Dinamani - கவிதைமணி - http://www.dinamani.com/specials/kavithaimani/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3056018 ஸ்பெஷல்ஸ் கவிதைமணி இந்த வாரத்திற்கான தலைப்பு: தேநீர்ப் பொழுதுகள் கவிதைமணி DIN Tuesday, December 11, 2018 05:38 PM +0530 வனவாசம் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: தேநீர்ப் பொழுதுகள்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் டைப் செய்து அனுப்பவும்.

]]>
poem, lyric, tea, டீ, தேநீர், கவிதை http://images.dinamani.com/uploads/user/imagelibrary/2018/12/11/w600X390/th27BUTEA.jpg http://www.dinamani.com/specials/kavithaimani/2018/dec/11/இந்த-வாரத்திற்கான-தலைப்பு-தேநீர்ப்-பொழுதுகள்-3056018.html
3056017 ஸ்பெஷல்ஸ் கவிதைமணி கடந்த வாரத் தலைப்பு வனவாசம்! வாசகர் கவிதைகள்! கவிதைமணி DIN Tuesday, December 11, 2018 05:32 PM +0530 வனவாசம்

கூனியவள்  சூழ்ச்சியாலே  வனவா  சத்தைக்
குலமகளாம்   சீதையுடன்  இராமன்  ஏற்றான்
வானிலவாம்   பாஞ்சாலி   பாண்டவர்கள்
வனவாசம்   சென்றார்கள்  சகுனி  யாலே !
கானிடையே   நளனவனும் வாசம்  செய்தான்
கால்வழியே  நுழைந்திட்ட   சனியி  னாலே
மானிடர்கள்   ஒழுக்கநெறி   கடைபி  டிக்க
மாண்பாக   வாழ்ந் தவர்கள்   காட்டி  னார்கள் !

அறம்பொருளில்  இன்பத்தைத்   துய்த்த   வர்கள்
அடுத்திருக்கும்   வீடுபேற்றை   அடைவ  தற்கே
உறவைவிட்டு   வனவாசம்   மேற்கொண்   டார்கள்
உயர்ஞானம்   பெறுவதற்குத்   தவம்செய்   தார்கள்
மறம்காட்டி   நாடுகளை  வென்ற  மன்னர்
மனம்மாறி    அமைதியினைப்   பெறுவ   தற்குச்
சிறப்பான   அரசுரிமை   துறந்து  விட்டுச்
சிறுகுடிலில்   தவமியற்றக்   காடு   சென்றார் !

விலங்கெல்லாம்   வனவாசம்   செய்யும்   போதே
விரிந்திருக்கும்   காடெல்லாம்   செழித்தி   ருக்கும்
நலமாக   மழைபொழிந்து   பயிர்வி   ளையும்
நாடெல்லாம்  வளம்பெருகி   மகிழ்ச்சி  துள்ளும் !
சிலரிங்கே   காடுகளைப்   பொருளுக்   காகச்
சிதைப்பதினைத்   தடுத்ததனைக்   காக்கா  விட்டால்
நிலம்சரிந்து   மழைபொய்த்து   வறட்சி   ஓங்கி
நீள்வறுமை   தலைவிரித்தே    ஆடல்   காண்பீர் !

- பாவலர் கருமலைத்தமிழாழன்

**

வாங்கிய சம்பள பணம்
முதல் தேதியிலேயே காலியானால்
மீதமுள்ள நாட்களெல்லாம்
வறுமையில் வனவாசம்

காதலி பச்சைக்கொடி காட்டும்வரை
காதல்கொண்ட இளைஞனுக்கு - தீராத
காதல்நோயினால் வனவாசம்

ஆசைகளையும் இலட்சியங்களையும்
அடையும்வரை - இனிய
கனவுகளோடு வனவாசம்

மணமுடித்த பின்னே
மனம் பொருந்தவில்லை என்றால்
அது கணவனுக்கும் மனைவிக்கும
காலமெல்லாம் வனவாசம்

பிள்ளைப்பேறு இல்லாமல் போய்விட்டால்
கேள்விக் கேட்கும் சமூகத்தில்
பதில் சொல்லி மாள்வதே
மிகப்பெரிய வனவாசம்

கொஞ்சம் கொஞ்சமாய்
இயற்கையை இழந்தபின்பு -
செயற்கை உலகத்தோடு
ஒட்டிவாழும் வனவாசம்

கொடுக்கிற மனமிருந்தும்
கொடுக்கமுடியாத இல்லாமை என்பது -
வேதனைமிகுந்த வனவாசம்

புரிந்தவரே - பிரிந்து சென்றால்
பிரிவை எண்ணி பரிதவிக்கும்
மனதிற்கு- ஒவ்வொரு நொடிப்பொழுதுமே
துன்பம்சூழ்ந்த வனவாசம்

வயதின் முதுமையால் - பிறருக்கு
பாரமாகும்போது - பிறவியைக்கடக்க
மரணம்தேடும் வனவாசம்

நம்பிக்கை ஔி வீசும்போது
வாழ்க்கையும் வசமாகும்
வனவாசமும் சுகவாசமாகும்.....

- கவிஞர். நளினி விநாயகமூர்த்தி  

**
                                
பாண்டவர்க்கும் வனவாசம் பரதனின் அண்ணனுக்கும்
பதவியாசை காட்டிப் பறித்த பின்னால் முடிதனையே
பதினான்கு வருடங்கள் பசுமை வனந்தனையே
வீடாக்கி வாழ்கவென்று விளம்பிட்டார் பொறாமையினர்!

ஐவரும் கலங்கவில்லை!அன்புடை ராமனும் வீழவில்லை!
காட்டு வாழ்க்கையிலே களேபரங்கள் இருந்தாலும்
கண்ணியமாய் இருப்பதற்கும் கடமையைச் செய்வதற்கும்
கச்சிதமாய் உதவுவது கடும் வன வாசமே!

நாட்டையே காடாக்கும் நாட்களும் வருவதுண்டு!
பாட்டில் மட்டுமல்ல பார்க்கிறோமே நேரிலிங்கே!
கஜா  புயலிங்கு  காடாக்கிப்  போட்ட   ஊர்கள்
நிமிர்ந்து நடமாட நீண்ட நாட்கள் ஆகுமய்யோ!

பட்டணத்தில் வாழ்ந்தாலும் பணத்தில் புரண்டாலும்
மனத்தினுள்ளே வனவாசம் பலபேர் அனுபவிப்பர்!
அப்படித்தான் கண்ணதாசன் அளித்திட்டார் வனவாசம்!
அத்தனையையும் மக்களுக்கு ஒளிக்காமல் உரைத்திட்டார்!

-பெருமழை விஜய், கூடுவாஞ்சேரி
 
**
தர்மத்தை காக்க 
அன்று வனவாசம் சென்றனர் - இராம, இலக்குவர்
அதர்மத்தை தகர்த்தெறிய 
அன்று வனவாசம் சென்றனர் - பஞ்சப் பாண்டவர்
தவம் இயற்ற
அன்று வனவாசம் சென்றனர் - முனிவர்கள்
கல்விக்காக சிறுவயதிலேயே 
இன்று செல்கின்றனர் வனவாசம் (ஹாஸ்டல்) - மாணவர்கள்
வேலைக்காக இளவயதில்
இன்று செல்கின்றனர் வனவாசம் (மாநகரங்கள்) - இளைஞர்கள்
விலங்குகளை வேட்டையாட
இன்று வனவாசம் செல்கின்றனர் - வேட்டைக்காரர்கள்
வனங்களை அழித்து குடியிருப்புகளாக்க
இன்று வனவாசம் செல்கின்றனர் - மக்கள்
வனத்தை காப்போம், மழை பெறுவோம்.

- ஆம்பூர் எம். அருண்குமார்.

**

திரைகடல் ஒடியே
திரவியம் தேடுவேன் என
வீடு விட்டு நாடு விட்டு
வீராப்பாய் சொல்லிச்
சென்ற பிள்ளை
அவனுக்காக
அன்னையவள்
கண்கள் பூக்கக் 
காத்திருந்து காத்திருந்து
கண்ணீர் நதியும்
கரையுடைக்க ..
தண்ணீர் இன்றி
தவமிருக்க ..
வருசம் பல ஆனதே வாழ்வும்
வனவாசம் ஆகிப்போனதே !
கண்பார்வையில் திரை போட
கருஙகூந்த்தலில் நரை விழ
பொன்னும் பொருளும்
வேண்டாம் தான் 
கண் மூடுவதறகுள் தன்னைக்
காண மகன் வருவான் என
நாட்களை எண்ணும்
நாதியற்ற அன்னை !
பெற்றவன் சொல்படி
கொற்றவன் இராமன் அன்று
வனவாசம் போனான் என்றால்
பெற்ற மகனுக்காக இன்று
பெற்றவள் காத்திருப்பதும்
வனவாசம் தானே !

**

ஊர் அற்று உறவற்று வெளியூர் பயணம் 
புது புது சொந்தங்கள் சேர்ந்து 
அன்பை பகிர்ந்து வேற்றுமை அற்று 
ஒற்றுமையுடன் ஆதரவாய் வாழ்ந்தால் 
வனவாசம் இனிமையே

- மஞ்சுளா புஷ்பராஜ்

**

வனவாசம் சென்றான் ராமன் ஒரு சொல்லுக்கு 
கட்டுப்பட்டு அன்று ! வனவாசம் ராமனுக்கு 
ஆண்டு பதினான்கு !
இருக்கும் வனத்தை நாசம் செய்கிறான் மனிதன் 
தினமும் இன்று ...யார் சொல்லியும் கேட்காமல் !
வனம் எல்லாம் பாலைவனம் ஆகுது நம் 
கண்  முன்னே ! வசிக்கும் இடம்  எல்லாம் 
அடுக்குமாடி வனமாக மாறுது ஒரு நொடியில் !
வனத்தை அழித்து விட்டு வான் உயர 
கட்டிடங்கள் கட்டி விட்டு மனிதன் 
திட்டுகிறன் வானத்தைப் பார்த்து 
ஏன் பொய்த்தாய் வானமே என்று !
பண வாசம் ஒன்று மட்டும் நுகரும் 
மனிதனுக்கு  இந்த  மண்ணின் வாசமும் 
வனத்தின் நேசமும் புரிய  எத்தனை ஆண்டு 
தேவை அவனுக்கு  வனவாசம் ?

- K .நடராஜன்
**

அவன் அள்ளித்தந்த‌ பாயசத்தில்
சூரியகுலம் தழைத்தது.
அளவாய்ப் பருகிய‌ பாயசத்தில்
ஒன்றாய் ஒன்றாய் இரண்டும்
அதிகமாய்த் தந்த பாயசத்தில்
ஒன்றுடனொன்றி இரண்டும்
மூன்று கருவறைகளில் நான்குமாய்
சூரியகுலம் தழைத்தது.

அதிகம் பாயசம் குடித்தவள்
போரில் செய்த வித்தைகளால்
வரமும் இரண்டு பெற்றாள்.

கூனல் கொண்ட முதுகில்
வாசம் கொண்டது விதியும்.
விட்டெறிந்த மணல் கட்டியில்
விதி கூனலின் வாசம்விலகி
வனம் சேர்ந்தது.

மண்விலகிப் பொன்மேவி
உழுத கலப்பையில் 
பிறந்தாள் பூமகள்.
சூரியகுலத்தவனைச் சூடினாள்
நிலமகளின் தலைமகள்.

அரியணைக்கு நாள் குறித்தான்
அரசன் அவன் ஆண்டவன்.
சூரியகுலம் வாசம் செய்ய‌
வனமும் நாளைக் குறித்தது.
தந்தவரங்கள் தன்னைச் சாய்க்க‌
முன்னேஅனுப்பிப் பின்னே விழுந்தான்.

வன வாசம் பிறந்தது..

செருப்பைத் தலையில் சுமந்து
நால்வரிலும் உயர்ந்து போனான்.
செருப்பும் ஏறியது அரியாசனம்.
சூரியகுலம் தள்ளிநின்று ஆண்டது.

அவன்வலியைத் தான் சுமக்க‌
தானும் வனம் சென்று
விண்ணுயர உயர்ந்து நின்றான்.

வேடுவனும் தோள் சுமந்து
நால்வரொடு ஐவரானான்.

வானர் குலத் தலைவனுக்கு
நீதிசெய்ய மறைந்து நின்று
தன்மீதும் கறைகள் கொண்டான்.

பூமகளும் அவள் மன்னவனும்
பிறப்பறிந்து பின்மறந்து துயில‌
வனமே சிலிர்த்துத் துளிர்த்தது. 

எச்சில் கனியும் இனித்தது
கிழவி அவள் விண்சென்றாள்.
கல்மிதித்துக் கால் பட்டு
தேவதையும் உயிர் பெற்றாள்.

எழுதிவைத்த கோடு தாண்டி
விதியால் பிழையைத் தானும்செய்தாள்
நிலமகளின் தலைமகள்.

துடிதுடித்த‌ பறவைக்கும் நீர்வார்த்து
அகிலம்வாழும் வேதம் சொன்னான்.

வானரப் படையும் தோள்சுமக்க‌
வாயுமகனே நெஞ்சில் சுமக்க‌
கடல் கடந்தான்.

பத்துத்தலை புத்தியும் பக்தியும்
பெண்ணால் கொண்ட‌ பித்தினால்
அவனோடு அவன் மணிமுடியும்
மண்ணில் புரண்டு வீழ்ந்தது.

வன வாசம் முடிந்தது..

சூரியகுலம் அரியணை ஏறியது.
சூரியகுலம் இன்னும் துளிர்த்தது.
அல்லவை பொங்க அந்திமங்கி
பூமகளும் தீக்குளித்தாள்
சூரியனே கறை பட்டான்.
பூமகளும் வனம் புகுந்தாள்.
பூமகளே நிலம் புகுந்தாள்.
சூரியன் மறைந்து சந்திரன் தோன்றியது.
யுகம் மறைந்து யுகம் பிறந்தது.
இப்படிக்
காப்பியமும் கதையை முடிக்கிறது..

வனவாசம் செல்லும் கதை
யுகங்கள் தொடர்ந்தும் நடக்கிறது
காப்பியங்கள் கதை கதையாய்ச் சொல்கிறது..

- ரமேஷ் கோபாலகிருஷ்ணன், பீனிக்ஸ், அமெரிக்கா

**

ஒன்றினை யிழந் தாலொழிய 
ஒன்றினை யடைய முடிந்திடாது
துதிப்போனை காக்கும் கடவுளே 
துதிக்கும் மதியை யிழப்போனையும் காக்க மறப்பதில்லை ஒருபோதும் 
சபிக்கப் பட்டவன் மரணிக்கலாமிதை 
சபிக்கப் படாதவன் ஜீரணிக்கலாகுமோ

பரதன் முடிசூடினதும் இறப்பான் 
ஜாதகம் குறிப்பறிந்து கைகேயி சூச்சமத்தை கையாண்டாள் தாம்
ஈன்றதோ இருவரம் அதிலொரு
வரம் பரதன் நாடாள வேண்டும் மறு வரம் இராமன் காடேக வேண்டுமென 

பை நெல்லை நம்பி கை நெல்லை
இழக்க விரும்பாத கைகேயிக்கோ 
சதிகாரி பழிப்பெயரை சூட்டினாரது 
வனவாச மன்று மனவாசம் கொண்டே 
இனவாசம் எட்டுத் திக்கும் வீசிடவே
இராமனைத் தேர்ந்திடும் திட்டமதுவே

- ஆபிரகாம் வேளாங்கண்ணி கண்டம்பாக்கம்

**

ராமனின்  வனவாசம்,
சீதையின்  அசோக  வனவாசத்திற்கு  ஆரம்பம் !
பாண்டவர்களின்  வனவாசம் ,
அஞ்ஞானவாசத்தற்கு ஆரம்பம்! 
கண்ணதாசனின்  வனவாசம்,  
மணவாசத்தின் ஆரம்பம்!
கருவறையில்  பத்து  மாத  வனவாசம்,
வாழ்வின் ஆரம்பம்! 
பிறப்பு, 
நம் வாழ்வின் தேடலின் ஆரம்பம்,  
அதுவே கடவுள்  நமக்கு   அளித்த  
வனவாசமே !!

- பிரியா ஸ்ரீதர்  

**
குற்றங்கள் செய்வதும் தண்டனை பெறுவதும் விதிவிலக்கல்ல!
செய்யாத் தவறை செய்தது ஆக்கி,
சூதுதனை விதியென ஆக்கி,
வஞ்சம் சுமந்து! வாழ்வினை இழந்து!
பதினாண்காண்டுகள் வனத்தைக் காத்து!
மண்வாசம் நீங்கி வனவாசம் நுகர்ந்து!
வாழும் கலைகளை வனத்தில் சொன்னவன்!
உண்மை புருசன் அவனே என்ராமன்!

வாழ்வு நெறி தெரிய,
வையத்தில் வாழ்ந்த,
நீங்கா சிறப்பும்,
நேர்கொண்ட பார்வையும் கொண்டவன்,
வில்,அம்பு  வித்தகன் அவனே என் ராமன்!
கொள்கைகள் கொண்டு,
நல் நினைத்ததை நடத்து!
ராமனின் நேர்வழி நமக்கு,
நிச்சயம் எதிரொலி!

வனவாசத்தில் சொன்னது நம்வாழ்க்கையைச் சொல்வது!
வாழ்வின் நிலைகளை வரையறைச் செய்தது,
இதிகாசம் என்னும் இராமாயணமே!

-செந்தில்குமார், ஓமன்

**
                       
பெண்ணின் சிறுமதியால்
தாரத்தின் வசதிதனை
மறந்த இராமனின்
வனவாசத்தால் யாருக்கு
என்ன பயன்?
சுயநலத் தாயின் குரல்
மறுக்க திராணியற்ற
கணவன் பதவிக்கு
என்ன பெயர்?
நட்பு என்னும் விளக்கெடுத்து
கடல் தாண்டி சென்றாலும்
ஆணாதிக்க வெறியிலே
வனவாசத்தின் கோரத்தில்
தாரத்தின் அன்பறியாது
இளவலைத் தீ மூட்ட 
ஆணையிட்ட கணவனின்
ஊர்ப் பெருமையினை
எள்ளி நகையாட சீதைக்கு
அங்கு ஏன் உரிமை இல்லை?
தீக்குளிக்க வைத்த மடமை
பெண்ணின் அடிமைத்தனமோ!
தாயாகி நிற்கையிலே
தனியளாய்ப் பிரிந்த
பூமாதேவி புதல்வியின்
நிலை காண்கையிலே
இன்னொருமுறை
சீதா பிறப்பை
பெண்ணினம் காணாதிருக்க
 ஆணாதிக்கம் தொலையும்
வருங்காலத்தை எண்ணி
காத்திருக்கும் கணினி இயந்திரா!

-அல்லி 

**
ஆயிரம் பிறை கண்ட
முன்னோர் ஆசியில்லா வாசம்,
அன்புறு அன்னை தந்தை
ஆசானின் நேசமில்லா வாசம்,
உயர் பண்பினை போதிக்கும்
நல் உள்ளங்களில்லா வாசம்,
உள்ளத்தில் நிறைந்திருக்கும் உயிரனையாள்
உடன் இல்லா வாசம்,
செங்குழை நிகர் மழலைச் 
சொல்லமுதை கேட்டிடா வாசம்,
வெற்றிக் கொண்டாட்டங்களில் நல்
நண்பர்கள் உடனில்லா வாசம்,
காதல்,வீரம்,மானம்,
இழந்துவாழ் மதியில்லா வாசம்,
நலிந்தோர்க்கு உதவிடும் நல்
உள்ளம் இல்லா வாசம்,
கனியமுதாய், கற்கண்டாய், கறிச்சுவையாய், 
தேன்பாகாய், தெவிட்டாத தெள்ளமுதாய்,
இனிக்கின்ற நம் மொழியாம்
செம்மொழியை பேசிடாத வாசம்,
அகிலத்தின் இன்பம் அனைத்தும்
அள்ளி அள்ளித் தந்திடினும்,
நானிலத்தில் இவை  அனைத்தும்
நஞ்சைவிட கொடிய வனவாசமே.....

- ராம் விஜய்,

**

 
தசரதன்  சொல் மதித்து 
கைகேயியின்  ஆசையினை  பூர்த்தி செய்ய 
"கோ" பதவியினை துறந்த 
"கோமான்" ராமன்  சென்றது 
"வனவாசம்"..........
கணவன் அனுபவிக்காத  சுகத்தினை 
மனையொப்ப   துறந்த சீதாதேவி 
தெடர்ந்து சென்ற தம்பி  லக்ஷ்மணன் 
அனுபவித்தது   "வன வாசம்".....
விட்டுக்  கொடுத்தோர் 
தட்டுத் தடுமாறாமல் வாழ்வில் 
முட்டு  கட்டையில்லாமல்  
சிட்டு போல வாழ்வதுடன் 
கட்டுக்  கோப்பான  வாழ்க்கைக்கு 
தேவை இவையெல்லாம்  என 
சேவை கருத்துடன்  "ராமாயணம்"
உணர்த்திய  அற்புத  தத்துவமே 
"வனவாசம்" .

- பிரகதா நவநீதன்.  மதுரை

**
வனவாசம் விரும்புகின்றது என்  மனம் 
வனத்தில் சுவாசம் எங்கும் நல்ல வாசம் !

நாட்டில் வாழும் மனித மிருங்கங்களை விட 
காட்டில் வாழும் மிருங்கங்கள் கொடியதன்று !

பசுத்தோல் போர்த்திய புலிகள் பெருகிவிட்டன 
பண்பாளர்கள் எண்ணிக்கை குறைந்துவிட்டன !

வனத்தில் சாதிமதச் சண்டைகள் இல்லை 
வனத்தில் ஏற்றத் தாழ்வுகள் இல்லை !

உண்ணும் உணவிற்கு பஞ்சம் இல்லை 
ஒருவரும் பொல்லாங்கு பேசுவது இல்லை !

விலங்குகளுடன்  நட்பாக   வாழலாம் 
பறவைகளுடன் நன்கு  பழகி மகிழலாம் !

செயற்கை உணவுகள் அங்கு இல்லை 
சிதைக்கும் நோய்களும் வருவதில்லை 

கோடிகள் கொள்ளையடிக்கும் கூட்டம் இல்லை 
கேடிகளின் அடாவடி அங்கு இல்லை !

தொல்லைதரும் தொலைக்காட்சி இல்லை 
துன்பங்கள் துயரங்கள் அங்கு இல்லை !

வரப்புச்சண்டைகள் அங்கு இல்லை 
வாய்க்கால் சண்டைகள் அங்கு இல்லை !

பெட்ரோல் அங்கு தேவையே இல்லை 
பெரும் தொல்லை இல்லவே இல்லை !

மாசுக்காற்று காட்டில் இல்லவே இல்லை 
மக்காத குப்பைகளும் அங்கு இல்லை !

வனவாசத்திற்கு யாரும் வருந்த வேண்டாம் 
வனவாசம் மனதிற்கு மகிழ்ச்சி தரும் !

- கவிஞர் இரா .இரவி

**

இராமனும் ஈரேழாய் 
பாண்டவர் ஈராறாய் 
ஆண்டுகள் கழித்தினரே 
வனவாசமும் முடித்தினரே 
கதையெல்லாம் படித்தும்கூட 
இந்தமானுடம் ஆசையினை 
வீழ்த்த வழியொன்றும் 
கண்டிலரே!

- கு. இராமகிருஷ்ணன்

**
"ஆண்டுகள் பல ஆண்டுவிட்ட களைப்பில்  
ஆண்டவனிடமே  ஆட்சியைத்தருவோம்" 
அயோத்தியின் அரசன் தசரதன் !! 

அகிலத்திற்கு அறம்பொருள் சொல்ல வந்த பரம்பொருள்.. 
ஒரு தாரம், ஒரே தாரம் 
அழுத்திச்சொன்ன அவதாரம் !!
சின்னத்தாயின் எண்ணக்களிப்பில்
முளைத்தன விஷச்செடிகள்.
இரண்டு வரன்கள் , சங்கிலிக்குள் 
இறைவன் கரங்கள் !!

இவன் மனவாசம் கொண்ட 
சீதை .. மணவாசம் மாறாத நிலையில் ஒரு வனவாசம் !! 

முற்றும் தெரிந்தவன் 
முழுதும் தெளிந்தவன் 
பழுதற்ற பண்பாளன் 
பதினான்கு வருடங்கள் அவனுக்கு !!  

ஆனால் அதர்மம்  அக்கிரமம் 
அடர்ந்த காட்டிற்குள் 
நமக்கென்னவோ நாளெல்லாம் வனவாசம்!! 

- Dr. எஸ். பார்த்தசாரதி MD DNB PhD

**

பணவாசம் வந்தது  
பலரின் பாசம்  வெந்தது  
வனவாசம் செல்லாமலே   
மனமே   வனவாசமானது   
உண்மைகள்  பொய்த்தது   
போலிகள் மொய்த்தது  
நேர்மைகள்   மாய்ந்ததால்   
மனமே வனவாசமானது   
பண்பாடு  விட்டுப்போனது   
பல மனம்   கெட்டுப்போனது  
மனிதமே  அற்றுப்போனது   
மனமே வனவாசமானது   
ஜனவாசம் கூடியது  
விளை நிலம்  வீடானது   
விவசாயம் வீணானது  
மனமே  வனவாசமானது  
தாய் தந்தை மீது பாசம் போனது 
தன்னலம்  முற்றிப்போனது   
தர்மங்கள்   வற்றிப்போனது   
மனமே வனவாசமானது  
அன்று, ராமரின்  வனவாசம்   
காவியமானது
[இன்று வனம் மிருகங்கள் ஒன்றாக நீர் அருந்தும் தளம்] மனிதன் மட்டும் நீருக்காக நிலத்திற்க்காக மோதுவது [அன்றய மிருகமாக  மாறுவது என்றே கூறுவதாகவே ஆகி  
விட்டது] இன்று; வனவாசம் நிஜத்தில்  இல்லை, மனதில் வனவாசம்  வந்து பலநாள்  ஆகிவிட்டது  இது மாறுமா   என்பது ????? 

- களக்காடு வ.மாரி சுப்பிரமணியன் 

**
அனல்கோட்டைத் தாண்டியவன் அரக்க னாக
……….ஆரணங்கு சீதையையே அபக ரித்தான்..! 
மனம்போன போக்கினிலே வாழ வேண்டி
……….மதிகெட்ட இராவணனிச் செயலைச் செய்தான்.!
புனர்சென்மம் உண்டென்று புரிய வைக்க
……….பிறவியதை விளக்கிச் சொன்னான் ராமன்..!
வனவாசம் சென்றடைந்து வாழ்க்கை என்ன
……….வரலாறாய் உணர்த்தியது இராம காதை..!
.
இனமான உணர்வுகளும் நமக்குள் உண்டு
……….என்பதைத்தான் உரைத்தனநம் இலக்கி யங்கள்.!
மனவலிமை பெற்றிடவே யோகம் செய்வீர்
……….மனமடக்கச் சொன்னதுதான் பகவத் கீதை..!

மனதார அனைவரையும் வாழ்த்தக் கூட
……….மனப்பாங்கு வேண்டுமென ஒளவை சொன்னாள்.!
தினமொரு முறையேனும் நினைத்துப் பார்த்து
……….திருக்குறளை மறக்காது நினைவில் கொள்வீர்..!
.
மனக்குருடு நீக்குதற்கு மனதைக் கட்டி
……….மாந்தருக்கு வழிகாட்ட கவியாய் வந்து..
தனதான வரலாற்றை எடுத்துச் சொன்னான்
……….தான்பட்ட துன்பத்தை எழுதிச் சென்றான்..!

புனர்வாழ்வு உண்டென்று புரிந்து கொண்டு
……….பொன்னான உதாரணமும் பலவும் சொல்லி
வனவாசம் எனும்நூலில் அறிய வைத்தான்
……….வாழ்ந்தனுப வித்த(க)கவி கண்ண தாசன்..!

- கவிஞர் பெருவை பார்த்தசாரதி

**
வார்த்தைகள் தேடி
வனவாசம் சென்று
வகிடெடுத்து கொடுத்த
ஒரு கவிஞனின் கனவுகளை
கவனமாய் கடக்க வேண்டும்!

எது கவிதை?
எதிர் கேள்வி கேட்டு
இளக்காரம் செய்தல் கூடாது!!

இலக்கணம் இல்லாமல்
இறந்தே இருந்தாலும்
இலக்கியம் மீறாத
இதயத்தை இதமாய்
வருடிக்கொடுக்கும் வார்த்தைகளுக்கு
வலிமை அதிகம்...!!!

- தஞ்சை. ரீகன்

**

கூனியின் வஞ்சத்தால்
ராமன் தஞ்மடைந்தான்
கானகம்; இலக்கியம் இயம்பும்
இன்பக்கதையன்றோ!!
காமியர்களின் காமக்கடப்பால்
சின்னஞ்சிறு சிறுமிகளும்
சென்றிடனும் வனவாசம்
என்றொரு  நிலையின்றோ??
வனத்திலும் மோகவலை
வனமகன் விரித்தால்
எவ்விடத்து. செல்வதென்று
தவிப்பது பெண்ணல்லவா??
இந்நிலையே நீடித்தால்
கலங்குவது மனமல்லவா??
சற்றேனும் சிந்தித்தால்
நல்வழி பிறக்குமல்லவா??
பெண்ணே கொஞ்சம்
கேளடி கண்ணே....
தற்காத்து கொள்ள
தனித்துநில்!! துணிந்துநில்!!
பெண்மை போற்றிட
உறுதிகொள்!!! ஊக்கம் கொள்!!
காமத்தை களைந்திடு!!!
காமிகளை களையெடு!!!!

- கவிஞர் க. இராமலெட்சுமி@கவி தேவிகா, தென்காசி

**

ஈரேழு வருடம்தான் இராமனின் வனவாசம்
எங்களுக்கோ இப்பிறவி முழுவதும் வனவாசமளித்து
எங்களை விட்டு வானுலக வனவாசத்திற்கு
சென்ற தந்தையே வாடுகிறோம் பிரிவாலே..
அந்த காமாட்சியும் கை விட்டாலே
அம்மன் அவள் அருளும் கிட்டவில்லையே
நீங்கள் வளர்த்த மரமும் செடியும்கூட
உங்கள் வாசமில்லாமல் வாடிக்கிடக்கிறது தோட்டத்தில்
இல்லம்கூட வனவாசமாய் காட்சியளிக்கிறது எங்களுக்கு-
நீங்கள் இல்லாமல் மனங்களும் தத்தளிக்கிறது!
வேதாச்சலம் எனும் பெயர் கொண்டீரே
வாழ்க்கையின் வேதங்களைக் கற்று தந்தீரே
எங்களுக்கு பழிச்சொல் வாராமல் - நோயிலிருந்து
மீண்டுவந்து எங்களோடு வாழ்வேன் என்றுரைத்தவரே-
சொன்ன சொல் தவறமாட்டீரே -காலம்
உங்களை தவறுதலாய் கொண்டு சென்றதோ..?
எங்களைச் சுமந்து விளையாடிய தோள்கள்
எங்களைத் தூக்கி விளையாடிய கைகள்
எங்களின் பிள்ளைகளுக்கு இல்லாமல் போய்விட்டதே
எங்களின் வனவாசம்தீர நான் வேண்டுகின்றேன்
உதிரம் தந்த தந்தையே - கண்ணீரையே
உதிரமாக்கி வரம் ஒன்று கேட்கிறேன்
எங்களுக்கு மகனாக பிறந்து - மீண்டும்
எங்களோடு வாழும் புண்ணியத்தை தருவீராக....!

- சத்தீஷ் செம்மஞ்சேரி

**

அடிமை விலங்கொடித்து
சுதந்திரக் காற்றோடு
விடுதலைப் பெறத் துடிக்கும்
சிந்தனைகள்
வனவாசம் செய்கின்றன
பாண்டவர் போல

பகிரங்க பிரசாரத்தில்
முகம் காட்டும் வீரியத்தை ஒடுக்கி
சுரண்டிக் கொள்ள
வேடமிட்டு அலைகின்றன
ஏகாதியபத்திய எடுபிடிகள்

யாதும் ஊரே யாவரும் கேளிரென
தோள் சேர்க்க
துடிக்கும் மனங்களின் 
எல்லைச் சுருக்கி
ஒவ்வொன்றுக்கும் கோடு போடுகின்றன
ஒவ்வாமைகள்

சாதிகளுக்கும் மதங்களுக்கும்
ஒப்பனைச் செய்து
சாஷ்டாங்கமாய் அடி வீழ வைத்து
பிரதானப் படுத்திக் கொள்கின்றன
தம்மை

கடவுளர்களை விற்றுவிட்டு
வெற்று சந்நதியில் இருக்கச் செய்து
ஓலமிடுகின்றனர்
பிழைத்துக் கொள்ளும் யுக்தியை
கண்டுப் பிடித்தவர்கள்

மனிதர்க்கு மனிதர் 
மண்டியிட்டு வாழ்தலே
சுதந்திரமென்று முழக்கி
விடுதலையின்
விலாக்களை நொறுக்குகின்றனர்
அதிகாரம் கொண்டவர்கள்

உண்மை வாய்மை மெய்மையுடன்
அன்பு கருணை பாசம்
யாவும்
வனவாசத்தில் அலைந்துழல
பரிபாலனம் செய்கின்றனர்
கொடுங்குணச் சித்தர்கள்

ஒரு நாளில்
வனவாசம் மீண்டு வந்து
மனவாசம் மகிழும் வண்ணம்
ஆளும் காலம் வர
அடங்கி போகும் அடாவடி செய்யும்
சர்வதிகாரம்;

அப்போது
பரிபாலனம் செய்யும் மக்களின்
அதிகாரம் 
ஜனநாயகமாய் ஒளிரும்
யாரும் மகிழ...

- கவிஞர். கா.அமீர்ஜான்

**

சீதாராமனுக்கு மகுடம் சூட்ட
தயரதன்
பார்த்து பார்த்து நாள் குறித்திட்டு
வேர்த்து வேர்த்து விரைந்து வந்தனன்! 
தேர்ந்த பணிக்கான பெற்ற  வரங்களை 
சேர்த்திட்ட  நஞ்சினை சிந்திடும்  சீற்றரவாய் - மன்னன் 
சோர்ந்த நிலையில் கேட்டாள் 
கைகேயி !
வசந்த வாழ்வில் வந்ததே வனவாசம் !
கசந்த அநுபவம் தந்ததே 
மனகிலேசம் .

- கவிஞர் எஸ் வி ஆர் மூர்த்தி பெங்களூர்

**

அகிலமே போற்றும் படியாய் ஆக்கினாள் ராமன் தன்னை
அவனை அனுப்பினாள் ஆரண்யத்திற்கு அதனால்தான்
வனவாசம் வெறுக்கத்தக்கது வாழ நினைப்பவர் விரும்பார்
வனவாசமல்ல அது ஒரு வரப்பிரசாதம் ஆனது ராமனுக்கு
‘ஆழி சூழ் உலகமெல்லாம் பரதன் ஆளவேண்டும் ராமன்,நீ
ஈரேழு ஆண்டு கானகம்செல்க, இது அரசனின் ஆணை”என்றதும்
மனமகலங்க்காத ராமன் மாறாக மகிழ்ந்தான் தாமரைமுகத்தான்
அவன் புகழ் அகிலமறிய காரணம் ஆகினள் கைகேகி என்பேன்
வனவாசம் சிறந்தது தவம்செய் ஞாநிகலோடு ராமன் செல்வது
வையம் புகழ் ராமன் அதை அனுபவித்தது கொடியது என்பேன்
ஆரண்யத்தில் ராமனுக்கு அரியாசனம் அமைத்தாள் அதனால்தான்
ராமன் ராமபிரானானான் ! ஸ்ரீராமன் ஆனான்! காரணம் ஆகினள்
வால்மிகியின் கைகேகி கொடிய தீயவள் ஆனால் நமது
கம்பர்பெருமானின் பார்வையில் நாடகமயிலாள் நல்ல தீயாள்
ராமனை தெய்வாம்சமாக அறியார் மற்றவர் ஆனால் சுபத்திரை  
அறிந்தாள் சுபத்திரை அனுப்பினாள் இலக்குனை ராமனுடன்
வனவாசமல்ல அது வரப்பிரசாதம் மரஉரிகள் அளித்தாள் அத்தோடு
அறிவுரை இலக்குவனுக்கு அளித்தாள்,” ராமந்தான் தெய்வமுனக்கு
ராமனை,சீதையை தந்தையாய் தாயாய்க்கொள்க எனறாள்
ராமன் தான் தெய்வாம்சம் எனதெரிந்தபோதும்
வானத்தில் தசரதன் காட்சி தந்து வருந்தியபோது தெய்வம்சமான ராமன்
கைகேகி தீயளல்ல அவள் என் தாய், பரதன் என் தம்பி என்றான்
தீமைசெய்வதுபோல் தோன்றினாலும் வனவாசம் நன்மைதான் “
வனவாசமல்ல அது ராமனை ஸ்ரீராமனாய் அக்கியது!

- கவிஞர் அரங்க கோவிந்தராஜன் இராஜபாளையம்

**

அயோத்தி மண்ணை ஆண்டவரும்
அர்ஜுனன் உள்ளிட்ட பாண்டவரும்
அந்நாளில் கண்டனராம் வனவாசம்!

வனவாசம் இராமன் கண்டதால்
வனத்திலும் ஒரு கோவில் வேண்டி
வளங்களை அழித்தொழிக்க
வரலாம் இங்கு இன்னொரு கூட்டம்!

வனங்கள்தமை அழித்தோ
சிலர் மனங்களில் பழி விதைத்தோ
வரவேண்டாம் இனியும் புது ஆலயங்கள்!
வந்தவரை போதும் சில கலவரங்கள்!

வனவாசம் கண்ட இராமா
வணங்குகிறோம் உன்னை!
மத பேதம் மறையும்படி
மாற்றிடுவாய் இம்மண்ணை!

 - நிலவை.பார்த்திபன்

**

இரவு வழிந்தோடும் இடுக்குகளின் இடைவழியில் -
கனவுலக சஞ்சாரத்தில்
வனச்சரகத்தில் நித்தம் நிகழும் நட்சத்திர வேட்டை

இராமரும் பாண்டவரும் திரிந்த காடுகள் தோறும்
திரவுபதிகளாய் துகிலுரியப்படும் - ஆலை அரக்கர்களால்

முகிழ்ந்து மறையும் உண்மையின் வாசம்,

குக னொடு ஐவரானோம் என்று கூறிய ராமனது வாக்கு

அகலிகை கற்களில் எதிரொலிக்க - வனம் எல்லாம்
மறலிகையில் - இப்போது

காங்க்ரீட் காடுகளில் ஒதுக்குப் புறமான - ஒற்றை அடுக்கு வீடுகளில், ஜங்கிள் புக் மோக் லீயை பார்க்கின்றனர் - வனம் அழிக்கப்பட்ட வம்சாவளியினர், ஒரு காலத்தில் வனப் பிரஸ்தம் - வாழ்க்கை முறை என்று வரலாற்றில் படித்து - இளைப்பாறும் எதிர்காலம் மறந்து தான் போகும் வனவாசத்தையும்-இயற்கை வாழ்வையும்

- செந்தில்குமார் சுப்பிரமணியன்

**
பருத்திச் செடியின்
தவத்தால்
விளைந்தவெண்பஞ்சு,
நூற்பாலையால்
நூலாகத் திரிந்து,பின் துணியாக மாறி
மானம் காபபது போல்,
பிள்ளைகள்
பிறந்த பெருமையை
தனித்த வாழ்வோடு
சிறந்து
குடும்ப உறவுக்குள்
திரிந்து
ஒழுக்கம் காத்து
குல உயர்வைப் போற்றும் நிலையே!
இறை தேடும்
பெற்றோருக்கு
இரை கூட்டும்
மகிழ்ந்த வனவாசம்...

- ப.வீரக்குமார், திருநின்றவூர்

**

அன்றைய தமிழகம்
மகனின் மணத்தின் பின்
மகிழ்வோடு இறை தேடி
வனவாசம் ஏற்றனர்;

இன்றைய தமிழகம்
துன்பத்தோடு கறை கூட்டி
சனவாசம் செய்கிறது,

பொய்யான வாழ்வும்,
வயதிற்கு மீறிய செயலும்,
குருவைக் கொல்லும் சீடனும்,
தெய்வத்தைத் தூற்றும்
துச்சர்களும்,
நுட்பம் தந்த திருப்பமும்
சத்திலா உணவும்
குடியிலா இளையோரும்
மருமகளாயிரா மகள்களும்,
மகளாயிரா மருமகள்களும்,
பொன்னான நிலம்
புண்ணாகி மனையானதும்,
மேடைப் பேச்சை வீட்டிலும்,
வீட்டுப் பேச்சை மேடையிலும்
முழங்கும் அரசியல் வியாதியாலும்,
புதுப்புது கிருமிகளைப் பரப்புவதும்,
தமிழன் நானென்று,
தமிழன் பண்பாட்டைக் கெடுப்பவனும்,
எல்லாம் விலை போடும்
கொள்கை கெட்ட குடிகளும்,
இருக்கும் இடத்தில்
வனவாசம் தேவையில்லை
வாழ்வதே..............

- முகில் வீர உமேஷ்,  திருச்சுழி

**
மழை பொய்த்து போனதால்
விவசாய பூமி
வற்றி போனது;
நீ 
என்னை பிரிந்து சென்றதால்
 வாழ்க்கை வனவாசமானது;

மரங்களின் கிளைகளை
வெட்டினாா்கள்;
கிளைகள் இனி
துளிா்விடும் வரை
மரங்களுக்கு
வனவாசம் தான்;

பெற்ற குழந்தைகளைப்
பிாிந்து பணத்தை
தேடிச்செல்லும்
பெற்றோர்களின் 
மணிதுளிகள் 
வனவாசம்;

பூமிக்கு கிரீடம்
சூடியது காடுகள்;
வனவாசம் சென்ற
இராமருக்கு 
பட்டாபிஷேகமே
கிரீடங்களாக;

வரலாற்றுப்பின்னனி
பழங்குடியினர்
பாரம்பரியத்தை மறந்த
மனிதர்கள்
வனவாசமாக சுற்றுலா
செல்கின்றனர்;

வனவாசம் சென்ற போது
தேன் கூடுகளைக் காண
நோிட்டது;
அப்போது உன் பிரிவால்
அதுவும் நத்தை கூடாய் 
காட்சி அளித்தது;

காடுகளின் ஆயுள்
முடிய முடிய;
ஊா்களுக்கு 
விலங்குகள்
வனவாசமாக வலம்
வந்தன;

கிராமங்களில் ஊா்களுக்குச் செல்ல
பே ாக்குவரத்திற்காக
காத்திருக்கும் 
பயணிகளின் 
நேரம் வனவாசம்
போன்றது;

திரேதாயுகத்தில் முடிந்து இராமரின்
வனவாசம்;
கலியுகத்தில் தொடங்கியது
என் கவிதை வாசம்; 
வார்த்தை இல்லை என்னிடத்தில்
வனவாசம் செல்வதாக
பொய்யுரைக்க;

- குரு சுரேஷ். ப, சீா்காழி

**

கட்டிலும் மேத்தையும் இன்றி
அரச உபசரிப்பும் இன்றி
அடர்ந்த மரங்களுக்கும்
படர்ந்த கொடிகளுக்கும் 
கொடிய விலங்குகளுக்கும் 
இடையில் இராமன் வாழ்ந்தது  
வனவாசம் என்றால்?

கைபேசியும் கரண்ட்டும் இன்றி
தண்ணீரும் உணவும் இன்றி
சாய்ந்த மரங்களுக்கும் 
வீழ்ந்த கொடிகளுக்கும் 
இடையில் வாழ்ந்த 
புயல் பதித்த நம் மக்கள் வாழ்ந்ததும் 
வனவாசம்தான்!

கைகேயியால் வனவாசம் 
நிகழ்ந்தது இராமனுக்கு 
கஜாவால் வனவாசம் 
 நிகழ்ந்தது நம் மக்களுக்கு!

வாழ்ந்த மரங்களுக்கு 
நடுவில் வனவாசம் 
செய்த இராமனுக்கு 
தேனும் திணைமாவும்
கொடுக்க குகராசன் வந்தான்!
வீழ்ந்த மரங்களுக்கு 
நடுவில் வாழ்ந்த 
நம் மக்களுக்கு உணவு கொடுக்க
எந்த மகராசன் வந்தான்!

காட்டில் மரங்கள் சாய்ந்தால்
வீட்டுக்கு விறகாகும்!
வீட்டில் மரங்கள் சாய்ந்தால் 
நாட்டுக்கே இழப்பாகும்!

இராமனே காட்டிற்குச் சென்றபின்
வீட்டுச் சிறையில் இருப்பதா என 
காட்டுக்குப் போன சீதையை 
சிறைபிடித்தான் இராவணன்!
பெண்ணுக்கு 
எங்கும் சிறைவாழ்க்கைதானா?

இராமன் வனவாசம் போக
காடாவது இருந்தது!
மனிதா!
நாம் வனவாசம் போகவாவது
காட்டை காப்போம்!

-கு.முருகேசன்

**

மானிடராய்ப் பிறத்தல் அரிதென்பது பொய்யானதோ
கூனிக் குறுகி மண்டியிட்ட அடிமைத்தன மனிதராலே
மேனி அச்சமின்றிக் கையூட்டுப் பெற்று தொடர்ச்சியாக
நாணி சிறைவாசம் செல்லும் வனவாச மனிதர்களாலே

சுயநலச் சேறு எங்கும் நிறைந்திருக்கும் நிலை இங்கே
முயற்சிக்கு வேட்டு வைத்து பொறாமைத் தீ உமிழும்
பயமற்ற மனிதர்களின் முன்னே நடமாடுவதை விட
நயமான தனிமை தரும் வனவாச வாழ்வு இனிக்குமே

பாலியல் படுபாவிகளால் சேதப்படும் பெண்கள் நிலை
ஆலிலை நீர்போல் கண்டும் காணாமலும் செல்கின்றனர்
தாலி வேலியென்று தரங்கெட்டு துன்புறுத்துகின்றனர்
நீலிக் கண்ணீர் வடிப்பதைவிட வனவாசம் செல்லலாமே

அழகு நகரை அலங்கோலமாக்கி குப்பை மோடாக்கிய
பழகு மனிதர்கள் பரவிக் கிடக்கும் பண்பாட்டிலே
சுழலில் சிக்கி சின்னாபின்னமாவதை விட தனிமை
நிழல்தேடி வனவாசம் சென்றால் வளம் பெறலாமோ

நாட்டு நடப்புகளில் நல்லவர் வாழ இடமில்லை இங்கே
ஆட்டு மந்தையாய் சிந்திக்காமல் சிறகடிப்பதாலே
கூட்டுக் கொள்ளையில் பங்கு பெறுவது விடுத்து
பூட்டு ஏதுமில்லா வனம் வாசம் செய்ய நல்லதாகுமோ

- கவிஞர்  ராம்க்ருஷ்

**

கண்டோரையெல்லாம் மயக்கிய வனதேவதைக்கு கண்ணேறு பட்டது/
அவளின் அழகில் மயங்கினர் துச்சாதனர்/ துகிலுரியப்பட்டவளுக்கு அபயமளிக்க
பரமாத்மாக்களுக்கு  நேரமில்லை /
ஆயிரம் வருடங்களில்
கான்க்ரீட்  கூடுகளுக்கு நடுவே அவளை கிடத்தியிருந்தனர்/
அவள் மூச்சுக்காற்றுக்கு போராடித் தவித்தாள்/
நூறாண்டுகள் நொடியில் கழிய/
அவளுக்கு கல்லறை கட்டி முடித்து/
வனவாசம் என்று பெயரிட்டு ஒப்பாரி வைத்தழுது வீழ்ந்தனர் வீணர்கள்.

- தேவி பிரபா

**

தந்தை சொல்லே வழியென்று 
துறவறம் ஏந்தி மறுப்புகளன்றி 
தரணி போற்ற வனவாசம் சென்ற 
தெய்வீக மகனே ராம அவதாரம் !

அவதார நாயகன் வீர மனிதன் 
அன்பில் திளைக்கும் புனிதன் 
மண்ணில் பிறந்த பெருமாள் 
மனிதகுல நீதிதேவன் இராமா !

இராமகுல வேந்தே வில் ஏந்தி 
இராவண அரசை வென்று 
அவதார நோக்கம் வெற்றியுடனே
அகிலம் போற்றும் ராமகிருஷ்ணா !

வேந்தன் மகன் மக்கள் பயனுற 
காரியங்கள் செய்த இராமனே 
காட்டில் வனவாசம் நம் பாரத  
மண்ணில் ராமன் மக்களுக்கே !

- கா. மகேந்திரபிரபு  - சிவகாசி

**

வனம் நமக்கு வரம் !
வனம் இன்றிப்போனால் மனித இனம் இன்றிப்போகும் !
வானத்து ஊற்றை
வற்றாமல் தரும் வனம்தான்
வாழ்வதற்கு காற்றை
வடிகட்டிதருகிறது .!
வாழ்வதற்கு பயன் பல தந்து
வாழ வழி காட்டுகிறது.!
வனம் பல்லுயிர் களின் வீடு !
வனம் புள்ளினங்களின் கூடு !
வனத்தில்பிறந்தான்
ஆதிமனிதன் !
வனத்தை அழிததான்
இன்றைய மனிதன் !
வன வாசத்தை மறுத்தான்.
வளத்தை எல்லாம் இழந்தான்
வனத்தைக்காக்க  மரம் வளர்ப்போம் !
வனத்தை நாம்
நேசிப்போம் !
வனவாசத்தை நாம்
சுவாசிப் போம் !

- கே.ருக்மணி, கோவை 

**
நேற்றுகளைக் கருப்பையில்
சுமந்தவண்ணம் 
நாளைகளின் பிரசவம்
நோக்கிய பயணம்

நடுராத்திரி
மழை புனிதம்

பூவில் கண்சாய்த்து
கனாக்காணும்
வண்ணத்துப்பூச்சி

நிலா இரவு
ஒற்றைக்கண்
தேவதை 

புற்றாய் மாறிய
தேகத்தில்
கம்பளிப்பூச்சிகள்

கலைத்துக் கலைத்து
ரம்மி விளையாடும்
கடவுள் வெளிறுகிறார்
சாத்தான் கையில்
பதின்மூன்று கார்டுகளும்
ஆறுவிரல்களும்

எவளோ ஒருத்தியின்
மூக்கிலிருந்து
வழிந்த ரத்தம்
நீலமாகி 
கடலாய் வழிமறிக்கிறது

தங்கநிற மானின்மீது
விதி சவாரி செய்கிறது

வானத்தைப் பிழிந்தெடுத்து
தோளில் போட்டுக்
கொள்கிறான்
ஒருவன் 

கொடியில் காயப்போட்ட
இரவுகளிலிருந்து
கண்ணீர் சொட்டும்
சப்தத்தில்
தூக்கம் கலைந்து
முனகுகிறது காலம்

வனவாசத்தில்
சத்தியத்தின் நெருப்பு
சிம்மாசனத்தில்
தற்காலிகச் செருப்பு

- கவிஞர் மஹாரதி

**
குணவாசம் அதிகரித்து
குற்றவாசம் குறைத்திடுவோம்
மனவாசம் சிறந்திடவே
அன்பாலே நிரப்பிடுவோம்.

தினவாசம் சிறந்திடத்தான்
தில்லை நாதனை வணங்கிடுவோம்
இனிமை வாசம் நுகர்ந்திடவே
இதயத்தில் உண்மை நிரப்பிடுவோம்.

பணவாசம் அதிகம் வந்திடினும்
பண்புகள் சிறக்க வலம் வருவோம்
சிறைவாசம் தேடா மனத்துடனே
சிறப்புடன் வாழப்பழகிடுவோம்.

இல்லறவாசம் இன்பம் பெற
இறையனார் திருவடி தொழுதிடுவோம்
வனவாசம் தேவையா எனவினவும்படி
வலிமையாய் குடும்பம் நடத்திடுவோம்.

- புலவர் களந்தை நரசிம்ம சுப்பிரமணியன் சிறுமுகை

**

தாயின் கண்ணீர் துளிகள்
கூற வார்த்தைகள்...!!
சமமற்ற சமத்துவ சமூகம்
வீசிய வார்த்தைகள்...!!
காலத்தை வென்ற வாகையுடையோர்
கூறய வார்த்தைகள்..!!
வாக்குறுதியில் மலடாய் சிரித்த
மாய வார்த்தைகள்...!
கனவுகள் காணச் சொன்ன
கலாமின் வார்த்தைகள்...!
காமுகன்கள் சிதைத்தெறிந்த
மழலையின் வார்த்தைகள்..!!
இவையாவும் சங்கமித்தே
ஒன்றை குறித்தே-என்னுள்ளே
தொலையாத வார்த்தையானதே...!!!

- நுண்மதியன், வானமாதேவி

**

புருவ முயர்த்தி மனதை மயக்கியே
   பூவை காதலை தந்தாளே
பிரிவு மட்டும் பரிசாய் கொடுத்தவள்
   பிரிந்து வேதனை தந்தாளே
இரவில் விழிக்க மறந்து போயின
   இன்பக் காதலின் கனவுகளும்
விரக தீயும் மனதில் புகுந்ததால்
   வெளிச்ச மிழந்தது வாழ்க்கையுமே!

ஆசைக் கனவில் முளைத்தக் காதலும்
   அழுகை மட்டுமே கொடுத்துவிட
பேசி கொஞ்சி இருந்த நினைவுகள்
   பிரிவின் விலியினை நினைவூட்ட
பாசம் வைத்த அழகு பெண்ணவள்
   பாதி வழியிலே விலகினாளே
வாச மில்லா பூவைப் போலவே
   வாழ்க்கை யானது வனவாசம்

- கோ.வேல்பாண்டியன், வேலூர்

**

வாசமுள்ள வனமிருந்தும்..நாம்
வாச மங்கு செய்வதில்லை.
'வன'வாசம் என்ற பேரிட்டு
வருத்தப்படும் வார்த்தையாச்சே.

நாட்குறித்த நாளன்று
நாட்ட ரசன் ஆகாமல்
நாடு விட்டு நகரும் அவலம்
நடந்ததொரு காலம் அன்று.

வருத்தப்பட ஏதுமில்லை..
வாழ்க்கைப் பாடம் கற்றங்கே
வன வாசம் சென்ற மகன்
வரும் சந்ததிக்கு உரைத்தானே.

வருடக் கணக்கிலிங்கே
வேண்டாமே வனவாசம்.
வார மொரு முறையேணும்
விலகணுமே ஊடகத்திலிருந்தே

அவசர உலகிது.
அறிவியல் ஆட்சியது
ஆன்ம பலம் பெற..
ஆரண்ய வாசம் அவசியமன்றோ

துரத்தும் தொழில்நுட்பம்
தொலைத்த உறவுகள்
திரும்பப் பெறவே..
தனிமைவாசம் தேவையுமன்றோ?

- அகிலா ராமசாமி. பெங்களூரு

**
                                   
வாழ்க்கையே இங்கு வன வாசந்தான்
வாழத்தெரியாத பல பேருக்கு!
மகிழ்வதற்கு இங்கு நிறைய உண்டு
மனந்தான் இல்லை மனிதர்களுக்கு!
வெயிலும் மழையும் இயற்கையின் கொடையென்று
விளம்பினாலும் சிரிப்புதான் இங்கே!
எதற்குத்தான் பூமியில் பிறந்தோமென்று
எப்பொழுதுமே சலிப்பார் இவர்கள்!
வானின் மீனும் வண்ண நிலவும்
தந்திடும் இன்பம் அறிய மாட்டார்!
காற்றும் மழையும் கலந் தடிக்கையிலே
குளிரும் நிலையினைக் கொண்டாட  மாட்டார்!
உலகம் எங்கோ போய்க் கொண்டிருந்தாலும்
ஊரைச் சுற்றியே இவரின் கவனம்!
இருப்பதை எண்ணி இன்பம் கொள்ளாமல்
இல்லாததற்கு வருந்தியே அழுவார்!
கடலும் மலையும் கவிந்த வானமும்
எவ்வளவு அழகென்று எப்பொழுதும் நினையார்!
கடலின் அலையைப் பார்த்த படியே 
கண்ணீர் சிந்தி அழவே செய்வார்!
பிறந்ததே உலகில் வாழ்ந்திட வென்றே
பிரசங்கமே செய்தாலும் உணர்ந்திட முயலார்!
ஆறும் வயலும் அற்புத ஏரியும்
காணும் போதே கண்களுக்கு விருந்து!
பாடும் பறவையும் ஆடும் மயிலும்
பலநாள் மனதில் நிழலாய்த் தங்கும்!
மண்ணின் ரோமமாய் மரங்களைப் பார்க்கையில்
மனதெலாம் பரவும் மகிழ்ச்சி அலைகள்!
ஓடும் ரயிலில் ஓடும் மரங்களை 
ஒன்றாய்ப் பார்த்தால் உளமே கிறங்கும்!
இவற்றை மறந்து எதையோ நினைந்து
இருப்போர் தாமே உலகில் அதிகம்!
வாழ்க்கையே இங்கு வன வாசந்தான்
வாழத்தெரியாத பல பேருக்கு!

-ரெ.ஆத்மநாதன், கூடுவாஞ்சேரி

**

]]>
poem, kavithai, kavithaimani , கவிதை, தினமணி, கவிதைமணி http://images.dinamani.com/uploads/user/imagelibrary/2018/12/11/w600X390/download.jpg http://www.dinamani.com/specials/kavithaimani/2018/dec/11/கடந்த-வாரத்-தலைப்பு-வனவாசம்-வாசகர்-கவிதைகள்-3056017.html
3046888 ஸ்பெஷல்ஸ் கவிதைமணி இந்த வாரத்திற்கான தலைப்பு: வனவாசம் கவிதைமணி DIN Tuesday, November 27, 2018 10:18 AM +0530 தொலையாத வார்த்தைகள் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: வனவாசம்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் டைப் செய்து அனுப்பவும்.

]]>
vanavasam, ramar, seetha, mahabharatha, மகாபாரதம், சீதை, ராமர், வனவாசம் http://images.dinamani.com/uploads/user/imagelibrary/2018/11/27/w600X390/images_35.jpg http://www.dinamani.com/specials/kavithaimani/2018/nov/27/இந்த-வாரத்திற்கான-தலைப்பு-வனவாச-3046888.html
3045697 ஸ்பெஷல்ஸ் கவிதைமணி கடந்த வாரத் தலைப்பு தொலையாத வார்த்தைகள் வாசகர்களின் கவிதைகள்! கவிதைமணி DIN Sunday, November 25, 2018 04:51 PM +0530 தொலையாத வார்த்தைகள்

ஈன்றெடுத்த  தாய் 
மூன்றெழுத்தில் உச்சரித்து 
சான்றிதழ் கொடுத்த  "அம்மு"
என்ற  வார்த்தை வாழ்நாள் 
முழுவதும்  "தொலையாத  வார்த்தை"
வாழ கற்றுக் கொடுத்த  தந்தை 
மாய  உலகில் எப்படி  நடக்க 
வேண்டுமென  போதித்த 
அறிவுரை  "தொலையாத  வார்த்தை"
கல்வி  சொல்லி கொடுத்து 
மல்லிப் பூ வாசத்துடன் 
பட்டம் பெற ஆசான் 
கற்பித்த பள்ளி கல்லூரிப்  பாடங்கள் 
என்றுமே  "தொலையாத  வார்த்தைகள்"
நான்  ஈன்றெடுத்த  அழகு செல்லம்
முதலில்  "அம்மா" என்று உச்சரித்து 
தாய்மையினை  உணர்ச் செய்த 
மழலை சொல்  "தொலையாத  வார்த்தை"
இன்றும்  மனதில்  கடல் அலையென 
என்றும்  வந்து  போகும் 
"தொலையாத  வார்த்தைகள்" கொடுத்த 
ஊக்கத்தில் இன்றும்
ஏக்கமின்றி வெற்றி நடை  போட 
உதவும்  அற்புத  வார்த்தைகள்!

- உஷாமுத்துராமன், மதுரை   

**

எனதன்பே!
அன்றைக்கு...நீ சொன்ன வார்த்தைகள்...
இன்றைக்கும்...புதிதாய்...எழிலாய்...
என்றைக்கும்  என் இதயக் கூட்டில்...
இனியகானம்  பாடும்  பறவையாய்...
நித்த நித்தம்  அலைமோதி....
தொலைதூர உன்னுருவை...
தொலையாமல் தேக்கி வைக்கும்!

என்னுயிரே!
வார்த்தைகளுக்கு வரலாறு படைத்த
வண்ணப் பைங்கிளி நீ!
காதோரம் நீ ஓதிய
காதல் கீதங்களுக்கு....
உடலும் உயிரும் ஒட்டி இருக்கும் வரை....
இல்லை தொலைவு!
உயிர் உயரே பறந்த பின்னாலும்...
இருக்கக் கூடாது பிரிவு!

மனதிற்கினியவளே!
தொலைக்க நினைப்பவை தொலைவதில்லை!
தொலையக் கூடாதவை தங்குவதில்லை!
வாழ்வில் இதுவே நிதர்சனம்!
கம்ப்யூடர் டிஸ்க்கில் வேண்டுமானால்...
கரப்ட் ஆகிக் கலைந்து போகலாம்!
மன டிஸ்க்கில்....மகிழ்வானவளே...
உன் வார்த்தைகளுக்கு இல்லை மரணம்!

-ரெ.ஆத்மநாதன்,கூடுவாஞ்சேரி  

**
தொன்மை ஆகி நின்றாலும்
தொடர் சங்கிலி போல் நீண்டாலும்
வட்டவடிவ எழுத்துருவாகி
வரலாறுகள் படைத்திட்டாலும்
கல்வெட்டுகளில் காண்பதுதான்
தொலையாத வார்த்தைகள்.

ஆதி சிவன் அமர்ந்தது போல்
அன்புகாட்டி நம்மவர்களின் தந்தை
அன்று புகட்டிய அறிவுச் சொற்கள்
அனைத்தும் நம்மனத்தகத்தில்என்றும்
தொலையாத வார்த்தைகள்.

காதலுக்கும் காதலிக்கும் காதலிக்கும்
கருத்து மாறாத மனத்துடனே
உள்ளமது தான் உருகிடவே 
கள்ளமனம் விட்டொழித்துக் களிப்புடனே நாம் விதைத்த
நம்பிக்கை எண்ணங்கள் நம்மவரின்
தொலையாத வார்த்தைகள்.

கலையாத கனவெல்லாம் கனவல்ல
மலைக்காத மனிதனும் மனிதனல்ல
உழைக்காத உயிர்கள் உயிர்களல்ல
உண்மை உரைக்காத வார்த்தை கூட
உயர்ந்த வார்த்தை அல்ல
நம்பிக்கை தரத்தக்க வார்த்தைகளே
தொலையாத வார்த்தைகள்.

- புலவர் களந்தை நரசிம்ம சுப்பிரமணியன் சிறுமுகை

**

புவியில் பிறந்தோர் அழைப்பர் - அம்மா
மொழியில் மழலை உதிர்க்கும் - ம்மா,ங்கா, த்தா, ப்ப்பூ,
பக்தியில் பரவசம் - ஓம்,
மனதில் மயக்கும் - மௌனம் 
சிறார்கள் கோபம் வெளிபடுத்த - போடா போடி
உணர்ச்சியில் பரிதாபம் அதிர - த்சு,த்சு
மகிழ்ச்சி கொண்டாடும் மகத்தான - ஹாஹாஹாஹா
முதியோர் ஆற்றாமை - அந்த காலத்தில    
தமிழ் ஆசிரியர் நல்கும் நல்வார்த்தை - நன்று
மருத்துவர் பகரும் - இனி எல்லாம் கடவுள் செயல்
பிரிந்த காதலர்கள் கண்ணோடு கண் நோக்கின் - மனதின் வார்த்தை
கவிஞனுக்கு கண்ணுக்கு தெரிந்த இலக்கியங்களில் உள்ள - எழுத்துக்கள்
-தொலையாத வார்த்தைகள்

- இரா.அண்ணாமலை, திருவண்ணாமலை

**

ஆசை கோபம் கொலை கொள்ளை
பொய் புறட்டு காமுகம் கர்பழிப்பு 
யாவும் தொலையாத வார்த்தைகள் 
அடியோடு தொலைத்தி டுவோமே 

பதுக்கல் ஒதுக்கல் இல்லாதார் 
இரப்பின் உதட்டினைப் பிதுக்கல்
தலை விரித் தாடுதிங்கே லஞ்சம் 
கொடுத்தலை பெறுதலை தடுத்தும்
தொலையாத வார்த்தை களதனை
யடியோடு தொலைத்திடு வோமே

சாதி மதம் தீண்டாமை பொறாமை
பொச்சரிப்பு உச்சரிப்பு நச்சரிப்பு
எச்சரிப்பு கொச்சையரிப்பு யாவும்
தொலையாத வார்த்தை களதனை
யடியோடு துடைத்திட வழித்தேடு

வாயடைப்பு வயிற்றடிப்பு அதனால் பிறப்பெடுக்கும் வறுமை இல்லாமை 
உயிரை விட்டுக் கொள்ளும் நிலைமை
தொலையாத வார்த்தை களதனை 
இனியேனும் தொலைந்திட வழிதேடு 

- ஆபிரகாம் வேளாங்கண்ணி கண்டம்பாக்கம் 

**

வெலயெல்லாம் இருக்கட்டுங்க..
அவங்களுக்குப்புடிச்ச..
சாமான் எதுவானாலும் 
நீங்களே ரெண்டு எடுத்துக்கங்க..
கண்தெரியாத வியாபாரி 
ஓடும்ரயிலில் சொன்னது.

விமானப்பயணத்தில் சகபயணி 
மராத்திப் பெண்ணொருத்தி
அவள்கணவனும் குழந்தைகளும் 
முதல்வகுப்பில் 
இவள்மட்டும் இரண்டாம்வகுப்பில் 
என்னருகே சன்னலோரத்தில்
அவ்வளவு பேசிவந்த‌ யுவதியவள் 
இன்னும் சொன்னது
இந்தஇரண்டாம் வகுப்பின் பயணச்சேமிப்பில்
எங்கெங்கோ பிறந்த அவ்வளவு குழந்தைகள் 
பசியாறும்.. 

இன்னும்
தொலையாத வார்த்தைகள்..
ஆழத்தேடினால் 
இன்னும் அவ்வளவு இருக்கும்..
தொலையாத வார்த்தைகளை
தேக்கி வைக்க வேண்டியதில்லை
அதுவே த‌ங்கிப்போகும்
நம் இதயங்களில்..
சொல்லிப்போன‌ மனிதர்களோடும்..


- ரமேஷ் கோபாலகிருஷ்ணண், பீனிக்ஸ், அமெரிக்கா.

**

விடியலுக்கில்லை_தூரம்
தோல்வி மேல் தோல்வி
வந்தாலும் அடுத்த படி 
வெற்றியின் மீதே/
காலத்திற்கு கணக்கீடு
உண்டு இரவும் பகலும் /
காதலுக்கும் வரைமுறை 
உண்டென வல்லுனர்
வகுத்தனரே/
இரவின் உறக்கம் 
விடியலை நோக்கி/
எதிர்பார்ப்பின் நோக்கம்.
பலனை நோக்கி/
சேற்றில் தான் செந்தாமரை 
மலரும் பலர்/
கடலிலும் செந்தாமரை 
மலரவைப்போப்போம் 
வெளிநாட்டவர்/
ஒவ்வொரு மனிதருள்ளும் 
விடியலுக்கில்லை தூரம்
எண்ணங்கள் தானே/
உன்னுள்ளே நான் இருக்கிறேன் 
தன்னம்பிக்கை/
என்னுள்ளே நீ இருப்பாய்
இறைவன் /
தொன்னூறை பெற்றவன் 
அல்ல வெற்றியாளன் /
ஐம்பதில் இருந்து ஐம்பத்தி
ஒன்றை பெற்றவன் வெற்றியாளன்/
வைத்த குறி தப்பாமல் 
விட்டவன் அர்ச்சுனன்/
உயிர்போகின்ற தருணத்தில் 
தானம் கேட்டவன் கண்ணன் /
அவனுக்கு விடியலுக்கில்லை 
தூரம்/
சுறு சுறுப்பானவர்களுக்கு
தோன்றாது தூரம்/
கற்றவர்க்கு எங்கெங்கும் 
பக்கம் தான்/
நிம்மதியாக உறங்கிடுங்கள்
விடிந்து விடும் உதயமே/
தூரம் உங்கள் 
கையளவே தான் ///

- அரு. இளங்கோவன், சென்னிமலை.

**
இன்முகம் இனிய வரவேற்பு எனும்போது
உன் வாய்ச் சொற்கள் அன்பு ஏந்தி நிற்கும்
மின்னும் சொல்லில் எதிரி மனம் மயங்கிடும்
நன்றென்பதால் இவை தொலையாத வார்த்தைகள்

சினச் சீற்றம் சிந்திடும் வார்த்தைகள் சுடும்
தினம் அதனை நினைந்து மனம் நொந்திடும்
வனம் சென்று யோக நிலையில் நின்றாலும்
மனம் வாடும் தொலையாத வார்த்தைகளே அவை.

காதலில் கனிந்துருகி வெளியிடும் சொற்கள்
சாதல்வரை மனதில் சுற்றிச் சுற்றியே வரும்
மோதலில் மனம் முறிந்து தனித்து நின்றாலும்
காதல் உள்ளத்தில் அவை தொலையாதவையே.

இசையோடு சந்தம் கலந்த பாடல்களின் சொற்கள்
அசைபோடும் என்றென்றும் இனிமையினாலே
திசையெலாம் பரவும் அவை மனங்களில் நிறையும்
பசையாய் ஒட்டும் அவை தொலையாத வார்த்தைகளே

சரித்திரம் பேசிடும் சன்னமான சொற்களின் வீரியம்
வரித்திடும் காட்சிகளைக் கண்ணெதிரே தெளிவாய்
எரித்திடும் தவறான முந்தைய நிலைப்பாடுகளை
விரித்திடும் உண்மை அவை தொலையாத சொற்களே.

- கவிஞர்  ராம்க்ருஷ்

**
தொல்லைகள் பல என் மண்ணின் விவசாயிக்கு 
மழையே இல்லாமல் வாடும் அவன் பயிர் 
ஒரு நேரம் ! சொல்லாமல் கொள்ளாமல் 
கொட்டி தீர்க்கும் பெரு மழை ஒருநேரம் !
பெரு மழையுடன் ஊரையும் அவன் பயிரையும் 
புரட்டிப் போட்டுவிடும் ஒரு சூறைக் காற்று 
சில நேரம் ! 
பயிருக்கு உயிரான மழையே அவன் விளை 
நிலத்துக்கு எமனாகவும் மாறும் ! வெட்டி 
சாய்க்கும் மரங்களையும் ...என் விவசாயி  
கனவையும் சேர்த்து !
ஊருக்கே உணவு கொடுக்கும் என் விவசாயி
அவன் அடுத்த வேளை உணவுக்கு வரிசையில் 
நிற்கும் அவல நிலை இன்று அவன் 
குடும்பத்துடன் ஒரு நிவாரண முகாமில் !
இழந்தது அவன் பயிரை மட்டும் ..ஆனால் 
தொலைக்கவில்லை " மீண்டும் எழுவேன் நான்" 
என்னும் நம்பிக்கையை !
அவன் தவிக்கும் இந்த நேரம் உதவிக் கரம் 
நீட்டும் நல்ல உள்ளங்களுக்கு நன்றி சொல்லவும்  
மறப்பதில்லை அவன் !
எல்லாவற்றையும் தொலைத்து விட்டாலும் என் 
மண்ணின் விவசாயி தொலைக்கவில்லை அவன் 
நன்றி சொல்லும்  பண்பை ! 
மலை அளவோ திணை  அளவோ ...நீட்டும் 
உதவி கரங்கள் அத்தனைக்கும் தான்  ஒரு இளநீராவது 
கொடுக்க வேண்டும் என்று நினைக்கிறானே இன்றும் 
அவன் ! 
நன்றியும், உலகுக்கு உணவு அளிக்கும் பண்பும் 
அவன் அகராதியில் என்றும்  நிலைத்து நிற்கும் 
தொலையாத வார்த்தைகளோ !

- K .நடராஜன் 

**

“கரு” அமைய வேண்டுமே !  அது
காலத்தை வெளிச்சமிட வேண்டும் ,
காலத்திற்கும் பளிச்சிட வேண்டும் –
நிலையற்ற உயிர்களில் பிறக்கலாம், இருந்தும்
ஆன்மாவாய் ஒரு செய்தியை,  யுகங்களைத்தாண்டி
அது உரைத்திட வேண்டும் !!
தமிழ் காட்டிற்குள் சந்த மரங்களை
தேடுவது இல்லை பாடல்! அவை
மூளைத்திசுக்களின் சொந்தம் போல
ஜன்மிக்க வேண்டும்!
உவமையும் உருவகமும் கலந்த
வெப்பத்தில் அந்த பாட்டுப்பனி
உருக வேண்டும் !!
மெத்தப்படித்தவனுக்கு மட்டுமில்லை
மேய்ப்பவனுக்கும் புரியும் எளிமை வேண்டும் !!
சொற்கடலை  கடைந்து “அமிழ்தமாய்”
 ஒரு பா வெளிவருமா ??
ஆம் ! இப்படித்தான் ஒரு கவிதை  வேண்டும் !!
அதற்காக வாழ்நாள் முழுவதும்
தொலையாத வார்த்தைகளை
தேடிக்கொண்டிருப்பேன் !!

 - கவிஞர் டாக்டர்.  எஸ். . பார்த்தசாரதி

**

அவ்வையின்  ஆத்திசூடியும்,
தாத்தா  பாட்டியின்  பாச  கொஞ்சலும்  ,    
சோகத்தில்  ஆறுதல்  வார்த்தைகளும் ,  
வள்ளுவனின்  வாழ்க்கை  நெறியும்,
அப்பாவின்  கண்டிப்பில்  அம்மாவின்  அன்பு  சொற்களும் ,  
தோல்வியில் நண்பனின் நம்பிக்கையூட்டும்  வார்த்தைகளும் ,
பாரதியின்  புரட்சி  கவியும் ,
சகோதர  சகோதரியின்  அன்பு  பழிச்சொற்களும்  ,  
கோவத்தில்  மனது  புண்  படும்  வார்த்தைகளும் ,
கவியரசரின்  தத்துவ  பாடல்களும் ,
நம்   குழந்தையின்  மழலை  பேச்சும் ,
காதலில்  கண்  பேசும்  வார்த்தைகளும் ,  
பரந்தாமனின்  கீதோபதேசமும் ,
தாலிகட்டும்போது  'மாங்கல்யம்  தந்துனானே'  என்று  உச்சரிப்பதும் , 
தவறை  உணர்ந்து  மன்னிப்பு  கேட்கும்  வார்த்தைகளும் ,
காலத்தில்  தொலையாத
வாழ்க்கையில்  தொலையாத
என்றென்றும்  நினைவலையாய்  நம்  நெஞ்சில்  நிற்கும் ,
தொலையாத  வார்த்தைகள் !!

- பிரியா ஸ்ரீதர்  

**
என்னவளே.. உன்னோடு
உறவு கொண்டாடிய
அந்த இனிமையான நாட்களில்
என்னிடம் நீ பேசிய
ஒவ்வொரு வார்த்தையும்
உயிரோடும் உணர்வோடும்
இன்றளவும் என்னுள்
பசுமையாய்க் குடியிருக்கிறது..

இப்போது எனக்கிருக்கும் 
அந்த ஒரே ஒரு 
ஆறுதலான துணையையும் 
தொலைக்கவோ இழக்கவோ 
எப்படி இயலும் என்னால்..?

- ஆதியோகி

**

கண் இமையின் கற்கண்டினிப்பே 
புருவ மையில் மையம் கொண்ட புயலே 
விழியசைவில் தெறித்த ஒளிச்சிதறலே 
உன் நாசித்துளை ஈரக்காற்று 
என் உயிர்வாசலின் சுவாசக்காற்று... 
உன் கன்னக்குழி பிடித்த மீன் 
பல கள்ளத்தோணி போகுதடி... 
உனை வர்ணித்து எழுதிய வார்த்தைகள் 
"காதல் அகராதி " என்ற பெயரில் 
தொகுக்கப்பட்டு தொலைந்த புதையலோ ? 
தேடி தேடி எழுதிய வார்த்தைகள் தீர்ந்த பின்னும் 
தொலையாத வார்த்தைகள் 
என் கவிதைக்கு துணையாக வருவது 
உன் அருளினால்தானோ ? 
எந்தமரத்துக் காகிதமும் 
எவருடைய பேனாவும் 
என் கை கிறுக்கையிலே 
பிள்ளைத்தமிழாய் 
உன் நினைவுகளையே பெற்றெடுக்கிறது ... 
உனை தேடி திரிந்தபோது எழுதிய வார்த்தைகள் 
உனை கண்ட மகிழ்வினில் திளைத்த வார்த்தைகள் 
நிழலாய் ஒன்றி வீதியுலா சென்ற நினைவின் வார்த்தைகள் 
நாம் இரண்டறக்கலந்து மூன்றாயானபோது முந்திக்கொண்ட வார்த்தைகள் 
என் மனப்புத்தகத்தில் என்றுமே 
தொலையாத வார்த்தைகள் ... 
என் உயிரையே அரணாயமைத்து 
அதில் பத்திரப்படுத்தி பாதுகாக்கிறேன்.. 
இப் பொக்கிஷ வார்த்தைகளை ...

- குணா , திருப்பூர்

**
உழைத்தவருக்கு ஓய்வே உறக்கம் - குற்றம் 
இழைத்தவருக்கு ஏது உறக்கம் ? 
காய் உறக்கம் இனிக்கும். கனியாகும்.
தாய் உறக்கம் சேய் உறக்கம். 
ஏரோட்டம் நின்றால் நிலம்  உறக்கம். 
நீரோட்டம் நின்றால் வளம் 
உறக்கம்.
உடலோட்டம் நின்றால் உயிர் 
உறக்கம்.
உயிரோட்டம் நின்றால் மீளா உறக்கம் .
தாய் உறக்கம் சேய் உறக்கம். 
சேய் உறக்கம் தாய் உறக்கம். 
வாய் உறக்கம் மெளன கீதமாகும்.
மெய் உறக்கம்  ஆனந்த கீதமாகும்

**

வேற்றுமையில் ஒற்றுமை காண்பதுவே 
இந்தியாவின் தனி பாணி   
இறையாண்மை என்பதும் மற்றொன்று 
மதச்சார்பற்ற நாடு இந்தியாவென்பது !       
இந்தி பேசாத மக்கள் விரும்பும்வரை
இந்தியாவின் ஆட்சி மொழியாக
இந்தியோடு ஆங்கிலமும் நீடிக்கும்
என்ற உறுதுமொழி தான் முதல்
தொலையாத வார்த்தையாகும்!
   
விழிமின் ! எழுமின் ! தொழுமின் ! என்ற வாசகம்
எழுச்சி கொண்டு விவேகானந்தர் உரைத்தது
இதுவும் தொலையாத வார்ர்த்தை தான்
“செய் !அல்லது செத்து மடி” என்ற அண்ணலின் மொழி!
அறவழி போராடுபவர்கள் அறைகூவல் வார்த்தை!
இதுவும் அற்பணிப்பு, தொலையாத வார்த்தையாகும்
   
மாறும் என்றவார்த்தையைத் தவிர அனைத்து மாறும்
தோற்ற தில்லை! தோற்ற தில்லை!
தொழிற்சங்கம் தோற்ற தில்லை!
இவையெல்லாமும் தொலையாத வார்த்ததான் !
         
- கவிஞர் அரங்ககோவிந்தராஜன், இராஜபாளையம்

**

கோர்த்து
நிதம் நிதம் உதிர்த்த வார்த்தைகளும் ..
உதடு வரை வந்து
உதிர்க்காமல் போன
வார்த்தைகளும்..
இதயத்தை விட்டு வர
இயலாது போன
வார்த்தைகளும்..
ஊரை விட்டு
உறவுகளை விட்டு
தொலைதூரம் சென்றாலும்
தொலையாத வார்த்தைகளாக....
தொடரும் நினைவுகளாக..
நெஞ்சைத்தொட்டு நிற்கின்றன.

