வாழ்வின் இனிய துன்பங்களைச் சமமாக சகித்துக்கொண்டு அன்றாடப் பணிகளைத் தொய்வின்றி தொடர்பவர் அனைத்தும் அல்லாஹ்வின் அருள் என்ற நம்பிக்கையில் செயல்படுபவர் சொர்க்கத்தில் சுகமாய் வாழ்வர் என்று வான்மறை குர்ஆனின் 29}58, 59 ஆவது வசனங்களில் வாக்களிக்கிறான் அல்லாஹ்.
26}85 ஆவது வசனம் பாக்கியம் நிறைந்த சொர்க்கத்தின் வாரிசு உரிமைக்கு உரியவனாக என்னை ஆக்கி வைப்பாயாக என்று இறைவனை இறைஞ்ச இயம்பும் வண்ணம் அல்லாஹ்வைத் தொழுது தொடர்ந்த நற்செயல்களைச் செய்து செய்த செயல்களுக்கு உரிய பயனாய் பாக்கியம் நிறைந்த சொர்க்கத்தின் வாரிசுகளாக ஆகி சுகமாய் வாழ வல்லோன் அல்லாஹ் அருள்புரிவானாக.
- மு.அ. அபுல் அமீன்
 

]]>
http://images.dinamani.com/uploads/user/imagelibrary/2018/5/11/w600X390/v3.jpg http://www.dinamani.com/weekly-supplements/vellimani/2018/may/11/சொர்க்கத்தில்-சுக-வாழ்வு-2917677.html
2917676 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, May 11, 2018 10:42 AM +0530 • எவன் சித்தம் முற்றிலும் அமைதியாக இருக்கிறதோ; எவன் எல்லோரிடமும் மிருதுவாகவும் இனிமையாகவும் நடந்துகொள்கிறானோ; எவன் புலன்களை வென்றுவிட்டானோ; மனம் மொழி மெய் ஆகியவற்றால் எவரிடமும் பகையில்லாமல் எவன் இருக்கிறானோ; எவன் மனம் கருணையினால் உருகி ஓடுகிறதோ; எவன் திருட்டு, வன்முறைச் செயல்கள் ஆகியவற்றிலிருந்து எப்பொழுதும் விலக்கியிருக்கிறானோ; நற்குணங்களையே விரும்புபவனாகவும், பிறர் நன்மைக்கு உதவும் காரியங்களிலும் எவன் ஈடுபடுகிறானோ; எவனது வாழ்க்கை நல்ல காரியங்களையே செய்வதால் தூய்மையுடன் இருக்கிறதோ; எவன் பிறர் மகிழ்ச்சியைக் கண்டு தான் மகிழ்கிறானோ; எல்லா உயிர்களிடமும் இறைவன் வீற்றிருப்பதை உணர்வதனால் எவன் எவரிடமும் பொறாமையோ; பகைமையோ கொள்வதில்லையோ; ஏழை எளியோருக்கு இரங்குவதே எவனுடைய இயல்பாகிவிட்டதோ; எவன் பிறருக்கு உதவுவதிலேயே கருத்தாக இருக்கிறானோ; எவன் பிறரிடமுள்ள குணங்களைக் கண்டு மகிழ்ந்து; பிறர் குறைகளை மூடி மறைக்க விரும்புகிறானோ; எப்பொழுதும் இறைவனிடமே தன் உள்ளத்தைச் செலுத்தி எவன் இனிய மொழி பேசுகிறானோ; அவனே பக்தன்.
- ஸ்கந்த புராணம்

* கோயில்களிலும், மரங்களின் அடியிலும் வாசம் செய்தல்; மான்தோல் தரித்தல்; தரையில் படுத்தல்; பொருள் அனைத்தையும் கைவிடுதல்; பற்றுகள் எதுவுமின்றி இருத்தல்; இவை இன்பம் அளிக்கும் வைராக்கியங்கள். யோகாப்பியாசத்தில் இன்பம் காணலாம்; போகத்தில் இன்பம் காணலாம்; கூட்டத்தில் இன்பம் காணலாம்; ஏகாந்தத்தில் இன்பம் காணலாம். ஆனால் உறுதியான, குறைவற்ற இன்பமடைவது நம் உள்ளம் இறைவனிடம் இன்பம் பெறும்போதுதான்! 

* கீழே விழும் அங்கோல விதையானது, எப்படி மறுபடியும் மேலேறி, அங்கோல மரத்தையே பற்றிக்கொள்ளுமோ, எப்படிக் காந்தக்கல்லிடம் ஊசி இழுக்கப்
படுமோ, எப்படி மனைவி தமது கணவனிடம் அன்பு செலுத்துவாளோ, எப்படிக் கொடியானது மரத்தை விடாமல் சுற்றிக்கொள்ளுமோ, எப்படி நதி சமூத்திரத்துடன் இரண்டறக் கலந்துவிடுமோ அப்படி பசுபதியின் தாமரை திருவடிகளையடைந்து நம் மனோவிருத்தி அங்கேயே நிலைத்திருந்தால், அதுவே பக்தி என்று சொல்லப்படும்.

* பக்தன் பகவானையே பரம்பொருளாகக் கொண்டவன். அதனால் அவனிடத்திலேயே நாட்டம் உடையவனாக வாழ்கிறான். மனைவி, மக்கள், செல்வம் முதலியவற்றில் பற்று நீங்கியவனாகவும், எவ்வுயிரும் தன்னுயிர்போல் எண்ணி இரங்குபவனாகவும், தனக்குத் தீமை செய்பவர்களிடமும் பகைமை இல்லாதவனாகவும் வாழும் ஒருவன் பகவானை எளிதில் அடைகிறான்.

* உன்னுடைய குருவின் திருவடித் தாமரைகளைப் போற்றி, உலகத்திற்கு அடிமையாயிருப்பதிலிருந்து நீ உன்னை விடுவித்துக்கொள். புலன்களையும் மனதையும் அடக்கிப் பகவானை உன் இதயத்தில் பார்.
-ஆதிசங்கரர்

* உத்தம பக்தனைக் காண்பதும், அவனுடன் உரையாடுவதும்தான் பிறரைச் சுத்தமாக்கும். 

* உயர்ந்த பக்தர்கள் புனிதமான இடங்களுக்குப் புனிதமளிக்கிறார்கள், கர்மங்களை நற்கர்மங்களாகச் செய்கிறார்கள், சாஸ்திரங்களுக்கும் பெருமையளிக்
கிறார்கள்.
- நாரத பக்தி சூத்திரம்

]]>
http://images.dinamani.com/uploads/user/imagelibrary/2018/5/11/w600X390/v2.jpg http://www.dinamani.com/weekly-supplements/vellimani/2018/may/11/பொன்மொழிகள்-தொகுப்பு-சுவாமி-கமலாத்மானந்தர்-2917676.html
2917675 வார இதழ்கள் வெள்ளிமணி திருச்சுழியின் திருமகன்!   Friday, May 11, 2018 10:38 AM +0530 திருவண்ணாமலை திருத்தலத்தில் வந்து தங்கி இறையருள் பெற்ற ஞானியர் பலர். அவர்களுள் "மகான் ரமண மகரிஷியும் ஒருவர். தமிழ்நாட்டில் விருதுநகர்
மாவட்டம், அருப்புக்கோட்டை அருகில் சிறிய கிராமமான திருச்சுழியில் டிசம்பர் -30, 1879 -இல் வேங்கடரமணன் என்னும் ஸ்ரீ ரமண மகரிஷி அவதரித்தார். 
இளம் வயதில் தன்னூரிலும் பின்னர் திண்டுக்கல் மற்றும் மதுரையிலும் பாடம் பயின்ற வேங்கடரமணன் தன் உறவினர் ஒருவர் மூலமாக அண்ணாமலையாரைப் பற்றித் தெரிந்து கொண்டார். அதுமுதல் அண்ணாமலைக்குச் செல்ல வேண்டுமென்ற எண்ணத்துடன் இருந்து வந்தார். இந்நிலையில் 1986 -இல் அவருக்கு ஓர் அனுபவம் ஏற்பட்டது.
ஒருநாள் இறப்பு என்றால் என்ன என்ற கேள்வி அவர் மனதில் எழுந்தது. இந்த உடலுக்கும் அப்பாற் கூட "தான்' என்ற சொரூபத்தின் சக்தியும், தொனியும் இருப்பதை உணர்ந்தார். "தான்' தான், "ஆத்மா' -உடலுக்குள் கட்டுப்படாத ஒரு வஸ்து, என்ற முடிவுக்கு வருகிறார். 
இந்நிலையில் ஒரு நாள், சிறு தொகையுடன் ரயிலேறி விட்டார் அண்ணாமலையாரைக் காண்பதற்கு. பல இடங்களில் சுற்றித் திரிந்து இறுதியில் திருவண்ணாமலை வந்தடைந்தார். அப்பொழுது அவருக்கு எதுவும் தேவையாய் இருக்கவில்லை. தன் உடலில் இருந்த உடையை கிழித்து கெüபீணத்தைக் கட்டிக்கொண்டு மற்றெல்லாவற்றையும் வீசி எறிந்தார். அப்பன் அருணாசலேச்வரர் முன் நின்றார். ஆனந்த கண்ணீர் சொறிந்தார். இது அவருடைய ஆன்மீகப் பயணத்தின் முதல் கட்டம்.
ரமணர் தனது ஆற்றலை வெளிப்படையாக யாருக்கும் காட்டுவதில்லை. மெüனமே அவரது ஆசீர்வாதம். மெüனமே அவரது பேச்சு. வேங்கடரமணன், ரமண மகரிஷியாக அறியப்பட்டார்.
எளிமை மட்டுமல்ல, அன்பிலும் மகரிஷி நிறைகுடம்தான். காவி உடுத்தாத சந்நியாசியாய் இறுதிவரை வாழ்ந்தார். ஆசிரமத்தில் இருக்கும் நாய், அணில்களை "பசங்கள்' என்றே அழைப்பார். யாராவது அவைகளை விரட்டினால் அவருக்குப் பிடிக்காது. "அந்த உடல்களுக்குள்ளே எந்த எந்த ஆத்மாக்கள் உள்ளதோ...
பூர்வகர்மாவின் எந்தெந்த பாகத்தை முடிப்பதற்கு அவைகள் இப்பிறவி எடுத்தனவோ... பசங்களை (அவைகளை) விரட்டாதீர்கள்... !" என்பார் மகரிஷிகள்.
ரமணரின் உபதேசங்கள் மிகவும் எளிமையானதும் வலிமையாதுமாகும். 

• மௌனமாக இருப்பது மிகவும் நல்லது. அது ஒரு விரதம்தான். ஆனால் வாயை மட்டும் மூடிக்கொண்டு மனம் அலைபாய்ந்து கொண்டிருக்குமானால் அது
மௌனமாகாது. அதனால் எந்தப் பயனும் இல்லை. 

• "நான்' என்பது எங்கேயிருந்து புறப்படுகிறதோ அதை கவனித்தால் மனம் அங்கே ஒன்றிவிடும். 

• ஒரு மந்திரத்தை ஜபம் பண்ணும்போது மந்திரத்வனி (ஓசை) எங்கிருந்து புற்பபடுகிறது என்று கவனித்தால் மனம் அங்கே ஒன்றிணைகிறது. கரைந்து போகிறது.
அதுதான் தவம். 

• சாதனைக்கு தேவை சத்துவ உணவும் நல்ல சத்தங்கமுமே! மாமிச உணவு கட்டாயம் தவிர்க்கப்பட வேண்டியது. 

• கடவுளை ஒவ்வொருவரும் அவர்களுடைய இதயத்தில் தேடினால், கடவுளை எளிதில் காணலாம். 

• கர்த்தா ஒருவன். நாமெல்லாம் அவன் ஏவலுக்கு ஆட்பட்ட கருவிகளே! இதனை ஒவ்வொருவரும் உணர்ந்தால் பணிவு வராமல் போகாது. 

• தீமைகளைச் செய்யாதீர்கள். புதிய வாசனைகளைச் சேர்த்துக் கொள்ளாதீர். தேவையற்ற சுமைகளைச் சுமக்காமல் இருங்கள். 

• குருவே ஈசுவரன். ஈசுவரனே குரு. கடவுளே குருவாய் வரும் நிலையும் உண்டு. 

• ஆத்ம விசாரமே தவம், யோகம், மந்திரம், தவம் எல்லாம். ஒருவன் தான் யார் என்று அறிந்து கொள்ள அதுவே மிகவும் முக்கியம். 

• மகிழ்ச்சி என்பது மனிதனுக்குள்ளேயே இருப்பது தானேயன்றி, வெளியேயுள்ள வேறெவ்விதப் புறக்காரணங்களாலும் வருவதன்று.

• விதியை வெல்லவும் அதன் பிடியிலிருந்து விலகி நிற்கவும் இரு வழிகளே உண்டு. ஆன்மா விதியால் கட்டுப்படுவதில்லை என அறிதல் ஒரு வழி. இறைவனிடம் முழுமையாகச் சரணாகதி அடைந்து நிற்பது மற்றொருவழி. 

• ரமணர் முக்தி அடையும் கால கட்டத்தில் பக்தர்கள் கதறி அழுதனர். அப்போது "நான் எங்கு போக முடியும்? நான் இங்கு தான் இருக்கிறேன்" -இதுவே ரமணர்
கூறிய இறுதி பொன்மொழி.
1950-ஆம் ஆண்டு, ஏப்ரல், 14 ஆம் நாள், இரவு , உடல் பத்மாசனம் இட்டவாறே அமர்ந்திருக்க, அவரது உயிர் இயற்கையுடன் கலந்தது. அவருடைய தபோவனம்
இன்றும் திருவண்ணாமலையில் கிரிவல சுற்றுப்பாதையில் அமைந்துள்ளது. நூற்றுக் கணக்காணோர் தினமும் அங்கு வந்து பிரார்த்தனை செய்கின்றனர்.
அவருடைய ஆராதனை தினம் வரும் சித்திரை மாதம் 30 -ஆம் நாள் (மே-13 ) அனுஷ்டிக்கப்படுகிறது. 
-என். பாலசுப்ரமணியன்
 

]]>
http://images.dinamani.com/uploads/user/imagelibrary/2018/5/11/w600X390/v1.jpg http://www.dinamani.com/weekly-supplements/vellimani/2018/may/11/திருச்சுழியின்-திருமகன்-2917675.html
2913227 வார இதழ்கள் வெள்ளிமணி மலைக்கவைக்கும் மலையடிப்பட்டி மாலவன்!   DIN DIN Friday, May 4, 2018 10:58 AM +0530 புதுக்கோட்டை மாவட்டத்திலுள்ள திருமயம் குடைவரைத் கோயிலைப் போலவே சிவனுக்கும், விஷ்ணுவுக்கும் ஒரே குன்றின் மீது தனித் தனியே எழுப்பப்பட்டுள்ள இரு குகைக் கோயில் தான் மலையடிப்பட்டி கோயில்! இதே மாவட்டத்தில் குளத்தூர் தாலுக்கா திருவாலத்தூர் மலைப்பகுதியின் அடிவாரத்தில் காணப்படும் இக்கோயில் 9-ஆம் நூற்றாண்டு தொடக்கத்தில் பல்லவ மன்னன் நந்திவர்மன் (கி.பி. 799-846) கீழ் குறுநில மன்னனாக விளங்கிய விட்டேல் விடுகு முத்தரையன் எனப் பெயருடைய குவாவன் சாத்தான் என்ற மன்னனின் ஆட்சியில் கலை வல்லுனர்களால் கி.பி. 812- இல் உருவாக்கப்பட்டது. சிற்பக்கலை மற்றும் ஒவியக்கலை கட்டி நுணுக்கத்துடன் சிறந்து விளங்கும் இக்கோயில்களில் குடி கொண்டுள்ள இறை மூர்த்தங்களின் திருநாமங்கள் ஸ்ரீ கமலவல்லி நாயிகா ஸமேத ஸ்ரீ கண்நிறைந்த பெருமாள் மற்றும் ஸ்ரீ வடிவுடை நாயிகா ஸமேத ஸ்ரீ வாகீசுவர சுவாமி என்பதாகும். இது சைவ வைணவ ஒற்றுமைக்கு சிறந்த எடுத்துக்காட்டாகும்.
 தலச்சிறப்பு: வால்மீகி முனிவர் குகனை தோற்றுவித்த தலம். அது எவ்வாறு என்றால், இத்திருத்தலத்தில் பொலியும் சக்தி தீர்த்தத்தில் தர்ப்பை புற்கள் விளைந்துள்ளன . ஓர் இறை அவதாரத்திற்கு உரிய தெய்வீக சக்திகளை இங்குள்ள தர்ப்பைகள்மட்டும் தான் அளிக்க முடியும். அழிஞ்சில் மரமும், வில்வமரமும் ஒருங்கே செழித்துள்ள இத்திருத்தலம் செல்வவளங்களை அருளும் சிறப்புடையதாகும்.இங்குள்ள கற்பாறைகள் சகஸ்ரம்ருதள சக்திகளை இயற்கையாக பெருக்கும் சக்தி பெற்றவை. எனவே இத்தலத்தில் கிரிவலம்வந்து வணங்குவதால் பூர்வஜென்ம புண்ணிய சக்திகளை முழுமையாக பெற்று மங்கள வாழ்வு பெறலாம் என்பது பக்தர்களின் நம்பிக்கை யாகும். திவாகர மகரிஷி இழந்த தன் தவ வலிமையை பெருமாளின் அருளால் பெற்ற தலம்.

திருமால் ஆலய சிறப்பு: இத்திருக்கோயிலின் அமைப்பு திருவனந்தபுரம் பத்மநாப கோயிலைப்போல் அமைந்துள்ளது. இரண்டு தூண்களுக்கு நடுவில் அனந்த சயன மூர்த்தி பெருமாளை (சுமார் 32 அடி நீளம்) முகம், வயிறு, பாதம் என மூன்று விதமாக தரிசனம் செய்யலாம். கண் நிறைந்த பெருமாள் (ஒளிப்பதிவிஷ்ணு) என பக்தர்கள், வாத்சல்யத்துடன் போற்றி அழைத்து வணங்குகின்றனர். இங்கு வந்து பிரார்த்தனை செய்யும் அன்பர்களுக்கு பிரகாசமான பார்வையை கொடுத்து, செல்வத்தில் திளைக்கச்செய்து, உடலில் எந்த நோயுமில்லாமல், மனதில் சாந்தியையும், மகிழ்ச்சியையும் பெருக்கி, புத்திர பாக்கியத்தையும், சிறந்த படிப்பையும் கொடுத்து அனுகிரஹம் செய்கிறார்.
 அருள்மிகு கண்நிறைந்த பெருமாளுடன் திருமாமகளும், பிரம்மா, சிவன், கந்தர்வர்கள், மதுகடைபர்கள், தேவர்கள், திருமுடியுடன் கீழே திவாகர மஹரிஷி, திருவடியின் கீழே தஞ்சமடைந்த தக்ஷகிசுரன், அருகில் ஸ்ரீ லட்சுமி நாராயணர், ஸ்ரீ லட்சுமி ஹயக்ரீவர், ஸ்ரீ தேவி, பூதேவி சமேத வரதராஜப்பெருமாள், விஜய நரஸிம்மர், விஷ்வக்úஸனருடன் ஆழ்வார்கள், தனிக்கோயில் நாச்சியார், தீபஸ்தம்ப நாச்சியார், கருடன், பலிபீடம், தீபஸ்தம்பம் என அனைத்து சிறப்புகளையும் அமைத்து கொண்டிருக்கும் அற்புத ஆலயம் இது.
 இத்தலத்தில் வீற்றிருக்கும் பெருமாளுக்கு சாமந்தி, மஞ்சள் நிற மணம் உள்ள செவ்வந்தி போன்ற மலர்களால் அலங்கரித்து முதலில் பெருமாளின் திருப்பாதங்களுக்கு நேரே உள்ள தூணை தரிசனம் செய்ய வேண்டும். அதன் பின்னர் பெருமாளின் தலைக்கு நேர் எதிரே உள்ள தூணை தரிசனம் செய்ய வேண்டும். அதற்கு பிறகே பெருமாளை முழுமையாக தரிசிக்க வேண்டும், என்ற "மலர் ஸ்தம்ப வழிபாடு' என்பது இங்கு நிலவி வரும் மரபு. இவ்வாறு தரிசிப்போருக்கு மணம் கமழும் வாழ்வு மலரும் என்பது ஜதீகம்.
 சிவாலயச்சிறப்பு: இங்குள்ள சிவன் கோயில், திருமால் கோயிலைவிட காலத்தால் முற்பட்டது. திருவாலத்தூர் மலையைத் தனியாகக் குடைந்து நந்திவர்மன் சிவபிரதிஷ்டை செய்துள்ளான் என கல் வெட்டு குறிப்புகள் தெரிவிக்கின்றன. இறைவனுக்கு ஸ்ரீ வாகீசுவரர் என்று திருநாமம். இறைவி வடிவுடை அம்பாள் என அழைக்கப்படுகின்றாள்.
 இந்திய அரசு தொல்லியல் துறை மற்றும் தமிழ்நாடு அரசு இந்து சமய அற நிலையத்துறையைச் சார்ந்த இவ்விரு கோயில்களுக்கும் அஷ்டபந்தன மஹா கும்பாபிஷேகம் மற்றும் சம்ப்ரோக்ஷணம் மே 6- ஆம் தேதி ஞாயிறு அன்று காலை 10.15 மணி அளவில் நடைபெறுகின்றது. பூர்வாங்க ஹோமங்கள், பூஜைகள் மே 4-ஆம் தேதி ஆரம்பமாகிறது.
 புதுக்கோட்டை மாவட்டம், கீரனூரில் இருந்து கிள்ளுக் கோட்டை செல்லும் வழியில் சுமார் 17 கி.மீ. தொலைவில் அமைந்துள்ளது இந்த குகைக் கோயில்கள். திருச்சியிலிருந்து பேருந்து வசதி உள்ளது.
 - எஸ்.ஆர்.எஸ். ரெங்கராஜன்.
 

]]>
http://images.dinamani.com/uploads/user/imagelibrary/2018/5/4/w600X390/vm8.jpg http://www.dinamani.com/weekly-supplements/vellimani/2018/may/04/மலைக்கவைக்கும்-மலையடிப்பட்டி-மாலவன்-2913227.html
2913226 வார இதழ்கள் வெள்ளிமணி தோட்டுவா ஸ்ரீ தன்வந்திரி கோயில்!   DIN DIN Friday, May 4, 2018 10:56 AM +0530 பாற்கடலைக் கடைந்த போது, மஹாவிஷ்ணு ஆதி தன்வந்திரியாக அவதாரம் எடுத்தார். தன்வந்திரி ஆயுர்வேதத்தின் கடவுளாகக் கருதப்படுகிறார். தென்னிந்தியாவில் உள்ள தன்வந்திரி கோயில்களில், இது பிரசித்தமானது. இந்தியாவின் பல பாகங்களிலும் இருந்து ஆயிரக் கணக்கானோர் இந்தக் கோயிலுக்கு வருகிறார்கள். தங்களுக்கு வந்திருக்கும் நோய்கள் நீங்க வேண்டிக் கொள்கிறார்கள்.
 தன்வந்திரியின் ஆறு அடி உயர சதுர்பாஹு சிலை, வலது கையில் சக்ரமும், உயர்த்திய இடது கையில் சங்கும் வைத்திருக்கிறார். கீழ் நோக்கிய வலது கரத்தில் அம்ருத கலசமும், இடது கரத்தில் கீழே கெட்ட ரத்தத்தை அகற்ற அட்டையும் இருக்கும். தன்வந்திரி சுவாமி கிழக்கு நோக்கி நின்று பக்தர்களுக்கு அருள்பாலிக்கிறார்.
 புராண வரலாற்றின்படி, பரசுராமர் தான் இந்த தன்வந்திரி சிலையை இங்கு நிறுவினார் என்றும், பின்னர் கொரம்பூர் மனையைச் சேர்ந்த அந்தணக் குடும்பம் இதை நிர்வகித்துவரத் தொடங்கியது என்றும் கூறப்படுகிறது. தற்போது ஸ்ரீ தன்வந்திரி மூர்த்தி சேவா அறக்கட்டளை இந்தத் திருக்கோயிலை நிர்வகித்து வருகிறது.
 பல வகை நோய்களையும் குணப்படுத்த வல்லவர் தன்வந்திரி. எனவே புதிய சிகிச்சை தொடங்குபவர்கள், மருத்துவத்தில் தொடர்பு உடையவர்கள், இங்கே வந்து தன்வந்திரியின் ஆசிகளைக் கோருகிறார்கள். பஜனம் எனப்படும் ஏழு நாள் தொடர் பிரார்த்தனை செய்கிறார்கள். அவரவர் பிறந்த நாளன்று இங்கே வந்து தரிசனம் செய்கிறார்கள்.
 குணப்படுத்த முடியாத பல நோய்கள், இங்கே வந்து வேண்டிக்கொண்ட பிறகு குணமாவதாகத் தகவல்கள் உள்ளன. பல வருடங்களுக்கு முன்பு ஒருவருக்குத் தொழு நோய் வந்தது; அப்போது அதற்கு சிகிச்சை கிடையாது. இந்தக் கோயிலுக்கு அவர் வந்து வேண்டிக் கொண்டுள்ளார். 41 நாள்கள் இங்கே தங்கி, "தோட்டுவா தோடு' என்ற வாய்க்காலில் குளித்து வேண்டுதல் செய்துள்ளார். 42 -ஆவது நாளில் தொழு நோய் முற்றிலும் குணமாகிவிட்டதாக சொல்லப்படுகிறது.
 நவம்பர் மாத மத்தியிலிருந்து டிசம்பர் மாதக் கடைசிவரை (1 -ஆம் விருச்சிகம் முதல் 11 -ஆம் தனுர் மாதம் வரை) ஒரு மண்டலம் அனுசரிக்கப்படுகிறது. அப்போதுதான் அதிகபட்ச நோயாளிகள் இங்கே வருகின்றனர். கிழக்கு நோக்கிப் பாயும் தோட்டுவா தோடு வாய்க்காலில் குளித்துவிட்டு வேண்டிக்கொள்கிறார்கள். கார்த்திகை மாதத்து விருச்சிக நட்சத்திரத்தன்று, கோயிலின் ஆண்டு விழா மிகப் பெரிய அளவில் கொண்டாடப்படுகிறது. பத்து நாள்களுக்கு, சந்தனத்தால் தன்வந்திரி சிலையை ஒவ்வொரு நாளுக்கு ஒவ்வொரு அவதாரமாக, தசாவதாரத்தை வடிவமைக்கிறார்கள். பக்தர்களுக்குப் பரவசம் அளிக்கும் பத்து தினங்கள் இவை!
 "தோட்டுவா' கொச்சியிலிருந்து 15 கி.மீ. தொலைவில் இருக்கிறது. அருகே உள்ள ரயில் நிலையம் அங்கமாலி.
 தொடர்புக்கு: 484-2641485 / 99470 61970.
 - சாருகேசி
 
 

]]>
http://images.dinamani.com/uploads/user/imagelibrary/2018/5/4/w600X390/vm7.jpg http://www.dinamani.com/weekly-supplements/vellimani/2018/may/04/தோட்டுவா-ஸ்ரீ-தன்வந்திரி-கோயில்-2913226.html
2913223 வார இதழ்கள் வெள்ளிமணி யானையை தூக்கும் வலிமை கொண்ட யாளி மிருகம்!   Friday, May 4, 2018 10:55 AM +0530 சுசீந்திரம் கோயில் முன்வாயில் மண்டபத்தை இருபுறமும் தாங்கி நிற்கும் தூண்களில் யானையை தூக்கும் வலிமை படைத்த யாளி என்னும் மிருகத்தின் சிலைகள் இருப்பதைக் காணலாம்.
 யாளி என்ற இவ்வகை மிருகம் ஆப்பிரிக்க காடுகளில் முன்பு வாழ்ந்ததாகவும் இப்போது இந்த இனம் முற்றிலும் அழிந்துவிட்டதாகவும் ஆராய்ச்சி வல்லுநனர்கள் தெரிவிக்கின்றனர். திருக்கோயிலில் அநேக இடங்களில் சிற்பிகள் இதை வடித்துள்ளனர்.
 டைனோசர் போன்று யாளி என்ற மிருகமும் வாழ்ந்திருக்கலாம் என்று கருத முடிகிறது. சிங்கத்தின் முகத்தோடு யானையின் தும்பிக்கையும் அமைந்துள்ளதை சிலையில் காணமுடிகிறது. ஒரே கல்லில் வடிக்கப்பட்ட யாளியின் வாயினுள் பந்து போன்ற உருளைக்கல் உருண்டோடுவதை சிற்பி தன் திறமையில் காட்டியுள்ளார்.
 - நாஞ்சில் சு. நாகராஜன்
 

]]>
http://www.dinamani.com/weekly-supplements/vellimani/2018/may/04/யானையை-தூக்கும்-வமை-கொண்ட-யாளி-மிருகம்-2913223.html
2913225 வார இதழ்கள் வெள்ளிமணி கடைக்கண்களால் காத்தருளும் காமாட்சி!   DIN DIN Friday, May 4, 2018 10:54 AM +0530 சென்னை - ஊத்துக்கோட்டை சாலையில் சுமார் 50 கி.மீ தொலைவில் ஆரணி ஆற்றின் கரையில் உள்ளது கொசவன்பேட்டை. திருவள்ளூர் மாவட்டத்தில் பெரிய பாளையத்திற்கு அருகில் உள்ள இவ்வூர், குமாரபுரி என்று பழங்காலத்திலும் குமாரப்பேட்டை அல்லது குமரப்பேட்டை என்று இடைக்காலத்திலும், கொசவன்பேட்டை என்று தற்காலத்திலும் வழங்கப்படுகின்றது. ஆரண்யநதி வடகரையில் அமைந்துள்ள சிவத்தலங்களுள் பர்வதீஸ்வர சுவாமி கோயில் கொண்டுள்ள கிராமம் குமாரபுரி. ஆற்றின் மறுகரையில் ஆதிகேசவப்பெருமாள் கோயிலும், ஆறுமுருகனுக்கு தனித்திருக்கோயிலும் அமையப்பெற்றுள்ளது. இங்கு தனி முருகன் ஆலயம் அமையப்பெற்ற காரணத்தினால் இவ்வூர், "குமாரபுரி' என அழைக்கப்பட்டிருக்கலாம் என்ற கருத்தும் நிலவி வருகின்றது.
 கருவறையில் அழகிய லிங்கவடிவில் மேற்கு நோக்கி ஸத்யோஜாத மூர்த்தியாக இறைவன் விளங்குகின்றார். தொன்மையான வடிவம் சுமார் 5 அடி உயரத்தில் கம்பீரமாய் அழகிய பாணத்துடன், வேலைப்பாடுகள் அமைந்த ஆவுடையார் மேல், மயிலை கபாலீசுவரரை ஒத்த மூர்த்தியாக அருளுவது சிறப்பு. இறைவன் அழகிற்கு தான் ஒன்றும் சளைத்தவள் அல்ல என்று கூறாமல் கூறுவது போல் அம்பிகை சுமார் 6 அடி உயரத்தில் கம்பீரமாக புன்னகை ததும்பும் வதனத்துடன் தெற்குநோக்கி நின்ற கோலத்தில் அருளுகிறாள். சிரசில் கரண்ட மகுடம், மேற்கரங்களில் அங்குசம் பாசம் தாங்கி கீழிருகரங்களில் அபய வரத முத்திரையுடன் இடது காலை சற்று முன் வைத்து பெண்மைக்கே உரிய நளின பாவத்துடன், திரிபங்க நிலையில் அர்த்த பத்மபீடத்தில் நிற்கும் கோலம். இரண்டு கண்களின் அமைப்பு "மீனலோசனியோ' இவள் என்று கேட்கத்தோன்றும், சிற்பி கல்லில் வடித்த ஆபரணங்கள் நிஜ ஆபரணங்களை விட அழகு! மொத்தத்தில் ஆதிசங்கரர் தனது "சௌந்தர்யலஹரி' ஸ்தோத்திரத்தில் வர்ணித்துள்ள அம்பிகை ஸ்வரூபங்கள் இந்த அம்மனுக்கும் பொருந்தும்.
 ஆலய கட்டட அமைப்பை நோக்குங்கால் சோழர்காலத்திலேயே இங்கு இருந்திருந்து பின்னர் விஜயநகர - நாயக்கர் காலத்தில் கோயில் கட்டப்பட்டிருக்க வேண்டும் என ஊகிக்கப்படுகிறது. சுவாமி அம்பாள் சந்நிதிகளை அடுத்து உற்சவமூர்த்தி நடராஜர், சிவகாமி அம்மை, மணிவாசகப்பெருமானுடன் ஒரு சிறிய சபா மண்டபம் என்று கூறுமளவிற்கு சந்நிதி கொண்டுள்ளார். வெளிப்புறம் நந்திமண்டபம் பலிபீடம், கொடிகம்பத்துடன் காட்சி தருகிறது. நந்தி மண்டப விதானத்தில் கல்வெட்டுப் பொறிக்கப்பட்டுள்ளது. இந்த ஆலயத்தின் பழைமையை பறை சாற்றுகின்றது. நந்தி சந்நிதி, சிம்ம வாகன சந்நிதிகளின் முன் சாளரம் போன்ற சிறுதுவாரம் அமைந்துள்ளது. சாளரம் வழியாக இறைவன், இறைவியை தரிசிப்பது சாலச்சிறந்தது என்று ஆகமங்கள் குறிப்பிடுகின்றன. ஒரு சிலாலயத்திற்குரிய கோஷ்ட, பரிவார தெய்வங்கள், சந்நிதிகள்அமையப் பெற்றுள்ளன. சூரியபகவான், ஆஞ்சநேயர் தனிச்சந்நிதிகளில் அருளுகின்றனர். தற்போது இவ்வாலயத்தில் நூதன சனீஸ்வர பகவான் சந்நிதி கட்டப்பட்டுள்ளது. ஆலயம் நுழைந்தவுடனே நாம் முதலில் கோஷ்ட தெய்வமான விஷ்ணு துர்கையை தரிசிக்கலாம். அழகிய வேலைப்பாட்டுடன் அமைந்த வாகனங்கள் ஆலயத்திற்கு அழகு சேர்க்கின்றன.
 பர்வதீஸ்வர ஸ்வாமியை அமாவாசையன்று அபிஷேகம் செய்து வழிபட வழக்குகளில் வெற்றி, சண்டைச்சரவுகள், காரியத்தடைகள் நீங்கி காரியசித்தி உண்டாகும். திருமணம் கைகூட, கன்னிப்பெண்கள் இக்கோயிலுக்கு வந்து விளக்கேற்றி வழிபட நல்ல பலன்களை விரைவில் பெறலாம்.
 தினசரி வழிபாட்டு முறைகளிலும், உற்சவாதி விசேஷ தினங்களும் முறைப்படி பின்பற்றப்படுகின்றன. இருந்த போதிலும் இத்தலத்தில் நடக்கும் ஆருத்ரா தரிசன விழாவை குறிபிட்டுச் சொல்ல வேண்டும். திருவாதிரை நாளன்று அம்பலவாணர் திருவீதி உலா வரும் போது, வீட்டு வாசல்கள் தோறும் வண்ணங் கோலங்கள் மிளிரும். தங்கள் இல்லம் அருகில் வரும் போது காரைக்காலில் நடைபெறும் மாங்கனி திருவிழாவைப் போன்று இங்கும் மக்கள் தங்கள் மகிழ்ச்சியை வெளிப்படுத்தும் விதமாய் வாழை, ஆரஞ்சு, சாத்துக்குடி போன்ற கனிகளை வீட்டின் மேலிருந்து வீசுவர். பக்தர்களும் அதை இறைவனின் பிரசாதமாய் பெற்று மகிழ்வர். ஆருத்ரா முந்தைய 9 நாள்களும் திருவாசத்தேனை வழங்கிய மாணிக்கவாசகர் எழுந்தருளுவது தொன்றுதொட்டு வரும் வழக்கம்.
 இந்த அற்புத ஆலயத்தின் அஷ்டபந்தன மகா கும்பாபிஷேகம் இன்று (மே 4) காலை 6.00 மணிக்குமேல் நடைபெறுகின்றது. தொடர்ந்து மகாபிஷேகமும், திருக்கல்யாண உத்சவமும், திருவீதி உலாவும் நடைபெறும்.
 தொடர்புக்கு: 98409 63999 / 98940 67774.
 - எஸ்.வெங்கட்ராமன்
 

]]>
http://images.dinamani.com/uploads/user/imagelibrary/2018/5/4/w600X390/vm6.jpg http://www.dinamani.com/weekly-supplements/vellimani/2018/may/04/கடைக்கண்களால்-காத்தருளும்-காமாட்சி-2913225.html
2913224 வார இதழ்கள் வெள்ளிமணி சிங்கம்புணரி ஜயனார்!   DIN DIN Friday, May 4, 2018 10:50 AM +0530 இத்திருத்தலம் மகாசாஸ்தாவின் திருக்கோயிலாக விளங்கினாலும் லிங்க வடிவில் ஸ்தானுவாக விளங்கும் சுயம்பிராகேஸ்வரர் திருமேனியை சதாசிவ திருமேனியாக இத்தலத்துவாழ் சிவநெறி பெருமக்கள் போற்றுகின்றனர். 
பாண்டிய மாமன்னன் மதுரையிலிருந்து இத்தலத்திற்கு வரும்போது கானகமாக இருந்தது. இப்பகுதியில் அவன் இரண்டு சிங்கங்கள் ஆணும் பெண்ணுமாக இருந்த நிலையைக் கண்டான். 
பரசவமான அம்மன்னனுக்கு அத்தகு உருவில் இறைவன் அருள் செய்ததால் இத்திருத்தலம், "சிங்கம்புணரி' என்று அழைக்கப்பட்டது என்பது மரபு வழிச்செய்தி. சிம்மவாகினியாகிய பரமேஸ்வரி கோயில் கொண்ட தலம் என்பதால் சிங்கம்பிடாரி எனவும் அழைக்கப்பட்டது. 
இக் கோயில் மாடுகள் மிகவும் பிரசித்தி பெற்றது. நாட்டு மக்களுக்கு செல்லப்பிள்ளைகள் போல சிந்து சமவெளி நாகரீக பெருங்காளைகள் போல நீண்ட கொம்புகளும் திரண்ட உருவமும் தொங்கும் கழுத்து அமைப்பும் இவை சிங்கம்புணரி காளைகள் என்பதை சொல்லலாமலே விளங்கும். 
திருக்குளங்களுக்கு மேற்கே ரதங்கள், குதிரைகளை தாங்கிய மகாபூதங்களின் காட்சிகள், உட்பிரகாரம் கடந்து பிரவேசித்தால் வலிமை மிகுந்த குதிரைகளை தாங்கிய மகாகணங்கள், மேற்கு நோக்கி சூரியரும் சந்திரரும் காட்சி தருகிறார்கள். 
கம்பத்தடியை சரணாகதி செய்து உட்சென்றால் மூன்று சந்நிதிகள். தனித்தனி கருவறை, அர்த்த மண்டபம், மகாமண்டபம், தென்புறம் அருள்மிகு அடைக்கலம் காத்தார் சந்நிதி, வடபுறம் அருள்மிகு சுயம்பிராகேஸ்வரர் சந்நிதி, அருவுருவத் திருமேனியாக மூன்று வடிவிலும் உள்ளன. நடுவே அய்யன் பூரணா புஷ்கலா சமேதனாய் சேவுகப் பெருமாளாக வீற்றருந்து அருளுகிறார். 
எதிரே வடக்கு நோக்கிய கருப்பர் சந்நிதி ஏகாந்தமாக ஆயுத பணியாக உள்ளார். 
அர்த்தமண்டபம் வாயில்களுக்கு தெற்கே கொடிமரத்துடன் அன்னை சிங்கம்பிடாரி எட்டுக்கரத்துடன் சிம்மவாகனம் எதிர் நிற்க, மெய்சிலிர்க்க செய்யும் கம்பீர வடிவம். பிரகாரத்தின் கன்னி மூல விநாயகரும், அதன் வலது முன்புறமாக திருக்கல்யாண அலங்கார மண்டபமும், வடமேற்கில் தனிக்கோட்டமாக வள்ளி தேவசேனை சமேத சுப்பிரமணியரும், அதனை அடுத்து தெற்கு நோக்கி கரையக்கருப்பர், சப்தமாதர்கள், சங்கிலி கருப்பரும் உள்ளனர். 
அருள்மிகு சுயம்பிராகேஸ்வரர் சந்நிதி கோமுகி அருகே சண்டிகேஸ்வரர் வீற்றிருக்கிறார். ஈசான்ய மூலையில் யாக மண்டபமும் நவக்கிரகங்களும் உள்ளன. சுவாமிக்கு பின்புறம் பழைய திருவுருவம் உள்ளது. இக்கோயில் அதிக சக்தி பெற்றது. குல தெய்வமாகவும் வழிபடு தெய்வமாகவும் விளங்குகிறது. இக்கோயிலில் வைகாசியில் பெருந்திருவிழா காப்பு கட்டுதலுடன் தொடங்கி நடைபெறும். 
- பொ.ஜெயச்சந்திரன் 
 

]]>
http://images.dinamani.com/uploads/user/imagelibrary/2018/5/4/w600X390/vm5.jpg http://www.dinamani.com/weekly-supplements/vellimani/2018/may/04/சிங்கம்புணரி-ஜயனார்-2913224.html
2913222 வார இதழ்கள் வெள்ளிமணி இறைவனுக்கு உண்மையாக உழைப்போம்!   DIN DIN Friday, May 4, 2018 10:47 AM +0530 ஒரு பெரிய பேருந்து நிறுவனத்தில் நேர்மையான நடத்துநர் ஒருவரும் வேலைசெய்தார். ஒரு நாள் அந்த நடத்துநர் பணியில் இருந்தபோது பேருந்தில் அந்த நிறுவனத்தின் முதலாளியின் மகன் ஏறியுள்ளார். அந்த முதலாளியின் மகனிடம் டிக்கெட் எடுக்க அந்த நடத்துநர் வந்த போது, ""நான் இந்த பேருந்து முதலாளியின் மகன் என்பது உனக்குத் தெரியுமா?'' என்று கோபத்துடன் கேட்டார்.
 அந்த நடத்துநர் மிகவும் அமைதியாக ""தெரியும் அய்யா! ஆனால் பஸ்ஸில் பயணம் செய்யும் அனைவரிடமும் டிக்கெட் வாங்க வேண்டும் என்பது எனக்கு வழங்கப்பட்ட விதிமுறை. எனவே டிக்கெட் வாங்காவிட்டால் தங்களை இங்கேயே இறக்கி விட வேண்டியிருக்கும்'' என்றார். கோபமடைந்த பேருந்து நிறுவன முதலாளியின் மகன், அந்த நடத்துநரிடம் கோபமாக டிக்கெட் வாங்கி விட்டு பயணம் செய்துள்ளார்.
 நடந்த விஷயங்கள் அனைத்தையும் கேள்விப்பட்ட முதலாளி, ""என் மகன் என்று தெரிந்தும் டிக்கெட் எடுக்கச் செய்த அந்த நடத்துநரை நாளை அலுவலகத்தில் வந்து என்னைப் பார்க்கச் சொல்லுங்கள்'' என்று உத்தரவிட்டிருந்தார்!
 அன்று இரவு மிகவும் கவலையோடு வீட்டுக்கு வந்த அந்த நடத்துநர் தனது ஏழைத் தாயின் மடியில் தலை சாய்த்துக் கொண்டு, தனது அம்மாவிடம் நடந்த அனைத்தையும் கூறியுள்ளார். அந்த ஏழைத் தாய் சொன்னார்கள் "மகனே, உண்மையுள்ள மனுஷன் பரிபூரண ஆசீர்வாதங்களைப் பெறுவான் என்று நீதிமொழிகள் 28:20-இல் கூறப்பட்டுள்ளது போல, எந்த நிலை வந்தாலும் கடமையை நேர்மையாகச் செய், மற்றதைக் கடவுள் பார்த்துக் கொள்வார்' என்று!
 மறுநாள் அம்மா தனக்கு கொடுத்த தைரியத்துடனும் சிறு பயத்தோடும் முதலாளியின் அறைக்கு சென்ற நடத்துநரை, மிகவும் அன்பாகத் தன்னோடு அணைத்துக் கொண்ட முதலாளி "இன்றிலிருந்து என் பஸ் கம்பெனியின் செக்கிங் இன்ஸ்பெக்டர்-ஆக உன்னை நியமிக்கிறேன்! முதலாளியின் மகன் என்று கூட பார்க்காமல் உனது கடமையைச் சரியாகச் செய்த உன்னைப் போன்றவர்கள் தான் இங்கே அதிகாரியாக இருக்க வேண்டும்'' என்று அவர் கூறினாராம்.
 வேதாகமத்தில் மோசேயிடம் அவர் மாமா ஓர் ஆலோசனை வழங்குவார். அதாவது, ஜனங்கள் எல்லாருக்குள்ளும் தேவனுக்குப் பயந்தவர்களும் உண்மையுள்ளவர்களும் பொருளாசையை வெறுக்கிறவர்களுமான திறமையுள்ள மனிதரைத் தெரிந்துகொண்டு, அவர்களை ஆயிரம் பேருக்கு அதிபதிகளாகவும், நூறுபேருக்கு அதிபதிகளாகவும், ஐம்பதுபேருக்கு அதிபதிகளாகவும், பத்துப்பேருக்கு அதிபதிகளாகவும் ஏற்படுத்தும்- என்று. (யாத்திராகமம் 18:21)
 "ஆளைப் பார்த்து வேலை செய்வதும், அதிகாரங்களைக் கண்டு நேர்மையைக் கைவிடுவதும், அல்லது கண்டு கொள்ளாமல் நமக்கென்ன நம்ம குடும்பம் வாழ்ந்தால் போதும் என்று அவர்களுக்குக் வேலை செய்கிறவர்கள் சுயநலவாதிகள்.
 நேர்மையாகத் தங்களது பணியைச் செய்பவர்களை பணிசெய்ய விடாமல் தங்களது அதிகாரத்தை பயன்படுத்தி தடை செய்பவர்கள், உள்ளுக்குள் சமாதானத்தை இழந்து வாழும் பரிதாபத்துக்குரியவர்கள்! யார் பார்த்தாலும், பார்க்காவிட்டாலும் தேவன் நம்மைப் பார்க்கிறார் என்று தங்கள் கடமையை நேர்மையாகச் செய்பவர்கள், என்றுமே கெட்டுப் போனதாக வரலாறுகள் இல்லை! பாரபட்சம் இல்லாமல் நேர்மையாக உழைப்போம்! கடமையைத் துணிவோடு செய்வோம்! தேவன் நம்மை ஆசீர்வதிப்பார்.
 - ஒய்.டேவிட் ராஜா
 
 
 

]]>
http://images.dinamani.com/uploads/user/imagelibrary/2018/5/4/w600X390/vm4.jpg http://www.dinamani.com/weekly-supplements/vellimani/2018/may/04/இறைவனுக்கு-உண்மையாக-உழைப்போம்-2913222.html
2913221 வார இதழ்கள் வெள்ளிமணி நிகழ்வுகள்   DIN DIN Friday, May 4, 2018 10:45 AM +0530 திருப்பணி
யாகத்துக்கு அதிபதியாகிய சிவபெருமானை அழைக்காமல் யாகம் செய்த தக்கனை எதிர்த்து தட்டிக்கேட்ட தாட்சாயினி தீக்குள் புகவும் இதை கேள்விப்பட்ட சிவபெருமான் கோபம் கொண்டு வீரபத்திரரையும் பத்திரகாளியையும் உருவாக்கி யாகத்தை அழிக்க அனுப்புகிறார். அதன்படி அவர்களும் யாகத்தை அழித்து தக்கனின் சிரம் கொய்கின்றனர். இருப்பினும் இறவா வரம் பெற்ற தக்கன், உண்மை உணர்ந்து சிவலிங்கத்தை நிறுவி வழிபட்ட திருக்கோயிலே காஞ்சிபுரம், மேல்பிள்ளையார்பாளையம், அருள்மிகு தக்கீஸ்வரர் திருக்கோயில் ஆகும். இத் திருக்கோயிலில் கும்பாபிஷேகம் நடைபெற வேண்டி தற்போது திருப்பணி வேலைகள் நடைபெற்று வருகின்றன. பக்தர்கள் இத்திருப்பணியில் பங்கு கொண்டு ஈசனருள் பெறலாம்.
தொடர்புக்கு: 93453 15099 / 96779 50749.
••••••••••••••
மதுரை, அனுப்பானடியில் 80 ஆண்டுகளுக்கு முன்பு ஜீவ சமாதி அடைந்த ஞான சத்குருவான ஸ்ரீமத் பூரணானந்த சுவாமிகள் மடாலயமானது தற்போது மிகவும் சிதிலமடைந்த நிலையில் காணப்படுகிறது. மடாலயத்தைப் புதுப்பிக்கவும் தியான மண்டபம், அன்னதான கூடம் கட்டவும் திருப்பணிகள் நடைபெறுகின்றன. பக்தர்கள் இத்திருப்பணியில் பங்கு கொண்டு நலம் பெறலாம்.
தொடர்புக்கு: 98409 57165.
••••••••••••••
தஞ்சாவூர் மாவட்டம், திருவையாறு ஸ்ரீ ஐயாறப்பர் திருக்கோயிலில் புதியதாக சுமார் 18 அடி உயரத்தில் அழகிய சிற்ப வேலைப்பாடுகளுடன் கூடிய திருத்தேர் செய்ய தருமையாதீனம் ஸ்ரீலஸ்ரீ குருமகா சந்நிதானம் திருவுளம் கொண்டு அதற்கான திருப்பணி வேலைகள் நடைபெறுகின்றன.
தொடர்புக்கு: 04362 260332.
••••••••••••
தூத்துக்குடி மாவட்டத்தில் தென்காளஹஸ்தி என்று அழைக்கப்படும் ராஜபதி அருள்மிகு ஸ்ரீ சௌந்திர நாயகி சமேத ஸ்ரீ கைலாசநாதர் திருக்கோயிலில் (நவ கயிலாயத்தில் கேதுபகவான் வணங்கிய தலம்) ஏழு நிலை ராஜகோபுரம் திருப்பணி நடைபெறுகிறது. பழைமையான இத்திருக்
கோயில் திருப்பணியில் பக்தர்கள் பங்குகொண்டு இறையருள் பெறலாம்.
தொடர்புக்கு: 98422 63681.
ஆன்மிக நற்சிந்தனை கருத்தரங்கம்
காஞ்சிபுரம் மாவட்டம், கூடுவாஞ்சேரி, ஆதனூர், 
கிருஷ்ணபுரி அருள்மிகு திரிபுர சுந்தரி அம்மன் உடனுறை அருள்மிகு திருநீலகண்டேசுவரர் திருக்கோயிலில் ஆன்மிக நற்சிந்தனை கருத்தரங்கம், மே 12 - ஆம் தேதி, காலை 8.30 மணி அளவில் நடைபெறுகின்றது. 
தொடர்புக்கு: 94446 08678/ 80562 42046.
 

