Dinamani - கவிதைமணி - http://www.dinamani.com/specials/kavithaimani/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3020258 ஸ்பெஷல்ஸ் கவிதைமணி இந்த வாரத்திற்கான தலைப்பு: காதலின் வானிலை கவிதைமணி DIN Sunday, October 14, 2018 06:45 PM +0530 இடைவெளி என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: காதலின் வானிலை

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம்.  

]]>
poem, kavithai, kavithaimani, கவிதை, வானிலை, காதல் http://images.dinamani.com/uploads/user/imagelibrary/2018/10/14/w600X390/Swiming_Pool_w.jpg http://www.dinamani.com/specials/kavithaimani/2018/oct/14/இந்த-வாரத்திற்கான-தலைப்பு-காதலின்-வானிலை-3020258.html
3020256 ஸ்பெஷல்ஸ் கவிதைமணி கடந்த வாரத் தலைப்பு ‘இடைவெளி’வாசகர்களின் கவிதைகள்! கவிதைமணி DIN Sunday, October 14, 2018 06:39 PM +0530  

பாப்பா சொல்லும் 
கதைகளால் 
நிரம்பிக்கொண்டிருக்கிறது, 
அவள்
முன்னிரு பற்கள் விழுந்ததால்  
வந்த இடைவெளி!

- சுபர்ணா

**

காட்சியின் தூரமே கண்களின் இடைவெளி ! 
கனவின் தூரமே உறக்கத்தின் இடைவெளி !
வாழ்வின் தூரமே இறப்பின் இடைவெளி !
மௌனத்தின் தூரமே வார்த்தையின் இடைவெளி !
அன்பின் தூரமே நமக்கான இடைவெளி !

- கோபிநாத் பாரதி

**
கல்லுக்கும் மண்ணுக்கும்
கடலுக்கும் காற்றுக்கும்
ஆகாயத்திற்கும் பூமிக்குமான
இடைவெளியில் 
இயங்கும் உயிர்கள் 
காண்பது ஒன்றாயினும்
கண்களுக்கு இடையே 
இடைவெளி ...
காலடி வைக்கும்
கால்களுக்கு இடையே
இடைவெளி ...

பகலும் இரவுமாக
பனியும் மழையுமாக
பருவங்கள்  இடையே  இடைவெளி....
பயிர்கள் வளர்ந்திட
பாத்திகளுக்கு இடையே இடைவெளி......
பயணம் செல்ல
பாதைகளுக்கு இடையே
இடைவெளி.....

சொற்ப் பிழையின்றி வாசிக்க
சொற்களுக்கு இடையே
இடைவெளி .....
கற்றவர் கல்லாதவர்
உற்றவர் அற்றவர் இடையே
இடைவெளி ....
வற்றாத நதிக்கும் 
வறண்ட பூமிக்கும் இடையே
இடைவெளி........

தாத்தாவுக்கும் பேரனுக்கும்
தலைமுறை இடைவெளி ....
தடையின்றி வந்து சேரும்
இடைவெளி பற்றியே
இதயத்திலிருந்து 
இறங்கிக் கொண்டே
இருக்கும் இடைவிடாத வரிகள் !

- கே.ருக்மணி

**
பணத்திற்க்கும்,
நல்ல குணத்திற்க்கும்
இடையே,

பணத்திற்க்கும்,
அன்பு-பாசத்திற்க்கும்
இடையே,

பணத்திற்க்கும்,
நிறைந்த மனத்திற்க்கும்
இடையே,

பணத்திற்க்கும்,
பெறுகின்ற மதிப்பிற்க்கும்
இடையே,

பணத்திற்க்கும்,
அடைகின்ற பதவிக்கும்
இடையே,

பணத்திற்க்கும்,
கிடைக்கின்ற உதவிக்கும்
இடையே,

பணத்திற்க்கும்,
வாங்குகிற மருந்திற்க்கும்
இடையே,

பணத்திற்க்கும்,
வேண்டுகிற மகிழ்ச்சிக்கும்
இடையே,

பணத்திற்க்கும்,
அதைப்பெருக்க எடுக்கின்ற முயற்ச்சிக்குமிடையே,

பணத்திற்க்கும்,
நிலைத்த வசதி-வாய்ப்புக்கும்
இடையே,

இருக்கின்ற இடைவெளி;
நடக்கின்ற போராட்டம்,
அதுவே வாழ்க்கை

- ம.சபரிநாத்,சேலம்

**

தாய்மார்பில் பாலூட்டித்  தமிழை  யூட்டித்
    தமிழ்ப்பண்பை  ஒழுக்கத்தை   அதிற்க  லந்தே
சேய்தன்னை  அன்பாலே  வளர்த்த  தெல்லாம்
    செப்புகின்ற  கனவாகிப்  புட்டிப்  பாலை
வாய்புகட்டித்  தாதியவள்  காசுக்  காக
    வளர்க்கின்ற  கடமையாலே  குழந்தை  யிங்கே
தாய்மொழியைப்  பாசத்தை  மண்கு  ணத்தைத்
    தாம்மறந்தே   இடைவெளிதாம்  பெருகிற்  றின்று !

பெற்றோரும்   சுற்றமுடன்  உடன்பி  றந்த
    பெருமுறவும்  இணைந்ததொரு  குடும்ப  மாகப்
பற்றுடனே  இன்பதுன்பில்  பங்கு  கொண்டு
    பகுத்துண்டு  வாழ்ந்ததெல்லாம்  கனவாய்ப்  போகப்
பெற்றவரை  முதியோரின்  இல்லில்  விட்டும்
    பெயர்சொல்லும்  உறவுகளைத்  தள்ளி வைத்தும்
வற்றிட்ட  பால்மடியாய்ப்  பாச  மின்றி
    வாழ்கின்றார்  இடைவெளிதாம்  அமைத்துக்  கொண்டே !

பக்கத்து  வீட்டாரின்  முகத்தைப்  பார்த்துப்
    பழகியவர்  குடும்பமுடன்  தாமு  மொன்றித்
தக்கதொரு  நட்புடனே  இருந்த  தெல்லாம்
    தமிழ்பேசி  மகிழ்ந்ததைப்போல்  கனவாய்ப்  போகக்
குக்கிராமம்  என்றபோதும்  குடிசைக்  குள்ளே
    குத்துக்கால்  இட்டமர்ந்து  தொலைப்பே  சிக்குள்
பக்கத்து  வீட்டாரை  முகநூல்  தம்மில்
    பார்க்கின்ற  இடைவெளிதாம் வந்த  தின்று !
                
மண்சட்டி   விறகடுப்பில்   உலைகொ   திக்க
    மணம்வீசும்   கஞ்சியொடு   சோற்றை  யுண்டு
கண்காது   தெளிவாக   நேய்க  ளின்றிக்
    கல்போன்ற   வலிமையுடன்   வாழ்ந்த  தெல்லாம்
மண்மீது   மாறியின்று   மேலை  நாட்டின் 
    மாசான   உணவுண்டு   நோயைப்   பெற்றும்
பண்பாட்டை   ஒழுக்கத்தைத்  தொலைத்து  விட்டே
    பாழானோம்  இடைவெளியைப்  பெருக்கிக்  கொண்டே !

- பாவலர்  கருமலைத்தமிழாழன்

**
நெருக்கமாய் இருந்த 
நம் இருவருக்கும்
இடையில் விழுந்த 
இந்த வெளியை
உனது அகங்காரம் கொண்டு
நீ கொஞ்சமும்
எனது அகங்காரம் கொண்டு
நான் கொஞ்சமுமாய்
ஊதிப் பெருக்கிக் 
கொண்டே போகிறோம்..

முதலில் யார் 
இறங்கி வருவது
என்பதில் மட்டும்
உடன்பாடு ஒன்றை 
எட்டி விட்டால் போதும்..

ஊதிப் பெருத்து நிற்கும்
அந்த இடைவெளி
ஊசி குத்திய பலூனாய்
நொடியில் மாயமாகி விடும்..

இந்த முறையும் நீயே 
பிடிவாதம் தளர்த்திப்
பேசி விடேன்..ப்ளீஸ்..!

- ஆதியோகி

**
என் னுருவமதை உன் 
கண்ணில் நான் பார்க்கிறேன் 
உன் னுருவமதை என் 
கண்ணில் நீ பார்க்கிறாய் 
நம்பிக்கை நிலவுகிறது 

உன் மனக் கண்ணில் நான் 
என் மனக் கண்ணில் நீ நிஜமாகவே 
இருக்கின்றோமா எனும் சந்தேகம்
இருவர் நெஞ்சிலும் அலைமோதிட 
இடைவெளி மதிலாகி நிற்கிறது 

ஆதலால் நம்முடைய உறவு
தாமரை இலையில் விழும் 
மழை துளிபோல் ஒட்டாது தெரித்தோடிடுமோ இல்லை 
சிப்பியின் மடியில் விழுந்து 
முத்தாக பிறந்து ஜொலிக்குமோ

இருவருக்கும் உள்ள இடைவெளி
சூறாவளி யாகிடுமோ இல்லை ஆறாவலி யாகிடுமோ என்னும் 
மனக்கிலி பிடித்து க்கொண்டு 
பலியாக் கப்போவது யாரோ 

- ஆபிரகாம் வேளாங்கண்ணி "கண்டம்பாக்கத்தான்", மும்பை

**


சலவை செய்த துணியை மீண்டும் நனைத்து
   காயவைத்து அணிந்த  கலாச்சாரம் அந்த காலம்
 சலவை செய்து தேய்த்து மடிப்பு குலையாமல்
   சேலை வேட்டி  சட்டை அணிவது இந்தக்காலம்
 இடைவெளியில் நாகரிகம் வந்ததாலே வந்தகோலம்
   எல்லாமே சாத்திரமென்பதை மாற்றினோம் நாம்
 இடைவெளிதான் காரணமாய் அமைகிறது இதற்கு
    இதனை வரவேற்பதா? தவறென்பதா?

முல்லைக்கு தேர் கொடுத்தான் வேட் பாரி மழை
  முகிலினிலும் பெயர் படைத்த உபகாரி
சொல்லுக்கு தலை கொடுத்தான் அருள் மீறி
  அந்த வள்ளலாம் குமணன் என்ற அரசன்
மயிலுக்கு போர்வை போற்றினான் மன்னன் பேகன்
  மகிழ்ச்சியாய் சொல்கிறது  தமிழர் வரலாறு

பாரிக்கும் நமக்கும் பார்வையில் வித்தியாசம்
  மன்னன் விருமிபினால் நிரந்தர கொழு கொம்பை
அமைத்து மகிழ்ந் திருக்கலாம் அதுதான்  சரியாகும்
  அவருக்கும் நமக்கும் உள்ள இடைவெளி அது தானே!
பேகனும் அது போல மாற்று வழிசெய்திருக்கலாம்
   குமணமும் தலையை கொடுத்திருக்க வேண்டாம்
பேகனுக்கு நமக்கும் இடைவெளி அதுதான் அதனை
   குளிராத சரணாலயம் அமைத்து மகிழ்ந் திருக்கலாம்
காலத்துக்கு காலம் கருத்து மாறும் இதுதான் உண்மை!

- கவிஞர் ஜி.சூடாமணி

**

ஒட்டியத் தென்னையாய் 
ஒன்றாக ஆற்றங்கரையில் 
அழகாய்ச் சாய்ந்து. 

அந்த அந்திச் செவ்வானத்தின் 
அழகிய நிலவை 
இடையினில் ஏந்தி. 

நாறைப் பறவைகள் நானூறு 
நடு வானில் பறந்திட. 

மஞ்சள் முகில்கள் 
மதியின் அழகில் மயங்கி 
கொஞ்சிக் கொஞ்சி 
கொள்ளை அழகோடு 
துள்ளித் துள்ளி மிதந்திட. 

அன்பை அள்ளி அள்ளி 
ஆற்று நீரால் என்மேல் 
நீ தெளித்திட. 

ஆசையில் 
"ஏரிக்கரையின் மேல் 
போறவளே பொன்மயிலே" 
என்று நான் பாட. 

பதிலுக்கு 
"மாமன் ஒரு நாள் 
மல்லிகைப்பூக் கொடுத்தான்" 
என்று நீபாட. 

அப்படியே இருவரும் 
இருட்டும்வரையில் அங்கேயே 
அமர்ந்து ரசித்த காலத்தை 
கனவில் சுமந்துபடி 
இன்றோடு பத்தாண்டுகள்
கடந்தாலும். 

அதே ஆற்றங்கரையில் 
காத்திருக்கிறேன் 
நீ மீண்டும் வருவாய்யென!

- கவிஞர் பி.மதியழகன்

**
வாழ்க்கையின் இனிமை உறவில் அறியலாம் 
உறவின் மேன்மையை பிரிவில் அறியலாம் 
அந்த பிரிவு என்பது பிடிவாதத்தால் வரலாம் 

கோபத்திலே சிலநாள் மூழ்கி - பெரும் 
குழப்பத்திலே பலநாள் இருப்பதேனோ? 

ஆசையிலே சிலநாள் திளைத்து 
அழுகையிலே பலநாள் இருப்பதேனோ? 

பிடிவாதத்திலே சிலநாள் இருந்து 
பிரிவிலே பலநாள் தவிப்பதேனோ? 

பிடிவாதத்தை விடுவோம் பிரிவினைத் தவிர்ப்போம் 
மனதினை திறப்போம் மக்கட்பற்று போற்றுவோம் 

- கோ.வேல்பாண்டியன்

**


கருத்துரைக்கும் உரிமை
பிறரை பாதிக்காதிருக்க
இடைவெளி;

பொருள் சேர்க்கும் உரிமை
பிறர்க்குரியதை பாதிக்காமலிருக்க
இடைவெளி;

விருப்பம்போல் வாழும் உரிமை
பிறர் வாழ்வை அழிக்காதிருக்க
இடைவெளி;

இடைவெளிகள் வேண்டும்.
இடைவெளிகள் வேண்டாம்,
நம் மனங்களுக்கிடையே .

- கு.காந்தி ராஜா

**

நெஞ்சங்கள் கோர்த்த காதலர் வேண்டும் !!
உடல்கள் சேர்த்த காமுகர் வேண்டாம் --
அகங்கள் ஒட்டிய அன்பு வேண்டும் !!
முகங்கள் ஒட்டிய  வம்பு வேண்டாம்--
பார்வைக்குள் மட்டும் கலவைகள் வேண்டும் !
கண்ணோடு கண் ஒட்டிப்பின் கவலைகள் வேண்டாம் --
கறுப்புகள் கலக்காத எண்ணங்கள் வேண்டும் !!
வெளிநிறம் மட்டுமே வெள்ளை என்று வேண்டாம்--
இடைவெளிகள் விட்டமரும் இளைஞர்கள் வேண்டும் !!
பேசாத சொற்களுக்குள் இளைப்பாற வேண்டும் !!
திருமணம் முடியட்டும் , இடைவெளிகள் சுருங்கட்டும் !!
விலகாத உறவுகளால் விவாகரத்து உறங்கட்டும் !!

- கவிஞர் டாக்டர் எஸ். பார்த்தசாரதி

**
வார்த்தைக்கும், வாக்கியத்திற்குமானதே 
இடைவெளி! 
எண்களுக்கும்,மெய்யியலுக்கும் 
வெற்றுக் 
கணங்களா,முற்றொறுமைகளா? 
அன்பின்றி பிறருடன் செய்யும் 
சச்சரவுகளே! 
கவனமின்றி செய்த செயல்களால் 
உருவாவதே! 
அலட்சியத்தால் நமக்கு 
விஷயங்கள் 
கடுமையாகும் போது வருவதே! 
வானுக்கும்,பூமிக்குமானதா? 
நட்புக்கும்,காதலுக்கும் வெறுப்பால் ஏற்படுவதா? 
தவறுகளுக்கும்,தெளிவுகளுக்குமானதே! 
அறிலுக்கும்,புரிதலுக்கும்,அறியாமைக்கும் 
இடையானதே! இருளுக்கும்,ஒளிக்கும்,
பிறப்புக்கும்,மரணத்திற்கும் நடக்கும் நாடகமே! 
இடைவெளி!  

- ஆகாசம்பட்டு.A.k.சேகர்

**

இருட்டு அறை சுவரில் இடைவெளி இருந்தால் 
சற்றே ஒளிக்கீற்று உள்ளே எட்டிப்பார்க்கும்
இருட்டை விலக்கும் இடைவெளி சன்னல்கள் 
இல்லா வீட்டுகளில் யாரும் குடியிருக்கயிலா 
காற்றும் ஒளியும் புகவே வழியில்லை 


இடைவெளி விட்டு வெயிலும் மழையும் இருந்தால்
இன்பத்தையே அவை தரும்
தொடர்ந்து மழையே பெய்தால் நிலமும் கடலாகும்
வெயிலே தொடர்ந்தால் வயலும் பாலையாகும்
ஓடும் வாழ்வில் மாற்றம் ஒன்றே  நிலையானது
தேடும் மாற்றம் பெற இடைவெளி தேவை

- மீனாள் தேவராஜன்

**

விண்ணுக்கும் மண்ணுக்கும் உள்ள இடைவெளி
        விண்மீன்களை ரசிக்க வைக்கும்...
கதிரவனுக்கும் திங்களுக்கும் உள்ள இடைவெளி
        காலம்மாறுவதை புரிய வைக்கும்...
கடலுக்கும் கரைக்கும் உள்ள இடைவெளி
        கடல்அலைகளைக் காதலிக்க வைக்கும்...
மேகங்களுக்கும் மரங்களுக்கும் உள்ள இடைவெளி
        மழையைப் பொழிய வைக்கும்...
கவிஞனுக்கும் கற்பனைக்கும் உள்ள இடைவெளி
        கவிதையை எழுத வைக்கும்...
இமைகள் இரண்டிற்கும் உள்ள இடைவெளி
        இவ்வுலகைப் பார்க்க வைக்கும்...
விரல்கள் ஐந்திற்கும் உள்ள இடைவெளி
        வீணையை மீட்ட வைக்கும்...
இதயத்திற்கும் வலிக்கும் உள்ள இடைவெளி
        இன்பகாதலைத் தெரிய வைக்கும்...
பிரிந்த உறவுகளுக்கு உள்ள இடைவெளி
        பாசத்தை அறிய வைக்கும்...
மலர்களுக்கும் காற்றுக்கும் உள்ள இடைவெளி
        மணத்தைப் பரப்ப வைக்கும்...
நன்மைக்கும் தீமைக்கும் உள்ள இடைவெளி
        நல்மனிதனாய்ச் சிந்திக்க வைக்கும்..

- கவிஞர் நா. நடராசு

**
நள்ளிரவில் நிலவும் நானுமாய்
நம்மிருவரின் தூரமும்
நாள்கணக்காய் நீண்டிருக்கிறது..

நீர் அருவி தொடங்கும் இடத்துக்கும்
நுரைபெருகிச் சேருமிடத்திற்குமான தொலைவில்
நூலில் கட்டப்பட்டிருக்கிறது
மௌனம்..

நெருப்பையும் நேர்த்தியான பயன் பாட்டில்தான்
நேசமுடன் நெருங்க முடிகிறது..

நைந்து போன நெஞ்சத்தில்
நொந்து போகும் வார்த்தைகள்
நோக வைத்துப் பெருக்கிக் கொள்வது
நம் இடைவெளிகளைத்தான்..

மகிழினி காந்தன், சுவிட்சர்லாந்து

**

தலைமுறை இடைவெளி தடங்களில் தடுமாறுகிறது
இலைமறை காயாயிருந்தவை வெளிச்சமாகி நிற்கிறது
அலைகடல்கூட உள்வாங்கிக் கரை இடைவெளியாக
கலையாத மேகம் கலைந்து வானிலும் இடைவெளி

உண்மைக் காதல் சாதி மதத்தால் இடைவெளியாக
அண்மை உறவுகள் மன இடைவெளிகளில் மயங்க
கண்மை கரைய அழுவதால் துன்ப இடைவெளிகள்
பெண்மையை நிம்மதி இழக்கச் செய்வது கொடுமை

பத்துப் பொருத்தம் பார்த்தும் மன இடைவெளியால்
பித்துப் பிடித்து பிரிந்து வாழ நினைக்கின்ற மாந்தர்
முத்தனைய குழந்தைகளைப் பிரிவது பாவமல்லவா
நித்தமும் அன்பு ஆட்சிசெய்ய இடைவெளி குறையுமே

ஏழை பணக்காரர் என்ற இடைவெளி வன்மமாகிறது
கூழைக் குடித்தாலும் நிம்மதியிருந்தால் இனிமை
கோழையாய் தீய செயல்களில் இறங்கலாமா
வாழையடி வாழையாய் பயனுற வாழ வேண்டுமே

இடைவெளியில்லா சமத்துவம் வளர பாடுபடு
கடைநிலை மனிதரென்று யாருமில்லை உலகில்
தடையில்லா அன்பு எங்கும் செழித்து வளரட்டும்
மடைமாற்றி இடைவெளியாக்காதே மனிதத்தை நீ.

- கவிஞர்  ராம்க்ருஷ்

**

இணையத்தின் துணையால் இந்த உலகே 
இடைவெளி இல்லா ஒரே சமவெளி ஆனதே !
ஆயிரம் ஆயிரம் மைலுக்கு அப்பால் 
இருந்தாலும் இணையத்தின் இணைப்பு 
இணைக்குது   பல உறவுகளை இடைவெளி 
தெரியாமல் !

இருக்கும் இடத்தில் பாச உறவுகளை 
மறக்க வைத்து இடைவேளை  என்று 
ஒன்று இல்லாமல் ஒரு சிலரை தன்
வலையில் சிக்க வைத்து வேடிக்கை 
பார்ப்பதும் அதே இணையம்தான் !

இணையம் தேவை நமக்கு நம் உறவுகளின் 
உறவை மேலும் மேலும் வலுப்படுத்த !
இணையத்தால் நம் உறவுகள் முறிந்து 
இடைவெளி முளைக்கும் என்றால்  வேருடன்
களைவோம் நம் இணைய உறவை இன்றே !

-K.நடராஜன் 

**

இழந்ததை 
ஈட்டிட எடுத்திடும் 
இடைவெளி'யே முயற்சி!

இருப்பை 
இருமடங்காக்கிட எடுத்திடும் இடைவெளி 'யே கடின உழைப்பு! 

இரவு பகல் 
பாராது விழித்து! 

இருபக்க புத்தக
வரிகளை 
இமை வழியே இழுத்து! 

முழு 
மதிப்பெண்'கள் 
ஆக்கிட எடுத்திடும் 
இடைவெளி 'யே பயிற்சி !

- ரீகன் தஞ்சை

**

இந்த குற்றச்சாட்டு யார் மீது இல்லை?
சாமியார்கள் மீதும் சாம்ராஜ்யத்தை ஆண்டவர் மீதுமுண்டு
சகிப்புத்தன்மையால் சாதாரணமாய் பட்டது அந்நாளில்
இது ஒரு இடைவெளி எனக்கொள்ளலாம் இந்நாளில்
உண்மையா? இல்லையா? என்பதல்ல பிரச்சனை , இதற்கு
அழகான பதில் அந்தக் கால பாட்டில் உள்ளது, அறிவோம்.
நீங்கள் அத்தனை பேரும் உத்தமர் தானா சொல்லுங்கள்
உங்கள்  ஆசை நெஞ்சை தொட்டுப்பார்த்து சொல்லுங்கள்
ஆடவரானால் எந்த பதவியி லிருந்தவர் மீதும் தப்பாமல்
விழுவது உண்டு! அபுல்கலாம் ஆசாத் எழுதிய புத்தகத்தில்
ஒரு அற்புதனமான மனிதர் மேல் வந்தது ஒரு செய்தி
முன்னாள் அமெரிக்க ஜனாதிபதி, இந்நாள் ஜனாதிபதிபேரிலும்
இன்னும் பேர் பெற்ற நம் முன் வாழ்ந்த பெரியவ்ர்கள் மீதும்

நாத்திகக் கவிஞர் என்பதாலே  அவரின் எதிர்ப்பாளர்கள் இதை
ஆலாவனம் செய்கிறார்கள் ஊதி பெரிசாக ஆக்குகிறார்கள்
வாய்ப்பு கிடைத்த எல்லா ஆடவருக்கும் இது பொருந்தும்
இவர்களின் மனிவியரிடம் போய் கேட்டால் தான்        
இவர்களின் வண்ட வாளங்கள் தண்டவாளங்கள் ஏறும்
சகிப்புத் தன்மை ஆயிர ஆயிரம்ஆண்டாண்டாய் இருந்ததாலே
இவையெல்லாம்மறைத்தனர்,அவர்களுக்கும் அவமானம்!
இது அக்கால பெண்களுக்கும் இக்காலத்துக்கும் இடைவெளி

- கவிஞர் அரங்க.மணி  இராஜபாளையம்

**

வெறுமையும் வெளியும்
இதுவெனப் பிரிதலற்று
வியாபித்திருக்கிறது
அண்டம்

பிரபஞ்சத்தின்
துவக்கமும் நிறைவுமற்று
நிகழ்கிறதில்
இடைவெளியின் ரூபமற்ற
நீட்சி
எல்லையைத் தேடித் தோற்கும் 

நெருப்பில் நீங்கா அனலென
காற்றில் பிணைந்த
வெட்பத்தட்பத்தின் ஆரம்பமும் 
நுனியும் பிடிபடாது
துளிர்க்கும் நீரின் துளி
உயிர்ப்பித்து 
இருந்து கொண்டு  இல்லாமல்
இருக்கும்

தாவரமும் நிலமுமென
ஒன்றையொன்று பற்றியவாறு
பெயர்ந்தாலும்
பற்றற்று இருப்பதில்லை

எதுவும்
தனித்திருக்கும் போக்கில்
துறந்த இடைவெளியில்
பிரமாண்டமாகி
நிறைவில் பூர்த்தியற்று தொடர்ந்தபடி
விரிதலில் ஜனனிக்கும்
யாவும்

இயங்கியலில்
ஒன்று முதல் அய்ந்தறிவு வரை
ஏதுமில்லை பிரச்சினை
இருக்கும்
ஒன்றை ஒன்று சார்ந்து

ஆறாம் அறிவால்
சிரித்தும் சிந்திக்கவும் தெரிந்து
அரசோச்சும் ஆளுமை
பரிதாபமும் பாராட்டுக்கும்
உரியது

அன்பும் கருணையும் கொண்டதால்
பாராட்டும்

முன்நிறுத்தும் தனது
சுயநலத்தை விரித்துக் கொண்டு
பிறரை ஒடுக்குதால்
மனிதருக்குள் பரிதாபத்திற்குரியவன்
மனிதனாகிறான்

இவன்
இயற்கையின் முரண்
உடன்பாட்டின் எதிரி

இவனின் கைப்பிடியில்
இவனுருவில் கடவுளாகவும்
இவன் வடிவில் அவதாராங்களும்
இவனே மதங்களாகவும்

நெற்றியில் தோளில்
புந்தியில் தொடை பாதமென
சக மனிதர்களைப் பிறக்க வைத்து
புறத்திலும் அகத்திலும்
ஆயிரமாயிரம் சாதிகளுடன் 
இடைவெளியை
அகலப்படுத்தி

பாதாதிகோசம்
பெயரிட்டுக் கொண்டாடி
துவம்சம் செய்யும் துஷ்டனால்
சமத்துவப் பரிபாலனம் செய்யும்
இடைவெளியற்ற
இயற்கை
நாணி முகம் புதைத்து
குலுங்கி நொறுங்கின மாதோ...

- கவிஞர்.கா.அமீர்ஜான்

**

இடைவெளி

காதலர்களின் இடைவெளி
காதல் காணாமல் போனது

ஆசிரியர்- மாணவர்களின் இடைவெளி
கல்வி காணாமல் போனது

பெற்றோர் - பிள்ளைகளின் இடைவெளி
பாசம் காணாமல் போனது

நண்பர்களின் இடைவெளி
நட்பு காணாமல் போனது

பணக்காரர் - ஏழைகளின் இடைவெளி
உதவி காணாமல் போனது

வியாபாரி - நுகர்வோர்களின் இடைவெளி
வியாபாரம் காணாமல் போனது

தம்பதிகளின் இடைவெளி
வாழ்க்கை காணாமல் போனது - பிள்ளைகளின் வாழ்க்கையும் கூட.

அரசியல்வாதி - வாக்காளர்களின் இடைவெளி
வாக்கு காணாமல் போனது

நாடுகளின் இடைவெளி
அமைதி காணாமல் போனது

இடைவெளிக்கு, இடைவெளி ஏற்பட்டால்
உருவாவது அன்பு

இவ்வுலகில் இடைவெளி இல்லாமல் எங்கும்
நிறைந்திருப்பது அன்பு

ஆகையால் அன்பு செய்வோம் !

- ஆம்பூர் எம். அருண்குமார்

**

இடைவெளி!

பிறப்பிற்கும் இறப்பிற்கும்மான இடைவெளி வாழ்க்கை!
இருப்பதோ எண்ணிவிடும் நாட்கள் இவ்வுலகில்!
இதில் எத்தனை சண்டைகள் எத்தனை சச்சரவுகள்!

மனிதன் பறந்து திரியவே பெரிய உலகை படைத்தான் இறைவன்!
மனிதனோ தனக்கென சாதி, மதம் என கூட்டம் கண்டு தேங்கலானான்!
அதில் அவன் பெருமை இருப்பதாய் உணர்ந்தும் கொள்கிறான்!

சாதிகளை சாலையிலே விட்டு விடவும், 
மதங்களை வீட்டின் மதில் சுவரில் விட்டு விடவும்,
மனித நேயத்துடன் சற்று எட்டிப்பாருங்கள்,
பிறர் போற்றும் படி வாழ்வு வாழ வேண்டும்,
வாழையடி வாழையாய் நம்மை யாரும் வாழ்த்த வேண்டும்!
இப்படி ஓர் வாழ்வை ஓவ்வொருவரும் வாழத்துடித்தால்!
அந்த இறையும் இறங்கி வந்து வேடிக்கை பார்ப்பார்!
வா தோழா வா, நாளை நமதே!

-இனிய தமிழ் செல்வா, ஓமன்

**

கவிதைகள் கனவுகள் கற்றுத்தந்த கடைவிழி
தவித்திடும் மனதைத் தழுவிக்கொண்ட சதிர்மொழி
புவியினில் என்னைப் புதுமைசெய்த மதுக்கிளி
எவர்செய்த சதியிது ஏனிந்த இடைவெளி?

காலம் என்றொரு கயவன் வந்ததும்
காதலைச் சொல்லிக் கற்றுத் தந்ததும்
மாயம் என்று மறைந்து போனதும்
காயம் மட்டும் மிச்ச மானது

தேவதை என்பதும் தேன்மலர் என்பதும்
ஓர்வதை என்றே உணர்ந்த பின்பும்
காவியம் ஓவியம் கனவுகள் என்றே
ஆவியில் ஏனடி ஆயிரம் கோலங்கள்? 

நேற்றுகள் எல்லாம் இன்றின் துயர
ஊற்றுகள்; நாளைகள் என்பது இன்றுகள்
காட்டும் கானல் சித்திரக் காட்சிகள்
காட்டில் ஓடும் மாயமானின் ஆட்சிகள்

- கவிஞர் மஹாரதி

**

உணர்வோடு நெருக்கமானவளே - இந்த இடைவெளியில்
உன் நினைவுகளை நான் சுமக்கவில்லை  - 
உன் நினைவுகள்தான் என்னையே சுமக்கின்றன
எல்லோரும் இடைவெளி பாசத்தைக் கூட்டுமென்பர் - ஆனால்
எனக்கோ அரைநொடியும் ஆயுள் தண்டனையாகிவிடுகிறது
உனது சிறிய கோபம்கூட - தினம்
உயரும் விலைவாசிப்போல என்;னை கொல்லுதடி;
வானிலை அறிக்கைப்போல அடிக்கடி மாறிவிடாதே;
இடைவெளி எனும் நஞ்சினையும்  தந்துவிடாதே;
விரைந்து வெட்டியெறி இடைவெளியை - இல்லையேல்
நான் ஏதுமற்ற வெட்ட வெளியாகிவிடுவேன்....

-  இரா. விநாயகமூர்த்தி ஆய்வியல் நிறைஞர்

**

விண்ணுக்கும் மண்ணுக்கும் 
இடையே இடைவெளி 
கண்ணுக்குத் தெரியாத 
இயற்கையின் ரகசியம்.
அவனுக்கும் அவளுக்கும்
இடையே இடைவெளி 
யாருக்கும் தெரியாத 
இல்லறத்து ரகசியம் .
நீருக்கும் நிலத்துக்கும் 
இடைவெளி கரையாகும்.
பழமைக்கும் புதுமைக்கும்
இடைவெளி பரிமான வளர்ச்சி.

- மூர்த்தி SVR 

**
இடைவெளி அங்கே இல்லை
...............இயற்கையும் ஈந்த நன்மை.!
உடைகளும் அதற்கு இல்லை
...............உலகமே அதற்கு எல்லை.!
கொடைகள் அருளும் தன்மை
...............கொண்டதும் அருமைக் காட்சி.!
விடையிலா தெழுமாம் கேள்வி
...............வியன்மிகும் மனத்துள் வானம்.!


செங்கதி ரோனும் தோன்ற
...............சிவக்கவும் மாறும் ஆழி..!
எங்குமோர் ஓயாத் தென்றல்
...............இடைவெளி இலாத ஒன்றே..!
எங்கணும் கண்கள் காணும்
...............இயற்கையெ ழிலாகக் காட்சி..!
பொங்கிடும் இதயத் துள்ளே
...............புலருமாம் விடியல் பூக்கள்..!


அள்ளியே கொடுக்கும் அன்பை
...............அளவிலை அதனின் ஈகை..!
வெள்ளையாய் விரிந்த வானம்
...............விளைந்தது பொழுதா யிங்கே..!
பிள்ளைகள் மனதும் துள்ளூம்
...............பிரியமாய் உணர்வும் பொங்கும்..!
பள்ளிசென் றநாளில் பார்த்துப்
...............பரவசம் அடைந்த வானம்..!

- பெருவை பார்த்தசாரதி

**

இடைவெளி
−−−−−−−−−−
கூடிக் குலவித்
திரிந்தாலும்,
ஒரே குடைக்குள்
மழையை ரசித்தாலும்,
கூண்டுக் கிளிகளாய்
இருந்தாலும்,
கொள்கை ஒன்று
என்றாலும்,
கோபுரத்துப்
புறாக்கள் எனினும்,
அழகுகளின்
கூட்ட மெனினும்,
அரசியலின்
ஆட்ட மெனினும்,
தோப்புக்குள் இருக்கும்
மரம் போல்
தனித் திருக்க
வெற்றி வரும்,
துணையோடு
ஒன்றி ருந்தால்
கூட்டம் சிதறிவிடும்,
தண்டவாளம்
ஆணும் பெண்ணும்
குடும்ப மென்ற
தொடரியைத் தாங்க
இடைவெளி அவசியந் தான்,
தாய் தநதை பாசத்தால்
சீரழியும் மாணவர் கூட்டம்,
ஒன்றுக் கொன்று
இடைவெளி யிட்டால்
இணையிலா
மகிழ்ச்சி தானே!
இடைவெளி யில்லா
மரங்கள் வளருவது
எப்படியோ!
சிந்திப்பீர்
மானுடரே!
செயலாக்கந் தாருங்களே!.......

- ப.வீரக்குமார்

**
இடையின் வெளியில்
யாரோ பேசிக்
கொண்டார்கள்,
இவர்களுக்குள் சண்டை
போலும்,
இதயத்தில் விரிசல்
போலும்,
நெருக்கங்கள் கூடியதால்
குறுக்கங்கள் ஆனது,
காதலின் போர்வையில்
திருமணத்தின் பின்
விலக்கா!
விளங்காத விலங்குகள்
தொடரும் துயரங்கள்
அடங்காத ஆசைகள்
அதிரடியாய் மாறும் ஓசைகள்,
புல் கூட இடைவெளி விடுது
புள் கூட இடையீடு கொள்ளாது,
புல்லறிவு கூட இல்லாமல்
புலம்புகின்ற மனிதர்காள்
சமதர்மம் காணாமல்
புகழுகின்ற புகழுரைகள்;
நெருக்கத்தில் தென்றலாம்
இடைவெளியில் புயலாம்.......

- முகில் வீரஉமேஷ், திருச்சுழி

**

சாலைப் பயணத்தில்
வாகனங்களுக்கு இடையே 
இடைவெளி இருந்தால் 
மகிழ்ச்சி!
வாழ்க்கைப் பயணத்தில் 
உறவுகளுக்கு இடையே 
இடைவெளி குறைந்தால் 
மகிழ்ச்சி!

கணவனுக்கும் மனைவிக்குமோ! 
காதலனுக்கும் காதலிக்குமோ!
தனிமையில் இடைவெளி குறைந்தும்
பொதுவெளியில் இடைவெளி மிகுந்தும் 
இருத்தல் நாகரீகம்!

அருகில் பார்த்தால் இணையாகவும்
தொலைவில் பார்த்தால் இணைந்தும்
தோன்றும் தண்டவாளத்தைப் போல இருக்கட்டும்  
காதலனுக்கும் கதலிக்குமான இடைவெளி! 

பயிர்களுக்கு இடையேயான 
சீரான இடைவெளியால் 
மகசூல் அதிகரிக்கும்!
உயிர்களுக்கு இடையேயான 
சீரான இடைவெளியால் 
மகிழ்ச்சி அதிகரிக்கும்!

முகத்திற்கும் நூலுக்குமான 
இடைவெளி அதிகரித்ததால்
இடையில் புகுந்த முகநூல் போல
கணவனுக்கும் மனைவிக்குமான 
இடைவெளி அதிகரித்தால் 
இடையில் புகலாம் கள்ள உறவுகள்!

-கு.முருகேசன்

**

ஐயா வணக்கம்,
                       அடியேனின் சிறு படைப்பு 
இடைவெளி 
அயல்நாட்டில் வேலை என்று 
அனைவருக்கும் பெருமை 
அனைவரையும் விட்டு சென்றேன் 
அடியேனின் வறுமை 

தங்கை மகள் காதுகுத்து 
தாய்மாமன் நானில்லை 
தம்பியின் கல்யாணம் 
தமையனாக நானில்லை 

தாய்க்கு கொள்ளிபோட 
தலைமகன் நானில்லை 
தாரத்தின் பிரவசத்தில் 
தலைவனாக நானில்லை 

அத்தனையும் இழந்து நான் 
அயல்நாட்டில் வாழ்கிறேன் 
அடுத்தவர் கண்ணுக்கும்  -நான் 
அருமையாக வாழ்கிறேன் 

பணத்தை சம்பாதிக்க 
பாசத்தை இழக்குறேன் 
இன்பத்தை தள்ளிவைச்சு 
இடைவெளி ஆக்குறேன் 

பார். விஜயேந்திரன், கருங்குழி 

**

குடும்பக்கட்டுப்பாட்டு
இடைவெளி
குடும்ப நலனுக்காக!
மரங்கள் நடுவதில்
இடைவெளி வளமான
நிலவளத்திற்காக!
ஐந்து வருட தேர்தல்
இடைவெளி நல்லவரைத்
தேர்ந்தெடுப்பதற்காக!
சுயநல உறவுகளின்
இடைவெளி நம்மைக்
காப்பதற்காக!
இத்தனை இடைவெளி
வரலாறுகளில்
தலைமுறை இடைவெளி
மயக்கத்தில்
முதியோர் காப்பகத்தில்
இளைய வரலாறுகள்
எதைச் சாதிக்க
காத்துக் கொண்டிருக்கின்றனர்!?                 

-சீனி

**

இருவிழி பிம்பம் அதனில் நிறையும் 
திருமுகத் தரிசனம் திரும்பிக் கொள்ள 
இடைவெளி கணத்திடும் இதயக் களமதில் 
இதழ்களில் நடந்திடும் மௌன யுத்தம்!

ஏழிலி மறைக்கும் கணமதில் வானம் 
ஏந்திடும் சூரியத் துளிகள் ஒளிந்திட 
மார்கழிப் பனியும் அதுவாய் மனதினில் 
மஞ்சம் விரித்த மயக்கமும் சதிராடும்!

வீணையின் நரம்புகள் பிரிந்திடின் அங்கே 
விரல்களும் சேர்த்து இசையை மீட்டுதலதுவாய்  
மோனையில் சேர்ந்து மோகனங்கள் பாடிய 
மானிடக் காதலில் மறைந்திடும் இடைவெளியுமே!     