- ஜெயா வெங்கட்

**
ஏழைக்கு தொலையாத வார்த்தைகள் - உணவு, உணவு
வசதிபடைத்தவருக்கு தொலையாத வார்த்தைகள் - பணம், பணம்
மாணவருக்கு தொலையாத வார்த்தைகள் - கல்வி, கல்வி
இளைஞருக்கு தொலையாத வார்த்தைகள் - வேலை, வேலை
தொழிலதிபர்கள், வணிகர்களுக்கு தொலையாத வார்த்தைகள் - வரி, வரி
அரசியல்வாதிகளுக்கு தொலையாத வார்த்தைகள் - பதவி, லஞ்சம்
அரசு அதிகாரிகளுக்கு தொலையாத வார்த்தைகள் - சட்டத்தின் ஓட்டை, கையூட்டு
தனியார் துறையினருக்கு தொலையாத வார்த்தைகள் - கால நேரம்
திரைத்துறையினருக்கு தொலையாத வார்த்தைகள் - புகழ், புகழ்
காதலர்களுக்கு தொலையாத வார்த்தைகள் - சந்தேகம்
தம்பதிக்கு தொலையாத வார்த்தைகள் - சண்டை, சச்சரவுகள்
பிள்ளைகளுக்கு தொலையாத வார்த்தைகள் - பாக்கெட் மணி
இந்த உலக மக்கள் அனைவருக்கும் தொலையாத வார்த்தைகள் - ஆசை, ஆசை
அதையும் கடந்து தொலையாத வார்த்தைகள் - அம்மா, அம்மா, அம்மாவின் அன்பு
உலகம் உள்ள வரையிலும் தொலையாததது - அம்மா, அம்மா, அம்மாவின் அன்பு
அம்மாவையும், அம்மாவின் பாசத்தையும் போற்றுவோம்.

- ஆம்பூர் எம். அருண்குமார்

**

வாழ்வின் தொடக்கம் வார்த்தைகளாயின்
நாளும் சொல்வேன் நல்வார்த்தை!
சொன்னவள் அவளே என் அன்னை,
உரக்கச் செய்தது என் தந்தை!
தொலைந்த வார்த்தைகள் பல இருப்பின்,
தொலையாத வார்த்தைகள் சில உண்டு,
மஞ்சம், நெஞ்சம் சொல்வதுண்டு!
கூலாங்கற்கள் பார்த்ததுண்டு!
சிப்பியும் முத்தும் இங்குண்டு!
சிற்பச்சிலைகள் பலவுண்டு!

எண்ணும், எழுத்தும் கண்ணென தகும், எனும் சொன்ன வார்த்தை தொலையாதது!
யாதும் ஊரே யாவரும் கேளிர் எனும் பூங்குன்றன் வார்த்தை தொலையாதது!

அகர, முதல எழுத்தெல்லாம் - எனும் வள்ளுவன் வார்த்தை தொலையாதது!
பண்டைத் தமிழன் சொன்னதெல்லாம்,
இன்றைய தமிழன் தொலைத்தது பாதி!
தொலையாமல் நம்மைப் பார்த்துக்கொள்ள வாக்கிய வார்த்தையை மனதில் வைப்போம்!

தொலையாத வார்த்தையைத் தேர்ந்தெடுத்து,
நாளும் தொடர்வோம் நம் நிழல் போல!
செந்தமிழின் வேர்கள் பல கிளைகள்!
நாளும் வளர்ப்போம் நல்வாக்கிற்கினிய! 

-செந்தில்குமார், ஓமன்

**
கரையை மோதி மோதி
சுழன்றாலும்
அலையென மோதுகின்றன 
மனக்கடலை விட்டு தொலையாத
வார்த்தைகள்

ஓயாமல் 
காற்றாய் சுழன்று தொடர்கிறது
வார்த்தைகளோடு 
நினைவுகள்

இருளில் வெளிச்சமாகவும்
வெளிச்சத்தில் பிரகாசமாகவும்
சுடர்ந்து 
விடாமல் சுற்றி வருகிறது
இரவும் பகலுமாய்
உச்சரிக்காத போதும்
முனுமுனுத்தபடி தொடரும்
வார்த்தைகளின் சப்தம்

விட்டுப் பிரிய மனமில்லாத வார்த்தைகள்
உச்சரிக்காமல் இருந்தாலும்
வீணையில்
குறையாமல் நிறைந்து மீட்டுகிறது
மவுன ராகங்கங்களை

ஆத்மாவைச் 
சுமந்த வார்த்தைகள் பிரவாகிக்கிறது
ஏகாந்த வெளியாய்
உயிருள் புகுந்து


தொலையாமல்
தொடர்ந்து அன்பைச் சுமந்து
விடாமல்  என்னுள்ளே பிரமாண்டப் படுத்துகிறது
உன்னை நேசிக்கும்
அந்தத் தொலையாத 
அன்பின் வார்த்தைகள்;
நீ விரும்பாத போதும்...

- கவிஞர்.கா.அமீர்ஜான்

**
வார்த்தைகள் .....
அன்பில் மலரும் .
அமைதியில் வளரும் .
ஆனந்தம் அளிக்கும் .
ஆசை காட்டும் .
 
வார்த்தைகள் ...
இனிமை தரும் .
இசையாய் ஒலிக்கும்.
ஈட்டி யாயக் குத்தும் .
ஈகையில் வரும்.
 
வார்த்தைகள் .....
உவகை தரும் .
உண்மை விளம்பும் .
ஊக்கம் அளிக்கும் .
ஊமையும் அறியும் .

வார்த்தைகள் ..
எழுச்சி தரும் .
எண்ணங்களில் விளையும். ஏட்டினில் இருக்கும் .
ஏற்றமும் தரும் ..

வார்த்தைகள் ..
ஐயம் போக்கும் .
ஐந்தருவியாய் கொட்டும்.
ஒப்பாரி  வைக்கும் .
ஒன்று பட்டு வாழ்த்தும்.

வார்த்தைகள் ....
ஓசையின்றி வரும் .
ஓங்காரமாய் ஒலிக்கும் .
ஒளடதமாய் உதவும் .
ஒளவையின் உரைகள்..

இவை யாவுமே
இன்றும் என்றும்
அலையலையாய் நினைவைத்
தரும்
தொலையாத வார்த்தைகள் 
தான் !

- கே.ருக்மணி, கோவை

**

தொலைவுகள் கடந்த வாழ்வும்
…….தொலைந்து போவது உண்டு
தொலையாத வார்த்தைகள் யாவும்
…….தொலைவுகள் உள்ளவரை உண்டு
வாயில் வந்த வார்த்தைகள்
…….வானவில்லாய் மறைந்து போகும்
நாவில் வந்த வார்த்தைகள்
…….நினைவுகளில் வலியாய் மாறும்
பஞ்சினில் வெளிவந்த நூலை
…….பக்குவமாய் ஊசியும் தைத்தது
நெஞ்சினில் நின்ற சொல்லை
…….நிமிடங்களும் முள்ளாய் குத்தியது
வலிகொடுக்கும் வார்த்தைகள் விட்டு
…….வாழ்வுகொடுக்கும் வார்த்தைகள் பேசி
வழிகாட்டும் நல்லோர்சொல் கேட்டு
…….வாழ்வை வசந்தமாய் நீயும்நேசி
இனிய வார்த்தைகள் மட்டும்தான்
…….இவ்வுலகை திறக்கும் திறவுகோல்
இன்பமாய் வாழும் வாழ்வுக்கு
…….இதயத்தைத் தாங்கும் ஊன்றுகோல்

- கவிஞர் நா. நடராசு, கோவை

**

அடிக்காமல் அன்பாகவும் , அடித்தும், அழுத்தமாகவும்,
நல்ல வார்த்தைகள் ,சொல்லி ,படிக்கவைத்த ஆசான்களின் 
வார்த்தைகள் தொலையாத  வாத்தைகள்தான்.
சொன்ன சொல், தவறும்பொழுது
யாரேனும் சொல்லும், கடும் வார்த்தைகள் 
தொலையாத, வார்த்தைகள் ஆனாலும்
அந்த கடனை  ,திருப்பி கொடுத்தாலும்
அவர்கள் சொன்ன கடும் வார்த்தைகள் 
தொலைந்துபோவதில்லை
நல்ல வார்த்தைகளை நினைவில்  வைத்து
கெட்டவார்த்தைகளை மனதை  விட்டு  தொலைப்போம்
தொலையாத வார்த்தைகளுக்குள் 
நம் பெயரை நுழைத்து  வைப்போம்

- களக்காடு வ. மாரி சுப்பிரமணியன்

**

ஆணுக்கிணையான கல்வி
பெண்ணுக்கு மறுக்கப்பட்ட
இதயத்திலிருந்து வெளியான
தொலையாத வார்த்தைகள்
 பெண் முன்னேற்றத்தினை
புதைத்த கல்லறைகள்!
பெண் பாதுகாப்பு போர்வையில்
கல்வி வெளிச்சம் காட்டா
 முள் இதயங்களின் சுயநல
ஆணாதிக்க உலகத்தில்
தோல்விகளைத் தொலைத்த
 பெண் சமுதாயம் எங்கே!
 இதயத்தில் வடுவான 
தொலையாத முள் வார்த்தைகளும்
 ஒரு சாண் வயிறு வளர்க்க
யாரிடமும் யாசிக்காத 
வரம் கேட்க வாணியின்
 கல்வி வீணைத் தந்தி
 முன்னேற்ற வெற்றி படிக்கட்டு
 விளிம்புகளில் தொற்றி
புதுமைகள் படைக்க
புறப்பட்ட பதுமைகள்
இனியும் தொலையாத வார்த்தைகளால்
தொல்லைப்படாதிருக்க
ஆணாதிக்கம் வழி விடுமோ!-சீனி

**

தொலையாத வார்த்தைகளாய் இன்றும் வாழும்
……….தொல்காப்பி யச்சொற்கள் மறையா தென்றும்.!
விலைமதிக்க முடியாத வைரம் போலே
……….வியன்தமிழும் அதிலடங்கி இருக்கும் பாரீர்.!
அலைகடலைப் போலெங்கும் வியாபித் தெங்கும்
……….அருந்தமிழால் காந்தம்போல் கவன  மீர்க்கும்.!
கலையழகு பொருந்தியநல் காப்பி யங்கள்
……….கண்முன்னே நிற்கவைக்கும் அதிச யங்கள்.!
விலையில்லாப் பொக்கிஷமாம் காவி  யங்கள்
……….வெளியுலகு அறியுமாறு அறிய வைத்தார்.!
குலையாமல் அப்படியே பத்துப் பாட்டு
……….குறையாமல் நன்னூலும் போன்ற வற்றை.!
தொலையாத வார்த்தைகளாய்த் தொகுத்துத் தந்த
……….தாத்தாவாம் உவேசாவும் இல்லை என்றால்.!
தொலைந்தேதான் போயிருக்கும் அரிய நல்ல
……….தமிழ்காவி யங்களெலாம் அழிந்தி ருக்கும்.!
எண்ணத்தை விருந்தாக வைத்துத் தந்த
……….எழுச்சிமிகு காப்பியத்தைப் படிக்கும் போது.!
எண்ணமதை எழவைத்து மகிழ வைக்கும்
……….ஏங்கவைத்து நம்மைத்தூங் காது செய்யும்.!
வண்ணப்பாக் களாகவடி வமைத்துத் தந்த
……….வள்ளுவனும் கம்பனுமாய் உலகுக் கீந்த.!
தொலையாத வார்த்தைகளை! தொன்று தொட்டு
……….தவழ்ந்துவந்த கவித்துவத்தை! காக்க வேண்டும்.!

- கவிஞர் பெருவை பார்த்தசாரதி

**

கண் இமையின் கற்கண்டினிப்பே 
புருவ மையில் மையம் கொண்ட புயலே!
விழியசைவில் தெறித்த ஒளிச்சிதறலே 
உன் நாசித்துளை ஈரக்காற்று 
என் உயிர்வாசலின் சுவாசக்காற்று... 
உன் கன்னக்குழி பிடித்த மீன் 
பல கள்ளத்தோணி போகுதடி... 
உனை வர்ணித்து எழுதிய வார்த்தைகள் 
"காதல் அகராதி " என்ற பெயரில் 
தொகுக்கப்பட்டு தொலைந்த புதையலோ ? 
தேடி தேடி எழுதிய வார்த்தைகள் தீர்ந்த பின்னும்
தொலையாத வார்த்தைகள் 
என் கவிதைக்கு துணையாக வருவது 
உன் அருளினால்தானோ ? 
எந்தமரத்துக் காகிதமும் 
எவருடைய பேனாவும் 
என் கை கிறுக்கையிலே 
பிள்ளைத்தமிழாய் 
உன் நினைவுகளையே பெற்றெடுக்கிறது... 
உனை தேடி திரிந்தபோது எழுதிய வார்த்தைகள் 
உனை கண்ட மகிழ்வினில் திளைத்த வார்த்தைகள் 
நிழலாய் ஒன்றி வீதியுலா சென்ற நினைவின் வார்த்தைகள் 
நாம் இரண்டறக்கலந்து மூன்றாயானபோது முந்திக்கொண்ட வார்த்தைகள் 
என் மனப்புத்தகத்தில் என்றுமே 
தொலையாத வார்த்தைகள்... 
என் உயிரையே அரணாயமைத்து 
அதில் பத்திரப்படுத்தி பாதுகாக்கிறேன்.. 
இப் பொக்கிஷ வார்த்தைகளை.!!!

-  தஞ்சை. ரீகன்

**

புலராதப் பொழுதுகளில்
உலராத ஈரத்தில்
கலையாத நினைவுகள் இன்னும்
கொண்டு நடப்பதுண்டு..!
காதல்வயப்பட்டதும் 
கன்னியின் பின் நடந்ததும்
கவிதை எழுதிவைத்துக் 
காத்திருந்ததும்..
வழியெல்லாம் அவள்
விழிகள் எங்கேனும் தென்படுமாவென
தவித்ததும்.. தென்பட்டாலும்
தயங்கியதும்.. எதிரில் வர
மயங்கியதும்..இன்னும்
எல்லாமே நெஞ்சினில் உண்டு..!
தேவதைக்கு இயற்றிய
தொலையாத வார்த்தைகள் உள்பட..!

- S கௌதம் பிரபு, கொல்லம்பாளையம், ஈரோடு

**
 
அமில நாவில்
அமிழ்ந்துபோன காதலைச்
சிலுவையாக என்முதுகில்
ஏற்றிவிட்டு மலையேறிப் போனாய்

தகிக்கும் பாலையில்
கொதிக்கும் தலையில்
சுடுசொற்களை முட்கிரீடமாகச்
சூட்டிவிட்டுச்
சூனியமானாய் 

வசந்தம் கையெழுத்திட்ட
பூக்களைச் சூடிய கூந்தலில் 
சாகுந்தலாவாக
வந்த நீதான்
ஓர் இலையுதிர்கால இரவில்
பாம்புகளைக் கூந்தலாகக்
கொண்ட மெடியூசாக*
வந்து அச்சுறுத்தினாய்

ஜீவனைக் கொன்ற
ரத்தக்கறைப்
பாவனையோடு நீ
சிவனைச் சந்திக்கும்போது
நெற்றிக்கண்ணிலிருந்து
ரத்தவாடை அடிக்காதா?

என் கல்லறைக்கு
அவர்கள்
கற்கள்
கொண்டுவருகிறார்கள்
நீ
சொற்கள் கொண்டுவருகிறாய்

நடுநிசியில் குரைக்கும்
நாய்களாய் 
உன் 
ஞாபகங்கள்
உறங்கவிடுவதில்லை
இரவுமுழுக்க
ரத்தம்சொட்ட
வழிகின்றன
தொலைந்துபோன
உன்னிடமிருந்து வந்த
தொலையாத
வார்த்தைகள்
- கவிஞர் மஹாரதி

(*மெடியூசா கிரேக்கப்புராணத்தில் சிறகுகளும், பாம்புக்கூந்தலும் கொண்ட ஓர் அரக்கவடிவப் பெண். 
‘கார்கன்கள்’ என்றழைக்கப்படும் மூன்று சகோதரிகளில் ஒருத்தி.)

**

தேர்தல் எனும் தேர்த் திருவிழாவிற்கு மட்டும்
தெரு தெருவாய்த் தெருக்கூத்து நடக்கும் 
வார்த்தைகள் வானைத் தொடும், பின்னர் 
வான வேடிக்கையைப் போலே மறைந்து 
போகும் . 
பருவ காலப் பழங்கள் போல் அல்லாது 
பருவத்தில்ப் பொய்த்துப் போகும் மழையை 
போல் அல்லாது பொய்யனாகாத 
அரிச்சந்திரனைப் போன்றே அரசியல்வாதிகள் 
ஓர் பதினோன்றாவது தசாவதாரம் எடுத்தால் தோன்ற போகும் 
வார்த்தைகள் யாவும் 
" தொலையாத வார்த்தைகளாய் " வாழும் 

- கார்த்திக் பாரதிதாசன் 

**

 
அழியாமல் என்மனதில் பதிந்த
    அழகான வார்த்தையுந்தன் பெயரே
அழகான கவிதைக்கு கருவாய்
    அமைந்துள்ள வார்த்தையுந்தன் பெயரே
எழுதியயென் நாட்குறிப்பு சொல்லும்
    இனிமையான வார்த்தையுந்தன் பெயரே
பொழிகின்ற மழைநீர்போல் மனதில்
    பொழிந்துமகிழ் தரும்பெயருன் பெயரே!

கலையான வார்த்தையாக நெஞ்சில்
    கலையாத வார்த்தையாக - என்றும்
சலிக்காத வார்த்தையாக சுவையை
    தருகின்ற வார்த்தையாக - காதில்
ஒலிக்கின்ற பொழுதெல்லாம் காதல்
    உணர்ச்சியினைப் பொங்கவைத்து - வாழ்வில்
தொலையாத வார்த்தையாக வந்து
    துணையான வார்த்தையுந்தன் பெயரே!
 
- கோ.வேல்பாண்டியன் , வேலூர்

**

அலை அலையாய் நினைவுகள் அனுதினமும் இங்கே
கலையாத ஓவியமாய்
வலை வீசும் கண்கள்,
நிலை சொல்லி நிலை சொல்லி நித்தமெனைக் கிள்ளும்,
துள் ளாத மனம் எங்கும் தொலையாத உன்னில்
கிளை பரப்பி காதல து
தலை தூக்கித் திரியும்,
திவலைகளாய் இலைகளிலே
நீர்த் துளிகள் ஒட
குறுகுறுக்கும் பார்வையதில்
நெருங்கி வரும் என்னை
நொறுக்கு மந்த வார்த்தைகளில்
சாதீயம் தெறிக்கும்,
யுகயுகமாய் அழியாத தீண்டாமைத் தீயில்,
வேண்டாத வார்த்தைகளில் 
மாண்டுவிட்ட காதல்
ஆண்டவனும் இங்கே
கொண்ட தென்ன பாவம்?
தோண்டிடவே வந்ததம்மா
கண்டறியா ஞானம்

- செந்தில்குமார் சுப்பிரமணியன்

**

தோண்டித் தோண்டி
மனதுள் வேண்டி,
யாரிந்த வடிவை ஏந்தி
காரிருள் கோலம் கடந்து,
நிலவின் ஆட்சியாய் மலர்ந்து
தண்மையாய், கோபத்தில்
இளஞ்சூடாய் தெரிந்து;
என் மக்களுக்குத் தாயென்று,
மண்ணிலே பூத்த
கற்பகத் தருவென்று
பாடிப் பரவி;
மூத்தோர் வார்த்தை
சில்லரை அல்ல,
முழு செந்தாமரை என
போற்றி வருபவள்;
பகுத்த மனதில்
புகுந்த வெண்புறாவாய்,
கோபுரமாய் உயர்த்தினால்
இல்லத்தை;
சொந்தங்கள் சூழ
சோகங்கள் ஓட
வந்த தேனோடையவள்;
கண்ணகி வம்சத்து
என்முகியாக வந்தவள்;
எந்தா யெந்தை படைத்து 
வளர்த்த உடலை,
காக்கும் மாலானவள்;
கனிந்த ஞானியவள்;
அறத்தில் பிறந்த
அரிதார மில்லாத
அழகு வள்ளியவள்;
அவளை
மறப்பதும் எந்தாய்
தமிழை
மறப்பதும் 
ஒன்றாகும்......

- ப.வீரக்குமார், திருநின்றவூர்.

**
உன் வண்ண முகத்திற்கு 
முன் போட்டியிட முடியாமல்
வானவில் மேகத்திற்குள்
சென்று ஔிந்து கொள்கின்றன
என் தொலையாத வார்த்தைகள்!

தொலையாத வார்த்தைகளை
கோருங்கள் ஒன்றாக
அதிகார ஆளுமைக்கு அல்ல;
ஜனநாயகம் எனும் சக்கரத்தின்
அச்சாணியாக;

குரல் கொடுத்து தேற்றுங்கள்
வாா்த்தைகளை 
தொலைக்காமல்
மழலை சொல் பேசும்
குழந்தைகளுக்கு;

பட்டிமன்றத்தில்
வாஸ்து திசையில் வைத்த
ஒலி பெருக்கியில்
விட்டு கேட்கிறது கலைஞனின்
வாா்த்தைகள் தொலையாமல்;

புதுப்புது வார்த்தைகளை
உருவாக்கிக்கொண்டு
உன்னை தொலையாமல்
பார்த்து கொள்வதே
சுகமாய் இருக்கிறது;

தாய் தந்தை சண்டையிடுவதை
கண்டு வளர்ந்த குழந்தைகள்
போகிற போக்கில் வார்த்தைகளை
கொட்டி விடுகிறார்கள்
தொலையாமல்;

விதைக்கு ஏற்பதான்
பயிா் வளரும் 
நல்ல எண்ணங்களால்
வாா்த்தைகள் தொலையாமல்
தெளிவு பெறும்.
 
எந்த துணியை தைக்கிறோமோ
உடையாகிறது;
எந்த வார்த்தையை மனதில்
நினைக்கிறோமோ அதுவே
வாழ்க்கையாகிறது;

- குரு சுரேஷ் ப, சீா்காழி

**

காற்று மழையில்
காடும் மலையும்
வீடும் வயலும் 
மூழ்கிப் போகலாம்!
கானல் வெய்யிலில் 
கல்லும் மலையும்
உருகிப் போகலாம்!
கடும் பனியிலும் 
கடும் பசியிலும் 
உயிர்கள் பல 
மறைந்து போகலாம்!
புயல் காற்று வந்து
பூமியையே புரட்டிப் போடலாம்!
பூமியில் புரட்சிகள் தோன்றி
பழமையையே அழித்துப் போகலாம்!
சுனாமி கடல் அலையே
மலையைக் குடிக்கலாம்!
சுட்டெரிக்கும் சூரியனால் 
பல உயிர்கள் சுருண்டு போகலாம்!
ஆணவக் கொலைகளாலே
காதலர்கள் அழிந்து போகலாம்!
காதலும் தொலைந்து போகலாம்!
இயற்கையின் சீற்றத்தால் 
எல்லாம் தொலைந்து போகலாம்
பூமியில் ஒன்றுக்கும் மேற்பட்ட 
மனிதன் இருக்கும் வரை 
மனிதநேயம் என்னும் 
வார்த்தை கூட 
தொலைந்து போகாது!

-கு.முருகேசன்

**

கலையாத மேகங்கள்
ககனத்தில் மூழ்கும்
கதிரவனின் முகம் நோக்கி
கரம் கூப்பி மகிழும் |
சதிராடும் நினைவலைகள்
சந்திரிகையாய் தேயும்
புதிரான வாழ்வதனில்
முதிர்ந்து ந்தன் பிம்பம்
எதிரான துருவமதில்
குதிராக நானும்
விதி யென்றும் கோளென்றும்
சதியென்றும் பகர் வர்
மேதினியில் நீதிநெறி
ஆதி முதல் வழுவ
ஏதேதோ காரணத்தால்
என்ன வளும் நழுவ
கன்னலென சொன்னது வும்
மின்னலாய் மறைய
சன்னலுக்குள் ஊடுருவும்
விண்ணகமாய் நெஞ்சில்
மண் மீது வலம் வரும் 
கனவான பொழுதுகளின்
தொலையாத வார்த்தைகள் -
காலமெல்லாம் நீயே எனக்கென அன்று நீ உரைத்த
வார்த்தைகள் - தண்ணீரிலும்
பேரில் - கண்ணீரெனவும் .

- கவிதா வாணி - மைசூர்

**

தொலைதூர வாழ்க்கைப் பயணத்தில்
திசைமாறும் திருப்பங்களின் நடுவே
கலையாத சில கனவுகளோடு சேர்த்து
தொலையாத சில வார்த்தைகளும்
தொடரத்தான் செய்கின்றன நமை!

அவை உணர்ச்சி மிகு தருணங்களில்
உதிர்க்கப்பட்டவையாகவோ,

அல்லது உண்மையை உரக்கச் சொல்லி
நம் உள்ளம் உலுக்கியவைகளாகவோ
உணரப்பட்டிருக்க வேண்டும்!

நம்மில் தொலையாத அவ்வார்த்தைகளில்
நாம் தொலைகிறோம் சில நேரங்களில்!

- நிலவை.பார்த்திபன்

**

தாய் சொல்லைத் தட்டாதே தனயா!
அன்னையின் 
வாய்ச்சொல் வழிகாட்டும் 
தொலையாத வார்த்தைகள்.

தந்தை சொல் மிக்க மந்திரமில்லை மகனே ! 
நெஞ்சில் பதிந்து நெறிகாட்டும் 
தொலையாத வார்த்தைகள்.

முதலில் கசக்கும் முடிவில் இனிக்கும் !
மூத்தோர் சொல் கேள் ! - என்றும் 
தொலையாத வார்த்தைகள்.

இளமையில் கற்ற அற நூல்களின்
வழிமுறைகள் 
பசுமரத்தாணியாய் இதயத்தில் பதிந்திட்ட 
தொலையாத வார்த்தைகள் .
மழலைக்குழந்தையின் முதற்சொற்கள்- அம்மாவின் 
மனம் விட்டு 
தொலையாத வார்த்தைகள்.
 
 - கவிஞர் எஸ் வி ஆர் மூர்த்தி பெங்களூர்

**

வண்ணம் பூசி தேன் தடவி /
அலங்காரம் செய்து வைத்த வார்த்தைகள் /
வானை நோக்கி பறந்தன/
பேரோசையில் வான் அதிர்ந்தது /
சடுதியில் புவியில் விழுந்த வார்த்தைகள் /
ஏவிய பூவையரின் காளையரின் /
காலடியில் விழுந்து குப்பை மேடானது /
தோல் சுருங்கி ஒடுங்கிக் கிடந்த /
முதியவர்களின் குரல் நாண்கள் /
வார்த்தைகளைத் தொலைக்காமல்/
சேமித்து வைத்திருந்தன /
என்றாவது உபயோகப்படலாமென்று!  

- தேவி பிரபா

**

வார்த்தைகளின் குமியலே பேச்சு 
அளவான வார்த்தைகள் காதுக்கு இனிமை 
தொலையாத வார்த்தைகள் கையாலாகாதவை 
வார்த்தைகள் அற்ற நிலை கண்களுக்கு வேலை 
புரிதல் இருந்தால் பெரிய போர்களில் வெல்லலாம் 

- மஞ்சுளா அரவிந்த்

**

“படிக்க வைக்கப் பணமில்லாத நீ
எதுக்குப் பெத்த?” 
ஈட்டியில் நஞ்சுரசி எறிந்தாள் மகள்

“வச்சுக் காப்பாத்த வக்கில்லாத நீ
எதுக்குத் தாலி கட்ன?”
எரிகொல்லி வீசினாள் மனைவி

“ஒனக்குக் கொடுக்கறதெல்லாம் தெண்டச் சம்பளம்”
முகத்தில் உமிழ்ந்தார்
முதலாளி

“ஏன்.. என் உயிர வாங்குறே?”
நெருப்பில் விழுந்த உப்பென வெடித்தார்
நிறைய படித்த ஆசிரியர்

“எத்தன தடவ சொல்றது... அறிவிருக்கா?”
என்று இடித்துத் தள்ளினார்  
நடத்துநர் ஞானப்பிரகாசம்

“ரூபாயை வீசினா கவ்விப் பிடிக்கும்”
என்றார் வாக்காளர்களை
அரசியல் பிரமுகர்

அவமானம் அற்ற வாழ்வு வேண்டி
ஆலயத்துக்குச் சென்றபோது துரத்தினார்கள்
“நடைசாத்தியாச்சு போ.. போ..” என்று

- கோ. மன்றவாணன்

**

ஏதோ ஒரு தொகுதியில்  சில நூறு வாக்காளர்களிடம்
கருத்து கேட்டு விட்டு  கருத்துக்கணிபு எழுதுகிறார்கள்
பகுத்தறிவினால் யோசித்துப் பார்ப்போமாயின் சரிதான்
ஒரு பானை சோற்றுக்கு ஒருசோறு பதம் என்பதுபோல!
இதில் ஒரு சோறு பதம் என்பது தொலையாத வார்த்தை
என்பதை உணர்வோமா! தொலையாத வார்த்தைஅறிவோம்
எப்படி வாக்களர்களுக்கு பணம் கொடுத்து வாக்கு வாங்கிவிட்டு
சிறுமீனை விட்டுவிட்டு பெரிய மீனை பிடித்திடவே !
சிறு சிறு தொகை அளித்து வாக்கினை பறித்து
பெரிய பெரிய முதலாலிகளிடமும் அரசின் வேலை முடித்துதர
உரிய மனிதர்களிடமும் கையூட்டு பெற்றுக்கொள்ளுவது
அதுதான் பெரிய மீன் ! சின்னமீனை விட்டடாத்தான்
பெரியமீனை பிடிக்கலாம்! என்பதுவும் தொலையாத வார்த்தை!
மும்மரமான போட்டி மூன்று அணி போட்டி வாக்கு 
எண்ணிவெற்றியோடு வெளியே வருகின்றனர் 
அவர்களின் முகத்தை வைத்தே வெற்றி யார் என்று கணித்துவிடலாம்
ஆமாம்! அகத்தின் அழகு முகத்தில் தெரியும் என்பது
இதுவும் தொலையாத  வார்த்தைதான் ! இப்படிப்பார்த்தால்
ஏராளமான வார்த்தைகள் தமிழில் இன்றும் வாழ்கின்றன!

- கவிஞர்    ஜி.சூடாமணி
 

]]>
http://images.dinamani.com/uploads/user/imagelibrary/2018/11/25/w600X390/travel.jpg http://www.dinamani.com/specials/kavithaimani/2018/nov/25/கடந்த-வாரத்-தலைப்பு-தொலையாத-வார்த்தைகள்-வாசகர்களின்-கவிதைகள்-3045697.html
3041139 ஸ்பெஷல்ஸ் கவிதைமணி இந்த வாரத்திற்கான தலைப்பு: தொலையாத வார்த்தைகள் கவிதைமணி DIN Sunday, November 18, 2018 06:12 PM +0530 மெய் உறக்கம் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: தொலையாத வார்த்தைகள்.

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் டைப் செய்து அனுப்பவும்.

]]>
poem, kavithai, words, கவிதை, கவிதைமணி, வார்த்தைகள், சொற்கள் http://images.dinamani.com/uploads/user/imagelibrary/2018/11/18/w600X390/7479349_orig.jpg http://www.dinamani.com/specials/kavithaimani/2018/nov/18/இந்த-வாரத்திற்கான-தலைப்பு-தொலையாத-வார்த்தைகள்-3041139.html
3041138 ஸ்பெஷல்ஸ் கவிதைமணி கடந்த வாரத் தலைப்பு ‘மெய் உறக்கம்’வாசகர்களின் கவிதைகள் கவிதைமணி DIN Sunday, November 18, 2018 06:06 PM +0530 மெய் உறக்கம் 

மெய் உறக்கமே  மரணம் 

உறக்கமே சுவர்க்கம்
உறக்கமே  நரகம்
உறக்கமே கனவு
உறக்கமே நிணைவு
உறக்கமே  மனசாட்சி
உறக்கமே மரணத்தின் சகோதரன்
ஆம் ! மரணமே மெய் உறக்கம்
மரணமே ஏகாந்தம்
ஏகாந்தமே நிலையான மெய் உறக்கம்! 

- புகழேந்தி இக்பால் 

**

ஒரு கை பல் துலக்கும்- மற்றொன்று
சிற்றுண்டி தயாரிக்கும் ,
ஒரு ஆக்டோபஸ் திறமை !!
சுருண்டு படுக்கும் குழந்தையை
சுண்டி எழுப்பி, அவசரச்சமையலுக்கு
தன் கையால் சுவை கூட்டி
ஊட்டி விடும் அருமை !!
அலுவலகத்தில் சில கருப்புக்கண்களின்
பார்வை ஊர்வலத்தை தடுத்துத்
திருப்பி அனுப்ப,  அலங்காரமில்லா அழகுடன்
ஆடை அணியும் பொறுமை !!
மாலையில் கணவருக்கு
அருகே அமர்ந்தபடி
காப்பி சுவைத்து மகிழும் செழுமை !!
அகங்காரத்தோல் உரித்து, பழங்களை
பணிவுத்தேனில் குழைத்து,
பெரியவர்களுக்கு வழங்கும் பழமை !!
கடமைகள் கசக்கிய உடல்:
ஒரு வெள்ளை மனதுடன்
இரவில் இவளைப்போல் படுக்கச்செல்!  
மாத்திரைகள் போடாத
மெய்யுறக்கம் அது !!

- கவிஞர் டாக்டர்.  எஸ். . பார்த்தசாரதி

**

மெய் உறக்கம் உறங்கி வருடங்களாகி விட்டன !
பொய் உறக்கம் உறங்கி பொழுது கழிகின்றது !

தொலைக்காட்சி வந்து தூக்கம் தொலைந்தது 
தொல்லைக்காட்சியானது  தொலைக்காட்சி !

தொடர்களுக்கு அடிமையாகி விட்டனர் நாளும் 
தொடர்கின்றது இரவில்  நெடுநேர விழிப்பு !

தொடர்களில் எதிர்மறை சிந்தனை போதிப்பு
தொலைந்து விடுகிறது நிம்மதியான உறக்கம் !

கெட்ட சிந்தனை  நாளும் விதைக்கின்றனர் 
கேட்ட காரணத்தால் போனது உறக்கம் !

இரவு உறக்கத்தை இல்லாமல் ஆக்கியது
இளசுகளோ கைபேசியில் மூழ்கியது !

அளவிற்கு மிஞ்சினால் அமுதம் மட்டுமல்ல 
அலைபேசியும் நஞ்சு உணர்ந்திட வேண்டும் !

கணினியும் கண்களுக்கு  இன்று கேடானது 
கண்ட நேரம் நேரத்தை விழுங்கி விடுகிறது !

நாளும் அறிவியல் கண்டுபிடிப்பால்
நன்மையை விட தீமை அதிகமானது !

அன்று இல்லை தூக்கம் இன்மை 
இன்று உள்ளது தூக்கம் இன்மை !

அன்று அதிகாலை எழுந்தனர் பலரும் 
அதிகாலை எழுவது இல்லை என்றானது !

கோழித் தூக்கம் மனிதத் தூக்கம் ஆனது 
கண்கள் காணவில்லை மெய் உறக்கம்! 
 
- கவிஞர் இரா .இரவி

**

குடுவையே மனிதன் என்றுகொண்டால்
குடுவையுள் குலுங்கும் திரவங்கள்
ஏதோ ஒருசமநிலை எட்டிப்பிடிக்க‌
கடவுள் தந்த கருவியே  
உறக்கம்.

ஏறி இறங்கும் மூச்சுக்காற்றில்
குடுவையுள் சுழலும் சக்கரங்கள்
ஏதோ உயர்நிலை எட்டித்தழுவ‌
இயற்கை செய்த விந்தையே  
உறக்கம்.

ஆசையும் மோகமும் காமமும்
கோபமும் இன்னும்சில‌பல‌ கசடுகளெல்லாம்
இறுகப்படிந்த உடலை மனதை
மெல்லத் தளர்த்திக் கசடுகள்கரைய‌
உடலும்மனமும் விழையும் செயலே
உறக்கம்.

தன்னால் உலகால் தன்னில்
எழுதிப்படிந்த எண்ணங்கள் பிம்பங்கள்
குடுவை கொள்ளும் ஏதோஅதிர்வினில்
கனவாய் மெதுவாய்க் கல‌ந்துபேச‌
உடலும்மனமும் தளரும் நிகழ்வே
உறக்கம்.

எது மெய் உறக்கம் ?
உள்ளங்கைகள் அளவே உணவும்
உழைத்துச் சலித்த உடலும்
கசடுகள் களைந்த மனமும்
மெல்லக்கிடந்து மெதுவாய்த் தளர‌
ஒன்றைப் பற்றிய ஒருமுகத்தால்
தன்னைமறந்து தன்னிலை மறந்து
மெல்லமுகிழும் தாமரை மலர்போல்
தன்னைத் தன்னால் மலர்த்தி
மகிழ்ந்து மலரும் நிகழ்வே
மெய் உறக்கம் !!.

உலகம் பற்றிய ஒருமுகம்
கடவுள் என்று சொன்னால்
என் "உள் கட" ந்த உன்னை நானும்
கடவுள் என்பேன்.
என் குருவும் என்பேன்..

- ரமேஷ் கோபாலகிருஷ்ணன், அமெரிக்கா

**
காலையில் எழுந்ததும் எறுப்பைப்பார்
காலையில் அவை தூங்குவதுண்டோ!
அவை வாயில் சிறு உணவைத் தூக்கி 
வரிசை வரிசையாய்ச் செல்வதைப் பார்!
குட்டிக்குட்டித் தேனீக்கள் குழுவாய்
மலர்கள் தேடிப் பறந்து திரிவதைப் பார்
உழைத்து உண்டு இரவில் உறங்குவது
ஆழ்ந்த உறக்கத்தில் மெய்மறந்தே!
உழைத்துப்பார் உறக்கம் கிட்டும் 
உறங்கிப்பார் உற்சாகம் கிட்டும்
கண்களை விடியும்வரை விழித்து இரவில்
கணினியின் முன் காலத்தைப் போக்காதே
கோழி உறக்கம் விரைந்து காலனுக்கு வழிவிடும்
காலனை விரட்ட ஆழ்ந்த தூக்கம் துணை நிற்கும்
தேனீ போல் சுற்றிப் பறந்து திரித்து விளையாடு!
எறும்புகள் போல் சுறுசுறுப்பாய் உழைத்து நீ திரி
மெய்உறக்கம் மெல்லவே ஆழ்உறக்கமாய்த்  தழுவ
மெய் புத்துணர்வு பெறும் நீ மேதினியில்
மேன்மையாய் வாழ்வாய் நன்றாய் என்றுமே!

**

நிம்மதியை பிச்சையாகக் கேட்டு வாசலில் 
நின்று அம்மா தாயே என்று துன்பமும் 
துயரமும் குரலெழுப்பும் 

இல்லையென கூறாது மனமிறங்கி 
இன்று போய் நாளை வா யென்னும்
பதாதையை தொங்க விட்டிடினும் 

மெய் உறக்கம் உறங்க விட்டிடாது 
ஏதேனும் மொரு குறை யில்லாமல் 
ஜீவிதம் துவங்காது சற்றும் முடியாது 

அக்குறையிடமே நிறையாக்கிடும் மூல 
மந்திர முளததை கற்றிட கற்றவற்றை 
கல்லாதாருக்கும் கற்பித்திடவே யது

மனிதர் மேல் மனிதர் மனிதநேயம் 
கொள்ளா விடில் மெய் உறக்கம் 
கொண்டிடல் குதிரை கொம்பேயாம்

- ஆபிரகாம் வேளாங்கண்ணி கண்டம்பாக்கம்

**
மெய் உறங்கும் வேளையிலே
பொய் எழுந்து ஆடிவிடும்
நேர்மை ஓடி ஒளிந்துவிடும்
நேசம்கூட தேசம் நீங்கி சாடிவிடும்.

பாசம் வளர்க்கும் சூழலிலே
பாசாங்கு செய்யும் வேளையிலே
மோசம் காட்ட எண்ணாமல்
தேகம் காட்டுதே சாகசங்கள்.

மெய் உறக்கம் மறந்திடுவார்
மெச்சி மெச்சி பேசிடுவார்
கனவுகளில் கரைந்திடுவார்
காதலுக்குள் மூழ்கிடுவார்.

இயந்திரங்கள் போல் வாழ்க்கை
இந்நாளில் சுழலுதென்றே
இயல்புடனே இயம்புகின்றார்
இரவு பகல் பாராமல்
இயன்றவரை உழைக்கின்றார்.

மெய் உறக்கம் கேட்டிடினும்
மெய்யாலுமே நாம் ஏற்பதில்லை
பொய் கூறிட  மறப்பதில்லை
பொதுவில் பொதுவாக நினைப்பதில்லை
தாய் தந்தை அருகிருக்க
தனயன்மார் நினைப்பதில்லை.

விதிகள் நாம் மதிப்பதில்லை
விபத்தில் சிக்க தவறவில்லை
அவசியமெய் உறக்கம் தவிர்த்து
அலைபேசி அடிமையாக மறப்பதில்லை.

- புலவர் களந்தை நரசிம்ம சுப்பிரமணியன் சிறுமுகை

**
மெய் உறக்கம் மிகாமல் மிதமாய் இருந்தாலே
மென்மையாய் உள்ளம் மேன்மைக்கு வழிகோலி
நல்லதையே  நாடும்!  நயமாய்ச்  சிந்திக்கும்!
கல்லாததைக்கூட   கற்க    ஓடி     வரும்!
நில்லா இவ்வுலகில் நிம்மதி அடைந்திடவே
பல்லா வகையானும் பக்குவமாய்த் தினமுழைக்கும்!

உறக்கந்தான் வாழ்வுக்கு உசுப்பேத்தும் நல்மருந்து!
கிறக்கமின்றி  வாழ்ந்திடவும்  கீழ்நிலையைத் தவிர்த்திடவும்
இரக்கமின்றி நடப்போர்க்கு இனிதினையே செய்திடவும்
அரக்கக்  குணத்தோர்க்கு  அன்பைப்  பகிர்ந்திடவும்
பரக்கப் பரக்கத் தினம் பலவேலை பார்ப்போர்க்கு 
திறக்கத்  திறக்கத்   தினம்தெவிட்டாத  அருமருந்து! 

பொய்உறக்கம்  கொள்வோரே பொழுதெல்லாம்  சோம்பிப்போய்
நெய்வடியும்  முகத்துடனே  நிம்மதியைத்  தொலைத்துவிட்டு
உறவுகளின்     மத்தியிலே    உயிர்ச்சடலம்    நிற்பதுபோல்
அரவுகளின்   இடையினிலே     அல்லாடும்    விலங்கினமாய்
பல்லாண்டு  வாழ்ந்தாலும்     பாருக்குப்   பயனின்றி
எல்லா     நிலையிலுமே       ஏக்கத்தில்    மூழ்கிடுவர்!

தூங்கும்    வேளையிலே   துக்கம்    தனைமறந்து
ஆங்கே   நல்லாக்கம்  அயராத   உழைப்புக்கு
அமிர்தம் உறக்கமென்றால் அதிலேதும் தவறில்லை!
தர்மம்   பூவுலகில்   தக்கபடி   தழைத்திடவும்
உடலில் உரமேற்றி உயர்ந்தபணி ஆற்றிடவும்
மெய்யுறக்கம் கொண்டிடுவோம்!மெல்ல வாருங்கள்!

-ரெ.ஆத்மநாதன்

**

கண்மூடி  மெய்உறக்கம்  கொண்டி  ருந்தால்
    கனவினிலும்  நல்வழிகள்  தெரிந்தி  டாது
விண்மீதில்  பறப்பதற்கே   ஆசை  கொண்டால்
    வெறுங்கையை  வீசிநின்றால்  நடந்தி  டாது !
மண்மீதில்  பெயர்நிறுவி  புகழ்கு  விக்க
    மனம்மட்டும்  விரும்புவதால்  நடந்தி  டாது
திண்மைமிகு  உண்மையுடன்  தளர்ச்சி  யின்றித்
    தினமுழைத்தால்  தானிங்கே  வெற்றி  கிட்டும் !

புல்லர்க்கு  வழிவிட்டுப்  புறத்தே  நின்றால்
    புல்கூட  நம்காலைப்  புரட்டி  வீழ்த்தும்
பொல்லாமை  கண்டஞ்சி  மௌன  மானால்
    பொய்புரட்டே  மேடையேறி  வீரம்  பேசும் !
நல்லவர்கள்  வீட்டிற்குள்  பதுங்கிக்  கொண்டால்
    நரிகளிங்கே  நாடாளும்  தலைமை  யாகும்
வல்லடிமை  நினைவகற்றித்  துணிவு  பெற்று
    வந்தால்தான்  நல்லவையும்  நடக்கு  மிங்கே !

நமக்கென்ன  என்றொதுங்கி   நாமி  ருந்தால்
    நம்கண்ணை  நாம்குத்திக்  கெடுவ  தாகும்
தமகென்றே   வாழ்வோரின்   தாளில்  வீழ்ந்தால்
    தலைகனத்து  நம்வயிற்றில்  காலை  வைப்பர் !
சுமக்கின்ற   கொடுமைகளைச்  சிலுவை  என்றே
    சுமந்துநின்றால்   முள்மகுடம்  சூட்டிப்  பார்ப்பர்
நமதென்னும்   பொதுமையிலே   மானத்  தோடு
    நாமெழுந்தால்   நற்காலம்   பூக்கு  மிங்கே !

(உண்மை  உறக்கம் கொண்டால் எனும் பொருளில் எழுதப்பட்டது )

- பாவலர் கருமலைத்தமிழாழன்

**

மெய் மறந்த உறக்கம் இறக்கி வைக்கும் 
இறுக்கம்  எதுவாயினும் மனதில் இருந்து 
மெய் மறந்து உறங்குபவன் விழித்துக் 
கொள்வான் அவனை எழுப்பினால் !
ஆனால் பொய் தூக்கம் போடுபவனை 
எழுப்ப முடியுமா தட்டி ?
மெய்யுடன் பொய் சரிக்கு சரி நின்று 
சண்டை இடும் இந்த காலத்தில் 
வாய்மையே வெல்லும் என்று வசனம் 
பேசி நீ மெய் உறக்கத்தில் ஆழ்ந்து விட்டால் 
வாய் மெய்யை வெல்லும் நிலைமை 
வந்து விடும் தம்பி ! மெய் உறக்கத்திலும் 
விழிப்புடன் இருக்க வேண்டும் நீ தம்பி !
மெய் மறந்த உன் உறக்கத்தில் உண்மையை 
உறங்க விட்டு விடாதே நீ தம்பி !

- K.நடராஜன்

**
எவ்வுறக்கம் சொல்வேனோ!
தாயின் கருவறையில் உறங்கிய உறக்கமா!
தாலாட்டுப் பாடலின் தானே வந்த உறக்கமா!
ஓடியாடி விளையாண்டு களைப்படைந்த உறக்கமா!
படிப்பின் போது அயர்ந்து தூங்கிய உறக்கமா!
எதைச்சொல்வேன்? என்னவளின் களிப்பில் உறங்கிய உறக்கமா?
காலை முதல் மாலை வரை பணி செய்த உறக்கமா?

பஞ்சு மெத்தை தந்ததா! பாவையால் பாதி உறக்கம் போனதே!
நெடு உறக்கம் உறங்கியே நிறைய நாள் ஆயிற்று!
ஏனுறக்கம் வரவில்லை
எதற்கென தெரியவில்லை!
வயது கூட காரணமோ!
வந்த உறக்கம் நிற்கையிலே!
நித்தம் நித்தம் உறங்கியதால்
செத்து செத்து பிழைத்திருக்கோம்!
எவ்வுறக்கம் மெய் உறக்கம் தெரிவதில்லை எவருக்குமே!

பொய் உறக்கம் உறங்கையிலே,
அது மெய் உறக்கம் ஆகிற்று
உடல், பொருள், ஆவியாக பிரிந்திற்று!

-செந்தில்குமார், ஓமன்

**

கண்ணொடு பிரியாத தணியாத மோகம்
மண் மீது வளர்ந் தென்னில் வசைபாடி மகிழும்
விண் நிலவோ எனுமாறு இரு விழிகள் கெஞ்சும்
பண் இசைத்து மின் பெட்டி தூண்டி எனை மிஞ்சும்,
நுண்னொலியும் - தாண்டி அவள் நினைவெல்லாம் தகிக்கும்,
பெண் அவளோ பார்த்ததினால் சிலிர்த்த தெந்தன் உள்ளம்,
ஆண்டு பல மீண்டு வந்த குரலுந்தன் சாயல்,
அடியேனுக்கு அளித்ததுவோ மெய்யான  உறக்கம்,
கனவினிலோர் - காட்சி அதில் சொன்னதிந்த வசனம்,
எங்கிருந்தாலும் வாழ்க,

- செந்தில்குமார் சுப்பிரமணியன்

**

கோடையைக் 
கொடைக்கானல் ஆக்கும் குளிரறை
மலர்மணம்
மக்கள்திரள் போற்றும் திருப்புகழ் 
மேகத்தைத் தைத்துப்போட்ட
மென்மெத்தைப் பரப்பில் படுத்துருள்கிறேன்
மெய்யாக உறக்கம் மட்டும் வரவில்லையே...

விழிமூடிக் கிடந்தாலும்
வழிதிறந்து வந்து மனம் கூச்சலிடுகிறது
தூக்கத்தைத் 
துரத்தி

சாளரத்தைத் திறந்து
சாலையைப் பார்க்கிறேன்

மாநகராட்சியின் தூர்வாராத
மகா சாக்கடை ஓரம்
நோய்பரப்பும்
ஙொய்யெனப் பறக்கும் 
சுரீரெனக் கடிக்கும் கொசுக்கள்
சிறுபோதும் ஓய்வற்ற
செவிப்பறையில் அறையும் வாகன இரைச்சல்
கைத்தடியால்
காவலர்கள் விரட்டி அடிக்கும் அச்சுறுத்தல்
வயிற்றுச் சோற்றுக்கு
வழியில்லை மறுநாள் காலை
பிள்ளைக்குட்டிகளுடன் தூங்குது
பிய்ந்த ஆடைகளுடன் ஒரு குடும்பம்
மெய்உறக்கம் அங்கே கண்டேன்

-கோ. மன்றவாணன்

**
தாயின் கருவறையில்
குழந்தையின் அமைதி உறக்கம்..
பிறந்த குழந்தையின் எந்த
பயமுமில்லா புன்னகை உறக்கம்…
ஓடிஆடி விளையாடும் 
குழந்தையின் ஆர்பரிப்பு உறக்கம்…
ஆசிரியர் பாடம் கற்ப்பிக்கையில்
மாணாக்கரருக்கு வரும் அச்ச உறக்கம்…
உழைத்து கலைத்து வரும் 
உழைக்கும் மக்களின் அசதி உறக்கம்…
வாழ்க்கை வாழ்ந்து முடிய வரும்
கடைசி கல்லறை உறக்கம்…
எல்லாமே மெய் உறக்கம்…

-த.கோகிலா

**
மெய்உறக்கம் எழுத எத்தனிக்கையில் 
மெய்யாலுமே ஒரு மெய் உறக்கம்- அது 
காலச்சுமையால் இமைகளின் கிறக்கம்!
அதில்......
'பலஞானம் பிறக்கும் பழவினை மறக்கும்
பலநினைவுகள் பறக்கும்!
கற்பனை சுரக்கும்,
ஆசைகள் அசைபோட,
கடைசிபல் நற நறக்கும்,
பக்கத்து அறைக்குறட்டை 
உறக்கத்தை அறுக்கும்!
அட அடா வடை போச்சே 
என அசடாய் விழித்துதடு சிரிக்கும்!'
உளறல் கேட்டு 
அவளின் உருக்கம் 
இதுக்கிப்பதிலா
ற றா றி றீ ...றௌ வரைக்கும் எழுதியிருப்பின்
ஒன்றாப்பு வாய்ப்பாட்டுக்கு உதவியிருக்கும் !
மெய் உறக்கமும் -கனவும் மறைந்தது !
மெய்ஞானமும் கானாவும் பிறந்தது !

-இளம்பரிதி ஆழ்வார்சாமி

**

தன்னை மறந்து உறங்கும் மெய்
உயிரின் வாடை
எதுவென்று அறியுமோ...!?

உடலை
எங்கேனும் மாட்டிவிட்டு
இளைப்பாறுமோ உயிர் ?

மெய்யாகவே அசைவற்று இருந்தால்
அதன் பெயர் 
உறக்கமில்லை மெய்யின் பொய் ?

தூங்குவதே சாக்காடு
விழிப்பதுவே பிறப்பென்றார்
உலகத் தலைவன் வள்ளுவன்

நல்லப் பொழுதையெல்லாம்
தூங்கி கோட்டைவிடும் அறிவிலி தான் மனிதனென்றான்
பாட்டுக் கோட்டை

மெய்
உறக்கத்தை அணைத்துக் கொண்டதா?
உறக்கம்
மெய்யை பிணைத்துக் கொண்டதா?

கும்பகர்ணணோ
தூங்கியே தொலைத்தாலும்
தூங்காமலிருக்க பாடமானான்
நமக்கு

விண்ணுறங்கி போனாலும்
மண்ணுறங்கிப் போனாலும்
காற்றற்றுப் போனாலும்
தீயின்றிப்போனாலும்
நீரின்றிப் போனாலும் 
நிகழக் கூடுமோ உயிரினங்கள்

ஜனனித்துக் கொள்ளவே
மெய்யணைத்து உறங்கும் மனிதன்
நிஜம் தொலைத்து பொய்ப்பின் தொடர
புறமுதுகுக் காட்டியப்படியே 
ஓடுகிறது வாழ்க்கை....

- கவிஞர்.கா. அமீர்ஜான்

**
தினமும்  பொருள் தேடும் உலகில்,
மனம் போல தினம் அமைந்தால்;
மகிழ்ச்சி மட்டுமே நிறைந்தால்;
மெய்உறக்கம் யாருக்கும் வருமே.

மெய் என்பது, உ டல் என்ற பொருளாக வைத்து;

உயிர் போன பின்பு, , உடல்அசையாது. --- மெய்யுடலோடு;
உயிர் இருக்கும் போதே, கடமைகளை  
[படிப்பு, சொத்து, திரு மணம்……… ]

சரியாகச்செய்தவரெல்லாம், 
மெய் உறக்கம் கொள்[வாரே]பவரே.

(மெய் என்பது, உண்மை என்ற பொருளாக வைத்து)

- களக்காடு வ. மாரி சுப்பிரமணியன்

**
பகலும் இரவும் இயற்கையின் நியதியாகும்
அகலும் உறக்கம் பகலின் தொடக்க விழிப்பு
சுகமும் துன்பமும் மாறிமாறி வரும் வாழ்வு
நகமும் சதையும் இணைந்தாலே விரலாகும்

இமை மூடுவது உறக்கத்தின் அடையாளம்
சுமையால் கண்மூடுவது உறக்கமல்லவே
சமைத்திடமுடியாது உறக்கம் செயற்கையாய்
இமைமூடி கனவுலகு செல்வதும் உறக்கமல்ல

மனம் உறங்கினாலே அது மெய் உறக்கமாகும்
இனம் கண்டு கொள்ளலாம் உடல் அசையாது
தினம் நடப்பு அதுவானால் உடல் வலுப்பெறும்
சினமிருந்தால் உடலும் உண்மையாய் உறங்காது

கவலை சூழ்ந்த உறக்கம் உடலையும் அசைக்கும்
சவலைப் பிள்ளையாய் சடுதியில் மாறிப் படுக்கும்
திவலைகள் கண்ணிலும் சுரக்கும் உடல் உறங்காது
அவசர உலகில் மெய்யுறக்கம் நடைமுறைக்குறைவே

தானே மூடும் இமைகளில் மெய் உறங்கும் தானாக
மானே மயங்கும் மெய் உறக்கம் உடம்பில் தவழ
தேனே தித்திப்பே என்று  இனிக்கும் மெய் உறக்கம்
வானே மேக மூடலில் மெய்யுறக்கம் உறங்குமே.

- கவிஞர்  ராம்க்ருஷ்

**
   
மெய் உறக்கம் உயிர்களுக்கு இறையளித்த வரம்
மெய்மறந்து   உறங்க வேண்டும் இரவெகல்லாம்
ஆய்வொன்று சொல்கிறது ஆரோக்கியம் அதுவென்று
ஆம், நாமும் இரவெல்லாம் உறங்க முயல்வோம்
தூக்கம் வரவில்லை என்று ஏக்கமுறுவோர் பலருண்டு
ஏக்க உணர்வாலே  தூக்கம் வராது தவிப்போரும் உண்டு
பாக்கள் புனைந்து இதனை விவரிக்க வார்த்தை இல்லை
பண்பாய் சில சொல்வோம் தூக்கம் வருவது உறுதி
மருதணிப் பூக்கள் கொண்டு மகத்தான திண்டுசெய்து
தலையணை ஆக்கித் தூங்க, தவறாது தூக்கம் வரும்
மருந்துகள், மாத்திரைகளின்றி தூக்கம் வராமல் பலர்
மணிக் கணக்காய் விழித்திருக்க நாளும்நாம் காண்போம்
சாதித்துக் காட்டுவோம் அனைவரும் தூக்கம்பெற
முன்னோர் மேற்கொண்ட உபாயம் மேற்கொள்வோம்
சாதிக்காய், மஞ்சள் , கசகசா , இவற்றில் ஒன்றின்
பொடிபாலில் கலந்து இரவில்குடிக்க தூக்கம் வரும்
      
- கவிஞர்  அரங்க.கோவிந்தராஜன், இராஜபாளையம்

**

உறக்கம்
தாயவள் தாலாட்ட..
சேயது கண்மூட...
பிறந்தவுடன் தாய்மடியில்...
இறந்தவுடன் தாய்மண்ணில் ..
உறக்கம்
உண்டபின் மயக்கமாக....
உழைத்தபின் ஓய்வாக...
உடலுக்கு மருந்தாக..
உணர்வுகளுக்கு தடைபோட..
உறக்கம்
கவலைகள் மறைந்திட..
கனவுகள் பூத்திட...
களைப்பைப் போக்கிட...
கால நேரம் பார்க்காமல்....
உறக்கம்
அனைத்து உயிர்களும் இரவில் அடங்க...
அண்ட சாகரத்தின் நியதியாக..
ஆதவனும் மறைந்து உறங்க..
ஆண்டவனும் ஆனந்தமாய் சயனிக்க ...
உறக்கம்.

- ஜெயா வெங்கட்

**

பள்ளியிலே மெய் உறக்கம் கண்டார்
கல்வி தனை இழந்தார்

பணியிலே மெய் உறக்கம் கண்டார்
பணியை இழந்தார்

அரசியலிலே மெய் உறக்கம் கண்டார்
அரசியல் தனை இழந்தார்

கவலை தனை கொண்டார்
மெய் உறக்கம் தனை இழந்தார்

காவலர்கள் மெய் உறக்கம் கண்டார்
மக்கள் பாதுகாப்பு இழந்தார்

ஆட்சியாளர் மெய் உறக்கம் கண்டார்
மக்கள் நலன் தனை இழந்தார்

இளைஞர்கள் சோம்பலில் மெய் உறக்கம் கண்டார்
வாழ்க்கை தனை இழந்தார்

வணிகர்கள் வணிகத்தில் மெய் உறக்கம் கண்டார்
வருவாய் இழந்தார்

தியானத்திலே மெய் உறக்கம் கண்டார்
இறைவனை கண்டார்

இரவினிலே மெய் உறக்கம் கண்டார்
உடல் நலம் பெற்றார்

இரவினில் மட்டும் மெய் உறக்கம் காண்போம்
உடல் நலம் காப்போம், வாழ்க்கை தனை பெறுவோம்

- ஆம்பூர் எம். அருண்குமார்.

**
காலையில் கனவுகளுடன் எழுந்து
……கவலைகளை வாழ்வில் மறந்து..
மாலை வரையிலும் உழைத்து
……மகிழ்ச்சியை மனதில் நிறைத்து..
இமைகள் ஒன்றாய் சேர்ந்தது
……இரண்டு கண்களும் உறங்கியது..
சுமைகள் எல்லாம் பறந்தது
……சுகமான உறக்கமும் வந்தது..
ஓய்வின்றி உழைத்தது உடலும்தான்
……ஓய்வும் உடலுக்குத் தேவைதான்..
ஓய்வே உடலுக்கு அருமருந்துதான்
……ஓய்வு உணர்த்தும் உண்மைதான்..
உறக்கம் தரும் புத்துணர்ச்சி
……உடலுக்குத் தரும் புதுஎழுச்சி..
உறக்கம் வாழ்வின் நிகழ்ச்சி
……உற்சாகம் தரும் பயிற்சி..

- கவிஞர் நா. நடராசு, கோவை

**

தூக்கமில்லை என்றுசொல்லி ஏங்கி துன்பமுறும் தோழியரே! தோழர்களே
ஏக்கமுடன் இடர் தாங்கும் இளைஞர்களே, பெரியோரே தாய்மரே
ஆண்டவன் நமக்களித்த அன்புக் கொடை இந்த தூக்கம்
அனுபவிக்காமல் விட்டு விட்டால் அறிவிலிகள் ஆய்விடுவோம்
ஆரோக்கியம் தூக்கத்தில்தான் அமைந்துள்ளது ஆய்வு சொல்லுகிறது
உறங்கும் போதுதான் நமது உள்ளுறுப்புக்கள் ஓய்வெடுக்கின்றன
உறக்கமில்லையேல் அஜீரணம், ஏற்பட்டு ரத்த அழுத்தம் உருவாகும்
உடல் உழைப்பு இல்லாதபேருக்கே பெரும்பாலும் தூக்கமினமை வரும்
நடைப்பயிற்சி நாளும் மேற்கொள்வோ மானால் தடையின்றி தூக்கம் வரும்
இரவில் சத்தான உணவு அளவோடு உண்டால் சுகமான  தூக்கம் வரும்
இரவில்மன அமைதியோடு உறங்க போனால் இனிக்கும்தூக்கம் எப்போதும்
ஆசனங்கள் செய்து வந்தால் அப்போதும் இனிமயான தூக்கம் வரும்
மூச்சுப்பயிற்சி செய்து பின்படுக்க போவோமாயின் முழுதாய் வரும்தூக்கம்

- கவிஞர் ஜி.சூடாமணி

**

சுமையதை இறக்கி வைத்து
இமைகள் கண்களை மூடிட
உள்ளமது ஓய்ந்திட
உடலது சாய்ந்திட,
இனமோ மொழியோ
இடமோ பேதமின்றி 
சுற்றியுள்ளதை அறியாது
சுற்றும் பூமி சுழன்றிட  
சுவாசமது சீராக
சுகமது மெல்ல வருட
மெய் உறக்கம்  கொள்வது
தெய்வம் தந்த வரமன்றோ ?

- கே.ருக்மணி, கோவை

**

உலகறியும்முன் தாயின் கருவறையில் மெய்யுறக்கம்;

பால்குடித்த வண்ணமாய் தாய்மடியில் மெய்யுறக்கம்;
தோள்மீது சாய்ந்தவண்ணமாய் தந்தையிடம் மெய்யுறக்கம்;
பாட்டியின் புடவைக்கொண்ட தூளியிலே மெய்யுறக்கம்;
சிறுவயதில் ஒரே போா்வைதனில் - என்
உடன்பிறப்புகளின் அன்பான அரவனைப்பில் மெய்யுறக்கம்;
காதல்கொண்ட வேளையிலே காதலியின் மடியில்
கனவுகளைச் சுமந்த இனிமையான மெய்யுறக்கம்;
வகுப்பறையில் பிடிக்காத பாடம் வரும்போதெல்லாம்
தன்னை மறந்த நிலையில் மெய்யுறக்கம்; 
ஜன்னலோரம் காற்று வாங்கியபடி - பயணத்திலே
இனிய பாடலைக் கேட்டவண்ணம் மெய்யுறக்கம்;
கிராமத்து வயலிலே பணிகளை முடித்தகளைப்பில்
வரப்பினையே தலையனையாக்கி உறங்கிய மெய்யுறக்கம்;
திருவிழா இரவில் கூத்தினைக் கண்டுகளித்தவண்ணம்

விடியலையும் மறந்து தெருதனிலே மெய்யுறக்கம்;
மரம் சூழ்ந்த தென்றல்வீசும் தோட்டத்தில் 
நாற்கட்டிலில் வரும் அருமையான மெய்யுறக்கம்;
இன்னும் கொஞ்சம் இரவு நீளாதாயென
ஏங்கிக்கிடக்கும்  மழைக்காலத்தில் ஈரக்காற்றில் மெய்யுறக்கம்;
உழைத்த களைப்பில்வரும்  ஆழ்ந்த மெய்யுறக்கம்;
உடல்நோய் தீர நிம்மதியான மெய்யுறக்கம் -
நாட்கள் செல்ல செல்ல மெய்யுறக்கங்கள்யாவும் -
பொருளைத் தேடலிலும் காத்தளிலும் குறைகின்றனவே...
மரணமெனும் நீண்டதொரு மெய்யுறக்கம் வரும்போது
மண்ணுலகில் எதுவும் நிரந்தரமில்லையென புரிகின்றனவே...!

- கவிஞர். நளினி விநாயகமூர்த்தி

**

தீண்டாத சோகங்கள்;
மனம் ஏங்கா பாவங்கள்;
கொக்கரிக்கா வீரங்கள்;
இறை தேடும் ராகங்கள்;
இளமை கலக்காத கனவுகள்;
நிந்திக்காத உறவுகள்;
சந்திக்காத தோல்விகள்;
வினை கொள்ளாப் பகைகள்;
வேடமிடா மனங்கள்;
பாசம் அளந்த மக்கள்;
செலவில்லா திருவிழாக்கள்;
ஆடம்பரம் இல்லா அழகுகள்;
ஊர் கெடா நம் பண்பாடுகள்;
உலகம் மகிழும் பண்டிகைகள்;
தாழ்மையைத் தூக்கி எறிந்து;
மேன்மையாய் நம்மை உயர்த்தி;
கடவுளின் அருளோடு;
கண் மூடிய உடனே! தூங்கும்;
கலை கொண்ட மனிதனின்; 
தூக்கம் மெய் ஆகும்..

- ப.வீரக்குமார், திருநின்றவூர்.

**

மெய் உறக்கத்தால் 
உன்னதமாக உயர்வாக
அழகாக அன்பாக
என்னுள் நானே
புதிதாகப்
பிறந்து கொண்டேன்

உழைப்பின் 
வெற்றிக்கு கிடைத்த
பொக்கிஷமாய்
ஆழ்ந்த உறக்கம் என்
கண்களுக்கு கிடைத்தது
சில மணி துளிகளில்

மெய்உறக்கத்தை நேசிக்காத
மனிதன்
எதிா்த்துப்
போராடிக்கொண்டிருக்கிறான்
ஏராளமான
நோய்களோடு

மெய் உறக்கம் அது
அளவாக இருந்தால்
மனம் சிறப்பாக இயங்கும்
மெய் உறக்கம் 
அதிகமானால் அதுவே
மனதை மரணிக்க செய்யும்!

வெளிநாட்டில் வேலை செய்யும்
தன் நண்பனுக்கு 
மெய் உறக்கத்தின் பயன்பாடு
குறுஞ்செய்தி
அனுப்பினான் இரவு ஊழிய
நண்பன்

மெய் உறக்கத்தால்
எனது கவிதைச் சாலை
இடைநில்லாப் பயணமானது
எனது கனவுத் தோட்டம்
வண்ணமயமானது.

- குரு ரேஷ். ப

**
பொய்யின்றி மெய்சொல்லி வாழு தற்கு
 பொறுமையொடு சிந்தனையும் சேர வேண்டும்.!
மெய்யுடலை காக்கவேண்டி ஆசை மூன்றும்
 மலங்களாம் மூன்றுமதைத் துறக்க வேண்டும்.!

மெய்வாய்கண் மூக்குகாது செவியி வையை
 மூலவனால் பெற்றதெண்ணிப் பேணிக் காப்பீர்.!
அய்யாவே இதைத்தானே பாது காக்க
 ஆன்றோரும் சான்றோரும் அன்றே சொன்னார்.!

பொய்யுறக்கம் இல்லாது போக ஆழ்ந்த
 புலனடக்கம் ஐந்துமதை வழுவ வேண்டும்.!
மெய்யுறக்கம்  தேவைதான் இல்லை யென்றால்
 மனத்தினிலே சிந்தனைகள் எழாதும் போகும்.!

உய்ந்துணர்ந்து செய்கையினால் ஓம்பி னாரே
 உண்மையாக வாழ்ந்தபல ஞான சித்தர்.!
மெய்ஞானம் உணர்ந்தஞானி மாந்தர்க் கெல்லாம்
 மிகவுயர்ந்த இலக்கியத்தால் எடுத்து ரைத்தார்.!
 
ரோகத்தை உருவாக்கும் உணவை உண்டால்
 ராத்திரியில் தூக்கமுமே கெட்டுப் போகும்.!
தேகத்தைச் செம்மையாக வைப்ப தாலே
 தீங்கின்றி நோய்களுமே விலகிப் போகும்.!

தாகமுடன் பசிமற்றும் நல்ல எண்ணம்
 தாமாக வரவேண்டும் தூண்ட லின்றி.!
சோகங்கள் துக்கங்கள் விலக்கி னாலே
 சுகமான தூக்கத்தைப் பெறுவீர் நீங்கள்.!

- கவிஞர் பெருவை பார்த்தசாரதி  

**

புகழுக்கு மயங்காமல்;
இகழுக்குக் கலங்காமல்;
எல்லாம் சமமானதாய்;
உள்ளம் சுயமானதாய்;
தொல்லையிலா உள்ளத்துக்குள்;
அன்பே ஆதாரமாய்;
அதுவே, புத்தனின் பேராசையாய்;
கொள்கையை ஏற்று;
கோணலை மாற்று;
எல்லாம் நாணல் போலானால்;
சுழியம் வாழ்க்கை ஆகும்;
இனபமும் துன்பமும் ஒன்றாகும்;
ஒன்றான நிலையிலே;
மயக்கம் வராது, தயக்கம் வராது;
தடுமாற்றம் கொள்ளாது;
தன் நம்பிக்கையைக் கூட்டித் தரும்;
உறக்கத்தில் உளறல் இல்லாமல்;
இரவில் கண்விழிப்பு இல்லாமல்;
மெய்யாய் மனம் அமைதியாகும் ;
துயிலும் துணை செய்யும்;
கல்க்கமும் , விலக்கமும் காணாமல்.....

- முகில் வீர உமேஷ்,

**

என்னவளே..!
உறக்கத்தில் கூட எங்கே 
உன்னை நினைக்க இயலாது
போய்விடுமோ என்ற 
அச்சத்தில், முன்பு,
மெய்யுறக்கம் துறந்து
இரவுகளிலெல்லாம் 
உன் நினைவில்
மூழ்கிக் களித்தேன்..

இன்றோ உன் மாளாப் 
பிரிவுத் துயரில் 
மெய் உறக்கம் வாராது
இரவெல்லாம் உன் 
நினைவுகளில் புழுங்கித் தவிக்கிறேன்..!

 - ஆதியோகி

**

காலம் கடந்த கனவுலகத்தில் கால்கடுக்க திரிந்தேன்
காத தூரம் எரியும் பிணங்களின்
சடசட சப்தத்தில் தோலும் முடியும் எலும்பும் வெந்து உருக  
நீர் -நீருடனும், மண் - மண்ணுடனுமாய் கலந்து இணைய, 
என் உடலை நானே பார்த்த வண்ணம்
இன்னும் இரண்டு மணி என்று கால அளவு சொன்னான்
சுடுகாட்டுக் காவலாளி - பின் யாரோ வந்தார்கள், 
கலங்கி மங்கலாய் தெரிந்தார்கள், அங்கம் பொறுக்கி 
சங்கமத்தில் இடுவதற் காம்,
விட்டுவிடும் ஆவி சுட்டு விடும் நெருப்பு
என்று நினைவிற்கு வந்தது, யோசித்துப் பார்த்தேன்
நெருப்பு வருடியது - மயிலிறகாய், சுடவும் இல்லை
படவும் இல்லை, ஏதோ - எரிந்தது
யாரோ தெரிந்தார்கள், எங்கே போவது
இப்போது என்றேன்?
உறங்குவது போலும் சாக்காடு 
உறங்கி விழிப்பது வாம் பிறப்பென்றார்
ஆசான், ஆறு மணி அலாரம் அடிக்க
மெய் உறக்கம் கலைந்தேன் 
அடுத்த நாள் - அலுவலுக்கு

- கவிதைப் பிரியன்

**

மெய் உறக்கம் 
மரணத்தின் குழந்தை!
சொர்கத்திற்கு 
அழைத்துச் செல்லும் 
இன்பச் சுற்றுலா!

தூக்கம் 
துக்கம் விரட்டும் 
மருந்தில்லா மருத்துவம்!
மனிதகுளத்தின் மகத்துவம்!

மெய் உறக்கம் 
மன நலத்தின் குறியீடு!
பசி 
உடல் நலத்தின்  குறியீடு!

பசியையும்  தூக்கத்தையும் 
ஏழையால்  
விற்க முடியவில்லை!
பணக்கரனால் 
வாங்க முடியவில்லை!

கடந்த காலத்தையும் 
கண் உறக்கத்தையும் 
காசு கொடுத்து வாங்கும் 
பணக்காரன் 
இதுவரை 
பூமியில் தோன்றவில்லை!

தூக்கம் 
மரணம் எனும் 
இறுதிப் போட்டியின் 
பயிற்சியாளன்!
 
சோர்வை நீக்கி 
சுருசுருப்பூட்டுவதும்! 
மேனி வலியை நீக்கி 
மனவலிமையை கூட்டுவதும் 
மெய் உறக்கம்!

ஒருவனை 
பார்த்த உடன் 
பயம் வந்தால் 
அவன் பலசாலி!
ஒருவன் 
படுத்தவுடன் 
தூக்கம் வந்தால் 
அவன் பாக்கியசாலி!

நீதிமன்றத்தில் 
மெய் உறங்கினால் 
நிரபராதிக்கு வருமா?
மெய் உறக்கம்!

-கு.முருகேசன்

**

மெய் என்றால் உண்மை 
மெய் என்றால் உடல் 
உறக்கம் உடல் தழுவினால் 
ஆரோக்கியம் கிடைக்கும் 
உறக்கம் உண்மை தழுவினால் 
உள்ளம் அமைதி பெறும் !

அவன்
வசிப்பது மாளிகையில் 
உண்பது அறுசுவை உணவு 
குளிரூட்டப்பட்ட அறை 
மலர் மெத்தையில் 
மெய் உறக்கம் இல்லாமல்
பொய்யாக இமைகள் மூடி
மனநிம்மதியில்லாமல் 
புரண்டு கொண்டிருந்தான் ! 

அவன் 
வசிப்பது மண்குடிசையில் 
உண்பது பழங்கஞ்சி 
தரையோ மண்தரை
கிழிந்த கோரைப்பாயில் 
உழைத்து களைத்த மெய்
மெய் உறக்கம் தழுவி 
பொய் உலகை மறந்தான் !

- பொன்விலங்கு பூ.சுப்ரமணியன் 

**

குளிருட்டப்பட்ட ஓர் அறையில் மட்டுமே 
கட்டுப்படும் உறக்கம் அது பொய் உறக்கம் 
செறிவூட்டப்பட்ட ஓர் சிந்தனைச் சிந்தைக்கு 
கட்டுப்படும் உறக்கம் அது தான் மெய் உறக்கம் 
விண்ணில் பறந்தாலும் உன் விழியிரண்டை 
விரும்பாதது தான் பொய் உறக்கம்  
எண்ணில் அடங்கா துயரங் கொண்டாலும் 
உன்னைத் தோழனைப் போல்த் தழுவிக் கொள்ளும் 
உறக்கம் தான் மெய் உறக்கம் 
தென்னையின் அடியில் கயிற்றுக் கட்டிலில் ஓங்கி 
அடித்த காற்றும் ஓர் ஒலி மாசாகி அதையும் 
ஓர் பொய் உறக்கமாக்கியது 
அன்னையின் மடியில் மெய் மறந்து மெய்யான 
அன்பில் கேட்ட அந்த மெல்லிசை 
முன்மொழிந்தது என்னுள் ஓர் மெய் உறக்கம் 

 - கார்த்திக் பாரதிதாசன் 

**

தங்கங்கள் பொலிவிழக்க,வைய மெங்கும் 
    தகரங்கள்  பொன்னெனவே மின்னு தல்,வெண் 
சங்கெனவே சுண்ணாம்பு மின்னு தல்,வெண் 
    சங்கெல்லாம் நிறமிழந்து மங்கு  தல்போல், 
அங்கமது மெய்யுறக்கம் கொள்ளல் போன்று,
     அவரவரும் பொய்யுறக்கம் பூண்டு வீணாய் 
எங்கெங்கும் நடிக்கின்றார் தன்ன லத்தில்; 
     எவர்இதனால் இறப்பின்றி வாழ்த லாகும்?

தவறுகளைத்  திருத்தாமல் கொள்கை  தம்மை 
    திருத்துவதால் எப்பயனும் எளிய வர்க்கு 
தவப்பயனாய் நல்வினைகள் விளைவ தில்லை;
     தண்ணீர்க்குள்  நின்றுகொண்டு தாகத் தாலே 
அவதிபடும் பெருங்கூத்தாய் வாய்த்தி  றந்து 
     தவளைகளாய் கத்துவதால் ஏது நன்மை?
அவதூறு  பேசியேதான்  மெய்யு றக்கம் 
     அனுசரித்தல் பாங்காய்ப்பொய் யுறக்க மேனோ?

அகன்றதொரு பெருவானாய்  அகல மாக 
    அண்ணாந்து படுத்தவாறு கண்தி றந்து 
பகல்பொழுதில் மெய்யுறக்கம் கொண்டாற் போல 
    பொய்யுறக்கம் கொண்டுள்ள  கீழ்ம னத்தால் 
நகமளவு பொய்நடிப்பால் விளைவ தென்ன?
   நாட்டினிலே மெய்யுறக்கம் கொள்ளு தல்போல் 
அகம்முழுதும் மெய்ம்மையாவும்  நிறைந்தி ருந்தால் 
     அகிலமெலாம் கீழ்மையின்றி வாழ்வு ஓங்கும்! 

   -நெருப்பலைப் பாவலர் இராம இளங்கோவன் 

**

மெய்யோடு மெய் சேர்ந்து
மகிழ்ந்துக் களித்து.. களைத்து
பொய்யாக ஊடல் கொண்டு
பின் கொஞ்ச நேரத்திலேயே கூடலுடன்
அன்பானவள் உன்னுடன் 
ஆயுள் முழுதும்
பண்பாகப் பெருவாழ்வு
வாழ வேண்டும்.. என்றும் உன் மனம்
ஆள வேண்டும் என்றும்
பேராசை கொண்டிருந்தேன்
பாவை நீயும் அப்படியேவென
பார்வையில் புலப்படுத்தினாய்..!
தேவைப்படும் எதற்குமென
தாலிசெய்யவும் சொல்லியிருந்தேன்!
காலிசெய்து போனது நம் காதலை
சாதியெனும் அரக்கன்..எத்தனை
சாதித்தாலும்.. எவ்வளவு நூல்களை
போதித்தாலும் ..இன்னும்
கறையாய் படிந்த சமூகத்தின்
குறைகளே..சாதிப்பிரிவுகள்!
ஏதாவது ஒரு ஜென்மத்தில்
மீண்டும் நாம் பிறப்போம்.. ஒரே சாதியில்!
ஒன்றாகக் கலந்தபின்
நன்றாக உறங்கட்டும் நம் மெய்.!

- கவுதம் கருணாநிதி, திருச்சூர், கேரளா

**

ஓடி ஓடி உழைத்திட்டேன் 
உறக்கத்தை தள்ளிவைத்து 
மூத்த மகன் படிப்புக்கு 
முதல் தடவை கண்விழித்தேன் 
மத்த மக்கள் படிப்புக்கு 
மொத்தமாய் கண்விழித்தேன் 

கண்விழிச்சு உழைச்சதால 
கஷ்டமெல்லாம் மாறிப்போச்சு 
மூத்த மகன் இப்போ 
முத்தான கலெக்டர் ஐயா 
இளைய மகள் இப்போ 
இதய மருத்துவராம் 

மூத்த மகள் இப்போ 
மக்களோட வாத்தியாராம் 
இளையமகன் அவனும் 
இன்ஸ்பெக்டர் ஆகிவர 
கண்டேனே மெய் உறக்கம் 
கண்ணையும் மூடிவிட்டேன் 

கண்விழித்து நான் கண்டா 
கனவும் பலித்ததய்யா 
கண்மூட இப்போது 
கணமும் வந்ததய்யா 
பார்.விஜயேந்திரன் 
கருங்குழி 

- விஜயேந்திரன் பார்த்திபன்

**

நல்ல  உறக்கம்  உற்சாகத்தில் 
சொல்லாமலே வரவேற்கும் 
கள்ளமில்லா  நண்பன் 
அதன்  பெயர்தான் "மெய் உறக்கம்"
இந்த  "மெய்  உறக்கம்"  
கிடைத்துவிட்டால்  வேறு என்ன 
வேண்டும்..................
பொய்யாக  உறங்குபவரை எழுப்பவே முடியாது!
மெய் உறக்கம்  கொண்டோரை 
தொட்டவுடன்  எழுந்துவிடுவார்!
நடிக்க  தெரியாத  உள்ளங்களை
துடிப்பான "மெய் உறக்கம்"
தேடி  வரும்!.............
வயறு  நிறைய  உணவு  கிடைத்தால் 
ஓடி  வருமே  "மெய் உறக்கம்"
மெய்  உறக்கம்  கிடைத்தால்  அதுவே சொர்க்கம்
பொய் உறக்கம்  கொண்டோர் 

- உஷா முத்துராமன்

**

சிறு  குழந்தையாய் மணல்  வீடு  கட்டுவதும்,
பள்ளி  பருவத்தில்  கல்லை  கொண்டு  மாங்காய் அடிப்பதும் ,
கால் எட்டா சைக்கிள் ஏறி குரங்கு பெடல் செய்வதும் ,
வாலிப வயதில் நாம் நேசிப்பவருக்காக காத்து நிற்பதும், 
படிப்பிற்கோர் வேலை என்றில்லாமல் படிப்பிற்கேத்த வேலையும்,
அதில் தகுந்த அதிகாரமும்,
அன்பான வாழ்க்கையும் ,
நிறைந்தமனமும்,
கடைசியில் அமைதியான நித்திரையும்
கிடைத்தால் இலக்கு, கலைந்தால் கற்பனை 
அடைந்தால் லட்சியம், அணைந்தால் ஆசை 
கனவே கலையாதே .
நீயே என் உயிர் மூச்சு, 
நீ இருக்கும் வரையிலேயே நான் .
நீ ஓய்ந்தால்,
அன்று என் உறக்கமும் ஆகுமே 
மெய் உறக்கம்
கனவே கலையாதே !!