]]>
http://www.dinamani.com/weekly-supplements/vellimani/2018/may/04/நிகழ்வுகள்-2913221.html
2913220 வார இதழ்கள் வெள்ளிமணி நல்லுணவு நல்குபவனுக்கு நன்றி   DIN DIN Friday, May 4, 2018 10:44 AM +0530 "அல்லாஹ்வின் அருளை நீங்கள் கணக்கிட்டால் அவற்றை உங்களால் எண்ண முடியாது'' என்ற எழில்மறை குர்ஆனின் 16-18 ஆவது வசனப்படி எண்ணி கணக்கிட இயலாத இறைவனின் அருள்களில் அளப்பரிய ஒன்று உணவு. உலகில் வாழ அடிப்படை ஆதார சுருதியாய் உடலை வலுவடைய வைக்கும் உணவு ஆற்றலைத் தருகிறது; ஆக்கத்தினைப் பெருக்குகிறது; ஊக்கமாய் செயல்பட வைக்கிறது; தேக்கம் இல்லாது தேடி பொருளீட்ட புத்துணர்ச்சியை நித்தமும் தருகிறது என்பதைச் சிந்தித்து இறைவனுக்கு நன்றி செலுத்த வேண்டும். அல்லாஹ் உங்களுக்கு அளித்தவற்றில் அனுமதிக்கப்பட்ட நல்லவற்றை உண்ணுங்கள். நீங்கள் நம்பும் அல்லாஹ்வை அஞ்சுங்கள் என்ற 5-88 ஆவது வசனத்தில் இறை நம்பிக்கையுடையோர் இறைவன் உண்ண சொன்னதிலும் நல்லவற்றை என்பது அவரவர் உடலுக்கு ஏற்ற உடலுக்கு ஒத்து கொள்ளுவது ஆகும். அதுபோல அல்லாஹ்வை அஞ்சுவது என்பது இறைவனின் கட்டளைகளுக்குக் கட்டுண்டு உண்ண கொடுத்த இறைவனுக்கு நன்றி நவின்று வணங்குவதைக் குறிக்கிறது.
 மக்கத்து குறைஷிகள் கஅபாவிற்கு வரும் புனித பயணிகளுக்கு செய்யும் சேவையிலும் பயமற்று குளிர்காலத்தில் ஏமனுக்கும் கோடையில் ஷாமுக்கும் சென்று வணிகம் புரிந்து ஈட்டும் பொருளால் உணவுண்டு வளமாய் வாழ்வதற்கு வழிசெய்த கஅபாவிற்கு காவலனான அல்லாஹ்விற்கு நன்றி நவின்று வணங்க வலியுறுத்துவதே 106- 3,4 -ஆவது வசனங்கள்.
 உணவு உற்பத்தியாவதையும் அதன் தனி தன்மைகளையும் சிந்தித்து உணவின் தேவைகளையும் அவசியத்தையும் உரிய வகையில் உணர்ந்து கொள்ள 80-24 முதல் 32 வரை உள்ள வசனங்கள் உரைக்கின்றன. "" நாமே மழையைப் பொழிய வைத்து பூமியைப் பிளந்து வித்துக்கல் முளைத்து வளர வைக்கிறோம். திராட்சை கனியையும் பிற காய்கறிகளையும் ஜைத்தூன் பேரீட்சை மரங்களையும் அடர்ந்த தோப்புகளையும் கனிவர்க்கங்களையும் புற்பூண்டுகளையும் உங்களுக்கும் உங்களின் கால்நடைகளுக்கும் பயனளிக்க வெளிப்படுத்துகிறோம்.''
 பல்வேறு வடிவங்களிலும் நிறங்களிலும் உணவை உற்பத்தி செய்து மனிதனுக்குத் தருபவன் அல்லாஹ். விவசாய நிலத்திலும் பல்வேறு சுவையுள்ள தனிதன்மைகளைக் கொண்ட உணவு உற்பத்தியாவதைக் காண்கிறோம். ஓரே வடிவத்தில் பல்வேறு சுவைகளைக் கொண்ட உணவுகளையும் அன்றாடம் காண்கிறோம். ஜைத்தூன் எனப்படும் ஆலிவ் கொட்டைகள், மாதுளை பழங்களையும் ஜைத்தூன் கொட்டைகளிலிருந்து ஆலிவ் எண்ணெய் எடுப்பதையும் காண்கிறோம்.
 கடலின் மூலமும் மனிதனுக்கு உணவளிப்பதை உரைக்கிறது 16-14 ஆவது வசனம். ""அவன்தான் நீங்கள் மீன்களைப் பிடித்து உண்ணவும் நீங்கள் ஆபரணமாக அணியக்கூடிய பொருள்களை எடுத்துக் கொள்ளவும் கடலை வசதியாக்கி வசமாக்கித் தந்த அல்லாஹ் மனிதர்களுக்காக கால்நடைகளையும் படைத்தான். கால்நடைகளிலும் பயனுள்ளவை பல உள்ளன. அவற்றில் சிலவற்றை உண்ணவும் அனுமதித்தான்.
 நமக்குக் கிடைக்கும் உணவுகளுக்காக அல்லாஹ்விற்கு நன்றி செலுத்துவது நம் கடமை. இறைவன் நன்றி செலுத்த செப்பும் 34-15 ஆவது வசனம், ""இறைவன் உங்களுக்கு அருளியவற்றை உண்டு அவனுக்கு நன்றி செலுத்துங்கள்'' இப்ராஹீம் நபி நவின்ற நன்றியை 26-71 ஆவது வசனம் இயம்புகிறது. "" அல்லாஹ்வே எனக்குப் பருகவும் உண்ணவும் தருகிறான்''. இப்ராஹீம் நபி படுக்கைக்குச் செல்லுமுன் நன்றி நவிலும் பொழுது முதன் முதலில் உணவைக் குறிப்பிடுவார்கள். உணவின் முக்கியத்துவத்தை உணர்ந்து உணவு தந்த தக்கோன் அல்லாஹ்விற்குத் தக்கபடி நன்றி நவில வேண்டும்.
 உணவை உதாசீனப் படுத்தக் கூடாது. அளவு மீறாது உண்டு பருகி உண்ண தந்தவனைத் தாழ்ந்து பணிந்து வணங்கிடவும் வீண் விரயம் செய்பவர்களை அல்லாஹ் நேசிப்பதில்லை என்பதையும் நினைவுறுத்துகிறது 7-31 ஆவது வசனம். இறைத்தூதர் இனிய நபி (ஸல்) அவர்கள் ஒரு பருக்கையையும் வீணாக்காது உண்பதை உரைக்கிறார் அனஸ் (ரலி). உணவின் எப்பகுதியில் பாக்கியம் இருக்கிறது என்பதை நாம் உணரமாட்டோம். அதனால் உணவில் ஒரு சிறு பகுதியையும் வீணாக்கக் கூடாது என்ற கோமான் நபி (ஸல்) அவர்களின் அறிவுரையை அஹ்மது நூலில் காணலாம்.
 இறைவனுக்கு நன்றி செலுத்துவதில் ஒரு வகை உணவைப் பசித்தவர்களுக்குப் பகிர்ந்து கொடுப்பது. உணவை வீணாக்காது உண்ணும் உன்னத பழக்கத்தைப் பிள்ளைகளுக்குக் குழந்தை பருவத்திலிருந்தே கற்றுக் கொடுக்க வேண்டும். ஒவ்வொரு விருந்திலும் வீணாகும் உணவைப் பார்க்கும் பொழுது உள்ளம் பதறுகிறது. ஒவ்வொரு ஊரின் ஒரு பகுதியில் உணவு வங்கி ஏற்படுத்தி அதிகமான உணவுகளை உடனுக்குடன் பெற்று பசித்தோருக்குப் பரிமாற வேண்டும். இப்பணி நல்லுணவு நல்கும் அல்லாஹ்விற்கு நவிலும் நன்றியும் ஒன்றிய வணக்கமும் ஆகும்.
 - மு.அ. அபுல் அமீன்
 

]]>
http://images.dinamani.com/uploads/user/imagelibrary/2018/5/4/w600X390/vm3.jpg http://www.dinamani.com/weekly-supplements/vellimani/2018/may/04/நல்லுணவு-நல்குபவனுக்கு-நன்றி-2913220.html
2913219 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, May 4, 2018 10:42 AM +0530 • எந்த மனிதனிடம் சத்தியம், சாந்தம், புலனடக்கம், தைரியம், உறுதி, சோம்பலின்மை, வியப்பின்மை, ஆசையின்மை, சமபுத்தி போன்ற நற்குணங்கள் இருக்கின்றனவோ, அவனிடம் அகில உலகமும் நிலைபெற்றுவிட்டன. அத்தகைய மனிதனால் கோடி கோடி குலங்கள் கடைத்தேறும். அவன் உடலில் இறைவன் கோயில்கொண்டு வருகிறார்.

• எந்த மனிதன் தன் பெற்றோருக்குப் பணிவிடை செய்வதையே தன் முதல் கொள்கையாகக் கருதிச் செய்கிறானோ, எந்தப் பெண் மனஒருமையுடன் தன் கணவனுக்குச் சேவை செய்கிறாளோ, எந்த வியாபாரி உண்மையே பேசியும் நாணயம் தவறாமல் நடந்தும் வருகிறானோ, எந்த மனிதன் தன் புலன்களை அடக்கியாள்கிறானோ, அவனிடமே இறைவன் இருக்கிறார். 
- பத்ம புராணம்

• நீங்கள் பரம்பொருள். நீங்கள் பரமஒளி வடிவமாக இருக்கிறீர்கள். மங்களமானவற்றுள் மிக்க மங்களமானவர் நீங்கள். எண்ணற்ற நற்குணங்களை நீங்கள் கொண்டிருக்கிறீர்கள். எல்லா மந்திரங்களுக்குள்ளும் மறைவான உட்பொருளாக இருக்கிறீர்கள்.

• நீங்கள் அனைத்தையும் தாங்குபவர், எல்லா உயிர்களுக்கும் உயிராய் இருப்பவர். நீங்கள் பாதுகாப்பவர், இன்பத்திற்கும் உறைவிடமாக இருக்கிறீர்கள். நீங்கள் கர்த்தாவாகவும், நித்தியராகவும் படைப்பவராகவும், பகைவரை நித்தியமாக வெல்பவராகவும் இருக்கிறீர்கள்.

• நீங்கள் பக்தர்களிடம் நன்றி உடையவர். பக்தர்களுக்கு வரம் அளிக்கிறீர்கள். நீங்கள் மெய்ப்பொருளாகவும், புகழாகவும், நல்லவர்கள்மீது தாயன்பு உடையவர்களாகவும், எல்லையற்ற பிறிவிகளிலிருந்து கரையேற்றுபவராகவும், அறிய இயலாதவராகவும், எல்லா உயிர்களின் நலத்திலும் ஈடுபட்டவராகவும் இருக்கிறீர்கள்.
- ஸ்கந்த புராணம்

• எவராலும் இறைவனை ஸ்தாபிக்கவோ, உருவம் அளிக்கவோ முடியாது. அவன் தானே ஆகியிருப்பவன் தான் தோன்றி நிரஞ்ஜனன் (மாசற்றவன்). அவனை வழிபட்டவனைப் புகழ் தேடி வந்து அடைகிறது. இத்தகைய குணக் கடலான இறைவனின் புகழைப் பாடுவோம். 
- குருநானக்

• இறைவன் அருள் இல்லை என்றால், ஒரு சிறிய காரியத்தைச் செய்வதுகூட ஒரு பெரும் கஷ்டமாகிவிடும்.
- சாணக்கியன்

• கடவுளை நம்பினோர் கைவிடப்படார். அவனன்றி ஓரணுவும் அசையாது. 
- பழமொழி

• ஆத்மாவை தூய்மைப்படுத்தும் தொழிலைச் செய்யுங்கள். அதில் விழிப்போடு இருங்கள். ஆத்மசிந்தனையோடு இருங்கள். முக்தியில் கருத்துச் செலுத்துங்கள்.
- மஹா பரிநிர்வாண சூக்தம்

• பக்தன் உள்ளும் புறமும் எப்போதும் பரிசுத்தமானவன். அவனுடைய மனம், புத்தி, வாக்கு, செயல் எல்லாம் எப்போதும் பகவானிடம் நிலைபெற்று நிற்பதால், பக்தன் இருக்கும் இடமும், அவனைச் சூழ்ந்த காற்றும், நீரும் கூடப் பரிசுத்தமானவைதான்.
- நாரத பக்தி சூத்திரம் 


 

]]>
http://images.dinamani.com/uploads/user/imagelibrary/2018/5/4/w600X390/vm2.jpg http://www.dinamani.com/weekly-supplements/vellimani/2018/may/04/பொன்மொழிகள்-தொகுப்பு-சுவாமி-கமலாத்மானந்தர்-2913219.html
2913218 வார இதழ்கள் வெள்ளிமணி பிரச்னைகளை விரட்டும் வக்கிரகாளியம்மன்!   Friday, May 4, 2018 10:39 AM +0530 மனநிம்மதி வேண்டி வரும் பக்தர்களுக்கு வேண்டும் வரம் அருளும் அற்புத தெய்வமாக திருவக்கரை வக்கிரகாளியம்மன் விளங்குகிறாள். இத்திருக்கோயில் விழுப்புரம் மாவட்டம் வானூர் ஒன்றியம் திருவக்கரை கிராமத்தில் அமைந்துள்ளது. இங்கு, வக்கிரகாளியம்மன் தனது வலது காதில் சிசுவினை குண்டலமாக அணிந்தவாறும் எட்டுத் திருக்கரங்களுடன் பகைவர்களின் தலைகளை மார்புக் கச்சையாக அணிந்தவாறும் உருண்ட விழிகளுடன் பக்தர்களுக்கு காட்சியளித்து அருள்பாலிக்கிறாள்.
 வக்கிராசூரன் என்னும் அரக்கன் சிவபெருமானை வேண்டி பூஜை செய்து சாகா வரம் பெற்றான். தான் பெற்ற வரத்தின் காரணமாக மமதை கொண்டு தேவர் முதலானோரை கொடுமை செய்து வந்தான். அவனது கொட்டத்தை அடக்க வேண்டி, தேவர்கள் சிவனிடம் முறையிட்டனர். சிவபெருமான் வைகுண்ட வாசனான மஹாவிஷ்ணுவை அழைத்து வக்கிராசூரனை வதம் செய்யும்படி கூறினார். விஷ்ணுவும் அவ்வாறே சூரனுடன் போரிட்டார். தனது சக்ராயுதத்தை வக்கிராசூரன் மீது பிரயோகம் செய்து அவனை அழித்தார். வக்கிராசூரனின் தங்கையான துன்முகியும் தன் அண்ணனைப் போலவே கொடுஞ்செயல் புரிந்து வந்தாள். அரக்கியான அவளை வதம் செய்ய சிவபெருமான் பார்வதியிடம் கூறவும் பார்வதி தேவியும் துன்முகியை வதம் செய்ய முயன்றார்.
 ஆனால் துன்முகி அப்போது கருவுற்றிருந்தாள். சாஸ்திரமுறைப்படி கர்ப்பிணியையோ அல்லது சிசுவையோ வதம் செய்யக் கூடாது என்பதால் அகிலாண்ட நாயகியான பார்வதி தேவி துன்முகியின் வயிற்றைக் கிழித்து அவள் வயிற்றிருந்த சிசுவை தனது வலது காதில் குண்டலமாக அணிந்துகொண்டு அரக்கியான துன்முகியை வதம் செய்தார். வக்கிராசூரனின் தங்கையை வதம் செய்து அழித்ததால் வக்கிரகாளியம்மனாக அந்த இடத்திலேயே அமர்ந்து பக்தர்களுக்கு அருள்பாலிக்கிறார் என்பது இவ்வாலய வரலாறு ஆகும்.
 இத்திருத்தலத்தின் மூலவர் அருள்மிகு சந்திரமௌலீஸ்வரர். மூலநாதனான சந்திரமௌலீஸ்வரர் மும்முக லிங்கமாக காட்சியளிக்கிறார். திருநீரை பூசிய கோலத்தில் வெண்பிறை வேந்தன் நமக்கு கிழக்கே தட்புருட முகம், வடக்கு வாமதேவ முகம், தெற்கே அகோர முகத்துடனும் மும்முகலிங்கமாக காட்சியளிக்கிறார். இதனால் வக்கிர லிங்கம் என்று பெயர் பெற்றார்.
 கருவறையின் பின்புறம் மேற்கு நோக்கி வரதராஜ பெருமாள் நின்ற கோலத்தில் தனித்துக் காட்சியளிக்கிறார். மேலும் 1008 லிங்கங்களை உள்ளடக்கிய சகஸ்ரலிங்கமும் இங்கு உள்ளது. கருவறைக்கு தென்திசையில் கோயில் வளாகத்தில் குண்டலி மாமுனிவர் என்னும் சித்தர் ஜீவசமாதி உள்ளது.
 பொதுவாக, எல்லா கோயில்களிலும் சனிபகவான் வாகனமான காகம் அவருக்கு வலப்புறமாக இருப்பது வழக்கம். ஆனால் இங்கு வழக்கத்திற்கு மாறாக சனிபகவானுடைய இடது புறத்தில் அமைந்து வக்கிரமாகக் காட்சியளித்து வக்கிர சனிபகவானாக உள்ளார். இக்கோயிலில் உள்ள சுவாமிகளின் சந்நிதிகள் வெவ்வேறு திசைகளை நோக்கியவாறு வக்கிரமாக உள்ளன.
 வக்கிரகிரகங்களினால் வாழ்க்கையில் பாதிக்கப் பட்டவர்கள் இக்கோயிலை வலம் வருவதால் வக்கிர கிரகங்களின் தொல்லைகளும் துன்பங்கும் நீங்கப் பெற்று வாழ்க்கையில் பயன் அடைவர். அமாவாசை, பௌர்ணமி விழாக்காலங்களில் வக்கிர காளியம்மனை சந்தனக்காப்பு அலங்காரத்துடன் காணும் காட்சி கண்கொள்ளாக் காட்சியாகும்.
 தவிர, பௌர்ணமி தினத்தில் இரவு 12.00 மணிக்கும் அமாவாசையில் பகல் 12.00 மணிக்கும் இங்கு காட்டப்படும் ஜோதி தரிசனம் நிகழ்ச்சி மிகவும் பிரசித்தி பெற்றதாகும். வக்கிரகாளியம்மனை தொடர்ந்து இடைவிடாது மூன்று மாத பௌர்ணமி நாள்களில் தரிசனம் செய்து வந்தால் எண்ணிய காரியங்கள் கைகூடும் என்று பக்தர்கள் கருதுகின்றனர்.
 - எல். நஞ்சன்
 
 

]]>
http://images.dinamani.com/uploads/user/imagelibrary/2018/5/4/w600X390/vm1.jpg http://www.dinamani.com/weekly-supplements/vellimani/2018/may/04/பிரச்னைகளை-விரட்டும்-வக்கிரகாளியம்மன்-2913218.html
2908023 வார இதழ்கள் வெள்ளிமணி சீர்மிகு வாழ்வருளும் சித்ரா பௌர்ணமி! - ரஞ்சனா பாலசுப்ரமணியன் Friday, April 27, 2018 12:00 AM +0530 முழு நிலவன்று, நிலாச் சாப்பாடு சாப்பிடுவது அந்த கால பழக்கம்! சந்திரன் பூரண கலைகளுடன் விளங்கும் பெளர்ணமி தினங்களில் அம்பிகை வழிபாடு மிகவும் சிறப்பானது என்று சித்தர் பெருமக்கள் தங்கள் நூல்களில் குறிப்பிட்டுள்ளனர். ஸ்ரீசக்ர நாயகியான அம்பிகை பதினாறாவது நித்தியையாக, மகா திரிபுரசுந்தரியாக, லலிதாபரமேஸ்வரியாக பூரண பிரகாசத்துடன் பெளர்ணமியன்று காட்சி தருவதாக புராணங்களும் சாஸ்திரங்களும் கூறுகின்றன. அன்று தேவியைப் பூஜித்து வழிபட்டால் குடும்பத்தில் 
சுபிட்சம் உண்டாகும். 

பெளர்ணமி அன்று உபவாசம் இருந்து அம்பிகையை வழிபடுவது மிகவும் சிறப்பு. அம்பிகையின் இருப்பிடமாக பூர்ண சந்திரனை குறிப்பிடுகிறது ஸ்ரீ லலிதா சகஸ்ரநாமம். அதனால் அம்பிகையை பெளர்ணமி சந்திரனில் இருப்பதாகப் பாவித்து பூஜித்தால் அதிக பலன்கள் கிடைக்கும்.

பெளர்ணமி பூஜை பொதுவாக, எல்லோருக்கும் நன்மை செய்யக்கூடியதென்றாலும் பெண்களுக்கு சிறப்பான பலன்களை அளிக்கக் கூடியது. திருமணமாகாத பெண்களுக்கு விரைவில் திருமணப் பேறு கிட்டவும், திருமணமான பெண்களுக்கு மழலைச் செல்வம் கிட்டவும், மாங்கல்ய பாக்கியம் நிலைக்கவும், பெளர்ணமி பூஜை சிறப்பு வாய்ந்ததாகும். எல்லா பெளர்ணமி பூஜையிலும் சிறந்து விளங்குவது சித்ரா பெளர்ணமி பூஜையாகும்.

சித்திரை மாத பெளர்ணமியன்று விளக்கேற்றி வைத்து, அம்பிகைக்குப் பூப்போட்ட வஸ்திரம் அணிவித்து, நவரத்தினங்கள் பதித்த ஆபரணங்கள் அணிவித்து, பூஜைகள் செய்து, பலவித அன்னங்கள், பாயசம், பானகம், மற்றும் ஏலம், கிராம்பு, பச்சைக் கற்பூரம் சேர்ந்த தாம்பூலம் நைவேத்தியம் செய்ய குழந்தை பாக்கியம் கிட்டும். மரண பயம் நீங்கும். நம் பாவக் கணக்கை எழுதும் சித்ர குப்தனின் பிறந்த நாள் சித்ரா பெளர்ணமி. அன்று சித்ரகுப்தனுக்கு விரதமும் அனுஷ்டிக்கப்படுகறது. அதனால் சித்ர குப்தனின் அருளும் கிட்டும். அன்று உப்பில்லாமல் உணவருந்தி, பசும்பால், பசு நெய், பசுந்தயிர் தவிர்த்து விரதம் இருந்து, ஒரு மூங்கிலிலான முறத்தில் அரிசி, வெல்லம், மாங்காய், நோட்டுப் புத்தகம், பேனா முதலியவையும் தானம் செய்யலாம். 

தாயை இழந்தவர்கள் இத்தினத்தில் விரதமிருந்து தான தருமம் செய்வது முக்கியமானதாக விளங்குகின்றது. இத் தினத்தில் அம்பிகை கோயில் கொண்டுள்ள எல்லா ஆலயங்களிலும் பால்குடங்கள் எடுப்பது, திருவிளக்கு பூஜை, விஷேச அபிஷேக ஆராதனைகளும், வழிபாடும் கூழ் ஊற்றுவதும் இடம்பெறுகின்றது. சிவாலயங்களிலும், விஷ்ணு ஆலயங்களிலும் சிறப்பு அபிஷேகங்கள், இறை வழிபாடு என்று சிறப்பாக கொண்டாடப்படுகிறது. 

பெளர்ணமி தினத்தில் பூரண பக்தியுடன் அம்பிகையை முறைப்படி பூஜை செய்து வழிபாடு செய்பவர்கள் கிரக தோஷங்களில் இருந்து விடுபட்டு நிம்மதியான, ஆரோக்கியமான வாழ்வு வாழலாம். விதியென்ற நமது வாழ்க்கை அமைப்பை மதி என்ற சந்திரனின் துணை கொண்டு நாம் மாற்றலாம். பெளர்ணமி அன்று இல்லத்தில் பூஜை செய்த பின்பு ஆலய தரிசனம் செய்வது உத்தமமாகும். அதிலும் ஆலயங்களில் குங்கும அர்ச்சனை செய்து ஸ்ரீ லலிதா சஹஸ்ரநாமம் பாராயணம் செய்து அம்பாளை வழிபடுபவர்களுக்கு சகல சித்திகளும் கிட்டும். இறைவன் திருவருள் சக்தி வழிபாட்டில் மேலும் சிறக்கும். 

சித்ரா பெளர்ணமி அன்று இந்திரனையும் பூஜிப்பர். தேவர்களின் தலைவனான இந்திரன் ஒருமுறை குரு வழிகாட்டுதல் இல்லாததால், பல பாவங்கள் செய்தான். பின்னர், தன் பாவங்கள் அகல பல தலங்களுக்கும் யாத்திரை செய்தான். அவ்வாறு வருகையில் ஓரிடத்தில் தன் பாவங்கள் எல்லாம் நீங்கியதை உணர்ந்தான். அந்த இடத்தில் ஒரு பொற்றாமரைக் குளமும் சிவ லிங்கமும் இருப்பதைக் கண்டான். சிவலிங்கத்திற்குக் கோயில் கட்டி அருகே இருந்த குளத்தில் இருந்து பொற்றாமரைகளை எடுத்து லிங்கத்திற்கு பூஜை செய்தார். இந்த சம்பவம் நடந்த இடம் மதுரை. இன்றும் மதுரை மீனாட்சி அம்மன் கோயிலில் சித்திரா பெளர்ணமி அன்று இந்திரனுக்கு பூஜை உண்டு. 
ஏப்ரல் 29 -ஆம் தேதி சித்திரை பௌர்ணமி நன்னாள்.

]]>
http://images.dinamani.com/uploads/user/imagelibrary/2018/4/26/w600X390/vm1.jpg http://www.dinamani.com/weekly-supplements/vellimani/2018/apr/27/சீர்மிகு-வாழ்வருளும்-சித்ரா-பௌர்ணமி-2908023.html
2908024 வார இதழ்கள் வெள்ளிமணி நீர்வளூர் ஹிரண்ய சம்ஹார நரசிம்ம மூர்த்தி! - பட்டம்மாள் ஜெகந்நாதன்  DIN Friday, April 27, 2018 12:00 AM +0530 காஞ்சிபுரத்திலிருந்து சென்னை வரும் வழியில் 15 கி.மீ. தொலைவில் உள்ளது நீர்வளூர்! இவ்வூர், சின்மயசத்திரம் அருகில் உள்ளது. மேலும் அருகிலேயே இருக்கும் மதுரமங்கலம் சென்று ஸ்ரீ வைகுந்தப் பெருமாளை சேவித்து கண் நோய் தீர்க்கும் ராமானுஜரின் சீடரான எம் பாரையும் சேவித்து நலம் பெறலாம்.
நீர்வளூர் ஸ்ரீ வீற்றிருந்த லட்சுமி நாராயணப் பெருமாள் திருக்கோயில் அஹோபில மடத்து ஜீயர் ஸ்வாமிகளாய் திகழ்ந்த 6 -ஆம் பட்டம் ஸ்ரீ ஷஷ்ட பராங்குச
யதிந்ர மஹா தேசிகனால் 1503 -ஆம் வருடம் பிரதிஷ்டை செய்யப்பட்டது. இத்திருக்கோயில் சென்னை- பெங்களூர் தேசிய நெடுஞ்சாலையில் சுங்குவார் சத்திரத்திலிருந்து 6 கி.மீ தொலைவில் பாம்பன் ஆயில் மில்லுக்கு பின்பக்கம் சுமார் 2 கி.மீ தூரத்தில் உள்ள நீர்வளூரில் அமைந்துள்ளது. 
மூலவர் அருள்மிகு லட்சுமி நாராயணப் பெருமாள். உற்சவர் ஸ்ரீ தேவி, பூதேவி சமேத ஸ்ரீநிவாசப் பெருமாள். "இடந்திட்டு இரணியன் நெஞ்சை இரு பிளவாய் முன் கீண்டாய் குடந்தை கிடந்த என் கோவே..' என்ற பெரியாழ்வார் பாசுரத்தின்படி, 6-ஆம் பட்டம் ஜீயர் ஸ்வாமிகளால் அஹோபிலத்திலிருந்து கொண்டு வரப்பட்ட ஹிரண்ய சம்ஹார நரசிம்ம மூர்த்தியையும் இத்தலத்தில் கண்டுகளிக்கலாம். இத்திருமேனியின் அருட்காட்சி கண்ணையும் கருத்தையும் கவரும் விதத்தில் அமைந்திருப்பது மயிர்கூச் செரியும் அனுபவமாகும். 
ஹிரண்யனை வதம் செய்து பிரகலாதனை காத்த வைபவம் நம் கண்முன்பே தெரிய கண்களில் நீர்வழிய மெய் மறந்து நிற்கிறோம். பிரகலாதனை காத்த நம் மூர்த்தி நம்மையும் காப்பான் என திட மனதுடன் சேவித்து மகிழ்வோம். சாப அனுக்கிரக ஸ்வாமி என்று போற்றப்படும் இவர், நம் சாபங்களை எல்லாம் நிவர்த்தி செய்து நம்மை வாழவைக்கவே இங்கு இருக்கிறார் என்று தோன்றுகிறது. 
நீர்வளூர் கிராமம் முன் காலத்தில் ஸ்ரீ பாஷ்யபுரம் என்கிற பெயரோடு விளங்கிவந்தது. இத்தலத்து மூர்த்தி பக்தர்களுக்கு அருள்தந்து காட்சியளித்து வந்தவர். பின்னர், காலப்போக்கில் எங்கு மறைந்து போனார் என்று தெரியவில்லை. பகவத் ராமானுஜரே 6-ஆம் பட்டம் ஜீயர் ஸ்வாமிகளின் கனவில் தோன்றி பெருமாளின் இருப்பிடத்தைக் காண்பித்து கொடுத்ததாக ஜகீகம்! அதன்படியே இத்திருக்கோயில் நிர்மாணிக்கப்பட்டது என்று தெரிகிறது. ஆகவே, இவ்வூர் ஸ்ரீ பாஷ்யபுரம் என்ற பெயர் பெற்றது.
மேலும், ஒளவை பிராட்டி இங்கு வந்தபோது ஊர்மக்கள் அரசனின் உத்தரவுப்படி பிராட்டியாருக்கு தண்ணீர் தர மறுத்ததால் ஒளவை பிராட்டியின் சாபத்தால் நீர்வளூர் என்பது நீர் வற்றியூராகியது என்பர். பின்னர், ஜீயர் ஸ்வாமிகளின் மகிமையால் இவ்வூர் வளம் பெற்றது. இன்றும் வற்றாத "ஜீயர் குளம்' என்கிற ஏரி குடிநீருக்கும் விவசாயத்திற்கும் பயன்படுகிறது.
பாஞ்சராத்ர ஆகமப்படி செயல்படும் இக்கோயில் விமானம் "ஜெய கோடி' விமானம் என அழைக்கப்படுகிறது. தாயாருக்கு தனி சந்நிதி கிடையாது. கட்ட முற்பட்டபோது தடங்கல்கள் வந்ததாகக் கூறுகின்றனர். மேலும் பெருமாளே கனவில் வந்து தானே உபயநாச்சியாரோடு இருந்து லட்சுமி நாராயணராக இருந்து அருள்வழங்குவதால் தாயாருக்கு தனி சந்நிதி வேண்டாம் என கூறிவிட்டார் எனப்படுகிறது.
விஜயநகர மன்னர் மகளின் கொடுமையான வியாதியை போக்கடித்த இப்பெருமாளுக்கு அம்மன்னனே கோயில் கட்டியுள்ளார். 
வங்காள தேசமன்னருக்கு இப்பெருமாளின் அருளால் புத்திர பாக்கியம் ஏற்பட்டதால் அம்மன்னன், ராஜ கோபுரத்தை கட்டிக் கொடுத்துள்ளார். இப்போதும் கோயில் மிகவும் சிறப்பான முறையில் ஆராதிக்கப்பட்டு வருகிறது.
நரசிம்ம ஜெயந்தி, திருஆடிப்பூரம், ராமநவமி, ஆகிய வைபவங்களும் மிக சிறப்பாக நடைபெறுகிறது. மேலும் பெருமாள், ஆண்டாள், காளிங்க நர்த்தன கண்ணன், நம்மாழ்வார், ராமானுஜர், சுவாமிதேசிகன் ஆகியோர் நமக்கு அருள்புரியவே காத்துக் கொண்டு இருக்கின்றனர். பக்த பிரஹலாதனை காத்த நீர்வளூர் ஹிரண்ய சம்ஹார நரசிம்மரை சேவித்து அருள்பெறுவோம். 

]]>
http://images.dinamani.com/uploads/user/imagelibrary/2018/4/26/w600X390/vm2.jpg http://www.dinamani.com/weekly-supplements/vellimani/2018/apr/27/நீர்வளூர்-ஹிரண்ய-சம்ஹார-நரசிம்ம-மூர்த்தி-2908024.html
2908025 வார இதழ்கள் வெள்ளிமணி திருவரங்கச் செல்லாயித் திருவிழா! - இரா.இரகுநாதன்  DIN Friday, April 27, 2018 12:00 AM +0530 108 திவ்ய தேசங்களில் முதன்மையானது திருவரங்கம். வருடத்தில் முன்னூற்று இருபதுக்கும் மேற்பட்ட நாள்களில் திருவிழா நடைபெறும் திருக்கோயில் இது. 
காவிரியும் கொள்ளிடமும் இருபுறம் ஓடினாலும் அயலவர்களுக்காக பல திருத்தலங்களுக்குச் சென்றவர் திருவரங்கத்துத் திருமகன். ஆண்டு முழுவதும் அற்புதத் திருவிழாக்கள் களைகட்டும் திருவரங்கத்தில் சித்திரை மாதம் "விருப்பன் திருநாள்' எனவும் "சித்திரைத் திருவிழா' எனவும் அழைக்கப்படும் இத் திருநாள் 05.05,2018 முதல் தொடங்கி 15.05.2018 வரை நடை
பெறுகிறது. 
இந்நாள்களில் எவ்விதமான இடையூறுகளும் ஏற்படாமலிருக்க எல்லைப் பிடாரியான திருவரங்கத்து செல்லாயி அம்மன் கட்டுத்தேரில் பனைஓலைப் பிடாரியாக வலம் வருவாள். நம்பெருமாள் வலம் வரும் வீதிகளில் எல்லாம் எவ்விதமான தடைகள் இருந்தாலும் அவற்றை அகற்றி தீயவற்றை அழித்து நல்லனவற்றை உருவாக்குவதோடு தீயவை மீண்டும் உள்புகாதவாறு எல்லை அனைத்திலும் காப்பு கட்டுவார்கள். 
திருவரங்கச் செல்லாயியும் மற்றவர்களும் திருவரங்கத்துக்கு காப்பாக இருப்பதற்காக கேரளத்திலிருந்து வந்தவர்கள் எனச் சொல்லப்படுகிறது. இவர்களின் பீடம் திருவரங்கத்தின் எல்லையிலேயே ரயில்வே ஸ்டேசன் சாலையிலேயே அமைந்துள்ளது. அதற்கு எதிரில் இருந்த இடங்கள் எல்லாம் இவர்களுக்கு உரியவையாக இருந்தன. சகோதரனான திருவரங்கத்து அரங்கனை தரிசனம் செய்ய அகில இந்திய அளவில் பக்தர்கள் வருவதை முன்னிட்டு ரயில் பாதை மட்டுமில்லாமல் ரயில் நிலையம் அமைக்கவும் தன் நிலத்தை விட்டுக் கொடுத்தவர்கள் திருவரங்கத்துச் செல்லாயி சகோதரிகளாகும். இவர்கள் எழுவருக்கும் திருவரங்கம் அம்மன் , செல்லாயி அம்மன், காஞ்சியம்மன், மாணிக்க நாச்சியம்மன், அய்யாளம்மன், மண்ணாயி அம்மன், பத்ரகாளி அம்மன் என அழைக்கப்படுகின்றனர். கருவறையில் விநாயகர், அய்யனார் ஆக ஒன்பது தெய்வங்களாகக் காட்சி தந்து 
அருளுகின்றனர். 
விருப்பன் திருநாள் என்னும் சித்திரை பிரம்மோற்சவத் திருவிழா துவங்கும் முன்பாக, 25.04.2018- இல் சந்நிதியில் இருக்கும் 9 பேருக்கும் கையில் காப்புக் கட்டி 5 நாள்கள் விரதமிருந்து சக்தியைத் அதிகரிக்கும் தவத்தில் இருப்பார்கள். தொடர்ந்து 01.05.2018 -அன்று காப்பு அறுத்து எழுவரும் ஓர் உருவமாக உருவாகி எல்லைகளுக்கு அடையவளைஞ்சான் வீதிகள் வழியாகச் சன்று சட்டி உடைத்து அனைத்து தடைகளையும் அகற்றி எல்லை நிர்ணயம் செய்து அந்த எல்லைக்குள் தவறான நோக்கத்துடன் எவரும் உள் புகாதவாறு எல்லை கட்டுவார்கள். அவ்வாறு வந்தால் அவைகள் தடுத்து நிறுத்தி துரத்தவோ அல்லது அழிக்கவோ ஏற்பாடு செய்து வருவார்கள். 
மீண்டும், 03.05,2018 -அன்று பாதுகாப்பு ஏற்பாடுகளை பலப்படுத்தவும் சரிபார்க்கவும் கோயிலைச் சுற்றியுள்ள அடையவளைஞ்சான் வீதிகளில் எழுவரும் எல்லைப்பிடாரி என்ற பெயரோடு பனைஓலை உருவத்து உற்சவராக தேரில் ஏறி உலா வந்து சரிபார்ப்பர். அவர்களுக்கு அங்கு மாவிளக்கு, பொங்கல் போன்றவை சமர்ப்பிக்கப்படும்.
04.05.2018 - வெள்ளிக்கிழமை அன்று மாலை அம்மனுக்கு மஞ்சள் நீராட்டு விழா நடந்து இறுதியாக, பிடாரியம்மனின் வீதிகள் வழியாக வலம் வந்து சந்நிதியில் உள் புகுவார்கள்.
05.05,2018- அன்று கோயிலில் விடையாற்றி நிகழும்போது உபய நாச்சிமார்களுடன் நம்பெருமாள் திருவீதி கண்டளுள்வார். அன்று முதல் விருப்பன் திருநாள் அல்லது பிரம்மோற்சவம் துவங்கும். 
ஒவ்வொரு கோயிலிலும் ஆண்டு முழுவதும் நிகழும் அனைத்து உற்சவங்களிலும் தலைமை பிரம்ம (முதல்) உற்சவம் நடைபெறும். திருவரங்கச் செல்வனான நம்பெருமாளின் முதல் உற்சவம் சக்தி மிகுந்த திருவரங்கச் செல்லாயி சகோதரிகள் சரிபார்த்து சொன்ன பிறகே நடைபெறுகின்றன என்பதே பலருக்கும் தெரிந்திராத உண்மை. இத்திருவிழா குறித்த மேல் விவரங்கள் வேண்டுவோர் கீழ்கண்ட எண்ணிற்கு தொடர்பு கொள்ளலாம். 

தொடர்புக்கு: 96985 54281. 

]]>
http://images.dinamani.com/uploads/user/imagelibrary/2018/4/26/w600X390/vm3.jpg http://www.dinamani.com/weekly-supplements/vellimani/2018/apr/27/திருவரங்கச்-செல்லாயித்-திருவிழா-2908025.html
2908049 வார இதழ்கள் வெள்ளிமணி பணியாளர்களும் பாசமிகு நேசர்களே - மு.அ. அபுல் அமீன் DIN Friday, April 27, 2018 12:00 AM +0530 தொழில் புரட்சியால் தோன்றிய தொழிற்சாலைகளில் தொழிற்சாலை தோன்றிய பகுதிகளில் பிறரைத் தொழுதறியாது உழுது உண்டு உயர்வாய் வாழ்ந்த பழங்குடி மக்களை அடிமைகளாக ஆக்கி அல்லும் பகலும் அயராது ஓய்வின்றி தேய்ந்து மாயும்வரை வேலை செய்ய வைத்து கோலூன்றி கொழுத்த கோடீஸ்வர முதலாளிகளின் கொட்டத்தை அடக்க கொதித்து எழுந்து போராடி தொழிலாளர் உரிமை பெற உயிர் நீத்த உத்தம தொழிலாளர்களை நித்தமும் நினைவில் நிறுத்தி பெற்ற உரிமைகளை உலகமய ஏகபோக
முதலாளிகள் பறித்திடாது காக்க தொழிலாளர்கள் உறுதி ஏற்கும் ஏற்புடைய நாளே மே முதல் நாளாம் 
தொழிலாளர் நாள்.
ஜக்கரியா நபி ஒரு சுவரைக் கட்டி கொண்டு இருந்தார்கள். பகல் உணவு வந்தது. சாப்பிட்டு முடிக்கும் தறுவாயில் நபி அவர்களைப் பார்க்க சிலர் வந்தனர். வந்தவர்கள்
கேட்குமுன்னரே ஜக்கரியா நபி கூலி வேலை செய்வதாகவும் கூலிக்கு வந்த உணவை உண்டு முடித்ததால் பகிர்ந்து கொள்ள இயலாததையும் இயம்பினார்கள். உழைத்து உண்டு உழைத்து பிழைக்க வழி காட்டினார்கள் ஜக்கரியா நபி அவர்கள்.
கையிலிருந்த சாட்டை கை நழுவி கீழே விழுந்தால் அதைக் குனிந்து எடுப்பது கௌரவ குறைவு என்று எண்ணி இறுமாந்திருந்த அரபி நாட்டவரை உழைத்து உண்ணவைத்து உழைப்பின் பெருமையை உணர வைத்தார்கள் உத்தம நபி (ஸல்) அவர்கள். கூலிக்கு ஒருவரை அமர்ந்து அவரிடம் வேலை வாங்கிக் கொண்டு கூலி கொடுக்காமல் இருப்பவனுக்கு எதிராக கியாமத் நாளில் நான் வழக்குரைப்பேன் என்று அல்லாஹ் அறிவிப்பதாக அண்ணல் நபி (ஸல்) அவர்கள் எண்ணத்தில் பதித்ததைப் பகர்கிறார்
அபூஹுரைரா (ரலி) நூல்- புகாரி. உங்களில் ஒருவருடைய பணியாளர் வெப்பத்தையும் புகையையும் தாங்கிக்கொண்டு வந்த மா நபி (ஸல்) அவர்களின் மணிமொழியை
அறிவிப்பவர் - அபூஹுரைரா (ரலி)நூல் - முஸ்ஸிம். அண்ணல் நபி (ஸல்) அவர்கள் தங்களின் கையால் எந்த பெண்ணையும் எந்த ஊழியரையும் அடித்தது இல்லை என்று
இயம்புகிறார் ஆயிஷா (ரலி) நூல்- முஸ்லிம்.
திருக்கையில் மாவரைப்பது வீட்டைக் கூட்டி பெருக்கி சுத்தப்படுத்துவது துணிகளைத் துவைப்பது தோல் பையில் நீர் கொணர்வது முதலிய வேலைகளை பாச நபி (ஸல்)
அவர்களின் நேச மகள் பாத்திமா (ரலி) பணிப்பெண்ணுடன் பகிர்ந்து கொள்வார்கள். இப்படி பணி பெண்ணை மட்டும் வேலை வாங்காது அவர்களும் அதே வேலையை
முறை வைத்து செய்வார்கள். தோல் பையின் கனத்தால் பாத்திமா (ரலி) அவர்களின் உடம்பில் தழும்பு ஏற்படும்.
பாத்திமா (ரலி) அவர்கள் கடைக்குச் சென்று சாமான்கள் வாங்கி வரும்பொழுது பணி பெண்ணுக்குத் தனியாக ஏதாவது வாங்கி வந்து கொடுப்பார்கள். பணிபெண்ணின்
வேலையில் தவறு கண்டால் பணியாளைச் சுடுசொற்களால் கடுஞ்சொற்களால் கண்டிக்கவோ தண்டிக்கவோ மாட்டர்கள். வேலையை விளக்கிச் சொல்லி துலக்கமாய்
செய்யத் தூண்டுவார்கள்.
கிழிந்த ஆடைகளைத் தைப்பது முதுமையான மாமியாருக்கு உதவி செய்வது தணியாத அன்புடன் கணவருக்குப் பணிவிடை புரிவது முதலிட வேலைகளைப் பாத்திமா (ரலி)
அவர்கள் மட்டுமே செய்வார்கள். பாத்திமா (ரலி) அவர்கள் பணிப்பெண்ணிடம் ஒப்படைக்க மாட்டார்கள். அவர்களை நாடிவரும் பெண்களுக்குக் கல்வி கற்பிப்பார்கள். நீதி
போதனை செய்வார்கள்.
அக்காலத்தில் அரபியாவில் பலர் எழுத்துத் தொழிலை விரும்பிச் செய்தார்கள். அப்துல் வஹ்ஹாப் வர்ராக் என்பவரைச் சந்தித்த இமாம் அஹ்மது பின் ஹன்பல், "" நீங்கள்
என்ன செய்கிறீர்கள்?'' என்று கேட்டார்கள். அப்துல் வஹ்ஹாப் வர்ராக் - எழுதிக் கொண்டிருக்கிறேன் பெரியோர்களின் பேருரைகளை எழுத்தோவியங்களை எடுத்து எழுதி
நகல் எடுக்கிறேன். இது என் தொழில். அஹ்மத் பின் ஹன்பல் -தூய தொழில் தூய வருவாய். நான் தொழில் செய்ய நாடினால் இத்தொழிலையே மேற்கொள்வேன். ""
எடுத்து எழுதும் பொழுது நீங்கள் நடு நிலையில் நின்று உள்ளது உள்ளபடியே எழுத வேண்டும். கூட்டல் குறைத்தல் கூடாது. இந்த உள்ள உறுதியோடு எழுத வேண்டும்''.
இப்படித்தான் பணியாளரைப் பாராட்ட வேண்டும் என்பதற்கு எடுத்துக்காட்டு இந்த 
உரையாடல்.
அப்பாசிய கலீபா மன்சூரின் அரசவையில் செவ்வனே செயலாற்றிய ஓர் ஊழியர் ஒட்டுபோட்ட சட்டை அணிந்து இருப்பதைக் கண்ட அரசர் நல்லாடை அணியாத
காரணத்தைக் கேட்டார். அந்த ஊழியரின் இறந்த தந்தை பாக்கி வைத்த கடனை அடைப்பதாகவும் தந்தையின் இரண்டாவது மனைவியான சிற்றன்னையையும்
சிற்றன்னையின் பிள்ளைகளைப் பராமரிப்பதிலும் ஊதியத்தின் பெரும்பகுதி செலவாகி விடுகிறது. அதனால் அந்த ஊழியர் சொந்தச் செலவைச் சுருக்கிக்கொள்வதை அறிந்த
அரசர் அந்த ஊழியருக்கு ஆயிரம் பொற்காசுகளை வழங்கி உழைப்பிற்கு உயர்வான மதிப்பளித்தார். 
அலாவுத்தீனின் மகன் ஷம்ஸ் தப்ரேஸ் பெரிய அறிஞர். ரோமில் அவரிடம் பல அறிஞர்கள் சீடர்களாக இருந்து சீரான கல்வி கற்றனர். ஷம்ஸ் தப்ரேஸ் மாணவர்களிடம்
எவ்வூதியமும் பெறவில்லை. அவர்கள் இடையணி தயாரித்து விற்று வாழ்ந்தார்கள்.
அல்லாஹ்வின் கட்டளைப்படி கருணை நபி (ஸல்) அவர்கள் காட்டிய வழியில் பணியாளர்களைப் பாசத்தோடு நேசித்து போஷித்து போற்றி தொழிலாளி உயர 
உற்றுழி உதவுவோம். உலகம் உய்யும். 

]]>
http://www.dinamani.com/weekly-supplements/vellimani/2018/apr/27/பணியாளர்களும்-பாசமிகு-நேசர்களே-2908049.html
2908050 வார இதழ்கள் வெள்ளிமணி இருப்பதை வைத்து சிறப்புடன் வாழு! - ஒய்.டேவிட் ராஜா DIN Friday, April 27, 2018 12:00 AM +0530 நம்முடைய அன்றாட வாழ்க்கையில் ஏற்படும் ஆயிரம் பிரச்னைகளுக்கு மூலகாரணம் பேராசையும், அது நிறைவேறாமல் போவதால் ஏற்படும் ஏமாற்றமும் துயரமும்தான்.
இதில் சிக்காமல் தப்பிக்க ஒரே வழி, நம்மிடம் இருப்பதில் மன நிறைவுடன் (திருப்தி) வாழ்வதுதான்.
ஒவ்வொரு மனிதருக்குள்ளும் தேவன் வைத்திருக்கும் பொக்கிஷங்களில் இந்த திருப்தியும் ஒன்று. நாம் நினைத்தது நினைத்தபடி நடக்கும்போதும், வாழ்க்கைச் சம்பவங்கள்
நமக்குச் சாதகமாக அமையும்போதும் ஏற்படும் மகிழ்ச்சியின் பரிமாணம்தான் மனநிறைவைத் தருகிறது. "எல்லாம் நல்லபடியாக நடக்கிறது. இதற்கு மேல் எதுவும்
தேவையில்லை' என்ற எண்ணம் வெளிப்படும்போது, மனநிறைவு அல்லது திருப்தி ஏற்படுகிறது. 
பல சமயங்களில், நம்மிடம் இருப்பதை மறந்து இல்லாத விஷயங்கள் மேல் கவனத்தை செலுத்துகிறோம். இதனால் ஏமாற்றமே மிஞ்சுகிறது. நம்மிடம் இல்லாததை எண்ணி
வருந்துவதை விட நம்மிடம் இருப்பதை வைத்து அதை எவ்வாறு பயன்படுத்தலாம் என்று எண்ணி அதை செயல்படுத்தும்போது எவ்வளவு நன்றாக இருக்கும்! 
உதாரணமாக, ஒருவர் ஒரு வங்கியில் பணம் எடுத்துக்கொண்டு, தனது இருசக்கர வாகனத்தின் பின்னால் பணப்பெட்டியை மாட்டிக்கொண்டு வேகமாகச் சென்றார்.
வண்டியின் அதிர்வில் அந்தப் பெட்டி லேசாகத் திறந்துகொண்டு, 100 ரூபாய் முழு கட்டு ஒன்று கீழே விழுந்துவிடுகிறது. அது தெரியாமல் அந்த நபர் வண்டியை ஓட்டிக்கொண்டு சென்று விடுகின்றார். 
100 தாள்களைக் கொண்ட அந்த நூறுரூபாய் கட்டில் இருந்து ஒரு நூறு ரூபாய்நோட்டு மட்டும் விடுபட்டு காற்றில் பறந்து சிறிது தூரத்தில் சென்று கிடந்தது. அந்த வழியில் வந்த ஒருவரின் கண்ணில் படுகிறது ஒற்றை நூறுரூபாய். இந்த நோட்டை சந்தோஷத்துடன் எடுத்து மிகவும் சந்தோஷமடைகிறான். அந்த நோட்டை எடுத்துக்கொண்டு ஹோட்டலுக்குச் சென்று, முழு சாப்பாடு 90 ரூபாய்க்கு திருப்தியாக சாப்பிட்டான். மீதியிருந்த பத்து ரூபாயை ஹோட்டல் வாசலில் தன்னிடம் கையேந்திய வறியவருக்கு கொடுத்துவிட்டு, சந்தோஷமாக வீடு திரும்பினான்.
மீதி 99 நூறு ரூபாய் நோட்டுகள் கொண்ட கட்டு, விழுந்த இடத்திலேயே கிடந்தது. அந்த வழியாக ஒருவன் வந்தான். இந்த நோட்டுக்கட்டைப் பார்த்தான். எடுத்தான்.
பரபரவென்று எண்ணினான். 99 நோட்டுகள். மீண்டும், மீண்டும் பலமுறை எண்ணினான். 99 நோட்டுகள்தான். வங்கியில் 99 நோட்டுகள் கொண்ட கட்டு
கொடுக்கமாட்டார்களே... அந்த ஒற்றை நூறுரூபாய்நோட்டு இங்கே பக்கத்தில் எங்கேனும்தான் கிடக்க வேண்டுமென்று தேட ஆரம்பித்தான்... அந்த ஒற்றை நூறுரூபாயைத்
தேடினான்.. தேடினான்.. இன்னும் தேடிக்கொண்டிருக்கிறான். 
நூறு ரூபாய் கிடைத்தவன் திருப்தியாக சாப்பிட்டுவிட்டு சந்தோஷமாக சென்றான். 9900 ரூபாய் கிடைத்தவன் அதை அனுபவிக்காமல், இன்னம் ஒரு நூறு ரூபாய்க்காக
அல்லாடிக்கொண்டிருக்கிறான்.
பரிசுத்த வேதாகமத்தில் பார்க்கும்போது, ""நல்ல மனுஷனோ தன்னிலே தானும் திருப்தியடைவான்'' (நீதிமொழிகள் 14:14) என்றும், பிரசங்கி 5:10-இல் ""பணப்பிரியன்
பணத்தினால் திருப்தியடைவதில்லை; செல்வப்பிரியன் செல்வப் பெருக்கினால் திருப்தியடைவதில்லை'' என்றும் வாசிக்கிறோம். இருப்பதை வைத்து திருப்தி அடைவதும்,
இல்லாதை நினைத்து வருத்த படாமல் வாழும் மனமுள்ளவர்களே 
உண்மையில் உலகின் மிகப்பெரிய பணக்காரர்கள். 

]]>
http://www.dinamani.com/weekly-supplements/vellimani/2018/apr/27/இருப்பதை-வைத்து-சிறப்புடன்-வாழு-2908050.html
2908051 வார இதழ்கள் வெள்ளிமணி நிகழ்வுகள் DIN DIN Friday, April 27, 2018 12:00 AM +0530 தெப்பத்திருவிழா

திருச்சி மாவட்டம், முசிறி வட்டம், குணசீலம் அருள்மிகு ஸ்ரீ பிரஸன்ன வேங்கடாசலபதி பெருமாள் திருக்கோயிலில் ஏப்ரல் -29, அன்று பாபவினாச தீர்த்தத் திருக்குளத்தில் தெப்போற்சவம் நடைபெறுகின்றது. இதனையொட்டி அன்று காலை, மூலவர் முத்தங்கி சேவையும், இரவு சகஸ்ர தீபாலங்கார சேவையைத் தொடர்ந்து தெப்பத்தில் பெருமாள் எழுந்தருளுதலும், நிறைவாக கண்ணாடி அறை சேவையும் நடைபெறும். 
தொடர்புக்கு : 04326-275210/ 89032 75310.

வார்ஷிக உற்சவம்

காஞ்சி மாவட்டம், பொன்விளைந்த களத்தூரை அடுத்துள்ள வல்லிபுரம் கிராமத்தில் உள்ள ஸ்ரீ அம்புஜவல்லி நாயிகா சமேத ஆதிகேசவப் பெருமாள் திருக்கோயிலில் ஏப்ரல்-27, 11- ஆவது வார்ஷீக உற்சவம் சிறப்பு திருமஞ்சனம், அன்னப் பாவாடை, திருவீதி உலா வைபவங்களுடன் நடைபெறுகின்றது. 
தொடர்புக்கு : 95515 28638.

