Dinamani - அரசுப் பணிகள் - http://www.dinamani.com/employment/goverment-jobs/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2923877 வேலைவாய்ப்பு அரசுப் பணிகள் 108 ஆம்புலன்ஸ் சேவை பணியிடங்களில் 116 பேருக்கு வேலைவாய்ப்பு Monday, May 21, 2018 03:40 AM +0530 தமிழகம் முழுவதும் நடைபெற்ற 108 ஆம்புலன்ஸ் சேவை பணியிடங்களுக்கான வேலைவாய்ப்பு முகாமில் 116 பேர் தேர்வு செய்யப்பட்டனர். 
தமிழகத்தில் 108 ஆம்புலன்ஸ் சேவை மற்றும் 104 ஆலோசனை மையம் மருத்துவச் சேவைகளை ஜிவிகே இஎம்ஆர்ஐ நிறுவனம் வழங்கி வருகிறது. இந்த நிறுவனத்தின் சார்பில் சென்னை உள்பட தமிழகத்தின பல்வேறு மாவட்டங்களில் உள்ள 7 இடங்களில் வேலைவாய்ப்பு முகாம் நடத்தப்பட்டது. ஆம்புலன்ஸ் வாகன ஓட்டுநர், அவசரகால உதவியாளர், தொலைபேசி கட்டுப்பாட்டு மைய ஊழியர் ஆகிய பணியிடங்களுக்கு ஊழியர்கள் தேர்ந்தெடுக்கப்பட்டனர். 
சென்னை தேனாம்பேட்டை டிஎம்எஸ் வளாகத்தில் நடைபெற்ற முகாமில் 30 பேர் கலந்து கொண்டனர். அவர்களில் 14 பேர் தேர்வு செய்யப்பட்டனர். தமிழகம் முழுவதும் நடைபெற்ற வேலைவாய்ப்பு முகாம்களில் 335 பேர் பங்கேற்றனர். இவர்களில் அவசரகால உதவியாளர் பணியிடங்களுக்கு 65 பேரும், 108 ஆம்புலன்ஸ் ஓட்டுநர் பணியிடங்களுக்கு 51 பேரும் தேர்வு செய்யப்பட்டதாக அதிகாரிகள் தெரிவித்தனர்.

]]>
http://images.dinamani.com/uploads/user/imagelibrary/2017/11/14/w600X390/108ambulance.jpg http://www.dinamani.com/employment/goverment-jobs/2018/may/21/108-ஆம்புலன்ஸ்-சேவை-பணியிடங்களில்-116-பேருக்கு-வேலைவாய்ப்பு-2923877.html
2915798 வேலைவாய்ப்பு அரசுப் பணிகள் பேங்க் ஆஃப் பரோடாவில் வங்கியில் பணி  தொகுப்பு: பிரவீண்குமார் DIN Tuesday, May 8, 2018 07:08 PM +0530 பதவி: MSME- Sales/ Relationship Management (Scale SMG/S-IV)
காலியிடங்கள்: 25
தகுதி: சி.ஏ/ ஐ.சி.டபிள்யூ.ஏ./ எம்.பி.ஏ அல்லது பிஜிடிஎம் (நிதி)/ அதற்கிணையான முதுகலை பட்டப்படிப்பு அல்லது டிப்ளமோ முடித்திருக்க வேண்டும்.
முன் அனுபவம்: வர்த்தக வங்கிகள் அல்லது சார்பு வங்கிகள்/ அரசு மற்றும் அரசு சாரா நிதி நிறுவனங்கள்/ வங்கி சேவையற்ற நிதி நிறுவனங்கள்/ பிரபல ரேட்டிங் நிறுவனங்கள் இவற்றில் 6 ஆண்டுகள் பணிபுரிந்திருக்க வேண்டும்.
வயது வரம்பு: 28 வயதிலிருந்து 40 வயதுக்குள்இருக்க வேண்டும்.

பதவி: MSME- Sales/ Relationship Management (Scale MMG/S-III)

காலியிடங்கள்: 59
தகுதி: சி.ஏ/ ஐ.சி.டபிள்யூ.ஏ./ எம்.பி.ஏ அல்லது பிஜிடிஎம் (நிதி)/ அதற்கிணையான முதுகலை பட்டப்படிப்பு அல்லது டிப்ளமோ முடித்திருக்க வேண்டும்.
முன் அனுபவம்: வர்த்தக வங்கிகள் அல்லது சார்பு வங்கிகள்/ அரசு மற்றும் அரசு சாரா நிதி நிறுவனங்கள்/ வங்கி சேவையற்ற நிதி நிறுவனங்கள்/ பிரபல ரேட்டிங் நிறுவனங்கள் ஆகியவற்றில் 
குறைந்தது 4 ஆண்டுகள் பணிபுரிந்திருக்க வேண்டும். 
வயது வரம்பு: 28 வயதிலிருந்து 37 வயதுக்குள்இருக்க வேண்டும்.

பதவி: MSME- Monitering/ Processing of Loans (Scale SMG/S-IV)

காலியிடங்கள்: 75
கல்வித் தகுதி:சி.ஏ/ ஐ.சி.டபிள்யூ.ஏ./ எம்.பி.ஏ அல்லது பிஜிடிஎம் (நிதி)/ அதற்கிணையான முதுகலை பட்டப்படிப்பு அல்லது டிப்ளமோ முடித்திருக்க வேண்டும்.
முன் அனுபவம்: வர்த்தக வங்கிகள் அல்லது சார்பு வங்கிகள்/ அரசு மற்றும் அரசு சாரா நிதி நிறுவனங்கள்/ வங்கி சேவையற்ற நிதி நிறுவனங்கள்/ பிரபல ரேட்டிங் நிறுவனங்கள் இவற்றில் 
குறைந்தது 6 ஆண்டுகள் பணிபுரிந்திருக்க வேண்டும். 
வயது வரம்பு: 28 வயதிலிருந்து 40 வயதுக்குள்இருக்க வேண்டும்.

பதவி: MSME- Monitering/ Processing of Loans (Scale MMG/S-III)

காலியிடங்கள்: 62
கல்வித் தகுதி: சி.ஏ/ ஐ.சி.டபிள்யூ.ஏ./ எம்.பி.ஏ அல்லது பிஜிடிஎம் (நிதி)/ அதற்கிணையான முதுகலை பட்டப்படிப்பு அல்லது டிப்ளமோ முடித்திருக்க வேண்டும்.
முன் அனுபவம்: வர்த்தக வங்கிகள் அல்லது சார்பு வங்கிகள்/ அரசு மற்றும் அரசு சாரா நிதி நிறுவனங்கள்/ வங்கி சேவையற்ற நிதி நிறுவனங்கள்/ பிரபல ரேட்டிங் நிறுவனங்கள் இவற்றில் குறைந்தது 4 ஆண்டுகள் பணிபுரிந்திருக்க வேண்டும். 
வயது வரம்பு: 25 வயதிலிருந்து 37 வயதுக்குள்இருக்க வேண்டும்.

பதவி: Finance / Credit (Scale MMG/S-III)

காலியிடங்கள்: 100
கல்வித் தகுதி: சி.ஏ/ ஐ.சி.டபிள்யூ.ஏ./ எம்.பி.ஏ அல்லது பிஜிடிஎம் (நிதி)/ அதற்கிணையான முதுகலை பட்டப்படிப்பு அல்லது டிப்ளமோ முடித்திருக்க வேண்டும்.
முன் அனுபவம்: தொடர்புடைய பிரிவில் குறைந்தது 4 ஆண்டுகள் பணியாற்றியிருக்க வேண்டும்.
வயது வரம்பு: 25 வயதிலிருந்து 37 வயதுக்குள் இருக்க வேண்டும்.

பதவி: Finance / Credit (Scale MMG/S-II)

காலியிடங்கள்: 40
கல்வித் தகுதி: சி.ஏ/ ஐ.சி.டபிள்யூ.ஏ./ எம்.பி.ஏ அல்லது பிஜிடிஎம் (நிதி)/ அதற்கிணையான முதுகலை பட்டப்படிப்பு அல்லது டிப்ளமோ முடித்திருக்க வேண்டும்.
முன் அனுபவம்: தொடர்புடைய பிரிவில் குறைந்தது 2 ஆண்டுகள் பணியாற்றியிருக்க வேண்டும்.
வயது வரம்பு: 28 வயதிலிருந்து 35 வயதுக்குள் இருக்க வேண்டும்.
விண்ணப்பிக்கும் முறை: www.bankofbaroda.com என்ற இணையதளத்துக்குச் சென்று ஆன்லைன் மூலம் விண்ணப்பிக்க வேண்டும்.
விண்ணப்பக் கட்டணம்: பொதுப்பிரிவு/ ஓபிசி பிரிவினருக்கு) - ரூ.600, எஸ்சி /எஸ்டி/ மாற்றுத்திறனாளிகளுக்கு - ரூ.100
மேலும் விவரங்களுக்கு: https://bankofbaroda.com/writereaddata/Images/pdf/detailed-advertisement.pdf என்ற இணையதளத்தைப் பாருங்கள்.
விண்ணப்பிக்க கடைசித் தேதி: 17-05-2018. 

]]>
http://images.dinamani.com/uploads/user/imagelibrary/2015/1/29/14/w600X390/bob.jpg http://www.dinamani.com/employment/goverment-jobs/2018/may/08/பேங்க்-ஆஃப்-பரோடாவில்-வங்கியில்-பணி-2915798.html
2915797 வேலைவாய்ப்பு அரசுப் பணிகள் ஐடிஐ - டிப்ளமோ - பட்டதாரிகளுக்கு இஸ்ரோவில் வேலை DIN DIN Tuesday, May 8, 2018 07:03 PM +0530 பதவி: Technician - B

பிரிவுகள்: எலக்ட்ரானிக்ஸ் மெக்கானிக், டெக்னீஷியன் பவர் எலக்ட்ரானிக் சிஸ்டஸ்டம்ஸ், ஃபிட்டர், கம்ப்யூட்டர் ஹார்ட்வேர் அன்ட் நெட்வொர்க் மெயின்டனன்ஸ், இன்பர்மேஷன் டெக்னாலஜி, எலக்ட்ரிகல், பிளம்பர், ரெப்ரிஜிரேஷன் அன்ட் ஏர்கண்டிஷனிங் மெக்கானிக், மேசன் உட்பட பல பிரிவுகள். 