- பிரியா ஸ்ரீதர்

**

]]>
moment, true moment, last moment, poem, கவிதை, மெய் கணம், கவிதைமணி http://images.dinamani.com/uploads/user/imagelibrary/2018/11/18/w600X390/tiki-beautiful-moment.jpg http://www.dinamani.com/specials/kavithaimani/2018/nov/18/கடந்த-வாரத்-தலைப்பு-மெய்-உறக்கம்வாசகர்களின்-கவிதைகள்-3041138.html
3036767 ஸ்பெஷல்ஸ் கவிதைமணி கடந்த வாரத் தலைப்பு ‘இரண்டாவது கோப்பை’வாசகர்களின் கவிதைகள் கவிதைமணி DIN Sunday, November 18, 2018 05:55 PM +0530 இரண்டாவது கோப்பை

ருசியறியும் முன் தாயின் இரண்டு மார்பு கோப்பைகளில் இருந்தும்,
கேட்காமலே கிடைக்கும் பால்,
உயிர் ஊசல் ஆடும்போது மனைவியின் கையால் பாசத்தோடு கடைசியாக,
கேட்காமலே கிடைக்கும் பால்
இறந்தபின் ஆன்மாவிற்கு மகன்.
கேட்காமலே அளிக்கும் பால்,
நாம் வாழும் போது மட்டும் 
கேட்டால் தான் கிடைக்கும் குடிப்பதற்கு பால்
இரண்டாவது கோப்பை!!
இது நமக்கு உணர்த்துவதோ  
முயற்சி செய் பலனை எதிர்பார்க்காதே என்று!!
வாழ்க்கை என்பது லட்சியம்,
முயற்சி என்பது முக்கியம்,
தோல்வி என்பது முடிவல்ல, 
வெற்றியின் ஆரம்பம்!
அதுவே வாழ்க்கை நமக்கு தரும் இரண்டாவது கோப்பை!!

- பிரியா ஸ்ரீதர்  

**

வேதனை தவிர்க்க
வெட்டித்தன மனிதனாய்,
இருந்தவன் எனை − நட்பென்னும்
நயவஞ்சகத் தீ சில
ஆல்கஹாலுக்குள் 
அமிழ்த்தி விட்டு
சந்தோசப்பட்டது,
என் குடும்பம் இப்போது
வேதனையால்....;.

துடித்தவர்கள், என்னை
குடி மறக்கும் நிலையத்தில்
இட்டு, பராமரித்து
புது மனிதனாய்
வெளியே வந்தேன்..

மீண்டும் அதே கூட்டம்
என் குடும்பம்
திரும்பப் பதறியது
ஆம், கண்ணாடிக் குடுவை
மதுவை வாயருகில்...

கொண்டு சென்று;
சீய்... கருமம் என்று சொல்லி
வெளியே விற்ற
கரும்புச் சாற்றைக்
கோப்பையிலிடச் சொல்லி
அருந்தினேன்,
மகிழ்வுடன்
இது இரண்டாம் பிறப்பு
என்றார்கள........

- முகில் வீர உமேஷ், திருச்சுழி.

**

 

காலைப்  பொழுதினை 
சோலையில் உலாவும் 
உற்சாக பொழுதாக்கும் 
அற்புதப்பானம்!  அது 
சிலருக்கு தேநீர் 
பலருக்கு  காபி!
முதல் கோப்பை கொடுக்க 
மறந்த சுறுசுறுப்பை 
சிறந்த  விருந்தாக்குவது 
"இரண்டாவது  கோப்பை"  காபி!
முதல் முறை தோல்வியுற்ற  தேர்வில்
இரண்டாம்முறை  பெறும் 
வெற்றி போல .....
இரண்டாவது  கோப்பையில் 
முரண்பாடில்லா  வெற்றி வாகை சூடும்
திறன் கொடுக்கும்
வல்லமையுள்ளதை   உணர்வாய்!
மலர்ந்த முகம் வேண்டுமா?
தளர்ந்து  விடாது வாங்கிக்கொள்
"இரண்டாவது  கோப்பை"  காபியினை!

- உஷா முத்துராமன், மதுரை

**

சமத்துவபுரத்தில் 
தீண்டாமையை ஒழித்து
பிரிவினைகளை ஒடுக்கி
சாதிமதங்களை நீக்கிட
சபதமெடுத்த தலைவரின்
கூட்டணி பேச்சுவார்த்தை
இரண்டாவது ரவுண்டிலும்,
கடைக்கோடி தொண்டனின் பசி
சிரட்டையிலும்

- சிவம், திருச்சி

**

மதுக்குடி மாண்பல்ல என்ற நியாயம்
புதுக்குடி கொட்டை வடிநீருக்கில்லையே
ததும்பத் ததும்பப் பெரிய குவளையாயிற்று
வெதுவெதுப்பான திரவம் வேண்டலாயிற்று

பெருங் குவளையில் கவலையான இல்லாள்
இரு கோப்பைகளில் முக்காலும் நிரப்பினாள்
தரும் திரவத்தின் அளவுக் குறைவு தெரியாது
பெரும் சாதனையாய் இரண்டு கோப்பையில்

கோப்பை ஒன்றில் ருசி அறியாத வேகம்
கோப்பை இரண்டில் ருசிக்கும் ருசியாலே
காப்பாற்றினாள் அதிகமில்லாமல் இல்லாள்
சாப்பாடும் சரிவிகிதம் வயிற்றில் சென்றதே

இரண்டாவது கோப்பை வந்ததால் நன்மை
திரண்ட உடல்நலம் குன்றாது காத்தது அது
வரண்ட வாழ்க்கையிலும் இரண்டு கோப்பை
மிரண்ட வயிறு ஏழைகளை எண்ணியதே

ஒன்றே நன்று அதிகம் இல்லாதார்க்கென்றே
கன்றும் தாய்ப் பசுவுமான உறவில் வாழ்ந்திட
என்றும் நல்ல மனம் கொண்டால் நன்றல்லவா
அன்றே இரண்டாவது கோப்பை வேண்டாமே

கவிஞர்  ராம்க்ருஷ்

**
காலைக்கடன்களைக்
கட்டாயம் கழித்திடவே
இந்திய மூத்த குடி மக்களுக்கு
இரண்டாவது கோப்பைத் தேநீர்
இல்லை எனாமலே வேண்டும்.

சிந்தனை ஆள்பவர்க்கும்
சிரிக்க வைக்கும் நபர்களுக்கும்
இரண்டாவது கோப்பைத்தேநீர்
இனி வேண்டாம் எனக் கூறவருமோ?!

கோப்பையிலே குடியிருப்பு
கோலமயில் துணை இருப்பு
என்றெழுதிய கவியரசுகூட
எனக்கு எதற்கு இரண்டாவதுகோப்பை 
என என்றாவது சொன்னதுண்டா?!

தாய் மகிழ்ந்து தந்த பின்னும்
தாரம் தந்து மகிழ்ந்திடத்தான்
பாழ் மனந்தான் துடிக்கிறதே
பருகிடத்தான் இனிக்கிறதே
இரண்டாவது கோப்பை தேடி
இதய வாசல் திறக்கிறதே!

புலவர் களந்தை நரசிம்ம சுப்பிரமணியன் சிறுமுகை

**
காலையில் எழுந்தவுடன் ஒரு கோப்பை 
காப்பி ...பின்னர் காலாற ஒரு பொடி 
நடை வீட்டை சுற்றி சுற்றி !
தன் முகாமுக்கு திரும்பும் ஒரு படை 
வீரன் துணிவுடன் எடுப்பேன் நான் 
அன்றைய செய்தித்  தாளை தினமும்
என் நடைபயிற்சி முடிந்தவுடன் !
எத்தனை அதிர்வு செய்தி, எத்தனை 
குற்ற செய்தி தினமும் ! அத்தனையும் 
படிக்க மனதில் உறுதி வேண்டும் !
இரண்டாவது கோப்பை "ஸ்ட்ராங்" காப்பியும் 
கையில் இருக்க வேண்டும் அப்போது !
இரண்டாவது கோப்பை காப்பிக்கு என்ன 
அத்தனை சக்தி ! எதையும் தாங்கும் 
என் இதயம் இரண்டாவது கோப்பை 
காப்பி மட்டும் என் கையில் இருந்தால் !
முதல் கோப்பையில் இல்லாத தரமும் 
சுவையும் இரண்டாவது கோப்பை காப்பியில் 
எப்படி சாத்தியம் ?  அது என்ன ரகஸ்யம் ? 
கேட்டேன் நான் என் சகதர்மிணியை ! 
பட்டென கிடைத்தது விடை என் கேள்விக்கு 
முதல் கோப்பை காப்பி "நீங்களே தயாரிக்கும் 
காப்பி அவசரக் கோலத்தில் விடிந்தும் விடியாமலும் "!
இரண்டாவது கோப்பை காப்பி உருவாகுவது 
என் மனைவியின் முதல் தர இயக்கத்தில் !
புரிந்து கொண்டேன்  நான் இரண்டாவது 
கோப்பை காப்பியில்தான் முதல் தர 
காப்பியை ருசிக்கிறேன் தினமும் என்று !
கோப்பை இரண்டாவதாக இருக்கலாம் ஆனால் 
அதில் கிடைக்கும் காப்பி முதல் தரமாயிற்றே !
இந்த இரண்டாவது கோப்பை உண்மையில் 
இருக்க வேண்டிய இடம் இரண்டாவது இடத்தில் அல்ல !

- K.நடராஜன் 

**

இரண்டாவது கோப்பையும் இறங்கிற்று உள்ளே!
ஜிவ்வென்று எங்கோ பறந்தது அவனுளம்!
மூன்றாவதும் போட்டால் முகிழ்க்குமோ இன்பமென்று
முடிவின்றி எண்ணம் மூழ்கிற்று சுறுசுறுப்பில்!
அடித்து உதைத்து ஆர்ப்பாட்டம் மிகச்செய்ததால்
அருகிலிருந்தவன் அறைந்து இழுத்து வந்து
சாலையோரத்தில் சாக்கடை மத கருகில்
படுத்திருந்த நாயின் பக்கத்தில் இவனை
கிடத்திப் போனான்!கிஞ்சித்தும் இரக்கமின்றி!
முகர்ந்திட்ட நாயும் முகஞ்சுழித்து அகல
ஓடிவந்த பன்றியும் ஒடுங்கியே நின்றது!

பருவமழையின் ஊடலில் பரலோகம் இருளடைய
பச்சிளம் குழந்தைகள் இரண்டும் பயப்பட்டுக்கொண்டே
'அப்பா ஏம்மா இன்னும் வரவில்லை?யென்று
அடிக்கொரு தரம் அமுதாவைக் கேட்க
கரண்ட் போனதால் கவிந்த இருளை
கைவிளக்கால் மெல்லக் களைந்தே விட்டு
'வருவார் விரைவில் வாங்க நீங்கசாப்பிட!'
என்றே சொன்னாலும் எழிலான அவள்மார்பு
பயத்தில் சற்றே பதற்றத்துடன் துடிக்க
மின்னி இடித்து மிதமாய்ப் பெய்தவானம்
அவனையும் நனைத்தது!அவள் கண்ணையும் நிறைத்தது!

-ரெ.ஆத்மநாதன், கூடுவாஞ்சேரி

**
ஒரு மழை நாளின்
குளிர் இரவில் சிலிர்க்கும் ஈரம் படர்ந்த 
சாலையோரத் தேனீர் விடுதியின் - 
முதல் கோப்பைத் தேனீரில் தெரிந்திருக்கவில்லை
மறுமுறை நாம் சந்திக்காதிருப்போம் என்று,
நிந்தனைகளும் நிபந்தனைகளும் சூழ்ந்த 
நிசப்த வெளி யின் நீண்ட பொழுதுகளில்
மெளன ஓலமாய் ஓசையின்றி அழும் 
உள்மனம் ஏங்குவது தொடர்கிறது,
இன்னொரு கோப்பைத் தேனீருக்கு,
உன் ஈர முகமும் செர்ரி இதழ் சிரிப்பும்
தேனீரை சுவையாக்குவது யாருக்கு தெரியும்?
அந்த
இரண்டாவது கோப்பைத் தேனீரை பருகுவது எப்போது?
நாம்.

- செந்தில்குமார் சுப்ரமணியம்
**
தேநீர்க் கோப்பை வலது கையிலும்
திறந்த புத்தகம் இடது கையிலும்
இருப்பதே
எனது யோகாசனம்

தேநீர்ச் சுவையும்
வாசிப்பின் சுகமும் 
மனதை மயக்கும் தேவதைகள்

மனைவி அழைத்த போதும்
மழலை சிரித்த போதும்
தெரிவதில்லை
தேநீர்க் கோப்பையின் அரவணைப்பில்

வாசிப்பில் மெய்மறந்த தருணம்
ஆவி பறந்தோடித் தப்பித்திருக்கும்
கோப்பையில் இருந்து

காலியான தேநீர்க் கோப்பையை
உதடு பொருத்தி உறிஞ்சி ஏமாறுதல்
ஒவ்வொரு நாளும் உண்டு

இரண்டாவது கோப்பை கேட்கையில் மட்டுமே
நிகழ்வுலகுக்குத் திரும்புதல்
நிகழ்கிறது

-கோ. மன்றவாணன்

**
சொர்க்க சுந்தரியை க்காண வேணு மெனில் 
உடலெனும் உடுப்பினை 
வாழ்ந்த இடத்திலேயே கழட்டி வைத்து 
உயிர் மட்டும் செல்லுமாயின் அதனால் 
யாருக்கு என்ன சுகம் கிட்டக்கூடும்

அங்கே வெறும் ஐந்தே சுந்தரிகளே நீ 
இருக்கு மிடத்திலோ கோடான கோடி 
உடலின்றி உயிர் ஒரு உயிரில்லை 
உயிரின்றி உடல் ஒரு உடலில்லை 
இரண்டும் ஒன்றாயின் சுகம் உண்டு

கார்குழலை மல்லிகை மலர்களால் அலங்கரித் தொரு 
வாசம் வீசுதிங்கே 
தட்டுங்கள் திறக்கப்படும் என்றதுவோ 
உலக நியதிகளில் ஒன்றாகும் நானே 
தட்டுமுன் தட்டினாள் ஒருகப் காபியென 

சிலையாகி நின்றேன் பிரம்மித்து ஒரு
கோப்பையோடு ஓரங்கட்டி விடுவாளோ 
இரண்டாவது கோப்பை வரவழைத்திட
ஒப்புக்கொண்டாள் தீர்ந்தது சந்தேகம்
அக் கோப்பையாலே வாழ்வு பெற்றேன்

ஆபிரகாம் வேளாங்கண்ணி

**

உயர்ரக தேநீர் கடைக்கு  - நான்
உரிய நேரத்தில் வந்திடுவேன் 
என்றுரைத்தவளுக்காக
எனக்கான முதல் கோப்பையோடும் 
அவளுக்காக
வாங்கிவைத்த இரண்டாவது கோப்பையோடும் 
காத்திருந்தேன்...
நேரம் அதிகரிக்க அதிகரிக்க - கோபம்
அதிகரித்தது; நாள்தோறும் இப்படித்தான் 
காக்கவிடுவாள்...
கோபத்தை இன்று காட்டிவிட வேண்டுமென
நினைக்கும்போதே.. எதிரே நின்றால் புன்சிரிப்போடு..
அந்த புன்சிரிப்பில் என்கோபம் மட்டுமல்ல
நானும் அவளிடமே சரணடைந்து  விட்டேன்..
இரண்டாவது கோப்பையை மெல்லப்பருகினாள் 
நானோ அவளின் மயக்கும் விழியால் 
காதலைப்பருகினேன்..
அடிக்கடி கோப்பைகள் இடம் மாறின
அவளின் உதட்டின்சாயம் என்னுதட்டில் அரங்கேறின..
எத்தனையோ சுவையான தேநீரை சுவைத்தாலும்
அவள்சுவைத்து மீதம்வைத்த தேநீருக்கு ஈடாகவில்லை...
எவ்வளவு நேரமானாலும் ரசித்துக் கொண்டேயிருப்பேன்...
அவ்வளவு அழகுக்கு உரியவள் என்காதலி;
பலநாள் தொடர்ந்த எங்கள் சந்திப்பு
பாதியிலே முடிந்தது; மனம் உடைந்தது...
அவளைத் தேடி தேடி அலைந்தபோதுதான்
அதிர்ச்சியான உண்மை தெரிந்தது - அன்று
அவள் வாக்குறுதி அளித்தால் - உன்
பிறந்தநாளுக்கு நேரத்திற்கு வருவேன் என்று;
என்னை காண்பதற்கு வேகமாய் வந்தவள்
வாகன விபத்துக்குள்ளாகி துடிதுடித்து இறந்திருக்கிறாள்..
இதை அறியாமல் இருந்துவிட்டேன் - அவள்
இல்லாமல்  பித்து பிடித்தவானேன் - நாள்தோறும்
தேநீர் கடைக்கு செல்வேன் - வராத
தொலைபேசியில் அவளோடு நிறைய பேசுவேன் 
வாகனத்தில் பாா்த்து பொறுமையாய் வா
நேரத்தைவிட உயிர் முக்கியம் என்றவாறு...
இரண்டாவது கோப்பையை வாங்கிவைத்தேன் அவளுக்காக..
அதில் தேநீர் நிரம்பி இருக்கவில்லை...
அவளின் அற்புத நினைவுகளே நிரம்பியிருந்தது....!

- கவிஞர். நளினி விநாயகமூர்த்தி

**
முதலாக  உழைப்புதளை  போட்ட  வர்கள்
    முழுநாளும்   வயல்களிலே  உழைத்த  போதும்
முதல்கோப்பை   கஞ்சிக்கும்  வழியே  யின்றி
    மூன்றுவேளை  பட்டினியில்   துடிக்கின்  றார்கள்
விதவிதமாய்   வாக்குறுதி   கொடுத்துத்  தேர்தல்
    விளையாட்டில்   வெற்றிகண்டே   ஆட்சி  பெற்றுப்
பதவியிலே   அமர்ந்தவர்கள்  செய்ய  வில்லை
    பரிதாப  உழவர்க்கோ  விடிய  லில்லை !

அடுக்கடுக்காய்   வீடுகட்டும்  கொத்த  னார்கள்
    அருமையாக   துணிநெய்யும்   நெசவா  ளர்கள்
வடுக்களாக  அங்கையில்  காய்ப்பு  காய்த்தும்
    வலியோடு   பொழுதெல்லாம்   கல்லு  டைப்போர்
நடுக்கடலின்  உள்சென்று   வலைகள்  வீசி
    நனைந்தவுப்பில்  திரும்புகின்ற  மீன  வர்கள்
விடுகின்றார்   பசியேப்பம் ;   கோப்பைக்  கஞ்சி
    விடியலுக்கும்   வழியில்லை   வறுமை  யாலே !

உழைப்பவரின்  வியர்வையிலே  வாழ்ப  வர்கள்
    ஊர்வளத்தைச்  சுருட்டியின்பில்  திளைப்ப  வர்கள்
அழைப்புதனை   தருவார்கள்  எனக்கா  வாமல்
    அவர்களாக  முன்வந்து   தாரா  விட்டால்
குழையாமல்   அவர்களிடம்  பிடுங்க  வேண்டும்
    கூடியதை   முதலிரண்டு  கோப்பை  என்ன
உழைப்பவர்கள்   வயிறார  உண்ப  தற்கே
    உரிமையென   மொத்தமுமே  கொடுக்க  வேண்டும் !

பாவலர்  கருமலைத்தமிழாழன்

**
முதல் கோப்பைக் காப்பியுடன்
தொடங்கும் விடியலில்
முழுவதுமாக நிறைவதில்லை
மனது.
இரண்டாவது கோப்பைக்கான
இடைவெளியில்
உண்ணுவதற்கு எத்தனையோ
உணவிருந்தும்
மணக்கும் காப்பி யையே
மனம் விரும்புவது 
பழக்கமாய்ப் போனது .
பல முறை காப்பி
பருகுவது
உடலுக்கு கேடு என
உணவு ஆராய்ச்சியாளர்கள்
உரைத்தாலும்
ஃபில்டர் காப்பியின்
மணத்திற்கும்
நிறத்திற்கும்
மயங்காதவர் உண்டோ எம்
மண்ணில் !
களிப்பு என்றாலும்
கவலை ஏற்பட்டாலும்
தலை வலி என்றாலும
தடங்கல் வந்தாலும்
உடலும் உள்ளமும்
சட்டென்று
விரும்புவதென்னவோ
ஒரு கோப்பை காப்பி யைத்தான் !

- கே.ருக்மணி, கோவை

**
அருந்துதற்கு இனியதுதான் நல்ல காப்பி
……….அதைப்பற்றி சிறிதுநேரம் சிந்திப் போமே.!
ஒருசெடியை ஊன்றிவளத் துமர மாக்க
……….ஓராயிர லிட்டர்தண் ணீரும் வேண்டும்.!
உருவிலது பெரிதாகி காயும் காய்க்க
……….உழைப்போடு தண்ணீரும் அதிகம் தேவை.!
ஒருகோப்பைத் காப்பிக்குள் ஒளிந்தி ருக்கும்
……….உண்மையிது என்பதுவே வியக்க வைக்கும்.!

பிரச்சாரம் செய்வதற்கு இடையே நீங்கள்
……….பிரியமாக அருந்துகின்ற பானம் தேனீர்..!
தரமாகச்  செயல்களையே செய்ய காப்பி
……….தைரியத்தைக் கூட்டுமென மனம்நி னைக்கும்.!
சுரப்பிகளும் நன்றாக வேலை செய்ய
……….சுகந்தருமோர்ப் பானம்தான் சொல்வ துண்டு.!
இரண்டாவ துகோப்பையைநீர் குடிக்கு முன்னே
……….இதையெல்லாம் நினைப்பீரே இயற்கை பற்றி.!

வரமாக இயற்கைதந்த நல்வ ளத்தை
……….வரம்பின்றி அழிப்பதற்கும் அளவு மில்லை.!
உரம்போட்டு வளர்க்கின்றார் செடியை யின்று
……….உள்ளத்தில் நல்லெண்ணம் என்ப தில்லை.!
வரப்போகும் துன்பத்தை அறிந்தும் முன்பே
……….வேண்டுமென்றே செய்விப்ப துமநி யாயம்..!
இரசாய னமில்லாத உணவுப் பண்டம்
……….இன்றைக்கு இருக்கிறதா நீரே சொல்லும்.!

கவிஞர் பெருவை பார்த்தசாரதி

**
இரண்டாவது கோப்பை எதிர்பார்ப்பது தவறு 
எல்லோருக்கும் ஒரு கோப்பை என்பதே சரி !

தமிழகம் வந்தபோது காந்தியடிகளுக்கு 
தாகம் தணிக்க இளநீர் வழங்கினார்கள் !

குடித்துவிட்டு சுவையாக உள்ளது என்றார் 
காந்தியடிகளுக்கு மற்றொரு இளநீர் தந்தனர் !

காந்தியடிகள் வாங்க மறுத்து விட்டார் 
காரணம் என்ன ? என்று கேட்டார்  தந்தவர் !

மற்றுவருக்கான இளநீரை நான் குடிப்பது 
முறையன்று நியாயம் அன்று என்றார் !

இயற்கையின் வளத்தை ஒருவரே 
இனிதே அனுபவிப்பது தவறு என்றார் !

வள்ளுவர் வழியில் பகிர்ந்துண்டு வாழ
வழி சொன்னவர் நமது அண்ணல் !

ஒருவருக்கு ஒரு கோப்பை என்று முறையாக 
ஒவ்வருவருக்கும் வழங்கிடும் வேளையில் !

ஒருவர் மற்றும் இரண்டாவது கோப்பை 
ஒருபோதும் கேட்கக் கூடாது உணர்க !

நாகரிகம் அருந்துவதிலும் வேண்டும் 
நாகரிகமன்று இரண்டாவது கோப்பை !

ஆர்வமாய்  கேட்கும் இரண்டாவது கோப்பை 
அடுத்தவருக்கானது என்பதை அறிந்திடுக !

யாரும் காணவில்லை என  இரண்டாவது கோப்பை 
யாசிப்பதை உங்கள் மனசாட்சி தடுக்க வேண்டும் !

ஒரு கோப்பை போதும் என்று திருப்தி கொள்க
ஒவ்வருவருக்கும் வேண்டும் நினைவில் கொள்க !

- கவிஞர் இரா .இரவி

**
தேனீர் - முதல் கோப்பைக்கே வழியில்லாதபோது
இரண்டாவது கோப்பைக்கு ஏங்க முடியுமா - ஏழை

மது - முதல் கோப்பைக்கே உடல் நலத்திற்கு கேடு விளையும்போது
இரண்டாவது கோப்பைக்கு ஏங்கும் - மதுப்பிரியர்

விஷம் - முதல் கோப்பையே உயிரை கொல்லும்போது
இரண்டாவது கோப்பைக்கு ஏங்கமுடியமா - தற்கொலையாளி

அமிர்த்தம் - முதல் கோப்பை கிடைத்தபோது
இரண்டாவது கோப்பைக்கும் ஏங்கும் - பேராசைக்காரர்

மருந்து - முதல் கோப்பையிலேயே முகத்தை சுழித்தபோது
இரண்டாவது கோப்பைக்கு மறுக்கும் - நோயாளி

பால்  - முதல் கோப்பையிலேயே வயிறு நிறம்பும் போது
இரண்டாவது கோப்பைக்கு போக்கு காட்டும் - குழந்தை

தண்ணீர் - முதல் கோப்பை கிடைத்தபோது
இரண்டாவது கோப்பை மட்டுமல்லாது 
பல கோப்பைகளை சேகரித்து வைக்கும் - பொதுஜனம்

மழை நீர் - உயிர்நீர், தண்ணீர் - உயிர்நீர்
குடிநீர் - உயிர்நீர் - உயர்நீர்

மழைநீர் - முதல் கோப்பையிலிருந்து அனைத்தையும் சேகரிப்பும்
உலகை காப்போம், வனத்தை காப்போம், சுற்றுச்சூழலை காப்போம்

- ஆம்பூர் எம். அருண்குமார்.

**
பச்சை வண்ண நிறம் படந்திருந்த
ஒரு தேநீா் கடையினுள்
உன் வருகை நோக்கி காத்திருக்கின்றேன் 
இரு கோப்பை தேநீருடன்...

குளத்துநீாில் கை கால் நனைத்து அலம்பும் குழந்தையின் மனதாய் நான் குதுகலிக்கிறேன்  
இரண்டாவது கோப்பையில் தேநீா் அருந்துகையிலே

மனிதர்கள் வழிபடும் பஞ்சபூதங்களும் அடங்கும்
என் இரண்டாவது கோப்பை தேனீரில்

குழந்தைகள் தேநீா் அருந்துகையிலே பொம்மைகளுக்கும்
இரண்டாவது கோப்பையில் தேநீா் ஊற்றியது

தேயிலையைப் பறித்து பறித்து கைசிவந்த தேயிலை விவசாயின் துயரம் தாெியுமா இரண்டு கோப்பை தேநீாில்...?

குரு சுரேஷ்.ப, குரோம்பேட்டை

**
முள் முளைத்த மூளைகளுக்கு நடுவே 
மூலதனம் முளைத்த மூளைக்கு 
சொந்தக்காரரான 
காரல்மார்க்ஸோடு
தேனீர் அருந்த 
இரண்டாவது கோப்பையோடு 
காத்திருக்கிறேன்.

வாழ்கையின் எல்லாத் திசையிலிருந்தும்
துன்பக் காற்று
துரத்தி அடித்தாலும் 
அடிபெயரா இமயமாக இருந்து 
கம்யுனிச சித்தாந்தம் வடித்த 
மன வலிமையோடு உரையாட
இரண்டாவது கோப்பையோடு 
காத்திருக்கிறேன்.

பள்ளியில் பரீட்சைத் தாளே
அறிஞர்கள் வியக்கும் 
ஆய்வுக் கட்டுரையான 
அதிசயத்தைப் பற்றி பேச
இரண்டாவது கோப்பையோடு 
காத்திருக்கிறேன்.

உலகின் மிகப் பெரிய நூலகத்தை
அதிக நேரம் பயன்படுத்தி
சேமிக்கப்பட்ட உழைப்பே மூலதனம்
என்ற மாமனிதரோடு உரையாட 
இரண்டாவது கோப்பையோடு 
காத்திருக்கிறேன்.

பணக்காரப் பெண்ணை  
ஏழை கதாநாயகன் 
காதலித்து கரம் பிடிக்கும் 
பெரும்பாலான தமிழ் சினிமாவிற்கு
கதை தந்த வாழ்க்கைக்கு 
சொந்தக்காரரோடு உரையாட 
இரண்டாவது கோப்பையோடு
காத்திருக்கிறேன்.

பொருளாதாரப் பிரச்சினையோடு போராடினாலும்
சம்சாரத் தோடு அன்பாய் வாழ்ந்த 
ரகசியத்தைப் பற்றி தெரிந்துகொள்ள
இரண்டாவது கோப்பையோடு
காத்திருக்கிறேன்.

ஏக்கத்தோடு காத்திருக்கிறேன்
ஏங்கல்ஸ் பற்றி அறிந்து கொள்ளவும்
நீ எழுதிய போது புகைத்த 
சுருட்டைகூட சம்பாதிக்காத எழுத்தையும் 
தொடர்ந்து எழுதிய 
நம்பிக்கை மனிதரோடு உரையாட
இரண்டாவது கோப்பையோடு
காத்திருக்கிறேன்.
-கு.முருகேசன்

**
தேனீர் கோப்பைகள் இரண்டு எப்போதும் பயன்படுத்தப்படாமல் காட்சி அலமாரியில் இருக்கும்,
முதல் கோப்பையில் நாங்கள், இரண்டில் எங்களுடன் மகன்களும்,
உருவப் படங்கள் பொறிக்கப்பட்டு,
அன்பாக ஆதரவாக மிகவும் கவனிப்பவர்களாக தெரிந்தார்கள் - மகன்கள்,
இரண்டாவது கோப்பையில்,
உண்மையில் டாலர் விழுங்கி
பல்லாண்டுகளாகின,
பெரியவன் போன் செய்து பல மாதமாக, சின்னவனோ- ஹாய், டேக்கேர் என்று வாட்ஸா ப்பில் வசனிக்கிறான்,
இரண்டாவது கோப்பையில் மகன்கள் இப்போதும் முறுவலிக்கிறார் கள் அன்பாக, ஆதரவாக, 
நிஜத்தில் காணாமல் போயிருந்தார்கள்
டாலர் தேசத்தின் வரைபடத்திற்குள்

கவிதா வாணி, மைசூர்

**

ஒரு கோப்பை காப்பியில்
ஒன்றானோம் வாழ்வில்..!
நன்றாகத்தான் 
சென்றாலும்..
நமக்குள் ஏதோ ஒன்று 
நம்மை நம்மிடமிருந்து
வேறுபடுத்திக் காட்ட..
மாறுபாடோடு மறுகிக் கிடப்பதுவும் ஏன்?
காலயந்திரம் ஒன்றும் வரப்போவதில்லை
கடந்த காலத்திற்கு கொண்டு போக!
காதலித்த காலத்தை 
கொணர்வோம் மீண்டும்..!
உணர்வோம் ..
நமக்கு நாமேயென்று..!
இதழ் சிரிப்புடன்
இதயம் நீ 
என்னோடு வருவாயோ?
இரண்டாவது கோப்பைக்கு..!

கவுதம் கருணாநிதி, திருச்சூர், கேரளா

**
ஓட்டப் பந்தய வரலாற்றில்
வெற்றி பெற்ற இரண்டாவது கோப்பை
உச்சி முகர ஆளின்றி 
வருத்தத்தில் தலை சாய்த்து
கண்ணுறங்க  ஓசோனின்
ஓட்டைப் படல பரிதியின்
உபயத்தால் வறண்டு 
சுருங்கிய முதியோராய் 
காத்திருக்கும் நிலமகளின்
முத்து வயிற்றில் அமிர்தமாய்
மழை இறங்க பசுமை காண
வழி  தேடி
வெற்றி பெற்ற இரண்டாவது கோப்பை
வட்டிக்கடை அலமாரியில்
பித்தளை வாளியுடன்
 விவசாயி இரண்டாவது கோப்பை
கூழ் குடிக்க என்ன வழி
என விசாரித்துக் கொண்டிருக்கிறது!
என்று மாறும் விவசாயியின்
எல்லையில்லா பசுமை புரட்சி
என விசனத்துடன்
காத்திருக்கிறது!
-சீனி 
**
படிக்கும் காலை நேரங்களில்
கடுங் காப்பியே முதல் கோப்பை
அப்பா தருவது.. சூடும் அதிகம்..
பால்கலந்த இரண்டாவது கோப்பை.
அம்மா தருவது.. சுவையும் அதிகம்..
முதல் கோப்பை 
வாழ்வினைப் பேசியதும்
இரண்டாவது கோப்பை 
அன்பினைச் சொன்னதும்
வளர்ந்தே புரிந்தது..

நண்பர்களுடன் 
தேநீர்க் கோப்பைகள்
கோப்பைகள் கணக்கில்லை
அவ்வளவு தளங்கள் 
கனவுகள் பேசக் 
காத்திருந்த அனுபவங்கள்
மகிழ்ந்திருந்த‌ தேநீர்நிமிடங்கள்.

உன்னுடன் அந்த மழைநாள்.. 
பேசாதிருந்த‌ ஒருகோப்பைத் தேநீர்..
இரண்டாவது கோப்பைக்குக் காத்திருக்காமல்
நம்மை நகர்த்திப் பிரித்து
நகரத்தொடங்கிய மணித்துளிகள்
இன்றும் வலித்துச் சுமக்கும்
தேநீர் நினைவுகள்.

மனைவியின் சொல் கடந்து
இப்பொழுதும்
கடுங்காப்பியோ தேநீரோ
பிள்ளைகளுக்கும் தந்துமகிழும் நிமிடங்கள்
கூடுதல்குறைகள் சுவைகளிலும் இல்லை
குழந்தையாய் வாழும் கணங்களில்..

இரண்டாவது கோப்பையில்
தேநீர் தொட்டுப்பேசும் 
உணர்வுகள் இவ்வளவும் 
இன்னும் ஆழப் பார்க்கிறேன்
நேசிக்கும் உங்களுக்கும் 
இமைகள் சிலிர்க்கலாம்...
மகிழ்ந்து மலர்க 
தேநீர் நிமிடங்களில்
அது உங்க‌ளுக்கானது..

ரமேஷ் கோபாலகிருஷ்ணன், அமெரிக்கா

**

இரண்டாவது கோப்பை , அது
இரண்டாம் வகை கோப்பை !
இருண்ட காலத்தின் குறிப்பை
இடைக்காலத் தப்பை!

சாதி ஒதுக்கிவைப்பை!
அப்பைங்க செய்த தப்பை,
மூர்க்கர்களின் மப்பை,
பசங்க தவிர்த்தோம் இப்பையே,

இப்பல்லாம் தெரிவதில்லை இரண்டாம் வகை கோப்பை
இருக்கலாம் சில குப்பையிலே
தேடி உடைக்கலாம் வா பயலே!

-இளம்பரிதி ஆழ்வார்சாமி

**

முண்டியடித்துப் பள்ளிப்
பருவத்தி் ஓடி
விழுந்து மீண்டெழுந்து
வலியை எண்ணாமல்
கோப்பை ஒளியை எண்ணி
வென்றது...

மீண்டும்
தினமணியால்,
மறந்த பக்கங்க ளெல்லாம்
தூசி தட்டி;
பரிமளகாந்தியாய்,
நினைவுத் தூண்டி
நெகிழ வைக்கிறது..

மீண்டும் ஓட்டம்,
இது
எழுத்து ஓட்டம்
ம்...ம்.... வேகமாக,
மிக வேகமாக
அடையாளக் கல்லையும்
தாண்டி இலக்கை மிஞ்சிய,
இதயங்களுடன்;
பயணித்துப் பெரும்
கவி என்னும் இரண்டாம்
கோப்பை இது.....

- ப.வீரக்குமார்

**

தடகளப்போட்டிகளில்
தடம் பதிக்க வேண்டும்,
உள்ளத்திற்குள் உயிருடன் ஒரு சூரியன் !!

இவன் வாயில் சென்ற
முட்டைகளின் வேகத்தில்
வான் கோழிகளுக்கே வியர்த்தன !!

உடற்பயிற்சியை
பாடமாகக்கொண்டவர் உண்டு—இவனோ
பார்வையாகக்கொண்டவன் !!

பயிற்சியாளன் ஒருவன் ,
இவன் ஆசைகளில் குளித்தான் –
இவன் ஆர்வத்தைக் குடித்தான்!!

நூறு மீட்டர் நீளம்
இவன் ராக்கெட் கால்களுக்கு
பத்தே நொடிகள் !!

வெற்றிக்களிப்பில்
இறைவனைக்கண்ட அடியவனாய்
கைக்குள் அடக்கிய முதல் கோப்பையுடன் !!

கொண்டாட நினைத்த
நண்பர் கூட்டம்  
இழுத்தது இவனை அந்தக்கடைக்கு!!


என் மெல்லிய சொற்களை
அவன் காதுகளுக்குள்
நடைப்பயிற்சி செய்ய விட்டேன்
வேண்டாமே உனக்கு இரண்டாம் கோப்பை

- கவிஞர் டாக்டர்.  எஸ். . பார்த்தசாரதி

**

வெறுமையாகிக் கொண்டிந்த
கோப்பையிலிருந்து
இடம்மாறிக் கொண்டிருந்தது
வேட்கை...

போதையின் விளிம்பில் ஆவியற்று
கோப்பை நுனி ததும்பாமல்
அலைமோதிக் கொண்டிருக்கிறது
மனம்

கொடூரமோ கருணையோ
பிம்பங்களாகி
பிதற்றிக் கொண்டிருந்தன
சுய ரூபங்களில்
நிஜம்

முதலும் இரண்டாவதுமான
முழுமையின் வாழ்தலிருந்து
குடும்பத்தை
கோப்பைகளால் நிராகரித்து
முன் நிற்கிறது 
அரசு 

சபலத்தில்
ஒற்றைக் கோப்பை
வெறுமையாகி விட்டப் பின்

புறத்தின் நிஜங்கள்
இருட்டின் நிழல்களை மிதிக்க
ஆக்ரோஷப்படும் போது தான்
குடியாட்சியின்  கொற்றம்
கொடூரமானதென்று புரியும்

புத்தியின் கூர்மையை 
மழுங்கடித்ததில்
கஜானாக்களில் நிரம்பி வழிகிறது
கோடிகளுடன்
மதுவின் துர்நாற்றமும் எரியும்
குடும்ப அவலங்களும்

மதுக்கடையும் சிம்மாசனமும்
மக்களை மயக்கும்
ஒப்பனைகளால் ஆன
கோப்பைகளின் வெளிச்ச பிம்பங்கள்...

தப்பிப் பிழைக்க 
திசைகளற்று திகைக்கிறது
வாழ்க்கை.....

- கவிஞர். கா.அமீர்ஜான்

**

வாழ்க்கை என்ற பந்தயத்தில்
வெற்றிஎனும் தங்கக்கோப்பை
பெற தோல்வி என்ற தடைகளைத் தாண்டுவோம்!
முயன்றால் முடியாதது இல்லை.என முனைவோம்!
முதலாவது என்றில்லாவிட்டலும்
இரண்டாவதாக 
நான் பரிசாகப்
பெற்ற அனைத்து
வெற்றிக் கோப்பைகளும்
வெறும் பொருட்கள் அல்ல
அடுக்கி வைத்து மட்டும்
அழகு பார்க்க .
அன்னையவள் அன்று 
காட்டிய அக்கறையும்
ஊட்டிய ஊக்கமுமே
நான் இன்று பெற்ற
முதலாவது மற்றும்
இரண்டாவது கோப்பைகளில்
நிரம்பியிருக்கின்றன என்பதே
நிதர்சனம்.

- ஜெயா வெங்கட்

**

ஆர்வமே செயலில் வெற்றி அது தீவிரமாகுக! 
மனதால், மூச்சால், செயலால் முடியுமெனக் கண்டேன்! 
உழைப்பால், உறுதியால் மனவோட்டத்தால் வென்றேன்! 
பலம் முயற்சி செய்வது! பலவீனம் அஞ்சாதது! 
எந்தப் போட்டியிலும் எத்தனை வீரர்கள் 
எதிரில் நின்றாலும் முதல் போட்டியைப் 
போன்றே களமாடிடுவேன்! வென்றிடுவேன்! 
அதே முயற்சி, அதே உற்சாகம் 
எனக்குள்ளே தான்! முதல்கோப்பை வெற்றியின் ருசி மாறவில்லை! 
நிசர்சனமாக இரண்டாவது கோப்பையையும் வென்றிடுவேன்! 

- A.k.சேகர்.ஆகாசம்பட்டு. 

]]>
Poem, கவிதை, kavithaimani, கவிதைமணி, kavidhai http://images.dinamani.com/uploads/user/imagelibrary/2018/11/11/w600X390/images_1.jpg http://www.dinamani.com/specials/kavithaimani/2018/nov/11/கடந்த-வாரத்-தலைப்பு-இரண்டாவது-கோப்பைவாசகர்களின்-கவிதைகள்-3036767.html
3036770 ஸ்பெஷல்ஸ் கவிதைமணி இந்த வாரத்திற்கான தலைப்பு: மெய் உறக்கம்! கவிதைமணி DIN Sunday, November 11, 2018 02:26 PM +0530 இரண்டாவது கோப்பை! என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு:  மெய் உறக்கம்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் டைப் செய்து அனுப்பவும்.

]]>
poem, kavidhai, poetry, email, இமெயில், கவிதை http://images.dinamani.com/uploads/user/imagelibrary/2018/11/11/w600X390/download.jpg http://www.dinamani.com/specials/kavithaimani/2018/nov/11/இந்த-வாரத்திற்கான-தலைப்பு-மெய்-உறக்கம்-3036770.html
3034947 ஸ்பெஷல்ஸ் கவிதைமணி கடந்த வாரத் தலைப்பு ‘நாட்குறிப்பு எழுதிய நாட்கள்’வாசகர்களின் கவிதைகள்  கவிதைமணி DIN Thursday, November 8, 2018 04:27 PM +0530  

நாட்குறிப்பு எழுதிய நாட்கள்

நாட்குறிப்பு எழுதிய நாட்கள் மிகவும் குறைவு 
நாட்களில் மகிழ்வானவற்றை குறித்து வைத்தேன் !

தினமும் எழுத வேண்டும் என்ற ஆவலில் 
தன்னம்பிக்கையுடன் தொடங்கினேன் !

சோம்பேறித்தனத்தில் எழுதவில்லை தினமும் 
சோம்பலே காரணமானது எழுதாதற்கு !

அடுத்த வருடம் முதல் தினமும் எழுதுவேன் 
அடுத்த அடுத்த சபதம் கடைபிடிக்கவில்லை !

ஒவ்வொரு வருடமும் எழுதாமல்  கழிந்தது 
ஒரு வருடமாவது தினமும் எழுதிட வேண்டும் !
 
நாட்குறிப்பு தினமும் எழுதுவது நல்லது 
நாடறிந்த அறிஞர்கள் பலர் தினமும் எழுதுவர் !

நினைவாற்றல் இல்லாதவர்களுக்கு என்றும் 
நினைவூட்ட துணை நிற்கும் நாட்குறிப்பு !

மறக்க கூடாதவற்றை நினைவூட்டும் 
மறதி நோய் தீர்க்கும் மருந்தாகும் !

கவிஞர் இரா .இரவி

*

கடந்து போனக் காலத்தின் சுவடுகள் 
காய்ந்து போகாமல் காத்து மீட்டு 
எதிர்காலம் ஏந்தும் எண்ணங்கள் அதனிலும்  
எழுத்துக்களின் பிம்பம் வழிந்திட வைத்திடும்! 

நீளும் கனவுகளும் நெஞ்சின் ஆசைகளும் 
ஆளும் மானிட வாழ்வின் சாட்சிகளாய்
நாளும் நகர்ந்து செல்லும் சணிகம்
நம்மை நமக்கே அறிமுகம் செய்திடும்!

நாளொரு மேனியும் பொழுதொரு வண்ணமாய் 
நடுநிசி வேளைவரை நடந்திடும் நிகழ்வுகள்
அழுதிடும் அவலமமும் ஆனந்த கிளர்ச்சியும் 
எழுதிட ஏதுவாய் எத்தனிக்கும் நாட்குறிப்பும்!

நாட்குறிப்பு எழுதிய நாட்கள் நம்முள் 
நனியாய் நினைவுச் சிறகுகளை விரித்திடத்  
தனிமை வாழ்வின் தவறும் சரியும்
தாளில் தானாய்க் கல்வெட்டுகளாய் வடியும்!    
      
- கவிஞர். மு. திருமாவளவன் 

*

நெஞ்சில் நேசம் மட்டும் சுமந்து
வஞ்சியையே எண்ணி வலம் வந்த நாட்கள்
கொஞ்சிப் பேசுவதை தூரத்தில் கண்டு
அஞ்சியபடி வீடு சென்ற நாட்கள்!
எங்கும் அவள் என்று
ஏங்கும் மனம் அமைதிப்படுத்தி
தூங்கா இரவுகளில் 
தாங்கா பாரத்தை
நாட்குறிப்பில் இறக்கிவைத்து
நறுமுகையை நினைத்தவாறே
மொட்டைமாடியில் 
மெதுவாகத் தவழும் மேகங்களின் ஊடே
தலைகாட்டும் நிலவு எழிலா
தலைவியின் முகம் எழிலாவெனப்
பட்டிமன்றம் மனதில் வைத்து
பாவையின் நினைவுகளுடன் உறங்கிய நாட்கள்!
நாட்கள் நகர்கின்றன இப்போதும்
நாட்குறிப்பேடு மட்டும் பரணில் ஏதோ மூலையில்!

கவுதம் கருணாநிதி, திருச்சூர், கேரளா

*

வாழ்க்கையை திரும்பி பார்க்க
ஒரு வாய்ப்பு

செய்த தவறுகளை திருத்திக் கொள்ள
ஒரு வாய்ப்பு

மறந்தவைகளை திரும்பிப் பார்க்க
ஒரு வாய்ப்பு அளிக்கின்றது - நாட்குறிப்பு 
எழுதிய நாட்கள்

ஆனால் நாட்குறிப்பை திருப்பி 
பார்க்க வாய்ப்பில்லை - இயந்திரத்தனமான 
இந்த வாழ்க்கையிலே

நாட்குறிப்பு எழுதிய நாட்களையே 
திரும்பிப் பார்க்க நமக்கு நேரமில்லை - ஆம்

திரும்பி பார்க்கும் தருணத்திலே
நம்மை கீழே தள்ளிவிட துடிக்கும் - இச்சமுதாயம்

அதனால் திரும்பிப் பார்க்காமல் - மேலே மேலே
செல்ல வேண்டுமென்று - தவறான பாதையில் 
செல்லத் துடிக்கின்றோம்

ஆசைகள் விடாது துரத்துகின்றன - ஆசையின் விளைவால்
இச்சமுதாயத்தில் மற்றவர்களால் துரத்தப்படுகின்றோம்

அதனால் நாட்குறிப்பு எழுதிய நாட்களை திரும்பிப் பார்ப்போம்
நாட்குறிப்புகளை திருப்பிப் பார்த்து நம் தவறுகளை திருத்திக் கொள்வோம்

நாம் மறந்தவைகளை நினைவு கொள்வோம் - இச்சமுதாயத்தில் ஏற்றமிகு 
நல்ல பாதையில் செல்ல நாட்குறிப்பு எழுதிய நாட்களை நினைத்துப் 
பார்ப்போம்.

ஆம்பூர் எம். அருண்குமார்.

*

நல்லவை செய்திட நாளெல்லாம் இனிக்கும் – அவை
நாட்குறிப்பில் பொன்னெழுத்தாய் ஜொலிக்கும்!
அல்லவை மனதில் கிடந்தால் அலைபாயும் – மனம்
அலைபாய்ந்திட நிம்மதியும் தொலைந்திடும்!
சொல்லினிமை செயலினிமை சேர்ந்திட – வாழ்வு
செழித்திட சுற்றங்கள் நம்மை வாழ்த்திடும்!
வெல்லம்போல் இனித்திட வேண்டுமெனின் – நாம்
வெள்ளைமனத்தோடு உலவிட வேண்டும்!
வல்லவனாய் வாழ்ந்தால் நாடே புகழும் – என்றும்
நல்லவனாய் வாழ்ந்தால் நாட்குறிப்பும் புகழும்!
இல்லாமை இருந்திட்ட போதிலும் வாழ்வில் – முகம்
இனிமையாய் இருந்திட வாழ்வாங்கு வாழ்வுதானே!

கவிஞர் கே. அசோகன்

*

ஆங்காங்கே எழுதியிருக்கிறேன்.
புகைப்படங்கள் அவ்வளவு 
இல்லாத நாட்கள்.
உள்ளங்கள் உணர்வுகள்
நினைவுகள் நின்றுபேசும் 
நிமிடங்கள் எல்லாம்
தாளுக்குள் அடங்கித் 
திமிறும் வார்த்தைகளாய்.

நான் தேடிப் படித்தது.
நண்பனின் கத்தரிப்பூவண்ணச்சட்டை.
புத்தாண்டில் எழுதிக்கொண்ட உறுதிகள்.
பயந்து படுத்திய பாடங்கள்.
விடுமுறையில் படித்த சிவகாமியின் சபதம்.
உதிரிப்பூக்கள் பார்த்து அழுதது.
சிவசங்கரியின் ஏரிக்கடியில் பூத்தமலர்கள்.
குறிஞ்சிமலர் பூரணியும் அரவிந்தனும்.
விடுதியில் தனித்திருந்த நாட்கள்.
உறங்க விடாத அழுத்தங்கள்.
வீடுபிரிந்து பயணித்த நெடியரயில் பயணம்.
மாமரத்தில் குருவிகள் கட்டியகூடு.
தூர்வாரிய கிணற்றில் தெரிந்த ஊற்றுக்கண்.
ஒரு பயணம் முழுதும் பேசிவந்த யுவதியவள்.
தங்கைக்கு நான்தந்த முதல்புடவை. 
பொதிகை மலையின் மழைப்பயணம்.

இதுவெல்லாம் உனக்கு முன் சில..

உன் அறிமுகத்தின் பிறகு
பக்கங்கள் நிரம்பிவழிந்து
பக்கத்துத் தேதிகளிலும்
கடன் வாங்கி இருக்கிறேன்.

உன்னுடன் பேசிய முதல் வாக்கியம்.
ஒரு மார்கழியில் நீ தினமும் சூடிவந்த‌ மலர்கள்.
உன்குறிப்பில் நான்சமைத்த திரட்டுப்பால்.
உன்னை நிரப்பும் பாடல்கள்.
நீ சொன்ன ரமணர் கதைகள்.
உலகம் தழுவிய உன் வாசிப்புக்கள்.
நான் வியந்த உன் ஆளுமைகள்.
நம் உயரங்கள் நமக்கு முரண்பட்டநாள்.
வெறுத்து விரும்பிய தனிமைப்பொழுதுகள்
என உனக்குப் பின்
உன்னைப் பற்றியே நீளும் ஒரு பெருந்தொடர்..

என 
அவ்வளவு குறிப்புக்கள்
இன்றும்
பிள்ளைகளுக்குக் கதைகள் சொல்ல‌
எங்கு எப்படி நின்று போனது 
தினமும் எழுதும் குறிப்புக்கள் ?
உள்ளுக்குள் ஊற்றெடுக்கும் ஈரங்கள்
பெருவெளிச்சங்களில் பேரிரைச்சல்களில்
உள்ளத்தில் ஊற்றாய்த் தங்குவதில்லை
மையூற்றி எழுதி முடிக்கும்முன்
வழிதவறி அழைத்துச்சென்று விடுகிறது
பெருவெளிச்சங்களும் பேரிரைச்சல்களும்..

ரமேஷ் கோபாலகிருஷ்ணன்

*

பரம்பரை பெண்ணாதிக்க மடமை
சமுதாயம் மாற
நாட்குறிப்பு எழுதிய நாட்கள்
எனது வாழ்க்கையில்
இயந்திர நரம்புகள் ஓட்டம்!
அதிலொரு துளியென
முகிலென வந்தது!
பாசத்தின் ஊற்றுக்கு
மலை அழகன் அருளால் வந்தவளே!
இல்ல விளக்கே!
புதுமைப்பெண் போல பிறக்க
சுடுசொல் கேட்க அவசியம் 
இல்லை பதுமையே!
பிறப்பின் மரபு 
வாய்ச்சொல் அம்புகள்!
இளமை பிடிவாதம் இன்றுவரை
தொடர யார் காரணம்
என்பதனை மறந்தனையோ!
வேற்றுச் செடியின் மணம்
 அடுத்த வீட்டின் ரசத்திற்கு ஆகுமோ!
விரலுக்கு தகுந்த வீக்கம் அடுத்த
வீட்டின் மனதிற்கு வேண்டாமோ!
அடுத்த வீட்டில் ஊன்றிய
கொத்துமல்லி தழை
 நாற்று  விட்ட வீட்டு ரசத்தின்
மணத்திற்கு ஆகுமோ! 
பெட்டி நிறைய கரிகோல் இருப்பினும்
துண்டு கரிகோல் மூலையில் தேடி
எழுதிய ஜீன் மாறுமோ!
தாய் அன்பில் கற்ற கல்வி
தந்தை அளித்த நற்பண்பு வாழ்க்கை
பண ஜோதி ஏற்றிடுமே!
அடுத்தவர் கையை எதிர்பார்க்கும் மடமை
பெண் பெருமை பேசாது!
கற்ற கல்வி முடமாகி  
பணி குடும்பச் சக்கரத்தில்
முடங்கியது ஏனோ!
வயிற்றின் பசி ஓலத்திற்கு
பண மந்திரம் அளிக்க
சுயமாய்  எழுத எனது
நாட்குறிப்பு ஏடு
காத்திருக்கிறது! 

சீனி

*
தந்தையின் கை பிடித்து நடை பயில கற்ற  நாளும்,
பள்ளியில் சாக்கு  பையில்  கால்  விட்டு கீழே விழாமல் ஓடி ஜெயித்த நாளும்,
அரும்பு  மீசையை  முறுக்கி  விட்ட  நாளும்,
என்  கனவில் முதல் முறை அவள் தோன்றிய நாளும்,
வேலைகிடைத்ததை  தந்தையிடம்  கூறியபோது  அவர்  கண்களில்  ஆனந்த  கண்ணீர்  பார்த்த நாளும்,
காலப்போக்கில்  மணம் முடித்து, பெயர்  சொல்லி  அழைப்பவரே இருக்க,  என்  மனைவி ,
முதல்  முறை  என்னை  ‘அத்தான் ’ என்று   உரிமைமிகுந்த  பரிவோடு  அழைத்த  நாளும்,
மனைவியின்  வயிற்றில்  கைவைத்து  என் வாரிசு உதைத்ததை  பெருமிதத்தோடு  அனுபவித்த  நாளும்,
அவள்  பிறந்த  செய்தி  கேட்டபோது  வாழ்க்கையின் புது  அர்த்தம்  உணர்ந்த    நாளும்,
நினைவலையாய் இதுவரை 
நாட்குறிப்பு  எழுதிய  நாட்கள்!

பிரியா ஸ்ரீதர்

*                     
நாட்குறிப்பு எழுதிய நாட்கள்
நாட்குறிப்பில் எழுதி வைத்து அழகு பார்க்க
நாயகியே  உன்னையவன்  நாடி  வந்த 
நாட்கள் பல என்பதனை என்னிடத்தில்
நயம்படவே எடுத்துரைத்த நாட்க ளுண்டு!

ஊர்ப்பேச்சை உதறிவிட்டு உறவுகள் தனையும்
உனக்காக   அவன்   உதறிப்   போட்டு விட்டு
கார்மேக இருள் தனையும் பொருட் படுத்தாது
கணமேனும்  உறங்காமல்  திரிந்த  துண்டு!

இணைந்திடுவீர் நீங்கள் என்றே நானுமெண்ணி
இவ்வுலகே  உங்களிருவர்  சொர்க்க  மென்று 
பனைநெடிய ஆசையினை மனத்துள் வைத்து
பாங்குடனே காத்திருந்தேன் வாழ்த்திப் பாட!

இறப்பினிலே  இணைந்ததாய்  சேதி   கேட்டு 
என்னுளமே  உடைந்  தாங்கே   சுக்கலாக 
பிறப்பிதுவே  முழுதுமாய்  வீணாய்ப்  போக 
பிதற்றுகிறேன்!கிறுக்குகிறேன்!நாட் குறிப்பில்!

சாதிக்கு  நாமிங்கு  பாடை  கட்டும்
சரியானநாள்  விரைவில் முகிழ்க்க வேண்டி
பாதிக்கு மேலான இளைஞர் கூட்டம்
பதிய வேண்டும் நாட்குறிப்பில் பவித்திரமாய்!

-ரெ.ஆத்மநாதன்

*

நம்  இறந்த காலத்தை
செம்மையாக  நினைவூட்டும் 
"நாட்குறிப்பு" இன்று 
தேய்பிறையாய் தேய்ந்துவிட்டது!
வீட்டில் நடந்த நிகழ்வுகளை 
ஏட்டில்  எழுதும் "நாட்குறிப்பு"
நம்மை  "மலரும் நினைவுகளில்"
மூழ்க செய்யும் அற்புத கண்டுபிடிப்பு.
அந்நாளில் பாட்டி தாத்தா  ஏன் 
அம்மா  அப்பா எழுதிய நாட்குறிப்புகளை
சும்மா  புரட்டினால் மனம்  மகிழும்!
"நாட்குறிப்பு" எழுதிய நாட்களாக 
காணாமல்  போனதே வருத்தம்!
பொறுமையாய்  எழுதிய  நாட்குறிப்பை 
பெருமையுடன்  புரட்டினால் 
அருமையான  நினைவுகள்  மனதில்  ஓடுமே!
எழுதிய  நாட்களான இறந்த  காலத்தை 
புழுதியில்  தேடினாலும்  மனம்  மகிழ
செய்யும் நிகழ்காலத்தை 
கண்முன்னே  கொண்டு  நிறுத்துமே!

உஷாமுத்துராமன்
*
 

கடந்த காலங்களைக் காட்டும்
காலக் கண்ணாடி என்பேன்
எத்தனை ஆண்டுகள் ஆனாலும்
எம்மை விட்டு விலகிடாத பந்தம்!

நான் முதலில் எழுதிட முனைகையில்
நான் சந்தித்த ஏளனங்கள் எத்தனை?
நாட்குறிப்பு எழுதும் பழக்கம்
நாளைக்கு நன்மை தரவேதராது என
நண்பனும் வாதிட்டானே!

ஆனந்தரங்கர் நாட்குறிப்பு
அக்கால வரலாறு வழங்கும்
அற்புதம் அறியாதவர்களிடம் நான்
மாட்டிக்கொண்டு விழித்ததை
மறக்க முடிவதில்லையே!


விடுதிக்காப்பாளர் அறியாவண்ணம்
விரும்பி வாத்தியார் படம் பார்க்க
நாட்கள் பலகடந்தும்கூட நான்
நயமாக மாட்டிக்கொள்ள
நாட்குறிப்பு காரணமாகி நகைத்ததே!

உள்ளத்தின் உண்மைகளை
உறுதிப்பத்திரமாக்கி
உவகை தந்த அற்புதமும்
நான் முன்னாட்களில்
நாட்குறிப்பு எழுதிய நாட்களே!

புலவர் களந்தை நரசிம்ம சுப்பிரமணியன் சிறுமுகை

*
பள்ளிப் பருவத்தில் 
பால்ய சிந்தனையில் 
நாட்குறிப்பில் 
"நாளை என்ன வீட்டுப்பாடம் " 
"நண்பனின் பிறந்தநாள் தேதி " 
"பண்டிகை நாட்களின் தேதிகளை வட்டமிட்டது " 
"கற்பனை முகங்களை ஓவியம் தீட்டியது " 
என என் நினைவலைகளில் நீந்திச் செல்கிறது .......... 

பள்ளிப் பருவம் 
எனக்கும் என் பேனாவுக்கும் 
பக்குவமில்லாத பழைய காலம் ... 

சற்று மீசை வளர்ந்து 
ஆசை அரும்புகையில் 
கல்லூரி நாட்களில் 
நாட்குறிப்பு எல்லாமே 
கவிதைகளை பிரசவிக்க 
என் பேனாவுடன் போராடிக் கொண்டிருந்தது .. 
கவி துவங்கும் எல்லோருக்கும் 
காதல் கவிதைகளே முதல் பிள்ளையாய் பிறப்பெடுக்கும் .. 
நான் மட்டும் என்ன விதிவிலக்கா ..? 
பெயரிடப்படாத காதலியின் 
கற்பனை பெயர்களையே 
அகராதியாக தொகுத்து 
தனிப்பக்கம் போட்டிருந்தேன் 
என் நாட்குறிப்பில் .... 
கனவு தேவதையின் 
ஓவியம் ஏந்தியே 
பல பக்கங்கள் நிரம்பியிருந்தது ... 
போலிச் சாமியாரின் போதனைகள் போல 
சமூக சிந்தனை அவ்வப்போது 
என் கிறுக்கலில் சிதறியிருந்தது ... 

இளமைப் பருவம் 
எனக்கும் என் பேனாவுக்கும் 
தவழ்ந்த பிள்ளை எழுந்து நடக்கும் காலம் ... 

தூசு தட்டும் போது கிடைத்த 
என் பழைய நாட்குறிப்பு 
என்னை எனக்கே அடையாளம் காட்டியது ... 
அது நானா ? 
இது நானா ? 
எது நான்? என்று 
என்னையே கேள்வியும் கேட்டது ... 

பல அழகிய நினைவுகளை 
மயிலிறகாகவும் 
சில கொடிய வலிகளை 
பசுமரத்தாணியாகவும் 
சராசரி கலவையில் சேர்த்து 
கட்டிய கட்டிடமாக தனித்தே நிற்கிறது ... 

நாட்குறிப்பு எழுதிய நாட்கள் 
காலம் கடந்தும் 
மனக்கூட்டின் ஓரத்தில் 
வாடகையின்றி குடியிருக்கிறது...
குணா
*
நாட்குறிப்பு எழுதிய நாட்களில் வாழ்க்கை
 நிம்மதியாயிருந்தது உண்மையாய் சிறந்தது
 உண்மைகள் சில சமயம் ஊறுகள் விளைத்தன
நாட்குறிப்பு எழுதி வந்தவரெல்லாம் உண்மை மறந்தனர்
 நாட்குறிப்பில் பொய்மையே இடம் பெறலாயின
நாளாக நாளாக ஏன் இந்த பொய்க்குறிப்பு என
 நானிலமெங்கும் கேள்விக் குறியானது  
வாளாக குறிப்பின் அடக்கங்கள் மாறி நம்மை வதைத்தன
வாழ்க்கை கேள்விக்குறியானது, முடிகவுக்கு வந்தது
நாட்குறிப்பு எழுதும் நற்பழக்கம் நாளடைவில் நின்றுபோனது
உண்மை சில சமயம் மறைக்கப்படுவதால்
வேண்டாத  சம்பவங்கள் நடை பெறாவண்ணம் தடுக்கபட்டன!
நாட்குறிப்பு எழுதுவது நல்ல பழக்கம்தான் என் செய்ய
நலம் பயக்காவிடில் தவிர்ப்பததுதான் சாலச்சிறந்தது!

கவிஞர்அரங்க. கோவிந்தராஜன்
*
ஒவ்வொரு விடியலும்
ஒவ்வொரு விதம் என
ஒவ்வொரு நாளும்
எழுதி முடித்த
எனது நாட்க்குறிப்பு புத்தகம்
நான் கடந்து வந்த
நாட்களைக் கண் முன்னே 
காட்டிடும்  கண்ணாடிஎன்றால்
மிகையில்லை !

எனது எண்ணம்
எனது செயல்
எனது கனவு
எனது கற்பனை
அனைத்தையும்
அன்றாட நிகழ்வுகளுடன்
கலந்து சிறு சிறு
கவிதைகளாகவே வடித்த
மறக்கமுடியாத நாட்கள் அவை !மகிழ்ந்த தருணங்களும்
மனம் கசந்த தினங்களும்
அவற்றுள் அடக்கம் .
அன்று நாட்குறிப்பு ஏட்டினிலே
சொல்லப்பட்ட வார்த்தைகளும்
சொல்லப்படாத வார்த்தைகளும்
காலம் பல கடந்தும்
பருவம் பல கடந்தும்
மலரும் நினைவுகளாக
மனதில் பூத்து நிற்கின்றன
மீண்டும் எடுத்துப் புரட்டிப்
படிக்கையில் !

ஜெயா வெங்கட்
*

உண்ணுவது உறங்குவது என்று தொடங்கி
எண்ணுவது ஆசைகள் என்று நடைபயின்று
கண்ணுறங்கும் வரை நடந்ததனைத்தும்
மண்ணுலகில் ஆசையோடு எழுதிய நாட்கள்

குடும்பக் கணக்குகளின் புத்தகமாய் மாறி
அடுக்கடுக்கான செலவுகளின் பட்டியலாய்
படுக்கப் போகும்வரை மறக்காமல் நினைத்து
மிடுக்காக நாட்குறிப்பு நாளும் எழுதினேனே

காதல் கணைகள் பாய்ந்த அந்தக் காலத்தில்
மோதல் ஏதுமின்றி நடந்ததனைத்தும் எழுத்தாய்
நாத வேள்வியாய் நாட்குறிப்பாக ஏட்டில் ஏறியது
வேதமாய் அதை எப்போதும் படிப்பதென்றானது

வளர்ந்த நட்புகளில் நண்பர்களாய்க் கிடைத்த
கிளர்ந்த நட்பின் மேன்மைகள் எழுத்தாகியது
தளர்ந்த நாட்களிலும் நாட்குறிப்பு நிற்காது
இளமை குலுங்கிய  நினைவுப் பெட்டகமானது

அலைபேசி நிலைபேசியாகி வலையாகியது
இலையசைவுகூட இணையத்தில் வருகிறது
மலையாக நாட்குறிப்பு காலச் செலவானது
விலையாக நினைவுகளின் ஓடமானது அது.

கவிஞர்  ராம்க்ருஷ்
*
நாட்குறிப்பு  நான்  எழுதியதில்லை ஒரு நாளும் !
பின் குறிப்பு மட்டும் இருக்கும் அவசியம் என் 
கடிதத்தில் ! அது ஏன் என்று இன்று வரை 
தெரியவில்லை  எனக்கு ! ...ஆனால் 
நாட்காட்டி தாள் தினம் தினம் காலையில் நான் 
கிழிக்கும் நேரம் விழித்துக் கொள்கிறேன் ,நான் 
கிழிந்த தாள் சொல்லும் குறிப்பு புரிந்து கொண்டு !
ஆம் ... புது விடியல் தினமும்  நான் காண 
துணை நிற்கும் அந்த ஆண்டவனுக்கு நான் 
சொல்ல வேண்டும் நன்றி ஒரு ஆயிரம் !
நாட்காட்டியில் நான் கிழித்தது ஒரு தாளை 
மட்டும் அல்ல ... என் வாழ்வில் முடிந்து போன 
ஒரு நாளையும் சேர்த்துதான் !
நாட்குறிப்பு நான் எழுதா விட்டாலும் என் நாட்காட்டி 
சுட்டிக் காட்டுதே என் வாழ்வின் அர்த்தம் என்ன 
என்று தினம் தினம் ! 
என் நாட்காட்டிதான் ஒரு வேளை நான் 
எழுதாத என் நாட்குறிப்போ !

K .நடராஜன் 
*
நாட்கள் உதிரும்போது 
நினைவுகள் நிற்க 
நாளும் குறிப்பு 
நாம் எழுத வேண்டும்!
 
நாட்குறிப்பு 
மீண்டும் புரட்டிப் பார்க்கும்போது
இனம் புரியா இன்பம் 
ஓர் இனிய அனுபவம்!

நாட்குறிப்பில் எழுதும் 
எழுத்துக்கள் எல்லாம்
எழுத்துக்கள் அல்ல  
எண்ணங்களின் குவியல் 
சில எண்ணங்கள் 
அனுபவப் பாதைகள் 
அவைகள் உதயமானதோ
துடிக்கும் நம் உள்ளத்திலே!

பலவித வண்ணங்களில்
பல்வேறு வடிவங்களில் 
எழுதலாம் 
வண்ணங்கள் மாறலாம்
வடிவங்கள் மாறலாம் 
அன்று உதயமான
எண்ணங்கள்  
மாறுவதில்லையே ! 
 
பொன்விலங்கு பூ.சுப்ரமணியன்

*
இது லாப நஷ்ட நோக்க குறிப்பன்று
என் எதிரியை எதிர்க்க இயலாதது
என் சாந்த குணமா கோழை தனமா
சொல்லத் தெரியவில்லை ஆனாலும் 

எதிரியை வெட்டி பொட்டு வைத்தால்
ஒழிய கோபம் தீராது மனது ஆறாது
என்றே நாட்குறிப்பு எழுதிய நாட்கள் 
நினைவில் நிழலாடும் பொழுதில் 

தேவா இதற்கொரு விமோசனம் பகறு
எம்மால் முடியாதது உம்மால் முடியும் 
இறுதியில் இறைவனை சரணடைந்திட 
காலையில் காலில் விழுந்தான் எதிரி

நெஞ்சிக்குள் மண்டி கிடந்திட்ட தீரா 
கோபம் என்கின்ற பாரம் லேசாகிற்று 
கொலைகாரன் நாமம் விலக்கிற்று 
சிறைவாசல் படியேறும் படியில்லை

ஆபிரகாம் வேளாங்கண்ணி
*
எண்ணங்களுக்கு
வண்ணம் தந்து
பள்ளி க்கட்டணம் முதல்
பால் கணக்கு  வரை
மணக்கும் சமையல் முதல்
மாதபட்ஜெட் வரை
உறவுகள் வருகை
உல்லாசப்பயணம் என்று
அன்றாட நிகழ்வுகள்
அனைத்தையும்
நாட்குறிப்பு புத்தகத்தில்
நாள் தவறாமல்
எழுதி வைத்து 
திரும்பவும் வாசித்தோம் அன்று .!

மூச்சுவிட நேரமின்றி
முகம் அறிந்த
முகம் அறியாத
நபர்களின்
நண்பர்களின்
முடிவில்லா வலைப்பதிவுகளில் 
மூழ்கிக் 
கண்ணில் கண்டதைக்
கருத்தில் பட்டதைக்
கைபேசியில்
குறுஞ்செய்தியாக 
அனுப்பிக் கொண்டிருக்கும்
அவசர நிலை 
இன்று !

முன்னதில் 
இதயம் பேசியது !
பின்னதில்
இணையம் பேசுகிறது !

கே. ருக்மணி
*
வரவை எழுதி வைத்த
மாதத்தின் முதல் தேதி – அதில்
பாதியை சேமிக்கும் உறுதி,
வானவில்லாய் மறைந்தது இருபதே நாட்களில் –
இருப்பில் இல்லையே எதுவுமே–
இதயத்தில் அரிக்கத்தொடங்கியது ,
இதமான சொற்களால் அடக்கி வைத்தேன் !!
 
ஒன்று விட்ட தங்கைக்கு
ஒன்று புதிதாய் பிறந்தது –
மனதில் மகிழ்ச்சி மழை !
சொட்டும் நீரை ஆனந்தப்பேனாவில்
அடக்கி டைரியில் பதித்தேனே !!
 
சின்ன தந்தை இறந்தார்-
தொண்டையால் மட்டும் அழுபவரை
படம் பிடித்தேனே வரிகளால் !!
 
முறுக்கு டப்பாவை முந்தானையில் மறைத்து
வெளியேறும் வேலைக்காரிக்கு
சிசிடிவிக்கள் தேவையோ ?

நாட்குறிப்பின் பக்கங்கள்
நாளும் ஒரு திரைப்படம் !
 
இன்று அந்த நாட்களை
சந்தமாய் மாற்ற ஒரு முயற்சி ,
ஆனால் அன்றோ
எண்ணங்களுக்கு சுவைத்தேனை க்கூட்டி
எழுத்தாக்கி வடித்த
எல்லோருமே கவிஞர்கள்

கவிஞர் டாக்டர் எஸ். பார்த்தசாரதி

*
புத்தாண்டு வாழ்த்துகள்!
புத்தேடு (டைரி ) புதுவரவு !
முத்தானச் செய்திகள் !
முன்பதிய மனவிரைவு ! 
உண்டது எழுதினால்
ஹோட்டல்  கணக்காகும் ! 
உறங்கியது எழுதினால் 
ஓய்வுக் கணக்காகும் ! 
கண் கண்டதை
 மனம் கொண்டதை எழுதுகிறேன் ! 
காலைப் பொழுதில்  கதிரவன் எழுத பகலாயிற்று ! 
மாலலைப் பொழுதில்  மதியவள் 
எழுத இரவாயிற்று ! - உழவர் 
ஏர் எழுத காடு நிலம் கழனியாயிற்று ! - கவிஞர் 
சீர் எழுத காகிதம் 
கவிதையாயிற்று! - பள்ளிச் 
சாலை போகும் பிள்ளைகள் எழுதியது  பாடமாயிற்று ! மருத்துவ
சாலை போகும் மருத்துவர்கள் 
எழுதியது மருந்தாயிற்று ! 
என்னைப் படைத்த இறைவன் 
எழுதிய நாட்குறிப்பு என் 
வாழ்க்கை அநுபவமாயிற்று !
கவிஞர் எஸ் வி ஆர் மூர்த்தி பெங்களூர்
*
அந்நாட்களில் எனது தந்தையும் தாயும் -
எழுதிய நாட்குறிப்பு நாட்களைப் படித்தபோது
எனக்கு வாழ்க்கையின் அர்த்தம் புரிந்தது -
அவர்கள் எங்களுக்காக பட்டத் துயரினை
அன்று முழுவதுமாய் புரிந்துக் கொண்டேன்
பாா்த்து பாா்த்து எங்களை வளர்த்தாா்கள் -
பாா்த்து பாா்த்து செலவிடவும் கற்றுக்கொடுத்தாா்கள்
பல மாதங்கள் செலவுக்கணக்கு அதிகமானதை
படம்பிடித்துக் காட்டின அன்றைய நாட்குறிப்புகள்
இருப்பினும் குடும்பச்செலவை சமாளிப்பதற்கு அப்பா
இரவு பணியையும்  சோ்ந்தே செய்திடுவாா்...
இன்று என்பெயருக்குப்பின் இருக்கும் பட்டங்கள்யாவும்
என் தாய்தந்தை பட்ட கஷ்டங்களாகும்...
சில நேரங்களில் உறவும் நட்புமே
எனது தாய்தந்தையைக் காயப்படுத்தி இருந்தன - 
அந்நாட்களில் எழுந்த சண்டைச் சச்சரவுகளும்
அதன்பின் நடந்த சமாதான முயற்சிகளையும்
படம்பிடித்துக் காட்டியது அன்றைய நாட்குறிப்புகள் -
நாட்குறிப்பு, நாட்களை மட்டுமல்ல - பல
மனித உறவுகளையும்  குறிப்பெடுத்து வைத்திருந்தது
நிஜமெது? நிழல் எது? என்று...
ஏமாற்றங்களையும், ஏற்ற இறக்கங்களையும் - வாழ்க்கையில்
எதிர்கொள்ளத்தான் வேண்டும் என்பதைக் காட்டியது;
இடையிடையே சமுதாயப் பிரச்சனைகளும் எழுதப்பட்டதை
புரட்டிப் பாா்த்தேன்- சற்று தூக்கிவாறிப்போட்டது
மாறவேயில்லை... - அன்றைய நாட்குறிப்பு நாளிலும்
தமிழக எல்லையில் மீனவா்கள் தண்டிக்கப்படுவதையும் - 
காஷ்மீரில் எல்லையில் அப்பாவிகள் தண்டிக்கப்படுவதையும்;
இப்படித்தான் தொடர்கிறது பல பிரச்சனைகளும்.......!
இன்றளவும் எழுதுகிறாா்கள் நாட்குறிப்பை தாய்தந்தை -
அவைகள் இரகசியங்களாகப் பதுக்கிவைக்க கூடியவையல்ல...
வாழ்வியலைக்  கற்றுத்தரும் அனுபவ இலக்கியங்களாக....
எங்களோடு இருந்து எங்களை வாழவைக்கும்.....

கவிஞர்.  இரா. விநாயகமூர்த்தி

*
நாட்குறிப்பு எழுதியநல் நாட்கள் எங்கே
……….நல்லதையே நினைவாக நவின்ற தெங்கே.!
பாட்டாக எழுதுவோர்கள் பலரும் இங்கே
……….படிப்பதற்கு எழுதாமல் பிதற்று கின்றார்..!
கூட்டாகச் சொற்களையே குவிய வைத்து
……….கவிதைமழை எனவிளம்பும் கவியும் உண்டு..!
கோட்பாடும் குறிக்கோளும் காணும் போது
……….காணாமல் போனதுவாம் கவிதைச் சொல்லே.!
 
கேள்விகளைக் கோபுரமாய்க் குவித்த டுக்கி
……….கவிதையதன் சொல்லழகில் கருத்தி லாது.!
வேள்விகளாய்ச் சொற்றொடரே விழும் வந்து
……….வியக்கவுமே  வைக்காது விஷயம் இல்லை.!
வாள்வீச்சு போன்றதொரு வேகச் சொல்லும்
……….வகையான உதாரணமும் வழிய வில்லை.!
மீள்பதிவு செய்யாமல் மனதில் வைத்து
……….மீண்டுமது தொடராமல் முயற்சி செய்வீர்.!

 குறிப்பெழுத உட்கார்ந்துக் குவிந்த நாட்கள்
……….கணக்கிலுமே அடங்காது கவியின் நெஞ்சில்.!
வெறித்தனமாய் எழுதியநல் விஷய முண்டு
……….விமரிசித்தார் படிக்காமல் விளையாட் டாக.!
தறியினிலே தரம்பார்த்துச் சேர்த்த நூல்போல்
……….தீந்தமிழால் பாட்டிசைக்கத் தமிழை நெய்தேன்.!
அறிவுவளர்ச் சிந்தனைகள் அமைந்த தங்கே
……….அனைவருமே ஏற்றாரா.?அஃதோர் கேள்வி..?

கவிஞர் பெருவை பார்த்தசாரதி
*
நாட்களை விடியல் எழுதியது - எனது
……..நாட்குறிப்பை விரல்கள் எழுதியது..
நாட்களும் நிமிடங்களாய் நகர்ந்தது - வாழும்
……..நாட்களும் நினைவுகளாய் நிறைந்தது..
நிகழ்வதை எல்லாம் நாளும்படி - எல்லாம்
……..நடக்கும் நாளை நல்லபடி..
நகரும் காலத்தை கையில்பிடி - இதுவே
……..நாட்கள் சொல்லும் அனுபவப்படி..
எழுதியவார்த்தைகள் நம்மோடு பேசும் - நம்
……..எண்ணங்களின் மணமாய் வீசும்..
பொழுதுகள் தந்த பரிசாம் - நம்
……..பயணம் சொல்லும் கொட்டுமுரசாம்..
அனுபவங்கள் தரலாம் கண்ணீர்த்துளிகள் - முள்ளின்றி
……..அமைந்து விடாது புல்வெளிகள்..
அன்றாடம் கரைவதுதான் மணித்துளிகள் - வாழ்வை 
……..அறுவடை செய்யும் நெல்மணிகள்..
நாட்குறிப்பு நம்வாழ்வின் காவியம் - நம்
……..நினைவுகளின் அழியா ஓவியம்..
நாட்குறிப்பு என்பது ஓர்இலக்கியம் - அதில்
……..நாமும் எழுதலாம் அத்தியாயம்..
- கவிஞர் நா. நடராசு

*
கைகளால் புரட்டுகிறேன்
கண்களால் வருடுகிறேன்
நடந்தகதை சொல்கிறது
நாட்குறிப்பு

பக்கம் பார்த்துப் பேசு என்றனர்
பக்கமோ அடுத்த பக்கத்தோடு பேசுவதில்லை
ரகசியங்கள் கசிவதில்லை
ரசனைகள் கரைவதில்லை

இரவின் தனிமையில்
என்னுடன் பேசுவது வழக்கம்
இந்த நாட்குறிப்புக்கு!
இன்னமும்தான்...