- மு. திருமாவளவன், அறிவியல் ஆய்வாளர் மற்றும் பேராசிரியர், தைவான்

**

கண்  சிமிட்டும்  இடைவெளியிலும்,
என்  கண் , ஓவியமாய்  காண்பது  உன்னையே!
இதய  துடிப்பின்  இடைவெளியிலும்,
என்  மனம்,  உச்சரிப்பது  உன்  பெயரையே!
என்  சுவாசத்தின்  இடைவெளியிலும்,
நான்  உணரும்  வசந்தம்,  உன்  வாசமே!
என்  உதடுகள் , பேச்சின்  இடைவெளியிலும்,
புன்னகைப்பது  உன் நினைவாலேயே!
இடைவெளி  இன்றி 
நான்  உன்னை  நேசிப்பதற்கும்  ஆவாய் ,
நீ  என்  வாழ்க்கை  துணையாக!!

-பிரியா ஸ்ரீதர்

**

தலைமுறை இடைவெளி பெரிதாகி விட்டது
தலைவரை குடும்பத்தவரை மதிப்பதில்லை இப்போது !

மாதா பிதா குரு மதிப்பதில்லை இப்போது
மனம் போன போக்கில் இளையதலைமுறை !

காது கொடுத்து கருத்தைக் கேட்பதில்லை
கண்டபடி பேசிடும் இன்றைய இளையோர் !

பணத்தின் மதிப்பை அறியவில்லை இவர்கள்
பணத்தை தண்ணியாக செலவழித்து வருகின்றனர்!

இரவு பத்து மணிக்கெல்லாம் தூங்கிடுவோம் அன்று
இரவில் விழித்து பகலெல்லாம் தூங்குகின்றனர் இன்று !

தெருவிற்கு ஒரு தொலைபேசி இருந்தது அன்று
தனி நபருக்கு பல அலைபேசி ஆனது இன்று !

ஊதியம் குறைவென்றாலும் நிம்மதி இருந்தது அன்று
ஊதியம் மிகைஎன்றாலும் நிம்மதி இல்லை இன்று !

நவீனம் இல்லாவிட்டாலும் இன்பம் இருந்தது அன்று
நவீனம் இருந்தாலும் இன்பம் இல்லை இன்று !

பெற்றோரை நன்கு மதித்து வாழ்ந்தனர் அன்று
பெற்றோரை மதிப்பதே இல்லை இன்று !

அண்ணன் தம்பி உறவு அன்பானது அன்று
அண்ணன் தம்பி இன்றி தனியாளானது இன்று !

ஓடியாடி விளையாடி மகிழ்ந்தனர் அன்று
ஒரேயறையில் அலைபேசி விளையாட்டு இன்று !

வானொலியில் பாட்டு கேட்டு மகிழ்ந்தனர் அன்று
வானொலி மறந்து தொலைக்காட்சித் தொல்லை இன்று !

நல்ல தமிழில் நாளும் பேசிவந்தனர் அன்று
நாவில் தமிங்கிலமே தவழ்கின்றது இன்று !

- கவிஞர் இரா .இரவி

**

அன்புடையீர் 
வணக்கம்.  இத்துடன்   " இடைவெளி" என்ற தலைப்பில்  கவிதை அனுப்பி உள்ளேன். 

" இடைவெளி"

எதற்கு இடைவெளி 
என்று  யோசித்து பார்த்தால்
வருத்தம் வராதே!
பொருத்தாத  மனங்களை 
விருந்து  வைத்து உபசரித்தாலும் 
மருந்தாக  எண்ணி  இடைவெளி 
விட்டே நடப்பர்!
ஈன்ற  பிள்ளைகளிடம் 
துளியும்  விடாதே  இடைவெளி!
வலியென உணரும்  பிள்ளை 
விட்டு  விலகவே  துடிக்கும்!
கட்டுப்பாடுகளை  உடைத்து 
மட்டு மரியாதை  கொடுத்தால் 
எப்படி  வரும்  இடைவெளி!
விட்டுக் கொடுப்பதால் 
கெட்டு போவதில்லை  யாரும்!
இடைவெளி  என்ற  சொல்லுக்கு 
தடையென  சிந்தித்து 
மடையென  மகிழ்ச்சியினை
கூடை என  தலையில்  சுமந்து 
கடை  விரித்தால்  
மகிழ்ச்சியுடன்  வாழலாமே!

- உஷாமுத்துராமன், மதுரை   

**

அன்பிற்குள் இடைவெளியை அண்டவிடாதீர்
ஆத்திரத்தின் இடைவெளியைக்
குறைத்துவிடாதீர்
நற்பண்புகட்கும் இடைவெளியை
நல்கிவிடாதீர்
நல்ல புகழ் சேர்க்கும் இடைவெளியை
மறுத்துவிடாதீர்.

இன்பத்தின் இடைவெளியைத்
துன்பம் வந்து துரத்திட்டாலும்
பண்புகள் போற்றி வாழ்ந்துவிடு
பழகித்துன்பங்கள் தாங்கிவிடு.

வாழ்க்கையின் இடைவெளியில்
வசந்த காலம் வசமாகும்
கோபதாபம் தடை செய்தால்
கொண்டதெல்லாம் ஜெயமாகும்.

காலம் தந்த இடைவெளியில்
கடந்த பாதை மறக்க வேண்டாம்
கற்கும் பருவ இடைவெளியில்
கற்பனையில் மிதக்க வேண்டாம்.


காதல் தந்த இடைவெளியில்
காமம் மோகம் தவிர்த்திடுவீர்
கடைமை போற்றும் இடைவெளியில்
கன்னியர் பார்வை தவிர்த்திடுவீர்.

சோதனையின் இடைவெளியில்
சொர்க்கம் கூட அறிந்திடலாம்
சொக்கநாதர் அருளிருந்தால்
சொந்தம் போற்ற வாழ்ந்திடலாம்.

புலவர் களந்தை நரசிம்ம சுப்பிரமணியன்
சிறுமுகை

**
நீண்ட    பொழுதுகள்...
நீண்ட.   நாட்கள்....
நீண்ட.   தூரங்கள்....
நிகழும் பிரிவால்
நிதமும். வாடினாலும்
நினைவுகளால்
நிரம்பி வழியும்
இதயங்கள் எல்லாம்
இணையம் மூலம் இன்று
இணைந்தே இருக்கின்றன
இடைவெளி இன்றியே !

- ஜெயா வெங்கட்

**

கைப்பிடித்து நடந்தபொழுதுகள்
சொல்லாடிய மொழிகள் 
சுமந்துதிரிந்த கனவுகள்
சொல்லாத மொழிகள் 
சொல்லிப்போன‌ மெளனங்கள்
கண்ணீர்துளிர்த்து கடந்தவலிகள்
சிரித்துத்தளும்பி நிரம்பிய‌கணங்கள்
தள்ளிஅமர்ந்து தவித்தபயணங்கள்
ஒருகுடையில்துளிர்த்துக் குளிர்ந்ததுளிகள்
பேசிமகிழ்ந்த நெடுங்கதைகள்
உள்ளம்நெகிழ்ந்து களித்தகவிதைகள்
ஒருகோப்பையின் தேநீர்த்துளிகள்
உண‌ர்வுகள்சுமந்து பேசும்கடிதங்கள்
ப‌கிர்ந்தஉணவில் திளைத்த‌நாட்கள்
என 
உன்னையும் என்னையும் 
நிரப்பியிருந்து இல்லாமல்போன 
இடைவெளிகள்
எந்தக்கணங்களில் வழிந்து நிரம்பி
என்னையும் உன்னையும்
கடத்திப் பிரித்தது?
நான் என்னிலும் நீ உன்னிலும்
நம்மைத் தொலைத்த‌ கணங்களில்
நிறைத்து நிரம்பின 
இடைவெளிகள்.
இந்த இடைவெளிகள் சொல்லும் கதை
நம்மை நம்மில் இன்னும் நிரப்பி
இன்னும் நிறைய அன்பு செய்திருக்கலாம்
இடைவெளிகள்
இல்லாமலே போயிருக்கும்.

- ரமேஷ் கோபாலகிருஷ்ணன், பீனிக்ஸ், அமெரிக்கா

**

எழுதும் பேசும் சொற்களின்
இடைவெளியை நிரப்பும்
மவுனமாய் மலரும் கவியொன்று

முதுகில் ஒட்டிப் பிறந்தவைதாம்
வடதுருவமும்
தென்துருவமும் 

இடைவெளி எனும் சொற்கூட்டில்
வெளியேறிப் போனது
இடைவெளி

என்
தோட்டத்துப் பூவின் பனித்துளியில்
சுடர்ந்தது
தூரத்து மலைக்கோவில்

நிலவுக்கும்
நிலத்துக்கும் பிரிவில்லை
குளத்தில் நீராடுது நிலா

என்னைப் பிரிந்து எங்கோ சென்றாள்
கண்தொலைவுக்கு அப்பாலும்
கடல்தொலைவுக்கு அப்பாலும்

எங்களுக்குள் 
இடைவெளியை உருவாக்கவிடாமல்
காவல் புரிகின்றன காதல் நினைவுகள்

இடைவெளியின்
இருபுறங்களையும் இணைத்தபடியே இருக்கும்
கண்ணுக்குத் தெரியாத
காந்தக் கோடுகள்

-கோ. மன்றவாணன்

**
உனக்கும் எனக்குமான இடைவெளி!
காலம் தந்த சமவெளி!

இடைவெளி இல்லா வேலை சுமை!

மனம் வலியில்லா வாழ்க்கை அமை!

பூமிக்கும் வானத்திற்குமான இடைவெளி!

சாமிக்கும் சாமானியனுக்குமான
இடைவெளி!

காதலுக்கும் கல்யாணத்திற்குமான இடைவெளி!

இதயத்திற்கும் மூச்சிற்குமான இடைவெளி!

பாசத்திற்கும் வேசத்திற்குமான இடைவெளி!

இப்படி அனைத்திற்கும் ஆன இடைவெளி!

உலகம் சுழல வைக்கும் அன்பின் ஒளி!

படிப்பிற்கும், வேலைக்கும் உள்ள இடைவெளி!

தேர்தலுக்கும் வாக்குறுதிக்கும் உள்ள இடைவெளி!

ர.ஜெயபாலன், எம்.ஏ.பி.எட்,
இடைநிலைஆசிரியர்,
வெள்ளகோவில்

**

கடைவழி நானும் துணையே என்றாய்

இடைவெளி எங்கோ வளர்த்தே நின்றாய்

நம்மைப் பார்த்து நலமே கற்றோர்

இம்மை உலகின் இணையர் என்றோர்

எம்மைக் கண்டு எள்ளல் கூட்டி

வம்புகள் பேச வழியே அமைத்தாய்

குற்றம் பார்க்கின் சுற்றம் இல்லை

கற்றவர் உரையைக் கணக்காய்ச் சொன்னேன்

கெஞ்சிச் சொன்னேன் கேட்கவு மில்லை

அஞ்சேல் என்றே தன்னலம் நினைத்தாய்

மதியார் வாசல் மிதித்தல் வீனென்று

அதிகம் பேசி அகந்தை வளர்க்க

இருந்த உறவில் இடைவெளி தோன்றி

மருந்தாய் இருந்தோர் மறந்தே சென்றார்

உப்பு அமைந்த உணவாய் ஊடலும் 

தப்பாய் மிஞ்ச தனித்தே நின்றோம்

- கவிஞர் முருகுபாண்டியன்

 

**

மனித உறவின் இடைவெளிகள் காலத்தின் பிடியில்
தாயுடனான  மனிதனின் முதல் இடைவெளி தொப்புள் கொடி வெட்டப்பட்டும் போது
இடுப்பில் இருந்து இறங்கி நடைபழக ஆரம்பித்து பள்ளி செல்லும் போது ஒரு சிறு இடைவெளி
பருவ வயதை அடையும் போது பெற்றோருடன் காரணமறியா இடைவெளி ஒன்று
பள்ளி, கல்லூரி படிப்பு முடியும் போது நண்பர்களுடன் கட்டாய இடைவெளி
மணமாகி வாழ்க்கை துணையால் மற்றவர்களுடன் ஒரு இடைவெளி
வயதாகி துணை இழந்து நரக இடைவெளி
உயிர் விட்டு உலகம் துறந்த்து நிரந்தர இடைவெளி.. 

- கவிஞர் முல்லை அமீரா

]]>
poem, kavithai, dinamani kavithaimani, கவிதைமணி, தினமணி http://images.dinamani.com/uploads/user/imagelibrary/2018/10/14/w600X390/flight.jpg http://www.dinamani.com/specials/kavithaimani/2018/oct/14/கடந்த-வாரத்-தலைப்பு-இடைவெளிவாசகர்களின்-கவிதைகள்-3020256.html
3015708 ஸ்பெஷல்ஸ் கவிதைமணி இந்த வாரத்திற்கான தலைப்பு: இடைவெளி கவிதைமணி DIN Sunday, October 7, 2018 05:28 PM +0530  

பால்ய வீதியில் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: இடைவெளி

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம்.  

]]>
poem, kavithai, poetry, கவிதைமணி, இடைவெளி http://images.dinamani.com/uploads/user/imagelibrary/2018/10/7/w600X390/gap.jpg http://www.dinamani.com/specials/kavithaimani/2018/oct/07/இந்த-வாரத்திற்கான-தலைப்பு-இடைவெளி-3015708.html
3015707 ஸ்பெஷல்ஸ் கவிதைமணி கடந்த வாரத் தலைப்பு ‘பால்ய வீதியில்’வாசகர்களின் கவிதைகள்! கவிதைமணி DIN Sunday, October 7, 2018 05:25 PM +0530 பால்ய வீதியில் 

ரீங்கார வண்டுகளாய்
காடுமேடு சுற்றினோம்
கால்கடுக்க நடந்தோம்
களைப்புத் தெரியவில்லை
களிப்புதான் இருந்தது.

எண்கணக்கு எளிதில் சொல்லும்
எண்ணற்ற வித்தைகளை
அடிவாங்கி உதைவாங்கி
அழுது கற்றுக்கொண்டோம் 
ஆயினும் ஆசானென்றால்
பயபக்தி கொடுத்து வளர்ந்ததை
மறுக்க முடியுமா..?

இரவின் மடியில் மல்லாந்து படுத்து
ஆகாய விண்மீன்களை
பல நாட்கள் எண்ணிய அனுபவங்கள்
அத்தனையும் மறக்க முடியுமா...? 

தீப்பெட்டிகளை நூலில் கட்டி 
நண்பனிடம் பேசி மகிழ்ந்த
அந்த அனுப இன்பங்களும்
இன்றைக்கு இருக்கும் ஆயிரம் 
திறன்பேசிகளைக்கொண்டு
ஈடுசெய்ய முடியுமா..?

பள்ளி விடுமுறையென்றாலே
பாட்டி, தாத்தா. அத்தை, மாமா
உறவுகள் என்று அவர் வீடு தேடி
ஓடி ஆடிய உல்லாச நினைவுகள்
தொலைத்த பால்ய வீதிகளை
இன்று தேடி அலைகிறேன் எங்கெங்கோ
என் பிள்ளைகளை அழைத்துச்செல்ல
அது மீண்டும் கிடைத்தால்
நான் கூட இன்று சிறுவன்தான்!

- கவிஞர் பி.மதியழகன்

**
பால்ய வீதியில் சிறகுகள் விரிந்து  
பால் நிலா சிரிப்பில் பகையுமழிந்து 
நெஞ்சகச் சாலையில் நேசம் நிரம்பி 
வஞ்சகமில்லா வாழ்வும் வரமாய் வசப்படும்!

அரும்பிடும் மொட்டுகள் அந்தில் அணியாக 
விரும்பிடும் வண்ணம் விழிகளும் மணியாக
அரிலில்லா அளியை அளாவிடும் உறவுகள் 
ஆவளியில் சேர்ந்திடும் மேகலைகளாய் ஆடிடும்!  

இனமதில் பேதம் எழுந்து நடந்திடும் 
இதயச் சலனமும் அனிச்சையாய்க் கடந்திட
நினைவுகள் நீந்திடும் ஈரத் தடங்களில் 
கனவுகள் செழித்துக் கடிமலர்க் காடுமெழும்!

- மு. திருமாவளவன், அறிவியல் ஆய்வாளர் மற்றும் பேராசிரியர்

**

பிறந்த  மனிதனின் 
சிறந்த  பருவம் 
பால்ய பருவம்!
கவலையின்றி  ஆடிப்பாடி 
பள்ளிக்கு  துள்ளி குதித்து 
கள்ளமில்லாமல் 
அள்ள அள்ள குறையாத 
ரசிக்க  வைக்கும்  
உன்னத  பருவம்!
வீதியில் நடமாட  
சட்டமுண்டு.........
திட்டமில்லா  பால்ய வீதியில் 
வட்டமிட்டு மகிழலாம்!
ஓடிப்  போன நேரம் வராது  போல
தேடிப்போனாலும் கிடைக்காத 
மூடிவிடும்  பால்ய வீதியில் 
வாடி விடாமல்   ஆடி விளையாடு! 
கோடி முறை சொல்வேன் 
"பால்ய வீதியே!................
நீ வாழ்க.........என்று!

- உஷா முத்துராமன், மதுரை   

**

பால்ய வீதியில்
பார்க்கின்ற பார்வையில்
எத்தனை எத்தனை இன்பங்கள்
எனக்குள் வைத்தாய் ஈசனே!

வாசத்தலங்கள் நமக்குள் ஒன்றான கருவறையானதால்
குழந்தையும் தெய்வமும்
குணத்தால் ஒன்றென்றே
குவலயம் மகிழ்ந்தது ஈசனே!

மறக்காமல் மறந்துவிட்ட
மறுக்க முடியாத உண்மைகளும்
காமக் குரோத எண்ணங்கள்
கடுகளவும் தீண்டாத
புதுமை பால்வெள்ளை மனமும்
பால்வீதியில் பதித்த ஈசனே!

தந்தை முகம் தாயின் முகம்
தளர்ந்து போன தாத்தா முகம்
பாட்டி முகம் பதிய வைத்தாய்
பாசத்திலே உதிரம் வைத்தாய்
பாரபட்சம் இல்லாமல் வாழ
பரந்தமனம் தந்தீர்கள் ஈசனே!

பால்ய வீதி மாறிப்போச்சு
பரந்தமனமும் மறைந்து போச்சு
பாசக்கயிற்றில் உயிரும் போச்சு
பரமன் துதிக்கும் பழக்கமும் போச்சு  ஈசனே!
பழைமை மாறாத பால்வீதி
புதுமையுடன் படைத்துவிடு 
குழந்தைத்தனம் மாறாத
குற்றமற்ற நல்லுலகம்
உருவாக்கி மகிழ்ந்து விடு
உலகாளும் எங்கள் ஈசனே!.

- புலவர் களந்தை நரசிம்ம சுப்பிரமணியன் சிறுமுகை.

**

பால்காரர் பாம் பாமென்று ஒலியெழுப்ப,
சொம்பிலே பால்

தயிர்காரர் மோரு மோருனு கூவ,
வாயில் வெண்ணை;
கிண்ணத்தில் தயிர்

தண்ணி வந்திருச்சு வான்னு அழைக்க,
தெருக்குழாயில் தண்ணீர்

நம் தெருவில் வசிப்பவருக்கு
ஒன்றென்றால்,
அவருக்காக கண்ணீர்

ரேசன் கடைக்கு போன அம்மா வர நேரமானால்,
ஜெயந்தியக்கா வீட்டில் சுடுசோறு சாம்பார்

வெய்யில் காலத்தில்,
வேப்ப மரத்து காத்து;
குளிர் காலத்தில்,
காதை மூடும் கம்பளி

தீபாவளியில்,
வெங்காய வெடி;
ஆடியில்,
மாரி தேர்வடத்தைப்பிடி

பொங்கலில்,
கரும்பைக்கடி;
மாசியில்,
காளி குண்டம் மிதி

மயான கொள்ளைக்கு முன்,
மோட்டுக்கொப்பரை;
காந்தி ஜெயந்தி கொண்டாட்டம்,
தெருவெல்லாம் உற்சாகம்

சச்சின் டெண்டுல்கர்,
ஆட்டம் பார்க்க;
எல்லோருக்கும் 
நாட்டம்

எல்லா பண்டிகையும்,
நமக்கே;
வாழ்க்கை வாழ்வதற்கே

பண்டிகை போனாலென்ன,
மீதியுள்ள நாட்கள்;
அதைவிட அருமையானது

மாலை ஏழு மணியானால்,
ஒலிக்கும் கைதட்டல்;
அது நண்பர்களின் அழைப்பு

புத்தகத்தை எல்லாம் தூக்கியெறிந்து,
தெரு நண்பர்களோடுவிளையாட்டு

அடுத்த நாளைக்கு மிச்சம் வைக்காமல்;
அனுபவித்த சந்தோசம்

யாரென்று பார்க்காமல்,
எல்லோருடனும்
நேசம்

ஒவ்வொரு மாலையும் ஆட்டம் பாட்டம் கொண்டாட்டம்;
அதை ரசிக்கவே வீட்டு வாசலில் அம்மாக்கள் கூட்டம்

அப்பா வந்தாச்சு,வா உள்ள,
நீ போம்மா , நான் வரேன்,
இன்னும்கொஞ்ச நேரம்,
வெளாண்டுட்டு வரேன்.

- ம.சபரிநாத்,சேலம்

**

உங்கள் குழந்தைகள் 
உங்கள் குழந்தைகள் அல்ல 

உங்களால் வந்தவர்கள் அல்ல 
உங்கள் வழியில் வந்தவர்கள் 

உங்கள் அன்பை அவர்களுக்கு 
ஊட்டுங்கள் எண்ணங்களை அல்ல 

உங்கள் அறவணைப்பை காட்டுங்கள் 
உங்கள் அதிகாரத்தை அல்ல 

அவர்கள் எண்ணங்கள் முற்றிலும் 
வேறு; உங்களால் அவற்றை; 

தொடக்கூட முடியவே முடியாது 
இவை படித்ததில் பிடித்தது

ஐந்து வயதிற்கு அப்புறம் அறிவுக்
கண்கள் திறந்து நல்லதோ தீயதோ 
ஆழ் மனதினிலே பதிந்து விடும்

நூறு வயதை தாண்டிய போதும் மாயாது துளிரும் பால்ய வீதியில் 

தனிமையை சந்திக்கும் சமயங்களில் 
சூழ்நிலைகள் குணங்களை மாற்றும் 

நடந்து வரும் பாதைகளே நேற்று 
இருந்ததை இனி இருக்க ப்போவதை
வகுத்து நல்லவரோ தீயவரோ ஆவர் 

சமூகத்தின் கண்ணுக்கு தென்படும்
ஒதுக்கி வைக்க முற்படும் அல்லது 
தலைவனாக்கி புகழாரம் சூடிடும்

- ஆபிரகாம் வேளாங்கண்ணி, மும்பை மகாராஷ்டிரா

**

பார்க்கின்றேன் நான் வந்த பாலியத்து வீதிதனை
கள்ள மற்று நெஞ்சங் களிக்க விளையாட்டு,
உள்ளம் முழுதும் உவகை, ஒரு தீங்கறியா
வெள்ளை மனம் அங்கே விகற்பமிலாச் சிந்தனைகள்
எள்ளத்தனையும் இதயமதில் துன்பமிலாத்
துள்ளல், துடிப்பு, சுகதேகம் சோர்வறியாப்
பள்ளிப் பருவம் படிக்க மட்டும் ஆர்வமின்மை

என்றிவ்வாறாக என் வாழ்வு ஓடியதும்
ஒன்றொன்றாய் வாழ்வு உருமாற்றம் பெற்றதுவும்
கால நதியிற் கரைந்தெனது உள்ளத்தின்
சீலமெலாம் மாறி சிந்தனையுள் பெண்ணாசை
பாலுணர்வு, காதல், பழக்க வழக்கமெனும்
பல்வேறு கெட்ட பகைகள் வந்து சேர்ந்ததுவும்
எண்ண மனதில் இன்றும் கனக்கிறது.

பால்யத்து வீதியிலே பழையபடி போகவொண்ணா
ஒற்றைவழிப் பாதையில்நான் ஓடிவந்து நிற்கின்றேன்
இற்றை நிலைக்கும் இனிமேல் வரப்போகும்
முற்றிப் பழுத்த முதுமைதரும் தீரா நோய்
உற்றுப் பிறரின் உதவியின்றி வாழவொண்ணா (து)
ஏங்கும் நிலைக்கும் இறப்பை எதிர்பார்த்துத்
தூங்கும் நிலைக்கும் தூரம் அதிகமில்லை.

ஒற்றைவழித் தடத்தில் உயிர் பிரிந்து போம்வரைக்கும்
காத்து நிற்க வேண்டும், கடைசி வரை மூச்சிழுத்துப்
பார்த்திருக்க வேண்டும், பாசக்கயிற்றோடு
காலனிடைப் புகுந்து கணக்கை முடிப்பதற்காய்
தேடிடவும் கூடும்,  தேடிப் பிடித்துடனே
ஆளிவர்தான் என்று அவன்கயிற்றை வீசுகிற
வேளை வரைக்கும் வீண்கவலை வேண்டாமே.

- எஸ் கருணானந்தராஜா

**

மழலை மாறா முகத்துடன்
மலர்ந்து விரிந்ததும்
மனதிலே அச்சமேதுமின்றி
மண்ணிலே  அகரமெழுதியதும்

சின்னச்சின்ன சேட்டைசெய்து 
சிட்டாகப்    பறந்ததும்
சினம் கொண்ட சுற்றத்தின்
சிந்தையதைக்  கவர்ந்ததும்

கற்பனை  ஊற்றெடுக்க
கனவுகளுடன் கைக்கோர்த்ததும்
கள்ளம் கபடமின்றி
கடவுளாகத்   தோன்றியதும்

காலம் பல கடந்தும்
கண்முன்னே விரியுது...
பாசமான நட்புடன் 
பயணித்த பால்யவீதியது.....

- ஜெயா வெங்கட்

**

பாலிய வீதியிலே கற்றது 
கைமண் அளவு கல்லாதது 
உலகளவு!
மூன்று வயதில் தாயின் 
கை பிறிய மனமில்லாமல் 
பள்ளிக்கு செல்ல துவங்கியதும்,
ஆறு வயதில் தன் பேனாவையும் 
பென்சிலையும் காட்டி பெருமைபடுவதும்,
ஒன்பது வயதில் தன் 
சிற்றுண்டியை பகிர்ந்து 
மகிழ்வதும்,
பன்னிரண்டு வயதில் தோழிகளில் தானே 
அழகு என்ற அகம்பாவமும் தோழர்களில் 
நானே மிடுக்கன் என்ற கர்வமும்,
பத்தாவது தேறிய15-வது வயதில் 
எனக்கு நிகர் நானே என்று 
தன்நம்பிக்கை தலைதூக்குவதும்,
காதல்வயப்படும் பதினாறில் 
சக மாணாக்கர் தன்னையே பார்கின்றனர் 
என்று பெருமிதம் கொள்வதும்,
பதினேழில் மீண்டும் சந்திப்போமா 
என்ற எண்ணத்தோடு 
பறந்துவிறிந்த வானில் பறக்க தயாராகி 
இதுவரை, என்ன நடந்தது,ஏன் நடந்தது,
எப்படி நடந்தது, எதற்கு நடந்தது என்று 
பல கேள்விகளுக்கு விடை விளங்கியும் 
விளங்காமலும், 
புத்தக பாடத்தை கற்று, வாழ்வின் 
பாடம் கற்க பறக்கும் இந்த பால்ய வீதியே இளமை பருவம்.
இதில் நாம் கற்றது கையளவு கல்லாதது உலகளவு!

- பிரியா ஸ்ரீதர்

**

பறவையாய்ப் பறந்து திரிந்து
பம்பரமாயச் சுழன்று ஆடி
பாசமான நட்புடன் கைகோர்த்து
பால்ய  வீதியில் விளை யாடியதை...

கள்ளம் கபடம் இல்லாத
பள்ளிப் பருவத்தை..
புத்தகச் சுமை  இன்றி
புழுதியில் புரண்ட.தை...

மழைநீரில் காகிதக் கப்பலும்
வெய்யிலில் காற்றாடியும் விட்டதை...
பரமபதமும் பல்லாங் குழியும்
பயிற்றுவித்த பாடத்தை..

கண்ணிமை எனக்   காத்து
கதை சொன்ன பாட்டியை..
திண்ணையில் அமர்ந்து அன்று
திருவாசகம்படித்த தாத்தாவை..

சிந்தையை சிறை பிடிக்கும்
விந்தைமிகு கணினி உலகில்
பயணி க்கும்  இன்றைய
பாலகர் அறிவாரோ ?

- ருக்மணி, கோவை 

**

ஜாதி என்பது எங்களுக்கு தெரியாது
மதம் என்பது எங்களுக்கு புரியாது

தீவிரவாதத்தை நாங்கள் அறியமாட்டோம்
பாலியலை நாங்கள் கண்டுகொள்ள மாட்டோம்

சமுதாய சீர்கேடு எங்களுக்கு தெரியவே தெரியாது
பொறாமை என்பது எங்களிடம் இல்லவே இல்லை
கோபம் எங்களுக்கு வரவே வராது

அரசியல் என்பது என்ன ?
கலவரம் என்பது எங்கே ?

கள்ளத் தனம் ஏதுமில்லை 
பழிவாங்கும் எண்ணமில்லை
பிரச்சனை ஏதுமில்லை

எங்களுக்கு தெரிந்ததெல்லம்
தாத்தா, பாட்டி
அன்னை, தந்தை
அண்ணன், அக்காள்
தங்கை, தம்பி உறவுகள்
அதையும் தாண்டிய நண்பர்கள்

அன்பு, அரவணைப்பு, மகிழ்ச்சி
அடம்பிடித்தல், உணவுப் பண்டம்
விளையாட்டு, விளையாட்டு பொருட்கள்

சண்டையிட்டாலும் இணைந்து கொள்வோம்.
இணைந்து கொண்டாலும் சண்டையிடுவோம்

இந்த பால்ய வீதி - வாழ்க்கை முழுதும் தொடருமா ?
என்ற ஏக்கத்தில் நாம் !

- ஆம்பூர் எம். அருண்குமார்

**

பால்ய வீதியில் ....
காண்பதெல்லாம் பரவசமே 
கண்டதெல்லாம் சொர்க்கமே 
கற்பது தான் எதிர்காலமே 
கற்றவழி நிற்பது எதிர்காலமே 

திரும்பி வராத சொர்க்கங்கள்  
அரும்பும் மீசைக் கனவுகள் 
விரும்பிடும் வண்ணப்பூச்சிகள் 
விரிந்திடும் ஞானத்தேடல்கள் 

தீயது விலக்கி நல்லது கற்றிடு
மானென துள்ளி சிகரம் தொடு 
அறிவுத்தேடலில் ஆற்றல் பெருக்கிடு....

- பாலா கார்த்திகேயன் 

**
பால்ய வீதியை கடக்காதோர் யாருமிலர்!
அதில் பயின்றவர் வீணாய் போனதிலர்! 

வறுமையை சந்தித்திருந்தால் சம்பாதிக்க பயில்வாய்!
பெருமையை சந்தித்திருந்தால் சமகாலத்தில் தங்கி நிற்பாய்!

பயிற்சி எடுத்திருந்தால் சிகரம் தொடுவாய்!
படுத்து உறங்கியிருந்தால் சில சுற்று வளர்வாய்!

எதுவுமே வீணல்ல உபயோகபடும் வரை!
எதுவுமே வீண்தான் உபயோகப்படாத வரை!

பால்ய வீதியில் விழுந்து, எழுந்து நடந்து, கடந்தால் பின்பு சுலபம்!
பால்ய வீதியில் படுத்து, உறங்கி, சோம்பித்திரிந்தால் பின்பு கடினம்!

இந்தியா உயரும் என்பது பால்யவயதினரின் உழைப்பின் கனவில்!
வாரிர் உறக்கம் விழித்து நாட்டை உயர்த்தும் பணிபுரிவோம் வாரீர்!

விழி.எழு.விருட்சமாகுக!

- இனிய தமிழ் செல்வா, ஓமன்

**
ஆற்றங்கரையில் கட்டிய  மணல் வீட்டை 
 ஆற்றலைகள் அடித்துச் செல்கையில் 
     மனம் மகிழ்ந்து அதைப் பார்த்து  நின்றோம்
அடுத்த நாள் அதைவிடப் பெரிய மணல் வீட்டை
       அழகாய்க் கட்டலாமென்ற நம்பிக்கையில்

உருட்டி விளையாடும் இரு நுங்கு உருளை வண்டி
   ஓட்டி ஓட்டி இரண்டாய்ப் பிரிந்த வேளையில்
        மனம் மகிழ்ந்து அதைப் பார்த்து நின்றோம்.
மறுநாள்  இருபுது நுங்கையெடுத்து புது வண்டிதனை
           மறுபடியும் செய்திடலாமென்ற நம்பிக்கையில்

கூடிக்கூடிக் கோலி விளையாடுகையில் தோற்றாலும்
         வென்றலாம் கூடித் தின்றோம் கடலைமிட்டாய் 
           காக்காய்க்கடி, கடித்தே கவலையெதுமில்லாமல்  
குழவிப்பருவத்தில் குலவி அன்பாய் இருந்தோம் நாளும்
            நம்பிக்கை வளர இன்பம் எப்போதும் இருந்தது  

- மீனாள் தேவராஜன்

**

அரைக்கால்    சட்டையுடன்
 அடுத்தவீட்டுச்    சிறுவருடன்
உரையாடி   நடந்துபள்ளி
 உளம்மகிழ    சென்றநாள்கள் !

பள்ளிநுழை   வாயில்முன்
 படர்ந்தமர    நிழலின்கீழ்
நெல்லிக்காய்    கூறுகட்டி
 நிலம்மீது    அமர்ந்தபடி 

வறுத்தநிலக்    கடலையொடு
 வறுக்காத   நாவற்பழம்
சுருக்குப்பை   பாட்டிவிற்க
 சுவையாக    உண்டநாள்கள் !

மிட்டாயில்    கடிகாரம்
 மிடுக்காகக்    கையில்கட்டி
கெட்டியான     கமர்கட்டைக்
 கேட்காத   நண்பனுக்கும் 

காக்காகடி    கடித்தளித்துக்
 கரம்கோர்த்து    நின்றதெல்லாம்
ஏக்கத்தை    நெஞ்சிற்குள்
 ஏற்றியது;  பேருந்தில் 

பூட்டிவிட்ட    சீருடையில்
  புத்தகங்கள்    பொதிசுமந்து
போட்டடைத்த    பொட்டலமாய்ப்
  பேரன்தான்    சென்றகாட்சி !

- பாவலர் கருமலைத்தமிழாழன்

**

மூக்கை
சிந்தத் தெரியாத வயதில்
ஒற்றை விரலை கைகள் பிடித்து
வீதி நடக்கையில்...

பொத்தான்கள் விடுபட்ட
சட்டையோடு
அரைக் கால்சட்டையில் விழுந்த
பொத்தல்களை மறைக்க முடியாமல்...

நைந்து
கிழிபட்ட மேலாடையுடன்
பாவாடை விரிச்சலில் நுழையும்
கண்களுக்கு முன்னால் கூனி குறுகி...

பசியும்
பள்ளிக் கல்வியும் குடியிருப்புமென
நிறையும் வாழ்க்கையென
நம்பித் தொடர்ந்த பாதையற்ற
சாலையில்...

யாவரும் நிகரென
விளங்கவும்
கீழ்மை மேன்மையற்ற சமத்துவம் நிலவவும்...

உடைமைகள் இழந்து
உரிமைகளைக் கொண்டாட தம்
உடல் பொருள் ஆவி
யாவும் அர்ப்பணித்து
ஆர்ப்பறித்த காலத்தின்
தியாகப் பருவத்தில்
உழைத்து...

எல்லார்க்கும் எல்லாம்
என்பதெல்லாம் பொய்த்து
மெய்யற்ற பொய் விரல்களில்
சுழன்று கொண்டிருக்கிறது 
இடம் மாறிய
விடுதலையின் சாவி...

தியாகிகளின் கண்களில்
இன்னும் தெரிகிறது
ஆறாம் பூதமான மத மொழிகளின்
வன்மங்களும்
பால்ய வீதியில் மாறாத நிலைகளும்...

இருந்து கொள்ள முடியாமல்
வீதி தோறும் அலைகிறது
ரத்த வாடையுடன் சுதந்திரம்...

- கவிஞர்.கா.அமீர்ஜான்

**

அது ஒரு பால்வெளிப்   பயணம்
சென்றுவிட்டால் மீள்வது கடினம்
பயணித்ததை யாரும் மறந்துவிடமுமில்லை
தொலைவுகள் தெரியாமல் தொலைந்துபோய் 
வானம் வசப்பட்ட வேளை அது.
விளக்குவதற்கு அருஞ்சொற்பொருளும் இல்லை
கிழிந்த டவுசரை பிடித்து டயர் ஒட்டிய
நினைவுகள் தேன் மிட்டாயாய் நெஞ்சில் கசிகிறது.
பிலிம் பார்த்து கதை சொன்னது
நினைவுத் திரையில்  காவியமாய் ஓடுகிறது. 
வருடங்கள் ஓடி எல்லாமும் பெற்றுவிட்டோம்
பால்யம் ஒன்றை தவிர... 

- எம்.  விக்னேஷ் 

**

ஆண் பெண் பேதமின்றி இருபாலரும் 
அன்று அழகாக சிரித்து மகிழ்ந்தோம் !

காக்கா கடி கடித்து  மிட்டாய் பகிர்ந்தோம் 
கள்ளம்  கபடமின்றி விளையாடினோம் !
.
சாதி மதம் அறியாது எல்லோரும் 
சகோதரர்களாய் பழகி மகிழ்ந்தோம் !

பண்டிகை உணவுகளைத் தந்தோம் 
பாசத்துடன் பழகி வந்தோம் !

கவலை என்றால் அறியாத காலம் 
களிப்புடன் கொண்டாடிய காலம் !

மணலில் வீடு கட்டி மகிழ்ந்தோம் 
மனதில் கோட்டை கட்டி வாழ்ந்தோம் !

கபடி விளையாடிய காலம் உண்டு 
கிட்டிப்பில் விளையாடிய காலம் உண்டு !

காலையில் சண்டை என்றால் உடன் 
மாலையில் சமாதானம் ஆயிடுவோம் !

நொங்கு பதநீர் குடித்து மகிழ்ந்தோம் 
நொங்கு வண்டி உருட்டி விளையாடினோம் !

டயர் வண்டி ஒட்டி மகிழ்ந்தோம் 
போடி வாடி பேசி மகிழ்ந்தோம் !
 
அலைபேசியில் விளையாட்டு இன்று 
அறைக்குள்ளே விளையாட்டு இன்று !

அதோ ஒரு நிலாக் காலம் உண்மை 
அந்தோ போனதே திரும்ப வராதே !

- கவிஞர் இரா .இரவி

**
பால் மணம் மாற
பாலகனாய்;
பாலினமறியா
பாசப் பறவைகளாய்;
கூடித் திரிந்து
வீடு கட்டி
சோறாக்கிய விளையாட்டு ம்;
விளையாட்டில் சேர்க்கல
எனும் பரிதவிப்பும்;
மழையில் கப்பல் விட்டதும்;
மண் மணம் மாறா
மழலையாய்; பேச்சிலும்
மூச்சிலும்; கெஞ்சலும்
கொஞ்சலும் கொண்ட
மல்லிகை அரும்புகளின்
தோரண வாயில்கள்;
துவண்ட மனதிற்கு
துடிப்பைத் தரும்
கரும்புப் பருவங்கள்
கூத்தாடும் மேடை;
நஞ்சு வஞ்சமில்லா
நர்த்தன ஓடை...

- ப.வீரக்குமார், திருநின்றவூர்

**

சிறுபாதங்களின் முத்தத்தால்
சிலிர்த்த
பால்ய வீதி
பள்ளிக்கூடம் ஆயின எங்களுக்கு

பீங்கான் கோப்பையும்
குண்டு பல்புமாக ஒளிசிந்திய
தெருவிளக்குக் கூடுகளில்
சிட்டுக்குருவிகள் குடியிருந்த போதே
தெரிந்துகொண்டோம்
சிற்றறையிலும் வாழ்ந்து களிக்க

கண்ணாமூச்சி ரே...ரே...
காட்டுப்பூச்சி ரே...ரே... என
ஒளிந்து விளையாடிய போதே
உணர்ந்துகொண்டோம்
வெற்றியின் ரகசியத்தைக் கண்டறிய

பால்வேறு பாடின்றி
பால்ய நாட்களில்
ஒருகாலில் 
சில்லு விளையாடிய போதே
தெரிந்துகொண்டோம்
ஊனத்தை வெல்லும் உத்தியை 

சாட்டையைச் சுற்றிப் பம்பரத்தைச்
சுழல விடும்போதே
அறிந்துகொண்டோம்
ஆட்களை
ஆட்டுவிக்கும் நிர்வாகக் கலையை

மூச்சு விடாமல் பாடியும்
மொத்த நபர்களை ஒருங்கிணைத்தும்
கபடி ஆடிய போதே
கற்றுக்கொண்டோம்
கூட்டுப்பணியின் சூத்திரத்தை

- கோ. மன்றவாணன்

**

பள்ளி காலம்
வேலி தாண்டிடும் 
தோள்பை கால்கள் நண்பனோடு! 

