Dinamani - இந்த நாளில்... - http://www.dinamani.com/specials/indha-naalil/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2719209 ஸ்பெஷல்ஸ் இந்த நாளில்... 13.06.1997: தில்லி உப்ஹார் திரையரங்க தீ விபத்து நிகழ்ந்த தினம் இன்று! DIN DIN Monday, June 12, 2017 06:41 PM +0530  

தெற்கு டெல்லியில் இருந்த உப்ஹார் திரையரங்கில் கடந்த 1997 ஜூன் 13-ல் நேரிட்ட தீ விபத்தில் 59 பேர் பலியாகினர். இந்த வழக்கை விசாரித்த உச்ச நீதிமன்றம் கடந்த 2015-ல் அளித்த தீர்ப்பில், உப்ஹார் திரையரங்க உரிமையாளர்கள் சுஷில் அன்சால், கோபால் அன்சால் ஆகியோருக்கு தலா ரூ.30 கோடி அபராதம் விதித்தது.

அபராதத்தை செலுத்த தவறி னால் 2 ஆண்டுகள் சிறை தண்ட னையை அனுபவிக்க வேண்டும் என்று உத்தரவிட்டது. இதைத் தொடர்ந்து இருவரும் அபராதத் தொகையை செலுத்தி சிறை தண்டனையிலிருந்து தப்பினர்.

இந்த தீர்ப்பை எதிர்த்து தீ விபத்தில் உயிரிழந்தோரின் உறவினர்கள் உச்ச நீதிமன்றத்தில் மேல்முறையீடு செய்தனர். இதனை நீதிபதிகள் ரஞ்சன் கோகோய், குரியன் ஜோசப், ஆதர்ஷ் குமார் கோயல் விசாரித்து நேற்று தீர்ப்பு வழங்கினர்.

அதில் கோபால் அன்சாலுக்கு (66) ஓராண்டு சிறை தண்டனை விதிக்கப்பட்டது. வயது முதுமை காரணமாக சுஷில் அன்சால் (77) விடுவிக்கப்பட்டார்.

]]>
dinamani, on this day, memeories, delhi, uphaar, thetare, fire, tragedy http://images.dinamani.com/uploads/user/imagelibrary/2017/6/12/w600X390/uphaar-fire.jpg http://www.dinamani.com/specials/indha-naalil/2017/jun/12/13061997-தில்லி-உப்ஹார்-திரையரங்க-தீ-விபத்து-நிகழ்ந்த-தினம்-இன்று-2719209.html
2718553 ஸ்பெஷல்ஸ் இந்த நாளில்... 12.06.1924: அமெரிக்க முன்னாள் அதிபர் ஜார்ஜ் புஷ் பிறந்த தினம் இன்று! DIN DIN Monday, June 12, 2017 12:00 AM +0530  

ஜார்ஜ் ஹெர்பெர்ட் வாக்கர் புஷ் ஜூன் 12, 1924 அன்று அமெரிக்காவில் பிறந்தார். இவர் அமெரிக்காவின் 41வது அதிபராவார். இவர் 1988 முதல் 1992 வரை பதவியில் இருந்தார். இவரது பதவிக்காலத்தில்தான் அமெரிக்கா ஈராக்குடன் யுத்தத்தில் ஈடுபட்டது.

புதிய ரக ஏவுகணைகள் அதிக அளவில் பயன்படுத்தப்பட்ட இந்த யுத்தம் அவருக்கு மிகவும் கெட்ட பெயரை உண்டாக்கியது. 

இவருக்கு பின்னர் 1998-இல் இவரின் மகனான ஜார்ஜ் வாக்கர் புஷ் பின்னர் அமெரிக்காவின் 43வது அதிபர் ஆனார்.

]]>
dinamani, on this day, memeories, USA, george bush-senior, birthday http://images.dinamani.com/uploads/user/imagelibrary/2017/6/11/w600X390/george_bush-sr.jpg http://www.dinamani.com/specials/indha-naalil/2017/jun/12/12061924-அமெரிக்க-முன்னாள்-அதிபர்-ஜார்ஜ்-புஷ்-பிறந்த-தினம்-இன்று-2718553.html
2690856 ஸ்பெஷல்ஸ் இந்த நாளில்... 26.04.1762: சங்கீத மும்மூர்த்திகளில் ஒருவரான சியாமா சாஸ்திரிகள் பிறந்த தினம் இன்று! DIN DIN Wednesday, April 26, 2017 12:00 AM +0530  

சியாமா சாஸ்திரிகள் தஞ்சை மாவட்டத்தில் உள்ள திருவாரூரில் பிறந்தார். இவரது இயற்பெயர் வெங்கடசுப்ரமணிய சர்மா என்பதாகும். "சியாம கிருஷ்ணா" செல்லப்பெயரே இசை உலகில் நிலைத்து விட்டது. தெய்வப்புலமை பெற்ற வாக்கேயக்காரரென எல்லோராலும் மதிக்கப்பட்டார். ஸ்ரீ தியாகராஜ சுவாமிகள் இவர்பால் மிக்க அன்பு கொண்டிருந்தார்.

சியாம கிருஷ்ணன் இளமை முதல் சமஸ்கிருதத்திலும் தெலுங்கிலும் மிக்க ஆர்வம் கொண்டிருந்தார். அதனால் இவர் அம் மொழிகளில் பெரும் புலமை பெற்றார். பாடல்கள் இயற்றும் ஆற்றல் பெற்றார்.

இவர் ஆரம்பத்தில் தமது மாமனாரிடம் இசை பயின்றார். பின்னர் சங்கீத சுவாமிகள் என்பவரைக் குருவாகக் கொண்டு சங்கீத நுட்பங்களையும் தாள சாஸ்திர மர்மங்களையும் சங்கீத நடை பேதங்களின் கிரமங்களையும் நன்கு அறிந்து கொண்டார். சங்கீத சுவாமிகள், சியாமா சாஸ்திரிகளுக்கு இசை நுட்பங்களைப் போதித்ததோடு நில்லாது அரிய இசைச் சுவடி ஒன்றையும் கொடுத்துதவினார்.

சங்கீத சாஸ்திர நுட்பங்களை நன்குணர்ந்த சியாமா சாஸ்திரிகள் இளமையிலேயே உருப்படிகளை இயற்ற ஆரம்பித்தார். முதலில் சமஸ்கிருதத்திலும் பின்னர் தெலுங்கிலும் கிருதிகளை இயற்றினார். சில உருப்படிகளை தமிழில் செய்தார்.

இசை நுணுக்கம் தெரிந்தவர்களே இவரது பாடல்களை நன்கு பாட முடியும். இவரது பாடல்களைக் கதலி ரசத்திற்கு ஒப்பிடுவர். ஏறத்தாழ 300 கிருதிகளை இவர் இயற்றியுள்ளார். அபூர்வமான இராகங்களை மாஞ்சி, கல்கட, கர்நாடக காபி, சிந்தமணி போன்றவற்றிலும் கிருதிகளைச் செய்துள்ளார்

]]>
dinamani, on this day, memories, carnatic music, trinity, shyama sasthirigal http://images.dinamani.com/uploads/user/imagelibrary/2017/4/25/w600X390/syama_sasthirigal.jpg http://www.dinamani.com/specials/indha-naalil/2017/apr/26/26041762-சங்கீத-மும்மூர்த்திகளில்-ஒருவரான-சியாமா-சாஸ்திரிகள்-பிறந்த-தினம்-இன்று-2690856.html
2627150 ஸ்பெஷல்ஸ் இந்த நாளில்... 05.01.1971: உலகின் முதல் ஒருநாள் கிரிக்கெட் போட்டி நடைபெற்ற தினம் இன்று! DIN DIN Thursday, January 5, 2017 12:00 AM +0530  

ஜனவரி 5: 1971 ஆம் ஆண்டு இதே நாளில்தான் உலகின் முதல் ஒருநாள் கிரிக்கெட் போட்டி ஆஸ்திரேலியா - இங்கிலாந்து அணிகளுக்கிடையில் மெல்போர்னில் நடைபெற்றது.

இங்கிலாந்து மற்றும் ஆஸ்திரேலிய கிரிக்கெட் அணிகள் 1971-ல் ஆஸ்திரேலியாவிலுள்ள மெல்போர்ன் மைதானத்தில் டெஸ்ட் மேட்ச் ஒன்றில் போட்டியிட ஏற்பாடு செய்யப்பட்டிருந்தது.  ஆனால் அடுத்தடுத்து மூன்று நாட்களுக்கு போட்டி நடைபெற வில்லை. காரணம் மழை கொட் டித் தீர்த்தது. ‘‘இனி இந்தப் போட்டி நடக்காது’’ என்று அமைப்பாளர்கள் அறிவித்தனர்.

ஆனால் ஆஸ்திரேலிய கிரிக்கெட் ரசிகர்களின் ஏமாற்றம் அளவு கடந்ததாக இருந்தது. சும்மா பேருக்கு ஒரே நாளில் ஒரு கிரிக்கெட் போட்டி நடத்தலாமா என்று யோசித்தார்கள். நாலாவது நாள் நல்லவேளையாக வருண பகவான் பார்வையாளராக வரவில்லை.

ஒவ்வொரு அணியும் 40 ஓவர்கள் பந்து வீசின. இறுதியில் ஆஸ்திரேலிய அணி அந்த போட்டியில் வென்றது.

]]>
dinamani, on this day, memories, first ODI, australia, england, melbourne http://images.dinamani.com/uploads/user/imagelibrary/2017/1/4/w600X390/first_ODI.jpg http://www.dinamani.com/specials/indha-naalil/2017/jan/05/05011971-உலகின்-முதல்-ஒருநாள்-கிரிக்கெட்-போட்டி-நடைபெற்ற-தினம்-இன்று-2627150.html
2625027 ஸ்பெஷல்ஸ் இந்த நாளில்... கிமு 46, ஜனவரி 1 - ஜுலியன் காலண்டர் நடைமுறைக்கு வந்த தினம் இன்று!    DIN DIN Sunday, January 1, 2017 12:00 AM +0530  

உலகிலேயே முதன்முறையாக கிரேக்கர்கள்தான் காலண்டரை உருவாக்கினர். அவர்களிடம் இருந்து ரோமானியர்கள் இதைக் கற்றுக்கொண்டனர். ஆரம்ப காலத்தில் இன்றுள்ள ஜனவரி, பிப்ரவரி மாதங்கள் இல்லை. மார்ச் முதல் டிசம்பர் வரையான பத்து மாதங்களும், 304 நாட்களுமே இருந்தன.

கி.மு.700ல் ரோமானிய மன்னர் நூமா பாம்பிளியஸ் இந்த காலண்டர் முறையில் ஜனவரி மற்றும் பிப்ரவரி மாதங்களைச் சேர்த்து 12 மாதங்களாக்கினார். ஆனால், இந்த இரண்டு மாதங்களும் ஆண்டின் கடைசி இருமாதங்களாக (11,12வது மாதங்கள்) இருந்தன.

கி.மு.46ல் ரோமானிய பேரரசர் ஜுலியஸ் சீசர் இந்த காலண்டர் முறையில் மேலும் சில திருத்தங்கள் செய்து, ஜனவரி, பிப்ரவரியை ஆண்டின் முதல் இருமாதங்களாக ஆக்கினார். இது ஜுலியன் காலண்டர் என்றழைக்கப்பட்டது.  இதில்தான் சாதா ஆண்டு மற்றும் லீப் ஆண்டு என்ற முறைகளை கொண்டு வந்தார்கள்.

]]>
dinamani, on this day, memories, juliyan calender, julias cessar, calender http://images.dinamani.com/uploads/user/imagelibrary/2016/12/31/w600X390/j.jpg http://www.dinamani.com/specials/indha-naalil/2017/jan/01/கிமு-46-ஜனவரி-1---ஜுலியன்-காலண்டர்-நடைமுறைக்கு-வந்த-தினம்-இன்று-2625027.html
2559717 ஸ்பெஷல்ஸ் இந்த நாளில்... 05.09.1997 : அன்னை தெரசா நினவு தினம்  கார்த்திகேயன் வெங்கட்ராமன் DIN Monday, September 5, 2016 01:00 AM +0530 அன்னை தெரசா ஐரோப்பிய நாடான மாசிடோனியாவின் தலைநகர் கோபிஜேவில் 26.08.1910 அன்று பிறந்தார். அவரது இயற்பெயர் ஆக்னஸ் கோன்ஸா  போஜாக்சிஹு.  இந்த பெயருக்கு அல்பேனிய மொழியில் 'சிறு மலர்' என்று அர்த்தமாகும்.
இறை பக்தியுடன் திகழ்ந்த அவர், 06.01.1929 அன்று கத்தோலிக்க மதச் சேவைக்காக இந்தியா வந்தார். கொல்கத்தா நகரில் உள்ள ஏழைகளுக்கு பல்வேறு சேவைகள் புரிந்த அவருக்கு அமைதிக்கான நோபல் பரிசு வழங்கப்பட்டது. இந்தியாவின் உயரிய விருதான பாரத ரத்னா விருதும் அன்னை தெரசாவுக்கு வழங்கப்பட்டது.
உலக மக்கள் மனங்களில் நீக்கமற  நிறைந்திருக்கும் அன்பின் திருவுருவான அன்னை தெரசா கடந்த 1997-ஆம் ஆண்டு கொல்கத்தா நகரில் காலமானார்.
நேற்று அவர் வாடிக்கனில் உள்ள உலக கத்தோலிக்க மத குருவான, போப் பிரான்சிஸ் மூலம் 'புனிதர்'  என்று அதிகாரபூர்வமாக பிரகடனம் செய்யப்பட்டார்.

]]>
Dinamani, On this day, Memory, Mother Teresa, Sainthood, Calcutta, Charity http://images.dinamani.com/uploads/user/imagelibrary/2016/9/4/w600X390/teresa.jpg http://www.dinamani.com/specials/indha-naalil/2016/sep/05/05091997- அன்னை-தெரசா-நினவு-தினம்-2559717.html
2559403 ஸ்பெஷல்ஸ் இந்த நாளில்... செப்டம்பர் 3: சர்வதேச வல்லூறு  விழிப்புணர்வு தினம் கார்த்திகேயன் வெங்கட்ராமன் DIN Saturday, September 3, 2016 01:00 AM +0530 ஒவ்வொரு வருடமும் செப்டம்பர் மாதத்தின் முதல் சனிக்கிழமை சர்வதேச வல்லூறு விழிப்புணர்வு தினமாக கொண்டாடப்படுகிறது. இந்த வருடம் இந்த தினம் இன்று கொண்டாடப்பட உள்ளது.
சர்வதேச வல்லூறு விழிப்புணர்வு தினம் கொண்டாடப்படுவதன் முக்கியமான நோக்கம்  வல்லூறுகளை  பாதுகாப்பது மற்றும் அது குறித்த விழிப்புணர்வை பொது மக்களிடையே உண்டாக்குவதும்தான்.
உலகில் பல்வேறு பறவையினங்கள்  ஏற்கனவே அழிவின் விளிம்பிலிருக்கின்றன. இந்த நிலையில் சர்வதேச வல்லூறு  தினம் கொண்டாடுவதன் மூலமாக, இயற்கைச் சூழல்  மேம்பாட்டில் வல்லூறுகள் ஆற்றி வரும் பங்கு குறித்து, அது பற்றிய பெரிய விழிப்புணர்வு இல்லாமல் இருக்கும் மக்களுக்கு  கற்பிப்பதே பயன் தருவதாக இருக்கும். 

]]>
Dinamani, On this day, International vulture awareness day, Extinction, Species http://images.dinamani.com/uploads/user/imagelibrary/2016/9/2/w600X390/vulture.jpg http://www.dinamani.com/specials/indha-naalil/2016/sep/03/செப்டம்பர்-3-சர்வதேச-வல்லூறு- விழிப்புணர்வு தினம்-2559403.html
3399 ஸ்பெஷல்ஸ் இந்த நாளில்... ஆகஸ்ட் - 13 சர்வதேச இடது கை பழக்கமுள்ளோர் தினம் கார்த்திகேயன் வெங்கட்ராமன் DIN Saturday, August 13, 2016 01:00 AM +0530 உலகமெங்கும் இடது கை பழக்கம் கொண்டுள்ளவர்களை ஊக்குவிக்கும் பொருட்டு ஆண்டு தோறும் ஆகஸ்ட் 13-ஆம் தேதி சர்வதேச இடது கை பழக்கமுள்ளோர் தினமாக கொண்டாடப்படுகிறது. உலக இடது கை பழக்கமுள்ளவர்கள் குழு இதற்கான முயற்கிகளை முன்னெடுத்து வருகிறது.

இடது கை பழக்கம் உள்ளவர்களை குறிக்க 'சினிஸ்ட்ராலிட்டி' என்ற பதம் பயன்படுத்தப்படுகிறது. ;சினிஸ்டரா' என்ற லத்தின் சொல்லில் இருந்து இது உருவானது. 'சினிஸ்டரா' என்ற சொல்லுக்கு 'இடது பக்கமாக இருப்பது' என்று அர்த்தம். நாளடைவில் இடது என்பது 'தீமை' என்பதோடு தொடர்புபடுத்தப்பட்டது. காலங்கள் செல்லச் செல்ல, இடது கை பழக்கம் என்பது வலிமையின்மை, தூய்மையற்ற தன்மை மற்றும் தீமை ஆகிய குணங்களோடு சேர்த்து பொருள் கொள்ளப்பட்டது. இன்னும் கூட அது போன்ற கருத்தாக்கங்கள் கொண்டவர்கள் இருக்கலாம், ஆனால் உண்மையில் பெரும்பாலும் வலது கை பழக்கம் உள்ளவர்கள் கொண்ட ஒரு சமூகத்தில், இடது கை பழக்கம் உள்ளவர்கள் படும் சிரமங்களை யாரும் எண்ணி பார்ப்பதில்லை.

1976-ஆம் ஆண்டுதான் முதன்முதலாக ஆகஸ்ட் - 13 ஆம் தேதியை சர்வதேச இடது கை பழக்கம் உள்ளவர்கள் தினமாக கொண்டாடும் வழக்கம் உருவானது. இந்த சமூகத்தில் இடது கை பழக்கம் உடையவ்ரகள் படும் சிரமங்களை மற்றவர்கள் உணரச் செய்யும் படியான விழிப்புணர்வை உருவாக்கும் பொருட்டே இந்த தினம் கொண்டாடப்படுகிறது.

உலக மக்கள் தொகையில் ஏழு முதல் பத்து சதவீதம் வரையுள்ள இடது கை பழக்கம் உள்ளவர்களை கொண்டாடும் விதமாகவும், இந்த தினம் கடைபிடிக்கப்படுகிறது.

]]>
dinamani, special day, world lefties day, August 13th, world left group http://images.dinamani.com/uploads/user/imagelibrary/2016/8/12/w600X390/lefties.jpg http://www.dinamani.com/specials/indha-naalil/2016/aug/13/ஆகஸ்ட்---13-சர்வதேச-இடது-கை-பழக்கமுள்ளோர்-தினம்-3399.html
2553679 ஸ்பெஷல்ஸ் இந்த நாளில்... 07.08.1951 - அத்யாவசிய சர்விஸ்களில் ஸ்டிரைக் தடை மசோதா: பார்லிமெண்டில் ரயில்வே மந்திரி பிரேரித்தார் dn Thursday, August 4, 2016 05:41 PM +0530 அத்தியாவசிய ஸர்விஸ்களில் ஸ்டிரைக் ஏற்படாமல் தடுப்பதற்கு வசதியளிக்கும் மசோதா வொன்றை இன்று பார்லிமெண்டில் ரயில்வே மந்திரி கோபாலசுவாமி ஜயங்கார் பிரேரித்தார்.

அம்மாதிரி டிரைக்குகளைத் தடை செய்து சமீபத்தில் இந்திய சர்க்கார் பிறப்பித்த அவசரச் சட்டத்தை இம்மசோதா ரத்து செய்கிறது.

இம்மசோதா ஒரு அவசர கால நடவடிக்கையாகும், 1952 டிசம்பர் 31ம் தேதி வரை தான் இது அமலில் இருக்கும் என ஒரு ஷரத்து கூறுகிறது.

பொது ரயில்வே ஸ்டிரைக் ஆரம்பிக்கப் போவதாக அ.இ. ரயில்வே ஊழியர் சம்மேளனம் அறிவித்திருக்கிறது. மற்ற அத்தியாவசிய ஸர்வீஸ்களில் உள்ள தொழிலாளர்களும், ரயில்வே ஊழியர்களுக்கு அனுதாபம் தெரிவிக்க ஸ்டிரைக் செய்யக் கூடும் என்று சர்க்காருக்குத் தெரிய வருகிறது.

]]>
http://www.dinamani.com/specials/indha-naalil/2016/aug/07/07.08.1951---அத்யாவசிய-சர்விஸ்களில்-ஸ்-2553679.html
2232 ஸ்பெஷல்ஸ் இந்த நாளில்... 02.06.2002 -போர் பற்றிய வாஜபேயியின் கவிதை சீனப்பத்திரிகையில் வெளியீடு dn DIN Thursday, June 16, 2016 02:11 PM +0530
அணு ஆயுதம், போர் குறித்த இந்தியப் பிரதமர் வாஜபேயி கவிதைகளை சீனப் பத்திரிகை பிரசுரம் செய்துள்ளது.
ஜப்பானில் ஹிரோஷிமா நகரில் அணு குண்டு வீசப்பட்டதால் ஏற்பட்ட பாதிப்புகளை மனவேதனையுடன் குறிப்பிடுவது ஒரு கவிதை.


போரை அனுமதிக்கக் கூடாது என்று வலியுறுத்துவது மற்றொரு கவிதை.
இந்தியா- பாகிஸ்தான் இடையே போர் மேகங்கள் சூழ்ந்துள்ள நிலையில் இந்த கவிதை சீனாவின் ஜாங் பத்திரிகையில் வெளியாகியுள்ளது குறிப்பிடத்தக்கது.
இதே கவிதைகள் பிரிட்டிஷ் நாளிதழ் தி டெலிகிராபிலும் மே 29ம் தேதி பிரசுரமாகியுள்ளது.

 

]]>
Vajpayee poems http://www.dinamani.com/specials/impressions/2016/jun/16/02062002--போர்-பற்றிய-வாஜபேயியின்-கவிதை-சீனப்பத்திரிகையில்-வெளியீடு-2232.html
1138 ஸ்பெஷல்ஸ் இந்த நாளில்... இன்று தென் ஆப்பிரிக்காவுக்கு எதிரான முதல் ஒரு நாள் போட்டி:எழுச்சி பெறுமா இந்திய அணி? kirthika PTI Friday, May 27, 2016 11:34 AM +0530

தென் ஆப்பிரிக்காவுக்கு எதிரான முதல் ஒருநாள் கிரிக்கெட் போட்டி கான்பூரில் ஞாயிற்றுக்கிழமை நடைபெறுகிறது. அடுத்தடுத்த தோல்விகளை தொடர்ந்து எழுச்சி பெறும் முனைப்புடன் இந்திய அணியினர் களமிறங்குகின்றனர்.

இந்தியாவில் சுற்றுப் பயணம் மேற்கொண்டுள்ள தென் ஆப்பிரிக்க அணி மூன்று டி-20, 5 ஒரு நாள் போட்டி மற்றும் 4 டெஸ்ட் போட்டி கொண்ட கிரிக்கெட் தொடரில் பங்கேற்றுள்ளது.

இதில் முதலிரண்டு டி-20 போட்டிகளில் தென் ஆப்பிரிக்க அணி, வெற்றி பெற்று தொடரை கைப்பற்றியது. கொல்கத்தாவில் நடைபெறவிருந்த கடைசி டி-20 போட்டி மழை காரணமாக ரத்து செய்யப்பட்டது.

டி-20 தொடரை தென் ஆப்பிரிக்க வசம் இழந்த பிறகு, இந்திய அணி ஒரு நாள் தொடரில் தனது திறமையை நிரூபித்தாக வேண்டாய கட்டாயத்தில் உள்ளது. குறிப்பாக கேப்டன் தோனி, கடும் விமர்சனத்துக்குள்ளாகி இருக்கிறார்.