காலியிடங்கள்: 39

தகுதி: பத்தாம் வகுப்பு முடித்திருக்க வேண்டும். அத்துடன், சம்பந்தப்பட்ட பதவி தொடர்பான படிப்பில் ஐடிஐ/ என்ஏசி/ என்டிசி முடித்திருக்க வேண்டும்.

பதவி: ட்ராப்ஸ்மேன் (மெக்கானிக்கல்/ சிவில்)

காலியிடங்கள்: 3

தகுதி: பள்ளியிறுதித் தேர்வு முடித்திருக்க வேண்டும். அத்துடன், சம்பந்தப்பட்ட பதவி தொடர்பான படிப்பில் ஐடிஐ/ என்ஏசி/ என்டிசி முடித்திருக்க வேண்டும்.

பதவி: Technical Assistant பிரிவுகள்: மெக்கானிக்கல் என்ஜினியரிங்/ எலெக்ட்ரானிக்ஸ் என்ஜினியரிங்/ கம்ப்யூட்டர் சயின்ஸ் என்ஜினியரிங்/ ஆட்டோமொபைல் என்ஜினியரிங் 

காலியிடங்கள்: 09

தகுதி: சம்பந்தப்பட்ட பிரிவில் டிப்ளமோ படிப்பை முதல் வகுப்பில் தேர்ச்சியடைந்திருக்க வேண்டும்.

பதவி: Library Assistant

காலியிடம்: 1

கல்வித் தகுதி: ஏதேனும் பட்டப் படிப்புடன் நூலக அறிவியல்/ நூலகம் & தகவல் அறிவியலில் முதுகலை பட்டம் முதல் வகுப்பில் தேர்ச்சியடைந்திருக்க வேண்டும்.

வயது வரம்பு: 18 வயதிலிருந்து 35 வயதுக்குள் இருக்க வேண்டும். எஸ்சி, எஸ்டி, ஓபிசி, மாற்றுத்திறனாளிகளுக்கு வயது வரம்பில் தளர்வு உண்டு. 

விண்ணப்பிக்கும் முறை: www.isro.gov.in  என்ற இணையதளத்துக்குச் சென்று, ஆன்லைன் மூலம் விண்ணப்பிக்க வேண்டும்.

விண்ணப்பக் கட்டணம்: ரூ. 250 ஆன்லைன் மூலமாகச் செலுத்த வேண்டும்.
தேர்ந்தெடுக்கப்படும் முறை: எழுத்துத் தேர்வு, திறனறி தேர்வு, நேர்முகத் தேர்வு மூலமாக தகுதியான நபர்கள் தேர்ந்தெடுக்கப்படுவார்கள்.

மேலும் விவரங்களுக்கு: https://www.isro.gov.in/sites/default/files/advt.no_.isac_.02.2018.pdf  என்ற இணையதளத்தைப் பாருங்கள்.

விண்ணப்பிக்க கடைசித் தேதி: 11-05-2018.

]]>
http://images.dinamani.com/uploads/user/imagelibrary/2017/10/6/w600X390/Isro.jpg http://www.dinamani.com/employment/goverment-jobs/2018/may/08/ஐடிஐ---டிப்ளமோ---பட்டதாரிகளுக்கு-இஸ்ரோவில்-வேலை-2915797.html
2915796 வேலைவாய்ப்பு அரசுப் பணிகள் வேலை வேண்டுமா..? பாரத ஸ்டேட் வங்கியில் வேலை Tuesday, May 8, 2018 06:58 PM +0530 பதவி: Probationary Officer

காலியிடங்கள்: 2,000 

தகுதி: ஏதேனும் ஒரு பட்டப்படிப்பு முடித்திருக்க வேண்டும். இறுதியாண்டு படிப்பவர்களும் விண்ணப்பிக்கலாம்.

வயது வரம்பு: 21 வயதிலிருந்து 30 வயதுக்குள்இருக்க வேண்டும். எஸ்சி, எஸ்டி, ஓபிசி, மாற்றுத்திறனாளிகளுக்கு வயது வரம்பில் தளர்வு உண்டு. 

விண்ணப்பிக்கும் முறை: www.sbi.co.in/careers/ என்ற இணையதளத்தில் விண்ணப்பதாரரின் விவரங்களைப் பதிவு செய்து, தேவையான சான்றிதழ்களைப் பதிவேற்றி, விண்ணப்பக் கட்டணத்துடன் ஆன்லைனில் விண்ணப்பிக்க வேண்டும்.

விண்ணப்பக் கட்டணம்: பொதுப் பிரிவு, ஓபிசி விண்ணப்பதாரர்களுக்கு- ரூ. 600; எஸ்.சி/ எஸ்.டி/ மாற்றுத் திறனாளி விண்ணப்பதாரர்களுக்கு- ரூ.100.

தேர்ந்தெடுக்கப்படும் முறை: எழுத்துத் தேர்வு, நேர்முகத் தேர்வு மூலமாக தகுதியான நபர்கள் தேர்ந்தெடுக்கப்படுவார்கள்.

மேலும் விவரங்களுக்கு:

ttps://www.sbi.co.in/webfiles/uploads/files/15214699781_SBI_PO_2018_ENGLISH.pdf என்ற இணையதளத்தைப் பாருங்கள்.

விண்ணப்பிக்க கடைசித் தேதி: 13-05-2018. 

]]>
http://images.dinamani.com/uploads/user/imagelibrary/2018/3/14/w600X390/SBI-Logo.jpg http://www.dinamani.com/employment/goverment-jobs/2018/may/08/வேலை-வேண்டுமா-பாரத-ஸ்டேட்-வங்கியில்-வேலை-2915796.html
2915758 வேலைவாய்ப்பு அரசுப் பணிகள் இந்தியாவில் அரசாங்க வேலை வேண்டுமா? இதைப் படியுங்கள் முதலில் Tuesday, May 8, 2018 05:42 PM +0530  

ஏதோ ஒரு காரணத்திற்காக,  நீங்கள் இந்தியாவுக்கு குடிபெயர்ந்து, இங்கு உங்களுக்கான ஒரு தொழிலை அல்லது வேலையைத் தேட முயற்சிக்கிறீர்கள் எனில் தொடர்ந்து இந்தக் கட்டுரையைப் படியுங்கள்.

இந்தியாவில் அரசாங்க வேலை வாய்ப்புகள் சமீபத்தில் அதிகரித்து வருகின்றன, உங்களுடைய திறமைக்கேற்ற வகையில் விருப்பமான வேலை எதுவென தேடிக் கண்டுபிடிப்பதும் சுலபம் தான். ஆனாலும், வெளிநாடுகளுக்குச் செல்லும்போது இத்தகைய ​​செயல்முறைகள் நடைமுறை என வரும்போது அத்தனை சுலபமானவை அல்ல என்பதை நீங்கள் புரிந்து கொள்ள வேண்டும். ஆனால் இது மன அழுத்தம் தருமளவுக்கு பெரிய பிரச்னை இல்லை. உங்களின் வேலை சார்ந்த தேடலை சற்று எளிமையாக்கவும், உங்கள் வாழ்க்கையின் குறிக்கோள்கள் மற்றும் கனவுகளை துரத்திப் பிடிக்கவும் பின்வரும் குறிப்புகள் பயன்படலாம்.

உங்களுக்கான துறையை தேர்வு செய்யவும்

நீங்கள் அரசாங்க வேலைகளை தேடும்போது, உங்களுக்கு பல்வேறு வாய்ப்புகள் உள்ளன.  எனவே உங்களுக்கு விருப்பமான துறை எதுவென தெரிவு செய்தபின், அவற்றிலிருந்து சிலவற்றை தேர்ந்தெடுத்துக் கொள்ளுங்கள். அவற்றுள் உங்கள் திறமைக்கு எது மிகச் சிறந்தது என தீர்மானித்துக் கொள்ளுங்கள். இந்திய நிர்வாக சேவைகள் இந்திய வருவாய் சேவைகள் அல்லது ஐஆர்எஸ் போன்ற பணிகளுக்கு, உங்கள் கல்வித் தகுதிகள் பொருந்துகிறது எனில், அந்தந்த அரசு வேலைகளுக்கு நீங்கள் விண்ணப்பிக்கலாம். இந்த வேலைகள் ஒருவர் விரும்பும் வாழ்க்கை முறையைப் பெற்றுத் தருவதுடன் அவரது சமூக அந்தஸ்து மற்றும் வாழ்க்கை தரத்தை உயர்த்திவிடும். எனவே நீங்கள் விரும்பும் வேலைக்கான வாய்ப்புகளை தெரிவு செய்து, உங்கள் நிபுணத்துவத்திற்கு ஏற்றவகையில் பொருத்தமான வேலை வாய்ப்பு ஒன்றை கண்டுபிடித்துவிடுங்கள். அதன் பின்னர், நீங்கள் அடுத்து என்ன செய்ய வேண்டும் என்பதைப் பார்க்கலாம்.