வழியோர வீட்டு 
மதில் மேல் தாவிடும்! 

மரத்து கனிகளை 
டவுசருக்குள் நிறைத்திட! 

கிளை அசைவு 
உரியவர் காது தொட! 

அதட்டல் சத்தம்
ஓட்டம் எடுத்திடும் 
பாதி பை நிரப்பிக்கொண்டு! 

நட்புகளுடன்
நாட்கள் நதியாய் நகர்ந்திட!

ஆண்டுகள் 
பல கடந்த பின் 
பால்ய வீதியை
பார்த்துக்கொண்டே
பெற்ற பிள்ளைகளை
பள்ளி அழைத்து செல்கிறேன்!

போட்ட குறும்புகளை நினைத்துக்கொண்டே 
கண்கள் ஈரமாய்
கன்னங்கள் அருவியாய்!!! 

- தஞ்சை. ரீகன்

**
பால்யகாலந்தொட்டே கூடவே பயணித்திடும் தினமணிக்கு கவிதைசூட்டுவதை எண்ணி மகிழ்கின்றேன்! அச்சில் வந்தால் ஆனந்தம்!

பால்யவீதியில்! 

நாலணாவிற்கு தேன்மிட்டாய்
நான்கெட்டில் அத்தைவீடு
நகர்வலம்வர வாடகை சைக்கிள்
நீட்டியுறங்க நொச்சிநிழல்!

திருவிழாக்காலத் தெருக்கூத்து 
திண்ணைக்கிழவிகளின் தெம்மாங்கு
தீராமழையைத் தாங்கும்குழி
தூரத்துக்கண்மாயின் ஒற்றைவழி!

மஞ்சள்நீரன்றைக்கு மறையக்கூண்டுகள்
அஞ்சல்பெட்டிக்கம்பத்து கரையான்கூடுகள்
எஞ்சிய காலங்களுக்கு ஞாபகவூர்தி - இனி
எப்போது போவேனோ, என் பால்யவீதி! 

- கிருஷ்ணபிரசாத், பெங்களூரு

**
சின்னச் சிட்டுகளாய் சிறகடித்திருந்தோம்
கன்ன மொட்டுகளில் கள்ளமில்லாச் சிரிப்பு
அன்ன நடையின்றி ஆரவாரக் குதிப்பிருக்க
மன்னர்களாய் மனங்களை ஆட்சி செய்தோம்

சோதர அன்பில் முங்கிக் குளித்திருந்தோம்
ஆதரவுக் கரங்களில் கட்டுண்டுக் களிப்புடன்
மோதலின்றி முகிழ்ந்த நட்புச் சுரங்கங்களாய்
நாதகீதமிசைத்து நன்னெறி கற்றிருந்தோம்

ஓடி விளையாடி ஓய்ந்திருக்காமலிருந்தோம்
கூடிக் கும்மாளமிட்டு மகிழ்ச்சியில் குளித்து
தேடிச் சேர்ந்த அறிவுரைகள் வழி நடந்தே
கோடியின்ப லயிப்பில் துன்பமறியாதிருந்தோம்

ஆல்போல் விழுதுகளாய்க் கூடி வாழ்ந்திருந்தோம்
சூல் கொண்ட மேகங்களாய் உதவிகள் செய்து
பால்வடியும் முகங்களில் சிரிப்புச் சுரங்கங்களாய்
பால்யவீதியில் பாடிடும் பறவைகளாயிருந்தோம்

கவிஞர்  ராம்க்ருஷ்

**

பால்ய வீதியில் பட்டாம்பூச்சி பிடித்தோம்
பம்பரம் விளையாடி நட்பையும் வளர்த்தோம்
கண்ணாமூச்சி விளையாடி கவலைகளை மறந்தோம்
காலங்கள் அழகிய கோலமாவதை அறிந்தோம்
புழுதியில் விளையாடி புதுவாழ்வு கொண்டோம்
புத்தகப்பையை பள்ளிக்கு சுகமாய் சுமந்தோம்
பாடங்கள் படித்து தெளிவை அடைந்தோம்
பள்ளியை கோவிலாக தினமும் தொழுதோம்
நுங்குவை சக்கரமாக்கி வண்டியை ஓட்டினோம்
நூலில்கட்டி பட்டத்தை வானத்தில் ஏற்றினோம்
பங்குவைத்து உண்டு பாசத்தை பகிர்ந்தோம்
பசியையும் மறந்து பறவையாய் திரிந்தோம்
சாதிகளை மறந்து ஒன்றாகக் கலந்தோம்
சகிப்புத்தன்மை அறிந்து பகைமை மறந்தோம்
வஞ்சக நெஞ்சமின்றி வண்ணமாய் வாழ்ந்தோம்
வாழ்வை வசந்தமாய் நாளும் கழித்தோம்
இளமைப்பருவம் என்பது இறைவன்தந்த அருள்தான்
இன்பவாழ்வு என்னும் பயிருக்கு அதுஉரம்தான்
பிள்ளைப்பருவம் என்பது பிழையற்ற பருவம்தான்
பிள்ளையாய் மாறநானும் கேட்கிறேன் ஒருவரம்தான்

- கவிஞர் நா. நடராசு

**

பால பருவத்தில், வீதியில் துளிர்த்து 
படித்த பள்ளியில் அரும்பி , கல்லூரியிலும் 
மலர்ந்து செழித்தது எங்கள் நட்பு !
நானும் அவனும் பால்ய நண்பர்கள் 
என்னும் ஒரே ஒரு பிணைப்பு 
இணைத்து விட்டதே  எங்களை 
இன்று வரை ! 
வீதியில் விளையாட்டாய் துளிர்த்த  நட்பு 
வாடவில்லையே இன்னும் !மணக்குதே 
இன்றும்! காரணம் என்ன ?
என் வாழ்க்கை வீதியில் முளைத்த பிற 
நட்புகள் பல வெறும் "ரயில் நட்பாய் "  
மாறிய காரணம் என்ன ?
இனம் ,மதம் ,குலம்  மறந்து என்  நண்பனுடன் 
கை கோர்த்து ஓடி  விளையாடிய 
அந்த பால்ய வீதியை இன்று தேடுகிறேன் 
நான் !  என் கேள்விக்கு விடை தேட !

- கே.நடராஜன் 

**

மழைச்சாரல்.
உணர்வுகள் கரைந்த நினைவுகள்.
உள்ளமெங்கும் சித்திரங்கள்.
நனைந்து எழும் மண்வாசனையில்
சித்திரங்களை மெல்லத்துலக்கிக் 
கோர்த்துப் பார்க்கிறேன்.
கண்ணீரும் சிரிப்பும் கள்ளமின்றிக்
கொட்டித்தீர்த்த நாட்கள்.
பெரும் குடும்பம் சிறு வீடு.
உள்ளங்களை நெருக்கி 
வேய்ந்த‌ கூரைகள்.
தொலைக்காட்சி வைத்திருந்த 
ஒன்றிரண்டு அரண்மனைகள்.
வண்டிமாடுகள் சத்தமிட்ட‌ 
வழித்தடங்கள்.
வாரச்சந்தையன்று விடுமுறை
என்ற சிறுநகரம்.
எதிர்வீட்டு கெளரி அக்கா
அவள் வருடிப்பூத்த‌ 
பனிக்காலத்து பவழ‌மல்லி.
தேரோடிய‌ திருவிழாக்கள்
உப்பும்மிளகும் போதுமென்ற சாமியவள்.
சாமியவள் பேரைச்சொல்லி
திருவிழாவின் கறிச்சோறு.
மஞ்சாரைப்பூச் சிதறிமணக்கும் 
பள்ளித்தடங்கள் இளவேனில்காலம்.. 
தீபாவளிக்கு மறுநாள் கட்டாயம் 
சீருடைகள்.
பள்ளிகள் உடுத்திச் சொன்ன 
நீலவெள்ளைச் சமத்துவங்கள்.
சிலவருடங்கள் தீபாவளிக்குப்
புத்தாடையே சீருடைகள்.
பாவாடைச்சட்டையில் பறந்துகளித்த‌ 
பட்டாம்பூச்சிகள்.
கிழங்குவிற்கும் புங்க‌மரத்துப் 
பாட்டியிடம் கணக்குப்படித்த நாட்கள்.
கள்ளமில்லா நட்புக்கள்.. 
உயிரோடிய‌ உறவுகள்..
இல்லாதது தெரியாமல் 
இருந்தது புரியாமல்
வாழ்ந்திருந்த‌ பெருமகிழ்வுநாட்கள்.
இப்படி
வசந்தகாலத்தின் குறிப்புக்களே 
பால்யவீதியெங்கும்.
பால்யவீதி எங்குமுடிந்தது ?
இல்லாதது வலித்தபோதும் 
இருந்தபொருளே அடையாளமானபோதும்
பால்யவீதி விலகி 
வெகுதூரம் வந்திருந்தேன்..
சாரலும் தூறலும் நின்றிருந்தது.
கடிகார ஊசல்போல் 
பின்னூடும் எண்ணங்கள் 
முன்னூடும் மாற்றங்கள்
முட்கள் முன்னேயே நகர்ந்திடும் 
சில புள்ளிகளில் நாமும்
குழந்தைகளாக வாழ வேண்டும்.
உணர்வுகள் இசைக்கும்.
மழையும் மறுபடி பெய்யும்..

- ரமேஷ் கோபாலகிருஷ்ணன், பீனிக்ஸ், அமெரிக்கா

**
பாவாடை தாவணியில்
பாண்டி ஆடிக்கொண்டிருந்தவர்கள்
தொலைக்காட்சிப்பெட்டிக்குள்
தொலைந்து போயாச்சு !!
பல்லாங்குழியில்
பதித்திருந்த விரல்கள்
அலைபேசிக்குள் ஒட்டிக்கொண்டாச்சு !!
அவிழும் ஆடைகளை மறந்து
கவிழும் பட்டங்களைப்பார்த்த
சின்னச்சின்ன பார்வைகள் பாழாச்சு !!
மதங்களைப் பார்க்காமல்
மனங்களைப் பார்த்த
மகிழ்ச்சி முகங்கள் மறைந்தாச்சு !!
மாலையில்,  வியர்வையில் குளிக்காத
ஒரு ட்யுஷன் யுகம் பொறந்தாச்சு !!
வழுக்கும் சாலைகள் ,
பறக்கும் வாகனங்கள்,
முதியவர் சிலரின் நடைப்பயிற்சியில்
வீதிகளின் பால்யத்தை
என்றோ இழந்தாச்சு !!

- கவிஞர் டாக்டர் எஸ். பார்த்தசாரதி -- MD DNB PhD

**
பாதகம் எது வரினும்
பாதிப்பில்லாமல்
பாதுகாக்கும் தந்தை விரல் பிடித்து
பால்யபொழுதுகளில் 
பரவசமான நடை 
பழகிய தெருக்களில்
பூவரச மரத்தின் பூக்கள்
புவியில்  கொட்டும் மாலைவேளைகளில்
பூங்காக்களில் 
பனி படர்ந்த சாலைகளில்..அவர்
பணி புரிந்த இடங்களில்..
தந்தை மறைந்தபின்
தனியே நடக்கையில்..
ஒவ்வோர் அடி 
எடுத்து வைக்கும்போதும்
ஒளிந்து நின்று பார்த்தது..
அவரின் ஆன்மா..!

- கவுதம் கருணாநிதி, திருச்சூர் கேரளா.

**
பால்ய வீதியில் 
தோழர்கள் பல உண்டு 
துணை நிற்க ஆளுண்டு 
விளையாடி விளையாடி 
விளையாட்டும் முடியாது 

கண்ணாமூச்சி கோலியுடன் 
கல்லா மண்ணா விளையாடி 
பச்சைக்குதிரை பம்பரமும் 
பலதடவை விளையாடி 

மண்தெருவே  மைதானம் 
கண் சிமிட்ட நேரமில்லை 
கூட்டாஞ்சோறு உணவதனை 
கூடி நாங்கள் உண்டோமே 

கோட்டிப்புல்லும் கோலியுமே 
காலை உணவு ஆகிடுமே 
மதிய உணவு உண்டிடவே 
மனமும் கொஞ்சம் இடமளிக்கும் 

மகிழ்ச்சியான வாழ்வதனை 
மனம் நினைந்து ஏங்குதிப்போ
பை நிறைய பணமிருந்தும் 
பால்ய வாழ்வை வாங்கிடுமோ 

எப்போதும் எல்லார்க்கும் 
இப்போதும் இனிமைதரும் 
அழகான பால்யமே 
மீண்டும் நீயே வாராயோ !!!

- விஜயேந்திரன் பார்திபன்

**
மழையைக் கண்ட குழந்தையைப் போல்
மகிழ்ச்சியோடு கிழம்பினேன்
வெளியே செல்வதற்கு…
சிறு துளியை கண்ணில் காட்டி
ஏமாற்றிய மேகத்தைப் போல்
பாதியிலேயே ஏமாந்தேன்…
பயணம் செல்லவேண்டாம் என்று
அழைப்பு வந்ததால்!

- த.புனிதா

**
இடப்புறமும் வலப்புறமும் எதையும் விடாது
பால்யத்தின் வீதியில் நான்
பாதசாரியாய்,

மழை விழுவது போல், 
பூ உதிர்வது போல்,
உயிர் பிறப்பது போல்,
மெது மெதுவாய் என் பால்யம்
உருள்கிறது,

இதை தடுக்கலாம், அதை நிறுத்தலாம், 
இதை தவிர்க்கலாம், அதை ரசிக்கலாம்.
நினைவுகளுடன் ஓர் ஓடி விளையாட்டு,

மனதோடிருந்த கனமெடுத்து 
உதட்டோரமாய் உதிர்த்தபடி 
இன்னொருமுறை என திரும்பினேன்
எழுந்து ஓடூ என்கிறது 
எதிர்காலம்!.

மு.துரைபாண்டியன்.  கோவை.

**

பின்னோக்கிய பயணம் 
அறிவுக்கு வித்திட்டதென் பால்யம். 
உச்சி வெயிலில் சாகசங்களாய்
ஆல விழுதுகளில் ஊஞ்சலாடி 
வாலுப் பசங்களோடு  நீச்சலடித்து 
அகமும், புறமும் செழித்து வளர 
உரமிட்டு வளர்த்ததென் 
உறவுகளும், நட்புகளும் .
மாறிப் போன காலங்களில் 
 வளர்ந்து  நிற்கும் இந்நாளில் 
அதிசயமாய் எதிர்படும் 
மாட்டு வண்டியில் ஏறி 
பால்யம் நோக்கி 
பயணிக்கிறது மனம் .   
  
- விஜயலக்ஷ்மி 

**

பால்யவய திலேநாமும் பருவமெய்தும் காலத்தில்
    பலசேட்டை செய்ததுவும் பசுமைமையாய் நீந்திவரும்..!
பால்போன்ற மனத்துள்ளே பதிந்தநல் விஷயங்கள்
    பக்குவமாய் நடைபோடும் பகலிரவாய் நினைவுவரும்..!

கால்கட்டுப் போடாமல் கண்டவிடம் சென்றபோது
    கணக்கில்லா நாட்களையும் கழித்ததுவும் ஓர்காலம்..!
பால்மேனி நோகாமல் பனங்காயில் குச்சியூன்றிப்
    பலமயிலைக் கடந்ததைவும் பற்றுடனே நெஞ்சிலாடும்..!

பருவத்தில் அனுபவித்த பலவிதமாய்ச் சேட்டைகளும்
    பல்லாண்டு ஆனாலும் பசுமைமாறாச் செய்கையாகும்..!
இருவராகச் சேர்ந்துகொண்டு எப்போதும் ஒன்றாக
    இணையாகக் கைகோர்த்து இப்பள்ளி சென்றோமே..!

ஒருகரையின் ஆற்றின்மேல் ஓடியாடிக் குதித்தநாளும்
    ஒன்றாக மகிழ்ந்தநல்ல உணர்வுகளும் இனிவருமா..!
உருவத்தால் ஒன்றாகா உணர்விற்கே முதலிடமாம்
    உண்மையன்பு கொண்டூட்டும் ஓருறவே பால்யமாகும்..!

அன்பாகப் பிடித்துவந்த அழகானப் பொன்வண்டை
    அடைத்துவிட்ட ஆனந்தம் அன்றாடம் நிழலாடும்..!
தின்னாத நுணாக்காயில் திறமையுடன் தேர்செய்து
    தினமுமதைத் தந்திரமாய்த் தெருவீதி இழுத்ததுவும்..!

பின்னாலே நின்றுகொண்டுப் பிறரியாத வண்ணமாக
    பெண்களிரு சடைமுடியைப் பின்னிவிட்ட வேடிக்கை..!
இன்னமுமே மறக்கவில்லை இன்பச்செய் கையதுவாம்
    இன்றுமந்த நினைவலைகள் என்றைக்கும் அழியாது..!

- பெருவை பார்த்தசாரதி

**

உன்னோடு கை கோர்த்த முதலே ,
அன்பிற்கு அளவில்லே
ஆனந்த தாண்டவத்திற்கு தடையில்லே
ஈகைக்கு வருத்தமில்லே
உயர உரிமைக்கு உன்னிடத்திலே
ஊட்டிவிட உடன் யாரும் தேவையில்லே
என் அறிவிற்கு முகவரி உன் அறிவுக்குள்ளே
ஏணியெனக்கு நீந்தப்புள்ள
சிரிப்புக்கு சிறையில்லே
சொத்துக்கு சோகமில்லே…,
உறவுகளை தாண்டி உயிருக்குள் உட்புகுந்த
உணர்வுக்கு உரிமை உன் விலாசமென
என் விழிகண்டு வழி பார்த்து எதிர்பார்த்ததே
பால்ய வீதியிலே பழகிய நாட்களை பழங்களாய் 
நடைபோட்டுக்கொண்டே ருசித்து போகலாமென 
நினைக்கும் போதே கொண்டாடுது நட்பே…..

- இராஜேந்திரன் சத்யா

**
பூவரசமரத்தில் ஆடிய ஊஞ்சலும்
பனங்கொட்டை வண்டியும்
பச்சைக் குதிரையும்
அச்சாங் கல்லும்,
ஆடு புலி ஆட்டமுடன்
தேடி விளையாடும் - கண்ணா மூச்சியும்
ஆச்சி வீட்டின் அடுக்கடுக்கு
பணியாரமும்
பேச்சி கோவிலும் - கருப்பண்ணசாமி குதிரையும்
தெருக் கூத்தும்
'அதாகப் பட்டது - என
ஆரம்பிக்கும் நாடகங்களும்,
பதினாறு எம்.எம் திரைப்படங்களை வீதியில் பார்த்ததும்

வரலாற்றுப் புத்தக ஏடுகளில் ஏற
எமது பிள்ளைகள் - ஆன்ட்ராய்டு அடிமைகளாய்
மின் விளையாட்டுக்களில்
மூழ்கித் தொலைப்பது
பால்யம் மட்டுமா? தங்கள்
மூளைகளையும் தான்
வாட்ஸா ப்பில் வாழ்ந்து முகநூலில் சிரித்து
அருகில் இருப்பவரோடு அளவளாவவும் விருப்பின்றி .

- செந்தில்குமார் சுப்பிரமணியன்

**
மஞ்சள் நீர் எடுத்து
மாரியம்மன் கோவிலுக்குச்சென்று
நெஞ்சில் பரவசத்துடன்
நேரத்தே நிகழ்ச்சிகளுக்கும் போய்
விடிய விடிய கான மேளா
கண்டதுண்டு..!
முடியும் முன் பனி கொண்டு
முன்பே வந்தாலும்
செவிகள் கேட்டுக்கொண்டேயிருக்கும்
கவிகள் பாடிக்கொண்டே இருப்பர்..!
மங்களமாய் மங்கையரும்
பொங்கல் வைப்பர்..!
மாவிளக்கெடுப்பர்..!
மனதையும் கொள்ளையடிப்பர்..!
பால்ய வீதிகளில்
பாலர் பள்ளியும்
மாரியம்மன் திருவிழாவும்
மனதிற்கு இதமாம்..!
மறுபடி ஒருமுறை ஊருக்குச் சென்றிருந்தேன்..
மற்றெல்லாம் மாறவில்லை..ஆயினும்
மனதில் மகிழ்வும் ஏறவில்லை!
மீண்டும் ஒரு முறை பிறந்துவிடவா?
மகிழ்வில் என்றும் சிறந்து விடவா?

- நர்மதா கவுதம், திருச்சூர், கேரளா

**
பால்மணம் மாறாத
வண்ணத்துப்பூச்சிகள் 
பாலின பேதமின்றி
கூடிக்களிக்கும் 
பால்ய வீதியில்!

மூட்டை தூக்கியே 
முதுகு கேள்விக்குறியான
ஆச்சரியக்குறிகள் 
மழலைகள்!

அறிவொளி பெற்று 
ஒளிவீச வேண்டிய 
குழந்தை நட்சத்திரங்களின் 
கண்ணொளி பறிக்குது 
கைப்பேசியும் தொலைகாட்சியும்!

மலர்கள் மலர்ந்தால் 
செடிக்குப் பெருமை!
மழலைகள் மலர்ந்தால் 
குடிக்குப் பெருமை!

தம்பிகள் தும்பிகளோடு 
துள்ளி குதித்து விளையாடும் 
பால்ய வீதியில்
பந்து ஆடலாம்! 
சிந்து பாடலாம்!

மனிதத் தோட்டத்தில் 
சிரித்துக்கொண்டே இருக்க
வரம் பெற்ற குழந்தைகள் வாழ்வில் 
சதி விளையாடியது அன்று
விதி விளையாடுகிறது இன்று!

பால்ய வீதியில் 
கூட்டாஞ்சோறு ஆக்கி விளையாடும் சிறுமிகளை
கூட்டு பலாத்காரம் செய்யும் காமுகர்கள் 
இல்லாத சமுதாயம் மலரட்டும்!

குழந்தை காப்பகங்களே
வன்கொடுமை நிகழ்த்துவது
வேலியே பயிரை மேயும் 
விபரீதம்!

பால்ய வீதியில் 
பால்ய விவாகம் இல்லாமலும்
பாலியல் வன்கொடுமை நடக்காமலும்
குழந்தைகள் கொள்ளை போகாமலும்
காப்போம்! 

-கு.முருகேசன்

**

இளங்கன்றுகளாய் பய மறியாது
கள்ளமென்பதை உள்ளமறியாது
களத்தில் தினம் கூடி
திளைத்திருந்தோம் நண்பர்களாய்

குருவி ரொட்டியும் குச்சி மிட்டாயும்
கொடுத்த சுகத்தில் குதூகளித்து
தெருவெல்லாம் சுற்றி வந்து
சிறகடித்தோம் பட்டாம் பூச்சியாய்

பனை ஓலை காத்தாடியை
பறக்க விட்டு திரிந்தோடி
பனங்கொட்டை வண்டி கட்டி
பல வீதியையும் கலக்கினோமே

மழை வந்தால் கொண்டாட்டம்
மண்ணீசலுக்குத்தான் திண்டாட்டம்
வட்டி நிறை கஞ்சி அமிர்தத்தை
வட்டமிட்டு அமர்ந்துண்டதை மறப்போமா

பால்ய வீதி நினைவெல்லாம்
பசு மரத்து ஆணியென நெஞ்சிலிருக்க
காலம் நம்மை கடத்தினாலும்
நெஞ்சினித்த அந்த சுகம் திரும்ப வருமா !

- மதுரை மாலதி (P.C.)

**
பள்ளிக்கூட மணியடிக்கும் மாலை 
பல்லிளிக்க ஓடி வருவோம்! 
கூட்டாஞ்சோறு ஆக்கி
கூடி மகிழ்ந்த பருவம்! 
ஒன்றாய் சேர்ந்தே சுற்றி 
ஓடிப் பிடித்தே விளையாடி 
கண்ணாமூச்சி ஆட்டமாடி மறைவோமே! 
ஒருவரை ஒருவர் ஓங்கி அடிப்போம்! 
உடனே விரைவாய் அதனை மறப்போம்! 
சேர்ந்தே செய்யும் தவறை 
உயர்வாய் கூடி ஏற்போம்! 
பக்கத்து வீட்டு மாமரத்தில் மாங்காய் 
பறித்து புளிப்பு மாற 
உப்பு சேர்த்தே தின்போம்! 
தேங்காய் உடைத்துத் தின்றதால் 
அப்பாவிடம் அடிவாங்கினோம்! 
பனங்காய் பறித்துத் 
தின்றே பசியாறினோம்!  
நீச்சல் தெரியாமல் ஏரியில் 
குளிக்க வந்து என்னை 
முக்கிய எடுத்தாயே!  
ஆட்டின் மடியில் கை வைத்து 
பால்பீய்ச்சிக் குடித்தோமே! 
மாட்டின் முதுகிலேறி 
சவாரி செய்தோமே! 
களாக்காய்,வெளாம்பழம், 
குறிஞ்சிப்பழம், ஈச்சம்பழம் பறிப்போமே!  
மாவிளக்குமாவில் தேங்காய் 
சேர்த்தே தின்றோமே! 
மேட்னி ஷோ சினிமாவுக்கு 
நடந்தே சென்று பார்த்தோமே! 
வட்டமாய் முறுக்கு வாங்கி 
தேன் மிட்டாய் சேர்த்து சுவைத்தோமே! 
சப்பாத்திப்பழம் பறித்துத் தின்று 
சிவந்த உதடுகளால் சிரித்தோமே! 
சுதந்திர தினவிழாவில் தந்த 
ஆரஞ்சுமிட்டாய் சுவை மாறாதே! 
பால்யவீதியில் பசுமை நினைவுகள்! 
மலர்ந்த மல்லிகை மணமாய் வீசுகிறதே! 

- ஆகாசம்பட்டு A.k.சேகர்.

]]>
kavithai mani, kavithai, poem, poetry, கவிதை, கவிதைமணி, பால்ய வீதி http://images.dinamani.com/uploads/user/imagelibrary/2018/10/7/w600X390/download.jpg http://www.dinamani.com/specials/kavithaimani/2018/oct/07/கடந்த-வாரத்-தலைப்பு-பால்ய-வீதியில்வாசகர்களின்-கவிதைகள்-3015707.html
3011101 ஸ்பெஷல்ஸ் கவிதைமணி இந்த வாரத்திற்கான தலைப்பு: பால்ய வீதியில் கவிதைமணி DIN Sunday, September 30, 2018 03:09 PM +0530  

பாதியில் முறிந்த பயணம் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: பால்ய வீதியில்...

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம்.
 

]]>
poem, kavithai, poetry, கவிதை http://images.dinamani.com/uploads/user/imagelibrary/2018/9/30/w600X390/images_3.jpg http://www.dinamani.com/specials/kavithaimani/2018/sep/30/இந்த-வாரத்திற்கான-தலைப்பு-பால்ய-வீதியில்-3011101.html
3011100 ஸ்பெஷல்ஸ் கவிதைமணி கடந்த வாரத் தலைப்பு ‘பாதியில் முறிந்த பயணம்’வாசகர்களின் கவிதைகள்! கவிதைமணி DIN Sunday, September 30, 2018 03:03 PM +0530  

விசமிகளின் சகதியில் 
விளைந்த பூங்கொடியை 
விலைகொடுத்து வாங்கவேண்டிய 
தரகன் ஒருவன் 
கொடி வாங்கிப் போக 
பெரும் பேரம் பேசியே 
காசு கேட்கிறான்...! 

கொடி கொடுத்து
கொடை கொடுக்க பணமில்லாத 
அந்தப் பரிதாபத்துக்குரிய 
பாசக்காரத் தோட்டக்காரன்...

பறந்து சென்று பணம் 
தேடமுடியாமல் உடைந்து போன 
தன் சிறகுகளால் உண்டான 
ஊனம் உடலோடு இருந்தாலும்... 

கடல் தாண்டி காசு பணம் 
பார்க்க வந்த வாய்ப்புகளும் 
காற்றின் வேகத்தில் 
கரை ஒதுங்கிய ஓடம் போல
ஆகிவிட...

பூங்கொடியின் 
வசந்தகாலக் கோலங்கள் 
பாதியில் முறிந்த பயணமாக 
கலைந்து போனது எல்லாம் 
என்ன...? 

காலத்தின் சாபமா...? 
அல்லது கொடி வளர்ந்த 
தோட்டத்தின் குற்றமா...?

- கவிஞர் பி.மதியழகன்

**
பயணப்பட எத்தனிக்கும் முன்னே
சயனத்தில் வீழ்ந்தது என் பயணம்
கவனமுடன் திறமையும் துணைகிருந்தும்
பயணம் பாதியில் முறிந்த தேனோ ?

கருவில் சூல்கொண்ட நாள்முதலே
வறுமை பின்னிழுத்த போதும்
கருத்தில் தொய்வில்லாமலே
பொறுப்பாய் படித்திருந்தும்

துரத்திய வறுமையை தூரத்தே
நிறுத்தி வைத்து நேர்மையை கரம்பிடித்து
உறுதியாய் நின்ற போதும்
சறுக்கிய நிலை காண சகிக்கவில்லை மனம்

முப்பிறவி பாவமென்றார் 
எப்பிறவியிலும் உழைப்பிற்கு தோல்வி இல்லை
நேரம் பாரா நேர்மையான உழைப்பினால்
பாதியில் முறிந்த பயணம் தொடர்ந்திட செய்வோம்.

- வ. இசக்கி ராஜு

**

பயணம்  -  அது
நாம் விரும்பும் இடத்தை 
அடைய உதவும் படிகள்!
அது - பாதியில் 
முறிந்தால்  உடலும்  உள்ளமும் 
முறிந்து  போகும்!
பள்ளி பயணம்  அது 
தள்ளி முறிந்தால் 
தடைபடும்  படிப்பு என்ற படி!
திருமண  பயணம்  அது 
வெறுமையில்  முறிந்தால் 
கருமையான  வாழ்க்கையாகிவிடுமே!
எந்த  பயணமும்
சொந்தமின்றி பாதியில்  முறிந்தால் 
பந்தமில்லா தனி மனிதன் 
போல  உள்ளமும்  வாடுமே!
முறிந்த  பயணத்தின்  காரணத்தை 
செறிவுடன் சிந்தித்தால் 
நெறியான  பயணமாகி  இனிக்கும்!

- உஷா முத்துராமன், மதுரை   

**

தொடுத்த அம்புகள் இலக்கில் செல்லவேண்டும்
எடுத்த செயல்கள் வெற்றி வசமாக வேண்டும்
அடுத்த முயற்சி என தொடரோட்டமாக வேண்டும்
மிடுக்கான பயணங்கள் ஆனந்தமாக வேண்டுமே

பாதி கிணறு தாண்டும் இலக்கு மரணமல்லவா
ஓதி உணர்ந்தே செயல் தொடங்க வேண்டுமல்லவா
மோதி வலியானாலும் வெற்றி வேண்டுமல்லவா
நாதியற்றிருந்தாலும் நம்பிக்கை வேண்டுமல்லவா

படிப்பில் உயர்கல்விக்கு முயன்று கற்கும் போது
பிடிப்பில்லாத பொருளாதாரம் பல்லிளிக்கும் நேரம்
விடியலுக்கான வழிகளேதும் எங்குமில்லையே
துடிப்பில்லாமல் பாதியில் முறிந்த பயணமானது அது

காதலில் விழுந்து கனிந்து மணம் முடிக்க நினைத்தால்
மோதலாக சாதி மதம் வந்து சதிராடித் தீர்த்த நிலையில்
காத தூரம் காதலர்களைப் பிரித்திடும் தீய சக்திகளினால்
காதலன்புப் பயணம் பாதியில் முறிந்த பயணமானதே

இறைவன் கொடுத்த வரம் தவறியதால் வாழ்வுப் பாதை
உறைந்து கரடுமுரடாகி கல்லும் முள்ளும் காலில்குத்த
நிறைந்த இடையூறுகளில் சிக்கிச் சின்னாபின்னமாகி
மறைந்து வாழ்வுப் பயணம் பாதியில் முறிந்து நின்றதே

பாதியில் முறிந்த பயணங்களால் பயனேதுமில்லை
ஆதியில் தொடங்கிய பயணம்  அந்தம்வரை தொடர
நீதி நின்று துணையிருந்தால் முயற்சி தொடர்ந்தால்
பாதியில் பயணங்கள் முறியாது வெற்றியாகலாமே.

- கவிஞர் ராம்க்ருஷ்

**

வாழ்க்கை சக்கர
அச்சாணிக்கு பணம்
எண்ணெய் ஊற்றி
உருட்டிய  தமிழ் வண்டியின்
பாதைகளில் இரு மருங்கிலும்
கள்ளிப் புதர்கள்!
இருண்ட வனத்தில்
தமிழ் வண்டி
கல்விக்கண் விளக்கு தேடி
அலுத்து பாதியில்
முறிந்த பயணத்தை
எண்ணியபடி 
இணையத் தமிழ்
நிழலில் உடைந்த
நிலாச் சிதறல் 
முற்றத்தில் காத்திருக்கிறது!

-சீனி

**

கண்ணே மணியே எனக் காதலித்து
கட்டிக்கரும்பே அமுதே எனக் குழைந்து
நீயின்றி நான் இல்லை எனக் குழறி – பொழுதை
நித்தம் தொலைபேசியில் தொலைந்ததே

ஆசையால் கைப்பிடித்து ஆனந்தமாய்
இச்சையுடன் தனிக்குடித்தனம் போய்
கூடிக்குலவி  கணவன் மனைவியாய் – காலத்தை
தேடிக் கைபேசியில் கரைத்ததே

இன்பக்கடலில் இல்லறம் செல்லாதே
துன்பக்கடலில் இல்லறம் சென்றதே!
அலைபேசியில் அலைந்து ஐயப்பேய் – உள்ளத்தை
அலைக்கழிக்கப் பாதியில் முறிந்தது பயணம்.

- மீனாள் தேவராஜன்

**

அருமையாக  வாய்த்திட்ட  வாழ்க்கை  தன்னை
    அன்பான  மனைவியொடும்  குழந்தை  யோடும்
பெருமைதரும்  வழியினிலே  வாழ்ந்தி  டாமல்
    பேரழிவைத்  தரும்மதுவிற்  கடிமை  யாகி
வருவாயை   அதிலிழந்து  குடும்பம்  தன்னை
    வறுமையிலே  துடிதுடிக்க  வாட  விட்டும்
உருவான  நோயினிலே   சிலரோ  இங்கே
    உயிர்ப்பயணம்  பாதியிலே  முறிக்கின்  றார்கள் !

வெண்சுருட்டால்  வரும்நோய்தான்  என்ற  றிந்தும்
    வெளித்தெருவில்  வீட்டிற்குள்  புகையி  ழுத்துக்
கண்சுற்றி  கருவளையம்  காச  நோயும்
    கணையம்தான்  பாதிக்க  உடலும்  வீங்க
மண்மீதில்   வாழ்வதற்காய்க்  கிடைத்த  வாழ்வில்
    மரணத்தைப்  பாதியிலே  அழைத்து  வந்து
கண்முன்னே  கிளைமுறிந்து  விழுதல்  போல
    கண்மூடி  சிலரிங்கே  விழுகின்  றார்கள் !

அற்புதமாய்  வாய்த்திட்ட   இயற்கை  தன்னை
    அழிக்காமல்  மாசாக்கிக்  கெடுத்தி  டாமல்
குற்றங்கள்  வன்முறையில்   கொள்ளை  யிட்டுக்
    குவிக்காமல்  நேர்வழியில்  பொருளை  யீட்டி
நற்பண்பில்   வாழ்க்கையினை  அமைத்துக்  கொண்டால்
    நடுவழியில்  பயணம்தான்  முறிந்தி  டாமல்
உற்றதொரு  புகழோடு   ஞாலம்  போற்ற
    உயர்வாக  வாழ்ந்திடலாம்  இறந்த  பின்பும் !

- பாவலர்  கருமலைத்தமிழாழன்

**

கண்டதும் காதல் கொண்ட 
கோதையர் பலரும் 
கண்ணிலே காதல் பேசும் 
காளையர் பலரும் 

கணப்பொழுதில் காதல் கொண்டு 
கடுமையாய் காதல் உண்டு 
பெற்றோரை எதிர்த்து நின்று 
பெருமையாய் மணமும் கொண்டு 

மூன்று மாதம் முடிக்கையில
மூவேளை உணவிருக்கோ 
முடங்கிடவே இடமிருக்கோ 
ஆனாலும் பஞ்சமில்ல 
அடிதடிக்கு மட்டுமங்கு 

காதல் செய்கையிலே
கண்ணேன்னு சொன்னவங்க 
கல்யாணம் முடிஞ்சதுமே 
கழுதைன்னு சொல்வதென்ன 

உண்மையான காதலுன்னா 
உடலை மட்டும் பாக்காது 
உயிரோடு மனம் பார்க்கும் 
உறவுக்கே உயிர் கொடுக்கும் 

உடல் பார்க்கும் காதலெல்லாம் 
உண்மையான காதலல்ல 
பாதியில முறிந்து விடும் 
பாழாக்கி வைத்து விடும் 

- பார். விஜயேந்திரன்

**

உலக வாழ்க்கையே 
ஒரு பயணம் தான் !
உனக்கான வாழ்க்கைப்
பயணம் 
பாதியில் முறிந்தது என்று
பயணத்தை முடித்துக் கொள்ளாதே  !
எதிர்பாராமல்  நிகழும்
ஏதாவுதொரு தடங்கலால்
திசை மாறும் பயணம் உண்டு !
திருப்பங்கள் தரும் தருணமும் உண்டு !
பார்வையும் பாதையும் மாறினாலும்
பயணங்கள் என்றும் முடிவதில்லை.!
பாரினில் பயணிக்க பாதை
பல உண்டு என்பதால்
புதியதோர் பாதை தேர்ந்தெடு !
புதியதோர் பயணம்தொடங்கு!இலக்கு     
கொண்டு பயணிக்கையில்
இடையே இடர் பல வருவதுண்டு !
இடறி  விழாமல் பயணிக்க
இதயமதில் நம்பிக்கை கொள் 
மனிதா ! முன்னேறும்  எண்ணமதில்
திண்ணமாயிருந்தால்
முடிவில் கிடைப்பது வெற்றியே !

- ஜெயா வெங்கட்

**

அகத்தேடலின் ஒரு பயணம்.
தேடுதல் துறக்கவும் தேடிய‌ பயணம்.
பயணப்பட்டோம்.. 
பெரும் குன்றுகள்.. 
நடுங்கவைக்கும் பள்ளங்கள்..
சிரிக்கும் சிற்றோடைகள்..
சிறுவெளிச்சம்.. பெருமௌனம்..
கைப்பிடிக்கும் வழித்தடங்கள்..
உள்ளம் விரிக்கும் பரந்தவெளிகள்
சித்தன் மொழிகள் சிதறிக்கிடக்கும் காடு.
குன்றிலிருந்த சித்தனைத்தேடி வந்து
பாதியில் நின்றது பயணம்...
பெரும் மழை..
திசை மாறியது பயணம்..
கந்தலோடு கந்தலாய் நனைந்திருந்த‌
வழிப்போக்கன் வழித்துணை ஆனான்
கருப்பன் என்று பேர் சொன்னான்.
சித்தனையா தேடி வந்தீங்க ?
சித்தன் சிரிச்சதால பேய்மழையாப் பேயுது.
கருப்பட்டியும் கருஞ்சுருட்டும்
சித்தனுக்கு ஆகாத பொருளொன்னும்
எனக்கு வேண்டாத பொருளொன்னும்
எங்கிட்ட குடுத்துப் போங்க‌..
பேராசை பெருங்கோபம் 
பெருந்தீனி பெருங்காமம்
பொய்பொரட்டு பொறணியெல்லாம் 
சித்தனுக்கு ஆகாது
இந்தக் கருப்பனுக்கும் ஆகாது
எங்கிட்ட குடுத்துப் போனா
சித்தன்கிட்ட தந்துவிட்டு சொல்லிவெப்பேன்
சித்தனே வரச்சொல்லி உங்ககிட்ட சொல்லிவெப்பான்..
சித்தன் சிரிச்சதால பேய்மழையாப் பேயுது..
வந்த வழி சேர்த்துவிட்டு கருப்பன்
போன வழியே பாடிப்போனான்.
பயணம் பாதியிலே நின்றாலும்
வாழ்க்கையில் 
பயணங்கள் என்றுமே முடிவதில்லை.
பிறகு
கருப்பட்டியும் கருஞ்சுருட்டும் சுமந்துபோன‌
பயணங்கள் அவ்வளவு..ஆனால்..
கருப்பனைக் காணவில்லை..
கருப்பனே சித்தனனால் 
கண்ணுக்குத்தான் தெரிவானோ ?