இந்தியாவின் மிக வெற்றிகரமான கேப்டன் என்று பெயர் பெற்ற தோனி தலைமையிலான இந்திய அணி, கடந்த ஜூன் மாதம் வங்கதேசத்தில் நடந்த ஒரு நாள் தொடர், அதன் பிறகு தற்போது தென் ஆப்பிரிக்காவிடம் டி-20 தொடர் என அடுத்தடுத்து தொடரை இழந்து வருகிறது.

ரஹானேவுக்கு வாய்ப்பு: இந்த சூழலில் ஒரு நாள் தொடரை கைப்பற்ற வேண்டும் என்ற முனைப்புடன் இந்திய வீரர்கள் உள்ளனர். ஒரு நாள் தொடரின் முதல் போட்டி கான்பூரில் ஞாயிற்றுக்கிழமை நடைபெறுகிறது. டி-20 போட்டியோடு ஒப்பிடுகையில் அணியில் ஓரிரு மாற்றங்களே இருக்கும். வேகப் பந்துவீச்சாளர் உமேஷ் யாதவ் அணியில் இணைகிறார். ஆல்ரவுண்டர் குர்கீரத் சிங் மன் ஒரு நாள் கிரிக்கெட்டில் அறிமுகமாகும் ஆசையில் உள்ளார்.

வழக்கம் போல் ஷிகர் தவண், ரோஹித் சர்மா தொடக்க வீரர்களாக களமிறங்குவர். டி-20 போட்டியில் வாய்ப்பளிக்கப்படாத ரஹானே, அம்பாதி ராயுடுவுக்கு பதிலாக நடுவரிசையில் களமிறக்கப்படுவார் என்று எதிர்பார்க்கப்படுகிறது.

டி-20 தொடரில் விளையாடியதைக் காட்டிலும் இன்னும் சிறப்பாக ரன் குவிக்கும் முனைப்பில் விராட் கோலி உள்ளார். இவர்களைத் தொடர்ந்து தோனியும், ரெய்னாவும் களம் காண்பர்.

பந்துவீச்சுதான் இந்திய அணிக்கு இப்போது மிகப்பெரிய பின்னடைவாக இருக்கிறது. பின்வரிசையில் ஸ்டூவர்ட் பின்னி ஆல்ரவுண்டர் பணியை கவனத்திக் கொள்வார். அவர் தவிர, பந்துவீச்சு பணியை கவனித்துக் கொள்ள ரவிச்சந்திரன் அஸ்வின், அமித் மிஸ்ரா, புவனேஷ்வர் குமார் ஆகியோரும் உள்ளனர்.

அச்சுறுத்தும்

டி வில்லியர்ஸ்: தென் ஆப்பிரிக்க அணியைப் பொருத்தவரை டி-20 தொடரை வென்ற அதே உற்சாகத்தில் ஒரு நாள் போட்டியையும் கைப்பற்றும் முனைப்பில் உள்ளது. அந்த அணியின் அபாயகரமான பேட்ஸ்மேனும் அணியின் கேப்டனுமான டி வில்லியர்ஸ் டி-20 தொடரில் சிறப்பாக விளையாடிய நிலையிலும், அது அவருக்கு போதிய திருப்தியை அளிக்கவில்லை. இதனால், ஒரு நாள் தொடரில் முன்பை காட்டிலும் இந்திய பந்துவீச்சாளர்களை அவர் கூடுதலாக அச்சுறுத்துவார். டி வில்லியர்ûஸ போலவே ஜே.பி.டுமினியும் இந்திய பந்துவீச்சைசிதறடித்து வருகிறார்.

கைல் அபோட், ககிசோ ரபடா ஆகியோர் டி-20 போட்டியில் செயல்பட்டதை போலவே இந்த முறையும் சிறந்த ஆட்டத்தை வெளிப்படுத்தும் நோக்கில் உள்ளனர்.

அவர்கள் தவிர அந்த அணியில் நிறைய பகுதிநேர பந்துவீச்சாளர்கள் உள்ளனர். இம்ரான் தாஹிரும், ஆரான் பங்கிசோ மட்டுமே கைதேர்ந்த சுழற்பந்துவீச்சாளர்களாக உள்ளனர். டி-20 தொடரில் பங்கேற்காத டேல் ஸ்டெயின், மோர்ன் மோர்கெல் ஆகியோர் ஒரு நாள் அணிக்குத் திரும்பியுள்ளனர். இது அந்த அணிக்கு கூடுதல் பலமாகும்.

போட்டிக்கான இரு அணி வீரர்கள்:

இந்தியா: மகேந்திர சிங் தோனி (கேப்டன்), ரவிச்சந்திரன் அஸ்வின், ஸ்டூவர்ட் பின்னி, ஷிகர் தவண், விராட் கோலி, புவனேஷ்வர் குமார், அக்ஷர் படேல், அஜிங்கியா ரஹானே, சுரேஷ் ரெய்னா, அம்பாதி ராயுடு, மோஹித் சர்மா, ரோஹித் சர்மா, உமேஷ் யாதவ், குர்கீரத் சிங், அமித் மிஸ்ரா.

தென் ஆப்பிரிக்கா: ஏபி டி வில்லியர்ஸ் (கேப்டன்), ஹஷிம் ஆம்லா, குவின்டன் டி காக், ஃபாப் டுபிளெஸ்ஸிஸ், ஜே.பி.டுமினி, டேவிட் மில்லர், ஃபர்ஹான் பெஹர்டியன், கிறிஸ் மோரீஸ், கயா ஜோண்டோ, ஆரோன் பங்கிசோ, இம்ரான் தாஹிர், டேல் ஸ்டெயின், மோர்ன் மோர்கெல், கைல் அபோட், ககிசோ ரபடா.

கேப்டன் "குரல்'

ரஹானே மேல்வரிசையில் நன்றாக விளையாடக் கூடியவர். எனவே, நாங்கள் அவரை 5 அல்லது 6-ஆவது இடத்தில் களமிறக்க விரும்பவில்லை. அவருக்கு வாய்ப்பளித்தால் முதல் 3 வீரர்களில் ஒருவராக களமிறங்குவார். இல்லையெனில் களமிறங்கும் அணியில் அவரை காண்பது கடினம்.

- மகேந்திர சிங் தோனி,

இந்திய கேப்டன்.

"ஒரு நாள் தொடரைக் கைப்பற்ற வேண்டும் என்று நாங்கள் விரும்புகிறோம். இந்திய அணியை அதன் சொந்த மண்ணில் தோற்கடிக்க முடியும் என்பதை உலகிற்கு காட்டியுள்ளோம். இப்போதுதான் மிகச் சிறந்த முறையில் விளையாடி வருகிறோம். டி-20 தொடர் முடிந்துபோன ஒன்று. இனி புதிய அத்தியாயம். இந்தியா எழுச்சிபெற முயற்சிக்கும். அதனை தடுப்போம் என்று நம்புகிறேன்'

-டி வில்லியர்ஸ்,

தென் ஆப்பிரிக்க கேப்டன்.

 

]]>
http://www.dinamani.com/specials/impressions/2016/may/27/இன்று-தென்-ஆப்பிரிக்காவுக்கு-எதிரான-முதல்-ஒரு-நாள்-போட்டிஎழுச்சி-பெறுமா-இந்திய-அணி-1138.html
1137 ஸ்பெஷல்ஸ் இந்த நாளில்... கிறித்துவ தமிழ் வேதாகமத்தின் 305-ஆம் பிறந்த நாள் kirthika PTI Friday, May 27, 2016 11:33 AM +0530

 

வேத புத்தகமே (தமிழ்) வேத புத்தகமே

வேதபுத்தகமே விலைபெற்ற செல்வம் நீயே

பேதைகளின் ஞானமே பெரிய திரவியமே

பாதைக்குத் தீபமே பாக்யர் விரும்பும் தேனே – மா நல்ல

என்னை எனக்குக் காட்டி என் நிலைமையை மாற்றி

பொன்னுலகத்தைக்காட்டிப் போகும்

வழி சொல்வாயே – மா நல்ல

பன்னிரு மாதங்களும் பறித்துண்ணலாம் உன் கனி

உன்னை தியானிப்பவர் உயர்கதி சேர்ந்திடுவார்.- மா நல்ல

                         - அருளானந்தம்

 (கிறிஸ்துவ சபை பாமாலை, தமிழ்க் கீர்த்தனை 212: CLS, 27th Edition June 2013 சென்னை)

 

இத்தகைய மாமனிதரின் சாதனைகளில் சிலவற்றை இங்கு சுட்டிக்காட்டி அவரது வாழ்க்கையின் பின்னணி என்னவென்பதை கற்றறிந்துகொள்ள விளைகின்றோம்.

அகில உலக மனிதரிலும் அன்பு கூறும் இறைவன் முந்நூறு ஆண்டுகளுக்கு முன்னர் இந்திய தேசத்தின் தென்பகுதியில் வாழ்ந்த “மலபாரி” என்று அந்தக் காலக்கட்டத்தில் அழைக்கப்பட்ட தமிழ் மக்களுக்கென ஓர் மாமனிதனையும் அவர் மூலம் வேறு பலரையும் ஆயத்தம் செய்து இந்திய மண்ணிலே சமய சமுதாய வளர்ச்சிக்கென விந்தைகள் பல இறைவன் செய்துள்ளார் என்பதையும் தமிழ் வேதாகமத்தின் முந்நூற்று ஐந்தாம் ஆண்டு கொண்டாடும் இன்று நாம் நினைவுபடுத்த முனைகின்றோம்.

“எத்தனை நாவால் துதிப்பேன்-எந்தன் கர்த்தா உன் கருணையைப்பாடிப் புகழ்ந்து” எனும் (காந்தியடிகள் விஜயம் செய்த திருப்பத்தூர்) கிறிஸ்துகுல ஆசிரம நிறுவனர்  டாக்டர் சவரிராயன் ஏசுதாசனின் வார்த்தைகள் எத்தனை பொருத்தமன்றோ? ( கிறித்தவ தமிழ் கீர்த்தனை 92)

குழந்தைப்பருவமும் ஆரம்ப கல்வியும்

பர்த்தலோமியோ, காத்ரீனாள் எனும் ஜெர்மானிய பெற்றோருக்கு 1683 ஆம் ஆண்டு ஜுன் மாதம் 24ஆம் தேதி சீகன்பால்கு பிறந்தார். அவர்கள் நவதானியம் விற்கும் தொழிலில் ஈடுபட்டிருந்தனர். அவருக்கு மூத்த சகோதரிகள் நான்கு பேரும் இளைய சகோதரன் ஒருவனுமாகக் குடும்பத்தில் ஐந்தாம் குழந்தையாக பிறந்தார். மிகவும் செல்வந்தராக வாழ்ந்த இவர்கள் தெய்வபக்தியை ஈடற்றதாகக் கருதினர். எனவேதான் வீட்டில் குடும்ப வாழ்க்கையில் ஜெபம், வேதவாசிப்பு, ஆலய வழிபாடு ஆகியவற்றில் கருத்தாய்க் வளர்க்கப்பட்டார். சிறுவனாக இருந்தபோதே சீகன்பால்கு தனது தாயாரை மரணத்தில் இழந்தார். மரணமடைந்த தாயார் இறைவனோடு நெருங்கிய உறவில் வாழ்ந்த ஒரு பக்தியான பெண்மணி ஆவார்.  மரணப்படுக்கையில் இருந்தபோது தன்னைச் சூழ நின்று கண்கலங்கிய தனது பிள்ளைகளைப் பார்த்து, “என் பிரிய பிள்ளைகளே! நான் உங்களுக்காக விலைமதிக்க முடியாத சொத்து ஒன்றை சேமித்து வைத்திருக்கின்றேன். அந்த சொத்து வேதாகமத்தில் இருக்கின்றது. வேதாகமத்தை வாசிக்கும் போது, நீங்கள் அதைப் பெற்றுக் கொள்வீர்கள். அந்த வேதாகமத்தின் ஒவ்வொரு பக்கமும் என் கண்களின் நீரால் நனைந்திருக்கின்றது” என ஆறுதல் கூறியிருந்தார். அந்த தாயாரும்  மரணமடைந்த இரண்டே ஆண்டுகளில் அவர் தனது தந்தையையும் மரணத்தில் இழந்தார். அதுவும் பட்டணத்தில் நேரிட்ட ஓர் நெருப்பு விபத்தின் காரணமாக நிகழ்ந்ததோர் சோக சம்பவமாகும் அது. அதே ஆண்டில் தனது சகோதரிகளில் ஒருவரையும் அவர் இழக்க நேரிட்டது.

ஆறு வயது சிறுவனாகிய சீகன்பால்குவை இந்தச் சம்பவங்கள் மிகவும் பாதித்தன. தனிமையும் துயரமும் இறைவனின் சமுகத்தை அயராது நாடிச் செல்ல அவரைத் தூண்டிற்று. ஆறுதலும் ஞானமும் அவருக்கு அத்தியாவசியமாயிற்று. அவர் எதைச் செய்தாலும் அதில் ஆர்வம் நிறைந்தவராக ஈடுபட்டார். தியானமும் வேதவாசிப்பும் அவர் உள்ளத்தை ஈர்க்க, அவை அவரது தனிப் பழக்கங்களாயின. 12ஆம் வயதில், 1694 ஆம் ஆண்டு பள்ளியில் சேர்ந்தார். அருள்திரு வைஸ்மான் எனும் பள்ளித் தலைமை ஆசிரியரும் உள்ளுர் திருச்சபை போதகருமான ஒருவரை சந்தித்தார். இசை பற்றிய சிறந்த வார்த்தைகளைக் கூறிய ஓர் கிறித்தவ இளைஞன் சீகன்பால்குவைப் பார்த்து, “இசை என்பது கனிவானதோர் கலையாம் ஆனால் இறைவனோடு நல் உறவில் வாழ்ந்து ஆன்மிக வாழ்வில் தீவிரம் காட்டுவோர் மாத்திரமே இசையின் உயரிய இன்பத்தை அடைதல் இயலும்” என குறிப்பிட்டாராம். உலகின் நட்பை வெறுத்துவிடு, எனது நட்பை உனக்கு பூரணமாகத் தருகிறேன் என்றும் கூறி அவ்விழைஞன் சீகன்பால்குவை உற்சாகப் படுத்தினானாம். அதன் விளைவாகப் பள்ளி உடன் மாணவனாகிய இவ்விழைஞனுடன் அவரது நட்பு வளர்ந்தது. தனது சுற்றுச் சூழ்நிலைக் குறித்த தெளிவான அறிவிலும் சீகன்பால்கு விருத்தியடைந்தார். வேதாகமத்தை இருவருமே ஒன்றாக இணைந்து கற்றறிந்தனர், ஆன்மிகக் காரியங்களை விவாதித்து நேரம் செலவிட்டனர். இறைவனை இயற்கையில் அவர்கள் கண்டு மகிழ்ந்தனர். அத்தகைய நட்பில் வளரும் வேளையில் சீகன்பால்கு தனக்குள் இறைவனின் ஆசீரும் இரக்கமும் பெற்று மகிழவும் அவ்வின்பத்தைப் பிறருடன் பகிரவும் தனக்குள் ஓர் தூண்டுதல் வளருவதை உணர்ந்தார். எனவே தொடர்ந்து தியானத்தில் ஆழ்ந்தார். தன் வாழ்நாளின் இறுதிவரை வேதாகமம் அவரது நெருங்கிய தோழனாகக் காணப்பட்டதில் ஆச்சரியம் இல்லை.

பதினெட்டாம் வயதில் பக்தி எழுச்சி ஊட்டும் ஓர் இயக்கத்தில் அவர் சேர்ந்தார். அவ்வியக்கம் பல்கலைக்கழக மாணவர் மத்தியில் ஜெர்மானிய தேசம் முழுவதும் செயல்பட்டு வந்தது. தனி பக்தி வாழ்க்கை குறித்து வலியுறுத்திய அந்த இயக்கம், சுயநலத்தினின்றும் பேராசையினின்றும் மனிதன் விடுதலை பெற ஊக்குவித்து வழிகாட்டியது. மேலும் இறைத்தொண்டும் சுயம்பாராது அர்ப்பணிக்கப்பட்ட மனிதபொதுநல பணிவிடையும் முக்கியமானதெனவும் போதித்தது. இதுமுதல், தனக்குள் பெருகி வழிந்தோடிய உள்ளத்தின் மகிழ்ச்சியும், சமாதானமும் பற்றி மிகவும் அக்கறையுள்ளவராகக் காணப்பட்டார். புத்தகம் வாசிக்கும் ஓர் பித்தனாக சிறுவயதிலேயே ஆர்வங் கொண்ட சீகன்பால்கு நாளடைவில் சரீர பலவீனத்துடன் மிகவும் நோய்வாய்ப்பட்டு 1702 ஆம் ஆண்டு பள்ளியிலிருந்து வீட்டுக்கு அனுப்பப்பட்டார். பெர்லின் மாநகரிலுள்ள இன்னுமொரு பள்ளிக்கு அதே ஆண்டு அவர் சென்றபோது அங்கே அவரை அருள்திரு யோயாக்கீம் லாங்கே என்பவர் சந்தித்தார். மொழியாக்கம் செய்யும் கலையை அவர் அங்கேதான் கற்றறிந்தார். லாங்கே அவர்கள் சீகன்பால்குவிற்கு எபிரேயம், கிரேக்கம் ஆகிய மொழிகளையும் கற்றுத்தந்தார்.

லாங்கே என்பவர் பிற்காலத்தில் சீகன்பால்கு இந்தியாவிலிருந்த காலத்தில் அனுப்பிய அனைத்துக் கடிதங்களையும் அச்சிட்டு ஜெர்மானிய தேசம் முழுவதும் விநியோகம் செய்தார். சீகன்பால்குவின் வாழ்க்கையில் அவர் சந்தித்த இன்னுமொரு முக்கிய பிரமுகர் ஹலே பல்கலைக்கழகப் பேராசிரியரான ஆகஸ்ட் ஹெர்மான் பிராங்கே என்பவராவார். அவரே பக்தி இயக்கத்தின் பெருந்தலைவராகவும் காணப்பட்டார். சீகன்பால்குவின் உடல் நலக் குறைவு, மற்றும் சிக்கல்களை அறிந்த இப்பேராசிரியர் சீகன்பால்குவை இறையியல் கற்றுக்கொள்ள ஹல்லே செல்ல தூண்டினார். அங்கே இவர் மாணவ சமுதாய வாழ்விலும் ஆசிரியர் பலருடன் கொண்ட உறவுகளின் விளைவாக மகிழ்ச்சியுடன் தனது வாழ்க்கையை வளப்படுத்திக் கொண்டார். வெற்றிகரமாகத் தனது படிப்பை முடித்த சீகன்பால்கு மெர்சேபாக் எனும் ஊருக்கு சபைகுருவாக நியமனம் பெற்று சென்றார். அங்கு பிதைத்தாப்ட் என்பவர் இவரிடம், “காலமெல்லாம் சபைக்குருவாக குருசேகர பணியாற்றி கிறிஸ்தவ சபை மக்களுக்கு பணியாற்றுவதை விட, இறைத் தொண்டராக நற்செய்தி பணியில் ஈடுபட்டு ஒரு ஆத்துமாவையாகிலும் ஆதாயம் செய்தாலும் கூட அதுவே தலைசிறந்த தொண்டாகும்” எனக் கூறி சீகன்பால்குவை உற்சாகப் படுத்தினாராம்.

இந்திய நற்செய்தி இறைப்பணிக்கு இறைவனின் அழைப்பு

1705 ஆம் ஆண்டு நவம்பர் மாதம் 11ஆம் நாள் சீகன்பால்கு புளுச்சௌ ஆகிய இருவரும் கோபன்ஹேகன் தேவாலயத்தில் குருத்துவ அபிஷேகம் பெற்றனர். அப்போஸ்தலர் 26: 17, 18 ஆம் வாக்கியங்களைக் கொண்டு சீகன்பால்கு அருளுரை ஆற்றினார். சீகன்பால்கு நிகழ்த்திய அருளுரை கேட்டு மகிழ்ந்த அரச குடும்பத்தினர் சீகன்பால்குவை அவரது வாழ்நாளின் இறுதிவரை அரச குடும்பத்திற்கு மிகவும் வேண்டியவராகப் பாராட்டினார். 17.11.1705 அன்று கோபன்ஹேகனில் செய்யப்பட்ட அரச விளம்பரத்தின் விவரம் கீழ்வருமாறு: “அருள்திரு சீகன்பால்கு அருள்திரு புளுச்சௌ ஆகிய இருவரும் நமது அரசாங்கத்தின் கீழ் நமது அரசவை நற்செய்தித் தெண்டராகத் தெரிந்தெடுக்கப்பட்டு நியமனம் பெற்றுள்ளனர். நாம் ஆளுகை செய்யும் அனைத்து கிழக்குத் தேசங்களிலும், இறைவனுடைய பரிசுத்த வசனத்தை இவர்கள் போதிக்க வேண்டும். மனசோர்வு இன்றி இந்து மற்றும் பிற மார்க்கங்களைச் சார்ந்த அனைவருக்கும் ஆகஸ்பர்க் அறிக்கையில் அடங்கிய அனைத்து உண்மைகளையும் போதிக்கவேண்டும், மக்கள் இரட்சிப்பின் அறிவை இவர்கள் வழி பெற்றுக்கொள்ள வேண்டும். நமது நற்செய்தித் தொண்டர்கள் அரசின் ஆலோசனையின் பேரில் அனைத்து ஈடுபாடுகளிலும் அரசுடன் நல்லுறவு கொண்டு என்ன செய்தாலும் அரசின் நல்லாலோ சனை பெற்றுச் செயல்பட வேண்டும், நல்வாழ்த்துக்களுடன்”. இவர்களின் நற்செய்திப் பணித்தொண்டு மேற்கத்திய அமெரிக்க தீவுகளிலா அல்லது ஆப்பிரிக்க கன்டத்தின் கினியா தேசத்திலா எனும் விவாதம் நீண்ட நாட்கள் இருந்த போதிலும், இறுதியில் அவர்கள் இந்திய பணித்தளம் செல்லுதல் உறுதிபடுத்தப்பட்டது.

சீகன்பால்கு அவர்கள் 1705 ஆம் ஆண்டு அக்டோபர் 7ஆம் நாள் பிரியாவிடை கூறி ஆகஸ்ட் ஹெர்மான் பிராங்கே அவர்களுக்கு ஒரு கடிதத்தில் கீழ்கண்டவாறு எழுதியுள்ளார். “இறைவன் ஆச்சரியமாகத் தமது ஞானத்துடன் எங்களை வழிநடத்தியிருக்கின்றார். ஆபிரகாமை இறைவன் கேட்டுக் கொண்டது போல, எங்களையும் கூட எங்களது நாட்டையும், எங்களது மக்களையும், எங்களது நண்பரையும் விட்டு இறைவன் எங்களுக்கு காட்டும் நாங்கள் அறியாத தேசத்திற்குச் செல்லுங்கள் என்று பணித்துள்ளாh.;” சீகன்பால்குவின் இந்த வார்த்தைகள் அனைவரின் உள்ளங்களையும் தொட்டன. 1705 ஆம் ஆண்டு நவம்பர் 29 ஆம் தேதி அன்று இவர்கள் இருவரும் பிரின்ஸஸ் சோபியா ஹெட்லிக் எனும் கப்பலில் தங்கள் பயணத்தை ஆரம்பித்தனர். யோசுவா 1:9, 1 நாளாகமம் 16:24, ஏசாயா 46:4 மற்றும் சங்கீதம் 91:11, 12 ஆகிய வேதாகமப் பகுதிகளைத் தியானித்தவர்களாக ஏழு மாதங்கள் கப்பல் வழியாக இந்தியா சென்றனர்.

நன்னம்பிக்கை முனையில் கப்பல் சில காலம் தங்கிற்று. அப்பொழுது இவர்கள் இருவரும் சந்தர்ப்பங்களைப் பயன்படுத்திக் கொண்டு அங்கு சந்தித்த மக்களுக்கு நற்செய்திப் பணியாற்றினர்.