எழுதுகோல் சிந்தும் மையில் 
எழுந்தது எப்படி
இருவருக்கு மட்டுமான
இன்னொரு தேவ உலகம்

புரட்டப் புரட்ட 
விரல்களிலும் தொத்திக் கொள்கிறது
காதலின் தித்திப்பு.

இந்த நாட்குறிப்புக்குப் பெருமிதம்
என்னை அதுதான்
கவிஞன் ஆக்கியதாம்.

-கோ. மன்றவாணன்

*
கல்லூரி நாட்களைப் பற்றி காகிதத்தில் கிறுக்கியதை - வெள்ளை அடிக்கும் போது கண்டேன் அன்று.
கொள்ளை கொண்ட நட்புக்களும்
தொல்லை கொடுத்த பாடங்களும் வரிசையாக
வலசை போக
வெள்ளைக் காகிதத்தின்
கறுப்புப் புள்ளியாய் தெரிந்தது உன் நினைவுகள்
ஒரு கோடை மழையாய்
ஒரு ஓடைத் தெப்பமாய்
எப்போதும் எனக்கான உணவை தப்பாமல் நீ எடுத்து வைத்ததும்,
எப்படியும் முன்னேறலாம் என நீ ஊட்டிய தெம்பும்,
ஒரு வழிப் பாதையில் நான் சென்று நீ அபராதம் கட்டியதும்
இப்படி எல்லாம் இருந்தது எப்படி எல்லா ஆசிரியர்களும் உன் மேல் அன்பாக இருந்ததும் - இப்படி எல்லாமும் இருந்தது, நானும் நீயும் ஒன்றாய் படித்தவரை -
பிறிதொரு நாள் பிரபு சொன்னான் நீ இல்லை என்றும் உனை மாய்த்துக் கொண்டாய் என்றும். ஏனோ அதன் பிறகான பொழுதுகளில் என் நாட் குறிப்பு நாட்கள் - வெற்றுக்
காகிதங்கள் ஆனது. உனக்கு நிகழ்ந்ததை அறிவது தான் எப்படி ?

செந்தில்குமார் சுப்பிரமணியன்
*
தண்டவாளங்களில் தாெடர்வண்டி பயணிக்கிறது  - எனது
நாட்களின் நினைவுகளோ நாட்குறிப்பில் பயணிக்கிறது
புண்ணிய நதிகளில் நீராடினால் உடல்தூய்மையாகும்
நினைவுகளை நாட்குறிப்பில் பதித்தால் மனம் தூய்மையாகும்
தீபவொளி எப்படி இருளை நீக்குகிறதோ- எனது 
அறியாமையாெளி நாட்குறிப்பை எழுதுவதால் நீங்குகிறது.
எனது இரகசியங்கள் மற்றவர்களிடம் முற்றுப்புள்ளிப்பெறும்போது
உன்னிடம் மட்டும்  தொடக்கப்புள்ளியாய் நீள்கிறது 
என் நாட்குறிப்பில் புதைந்துள்ள இரகசியங்களை
என் மரணத்திற்குபிறகு என்னோடே புதைத்துவிடுங்கள் 
ஏனெனில் -  என் சோகங்கள் மரணத்திற்குபிறகும்
என்னைச் சாா்ந்தவர்களைப் பாதித்து விடக்கூடாது...!
- குருசுரேஷ்.ப 
*
என்னைப் பற்றிய
அகப் புற நிதர்சனங்களை
நாட்குறிப்பில் பதிய முயன்று
தோற்றுப் போயிருக்கிறேன்

பொய்யற்ற மெய்யெழுதும் விருப்பம்
அரூபமாய் செதுக்கப்பட்டிருகிறது
என் உயிர்ப்பரப்பில்

மெய்யைப் பொய்யாய் பகடிப்பதும்
பொய்யை 
மெய்யெனப் புளங்காகிதம் கொள்வதும்
இருப்பாய் இருக்கிறது

முரண்களின் வெளியில்
நிஜங்களை மறைத்து 
நிழல்களின் அசைவுகளில் நிறம் பூசி
காதினிக்கும் பாராட்டு
நாட்குறிப்புக்குக் கிடைக்கக் கூடும்

பாராட்டைப் பெறவே தான்
பெரிதுவந்து முன் நிற்கிறது எவர்க்கும்
சுயம்

மழை வெயிலில் தலைக் காக்கும்
விரித்தக் குடை;
நிழல் தருமா உளைச்சலுக்கு

இப்போது எந்த போதியும்
பிரசவிப்பதில்லை
புத்தனை

சூரரென
அசூர வேலியே உள் நுழைந்து
குருதிக் குடிப்பதும்

காப்பவனே
களவாடிக் குவிக்க கம்பீரமாய்
காப்ரேட்டுக்களுக்காக
பரிபாலனம் செய்வதும்

கர்ப்ப கிரகத்திலேயே
பருவமற்ற கருவறையைக் களமாக்கி
சிதைப்பதும்

வாழ்வாதரங்களின் வாழ்க்கையை வெட்டி வீழ்த்தி
வேடிக்கைப் பார்ப்பதும்

தன்னைக் கடத்துவதையும்
தடுக்க முடியாமல் தவிப்போடுக் கிடந்து
மனம் கொதித்து
புழுங்கும் கடவுளாய் நான்

நாட்குறிப்பை
எழுதத் துவங்கும் போதெல்லாம்
எப்படி எழுத
புறத்தின் ஈட்டிகள் அகத்தின் அணுக்களைக் குத்தும் போது..

கவிஞர்.கா.அமீர்ஜான்
*
எதற்கெடுத்தாலும் அடிப்பார்
படி படி என வார்த்தைகளால் என்னை இடிப்பார்

அப்பாவின் போக்கு 
எனக்கு அன்று புரியவில்லை,
எனக்குள் ஆயிரம் கேள்விகள்; வேள்விகள்.
விடைதெரிந்த போது, 
வீரிட்டு அழுதேன். --- என்
மீதான அன்பை, பாசத்தை; என் தந்தை;
நாட்குறிப்பில், நாள் விடாமல் எழுதி வைத்திருந்தார்.
படித்துவிட்டேன், துடித்துவிட்டேன்.--- அந்த
நாட்குறிப்பு , எனக்குக்கற்றுக் கொடுத்த முக்கிய அறிவிப்பு.
இனி யாரும்; நாட்குறிப்பில் அன்பை, பாசத்தை குறிக்க வேண்டாம்.

நாள்தோறும்; அன்பை வெளிப்படுத்தி, குவியுங்கள் – அதனை;
நாட்குறிப்பில், தினந்தோறும்; குறியுங்கள். – இதனை;
தினந்தோறும்; நாங்கள்;  நாட்குறிப்பில் குறிப்போம்.
என அன்போடு, ஒன்றாக அறிவியுங்கள்.

களக்காடு வ. மாரி சுப்பிரமணியன்
*

உயிரும் உடலும்
பிச்சையிட்ட
பெற்றோர்;
முத்தமிட்ட நிலைகள் கடந்து
பள்ளி சேர்ந்தது
முதல்
ஒவ்வொரு நாளும்,
ஒவ்வொரு செயலும்
நாட்குறிப்பில்
பதியம் போட்டதை
இன்று விளைச்சலைக்
காண்கிறேன்−என்
பிள்ளைகளின் வடிவில்,
பெற்றோரைத் துயர் கொடுத்த
என்னை;
பள்ளியில் ஆசிரியர்
கண்டித்த வேளை;
கல்லூரி குறும்பினால் வந்த
குதூகலங்கள்,
காதல் என்ற பொய்யை
மெய் என நினைத்து
மேனியைக் குலைத்து;
மோசமாய் திரிந்ததும்;
அப்பனென்ற ஒற்றைச்
சொல்லால்;
மீண்டு வந்தேன்;
என் மகன்களின்
நல்வாழ்வோடு , நானிலம் சிறக்க;
நற்சிந்தனையோடு,
பல்லாண்டு வாழ்ந்து
புகழ் பெற;
என் குறிப்பேடு தந்த
புத்தியினால் வந்த
வினையே!  இந்த
சிந்தனை....
ப.வீரக்குமார்
*
கடந்த காலத்தைக்
காட்டும் கண்ணாடி;
வாழ்வின் கரடுமுறடான
படிகள் தந்த வலிகள்;
பின்னாடி
பயணித்துப் பார்த்தால் தெரியும்
பாதையின் தன்மைக் கேற்ற
வாழ்வு நெறி;
மகிழ்ந்த தருணமும்
மலர்ந்த நேசமும்
என்னால் அடைந்தோர்
பட்ட வேதனை;
எனக்காக காயம்பட்ட
நட்புகள்;
எதற்காக என்று உணரா
என் மனதை;
வாழ்வின் பிற்பகுதி
திருப்பிய நாட்குறிப்பில்
எனைத் திருத்திய பக்கங்கள்,
கனவை நனவெனத்
திரிந்து கொண்டு
பொய்யால், மெய்யைக் கிழித்து;
மெய்யாய் பொய்யுரைத்து
படிப்பைக் கெடுத்து
நற்பண்பைக் குதறி;
தாடியோடு மாதுவை மறக்க
மதுவோடு கூடி
இழந்த வாழ்க்கை எத்தனையோ?
புரிந்தபின் தெளிந்தபின்
வயது ஓடியது, வருத்தம் கூடியது,
பொய்யான மெய்யை
மெய் என்று உணராமல்;
வெறும் கடமாய்,
பொருள் நிறைக்கும் குடமாய்,
இன்ப துன்ப நினைவலை
இல்லாமல்
வாழ்வதுவா?
வாழ்வு − சிந்திப்போம்
மந்திரித்த ஆடுகளாய்
இல்லாமல்.....

முகில் வீர உமேஷ்
*

துள்ளித் திரிந்த காலமது;
பள்ளிப் பருவத்துக் கனவுகளை
அள்ளி அள்ளி ஓர் குறிப்பில்
வெள்ளைத் தாளில் கரு மையால்
மெள்ள மெள்ளப் பதித்திடுவேன்;
உற்ற நண்பி காவியா முதல்
ஊர்மாங்காய் பறித்த கதைவரைக்கும்
பெற்றவர் பெரியவர் ஆசிரியர் 
போற்றி யிருந்த நாள் வரைக்கும்
கற்றது கை மண்ணளவே - இனிக்
கற்பேன் இவை எனுங் கனவுமுதல்
மற்றவர் போற்றிட, மணங் கண்டு நல்
மனையாளாய் வாழுவன் எனும்வரைக்கும்
தோன்றிய நினைவெல்லாம் 
துள்ளி வந்து தாளில் விழ
ஞான்றும் நாட்குறித்து
நானெழுதிய நாட்கள் அவை...!

தமிழ்க்கிழவி
*
பதின் பருவத்தில் 
பார்வைக்குள் விழுந்தவளின் 
முதல் பார்வை 
முதல் வார்த்தை
என நினைவுகளை 
சேமிக்க தொடங்கியது
என் நாட்குறிப்புகள்!

பரிசத்திற்குப் பிறகு
நம்மை ஆனந்தத்தில் 
ஆழ்த்திய 
விஷேச செய்தியையும்!
அதைத் தொடர்ந்து 
வாரிசு வந்ததையும்
வரவு வைத்துக்கொண்டன 
 என் நாட்குறிப்புகள்!

குழந்தையின்
முதல் பார்வை 
முதல் சிரிப்பு 
முதல் அழுகை 
என பல முதல்கள் 
கிடைத்தன என் நாட்குறிப்புக்கு!

நாட்கள் நகராமல் 
தூக்கம் தொலைத்து 
துக்கம் நிறைந்த நாட்களையும் 
குறித்துக்கொண்டன 
என் நாட்குறிப்புகள்!

நங்கையின் முகம் பார்த்து 
நான் எழுதத் தொடங்கியது 
நான் குறிப்பு எழுதிய நாட்கள்!
என் வாழ்கையின் சாதனையை பார்த்து 
நாட்கள் குறிப்பெழுதும் நாட்களன்றோ!
நாட்குறிப்பு எழுதிய நாட்கள்!
-கு.முருகேசன்

*
காலச் சிலந்திவலைகள் 
பற்றிக்கொண்ட 
பரணில் 
அன்றோர் இரவில் சூறாவளி

ரகசியமாய்
மழைபெய்த இறந்தகாலம்
நிகழ்கால விழிகளில்
ஈரக்கோடுகளாய் 

சொட்டுச்சொட்டாய்க்
கொட்டும் 
நாட்குறிப்பு எழுதிய நாட்கள்

வார்த்தைகள் ஆவிகளாய்
நடமாடும் நடுநிசியில்
கனவுகள் நிர்வாண ஒளிக்கற்றையாய்

கல்லூரி எதிரிலிருந்த
மயானத்தில் நிதம்செய்த
தியானம்…
சாம்பல்மேட்டிலிருந்து
கிளம்பிய பிணவாடையில்
சிவனாய் ஜீவன் ஆடிய நாடகம்….
நடக்கநடக்கத் தொலைதூரம்
பின்வாங்கிப் பின்வாங்கி
வா வா என்றழைத்து
ஏமாற்றிய மேகங்கள்…

இந்நடுயிரவில் நான்
இப்படியே நின்றுவிட
மாட்டேனா என
எங்கிருந்தோ வந்த கீட்ஸ்

சோகம் சொல்லும் எங்கள் பாடல்கள்
இனியவை என ஸ்கைலார்க்கிடம்
செப்பிச் சுகம்கண்ட் ஷெல்லி

இருவெள்ளை விழிகளில்
கருக்கொண்ட தேவக்கனா
புடவைகட்டி நடைபயின்றது
இருளின் கர்ப்பத்தில்
கனவுகாணும் விடியல்
கண்திறக்காத
மார்கழிப் பனிப்பொழுதுகளில்

குயவ நேர்த்தியுடன்
பூசணிப்பூ சாணத்துண்டு
சுற்றிய மாக்கோல
வட்டங்களின் வாசல்கள்

கனவுகளில் நெய்யப்பட்ட
கன்னிமைப் பூமுகத்தில்
பதின்மவயதின்
சதிராடும் புதிர்கள்

கூட்டத்தில் நடுவே
வீணைநரம்புகளில்
வளையல் கைகளின்
நரம்புகளை இசையாய் 
மாற்றி
விழிக்கோணத்தில்
ஆரத்தி எடுத்த பார்வைகள் 
நீர்ச்சுழிப்பாய்ச் சுற்றிவந்து
சுழித்துப்போகும் இதழ்கள் 

கருத்த அருவியாய்ப் 
படர்ந்த கூந்தல்நுனிக்
கண்களிலிருந்துச் சொட்டும்
நீர்த்துளிகள்

பனிமோதிரங்கள் சூடிய
பச்சைப்பசும் பூக்கள் 

காவிவெள்ளைச் சுவர்களின்
பிரகாரங்களில் ஓடிய கொலுசொலிப்
பிரவாகங்களில் நுரைத்த
காலாதீதச் சப்தங்கள்

பொங்கிவழிந்த அந்த
ஜீவநேர்த்தி நேற்றுகளை,
நடுங்கும் உறைபனியில்
குட்டிப்பறவையைக்
கெட்டியாய்ப் பிடித்துக்
கொள்ளும்
தாய்ப்பறவையின் சிறகுகள் போல
நாட்குறிப்புகள்
பத்திரமாய் அடைகாத்தன

நிகழ்கால அம்புப்படுக்கையில்
தேகம் குருதியின் யாகம் ஆக,
நெய்யாய் அதில்
சொட்டிக்கொண்டிருக்கும்
நாட்குறிப்பு எழுதிய நாட்கள்….

கவிஞர் மஹாரதி
*
நாட்களை படம் பிடித்தது 
நாட்காட்டியில் நம் எழுத்துக்கள் !
தினம் தினம் எழுத்தாணியில் பேசும் 
தித்திப்பான சுகம் மறக்க முடியாது !

நிகழ்வுகளை வரிசையாக செதுக்கி 
நாட்டு நடப்புகளை தெளிவுடன் எழுதி 
நம் நிலையை அடிக்கடி உணர்த்தும் 
நல்ல நண்பனாக நம் நாட்காட்டிகள் !

கண்ணீர் கதைகளும் பல உண்டு 
காலத்தின் அலங்கோலமும் உண்டு 
வென்ற பல கதைகளும் உண்டு 
வீரத்தின் அடையாளமும் உண்டு 

குறிப்பெழுதி என்ன ஓட்டத்தையும்
குறுகிய இந்த வாழ்வோட்டதோடு 
நன்கு இணைக்கும் பாலமாக - நலமுடன் 
நாட்குறிப்பு எழுதிய நாட்கள் நினைவில் !
*

நினைத்து நினைத்து பாா்க்கின்றேன்
என் வாழ்வின் பொக்கிஷமாய்
அழகிய தருணமாய் நாட்குறிப்பு எழுதிய
நினைவழியா நாட்களை கனத்த நெஞ்சுடனே.

ஆழ்மனதின் எண்ணக்கிடைக்கைகளை
சந்தோசங்களாய் துக்கங்களாய்
வாழ்வின் கண்ணீா் கதைகளாய் என
நாளும் பொழுதுமாய் எழுதி வைத்திருந்தேன்
எழுத்தாணி  கொண்டு அன்று
 என் வாழ்வை நாட் குறிப்பாய்.

இன்று நாகரிகத்தின் உச்ச நிலை தொட்டு
நிற்கின்ற தொழில்நுட்ப அசூர வளாச்சியினால்
ஆட்டம் கண்டு நிற்கிறது இன்று
ஒவ்வொரு மானுடனின் வாழ்விலும்
மீண்டும் பெற முடியாத அழகிய .நாட்களாய்
மீண்டும் பெறமுடியாத பொக்கிஷமாாாய்
நாட்குறிப்பு எழுதிய நாட்கள்.

ஈழநங்கை
*
கேட்டதை,பார்த்ததை, படித்ததை, ரசித்ததை, உள்ளமது களித்ததை, கனவில் கண்டதை,கற்பனையை, சிந்தனையை, எண்ணியதை, உள்ளக்கிடக்கையினைக வித்துவமுடன் பதிவது என் நாட்குறிப்பு! யாரிடமும் பேசமுடியாத,பகிரமுடியாத ஆழ்மன உணர்வுகளை அழகியலாய் எழுதிப் பார்த்தலே நாட்குறிப்பு! வாழ்க்கைத் தேடலை, உடனடி, நீண்டகாலத் தேவைகளை திட்டமிட்டே எழுதி வைத்து செயல்படுதலே நாட்குறிப்பு! அடுத்தவர் நாட்குறிப்பை படிப்பதும் கற்பைக் களவாடுவதும் தவறே! எழுதுவதென் பலம்! நூல்களைத் தேடி  படிப்பதென் பலவீனம்! நாட்குறிப்பெழுதுவதே என்னை சுயமாக்கி, தகுதியுடன் கூர்மையாக்கும் வியப்பான ஒரு நல்லப்பழக்கமே! 
A.k.சேகர்.ஆகாசம்பட்டு.

*

]]>
http://images.dinamani.com/uploads/user/imagelibrary/2018/11/8/w600X390/download.jpg http://www.dinamani.com/specials/kavithaimani/2018/nov/08/கடந்த-வாரத்-தலைப்பு-நாட்குறிப்பு-எழுதிய-நாட்கள்வாசகர்களின்-கவிதைகள்-3034947.html
3034950 ஸ்பெஷல்ஸ் கவிதைமணி இந்த வாரத்திற்கான தலைப்பு: இரண்டாவது கோப்பை! கவிதைமணி DIN Thursday, November 8, 2018 04:08 PM +0530 நாட்குறிப்பு எழுதிய நாட்கள் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: இரண்டாவது கோப்பை 

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் டைப் செய்து அனுப்பவும்.

]]>
http://images.dinamani.com/uploads/user/imagelibrary/2018/11/8/w600X390/images1.jpg http://www.dinamani.com/specials/kavithaimani/2018/nov/08/இந்த-வாரத்திற்கான-தலைப்பு-இரண்டாவது-கோப்பை-3034950.html
3029403 ஸ்பெஷல்ஸ் கவிதைமணி கடந்த வாரத் தலைப்பு ‘மன்னிப்பாயா’ வாசகர்களின் கவிதைகள் பகுதி 2! கவிதைமணி DIN Monday, October 29, 2018 12:33 PM +0530 மன்னிப்பாயா

வசதி வசதி என்றே
வளர்ச்சி வளர்ச்சி என்றே 
இயற்கை அழகை கெடுத்த 
மனிதர்கள் கேட்கிறோம் 
மன்னிப்பாயா மன்னிப்பாயா !

தடுமாறி  தடுமாறி மாறி மாறி
தவறு  செய்த உள்ளமே  நீ 
தயங்கித் தயங்கி மெதுவாக 
கேட்கிறாய் மன்னிப்பாயா !

மன்னிப்பு இல்லை என்றால் 
மனித தலைகள் மிஞ்சுமா ?
கலவரம் தான் படர்ந்திருக்கும் 
மன்னிப்பே மனித மாண்பு !

மனிதம் தொடர்ந்து மன்னிப்பே 
மனித குலத்தின் உயர்ந்த எண்ணம்! 
ஆறாம் அறிவின் ஆயுதம் மன்னிப்பு 
தவறிய மனம் கேட்கும் என்றும் 
மன்னிப்பாயா மன்னிப்பாயா !

- டாக்டர் கே.மஹேந்திரபிரபு

**


குற்றம் செய்யாமல் வாழ்ந்து  இருந்தால் தலை 
குனிந்து மன்னிப்பு கேட்க வேண்டியதில்லை !

முடிந்தளவு தவறு இன்றி நேர்மையாக 
மனசாட்சிப்படி என்றும் வாழ வேண்டும் !

பிறர் தன்னிடம் எப்படி நடக்க எதிர்ப்பார்க்கிறோமோ 
பிறரிடம்  நாமும் அப்படி நடந்து கொள்ள வேண்டும் !

மற்றவர் மனம் புண்படும்படி பேசுதல் கூடாது 
மற்றவரை பேசாதிருந்தால் மன்னிப்பு கேட்க வேண்டாம் !

உன்னைப் போலவே பிறரையும்  நேசித்தால்  
ஒருபோதும் குற்றம் செய்திட மாட்டாய் !

அவசரப்பட்டு கடும் சொல் பயன்படுத்தாதே 
அன்பால் இன்சொல்   என்றும் பேசுக !

யாரையுமே  எப்போதும்  தாழ்வாக எண்ணாதே  
யாவரும் சமம் என்ற எண்ணம் வேண்டும் !

நானே பெரியவன் என்ற எண்ணம் தகர்த்திடு 
நானே சிறியவன் என்று எண்ணுவதும் தவறு !

கர்வம் வந்தால் காணாமல் போவாய் 
கனிவு இருந்தால் உயரம் செல்வாய் !

மன்னிப்பு கேட்க அவசியம் வர வேண்டாம் 
மனதளவில் நல்லவனாகவே வாழ்ந்திடு !

- கவிஞர் இரா .இரவி

**

அம்புகள் படுக்கை மீதில்
   ஆருயிர் நீங்கும் வேளை
ஐம்புலன் அடக்கி ஆண்ட
  ஐயனாம் பீஷ்ம சிங்கம்
தம்முடல் முழுதும் செந்நீர்
   தவழ்ந்திடும் போதில் மெல்ல
தம்மரு கிலேவா வென்றார்
    தங்கம்போல் நின்றவள் தன்னை             

பால்போல மேனி கொண்ட
    பாஞ்சாலி எனும்நல் தாயே!
வேல்போல விழியில் அன்று
     வேதனை சுமந்தாய்; தீயின்
கோல்போல எம்மைச் சுட்ட
     கோச்சபை நிகழ்வே இன்னும்
தேள்போல கொட்டும் நெஞ்சை;
    தேவிநீ மன்னிப் பாயா?                        

வேள்வித்தீ பெற்ற பொன்னே!
  விதியென அதைநான் சொன்னால்
ஊழித்தீ என்னைக் கொல்லும்
   உயிர்நீங் காமல் துள்ளும்
கேள்வித்தீக் கங்கு நித்தம்
   கிழவனைச் சுட்டுப் போடும்
பாழ்பக்தி வைத்தேன் அங்கே;
  பாவமெனைக் கொன்ற திங்கே                    

பொன்னொளித் தேவி! அன்று
     புகலிடம் இன்றி துன்பக்
கண்ணீரில் சபை ந னைத்தாய்;
   கண்ணனே அருள்பு ரிந்தான்;
வெந்நீரில் கருகும் பூவாய்
   வெறுமையில் இருந்தேன் நானே;
மன்னிப்பா யா?பூந் தேனே!
   மாதரசி! குலவி ளக்கே!

- கவிஞர் மஹாரதி

**

கன்னத்தில் கை வைத்த ரோசா!
உன்னைப் பார்த்தால் 
புத்தன் கூட
உன் பக்தனாக ஆசைப்படுவான்!

பூனை மீசை முளைக்கையிலே
உன் பருவ அழகை பார்த்திருந்தால்
உனக்கு புருஷனாகி இருப்பேன்
நம் பிள்ளைக்கு தகப்பனாகி இருப்பேன்!

காலம் கடந்து பார்த்தாலும் 
உன் மேல் காதல் மலருது
நான் மற்றவர்க்கு கணவன் 
என்னும் நினைப்புமட்டும் 
தடுத்து நிறுத்துது!

துணிந்து வந்து மலர் கொடுத்தால்
கரம் பிடிப்பாயா? இல்லை 
நீ துணிந்து சென்று மீ-டூ வில்
இடம் பிடிப்பாயா? இல்லை
உன் அழகில் தடுமாறும் என்னை 
மன்னித்து
வாழ வழி கொடுப்பாயா? 

- கு.முருகேசன்

**

செவ்விதழில் வழிந்த 
அர்த்தப் புன்னகைக்கே
ஆயுட் கைதியானேன்….
கண்களின் உரசலுக்கும் 
காகித கசங்கலுக்கும்
எவ்வித பதிலுமில்லை….
ஊடலால் உருவான 
உன் உளச்சூட்டை…
கனன்று தகித்த 
இலவு  இதயத்தின் 
வெம்மையைத் தணிக்க….
நிராயுதபாணி என்னிடம்
இதழமுதத்தைத் தவிர
வேறில்லை அவ்வமயம்…
'………………………………………………………………’.
காலங்கடந்தேனும் ‘மீ டூ‘ வில்
பதிவிட்டு பகிர்ந்தமைக்கு
பாராட்டுகள்… காத்திருக்கிறேன்…
மன்னிப்பாயா…?

- எல். மாறன், மேல்பட்டி

**

நீ சொல்லிய காதலை - நான்
சொல்லாமல் மறைத்து வைத்தேனே
அன்பே என்னை மன்னிப்பாயா?

காதலை மனதில் புதைத்து - உனக்காக
கவிதைகள் எழுதி மறைத்தேனே
அன்பே என்னை மன்னிப்பாயா?

நீ நெருங்கி வரும் போதெல்லாம்
நெருஞ்சி முள்ளாய் மாறினேனே
அன்பே என்னை மன்னிப்பாயா?

கடலலை போல உன்னைத்
தொட்டு விலகி சென்றேனே
அன்பே என்னை மன்னிப்பாயா?

எழுந்த ஆசைகளை அடக்கி
தனிமையில் தினமும் அழுகிறேனே
அன்பே என்னை மன்னிப்பாயா?

காகிதத்தில் கவிதை எழுதி
கண்ணீரில் நம் கதையை முடிக்கிறேனே
அன்பே என்னை மன்னிப்பாயா?

- கோ.வேல்பாண்டியன், வேலூர்

**
ஏய்... செல்லமே!...
ஏங்க வைக்காதே!
தூங்க விடாமலே!
தாங்காது நெஞ்சமே!
தளிரான கன்னமே!
தடமில்லா வண்ணமே!

கோபமெல்லாம்
மூட்டை கட்டி
தூக்கிப் போடு குப்பையிலே!
நேரம் தவறி வந்ததற்கா
இந்த சோதனை
நெற்றிச் சுருக்கம்
நெளிந்து அம்பை எய்யுமோ!
வீழ்ந்து விட்டேன்
நான் உன்
அம்பு படாமலே!
உன் வம்பு பட்டதிலே!

வள்ளுவரே!
சொன்னதுண்டு
ஊடலே காமத்துக் கின்பம்;
அதை
நீ காட்டும் போது
புரிந்து கொண்டேன்;
கலகக் கண்ணை
மாற்றிவிட்டு உன்
நிலவுக் கண்ணை
ஏற்றி விடு
தப்பு செய்தால்
தண்டனையளி
அளித்த பின் என்னிடம்
உன்னை அளி....

- முகில் வீர உமேஷ், திருச்சுழி.

**

விலக ஏதுவாய் காரணங்கள் தேடி
உனக்காய் பூத்து நின்ற புன்னகைதனை
புறந்தள்ளியிருக்க
வேண்டாம்..

சேர்ந்து கண்ட கனவுகளை தீயிட்டுக் கொளுத்தி 
யாரோ போல நகர்ந்திருக்க 
வேண்டாம்..

நேசமொன்றின் மிகச்சிறிய வேண்டுதல்களையும் நிர்கதியில் நிற்க வைத்து 
நிரந்தரமாய் பிரிந்திருக்க 
வேண்டாம்..

இன்னும்
இத்தனை கொடூரமாய் ஒரு பிரிவு
நிகழ்ந்திருக்கவே
வேண்டாம்..

தவிர
இது யாரும் யாருக்கும் செய்யக்கூடியது தான் 
ஆயினும் 
நீ இதை செய்திருக்க வேண்டாம்!!!

**
காலத்தால் நம்காதல் கனியுமென்று
ஞாலமிதில் காத்திருந்தாய் - உன்
அத்தனை நம்பிக்கையையும்
மொத்தமாய்ச் சிதைத்தழித்துச்
“செத்துப்பிழை” என்றே தான்
சத்தமின்றிச் சென்றேன் நான்;
எல்லாமே நானென நம்பியிருந்தாய்
சொல்லால் வதைத்துன்னைக்
‘கொல்லாமல் கொன்று புதைத்தேன்’ நான்;
உலகில் உனையன்றி 
என் மனதில் எவருமிலை - இருந்தும்
விலகிடல் வேண்டிய தொன்றாயிற்று...!
என்னுடலில் பரவிவருங் கொடுநோய்
எனைக் கூற்றுவனுக் கிரையாக்க வதைதருது 
உனைப் பிரிந்த வாதையது அதைப்பருகி
உயிர்வலிக்க, ஏதோ இயல்பளவில்
சுழலுகிறேன் மூச்சிழுத்து
உழலுகிறேன் உன்நினைவால்...எனை
மன்னிப்பாயா...?

- தமிழ்க்கிழவி

**

 
கூந்தல் விரித்த
பூங்குயில்;
புலம்பும் மொழிகள் புண்ணாக்குது;
காய்ந்த வாழ்வில்
கார்மேக மெனவே
வந்தவள்; கருணை
ஈர்ந்து ; கவனமாக
மனதைப் பாரு
காயங்கொண்ட − உன்
வார்த்தைகளால் துண்டானதை;
கணவன் மனைவி
சண்டை யெல்லாம்
பொழுது சாயும் வரை
சூரியனைப் போல்
மறையணும்;
நிலவைப் போல குளிரணும்;
தம்பதி எனும்
வார்த்தையே சரிபாதி என
புரிந்து கொள்;
சகடர் போல
தொடர்ந்து போனால்
யுகங்கள் போல
நாளும் ஓடும்;
வெறுப்பிலே தான்
அடுப்பு எரியும்;
மதலைகள் மலர்ந்து
அறிஞராகும் பொழுது;
சண்டையேனோ? கண்மணி;
தவறு செய்தேனாகில்
தவறில்லை
உன்னிடம் மன்னிப்பு
கேட்க......

- ப.வீரக்குமார், திருநின்றவூர்

**

காலம்பாராமல் துடிக்கும்
இதயத்தை வலியால் 
துடிக்க வைத்த
என்னை மன்னிப்பாயா...
காலம் முழுவதும்
காயமின்றி காதல்
வலியைத் தந்த
என்னை மன்னிப்பாயா...
கனவுகள் சுமந்த
கண்கள் இரண்டிலும்
கண்ணீரைத் தந்த
என்னை மன்னிப்பாயா...
நீரின்றி தவிக்கும்
மீனாக உன்னை
நினைவில் தவிக்கவைத்த
என்னை மன்னிப்பாயா...
நீர்தரும் மேகம்
மௌனமாய் பிரிவதுபோல்
உன்னைப் பிரிந்த
என்னை மன்னிப்பாயா...
ஆசையென்ற தீபத்தில்
எரிந்த அன்பெனும்
ஒளியை அணைத்த
என்னை மன்னிப்பாயா...
அலைகடலாய் இருந்த 
உன்னுடைய வாழ்வில்
அமைதியைத் தந்த
என்னை மன்னிப்பாயா...

- கவிஞர் நா. நடராசு

**

ஒருவருக்கொருவர்
கூர் வார்த்தைகள் கொண்டு
மனம் கிழித்து
ரணமாக்கியது போதும் ...

என்னைப் போலவே
அந்த ரணம் தரும்
வலியும் வேதனையும்
உன்னையும் வதைப்பதை 
நன்கறிவேன் நான்..

பிடிவாதத்தால் அதனை
மேலும் சீழ்பிடிக்கச்
செய்திடல் வேண்டாம்..

என்னவளே வா..
ஒருவரையொருவர்
மன்னித்து மருந்திட்டு
மகிழ்வாய்  உறவைத் 
தொடர்ந்திடுவோம்..

- ஆதியோகி

**

நிழலாய்
நிலத்தினில்
நின்றதையெல்லாம்
ஆணிவேரோடு கோடாரி சாய்க்க! 

பசி தீர்த்திட
விரிந்திருக்கும்
பசுமைப்பாயை பலவழி சாலை 
திட்டம் சுருட்டி பாழாக்க! 

ஆறு,நதி,குளம்,குட்டை,ஓடைகள் 
ஒன்று விடாமல் தொழிற்சாலைகளின் 
சாயக்கழிவுகள் நாசமாக்க!

காடு,மலைகள், மிருகங்கள் அனைத்தும் 
அதிகார பலம் கொண்ட கரங்கள் அழிக்க!

விழித்துக்கொண்டோம்
நாட்டு மக்கள் இனியும் 
அபகரித்திட விடமாட்டோம்!

எண்ணில் அடங்கா
இழப்புகளை கண்ட இயற்கை 
அன்னை'யே பேரிடர் அழிவை 
தந்திடாது மக்களை மன்னிப்பாயா!

- தஞ்சை. ரீகன் 

**

பூவின்
நறுமணம் மோதி உடைவதில்லை
காற்று

போல
ஈரமற்று இருப்பதில்லை
தென்றல்

எதுவந்து
ஊடுறுவினாலும்
மன்னிப்பற்று மருவிக் கொள்ளும்
வெளியும் வெறுமையும்

மன்னிப்பாயா என்பது
ஊடலின் வெளிப்பாடு
அன்பின் வருடல்

ஊடலானாலும்
உதவாத மோதலானாலும்
சண்டையெனக் கொள்ளாமல்
மன்னிப்பற்ற சமரசத்தில் 
மகிழ்ந்து கொள்ளும்
கடலும் பூமியென
விண்ணும் மண்ணும்

தொடாமல்
சுகித்துக் கொள்ளும் நிலவும்
சூரியனும்
அகத்தினால் பறிமாறிக் கொள்ளும்
அன்பு

மன்னிப்பாயா என்று
மண்டியிட்டுக் கொள்வதில்லை
ஒளியும் இருளும்
சுகமாகவே ஊடாடிக் கொள்ளும்

மன்னிப்பாயாயென
மண்டியிடுவது அழகல்ல
வீரனுக்கு

மன்னிப்பும் தண்டனையும்
பூவும் மணமுமாய்
நிகழ்ந்துவிடும் காதலில்

நீதி
எப்போதும் வேண்டுவதில்லை
மன்னிப்பு

ரட்சிக்காத கடவுளிடம்
கூறுபோடும்
மதங்கள் முன்னும்
சாதிகளின் சாக்கடைகளிடமும்
சிந்திக்கும் அறிவு
கோருவதில்லை மன்னிப்பு...

யாரையும் யாரையும்
மன்னிக்காத 
மாபெரும் அன்பால் அரவணைத்தால்
சமூகம் சந்தோஷப்படும்...

- கவிஞர் கா.அமீர்ஜான்

**

பொன்னால் இதயமில்லை உனது 
மரப்பாச்சி இதயமில்லை எனது
நீ தூக்கிப் போட்டு விளையாடிட

உந்தன் அனுமதி யின்றி உன்னை 
நினைத்தது என் தவறே என்னை 
மனமிறங்கி மன்னித்து விடும்

நினைத்து விட்டதை அழித்துவிட
எடுக்க க்கூடாத முயற்சிகளை 
எடுத்தும் அழிக்க முடியவில்லை 

சாயத்தில் முங்கிய நூலைப்போல்
ஏறிய சாயம் மறைய மறுக்கிறது 
ஒரே வழி தீயிட்டு எரிப்பது தான் 

அதையும் செய்கிறேன் உனக்காக
மீடூவின் அச்சத்தில் கேட்கிறேன்
மன்னிப்பாயா? அப்போதேனும்

- ஆபிரகாம் வேளாங்கண்ணி, மும்பை

**
இதயம் என்னும் கடிகாரம்
எப்போது ஓய்வெடுக்கும் என்று
எதிர்பார்த்து காத்திருக்கிறேன்...
காதல் என்னும் கடலில்
அலையாக நான் தோன்றி
உன்னை அடித்துச் சென்ற
காரணத்திற்காக
நீச்சல் தெரியாத உன்னை
கடலில் தத்தளிக்க விட்டுவிட்டு
அலையாக கரை அடைந்த
என்னை மன்னிப்பாயா அன்பே!

- புனிதா தங்கராஜ், காயல்பட்டிணம்

**

காலம்பாராமல் துடிக்கும்
இதயத்தை வலியால் 
துடிக்க வைத்த
என்னை மன்னிப்பாயா...
காலம் முழுவதும்
காயமின்றி காதல்
வலியைத் தந்த
என்னை மன்னிப்பாயா...
கனவுகள் சுமந்த
கண்கள் இரண்டிலும்
கண்ணீரைத் தந்த
என்னை மன்னிப்பாயா...
நீரின்றி தவிக்கும்
மீனாக உன்னை
நினைவில் தவிக்கவைத்த
என்னை மன்னிப்பாயா...
நீர்தரும் மேகம்
மௌனமாய் பிரிவதுபோல்
உன்னைப் பிரிந்த
என்னை மன்னிப்பாயா...
ஆசையென்ற தீபத்தில்
எரிந்த அன்பெனும்
ஒளியை அணைத்த
என்னை மன்னிப்பாயா...
அலைகடலாய் இருந்த 
உன்னுடைய வாழ்வில்
அமைதியைத் தந்த
என்னை மன்னிப்பாயா...

- கவிஞர் நா. நடராசு

**

சாதிகள் பார்க்காமல் படித்தோம்
சாதிச்சான்றிதழ் கொடுத்தே 
இடம் பிடித்தோம்.இந்த;
பிரிவினை என்பதை, 
தரம் பிரித்தது நாம் தானே.--  அது தானே

நம்மை நாமே பிரித்திட வைத்தது, 
நமக்குள்ளே வேறுபாட்டை 
புகுத்திட வைத்தது.--- இது தானே;
நமக்குள் நாமே படைத்திட்ட வரலாறு .--- 
அதுவும் இதுவும் தந்ததே,
அன்று முதல் இன்று வரை தகராறே.
இன்னும் சில பிரிவினை;
ஒரு பக்கம் தீவிரவாதி, 
மறு பக்கம் சுயநலவாதி.
எல்லாப்பக்கமும், அமைதிக்கு வலி.
உலகமக்களாகிய எங்களை வேறுபாடின்றி,
தாங்கி நிற்கின்ற பூமித்தாயே, 
எங்களை மன்னிப்பாயா, என்று,
எல்லோரும் ஒன்றாக நின்று கேட்பதே,  
இதற்கு  நல்ல வழி…..

- களக்காடு வ. மாரி சுப்பிரமணியன்

**

கண்மூடிக்கிடக்கும் உன்னைக்
காணக்காண எந்தன்
கல் நெஞ்சமும் கரைகிறதே !
கனிமொழியே பேசிய உன்னிடம்
கடுஞ் சொல்லையே உதிர்த்தேன்!
கண்கள் பூக்க காத்திருந்த
உன்னைக்
கண்டும் காணாமல் இருந்தேன் !
கரம் பிடித்த நாள் முதல் என்னைக்
கண் இமை யாய்க் காத்துவந்த உன்னைக்
காலம் கடந்தே அறிந்தேன் !

தவறுகள்  தப்பாகத் தெரிவதிலை
தனிமை உணர்வு வாட்டும் வரை !
சிரிப்பு என்பது மனிதனின் வரம் என்பர் .
சிரிக்கவே மறந்த என்னை
மன்னிப்பாயா ? நீ
கண் திறந்து பார்க்கும் நன்னாளுக்காகக்
காத்திருக்கிறேன் கண்ணே !
மன்னிக்கத் தெரிந்தவள் நீ என்பதால்
மனம் வருந்தி
மன்னிப்புக் கேட்கிறேன்
மனிதனாக  !
மன்னிப்பாயா ? 

- ஜெயா வெங்கட், கோவை

**

மாத சம்பளத்துக்கு மாரடிக்கும் நீ,
மிதிப்பவனை மதிக்கிறாய்;
உன்  உற்றார்-உறவுகளை,
சந்திக்கநேரமில்லாம தவிக்கிறாய் 
உறவே மன்னிப்பாயா ?

மலையின் அருவி,
மண்ணின் தாகம் தீர்த்தது;
மனிதன் மலையையே தீர்த்தான்,
பெருமழையில் வெள்ளக்காடு !
மலையே மன்னிப்பாயா ?

இறைவனை இதயத்தில் வைத்து,
தன்னம்பிக்கையே வாழ்வென வாழ வேண்டிய நீ;
மூடநம்பிக்கையில் வாழ்கிறாய் !
இறைவா மன்னிப்பாயா ?

இயற்கையாக
விளைந்தது குறைவென்று;
செயற்கை மருந்தளித்த
குற்றத்திற்க்காக !
மண்ணே மன்னிப்பாயா ?

விண்ணில் தேக்கிய,
மண்ணை நோக்கிய,
மழையின் பயணத்தை;
மரம் வெட்டி தடுத்ததற்காக !
மழையே மன்னிப்பாயா?

வேண்டியபோது 
கிடைக்காதது;
கிடைக்கும்போது 
தேவையில்லாமல் போகிறது !
காலமே மன்னிப்பாயா ?

அடுத்தவன் குறை,
உன் நிறையென்றால்;
உன் வாழ்வில்,
ஏது நிறை?
வாழ்வே மன்னிப்பாயா ?

நீதிதேவதையே
ஒரு நீதி சொல் ?
வீதியில் 
நிற்போருக்கு,
நாதி யார் ?

தெரிந்தே தவறு செய்பவரை,
நீ நேராக தண்டிப்பாயா?
திருந்தி வாழ நினைத்தால்,
கொஞ்சம் பொறுத்து மன்னிப்பாயா ?

- ம.சபரிநாத்,சேலம்

**

தெரிந்து செய்தால் தப்பாகும்,
தெரியாமல் செய்தால் தவறாகும்,
காலகாலம் செய்வதனால்,
தப்பானது தவறாகாது,
தவறானது தப்பாகாது,
நெஞ்சிலுள்ள வஞ்சகமே 
நினைத்து நினைத்து பார்க்கையிலே 
தப்பாமல் தவறாகும்,
மஞ்சம் ஒன்று வாங்கி வந்தேன் 
நிம்மதியாக துயிலத்தான் 
நிம்மதி மட்டும் கிடைக்கவில்லை!
ஏனென்று எனக்கு புரியவில்லை!
தப்பானது தப்பானதுதான் - 
என்ன தப்பு என்கையிலே 
துரோகம் என்று உண்டானது 
மரணம் கூட வந்தாலும்
 துரோகம் மட்டும் கூடாதது,
செய்த துரோகம் நினைக்கையிலே 
என்னை நீ மன்னிப்பாயா!

- மு.செந்தில்குமார்

**

கட்டுண்டு காதலில் களித்திருந்த காலம்
சிட்டுகளாய் சிறகடித்துத் திரிந்த வேளை
மொட்டுகளாய் எதிர்காலக் கனவுகளில்
வட்டமிட்ட நினைவுகளில் குற்றமில்லை

குடும்ப வாழ்வு தொடங்கிய குதூகலத்தில்
உடும்பாகப் பிடித்து எழுந்தது ஆணாதிக்கம்
இடும் கட்டளைகளை ஏற்கும் பணிக்காரியாய்
திடும் என்று சர்வாதிகாரம் கொடி கட்டியது

பொருளீட்டலில் தடுமாறும் நேரமெல்லாம்
அருளின்றி அள்ளிக் கொட்டியது வாய் ஆயுதம்
மருள் நீக்காது மாய்ந்து மாய்ந்து பாய்ந்தது அது
சுருள் சுருளாக வசவுகள் வரிசை கட்டினவே

எல்லாம் பொறுத்தாய் துணையாய் நின்றாய்
இல்லாள் என்பதை நல்லறமாக்கி நடந்தாய்
நல்லறத்தில் வளர்த்த மகவுகள் தலையெடுக்க
புல்லாக நினைத்து என்னை வதைக்கிறாயே

முதுமையில் அல்லலுறும் நேரம் அருள்வாய்
பதுமையாய் ஆகிய என்னை மன்னிப்பாயா
புதுமைப் பெண் என்கிற பெயராகும் உனக்கு
ஓதுக்கிய என்னை நீ ஒதுக்காது மன்னிப்பாயா

- கவிஞர்  ராம்க்ருஷ்

**
நீ அழகு எனச் சொல்ல மறந்து
நிலவை அழகென்றேன்

உன் சொல்லமுது இனிதென அருந்தாது
தமிழருந்தினேன்

உன் விழி படபடப்பை ரசிக்காமல்
பட்டாம்பூச்சியின் சிறகசைப்பில் 
சிறைபட்டு மகிழ்ந்தேன்

இன்று மலர்ந்த ரோஜாவை
உனக்குச் சூட்டாமல்
அம்மனுக்கு வைத்து அழகு பார்த்தேன்

உன் 
பட்டாடையின் வனப்பில் மயங்காது
பஞ்சவர்ணக்கிளியின் நிறத்தில்
மனம்கரைந்து போனேன்.

எல்லாம்
உனக்குள் உள்ளபோது
வெளியில் எட்டிப்பார்த்ததில் 
வெளிபட்டன மாயைகள்

மன்னிப்பாயா?

-கோ. மன்றவாணன்

**

பூரணமாய் உணராமல் 
புரிதலுமே இல்லாமல் 
போட்டோமே உரமதினை 
அழித்தோமே புழுவதனை 

ஆழ்குழாய் கிணறு போட்டு 
அப்பப்போ குப்பை போட்டு 
ரசாயன தண்ணீர் பாய்ச்சி 
பாசமான உன்னை போய்
பற்றறுக்க வந்தோமே 

அணு அணுவாய் அழித்தோமே 
அன்னையே உன் வளத்தை 
அறியாத மூடர்களாய்
புரியாத பேதைகளாய்  

பொறுமைக்கு பூமித்தாயை 
பொதுவாக சொல்வதுண்டு 
அறியாத  பாவிகள் யாம் 
அன்னையே  மன்னிப்பாயா!!!

- பார்.விஜயேந்திரன் கருங்குழி 

**                                     

மன்னிப்பாயா மகேசனே என்னை நாளும்
மறந்தே உன்னை திரிந்ததற்கு!
உன்னிப்பாய்  நானும்  உன்னை  நித்தம்
உளத்தி  லேற்றித் தொழாததற்கு!
கன்னித்தாய்  எனும்  பார்வதி  தேவியை 
கணமும் மறந்து அலைந்ததற்கு!
பண்ணிப்  பண்ணி   வரும்  நாட்களிலுன்
காலடி தொழுது மகிழ்வதற்கு!

இயற்கையே நீயும் என்னை என்றைக்கும்
பொறுத்தருளி மகிழ்வு சேர்ப்பாய்!
செயற்கைப் பொருட்களைத் தானே நாமும்
சென்றடைந்து வாழு கின்றோம்!
படர்கை நீண்டு மெல்லத் தினந்தினம்
பக்குவம்   மனம்   நிறைக்க!
இடர்களை ஒடித்துப் போட்டு இன்பத்தை
இனி  நாளும்  சேர்ப்போம்!

எல்லோர்க்கும்  இனிதா  மிங்கு  எதிலுமே
நல் அமைதி தேடல்!
நல்லோர்க்கும்  நல  வாழ்வி  லென்றும் 
நன்மையே அமைவ தில்லை!
பல்லோர்க்கும் உதவி செய்யும் பாங்கினை 
பணிந்து நாம் மனதிலேற்போம்!
அல்லார்க்கும்   இப்   பூவுலகில்   நாளும்
அன்பான  வாழ்வு   சேர்க!

-ரெ.ஆத்மநாதன்,  கூடுவாஞ்சேரி

**

காற்றின் ஓசையில் 
கிளைகளின் ஆடலில்
இலைகளின் அசைவில்
மலர்களின் மணங்களில்
உன்னைக் கண்டேன்
நினைவில் நிழலாய் நீ 
இயற்கையின் எழிலாய் நீ
இதயத்தில் ஓவியமாய் நீ
கலைகளில் நாதமாய் நீ
என் காவிய கதாநாயகி நீ
என்னருகே நீ இருந்தும் கூட 
எல்லா அழகிய வடிவமாய் உன்னைக்
காண்பதால் நீ என்னை மன்னிப்பாயா!

- மீனாள் தேவராஜன்

**

அது வரலாற்றுக்கும் முந்தைய காலம்
உன் தலைமையில் தான், சுற்றிக் கொண்டிருந்தோம்
அன்று எங்கள் கடவுள்கள் அனைத்தும் உன் வடிவம் தான்
உன் உதிரம் தந்து மனிதனை அறிவனாய் வளர்தெடுத்தாய்
அதனால் மென்மையானாய் அடுக்களையில் தள்ளப்பட்டாய்
அங்கிருந்து  வெளி வராமல் பார்த்துக் கொள்ளப்பட்டாய்
போர்க் காலங்களில் நீயே முதலில் குறி வைக்கப்பட்டாய்
பணியிடம் தொடர்ந்து பல இடங்களிலும் குறி வைக்கப்பட்டாய்
உன் பேச்சைக் கேட்கக்கூடாது என ஐயனாலும் வசை பாடப்பட்டாய்
இவற்றிற்காக மன்னித்துவிடு எனக்கேட்டால் 
மாதவம் செய்து பிறந்த நீ  எமை மன்னிப்பாயா?

- கு.குமரகுருபரன், சாத்தூர்

**
கண்ணே! மணியே! 
கண்ணைக்குத்திய உன் கை விரலை 
துண்டிப்பாயா   ? 
பெண்ணே என்னை நீ 
 மன்னிப்பாயா ?

தவழும் தளிர்ப் பருவம் தடுக்கி 
விழுந்தால் தாங்கித் தழுவிய 
தாயும் மன்னித்தாள்!

வளரும் பருவத்தில் வந்த தீயபழக்கம்  உதறிடஉதவிய 
தந்தையும் மன்னித்தார் !

பேசும் மொழியில் பிறழும் சொற்களைத் திருத்தி வாசித்து 
ஆசானும் மன்னித்தார் ! 

உணர்ச்சி வேகத்தில் உண்டான 
கோபத்தில் உளறிய வார்த்தையைக் கிளறிக் கொல்லாதே!

ஒரு வார்த்தைக்கு உம்மென்று இருக்கலாமோ? 
திருவாய் திறந்து திருமுகம் மலராதோ ? 

பகலும் போயிற்று பசியும் வாட்டுகிறது ! - என்
மன(ண)ங் கொண்டவளே!
மன்னிப்பாயா?  

- கவிஞர் எஸ் வி ஆர் மூர்த்தி பெங்களூர்

**

அது வரலாற்றுக்கும் முந்தைய காலம்
உன் தலைமையில் தான், சுற்றிக் கொண்டிருந்தோம்
அன்று எங்கள் கடவுள்கள் அனைத்தும் உன் வடிவம் தான்
உன் உதிரம் தந்து மனிதனை அறிவனாய் வளர்தெடுத்தாய்
அதனால் மென்மையானாய் அடுக்களையில் தள்ளப்பட்டாய்
அங்கிருந்து  வெளி வராமல் பார்த்துக் கொள்ளப்பட்டாய்
போர்க் காலங்களில் நீயே முதலில் குறி வைக்கப்பட்டாய்
பணியிடம் தொடர்ந்து பல இடங்களிலும் குறி வைக்கப்பட்டாய்
உன் பேச்சைக் கேட்டக்கூடாது என ஐயனாலும் வசை பாடப்பட்டாய்
இவற்றிற்காக மன்னித்துவிடு எனக்கேட்டால் 
மாதவம் செய்து பிறந்த நீ  எமை மன்னிப்பாயா?

- ஜி. குமரகுருபரன் 

**
பிறக்கும்போதே சாதிமதங்களை 
அரங்கேற்றும் சமுதாயத்தை
நஞ்சறியா பிஞ்சு 
மழலையே மன்னிப்பாயா..?
அந்நிய மோகத்தால் 
உயர்பண்பாட்டினைச் சீரழிப்போரை
இந்திய தாய் திருநாடே 
மன்னிப்பாயா..?
தமிழீய மக்கள் துயர்பட்ட வேளையில்
தோள் கொடுக்காதாரை காலமே 
நீ மன்னிப்பாயா..?
போரால் வன்முறைகளால் 
பூமியைச் சுடுகாடாக்கும்
பேராதிக்க சக்திகளைப் 
பூமித்தாயே மன்னிப்பாயா..?
அடுக்கடுக்காய் அடுக்குமாடி 
கட்ட ஆற்றுமணலை
அடியோடு அள்ளியதற்கு 
ஆற்றுச்சுவடே மன்னிப்பாயா..?
காலந்தோறும் போராடி - 
நீர் வந்தப்பொழுதினில்
கடலில் வீணாய்விட்டோரை 
காவிரித்தாயே மன்னிப்பாயா..?
பஞ்சபூதங்களை அசுத்தமாக்கி 
அடுத்த தலைமுறைக்கு
வஞ்சகம் செய்வோர்களை 
இயற்கையே மன்னிப்பாயா..?
கிடைக்கின்ற மிதப்பில் 
உணவினை வீணாக்கி
குப்பையில் வீசுவோரை 
விவசாய நிலமே மன்னிப்பாயா..?
அடுத்தவரையும் தள்ளிவிட்டு, 
வரிசையிலும் நிற்காது
ஆலயதரிசனத்துக்கு ஓடுபவனை 
ஆண்டவனே மன்னிப்பாயா..?
கண்முன் நடக்கும் கொடுஞ்செயலைத் 
தட்டிக்கேளாமல்-
கண்டும்காணாமல் செல்வோரை 
நல்நெஞ்சே மன்னிப்பாயா..?
பெண்கொடுத்தால் போதுமென்றுரைத்து; 
கொடுத்தப்பின்னர் கணக்கில்லாமல்
பொன்பொருளைக் கேட்போரை 
பெண்ணினமே மன்னிப்பாயா..?
தன்னைச்சுற்றி நடப்பதையறியாது 
கைப்பேசியிலேயே மூழ்கியிருப்பவரை
தகவல் தொழில்நுட்ப அறிவியலே  
மன்னிப்பாயா..?
'கவிதைமணி' சிந்தனையில் 
உனதழைப்பினை மறந்தேனடி
என்னவளே என்னை செல்லமாய்
மன்னிப்பாயா..?

- கவிஞர்.  இரா. விநாயகமூர்த்தி சென்னை

**
காதல் பூக்கள் எடுத்தேன்!
கவிதை மாலையாய் தொடுத்தேன்!
சாதல் வரையும் சங்கத்தமிழாய்
சாயவேண்டும் உன் மடியிலென
உவகையும் மனதில் கொண்டேன்!
உள்ளன்புடன் உன்னைக் கண்டேன்!
என்பெயர் உன்னிதழ் உச்சரிக்கையில்
எனக்குள் இன்பப்பேய் தலைவிரித்தாடும்!
ஏதேனும் ஒரு நாள் காணாவிட்டாலும்
எங்கே போய்த்தொலைந்தாய் நீயென
எரிச்சலும் உச்சமடையும்..
இதயமும் அச்சமடையும்!
இத்தனை அன்பைத் தேக்கிவைத்திடினும்
இனியவள் உன்னுடன் வாழக்
கொடுத்துவைக்காத 
அன்பான என் தென்றலின்
அடுத்துவராத 
இந்தப்பாவியை
இதயம் நீயும் மன்னிப்பாயா?

- கவுதம் கருணாநிதி, திருச்சூர், கேரளா

**
 
சிரித்துக் கொண்டிருந்த
பூக்களை ப்பறித்து
தலைவன் கால் மிதிபட்டு
அழ வைத்தேனே!!
செடியே என்னை மன்னிப்பாயா ?
உன்னை வெட்டித்தான்  எங்கள்
அமைச்சர் அகமகிழ
கட் அவுட் வைத்தேனே !!
மரமே என்னை மன்னிப்பாயா ?
கன்றுகளிடம் களவாடிய
பால் சுரங்கங்கள் – எங்கள்
நாயகனின் உருவ பொம்மையை
குளிக்க வைத்தேனே!!
பசுவே என்னை மன்னிப்பாயா ?
மூச்சின் மூலத்தை புகையாக்கி
விலங்குகளின் ஈரல்களை கரியாக்கினேனே !!
காற்றே என்னை மன்னிப்பாயா ?
பெண்ணிடம் காதல்
கொண்ட நான்
மண்ணிடம் காதல் கொள்ள
மறந்தேனே ! நிலமகளே
என்று என்னை மன்னிப்பாய் ??  

- கவிஞர் டாக்டர் எஸ். பார்த்தசாரதி,புதுச்சேரி

**

பகல் நேரம் பனிக் காற்றாய் 
பாவை உந்தன் நேசம், பார்க்காது 
நீ போனால் பரிதவித்து மாயும்,
பூப்பூவாய் மரமெங்கும் 
புன்னகைகள் ஜொலிக்க 
நீ வரும் வழியும் ஒற்றையடி 
திருவிழாவாய் திகழும்,
அருகாமை ஆவாரை தலைசாய்ந்து நாண,
அவரைக் கொடி பந்தலிலே
அணங்கவளின் வாசம்,
ஆயிரம் தான் பாயிரங்கள் 
அனுதினமும் எழுத,
ஆராரோ - பாடி நீயும் வேறெங்கோ வசிக்க,
ஆரறிவார் ஆழமான காதலதின் நியாயம் 
ஆங்கோர் தினம் பரிமாற்றப் 
பார்வைகளுடன் ரெயில் நிலையம் ஒன்றில் - 
கையிலிரு குழந்தைகளுடன்
நீண்ட நடைமேடை
மாற்று இரயில் பயணத்தில்
லித்த திவ்வாறு 
"மன்னிப்பாயா" 
மற்றுமொரு முறை - என்று

- செந்தில்குமார் சுப்பிரமணியன்

**

மலர் என்று 
தெரியாமல் மெளனம் காத்தேனே மன்னிப்பாயா?

வ௫வது தென்றல் என
தெரியாமல் 
புயலென நினைத்து
ஒதுங்கி நின்றேனே
மன்னிப்பாயா?

உள்ஒன்றும் புறம் ஒன்றும் வைத்து
பேச அறியேனே நான்..
மன்னிப்பாயா?

உண்மையை உணர்ந்தவன் நான்..
கற்பனையை மறந்தவன் நான்..
மன்னிப்பாயா?

இயற்கையை ரசிப்பவன் நான்
செயற்கையை 
தாண்டி செல்பவன் நான்....
மன்னிப்பாயா?

உன் காதல் மொழி
புரியாதவன் நான்,...
உன் கண்சிமிட்டலின்
அர்த்தம் அறியாதவன் நான்...
மன்னிப்பாயா?

உன் கள்ளச்சிரிப்பின்
காதலை அறியாதவன்
நான்..!
உன் கால்கொலுசின்
ஓசையை உணரா உத்தமன் நான்...!
மன்னிப்பாயா?

க௫ங்கூந்தலின்
வாசத்தில் கவிதை 
வாசிக்க மறந்தவன் நான்....!
மன்னிப்பாயா?

- ர.ஜெயபாலன், வெள்ளகோவில்

**

ஒருகன்னம்  மீதறைந்தால்  மறுகன்  னத்தை
    ஓர்மையுடன்   காட்டென்னும்   அருங்க  ருத்தை
இருகைகள்  கால்களினைச்  சிலுவை  தன்னில்
    இருத்தியாணி  அடித்துமுள்ளின்  மகுடம்  சூட்டி
வருத்திட்ட  போதவரின்  தவறு  தன்னை
    வளரன்பால்  மன்னியுங்கள்  என்று  ரைத்த
அரும்பண்பை  ஏற்றுமன்னிப்  பளித்த  தாலே
    அடைந்திட்ட   நாட்டுநிலை  எண்ணிப்  பார்ப்பீர் !

நாள்தோறும்  தவறுகளைத்  தெரிந்தே  செய்யும்
    நாடாளும்   அரசியலார்  கயவர்  தம்மை
தாள்கோப்பு  நகர்த்துதற்கே  இலஞ்சம்  கேட்டுத்
    தாமதிக்கும்  அரசாங்க  அலுவலர்  தம்மை
ஆள்பண்பு  படிப்பொழுக்கம்  பார்த்தி  டாமல்
    அவர்சாதி  தனைப்பார்க்கும்  கீழ்மை  யோரைத்
தோள்கொடுத்துத்  தாங்கிநாமோ  மன்னித்  தாலோ
    தொடர்கின்ற  அவர்செயலால்  நாடே  பாழாம் !

கல்வியினை  வணிகமாக்கி  விற்போர்  தம்மைக்
    கலப்படத்தால்  பொருள்விற்றுக்  கொழுப்போர்  தம்மை
நல்லிணக்கம்   கெடுத்துமத  சாதி  தூண்டி
    நட்புதனைப்  பகையாக்கும் வன்நெஞ்  சோரைக்
கொல்லுகின்ற  விடமதுவை  வீதி  தோறும்
    கொடுத்துவாழ்வைப்  பாழ்செய்யும்   அரசாங்  கத்தை
எல்லோரும்  ஒன்றிணைத்து   தண்டித்  தால்தான்
    ஏற்றங்கள்  நாம்பெறுவோம்  நாடும்  வாழும் !

- பாவலர் கருமலைத்தமிழாழன்

**

வயோதிகத்தின் இறுதியில் 
படுத்த படுக்கையாய் இருந்தவர் 
தன் இளமை காலம் முதல் 
தன் மனைவிக்கு ஏற்படுத்திய 
துயரங்களை நினைத்து வருந்தி 
"மன்னிப்பாயா?" என அழ,
எந்த சலனமும் இல்லாமல் 
எழுந்து போனாள் பாட்டி!

-சுபர்ணா

**

எதிர்வீட்டு ஜன்னல்கள்
எப்போது திறக்குமென்றே
எத்தனை நாள் தவமிருந்தேன்!?

எந்தன் ஆதவனின் கண்களில்தான்
எத்தனை கோடி சூரிய பிரகாசம்!?
பெண்களைவிட ஆணாதிக்கப்
பார்வைதான் அற்புதமானது!
காதலுக்குள்ளேயே கட்டிவைப்பது!!

வசீகரப்பார்வையால்
வசமாகி் வலு இழக்கும் ஆண் மனம்
என்றெண்ணி எத்தனை நாட்கள்
உந்தன் மனத்தில் ஊடுருவி நின்றேன்
மன்னிப்பாயா!?

காதல் என்பது கண்ணாமூச்சி விளையாட்டுதானா?
முகக்குறிகளில் அகமே காட்டும்
மாயக்கண்ணாடி போன்றதுவா?

விடைகள் தெரியாமலே
வீசிய கணைகளுக்குள்
விருப்பங்கள் இன்றியே
மாட்டிக்கொண்டு தத்தளித்தாய்
உந்தன் மனம் கெடுத்த மங்கையை
மன்னிப்பாயா!?

காதல் மதி ஒளிவீச
காலமெல்லாம் காத்திருந்தேன்
அறிவுமதி ஒளிவீச
அற்புதமாய் நடைபயின்றாய்!

ஊர் உலையில் எந்தன் பெயரோடு
உந்தன் பெயரும் கெட்டழிய
உவந்தபடிநானே காரணமானேனே
மன்னிப்பாயா?

- புலவர் களந்தை நரசிம்ம சுப்பிரமணியன், சிறுமுகை

**

நட்பென்னும் பந்தலில் விரிசல் விட்டு நீர் சொட்டக் கண்டேன்! 
கசியும் நீர் தெருவெல்லாம் வழிந்தோடக்கண்டேன்!
நேற்றுவரை சிரித்து மகிழ்ந்த நெஞ்சம் வாடக்கண்டேன்!

கொடி படர்ந்த பந்தலிலே விச பாம்பினால் விரிசல் வந்ததோ?
இல்லை வழிபோக்கு காகமிட்ட முள்ளினால் விரிசல் வந்ததோ?

பார்த்த விசயங்கள் கண்களுக்கு அப்பாலே!
கேட்ட விசயங்கள் காதுகளுக்கு அப்பாலே!
என விவரம் அறிந்து பேசமால், ஆத்திரத்தில் வந்த கோபம் வாகை சூடிக்கொண்டதே!

நாளோடு மெருகும் நட்பு நடைமிதியாய் போனது! 
போனது திரும்பாது, இன்றோ நான் உணர்கிறேன் பிழையை! 
திருந்த ஓர் வாய்ப்பளிப்பாயா!
நட்பென்னும் பந்தலை இருகரம் கொண்டு தைத்திடுவோம்! 
ஒருமுறை மன்னிப்பாயா!
மன்னிப்பாயா?

-இனிய தமிழ் செல்வா, ஓமன்

காற்றைப் போல என் வாழ்வில் நுழைந்து
காலத்தினுள் தொலைந்து போனவனே
உன்னைக் காணாது துயருகிறேன்
யுக காலப் பிரிவுக்குப் பின்தான்
விழித்தெழுந்தேன்
உனது அழைப்பு மந்திரச் சாவியாகி
குகையின் கதவைத் தட்டுகிறது
ஆயினும் திறக்கப் போவதில்லை
மூடிய விழிகளிலிருந்து நீர் வழிய
கோருகிறேன்,மன்னிப்பாயா?

- சினேகா

]]>
Poem, கவிதை, கவிதைமணி, kavithai, mannipaya, மன்னிப்பாயா? http://images.dinamani.com/uploads/user/imagelibrary/2018/10/29/w600X390/images.jpg http://www.dinamani.com/specials/kavithaimani/2018/oct/29/கடந்த-வாரத்-தலைப்பு-மன்னிப்பாயாவாசகர்களின்-கவிதைகள்-பகுதி-2-3029403.html
3028844 ஸ்பெஷல்ஸ் கவிதைமணி இந்த வாரத்திற்கான தலைப்பு:நாட்குறிப்பு எழுதிய நாட்கள்! கவிதைமணி DIN Sunday, October 28, 2018 06:10 PM +0530 மன்னிப்பாயா என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: நாட்குறிப்பு எழுதிய நாட்கள்!

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம்.  கவிதைக்குக் கீழே உங்கள் பெயரை மறக்காமல் தமிழில் டைப் செய்து அனுப்பவும். 

]]>
poem, diary, kavithai, kavithaimani, கவிதைமணி, கவிதை, டைரி http://images.dinamani.com/uploads/user/imagelibrary/2018/10/28/w600X390/download_1.jpg http://www.dinamani.com/specials/kavithaimani/2018/oct/28/இந்த-வாரத்திற்கான-தலைப்புநாட்குறிப்பு-எழுதிய-நாட்கள்-3028844.html
3028843 ஸ்பெஷல்ஸ் கவிதைமணி கடந்த வாரத் தலைப்பு ‘மன்னிப்பாயா’வாசகர்களின் கவிதைகள் பகுதி 1! கவிதைமணி DIN Sunday, October 28, 2018 06:06 PM +0530 மன்னிப்பாயா

நேசப் பூக்களை நெஞ்சில் விதைத்து 
வாசம் பரப்பிடும் வாழ்வின் வரமே 
அற்றைத் திங்கள் அற்றம் காத்துக்  
குற்றம் களைந்தாய்க் குன்றா விளக்காய்!

முகவரி என்னுள் முழுதாய் மாற்றி 
அகவெளி அதனுள் அமுதம் ஊற்றி 
ஆசுகள் எல்லாம் அளியால் வீழ்த்தி 
ஆய்தல் கொண்டே ஆள்வினை செய்தாய்!

இழிதகவு வருங்கால் இடித்தே உரைத்து 
இன்முகம் அதனால் இதயம் கவர்ந்து 
பன்முகம் காட்டிடும் பகலவத் துளியைப்   
பழியினில் இழந்த பாவமும் புரிந்தேன்!

மானிடப் பிழைகள் மனதினில் எழுந்து
ஊனுடல் அதுவும் உணர்வினில் எரிந்து
தேனெனும் உறவில் தீயினை ஊற்றிட 
தெய்வீக நட்பே மடமையை மன்னிப்பாயா! 
      
- கவிஞர். மு. திருமாவளவன் 
 

**

நாம்  நேசிப்பவரிடம்  மட்டுமே  சொல்லுவது,
அவர்கள்  மனம்  புண்படக்கூடாது என்று! 

மணல்  வீட்டை  கலைத்த  கடல்  அலை,  
குழந்தையின்  கால்  தொட்டு  சில்லென கேட்டது ,
என்னை  மன்னிப்பாயா  என்று!

பொன்வண்டு  மலரில்  அமர்ந்து,  
தேன்  குடித்தபோது  தித்திப்பாய் கேட்டது ,
என்னை  மன்னிப்பாயா  என்று!

முதிர்ந்த    தேங்காய்  மரத்திலிருந்து  விழுந்து, 
பூமி  தொட்ட  போது  முத்தமிட்டு கேட்டது,   
என்னை  மன்னிப்பாயா  என்று!

தன்  வரவுக்கு  காத்திருந்து  கோவம்  கொண்ட  காதலியிடம்  
மண்டி  இட்டு  காதலன்  காதலோடு கேட்டான் 
என்னை  மன்னிப்பாயா  என்று !

பிரசவ  வலி  அனுபவித்து  குழந்தையை  

பெற்ற  தன்  மனைவியின்  நெற்றி முகர்ந்து,
மானசீகமாக  கணவன்  பாசத்தோடு கேட்டான்,
என்னை  மன்னிப்பாயா  என்று!

பசியால்  அழுத  குழந்தையை  கட்டி  

அணைத்து  பாலூட்டும்  போது  
கை  பற்றி  முத்தமிட்டு  அன்னை  அன்போடு கேட்டாள்,  
என்னை  மன்னிப்பாயா  என்று !

கிருஷ்ணனை  பார்த்து  அர்ஜுனன்  மரியாதையோடு
போர்  எதற்கு , 
என்னை  மன்னிப்பாயா  என்றபோது 
கீதை பிறந்தது!!

மன்னிப்பாயா,
நாம்  நேசிப்பவரிடம்  மட்டுமே  சொல்லுவது,
அவர்கள்  மனம்  புண்படக்கூடாது என்று,
அங்கு  மனித  நேயம்  வளர்ந்து,
புதிய  மனிதன்  பிறக்கின்றான் !!

- பிரியா ஸ்ரீதர்  

**

நான் ஆட்சிக்கு வந்தால் ஒழிப்பேன் வறுமையை 
என்று சொன்னார் ஒருவர்!  நான் ஆட்சிக்கு 
வந்தால் நதி நீரை இணைப்பேன் என்றார் 
இன்னொருவர் ! 

நீதியும் தர்மமும் நிலை நாட்டுவேன் நான் 
என்றார் மற்றொருவர் !
பாரினிலே நல்ல நாடாக மாறும் நம் பாரத 
நாடு என்று சபதம் செய்தார் வேறு ஒருவர் !

சொன்னதை செய்வேன் ..செய்வதை சொல்வேன் 
என்னும் ஒரே ஒரு   வாக்குறுதி  நம்பி என் வாக்கு 
யாருக்கு என்று எடுத்தேன் முடிவு அன்று !
ஏமாந்து நிற்கிறேன் இன்று நான் ! மாத சீட்டு 

கட்டி, கையில் இருந்த பணத்தையும் முழுதாக 
தொலைத்து விட்ட ஒரு சராசரி மனிதனாக !
நண்பா ! நீ அன்றே சொன்னாய் ...இலவசத்தில் 
மயங்கி உன் வசம் இருப்பதையும் இழந்து 
விடாதே நீ என்று !

கேட்டேனா நான் ? இல்லையே ! நான் 
கேட்காமலே பல வித அட்டைகள் என் 
கையில் இன்று ! கடன்  அட்டைகளும் 
என் சட்டைப் பையில் காசுக்கு பதிலாக !

உன் சொல் அன்று கேட்காதது  என்  
தப்புதான் ...நண்பா !
மன்னிப்பாயா நண்பா  என்னை இன்று ?

- K. நடராஜன் 

**

தவறு   செய்வது  அது 
மனிதனின்  இயல்பு..
உறவுகள் தவறினை மறந்து 
மன்னிக்கும்  குணமுடையவன்
இல்லத்தில் கட்டப்படும் 
உறவுப் பாலம் பல 
சந்ததியினர் நடக்க  உதவும்
உறுதியான  பாலம்!
மன்னிப்பாயா  என்ற
ஒற்றை வார்த்தை
கற்றை பொருள்கள் நிறைந்த 
அற்புத  வார்த்தை!
கணவன்-மனைவியிடம் 
மன உளைச்சளை  போக்கும் 
கனமான  வார்த்தை "மன்னிப்பாயா?"
மன்னிப்பு கேட்பதாலேயோ 
மன்னிக்கப்  படுவதாலேயோ 
யாரும்  தாழ்வதில்லை!
மன்னிக்க தெரிந்த  மனிதன் 
சன்னிதானத்தில்  இருக்கும் 
இறைவனுக்கு  சமமானவன்!
எதையும்  மன்னிப்போம் 
சதை பற்றுள்ள  வாழ்க்கையினை 
வாழ்வோம்!!!!!!! 

- உஷாமுத்துராமன், மதுரை

**
கருவறை உருவாய்
திருமேனி கொண்டவனின்
திருமுகம் நோக்க
கருவறை கொண்டவளுக்கோ
உரிமை இல்லை!
கருவறையின் 3 நாள்
நாற்றப் பொய்க் கூடை 
காரணங்களினால்  300 நாள் தாய்மை
அவமானத்தால் தலை குனிய
மன்னிப்பாயா சொல் கேட்க
சகோதரிகளின் கூட்டமும்
மகள்களின் கூட்டமும் 
பேத்திகளின் கூட்டமும் காத்திருக்கிறது!
எல்லா இனங்களில் ஆணை
அழகாய்ப் படைத்த
இறைவன்  ஆறறிவுள்ள
பெண்ணை மட்டும் ஏன்
பாலியல் பிண்டமாக்கி
போதை,புகை,மது மானிடர்
சகதியில் உலாவிடச் செய்தான்!
புரிந்து கொண்ட
பெண்ணினமோ மௌனமாக
ஆணின் பிரம்மச்சர்ய
விரதத்தை வரவேற்க
புரியாத பிறவிகளோ
பொய் புகழுக்காக
ஏங்குகிறது!
புரியாத பிறவிகளை
மன்னிப்பாயா இறைவா!-
மது  மாது போதை 
பாலியல் சீண்டல் இல்லா
இந்தியச் சட்ட பண்பாட்டில் இனி
சம உரிமை என்றே
ஆண் சகோதரத்துவம்
இதயத்தில் குத்திய 
நாற்ற முள் இரணத்தை
ஆற்ற மன்னிப்பாயா  
களிம்பு வாசகத்துடன்
கை தூக்க வருகின்ற
திருநாளே பெண்ணிற்கு
பொன் நாளே!- 

- டாக்டர் பி.ஆர்.லட்சுமி

**

காதல் கடலை
ஒத்தது தான் !
அன்பெனும் அலையின் கரம்
பற்றி
ஆனந்தமெனும் கரையைத்
தொடுவதால் !

காதல் காற்றை
ஒத்தது  தான் !
காற்றைப்போல காதலும்
காணும் இடமல்லாது
கண்காணாத தொலைவிலும்
நிறைந்திருப்பதால் !

காதல் மழையை
ஒத்தது  தான் !
மழையைப் போன்றே காதலும்
மனம் கொள்ளா மகிழ்ச்சிதந்து
மண்ணில் உயிர்களை 
வாழ வைப்பதால் !

கடலின் சீற்றமோ
காற்றின் அழுத்தமோ
கனமழை பொழிதலோ
கால மாற்றமோ
காதலின் வானிலையை
பாதிப்பதில்லை
காதல் என்றும் அன்பின்
வழியதில்  மட்டுமே
பயணிப்பதால் !

- ஜெயா வெங்கட்

**

அறிவின் மிகுதி என்று
அதிகம் பேசிய சொற்கள்

நட்பின் மிகுதி என்று
கடந்து சென்ற எல்லைகள்

வலிகளின் மிகுதி என்று
கடத்திக் கொண்ட‌ மெளனங்கள்

அன்பின் மிகுதி என்று
வலிந்து கலைத்த தனிமைகள்

வெறுமையின் மிகுதி என்று
தள்ளி நடந்த பொழுதுகள்

மகிழ்ச்சியின் மிகுதி என்று
தளும்பிக் கொட்டிய சலனங்கள்

உன்னில் மிகுதி என்று
உன்னைக் கடந்த நிகழ்வுகள்

என்னில் மிகுதி என்று
என்னை நிறுவிய கணங்கள்

என்
இருளைச் சுமந்த சுடராய்ச்
சுடர்ந்த உன்னை உணர்கிறேன்.
மன்னிப்பாயா ? 

உணர்வுகளே வண்ணங்கள்
உயிர்கள் தழுவச் சொல்கிறான்
அள்ளி எழுதும் ஓவியன்.
வண்ணத்தில் குழையும் பிழைகளால்
உயிர்கள் தழுவ மறுக்கலாம்
உணர்வுகள் இழைந்த ஓவியம்
ஓவியன் செய்த பிழையல்ல.
எனில்
வண்ணங்களே சொற்கள்
நீயும் நானும் வெறும் தூரிகைகள்
உணர்வுகள் செய்யும் ஓவியத்தில்..
கடற்கரையில் கால்கள் நனைய‌
என் குருவாய்
உன்னைத் தோளில் சுமந்த நினைவுகளுடன்..

- ரமேஷ் கோபாலகிருஷ்ணன், அமெரிக்கா

**

என்னவளே ஏனிந்த வருத்தம் இன்னும்

……….என்னபிழை செய்துவிட்டேன் அறியேன் நான்.!

என்றைக்கும் இதுபோல்நீ இருந்த தில்லை

……….எதற்காக இவ்வளவு கோபம் என்மேல்..!

அன்பைவெளிப் படுத்தப்பல் வழிகள் உண்டு

……….ஆருயிரே நீயறிவாய் அதையெல் லாமே..!

மன்னிக்கும் மனப்போக்கு இருத்தல் வேண்டும்

……….மனிதருக்கு இதுசகஜம் மன்னிப் பாயா..!

 
உண்ணவுமே உறங்கவுமே முடிய வில்லை

……….உன்மத்தம் பிடித்ததுபோல் இங்கு மங்கும்..!

எண்ணமுமே மேலெழுந்து வருந்தும் வண்ணம்

……….என்னுள்ளே புகுந்துதினம் வதைத்துச் செல்லும்.!

கண்டபடி வசவுகளை வீசி னாலும்

……….காதிலேநான் வாங்கவில்லை! கருணை காட்டு.!

தண்டிப்பதை விட்டுவிட்டு தயைகொள் தாயே

……….தயங்காது இப்போதே மன்னிப் பாயா..!


கண்ணோடு கண்பேசும் மொழியி லோர்

……….கருணையுமே கலந்திருக்கக் கண்ட துண்டு..!

கண்ணியமொடு சேர்ந்தவொரு உணர்வே காதல்

……….கருத்துக்கள் இணையாது போனால் மோதல்..!

எண்ணங்கள் ஒன்றாக இணைந்து விட்டால்

……….எல்லாமே வரவேற்கும் இணைந்து நம்மை..!

பெண்களுக்கே உரித்தான சுபாவம் கோபம்

………. பெரிதாகக் குறையதிலே இருப்ப தில்லை..!