- ரமேஷ் கோபாலகிருஷ்ணண்

**

செல்லும்வழி எல்லாம் சொல்லும் காதல்மொழி
வெல்லும் இந்த உலகையெல்லாம் போதைவிழி
கள்ளவிழும் பூக்கள் சொல்லும் காமன்மொழி 
முள்சுமந்த காட்டில் என்ன மோகவழி?

ஆதியிலே வந்த திந்த ஆசை நெஞ்சம்
அன்புவழிப் பயணத்தில் எல்லாம் வஞ்சம்
பாதியிலே நின்றதடி பாழ்பட்ட பயணம்
பாடையிலே போகவைத்த போகத்தின் நயனம்

மலஜல மூட்டை ஒன்பதுவாய் ஓட்டை
மயக்கத்தில் ஏனிந்த மந்திரக் கோட்டை
கலகல எனவரும் வாழ்க்கை ஓடை
கடைசியில் மிஞ்சும் காலற்ற பாடை

யார் தொடங்கி வைத்ததிந்த பயணம்
எதைத் தேடிப் போகுதிந்த பயணம்
மார்தொடங்கி மண்முடியும் அவலத்தின் பயணம்
வடித்தெடுத்த பூமியிலே தேகம்கொளும் சயனம்

- கவிஞர் மஹாரதி

**

பாதையறியா பயணங்கள் கூட முடிவுறும்!
மனிதன் மாண்பு தவறிய பயணம் பாதியிலே முறியும்! 

உணர்வறியா உறவினால் காதல் முறியும்!
மதிப்பறியா மனதினால் உறவு முறியும்!
கேடுகெட்ட மதியினால் நட்பு முறியும்!
சூட்சம புத்தியினால் சுற்றம் முறியும்!

வழியறியா பயணம் பல உண்டு வாழ்வில்! 
அதை கடந்து சென்றால் வெற்றி!
தடுக்கி நின்றால் அனுபவம்!
சிலிர்த்து நின்றால் ஆர்வம்!
சோர்ந்து தங்கினால் தோல்வி! 
முறிந்து போகும் பயணம் முற்றிடுவதில்லை! 

சினம் காத்து, நாவடக்கி திட்பம் சரியாக அமைவின் எப்பயணமும் நில்லா! 
அப்படியேனும் நிற்பின் அதற்கான விடை காலத்திடம் உண்டு! 
கனியும் காலத்திடம் கணக்கும் உண்டு! 

விடை நோக்கி காத்திருப்போம்! 

-இனிய தமிழ் செல்வா, ஓமன்

**

பயண மென்பதே ஒரு சுகம் தான் – அது
பாதியில் முறிந்தால் சோகம் தான்!
அயரா(து) உழைக்கும் சூரியன் போல
அன்றாடம் உழைத்தால் வெற்றி தான்!
பயிலும் பள்ளியில் பயணம் என்றே
பாதியில் முறிந்திடின் கவலை தானே!
துயிலா கடல லை நீரதனில் – பளிங்கு
நிலாவின் பார்த்தல் நல்ல மகிழ்ச்சியே!
வானில் பறந்திடும் பறவைப் போல
விண்ணில் பறந்திட வாய்ப்பு கிட்டின்
கானம்பாடி மகிழ்ந்தால் மறுப்பு சேதி
காதில் விழுந்து விட்டால் கவலையே!

- கவிஞர் கே. அசோகன்

**

இலையுடன் பனியின் பயணம்  
வெயில் வரும் வரையே
செடியுடன் பூக்களின் பயணம்  
அதை பறிக்கும் வரையே
அலையுடன் கரையின் பயணம் 
தொட்டு செல்லும் வரையே
இரவுடன் பூமியின் பயணம் 
பொழுது விடியும் வரையே
ரயில் சிநேகம் பயணம் 
முடியும்வரையே 
நட்பின் பயணம் நம்பிக்கை 
உள்ள வரையே
இப்படி அனைத்துமே பாதியில் 
முறிந்த பயணம் எனில் 
நம்மை விண்ணுலகுக்கு 
எடுத்து செல்லும் 
இறப்பு மட்டும் 
விதிவிலக்கா என்ன
அதுவும் நம் வாழ்விலிருந்து 
பாதியில் முறிந்த பயணமே!!

- பிரியா ஸ்ரீதர்

**

ஏதோ நினைத்தேன்,
எதுவோ நடந்தது;
ஊர் பேச்சைக்கேட்டேன்,
துயர் வந்து சேர்ந்தது

அறியாமையில் தவித்தேன்,
அசரீரி குரல் கேட்டது;
உன் வாழ்வை,
நீ வாழு என்றது

யாரோ சொல்வதை,
கேட்பது எதற்கு?
அதனால்ஏற்படும்விளைவுகளுக்கு,
அவரா பொறுப்பு?
உனக்கு பொறுப்புணர்வு
வேண்டாமா என்று கேட்டது ?

உன் மனம் சொல்வது,
உனக்குப்பொருந்தும்;
உளமாற அதைப்போற்று,
வாழ்க்கைப்பயணத்தை 
அதனூடே மாற்று,
என்று பாடம் எடுத்தது

உன் முக்கிய முடிவுகளை,
நீயே எடு;
உன்
மனதைக்கேட்டு!
என,
மனமாற வாழ்த்தியது

ஒருவேளை தப்பாக போனால்கூட,
அது உன் முடிவு தானே;
அடுத்தவரிடம் உன்னை அடகு வைக்காதே,
என்று சுயமரியாதையுணர்வை விதைத்தது

ஊருக்காக உழைப்பது சரி,
ஊர் பேச்சை கேட்டே,
உன் முடிவுகளையெல்லாம்,
எடுப்பது சரியா?
உன் நடவடிக்கைகளையெல்லாம்,
அமைத்துக்கொள்வது சரியா?

தவறான பயணத்தை,
பாதியிலே நிறுத்து,
அதுதானே சிறப்பு;
தீதும் நன்றும்,
பிறர்தர வாரா !
என்று போதித்தது

- ம.சபரிநாத்

**

முறிந்த   பயணம்.
முடியாத   பாதைகள்.
கலைந்த  கனவுகள்.
தொலையாத நினைவுகள்.

எங்கேயும்  எப்போதும்
எதிர்பாராதது  நடக்குமென
ஏற்றுக்கொண்டால் என்றும்
எளிதாகும் வாழ்க்கைப் பயணம்!.

அடுத்தது  என்னயென யோசிக்க
அடுக்கடுக்காக வழி பிறக்கும்!
அடுத்தஅடி  எடுத்து வைக்க
அவை உதவியாக இருக்கும்.!

முடியாது என முனகினால்
முயற்சியது  விலகிடும் !
முடியும் என முயன்றால்
முறிந்தகிளையிலும் பூ மலரும்.!

- கே.ருக்மணி

**
 
ஜாதகங்கள் சாதகமாய்
கோள்களே கோலமிட
முதியோர் முன்னிலையில்
ஜோசியன் ஆசியுடன்
இறைவனை வேண்டி
இணைந்தன இரு மனங்கள் !!
மின்சார உணர்வுகளால்
சம்சார கருப்பையில்
ஒரு வெளிச்சம் !!
மூழ்கிய நீருக்குள் மெதுவாய்
மூச்சு விடத்தொடங்கியது !!
தொப்புளாய் ஒரு கால்வாய் பாசனம் ,
செழிப்புடன் வளர்ந்தது குட்டிப்பயிர் !!
வளர்ச்சி வெள்ளத்திற்கு அணை கட்டிய
அறிவியல் அதிசயம் ஒன்று 
அரக்கனாய் மாறுமோ  –-
தீபத்தின் ஆழத்திலும் ஒரு கருப்பு உண்டு –
இந்த ஸ்கேன் கருவியும் அப்படித்தானோ ?
அமிலம் ஊற்றி
அழித்தனர் அந்தச்செடியை –
பாதியில் பயணம் நிறுத்தி பூமியை தொட்டது --
ஆம் அது பெண் சிசுவாமே !!

- கவிஞர் டாக்டர்.  எஸ். . பார்த்தசாரதி

**

இருமனம் இணைந்து ஒருமனம் 
உருவாகியது திருமண உறவில் !
அருமையான  வாழ்க்கைப் பயணம் ஆரம்பம் 
அந்த இருவருக்கும் !
இனிதே தொடங்கிய ஒரு பயணம் 
முடிந்ததே  ஒரே  நாளில் ! ஒரு சாலையில் !
காரணம் ஆயிரம் சொன்னார் சுற்றமும் நட்பும் !
குறை பல சொன்னார் மற்றவர் மீது !
உரைக்கவில்லயே இன்னும் ஒரு உண்மை 
உறவினருக்கு ! தலைக் கவசம் அணிவது 
ஒரு உயிருக்கு கவசம் என்னும் உண்மை !
கவசம் இருவரும் அணிந்து இருந்தால் 
பாதியில், ஒரு பாதையில் முறிந்து 
முடிந்து இருக்குமா அந்த இருவரின் 
வாழ்க்கைப் பயணம் ?
சற்றே சிந்திக்க வேண்டும்... இரு சக்கர 
வாகனம் ஓட்டும் அனைவரும் ! காவலர் 
கேட்டாலும் கேட்காவிட்டாலும் , அந்த 
தலை கவசம்தான் உங்கள் உயிர் கவசம் !
கவசம் எத்தனை நீங்கள் படித்தாலும் 
மறக்க வேண்டாம் இந்த கவசத்தையும் !

- கே.நட்ராஜ்

**

திட்டம் இடாத பயணங்கள்
திசை மாறிப் போவதுண்டு
பட்டம் வாங்கிடும் வேளையிலும்
பலர் பயணத்தில் தடைக்கற்கள்
பலானதாய் வருவதுண்டு.

பாதியில் முறிந்த பயணங்களில்
பலர் வாழ்க்கைகூட இழந்ததுண்டு
பகட்டு வாழ்க்கையைப் பற்றியதால்
பலர் வாழ்வில் பயணம் முடிந்ததுண்டு 

உறவுப்பாதைகள் அறிந்தவர்க்கு 
உள்ளம் உத்தமப்பயணங்கள் புரிந்ததுண்டு
நிலைமை தலைகீழாய் மாறியதால்
நித்தம் சித்தம் தடுமாறும்பயணமுண்டு

பாதை தவறிய வேளையிலும்
பாங்குடன் எல்லாமே  நடப்பதுண்டு
பட்டப் படிப்புகள் இல்லாத சிலருக்கும்
பணம் பதவி உயர்வுகள் வருவதுண்டு.

ஆதியில் திறம்படத் திட்டமிட்டால்
பாதியில் பயணங்கள் முடிவதில்லை
வீதியில் பாதையை மாற்றிவிட்டால்
விபரீதங்கள் வருவதில் சிக்கலில்லை.

பரமனை மறவாமல் துதித்தவர்க்கு
பாதையில் பயணத்தில் சிக்கலில்லை
பயணங்கள் திசைமாறிப்போனாலும்
பாதியிலும்  ஆதியிலும் முடிவினிலும் 
பயம்தரும் தோல்வியே இல்லையே!.

- புலவர் களந்தை நரசிம்ம சுப்பிரமணியன்

**

வேலையில்லா திண்டாட்டம் 
வெளி நாடு புறப்படும் சமயம் அது
பாதியில் முறிந்த பயணம் ஆனது
வீடு காக்கும் எண்ணமிருப்பின்
சோடு தைத்தாலும் வாழலாம் 
பட்டதாரியானாலும் இரும்படி 
பட்டறையில் உடம்பு சொட்டு
வியர்வை விட்டாலும் வாழலாம் 
இளகாத இரும்பைக் கூட இளக்கி 
அக் கிடைக்காத வேலையை நம்பி 
அன்றாட வயிற்று பிழைப்பே 
கெடவிடலாமா
பாதியில் முறிந்த பயணம் அதை 
எண்ணிக் கவலை தான் படலாமா 
வெளிநாட்டு வேலை மோகமதை 
விட்டுவிட்டு சுயமாயொரு 
திட்டமதை தீட்டிக் கொண்டு 
தானே ஒரு வட்டத்தை
வகுத்துக்கொண்டு நாலு பேர்க்கு
நீயே வேலை போட்டுத் தரலாமே 
கற்ற அறிவுக்கு வேலை கொடு
நானும் முதலாளி எனும் பெயரெடு 
ஆழ்ந்து யோசிக்க சற்று ஓய்வு எடு 
மன சஞ்சலத்தை விடு தவிக்கும் 
பேர்கள் கண் ஜலத்தை துடைத்திடு

- ஆபிரகாம் வேளாங்கண்ணி 

**

பணமில்லாமல் பாதியில் படிப்பை நிறுத்தும் 
மாணவரின் கல்விப் பயணம்

நட்டத்தால் தொழிலை பாதியில் நிறுத்தும்
தொழில் முனைவோரின் பயணம்

திறமைக்கு மதிப்பு கிடைக்காததால் வேலையை 
விடும் தொழிலாளியின் வேலை பயணம்

காதலர்களின் புரிதல் இல்லாமையால் பாதியில்
முறியும் காதலர்களின் காதல் பயணம்

கருக் கலைவால் பாதியில் முடியும்
குழந்தையின் பயணம்

குதிரை பேரம் படியாததால் ஆட்சி கவிழ்ப்பால்
முடியும் அரசியல்வாதிகளின் ஆட்சி்ப் பயணம்

லஞ்சம் வாங்கும்போது பிடிபடுவதால் முடியும் 
அரசு அதிகாரிகளின் அரசுப் பணி பயணம்

இவ்வளவு பயணங்கள் பாதியில் முறிந்தாலும் .............. 

விழிப்புணர்வு இல்லாத பொதுமக்களின் அப்பாவித்தனமான பயணம்
வாக்காளர்களின் வாக்களிக்கும் ஏமாற்றமான தேர்தல் பயணம்
ஊழல் அரசியல்வாதிகளின் ஊழல் பயணம்
லஞ்சத்தில் ஊறித் திளைத்த அதிகாரிகளின் லஞ்சப் பயணம்
குறைந்த ஊதியத்திற்கு வேலை செய்யும் தொழிலாளர்களின் வேலைப் பயணம்
பாலியல் பலாத்காரத்தில் ஈடுபடும் மனித மிருகங்களின் காட்டு மிராண்டிப் பயணம்

இவர்களின் இத்தகைய பயணம் என்று தான்
பாதியில் முறிந்த பயணமாகப் போகின்றதோ ? 

- ஆம்பூர் எம். அருண்குமார்

**

காதலித்தேன் வாழத்தான் , வாழ்வை காவு கொடுக்க அல்ல
காலத்தால் அழியாத காதலென்றாய் நீ ஆதரித்தேன் நான்
மோதலிலும் காதல் வரும் என்பார் அது போல
நம்மிடையே மலர்ந்தது அந்த பாழாய்போன காதல்
மோகத்தால் வந்த காதல் அல்ல அது முழுதானது
முக வசீகரத்தால் வந்த லகாதல் அல்ல இது
வேகத்தால் வந்த காதல் அல்ல, விவேகமாய் ஆனது
இணைந்த கோடுகளாய் ஆவோம் என்றாய் நீ
இருகோடுகளாய் ஆகிப்போனோம் நாமிருவரும்
இணைந்தபோது என்னனனவோ பேசினோம் மெரினாவில்
எழுச்சிப் போராட்டத்தில் வேறெதும் தெரியவில்லை  
எதுவுமே  நம்  கண்ணுக்குத் தெரியவில்லை, கருத்துக்கும்
இந்த நேரத்தில் நமது பெற்றோருக்கும் , மற்றவர்க்கும்
யாருக்கும் நாம் போராட போவது பிக்க வில்லை
அன்பாக அமதியாக பாதுகாப்பாக, மகிழ்வாக வாழ ஆசை!
போராட்டக் நடகிறது போவோம் வா என்றாய் நீ!
பின்வாங்கி விட்டேன் பாதியில் முறிந்தது பயணம்
கொழைத்தனம் என்று நீ சொன்னாலும் பரவாயில்லை
இந்தத்தருணத்தில் மன்னிக வேண்டுகின்றேன் போ1
பாதியில் முடிந்தது பயணம் புறப்படுவாய் என்றாள்!

- கவிஞர் அரங்க.மணி

**

வாழ்க்கை  என்பதும்  பயணம்தான்…
வாழும்வரை பயணம் தொடரும்தான்…
கடக்கும்வழிகள் எல்லாம் அனுபவம்தான்…
காலமும்நமக்கு உணர்த்தும் பாடம்தான்…
இரவும்பகலும்  நாளும்  வந்துபோகும்…
இந்தநேரமும்  நாளை  மாறிப்போகும்...
தவறுகளை  தோல்வியும்  திருத்திப்போகும்...
தடைகளை  வெற்றியும்  தாண்டிப்போகும்…
மரணமும்  ஓர்நாள்நம்  வாழ்வில்வந்தது...
மரணம்தான் மனிதனை இறுதியில்வென்றது…
பயணமும்  தொடராதுஎன்பது தெரிந்தது...
பயணமும் இங்கேபாதியில் முறிந்தது...

- கவிஞர் நா. நடராசு

**

வெடித்த பாதம் 
வெயில் தொடும் முன்! 
வேகமாய் 
விறகு எடுத்து தலையில் 
முந்தானை சிம்மாடாகிடும்! 
அடகு வைத்த குடும்ப அட்டை 
அடிவயிற்று பசி தீர்த்திட வழியில்லை! 
பத்து பாத்திரம் தேய்க்கும் வீட்டு மீதமே 
அனுதினம் அம்மா தரும் அமிர்த உணவு!
விட்டு விலகிப்போன அப்பா நினைவாய் 
தொங்கிடும் தாலி கயிற்று ஊக்கு அறுந்த 
மஞ்சள் பைக்கு காதாகிடும் கல்வி புத்தகம் சுமக்க! 
காடு மலை ஓடி 
காந்தி தாள் தேடி அன்னை சேர்த்த 
சேமிப்பு பட்டம் பெற்று தந்தது! 
ஊர் போற்றும்
உயர்ந்த வேலை கைநிறைய 
சம்பளம் யென்று புகழ் உச்சி சென்ற எனை!
பாரட்டிட வேண்டியவள் 
பயணத்தை பாதியில் முறித்து 
மூங்கில் கட்டிலில் படுத்தால்! 
பசிக்கு
பாலூட்டியவள் பாழாய்ப்போன புற்றுநோயால்! 

- தஞ்சை. ரீகன்

**

பாதியிலே முறிந்த பயணம் என்றால்
..........பயணமும் முடியாப் பலனும் இல்லை.!
வீதியிலே செல்லும் போதில் கூட
..........விதியென்று வந்தால் வழியும் மாறும்.!

ஆதியுடன் அந்தம் அறியாப் போகும்
..........அர்த்தமற்ற பயணம் அதுவே வாழ்வு.!
நாதியற்றுப் போனேன் நானும் என்றே
..........நாள்முழுதும் புலம்பி நைந்து போவார்.!

பாதியிலே முறிந்த பயணம் போல்தான்
..........பலருக்கும் அமையாப் பண்பாய் வாழ்வு.!
நீதிகேட்டு தினமும் நாடும் மன்றம்
..........நெடுங்காலம் சென்ற நெடிய பயணம்.!

வாதிட்டு வென்று வாகை சூட்ட
..........வகையில்லை யதுவே வாழ்க்கைப் பாடம்.!
மாதிரிக்குப் பலவும் மனதில் உண்டு
..........மறையாது இன்னும் மறக்க வில்லை.!


மேதினியில் நாமும் மேன்மை பெற்று
..........மேன்மையாக வாழ மனதில் தோன்றும்.!
ஆதிமுதல் உழலும் அனைத்துத் துன்பம்
..........அடியோடு அகற்ற ஆர்வம் எழும்.!

பாதியில் முறிந்த பயணம் என்றால்
..........பயமிலாமல் மனதும் பாடம் கற்கும்.!
போதிமர நிழலில் புத்தனும் பெற்ற
..........போதனைகள் போலப் பின்னும் வேண்டும்.!

- பெருவை பார்த்தசாரதி

**
நெட்டி முறித்து
நிமிர்ந் தெழுந்து
காலைக் கடமைகள்
கழித்து;
இயந்திரக் குதிரையை
இயக்கி; - இராம
பாணமாய் விரைந்து;
இல்லற துணை தேடி
முல்லை மனத்தோடு
முழுமை நினைவோடு
பள்ளம் பாராமல்
பதறி விழுந்ததில்
பரமனைத் தேடும்
ஆவியாய்; நிகழை
மறந்து நினைவிலாடி
வில்லினை முறித்து
இராமன் வென்றான்;
பயணத்தை முறித்து
பாதையை யிழந்தேன்....

- ப.வீரக்குமார்

**
வெளிநாட்டு வேலை
வெல்லும் வாழ்க்கை
துள்ளிய உள்ளம்
துரிதம் வெள்ளம்
பச்சை வயல்கள் மறந்து
பசுந்தளிர் மனங்கள் மறந்து
செவ்விதழி மனையாள்
சொந்தம் விலக்கி
வேலையனுமதி, பயணச்சீட்டு பெற்று;
பறந்தேன் ; புதிதாய்
ஒரு புத்துலகம் காண;
இறங்கிய நிலையில்
எனக்கான முகவர்
எழில் பதாகை சுமந்து
ஏற்றமாய் பார்த்து;

பணிக்குச் சென்றேன்
ஊதியத் தகராறில்- என்
கடவுச்சீட்டை எரித்த
கணக்காளனால்;

எப்படி திரும்புவேன்
என்புவி தேடி
கையில் காசுமில்லை
தெரியாத பாட்டையிலே!!! ....

- முகில் வீர உமேஷ்

**
கருவறையில் தொடங்கி 
கல்லறையில் அடங்குவது
மனிதனின் 
வாழ்க்கைப் பயணம்!
சுற்றியடிக்கும் சுனாமி புயலால் 
பாதியில் முறிகிறது 
பலர் வாழ்க்கைப் பயணம்!

சிந்தனையாளனை 
உருவாக்கத் தொடங்கும் 
கல்விப் பயணத்தை
தேர்வு என்னும் அரக்கன் 
சிறைபிடிப்பதால் 
பலருக்கு பாதியில் முறிந்த பயணமாகிறது
கல்விப் பயணம்! 

காதலித்து கரம் பிடிக்கும் 
இளைஞர் கூட்டம் 
இறுதிவரை 
வாழ்க்கை நடத்தினால் 
வெற்றிப்பயணம்!
இடையில் வழக்கு நடத்தினால்
வாழ்க்கையாகும் 
பாதியில் முறிந்த 
வெற்றுப் பயணம்!

கடைமடை அடையா 
காவிரிப் பயணத்தால்
பாதியில் முறிந்த பயணமாகிறது
பயிர்களின் பயணம்!

மனிதனுக்குள் 
அடிக்கடி நிகழும் மதுப் பயணத்தால்
பாதியில் முறிந்து போகிறது 
பலர் வாழ்கை பயணம்!

ஏழைகளின் நிலத்தை பிடுங்கி அமைப்பது 
எட்டு வழிச்சாலையல்ல-அது 
அவர்களின் கடைசி வழிச்சாலை!

எரிபொருள் விலையை 
ஆகாயத்தில் பறக்க விட்டு விட்டு
ஏழைகள் பயணத்தை 
பாதியில் முறித்த மத்திய அரசு! 
ஏழைகளை 
ஆகாயத்தில் பயணிக்க வைப்பதே 
நோக்கம் என்கிறது!

-கு.முருகேசன்

**

திங்கள் கிழமை

ஞாயிற்றுக்கிழமை பார்த்த 
திரைப்படங்களை 
அசை போடக் கழிந்தது - 
அரை நாள் - என்ன செய்வது 
என யோசிக்க முடியும் முழு நாள் .

செவ்வாய்க்கிழமை

டி.வி. நாடகம் அதே மாமியார் மருமகள்
வரதட்சனைக் கொடுமை
பிழிந்து அழுது கண் துடைத்தாலோ - 
கரைந்து போகும் இன்னொரு தினமும்

புதன் கிழமை

புத்தி வந்தது - படிக்க நினைத்து புக்கை திறந்தால்
பவர் கட் - அன்றைய தினமும் ஆஃப் ஆனது.

வியாழக் கிழமை

வெளியே சத்தம், எட்டிப் பார்த்தால் 
குடும்பச் சண்டை, 
முழுவதும் பார்த்ததில் முடிந்தது ஒரு நாள் 

வெள்ளிக்கிழமை

மாரியம்மன் கோவில்,
மாவிளக்கு ஊர்வலம்
ஜெக ஜோதியாய் கழிந்தது தினமது

சனிக்கிழமை

மாமா பெண் பாமா விஜயம்,
ஆஞ்சனேயர் கோவிலும்
ஐஸ்கிரீம் பார்லரும், 
காதலோடு கழிந்தது - படிக்க முடியாமல்

ஞாயிற்றுக்கிழமை

சலூனில் ஏகப்பட்ட கூட்டம் - காத்திருந்து முடிவெட்ட
கடைக்குப் போக, காய்கறி வாங்க,
கிழிந்த நோட்புக் அட்டை மாற்ற

இப்படி எல்லா தினங்களும் எப்படியோ - கழிந்து விடவே

இறைவா - எங்களுக்கு இன்னும் 
நிறைய கிழமைகளைக் கொடு,
நாங்கள் படிக்க வேண்டும்
இப்படிக்கு கல்விப் பயணம் 
பாதியில் முறிந்த மாணவர்கள்

- செந்தில்குமார் சுப்பிரமணியன்

**

எல்லாம் நல்லா நடக்குமுன்னே! 
எங்கும் இல்லா நாடகமிங்கே! 
பெரியோரெல்லாம் கூடி பேசி 
முடிச்ச கல்யாணம்! 
காதலோ,கலப்பு கல்யானமோயில்ல! 
ஊடல்,கூடல் கலந்த கலவியால்! 
காதலின்பம் பெற்றதே மழலையாய்! 
யார் கண் பட்டதோ சிக்கலில் 
வீழ்ந்ததே மணவாழ்வும்! 
கோபமும், வெறுப்பும்  குறையவில்லையே! 
காலமெல்லாம் சேர்ந்து வாழும் பந்தம்! 
கோலமெல்லாம் கலைந்து காணும் பிம்பம்! 
உப்புசப்பு ஒன்னுமில்லா காரணத்துக்கு, 
ஒப்பில்லாத வாழ்வைத் தொலைக்கும் 
உறவிதா? மனமென்ன உடையும் 
கண்ணாடியா?  உடைந்தால் அது ஒட்டுமா?  
குடும்ப நீதிமன்றத்தை நாடுகிறாய்? 
பேச்சுவார்த்தையா, விவாகரத்தா, 
மணமுறிவா? சிறுவயது 
கண்ணாமூச்சி ஆட்டமா?     
பொறுமையுடன் அமைதியாய் 
யோசித்துப்பார்! 
பாதியில் முறிந்த பயணமா?  
கொலம்பஸ் தடைகளை வென்றிடவே 
கண்டான் புதிய பயணங்களே! 
மண்ணில் மீண்டுமொருமுறை 
பிறக்கப் போவதில்லை!  
போதும் பாதியில் முறிந்த பயணம்! 

- ஆகாசம்பட்டு A.k.சேகர்


 

]]>
http://images.dinamani.com/uploads/user/imagelibrary/2018/9/30/w600X390/images_1.jpg http://www.dinamani.com/specials/kavithaimani/2018/sep/30/கடந்த-வாரத்-தலைப்பு-பாதியில்-முறிந்த-பயணம்வாசகர்களின்-கவிதைகள்-3011100.html
3006271 ஸ்பெஷல்ஸ் கவிதைமணி கடந்த வாரத் தலைப்பு ‘சொற்கள்’வாசகர்களின் கவிதைகள் பகுதி 2 கவிதைமணி DIN Sunday, September 30, 2018 02:13 PM +0530 சொற்கள் வார்த்தைகளா? எழுத்துகளின் சேர்க்கையா? 
சிந்தனைகளின் உடலசைவின் மொழியா? 
எண்ணங்களின் வார்ப்படமா? ஒலிகளா,ஓசைகளா? 
பாவனைகளா,பார்வைகளா? பேசுதலா,கேள்விகளா? விடைகளா? 
சீரா,அசையா, தளையா, எதுகையா, மோனையா? பொருள் தருவதா? 
மொழியின் அடிப்படைக் கூறுகளா? 
ஓரெழுத்தொரு,ஈரெழுத்தொரு பகுபதமா? பகாபதமா? 
தனியெழுத்து,தொடரெழுத்துள்ள பொதுமொழியா? 
தொல்காப்பியம் முதல் நன்னூல் வரை 
சொல்லும் நால்வகையா? 
பெயர்,வினை,இடை,உரியும் பொருள்படுமே! 
சொற்கள் முற்று, எச்சம்,தெரிநிலை, 
குறிப்பும் வினைப்பகுபதமே! 
பகுதி,விகுதி,இடைநிலை,சந்தி,சாரியை உறுப்புகளே! 
சொற்கள் புதையலா? 
எழுத்தின் அகரவரிசையில் சொல்லகராதியா? 
சொற்களஞ்சியமா? இலக்கணத்தின் எழுத்து, 
சொல், பொருள், யாப்பு, அணி வகையின் இலக்கியமே! 
அழகு சொற்கள், அன்பு சொற்கள்,வர்ணணை சொற்கள், 
வெற்று சொற்கள்,வாய் சொற்கள், நம்பிக்கை சொற்கள், 
மழலை சொற்கள், மந்திர சொற்கள், கற்பனை சொற்கள், 
காவிய சொற்கள், இளமை சொற்கள், ஆசை சொற்கள், 
காதல் சொற்கள், மங்கலச் சொற்கள்  என்றே பெருகிடுமே! 
கருத்தும், பொருளும் நிறைந்து, சொற்கள் மனிதன் 
மண்ணில் வாழும் வரை,மொழியும் சொற்களும்
நித்தியமாய் காலத்தால் அழியாமல் வாழ்கவே! 

- ஆகாசம்பட்டு A.k.சேகர் 

**
உந்தன் சொற்கள் ஆயிரம் கோடி
ரத்தம் அற்ற என்னைக் கொல்ல
எங்கே சென்றாய் ஆயுதம் தேடி?

சொற்கள் உனக்கு எப்போதும் கற்கள்
சூனிய விலங்கின் சூட்சுமப் பற்கள்
சொர்க்க வாசனைச் சொற்கள் எல்லாம்
தர்க்கப் பேச்சில் தறிகெட்டுப் போயின

நாவில் எப்போதும் நரக நெருப்பு
சாவில் தெரியும் சாத்தான் சிரிப்பு
பூவின் உள்ளே புத்தமு தெல்லாம்
தீவில் எரியும்  தீயின் சொல்லாம்

பெருமலை போன்ற பெருமை இங்கே
எரிமலைச் சொல்லில் எரிகல் ஆனது
அருங்கலை வார்த்தை அழகுகள் எல்லாம்
அழுங்கலைச் சுமக்க அன்பும் போனது


வேண்டும் வேண்டும் விண்ணும் மண்ணும்
தாண்டும் பெரிய தனியொரு வார்த்தை
தூண்டும் விளக்காய் தூமலர் விழியாய்
தீண்டும் தென்றலாய் தித்திக்கும் வாழ்க்கை 

- கவிஞர் மஹாரதி

**

ஒரு சொல் வெல்லும் ஒரு சொல் கொல்லும்
உண்மைதான் கவனமாகப் பேசுவோம் !

நல்லது பேசிட நல்லதே நடக்கும்
நாளும் இன்சொல்லே பேசிடுவோம் !

யாருக்கும் சாபம் இட  வேண்டாம்   
யார் மனதையும் புண் படுத்த வேண்டாம் !

தீக்காயம் ஆறி விடும் சில நாளில் 
சொல்காயம் ஆறாது சொன்னவர் வள்ளுவர் !

கனி போன்ற இனிமை  சொற்கள் இருக்க 
காய் போன்ற வன்சொல் எதற்கு என்றார் !

இனிமையாகப் பேசினால் உங்களை உடன் 
எல்லோருக்கும் பிடிக்கும் உணர்ந்திடுங்கள் !

உங்களிடம் மற்றவர் எப்படி பேச வேண்டுமென 
உங்கள் மனம் விரும்புகிறதோ அப்படியே பேசுங்கள் !

சொர்களால் யாரையும் காயப் படுத்த வேண்டாம் 
சோகத்தில் ஆழ்த்தி சுகம் காண வேண்டாம் !

.அன்பாகப் பேசுங்கள் அனைவருக்கும் பிடிக்கும் 
ஆணவப் பேச்சு ஒருபோதும் வேண்டாம் !  

மலர் போன்ற இன் சொற்கள் இருக்கையில்  
முள் போன்ற வன் சொற்கள் எதற்கு ?

- கவிஞர் இரா .இரவி

**
கல்லால் அடி பட்டாலும்
கனி மரங்கள் 
இனிய கனிகள்  
கொடுக்க மறுப்பதில்லை!

உலகில் 
கற்கள் போன்று 
சொற்களால் உன்னை அடித்தாலும்
கனிவான சொற்களை 
இனிமையாகப் பேசுங்கள் !


துன்பம் என்னும் அலை வந்து 
படகை அலைக்கலைத்தாலும்
துடுப்பு என்னும் 
இனிய சொற்களால் – உன் 
வாழ்க்கைப் படகை செலுத்து 
அமைதியாகக் கரை வந்து சேரும் ! 

- பொன்விலங்கு பூ.சுப்ரமணியன் 

**

அறுசீர் விருத்தம்
(மா மா காய்)

வெல்லுஞ் சொற்கள் சொல்லிடுவோம்
வேண்டும் நன்மை பெற்றிடுவோம்!
நல்லன வெல்லாஞ் சொல்லிடுவோம்
நலங்கள் யாவும் பெற்றிடுவோம்!
பொல்லாங் கதனை விரட்டிடுவோம்
போற்றி யாவும் வென்றிடுவோம்!
சொல்லுஞ் சொற்கள் யாவையுமே
சொந்தம் பெருகச் செய்திடுவோம்! 

– கவிஞர் வ.க.கன்னியப்பன்

**

நற்சொற்கள் மனதை வருடும்
தீஞ்சொற்கள் விலக்கி வைக்கும் 
நற்பண்புகளை வளர்ப்போம் 
நல்ல வார்த்தைகள் பகிர்வோம் 
பாதிக்காத சொற்கள் பேசுவோம் 
சொற்களால் சுகந்தமே தருவோம் 
புண்படுத்தாததை கூறுவோம் 
புரிய வைக்க சொல்லே சுகம் 
இதமாக மனதை தழுவட்டும் 
இனிக்கும் சொல்லே அமுதம் 
இதயத்தை அது குளிர்விக்கும் 
இனிமையினை உணரட்டும் 

- பாலா கார்த்திகேயன் 

**

நிறைமாத சொற்களை
நாவின்
கருபையில் பிரசவிப்பது
ஆனந்த யாழ் மீட்டி
பிரவாகப் படுத்தவல்ல
முகம் தெரியாதவரையயும் உயிர்ப்புபிக்கும் அனுபவம்

மழலையின் குழறலில்
சொட்டும் தேன்ஒழுகலில்
வியக்க
மனம் மகிழச்செய்யும அற்புதம்
அது மொழிகளின் திறப்பு வாசல்

பிரமாண்ட வெளியில்
வியாபித்த வெறுமையில்
உருவமற்று மின்னின
நட்த்திரங்ளாய்
பூகோள விரிப்பில் மொழிகளுக்கான
சொற்கள்

மாமிச குருதிக்கு முன்னால்
வார்த்தைகள் இருந்ததில்
திசைகள் பிரிந்தன

சிதறுண்டுப் போனதும்
தான் உச்சரித்த வார்த்தைகளை
சொற்களை முன்நிறுத்த 
போராடாமல் இருந்தில்லை 
எவரும்

தானே கரைக்கட்டுக்கொண்டு
தாகம் தணிக்கும் பெருநதிகள் 
கருத்துகள் ஊறிப்பாயும்
சொற்கள்
அது எங்கும் பாயத்தான் செய்யும்

சொற்கள் இன்றி
எப்பயணமும் நடவாது 
எவர்களாலும்

ஒற்றைச் சொற்கள்
ஒற்றை ஆட்சியின் கீழ்
எல்லோரையும் ஒடுக்க
அர்ப்பறிக்கிறது

என்றாலும் 
மொழியை வணங்குவோம்
முதலில் உச்சரித்த 
அவரவர் மொழியைப் போல்
நம் ஆதி மொழியாம்
தமிழையையும் வணங்கி காப்பாற்வோம்.

- கா.அமீர்ஜான்

**

ஒரு அபஸ்வரமான பாடலுக்கு
ஒரு மோசமான கவிதைக்கு
ஒரு எதிர்மறையான கதைக்கு
வெறும் சொற்களால் கட்டமைக்கப்பட்டவைக்கு
எதிர்வினையாக என்ன செய்ய முடியும்?
ஒரு நல்ல கதை ஒரு அழகிய கவிதை
இவற்றை எழுதுவதே பதில்!
பயனற்ற சொற்களால் இனி
ஒருபோதும் எழுதத் துணியாதீர்கள்
இனி சொற்களை இறைக்காதீர்கள்!

- சினேகா

***

சொற்கள் 
அமிழ்தினும் இனியது 
இலக்கணமும் 
தலைக்கணமும் அற்ற 
மழலையின் சொற்கள்!

மதிமயங்கியவனையும் 
தெளிய வைத்து
உற்சாகமூட்டுவது
நண்பனின் சொற்கள்!
தெளிந்தவனையும் 
தேன் குடித்த வண்டென 
மதிமயங்க வைப்பது 
காதலியின் சொற்கள்!

நாட்டை வளப்படுத்த உதவது 
மந்திரியின் சொற்கள்!
வீட்டை வளப்படுத்த உதவது
மனைவியின் சொற்கள்!
தொண்டர்களை பலப்படுத்த உதவது 
தலைவனின் சொற்கள்!

சுரம் பிடித்து நடக்கும் சொற்களால் 
பாடல் பிறக்கும்!
கரம் பிடித்து நடக்கும் சொற்களால் 
கவிதை பிறக்கும்!

துவண்டு விழுபவனை 
தூக்கி நிறுத்துவது 
ஊக்குவிப்பவனின் 
உற்சாகச் சொற்கள் !
போதையில் மூழ்கியவனையும் 
பாதை மாற்றுவது 
மனைவியின் 
மந்திர சொற்கள்!

சொற்கள் 
அருவியாய் விழுகிறது 
கவிஞனிடத்தில்!
சொற்கள் 
அறிவுரையாய் விழுகிறது 
தந்தையிடத்தில்!

நம்மை நலம் பெறச் செய்வது 
நண்பனின் சொல் எனில்
நம்மை ஏற்றம் பெறச் செய்வது 
எதிரியின் சொல்லன்றோ!

அடுத்தவரை சுட்டெரிக்கும் சொற்களைத்
தூக்கிப் போடுவோம்!
அடுத்தவரை தட்டி எழுப்பும் சொற்களை 
காதில் போடுவோம்!

வாய் பேசும் 
வார்த்தைகளைவிட
காதலியின் 
கண்பேசும் வார்த்தைகளுக்கு 
வலிமை அதிகம்!

பல் போனதால் 
சொல் போகலாம் 
சொல் போனதால் 
பால் போகலாமா?

பூக்களை 
நூலில் கட்டினால் 
பூ மாலை!
சொற்களை 
நூலில் கட்டினால் 
கவி மாலை!

மனிதன் பேசும் சொற்கள் 
தோன்றுவது என்னவோ  
சப்தத்தில்!
மனிதன் படைக்கும் சொற்கள் 
குவிந்திருக்கும் புத்தகமும்!
புத்தகம் குவிந்திருக்கும் நூலகமும்!
எப்பொழுதும் இருப்பது 
மௌனத்தில்! 
 - கு.முருகேசன்

**

சொல்லையும் கல்லாயாக்கித் தூக்கி நாம் வீசலாகும்
கள்ளையும் சொல்லாயாக்கின் காதிலே இனிமை சேர்க்கும்
சொல்லது தீயதானால் சொற்களோ சொற்கல்லாகும்
சொல்வது இனிதாயானால் சொற்களோ சொற்கள்ளாகும்
வெல்ல நாம் வேண்டின், எம்மை விரும்பிடப் பலரை மாற்றும்
வல்லமை வேண்டின் சொற்கள் வாய்வழி தேனாய் மாறி
நல்லதாய் வரும்போதேதான் நடைபெறும் அந்த மாற்றம்.
அல்லதாய் தீமை சேர்க்கும் அருவருப்பான சொற்கல்
கொல்வதால் எம் பண்பாட்டைக் கொடிய சொல் தவிர்த்து என்றும்
மெல்லிதாயிதமாய்ச் சொல்லை வீசலே வெற்றி சேர்க்கும்.