தங்களது பயணத்தின்போது ஏற்பட்ட அனுபவங்களுக்கு ஒரு புத்தகம் வடிவம் கொடுத்தனர். அதன் தலைப்பு “The General School of True Wisdom”. அதின் பொருள் “உண்மையான ஞானத்தின் பொதுக்கல்விக்கூடம்” என்பதாகும். 1710 ஆம் ஆண்டு இந்தப் புத்தகம் பிரசுரிக்கப்பட்டது. தங்களது நீண்ட பயணத்தை “மரணத்தின் ஆய்வுச்சாலை” எனும் பொருள்பட “Academy of Death” எனவும் “விசுவாச சோதனை” எனும் பொருள்பட “A Test of Faith” எனவும் விவரித்தனர். பயணத்தின்போது கப்பலின் தலைவன், பெண்மணி ஒருத்தியிடம் முறை கேடாக நடந்து கொண்டதைப் பார்த்து அவரைக் கண்டித்து பெண்களை மரியாதையுடன் நடத்துவதின் அவசியத்தை கப்பல் தலைவனுக்கு சீகன்பால்கு கற்றுத்தந்தார். அதன் விளைவாக கப்பலை விட்டு இறந்கி ஊருக்குள் செல்ல அனுமதி இழந்து பல நாட்கள் காய்ந்த ரொட்டியையும் உப்புத் தண்ணீரையும் சாப்பிட நேர்ந்தது. ஆயினும் இறைத்தொண்டரோ “வாராவினை வந்தாலும் சோராதே மனமே வல்ல கிறிஸ்துனக்கு நல்ல தாரகமே” (கீர்த்தனை 203) எனும் மனதுணிவுடன் முன்னேறிச் சென்றனர்.

தரங்கம்பாடி டேனிஷ் கோட்டை

 

 

 

அந்நாட்களில் வியாபாரம் மற்றும் மீன்பிடிக்கும் தொழில் அனைத்திற்கும் தரங்கம்பாடி ஒரு பட்டணமாகத் திகழ்ந்தது. பதினேழாம் நூற்றாண்டில் டேனிஷ் தேசத்தவருடனுள்ள வாணிகத் தொடர்பினால் தரங்கம்பாடி பிரபலமாயிற்று. அந்நாட்களில் வியாபாரம் மற்றும் மீன்பிடிக்கும் தொழில் அனைத்திற்கும் தரங்கம்பாடி ஒரு பட்டணமாகத் திகழ்ந்தது. பதினேழாம் நூற்றாண்டில் டேனிஷ் தேசத்தவருடனுள்ள வாணிகத் தொடர்பினால் தரங்கம்பாடி பிரபலமாயிற்று. ஜென்சி’ன் என்பவர் தரங்கம்பாடி பற்றிக் கீழ்க்கண்ட விவரங்களை நமக்குத் தருகின்றார் “தரங்கம்பாடி ஐரோப்பிய பாணியில் திட்டமிடப்பட்ட பாதுகாவல் நிறைந்த ஒரு பட்டணமாக அமைக்கப்பட்டிருந்தது. சதுர வடிவில் ஒழுங்கு செய்யப்பட்ட முக்கிய தெருக்களும், அந்த தெருக்கள் அனைத்துமே டேனி’ஷ் பெயர் சூட்டப்பட்டவைகளாகவும் இருந்தன. அப்பெயர்கள் இன்றும்கூட வழக்கத்தில் உள்ளதை அறியலாம். இராஜவீதி எனும் சாலை ஒன்று பிரதான சாலையாகப் பொதுமக்கள் அனைவரும் பயன்படுத்தும் பிரபல சாலையாகவும் இருந்தது. இப்பொழுதும் அப்படியே இருக்கின்றது. உயர் அதிகாரிகள் வசதி நிறைந்த மாளிகைகளிலும், ஐரோப்பாவின் நடுத்தரமானவர்கள் புதிய தெருவிலும் குடியிருந்தனர். 1712 ஆம் ஆண்டின் போவிங் எனும் நற்செய்தி தொண்டரின் அறிக்கையின் படி டேனிஷ் குடிமக்கள் 24 பேர் அக்காலத்தில் அங்கு குடியிருந்தனர். டேனிஷ் கோட்டையின் பிரபுக்களாக அவர்கள் திகழ்ந்தனர். ஐரோப்பியர் மத்தியில் ஜெர்மானியருக்கு செல்வாக்கு அதிகம் இருந்தது. டேனிஷ் கிழக்கிந்திய கம்பெனியின் இராணுவத்தில் இவர்கள் பலரும் பணிபுரிந்தனர். மேலும் போர்த்துக்கீசியர் 100 நபர்களும் (கலப்பட மக்கள்) மற்றும் 500 ரோமன் சபைக் கிறித்துவர்களும் காணப்பட்டனர்.

சீகன்பால்கு மற்றும் புளுச்சௌ ஆகியோரின் தரங்கம்பாடி வருகையும் தமிழ் மொழி கற்றுக் கொள்ளுலும்

தரங்கம்பாடி மக்கள் பேசிய போர்த்துகீசு மற்றும் தமிழ் ஆகிய இருமொழிகளையும் கற்றுக் கொண்டால் மாத்திரமே நற்செய்திப் பணியினையும் இறைத்தொண்டினையும் மக்களிடையே நிறைவேற்ற இயலுமென உணர்ந்தனர். சீகன்பால்கு தமிழ் மொழியையும், புளுக்சௌ போர்த்துகீசு மொழியையும் கற்றுக் கொள்ள தீர்மானித்தனர். 1707ஆம் ஆண்டு செப்டம்பர் 20 ஆம் நாள் வெளிவந்த ஓர் அறிக்கையின் படி சீகன்பால்குவின் தமிழ்மொழி ஆசிரியர் தமிழ் எழுத்துக்களை ஓலைச் சுவடிகளில் எழுதி, குழந்தைகளுக்கான இராகத்தோடு கற்றுத் தந்தாராம். சீகன்பால்கு அம்முறையைப் பின்பற்றியே பாடம் கற்க முயன்றாராம். தமிழ் எழுத்துக்களைக் கற்றபின்னர், சிறுசிறு வார்த்தைகளும் பின்னர் கற்றுக் கொடுக்கப்பட்டது.. இத்ததைய பயிற்சிகள் பலநாட்கள் தொடரவும் இறைத்தொண்டர் சீகன்பால்கு வார்த்தைகளை நினைவில் கொள்ளவும், முறையே அவற்றை உச்சரிக்கவும் உதவியாக இருந்தது”.

அந்த நாள் மாணவர் போலவே சீகன்பால்கு மணலில் அமர்ந்து, விரல்களைப் பயன்படுத்தி இரண்டே ஆண்டுகளில் தமிழ் மொழியைக் கற்றுத் தேர்ந்தார். அந்நாட்களில் தமிழ்மொழி கற்றுக் கொள்வது மாத்திரமே தனது இலட்சியமென முழு மூச்சாய் செயல்பட்டார். .ஜெர்மான், பெர்டு பிஸ்கன் மற்றும் அர்னோ லேமென் எழுதிய ஏடுகளினின்று, மலபாரி மக்களென அழைக்கப்பட்ட தமிழ் மக்கள் போர்த்துசீசு மொழியில் கொச்சையாக பேசியபடியால் சீகன்பால்கு முதலாவதாகச் சற்று போர்த்துசீசு கற்றுக்கொண்டு பின்னர் தமிழ் ஆசிரியரைத் தனது பள்ளிக்கூடத்தைத் தனது வீட்டிலே நடத்த அழைப்பு விடுத்தார் எனவும் அறிகின்றோம். சீகன்பால்கு கற்றுக் கொடுக்கும் ஆசிரியரையும் கற்றுக் கொள்ளும் மாணவரையும் மிக உன்னிப்பாக முழுநேரமும் கவனித்தது உச்சரிப்பு கற்றுக் கொள்ள மிகவும் உதவியாயிருந்தது. அலேப்பா எனும் மொழியாக்கம் செய்பவரை தனது பணியில் அமர்த்தினார். நற்செய்தி இறைத்தொண்டர் அனைவருமே மொழியைக் கற்றுக்கொள்வதில் அலேப்பா மிகவும் பயனுள்ளவராயிருந்தார்.

தமிழ் மொழியைக் கற்றுத் திறனுடன் பயன்படுத்தும் தனது வளர்ச்சியைக் கண்ட சீகன்பால்கு அத்திறமையை அவருக்குத் இறைவன் தந்ததோர் வரம் கன ஏற்றுக்கொண்டு இறைவன் அவரைத் தொடர்ந்து தமிழ்மக்கள் மத்தியில் பணிபுரிய விரும்புகின்றார் எனும் ஓர் அடையாளமாகவும் கருதினார். சில ஆண்டுகள் பணிக்குப் பின்னர் ஐரோப்பா திரும்பி செல்லவேண்டுமென கோபன்ஹேகனில் முதலமுறையாக அவர் எடுத்த தீர்மானத்தை அவர் இப்போது மாற்றி தனது வாழ்வின் இறுதி மரணம்வரை தமிழ்மக்கள் மத்தியிலே வாழ்ந்து இறைத் தொண்டுபுரியவும் தீர்மானித்தார்.

தமிழ்மொழியைக் கற்றுக்கொண்ட தனது அனுபவத்தைப் பற்றித் தனது சொந்த வார்த்தைகளிலே அவர் கீழ்கண்டவாறு குறிப்பிட்டார். “எழுதவும் பேசவும் திறன்பெற வேண்டுமென அதற்கு உதவும் புத்தகங்களை மாத்திரமே தெரிந்தெடுத்து வாசித்து பிறரைப் பார்த்து பின்பற்றினேன். நூறு தடவைகளுக்கும் மேலாகப் பிறர் எனக்கு வாசிக்க நான் செவிமடுத்துக் கேட்டேன்.  ஏனெனில் ஒரு வார்த்தையிலும் கூட நான் பேசுவதிலும் எழுதுவதிலும் பிழை ஏற்படக் கூடாது என விரும்பினேன். நான் இந்தியா வந்துள்ள கடந்த மூன்று ஆண்டுகளில் ஒருமுறை கூட ஜெர்மானிய மற்றும் இலத்தீன் மொழிப் புத்தகம் ஒன்றைக் கூட தொடவில்லை. அனைத்து அன்றாடக விவகாரங்களனைத்தையும் மலபார் மொழியில் (1709) என் தாய்மொழிபோலவே இலகுவாக வெளிப்படுத்த முடிந்தது. கடந்த இரண்டு ஆண்டுகளில் பல புத்தகங்களைத் தமிழ்மொழியில் எழுதி முடித்து மகிழ்ந்தேன்…”

தமிழ் மொழி படிப்பதற்கான அன்றாடக அட்டவணை

பிரான்சிஸ் லுட்கன்ஸ் என்பவருக்கு சீகன்பால்கு 22.8.1708ல் எழுதிய கடிதத்தில் அவர் கீழ்கண்டவாறு குறிப்பிடுகின்றார். “காலை மணி 7 முதல் 8 மணி வரையில் முந்தின நாளில் கற்றுத்தரப்பட்ட சொல் அட்டவணையையும், சொற்றொடர்களையும் மீண்டும் மீண்டும் சொல்லி பயிற்சித்தேன். காலை 8 மணி முதல் 12 மணி பிற்பகல் வரை இதுவரையும் வாசித்து இராத புதிய புத்தகங்களை மலபாரெனும் தமிழ் மொழியில் கவிஞனும் ஆசிரியருமான ஒருவர் முன்னிலையில் உரத்த குரலில் வாசித்தேன். சிக்கலான சொற்களையும் தொடர்களையும் ஆசிரியர் எனக்கு விவரித்துக் காட்டினார். பழக்கத்தில் இருந்த சில கொச்சை வார்த்தைகளைப் புரிந்து கொள்வது எப்படியெனவும் அவற்றை எழுத்துவடிவில் தரும் போது எழும் மாற்றங்களையும் அவர் விவரித்துச் சொல்வார். பின்னர் 3 மணியிலிருந்து 5 மணி வரையில் பிற்பகல் பிரபல எழுத்தாளர்களின் புத்தகங்களை வாசித்தேன். 6.30 மணி முதல் 8.00 மணிவரை மலபாரரெனும் தமிழ்மொழி எழுத்தாளர் ஒருவர் என் கண்பார்வைக்கு ஓய்வுதரும் நோக்கில் புத்தகங்களை நான் செவிமடுக்க அவர் எனக்காக வாசித்து வருவதும் உண்டு. இத்தகைய பயிற்சிகள் தமிழ் மொழியுடன் ஓர் பிணைப்பை எனக்கு ஏற்படுத்தின.”

மாற்றம் பெற்றுவந்த அன்றைய தமிழ் எழுத்துக்களின் அமைப்பும், எழுதும் வழக்கங்களும்

அக்காலத்தில் அச்சு இயந்திரம் இந்தியாவில் இல்லை. ஓலைச்சுவடிகளில் மாத்திரமே எழுத்துக்கள் பொறிக்கப்பட்டு மக்கள் அவைகளை விலை கொடுத்து வாங்கி வாசிக்கும் நிலைமை காணப்பட்டது. மேலும் ஓலைச்சுவடிகளின் விலையும் அதிகமாயிருந்தது. ஓலைச்சுவடிகளின் இயல்புக்கு ஏற்ப எழுத்து உருவங்களும் எழுதும் பழக்கங்களும் மாறி மாறிவந்தன. ஓலைச்சுவடிகளின் பின்புற எழுத்துக்களைப் பாதிக்காதபடி முன்பக்க எழுத்துக்களில் புள்ளிகள் வைப்பது தவிர்க்கப்பட்டது. எழுதும்போது எழுத்தாணியால் ஓலைகள் கிழிந்து விடாமலிருக்க இது துணைபுரிந்தது. ஓலைகளுக்கு பாதிப்பு வராதபடி பார்த்துக்கொள்ள எழுத்துக்களின் உருவங்களை அப்பொழுது சரித்து சாய்வாகவே எழுதுவதும் வழக்கத்திலிருந்தது. செங்குத்துக் கோட்டிற்குச் செங்கோணத்திலுள்ள (horizontal) அல்லது வான விளிம்புக்குச் செங்கோணத்திலுள்ள (vertical) எழுத்து முறை ஓலைச்சுவடிக்கு பாதிப்பு விளைவிக்கின்ற நிலையில் இருந்தது. ஓலையில் எழுதும்போது உயிர் எழுத்துக்களில் குறுகிய மற்றும் நீண்ட எழுத்துக்களுக்கிடையே உள்ள வேறுபாடுகள் இல்லாமலே எழுதப்பட்டது. மெய்யெழுத்துக்களிடையேயும் தெளிவான வேறுபாடுகள் இல்லாமல் எழுதப்பட்டன. இதன் விளைவாக எழுதும் எழுத்தில் பல குழப்படிகள் இருந்தன என்பது உண்மையே. அச்சு இயந்திரம் கண்டுபிடிக்கப்பட்டு தமிழ் எழுத்துக்களுக்கு அச்சு வடிவம் கொடுக்கும் வரைக்கும் தமிழ் எழுத்து உருவங்கள்; மாறிக்கொண்டேயிருந்தன.

 

 

 

ஸ்ரீனிவாச ஐயங்கார் 14 ஆம் நூற்றாண்டு வரை இந்நிலைமை நீடித்தது எனக் குறிப்பிடுகின்றார். சென்னைக் கிறித்துவ கல்லூரி பேராசிரியர் கிப்ட் சிரோமணி என்பவர் சங்ககாலத்திலிருந்து (கி.மு. 250லிருந்து கி.பி.250 வரை). கி.பி 15ஆம் நூற்றாண்டு வரை தமிழ் எழுத்துக்கள் தமது அமைப்பையும், உருவத்தையும் எழுதும் முறைகளையும் கிட்டத்தட்ட 17 விதங்களில் மாற்றிவந்துள்ளன எனக் குறிப்பிடுகின்றார்.

அச்சு இயந்திரமும் தமிழ் அச்சு எழுத்துக்களும்

தமிழ் வேதாகமம் தமிழ் மக்களுக்கு எனும் சீகன்பால்குவின் கனவு நனவாக இங்கிலாந்து தேச ஆங்கிலிக்கன் சபையின் “கிறிஸ்து மார்க்க கல்வி அபிவிருத்தி சங்கத்தினர்” (S.P.C.K) தரங்கம்பாடி இறைத்தொண்டு சங்கத்திற்கு அன்பளிப்பாக அச்சுப்பொறியினைத் தந்தனர். ஜெர்மானிய தேசத்தில் தயாரிக்கப்பட்ட தமிழ்மொழி எழுத்துகளின் அச்சுகள் இந்தியாவிலுள்ள தரங்கம்பாடிக்கு வந்து சேர்ந்தன. பிரெஞ்சு தேச கடற்படையினர் அச்சு எழுத்துக்களைக் கொண்டு வந்த கப்பலை அரசியல் காரணமாகக் கடத்தி சென்ற நிலையில் இங்கிலாந்து தேச சபை சங்கத்தினர் அன்றைய சென்னை ஆளுநரை அணுகி அவர் மூலம் கப்பலையும் மீட்டனர். அச்சு இயந்திரமும், அச்சு எழுத்துக்களும் இறைத் தொண்டுக்கென துறைமுகம் வந்து சேர்ந்த போதிலும் அச்சுக் கோர்த்து இயந்திரத்தை திறம்பட இயங்கச்செய்யும் பயிற்சி பெற்ற ஜோனாஸ் ப்ரான்ஸ் என்பவர் கரை சேர இயலாது கப்பலிலே மரணமடைந்தார். ஆயினும் தரங்கையில் வாழ்ந்து வந்த டேனிஷ் அரச போர் வீரர் ஒருவருக்கு அச்சு இயந்திரம் இயக்கும் திறன் உண்டென கண்டுபிடித்த சீகன்பால்கு அவர் சேவையை நாடி தனது பணிவிடையைத் தொடர்ந்தார். 1712 ஆம் ஆண்டு ஜுலை 16 ஆம் நாள் கிரண்டுலர் சென்னை சென்று அச்சு இயந்திரத்தையும் நூறு ரீம் அச்சடிக்கும் காகித்தாளையும் எடுத்து வந்தார். தமிழ் அறிஞர் சிலர் உதவியுடன் உருவாக்கப்பட்ட 17000 சொற்கள் அடங்கியதோர் அகராதியும் தரங்கம்பாடி நற்செய்தித் தொண்டு சங்கத்தால் சீகன்பால்கு தலைமையில் உருவாக்கப்பட்டிருந்தது மேலும் ஹலே என்னும் ஜெர்மானிய நகரில் வெளியிடப்பட்ட ‘கிராமடிக்கா டாமுலிகா’ எனும் பிரபலநூலும் தமிழ் இலக்கண இலக்கிய அறிவிலும் அனுபவத்திலும் தமிழ் மொழியில் புதிய ஏற்பாட்டை மொழியாக்கம் செய்யவும் பின்னர் பழைய ஏற்பாட்டை துவங்கவும் அவருக்கு துணைநின்றன. மீனாட்சி சுந்தரம் அவர்கள் சீகன்பால்கு பற்றி இவ்வாறு எழுதுகிறார்: “இந்த இறைத் தொண்டு விவகாரத்தில் சீகன்பால்கு நிகரற்றவராய், தனி இடம் பிடித்தவராய் சிறந்து நிற்கின்றார். அச்சு இயந்திரத்தை இந்தியாவிற்கு அவர் கொண்டு வந்தது மட்டுமின்றி அச்சுக்குரிய தமிழ் எழுத்து வரைப்பாளம் செதுக்கி தமிழ் வார்த்தைகளையும் எளிதாகவும் வாசிக்க வசதி செய்து தந்தவராவார்”.

 

 

 

தமிழ் வேதாகம மொழியாக்கத்தின் முதல் நிறைவு

1708 ஆம் ஆண்டு அக்டோபர் மாதம் 17 ஆம் நாள் சீகன்பால்கு கிரேக்க புதிய ஏற்பாட்டிலிருந்து தமிழ் வேதாகமத்தை மொழியாக்கம் செய்ய முனைந்தார். பல்வேறு மொழிகளாகிய ஜெர்மன், இலத்தீன் டச்சு, டேனிஷ் மற்றும் போர்த்துக்கீசு ஆகிய மொழிகளில் ஏற்பட்ட புதிய ஏற்பாட்டு மொழியாக்கங்களையும், பிற வேதாகம வியாக்கியான அறிவுரை நூல்களையும் அவர் ஆழ்ந்து ஆராய்ந்தார். தனது மொழியாக்கத்தில் அதிகாரங்களை மாற்றாது அப்படியே விட்டு விட்டார். வசன எண்களை அவ்விதமாக விடமுடியாது போயிற்று. ஐரோப்பிய முறையில் வாக்கியங்களை உருவாக்குவது போல் தமிழ் மொழியில் செய்ய இயலாததெனக் கண்ட அவர் வசனங்களின் எண்களை மாற்றியமைப்பது அவசியமாயிற்று. சில வசனங்களின் வாக்கியங்களைப் பொருள் தர இணைப்பதும் பிரிப்பதும் அவசியமாயிற்று.

தமிழ் மொழியானது வாசிப்பதிலும் எழுதுவதிலும்; எபிரேய மொழி போல் கடினமே ஆயினும் சாத்தியமற்ற ஒன்றல்ல. எனினும் சீகன்பால்கு அவர்களைப் பொறுத்தமட்டில் தமிழ்மொழி மீது அவருக்கு இருந்த ஆர்வமும், தமிழ் மக்கள் அறிவில் சிறந்தோர் மட்டுமின்றி இறைபற்று நிறைந்தோரெனவும் உயர்ந்த அபிப்பிரயம் கொண்டிருந்தார். ஆயினும் இயேசு கிறிஸ்துவில் தாம் கண்ட பேரின்ப சமாதானத்தை தமிழ் மக்களும் பெற்று மகிழ வேண்டும் எனும் இலட்சியமே அவரது பணிவிடைகளைத் தூண்டும் கருவிகளாயிருந்தன. எவ்வாறாயினும் புதிய ஏற்பாட்டின் தமிழ் மொழியாக்கம் கிரேக்க மூல மொழிபோல் முன் வடிவின் தமிழ் மொழியில் பொருள் தந்தது. முதல் புதிய ஏற்பாடு மொழியாக்க நகல் 1711 ஆம் ஆண்டு மார்ச்சு மாதம் 31 ஆம் தேதி ஆயத்தமாயிற்று. 235 ஓலைச்சுவடிகளில் கையால் எழுதப்பட்ட தமிழில் மொழியாக்க புதிய ஏற்பாட்டின் தொகுப்பு இன்றும் கூட கோபன்ஹேகனிலுள்ள அரச வாசகர் புத்தக சாலையின் கையால் எழுதிய பிரதிகள் உள்ள பிரிவில் பாதுகாக்கப்படுகின்றது. கோபன்ஹேகன் செல்லுவோர் இன்றுகூட அன்று கையால் எழுதப்பட்ட ஓலைச்சுவடுகளை கண்டு மகிழலாம்.