விசா தேவைகள் என்னென்னவென்று முதலில் ஆய்வு செய்யவும்

நீங்கள் கவனம் செலுத்த வேண்டிய மிக முக்கியமானவற்றில் ஒன்று, விசா பெற என்னென்ன தேவை என்பதை ஆராய்ச்சி செய்து தெரிந்து கொள்வதுதான். ஏனென்றால், இந்தியாவில் நீங்கள் குடிபெயர திட்டமிடுகிறீர்கள், அல்லது அடிக்கடி பயணம் மேற்கொள்ள வேண்டியிருக்கிறது என்றாலும், அதற்கான முறையான விசாவிற்கு நீங்கள் விண்ணப்பிக்க வேண்டும். இதற்கான விசா நடைமுறைகளை​ முன்கூட்டியே தெரிந்து வைத்துக் கொள்வது மிகவும் முக்கியம். அதிர்ஷ்டவசமாக, உங்களுக்குத் தேவையான அனைத்து விதமான தகவல்களையும் பெற மிக எளிய வழிமுறை உள்ளது. அதுதான் இணையம். உங்களுக்குத் தேவையான அத்தனை விபரங்களையும் ஆன்லைனில் தேடலாம். உங்கள் இந்தியா விசாவை எத்தனை விரைவாக ஆன்லைனில் விண்ணப்பிக்கிறீர்களோ, அத்தனை விரைவாக உங்கள் வேலை எளிதாக முடிந்துவிடும் என்று நம்பலாம். இந்த சுட்டியில் மேற்சொன்ன விபரங்களை பெறலாம் - இந்திய விசா

சிறந்த வேலைகளைப் பற்றிய விளம்பரங்களைப் பற்றி தெரிந்து கொள்ளுங்கள்

செய்தித்தாள்களிலிருந்து உள்ளூர் விளம்பரங்கள், இணையதளங்கள் என வேலை வாய்ப்புகள் பல்வேறு வழிகளில் விளம்பரப்படுத்தப்படுகின்றன. இதில் நீங்கள் செய்ய வேண்டியது உங்களுக்கு ஏற்ற வேலைக்கான அறிவிப்புகளை தொடர்ந்து படித்து வருவதுதான். உள்ளூர் பத்திரிகைகளில் வேலை வாய்ப்பு பிரிவுகளைப் படித்து, சரி பார்த்து அதன் பின்பு மிகவும் நம்பகமான வேலைவாய்ப்பு இணையதளங்களை அணுகவும். நீங்கள் விரும்பும் வேலை பற்றிய அறிவிப்பு வெளிவர சிறிது காலம் ஆகலாம், எனவே அது வெளியிடப்படும் வரை தினமும் அது குறித்த செய்திகள் ஏதாவது உள்ளதா என்று படித்து வாருங்கள். காரணம் நீங்கள் அதை அப்படியே கிடப்பில் போட்டுவிட்டு வேறு விஷயங்களில் கவனம் செலுத்தினால் அது கைவிட்டுப் போய்விடும். மேலும் அரசு வேலைகள் உடனுக்கு உடன் நிரப்பப்பட்டுவிடும் என்பதையெல்லாம் நினைவில் கொண்டு தாமதிக்காமல் வேகமாக செயல்படுங்கள்.

துல்லியமான தகவல்களுடன் படிவங்களை நிரப்பவும்

நீங்கள் தேடுவது அரசாங்க வேலை என்பதால், அதற்கு விண்ணப்பிக்கும் செயல்முறைகள், மற்ற வேலைகளுக்கான விண்ணப்பங்களை பூர்த்தி செய்வதைக் காட்டிலும் சிக்கலானது. விரிவான அந்தப் படிவங்களை முதலில் முழுவதுமாகப் படித்துவிடுங்கள். அதன் பின்னரே பூர்த்தி செய்யத் தொடங்குங்கள். காரணம் அப்போதுதான் மிகவும் துல்லியமாகவும் கவனமாகவும் அப்படிவத்தை நிறைவு செய்ய முடியும். உங்களுடைய சிறிய பிழை கூட அந்த வேலை கிடைப்பதற்கான வாய்ப்புக்கு உலை வைத்துவிடலாம்.  எனவே  கேட்கப்பட்ட சான்றிதழ்களின் பிரதிகளை எவ்வாறு, எப்படி இணைக்க வேண்டும் முதலான தகவல்களை நன்றாகப் படித்து பின்பற்றவும். மேலும்,  நேர்காணலுக்கு நீங்கள் அழைக்கப்பட்டிருந்தால், உங்கள் முன்கூட்டியே நன்றாக தயார் செய்து கொள்ளுங்கள்.

அனுபவமே சிறந்த ஆசான்

கடைசியாக ஒரு விஷயம், இந்த செயல்பாடுகள் முழுவதிலும், நீங்கள் நேர்மறையான அணுகுமுறை கொண்டிருக்க வேண்டும். அற்புதமான வேலை வாய்ப்புகளுடன் இந்தியா உங்களை வரவேற்கிறது எனும்போது முதலில் இச்சுழலில் உங்களைப் பொருத்திக் கொள்ள நீங்கள் தடுமாறலாம். ஆனாலும் இந்தப் பயணத்தில் கூடுமானவரை நேர்மறையான மனநிலையில் இருங்கள். இந்தியாவின் கலாச்சாரத்தைப் பற்றிப் படித்து தெரிந்து கொள்ளுங்கள். ஊடகங்களின் மூலம் செய்திகளைப் படித்தும் பார்த்தும் அங்குள்ள நிலவரத்தை தெரிந்து கொள்ளுங்கள். மேலும் உங்களுக்கு ஏற்ற நண்பர்களை தேடிக் கொள்ள தயாராக இருங்கள்.  இது உங்கள் புதிய வேலை மற்றும் வாழ்க்கைக்கான மாற்றத்திற்கு உண்மையாகவே உதவும்.

உங்கள் வேலை வேட்டை தொடங்குவதற்கு முன்னால், ஒரு சில விவரங்களை தெரிந்து வைத்திருப்பது முக்கியம்.  இந்தியாவில் குடிபெயரும் உங்கள் முடிவானது சில பொறுப்புகளை உள்ளடக்கியிருக்கிறது. வெளிநாட்டில் வேலை கிடைப்பது உங்கள் சொந்த நாட்டில் பெறுவது போன்றது அல்ல. உங்கள் ஒட்டுமொட்ட வாழ்க்கையிலும் அது ஒரு திருப்புமுனை. புதிய இடத்தைப் பற்றிய முழுமையான அறிதலும், மாற்றத்துக்கான மனப்பக்குவமும் நீங்கள் கொண்டிருக்க வேண்டும். வாழ்வியல் முறையில் தொடங்கும் வித்தியாசம் எல்லா விஷயங்களிலும் தொடரும். எனவே மேற்சொன்ன வழிகாட்டுதல்களை மனத்தில் வைத்து,  உங்கள் பயணத்தை இனிதாக்கிக் கொள்ளுங்கள். வெற்றி உங்களுக்கே!

]]>
visa, வேலை வாய்ப்பு, விசா, job in Indian, job opportunities, Indian jobs, இந்தியாவில் வேலை, அரசு வேலை http://images.dinamani.com/uploads/user/imagelibrary/2018/5/8/w600X390/job.jpg http://www.dinamani.com/employment/goverment-jobs/2018/may/08/pursuing-a-career-in-india---tips-on-finding-and-getting-a-government-job-2915758.html
2889748 வேலைவாய்ப்பு அரசுப் பணிகள் குரூப் சி பணி: முன்னாள் படை வீரர்கள் கவனத்துக்கு... DIN DIN Thursday, March 29, 2018 11:30 AM +0530 திருவாரூர் மாவட்டத்தைச் சேர்ந்த முன்னாள் படைவீரர்கள், குரூப் சி பணிகளுக்கு விண்ணப்பிக்க வரைமுறைகள் வெளியாகியுள்ளன.

இதுகுறித்து திருவாரூர் மாவட்ட ஆட்சியர் இல. நிர்மல்ராஜ் வெளியிட்ட செய்திக் குறிப்பு: 10-ஆம் வகுப்பு அல்லது மெட்ரிகுலேஷன் தேர்ச்சியுடன், ராணுவப் பணியில் 15 ஆண்டுகள் முடித்து, ஆர்மி ஸ்பெஷல் சர்டிபிகேட் அல்லது கடற்படையிலோ, விமானப் படையிலோ கரஸ்பாண்டிங் சான்றிதழ் பெற்ற முன்னாள் படைவீரர்கள், பட்டப்படிப்பு தகுதிக்கு நிகரான ரிசர்வ்டு காலியிட குரூப் சி பணியிடங்களுக்கு விண்ணப்பிக்கத் தகுதி படைத்தவர்கள் என தமிழக அரசால் ஜன.23-இல் அரசாணை வழங்கப்பட்டுள்ளது. 

அதன்படி, திருவாரூர் மாவட்டத்தைச் சேர்ந்த தகுதியுள்ள முன்னாள் படைவீரர்கள், இத்தகைய பணியிடங்களுக்கு விண்ணப்பிக்கலாம். மேலும் இது தொடர்பான கூடுதல் விவரங்களுக்கு உதவி இயக்குநர், முன்னாள் படைவீரர் நல அலுவலகம், திருவாரூர் என்ற முகவரியில் நேரிலோ அல்லது 04366-220210 தொலைபேசியிலோ தொடர்பு கொள்ளலாம் என தெரிவித்துள்ளார்.
 

]]>
http://images.dinamani.com/uploads/user/imagelibrary/2018/3/29/w600X390/fs.jpg http://www.dinamani.com/employment/goverment-jobs/2018/mar/29/குரூப்-சி-பணி-முன்னாள்-படை-வீரர்கள்-கவனத்துக்கு-2889748.html
2889747 வேலைவாய்ப்பு அரசுப் பணிகள் தமிழ்நாடு சுற்றுலாத்துறை கழகத்தில் வேலை!  DIN DIN Thursday, March 29, 2018 11:27 AM +0530 தமிழ்நாடு சுற்றுலாத்துறை மேம்பாட்டுக்க கழகத்தில் பல்வேறு பணியிடங்களை நிரப்புவதற்கான அறிவிப்புகள் வெளியாகியுள்ளது. 

இதன்படி, Receptionist (Hotels), Electrician (Hotels), Plumber (Hotels), Luxury Coach Driver (Garage), Staff Car Driver (Garage), Mechanic (Garage), Electrician (Garage), Store Keeper (Technical), Steno -Typist (Head Office), Junior Assistat (HeadOffice), Accounts Assistant (Hotels), Typist(Head Office), Telephone Operator (HeadOffice), Electrician(Head Office)– Engineering wing, Technical Assistant (Civil/Electrical),Office Assistant (Head Office) என மொத்தம் 65 காலிப்பணியிடங்களுக்கு அழைப்பு விடுக்கப்பட்டுள்ளது.