(கள்-தேன்)

வாழ்க்கையில் வெற்றிகாண வார்த்தைகள் உள்ளபோது்--
மனத்திலே கல்லும் கெட்ட வாயிலே பொல்லாச் சொல்லும்
அனைத்திலும் பொய்மை சேர்ந்த அருவருப்பான பண்பும்
தினைத் துளியளவும் நன்மை செய்திடா இயல்பும் கொண்டு
பனைத்துணை உதவி கேட்டாற் பரமன் வந்தருள் செய்வானா
ஆதலால் உலகத் தோற்றத்(து) ஆதியில் இருந்த வார்த்தை
ஆமெனும் வார்த்தை அஃதே ஆண்டவன் வடிவாமந்த
ஓமெனும் உயர்ந்த சொல்லே உயிரெலாம் கலந்த சத்ய
நாமமாய்ப் பிரபஞ்சத்துள் நடஞ்செயும் அதிர்வென்பார்கள்.
நாமெலாம் அமைதி காண நமக்கது வழிகாட்டட்டும்.

ஆதியிலே வார்த்தை இருந்தது,….அந்த வார்த்தை
தேவனாயிருந்தது. யோவான் -1-1

- எஸ். கருணானந்தராஜா

]]>
Tamil, Poem, கவிதை, kavithaimani, கவிதைமணி, poetry, kavidhai, தமிழ் கவிதை http://images.dinamani.com/uploads/user/imagelibrary/2018/9/23/w600X390/images_30.jpg http://www.dinamani.com/specials/kavithaimani/2018/sep/23/கடந்த-வாரத்-தலைப்பு-சொற்கள்வாசகர்களின்-கவிதைகள்-பகுதி-2-3006271.html
2993981 ஸ்பெஷல்ஸ் கவிதைமணி கடந்த வாரத் தலைப்பு ‘பத்ம வியூகம்’வாசகர்களின் கவிதைகள்! கவிதைமணி DIN Sunday, September 23, 2018 06:54 PM +0530 பத்ம வியூகம்

தினம் தினம் போராடும் திராவிட அபிமன்யு நான்...
தண்ணீர் தேடிய தருணத்தில் திராவகம் சூழ்ந்த முதல் சுற்று,
வாழ்வாதரத்தை வேண்டியபோது அதிகார ஆதாரம் இரண்டாம் சுற்று,
பசிக்கு பருக்கை பந்தி - சதிகார ஸ்மார்ட் அட்டை மூன்றாம் சுற்று 
கொம்பு சீவிய காளை நான் - காலை சீவும் கருணை கூட்டம் நான்காம் சுற்று 

காய்ந்து விட்ட மருத்துவக்கனவுகள் - கம்பி 'நீட்'டிய ஐந்தாம் சுற்று
சித்தாந்தம் சீண்டாத நாத்திகன் நான் - சீண்டிப்பார்க்கும் வேதாந்தம் ஆறாம் சுற்று  மடிதேடும் மழலைமனம் - மிதியடியாக்கிய மீத்தேன் ஏழாம் சுற்று...
கலியுலக பத்ம வியூகம் கருணித்த எட்டு வழி - இலவச சுற்று 

வீரத்தாய்ப்பால் கருணித்த ...வீரத்தமிழச்சியே...
வியூக விடுதலை போதனையில் விழிப்பூட்டாதது ஏன்?
தினம் தினம் போராடும் திராவிட அபிமன்யு நான்...
தினம் ஒரு சுற்று... தினம் ஒரு மரணம்...தினம் ஒரு ஜனனம்...

- நந்தா

விதியின் விளையாட்டா?
இதன் காரணகாரியத்தை யாரறிவார்?
பார்த்தனின் சுபத்திரை பத்மவியூகத்தில்
நுழைவதைப் பற்றி
பேசுவதை கருவிலே கேட்கின்றான் அபிமன்யு.
வளர்ந்தபோதும் வெளியில் வரக்கேட்கவில்லை
வீரனாய் வளர்ந்து பாரதப் போரில்
பதினான்காம் நாளில்
பத்மவியூகத்தை
உடைத்துக் கொண்டு
நடுவில் வெற்றியாளனாய்
நிற்கின்றான்.
அகங்காரத்துடன்
வெறிக்கொண்ட பகைவர்
கையால் அம்புபட்டு
மண்டைபிளக்க மாண்டான்
அபிமன்யு
புத்திர சோகத்தால்
அண்ணனிடம் நீதி கேட்கின்றாள் சுபத்திரை
வாழ்க்கைச் சூழலில் எல்லோரும்தான்
பத்மவியூகத்தில் நுழைகின்றோம்
வெளியில்வரும் வழி
தெரியாமலே! தாமரை
இதழ்விரிப்பது போலே
வாழ்வைக் கடக்கின்றோம்!
இது காலதேவனின்
கணக்கன்றோ!
மனிதர்களின் அகங்காரமே
பத்மவியூகம் அதில்
தர்மத்தின் நீதியே
கர்மா! அதில் நுழைய
யார் சொல்லித் தந்தார்?
வாழ்வின் தத்துவமே
பத்மவியூகம் தானே! பூமிக்கு
வந்தோம், வாழ்ந்தோம்
பிரபஞ்ச விதிகளை மீறிட
நாம் யார்? தாமரையின்
மையத்தில் இயற்கையை,
இறைவனை அடைவதே
பத்மவியூகம்!
- A.K.சேகர், ஆகாசம்பட்டு

**

பத்ம வியூகம் எடுத்துவா பாரதத்தில் நல்வழிபிறந்திட
பரந்தாமனே பறந்துவா பாவிகளைப் பதம்பார்த்திட
பஞ்சமும் தீரலப் பாவிகளின் வஞ்சமும் போகல
அஞ்சுகத்து மைந்தனும் ஆழ்வதற்கு இங்கில்லை.

எங்கு செல்வோம் எங்கள் மக்கள் என்ன செய்வோம்
பஞ்சம் பிழைக்க வழியில்ல பசுமையும் பாலையாச்சி
கொஞ்சி வாழ்ந்த எங்கள் கூட்டம் அஞ்சி நடுங்குதையா
பஞ்சி ஆலையும் மூடியாச்சி பட்டினியால் வாடியாச்சி.

நெஞ்சமுழுதும் குமுறலாச்சி நினைத்தாலே நெருப்பாச்சு
எஞ்சியுள்ள எங்கள் நரல் ஏற்றம்பெற மாற்றம் வேண்டும்
ஏகாந்த பரம்பொருளே ஏன் இன்னும் வரத்தாமதம் நீயும்
ஏழு சக்கர வியூகம் அமைத்தே எழுந்துவா இறைவாநீ!

- கவிஞர் பி.மதியழகன்

**

இரவின் கதவுத் திறந்து
இருட்டில்
இளைப்பாறிக் கொள்ள முடியாமல்
தவித்துக்கொண்டிருக்கிறது
வெளிச்சம்...

வெளிச்சத்தில் இருந்து கொண்டு
கையசைத்தபடி
தானும் உலவிக் கொள்ள முடியாமல் 
துடித்துக் கொண்டிருக்கிறது
இருள்...

மொட்டிலிருந்து
மலர்ந்து கொண்ட பூ
மீண்டும்
அரும்பாக முடியாமல் வதங்கி
உதிர்ந்து
துக்கிக்கிறது தன்னை...

நிலம் பெயர்ந்து
வெளியில் 
வெறுமையின் விரிப்பில்
வளர்ந்து கொள்ள முடியாமல்
ஏங்குகிறது கிளைகளைத் தாங்கும்
வேர்...

அந்தரத்தில் முளைத்து
நிழல் பரப்ப ஆர்வம் காட்டுகிறது
விதைகள்

கிளையைத் தொட முடியாமல்
தவிக்கும் உதிர்ந்த இலை போல்
நாவிற்குத் திரும்ப முடியாமல் துடிக்கிறது
நழுவி விழுந்து விட்ட வார்த்தைகள்...

தேவைப்படும் போதெல்லாம்
அனுபவிக்கவும் விற்றுக் கொள்ளவும்
வெளியின்
வெறுமையின் அடுகக்குகளில்
நீரை நெருப்பை காற்றை
பதுக்கி  வைத்துக்கொள்ள
ரகசியமாய்  
வியூகம் அமைக்க விழைகிறது
மனம்...

பசியில்லாமல் இருந்து கொள்ள
விகாரங்ளை
புசிப்பதிலிருந்து விடுபடாமல்
அனுபவித்துக் கொள்ள
படாதபாடு படுகிறது ஆறறிவு

எனப் பல

பத்ம வியூகமெனப் புனைந்த
எந்த வியூகமும் பலிதமாகாமல்
பின்னிய வியூகத்தில்
சிக்கிக் கொண்டுப் புரள்கிறது
ஒற்றைக்குடையில் 
ஆளத் துடிக்கும் சுயநலம்...

- கவிஞர்.கா.அமீர்ஜான்

**

அபகரிக்கப்பட்ட தாய்நிலம் மீட்டிட
அன்று நடந்தது பாரதப் போர்.
அமைத்தனர் கௌரவர் பத்ம வியூகம்.
அன்னையின் வயிற்றிலிருந்தபோதே
அரைகுறையாகப் போர்க்கலை கற்ற
அபிமன்யு அதிற் சிக்கி உயிர்விட்டான்.
இயற்கை அமைத்த பத்ம வியூகமாயக்
எங்கும் சூழ்ந்தது கேரள வெள்ளம்
மயங்கி மலைத்திட மக்களெல்லோரும்
வாழ்வையழித்தம் மண்ணைக்கெடுத்தது.
முற்றுகையிட்டு முழுதாய் அழித்திட
முள்ளிவாய்க்காலிலிலும் பத்ம வியூகம்.
அமைத்த கொடியவர் ஆயுத பலத்தால்
ஆதரவற்றுத் தம்முயிர் ஈந்த  
ஈழத்தமிழர் இனத்திற்கும் இஃதேதான்
நேர்ந்ததன்று.  அந்த நினைவு மறக்காது.

- எஸ். கருணானந்தராஜா

**

நின்றிருக்கும்  பகைதன்னை  வெல்வ  தற்கு
    நிலையேழாய்த்  தாமரையின்  இதழ்கள்  போன்று
நன்றாக  வியூகம்தாம்   அமைத்துக்  கொண்டு
    நரிசூழ்ச்சித்  தந்திரத்தில்  அபிமன்  யூவைக்
கொன்றிட்ட   துரியோத  படைகள்  போலக்
    கொல்கின்றார்  ஆட்சியாளர்   மக்கள்  தம்மை
வன்முறையின்  பிடிக்குள்ளே   நாடு  செல்ல
    வளமையெல்லாம்   சுயநலத்தார்  பையுக்  குள்ளே !

சிக்கலினைத்  தீர்த்திடுவர்  என்றே  யெண்ணிச்
    சிக்கலுக்குள்  சிக்குகின்றார்  வாக்க  ளித்தே
மக்கள்தம்  வாக்குகளைப்  பெற்ற  வர்கள்
    மகராசர்  போலிங்கே  வாழு  கின்றார் !
தக்கதொரு   விடியல்தாம்  பிறக்கு  மென்று
    தடுமாறித்  தடுமாறி  எழுந்த  போதும்
விக்கலுக்கு  நீர்கிடைக்கா  நிலைமை  போன்று
    விக்கித்து  நிற்கின்றார்  இருளுக்  குள்ளே !

பத்திரமாய்  நாடுதன்னைப்  பாது  காக்க
    பாழான  வாழ்வுதனைச்  சீர  மைக்க
பத்மமெனும்  வியூகத்தை   நாம்வ  குப்போம்
    படிப்படியாய்   ஆட்சியரை   அதில்நு  ழைப்போம் !
தித்திக்க  தித்திக்க   உறுதி  தந்த
    திருடர்க்குத்  தண்டனையை  நாம்கொ  டுப்போம்
சத்தியத்தில்  அறநெறியில்   மக்க  ளாட்சி
    சரித்திரத்தைப்  படைத்திடுவோம்  ஒன்றாய்ச்  சேர்ந்தே !

- பாவலர்  கருமலைத்தமிழாழன்

**

அன்றோ மகாபாரத பத்ம வியூகம்
உடைக்கத் தெரிந்த அர்ஜூனன் மகனுக்கு
எதிராக விரிக்கப்பட்ட வலை

ஆம் - பாதி உடைக்கத் தெரிந்த அபிமன்யுவிற்கு
எதிராக வகுக்கப்பட்ட வியூகம் - அது அவன் தவறல்ல
அவன் தாயால் வந்த விணை

ஆனால் இன்றோ திரும்பிய பக்கமெல்லாம் 
பத்ம வியூகம் - ஆம் கலியுகத்தில் கள்ளத்தனமான 
மனிதர்களால் திரும்பிய பக்கமெல்லாம் பத்ம வியூகம்

ஆனால் யாருக்குமே உடைக்கத் தான் தெரியவில்லை
கலியுக பத்ம வியூகத்தை - அதனால் தான் அதில்
சிக்கி சின்னா பின்னமாகின்றனர்

அன்பில்லாததால் வந்த விணை
கலியுக பத்ம வியூகம் 

கலியுக பத்ம வியூகத்தையும் உடைக்கலாம்
அன்பெனும் வியூகத்தால்

-ஆம்பூர் எம். அருண்குமார்.

**                             
உடைபடாத வேலிகளாய்
பெண்ணிற்கு வீட்டிற்குள்
சிறைகளாய் பத்ம வியூகங்கள்!
பணியிட பாலியல் வன்முறை
ஆணாதிக்க  பத்ம வியூகச் சிறையில்
பெண்கள் மீள்வது எப்போது?
பாலியல் பத்ம வியூக சிறைகள்
எங்கு நோக்கினும் பெண்குலத்தைத்
தொடர்வதேனோ!
படுக்கையறை பதுமைகளாய்
கல்வி நிலையங்களில்
கலாசார மாறுபாட்டை
பத்மவியூகச் சிறைகளாய் 
மாற்றிய அதிகார ஆணவ 
ஆணாதிக்கம் தொலைய 
கீதை சொல்ல கலியுகக் கண்ணன்
எந்த வடிவில் வருவானோ! 
உயிர் எழுப்பும் மந்திரங்கள்
உலூபிக்கும் சுபத்திரைக்கும்
அறிந்த ஒன்றென எழுதுகோல்
வரைந்த ரவிவர்மா வியாசனுக்கு
அரவான் அபிமன்யு
உயிர் காக்க ஏன் மறந்தார்?
அன்றிலிருந்து இன்றுவரை
தந்தை கணவன்
சகோதரன் பிள்ளையென
பத்மவியூகங்கள் சிறைகளாகி
இருக்கும்வரை
சட்டத்தை சீர் திருத்த மனு
வியாசனைப் பார்த்துத்தான்
ஊமையாகி மௌனமாகிப் போனானோ!!
பெண் சுதந்திரம் காத்திட
அடிமை பத்ம வியூகங்களை
உடைத்தெறிய இன்னொரு
அம்பேத்கார் வருவாரா?! !

- பொன்.இராம்

**
கவலையில்லா மனிதரில்லை உலகில்
அவலை நினைத்து உரலிடிப்பர் அவர்
திவலைகள் நிறைய அங்கங்கே சிரிக்கும்
சவலைப் பிள்ளைகளாய் சரிந்தே நிற்பர்

பணமிருந்தால் பத்தும் செய்யலாம் தான்
ரணமான மனதை சீர்செய்வதெப்படியாம்
குணக்குன்று என்றாலும் விதி விடுவதில்லை
கிணற்றில் தள்ளி மூழ்கடித்திட முனையும்

போட்டி பொறாமைச் சேறுகள் எங்குமிருக்க
ஈட்டிய செல்வம் கொள்ளை போகக்கூடும்
வாட்டிய துன்பங்கள் வந்து நின்று கூத்தாடும்
தீட்டிய வாள்கள் எங்கெங்கும் பளபளக்கும்

பத்மவியூகத்தில் மாட்டிய எலியைப் போல
உத்தமர்களும் உருண்டு மருண்டு போவர்
அத்தனையையும் தூசாக்கித் தூர எறியணும்
புத்தனைப் போல் ஆசைகளற்று நிற்கணும்

எதிர்த்து நின்றால் எதிர்ப்பதெல்லாம் ஓடும்
அதிர்ந்து ஒட அவைகளை அடக்கலாம்
உதிர்ந்த மலர்களாய் காற்றில் பறக்கவிடலாம்
முதிர்ந்த அறிவால் பத்மவியூகம் வெல்லலாம்.

- கவிஞர்  ராம்க்ருஷ்

**

பாரப்பா பாரதப் போர் நாள் பதிமூன்றாம், 
பாங்கான பார்த்தன் மகன் அபிமன்யு
பாய்ந்தானே வியூகத்தில்
பாண்டவர் க்காக, துரோணரது
வியூகமதில் தொய்வே இல்லை
நேரான பேர்களுக்கு
இல்லை காலம் - இப்போதும்
எப்போதும் அது தானப்பா,
தப்பாது - கர்ணனது பானம் என்று
அர்சுனனை காத்திடவே பரந்தாமனும் 
அகன்றிடவே அவ்விடத்தில் - 
அபிமன்யு ஆன மட்டும் 
அழித்தொழித்தான் துரியன் படையை,
அந்தோ-புற வாசல் அறியாத 
அபிமன்யு கர்ணனின் 
பானத்தில் வீழ்ந்தானப்பா
பத்மமென்றும் சக்ரமென்றும் 
பேர்தான் வியூகம்,
போராலே பிழைத்தவர்கள் 
பின்னாளிலே - எண்மரப்பா 
பாண் டவரில், இன்னும் கேளு
ஈரிரிருவர் எஞ்சியோர் துரியன் வசம்,
எல்லோரும் அழிந்த பின்னே -
வாழ்வை வாழ - அப்போது 
கேள்வியது எழுந்ததுவே -
எதற்கு போரென்றே.
வாழ்வும் ஓர் வியூகமப்பா- 
பத்மம் போலே, ஆனால் 
இங்கோ - வருவதும் 
போவதும் தெரியாது.

- கவிதா வாணி - மைசூர்

**

ஆண்பெண் பேதமில்லா அனைவருக்கும்
தானாய்க் கையேறும் கைபேசி பத்மவியூகமே
குடியில் வீழ்ந்து மூழ்கும் குடியர்களுக்கு
குடிதந்து குடியழி டாஸ்மாஸ்க் பத்மவியூகமே 
அலங்காரமென்று எண்ணித்திரி பெண்களுக்கு
அலங்கோல அரைகுறை ஆடை பத்மவியூகமே
பணமீட்டும் திமிரில் மற்றாரை மதியாதார்க்கு
பணமும் செல்வச்செழிப்பும் பத்மவியூகமே
இக்கால வாழ்வியல் போர்க்களத்தில் எக்காலும்
சிக்கித் தவிக்கும் அபிமன்யுகள் இவர்களே!

- மீனாள்

**

குருஷேத்திரத்தில் உருவாக்கிய பத்மவியூகத்தில்
வேகத்தால் வீழ்த்தப்பட்டான் அபிமன்யு...
விவேகத்தால் வெற்றியடைந்தான் அர்ச்சுனன்...
நம் வாழ்க்கை என்னும் வியூகத்திலும்
அபிமன்யுவாய் விழவைப்பதுவும்
அர்ச்சுனன்னாய் வாழவைப்பதுவும்
வேகத்தின் ஆர்ப்பரிப்பும்,விவேகத்தின் அமைதியேயாகும்!!!

- சு.ரேவதி

**

வழிப்பாதையில் தலைநீட்டி அழைக்கும்
வாழைப்பழத் தார் அல்ல
வாழ்வின் வெற்றி

சாவிக் கொத்தைப் பதுக்கிவைத்து
ஆயிரம் பூட்டுகள் கொண்ட வாழ்க்கையை
அருளியது யார்?

சும்மா அமர்ந்திருந்தாலும் உன்னைச் 
சும்மா விடாது
சூழல் பேரிடர்

நிமிடம் தோறும் 
நீ போராடும் செயலே
நீ வாழ்கிறாய் என்பதற்கு அடையாளம்

பகைசூழ் உலகை வெல்லப்
பாடம் நடத்துகிறது
பாரதப்போர்

பத்ம வியூகம் அமைத்துப்
படைகள் வரட்டும்
தடைகள் வரட்டும்

வியூகத்தை உடைக்கும்
வியூகம் வகுத்துப் போராடு
வெற்றியைக் கொண்டாடு

- கோ. மன்றவாணன்

**

அன்றைய தின - ஆன்மிக நிகழ்வில்

ஆரம்பித்தது அபிமன்யுவின் விவாதம்.

அபிமன்யுவின் தோல்விக்கு
ஆரப்பா காரணமென வினவ
ஆளாளுக்கு
கூறக் கேட்டேன் பலப்பல
பதில்களை,

தோற்கவில்லை - அந்தோ அவனை வென்றது சூழ்ச்சி
கண்ணனே - காரணம்
கர்ணனே - காரணம் என்றே
பலரும்-பகன்றனர், பறைந்தனர்,

அறையில் ஆழ்ந்த மௌனம் நிலவ - அங்கோர் அறிஞர்
இவ்விதம் உரைத்தார்,

பாதி அறிவு பாதிக்கும் ஆபத்தென  
செய்தி முழுமை அடையும் முன்னே - செயல்படுதலும் சிறப்பல்ல என்றார்,  

ஆழம் தெரியாது - காலை விடாதே' என்பது மாதிரியா? என்றார் ஒருவர்,

ஆழம் தெரிந்தாலும் -நீந்தத் தெரியாமல் காலை விடாதே என்றார், 
எனக்கு புரிந்தார் போல் இருந்தது இந்த சக்கர வியூகம் (பத்ம வியூகம் )

- செந்தில்குமார் சுப்பிரமணியன்.

**

இதிகாசம் என்றாலே இராமபிரான் கிருஷ்ணபிரான்
இருவருமே கண்முன்னால் எப்போதும் நிற்கின்றார்.!
அதில்வந்த அரும்வீரர் ஆயிரத்துள் அடங்காது
ஆங்கேயோர் பாரதப்போர் அழியாது சரித்திரத்தில்.!
விதிமீறும் போர்முறை வியூகத்தில் நடந்தது-மா
வீரனையே விழச்செய்ய வினைசூழ்ச்சி விரைந்தது.!
பதினாறே அரும்பியவன் பார்புகழும் அபிமன்யு
பத்மவியூ கப்போரில் பழிவாங்கப் பட்டவனாம்.!
திராணியிலை துரோணருக்கே தற்காப்புச் செய்துகொள
திண்டாட வைத்துவிட்டான் திறனுள்ள ஏனையோரை.!
இராப்பகலாய்த் தூங்காமல் எதிரிகளை விரட்டிடவே
இவனைவிட மூத்தோரை எளிதாக வென்றானாம்.!
நிராயுதமாய் நிலைகுலைய நின்றபோதும் அதுசமயம்
நீதிக்குத் தலைவணங்கா நெறிதவறி நடந்தார்கள்.!
அராசகமும் புரிந்தார்கள்,! அட்டகாசம் செய்தார்கள்.!
அனைவருமே சூழ்ந்துகொண்டு அபிமன்யு வைமாய்க்க.!
அபிமன்யு போலயின்றும் அரசியலின் சூழ்ச்சியிலே
ஆட்சியாளர் கைப்பிடியில் அகப்பட்டுச் சிக்குகின்றார்.!
அபித்துரோகம் செய்பவர்கள் அன்றுமுதல் இருந்தாலும்
அன்றாடம் இன்றுமதை அரங்கேற்றம் செய்கிறாரே.!
அபிப்பிராய பேதத்தால் ஆக்ரோஷம் கொண்டோர்க்கு
அசிங்கமெலாம் கிடையாது ஆசையெலாம் பணம்மீதே.1
சபிக்கின்றார் பாமரர்கள் சளைக்காது துவளுவதால்
சண்டாளர் சதிச்செயலால் சங்கடங்கள் அதிகமுண்டு.!

- பெருவை பார்த்தசாரதி
**

இது மகாபாரதப் போரல்ல! 
மனிதனையே மனிதன் கொன்று குவிக்கும்
நவீன மானிடர்களின் போர்!
ஆயுதங்கள், அணுகுண்டுகள்
துப்பாக்கிகள், துரோகங்கள்
வக்கிரங்கள், வஞ்சனைகள் ..
அப்பப்பா! அனைத்தும் இங்குண்டு!
மேலிருந்து ஆட்டுபவன் யார்?
மீண்டும் கண்ணனா?
எங்கும் நிசப்தம்.....
இருள் மெல்ல மெல்ல மூடுகிறது
அங்குமிங்கும் இடிக்கிறேன்,
தடுமாறுகிறேன், தள்ளாடுகிறேன்
தப்பிக்க வழியேதும் இல்லை
அவ்வளவுதானா? அதற்குள் மரணமா?
அபிமன்யு! அபிமன்யு!
எங்கோ தூரத்தில் கதறுகிறது 
என் தாயின் குரல்!

- திலகா சுந்தர்

**

தாமரை இலை போல 
வியூகம் அமைத்து 
போர் புரிகிறது நம்மிடம் 
இன்றைய சமூக வலைத் தளங்கள் !

கதைகள் 
கவிதைகள் 
நாடகங்கள் 
புதினங்கள் 
என தமிழ் இலக்கியமாகட்டும் !

தமிழ் 
ஆங்கிலம் 
கொரியா 
பிரெஞ்சு
என பல மொழி படங்களாகட்டும் !

அதிமுக 
திமுக 
தேமுதிக 
பாமக 
மதிமுக 
பாஜக 
காங்கிரஸ் 
என அரசியல் கட்சிகளாகட்டும்!

கல்விப் பாடங்களாகட்டும் !
கலவிப் பாடங்களாகட்டும் !
காதலாகட்டும் !
காமமாகட்டும் !
ஆன்மீகமாகட்டும் !
நட்பாகட்டும் ! 
உரையாடலாகட்டும் ! 
புகைப்படங்களாகட்டும் !
அனைத்தையும் ஒருங்கிணைத்து 
தன்னகத்தே வைத்து 
போர் புரிகிறது 
மக்களாகிய நம்மிடம்..!

நேருக்கு நேர் சண்டை போட்டது 
போக வலைத் தளங்களிலும் 
சண்டைகள் பல உண்டு !
அரசியல் விவாதங்களுக்கு !
பிடித்த நடிகர்களுக்கு !
எழுத்தாளர்களின் கவிதைகளுக்கு !
ஆன்மீகவாதிகளின் கருத்துகளுக்கு !
போராளிகளின் கைதிற்கு !
காவிரி நதிக்கு !
முல்லைப் பெரியாரிற்கு ! 
தந்தை பெரியாரிற்கு !

பண்டிகை காலங்களில் 
வாழ்துக்களாக !
தலைவர்களின் இறப்பிற்கு 
இரங்கல்களாக !
தேர்தல் நேரத்தில் வெற்றி தோல்விகளாக !
நிரம்பி வழிகிறது !
ஒவ்வொரு தருணமும் !

கைச்சங்கிலி !
கால்சங்கிலி !
மனச்சங்கிலி !
என அத்தனை 
சங்கிலியையும் வியூகமாக 
நம்மிடம் மாட்டிவிட்டு 
சாவியை எங்கேயோ 
ஒளித்து வைத்துள்ளது 
வலைத்தளம் !
வியூகத்தை உடைத்து
விலங்கை அவிழ்க்க 
தேடுவோம் சாவியை !! 

- மகேஷ் சேந்தலிங்கம் 

**

ஏழடுக்குத் தாமரை மலர்போல
வீரர்களே சக்கரமாய்ச்  சுழன்றுநின்ற
வியூகம்.

முக்காலம் பூவுலகைக் காத்துநிற்கும்
முகுந்தன் வகுத்து வைத்த 
வியூகம்.

கறைபடிந்த போர்அதனில் காலம்
விந்தைசெய்து வரைந்து வைத்த 
வியூகம்.

பாற்கடலுள் பையத்துயின்ற பரமன்
அவன் கண்டும் காணமறுத்த 
வியூகம்.

மாதவனின் சேயிழையாள் பெற்றெடுத்த 
பிரத்யும்னன் கற்று உணர்ந்த 
வியூகம்.

கற்றுணர்ந்தும் கண்ணண்மகன் களம் 
மறுத்ததுவும் விதி செய்ததுவும்
வியூகம்.

மாதவனின் தாள்பணிந்த விஜயனுக்கு
மதுசூதனனே வரமாய்க் கற்றுத்தந்த
வியூகம்.

சுபத்திரையின் தவப்புதல்வன் அபிமன்யு 
கருவறையில் காதினில் கேட்டதுவே 
வியூகம்.

சந்திரகுல பிறையும் அவன்
மதியில்பாதி விதியில்மீதியாக ஆனதுவும்
வியூகம்.

தகர்த்தெடுத்து உட்புகுந்த சக்கரத்துள்
சக்கரமே தக்கவைத்து அறம்பிழைத்த
வியூகம்.

தெளிந்திருந்தும் களம்நில்லாமல் விஜயன்அவன் 
தன்மைந்தன் தோள்சேராமல் விதிசெய்ததுவும்
வியூகம்.

கறைபடிந்த சந்திரகுல கறைகழுவி
கார்முகிலன் முடித்துவைத்த துவாரயுகமே
வியூகம்.


பத்மவியூக கதைகளெல்லாம் துவாரயுகத்துடனே
மடியவில்லை முடியவில்லை இன்னும்இன்றும்
வியூகம்.

ஏழடுக்குச் சக்கரமே உயிர்வாழ்வில்
ஏழடுக்குசக்கரத்துள் உயரச்சென்று இறங்குவதும்
வியூகம்.

இவ்வியூகம் வென்று

அகம்பெருகி புறம்குறுகி பெருவாழ்வுபெற
பார்புகழும் பரமன்அவன் ஆத்மன்அவன்
மனமுவந்து வரமும்தர வளமும்பெற
கார்முகிலன் கருணைஅன்றோ கைவிளக்கு 
எல்லா யுகங்களிலும் !!

- ரமேஷ் கோபாலகிருஷ்ணன்.

**

பத்ம வியூகம் ...சக்ர வியூகம் ...ஒரு 
போர் வியூகம் ...அர்ஜுனன் அவன் 
பிள்ளை அபிமன்யுவை போரில்  இழந்தது இந்த 
வியூகத்தில்தான் !
எளிதாக அரண் உள்ளே சென்ற பிள்ளை அபிமன்யுவுக்கு 
அரணை விட்டு வெளியில் வர தெரியவில்லை வழி !
அன்று பத்ம வியூகம் விழுங்கியது ஒரு அபிமன்யுவைதான் !
ஆனால் இன்று வங்கி கடன் , கடன் அட்டை என்னும் சக்கர 
வியூகத்தில் மயங்கி தன் நிலை தடுமாறி  கடனில் 
சிக்கி மீண்டு வர வழி தெரியாமல் தவிக்கும் இன்றைய
இளைய தலை முறையில்  எத்தனை எத்தனை அபிமன்யூக்கள் ?
அன்று கர்ணன் ஒருவனுக்குத்தான் தெரியும் 
பத்மவியூக அரணில் அவன் எதிரியை சிக்க வைக்க !
அதனால் மடிந்தது ஒரே ஒரு அபிமன்யுதான் !
ஆனால் இன்று வங்கிகள் அத்தனைக்கும் தெரியும் 
பத்மவியூக யுக்தி என்ன என்று ! அதன் சக்தி என்ன என்று !
வியூகத்தில் சிக்கி சுழலாமல் ,வங்கி கடன் என்னும் 
என்னும் மாய வலையில் சிக்காமல், வரவுக்கு மேல் 
செலவு நான் செய்ய மாட்டேன் என்னும் அரணை 
நம் பிள்ளைகள் தம்மை சுற்றி அமைத்து விட்டால் 
இந்த கால பத்மவியூகம் பலி வாங்க முடியாதே 
ஒரு அபிமன்யுவைக்கக்கூட !
ஒரு அபிமன்யுவை பலி வாங்கியது அந்த கால 
பத்ம வியூகமாகவே  இருக்கட்டும் !
இந்த கால பத்ம வியூகத்தை பழிக்குப் 
பழி வாங்கும் சக்தி இன்று உங்கள் கையில் 
அபிமன்யூக்களே ! சிந்தித்து செயல் 
படுங்கள் பிள்ளைகளே !

**
வாசகர் கவிதை ஒரு அபிமன்யு ஆனதோ ?!!!
பத்ம வியூகம் ... சென்ற வார தலைப்பு 
வாசகர் கவிதைக்கு !
பிசகாமல் கவிதை நான் அனுப்பி வைத்தேன் 
கவிதை மணிக்கு !
வாரம் ஒன்று சென்று விட்டது ...நேரமும் 
ஆகி விட்டது ! 
பத்ம வியூக கவிதை ஒன்றும்  வெளியில் 
வரவில்லை இது வரை ! 
வாசகர் அனுப்பி வைத்த கவிதை எல்லாம் 
ஒருவேளை வியூகத்தில் மாட்டிக்கொண்டு 
அரண் தாண்டும் வழி தெரியாமல் 
சிக்கித் தவிக்கிறதோ  ...அபிமன்யு போல ! 

- கே.நடராஜன்

**

குருதியில் நனைந்த குருஷேத்திரத்தைக் கண்டு
பரிதியும் அஞ்சி மறைந்தது அன்று!
தியாக விளக்குகளின் சதைகளைக் கொன்று 
பல வியூகங்கள் மென்று தின்றன அன்று!
விரிந்த தாமரையாம் பத்மவியூகத்தால் வென்று
எரிந்து சாம்பலாக என்ன நிலைத்தது அன்று!
மகா பாரதமெனும் மாபெரும் பாடம்
உணர்த்திய வழியில் 
இயங்குதா உலகம் இன்று!
புகட்டப்பட்ட பாடங்களெல்லாம் 
புதைக்கப்பட்டுக் கிடக்க
இன்னும் பேராசைகளில் சுழன்று
அழிந்து கொண்டிருக்கிறது அகிலம் இன்று!

- கீர்த்தி கிருஷ்

**

உள்ளே செல்பவன் உற்று  நோக்கி செல்ல வேண்டும்
உள்ளே செல்லும்  வழியே திரும்பிட வேண்டும் !

வந்த வழி மறந்தால் திரும்பிட முடியாது 
வந்த வழி நினைவில் நிறுத்திட வேண்டும் !

விதி என்று எதுவும் இல்லை உணர்ந்திடுக 
விதி என்பது கட்டுக்கதை என்பதை புரிந்திடுக !

மதியால் வாழ்வதே சிறந்த வாழ்வு 
மதிக்கு இணை வேறு உலகில் இல்லை !

எண்ணம் ஒன்றாக இருந்தால் வழி மறக்காது 
எண்ணம் சிதைந்தால் சிந்தனை சிதறும் !

மனதில் வரும் வழியை பதிய வைத்திடு 
மூச்சு உள்ளவரை நினைவில் நிற்கும் !

- கவிஞர் இரா .இரவி

**

பத்ம வியூகம் சொல்லும் பாடம் - அது
  பாரதம் சொல்லும் வேதம்...
தர்மனை சிறைபிடிக்கும் தந்திரம்- அது
  துரோணர் வகுத்த மந்திரம்...
போர் செய்யும் புதியயுக்தி-எதிர்
  போராளியை வீழ்த்தும் புத்தி...
அபிமன்யு நெஞ்சிலே உறுதி-போரில்
  அஞ்சாதவனுக்கு வெற்றியே இறுதி...
நாற்றிசையும் துரத்திச் செல்-நீயும்
  நாற்படையும் வெற்றி கொள்...
ஏழடுக்கு கொண்ட சுற்றுவட்டம்-இங்கு
  எதிரியைவீழ்த்த வேண்டும் திட்டம்...
இலக்குள்ளவனுக்கு முடியாது பயணம்- அது 
   இல்லாதவனுக்கு மண்ணிலுண்டு மரணம்...
சக்கரயுகம் ஒரு உளவியல்-இது  
  சிந்திக்க வைக்கும் அறிவியல்...
புதிர்கள் கொண்ட போர்க்களம்-இது
  புத்தியோடு போராடும் களம்...
அபிமன்யுபோரில் மரணம் கொண்டான்-அதற்கு 
  அர்ஜுனனும் கௌரவர்களை பழிகொண்டான்..
வருவதை எதிர்கொண்டு வாழலாம்-நாமும் 
  வாழ்விலே வாகை சூடலாம்...
                                                              
- கவிஞர்  நா.நடராசு

**

துணிப்பைகளை
துணைக்கு அழையுங்கள் --
தண்ணீர் தூக்க
செம்புகளையும் சொம்புகளையும்
கூப்பிடுங்கள் –
பழச்சாறு பருக
கழுவிய புட்டிகள் போதாதோ ?
உறிஞ்சும் குழாய் எதற்கு ??
நெகிழிப்பெண்
நெஞ்சத்தில் புகுந்தாளோ
மகிழ்ச்சி வேண்டாம் –
அதுவும் கருவுற்று
புற்று நோயை பெற்றெடுக்கும் –
பிளாஸ்டிக் அரக்கனை அழிக்க
ஒருவரால் முடியுமோ ??
பத்ம வியுகம் அமைத்துக் கொல்ல
இரண்டாம் துரோணன் என்று பிறப்பானோ ?

- கவிஞர் டாக்டர் எஸ். பார்த்தசாரதி

**

மகாபாரதம் படித்தோர் அறிவர் பத்மவியூகம்!
பலம் குன்றினும், படைகுன்றினும், புத்தி குன்றா!
வியூகம் சிறப்பாக அமைவின் வெற்றி நமதே! 

எல்லா வியூகத்திலும் வல்லவன் பார்த்தான்! 
வியூகத்தை உடைப்பதிலும், உட்செல்வதிலும், வெல்வதிலும் வல்லான்!
பக்திக்கும், புத்திக்கும் வெற்றி என கண்ணன் அவன் புறம் நின்றான்! 
உடல் நுணுக்கம் மட்டும் போதா, மதி நுணுக்கம் மிக்கவன் வல்லான்! 
என ஒவ்வொரு முறையும் நிறுபித்தான் பார்த்தான்!

தாமரை மலர் போல்  சூழும் வியூகம் தனை!
தனதாக்கி வென்று முடித்தான் பார்த்தான்!
மதியின் வழி சென்று உடல் வாகுடன் போரிட்டான்!
மாற்றான் எவனாகினும் அஞ்சான் ஆனான்! 
மதியின் கண் செயல் புரிந்தாகினான்!  
வெற்றி சூளுறை நணுகியதாக்கினான்!  

- இனிய தமிழ் செல்வா, ஓமன்

**

அம்பும் வில்லும், 
ஏந்திடும் போர்வீரா,
இலக்கு உனக்கு நேராய்;
பார்த்தா,
பார் நேரெதிரே !

வில்லை 
பிடிக்கத்தெரியாதா உனக்கு !
கைகளில்,
என்ன நடுக்கம் ?

போர்க்களம்,
பார்க்காதவனா நீ !
மனதில்,
என்ன குழப்பம் ?

தேர் மீது,
ஏறிய உனக்கு;
போரிட ,
என்ன தயக்கம் ?

பார் மீது தோன்றிய யாவும்,
மண் மீது சாயும்,
நீயும் நானும் கூட இதில் அடக்கம்;
ஏன் இந்த கலக்கம் ?

எதிரே நிற்பவர்,
உன் எதிரி அல்ல,
அவர் போராளி;
நீயும் போராடு 

கற்ற கலையை,
போரில் காட்டு;
வெற்றியை,
நிலைநாட்டு 

பலனைப்பார்த்தா;
பணி  
செய்வாய் 
பார்த்தா ?

செய்வதைச்சரியாய் 
செய் ;
வெற்றி 
உனக்கு.

- ம.சபரிநாத்,சேலம்

**

போர் புரிய வேழு களங்கள் கொண்டு
வெற்றி தோல்வி பாதையோ இரண்டு 
மரணம் அல்லால் மறுபிறவி உண்டு தாமரையிலை வடிவில் பத்ம வியூகம் 

இன்றைய நிலை தமிழர் அரசியலில் அப்பத்ம வியூகம் அமர்ந்து கொண்டிட 
தானே குழம்பி மக்களை குழப்புவதே 
வாடிக்கையாகின செயலேதுமின்றி 

போருக்கு போன அபிமன்யு தோற்று 
திரும்பினான் மரணித்து; சேதி கேட்டு 
அலறிய அன்னை மகனின் இழப்பை
தாங்க வொன்னாமல்; கண்ணீரோடு
மாரி லோங்கி அடித்துக் கதறினாள்

இங்கே ஜெயிப்பார் தோற்பார் 
யார் யாரோ; நாடாள்வார் இல்லை 
வீடாள்வார் யார் யாரோ; எல்லாம் 
பத்ம வியூக சக்கரம் பதில் கூறும் 
பொரு பொருமை கடலினும் பெரிது

- ஆபிரகாம் வேளாங்கண்ணி, மும்பை மகாராஷ்டிரா 

**

பைங்கிளியே என்தேவி
உந்தன் பார்வையின் உள்ளேதான்
பத்ம வியூகங்கள்
எத்தனை? எத்தனை?!