இத்தகைய விசித்திரமானதும் புதுமையானதுமான வளர்ச்சிகள் காரணமாக இதுவரை தமிழ் மொழியில் காணப்பட்ட செய்யுள் நடைமுற்றிலுமாக உரைநடைக்கு மாற்றம் பெற்றது குறிப்பிடத்தக்கது. வார்த்தைகளுக்கு இடையே இடம்கொடுக்காமல் சேர்த்தே இதுவரை எழுதி வந்த பழக்கத்திற்கு நாளடைவில் 1848 ஆம் ஆண்டிலே ஒருபெரிய திருப்பம் உண்டாயிற்று. சென்னை வேதாகம சங்கத்தினர் முதல் முறையாக தமிழ் வேதாகமங்கள் அச்சிட்டபோது வார்த்தைகளுக்கிடையேயும் வாக்கியங்களுக்கு இடையிலும் இடம்விட்டு எழுதும் முறையை அறிமுகம் செய்து வாசகர் அனைவருக்கும் தெளிவையையும் எளிமையையும் தந்தனர் என்பதை தமிழ் இலக்கிய களஞ்சியத்தின் முற்சுட்டிய கட்டுரை ஆசிரியர் தெளிவுப்படுத்தியுள்ளார். சீர்த்திருத்தச் சபையை பர்த்தலோமேயு சீகன்பால்கு எப்பொழுது நிறுவினாரோ அப்பொழுதே அச்சுத்தொழிலும் நிரந்தரமாக இந்தியாவில் நீடிக்க வழி பிறந்தது. 24 வயதில் ஜெர்மனியின் புகழ்பெற்ற நகரமான ஹலேயிலிருந்து இந்தியா வந்த ஜெர்மானிய லுத்தர்ன் நற்செய்தி இறைத் தொண்டர் இந்தியாவில் முதன்முதலில் நிறுவிய சீர்த்திருத்த சபையுடன் பதினேழாம் நூற்றாண்டில் அகில உலகமும் அறிய புகழ் பெற்றதோர் அச்சுக்கலைக் கூடத்தையும் நிறுவினார் என்பது மிகவும் குறிப்பிடத்தக்க வரலாற்று நிகழ்வேயாகும்.

வேதாகமத்தின் பழைய ஏற்பாட்டு மொழியாக்கம் இன்னும் நிறைவு காணாத நிலைமையிலிருந்த போதிலும் 1719 ஆம் ஆண்டு 37 ஆம் வயதில் சீகன்பால்கு தொண்டர் முதிரா நிலை மரணத்தை சந்தித்தார். அவரது கல்லறையில் இன்று நாம் காணும் வாசகம்: “Glory to the King of universe who gave to the Tamilians, first among the Indians, their first New Testament”. ஏனைய இறைத்தொண்டர் முழு வேதாகம மொழி பெயர்ப்பின் அவரது கனவை நனவாக்கும் பணியில் துரிதமாக முனைந்தனர். பெஞ்சமின் சூல்ட்ஸ் என்பவர் சீகன்பால்கு இறந்த பிறகு அதே ஆண்டு இந்தியா வந்து தரங்கம்பாடி சேவையில் இணைந்து வேதாகமத்தின் பழைய ஏற்பாட்டின் மீதியான அனைத்துப் பகுதிகளையும் மொழியாக்கம் செய்தார். 1723 ஆம் ஆண்டிலிருந்து 1727 ஆம் ஆண்டுக்குள்ளாக முழு பழைய ஏற்பாட்டு வேதாகமப் பகுதிகளையும் நான்கு பகுதிகளாக அச்சிட்டு அவர் பிரசுரித்தார். தமிழ் மொழி ஆர்வலரும் தமிழ் மக்களின் நண்பருமான பர்த்தலோமேயு சீகன்பால்கு மற்றும் புளுச்சோ, கிரண்டுலர் ஆகிய அனைவரது வழி நாமும் நின்று இறைப்பணி மற்றும் பொதுப்பணி நிறைவேற்றி நாம் பெற்ற அனைத்து இன்பமும் இவ்வையகம் பெற்றிட நேசமாய் இயேசுவைக் கூறுவோம், அவரைக் காண்பிப்போம், மாவிருள் நீக்குவோம், வெளிச்சம் வீசுவோம்; ஊக்கமாக உழைத்திடுவோம், ஜெபித்திடுவோம். நாம் வாழும் உலகமும் நமது பாரததேசமும் நம் தாய்மொழி தமிழும் வாழட்டும் வளரட்டும். பார்போற்றும் வேந்தன் இயேசுவின் நாமமும் இனிதே மலரட்டும்.

- அருள்திரு அறிவர். து. ஆல்பர்ட் தேவதாசன் செல்வின்

(I have taken all the details and information relevant for this short essay from my own book “300 years of Tamil Bible: Its origin and Impact” published by the (BSS) Bible Society of Singapore and (FIDC) the Federation of Indian Denominational Churches” in Feb.2013 for the benefit of the Tamil-speaking people in Singapore and Malaysia. I acknowledge gratefully for their encouragement and support. Now I have suitably amended it for the first time in India for commemorating on 31st March 2016, the Tamil Bible’s 305th year celebrating Ziegenbalg and his contribution to Indian church and society in the form of this short essay to print media for the benefit of the wider Indian Tamil reading public.)

 

 

 

- Rev. Dr. J. Albert Devadosan Selwyn

]]>
http://www.dinamani.com/specials/impressions/2016/may/27/கிறித்துவ-தமிழ்-வேதாகமத்தின்-305-ஆம்-பிறந்த-நாள்-1137.html
1133 ஸ்பெஷல்ஸ் இந்த நாளில்... அரசியலாகும் நேரு பிறந்த நாள் மாநாடு! kirthika PTI Friday, May 27, 2016 11:31 AM +0530

முன்னாள் பிரதமர் மறைந்த ஜவாஹர்லால் நேருவின் 125-ஆவது பிறந்த நாள் மாநாடு அரசியலாகியுள்ளது.

ஜவாஹர்லால் நேரு பிறந்த நாளையொட்டி, மத்திய அரசு ஒருபுறமும், காங்கிரஸ் கட்சி தனியாகவும் ஏற்பாடு செய்து வரும் விழாக்களே இதை உறுதிப்படுத்துவதாக உள்ளது என்று அரசியல் நோக்கர்கள் கருதுகின்றனர்.

நேரு பிறந்த நாளையொட்டி, தில்லி தால்கடோரா விளையாட்டரங்கில் காங்கிரஸ் ஏற்பாடு செய்துள்ள சர்வதேச மாநாட்டில் பங்கேற்க உலக நாடுகளின் தலைவர்களுக்கு அழைப்பிதழ் அனுப்பிய காங்கிரஸ் கட்சி, பிரதமர் நரேந்திர மோடிக்கு அழைப்பிதழ் அனுப்பவில்லை என்ற தகவலை திங்கள்கிழமை உறுதிப்படுத்தியது. இந்த நிலையில், இந்த மாநாட்டில் பாஜக மற்றும் அதன் கூட்டணிக் கட்சிகளுக்கும் காங்கிரஸ் மேலிடம் அழைப்பிதழ் அனுப்பவில்லை.

நேரு பிறந்த நாளையொட்டி, மத்திய கலாசார துறை சார்பில் தில்லி விஞ்ஞான் பவனில் பல்வேறு நிகழ்ச்சிகளுக்கு ஏற்பாடு செய்யப்பட்டு வருகிறது. இதனால், பாரதத்தின் முதலாவது பிரதமரான நேருவின் 125-ஆவது பிறந்த நாள் நிகழ்வு இந்த முறை ஆளும் கட்சிக்கும், எதிரணியில் உள்ள காங்கிரஸூக்கும் இடையில் நிலவும் அரசியல் போட்டியாக மாறும் சூழல் உருவாகியுள்ளது.

இந்த மாநாட்டில் பங்கேற்கும்படி, ஐக்கிய ஜனதா தளம், ராஷ்ட்ரீய ஜனதா தளம், இடதுசாரிக் கட்சிகள், திரிணமூல் காங்கிரஸ், தேசியவாத காங்கிரஸ் கட்சி, சமாஜ்வாதி காங்கிரஸ், பகுஜன் சமாஜ் கட்சி உள்ளிட்டவற்றின் தலைவர்களுக்கு காங்கிரஸ் தலைவர் சோனியா காந்தியே தனது கைப்பட கடிதம் எழுதி அழைப்பு விடுத்துள்ளார்.

காங்கிரஸ் கூட்டணியில் இருந்து விலகி மகாராஷ்டிர மாநிலத்தில் ஆளும் பாஜக அரசு அமைய தேசியவாத காங்கிரஸ் கட்சி ஆதரவு தெரிவித்துள்ளது. இருப்பினும், அதன் தலைவர் சரத் பவாருக்கு சோனியா காந்தி கடிதம் எழுதி நிகழ்ச்சியில் பங்கேற்கும்படி அழைப்பு விடுத்துள்ளார்.

இதுகுறித்து தில்லியில் காங்கிரஸ் மூத்த தலைவரும், நேரு பிறந்த நாள் விழா அமைப்பாளருமான ஆனந்த் சர்மா செய்தியாளர்களிடம் புதன்கிழமை கூறியதாவது:

"காங்கிரஸ் நடத்தும் சர்வதேச மாநாட்டில் ஆப்பிரிக்க தேசிய காங்கிரஸ், சீன கம்யூனிஸ்ட் கட்சி, வங்கதேசத்தின் அவாமி லீக், நேபாளி காங்கிரஸ், வியத்நாம் கம்யூனிஸ்ட் கட்சி உள்பட பல்வேறு நாடுகளின் அரசியல் தலைவர்கள் கலந்து கொள்ள இசைவு தெரிவித்துள்ளனர். ஆப்கன் முன்னாள் அதிபர் ஹமீது கர்ஸாய், கானா நாட்டு முன்னாள் அதிபர் ஜான் குஃபுவர், நேபாள முன்னாள் பிரதமர் மாதவ் கே. நேபாள், பூட்டான் ராணி அஷி தோர்ஜி வாங்மோ வாங்சுக் உள்ளிட்ட தலைவர்களும் நிகழ்ச்சியில் கலந்து கொள்ள ஒப்புதல் தெரிவித்துள்ளனர். நேருவின் சிந்தனைகளை உளப்பூர்வமாக மதிப்பவர்கள், இந்தியாவின் வளர்ச்சிக்கு அவர் அளித்த வழிகாட்டுதல்கள் ஆகியவற்றை மதிக்கும் தலைவர்களுக்கு காங்கிரஸ் கட்சி அழைப்பிதழ் அனுப்பியுள்ளது. மத்தியில் ஆட்சியில் உள்ளவர்கள் நேருவின் நோக்கத்தை திசை திருப்பும் வகையில் சில திட்டங்களைச் செயல்படுத்துகின்றனர். அதனால்தான் குறிப்பிட்ட சிலருக்கு அழைப்பிதழ் அனுப்பவில்லை' என்றார் அவர்.

மத்தியில் காங்கிரஸ் தலைமையிலான ஐக்கிய முற்போக்குக் கூட்டணி அரசு ஆட்சியில் இருந்த போது நேருவின் 125-ஆவது பிறந்த நாள் விழாவை பல்வேறு நிகழ்ச்சிகள் மூலம் வெள்ளிக்கிழமை (நவம்பர் 14) கொண்டாடத் திட்டமிடப்பட்டது.

இதையொட்டி, 125-ஆவது பிறந்த நாள் விழாவை 2015-ஆம் ஆண்டு, நவம்பர் 14-ஆம் தேதி வரை கொண்டாட முடிவு செய்யப்பட்டது. இதற்காக மத்திய அரசு சார்பில் மத்திய கலாசாரத் துறையும் காங்கிரஸ் சார்பில் ஒரு குழுவும் விழாக்களை நடத்த நியமிக்கப்பட்டன.

இந்த நிலையில், மத்தியில் ஆட்சி மாற்றம் ஏற்பட்டதையடுத்து, நேருவின் 125-ஆவது பிறந்த நாள் விழாக் குழுவை பிரதமர் நரேந்திர மோடி மாற்றியமைத்தார். அதில் சோனியா காந்தி, ராகுல் காந்தி உள்பட நேரு குடும்பத்தைச் சேர்ந்த யாரும் இடம் பெறவில்லை.

இதனால், அதிருப்தியடைந்த காங்கிரஸ் மேலிடம், நேருவின் 125-ஆவது பிறந்த நாளையொட்டி, தில்லியில் வரும் 14, 15 ஆகிய நாள்களில் சர்வதேச மாநாட்டுக்கு ஏற்பாடு செய்துள்ளது. இதில் பங்கேற்க 54 நாடுகளின் தலைவர்களுக்கு காங்கிரஸ் கட்சி சார்பில் அழைப்பிதழ் அனுப்பப்பட்டுள்ளது.

]]>
http://www.dinamani.com/specials/impressions/2016/may/27/அரசியலாகும்-நேரு-பிறந்த-நாள்-மாநாடு-1133.html
1131 ஸ்பெஷல்ஸ் இந்த நாளில்... அரசியலாகும் நேரு பிறந்த நாள் மாநாடு! kirthika PTI Friday, May 27, 2016 11:27 AM +0530

ஜவாஹர்லால் நேரு பிறந்த நாளையொட்டி, மத்திய அரசு ஒருபுறமும், காங்கிரஸ் கட்சி தனியாகவும் ஏற்பாடு செய்து வரும் விழாக்களே இதை உறுதிப்படுத்துவதாக உள்ளது என்று அரசியல் நோக்கர்கள் கருதுகின்றனர்.

நேரு பிறந்த நாளையொட்டி, தில்லி தால்கடோரா விளையாட்டரங்கில் காங்கிரஸ் ஏற்பாடு செய்துள்ள சர்வதேச மாநாட்டில் பங்கேற்க உலக நாடுகளின் தலைவர்களுக்கு அழைப்பிதழ் அனுப்பிய காங்கிரஸ் கட்சி, பிரதமர் நரேந்திர மோடிக்கு அழைப்பிதழ் அனுப்பவில்லை என்ற தகவலை திங்கள்கிழமை உறுதிப்படுத்தியது. இந்த நிலையில், இந்த மாநாட்டில் பாஜக மற்றும் அதன் கூட்டணிக் கட்சிகளுக்கும் காங்கிரஸ் மேலிடம் அழைப்பிதழ் அனுப்பவில்லை.

நேரு பிறந்த நாளையொட்டி, மத்திய கலாசார துறை சார்பில் தில்லி விஞ்ஞான் பவனில் பல்வேறு நிகழ்ச்சிகளுக்கு ஏற்பாடு செய்யப்பட்டு வருகிறது. இதனால், பாரதத்தின் முதலாவது பிரதமரான நேருவின் 125-ஆவது பிறந்த நாள் நிகழ்வு இந்த முறை ஆளும் கட்சிக்கும், எதிரணியில் உள்ள காங்கிரஸூக்கும் இடையில் நிலவும் அரசியல் போட்டியாக மாறும் சூழல் உருவாகியுள்ளது.

இந்த மாநாட்டில் பங்கேற்கும்படி, ஐக்கிய ஜனதா தளம், ராஷ்ட்ரீய ஜனதா தளம், இடதுசாரிக் கட்சிகள், திரிணமூல் காங்கிரஸ், தேசியவாத காங்கிரஸ் கட்சி, சமாஜ்வாதி காங்கிரஸ், பகுஜன் சமாஜ் கட்சி உள்ளிட்டவற்றின் தலைவர்களுக்கு காங்கிரஸ் தலைவர் சோனியா காந்தியே தனது கைப்பட கடிதம் எழுதி அழைப்பு விடுத்துள்ளார்.

காங்கிரஸ் கூட்டணியில் இருந்து விலகி மகாராஷ்டிர மாநிலத்தில் ஆளும் பாஜக அரசு அமைய தேசியவாத காங்கிரஸ் கட்சி ஆதரவு தெரிவித்துள்ளது. இருப்பினும், அதன் தலைவர் சரத் பவாருக்கு சோனியா காந்தி கடிதம் எழுதி நிகழ்ச்சியில் பங்கேற்கும்படி அழைப்பு விடுத்துள்ளார்.

இதுகுறித்து தில்லியில் காங்கிரஸ் மூத்த தலைவரும், நேரு பிறந்த நாள் விழா அமைப்பாளருமான ஆனந்த் சர்மா செய்தியாளர்களிடம் புதன்கிழமை கூறியதாவது:

"காங்கிரஸ் நடத்தும் சர்வதேச மாநாட்டில் ஆப்பிரிக்க தேசிய காங்கிரஸ், சீன கம்யூனிஸ்ட் கட்சி, வங்கதேசத்தின் அவாமி லீக், நேபாளி காங்கிரஸ், வியத்நாம் கம்யூனிஸ்ட் கட்சி உள்பட பல்வேறு நாடுகளின் அரசியல் தலைவர்கள் கலந்து கொள்ள இசைவு தெரிவித்துள்ளனர். ஆப்கன் முன்னாள் அதிபர் ஹமீது கர்ஸாய், கானா நாட்டு முன்னாள் அதிபர் ஜான் குஃபுவர், நேபாள முன்னாள் பிரதமர் மாதவ் கே. நேபாள், பூட்டான் ராணி அஷி தோர்ஜி வாங்மோ வாங்சுக் உள்ளிட்ட தலைவர்களும் நிகழ்ச்சியில் கலந்து கொள்ள ஒப்புதல் தெரிவித்துள்ளனர். நேருவின் சிந்தனைகளை உளப்பூர்வமாக மதிப்பவர்கள், இந்தியாவின் வளர்ச்சிக்கு அவர் அளித்த வழிகாட்டுதல்கள் ஆகியவற்றை மதிக்கும் தலைவர்களுக்கு காங்கிரஸ் கட்சி அழைப்பிதழ் அனுப்பியுள்ளது. மத்தியில் ஆட்சியில் உள்ளவர்கள் நேருவின் நோக்கத்தை திசை திருப்பும் வகையில் சில திட்டங்களைச் செயல்படுத்துகின்றனர். அதனால்தான் குறிப்பிட்ட சிலருக்கு அழைப்பிதழ் அனுப்பவில்லை' என்றார் அவர்.

மத்தியில் காங்கிரஸ் தலைமையிலான ஐக்கிய முற்போக்குக் கூட்டணி அரசு ஆட்சியில் இருந்த போது நேருவின் 125-ஆவது பிறந்த நாள் விழாவை பல்வேறு நிகழ்ச்சிகள் மூலம் வெள்ளிக்கிழமை (நவம்பர் 14) கொண்டாடத் திட்டமிடப்பட்டது.

இதையொட்டி, 125-ஆவது பிறந்த நாள் விழாவை 2015-ஆம் ஆண்டு, நவம்பர் 14-ஆம் தேதி வரை கொண்டாட முடிவு செய்யப்பட்டது. இதற்காக மத்திய அரசு சார்பில் மத்திய கலாசாரத் துறையும் காங்கிரஸ் சார்பில் ஒரு குழுவும் விழாக்களை நடத்த நியமிக்கப்பட்டன.

இந்த நிலையில், மத்தியில் ஆட்சி மாற்றம் ஏற்பட்டதையடுத்து, நேருவின் 125-ஆவது பிறந்த நாள் விழாக் குழுவை பிரதமர் நரேந்திர மோடி மாற்றியமைத்தார். அதில் சோனியா காந்தி, ராகுல் காந்தி உள்பட நேரு குடும்பத்தைச் சேர்ந்த யாரும் இடம் பெறவில்லை.

இதனால், அதிருப்தியடைந்த காங்கிரஸ் மேலிடம், நேருவின் 125-ஆவது பிறந்த நாளையொட்டி, தில்லியில் வரும் 14, 15 ஆகிய நாள்களில் சர்வதேச மாநாட்டுக்கு ஏற்பாடு செய்துள்ளது. இதில் பங்கேற்க 54 நாடுகளின் தலைவர்களுக்கு காங்கிரஸ் கட்சி சார்பில் அழைப்பிதழ் அனுப்பப்பட்டுள்ளது.

]]>
http://www.dinamani.com/specials/impressions/2016/may/27/அரசியலாகும்-நேரு-பிறந்த-நாள்-மாநாடு-1131.html
1128 ஸ்பெஷல்ஸ் இந்த நாளில்... ஆளுநர் உரைக்கு நன்றி தெரிவிக்கும் தீர்மானம்: முதல்வர் பேச்சு kirthika PTI Friday, May 27, 2016 11:23 AM +0530

ஆளுநர் உரைக்கு நன்றி தெரிவிக்கும் தீர்மானத்தின் மீது நடைபெற்ற விவாதத்துக்கு பிறகு, இன்று முதல்வர் சட்டப் பேரவையில் பதில் உரை அளித்தார்.

அதில் இருந்து...

* கடந்த 20 மாதங்களில் தமிழக மக்களின் நலனுக்காக நிறைவேற்றப்பட்ட நலத் திட்டங்கள் குறித்தும், அரசு நிகழ்த்தியுள்ள சாதனைகள் குறித்தும், மேற்கொள்ளப்பட வேண்டிய திட்டங்கள் குறித்தும், அரசின் செயல்பாடுகள் குறித்து உறுப்பினர்கள் தெரிவித்துள்ள கருத்துகள் குறித்தும் எனது விளக்கத்தை அளிக்க விரும்புகிறேன்.

 

* மின்சாரப் பிரச்னை குறித்து...

இங்கே பேசிய பெரும்பாலான உறுப்பினர்கள் தமிழகத்தில் நிலவும் மின்சாரப் பிரச்சனை குறித்து எடுத்துக் கூறினார்கள். தமிழகத்தில் தற்போது நிலவும் மின்சாரப் பற்றாக்குறைக்கான காரணம் என்ன என்பதைப் பற்றியும், அவற்றை சீர் செய்வதற்கு நான் எடுத்து வரும் முயற்சிகளைப் பற்றியும் இந்த அவையிலே பல முறை விரிவாக எடுத்துரைத்துள்ளேன்.

இருப்பினும், தற்போது நிலவும் மின்சாரப் பற்றாக்குறைக்கு காரணம் எனது அரசு தான் என்று இங்கே பேசிய ஒரு சில உறுப்பினர்கள் கூறுவதால், இதில் உள்ள உண்மை நிலையை மீண்டும் எடுத்துக் கூறுவது எனது கடமையென கருதுகிறேன்.

எனது முந்தைய ஆட்சிக் காலத்தில், அதாவது 2001 முதல் 2006  வரை தமிழகம் மின் மிகை மாநிலமாகத்தான் இருந்து வந்தது. எதிர்கால மின் தேவையைக் கருத்தில் கொண்டு, 500 மெகாவாட் மின் திறன் கொண்ட அனல் மின் நிலையத்தை வட சென்னையில் அமைக்கவும்; தேசிய அனல் மின் கழகத்துடன் இணைந்து 1000 மெகாவாட் திறன் கொண்ட அனல் மின் நிலையங்களை வல்லூரில் அமைக்கவும்; நெய்வேலி பழுப்பு நிலக்கரி நிறுவனத்துடன் இணைந்து 1000 மெகாவாட் திறன் கொண்ட அனல் மின் நிலையங்களை தூத்துக்குடியில் அமைக்கவும்; 500 மெகாவாட் திறன் கொண்ட குந்தா நீரேற்று மின் நிலையத்தை அமைக்கவும்; ராமநாதபுரம் மாவட்டம் வழுதூரில் 95 மெகாவாட் திறன் கொண்ட எரிவாயு சுழலி மின் நிலையத்தை அமைக்கவும் நடவடிக்கைகள் மேற்கொள்ளப்பட்டன. அதாவது, 3,095 மொகாவாட் அளவுக்கான மின்சார உற்பத்தி திட்டங்கள் எனது முந்தைய ஆட்சிக் காலத்தில் தொடங்கப்பட்டன. இந்த மின் திட்டங்களை 2006 முதல் 2011 வரையிலான ஆண்டுகளில், முந்தைய மைனாரிட்டி தி.மு.க. அரசு நிறைவேற்றியிருந்தாலே, தமிழ்நாட்டில் தற்போது மின் பற்றாக்குறை ஏற்பட்டு இருக்காது. எனவே, தற்போது நிலவும் மின் பற்றாக்குறைக்கு முந்தைய தி.மு.க. அரசு தான் காரணம் என்பதை தெரிவித்துக் கொள்கிறேன்.

2011-ல், 3-வது முறையாக நான் ஆட்சிப் பொறுப்பை ஏற்றவுடன், தமிழகத்தின் மின் நிலைமை குறித்து விரிவாக ஆய்வு நடத்தினேன்.  அப்போது, 2005 ஆம் ஆண்டு எனது ஆட்சிக் காலத்தில் ஒப்புதல் வழங்கப்பட்ட, வட சென்னை அனல் மின் நிலையத் திட்டத்தில் 50 விழுக்காட்டிற்கும் குறைவானப் பணிகளே மேற்கொள்ளப்பட்டிருந்தன என்பது என் கவனத்திற்கு கொண்டு வரப்பட்டது. இந்தத் திட்டத்திற்கான பணிகளை நான் துரிதப்படுத்தியதன் விளைவாக, 600 மெகாவாட் மின்சாரம் இந்த ஆண்டு ஏப்ரல் மாதம் முதல் நமக்கு கிடைக்க இருக்கிறது. முந்தைய தி.மு.க. ஆட்சியின் ஐந்து ஆண்டுகளில் 50 விழுக்காட்டிற்கும் குறைவான பணிகளே முடிக்கப்பட்ட நிலையில், 50 விழுக்காட்டிற்கும் மேற்பட்ட பணிகளை எனது அரசு செய்து  முடித்துள்ளது.