சித்ரா பெüர்ணமி பெருவிழா

குரோம்பேட்டை, நேருநகர், பட்டேல் தெருவில் உள்ள ஸ்ரீ வரசித்தி விநாயகர் ஆலயத்தில் 60-ஆவது ஆண்டு சித்ரா பெüர்ணமி மகோத்சவம் ஏப்ரல்-29, 30 தேதிகளில் நடைபெறுகின்றது. இதனையொட்டி மஹாந்யாசம் ருத்ர பூஜை, திரிசதி அர்ச்சனை, ருத்ர ஜபம், ஹோமம், சிறப்பு அபிஷேக அலங்காரம், திருவீதி உலா போன்ற நிகழ்ச்சிகள் நடைபெறுகின்றன. 
தொடர்புக்கு : 80562 60029.


திருநீலக்குடி அருள்மிகு அழகாம்பிகை, ஸ்ரீ தவக்கோல அம்மை உடனாய அருள்மிகு மனோக்கியநாத சுவாமி திருக்கோயில் சித்திரைப் பெருவிழா ஏப்ரல் 27 முதல் மே 1 வரை நடைபெறுகின்றது. ஏப்ரல் 27, 28, 29 - தேதிகளில் சுவாமி, அம்பாள் திருவீதியுலா நடைபெறும். 
தொடர்புக்கு: 91594 55050.


தஞ்சாவூர் மாவட்டம், கும்பகோணம் வட்டம், திப்பிராஜபுரம் சென்னியமங்கலம் கிராமத்தில் ஸ்ரீ உண்ணாமுலை அம்பிகா சமேத ஸ்ரீ அருணாசலேஸ்வரர், ஸ்ரீ மீனாட்சி அம்பிகா சமேத ஸ்ரீ சொக்கநாதர் ஆகிய அருள்மிகு இரட்டை லிங்கேஸ்வரர் அருள்புரிகின்றனர். சித்ரா பௌர்ணமி நாளில் (29.04.2018) 4 -ஆம் ஆண்டு குத்துவிளக்கு பூஜை நடைபெறுகின்றது. 
தொடர்புக்கு: 94430 86587/ 81242 47647.

ஸ்ரீ நரசிம்ஹ ஜயந்தி மகோத்சவம்

புதுக்கோட்டை, ஸ்ரீ கோபாலகிருஷ்ண பாகவத சுவாமி நாம சங்கீர்த்தன மண்டபத்தில் ஏப்ரல் 28 -இல் தொடங்கி மே 4 -ஆம் தேதி வரை இவ்வாண்டு, தொடர்ந்து 99 -ஆவது வருட உற்சவம் நடைபெறுகிறது. இதனை முன்னிட்டு ஸ்ரீ நரசிம்ம சகஸ்ர நாம அர்ச்சனை, சம்பிரதாய பஜனைகள், உபன்யாசம், ஸ்ரீ சீதா கல்யாணம், அகண்ட ராம நாமஜபம், ஆஞ்சநேய உத்ஸவ வைபவங்கள் நடைபெறுகின்றன.
தொடர்புக்கு: 04322 222289 / 096639 33599.

குடமுழுக்கு விழா

வேலூர் மாவட்டம், வாலாஜா வட்டம், நந்தியாலம் கிராமத்தில் அருள்மிகு காமாட்சி அம்மை சமேத அருள்தரும் நந்தி ஈசுவரர் கோயிலில் குட முழுக்கு விழா ஏப்ரல் 27- ஆம் தேதி காலை 9.00 மணி முதல் 10.30 மணிக்குள் நடைபெறுகின்றது.
தொடர்புக்கு: 97862 76323 / 98945 07699.

மஹா சம்ப்ரோக்ஷணம்

தமிழ்நாடு ஹிந்து ஆலயப் பாதுகாப்புக் குழுவின் பொன்விழா ஆண்டில் தச்சநல்லூர், அருள்மிகு வரம்தரும் பெருமாள் திருக்கோயிலில் ஏப்ரல் 2- ஆம் தேதி, காலை 6.47 மணி முதல் 7.27 மணிக்குள் மஹா சம்ப்ரோக்ஷணம் நடைபெறும்.
தொடர்புக்கு: 94878 33468.

]]>
http://www.dinamani.com/weekly-supplements/vellimani/2018/apr/27/நிகழ்வுகள்-2908051.html
2908052 வார இதழ்கள் வெள்ளிமணி பொன்மொழிகள்!  தொகுப்பு: சுவாமி கமலாத்மானந்தர் DIN Friday, April 27, 2018 12:00 AM +0530 உன் ஆணவம், செருக்கு அனைத்தையும் தூர எறிந்துவிடு. அவன் கட்டளைகளுக்குக் கீழ்ப்படிந்து நட. இதுதான் நான் உனக்குச் சொல்லும் கடைசி வழி. இதைத் தவிர உன் நன்மைக்கு உரிய வேறு வழி ஒன்றும் எனக்குத் தெரியவில்லை. 


எல்லாவற்றையும் ஆக்குபவனும், எல்லோரையும் தாங்குபவனும், எல்லாவற்றையும் ஆள்பவனும், எல்லாவற்றையும் அழிப்பவனும், ஞானம் முதலிய குணங்களுக்குக் கடல் போன்றவனும், அடியும், நடுவும், முடிவும் இல்லாதவனுமாகிய உங்கள் தெய்விக வடிவத்தை நீங்கள் உபதேசித்தபடியே என் கண் எதிரில் பார்க்கிறேன்.

- ஸ்ரீ ராமானுஜர்


பயப்படுத்துபவனும், பயத்தைப் போக்குபவனும் அவனே. - விஷ்ணு சகஸ்ரநாமம் இருதயக் குகையில் உள்ள அவனே பிரம்மா, அவனே சிவன், அவனே ஹரி, அவனே இந்திரன், அவனே அக்ஷர புருஷன், அவனே பரமேசுவரன்.

- நாராயண சூக்தம்

உலகில் நாம் அனுபவிக்கும் சுகமெல்லாம் பரமானந்தத்தின் ஒரு திவலை. அதன் ஒளியால் உலகம் விளங்குகிறது. அந்தப் பொருளைக் கண்டவருக்கு மற்றதெல்லாம் அதனுள்ளே தோன்றும்.


காரணமாகிய மண்ணைப் பற்றி அறிந்தால் காரியமாகிற மண்குடம், மண்பானை முதலியவை அறியப்படுவதுபோல, பிரம்மத்தை அறிந்தால் உலகம் அறியப்பட்டதாகிறது. 

- ஆதிசங்கரர்

எள்ளில் எண்ணெய் போன்றும், சக்கிமுக்கிக் கல்லில் நெருப்புப் போன்றும் அனைவரின் உள்ளத்திலும் இறைவன் இருக்கிறார். நீங்கள் அறியாமையிலிருந்து விழித்தால் வாழ்வு பெறுவீர்கள்.

எல்லாவற்றிலும் ஒன்றையே (பரம்பொருளையே) பார்க்க வேண்டும். அதைத் தவிர இரண்டாவது உங்களை வழிதவறச் செய்யும்.

- கபீர்தாசர்

]]>
http://images.dinamani.com/uploads/user/imagelibrary/2018/3/22/w600X390/vm6.jpg http://www.dinamani.com/weekly-supplements/vellimani/2018/apr/27/பொன்மொழிகள்-2908052.html
2908053 வார இதழ்கள் வெள்ளிமணி நடாதுரம்மாளுக்கு ஓர் திருக்கோயில்! - எம். என். ஸ்ரீநிவாசன் DIN Friday, April 27, 2018 12:00 AM +0530 திருமாலடியார்களான ஆழ்வார் ஆசார்யர்களில் " பொங்கும் பரிவு' என்ற நிலையில் போற்றப்பட்டவர்களில் விஷ்ணு சித்தரான பெரியாழ்வாரும் நடாதூர் அம்மாளும் குறிப்பிடப்பட வேண்டியவர்கள். 

காஞ்சிபுரம் வரதராஜப் பெருமாள் கோயிலில் தர்மகர்த்தாவாகப் பணியாற்றிக் கொண்டிருந்த காலத்தில் நடந்தது ஒரு சம்பவம். காஞ்சிப் பேரருளாளனுக்கு தினமும் அர்த்தஜாம வேளையில் பால் நிவேதனம் செய்யும் வழக்கம் உண்டு. ஒருநாள், வரதகுரு சந்நிதியில் இருக்கும்போது பரிசாரகர் (தளிகை செய்பவர்- சமையல்காரர்) சூடாக ஆவி பறக்கும் பாலை பெருமாளின் நிவேதனத்திற்காக சந்நிதியில் வைத்து விட்டுச் சென்றுவிட்டார். 

அர்ச்சகரும் அந்தப் பாலை அப்படியே பெருமானுக்கு நிவேதனம் செய்ய முற்பட்டார். இதைக் கண்ட வரதகுரு பதைபதைத்து அர்ச்சகரைப் பார்த்து, "இவ்வளவு உஷ்ணமான பாலை பெருமானுக்கு நிவேதனம் செய்தால் பெருமாளின் செங்கமலத் திருவாய் சிவந்துவிடாதா?' என்று அஞ்சி அர்ச்சகரிடமிருந்து பாலை வாங்கி அதை ஆற்றி உஷ்ணம் தணிந்ததும் அர்ச்சரிடம் கொடுத்து பெருமானுக்கு நிவேதனம் செய்யுமாறு கேட்டுக் கொண்டார். அர்ச்சகரும் அவ்வாறு செய்தபோது சந்நிதியில் தேவாதிராஜன் மிக பெருத்த குரலில் வரதகுருவைப் பார்த்து "தேவரின் பரிவிலிருந்து ஒரு தாயின் பரிவைக் கண்டேன் என் அம்மாவே!' என்றுஅசரீரியாக மொழிந்தார். இந்த சம்பவத்திற்குப் பிறகு நடாதுôர் வரதகுரு "நடாதூர் அம்மாள்' என்றே எல்லோராலும் அழைக்கப்படலாயினர். 

இப்பேர்பட்ட ஆசானுக்கு சுவாமி தேசிகனே அடி எடுத்துக் கொடுத்த சம்பவமும் உண்டு. ஸ்ரீ நடாதூர் அம்மாள் தினமும் காஞ்சிப் பேரருளாளன் சந்தியில் உபன்யாசம் செய்வது வழக்கம். ஒருநாள் ஐந்து வயதே ஆன ஒரு குழந்தை உபன்யாசத்துக்கு வந்திருந்தது. (பிற்காலத்தில் அவரே சுவாமி தேசிகன் என்று புகழ் பெற்றார்) குழந்தையின் தோற்றப் பொலிவில் மெய்மறந்த நடாதூர் அம்மாள் தன் உபன்யாசத்தை தொடர நினைத்த போது, எந்த கட்டத்தில் தாம் உபன்யாசம் செய்து கொண்டிருந்தோம் என்பது மறந்து திகைத்தார். இதைக் கண்ட குழந்தை அவர் விட்ட கட்டத்தை ஞாபகப்படுத்தும் படியாக அடி எடுத்து கொடுத்தது. உடனே நடாதூர் அம்மாள்அக்குழந்தையை அள்ளி
எடுத்துத் தன் மடியில் வைத்துக் கொண்டு உச்சி முகர்ந்தார். இதே நடாதூர் அம்மாளுக்கு திருவேங்கடமுடையானே நேரில் வந்து பசி தீர்த்த சம்பவமும் உண்டு. 

ஒருசமயம் நடாதூர் அம்மாள் மார்கழி மாதத்தில் தன் சிஷ்ய கோஷ்டிகளுடன் திருமலை யாத்திரை மேற்கொண்டார். நடை பயணம் களைப்பு. இதனால் அனைவருக்கும் பசி ஏற்பட்டு, மேலும் மலை ஏறி மாலவனைத் தரிசிக்க முடியுமா? என்ற நிலையில் தள்ளாடி சோர்வடைந்து விட்டனர். அப்போது பிரம்மச்சாரி பையன் ஒருவன் வந்து நடாதூர் அம்மாளிடம் தயிர் சாதம் அடங்கிய மூட்டை ஒன்றைக் கொடுத்து விட்டுச் சென்றான். அனைவரும் வியப்பில் ஆழ்ந்து பசியாறி, மலை ஏறி, திருவேங்கடமுடையானை தரிசித்தபோது தான் நடாதூர் அம்மாளுக்கு அந்த பிரம்மச்சாரியின் நினைவு வந்தது. பிரம்மச்சாரி பையனாக வந்தவன் திருவேங்கடத்தானே
என்று எண்ணி புளகாங்கிதம் அடைந்தார்.

இப்பேர்பட்ட பெருமைகளுடைய நடாதூர் ஆசானின் வம்சா வழிவந்தவர்களில் ஒருவரான, கிருஷ்ணசாமி ஐயங்கார், 227, பிராட்வேயில் வரதராஜப் பெருமானுக்கும் ஆஞ்சநேயருக்கும் ஒரு சந்நிதி 100 ஆண்டுகளுக்குள் முன்னதாக நிர்மாணித்தார். அந்த சந்நிதியில் வரதராஜர், பெருந்தேவித் தாயார், ஆண்டாள் இவர்களுடன் அனுமான், நடாதூர் அம்மாள் ஆகியோருக்கு வெள்ளியில் திவ்யமங்கள உற்சவ விக்ரகத்தைப் பிரதிஷ்டை செய்து 
வைத்தார். 

ஸ்ரீ நடாதூர் அம்மாள் என்ற ஆச்சார்யனுக்கு அவதாரத் தலத்திலேயே திவ்யமங்கள விக்ரகம் கிடையாது. 

108 திவ்ய தேசங்களில் ஒன்றான ஸ்ரீரங்கத்தின் அருகில் அமைந்துள்ள திருவெள்ளரை திவ்யதேசத்தில் எங்களாழ்வான் திவ்யமங்கள விக்ரகத்தின் திருவடியில் மட்டும் நடாதூர் அம்மாளின் திருஉருவத்தைக் காணலாம். நடாதூர் அம்மாளின் அவதார நன்னாள் இவ்வருடம், 29.04.2018 -இல் அமைகிறது.

]]>
http://images.dinamani.com/uploads/user/imagelibrary/2018/4/26/w600X390/vm5.jpg http://www.dinamani.com/weekly-supplements/vellimani/2018/apr/27/நடாதுரம்மாளுக்கு-ஓர்-திருக்கோயில்-2908053.html
2908048 வார இதழ்கள் வெள்ளிமணி காட்டுப் பகுதியில் ஸ்ரீ கதிரியப்பர்! ராமசுப்பு Thursday, April 26, 2018 01:03 PM +0530 எந்த ஒரு கோரிக்கையையும் பயபக்தியோடு ஸ்ரீ நரசிம்ம மூர்த்தியிடம் வைத்தால் அதை நாளை என்றில்லாமல் அப்போதே அந்த நொடியில் நமக்கு
அருள்பாலிக்கக்கூடியவர் ஸ்ரீ நரசிம்ம சுவாமியாவார். குழந்தை பிரகலாதனை ரட்சிக்க உடனடியாக, ஒரு நொடியில் எடுத்த அவதாரம் அது. 
பொன், பொருள், செல்வத்தையும் திருமணம், மக்கட்பேறு பாக்கியத்தையும் நல்ல உடல் ஆரோக்கியத்தையும் நினைத்த மாத்திரத்தில் நமக்கு அளிக்கும் பரந்தாமன் அவர். 
தர்மபுரி மாவட்டம், பென்னாகரம் வட்டத்தில் காட்டுப்பகுதியில் மலை அடிவாரத்தில் அமைந்திருக்கும் திருமால்வாடி, ஸ்ரீ கதிரியப்பர்' என்ற பெயரில் ஸ்ரீநரசிம்மர் நான்கு கரங்களுடன் நின்ற திருக்கோலத்தில் சேவை சாதிக்கிறார்.
இந்த ஆலயம், 2000 ஆண்டுகளுக்கு முற்பட்டது என்பதை அறியமுடிகிறது. இந்தக் கோயிலுக்குப் பின்புறம் ஒரு பெரிய மலை அமைந்துள்ளது. பெரும் காட்டுப்பகுதியான இந்த மலைமீது ஸ்ரீ ராம, லட்சுமணர் அம்சமாகப் பெரும் பாறைகள் உள்ளன. இங்கு, ராம, லட்சுமணருக்கு முதலில் பூஜை செய்த பின்பே, ஸ்ரீ நரசிம்ம சுவாமிக்குப் பூஜை செய்யப்படுகிறது. ஆலயத்தின் பின்புறம் துளசி மாடம் உள்ளது.
இந்த நரசிம்மருக்கு ஒவ்வொரு சனிக்கிழமைகளிலும் திருமஞ்சனமும் அலங்கார பூஜைகளும் செய்யப்படுகின்றன. குறிப்பாக, புரட்டாசி சனிக்கிழமைகளில் சிறப்புத் திருமஞ்சனமும் அலங்காரமும் பூஜைகளும் அன்னதானமும் நடைபெறுகின்றன. இவ்வாலயத்தில் இந்த நரசிம்மர் முன்பு அவரவர் குடும்பத்து திருமணங்களை நடத்தி வருவதை வழக்கமாகக் கொண்டுள்ளனர். இங்கு, நரசிம்மர் முன்பு திருமணம் செய்து கொண்டால் தம்பதிகளின் வாழ்க்கை சீரும் சிறப்புமாக இருக்கும் என்பது ஜதீகம். 
ஆறு வருடங்களுக்கு முன்பு இக்காட்டுப்பகுதியில் இக் கோயில் வளாகம் சீரமைக்கப்பட்டு சிறு கோபுரமும் குட்டிக்கோயிலும் கொடிமரமும் சுற்றுப்புறச் சுவர்களும் எழுப்பி, அருகே ஒரு கொட்டகை மண்டபமும் கட்டி கும்பாபிஷேகமும் செய்யப்பட்டுள்ளது. காட்டுவழிப்பாதை சீரமைக்கப்பட்டு சாலை வசதி (மண் ரோடு) உள்ளதால் பக்தர்கள் ஆலயத்துக்கு வந்து செல்ல வசதியாக இருக்கிறது. மேலும் கோயில் அருகிலேயே திருமண மண்டபம் கட்ட ஏற்பாடாகி வருகிறது. 
ஒரு சமயம், இந்த மலையில் "தங்கப்புஷ்பம்' என்ற அரிய வகை மலர்க்கொடிகள் இருந்ததாகவும் அந்த தங்கப்புஷ்பத்தைப் பறிக்க அப்போது பல வெள்ளைக்காரர்கள் முயன்றதாகவும் அது முடியாமல் போனதுடன் அவர்கள் கண்களின் பார்வை பறிபோனதாகவும் அவ்வூர் மக்களின் செவிவழிச் செய்தியாகச் சொல்லப்படுகிறது.
பாலக்கோடு பைபாஸ் சாலையில் இருக்கும் திருமால்வாடி என்ற ஊரிலிருந்து 2 கி.மீ. பயணம் செய்தால் மலையடிவாரத்தை அடையலாம். அங்கிருந்து பெரிய
மணற்சாலையில் சென்று மாந்தோப்பை ஒட்டியுள்ள காட்டுப்பகுதியில் நரசிம்மர் கோயிலை அடையலாம்.

]]>
http://www.dinamani.com/weekly-supplements/vellimani/2018/apr/27/காட்டுப்-பகுதியில்-ஸ்ரீ-கதிரியப்பர்-2908048.html
2908045 வார இதழ்கள் வெள்ளிமணி சென்னை அருகே ஒரு குலசேகரம்! களக்காடு வ. மாரி சுப்பிரமணியன் Thursday, April 26, 2018 01:00 PM +0530 சென்னை - செங்கற்பட்டு தேசிய நெடுஞ்சாலையில் ஊரப்பாக்கத்தில் முத்துவேல் நகரில் குலங்கள் காக்கின்ற குலசை அருள்மிகு முத்தாரம்மன் அருள்பாலிக்கிறாள். இத்தல இறைவனின் திருநாமம் அருள்மிகு ஞானமூர்த்தீஸ்வரர்! 
குலசை அம்மனின் தீவிர பக்தரான ஒருவரின் கனவில் அன்னை முத்தாரம்மன் தோன்றி, அன்று அடர்ந்த காடாயிருந்த இந்த இடத்தில் தமக்கு கோயில் கட்டும்படியாக உத்தரவிட்டாள். 
பெரும் முயற்சிக்குப்பிறகு 2014} ஆம் ஆண்டு இரண்டு நிலை ராஜகோபுரம் அமைக்கப்பெற்று, ஆகமவிதிப்படி, திருவுருவச்சிலையாக அன்னை முத்தாரம்மன், அய்யன்ஞானமூர்த்தீஸ்வரர், செல்வ விநாயகர், லெங்கடேசப் பெருமாள் பிரம்ம சக்தி, பத்ரகாளி, முத்துப் பேச்சியம்மன், சந்தன மாரியம்மன், அர்த்தநாரீஸ்வரர், மீனாட்சியம்மன், துர்க்கையம்மன், காலபைரவர், சுடலை மாடசாமி, நவக்கிரகங்கள் சிறப்பாக பிரதிஷ்டை செய்யப்பட்டன. அரச மரமும் வில்வ மரமும் இவ்வாலய தல விருட்சங்களாக விளங்குகின்றன. 
இங்கு மாதந்தோறும் கடைசி செவ்வாய் மாலை 6.00 மணியில் திருவிளக்கு பூஜையும்; இரவு 8.00 மணிக்கு அன்னதானமும் நடைபெறுகிறது. அதோடு மஹா சிவராத்திரி, சித்ரா பௌர்ணமி, ஆடியில் வளைகாப்பு, புரட்டாசியில் நவராத்திரி, ஆவணியில் கொடை விழா போன்ற விழாக்கள் நடைபெறுகின்றன. 
திருமணத்தடை நீங்கவும் நோய்கள் விலகவும், தடையில்லாத கல்வி, வேலை வாய்ப்பு பெறவும், தொலைந்த பொருள்கள் கிடைக்கவும் முத்தாரம்மனை வணங்குதல் நலம்தரும்.

]]>
http://images.dinamani.com/uploads/user/imagelibrary/2018/4/26/w600X390/vm4.jpg http://www.dinamani.com/weekly-supplements/vellimani/2018/apr/27/சென்னை-அருகே-ஒரு-குலசேகரம்-2908045.html
2904052 வார இதழ்கள் வெள்ளிமணி பாம்பாக மாறிய பாலமுருகன்..!   Friday, April 20, 2018 11:05 AM +0530 பிரணவ மந்திரத்துக்குப் பொருள் தெரியாததால் படைக்கும் கடவுள் பிரம்மனையே சிறையில் அடைத்தான் முருகப் பெருமான். இது எல்லோருக்கும் தெரிந்த புராண வரலாறு. இந்த செயலுக்காக மனம் வருந்தி முருகன் ஊர்ந்து செல்லும் பாம்பாக மாறியதாகக் கூறப்படுவதும் புராண வரலாறுதான். இப்படிப்பட்ட அரிய நிகழ்ச்சி நடந்த இடம்தான் கேரளாவில் இருக்கும் ஆதி நாகசுப்ரமணியா திருக்கோயில்.

தமிழகத்தில் குன்றிருக்கும் இடமெல்லாம் குமரன் இருக்குமிடம் என்று வழங்கப்பட்டு வருகிறது. கர்நாடகாவில் உள்ள குக்கி சுப்ரமணியா கோயில் முருகன் வழிபாட்டுக்கு பெயர் பெற்ற ஸ்தலம். இதுபோன்று கேரளாவில் ஆதி நாகசுப்ரமணியா என்ற பெயரில் திருச்சூர் அருகே குடி கொண்டிருக்கும் ஸ்தலம்தான் கண்ணிமங்கலம் கந்தன் கோயில்.

படைக்கும் கடவுளான பிரம்மனுக்கு தமக்கு எல்லாம் தெரியும் என்ற செருக்கு ஏற்பட, ஒரு சமயம் கயிலாயத்திற்கு வருகிறார். அங்கு எல்லோருக்கும் வணக்கம் தெரிவிக்கும் பிரம்மன், சிறு குழந்தையான கந்தனைக் கண்டு கொள்ளாமல் போய் விட, முருகன் அவரை வழிமறித்து, எல்லாம் அறிந்த பிரம்ம தேவரே பிரணவ மந்திரத்துக்குப் பொருள் உரைத்து விட்டு பிறகு செல்லுங்கள் என்று சொல்ல, சின்னஞ்சிறு பாலகனிடம் இக்கட்டில் மாட்டிக் கொண்டதை உணர்கிறார். கேள்விக்கு பதில் சொல்ல முடியாமல் ஏதேதோ சொல்ல, அவரை சிறையில் அடைக்கிறார் முருகன். பின்பு படைப்புத் தொழிலையும் தாமே மேற்கொள்கிறார். உலகில் முருகனால் படைக்கப்படும் அனைத்து ஜீவராசிகளும் பொதுவான குணாதிசயங்கள் கொண்டதாக இருக்க, இறப்பு என்பதே இல்லாமல் போகிறது. தேவர்கள் இதை சிவபெருமானிடம் முறையிட, அவரிடமும் பிரணவ மந்திரத்துக்குப் பொருள் கேட்பதும் பின்பு தந்தைக்கே உபதேசம் செய்வதும் முருகப் பெருமானின் லீலைகள்.

ஆனால் மும்மூர்த்திகளில் ஒருவரான பிரம்மாவையே சிறையில் அடைத்ததற்காக மனம் வருந்தும் முருகன், கீழான பிறப்பெடுப்பதுதான் இதற்கு பிராயசித்தமாக இருக்கும் என்று கருதி பாம்பாக உருவெடுத்து பல இடங்களிலும் வசித்து வர, குமரனைக் காணாமல் பார்வதி தேவி கலங்கித் தவிக்கிறாள். மகனைக் காணாத துயரம் அவரை வாட்டி வதைக்க, ஆரம்பித்தது. இது பற்றி சிவபிரானிடம் முறையிட, எல்லாம் அறிந்த பரம்பொருள் பிரம்மனுக்கு கொடுத்த தண்டனைக்காக உன் மகன் பாம்பாக மாறி தாம் செய்த தவறை உணர ஆரம்பித்திருக்கிறான். நீதான் அவனைக் கண்டுபிடித்து அழைத்து வர வேண்டும் என்று சொல்கிறார்.

அழகு மகன் குமரனுக்கு இப்படி ஒரு நிலையா என்று மனம் வருந்துகிறார். பாம்பாக மாறிய மகன் மீண்டும் குழந்தையாகக் காட்சி தர வழி சொல்லுங்கள் என்று பரமேஸ்வரனிடம் மன்றாடுகிறாள். பாம்பு வடிவமெடுத்த முருகன் குழந்தையாக காட்சியளிக்க வேண்டுமென்றால் நீ 108 சஷ்டி விரதம் அனுசரிக்க வேண்டும். 108-ஆவது விரதத்தின் போது உன் விருப்பம் நிறைவேறும் என்று கூறுகிறார். ஆடவல்லானின் யோசனைப்படி உமாதேவி கடுமையாக சஷ்டி விரதம் மேற்கொள்கிறார்.

கார்த்திகை மாதத்தில் வரும் சஷ்டியில் தேவர்கள், முனிவர்கள் புடைசூழ, விரதம் நிறைவேறும் நேரம் நெருங்குகிறது. அப்போது மஹாவிஷ்ணு அங்கு தோன்றி குட்டியாக இருக்கும் ஒரு நாகத்தின் தலையை தம் கையால் தொட, உடனே குமரன் குழந்தையாகக் காட்சி தருகிறார். பார்வதி தேவி மனம் பூரித்து மகனை முருகனாகக் காண்கிறார். இப்படிப்பட்ட அற்புதம் நிகழ்ந்த இடம்தான் கேரள மாநிலம் திருச்சூர் அருகில் உள்ள கண்ணிமங்கலம் ஆதி நாகசுப்ரமணியா ஆலயம் ஆகும்.

சிறிய ஊர் என்றாலும் முருகனின் மறு அவதார ஸ்தலம் என்பதால் கேரள மண்ணுக்கே உரிய இயற்கை எழிலுடன் காணப்படுகிறது. பிரதான நுழைவாயில் வழியாக உள்ளே சென்றதும் கிழக்குத் திசை நோக்கி சந்நிதி அமைந்துள்ளது. ஆயிரம் தலையும் இரண்டாயிரம் நாக்குகளும் கொண்ட ஆதிசேஷன், இங்கு ஐந்து தலை நாகமாகக் காட்சியளிக்கிறார். திருமாலைத் தன் மடியில் தாங்கி சேவை சாதிக்கும் ஆதிசேஷன், மாலவனின் மருகனையும் தம் மீது தாங்கி நிற்கிறார். ஷண்முகக் கடவுள் அழகாக சிறிய உருவில் காட்சியளிப்பது அற்புதமான காட்சி.

கேரளக் கோயில்கள் பலவற்றில் மூலஸ்தானத்தில் இன்னும் மின் விளக்குகள் அமைக்கப்படாத நிலையில் குத்துவிளக்குகளின் ஒளியில் சந்நிதி மிளிர்கிறது. பொன்மயமாக ஜொலிக்கும் கமுகுப் பூக்களால் அழகாக அலங்கரித்திருக்கிறார்கள். நெய் தீபத்தின் பின்னணியில் பிரகாசிக்கிறான் கார்த்திகைச் செல்வன். தினந்தோறும் காலையில் நடைபெறும் பூஜையின் போது குமரனுக்கு குளிரக் குளிர நடக்கும் பால் அபிஷேகம் கண்கொள்ளாக் காட்சி.

மேற்குப் பிரகார பின்புறச் சுவரில் இரண்டு விநாயகர்கள் காட்சியளிக்கிறார்கள். மஹாவிஷ்ணு மற்றும் சாஸ்தாவுக்கும் சந்நிதிகள் அமைக்கப்பட்டிருக்கிறது. பரசுராமர் காலத்தில் பிரதிஷ்டை செய்யப்பட்டதாகக் கூறப்படும் இக்கோயிலின் உள்ளே அழகான குளமும் உள்ளது. இதையொட்டி நான்கு புறமும் சுவர் எழுப்பி பெரிய வாசலுடன் அமையப்பட்ட மண்டபத்தின் உள்ளே ஒரு பெரிய புற்று காணப்படுகிறது. இதையடுத்து பிரமாண்ட அரச மரத்தின் கீழே பெரிய நாகர் சிலையும் அருகே சிறிது சிறிதாக இருபது நாகங்களும் காணப்படுகின்றன. இங்குள்ள புற்றுக்கு பக்தர்கள் தீபம் ஏற்றி வழிபடுகிறார்கள். புற்றின் தோற்றமும், அமைந்திருக்கும் இடமும் பக்தி கலந்து மெய் சிலிர்க்க வைப்பதாக இருக்கிறது.

அதிகாலை ஐந்து மணியிலிருந்து பதினோரு மணி வரையிலும் மாலை ஐந்து மணியிலிருந்து இரவு எட்டரை மணி வரையிலும் நடை திறந்திருக்கும். தமிழகத்தில் கந்த சஷ்டி சிறப்பாக கொண்டாடப்படுவது போல் கார்த்திகை மாதத்தில் வரும் குமார சஷ்டி இங்கு மிக விமரிசையாகக் கொண்டாடப்படுகிறது. இந்த நாள்தான் பார்வதி தேவி விரதமிருந்து முருகனை மீண்டும் மகனாக கண்ட நாள். இது மட்டுமின்றி தைப் பூசம், பார்வதி தேவியிடம் ஞானப் பால் அருந்திய விழாவும் விசேஷமான நாள்கள்.

நாக தோஷம் உள்ளவர்கள் முருகனுக்கு பால் அபிஷேகம் செய்து வந்தால் தோஷம் விலகி நன்மை பெறுவார்கள் என்பது ஐதீகம். குழந்தை பாக்கியம் வேண்டி வரும் பக்தர்கள் ஏராளம். ஒரு மண்டலம், அரை மண்டலம் கால் மண்டலம் என்று விரதம் மேற்கொண்டு பால் அபிஷேகம் செய்து வந்தால் கைமேல் பலன் கிடைப்பதாக நம்புகிறார்கள். குடும்பத்தில் ஏற்படும் பிரச்னைகளுக்கு தாம்பூலப் பிரசன்னம் பார்த்து பரிகாரம் சொல்லும் வழக்கமும் இங்கு உள்ளது.

கோயில் அமைக்கப்பட்டதை ஒட்டி ஒவ்வொரு ஆண்டும் பிரதிஷ்டா தினம் சிறப்பாக கொண்டாடப்படுகிறது. இந்த ஆண்டு பிரதிஷ்டா தினம் 28.04.2018 -அன்று நடைபெற இருக்கிறது. அன்று காலை கணபதி ஹோமத்துடன் தொடங்கி பூர்ணாபிஷேகம், தீபாராதனை, அன்னதானம் வழங்கப்படுவதுடன் மாலை சுவாமி திருவீதி உலாவும் நடைபெறும். இரவு நடைபெறும் வாண வேடிக்கை கண்கொள்ளாக் காட்சி! இந்த நாளில் குமரனை தரிசித்தால் சகல நன்மைகளும் கிட்டும் என்பது நிச்சயம்.

கேரள மாநிலம் பாலக்காடு மாவட்டத்தில் உள்ளது நெம்மேரா. இங்கிருந்து 1 கி.மீ. பயணம் செய்தால் கண்ணிமங்கலம் கோயிலை அடையலாம். பொள்ளாச்சி - திருச்சூர் சென்றாலும் நெம்மேராவை அடையலாம்.

தொடர்புக்கு: 85475 51443/ 93491 5270 / 98462 22956.

- ஸ்ரீபுரம் சுப்ரமணியன்
 

]]>
http://images.dinamani.com/uploads/user/imagelibrary/2018/4/20/w600X390/v6.jpg http://www.dinamani.com/weekly-supplements/vellimani/2018/apr/20/பாம்பாக-மாறிய-பாலமுருகன்-2904052.html
2904054 வார இதழ்கள் வெள்ளிமணி கல்வி அறிவு வழங்கிய சிதம்பரம் ஸ்ரீஜடா விநாயகர்!   DIN DIN Friday, April 20, 2018 10:34 AM +0530 சைவ திவ்ய ஸ்தலங்களில் முதன்மையானதும், பஞ்ச பூத ஸ்தலங்களில் ஒன்றானதான ஆகாய ஸ்தலம் சிதம்பரம். இதற்கு வடமேற்கு திசையில் குருவைய்யர் அக்ரஹாரத்தில் ஸ்ரீமத் ஜடாவிநாயகர் எழுந்தருளி பக்தர்களுக்கு அருள்பாலித்து வருகிறார்.
 முன்பொரு காலத்தில் ஆந்திர தேசத்தில் குறுநில மன்னன் ஒருவன் அந்த தேச வட பகுதியை ஆண்டு வந்தான், மன்னனுக்கு மகப்பேறு இல்லாத காரணத்தால் பல யாகங்கள், தர்மங்கள் செய்து ஒரு பெண் மகளை பெற்றான், அந்ந பெண் குழந்தையை கல்வி, சாஸ்திரங்கள் ஆகியவற்றில் தேர்ச்சி பெற்று விளங்குபவராக வளர்த்தான். அந்த பெண்ணும் தனது கல்வி அறிவுக்கு நிகரான மணமகனைதான் திருமணம் செய்து கொள்வேன் என தெரிவித்தாள். அவள் கூறியபடி மணமகன் கிடைக்கவில்லை. இந்நிலையில் ஆந்திர தேச தென் பகுதியைச் சேர்ந்த கல்வி அறிவு இல்லாத இளவரசன், அப்பெண்ணை திருமணம் செய்ய கொள்ள எண்ணி அப்பெண்ணின் நிபந்தனைபடி தனக்கு சாஸ்திரங்கள், காவியங்கள், காப்பியங்கள் தெரியும் என பொய்யாகக் கூறி திருமணம் செய்து கொண்டான். தனது கணவன் இளவரசனுக்கு கல்வி அறிவே கிடையாது என்பதை அறிந்த அப்பெண் அவனை விட்டு பிரிந்து விட்டாள்.
 தன் தவறை உணர்ந்த இளவரசன், தன் மனைவிக்கு நிகராக கல்வி கற்க எண்ணி பல தேசங்களுக்கு சென்றும் பலனில்லை. இந்நிலையில் மிகவும் வேதனைப்பட்டு தென் திசை நோக்கி பிரயாணம் செய்து கொண்டிருந்தபோது மிகவும் களைப்புற்று ஒரு மரத்தடியில் உறங்கினான். அப்போது அவனது கனவில் விநாயகர் உருவம் தோன்றி, சிதம்பரத்திற்கு செல்லுமாறு அசரீரி வாக்காக அவனிடம் தெரிவித்தது. சிதம்பரத்திற்கு வந்த இளவரசன் நகரின் வடமேற்கு பகுதியில் ஓர் ஒளி வட்டம் தெரிவதை கண்டு ஸ்ரீ ஜடா விநாயகரை மூர்த்தியாகவும், அதன் அருகில் முனிவர் ஒருவர் தவம் செய்து கொண்டிருப்பதையும் பார்த்தான். முனிவர் கண் விழித்து பார்த்த போது, இளவரசன் தன் வரலாற்றை பணிவோடு கைகூப்பி தெரிவித்தான். பின்னர் முனிவர் அவனிடம் நீ இன்றிலிருந்து 48 நாள்களுக்கு மனதை ஒருநிலைபடுத்தி தினமும் சிறந்த பக்தியுடன் அருகே உள்ள பாசிமறுத்தன் ஓடையிலிருந்து ஒரு குடம் நீர் கொண்டு வந்து அபிஷேகம் செய்து, ஒரு செம்பருத்தி பூவாக சாற்றி பூஜை செய்ய வேண்டும். இந்த விநாயகர் ஜடாமுடியுடன் எழுந்தருளியிருப்பதால், தாயுள்ளம் கொண்ட அவர் உனக்கு நிச்சயம் அருள்பாலிப்பார் எனக் கூறினார்.
 ஜடாதர முனிவர் கூறியபடி தினமும் பக்தியுடனுடன், மிகுந்த ஆசாரத்துடன் ஆற்றிலிருந்து ஒரு குடம் நீரும், செம்பருத்தி பூவும் எடுத்து வந்து பூஜை செய்து வந்தான். இளவரசனின் பக்தியையும், சிரத்தையையும் சோதிக்க விநாயகர் முடிவு செய்தார். 48-ஆவது நாளன்று காலை வழக்கம் போல இளவரசன் குளித்து பக்தியோடு குடத்தில் நீர் எடுத்து வந்து விநாயகருக்கு அபிஷேகம் செய்துவிட்டு செம்பருத்தி புஷ்பத்தை தேடும் போது, ஒரு புஷ்பம் கூட கிடைக்கவில்லை. கடைசியில் மனம் நொந்து விநாயகரை கண்ணீர் மல்க நோக்கினான். திடீரென வந்த யோசனையின்படி விளக்கு ஏற்றும் பஞ்சை எடுத்து, வட்டமாக வைத்து, தனது வலது கையை கல்லால் கீறி ரத்தத்தை வரவைத்து, அந்த ரத்தத்தை அதில் தேய்த்து செம்பருத்தி புஷ்பம் போல ஆக்கி விநாயகருக்கு பூஜைக்கு வைக்க முற்படும் போது விநாயகரே தன் கரத்தால் அவனை தடுத்து ஆட்கொண்டு காட்சியளித்தார்.
 பின்னர் பல காலம் கற்றாலும் கிடைக்காத கல்வி அறிவு பெற்றவனாக அவனை மாற்றி அருள்பாலித்து ஆசி வழங்கியதாக கூறப்படுகிறது. பின்னர் இளவசரன், முனிவரையும் வணங்கி விடைபெற்று தன் தேசம் சென்று ஜடா விநாயகரால் அருள் பெற்றதை தெரிவித்து, தனது மனைவியுடன் மகிழ்ச்சியும் வாழ்ந்ததாகவும் தல வரலாறு கூறுகிறது. திருமணமாகாதவர்கள் வேண்டி இந்த ஆலயத்திற்கு வந்தால் திருமணம் ஆகும் என்பது இக்கோயிலின் ஐதீமாகும். சிறப்பு வாய்ந்த சிதம்பரம் குருவைய்யயர் அக்ரஹாரத்தில் அமைந்துள்ள ஸ்ரீ ஜடா விநாயகருக்கு திருப்பணி செய்யப்பட்டு வருகிற ஏப்ரல் 22- ஆம் தேதி (22-4-2018) ஞாயிற்றுக்கிழமை காலை 9.00 மணிக்கு மேல் 10.30 மணிக்குள் மஹாகும்பாபிஷேகம் வெகு சிறப்பாக நடைபெறுகின்றது.
 தொடர்புக்கு: 90036 03192.
 - ஜி. சுந்தரராஜன்
 

]]>
http://images.dinamani.com/uploads/user/imagelibrary/2018/4/20/w600X390/v8.jpg http://www.dinamani.com/weekly-supplements/vellimani/2018/apr/20/கல்வி-அறிவு-வழங்கிய-சிதம்பரம்-ஸ்ரீஜடா-விநாயகர்-2904054.html
2904053 வார இதழ்கள் வெள்ளிமணி நெஞ்சம் நெகிழ்விக்கும் நெல்லையப்பர்!   DIN DIN Friday, April 20, 2018 10:32 AM +0530 அம்பிகை உமையம்மை எம்பெருமானிடம் இரு நாழி நெல்பெற்று வேணுவனம் அடைந்து அதனைக் கொண்டு முப்பத்து இரண்டு தர்மங்களையும் வளர்த்தாள். அங்கேயே இருந்து தவம் செய்து ஈசனின் அருட்கோலக் காட்சி கண்டு மணக்கோலம் கண்டாள். இந்த அற்புதத் திருமணக்கோலத்தை தென்திசை வந்த அகத்திய முனிவருக்குக் காட்டியருளினார்கள் இறைவனும், இறைவியும்.
 பெருமை வாய்ந்த நெல்லையம்பதி திருத்தலத்தில் வேத சர்மா என்ற அந்தணச் சான்றோர் ஈசனின் நைவேத்தியத்திற்காகப் பலரிடம் பெற்றுவந்த நெல்லைக் காயவைத்து விட்டு நீராடச் சென்றார். எதிர்பாராமல் மழை பெரியதாய் பெய்யவே, "ஈசனே உனக்கு நைவேத்தியம் செய்யக் கொணர்ந்த நெல் என்னாகுமோ? காப்பாற்றி அருளுங்கள்' எனக் கதறியபடியே ஓடிவர, ஈசனின் பெரும் அருளால் நெல்லுக்கு வேலியிட்டார் போல அதனைச் சுற்றிலும் மழைபொழிய நெல்மட்டும் நனையாமால் இருந்த அதிசயத்தைக் கண்டு மழையென கண்ணீர் சொரிந்தார். இதனால் வேணுவன ஈசன் நெல்வேலி நாதர் எனப்புகழ் பெற்றார்.
 சுவேத கேது என்ற அரசன் மன முருகி நெல்வேலி நாதரை வணங்கி வந்தார். வாரிசு இல்லாத மன்னனுக்கு எல்லாமே ஈசன் என்ற சிந்தனையில் இரவு, பகல் பாராது பக்தி பூண்டான். அந்திமக் காலம் நெருங்கியது. எமதருமன் ஆலயத்துள் இருந்த அரசன் மீது பாசக்கயிற்றை வீசினான். இறைவன் காலனைக் காலால் கடிந்து "மன்னவன் விரும்பும் போது முக்தி பெறலாம்' என்று வரம் தந்து அருளினார். எனவே "கூற்றுதைத்த நெல்வேலி' எனச் சேக்கிழார் புகழ்ந்து பாடியுள்ளார்.
 சுவாமி சந்நிதி முதலாம் திருச்சுற்றில் காலசம்ஹார மூர்த்தியின் கோலம் புடைப்புச் சிற்பமாக செதுக்கப்பட்டுள்ளதைக் காணலாம். இந்த திருவிளையாடலை நினைவு படுத்தும் விதமாக ஒவ்வோர் ஆண்டும் வைகாசி மாதத்தில் பூரம், உத்திரம், ஹஸ்தம் ஆகிய நட்சத்திரத் தினங்களில் சிவ பூஜை செய்து பஞ்ச மூர்த்திகள் ஒரே ரதத்தில் உலா வரும் காட்சி அருமையானது. திருஞான சம்பந்தர், திருநாவுக்கரசர், சுந்தரர் மூவரும் திருநெல்வேலி ஈசனைப் பாடிப் பரவியுள்ளனர். அழகிய சொக்கநாதப் புலவர் அருளிய காந்திமதியம்மை பிள்ளைத்தமிழ், படிக்காசுப் புலவரின் தனிப் பாடல்கள் தலச்சிறப்பை விளக்குகின்றன. தமிழ்நாட்டில் குபேரலிங்கம் அமையப்பெற்றுள்ள சில திருக்கோயில்களில் திருநெல்வேலியும் ஒன்று. திருஞானசம்பந்தப் பெருமான் தன் பதிகத்தின் ஒவ்வொரு பாடலிலும் திருநெல்வேலியுறை செல்வர் தாமே! என நிறைவு செய்திருப்பது இதற்குச் சான்றாகும்.
 இத்திருக்கோயில் சுவாமி கோயில், அம்மன் கோயில் என இரு பகுதிகளாக உள்ளது. இங்கு தெற்குப்பிரகாரம், மேலப் பிரகாரம், வடக்கு பிரகாரம் கீழ்ப் பிரகாரம் என்ற அமைப்புடன் உள்ளது. மணி மண்டபத்தில் இருந்து மேற்குப் பக்கமாக நேரே சென்றால் நெல்வேலி நாதரை வழிபடலாம். நெல்வேலி நாதருக்கு வடப்புறமாக கிடந்த கோலத்துடன் பெரிய உருவமாக ரங்கநாதரின் தரிசனம் அற்புதக் காட்சியாகும். புகழ்பெற்ற தாமிரபரணி நதிக்கரையில் வீற்றிருக்கும் ஈசன் தாமிர சபையில் நடராஜப் பெருமானாக அருள்பாலிக்கின்றார். தாமிர சபை மண்டபத்தின் உள்ளே சந்தன சபாபதியை வழிபாடு செய்யலாம். நின்றசீர் நெடுமாற மன்னரால் உருவாக்கப் பெற்ற இசைத் தூண்கள் இவ்வாலயத்தில் பிரபலமாகும்.
 உயிர்களுக்குத் தவம் இயற்றும் முறையை அறிவுறுத்தற் பொருட்டு காந்திமதி அன்னை இங்கே கமல பீட நாயகியாக காமாட்சி என்னும் திருநாமத்துடன் தவக்கோலம் பூண்டு அருள் பொழிகின்றாள். எனவே இத்தலம், தட்சிண காஞ்சி எனவும், காமகோட்டம் எனவும் அழைக்கப் பெறுகிறது. அம்பிகை காந்திமதி தலையில் வைர மணி முடிக்கீரிடம், ராக்கோடி சூடி முகத்தில் புல்லாக்கு மூக்குத்தியுடன், நவமணிமாலை அணிந்தும், பாதங்களில் மணிச்சிலம்புகள் அணிந்தும் அழகுறக் காட்சி தருகின்றாள். இடப்புறம் கரம் தாழ்ந்தும், வலப்புறக் கரம் கிளியேந்தியும் காணப்படும் அற்புதத் திருக்கோலம். ஒளிபொருந்திய சந்திரனைப் போன்ற முகமுடையவள் என்பதால் காந்திமதி எனப் பெயர் கொண்டாள். இவளின் புன்னகையின் சக்திக்கு இணையுமுண்டோ? இவள் பூவிழி பார்வை பட்டால் தொல்லைகள் அகன்று விடும். சங்கீத மும்மூர்த்திகளில் ஒருவரான ஸ்ரீ முத்து சுவாமி தீட்சிதர் அம்பிகை மீது ஹேமாவதி ராகத்தில் அமையப்பெற்ற "ஸ்ரீ காந்திமதிம்' என்ற கீர்த்தனையை இயற்றி அருள்பெற்றார்.
 ஆறுமுக நயினார் சந்தியில் வித்யா சக்கரம் உள்ளது. இதனை வழிபாடு செய்து கல்வியில் மேம்படலாம். அமாவாசை பரதேசி என்னும் சித்தர் வழிபட்ட முருகன் கால் மாற்றி அமர்ந்து யோக சின் முத்திரையுடன் குருகுகனாகக் காட்சி தருகின்றார்.
 பனிரெண்டு மாதங்களும் உற்சவங்கள் சிறப்பாக நடைபெறுகின்றன. சுவர்ண புஷ்கரணி என்னும் பொற்றாமரைக் குளம், தல தீர்த்தமாகும். மூங்கில் தல விருட்சம். மதுரையை விட பெரிய கோயிலான இத்திருக்கோயில் சிற்பக் கலையின் சிகரமாகவே திகழ்கின்றது. இத்தகைய பெருமை மிக்க ஆலயத்தின் திருக்குட நன்னீராட்டுப் பெருவிழா ஏப்ரல் 27- ஆம் தேதி, காலை 09.30 மணிக்கு மேல் 10.15 மணிக்குள் நடைபெறுகின்றது. தொடர்ந்து அன்று மாலை மகா அபிஷேகமும் இரவு சுவாமி அம்பாள் திருக்கல்யாணமும், திருவீதி உலாவும் நடைபெறுகின்றன. யாகசாலை பூஜைகள் ஏப்ரல் 24 முதல் தொடங்குகின்றன.
 தொடர்புக்கு: 0462 2339910.
 - மீனாட்சி ஸ்ரீநிவாஸன்
 

]]>
http://images.dinamani.com/uploads/user/imagelibrary/2018/4/20/w600X390/v7.jpg http://www.dinamani.com/weekly-supplements/vellimani/2018/apr/20/நெஞ்சம்-நெகிழ்விக்கும்-நெல்லையப்பர்-2904053.html
2904051 வார இதழ்கள் வெள்ளிமணி சித்திரையில் சூரியபூஜை!   DIN DIN Friday, April 20, 2018 10:24 AM +0530 விழுப்புரம் மாவட்டம், பனையபுரம் திருத்தலத்தில் அமைந்துள்ளது திருப்புறவார் பனங்காட்டீசன் திருக்கோயில்! இங்கு அருள்புரியும் இறைவனை சித்திரை முதல் தேதியிலிருந்து ஏழாம் தேதி வரை சூரியன் தன் ஒளிக்கதிர்களை காலையில் படரவிட்டு வழிபடும் அற்புதத்தைத் தரிசிக்கலாம். இதனை சூரியபூஜை என்று போற்றுவர். இத்திருக்காட்சியை தரிசித்தால் கண்ணொளி பிரகாசிக்கும் என்பது நம்பிக்கை! இத்திருக்கோயில் விழுப்புரத்திலிருந்து சுமார் 10 கி.மீ. தொலைவில் உள்ளது. வாகன வசதிகள் உள்ளன.
 சித்திரா (சித்தர்) பௌர்ணமி!: சித்திரா பௌர்ணமி அன்று சில ஊர்களில் இரவில் பௌர்ணமி நிலவின் ஒளியில் பூமியிலிருந்து ஒருவகை பூமிநாதம் (உப்பு) பூரித்து வெளிக்கிளம்பும். இதனை ஆரம்ப காலத்தில் சித்தர்கள் கண்டு பிடித்தார்கள். இந்த உப்பு (மருந்து) சித்தமருந்துக்கு வீரியம் அளிக்கும் தன்மை கொண்டதாகும். இந்த உப்பு சேர்க்கப்பட்ட மருந்து மாறாத இளமையை தரும் சக்திகொண்டது. இந்த அரிய உப்பு இன்றும் சில இடங்களில் சித்திரா பௌர்ணமி அன்று பூமியிலிருந்து பூரித்து கிளம்புவதாகச் சொல்லப்படுகிறது. இதனை முதன்முதலில் சித்தர்கள் கண்டுபிடித்ததால் சித்திரா பௌர்ணமியை சித்த மருத்துவர்கள் "சித்தர் பௌர்ணமி' என்று போற்றுவர்.
 - டி. ஆர். பரிமளரங்கன்
 
 