பாரதப் போரின்
பத்ம வியூகங்கள்
பரந்தாமன் லீலைகள்
பரிசுத்த வீரர்கள்
பாண்டவர் பிழைத்திட
பரமனே நிகழ்த்திய நிகழ்வுகள்!

பார்த்தனுக்குச்  சாரதி
கண்ணன் தான்!
கண்ணே நம் காதலுக்கும் சாரதி
கண்கள் தான்!
பரந்தாமனின் வியூகம்
பாண்டவரைக் காத்தது
உந்தன் பார்வை வியூகமோ
வாழ்க்கை வலைக்குள் நிரந்தரமாக
வசீகரச் சிறைக்குள் வைத்துவிட்டதடி!

- புலவர் களந்தை நரசிம்ம சுப்பிரமணியன்

 

 
 

]]>
dinamani , Tamil, Poem, கவிதை, kavithaimani, கவிதைமணி, பத்ம வியூகம் http://images.dinamani.com/uploads/user/imagelibrary/2018/9/4/w600X390/padma_vyugam.jpg http://www.dinamani.com/specials/kavithaimani/2018/sep/04/கடந்த-வாரத்-தலைப்பு-பத்ம-வியூகம்வாசகர்களின்-கவிதைகள்-2993981.html
3006272 ஸ்பெஷல்ஸ் கவிதைமணி இந்த வாரத்திற்கான தலைப்பு: பாதியில் முறிந்த பயணம் கவிதைமணி DIN Sunday, September 23, 2018 10:38 AM +0530  

சொற்கள் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: பாதியில் முறிந்த பயணம்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம்.

]]>
kavithaimani, poem, kavithai, கவிதைமணி, தினமணி, பயணம் http://images.dinamani.com/uploads/user/imagelibrary/2018/9/23/w600X390/flight.jpg http://www.dinamani.com/specials/kavithaimani/2018/sep/23/இந்த-வாரத்திற்கான-தலைப்பு-பாதியில்-முறிந்த-பயணம்-3006272.html
3005041 ஸ்பெஷல்ஸ் கவிதைமணி கடந்த வாரத் தலைப்பு ‘சொற்கள்’வாசகர்களின் கவிதைகள் பகுதி 1 கவிதைமணி DIN Friday, September 21, 2018 06:27 PM +0530  

பற்களே இல்லாதார் உண்ணும் உணவில் கற்களோ நெற்களோ 
தடையின்றி உள்ளே சென்றுவிடும்

சொற்கள் மட்டும் மாட்டிக்கொள்ளும் 
பட்சத்தில் அவர் உச்சரிக்கும் போது சொற்கள் சொற்சுவையின்மையே

சொற்கள் தனியாக அல்லது சேர்ந்து 
பொருள் விளக்குவதே சொல்லாகிறது
பெயர் வினை இடை உரியென நாலை

நா சொல்லும் போது நயம் தரும்
சொல்லின் இனமறியும் குணமறியும் மணமறியும் மனமறியும் சொற்கள் அப்

பற்கள் அற்றது சொற்கள் அற்றது
முற்கள் தாங்க விதி மீறல்களாம்
சொற்களை சொல்லாதிரு நன்று 

- ஆபிரகாம் வேளாங்கண்ணி, மும்பை, மகாராஷ்டிரா. 

**

சொந்தவீடு   போலமைந்து   சொல்லு   கின்ற
    சொற்கள்தாம்   முகவரியை   நமக்க   ளிக்கும்
எந்தவொரு    நிலையினிலும்   சொல்லும்   முன்பே
    எச்சரிக்கை    கைகொண்டால்    நம்மைக்   காக்கும்
சிந்துகின்ற   சொற்கள்தாம்   நம்வாழ்   விற்குச்
    சிறப்பினையும்    இழிவினையும்   அளிப்ப   தாலே
சிந்தித்துச்   சொற்கனினை   உதிர்க்கும்   போது
    சிதறாமல்   நமைஉயர்த்தத்   துணையாய்  நிற்கும் !

அன்பாகப்   பேசுகின்ற   சொற்கள்   நம்மை
    அழிக்கஎண்ணும்   பகைவனையும்   நட்பாய்   மாற்றும்
வன்மையாகப்  பேசுவோணும்   மென்மை   யான
    வார்த்தைகளில்   நாம்மொழிந்தால்   அடங்கிப்   போவான்
நன்மைதராச்   சொற்களினைத்   தேடித்   தேடி
    நாம்பேச    முயலாமல்   காதி   னிக்கப்
புன்மையிலா   சொற்களினை    இனிமை   யாகப்
    புகன்றிட்டால்   எதிர்த்தவனும்    இணங்கிப்   போவான் !

காலத்தை   சூழ்நிலையை    அறிந்து   சொற்கள்
    கழறுகின்ற    போதனைவர்   ஏற்றுக்   கொள்வர்
ஏலம்போல்    பொய்தன்னை   மீண்டும்   மீண்டும்
    ஏற்றமுடன்    பேசினாலும்   வெளுத்துப்   போகும்
ஞாலத்தில்   என்றென்றும்   உண்மை   பேச்சே
    ஞாயிற்றின்   ஒளியைப்போல்   ஒளிர்ந்து   நிற்கும்
கோலத்தை    மாற்றுகின்ற   சொல்லை   வீணாய்க்
    கொட்டாமல்    இருந்தாலோ    கிடைக்கும்   எல்லாம் !

- பாவலர் கருமலைத்தமிழாழன்

**

உள்ளத்தின்
உணர்வலைகள்
உதட்டிலே தவழ்ந்து
உருவாகும் அற்புதமே!

கனிவான
இருதயத்தில்
கருவாகி உருவாகி
கண்களுக்குள்
பரிமாறும் காவியமே!

எழுத்துலகில்
எங்களுக்கு
ஏற்றங்கள் தருவதெல்லாம்
எழுதுகோல் பிரசவிக்கும்
சொற்குழவிகள்தாமே!

வகைவகையாய்
வாழ்த்துச்சொற்கள்
வசந்த மழை பொழிந்தனவே!
இனிதினிதாய் நம்பிக்கைகள்
இதயங்களை நிறைத்தனவே!

புதுவகையாய்
தினம் ஒலிக்கும்
தினமணியில் நடைபயிலும்
தாய்த்தமிழின் சொற்களை நாம்
தலைதாழ்த்தி வணங்கிடுவோம்.

புலவர் களந்தை நரசிம்ம சுப்பிரமணியன்... சிறுமுகை

**
சொற்கள்!

சொற்கள் குழைவாய் இருப்பின் அன்பை கூட்டும்!
சொற்கள் நெகிழ்வாய் இருப்பின் மதிப்பை பெருக்கும்!
சொற்கள் கனிவாய் இருப்பின் உள்ளத்தினை சேரும்!
சொற்கள் கடினமாக இருப்பின் உறவை உடைக்கும்!
சொற்கள் கோபமாக இருப்பின் நட்பை சிதைக்கும்!
சொற்கள் சாந்தமாக இருப்பின் அமைதியை தரும்!
சொற்கள் இதமாக இருப்பின் ஆறுதல் தரும்!
சொற்கள் இனிமையாய் இருப்பின் வெற்றி வரும்! 
சொற்கள் தமிழாக இருப்பின் தமிழுக்கு அணிசேரும்!

நாளும் உதடு உதிர்க்கும் சொல்லே, 
நமது எதிரியையும், நண்பரையும் தேடித்தரும்! 
எதற்கும் சல்லடை இல்லை எனில் தொல்லையில்லை! 
சொற்களை சல்லடையில் சலித்து பேசுக!
வாய்மொழி சிறப்பின் வையகம் நமதே! 

-இனிய தமிழ் செல்வா, ஓமன்

**

சைகையில் ஓசையிட்டு பரிமாறிய எண்ணங்கள்
கையசைவில் கதைகள் படித்த காலங்களென
நைந்து போன புரியாத பரிமாற்றங்கள் நீங்கிட
தை தையெனக் குதித்து வந்தன அழகுச் சொற்கள்

எழுத்துகள் உருவாகி எழுத்துகளின் கட்டமைப்பில்
பழுதில்லாத் தமிழ்ச் சொற்கள் பாங்காய் அமைந்தன
அழுகை உணர்வுகளையும் அழகாய் வடித்தன அவை
உழுது விதைத்தன எண்ணங்களின் கருத்துக்களை 

வன்முறை வீச்சில் வளர்ந்திருந்த வன் சொற்கள்
நன்முறை அன்பின் வளர்ப்பில் இன்சொற்களாயின
பன்முறை இலக்கணக் காப்பில் வளர்ந்தன அவை
புன்முறுவல் பூக்கப் புதுப்புது சொற்கள் முளைத்தன

யாப்பில் மரபில் குளித்தெழுந்தன அழகு தமிழாகவே
தோப்பாக வளர்ந்து செழித்தன செம்மொழியாகவே
பூப்படைந்த சொற்கள் காப்பியங்களில் களித்தன
மூப்படையாத தமிழுக்கு என்றும் துணை நின்றனவே

அலங்காரமாகி அடுக்குச் சொற்கள் நடைபோட்டன
உலக அரங்கில் சந்தத்தில் சதிராடித் தீர்த்தன அவை
உலவும் தென்றலாய் கவிதையில் நடை பயின்றன
பலப்பல பொருள்தரும் சொற்கள் வியப்பல்லவோ

கவிஞர்  ராம்க்ருஷ்

**

என்னைப்போல்
ஆயிரம் பேரை வெட்டியா
ஆறு வழிச்சாலை!
மரத்திற்குள் ஒரு புயல்  
இன்னும் எவ்வளவு தான்
அள்ளுவீர்கள்
கண்ணீர் சொட்டிய மணலுடன் லாரிகள் 
என் உடலில் செங்கற்களை
அடுக்கிக் கல்லூரிகளா
ஏக்கத்துடன் ஏரிகள் 
சுத்தமாய் சுகம் தந்தேனே,
ஒரு மாசுப்போர்வையிட்டு
காலனுடன் கூட்டணியா 
காற்றின் வேதனை  
இவையெல்லாம் என்ன  
இயற்கை மனிதனிடம்
சொல்லாத சொற்கள்

- கவிஞர் டாக்டர்.  எஸ். . பார்த்தசாரதி

**

கவிதையின் மூலப்பொருள் சொற்கள்-அது
     கவிஞனைத் தீட்டும் வைரக்கற்கள்...
கவிதையில் நாட்டியமாடும் நங்கைகள்-அது
     கவின்மிகு கற்பனையின் நவரத்தினங்கள்...
புத்தகத்தில் இருக்கும் புதையல்கள்-நம்
     புத்தியைத் தீட்டும் நற்சிந்தனைகள்...
எழுத்தாளன் தீட்டும் ஓவியங்கள்-நம் 
     எழுச்சிமிகு எண்ணத்தின் ஆணிவேர்கள்..
இனியசொற்களே பேச்சுக்கு அழகு-அதை
     இனிமையாய் நீபேசிப் பழகு...
வன்சொற்களை விட்டு விலகு-அப்போது
     வாழ்த்தும் உன்னைஇந்த உலகு...
வள்ளுவனின் வாய்ச்சொல் இனிது-அதுபோல் 
     வள்ளலார் வாய்ச்சொல் அமிழ்து...
கம்பனின் ஒருசொல் வலியது-அதுபோல் 
     கண்ணதாசனின் ஒருசொல் புதியது...
மலர்களைச் சேர்த்து மாலையாக்கு-நற்சொல்லை
     மனதில் விதைத்து வாழ்வாக்கு...
மூத்தோர்சொல் கேட்டுஅறிவை தெளிவாக்கு-உன்
     முன்னேற்றப் பாதையைநீ உருவாக்கு....

- கவிஞர் நா. நடராசு

**

சொற்களின் வகைகளை
நினைவில் கொள்ள சுருக்கமாய் உரைக்க - வினவினேன் ஆசானை, அவர் தந்தது ,

மருவிய சொல்லோடு மருவாச் சொற்கொணர்ந்து
உரிமையோடு இயைத்தல் உரிச்சொல் ஆகும்.
சாலப் பெரிது – உரிச்சொல் 

சுடுபொன் மருங்கில் பற்றாசு ஏய்ப்ப
இடைநின்று இசைப்பது இடைச்சொல் ஆகும்
மரத்தை = மரம் அத்து ஐ, படித்தனள் = படி த் அன் அள் இடைச்சொல் - அத்து, அன்

எப்பொரு ளேனும் ஒருபொருள் விளங்கச்
செப்பி நிற்பது பெயர்ச்சொல் ஆகும்.
மரம், கண், பெண் – பெயர்ச்சொல்

வழுவில் மூவகைக் காலமொடு சேர்த்து
தொழிற்பட வருவது தொழிற்சொல் ஆகும்
படித்தான், படிக்கிறான், படிப்பான் – வினைச்சொல்
என்றார்,
முடிந்ததா என்றேன்,
இல்லையப்பா - நன்னூல் நவில் வதை நான் தருகிறேன் கேள் என்றார்.

ஒருமொழி தொடர்மொழி பொதுமொழி என்றா
இருதிணை ஐம்பால் பொருளையும் தன்னையும்
மூவகை இடத்தும் வழக்கொடு செய்யுளின்
வெளிப்படை குறிப்பின் விரிப்பது சொல்லே    (நன்னூல் 259)

- செந்தில்குமார் சுப்பிரமணியன்

**

முகத்திற்கு அழகு பல்!
கவிதைக்கு அழகு சொல்!
பல் போனால் முகஅழகு  மாறும்!
சொல் தவறினால் கவிதையின்
பொருளே  மாறும்!
மருவில்லா சொற்களை  பேசினால் 
கருவில் இருக்கும்  மழலைக்கூட
சுறுசுறுப்பாக  கை கால்  உதைக்கும்
பேசாத  சொற்களுக்கு  நீ எஜமான்!
பேசிய  சொற்கள்  உனக்கு  எஜமான்!
எஜமானனாக  இருக்க  விரும்பும்  
நிஜமான  மனிதனே!
யோசித்து பேசி  யாரிடமும் 
யாசிக்காமல்  வாழ்ந்தால் 
மகிழ்ச்சி நிச்சயம்!

 - உஷாமுத்துராமன், மதுரை  

**

உதிர்க்கும் போது தெரியலடி 
சொற்களின் கடுமை -நீ 
உதிர்க்கும் போது தெரியுதடி 
உன் கண்ணீரின் வழியே 

சொன்னது சிறு வார்த்தை 
உளி போல் கிழித்ததென்ன உளத்தை 
அன்பே ஆத்திரத்தில் கொட்டிய சொல் 
உனை அடியோடு அழித்ததென்ன

ஆயிரம் முறை அழுதேன் 
ஆனாலும் என்ன பயன் 
அழகான தேவதையை 
அழித்த பாவியும் நான் 

நாவை அடைக்காத நானெல்லாம் 
இருந்தென்ன மடிந்தென்ன 
நானும் உனை அடைய
இப்போதே புறப்பட்டேன் 

உயிரான தோழர்களே !!!
உதிர்க்கும் முன் யோசிப்பீர் 
உதிர்க்கும் சொல் ஏதும் 
உயிரை குடித்திடுமா? உளத்தை கடித்திடுமா?

- பார்.விஜயேந்திரன், கருங்குழி 

**

பெண்ணே!
சொற்கள் பதமாகின்
நன் நூலாகும்!
சொற்கள் விடமாயின்
நல் உறவுகள் கெடும்!
சொற்கள் எல்லை மீறி
நா தீண்டியதால்
விளைந்த விபரீதங்கள்
இராவணன் அழிவு!
இராமாயண பரமபத 
ஆடுகளத்தில் மந்தரையின் 
வார்ப்பு நிழலாக 
வாழாமல் சொல்லோவிய சபரி
வழி நடந்திடு!
இனிய சொற்கள் உன்னை
உயர்த்திடும் என்றே
இன்னா சொற்கள்  உன் 
நாவில் உதிக்காதிருக்க
இறைவனை தொழுதிடு! 

- பொன்.இராம்

**

தாயின் சொற்கள் அன்பு
தந்தையின் சொற்கள் அறிவு

ஆசிரியரின் சொற்கள் ஞானம்
மனைவியின் சொற்கள் பரிவு

குழந்தையின் சொற்கள் சிரிப்பு
நண்பனின் சொற்கள் நட்பு

மாணவனின் சொற்கள் கல்வி
இளைஞனின் சொற்கள் வேலை
தொழிலாளியின் சொற்கள் சம்பளம்

தேர்தலின் சொற்கள் ஜனநாயகம்
ஜனநாயகத்தின் சொற்கள் மக்கள்

மக்களின் (வாக்காளனின்) சொற்கள் ஏமாற்றம்
அரசியல்வாதியின் சொற்கள் பணம்
தொண்டனின் சொற்கள் அப்பாவி

அரசாங்கத்தின் சொற்கள் திட்டங்கள்
அதிகாரியின் சொற்கள் அலைகழிப்பு

எத்தனை விதமான சொற்கள்
ஒவ்வொன்றிலும் பல விதமான பொருள்
ஆனால் அனைத்தும் ஒற்றை வார்த்தைக்குள் - சொற்கள்

நல்ல சொற்கள் தருபவை நன்மை
தீய சொற்கள் தருபவை தீமை

அன்பு சொற்கள் தருபவை அமைதி
ஆக்ரோஷ சொற்கள் தருபவை பிரச்சனை 

ஒரே நாக்கிலிருந்து வந்தவை தான் சொற்கள்

நன்றும், தீதும் பிறர் தர வாரா - சொற்கள்
 
- ஆம்பூர் எம். அருண்குமார்.

**

எண்ணங்கள் உருமாறும் எழுத்தாக! 
எழுத்து வடிவெடுக்கும் ஒரு கதையாக ,
ஒரு கவிதையாக ,ஒரு புத்தகமாக ,
கற்பனை கல்லில்  செதுக்கிய 
ஒரு நல்ல சிற்பமாக !
சிற்பமே  சொல்லும், அதை வடித்த சிற்பி யார் 
என்று !
சொற்களும் எண்ணத்தின் சிதறல்தான் 
ஆனால் நம்மில் பலர்  சிதறும் சொற்கள் 
கற்களாக மாறி காயப்படுத்துதே அடுத்தவர் 
உள்ளத்தை !
கற்றுக் கொள்வோம் நாம் ஒரு நல்ல  பாடம்.. நம் 
சொற்கள் வடிக்கத் தேவையில்லை ஒரு சிற்பம் !
கற்கள் ஆக மட்டும் உருமாற வேண்டாம் 
என்றும் எப்போதும் நாம் சொல்லும் சொற்கள் !

- கே.நட்ராஜ்

**

பேசுவதெல்லாம் பேச்சென்றால்,
அதற்கு உயிர்மூச்சு தருவது யார்?

சொல்வதெல்லாம் சொல்லென்றால்,
அதில் நிலையாக நிற்பது 
யார்?

இன்று ஒரு பேச்சு,
நாளை ஒரு பேச்சு;
உன்னை குப்பைத்தொட்டியில், தூக்கிப்போட்டாச்சு

நேற்று சொன்ன சொல்லை,
இன்று செயல்படுத்தினால்;
உன் வாழ்க்கை,
உயர்வானதாய் மாறியாச்சு.

- ம.சபரிநாத்,சேலம்

**

சொற்களிலா வார்த்தைகளும் சுவைதராது போகும்
.............சொல்லின்றிப் பொருளின்றிச் சொற்றொடரும் வாரா.!
சொற்களாலே அமைவதுதான் சிறப்பான வார்த்தை
சொற்சுவையும் பொருட்சுவையும் செந்தமிழின் சாரம்.!
கற்களாலே தாங்கிநிற்கும் கட்டடம்போல் ஆகும்
கவிதைகளும் அமைதற்குக் கனியும்நற் சொற்கள்.!
பற்களாலே அழகுபெறும் பார்ப்பதற்கு வாயும் 
பாவிற்கும் அழகூட்டும் பசுந்தமிழின் சொற்கள்.!
 
வள்ளுவனும் கம்பனுமே வரைந்தார்கள் ஓவியம்போல்
விரிவான சொற்களாலே வகுத்தார்கள் இலக்கணத்தை.!
உள்ளுணர்ச்சி பொங்குமதை உருக்கமாகப் படித்தாலே
உலகத்தில் தனித்துநிற்கும் ஒப்பிலாத காவியமாம்.!
அள்ளவள்ளக் குறையாத அமுதம்போல் தித்திக்கும்
அனைவருடை உள்ளத்தை ஈர்க்குமவர் கவிச்சொற்கள்.!
வெள்ளோட்டம் போலத்தான் விரைந்தோடும் நம்மனதில்
வள்ளுவனும் கம்பனுமே வழங்கியதைப் படித்தாலே.!
 
பட்டினத்தார் வள்ளலாரும் பாருலகு பயனுறவே
பகட்டான சொற்களாலே பலவற்றை எடுத்துரைத்தார்.!
பெட்டிக்குள் இருக்கின்றப் பொக்கிஷங்கள் போலத்தான்
பாட்டுக்குள் ஒளிந்திருக்கும் போதிக்கும் தத்துவங்கள்.!
இட்டிமையே இல்லாத இலக்கியமும் படைத்தார்கள்
இல்லறமும் துறவறமும் இரண்டையுமே தெளிவாக.!
எட்டியதூ ரமொலிக்கும் எப்போதும் அவர்பாடல்கள்
என்றுமென்றும் நிலையாக ஏட்டிலெழு தியசொற்கள்.!

- பெருவை பார்த்தசாரதி

**

"சொற்கள் "

சொற்கள் இல்லாத 
கவிதை ஒன்றை 
எழுத நினைத்தான் 
நொண்டிக் கை ஊமையன்

கேளா ஒலியும் 
காணா ஒளியும்
இருப்பதைப் போல
சொற்கள் இல்லா
கவிதை ஒன்று 
இருக்கத்தானே செய்யும் ?

மழைத் துளியை
தொட்டுத் தொட்டு 
வானவில்லின் 
அம்பைக் கொண்டு 
இரு பக்கம் இல்லாத 
காகிதத்தில் 
கவிதை ஒன்றை 
வடித்தான் ஊமையன் 

- ரீகன், தஞ்சை

**

அன்று பெருமழை.
நான்... நீ... நமது தேநீர்..
பெரும் மௌனம்.
நீ.. நான்..எனும் மதகுகளில்
முட்டித் தவித்தன சொற்கள்.
உள்ளங்கள் திறக்கச் சொல்லி
குத்திக் கிழித்தன சொற்கள்.
கைப்பிடித்து வந்த சொற்கள்
உள்ளத்தில் புதைந்திருந்தும்
உன்னைக் கண்டவுடன்
உதடுகளுக்கு எட்டவில்லை.
சொற்கள் எனும் பெருங்காட்டில்
எண்ணங்கள் வழி திரிந்து
தேடிப் பொறுக்கிவந்த சொற்கள்
உன் மௌனத்தால் அர்த்தமற்று
இதயத்தில் கனமாகிப்போன கற்கள்.
சொல்ல நினைக்கும் சொற்கள்..
சொல்லி முடிக்கும் சொற்கள்..
சொல்ல மறுக்கும் சொற்களின்.. 
இடைவெளியே
மூடிக்கிடக்கும் இதயங்களின்
இடைவெளியும்.
இன்றும் பெரும் மழை.
என்றாவது
உன்னில் விழும் மழைத்துளியும்
உன் மௌனம் கலைத்துக் கேட்கலாம்.
சொல்லமறுத்த சொற்களைச் சொல்லென..
உன்னுள்ளம் தளும்பியிருந்த சொற்கள் எதுவானாலும்..
என்றும்
உன்னில் அன்பு செய்திருப்பேன்.
இதுவே இன்றும்
உன்னிடம் 
நான் சொல்ல நினைக்கும் சொற்கள்.
நீயும் மழையிடமாவது சொல்லிவிடு...

- ரமேஷ் கோபாலகிருஷ்ணன், பீனிக்ஸ், அமெரிக்கா.

**


சிந்தை சிறப்புடன் செயலாற்ற கண்ணபிரான் 
சிந்திய  வெல்லும் சொற்கள் கீதையானது.!
சிந்தை சினமுற  சிலம்பேந்திய கண்ணகி 
சீற்றமுறக்கூறிய சொற்களால்  எரிந்தது மதுரை !

எழுத்தும் எழுதுகோலும் தெய்வம் என
எழுதி வைத்த மகாகவியின் சொற்களை
எடுத்து இன்று ஆளாத கவிஞரும் 
எழுத்தாளரும் உண்டோ  எம் மண்ணில் .?

கல்லால் அடித்தால் காயமது ஆறுமே ! 
சொல்லால் அடித்தாலது ஆறாத ரணமே !
வில்லின் அம்பு தைக்கும் உடலை.
சொல்லின் வேகமோ தாக்கும் மனதை .

கற்பனையைத் தட்டி விட்ட சொற்கள்
கவிதை எழுதத் தூண்டும் எம்மை ,!
கண்ணீர் சிந்த வைக்கும் சொற்கள்
கல் நெஞ்சையும் கரைக்குமன்றோ ?

மாசற்ற அன்புடன் கூறும் சொற்கள்
மலையையும் பெயர்த்து மாயம் உண்டு
நேசமுடன் உரைக்கும் பல சொற்கள் 
தேசம் வாழ நல்வினை நல்கிடுமே !.  

- ஜெயா வெங்கட்

]]>
words, poem, kavithai, கவிதை, கவிதைமணி, சொற்கள் http://images.dinamani.com/uploads/user/imagelibrary/2018/9/21/w600X390/words.jpg http://www.dinamani.com/specials/kavithaimani/2018/sep/21/கடந்த-வாரத்-தலைப்பு-சொற்கள்வாசகர்களின்-கவிதைகள்-பகுதி-1-3005041.html
3000219 ஸ்பெஷல்ஸ் கவிதைமணி கடந்த வாரத் தலைப்பு ‘அன்பின் வழியது’ - வாசகர்களின் கவிதைகள் பகுதி 2 கவிதைமணி DIN Friday, September 14, 2018 12:34 PM +0530
அன்பின்மைதானது வாழ்வோ
அன்பில்லாத உடலது நடைபிணமோ
உள்ளகமென்பது உயிரல்லவோ
உயிரின் மூச்சது அன்பல்லவோ
இயற்கையின் அன்பது பொதுவல்லவோ
இயல்பான உறவது நிஜமல்லவோ
உடலும் உயிரும் ஒன்றல்லவோ
உயர்ந்த அன்பே சிவமல்லவோ
உறவில் பாசம் அன்பின் உணர்வல்லவோ
அன்பதில் வசமாவது காதலல்லவோ
அதில் உருவாவது உயிர்களல்லவோ
அன்பின் வழியில் நட்பும் உறவதுமே
அன்பே யாவர்க்கும் வழியதுவே
அன்பற்றது வாழ்வில் அழகற்றதே
எவ்வுயிர்களிலும் கண்டேன் அன்பை கருணையை
எங்கும், எதிலும் காண்பது உயிர்நிலையே
அன்பின் வழியது உயர்வைக் கொடுக்கும்
தனக்கென வாழ்தலும் அன்பின் வழியதுவே
அந்த அன்பே வெற்றியின் மனநிலையே
உலகில் அன்பின் வழியது தாய்மைதானே!

- ஆகாசம்பட்டு A.K.சேகர்

**

ஆயிரம் ஆண்டுகள் ஆனாலும்;
ஆதவன் ஆத்திரம் ஆறாதே

அமராவதியில் ஆழிப்பேரலை;
அவள் ஆடிப்பாடி அலைகிறாள்

ஆதவன் அவளை அடைய;
ஆட்களை அனுப்பினான்

அன்பை அகத்தால் அடையாமல்;
அறிவைக்கொண்டு ஆளுகிறான்

ஆஸ்திரேலிய அலையில் ஆடிப்பாட;
அலைக்கா

ஆசிய அனலில் அலைபாய;
அனன்யா

அயிரோப்பிய அமுதில்
அங்கம்சேர;
அட்லாண்டா

ஆப்ரிக்க அழகில் அள்ளிக்கொள்ள;
ஆடோமோரா

அமெரிக்க ஆய்வில் அமேசானாய்;
அமோரா

அன்டார்டிகாவில் அணைத்துக்கொள்ள;
அமேதா

அகிலம் ஆளும் ஆதவனுக்கு,
அகவை அதிகமானாலும்;
ஆத்திரம் 
ஆறாதே

அமராவதியை அடைய அழைக்கிறான்;
அதனால் அம்பிகாபதியை,
அழித்தான் 

அதிலும் ஆத்திரம் அடங்காதவன்!

ஆங்கிலேயனாய் அவதரித்தான்;
அகிலத்தையே அடக்கி ஆண்டான்

அமெரிக்கனாய் அவனாகி;
அணுக்கதிர் அறிவியலை அறிந்தான் 

அதனால் அகிலம் அடைந்தது அழிவு;
அதுதான் ஆதவன் அறிவு

அன்பினால் ஆகாதது;
அறிவினால் ஆகுமோ?

ஆண்டவன் அளித்த அருவி;
அன்பு
அதை அனுதினம் அருந்து;
அது அருமருந்து

அருமருந்தால்,
ஆணவம்,அதிகாரம் அகலும்;
அன்பும்,அமைதியும்,
அகிலம் ஆளும்.

ம.சபரிநாத்,சேலம்

**

அன்பின் வழியது 
அருமையான வழியது 
இரும்பு மனம் கொண்டாரை 
இமையிலே மாற்றிடுமே 
கரும்பு மனம் கொண்டாரை 
காந்தம் போல் கவர்ந்திடுமே 

அகிம்சை வழியாலே 
அன்று சுதந்திரம் அடைந்தோமே 
அன்பின் வழியாலே 
இன்று அகிலத்தை வெல்வோமே 

அனைத்து மதங்களுமே 
அன்பை மதிக்கிறது 
அதனை உணர்ந்தினியே 
அழகாக வாழ்ந்திடுவோம் 

- பார்.விஜயேந்திரன், கருங்குழி 

***

இரண்டே வரிகளில்
உயிர்நிலைக்கு உவமையாய்ச் சொன்னான்
உண்மைக்கவிஞன் –
கன்னடக்கண்களில் ஒரு
தமிழ்ப்பார்வை ,
தெலுங்கு சுவாசத்தில் ஒரு
மலையாள வாசம் – எப்படி வரும்
அன்பு மொழியில் பேசிப்பார் !!
பொறாமைப்பாறையை உடையுங்கள் ,
கருணை மரங்களை நடுங்கள், அவற்றில்
சுவையுடன் பழச்சொல் கனியட்டும் !
பழிச்சொல் வேண்டாமே !!
தியாகத்தை தாராக்கி
சாலையிடுங்கள் –
நீர் வேண்டாம் !! அந்தப்பாதையில்
நேர்மையான நேச வியர்வை சிந்தட்டும் –
            ஆம் , அந்தப்பாதை
அழைத்துச்செல்லும் நம்மை
அமைதிச்சிகரத்தை நோக்கி  
எப்படிச்சாத்தியம் ?
அன்பின் வழியது

- கவிஞர் டாக்டர்.எஸ். பார்த்தசாரதி

**
அன்பின் வழியது யாது எனில்?
அமைதியாய் ஆரவாரமற்றது,
இனியதாய் இதமானது,
இயலாதவருக்கு ஈவது,
வாழும் வாழ்க்கையில் மனிதன் முயலும்,
ஓர் குணமாக இதுஒவ்வொரு நாளும் அமைய வேண்டும்!

காந்தி தன் வாழ்வில் காண்பித்தது,
அன்னை தெரசா வாழ்வாக வாழ்ந்தது,
இன்னும் பலரின் வழியது அன்பு!

அன்னையின் கருணை,
தந்தையின் உழைப்பு,
சகோதரியின் பாசம்,
உற்றாரின் அக்கறை,
நண்பனின் நேசம்,
முகம்தெரியாதவரின் நேயம்,
இதன்வழி அன்பு பாய்கிறது!

அகந்தையைவிட்டால் கண்ணில் தெரியும்!
தற்பெருமை குறைந்தால் காதில் ஒலிக்கும்!
அடுத்தவர் இடத்தில் அமர்ந்தால் மனம் உணரும்! 
இப்புவியின் உயர்ந்த அறம்தனை பயில்வோம்!
நிறைவாய் வாழ்ந்து மகிழ்வாய் இருப்போம்! 

- இனிய தமிழ் செல்வா, ஓமன் 

**
பிரிதலில் அல்ல, புரிதலில்  செழிக்கும்!
மறப்பதில் அல்ல, மன்னிப்பதில் மலரும்.!                      
கெடுப்பதில் அல்ல, கொடுப்பதில் நிறையும்.!
வெறுப்பதில் அல்ல,பொறுப்பதில் பெருகும்!                    
             
அழிவதில் அல்ல, ஆக்கத்தில் அரும்பும்.!                         
எதிர்ப்பில் அல்ல, ஏற்பதில் வளரும் !                                 
விலகுவதில் அல்ல, விரும்புதலில் வாழும்.!                       
              
விற்பனையில் அல்ல, விதைப்பதில் விளையும்.!
அன்பையே விதைப்போம்!
அன்பையே வளர்ப்போம் !
அன்பையே அறுவடைசெய்வோம் !

ஜெயா வெங்கட், கோவை 45

**

விறகுப் பொறுக்க 
வேர்வை சிந்தும் 
பட்ட மரத்தின் 
பரிதாபக் கிளைகளில் 
இருந்து அசையும் இலைகள் 
சிந்தியச் சில நீர்த்துளிகளுக்குக் காரணம் 
அகோரப் பசி! 

பசித் தீர்க்கப் பதறுகிறது 
தன் மார்பில் சுரக்காத பாலுக்காக 
அன்பின் வழியதில் 
அடிமையாக வாழும்
அந்த அபலைப் பசு!

- கவிஞர் பி.மதியழகன்

**

கொஞ்சி விளையாடும் அழகுக் குழந்தைகள்
கொலுவிருக்கிறார்கள் ஆங்கிலப்பள்ளியில்
அஞ்சுகம் சிறுமி, அனைத்திலும் அவள் திறமையாளர்
வஞ்சகம் நிறைந்த மற்றொருத்தி மாலதியுள்ளாள்
அஞ்சுகம் போன்றே அவளுடன் பயிலும் ஆனந்தி
அவள் ஏழை அடக்கமும், அன்பும், பணிவும் உள்ளவள்
அவள் எப்பவும் இரண்டாம் நிலை,ஒன்றாம்நிலைதான்
அஞ்சுகத்திற்கு பிறந்தநாள் அவளுக்கு அளித்தனர் பரிசுகள்
வஞ்சகம் நிறைந்த மாலதியும் வழங்கினாள் பேனா ஒன்று
ஆனந்தி சித்திரம் வரைவதில் வல்லவள் ஓவியத்தாள்
அஞ்சுகம் படத்தை அசலாக அப்படியே வரைந்து தந்தாள்
அக்கம் பக்கத்தில் இருந்தோர் பேசினர் பேனாவின்பெருமை
அதை அளித்த மாலதியின் சிறுமை பற்றி பேசினர்
வசதியுடையவர் வாரிவழங்கினர் அவர்களின் தரத்திற்கொவ்வ
எது சிறந்தது தோழியர் அனைவரும் வினவினர் அஞ்சுகத்தை
அஞ்சுகம் சொன்னாள் “ ஆனந்தி என்னுயிர் தோழி அவள்
அன்பின் வழியது உயிர்நிலை  என்று வாழ்பவள்
தன்னலமிலா  செல்வி தமிழ்ச்செல்வி  போற்றுவோம் நாம் 
மற்றவரெலாம் எலுபுதோல்போர்த்திய நிலையினர்
ஆனந்தி தானே அன்பால் நிறைந்து நெஞ்சினில் நிற்கிறாள்  
அனைவரும் ஆனந்தியை புகழ்ந்து பாராட்டி மகிழ்ந்தனர்

- கவிஞர் அரங்க.மணி, பராசக்தி நகர்

**

கள்ள ஆண்தொடர்பில் வெறிகொண்டு
நல்லக் குழந்தைகளைக்
கொல்லத் துணிகிறாள் 
ஒருதாய்
சரியாகச் சொன்னால் 
ஒருபேய்

அன்பே கடவுள் என்று
அழுத்தமாக மெய்யுரைத்த 
மதங்களுக்குள்
யுத்தமும்
ரத்தமும்

பண வெறியில்
பதவி வெறியில்
அடங்காத சொத்து வெறியில்
கொடூர மிருகங்கள் 
கூடாரம் போட்டுக்
கொண்டாட்டங்கள் நடத்துகின்றன.

அன்பின் வழியது உயிர்நிலையென
ஆசிரியர் பாடம் நடத்திய போதே
செங்குருதி பீரிட்டது
சிறுவனின் தலையில்!
தடி உடைந்ததே என்று
தவித்துத்தான்  போனார் அந்த ஆசிரியர்

அகன்ற மனித வெளியில்
அன்பைத் தேடித் தேடித்
தோற்றோடி  இருள்கிறான்
சூரியன் 
ஒவ்வொரு மாலையிலும்.

-கோ. மன்றவாணன்

**

தாயின் அன்பிலே 
சேயது  செழிக்கும் !
தந்தையின் அன்பிலே 
தன்னம்பிக்கை வளரும் !
ஆசானின் அன்பிலே 
அறிவு மலரும் !   
அருமை நண்பனின் அன்பில்
அனுசரணை விளங்கும்  
காதலர் அன்பிலே 
கற்பனை விரியும் !
கடவுளின அன்பிலே 
கருணை பிறக்கும் !
மகான்களின்   அன்பிலே
மனித நேயம் மலரும் !
மழலையின் அன்பிலே  
மரணமும் விலகும் !  

- கே.ருக்மணி, கோவை

**

என்பினையும் தோலினையும் போர்த்திக் கொண்டு
இழிவான சிந்தனையை உள்ளே வைத்து
அன்பு வழி மறந்து பல மாந்தர் இந்த
அவனியிலே வாழ்கின்றார் அன்னார்க் கெல்லாம்
இன்பமிலா நிறைவற்ற வாழ்வே மிஞ்சும்
இறையன்பு எந்நாளும் கிட்டிடாது
துன்பமதில் உழல்வதுவே முடிவாயாகும்
துர் அதிஸ்டமே அவரைத் துரத்தி வீழ்த்தும்.
 
சாதி மதப் பொய்மைகளால் மானுடத்தைத்
தகைமையிலா விலங்காக்கி எங்கும் வாழும்
ஆதியந்த மில்லாத இறைவர்க்கான
ஆலயத்துட்செல்வதற்கும் தடை விதித்து
நீதி மறுத்தேழைகளின் அவல வாழ்வை
நிரந்தரமாய் வைத்திருக்கச் சதிகள் செய்து
காதலுக்கும் இரங்காத கபடர்க்காகக்
கடவுளொரு போதுமருள் செய்ய மாட்டார்.
 
அன்பொன்றே உலகமகா சக்தியாகும்
அதன் விளைவே பிரபஞ்ச இயக்கமாகும்
பண்பொன்றே மானுடர்க்குப் பலத்தைக் கூட்டும்
பயன் கருதாச் செயற்பாடே மனத்தையூக்கும்
இன்பங்கள் ஆயிரந்தான் இருந்திட்டாலும்
இறையெம்முள் இருக்கின்றான் எனும் எண்ணம்தான்
துன்பங்கள் தொலைந்தோடத் துணையாய் நிற்கும்
தூய மனச் சாந்திதனைத் துய்க்க வைக்கும்.
 
ஆதலினால் நாநிலத்தீர் அன்பு செய்து
ஆண்டவனை உட்தேடி உணர்ந்தின்புற்று
வேதனைகள் துன்பங்கள் விரக்தியின்றி
மேலான நல்வாழ்வு வாழ்வீரென்றே
போதனைகள் செய்திட்ட ஞானம் மிக்க
புனிதர்களின் வழியேகி அவர் சொற் கேட்டே
மேதினியில் வாழ்ந்திடுக அன்பே மேலாம்
மிகுதியெலாம் அதன்கீழாம் சாந்தி சாந்தி.
 
- எஸ். கருணானந்தராஜா

**

யாரும் இல்லா இருட்டுக்குள்ளே,
வெளிச்சமிட்ட வெள்ளி மலரே...!!!
காயம் படும் நேரத்திலே
கண்துடைக்கும் கருங்குயிலே...!!!
காலமெல்லாம் கதை பேச
காலெடுத்து வைச்சவளே..!!!
ஊரார் எல்லாம் ஒன்று கூடி 
ஒய்யாரமாய் பாட்டு பாடி 
பரிசம் தான் போடையிலே 
பொடிப்பார்வை பார்த்த 
பச்சைக்கிளியே ....!!!
பரவசமாய் பரந்த பாதையிலே,
மலையிலே அருவி 
அதிலே வாழும் பசுமை 
பக்கத்திலே வாழும் பறவை 
அவற்றிலே கீதை 
அதனினை  ஒலிபரப்ப தென்றல் 
இதனிடையே 
நான்திசை சென்று 
முப்பொழுது கடந்து 
இரு இதயங்கள் 
ஒன்றாய் துடிக்க.....
விழிகளுக்கு தெரிந்ததோ
அன்பின் வழியதுவோ
என்ற எண்ணம் 
என்னை நீங்கா 
நின்னை கண்டதடி 
கவியே....!!!