வட சென்னை அனல் மின் நிலையத்தின் இரண்டாவது அலகினை பொறுத்த வரையில், 40 விழுக்காடு பணிகள் மட்டுமே முந்தைய மைனாரிட்டி தி.மு.க. ஆட்சியின் ஐந்தாண்டுகளில் முடிவடைந்திருந்தன. நான் ஆட்சிப் பொறுப்பேற்ற பிறகு, தொய்வடைந்திருந்த இந்தப் பணிகளை முடுக்கிவிட்டதன் காரணமாக மீதமுள்ள  60 விழுக்காடு பணிகள் தற்போது முடிவடையும் நிலையில் உள்ளன. இதன் மூலம், இந்த ஆண்டு மே மாதம் முதல் நமக்கு 600 மெகாவாட் மின்சாரம் கிடைக்க இருக்கிறது.

இதே போன்று, 600 மெகாவாட் திறன் கொண்ட மேட்டூர் அனல் மின் திட்டப் பணிகள் முந்தைய மைனாரிட்டி தி.மு.க. ஆட்சிக் காலத்தின் ஐந்து ஆண்டுகளில்  55 விழுக்காடு பணிகளே முடிவடைந்திருந்தன. நான் ஆட்சிப் பொறுப்பேற்றவுடன் இந்தப் பணிகளை விரைவுபடுத்தியதன் காரணமாக, மீதமுள்ள 45 விழுக்காடு பணிகள் 1ஙூ ஆண்டுகளில் முடிக்கப்பட்டன. இந்த அனல் மின் நிலையத்திலிருந்து, டிசம்பர் மாதம் 2012 ஆம் ஆண்டு முதல் நமக்கு மின்சாரம் கிடைக்கும் என்று நான் ஏற்கெனவே இந்த அவையிலே அறிவித்திருந்தேன்.  அதன்படி, இந்த அனல் மின் நிலையம் 608 மெகாவாட் மின்சாரம் உற்பத்தி செய்து சோதனை ஓட்டத்தை தொடங்கியுள்ளது என்பதை மகிழ்ச்சியுடன் தெரிவித்துக் கொள்கிறேன்.

தேசிய அனல் மின் கழகத்துடன் கூட்டு முயற்சியில் எனது ஆட்சிக் காலத்தில் ஏற்படுத்தப்பட்ட வல்லூர் அனல் மின் திட்டப் பணிகளும், முந்தைய தி.மு.க. ஆட்சிக் காலத்தில் மந்த கதியிலேயே நடைபெற்றன. நான் ஆட்சிப் பொறுப்பேற்ற பிறகு எடுத்த துரித நடவடிக்கையின் காரணமாக, இந்தப் பணிகள் விரைவுபடுத்தப்பட்டன. இதன் விளைவாக, நான் ஏற்கெனவே இந்த அவையில் அறிவித்தது போல், வல்லூர் அனல் மின் திட்டத்தின் முதல் அலகு 2012 டிசம்பர் மாதம் முதல் செயல்பாட்டிற்கு வந்துள்ளது.  இதிலிருந்து தமிழ்நாட்டிற்கு 375 மெகாவாட் மின்சாரம் தற்போது கிடைத்து வருகிறது.  இதே போன்று நான் ஏற்கெனவே அறிவித்தபடி, 500 மெகாவாட் திறன் கொண்ட வல்லூர் அனல் மின் திட்டத்தின் இரண்டாவது அலகு இந்த ஆண்டு மார்ச் மாதத்திலிருந்தும்; 500 மெகாவாட் திறன் கொண்ட வல்லூர் அனல் மின் திட்டத்தின் மூன்றாவது அலகு இந்த ஆண்டு அக்டோபர் மாதத்திலிருந்தும் செயல்பாட்டிற்கு வர இருக்கிறது.   இவற்றிலிருந்து தமிழ்நாட்டிற்கு 750 மெகாவாட் மின்சாரம் கிடைக்கும்.

நெய்வேலி பழுப்பு நிலக்கரி நிறுவனத்துடன் கூட்டு முயற்சியில் எனது ஆட்சிக் காலத்தில் ஏற்படுத்தப்பட்ட தூத்துக்குடி அனல் மின் திட்டப் பணிகளும், முந்தைய தி.மு.க. ஆட்சிக் காலத்தில் ஆமை வேகத்திலேயே சென்றன. இந்தப் பணிகளை நான் துரிதப்படுத்தியதன் விளைவாக, தூத்துக்குடி அனல் மின் திட்டத்தின் இரண்டு அலகுகள் இந்த ஆண்டு டிசம்பர் மாதம் முதல் உற்பத்தியை துவங்க உள்ளன.  இதன் மூலம், 387 மெகாவாட் மின்சாரம் நமக்கு கிடைக்கும்.

 நான் மேலே சொன்ன அனல் மின் திட்டங்களிலிருந்து தமிழ்நாட்டிற்கு கிடைக்க வேண்டிய 3,312 மெகாவாட் மின்சாரத்தில், 375 மெகாவாட் மின்சாரத்தை நாம் தற்போது பெற்று வருகிறோம்.  மீதமுள்ள 2,937 மொகாவாட் மின்சாரத்தில், இந்த ஆண்டு ஜூன் மாதத்திற்குள் 2,175 மெகாவாட் மின்சாரம் நமக்கு கிடைக்க இருக்கிறது. எஞ்சியுள்ள, 762 மெகாவாட் மின்சாரம் இந்த ஆண்டு இறுதிக்குள் கிடைத்துவிடும்.

மேலும், கூடங்குளம் அணுமின் நிலையத்திலிருந்தும்; நெய்வேலி பழுப்பு நிலக்கரி நிறுவனத்தின் இரண்டாவது கட்ட விரிவாக்கத் திட்டத்திலிருந்தும் மின்சாரம் நமக்கு கிடைக்கும்.

இது மட்டுமல்லாமல், இந்த ஆண்டு, ஜூன் மாதத்திற்குப் பிறகு தமிழ்நாட்டில் உள்ள தனியார் மின் நிலையங்களிலிருந்து, 900 மெகாவாட் மின்சாரமும்; மூன்று ஆண்டு கால ஒப்பந்த அடிப்படையில் வெளி மாநிலங்களிலிருந்து 500 மெகாவாட் மின்சாரமும் பெற்றிட ஒப்பந்தங்கள் போடப்பட்டுள்ளன.

தற்போது எடுக்கப்பட்டு வரும் போர்க்கால நடவடிக்கையின் காரணமாக, தற்போது தமிழ்நாட்டில் மின் பற்றாக்குறை கணிசமான அளவு குறைந்து இருக்கிறது. ஜூன் மாதத்திலிருந்து மின் பற்றாக்குறை மேலும் குறைந்து, இந்த ஆண்டு இறுதிக்குள் மின் பற்றாக்குறை முழுவதுமாக நீக்கப்பட்டுவிடும் என்பதைத் தெரிவித்துக் கொள்கிறேன். ஆளுநர் உரையில் மின் பற்றாக்குறையை தீர்ப்பது பற்றி எவ்வித உறுதிமொழியும் அளிக்கப்படவில்லை என கருத்து தெரிவித்தவர்கள் இந்த பதிலின் மூலம் திருப்தி அடைவார்கள் என நான் கருதுகிறேன்.

எதிர்காலத் தேவையைக் கருத்தில் கொண்டு, 660 மெகாவாட் திறன் கொண்ட எண்ணூர் விரிவாக்கத் திட்டம்; 1,320 (2 ஒ 660) மெகாவாட் திறன் கொண்ட உடன்குடி அனல் மின் நிலையத் திட்டம்; 1,320 (2 ஒ 660) மெகாவாட் திறன் கொண்ட வட சென்னை அனல் மின் நிலையத் திட்டம் போன்ற புதிய மின் திட்டங்களுக்கான சர்வதேச ஒப்பந்தப் புள்ளிகள் மார்ச் மாதம் கோரப்படும். இது மட்டுமல்லாமல், 3,000 மெகாவாட் சூரிய மின் சக்தி உற்பத்தி செய்வதற்கான நடவடிக்கைகள் எடுக்கப்பட்டு வருகின்றன.

இன்னும் சொல்லப் போனால், தமிழ்நாட்டின் மொத்த மின் நிறுவு திறனில் கிட்டத்தட்ட 30 விழுக்காடு மின் நிறுவு திறன் எனது ஆட்சிக் காலத்தில் ஏற்படுத்தப்பட்டது. 1991 முதல் 1996 வரையிலான எனது முதல் ஆட்சிக் காலத்தில் 1,330 மொகாவாட் அளவுக்கும்; 2001 முதல் 2006 வரையிலான எனது 2-வது ஆட்சிக் காலத்தில் 2,518 மெகாவாட் அளவுக்கும் கூடுதலாக மின் நிறுவு திறன் சேர்க்கப்பட்டது. அதே சமயத்தில், 1996 முதல் 2001 வரையிலான தி.மு.க. ஆட்சிக் காலத்தில் வெறும் 520 மெகாவாட் அளவுக்கும்; 2006 முதல் 2011 வரையிலான முந்தைய மைனாரிட்டி தி.மு.க. ஆட்சிக் காலத்தில் வெறும் 206 மெகாவாட் அளவுக்கும் மட்டுமே கூடுதலாக மின்நிறுவு திறன் சேர்க்கப்பட்டுள்ளது.

உண்மை நிலை இவ்வாறிருக்க, முந்தைய தி.மு.க. ஆட்சிக் காலத்தில் 11,700 கோடி ரூபாய் அளவுக்கு மின் திட்டங்களுக்கு செலவிடப்பட்டதாகவும்; எனது முந்தைய ஆட்சிக் காலத்தில் வெறும் 700 கோடி ரூபாய்க்கு மட்டுமே மின் திட்டங்களுக்காக செலவிடப்பட்டதாகவும் உறுப்பினர் திரு. மு.க. ஸ்டாலின் பொதுக்கூட்டம் ஒன்றில் தெரிவித்து இருந்தார்.

உண்மை நிலை என்னவென்றால், முந்தைய மைனாரிட்டி தி.மு.க. ஆட்சிக் காலத்தில், தமிழ்நாடு மின்சார வாரியம் 35,000 கோடி ரூபாய் அளவுக்கு பல வழிகளில் கடன் பெற்று, அதில் 7,858 கோடி ரூபாய் அளவுக்கு மட்டுமே மின் திட்டங்களுக்கு செலவழித்துள்ளது.  மீதியுள்ள தொகை வெளி மாநிலங்களிலிருந்து மின் கொள்முதல் செய்வதற்காகவும், கடனை திருப்பிச் செலுத்துவதற்காகவும் செலவழிக்கப்பட்டது. ஆனால், எனது முந்தைய ஆட்சிக் காலத்தில் 3,654 கோடி ரூபாய் அளவுக்கு மட்டுமே கடன் பெறப்பட்டு; 907 கோடி ரூபாய் அளவுக்கு மின் திட்டங்களுக்காக செலவழிக்கப்பட்டது.  இது மட்டுமல்லாமல், 2001 ஆம் ஆண்டு நான் ஆட்சிப் பொறுப்பை ஏற்ற போது, மின்சார வாரியமே திவாலாகும் சூழ்நிலையில் இருந்தது என்பதையும், இதை சரி செய்வதற்கும், தனியார் மின் உற்பத்தி நிறுவனங்களுக்கு முந்தைய தி.மு.க. அரசு நிலுவையில் வைத்திருந்த பாக்கித் தொகைகளை திரும்பச் செலுத்துவதற்குமே பல்லாயிரக்கணக்கான கோடி ரூபாயை எனது அரசு அப்போது செலவழித்தது என்பதையும் உறுப்பினர்களுக்குச் சுட்டிக்காட்ட விரும்புகிறேன்.

மேலும் எனது ஆட்சிக் காலத்திலேயே, 2,500 மெகாவாட் அளவுக்கு மின் திட்டங்கள் துவக்கப்பட்டிருந்ததால், 7,000 கோடி ரூபாய் அளவுக்கு மின் திட்டங்களுக்கு செலவழிக்க வேண்டிய நிலை முந்தைய மைனாரிட்டி தி.மு.க. அரசுக்கு ஏற்பட்டது என்பதையும்; அதே சமயத்தில், எனது முந்தைய ஆட்சிக் காலத்தில் துவக்கப்பட்டது போல், 1996 முதல் 2001 வரையிலான தி.மு.க. ஆட்சிக் காலத்தில் எந்த ஒரு மின் திட்டமும் துவக்கப்படவில்லை என்பதையும் உறுப்பினர்களுக்கு தெரிவிக்க விரும்புகிறேன்.

நான் மூன்றாவது முறையாக ஆட்சிப் பொறுப் பேற்ற போதும், தமிழ்நாடு மின்சார வாரியம் கடன் சுமையில் சிக்கித் தவித்தது.  31.3.2011 நிலவரப்படி, தமிழ்நாடு மின்சார வாரியத்தின் குவிந்த இழப்பு 40,000 கோடி ரூபாயையும்; வங்கி மற்றும் இதர நிறுவனங்களிடமிருந்து பெற்ற கடன் 44,000 கோடி ரூபாயையும் தாண்டியிருந்தது.  இது தவிர, தனியார் மின் உற்பத்தியாளர் மற்றும் இதர ஒப்பந்ததாரர்களுக்கான நிலுவைத் தொகை 5,000 கோடி ரூபாய் அளவுக்கு இருந்தது.

இப்படிப்பட்ட நெருக்கடியான சூழ்நிலையில், கடந்த 20 மாத காலத்தில் 3,000 கோடி ரூபாய்க்கு மேல் மின் திட்டங்களுக்காக செலவழிக்கப்பட்டு, கிட்டத்தட்ட 3,000 மெகாவாட் அளவுக்கு நமக்கு மின்சாரம் கிடைக்க இருக்கிறது என்பதையும் இந்தத் தருணத்தில் கோடிட்டுக் காட்ட விரும்புகிறேன்.

 

* சட்டம் ஒழுங்கு பிரச்னை குறித்து...

சட்டம் ஒழுங்கைப் பொறுத்த வரையில் சமூக விரோதிகளின் ஆட்சி என்ற நிலை மாறி சட்டத்தின் ஆட்சி நடைமுறைப்படுத்தப்பட்டு வருகிறது. பொதுமக்களுக்கு நண்பனாகவும், சமூக விரோதிகளுக்கு சிம்ம சொப்பனமாகவும் காவல் துறை விளங்கிக் கொண்டிருக்கிறது.  சில சமூக விரோதிகளின் கையில் சிக்கித் தவித்துக் கொண்டிருந்த காவல் துறை, கடந்த 20 மாதங்களாக சுதந்திரமாக செயல்பட்டு வருகிறது. கொலை, கொள்ளை மற்றும் சமுதாயக் குற்றங்களில் ஈடுபடுவோர், ஆட்களை கடத்தி பணம் பறிப்போர், மணல் மற்றும் ரேஷன் அரிசி கடத்துவோர், கட்டப் பஞ்சாயத்துகளில் ஈடுபடுவோர் மீது கடுமையான நடவடிக்கைகள் எடுக்கப்பட்டு வருகின்றன. கடந்த 2012 ஆம் ஆண்டு 2,173 நபர்கள் பல்வேறு தடுப்புக் காவல் சட்டங்களின் கீழ் காவலில் வைக்கப்பட்டனர்.

கடந்த 2005 ஆம் ஆண்டு அனைத்திந்திய அண்ணா திராவிட முன்னேற்றக் கழகம் ஆட்சிப் பொறுப்பில் இருந்த போது, மாநிலத்தில் 1,366 கொலை வழக்குகளும்,  74 ஆதாயக் கொலை வழக்குகளும், 437 கொள்ளை வழக்குகளும், 3,738 கன்னக்களவு வழக்குகளும் தாக்கலாகியிருந்தன. ஆனால், கடந்த திமுக ஆட்சியின் இறுதியில் கடந்த 2010 ஆம் ஆண்டு 1,715 கொலை வழக்குகளும், 153 ஆதாயக் கொலை வழக்குகளும், 1,817 கொள்ளை வழக்குகளும், 4,715 கன்னக்களவு வழக்குகளும் தாக்கலாகியுள்ளன. இந்த 5 ஆண்டு காலத்தில், திமுக ஆட்சியில் கொலை வழக்குகள் 25.5 சதவீதமும், ஆதாயக் கொலை 106.75 சதவீதமும், கொள்ளைகள் 315.8 சதவீதமும், கன்னக்களவு 26 சதவீதமும் அதிகரித்துள்ளது. அதாவது, கொலைகள் ஆண்டொன்றுக்கு சராசரியாக 5.1 சதவீதம் கூடியுள்ளன. ஆதாயக் கொலைகள் சராசரியாக 21.4 சதவீதம் கூடியுள்ளன. கொள்ளைகள் சராசரியாக 63 சதவீதம் கூடியுள்ளன. கன்னக்களவு வழக்குகள் ஆண்டொன்றுக்கு சராசரியாக 5.2 சதவீதம் கூடியுள்ளன.

திமுக ஆட்சியில் கொலைகளின் எண்ணிக்கை ஆண்டு ஒன்றுக்கு 5.1 சதவீதம் கூடியுள்ளது. ஆனால் 2011-ம் ஆண்டுடன் ஒப்பிடும் போது, 2012-ல் கொலைகளின் எண்ணிக்கை 3.37 சதவீதம் தான் உயர்ந்துள்ளது. கொலைகள் பொதுவாக, தனிப்பட்ட முன் விரோதம், சொத்துப் பிரச்சினை, அல்லது திடீர் கோபத்தினால் நடக்கும் தாக்குதல்களின் விளைவாக நிகழ்கின்றன. இவற்றை முற்றிலும் தடுப்பதென்பது இயலாத காரியம்.  மக்கள் தொகை கூடுதலுக்கேற்ப கொலைகளின் எண்ணிக்கை சற்று உயர்ந்து கொண்டு இருக்கும். இருந்த போதிலும், திமுக ஆட்சியுடன் ஒப்பிடும் போது கடந்த ஆண்டில் கொலைகளின் அதிகரிப்பு 2 சதவீதம் குறைவாக உள்ளது  என்பதை  சுட்டிக்காட்ட விழைகிறேன்.

காவல் துறையின் நடவடிக்கைகளால் ஒரளவு கட்டுப்படுத்தக் கூடியவை ஆதாயக் கொலைகள் ஆகும். 2010ம் ஆண்டு ஆதாயக் கொலைகளின் எண்ணிக்கை 153 ஆக இருந்தது. இது 2012ம் ஆண்டு 137 ஆக குறைந்துள்ளது. ஆனால், கடந்த மைனாரிட்டி திமுக ஆட்சியின் போது ஆண்டிற்கு சராசரி 21.4 சதவீதம் ஆதாயக் கொலைகள் கூடியுள்ளன என்பது தான் உண்மை.

2010ம் ஆண்டு 4,715 கன்னக்களவு வழக்குகள் தாக்கலாகியுள்ளன. ஆனால் 2012ம் ஆண்டு, 4,457 கன்னக்களவு வழக்குகள் தாக்கலாகியுள்ளன. 2010ம் ஆண்டுடன் ஒப்பிடும் போது, 2012ம் ஆண்டு  இது  5.8 சதவீதம் குறைந்துள்ளது. அதாவது, ஒரு வருடத்திற்கு 2.9 சதவீதம் குறைந்துள்ளது. ஆனால், திமுக ஆட்சியில் கன்னக்களவு வழக்குகள் சராசரியாக ஆண்டுதோறும் 5.1 சதவீதம் அதிகரித்துள்ளன.

தேசிய குற்ற ஆவண காப்பகத்தின் அறிக்கையின்படி, நமது மாநிலத்தில் 2011ஆம் ஆண்டு தாக்கலான குற்றங்களை மற்ற மாநிலங்களில் தாக்கலான குற்றங்களுடன் ஒப்பிடுகையில், தமிழ்நாட்டில் தாக்கலான குற்றங்களின் எண்ணிக்கை மற்றும் குற்றவிகிதம் குறைவாக உள்ளது தெரியவரும்.  உதாரணத்திற்கு, 2011ம் ஆண்டு கொலை வழக்குகள் ஆந்திராவில் 2,808-ம், பீகாரில் 3,198-ம், மகாராஷ்டிராவில் 2,818-ம், மத்திய பிரதேசத்தில் 2,511-ம், மேற்கு வங்கத்தில் 2,109-ம் மற்றும் உத்திர பிரதேச மாநிலத்தில் 4,951-ம், தாக்கலாகியுள்ளன. ஆனால், தமிழ்நாட்டில் 1,877 கொலை வழக்குகள் மட்டுமே தாக்கலாகியுள்ளன.

பொதுவாக, குற்ற நிகழ்வுகளை ஒப்பிடும் போது குற்ற விகிதம் என்ற எண்ணிக்கை பயன்படுத்தப்படுகிறது. இது, 1 லட்சம் மக்கள் தொகைக்கு எத்தனை குற்றங்கள் நடந்துள்ளன என்பதன் குறியீடு ஆகும். 2011ம் ஆண்டு மாநில குற்ற விகிதம் 267.4 ஆகும். ஆனால், இது கேரளாவில் 515.6 ஆகவும், புதுச்சேரியில் 350.6 ஆகவும், புது டெல்லியில் 318.5 ஆகவும், மத்திய பிரதேச மாநிலத்தில் 299 ஆகவும் உள்ளது.

காவல் துறையினர் குற்ற வழக்குகளில் திறமையாக புலன் விசாரணை செய்து, பல முக்கிய கொலை, கொள்ளை வழக்குகளில் எதிரிகளைக் கைது செய்து, களவு போன பொருட்களை மீட்டு வருவதுடன்; தொடர்ந்து குற்றம் புரியும் குற்றவாளிகளை தடுப்புக் காவலில் வைத்திடவும் நடவடிக்கைகள் மேற்கொண்டு வருகின்றனர்.

கடந்த 2012ம் ஆண்டு, 2,173 நபர்கள் பல்வேறு தடுப்புக் காவல் சட்டங்களின் கீழ் தடுப்புக் காவலில் வைக்கப்பட்டனர். காவல்துறையினர் குற்றவாளிகளை கைது செய்து களவு போன சொத்துக்களை மீட்பதுடன்; குற்றவாளிகள் மீண்டும் பிணையில் வெளி வந்து குற்றங்களில் ஈடுபடுவதை தடுக்கும் வகையில் குற்றத்தடுப்பு நடவடிக்கைகளையும் சிறப்பாக மேற்கொண்டு வருகிறார்கள் என்பதே உண்மை.

குற்ற நடவடிக்கைகளில் ஈடுபடுவோர் மற்றும் சட்டம்-ஒழுங்கு பிரச்சனைகள் குறித்தும் மாநில உளவுத் துறையினர் முன்கூட்டியே அளிக்கும் தகவல்களின் அடிப்படையில், குற்ற நடவடிக்கைகளில் ஈடுபடுவோரை மாவட்டக் காவல்துறையினர் கைது செய்து வருவதுடன், தேவையான முன்னெச்சரிக்கை நடவடிக்கைகளையும் மேற்கொண்டு வருகின்றனர்.

சட்டம் ஒழுங்கு பிரச்சனை எழ வாய்ப்புள்ள இடங்களில், காவல் துறையினர் மாவட்ட நிர்வாகத்துடன் இணைந்து அமைதிக் குழுக்களை ஏற்படுத்தி, பிரச்சனையில் சம்பந்தப்பட்ட இரு தரப்பினரையும் அழைத்து பேசி, காரணங்களை கண்டறிந்து, பிரச்சனைகளை தீர்க்க தேவையான நடவடிக்கைகளை எடுத்து வருகின்றனர்.