- பெருவை பார்த்தசாரதி

**

மனதில் உனை நினைக்காமல் 
குணத்தில் உனை தேடாமல் 
பணத்தால் எதுவும் முடியுமென்று 
கற்சிலையில் மட்டும் உனை கண்டு 
மாலை சூடி 
அபிஷேகம் 
ஆராதனை செய்து 
உன் அருளை பெற்றிட நினைக்கும் 
போலிப் பக்தர்களை 
நீ மன்னிப்பாயா கடவுளே?? 

கொள்கை 
கருத்துக்களை 
எளிமையை 
நேர்மையை 
இதில் உனை பின்பற்றாமல் 
உன் பெயரை 
உன் புகைப்படத்தை 
உன் புகழை மட்டும் 
பேசிக்கொண்டு 
உனை மறந்து 
உனை தொடரும் தொண்டர்களை 
மன்னிப்பாயா தலைவனே ?? 

கோடான கோடி 
உயிர் வாழ இடம் தந்து 
எல்லா ஜீவ ராசிகளும் 
நலமுடன் வளம் பெற 
நீ அள்ளித்தந்த உன்னை 
கூறு போட்டு 
கூவி கூவி 
ஏலம் விடும் 
இம்முட்டால் மானிடரை 
மன்னிப்பாயா பூமித்தாயே?? 

நிழல் மட்டும் தராமல் 
தூய காற்று தந்து 
மண் வளம் தந்து 
மழை தந்து 
சின்னஞ்சிறு கூடு கட்டி 
சிற்றுயிர்கள் வாழ இடம் தந்த உன்னை 
வெட்டியெறியும் கைகளை 
மன்னிப்பாயா மரமே ?? 

சமத்துவம் பேசும் சமுத்திரமே 
எல்லா உயிர்களுக்கும் நீராதாரமே 
உன்னையும் 
உன்னுடன் உடன்பட்டு பிரிந்த 
உன் பிள்ளைகளாகிய 
ஆறு குளம் ஏரியையும் 
காழ்ப்புணர்ச்சி காரணமாய் 
எல்லை பிரித்து சண்டையிடும் 
இம்மடையர்களை 
மன்னிப்பாயா கடலே ?? 

இயற்கை எய்தும் வரை 
இயற்கையை உணரா 
இம்மனிதப் பிண்டங்களை 
மன்னித்தருள்வாயா இயற்கையே ??

- குணா

**

பெற்றெடுத்து வளர்த்தென்னை 
பள்ளி,கல்லூரி படிக்கவைத்தாய்! 
பாசம்காட்டி அறத்தை சொல்லி பக்குவமாய், 
ஆசைப்பட்டாய் வளர்ந்திடவே! 
கேட்டதெல்லாம் வாங்கித்தந்தாய், 
விரும்பியதையெல்லாம் சமைத்துத் தந்தாய்! 
நீ கஷ்டப்பட்டு நான் வாழனுமுன்னு பொன் 
பொருளையெல்லாம் சேர்த்து எனக்கே 
கொடுத்தாயம்மா! உன் அன்பில் வளர்ந்த 
என்னில் நம்பிக்கைகள் வளர்த்தேனம்மா! 
வேலைக்குச் சென்று கை நிறைய சம்பாதிச்சி 
உன் கையில் கொடுத்தேனம்மா! 
அன்பும் அழகுமுள்ள அறிவும் நிறைந்தவளை 
உனைக் கேட்காமலே விரும்பி 
காதல் சொல்லி மகிழ்ந்தே காதல் 
செய்தேன்! நம் வீட்டில் விளக்கேற்றும் 
மருமகளாயவளை ஏற்பாயா? 
என்னை மன்னிப்பாயா? 
ஏமாந்திருமாந்திடவில்லை! 
மன்னிப்பாயா? 

- A.k.சேகர்.ஆகாசம்பட்டு.

]]>
poem, kavithaimani, poetry, கவிதை, கவிதைமணி http://images.dinamani.com/uploads/user/imagelibrary/2018/10/28/w600X390/deeksha.jpg http://www.dinamani.com/specials/kavithaimani/2018/oct/28/கடந்த-வாரத்-தலைப்பு-மன்னிப்பாயாவாசகர்களின்-கவிதைகள்-பகுதி-1-3028843.html
3024191 ஸ்பெஷல்ஸ் கவிதைமணி இந்த வாரத்திற்கான தலைப்பு:மன்னிப்பாயா? கவிதைமணி DIN Sunday, October 21, 2018 11:57 AM +0530 காதலின் வானிலைஎன்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: மன்னிப்பாயா?

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம்.  

]]>
poem, kavithai, கவிதை, கவிதைமணி http://images.dinamani.com/uploads/user/imagelibrary/2018/10/21/w600X390/Alia.jpg http://www.dinamani.com/specials/kavithaimani/2018/oct/21/இந்த-வாரத்திற்கான-தலைப்புமன்னிப்பாயா-3024191.html
3024190 ஸ்பெஷல்ஸ் கவிதைமணி கடந்த வாரத் தலைப்பு ‘காதலின் வானிலை’வாசகர்களின் கவிதைகள்! கவிதைமணி DIN Sunday, October 21, 2018 11:53 AM +0530  

பெண்ணே பெண்ணே
உனை  நினைத்து,
மெரினா கடற்கரை
மாலைக்காற்று,
கவிதை ஊற்றாய் மாறாதா?

கண்ணகி சிலையின் அருகில்,
காவியம் இன்னொன்று தோன்றாதா?

பாரதி இல்லக்கவிதைகள் எல்லாம்,
சாரதி தேரில் வாராதா?

கோட்டை கொத்தள வாயில்களெல்லாம்,
உன்னை நினைத்துக்கூவாதா ?

எழிலகம் உந்தன் எழிலைக்கண்டு,
ஏதென்சுக்குப்போகாதா?

அண்ணாச்சதுக்கம் அனாஇவானோவா உனை,
அழகிய தமிழில் வார்க்காதா?

பாரிமுனையெலாம் துறைமுகம் சென்று,
காதல் கவிதை இறக்காதா?

வேற்றுமையிலும் ஒற்றுமை காண,
உந்தன் மனம் இறங்காதா?

என்னை உந்தன் காதலனாய் ஏற்க,
உந்தன் மனம் இறங்காதா?

நீ எனை மறந்தாலும் நான் மறியேன்,
நான் மனிதனல்ல

மே தினம் கொண்டாட
நான்,
மார்க்சிஸ்ட் அல்ல 

உன் மனதில் அடைக்கலம்
தேடும்,
உழைப்பாளர் சிலையின் வியர்வைத்துளி 

முயற்சித்துக்கொண்டே இருப்பேன்,
உன் மனதை அடைய;
என் காதலை நீ உணர

- ம.சபரிநாத்,சேலம்

**

காதலின் வானிலை வசந்தம் ஆகியே 
கடிமலர்க் காடும் கண்களில் விரிந்திட  
நேசம் ஏந்திடும் மானிட செல்கள் 
வாசம் வீசிடும் வானவில் வாசலில்!

ஏதலம் அதனில் ஏற்றியக் காதல்
ஏக்கப் பெருவெளியில் நிறைந்திடும் தருணம்
பார்க்கும் காட்சியில் பரவசம் பரவியே 
பச்சை விரித்திடும் பசுமைக் காதலும்!

நோக்கும் விழிகளில் பூத்திடும் காதல்
பூக்கும் முன்னே புலன்களைத் திறந்திடத்  
தாக்கும் பிணிகள் தானாய்த் தீர்ந்திட 
வாக்கும் வாழ்வும் வரமாய் மாறிடும்!

- கவிஞர். மு. திருமாவளவன் 

**

தலைமுறை இடைவெளி பெரிதாகி விட்டது 
தலைவரை குடும்பத்தவரை மதிப்பதில்லை இப்போது ! 

மாதா பிதா குரு மதிப்பதில்லை இப்போது 
மனம் போன போக்கில் இளையதலைமுறை ! 

காது கொடுத்து கருத்தைக் கேட்பதில்லை 
கண்டபடி பேசிடும் இன்றைய இளையோர் ! 

பணத்தின் மதிப்பை அறியவில்லை இவர்கள் 
பணத்தை தண்ணியாக செலவழித்து வருகின்றனர்! 

இரவு பத்து மணிக்கெல்லாம் தூங்கிடுவோம் அன்று 
இரவில் விழித்து பகலெல்லாம் தூங்குகின்றனர் இன்று ! 

தெருவிற்கு ஒரு தொலைபேசி இருந்தது அன்று 
தனி நபருக்கு பல அலைபேசி ஆனது இன்று ! 

ஊதியம் குறைவென்றாலும் நிம்மதி இருந்தது அன்று 
ஊதியம் மிகைஎன்றாலும் நிம்மதி இல்லை இன்று ! 

நவீனம் இல்லாவிட்டாலும் இன்பம் இருந்தது அன்று 
நவீனம் இருந்தாலும் இன்பம் இல்லை இன்று ! 

பெற்றோரை நன்கு மதித்து வாழ்ந்தனர் அன்று 
பெற்றோரை மதிப்பதே இல்லை இன்று ! 

அண்ணன் தம்பி உறவு அன்பானது அன்று 
அண்ணன் தம்பி இன்றி தனியாளானது இன்று ! 

ஓடியாடி விளையாடி மகிழ்ந்தனர் அன்று 
ஒரேயறையில் அலைபேசி விளையாட்டு இன்று ! 

வானொலியில் பாட்டு கேட்டு மகிழ்ந்தனர் அன்று 
வானொலி மறந்து தொலைக்காட்சித் தொல்லை இன்று ! 

நல்ல தமிழில் நாளும் பேசிவந்தனர் அன்று 
நாவில் தமிங்கிலமே தவழ்கின்றது இன்று !

- கவிஞர் இரா .இரவி

**

நீல  வானம் போல்,
சஞ்சலம்  இல்லாமல்  பறந்து  விரிந்த  என்  இதயத்தில்,
இள  வேனிற்  கால  சூரிய  கதிர்  போல  நீ  வந்தாய்!

உன்னை  பார்த்தது  முதல்,
உன்னாலே, 
என்  மனவானில்  சற்றென்று  வானிலையும்  மாறியது!

நீ  சிரித்தாய், 
மனதை,
சில்லென்று  ஒரு காதல்  காற்று  வருடியது!

என்  மனம் ,
என்னை  அறியாமலேயே   மின்னலை  துரத்தும்  இடிபோல,
உன்னை  தேடியது!

என்  காதலை,
உன்னிடம்  சொல்ல  நான்  ஒத்திகை  பார்க்கையில், 
ஒரு  புயலே  அடித்து  ஓய்ந்தது,  என்னுள்!

ஒரு  தலை  காதலாக  இருந்த  என்  காதலை ,
நீ  ஏற்ற  பொழுது, 
பருவ மழையின் சாரல் போன்று என் மனம் குளிர்ந்தது!  

விண்ணுலகத்தின்  வாசலாய்  வண்ண  வானவில்  தோன்றுவது போல்,
என்  காதலே , என்  வாழ்வின்  வானவில்லே, 
நீ  வந்த  பின்னே  என்  வாழ்வும்   ஆனது  வசந்த  காலமே!!

இந்த  காதல்  வானிலை  மாற்றமும் எனக்கு  உணர்த்தியது,
நம்  காதலுக்கு,  
வானமே  எல்லை  என்று!!

- பிரியா ஸ்ரீதர்

**

காதல்  -  அது 
மோதினால்  வரும்  வானிலை அறிக்கை
மிக பெரிய சூறாவளி!
கண்ணும்  கண்ணும்  நோக்கும் காதல்
விண்ணும் மண்ணும்  முத்தமிடும் 
அழகிய  மழை போல  குளிர்ந்து 
பழகிய  உள்ளங்களையும்  குளிர  வைக்கும்!
இதயமும் இதயமும்  பேசும்  காதல் 
பந்தய  குதிரைமேல்  அமர்ந்து 
வெற்றி வாகைச்  சூடும்  அமரக்காதல்!
காதலில்  வானிலை  அறிக்கை 
படிக்க  வேண்டுமா?
துடிக்கும்  இதயத்துடன்  பேசுங்கள்!
வெயிலும்  மழையும் மாறி மாறி 
சொல்லும் வானிலை அறிக்கை 
கேட்கும் மக்கள்...
காதல் வானிலை அறிக்கை  
கேட்டு   வெயில்  போல 
சுடுச் சொல் சொன்னால்  என்னாவது?  
காதலை காயப்படுத்தும்  சமூகத்தில் 
சாயம்  பூசும்  காதல்களே அதிகம்!
உணர்ந்து  உண்மையறிந்து  காதலித்து 
மகிழ்ச்சியான  வானிலை  அறிக்கை 
வாசியுங்கள்! நேசியுங்கள்
உண்மை  காதலை!

- உஷாமுத்துராமன், மதுரை 

**

மாமாவின் வீட்டிலே
மகிழ்வுடன் பூத்தது
மாதக்கணக்கிலே எந்தன்
மனதுக்குள் நிலைத்தது.

அறிவுச்சுடர் ஒளி வீசும்
ஆற்றல்கள் தந்தது
அகராதி தேடாமலே
அர்த்தம் பல தந்தது.

அஸ்திவாரம் இல்லாமலே
ஆனந்தம் முகிழ்த்தது
பார்வைகள் பரிமாற்றம்
பலநாட்கள் இனித்தது.

என்னவள் எனக்குத்தான் என
என்னுள்ளம் துடித்தது
ஏதும் மாற்றம் வந்திடுமோ என்ற
எச்சரிப்பும் தலை தூக்கியது.

காதலின் வானிலையில்
கடும் புயல் மையம் கொண்டால்
காக்க இனி யார் வருவார்?!
கடவுள் சித்தம் யார் அறிவார்?!

சொக்கநாதர் துணை இருக்க
சொந்தம் விட்டு விலகிடுமோ?
சொர்க்கம் காட்ட  வந்த மயில்
சோகம் காட்டி நகைத்திடுமோ?!

இந்தவாறு மனம் நினைக்க
நொந்த வாழ்வின் நிலையுணர்ந்தேன்
காதலின் வானிலையில்
கடுகி வந்த இன்ப மழை
காலமெல்லாம் எனை நனைத்து
கல்யாண வாழ்வு வரம் தந்ததையா.

- புலவர் களந்தை நரசிம்ம சுப்பிரமணியன்

**

நீலவண்ண வெளியில்
இதயம் உலவும் எண்ணங்கள்
நழுவித் தழுவும் மேகங்கள்.
பூத்ததுபிறை சிரித்தது புருவங்கள்
எண்ணிக்கைதான் முரண்.
மின்னல் அவள் தோரணம்
மேகம் தாங்கும் மண்டபம்.
இடி இடித்த மேளங்கள்
அர்ச்சுன ரதத்தின் தாளங்கள்.
கண்சிமிட்டும் விண்மீன்கள்
கதைகள் சொல்லும் பாட்டிகள்.
பறம்புக்காட்டில் பாரியின் 
தேரில்சிரித்த கொடிமுல்லையே 
வந்துசிரிக்கும் வானவில்.
பாரி சூடிய ஆதினி
அவள் கொண்டுமுடிந்த கொண்டையே
கறுத்துத்திரண்ட கொண்டல்கள்.
மழையில்துளிர்த்த‌ முதல் துளிகளே
சிப்பியில் உயிர்த்த‌ முத்துக்கள்.
இதுவெல்லாம்
ஏதோ பொழுதுகளில் 
நீலவண்ண வெளியில்
நீயும் நானும் 
சொல்லாடிய மொழிகள்
நீ மறந்தும் இருக்கலாம்.
ஆனால்
நாமும் தொலைந்த கணங்களே
மகிழ்ந்து முகிழ்ந்த கணங்கள்
மறக்க இயலாது.
மறுக்கவும் இயலாது.
தாலாட்டும் வானம்தானே சாட்சி !!

- ரமேஷ் கோபாலகிருஷ்ணன், பீனிக்ஸ், அமெரிக்கா

**

உள்ளத்தில் புயல் அடித்தது !
இருந்தும் உதடுகளுக்கு அமைதியாய்
ஒரு மௌனப்பூட்டு !!
பெயர் தெரியாத இலட்சம் பூக்களின்
வாசம் கூட்டி, வசந்தம்
நாசிக்குள் செலுத்தியது !!
உடலெங்கிலும் ஒரு வெப்பம் !
இருந்தும் சில பனிக்கட்டிகள்
படரும் மூளைக்குள் !!
மேகத்திலிருந்து இறங்கி
இடியும் மின்னலும்
இதயத்தில் நுழைந்தது !!
படபடத்துக் குழைந்தது !!
மெதுவாய் அவள்
என்னைத்தாண்டிச்சென்றாள்,
வியர்வை மறந்து,
மழை நீரை சுரக்கத்தொடங்கியது
என் உடல் !!
இப்படி , இப்படி,  எனக்குள் மாறிவரும்
வானிலைக்கு பெயர் தான் காதலோ ?  

- கவிஞர் டாக்டர் எஸ். பார்த்தசாரதி, புதுவை

**

நாசூக்காக நாசி பக்கம் வீசி போன 
வாசம் வந்து பாசமாக பேசு மென்றோ 
காதலின் வானிலை ஏசுதிங்கே பதில் 
கூற வியலாது வாய்க் கூசுதிங்கே 

விரும்பியவை கிடைத்துவிட்டால் 
கோர்த்திடுவார் சரமாய்ப் புகழாரம் 
கிடைக்காத பட்சத்தில் வீதியில் 
இறங்கி வந்து அடித்திடுவார் டமாரம்

கண்ணுக்கு தெரிவதில்லை 
நெஞ்சிக்குள் இருப்பதெல்லாம்
பஞ்சிக்கும் நெருப்புக்கும் பகை 
புகையாத இடமில்லை ஆனாலும் 

வஞ்சி மகளோ வஞ்சித்து விட
பஞ்சாய்ப் பறக்குதடி காதலின் 
வானிலை அறிக்கை யிட்டதனால்
மழைவருமோ புயல்வருமோ சேர்த்த

மானம் மரியாதை கௌரவம் 
நொடிப் பொழுதில் பறந்திடுமோ 
அவரவ ரச்சமே கயிறாகி திரிந்து 
எவரெவர் கழுத்தை நெருக்குமோ

பொருத்திடுவோம் பொங்கி வழியும் 
எரியும் விறகை இழுத்திடும் ஞாயா லயம் 
அனைத்து காதலின் வானிலை 
செய்திகள் தமர்ந்திடும் தன்னாலே 

- ஆபிரகாம் வேளாங்கண்ணி

**

ஆகாரம் 
விளைந்திட
அள்ளி தந்திடும்! 

ஆழ்க்கிணற்றின்
 அடிவயிறோ காய்ந்திருக்க!

பசுமைப்பாய் விரித்திட 
பாய்ந்திடும் நதி,ஆறு பாலைவனமாகி இருக்க!

குளம்,குட்டை குப்பைத்தொட்டி,கழிவறை  ஆகிப்போயிக்க!

நிலை கண்டு 
நிலத்தினில் நின்று
நிழல் - உயிரின் சுவாசம் மேகம் தீண்ட!

நீலவானம் 
நிறம் மாறி
காதல் வானிலை'யில் 
கருவண்ண ஆடை மாற்றி!

நொடியில் 
மல்லிகை சரம் சூடி! 

மோகத்தினில் 
பொழிந்திடும் முத்தமழையோ! 

வழிந்தோடியது 
வையகமெங்கும்
வயல்வெளி'களை தேடி!

**

ஏக்கத்தில்   பைத்தியம்போல்   உளற   வைக்கும்
    ஏளனமாய்   ஊராரைப்   பார்க்க   வைக்கும்
தூக்கம்தாம்    வாராமல்   புரள   வைக்கும்
    தூயபாலும்   பழமெல்லாம்   கசக்க   வைக்கும்
நீக்கமற   யார்முகத்தைப்   பார்த்த   போதும்
    நினைத்தவரின்   உருவந்தான்   தெரிய  வைக்கும்
தீக்கனல்தாம்    பட்டவுடல்   தகித்தல்   போல
    திரும்பதிரும்ப   நினைவுநெஞ்சைத்   துடிக்க   வைக்கும் !

உடல்தன்னை    இளைக்கவைத்துப்   பெண்கள்    மேனி
    உள்ளயெழில்   பசலையாக    மாற   வைக்கும்
இடம்தேடிச்   சந்திக்கத்    தோழி   தோழன்
    இருவரையும்    உதவிக்காய்க்   கெஞ்ச   வைக்கும்
படபடப்பில்   உடல்தளர்ந்து  நடுங்கிக்  கைகள்   
    பணிகளினைத்   தவறுகளாய்   செய்ய  வைக்கும்
மடமையொடு   மறதிவரும்   சொன்ன   சொல்லை
    மறுபடியும்   மறுபடியும்    சொல்ல   வைக்கும் !

அருகருகே   அமர்ந்தபடி   பேசிப்   பேசி
    அலைபாயும்   மனமடக்க   முடிந்தி   டாமல்
ஒருநொடியும்   பிரிந்திடாமல்   அணைப்ப   தற்கும்
    ஓயாமல்  நினைவுகளில்  மூழ்க   வைக்கும்
கருவாகிக்   கவிதைகளாய்   எழுதி   எழுதி
    கரம்பேசிக்   குறுஞ்செய்தி    அனுப்பி   வைக்கும்
திருமணத்தை   எதிர்த்தவரை   எதிர்த்தே   ஓடித்
    திருத்தாலி  கட்டுதற்கே  துணிய  வைக்கும் !

- பாவலர்  கருமலைத்தமிழாழன்

**

காதலின் வானிலை 
கனியும் இளம்தளிர் காலையின் 
வண்ண ஓவியம்! 

பனிப் பூக்களின் 
வேர்வைத் துளிகள் 
பகலவனின் கண்கள் பட்டதும் 
ஒளிர்ந்து மின்னும் 
பின் ஒழிந்து கொள்ளும். 

சில நிமிடங்கள் மட்டும் 
முத்துக் குவியலாய் 
சத்தம் இல்லாமல் 
சிரித்து மயக்கும். 

பார்க்கும் உள்ளத்தை 
கொள்ளைக் கொள்ளும் 
வைகறையின் வெளிச்சத்தில்
சில்லென்று மழைத்தூவ...

வசந்தம் பாடும் குயில்கள் 
ஆனந்த நடனமிடும் மயில்கள் 
ஆலமரத்துக் கிளிகளின் முனுங்கள்கள் 
என ஜோடிப் புறாக்களையும் 
நித்தம் ஏங்க வைக்கும்
நிதர்சனத்தின் சாட்சி! 

- கவிஞர் பி.மதியழகன், சிங்கப்பூர்.

**

வானம் பார்த்து  நிலவு  பார்த்து 
இரவில் மின்னும் நட்சத்திரக் கூட்டம் 
கண்டு களித்து நான் கொண்ட காதல் அந்த 
நீல வானம் மீதுதான் அன்றும் இன்றும்!

ஒரு நாள் கறுக்கும் ,  இடிக்கும், கண்ணீரும் 
வடிக்கும்! கோபத்தில் கொந்தளித்து வெள்ளமாய் 
உருவெடுத்து தத்தளிக்கவும் வைக்கும்!
மறுநாளே கதிரவன் புன்சிரிப்போடு கரு 
மேகத்துக்கு விடை கொடுத்து விரிக்கும் 
எனக்கு ஒரு சிகப்பு கம்பளம் நான் ஓடி 
விளையாட !

என் தாய் மடியில் அமர்ந்து நான் பார்த்து 
ரசித்த அதே நீல வானத்தை நான் இன்று 
காட்டுகிறேன் என் பேரனுக்கும் !  அதே 
நீல வானம் , அதே நிலவு , அதே விண்மீன்கள் !
முதுமை எனக்கு மட்டுமே ... என்  நீல வானக் 
காதலிக்கு இல்லை! அந்த நீல வானம் என்றும் 
நீல வண்ண முகத்துடனே சிரிக்க வேண்டும் 
முதுமையின் சாயல் அதன்மேல் படாமல் !

என் பேரனிடம் சொல்கிறேன் நான் இன்று 
இதே நீல மேகத்தை நீ உன் பேரனுக்கும் 
காட்டி கதை சொல்லி மகிழ வேண்டும் என்று !
குடிக்கும் தண்ணீருக்கு விலை வைத்து விட்டோம் 
பாவிகள் நாங்கள் ! சுவாசிக்கும் காற்றுக்கும் 
ஒரு விலை கொடுக்கும் அவலம் நேர வேண்டாம் 
உன் காலத்தில் ! பார்த்து நடந்து கொள் தம்பி நீ !

நீல வானம் நீல வானமாகவே இருக்க நான் 
உனக்கு தரும்  வானிலை முன் எச்சரிக்கை  
இது தம்பி !

- K.நடராஜன் 

**
மின்னலடிக்கும் இதயம்வரை பாயும் அது
கன்னம் தடவ மனமோ வானில் பறக்கும்
அன்னம் வேண்டாம் பசியிருக்காது வயிற்றில்
சன்னமான தென்றல் மனதில் அலையடிக்கும்

பார்வை அண்டவெளியில் சுற்றித் திரியும்
பார்க்கும் கண்களில் காட்சி பதிவதில்லை
கோர்க்கும் நினைவுகள் உருண்டோடிடும்
வார்க்கும காதலினிப்பு நாவில் நீரூரும்

சாதிமத சூறாவளிக்காற்றில் வானிலை மாறும்
நாதியற்று மனங்கள் ரணமாக வலிக்கும்
வாதியற்ற வழக்காக வாய்தா வாங்கலாம்
ஆதி மனிதர்களின் வாளுக்கும் பலியாகலாம்

உண்மைக் காதல் வானிலைகளில் மாறாது
பெண்மை மனதில் வேரூன்றி நின்றிடுமது
கண்மை கரைய அழுதாலும் உறுதியானதது
அண்மை மனங்கள் உடல் பிரிந்தாலும் பிரியாது

காதலின் வானிலை மன அலைகளில் உருவாகி
நாத வேள்வியாய் நர்த்தனமாடிடும் நரம்புகளில்
ஊதல் காற்றிலும் குளிர் உணராத உள்ளங்கள்
ஆதலாலே காதல் வானிலை இனிப்பாகட்டுமே.

- கவிஞர் ராம்க்ருஷ்

**
இதயத்தை விற்று இதயத்தை வாங்குவது,
     உறவகளை உதறி புது உறவுகளை  பிடிப்பது
   வலைத்தளத்தில் பிடித்தாலும் அலைபேசியில்
      பித்தாலும் அது ஒரு கலைதான்
இணையதளம் இன்று உதவுகிறது காதல் மலர்வதற்கு
     அலைபேசி மட்டுமல்ல, வலையில்
   வருபவர்க்கு வயது வித்தியாசம் கூட பாராமல்
       காதல் கதைகள் சொல்லி கடலை
இணைய தளத்தில் சில சொக்கும் சில சிக்கும் ,
      நிரந்தரமாய் ஒரு தேவதை மட்டும்
    நேராகப்பார்க்கும்போது நான் பார்க்கும் போது
நிலம் பார்க்கும் பாராதபோது எனை நோக்கும்
   வலைதளத்தால் வந்த வணிதாமணியை விட மனம்
மறுக்குது பிடிக்காதுபோல் நடிப்பு காதல் வயப்பட்டது
     பிடித்ததும் நழுவாமல் விடமறுத்திடும் காதலின்
நெகிழ்ச்சி காதலின் வானிலை யாகும்
   நிலவு எப்படி எல்லா நாட்டுக்கும் பொதுவானதோ
காதலும் எல்லாநாட்டுக்கும் பொதுவானதுதான்
காதல் இந்த ஏற்பாட்டில் கிளிக் ஆவதுதான்
      காதலின் வானிலை எனச்சொல்லலாம்  

- கவிஞர் அரங்க.கோவிந்தராஜன்

**

காதல் என்றாலே களிப்புற்று  மனவானில் 
காண்கின்ற அனைத்திலுமே கனிவே மேலோங்கும்!
சாதல் நிகழ்கையிலும் சங்கடங்கள் நேர்கையிலும்
உள்ளச் சோலையிலே உற்சாகம் பிரவகிக்கும்!
வாழ்தல் ஒன்றினையே வளமாய்ச் சிந்தித்து 
வன்மம் ஏதுமின்றி வாழ்வாங்கு வாழ்ந்திடவும்
வீழ்தல் இல்லாத வினைகள் புரிந்திடவும் 
நெஞ்சம் நெகிழ்ந்திடுமே! நினைவும் இனித்திடுமே!
நெஞ்சிலோர் ஆலயமாய் நின்றதுவே என்றைக்கும்
கன்றும் மாடும்போல் கரவாத உறவாகும்!
பஞ்சில்   நெருப்பு   பற்றுவது   போலதுவே
பார்க்காது இருந்தாலும் பத்தி நன்கெறியும்!
வஞ்சம்   அறியாது    வம்பெதுவும்     பேசாது
துணையின் வாழ்வுக்காய் துடிக்கும் மனதுடனே
பஞ்சம்  வந்தாலும்  பட்டினியே  கிடந்தாலும்
தஞ்ச மடைவதெல்லாம் தந்துணையின் மடியினிலே!
இப்படி  இருந்ததெல்லாம்  இவ்வாறு  நடந்ததெல்லாம்
போன நூற்றாண்டில்;போயிற்று அத்தோடு!
செப்படி வித்தைகளும்  செக்ஸ் அலைக்கழிப்பும்
இன்றைய காதல்வானில் இளையோரை வறுத்தெடுக்கும்!
எப்படி   கட்டியவனை   எவர்க்கும்   தெரியாமல்
தீர்த்துக் கட்டிவிட்டுத் திருட்டுக் காதலனுடன்
அப்படியே வாழ்வதென்று ஆரணங்குகள் மனதில்
அலைபாயும் காலமிது! ஆழ்ந்த  சோகமிது!

-ரெ.ஆத்மநாதன்,கூடுவாஞ்சேரி

**
எனக்கு உயிரானவளே - காதலின்  வானிலையில்
நண்பர்கள் குரு கிரகமாகி விடுகிறாா்கள
எதிரிகளாே சனி கிரகமாகி விடுகிறாா்கள்
நீ வானில் வீதியுலா செல்வதைப்படம்பிடிக்கவே
பூமியிலிருந்து செயற்கைக் கோள்கள்யாவும் படையெடுக்கின்றன;
கோள்களின் சுழற்சியெல்லாம் சட்டென நிற்கிறதடி
உனது நடை அழகை காண்கையில்;
உனது பாதம்படாத நட்சத்திரப் பூக்களெல்லாம் - காதலெனும்
வானிலையில் தன்னைத்தானே எரித்துக் கொள்கின்றன;
விண்கற்களும் ஒன்றொடொன்று மோதிக்கொள்கின்றன - இப்பேரழகியைப்
பெறுவதற்கு ஆடவனாய் பிறக்கவில்லையே என்றெண்ணி;
என்னவளே காதல்வானில் மறந்தும் சிரித்துவிடாதே
மேகமற்ற நிலையிலும் மின்னல் தோன்றிவிடும்;
வானவில் ஆடையும் வளைந்தேவிட்டது - நீ
அணிந்த கைத்தறி ஆடையழகுக்கு ஈடாகாமல்;
இடி தாக்குதல்கூட ஏதுமற்றுப்போகிறதடி - நீ
சட்டென வீசிய காந்தப்பாா்வைக்கு முன்னால்;
வானவெளியில் உன் கருங்கூந்தலையும் உலறவிடாதே -
கருமேகம் மயங்கி உன்னை காதலித்துவிடப்போகிறது;
என்னவளே காதலின்வானிலையில் என்னிலையை மறந்தேனடி..
உன்னிலையோடு ஒருநிலையாய் சிலையாய் நின்றேனடி...

- கவிஞர் - இரா. விநாயகமூர்த்தி 

**
மின்னல் ஒளியில் 
செய்த மின்சாரவிழியே..
மழையோடு மறைந்து 
தோன்றும் வானவில்லே..
மனதிற்குள் பெய்திடும்
அழகான காதல்மழையே..
காற்றோடு மேகமும்
பேசும் கவிதைமொழியே..
புயலையும் தென்றலாய்
தவழவைத்த காதலியே..
கனவுஎன்னும் வானில்
மிதக்கவைத்த நிலவே..
காதல்மழை சுமந்து
செல்லும் கருமுகிலே..
வெயிலோடு மழையும்
கொஞ்சிய காலநிலையே..
விண்ணை பெண்ணாக்கியது
காதலின் வானிலையே..
- கவிஞர் நா. நடராசு

**

தாயின் சிறகுகளுக்குள் 
புகுந்து அதன்
அடிவயிற்றுப் பரிசத்தில்
கண்மூடி லயிக்கும்
கோழிக் குஞ்சு போல,
இரவுகள் பூராவும் 
என்னவளின்
நினைவுகளுக்குள் புகுந்து, 
அது வழங்கும்
காதல் வானிலையின்
இதமான கதகதப்பில்
இன்பம் துய்க்கிறேன்..
 - ஆதியோகி

**
உணவும் செல்லாது  
உறக்கம் கொள்ளாது 
ஓரிடத்தும் நில்லாது 
யாரிடத்தும்  சொல்லாது 
சேரிடம் தெரியாது 
நெஞ்சிடும்  உணர்வுகள் 
விஞ்சிடும் ஆசைகள் 
தஞ்சமிடும் மஞ்சம் 
தகித்திடும் உடல் 
தத்தளிக்கும் மனம் 
விளிம்பிடும் கண்ணீர் 
வெளுத்திடும் கண்கள் 
அந்தோ பரிதாபம்!
யாருக்கு வேண்டும் ?
காதலரை
நினைத்து நினைத்து
நெகிழ்ந்து நெகிழ்ந்து
காத்து காத்து 
பூத்த மலர் வாடிடும் 
பொழுதினில் 
காதலர்   மனநிலை 
கணித்திடும்
காதலின் வானிலை ! 
- எஸ் வி ஆர் மூர்த்தி பெங்களூர்

**

பாலகராய் இருந்தபோது இல்லை பேதம்

……….பருவங்கள் எய்துவிட்டால் வந்து போகும்.!

மாலமாயம் செய்வித்தே மயக்க வைக்கும்

……….மனமுமொரு நிலையிலாது பரித விக்கும்.!

காலத்தின் நிலையறிய கோள்கள் போல

……….காதலிலும் வானிலையைக் கண்ட துண்டு.!

மூலதனம் ஏதுமில்லை முயற்ச்சி வேணும்

……….முக்கியமாய்க் காதலிக்க ஆர்வம் போதும்.!

அக்கறையும் அன்புடனே சேர்ந்து விட்டால்

……….அதன்பிறகு காதலுக்கும் புரியும் அர்த்தம்..!

பக்குவமாய் காதலித்தால் பலனும் உண்டு

……….பகுத்தறிவுக் கேள்வியங்கே எடுப டாது..!

வக்கிரத்தால் வருங்காதல் அறிந்து கொண்டு

……….விபரீதம் நிகழாமல் விழிப்பு வேண்டும்..

அக்கினிக்கும் காதலுக்கும் உறவு உண்டு

……….அதன்தொடர்பு பாதியிலே அறுந்து போனால்..!

காதலுமோர் வானிலையைப் போலத் தானே

……….காதலிக்கும் கலையறிய கற்க வேண்டும்..!

சோதனைகள் வந்தாலும் தொடரும் காதல்

……….சொந்தத்தைச் சிலசமயம் மறக்கச் செய்யும்..!

வேதனைகள் இல்லாது காதல் செய்யும்

……….வித்தகர்கள் வயதிற்கும் வரம்பு இல்லை..!

பாதகங்கள் வேண்டாமே! பந்தம் வேண்டும்!

……….பருவநிலை அறிந்தபின்னே காதல் செய்வீர்..!

- பெருவை பார்த்தசாரதி

**

வேண்டி வந்து நிற்பேன்..
தாண்டிச்சென்று விடுவாய்
தலைகுனிந்துகொண்டே..!
நொண்டியடித்தபடி மனமும்
நொந்துகொண்டே திரும்பும்..!
ஏதோ யோசித்துக்கொண்டிருப்பேன்
எங்கிருந்தோ வந்து முன் நிற்பாய்!
எனை விழுங்கும் விழிகளால்
எண்ணற்ற மகிழ்வும் தந்து செல்வாய்..!
தவறெதுவும் நான் தவறிச் செய்தால்
எவர் உண்டென்றும் பாராமல் 
எரிக்கும் விழிகளால் முறைக்கிறாய்..!
எவர் விழிகள் என் மீது பட்டாலும்
எனக்கெதுவும் ஆகக்கூடாதென்று 
அவர் பார்வையிலிருந்து மறைக்கிறாய்..!
வருமென்று நினைக்கும்போது வராமலும்
வராதென்று நினைக்கையில் முன்வந்து நிற்பதிலும்
வானத்து மின்னலாய் ஜொலிப்பதிலும்
வஞ்சி நீயும் மழை தான்..என் 
நெஞ்சில் எப்போதும் காதல் வானிலை தான்..!

- கவுதம் கருணாநிதி, திருச்சூர், கேரளா

**

தேரில் வரும் அம்மனிலும்
நேரில் வரும் ஆட்களிலும்
கூர்ந்து நான் கவனிக்க
வைத்தது ந்தன் சாயலன்றோ?

வானிலையும் மாறாதோ
வான் நிலவும் வாராதா
பாலை நெஞ்சில் பூப்பூக்க
காலையிலே கண்ட கனா -

- செந்தில்குமார் சுப்பிரமணியன்

**

இரு கண்கள்
சந்தித்த வேளையில்
இரு இதயங்கள்
இடம் மாறிக் கொண்டதோ

மௌன மொழியாலே
மௌனமாய் பேசினோமே
அகத்தினுள் அவளுருவம்
ஆனந்தமாய் அலையடிக்கிறது

நிஜத்தினில் பார்க்கின்றேன்
நீங்காத மழை பொழிவு
தெரிந்து விட்டதோ தென்றலுக்கும்
புரிந்து விட்டதோ இயற்கைக்கும்

உன்னில் நான் வந்த மாற்றம்
என்னில் நீ வந்த மாற்றம்
இயற்கையின் மாற்றமோ இல்லை
காதலின் வானிலை மாற்றமோ

- மதுரை மாலதி (PC)

**
மேகங்களின் காதல் 
மோகத்தில் மழை !

தவிக்கும் இதயம் அன்பால் 
குவிக்கும் காதல் கனவுகளை !

கண்களின் காவிய மோதல் 
மண்ணின் மழையென காதல் !

ஈரம் காயும் வேளையில் - மனதிலே 
பாரம் குறையும் சொன்ன காதலாலே !

வண்டுகள் தேடும் தேன்போல 
பெண்வண்டைத் தேடும் காதலே !

மேகஓவியம்  கரைவதற்க்குள் 
தாகம்  தீர்க்கும் விவேகக்காதலே !

 - கா. மகேந்திரபிரபு, சிவகாசி

**

கார்மேகம் காணும் போதுன்
கருங்கூந்தல் நினைவில் வாழும்
நேர்காணும் வகிடும் என்னுள்
நினைவூட்டும் மின்னல் தானே
பார்க்காத நொடியின் நேரம்
பார்க்குமுன் விழிகள் ஓரம்
ஈர்ப்புவிசை  மனங்கள் ஆற்றும்
இலக்கியங்கள் காதல் போற்றும்

பருவத்தே காதலி யற்கை
பயிர்வளர்க்கும் மழையே போன்று
உருவத்தால் வனப்பை பெற்றும்
உள்ளத்தால் அச்ச முற்றாள்
கரைகடக்கும் புயலின் சேதம்
கண்டறிவின் கலக்கம் போலும்
வரம்புகள் குறித்து வைத்து

வார்த்தையில் கவனம் வைப்பாள்
காதலெனும் மழையும் ஓங்க
கருமுகிலாம் ஈரம் வேண்டும்
ஆதரவாய் தென்றல் பார்வை
அனுப்பிவிடும் தூது வொன்றால்
சாதகமாய் மழையும் ஆங்கு
சரித்திரமே படைத்து நிற்கும்
வேதனைதான் காதல் என்றால்
வெளிப்பட்ட அன்பில் பொய்யே

- கவிஞர் முருகுபாண்டியன்

**

விதைக்கப்பட்ட நிலவு விண்ணில் வளர்கிறது !
முழுமதி ஆனபின் மெதுவாய்  தேய்கிறது !!
காணும்நாளில் மனம்  களிப்புடன் ரசிக்கிறது !
காணாத நாட்களில் கவிதைக்கும் பசிக்கிறது !!

தூவப்பட்ட விண்மீன்கள் துள்ளுகிறது- நிலாகாக்க
ஏவப்பட்ட  வேலையாளாய்  எண்ணுகிறது.....
சிற்றொளி தரும் சிப்பந்திகளின்
கண்சிமிட்டும் கலை உள்ளம்  பறிக்கிறது !
காதலுடன் உணர்வும்  ரசித்து சிரிக்கிறது !!...

நீர்த்துளிகள்  பொதிந்த நீள மூட்டைகளாய் 
நித்தமும் நகர்கிறது  நீலவான் முகில்கள்...
கடல் நீர் திருடர்களை கண்டு
களித்தே மனம் காதல் கொள்கிறதே !

மழையெனும் ஓவியன் மறந்து போன
விண்ணப் பெட்டி வானவில்-- காண்கையில்
காதலும் பூக்கிறது கவிதையில் நிறம் சேர்க்கிறது !
வஞ்சியோடு காதல் கொண்ட  மனிதரில்

வானத்தோடு அலைகிறது என் காதல் ...
இப்பொழுதும் கூட அதன்
மழையெனும்  மரபுக்கவிதையினை
ரசித்து கொண்டே...

- துள.கவிஅன்பு

**

பிரபஞ்சத்தின்
எல்லையற்ற வெளியில்
பிரசன்னமாகும்
தட்ப வெட்ப நிகழ்வில்
ஜனனப்படும்
பருவங்களின் பிரமாண்டம்

திசைகளின் அதிர்வில்
பிரகாசிக்கும்
சுகத்தின் பேரானந்த அலையில்
ஏகத்தின் வெறுமையில்
அடையாளமற்று நறுமணம் பரவ
பூத்துக் குலுங்கி வியாபிக்கும்
அனந்த கோடி அழகின் இன்பம்

அண்டத்தில்
காணவியலா அணுக்களின்
துகள்களால்
தொடங்கிய வேட்கையின் விருப்பங்கள்
விடாமல் வேட்டையாடிக்கொண்டிருக்கின்றன

அன்பென்றும் காதலென்றும்
கம்பீரத்தோடு
பரிபாலனம் செய்யும் மனவெளியில்
பிரகாசிக்கும்
முரண்களின் உடன்பாடு

பருவங்களில் சுரக்கும்
கார் கூதிர் முன்பின் பனியெனத் தொடர்ந்து
இளவேனில் வசந்தமெனக் குலுங்கும்
காலங்களின் யௌவனம்

அதனதன்
உணர்வுகளின் கைப்பிடித்து
அன்பால் நடைபயிலும் போது
முறிக்கும் மனிதனின்
அபாண்ட சாதிகளின் சதிகள்

யதார்த்த காதலை
நிறபேத இனவாத வெறிகள்
குதறி குலைக்கின்றன

உண்மையின் பருவநிலை
மாறிப்போவதில்
வானப் பருவநிலை திசைமாறுகிறது
போல

காதலின் உணர்வுகளை
களங்கம் படுத்துவதால்
வெப்பச் சலனமென
சதையின் சலனத்தால் நிஜமற்று
நிழல் காணாமல்
நொறுங்கி கிடக்கிறது
காதலின் வானிலை...

- கவிஞர்.கா.அமீர்ஜான்

**

காதலின் வானிலை

காதலின் வானிலை - நானறியேன்
ஆனால் வானிலை ரம்மியமானால்
தானாகவே வரும் காதல்

தானாகவே வரும் காதல் - ஆம்
இயற்கையின் மீது

காதலின் வானிலை - நானறியேன்
ஆனால் அன்பு அதிகமானால்
தானாகவே வரும் காதல்

தானாகவே வரும் காதல்  - ஆம்
மனைவியின் மீது

காதலின் வானிலை - நானறியேன்
ஆனால் பாசம் அதிகமானால் 
தானாகவே வரும் காதல்

தானாகவே வரும் காதல் - ஆம்
பிள்ளைகளின் மீது

காதலின் வானிலை - நானறியேன்
ஆனால் பரிவு அதிகமானால்
தானாகவே வரும் காதல்

தானாகவே வரும் காதல் - ஆம்
பெற்றோர்களின் மீது

காதலின் வானிலை - நானறியேன்
ஆனால் மரியாதை அதிகமானால்
தானாகவே வரும் காதல்

தானாகவே வரும் காதல் - ஆம்
பெரியவர்களின் மரியாதையின் மீது

காதலின் வானிலை - நானறியேன்
ஆனால் தேச பக்தி அதிகமானால் 
தானாகவே வரும் காதல்

தானாகவே வரும் காதல்  - ஆம்
தேசத்தின் மீது

காதலின் வானிலை - நானறியேன்
ஏனெனில் எனக்கு காதலி இல்லை.

ஆனால் இயற்கை, மனைவி, பிள்ளைகள், 
பெற்றோர், பெரியோர்கள், தேசம் என
எனக்கு பலர் உள்ளனர்

அவர்கள் மீதான அன்பு, பாசம், பரிவு, மரியாதை, 
பக்தி காதலாக மாறியதால் காதலின் வானிலை 
ரம்மியமாக உணர்கிறேன்.

- ஆம்பூர் எம். அருண்குமார்.

**

எங்கிருந்தோ இடியிடிக்க
ஆங்காங்கே மின்னல் வெட்ட
மழைபொழிந்து மண்மணக்க
மங்கை உடல்நனைக்குமென்ன;
கருக்கட்டிய மேகங்களினின்றும்
உருக்கொண்டு ஓர்துளியவிழாதோ?
எண்ணுதற்குள் என்மழைக்கனவு
வீசிய காற்றதனால் வீணேகலைந்து போய்
வானிலையறிக்கை போல 
வீணிலே பொய்த்துவிட;
இலதொன்றை வானமென்று 
ஏமாந்து பார்த்தாற்போல்
இல்லாத காதலதை
எல்லையிலாதெங்கும் பரந்ததென்று 
பார்த்திருந்தேன்...! காலத்தால் 
கனியுமென்று காத்திருந்தேன்..!
~ தமிழ்க்கிழவி

**

காதல் மழையாய் பொழியுதடி
காற்று நம்மை தீண்டுதடி
நீயும் கொஞ்சம் சிரிக்கையிலே
நெஞ்சின் காயம் மறையுதடி

கனவுக்கும் நனவுக்கும் உள்ள இடைவெளி
நீயென் அருகில் வருகையில் குறையுதடி
பூவாசம் மண்வாசம் தாண்டி
பெண்வாசம் ஆளை மயக்குதடி

இமைகள் துடிக்க இதயம் துடிக்க
இதழ்கள் உன்னைப் படிக்குதடி
என்னுள் எழும் கவிதைகள் எல்லாம்
உன்னழகை மட்டும் வடிக்குதடி

- கோ.வேல்பாண்டியன், வேலூர்

**

காதல் மழையாய் பொழியுதடி
காற்று நம்மை தீண்டுதடி
நீயும் கொஞ்சம் சிரிக்கையிலே
நெஞ்சின் காயம் மறையுதடி

கனவுக்கும் நனவுக்கும் உள்ள இடைவெளி
நீயென் அருகில் வருகையில் குறையுதடி
பூவாசம் மண்வாசம் தாண்டி
பெண்வாசம் ஆளை மயக்குதடி

இமைகள் துடிக்க இதயம் துடிக்க
இதழ்கள் உன்னைப் படிக்குதடி
என்னுள் எழும் கவிதைகள் எல்லாம்
உன்னழகை மட்டும் வடிக்குதடி

- கோ.வேல்பாண்டியன், வேலூர்

**

மேகம் திரண்டது அந்த வானத்தில்
சோகம் திரண்டது அவள் வதனத்தில்
இடிவிழுந்த போது விண் அதிர்ந்தது
ஏசிய பேச்சில் மண் அதிர்ந்தது
மின்னல் வெட்டிய போது கண்மிரண்டது
விழிவாளால் வெட்டிய போது தலைதுவண்டது
அடைமழை பெய்தபோது நிலம்மூழ்கியது
அழுத கண்ணீரில் உளம்மூழ்கியது
காற்று சுழன்று சூறாவளியாய் மாறியது
காதல் கழன்று புயல்தாண்டவம் அரங்கேறியது

புயல் ஓய்ந்தபின் கணக்கெடுக்கையில்
சேதாரம் ஆனது
இருவர் வாழ்க்கையும்

- கோ. மன்றவாணன்

**

என் அருகில்
தேவதை நீ இருக்க
இமயத்துள் சிக்கி
நடுங்கும் நிலை
சற்று தள்ளி நின்றால்
சுற்றித் தெறிக்கும்
சாரல் மழை
காரினைச் சுற்றி
தலையில் வைத்து
ஏரினைப் பார்வையாக்கி
பார்வையைக் கூரினால்
நெஞ்சகத்தைக் கீறி
வேளாண்மை பார்க்கும்
உன் வினை
காரை இறக்காமல்
வேகமாய் காற்றுத் திரையில்
ஆட்டி ஆட்டி − இன்று
மழை வருமா! மழை வருமா!
என ஏங்க வைக்கும்
கலிக்காலி உன்னால்
வானம் பார்க்கும்
பூமியாய்
வெறும் கோவணத்தோடு.....

-  முகில் வீர உமேஷ்

**

கருங்கூந்தல் மேகத்தில் 
ஒளிவீசும் பால்நிலாப் போல் 
உருண்டு திரண்ட தேகத்தில் 
ஒளிவீசும் உன் கண்கள் 
என் கண்ணில் மின்னல் வெட்டியதால்
என் மனதில்மையம் கொண்டதைப் போல்
உன் மனதில் மையம் கொண்டதா காதல்?

மனதில் மையம் கொண்ட காதலால் 
என் வானில்   
காதல் மழை வருமோ? இல்லை
என் கண்ணில் நீர் வருமோ?

மனதில் மையம் கொண்ட காதலை 
பெற்றோரின் 
சாதி, மதம், அந்தஸ்து எனும் 
புயல் வீசி கலைத்திடுமோ?
இடியாய் இடர் வருமோ?

பலத்த காற்று வீசி 
மரத்தை சாய்ப்பது போல் 
கண்ணில் வலை வீசி
மனதை சாய்த்தவளே!

இல்லத்தில் புகுந்த மழை நீராய்
என் உள்ளத்தில் புகுந்த 
உன் நினைவால் தவிக்கின்றேன்!
ஓடி வந்து காப்பாயோ?
ஓடம் விட்டு காப்பாயோ?

கனிந்து வரும் காதலில்
சாதி மத புயலடித்து 
நிலவரம் கலவரம் ஆகாமலும்!
காதலர்களை 
தற்கொலையிலிருந்தும்
தற்பெருமைகொலையிலிருந்தும்
காப்போம்!
-கு.முருகேசன்

**

கண்களிலே தெரியுதடி காதலின் தீவிரம்
காதலிலே தோற்றாலோ கண்களில் தீவரும்
புன்னகைச் செடியிலே பொன்மலர்ப் பூவரும்
கன்னிமனம் நொந்தாலோ கனலாடும் புயல்வரும்

நேற்றிரவு பெய்தமழை இன்றிரவு இல்லை
இன்றடித்த வெயிலிலே ஈரமிச்சம் இல்லை
முத்தங்கள் கொட்டிவைத்த இதழ்அமுத மேகம் 
மொத்தமாய்த் தீர்ந்ததால் தீரவில்லை தாகம் 

மையல்கொண்டு தையல்கொண்ட மைவிழியில்
கயல்கொண்ட பொன்னழகைக் கவிகொண்(டு) எழுதியதை
வெயில்கொண்ட கோடையெனெத் தீக்கொண்டு போனபின்பு
புயல்கொண்ட மழைநாளாய் பூவைகொண்ட கண்மாறும்

விரிந்தாடும் கூந்தல் கார்கால மேகங்கள்
சரிந்தாடும் போதினிலே கண்பெயும் மாமழை
எப்போதும் குளிர்காலம்;அது காதல் வானிலை 
காதல் இல்லை என்றாலோ எப்போதும் வாழ்விலை

- கவிஞர் மஹாரதி

**

பகலா,இரவா தெரியவில்லை! 
ஞாயிறா, திங்களா ஒளியில்லை! 
கருமேகங்கள் நிறைந்துள்ளதே! 
மின்னல் கீற்றுகள் தெறிக்கிறதே! 
இடியோசை கேட்கிறதே! 
ஈரக்காற்றுடன் மழைச்சரங்கள் 
விழுகிறதே! மண்வாசம் மணக்கிறதே! 
உன் பார்வை வீச்சினிலே உயிர்த்தீ எரிகிறதே! 
மெய்யுயிர் சிலிர்க்கிறதே! 
அன்பே காதல் சொல்லிவிடு! 
உன்னால் என்னுள் இரசாயனமாற்றமே 
பிரவாகமெடுக்கிறதே! 
மனமுழுதும் வளிமண்டல அழுத்தமாக 
உணர்வுகளில்,உணரச்சிகளிலே 
மழையாகிறதே!  
இயற்கையில் இயல்பில் 
இது காதல்வானிலையே! 

- ஆகாசம்பட்டு A.k.சேகர்.

]]>
poem, poetry, kavithai, kavithaimani, கவிதை, கவிதைமணி http://images.dinamani.com/uploads/user/imagelibrary/2018/10/21/w600X390/60cff93795ad0d5af19f4ad33e2ecd75.jpg http://www.dinamani.com/specials/kavithaimani/2018/oct/21/கடந்த-வாரத்-தலைப்பு-காதலின்-வானிலைவாசகர்களின்-கவிதைகள்-3024190.html
3020258 ஸ்பெஷல்ஸ் கவிதைமணி இந்த வாரத்திற்கான தலைப்பு: காதலின் வானிலை கவிதைமணி DIN Sunday, October 14, 2018 06:45 PM +0530 இடைவெளி என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: காதலின் வானிலை

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம்.  

]]>
poem, kavithai, kavithaimani, கவிதை, வானிலை, காதல் http://images.dinamani.com/uploads/user/imagelibrary/2018/10/14/w600X390/Swiming_Pool_w.jpg http://www.dinamani.com/specials/kavithaimani/2018/oct/14/இந்த-வாரத்திற்கான-தலைப்பு-காதலின்-வானிலை-3020258.html
3020256 ஸ்பெஷல்ஸ் கவிதைமணி கடந்த வாரத் தலைப்பு ‘இடைவெளி’வாசகர்களின் கவிதைகள்! கவிதைமணி DIN Sunday, October 14, 2018 06:39 PM +0530  

பாப்பா சொல்லும் 
கதைகளால் 
நிரம்பிக்கொண்டிருக்கிறது, 
அவள்
முன்னிரு பற்கள் விழுந்ததால்  
வந்த இடைவெளி!

- சுபர்ணா

**

காட்சியின் தூரமே கண்களின் இடைவெளி ! 
கனவின் தூரமே உறக்கத்தின் இடைவெளி !
வாழ்வின் தூரமே இறப்பின் இடைவெளி !
மௌனத்தின் தூரமே வார்த்தையின் இடைவெளி !
அன்பின் தூரமே நமக்கான இடைவெளி !

- கோபிநாத் பாரதி

**
கல்லுக்கும் மண்ணுக்கும்
கடலுக்கும் காற்றுக்கும்
ஆகாயத்திற்கும் பூமிக்குமான
இடைவெளியில் 
இயங்கும் உயிர்கள் 
காண்பது ஒன்றாயினும்
கண்களுக்கு இடையே 
இடைவெளி ...
காலடி வைக்கும்
கால்களுக்கு இடையே
இடைவெளி ...

பகலும் இரவுமாக
பனியும் மழையுமாக
பருவங்கள்  இடையே  இடைவெளி....
பயிர்கள் வளர்ந்திட
பாத்திகளுக்கு இடையே இடைவெளி......
பயணம் செல்ல
பாதைகளுக்கு இடையே
இடைவெளி.....

சொற்ப் பிழையின்றி வாசிக்க
சொற்களுக்கு இடையே
இடைவெளி .....
கற்றவர் கல்லாதவர்
உற்றவர் அற்றவர் இடையே
இடைவெளி ....
வற்றாத நதிக்கும் 
வறண்ட பூமிக்கும் இடையே
இடைவெளி........

தாத்தாவுக்கும் பேரனுக்கும்
தலைமுறை இடைவெளி ....
தடையின்றி வந்து சேரும்
இடைவெளி பற்றியே
இதயத்திலிருந்து 
இறங்கிக் கொண்டே
இருக்கும் இடைவிடாத வரிகள் !

- கே.ருக்மணி

**
பணத்திற்க்கும்,
நல்ல குணத்திற்க்கும்
இடையே,

பணத்திற்க்கும்,
அன்பு-பாசத்திற்க்கும்
இடையே,

பணத்திற்க்கும்,
நிறைந்த மனத்திற்க்கும்
இடையே,

பணத்திற்க்கும்,
பெறுகின்ற மதிப்பிற்க்கும்
இடையே,

பணத்திற்க்கும்,
அடைகின்ற பதவிக்கும்
இடையே,

பணத்திற்க்கும்,
கிடைக்கின்ற உதவிக்கும்
இடையே,

பணத்திற்க்கும்,
வாங்குகிற மருந்திற்க்கும்
இடையே,

பணத்திற்க்கும்,
வேண்டுகிற மகிழ்ச்சிக்கும்
இடையே,

பணத்திற்க்கும்,
அதைப்பெருக்க எடுக்கின்ற முயற்ச்சிக்குமிடையே,

பணத்திற்க்கும்,
நிலைத்த வசதி-வாய்ப்புக்கும்
இடையே,

இருக்கின்ற இடைவெளி;
நடக்கின்ற போராட்டம்,
அதுவே வாழ்க்கை

- ம.சபரிநாத்,சேலம்

**

தாய்மார்பில் பாலூட்டித்  தமிழை  யூட்டித்
    தமிழ்ப்பண்பை  ஒழுக்கத்தை   அதிற்க  லந்தே
சேய்தன்னை  அன்பாலே  வளர்த்த  தெல்லாம்
    செப்புகின்ற  கனவாகிப்  புட்டிப்  பாலை
வாய்புகட்டித்  தாதியவள்  காசுக்  காக
    வளர்க்கின்ற  கடமையாலே  குழந்தை  யிங்கே
தாய்மொழியைப்  பாசத்தை  மண்கு  ணத்தைத்
    தாம்மறந்தே   இடைவெளிதாம்  பெருகிற்  றின்று !

பெற்றோரும்   சுற்றமுடன்  உடன்பி  றந்த
    பெருமுறவும்  இணைந்ததொரு  குடும்ப  மாகப்
பற்றுடனே  இன்பதுன்பில்  பங்கு  கொண்டு
    பகுத்துண்டு  வாழ்ந்ததெல்லாம்  கனவாய்ப்  போகப்
பெற்றவரை  முதியோரின்  இல்லில்  விட்டும்
    பெயர்சொல்லும்  உறவுகளைத்  தள்ளி வைத்தும்
வற்றிட்ட  பால்மடியாய்ப்  பாச  மின்றி
    வாழ்கின்றார்  இடைவெளிதாம்  அமைத்துக்  கொண்டே !

பக்கத்து  வீட்டாரின்  முகத்தைப்  பார்த்துப்
    பழகியவர்  குடும்பமுடன்  தாமு  மொன்றித்
தக்கதொரு  நட்புடனே  இருந்த  தெல்லாம்
    தமிழ்பேசி  மகிழ்ந்ததைப்போல்  கனவாய்ப்  போகக்
குக்கிராமம்  என்றபோதும்  குடிசைக்  குள்ளே
    குத்துக்கால்  இட்டமர்ந்து  தொலைப்பே  சிக்குள்
பக்கத்து  வீட்டாரை  முகநூல்  தம்மில்
    பார்க்கின்ற  இடைவெளிதாம் வந்த  தின்று !
                
மண்சட்டி   விறகடுப்பில்   உலைகொ   திக்க
    மணம்வீசும்   கஞ்சியொடு   சோற்றை  யுண்டு
கண்காது   தெளிவாக   நேய்க  ளின்றிக்
    கல்போன்ற   வலிமையுடன்   வாழ்ந்த  தெல்லாம்
மண்மீது   மாறியின்று   மேலை  நாட்டின் 
    மாசான   உணவுண்டு   நோயைப்   பெற்றும்
பண்பாட்டை   ஒழுக்கத்தைத்  தொலைத்து  விட்டே
    பாழானோம்  இடைவெளியைப்  பெருக்கிக்  கொண்டே !

- பாவலர்  கருமலைத்தமிழாழன்

**
நெருக்கமாய் இருந்த 
நம் இருவருக்கும்
இடையில் விழுந்த 
இந்த வெளியை
உனது அகங்காரம் கொண்டு
நீ கொஞ்சமும்
எனது அகங்காரம் கொண்டு
நான் கொஞ்சமுமாய்
ஊதிப் பெருக்கிக் 
கொண்டே போகிறோம்..

முதலில் யார் 
இறங்கி வருவது
என்பதில் மட்டும்
உடன்பாடு ஒன்றை 
எட்டி விட்டால் போதும்..

ஊதிப் பெருத்து நிற்கும்
அந்த இடைவெளி
ஊசி குத்திய பலூனாய்
நொடியில் மாயமாகி விடும்..

இந்த முறையும் நீயே 
பிடிவாதம் தளர்த்திப்
பேசி விடேன்..ப்ளீஸ்..!

- ஆதியோகி

**
என் னுருவமதை உன் 
கண்ணில் நான் பார்க்கிறேன் 
உன் னுருவமதை என் 
கண்ணில் நீ பார்க்கிறாய் 
நம்பிக்கை நிலவுகிறது 

உன் மனக் கண்ணில் நான் 
என் மனக் கண்ணில் நீ நிஜமாகவே 
இருக்கின்றோமா எனும் சந்தேகம்
இருவர் நெஞ்சிலும் அலைமோதிட 
இடைவெளி மதிலாகி நிற்கிறது 

ஆதலால் நம்முடைய உறவு
தாமரை இலையில் விழும் 
மழை துளிபோல் ஒட்டாது தெரித்தோடிடுமோ இல்லை 
சிப்பியின் மடியில் விழுந்து 
முத்தாக பிறந்து ஜொலிக்குமோ

இருவருக்கும் உள்ள இடைவெளி
சூறாவளி யாகிடுமோ இல்லை ஆறாவலி யாகிடுமோ என்னும் 
மனக்கிலி பிடித்து க்கொண்டு 
பலியாக் கப்போவது யாரோ 

- ஆபிரகாம் வேளாங்கண்ணி "கண்டம்பாக்கத்தான்", மும்பை

**


சலவை செய்த துணியை மீண்டும் நனைத்து
   காயவைத்து அணிந்த  கலாச்சாரம் அந்த காலம்
 சலவை செய்து தேய்த்து மடிப்பு குலையாமல்
   சேலை வேட்டி  சட்டை அணிவது இந்தக்காலம்
 இடைவெளியில் நாகரிகம் வந்ததாலே வந்தகோலம்
   எல்லாமே சாத்திரமென்பதை மாற்றினோம் நாம்
 இடைவெளிதான் காரணமாய் அமைகிறது இதற்கு
    இதனை வரவேற்பதா? தவறென்பதா?

முல்லைக்கு தேர் கொடுத்தான் வேட் பாரி மழை
  முகிலினிலும் பெயர் படைத்த உபகாரி
சொல்லுக்கு தலை கொடுத்தான் அருள் மீறி
  அந்த வள்ளலாம் குமணன் என்ற அரசன்
மயிலுக்கு போர்வை போற்றினான் மன்னன் பேகன்
  மகிழ்ச்சியாய் சொல்கிறது  தமிழர் வரலாறு

பாரிக்கும் நமக்கும் பார்வையில் வித்தியாசம்
  மன்னன் விருமிபினால் நிரந்தர கொழு கொம்பை
அமைத்து மகிழ்ந் திருக்கலாம் அதுதான்  சரியாகும்
  அவருக்கும் நமக்கும் உள்ள இடைவெளி அது தானே!
பேகனும் அது போல மாற்று வழிசெய்திருக்கலாம்
   குமணமும் தலையை கொடுத்திருக்க வேண்டாம்
பேகனுக்கு நமக்கும் இடைவெளி அதுதான் அதனை
   குளிராத சரணாலயம் அமைத்து மகிழ்ந் திருக்கலாம்
காலத்துக்கு காலம் கருத்து மாறும் இதுதான் உண்மை!

- கவிஞர் ஜி.சூடாமணி

**

ஒட்டியத் தென்னையாய் 
ஒன்றாக ஆற்றங்கரையில் 
அழகாய்ச் சாய்ந்து. 

அந்த அந்திச் செவ்வானத்தின் 
அழகிய நிலவை 
இடையினில் ஏந்தி. 

நாறைப் பறவைகள் நானூறு 
நடு வானில் பறந்திட. 

மஞ்சள் முகில்கள் 
மதியின் அழகில் மயங்கி 
கொஞ்சிக் கொஞ்சி 
கொள்ளை அழகோடு 
துள்ளித் துள்ளி மிதந்திட. 

அன்பை அள்ளி அள்ளி 
ஆற்று நீரால் என்மேல் 
நீ தெளித்திட. 

ஆசையில் 
"ஏரிக்கரையின் மேல் 
போறவளே பொன்மயிலே" 
என்று நான் பாட. 

பதிலுக்கு 
"மாமன் ஒரு நாள் 
மல்லிகைப்பூக் கொடுத்தான்" 
என்று நீபாட. 

அப்படியே இருவரும் 
இருட்டும்வரையில் அங்கேயே 
அமர்ந்து ரசித்த காலத்தை 
கனவில் சுமந்துபடி 
இன்றோடு பத்தாண்டுகள்
கடந்தாலும். 

அதே ஆற்றங்கரையில் 
காத்திருக்கிறேன் 
நீ மீண்டும் வருவாய்யென!

- கவிஞர் பி.மதியழகன்

**
வாழ்க்கையின் இனிமை உறவில் அறியலாம் 
உறவின் மேன்மையை பிரிவில் அறியலாம் 
அந்த பிரிவு என்பது பிடிவாதத்தால் வரலாம் 

கோபத்திலே சிலநாள் மூழ்கி - பெரும் 
குழப்பத்திலே பலநாள் இருப்பதேனோ? 

ஆசையிலே சிலநாள் திளைத்து 
அழுகையிலே பலநாள் இருப்பதேனோ? 

பிடிவாதத்திலே சிலநாள் இருந்து 
பிரிவிலே பலநாள் தவிப்பதேனோ? 

பிடிவாதத்தை விடுவோம் பிரிவினைத் தவிர்ப்போம் 
மனதினை திறப்போம் மக்கட்பற்று போற்றுவோம் 

- கோ.வேல்பாண்டியன்

**


கருத்துரைக்கும் உரிமை
பிறரை பாதிக்காதிருக்க
இடைவெளி;

பொருள் சேர்க்கும் உரிமை
பிறர்க்குரியதை பாதிக்காமலிருக்க
இடைவெளி;

விருப்பம்போல் வாழும் உரிமை
பிறர் வாழ்வை அழிக்காதிருக்க
இடைவெளி;

இடைவெளிகள் வேண்டும்.
இடைவெளிகள் வேண்டாம்,
நம் மனங்களுக்கிடையே .

- கு.காந்தி ராஜா

**

நெஞ்சங்கள் கோர்த்த காதலர் வேண்டும் !!
உடல்கள் சேர்த்த காமுகர் வேண்டாம் --
அகங்கள் ஒட்டிய அன்பு வேண்டும் !!
முகங்கள் ஒட்டிய  வம்பு வேண்டாம்--
பார்வைக்குள் மட்டும் கலவைகள் வேண்டும் !
கண்ணோடு கண் ஒட்டிப்பின் கவலைகள் வேண்டாம் --
கறுப்புகள் கலக்காத எண்ணங்கள் வேண்டும் !!
வெளிநிறம் மட்டுமே வெள்ளை என்று வேண்டாம்--
இடைவெளிகள் விட்டமரும் இளைஞர்கள் வேண்டும் !!
பேசாத சொற்களுக்குள் இளைப்பாற வேண்டும் !!
திருமணம் முடியட்டும் , இடைவெளிகள் சுருங்கட்டும் !!
விலகாத உறவுகளால் விவாகரத்து உறங்கட்டும் !!

- கவிஞர் டாக்டர் எஸ். பார்த்தசாரதி

**
வார்த்தைக்கும், வாக்கியத்திற்குமானதே 
இடைவெளி! 
எண்களுக்கும்,மெய்யியலுக்கும் 
வெற்றுக் 
கணங்களா,முற்றொறுமைகளா? 
அன்பின்றி பிறருடன் செய்யும் 
சச்சரவுகளே! 
கவனமின்றி செய்த செயல்களால் 
உருவாவதே! 
அலட்சியத்தால் நமக்கு 
விஷயங்கள் 
கடுமையாகும் போது வருவதே! 
வானுக்கும்,பூமிக்குமானதா? 
நட்புக்கும்,காதலுக்கும் வெறுப்பால் ஏற்படுவதா? 
தவறுகளுக்கும்,தெளிவுகளுக்குமானதே! 
அறிலுக்கும்,புரிதலுக்கும்,அறியாமைக்கும் 
இடையானதே! இருளுக்கும்,ஒளிக்கும்,
பிறப்புக்கும்,மரணத்திற்கும் நடக்கும் நாடகமே! 
இடைவெளி!  

- ஆகாசம்பட்டு.A.k.சேகர்

**

இருட்டு அறை சுவரில் இடைவெளி இருந்தால் 
சற்றே ஒளிக்கீற்று உள்ளே எட்டிப்பார்க்கும்
இருட்டை விலக்கும் இடைவெளி சன்னல்கள் 
இல்லா வீட்டுகளில் யாரும் குடியிருக்கயிலா 
காற்றும் ஒளியும் புகவே வழியில்லை 


இடைவெளி விட்டு வெயிலும் மழையும் இருந்தால்
இன்பத்தையே அவை தரும்
தொடர்ந்து மழையே பெய்தால் நிலமும் கடலாகும்
வெயிலே தொடர்ந்தால் வயலும் பாலையாகும்
ஓடும் வாழ்வில் மாற்றம் ஒன்றே  நிலையானது
தேடும் மாற்றம் பெற இடைவெளி தேவை

- மீனாள் தேவராஜன்

**

விண்ணுக்கும் மண்ணுக்கும் உள்ள இடைவெளி
        விண்மீன்களை ரசிக்க வைக்கும்...
கதிரவனுக்கும் திங்களுக்கும் உள்ள இடைவெளி
        காலம்மாறுவதை புரிய வைக்கும்...
கடலுக்கும் கரைக்கும் உள்ள இடைவெளி
        கடல்அலைகளைக் காதலிக்க வைக்கும்...
மேகங்களுக்கும் மரங்களுக்கும் உள்ள இடைவெளி
        மழையைப் பொழிய வைக்கும்...
கவிஞனுக்கும் கற்பனைக்கும் உள்ள இடைவெளி
        கவிதையை எழுத வைக்கும்...
இமைகள் இரண்டிற்கும் உள்ள இடைவெளி
        இவ்வுலகைப் பார்க்க வைக்கும்...
விரல்கள் ஐந்திற்கும் உள்ள இடைவெளி
        வீணையை மீட்ட வைக்கும்...
இதயத்திற்கும் வலிக்கும் உள்ள இடைவெளி
        இன்பகாதலைத் தெரிய வைக்கும்...
பிரிந்த உறவுகளுக்கு உள்ள இடைவெளி
        பாசத்தை அறிய வைக்கும்...
மலர்களுக்கும் காற்றுக்கும் உள்ள இடைவெளி
        மணத்தைப் பரப்ப வைக்கும்...
நன்மைக்கும் தீமைக்கும் உள்ள இடைவெளி
        நல்மனிதனாய்ச் சிந்திக்க வைக்கும்..

- கவிஞர் நா. நடராசு

**
நள்ளிரவில் நிலவும் நானுமாய்
நம்மிருவரின் தூரமும்
நாள்கணக்காய் நீண்டிருக்கிறது..

நீர் அருவி தொடங்கும் இடத்துக்கும்
நுரைபெருகிச் சேருமிடத்திற்குமான தொலைவில்
நூலில் கட்டப்பட்டிருக்கிறது
மௌனம்..

நெருப்பையும் நேர்த்தியான பயன் பாட்டில்தான்
நேசமுடன் நெருங்க முடிகிறது..

நைந்து போன நெஞ்சத்தில்
நொந்து போகும் வார்த்தைகள்
நோக வைத்துப் பெருக்கிக் கொள்வது
நம் இடைவெளிகளைத்தான்..

மகிழினி காந்தன், சுவிட்சர்லாந்து

**

தலைமுறை இடைவெளி தடங்களில் தடுமாறுகிறது
இலைமறை காயாயிருந்தவை வெளிச்சமாகி நிற்கிறது
அலைகடல்கூட உள்வாங்கிக் கரை இடைவெளியாக
கலையாத மேகம் கலைந்து வானிலும் இடைவெளி

உண்மைக் காதல் சாதி மதத்தால் இடைவெளியாக
அண்மை உறவுகள் மன இடைவெளிகளில் மயங்க
கண்மை கரைய அழுவதால் துன்ப இடைவெளிகள்
பெண்மையை நிம்மதி இழக்கச் செய்வது கொடுமை

பத்துப் பொருத்தம் பார்த்தும் மன இடைவெளியால்
பித்துப் பிடித்து பிரிந்து வாழ நினைக்கின்ற மாந்தர்
முத்தனைய குழந்தைகளைப் பிரிவது பாவமல்லவா
நித்தமும் அன்பு ஆட்சிசெய்ய இடைவெளி குறையுமே

ஏழை பணக்காரர் என்ற இடைவெளி வன்மமாகிறது
கூழைக் குடித்தாலும் நிம்மதியிருந்தால் இனிமை
கோழையாய் தீய செயல்களில் இறங்கலாமா
வாழையடி வாழையாய் பயனுற வாழ வேண்டுமே

இடைவெளியில்லா சமத்துவம் வளர பாடுபடு
கடைநிலை மனிதரென்று யாருமில்லை உலகில்
தடையில்லா அன்பு எங்கும் செழித்து வளரட்டும்
மடைமாற்றி இடைவெளியாக்காதே மனிதத்தை நீ.

- கவிஞர்  ராம்க்ருஷ்

**

இணையத்தின் துணையால் இந்த உலகே 
இடைவெளி இல்லா ஒரே சமவெளி ஆனதே !
ஆயிரம் ஆயிரம் மைலுக்கு அப்பால் 
இருந்தாலும் இணையத்தின் இணைப்பு 
இணைக்குது   பல உறவுகளை இடைவெளி 
தெரியாமல் !

இருக்கும் இடத்தில் பாச உறவுகளை 
மறக்க வைத்து இடைவேளை  என்று 
ஒன்று இல்லாமல் ஒரு சிலரை தன்
வலையில் சிக்க வைத்து வேடிக்கை 
பார்ப்பதும் அதே இணையம்தான் !

இணையம் தேவை நமக்கு நம் உறவுகளின் 
உறவை மேலும் மேலும் வலுப்படுத்த !
இணையத்தால் நம் உறவுகள் முறிந்து 
இடைவெளி முளைக்கும் என்றால்  வேருடன்
களைவோம் நம் இணைய உறவை இன்றே !

-K.நடராஜன் 

**

இழந்ததை 
ஈட்டிட எடுத்திடும் 
இடைவெளி'யே முயற்சி!

இருப்பை 
இருமடங்காக்கிட எடுத்திடும் இடைவெளி 'யே கடின உழைப்பு! 

இரவு பகல் 
பாராது விழித்து! 

இருபக்க புத்தக
வரிகளை 
இமை வழியே இழுத்து! 

முழு 
மதிப்பெண்'கள் 
ஆக்கிட எடுத்திடும் 
இடைவெளி 'யே பயிற்சி !

- ரீகன் தஞ்சை

**

இந்த குற்றச்சாட்டு யார் மீது இல்லை?
சாமியார்கள் மீதும் சாம்ராஜ்யத்தை ஆண்டவர் மீதுமுண்டு
சகிப்புத்தன்மையால் சாதாரணமாய் பட்டது அந்நாளில்
இது ஒரு இடைவெளி எனக்கொள்ளலாம் இந்நாளில்
உண்மையா? இல்லையா? என்பதல்ல பிரச்சனை , இதற்கு
அழகான பதில் அந்தக் கால பாட்டில் உள்ளது, அறிவோம்.
நீங்கள் அத்தனை பேரும் உத்தமர் தானா சொல்லுங்கள்
உங்கள்  ஆசை நெஞ்சை தொட்டுப்பார்த்து சொல்லுங்கள்
ஆடவரானால் எந்த பதவியி லிருந்தவர் மீதும் தப்பாமல்
விழுவது உண்டு! அபுல்கலாம் ஆசாத் எழுதிய புத்தகத்தில்
ஒரு அற்புதனமான மனிதர் மேல் வந்தது ஒரு செய்தி
முன்னாள் அமெரிக்க ஜனாதிபதி, இந்நாள் ஜனாதிபதிபேரிலும்
இன்னும் பேர் பெற்ற நம் முன் வாழ்ந்த பெரியவ்ர்கள் மீதும்

நாத்திகக் கவிஞர் என்பதாலே  அவரின் எதிர்ப்பாளர்கள் இதை
ஆலாவனம் செய்கிறார்கள் ஊதி பெரிசாக ஆக்குகிறார்கள்
வாய்ப்பு கிடைத்த எல்லா ஆடவருக்கும் இது பொருந்தும்
இவர்களின் மனிவியரிடம் போய் கேட்டால் தான்        
இவர்களின் வண்ட வாளங்கள் தண்டவாளங்கள் ஏறும்
சகிப்புத் தன்மை ஆயிர ஆயிரம்ஆண்டாண்டாய் இருந்ததாலே
இவையெல்லாம்மறைத்தனர்,அவர்களுக்கும் அவமானம்!
இது அக்கால பெண்களுக்கும் இக்காலத்துக்கும் இடைவெளி

- கவிஞர் அரங்க.மணி  இராஜபாளையம்

**

வெறுமையும் வெளியும்
இதுவெனப் பிரிதலற்று
வியாபித்திருக்கிறது
அண்டம்

பிரபஞ்சத்தின்
துவக்கமும் நிறைவுமற்று
நிகழ்கிறதில்
இடைவெளியின் ரூபமற்ற
நீட்சி
எல்லையைத் தேடித் தோற்கும் 

நெருப்பில் நீங்கா அனலென
காற்றில் பிணைந்த
வெட்பத்தட்பத்தின் ஆரம்பமும் 
நுனியும் பிடிபடாது
துளிர்க்கும் நீரின் துளி
உயிர்ப்பித்து 
இருந்து கொண்டு  இல்லாமல்
இருக்கும்

தாவரமும் நிலமுமென
ஒன்றையொன்று பற்றியவாறு
பெயர்ந்தாலும்
பற்றற்று இருப்பதில்லை

எதுவும்
தனித்திருக்கும் போக்கில்
துறந்த இடைவெளியில்
பிரமாண்டமாகி
நிறைவில் பூர்த்தியற்று தொடர்ந்தபடி
விரிதலில் ஜனனிக்கும்
யாவும்

இயங்கியலில்
ஒன்று முதல் அய்ந்தறிவு வரை
ஏதுமில்லை பிரச்சினை
இருக்கும்
ஒன்றை ஒன்று சார்ந்து

ஆறாம் அறிவால்
சிரித்தும் சிந்திக்கவும் தெரிந்து
அரசோச்சும் ஆளுமை
பரிதாபமும் பாராட்டுக்கும்
உரியது

அன்பும் கருணையும் கொண்டதால்
பாராட்டும்

முன்நிறுத்தும் தனது
சுயநலத்தை விரித்துக் கொண்டு
பிறரை ஒடுக்குதால்
மனிதருக்குள் பரிதாபத்திற்குரியவன்
மனிதனாகிறான்

இவன்
இயற்கையின் முரண்
உடன்பாட்டின் எதிரி

இவனின் கைப்பிடியில்
இவனுருவில் கடவுளாகவும்
இவன் வடிவில் அவதாராங்களும்
இவனே மதங்களாகவும்

நெற்றியில் தோளில்
புந்தியில் தொடை பாதமென
சக மனிதர்களைப் பிறக்க வைத்து
புறத்திலும் அகத்திலும்
ஆயிரமாயிரம் சாதிகளுடன் 
இடைவெளியை
அகலப்படுத்தி

பாதாதிகோசம்
பெயரிட்டுக் கொண்டாடி
துவம்சம் செய்யும் துஷ்டனால்
சமத்துவப் பரிபாலனம் செய்யும்
இடைவெளியற்ற
இயற்கை
நாணி முகம் புதைத்து
குலுங்கி நொறுங்கின மாதோ...