பூர்த்தி செய்த விண்ணப்பங்களை சமர்ப்பிப்பதற்கான கடைசி தேதி: 5.4.2018 

மேலும் விபரங்களுக்கு; http://www.tamilnadutourism.org/pdf/Applicationform.pdf என்ற லிங்கை கிளிக் செய்து தெரிந்துகொள்ளவும்

]]>
http://images.dinamani.com/uploads/user/imagelibrary/2018/3/29/w600X390/tm.jpg http://www.dinamani.com/employment/goverment-jobs/2018/mar/29/தமிழ்நாடு-சுற்றுலாத்துறை-கழகத்தில்-வேலை-2889747.html
2889743 வேலைவாய்ப்பு அரசுப் பணிகள் கிராம உதவியாளர் பணியிடங்கள்: விண்ணப்பங்கள் வரவேற்பு Thursday, March 29, 2018 11:15 AM +0530 நாகை மாவட்டம், திருக்குவளை வட்டத்துக்குள்பட்ட கிராமங்களில் காலியாக உள்ள 4 கிராம உதவியாளர் பணியிடங்களுக்குத் தகுதியானோர் விண்ணப்பிக்கலாம் என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார்.

இதுகுறித்து அவர் வெளியிட்ட செய்திக் குறிப்பு : 
நாகை மாவட்டம், திருக்குவளை வட்டத்துக்குள்பட்ட கிராமங்களில் காலியாக உள்ள 4 கிராம உதவியாளர் பணியிடங்கள் இனசுழற்சி அடிப்டையில் நிரப்பப்படவுள்ளன.

பிற்படுத்தப்பட்டோர் - முன்னுரிமையற்றவர், பிற்படுத்தப்பட்டோர் முஸ்லிம்கள் - முன்னுரிமைப் பெற்றவர் பிரிவு, தாழ்த்தப்பட்ட வகுப்பினர் - முன்னுரிமையற்றவர் ஆகிய இனசுழற்சி அடிப்படையில் இப்பணியிடங்கள் நிரப்பப்படவுள்ளன.

பிற்படுத்தப்பட்டோர், மிகவும் பிற்படுத்தப்பட்டோர் மற்றும் சீர்மரபினர், ஆதிதிராவிடர் மற்றும் பழங்குடியினருக்கான வயது வரம்பு 21 முதல் 35 வரை. இதர வகுப்பினருக்கான வயது வரம்பு 21 முதல் 30 வரை. விண்ணப்பதாரருக்கு மிதிவண்டி ஓட்டத் தெரிந்திருக்க வேண்டும். திருக்குவளை வட்டத்துக்குள்பட்ட பகுதிகளில் வசிப்பவர்களாக இருக்க வேண்டும்.

தகுதியானோர், குறைந்தபட்ச கல்வித் தகுதிக்கான சான்று நகல், சாதிச் சான்று நகல், இருப்பிடச் சான்று நகல், வருமானச் சான்று நகல், முன்னுரிமை கோருவதற்கான சான்று நகல், வேலைவாய்ப்பு அலுவலகப் பதிவு அட்டை நகல், குடும்ப அட்டை மற்றும் ஆதார் அட்டை நகல் ஆகியவற்றை இணைத்து ஏப். 10 -ஆம் தேதி மாலை 5 மணிக்குள் திருக்குவளை வட்டாட்சியருக்குக் கிடைக்குமாறு நேரில் அல்லது அஞ்சலில் விண்ணப்பிக்கலாம் என ஆட்சியர் தனது செய்திக் குறிப்பில் தெரிவித்துள்ளார்.

]]>
http://images.dinamani.com/uploads/user/imagelibrary/2018/3/29/w600X390/jobs.jpg http://www.dinamani.com/employment/goverment-jobs/2018/mar/29/கிராம-உதவியாளர்-பணியிடங்களுக்கு-விண்ணப்பிக்கலாம்-2889743.html
2853970 வேலைவாய்ப்பு அரசுப் பணிகள் இந்தோ-திபெத்திய எல்லைப் பாதுகாப்புப் படையில் வேலை Tuesday, January 30, 2018 10:46 AM +0530 இந்திய-திபெத்திய எல்லைப் பாதுகாப்புப் படையில் கான்ஸ்டபிள், ஹெட் கான்ஸ்டபிள் காலிப் பணியிடங்களுக்கான அறிவிப்பு வெளியாகியுள்ளது.
பதவி: Head Constable (Motor Mechanic)
காலியிடங்கள்: 60
கல்வித் தகுதி: பிளஸ்டூ முடித்திருக்க வேண்டும். மோட்டார் மெக்கானிக் துறையில் ஐ.டி.ஐ. சான்றிதழுடன் மூன்று ஆண்டுகள் பணி அனுபவம் பெற்றிருக்க வேண்டும் அல்லது ஆட்டோமொபைல் இன்ஜினியரிங் துறையில் மூன்றாண்டுகள் டிப்ளமோ முடித்திருக்க வேண்டும்.
பதவி: Constable (Motor Mechanic)
காலியிடங்கள்: 181
கல்வித் தகுதி: பிளஸ் டூ முடித்திருக்க வேண்டும். மோட்டார் மெக்கானிக் துறையில் ஐ.டி.ஐ. சான்றிதழுடன் மூன்றாண்டுகள் பணி அனுபவம் பெற்றிருக்க வேண்டும்.
வயது வரம்பு: 18 வயதிலிருந்து 25 வயதுக்குள் இருக்க வேண்டும்.
உடல் தகுதி: உயரம் 170 செ.மீ. இருக்க வேண்டும். மார்பளவு 80 செ.மீ. இருக்க வேண்டும். 85 செ.மீ.க்கு விரிவடைய வேண்டும்.
தேர்ந்தெடுக்கப்படும் முறை: உடல் தகுதி தேர்வு, எழுத்துத் தேர்வு, சான்றிதழ்கள் பரிசோதனை, மருத்துவத் தேர்வு ஆகியவற்றின் அடிப்படையில் விண்ணப்பத்தாரர்கள் தேர்ந்தெடுக்கப்படுவார்கள்.
விண்ணப்பிக்கும் முறை: http://recruitment.itbpolice.nic.in/ என்ற இணையதளத்தில் உரிய சான்றிதழ்களைப் பதிவேற்றி, ஆன்லைன் மூலமாக விண்ணப்பிக்க வேண்டும்.
விண்ணப்பக் கட்டணம்: ரூ.100/- ஆன்லைன் மூலமாக செலுத்த வேண்டும்.
மேலும் விவரங்களுக்கு: http://recruitment.itbpolice.nic.in/statics/news என்ற இணையதளத்தைப் பாருங்கள்.
விண்ணப்பிக்க கடைசித் தேதி: 07-02-2018.
தொகுப்பு: பிரவீண் குமார்

]]>
http://images.dinamani.com/uploads/user/imagelibrary/2018/1/30/w600X390/army.jpg http://www.dinamani.com/employment/goverment-jobs/2018/jan/30/இந்தோ-திபெத்திய-எல்லைப்-பாதுகாப்புப்-படையில்-வேலை-2853970.html
2849851 வேலைவாய்ப்பு அரசுப் பணிகள் பாரத ஸ்டேட் வங்கியில் வேலை Tuesday, January 23, 2018 12:48 PM +0530 பாரத ஸ்டேட் வங்கியில் 50 துணை மேலாளர் பதவிக்கான அறிவிப்பு வெளியாகியுள்ளது. 
பதவி: துணை மேலாளர் (இண்டர்னல் ஆடிட்)
காலியிடங்கள்: 50
வயது வரம்பு: 21 வயதிலிருந்து 35 வயதுக்குள் இருக்க வேண்டும்.
கல்வித் தகுதி: CA படிப்பில் தேர்ச்சி பெற்றிருக்க வேண்டும். குறைந்தபட்சம் 2 ஆண்டுகள் பணி அனுபவம் பெற்றிருக்க வேண்டும்.
விண்ணப்பிக்கும் முறை: https://bank.sbi/careers or https://www.sbi.co.in/careers என்ற இணையதளத்தில் ஆன்லைன் மூலம் உரிய சான்றிதழ்களைப் பதிவேற்றி, விண்ணப்பிக்க வேண்டும்.
தேர்வு முறை: எழுத்துத் தேர்வு, நேர்முகத் தேர்வு, குழு கலந்துரையாடல் மூலமாக தகுதியான நபர்கள் தேர்ந்தெடுக்கப்படுவார்கள்.
விண்ணப்பக் கட்டணம்: ரூ.600 (எஸ்.சி. எஸ்.டி., மாற்றுத் திறனாளிகளுக்கு ரூ.100)- ஆன்லைன் மூலம் மட்டுமே செலுத்த வேண்டும்.
மேலும் விவரங்களுக்கு: https://www.sbi.co.in/webfiles/uploads/files/1514977311322_CRPD_SCO_ENG_18.pdf என்ற இணையதளத்தைப் பாருங்கள்.
விண்ணப்பிக்க கடைசித் தேதி: 28-01-2018.