]]>
http://www.dinamani.com/weekly-supplements/vellimani/2018/apr/20/சித்திரையில்-சூரியபூஜை-2904051.html
2904050 வார இதழ்கள் வெள்ளிமணி ஆதிசங்கரர் செய்த நன்மைகள்!   DIN DIN Friday, April 20, 2018 10:24 AM +0530 ஆதிசங்கரர் இந்து மதத்தின் மறுமலர்ச்சிக்கும் வழிபாட்டு நெறிமுறைக்கும் திருத்தல தரிசன சேவைக்கும் மிகப்பெரிய இலக்கணமாகத் தோன்றியவர். காஷ்மீர் முதல் கன்னியாகுமரி வரை பாரதம் முழுவதும் பாதயாத்திரையாகவே சென்று இந்து சமய வாழ்வியல் நெறியின் பெருமைகளையும் அத்வைத சித்தாந்தக் கோட்பாடுகளின் அருமையையும் உலகம் முழுவதும் உணரச் செய்த பேரருளாளர்! மக்களின் பல்வேறு சமயச்சடங்குகளை நெறிமுறைப்படுத்தி சாத்வீக முறையில் அமைதியான வழிபாட்டு வழியை அறிமுகப் படுத்தி நடைமுறையில் கொண்டு வந்த பெருமைக்குரியவர் ஆதிசங்கரர்.
 முப்பத்திரண்டு ஆண்டுகளே இப்பூவுலகில் வாழ்ந்து இறையருளில் கலந்த அந்த மாமுனிவர் பாரதத்தின் பெருமை வாய்ந்த பன்னிரு ஜோதிர்லிங்கங்கள், பராசக்தியின் பல்வேறு பரிணாமங்களான ஐம்பத்தொரு ஸ்ரீ சக்கர பிரதிஷ்டை முதலியவற்றைச் செய்து சிறந்த ஆன்மிக தொண்டாற்றியுள்ளார். பசுபதிநாதர், பூரி, சிருங்கேரி, காஞ்சி, சிதம்பரம் ஆகிய திருத்தலங்களுக்கு கயிலாயத்திலிருந்து கொண்டு வந்த பஞ்சலிங்கங்களை அளித்துள்ளார். அவை, இன்றும் பூஜிக்கப் பெற்று வருவதே அவரின் அருள்கொடைக்கு எடுத்துக்காட்டாகும்.
 ஆதிசங்கரர் இந்து சமயத்தின் அடிப்படை நூல்கள் என்று கருதப்படும் பிரம்ம சூத்திரம், உபநிடதங்கள், பகவத் கீதை, வேதாந்த சாத்திரங்கள் போன்றவற்றுக்கு அற்புதமான பேருரை கண்டவர். சிவானந்தலஹரி, சௌந்தர்யலஹரி, விவேக சிந்தாமணி போன்ற பல நூல்களையும் ஆதிசங்கரர் இயற்றியுள்ளார்.
 இந்து சமயத்தின் பல்வேறு வழிபடு கடவுள் கொள்கைகள் உள்ளன. இறைவனை அடையும் பொருட்டு மார்க்கங்களை ஆறு வகையாகப் பிரித்தார். அவை, காணபத்தியம்- கணபதி, கௌமாரம்- முருகன், சைவம்- சிவன், சாக்தம்- அம்பிகை, வைணவம்- திருமால், சௌரம்- சூரியன் ஆகும். மக்கள் அவரவர் விருப்பப்படி, இந்த அறுவகை வழிபாட்டு நெறிமுறையைக் கடைப்பிடித்து பரம் பொருளை உணர வழிவகுத்தவர் இவரே. மேலும் வேதத்திற்கு சரியான வ்யாக்கியானம் செய்துள்ளார். வேதத்திலும் சாஸ்திரத்திலும் சொல்லப்பட்ட கர்மாக்களையும் கடமைகளையும் சிரத்தையுடன் செய்ய வேண்டும் என்பதை எடுத்துக் கூறியுள்ளார்.
 ஆதிசங்கரர், அவருடைய உபதேசங்களில் மனிதன் தன் வாழ்க்கையில் எதை எப்படிச் செய்ய வேண்டும் என்று விளக்கிக் காட்டியிருக்கிறார். இதைக் கர்மம் என்று சொல்வார்கள். வேதத்தில் மனிதன் நல்வாழ்வுக்காக இரண்டு விஷயங்கள் சொல்லப்பட்டிருக்கிறது. ஒன்று கர்மாக்கள் பற்றியதும் அதன் அவசியங்களும் ஆகும். மற்றது பிரம்மத்தைப் பற்றியது. வேதத்தில் சொல்லியபடி அவனவன் கர்மாக்களை ஒழுங்காக அனுஷ்டிக்க வேண்டும் என்கிறார். மனது பரிசுத்த நிலையில் இருந்தால் தான் வேதாந்த விசாரத்திற்கு யோக்யதை உள்ளவனாய் இருக்கமுடியும்.
 வேதாந்த விசாரம் செய்தால்தான் ஞானம் சம்பாதிக்க முடியும். ஞானம் அடைந்தவுடனே அவன் மோட்சத்திற்கு அருகதையுள்ளவன் ஆகிறான். சாஸ்திரங்களைக் கற்றறிந்த பண்டிதர்களுக்கு பிரம்ம சூத்திரம் போன்ற "ப்ரஸ்தான த்ரய பாஷ்யங்கள்' செய்தருளியிருக்கிறார். மேலும் மக்களை நல்வழி படுத்த நாடெங்கும் நான்கு மடங்களை நிறுவினார். அவை இன்றும் நற்பணியாற்றி வருகின்றன. 20.04.2018 - ஸ்ரீ ஆதிசங்கரர் அவதரித்த புண்ணிய தினமாகும்.
 - டி.எம். இரத்தினவேல்
 

]]>
http://images.dinamani.com/uploads/user/imagelibrary/2018/4/20/w600X390/v5.jpg http://www.dinamani.com/weekly-supplements/vellimani/2018/apr/20/ஆதிசங்கரர்-செய்த-நன்மைகள்-2904050.html
2904049 வார இதழ்கள் வெள்ளிமணி உயர்ந்த எண்ணங்களே உயர்வை அளிக்கும்!   DIN DIN Friday, April 20, 2018 10:21 AM +0530 மனித எண்ணங்கள் வலிமை வாய்ந்தவை. நேர்மறை எண்ணங்கள் நல்ல விளைவுகளையும் எதிர்மறை எண்ணங்கள் தீய விளைவுகளையும் கொடுக்கின்றன. அதனால் தான் நம் முன்னோர்கள் எப்பொழுதுமே நல்லதையே நினைக்கச் சொன்னார்கள்.
நம் நினைவுகளை தேவன் அறிந்திருக்கிறார். பரிசுத்த வேதாகமத்தில் "என் உட்காருதலையும் என் எழுந்திருக்குதலையும் நீர் அறிந்திருக்கிறீர்; என் நினைவுகளைத் தூரத்திலிருந்து அறிகிறீர்'' (சங்கீதம் 139:2) என்று தாவீது கூறுகிறார்.
நாம் என்ன நினைக்கிறோமோ அதுவாகவே ஆகிவிடுகிரோம் என்பது உண்மை. நாம் பணக்காரராக வேண்டும் என்று முழு மனதோடு நினைத்தால் ஒரு நாள் பணக்காரராக ஆகி விடுவோம். நோயாளியாக கற்பனை செய்துக் கொண்டு வாழ ஆரம்பித்தால், ஒரு நாள் நோயாளியாகப் போவதும் உறுதி.
எனவே நம் எண்ணங்கள் மிகவும் வலிமையானவை. நம் எண்ணங்கள், சந்தோஷங்கள், துக்கங்கள் எல்லாமே உங்கள் ஆழ் மனதில் பதிந்து விடுகின்றன. நீங்கள் அடிக்கடி எண்ணும் எண்ணங்கள் நல்லவைகளாக, நேர்மறை எண்ணங்களாக இருந்தால் நல்ல விளைவுகளே நமக்குத் திரும்பக் கிடைக்கும். அடிக்கடி எண்ணும் எண்ணங்கள் தீயவைகளாக, எதிர்மறை எண்ணங்களாக இருந்தால் கெட்ட விளைவுகளே வரும். 
ஒரு விலை உயர்ந்த காரை, ஒரு சிறுவன் வியப்புடன் பார்த்துக் கொண்டிருந்தான். இதைப்பார்த்த அந்த காரின் உரிமையாளர், அந்த சிறுவனின் ஆசையை அறிந்து கொண்டார். பின்னர் அவர், அச்சிறுவனை அந்த காரில் உக்காரவைத்து சிறிது தூரம் ஓட்டினார்.
பின்னர் அவரிடம் அச்சிறுவன், "உங்களின் வாகனம் மிக அருமையாக இருக்கிறது, என்ன விலை? எனக் கேட்டான். அவரோ, ""தெரியவில்லை, இது என் சகோதரன் எனக்கு பரிசளித்தது'' என்றார்.
"அப்படியா!! அவர் மிகவும் நல்லவர்'' என சிறுவன் சொன்னான். உடனே அந்த காரின் உரிமையாளர், "நீ என்ன நினைக்கிறாய் என்று எனக்குத்தெரியும், உனக்கும் என் சகோதரனைப்போல் ஒரு சகோதரன் வேண்டும் என நினைக்கிறாய் அல்லவா?'' என்றார்.
அந்தச் சிறுவன் சொன்ன பதில் அவரை ஆச்சரியப்பட வைத்தது. சிறுவன் சொன்ன பதில் என்ன தெரியுமா? ""நான் அவ்வாறு நினைக்கவில்லை, உங்களுக்கு கார் பரிசளித்த உங்களின் சகோதரனைப்போல் நான் இருக்கவேண்டும் என்று நினைக்கிறேன்'' என்றான்.
ஆம், நம்முடைய நினைவுகள்கூட அவ்வாறே உயர்ந்தவையாக இருக்க வேண்டும். பிறருக்கு கொடுக்க வேண்டும். அதற்காக நாம் நல்வழியில் உழைக்க வேண்டும். இதை வேதாகமத்தில் நீதிமொழிகள் 21:5 - இல் ஜாக்கிரதையுள்ளவனுடைய நினைவுகள் செல்வத்துக்கும், பதறுகிறவனுடைய நினைவுகள் தரித்திரத்துக்கும் ஏதுவாகும்.
நல்ல உயர்ந்த சிந்தனைகள் நம் உள்ளத்துக்குள் வரும்போது அதற்கான முயற்சிகள் எடுக்க ஆரம்பிப்போம். நம்முடைய செயல்களும் அவ்வாறே நல் வழியில் இருக்கும். நற்செயல்கள் செய்பவர்களை தேவன் மிகவும் நேசிப்பார். அதற்கேற்ற பலனை தேவன் பரத்தில் இருந்து அருள்செய்வார் என்பதில் எந்தவித சந்தேகமும் இல்லை. 
எனவே, நம்முடைய எண்ணங்கள் உயர்வானவையாக இருக்கும்போது நம் எண்ணத்தின் படியே ஆகும். சிறந்ததையே எண்ணுவோம் சிறப்புடன் வாழ்வோம்.
- ஒய். டேவிட் ராஜா

]]>
http://images.dinamani.com/uploads/user/imagelibrary/2018/4/20/w600X390/v4.jpg http://www.dinamani.com/weekly-supplements/vellimani/2018/apr/20/உயர்ந்த-எண்ணங்களே-உயர்வை-அளிக்கும்-2904049.html
2904048 வார இதழ்கள் வெள்ளிமணி நிகழ்வுகள்   DIN DIN Friday, April 20, 2018 10:20 AM +0530 ஸ்ரீ கிருஷ்ண யஜுர்வேதக்ரம பாராயணம்!
திருவையாறு திருத்தலத்தில் எழுந்தருளியிருக்கும் ஸ்ரீ தர்மாம்பிகா சமேத ப்ரணதார்த்திஹரஸ்வாமி ஆலய பிரம்மோற்சவம் ஏப்ரல் 20 -இல் தொடங்கி மே 2 வரை நடைபெறுகின்றது. இந்த பிரம்மோற்சவ நாள்களில் ஸ்ரீ பஞ்சநதீஸ்வர ஸ்வாமி சந்நிதியில் ஸ்ரீ ஹரதத்த சிவாச்சாரியார் சிஷ்ய பரம்பரை திருவையாறு வேதஸ்ரீ முத்து சிரௌதிகள் அவர்களால் ஸ்ரீ கிருஷ்ண யஜுர்வேத பாராயணம் க்ரமமாக பல வருடங்களாக காஞ்சி மகாசுவாமிகள் அனுக்கிரகத்தால் நடத்தப்பட்டு, தற்போது அவரது சந்ததியர், சீடர்களால் அந்த கைங்கர்யம் தொய்வில்லால் நடத்தப்படுவது குறிப்பிடத்தக்கது. இவ்வாண்டு, நிகழ்ச்சியில் காலை வேளைகளில் சுவாமி சந்நிதியிலும், மாலையில் வேத பாராயண க்ருஹத்திலும் பல வேத விற்பன்னர்களைக் கொண்டு நடைபெறும். 
தொடர்புக்கு: எம். அனந்த நாராயணன்- 94439 75933 / 098853 19387.
- எஸ்.வெங்கட்ராமன்
மஹா கும்பாபிஷேகம்
காஞ்சி மாவட்டம், மதுராந்தகம் வட்டம், ஆத்தூர் கிராமத்தில் உள்ள அருள்மிகு அத்தி பிள்ளையார், அருள்மிகு தண்டு மாரியம்மன் திருக்கோயிலில் அஷ்டபந்தன மகா கும்பாபிஷேகம் ஏப்ரல் 22 -ஆம் தேதி, காலை 8.00 மணிக்கு மேல் நடைபெறுகின்றது. தொடர்ந்து மஹா அபிஷேகமும் இரவு திருவீதி உலாவும் நடைபெறும். யாக சாலை பூஜை ஏப்ரல் 21- ஆம் தேதி தொடங்குகிறது. 
தொடர்புக்கு : 94436 20568 / 76958 58018. 
சித்திரைப் பெருவிழா
கடலூர் மாவட்டம், ஸ்ரீமுஷ்ணம் வட்டம், அருள்மிகு ஸ்ரீபூவராகசுவாமி திருக்கோயிலில் 21.04.2018 முதல் 07.05.2018 வரை பல்வேறு உற்சவங்களுடன் சித்திரைப் பெருவிழா நடைபெறுகிறது. 
தொடர்புக்கு: 04144 245090.
ஸ்ரீ நரஸிம்ம ஜெயந்தி உத்ஸவம்
தஞ்சை மாவட்டம், பாபநாச வட்டத்தில் அச்சுதபுரம் என்னும் சாலியமங்கலம் அக்ரஹாரத்தில் ஸ்ரீ நரஸிம்ம ஜெயந்தி உத்சவமும் அதனையொட்டி பாகவதமேள நாட்டிய நாடகங்களும் ஏப்ரல் 26 - இல் தொடங்குகின்றது. ஏப்ரல் 26, 27 - ஸ்ரீராதா கல்யாண மகோத்சவம், ஏப்ரல் 28 - ஸ்ரீ பிரகலாத சரித்திரம் (பாகவத மேள நாட்டிய நாடகம்), ஏப்ரல் 29 }ஸ்ரீ ருக்மணி பரிணயம் (நாடகம்) , ஏப்ரல் 30 - ஸ்ரீ பாகவத சம்பிரதாயப்படி ஸ்ரீ ருக்மணி கல்யாணம், ஆஞ்சநேய உத்சவம். 
தொடர்புக்கு: 94436 74366 / 98949 37368.
*****************
கும்பகோணம் அருகில் தேப்பெருமாள் நல்லூரில் ஸ்ரீ லட்சுமி நாராயணப் பெருமாள் சந்நிதியில் ஸ்ரீராதாகல்யாணம் மற்றும் நரஸிம்ம ஜெயந்தி உத்சவம் ஏப்ரல் 25- இல் தொடங்குகின்றது. ஏப்ரல் 25, 26 - ஸ்ரீ ராதாகல்யாண மகோத்சவம், ஏப்ரல் 28 }பிரகலாத சரித்திரம் (நாடகம்) , ஏப்ரல் 29 - ஸ்ரீ ருக்மணி கல்யாணம், ஏப்ரல் 30 - திருக்கல்யாண உற்சவம்.
தொடர்புக்கு: 094436 77936.
சித்திரைப் பெருவிழா
திருக்கயிலாய பரம்பரைத் தருமை ஆதீனத்திற்குச் சொந்தமான திருவையாறு ஸ்ரீ தர்மசம்வர்த்தனியம்பாள் உடனுறை ஸ்ரீ பஞ்ச நதீஸ்வர சுவாமி கோயிலில் சித்திரைப் பெருவிழா ஏப்ரல் 20 கொடியேற்றத்துடன் துவங்குகின்றது. ஏப்ரல் 23 - இரவு கைலாய வாகனம், ஏப்ரல் 24 - தன்னைத் தான் பூஜித்தல், ஆறூர் சுவாமிகள் வருகை. ஏப்ரல் 26 - கோரதத்தில் திருவீதி உலா. ஏப்ரல் 28 - திருத்தேர். ஏப்ரல் 29 - தீர்த்தவாரி, சப்தப் பிரதக்ஷணம். மே 1 }காலை சப்தஸ்தானம் ஏழுர் வலம் வருதல், மே 2- ஆறுர் பல்லக்கும் வருகை, பொம்மை பூ 
போடும் காட்சி. 
தொடர்புக்கு: 04362 - 260332.
 

]]>
http://www.dinamani.com/weekly-supplements/vellimani/2018/apr/20/நிகழ்வுகள்-2904048.html
2904047 வார இதழ்கள் வெள்ளிமணி திருப்பெயரின் பெரும் பயன்கள்   DIN DIN Friday, April 20, 2018 10:18 AM +0530 துவக்கம் துலங்கின் விளைவு விழைந்ததாய் விழுமியதாய் அமைந்து பழுதிலா பயன் தருவதை நடைமுறையில் நாம் பார்க்கிறோம். இறைவனின் திருப்பெயர் கூறி துவக்கப்படும் செயல்கள் செம்மையாய் நடந்து நன்மை நல்குவதை நாளும் நாம் காண்கிறோம். இதனை இறைமறை குர்ஆனின் 55-78 ஆவது வசனம் மிக்க சிறப்பும் கண்ணியமும் உடைய உங்கள் இறைவனின் திருப்பெயர் மிக பாக்கியம் உடையது என்று கூறுகிறது.
 இறைவனின் இனிய பெயர் தூய்மை உடையது; மேன்மையும் வல்லமையும் நிறைந்தது. அவனுக்குக் கட்டுப்பட்டு நடக்க வேண்டும். அவனின் கட்டளைகளை மீறி கட்டுப்பாடற்று நடக்க கூடாது. துதிப்பதற்குத் தகுதியானவன் அவன் ஒருவனே. நம் ஒவ்வொரு செயலையும் அவனின் திருப்பெயரைத் திருத்தமாய் கூறி துவக்க வேண்டும். அல்லாஹ்வின் பொருத்தத்தால் விரும்பிய பயனை விரும்பியவாறு பெறலாம். இது நபிமார்கள் நமக்குக் காட்டித் தந்த வழி.
 இந்நபி வழியைப் புறக்கணித்து இறைவனை மறந்து நழுவி வழுவி துவக்கும் செயல் முதற்கோணல் முற்றிலும் கோணல் என்று வீணாய் முடிந்து முயற்சிகள் விழலுக்கு இறைத்த நீராகி விடுவதை தீரா துன்பத்திற்கு உள்ளாவதை உலகில் காண்கிறோம்.
 நூஹ் நபி அவர்களைப் பின்பற்றியோரை பிரளயத்திலிருந்து காப்பாற்ற கப்பலில் ஏறுமாறு கூறும் பொழுது "இக் கப்பலைச் செலுத்தவும் நிறுத்தவும் ஆற்றல் உடைய அல்லாஹ்வின் திருப்பெயரைத் திருத்தமாய் கூறி ஏறுங்கள். அல்லாஹ் மிக்க கிருபையும் கருணையும் உடையவன்'' என்று ஏவியதை எடுத்துரைக்கிறது மேவும் குர்ஆனின் 11-41 ஆவது வசனம். அல்லாஹ் அருளால்தான் அக்கப்பல் கவிழாமல் கடலில் மிதந்து பாதுகாப்பாக பயணித்து கரையை அடைந்தது.
 அல்லாஹ்வின் திருப்பெயர் கூறி அல்லாஹ்வைத் துதித்து பயணத்தைத் துவக்கிய மூசா நபியும் அவர்களைத் தொடர்ந்தவர்களும் ஜுது மலை அடிவாரத்தில் பத்திரமாக இறங்கினர்.
 ஸபா நாட்டு அரசிக்குச் சுலைமான் நபி அல்லாஹ்வின் திருப்பெயரைப் பிஸ்மில்லாஹ் என்று எழுதி கடிதத்தைத் துவங்கியதை விளக்கமாய் கூறுகிறது குர்ஆனின் 27-30 ஆவது வசனம். சுலைமான் நபி அவர்களே முதலில் அல்லாஹ்வின் அழகிய பெயரையும் பெருமைகளையும் கூறி கடிதம் எழுதினார்கள்.
 இனிய நபி (ஸல்) அவர்களுக்கு அருளப்பட்ட அருமறை குர்ஆனின் முதலில் மொழியப்பட்ட வசனம் 96-1 அனைத்தையும் படைத்த உங்கள் இறைவனின் திருப்பெயரால் ஓதுவீராக என்பதே. இதன் பின்னரே எழுத்தில் வடிக்கப்படும் ஆவணங்களின் ஆரம்பத்தில் இறைவன் திருப்பெரும் புகழும் எழுதும் வழக்கம் ஏற்பட்டது. வாய்மொழி உறுதி உரைப்பதிலும் ஏற்பதிலும் இறைவனின் திருப்பெயர் கூறி துவக்குவது தொடங்கியது.
 இறைவனின் அருளை ஆற்றலைக் குறிக்கும் தொண்ணூற்றி ஒன்பது சிறப்பு பெயர்களில் உள்ள பிஸ்மில்லாஹ் ஹிர்ரஹ்மா - னிர்ரஹீம் என்னும் மூன்று சொற்கள் அடங்கியது இறைவன் திருப்பெயர் கூறும் ஆரம்பம். அல்லாஹ் -வணக்கத்திற்கு உரியவன் அல்லாஹ்வைத் தவிர எவரும் இல்லை. அர்ரஹ்மான் -அளவற்ற அருளாளன், அர்ரஹீம்- நிகரற்ற அன்புடையவன். அல்லாஹ் என்று அழைத்தாலும் அர்ரஹ்மான் என்று அழைத்தாலும் அல்லாஹ்விற்குப் பொருத்தமே என்று புகல்கிறது 17-110 ஆவது வசனம்.
 காலையிலும் மாலையிலும் இறைவனின் திருப்பெயரை நினைவு கூற கூறுகிறது குர்ஆனின் 76- 25 ஆவது வசனம். காலையில் தூங்கி எழும்பொழுது ஏற்ற முறையில் இறைவனைப் போற்றி புகழ்ந்து துதிக்க பூமான் நபி (ஸல்) அவர்கள் புகன்றதை அஹ்மது நூலில் காணலாம். வீட்டிலிருந்து வேலையாக வெளியில் செல்லும்பொழுது இறைவனின் திருப்பெயரை மொழிந்து இறைவனைப் புகழ்ந்து புறப்பட வேண்டும். உங்கள் இல்லத்தில் புகுமுன்னும் உணவு உண்ண துவங்குகையிலும் இறைவன் திருப்பெயரை மொழிவதும் புகழ்வதும் பூரணத்துவம் பெற உதவும்.
 அல்லாஹ்விற்கு அழகிய திருப்பெயர்கள் உள்ளதை உரைக்கின்றன உத்தம குர்ஆனின் 20-8, 59-21 ஆவது வசனங்கள். மேலும் அத்திருப்பெயர்களைக் கொண்டு அல்லாஹ்வை அழைக்க அறிவுறுத்துகிறது 7-180 ஆவது வசனம். அல்லாஹ்வின் திருப்பெயரால் அவனை அழைத்து துதித்து நம் செயல்களைத் துவக்கி எண்ணிய எண்ணியாங்கு எய்து வென்றபின் வெற்றி தந்த அல்லாஹ்வைப் பணிந்து வணங்கி நன்றி நவின்று நல்வாழ்வு வாழ்வோம்.
 - மு.அ. அபுல் அமீன்
 
 

]]>
http://images.dinamani.com/uploads/user/imagelibrary/2018/4/20/w600X390/v3.jpg http://www.dinamani.com/weekly-supplements/vellimani/2018/apr/20/திருப்பெயரின்-பெரும்-பயன்கள்-2904047.html
2904046 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, April 20, 2018 10:15 AM +0530 * கேள்வி ஞானம், மனனம், இடையீடில்லாத தியானம் ஆகியவற்றைக் கொண்டு வேத வாக்கியங்களின் பொருளைத் தெளிதல் வேண்டும்.

* இறைவன் பரிபூரணமான ஆனந்தமயமானவன்; நற்குணங்கள் அனைத்திற்கும் கொள்கலனாக இருப்பவன்; தீமைக்கு எதிர்மறை; உலகத்தை ஆக்கிக் காத்து, நீக்கும் அலகிலா விளையாட்டுடையவன்; மற்றைய எல்லாப் பொருள்களிலிருந்தும் வேறுபட்டவன்; தன் இச்சையினால், தான் எண்ணியவற்றைச் செயலாற்றுபவன்; கருணைக் கடல்.

* என்னுடைய செல்வம், தந்தை, தாய் எல்லாமே இறைவன். அவனை நான் என்று காண்பேன்? என்னுடைய இந்தக் கைகளால், எப்போது அவன் தாமரைத்திருவடிகளை வருடப் போகிறேன்? எப்போது அந்தத் திருவடிகளுடன் ஒன்றி வேறுபாடு நீங்கிச் சிறப்படையப் போகிறேன்? அழியாத பெருங்கடலாகிய இறைவனுடன் நான் இணையும் நாள் எந்நாளோ?

* கண்ணால் சூரியனைப் பார்க்கிறோம். அந்தக் கண்ணும் இறைவனே, சூரியனும் இறைவனே, இந்தத் தொடர்பும் இறைவனே.

* ஆன்மிகமாகவும், அதற்குப் புறம்பானதாகவும் உள்ள எல்லாவற்றையும் நிர்வகிக்கும், சேஷசயனத்தில் மகிழ்கிற ஆதிபரம்பொருளை நான் வணங்குகிறேன்.

* உன் கடமைகளை இறைவனுக்குச் செய்யும் வழிபாடாக நினைத்துச் செய்.

* சடகோபனும் மற்ற ஆழ்வார் அடியார்களும் இயற்றிய புனிதமான நூல்களைப் படி. அதில் சொல்லப்பட்டிருக்கும் கருத்துக்களை, தகுந்த சீடர்களைத் தேடிப் பிடித்து அவர்களுக்குக் கற்றுக் கொடு.

* நீ உனது நேரத்தை இறைவனை வழிபடுவதில் செலவிடு. (ஏழைகளுக்கு உணவளித்தல், இறைவன் வழிபாட்டிற்குத் தேவையான பொருள்களை அளித்தல், கோயிலில் விளக்கேற்றுதல், இறைவனுக்கு அழகிய மாலைகளைத் தொடுத்தல், கோயிலைச் சுத்தம் செய்தல், அழகாகக் கோலமிட்டு அலங்கரித்தல் போன்றவை.)

* அறிவும் பக்தியும் நடுநிலைப் பண்பும் உள்ள ஒரு வைணவனைக் கண்டுபிடி. அவன் உன்னை மதித்துத் தனக்குச் சொந்தமானவன் என்று நினைக்கக் கூடியவனாகவும் இருக்க வேண்டும்.
- ஸ்ரீ ராமானுஜர்

]]>
http://images.dinamani.com/uploads/user/imagelibrary/2018/4/20/w600X390/v2.jpg http://www.dinamani.com/weekly-supplements/vellimani/2018/apr/20/பொன்மொழிகள்-தொகுப்பு-சுவாமி-கமலாத்மானந்தர்-2904046.html
2904045 வார இதழ்கள் வெள்ளிமணி சென்னையில் ராமானுஜர்!   DIN DIN Friday, April 20, 2018 10:13 AM +0530 வைணவம் வாழ வழி வகுத்தவர்களில் முக்கியமான பங்கு பகவத் ராமானுஜரையே சாரும். பகவத் ராமானுஜரின் பெற்றோர்கள் தங்களுக்கு புத்திர பாக்கியம் வேண்டுமென திருவல்லிக்கேணி பார்த்தசாரதிப் பெருமானிடம் பிரார்த்திக்க வந்தபோது அவர்களுக்கு கீதையின் நாயகன், தானே புத்திரனாக அவதரிப்பதாக அருள்பாலித்து அனுப்பி வைக்கிறார். பின்னர், ஸ்ரீ பெரும்புதூரில் ஸ்ரீ ராமானுஜர் அவதரித்தார். இப்படி, ராமானுஜரின் அவதாரமே சென்னையுடன் சம்பந்தப்பட்டதாக அமைந்துவிட்டது. 
இதற்கு மேலும் சிறப்பூட்டுவதாக சென்னையிலே ராமானுஜருக்கென்றே பல திருக்கோயில்கள் அமைந்திருக்கிறது. இது இன்றைய இளைய தலைமுறையினரில் பலருக்கு தெரியாத விஷயமாய் இருக்கலாம். சென்னை திருவல்லிக்கேணி பார்த்தசாரதி ராமானுஜரின் அவதாரத்திற்கு காரணம் என்பதால் அத்திருக்கோயிலில் அவருக்கு தனி சந்நிதி அமைத்து ஸ்ரீ பெரும்புதூரில் நடைபெறுவது போன்றே ராமானுஜருக்கு இங்கும் திருவிழாக்கள் நடைபெற்று வருகின்றது. 
மேற்கு மாம்பலம் கோவிந்தன சாலையில் அமைந்துள்ள திருக்கோயில் "ஸ்ரீ ஆதிகேசவன் பாஷ்யகாரர் திருக்கோயில்' என்றே அழைக்கப்படுகிறது. இங்கு அருள்பாலிக்கும் ஆதிகேசவனை ராமானுஜர் ஒரு சமயம் சென்னைக்கு எழுந்தருளியபோது தம் திருக்கோயிலில் தங்கியிருக்க கேட்டுக்கொண்டதன்படி ராமானுஜர் திருக்கோயிலில் தங்கியதாகவும் இத்தல வரலாறு மூலம் அறிய முடிகிறது. இங்கு ராமானுஜருக்கு மாத திருவாதிரை நட்சத்திரம், சித்திரை உத்ஸவம் சிறப்பாக நடைபெறுகின்றது. தவிரவும் பாரிமுனை வரதா முத்தியப்பன் தெருவிலும் ஆச்சாரப்பன் தெருவிலும் இரண்டு கோயில்கள் அமைந்துள்ளன.
வரதா முத்தியப்பன் தெருவில் அமைந்திருக்கும் திருக்கோயிலுக்கு "வரதராஜப் பெருமாள் மணவாள மாமுனிவள் திருக்கோயில்' என்று பெயர். இங்கும் ராமானுஜருக்கென்றே தனி சந்நிதி உள்ளது. அழகான ராமானுஜரின் உத்ஸவ திருமேனியும் தரிசிக்க வேண்டிய ஸ்வரூபம்.
அதுபோன்று ஆச்சாரப்பன் தெருவில் அமைந்திருக்கும் திருக்கோயிலுக்கு "உடையவர் கோயில்' என்றே பெயர். முந்தைய கொத்தவால் சாவடி பக்கம் அமைந்திருந்தபடியால் இங்கு காய்கறி மண்டிகள் அதிகம் காணப்படும். இதனால் இவ்விரு கோயில்களில் ஒன்றை "உருளைக் கிழங்கு உடையவர் கோயில்' என்றும் மற்றொன்று "வெங்காய உடையவர் கோயில்' என்றும் வேடிக்கையாக அழைத்து வந்தனர். இத்திருக்கோயிலில் காட்சியளிக்கும் ராமானுஜரின் மூலவர் அத்திமரத்தால் அமைக்கப்பட்டவர்.
ஆச்சாரப்பன் தெருவில் உள்ள ஆலயத்தில் பிரதான பெருமானாக ஆதிகேசவப் பெருமாள் ஸ்ரீதேவி பூதேவியுடன் காட்சியளிப்பது சிறப்பம்சம். தனிக்கோயில் தாயாரின் திருநாமம் எதிராஜ நாதவல்லி! ராமானுஜர் அவதாரத்தலமான ஸ்ரீபெரும்புதூரில் உள்ளது போலவே இங்கு யதிராஜனான ராமானுஜ நாதனாகிய ஆதிகேசவனுடைய நாயகியாதலால் ராமானுஜனை முன்னிட்டு தாயார் திருநாமம் யதிராஜ நாதவல்லி என்று அமைந்திருப்பது என்ன பொருத்தம்!
தாயார் சந்நிதி அருகில் ஸ்ரீ ராமன், ஸ்ரீநிவாசன் சந்நிதிகளும் அமைந்துள்ளன. கண்ணன், ஆண்டாள், ஆளவந்தார் சந்நிதிகளும் அமைந்துள்ளன. ஸ்ரீ லட்சுமி ஹயக்ரீவர் சந்நிதியையும் நூதனமாக அமைத்துள்ளனர். மேலும் தெற்கு முகமாக பிரமாண்டமான மூலவர் சஞ்சீவி ஆஞ்சநேயர் சந்நிதியும் கம்பத்தில் அமைந்துள்ள லட்சுமி நரசிம்மர் சந்நிதியும் தரிசிக்க வேண்டிய சந்நிதிகள். 
இத்திருக்கோயிலுக்கு விசேஷ வேலைப்பாடுடன் கூடிய கிழக்கு நோக்கிய ஐந்து தள ராஜகோபுரம் அமைந்துள்ளது. பல ஆண்டுகளுக்கு முன்பு இத்திருக்கோயிலுக்கு ராஜகோபுரம் கட்ட அஸ்திவாரம் தோண்டியபோது பாதாள விநாயகர் கிடைக்கப் பெற்றார் என்பது குறிப்பிடத்தக்கது. 
- எம்.என். ஸ்ரீநிவாசன்

]]>
http://images.dinamani.com/uploads/user/imagelibrary/2018/4/20/w600X390/v1.jpg http://www.dinamani.com/weekly-supplements/vellimani/2018/apr/20/சென்னையில்-ராமானுஜர்-2904045.html
2904044 வார இதழ்கள் வெள்ளிமணி திருக்கல்யாண விருந்து   Friday, April 20, 2018 10:11 AM +0530 சோலைமலை முருகன் கோயிலில் 40 ஆண்டுகளாக கார்த்திகை மாதத்தில் "பழமுதிர் சோலை திருவருள் முருகன் பக்த சபை" சார்பில் விருந்து அளித்துக்கொண்டு இருக்கிறோம். 19 ஆண்டுகளுக்கு முன்பு மதுரை மீனாட்சி அம்மன் கோயிலில் நிர்வாக அதிகாரியாக இருந்தவர் தேனய்யா. அவர் மீனாட்சி அம்மன் கோயிலுக்கு இடமாற்றம் செய்யப்பட்ட போது, திரு சாமுண்டி விவேகானந்தன் அவர்களை அணுகினார். ஆலயத்தில் நடைபெறும் திருக்கல்யாணத்தின் போது ஊழியர்களுக்கு திருமண விருந்து கொடுக்கும் யோசனை தோன்றியதால் பொதுமக்கள் கொடுக்கும் பொருள்களைக் கொண்டு முதன்முதலில் மீனாட்சி அம்மன் கோயிலில் உள்ளே செவ்வந்தீஸ்வரர் சந்நிதி முன்பு சுமார் 1500 பேருக்கு திருமண விருந்து அளிக்க ஆரம்பித்தோம். இன்று வரை இது இறைவனின் அருளால் தடையின்றி நடந்து கொண்டு வருகிறது. அம்மன் சமைக்கிறார். நாங்கள் கரண்டியாக இருந்து பரிமாறுகிறோம்.
 10 ஆண்டுகளாக மதுரை மீனாட்சி சுந்தரேஸ்வரர் திருக்கல்யாணத்தன்று, 10,000 பேருக்கு பக்த சபை சார்பில், ஆடி வீதிகளில் விருந்து அளிக்கப்பட்டு வந்தது. இவ்வாண்டு, 27-04-2018 -அன்று நடைபெறும் திருக்கல்யாணத்தில் 75 ஆயிரம் பேருக்கு அன்னதானம் வழங்கப்படுகிறது. இதனை முன்னிட்டு, பழமுதிர் சோலை திருவருள் முருகன் பக்த சபை சார்பில், மதுரை சேதுபதி மேல்நிலைப்பள்ளியில் திருக்கல்யாண விருந்து நடத்தப்படுகிறது. இந்த விருந்தில், பூந்தி, வாழைப்பழம், வடை , கல்கண்டு சாதம் , எலுமிச்சைச்சாதம் , தக்காளிச்சாதம் , சாம்பார்ச்சாதம் மற்றும் தயிர்ச்சாதம், தண்ணீர் பாக்கெட் ஆகியவை தட்டில் வழங்கப்படும்.
 26-04-2018 -அன்று மாலை 5.00 மணி முதல் மதுரை சேதுபதி மேல்நிலைப்பள்ளியில் காய்கறி நறுக்குதல் போன்ற பணி துவங்குகிறது. மாப்பிள்ளை அழைப்பு விருந்தில் கேசரி ,பொங்கல், வடை இடம்பெறும்.
 விருந்துக்கு தேவையான மளிகைப் பொருள்கள் கொடுக்க விரும்புபவர்கள், ஏப்ரல் 23, 24, 25 -ஆம் தேதிகளுக்குள் கொடுக்கலாம்.
 பக்தர்களை திருக்கல்யாண விருந்துக்கு சேவை செய்ய அழைக்கிறோம்.
 தொடர்புக்கு: 73737 30396.
 - முருகதாஸ்
 

]]>
http://www.dinamani.com/weekly-supplements/vellimani/2018/apr/20/திருக்கல்யாண-விருந்து-2904044.html
2899408 வார இதழ்கள் வெள்ளிமணி திருவீதி உலாவரும் இறைவன்!   DIN DIN Friday, April 13, 2018 10:56 AM +0530 திருவிழா காலங்களில் இறைவன் திருவீதி உலாவரும்போது, ஒவ்வொரு நாளும் ஒவ்வொரு வாகனத்தில் எழுந்தருளி உலா வந்து பக்தர்களுக்குத் தரிசனம் தருவார். அப்போது, அவர் எழுந்தருளியிருக்கும் வாகனத்திற்கு ஏற்ப பலன்கள் உண்டு' என்று ஞானநூல்கள் கூறுகின்றன.
சப்ரமஞ்சத்தில் எழுந்தருளி வரும் இறைவனையும் இறைவியையும் தரிசித்தால் லட்சுமி தேவியின் கடாட்சம் கிட்டும். பூதவாகனத்தில் அமர்ந்து பவனிவரும் ஈசனையும் அம்பாளையும் தரிசித்தால் தீயசக்திகளின் பாதிப்பு இருந்தால் நீங்கும். வெள்ளி ரதம், மயில் இவற்றில் இறைவனும் இறைவியும் எழுந்தருளி உலாவரும்போது தரிசிப்பவர்களுக்கு செல்வ வளம் பெருகும்.
யானை வாகனத்தில் இறைவன் உலா வரும் போது தரிசித்தால் எதிரிகள் அழிவர். மேலும் அன்ன வாகனத்தில் அம்பாள் எழுந்தருளி உலா வரும்போது தரிசித்தால் துன்பங்கள் நீங்கும். நந்தி வாகனத்தில் சிவபெருமானுடன் அம்பாளும் இணைந்து உலாவரும் போது தரிசித்தால் குடும்பத்தில் மகிழ்ச்சி பொங்கும், ஆரோக்கியமாகவும் வாழலாம். காமதேனு வாகனத்தில் எழுந்தருளி ஈசனும் அம்பாளும் வீதிஉலா வரும்போது அர்ச்சித்து வழிபட்டால் நினைத்த சுபகாரியங்கள் தங்கு தடையின்றி நிறைவேறும்.
குதிரை வாகனத்தில் அமர்ந்து இறைவன் உலாவரும் வைபவத்தினைத் தரிசித்தால் வீரமும் வெற்றியும் கிட்டும். புருஷாமிருக வாகனத்தில் வரும் இறைவனை வழிபட்டால் நடைபெறாது என்று நினைத்த காரியங்களும் விரைவில் நடைபெறும். பொதுவாக, விழாகாலங்களில் உலாவரும் இறைவனையும் இறைவியையும் தரிசிப்பதால் சகல நன்மைகளுடன் மங்களமும் கிட்டும் என்று ஆன்மிக நூல்கள் கூறுகின்றன.
விசேஷ நாள்களில் ஈசனையும் அம்பாளையும் ஆலயங்களில் அலங்கரிப்பது வழக்கம். அப்போது, இறைவனையும் இறைவியையும் அர்ச்சித்து வழிபட்டால் சகல பாக்கியங்களையும் பெற்று வளமுடன் வாழலாம் என்று வேத நூல்கள் கூறுகின்றன.
- டி.ஆர். பரிமளரங்கன்
 

]]>
http://images.dinamani.com/uploads/user/imagelibrary/2018/4/13/w600X390/v9.jpg http://www.dinamani.com/weekly-supplements/vellimani/2018/apr/13/திருவீதி-உலாவரும்-இறைவன்-2899408.html
2899407 வார இதழ்கள் வெள்ளிமணி பிறவிப் பாவம் நீக்கிடும் பிரம்மபுரீஸ்வரர்!   DIN DIN Friday, April 13, 2018 10:55 AM +0530 விழுப்புரம் மாவட்டம், விக்கிரவாண்டி வட்டத்தில் உள்ள பிரம்ம தேயம் எனப்படும் பிரம்மதேசத்தில் உள்ளது பிரம்மபுரீஸ்வரர் திருக்கோயில். இவ்வூரின் மையப்பகுதியில் பாதாளீஸ்வரர் ஆலயமும் வடக்கு திசையில் ஏரிக்கரையின் அருகில் பிரம்மபுரீஸ்வரர் ஆலயமும் அமைந்துள்ளன. பல்வர்கள், சோழர்கள், பாண்டியர்கள், சாளுக்கியர்கள், விஜயநகர மன்னர்கள் போற்றி வணங்கிய அற்புதத் தலம் இது! பிரம்மன் வழிபட்டதால் இத்தல ஈசன் பிரம்மபுரீஸ்வரர் ஆனாதாகவும் அதனால் இந்த ஊருக்கு பிரம்மதேசம் என்ற பெயர் வந்ததாகவும் ஆலய வரலாறு தெரிவிக்கிறது. இவ்வாலயத்துக்குச் செல்லும் வழியில் "தேரடி விநாயகர்' சந்நிதி உள்ளது.
 ஊரின் வடக்குத் திசையில் உயர்ந்த மலைகள், வயல் வெளிகளுடன் அற்புதமாக காட்சியளிக்கும் இந்த ஆலயம் கிழக்கு நோக்கி அமைந்துள்ளது. கல்வெட்டு தகவலின்படி இக்கோயில் சோழ மன்னர்கள் காலத்தவை என்றும்; ஆராய்ச்சியின் போது கிடைத்த துர்க்கை சிலையை வைத்துப் பார்க்கும் பொழுது இது பல்லவர் காலத்திலும் இருந்திருக்கலாம் என்கின்றனர். மீனாட்சி சுந்தரம்பிள்ளை இயற்றிய " மீனாட்சி கலித்தொகை' யில் இந்த பிரம்ம தேசம் பற்றி குறிப்பிடப்பட்டுள்ளது.
 இவ்வாலயம், தொல்லியியல் துறையின் மூலம் நன்கு பராமரிக்கப்பட்டு வருகின்றது. நந்தியப்பர் மேற்கு நோக்கி இறைவனை வழிபடுகிறார். வலது புறம் பெரிய மண்டபம் உள்ளது. இது அம்மையின் சந்நிதியாக இருந்திருக்கலாம். மேற்கு நோக்கி உள்ளே சென்றால் பிரம்மாண்டமான திருச்சுற்று மாளிகை அமைந்துள்ளது. இதில் இரட்டைப் பிரகாரத்தில் நூற்றுக்கும் மேற்பட்ட, உருண்டை வடிவ கல்லால் ஆன தூண்கள், அற்புதமான வடிவமைக்கப்பட்டு, நான்கு புறமும் கல் மண்டபத்தை தாங்கி நிற்கின்றன.
 கிழக்கு நோக்கிய இறைவனின் கருவறை சதுரவடிவில் அமைக்கப்பட்டுள்ளது. மூலவர் பிரம்மபுரீஸ்வர் லிங்கத் திருமேனியாக காட்சி தருகின்றார். முகப்பு மண்டபத்தின் வடக்கில் தெற்கு நோக்கிய தனிச்சந்நிதியில் அன்னை பெரியநாயகி என்ற திருநாமத்தோடு நின்ற திருக்கோலத்தில் அருள்கிறாள். மேல் வலது கரத்தில் அல்லி மலரும் மேல் இடது கரத்தில் தாமரை மலரும் தாங்கியபடி இருக்க, கீழ்வலது கரம் அபய முத்திரையோடும் கீழ் இடது கரம் வரத முத்திரையோடும் ஆனந்த தரிசனம் தருகின்றாள்.
 பிரகாரத்தில் விநாயகர், வள்ளி தெய்வயானையுடன் வஜ்ரப்படை, சக்திப்படை ஏந்திய முருகப்பெருமான், துர்க்கை, காலபைரவர், சண்டிகேஸ்வரர் சந்நிதிகளும் நவக்கிரகச் சந்நிதியும் அமைந்துள்ளன. தேவகோட்டத்தில் தட்சிணாமூர்த்தி, மேற்கில் லிங்கோத்பவர், வடக்கில் பிரம்மா அருள்பாலிக்கின்றனர்.
 குருபகவானுக்குரிய அதிதேவதை பிரம்மா என்பதால் வியாழக்கிழமைகளில் இவ்வாலயத்தில் உள்ள குருபகவானை வழிபடுவது மிகவும் நல்லது. திங்கள்கிழமை, திருவாதிரை, புனர்பூசம், சதயம் மற்றும் அவரவர் ஜன்ம நட்சத்திர நாள்களில் இத்தல இறைவனை வழிபடுவது சிறப்பாகும்.
 பிறவிப் பாவங்கள் தீரவும் திருமணத்தடை , புத்திரபாக்கியம், பிரிந்த தம்பதிகள் ஒன்று சேரவும் இவ்வாலயத்தில் உள்ள இறைவனை வழிபடுவதால் நம் விருப்பங்கள் நிறைவேறும்.
 விழுப்புரம்- செஞ்சி சாலையில் விழுப்புரத்தில் இருந்து வடகிழக்கே சுமார் 21 கி.மீ. தொலைவிலும்; செஞ்சியிலிருந்து தென்கிழக்கே 21 கி.மீ. தொலைவிலும் உள்ளது இந்த பிரம்மதேசம் திருத்தலம்.
 - களக்காடு வ. மாரி சுப்பிரமணியன்
 
 

]]>
http://images.dinamani.com/uploads/user/imagelibrary/2018/4/13/w600X390/v8.jpg http://www.dinamani.com/weekly-supplements/vellimani/2018/apr/13/பிறவிப்-பாவம்-நீக்கிடும்-பிரம்மபுரீஸ்வரர்-2899407.html
2899405 வார இதழ்கள் வெள்ளிமணி மகிழ்ச்சியான வாழ்வருளும் மச்சாவதார மூர்த்தி!   DIN DIN Friday, April 13, 2018 10:53 AM +0530 திருமால் மீது அளவிலா பக்தி கொண்ட சத்யவிரதன் என்ற ராஜரிஷி திராவிடநாட்டின் சக்ரவர்த்தியாக இருந்தான். ஒருநாள் கிருதமாலா என்ற ஆற்றங்கரையில் தன் மூதாதையர்களுக்குத் திதி கொடுக்க, தன் இரு கரங்களால் தண்ணீரை ஏந்த, அதில் ஒரு அழகிய மீனைக் கண்டான். பேரழகுமிக்க அந்த மீன், அவனிடம் தன்னை மீண்டும் தண்ணீரில் விட்டால் குட்டி மீனான தன்னைப் பெரிய மீன்கள் விழுங்கி விடும் என்றது. அதனால் அதைத் தன் கமண்டலத்திற்குள் வைத்து ஆஸ்ரமத்திற்கு எடுத்துப் போக, அந்த மீன் கிடுகிடுவென்று வளர்ந்து கமண்டலம் முழுவதும் பரவியது. மேலும் அது அங்கு தனக்கு வசிக்கப் போதாது என்றது. அதனால் சத்தியவிரதன் மீனைக் கமண்டலத்திலிருந்து வேறு ஒரு நீர் நிறைந்த பாத்திரத்தில் போட, அங்கும் பெரிதாக வளர்ந்து, மீண்டும் தனக்கு வசிக்க இடம் போதவில்லையே என்று கெஞ்சியது. இவ்வாறு, குளம், பெரிய மடு, ஏரி, என்று மாற்றி மாற்றி போட்டு, இறுதியில் கடலில் கொண்டு விடும்போது, தன்னை கடலில் விட்டால் பெரிய திமிங்கிலங்கள் சாப்பிட்டுவிடும் என்று அலறியது.
 அப்பொழுதுதான் சத்யவிரதனுக்கு உண்மை புரிந்தது. உடனே அவன் மீனை இருகரம் கூப்பி ""பரம்பொருளே! நீங்கள் திருமால்தான் என்பதை புரிந்து கொண்டேன். என்னை ஆட்கொண்ட காரணத்தைத் தெரிவிக்கும்படி பிரார்த்திக்கிறேன்'' என்று கூறி அந்த மீனின் முன் வீழ்ந்து வணங்கினான்.
 அதற்கு அந்த மீன் சொல்லியது: ""சத்யவிரதா! உலகங்கள் அழியும் நாள் வந்து விட்டது. இன்று முதல் ஏழாம் நாள் பெரும் காற்றுடன் கடல் பொங்கி இவ்வுலகம் அழியும். எங்கும் இரவு சூழ்ந்துவிடும். இரவு முடியும் வரை பிரம்மதேவன் நித்திரை செய்வார். நீ எனக்கு ஒரு உதவி செய். நான் உனக்கு ஒரு பெரிய தோணியை அனுப்பி வைக்கின்றேன். அந்தத் தோணியில் உலகில் உள்ள எல்லா மூலிகைகளையும், வித்துகளையும் ஏற்றிக்கொண்டு சப்த ரிஷிகளுடன் சமுத்திரத்தில் மிதப்பாய். பேரலைகளாலும் பெருங்காற்றினாலும் தோணி கவிழ்ந்து விடாமல் கடலில் சஞ்சரிக்கும் எனது செதிலில் வாசுகி என்ற பாம்பைக் கயிறாகக் கொண்டு கட்டிவிடு. அந்த இரவு முடியும்வரை சப்தரிஷிகளும் ஒளிமயமாக இருந்து உனக்கு வழிகாட்டுவார்கள். உனக்கு சர்வமங்களமும் உண்டாகட்டும்'' என்றது.
 அதேபோன்று ஏழாம் நாள், பெருமழை பெய்து, கடல் கரைபுரண்டு பூமியை கபளீகரம் செய்தது. எங்கும் இருள் சூழ்ந்தது. எங்கும் தண்ணீரே காணப்பட்டது. அத்தண்ணீரில் திருமால் தங்கத் திமிங்கலத் தோற்றத்துடன் காணப்பட்டார். தகதகவென ஜொலித்த அவர் உடம்பில் கொம்பு போல் ஒன்று நீண்டு இருந்தது. சத்யவிரதன் மீன் சொல்லியதுபோல் எல்லாவற்றையும் ஏற்றிக்கொண்டு தோணியை தங்கத் திமிங்கிலத்தின் கொம்பில் கட்டிவிட்டு தியானத்தில் ஆழ்ந்தான்.
 இதற்கிடையில் பிரளயத்தின்போது நித்திரையில் இருந்த பிரம்மனிடமிருந்து நான்கு வேதங்களையும் குதிரை முகமுடைய ஹயக்ரீவன் என்ற அசுரன் தனது யோக சித்தியினால் கவர்ந்து சென்று கடலில் பதுங்கிவிட்டான். மழை நின்றதும் தண்ணீர் வடிய, தோணியும் கரை சேர்ந்தது. பிரம்மதேவன் நித்திரை காலமும் முடிந்தது. அவ்வேளையில் சத்திய விரதன் பிரம்மனைக் குறித்து பிரார்த்திக்க, பிரம்மா அவன் முன் தோன்றினார். அவர்தம் சிருஷ்டியைத் தொடங்க நினைத்தபோது தன்னிடம் வேதங்கள் இல்லாத விவரம் தெரிய வந்தது. உடனே, திருமாலை நோக்கித் தியானம் செய்தார்.
 திருமாலும் வேதங்களை ஹயக்கிரீவன் ஒளித்து வைத்திருப்பதை அறிந்து, இடுப்பிற்கீழ் மீன் உருவமும், இடுப்பின் மேற்புறம் ஆயுதங்களோடுக் கூடிய நான்கு திருக்கரங்களுடன் தோன்றி கடவில் புகுந்து ஹயக்ரீவனுடன் பெரும் போர் புரிந்து, அவனைக் கொன்று, வேதங்களை மீட்டார். அந்த வேதங்களை மீண்டும் பிரம்மனிடம் ஒப்படைக்க, பிரம்மதேவரும் தன் கடமையான படைப்புத் தொழிலைச் செய்யத் தொடங்கினார். இதுவே மச்சாவதார நிகழ்ச்சி.
 வேதத்தை மீட்டெடுத்த பெருமாள், வேத நாராயணராக ஆந்திராவில் உள்ள நாகலாபுரத்தில் திருக்கோயில் கொண்டுள்ளார். இத்திருத்தலத்தில் பங்குனி மாதத்தில் மூன்று நாள்கள் சூரியன் ஒளிக்கதிர்கள் முதல்நாள் பெருமாள் பாதத்திலும் இரண்டாம் நாள் நாபியிலும் மூன்றாம் நாள் சிரசிலும் விழுகிறது. இதை சூரிய பூஜை என்கின்றனர். இதனை ஐந்து நாள் விழாவாகக் கொண்டாடுகின்றனர். பெருமாள் வேதத்தை மீட்க கடலுக்குள் சென்று போராடியதால் அவர் மிகவும் குளிர்ந்து விட்டதாகவும், அந்த குளிர்ச்சியைப் போக்கவே சூரிய கதிர்கள் விழுவதாகவும் ஸ்தல புராணம் கூறுகிறது.
 கேரளத்தில் நம்பூதிரி வகுப்பைச் சேர்ந்த நாராயண பட்டத்ரி என்ற திருமால் பக்தர் இருந்தார். அவர் தனக்கு வந்த துயர் தீர குருவாயூரப்பனைப் போற்றிப் பாட ஆசைப்பட்டார். ஆனால் அதை எப்படி துவங்குவது என தெரியவில்லை. அந்த சமயத்தில் அங்கு புகழ்பெற்று விளங்கிய எழுத்தச்சன் என்ற புலவரைத் தேடி அவர் வசிக்கும் சேரிக்கு வந்தார் அந்த புலவர் அச்சமயம், மீனும் கள்ளுக் கலயமுமாக அமர்ந்திருந்தார். அவரிடம் நாராயணபட்டத்ரி, "புலவரே! குருவாயூரப்பனைப் பாட எனக்கு ஆசை. அதை எப்படி ஆரம்பிப்பதென தெரியவில்லை, முதல் வரியாக என்ன எழுதலாம்'' என்று கேட்டார். எழுத்தச்சன், "மீனைத் தொட்டு உண்' என்று ஆரம்பிக்க வேண்டியது தானே'' என்றார். நாராயண பட்டத்திரியும் திருமாலின் முதல் அவதாரமான மச்சாவதாரத்தில் இருந்து எழுத ஆரம்பித்தார். அந்த நூலே புகழ் பெற்ற நாராயணீயம்.
 இந்த மச்சாவதார மூர்த்தியின் அவதார தினம் வரும் பங்குனி 30 ஆம் நாள் (ஏப்ரல்- 13) எல்லா வைணவத் தலங்களிலும் விமரிசையாகக் கொண்டாடப்படுகிறது. அன்றைய தினம் மச்சாவதார மூர்த்தியைத் தியானம் செய்து வழிபட, சகல சம்பத்தும் ஞான யோகமும் உண்டாவதுடன் இப்பூவுலகில் மகிழ்ச்சியான வாழ்வு அமையும்.
 - என்.பி. ஹரிணி
 

]]>
http://images.dinamani.com/uploads/user/imagelibrary/2018/4/13/w600X390/v7.jpg http://www.dinamani.com/weekly-supplements/vellimani/2018/apr/13/மகிழ்ச்சியான-வாழ்வருளும்-மச்சாவதார-மூர்த்தி-2899405.html
2899404 வார இதழ்கள் வெள்ளிமணி நவக்கிரகங்கள் நல்கும் நன்மைகள்!   DIN DIN Friday, April 13, 2018 10:51 AM +0530 *சூரியபகவானிடமிருந்து வரும் காந்த சக்தி அலைகள் நம் உடலில் உயிர் சக்தியையும் ஆத்ம பலத்தையும் சுறுசுறுப்பையும் உண்டாக்குகிறது. 
*சந்திரபகவானிடமிருந்து வரும் காந்த சக்தி மின்அலைகள் நம் உடலில் அன்பையும் அமைதியையும் சாந்தத்தையும் இன்பத்தையும் குளிர்ச்சியையும் உண்டாக்குகிறது.
*செவ்வாய்பகவானிடமிருந்து வரும் சக்தி அலைகள் நம் உடலில் ரத்த அணுக்கள் விருத்தி அடையவும் ரத்த ஓட்டம் சிறப்பாக நடைபெறவும் செய்வதோடு வீரம், வெற்றி அளிக்கக்கூடிய உணர்ச்சிகளையும் உண்டாக்குகிறது. 
*புதபகவானிடமிருந்து வரும் சக்தி அலைகள் நமது மூளை நரம்புகளை இயக்கவும் மகத்தான புத்தி, சாதுர்யம், சாகசச் செயல்கள் புரியும் சக்திகளையும் உணர்ச்சிகளையும் உண்டாக்குகிறது. 
*குருபகவானிடமிருந்து வரும் சக்தி அலைகள் நமக்கு மகத்தான அறிவு, ஞானம், பக்தி, பண்பு, நீதி, நேர்மை, சத்தியம், யோகம் முதலிய உன்னத உணர்ச்சிகளை உண்டாக்குகிறது. 
*சுக்கிரபகவானிடமிருந்து வரும் சக்தி அலைகள் நமது விந்து அணுக்களை வளர்த்து, காதல் உணர்ச்சிகளைத் தூண்டிவிட்டு, சந்தான விருத்திகளையும் உண்டாக்குகிறது. 
*சனிபகவானிடமிருந்து வரும் சக்தி அலைகள் யாராவது நீதி, நேர்மை, சத்தியம், அன்பு, அகிம்சை, பண்பு, பக்திக்கு விரோதமான காரியங்களைச் செய்தாலும் அவர்களுக்கு பலவிதமான இடையூறுகளையும் கஷ்டங்களையும் நஷ்டங்களையும் துன்பங்களையும் தீமைகளையும் உண்டாக்குகிறது. 
*ராகுபகவானிடமிருந்து வரும் சக்தி அலைகள் நமது உடலில் உண்டாக்கும் விஷப்பொருள்களை வெளியேற்றி உடல் சிறப்பாக செயல்புரியச் செய்கிறது.
*கேதுபகவானிடமிருந்து வரும் சக்தி அலைகள் உலக வாழ்வில் வெறுப்பையும் ஞானம், மோட்சம், தெய்வீகம், ஆன்மிகம் முதலிய தத்துவ சாஸ்திரங்களில் ஈடுபாட்டையும் உண்டாக்குகிறது.