- கவிஞர்.கா.அமீர்ஜான்

**

இடைவெளி

காதலர்களின் இடைவெளி
காதல் காணாமல் போனது

ஆசிரியர்- மாணவர்களின் இடைவெளி
கல்வி காணாமல் போனது

பெற்றோர் - பிள்ளைகளின் இடைவெளி
பாசம் காணாமல் போனது

நண்பர்களின் இடைவெளி
நட்பு காணாமல் போனது

பணக்காரர் - ஏழைகளின் இடைவெளி
உதவி காணாமல் போனது

வியாபாரி - நுகர்வோர்களின் இடைவெளி
வியாபாரம் காணாமல் போனது

தம்பதிகளின் இடைவெளி
வாழ்க்கை காணாமல் போனது - பிள்ளைகளின் வாழ்க்கையும் கூட.

அரசியல்வாதி - வாக்காளர்களின் இடைவெளி
வாக்கு காணாமல் போனது

நாடுகளின் இடைவெளி
அமைதி காணாமல் போனது

இடைவெளிக்கு, இடைவெளி ஏற்பட்டால்
உருவாவது அன்பு

இவ்வுலகில் இடைவெளி இல்லாமல் எங்கும்
நிறைந்திருப்பது அன்பு

ஆகையால் அன்பு செய்வோம் !

- ஆம்பூர் எம். அருண்குமார்

**

இடைவெளி!

பிறப்பிற்கும் இறப்பிற்கும்மான இடைவெளி வாழ்க்கை!
இருப்பதோ எண்ணிவிடும் நாட்கள் இவ்வுலகில்!
இதில் எத்தனை சண்டைகள் எத்தனை சச்சரவுகள்!

மனிதன் பறந்து திரியவே பெரிய உலகை படைத்தான் இறைவன்!
மனிதனோ தனக்கென சாதி, மதம் என கூட்டம் கண்டு தேங்கலானான்!
அதில் அவன் பெருமை இருப்பதாய் உணர்ந்தும் கொள்கிறான்!

சாதிகளை சாலையிலே விட்டு விடவும், 
மதங்களை வீட்டின் மதில் சுவரில் விட்டு விடவும்,
மனித நேயத்துடன் சற்று எட்டிப்பாருங்கள்,
பிறர் போற்றும் படி வாழ்வு வாழ வேண்டும்,
வாழையடி வாழையாய் நம்மை யாரும் வாழ்த்த வேண்டும்!
இப்படி ஓர் வாழ்வை ஓவ்வொருவரும் வாழத்துடித்தால்!
அந்த இறையும் இறங்கி வந்து வேடிக்கை பார்ப்பார்!
வா தோழா வா, நாளை நமதே!

-இனிய தமிழ் செல்வா, ஓமன்

**

கவிதைகள் கனவுகள் கற்றுத்தந்த கடைவிழி
தவித்திடும் மனதைத் தழுவிக்கொண்ட சதிர்மொழி
புவியினில் என்னைப் புதுமைசெய்த மதுக்கிளி
எவர்செய்த சதியிது ஏனிந்த இடைவெளி?

காலம் என்றொரு கயவன் வந்ததும்
காதலைச் சொல்லிக் கற்றுத் தந்ததும்
மாயம் என்று மறைந்து போனதும்
காயம் மட்டும் மிச்ச மானது

தேவதை என்பதும் தேன்மலர் என்பதும்
ஓர்வதை என்றே உணர்ந்த பின்பும்
காவியம் ஓவியம் கனவுகள் என்றே
ஆவியில் ஏனடி ஆயிரம் கோலங்கள்? 

நேற்றுகள் எல்லாம் இன்றின் துயர
ஊற்றுகள்; நாளைகள் என்பது இன்றுகள்
காட்டும் கானல் சித்திரக் காட்சிகள்
காட்டில் ஓடும் மாயமானின் ஆட்சிகள்

- கவிஞர் மஹாரதி

**

உணர்வோடு நெருக்கமானவளே - இந்த இடைவெளியில்
உன் நினைவுகளை நான் சுமக்கவில்லை  - 
உன் நினைவுகள்தான் என்னையே சுமக்கின்றன
எல்லோரும் இடைவெளி பாசத்தைக் கூட்டுமென்பர் - ஆனால்
எனக்கோ அரைநொடியும் ஆயுள் தண்டனையாகிவிடுகிறது
உனது சிறிய கோபம்கூட - தினம்
உயரும் விலைவாசிப்போல என்;னை கொல்லுதடி;
வானிலை அறிக்கைப்போல அடிக்கடி மாறிவிடாதே;
இடைவெளி எனும் நஞ்சினையும்  தந்துவிடாதே;
விரைந்து வெட்டியெறி இடைவெளியை - இல்லையேல்
நான் ஏதுமற்ற வெட்ட வெளியாகிவிடுவேன்....

-  இரா. விநாயகமூர்த்தி ஆய்வியல் நிறைஞர்

**

விண்ணுக்கும் மண்ணுக்கும் 
இடையே இடைவெளி 
கண்ணுக்குத் தெரியாத 
இயற்கையின் ரகசியம்.
அவனுக்கும் அவளுக்கும்
இடையே இடைவெளி 
யாருக்கும் தெரியாத 
இல்லறத்து ரகசியம் .
நீருக்கும் நிலத்துக்கும் 
இடைவெளி கரையாகும்.
பழமைக்கும் புதுமைக்கும்
இடைவெளி பரிமான வளர்ச்சி.

- மூர்த்தி SVR 

**
இடைவெளி அங்கே இல்லை
...............இயற்கையும் ஈந்த நன்மை.!
உடைகளும் அதற்கு இல்லை
...............உலகமே அதற்கு எல்லை.!
கொடைகள் அருளும் தன்மை
...............கொண்டதும் அருமைக் காட்சி.!
விடையிலா தெழுமாம் கேள்வி
...............வியன்மிகும் மனத்துள் வானம்.!


செங்கதி ரோனும் தோன்ற
...............சிவக்கவும் மாறும் ஆழி..!
எங்குமோர் ஓயாத் தென்றல்
...............இடைவெளி இலாத ஒன்றே..!
எங்கணும் கண்கள் காணும்
...............இயற்கையெ ழிலாகக் காட்சி..!
பொங்கிடும் இதயத் துள்ளே
...............புலருமாம் விடியல் பூக்கள்..!


அள்ளியே கொடுக்கும் அன்பை
...............அளவிலை அதனின் ஈகை..!
வெள்ளையாய் விரிந்த வானம்
...............விளைந்தது பொழுதா யிங்கே..!
பிள்ளைகள் மனதும் துள்ளூம்
...............பிரியமாய் உணர்வும் பொங்கும்..!
பள்ளிசென் றநாளில் பார்த்துப்
...............பரவசம் அடைந்த வானம்..!

- பெருவை பார்த்தசாரதி

**

இடைவெளி
−−−−−−−−−−
கூடிக் குலவித்
திரிந்தாலும்,
ஒரே குடைக்குள்
மழையை ரசித்தாலும்,
கூண்டுக் கிளிகளாய்
இருந்தாலும்,
கொள்கை ஒன்று
என்றாலும்,
கோபுரத்துப்
புறாக்கள் எனினும்,
அழகுகளின்
கூட்ட மெனினும்,
அரசியலின்
ஆட்ட மெனினும்,
தோப்புக்குள் இருக்கும்
மரம் போல்
தனித் திருக்க
வெற்றி வரும்,
துணையோடு
ஒன்றி ருந்தால்
கூட்டம் சிதறிவிடும்,
தண்டவாளம்
ஆணும் பெண்ணும்
குடும்ப மென்ற
தொடரியைத் தாங்க
இடைவெளி அவசியந் தான்,
தாய் தநதை பாசத்தால்
சீரழியும் மாணவர் கூட்டம்,
ஒன்றுக் கொன்று
இடைவெளி யிட்டால்
இணையிலா
மகிழ்ச்சி தானே!
இடைவெளி யில்லா
மரங்கள் வளருவது
எப்படியோ!
சிந்திப்பீர்
மானுடரே!
செயலாக்கந் தாருங்களே!.......

- ப.வீரக்குமார்

**
இடையின் வெளியில்
யாரோ பேசிக்
கொண்டார்கள்,
இவர்களுக்குள் சண்டை
போலும்,
இதயத்தில் விரிசல்
போலும்,
நெருக்கங்கள் கூடியதால்
குறுக்கங்கள் ஆனது,
காதலின் போர்வையில்
திருமணத்தின் பின்
விலக்கா!
விளங்காத விலங்குகள்
தொடரும் துயரங்கள்
அடங்காத ஆசைகள்
அதிரடியாய் மாறும் ஓசைகள்,
புல் கூட இடைவெளி விடுது
புள் கூட இடையீடு கொள்ளாது,
புல்லறிவு கூட இல்லாமல்
புலம்புகின்ற மனிதர்காள்
சமதர்மம் காணாமல்
புகழுகின்ற புகழுரைகள்;
நெருக்கத்தில் தென்றலாம்
இடைவெளியில் புயலாம்.......

- முகில் வீரஉமேஷ், திருச்சுழி

**

சாலைப் பயணத்தில்
வாகனங்களுக்கு இடையே 
இடைவெளி இருந்தால் 
மகிழ்ச்சி!
வாழ்க்கைப் பயணத்தில் 
உறவுகளுக்கு இடையே 
இடைவெளி குறைந்தால் 
மகிழ்ச்சி!

கணவனுக்கும் மனைவிக்குமோ! 
காதலனுக்கும் காதலிக்குமோ!
தனிமையில் இடைவெளி குறைந்தும்
பொதுவெளியில் இடைவெளி மிகுந்தும் 
இருத்தல் நாகரீகம்!

அருகில் பார்த்தால் இணையாகவும்
தொலைவில் பார்த்தால் இணைந்தும்
தோன்றும் தண்டவாளத்தைப் போல இருக்கட்டும்  
காதலனுக்கும் கதலிக்குமான இடைவெளி! 

பயிர்களுக்கு இடையேயான 
சீரான இடைவெளியால் 
மகசூல் அதிகரிக்கும்!
உயிர்களுக்கு இடையேயான 
சீரான இடைவெளியால் 
மகிழ்ச்சி அதிகரிக்கும்!

முகத்திற்கும் நூலுக்குமான 
இடைவெளி அதிகரித்ததால்
இடையில் புகுந்த முகநூல் போல
கணவனுக்கும் மனைவிக்குமான 
இடைவெளி அதிகரித்தால் 
இடையில் புகலாம் கள்ள உறவுகள்!

-கு.முருகேசன்

**

ஐயா வணக்கம்,
                       அடியேனின் சிறு படைப்பு 
இடைவெளி 
அயல்நாட்டில் வேலை என்று 
அனைவருக்கும் பெருமை 
அனைவரையும் விட்டு சென்றேன் 
அடியேனின் வறுமை 

தங்கை மகள் காதுகுத்து 
தாய்மாமன் நானில்லை 
தம்பியின் கல்யாணம் 
தமையனாக நானில்லை 

தாய்க்கு கொள்ளிபோட 
தலைமகன் நானில்லை 
தாரத்தின் பிரவசத்தில் 
தலைவனாக நானில்லை 

அத்தனையும் இழந்து நான் 
அயல்நாட்டில் வாழ்கிறேன் 
அடுத்தவர் கண்ணுக்கும்  -நான் 
அருமையாக வாழ்கிறேன் 

பணத்தை சம்பாதிக்க 
பாசத்தை இழக்குறேன் 
இன்பத்தை தள்ளிவைச்சு 
இடைவெளி ஆக்குறேன் 

பார். விஜயேந்திரன், கருங்குழி 

**

குடும்பக்கட்டுப்பாட்டு
இடைவெளி
குடும்ப நலனுக்காக!
மரங்கள் நடுவதில்
இடைவெளி வளமான
நிலவளத்திற்காக!
ஐந்து வருட தேர்தல்
இடைவெளி நல்லவரைத்
தேர்ந்தெடுப்பதற்காக!
சுயநல உறவுகளின்
இடைவெளி நம்மைக்
காப்பதற்காக!
இத்தனை இடைவெளி
வரலாறுகளில்
தலைமுறை இடைவெளி
மயக்கத்தில்
முதியோர் காப்பகத்தில்
இளைய வரலாறுகள்
எதைச் சாதிக்க
காத்துக் கொண்டிருக்கின்றனர்!?                 

-சீனி

**

இருவிழி பிம்பம் அதனில் நிறையும் 
திருமுகத் தரிசனம் திரும்பிக் கொள்ள 
இடைவெளி கணத்திடும் இதயக் களமதில் 
இதழ்களில் நடந்திடும் மௌன யுத்தம்!

ஏழிலி மறைக்கும் கணமதில் வானம் 
ஏந்திடும் சூரியத் துளிகள் ஒளிந்திட 
மார்கழிப் பனியும் அதுவாய் மனதினில் 
மஞ்சம் விரித்த மயக்கமும் சதிராடும்!

வீணையின் நரம்புகள் பிரிந்திடின் அங்கே 
விரல்களும் சேர்த்து இசையை மீட்டுதலதுவாய்  
மோனையில் சேர்ந்து மோகனங்கள் பாடிய 
மானிடக் காதலில் மறைந்திடும் இடைவெளியுமே!     

- மு. திருமாவளவன், அறிவியல் ஆய்வாளர் மற்றும் பேராசிரியர், தைவான்

**

கண்  சிமிட்டும்  இடைவெளியிலும்,
என்  கண் , ஓவியமாய்  காண்பது  உன்னையே!
இதய  துடிப்பின்  இடைவெளியிலும்,
என்  மனம்,  உச்சரிப்பது  உன்  பெயரையே!
என்  சுவாசத்தின்  இடைவெளியிலும்,
நான்  உணரும்  வசந்தம்,  உன்  வாசமே!
என்  உதடுகள் , பேச்சின்  இடைவெளியிலும்,
புன்னகைப்பது  உன் நினைவாலேயே!
இடைவெளி  இன்றி 
நான்  உன்னை  நேசிப்பதற்கும்  ஆவாய் ,
நீ  என்  வாழ்க்கை  துணையாக!!

-பிரியா ஸ்ரீதர்

**

தலைமுறை இடைவெளி பெரிதாகி விட்டது
தலைவரை குடும்பத்தவரை மதிப்பதில்லை இப்போது !

மாதா பிதா குரு மதிப்பதில்லை இப்போது
மனம் போன போக்கில் இளையதலைமுறை !

காது கொடுத்து கருத்தைக் கேட்பதில்லை
கண்டபடி பேசிடும் இன்றைய இளையோர் !

பணத்தின் மதிப்பை அறியவில்லை இவர்கள்
பணத்தை தண்ணியாக செலவழித்து வருகின்றனர்!

இரவு பத்து மணிக்கெல்லாம் தூங்கிடுவோம் அன்று
இரவில் விழித்து பகலெல்லாம் தூங்குகின்றனர் இன்று !

தெருவிற்கு ஒரு தொலைபேசி இருந்தது அன்று
தனி நபருக்கு பல அலைபேசி ஆனது இன்று !

ஊதியம் குறைவென்றாலும் நிம்மதி இருந்தது அன்று
ஊதியம் மிகைஎன்றாலும் நிம்மதி இல்லை இன்று !

நவீனம் இல்லாவிட்டாலும் இன்பம் இருந்தது அன்று
நவீனம் இருந்தாலும் இன்பம் இல்லை இன்று !

பெற்றோரை நன்கு மதித்து வாழ்ந்தனர் அன்று
பெற்றோரை மதிப்பதே இல்லை இன்று !

அண்ணன் தம்பி உறவு அன்பானது அன்று
அண்ணன் தம்பி இன்றி தனியாளானது இன்று !

ஓடியாடி விளையாடி மகிழ்ந்தனர் அன்று
ஒரேயறையில் அலைபேசி விளையாட்டு இன்று !

வானொலியில் பாட்டு கேட்டு மகிழ்ந்தனர் அன்று
வானொலி மறந்து தொலைக்காட்சித் தொல்லை இன்று !

நல்ல தமிழில் நாளும் பேசிவந்தனர் அன்று
நாவில் தமிங்கிலமே தவழ்கின்றது இன்று !

- கவிஞர் இரா .இரவி

**

அன்புடையீர் 
வணக்கம்.  இத்துடன்   " இடைவெளி" என்ற தலைப்பில்  கவிதை அனுப்பி உள்ளேன். 

" இடைவெளி"

எதற்கு இடைவெளி 
என்று  யோசித்து பார்த்தால்
வருத்தம் வராதே!
பொருத்தாத  மனங்களை 
விருந்து  வைத்து உபசரித்தாலும் 
மருந்தாக  எண்ணி  இடைவெளி 
விட்டே நடப்பர்!
ஈன்ற  பிள்ளைகளிடம் 
துளியும்  விடாதே  இடைவெளி!
வலியென உணரும்  பிள்ளை 
விட்டு  விலகவே  துடிக்கும்!
கட்டுப்பாடுகளை  உடைத்து 
மட்டு மரியாதை  கொடுத்தால் 
எப்படி  வரும்  இடைவெளி!
விட்டுக் கொடுப்பதால் 
கெட்டு போவதில்லை  யாரும்!
இடைவெளி  என்ற  சொல்லுக்கு 
தடையென  சிந்தித்து 
மடையென  மகிழ்ச்சியினை
கூடை என  தலையில்  சுமந்து 
கடை  விரித்தால்  
மகிழ்ச்சியுடன்  வாழலாமே!

- உஷாமுத்துராமன், மதுரை   

**

அன்பிற்குள் இடைவெளியை அண்டவிடாதீர்
ஆத்திரத்தின் இடைவெளியைக்
குறைத்துவிடாதீர்
நற்பண்புகட்கும் இடைவெளியை
நல்கிவிடாதீர்
நல்ல புகழ் சேர்க்கும் இடைவெளியை
மறுத்துவிடாதீர்.

இன்பத்தின் இடைவெளியைத்
துன்பம் வந்து துரத்திட்டாலும்
பண்புகள் போற்றி வாழ்ந்துவிடு
பழகித்துன்பங்கள் தாங்கிவிடு.

வாழ்க்கையின் இடைவெளியில்
வசந்த காலம் வசமாகும்
கோபதாபம் தடை செய்தால்
கொண்டதெல்லாம் ஜெயமாகும்.

காலம் தந்த இடைவெளியில்
கடந்த பாதை மறக்க வேண்டாம்
கற்கும் பருவ இடைவெளியில்
கற்பனையில் மிதக்க வேண்டாம்.


காதல் தந்த இடைவெளியில்
காமம் மோகம் தவிர்த்திடுவீர்
கடைமை போற்றும் இடைவெளியில்
கன்னியர் பார்வை தவிர்த்திடுவீர்.

சோதனையின் இடைவெளியில்
சொர்க்கம் கூட அறிந்திடலாம்
சொக்கநாதர் அருளிருந்தால்
சொந்தம் போற்ற வாழ்ந்திடலாம்.

புலவர் களந்தை நரசிம்ம சுப்பிரமணியன்
சிறுமுகை

**
நீண்ட    பொழுதுகள்...
நீண்ட.   நாட்கள்....
நீண்ட.   தூரங்கள்....
நிகழும் பிரிவால்
நிதமும். வாடினாலும்
நினைவுகளால்
நிரம்பி வழியும்
இதயங்கள் எல்லாம்
இணையம் மூலம் இன்று
இணைந்தே இருக்கின்றன
இடைவெளி இன்றியே !

- ஜெயா வெங்கட்

**

கைப்பிடித்து நடந்தபொழுதுகள்
சொல்லாடிய மொழிகள் 
சுமந்துதிரிந்த கனவுகள்
சொல்லாத மொழிகள் 
சொல்லிப்போன‌ மெளனங்கள்
கண்ணீர்துளிர்த்து கடந்தவலிகள்
சிரித்துத்தளும்பி நிரம்பிய‌கணங்கள்
தள்ளிஅமர்ந்து தவித்தபயணங்கள்
ஒருகுடையில்துளிர்த்துக் குளிர்ந்ததுளிகள்
பேசிமகிழ்ந்த நெடுங்கதைகள்
உள்ளம்நெகிழ்ந்து களித்தகவிதைகள்
ஒருகோப்பையின் தேநீர்த்துளிகள்
உண‌ர்வுகள்சுமந்து பேசும்கடிதங்கள்
ப‌கிர்ந்தஉணவில் திளைத்த‌நாட்கள்
என 
உன்னையும் என்னையும் 
நிரப்பியிருந்து இல்லாமல்போன 
இடைவெளிகள்
எந்தக்கணங்களில் வழிந்து நிரம்பி
என்னையும் உன்னையும்
கடத்திப் பிரித்தது?
நான் என்னிலும் நீ உன்னிலும்
நம்மைத் தொலைத்த‌ கணங்களில்
நிறைத்து நிரம்பின 
இடைவெளிகள்.
இந்த இடைவெளிகள் சொல்லும் கதை
நம்மை நம்மில் இன்னும் நிரப்பி
இன்னும் நிறைய அன்பு செய்திருக்கலாம்
இடைவெளிகள்
இல்லாமலே போயிருக்கும்.

- ரமேஷ் கோபாலகிருஷ்ணன், பீனிக்ஸ், அமெரிக்கா

**

எழுதும் பேசும் சொற்களின்
இடைவெளியை நிரப்பும்
மவுனமாய் மலரும் கவியொன்று

முதுகில் ஒட்டிப் பிறந்தவைதாம்
வடதுருவமும்
தென்துருவமும் 

இடைவெளி எனும் சொற்கூட்டில்
வெளியேறிப் போனது
இடைவெளி

என்
தோட்டத்துப் பூவின் பனித்துளியில்
சுடர்ந்தது
தூரத்து மலைக்கோவில்

நிலவுக்கும்
நிலத்துக்கும் பிரிவில்லை
குளத்தில் நீராடுது நிலா

என்னைப் பிரிந்து எங்கோ சென்றாள்
கண்தொலைவுக்கு அப்பாலும்
கடல்தொலைவுக்கு அப்பாலும்

எங்களுக்குள் 
இடைவெளியை உருவாக்கவிடாமல்
காவல் புரிகின்றன காதல் நினைவுகள்

இடைவெளியின்
இருபுறங்களையும் இணைத்தபடியே இருக்கும்
கண்ணுக்குத் தெரியாத
காந்தக் கோடுகள்

-கோ. மன்றவாணன்

**
உனக்கும் எனக்குமான இடைவெளி!
காலம் தந்த சமவெளி!

இடைவெளி இல்லா வேலை சுமை!

மனம் வலியில்லா வாழ்க்கை அமை!

பூமிக்கும் வானத்திற்குமான இடைவெளி!

சாமிக்கும் சாமானியனுக்குமான
இடைவெளி!

காதலுக்கும் கல்யாணத்திற்குமான இடைவெளி!

இதயத்திற்கும் மூச்சிற்குமான இடைவெளி!

பாசத்திற்கும் வேசத்திற்குமான இடைவெளி!

இப்படி அனைத்திற்கும் ஆன இடைவெளி!

உலகம் சுழல வைக்கும் அன்பின் ஒளி!

படிப்பிற்கும், வேலைக்கும் உள்ள இடைவெளி!

தேர்தலுக்கும் வாக்குறுதிக்கும் உள்ள இடைவெளி!

ர.ஜெயபாலன், எம்.ஏ.பி.எட்,
இடைநிலைஆசிரியர்,
வெள்ளகோவில்

**

கடைவழி நானும் துணையே என்றாய்

இடைவெளி எங்கோ வளர்த்தே நின்றாய்

நம்மைப் பார்த்து நலமே கற்றோர்

இம்மை உலகின் இணையர் என்றோர்

எம்மைக் கண்டு எள்ளல் கூட்டி

வம்புகள் பேச வழியே அமைத்தாய்

குற்றம் பார்க்கின் சுற்றம் இல்லை

கற்றவர் உரையைக் கணக்காய்ச் சொன்னேன்

கெஞ்சிச் சொன்னேன் கேட்கவு மில்லை

அஞ்சேல் என்றே தன்னலம் நினைத்தாய்

மதியார் வாசல் மிதித்தல் வீனென்று

அதிகம் பேசி அகந்தை வளர்க்க

இருந்த உறவில் இடைவெளி தோன்றி

மருந்தாய் இருந்தோர் மறந்தே சென்றார்

உப்பு அமைந்த உணவாய் ஊடலும் 

தப்பாய் மிஞ்ச தனித்தே நின்றோம்

- கவிஞர் முருகுபாண்டியன்

 

**

மனித உறவின் இடைவெளிகள் காலத்தின் பிடியில்
தாயுடனான  மனிதனின் முதல் இடைவெளி தொப்புள் கொடி வெட்டப்பட்டும் போது
இடுப்பில் இருந்து இறங்கி நடைபழக ஆரம்பித்து பள்ளி செல்லும் போது ஒரு சிறு இடைவெளி
பருவ வயதை அடையும் போது பெற்றோருடன் காரணமறியா இடைவெளி ஒன்று
பள்ளி, கல்லூரி படிப்பு முடியும் போது நண்பர்களுடன் கட்டாய இடைவெளி
மணமாகி வாழ்க்கை துணையால் மற்றவர்களுடன் ஒரு இடைவெளி
வயதாகி துணை இழந்து நரக இடைவெளி
உயிர் விட்டு உலகம் துறந்த்து நிரந்தர இடைவெளி.. 

- கவிஞர் முல்லை அமீரா

]]>
poem, kavithai, dinamani kavithaimani, கவிதைமணி, தினமணி http://images.dinamani.com/uploads/user/imagelibrary/2018/10/14/w600X390/flight.jpg http://www.dinamani.com/specials/kavithaimani/2018/oct/14/கடந்த-வாரத்-தலைப்பு-இடைவெளிவாசகர்களின்-கவிதைகள்-3020256.html
3015708 ஸ்பெஷல்ஸ் கவிதைமணி இந்த வாரத்திற்கான தலைப்பு: இடைவெளி கவிதைமணி DIN Sunday, October 7, 2018 05:28 PM +0530  

பால்ய வீதியில் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: இடைவெளி

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம்.  

]]>
poem, kavithai, poetry, கவிதைமணி, இடைவெளி http://images.dinamani.com/uploads/user/imagelibrary/2018/10/7/w600X390/gap.jpg http://www.dinamani.com/specials/kavithaimani/2018/oct/07/இந்த-வாரத்திற்கான-தலைப்பு-இடைவெளி-3015708.html
3015707 ஸ்பெஷல்ஸ் கவிதைமணி கடந்த வாரத் தலைப்பு ‘பால்ய வீதியில்’வாசகர்களின் கவிதைகள்! கவிதைமணி DIN Sunday, October 7, 2018 05:25 PM +0530 பால்ய வீதியில் 

ரீங்கார வண்டுகளாய்
காடுமேடு சுற்றினோம்
கால்கடுக்க நடந்தோம்
களைப்புத் தெரியவில்லை
களிப்புதான் இருந்தது.

எண்கணக்கு எளிதில் சொல்லும்
எண்ணற்ற வித்தைகளை
அடிவாங்கி உதைவாங்கி
அழுது கற்றுக்கொண்டோம் 
ஆயினும் ஆசானென்றால்
பயபக்தி கொடுத்து வளர்ந்ததை
மறுக்க முடியுமா..?

இரவின் மடியில் மல்லாந்து படுத்து
ஆகாய விண்மீன்களை
பல நாட்கள் எண்ணிய அனுபவங்கள்
அத்தனையும் மறக்க முடியுமா...? 

தீப்பெட்டிகளை நூலில் கட்டி 
நண்பனிடம் பேசி மகிழ்ந்த
அந்த அனுப இன்பங்களும்
இன்றைக்கு இருக்கும் ஆயிரம் 
திறன்பேசிகளைக்கொண்டு
ஈடுசெய்ய முடியுமா..?

பள்ளி விடுமுறையென்றாலே
பாட்டி, தாத்தா. அத்தை, மாமா
உறவுகள் என்று அவர் வீடு தேடி
ஓடி ஆடிய உல்லாச நினைவுகள்
தொலைத்த பால்ய வீதிகளை
இன்று தேடி அலைகிறேன் எங்கெங்கோ
என் பிள்ளைகளை அழைத்துச்செல்ல
அது மீண்டும் கிடைத்தால்
நான் கூட இன்று சிறுவன்தான்!

- கவிஞர் பி.மதியழகன்

**
பால்ய வீதியில் சிறகுகள் விரிந்து  
பால் நிலா சிரிப்பில் பகையுமழிந்து 
நெஞ்சகச் சாலையில் நேசம் நிரம்பி 
வஞ்சகமில்லா வாழ்வும் வரமாய் வசப்படும்!

அரும்பிடும் மொட்டுகள் அந்தில் அணியாக 
விரும்பிடும் வண்ணம் விழிகளும் மணியாக
அரிலில்லா அளியை அளாவிடும் உறவுகள் 
ஆவளியில் சேர்ந்திடும் மேகலைகளாய் ஆடிடும்!  

இனமதில் பேதம் எழுந்து நடந்திடும் 
இதயச் சலனமும் அனிச்சையாய்க் கடந்திட
நினைவுகள் நீந்திடும் ஈரத் தடங்களில் 
கனவுகள் செழித்துக் கடிமலர்க் காடுமெழும்!

- மு. திருமாவளவன், அறிவியல் ஆய்வாளர் மற்றும் பேராசிரியர்

**

பிறந்த  மனிதனின் 
சிறந்த  பருவம் 
பால்ய பருவம்!
கவலையின்றி  ஆடிப்பாடி 
பள்ளிக்கு  துள்ளி குதித்து 
கள்ளமில்லாமல் 
அள்ள அள்ள குறையாத 
ரசிக்க  வைக்கும்  
உன்னத  பருவம்!
வீதியில் நடமாட  
சட்டமுண்டு.........
திட்டமில்லா  பால்ய வீதியில் 
வட்டமிட்டு மகிழலாம்!
ஓடிப்  போன நேரம் வராது  போல
தேடிப்போனாலும் கிடைக்காத 
மூடிவிடும்  பால்ய வீதியில் 
வாடி விடாமல்   ஆடி விளையாடு! 
கோடி முறை சொல்வேன் 
"பால்ய வீதியே!................
நீ வாழ்க.........என்று!

- உஷா முத்துராமன், மதுரை   

**

பால்ய வீதியில்
பார்க்கின்ற பார்வையில்
எத்தனை எத்தனை இன்பங்கள்
எனக்குள் வைத்தாய் ஈசனே!

வாசத்தலங்கள் நமக்குள் ஒன்றான கருவறையானதால்
குழந்தையும் தெய்வமும்
குணத்தால் ஒன்றென்றே
குவலயம் மகிழ்ந்தது ஈசனே!

மறக்காமல் மறந்துவிட்ட
மறுக்க முடியாத உண்மைகளும்
காமக் குரோத எண்ணங்கள்
கடுகளவும் தீண்டாத
புதுமை பால்வெள்ளை மனமும்
பால்வீதியில் பதித்த ஈசனே!

தந்தை முகம் தாயின் முகம்
தளர்ந்து போன தாத்தா முகம்
பாட்டி முகம் பதிய வைத்தாய்
பாசத்திலே உதிரம் வைத்தாய்
பாரபட்சம் இல்லாமல் வாழ
பரந்தமனம் தந்தீர்கள் ஈசனே!

பால்ய வீதி மாறிப்போச்சு
பரந்தமனமும் மறைந்து போச்சு
பாசக்கயிற்றில் உயிரும் போச்சு
பரமன் துதிக்கும் பழக்கமும் போச்சு  ஈசனே!
பழைமை மாறாத பால்வீதி
புதுமையுடன் படைத்துவிடு 
குழந்தைத்தனம் மாறாத
குற்றமற்ற நல்லுலகம்
உருவாக்கி மகிழ்ந்து விடு
உலகாளும் எங்கள் ஈசனே!.

- புலவர் களந்தை நரசிம்ம சுப்பிரமணியன் சிறுமுகை.

**

பால்காரர் பாம் பாமென்று ஒலியெழுப்ப,
சொம்பிலே பால்

தயிர்காரர் மோரு மோருனு கூவ,
வாயில் வெண்ணை;
கிண்ணத்தில் தயிர்

தண்ணி வந்திருச்சு வான்னு அழைக்க,
தெருக்குழாயில் தண்ணீர்

நம் தெருவில் வசிப்பவருக்கு
ஒன்றென்றால்,
அவருக்காக கண்ணீர்

ரேசன் கடைக்கு போன அம்மா வர நேரமானால்,
ஜெயந்தியக்கா வீட்டில் சுடுசோறு சாம்பார்

வெய்யில் காலத்தில்,
வேப்ப மரத்து காத்து;
குளிர் காலத்தில்,
காதை மூடும் கம்பளி

தீபாவளியில்,
வெங்காய வெடி;
ஆடியில்,
மாரி தேர்வடத்தைப்பிடி

பொங்கலில்,
கரும்பைக்கடி;
மாசியில்,
காளி குண்டம் மிதி

மயான கொள்ளைக்கு முன்,
மோட்டுக்கொப்பரை;
காந்தி ஜெயந்தி கொண்டாட்டம்,
தெருவெல்லாம் உற்சாகம்

சச்சின் டெண்டுல்கர்,
ஆட்டம் பார்க்க;
எல்லோருக்கும் 
நாட்டம்

எல்லா பண்டிகையும்,
நமக்கே;
வாழ்க்கை வாழ்வதற்கே

பண்டிகை போனாலென்ன,
மீதியுள்ள நாட்கள்;
அதைவிட அருமையானது

மாலை ஏழு மணியானால்,
ஒலிக்கும் கைதட்டல்;
அது நண்பர்களின் அழைப்பு

புத்தகத்தை எல்லாம் தூக்கியெறிந்து,
தெரு நண்பர்களோடுவிளையாட்டு

அடுத்த நாளைக்கு மிச்சம் வைக்காமல்;
அனுபவித்த சந்தோசம்

யாரென்று பார்க்காமல்,
எல்லோருடனும்
நேசம்

ஒவ்வொரு மாலையும் ஆட்டம் பாட்டம் கொண்டாட்டம்;
அதை ரசிக்கவே வீட்டு வாசலில் அம்மாக்கள் கூட்டம்

அப்பா வந்தாச்சு,வா உள்ள,
நீ போம்மா , நான் வரேன்,
இன்னும்கொஞ்ச நேரம்,
வெளாண்டுட்டு வரேன்.

- ம.சபரிநாத்,சேலம்

**

உங்கள் குழந்தைகள் 
உங்கள் குழந்தைகள் அல்ல 

உங்களால் வந்தவர்கள் அல்ல 
உங்கள் வழியில் வந்தவர்கள் 

உங்கள் அன்பை அவர்களுக்கு 
ஊட்டுங்கள் எண்ணங்களை அல்ல 

உங்கள் அறவணைப்பை காட்டுங்கள் 
உங்கள் அதிகாரத்தை அல்ல 

அவர்கள் எண்ணங்கள் முற்றிலும் 
வேறு; உங்களால் அவற்றை; 

தொடக்கூட முடியவே முடியாது 
இவை படித்ததில் பிடித்தது

ஐந்து வயதிற்கு அப்புறம் அறிவுக்
கண்கள் திறந்து நல்லதோ தீயதோ 
ஆழ் மனதினிலே பதிந்து விடும்

நூறு வயதை தாண்டிய போதும் மாயாது துளிரும் பால்ய வீதியில் 

தனிமையை சந்திக்கும் சமயங்களில் 
சூழ்நிலைகள் குணங்களை மாற்றும் 

நடந்து வரும் பாதைகளே நேற்று 
இருந்ததை இனி இருக்க ப்போவதை
வகுத்து நல்லவரோ தீயவரோ ஆவர் 

சமூகத்தின் கண்ணுக்கு தென்படும்
ஒதுக்கி வைக்க முற்படும் அல்லது 
தலைவனாக்கி புகழாரம் சூடிடும்

- ஆபிரகாம் வேளாங்கண்ணி, மும்பை மகாராஷ்டிரா

**

பார்க்கின்றேன் நான் வந்த பாலியத்து வீதிதனை
கள்ள மற்று நெஞ்சங் களிக்க விளையாட்டு,
உள்ளம் முழுதும் உவகை, ஒரு தீங்கறியா
வெள்ளை மனம் அங்கே விகற்பமிலாச் சிந்தனைகள்
எள்ளத்தனையும் இதயமதில் துன்பமிலாத்
துள்ளல், துடிப்பு, சுகதேகம் சோர்வறியாப்
பள்ளிப் பருவம் படிக்க மட்டும் ஆர்வமின்மை

என்றிவ்வாறாக என் வாழ்வு ஓடியதும்
ஒன்றொன்றாய் வாழ்வு உருமாற்றம் பெற்றதுவும்
கால நதியிற் கரைந்தெனது உள்ளத்தின்
சீலமெலாம் மாறி சிந்தனையுள் பெண்ணாசை
பாலுணர்வு, காதல், பழக்க வழக்கமெனும்
பல்வேறு கெட்ட பகைகள் வந்து சேர்ந்ததுவும்
எண்ண மனதில் இன்றும் கனக்கிறது.

பால்யத்து வீதியிலே பழையபடி போகவொண்ணா
ஒற்றைவழிப் பாதையில்நான் ஓடிவந்து நிற்கின்றேன்
இற்றை நிலைக்கும் இனிமேல் வரப்போகும்
முற்றிப் பழுத்த முதுமைதரும் தீரா நோய்
உற்றுப் பிறரின் உதவியின்றி வாழவொண்ணா (து)
ஏங்கும் நிலைக்கும் இறப்பை எதிர்பார்த்துத்
தூங்கும் நிலைக்கும் தூரம் அதிகமில்லை.

ஒற்றைவழித் தடத்தில் உயிர் பிரிந்து போம்வரைக்கும்
காத்து நிற்க வேண்டும், கடைசி வரை மூச்சிழுத்துப்
பார்த்திருக்க வேண்டும், பாசக்கயிற்றோடு
காலனிடைப் புகுந்து கணக்கை முடிப்பதற்காய்
தேடிடவும் கூடும்,  தேடிப் பிடித்துடனே
ஆளிவர்தான் என்று அவன்கயிற்றை வீசுகிற
வேளை வரைக்கும் வீண்கவலை வேண்டாமே.

- எஸ் கருணானந்தராஜா

**

மழலை மாறா முகத்துடன்
மலர்ந்து விரிந்ததும்
மனதிலே அச்சமேதுமின்றி
மண்ணிலே  அகரமெழுதியதும்

சின்னச்சின்ன சேட்டைசெய்து 
சிட்டாகப்    பறந்ததும்
சினம் கொண்ட சுற்றத்தின்
சிந்தையதைக்  கவர்ந்ததும்

கற்பனை  ஊற்றெடுக்க
கனவுகளுடன் கைக்கோர்த்ததும்
கள்ளம் கபடமின்றி
கடவுளாகத்   தோன்றியதும்

காலம் பல கடந்தும்
கண்முன்னே விரியுது...
பாசமான நட்புடன் 
பயணித்த பால்யவீதியது.....

- ஜெயா வெங்கட்

**

பாலிய வீதியிலே கற்றது 
கைமண் அளவு கல்லாதது 
உலகளவு!
மூன்று வயதில் தாயின் 
கை பிறிய மனமில்லாமல் 
பள்ளிக்கு செல்ல துவங்கியதும்,
ஆறு வயதில் தன் பேனாவையும் 
பென்சிலையும் காட்டி பெருமைபடுவதும்,
ஒன்பது வயதில் தன் 
சிற்றுண்டியை பகிர்ந்து 
மகிழ்வதும்,
பன்னிரண்டு வயதில் தோழிகளில் தானே 
அழகு என்ற அகம்பாவமும் தோழர்களில் 
நானே மிடுக்கன் என்ற கர்வமும்,
பத்தாவது தேறிய15-வது வயதில் 
எனக்கு நிகர் நானே என்று 
தன்நம்பிக்கை தலைதூக்குவதும்,
காதல்வயப்படும் பதினாறில் 
சக மாணாக்கர் தன்னையே பார்கின்றனர் 
என்று பெருமிதம் கொள்வதும்,
பதினேழில் மீண்டும் சந்திப்போமா 
என்ற எண்ணத்தோடு 
பறந்துவிறிந்த வானில் பறக்க தயாராகி 
இதுவரை, என்ன நடந்தது,ஏன் நடந்தது,
எப்படி நடந்தது, எதற்கு நடந்தது என்று 
பல கேள்விகளுக்கு விடை விளங்கியும் 
விளங்காமலும், 
புத்தக பாடத்தை கற்று, வாழ்வின் 
பாடம் கற்க பறக்கும் இந்த பால்ய வீதியே இளமை பருவம்.
இதில் நாம் கற்றது கையளவு கல்லாதது உலகளவு!

- பிரியா ஸ்ரீதர்

**

பறவையாய்ப் பறந்து திரிந்து
பம்பரமாயச் சுழன்று ஆடி
பாசமான நட்புடன் கைகோர்த்து
பால்ய  வீதியில் விளை யாடியதை...

கள்ளம் கபடம் இல்லாத
பள்ளிப் பருவத்தை..
புத்தகச் சுமை  இன்றி
புழுதியில் புரண்ட.தை...

மழைநீரில் காகிதக் கப்பலும்
வெய்யிலில் காற்றாடியும் விட்டதை...
பரமபதமும் பல்லாங் குழியும்
பயிற்றுவித்த பாடத்தை..

கண்ணிமை எனக்   காத்து
கதை சொன்ன பாட்டியை..
திண்ணையில் அமர்ந்து அன்று
திருவாசகம்படித்த தாத்தாவை..

சிந்தையை சிறை பிடிக்கும்
விந்தைமிகு கணினி உலகில்
பயணி க்கும்  இன்றைய
பாலகர் அறிவாரோ ?

- ருக்மணி, கோவை 

**

ஜாதி என்பது எங்களுக்கு தெரியாது
மதம் என்பது எங்களுக்கு புரியாது

தீவிரவாதத்தை நாங்கள் அறியமாட்டோம்
பாலியலை நாங்கள் கண்டுகொள்ள மாட்டோம்

சமுதாய சீர்கேடு எங்களுக்கு தெரியவே தெரியாது
பொறாமை என்பது எங்களிடம் இல்லவே இல்லை
கோபம் எங்களுக்கு வரவே வராது

அரசியல் என்பது என்ன ?
கலவரம் என்பது எங்கே ?

கள்ளத் தனம் ஏதுமில்லை 
பழிவாங்கும் எண்ணமில்லை
பிரச்சனை ஏதுமில்லை

எங்களுக்கு தெரிந்ததெல்லம்
தாத்தா, பாட்டி
அன்னை, தந்தை
அண்ணன், அக்காள்
தங்கை, தம்பி உறவுகள்
அதையும் தாண்டிய நண்பர்கள்

அன்பு, அரவணைப்பு, மகிழ்ச்சி
அடம்பிடித்தல், உணவுப் பண்டம்
விளையாட்டு, விளையாட்டு பொருட்கள்

சண்டையிட்டாலும் இணைந்து கொள்வோம்.
இணைந்து கொண்டாலும் சண்டையிடுவோம்

இந்த பால்ய வீதி - வாழ்க்கை முழுதும் தொடருமா ?
என்ற ஏக்கத்தில் நாம் !

- ஆம்பூர் எம். அருண்குமார்

**

பால்ய வீதியில் ....
காண்பதெல்லாம் பரவசமே 
கண்டதெல்லாம் சொர்க்கமே 
கற்பது தான் எதிர்காலமே 
கற்றவழி நிற்பது எதிர்காலமே 

திரும்பி வராத சொர்க்கங்கள்  
அரும்பும் மீசைக் கனவுகள் 
விரும்பிடும் வண்ணப்பூச்சிகள் 
விரிந்திடும் ஞானத்தேடல்கள் 

தீயது விலக்கி நல்லது கற்றிடு
மானென துள்ளி சிகரம் தொடு 
அறிவுத்தேடலில் ஆற்றல் பெருக்கிடு....

- பாலா கார்த்திகேயன் 

**
பால்ய வீதியை கடக்காதோர் யாருமிலர்!
அதில் பயின்றவர் வீணாய் போனதிலர்! 

வறுமையை சந்தித்திருந்தால் சம்பாதிக்க பயில்வாய்!
பெருமையை சந்தித்திருந்தால் சமகாலத்தில் தங்கி நிற்பாய்!

பயிற்சி எடுத்திருந்தால் சிகரம் தொடுவாய்!
படுத்து உறங்கியிருந்தால் சில சுற்று வளர்வாய்!

எதுவுமே வீணல்ல உபயோகபடும் வரை!
எதுவுமே வீண்தான் உபயோகப்படாத வரை!

பால்ய வீதியில் விழுந்து, எழுந்து நடந்து, கடந்தால் பின்பு சுலபம்!
பால்ய வீதியில் படுத்து, உறங்கி, சோம்பித்திரிந்தால் பின்பு கடினம்!

இந்தியா உயரும் என்பது பால்யவயதினரின் உழைப்பின் கனவில்!
வாரிர் உறக்கம் விழித்து நாட்டை உயர்த்தும் பணிபுரிவோம் வாரீர்!

விழி.எழு.விருட்சமாகுக!

- இனிய தமிழ் செல்வா, ஓமன்

**
ஆற்றங்கரையில் கட்டிய  மணல் வீட்டை 
 ஆற்றலைகள் அடித்துச் செல்கையில் 
     மனம் மகிழ்ந்து அதைப் பார்த்து  நின்றோம்
அடுத்த நாள் அதைவிடப் பெரிய மணல் வீட்டை
       அழகாய்க் கட்டலாமென்ற நம்பிக்கையில்

உருட்டி விளையாடும் இரு நுங்கு உருளை வண்டி
   ஓட்டி ஓட்டி இரண்டாய்ப் பிரிந்த வேளையில்
        மனம் மகிழ்ந்து அதைப் பார்த்து நின்றோம்.
மறுநாள்  இருபுது நுங்கையெடுத்து புது வண்டிதனை
           மறுபடியும் செய்திடலாமென்ற நம்பிக்கையில்

கூடிக்கூடிக் கோலி விளையாடுகையில் தோற்றாலும்
         வென்றலாம் கூடித் தின்றோம் கடலைமிட்டாய் 
           காக்காய்க்கடி, கடித்தே கவலையெதுமில்லாமல்  
குழவிப்பருவத்தில் குலவி அன்பாய் இருந்தோம் நாளும்
            நம்பிக்கை வளர இன்பம் எப்போதும் இருந்தது  

- மீனாள் தேவராஜன்

**

அரைக்கால்    சட்டையுடன்
 அடுத்தவீட்டுச்    சிறுவருடன்
உரையாடி   நடந்துபள்ளி
 உளம்மகிழ    சென்றநாள்கள் !

பள்ளிநுழை   வாயில்முன்
 படர்ந்தமர    நிழலின்கீழ்
நெல்லிக்காய்    கூறுகட்டி
 நிலம்மீது    அமர்ந்தபடி 

வறுத்தநிலக்    கடலையொடு
 வறுக்காத   நாவற்பழம்
சுருக்குப்பை   பாட்டிவிற்க
 சுவையாக    உண்டநாள்கள் !

மிட்டாயில்    கடிகாரம்
 மிடுக்காகக்    கையில்கட்டி
கெட்டியான     கமர்கட்டைக்
 கேட்காத   நண்பனுக்கும் 

காக்காகடி    கடித்தளித்துக்
 கரம்கோர்த்து    நின்றதெல்லாம்
ஏக்கத்தை    நெஞ்சிற்குள்
 ஏற்றியது;  பேருந்தில் 

பூட்டிவிட்ட    சீருடையில்
  புத்தகங்கள்    பொதிசுமந்து
போட்டடைத்த    பொட்டலமாய்ப்
  பேரன்தான்    சென்றகாட்சி !

- பாவலர் கருமலைத்தமிழாழன்

**

மூக்கை
சிந்தத் தெரியாத வயதில்
ஒற்றை விரலை கைகள் பிடித்து
வீதி நடக்கையில்...

பொத்தான்கள் விடுபட்ட
சட்டையோடு
அரைக் கால்சட்டையில் விழுந்த
பொத்தல்களை மறைக்க முடியாமல்...

நைந்து
கிழிபட்ட மேலாடையுடன்
பாவாடை விரிச்சலில் நுழையும்
கண்களுக்கு முன்னால் கூனி குறுகி...

பசியும்
பள்ளிக் கல்வியும் குடியிருப்புமென
நிறையும் வாழ்க்கையென
நம்பித் தொடர்ந்த பாதையற்ற
சாலையில்...

யாவரும் நிகரென
விளங்கவும்
கீழ்மை மேன்மையற்ற சமத்துவம் நிலவவும்...

உடைமைகள் இழந்து
உரிமைகளைக் கொண்டாட தம்
உடல் பொருள் ஆவி
யாவும் அர்ப்பணித்து
ஆர்ப்பறித்த காலத்தின்
தியாகப் பருவத்தில்
உழைத்து...

எல்லார்க்கும் எல்லாம்
என்பதெல்லாம் பொய்த்து
மெய்யற்ற பொய் விரல்களில்
சுழன்று கொண்டிருக்கிறது 
இடம் மாறிய
விடுதலையின் சாவி...

தியாகிகளின் கண்களில்
இன்னும் தெரிகிறது
ஆறாம் பூதமான மத மொழிகளின்
வன்மங்களும்
பால்ய வீதியில் மாறாத நிலைகளும்...

இருந்து கொள்ள முடியாமல்
வீதி தோறும் அலைகிறது
ரத்த வாடையுடன் சுதந்திரம்...

- கவிஞர்.கா.அமீர்ஜான்

**

அது ஒரு பால்வெளிப்   பயணம்
சென்றுவிட்டால் மீள்வது கடினம்
பயணித்ததை யாரும் மறந்துவிடமுமில்லை
தொலைவுகள் தெரியாமல் தொலைந்துபோய் 
வானம் வசப்பட்ட வேளை அது.
விளக்குவதற்கு அருஞ்சொற்பொருளும் இல்லை
கிழிந்த டவுசரை பிடித்து டயர் ஒட்டிய
நினைவுகள் தேன் மிட்டாயாய் நெஞ்சில் கசிகிறது.
பிலிம் பார்த்து கதை சொன்னது
நினைவுத் திரையில்  காவியமாய் ஓடுகிறது. 
வருடங்கள் ஓடி எல்லாமும் பெற்றுவிட்டோம்
பால்யம் ஒன்றை தவிர... 

- எம்.  விக்னேஷ் 

**

ஆண் பெண் பேதமின்றி இருபாலரும் 
அன்று அழகாக சிரித்து மகிழ்ந்தோம் !

காக்கா கடி கடித்து  மிட்டாய் பகிர்ந்தோம் 
கள்ளம்  கபடமின்றி விளையாடினோம் !
.
சாதி மதம் அறியாது எல்லோரும் 
சகோதரர்களாய் பழகி மகிழ்ந்தோம் !

பண்டிகை உணவுகளைத் தந்தோம் 
பாசத்துடன் பழகி வந்தோம் !

கவலை என்றால் அறியாத காலம் 
களிப்புடன் கொண்டாடிய காலம் !

மணலில் வீடு கட்டி மகிழ்ந்தோம் 
மனதில் கோட்டை கட்டி வாழ்ந்தோம் !

கபடி விளையாடிய காலம் உண்டு 
கிட்டிப்பில் விளையாடிய காலம் உண்டு !

காலையில் சண்டை என்றால் உடன் 
மாலையில் சமாதானம் ஆயிடுவோம் !

நொங்கு பதநீர் குடித்து மகிழ்ந்தோம் 
நொங்கு வண்டி உருட்டி விளையாடினோம் !

டயர் வண்டி ஒட்டி மகிழ்ந்தோம் 
போடி வாடி பேசி மகிழ்ந்தோம் !
 
அலைபேசியில் விளையாட்டு இன்று 
அறைக்குள்ளே விளையாட்டு இன்று !

அதோ ஒரு நிலாக் காலம் உண்மை 
அந்தோ போனதே திரும்ப வராதே !

- கவிஞர் இரா .இரவி

**
பால் மணம் மாற
பாலகனாய்;
பாலினமறியா
பாசப் பறவைகளாய்;
கூடித் திரிந்து
வீடு கட்டி
சோறாக்கிய விளையாட்டு ம்;
விளையாட்டில் சேர்க்கல
எனும் பரிதவிப்பும்;
மழையில் கப்பல் விட்டதும்;
மண் மணம் மாறா
மழலையாய்; பேச்சிலும்
மூச்சிலும்; கெஞ்சலும்
கொஞ்சலும் கொண்ட
மல்லிகை அரும்புகளின்
தோரண வாயில்கள்;
துவண்ட மனதிற்கு
துடிப்பைத் தரும்
கரும்புப் பருவங்கள்
கூத்தாடும் மேடை;
நஞ்சு வஞ்சமில்லா
நர்த்தன ஓடை...

- ப.வீரக்குமார், திருநின்றவூர்

**

சிறுபாதங்களின் முத்தத்தால்
சிலிர்த்த
பால்ய வீதி
பள்ளிக்கூடம் ஆயின எங்களுக்கு

பீங்கான் கோப்பையும்
குண்டு பல்புமாக ஒளிசிந்திய
தெருவிளக்குக் கூடுகளில்
சிட்டுக்குருவிகள் குடியிருந்த போதே
தெரிந்துகொண்டோம்
சிற்றறையிலும் வாழ்ந்து களிக்க

கண்ணாமூச்சி ரே...ரே...
காட்டுப்பூச்சி ரே...ரே... என
ஒளிந்து விளையாடிய போதே
உணர்ந்துகொண்டோம்
வெற்றியின் ரகசியத்தைக் கண்டறிய

பால்வேறு பாடின்றி
பால்ய நாட்களில்
ஒருகாலில் 
சில்லு விளையாடிய போதே
தெரிந்துகொண்டோம்
ஊனத்தை வெல்லும் உத்தியை 

சாட்டையைச் சுற்றிப் பம்பரத்தைச்
சுழல விடும்போதே
அறிந்துகொண்டோம்
ஆட்களை
ஆட்டுவிக்கும் நிர்வாகக் கலையை

மூச்சு விடாமல் பாடியும்
மொத்த நபர்களை ஒருங்கிணைத்தும்
கபடி ஆடிய போதே
கற்றுக்கொண்டோம்
கூட்டுப்பணியின் சூத்திரத்தை

- கோ. மன்றவாணன்

**

பள்ளி காலம்
வேலி தாண்டிடும் 
தோள்பை கால்கள் நண்பனோடு! 

வழியோர வீட்டு 
மதில் மேல் தாவிடும்! 

மரத்து கனிகளை 
டவுசருக்குள் நிறைத்திட! 

கிளை அசைவு 
உரியவர் காது தொட! 

அதட்டல் சத்தம்
ஓட்டம் எடுத்திடும் 
பாதி பை நிரப்பிக்கொண்டு! 

நட்புகளுடன்
நாட்கள் நதியாய் நகர்ந்திட!

ஆண்டுகள் 
பல கடந்த பின் 
பால்ய வீதியை
பார்த்துக்கொண்டே
பெற்ற பிள்ளைகளை
பள்ளி அழைத்து செல்கிறேன்!

போட்ட குறும்புகளை நினைத்துக்கொண்டே 
கண்கள் ஈரமாய்
கன்னங்கள் அருவியாய்!!! 

- தஞ்சை. ரீகன்

**
பால்யகாலந்தொட்டே கூடவே பயணித்திடும் தினமணிக்கு கவிதைசூட்டுவதை எண்ணி மகிழ்கின்றேன்! அச்சில் வந்தால் ஆனந்தம்!

பால்யவீதியில்! 

நாலணாவிற்கு தேன்மிட்டாய்
நான்கெட்டில் அத்தைவீடு
நகர்வலம்வர வாடகை சைக்கிள்
நீட்டியுறங்க நொச்சிநிழல்!

திருவிழாக்காலத் தெருக்கூத்து 
திண்ணைக்கிழவிகளின் தெம்மாங்கு
தீராமழையைத் தாங்கும்குழி
தூரத்துக்கண்மாயின் ஒற்றைவழி!

மஞ்சள்நீரன்றைக்கு மறையக்கூண்டுகள்
அஞ்சல்பெட்டிக்கம்பத்து கரையான்கூடுகள்
எஞ்சிய காலங்களுக்கு ஞாபகவூர்தி - இனி
எப்போது போவேனோ, என் பால்யவீதி! 

- கிருஷ்ணபிரசாத், பெங்களூரு

**
சின்னச் சிட்டுகளாய் சிறகடித்திருந்தோம்
கன்ன மொட்டுகளில் கள்ளமில்லாச் சிரிப்பு
அன்ன நடையின்றி ஆரவாரக் குதிப்பிருக்க
மன்னர்களாய் மனங்களை ஆட்சி செய்தோம்

சோதர அன்பில் முங்கிக் குளித்திருந்தோம்
ஆதரவுக் கரங்களில் கட்டுண்டுக் களிப்புடன்
மோதலின்றி முகிழ்ந்த நட்புச் சுரங்கங்களாய்
நாதகீதமிசைத்து நன்னெறி கற்றிருந்தோம்

ஓடி விளையாடி ஓய்ந்திருக்காமலிருந்தோம்
கூடிக் கும்மாளமிட்டு மகிழ்ச்சியில் குளித்து
தேடிச் சேர்ந்த அறிவுரைகள் வழி நடந்தே
கோடியின்ப லயிப்பில் துன்பமறியாதிருந்தோம்

ஆல்போல் விழுதுகளாய்க் கூடி வாழ்ந்திருந்தோம்
சூல் கொண்ட மேகங்களாய் உதவிகள் செய்து
பால்வடியும் முகங்களில் சிரிப்புச் சுரங்கங்களாய்
பால்யவீதியில் பாடிடும் பறவைகளாயிருந்தோம்

கவிஞர்  ராம்க்ருஷ்

**

பால்ய வீதியில் பட்டாம்பூச்சி பிடித்தோம்
பம்பரம் விளையாடி நட்பையும் வளர்த்தோம்
கண்ணாமூச்சி விளையாடி கவலைகளை மறந்தோம்
காலங்கள் அழகிய கோலமாவதை அறிந்தோம்
புழுதியில் விளையாடி புதுவாழ்வு கொண்டோம்
புத்தகப்பையை பள்ளிக்கு சுகமாய் சுமந்தோம்
பாடங்கள் படித்து தெளிவை அடைந்தோம்
பள்ளியை கோவிலாக தினமும் தொழுதோம்
நுங்குவை சக்கரமாக்கி வண்டியை ஓட்டினோம்
நூலில்கட்டி பட்டத்தை வானத்தில் ஏற்றினோம்
பங்குவைத்து உண்டு பாசத்தை பகிர்ந்தோம்
பசியையும் மறந்து பறவையாய் திரிந்தோம்
சாதிகளை மறந்து ஒன்றாகக் கலந்தோம்
சகிப்புத்தன்மை அறிந்து பகைமை மறந்தோம்
வஞ்சக நெஞ்சமின்றி வண்ணமாய் வாழ்ந்தோம்
வாழ்வை வசந்தமாய் நாளும் கழித்தோம்
இளமைப்பருவம் என்பது இறைவன்தந்த அருள்தான்
இன்பவாழ்வு என்னும் பயிருக்கு அதுஉரம்தான்
பிள்ளைப்பருவம் என்பது பிழையற்ற பருவம்தான்
பிள்ளையாய் மாறநானும் கேட்கிறேன் ஒருவரம்தான்

- கவிஞர் நா. நடராசு

**

பால பருவத்தில், வீதியில் துளிர்த்து 
படித்த பள்ளியில் அரும்பி , கல்லூரியிலும் 
மலர்ந்து செழித்தது எங்கள் நட்பு !
நானும் அவனும் பால்ய நண்பர்கள் 
என்னும் ஒரே ஒரு பிணைப்பு 
இணைத்து விட்டதே  எங்களை 
இன்று வரை ! 
வீதியில் விளையாட்டாய் துளிர்த்த  நட்பு 
வாடவில்லையே இன்னும் !மணக்குதே 
இன்றும்! காரணம் என்ன ?
என் வாழ்க்கை வீதியில் முளைத்த பிற 
நட்புகள் பல வெறும் "ரயில் நட்பாய் "  
மாறிய காரணம் என்ன ?
இனம் ,மதம் ,குலம்  மறந்து என்  நண்பனுடன் 
கை கோர்த்து ஓடி  விளையாடிய 
அந்த பால்ய வீதியை இன்று தேடுகிறேன் 
நான் !  என் கேள்விக்கு விடை தேட !

- கே.நடராஜன் 

**

மழைச்சாரல்.
உணர்வுகள் கரைந்த நினைவுகள்.
உள்ளமெங்கும் சித்திரங்கள்.
நனைந்து எழும் மண்வாசனையில்
சித்திரங்களை மெல்லத்துலக்கிக் 
கோர்த்துப் பார்க்கிறேன்.
கண்ணீரும் சிரிப்பும் கள்ளமின்றிக்
கொட்டித்தீர்த்த நாட்கள்.
பெரும் குடும்பம் சிறு வீடு.
உள்ளங்களை நெருக்கி 
வேய்ந்த‌ கூரைகள்.
தொலைக்காட்சி வைத்திருந்த 
ஒன்றிரண்டு அரண்மனைகள்.
வண்டிமாடுகள் சத்தமிட்ட‌ 
வழித்தடங்கள்.
வாரச்சந்தையன்று விடுமுறை
என்ற சிறுநகரம்.
எதிர்வீட்டு கெளரி அக்கா
அவள் வருடிப்பூத்த‌ 
பனிக்காலத்து பவழ‌மல்லி.
தேரோடிய‌ திருவிழாக்கள்
உப்பும்மிளகும் போதுமென்ற சாமியவள்.
சாமியவள் பேரைச்சொல்லி
திருவிழாவின் கறிச்சோறு.
மஞ்சாரைப்பூச் சிதறிமணக்கும் 
பள்ளித்தடங்கள் இளவேனில்காலம்.. 
தீபாவளிக்கு மறுநாள் கட்டாயம் 
சீருடைகள்.
பள்ளிகள் உடுத்திச் சொன்ன 
நீலவெள்ளைச் சமத்துவங்கள்.
சிலவருடங்கள் தீபாவளிக்குப்
புத்தாடையே சீருடைகள்.
பாவாடைச்சட்டையில் பறந்துகளித்த‌ 
பட்டாம்பூச்சிகள்.
கிழங்குவிற்கும் புங்க‌மரத்துப் 
பாட்டியிடம் கணக்குப்படித்த நாட்கள்.
கள்ளமில்லா நட்புக்கள்.. 
உயிரோடிய‌ உறவுகள்..
இல்லாதது தெரியாமல் 
இருந்தது புரியாமல்
வாழ்ந்திருந்த‌ பெருமகிழ்வுநாட்கள்.
இப்படி
வசந்தகாலத்தின் குறிப்புக்களே 
பால்யவீதியெங்கும்.
பால்யவீதி எங்குமுடிந்தது ?
இல்லாதது வலித்தபோதும் 
இருந்தபொருளே அடையாளமானபோதும்
பால்யவீதி விலகி 
வெகுதூரம் வந்திருந்தேன்..
சாரலும் தூறலும் நின்றிருந்தது.
கடிகார ஊசல்போல் 
பின்னூடும் எண்ணங்கள் 
முன்னூடும் மாற்றங்கள்
முட்கள் முன்னேயே நகர்ந்திடும் 
சில புள்ளிகளில் நாமும்
குழந்தைகளாக வாழ வேண்டும்.
உணர்வுகள் இசைக்கும்.
மழையும் மறுபடி பெய்யும்..

- ரமேஷ் கோபாலகிருஷ்ணன், பீனிக்ஸ், அமெரிக்கா

**
பாவாடை தாவணியில்
பாண்டி ஆடிக்கொண்டிருந்தவர்கள்
தொலைக்காட்சிப்பெட்டிக்குள்
தொலைந்து போயாச்சு !!
பல்லாங்குழியில்
பதித்திருந்த விரல்கள்
அலைபேசிக்குள் ஒட்டிக்கொண்டாச்சு !!
அவிழும் ஆடைகளை மறந்து
கவிழும் பட்டங்களைப்பார்த்த
சின்னச்சின்ன பார்வைகள் பாழாச்சு !!
மதங்களைப் பார்க்காமல்
மனங்களைப் பார்த்த
மகிழ்ச்சி முகங்கள் மறைந்தாச்சு !!
மாலையில்,  வியர்வையில் குளிக்காத
ஒரு ட்யுஷன் யுகம் பொறந்தாச்சு !!
வழுக்கும் சாலைகள் ,
பறக்கும் வாகனங்கள்,
முதியவர் சிலரின் நடைப்பயிற்சியில்
வீதிகளின் பால்யத்தை
என்றோ இழந்தாச்சு !!

- கவிஞர் டாக்டர் எஸ். பார்த்தசாரதி -- MD DNB PhD

**
பாதகம் எது வரினும்
பாதிப்பில்லாமல்
பாதுகாக்கும் தந்தை விரல் பிடித்து
பால்யபொழுதுகளில் 
பரவசமான நடை 
பழகிய தெருக்களில்
பூவரச மரத்தின் பூக்கள்
புவியில்  கொட்டும் மாலைவேளைகளில்
பூங்காக்களில் 
பனி படர்ந்த சாலைகளில்..அவர்
பணி புரிந்த இடங்களில்..
தந்தை மறைந்தபின்
தனியே நடக்கையில்..
ஒவ்வோர் அடி 
எடுத்து வைக்கும்போதும்
ஒளிந்து நின்று பார்த்தது..
அவரின் ஆன்மா..!

- கவுதம் கருணாநிதி, திருச்சூர் கேரளா.

**
பால்ய வீதியில் 
தோழர்கள் பல உண்டு 
துணை நிற்க ஆளுண்டு 
விளையாடி விளையாடி 
விளையாட்டும் முடியாது 

கண்ணாமூச்சி கோலியுடன் 
கல்லா மண்ணா விளையாடி 
பச்சைக்குதிரை பம்பரமும் 
பலதடவை விளையாடி 

மண்தெருவே  மைதானம் 
கண் சிமிட்ட நேரமில்லை 
கூட்டாஞ்சோறு உணவதனை 
கூடி நாங்கள் உண்டோமே 

கோட்டிப்புல்லும் கோலியுமே 
காலை உணவு ஆகிடுமே 
மதிய உணவு உண்டிடவே 
மனமும் கொஞ்சம் இடமளிக்கும் 

மகிழ்ச்சியான வாழ்வதனை 
மனம் நினைந்து ஏங்குதிப்போ
பை நிறைய பணமிருந்தும் 
பால்ய வாழ்வை வாங்கிடுமோ 

எப்போதும் எல்லார்க்கும் 
இப்போதும் இனிமைதரும் 
அழகான பால்யமே 
மீண்டும் நீயே வாராயோ !!!

- விஜயேந்திரன் பார்திபன்

**
மழையைக் கண்ட குழந்தையைப் போல்
மகிழ்ச்சியோடு கிழம்பினேன்
வெளியே செல்வதற்கு…
சிறு துளியை கண்ணில் காட்டி
ஏமாற்றிய மேகத்தைப் போல்
பாதியிலேயே ஏமாந்தேன்…
பயணம் செல்லவேண்டாம் என்று
அழைப்பு வந்ததால்!

- த.புனிதா

**
இடப்புறமும் வலப்புறமும் எதையும் விடாது
பால்யத்தின் வீதியில் நான்
பாதசாரியாய்,

மழை விழுவது போல், 
பூ உதிர்வது போல்,
உயிர் பிறப்பது போல்,
மெது மெதுவாய் என் பால்யம்
உருள்கிறது,

இதை தடுக்கலாம், அதை நிறுத்தலாம், 
இதை தவிர்க்கலாம், அதை ரசிக்கலாம்.
நினைவுகளுடன் ஓர் ஓடி விளையாட்டு,

மனதோடிருந்த கனமெடுத்து 
உதட்டோரமாய் உதிர்த்தபடி 
இன்னொருமுறை என திரும்பினேன்
எழுந்து ஓடூ என்கிறது 
எதிர்காலம்!.

மு.துரைபாண்டியன்.  கோவை.

**

பின்னோக்கிய பயணம் 
அறிவுக்கு வித்திட்டதென் பால்யம். 
உச்சி வெயிலில் சாகசங்களாய்
ஆல விழுதுகளில் ஊஞ்சலாடி 
வாலுப் பசங்களோடு  நீச்சலடித்து 
அகமும், புறமும் செழித்து வளர 
உரமிட்டு வளர்த்ததென் 
உறவுகளும், நட்புகளும் .
மாறிப் போன காலங்களில் 
 வளர்ந்து  நிற்கும் இந்நாளில் 
அதிசயமாய் எதிர்படும் 
மாட்டு வண்டியில் ஏறி 
பால்யம் நோக்கி 
பயணிக்கிறது மனம் .   
  
- விஜயலக்ஷ்மி 

**

பால்யவய திலேநாமும் பருவமெய்தும் காலத்தில்
    பலசேட்டை செய்ததுவும் பசுமைமையாய் நீந்திவரும்..!
பால்போன்ற மனத்துள்ளே பதிந்தநல் விஷயங்கள்
    பக்குவமாய் நடைபோடும் பகலிரவாய் நினைவுவரும்..!

கால்கட்டுப் போடாமல் கண்டவிடம் சென்றபோது
    கணக்கில்லா நாட்களையும் கழித்ததுவும் ஓர்காலம்..!
பால்மேனி நோகாமல் பனங்காயில் குச்சியூன்றிப்
    பலமயிலைக் கடந்ததைவும் பற்றுடனே நெஞ்சிலாடும்..!

பருவத்தில் அனுபவித்த பலவிதமாய்ச் சேட்டைகளும்
    பல்லாண்டு ஆனாலும் பசுமைமாறாச் செய்கையாகும்..!
இருவராகச் சேர்ந்துகொண்டு எப்போதும் ஒன்றாக
    இணையாகக் கைகோர்த்து இப்பள்ளி சென்றோமே..!

ஒருகரையின் ஆற்றின்மேல் ஓடியாடிக் குதித்தநாளும்
    ஒன்றாக மகிழ்ந்தநல்ல உணர்வுகளும் இனிவருமா..!
உருவத்தால் ஒன்றாகா உணர்விற்கே முதலிடமாம்
    உண்மையன்பு கொண்டூட்டும் ஓருறவே பால்யமாகும்..!

அன்பாகப் பிடித்துவந்த அழகானப் பொன்வண்டை
    அடைத்துவிட்ட ஆனந்தம் அன்றாடம் நிழலாடும்..!
தின்னாத நுணாக்காயில் திறமையுடன் தேர்செய்து
    தினமுமதைத் தந்திரமாய்த் தெருவீதி இழுத்ததுவும்..!

பின்னாலே நின்றுகொண்டுப் பிறரியாத வண்ணமாக
    பெண்களிரு சடைமுடியைப் பின்னிவிட்ட வேடிக்கை..!
இன்னமுமே மறக்கவில்லை இன்பச்செய் கையதுவாம்
    இன்றுமந்த நினைவலைகள் என்றைக்கும் அழியாது..!

- பெருவை பார்த்தசாரதி

**

உன்னோடு கை கோர்த்த முதலே ,
அன்பிற்கு அளவில்லே
ஆனந்த தாண்டவத்திற்கு தடையில்லே
ஈகைக்கு வருத்தமில்லே
உயர உரிமைக்கு உன்னிடத்திலே
ஊட்டிவிட உடன் யாரும் தேவையில்லே
என் அறிவிற்கு முகவரி உன் அறிவுக்குள்ளே
ஏணியெனக்கு நீந்தப்புள்ள
சிரிப்புக்கு சிறையில்லே
சொத்துக்கு சோகமில்லே…,
உறவுகளை தாண்டி உயிருக்குள் உட்புகுந்த
உணர்வுக்கு உரிமை உன் விலாசமென
என் விழிகண்டு வழி பார்த்து எதிர்பார்த்ததே
பால்ய வீதியிலே பழகிய நாட்களை பழங்களாய் 
நடைபோட்டுக்கொண்டே ருசித்து போகலாமென 
நினைக்கும் போதே கொண்டாடுது நட்பே…..

- இராஜேந்திரன் சத்யா

**
பூவரசமரத்தில் ஆடிய ஊஞ்சலும்
பனங்கொட்டை வண்டியும்
பச்சைக் குதிரையும்
அச்சாங் கல்லும்,
ஆடு புலி ஆட்டமுடன்
தேடி விளையாடும் - கண்ணா மூச்சியும்
ஆச்சி வீட்டின் அடுக்கடுக்கு
பணியாரமும்
பேச்சி கோவிலும் - கருப்பண்ணசாமி குதிரையும்
தெருக் கூத்தும்
'அதாகப் பட்டது - என
ஆரம்பிக்கும் நாடகங்களும்,
பதினாறு எம்.எம் திரைப்படங்களை வீதியில் பார்த்ததும்

வரலாற்றுப் புத்தக ஏடுகளில் ஏற
எமது பிள்ளைகள் - ஆன்ட்ராய்டு அடிமைகளாய்
மின் விளையாட்டுக்களில்
மூழ்கித் தொலைப்பது
பால்யம் மட்டுமா? தங்கள்
மூளைகளையும் தான்
வாட்ஸா ப்பில் வாழ்ந்து முகநூலில் சிரித்து
அருகில் இருப்பவரோடு அளவளாவவும் விருப்பின்றி .

- செந்தில்குமார் சுப்பிரமணியன்

**
மஞ்சள் நீர் எடுத்து
மாரியம்மன் கோவிலுக்குச்சென்று
நெஞ்சில் பரவசத்துடன்
நேரத்தே நிகழ்ச்சிகளுக்கும் போய்
விடிய விடிய கான மேளா
கண்டதுண்டு..!
முடியும் முன் பனி கொண்டு
முன்பே வந்தாலும்
செவிகள் கேட்டுக்கொண்டேயிருக்கும்
கவிகள் பாடிக்கொண்டே இருப்பர்..!
மங்களமாய் மங்கையரும்
பொங்கல் வைப்பர்..!
மாவிளக்கெடுப்பர்..!
மனதையும் கொள்ளையடிப்பர்..!
பால்ய வீதிகளில்
பாலர் பள்ளியும்
மாரியம்மன் திருவிழாவும்
மனதிற்கு இதமாம்..!
மறுபடி ஒருமுறை ஊருக்குச் சென்றிருந்தேன்..
மற்றெல்லாம் மாறவில்லை..ஆயினும்
மனதில் மகிழ்வும் ஏறவில்லை!
மீண்டும் ஒரு முறை பிறந்துவிடவா?
மகிழ்வில் என்றும் சிறந்து விடவா?

- நர்மதா கவுதம், திருச்சூர், கேரளா

**
பால்மணம் மாறாத
வண்ணத்துப்பூச்சிகள் 
பாலின பேதமின்றி
கூடிக்களிக்கும் 
பால்ய வீதியில்!

மூட்டை தூக்கியே 
முதுகு கேள்விக்குறியான
ஆச்சரியக்குறிகள் 
மழலைகள்!

அறிவொளி பெற்று 
ஒளிவீச வேண்டிய 
குழந்தை நட்சத்திரங்களின் 
கண்ணொளி பறிக்குது 
கைப்பேசியும் தொலைகாட்சியும்!

மலர்கள் மலர்ந்தால் 
செடிக்குப் பெருமை!
மழலைகள் மலர்ந்தால் 
குடிக்குப் பெருமை!

தம்பிகள் தும்பிகளோடு 
துள்ளி குதித்து விளையாடும் 
பால்ய வீதியில்
பந்து ஆடலாம்! 
சிந்து பாடலாம்!

மனிதத் தோட்டத்தில் 
சிரித்துக்கொண்டே இருக்க
வரம் பெற்ற குழந்தைகள் வாழ்வில் 
சதி விளையாடியது அன்று
விதி விளையாடுகிறது இன்று!

பால்ய வீதியில் 
கூட்டாஞ்சோறு ஆக்கி விளையாடும் சிறுமிகளை
கூட்டு பலாத்காரம் செய்யும் காமுகர்கள் 
இல்லாத சமுதாயம் மலரட்டும்!

குழந்தை காப்பகங்களே
வன்கொடுமை நிகழ்த்துவது
வேலியே பயிரை மேயும் 
விபரீதம்!

பால்ய வீதியில் 
பால்ய விவாகம் இல்லாமலும்
பாலியல் வன்கொடுமை நடக்காமலும்
குழந்தைகள் கொள்ளை போகாமலும்
காப்போம்! 

-கு.முருகேசன்

**

இளங்கன்றுகளாய் பய மறியாது
கள்ளமென்பதை உள்ளமறியாது
களத்தில் தினம் கூடி
திளைத்திருந்தோம் நண்பர்களாய்

குருவி ரொட்டியும் குச்சி மிட்டாயும்
கொடுத்த சுகத்தில் குதூகளித்து
தெருவெல்லாம் சுற்றி வந்து
சிறகடித்தோம் பட்டாம் பூச்சியாய்

பனை ஓலை காத்தாடியை
பறக்க விட்டு திரிந்தோடி
பனங்கொட்டை வண்டி கட்டி
பல வீதியையும் கலக்கினோமே

மழை வந்தால் கொண்டாட்டம்
மண்ணீசலுக்குத்தான் திண்டாட்டம்
வட்டி நிறை கஞ்சி அமிர்தத்தை
வட்டமிட்டு அமர்ந்துண்டதை மறப்போமா

பால்ய வீதி நினைவெல்லாம்
பசு மரத்து ஆணியென நெஞ்சிலிருக்க
காலம் நம்மை கடத்தினாலும்
நெஞ்சினித்த அந்த சுகம் திரும்ப வருமா !

- மதுரை மாலதி (P.C.)

**
பள்ளிக்கூட மணியடிக்கும் மாலை 
பல்லிளிக்க ஓடி வருவோம்! 
கூட்டாஞ்சோறு ஆக்கி
கூடி மகிழ்ந்த பருவம்! 
ஒன்றாய் சேர்ந்தே சுற்றி 
ஓடிப் பிடித்தே விளையாடி 
கண்ணாமூச்சி ஆட்டமாடி மறைவோமே! 
ஒருவரை ஒருவர் ஓங்கி அடிப்போம்! 
உடனே விரைவாய் அதனை மறப்போம்! 
சேர்ந்தே செய்யும் தவறை 
உயர்வாய் கூடி ஏற்போம்! 
பக்கத்து வீட்டு மாமரத்தில் மாங்காய் 
பறித்து புளிப்பு மாற 
உப்பு சேர்த்தே தின்போம்! 
தேங்காய் உடைத்துத் தின்றதால் 
அப்பாவிடம் அடிவாங்கினோம்! 
பனங்காய் பறித்துத் 
தின்றே பசியாறினோம்!  
நீச்சல் தெரியாமல் ஏரியில் 
குளிக்க வந்து என்னை 
முக்கிய எடுத்தாயே!  
ஆட்டின் மடியில் கை வைத்து 
பால்பீய்ச்சிக் குடித்தோமே! 
மாட்டின் முதுகிலேறி 
சவாரி செய்தோமே! 
களாக்காய்,வெளாம்பழம், 
குறிஞ்சிப்பழம், ஈச்சம்பழம் பறிப்போமே!  
மாவிளக்குமாவில் தேங்காய் 
சேர்த்தே தின்றோமே! 
மேட்னி ஷோ சினிமாவுக்கு 
நடந்தே சென்று பார்த்தோமே! 
வட்டமாய் முறுக்கு வாங்கி 
தேன் மிட்டாய் சேர்த்து சுவைத்தோமே! 
சப்பாத்திப்பழம் பறித்துத் தின்று 
சிவந்த உதடுகளால் சிரித்தோமே! 
சுதந்திர தினவிழாவில் தந்த 
ஆரஞ்சுமிட்டாய் சுவை மாறாதே! 
பால்யவீதியில் பசுமை நினைவுகள்! 
மலர்ந்த மல்லிகை மணமாய் வீசுகிறதே! 

- ஆகாசம்பட்டு A.k.சேகர்.

]]>
kavithai mani, kavithai, poem, poetry, கவிதை, கவிதைமணி, பால்ய வீதி http://images.dinamani.com/uploads/user/imagelibrary/2018/10/7/w600X390/download.jpg http://www.dinamani.com/specials/kavithaimani/2018/oct/07/கடந்த-வாரத்-தலைப்பு-பால்ய-வீதியில்வாசகர்களின்-கவிதைகள்-3015707.html
3011101 ஸ்பெஷல்ஸ் கவிதைமணி இந்த வாரத்திற்கான தலைப்பு: பால்ய வீதியில் கவிதைமணி DIN Sunday, September 30, 2018 03:09 PM +0530  

பாதியில் முறிந்த பயணம் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: பால்ய வீதியில்...

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம்.
 

]]>
poem, kavithai, poetry, கவிதை http://images.dinamani.com/uploads/user/imagelibrary/2018/9/30/w600X390/images_3.jpg http://www.dinamani.com/specials/kavithaimani/2018/sep/30/இந்த-வாரத்திற்கான-தலைப்பு-பால்ய-வீதியில்-3011101.html
3011100 ஸ்பெஷல்ஸ் கவிதைமணி கடந்த வாரத் தலைப்பு ‘பாதியில் முறிந்த பயணம்’வாசகர்களின் கவிதைகள்! கவிதைமணி DIN Sunday, September 30, 2018 03:03 PM +0530  

விசமிகளின் சகதியில் 
விளைந்த பூங்கொடியை 
விலைகொடுத்து வாங்கவேண்டிய 
தரகன் ஒருவன் 
கொடி வாங்கிப் போக 
பெரும் பேரம் பேசியே 
காசு கேட்கிறான்...! 