காவல் துறையினரின் திறமையை மேலும் பலப்படுத்தும் வகையில், காவல்துறையிலுள்ள காலிப் பணியிடங்களை நிரப்ப நடவடிக்கை எடுக்கப்பட்டுள்ளது. புதிய பணியிடங்களை தோற்றுவித்தும், காவல் பணிகளுக்கு தேவையான வாகன வசதி மற்றும் அதி நவீன கருவிகள் போன்ற அனைத்து வசதிகளையும் செய்து தந்தும், காவல்துறையை ஒரு ஆற்றல் மிக்க துறையாக மாற்ற தேவையான அனைத்து நடவடிக்கைகளையும் நான்  எடுத்து வருகிறேன்.

சட்டம் - ஒழுங்கு பராமரிப்பு  குறித்த உண்மையான அளவுகோல் மாநிலத்தில் சட்டத்தின் ஆட்சி எவ்வாறு நடைபெறுகிறது என்பதை பொறுத்தும்; பொதுமக்களிடையே தனி மனித பாதுகாப்பு மற்றும் தங்களது சொத்துக்கள் மற்றும் உடைமைகளுக்கும் பாதுகாப்பு எவ்வாறு உள்ளது என்பதை பொறுத்தும்; மற்றும் சட்டத்தை அமல்படுத்தும் காவல்துறையினரின் சுதந்திரமான செயல்பாட்டை பொறுத்தும் மட்டுமே அமையும். ஆங்காங்கு நடைபெறும் ஒரு சில குற்ற நிகழ்வுகளை வைத்து, மாநிலத்தின் சட்டம் ஒழுங்கு நிலைமையை மதிப்பீடு செய்வது என்பது சரியான அணுகுமுறை அல்ல.

நான் அவ்வப்போது அளித்து வரும் அறிவுரைகளின் பேரிலும், ஊக்கத்தின் பேரிலும், காவல் துறையினர் சிறப்பாக செயல்பட்டு மாநிலத்தில் சட்டம் ஒழுங்கை பராமரித்து வருவதோடு; குற்றத் தடுப்பு மற்றும் குற்றங்களை கண்டுபிடித்தல் போன்றவற்றிலும் முழு ஈடுபாட்டுடன் செயல்பட்டு வருகின்றனர். கடந்த 20 மாதங்களாக மக்களை பாதிக்கும் வகையில் சட்டம் ஒழுங்கு பிரச்சனைகள் ஏதுமின்றி, தொடர்ந்து அமைதி நிலவி வருகிறது. மற்ற மாநிலங்களை ஒப்பிடும் போது, பயங்கரவாத மற்றும் தீவிரவாத நடவடிக்கைகளும்; இடதுசாரி தீவிரவாத செயல்களும்; தமிழகத்தில் வேரூன்றா வண்ணம் தேவையான தடுப்பு நடவடிக்கைகள் மேற்கொள்ளப்பட்டு கண்காணிக்கப்பட்டு வருகிறது.

எனவே, மாநிலத்தில் குற்றங்கள் அதிக அளவில் நடைபெற்று வருகின்றன என்ற குற்றச்சாட்டில் உண்மை இல்லை என்பதைத் தெரிவித்துக்கொள்கிறேன்.

முந்தைய மைனாரிட்டி தி.மு.க. ஆட்சியில், நிலம் மற்றும் கட்டட உரிமையாளர்கள் சமூக விரோதக் கும்பல்களால் மிரட்டப்பட்டனர்.  அவர்களது சொத்துக்கள் அடிமாட்டு விலைக்கு சமூக விரோதக் கும்பல்களால் வாங்கப்பட்டன. போலி ஆவணங்கள் தயார் செய்து, அடாவடிச் செயல்கள் மூலமும் நிலங்கள் பறிக்கப்பட்டன.  மூன்றாவது முறையாக நான் முதலமைச்சராக பொறுப்பேற்றவுடன், இதற்கென காவல் துறையில் நில அபகரிப்பு தடுப்புப் பிரிவுகளை ஏற்படுத்தினேன். இந்தப் பிரிவுகள், நில அபகரிப்பாளர்கள் மீது கடுமையான நடவடிக்கையை எடுத்து வருகின்றன.

நில அபகரிப்பு தொடர்பாக, 28.1.2013 வரை பொதுமக்களிடமிருந்து 53,777 புகார்கள் பெறப்பட்டுள்ளன.  இவை குறித்து 1,673 வழக்குகள் பதிவு செய்யப்பட்டு, 1,943 எதிரிகள் கைது செய்யப்பட்டுள்ளனர். இவ்வழக்குகளில் இதுவரை 1,137 கோடியே

66 லட்சம் ரூபாய் மதிப்புள்ள 2,711 ஏக்கர் நிலமும் மற்றும் 10,07,448 சதுர அடி வீட்டு மனைகளும் அபகரிப்பாளர்களிடமிருந்து மீட்கப்பட்டு பாதிக்கப்பட்டவர்களிடம் கொடுக்கப்பட்டுள்ளன.

மொத்தத்தில், காவல் துறைக்கு தேவையான அனைத்து வசதிகளையும் செய்து கொடுத்து, தக்க அறிவுரைகளை வழங்கி, குற்றங்கள் நிகழா வண்ணம் தடுப்பதிலும்; பொதுமக்களின் நலன்களைக் காப்பதிலும்; பொது அமைதியை பேணிக் காப்பதிலும் நான் தனிக் கவனமும், அக்கறையும் செலுத்தி வருகிறேன் என்பதை இந்த மாமன்றத்திற்கு தெரிவித்துக் கொள்கிறேன்.

 

* புதிய திட்டங்கள் குறித்து....

இந்த ஆளுநர் உரையிலே புதுத் திட்டங்கள் எதுவும் இல்லை என்று சில உறுப்பினர்கள் குறைபட்டுக் கொண்டுள்ளனர். நான் அவர்களுக்கு ஒன்றினைத் தெரிவித்துக் கொள்ள விரும்புகிறேன். எங்களுடைய தேர்தல் அறிக்கையிலே குறிப்பிடப்பட்டுள்ள பெரும்பாலான வாக்குறுதிகள், திட்டங்களாக இதற்கு முன்னர் இந்த அவையிலே சமர்ப்பிக்கப்பட்ட இரண்டு ஆளுநர் உரைகளில் இடம் பெற்றிருந்தன. அந்தத் திட்டங்களின் சாதனைகள், அவற்றின் மூலம் மக்கள் அடைந்துள்ள பயன்கள் போன்றவை இந்த ஆளுநர் உரையிலே சுட்டிக் காட்டப்பட்டு இருக்கின்றன.  இதுவன்றி, இந்த அரசு தொடர்ந்து கடைபிடிக்க உள்ள கொள்கைகளும் குறிப்பிடப்பட்டு உள்ளன.

முதன்மைத் துறையில், பன்னிரண்டாவது ஐந்தாண்டு திட்டக் காலத்தில் ஐந்து விழுக்காடு வளர்ச்சியை எய்துதல்; கூட்டுறவு சங்கங்கள் வலிமையான ஜனநாயக அமைப்புகளாக செயல்படும் வகையில் தேர்தல் நடத்துதல்; புதிய முதலீடுகளை ஈர்ப்பதற்குத் தேவையான நிலம் கிடைப்பது பற்றிய கொள்கை;  நகர்ப்புற உள்ளாட்சி அமைப்புகளில் திட்டங்கள் செயல்படுத்துவதற்கான கொள்கை  என பல்வேறு கொள்கை முடிவுகள் இந்த ஆளுநர் உரையிலே சுட்டிக் காட்டப்பட்டுள்ளன என்பதையும்; இதற்கான திட்டங்களும் கோடிட்டுக் காட்டப்பட்டுள்ளன என்பதையும் முதலில் தெரிவித்துக் கொள்கிறேன்.  எனவே, இந்த ஆளுநர் உரையில் எந்த வித கொள்கை முடிவுகளும் இல்லை என்பதை ஏற்றுக்கொள்ள இயலாது.

2011-ம் ஆண்டு தமிழ்நாடு சட்டமன்றப் பேரவை பொதுத் தேர்தலின் போது, அனைத்திந்திய அண்ணா திராவிட முன்னேற்றக் கழகத்தின் சார்பில் வெளியிடப்பட்ட தேர்தல் அறிக்கையிலே 177 வாக்குறுதிகள் மக்களுக்கு அளிக்கப்பட்டிருந்தன.

இந்த வாக்குறுதிகளை நிறைவேற்ற திட்டங்கள் தீட்டப்பட்டு செயல்படுத்தப்பட்டு வருகின்றன. இந்தத் திட்டங்களின் செயல்பாட்டினைக் கண்காணிக்கும் வகையில், தமிழக வரலாற்றிலேயே முதன் முறையாக சிறப்புத் திட்டங்கள் செயலாக்கத் துறை என்னும் புதுத் துறை உருவாக்கப்பட்டது.

வாக்குறுதிகளாக தரப்பட்ட 177 சிறப்புத் திட்டங்களில், 140 திட்டங்கள் செயல்படுத்தப்பட்டு வருகின்றன. 21 திட்டங்களுக்கான ஆயத்தப் பணிகள் தொடங்கப்பட்டுள்ளன. எஞ்சியுள்ள 16 திட்டங்கள் அரசின் பரிசீலனையில் உள்ளன.

தொழில் துறையை எடுத்துக் கொண்டால்,  தமிழ்நாட்டில் தொழிற் புரட்சியை உருவாக்கும் வகையில், 5.11.2012 அன்று ஒரே நாளில் நான்கு குடீசுகூருசூநு 500 நிறுவனங்கள் உட்பட 12 நிறுவனங்களுடன் தமிழக அரசு புரிந்துணர்வு ஒப்பந்தங்களில் கையெழுத்திட்டுள்ளது. இந்த நிறுவனங்கள், 20,925 கோடி ரூபாயை தமிழகத்தில் முதலீடு செய்ய உள்ளன.  இதன் மூலம், 1,36,855 நபர்களுக்கு நேரடி மற்றும் மறைமுக வேலை வாய்ப்பு கிடைக்கும்.  இதே போன்று, 14.5.2012 அன்று ஐந்து நிறுவனங்களுடன் தமிழக அரசு புரிந்துணர்வு ஒப்பந்தங்களை ஏற்படுத்தியுள்ளது.  இந்த நிறுவனங்கள் 5,700 கோடி ரூபாய்க்கு மேல் தமிழ்நாட்டில் முதலீடு செய்ய இருக்கின்றன.  இதன் மூலம், சுமார் 9,500 நபர்களுக்கு நேரடி வேலை வாய்ப்பு கிடைக்கும். மொத்தத்தில், மேற்படி 17 நிறுவனங்கள் 26,625 கோடி ரூபாயை தமிழகத்தில் முதலீடு செய்ய உள்ளன.  இதன் மூலம் 1,46,355 நபர்களுக்கு நேரடி மற்றும் மறைமுக வேலைவாய்ப்பு கிடைக்கும். தொழில் துறையில், தொலைநோக்குத் திட்டம் 2023-ல் குறிப்பிட்டுள்ள குறிக்கோளினை அடையும் வண்ணம், உரிய நடவடிக்கைகளை எனது தலைமையிலான அரசு மேற்கொண்டு வருகிறது என்பதை இந்த மாமன்றத்திற்கு தங்கள் வாயிலாக தெரிவித்துக் கொள்கிறேன்.

* அரசு வேலைவாய்ப்பை பொறுத்தவரையில், தமிழ்நாடு அரசுப் பணியாளர் தேர்வாணையம் மற்றும் வேலைவாய்ப்பகங்கள் மூலம் அரசுத் துறைகளில் 54,420 பணியிடங்கள் நிரப்பப்பட்டுள்ளன. தமிழ்நாடு சீருடைப் பணியாளர் தேர்வாணையம் மூலம், 13,376 இரண்டாம் நிலைக் காவலர் பணியிடங்கள் மற்றும் 205 உதவி ஆய்வாளர் பணியிடங்கள் நிரப்பப்பட்டுள்ளன. பள்ளி மற்றும் கல்லூரிகளில் 64,435 ஆசிரியர் மற்றும் ஆசிரியர் அல்லாத பணியிடங்களும்; 16,793 சத்துணவு அமைப்பாளர், சமையலர் மற்றும் சமையல் உதவியாளர் பணியிடங்களும்; 11,803 அங்கன்வாடி பணியாளர் பணியிடங்களும் நிரப்பப்பட்டுள்ளன.

அரசு சார்பு நிறுவனங்கள் என்று எடுத்துக் கொண்டால், அரசுப் போக்குவரத்துக் கழகங்களில் 16,963 பணியிடங்களும்; கூட்டுறவு நியாய விலைக் கடைகளில் 6,307 பணியிடங்களும்; தமிழ்நாடு மின்சார வாரியத்தில் 5,489 பணியிடங்களும் நிரப்பப்பட்டுள்ளன. மொத்தத்தில் கடந்த 20 மாதங்களில், கிட்டத்தட்ட 2 லட்சம் நபர்களுக்கு வேலை வாய்ப்பினை வழங்கி இருக்கிறோம்.

மேலும், 22,269 ஆசிரியர் பணியிடங்களும், 1,091 காவல் உதவி ஆய்வாளர் பணியிடங்களும், அரசுத் துறைகளில் உள்ள பல்வேறு பதவிகளுக்கு 10,105 பணியிடங்களும், தமிழ்நாடு மின்சார வாரியத்தில் 4,042 பணியிடங்களும், கூட்டுறவு வங்கிகளில் 3,607 பணியிடங்களும் நிரப்பப்பட நடவடிக்கைகள் எடுக்கப்பட்டுள்ளன.

 

* விலைவாசி உயர்வு குறித்து....

இங்கே பேசிய உறுப்பினர்கள் விலைவாசி உயர்வைப் பற்றி பேசினார்கள். அதிகரித்துக் கொண்டே வரும் விலைவாசி உயர்வை கட்டுப்படுத்துவதில் மாநில அரசுக்கு ஓரளவு பங்கு உண்டு என்பதை நான் மறுக்கவில்லை. ஆனால், பெரும்பாலும் மத்திய அரசு எடுக்கும் கொள்கை முடிவுகளை சார்ந்தே பொருட்களின் விலை ஏறுகிறது. தற்போது ஏறிக்கொண்டே வரும் விலைவாசி உயர்விற்கு மத்திய அரசின் தவறான பொருளாதாரக் கொள்கை தான் முக்கியக் காரணம் என்பதை இந்தத் தருணத்தில் நான் சுட்டிக்காட்ட விரும்புகிறேன்.

உதாரணமாக, மத்திய அரசினால் அவ்வப்போது அறிவிக்கப்படும் பெட்ரோல், டீசல் விலை உயர்வு, அத்தியாவசியப் பொருட்களின் விலை உயர்விற்கு அடித்தளமாக விளங்குகிறது. அண்மையில், டீசல் விலையை நிர்ணயம் செய்யும் உரிமையை எண்ணெய் நிறுவனங்களுக்கே வழங்கி மத்திய அரசு உத்தரவு பிறப்பித்துள்ளது. டீசல் விலை உயர்வு காரணமாக, வாகனக் கட்டணம் தொடர்ந்து ஏறுமுகமாகவே இருந்து கொண்டு வருகிறது.  இதன் விளைவாக, பொருட்களின் விலையும் ஏறிக் கொண்டே இருக்கிறது.  பெட்ரோல், டீசல் விலைக் கொள்கையில், மத்திய அரசு மாற்றம் கொண்டு வந்து அதனைக் கட்டுப்படுத்தினால் மட்டுமே விலைவாசி உயர்வை கட்டுப்படுத்த முடியும்.

தற்போது, சர்வதேச பெட்ரோல் மற்றும் டீசல் விலைக்கேற்ப இந்தியாவின் பெட்ரோல் மற்றும் டீசல் விலை நிர்ணயம் செய்யப்படுகிறது. இந்த முறை தவறானது என்பதை நான் சுட்டிக்காட்ட விரும்புகிறேன். நம் நாட்டிற்குத் தேவையான கச்சா எண்ணெயில், கிட்டத்தட்ட 25 விழுக்காடு கச்சா எண்ணெய் இந்தியாவிலேயே உற்பத்தி செய்யப்படுகிறது. மீதமுள்ள 75 விழுக்காடு கச்சா எண்ணெய் தான் வெளி நாடுகளிலிருந்து இறக்குமதி செய்யப்படுகிறது. இவ்வாறு கிடைக்கப்படும் கச்சா எண்ணெயை சுத்திகரித்து, பெட்ரோல் மற்றும் டீசலாக எண்ணெய் நிறுவனங்கள் விற்கின்றன. ஆனால், இதன் அடிப்படையில் பெட்ரோல் மற்றும் டீசல் விலை நிர்ணயிக்கப்படவில்லை.  தற்போதைய டீசல் இறக்குமதி சமநிலை விலை, அதாவது ஐஅயீடிசவ ஞயசவைல ஞசiஉந என்னவாக இருக்கும் என்பதையும்; ஏற்றுமதி சமநிலை விலை, அதாவது நுஒயீடிசவ ஞயசவைல ஞசiஉந என்னவாக இருக்கும் என்பதையும் கணக்கிட்டு; இந்த இரண்டுக்குமான குறிப்பிட்ட சதவிகித அடிப்படையில், தொழில் சமநிலை விலை, அதாவது கூசயனந ஞயசவைல ஞசiஉந கணக்கிடப்பட்டு; அதன் அடிப்படையில், இந்தியாவில் பெட்ரோல் மற்றும் டீசல் விலை நிர்ணயிக்கப்படுகிறது. எனவே தான், அதற்குக் குறைவாக விற்கப்படும் விலையை நஷ்டம் என்று சொல்லாமல், குறை பலன், அதாவது ரனேநச சநஉடிஎநசல என்று கூறுகின்றனர். இந்த முறையை ரத்து செய்துவிட்டு, இந்தியாவில் கச்சா எண்ணெயை எடுப்பதற்கு ஆகும் செலவு; அதை டீசலாகவும், பெட்ரோலாகவும் சுத்திகரிக்க ஆகும் செலவு; வெளிநாடுகளிலிருந்து இறக்குமதி செய்யப்படும் கச்சா எண்ணெயின் விலை மற்றும் அதை சுத்திகரிக்க ஆகும் செலவு; நிலையான அன்னிய செலாவணி மதிப்பு ஆகியவற்றின் அடிப்படையில் பெட்ரோல் மற்றும் டீசல் விலையை நிர்ணயம் செய்தால், குறைவான விலையில் பெட்ரோல் மற்றும் டீசல் மக்களுக்கு கிடைப்பதோடு மட்டுமல்லாமல், அத்தியாவசியப் பொருட்களின் விலையும் கட்டுக்குள் இருக்கும்.  எனவே, தற்போது ஏறிக் கொண்டே வரும் விலைவாசி உயர்விற்கு காரணம் மத்திய அரசின் தவறான கொள்கை தான் என்பதை நான் சுட்டிக்காட்ட விரும்புகிறேன்.

ஒரு வாரத்திற்கு முன்பு கூட டீசல் விலை மாதம் 50 பைசா வீதம் உயர்த்தப்படும் என்று மத்திய பெட்ரோலியத் துறை அமைச்சர் தெரிவித்து இருக்கிறார். இதற்குக் காரணம், எண்ணெய் நிறுவனங்கள் நஷ்டத்தில் இயங்குவது தான் என்றும் கூறியிருக்கிறார். எண்ணெய் நிறுவனங்களின் ஆண்டு நிதிக் கணக்குகளைப் பார்த்தாலே, இவை அனைத்தும் ஆயிரக்கணக்கான கோடி ரூபாய் லாபத்தில் இயங்கி வருகின்றன என்பது தெரிய வரும். இதனுடைய பங்குகளும் நல்ல விலையில் தான் இருக்கின்றன.

உண்மை நிலை இவ்வாறிருக்க, பெட்ரோல், டீசல், சமையல் எரிவாயு, மண்ணெண்ணெய், ஆகியவற்றின் விலையை மத்திய அரசு உயர்த்திக் கொண்டே இருக்கிறது. இதில் உள்ள மற்றுமொரு அநியாயம் என்னவென்றால், மொத்தமாக டீசல் வாங்கும் அரசுப் போக்குவரத்துக் கழகங்களுக்கான டீசல் விலை 11 ரூபாய் 81 காசு அளவிற்கு உயர்த்தப்பட்டு இருக்கிறது.  அதாவது, லாப நோக்கமின்றி, சேவை மனப்பான்மையுடன் செயல்படும் அரசுப் போக்குவரத்துக் கழகங்களுக்கான டீசல் விலையை ஒரேயடியாக 11 ரூபாய் 81 காசு என்று மத்திய அரசு உயர்த்தியிருப்பதில் என்ன நியாயம்? எண்ணெய் நிறுவனங்கள் டீசலுக்கான விலையை சந்தை நிலவரப்படி நிர்ணயித்துக் கொள்ளலாம் என்ற முடிவு தி.மு.க. தலைவர் திரு. கருணாநிதியின் மகனும், மத்திய அமைச்சருமான திரு. மு.க. அழகிரி உறுப்பினராக இருக்கும் அரசியல் விவகாரங்களுக்கான மத்திய அமைச்சரவைக் கூட்டத்தில் எடுக்கப்பட்டது. இந்த டீசல் விலை உயர்வுக்கான முடிவை எடுத்த அரசியல் விவகாரங்களுக்கான மத்திய அமைச்சரவைக் கூட்டத்தில், தனது எதிர்ப்பைத் தி.மு.க. தெரிவிக்காமல் டீசல் விலை உயர்ந்த பிறகு, இந்த உயர்வை மீண்டும் பரிசீலனை செய்ய வேண்டும் என்று ஒப்புக்கு ஓர் அறிக்கையை வெளியிட்டார் திரு. கருணாநிதி.

தி.மு.க. அங்கம் வகிக்கும் மத்திய அரசின் இந்த இரட்டை டீசல் விலைக் கொள்கை காரணமாக 1,000 கோடி ரூபாய் அளவுக்கு அரசுப் போக்குவரத்துக் கழகங்களுக்கு கூடுதல் செலவு ஏற்பட்டுள்ளது.   இதனைத் தவிர்க்கும் பொருட்டு, சில்லரை விலையில் பெட்ரோல் பங்குகளில் அரசுப் பேருந்துகளுக்கு டீசல் நிரப்பப்படுகிறது.  இதிலும், அரசுப் போக்குவரத்துக் கழகங்கள் 1 லிட்டர் டீசலுக்கு கூடுதலாக கிட்டத்தட்ட 1 ரூபாய் செலுத்த வேண்டி உள்ளது.

ஆனால், மத்திய அமைச்சர் வீரப்ப மொய்லி அண்மையில் விடுத்த அறிக்கையில், மொத்தமாக டீசல் கொள்முதல் செய்பவர்களுக்கு மானியம் அளிக்காததன் நோக்கம், இவைகள் வியாபார நோக்குடன் செயல்படும் நிறுவனங்கள் என்றும்; சந்தை விலையை தாங்கக்கூடிய வலிமை அவைகளிடம் உள்ளது என்றும்; இல்லையென்றாலும், அந்தச் சுமையை வாடிக்கையாளர் மீது  சுமத்திவிடலாம் என்றும் கூறியிருக்கிறார். அதாவது, பேருந்துக் கட்டணங்களை உயர்த்த வேண்டும் என்று கூறியுள்ளார் மத்திய அமைச்சர் வீரப்ப மொய்லி.

 

* உர விலை உயர்வு குறித்து...