]]>
http://images.dinamani.com/uploads/user/imagelibrary/2017/10/1/w600X390/sbi.JPG http://www.dinamani.com/employment/goverment-jobs/2018/jan/23/பாரத-ஸ்டேட்-வங்கியில்-வேலை-2849851.html
2849843 வேலைவாய்ப்பு அரசுப் பணிகள் தமிழ்நாடு காவல்துறையில் வேலை Tuesday, January 23, 2018 11:40 AM +0530 இரண்டாம் நிலை காவலர் பணியிடங்களுக்கான அறிவிப்பு வெளியிடப்பட்டுள்ளது.
பதவி: இரண்டாம் நிலை காவலர் (மாவட்ட/ மாநகர ஆயுதப் படை)
காலியிடங்கள்: 5538
பதவி: இரண்டாம் நிலை சிறைக் காவலர்
காலியிடங்கள்: 365
பதவி: தீயணைப்போர்
காலியிடங்கள்: 237
மூன்று பதவிகளுக்கும் கல்வித் தகுதி: 10-ஆம் வகுப்பு தேர்ச்சி பெற்றிருக்க வேண்டும். தமிழை ஒரு மொழிப் பாடமாக எடுத்துப் படித்திருக்க வேண்டும் அல்லது பணியில் சேர்ந்த இரண்டாண்டுகளுக்குள் தமிழ்நாடு அரசுப்பணி தேர்வாணையத்தால் நடத்தப்படும் இரண்டாம் நிலை தமிழ்த் தேர்வில் வெற்றி பெற வேண்டும்.
வயது வரம்பு: 18 வயதிலிருந்து 24 வயதுக்குள் இருக்க வேண்டும். SC/ST பிரிவினருக்கு உச்சபட்ச வயது வரம்பில் தளர்வு உண்டு.
உடல் தகுதி: ஆண்கள் குறைந்தது 170 செ.மீ. உயரமும், பெண்கள் மற்றும் மூன்றாம் பாலினத்தவர்கள் 159 செ.மீ. உயரமும் இருக்க வேண்டும்.
விண்ணப்பிக்கும் முறை: www.tnusrbonline.org என்ற இணையதளத்தில் உரிய சான்றிதழ்களுடன் ஆன்லைன் மூலம் விண்ணப்பிக்க வேண்டும். எழுத்துத் தேர்வு, உடல் தகுதித் தேர்வு, நேர்முகத் தேர்வு மூலமாக விண்ணப்பதாரர்கள் தேர்ந்தெடுக்கப்படுவார்கள். இத்தேர்வுக்கு விண்ணப்பிக்கும் விண்ணப்பதாரர்கள் ஏற்கனவே அரசுப்பணியிலிருந்தால், அவர்கள் பணிபுரியும் அலுவலக தலைவருக்கு விண்ணப்பம் சமர்ப்பிக்கும் விவரத்தினை தெரிவித்திட வேண்டும்.
தேர்வுக் கட்டணம்: ரூ. 130. இந்தக் கட்டணத்தை ஆன்லைன் மூலமாகவோ, அஞ்சலகங்களில் இ-பேமண்ட் முறையிலோ செலுத்த வேண்டும். (அஞ்சலகங்களில் செலுத்த கடைசித் தேதி: 31-01-2018).
மேலும் விவரங்களுக்கு: http://www.tnusrbonline.org/pdfs/Notification%20CR%202017-18.pdf என்ற இணையதளத்தைப் பாருங்கள்.
விண்ணப்பிக்க கடைசித் தேதி: 27-01-2018.

]]>
http://images.dinamani.com/uploads/user/imagelibrary/2017/12/29/w600X390/TNPolice.jpg http://www.dinamani.com/employment/goverment-jobs/2018/jan/23/தமிழ்நாடு-காவல்துறையில்-வேலை-2849843.html
2846091 வேலைவாய்ப்பு அரசுப் பணிகள் வேலைவாய்ப்பற்றோர் உதவித் தொகைக்கு விண்ணப்பங்கள் வரவேற்பு DIN DIN Wednesday, January 17, 2018 12:05 PM +0530 வேலைவாய்ப்பற்றோர் உதவித் தொகைப் பெற வேலூர் மாவட்ட இளைஞர்களிடம் இருந்து  விண்ணப்பங்கள் வரவேற்கப்படுவதாக ஆட்சியர் எஸ்.ஏ.ராமன் தெரிவித்துள்ளார். 

இதுகுறித்து அவர் வெளியிட்டுள்ள செய்திக் குறிப்பு:  தமிழகத்தில் படித்துவிட்டு வேலைவாய்ப்பு அலுவலகத்தில் பதிவு செய்து, எவ்வித வேலைவாய்ப்புமின்றி காத்திருக்கும் இளைஞர்களுக்கு தமிழக அரசு சார்பில் மாதந்தோறும் உதவித் தொகை வழங்கப்படுகிறது. 

இத்திட்டத்தின் கீழ் நடப்புக் காலாண்டுக்கு பயன்பெற  2012 அக்டோபர் 1 முதல் 2012 டிசம்பர் 31-ஆம் தேதி வரை வேலைவாய்ப்பு அலுவலகத்தில் பதிவு செய்து 5 ஆண்டுகளான பட்டதாரிகள், பிளஸ் 2, பத்தாம் வகுப்பு தேர்ச்சி பெற்ற, பிளஸ் 2 தேர்ச்சி பெறாத இளைஞர்கள் விண்ணப்பிக்கலாம். இதற்கான படிவத்தை மாற்றுச் சான்றிதழ் உள்ளிட்ட அனைத்து அசல் கல்விச் சான்றுகளுடன் மாவட்ட வேலைவாய்ப்பு அலுவலகத்துக்கு நேரில் சென்று பெற்றுக் கொள்ளலாம்.

ஏற்கெனவே உதவித் தொகை பெற்று வருபவர்கள் இரண்டாம், மூன்றாம் ஆண்டின் தொடக்கத்தில் பணியில் இல்லை என்ற சுய உறுதி மொழிப்படிவத்தை அளிக்க  வேண்டும். அவ்வாறு உறுதிமொழிப் படிவம் அளிக்காதவர்களுக்கு உதவித் தொகை நிறுத்தப்படும். மேலும், வேலைவாய்ப்பற்றோர் உதவித் தொகை பெற்று வரும் பயனாளிகள் தங்களது வேலைவாய்ப்புப் பதிவு அட்டையை உரிய காலத்தில் புதுப்பித்து வர வேண்டும்.

]]>
http://images.dinamani.com/uploads/user/imagelibrary/2018/1/17/w600X390/unemployment.jpg http://www.dinamani.com/employment/goverment-jobs/2018/jan/17/வேலைவாய்ப்பற்றோர்-உதவித்-தொகைக்கு-விண்ணப்பங்கள்-வரவேற்பு-2846091.html
2846089 வேலைவாய்ப்பு அரசுப் பணிகள் போட்டித் தேர்வுகள்: வேலைவாய்ப்பு அலுவலகத்தில் இலவசப் பயிற்சி Wednesday, January 17, 2018 11:59 AM +0530 தமிழ்நாடு அரசுப் பணியாளர் தேர்வாணையம் மற்றும் சீருடைப் பணியாளர் தேர்வு வாரியம் மூலம் நடைபெற உள்ள போட்டித் தேர்வுகளில் சிவகங்கை மாவட்டத்தைச் சேர்ந்த இளைஞர்கள் வெற்றி பெறும் வகையில் மாவட்ட வேலைவாய்ப்பு அலுவலகத்தில் இலவசப் பயிற்சி வகுப்புகள் தொடங்கப்பட உள்ளது.

இதுகுறித்து சிவகங்கை மாவட்ட வேலைவாய்ப்பு நல அலுவலர் ம.பேச்சியம்மாள் வெளியிட்டுள்ள செய்திக் குறிப்பு: 
சிவகங்கை மாவட்ட வேலைவாய்ப்பு அலுவலகத்தில் இளைஞர்கள் படித்து பயன்பெறும் வகையில் தன்னார்வப் பயிலும் வட்டம் என்ற பயிற்சி மையம் இயங்கி வருகிறது. இப்பயிற்சி மையத்தின் மூலமாக பல்வேறு வகையான போட்டித் தேர்வுகளுக்கு இலவசப் பயிற்சி வகுப்புகள் நடத்தப்பட்டு வருகின்றன.  

போட்டித் தேர்வுகளில் பங்கு பெற தேவையான பல்வேறு புத்தகங்கள், மாதாந்திர இதழ்கள் மற்றும் பத்திரிகைகள் அடங்கிய நூலகம் ஒன்றும் செயல்பட்டு வருகிறது. இந்நிலையில் அண்மையில், தமிழ்நாடு அரசு தேர்வாணயம் மற்றும் தமிழ்நாடு சீருடைப் பணியாளர் தேர்வு வாரியம் மூலமாக பணியாளர்கள் தேர்வு செய்யப்பட உள்ளனர்.

இப்பணியிடங்களுக்கு நடைபெறும் தேர்வுகளுக்கான இலவசப் பயிற்சி வகுப்புகள் சிவகங்கை மாவட்ட வேலைவாய்ப்பு அலுவலகத்தின் தன்னார்வப் பயிலும் வட்டம் மூலமாக வரும் (ஜன.20) சனி மற்றும் ஞாயிற்றுக்கிழமைகளில் காலை 10 மணி முதல் மாலை 5 மணி வரை உரிய திட்டநிரல் மற்றும்  கால அட்டவணைப்படி நடத்திட திட்டமிடப்பட்டுள்ளது. பயிற்சி வகுப்புகளின் போது பாடக் குறிப்புகள் வழங்கப்பட்டு மாதிரி தேர்வுகளும் அவ்வப்போது நடத்தப்படும்.

இப்பயிற்சி வகுப்பில் கலந்து கொள்ள விரும்புவோர் அலுவலக வேலை நாளில் மாவட்ட வேலைவாய்ப்பு அலுவலகத்தை அணுகி தங்களது விருப்பக் கடிதத்தினை சமர்ப்பித்து பயிற்சி வகுப்புகளில் கலந்து கொள்ளலாம். மேலும் விவரங்கள் அறிய 04575-240435 என்ற எண்ணில் தொடர்பு கொள்ளலாம் எனக் குறிப்பிடப்படப்பட்டுள்ளது.
 

]]>
http://images.dinamani.com/uploads/user/imagelibrary/2018/1/17/w600X390/tnpsc.jpg http://www.dinamani.com/employment/goverment-jobs/2018/jan/17/போட்டித்-தேர்வுகள்-வேலைவாய்ப்பு-அலுவலகத்தில்-இலவசப்-பயிற்சி-2846089.html
2839637 வேலைவாய்ப்பு அரசுப் பணிகள் 3,235 காலி பணியிடங்களுக்கு தேர்வு: டிஎன்பிஎஸ்சி அறிவிப்பு Saturday, January 6, 2018 09:44 AM +0530 நிகழாண்டில் 3, 235 காலியிடங்களுக்கு எழுத்துத் தேர்வு நடத்தப்பட இருப்பதாக, தமிழ்நாடு அரசுப் பணியாளர் தேர்வாணையம் (டிஎன்பிஎஸ்சி) அறிவித்துள்ளது.