கொடி கொடுத்து
கொடை கொடுக்க பணமில்லாத 
அந்தப் பரிதாபத்துக்குரிய 
பாசக்காரத் தோட்டக்காரன்...

பறந்து சென்று பணம் 
தேடமுடியாமல் உடைந்து போன 
தன் சிறகுகளால் உண்டான 
ஊனம் உடலோடு இருந்தாலும்... 

கடல் தாண்டி காசு பணம் 
பார்க்க வந்த வாய்ப்புகளும் 
காற்றின் வேகத்தில் 
கரை ஒதுங்கிய ஓடம் போல
ஆகிவிட...

பூங்கொடியின் 
வசந்தகாலக் கோலங்கள் 
பாதியில் முறிந்த பயணமாக 
கலைந்து போனது எல்லாம் 
என்ன...? 

காலத்தின் சாபமா...? 
அல்லது கொடி வளர்ந்த 
தோட்டத்தின் குற்றமா...?

- கவிஞர் பி.மதியழகன்

**
பயணப்பட எத்தனிக்கும் முன்னே
சயனத்தில் வீழ்ந்தது என் பயணம்
கவனமுடன் திறமையும் துணைகிருந்தும்
பயணம் பாதியில் முறிந்த தேனோ ?

கருவில் சூல்கொண்ட நாள்முதலே
வறுமை பின்னிழுத்த போதும்
கருத்தில் தொய்வில்லாமலே
பொறுப்பாய் படித்திருந்தும்

துரத்திய வறுமையை தூரத்தே
நிறுத்தி வைத்து நேர்மையை கரம்பிடித்து
உறுதியாய் நின்ற போதும்
சறுக்கிய நிலை காண சகிக்கவில்லை மனம்

முப்பிறவி பாவமென்றார் 
எப்பிறவியிலும் உழைப்பிற்கு தோல்வி இல்லை
நேரம் பாரா நேர்மையான உழைப்பினால்
பாதியில் முறிந்த பயணம் தொடர்ந்திட செய்வோம்.

- வ. இசக்கி ராஜு

**

பயணம்  -  அது
நாம் விரும்பும் இடத்தை 
அடைய உதவும் படிகள்!
அது - பாதியில் 
முறிந்தால்  உடலும்  உள்ளமும் 
முறிந்து  போகும்!
பள்ளி பயணம்  அது 
தள்ளி முறிந்தால் 
தடைபடும்  படிப்பு என்ற படி!
திருமண  பயணம்  அது 
வெறுமையில்  முறிந்தால் 
கருமையான  வாழ்க்கையாகிவிடுமே!
எந்த  பயணமும்
சொந்தமின்றி பாதியில்  முறிந்தால் 
பந்தமில்லா தனி மனிதன் 
போல  உள்ளமும்  வாடுமே!
முறிந்த  பயணத்தின்  காரணத்தை 
செறிவுடன் சிந்தித்தால் 
நெறியான  பயணமாகி  இனிக்கும்!

- உஷா முத்துராமன், மதுரை   

**

தொடுத்த அம்புகள் இலக்கில் செல்லவேண்டும்
எடுத்த செயல்கள் வெற்றி வசமாக வேண்டும்
அடுத்த முயற்சி என தொடரோட்டமாக வேண்டும்
மிடுக்கான பயணங்கள் ஆனந்தமாக வேண்டுமே

பாதி கிணறு தாண்டும் இலக்கு மரணமல்லவா
ஓதி உணர்ந்தே செயல் தொடங்க வேண்டுமல்லவா
மோதி வலியானாலும் வெற்றி வேண்டுமல்லவா
நாதியற்றிருந்தாலும் நம்பிக்கை வேண்டுமல்லவா

படிப்பில் உயர்கல்விக்கு முயன்று கற்கும் போது
பிடிப்பில்லாத பொருளாதாரம் பல்லிளிக்கும் நேரம்
விடியலுக்கான வழிகளேதும் எங்குமில்லையே
துடிப்பில்லாமல் பாதியில் முறிந்த பயணமானது அது

காதலில் விழுந்து கனிந்து மணம் முடிக்க நினைத்தால்
மோதலாக சாதி மதம் வந்து சதிராடித் தீர்த்த நிலையில்
காத தூரம் காதலர்களைப் பிரித்திடும் தீய சக்திகளினால்
காதலன்புப் பயணம் பாதியில் முறிந்த பயணமானதே

இறைவன் கொடுத்த வரம் தவறியதால் வாழ்வுப் பாதை
உறைந்து கரடுமுரடாகி கல்லும் முள்ளும் காலில்குத்த
நிறைந்த இடையூறுகளில் சிக்கிச் சின்னாபின்னமாகி
மறைந்து வாழ்வுப் பயணம் பாதியில் முறிந்து நின்றதே

பாதியில் முறிந்த பயணங்களால் பயனேதுமில்லை
ஆதியில் தொடங்கிய பயணம்  அந்தம்வரை தொடர
நீதி நின்று துணையிருந்தால் முயற்சி தொடர்ந்தால்
பாதியில் பயணங்கள் முறியாது வெற்றியாகலாமே.

- கவிஞர் ராம்க்ருஷ்

**

வாழ்க்கை சக்கர
அச்சாணிக்கு பணம்
எண்ணெய் ஊற்றி
உருட்டிய  தமிழ் வண்டியின்
பாதைகளில் இரு மருங்கிலும்
கள்ளிப் புதர்கள்!
இருண்ட வனத்தில்
தமிழ் வண்டி
கல்விக்கண் விளக்கு தேடி
அலுத்து பாதியில்
முறிந்த பயணத்தை
எண்ணியபடி 
இணையத் தமிழ்
நிழலில் உடைந்த
நிலாச் சிதறல் 
முற்றத்தில் காத்திருக்கிறது!

-சீனி

**

கண்ணே மணியே எனக் காதலித்து
கட்டிக்கரும்பே அமுதே எனக் குழைந்து
நீயின்றி நான் இல்லை எனக் குழறி – பொழுதை
நித்தம் தொலைபேசியில் தொலைந்ததே

ஆசையால் கைப்பிடித்து ஆனந்தமாய்
இச்சையுடன் தனிக்குடித்தனம் போய்
கூடிக்குலவி  கணவன் மனைவியாய் – காலத்தை
தேடிக் கைபேசியில் கரைத்ததே

இன்பக்கடலில் இல்லறம் செல்லாதே
துன்பக்கடலில் இல்லறம் சென்றதே!
அலைபேசியில் அலைந்து ஐயப்பேய் – உள்ளத்தை
அலைக்கழிக்கப் பாதியில் முறிந்தது பயணம்.

- மீனாள் தேவராஜன்

**

அருமையாக  வாய்த்திட்ட  வாழ்க்கை  தன்னை
    அன்பான  மனைவியொடும்  குழந்தை  யோடும்
பெருமைதரும்  வழியினிலே  வாழ்ந்தி  டாமல்
    பேரழிவைத்  தரும்மதுவிற்  கடிமை  யாகி
வருவாயை   அதிலிழந்து  குடும்பம்  தன்னை
    வறுமையிலே  துடிதுடிக்க  வாட  விட்டும்
உருவான  நோயினிலே   சிலரோ  இங்கே
    உயிர்ப்பயணம்  பாதியிலே  முறிக்கின்  றார்கள் !

வெண்சுருட்டால்  வரும்நோய்தான்  என்ற  றிந்தும்
    வெளித்தெருவில்  வீட்டிற்குள்  புகையி  ழுத்துக்
கண்சுற்றி  கருவளையம்  காச  நோயும்
    கணையம்தான்  பாதிக்க  உடலும்  வீங்க
மண்மீதில்   வாழ்வதற்காய்க்  கிடைத்த  வாழ்வில்
    மரணத்தைப்  பாதியிலே  அழைத்து  வந்து
கண்முன்னே  கிளைமுறிந்து  விழுதல்  போல
    கண்மூடி  சிலரிங்கே  விழுகின்  றார்கள் !

அற்புதமாய்  வாய்த்திட்ட   இயற்கை  தன்னை
    அழிக்காமல்  மாசாக்கிக்  கெடுத்தி  டாமல்
குற்றங்கள்  வன்முறையில்   கொள்ளை  யிட்டுக்
    குவிக்காமல்  நேர்வழியில்  பொருளை  யீட்டி
நற்பண்பில்   வாழ்க்கையினை  அமைத்துக்  கொண்டால்
    நடுவழியில்  பயணம்தான்  முறிந்தி  டாமல்
உற்றதொரு  புகழோடு   ஞாலம்  போற்ற
    உயர்வாக  வாழ்ந்திடலாம்  இறந்த  பின்பும் !

- பாவலர்  கருமலைத்தமிழாழன்

**

கண்டதும் காதல் கொண்ட 
கோதையர் பலரும் 
கண்ணிலே காதல் பேசும் 
காளையர் பலரும் 

கணப்பொழுதில் காதல் கொண்டு 
கடுமையாய் காதல் உண்டு 
பெற்றோரை எதிர்த்து நின்று 
பெருமையாய் மணமும் கொண்டு 

மூன்று மாதம் முடிக்கையில
மூவேளை உணவிருக்கோ 
முடங்கிடவே இடமிருக்கோ 
ஆனாலும் பஞ்சமில்ல 
அடிதடிக்கு மட்டுமங்கு 

காதல் செய்கையிலே
கண்ணேன்னு சொன்னவங்க 
கல்யாணம் முடிஞ்சதுமே 
கழுதைன்னு சொல்வதென்ன 

உண்மையான காதலுன்னா 
உடலை மட்டும் பாக்காது 
உயிரோடு மனம் பார்க்கும் 
உறவுக்கே உயிர் கொடுக்கும் 

உடல் பார்க்கும் காதலெல்லாம் 
உண்மையான காதலல்ல 
பாதியில முறிந்து விடும் 
பாழாக்கி வைத்து விடும் 

- பார். விஜயேந்திரன்

**

உலக வாழ்க்கையே 
ஒரு பயணம் தான் !
உனக்கான வாழ்க்கைப்
பயணம் 
பாதியில் முறிந்தது என்று
பயணத்தை முடித்துக் கொள்ளாதே  !
எதிர்பாராமல்  நிகழும்
ஏதாவுதொரு தடங்கலால்
திசை மாறும் பயணம் உண்டு !
திருப்பங்கள் தரும் தருணமும் உண்டு !
பார்வையும் பாதையும் மாறினாலும்
பயணங்கள் என்றும் முடிவதில்லை.!
பாரினில் பயணிக்க பாதை
பல உண்டு என்பதால்
புதியதோர் பாதை தேர்ந்தெடு !
புதியதோர் பயணம்தொடங்கு!இலக்கு     
கொண்டு பயணிக்கையில்
இடையே இடர் பல வருவதுண்டு !
இடறி  விழாமல் பயணிக்க
இதயமதில் நம்பிக்கை கொள் 
மனிதா ! முன்னேறும்  எண்ணமதில்
திண்ணமாயிருந்தால்
முடிவில் கிடைப்பது வெற்றியே !

- ஜெயா வெங்கட்

**

அகத்தேடலின் ஒரு பயணம்.
தேடுதல் துறக்கவும் தேடிய‌ பயணம்.
பயணப்பட்டோம்.. 
பெரும் குன்றுகள்.. 
நடுங்கவைக்கும் பள்ளங்கள்..
சிரிக்கும் சிற்றோடைகள்..
சிறுவெளிச்சம்.. பெருமௌனம்..
கைப்பிடிக்கும் வழித்தடங்கள்..
உள்ளம் விரிக்கும் பரந்தவெளிகள்
சித்தன் மொழிகள் சிதறிக்கிடக்கும் காடு.
குன்றிலிருந்த சித்தனைத்தேடி வந்து
பாதியில் நின்றது பயணம்...
பெரும் மழை..
திசை மாறியது பயணம்..
கந்தலோடு கந்தலாய் நனைந்திருந்த‌
வழிப்போக்கன் வழித்துணை ஆனான்
கருப்பன் என்று பேர் சொன்னான்.
சித்தனையா தேடி வந்தீங்க ?
சித்தன் சிரிச்சதால பேய்மழையாப் பேயுது.
கருப்பட்டியும் கருஞ்சுருட்டும்
சித்தனுக்கு ஆகாத பொருளொன்னும்
எனக்கு வேண்டாத பொருளொன்னும்
எங்கிட்ட குடுத்துப் போங்க‌..
பேராசை பெருங்கோபம் 
பெருந்தீனி பெருங்காமம்
பொய்பொரட்டு பொறணியெல்லாம் 
சித்தனுக்கு ஆகாது
இந்தக் கருப்பனுக்கும் ஆகாது
எங்கிட்ட குடுத்துப் போனா
சித்தன்கிட்ட தந்துவிட்டு சொல்லிவெப்பேன்
சித்தனே வரச்சொல்லி உங்ககிட்ட சொல்லிவெப்பான்..
சித்தன் சிரிச்சதால பேய்மழையாப் பேயுது..
வந்த வழி சேர்த்துவிட்டு கருப்பன்
போன வழியே பாடிப்போனான்.
பயணம் பாதியிலே நின்றாலும்
வாழ்க்கையில் 
பயணங்கள் என்றுமே முடிவதில்லை.
பிறகு
கருப்பட்டியும் கருஞ்சுருட்டும் சுமந்துபோன‌
பயணங்கள் அவ்வளவு..ஆனால்..
கருப்பனைக் காணவில்லை..
கருப்பனே சித்தனனால் 
கண்ணுக்குத்தான் தெரிவானோ ?

- ரமேஷ் கோபாலகிருஷ்ணண்

**

செல்லும்வழி எல்லாம் சொல்லும் காதல்மொழி
வெல்லும் இந்த உலகையெல்லாம் போதைவிழி
கள்ளவிழும் பூக்கள் சொல்லும் காமன்மொழி 
முள்சுமந்த காட்டில் என்ன மோகவழி?

ஆதியிலே வந்த திந்த ஆசை நெஞ்சம்
அன்புவழிப் பயணத்தில் எல்லாம் வஞ்சம்
பாதியிலே நின்றதடி பாழ்பட்ட பயணம்
பாடையிலே போகவைத்த போகத்தின் நயனம்

மலஜல மூட்டை ஒன்பதுவாய் ஓட்டை
மயக்கத்தில் ஏனிந்த மந்திரக் கோட்டை
கலகல எனவரும் வாழ்க்கை ஓடை
கடைசியில் மிஞ்சும் காலற்ற பாடை

யார் தொடங்கி வைத்ததிந்த பயணம்
எதைத் தேடிப் போகுதிந்த பயணம்
மார்தொடங்கி மண்முடியும் அவலத்தின் பயணம்
வடித்தெடுத்த பூமியிலே தேகம்கொளும் சயனம்

- கவிஞர் மஹாரதி

**

பாதையறியா பயணங்கள் கூட முடிவுறும்!
மனிதன் மாண்பு தவறிய பயணம் பாதியிலே முறியும்! 

உணர்வறியா உறவினால் காதல் முறியும்!
மதிப்பறியா மனதினால் உறவு முறியும்!
கேடுகெட்ட மதியினால் நட்பு முறியும்!
சூட்சம புத்தியினால் சுற்றம் முறியும்!

வழியறியா பயணம் பல உண்டு வாழ்வில்! 
அதை கடந்து சென்றால் வெற்றி!
தடுக்கி நின்றால் அனுபவம்!
சிலிர்த்து நின்றால் ஆர்வம்!
சோர்ந்து தங்கினால் தோல்வி! 
முறிந்து போகும் பயணம் முற்றிடுவதில்லை! 

சினம் காத்து, நாவடக்கி திட்பம் சரியாக அமைவின் எப்பயணமும் நில்லா! 
அப்படியேனும் நிற்பின் அதற்கான விடை காலத்திடம் உண்டு! 
கனியும் காலத்திடம் கணக்கும் உண்டு! 

விடை நோக்கி காத்திருப்போம்! 

-இனிய தமிழ் செல்வா, ஓமன்

**

பயண மென்பதே ஒரு சுகம் தான் – அது
பாதியில் முறிந்தால் சோகம் தான்!
அயரா(து) உழைக்கும் சூரியன் போல
அன்றாடம் உழைத்தால் வெற்றி தான்!
பயிலும் பள்ளியில் பயணம் என்றே
பாதியில் முறிந்திடின் கவலை தானே!
துயிலா கடல லை நீரதனில் – பளிங்கு
நிலாவின் பார்த்தல் நல்ல மகிழ்ச்சியே!
வானில் பறந்திடும் பறவைப் போல
விண்ணில் பறந்திட வாய்ப்பு கிட்டின்
கானம்பாடி மகிழ்ந்தால் மறுப்பு சேதி
காதில் விழுந்து விட்டால் கவலையே!

- கவிஞர் கே. அசோகன்

**

இலையுடன் பனியின் பயணம்  
வெயில் வரும் வரையே
செடியுடன் பூக்களின் பயணம்  
அதை பறிக்கும் வரையே
அலையுடன் கரையின் பயணம் 
தொட்டு செல்லும் வரையே
இரவுடன் பூமியின் பயணம் 
பொழுது விடியும் வரையே
ரயில் சிநேகம் பயணம் 
முடியும்வரையே 
நட்பின் பயணம் நம்பிக்கை 
உள்ள வரையே
இப்படி அனைத்துமே பாதியில் 
முறிந்த பயணம் எனில் 
நம்மை விண்ணுலகுக்கு 
எடுத்து செல்லும் 
இறப்பு மட்டும் 
விதிவிலக்கா என்ன
அதுவும் நம் வாழ்விலிருந்து 
பாதியில் முறிந்த பயணமே!!

- பிரியா ஸ்ரீதர்

**

ஏதோ நினைத்தேன்,
எதுவோ நடந்தது;
ஊர் பேச்சைக்கேட்டேன்,
துயர் வந்து சேர்ந்தது

அறியாமையில் தவித்தேன்,
அசரீரி குரல் கேட்டது;
உன் வாழ்வை,
நீ வாழு என்றது

யாரோ சொல்வதை,
கேட்பது எதற்கு?
அதனால்ஏற்படும்விளைவுகளுக்கு,
அவரா பொறுப்பு?
உனக்கு பொறுப்புணர்வு
வேண்டாமா என்று கேட்டது ?

உன் மனம் சொல்வது,
உனக்குப்பொருந்தும்;
உளமாற அதைப்போற்று,
வாழ்க்கைப்பயணத்தை 
அதனூடே மாற்று,
என்று பாடம் எடுத்தது

உன் முக்கிய முடிவுகளை,
நீயே எடு;
உன்
மனதைக்கேட்டு!
என,
மனமாற வாழ்த்தியது

ஒருவேளை தப்பாக போனால்கூட,
அது உன் முடிவு தானே;
அடுத்தவரிடம் உன்னை அடகு வைக்காதே,
என்று சுயமரியாதையுணர்வை விதைத்தது

ஊருக்காக உழைப்பது சரி,
ஊர் பேச்சை கேட்டே,
உன் முடிவுகளையெல்லாம்,
எடுப்பது சரியா?
உன் நடவடிக்கைகளையெல்லாம்,
அமைத்துக்கொள்வது சரியா?

தவறான பயணத்தை,
பாதியிலே நிறுத்து,
அதுதானே சிறப்பு;
தீதும் நன்றும்,
பிறர்தர வாரா !
என்று போதித்தது

- ம.சபரிநாத்

**

முறிந்த   பயணம்.
முடியாத   பாதைகள்.
கலைந்த  கனவுகள்.
தொலையாத நினைவுகள்.

எங்கேயும்  எப்போதும்
எதிர்பாராதது  நடக்குமென
ஏற்றுக்கொண்டால் என்றும்
எளிதாகும் வாழ்க்கைப் பயணம்!.

அடுத்தது  என்னயென யோசிக்க
அடுக்கடுக்காக வழி பிறக்கும்!
அடுத்தஅடி  எடுத்து வைக்க
அவை உதவியாக இருக்கும்.!

முடியாது என முனகினால்
முயற்சியது  விலகிடும் !
முடியும் என முயன்றால்
முறிந்தகிளையிலும் பூ மலரும்.!

- கே.ருக்மணி

**
 
ஜாதகங்கள் சாதகமாய்
கோள்களே கோலமிட
முதியோர் முன்னிலையில்
ஜோசியன் ஆசியுடன்
இறைவனை வேண்டி
இணைந்தன இரு மனங்கள் !!
மின்சார உணர்வுகளால்
சம்சார கருப்பையில்
ஒரு வெளிச்சம் !!
மூழ்கிய நீருக்குள் மெதுவாய்
மூச்சு விடத்தொடங்கியது !!
தொப்புளாய் ஒரு கால்வாய் பாசனம் ,
செழிப்புடன் வளர்ந்தது குட்டிப்பயிர் !!
வளர்ச்சி வெள்ளத்திற்கு அணை கட்டிய
அறிவியல் அதிசயம் ஒன்று 
அரக்கனாய் மாறுமோ  –-
தீபத்தின் ஆழத்திலும் ஒரு கருப்பு உண்டு –
இந்த ஸ்கேன் கருவியும் அப்படித்தானோ ?
அமிலம் ஊற்றி
அழித்தனர் அந்தச்செடியை –
பாதியில் பயணம் நிறுத்தி பூமியை தொட்டது --
ஆம் அது பெண் சிசுவாமே !!

- கவிஞர் டாக்டர்.  எஸ். . பார்த்தசாரதி

**

இருமனம் இணைந்து ஒருமனம் 
உருவாகியது திருமண உறவில் !
அருமையான  வாழ்க்கைப் பயணம் ஆரம்பம் 
அந்த இருவருக்கும் !
இனிதே தொடங்கிய ஒரு பயணம் 
முடிந்ததே  ஒரே  நாளில் ! ஒரு சாலையில் !
காரணம் ஆயிரம் சொன்னார் சுற்றமும் நட்பும் !
குறை பல சொன்னார் மற்றவர் மீது !
உரைக்கவில்லயே இன்னும் ஒரு உண்மை 
உறவினருக்கு ! தலைக் கவசம் அணிவது 
ஒரு உயிருக்கு கவசம் என்னும் உண்மை !
கவசம் இருவரும் அணிந்து இருந்தால் 
பாதியில், ஒரு பாதையில் முறிந்து 
முடிந்து இருக்குமா அந்த இருவரின் 
வாழ்க்கைப் பயணம் ?
சற்றே சிந்திக்க வேண்டும்... இரு சக்கர 
வாகனம் ஓட்டும் அனைவரும் ! காவலர் 
கேட்டாலும் கேட்காவிட்டாலும் , அந்த 
தலை கவசம்தான் உங்கள் உயிர் கவசம் !
கவசம் எத்தனை நீங்கள் படித்தாலும் 
மறக்க வேண்டாம் இந்த கவசத்தையும் !

- கே.நட்ராஜ்

**

திட்டம் இடாத பயணங்கள்
திசை மாறிப் போவதுண்டு
பட்டம் வாங்கிடும் வேளையிலும்
பலர் பயணத்தில் தடைக்கற்கள்
பலானதாய் வருவதுண்டு.

பாதியில் முறிந்த பயணங்களில்
பலர் வாழ்க்கைகூட இழந்ததுண்டு
பகட்டு வாழ்க்கையைப் பற்றியதால்
பலர் வாழ்வில் பயணம் முடிந்ததுண்டு 

உறவுப்பாதைகள் அறிந்தவர்க்கு 
உள்ளம் உத்தமப்பயணங்கள் புரிந்ததுண்டு
நிலைமை தலைகீழாய் மாறியதால்
நித்தம் சித்தம் தடுமாறும்பயணமுண்டு

பாதை தவறிய வேளையிலும்
பாங்குடன் எல்லாமே  நடப்பதுண்டு
பட்டப் படிப்புகள் இல்லாத சிலருக்கும்
பணம் பதவி உயர்வுகள் வருவதுண்டு.

ஆதியில் திறம்படத் திட்டமிட்டால்
பாதியில் பயணங்கள் முடிவதில்லை
வீதியில் பாதையை மாற்றிவிட்டால்
விபரீதங்கள் வருவதில் சிக்கலில்லை.

பரமனை மறவாமல் துதித்தவர்க்கு
பாதையில் பயணத்தில் சிக்கலில்லை
பயணங்கள் திசைமாறிப்போனாலும்
பாதியிலும்  ஆதியிலும் முடிவினிலும் 
பயம்தரும் தோல்வியே இல்லையே!.

- புலவர் களந்தை நரசிம்ம சுப்பிரமணியன்

**

வேலையில்லா திண்டாட்டம் 
வெளி நாடு புறப்படும் சமயம் அது
பாதியில் முறிந்த பயணம் ஆனது
வீடு காக்கும் எண்ணமிருப்பின்
சோடு தைத்தாலும் வாழலாம் 
பட்டதாரியானாலும் இரும்படி 
பட்டறையில் உடம்பு சொட்டு
வியர்வை விட்டாலும் வாழலாம் 
இளகாத இரும்பைக் கூட இளக்கி 
அக் கிடைக்காத வேலையை நம்பி 
அன்றாட வயிற்று பிழைப்பே 
கெடவிடலாமா
பாதியில் முறிந்த பயணம் அதை 
எண்ணிக் கவலை தான் படலாமா 
வெளிநாட்டு வேலை மோகமதை 
விட்டுவிட்டு சுயமாயொரு 
திட்டமதை தீட்டிக் கொண்டு 
தானே ஒரு வட்டத்தை
வகுத்துக்கொண்டு நாலு பேர்க்கு
நீயே வேலை போட்டுத் தரலாமே 
கற்ற அறிவுக்கு வேலை கொடு
நானும் முதலாளி எனும் பெயரெடு 
ஆழ்ந்து யோசிக்க சற்று ஓய்வு எடு 
மன சஞ்சலத்தை விடு தவிக்கும் 
பேர்கள் கண் ஜலத்தை துடைத்திடு

- ஆபிரகாம் வேளாங்கண்ணி 

**

பணமில்லாமல் பாதியில் படிப்பை நிறுத்தும் 
மாணவரின் கல்விப் பயணம்

நட்டத்தால் தொழிலை பாதியில் நிறுத்தும்
தொழில் முனைவோரின் பயணம்

திறமைக்கு மதிப்பு கிடைக்காததால் வேலையை 
விடும் தொழிலாளியின் வேலை பயணம்

காதலர்களின் புரிதல் இல்லாமையால் பாதியில்
முறியும் காதலர்களின் காதல் பயணம்

கருக் கலைவால் பாதியில் முடியும்
குழந்தையின் பயணம்

குதிரை பேரம் படியாததால் ஆட்சி கவிழ்ப்பால்
முடியும் அரசியல்வாதிகளின் ஆட்சி்ப் பயணம்

லஞ்சம் வாங்கும்போது பிடிபடுவதால் முடியும் 
அரசு அதிகாரிகளின் அரசுப் பணி பயணம்

இவ்வளவு பயணங்கள் பாதியில் முறிந்தாலும் .............. 

விழிப்புணர்வு இல்லாத பொதுமக்களின் அப்பாவித்தனமான பயணம்
வாக்காளர்களின் வாக்களிக்கும் ஏமாற்றமான தேர்தல் பயணம்
ஊழல் அரசியல்வாதிகளின் ஊழல் பயணம்
லஞ்சத்தில் ஊறித் திளைத்த அதிகாரிகளின் லஞ்சப் பயணம்
குறைந்த ஊதியத்திற்கு வேலை செய்யும் தொழிலாளர்களின் வேலைப் பயணம்
பாலியல் பலாத்காரத்தில் ஈடுபடும் மனித மிருகங்களின் காட்டு மிராண்டிப் பயணம்

இவர்களின் இத்தகைய பயணம் என்று தான்
பாதியில் முறிந்த பயணமாகப் போகின்றதோ ? 

- ஆம்பூர் எம். அருண்குமார்

**

காதலித்தேன் வாழத்தான் , வாழ்வை காவு கொடுக்க அல்ல
காலத்தால் அழியாத காதலென்றாய் நீ ஆதரித்தேன் நான்
மோதலிலும் காதல் வரும் என்பார் அது போல
நம்மிடையே மலர்ந்தது அந்த பாழாய்போன காதல்
மோகத்தால் வந்த காதல் அல்ல அது முழுதானது
முக வசீகரத்தால் வந்த லகாதல் அல்ல இது
வேகத்தால் வந்த காதல் அல்ல, விவேகமாய் ஆனது
இணைந்த கோடுகளாய் ஆவோம் என்றாய் நீ
இருகோடுகளாய் ஆகிப்போனோம் நாமிருவரும்
இணைந்தபோது என்னனனவோ பேசினோம் மெரினாவில்
எழுச்சிப் போராட்டத்தில் வேறெதும் தெரியவில்லை  
எதுவுமே  நம்  கண்ணுக்குத் தெரியவில்லை, கருத்துக்கும்
இந்த நேரத்தில் நமது பெற்றோருக்கும் , மற்றவர்க்கும்
யாருக்கும் நாம் போராட போவது பிக்க வில்லை
அன்பாக அமதியாக பாதுகாப்பாக, மகிழ்வாக வாழ ஆசை!
போராட்டக் நடகிறது போவோம் வா என்றாய் நீ!
பின்வாங்கி விட்டேன் பாதியில் முறிந்தது பயணம்
கொழைத்தனம் என்று நீ சொன்னாலும் பரவாயில்லை
இந்தத்தருணத்தில் மன்னிக வேண்டுகின்றேன் போ1
பாதியில் முடிந்தது பயணம் புறப்படுவாய் என்றாள்!

- கவிஞர் அரங்க.மணி

**

வாழ்க்கை  என்பதும்  பயணம்தான்…
வாழும்வரை பயணம் தொடரும்தான்…
கடக்கும்வழிகள் எல்லாம் அனுபவம்தான்…
காலமும்நமக்கு உணர்த்தும் பாடம்தான்…
இரவும்பகலும்  நாளும்  வந்துபோகும்…
இந்தநேரமும்  நாளை  மாறிப்போகும்...
தவறுகளை  தோல்வியும்  திருத்திப்போகும்...
தடைகளை  வெற்றியும்  தாண்டிப்போகும்…
மரணமும்  ஓர்நாள்நம்  வாழ்வில்வந்தது...
மரணம்தான் மனிதனை இறுதியில்வென்றது…
பயணமும்  தொடராதுஎன்பது தெரிந்தது...
பயணமும் இங்கேபாதியில் முறிந்தது...

- கவிஞர் நா. நடராசு

**

வெடித்த பாதம் 
வெயில் தொடும் முன்! 
வேகமாய் 
விறகு எடுத்து தலையில் 
முந்தானை சிம்மாடாகிடும்! 
அடகு வைத்த குடும்ப அட்டை 
அடிவயிற்று பசி தீர்த்திட வழியில்லை! 
பத்து பாத்திரம் தேய்க்கும் வீட்டு மீதமே 
அனுதினம் அம்மா தரும் அமிர்த உணவு!
விட்டு விலகிப்போன அப்பா நினைவாய் 
தொங்கிடும் தாலி கயிற்று ஊக்கு அறுந்த 
மஞ்சள் பைக்கு காதாகிடும் கல்வி புத்தகம் சுமக்க! 
காடு மலை ஓடி 
காந்தி தாள் தேடி அன்னை சேர்த்த 
சேமிப்பு பட்டம் பெற்று தந்தது! 
ஊர் போற்றும்
உயர்ந்த வேலை கைநிறைய 
சம்பளம் யென்று புகழ் உச்சி சென்ற எனை!
பாரட்டிட வேண்டியவள் 
பயணத்தை பாதியில் முறித்து 
மூங்கில் கட்டிலில் படுத்தால்! 
பசிக்கு
பாலூட்டியவள் பாழாய்ப்போன புற்றுநோயால்! 

- தஞ்சை. ரீகன்

**

பாதியிலே முறிந்த பயணம் என்றால்
..........பயணமும் முடியாப் பலனும் இல்லை.!
வீதியிலே செல்லும் போதில் கூட
..........விதியென்று வந்தால் வழியும் மாறும்.!

ஆதியுடன் அந்தம் அறியாப் போகும்
..........அர்த்தமற்ற பயணம் அதுவே வாழ்வு.!
நாதியற்றுப் போனேன் நானும் என்றே
..........நாள்முழுதும் புலம்பி நைந்து போவார்.!

பாதியிலே முறிந்த பயணம் போல்தான்
..........பலருக்கும் அமையாப் பண்பாய் வாழ்வு.!
நீதிகேட்டு தினமும் நாடும் மன்றம்
..........நெடுங்காலம் சென்ற நெடிய பயணம்.!

வாதிட்டு வென்று வாகை சூட்ட
..........வகையில்லை யதுவே வாழ்க்கைப் பாடம்.!
மாதிரிக்குப் பலவும் மனதில் உண்டு
..........மறையாது இன்னும் மறக்க வில்லை.!


மேதினியில் நாமும் மேன்மை பெற்று
..........மேன்மையாக வாழ மனதில் தோன்றும்.!
ஆதிமுதல் உழலும் அனைத்துத் துன்பம்
..........அடியோடு அகற்ற ஆர்வம் எழும்.!

பாதியில் முறிந்த பயணம் என்றால்
..........பயமிலாமல் மனதும் பாடம் கற்கும்.!
போதிமர நிழலில் புத்தனும் பெற்ற
..........போதனைகள் போலப் பின்னும் வேண்டும்.!

- பெருவை பார்த்தசாரதி

**
நெட்டி முறித்து
நிமிர்ந் தெழுந்து
காலைக் கடமைகள்
கழித்து;
இயந்திரக் குதிரையை
இயக்கி; - இராம
பாணமாய் விரைந்து;
இல்லற துணை தேடி
முல்லை மனத்தோடு
முழுமை நினைவோடு
பள்ளம் பாராமல்
பதறி விழுந்ததில்
பரமனைத் தேடும்
ஆவியாய்; நிகழை
மறந்து நினைவிலாடி
வில்லினை முறித்து
இராமன் வென்றான்;
பயணத்தை முறித்து
பாதையை யிழந்தேன்....

- ப.வீரக்குமார்

**
வெளிநாட்டு வேலை
வெல்லும் வாழ்க்கை
துள்ளிய உள்ளம்
துரிதம் வெள்ளம்
பச்சை வயல்கள் மறந்து
பசுந்தளிர் மனங்கள் மறந்து
செவ்விதழி மனையாள்
சொந்தம் விலக்கி
வேலையனுமதி, பயணச்சீட்டு பெற்று;
பறந்தேன் ; புதிதாய்
ஒரு புத்துலகம் காண;
இறங்கிய நிலையில்
எனக்கான முகவர்
எழில் பதாகை சுமந்து
ஏற்றமாய் பார்த்து;

பணிக்குச் சென்றேன்
ஊதியத் தகராறில்- என்
கடவுச்சீட்டை எரித்த
கணக்காளனால்;

எப்படி திரும்புவேன்
என்புவி தேடி
கையில் காசுமில்லை
தெரியாத பாட்டையிலே!!! ....

- முகில் வீர உமேஷ்

**
கருவறையில் தொடங்கி 
கல்லறையில் அடங்குவது
மனிதனின் 
வாழ்க்கைப் பயணம்!
சுற்றியடிக்கும் சுனாமி புயலால் 
பாதியில் முறிகிறது 
பலர் வாழ்க்கைப் பயணம்!

சிந்தனையாளனை 
உருவாக்கத் தொடங்கும் 
கல்விப் பயணத்தை
தேர்வு என்னும் அரக்கன் 
சிறைபிடிப்பதால் 
பலருக்கு பாதியில் முறிந்த பயணமாகிறது
கல்விப் பயணம்! 

காதலித்து கரம் பிடிக்கும் 
இளைஞர் கூட்டம் 
இறுதிவரை 
வாழ்க்கை நடத்தினால் 
வெற்றிப்பயணம்!
இடையில் வழக்கு நடத்தினால்
வாழ்க்கையாகும் 
பாதியில் முறிந்த 
வெற்றுப் பயணம்!

கடைமடை அடையா 
காவிரிப் பயணத்தால்
பாதியில் முறிந்த பயணமாகிறது
பயிர்களின் பயணம்!

மனிதனுக்குள் 
அடிக்கடி நிகழும் மதுப் பயணத்தால்
பாதியில் முறிந்து போகிறது 
பலர் வாழ்கை பயணம்!

ஏழைகளின் நிலத்தை பிடுங்கி அமைப்பது 
எட்டு வழிச்சாலையல்ல-அது 
அவர்களின் கடைசி வழிச்சாலை!

எரிபொருள் விலையை 
ஆகாயத்தில் பறக்க விட்டு விட்டு
ஏழைகள் பயணத்தை 
பாதியில் முறித்த மத்திய அரசு! 
ஏழைகளை 
ஆகாயத்தில் பயணிக்க வைப்பதே 
நோக்கம் என்கிறது!

-கு.முருகேசன்

**

திங்கள் கிழமை

ஞாயிற்றுக்கிழமை பார்த்த 
திரைப்படங்களை 
அசை போடக் கழிந்தது - 
அரை நாள் - என்ன செய்வது 
என யோசிக்க முடியும் முழு நாள் .

செவ்வாய்க்கிழமை

டி.வி. நாடகம் அதே மாமியார் மருமகள்
வரதட்சனைக் கொடுமை
பிழிந்து அழுது கண் துடைத்தாலோ - 
கரைந்து போகும் இன்னொரு தினமும்

புதன் கிழமை

புத்தி வந்தது - படிக்க நினைத்து புக்கை திறந்தால்
பவர் கட் - அன்றைய தினமும் ஆஃப் ஆனது.

வியாழக் கிழமை

வெளியே சத்தம், எட்டிப் பார்த்தால் 
குடும்பச் சண்டை, 
முழுவதும் பார்த்ததில் முடிந்தது ஒரு நாள் 

வெள்ளிக்கிழமை

மாரியம்மன் கோவில்,
மாவிளக்கு ஊர்வலம்
ஜெக ஜோதியாய் கழிந்தது தினமது

சனிக்கிழமை

மாமா பெண் பாமா விஜயம்,
ஆஞ்சனேயர் கோவிலும்
ஐஸ்கிரீம் பார்லரும், 
காதலோடு கழிந்தது - படிக்க முடியாமல்

ஞாயிற்றுக்கிழமை

சலூனில் ஏகப்பட்ட கூட்டம் - காத்திருந்து முடிவெட்ட
கடைக்குப் போக, காய்கறி வாங்க,
கிழிந்த நோட்புக் அட்டை மாற்ற

இப்படி எல்லா தினங்களும் எப்படியோ - கழிந்து விடவே

இறைவா - எங்களுக்கு இன்னும் 
நிறைய கிழமைகளைக் கொடு,
நாங்கள் படிக்க வேண்டும்
இப்படிக்கு கல்விப் பயணம் 
பாதியில் முறிந்த மாணவர்கள்

- செந்தில்குமார் சுப்பிரமணியன்

**

எல்லாம் நல்லா நடக்குமுன்னே! 
எங்கும் இல்லா நாடகமிங்கே! 
பெரியோரெல்லாம் கூடி பேசி 
முடிச்ச கல்யாணம்! 
காதலோ,கலப்பு கல்யானமோயில்ல! 
ஊடல்,கூடல் கலந்த கலவியால்! 
காதலின்பம் பெற்றதே மழலையாய்! 
யார் கண் பட்டதோ சிக்கலில் 
வீழ்ந்ததே மணவாழ்வும்! 
கோபமும், வெறுப்பும்  குறையவில்லையே! 
காலமெல்லாம் சேர்ந்து வாழும் பந்தம்! 
கோலமெல்லாம் கலைந்து காணும் பிம்பம்! 
உப்புசப்பு ஒன்னுமில்லா காரணத்துக்கு, 
ஒப்பில்லாத வாழ்வைத் தொலைக்கும் 
உறவிதா? மனமென்ன உடையும் 
கண்ணாடியா?  உடைந்தால் அது ஒட்டுமா?  
குடும்ப நீதிமன்றத்தை நாடுகிறாய்? 
பேச்சுவார்த்தையா, விவாகரத்தா, 
மணமுறிவா? சிறுவயது 
கண்ணாமூச்சி ஆட்டமா?     
பொறுமையுடன் அமைதியாய் 
யோசித்துப்பார்! 
பாதியில் முறிந்த பயணமா?  
கொலம்பஸ் தடைகளை வென்றிடவே 
கண்டான் புதிய பயணங்களே! 
மண்ணில் மீண்டுமொருமுறை 
பிறக்கப் போவதில்லை!  
போதும் பாதியில் முறிந்த பயணம்! 

- ஆகாசம்பட்டு A.k.சேகர்


 

]]>
http://images.dinamani.com/uploads/user/imagelibrary/2018/9/30/w600X390/images_1.jpg http://www.dinamani.com/specials/kavithaimani/2018/sep/30/கடந்த-வாரத்-தலைப்பு-பாதியில்-முறிந்த-பயணம்வாசகர்களின்-கவிதைகள்-3011100.html
3006271 ஸ்பெஷல்ஸ் கவிதைமணி கடந்த வாரத் தலைப்பு ‘சொற்கள்’வாசகர்களின் கவிதைகள் பகுதி 2 கவிதைமணி DIN Sunday, September 30, 2018 02:13 PM +0530 சொற்கள் வார்த்தைகளா? எழுத்துகளின் சேர்க்கையா? 
சிந்தனைகளின் உடலசைவின் மொழியா? 
எண்ணங்களின் வார்ப்படமா? ஒலிகளா,ஓசைகளா? 
பாவனைகளா,பார்வைகளா? பேசுதலா,கேள்விகளா? விடைகளா? 
சீரா,அசையா, தளையா, எதுகையா, மோனையா? பொருள் தருவதா? 
மொழியின் அடிப்படைக் கூறுகளா? 
ஓரெழுத்தொரு,ஈரெழுத்தொரு பகுபதமா? பகாபதமா? 
தனியெழுத்து,தொடரெழுத்துள்ள பொதுமொழியா? 
தொல்காப்பியம் முதல் நன்னூல் வரை 
சொல்லும் நால்வகையா? 
பெயர்,வினை,இடை,உரியும் பொருள்படுமே! 
சொற்கள் முற்று, எச்சம்,தெரிநிலை, 
குறிப்பும் வினைப்பகுபதமே! 
பகுதி,விகுதி,இடைநிலை,சந்தி,சாரியை உறுப்புகளே! 
சொற்கள் புதையலா? 
எழுத்தின் அகரவரிசையில் சொல்லகராதியா? 
சொற்களஞ்சியமா? இலக்கணத்தின் எழுத்து, 
சொல், பொருள், யாப்பு, அணி வகையின் இலக்கியமே! 
அழகு சொற்கள், அன்பு சொற்கள்,வர்ணணை சொற்கள், 
வெற்று சொற்கள்,வாய் சொற்கள், நம்பிக்கை சொற்கள், 
மழலை சொற்கள், மந்திர சொற்கள், கற்பனை சொற்கள், 
காவிய சொற்கள், இளமை சொற்கள், ஆசை சொற்கள், 
காதல் சொற்கள், மங்கலச் சொற்கள்  என்றே பெருகிடுமே! 
கருத்தும், பொருளும் நிறைந்து, சொற்கள் மனிதன் 
மண்ணில் வாழும் வரை,மொழியும் சொற்களும்
நித்தியமாய் காலத்தால் அழியாமல் வாழ்கவே! 

- ஆகாசம்பட்டு A.k.சேகர் 

**
உந்தன் சொற்கள் ஆயிரம் கோடி
ரத்தம் அற்ற என்னைக் கொல்ல
எங்கே சென்றாய் ஆயுதம் தேடி?

சொற்கள் உனக்கு எப்போதும் கற்கள்
சூனிய விலங்கின் சூட்சுமப் பற்கள்
சொர்க்க வாசனைச் சொற்கள் எல்லாம்
தர்க்கப் பேச்சில் தறிகெட்டுப் போயின

நாவில் எப்போதும் நரக நெருப்பு
சாவில் தெரியும் சாத்தான் சிரிப்பு
பூவின் உள்ளே புத்தமு தெல்லாம்
தீவில் எரியும்  தீயின் சொல்லாம்

பெருமலை போன்ற பெருமை இங்கே
எரிமலைச் சொல்லில் எரிகல் ஆனது
அருங்கலை வார்த்தை அழகுகள் எல்லாம்
அழுங்கலைச் சுமக்க அன்பும் போனது


வேண்டும் வேண்டும் விண்ணும் மண்ணும்
தாண்டும் பெரிய தனியொரு வார்த்தை
தூண்டும் விளக்காய் தூமலர் விழியாய்
தீண்டும் தென்றலாய் தித்திக்கும் வாழ்க்கை 

- கவிஞர் மஹாரதி

**

ஒரு சொல் வெல்லும் ஒரு சொல் கொல்லும்
உண்மைதான் கவனமாகப் பேசுவோம் !

நல்லது பேசிட நல்லதே நடக்கும்
நாளும் இன்சொல்லே பேசிடுவோம் !

யாருக்கும் சாபம் இட  வேண்டாம்   
யார் மனதையும் புண் படுத்த வேண்டாம் !

தீக்காயம் ஆறி விடும் சில நாளில் 
சொல்காயம் ஆறாது சொன்னவர் வள்ளுவர் !

கனி போன்ற இனிமை  சொற்கள் இருக்க 
காய் போன்ற வன்சொல் எதற்கு என்றார் !

இனிமையாகப் பேசினால் உங்களை உடன் 
எல்லோருக்கும் பிடிக்கும் உணர்ந்திடுங்கள் !

உங்களிடம் மற்றவர் எப்படி பேச வேண்டுமென 
உங்கள் மனம் விரும்புகிறதோ அப்படியே பேசுங்கள் !

சொர்களால் யாரையும் காயப் படுத்த வேண்டாம் 
சோகத்தில் ஆழ்த்தி சுகம் காண வேண்டாம் !

.அன்பாகப் பேசுங்கள் அனைவருக்கும் பிடிக்கும் 
ஆணவப் பேச்சு ஒருபோதும் வேண்டாம் !  

மலர் போன்ற இன் சொற்கள் இருக்கையில்  
முள் போன்ற வன் சொற்கள் எதற்கு ?

- கவிஞர் இரா .இரவி

**
கல்லால் அடி பட்டாலும்
கனி மரங்கள் 
இனிய கனிகள்  
கொடுக்க மறுப்பதில்லை!

உலகில் 
கற்கள் போன்று 
சொற்களால் உன்னை அடித்தாலும்
கனிவான சொற்களை 
இனிமையாகப் பேசுங்கள் !


துன்பம் என்னும் அலை வந்து 
படகை அலைக்கலைத்தாலும்
துடுப்பு என்னும் 
இனிய சொற்களால் – உன் 
வாழ்க்கைப் படகை செலுத்து 
அமைதியாகக் கரை வந்து சேரும் ! 

- பொன்விலங்கு பூ.சுப்ரமணியன் 

**

அறுசீர் விருத்தம்
(மா மா காய்)

வெல்லுஞ் சொற்கள் சொல்லிடுவோம்
வேண்டும் நன்மை பெற்றிடுவோம்!
நல்லன வெல்லாஞ் சொல்லிடுவோம்
நலங்கள் யாவும் பெற்றிடுவோம்!
பொல்லாங் கதனை விரட்டிடுவோம்
போற்றி யாவும் வென்றிடுவோம்!
சொல்லுஞ் சொற்கள் யாவையுமே
சொந்தம் பெருகச் செய்திடுவோம்! 

– கவிஞர் வ.க.கன்னியப்பன்

**

நற்சொற்கள் மனதை வருடும்
தீஞ்சொற்கள் விலக்கி வைக்கும் 
நற்பண்புகளை வளர்ப்போம் 
நல்ல வார்த்தைகள் பகிர்வோம் 
பாதிக்காத சொற்கள் பேசுவோம் 
சொற்களால் சுகந்தமே தருவோம் 
புண்படுத்தாததை கூறுவோம் 
புரிய வைக்க சொல்லே சுகம் 
இதமாக மனதை தழுவட்டும் 
இனிக்கும் சொல்லே அமுதம் 
இதயத்தை அது குளிர்விக்கும் 
இனிமையினை உணரட்டும் 

- பாலா கார்த்திகேயன் 

**

நிறைமாத சொற்களை
நாவின்
கருபையில் பிரசவிப்பது
ஆனந்த யாழ் மீட்டி
பிரவாகப் படுத்தவல்ல
முகம் தெரியாதவரையயும் உயிர்ப்புபிக்கும் அனுபவம்

மழலையின் குழறலில்
சொட்டும் தேன்ஒழுகலில்
வியக்க
மனம் மகிழச்செய்யும அற்புதம்
அது மொழிகளின் திறப்பு வாசல்

பிரமாண்ட வெளியில்
வியாபித்த வெறுமையில்
உருவமற்று மின்னின
நட்த்திரங்ளாய்
பூகோள விரிப்பில் மொழிகளுக்கான
சொற்கள்

மாமிச குருதிக்கு முன்னால்
வார்த்தைகள் இருந்ததில்
திசைகள் பிரிந்தன

சிதறுண்டுப் போனதும்
தான் உச்சரித்த வார்த்தைகளை
சொற்களை முன்நிறுத்த 
போராடாமல் இருந்தில்லை 
எவரும்

தானே கரைக்கட்டுக்கொண்டு
தாகம் தணிக்கும் பெருநதிகள் 
கருத்துகள் ஊறிப்பாயும்
சொற்கள்
அது எங்கும் பாயத்தான் செய்யும்

சொற்கள் இன்றி
எப்பயணமும் நடவாது 
எவர்களாலும்

ஒற்றைச் சொற்கள்
ஒற்றை ஆட்சியின் கீழ்
எல்லோரையும் ஒடுக்க
அர்ப்பறிக்கிறது

என்றாலும் 
மொழியை வணங்குவோம்
முதலில் உச்சரித்த 
அவரவர் மொழியைப் போல்
நம் ஆதி மொழியாம்
தமிழையையும் வணங்கி காப்பாற்வோம்.

- கா.அமீர்ஜான்

**

ஒரு அபஸ்வரமான பாடலுக்கு
ஒரு மோசமான கவிதைக்கு
ஒரு எதிர்மறையான கதைக்கு
வெறும் சொற்களால் கட்டமைக்கப்பட்டவைக்கு
எதிர்வினையாக என்ன செய்ய முடியும்?
ஒரு நல்ல கதை ஒரு அழகிய கவிதை
இவற்றை எழுதுவதே பதில்!
பயனற்ற சொற்களால் இனி
ஒருபோதும் எழுதத் துணியாதீர்கள்
இனி சொற்களை இறைக்காதீர்கள்!

- சினேகா

***

சொற்கள் 
அமிழ்தினும் இனியது 
இலக்கணமும் 
தலைக்கணமும் அற்ற 
மழலையின் சொற்கள்!

மதிமயங்கியவனையும் 
தெளிய வைத்து
உற்சாகமூட்டுவது
நண்பனின் சொற்கள்!
தெளிந்தவனையும் 
தேன் குடித்த வண்டென 
மதிமயங்க வைப்பது 
காதலியின் சொற்கள்!

நாட்டை வளப்படுத்த உதவது 
மந்திரியின் சொற்கள்!
வீட்டை வளப்படுத்த உதவது
மனைவியின் சொற்கள்!
தொண்டர்களை பலப்படுத்த உதவது 
தலைவனின் சொற்கள்!

சுரம் பிடித்து நடக்கும் சொற்களால் 
பாடல் பிறக்கும்!
கரம் பிடித்து நடக்கும் சொற்களால் 
கவிதை பிறக்கும்!

துவண்டு விழுபவனை 
தூக்கி நிறுத்துவது 
ஊக்குவிப்பவனின் 
உற்சாகச் சொற்கள் !
போதையில் மூழ்கியவனையும் 
பாதை மாற்றுவது 
மனைவியின் 
மந்திர சொற்கள்!

சொற்கள் 
அருவியாய் விழுகிறது 
கவிஞனிடத்தில்!
சொற்கள் 
அறிவுரையாய் விழுகிறது 
தந்தையிடத்தில்!

நம்மை நலம் பெறச் செய்வது 
நண்பனின் சொல் எனில்
நம்மை ஏற்றம் பெறச் செய்வது 
எதிரியின் சொல்லன்றோ!

அடுத்தவரை சுட்டெரிக்கும் சொற்களைத்
தூக்கிப் போடுவோம்!
அடுத்தவரை தட்டி எழுப்பும் சொற்களை 
காதில் போடுவோம்!

வாய் பேசும் 
வார்த்தைகளைவிட
காதலியின் 
கண்பேசும் வார்த்தைகளுக்கு 
வலிமை அதிகம்!

பல் போனதால் 
சொல் போகலாம் 
சொல் போனதால் 
பால் போகலாமா?

பூக்களை 
நூலில் கட்டினால் 
பூ மாலை!
சொற்களை 
நூலில் கட்டினால் 
கவி மாலை!

மனிதன் பேசும் சொற்கள் 
தோன்றுவது என்னவோ  
சப்தத்தில்!
மனிதன் படைக்கும் சொற்கள் 
குவிந்திருக்கும் புத்தகமும்!
புத்தகம் குவிந்திருக்கும் நூலகமும்!
எப்பொழுதும் இருப்பது 
மௌனத்தில்! 
 - கு.முருகேசன்

**

சொல்லையும் கல்லாயாக்கித் தூக்கி நாம் வீசலாகும்
கள்ளையும் சொல்லாயாக்கின் காதிலே இனிமை சேர்க்கும்
சொல்லது தீயதானால் சொற்களோ சொற்கல்லாகும்
சொல்வது இனிதாயானால் சொற்களோ சொற்கள்ளாகும்
வெல்ல நாம் வேண்டின், எம்மை விரும்பிடப் பலரை மாற்றும்
வல்லமை வேண்டின் சொற்கள் வாய்வழி தேனாய் மாறி
நல்லதாய் வரும்போதேதான் நடைபெறும் அந்த மாற்றம்.
அல்லதாய் தீமை சேர்க்கும் அருவருப்பான சொற்கல்
கொல்வதால் எம் பண்பாட்டைக் கொடிய சொல் தவிர்த்து என்றும்
மெல்லிதாயிதமாய்ச் சொல்லை வீசலே வெற்றி சேர்க்கும்.

(கள்-தேன்)

வாழ்க்கையில் வெற்றிகாண வார்த்தைகள் உள்ளபோது்--
மனத்திலே கல்லும் கெட்ட வாயிலே பொல்லாச் சொல்லும்
அனைத்திலும் பொய்மை சேர்ந்த அருவருப்பான பண்பும்
தினைத் துளியளவும் நன்மை செய்திடா இயல்பும் கொண்டு
பனைத்துணை உதவி கேட்டாற் பரமன் வந்தருள் செய்வானா
ஆதலால் உலகத் தோற்றத்(து) ஆதியில் இருந்த வார்த்தை
ஆமெனும் வார்த்தை அஃதே ஆண்டவன் வடிவாமந்த
ஓமெனும் உயர்ந்த சொல்லே உயிரெலாம் கலந்த சத்ய
நாமமாய்ப் பிரபஞ்சத்துள் நடஞ்செயும் அதிர்வென்பார்கள்.
நாமெலாம் அமைதி காண நமக்கது வழிகாட்டட்டும்.

ஆதியிலே வார்த்தை இருந்தது,….அந்த வார்த்தை
தேவனாயிருந்தது. யோவான் -1-1

- எஸ். கருணானந்தராஜா

]]>
Tamil, Poem, கவிதை, kavithaimani, கவிதைமணி, poetry, kavidhai, தமிழ் கவிதை http://images.dinamani.com/uploads/user/imagelibrary/2018/9/23/w600X390/images_30.jpg http://www.dinamani.com/specials/kavithaimani/2018/sep/23/கடந்த-வாரத்-தலைப்பு-சொற்கள்வாசகர்களின்-கவிதைகள்-பகுதி-2-3006271.html
2993981 ஸ்பெஷல்ஸ் கவிதைமணி கடந்த வாரத் தலைப்பு ‘பத்ம வியூகம்’வாசகர்களின் கவிதைகள்! கவிதைமணி DIN Sunday, September 23, 2018 06:54 PM +0530 பத்ம வியூகம்

தினம் தினம் போராடும் திராவிட அபிமன்யு நான்...
தண்ணீர் தேடிய தருணத்தில் திராவகம் சூழ்ந்த முதல் சுற்று,
வாழ்வாதரத்தை வேண்டியபோது அதிகார ஆதாரம் இரண்டாம் சுற்று,
பசிக்கு பருக்கை பந்தி - சதிகார ஸ்மார்ட் அட்டை மூன்றாம் சுற்று 
கொம்பு சீவிய காளை நான் - காலை சீவும் கருணை கூட்டம் நான்காம் சுற்று 

காய்ந்து விட்ட மருத்துவக்கனவுகள் - கம்பி 'நீட்'டிய ஐந்தாம் சுற்று
சித்தாந்தம் சீண்டாத நாத்திகன் நான் - சீண்டிப்பார்க்கும் வேதாந்தம் ஆறாம் சுற்று  மடிதேடும் மழலைமனம் - மிதியடியாக்கிய மீத்தேன் ஏழாம் சுற்று...
கலியுலக பத்ம வியூகம் கருணித்த எட்டு வழி - இலவச சுற்று 

வீரத்தாய்ப்பால் கருணித்த ...வீரத்தமிழச்சியே...
வியூக விடுதலை போதனையில் விழிப்பூட்டாதது ஏன்?
தினம் தினம் போராடும் திராவிட அபிமன்யு நான்...
தினம் ஒரு சுற்று... தினம் ஒரு மரணம்...தினம் ஒரு ஜனனம்...

- நந்தா

விதியின் விளையாட்டா?
இதன் காரணகாரியத்தை யாரறிவார்?
பார்த்தனின் சுபத்திரை பத்மவியூகத்தில்
நுழைவதைப் பற்றி
பேசுவதை கருவிலே கேட்கின்றான் அபிமன்யு.
வளர்ந்தபோதும் வெளியில் வரக்கேட்கவில்லை
வீரனாய் வளர்ந்து பாரதப் போரில்
பதினான்காம் நாளில்
பத்மவியூகத்தை
உடைத்துக் கொண்டு
நடுவில் வெற்றியாளனாய்
நிற்கின்றான்.
அகங்காரத்துடன்
வெறிக்கொண்ட பகைவர்
கையால் அம்புபட்டு
மண்டைபிளக்க மாண்டான்
அபிமன்யு
புத்திர சோகத்தால்
அண்ணனிடம் நீதி கேட்கின்றாள் சுபத்திரை
வாழ்க்கைச் சூழலில் எல்லோரும்தான்
பத்மவியூகத்தில் நுழைகின்றோம்
வெளியில்வரும் வழி
தெரியாமலே! தாமரை
இதழ்விரிப்பது போலே
வாழ்வைக் கடக்கின்றோம்!
இது காலதேவனின்
கணக்கன்றோ!
மனிதர்களின் அகங்காரமே
பத்மவியூகம் அதில்
தர்மத்தின் நீதியே
கர்மா! அதில் நுழைய
யார் சொல்லித் தந்தார்?
வாழ்வின் தத்துவமே
பத்மவியூகம் தானே! பூமிக்கு
வந்தோம், வாழ்ந்தோம்
பிரபஞ்ச விதிகளை மீறிட
நாம் யார்? தாமரையின்
மையத்தில் இயற்கையை,
இறைவனை அடைவதே
பத்மவியூகம்!
- A.K.சேகர், ஆகாசம்பட்டு

**

பத்ம வியூகம் எடுத்துவா பாரதத்தில் நல்வழிபிறந்திட
பரந்தாமனே பறந்துவா பாவிகளைப் பதம்பார்த்திட
பஞ்சமும் தீரலப் பாவிகளின் வஞ்சமும் போகல
அஞ்சுகத்து மைந்தனும் ஆழ்வதற்கு இங்கில்லை.

எங்கு செல்வோம் எங்கள் மக்கள் என்ன செய்வோம்
பஞ்சம் பிழைக்க வழியில்ல பசுமையும் பாலையாச்சி
கொஞ்சி வாழ்ந்த எங்கள் கூட்டம் அஞ்சி நடுங்குதையா
பஞ்சி ஆலையும் மூடியாச்சி பட்டினியால் வாடியாச்சி.

நெஞ்சமுழுதும் குமுறலாச்சி நினைத்தாலே நெருப்பாச்சு
எஞ்சியுள்ள எங்கள் நரல் ஏற்றம்பெற மாற்றம் வேண்டும்
ஏகாந்த பரம்பொருளே ஏன் இன்னும் வரத்தாமதம் நீயும்
ஏழு சக்கர வியூகம் அமைத்தே எழுந்துவா இறைவாநீ!

- கவிஞர் பி.மதியழகன்

**

இரவின் கதவுத் திறந்து
இருட்டில்
இளைப்பாறிக் கொள்ள முடியாமல்
தவித்துக்கொண்டிருக்கிறது
வெளிச்சம்...

வெளிச்சத்தில் இருந்து கொண்டு
கையசைத்தபடி
தானும் உலவிக் கொள்ள முடியாமல் 
துடித்துக் கொண்டிருக்கிறது
இருள்...

மொட்டிலிருந்து
மலர்ந்து கொண்ட பூ
மீண்டும்
அரும்பாக முடியாமல் வதங்கி
உதிர்ந்து
துக்கிக்கிறது தன்னை...

நிலம் பெயர்ந்து
வெளியில் 
வெறுமையின் விரிப்பில்
வளர்ந்து கொள்ள முடியாமல்
ஏங்குகிறது கிளைகளைத் தாங்கும்
வேர்...

அந்தரத்தில் முளைத்து
நிழல் பரப்ப ஆர்வம் காட்டுகிறது
விதைகள்

கிளையைத் தொட முடியாமல்
தவிக்கும் உதிர்ந்த இலை போல்
நாவிற்குத் திரும்ப முடியாமல் துடிக்கிறது
நழுவி விழுந்து விட்ட வார்த்தைகள்...

தேவைப்படும் போதெல்லாம்
அனுபவிக்கவும் விற்றுக் கொள்ளவும்
வெளியின்
வெறுமையின் அடுகக்குகளில்
நீரை நெருப்பை காற்றை
பதுக்கி  வைத்துக்கொள்ள
ரகசியமாய்  
வியூகம் அமைக்க விழைகிறது
மனம்...

பசியில்லாமல் இருந்து கொள்ள
விகாரங்ளை
புசிப்பதிலிருந்து விடுபடாமல்
அனுபவித்துக் கொள்ள
படாதபாடு படுகிறது ஆறறிவு

எனப் பல

பத்ம வியூகமெனப் புனைந்த
எந்த வியூகமும் பலிதமாகாமல்
பின்னிய வியூகத்தில்
சிக்கிக் கொண்டுப் புரள்கிறது
ஒற்றைக்குடையில் 
ஆளத் துடிக்கும் சுயநலம்...

- கவிஞர்.கா.அமீர்ஜான்

**

அபகரிக்கப்பட்ட தாய்நிலம் மீட்டிட
அன்று நடந்தது பாரதப் போர்.
அமைத்தனர் கௌரவர் பத்ம வியூகம்.
அன்னையின் வயிற்றிலிருந்தபோதே
அரைகுறையாகப் போர்க்கலை கற்ற
அபிமன்யு அதிற் சிக்கி உயிர்விட்டான்.
இயற்கை அமைத்த பத்ம வியூகமாயக்
எங்கும் சூழ்ந்தது கேரள வெள்ளம்
மயங்கி மலைத்திட மக்களெல்லோரும்
வாழ்வையழித்தம் மண்ணைக்கெடுத்தது.
முற்றுகையிட்டு முழுதாய் அழித்திட
முள்ளிவாய்க்காலிலிலும் பத்ம வியூகம்.
அமைத்த கொடியவர் ஆயுத பலத்தால்
ஆதரவற்றுத் தம்முயிர் ஈந்த  
ஈழத்தமிழர் இனத்திற்கும் இஃதேதான்
நேர்ந்ததன்று.  அந்த நினைவு மறக்காது.

- எஸ். கருணானந்தராஜா

**

நின்றிருக்கும்  பகைதன்னை  வெல்வ  தற்கு
    நிலையேழாய்த்  தாமரையின்  இதழ்கள்  போன்று
நன்றாக  வியூகம்தாம்   அமைத்துக்  கொண்டு
    நரிசூழ்ச்சித்  தந்திரத்தில்  அபிமன்  யூவைக்
கொன்றிட்ட   துரியோத  படைகள்  போலக்
    கொல்கின்றார்  ஆட்சியாளர்   மக்கள்  தம்மை
வன்முறையின்  பிடிக்குள்ளே   நாடு  செல்ல
    வளமையெல்லாம்   சுயநலத்தார்  பையுக்  குள்ளே !

சிக்கலினைத்  தீர்த்திடுவர்  என்றே  யெண்ணிச்
    சிக்கலுக்குள்  சிக்குகின்றார்  வாக்க  ளித்தே
மக்கள்தம்  வாக்குகளைப்  பெற்ற  வர்கள்
    மகராசர்  போலிங்கே  வாழு  கின்றார் !
தக்கதொரு   விடியல்தாம்  பிறக்கு  மென்று
    தடுமாறித்  தடுமாறி  எழுந்த  போதும்
விக்கலுக்கு  நீர்கிடைக்கா  நிலைமை  போன்று
    விக்கித்து  நிற்கின்றார்  இருளுக்  குள்ளே !

பத்திரமாய்  நாடுதன்னைப்  பாது  காக்க
    பாழான  வாழ்வுதனைச்  சீர  மைக்க
பத்மமெனும்  வியூகத்தை   நாம்வ  குப்போம்
    படிப்படியாய்   ஆட்சியரை   அதில்நு  ழைப்போம் !
தித்திக்க  தித்திக்க   உறுதி  தந்த
    திருடர்க்குத்  தண்டனையை  நாம்கொ  டுப்போம்
சத்தியத்தில்  அறநெறியில்   மக்க  ளாட்சி
    சரித்திரத்தைப்  படைத்திடுவோம்  ஒன்றாய்ச்  சேர்ந்தே !

- பாவலர்  கருமலைத்தமிழாழன்

**

அன்றோ மகாபாரத பத்ம வியூகம்
உடைக்கத் தெரிந்த அர்ஜூனன் மகனுக்கு
எதிராக விரிக்கப்பட்ட வலை

ஆம் - பாதி உடைக்கத் தெரிந்த அபிமன்யுவிற்கு
எதிராக வகுக்கப்பட்ட வியூகம் - அது அவன் தவறல்ல
அவன் தாயால் வந்த விணை

ஆனால் இன்றோ திரும்பிய பக்கமெல்லாம் 
பத்ம வியூகம் - ஆம் கலியுகத்தில் கள்ளத்தனமான 
மனிதர்களால் திரும்பிய பக்கமெல்லாம் பத்ம வியூகம்

ஆனால் யாருக்குமே உடைக்கத் தான் தெரியவில்லை
கலியுக பத்ம வியூகத்தை - அதனால் தான் அதில்
சிக்கி சின்னா பின்னமாகின்றனர்

அன்பில்லாததால் வந்த விணை
கலியுக பத்ம வியூகம் 

கலியுக பத்ம வியூகத்தையும் உடைக்கலாம்
அன்பெனும் வியூகத்தால்

-ஆம்பூர் எம். அருண்குமார்.

**                             
உடைபடாத வேலிகளாய்
பெண்ணிற்கு வீட்டிற்குள்
சிறைகளாய் பத்ம வியூகங்கள்!
பணியிட பாலியல் வன்முறை
ஆணாதிக்க  பத்ம வியூகச் சிறையில்
பெண்கள் மீள்வது எப்போது?
பாலியல் பத்ம வியூக சிறைகள்
எங்கு நோக்கினும் பெண்குலத்தைத்
தொடர்வதேனோ!
படுக்கையறை பதுமைகளாய்
கல்வி நிலையங்களில்
கலாசார மாறுபாட்டை
பத்மவியூகச் சிறைகளாய் 
மாற்றிய அதிகார ஆணவ 
ஆணாதிக்கம் தொலைய 
கீதை சொல்ல கலியுகக் கண்ணன்
எந்த வடிவில் வருவானோ! 
உயிர் எழுப்பும் மந்திரங்கள்
உலூபிக்கும் சுபத்திரைக்கும்
அறிந்த ஒன்றென எழுதுகோல்
வரைந்த ரவிவர்மா வியாசனுக்கு
அரவான் அபிமன்யு
உயிர் காக்க ஏன் மறந்தார்?
அன்றிலிருந்து இன்றுவரை
தந்தை கணவன்
சகோதரன் பிள்ளையென
பத்மவியூகங்கள் சிறைகளாகி
இருக்கும்வரை
சட்டத்தை சீர் திருத்த மனு
வியாசனைப் பார்த்துத்தான்
ஊமையாகி மௌனமாகிப் போனானோ!!
பெண் சுதந்திரம் காத்திட
அடிமை பத்ம வியூகங்களை
உடைத்தெறிய இன்னொரு
அம்பேத்கார் வருவாரா?! !

- பொன்.இராம்

**
கவலையில்லா மனிதரில்லை உலகில்
அவலை நினைத்து உரலிடிப்பர் அவர்
திவலைகள் நிறைய அங்கங்கே சிரிக்கும்
சவலைப் பிள்ளைகளாய் சரிந்தே நிற்பர்

பணமிருந்தால் பத்தும் செய்யலாம் தான்
ரணமான மனதை சீர்செய்வதெப்படியாம்
குணக்குன்று என்றாலும் விதி விடுவதில்லை
கிணற்றில் தள்ளி மூழ்கடித்திட முனையும்

போட்டி பொறாமைச் சேறுகள் எங்குமிருக்க
ஈட்டிய செல்வம் கொள்ளை போகக்கூடும்
வாட்டிய துன்பங்கள் வந்து நின்று கூத்தாடும்
தீட்டிய வாள்கள் எங்கெங்கும் பளபளக்கும்

பத்மவியூகத்தில் மாட்டிய எலியைப் போல
உத்தமர்களும் உருண்டு மருண்டு போவர்
அத்தனையையும் தூசாக்கித் தூர எறியணும்
புத்தனைப் போல் ஆசைகளற்று நிற்கணும்

எதிர்த்து நின்றால் எதிர்ப்பதெல்லாம் ஓடும்
அதிர்ந்து ஒட அவைகளை அடக்கலாம்
உதிர்ந்த மலர்களாய் காற்றில் பறக்கவிடலாம்
முதிர்ந்த அறிவால் பத்மவியூகம் வெல்லலாம்.

- கவிஞர்  ராம்க்ருஷ்

**

பாரப்பா பாரதப் போர் நாள் பதிமூன்றாம், 
பாங்கான பார்த்தன் மகன் அபிமன்யு
பாய்ந்தானே வியூகத்தில்
பாண்டவர் க்காக, துரோணரது
வியூகமதில் தொய்வே இல்லை
நேரான பேர்களுக்கு
இல்லை காலம் - இப்போதும்
எப்போதும் அது தானப்பா,
தப்பாது - கர்ணனது பானம் என்று
அர்சுனனை காத்திடவே பரந்தாமனும் 
அகன்றிடவே அவ்விடத்தில் - 
அபிமன்யு ஆன மட்டும் 
அழித்தொழித்தான் துரியன் படையை,
அந்தோ-புற வாசல் அறியாத 
அபிமன்யு கர்ணனின் 
பானத்தில் வீழ்ந்தானப்பா
பத்மமென்றும் சக்ரமென்றும் 
பேர்தான் வியூகம்,
போராலே பிழைத்தவர்கள் 
பின்னாளிலே - எண்மரப்பா 
பாண் டவரில், இன்னும் கேளு
ஈரிரிருவர் எஞ்சியோர் துரியன் வசம்,
எல்லோரும் அழிந்த பின்னே -
வாழ்வை வாழ - அப்போது 
கேள்வியது எழுந்ததுவே -
எதற்கு போரென்றே.
வாழ்வும் ஓர் வியூகமப்பா- 
பத்மம் போலே, ஆனால் 
இங்கோ - வருவதும் 
போவதும் தெரியாது.

- கவிதா வாணி - மைசூர்

**

ஆண்பெண் பேதமில்லா அனைவருக்கும்
தானாய்க் கையேறும் கைபேசி பத்மவியூகமே
குடியில் வீழ்ந்து மூழ்கும் குடியர்களுக்கு
குடிதந்து குடியழி டாஸ்மாஸ்க் பத்மவியூகமே 
அலங்காரமென்று எண்ணித்திரி பெண்களுக்கு
அலங்கோல அரைகுறை ஆடை பத்மவியூகமே
பணமீட்டும் திமிரில் மற்றாரை மதியாதார்க்கு
பணமும் செல்வச்செழிப்பும் பத்மவியூகமே
இக்கால வாழ்வியல் போர்க்களத்தில் எக்காலும்
சிக்கித் தவிக்கும் அபிமன்யுகள் இவர்களே!

- மீனாள்

**

குருஷேத்திரத்தில் உருவாக்கிய பத்மவியூகத்தில்
வேகத்தால் வீழ்த்தப்பட்டான் அபிமன்யு...
விவேகத்தால் வெற்றியடைந்தான் அர்ச்சுனன்...
நம் வாழ்க்கை என்னும் வியூகத்திலும்
அபிமன்யுவாய் விழவைப்பதுவும்
அர்ச்சுனன்னாய் வாழவைப்பதுவும்
வேகத்தின் ஆர்ப்பரிப்பும்,விவேகத்தின் அமைதியேயாகும்!!!

- சு.ரேவதி

**

வழிப்பாதையில் தலைநீட்டி அழைக்கும்
வாழைப்பழத் தார் அல்ல
வாழ்வின் வெற்றி

சாவிக் கொத்தைப் பதுக்கிவைத்து
ஆயிரம் பூட்டுகள் கொண்ட வாழ்க்கையை
அருளியது யார்?

சும்மா அமர்ந்திருந்தாலும் உன்னைச் 
சும்மா விடாது
சூழல் பேரிடர்

நிமிடம் தோறும் 
நீ போராடும் செயலே
நீ வாழ்கிறாய் என்பதற்கு அடையாளம்

பகைசூழ் உலகை வெல்லப்
பாடம் நடத்துகிறது
பாரதப்போர்

பத்ம வியூகம் அமைத்துப்
படைகள் வரட்டும்
தடைகள் வரட்டும்

வியூகத்தை உடைக்கும்
வியூகம் வகுத்துப் போராடு
வெற்றியைக் கொண்டாடு

- கோ. மன்றவாணன்

**

அன்றைய தின - ஆன்மிக நிகழ்வில்

ஆரம்பித்தது அபிமன்யுவின் விவாதம்.

அபிமன்யுவின் தோல்விக்கு
ஆரப்பா காரணமென வினவ
ஆளாளுக்கு
கூறக் கேட்டேன் பலப்பல
பதில்களை,

தோற்கவில்லை - அந்தோ அவனை வென்றது சூழ்ச்சி
கண்ணனே - காரணம்
கர்ணனே - காரணம் என்றே
பலரும்-பகன்றனர், பறைந்தனர்,

அறையில் ஆழ்ந்த மௌனம் நிலவ - அங்கோர் அறிஞர்
இவ்விதம் உரைத்தார்,

பாதி அறிவு பாதிக்கும் ஆபத்தென  
செய்தி முழுமை அடையும் முன்னே - செயல்படுதலும் சிறப்பல்ல என்றார்,  

ஆழம் தெரியாது - காலை விடாதே' என்பது மாதிரியா? என்றார் ஒருவர்,

ஆழம் தெரிந்தாலும் -நீந்தத் தெரியாமல் காலை விடாதே என்றார், 
எனக்கு புரிந்தார் போல் இருந்தது இந்த சக்கர வியூகம் (பத்ம வியூகம் )

- செந்தில்குமார் சுப்பிரமணியன்.

**

இதிகாசம் என்றாலே இராமபிரான் கிருஷ்ணபிரான்
இருவருமே கண்முன்னால் எப்போதும் நிற்கின்றார்.!
அதில்வந்த அரும்வீரர் ஆயிரத்துள் அடங்காது
ஆங்கேயோர் பாரதப்போர் அழியாது சரித்திரத்தில்.!
விதிமீறும் போர்முறை வியூகத்தில் நடந்தது-மா
வீரனையே விழச்செய்ய வினைசூழ்ச்சி விரைந்தது.!
பதினாறே அரும்பியவன் பார்புகழும் அபிமன்யு
பத்மவியூ கப்போரில் பழிவாங்கப் பட்டவனாம்.!
திராணியிலை துரோணருக்கே தற்காப்புச் செய்துகொள
திண்டாட வைத்துவிட்டான் திறனுள்ள ஏனையோரை.!
இராப்பகலாய்த் தூங்காமல் எதிரிகளை விரட்டிடவே
இவனைவிட மூத்தோரை எளிதாக வென்றானாம்.!
நிராயுதமாய் நிலைகுலைய நின்றபோதும் அதுசமயம்
நீதிக்குத் தலைவணங்கா நெறிதவறி நடந்தார்கள்.!
அராசகமும் புரிந்தார்கள்,! அட்டகாசம் செய்தார்கள்.!
அனைவருமே சூழ்ந்துகொண்டு அபிமன்யு வைமாய்க்க.!
அபிமன்யு போலயின்றும் அரசியலின் சூழ்ச்சியிலே
ஆட்சியாளர் கைப்பிடியில் அகப்பட்டுச் சிக்குகின்றார்.!
அபித்துரோகம் செய்பவர்கள் அன்றுமுதல் இருந்தாலும்
அன்றாடம் இன்றுமதை அரங்கேற்றம் செய்கிறாரே.!
அபிப்பிராய பேதத்தால் ஆக்ரோஷம் கொண்டோர்க்கு
அசிங்கமெலாம் கிடையாது ஆசையெலாம் பணம்மீதே.1
சபிக்கின்றார் பாமரர்கள் சளைக்காது துவளுவதால்
சண்டாளர் சதிச்செயலால் சங்கடங்கள் அதிகமுண்டு.!

- பெருவை பார்த்தசாரதி
**

இது மகாபாரதப் போரல்ல! 
மனிதனையே மனிதன் கொன்று குவிக்கும்
நவீன மானிடர்களின் போர்!
ஆயுதங்கள், அணுகுண்டுகள்
துப்பாக்கிகள், துரோகங்கள்
வக்கிரங்கள், வஞ்சனைகள் ..
அப்பப்பா! அனைத்தும் இங்குண்டு!
மேலிருந்து ஆட்டுபவன் யார்?
மீண்டும் கண்ணனா?
எங்கும் நிசப்தம்.....
இருள் மெல்ல மெல்ல மூடுகிறது
அங்குமிங்கும் இடிக்கிறேன்,
தடுமாறுகிறேன், தள்ளாடுகிறேன்
தப்பிக்க வழியேதும் இல்லை
அவ்வளவுதானா? அதற்குள் மரணமா?
அபிமன்யு! அபிமன்யு!
எங்கோ தூரத்தில் கதறுகிறது 
என் தாயின் குரல்!

- திலகா சுந்தர்

**

தாமரை இலை போல 
வியூகம் அமைத்து 
போர் புரிகிறது நம்மிடம் 
இன்றைய சமூக வலைத் தளங்கள் !

கதைகள் 
கவிதைகள் 
நாடகங்கள் 
புதினங்கள் 
என தமிழ் இலக்கியமாகட்டும் !

தமிழ் 
ஆங்கிலம் 
கொரியா 
பிரெஞ்சு
என பல மொழி படங்களாகட்டும் !

அதிமுக 
திமுக 
தேமுதிக 
பாமக 
மதிமுக 
பாஜக 
காங்கிரஸ் 
என அரசியல் கட்சிகளாகட்டும்!

கல்விப் பாடங்களாகட்டும் !
கலவிப் பாடங்களாகட்டும் !
காதலாகட்டும் !
காமமாகட்டும் !
ஆன்மீகமாகட்டும் !
நட்பாகட்டும் ! 
உரையாடலாகட்டும் ! 
புகைப்படங்களாகட்டும் !
அனைத்தையும் ஒருங்கிணைத்து 
தன்னகத்தே வைத்து 
போர் புரிகிறது 
மக்களாகிய நம்மிடம்..!

நேருக்கு நேர் சண்டை போட்டது 
போக வலைத் தளங்களிலும் 
சண்டைகள் பல உண்டு !
அரசியல் விவாதங்களுக்கு !
பிடித்த நடிகர்களுக்கு !
எழுத்தாளர்களின் கவிதைகளுக்கு !
ஆன்மீகவாதிகளின் கருத்துகளுக்கு !
போராளிகளின் கைதிற்கு !
காவிரி நதிக்கு !
முல்லைப் பெரியாரிற்கு ! 
தந்தை பெரியாரிற்கு !

பண்டிகை காலங்களில் 
வாழ்துக்களாக !
தலைவர்களின் இறப்பிற்கு 
இரங்கல்களாக !
தேர்தல் நேரத்தில் வெற்றி தோல்விகளாக !
நிரம்பி வழிகிறது !
ஒவ்வொரு தருணமும் !