வேளாண் உற்பத்தி செய்ய பயன்படும் இடு பொருட்களின் விலையை அடிப்படையாகக் கொண்டே, விளை பொருட்களின் கொள்முதல் விலையை மத்திய அரசு நிர்ணயம் செய்கிறது. மத்திய அரசின் தவறான உர மானியக் கொள்கை காரணமாக, இடு பொருட்களின் விலை வெகுவாக அதிகரித்துவிட்டது. உதாரணமாக, 2010 ஆம் ஆண்டு 486 ரூபாய் என்றிருந்த 50 கிலோ டி.ஏ.பி. உரத்தின் விலை, 2012 ஆம் ஆண்டு 1,200 ரூபாயாகவும்; 50 கிலோ எம்.ஓ.பி. உரத்தின் விலை 231 ரூபாயிலிருந்து 840 ரூபாயாகவும்; 50 கிலோ காம்ப்ளக்ஸ் உரத்தின் விலை 374 ரூபாயிலிருந்து 1,110 ரூபாயாகவும் உயர்ந்துவிட்டது. இந்த தவறான உர மானியக் கொள்கைக்கேற்ப கொள்முதல் விலை நிர்ணயம் செய்யப்படுவதால், வெளிச் சந்தையில் அத்தியாவசியப் பொருட்களின் விலை அதிகரித்துக் கொண்டே செல்கிறது. அத்தியாவசியப் பொருட்களின் விலையை கட்டுப்படுத்துவது, மத்திய அரசின் பொருளாதாரக் கொள்கை, வட்டிவீதக் கொள்கை ஆகியவை தான். மத்திய அரசின் தவறான பொருளாதாரக் கொள்கைகளே விலைவாசி உயர்விற்கு வழி வகுக்கின்றன என்பதை தங்களின் வாயிலாக உறுப்பினர்களுக்கு, குறிப்பாக தி.மு.க. உறுப்பினர்களுக்கு தெரிவித்துக் கொள்கிறேன்.

மாநில அரசைப் பொறுத்த வரையில், விலைவாசியை கட்டுப்படுத்தும் நோக்கில் பொருட்கள் கடத்தப்படுவதையும், பதுக்கப்படுவதையும் தடுத்து வருகிறது.  இது மட்டுமல்லாமல், நியாய விலைக் கடைகள் மூலம் அத்தியாவசியப் பொருட்களான உளுத்தம் பருப்பு, துவரம் பருப்பு, பாமாயில், ரவை, மைதா, சர்க்கரை போன்ற பொருட்கள் குறைந்த விலையில் அளிக்கப்பட்டு வருகின்றன.  விலையில்லா அரிசி வழங்கப்பட்டு வருகிறது.  இது தவிர, வெளிச் சந்தையில் விற்கப்படும் உணவுப் பொருட்களின் விலையைக் கட்டுப்படுத்தும் வகையில், விலை நிலைநிறுத்தல் நிதி ஒன்றினை ஏற்படுத்தி, சன்ன ரக அரிசி ஒரு கிலோ 25 ரூபாய்க்கும், மிக சன்ன ரக அரிசி ஒரு கிலோ 31  ரூபாய்க்கும் விற்க நடவடிக்கை எடுக்கப்பட்டது.

 

* இலங்கைத் தமிழர் பிரச்னை குறித்து...

இலங்கைத் தமிழர் பிரச்சனை குறித்து இங்கே சில உறுப்பினர்கள் சுட்டிக் காட்டினார்கள். இந்த அரசைப் பொறுத்த வரையில், இடம் பெயர்ந்து இலங்கை முகாம்களில் வசிக்கும் தமிழர்கள் தங்கள் சொந்த இடங்களில் மீண்டும் குடியமர்த்தப்பட வேண்டும்; அவர்கள் சிங்களர்களுக்கு இணையாக அனைத்து உரிமைகளுடன் வாழ வேண்டும் என்பதில் உறுதியாக இருக்கிறது. இந்த நிலை ஏற்படும் வரை இலங்கை அரசின் மீது பொருளாதாரத் தடை விதிக்கப்பட வேண்டும்; இலங்கையில் இனப் படுகொலையை நிகழ்த்தி போர்க் குற்றம் புரிந்தவர்களை போர்க் குற்றவாளிகள் என்று பிரகடனப்படுத்த, ஐக்கிய நாடுகள் சபையை இந்திய அரசு வலியுறுத்த வேண்டும்.  இது தொடர்பாக, ஏற்கெனவே இந்த அவையில் தீர்மானம் நிறைவேற்றப்பட்டு மத்திய அரசுக்கு அனுப்பப்பட்டுள்ளது. மத்திய அரசு அதை கண்டுகொள்ளவில்லை. இந்தத் தீர்மானத்தின் மீது, மத்திய அரசு நடவடிக்கை எடுக்க வேண்டும் என்பதை மீண்டும் நான் வலியுறுத்துகிறேன்.

சென்ற ஆண்டு நடைபெற்ற ஐக்கிய நாடுகள் சபையின் மனித உரிமைக் குழுக் கூட்டத்தில், இலங்கைக்கு எதிராக அமெரிக்க ஐக்கிய நாடு ஒரு வலுவான தீர்மானத்தைக் கொண்டு வந்தது. இந்தத் தீர்மானத்திற்கு ஆதரவாக, மத்திய அரசு வாக்களிக்க வேண்டும் என்று நான் பாரதப் பிரதமரை தொடர்ந்து வலியுறுத்தினேன். முதலில், அதை ஆதரிப்பது பற்றி எதுவும் தெரிவிக்காத இந்திய அரசாங்கம், பின்னர் எனது தொடர் வலியுறுத்தல் காரணமாக அந்தத் தீர்மானத்தை ஆதரித்து வாக்களித்தது. இருப்பினும், அந்தத் தீர்மானத்தின் வலுவை  இழக்கச் செய்தவர் பாரதப் பிரதமர். இது குறித்து பாரதப் பிரதமர் இலங்கை அதிபருக்கு எழுதிய கடித்தில், “… லுடிரச நுஒஉநடடநnஉல றடிரடன நெ யறயசந வாயவ றந ளயீயசநன nடி நககடிசவ யனே றநசந ளரஉஉநளளகரட in iவேசடினரஉiபே யn நடநஅநவே டிக யெடயnஉந in வாந டயபேரயபந டிக வாந சநளடிடரவiடிn.” என்று கூறி இருக்கிறார் என்பதைத் தெரிவித்துக் கொள்கிறேன். இந்த நீர்த்துப் போன தீர்மானம் மீதே இலங்கை அரசு இன்னமும் நடவடிக்கை எடுக்காத சூழ்நிலையில், மீண்டும் ஒரு தீர்மானத்தை ஐக்கிய நாடுகள் சபையின் மனித உரிமைக் குழுவில் அமெரிக்க ஐக்கிய நாடு கொண்டு வர உள்ளது என்ற செய்தி வந்துள்ளது.  இது போன்றதொரு தீர்மானத்தை ஐக்கிய நாடுகள் சபையின் மனித உரிமைக் குழுக் கூட்டத்தில், அமெரிக்க ஐக்கிய நாடு கொண்டு வருவது ஒரு புறம் இருந்தாலும், தமிழர்கள் நலன் கருதி தமிழ்நாடு சட்டமன்றப் பேரவையில் இயற்றப்பட்ட தீர்மானத்தின் அடிப்படையில் ஒரு தீர்மானத்தை கொண்டு வந்து அதை மற்ற நாடுகளுடன் இணைந்து நிறைவேற்ற வேண்டும் என்றும் மத்திய அரசை நான் இந்த மாமன்றத்தின் வாயிலாக வலியுறுத்திக் கேட்டுக் கொள்கிறேன்.

இதே போன்று, இலங்கைக் கடற்படையினரின் கொடூரச் செயல்களாலும், கொடும் தாக்குதல்களாலும் அவதிப்பட்டுக் கொண்டிருக்கும் அப்பாவி தமிழக மீனவர்களைப் பாதுகாப்பதில், மத்திய அரசு தொடர்ந்து அலட்சியப் போக்கினை காட்டி வருகிறது. இந்திய மீனவர்களின் மீதான தாக்குதலை தடுத்து நிறுத்துமாறும், அவர்களிடம் கட்டுப்பாட்டுடன் நடந்து கொள்ளுமாறும் இலங்கை அரசை மத்திய அரசு வலியுறுத்த வேண்டுமென்று இந்த மாமன்றத்தின் வாயிலாக கேட்டுக் கொள்கிறேன்.

 

* காவிரிப் பிரச்னை குறித்து....

இங்கே பேசிய உறுப்பினர்களில் பலர் தமிழ்நாட்டின் ஜீவாதாரப் பிரச்சனையாக விளங்கும் காவேரி நதிநீர்ப் பிரச்சனை பற்றி எடுத்துரைத்தார்கள்.  இந்தப் பிரச்சனையில் தமிழகத்தின் உரிமையை நிலை நாட்டுவதற்கான அனைத்து நடவடிக்கைகளையும் நான் எடுத்துள்ளேன்.

2012 ஆம் ஆண்டு துவக்கத்தில், கபினி, ஹாரங்கி, ஹேமாவதி, கிருஷ்ணராஜ சாகர் நீர்த்தேக்கங்களிலிருந்து கர்நாடகம் தனது கோடைப் பாசனத்திற்கு தண்ணீர் திறந்துவிட்டவுடன், இந்தச் செயல் தமிழகத்தின் குறுவை சாகுபடியை கடுமையாக பாதிக்கும் எனத் தெரிவித்து, உச்ச நீதிமன்றத்தில் 21.3.2012 அன்று எனது உத்தரவின் பேரில், தமிழக அரசால் வழக்கு தாக்கல் செய்யப்பட்டது. கர்நாடக அரசின் இந்த நடவடிக்கை காரணமாக, தமிழகத்திற்கு வந்து சேர வேண்டிய தண்ணீரின் அளவு கணிசமாக குறையும் என்று சுட்டிக்காட்டி, காவேரி நதிநீர் ஆணையத்தை விரைந்து கூட்ட நடவடிக்கை எடுக்குமாறு பாரதப் பிரதமரை தொடர்ந்து வலியுறுத்தினேன்.

பாரதப் பிரதமர் வழக்கம் போல் மவுனம் சாதித்ததன் காரணமாக,  காவேரி நதிநீர் ஆணையத்தின் கூட்டத்தினை கூட்ட உத்தரவிடக் கோரி, தமிழகத்தின் சார்பில் 21.7.2012 அன்று உச்ச நீதிமன்றத்தில் வழக்கு தாக்கல் செய்யப்பட்டது.  இதனையடுத்து, வேறு வழியின்றி கிட்டத்தட்ட 9 ஆண்டுகளுக்குப் பிறகு, 19.9.2012 அன்று காவேரி நதிநீர் ஆணையக் கூட்டம் கூட்டப்பட்டது. காவேரி நதிநீர் ஆணையத்தின் கூட்டத்தினை கூட்டுவதற்கே மத்திய அரசு தயக்கம் காட்டுகின்ற நிலைமை தான் தற்போது நிலவுகிறது.  இப்படிப்பட்ட ஒரு மத்திய அரசை தான் தமிழ்நாட்டைச் சேர்ந்த கட்சியான தி.மு.க. தாங்கிப் பிடித்துக் கொண்டிருக்கிறது. 

9 ஆண்டுகளுக்கு பிறகு கூட்டப்பட்ட காவேரி நதிநீர் ஆணையக் கூட்டத்தில்,  இடர்ப்பாடு பங்கீட்டு முறையின்படி ஏற்பட்ட குறைபாட்டு நீரான 48 டி.எம்.சி. அடி தண்ணீரை, ஒரு நாளைக்கு 2 டி.எம்.சி. அடி தண்ணீர் வீதம் 24 நாட்களுக்கு திறந்துவிடவும்; அதன் பின்னர், காவேரி நடுவர் மன்ற இடைக்கால ஆணையின்படி, சம்பா சாகுபடிக்கு தண்ணீரை தொடர்ந்து திறந்துவிடவும் கர்நாடக அரசுக்கு உத்தரவிடுமாறு நான் வலியுறுத்தினேன். கர்நாடகத்தின் சார்பில் இதற்கு எதிர்ப்பு தெரிவிக்கப்பட்டது. எனது தொடர் வலியுறுத்தல் காரணமாக, 20.9.2012 முதல் 15.10.2012 வரை, நாள் ஒன்றிற்கு 9,000 கன அடி நீரை கர்நாடக அரசு திறந்துவிட வேண்டும் என்று பாரதப் பிரதமர் உத்தரவிட்டார். ஆனால், கர்நாடகம் இதனை ஏற்க மறுத்துவிட்டது. இதனையடுத்து, ஒரு நாளைக்கு 2 டி.எம்.சி. அடி வீதம், 24 நாட்களுக்கு 48 டி.எம்.சி. அடி நீரினை திறந்துவிடுமாறு எனது உத்தரவின் பேரில் தமிழக அரசின் சார்பில் உச்ச நீதிமன்றத்தில் 25.9.2012 அன்று மனு தாக்கல் செய்யப்பட்டது. இதனை விசாரித்த உச்ச நீதிமன்றம், காவேரி நதிநீர் ஆணையம் பிறப்பித்த உத்தரவினை செயல்படுத்துமாறு உத்தரவிட்டது. உச்ச நீதிமன்ற தீர்ப்பின்படி 29.9.2012 அன்று தண்ணீரை விடுவித்த கர்நாடகம், 8.10.2012 அன்று தன்னிச்சையாக தண்ணீர் திறந்துவிடுவதை நிறுத்திவிட்டது. இதனை அடுத்து, நீதிமன்ற அவமதிப்பு வழக்கு 10.10.2012 அன்று உச்ச நீதிமன்றத்தில் தொடுக்கப்பட்டது. தமிழ்நாட்டிற்கு தண்ணீர் விடுவிக்க கர்நாடக அரசுக்கு உத்தரவிட வேண்டி தாக்கல் செய்யப்பட்ட மனுவினை விசாரித்த உச்ச நீதிமன்றம், தமிழகத்திற்கு விடுவிக்க வேண்டிய தண்ணீர் குறித்து முடிவெடுக்குமாறு, காவேரி கண்காணிப்புக் குழுவிற்கு அவ்வப்போது உத்தரவிட்டது. இதனையடுத்து, காவேரிக் கண்காணிப்புக் குழு கூட்டப்பட்டு தமிழகத்திற்கு அளிக்க வேண்டிய நீரின் அளவை அவ்வப்போது அறிவித்தது.

பின்னர், உச்ச நீதிமன்றத்தின் ஆலோசனைப்படி, இது குறித்து பெங்களூர் சென்று, கர்நாடக முதலமைச்சருடன் 29.11.2012 அன்று நான் பேச்சு வார்த்தை நடத்தினேன்.   இந்தப் பேச்சுவார்த்தையின் போது, இடர்ப்பாடு பங்கீட்டு முறையின்படி மேட்டூர் அணைக்கு வந்து சேர வேண்டிய நீரில், 53.4 டி.எம்.சி. அடி தண்ணீர் பற்றாக்குறை இருக்கிறது என்று தெரிவித்து, சம்பா பயிரை காப்பாற்றும் வகையில், ஒரு நாளைக்கு 2 டி.எம்.சி. அடி வீதம் 15 நாட்களுக்கு, 30 டி.எம்.சி. அடி தண்ணீரை உடனடியாகத் திறந்துவிட வேண்டும் என்றும், மீதமுள்ள 23.4 டி.எம்.சி. அடி தண்ணீரை 2012 டிசம்பர் மாத இறுதிக்குள் திறந்துவிட வேண்டுமென்றும் வலியுறுத்தினேன்.  ஆனால், கர்நாடக முதலமைச்சர் ஒரு சொட்டு நீர் கூட விட முடியாது என்று அறிவித்துவிட்டார்.  முன்னாள் முதலமைச்சர் திரு. கருணாநிதியோ, இங்கிருந்து கொண்டு “தமிழக முதலமைச்சர் என்ன கேட்டார்? அவர்கள் என்ன சொன்னார்கள்? மறுத்து விட்டார்களா? அல்லது இயலவில்லை என்று சொன்னார்களா?” என்று விதண்டாவாதம் செய்து கொண்டிருந்தார்.

கர்நாடக அரசு தண்ணீர் தர மறுத்ததையடுத்து, மீண்டும் உச்ச நீதிமன்றத்திற்கு இந்தப் பிரச்சனை எடுத்துச் செல்லப்பட்டு, 5.12.2012 முதல் 9.12.2012 வரையில், நாளொன்றுக்கு, 10,000 கன அடி தண்ணீர் திறந்துவிடுமாறு உச்ச நீதிமன்றம் உத்தரவிட்டது.

காவேரி நடுவர் மன்ற இறுதி ஆணை மத்திய அரசிதழில் வெளியிடப்பட்டால் தான், அதற்கு ஒரு சட்ட அங்கீகாரம் கிடைக்க வழிவகை ஏற்படும்.  அதன் பின்னர், இறுதி ஆணை தெரிவித்துள்ள காவேரி மேலாண்மை வாரியம், காவேரி நதிநீர் முறைப்படுத்தும் குழு போன்ற அமைப்புகள் ஏற்படுத்தப்படும். இதன் மூலம், காவேரியில் நமக்குள்ள உரிமையை நிலைநாட்ட இயலும்.  காவேரி நீர்ப் பிடிப்பு பகுதியில் போதிய மழை இல்லாவிட்டாலும், இடர்ப்பாட்டுக் கால பங்கீட்டு முறைப்படி, நமக்கு உரிய தண்ணீர் கிடைக்கப் பெறும்.  கர்நாடகம், தனது கோடைக்கால பாசனத்திற்கு, தனது நீர்த்தேக்கங்களிலிருந்து தண்ணீர் திறந்துவிட இயலாது.  எனவே தான், காவேரி நடுவர் மன்ற இறுதித் தீர்ப்பு வெளியிடப்பட்டதிலிருந்து, அதனை மத்திய அரசிதழில் வெளியிட வேண்டும் என்று நான் தொடர்ந்து வலியுறுத்தி வருகிறேன்.

காவேரி நடுவர் மன்றம், தனது இடைக்கால ஆணையை 25.6.1991 அன்று  வழங்கிய போது, அதனை ஏற்க கர்நாடக அரசு மறுத்தது.  அப்போது நான், கடிதங்கள் வாயிலாக மத்திய அரசை வற்புறுத்தியதை அடுத்து, உச்ச நீதிமன்றக் கருத்தின் அடிப்படையில், கர்நாடக அரசு தாக்கல் செய்த வழக்கு உச்ச நீதிமன்றத்தில் நிலுவையில் இருந்த போதிலும், 10.12.1991 அன்று காவேரி நடுவர் மன்ற இடைக்கால ஆணையை எனது இடைவிடா முயற்சிகளால் மத்திய அரசு அதன் அரசிதழில் வெளியிட்டது.

இதே போன்று, காவேரி நடுவர் மன்ற இடைக்கால ஆணையை கர்நாடகம் மதித்து செயல்படுத்த ஒரு திட்டத்தை வகுக்க வேண்டும் என்று 14.5.1992 அன்று உச்ச நீதிமன்றத்தில் எனது தலைமையிலான அரசால் தாக்கல் செய்யப்பட்ட மனுவின் மீது நடைபெற்ற வாதத்தில் இடைக்கால ஆணையை செயல்படுத்த ஒரு திட்டம் செயல்படுத்தப்படும் என்று மத்திய அரசால் உச்ச நீதிமன்றத்திற்கு தெரிவிக்கப்பட்டது.  இதன் அடிப்படையில் தான், காவேரி நதிநீர் ஆணையம் மற்றும் காவேரி கண்காணிப்புக் குழு அமைக்கப்பட்டன.

காவேரி நடுவர் மன்றத்தின் இடைக்கால ஆணை மத்திய அரசிதழில் வெளியிடப்பட்டதற்கும், காவேரி நதிநீர் ஆணையம் மற்றும் காவேரி கண்காணிப்புக் குழு ஆகியவை அமைக்கப்பட்டதற்கும் எனது தலைமையிலான அப்போதைய தமிழக அரசின் பகீரத முயற்சிகளும், நடவடிக்கைகளும் தான் காரணம் என்பதை இந்த மாமன்ற உறுப்பினர்களுக்கு நினைவுபடுத்த விரும்புகிறேன்.

2007 ஆம் ஆண்டு காவேரி நடுவர் மன்ற இறுதித் தீர்ப்பு வெளிவந்த போது, முந்தைய மைனாரிட்டி தி.மு.க. அரசு தான் தமிழகத்தில் ஆட்சி புரிந்து வந்தது.  மத்தியிலும், தி.மு.க. அங்கம் வகிக்கும் காங்கிரஸ் கூட்டணி அரசு தான் ஆட்சியில் இருந்தது. ஆனால், காவேரியிலிருந்து தண்ணீரைப் பெறுவதற்கோ அல்லது காவேரி நடுவர் மன்ற இறுதித் தீர்ப்பினை மத்திய அரசிதழில் வெளியிடுவதற்கோ எவ்வித நடவடிக்கையையும் தி.மு.க. தலைவர் திரு. கருணாநிதி எடுக்கவில்லை.    

நான் ஆட்சிப் பொறுப்பேற்றவுடன், இது குறித்து பாரதப் பிரதமரிடம் கோரிக்கை வைத்தேன். பின்னர், தமிழக அரசின் சார்பில் உச்ச நீதிமன்றத்தில் இடைக்கால மனு தாக்கல் செய்யப்பட்டது. காவேரி நதிநீர்ப் பிரச்சனையை விசாரித்து வரும் உச்ச நீதிமன்றம், காவேரி நடுவர் மன்றத்தின் இறுதித் தீர்ப்பினை மத்திய அரசிதழில் வெளியிடாதது குறித்து கேள்வி எழுப்பியது. காவேரி கண்காணிப்புக் குழுவும் மத்திய அரசிதழில் வெளியிட பரிந்துரை செய்தது. மத்திய சட்ட அமைச்சகமும் ஒப்புதல் அளித்துள்ளதாக பத்திரிகைகளில் செய்தி வெளி வந்தது. இருப்பினும், காவேரி நடுவர் மன்ற இறுதித் தீர்ப்பு மத்திய அரசிதழில் வெளியிடப்படவில்லை.

காவேரி நடுவர் மன்ற இறுதி ஆணையை மத்திய அரசிதழில் வெளியிட கேட்டுக் கொள்ள, 17.12.2012 அன்று பாரதப் பிரதமரை தி.மு.க. நாடாளுமன்ற உறுப்பினர்கள் தனது அறிவுரையின் பேரில் சந்தித்ததாக தி.மு.க. தலைவர் திரு. மு. கருணாநிதியே தெரிவித்து இருந்தார். ஆனால், இவர்கள் பிரதமரை சந்தித்து என்ன சொன்னார்கள் என்பது தெரியவில்லை. எழுத்துபூர்வமாகவும், எதையும் தெரிவித்ததாக தெரியவில்லை. எந்த விதக் கடிதமும் இது குறித்து தி.மு.க. தரப்பிலிருந்து பாரதப் பிரதமருக்கு எழுதப்பட்டதாகவும் தெரியவில்லை. இவற்றையெல்லாம் வைத்துப் பார்க்கும் போது, தாமதத்திற்கு காரணமே தி.மு.க. நாடாளுமன்ற உறுப்பினர்களின் பாரதப் பிரதமருடனான சந்திப்பு தானோ என்ற ஐயம் அனைவர் மத்தியிலும் எழுந்தது.

இந்தச் சூழ்நிலையில், 4.2.2013 அன்று உச்ச நீதிமன்றத்தில் காவேரி நதிநீர்ப் பிரச்சனை தொடர்பான வழக்கு விசாரணைக்கு வந்த போது, காவேரி நடுவர் மன்ற இறுதி ஆணையை 20.2.2013-க்குள் மத்திய அரசிதழில் வெளியிட வேண்டும் என்று உச்ச நீதிமன்றம் உத்தரவிட்டுள்ளது. 5.2.2007 அன்று வழங்கப்பட்ட இறுதி ஆணை சரியாக 6 ஆண்டுகளுக்குப் பின்னர் வெளியிடப்பட உள்ளது. இது எனது தலைமையிலான அரசின் தொடர் வலியுறுத்தலுக்கும், தீவிர, இடைவிடாத, அயராத முயற்சிக்கும் கிடைத்த வெற்றி ஆகும் என்பதை இந்த மாமன்ற உறுப்பினர்களுக்கு தெரிவித்துக் கொள்வதில் நான் மட்டற்ற மகிழ்ச்சி அடைகிறேன்.