]]>
http://www.dinamani.com/weekly-supplements/vellimani/2018/apr/13/நவக்கிரகங்கள்-நல்கும்-நன்மைகள்-2899404.html
2899403 வார இதழ்கள் வெள்ளிமணி திருவரங்கத்தமுதனார்!   DIN DIN Friday, April 13, 2018 10:44 AM +0530 காஞ்சியிலிருந்து ஆளவந்தாருக்கு பிறகு ராமானுஜர் ஸ்ரீரங்கம் வந்து கோயிலின் பொறுப்புகளை ஏற்றுக்கொண்டார். கோயில் நடைமுறையில் பல நிர்வாக மாற்றங்களை ஏற்படுத்தினார். ராமானுஜரின் செய்கைகளால் தங்கள், நிர்வாக உரிமையில் அவர் குறுக்கிடுவதாகக் கருதினர். பலர் ராமானுஜருக்கு பல வகைகளில் இடையூறு செய்தனர்.
கோயிலின் நடைமுறைகளில் பலகாலமாய் பழகியிருந்த பெரிய கோயில் நம்பி தடையாக இருப்பதாக பலர் ராமானுஜரிடம் வாதிட்டனர். அவரை ஸ்ரீரங்கம் கோயில் நிர்வாகத்திலிருந்து வெளியேற்றாவிட்டால், ராமானுஜரின் எண்ணம் ஈடேறாது என்றனர். அவரும் ஸ்ரீரங்கம் கோயிலை நிர்வாகம் செய்து வந்த கோவில் பிள்ளையை வெளியேற்ற நினைத்தார்.
ராமானுஜர் ஒரு நாள் பெருமாள் புறப்பாட்டிற்காக காத்திருக்கும் போது, மண்டபத்திலேயே சற்றே கண் சாய்த்தார் . அரைகுறை தூக்கத்தில், பெருமாள் ஸ்ரீவைணவராய் தோன்றி "கோயில் நம்பி நீண்ட காலமாக என்னையே நம்பி என்னுடன் இருக்கிறார். அவரை வெளியேற்ற வேண்டாம்' என்று சொல்லி மறைந்தார்.
கூரத்தாழ்வானிடம் இதுபற்றி தெரிவித்தார் ராமானுஜர். கூரத்தாழ்வான், பெரிய கோயில் நம்பியிடம் மெள்ள நட்புக் கொண்டு, உடையவரின் பெருமை பண்புகளைச் சொல்லவும் கோயில் நம்பிக்கு உடையவர் மீது பிடிப்பு உண்டாகி, பக்தியாக மாறியது.
ஒருநாள், ராமானுஜர் அவரது இலக்கிய அறிவையும், வாக்கு வன்மையையும் பாராட்டி "அமுதன்' என்ற திருநாமத்தைச் சூட்டினார். அதனால் திருவரங்கத்தமுதனார் என்று அனைவரும் அழைக்கத் தொடங்கினர். ராமானுஜர் மீது கொண்ட பற்றால் கூரத்தாழ்வானின் அறிவுரைப்படி "ராமானுஜ நூற்றந்தாதி'யை புதியதாக அமுதனார் எழுதினார்.
பெருமாள் உலாவில் உடன் செல்லும் பழக்கம் உடையவருக்கு உண்டு. சித்திரை மாதம் 11 ஆம் திருநாளில் ராமானுஜர் கனவில் பெருமாள் தோன்றி இன்று தாள வாத்தியங்கள் கூட வர வேண்டாம் என்று சொல்லி விட்டார். அன்று பெருமாள் வீதி புறப்பாட்டின் போது வெறும் தீப்பந்தங்கள் மட்டும் இருக்க, இயற்பாவுடன் ராமானுஜ நூற்றந்தாதியை இயலாகச் சேவித்ததை, பெருமாள் கேட்டுக்கொண்டு சென்றார். ராமானுஜ நூற்றந்தாதியை இயலாகச் சேவிக்கும் போது கோஷ்டிக்கு வெகு அருகில் பெருமாள் எழுந்தருள்வார். அதற்குக் காரணம், இயல் கோஷ்டியில் தன்னையும் ஒருவராக ஆக்கிக் கொள்கிறார் எனப்படுகிறது. இன்றும் திருவரங்கம் கோயில் ரங்கநாதர் சந்நிதியில் இயற்பா சாற்றி முடித்த பின், அதனுடன் நூற்றந்தாதியும் சேவிக்கப் படுகிறது.
திருவரங்கத்தமுதனார் ராமானுஜரைக் காட்டிலும் மூத்தவர் என்ற குறிப்புக் கிடைக்கிறது. மேலும் 108 ஆண்டு காலம் வாழ்ந்தார் என்றும் சொல்லப்படுகிறது. திருவரங்கத்தில் மட்டும் ஸ்ரீ சுதர்சனர் சந்நிதியில் இந்த ராமானுஜதாசர், சிலா உருவில் இருக்கிறார்.
- இரா.இரகுநாதன்




 

]]>
http://images.dinamani.com/uploads/user/imagelibrary/2018/4/13/w600X390/v6.jpg http://www.dinamani.com/weekly-supplements/vellimani/2018/apr/13/திருவரங்கத்தமுதனார்-2899403.html
2899402 வார இதழ்கள் வெள்ளிமணி அட்சய திருதியை வழிபாடு!   DIN DIN Friday, April 13, 2018 10:41 AM +0530 புண்ணிய நகராகிய துவாரகையில் எம்பெருமான் ஸ்ரீமந் நாராயணன் ஸ்ரீ கிருஷ்ணராக அவதரித்து மணி முடித்து மன்னராக வீற்றிருந்த காலத்தில் வேதங்களை கற்று வறுமையின் பிடியில் வாழ்ந்து வந்த குசேலன், தன் மனைவியின் வேண்டிதலின் பேரில் தன் பால்ய நண்பன் ஸ்ரீகிருஷ்ணரை காணச் சென்றார். குசேலரை அன்புடன் வரவேற்ற கிருஷ்ணர் விருந்தளித்து உபசரித்தார். குசேலர், கந்தல் துணியில் கொண்டு வந்திருந்த அவலை கேட்டு இரண்டு பிடி வாங்கி உண்டார். அவ்வாறு கிருஷ்ணர் உண்டதும் குசேலரின் குடிசை மாளிகையானது என்கிறது புராணம்.
 தஞ்சாவூர் மேல வீதியில் அமைந்துள்ளது புகழ்பெற்ற நவநீத கிருஷ்ணன் திருக்கோயில்! இவ்வாலயத்தில் ருக்மணி, சத்யபாமாவுடன் நவநீத கிருஷ்ணன் எழுந்தருளி அருள்பாலித்து வருகிறார். அட்சய திருதியை நாளான ஏப்ரல் 18 - ஆம் தேதியன்று, ஸ்ரீ நவநீத கிருஷ்ணனுக்கு பக்தர்கள் அவரவர் கைகளால் மூன்று கைபிடி அளவு அவலை புது துணியில் முடிந்து மூன்றுமுறை கோயிலை வலம் வந்து இறைவன் பாதத்தில் வைத்து அர்ச்சனை செய்து வழிபட்டால் தொழில் அபிவிருத்தி அடையும். செல்வ வளம் பெருகும் என்கின்றனர். மேலும் குசேலன் பெற்ற குபேர வாழ்வு அனைவருக்கும் கிட்டும் என்பது ஐதீகம்!
 - தஞ்சை இரா. சுரேஷ்
 

]]>
http://images.dinamani.com/uploads/user/imagelibrary/2018/4/13/w600X390/v5.jpg http://www.dinamani.com/weekly-supplements/vellimani/2018/apr/13/அட்சய-திருதியை-வழிபாடு-2899402.html
2899401 வார இதழ்கள் வெள்ளிமணி வெற்றியுள்ள வாழ்க்கையை வாழ்வோம்!   DIN DIN Friday, April 13, 2018 10:38 AM +0530 இந்த உலகம் இன்பம், துன்பம், சவால்கள், போராட்டங்கள் நிறைந்தது. கிறிஸ்து இயேசுவுக்குள் இருக்கும்போது புது சிருஷ்டியாய் இருப்போம். அப்போது நம்முடைய எண்ணங்கள் சிந்தனைகள் எல்லாம் தேவனுக்குப் பிரியமானவைகளாகவே இருக்கும். இந்த உலகத்தை நாம் பார்க்கும் பார்வையும் புதிதாக இருக்கும். அதில் எவ்வாறு வெற்றியுள்ள வாழ்க்கை வாழலாம் என்ற புதிய சிந்தனை பிறக்கும். பிரச்னைகளை மேற்கொண்டு எவ்வாறு வளமான வாழ்க்கை வாழ்வது என்று பார்க்கலாம்.
ஒரு சிறுவன் கடலில் விளையாடிக் கொண்டிருந்தபோது அவனது செருப்பு கடல் அலையில் காணாமல் போய்விட்டது. அவன் உடனே கடற்கரையில் நின்றுகொண்டு , "இந்தக் கடல் மாபெரும் திருடன்...!' என்று சொல்லிக்கொண்டிருந்தான்.
அதே கடலில் தாயும் மகனும் குளிக்க வந்தனர். அதில் அந்த மகன் கடல் அலையில் இழுக்கப்பட்டு மூழ்கிவிட்டான். மகன் மீது அதிக பாசத்துடன் இருந்த அவன் தாய் அக்கடற்கரையில் நின்று, "இக்கடல் மக்களை கொன்று குவிக்கின்றது இது ஒரு கொலையாளி!' என்று கூறி புலம்பிக்கொண்டிருந்தார்.
சற்று நேரத்தில் அந்த பகுதிக்கு மீன் பிடிப்பதற்காக ஒருவர் வந்தார். அப்பொழுது கடற்கறையில் சோகமாக அமர்ந்திருந்த செருப்பை பறிகொடுத்த சிறுவனும், மகனைப் பறிகொடுத்த பெண்ணும் சேர்ந்து, இவரிடம் "ஐயா கடலுக்குள் செல்லாதீர்கள் அது உங்களை கொன்றுவிட்டு உங்கள் உடமைகளைத் திருடிவிடும்'' என்று தங்களின் அனுபவத்தை கூறி அவரைத் தடுத்தனர்.
ஆனால் அவரோ இவர்கள் சொல்வதை எதையுமே கேட்காமல் கடலுக்குள் சென்று தன்னுடைய வலை முழுவதும் அதிக மீன்களுடன் திரும்பி வந்தார்.
பின்னர், வயது முதிர்ந்த மனிதர் ஒருவரும் கடலுக்குச் சென்று முத்துக்களை அள்ளிக்கொண்டு மகிழ்ச்சியோடு வந்தார்.
இந்த நிகழ்ச்சிகளை சிறுவனும் அந்த பெண்ணும் ஆச்சரியத்துடன் பார்த்துக்கொண்டிருந்தனர்.
ஆக, இந்த உலகில் நாம் பிரச்னைகளையே பெரிதாகப் பேசிக்கொண்டிருந்தோமேயானால் நம்மால் சாதிக்க இயலாது. அந்த பிரச்னைகளை எவ்வாறு தடுப்பது, மேற்கொள்வது என்றே பார்க்க வேண்டும்.
கடலில் குளிக்கச்சென்றால் அது சுழல் இல்லாத இடமாக இருக்க வேண்டும், மேலும் நீச்சல் அவசியம் தெரிந்திருக்க வேண்டும். இவ்வாறு இருந்தால் கடலில் குளிப்பது ஒரு இன்பமான அனுபவமாக இருக்கும். அது உடலுக்கும் உள்ளத்துக்கும் புத்துணர்வை அளிப்பதாக இருக்கும்.
அதனால் கடலில் எவ்வாறு மீன் பிடிப்பது, எவ்வாறு முத்துக்குளிப்பது என்று அறிந்திருந்தவர்கள் சந்தோஷமாக தங்கள் பலனை பெற்றுக்கொண்டனர்.
இதில் நாம் தெரிந்து கொள்வது என்னவென்றால், இந்த உலமும் கடலுக்கு ஒப்பானதுதான், இங்கு இல்லாத செல்வங்கள் இல்லை. இதில் நாம் எவ்வாறு அதை அணுகுகிறோமோ அவ்வாறான பலன் கிடைக்கும்.
இதை வேதாகமத்தில் "நாம் தேவனால் உண்டாயிருக்கிறோமென்றும், உலகமுழுவதும் பொல்லாங்கனுக்குள் கிடக்கிறதென்றும் அறிந்திருக்கிறோம். அன்றியும், நாம் சத்தியமுள்ளவரை அறிந்துகொள்வதற்கு தேவனுடைய குமாரன் வந்து நமக்குப் புத்தியைத் தந்திருக்கிறாரென்றும் அறிவோம்.'' (1யோவான் 5:10,11) என்று குறிப்பிடப்பட்டுள்ளது.
தேவன் நமக்கு கொடுத்த அறிவைப் பயன்படுத்தி போராட்டம் மிகுந்த இவ்வுலகில் வெற்றியுள்ள வாழ்க்கையை வாழ்வோம்.
- ஒய்.டேவிட் ராஜா






 

]]>
http://images.dinamani.com/uploads/user/imagelibrary/2018/4/13/w600X390/v4.jpg http://www.dinamani.com/weekly-supplements/vellimani/2018/apr/13/வெற்றியுள்ள-வாழ்க்கையை-வாழ்வோம்-2899401.html
2899399 வார இதழ்கள் வெள்ளிமணி நிகழ்வுகள்   DIN DIN Friday, April 13, 2018 10:37 AM +0530 சித்திரை பெருவிழா
 காஞ்சிபுரம் மாவட்டம், திருக்கழுக்குன்றம் அருள்மிகு திரிபுரசுந்தரியம்மை இடங்கொண்ட அருள்மிகு வேதகிரீஸ்வரர் திருக்கோயிலில் சித்திரை பெருவிழா, ஏப்ரல் 19 - ஆம் தேதி முதல் ஏப்ரல் 30 -ஆம் தேதி வரைநடைபெறுகின்றது. இப்பெருவிழா, வெள்ளி அதிகார நந்தி கிரி பிரதட்சணம், பஞ்சரத உற்சவம், பஞ்ச மூர்த்திகள் உற்சவம் போன்ற பல்வேறு உற்சவங்களுடன் நடைபெறுகின்றது.
 சித்திரை திருவிழா
 சென்னை, புழல், காவாங்கரை (கிழக்கு) தனலட்சுமி நகரில் எழுந்தருளி அருள்பாலிக்கும் அருள்மிகு மகமாயி சமயபுரம் மாரியம்மன் ஆலயத்தின் 9 -ஆம் ஆண்டு சித்திரை திருவிழா, ஏப்ரல்- 15, 16, 17, 18 ஆகிய நான்கு நாள்களுக்கு நடைபெறுகின்றது. இவ் விழா, பால்குட அபிஷேகம், திருவீதியுலா, ஆராதனை, அன்னதானத்துடன் சிறப்பாக நடைபெறும்.
 தொடர்புக்கு: 97911 28962.
 உழவாரப்பணி
 தச்சநல்லூர் அருள்மிகு வரம் தரும் பெருமாள் திருக்கோயிலில் பக்தர் பேரவை உழவாரப்பணிக்குழு சார்பில் 85 -ஆவது உழவாரப்பணி, வரும் ஏப்ரல் 15 -ஆம் தேதி, காலை -8.00 மணி முதல் நடைபெறுகின்றது. பக்தர்கள் இப்புனித கைங்கர்யத்தில் பங்கு கொண்டு பெருமாளின் அருளைப் பெறலாம்.
 தொடர்புக்கு: 93447 49488.
 திருப்பணி
 திருப்பூர் மாவட்டம், தாராபுரம் வட்டம், நந்தவனபாளையம், தும்பலப்பட்டியில் கோயில் கொண்டுள்ள அருள்மிகு மாயம் பெருமாள் திருக்கோயில் சுமார் 150 ஆண்டுகள் பழைமையானது. இவ்வாலயம் சிதிலமடைந்திருந்த காரணத்தால் தற்போது பழைய ஆலயம் இடிக்கப்பட்டு புதிதாக ஆலயம் அமைக்க திருப்பணி வேலைகள் நடைபெற்று வருகின்றன. பக்தர்கள் இத்திருப்பணியில் பங்கு கொண்டு இறையருள் பெறலாம்.
 தொடர்புக்கு: 99438 44813/ 97510 17106.
 ஆதிசங்கர ஜெயந்தி மகோத்ஸவம்
 கலவை குருபம்பரம்பரா வேத வித்யா டிரஸ்ட் சார்பில் குரோம்பேட்டை, நேரு நகர், சங்கரமடம் வேதபாடசாலையில் ஸ்ரீ ஆதிசங்கர ஜெயந்தி மகோத்சவம் தொடர்ந்து பதினெட்டாம் ஆண்டு விழாவாக ஏப்ரல் 16 -இல் தொடங்கி 20 வரை நடைபெறுகின்றது. மேற்படி நாள்களில் ஆவஹந்தி ஹோமம், யஜுர்வேத பாராயணம், ஸ்ரீ ஆதிசங்கர பகவத் பாதாள் பூஜை, உபன்யாசம், கச்சேரி மற்றும் நாமசங்கீர்த்தன நிகழ்ச்சிகள் நடைபெறுகின்றன.
 தொடர்புக்கு: 9444139934 / 94449 05521.
 திருக்கல்யாண உற்சவம்
 திருவள்ளூர் மாவட்டம், பூவிருந்தவல்லியிலிருந்து 15 கி.மீ தொலைவில் உள்ள நயப்பாக்கம் கிராமத்தில் அருள்மிகு நேத்ரதாயினி சமேத மாசிலாமணீஸ்வரர் திருக்கோயிலில் திருக்கல்யாண உத்சவம் ஏப்ரல் 13- ஆம் தேதி (பங்குனி 30) வெள்ளிக்கிழமையன்று மாலை 04.30 மணிக்கு மேல் நடைபெறுகின்றது. பல ஆண்டுகளுக்குப் பிறகு இந்த ஆலயம் புதுப்பிக்கப்பட்டு சமீபத்தில்தான் குடமுழுக்கு நடைபெற்றது.
 தொடர்புக்கு: ராமச்சந்திரன்- 98840 80543.
 
 
 

]]>
http://www.dinamani.com/weekly-supplements/vellimani/2018/apr/13/நிகழ்வுகள்-2899399.html
2899398 வார இதழ்கள் வெள்ளிமணி ஈட்டியது தீட்டிய நீட்டோலை   DIN DIN Friday, April 13, 2018 10:35 AM +0530 எல்லாம் வல்ல அல்லாஹ் ஒவ்வொரு மனிதனுக்கும் ஒரு பதிவேட்டை வைத்துள்ளான். அந்த பதிவேட்டில் மனிதனின் ஒவ்வொரு செயலும் பதியப்படுகிறது. ஒரு மனிதனின் முயற்சி சிறியதாயினும் பெரியதாயினும் அந்த பதிவேட்டில் பதியப்படும். இப்பதிவேட்டில் பொறுப்போடு பதிவதற்கு எண்ணற்ற வானவர்களை இறைவன் நியமித்துள்ளான் என்பதை எடுத்துரைக்கின்றன குர்ஆனின் 82-10 முதல் 12 வரை உள்ள வசனங்கள். நிச்சயமாக, உங்கள் மீது காவலர்கள் ஏற்படுத்தப்பட்டு இருக்கின்றனர். அவர்கள் கண்ணியமான எழுத்தர்கள். நீங்கள் செய்பவற்றை அவர்கள் அறிகிறார்கள். உங்களைக் கண்காணிக்க நியமிக்கப்பட்ட வானவர்கள் உங்களை உற்று கவனிக்கிறார்கள். அவர்களின் பார்வையிலிருந்து எம்மனிதனின் எச்செயலும் தப்பாது. உங்களின் ஒவ்வொரு செயலையும் தவறாமல் பதிவு செய்கிறார்கள்.
 உங்களின் மறுமை வாழ்விற்காக அப்பதிவேட்டைப் பாதுகாக்கிறார்கள். மறுமையில் தீர்ப்பு நாளின் அதிபதி அல்லாஹ்விடம் அந்த ஏடு சமர்ப்பிக்கப்படும். நன்மை செய்தோர் சொர்க்கம் புகுவர். தீமை செய்தோர் நரகம் செல்வர். இதனை உறுதிபடுத்துகிறது இறைமறை குர்ஆனின் 21-47 ஆவது வசனம். மறுமையில் மனிதனின் நன்மை தீமைகள் அம்மனிதன் ஈட்டியது தீட்டிய நீட்டோலையில் உள்ளபடி எடையிடப்படும். சிறியதோ பெரியதோ அத்தனை செயலும் தவறாது அந்த ஏட்டில் எழுதப்பட்டிருக்கும்.
 நீ பேசும் ஒவ்வொரு சொல்லும் அப்பதிவேட்டில் பதியப்படும் என்று 50-18 ஆவது வசனம் பகர, 18-49 ஆவது வசனம் ஒவ்வொரு செயலும் பதியப்படுவதைச் செப்புகிறது. அவ்வேட்டின்படி ஒல்வொருவருக்கும் இறைவன் அவனின் நன்மைகேற்ற நற்பயனை நல்குவான். இதனை உறுதிப்படுத்தும் ஒரு நிகழ்ச்சி. ஒரு சமயம் ருகூ (நிலையில் நின்று தலையை தரையை நோக்கி குனிவது) என்ற நிலையிலிருந்து தாழ்த்திய தலையைத் தூக்கும்பொழுது தன்னைப் புகழ்பவரின் புகழை அல்லாஹ் கேட்கிறான் என்று சொல்லிய உடன் பின் வரிசையில் தொழுத ஒருவர் " எங்கள் இறைவா! புகழ் அனைத்தும் உனக்கே உரியது. அதிக விசாலமான எண்ணற்ற புகழ் அனைத்தும் உனக்கே உரியது'' என்று கூறினார். தொழுது முடித்ததும் தோழமை நபி (ஸல்) அவர்கள் " அல்லாஹ்வை அதிகமாக புகழ்ந்த மனிதர் யார்?'' என்று கேட்டார்கள். புகழ்ந்த மனிதர் புகன்றதை பூரிப்புடன் ஒப்புக்கொண்டார். முப்பதுக்கும் மேற்பட்ட வானவர்கள் இதனைப் போட்டியிட்டு பதிவு செய்வதாக பகன்றார்கள்.
 50- 17 ஆவது வசனம் வல இட பக்கங்களில் அமர்ந்து ஆற்றுகிற வேலை என்று குறிப்பிடுவது ஒரு மனிதனின் வல இட பக்கங்களில் வானவர்கள் அவனின் செயல்களைப் பதிவதையே மனிதனின் இருபுறமும் அவனைக் கண்காணிக்கும் வானவர்களில் வலப்புற வானவர்கள் நன்மையை உடனுக்குடன் பதிகின்றனர். இடப்புற வானவர்கள் தீமையை செய்தவர் அத்தீமையை தெரிந்து இனி செய்யாதிருக்க மெய்யாகவே உறுதி பூண்டு இறைவனின் மன்னிப்பை நாடினால் எழுத மாட்டார்கள்.
 மறுமையில் ஒரு நன்மையை செய்தவருக்குப் பத்து நன்மைகளின் பயன் உண்டு. தீமை புரிந்தோருக்கு ஒரு தீமையின் கூலி மட்டும் கொடுக்கப்படும். அவர்கள் அநியாயம் செய்யப்பட மாட்டார்கள் என்ற 6-160 ஆவது வசனத்திற்கு வள்ளல் நபி (ஸல்) அவர்கள் நன்மை செய்யும் பொழுது உள்ள எண்ணத்திற்கு ஏற்ப பத்தல்ல, அதற்கு மேலும் பலமடங்கு பயன் கிடைக்கும். தீமை செய்தோருக்குச் செய்த தீமை மட்டுமே பதியப்படும் என்று விளக்கம் அளித்ததை விளம்புகிறார் அபூஹுரைரா (ரலி) நூல்- புகாரி, முஸ்லிம். இன்னொரு விளக்கத்தையும் இனிய நபி (ஸல்) அவர்கள் இயம்பியது புகாரி, முஸ்லிம் நூல்களில் உள்ளது.
 " இறைநம்பிக்கை உடையவன் ஒரு நன்மையை செய்ய நாடி அதனைச் செய்யாவிடினும் ஒரு நன்மை பதிவாகும். நாடிய நன்மையை செய்து விட்டால் பத்து மடங்கு நன்மை பதிவு செய்யப்படும். தீமையை நாடியவன் அத்தீமையைச் செய்யாதிருந்தால் அவன் மன்னிக்கப்படுவான். தீமையை செய்துவிட்டால் ஒரு தீமையே பதிவாகும்.''
 நன்மையான ஏடுகளை நற்செயல் புரிந்தோர் வலது கையால் பெறுவர் என்று உரைக்கின்றன உயர் குர்ஆனின் 69-19 முதல் 24 வரையுள்ள வசனங்கள். ஈட்டிய நற்செயல்கள் தீட்டிய நீட்டோலையை வலது கையில் பெற்றோர் என் ஏட்டைப் படியுங்கள் என்று பரவசமாக பகர்வர். மறுமையை நம் இம்மையில் செய்த நன்மையின் நற்பலனைப் பெற்ற மகிழ்ச்சியில் திருப்தி அடைவர். தீமையில் திளைத்தோரின் ஈட்டிய தீமைகள் தீட்டிய நீட்டோலை அவர்களின் இடது கையில் கொடுக்கப்படும். அவர்கள் மறுமையை மறந்து செய்த பாவங்களுக்காக வருந்துவர். அவர்களின் அதிகாரமும் அதிகம் அதிகமாக சேர்த்த செல்வமும் பயன் படாததைப் பற்றி புலம்புவதைப் புகல்கிறது புர்கானின் 69- 25 முதல் 29 வரையுள்ள வசனங்கள்.
 மூன்று நற்செயல்கள் மனிதன் இறந்த பின்னும் மறுமையிலும் மாறா பயனைத் தரும். 1. நிலையான அற கொடை. 2. பயனான கல்வி. 3. அவனுக்காக இறைவனை இறைஞ்சும் அவனின் குழந்தைகள். நாமும் நற்செயல்களை நாளும் செய்து ஆளும் அல்லாஹ்வின் அருளைப் பெற்று இம்மை வாழ்வை இனிமையாக்கி மறுமையிலும் ஈட்டியது தீட்டிய நீட்டோலையை வலது கையில் பெற்று பேராளன் அல்லாஹ்வின் பேரருளில் மகிழ்வோம்.
 - மு.அ. அபுல் அமீன்
 
 
 

]]>
http://images.dinamani.com/uploads/user/imagelibrary/2018/4/13/w600X390/v3.jpg http://www.dinamani.com/weekly-supplements/vellimani/2018/apr/13/ஈட்டியது-தீட்டிய-நீட்டோலை-2899398.html
2899397 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, April 13, 2018 10:32 AM +0530 * மற்றவர்களின் குற்றம் குறைகளைப் பார்த்துக்கொண்டிருந்தால், ஒரு சுற்றத்தாரும் உனக்குக் கிடைக்கமாட்டார்கள். ஒவ்வொருவருடைய குற்றத்தையுமே பார்த்துக்கொண்டிருப்பதனால் எவரும் நமக்கு நண்பர்களாக இருக்கமாட்டார்கள்.

* நீண்ட காலம் நட்புச் செய்தாலும் நண்பர் ஆகாதவர்கள் நண்பர்களல்லர்; சுட்டாலும் சங்கு வெண்மை தருவது போல, கெட்டாலும் மேன்மக்கள் பண்பு குறையாதவராக இருப்பார்கள்.
- அவ்வையார்

* பாலில் சேர்ந்த நீரைத் தீ சுடுவதனால் பால் கோபத்தால் பொங்கித் தீயின்மேல் பாய்வது போல, மேலோர் தங்கள் உயிரைக் கொடுத்தாகிலும் மற்றவர்கள் துன்பத்தை நீக்குவர். 

* புலியின் நகமும், கவரிமானின் ரோமமும், யானையின் ஒளிமிக்க தந்தமும் தங்கள் இடத்தைவிட்டு மாறினாலும்கூடச் சிறப்பையே அடைகின்றன. மெய்யறிவு பெற்ற மேலோர் தங்கள் நிலையில் வேறுபட்டாலும் சிறப்பையே அடைவார்கள்.

* சென்றபடி எல்லாம் நமது மனதைச் செல்லவிடாமல் தீமைகளை ஒதுக்கி, நல்லது எதுவோ அதில் மனதைச் செலுத்துவதே சிறந்த அறிவுடைமையாகும்.
- நீதிவெண்பா

* "பிரம்மம்' என்ற சொல்லை ஆராய்வோம். குற்றம் என்பதே இல்லாத, மிகவும் சிறந்த எல்லா நற்குணங்களுடன் கூடியது பிரம்மம். 

* உலகத்திற்கும் இறைவனுக்கும் உள்ள தொடர்பு, ஒரு முழுப் பொருளுக்கும் அதன் அங்கத்திற்கும் உள்ள தொடர்பாகும். இறைவன் ஒளியானால் உலகம் அந்த ஒளியால் பொலிவுறும் பொருளாகும். பராசரரும் இவ்வாறுதான் கூறுகிறார்: "நெருப்பின் சக்தியாகிய ஒளிப்பிழம்பு ஓர் இடத்திலிருந்து எங்கும் வெளிச்சம் தருகிறது. அது போலவே, இறைவனும் உலகை விளக்கமுறச் செய்கிறான்.''

* என் வாழ்க்கை பகவானைப் பொறுத்து இருக்கிறது. நான் இல்லாமல் அவன் இல்லை. அவன் இல்லாமல் நான் இல்லை.

* திருமகளுடன் இணைந்து மாசற்ற ஆனந்தமயமாக இருப்பவனும், "சித்' "அசித்' ஆகிய பொருள்கள் அனைத்தையும் தன் சரீரமாகக் கொண்டவனுமாகிய திருமாலை நான் வணங்குகிறேன்.

* இறைவனைச் சரணடை. இதனால் உன்னுடைய ஆத்மா பிரகாசிக்கும். எல்லாத் தெய்வங்களுக்கும் அவன் தலைவன். அவனிடம் நீ அன்பு வைத்தால், என்றென்றும் அவன் நிழலில் வாழலாம். இந்த அனுபவம் உனக்கு நிரந்தரமான மனஅமைதியைத் தரும்.
- ஸ்ரீ ராமானுஜர்
 

]]>
http://images.dinamani.com/uploads/user/imagelibrary/2018/4/13/w600X390/v2.jpg http://www.dinamani.com/weekly-supplements/vellimani/2018/apr/13/பொன்மொழிகள்-தொகுப்பு-சுவாமி-கமலாத்மானந்தர்-2899397.html
2899396 வார இதழ்கள் வெள்ளிமணி அட்சய திருதியையில் அழகு ரதம்!   Friday, April 13, 2018 10:30 AM +0530 அட்சய திருதியை ஓர் அற்புத நன்னாள் - வளம் பெருக்கும் பொன்னாள்! அன்றைய தினம் நாம் யாருக்கு எதனைக் கொடுக்கின்றமோ அப்பொருளானது குறைவின்றிப் பெருகும் திருநாள். அன்றைய தினம் பொருள் வாங்கும் தினம் அல்ல. பொருளைக் கொடுத்து அருள் பெருக்கும் நன்னாள். பண்டைய காலத்தில் அன்றைய தினத்தில் விசிறி, குடை, மிதியடி முதலிய பொருட்களை தானமாக அளித்து மோர், பானகம் முதலிய பானங்களைக் கொடுத்து அனைவரையும் மகிழ்விக்கும் நாளாகவே இருந்தது. இந்த புனித நாளில் ஒரு தலத்தில் அழகுத் தேர்திருவிழா.
 ஸ்ரீ திக்ஷத்ர சகடபுரம் என்னும் அற்புதத்தலம் கர்நாடக மாநிலம் சிக்மகளூர் மாவட்டத்தில் சிருங்கேரிக்கு அருகில் உள்ளது. பதிமூன்றாம் நூற்றாண்டின் பிற்பகுதியில் வட இந்தியாவில் ஏற்பட்ட காலாசார மாறுதல்களினால் ஜகத்குரு ஸ்ரீ பதரி சங்கராச்சார்ய சத்ய தீர்த்த மஹா சுவாமிகள் தென்பாரதம் நோக்கி விஜயம் மேற்கொண்டார்கள். தென்கன்னட தேசத்தில் ஸ்ரீ திக்ஷத்ர சகடபுரத்தில் துங்காநதியில் மூழ்கி எழுந்த போது அவருக்கு ஒரு கோபால விக்ரஹம் கிடைத்து. அந்த அழகுக் கோபாலருக்கு ஸ்ரீ சந்தான கோபால கிருஷ்ணர் எனப்பெயர் சூட்டி, பிரதிஷ்டை செய்து, தானும் அத்தலத்திலேயே தங்கி ஸ்ரீ ஜகத்குரு பதரி சங்கராச்சார்ய ஸ்ரீ வித்யா பீடம் என்ற ஒரு சங்கர பரம்பரை பீடத்தை உருவாக்கி தொடரச் செய்தார்கள். விஜயநகரப் பேரரசர்கள் பலர் வழிபாடுகள் செய்து இப்புனித பீடத்திற்கு நிறைய மானியங்களை வழங்கியுள்ளார்கள்.
 அது முதல் தொடங்கிய பீட பரம்பரையில் இப்பொழுது முப்பத்து மூன்றாவது பீடாதிபதியாக ஸ்ரீ வித்யாபிநவ ஸ்ரீ ஸ்ரீ கிருஷ்ணானந்த தீர்த்த மஹா சுவாமிகள் அருள்பாலிக்கின்றார்கள். ஸ்ரீ திக்ஷத்ரசகடபுரத்தில் நடுநாயகமாக ஸ்ரீ ஸந்தான வேணு கோபாலஸ்வாமி அருள்பாலிக்கின்றார். அவருக்கு வலப்புறம் ஸ்ரீ லக்ஷ்மி நரசிம்மன் சந்நிதியும், இடப்புறம் ஸ்ரீ வித்யா ராஜராஜேஸ்வரி சந்நிதியும் அருள் பொழிகின்றன. மூன்றும் கற்கோயில்கள். அதன் முன் உள்ள கீர்த்தி மண்டபம், முக்தி மண்டபம் ஆகியவையும் கற்திருப்பணிகளாக அழகு பொங்கும் வேலைப்பாட்டுடன் அமைந்தவை. ஆலயத்திற்கு முன்புறம் கம்பீரமான கொடிமரமும், கருட மண்டபமும் அழகு சேர்க்கின்றன.
 இத்தகைய சிறப்பு மிக்க திருத்தலத்தின் இதயத்திருவிழா, அட்சயதிருதியை முன்னிட்டு நடைபெறும் பிரம்மோத்úஸôவத் திருவிழா, இவ்வாண்டு, ஏப்ரல் 13 முதல் ஏப்ரல் 20 வரை சிறப்பாக நடைபெறுகின்றது. பக்தர்களும் சுற்றுப்புற கிராம மக்களும் மகிழ்வுடன் கலந்து கொண்டு கிருஷ்ணருக்கு ஜே (வெற்றி) என முழங்கி ஆராவாரம் செய்வார்கள். குரு நாதர் ஸ்ரீ கிருஷ்ணானந்த தீர்த்தமஹா சுவாமிகள் ரதத்தின் முன்புறம் தேங்காய் உடைத்து ஆலய ராஜகோபுர வாசலில் நின்று கொண்டு தங்க நாணயங்கள், வெள்ளி நாணயங்கள், பழங்கள், புஷ்பங்கள், தானியங்கள் ஆகியவற்றை பக்தர்களின் மத்தியில் தமது அமுதக்கரங்களால் சூரை விடுவார்கள். அதிர்ஷ்டம் உள்ளவர்கள் பொருள்களை பிடிப்பார்கள், எடுப்பார்கள்.
 எங்கும் மகிழ்ச்சி வெள்ளம் கரை புரண்டோட, இனிய மாலைப் பொழுதினில் பக்தர்களின் அலை வெள்ளத்தின் நடுவே பிரம்ம ரதம் அசைந்து வரும் காட்சி மெய்சிலிர்க்க வைக்கும். இரவைப் பகலாக்கும் ஒளிவிளக்குகள் வான வேடிக்கைகள் அழகு சேர்க்கும். பிரம்ம ரதம் தலத்தை வலம் வந்து மீண்டும் சேர்க்கை அடையும் போது வாழ்த்தொலி வானைப் பிளக்கும். பக்தர்களும் கண்ணனுக்கு நடைபெறும் இந்த கோலாகல வைபவத்தில் பங்கேற்று கண்டு, களித்து பேரானந்தப் பெருவாழ்வில் திளைக்கலாம். கிளை மடமான கிழக்குத் தாம்பரம் அகஸ்தியர் தெருவிலுள்ள ஸ்ரீ ராஜராஜேஸ்வரி திருக்கோயிலிலும் அட்சய திருதியை நன்னாளில் சிறப்பு வழிபாடுகளும், இரவு புஷ்ப ரதோத்ஸவமும் நடைபெறும்.
 - இலக்கியமேகம் ஸ்ரீநிவாஸன்
 
 

]]>
http://images.dinamani.com/uploads/user/imagelibrary/2018/4/13/w600X390/v1.jpg http://www.dinamani.com/weekly-supplements/vellimani/2018/apr/13/அட்சய-திருதியையில்-அழகு-ரதம்-2899396.html
2894819 வார இதழ்கள் வெள்ளிமணி ஆனந்த வாழ்வருளும் ஆபத்சகாயேஸ்வரர்!   DIN DIN Friday, April 6, 2018 10:22 AM +0530 "நீரின்றி அமையாது உலகு'' என்பதற்கேற்ப, மன்னர்கள் காலத்தில் தொண்டை வளநாட்டில் மக்களின் தேவையான குடிநீருக்காகவும் விலங்கினங்களின் குடிநீர் தேவைக்கும் விவசாய மேம்பாட்டிற்கும் நீர்ப்பாசனத்திற்காகவும் மழைக்காலங்களில் பெய்கின்ற மழைநீரை சேமிக்க ஏரிகள், குளங்கள், குட்டைகள் போன்றவற்றை ஏற்படுத்தி பராமரிப்பும் செய்துவந்தனர். தொண்டை நாட்டின் அங்கமாக விளங்கிய காஞ்சி மாநகர் தற்போது மாவட்டத் தலைநகராக விளங்குகிறது.
காஞ்சிபுரம் மாவட்டத்தில் மிகத் தொன்மையும் வரலாற்றுச் சிறப்புகள் மிக்கதுமான தென்னேரி என்ற கிராமம் அமைந்துள்ளது. இங்குள்ள பெரிய ஏரியின் பெயரிலேயே ஊர் அமைந்துள்ளது. ஏரியில் உள்ள நீர் சுமார் 54 கிராமங்களுக்கு மேல் விவசாய பாசனத்திற்கு இன்று வரை பயன்பட்டு வருகிறது.
தென்னேரியில் கந்தழீகரம் என்ற சிறிய சிவன் கோயிலும், ஆபத்சகாயேஸ்வரர் என்ற பெரிய சிவன் கோயிலும், வீரநாராயணப் பெருமாள் என்ற விஷ்ணு கோயிலும் உள்ளன. இந்த மூன்று கோயில்களும் மிகத் தொண்மை வாய்ந்தவையாகும். சிவன் கோயில்கள் இரண்டும் மத்திய தொல்லியல் துறையின் கட்டுப்பாட்டில் உள்ளது.
கல்வெட்டுச்சான்றுகள்: முதலாம் ராஜ ராஜனின் பதின்மூன்றாம் ஆட்சியாண்டுக் கல்வெட்டில் (கி. பி. 995) உத்தம சோழ சதுர்வேதி மங்கலத்து உத்தம சோழ ஈஸ்வரத்தாழ்வார்க்கு ஸ்ரீ கண்டராதித்த தேவர் நம்பிராட்டியார் கண்டன் மதுராந்தக தேவரான உத்தம சோழ தேவரைத் திருவயிறு வாய்த்த உடையபிராட்டியார் அமுது தயாரிக்க சில பாத்திரங்களை வழங்கியுள்ளார். பாத்திரங்களின் பெயர்களும் எடைகளும் கல்வெட்டில் குறிப்பிடப்பட்டுள்ளது. காஞ்சிபுரத்து நின்றானோடு ஒக்கும் வெள்ளிக்கோலால் எடை நிறுத்தப்பட்டது.
ராஜராஜனுடைய இருபதாம் ஆட்சியாண்டுக் கல்வெட்டில் ஸ்ரீ உத்தம சோழ சதுர்வேதி மங்கலத்தின் சபை கூடி எடுத்த தீர்மானம் உள்ளது. இக்கோயில் பள்ளிப்படையாக இருந்திருக்கலாம் எனக் கருதப்படுகிறது. கமுகு, வாழை போன்ற பயிர்கள் பயிரிட பாதியளவு வரிவிலக்கு பத்தாண்டுகளுக்கு அளிக்க முடிவெடுத்துள்ளார் என்றும் கல்வெட்டில் காண்கிறோம். வீர ராஜேந்திர சோழனுடைய கல்வெட்டும் விளக்கெரிக்க ஏற்பாடு செய்ததையே குறிப்பிடுகிறது. இரண்டாம் ராஜாதிராஜனுடைய கல்வெட்டுகள் சபை மற்றும் உறுப்பினர்களைத் தேர்ந்தெடுக்கும் முறையினைக் குறிப்பிடுகின்றன.
தூங்கானை மாடவடிவில் ஆபத்சகாயேஸ்வரர் கோயில் அமைந்துள்ளது. முதல் குலோத்துங்கனின் காலத்தில் கற்றளியாகக் கட்டப்பட்டிருக்க வேண்டும். கி. பி. 1115-இல் கோயில் திருப்பணிக்கும், திருப்பதியம் பாடவும் வெலிமாநல்லூரில் நிலங்கள் வழங்கப்பட்டன. கி. பி. 1178-இல் திருப்பணிநாச்சியாரை எழுந்தருளப்பண்ணி வழிபாட்டுக்கு பூந்தன்மல்லி வணிகன் ஒருவன் நிலங்களை அளித்துள்ளான்.
அச்சுததேவராயரின் முகவர் காளத்திநாதன் கல்வெட்டு "ஆபத்துக்காத்தான்' என இறைவனைச் சுட்டுகிறது. சம்பந்தப் பெருமான் நாயனார் மற்றும் சுந்திரமூர்த்தி நாயனார் வழிபாட்டிற்காக நிலங்கள் வழங்கப்பட்டன. மூன்றாம் ராஜராஜன் கி. பி. 1220 -இல் ஏகாம்பரதேவர் வழிபாட்டிற்கு இருவேலி நிலமும், சம்பந்தப்பெருமான் வழிபாட்டுக்கு 3 வேலி நிலத்தையும் வழங்கியுள்ளார். சுந்தரபாண்டியனுடைய இரு கல்வெட்டுகள் இறைவனை அனந்தீஸ்வரர் எனக் குறிப்பிட்டு நிலத்தானங்களையும் குறிப்பிடுகின்றன.
இவ்வூரில் காணப்படும் இரு கல்வெட்டுகளின் மூலம் பெருமழையால் ஏரியின் உடைப்பெடுத்து மிகுந்த சேதம் விளைவித்தபோது 23 மதகுகள் கட்டி எச்சூர், குமாரதாத்தாச்சாரியார் காப்பாற்றியுள்ளார் என்று அறிகிறோம். தென்னேரி ஏரிக்கு தாத சமுத்திரம் என்ற பெயருமிடப்பட்டது. மத்திய தொல்லியல் துறையின் கண்காணிப்பில் உள்ள இத்திருக்கோயில் மத்திய தொல்லியல் துறை மூலம் மாறாமல் பாதுகாக்கப்பட்டு, 2015-ஆம் ஆண்டில் கடைசியாக
குடமுழுக்கும் நடத்தப்பட்டுள்ளது.
ஆலய அமைப்பு: ஆலயத்திற்குள் நுழையும் முன்பு பலிபீடமும், நந்தி மண்டபமும் அமைந்துள்ளன. கிழக்கு நோக்கிய வாயிலின் உள்ளே மஹா மண்டபம், அர்த்த மண்டபம் அந்தராளம் மற்றும் கருவறை அமைந்துள்ளன.
மூலவர் சந்நிதி: கருவறையில் பெரிய வட்டவடிவ ஆவடையாருடன் சுவாமி அருள்மிகு ஆபத்சகாயேஸ்வரர், தன்னை நாடிவரும் தனது பக்தர்களின் குறை தீர்த்து அருள்புரிகிறார். சுவாமி ஆபத்சகாயேஸ்வரர் மீது அஷ்டகந்தம் சாற்றிய ரட்சை வைத்து பக்தர்களுக்கு கொடுக்கிறார்கள். ரட்சையை அணிந்து கொள்வதால் திருமணயோகமும் பலநோய்களும் தீருவதாக ஐதீகம். சுவாமிக்கு பிரதோஷத்தன்று வடைமாலை சாற்றப்பட்டு பக்தர்களுக்கு விநியோகிக்க, அதை உண்பவர்களுக்கு நோய்கள் தீருவதாகக் கூறுகின்றனர். அபிஷேக விபூதி பெற்று அதை நீரில் இட்டு உட்கொண்டு வந்தால் பலவிதமான நோய்கள் தீரும் என்பது சொல்வழக்கு. வருகின்ற துயர்களை துடைத்து ஆனந்தவாழ்வளிக்கிறார் ஆபத்சகாயேஸ்வரர்.
அம்பிகை சந்நிதி: அம்பிகை ஸ்ரீ ஆனந்தவல்லி சாந்த சொரூபியாய் தெற்கு நோக்கி வீற்றிருந்து அருள்புரிகிறார். மேற் திருக்கரங்கள் இரண்டிலும் அபூர்வமாய் வேறெங்கும் காணாத வடிவோடு பாசம் தாங்கியும், கீழ்க்கைகளில் அபய வரதம் தாங்கியும் அருளுகின்றார்.
திருச்சுற்று: ஆலயத்தின் திருச்சுற்றில் தெற்கு நோக்கி நர்த்தன கணபதி, தட்சிணாமூர்த்தி, மேற்கு நோக்கி மஹா விஷ்ணுவும், வடக்கு நோக்கி பிரம்மா மற்றும் ஸ்ரீ விஷ்ணு துர்க்கையும் வீற்றிருந்து அருளுகின்றார்.
வெளிப்பிரகாரம்: திருக்கோயிலின் வெளியே, கிழக்கு நோக்கி கன்னி மூலகணபதியும் வாயுமூலையில் ஸ்ரீ வள்ளி தேவசேனா சமேத ஸ்ரீ சுப்ரமண்யரும் வீற்றிருந்து திருவருள் கூட்டுகின்றனர். கோஷ்ட மஹாவிஷ்ணுவுக்கு எதிரில் ஆஞ்சநேயர் வீற்றிருந்து அருளுகிறார். ஸ்ரீ சண்டிகேஸ்வரர் வடக்கிலிருந்து தெற்கு நோக்கி அருளுகின்றார். தென்முகச் சுவற்றில் ராஜா, ராணி அவர்களது மகன் சிவலிங்கத்தை வணங்குவது போன்று அற்புத வடிவமைப்பு உள்ளது. கீழே பலகனியில் துவாரபாலகர்கள் உள்ளனர். அம்பிகை சந்நிதிக்கு அருகில் பைரவர் சந்நிதியும் அமைந்திருந்து அருளுகிறார்.
பரிகாரங்கள்: பித்ருதோஷ நிவர்த்தி, திருமணத்தடை மற்றும் மழலைப்பேறு தடைகள் நீங்கும். அகால மரணம் ஏற்படுவதை தவிர்க்கலாம்.
திருக்கோயிலில் நடைபெறும் விழாக்கள்: பிரதோஷ பூஜைகள், ஐப்பசி அன்னாபிஷேகம், மார்கழி-ஆருத்ரா மாசி-சிவராத்திரி நான்குகால பூஜைகளும் சிறப்புற நடைபெறுகின்றன.
கோயிலில் நடைதிறக்கும் நேரம்: காலை 7-30- 12.30 மீண்டும் மாலை 3.00 -5.30 மணி வரை.
கோயிலுக்குச் செல்ல: காஞ்சிபுரம் - தாம்பரம் செல்லும் வழியில் வாலாஜாபாத்திலிருந்து 8 கி. மீ. தூரத்தில் தென்னேரி கிராமம் அமைந்துள்ளது. பெங்களூர் நெடுஞ்சாலையில் சுங்குவார் சத்திரத்திலிருந்து இடதுபக்கம் திரும்பிச்சென்றால் 10 கி. மீ. தூரத்தில் தென்னேரி கிராமம் உள்ளது.
தொடர்புக்கு : 94446 61365.
- க. கிருஷ்ணகுமார்
 

]]>
http://images.dinamani.com/uploads/user/imagelibrary/2018/4/6/w600X390/v7.jpg http://www.dinamani.com/weekly-supplements/vellimani/2018/apr/06/ஆனந்த-வாழ்வருளும்-ஆபத்சகாயேஸ்வரர்-2894819.html
2894818 வார இதழ்கள் வெள்ளிமணி திரிகோணாதிபதிகளின் சிறப்பு! DIN DIN Friday, April 6, 2018 10:17 AM +0530 கேந்திராதிபதிகளைவிட கோணாதிபதிகள் சிறந்தவர்களாவார்கள். லக்னம் என்னும் ஒன்றாமிடத்தில் கேந்திரமும் திரிகோணமும் கலந்திருக்கிறது.அதனால் லக்னாதிபதி சிறந்தவராகிறார். அதைவிட சதுர்த்த கேந்திரமும் பஞ்சம கோணமும் ஒருபடி உயர்ந்ததாகக் கொள்ள வேண்டும். சப்தம கேந்திரம் சதுர்த்த கேந்திரத்தைவிட ஒரு படி உயர்ந்தது. அதைவிட உயர்ந்தது தசம கேந்திரம். இருந்தாலும் திரிகோண ஸ்தானம் சிறந்தது என்கிறோம். அதாவது பஞ்சம கோணத்தைவிட நவம கோணம் பெரியதுதான்.
கேந்திராதிபதிகளில் தசமக் கேந்திராதிபதி (பத்தாமதிபதி) உயர்ந்தவர் எனும்போது அவரைவிட உயர்ந்தவராக நவம கோணாதிபதியை (ஒன்பதாமதி) கணக்கிடல் வேண்டும். அதேநேரம் கோணாதிபதி கூட ஸ்திர லக்னங்களுக்கு பாதாகாதிபதியாகி இன்னல்களை உண்டாக்குகிறார் என்கிற கருத்து ஜோதிடர்களிடையே பரவலாக நிலவி வருகிறது. உச்ச திரிகோணாதிபதியான ஒரு கிரகம் பாதகாதிபதியாகி இன்னல்களைக் கொடுத்தாலும் அதை அவரே நிவர்த்தி செய்தும் கொடுத்து விடுகிறார் என்பது அனுபவ உண்மை.
எல்லா ஸ்திர லக்னங்களுக்கும் அவர் சில சமயம் பாதகம் விளைவிக்கலாம். சிலசமயம் விளைவிக்காமல் நன்மையையே நல்கலாம். இந்த சாதக பாதக அமைப்புகளுக்கு விதிவிலக்குகள் ஜோதிட சாஸ்திரத்தில் கூறப்பட்டுள்ளனவா? இதற்கு அளவு கோல் உண்டா? என்றும் பலர் கேட்கிறார்கள்.
அந்த விஷயத்தை ஆராய்ந்து பார்த்ததில் கீழ்கண்ட விஷயங்கள் சரியாகத் தென்படுகிறது என்று கூறிக்கொள்ள விரும்புகிறோம்.
சுக்லபட்சத்தில் (வளர்பிறை) பிறந்தவர்களுக்கு நவம கோணாதிபதியை விட பஞ்சம கோணாதிபதியே உயர்ந்தவர் என்று ஒரு விதி கூறுகிறது. எனவே, இவர்களுக்கு நவம கோணாதிபதி பாதகாதிபதியாக மாட்டார். கிருஷ்ண பட்சத்தில் (தேய்பிறை) பிறந்தவர்களுக்கு நவம கோணாதிபதிதான் பாதகாதிபதியாக மாறி இன்னல்களை வழங்கலாம். அதாவது வளர்பிறையில் பிறந்தவர்களுக்கு பாதகாதிபதியால் நன்மையும் தேய்பிறையில் பிறந்தவர்களுக்கு பாதகாதிபதியால் இன்னல்களும் ஏற்படலாம் என்று ஒரு விசேஷ விதி கூறுகிறது.