கைச்சங்கிலி !
கால்சங்கிலி !
மனச்சங்கிலி !
என அத்தனை 
சங்கிலியையும் வியூகமாக 
நம்மிடம் மாட்டிவிட்டு 
சாவியை எங்கேயோ 
ஒளித்து வைத்துள்ளது 
வலைத்தளம் !
வியூகத்தை உடைத்து
விலங்கை அவிழ்க்க 
தேடுவோம் சாவியை !! 

- மகேஷ் சேந்தலிங்கம் 

**

ஏழடுக்குத் தாமரை மலர்போல
வீரர்களே சக்கரமாய்ச்  சுழன்றுநின்ற
வியூகம்.

முக்காலம் பூவுலகைக் காத்துநிற்கும்
முகுந்தன் வகுத்து வைத்த 
வியூகம்.

கறைபடிந்த போர்அதனில் காலம்
விந்தைசெய்து வரைந்து வைத்த 
வியூகம்.

பாற்கடலுள் பையத்துயின்ற பரமன்
அவன் கண்டும் காணமறுத்த 
வியூகம்.

மாதவனின் சேயிழையாள் பெற்றெடுத்த 
பிரத்யும்னன் கற்று உணர்ந்த 
வியூகம்.

கற்றுணர்ந்தும் கண்ணண்மகன் களம் 
மறுத்ததுவும் விதி செய்ததுவும்
வியூகம்.

மாதவனின் தாள்பணிந்த விஜயனுக்கு
மதுசூதனனே வரமாய்க் கற்றுத்தந்த
வியூகம்.

சுபத்திரையின் தவப்புதல்வன் அபிமன்யு 
கருவறையில் காதினில் கேட்டதுவே 
வியூகம்.

சந்திரகுல பிறையும் அவன்
மதியில்பாதி விதியில்மீதியாக ஆனதுவும்
வியூகம்.

தகர்த்தெடுத்து உட்புகுந்த சக்கரத்துள்
சக்கரமே தக்கவைத்து அறம்பிழைத்த
வியூகம்.

தெளிந்திருந்தும் களம்நில்லாமல் விஜயன்அவன் 
தன்மைந்தன் தோள்சேராமல் விதிசெய்ததுவும்
வியூகம்.

கறைபடிந்த சந்திரகுல கறைகழுவி
கார்முகிலன் முடித்துவைத்த துவாரயுகமே
வியூகம்.


பத்மவியூக கதைகளெல்லாம் துவாரயுகத்துடனே
மடியவில்லை முடியவில்லை இன்னும்இன்றும்
வியூகம்.

ஏழடுக்குச் சக்கரமே உயிர்வாழ்வில்
ஏழடுக்குசக்கரத்துள் உயரச்சென்று இறங்குவதும்
வியூகம்.

இவ்வியூகம் வென்று

அகம்பெருகி புறம்குறுகி பெருவாழ்வுபெற
பார்புகழும் பரமன்அவன் ஆத்மன்அவன்
மனமுவந்து வரமும்தர வளமும்பெற
கார்முகிலன் கருணைஅன்றோ கைவிளக்கு 
எல்லா யுகங்களிலும் !!

- ரமேஷ் கோபாலகிருஷ்ணன்.

**

பத்ம வியூகம் ...சக்ர வியூகம் ...ஒரு 
போர் வியூகம் ...அர்ஜுனன் அவன் 
பிள்ளை அபிமன்யுவை போரில்  இழந்தது இந்த 
வியூகத்தில்தான் !
எளிதாக அரண் உள்ளே சென்ற பிள்ளை அபிமன்யுவுக்கு 
அரணை விட்டு வெளியில் வர தெரியவில்லை வழி !
அன்று பத்ம வியூகம் விழுங்கியது ஒரு அபிமன்யுவைதான் !
ஆனால் இன்று வங்கி கடன் , கடன் அட்டை என்னும் சக்கர 
வியூகத்தில் மயங்கி தன் நிலை தடுமாறி  கடனில் 
சிக்கி மீண்டு வர வழி தெரியாமல் தவிக்கும் இன்றைய
இளைய தலை முறையில்  எத்தனை எத்தனை அபிமன்யூக்கள் ?
அன்று கர்ணன் ஒருவனுக்குத்தான் தெரியும் 
பத்மவியூக அரணில் அவன் எதிரியை சிக்க வைக்க !
அதனால் மடிந்தது ஒரே ஒரு அபிமன்யுதான் !
ஆனால் இன்று வங்கிகள் அத்தனைக்கும் தெரியும் 
பத்மவியூக யுக்தி என்ன என்று ! அதன் சக்தி என்ன என்று !
வியூகத்தில் சிக்கி சுழலாமல் ,வங்கி கடன் என்னும் 
என்னும் மாய வலையில் சிக்காமல், வரவுக்கு மேல் 
செலவு நான் செய்ய மாட்டேன் என்னும் அரணை 
நம் பிள்ளைகள் தம்மை சுற்றி அமைத்து விட்டால் 
இந்த கால பத்மவியூகம் பலி வாங்க முடியாதே 
ஒரு அபிமன்யுவைக்கக்கூட !
ஒரு அபிமன்யுவை பலி வாங்கியது அந்த கால 
பத்ம வியூகமாகவே  இருக்கட்டும் !
இந்த கால பத்ம வியூகத்தை பழிக்குப் 
பழி வாங்கும் சக்தி இன்று உங்கள் கையில் 
அபிமன்யூக்களே ! சிந்தித்து செயல் 
படுங்கள் பிள்ளைகளே !

**
வாசகர் கவிதை ஒரு அபிமன்யு ஆனதோ ?!!!
பத்ம வியூகம் ... சென்ற வார தலைப்பு 
வாசகர் கவிதைக்கு !
பிசகாமல் கவிதை நான் அனுப்பி வைத்தேன் 
கவிதை மணிக்கு !
வாரம் ஒன்று சென்று விட்டது ...நேரமும் 
ஆகி விட்டது ! 
பத்ம வியூக கவிதை ஒன்றும்  வெளியில் 
வரவில்லை இது வரை ! 
வாசகர் அனுப்பி வைத்த கவிதை எல்லாம் 
ஒருவேளை வியூகத்தில் மாட்டிக்கொண்டு 
அரண் தாண்டும் வழி தெரியாமல் 
சிக்கித் தவிக்கிறதோ  ...அபிமன்யு போல ! 

- கே.நடராஜன்

**

குருதியில் நனைந்த குருஷேத்திரத்தைக் கண்டு
பரிதியும் அஞ்சி மறைந்தது அன்று!
தியாக விளக்குகளின் சதைகளைக் கொன்று 
பல வியூகங்கள் மென்று தின்றன அன்று!
விரிந்த தாமரையாம் பத்மவியூகத்தால் வென்று
எரிந்து சாம்பலாக என்ன நிலைத்தது அன்று!
மகா பாரதமெனும் மாபெரும் பாடம்
உணர்த்திய வழியில் 
இயங்குதா உலகம் இன்று!
புகட்டப்பட்ட பாடங்களெல்லாம் 
புதைக்கப்பட்டுக் கிடக்க
இன்னும் பேராசைகளில் சுழன்று
அழிந்து கொண்டிருக்கிறது அகிலம் இன்று!

- கீர்த்தி கிருஷ்

**

உள்ளே செல்பவன் உற்று  நோக்கி செல்ல வேண்டும்
உள்ளே செல்லும்  வழியே திரும்பிட வேண்டும் !

வந்த வழி மறந்தால் திரும்பிட முடியாது 
வந்த வழி நினைவில் நிறுத்திட வேண்டும் !

விதி என்று எதுவும் இல்லை உணர்ந்திடுக 
விதி என்பது கட்டுக்கதை என்பதை புரிந்திடுக !

மதியால் வாழ்வதே சிறந்த வாழ்வு 
மதிக்கு இணை வேறு உலகில் இல்லை !

எண்ணம் ஒன்றாக இருந்தால் வழி மறக்காது 
எண்ணம் சிதைந்தால் சிந்தனை சிதறும் !

மனதில் வரும் வழியை பதிய வைத்திடு 
மூச்சு உள்ளவரை நினைவில் நிற்கும் !

- கவிஞர் இரா .இரவி

**

பத்ம வியூகம் சொல்லும் பாடம் - அது
  பாரதம் சொல்லும் வேதம்...
தர்மனை சிறைபிடிக்கும் தந்திரம்- அது
  துரோணர் வகுத்த மந்திரம்...
போர் செய்யும் புதியயுக்தி-எதிர்
  போராளியை வீழ்த்தும் புத்தி...
அபிமன்யு நெஞ்சிலே உறுதி-போரில்
  அஞ்சாதவனுக்கு வெற்றியே இறுதி...
நாற்றிசையும் துரத்திச் செல்-நீயும்
  நாற்படையும் வெற்றி கொள்...
ஏழடுக்கு கொண்ட சுற்றுவட்டம்-இங்கு
  எதிரியைவீழ்த்த வேண்டும் திட்டம்...
இலக்குள்ளவனுக்கு முடியாது பயணம்- அது 
   இல்லாதவனுக்கு மண்ணிலுண்டு மரணம்...
சக்கரயுகம் ஒரு உளவியல்-இது  
  சிந்திக்க வைக்கும் அறிவியல்...
புதிர்கள் கொண்ட போர்க்களம்-இது
  புத்தியோடு போராடும் களம்...
அபிமன்யுபோரில் மரணம் கொண்டான்-அதற்கு 
  அர்ஜுனனும் கௌரவர்களை பழிகொண்டான்..
வருவதை எதிர்கொண்டு வாழலாம்-நாமும் 
  வாழ்விலே வாகை சூடலாம்...
                                                              
- கவிஞர்  நா.நடராசு

**

துணிப்பைகளை
துணைக்கு அழையுங்கள் --
தண்ணீர் தூக்க
செம்புகளையும் சொம்புகளையும்
கூப்பிடுங்கள் –
பழச்சாறு பருக
கழுவிய புட்டிகள் போதாதோ ?
உறிஞ்சும் குழாய் எதற்கு ??
நெகிழிப்பெண்
நெஞ்சத்தில் புகுந்தாளோ
மகிழ்ச்சி வேண்டாம் –
அதுவும் கருவுற்று
புற்று நோயை பெற்றெடுக்கும் –
பிளாஸ்டிக் அரக்கனை அழிக்க
ஒருவரால் முடியுமோ ??
பத்ம வியுகம் அமைத்துக் கொல்ல
இரண்டாம் துரோணன் என்று பிறப்பானோ ?

- கவிஞர் டாக்டர் எஸ். பார்த்தசாரதி

**

மகாபாரதம் படித்தோர் அறிவர் பத்மவியூகம்!
பலம் குன்றினும், படைகுன்றினும், புத்தி குன்றா!
வியூகம் சிறப்பாக அமைவின் வெற்றி நமதே! 

எல்லா வியூகத்திலும் வல்லவன் பார்த்தான்! 
வியூகத்தை உடைப்பதிலும், உட்செல்வதிலும், வெல்வதிலும் வல்லான்!
பக்திக்கும், புத்திக்கும் வெற்றி என கண்ணன் அவன் புறம் நின்றான்! 
உடல் நுணுக்கம் மட்டும் போதா, மதி நுணுக்கம் மிக்கவன் வல்லான்! 
என ஒவ்வொரு முறையும் நிறுபித்தான் பார்த்தான்!

தாமரை மலர் போல்  சூழும் வியூகம் தனை!
தனதாக்கி வென்று முடித்தான் பார்த்தான்!
மதியின் வழி சென்று உடல் வாகுடன் போரிட்டான்!
மாற்றான் எவனாகினும் அஞ்சான் ஆனான்! 
மதியின் கண் செயல் புரிந்தாகினான்!  
வெற்றி சூளுறை நணுகியதாக்கினான்!  

- இனிய தமிழ் செல்வா, ஓமன்

**

அம்பும் வில்லும், 
ஏந்திடும் போர்வீரா,
இலக்கு உனக்கு நேராய்;
பார்த்தா,
பார் நேரெதிரே !

வில்லை 
பிடிக்கத்தெரியாதா உனக்கு !
கைகளில்,
என்ன நடுக்கம் ?

போர்க்களம்,
பார்க்காதவனா நீ !
மனதில்,
என்ன குழப்பம் ?

தேர் மீது,
ஏறிய உனக்கு;
போரிட ,
என்ன தயக்கம் ?

பார் மீது தோன்றிய யாவும்,
மண் மீது சாயும்,
நீயும் நானும் கூட இதில் அடக்கம்;
ஏன் இந்த கலக்கம் ?

எதிரே நிற்பவர்,
உன் எதிரி அல்ல,
அவர் போராளி;
நீயும் போராடு 

கற்ற கலையை,
போரில் காட்டு;
வெற்றியை,
நிலைநாட்டு 

பலனைப்பார்த்தா;
பணி  
செய்வாய் 
பார்த்தா ?

செய்வதைச்சரியாய் 
செய் ;
வெற்றி 
உனக்கு.

- ம.சபரிநாத்,சேலம்

**

போர் புரிய வேழு களங்கள் கொண்டு
வெற்றி தோல்வி பாதையோ இரண்டு 
மரணம் அல்லால் மறுபிறவி உண்டு தாமரையிலை வடிவில் பத்ம வியூகம் 

இன்றைய நிலை தமிழர் அரசியலில் அப்பத்ம வியூகம் அமர்ந்து கொண்டிட 
தானே குழம்பி மக்களை குழப்புவதே 
வாடிக்கையாகின செயலேதுமின்றி 

போருக்கு போன அபிமன்யு தோற்று 
திரும்பினான் மரணித்து; சேதி கேட்டு 
அலறிய அன்னை மகனின் இழப்பை
தாங்க வொன்னாமல்; கண்ணீரோடு
மாரி லோங்கி அடித்துக் கதறினாள்

இங்கே ஜெயிப்பார் தோற்பார் 
யார் யாரோ; நாடாள்வார் இல்லை 
வீடாள்வார் யார் யாரோ; எல்லாம் 
பத்ம வியூக சக்கரம் பதில் கூறும் 
பொரு பொருமை கடலினும் பெரிது

- ஆபிரகாம் வேளாங்கண்ணி, மும்பை மகாராஷ்டிரா 

**

பைங்கிளியே என்தேவி
உந்தன் பார்வையின் உள்ளேதான்
பத்ம வியூகங்கள்
எத்தனை? எத்தனை?!

பாரதப் போரின்
பத்ம வியூகங்கள்
பரந்தாமன் லீலைகள்
பரிசுத்த வீரர்கள்
பாண்டவர் பிழைத்திட
பரமனே நிகழ்த்திய நிகழ்வுகள்!

பார்த்தனுக்குச்  சாரதி
கண்ணன் தான்!
கண்ணே நம் காதலுக்கும் சாரதி
கண்கள் தான்!
பரந்தாமனின் வியூகம்
பாண்டவரைக் காத்தது
உந்தன் பார்வை வியூகமோ
வாழ்க்கை வலைக்குள் நிரந்தரமாக
வசீகரச் சிறைக்குள் வைத்துவிட்டதடி!

- புலவர் களந்தை நரசிம்ம சுப்பிரமணியன்

 

 
 

]]>
dinamani , Tamil, Poem, கவிதை, kavithaimani, கவிதைமணி, பத்ம வியூகம் http://images.dinamani.com/uploads/user/imagelibrary/2018/9/4/w600X390/padma_vyugam.jpg http://www.dinamani.com/specials/kavithaimani/2018/sep/04/கடந்த-வாரத்-தலைப்பு-பத்ம-வியூகம்வாசகர்களின்-கவிதைகள்-2993981.html
3006272 ஸ்பெஷல்ஸ் கவிதைமணி இந்த வாரத்திற்கான தலைப்பு: பாதியில் முறிந்த பயணம் கவிதைமணி DIN Sunday, September 23, 2018 10:38 AM +0530  

சொற்கள் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: பாதியில் முறிந்த பயணம்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம்.

]]>
kavithaimani, poem, kavithai, கவிதைமணி, தினமணி, பயணம் http://images.dinamani.com/uploads/user/imagelibrary/2018/9/23/w600X390/flight.jpg http://www.dinamani.com/specials/kavithaimani/2018/sep/23/இந்த-வாரத்திற்கான-தலைப்பு-பாதியில்-முறிந்த-பயணம்-3006272.html
3005041 ஸ்பெஷல்ஸ் கவிதைமணி கடந்த வாரத் தலைப்பு ‘சொற்கள்’வாசகர்களின் கவிதைகள் பகுதி 1 கவிதைமணி DIN Friday, September 21, 2018 06:27 PM +0530  

பற்களே இல்லாதார் உண்ணும் உணவில் கற்களோ நெற்களோ 
தடையின்றி உள்ளே சென்றுவிடும்

சொற்கள் மட்டும் மாட்டிக்கொள்ளும் 
பட்சத்தில் அவர் உச்சரிக்கும் போது சொற்கள் சொற்சுவையின்மையே

சொற்கள் தனியாக அல்லது சேர்ந்து 
பொருள் விளக்குவதே சொல்லாகிறது
பெயர் வினை இடை உரியென நாலை

நா சொல்லும் போது நயம் தரும்
சொல்லின் இனமறியும் குணமறியும் மணமறியும் மனமறியும் சொற்கள் அப்

பற்கள் அற்றது சொற்கள் அற்றது
முற்கள் தாங்க விதி மீறல்களாம்
சொற்களை சொல்லாதிரு நன்று 

- ஆபிரகாம் வேளாங்கண்ணி, மும்பை, மகாராஷ்டிரா. 

**

சொந்தவீடு   போலமைந்து   சொல்லு   கின்ற
    சொற்கள்தாம்   முகவரியை   நமக்க   ளிக்கும்
எந்தவொரு    நிலையினிலும்   சொல்லும்   முன்பே
    எச்சரிக்கை    கைகொண்டால்    நம்மைக்   காக்கும்
சிந்துகின்ற   சொற்கள்தாம்   நம்வாழ்   விற்குச்
    சிறப்பினையும்    இழிவினையும்   அளிப்ப   தாலே
சிந்தித்துச்   சொற்கனினை   உதிர்க்கும்   போது
    சிதறாமல்   நமைஉயர்த்தத்   துணையாய்  நிற்கும் !

அன்பாகப்   பேசுகின்ற   சொற்கள்   நம்மை
    அழிக்கஎண்ணும்   பகைவனையும்   நட்பாய்   மாற்றும்
வன்மையாகப்  பேசுவோணும்   மென்மை   யான
    வார்த்தைகளில்   நாம்மொழிந்தால்   அடங்கிப்   போவான்
நன்மைதராச்   சொற்களினைத்   தேடித்   தேடி
    நாம்பேச    முயலாமல்   காதி   னிக்கப்
புன்மையிலா   சொற்களினை    இனிமை   யாகப்
    புகன்றிட்டால்   எதிர்த்தவனும்    இணங்கிப்   போவான் !

காலத்தை   சூழ்நிலையை    அறிந்து   சொற்கள்
    கழறுகின்ற    போதனைவர்   ஏற்றுக்   கொள்வர்
ஏலம்போல்    பொய்தன்னை   மீண்டும்   மீண்டும்
    ஏற்றமுடன்    பேசினாலும்   வெளுத்துப்   போகும்
ஞாலத்தில்   என்றென்றும்   உண்மை   பேச்சே
    ஞாயிற்றின்   ஒளியைப்போல்   ஒளிர்ந்து   நிற்கும்
கோலத்தை    மாற்றுகின்ற   சொல்லை   வீணாய்க்
    கொட்டாமல்    இருந்தாலோ    கிடைக்கும்   எல்லாம் !

- பாவலர் கருமலைத்தமிழாழன்

**

உள்ளத்தின்
உணர்வலைகள்
உதட்டிலே தவழ்ந்து
உருவாகும் அற்புதமே!

கனிவான
இருதயத்தில்
கருவாகி உருவாகி
கண்களுக்குள்
பரிமாறும் காவியமே!

எழுத்துலகில்
எங்களுக்கு
ஏற்றங்கள் தருவதெல்லாம்
எழுதுகோல் பிரசவிக்கும்
சொற்குழவிகள்தாமே!

வகைவகையாய்
வாழ்த்துச்சொற்கள்
வசந்த மழை பொழிந்தனவே!
இனிதினிதாய் நம்பிக்கைகள்
இதயங்களை நிறைத்தனவே!

புதுவகையாய்
தினம் ஒலிக்கும்
தினமணியில் நடைபயிலும்
தாய்த்தமிழின் சொற்களை நாம்
தலைதாழ்த்தி வணங்கிடுவோம்.

புலவர் களந்தை நரசிம்ம சுப்பிரமணியன்... சிறுமுகை

**
சொற்கள்!

சொற்கள் குழைவாய் இருப்பின் அன்பை கூட்டும்!
சொற்கள் நெகிழ்வாய் இருப்பின் மதிப்பை பெருக்கும்!
சொற்கள் கனிவாய் இருப்பின் உள்ளத்தினை சேரும்!
சொற்கள் கடினமாக இருப்பின் உறவை உடைக்கும்!
சொற்கள் கோபமாக இருப்பின் நட்பை சிதைக்கும்!
சொற்கள் சாந்தமாக இருப்பின் அமைதியை தரும்!
சொற்கள் இதமாக இருப்பின் ஆறுதல் தரும்!
சொற்கள் இனிமையாய் இருப்பின் வெற்றி வரும்! 
சொற்கள் தமிழாக இருப்பின் தமிழுக்கு அணிசேரும்!

நாளும் உதடு உதிர்க்கும் சொல்லே, 
நமது எதிரியையும், நண்பரையும் தேடித்தரும்! 
எதற்கும் சல்லடை இல்லை எனில் தொல்லையில்லை! 
சொற்களை சல்லடையில் சலித்து பேசுக!
வாய்மொழி சிறப்பின் வையகம் நமதே! 

-இனிய தமிழ் செல்வா, ஓமன்

**

சைகையில் ஓசையிட்டு பரிமாறிய எண்ணங்கள்
கையசைவில் கதைகள் படித்த காலங்களென
நைந்து போன புரியாத பரிமாற்றங்கள் நீங்கிட
தை தையெனக் குதித்து வந்தன அழகுச் சொற்கள்

எழுத்துகள் உருவாகி எழுத்துகளின் கட்டமைப்பில்
பழுதில்லாத் தமிழ்ச் சொற்கள் பாங்காய் அமைந்தன
அழுகை உணர்வுகளையும் அழகாய் வடித்தன அவை
உழுது விதைத்தன எண்ணங்களின் கருத்துக்களை 

வன்முறை வீச்சில் வளர்ந்திருந்த வன் சொற்கள்
நன்முறை அன்பின் வளர்ப்பில் இன்சொற்களாயின
பன்முறை இலக்கணக் காப்பில் வளர்ந்தன அவை
புன்முறுவல் பூக்கப் புதுப்புது சொற்கள் முளைத்தன

யாப்பில் மரபில் குளித்தெழுந்தன அழகு தமிழாகவே
தோப்பாக வளர்ந்து செழித்தன செம்மொழியாகவே
பூப்படைந்த சொற்கள் காப்பியங்களில் களித்தன
மூப்படையாத தமிழுக்கு என்றும் துணை நின்றனவே

அலங்காரமாகி அடுக்குச் சொற்கள் நடைபோட்டன
உலக அரங்கில் சந்தத்தில் சதிராடித் தீர்த்தன அவை
உலவும் தென்றலாய் கவிதையில் நடை பயின்றன
பலப்பல பொருள்தரும் சொற்கள் வியப்பல்லவோ

கவிஞர்  ராம்க்ருஷ்

**

என்னைப்போல்
ஆயிரம் பேரை வெட்டியா
ஆறு வழிச்சாலை!
மரத்திற்குள் ஒரு புயல்  
இன்னும் எவ்வளவு தான்
அள்ளுவீர்கள்
கண்ணீர் சொட்டிய மணலுடன் லாரிகள் 
என் உடலில் செங்கற்களை
அடுக்கிக் கல்லூரிகளா
ஏக்கத்துடன் ஏரிகள் 
சுத்தமாய் சுகம் தந்தேனே,
ஒரு மாசுப்போர்வையிட்டு
காலனுடன் கூட்டணியா 
காற்றின் வேதனை  
இவையெல்லாம் என்ன  
இயற்கை மனிதனிடம்
சொல்லாத சொற்கள்

- கவிஞர் டாக்டர்.  எஸ். . பார்த்தசாரதி

**

கவிதையின் மூலப்பொருள் சொற்கள்-அது
     கவிஞனைத் தீட்டும் வைரக்கற்கள்...
கவிதையில் நாட்டியமாடும் நங்கைகள்-அது
     கவின்மிகு கற்பனையின் நவரத்தினங்கள்...
புத்தகத்தில் இருக்கும் புதையல்கள்-நம்
     புத்தியைத் தீட்டும் நற்சிந்தனைகள்...
எழுத்தாளன் தீட்டும் ஓவியங்கள்-நம் 
     எழுச்சிமிகு எண்ணத்தின் ஆணிவேர்கள்..
இனியசொற்களே பேச்சுக்கு அழகு-அதை
     இனிமையாய் நீபேசிப் பழகு...
வன்சொற்களை விட்டு விலகு-அப்போது
     வாழ்த்தும் உன்னைஇந்த உலகு...
வள்ளுவனின் வாய்ச்சொல் இனிது-அதுபோல் 
     வள்ளலார் வாய்ச்சொல் அமிழ்து...
கம்பனின் ஒருசொல் வலியது-அதுபோல் 
     கண்ணதாசனின் ஒருசொல் புதியது...
மலர்களைச் சேர்த்து மாலையாக்கு-நற்சொல்லை
     மனதில் விதைத்து வாழ்வாக்கு...
மூத்தோர்சொல் கேட்டுஅறிவை தெளிவாக்கு-உன்
     முன்னேற்றப் பாதையைநீ உருவாக்கு....

- கவிஞர் நா. நடராசு

**

சொற்களின் வகைகளை
நினைவில் கொள்ள சுருக்கமாய் உரைக்க - வினவினேன் ஆசானை, அவர் தந்தது ,

மருவிய சொல்லோடு மருவாச் சொற்கொணர்ந்து
உரிமையோடு இயைத்தல் உரிச்சொல் ஆகும்.
சாலப் பெரிது – உரிச்சொல் 

சுடுபொன் மருங்கில் பற்றாசு ஏய்ப்ப
இடைநின்று இசைப்பது இடைச்சொல் ஆகும்
மரத்தை = மரம் அத்து ஐ, படித்தனள் = படி த் அன் அள் இடைச்சொல் - அத்து, அன்

எப்பொரு ளேனும் ஒருபொருள் விளங்கச்
செப்பி நிற்பது பெயர்ச்சொல் ஆகும்.
மரம், கண், பெண் – பெயர்ச்சொல்

வழுவில் மூவகைக் காலமொடு சேர்த்து
தொழிற்பட வருவது தொழிற்சொல் ஆகும்
படித்தான், படிக்கிறான், படிப்பான் – வினைச்சொல்
என்றார்,
முடிந்ததா என்றேன்,
இல்லையப்பா - நன்னூல் நவில் வதை நான் தருகிறேன் கேள் என்றார்.

ஒருமொழி தொடர்மொழி பொதுமொழி என்றா
இருதிணை ஐம்பால் பொருளையும் தன்னையும்
மூவகை இடத்தும் வழக்கொடு செய்யுளின்
வெளிப்படை குறிப்பின் விரிப்பது சொல்லே    (நன்னூல் 259)

- செந்தில்குமார் சுப்பிரமணியன்

**

முகத்திற்கு அழகு பல்!
கவிதைக்கு அழகு சொல்!
பல் போனால் முகஅழகு  மாறும்!
சொல் தவறினால் கவிதையின்
பொருளே  மாறும்!
மருவில்லா சொற்களை  பேசினால் 
கருவில் இருக்கும்  மழலைக்கூட
சுறுசுறுப்பாக  கை கால்  உதைக்கும்
பேசாத  சொற்களுக்கு  நீ எஜமான்!
பேசிய  சொற்கள்  உனக்கு  எஜமான்!
எஜமானனாக  இருக்க  விரும்பும்  
நிஜமான  மனிதனே!
யோசித்து பேசி  யாரிடமும் 
யாசிக்காமல்  வாழ்ந்தால் 
மகிழ்ச்சி நிச்சயம்!

 - உஷாமுத்துராமன், மதுரை  

**

உதிர்க்கும் போது தெரியலடி 
சொற்களின் கடுமை -நீ 
உதிர்க்கும் போது தெரியுதடி 
உன் கண்ணீரின் வழியே 

சொன்னது சிறு வார்த்தை 
உளி போல் கிழித்ததென்ன உளத்தை 
அன்பே ஆத்திரத்தில் கொட்டிய சொல் 
உனை அடியோடு அழித்ததென்ன

ஆயிரம் முறை அழுதேன் 
ஆனாலும் என்ன பயன் 
அழகான தேவதையை 
அழித்த பாவியும் நான் 

நாவை அடைக்காத நானெல்லாம் 
இருந்தென்ன மடிந்தென்ன 
நானும் உனை அடைய
இப்போதே புறப்பட்டேன் 

உயிரான தோழர்களே !!!
உதிர்க்கும் முன் யோசிப்பீர் 
உதிர்க்கும் சொல் ஏதும் 
உயிரை குடித்திடுமா? உளத்தை கடித்திடுமா?

- பார்.விஜயேந்திரன், கருங்குழி 

**

பெண்ணே!
சொற்கள் பதமாகின்
நன் நூலாகும்!
சொற்கள் விடமாயின்
நல் உறவுகள் கெடும்!
சொற்கள் எல்லை மீறி
நா தீண்டியதால்
விளைந்த விபரீதங்கள்
இராவணன் அழிவு!
இராமாயண பரமபத 
ஆடுகளத்தில் மந்தரையின் 
வார்ப்பு நிழலாக 
வாழாமல் சொல்லோவிய சபரி
வழி நடந்திடு!
இனிய சொற்கள் உன்னை
உயர்த்திடும் என்றே
இன்னா சொற்கள்  உன் 
நாவில் உதிக்காதிருக்க
இறைவனை தொழுதிடு! 

- பொன்.இராம்

**

தாயின் சொற்கள் அன்பு
தந்தையின் சொற்கள் அறிவு

ஆசிரியரின் சொற்கள் ஞானம்
மனைவியின் சொற்கள் பரிவு

குழந்தையின் சொற்கள் சிரிப்பு
நண்பனின் சொற்கள் நட்பு

மாணவனின் சொற்கள் கல்வி
இளைஞனின் சொற்கள் வேலை
தொழிலாளியின் சொற்கள் சம்பளம்

தேர்தலின் சொற்கள் ஜனநாயகம்
ஜனநாயகத்தின் சொற்கள் மக்கள்

மக்களின் (வாக்காளனின்) சொற்கள் ஏமாற்றம்
அரசியல்வாதியின் சொற்கள் பணம்
தொண்டனின் சொற்கள் அப்பாவி

அரசாங்கத்தின் சொற்கள் திட்டங்கள்
அதிகாரியின் சொற்கள் அலைகழிப்பு

எத்தனை விதமான சொற்கள்
ஒவ்வொன்றிலும் பல விதமான பொருள்
ஆனால் அனைத்தும் ஒற்றை வார்த்தைக்குள் - சொற்கள்

நல்ல சொற்கள் தருபவை நன்மை
தீய சொற்கள் தருபவை தீமை

அன்பு சொற்கள் தருபவை அமைதி
ஆக்ரோஷ சொற்கள் தருபவை பிரச்சனை 

ஒரே நாக்கிலிருந்து வந்தவை தான் சொற்கள்

நன்றும், தீதும் பிறர் தர வாரா - சொற்கள்
 
- ஆம்பூர் எம். அருண்குமார்.

**

எண்ணங்கள் உருமாறும் எழுத்தாக! 
எழுத்து வடிவெடுக்கும் ஒரு கதையாக ,
ஒரு கவிதையாக ,ஒரு புத்தகமாக ,
கற்பனை கல்லில்  செதுக்கிய 
ஒரு நல்ல சிற்பமாக !
சிற்பமே  சொல்லும், அதை வடித்த சிற்பி யார் 
என்று !
சொற்களும் எண்ணத்தின் சிதறல்தான் 
ஆனால் நம்மில் பலர்  சிதறும் சொற்கள் 
கற்களாக மாறி காயப்படுத்துதே அடுத்தவர் 
உள்ளத்தை !
கற்றுக் கொள்வோம் நாம் ஒரு நல்ல  பாடம்.. நம் 
சொற்கள் வடிக்கத் தேவையில்லை ஒரு சிற்பம் !
கற்கள் ஆக மட்டும் உருமாற வேண்டாம் 
என்றும் எப்போதும் நாம் சொல்லும் சொற்கள் !

- கே.நட்ராஜ்

**

பேசுவதெல்லாம் பேச்சென்றால்,
அதற்கு உயிர்மூச்சு தருவது யார்?

சொல்வதெல்லாம் சொல்லென்றால்,
அதில் நிலையாக நிற்பது 
யார்?

இன்று ஒரு பேச்சு,
நாளை ஒரு பேச்சு;
உன்னை குப்பைத்தொட்டியில், தூக்கிப்போட்டாச்சு

நேற்று சொன்ன சொல்லை,
இன்று செயல்படுத்தினால்;
உன் வாழ்க்கை,
உயர்வானதாய் மாறியாச்சு.

- ம.சபரிநாத்,சேலம்

**

சொற்களிலா வார்த்தைகளும் சுவைதராது போகும்
.............சொல்லின்றிப் பொருளின்றிச் சொற்றொடரும் வாரா.!
சொற்களாலே அமைவதுதான் சிறப்பான வார்த்தை
சொற்சுவையும் பொருட்சுவையும் செந்தமிழின் சாரம்.!
கற்களாலே தாங்கிநிற்கும் கட்டடம்போல் ஆகும்
கவிதைகளும் அமைதற்குக் கனியும்நற் சொற்கள்.!
பற்களாலே அழகுபெறும் பார்ப்பதற்கு வாயும் 
பாவிற்கும் அழகூட்டும் பசுந்தமிழின் சொற்கள்.!
 
வள்ளுவனும் கம்பனுமே வரைந்தார்கள் ஓவியம்போல்
விரிவான சொற்களாலே வகுத்தார்கள் இலக்கணத்தை.!
உள்ளுணர்ச்சி பொங்குமதை உருக்கமாகப் படித்தாலே
உலகத்தில் தனித்துநிற்கும் ஒப்பிலாத காவியமாம்.!
அள்ளவள்ளக் குறையாத அமுதம்போல் தித்திக்கும்
அனைவருடை உள்ளத்தை ஈர்க்குமவர் கவிச்சொற்கள்.!
வெள்ளோட்டம் போலத்தான் விரைந்தோடும் நம்மனதில்
வள்ளுவனும் கம்பனுமே வழங்கியதைப் படித்தாலே.!
 
பட்டினத்தார் வள்ளலாரும் பாருலகு பயனுறவே
பகட்டான சொற்களாலே பலவற்றை எடுத்துரைத்தார்.!
பெட்டிக்குள் இருக்கின்றப் பொக்கிஷங்கள் போலத்தான்
பாட்டுக்குள் ஒளிந்திருக்கும் போதிக்கும் தத்துவங்கள்.!
இட்டிமையே இல்லாத இலக்கியமும் படைத்தார்கள்
இல்லறமும் துறவறமும் இரண்டையுமே தெளிவாக.!
எட்டியதூ ரமொலிக்கும் எப்போதும் அவர்பாடல்கள்
என்றுமென்றும் நிலையாக ஏட்டிலெழு தியசொற்கள்.!

- பெருவை பார்த்தசாரதி

**

"சொற்கள் "

சொற்கள் இல்லாத 
கவிதை ஒன்றை 
எழுத நினைத்தான் 
நொண்டிக் கை ஊமையன்

கேளா ஒலியும் 
காணா ஒளியும்
இருப்பதைப் போல
சொற்கள் இல்லா
கவிதை ஒன்று 
இருக்கத்தானே செய்யும் ?

மழைத் துளியை
தொட்டுத் தொட்டு 
வானவில்லின் 
அம்பைக் கொண்டு 
இரு பக்கம் இல்லாத 
காகிதத்தில் 
கவிதை ஒன்றை 
வடித்தான் ஊமையன் 

- ரீகன், தஞ்சை

**

அன்று பெருமழை.
நான்... நீ... நமது தேநீர்..
பெரும் மௌனம்.
நீ.. நான்..எனும் மதகுகளில்
முட்டித் தவித்தன சொற்கள்.
உள்ளங்கள் திறக்கச் சொல்லி
குத்திக் கிழித்தன சொற்கள்.
கைப்பிடித்து வந்த சொற்கள்
உள்ளத்தில் புதைந்திருந்தும்
உன்னைக் கண்டவுடன்
உதடுகளுக்கு எட்டவில்லை.
சொற்கள் எனும் பெருங்காட்டில்
எண்ணங்கள் வழி திரிந்து
தேடிப் பொறுக்கிவந்த சொற்கள்
உன் மௌனத்தால் அர்த்தமற்று
இதயத்தில் கனமாகிப்போன கற்கள்.
சொல்ல நினைக்கும் சொற்கள்..
சொல்லி முடிக்கும் சொற்கள்..
சொல்ல மறுக்கும் சொற்களின்.. 
இடைவெளியே
மூடிக்கிடக்கும் இதயங்களின்
இடைவெளியும்.
இன்றும் பெரும் மழை.
என்றாவது
உன்னில் விழும் மழைத்துளியும்
உன் மௌனம் கலைத்துக் கேட்கலாம்.
சொல்லமறுத்த சொற்களைச் சொல்லென..
உன்னுள்ளம் தளும்பியிருந்த சொற்கள் எதுவானாலும்..
என்றும்
உன்னில் அன்பு செய்திருப்பேன்.
இதுவே இன்றும்
உன்னிடம் 
நான் சொல்ல நினைக்கும் சொற்கள்.
நீயும் மழையிடமாவது சொல்லிவிடு...

- ரமேஷ் கோபாலகிருஷ்ணன், பீனிக்ஸ், அமெரிக்கா.

**


சிந்தை சிறப்புடன் செயலாற்ற கண்ணபிரான் 
சிந்திய  வெல்லும் சொற்கள் கீதையானது.!
சிந்தை சினமுற  சிலம்பேந்திய கண்ணகி 
சீற்றமுறக்கூறிய சொற்களால்  எரிந்தது மதுரை !

எழுத்தும் எழுதுகோலும் தெய்வம் என
எழுதி வைத்த மகாகவியின் சொற்களை
எடுத்து இன்று ஆளாத கவிஞரும் 
எழுத்தாளரும் உண்டோ  எம் மண்ணில் .?

கல்லால் அடித்தால் காயமது ஆறுமே ! 
சொல்லால் அடித்தாலது ஆறாத ரணமே !
வில்லின் அம்பு தைக்கும் உடலை.
சொல்லின் வேகமோ தாக்கும் மனதை .

கற்பனையைத் தட்டி விட்ட சொற்கள்
கவிதை எழுதத் தூண்டும் எம்மை ,!
கண்ணீர் சிந்த வைக்கும் சொற்கள்
கல் நெஞ்சையும் கரைக்குமன்றோ ?

மாசற்ற அன்புடன் கூறும் சொற்கள்
மலையையும் பெயர்த்து மாயம் உண்டு
நேசமுடன் உரைக்கும் பல சொற்கள் 
தேசம் வாழ நல்வினை நல்கிடுமே !.  

- ஜெயா வெங்கட்

]]>
words, poem, kavithai, கவிதை, கவிதைமணி, சொற்கள் http://images.dinamani.com/uploads/user/imagelibrary/2018/9/21/w600X390/words.jpg http://www.dinamani.com/specials/kavithaimani/2018/sep/21/கடந்த-வாரத்-தலைப்பு-சொற்கள்வாசகர்களின்-கவிதைகள்-பகுதி-1-3005041.html
3000219 ஸ்பெஷல்ஸ் கவிதைமணி கடந்த வாரத் தலைப்பு ‘அன்பின் வழியது’ - வாசகர்களின் கவிதைகள் பகுதி 2 கவிதைமணி DIN Friday, September 14, 2018 12:34 PM +0530
அன்பின்மைதானது வாழ்வோ
அன்பில்லாத உடலது நடைபிணமோ
உள்ளகமென்பது உயிரல்லவோ
உயிரின் மூச்சது அன்பல்லவோ
இயற்கையின் அன்பது பொதுவல்லவோ
இயல்பான உறவது நிஜமல்லவோ
உடலும் உயிரும் ஒன்றல்லவோ
உயர்ந்த அன்பே சிவமல்லவோ
உறவில் பாசம் அன்பின் உணர்வல்லவோ
அன்பதில் வசமாவது காதலல்லவோ
அதில் உருவாவது உயிர்களல்லவோ
அன்பின் வழியில் நட்பும் உறவதுமே
அன்பே யாவர்க்கும் வழியதுவே
அன்பற்றது வாழ்வில் அழகற்றதே
எவ்வுயிர்களிலும் கண்டேன் அன்பை கருணையை
எங்கும், எதிலும் காண்பது உயிர்நிலையே
அன்பின் வழியது உயர்வைக் கொடுக்கும்
தனக்கென வாழ்தலும் அன்பின் வழியதுவே
அந்த அன்பே வெற்றியின் மனநிலையே
உலகில் அன்பின் வழியது தாய்மைதானே!

- ஆகாசம்பட்டு A.K.சேகர்

**

ஆயிரம் ஆண்டுகள் ஆனாலும்;
ஆதவன் ஆத்திரம் ஆறாதே

அமராவதியில் ஆழிப்பேரலை;
அவள் ஆடிப்பாடி அலைகிறாள்

ஆதவன் அவளை அடைய;
ஆட்களை அனுப்பினான்

அன்பை அகத்தால் அடையாமல்;
அறிவைக்கொண்டு ஆளுகிறான்

ஆஸ்திரேலிய அலையில் ஆடிப்பாட;
அலைக்கா

ஆசிய அனலில் அலைபாய;
அனன்யா

அயிரோப்பிய அமுதில்
அங்கம்சேர;
அட்லாண்டா

ஆப்ரிக்க அழகில் அள்ளிக்கொள்ள;
ஆடோமோரா

அமெரிக்க ஆய்வில் அமேசானாய்;
அமோரா

அன்டார்டிகாவில் அணைத்துக்கொள்ள;
அமேதா

அகிலம் ஆளும் ஆதவனுக்கு,
அகவை அதிகமானாலும்;
ஆத்திரம் 
ஆறாதே

அமராவதியை அடைய அழைக்கிறான்;
அதனால் அம்பிகாபதியை,
அழித்தான் 

அதிலும் ஆத்திரம் அடங்காதவன்!

ஆங்கிலேயனாய் அவதரித்தான்;
அகிலத்தையே அடக்கி ஆண்டான்

அமெரிக்கனாய் அவனாகி;
அணுக்கதிர் அறிவியலை அறிந்தான் 

அதனால் அகிலம் அடைந்தது அழிவு;
அதுதான் ஆதவன் அறிவு

அன்பினால் ஆகாதது;
அறிவினால் ஆகுமோ?

ஆண்டவன் அளித்த அருவி;
அன்பு
அதை அனுதினம் அருந்து;
அது அருமருந்து

அருமருந்தால்,
ஆணவம்,அதிகாரம் அகலும்;
அன்பும்,அமைதியும்,
அகிலம் ஆளும்.

ம.சபரிநாத்,சேலம்

**

அன்பின் வழியது 
அருமையான வழியது 
இரும்பு மனம் கொண்டாரை 
இமையிலே மாற்றிடுமே 
கரும்பு மனம் கொண்டாரை 
காந்தம் போல் கவர்ந்திடுமே 

அகிம்சை வழியாலே 
அன்று சுதந்திரம் அடைந்தோமே 
அன்பின் வழியாலே 
இன்று அகிலத்தை வெல்வோமே 

அனைத்து மதங்களுமே 
அன்பை மதிக்கிறது 
அதனை உணர்ந்தினியே 
அழகாக வாழ்ந்திடுவோம் 

- பார்.விஜயேந்திரன், கருங்குழி 

***

இரண்டே வரிகளில்
உயிர்நிலைக்கு உவமையாய்ச் சொன்னான்
உண்மைக்கவிஞன் –
கன்னடக்கண்களில் ஒரு
தமிழ்ப்பார்வை ,
தெலுங்கு சுவாசத்தில் ஒரு
மலையாள வாசம் – எப்படி வரும்
அன்பு மொழியில் பேசிப்பார் !!
பொறாமைப்பாறையை உடையுங்கள் ,
கருணை மரங்களை நடுங்கள், அவற்றில்
சுவையுடன் பழச்சொல் கனியட்டும் !
பழிச்சொல் வேண்டாமே !!
தியாகத்தை தாராக்கி
சாலையிடுங்கள் –
நீர் வேண்டாம் !! அந்தப்பாதையில்
நேர்மையான நேச வியர்வை சிந்தட்டும் –
            ஆம் , அந்தப்பாதை
அழைத்துச்செல்லும் நம்மை
அமைதிச்சிகரத்தை நோக்கி  
எப்படிச்சாத்தியம் ?
அன்பின் வழியது

- கவிஞர் டாக்டர்.எஸ். பார்த்தசாரதி

**
அன்பின் வழியது யாது எனில்?
அமைதியாய் ஆரவாரமற்றது,
இனியதாய் இதமானது,
இயலாதவருக்கு ஈவது,
வாழும் வாழ்க்கையில் மனிதன் முயலும்,
ஓர் குணமாக இதுஒவ்வொரு நாளும் அமைய வேண்டும்!

காந்தி தன் வாழ்வில் காண்பித்தது,
அன்னை தெரசா வாழ்வாக வாழ்ந்தது,
இன்னும் பலரின் வழியது அன்பு!

அன்னையின் கருணை,
தந்தையின் உழைப்பு,
சகோதரியின் பாசம்,
உற்றாரின் அக்கறை,
நண்பனின் நேசம்,
முகம்தெரியாதவரின் நேயம்,
இதன்வழி அன்பு பாய்கிறது!

அகந்தையைவிட்டால் கண்ணில் தெரியும்!
தற்பெருமை குறைந்தால் காதில் ஒலிக்கும்!
அடுத்தவர் இடத்தில் அமர்ந்தால் மனம் உணரும்! 
இப்புவியின் உயர்ந்த அறம்தனை பயில்வோம்!
நிறைவாய் வாழ்ந்து மகிழ்வாய் இருப்போம்! 

- இனிய தமிழ் செல்வா, ஓமன் 

**
பிரிதலில் அல்ல, புரிதலில்  செழிக்கும்!
மறப்பதில் அல்ல, மன்னிப்பதில் மலரும்.!                      
கெடுப்பதில் அல்ல, கொடுப்பதில் நிறையும்.!
வெறுப்பதில் அல்ல,பொறுப்பதில் பெருகும்!                    
             
அழிவதில் அல்ல, ஆக்கத்தில் அரும்பும்.!                         
எதிர்ப்பில் அல்ல, ஏற்பதில் வளரும் !                                 
விலகுவதில் அல்ல, விரும்புதலில் வாழும்.!                       
              
விற்பனையில் அல்ல, விதைப்பதில் விளையும்.!
அன்பையே விதைப்போம்!
அன்பையே வளர்ப்போம் !
அன்பையே அறுவடைசெய்வோம் !

ஜெயா வெங்கட், கோவை 45

**

விறகுப் பொறுக்க 
வேர்வை சிந்தும் 
பட்ட மரத்தின் 
பரிதாபக் கிளைகளில் 
இருந்து அசையும் இலைகள் 
சிந்தியச் சில நீர்த்துளிகளுக்குக் காரணம் 
அகோரப் பசி! 

பசித் தீர்க்கப் பதறுகிறது 
தன் மார்பில் சுரக்காத பாலுக்காக 
அன்பின் வழியதில் 
அடிமையாக வாழும்
அந்த அபலைப் பசு!

- கவிஞர் பி.மதியழகன்

**

கொஞ்சி விளையாடும் அழகுக் குழந்தைகள்
கொலுவிருக்கிறார்கள் ஆங்கிலப்பள்ளியில்
அஞ்சுகம் சிறுமி, அனைத்திலும் அவள் திறமையாளர்
வஞ்சகம் நிறைந்த மற்றொருத்தி மாலதியுள்ளாள்
அஞ்சுகம் போன்றே அவளுடன் பயிலும் ஆனந்தி
அவள் ஏழை அடக்கமும், அன்பும், பணிவும் உள்ளவள்
அவள் எப்பவும் இரண்டாம் நிலை,ஒன்றாம்நிலைதான்
அஞ்சுகத்திற்கு பிறந்தநாள் அவளுக்கு அளித்தனர் பரிசுகள்
வஞ்சகம் நிறைந்த மாலதியும் வழங்கினாள் பேனா ஒன்று
ஆனந்தி சித்திரம் வரைவதில் வல்லவள் ஓவியத்தாள்
அஞ்சுகம் படத்தை அசலாக அப்படியே வரைந்து தந்தாள்
அக்கம் பக்கத்தில் இருந்தோர் பேசினர் பேனாவின்பெருமை
அதை அளித்த மாலதியின் சிறுமை பற்றி பேசினர்
வசதியுடையவர் வாரிவழங்கினர் அவர்களின் தரத்திற்கொவ்வ
எது சிறந்தது தோழியர் அனைவரும் வினவினர் அஞ்சுகத்தை
அஞ்சுகம் சொன்னாள் “ ஆனந்தி என்னுயிர் தோழி அவள்
அன்பின் வழியது உயிர்நிலை  என்று வாழ்பவள்
தன்னலமிலா  செல்வி தமிழ்ச்செல்வி  போற்றுவோம் நாம் 
மற்றவரெலாம் எலுபுதோல்போர்த்திய நிலையினர்
ஆனந்தி தானே அன்பால் நிறைந்து நெஞ்சினில் நிற்கிறாள்  
அனைவரும் ஆனந்தியை புகழ்ந்து பாராட்டி மகிழ்ந்தனர்

- கவிஞர் அரங்க.மணி, பராசக்தி நகர்

**

கள்ள ஆண்தொடர்பில் வெறிகொண்டு
நல்லக் குழந்தைகளைக்
கொல்லத் துணிகிறாள் 
ஒருதாய்
சரியாகச் சொன்னால் 
ஒருபேய்

அன்பே கடவுள் என்று
அழுத்தமாக மெய்யுரைத்த 
மதங்களுக்குள்
யுத்தமும்
ரத்தமும்

பண வெறியில்
பதவி வெறியில்
அடங்காத சொத்து வெறியில்
கொடூர மிருகங்கள் 
கூடாரம் போட்டுக்
கொண்டாட்டங்கள் நடத்துகின்றன.

அன்பின் வழியது உயிர்நிலையென
ஆசிரியர் பாடம் நடத்திய போதே
செங்குருதி பீரிட்டது
சிறுவனின் தலையில்!
தடி உடைந்ததே என்று
தவித்துத்தான்  போனார் அந்த ஆசிரியர்

அகன்ற மனித வெளியில்
அன்பைத் தேடித் தேடித்
தோற்றோடி  இருள்கிறான்
சூரியன் 
ஒவ்வொரு மாலையிலும்.

-கோ. மன்றவாணன்

**

தாயின் அன்பிலே 
சேயது  செழிக்கும் !
தந்தையின் அன்பிலே 
தன்னம்பிக்கை வளரும் !
ஆசானின் அன்பிலே 
அறிவு மலரும் !   
அருமை நண்பனின் அன்பில்
அனுசரணை விளங்கும்  
காதலர் அன்பிலே 
கற்பனை விரியும் !
கடவுளின அன்பிலே 
கருணை பிறக்கும் !
மகான்களின்   அன்பிலே
மனித நேயம் மலரும் !
மழலையின் அன்பிலே  
மரணமும் விலகும் !  

- கே.ருக்மணி, கோவை

**

என்பினையும் தோலினையும் போர்த்திக் கொண்டு
இழிவான சிந்தனையை உள்ளே வைத்து
அன்பு வழி மறந்து பல மாந்தர் இந்த
அவனியிலே வாழ்கின்றார் அன்னார்க் கெல்லாம்
இன்பமிலா நிறைவற்ற வாழ்வே மிஞ்சும்
இறையன்பு எந்நாளும் கிட்டிடாது
துன்பமதில் உழல்வதுவே முடிவாயாகும்
துர் அதிஸ்டமே அவரைத் துரத்தி வீழ்த்தும்.
 
சாதி மதப் பொய்மைகளால் மானுடத்தைத்
தகைமையிலா விலங்காக்கி எங்கும் வாழும்
ஆதியந்த மில்லாத இறைவர்க்கான
ஆலயத்துட்செல்வதற்கும் தடை விதித்து
நீதி மறுத்தேழைகளின் அவல வாழ்வை
நிரந்தரமாய் வைத்திருக்கச் சதிகள் செய்து
காதலுக்கும் இரங்காத கபடர்க்காகக்
கடவுளொரு போதுமருள் செய்ய மாட்டார்.
 
அன்பொன்றே உலகமகா சக்தியாகும்
அதன் விளைவே பிரபஞ்ச இயக்கமாகும்
பண்பொன்றே மானுடர்க்குப் பலத்தைக் கூட்டும்
பயன் கருதாச் செயற்பாடே மனத்தையூக்கும்
இன்பங்கள் ஆயிரந்தான் இருந்திட்டாலும்
இறையெம்முள் இருக்கின்றான் எனும் எண்ணம்தான்
துன்பங்கள் தொலைந்தோடத் துணையாய் நிற்கும்
தூய மனச் சாந்திதனைத் துய்க்க வைக்கும்.
 
ஆதலினால் நாநிலத்தீர் அன்பு செய்து
ஆண்டவனை உட்தேடி உணர்ந்தின்புற்று
வேதனைகள் துன்பங்கள் விரக்தியின்றி
மேலான நல்வாழ்வு வாழ்வீரென்றே
போதனைகள் செய்திட்ட ஞானம் மிக்க
புனிதர்களின் வழியேகி அவர் சொற் கேட்டே
மேதினியில் வாழ்ந்திடுக அன்பே மேலாம்
மிகுதியெலாம் அதன்கீழாம் சாந்தி சாந்தி.
 
- எஸ். கருணானந்தராஜா

**

யாரும் இல்லா இருட்டுக்குள்ளே,
வெளிச்சமிட்ட வெள்ளி மலரே...!!!
காயம் படும் நேரத்திலே
கண்துடைக்கும் கருங்குயிலே...!!!
காலமெல்லாம் கதை பேச
காலெடுத்து வைச்சவளே..!!!
ஊரார் எல்லாம் ஒன்று கூடி 
ஒய்யாரமாய் பாட்டு பாடி 
பரிசம் தான் போடையிலே 
பொடிப்பார்வை பார்த்த 
பச்சைக்கிளியே ....!!!
பரவசமாய் பரந்த பாதையிலே,
மலையிலே அருவி 
அதிலே வாழும் பசுமை 
பக்கத்திலே வாழும் பறவை 
அவற்றிலே கீதை 
அதனினை  ஒலிபரப்ப தென்றல் 
இதனிடையே 
நான்திசை சென்று 
முப்பொழுது கடந்து 
இரு இதயங்கள் 
ஒன்றாய் துடிக்க.....
விழிகளுக்கு தெரிந்ததோ
அன்பின் வழியதுவோ
என்ற எண்ணம் 
என்னை நீங்கா 
நின்னை கண்டதடி 
கவியே....!!!

- இராஜேந்திரன் சத்யா

**
புடைசூழ்ந்து
ஊர் மெச்சி வாழ்ந்தவனுமில்லை
உறவுக்குள் மகிழ்ந்து கொண்டு
ஒற்றுமையாய் 
வாழ்ந்தவளுமில்லை...

வறண்டு
காய்ந்து கிடந்தாலும் 
நீர்ப்பாய்ந்து புரண்டாலும் கூட
இணைந்திருப்பதில்லை
அக்கரையும் இக்கரையும்...

துளிர்க்கும் கண்ணீரை
துடைக்கும் கைகளில் இருந்து கொள்ளும்
மனிதாபிமானம்;
அதற்கு
அன்பென்று பெயருண்டோ...

ஈன்று
புறம் தந்த குழைந்தைக்கு
ஊட்டி வளர்க்கும் தொப்புள் கொடி
கடமைக்குள் 
புகுந்து கொள்வது அன்பாகுமா?
பிற குழந்தைகளுக்கும் பராமரிப்பது
அன்பாகுமா?
பொதுவில் பரவும் உணர்வுதானே
அன்பு...

சலனங்களின் நெகிழ்ச்சி
ஊடுறுவிப் பரவும் புலன்களின் உணர்வை
நேருரைக்க முடிவதில்லை...

அன்பில் காதலும்
காதலில் காமமும் பிணைய
மகுடியற்று
படமெடுத்தாடும் பொறிகள்...

அன்பினால் ஆவது  உயிர்களுடன்
அமைதியும் மகிழ்வும் கூட
என்றானப்பின்
அன்பினால் சுழல்வதும்
பூமியும் தானே...

எனவாங்கு

யாவும்
அன்பின் வழியது ஆகியும் கூட
ஆகவில்லை இன்னும்
சுயநலமில்லா
பேத விகற்பமற்ற அரவணைப்பு...!?

- கவிஞர்.கா.அமீர்ஜான்

**

அன்பின் வழியது அன்னை போலவது
.........அன்று முதலது ஆட்சி செய்கிறது..!
தன்னிகர் இலாத தனித்துவம் கொண்டு
   தாரணி போற்றும் தரத்தில் சிறக்கும்..!
மன்னும் மொழிகளில் மன்னனாம் தமிழ்
   மொழிக்குள் அரசியாம் முதல் முன்னோடி..!
என்றும் இறவா இனியும் எப்போதும்
   ஏற்கும் உலகம் எங்கள் தாய்மொழியே..!
அன்னைக்கு ஈடில்லை அதுபோல் நம்தமிழ்
   அன்னைக்கு மாற்றிலை ஆரும் அறிந்ததே..!
அன்பின் வழியே அனைத்தும் நடக்கும்
   அதுதான் உலகில் அறவே நிலைக்கும்..!
தன்வயிறு காய்ந்தும் தாயன்பு குறையாது
   என்தாய் நாடுதரும் ஏற்றமிகு வாழ்வே..!
என்நாடும் மொழியும் எங்கேயும் நிலைக்கும்
   என்னும் உணர்வு எல்லோர்க்கும் உண்டு..!
தன்னிகர் இல்லா தனித்துவம் பெற்றே
   தங்கள் எண்ணம் தழைக்க வேண்டும்..!
அன்பு இருந்தால் அனைத்தும் ஆகும்
   அன்றே சொன்னார் ஆன்றோர் ஏட்டிலே..!
அன்பும் பாசமும் ஆறாய்ப் பெருகி
   அன்பின் வழியே உலகாள..
ஆண்டவன் அருளூம் அமைய வேண்டுமே..!

- பெருவை பார்த்தசாரதி

**
அன்பு 
எல்லாப் பரிசுகளையும்
ஏற்றுக் கொள்கிறது
குண்டூசியைக் கூட.
அன்பு
எல்லாக் கடிதங்களையும்
படித்து ரசிக்கிறது
சோகமாக இருந்தால் கூட.
அன்பு
எல்லா துன்பங்களையும்
தாங்கிக் கொள்கிறது
மரணத்தின் பிடியில் கூட
அன்பு 
எல்லாக் கவிதைளையும்
படித்து மகிழ்கிறது 
சோகக் கவிதையைக் கூட
அன்பு
பனித் துளிகளை
கண்டு மகிழ்கிறது
கண்ணீர் துளிகளைக் கூட
அன்பு
எல்லாக் கண்களையும்
கருணையுடன் பார்க்கிறது
குருடனாக இருந்தால் கூட 

- பூ.சுப்ரமணியன், வன்னியம்பட்டி

**

அன்பின் வழியது இல்லறம் நடத்திட 
இருபாலர் வேண்டுமென இதுவரை நினைத்தேன்...

அன்பின் கருவறை ஆன்மா ஆதலால் 
அதன்புறம் உள்ள உடலொரு பொருட்டல்ல .....
பாலும் பொருட்டல்ல; இனமும் பொருட்டல்ல 
அன்புடன் புணர்ந்திட எதுவுமே பொருட்டல்ல !!!!

இயற்றினர் சட்டம் ... அளித்தனர் தீர்ப்பு 
இயற்கைக்கு புறம்பாய்  ... புதியதோர் வார்ப்பு !!!

கல்வி, கேள்வி, பொருளா தாரம் 
கணினி, அறிவியல், அரசியல் அமைப்பு 
அந்நியனுக்கு நிகராய் இந்தியன் ஒளிர 
ஆயிரம் தீர்ப்புகள் ஆண்டாண்டு காலம் 
திருத்தப் பெறாமல் நிலுவையி லிருக்க
இன்றே உலகம் அழியு மென்பார்போல் 
இத்தனை அவசரம்  இதில்மட்டும் எதற்கு ????

அவரவர் எண்ணம்போல் அனைவரும் வாழ்தல் 
இன்றுள்ள நமக்கு நன்றுபோல் தோன்றினும் ...
அடுத்த தலைமுறைக்கு இப்பெரும் தீர்ப்பு 
அழகிய வரமா ??? அழித்திடும் சாபமா !!!

- கவிஞர் முனைவர் இராஜலட்சுமி இராகுல்

 

]]>
anbu, poem, kavithai, கவிதைமணி, அன்பு http://images.dinamani.com/uploads/user/imagelibrary/2018/9/14/w600X390/image.png http://www.dinamani.com/specials/kavithaimani/2018/sep/14/கடந்த-வாரத்-தலைப்பு-அன்பின்-வழியது---வாசகர்களின்-கவிதைகள்-பகுதி-1-3000219.html
2999611 ஸ்பெஷல்ஸ் கவிதைமணி கடந்த வாரத் தலைப்பு ‘அன்பின் வழியது’ - வாசகர்களின் கவிதைகள் பகுதி 1 கவிதைமணி DIN Friday, September 14, 2018 10:44 AM +0530  

அன்பின் வழியது

தினமிங்கே  சண்டைகளால்  கைக  லந்து
    தீராத  பகையாக  நிற்ப  தெல்லாம்
மனம்திறந்து  காட்டுமன்பால்  மாய்ந்து  போகும்
    மறைத்துசெய்யும்  சூழ்ச்சியெல்லாம்   முடிந்து  போகும் !
கனவென்றே  நினைத்திருக்கும்  ஒற்று  மையில்
    காழ்ப்பெல்லாம்  நீங்கிடவே  கைய  ணைக்கும்
நனவாகும்   யாதும்ஊர்  கேளி  ரென்று
    நயமாகக்  கணியன்தான்  சொன்ன  சொல்லும் !

பால்நிறமாய்  மனமன்பில்  மாறிப்  போனால்
    பனிகதிரில்   கரைதல்போல்  கரவு   போகும்
நால்வரினை  அணைக்கின்ற நேயம்   தோன்றும்
    நலிவுகளைப்  போக்கிடவே   இரக்கம்  கூடும் !
ஆல்விழுது  மரம்தன்னைத்  தாங்கல்  போல
    அருளாலே   சுற்றத்தைப்  பேணிக்  காக்கும்
சூல்கொண்ட    தாய்காட்டும்    இன்ப  மாக
    சூழ்ந்திருக்கும்  அனைவருக்கும்  இன்பம்  ஊட்டும் !

உடலிரண்டோ   உளமிணைந்தால்   ஒன்றா  தல்போல்
    உள்ளத்துள்  அன்பிருந்தால்  ஒன்றா  வோம்நாம்
வடநாடு  தென்னாடு  வேறு  பாடும்
    வாய்த்தமொழி  நாகரிக  வேறு  பாடும்
தடம்மாற்றி   நதிகளுக்குத்   தடைகள்  போட்டுத்
    தடுக்கின்ற  வேறுபாடும்  தகர்ந்து  போகும் !
முடவெண்ணம்  நீங்கிவிடும் !  வளங்க  ளெல்லாம்
    முழுநாட்டிற்   குரிமையென்றே   இன்பம்  பூக்கும் !


- பாவலர் கருமலைத்தமிழாழன்

**

உன் கண்கள் உனதாயினும் 
உனது உருவமதை உனக்கு 
இன்ன தெனக் காட்டிடாது 

நிலைக் கண்ணாடி முன்னாடி 
நின்றாலே உன்னுருவை காட்டிய 
பின்னால் உனக்கு தெரியும் அஃதே

பிறருக்கு உனது அன்பைக் காட்டு
பதிலுக்கு பிறர் அன்பை பொழிவர்
உனை நீ அறியும் அன்பின் வழியது

குறை குடமதை நிறைகுடமாக்கும்
சக்தி அன்பிற்கு மட்டுமே உள்ளது அச்
சக்தியை பெருகிற அன்பின் வழியது

- ஆபிரகாம் வேளாங்கண்ணி, மும்பை, மகாராஷ்டிரா.

**

எலும்பை தோல் போர்த்திய வெற்று உடம்பை 
அன்பு எனும் அரவணைப்போடு உயிர் தந்தவளே... 

உடலை இறுக்கி உதிரத்தில் ஒரு பகுதியை 
உணவாக்கி அன்போடு உயிரூட்டியவளே...

பள்ளி செல்லும் முன்னே அ முதல் ஃ வரை 
சொல்லித்தந்த முதல் ஆசானே...

கருவறை முதல் கல்லறை வரை என்பெயரை
உலகிற்கு அளித்த உத்தமியே...

அறத்திற்கும்,மறத்திற்கும் அன்பே துணை
என்று அமைதி காத்த பெருமகளே...

உனது வலியை தாங்கி எனது வாழ்விற்கான 
வழியை வகுத்து கொடுத்தாயே 
"என் தாயே" அன்பின் வழியது எது என்றால் அது "நீயே"...!

- க.முனிராசு, ஜோலார்பேட்டை

**

புத்தர்  இயேசு  நபிகள்  காந்தி 
நித்தம் நடந்த  அன்பின்  வழியது; 
அருட்சுடர்  வள்ளலார்  பெருமான்  வழியும் 
கருணை  அன்னை  தெரசா  வழியும் 
வையந்  தோறும்  உயிர்வதை  யற்ற 
மையக்  கருத்தாய்  மனிதம்  போற்றி 
அறமும்  அடக்கமும்  ஒழுக்க ஒளியும் 
நிறைந்து  ஒளிர்ந்து  தீமை  இருளை 
எரிக்கும்  வழியாம்  அன்பின் வழியது; 
அருவி  நீராய்  அகத்தில்  பாய்ந்து 
திருக்குறள்  போன்ற  மறைகளின்  குணமும் 
தருவாய்  மனத்தில்  நின்று  நிலைத்திட 
முற்றும்  துறந்த  முனிவர்  போன்று 
பற்று  அறுத்து  ஆசை  துறந்தால் 
மொழிஇன  சாதி  மதமெனும்  பொல்லா 
இழிவுக(ள்)  இன்றி மனிதம்  தழைக்கும்; 
வேறு  பாடுகள்  என்ற  வரப்புகள் 
கூறு  போடா  உலகமாய்  நித்தம் 
சீருடன்  துலங்க  சிறப்புகள் பெருகிட 
வேருடன்  தழைக்கும்  மரங்களாய்  நின்று 
பாரும்  தழைக்க  அன்பின் வழியே 
அனைவரும் சென்றால்  சூரிய(ன்) நிலவும் அணைந்து கருகிக் கறிக்கட்டையாய் 
மறைந்து  போன  போதும் 
நிறைந்த  ஒளியால்  நானிலம் ஓளிருமே! 

- நெருப்பலைப் பாவலர் இராம இளங்கோவன்; பெங்களூர். 

**

அகிலமும் சொந்தமாகும், 
அனைத்தும் வசமாகும், 
எதிலும் இனிமையே காணும், 
எங்கும் புன்னகையே பூக்கும், 
எல்லோர் மனதிலும் 
பசுமையே படரும்,
வாழ்வினில் உயிரோட்டம் 
உறவாடும்,
வண்ணமயமான வளமைகள்  
வரும்
அன்பின் வழியதினிலே
 .
 - இரா.வெங்கடேஷ்

**

அன்னம் போன்றாள் அருகிருக்க
ஆர வாரம் ஏதுமின்றி,
கன்னல் மொழியாள் காத்திருக்க
கனிந்தே நானுஞ் சொல்லிடுவேன்!
அன்பின் வழியென்(று) ஆன்றோரும் 
அறிந்து சொன்னார் உயிர்நிலையை! 
இன்னல் தீர்க்கும் இன்மருந்து
இனிதாய்த் தருவாள் மகிழ்ந்திடுவேன்! 

– கவிஞர் வ.க.கன்னியப்பன்

**
அன்பு ஒன்றே உலகில்
நிரந்தரம்!
அன்பால் ஒ௫ நாள்  மாறும்
சரித்திரம்!

அன்பை நெஞ்சில் நிறுத்து!
அழகாய் கையை
உயர்த்து!

அன்பில் மகிழுமே இதயம்!
அகிலமே அழகாய் ஆகுமே உதயம்!

அன்பு ஒன்றே அழியா சொத்து!
அன்பு அழகான 
முத்து!

நிலையில்லாத வாழ்வில்
நிலைக்கட்டுமே அன்பு!

ர.ஜெயபாலன், வெள்ளகோவில்.

**

அன்புக்கு அதிகாரம் அளித்தான்
வள்ளுவன் 

வள்ளுவனின் அதிகாரம் அன்றைய மக்களுக்கு 
அளித்தது அன்புடைமை

அன்புடைமையால் அன்றைய சமுதாயம் 
அளித்தது நல்வாழ்க்கை

அந்த நல்வாழ்க்கை நாட்டிற்கு 
அளித்தது நல் வளங்கள்

அந்த நல்வளங்களால் வாழ்வாங்கு 
வாழ்ந்தது அன்றைய அவ்வையகம்

அன்பே கடவுள் - அன்றே கூற்றுரைத்தோர் 
நம் பெரியோர்

இன்றோ அதை விட்டொழித்தோம்
இன்றைய நாம்

அன்பிலாமை மக்களுக்கு அளித்தது
கடுஞ்சொல்

கடுஞ்சொல் விளைவித்த கோபத்தால்
விளைந்தது கலியுகம் - அன்பிலா இவ்வுலகம் 

கலியுகம் அளித்தது கட்டுக்கடங்கா
தீஞ்செயல்கள்

வள்ளுவன் கூற்றுப்படி என்புதோல்
போர்த்த உடம்பாக இன்று திரியும் எம்மக்கள்

வெறும் தோல் போர்த்திய எலும்புகளான எம்மக்கள்
என்று உயிர்பெறுவார்களோ அன்புடையவர்களாக

- ஆம்பூர் எம். அருண்குமார்

**

அன்பின் வழியது

அன்பின் வழி
அதுதான்
உயிர் நிலையாய்
ஆக்கிடவே!

பண்புகள் வழி
அதுதான் வாழ்க்கை
புகழ்பெற்றது ஆக்கிடவே!


கல்வியின் வழி
அதுதான் தன்
வாழ்வியல் ஆக்கிடவே!

ஆன்றோர் வழி
அதுதான் வாழ்க்கை
பயனுடைமை ஆக்கிடவே!

சிவனார் வழி
அதுதான் ஜீவனம்
சிறப்புடன் ஆக்கிடவே!.

- புலவர் களந்தை நரசிம்ம சுப்பிரமணியன், சிறுமுகை

**

அன்பின் வழியது செல்கையில்
உள்ளொளி ஊற்றாய்ப் பெருகும் !
உலகம் பரவசமாகும்!
தன்னிலிருந்து தெய்வமொன்று 
வெளிக் கிளம்பி
அது தன்னையே உற்று நோக்கும் !
குழம்பிய புதிருக்கு விடை கிடைத்த
மகிழ்ச்சியில் உள்ளம் கூத்தாடும்!
ஆட்டம் காட்டிய ஐம்பொறிகளெல்லாம்
அமுங்கிப் போய் குமுறும்!
பிரபஞ்சத்தில்  மூச்சுக் காற்று
உட்புகுந்து  அதுவே நீ! நீயே அது! 
என்றாகிப் பின் சூனியமாகும்!
உடம்பின் உள்ளே, உயிரில் கலந்த
இவ்வன்பெனும் தெய்வமானது,
எலும்பின் மீது தோல் போர்த்தியவர்க்கு
என்றுமே எட்டாக் கனியாகும்!

- திலகா சுந்தர், அமெரிக்கா

**


களிரும் பிடியும் பேடையும் ஆண் குயிலும் 
குலாவியே வாழும் குவலயத்தில் சேவலும்
கோழியும் குளிர்ந்து இயைந்தே வாழும்
உலகிலவை இயற்கை அன்பின் வழியாம் 
அங்கு கூடலுண்டு பிரிவுண்டு குலவலுண்டு
பங்குபாசமுண்டு, பரிவுண்டு பிணைப்புண்டு 
இயற்கையில் இருக்கும் அனைத்துயிர்களும்
இயற்கையாய் இணைந்து அனபுடன் வாழும்
ஐந்தறிவு உயிர்களிடத்தில் உண்டு அன்பு
ஆறறிவு உயிர்கள் அன்பின் வழி வாழுகிறதா?
மானிடனினமோ மகிழ்வுடன் வாழுகிறதா?
மாமனிதர்களென மார்தட்டும் இவர்கள்
கள்ளக்காதலுக்காகக் கணவன் குஞ்சுகளைக் 
கள்ளத்தனமாய்க் கொல்கின்றனர், கவலையின்றி
அன்பைப் பண்பைப் பகுத்தறிவை அடகுவைத்து 
பணத்திற்கே முதலிடம் கொடுக்கும் வாழ்க்கை
மனம்போன போக்கெல்லாம் மானிட வாழ்க்கை 
தன்னலமிகு ஈரமில் வறண்ட பாலை வாழ்க்கை
அன்பின் வழியை அடைக்கும் தாழானதோ!

- மீனா தேவராஜன்

**

காலை எழுந்தவுடன்  கடும்காப்பி – பின்
  காய்ந்துபோன கேப்பைத்த் தோசை அடுத்து
மதியம் வந்ததும் பழைய சோறு- மாண்புமிகு
   மாமியாருக்கு மரியாதை இப்படி! இருக்கும்

நிலையை மாற்ற ஒருமாற்று திட்டம் புதிதாய்
   நடைமுறைப்படுத்த அறிவு முயன்றான்
அலைபாயும் அன்னையின் கவலையைப்போக்க
    அப்படியே அறிவு திட்டமிட்டான்

ஓய்வுபெற்ற நண்பர்கள் சேர்ந்து அடுத்த ஊரில்
    உதவிகரமாய் நடத்திவரும் ஓய்வுஇல்லம்
தாய் சிவகாமியை சேர்க்க அன்புடன் அழைத்தான்
    தாயோ வர மறுத்து விட்டாள்! காரணம்

“பேரன்,பேத்தி மற்றும் தன்பிள்ளை அறிவு-இவர்களை
 பார்த்துக் கொண்டே இருப்பேன் பட்டினிகிடந்தாலும்”
 அறைந்து சொல்லிவிட்டாள் குழந்தைகள்மேல்
    அன்பின் வழியதுஉயிர்நிலை கொண்டு!

- கவிஞர்  ஜி.சூடாமணி

**

அன்பே இறைவனை அடையும்வழி - நம்
     அகத்தின் இருளை அகற்றும் ஒளி..
அன்புவாழும் மனிதனின் நெஞ்சம் - அதில் 
     ஆண்டவனும் வந்து அடைவான் தஞ்சம்..
அன்பில்லாத உடல் வெறுங்கூடு - அது
     அழிந்து போய்விடும் இந்த மண்ணோடு..
அனபுகொண்ட உடல் இறைவன்வீடு - அது 
     அழிந்தாலும் இங்கு வாழும் புகழோடு..
கல்நெஞ்சமும் அன்பில் கரைந்துபோகும் - அது
     கல்லுக்குள் ஈரமாய் கசிந்து போகும்..
முள்ளும்  முகையாகி மரமாகும் - அதில்
     மறைந்து வாழும் இனிய மதுரமாகும்..
உயிர்களிடம் அன்புசெய்தால் நீயும்ஓர்துறவி - அன்பே
     உயிரானால் இங்கு நீயும்ஓர் மனிதப்பிறவி..
உயிரில்கலந்த அன்புதான் பொங்கும்அருவி - அதுவே
     உலகை வெல்லும் உன்னதக் கருவி..
அன்பின் வடிவம்தான் உன்அன்னை - அவள் 
     அன்பையும் ஊட்டி வளர்த்தாள் உன்னை..
அன்பே பொன்னாக்கும் இந்தமண்ணை - உண்மை
     அன்பின் வலிமை தாண்டும் விண்ணை..

- கவிஞர் நா.நடராசு

**

மனமோ பின்னோக்கி சென்றது - தொடர் வண்டியில்,
மாதமோ மார்ச்
இங்கோ வெயில் கொளுத்த
பணி நிமித்தம் பீகார் சென்றேன்
பீர் பைந்தி - ஊர் பெயர்
காலை ஆறு மணிக்கு
காலை வைக்க முடியாத
குளிர் வெளியே

கதகதப்பு ஆடை ஏதுமின்றி
திகைத்து நின்றேன் நான்,
கல்லூரி ஆசிரியத் தம்பதி ஒருவர்
கண்டென் நிலையை
காஷ்மீர் ஷால் ஒன்றை
யோசிக்காமல் - தந்தனர் உடனே எனக்கு, 

அதைப் போர்த்திய எனக்கு
என் சொல்வது என்ற வார்த்தையற்று,
அன்பில் நனைந்து அடுத்த அடி வைத்தேன், அன்புப் போர்வை கொடுங்குளிரில் எனைக் காக்க
என் நெஞ்சில் நீங்கா இடம் பெற்றன இரு - அன்பு இதயங்கள்

அன்பின் வழியது உயிர்நிலை
அஃதிலார் கென்பு தோல் போர்த்திய உடம்பு

என்பதன் பொருள் உணர்ந்தேன் அன்று

- செந்தில்குமார் சுப்பிரமணியன்

**

உடலில் உயிரிருந்தாலே எழுந்து நடமாடலாம்
திட வாழ்வுக்கும் அன்பிருந்தாலே ஆதரவாகும்
இடம் பொருள் ஏவல் ஏதும் வேண்டாம் அன்புக்கு
வடம் பிடிக்கத் தேர் நகரும் அன்பில் உள்ளம் உருகும்.

கொடுத்துப் பெறுவதல்ல அன்பு யாரிடமும் என்றும்
கொடுத்துக் கொண்டே இருப்பது தான் அதன் நிலை
தடுத்தாலும் அன்பு தடையின்றி ஓடக்கூடியது
அடுத்துக் கெடுப்பதென்ற செயல் அன்பிலில்லை

அன்பின் வழியது உயிர்நிலை அது இல்லாத நிலை
என்பு போர்த்திய தோலுக்கு சமம் என்றார் வள்ளுவர்
கன்றும் பசுவும் காட்டும் அன்பு ஒன்றே போதுமே
என்றும் அன்புக்கு மட்டும் அழிவென்பதேயில்லையே

உயிர்கள் அன்பு செலுத்துவதில் மாறுபாடிருக்காது
பயிர்களையும் உயிர்களாய் நினைக்கும் பாங்கது
தயிர் வெண்ணெய் நெய்யென பயனாவது போல்
உயிர்களுக்கு அன்பு மாறுபாடு நோக்காது பயன்தருமே

ஆல்போல் அன்புலகம் விரிந்தால் சண்டைகளிருக்காது
வேல்போல் நாடுகளை சுத்தம் செய்து சீர்திருத்தும்
கோல் எடுத்தால் குரங்காடும் எனும் பயங்கள் இல்லை
பால் போல் வெண்மை அன்பிருந்தால் வாழ்வும் சிறக்குமே

- கவிஞர்  ராம்க்ருஷ்

**

அன்பின் வழியது மறந்தால், மறையும் நல்ல 
பண்பும் பாசமும் ... தடம் மாறும்  வழி ,
மறைக்கும் கண்ணை... தொடரும் பிழைகளும் !
அம்மா என்றால் அன்பு ..அன்பு என்றால் 
அம்மா ... அன்பின் வழியது அம்மாவின் 
அரவணைப்பும் பாசப்பிணைப்பும் !
வலிக்குது மனசு இன்று தடம் புரண்ட 
ஒரு பேதையின்  செயல் கண்டு !
துடிக்குது நெஞ்சம் பிஞ்சு இரண்டின் 
உயிர் பறித்த ஒரு  வஞ்சகப் பெண்ணின் 
நஞ்சு மனதை நினைத்து !
வள்ளுவன் காட்டிய அற வழியில் நடக்க 
முடியவில்லை அந்த பெண்ணுக்கு ...அந்த 
பெண்ணின் தலை எழுத்து அது !
பிழை ஏதும் செய்யாத அந்த பிஞ்சு 
இரண்டும் செய்த பாவம் என்ன ?
அற வழி மறந்த அந்த பெண்ணுக்கு 
அன்பின் வழியும் அறவே மறந்து போனதே !
அதை நினைத்தால்  வலிக்குது மனசு !

- கே.நடராஜன்

**

கனாக்கண்டேன்.
பெரும் வனம்.
நெடும் பயணம்.
வனமெங்கும் பெருமரங்கள். 
எங்கு பயணம்..
ஒரு பெருமரம் கேட்டது. 
அன்பின் வழியது
தேடி