- இராஜேந்திரன் சத்யா

**
புடைசூழ்ந்து
ஊர் மெச்சி வாழ்ந்தவனுமில்லை
உறவுக்குள் மகிழ்ந்து கொண்டு
ஒற்றுமையாய் 
வாழ்ந்தவளுமில்லை...

வறண்டு
காய்ந்து கிடந்தாலும் 
நீர்ப்பாய்ந்து புரண்டாலும் கூட
இணைந்திருப்பதில்லை
அக்கரையும் இக்கரையும்...

துளிர்க்கும் கண்ணீரை
துடைக்கும் கைகளில் இருந்து கொள்ளும்
மனிதாபிமானம்;
அதற்கு
அன்பென்று பெயருண்டோ...

ஈன்று
புறம் தந்த குழைந்தைக்கு
ஊட்டி வளர்க்கும் தொப்புள் கொடி
கடமைக்குள் 
புகுந்து கொள்வது அன்பாகுமா?
பிற குழந்தைகளுக்கும் பராமரிப்பது
அன்பாகுமா?
பொதுவில் பரவும் உணர்வுதானே
அன்பு...

சலனங்களின் நெகிழ்ச்சி
ஊடுறுவிப் பரவும் புலன்களின் உணர்வை
நேருரைக்க முடிவதில்லை...

அன்பில் காதலும்
காதலில் காமமும் பிணைய
மகுடியற்று
படமெடுத்தாடும் பொறிகள்...

அன்பினால் ஆவது  உயிர்களுடன்
அமைதியும் மகிழ்வும் கூட
என்றானப்பின்
அன்பினால் சுழல்வதும்
பூமியும் தானே...

எனவாங்கு

யாவும்
அன்பின் வழியது ஆகியும் கூட
ஆகவில்லை இன்னும்
சுயநலமில்லா
பேத விகற்பமற்ற அரவணைப்பு...!?

- கவிஞர்.கா.அமீர்ஜான்

**

அன்பின் வழியது அன்னை போலவது
.........அன்று முதலது ஆட்சி செய்கிறது..!
தன்னிகர் இலாத தனித்துவம் கொண்டு
   தாரணி போற்றும் தரத்தில் சிறக்கும்..!
மன்னும் மொழிகளில் மன்னனாம் தமிழ்
   மொழிக்குள் அரசியாம் முதல் முன்னோடி..!
என்றும் இறவா இனியும் எப்போதும்
   ஏற்கும் உலகம் எங்கள் தாய்மொழியே..!
அன்னைக்கு ஈடில்லை அதுபோல் நம்தமிழ்
   அன்னைக்கு மாற்றிலை ஆரும் அறிந்ததே..!
அன்பின் வழியே அனைத்தும் நடக்கும்
   அதுதான் உலகில் அறவே நிலைக்கும்..!
தன்வயிறு காய்ந்தும் தாயன்பு குறையாது
   என்தாய் நாடுதரும் ஏற்றமிகு வாழ்வே..!
என்நாடும் மொழியும் எங்கேயும் நிலைக்கும்
   என்னும் உணர்வு எல்லோர்க்கும் உண்டு..!
தன்னிகர் இல்லா தனித்துவம் பெற்றே
   தங்கள் எண்ணம் தழைக்க வேண்டும்..!
அன்பு இருந்தால் அனைத்தும் ஆகும்
   அன்றே சொன்னார் ஆன்றோர் ஏட்டிலே..!
அன்பும் பாசமும் ஆறாய்ப் பெருகி
   அன்பின் வழியே உலகாள..
ஆண்டவன் அருளூம் அமைய வேண்டுமே..!

- பெருவை பார்த்தசாரதி

**
அன்பு 
எல்லாப் பரிசுகளையும்
ஏற்றுக் கொள்கிறது
குண்டூசியைக் கூட.
அன்பு
எல்லாக் கடிதங்களையும்
படித்து ரசிக்கிறது
சோகமாக இருந்தால் கூட.
அன்பு
எல்லா துன்பங்களையும்
தாங்கிக் கொள்கிறது
மரணத்தின் பிடியில் கூட
அன்பு 
எல்லாக் கவிதைளையும்
படித்து மகிழ்கிறது 
சோகக் கவிதையைக் கூட
அன்பு
பனித் துளிகளை
கண்டு மகிழ்கிறது
கண்ணீர் துளிகளைக் கூட
அன்பு
எல்லாக் கண்களையும்
கருணையுடன் பார்க்கிறது
குருடனாக இருந்தால் கூட 

- பூ.சுப்ரமணியன், வன்னியம்பட்டி

**

அன்பின் வழியது இல்லறம் நடத்திட 
இருபாலர் வேண்டுமென இதுவரை நினைத்தேன்...

அன்பின் கருவறை ஆன்மா ஆதலால் 
அதன்புறம் உள்ள உடலொரு பொருட்டல்ல .....
பாலும் பொருட்டல்ல; இனமும் பொருட்டல்ல 
அன்புடன் புணர்ந்திட எதுவுமே பொருட்டல்ல !!!!

இயற்றினர் சட்டம் ... அளித்தனர் தீர்ப்பு 
இயற்கைக்கு புறம்பாய்  ... புதியதோர் வார்ப்பு !!!

கல்வி, கேள்வி, பொருளா தாரம் 
கணினி, அறிவியல், அரசியல் அமைப்பு 
அந்நியனுக்கு நிகராய் இந்தியன் ஒளிர 
ஆயிரம் தீர்ப்புகள் ஆண்டாண்டு காலம் 
திருத்தப் பெறாமல் நிலுவையி லிருக்க
இன்றே உலகம் அழியு மென்பார்போல் 
இத்தனை அவசரம்  இதில்மட்டும் எதற்கு ????

அவரவர் எண்ணம்போல் அனைவரும் வாழ்தல் 
இன்றுள்ள நமக்கு நன்றுபோல் தோன்றினும் ...
அடுத்த தலைமுறைக்கு இப்பெரும் தீர்ப்பு 
அழகிய வரமா ??? அழித்திடும் சாபமா !!!

- கவிஞர் முனைவர் இராஜலட்சுமி இராகுல்

 

]]>
anbu, poem, kavithai, கவிதைமணி, அன்பு http://images.dinamani.com/uploads/user/imagelibrary/2018/9/14/w600X390/image.png http://www.dinamani.com/specials/kavithaimani/2018/sep/14/கடந்த-வாரத்-தலைப்பு-அன்பின்-வழியது---வாசகர்களின்-கவிதைகள்-பகுதி-1-3000219.html
2999611 ஸ்பெஷல்ஸ் கவிதைமணி கடந்த வாரத் தலைப்பு ‘அன்பின் வழியது’ - வாசகர்களின் கவிதைகள் பகுதி 1 கவிதைமணி DIN Friday, September 14, 2018 10:44 AM +0530  

அன்பின் வழியது

தினமிங்கே  சண்டைகளால்  கைக  லந்து
    தீராத  பகையாக  நிற்ப  தெல்லாம்
மனம்திறந்து  காட்டுமன்பால்  மாய்ந்து  போகும்
    மறைத்துசெய்யும்  சூழ்ச்சியெல்லாம்   முடிந்து  போகும் !
கனவென்றே  நினைத்திருக்கும்  ஒற்று  மையில்
    காழ்ப்பெல்லாம்  நீங்கிடவே  கைய  ணைக்கும்
நனவாகும்   யாதும்ஊர்  கேளி  ரென்று
    நயமாகக்  கணியன்தான்  சொன்ன  சொல்லும் !

பால்நிறமாய்  மனமன்பில்  மாறிப்  போனால்
    பனிகதிரில்   கரைதல்போல்  கரவு   போகும்
நால்வரினை  அணைக்கின்ற நேயம்   தோன்றும்
    நலிவுகளைப்  போக்கிடவே   இரக்கம்  கூடும் !
ஆல்விழுது  மரம்தன்னைத்  தாங்கல்  போல
    அருளாலே   சுற்றத்தைப்  பேணிக்  காக்கும்
சூல்கொண்ட    தாய்காட்டும்    இன்ப  மாக
    சூழ்ந்திருக்கும்  அனைவருக்கும்  இன்பம்  ஊட்டும் !

உடலிரண்டோ   உளமிணைந்தால்   ஒன்றா  தல்போல்
    உள்ளத்துள்  அன்பிருந்தால்  ஒன்றா  வோம்நாம்
வடநாடு  தென்னாடு  வேறு  பாடும்
    வாய்த்தமொழி  நாகரிக  வேறு  பாடும்
தடம்மாற்றி   நதிகளுக்குத்   தடைகள்  போட்டுத்
    தடுக்கின்ற  வேறுபாடும்  தகர்ந்து  போகும் !
முடவெண்ணம்  நீங்கிவிடும் !  வளங்க  ளெல்லாம்
    முழுநாட்டிற்   குரிமையென்றே   இன்பம்  பூக்கும் !


- பாவலர் கருமலைத்தமிழாழன்

**

உன் கண்கள் உனதாயினும் 
உனது உருவமதை உனக்கு 
இன்ன தெனக் காட்டிடாது 

நிலைக் கண்ணாடி முன்னாடி 
நின்றாலே உன்னுருவை காட்டிய 
பின்னால் உனக்கு தெரியும் அஃதே

பிறருக்கு உனது அன்பைக் காட்டு
பதிலுக்கு பிறர் அன்பை பொழிவர்
உனை நீ அறியும் அன்பின் வழியது

குறை குடமதை நிறைகுடமாக்கும்
சக்தி அன்பிற்கு மட்டுமே உள்ளது அச்
சக்தியை பெருகிற அன்பின் வழியது

- ஆபிரகாம் வேளாங்கண்ணி, மும்பை, மகாராஷ்டிரா.

**

எலும்பை தோல் போர்த்திய வெற்று உடம்பை 
அன்பு எனும் அரவணைப்போடு உயிர் தந்தவளே... 

உடலை இறுக்கி உதிரத்தில் ஒரு பகுதியை 
உணவாக்கி அன்போடு உயிரூட்டியவளே...

பள்ளி செல்லும் முன்னே அ முதல் ஃ வரை 
சொல்லித்தந்த முதல் ஆசானே...

கருவறை முதல் கல்லறை வரை என்பெயரை
உலகிற்கு அளித்த உத்தமியே...

அறத்திற்கும்,மறத்திற்கும் அன்பே துணை
என்று அமைதி காத்த பெருமகளே...

உனது வலியை தாங்கி எனது வாழ்விற்கான 
வழியை வகுத்து கொடுத்தாயே 
"என் தாயே" அன்பின் வழியது எது என்றால் அது "நீயே"...!

- க.முனிராசு, ஜோலார்பேட்டை

**

புத்தர்  இயேசு  நபிகள்  காந்தி 
நித்தம் நடந்த  அன்பின்  வழியது; 
அருட்சுடர்  வள்ளலார்  பெருமான்  வழியும் 
கருணை  அன்னை  தெரசா  வழியும் 
வையந்  தோறும்  உயிர்வதை  யற்ற 
மையக்  கருத்தாய்  மனிதம்  போற்றி 
அறமும்  அடக்கமும்  ஒழுக்க ஒளியும் 
நிறைந்து  ஒளிர்ந்து  தீமை  இருளை 
எரிக்கும்  வழியாம்  அன்பின் வழியது; 
அருவி  நீராய்  அகத்தில்  பாய்ந்து 
திருக்குறள்  போன்ற  மறைகளின்  குணமும் 
தருவாய்  மனத்தில்  நின்று  நிலைத்திட 
முற்றும்  துறந்த  முனிவர்  போன்று 
பற்று  அறுத்து  ஆசை  துறந்தால் 
மொழிஇன  சாதி  மதமெனும்  பொல்லா 
இழிவுக(ள்)  இன்றி மனிதம்  தழைக்கும்; 
வேறு  பாடுகள்  என்ற  வரப்புகள் 
கூறு  போடா  உலகமாய்  நித்தம் 
சீருடன்  துலங்க  சிறப்புகள் பெருகிட 
வேருடன்  தழைக்கும்  மரங்களாய்  நின்று 
பாரும்  தழைக்க  அன்பின் வழியே 
அனைவரும் சென்றால்  சூரிய(ன்) நிலவும் அணைந்து கருகிக் கறிக்கட்டையாய் 
மறைந்து  போன  போதும் 
நிறைந்த  ஒளியால்  நானிலம் ஓளிருமே! 

- நெருப்பலைப் பாவலர் இராம இளங்கோவன்; பெங்களூர். 

**

அகிலமும் சொந்தமாகும், 
அனைத்தும் வசமாகும், 
எதிலும் இனிமையே காணும், 
எங்கும் புன்னகையே பூக்கும், 
எல்லோர் மனதிலும் 
பசுமையே படரும்,
வாழ்வினில் உயிரோட்டம் 
உறவாடும்,
வண்ணமயமான வளமைகள்  
வரும்
அன்பின் வழியதினிலே
 .
 - இரா.வெங்கடேஷ்

**

அன்னம் போன்றாள் அருகிருக்க
ஆர வாரம் ஏதுமின்றி,
கன்னல் மொழியாள் காத்திருக்க
கனிந்தே நானுஞ் சொல்லிடுவேன்!
அன்பின் வழியென்(று) ஆன்றோரும் 
அறிந்து சொன்னார் உயிர்நிலையை! 
இன்னல் தீர்க்கும் இன்மருந்து
இனிதாய்த் தருவாள் மகிழ்ந்திடுவேன்! 

– கவிஞர் வ.க.கன்னியப்பன்

**
அன்பு ஒன்றே உலகில்
நிரந்தரம்!
அன்பால் ஒ௫ நாள்  மாறும்
சரித்திரம்!

அன்பை நெஞ்சில் நிறுத்து!
அழகாய் கையை
உயர்த்து!

அன்பில் மகிழுமே இதயம்!
அகிலமே அழகாய் ஆகுமே உதயம்!

அன்பு ஒன்றே அழியா சொத்து!
அன்பு அழகான 
முத்து!

நிலையில்லாத வாழ்வில்
நிலைக்கட்டுமே அன்பு!

ர.ஜெயபாலன், வெள்ளகோவில்.

**

அன்புக்கு அதிகாரம் அளித்தான்
வள்ளுவன் 

வள்ளுவனின் அதிகாரம் அன்றைய மக்களுக்கு 
அளித்தது அன்புடைமை

அன்புடைமையால் அன்றைய சமுதாயம் 
அளித்தது நல்வாழ்க்கை

அந்த நல்வாழ்க்கை நாட்டிற்கு 
அளித்தது நல் வளங்கள்

அந்த நல்வளங்களால் வாழ்வாங்கு 
வாழ்ந்தது அன்றைய அவ்வையகம்

அன்பே கடவுள் - அன்றே கூற்றுரைத்தோர் 
நம் பெரியோர்

இன்றோ அதை விட்டொழித்தோம்
இன்றைய நாம்

அன்பிலாமை மக்களுக்கு அளித்தது
கடுஞ்சொல்

கடுஞ்சொல் விளைவித்த கோபத்தால்
விளைந்தது கலியுகம் - அன்பிலா இவ்வுலகம் 

கலியுகம் அளித்தது கட்டுக்கடங்கா
தீஞ்செயல்கள்

வள்ளுவன் கூற்றுப்படி என்புதோல்
போர்த்த உடம்பாக இன்று திரியும் எம்மக்கள்

வெறும் தோல் போர்த்திய எலும்புகளான எம்மக்கள்
என்று உயிர்பெறுவார்களோ அன்புடையவர்களாக

- ஆம்பூர் எம். அருண்குமார்

**

அன்பின் வழியது

அன்பின் வழி
அதுதான்
உயிர் நிலையாய்
ஆக்கிடவே!

பண்புகள் வழி
அதுதான் வாழ்க்கை
புகழ்பெற்றது ஆக்கிடவே!


கல்வியின் வழி
அதுதான் தன்
வாழ்வியல் ஆக்கிடவே!

ஆன்றோர் வழி
அதுதான் வாழ்க்கை
பயனுடைமை ஆக்கிடவே!

சிவனார் வழி
அதுதான் ஜீவனம்
சிறப்புடன் ஆக்கிடவே!.

- புலவர் களந்தை நரசிம்ம சுப்பிரமணியன், சிறுமுகை

**

அன்பின் வழியது செல்கையில்
உள்ளொளி ஊற்றாய்ப் பெருகும் !
உலகம் பரவசமாகும்!
தன்னிலிருந்து தெய்வமொன்று 
வெளிக் கிளம்பி
அது தன்னையே உற்று நோக்கும் !
குழம்பிய புதிருக்கு விடை கிடைத்த
மகிழ்ச்சியில் உள்ளம் கூத்தாடும்!
ஆட்டம் காட்டிய ஐம்பொறிகளெல்லாம்
அமுங்கிப் போய் குமுறும்!
பிரபஞ்சத்தில்  மூச்சுக் காற்று
உட்புகுந்து  அதுவே நீ! நீயே அது! 
என்றாகிப் பின் சூனியமாகும்!
உடம்பின் உள்ளே, உயிரில் கலந்த
இவ்வன்பெனும் தெய்வமானது,
எலும்பின் மீது தோல் போர்த்தியவர்க்கு
என்றுமே எட்டாக் கனியாகும்!

- திலகா சுந்தர், அமெரிக்கா

**


களிரும் பிடியும் பேடையும் ஆண் குயிலும் 
குலாவியே வாழும் குவலயத்தில் சேவலும்
கோழியும் குளிர்ந்து இயைந்தே வாழும்
உலகிலவை இயற்கை அன்பின் வழியாம் 
அங்கு கூடலுண்டு பிரிவுண்டு குலவலுண்டு
பங்குபாசமுண்டு, பரிவுண்டு பிணைப்புண்டு 
இயற்கையில் இருக்கும் அனைத்துயிர்களும்
இயற்கையாய் இணைந்து அனபுடன் வாழும்
ஐந்தறிவு உயிர்களிடத்தில் உண்டு அன்பு
ஆறறிவு உயிர்கள் அன்பின் வழி வாழுகிறதா?
மானிடனினமோ மகிழ்வுடன் வாழுகிறதா?
மாமனிதர்களென மார்தட்டும் இவர்கள்
கள்ளக்காதலுக்காகக் கணவன் குஞ்சுகளைக் 
கள்ளத்தனமாய்க் கொல்கின்றனர், கவலையின்றி
அன்பைப் பண்பைப் பகுத்தறிவை அடகுவைத்து 
பணத்திற்கே முதலிடம் கொடுக்கும் வாழ்க்கை
மனம்போன போக்கெல்லாம் மானிட வாழ்க்கை 
தன்னலமிகு ஈரமில் வறண்ட பாலை வாழ்க்கை
அன்பின் வழியை அடைக்கும் தாழானதோ!

- மீனா தேவராஜன்

**

காலை எழுந்தவுடன்  கடும்காப்பி – பின்
  காய்ந்துபோன கேப்பைத்த் தோசை அடுத்து
மதியம் வந்ததும் பழைய சோறு- மாண்புமிகு
   மாமியாருக்கு மரியாதை இப்படி! இருக்கும்

நிலையை மாற்ற ஒருமாற்று திட்டம் புதிதாய்
   நடைமுறைப்படுத்த அறிவு முயன்றான்
அலைபாயும் அன்னையின் கவலையைப்போக்க
    அப்படியே அறிவு திட்டமிட்டான்

ஓய்வுபெற்ற நண்பர்கள் சேர்ந்து அடுத்த ஊரில்
    உதவிகரமாய் நடத்திவரும் ஓய்வுஇல்லம்
தாய் சிவகாமியை சேர்க்க அன்புடன் அழைத்தான்
    தாயோ வர மறுத்து விட்டாள்! காரணம்

“பேரன்,பேத்தி மற்றும் தன்பிள்ளை அறிவு-இவர்களை
 பார்த்துக் கொண்டே இருப்பேன் பட்டினிகிடந்தாலும்”
 அறைந்து சொல்லிவிட்டாள் குழந்தைகள்மேல்
    அன்பின் வழியதுஉயிர்நிலை கொண்டு!

- கவிஞர்  ஜி.சூடாமணி

**

அன்பே இறைவனை அடையும்வழி - நம்
     அகத்தின் இருளை அகற்றும் ஒளி..
அன்புவாழும் மனிதனின் நெஞ்சம் - அதில் 
     ஆண்டவனும் வந்து அடைவான் தஞ்சம்..
அன்பில்லாத உடல் வெறுங்கூடு - அது
     அழிந்து போய்விடும் இந்த மண்ணோடு..
அனபுகொண்ட உடல் இறைவன்வீடு - அது 
     அழிந்தாலும் இங்கு வாழும் புகழோடு..
கல்நெஞ்சமும் அன்பில் கரைந்துபோகும் - அது
     கல்லுக்குள் ஈரமாய் கசிந்து போகும்..
முள்ளும்  முகையாகி மரமாகும் - அதில்
     மறைந்து வாழும் இனிய மதுரமாகும்..
உயிர்களிடம் அன்புசெய்தால் நீயும்ஓர்துறவி - அன்பே
     உயிரானால் இங்கு நீயும்ஓர் மனிதப்பிறவி..
உயிரில்கலந்த அன்புதான் பொங்கும்அருவி - அதுவே
     உலகை வெல்லும் உன்னதக் கருவி..
அன்பின் வடிவம்தான் உன்அன்னை - அவள் 
     அன்பையும் ஊட்டி வளர்த்தாள் உன்னை..
அன்பே பொன்னாக்கும் இந்தமண்ணை - உண்மை
     அன்பின் வலிமை தாண்டும் விண்ணை..

- கவிஞர் நா.நடராசு

**

மனமோ பின்னோக்கி சென்றது - தொடர் வண்டியில்,
மாதமோ மார்ச்
இங்கோ வெயில் கொளுத்த
பணி நிமித்தம் பீகார் சென்றேன்
பீர் பைந்தி - ஊர் பெயர்
காலை ஆறு மணிக்கு
காலை வைக்க முடியாத
குளிர் வெளியே

கதகதப்பு ஆடை ஏதுமின்றி
திகைத்து நின்றேன் நான்,
கல்லூரி ஆசிரியத் தம்பதி ஒருவர்
கண்டென் நிலையை
காஷ்மீர் ஷால் ஒன்றை
யோசிக்காமல் - தந்தனர் உடனே எனக்கு, 

அதைப் போர்த்திய எனக்கு
என் சொல்வது என்ற வார்த்தையற்று,
அன்பில் நனைந்து அடுத்த அடி வைத்தேன், அன்புப் போர்வை கொடுங்குளிரில் எனைக் காக்க
என் நெஞ்சில் நீங்கா இடம் பெற்றன இரு - அன்பு இதயங்கள்

அன்பின் வழியது உயிர்நிலை
அஃதிலார் கென்பு தோல் போர்த்திய உடம்பு

என்பதன் பொருள் உணர்ந்தேன் அன்று

- செந்தில்குமார் சுப்பிரமணியன்

**

உடலில் உயிரிருந்தாலே எழுந்து நடமாடலாம்
திட வாழ்வுக்கும் அன்பிருந்தாலே ஆதரவாகும்
இடம் பொருள் ஏவல் ஏதும் வேண்டாம் அன்புக்கு
வடம் பிடிக்கத் தேர் நகரும் அன்பில் உள்ளம் உருகும்.

கொடுத்துப் பெறுவதல்ல அன்பு யாரிடமும் என்றும்
கொடுத்துக் கொண்டே இருப்பது தான் அதன் நிலை
தடுத்தாலும் அன்பு தடையின்றி ஓடக்கூடியது
அடுத்துக் கெடுப்பதென்ற செயல் அன்பிலில்லை

அன்பின் வழியது உயிர்நிலை அது இல்லாத நிலை
என்பு போர்த்திய தோலுக்கு சமம் என்றார் வள்ளுவர்
கன்றும் பசுவும் காட்டும் அன்பு ஒன்றே போதுமே
என்றும் அன்புக்கு மட்டும் அழிவென்பதேயில்லையே

உயிர்கள் அன்பு செலுத்துவதில் மாறுபாடிருக்காது
பயிர்களையும் உயிர்களாய் நினைக்கும் பாங்கது
தயிர் வெண்ணெய் நெய்யென பயனாவது போல்
உயிர்களுக்கு அன்பு மாறுபாடு நோக்காது பயன்தருமே

ஆல்போல் அன்புலகம் விரிந்தால் சண்டைகளிருக்காது
வேல்போல் நாடுகளை சுத்தம் செய்து சீர்திருத்தும்
கோல் எடுத்தால் குரங்காடும் எனும் பயங்கள் இல்லை
பால் போல் வெண்மை அன்பிருந்தால் வாழ்வும் சிறக்குமே

- கவிஞர்  ராம்க்ருஷ்

**

அன்பின் வழியது மறந்தால், மறையும் நல்ல 
பண்பும் பாசமும் ... தடம் மாறும்  வழி ,
மறைக்கும் கண்ணை... தொடரும் பிழைகளும் !
அம்மா என்றால் அன்பு ..அன்பு என்றால் 
அம்மா ... அன்பின் வழியது அம்மாவின் 
அரவணைப்பும் பாசப்பிணைப்பும் !
வலிக்குது மனசு இன்று தடம் புரண்ட 
ஒரு பேதையின்  செயல் கண்டு !
துடிக்குது நெஞ்சம் பிஞ்சு இரண்டின் 
உயிர் பறித்த ஒரு  வஞ்சகப் பெண்ணின் 
நஞ்சு மனதை நினைத்து !
வள்ளுவன் காட்டிய அற வழியில் நடக்க 
முடியவில்லை அந்த பெண்ணுக்கு ...அந்த 
பெண்ணின் தலை எழுத்து அது !
பிழை ஏதும் செய்யாத அந்த பிஞ்சு 
இரண்டும் செய்த பாவம் என்ன ?
அற வழி மறந்த அந்த பெண்ணுக்கு 
அன்பின் வழியும் அறவே மறந்து போனதே !
அதை நினைத்தால்  வலிக்குது மனசு !

- கே.நடராஜன்

**

கனாக்கண்டேன்.
பெரும் வனம்.
நெடும் பயணம்.
வனமெங்கும் பெருமரங்கள். 
எங்கு பயணம்..
ஒரு பெருமரம் கேட்டது. 
அன்பின் வழியது
தேடி வந்தேன்.
இவ்வளவு தூரம்..இன்னும் கிட்டவில்லை..
பெருவெளிச்சமும் இல்லை. பேரமைதியே  பெருவனத்தில்.
அதனால்..
அன்பின் வழியது
காண்பது கடினம்
என்று சொன்னேன்.
சிரித்துக் கொண்ட
பெருமரம்
என்னைத் திருப்பிக்கேட்டது.
அடையாளங்கள்.. ?
எனக்கு அன்பு செய்யும் 
உயிர்கள் நிறைந்திருக்கும்
அன்பின் வழியது...
என்று சொன்னேன்..
பெருமரம் கேட்டது..
அந்த அன்பு உயிர்களும்
அன்பின் வழியதை 
எங்கோ தேடி  
வழி தொலைந்திருந்தால்.. ?
எனக்கு வலித்தது.
பெருமரம் சொன்னது..
வந்த வழியதுவும்
அன்பின் வழியது
இன்னும் தேடுக தவறில்லை..
ஆனால்..
தேடும் தேடும் வழியெங்கும்
உயிர்கள் நிறைந்திருக்கும்..
அன்பின் வழியதை
உயிர்கள் அதுவும் தேடிக்கொண்டிருக்கும்
சிறகுகள் முதிர்ந்தால்
தேடியபொழுது
உயிர்களைத் தழுவ
மறந்ததும் வலிக்கும்.

** 

பெருமரத்தின் பெயர் கேட்டேன்
பெருவாழ்வு
என்று சொன்னது...
விழித்துக்கொண்டேன் ..விடியலுக்குமுன்..
சிந்தூரங்கள் தீட்டிய தேவதைகள்
வானில் சிதற்றிய துளிகள்
அதிகாலை வெளிச்சங்கள்..
பெரும் அழகு..

- ரமேஷ் கோபாலகிருஷ்ணன்

  

]]>
dinamani , Poem, kavithaimani, கவிதைமணி, kavithai, அன்பின் வழியது http://images.dinamani.com/uploads/user/imagelibrary/2018/9/13/w600X390/40475481_2180047908695243_3908046641629757440_o.jpg http://www.dinamani.com/specials/kavithaimani/2018/sep/13/கடந்த-வாரத்-தலைப்பு-வாழ்வின்-நிஜங்கள்---வாசகர்களின்-கவிதைகள்-பகுதி-1-2999611.html
2999612 ஸ்பெஷல்ஸ் கவிதைமணி இந்த வாரத்திற்கான தலைப்பு: சொற்கள் கவிதைமணி DIN Thursday, September 13, 2018 05:24 PM +0530 'அன்பின் வழியது’ என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: சொற்கள்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த புதன்கிழமைக்கு முன்பாக அனுப்ப வேண்டுகிறோம். கவிதைகள் திங்கள் முதல் புதன்கிழமை வரை வெளியிடுவோம்.

]]>
words, poem, kavithaimani, சொற்கள், கவிதைமணி http://images.dinamani.com/uploads/user/imagelibrary/2018/9/13/w600X390/1_YLlZ96J3p8GFkIh1USVMzg.jpeg http://www.dinamani.com/specials/kavithaimani/2018/sep/13/இந்த-வாரத்திற்கான-தலைப்பு-சொற்கள்-2999612.html
2993989 ஸ்பெஷல்ஸ் கவிதைமணி இந்த வாரத்திற்கான தலைப்பு: அன்பின் வழியது கவிதைமணி DIN Tuesday, September 4, 2018 11:20 AM +0530 'பத்ம வியூகம்’ என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு:   அன்பின் வழியது..!

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த புதன்கிழமைக்கு முன்பாக அனுப்ப வேண்டுகிறோம். கவிதைகள் திங்கள் முதல் புதன்கிழமை வரை வெளியிடுவோம்.

]]>
poem, anbu, love, thirukural, குறள், கவிதை, அன்பின் வழியது http://images.dinamani.com/uploads/user/imagelibrary/2018/9/4/w600X390/cute.jpg http://www.dinamani.com/specials/kavithaimani/2018/sep/04/இந்த-வாரத்திற்கான-தலைப்பு-அன்பின்-வழியது-2993989.html
2986767 ஸ்பெஷல்ஸ் கவிதைமணி கடந்த வாரத் தலைப்பு ‘நட்சத்திரங்கள் விழும் இரவினில்’வாசகர்களின் கவிதைகள் பகுதி 2 கவிதைமணி DIN Saturday, August 25, 2018 04:08 PM +0530
நட்சத்திரங்கள் விழும் இரவினில்!

நட்சத்திரங்கள் விழும் இரவினில்
நட்சத்திரமாய் நீயும் நானும்.

நம்முள்ளே ஈர்க்கவும் எரிக்கவும் 
தெரிந்த விசையிலிருந்து
எதை தேர்வு செய்ய?

நெருங்கி விலகி,
விலகி நெருங்கி
சுவாரசியமானது விண்வெளி விளையாட்டு.

சட்டென்று ஈர்ப்பேதும் 
இல்லாத இடத்தில்
விலகி நகர்ந்தோம்
எதிர் திசையில்.

விழாமல் இருவரும் ஆனோம்
சூரியனாய் 
சந்திரனாய்!

- சுபர்ணா.

**

யாருமற்ற இரவினிலே
மின்மினிக்கும் கரையினிலே!
இரவு வானில் மின்னிடும்
நட்சத்திரங்கள்! நிலவு வானில்
பளிச்சிடும் முத்துச் சிதறல்கள்!
என்னில் தோன்றிடும் அளவிலா
ஆசைகள்! எண்ண முடியா
நட்சத்திர குவியல்கள்!
மல்லிகையும் மணம் வீசுதடி!
எங்கோ மீட்டிடும் வீணையொலி
காதில் கேட்குதடி! மெல்லவே
தென்றல் காற்று வீசுதடி!
மயக்கத்தில் மெளனமொழி பேசுதடி!
சித்திரப்பாவை உன் முகம்
எனது சிந்தனையில் குளிருதடி!
மார்கழி மாதப் பனி போலே!
மின்னி மின்னி ஒளிருதடி!
அது கண்ணை கண்ணைச் சிமிட்டுதடி!
ஆசையலை அடிக்குதடி!
கரையைத் தொட்டு மோதுதடி!
ஆவலில் அள்ளிக் கொள்ள மனம்
துடிக்குதடி! விண்ணுக்கும் 
மண்ணுக்குமான உறவிதுவோ!
விந்தைகளும், விசித்திரங்களும்
நிகழுதடி! நட்சத்திரங்கள் விழும்
இரவினிலே! கனவோ
நினைவோ இது நிஜமோ!

- ஏ.கே.சேகர், ஆகாசம்பட்டு

**

நட்சத் திரங்கள் விழுமிரவாம்
       நடுநி சிநேரம் காத்திருப்பேன்..!
லட்ச மாய்நட் சத்திரமும்
       லாவ கமாய்ச் சூழ்ந்துவர..!

அட்ச தூரம் அதிகம்தான்
       அவளும் வருவாள் நிலாவாக..!
பட்சி களுமே விழித்திருக்கும்
       பசித் திருக்கும் வேளையிலே..!

எட்ட நின்று பார்த்தாலும்
       எப்போ துமவள் அழகேதான்..!
வட்ட வடிவ நிலாவவளாம்
       வளைய வருவாள் சிரித்தபடி..!

வெட்ட வெளியில் உலாவருவாள்
       வெளிச்சம் தந்து வாழவைப்பாள்..!
இட்ட தெய்வம் போலவந்து
       எவ்வு யிர்க்கும் அருளிடுவாள்..!

மண்ணில் வாழும் மனிதருக்கு
       மனதைக் கொண்டுச் சிந்திக்க..!
விண்ணில் நிகழும் அதிசயங்கள்
       வியப்பாய் அதுவும் அமைந்ததுவே..!

எண்ணம் எழவும் வைக்குமன்றோ
       எதையும் அன்பால் நேசித்தால்..!
திண்ணம் உண்டு நம்மனதில்
       திடமாய் எழுத மஹாகவிபோல்..!

- பெருவை பார்த்தசாரதி

**

நினைத்தது நடக்குமாம்
நட்சத்திரங்கள் வீழும் போது..!!
நான் வேண்டிக் கொள்கிறேன் !
இப்போது விழும் நட்சத்திரத்தைப் பார்த்து..!!

இயற்கை அன்னையே 
கேரளாவிற்கு உதவிக் கரம் நீட்டு !
உன் கோபத்தை குறைத்துக் கோள் !
உனது தடயங்களைத் தேடி அலைந்து திரிந்தது போதும் !
சற்று நிதானம் கொள் !

உன் கோபத்தை நீரின்றி தவிக்கும் 
வறண்ட மாநிலங்களின் 
நிலங்களில் செலுத்து ! 
அந்த நிலங்கள் செழிக்கட்டும் !
விவசாயம் வளரட்டும் !
தொழில்வளம் பெருகட்டும் !
அணைகள் நிரம்பட்டும் ! 

ஒரு போதும் உன்னை 
வேண்டாமென்று நாங்கள்
சொல்லவில்லை !
நீயின்றி நீரின்றி ஏது உலகு !
இப்போதைக்கு சென்று விடு
மனிதம் தழைக்க..!!

- மகேஷ் சேந்தலிங்கம் 

**
நட்சத்திரக் கண் சிமிட்டலில்
  நிலவும் நாணம் கொள்ளுதோ...
மேகத்திற்குள் ஒளிந்து கொண்டு
  முகத்தைக் காட்ட தவிக்குதோ...
நட்சத்திரப் பூக்கள் சேர்ந்து
  நிலவுக்கு மாலை சூடியதோ..
நிலவைச் சுற்றி வந்து
  நினைவில் ஏக்கம் கொள்ளுதோ..
வான்வெளியில் வெள்ளித் தோரணமாய்
  விண்மீன்களும் ஒளி வீசுதோ..
புள்ளிகள் வைத்த கோலமாய்
  புன்னகை முகத்தில் பேசியதோ
மேகக்கூட்டங்கள் ஒன்றாய் சேர்ந்து
  வானில் கூட்டம் போடுதோ..
வண்ண நிலவைத் தேடி
  வான்வீதியில் ஊர்வலம் போகுதோ..
இரவுநதியில் விண்மீன்களும் நீந்தி
  இன்பமாய் துள்ளி விளையாடுதோ..
வான்கடலில் முழுவதும் கலந்து
  விண்ணின் முத்துக்களாய் மாறியதோ..
                                      
- கவிஞர் நா.நடராசு

**

குடிசை வீட்டுச் சிறுமியின்
கூந்தலில் மின்ன
இறங்கி வருகின்றனவோ...
இரங்கி வருகின்றனவோ...

மீன்
துள்ளி விளையாடும் தடாகத்தின்
அல்லி மலர்மீது காதல்கொண்டு
நிலம்நோக்கி
குளம்நோக்கிப் பாய்ந்ததில்
இடம்மாறி
தடம்மாறி விழுகின்றனவோ...
    
நளினச் சொற்களுக்குப் பதிலாக
நட்சத்திரங்களை அடுக்கியொரு கவியெழுத
அழைத்தேன் 
அதற்காக வருகின்றனவோ...

நட்சத்திங்களை
நிராகரித்துவிட்டு
நிலவை மட்டுமே பாடும் கவிஞர்களிடம்
நீதி கேட்டு
நெடும்பயணமோ...

நட்சத்திரங்கள்
விழுந்த இடம்தேடி
விஞ்ஞானிகளும்  செல்வதில்லை
மெய்ஞானிகளும் சொல்வதில்லை
பாவ பூமியில்விழ அஞ்சிப்
பாதியிலே சாம்பலாகிக் கரைகின்றனவோ...

உச்சி நட்சத்திரங்கள் விழும் 
ஒவ்வோர் இரவும்
உணர்த்துகின்றதோ...
ஒவ்வொன்றாய் என் கனவுகள்
உடைந்து நொறுங்குவதை?

-கோ. மன்றவாணன்


**

நட்சத்தி ரங்கள் நடுநிசிப் பொழுதில்
தலைகீழாய் வீழ்ந்து தற்கொலை செய்து
பள்ளத் தாக்கில் மறைவது போல
உள்ளம் தாக்கி உறைந்து போனேன்
வாழ்க்கை என்னும் வேட்கை அற்று
யாழ் கைக்கொண்டு அவலம்  பாடி
என்னை மூடிய இருண்ட இரவின்
கண்ணீர்த் துளிகளாய்க் கண்சிமிட் டிவிழும்
விண்மீன்கள் என்னை கொத்தித் தின்னும்
கனவுகள் மிச்ச உடலை மேய்ந்து உண்ணும்
நட்சத்திரங்கள் விழுந்திடும் இரவுப் போதுகளில்
ஈரத்துளிகள் உன்இமை களிலிருந்து விழுந்திடுமா?

- கவிஞர் மஹாரதி

**
நிலத்தின்
அருவியெனப் பாயும் நதியில்
துடுப்பற்று 
படகாக நீந்துகிறது வான்நிலாவின்
பிம்பம்

தங்க ஒளி பரவும் 
மங்கிய இருளின் வெளியில்
துள்ளும் அலைகள் ;
கெண்டைகளென மின்னித் தெரிக்கும்

பூமியின் நட்சத்திரங்களாய்
இருளைத் துளைக்கும்
மின்மினிக்களின் களைப்புத் தீர
வேய்ங்குழல் மேவி வரும்

மனவோடத்தில்
துடுப்புகளற்று எண்ணங்களின் வழி
பயணம் பட
வருடிக் கொண்டிருக்கிறது
தென்றல்

பாடிக்கொண்டிருக்கிற
குயில்களின் நாதத்தில் மயங்கி
சுருங்கிக் கொண்டிருந்தது
வானம்

நிசப்த கணத்தில்
இசைக் கருவியென எழுந்து 
இலாவகமாய் சுழன்று
ஒத்திசைத்துக் கொண்டிருந்த
அலைகளோடு
துள்ளித் துள்ளி நடனமாடும்
மீன்கள்

தன் குஞ்சுகள்தான்
கடல் வீழ்ந்ததென அலறிப்புடைத்து
அகால இரவில்
குஞ்சுகளைத் தோளேற்ற 
நெகிழ்ந்த நெஞ்சோடு நழுவி
விழுந்து கொண்டிருந்த
நட்சத்திரங்களுக்கு
வெளிச்சம் காட்ட புலர்ந்து கொண்டிருந்தது
கிழக்கு....