 

]]>
http://www.dinamani.com/weekly-supplements/vellimani/2018/apr/06/திரிகோணாதிபதிகளின்-சிறப்பு-2894818.html
2894817 வார இதழ்கள் வெள்ளிமணி ஒரே கோயில் மூன்று கைலாசநாதர்கள்!   DIN DIN Friday, April 6, 2018 10:16 AM +0530 காஞ்சிபுரத்திலிருந்து வந்தவாசி செல்லும் சாலையில் அமைந்துள்ளது "செவிலிமேடு'. சிவலிங்கமேடு என்பதே காலப்போக்கில் செவிலிமேடானது. இப்பகுதியில் ஏரிக்கரையில் பழைமையான அருள்மிகு கைலாசநாதர் கோயில் உள்ளது. ஒரே கோயிலில் மூன்று கைலாசநாதர்கள் சந்நிதிகள் அமைந்துள்ளது தனிச்சிறப்பு.
 கோயிலின் தெற்கு பகுதியில் உள்ள அழகிய நுழைவு வாயிலின் மேலே விதானத்தில் ராகுவும் - கேதுவும் கைலாசநாதரை வழிபடுவது போன்று அழகிய சுதை உருவம் அமைந்துள்ளது. அதன் இரு புறங்களிலும் ஆதிசங்கரும் காஞ்சி மகா பெரியவரும் அமர்ந்த கோலத்தில் வழிபடுவோருக்கு அருளாசி வழங்கும் கோலத்தில் காட்சியளிப்பது சிறப்பு.
 இறைவன் கைலாசநாதர் எழுந்தருளி அருள்புரியும் சந்நிதி மேற்கு நோக்கி அமைந்துள்ளது. பெரிய திருமேனி. கம்பீரமாகக் காட்சி தருகிறார். லிங்க பாணம் தாராலிங்கமாக விளங்குகின்றது. பல்லவர் காலத்திலேயே இங்கு கோயில் இருந்திருக்க வேண்டும் எனக்கருத முடிகிறது. கருவறையின் தெற்கு - வடக்கு பக்கங்களில் கிழக்கு நோக்கி இரு சிவன் சந்நிதிகள் அமைந்துள்ளது. இதனை தெற்கு கைலாசநாதர், வடக்கு கைலாச நாதர் என அழைக்கின்றனர். கோயிலின் திருச்சுற்றில் தென்மேற்கு மூலையில் சனிபகவான் தனிசந்நிதியில் அமைந்து அருள்கின்றார். கிழக்கு நோக்கி சனிபகவான் சந்நிதி அமைந்திருப்பது இக்கோயிலின் தனிச்சிறப்பு.
 திருக்கோயிலின் வடகிழக்கு மூலையில் திருக்குளம் அமைந்துள்ளது. திருக்குளத்தில் வடகரையில் ராகு - கேதுவுக்கென்று தனி சந்நிதி அமைந்துள்ளது. உடல் நலம் வேண்டியும், துன்பங்கள் தீரவும் விளக்குகள் ஏற்றி வழிபடுகின்றனர். ராகு - கேது தோஷம் நீங்க இது சிறந்த பரிகாரத்தலமாகும். ஸ்ரீ கைலாசநாதர் கோயிலுக்குச் செல்ல, காஞ்சிபுரம் பேருந்து நிலையத்திலிருந்து செய்யார், வந்தவாசி, திருவண்ணாமலைக்குச் செல்லும் பேருந்துகளில் சென்று செவிலிமேட்டில் இறங்கலாம்.
 - ஆர்.ரவிச்சந்திரன்
 
 

]]>
http://www.dinamani.com/weekly-supplements/vellimani/2018/apr/06/ஒரே-கோயில்-மூன்று-கைலாசநாதர்கள்-2894817.html
2894816 வார இதழ்கள் வெள்ளிமணி பிரார்த்தனைகளை நிறைவேற்றும் உஜ்ஜயினி மாகாளி!   DIN DIN Friday, April 6, 2018 10:15 AM +0530 உஜ்ஜயினி மகாகாளியம்மன் கோயில் தஞ்சாவூர் நகரில் கீழவாசல் பகுதியில் வெள்ளைபிள்ளையார் கோயிலிருந்து சிறிது தூரத்தில் அமைந்துள்ளது. பெருமுயற்சி எடுத்து உள்ளூர் பொதுமக்கள் குழுக்கள் அமைத்து வசூலித்து சுமார் 25 ஆண்டுகளுக்கு முன்னர் இக்கோயிலைக் கட்டினர். 1989 -இல் இக்கோயிலின் முதல் குடமுழுக்கும்; 2008 -இல் இரண்டாவது குடமுழுக்கும் நடைபெற்றன.
 இக்கோயிலில் உள்ள அம்மனைப் பற்றி வாய்மொழியாக பல கதைகள் கூறுகின்றனர். வணிக நோக்கில் வெளியூரிலிருந்து தஞ்சாவூருக்கு ஒரு குடும்பத்தார் வண்டி கட்டிக்கொண்டு வந்துள்ளனர். அவ்வாறு வரும்போது அவர்களுடன் பத்து வயது மதிக்கத்தக்க சிறுமியும் அவளுடைய அண்ணனும் இருந்தார்கள். தற்போது கோயில் அமைந்திருக்கும் இடத்தின் அருகே ஒரு குடிசையில் அவர்கள் தங்கியிருந்தனர். அனைவரும் வெளியில் சென்றிருந்தபோது சிறுமி மட்டும் வீட்டில் இருந்தாள். வெளியே சென்றவர்கள் திரும்பிய சமயம் வீட்டின் கதவு உள்ளே தாழிடப்பட்டிருந்தது. வெளியிலுள்ளோர் அழைத்தும் கதவு திறக்காமல் இருப்பதைப் பார்த்து அவளுடைய அண்ணனும் அருகிலுள்ளோரும் கதவை உடைத்து உள்ளே பார்த்தபோது அதிர்ச்சியடைந்தனர். அந்தச் சிறுமி அங்கு ஒரு சிலையாகக் காட்சியளித்தாள். உடனே ஊர் மக்கள் ஒன்றுசேர்ந்து ஒரு பூடம் (சிறு பெண் தெய்வம் வசிப்பதற்காகக் கட்டப்பட்ட இடம்) அமைத்து வழிபட ஆரம்பித்தனர்.
 இக்கோயிலில் உள்ள அம்மன் மிகுந்த சக்தி வாய்ந்தவளாகவும் மக்களின் வேண்டுதலை நிறைவேற்றக்கூடியவள். நம்பிக்கையோடு வரும் பக்தர்களின் குறைகளை அம்மன் தீர்த்துவைக்கின்றாள். விழாக்களின்போது அதிக எண்ணிக்கையில் முளைப்பாரி எடுத்தல், அக்னி சட்டி எடுத்தல், பால் குடம் தூக்குதல், பொங்கல் வைத்தல், மொட்டையடித்தல், காது குத்துதல் போன்ற நேர்த்திக் கடன்களை நிறைவேற்றுகின்றார்கள்.
 இக்கோயில் நுழைவாயிலில் நுழைந்து உள்ளே செல்லும்போது மூலவர் கருவறைக்கு முன்பாக பலி பீடம், கொடி மரம், சிங்கம், சூலம் ஆகியவை உள்ளன. கோயிலைச் சுற்றி வரும்போது ஏனாதிநாத நாயனார், சிவதுர்க்கை, கல்யாண கணபதி, அய்யப்பன், அனுமன் ஆகியோரைக் காணலாம். திருச்சுற்றில் உள்ள வேப்ப மரத்தின் அருகே நாகர்கள் பிரதிஷ்டை செய்யப்பட்டுள்ளனர். அடுத்து நவக்கிரகங்கள் உள்ளன.
 மூலவர் சந்நிதியில் அம்மன் அமர்ந்த கோலத்தில் சாந்த சொரூபியாக கிழக்கு பார்த்த நிலையில் காட்சி தருகிறார். மூலவர் சந்நிதியின் இரு புறமும் செல்வ விநாயகர், வள்ளி தெய்வானை சமேத சுப்பிரமணியர் அமைந்துள்ளனர்.
 பக்தர்களின் பிரார்த்தனைகளைத் தீர்த்துவைத்து வாழ்வில் நம்பிக்கை ஒளியேற்றிவைக்கிறாள் உஜ்ஜயினி மாகாளியம்மன்.
 -ஜ. பாக்கியவதி
 

]]>
http://images.dinamani.com/uploads/user/imagelibrary/2018/4/6/w600X390/v6.jpg http://www.dinamani.com/weekly-supplements/vellimani/2018/apr/06/பிரார்த்தனைகளை-நிறைவேற்றும்-உஜ்ஜயினி-மாகாளி-2894816.html
2894815 வார இதழ்கள் வெள்ளிமணி நிகழ்வுகள்   DIN DIN Friday, April 6, 2018 10:11 AM +0530  தமிழ்ப்புத்தாண்டு படித்திருவிழா
 குமரன்குன்றம் திருப்புகழ் மன்றம் மற்றும் முருகுகவி அறப்பணி திருப்புகழ் ஆராய்ச்சி மையம் இணைந்து நடத்தும் 40 -ஆவது ஆண்டு மாபெரும் படித்திருவிழா ஏப்ரல் - 14 -ஆம் தேதி தமிழ்ப்புத்தாண்டு அன்று குரோம்பேட்டை குமரன் குன்றம் அருள்மிகு பாலசுப்ரமணிய சுவாமி திருக்கோயிலில் நடைபெறுகின்றது. நிகழ்ச்சிகள் அன்று காலை 5.30 மணியிலிருந்து துவங்குகின்றது. பல்வேறு திருப்புகழ் சபையினர் மற்றும் பள்ளி மாணவ மாணவியர்கள் பங்கேற்று மலைக்கு செல்லும் படிகளில் திருப்புகழ் இன்னிசை வழங்குவார்கள்.
 தொடர்புக்கு: 044- 2223 5645/ 98414 20780.
 வஸந்தோற்சவம்
 திருவிசலூர் (வேப்பத்தூர் -வழி) ஸ்ரீதர அய்யாவாள் சந்நிதியில் ஏப்ரல் - 18, அட்சய திருதியை அன்று வஸந்தோற்சவம் சம்பிரதாய பஜனை, சகஸ்ர நாமபாராயணம், திவ்யநாம பஜனை போன்ற வைபவங்களுடன் நடைபெறுகின்றது. ஏப்ரல் -19, ஸ்ரீ கோணங்கிதாஸர் ஸேவை, மஹாதீபாராதனையுடன் விழா முடிவடைகின்றது.
 தொடர்புக்கு: எஸ். ராமநாதன்- 0435 2461616.
 குருபூஜை
 தூத்துக்குடி மாவட்டம், ஏரல், ஸ்ரீ சேர்மன் அருணாசல சுவாமி திருக்கோயிலில் 110 -ஆம் ஆண்டு குருபூஜை, ஏப்ரல் - 16 அன்று சிறப்பு தீபாராதனை, அன்னதானத்துடன் நடைபெறுகின்றது.
 தொடர்புக்கு: 04630 271281, 89037 21536.
 

]]>
http://www.dinamani.com/weekly-supplements/vellimani/2018/apr/06/நிகழ்வுகள்-2894815.html
2894813 வார இதழ்கள் வெள்ளிமணி நேர்மறையாக சிந்தியுங்கள்!   DIN DIN Friday, April 6, 2018 10:09 AM +0530 தன்னுடைய வியாபாரத்தில் தோல்வியடைந்த ஒரு வியாபாரி ஒருவர், மிகவும் மனம் சோர்வடைந்து, வாழ்க்கையில் மிகவும் விரக்தியடைந்தவராய், தன்னுடைய வீட்டுத் தெரு முனையில் உள்ள திண்ணையில் அமர்ந்து கொண்டு, அடுத்து நாம் என்ன செய்வது என்ற எண்ணத்துடன் சோர்வாக அமர்ந்திருந்தார்.
 அப்போது அவரின் பார்வை எதிரில் உள்ள குப்பை தொட்டியில் மீது விழுந்தது. அது குப்பைகளால் நிரம்பி வழிந்து காணப்பட்டது. அப்போது, பழைய பேப்பர்களை சேகரிக்கும் ஒருவர், அந்த குப்பைத்தொட்டியில் உள்ள தனக்கு தேவையான பழைய பேப்பரை எடுத்து சாக்கில் நிரப்பிச் சென்றார்.
 சிறிது நேரத்தில் பழைய பாட்டில்கள் பொறுக்கும் நபர் அதே குப்பை தொட்டியில் தனக்கு தேவையான பாட்டில்களை தன்னுடைய பையில் நிரப்பி எடுத்து சென்றார். மற்றொருவர் தனக்கு தேவையான பழைய பிளாஸ்டிக் தட்டு, பேப்பரை எடுத்து சாக்கில் நிரப்பி சென்றார்.
 அதன்பின் ஒரு நாய் வந்து எச்சில் இலையில் இருந்த சாப்பாட்டை சாப்பிட்டுச் சென்றது. கடைசியாக வந்த ஒரு பசு குப்பையில் கிடந்த பச்சிலையை சாப்பிட்டு தன் பசியை போக்கி கொண்டது.
 இதைப் பார்த்துக்கொண்டிருந்த தன் தொழிலில் நஷ்டமடைந்து இருந்த அவருக்கு ஒரு தெளிவு பிறந்தது. ஒரு சிறிய குப்பை தொட்டியில் இத்தனை உயிர்கள் தங்களின் தேவைகளைத் தெரிந்து கொண்டு உயிர் வாழ்கின்றன என்றால், இந்த பரந்து விரிந்து கிடக்கும் இவ்வுலகில் நாம் அனைவரும் எப்படி எல்லாம் பிழைத்து வாழலாம் என்று தன் மனதைத் திடப்படுத்திக்கொண்டு, மீண்டும் முயற்சி செய்து வெற்றி பெறலாம் என தன்னம்பிக்கையுடன் தன் பழைய தொழிலை தொடங்க சென்றார்.
 தேவனாகிய கர்த்தர் இந்த பூமியில் ஆணும் பெண்ணுமாக மனிதரைப் படைத்தார். பின்னும் அவர், அவர்களைப் பார்த்து, நீங்கள் பலுகிப் பெருகி, பூமியை நிரப்பி, அதைக் கீழ்ப்படுத்தி, சமுத்திரத்தின் மச்சங்களையும் ஆகாயத்துப் பறவைகளையும், பூமியின்மேல் நடமாடுகிற சகல ஜீவஜந்துக்களையும் ஆண்டுகொள்ளுங்கள் என்று சொல்லி, தேவன் அவர்களை ஆசீர்வதித்தார் (ஆதி. 1:28).
 நீங்கள் எதிர்மறையாக சிந்திப்பவரானால் நேர்மறையாக சிந்திப்பதுதான் உங்களுடைய முதல் சவால். நேர்மறையாக சிந்தியுங்கள் ஏனென்றால் நீங்கள்தான் தேவனின் முதன்மையான படைப்பு. உங்கள் முதல் பணி கடவுளின் வழிகாட்டுதலின் படி நடப்பதுதான். இது உங்களுடைய விசுவாசமே சக்தியையும் அதிகரிக்க உதவும்.
 கர்த்தர் உங்களை தன்னம்பிக்கை உள்ளவர்களாகவும் வெற்றி பெறவும் உங்களுக்கு சோதனைகள் தருகிறார். உங்கள் மனதை கட்டுப்படுத்துங்கள். மனதை வெற்றி கொள்வதே உண்மையான வெற்றி. தன்னம்பிக்கை பெறுவது இரண்டாவது வெற்றி. அதனால் முதல் வெற்றியை அடைய முயலுங்கள்.
 இந்த பூமியில் பிறந்த அனைவருமே சாதிக்கப் பிறந்தவர்கள். ஒவ்வொருவருக்குள்ளும் தனித்தனி திறமைகள் உள்ளது. அது என்ன என்று நாம் அறிந்துகொண்டு அதை சரியாக செய்யும் போது வாழ்வில் வெற்றியடையலாம்.
 தேவன் நம்மை பூமியைக் கீழ்ப்படுத்தி அதனை ஆண்டுகொள்ளும்படியே கூறியிருக்கிறார். இந்த உலகம் மிகவும் பெரியது. நமக்குத் தேவையானதை தேர்ந்தெடுத்து அதில் கவனம் செலுத்தும்போது வாழ்க்கையில் மிகப்பெரிய வெற்றியடையலாம்.
 - ஒய்.டேவிட் ராஜா
 
 

]]>
http://images.dinamani.com/uploads/user/imagelibrary/2018/4/6/w600X390/v5.jpg http://www.dinamani.com/weekly-supplements/vellimani/2018/apr/06/நேர்மறையாக-சிந்தியுங்கள்-2894813.html
2894812 வார இதழ்கள் வெள்ளிமணி எந்நிலையிலும் தந்நலம் தவிர்த்தல்   DIN DIN Friday, April 6, 2018 10:08 AM +0530 பொன்விளையும் பூமியைப் பொழிந்து செழிப்பாக்கும் செழுமழை பிரதி பயனை எதிர்பாராது உலகிற்கு உதவுவது போல் எந்நிலையிலும் தந்நலம் தவிர்த்து பிறருக்கு உதவுவதே உயர்ந்தது. அப்படி உதவுவோரே ஈட்டிய செல்வம் பிறர் நோவினை நீக்க ஈவதற்கே என்று தந்நலம் தவிர்த்து பிறர் நலம் பேணுவர். முயற்சி உடையவர் முயன்று பெற்ற செல்வம் பிறருக்கு உதவுவதற்கே என்று தொடர்ந்து வெற்றி பெறுவதை மேதினியில் சாதனை புரிவதைச் சரித்திரத்தில் காண்கிறோம்.
 பெரியார் அபுல் ஹஸன் அந்தாகி குராசான் நாட்டில் "ரை' என்ற ஊரில் வசித்தார். ஓரிரவு அவரின் வீட்டிற்கு முப்பதிற்கு மேற்பட்ட விருந்தாளிகள் வந்தனர். போதிய அளவு ரொட்டிகள் இல்லை. இரவானதால் தயாரிக்கவும் முடியவில்லை. இருப்பில் இருந்த ரொட்டிகளைச் சிறு துண்டுகளாக நறுக்கி சுப்ரா என்னும் சாப்பாடு துனியில் பரப்பி விருந்தாளிகள் அமர்ந்ததும் விளக்கை அணைத்தார். உணவு உண்ணும் வாயசைப்பு ஒலி நீண்ட நேரம் கேட்டது. விளக்கை எரிய விட்டதும் ஒவ்வொருவரும் மற்றவர் சாப்பிடுவதற்காக சாப்பிடுவது போல் வாயசைத்து கொண்டிருந்தது புரிந்தது. பின்னர் விளக்கு ஒளியில் சுப்ராவில் இருந்ததை அனைவரும் சமமாக பங்கிட்டு சாப்பிட்டனர்.
 யர்முக் சண்டையில் குற்றுயிராய் நீருக்குத் தவித்த இக்ரிமா (ரலி) அவருக்குத் தரப்பட்ட நீரை நிராசையுடன் பார்த்த அவரைப் போலவே துடித்த சுஹைல் இப்னு அம்ரு (ரலி) அவர்களுக்குப் புகட்ட சுட்டிக்காட்டினார். சுஹைல் (ரலி) அவரினும் அதிகமாக அவதிப்பட்ட இப்னு ஹாரிஸ் (ரலி) அவர்களுக்கு முதலில் நீர் புகட்ட புகன்றார். நீர் கொண்டு சென்றவர் ஹாரீஸ் (ரலி) அவர்களை நெருங்குமுன் அவர் உயிர் நீத்தார். நீர் கொண்டு சென்றவர் திரும்பி வருகையில் முதல் இருவரும் இறந்து விட்டனர். உயிர் பிரியும் தறுவாயில் நந்நலம் மறுத்து பிறர் நலம் பேணிய பெருந்தகையாளர்கள் தங்களுக்குத் தேவை இருந்த பொழுதிலும் தங்களைத் தியாகம் செய்கிறார்கள் என்ற செம்மறை குர்ஆனின் 59-9 ஆவது வசனத்தை மெய்ப்பிக்கிறது.
 மதீனாவில் வாழ்ந்தவர்கள் அன்சாரிகள் என்று குறிப்பிடப் படுகின்றனர். இஸ்லாத்தை ஏற்காத எதிரிகளின் எண்ணற்ற தொல்லைகளால் எல்லையில்லா துன்பத்திற்குள்ளான மக்காவில் இஸ்லாத்தை ஏற்றவர்கள் அவர்களின் சொந்தங்களை, சொத்துக்களை வெறுங்கையுடன் மதீனாவிற்கு அபயம் தேடி வந்தவர்களுக்கு மதீனத்து அன்சாரிகள் அவர்களின் தேவையை பொருட்படுத்தாது வாரி வழங்கியதைக் குறிப்பிடுகிறது என்பர் குர்ஆன் விளக்க உரையாளர்கள் இவ்வசன விளக்கத்தில்.
 ஒரு சமயம் வீட்டிற்கு வந்த விருந்தாளிக்கு வழங்க உணவு இல்லாததால் உத்தம நபி (ஸல்) அவர்கள் அந்த விருந்தாளியை அன்சாரி தோழர் அபூதல்ஹா (ரலி) வீட்டிற்கு அழைத்து செல்ல பணித்தார்கள். அபூதல்ஹா (ரலி) வீட்டில் குழந்தைகளுக்காக சொற்ப உணவே இருந்தது. குழந்தைகளைத் தூங்க வைத்துவிட்டு அபூதல்ஹா (ரலி) விருந்தாளி முன் அமர்ந்து விருந்தாளிக்கு உணவு தட்டை வைத்ததும் காற்றில் அணைந்ததுபோல் விளக்கை அணைத்துவிட்டு விருந்தாளியை உணவு உண்ண செய்து அபூதல்ஹா (ரலி) உண்பதுபோல் பாவனை செய்தார்கள். இந்நிகழ்ச்சியையும் இவ்வசனம் சுட்டிகாட்டுகிறது என்று ஏந்தல் நபி (ஸல்) அவர்கள் எடுத்துரைத்தது புகாரி, முஸ்லிம், திர்மிதீ நூல்களில் பதிவாகியுள்ளது.
 பெரியார் முஹம்மது இப்னு சஹல் புகாரி மக்காவிற்குச் செல்கையில் மொராக்கோ நாட்டுக்காரர் ஒருவர் கோவேறு கழுதையில் அமர்ந்துவர, முகவர் ஒருவர் அமானித (பிறர் பாதுகாக்கத் தந்த) பொருள்கள் அடங்கிய ஹிமியானி (பொன், வெள்ளி காசுகளை வைத்து இடுப்பில் கட்டிக்கொள்ளும் நீண்ட பை) காணவில்லை, கண்டெடுத்து தருபவருக்கு நூறு பொற்காசுகள் பரிசு என்று அறிவிப்பு செய்து சென்றார்.
 கிழிந்த கந்தலாடை அணிந்த கால் இழந்தவர் அப் பையின் அடையாளங்களைக் கேட்டார். எழுத படிக்கத் தெரிந்த இப்னு சஹல் புகாரியைச் சாட்சியாக வைத்து பையில் உள்ள அமானித பொருள்கள் மொராக்கோ காரர் சொன்னபடி இருப்பதை உறுதி செய்து ஹிமானியை உரியவரிடம் ஒப்படைத்தார். மொராக்கோ காரர் தந்த நூறு பொற்காசுகள் பரிசைப் புறக்கணித்து புறப்பட்டார் கால் இழந்தவர், ""அதிகம் தேடியவராக உதவி செய்யாதீர்'' என்ற எழில்மறை குர்ஆனின் 74- 6 ஆவது வசனம் உரைக்கிறபடி மாற்றுத்திறனாளி தானம் பெறாமல் தந்நலம் மறுத்து தக்கன செய்தார்.
 எந்நிலையிலும் நந்நலம் தவிர்த்து மிக்க உதவி கோரும் தக்கோருக்குத் தக்க நேரத்தில் தக்கபடி உதவி பிறர் நலம் பேணி பேரின்பமுடன் வாழ்வோம். பேராளன் அல்லாஹ்வின் அருளைப் பெறுவோம்.
 - மு.அ. அபுல் அமீன்
 
 

]]>
http://images.dinamani.com/uploads/user/imagelibrary/2018/4/6/w600X390/v4.jpg http://www.dinamani.com/weekly-supplements/vellimani/2018/apr/06/எந்நிலையிலும்-தந்நலம்-தவிர்த்தல்-2894812.html
2894811 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, April 6, 2018 10:06 AM +0530 * மாயையின் வலையில் அகப்பட்டு துன்பக்கடலில் தவிக்கிறாய். அந்தக் கடலில் மூழ்கிவிட்டதாக நினைத்து ஏங்குகிறாய். கவலை வேண்டாம், ""ராதா, கிருஷ்ணா'' என்று கூவி அழையுங்கள். அதுவே நான் உங்களிடம் வேண்டிக் கேட்கும் பிச்சை.
- சைதன்யர்

* பரம்பொருள் ஒன்றுதான். அதை அறிஞர்கள் பல்வேறு பெயர்களால் அழைக்கிறார்கள். நாம் அக்ஞானம் என்ற இருளைப் பின்தங்க வைத்துவிட்டு முன்னேறுவோம். எதிரே பரம ஜோதி பேரொளி சூரிய தேவதை ஜொலித்துக்கொண்டிருக்கிறது. அதுதான் எல்லாத் தேவதைகளுக்கும் அதிதேவதை. சூரியன்தான் உத்தம ஜோதி. நாம் அதன் எதிரில் இருக்கிறோம். அதை அடையவே முன்னோக்கிப் போகிறோம். 
- ரிக் வேதம்

* கொலை செய்யாதவனும், பொய் பேசாதவனும், திருட்டுக்குணம் இல்லாதவனும், மதிக்கத்தக்க நற்குணங்கள் வாய்க்கப் பெற்றவனும், நல்லவனும், அடக்கமுடையவனும், நடுநிலைமையுடையவனும், கிடைத்ததைப் பிறருக்குப் பங்கிட்டு உண்பவனும், குற்றம் அற்றவனும், கள்குடி இல்லாதவனும், காமவேட்கை இல்லாதவனும் எவனோ அவனே, "(அஷ்டாங்க யோகம் குறிப்பிடும்) இயமம்' என்று பயிற்சியில் நின்றவன் ஆவான்.
- திருமூலர் (திருமந்திரம்) 

* வெள்ளம் வருவதற்கு முன்பே அணைபோட வேண்டும். வெள்ளம் பெருக்கெடுத்து வந்தபிறகு எதுவும் செய்ய இயலாது. இதைப் போலவே மரணம் வரும் முன்பு அறம் செய்து மீட்சி பெற வேண்டும்.
- சிவப்பிரகாச முனிவர்

* மனிதன் குரங்கை ஆட்டுவதை நாம் பார்த்திருக்கிறோம்; கேட்டிருக்கிறோம்; ஆனால், மனிதனைக் குரங்கு ஆட்டுவிப்பதை நாம் பார்த்ததும் இல்லை; கேட்டதும் இல்லை. ஆனால், கிழட்டு மனக்குரங்கோ மனிதனை ஆட்டுவிப்பது கொஞ்சம் நஞ்சமன்று; இது வியப்புக்கு உரியதே!
- வடலூர் வள்ளலார்

* இனிய மொழி பேசுவதால் எல்லோரும் நம்மிடம் மலர்ச்சியாக இருக்கிறார்கள், நாமும் மலர்ச்சியாக இருக்கிறோம். 
- கபீர்தாசர்

* நாமகீர்த்தனம் என்றால், பகவானுடைய நாமகீர்த்தனம் மட்டுமல்ல; அடியார்களின் நாமகீர்த்தனங்களும் அவசியமானவை. பகவானுடைய நாமகீர்த்தனங்களில் உண்டாகும் பிரியம், அடியார்களின் நாமகீர்த்தனங்களிலும் நமக்கு இருக்க வேண்டும்.
- ஸ்ரீ ராமானுஜர்

* எதற்காகவும் பெருமைப்படாதே. எல்லாம் ஒரு கணத்தில் அழியக்கூடியவைதான். எல்லாவற்றையும் துறந்து, பரமனிடம் அமிழ்ந்துவிடு. எல்லா உணர்ச்சிகளையும் வென்று ஆத்மாவைப் பற்றி சிந்தித்து, உன் உண்மையான தன்மையைக் கண்டுபிடி. ஆத்மஞானம் இல்லாத மூடர்கள் பயங்கர நரகங்களையே அடைவார்கள். 
- ஆதிசங்கரர்

* மனம், வாக்கு, காயம் ஆகிய மூன்றினாலும் பிரம்மசரியம் அனுஷ்டிக்கப்பட வேண்டும். சரீர உணர்ச்சிகளை அடக்கிக்கொள்ள முயற்சி செய்யும் ஒருவன் மனதில் கெட்ட எண்ணங்களை வளர்ப்பானானால் அவனுடைய முயற்சி வீணேயாகும். 
- கண்ணபிரான்

* பெரியோர்களை வணங்கிப் பழக்கமுள்ளவன், தினமும் பெற்றோருக்கும் ஆசிரியருக்கும் பெரியவர்களுக்கும் பணிவிடை செய்பவன் எவனோ, அவனுடைய ஆயுளும் கல்வியும் புகழும் பலமும் பெருகுகின்றன. 
- மனு தர்மம்

* ஜீவராசிகள் அனைத்துமே பயணிகள்தான். இறுதி அழைப்பு வந்ததும் ஒருவன் ஒரு விநாடி நேரம்கூட தாமதிக்க முடியாது.
- குருநானக் 

* இந்த உலகில் ஆறுகளையும் குளங்களையும் போன்ற மக்கள் அதிகம். ஆறுகளும் குளங்களும் அதிக நீரைப் பெற்றதும் நிரம்பி வழிந்துவிடும். அதுபோல் மக்களும் தாங்கள் மட்டுமே பெருமையும் முன்னேற்றமும் கொண்டு உயர்வடைய விரும்புவார்கள். ஆனால் சமுத்திரத்தைப் போன்ற மக்களை விரல்விட்டு எண்ணிவிடலாம். சமுத்திரம் பூர்ண சந்திரனைக் கண்டு பொங்கும். அதுபோல் கடலைப் போன்ற குணமுடைய மக்கள்தான் பிறருடைய உயர்வைப் பார்த்து ஏற்றம் கண்டு மனமகிழ்ச்சி அடைவார்கள். 
- துளசிதாசர்

]]>
http://images.dinamani.com/uploads/user/imagelibrary/2018/4/6/w600X390/v3.jpg http://www.dinamani.com/weekly-supplements/vellimani/2018/apr/06/பொன்மொழிகள்-தொகுப்பு-சுவாமி-கமலாத்மானந்தர்-2894811.html
2894810 வார இதழ்கள் வெள்ளிமணி மீனாட்சியின் அருள்கோட்டை!   DIN DIN Friday, April 6, 2018 10:03 AM +0530 பெரியபுராணத்தின்பால் பெரிதும் ஈடுபாடு கொண்ட வன்தொண்டர் என்பவர், சேக்கிழார்பால் மாறாத காதல் கொண்டவர். மஹாவித்வான் மீனாட்சி சுந்தரம் பிள்ளை அவர்களை தேவகோட்டைக்கு வரவழைத்து "சேக்கிழார் பிள்ளைத் தமிழ்' பாடச் செய்தார். அப்பொழுதும் அவருக்குத் திருப்தி உண்டாகாத சூழலில் சேக்கிழாருக்கு ஊருக்கு வடகிழக்கில் ஈசான்யத்தில் ஓர் ஆலயம் அமைப்பதற்காக பெரிய இடம் ஒன்றும் வாங்கினார். இச்சூழலில் தேவகோட்டைக்கு ஒரு சிவாலயம் அமைத்திட நகரத்தார்கள் விரும்பினர். வன்தொண்டரை அனுகினர். அவரும் சம்மதித்து தாராளமாய் எடுத்துக் கொள்ளுங்கள் என்றார் . ஆனால் அங்கே நடராஜப் பெருமானுக்கு அருகில் சேக்கிழாருக்கு என்று ஒரு தனிக் கருவறை அமைத்தும் சேக்கிழார் கோயிலுக்கென்று செய்த மணியினை அங்கே நிறுவியும் உதவ வேண்டும் என்றார். நகரத்தார்கள் மகிழ்வோடு ஒப்புக்கொண்டனர்.
 அம்பிகை சண்டாசுர வதத்தின்போது தவம் செய்த இடமாகையால் "தேவிகோட்டை' எனப்பட்டு, ராமாயண காலத்தில் அனுமனுக்காக தேவர்கள் புடை சூழ சுக்ரீவனுடன் காத்திருந்ததால் "தேவகோட்டை' என்றானது. இத்தலத்தில் ஸ்ரீ மீனாட்சி உடனுறை ஸ்ரீ சுந்தரேஸ்வரருக்கு கல்லால் ஆன அழகிய ஆலயத்தை அமைத்தனர். சுவாமியும் அம்பிகையும் கிழக்கு நோக்கிய சந்நிதியில் அமைந்துள்ளனர். தேவகோட்டைக்கு தெற்கே உள்ள மணிகண்டி கிராமத்திலிருந்து நேமங்கோயிலைச் சார்ந்த நாச்சியப்பச் செட்டியாரால் எடுத்துவரப் பெற்று கீழவீட்டார்களால் பாதுகாக்கப் பெற்ற சிவலிங்க மூர்த்தி 1848 -இல் பிரதிஷ்டை செய்யப் பெற்று வழிபாடு தொடங்கப் பெற்றது. சேக்கிழாருக்கு குன்றத்தூரில் இருந்து கல் எடுத்து வந்து சிலை செய்து தனிச்சந்நிதி நிறுவி, ஆண்டுதோறும் வைகாசி பூசத்தில் பெரிய புராண முற்றோதலும், சேக்கிழார் விழாவும் செம்மையாக நடைபெற்று வருகின்றது.
 அன்னை ஸ்ரீ மீனாட்சி அருளாட்சி செய்யும் அற்புதத்தலம் இது. கிழக்கு நோக்கிய சந்நிதியில் நின்ற திருக்கோலத்தில் வலது திருக்கரத்தில் புஷ்பத்தின் மேலாகக் கிளி தாங்கியும், இடது திருக்கரத்தினை முழங்காலுக்குக் கீழாக தொங்க விட்டபடியும் கருணை பொழியும் கண்களோடு காட்சி தருகின்றாள். சந்தனக் காப்பு அலங்காரத்தில் நேரே நின்று பேசும் வகையில் அருளும் காட்சி சிறப்பாகும். சுவாமி சந்நிதிதியின் சுற்றுப்பிரகாரத்தில் உள்ள ஸ்ரீ பாலதண்டாயுதபாணி பழநி முருகன் போல் உச்சிக்குடுமி உள்ளவர். இத்தெய்வத்தின் மீது வண்ணச்சரபம் தண்டபாணி சுவாமிகள் பிள்ளைத்தமிழ் பாடி அருளியுள்ளார். இங்கு, 73 ஆண்டுகளாக கந்தர்சஷ்டி விழா உலகெங்கும் உள்ள பிரபல கலைஞர்கள் பங்கேற்றுச் சிறப்பிக்க, சிறப்பாக நடைபெற்று வருகின்றது.
 ஆலயத்தின் எதிரே அழகிய திருக்குளம் உள்ளது. ராஜகோபுரம் வழியாக உள்ளே நுழைந்தால் பிரம்மாண்டமான நந்தியம் பெருமானைக் காணலாம். நுழையும் போது இடப்புறத்தில் அதிகார நந்தி அனுமதி தருகின்றார். சூரியனை வணங்கி, திருமறைகள் தந்த நால்வர் பெருமக்களை தரிசித்து ஸ்ரீ சுந்தரேஸ்வரர் சந்நிதியை அடைகின்றோம். அன்பே வடிவான ஈசன், அருளே வடிவாக அருட்காட்சி தருகின்றார். சந்நிதியில் எழுந்தருளும் சுவாமிகளின் விக்ரஹங்களும், அறுபத்து மூவர் திருமேனிகளும் உள்ளன. தரிசித்து வலம் வரும்போது கோஷ்டத்தில் நர்த்தன விநாயகர், தட்சிணாமூர்த்தியியை தரிசிக்கலாம். இச் சந்நிதி தூணில் உள்ள சிங்கத்தின் வாய்க்குள்ளே கல் உருண்டை வெளியே வரா வண்ணம் அமைக்கப்பட்டுள்ள நேர்த்தி ஆச்சரியமூட்டுகிறது. அடி முடி காட்டாத நாதர், பிரம்ம தேவர், விஷ்ணு துர்க்கை, சண்டிகேஸ்வரர் அருள்கின்றனர்.
 முதல் பிரகாரத்தில் அறுபத்து மூவர், சரஸ்வதி, சோமஸ் கந்தர், தனி அம்மன், மரகத விநாயகர் காசி விஸ்வநாதர் விசாலாட்சி, ஸ்ரீ பால தண்டாயுதபாணி, வள்ளி, தெய்வானை சமேத சுப்பிரமணியர் (உற்சவர்) அன்னை மஹாலட்சுமி, சேக்கிழார் சந்நிதி, சிவகாமி உடனுறை நடராஜப் பெருமான், மாணிக்க வாசகர் சந்நிதி, பைரவர் சந்நிதி, சந்திரன், சனீஸ்வரர் சந்நிதிகளை தரிசிக்கலாம். நவக்ரஹங்களின் சந்நிதியை தரிசித்து வெளியே வரும் போது வலது புறத்தில் விநாயகரும், இடபுறத்தில் முருகப் பெருமானும் அருள்பாலிக்கின்றனர். சுவாமி, அம்மனுக்குத் தனித்தனியாக ராஜகோபுரங்கள் உள்ளன.
 மேலும் நவராத்திரித் திருவிழாவில் தங்கக்குதிரையில் சுவாமி அம்புபோடும் காட்சி பிரபலமானது. கந்தர் சஷ்டி திருவிழா, மார்கழியில் பத்து நாள்கள் ஆருத்ரா தரிசனம், சித்திரைத் திருவிழா சிறப்பானது. இரண்டு அழகான தேர்கள் திருவீதி வலம் வரும். சித்திரா பௌர்ணமி நாளில் தெப்பக் காட்சி காணக்கண் கோடி வேண்டும்.
 - இலக்கியமேகம் ஸ்ரீ நிவாஸன்
 
 

]]>
http://images.dinamani.com/uploads/user/imagelibrary/2018/4/6/w600X390/v2.jpg http://www.dinamani.com/weekly-supplements/vellimani/2018/apr/06/மீனாட்சியின்-அருள்கோட்டை-2894810.html
2894809 வார இதழ்கள் வெள்ளிமணி சிவபெருமானை வழிபட்ட ஜீவராசிகள்!   Friday, April 6, 2018 10:02 AM +0530 மானிடர்கள் மட்டுமல்ல, ஜீவராசிகளும் சிவபெருமானை வழிபட்டிருப்பதாக புராண வரலாறுகள் கூறுகின்றன. சிவலிங்கத் திருமேனியில் அவற்றின் அடையாளங்கள் ஏற்பட்டுள்னன. அவை, தழும்புகளாகவும் இன்றும் காட்சித் தருவதைக் காணலாம்.
 பிருங்கி முனிவர் வண்டு வடிவம் எடுத்து சிவபெருமானை வழிபட்டதால், சிவலிங்கத்தில் வண்டு துளைத்த குறியினை திருநல்லூரில் அருள்புரியும் லிங்கத் திருமேனியில் காணலாம். கும்பகோணத்திற்கு அருகில் உள்ள திருந்து தேவன்குடி தலத்தில் உள்ள கோயிலில் அருள்புரியும் சிவபெருமானை குதிரையும் நண்டும் வழிபட்டு முக்தி அடைந்தன. அவைகளின் காலடிச் சுவடுகளின் தழும்புகள் லிங்கத்தில் இருப்பதைத் தரிசிக்கலாம்.
 குடவாசல் தலத்தில் அருள்புரியும் ஸ்ரீ கோணேஸ்வரரை கருடன் வழிபட்டார். அப்போது கருடனுடைய கால் சுவடுகள் லிங்கத்தின் மீது படிந்தது. அந்த அடையாளத்தை இன்றும் காணலாம். நீடூர் திருத்தலத்தில் நண்டு ஒன்று சிவபெருமானானஅருட்சோமநாதரை வணங்கியதால் சிவலிங்கத்தின் உச்சியில் நண்டு நுழையும் அளவிற்கு துளை உள்ளது.
 ராமேஸ்வரத்தில் அருள்புரியும் ஸ்ரீ ராமநாதர் லிங்கத்திருமேனியை அனுமன் தன் வாலால் கட்டி இழுத்ததால் அனுமனின் வால்பட்ட தழும்பு லிங்கத்தில் காணப்படுகிறது. இதேபோல் ஆந்திர மாநிலம் ராமகிரி சிவன் கோயிலில் உள்ள லிங்கத்திலும் அனுமன் வால்பட்ட தழும்பு உள்ளது.
 - டி.ஆர். பரிமளரங்கன்

]]>
http://images.dinamani.com/uploads/user/imagelibrary/2018/4/6/w600X390/v1.jpg http://www.dinamani.com/weekly-supplements/vellimani/2018/apr/06/சிவபெருமானை-வழிபட்ட-ஜீவராசிகள்-2894809.html
2890449 வார இதழ்கள் வெள்ளிமணி அன்பே உருவான ஸ்ரீமத் ஆண்டவன் ஸ்வாமிகள்! - எஸ். ஸ்ரீதுரை DIN Friday, March 30, 2018 01:08 PM +0530 ஸ்ரீ ராமானுஜர் ஸ்தாபித்த விசிஷ்டாத்வைத நெறியினை நாடெங்கும் பரப்பி, வடமொழி வேதம் மற்றும் திவ்யப் பிரபந்தம் இரண்டையும் கண்ணாகப் போற்றி வருகின்ற வைணவ மடங்களில் ஸ்ரீரங்கம் ஸ்ரீமத் ஆண்டவன் ஆசிரமும் ஒன்று. 
இம்மடத்தின் முதல் ஜீயர், ஸ்ரீ வேதாந்தராமானுஜமஹாதேசிகன் ஸ்ரீரங்கம் திருக்கோயிலில் மங்களாசாஸனம் செய்யச் சென்றபோது, வாரும் எம் ஆண்டவனே!' என்று ஸ்ரீ ரங்கநாதப் பெருமானே அசரீரியாக வரவேற்றதால் இந்த மடத்திற்கு ஸ்ரீமத் ஆண்டவன் ஆஸ்ரமம் என்ற பெயர் உண்டாயிற்று. அன்னார் தாம் அவதரித்த ஊராகிய வழுத்தூர் என்பதையும் சேர்த்து ஸ்ரீ வழுத்தூர் ஆண்டவன் என்று அழைக்கப்பட்டார். தற்போது முக்தியடைந்த ஸ்ரீ ரங்கராமானுஜ மஹாதேசிகன் எனப்படும் ஸ்ரீமுஷ்ணம் ஆண்டவன் ஸ்வாமிகள் இப்பரம்பரையில் வந்த பதினோராவது ஜீயராவார். இம்மடத்தின் ஜீயர்கள் ஒவ்வொருவரும் தம்மை நாடி வரும் சீடர்களின் புஜங்களில் சங்கு சக்கர முத்திரை பதித்தல் உள்ளிட்ட ஐந்து கிரியைகள் கொண்ட பஞ்ச சமஸ்காரமும், பரஸமர்ப்பணம் என்னும் தீட்சையினையும் கொடுத்து சீடர்களின் ஆன்ம ஈடேற்றத்திற்கு வழிவகுப்பது வழக்கம். 
இம்மடத்தின் ஒன்பதாவது ஜீயர் திருக்குடந்தை ஆண்டவன் எனப்படும் ஸ்ரீமத் வேதாந்த ராமானுஜ மஹாதேசிகன் மூலம் பரஸமர்ப்பணம் பெற்று, அவரிடம் சாஸ்திர உபதேசங்களும் பெற்றவர்தாம் ஸ்ரீமுஷ்ணம் ஆண்டவன் சுவாமிகள். 
திருக்குடந்தை ஆண்டவனின் அருளாணைக்கிணங்கி, தமது குடும்பத்தைத் துறந்து ஸ்ரீவைஷ்ணவத்திருப்பணிக்கே தம்மை அர்ப்பணிக்க முன்வந்த ஸ்ரீமுஷ்ணம் ஆண்டவன் சுவாமிகள், 1989 -ஆம் வருடம் ஸ்ரீமத் ஆண்டவன் ஆஸ்ரமத்தின் பதினோராவது ஜீயராகப் பொறுப்பெற்றார். 
1935 -ஆம் வருடம் ஸ்ரீமுஷ்ணம் என்ற திருத்தலத்தில், ஸ்ரீநிவாஸாச்சாரியார் மற்றும் குமுதவல்லி அம்மாள் தம்பதியினருடைய திருமகனாக அவதரித்த இவருக்குப் பெற்றோர் இட்ட பெயர் வராஹன் என்பதாகும். முதலில் சென்னையிலும், பின்னர் ஸ்ரீபெரும்புதூரிலும் படித்து முடித்து சிரோமணி பட்டம் பெற்ற பின்பு, ஆந்திர மாநிலம் ஹைதராபாத் அருகிலுள்ள ஓர் ஊரில் சமஸ்கிருத ஆசிரியராகப் பணிபுரிந்தார். அவ் ஊரில் நீண்ட காலம் மழையில்லாமல் தண்ணீர்ப்பிரச்சினை ஏற்பட்ட போது, ஸ்ரீ லட்சுமிநரசிம்மர் குறித்து பஞ்சானன பஞ்சாமிருதம் என்ற வடமொழி ஸ்தோத்திரத்தை இயற்றி அதைத் தாமும் தினமும் பாடி, அவ்வூர் மக்களையும் பாடச் செய்தார். ஸ்ரீ லட்சுமி நரசிம்மர் அருளால் விரைவில் மழைபொழிந்து அவ்வூர் மக்களை மகிழ்ச்சியில் ஆழ்த்தியது.
பிறகு தமிழகம் திரும்பிய ஸ்வாமிகள், தமிழ் வித்துவான் படிப்பில் சிறப்பாகத் தேர்ச்சி பெற்று, இன்றைய காஞ்சிபுரம் மாவட்டப் பள்ளிகளில் (துறவு ஏற்பதற்கு முன்பு வரை) தமிழாசிரியராகப் பணிபுரிந்தார். இசை, ஜோதிடம், சிற்பம், தமிழ் இலக்கணம், ஆயுர்வேதம் என்று பல்வேறு துறைகளில் புலமை பெற்று விளங்கிய இவரது காலத்தில் ஸ்ரீரங்கம் ஸ்ரீமத் ஆண்டவன் ஆசிரமத்தின் புகழ் மேன்மேலும் பரவியது. 
இவர் சாத்திரங்கள் அனைத்தையும் பிழையறக் கற்ற மகாவித்துவானாக இருந்தபோதிலும் தம்மை நாடி வரும் அன்பர்களிடம் எவ்வித வித்தியாசமும் பார்க்காமல் அன்புகாட்டி, அவரவர் பிரச்சினைகளைக் காதாரக் கேட்டு, அவற்றிலிருந்து மீளும் வழியினை உபதேசித்து வந்தார். 
தம்மை தரிசிக்க வரும் ஒவ்வொருவரையும் தனிப்பட்ட அக்கறையுடன் விசாரித்து ஆசி வழங்குபவர், அடுத்த முறை அவர்கள் வரும்போது மறக்காமல் பெயர் ஊரைச் சொல்லி விசாரித்து மகிழ்விப்பார். பெண்குழந்தைகளை மேல்படிப்புப் படிக்க வைக்க ஊக்கப்படுத்துவார். தம்மை தரிசிக்க வரும் குழந்தைகளுக்குப் பழங்களையும், பள்ளி-கல்லூரி மாணவர்களுக்கு பேனாவையும் வழங்கி ஆசீர்வதிப்பது இவர் வழக்கம். 
பல இடங்களில் வேத திவ்வியப்பிரபந்த பாடசாலைகளைத் தொடங்கியதுடன், ஸ்ரீரங்கம் திருவானைக்காவலில் இவர் ஸ்ரீமத்தாண்டவன் கலை அறிவியல் கல்லூரியையும் தொடங்கி திருச்சி வட்டாரத்திலுள்ள ஏழை எளிய மக்கள் மேற்கல்வி பெற வழிவகை செய்தார். 
ஆசிரமத்து கோசாலைகளில் உள்ள பசுக்களையும் கன்றுகளையும் பெயர்சொல்லி அழைத்துப் பிரியமுடன் அவற்றைக் கொஞ்சி மகிழ்வார். பசுக்களுக்குப் பிரசவ வலி கண்டால், அவை கன்றுபோடும் வரை உடனிருந்து கவனித்துக்கொள்ளும் தாயுள்ளம் கொண்டவர் இவர்.
தாம் உடல் நலிவுறுவதற்கு முன்பு வரை, தினந்தோறும் தமது ஆசிரமத்தில் உள்ள பெருமாள் திருமேனிகளுக்கு மட்டுமின்றி, தமக்கு முந்தைய பத்து ஆண்டவன் ஸ்வாமிகளுடைய பாதுகைகளுக்கு சிரத்தையுடன் பூஜை செய்து வழிபடுவதைக் காண்பதே ஒரு சிலிர்ப்பான அனுபவம். 