காவேரி நதிநீர்ப் பிரச்சனையில், மிகப் பெரிய போராட்டங்களுக்குப் பிறகு ஜனவரி 2013 வரையில், 63 டி.எம்.சி. அடி அளவுக்கு தண்ணீர் பில்லிகுண்டுலு நீரளவு நிலையத்திலிருந்து தமிழகத்திற்கு கிடைத்திருக்கிறது.

காவேரி நதிநீர்ப்  பிரச்சனை குறித்த வழக்கு 4.2.2013 அன்று உச்ச நீதிமன்றம் முன்பு விசாரணைக்கு வந்தபோது, சம்பந்தப்பட்ட டெல்டா மாவட்டங்களுக்கு நேரில் சென்று ஆய்வு செய்து அறிக்கை அளிக்கும் வகையில் ஒரு வல்லுநர் குழுவை அமைக்க வேண்டும் என்று உச்ச நீதிமன்றம் மத்திய நீர் ஆணையத்திற்கு உத்தரவிட்டது. மேலும்,

2 டி.எம்.சி. அடி தண்ணீரை சம்பா பாசனத்திற்காக மேட்டூரிலிருந்து தமிழகம் விடுவிக்க வேண்டும் என்றும், இதனை கர்நாடகம் தமிழகத்திற்கு ஈடுசெய்ய வேண்டும் என்றும் உத்தரவிட்டது.  உச்ச நீதிமன்ற உத்தரவிற்கிணங்க, 5.2.2013 அன்று ஆய்வினை மேற்கொண்ட வல்லுநர் குழு, தனது அறிக்கையினை உச்ச நீதிமன்றத்தில் சமர்ப்பித்தது. இந்த வழக்கு 7.2.2013 அன்று விசாரணைக்கு வந்தபோது, வல்லுநர் குழுவின் பரிந்துரைக்கேற்ப, 2.44 டி.எம்.சி. அடி தண்ணீர் மேட்டூர் அணையை வந்தடையும் வகையில் கர்நாடகம் தமிழகத்திற்கு தண்ணீர் திறந்துவிட வேண்டுமென்று உச்ச நீதிமன்றம் உத்தரவிட்டது. இதன் மூலம் 1 லட்சம் ஏக்கர் பரப்பில் பயிரிடப்பட்டுள்ள சம்பா பயிர்கள் காப்பாற்றப்படும் என்பதை இந்த மாமன்றத்திற்குத் தெரிவித்துக் கொள்கிறேன். இருப்பினும், நமக்குத் தர வேண்டிய தண்ணீரை முறைப்படி கர்நாடகம் விடுவிக்காததாலும்; தமிழகத்தில், பருவமழை பொய்த்துவிட்டதாலும்; வேளாண் உற்பத்தியில், நாம் நினைத்த அளவுக்கு, சாதனையை எய்த முடியவில்லை.

2011-2012 ஆம் ஆண்டில் தமிழ்நாட்டின் உணவு தானிய உற்பத்தி முன் எப்போது இல்லாத அளவாக 101.51 லட்சம் மெட்ரிக் டன் என்ற இலக்கை எய்தி சாதனை படைத்தது.  இதற்காக, மத்திய அரசின் விருதும் நமக்கு கிடைத்துள்ளது.  நிச்சயமாக வரும் ஆண்டு, இயற்கையின் கருணையோடு உணவு தானிய உற்பத்தியில் மீண்டும் ஒரு சாதனையை தமிழகம் நிச்சயம் படைக்கும்.

காவேரி நடுவர் மன்ற ஆணைகளின்படி தமிழகத்திற்குரிய நீரினை கர்நாடகம் விடுவிக்காததைக் கருத்தில் கொண்டும், கர்நாடக அரசு உரிய நீரை தமிழகத்திற்கு வழங்கவில்லை என காவேரி கண்காணிப்புக் குழு பதிவு செய்துள்ளதன் அடிப்படையிலும், தமிழகத்திற்கு ஏற்பட்டுள்ள இழப்பீட்டினை கர்நாடகம் ஈடுசெய்யும் வகையில் தமிழக அரசின் சார்பில் ஒரு சிவில் வழக்கு உச்ச நீதிமன்றத்தில் தாக்கல் செய்யப்படும்.

முல்லைப் பெரியாறு பிரச்சனையைப் பொறுத்தவரையில், உச்ச நீதிமன்றத்தால் அமைக்கப்பட்ட வல்லுநர் குழு, முல்லைப் பெரியாறு அணை பாதுகாப்பானது தான் என்று அறிக்கை சமர்ப்பித்துள்ளதால், தமிழகத்திற்கு சாதகமான தீர்ப்பினை உச்ச நீதிமன்றம் வழங்கும் என்று நான் நம்புகிறேன். எனவே, இந்தப் பிரச்சனையிலும் தமிழகத்தின் உரிமை நிலைநாட்டப்பட்டு இருக்கிறது.

 

* இங்கே பேசிய உறுப்பினர்களில் பலர், நமக்குரிய தண்ணீரை கர்நாடக அரசு திறந்துவிட மறுத்ததன் காரணமாகவும், பருவ மழை பொய்த்ததன் காரணமாகவும் பாதிக்கப்பட்ட டெல்டா விவசாயிகளுக்கு உரிய நிவாரணம் விரைவில் அறிவிக்கப்படும் என ஆளுநர் உரையில் தெரிவிக்கப்பட்டுள்ளதை சுட்டிக் காட்டி, இதனை விரைந்து வழங்கிட வேண்டும் என்ற கருத்தை தெரிவித்தார்கள்.

காவேரிப் பாசன பகுதியில் 12 மணி நேர, தடையில்லா மும்முனை மின்சாரம்; சம்பா பயிர்களுக்காக 107 கோடியே 98 லட்சம் ரூபாய் செலவில் அறிவிக்கப்பட்ட சிறப்புத் திட்டங்கள்; மற்றும் தொடர் சட்டப் போராட்டங்களின் மூலம் கர்நாடகத்திலிருந்து பெறப்பட்ட காவேரி நீர் ஆகியவை சம்பா நெற் பயிர்களை ஓரளவு காத்திட உதவி புரிந்தன.

பயிர்க் காப்பீட்டுத் திட்டத்தின் கீழ், விவசாயிகள் செலுத்த வேண்டிய கட்டணத்தை அரசே ஏற்கும் என்று நான் ஏற்கெனவே தெரிவித்ததற்கு இணங்க, டெல்டா பகுதிகளில் உள்ள 5 லட்சத்து 45 ஆயிரம் விவசாயிகளுக்கான 27 கோடியே 67 லட்சம் ரூபாய் பயிர்க் காப்பீட்டுத் தொகையை அரசே செலுத்தியுள்ளது.  பயிரிழப்பை அளவிட்டு, விவசாயிகளுக்கு அளிக்க வேண்டிய நிவாரணம் மற்றும் செயல்படுத்தப்பட வேண்டிய நிவாரணப் பணிகள் குறித்து நிதி அமைச்சர் தலைமையில் அமைக்கப்பட்ட உயர் மட்டக் குழு அளித்த அறிக்கையின் அடிப்படையில் நான் பின் வருவனவற்றை இந்த மாமன்றத்திற்கு அறிவிக்கின்றேன்.

மத்திய அரசின் பேரிடர் நிவாரண வரையறைபடி, நெற்பயிரை இழந்த சிறு மற்றும் குறு விவசாயிகளுக்கு, ஏக்கர் ஒன்றுக்கு, 2,429 ரூபாய் மட்டுமே நிவாரணமாக வழங்க இயலும்.  மாநில பேரிடர் நிவாரண  வரையறைபடி, ஏக்கர் ஒன்றுக்கு, 4,000 ரூபாய் மட்டுமே நிவாரணமாக வழங்க இயலும்.  இருப்பினும், இந்த 4,000 ரூபாய் நிவாரணத் தொகை, 5,000 ரூபாயாக உயர்த்தி வழங்கப்படும் என்று நான் ஏற்கெனவே அறிவித்திருந்தேன்.  இதுவன்றி, பயிர் இழப்புக்காக காப்பீட்டு நிறுவனங்களிடமிருந்து ஏக்கர் ஒன்றுக்கு, 8,692 ரூபாய் வரை பெற இயலும் என்றும் தெரிவித்து இருந்தேன். இங்கே பல உறுப்பினர்கள் சுட்டிக் காட்டியுள்ளபடி, காப்பீட்டு நிறுவனம், குசைமய அடிப்படையில், 5 கிராமங்களைத் தெரிந்தெடுத்து, ஒவ்வொரு கிராமத்திலும் இரண்டு அறுவடை சோதனைகளை மேற்கொண்டு, அந்த சோதனை முடிவுகளின் அடிப்படையிலும்; கடந்த மூன்று ஆண்டுகளில் கிடைக்கப் பெற்ற சராசரி விளைச்சலின் அடிப்படையிலும்; காப்பீட்டு நிவாரணத் தொகையை நிர்ணயிக்கும். இவ்வாறு, காப்பீட்டு நிவாரணத் தொகையை நிர்ணயம் செய்யும் போது 100 விழுக்காடு மகசூல் இழப்பு ஏற்பட்டால் தான், ஒரு ஏக்கருக்கு முழுக் காப்பீட்டுத் தொகையான 8,692 ரூபாய் கிடைக்கும்.  50 விழுக்காடு மகசூல் இழப்பு ஏற்பட்டால், ஒரு ஏக்கருக்கு சுமார் 4,350 ரூபாய் தான் காப்பீட்டு நிவாரணத் தொகையாக கிடைக்கும். மேலும், சோதனை அறுவடை செய்து முடிக்கப்பட்டு, காப்பீட்டு நிவாரணத் தொகை பெறுவதற்கு தாமதம் ஏற்படும்.  இதனைத் தவிர்க்கும் வகையில், 50 விழுக்காட்டிற்கும் மேல் மகசூல் இழப்பு ஏற்பட்டுள்ள விவசாயிகளுக்கு முழு காப்பீட்டு நிவாரணத் தொகையை முன் கூட்டியே தமிழக அரசு வழங்கும். இதன்படி, 50 விழுக்காட்டிற்கு மேல்  மகசூல் பாதித்துள்ள 1 லட்சத்து 75 ஆயிரம் விவசாயிகளின் 3.61 லட்சம் ஏக்கர் பயிர்களுக்கு, ஏக்கர் ஒன்றுக்கு, 15,000 ரூபாய் என்ற வீதத்தில் நிவாரணத் தொகை வழங்கப்படும். அதாவது, பேரிடர் நிவாரணம், வேளாண் பயிர்க் காப்பீடு, மற்றும் சிறப்பு கூடுதல் நிவாரணம் என மொத்தமாக, ஏக்கர் ஒன்றுக்கு 15,000 ரூபாய் உடனடியாக விவசாயிகளுக்கு எனது தலைமையிலான அரசால் வழங்கப்படும். இதனால், அரசுக்கு 541 கோடியே 50 லட்சம் ரூபாய் செலவு ஏற்படும்.

காவேரி டெல்டா விவசாயிகள் அனைவருக்கும் தமிழக அரசே பயிர்க் காப்பீட்டுத் தொகையை செலுத்தியுள்ளதால், 50 விழுக்காட்டிற்கும் குறைவாக பயிரிழப்பு ஏற்பட்டுள்ள விவசாயிகளுக்கும், அந்தந்த பகுதிகளில் ஏற்பட்டுள்ள சராசரி பயிரிழப்புக்கு ஏற்ப, காப்பீட்டு நிவாரணம் வழங்கப்படும். காப்பீட்டு நிறுவனத்தின் அனுமதி கிடைக்கப் பெற்றவுடன், இந்த நிவாரணம் வழங்கப்படும்.

தேசிய ஊரக, வேலை உறுதித் திட்டத்தின் கீழ், 100 நாட்கள் பணி வரம்பு என்பது 150 நாட்களாக உயர்த்தப்படும்.

தேசிய ஊரக வேலை உறுதித் திட்டத்தின் கீழ், ஊரக வளர்ச்சி மற்றும் ஊராட்சித் துறை வாயிலாக, 181 கோடி ரூபாய் மதிப்பீட்டில் 15,000 பண்ணை குட்டைகள் டெல்டா மாவட்டங்களில் அமைக்கப்படும்.

இதர வேலைவாய்ப்புப் பணிகள், 1,336 கோடி ரூபாய் மதிப்பீட்டில் செயல்படுத்தப்படும்.  மொத்தத்தில், காவேரி டெல்டா பகுதியில் உள்ள விவசாயத் தொழிலாளர்கள், இந்தப் பணிகள் மூலம் 1,517 கோடி ரூபாய் அளவுக்கு ஊதியம் பெறுவர்.

வறட்சி காரணமாக ஏற்படும் கால்நடை தீவனப் பற்றாக்குறையை தீர்க்கும் வகையில், கால்நடை பராமரிப்பு, பால் வளம் மற்றும் மீனளத் துறை வாயிலாக 5 கோடி ரூபாய்க்கு பசுந்தீவனம்; 15 கோடி ரூபாய்க்கு அடர் தீவனம்; 15 கோடி ரூபாய்க்கு உலர் தீவனம் மற்றும் 12 கோடியே 35 லட்சம் ரூபாய்க்கு பண்ணை குட்டைகளில் உள்நாட்டு மீன் வளர்ப்பு என 47 கோடியே 85 லட்சம் ரூபாய் மதிப்பிலான திட்டங்கள் மேற்கொள்ளப்படும்.

வறட்சி காரணமாக டெல்டா பகுதிகளில் ஏற்பட்டுள்ள குடிநீர்ப் பற்றாக்குறையை தீர்க்கும் வகையில், நகராட்சி நிருவாகம் மற்றும் குடிநீர் வழங்கல் துறை மூலம்  7 கோடியே 2 லட்சம் ரூபாய்க்கு நீர் ஆதாரங்கள் மேம்படுத்துதல் மற்றும் குடிநீர் விநியோகத்தை மேம்படுத்துதல்; 18 கோடியே 3 லட்சம் ரூபாய்க்கு பேரூராட்சிகளில் குடிநீர் வழங்குதல்; மற்றும் 12 கோடியே 20 லட்சம் ரூபாய்க்கு நகராட்சிகளில் குடிநீர் வழங்கல் என 37 கோடியே 25 லட்சம் ரூபாய், மதிப்பிலான திட்டங்கள் மேற்கொள்ளப்படும்.

தற்போது அறிவிக்கப்பட்டுள்ள நிவாரண உதவிகள் மூலம், தமிழக அரசுக்கு 2,143 கோடியே 60 லட்சம் ரூபாய் செலவு ஏற்படும்.

இதுவன்றி, பொதுப் பணித் துறை மூலம் ஏரிகள் தூர் வாருதல்; குளங்கள் சீரமைத்தல் போன்ற பணிகளும் மேற்கொள்ளப்படும்.

தமிழ்நாட்டின் ஏனைய பகுதிகளிலும் மழை குறைவாக பெய்துள்ளதால், சென்னை நீங்கலாக ஏனைய 31 மாவட்டங்களும் வறட்சி மாவட்டங்களாக அறிவிக்கப்படும்.

இதனையடுத்து, அனைத்து மாவட்டங்களிலும் விவசாயிகள் செலுத்த வேண்டிய நில வரி தள்ளுபடி செய்யப்படும்.

வறட்சி காரணமாக விவசாயிகள் தங்கள் கடனை திரும்பச் செலுத்துவதில் ஏற்பட்டுள்ள சிரமத்தினைக் கருத்தில் கொண்டு, விவசாயிகள் பெற்றுள்ள கூட்டுறவுக் கடன்கள் மாற்றி  அமைக்கப்படும். அதாவது, சநளஉhநனரடந செய்யப்படும்.

டெல்டா மாவட்டங்கள் நீங்கலாக, பிற மாவட்டங்களில் உள்ள 3 லட்சத்து 34 ஆயிரம் விவசாயத் தொழிலாளர்கள் பயன் பெறும் வகையில் தேசிய ஊரக வேலை உறுதித் திட்டத்தின் கீழ் வேலை வாய்ப்பு அளிக்கப்படும். 100 நாட்கள் பணி வரம்பு என்பது, 150 நாட்களாக உயர்த்தப்படும்.

மாநிலம் முழுவதற்குமான வறட்சி கோரிக்கை மனு தயார் செய்யப்பட்டு, நிவாரணம் கோரி மத்திய அரசுக்கு அனுப்பப்படும்.

 

* விவசாயிகள் குறித்து...

விவசாயிகள் இறப்பு பற்றி இந்த அவையில் பல உறுப்பினர்கள் பேசி உள்ளனர்.

9 விவசாயிகள் தற்கொலை செய்து கொண்டு இருந்தாலும் அதற்கு பயிரிழப்பு காரணமில்லை. இருப்பினும், பல்வேறு காரணங்களால் தற்கொலை செய்து கொண்டுள்ள விவசாயிகளின் உயிரிழப்பினால் துயரம் அடைந்துள்ள அவர்தம் குடும்பத்தினரின் வறிய நிலையைக் கருத்தில் கொண்டு, இந்த

9 குடும்பத்தினருக்கும் தலா மூன்று லட்சம் ரூபாய் வழங்கப்படும்.

மேற்கண்ட அறிவிப்புகள் விவசாயிகள் துயர் துடைக்க வழிவகை செய்யும் என நான் உறுதியாக நம்புகிறேன்.

- என்னுடைய இந்த பதிலுரையின் மூலம் மேதகு ஆளுநர் அவர்களின் உரையின் மீது தங்களது மேலான கருத்துகளை வழங்கிய உறுப்பினர்களுக்கு போதுமான விளக்கங்கள் கிடைத்திருக்கும் என்று நான் நம்புகிறேன்.

எனது அரசின் செயல்பாடுகள் குறித்து எதிர்க்கட்சிகளைச் சேர்ந்த உறுப்பினர்கள் ஆங்காங்கே சுட்டிக்காட்டிய குறைபாடுகளின் தன்மைகளை கண்டறிந்து; அவற்றில் உண்மை இருப்பின், உரிய நடவடிக்கைகளை எனது அரசு எடுத்திடும் என்ற உறுதியினை நான் இந்தத் தருணத்தில் தெரிவித்துக் கொள்ள விரும்புகிறேன்.

இந்தியாவிலேயே தமிழ்நாட்டை முதன்மை மாநிலமாக்க வேண்டும்; அண்டை மாநிலங்கள் உடனான நதிநீர்ப் பிரச்சனையில் தமிழகத்தின் உரிமையை நிலைநாட்ட வேண்டும்; தமிழகத்தை மின் மிகை மாநிலமாக்க வேண்டும் போன்ற உயரிய லட்சியங்களை அடையும் வண்ணம் அயராது பாடுபட்டு வரும் இந்த மக்கள் நல அரசுக்கு உறுப்பினர்களாகிய நீங்கள் அனைவரும் ஒத்துழைப்பு நல்க வேண்டும்.

ஆளுநர் உரைக்கு நன்றி கூறும் தீர்மானத்திற்கு நான் அளித்த விளக்கங்களை, பதிலுரையை ஏற்றுக் கொண்டு, திருத்தங்களை திரும்பப் பெற்றுக் கொண்டு, தீர்மானத்தை ஒருமனதாக நிறைவேற்றித் தருமாறு பேரவைத் தலைவர் வாயிலாக அனைவரையும் கேட்டுக் கொண்டு இத்துடன் எனது உரையை நிறைவு செய்து அமைகிறேன்.

]]>
http://www.dinamani.com/specials/impressions/2016/may/27/ஆளுநர்-உரைக்கு-நன்றி-தெரிவிக்கும்-தீர்மானம்-முதல்வர்-பேச்சு-1128.html
1125 ஸ்பெஷல்ஸ் இந்த நாளில்... ஒரு​நாள் விட்டு ஒரு​நாள் குடி​நீர் kirthika PTI Friday, May 27, 2016 11:20 AM +0530

சிவ காசி, டிச. 22: சிவ காசி நக ராட் சி யில் பரீச் சார்த் த மாக ஒரு பகு தி யில் மட் டும் டிசம் பர் 28-ம் தேதி முதல் ஒரு நாள் விட்டு ஒரு நாள் குடி நீர் விநி யோ கம் செய்ய நட வ டிக்கை எடுக் கப் பட்டு வரு வ தாக நகர் மன் றத் துணைத் தலை வர் ஜி.அசோ கன் செவ் வாய்க் கி ழமை தெரி வித் தார்.

இது குறித்து அவர் கூறி ய தா வது:

சிவ காசி நக ராட் சி யில் தற் போது 7 குடி நீர் மேல் நி லைத் தொட் டி கள் உள் ளன.

இதின் கொள் ள ளவு 38 லட் சம் லிட் டர் ஆகும். வெம் பக் கோட்டை ஆணைப் பகு தியி லி ருந்து 2005-2006-ம் ஆண்டு தின சரி 30 முதல் 40 லட் சம் லிட் டர் தண் ணீர் கிடைத்து வந் தது.

2007-ம் ஆண்டு மானூர் கூட் டுக் குடி நீர்த் திட் டம் தொடங் கப் பட்ட பின் னர், அத் திட் டத் தின் கீழ் தின சரி 20 லட் சம் லிட் டர் தண் ணீர் கிடைக் கப் பெற் றது. தற் போது இத் திட் டத் தின் கீழ் மட் டும் தின சரி 40 முதல் 45 லட் சம் லிட் டர் தண் ணீர் கிடைத்து வரு கி றது.

இந் நி லை யில் பரீச் சார்த் த மாக எம்.ஜி.ஆர். திட லில் உள்ள குடி நீர் மேல் நி லைத் தொட் டியி லி ருந்து விநி யோ கிக் கப் ப டும் பகு திக்கு, டிசம் பர் 28-ம் தேதி முதல் ஒரு நாள் விட்டு ஒரு நாள் குடி நீர் விநி யோ கம் செய்ய நட வ டிக்கை எடுத்து வரு கி றோம் என் றார்.

இதன் மூலம் நக ராட் சிப் பகு தி யில் ஆறு ஏரி யா விற்கு குடி நீர் விநி யோ கம் செய் யப் பட்டு வரு கி றது. தற் போது ஆறு நாளைக்கு ஒரு முறை குடி நீர் விநி யோ கம் செய் யப் பட்டு வரு கி றது. தற் போ துள்ள ஆறு ஏரி யாவை, நான்கு ஏரி யா வா கப் பிரித் துள் ளோம் என் றார்.

சாமி பு ரம் காலனி, முரு கன் காலனி, சோலை காலனி ஆகி யவை ஒரு ஏரி யா கா வும்,

பார்த் த சந் தி ரன் லேவுட், புதுத் தெரு, புஷ்பா காலனி ஆகிவை ஒரு ஏரி யா க வும்,

சுப் பி ர ம ணி ய பு ரம் காலனி ஒரு ஏரி யா க வும், பாரதி நகர் ஒரு ஏரி யா க வும் பிரிக் கப் பட் டுள் ளது.

இதில் முதல் ஏரி யா வில் 230 குடி நீர் இணைப் பு க ளும், இரண் டா வது ஏரி யா வில் 579 இணைப் பு க ளும், மூன் றா வது ஏரி யா வில் 350 இணைப் பு க ளும், நான் கா வது ஏரி யா வில் 280 இணைப் பு க ளும் உள் ளன என் றார் அவர்.

இந்த பகு தி யில் ஒரு நாள் விட்டு ஒரு நாள் ஒரு மணி நேரம் குடி நீர் விநி யோ கிப் ப டும். பொது மக் கள் இதற்கு ஒத் து ழைப் புத் தர கேட் குக் கொண் டார். மேலும் படிப் ப டி யாக நக ராட்சி முழு வ தும் செயல் ப டுத்த நட வ டிக்கை எடுக் கப் ப டும் என் றார்.

 

இந் நி கழ்ச் சி யின் போது நகர் மன் றத் தலை வர் ராதி கா தேவி, ஆணை யா ளர் விஜ ய ரா க வன், பொறி யா ளர் முரு கன் ஆகி யோர் உட னி ருந் த னர்.

]]>
http://www.dinamani.com/specials/impressions/2016/may/27/ஒரு​நாள்-விட்டு-ஒரு​நாள்-குடி​நீர்-1125.html