ஒவ்வொரு ஆண்டும் அரசுத் துறைகளில் எவ்வளவு காலிப் பணியிடங்கள் உள்ளன என்பது பற்றியும், அந்த இடங்களுக்கு எப்போது எழுத்துத் தேர்வு நடத்தப்பட இருக்கிறது என்பது குறித்தும் டி.என்.பி.எஸ்.சி., அறிவிப்பு வெளியிட்டு வருகிறது. இந்த ஆண்டுக்கான தேர்வுத் திட்டம் குறித்த அறிவிப்பு வெள்ளிக்கிழமை (ஜன. 5) வெளியிடப்பட்டது. 

இதுகுறித்து டிஎன்பிஎஸ்சி வெளியிட்ட தகவல்:
நிகழாண்டில் மொத்தம் 3,235 காலியிடங்களுக்கு தேர்வுகள் நடத்தப்பட உள்ளன. தேர்வாணையத்தால் வெளியிடப்படும் இந்தத் தேர்வு கால அட்டவணை என்பது தேர்வுக்காக படித்துக் கொண்டிருக்கும் விண்ணப்பதாரர்களுக்கு முன்கூட்டியே தெரிவிக்கும், தோராயமான பட்டியலாகும். இந்தப் பட்டியல் முற்றிலும் தாற்காலிகமானது மற்றும் மாறுதலுக்கு உட்பட்டது.

குரூப் 2 தேர்வுக்கு மட்டும்: தலைமைச் செயலக உதவிப் பிரிவு அலுவலர் போன்ற முக்கிய பணியிடங்கள் குரூப் 2 பிரிவின்கீழ் வருகின்றன. இதேபோன்று குரூப் 2 பிரிவில் மட்டும் 1,547 இடங்கள் காலியாக உள்ளன. நிகழாண்டில் (2018) துறை வாரியாக உள்ள காலியிடங்கள், அவற்றுக்கு தேர்வு நடத்தப்படவுள்ள உத்தேச தேதி உள்ளிட்ட விவரங்கள் அனைத்தும்  (www.tnpsc.gov.in)  என்ற இணையதளத்தில் வெளியிடப்பட்டுள்ளது என டிஎன்பிஎஸ்சி தெரிவித்துள்ளது.

]]>
http://images.dinamani.com/uploads/user/imagelibrary/2016/8/10/w600X390/tnpsc.jpg http://www.dinamani.com/employment/goverment-jobs/2018/jan/06/3235-காலி-பணியிடங்களுக்கு-தேர்வு-டிஎன்பிஎஸ்சி-அறிவிப்பு-2839637.html
2693398 வேலைவாய்ப்பு அரசுப் பணிகள் ஆசிரியர் தகுதித் தேர்வு முதல் தாள்: கடினமான உளவியல், எளிதான கணிதம்: இன்று பட்டதாரி ஆசிரியர்களுக்கான தேர்வு Sunday, April 30, 2017 01:09 AM +0530 தமிழகம் முழுவதும் சனிக்கிழமை (ஏப்.29) நடைபெற்ற இடைநிலை ஆசிரியர் தகுதித் தேர்வு முதல் தாளை 2.7 லட்சம் பேர் எழுதினர். குழந்தைகளுக்கான உளவியல் பகுதி வினாக்கள் கடினமாகவும் கணிதம், தமிழ் பகுதி வினாக்கள் எளிதாக இருந்ததாகவும் தேர்வர்கள் தெரிவித்தனர்.
முதல் வகுப்பு முதல்...: தமிழகத்தில் ஆசிரியர் தகுதித் தேர்வு சனிக்கிழமை தொடங்கியது. முதல் வகுப்பு முதல் 5-ஆம் வகுப்பு வரை பணியாற்றுவதற்கான இடைநிலை ஆசிரியர் பணிக்கான (முதல் தாள்) தேர்வு நடைபெற்றது. இதற்கு கல்வித் தகுதி ஆசிரியர் பட்டயப் பயிற்சி முடித்திருக்க வேண்டும்.
இத்தேர்வுக்காக தமிழகத்தில் 598 மையங்களில் 2 லட்சத்து 37 ஆயிரம் பேர் தேர்வு எழுதினர். காலை 10 மணிக்குத் தொடங்கிய தேர்வுக்கு அரை மணி நேரத்துக்கு முன் தேர்வு எழுதுபவர்கள் மையத்துக்குள் அனுமதிக்கப்பட்டனர்.
செல்லிடப்பேசி, கால்குலேட்டர், கைக்குட்டை போன்றவற்றைத் தேர்வர்கள் எடுத்துச் செல்லத் தடை விதிக்கப்பட்டது. இதனால் தீவிர சோதனைக்குப் பிறகே தேர்வு எழுத அனுமதிக்கப்பட்டனர். முறைகேடுகளைத் தடுக்க பறக்கும் படை, கண்காணிப்புக் குழு அமைக்கப்பட்டிருந்தது.
மாவட்ட ஆட்சியர் ஆய்வு:சென்னை மாவட்டத்தில் அண்ணாநகரில் உள்ள அண்ணா ஆதர்ஷ் மெட்ரிகுலேஷன் பள்ளித் தேர்வு மையத்தை மாவட்ட ஆட்சியர் வெ.அன்புச்செல்வன் பார்வையிட்டார்.
அசோக்நகர், கோடம்பாக்கம் அரசு மேல்நிலைப் பள்ளிகளில் அனைவருக்கும் இடைநிலைக் கல்வி இயக்குநர் எஸ்.கண்ணப்பன் ஆய்வு மேற்கொண்டார். சென்னை மாவட்டத்தில் தேர்வு எழுத அனுமதிக்கப்பட்ட 10,147 பேரில் 9,657 பேர் தேர்வெழுதினர்.
அசோக்நகர் அரசு மேல்நிலைப்பள்ளியில் தேர்வெழுதிய என்.பிரபாகரன், எஸ்.கோகிலா உள்ளிட்டோர் கூறியது:
தமிழ், ஆங்கிலம், கணிதம், குழந்தை மேம்பாடு மற்றும் கற்பித்தல் (கல்வி உளவியல்), சூழ்நிலை அறிவியல் ஆகிய 5 பாடப் பகுதிகளில் தலா 30 கேள்விகள் வீதம் மொத்தம் 150 கேள்விகள் கேட்கப்பட்டிருந்தன.
உளவியல் பகுதியில் தானியங்கி நரம்புத் தொகுதியில் மனவெழுச்சிகளால் தூண்டும் செயல்களால் ஏற்படும் மாற்றங்களின் வேகத்தை அளவிடப் பயன்படும் கருவியின் பெயர், ஒரு நியூரானிலிருந்து மற்றொரு நியூரான் தூண்டலைப் பெறும் பாகம் உள்பட 10-க்கும் மேற்பட்ட வினாக்கள் கடினமாக இருந்தன. தமிழ் பிரிவில் சில இலக்கண வினாக்களுக்குப் பதிலளிப்பது சற்று சிரமமாக இருந்தது.
கணிதப் பிரிவில்...கணிதப் பிரிவில் ஒரு தொலைக்காட்சிப் பெட்டியின் விலை 8 சதவீத மதிப்புக்கூட்டு வரியுடன் ரூ.15,660 எனில், மதிப்புக்கூட்டு வரியின்றி அதன் விலை என்ன உள்பட சூழ்நிலை அறிவியல், ஆங்கிலம் ஆகிய பிரிவுகளில் கேட்கப்பட்ட பெரும்பாலான வினாக்கள் எளிதாக இருந்தன. கடந்த தேர்வுகளில் 30 சதவீதம் வரை பாடப் பகுதிக்கு வெளியிலிருந்து வினாக்கள் கேட்கப்பட்டன. ஆனால், இந்த முறை 50 சதவீத வினாக்கள் அவ்வாறு கேட்கப்பட்டிருந்தன. ஒட்டுமொத்தமாகப் பார்க்கும்போது இடைநிலை ஆசிரியர்களுக்கான தகுதித் தேர்வு முதல் தாள் சற்று கடினமாகவே இருந்தது என்றனர்.
பட்டதாரி ஆசிரியர்களுக்கான (இரண்டாம் தாள்) தேர்வு ஞாயிற்றுக்கிழமை (ஏப்.30) நடைபெறவுள்ளது. இதில் 5 லட்சம் பேர் தேர்வு எழுதவுள்ளனர்.

 