]]>
http://images.dinamani.com/uploads/user/imagelibrary/2018/3/30/w600X390/vm2.jpg http://www.dinamani.com/weekly-supplements/vellimani/2018/mar/30/அன்பே-உருவான-ஸ்ரீமத்-ஆண்டவன்-ஸ்வாமிகள்-2890449.html
2890448 வார இதழ்கள் வெள்ளிமணி உயரிய வாழ்விற்கு உரியவர்கள் - மு.அ. அபுல் அமீன் DIN Friday, March 30, 2018 01:06 PM +0530 ஆணாயினும் பெண்ணாயினும் பாலின பாகுபாடு இன்றி இறைவன் மீது நம்பிக்கை கொண்டு நல்லன செய்பவர்கள் இம்மை மறுமை இரண்டிலும் உயரிய வாழ்விற்கு உரியவர்கள் என்பதை எழில்மறை குர்ஆனின் 16-97 ஆவது வசனம், "" ஆணாயினும் பெண்ணாயினும் நம்பிக்கையுடன் நற்செயல்களை எவர் செய்தாலும் நிச்சயமாக நாம் அவர்களை நல்வாழ்வு வாழ செய்வோம். அன்றி மறுமையில் அவர்கள் செய்ததைவிட மிக்க அழகான கூலியை நிச்சயமாக நாம் அவர்களுக்கு கொடுப்போம்'' என்ற வசனம் ஏக இறைவனை ஏற்று தொடர்ந்து நற்செயல்களைச் செய்யும் ஆணும் பெண்ணும் உயரிய வாழ்விற்கு உரியவர்கள் என்று உறுதிப்படுத்துகிறது.
மனிதன் உயரிய வாழ்வையே இலக்காக கொண்டு இவ்வுலகில் இல்லத்திலும் அலுவலகங்களிலும் வணிகத்திலும் தொழிலிலும் உழைக்கிறான். குடும்பத்தினர் இடமும் உறவினர்களிடமும் நண்பர்களிடமும் ஊராரிடமும் உயர்ந்த மதிப்பைப் பெற முயல்கிறான். அம்மதிப்பால் அவனின் சமூகத்தில் சங்கைப் படுத்தப் படுகிறான். அச்சங்கையானது அவனை உயரிய வாழ்வு வாழ வைக்கிறது. அவ்வாழ்வு அவனுக்கு பரந்த மனப்பாங்கை உண்டாக்குகிறது. அப்பரந்த பண்பு அவனுக்கு நிலையான நிம்மதியைத் தருகிறது. ஆரோக்கியம் புத்துணர்வுடன் புன்னகை முகத்தினனாய் பூரிப்புடன் வாழ செய்கிறது. இதனால் அவ்வுயரிய வாழ்வில் திடுக்கிட்டு தடுக்கி விழும் ஆபத்துகள் அணுகாது. தேவையற்ற விவகாரங்களில் தலையிட்டோ ஈடுபட்டோ சிக்கல்களில் சிக்கி தவிக்க விடாது. இப்பண்பாடும் பயனும் உயரிய வாழ்வின் உன்னதங்களாகவும் அடையாளப்படுத்துகிறது 
தப்ஸீர் இப்னு கதீர்.
இத்தகு இனிய வாழ்வை அடையும் வழியைக் காட்டுகிறது வான்மறை குர்ஆனின் 64-11 ஆவது வசனம், "" எவர் அல்லாஹ்வை நம்புகிறாரோ அவரின் உள்ளத்தை அல்லாஹ் நேரான வழியில் நடத்துகிறான்''. இறைநம்பிக்கை உள்ளத்தை விரிவாக்குகிறது. விரிவான உள்ளம் விரிசல் இல்லாத நேரான வழியைக் காட்டி உயரிய வாழ்க்கைக்கு உரியவர்களாக்குகிறது. ""எவர் நம்பிக்கையோடு நற்காரியங்கள் செய்கிறாரோ அவருக்கு நற்பாக்கியமும் நல்ல இருப்பிடமும் உண்டு'' என்ற 13-29 ஆவது வசனம் உயரிய வாழ்விற்கு உரியவர்களின் வாழ்வைக் குறிப்பிடுகிறது. அவர்கள் நல்லதை அன்றி வேறு எதையும் நாடார். வாழ்நாள் முழுமையும் அல்லாஹ்வை நம்பி நற்செயல்களை மட்டுமே செய்து வாழ்நாள் முழுமையும் வாய்மையை பேணுவர். எச்செயலையும் உரிய காலத்தில் உரிய முறையில் நிறைவேற்றுவர். "" என்னை நினைக்க தொழுகையை நிறைவேற்றுங்கள் என்று 20-14 ஆவது வசனம் உரைப்பதை உத்தம நபி (ஸல்) அவர்கள் "" அல்லாஹ்விற்கு உகந்தது உரிய நேரத்தில் தொழுவது'' என்று உறுதிபடுத்தியதை இயம்புகிறார் இப்னு மஸ்வூது (ரலி) நூல்- புகாரி, முஸ்லிம். தொழுகையும் இறைதுதியும் உள்ளத்தில் உற்சாகத்தை உண்டாக்கும். 
பொருள் உணர்ந்து குர்ஆனை முறையோடு ஓதுபவர்கள் உயரிய வாழ்விற்கு உரியவர்கள் "" உங்களில் மிகச் சிறந்தவர் குர்ஆனைத் தாமும் கற்று பிறருக்கும் கற்பிப்பவர்'' என்ற பொற்புடைய நபி (ஸல்) அவர்களின் பொன்மொழியைப் புகல்கிறார் உத்மான் (ரலி) நூல்- புகாரி. 
உயரிய வாழ்விற்கு உரிய வருமானம் ஹலாலான வழியில் ஈட்ட வேண்டும் என்று 5-88 ஆவது வசனம் இயம்புகிறது. ஹலாலான என்பது அல்லாஹ் அனுமதித்த வகையில் அதாவது அறவழியில் என்று பொருள். புற வழியில் தகாத முறையில் பொருளீட்டுவோர் உயரிய வாழ்விற்கு உரியவர்கள் அல்லர். போதும் என்ற மனம் உயரிய வாழ்விற்கு உன்னத அடிப்படை.
""கற்புடைய பெண்களுக்குக் கற்புடைய ஆண்கள் கிடைக்கப் பெறுவர். அவர்கள் தீயவர்களின் கூற்றுகளில்இருந்து தூய்மை ஆக்கப்பட்டவர்கள். அவர்களுக்கு மன்னிப்பும் கண்ணியமான உணவும் உண்டு'' என்ற 24-26 ஆவது வசனம் உயர் பண்பும் நற்குணமும் உடைய ஆணும் பெண்ணும் இணைந்த குடும்பம் உயரிய வாழ்வு கிடைக்கப்பெற்ற கிடைத்தற்கரிய பேறு பெற்ற குடும்பம் என்பதை எடுத்துரைக்கிறது. 
இத்தகைய குடும்பத்தில் அன்போடு அக்கறை செலுத்தும் தக்கமுறை நிலவும். இச்சூழலில் குழந்தைகளும் ஒழுக்கத்தோடும் கட்டுப்பாட்டோடும் கண்ணியமாய் வளரும். உயரிய வாழ்வின் உற்ற பயனே நற்குணமுடைய நற்செயலாற்றும் நல்ல பிள்ளைகள். இத்தகைய குழந்தை வேண்டி ஜக்காரிய நபி இறைவனிடம் இறைஞ்சியதை 3-38 ஆவது 
வசனம் இயம்புகிறது. இத்தகைய குழந்தைகளால் குடும்பத்தில் குதூகலம் நிலவும். குடும்பத்தில் ஒவ்வொருவரும் பாசமாய் பழகுவர். ஒருவர் மற்றவர் நலனில் அக்கறை கொள்வர். தக்க நேரத்தில் மிக்க உதவி புரிவர். 
சமூகத்தில் மற்றவர்களிடம் உற்ற நட்பு உடையோரும் உயரிய வாழ்விற்கு உரியவர்களே. அக்கறையோடு அடுத்தவரை அணுகுவது இணக்கத்தை இசைவை ஏற்படுத்தும். வாக்கை நிறைவேற்றுவது வாகான வாழ்விற்கு வழி வகுக்கும். நல்ல சொற்கள் சொல்வதை அல்லாஹ் அங்கீகரிப்பதை அறிவிக்கிறது 35-10 ஆவது வசனம். கண்ணியமான அல்லாஹ் கண்ணியமான சொற்களால் மற்றவர் மனதில் அன்பை விதைத்து பாசத்துடன் பழகுவோருக்குப் பன்மடங்கு கூலி தருவதைக் கூறுகின்றன 14-24, 25 ஆவது வசனங்கள். 
மக்களோடு உற்ற நேசர்களாக உறவாடி நாட்டிற்கும் நாட்டு மக்களுக்கும் நன்மை செய்து தீயன தடுத்து நேயமுடன் உயரிய வாழ்விற்கு உரியவர்களாக உன்னதம் பெறுவோம்.
 

]]>
http://www.dinamani.com/weekly-supplements/vellimani/2018/mar/30/உயரிய-வாழ்விற்கு-உரியவர்கள்-2890448.html
2890447 வார இதழ்கள் வெள்ளிமணி இயேசுவின் ஏழு வார்த்தைகள் - தே.பால் பிரேம்குமார் DIN Friday, March 30, 2018 01:06 PM +0530 இயேசுவை சிறை பிடித்த ஆசாரியரும் யூதர்களும் அவரை மரண தண்டனைக்கு ஆணையிடும்படி தேசாதிபதியாகிய பிலாத்துவிடம் கொண்டு போகப்பட்டார். பிலாத்து இயேசுவைப் பிடித்து வாரினால் அடிப்பித்தான். இயேசுவின் உடல் எல்லாம் வாரினால் முதல் காயம் உண்டாயிற்று. போர்ச்சேவகர் முள்ளுகளினால் ஒரு கிரீடத்தை பின்னி அவர் சிரசின் மேல் வைத்து சிவப்பான ஓர் அங்கியை அவருக்கு உடுத்தி "யூதருடைய ராஜாவே வாழ்க' என்று சொல்லி அவரை கையினால் அடித்தார்கள். (யோவான் 19: 1-3)
சிரசின் மேல் வைக்கப்பட்ட முள் முடியில் உள்ள முட்கள் அவர் தலை முழுவதும் குத்தி பலமான காயங்களை ஏற்படுத்தியது. இது இரண்டாவது பெரிய காயம். பிலாத்து மரண தண்டனையை நிர்பந்தத்தால் இயேசுவுக்கு வழங்கிய உடன் பார சிலுவையை இயேசுவை சுமக்கும்படி செய்து கொல்கதா எனப்படும் இடத்திற்கு கொண்டு போனார்கள். 
அங்கே இயேசுவை சிலுவையின் மீது கிடத்தி வலது கையில் கூர்மையான ஆணி அடித்து பலமான மூன்றாம் காயத்தை ஏற்படுத்தினார்கள். இடது கையை இழுத்து பிடித்து கூர்மையான ஆணியால் அடித்து மரத்தோடு சேர்த்து அடித்து நான்காவது பலமான காயத்தை ஏற்படுத்தினார்கள். இரு கால்களையும் சேர்த்து வைத்து கூர்மையான நீண்ட ஆணியால் மரத்தோடு சேர்த்து அடித்தார்கள். இரு கால்களிலும் ஐந்தாவது ஆறாவது பலத்த காயம் ஏற்படுத்தினார்கள். ஆகிலும் போர்ச்சேவகரில் ஒருவன் ஈட்டியினாலே அவருடைய விலாவிலே குத்தினான். இவ்வாறு பலமான ஏழு காயங்களை இயேசுவுக்கு உண்டாக்கினார்கள். அவரின் பரிசுத்த ரத்தம் பலியாக சிந்தப்பட்டது. 
ஆண்டவராகிய இயேசு சிலுவையில் தொங்கும்போது ஏழு வார்த்தகளை மொழிந்தார்.
முதலாம் வார்த்தை: அப்பொழுது இயேசு, ""பிதாவே இவர்களை மன்னியும் தாங்கள் செய்கிறது இன்னதென்று அறியாதிருக்கிறார்களே'' என்றார் (லுக்கா 23; 34) தம்மை சிலுவையில் அறைந்தவர்களுக்கு மன்னிப்பு பெற்று தருகிறார். 
இரண்டாம் வார்த்தை: "" இயேசு கள்வனை நோக்கி இன்றைக்கு நீ என்னுடனேகூடப் பரதீசிலிருப்பாய் என்று மெய்யாகவே உனக்குச் சொல்லுகிறேன்'' என்றார். (லுக்கா :23:43)தம்மை நோக்கி விண்ணப்பித்த 
கள்வனுக்கு பரதீசுயை தருகின்றார். 
மூன்றாம் வார்த்தை: இயேசு தம்முடைய தாயையும் அருகே நின்ற அன்பாயிருந்த சீடனை நோக்கி, "" அதோ உன் மகன் என்றார்; அதோ உன் தாய்'' என்றார். (யோவான் 19: 27) தம்மைப் பெற்ற தாய்க்கு அடைகலம் தந்தார்.
நான்காம் வார்த்தை: என் தேவனே! என் தேவனே! ஏன் என்னைக் கைவிட்டீர்'' என்றார். தம் பிதாவால் தாம் கைவிடப்பட்டதை உணர்ந்து கேட்கின்றார். 
ஐந்தாம் வார்த்தை: "" தாகமாயிருக்கிறேன்'' என்றார். (யோவான் 19: 28) நா வரண்ட தாகத்துக்கு குடிக்க கேட்டார். 
ஆறாம் வார்த்தை: இயேசு காடியை வாங்கின பின்பு ""முடிந்தது.."" என்று சொல்லி தலையை சாய்த்தார். (யோவான் 19: 30) தம் பணியை முடித்து முடிந்தது என்று உறைத்தார்.
ஏழாம் வார்த்தை: இயேசு, "" பிதாவே உம்முடைய கைகளில் என் ஆவியை ஒப்புவிக்கிறேன்'' என்று மகா சத்தமாய்க் கூப்பிட்டுச் சொன்னார். இப்படி சொல்லி ஜீவனை விட்டார் (லுக்கா 23:46)
புனித வெள்ளி இன்று இயேசு ஏழு காயங்களையும் ஏற்று ஏழு வார்த்தைகளையும் சிலுவையில் மொழிந்து நம்மை மன்னித்து கடவுளின் பிள்ளைகள் என்ற உரிமையை தந்தார். இயேசுவின் பாடு, மரணம், ரத்தம் சிந்துதல், நம்மை கடவுளோடு இணைத்தது; நாமும் மனதுருகுவோம்.

]]>
http://www.dinamani.com/weekly-supplements/vellimani/2018/mar/30/இயேசுவின்-ஏழு-வார்த்தைகள்-2890447.html
2890446 வார இதழ்கள் வெள்ளிமணி நிகழ்வுகள் DIN DIN Friday, March 30, 2018 01:05 PM +0530 பங்குனி உத்திர மஹோத்ஸவம்

தஞ்சாவூர் மாவட்டம், திருவையாறு வட்டம், திருச்சோற்றுத்துறை அருள்மிகு அன்னபூரணி அம்பிகா சமேத அருள்மிகு ஓதனவனேஸ்வர சுவாமி திருக்கோயிலில் மார்ச் -30 பங்குனி உத்திரத்தன்று தீர்த்தவாரி, ரத உற்சவம் நடைபெறும். மார்ச் -31 கண்ணாடி பல்லக்கில் எழுந்தருளல் மற்றும் விடையாற்றியுடன் உற்சவம் நிறைவு பெறும். 

விழுப்புரம் மாவட்டம், திருவாமாத்தூர். அருள்மிகு முத்தாம்பிகை உடனாகிய அபிராமேஸ்வரர் திருக்கோயிலில் 12 நாள் விழாவாக, பங்குனி உத்திரப் பெருவிழா. 30-3-2018, காலை 9.00 மணிக்கு நடராஜர் புறப்பாடு. பகல் 10.00 மணிக்கு உத்திர தீர்த்தம். மாலை 5.00 மணிக்கு மஞ்சள் நீராட்டு விழா, கொடி இறக்குதல், பஞ்சமூர்த்தி விழா. 


பங்குனி உத்திர திருக்கல்யாணம்

காவேரிப்பாக்கம் அருகில் உள்ள துரைப்பெரும்பாக்கம் அருள்மிகு ஸ்ரீ பந்தார்விரலி நாச்சியார் சமேத ஸ்ரீ நாட்டழகிய சிங்கர் சந்நிதியில் பங்குனி உத்திர திருக்கல்யாண மகோத்சவம் ஏப்ரல் - 1 ஆம் தேதி காலை 9.00 மணிக்கு நடைபெறுகின்றது. அன்று மாலை 6.00 மணிக்கு 108 திருவிளக்கு பூஜை நடைபெறும். 
தொடர்புக்கு : 95661 72191.

கல்பாக்கம் அருகில் பரமேஸ்வர மங்கலம் கிராமத்தில் உள்ள அருள்மிகு கனகாம்பிகை உடனுறை கைலாசநாதர் ஆலயத்தில் பங்குனி உத்திர திருக்கல்யாண விழா மார்ச் -31 ஆம் தேதி நடைபெறுகின்றது. அன்று காலை மூலவர், உற்சவமூர்த்திகளுக்கு சிறப்பு அபிஷேகமும், மாலை சந்தன காப்பு அலங்காரமும், இரவு புஷ்ப அலங்காரம் சாத்துப்படிகளுடன் திருக்கல்யாண வைபவமும், வாணவேடிக்கையும், நாடகமும் நடைபெறுகின்றது. 
தொடர்புக்கு : 99940 36216 / 97890 56615.


சென்னை, அம்பத்தூர், மேனாம்பேட்டில் அமைந்துள்ள அருள்மிகு அன்னபூரணி சமேத ஆத்மநாத ஈஸ்வரர் ஆலயத்தில் பங்குனி உத்திர திருக்கல்யாணம் நடைபெறுகின்றது. இங்குள்ள தெய்வங்களுக்கு மார்ச் -30 ஆம் தேதி, மாலை 6.00 - 7.30 மணிக்குள் ஸ்ரீ சுந்தர விநாயகர் ஆலயத்தில் பங்குனி உத்திர திருக்கல்யாண வைபவம் நடைபெறும். 


மஹாகும்பாபிஷேகம்

திருவாரூர் மாவட்டம், திருநெய்ப்பேர் கிராமத்தில் (ஏமப்பேறூர்) உள்ளது அருள்மிகு உமா மகேஸ்வரி அம்பிகா சமேத அருள்மிகு வன்மீகநாத சுவாமி திருக்கோயில். இங்கு, சுவாமி, அம்பாள் மற்றும் இதர சந்நிதிகளுக்கு மார்ச் -30 ஆம் தேதி, காலை -9.00 மணி முதல் 10.15 மணிக்குள் மஹாகும்பாபிஷேகம் நடைபெறுகிறது. மேலும் பங்குனி உத்திர நன்னாளில் மாலை -5.00 மணிக்கு சுவாமி- அம்பாள் திருக்கல்யாணமும் 6.30 மணிக்கு மேல் நமிநந்தியடிகள் விளக்கேற்றும் வைபவம் நடைபெறும். 
தொடர்புக்கு: 94448 12040.

அரக்கோணம் அருகேயுள்ள வளர்புரம் அருள்மிகு சொர்ணவள்ளி அம்பாள் உடனுறை அருள்மிகு திருநாகேஸ்வரர் சுவாமி திருக்கோயிலில் அருள்மிகு சிவகாமிசுந்தரி அம்பாள் உடனுறை அருள்மிகு நடராஜர் பெருமான் சுவாமிகளுக்கு மஹாகும்பாபிஷேக விழா மற்றும் திருக்கல்யாணம் நடைபெறுகின்றது.
நாள்: 30.3.2018, நேரம்: காலை 9.00 - 10.15 மணி.


சிவாலய திருப்பணி

செங்கற்பட்டு வட்டம், சிங்கபெருமாள் திருப்போரூர் செல்லும் சாலை, கொண்டமங்கலம் கிராமம். இங்குள்ள ஸ்ரீ பிரணாம்பிகை உடனுறை ஸ்ரீ தர்பாரண்யேசுவரர் ஆலயம் சுமார் 1300 ஆண்டுகள் பழைமையானது. 

கடந்த 2013 -ஆம் ஆண்டு திரளனான பக்தர்கள் முன்னிலையில் திருப்பணி துவக்க விழா மற்றும் பூமி பூஜை நடைபெற்றது. அருள்மிகு பிரனாம்பிகை சமேத ஈசான்ய தர்பாரண்யேசுவரர் இறைபணி டிரஸ்ட் என்ற பெயரில் வங்கி கணக்கு துவக்கப்பட்டு திருப்பணி வேலைகள் தொடர்ந்து நடைபெற்று வருகின்றன. பக்தர்கள் இத்திருப்பணியில் பங்குகொண்டு சிவனருள் பெறலாம்.
தொடர்புக்கு: 99411 34695.

ஸ்ரீ சாஸ்தா திருக்கல்யாண மகோத்சவம்!

வில்லிவாக்கம் ஸ்ரீ ஐயப்ப பஜனை சங்கம் சார்பில் ஸ்ரீ சாஸ்தா திருக்கல்யாண மகோத்சவம் மார்ச் - 31 ஆம் தேதி சென்னை அம்பத்தூர் வெங்கடாபுரம் சத்சங்கம் தெருவில் உள்ள ஆன்மீக சமாஜம் சத்சங்கம் டிரஸ்ட் வளாகத்தில் நடைபெறுகின்றது. 
தொடர்புக்கு : 94441 09431.

ஸ்ரீ பாலசாஸ்தா பிரம்மோற்சவம்

திருவாரூர் மாவட்டம், சேங்காலிபுரம் அருகே உள்ள எருமத்தலை கிராமத்தில் உள்ள ப்ராசீனமான ஸ்ரீ பால சாஸ்தா கோயிலின் வருடாந்திர பிரம்மோற்சவம் மற்றும் லட்சார்ச்சனை வைபவம் ஏப்ரல்- 4 முதல் 14 வரை நடைபெறுகின்றது. 
தொடர்புக்கு: 94430 73677 / 94882 60268. 


ஸம்வத்ஸரா அபிஷேகம்

செங்கல்பட்டு - காஞ்சிபுரம் சாலையில் உள்ள ஆத்தூர் ஸ்ரீ சதுர்வேத வித்யாகணபதி வேதாஸ்ரமத்தில் ஸ்ரீசதுர் வேதவித்யா கணபதிக்கு ஸம்வத்ஸரா அபிஷேகம் , வேதாஸ்ரமத்தின் 6 -ஆம் ஆண்டு மகோத்ஸவம் ஏப்ரல் -1 ஆம் தேதி நடைபெறுகின்றது. நிகழ்ச்சிகள் அன்று காலை 6.00 மணிக்கு கோ பூஜையுடன் துவங்குகின்றன. 
தொடர்புக்கு : காமகோடி: 98844 02624 / 94440 51018.


மகாசுதர்ஸன ஹோமம்

செங்கல்பட்டு அடுத்த புலிப்பாக்கம் கிராமத்தில் உள்ள ஸ்ரீ பெருந்தேவி நாயிகா சமேத ஸ்ரீ புண்டரீக வரதராஜப்பெருமாள் திருக்கோயிலில் 20 ஆம் ஆண்டு மஹாசுதர்ஸன ஹோமம், அலங்கார திருமஞ்சன மகோத்சவம் ஏப்ரல் -8 ஆம் தேதி நடைபெறுகின்றது. 
தொடர்புக்கு : ஸ்ரீலஷ்மி நாராயணப் பெருமாள் 
சேவாசபை- 94435 97594 / 82204 86953. 

]]>
http://www.dinamani.com/weekly-supplements/vellimani/2018/mar/30/நிகழ்வுகள்-2890446.html
2890441 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் Friday, March 30, 2018 01:00 PM +0530 ஸ்ரீ சாரதாதேவி! உங்களுக்கு விருப்பமான கர்மாக்களில் மிகவும் உறுதியான புத்தியையும், அதைச் செய்வதற்கு உரிய உடல் வலிமையையும், நீண்ட ஆயுளையும், மூவுலகிலும் பரவிய புகழையும், பாவ வழியில் வெறுப்பையும், சத்கதைகளைக் கேட்பதையும், எப்பொழுதும் கொடுக்கும் கருணைக்கடலான ஸ்ரீ சாரதாதேவி! நீங்கள் எங்களுக்கு நல்லறிவையும், தூய்மையான புத்தியையும் தந்து அருள் புரிய வேண்டும். 
- பக்தி சுதாதரங்கினி

பகவானே! நீங்கள் எல்லாவற்றிலும் குடிகொண்டிருக்கிறீர்கள். நீங்களே எல்லாமும்; எல்லா வடிவங்களும் உங்களுடைய வடிவம்தான். அனைத்தும் உங்களிடமிருந்து உண்டாகுகின்றன. நீங்கள் அனைத்துக்கும் ஆன்மா ஆகிறீர்கள். உங்களுக்கு எங்களின் வணக்கம். சர்வேசரே, எனது நெஞ்சில் உள்ள நினைவுகள் அனைத்தையும் அறிகின்ற உங்களிடம் நான் என்ன சொல்லப் போகிறேன்? நீங்களே அனைத்து உயிர்களுக்கும் ஆன்மாவாகவும், படைப்பு முழுவதற்கும் ஈசனாகவும்; அனைத்துப் பொருள்களுக்கும் ஆதியாகவும் இருக்கிறீர்கள். எல்லாம் ஆகிய நீங்கள் எங்கள் எல்லோருடைய ஆசைகளையும் அறிவீர்கள் அல்லவா?
- விஷ்ணு புராணம்

என் உடல் தூயதாகுக. பரஞ்சோதியாக என்னை உணர்வேனாக. என் மனம் தூயதாகுக. நான் அழுக்கும் பாவமும் நீங்கியவனாகுக. என் ஆன்மா தூயதாகுக. 
- தைத்திரிய ஆரண்யகம்

தியானத்தின் மூலம் சிந்தையைத் தூய்மை செய்து கொள்பவன், துன்பக் கடலைக் கடக்கும் கப்பலாவான். மெளனமாகத் தியானம் செய்தால் மனம் கலங்கா நிலைபெறும். 
- மகாவீரர் 

சிவபெருமானே! "நிலத்துக்குச் சொந்தக்காரன் வழி தவறி வந்து மேயும் மிருகம்' என்று என்னை அடித்து உங்களுடைய தூய்மையான நாமத்தைப் பாதிப்பதற்கு முன்னே, என்னைக் காப்பாற்றுங்கள். 
- பசவேசர் (வீர சைவம்)

புல்லைக் காட்டிலும் பணிவுள்ளவனாகவும், மரத்தைக் காட்டிலும் பொறுமை உடையவனாகவும், பிறரிடமிருந்து பெருமையை விரும்பாதவனாகவும், மாறாக எல்லோரையும் பெருமைப்படுத்துபவனாகவும் இருந்துகாண்டு சதாசர்வ காலமும் ஹரிநாம சங்கீர்த்தனம் செய். 
- கெளரங்கர்

]]>
http://images.dinamani.com/uploads/user/imagelibrary/2018/3/22/w600X390/vm6.jpg http://www.dinamani.com/weekly-supplements/vellimani/2018/mar/30/பொன்மொழிகள்-2890441.html
2890443 வார இதழ்கள் வெள்ளிமணி ஒரே இடத்தில் 108 திவ்ய தேச சந்நிதிகள்! - எஸ்.வெங்கட்ராமன் Friday, March 30, 2018 12:59 PM +0530 அனந்த மூர்த்தியான ஸ்ரீமந்நாராயணனின் மீது அளவற்ற பக்திகொண்டு அவன்திருவடியை அடைந்த அழ்வார்கள் பன்னிருவர். அவர்கள் தீந்தமிழால் பாடிய திவ்ய பிரபந்தம் எனும் பதிகங்களின் மூலம் மங்களா சாசனம் செய்துள்ள திருத்தலங்களே திவ்ய தேசங்கள் எனப்படும் வைணவ திருப்பதிகளாகும். இந்த தலங்கள் நில உலகில் சோழ நாடு, நடுநாடு, தொண்டை நாடு, மலை நாடு, பாண்டிய நாடு, வட நாடு ஆகியவற்றில் 106 என்ற எண்ணிக்கையிலும், பரந்தாமன் வசிக்கும் இடங்களான பாற்கடல் மற்றும் பரமபதம் ஆகிய இரண்டு, விண்ணுலகம் என்ற எண்ணிக்கையிலும் ஆக மொத்தம் 108 தலங்களும் ஏழு பிரிவுகளாக வகுக்கப்பட்டுள்ளன.
இந்த 108 திவ்ய தேசங்களையும் ஒரே இடத்தில் பக்தர்கள் தரிசிக்க வேண்டும் என்ற பரந்த நோக்கில் ஸ்ரீ புண்ணியக்கோட்டி மதுரை முத்து ஸ்வாமிகள் என்ற அம்பாள் உபாசகர் ஸ்ரீமந் நாராயணன் திருவருளால் அனைத்து திவ்ய தேசங்களுக்கும் தனித்தனி சந்நிதிகளை செங்கற்பட்டு அருகில் திருவடி சூலம் கிராமத்தில் அமைத்துள்ளார்கள். சப்த சைலஜ மத்ய பீடம் என்று அழைக்கப்படும் சிறப்புடன் கூடியது. மலைகள் மற்றும் வனங்கள் சூழ்ந்த இப்பகுதியில் ஏற்கனவே இவரால் ஸ்தாபிக்கப்பட்ட 51 அடி உயர விஸ்வரூப கருமாரியம்மன் மற்றும் ஸ்ரீ வாரு வெங்கடேசப்பெருமாள் சந்நிதி வழிபாட்டில் உள்ளது. திவ்ய தேச சந்நிதிகளில் உள்ள 106 இல் (நில உலகில்) உள்ள எம்பெருமான்களின் திருமேனி அந்தந்த தலங்களில் உள்ளது போன்றே ஆனால் சிறிய வடிவங்களில் பிரதிஷ்டையாகி உள்ளது. பாற்கடல், பரமபதம் ஆகிய இரண்டு சந்நிதிகளிலும் (107, 108) ஸ்ரீமந் நாராயணனின் திருக்காட்சி 21000 சாளக்ராம ஸ்வரூபமாக அமைய விருக்கின்றது.
முதற்கட்டமாக, நில உலகில் நாம் வழிபடும் 106 திவ்ய தேச மாதிரி சந்நிதிகளுக்கும் மகாசம்ப்ரோக்ஷணம் எனும் திருக்குட நன்னீராட்டு விழா ஏப்ரல்- 5 ஆம் தேதி காலை 9.56 மணிக்கு மேல் 10.26 மணிக்குள் நடைபெறுகின்றது. இதனையொட்டிய யாகசாலை, பூர்வாங்க ஹோம பூஜைகள் ஏப்ரல் -1 ஆம் தேதி ஆரம்பமாகின்றது. மேலும் இந்த சம்ப்ரோக்ஷணத்தை முன்னிட்டு 108 திவ்ய தேச திருக்குடைகள் பவனி கோவிந்த நாம முழக்கத்துடன், பஜனைப் பாடல்களுடன் மார்ச் -30, மாலை திருவல்லிக்கேணியிலிருந்து புறப்பட்டு பல்வேறு இடங்களுக்குச் சென்று குரோம்பேட்டை, தாம்பரம், சிங்கப்பெருமாள் கோயில் வழியாக திருவடி சூலம் சென்றடைகின்றது. பக்தர்கள் அனைத்து வைபவங்களிலும் பங்கேற்று காண்பதற்கரிய 108 திவ்ய தேச சம்ப்ரோக்ஷணத்தை ஒரே நேரத்தில் காணும் பேறு பெறலாம். 
திருவடிசூலம்: செங்கற்பட்டிலிருந்து திருப்போரூர் சாலையில் 15 கி.மீ தூரத்தில் உள்ளது.
தொடர்புக்கு: 99404 53178.

]]>
http://www.dinamani.com/weekly-supplements/vellimani/2018/mar/30/ஒரே-இடத்தில்-108-திவ்ய-தேச-சந்நிதிகள்-2890443.html
2890440 வார இதழ்கள் வெள்ளிமணி அ‌ங்கிஸமு‌ம் அ‌ம்ஸமு‌ம் ஒ‌ன்றா..? DIN DIN Friday, March 30, 2018 12:52 PM +0530 பொதுவாக, ராசி‌ச் ச‌க்கர‌ம், அ‌ம்ச‌ச் ச‌க்கர‌ம், ‌த்ú‌ரகாண‌ச் ச‌க்கர‌ம், அ‌ங்கிஸ‌ச்ச‌க்கர‌ம் எ‌ன்ற‌ நா‌ன்கு ச‌க்கர‌ங்கû‌ளயு‌ம் போடுவது வழ‌க்க‌த்திலிரு‌ந்தது. அத‌ற்கு‌ப்பிற‌கு அ‌ஷ்டவ‌ர்‌க்க‌ச் ச‌க்கர‌ங்கû‌ள‌ப் போடுவா‌ர்க‌ள். இதி‌ல் சமுதாய‌ப் பர‌ல்களை முதலி‌ல் போடú‌வ‌ண்டு‌ம். பிற‌கு ‌த்ú‌ரகாண சோதனை‌, ஏகாதி சோதனை‌ செ‌ய்த பிற‌கே அ‌ஷ்டவ‌ர்‌க்க நிலை பூ‌ர்‌த்தியடையு‌ம்.
அ‌ங்கிஸ ச‌க்கர‌த்தி‌ற்கு ல‌க்ன‌ கிரக‌ங்களி‌ன் ந‌ட்ச‌த்திர பாத‌ங்களை மேஷ‌ம், சி‌ம்ம‌ம், தனுசு எ‌ன்று எ‌ண்ணி‌ப்போடுவா‌ர்க‌ள். அ‌ம்ச‌த்தி‌ற்கு ஒரு ந‌ட்ச‌த்திர‌த்தி‌ன் நா‌ன்கு பாத‌ங்கû‌ளயு‌ம் மேஷ‌ம் முத‌ல் கடக‌ம் வரை எ‌ண்ணி கிரக‌ங்களை நிறு‌த்திவிட வே‌ண்டு‌ம்.
உதாரணமாக, அசுவினி 1- ஆ‌ம் பாத‌த்தி‌ல் ஒரு கிரக‌ம் இரு‌ந்தா‌ல் மேஷ ராசியிலு‌ம்; 2- ஆ‌ம் பாத‌த்தி‌ல் ஒரு கிரக‌ம் இரு‌ந்தா‌ல் ரிஷப ராசியிலு‌ம்; 3 -ஆ‌ம் பாத‌த்தி‌ல் ஒரு கிரக‌ம் இரு‌ந்தா‌ல் மிதுன‌ ராசியிலு‌ம்; நா‌ன்கா‌ம் பாத‌த்தி‌ல் ஒரு கிரக‌ம் இரு‌ந்தா‌ல் கடக ராசியிலு‌ம் கிரக‌ங்களை அû‌ம‌த்து விடுவது அ‌ம்ச‌த்தி‌ன் வழியாகு‌ம். மறுபடியு‌ம் மக‌ம் 1,2,3,4 பாத‌ங்களு‌க்கு‌ம் அதை முû‌ற‌யை கையாள வே‌ண்டு‌ம். 
ஆன‌ô‌ல் அ‌ங்கிஸ‌த்தி‌ற்கு அ‌ப்படிய‌ல்ல. கேதுபகவானி‌ன் ந‌ட்ச‌த்திரமான‌ அசுவினியி‌ன் நா‌ன்கு பாத‌ங்களு‌க்கு ம‌ட்டுமே மேஷ‌ம் முத‌ல் கடக‌ம் வû‌ரயி‌ல் எ‌ண்ணி கிரக‌ங்களை நிறு‌த்தலா‌ம். கேதுபகவானி‌ன் அனுù‌ஜ‌‌ன்ம ந‌ட்ச‌த்திரமான‌ மக‌த்தி‌ற்கு சி‌ம்ம‌ம் முத‌ல் நா‌ன்கு பாத‌ங்களை விரு‌ச்சிக‌ம் வû‌ரயி‌ல் நிறு‌த்தி விடú‌வ‌ண்டு‌ம். அதாவது மக‌ம் 3- ஆ‌ம் பாத‌த்தி‌ல் ஒரு கிரக‌ம் இரு‌ப்பதாக வை‌த்து‌க்ù‌கா‌ண்டா‌ல் சி‌ம்ம‌ம் 1 என‌வு‌ம் க‌ன்னி 2 என‌வு‌ம் துலா‌ம் 3 என‌வு‌ம் எ‌ண்ணி துலா‌ம் ராசியி‌ல் அ‌ந்த கிரக‌த்தை நிறு‌த்தி விடுú‌வா‌ம். இதே மக‌ம் மூ‌ன்ற‌ô‌ம் பாத‌த்தி‌ல் நி‌ன்ற‌ கிரக‌த்தை அ‌ம்ச ச‌க்கர‌த்தி‌ல் போடு‌ம்ú‌பாது மேஷ‌ம் 1, ரிஷப‌ம் 2, மிதுன‌‌ம், 3 எ‌ன்று நிறு‌த்துú‌வா‌ம். 
கேதுபகவானி‌ன் திரி ஜெ‌‌ன்ம ந‌ட்ச‌த்திரமான‌ மூல ந‌ட்ச‌த்திர‌த்தி‌ற்கு போகு‌ம்ú‌பாது மூல ந‌ட்ச‌த்திர‌ம் 2-ஆ‌ம் பாத‌த்தி‌ல் ஒரு கிரக‌ம் இரு‌ந்தா‌ல் முத‌ல் பாத‌ம் தனுசு என‌வு‌ம்; இர‌ண்டா‌ம் பாத‌ம் மகர‌ம் என‌வு‌ம் எ‌ண்ணி மகர‌த்தி‌ல் அ‌ந்த கிரக‌த்தை நிறு‌த்தி விடுú‌வா‌ம். ஆன‌ô‌ல் இதே அ‌ம்ச‌த்தி‌ல் போடு‌ம்ú‌பாது மூல‌ம் -1 மேஷமாகவு‌ம்; மூல‌ம் -2 ரிஷபமாகவு‌ம் எ‌ண்ணி ரிஷப‌த்தி‌ல் அ‌க்கிரக‌த்தை நிறு‌த்தி விடுú‌வா‌ம். இதன‌டி‌ப்பû‌டயி‌ல் பிரி‌த்து‌ப் பா‌ர்‌த்தா‌ல் அ‌ம்ச ச‌க்கர‌த்தி‌ற்கு‌ம் அ‌ங்கிஸ ச‌க்கர‌த்தி‌ற்கு‌ம் உ‌ள்ள வி‌த்தியாச‌ம் புல‌ப்படு‌ம்.

]]>
http://images.dinamani.com/uploads/user/imagelibrary/2018/3/30/w600X390/universe.jpg http://www.dinamani.com/weekly-supplements/vellimani/2018/mar/30/அ‌ங்கிஸமு‌ம்-அ‌ம்ஸமு‌ம்-ஒ‌ன்றா-2890440.html
2890437 வார இதழ்கள் வெள்ளிமணி கோதையின் கல்யாணம்! - எஸ்.ஆர்.எஸ். ரெங்கராஜன் Friday, March 30, 2018 12:45 PM +0530 பங்குனி உத்திர நன்னாளில் ஆண்டாளின் திருக்கல்யாணத்தை வெகு விமரிசையாக ஸ்ரீ வில்லிபுத்தூரில் பெரிய திருவிழாவாக இன்றைக்கும் கொண்டாடுகிறார்கள். திருஆடிப்பூரம் உற்சவம் போல இவ்வுற்சவமும் கொடியேற்றத்துடன் தொடங்கி ரதோற்சவம் வரை ஒன்பது நாள்கள் வாகனங்களில் திருவீதி கண்டருளி மண்டகப்படிகளுடன் மிகவும் சிறப்பாக நடைபெறுகின்றது.
ஆண்டாளின் வரலாற்று நிகழ்வுகளின் படி, பெரியாழ்வார் விருப்பத்திற்கு இணங்க ஒரு பங்குனி உத்திரத்தன்று ஸ்ரீரங்கத்திலிருந்து ஸ்ரீ ரங்கநாதர் கருடாழ்வார் மீது அமர்ந்து ஸ்ரீவில்லிபுத்தூர் வந்து பிரம்மன், ருத்ரன், தேவேந்திரன், தேவர்கள், கந்தர்வர், கிம்புருடர், கின்னரர், உற்றார், உறவினர்கள், பாகவதர்கள், வேத விற்பனர்கள் முன்னிலையில் பெரியாழ்வார் மணப்பந்தலுக்கு கூட்டிச் செல்ல, ஸ்ரீஆண்டாளின் கைத்தலம் பற்றினார் ரங்கமன்னார் என்பதாக ஐதீகம். அதன் அடிப்படையில் ஸ்ரீ வில்லிபுத்தூரில்.. தேர்த்திருநாளான பங்குனி உத்திரத்தன்று மாலை 2.00 மணி அளவில் ஸ்ரீ ஆண்டாள் கோயிலுக்கு முன்பு பெரியபந்தல் போடப்பட்டு மண்டபம் அமைத்து அங்கு ஸ்ரீ ஆண்டாள்- ரங்கமன்னார் திருக்கல்யாணம் நடைபெறுகின்றது. ரங்கமன்னார் பரஸ்தானக் கோலத்துடன் காசியாத்திரையாக எழுந்தருள ஆண்டாளின் திருத்தகப்பனாராகிய பெரியாழ்வார் எதிர் எழுந்தருள ரங்கமன்னாரை பூர்ண கும்பத்துடன் வரவேற்று, தன் மகளான ஆண்டாளை அவருக்கு மணம்முடித்துக் கொடுப்பதாய் சமாவர்த்தனம் (தேங்காய் தொடுதல்) என்னும் நிகழ்ச்சி நடைபெறுகிறது. 
பின்னர், ஆண்டாள், அரிசி, பருப்பு, பூசணிக்காய், ஏர்க்கலப்பை முதலான அங்க மணிச்சீர்களுடன் வீதி கண்டருளி பந்தல் மண்டபத்தை அடைகிறார். அதன்பிறகு மன்னாரும் ஆண்டாளுக்கு எதிராக எழுந்தருள, மாலை மாற்றும் வைபவம் நடைபெற்று திருக்கல்யாண மேடைக்கு இருவரும் எழுந்தருளிகிறார்கள். அகராதி ஹோமங்கள் தொடங்கி அனைத்து வகையான ஹோமங்கள் முடிந்தபின் திருமாங்கல்யதாரணம் நடைபெறுகிறது. பின்னர் திருவாராதனம், ஆசீர்வாதம், திருப்பாவாடை, கோஷ்டி முடிந்து ஸ்ரீ ஆண்டாள் கை தண்டியலிலும், மன்னார் யானை வாகனத்திலும் திருவீதி எழுந்தருளுவார்கள். திருக்கல்யாணம் செய்வித்த அர்ச்சகரை கோயில் மரியாதைகளுடன் அவரது திருமாளிகைக்கு அழைத்துக் கொண்டு விடப்படுவார்.
காண்பதற்கரிய இக்கல்யாண உத்சஸம் இன்று (மார்ச் -30) ஸ்ரீ வில்லிபுத்தூரில் கொண்டாடப்படுகிறது. வாய்ப்புள்ளவர்கள், இந்த வைபவத்தைக் கண்ணாறக் கண்டு களித்து ஸ்ரீ ஆண்டாள் ஸ்ரீரங்கமன்னார் திவ்ய தம்பதிகளின் பேரருளைப் பெற்று வாழ்வில் வசந்தம் பெறலாம்.

]]>
http://images.dinamani.com/uploads/user/imagelibrary/2018/3/30/w600X390/vm1.jpg http://www.dinamani.com/weekly-supplements/vellimani/2018/mar/30/கோதையின்-கல்யாணம்-2890437.html
2885569 வார இதழ்கள் வெள்ளிமணி இழந்த பதவியை மீட்டுத்தரும் பட்டாபிஷேக ராமர்! - ஆர்.அனுராதா Friday, March 23, 2018 12:00 AM +0530 ராமேஸ்வரத்தில் இருந்து அயோத்தி நோக்கி பயணம் மேற்கொண்டிருந்த ஒரு விடியற்காலை பயணத்தில் வில்வாரண்யம் ஒன்று குறுக்கிட்டது. அருகில் நந்தியாறு ஓடிக்கொண்டிருந்தது. ஒரு பெரிய வில்வமரத்தடியில் சீதையை இருக்கச்செய்து லிங்கங்களைத் தேடவும் பூஜைக்கு வேண்டியவற்றைக் சேகரித்துக் கொண்டுவரவும் சென்றனர். சீதையை உரிய ஏற்பாடுகளை செய்து வைக்கச் சொல்லிவிட்டு ராமனும் இலக்குவணனும் அனுமனை துணைக்கு வைத்துவிட்டுச் சென்றனர். சீதை வெகுதொலைவு நடந்துவந்த களைப்பால் மரத்தடியில் அமர்ந்தவள் கண்ணயர்ந்து விட்டாள். சிறிய தூக்கத்தில் ராமன் அனைத்திலும் வெற்றிபெற்று பட்டாபிஷேக ராமராக அரசாள்வதாக கனவு கண்டாள். சட்டெனக்கண் விழித்தாள். விடியற்காலைக் கனவு நனவாக வேண்டும் என நினைத்தபடியே நேரமாகி விட்டதாகவும் நினைத்தாள். அனுமன் காவல் நிற்பதை உணர்ந்து , அனுமனை அழைத்தாள். ராமனின் பூஜைக்கு லிங்கம் ஒன்று வேண்டும் என்றாள். 
பூஜைக்கு நேரம் கடந்துவிடும் எனவும் நினைத்தாள். தன் கையினால் நந்தியாற்றில் மணல் எடுத்து லிங்கம் ஒன்று உருவாக்கி வழிபட்டாள். சீதையின் வழிபாட்டிடையே சிவபெருமான் காட்சி தந்தார். சிவனிடம் தன் கணவர் போர் செய்த போது எந்தவித பாவம் நடந்திருந்தாலும் அதனைப் போக்க வேண்டினாள். தற்போது இருக்கும் நிலமையை மாற்றி முடிசூட உதவிடக் கேட்டுக் கொண்டாள். சிவபெருமானோ இந்தக் கோலம் மறைந்து பட்டாபிஷேக கோலத்தில் முடிசூட இருப்பதைச் சொன்னார். லிங்கபூஜைக்குரிய பொருட்களுடன் வந்த ராம லட்சுமணர்கள் நடந்ததைக்கேட்டு மகிழ்ந்தனர். அதே நேரம் காசியிலிருந்து கையில் லிங்கத்துடன் வந்தார் அனுமன். 
மணல் லிங்கம் செய்ய முதன் முதலில் அந்த வில்வவனத்தில் எடுத்த பள்ளத்திலிருந்து ஊற்று நீர் அளவின்றி ஊறிக்கொண்டிருந்தது. அருகிலேயே காசியிலிருந்து அனுமன் கொண்டுவந்த சிவலிங்கத்தையும் நிறுவினர். ஊற்றுநீர் எடுத்து அனைத்து லிங்கங்களையும் அபிஷேகம் செய்து வழிபட்டனர். பின்னர் அயோத்திக்குப் பயணப்பட ஆயத்தமாயினர்.
அதேசமயம், ராமனின் பாதுகையை சிம்மாசனத்தில் வைத்து நாடாண்டு கொண்டிருந்த பரதன், சக்கரவர்த்தித் திருமகன் வருகை தாமதப்பட, சிதையில் இறங்க தயாராகிக் கொண்டிருந்தான். அனுமனிடம் தாம் வந்து கொண்டிருப்பதாக தகவல் சொல்லி அக்னிப்பிரவேசத்தைத் தடுத்து நிறுத்துமாறு அனுப்பினார் ஸ்ரீராமர். சிவபெருமான் மகிழ்ந்து ராமனிடம் "இதற்கு அடுத்து நீங்கள் அயோத்திக்கு. சென்று பட்டபிஷேக ராமராகப் போகின்றீர்கள். இங்கிருக்கும் மக்கள் யாரும் அங்குவந்து காண இயலாது. அனைத்து மக்களும் அக்காட்சியைக் காண்பதற்கு முன்பாக இங்கேயே பட்டாபிஷேக ராமரின் திருக்கோலத்தை காட்டியருளுவீர்கள்' என்றார். 
சிவபெருமான் சொல்ல, மறுக்காமல் எந்தவிதமான அலங்காரப் பரிவாரங்களும் இல்லாமல் ராமன் நடுவிலும், வலப்புறம் இலக்குவன் வில்லோடும் இடப்புறம் கையில் மலரோடு சீதையும் பட்டாபிஷேகக் கோலத்தில் மூவரும் சிம்மாசனத்தில் சிம்மபீடத்தில் ஒரு முகூர்த்தகாலம் காட்சி தந்தனர். அனைவரும் வணங்கி மகிழ்ந்தனர். இத்தலம் திருஊட்டத்தூர் அருள்மிகு ஸ்ரீ கோதண்டராமர் திருக்கோயில் ஆகும். சீதை மணல் லிங்கம் செய்யத்தோண்டிய குழியிலிருந்து பிரம்மநீர் ஊற்றாகச் சுரந்து வந்ததை எடுத்து லிங்காபிஷேகம் செய்ததால் ஊற்றத்தூர், ஊட்டத்தூராக மருவி வழங்குகிறது. இந்த கோயிலுக்கு துவாரவாயில் மட்டும் உண்டு. 
வெளியில் ஸ்ரீகருடாழ்வார் பெருமாளைப் பார்த்துக்கொண்டும், அவருக்குப் பின்புறம் ஸ்ரீஅனுமார் ராமன் வந்து கொண்டிருக்கின்ற செய்தியை பரதனுக்குச் சொல்ல பறக்கத்துவங்கும் பாவனையில் வாயிலை நோக்கிக் கொண்டு இருக்கின்றார். விசாலமான மண்டபத்தில் ராமானுஜர், விஷ்வக்சேனர், நம்மாழ்வார, தும்பிக்கை ஆழ்வாரும் அருளுகிறார். கோயில் கருவறை மேல் இருதள நாகர விமானம் அமைந்துள்ளது. மூலஸ்தானத்தில் பட்டாபிஷேக கோலத்தில் ஸ்ரீலட்சுமணர், ஸ்ரீராமர், சீதாப்பிராட்டி ஆகியோர் நின்ற கோலத்தில் பக்தர்களுக்கு அருளுகின்றனர். பட்டாபிஷேகக் கோலத்தை உறுதி செய்திட மூவரும் சிம்மபீடத்தில் நின்று அருளுகின்றனர். மூவரின் திருமுகங்களில் வருவோருக்கு அனுக்ரகம் செய்யும் திருமுக தரிசனம் காண முடியும்.
ஊட்டத்தூர் கோதண்டராமர் திருக்கோயில் எனப்படும் அற்புதமான கலையம்சத்துடன் கூடிய பட்டாபிஷேக ராமர் கோயில் குலோத்துங்க சோழன் பட்டமேற்றதன் நினைவாக அமைக்கப்பட்ட கோயில் எனவும் அதனால் அரசபதவி வேண்டும் என்போர் வந்து வழிபட்டால் நிச்சயம் பதவி கிடைக்கும் என்பதும் நம்பிக்கை. ஒவ்வொரு வெள்ளி, சனி, ஞாயிற்றுக்கிழமைகள், பெüர்ணமி மற்றும் புனர்பூச நாள்களில் தரிசனம் செய்து வேண்டிக்கொண்டால் பலன் நிச்சயம். 
அனைத்து விஷ்ணுபதி புண்யகால நாள்களுடன் தமிழ்வருடப்பிறப்பு, ஆடிமாதப்பிறப்பு, புரட்டாசி சனிக்கிழமைகள், மஹாளயபட்ச நாள்கள் ஐப்பசி மாதப்பிறப்பு , கார்த்திகை தீபம், அனுமத்ஜயந்தி, வைகுண்ட ஏகாதசி, தைப்பொங்கல், மாசிமகம், பங்குனி உத்திரம் ஆகிய நாள்களில் தரிசனம் செய்வது நல்லது எனப்படுகிறது. 
இழந்த பதவி, பொருள் கிடைக்கவும் பிரிந்தவர்கள் சேரவும் தொழில் துவங்கும் முன்பும் மூலவருக்கு மாலை சார்த்தி பால் பழம் நிவேதனம் செய்வது பழக்கத்தில் உள்ளது. அமாவாசையில் பித்ருக்களுக்காக ராமேஸ்வரத்தில் சென்று செய்ய வேண்டிய பரிகாரங்களை ஆற்றங்கரையில் செய்துவிட்டு பட்டாபிஷேக ராமரை தரிசனம் செய்வது பாவங்கள் ஏதேனும் இருந்தால் விலகி குடும்ப நலன் உண்டாகும். 
ராமபிரான் துஷ்டர்களை அழித்தும் நல்லவர்களைக் காத்தும் அருளுவதற்காகவே மனித உருவில் பூரண அவதாரம் எடுத்தார். அதனால் அவருக்கு பாவம், தோஷம் ஏற்பட்டது என்றாலும் இறுதியாக அனைத்தும் ஊட்டத்தூரில் அவருக்கு முடிவுக்கு வந்தன. பட்டாபிஷேக ராமர் இருக்கும் இவ்வூர் எல்லையை சனிபகவான் நெருங்க மாட்டான். எவ்வகை சனிதோஷம் இருந்தாலும் அவர்களின் நட்சத்திர நாள்களில் வந்து இங்கு பட்டாபிஷேக ராமரை தரிசிக்க வேண்டும். நல்லெண்ணெய் தீபம் கோயிலுக்கு வெளியே ஏற்றிவிட்டுச் செல்லவேண்டும். அப்போது சனியின் தாக்கம் குறைந்து போகும் என்பது ஜோதிடர்கள் சொல்லும் பரிகாரமாகும். 
திருச்சி -சென்னை தேசிய நெடுஞ்சாலையில் 45 கி.மீ. தொலைவில் பாடலூர் வழியாக ஊட்டத்தூர் அடையலாம்.
தொடர்புக்கு: 93853 62278/ 94431 82278.

]]>
http://images.dinamani.com/uploads/user/imagelibrary/2018/3/22/w600X390/vm2.jpg http://www.dinamani.com/weekly-supplements/vellimani/2018/mar/23/இழந்த-பதவியை-மீட்டுத்தரும்-பட்டாபிஷேக-ராமர்-2885569.html
2885570 வார இதழ்கள் வெள்ளிமணி மயில் மலையில் மணக்கோலம்! - மீனாட்சி ஸ்ரீநிவாஸன் DIN Friday, March 23, 2018 12:00 AM +0530 கயிலைமலையில் முருகப்பெருமான் தந்தை அருளால் கந்தகிரி அமைத்து அருளாட்சி செய்து கொண்டிருந்த சமயம்..பிரம்மனும், தேவர்களும் முருக வழிபாடு செய்ய வந்த போது வாசலில் நின்ற மயிலிடம் முருகப் பெருமானுக்கு ஊர்தியாகும் பேற்றிற்காக பதுமன், சிங்கன், தாரகன் ஆகிய மூவரும் தவம் செய்து கொண்டிருக்கின்றார்கள் எனக் கூறினர். இதனைக்கேட்ட மயில் இளகிய மனத்துடன் பெருமானை தியானித்து அவர்களுக்கு அருள்பொழியுமாறு கேட்டது. முருகப் பெருமானும் அவர்களைக் கணங்களாக்கித் தன் அருகில் வைத்துக்கொண்டார். 
மயில் செய்த நன்மையைத் தவறாகப் புரிந்துகொண்ட மூவரும் மயிலின் மூலம் தேவர்களைப் பழிவாங்கத் திட்ட மிட்டனர். பிறிதொரு நாள் திருமாலும், பிரம்மனும் தங்களின் அன்னம் மற்றும் கருட வாகனங்களுடன் கயிலைக்கு வந்தனர். அப்போது இவர்கள் மூவரும் மயிலிடம் மயிலை விட ஆற்றலில் தாங்களே பெரியவர்கள் என்றும் எங்களைப் போல் வேகமாய்ப் பறக்கும் சக்தி மயிலுக்கு இல்லை என்றும் கருடனும், அன்னமும் உன்னைக் கேலி பேசுகின்றன எனத்தூண்டி விட்டனர். மயிலும் அறியாமையால் கோபம் கொண்டு கருடனையும், அன்னத்தையும் விழுங்கி விட்டது.
கயிலை திரிசனம் முடிந்து திரும்பிய பிரம்மனும், திருமாலும் தங்களின் வாகனங்களைக் காணாது திகைத்தனர். சற்று நேரத்தில் நடந்ததை ஞானத்தால் உணர்ந்து மயிலின் செய்கை பற்றி முருகப் பெருமானிடம் முறையிட்டனர். 
முருகப்பெருமானும் மயிலை அழைத்து கண்டித்து கருடனையும் அன்னத்தையும் மீண்டும் வெளியே விடச் சொன்னார். மயில் பயந்து நடுங்கி அவைகளை வெளியே விட்டு விட்டது. பிரமனும், திருமாலும் முருகப்பெருமானிடம் விடைபெற்றுச் சென்றனர்.
முருகப் பெருமான், அடியவர்களுக்குச் செய்த இடையூறுகளுக்காக மயிலை மலையாகும்படி சபித்தார். பக்தியில் தவத்தில் மேலும் உறுதியாக இருக்க வேண்டித் தன்னை இவ்வாறு சபித்ததாக மயில் மனதில் கொண்டு கண்ணீர் சிந்தியது. தாங்கள் என் பிழையைப் பொறுத்து அருளிட வேண்டும் எனவும் பிரார்த்தித்தது. மனம் இரங்கிய முருகப்பெருமான் மயிலை நோக்கி "மயிலே, திருப்புத்தூருக்கு அருகில் உள்ள அரச வனத்திற்குச் சென்று தவமியற்றுவாயாக. உரிய காலத்தில் யாமே வந்து உம்மை ஆட்கொள்வோம்' என்று அருளினார்.
காலம் அறிவான் கருணை புரிவான் என்ற வாக்கிற்கிணங்க சூரசம்ஹாரம் நிறைவு பெற்றவுடன் கயிலையை நோக்கி வடபால் தலையும், தென்பால் தோகையையும் கொண்ட மயில் மலைக்கு முருகப்பெருமான் எழுந்தருளி அருள்பாலித்தார். சாபம் நீங்கிய மயில் தாங்கள் அடியவர்களுக்காக இக்குன்றில் நிரந்தரமாய்த் தங்கி அருள்பாலிக்கப் பிரார்த்தனை செய்தது. 
அதுமுதல் ஆறுமுகப் பரம்பொருளும் வள்ளி தெய்வானையுடன் தனித்தனி மயிலில் அமர்ந்து குன்றின் மீது அருட்கோலமாய் வேண்டுவோருக்கு வேண்டுவதே ஈந்து அருள்பாலித்து வருகின்றார்.
மயில்மலை, மயூரநகரம் அரசவனம், கண்ணபுரம், குன்றக்குடி எனப் பல பெயர்களைக் கொண்டு இத்தலம் விளங்குகின்றது. திருவண்ணாமலை ஆதீன கர்த்தர்களால் சிறப்புற நிர்வாகம் செய்யப் பெற்று வருகின்றது. மயில் தோகையின் அடியில் தோகையடி விநாயகர் அருள்கிறார். மலைமேல் ஏறும்போது கார்த்திகைப் பிள்ளையார் அருள்தருகின்றார். 149 படிகளைக் கடந்து மேலே சென்றால் இடும்பன் சந்நிதி, வல்லப விநாயகர் சந்நிதிகள் உள்ளன. 
மலைக்கோயிலில் நுழையும்போது வீரபாகுத் தேவர், நால்வர், சுற்றுப் பிரகாரத்தில் ஸ்ரீ சொர்ண விநாயகர், தட்சிணாமூர்த்தி, குழந்தை வடிவேலர், சுமித்ர சண்டீசர், மணிவாசகர், சிவகாமி அம்மை உடனாய நடராஜப் பெருமான், பைரவர், நவக்ரகங்களின் சந்நிதியைக் கடந்து ஆறுமுகப் பரம்பொருளின் அருட்சந்நிதியில் நிற்கின்றோம். தீராத பிளவை நோயைத் தீர்த்தருளியதற்காக மாமன்னர் மருது பாண்டியர் திருப்பணி செய்த ஆலயம் இது. மருதாபுரித் திருக்குளமும் அமைத்து வழிபட்டார்கள்.
முருகப்பெருமான் ஆறுமுகங்களுடன் பன்னிருகரங்களுடன் தனி மயிலின் மீது அருளாட்சி செய்கின்றார். வள்ளியம்மையும், தெய்வானை நாச்சியாரும் தனித்தனி மயிலில் உள்ளனர். ஆறாவது திருமுகம் பின்புறம் இருப்பதால் பெரிய கண்ணாடியைப் பின்புறம் வைத்து அர்ச்சகர்கள் தீபாராதனை காட்டி அத்திருமுக தரிசனம் தருகின்றனர்.
அருகில் விசாலாட்சி உடனுறை விஸ்வநாதர் சந்நிதி. அதனைத் தொடர்ந்து ஆறுமுகப் பெருமானின் உற்சவர்.
ஆண்டு முழுவதும் திருவிழாக்கள் நடைபெற்றாலும் தைப்பூசம், பங்குனி உத்திரத் திருவிழாக்கள் வெகு சிறப்பாகும். குன்று தோராடலின் முந்தையதாகிய குன்றக்குடி அருணகிரிப் பெருமானால் பாடப்பெற்றது. திருணத்தடை நீக்கம், மக்கட்பேறு, பிள்ளை எழுதி வைத்தல் ஆகிய பிரார்த்தனைகள் எம்பெருமானால் உடனடியாக நிறைவேற அருளப்பெறுகின்றது. 
இந்த ஆண்டு பங்குனி உத்திரத் திருவிழா மார்ச் 21 ஆம் தேதி தொடங்குகிறது. ஐந்தாம் நாள் (25.3.2018) - திருக்கல்யாண உற்சவம். ஒன்பதாம்நாள் (29.3.2018 ) - பங்குனி உத்திர நன்னாள். 30.3.2018 - தீர்த்தவாரி.
காரைக்குடியிலிருந்து சுமார் 8 கி.மீ தொலைவிலும் பிள்ளையார் பட்டியிலிருந்து 2 கி.மீ. தூரத்திலும் அமைந்துள்ளது குன்றக்குடி தலம். 

]]>
http://images.dinamani.com/uploads/user/imagelibrary/2018/3/22/w600X390/vm1.jpg http://www.dinamani.com/weekly-supplements/vellimani/2018/mar/23/மயில்-மலையில்-மணக்கோலம்-2885570.html
2885571 வார இதழ்கள் வெள்ளிமணி ஸ்ரீபாலா சமஸ்தானத்தில் பண்டாசுர சம்ஹார திருவிழா! DIN DIN Friday, March 23, 2018 12:00 AM +0530 அம்பிகையை பல வடிவங்களில் நாம் வழிபடுகிறோம். அவற்றில் அம்பிகையை ஒன்பது வயது குழந்தை வடிவமாக, பாலாவாக, வழிபடுவது தொன்றுதொட்டு வந்துள்ளது. அந்த அம்பிகையையே பாலா திரிபுரசுந்தரி என்று அழைக்கிறோம். அந்த அம்மையின் அருளையும், பெருமைகளையும் சொல்ல வார்த்தைகளே இல்லை. ஸ்ரீ ராஜ ராஜேஸ்வரியாகிய பராசக்தி தானே விரும்பி எடுத்து கொண்ட ஒன்பது வயதான பால வடிவம்தான் ஸ்ரீ பாலா திரிபுர சுந்தரி வடிவம்! 

சித்தர்கள் அவளை "வாலை' என்றே அழைப்பர். அகத்தியர், திருமூலர், போகர், கொங்கணர், கருவூரார் என பல சித்தர்களும் வணங்கிய சக்தி மிக்க பாலாவை வணங்கினால் நோய்கள் விலகும். வாழ்வில் மென்மேலும் வளமும், கல்வி கேள்விகளில் சிறந்த ஞானமும் கிடைக்கும். வாலையை வேண்டினால் கல்யாணம், குழந்தை, குடும்ப ஐஸ்வர்யம் ஆகிய வரங்களை அள்ளி தருபவள் என்ற நம்பிக்கையும் நிலவுகிறது. 

பாலா என்னும் பாலா திரிபுரசுந்தரி ஆராதனையே தேவி வழிபாட்டில் முதற்படி என்பர். ஸ்ரீ வித்யையில் பாலாவின் மந்திரமே ஆரம்பம். ஸ்ரீவித்யாவின் பல பெரிய மந்திரங்கள் தரும் பலன் அனைத்தையும் இந்த முதல் மந்திரமே தந்துவிடுவதால் இம்மந்திரம் "லகு ஸ்ரீ வித்யா" என்றும் அழைக்கப்படுகிறது. 

ஸ்ரீ பாலா எப்பொழுது தோன்றினாள்? மன்மதனை ஈசன் எரித்த சாம்பலிலிருந்து தோன்றியவன் " பண்டன்" எனும் அரக்கன். ஒரு பெண்ணை தவிர தனக்கு யாராலும் மரணம் நேரக்கூடாது என வரம் பெற்றான். அந்த சந்தோஷத்தில் தேவர்களையும் , மற்றவர்களையும் துன்புறுத்தினான். அவர்கள் ஸ்ரீ லலிதா பரமேஸ்வரியைச் சரணடைய, தேவி தன் சேனைகளோடு பண்டாசுரனோடு போர் புரியத் தொடங்கினாள். அன்னை லலிதா தேவியோடு போரிட்டு வெல்ல முடியாத பண்டாசுரன், வலிமைமிக்க தனது முப்பது மைந்தர்களை போருக்கு அனுப்பினான். பண்டாசுரனுக்கு ஈடான அவர்களை அழிக்க ஸ்ரீ லலிதா தேவியின் உடலிலிருந்து ஆவிர்பவித்தாள் அண்டத்தைக் காக்கும் அம்பிகையின் செல்ல மகளான ஸ்ரீ பாலா. அவள் உருவில் இளையவளானாலும் ஆற்றலில் வலியவள். 

லலிதாவின் மகளான பாலா தன் அன்னை லலிதாவிடம் கவசங்களையும், ஆயுதங்களையும் பெற்று வெள்ளை அன்னங்கள் பூட்டிய ரதத்தில் ஏறிக் கொண்டு, பண்டாசுரன் மகன்களுடன் போரிட்டு அனைவரையும் அழித்தாள். பண்டனின் புதல்வர்கள் முப்பது பேரையும் அழித்ததால் "பண்டபுத்ர வதோத்யுக்த பாலா விக்ரம நந்திதா' ஸ்ரீபாலா லீலாவிநோதி நீ - எனவும் லலிதா ஸஹஸ்ர நாமத்தில் வஸின்யாதி வாக்தேவதைகள் இத்தேவியைப் பற்றிக் குறிப்பிட்டுள்ளனர். 

அவள் போரிடும் லாவகத்தைக் காண விண்ணில் கூடிய தேவர்கள் பூமாரிப் பொழிந்தனர். போரில் வெற்றியுடன் திரும்பிய குழந்தை பாலாவை ஆனந்தம் பெருக தன்னுடன் அணைத்துக் கொண்டாள் அம்பிகை. அன்னை லலிதாவோடு அப்படியே ஐக்கியமாகிவிட்டாள் என்கிறது புராணம். ஆம்! பாலாம்பிகை வேறு, லலிதாம்பிகை வேறல்ல. இருவரும் ஒருவரே! 

அத்தகு பெருமை பெற்ற ஸ்ரீ பாலாவின் திருக்கோயில்கள் ஒரு சிலவே தமிழகத்தில் உள்ளன. செங்கல்பட்டை அடுத்த செம்பாக்கத்தில் ஸ்ரீ ஜம்புகேஸ்வரர் கோயில் அருகில் ஸ்ரீமத் ஒüஷத லலிதா மகா திரிபுரசுந்தரி ஸ்ரீ சக்ர ராஜசபை ஸ்ரீபீடம் ஸ்ரீபாலா சமஸ்தான ஆலயம் அமைந்துள்ளது. இத்திருக்கோயிலில் மஹாசகஸ்ர லிங்கம், ஸ்ரீ பாலா திரிபுரசுந்தரி, தருணி திரிபுரசுந்தரி, ஸ்ரீ சக்ரம், ஸ்ரீவாராஹி, ஸ்ரீமாதங்கி உள்ளிட்ட மூர்த்திகள் அருள்பாலிக்கின்றனர். 

இவ்வாலயத்தில் நடைபெறும் வசந்த நவராத்திரி திருவிழாவின் சிறப்பு நிகழ்ச்சியாக மார்ச் 23 -ஆம் தேதி இரவு 7.00 மணியளவில் பண்டாசுர சம்ஹாரம் நடைபெறுகிறது. தமிழகத்திலேயே இங்குதான் இந்நிகழ்ச்சி, மிகவும் விமரிசையாக ஆண்டு தோறும் நடைபெறுகிறது. 

தொடர்புக்கு: 97899 21151/ 94453 59228.

- ரஞ்சனா பாலசுப்ரமணியன்

]]>
http://images.dinamani.com/uploads/user/imagelibrary/2018/3/22/w600X390/vm3.jpg http://www.dinamani.com/weekly-supplements/vellimani/2018/mar/23/ஸ்ரீபாலா-சமஸ்தானத்தில்-பண்டாசுர-சம்ஹார-திருவிழா-2885571.html
2885592 வார இதழ்கள் வெள்ளிமணி வாழ்வாதார வழிகள் - மு.அ. அபுல் அமீன் Friday, March 23, 2018 12:00 AM +0530 உலகைப் படைத்த இறைவன் உலகில் உருவாக்கிய உயிரினங்களுக்கு உரிய வாழ்வாதாரங்களை வகைவகையாய் தொகை தொகையாய் தோன்றிட செய்தான். தோன்றிய வாழ்வாதாரங்களை ஊன்றி உழைத்து பிறரிடம் கையேந்தாமல் பிழைத்து வாழ நிலைத்து நிம்மதியாய் வாழ, அல்லாஹ்தான் அனைவருக்கும் வாழ்வாதாரங்களை வழங்குபவன் என்ற 51-58 ஆவது எழில்மறை வசனம் உலகிலுள்ள அனைத்தையும் மனிதனின் நலனுக்காகவே இறைவன் படைத்து அவற்றை துய்ப்பதற்குரிய தகுதியையும் ஆற்றலையும் அளித்துள்ளதை அறிவிக்கிறது. ஆற்றலைக் கொண்டு வாழ்வாதாரங்களைத் தேடிபெற வேண்டும். தேடுதல் உழைப்பையும் முயற்சியையும் உள்ளடக்கியது. வானம் பூமியில் உள்ளவற்றை அல்லாஹ் உங்களுக்கு வசப்படுத்தி கொடுத்துள்ளான் என்ற 45-13 ஆவது வசனம் வானத்தையும் பூமியையும் கட்டுப்பாட்டில் இயங்கவைக்கும் இறைவனின் வாரி வழங்கும் வலக்கை வற்றாது. இரவிலும் பகலிலும் அருள் மழையைப் பொழிந்து கொண்டேயிருப்பதை இயம்புகிறது.
கருணையும் மேன்மையும் நிறைந்த இறைவன் அனைத்து படைப்பினத்திற்கும் அனைத்து வாழ்வாதாரங்களை வழங்கும் பொறுப்பை ஏற்றுள்ளதைப் போற்றற்குரிய குர்ஆனின் 11-6 ஆவது வசனம் கூறுகிறது. உணவு அளிக்க அல்லாஹ் பொறுப்பு ஏற்காத எந்த உயிரினமும் உலகில் இல்லை. அவை வாழும் இடத்தையும் இறந்து அடங்கும் இடத்தையும் அறிந்தவன் அல்லாஹ். சிறிய சீண்டப்படாத உயிரினத்தையும் அல்லாஹ் விட்டு விடுவதில்லை. கருவறை கரு முதல் பருவத்தைக் கடந்த பழுத்த கிழம் வரை அனைவருக்கும் அனைத்திற்கும் அல்லாஹ் நிர்ணயித்த வாழ்வாதாரத்தை யாரும் குறைக்க கூட்ட முடியாது. இதை மனிதன் உணர்ந்தால் உணர்ச்சி வயப்பட்டு பதறி உதறும் உள்ள உளைச்சலுக்கு உள்ளாக நேராது என்று மஙானி என்னும் நூலில் குறிப்பிடப் படுகிறது. உலகில் உயிரினங்கள் நிலத்திலும் நீரிலும் வானிலும் வாழ்கின்றன. அவை அனைத்திற்கும் உரிய வாழ்வாதாரங்களை வகைப்படுத்தி வழங்குகிறான் வள்ளன்மை மிக்க அல்லாஹ். 
வாழ்வாதாரங்கள் அல்லாஹ்வின் அருள்கொடையே. நலம், வளம், கல்வி, செல்வம் குன்றாது நன்றாற்றும் நற்குணம், வாழ்க்கை துணை, தூய பண்புடைய நேயமான குழந்தைகள் அனைத்தும் அல்லாஹ் தரும் வாழ்வாதாரங்களே. 
இதற்கு மேலும் கிடைக்கும் கண்ணியமும் சிறப்புகளும் இறைவனின் நிறப்பமான கருணையின் பேராதாரங்கள். மன்னிப்பவனும் மகா கருணை உடையவனுமான அல்லாஹ் அளிக்கும் வாழ்வாதாரங்கள் நாம் எண்ணி கணக்கிட முடியாத ஏராளமானவை என்று உரைக்கிறது உத்தம குர்ஆனின் 16-18 ஆவது வசனம்.
மனிதர்களுக்கு வழங்கப்படும் வாழ்வாதாரங்களில் வகைவகையான ஏற்ற தாழ்வுகளும் மாற்றங்களும் இறைவனின் நாட்டப்படி நடப்பவை என்று நவில்கிறது நற்குர்ஆனின் 16-71 ஆவது வசனம். அல்லாஹ் உங்களில் சிலரைவிட சிலரைச் செல்வத்தில் மிகைக்க வைத்து இருக்கிறான். இந்த ஏற்ற தாழ்வுகள் எல்லா வேலைகளும் ஏற்றபடி நடக்க மாற்றமாய் இருக்க வேண்டியது இயல்பு என்று இயம்புகிறது இறைமறை குர்ஆனின் 43-32 ஆவது வசனம். ஒவ்வொரு மனிதனும் அவனுக்குரிய வாழ்வாதாரங்களைத் தேடுவது அவனுடைய கடமை. வாழ்வாதாரங்களைத் தேடி முயற்சிப்பது அல்லாஹ்விற்கு கட்டுப்பட்டு நடப்பதின் அடையாளம். இம்முயற்சிகளில் இறைவன் இட்ட கட்டளைகளைக் கவனத்தில் பதித்து தடம் பிறழாது உடன்பாட்டோடு உழைப்பது. இறைவன் அருளால் வெற்றியை ப் பெற்றிட உதவும்.
நபிகள் நாயகம் (ஸல்) அவர்களைச் சுற்றி நற்றோழர்கள் அமர்ந்திருந்தனர். வாகைமிகு வனப்பும் தோற்றப் பொலிவும் ஆற்றலும் ஏற்ற ஆளுமையும் உடைய இளைஞர் ஒருவர் வந்தார். அந்த இளைஞர் இறை வழியில் பணி புரிந்தால் புண்ணியம் பெறுவார் என்று பெருமானார் (ஸல்) அவர்களின் பிரிய தோழர்கள் உரிய முறையில் உரையாடினர். அப்பொழுதுது உத்தம நபி (ஸல்) அவர்கள் யார் அவருடைய பெற்றோர்களுக்காக உழைக்கிறாரோ, யார் அவரின் குடும்பத்திற்காக உழைக்கிறாரோ அவர் அல்லாஹ்வின் பாதையில் பயணிப்பவர். பிறரிடம் கையேந்தாமல் உழைப்பவரும் அல்லாஹ்வின் பாதையில் உள்ளவரே என்று உரைத்ததை அறிவிப்பவர்- அபூஹுரைரா (ரலி) நூல்- நஸஈ. 
வீட்டிலிருந்து வாழ்வாதாரம் தேடி அலுவலகத்திற்கோ, வணிக வளாகத்திற்கோ, தொழிற்சாலைகளுக்கோ, பிற தொழில் அகங்களுக்கோ சென்று பணிபுரிபவர் அல்லாஹ்வின் பாதையில் பாடுபடுபவரே. அண்ணல் நபி (ஸல்) அவர்கள் ஆடு மேய்த்தார்கள்; வணிகம் செய்தார்கள்; வியாபாரம் செய்தார்கள்; தொழில் புரிந்தார்கள். உத்தம நபி (ஸல்) அவர்களும் தோழர்களை ஆக்க வழியில் வாழ்வாதாரம் தேட ஊக்கம் ஊட்டினார்கள். உலகில் உள்ள உயினரினங்களுக்காக உரிய வாழ்வாதாரம் சிறு முயற்சியிலும் கிடைக்கலாம்; பெரும் உழைப்பிலும் உருவாகலாம்; உடனே உருவாகலாம்; தாமதமாகவும் பயன்தரலாம். தளராது முயல்வது அல்லாஹ்வின் அருளோடு வாழ்வாதாரம் பெறும் வழி.
அல்லாஹ் உங்களுக்கு அளித்தவற்றில் அனுமதிப்பட்ட நல்லவைகளையே உண்ணுங்கள்; நீங்கள் நம்பும் அல்லாஹ்வை அஞ்சுங்கள் என்ற 5-88 ஆவது வசனத்தில் அனுமதிக்கப்பட்டது என்பது குர்ஆன் கூறும் ஆகுமானதை உண்டு ஆகாததைத் தவிர்ப்பது நலமான வாழ்விற்கு ஆதாரம் என்பதை எடுத்துரைக்கிறது. அல்லாஹ்வை அஞ்சுங்கள் என்பது வாழ்வாதாரத்தை நேரிய வழியில் நெறியோடு ஈட்ட வேண்டும் என்பதை இயம்புகிறது. அல்லாஹ் அஞ்சி நடப்பவருக்கு வாழ்வாதாரம் பெற வழி காட்டுவான்; எதிர்பாராது எண்ணியதை ஏற்படுத்துவான். உண்டபின் நன்றி நவில நமக்கு இறைவன் கட்டளை இடுவதை இயம்புகிறது 2-172 ஆவது வசனம். 
பெற்றோருக்கு உற்ற நன்றி செலுத்துவது வாழ்வாதாரத்தை அதிகரிக்க செய்யும் என்ற செம்மறை குர்ஆனின் 14-7 ஆவது வசனத்தில் நன்றி செலுத்துவது என்பது நன்றியோடு இறைவனை வணங்குவது. அவ்வாறு தூய உள்ளத்தோடு வணங்குவோருக்கு உணவிலும் பொருளிலும் நெருக்கடி இல்லாது இறைவன் வழங்குவான் என்ற வள்ளல் நபி (ஸல்) அவர்களின் நல்லுரையை நவில்கிறார் நற்றோழர் அபூஹுரைரா (ரலி) நூல்- திர்மிதீ, இப்னு மாஜா. 
அல்லாஹ் உங்களுக்கு பூமியை மெல்லியதாக ஆக்கியுள்ளான். அதன் பல கோணங்களிலும் நீங்கள் நடந்து செல்லுங்கள். அவன் உங்களுக்கு அளித்துள்ள உணவுகளைப் புசித்து கொள்ளுங்கள் என்ற 57-15 ஆவது வசனப்படி திரவமாக இல்லாமலும் பாறாங்கல்லைப் போல இரும்பைப் போன்று இறுகி இருக்காமலும் பூமியை மென்மையுடையதாக படைத்து அதில் இருப்பிடங்கள் கட்டி திருப்தியாக வாழவும் உழவு தொழில் செய்து தானியம் பரவி பரந்து வணிகம் புரிந்து பொருளீட்டி வாழ்வாதாரங்களைத் தேடவும் இறைவன் வழி வகுத்து கொடுத்து இருக்கிறான். 
வாழ்வாதாரத்தை அதிகரிக்கும் ஆவல் உள்ளவர்கள் உறவினர்களோடு உறவாடி உதவுவது வாழ்வாதாரத்தைப் பெருக்கி மகிழ்ச்சியை நிலைக்க வைக்கும். தானதர்மங்களும் வாழ்வாதாரத்தைப் பெருக்கும்; நிலைக்க வைக்கும்; நிம்மதியைக் கொடுக்கும். நெறியோடு முறையோடு முயன்று வாழ்வாதாரம் தேடி வெற்றி பெற்றதில் பெருமகிழ்வுற்று திருப்தியுடன் இறைவனைப் புகழ்ந்து நிறை வாழ்வு வாழ்வோம்.

]]>
http://www.dinamani.com/weekly-supplements/vellimani/2018/mar/23/வாழ்வாதார-வழிகள்-2885592.html
2885593 வார இதழ்கள் வெள்ளிமணி பாதுகாவலராம் சூசைத் தந்தை! - பிலோமினா சத்தியநாதன் DIN Friday, March 23, 2018 12:00 AM +0530 திருக்குடும்பம் என்று கிறிஸ்துவர்களால் அழைக்கப்படுவது அன்னை மரியாள், சூசையப்பர், இறைமகன் இயேசு ஆகியோரை உள்ளடக்கிய மூவர் கொண்ட குடும்பமாகும். கடவுளுடைய மீட்புத் திட்டத்தில் புனித சூசையப்பர் அன்னை மரியாளுக்கும் குழந்தை இயேசுவுக்கும் பாதுகாவலராக இருந்து செயலாற்றினார். கடவுளால் திருக்குடும்பத்தின் தலைவராக தேர்ந்து கொள்ளப்பட்ட இவர் கடவுளுடைய தனிப்பட்ட அருள் வரங்களைப் பெற்று நிறைவாக வாழ்ந்தவர். பெத்லகேமில் தாவீது அரச குடும்பத்தில் பிறந்த இவர், தச்சுத் தொழிலின் மூலம் தன்னுடைய குடும்பத்தைக் காப்பாற்றி வந்தார். மார்ச் மாதம் முழுவதுமே சூசையப்பருக்காக அர்ப்பணிக்கப்பட்ட மாதம். மார்ச் -19 ஆம் நாள் அவருடைய திருநாளை திருச்சபை கொண்டாடுகிறது.
இறைமகன் இயேசு ஒரு கன்னியிடம் இருந்தே பிறப்பார் என்று இறைவாக்கினர்கள் அறிவித்ததற்கிணங்க, அன்னை மரியாள் தூய ஆவியின் வல்லமையால் கருவுற்றார்கள். ஆனால் அப்போது இதை அறியாத சூசையப்பர் மரியாளின் கர்ப்பத்தை அறிந்து கலக்கமுற்றார். யூத சட்டப்படி அத்தகைய பெண்ணை குடும்பத்தினின்று புறம்பே தள்ளி, பொது தண்டனைக்கு உட்படுத்த வேண்டும். ஆனால் விவிலியம் கூறுகிறது - "அவர் கணவர் யோசேப்பு நேர்மையாளர். அவர் மரியாவை இகழ்ச்சிக்கு உள்ளாக்க விரும்பாமல் மறைவாக விலக்கிவிடத் திட்டமிட்டார்' (மத்தேயு 1:14) 
நீதிமானாகிய சூசையப்பரிடமிருந்து நாம் கற்றுக்கொள்ள வேண்டிய முக்கிய பாடம்,- பிறர் மேல் எந்த புழுதியும் வாரித் தூவாமல் இருத்தல், குழப்பமான, கலக்கமான மனநிலையிலும் கூட, மரியாளின் நற்பெயருக்கு களங்கம் ஏற்படக் கூடாது என்பதில் தெளிவாக இருந்தார். இத்தகையான பெருந்தன்மையான குணம் நமக்கும் இருக்க வேண்டும். அடுத்தவர்களின் தவறுகளை பலருக்கும் தெரியபடுத்தி அவர்களின் பெயரைக் கெடுக்கும் சிறு மனம் கொண்டவர்களாக இல்லாமல் வாழ கற்றுக் கொள்ள வேண்டும்.
அடுத்ததாக, கடவுளுடைய திருவுளத்திற்கு உடனே, கீழ்படிபவராக வாழ்ந்தார். மரியாளின் கர்ப்பத்துக்கு காரணம் தூய ஆவி என்று தெரிந்தவுடன் உடனே தயங்காமல் அவரை ஏற்றுக்கொண்டார். இறைமகன் இயேசு அரசராவார் என்பதை அவையிலுள்ள ஞானிகள் முன்னறிவிக்கக் கேட்டு, தனக்குப் போட்டியாக இயேசு வளர்ந்தபின் தனது பதவியைப் பறித்து விடுவாரோ என்ற அச்சத்தில், குழந்தை இயேசுவையும் அவரையொத்த ஆண் மகவுகளையும் கொல்லுமாறு ஏரோது அரசன் கட்டளை பிறப்பித்தான்.
அப்போது வானதூதர் சூசையப்பரின் கனவில் தோன்றி குழந்தை இயேசுவை உடனே எகிப்துக்கு கொண்டு செல்லுமாறு பணித்தார். இரவோடிரவாக, உடனே தாயையும் குழந்தையையும் அழைத்துக்கொண்டு எகிப்துக்கு கூட்டிச் சென்றார். இறை சித்தத்திற்குப் பணிந்து நடக்கும் நல் உள்ளம் கொண்டவர்களால் சூசையப்பரைப் போன்று வாழ நாம் கற்றுக் கொள்ள வேண்டும்.
குடும்பத்தைப்பேண தச்சுத் தொழில் செய்துவந்த சூசையப்பர் தொழிலாளர்களின் பாதுகாவலராகவும் கருதப்படுகிறார். இயேசுவும் மரியாவும் உடனிருக்கும்போது மரித்த சூசையப்பரை, நன்மரணத்துக்கு பாதுகாவலராக திருச்சபை நமக்குத் தந்திருக்கிறது. துர்மரணம் நேராமல் இருக்க நாம் புனித சூசையப்பரிடம் மன்றாட வேண்டும். 
குழந்தை இயேசுவை அன்பிலும் ஞானத்திலும் வளர்த்த சூசையப்பரை கல்விக்குப் பாதுகாவலர் எனவும் கொண்டாடுகிறோம். இதனாலேயே இவரது பெயரைக் கொண்டு பல கல்வி நிறுவனங்கள் ஏற்படுத்தப்பட்டன. திருச்சியிலுள்ள புனித வளனார் கல்லூரி இதற்கு ஒரு சிறந்த எடுத்துக்காட்டு. புனித சூசையப்பரின் பாதுகாவலில் நாமும் நேர்மையிலும் நீதியிலும் ஞானத்திலும் வளர இறைவனிடம் வேண்டுவோமாக.

]]>
http://www.dinamani.com/weekly-supplements/vellimani/2018/mar/23/பாதுகாவலராம்-சூசைத்-தந்தை-2885593.html
2885594 வார இதழ்கள் வெள்ளிமணி நிகழ்வுகள் DIN DIN Friday, March 23, 2018 12:00 AM +0530 ஸ்ரீ சீதாராம ஸாம்ராஜ்ய பட்டாபிஷேகம்

கும்பகோணம், டபீர் கிழக்குத் தெரு, ஸ்ரீ ராமபக்த நிலையத்தில் ஸ்ரீராமபக்த சமாஜத்தின் ஆதரவில் ஸ்ரீராமநவமியை முன்னிட்டு மார்ச் 22, 23 - லட்சார்ச்சனை, மார் 24 - காலை அஷ்டபதி பஜன், மாலை சேங்கனூர் ஸ்ரீ கிருஷ்ணப்ரேமி உபன்யாஸம், மார் 25 - காலை 7 .00 மணி முதல் வைதீக சம்ப்ரதாயமாக ஸ்ரீ சீதாராம கல்யாணம், பூஜை, சகஸ்ரநாம அர்ச்சனை, பஞ்சரத்ன கோஷ்டி கானம், நாம சங்கீர்த்தனம், ஆஞ்சநேய உத்சவம் தொடர்ந்து 54 ஆவது ஆண்டாக நடைபெறுகிறது. 
தொடர்புக்கு: முத்துஸ்வாமி - 94449 21276.


ஸ்ரீராமநவமி உற்சவம்

ஸ்ரீராமபக்த சமாஜத்தின் ஆதரவில் ஸ்ரீராமநவமி ஜனனோத்ஸவம் தொடர்ந்து 47 ஆம் ஆண்டாக குரோம்பேட்டை கிருஷ்ணாநகர் இரண்டாவது மெயின் ரோடு, சமாஜ மண்டபத்தில் மார்ச்-23 தொடங்கி ஏப்ரல்- 9 வரை நடைபெறுகின்றது. ஏப்ரல் 8- ஸ்ரீ சீதாராம கல்யாணம், ஏப்ரல் 9- ஸ்ரீ ஆஞ்சநேய உத்சவம்.

அம்பல் (பூந்தோட்டம் அருகில்) ஸ்ரீ வீற்றிருந்த பெருமாள் கோயிலில் ஆறுகோடி ராமநாம மண்டபத்தில் அருள்பாலிக்கும் ஸ்ரீராமபிரானின் ஸ்ரீராமநவமி விழா மார்ச் 25 -பஞ்சரத்ன ராமாயண பாராயணம், திருவீதி உலா நடைபெறுகின்றது. 
தொடர்புக்கு : 94442 36145.

------------------


செங்கல்பட்டு அடுத்து படாளம் கூட்டு ரோடிற்கு அருகாமையில் உள்ள ஸ்ரீ அம்ருதபுரி ராமானுஜ யோகவனத்தில் மார்ச் 25 - ஸ்ரீராம நவமியை முன்னிட்டு திருமஞ்சனம், கனகாபிஷேகம், ஸ்ரீசீதா ராம திருக்கல்யாணம் நடைபெறும். 
தொடர்புக்கு: 044 - 28174179.


பூந்தமல்லியில் மூன்று கருடசேவை

ராமானுஜருக்கு ஆசாரியரான திருக்கச்சி நம்பிகளின் திரு அவதாரத்தலம் பூந்தமல்லி திருவரங்கன், திருவேங்கடவன், காஞ்சி வரதர் காட்சி அளித்ததையொட்டி இத்தலத்தில் இவர்களின் சந்நிதிகள் அமைந்துள்ளன. மூன்று எம்பெருமான்கள் கருடúஸவை இவ்வாண்டு, மார்ச் 25 - திருமஞ்சனம், திருவீதி புறப்பாடு போன்றவை நடைபெறும்.
தொடர்புக்கு: எம்.என். ஸ்ரீநிவாஸன்

ஸம்வத்ஸரா விழா

வேலூர் மாவட்டம், வாலாஜா பேட்டை , ஸ்ரீ தன்வந்திரி ஆரோக்ய பீடத்தில் 14 -ஆம் ஆண்டு ஸம்வத்ஸரா விழா மார்ச் -23 தொடங்கி 26 வரை நடைபெறுகின்றது. 
தொடர்புக்கு: 9443330203.


நவகலச திருமஞ்சனம்

குரோம்பேட்டை, நேரு நகர், ரங்கநாதன் தெருவில் உள்ள ஸ்ரீ விஷ்ணு சகஸ்ரநாம பாராயண மண்டலி கடந்த 25 வருடங்களாக அப்பகுதியில் உள்ள இல்லங்களில் பிரிதி சனிக்கிழமைதோறும் ஸ்ரீ விஷ்ணு சகஸ்ரநாம பாராயணம் நிகழ்த்துகிறது. மார்ச்- 30 ஆம் தேதி வெள்ளிவிழா சகஸ்ரநாம பாராயணம், 23 ஆவது ஆண்டு பங்குனி உத்திர மஹோத்சவம் நடத்துகின்றது. ஸ்ரீ பூமி நீளா சமேத ஸ்ரீ லட்சுமி நாராயணப் பெருமாள் உற்சவ மூர்த்திகள், எஸ்.சி.எஸ். மெட்ரிகுலேஷன் பள்ளி வளாகத்தில் எழுந்தருளச்செய்யப்பட்டு நவகலச சிறப்பு திருமஞ்சனம் நடைபெறும்.

தொடர்புக்கு: சாரநாதன்- 98414 98690/ 044 2223 7480.

]]>
http://www.dinamani.com/weekly-supplements/vellimani/2018/mar/23/நிகழ்வுகள்-2885594.html
2885595 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN Friday, March 23, 2018 12:00 AM +0530 ஒவ்வொரு விநாடி நேரமும், ஒரு சிறு துண்டு பொருளும் முறையே கல்வி கற்பதற்கும், பணம் சம்பாதிப்பதற்கும் முக்கியமானவையாகும். நேரத்தை வீணடித்தால் கல்வி ஏது? பொருள்களை வீணடித்தால் பணம் ஏது?

வேகமாக ஓடுவது குதிரைக்குப் பெருமை, கம்பீரமாக நடப்பது யானைக்கு அழகு, சாதுர்யமாக நடந்து கொள்வது பெண்ணுக்குப் பெருமை, ஏதேனும் ஒரு தொழில் (உத்யோகம்) செய்வது மனிதனுக்குப் பெருமை.

உலகில் உள்ள எல்லா உயிரினங்களும் ஒன்றன்பின் ஒன்றாக மடிகிறது. இருந்தாலும் மீதம் உள்ளவர்கள் எல்லோருமே, என்றைக்கும் உயிருடன் இருக்க விரும்புவதுதான், இந்த உலகின் மிகப்பெரிய ஆச்சரியம் என்று, மகாபாரதத்தில் யுதிஷ்டிரன் (தர்மபுத்திரர்), யட்சனுடைய கேள்விக்குப் பதிலளிக்கும்போது கூறுகிறார். ஆகையால் நாம் வாழ்க்கையின் நிலையாமையை உணர்ந்து, நற்செயல்களை உடனுக்குடன் செய்து முடிக்க வேண்டும்.

தாராள குணம் படைத்தவனுக்கு பணம் புல்லுக்குச் சமம். தைரியசாலிக்கு (சூரன்) மரணம் புல்லுக்குச் சமம். வெறுப்புற்றவனுக்கு மனைவி புல்லுக்குச் சமம். ஆசையற்றவனுக்கோ இந்த உலகமே புல்லுக்குச் சமம். 

நாம் எதை நினைக்கிறோமோ, அதைப் பேச வேண்டும். நாம் எதைப் பேசுகிறோமோ, அதன்படி செயலாற்ற வேண்டும்.

சிதைக்கும் சிந்தைக்கும் ஓரெழுத்து "ந்' மாத்திரமே வித்தியாசம். சிதையோ இறந்த உடலை எரிக்கும். சிந்தை (சிந்தா) என்கிற கவலை உயிருடன் உள்ள உடலையே எரிக்கும். (சிதை இறந்த உடலுக்கு மூட்டும் தீ)

தாழ்ந்தவர்கள் பணத்தை விரும்புகிறார்கள். நடுத்தர மக்கள் பணத்தையும் கெüரவத்தையும் (மானம்) விரும்புகிறார்கள். உயர்ந்தவர்களோ கெüரவத்தையே விரும்புகிறார்கள். கெüரவம் (மானம், மரியாதை) தான் பணத்தைவிட உயர்ந்தது.

சூரியன் உதிக்கும்போதும் காவி நிறத்தில் இருக்கிறது. சூரியன் மறையும்போதும் காவி நிறத்தில் இருக்கிறது. அதுபோன்று நல்ல மனிதர்கள், வசதிகள் (சம்பத்து) இருந்தபோதும், வசதிகள் இல்லாதபோதும், ஒரே மாதிரியாக இருக்கிறார்கள். அவர்கள் இன்ப துன்பங்களை ஒரே மாதிரியாக நினைக்கிறார்கள்.
- "சுபாஷிதம்' ஒரு சம்ஸ்கிருத சுலோகம்

இறைவனே! ஆற்றல் அனைத்தும் உடைய ஆண்டவனே; நான் உங்களுடைய நட்பை பெற்றேன். ஆதலால் நான் ஒன்றுக்கும் பயப்பட மாட்டேன்.
- ரிக் வேதம்

]]>
http://images.dinamani.com/uploads/user/imagelibrary/2018/3/22/w600X390/vm6.jpg http://www.dinamani.com/weekly-supplements/vellimani/2018/mar/23/பொன்மொழிகள்-2885595.html
2885596 வார இதழ்கள் வெள்ளிமணி நீரில் விளக்கேற்றிய நின்மலத் தொண்டர்! - எஸ். வெங்கட்ராமன் DIN Friday, March 23, 2018 12:00 AM +0530 சைவ நாயன்மார்கள் அறுபத்து மூவரும் சித்தத்தை சிவன்பாலே வைத்து ஓவ்வொருவரும் ஒவ்வொரு குறிக்கோளுடன் வாழ்ந்தவர்கள். தாம் மேற்கொண்ட குறிக்கோளைத் தமது உயரினும் மேலாகக் கருதியவர்கள். அந்த அடியார்களின் வரலாறுகள் வழங்குகின்ற செய்திகள் தனிமனித வாழ்க்கையும் சமுதாய வாழ்வும் அமைதியாகவும் லட்சியப் பிடிப்புடனும் அமைய பெரிதும் உதவியாக இருக்கின்றன. அப்படிப்பட்ட அடியார்களை வணங்கி இறைவனே அடி எடுத்துக்கொடுக்க "திருத்தொண்டத் தொகை" எனும் அரிய நூலினை சுந்தரமூர்த்தி சுவாமிகள் அருளினார்.
இந்த நாயன்மார்கள் வரிசையில் ஆலயத்தில் இறைவனுக்கு திருவிளக்கு ஏற்றும் திருப்பணியை தலையாகக் கொண்டு ஆற்றி சிவபெருமானின் முழு ஆளுமைக்கு உட்பட்டவர்களில் கலியநாயனார், கணம் புல்ல நாயனார், நமி நந்தி அடிகள் நாயனார் ஆகியோர் குறிப்பிடத்தக்கவர்கள். இதில் வறுமையின் காரணமாக எண்ணெய் வாங்க வசதியில்லாமல் தமது ரத்தத்தினால் விளக்கேற்றியவர் கலியநாயனார். "கணம்புல்' என்ற புல்லினால் விளக்கேற்றி அதுவும் கிடைக்காத நிலையில் தமது தலை ரோமத்தைக் கொண்டே விளக்கு எரித்தவர் கணம்புல் நாயனார். இனி நமி நந்தியடிகள் எவ்வகையில் இப்பணியினை மேற்கொண்டார் என அறிந்து கொள்வோம்.
திருவாரூலிருந்து திருத்துறைப் பூண்டி செல்லும் வழியில் 7 கி.மீ தொலைவில் அமைந்துள்ளது. திருநெய்ப்பேர் (ஏமப்பேறூர்) தேவார வைப்புத்தலம். இவ்வூரில் அந்தணர் குலத்தில் அவதரித்தவர் நமி நந்தியடிகள் நாயனார். நாள்தோறும் ஆரூர் அண்ணலைச் சென்று தரிசிக்கும் வழக்கத்தைக் கொண்டிருந்தார். ஒரு நாள் அவ்வாறு செல்லுகையில் திருவாரூர் கோயிலின் திருமதிலுக்கு (இரண்டாம் சுற்று) அருகில் உள்ள தனிக்கோயிலில் சந்நிதி கொண்டுள்ள அரநெறியப்பரை தரிசித்து அங்கு சந்நிதியில் தீபம் ஏற்ற விரும்பினார். தனது ஊருக்குச் சென்று விளக்கெரிப்பதற்கு நெய்கொண்டு திரும்பி வருவதனால் பொழுது சாய்ந்து விடும் எனக் கருதினார். எனவே கோயில் அருகேயுள்ள ஒரு வீட்டிற்குச் சென்று "விளக்கேற்ற சிறிது நெய் தாருங்கள்' எனக்கேட்டார். 
அது சமணர்கள் வாழும் வீடு. அவர்கள் நமி நந்தியடிகளிடம் "அனலேந்திய சிவனுக்கு விளக்கேன்? தண்ணீர் விட்டு விளக்கை எரியவிடும்" என்று இகழ்ந்து கூறிப்பரிகாசம் செய்தனர். மிகவும் மனவருத்தத்துடன் ஆலயம் திரும்பிய அடிகளார், இறைவன் சோதனையை எண்ணி அவரிடமே முறையிட்டார். அவரைச் சோதிக்க விரும்பாத இறைவன், அசரீரியாக அருகில் உள்ள குளத்து நீரை ஊற்றி விளக்கேற்றப் பணித்தார். அந்த குளம் தேவாசிரிய மண்டபத்திற்கு அடுத்த மேல்புறம் உள்ள சங்கு தீர்த்தமாகும். ஆண்டவன் கட்டளைப்படி அக்குளத்து நீரை கொண்டு சென்று ஐந்தெழுத்து ஓதிய வண்ணம் பக்தியுடன்அகல்விளக்கில் இருந்த திரியின் மீது அந்த நீரை வார்த்து விளக்கு ஏற்றினார். என்ன அதிசயம்?. அந்த விளக்கு சுடர்விட்டு எரிந்தது. உடனே ஆலயம் முழுவதும் பல விளக்குகளில் தண்ணீர் விட்டு எரித்து ஒளி பரப்பினார். ஏளனம் செய்த சமணர்கள் வெட்கம் அடைந்தார்கள். நீரினால் விளக்கிடும் பணியை தொடர்ந்து வரும் நாள்களில் செய்து வரலானார். அடியவர் நிகழ்த்தும் அற்புதத்தின் பெருமையை அறிந்த சோழ மன்னன், திருவாரூர் ஆலயத்தில் தினசரி பூஜைகளுக்கும் உற்சவ நாள்களை முறைப்படி நடத்துவதற்கும் பல நிபந்தங்களைஅமைத்து அதனை நிர்வகிப்பதற்கு நமிநந்தியடிகளையே தலைவராக நியமித்தான். அவ்வாறு நமி நந்தியடிகள் ஏற்படுத்திய விழா நாள்களில் திருவாரூரில் நடக்கும் பங்குனி உத்திர திருவிழா முக்கியமான சிறப்புடையதாகும். நமிநந்தியடிகளை ஆட்கொண்ட இறைவன் மற்றொரு சம்பவத்தின் மூலம் ஜாதி வேறுபாடு பார்ப்பது தவறு என்பதையும், தனக்கு எல்லா குலத்தினரும் ஒன்றே என்பதனையும் இந்த அடியாரைக் கொண்டே உணர்த்தியுள்ளார்.
ஏமப்பேறூர் என்ற ஊர், "நெய்வேண்டி நீரை விளக்கு நெய்யாகப் பெற்றவரது ஊர்' என்ற காரணத்தினால் "திருநெய்ப்பேறு' என்ற காரணப் பெயரால் தற்போது வழங்கப்படுகின்றது. இங்கு கோயில் கொண்டிருக்கும் இறைவனின் திருநாமம் வன்மீக நாதர். அம்பிகையின் திருநாமம் உமா மகேஸ்வரி அம்பாள். நமி நந்தி நாயனாருக்கு தனி சந்நிதி உண்டு. ஒரு சிவாலயத்திற்குத் தேவையான அனைத்து சந்நிதிகளும் இங்கு உண்டு. ஆனால் நவக்கிரகங்களில் சூரிய, சந்திரர்களுக்கு மட்டும் தான் சந்நிதி உண்டு. 1966 - ஆம் ஆண்டு நடந்த குட முழுக்கிற்குப்பிறகு தற்போது கிராம மக்கள் மற்றும் சேவார்த்திகள் பங்களிப்புடன் பல திருப்பணி வேலைகள் நடந்தேறியுள்ளது. ஆலயம் புதுப்பொலிவுடன் திகழ்கிறது. 
மகாகும்பாபிஷேகம் மார்ச் -30 ஆம் தேதி காலை 9.00 மணிக்கு மேல் 10.15 மணிக்குள் நடைபெறுகின்றது. அன்று மாலை சுவாமி அம்பாள் திருக்கல்யாண உற்சவமும் நமி நந்தி அடிகள் அவதார இல்லத்திலிருந்து நாயனார் புறப்பட்டு, திருக்கோயிலில் விளக்கேற்றும் வைபவமும் நடைபெறுகின்றன. யாகசாலை பூஜைகள் மார்ச்- 28 அன்று ஆரம்பமாகிறது. 
தொடர்புக்கு: 94448 12040.

]]>
http://images.dinamani.com/uploads/user/imagelibrary/2018/3/22/w600X390/vm5.jpg http://www.dinamani.com/weekly-supplements/vellimani/2018/mar/23/நீரில்-விளக்கேற்றிய-நின்மலத்-தொண்டர்-2885596.html