]]>
http://images.dinamani.com/uploads/user/imagelibrary/2017/4/30/w600X390/EXAM.jpg சென்னை அண்ணா நகர் அண்ணா ஆதர்ஷ் மெட்ரிக் மேல்நிலைப்பள்ளியில் சனிக்கிழமை நடைபெற்ற ஆசிரியர் தகுதித் தேர்வைப் பார்வையிடும் மாவட்ட ஆட்சியர் வெ.அன்புச்செல்வன். http://www.dinamani.com/employment/goverment-jobs/2017/apr/30/ஆசிரியர்-தகுதித்-தேர்வு-முதல்-தாள்-கடினமான-உளவியல்-எளிதான-கணிதம்-இன்று-பட்டதாரி-ஆசிரியர்களுக்கான-2693398.html
2692904 வேலைவாய்ப்பு அரசுப் பணிகள் ஆசிரியர் தகுதித் தேர்வுகள் இன்று தொடக்கம்: 7.40 லட்சம் பேர் எழுதுகின்றனர் Saturday, April 29, 2017 10:07 AM +0530 தமிழக பள்ளிகளில் உள்ள ஆசிரியர் காலிப்பணியிடங்களை நிரப்புவதற்கான ஆசிரியர் தகுதித் தேர்வுகள் சனிக்கிழமை (ஏப்.29) தொடங்குகின்றன.
இன்றும் நாளையும் தேர்வு: இடைநிலை ஆசிரியர் தகுதித் தேர்வு (சனிக்கிழமை-ஏப்.29), பட்டதாரி ஆசிரியர் தகுதித் தேர்வு (ஞாயிற்றுக்கிழமை-ஏப்.30) என இரண்டு நாள்கள் தொடர்ந்து நடைபெறும் தேர்வுக்கு மொத்தம் 7 லட்சத்து 40 ஆயிரத்துக்கும் மேற்பட்டோர் விண்ணப்பித்துள்ளனர். அதாவது, இடைநிலை ஆசிரியர் தகுதித் தேர்வுக்கு (தாள்-1) 2 லட்சத்து 37,293 பேர் பட்டதாரி ஆசிரியர் தகுதி தேர்வுக்கு, 5 லட்சத்து 2 ஆயிரத்து 964 பேர் விண்ணப்பித்துள்ளனர்.
அரசாணை காரணமாக...: அரசுப் பள்ளி, அரசு உதவிபெறும் பள்ளிகளில் நியமிக்கப்படும் 1 முதல் 8-ஆம் வகுப்பு வரையிலான ஆசிரியர்கள், ஆசிரியர் தகுதித் தேர்வில் தேர்ச்சி பெற்றிருக்க வேண்டும் என்று அரசாணை வெளியிடப்பட்டது.
எனவே, ஆசிரியர் தகுதித் தேர்வு எப்போது நடத்தப்படும் என ஆசிரியர் வேலை தேடும் பி.எட்., மற்றும் பிளஸ்-2 முடித்துவிட்டு ஆசிரியர் பயிற்சி முடித்த லட்சக்கணக்கானவர்கள் எதிர்பார்த்துக் காத்திருந்தனர். இந்த நிலையில் நிகழாண்டுக்கான ஆசிரியர் தகுதித் தேர்வு ஏப்ரல் 29, 30 தேதிகளில் நடைபெறும் என்று ஆசிரியர் தேர்வு வாரியம் கடந்த பிப்ரவரி மாதம் அறிவித்தது.
இதற்கான விண்ணப்பங்கள் கடந்த மார்ச் 6-ஆம் தேதி முதல் 22-ஆம் தேதி வரை தமிழகம் முழுவதும் பல்வேறு மையங்களில் விற்பனை செய்யப்பட்டன. பூர்த்தி செய்யப்பட்ட விண்ணப்ப படிவங்கள் மார்ச் 23-ஆம் தேதி வரை பெற்றுக்கொள்ளப்பட்டன.
இடைநிலை ஆசிரியர் தகுதித் தேர்வுக்கு...: இந்தத் தேர்வுக்கு (தாள்-1) 2 லட்சத்து, 37,293 பேர் பட்டதாரி ஆசிரியர் தகுதி தேர்வுக்கு, 5 லட்சத்து, 2 ஆயிரத்து 964 பேர் விண்ணப்பித்துள்ளனர். இதன் மூலம் ரூ.33.5 கோடி வருமானம் தேர்வு வாரியத்துக்குக் கிடைத்துள்ளது.
இதைத் தொடர்ந்து தமிழகம் முழுவதும் ஆசிரியர் தகுதித் தேர்வுக்காக 1,861 மையங்கள் அமைக்கப்பட்டுள்ளன. அவற்றில், 598 மையங்கள் சனிக்கிழமை (ஏப்.29) நடைபெறும் முதல் தாளுக்கு உரியதாகும்.
சென்னை மாவட்டத்தில்...: சென்னை மாவட்டத்தில் சனிக்கிழமை (ஏப்.29) நடைபெறவுள்ள தாள்-1 தேர்வை, 27 மையங்களில் 10,147 தேர்வர்களும், ஞாயிற்றுக்கிழமை (ஏப்.30) நடைபெற உள்ள தாள்-2 தேர்வை 88 தேர்வு மையங்களில் 31,235 தேர்வர்களும் எழுதவுள்ளனர்.
அதிக கண்காணிப்புடன்...: தேர்வு நடைபெறுவதைக் கண்காணிப்பதிலும், விடைத்தாள்களை ஆசிரியர் தேர்வு மையங்களில் கொண்டு சேர்க்கும் பணியைக் கண்காணிப்பதிலும் பள்ளிக் கல்வித் துறை இயக்குநர்கள், இணை இயக்குநர்கள், முதன்மை கல்வி அதிகாரிகள், மாவட்ட கல்வி அதிகாரிகள், மாவட்ட தொடக்க கல்வி அதிகாரிகள் ஈடுபட உள்ளனர்.

 

]]>
ஆசிரியர் தகுதித் தேர்வு, வேலைவாய்ப்பு,தமிழ்நாடு,TET Exam,Employment News,Tamilnadu http://images.dinamani.com/uploads/user/imagelibrary/2013/8/18/0/w600X390/tet.jpg http://www.dinamani.com/employment/goverment-jobs/2017/apr/29/ஆசிரியர்-தகுதித்-தேர்வுகள்-இன்று-தொடக்கம்-740-லட்சம்-பேர்-எழுதுகின்றனர்-2692904.html
2686706 வேலைவாய்ப்பு அரசுப் பணிகள் பள்ளிக் கல்வித்துறையில் 6,390 இடங்கள் காலி: ஆண்டு திட்ட அறிக்கை வெளியிட்டது பள்ளிக் கல்வித்துறை Wednesday, April 19, 2017 01:27 AM +0530 பள்ளிக் கல்வித் துறையில் காலியாகவுள்ள 6,390 இடங்களை நிரப்புவதற்கான தேர்வு கால அட்டவணையை துறை அமைச்சர் கே.ஏ.செங்கோட்டையன் செவ்வாய்க்கிழமை வெளியிட்டார்.
வருங்காலத்தில் ஆசிரியர் தேர்வு வாரியத்தால் நடத்தப்படும் போட்டித் தேர்வுகளுக்கான விண்ணப்பங்களை இணைய வழி மூலமே விண்ணப்பிக்க உரிய ஏற்பாடுகள் செய்யப்பட்டுள்ளதாகவும் அவர் தெரிவித்தார்.
இது குறித்து தலைமைச் செயலகத்தில் செய்தியாளர்களிடம் அமைச்சர் கே.ஏ.செங்கோட்டையன் செவ்வாய்க்கிழமை கூறியது:
ஆசிரியர் பிரிவில்: முதுநிலைப் பட்டதாரி ஆசிரியர் பிரிவில் 2,119 காலியிடங்கள் உள்ளன. இந்தக் காலியிடங்களை நிரப்ப மே 2-வது வாரத்தில் தேர்வு அறிவிக்கை வெளியிடப்படும். தேர்வு ஜூலை 2-ஆம் தேதியும், தேர்வு முடிவு ஆகஸ்ட்டிலும் வெளியிடப்படும்.
விரிவுரையாளர் பிரிவில்...பலவகை தொழில்நுட்பக் கல்லூரிகளில் 1,137 விரிவுரையாளர் பணியிடங்கள் காலியாக உள்ளன. இதற்கான தேர்வு அறிவிக்கை ஜூன் 2-வது வாரத்தில் வெளியிடப்பட்டு, ஆகஸ்ட் 13-இல் தேர்வு நடத்தப்படும். தேர்வு முடிவுகள் அக்டோபரில் வெளியாகும்.
சிறப்பு ஆசிரியர்கள் பிரிவில்: சிறப்பு ஆசிரியர்கள் பணியிடங்களில் 1,188 காலியாக உள்ளன. இதற்கான அறிவிக்கை ஜூலை 3-வது வாரத்தில் வெளியிடப்பட்டு, தேர்வு ஆகஸ்ட் 19-இல் நடத்தப்படும். தேர்வு முடிவுகள் நவம்பரில் வெளியாகும்.
வேளாண் பிரிவில்: வேளாண் கல்வி கற்பிப்போர் பிரிவில் 25 இடங்கள் காலியாக உள்ளன.
அவற்றுக்கு ஜூலை 3-வது வாரத்தில் அறிவிக்கையும், ஆகஸ்ட் 20-இல் எழுத்துத் தேர்வும் நடத்தப்படும். தேர்வு முடிவுகள் நவம்பரில் வெளியாகும்.
உதவிப் பேராசிரியர் பிரிவில்: அரசு கலை மற்றும் அறிவியல் கல்லூரிகளில் உதவிப் பேராசிரியர் பிரிவில் 1,883 இடங்கள் காலியாக உள்ளன. அவற்றுக்கு ஜூலை 4-வது வாரத்தில் அறிவிக்கை வெளியிடப்பட்டு செப்டம்பரில் தேர்வும், அக்டோபரில் தேர்வு முடிவுகளும் வெளியாகும்.
கல்வி அலுவலர் பிரிவில்: உதவி தொடக்கக் கல்வி அலுவலர் பிரிவில் காலியாகவுள்ள 38 இடங்களுக்குத் தேர்வு அறிவிக்கை ஆகஸ்ட் 2-வது வாரத்தில் வெளியிடப்பட்டு, எழுத்துத் தேர்வு செப்டம்பர் 30-லிலும், தேர்வு முடிவுகள் டிசம்பரிலும் வெளியாகும்.
இணையவழி விண்ணப்பம்: வருங்காலங்களில் ஆசிரியர் தேர்வு வாரியத்தால் நடத்தப்படும் போட்டித் தேர்வுகளுக்கான விண்ணப்பங்கள் அனைத்தும் இணைய வழி மூலமே விண்ணப்பிக்க ஏற்பாடுகள் செய்யப்பட்டுள்ளன. தேர்ந்தெடுக்கப்பட்ட சில தேர்வுகளுக்கு மட்டும் கணினி வழித்தேர்வினை நடத்தவும் திட்டமிடப்பட்டுள்ளது என்றார் கே.ஏ.செங்கோட்டையன்.
பள்ளிக் கல்வித் துறைச் செயலாளர் த.உதயச்சந்திரன், ஆசிரியர் தேர்வு வாரியத் தலைவர் காகர்லா உஷா ஆகியோர் உடனிருந்தனர்.

 

]]>
பள்ளிக் கல்வித் துறை,செங்கோட்டையன், வேலைவாய்ப்பு,Employment News,Jobs http://images.dinamani.com/uploads/user/imagelibrary/2017/4/19/w600X390/senkotain.jpg ஆண்டு திட்ட அறிக்கையை பள்ளிக் கல்வித் துறை அமைச்சர் கே.ஏ.செங்கோட்டையன் வெளியிட அதைப் பெறும் அரசுச் செயலர் உதயசந்திரன். உடன், ஆசிரியர் தேர்வு வாரியத்தின் தலைவர் காகர்லா உஷா. http://www.dinamani.com/employment/goverment-jobs/2017/apr/19/பள்ளிக்-கல்வித்துறையில்-6390-இடங்கள்-காலி-ஆண்டு-திட்ட-அறிக்கை-வெளியிட்டது-பள்ளிக்-கல்வித்துறை-2686706.html
2679984 வேலைவாய்ப்பு அரசுப் பணிகள் குடிமைப் பணி: நிகழாண்டில் 980 அதிகாரிகளை தேர்வு செய்ய மத்திய அரசு திட்டம் Friday, April 7, 2017 03:19 AM +0530 நிகழாண்டில் குடிமைப் பணித் தேர்வுகள் மூலம் 980 ஐஏஎஸ், ஐபிஎஸ் உள்ளிட்ட அதிகாரிகளை நியமிக்க உள்ளதாக மத்திய அரசு தெரிவித்துள்ளது.
மத்திய குடிமைப் பணிகளுக்கு (யுபிஎஸ்சி) மூன்று நிலைகளில் தேர்வு நடைபெறுகிறது. முதல் நிலைத் தேர்வு, முதன்மைத் தேர்வு மற்றும் நேர்காணல் ஆகியவற்றின் மூலம் தகுதியானவர்கள் தேர்வு செய்யப்பட்டு வருகின்றனர்.
இந்நிலையில், நிகழாண்டில் குடிமைப் பணியிடங்களுக்கு எத்தனை பேர் நியமிக்கப்பட உள்ளனர்? என்பது குறித்து மாநிலங்களவையில் வியாழக்கிழமை கேள்வி எழுப்பப்பட்டது. இதற்கு மத்திய பணியாளர் நலத் துறை இணையமைச்சர் ஜிதேந்திர சிங் எழுத்துப்பூர்வமாக அளித்த பதில்:
கடந்த ஆண்டில் (2016) குடிமைப் பணிகளுக்கு மொத்தம் 1,209 காலியிடங்கள் இருந்தன. அவற்றுக்குத் தகுதியான நபர்களை நியமிப்பதற்காக யுபிஎஸ்சி தேர்வுகள் நடத்தப்பட்டன. அதற்கான இறுதி முடிவுகள் இன்னும் வெளியிடப்படவில்லை.
இந்நிலையில், நிகழாண்டில் தோராயமாக 980 அதிகாரிகளைத் தேர்வு செய்வதற்காக தேர்வுகள் நடத்தத் திட்டமிடப்பட்டுள்ளன. அதற்கான அறிவிப்புகள் விரைவில் வெளியிடப்படும் என்று அவர் தனது பதிலில் தெரிவித்தார்.
ஐஏஎஸ், ஐபிஎஸ் அதிகாரிகள் நீக்கம்: இதனிடையே, மற்றொரு கேள்வியொன்றுக்குப் பதிலளித்த ஜிதேந்தர சிங், சரிவர பணியாற்றாத 5 ஐஏஸ் அதிகாரிகளையும், 2 ஐபிஎஸ் அதிகாரிகளையும் பணிநீக்கம் செய்துள்ளதாகத் தெரிவித்தார். இதுதொடர்பாக அவர் மேலும் கூறியதாவது:
குடிமைப் பணி அதிகாரிகளின் செயல்பாடுகளை அவர்களது பதவிக் காலத்தில் இரு முறை மதிப்பீடு செய்வது வழக்கம். அதில் அதிகாரிகள் சரிவர பணியாற்றாதது தெரியவந்தால், அவர்களுக்கு முன்கூட்டியே ஓய்வளிக்கப்
படும். அந்த அடிப்படையில் கடந்த மூன்று ஆண்டுகளில் 5 ஐஏஎஸ் அதிகாரிகளுக்கும், 2 ஐபிஎஸ் அதிகாரிகளுக்கும் முன்கூட்டியே ஓய்வளிக்கப்பட்டுள்ளது என்றார் ஜிதேந்திர சிங்.

 

]]>
http://images.dinamani.com/uploads/user/imagelibrary/2017/3/31/w600X390/jidendar.jpg http://www.dinamani.com/employment/goverment-jobs/2017/apr/07/குடிமைப்-பணி-நிகழாண்டில்-980-அதிகாரிகளை-தேர்வு-செய்ய-மத்திய-அரசு-திட்டம்-2679984.html
2675743 வேலைவாய்ப்பு அரசுப் பணிகள் ஏப்.6 இல் திடக்கழிவு மேலாண்மை பயிற்சி Friday, March 31, 2017 02:24 AM +0530 வேளாண் தகவல் மையத்தில் ஏப்ரல் 6 -ஆம் தேதி திடக்கழிவு மக்க வைக்கும் தொழில்நுட்ப பயிற்சி அளிக்கப்பட உள்ளது.
இதுகுறித்த விவரம்:
நகர்ப்புறங்களில் கிடைக்கப்பெறும் திடக்கழிவுகளை மக்கவைத்து மாடித்தோட்டம் வளர்ப்பு உள்ளிட்டவைக்கு பயன்படுத்தப்படுகிறது. மாடித்தோட்டம் அமைக்க விரும்புவோர் பயன்பெறும் வகையில், திடக்கழிவுகளை மக்கவைக்கும் நவீன தொழில்நுட்ப பயிற்சி வேளாண் தகவல் மையத்தில் அளிக்கப்படுகிறது.
நீர் தர மதிப்பீடு பயிற்சி: அதுபோல் வீடுகளில் குடிநீர், இதர பயன்பாடுகளுக்கு, நீரின் தரத்தை அறிந்து கொள்வது அவசியமாகிறது. இதன்மூலம், உடல்நலம், சுற்றுச்சூழல் பாதுகாப்புக்கு வழிவகுக்கப்படுகிறது.
திடக்கழிவு மக்கவைத்தல், நீரின் தரம் அறிதல் ஆகிய பயிற்சிகளை ஏப்ரல் 6 -ஆம் தேதி (வியாழக்கிழமை) அண்ணாநகரில் உள்ள தமிழ்நாடு வேளாண் தகவல் பயிற்சி மையத்தில் பயிற்சி அளிக்கப்பட உள்ளது.
இதில் இளைஞர்கள், சுயதொழில் முனைவோர், மாணவர்கள் உள்ளிட்டோர் பங்கேற்கலாம். ரூ.600 பயிற்சி கட்டணமாக நிர்ணயிக்கப்பட்டுள்ளது.
காலை 9.30 முதல் மாலை 4.30 வரை நடைபெறும்.
பயிற்சி நிறைவாக சான்றிதழ் வழங்கப்படும். மேலும், விவரங்களுக்கு 044 2626 3484 என்ற தொலைபேசி எண்ணுக்கு தொடர்பு கொள்ளலாம் என வேளாண் தகவல் பயிற்சி மையம் சார்பில் தெரிவிக்கப்பட்டுள்ளது.

]]>
http://www.dinamani.com/employment/goverment-jobs/2017/mar/31/ஏப்6-இல்-திடக்கழிவு-மேலாண்மை-பயிற்சி-2675743.html
3229 வேலைவாய்ப்பு அரசுப் பணிகள் குரூப் 4 தேர்வுகள்: தமிழ்நாடு அரசு பணியாளர் தேர்வாணையம் அறிவிப்பு Venkatesan.R Thursday, August 11, 2016 12:06 PM +0530 தமிழக அரசின் காலிப் பணியிடங்களுக்கான, குரூப் 4 தேர்வுகள் குறித்த அறிவிப்பை தமிழ்நாடு அரசு பணியாளர் தேர்வாணையம் வெளியிட்டுள்ளது.

இளநிலை உதவியாளர், தட்டச்சர், சுருக்கெழுத்து தட்டச்சர், நிலஅளவர், வரைவாளர் உள்ளிட்ட 5,451 காலிப் பணியிடங்களுக்கான பணியாளர்களை நியமனம் செய்யும் பொருட்டு, நடத்தப்படும் குரூப் 4 தேர்வுகள் குறித்த அறிவிப்பை தமிழ்நாடு அரசு பணியாளர் தேர்வாணையம் வெளியிட்டுள்ளது.

அதன்படி, இளநிலை உதவியாளர் ( பிணையமற்றது) - 2345

**இளநிலை உதவியாளர் ( பிணையமுள்ளது ) - 121

**வரி தண்டலர் - 8

**நில அளவர் - 532

**வரைவாளர் - 327

**தட்டச்சர் - 1714

**சுருக்கெழுத்து தட்டச்சர் - 404 ஆகிய பணியிடங்களுக்கான விண்ணப்பங்கள் வரவேற்கப்படுகின்றன. விண்ணப்பிக்க கடைசி தேதி வருகிற செப்டம்பர் மாதம் 8-ம் தேதியாகும். தேர்வு கட்டணம் செலுத்த கடைசி தேதி வருகிற செப்டம்பர் மாதம் 11-ம் தேதியாகும். தேர்வு நாள் வருகிற நவம்பர் மாதம் 6-ம் தேதியாகும்.

விருப்பமுள்ளவர்கள் www.tnpscexams.net/www.tnpscexams.in என்ற இணையதளம் மூலம் ஆன்லைனில் விண்ணப்பிக்க வேண்டும்.

இதுகுறித்து கூடுதல் விவரங்களை தமிழ்நாடு அரசு பணியாளர் தேர்வாணையத்தின் அதிகாரப்பூர்வ இணையதளத்தில் அறிந்து கொள்ளலாம் என்றும் தெரிவிக்கப்பட்டுள்ளது.

]]>
http://images.dinamani.com/uploads/user/imagelibrary/2016/8/10/w600X390/tnpsc.jpg http://www.dinamani.com/employment/goverment-jobs/2016/aug/10/குரூப்-4-தேர்வுகள்-தமிழ்நாடு-அரசு-பணியாளர்-தேர்வாணையம்-அறிவிப்பு-3229.html