- கவிஞர்.கா.அமீர்ஜான்

**

நடந்தேறிய நிகழ்வுகளில் நனைந்திருக்கிறேன்
நிகழவிருக்கும் நிகழ்வுகளை நினைந்திருக்கிறேன்
விழும் பனியிலும் நனைத்திருக்கிறேன் ஏனெனில்
செழுமை நிறை அமெரிக்கா நான் இருப்பது 
நீ இருப்பதோ இந்தியா தற்போது பகற்காலம்
நீ இருப்பதோ பணியிடை கிட்டும் இடைக்காலம்
விடும் விண்வழி மின்னஞ்சல் என் கைபேசியில்
விழும் இரவில் நிலம் விழும் விண்மீன் போல்
விழித்திருக்கையில் உன் நினைவு அலைமோதுகிறதே
விரைவில் வருகிறேன் உன் கரம் பற்றவே காதலியே! 

- மீனா தேவராஜன்

**


நிறங்கள் தொலைந்த நீண்ட இரவினிலே
சொட்டுச் சொட்டாய் உதிர்ந்து

கொண்டிருக்கின்றன நட்சத்திரங்கள்..

நிதர்சனக் கோப்பைக்குள் விழும்
நிழல்களைக் கடத்தி வந்து
கரிசனம் ஏதுமின்றி காயப்படுத்திக்

கொண்டிருக்கின்றன இரவை..

அடர்ந்த கரிய நெடி ஒன்று
துருவ நட்சத்திரத்திலும் படர்ந்து விட
துளித்துளியாய் உதிர ஆரம்பிக்கின்றது அதுவும்..

வால் முளைத்த இன்னொன்று பெருவெளி கடந்து
அடுத்து உதிர்ந்து விழ ஆயத்தமாகிகிறது
என் கவிதைக்கு கருவாக..

- கீர்த்தி கிருஷ்

**

இயந்திரமயமான வாழ்க்கையிலிருந்து விடுபடுங்கள்
இரவினில் வாணத்தை இனிதே ரசியுங்கள்!

வானம் போதிமரம் என்றார் கவியரசு வைரமுத்து
வானம் உங்களுக்கு வாழ்க்கையை கற்றுத்தரும்!

வானில் தோன்றிடும் வானவில் அழகுதான் மறையும்  
வானிலிருந்து சில நிமிடங்களில் ! அழகு நிரந்தரமன்று!

வானத்தில் தெரியும் நிலவோ அழகோ அழகு
வான்நிலவை மேகங்கள் மறைத்து விளையாடும்!

நிலவென்னும் இளவரசியின் தோழிகளாக நட்சத்திரங்கள்
நிதமும் தோன்றும் வெவ்வேறு விதமாக!

எண்ணிப் பார்த்து தோற்றுவிடுகிறோம் நட்சத்திரங்களை
எண்ணிலடங்கா மகிழ்ச்சியை மலர்வித்து மகிழ்கின்றன !

வானை ரசிக்க பொறுமையும் ரசனையும் வேண்டும்
வானின் வண்ணங்களை ரசிப்பது தரும் இன்பம்!

இரவு மிக நீளமானது கவலையில் வாடுவோருக்கு
இரவு மிக சுருக்கமானது ரசித்து வாழுவோருக்கு !

தேய்வது போல தோன்றும் தேய்வதில்லை நிலவு
வளர்வது போல தோன்றும் வளரவுமில்லை நிலவு!

அமாவாசையன்று வானில் தெரிவதில்லை நிலவு
அமாவாசையன்றும் நிலவு இருப்பது உண்மை!

முழுநிலவு நாளில் காணக் கண் இரண்டு போதாது
முழுவதுமாகக் கொள்ளை அடித்து விடும் மனதை!

பசித்தவனுக்கு தோசையாகத் தெரியும் நிலவு
புசித்தவனுக்கு விளக்காகத் தெரியும் நிலவு!

சூரியனின் ஒளியைப் பகிர்ந்திடும் நிலவு
சுந்தரமாக சுண்டி இழுக்கும் வனப்பு நிலவு!

இனியாவது இரவில் ரசியுங்கள் வானத்தை
இயந்திர வாழ்வு இனிமையாக அமையும்!

- கவிஞர் இரா. இரவி

**
நட்சத்திரங்கள் விழும் இரவினில்
நதி கரைதாண்டும் அழகினில்
இங்குமங்கும் அசைந்தாடும் படகாய்
அலைமோதி ஆர்பரிக்கும் உன்நினைவுகளில்
கரைசேர காத்திருக்கிறேன் - த(க)ண்ணீரில் 
தள்ளாடும் நிலவாய் நானும் ...

- மூர்த்தி 

**

நட்சத்திரப் பூக்கள் விரவலில்
தவழ்ந்து வரும் நிலா

எண்ணப் பூக்கள் நெரிசலில்
வென்று வரும் நீ

இரவுப் பெருவெளியெங்கும்-இனிய
இம்சைக்கு இசைவானவாய் நான்..

நிஜம் தொலைத்து வைத்ததெல்லாம்
கற்பனை மிகுந்து துரத்துகிறது...

நினைவு நீட்டி வைத்ததெல்லாம்
கனவு வந்தும் தொடர்கிறது...!

- கனகா பாலன்

**
இருளில் வெள்ளியை
உருக்கி ஊற்றியது யார்?
வெறுமையில் வாழும் சில
உள்ளங்கள்
தனிமையில் ரசிக்கவா
நட்சத்திரங்கள் வாழும் இரவினில்
உச்சம் சென்று ரசித்திட
உறங்காமல் இருக்கிறேன்
சில உயிரனம் இரவில் இரை தேடலாம்
நான் இறையை தேடுகிறேன்
எனக்கும் ஆசை தான்
அவள் நிலவாக இருக்க
பனிமழை பொழியும் இரவில்
தனிமையாக இரவை தேடுகிறேன்

- ப.ராஜ்குமார் சிவன்

**

பகலில் எரிக்கும் சூரியனால்
பார்க்க முடியாத வானுலகு
இரவில் ஒளிரும் விண்மீன்களால்
எழிலோவியமாய் கண்ணைக் கவரும்
விண்மீன்கள் பல்வகையில்
எண்ண முடியாத எண்ணிக்கையில்
கண்ணைக் கவரும் சில
தன்னை மறந்து நிலையிழக்க
சர்ரென்று கீழிறங்கிப் பாயும்
தலைமீது விழுமோ என
அச்சம் கொள்ள வைக்குமவை
இடையில் ஒளியிழந்து மறையும்
மற்றுமொன்று மனம் மயங்கி
இதே நிலையிலாகும்
வானில் ஒளிர்வது பலவென்றால்
கீழிறங்கிப் பாய்வது மிகச் சிலவே
பார்க்கும் கண்களுக்குப் பரவசமே
விண்மீன்கள் விழும் இரவு
கண்மீன்களை மயக்கும் உறவல்லவா

- கவிஞர்  ராம்க்ருஷ்

இரவுச் சுடராய் மின்னும்
நட்சத்திரங்களை எண்ண 
முயன்ற சிறுமி
கடவுளிடம் முறையிடுகிறாள்
இன்று தொடங்கி என்று முடிப்பேன்
எண்ணிலடங்கா இக்குவியலை?
வான் கடலில் மீன் உடலாய் மிளிரும் 
இவ்வெளிச்சப் புள்ளிகளையெல்லாம்
ஒன்றிணைத்து ஒரே கோளாக்கி
கோலமிட விரும்புகிறேன், 
வண்ணமிட நீ வருவாயா இறைவா?

- உமா

]]>
நட்சத்திரம், Poem, இரவு, கவிதை, kavithaimani, கவிதைமணி, kavithai http://images.dinamani.com/uploads/user/imagelibrary/2018/8/25/w600X390/f8835d29926d0f8c6f1ebe3e6592c9f1_s.jpg http://www.dinamani.com/specials/kavithaimani/2018/aug/24/கடந்த-வாரத்-தலைப்பு-நட்சத்திரங்கள்-விழும்-இரவினில்வாசகர்களின்-கவிதைகள்-பகுதி-2-2986767.html
2986774 ஸ்பெஷல்ஸ் கவிதைமணி இந்த வாரத்திற்கான தலைப்பு: பத்ம வியூகம் கவிதைமணி DIN Friday, August 24, 2018 04:15 PM +0530 'நட்சத்திரங்கள் விழும் இரவினில்’ என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: பத்ம வியூகம் ..!

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த புதன்கிழமைக்கு முன்பாக அனுப்ப வேண்டுகிறோம். கவிதைகள் திங்கள் முதல் புதன்கிழமை வரை வெளியிடுவோம்.

]]>
padma vyugam, kavithaimani, பத்மவியூகம், கவிதை, கவிதைமணி http://images.dinamani.com/uploads/user/imagelibrary/2018/8/24/w600X390/images_1.jpg http://www.dinamani.com/specials/kavithaimani/2018/aug/24/இந்த-வாரத்திற்கான-தலைப்பு-பத்ம-வியூகம்-2986774.html
2985432 ஸ்பெஷல்ஸ் கவிதைமணி கடந்த வாரத் தலைப்பு ‘நட்சத்திரங்கள் விழும் இரவினில்’வாசகர்களின் கவிதைகள் (பகுதி 1) கவிதைமணி DIN Wednesday, August 22, 2018 06:25 PM +0530 நட்சத்திரங்கள் விழும் இரவினில்...

நீ இல்லாத 
தனித்த இரவொன்றில்
விழுந்தது நட்சத்திரங்களல்ல
துண்டு நிலாக்கள்!

- ச.கீர்த்திவர்மன், புதுச்சேரி.

**
பெரும்காற்றோடு சலசலத்த
காலங்களை 
மிதக்கும் இலை
நனைந்துகொண்டே  பகிர,

நதி நீரோ
தன் ஆச்காரியங்களை 
சிறு வட்டங்களால் 
வெளிப்படுத்தியது !

ஒன்பது ஆண்டு வாழ்ந்த
மனைவியின் பிரிவு
ஏழு நாள் குழந்தையின் 
மீளா நினைவு
நட்சத்திரங்கள் விழும் இரவினில்
நன்றாக வசித்த வீட்டிலிருந்து
வெளியேறிய கணம்

எப்போதாவது கனவில் வந்து 
திடுக்கிட வைத்திருக்கலாம்
வனத்தில் உறங்கிய
புத்தனின் கனவில்.

- விஸ்வநாதன்

**
அகண்ட சாலையில் 
ஒரு மாலை வெய்யில் நேர
அலுவலக நெரிசல்,
சிக்னலில் வட்ட குங்குமம்,
நிறுத்திய ஸ்கூட்டரின் 
பின்னால் அமர்ந்திருந்த
நாட்டிய உடை சிறுமியின்
கைகளின் காற்றில் 
வரைந்து பயின்ற அபிநயங்கள்
நெரிசலின் நெருக்கடியை
குறைத்து வைத்தது.
பின்னர்
குளிர் காற்று வீச
ஆரம்பித்தது. 

-வினோதினி

**

விழுவது விண்கல் என
அறிவியல் சொன்னாலும்
வான் பார்த்து
மொட்டை மாடியில் 
படுத்திருக்கும் 
கவிதை மனது 
ஆரம்பித்து வைத்தது
மற்றுமொரு கவிதையை..

'நட்சத்திரங்கள் விழும் 
இரவினில் '  என

-டோடோ

**

விண்வீழ் கொள்ளிகளாய்
விடியும் வரை காத்திருக்காமல்
நள்ளிரவில் பதியிழந்த
நங்கையர்போல் முகம் வாடி
வானில் பிறந்த விதியிருந்தும்
புகைந்து கரிந்து வீழ்வதென்ன?!

களவு வாழ்க்கை வாழ்பவர்க்கும்
கனவில் வாழ்ந்து வருபவர்க்கும்
இரவில் பூக்கும் மதிமலர்போல்
இங்கும் அங்கும் திரிபவர்க்கும்
நட்சத்திரங்கள் விழும் இரவே
நம்பிக்கை தரும் நல்லிரவாம்!

கடும் உழைப்பினால் அன்றோ
பெறும் வெற்றி பெரிதாகும்
முயற்சியெல்லாம் துணையாகும்
மானிடனே மறைந்த போதும்
மண்ணில் எரிந்து வீழ்ந்தபோதும்
வானம் போலக் கலங்கிடாமல்
வாழ்ந்து நீயும் காட்டிவிடு
வானம் போலே உயர்ந்துவிடு. 

புலவர் களந்தை நரசிம்ம சுப்பிரமணியன்.சிறுமுகை.


**

நாளும் கிழமையும் ஏழைக்கேது
உலகம் உள்ள வரை,
தூங்கும் பொழுதும், 
இயங்கும் உடலின் உறுப்புகள் கெடாத வரை;
அது [உடலின் உறுப்புகள்] கைவிடாத வரை ,
பசிக்கு ஒரு முடிவு வராத வரை; [உடல் & வயிற்றுப்பசி]
நட்சத்திரங்கள் விழும் இரவினில் மட்டுமல்ல; 
எல்லா உயிர்களின், உலக உயிர் போராட்டங்கள்; 
நாளும் வாழும் வரை; 
தொடரும்  தொடரும்  தொடரும், 
தொடர்ந்து கொண்டுதானிருக்கும்……..

களக்காடு வ. மாரி சுப்பிரமணியன்

**

இரவே நீ,
இறக்கை கொண்டு வா;
நட்சத்திர ஒளியில் நாம்,
சேர்ந்தே பறக்கலாம்

பகலின் உழைப்பு,
அதனால் வந்த களைப்பு;
கண் சொக்குதே,
இரவினைத்தேடுதே

நிறைவேறா
ஆசையெல்லாம்,
நிறைவேற்றும்
வரம்;இரவு

உருமாறும்
மனிதனுக்கு;
உரைத்திடும்
நல்லிரவு

நீ
உருவான 
காரணம்;
கருவான அவ்விரவு

வெண்போர்த்திய
படலத்தால்;
குளிர்விக்கும்
பனியிரவு

இனிவரும் நாட்களை
எதிர்கொள்ள;
நம்பிக்கை தரும்
பொன்னிரவு

தினம் தினம்;
நீ
எனக்கு
வரவு

என்னால்;
உனக்கு
தானே
செலவு

இருப்பினும் இரவே,

இறக்கை கொண்டு வா;
சேர்ந்தே பறக்கலாம்,
காற்றில் காயம் ஆற்றலாம்,
வாழ்வை இனியதாய் மாற்றலாம்.

- ம.சபரிநாத்,சேலம்

**
“அழகிய நிலவொன்று போதும் ,
தேவையில்லை நீங்கள் எனக்கு “
நட்சத்திரங்களை விரட்டியது வானம் –
இருளில்லாமல்  மகிமையில்லையே !
இறுகும் இதயங்களுடன்
இறங்கின அவை –
விண்மீன்களுடன் நாமும் தான்
ஜொலிப்போமே !
உவகையுடன் ஈர்த்தது பூமி –
உஷார் ! விண்கற்கள் விழுந்துகொண்டிருக்கின்றன !
உள்ளே செல்லுங்கள் !
சொன்னது அறிவியல் !

- கவிஞர் டாக்டர்.  எஸ். பார்த்தசாரதி

**
நட்சத்திரம் விழும் இரவில் 
நறுமுகையே உனைக் கண்டேன் 
கண்ட பொழுதுமுதல் - உனை 
கொண்டிடவே நான் துடித்தேன் 

விழுமந்த நட்சத்திரத்தும் 
வேண்டினேன் வெண்ணிலவே
வாழ்க்கையில் நீ வேண்டும் 
வண்ணமாய் நான் வாழ 

நட்சத்திரம் தந்ததென்ன 
நல்லழகி உனை எனக்கு 
கொண்டாடுகின்றேன்  - இன்று 
குடும்பத்துடன் வெள்ளி விழா  

- பார். விஜயேந்திரன், கருங்குழி 


மலையுச்சியில் பனிபடர்ந்து உருகியொழுக மண்ணறுந்து
கற்கள் பெயர்ந்து உருண்டு 
துண்டாகி துளாகி துகளாகி 
கடைசியில் மணலாகி ஓடும் 
நீரோடு கலந்தோடும் போல்

வானமண்டலத்து மின்கற்களதனை
நட்சத்திரங்கள் விழும் இரவினில் என 
காண்போர்க்கு அதிசயம் ஆச்சரியம் சில பாதியில் சாம்பலாகி மறையும் 
சில பூமியில் வந்து விழும் அதை
காண்போர் கதிகலங்கி போவர் கெட்ட 
நேரமென கணக்கிட்டு கொள்வார் 
பச்சை நிறம் பார்த்திடச் சொல்வார் 

மாதருள் ஒரு சாராரை காமுகத்தோர்
நட்சத்திரங்கள் விழும் இரவினில் என
சிவப்பு விளக்கு வீதியில் நிறுத்தி 
அதனால் பல குடும்பம் அழிகிறது அவ்
வேடிக்கை காட்டும் படலம் ஒழிந்திட
நட்சத்திரங்கள் இனி விழாது இரவினில் என அழியும் குடும்ப துயர் துடைப்போம்

- ஆபிரகாம் வேளாங்கண்ணி, மும்பை மகாராஷ்டிரா

**

நட்சத்திரங்களே யாரை காண 
பூமியை நோக்கி விரைகிறீர்கள் 

இந்த இரவு நேரத்தில் காதலர்களின் மனதினிலே
களிப்பை உண்டாக்கவா

கவிஞர்களை கவி எழுதத் தூண்டவா

குழந்தைகளை நிலச்சோறு உண்ணச் செய்யவா

நிலவை காணும் மக்களை நீ காணவா !


நட்சத்திரங்களே ஏன் விழுகிறீர்கள்
இந்தியாவில் முக்கிய தலைவர்கள் வீழ்ந்ததாலோ

இந்த இரவினிலே இனிமைக்கு பதிலாக 
எங்களை துக்கத்தில் ஆழ்த்தவோ 

ஏன் விழுகிறீர்கள் நட்சத்திரங்களே 
சமுதாய சீர்கேடுகள் அதிகரித்ததால் 
வருத்தம் கொண்டு தற்கொலை செய்து வீழ்கிறீர்களா ?


சமுதாய ஏற்றத்தாழ்வுகளை கண்டு 
மனம் தளர்ந்து வீழ்கிறீர்களோ

கீழே விழாதீர்கள், இந்த சமுதாயத்தை விழித்தெழ
வீறுகொண்டு எழச்செய்ய இந்த இரவினிலே 
மேல்நோக்கி செல்லுங்களேன் ! 

- ஆம்பூர் எம். அருண்குமார்

**

எட்டாத உயரத்தில் கண்சிமிட்டும் விண்மீன்கள் 
என்னைப் பார்த்துதான் சிமிட்டுது அதன் கண்ணை 
என  எண்ணி நான் என் கண் சிமிட்டாமல் 
ரசிப்பேன் விண்மீனின் கண் சிமிட்டலை  நிலவொளி 
இரவில் !

விண்ணில் இருந்து விண்மீன்கள் வருமா 
மண்ணுக்கு ?....இது ஓரு கேள்வி 
என் மனதில்..!.ஒரு நாள் இரவு விண்மீன் 
கூட்டம் ஒன்று வரிசை வரிசையாய் என் 
கண் முன் வான வேடிக்கை காட்டி 
விண்ணில் இருந்து எரிந்து மண்ணில் 
விழும் காட்சி நான் பார்க்கும் வரை !

மண்ணுலகம் பிரிந்து நாம் விண்ணுலகம் 
செல்வது போல் ஒருவேளை நாள் ஒன்று 
குறிக்கப் படுமா ஒவ்வொரு விண்மீனுக்கும் 
விண்ணுலகம் மறந்து  பறந்து வந்து இந்த 
மண்ணில் மடிய ?  பதில் தெரியாத கேள்வி 
இது எனக்கு !


- கே.நடராஜன்

**

வானில் அள்ளித் தெளித்த 
பவழ மல்லிப் பூக்களாய்
விண்ணில் கண்சிமிட்டிக் கதைபேசின
நட்சத்திரங்கள்.
தூங்காத  இரவினில் எண்ணங்கள்
விண்ணைத்தொட 
தெள்ளிய சலனங்களுடன் வசப்பட்டது
வானம்.
விண்ணில் தொலைந்த எண்ணங்கள்
தொடரற்ற புள்ளிகளாய்
தொடரற்ற புள்ளிகளே நட்சத்திரங்களாய்
தொடும்கோடுகள் மெல்ல வரைந்தேன்.
சலனங்களின் சமவெளியில்  மின்மினிகள்
மௌனம் கலைக்க
கைப்பிடித்துக் கதைசொல்லின நட்சத்திரங்கள்.
எனக்கு மட்டும்..
உனக்கும் சொல்லச் சொல்லி..
உள்ளம் வழிந்தொழுகி உவகை ஊற்றெடுக்க
மகிழ்ச்சியின் கற்றைகளைக் கண்டெடுக்க 
எண்ணத்தின் கோடுகளை வண்ணத்தில்
வரையப் பார்த்தேன்.
சட்டென்று  சலனங்கள் ஆர்ப்பரிக்க
கலைந்துவிட்டது பெரும் தியானம்
மீண்டெழுந்து வானத்துப் பெருநீலத்தில்
வண்ணங்கள் தொலைத்து அழுதேன்.
பெரும் பாரம் நீங்கியது..
பெருவெளியில் நட்சத்திரங்கள் சொல்லியகதை
அனைத்தும்
தேடாமல் தேடினாலே வசமாகும்
சொல்லிச் சிரித்த நட்சத்திரங்கள்
கண்சிமிட்ட
வானமே போதிமரமாய் மாறிப்போனது..
நானும் புத்தனாய் வாழ்ந்த கணங்களில்
பெருவெளி நட்சத்திரங்களிடம் உள்ளகதைகள்
உனக்கும் எனக்கும் சொல்லமட்டும்
அவ்வளவு ஏராளம்
சன்னல் திறந்து உள்ளமும் திறந்தால்
கதைகள் அவ்வளவு சொல்லும்
கண் சிமிட்டிக் கதைசொல்லிய நட்சத்திரங்கள்
ஓரிர‌ண்டு உதிர்ந்தும் போனது
- செண்பகம்.. தாழம்பூ.. பெருமல்லி..
பவழமல்லி.. சிறுமுல்லை.. 
உனக்குப் பிடித்த பூக்கள் எல்லாம்
உடனே நிறைந்து மலரச் சொன்னேன்
உதிர்ந்த நட்சத்திரங்களுக்கு மெத்தையாக்க‌
பூமியிலும் கட்டியணைத்துக் கதைகள் கேட்க.‌

- ரமேஷ் கோபாலகிருஷ்ணன்.

**


விண்மீன்கள்  விழிகாணும்  இரவுப்  போழ்தில்
    வீசுகின்ற  தூய்மையான  தென்றல்  காற்றில்
திண்ணையிலே  அமர்ந்தபடி  தாத்தா பாட்டி
    திருவான  பெயர்த்தியை   மடிய  மர்த்திப்
பண்பாட்டை  ஒழுக்கத்தைக்  கதையாய்ச்  சொல்லிப்
    பதியவைத்த  காட்சியெல்லாம்  கனவாய்ப்  போக
எண்ணத்தில்   மட்டுமந்த  திண்ணை  நிற்க
    எல்லாமும்  மறைந்ததுவே   முதியோ  ரோடே !

பால்நிலவின்  ஒளிசிந்தும்  இரவுப்  போழ்தில்
    பயிர்செழித்த   பசும்வயல்சூழ்   வரப்பின்  மீது
கால்நீட்டி  அமர்ந்தபடி  குடும்பத்  தோடு
    கலகலப்பாய்  நிலாச்சோறு   உண்ட  வாறு
ஆல்விழுதாய்  சுற்றமெல்லாம்   கலந்து  பேசி
    அன்போடே   இருந்தஅந்த  காட்சி  யெல்லாம்
கோல்விழுந்த  பந்தற்போல்  ஆன  தோடு
    கொழித்திருந்த   வயல்வெளியும்   போன  தின்று !

வான்மீன்கள்  கண்சிமிட்டும்  இரவுப்  போழ்தில்
    வளர்ந்திட்டக்  களவொழுக்கக்  காத  லர்கள்
தேன்சுவையாய்  இல்லறத்தைச்  சுவைப்ப  தற்குத்
    தேள்கொடுக்காய்   சாதியன்று  தடுக்க வில்லை !
கூன்மதியால்  இன்றுவந்த  சாதி  யாலே
    கூடியோரைப்  பெற்றோரே  கொல்லு  கின்றார்
ஏன்இந்த  அவலங்கள்   எல்லாம்  முன்னோர்
    ஏற்றிவைத்த   வழிமுறையை   மறந்த  தாலே !

- பாவலர் கருமலைத்தமிழாழன்

**
மொட்டை மாடியில் ராக்கனவில் 
புதுமண தம்பதிகள் காத்திருப்பர்
நாளும் வரும் நட்சத்திரம் போல 
அவர்கள் வாழ்க்கை மினுமினுக்கும் 
மாலை எப்போது மறையும் என
காத்திருந்த நேரத்தில்
முதல் வெள்ளியாய் 
சிரிக்கின்றன நட்சத்திரங்கள்
 
- பாரதிராஜன் பெங்களூர்

**

துணை தேடி காத்திருந்தேன்!
உன் விழி தேடி காத்திருந்தேன்!
இணையாக நீ இல்லாத பொழுதில்,
காண்பதெல்லாம் மாயமா என்ன?

காண்பதற்கு இதமாய் ஒளிரும் நிலா!
நிலவின் தோழிகள் போல் நட்சத்திரம்!
மௌனமே மையல் கொண்ட  இரவு! 
உன் வாசம் வீசிச் செல்லும் தென்றல்! 
உன் கைப்பற்ற துடிக்கும் இரு கரங்கள்!
வரவேற்பு எண்ணித்தவிக்கும் மனது!
இவையனைத்தும் சேர்ந்தது நட்சத்திரம் விழும் இரவல்லவா!

தாமதித்து போனால் அவைகள் கூக்குரலிடும்! 
மெய் தீண்டி நினைவூட்ட பனி தென்றலாய் வரும்!
பக்குவமாய் எடுத்துக்கூற வண்டுகள் பவனி வரும்! 
வா அன்பே வா! வா அன்பே வா!

நட்சத்திரம் ஏக்கத்தில் விழுந்துவிடும் முன் வா!
நிலா ஒளி தராமல் கோபம் கொள்ளும் முன் வா!
காற்று சத்தமிட்டு வீசிடும் முன்வா!

இந்த இரவினை இன்னமும் நீட்டுவோம்!
நட்சத்திரம் விழும் இரவில் தாளம் மீட்டுவோம்!
புதிய கீதம் இசைத்து ஒன்றாய் ஒலிப்போம்! 
காதல் ஒலிக்கட்டும்! அவள் காதில் ஒலிக்கட்டும்! 

-இனிய தமிழ் செல்வா, ஓமன் 

**
நட்சத்திரம் விழும் இரவில் நடுனிசியில்
நெஞ்சம் வெறுமையாய் புலவன் இருந்தான்!
எரி நட்சத்திரம்,விண்கற்கள்,வால்வெள்ளி,
எல்லாமே வான்வெளியின் அதிசயங்கள்
நட்சத்திரம் விழுகிறது அதன் வால் நீள்கிறது!
அதற்குக் கரணம் சூரியனும் காற்றும்
வானதிலிருந்து வரும்தூசிகள் வளிமண்டலம்
சூரிய கதிர் பாதிப்பால்  பந்துபோல் காணும்
மண்ணில் விழாமல் கடலில் விழும் பெரும்பாலும்
அன்று மலைகிராமம் புலவரின் ஊர்மேல்  விழுந்தது
பொன்னிநிறமாய் வானம் காட்சியளித்து புழுதியில்
பூரித்து மகிழ்ந்தனர், குழந்தைகளும்,காதலர்களும்
அன்று வானத்தின் மீது கவனம் அனைவருக்கும்
கண்டுகொள்ள மாட்டார்கள் காதலர்கள் தனியாவோம்
என்றான் நலங்கிள்ளி, வேண்மாளை சந்தித்தான்
எழுச்சிகொண்டு கலந்தனர் பின் பிரிந்தனர்
எதிர்பார்த்து காத்திருந்தான் உடன்போக்குகாக
ஏந்திழையாள் வந்தாள் வெறும் கையோடு
அதிர்ந்திட்டான் அவளிடம் கேட்டு விட்டுவிட்டான்
“உன் நகை அணிகளங்கள், பட்டெல்லாம்,எங்கே’
பதிலளித்தாள் வெண்மாவும்“ உன்னை நம்பிவந்தேன்
உடன்போக்குக்கும் உடன்பட்டேன்,நகை,பணம் எதற்கு “
“போதும் உந்தன் காதல், புறப்படுகிறேன்,நன்றி உனக்கு”
பின்வாங்கி திரும்பினாள் வீட்டுக்கு பத்திரமாய்!
வேண்மாளின் தாயும்,தந்தையும் கவலைளோடு
தேடும் இடமெலாம் தேடி ஓய்ந்தனர் பாவம்!
வேண்மாள் எழுதிய மடலொன்று மாடத்தில் கண்டனர்
அதைக்கண்ட தந்தை தமிழ்புலவர் அதனால்
கண்டார் கடிதத்தில் இலக்கணப்பிழை அதனால்
இருகோடானது அவரின் கவலை மடல் பெரியகோடானது
பெண் நல்ல தமிழ்கற்றவள்தான் தவறாய் எழுதியது கவலை!     
விண்வெளியில் இருந்து வந்த அதிசயம் முடிந்தது
வீதியெலாம் புழுதி கலக்கம் நீங்கி வானம்தெளிவானது    
வேண்மாளும் வீடு திரும்பிவிட்டாள் புலவரின் வெறுமை விலகியது!      

 - கவிஞர் அரங்க.கோவிந்தராஜன், ராஜபாளயம்

]]>
Poem, கவிதை, kavithaimani, கவிதைமணி, starts http://images.dinamani.com/uploads/user/imagelibrary/2018/8/22/w600X390/dream.jpg http://www.dinamani.com/specials/kavithaimani/2018/aug/22/கடந்த-வாரத்-தலைப்பு-நட்சத்திரங்கள்-விழும்-இரவினில்வாசகர்களின்-கவிதைகள்-2985432.html
2981154 ஸ்பெஷல்ஸ் கவிதைமணி இந்த வாரத்திற்கான தலைப்பு: நட்சத்திரங்கள் விழும் இரவினில் கவிதைமணி DIN Wednesday, August 15, 2018 02:53 PM +0530  

'திராவிடச் சூரியனே’ என்ற தலைப்பிற்கு கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: நட்சத்திரங்கள் விழும் இரவினில்..!

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த புதன்கிழமைக்கு முன்பாக அனுப்ப வேண்டுகிறோம். கவிதைகள் திங்கள் முதல் புதன்கிழமை வரை வெளியிடுவோம்.

]]>
kavithai, poem, poetry, kavithaimani, dinamani, கவிதைமணி, கவிதை, நட்சத்திரம், இரவு http://images.dinamani.com/uploads/user/imagelibrary/2018/8/15/w600X390/images.jpg http://www.dinamani.com/specials/kavithaimani/2018/aug/15/இந்த-வாரத்திற்கான-தலைப்பு-நட்சத்திரங்கள்-விழும்-இரவினில்-2981154.html
2981145 ஸ்பெஷல்ஸ் கவிதைமணி கடந்த வாரத் தலைப்பு ‘திராவிடச் சூரியனே’ வாசகர்களின் கவிதைகள்! கவிதைமணி DIN Wednesday, August 15, 2018 01:17 PM +0530 திராவிடச் சூரியனே!

முத்தமிழ் அறிஞனுக்கு
மூத்த தமிழனுக்கு - என்
இளந்தமிழ் கொண்டு
இரங்கற்பா பாடுவதோ..!

ஈரேழு உலகம் எங்கு நீ
சென்றாலும்...செந்தமிழ்
உன்னை உயிர்ப்போடு
வைத்திருக்கும் ஐயா..!

இரவா புகழ்ப் பெற்ற உனக்கு
எதற்கு இரங்கற்பா..!

இனி எம்மோடு இல்லை நீ
என்று யார் சொன்னது
ரோமாபுரி பாண்டியன் தொடங்கி
நீ எழுதிய வரலாற்று
நாவல்களிலும் உன் வாழ்வின் சரித்திர
பக்கங்களிலும்
என்றும் உயிர்ப்போடு பார்ப்போம்
உன்னை...!

சட்டப்பேரவை ஆனாலும்
அரசியல் மேடையானாலும்
ஊடகப் பேட்டியானாலும்
தமிழால் அலங்கரித்தாய்
உன் குறும்பு பேச்சும்
வீரத் தமிழும்
உன் பெயர் சொல்லில்யே
முழக்கம் இட்டது..!

அந்த சூரியனே உன்
வெற்றித் திலகம் ஆனது

தமிழால், தமிழர் உணர்வோடு
கலந்திருக்கும் உனக்கு
தமிழ் உள்ள வரை என்றும்
இறப்பு இல்லை

காற்று உள்ள வரை உன் குரல்
எம் செவிகளில் ஒலிக்கும்
என்பதால்
மரணம் என்பதும் உனக்கு
இல்லை..!

ஆயினும் ஒரு குறை ஐயா..!

எல்லோருக்கும் 24 மணி நேரமாக
இருந்த
ஒரு நாளின் அளவை நீ மட்டும்
48 மணிநேரமாக ஆக்கி
வாழ்ந்தாய்..!

அதுபோல உன் ஆயுளையும்
இன்னும் ஒரு
100 ஆண்டுகளுக்கு நீயே
நீட்டித்துக்
கொண்டிருந்திருக்கலாம்..!

உன் போல்
இனி ஒரு தலைவன்
வரும் தலைமுறை காணுமோ
என்றேன் தமிழ்தாயிடம்

தமிழன்னை கண்ணீரில்
நா தழதழக்க ஏதோ சொன்னாள்
உனை இழந்து..
வார்த்தைகள் வராமல்
வாய்மூடி நின்றாள்!

- கவிஞர் திருமலை சோமு

**

எதையும் தாங்கும் இதயத்தின் அருகில் 
துயில் கொள்ளச் செல்லும் ஓய்வறியாச் சூரியனே!
உன் போராட்டங்கள் எண்ணிலாதவை போலவே
உனக்காகத் திரண்ட உடன்பிறப்புகளும் எண்ணிலாதோர்
கண்ணீர் கடலில் மிதந்து செல்லும் கட்டுமரமே
உன்னைக் கடலோரத்தில் நிறுத்தி வைக்கிறோம்
என்றென்றைக்குமாய் எங்களுக்குப் பாடமாய் இரு!
நீ இன்றி எழுத முடியாது தமிழக அரசியல் வரலாற்றை
ஐந்தாண்டுகள் பொறுத்திருந்தால் நூறாண்டு கண்டிருப்பாய்
அதற்குள் என்ன அவசரமோ? அஸ்தமித்தாய் ஆகஸ்டில்
ஏற்றமும், இறக்கமும் புதிதில்லை உனக்கு காண்!
போராடி வெல்வதூஉம் பெரிதில்லை உனக்கு காண்!
இறந்தும் வென்றாய் இடஒதுக்கீட்டு போராட்டத்தில்!
அண்ணாவின் தம்பியாய் தமிழர்களின் தந்தையாய்
முத்தமிழ் காவலராய், திராவிட மும்மூர்த்திகளில் இளையவராய்
கடமைகளை முடித்திட்ட பாசமிகு குடும்பத் தலைவனாய்
ஐந்து முறை தமிழக முதல்வராய்
நயமான எதிர்கட்சி தலைவராய்
உடன்பிறப்புகளின் உற்ற தமையனாய்
நீ வகிக்காத பொறுப்புகள் இங்கில்லை!
போலவே உன் போன்று இனியொரு பிறவியில்லை!
எதையும் தாங்கும் இதயத்தின் அருகில்
துயில் கொள்ளச் செல்லும் ஓய்வறியாச் சூரியனே!
திராவிடச் சூரியனே!
என்றென்றைக்குமாய் எங்களுக்கு பாடமாய் இரு நீ!

- கார்த்திகா வாசுதேவன்

**

முத்தமிழ் சூரியனே 
மீண்டெழ மாட்டாயா ?
 கிழக்கின் விடியல்

 இனி நீ இன்றியா?

 பரணி பாடி 

மனதை தேற்றிட முடியுமா?

 கண்கள் அழுதாலும்

 நெஞ்சுரம் நீங்குமோ ?

புலம்பல் தேற்றுமோ?


 கலையும் எழுத்தும் 

சொல்லும் செயலும்

கட்டிய சாம்ராஜ்ஜியம் உறங்கிப் போகுமோ? கட்டுமரமாய் மிதக்குமோ? 

நம் மனக்கடலில் புயல் அடங்குமோ? தெள்ளு தமிழ் 

சூரியனுக்கு வீர வணக்கம்!! 

- கோமலீஸ்வரி

**
விதவைக்கு கைம்பெண் என பொட்டு வைத்தவர்
செம்மொழியாய் எம்தமிழை நட்டு வைத்தவர்
தலைமையேற்றபோதும்

தன்னைத் தடுத்தவரை விட்டு வைத்தவர்
தமிழை இகழ்ந்தோர்க்கெல்லாம் குட்டு வைத்தவர்
இன்று எட்டாம் தேதியில்

நம் அண்ணாவோடு எட்டு வைத்திருக்கிறார்

நிரந்திர ஒய்வு பெற்றது இந்த சக்கர நாற்காலி 
எமது ஓய்வறியா சூரியனான கலைஞரிடமிருந்து !!

 - லீஷு

**

இரங்கற்பா..! ஒன்று
எழுதுகிறேன்
என் தலைவா..!
அஞ்சுகத்தாய் பெற்றெடுத்த
அஞ்சா நெஞ்சனே..!
அன்னைத் தமிழின் தலைமகனே..!
திருக்குவளை தந்த திருமகனே..!
அறிஞர் அண்ணாவின் பாசத்தில்
படைக்கு அஞ்சாத் தளபதியே
கல்லக்குடி கொண்ட
கருணாநிதியே..!
இழிசாதி என்றோர்க்கும்
இடம் கேட்டுப் போராடி
சமூகநீதி காத்த சமத்துவமே..!
திராவிடத்தின் வார் பிடித்த
பேனாவைக் கூர் தீட்டி...
தமிழன் மார்தட்டி எழுந்திட
எழுதியது உன் எழுத்து- அது
மாற்றியது
தமிழகத்தின் தலையெழுத்து..!
வாழ்க்கை ஒரு போராட்டம்
ஆனதுண்டு பலருக்கு
போராட்டமே வாழ்க்கையாய்
போனதென்ன உமக்கு..!
அன்று...
கல்விக்கூடம் சேரவும்
இன்று...
கல்லறைக்குப் போகவும்
போராட்டம்...
போராட்டம்...
போராட்டம்...
அதனால்தான்
உயிர்நீத்த பின்னும்
நீதிகேட்டு
போராட்டம்...
இறப்பிலும் உனையன்றி
போராட்டத்தில் யார்தான்
வெல்ல முடியும்..!
அண்ணாவின் தம்பிக்கு
இடம் கேட்டுப்
போராட வைத்திட்டார்
அவரிடம் சொல்லுங்கள்
உங்களுக்கும் சேர்த்துதான்
உழைத்திட்டார் கலைஞர்..!
ஓய்வறியா சூரியனே...
உறங்கத்தான் சென்றாயோ..!
இரவலாகப் பெற்றிட்ட
அண்ணாவின் இதயத்தை
அவர் காலடியில் வைத்திட்டு
தோள் சாய்ந்து துயில்வாயோ..!
எப்போதும் உழைத்தவன்
உறங்குகிறான் என்று
கல்லறையில் எழுதுங்கள்...
மலர்மாலை சூடிட்ட
புன்னகை முகத்தினை
புரட்சித் தலைவனை...
மண்ணுக்குள் மூடிவிட்டு
மலர்களைப் போடாதீர்..!
தமிழ் வாழ...
தமிழர் வாழ...
அவன்
மண்ணுக்குள்ளிருந்தும்
விதைகளை தூவுவான்
உடன்பிறப்பே கலங்காதீர்..!
அவர்தான்
மு.க.
அவர்தான்...
திருக்குவளை முத்துவேலர்
கருணாநிதி
தி.மு.க.
சென்று வா தலைவா..!

- ரஞ்சித் வைத்தியலிங்கம்

திருக்குவளையின் தீப்பொறியே

நெஞ்சுக்கு நீதி பேசி
குறளோவியம் படைத்த செம்மொழி ஊற்றே

பராசக்தியில் சமூக நீதி பேசி
சமத்துவபுரத்தில் சங்கமித்தவரே

அரசியலில் நீ இருந்தாயா இல்லை 
அரசியலே நீயாக இருந்ததா

எதிரிகள் மத்தியில் வாழ்ந்து பழக்க பட்ட உனக்கு 
எதிரிகள் இல்லா வாழ்க்கை சலித்துவிட்டதோ 

அண்ணாவின் இதயத்தை இரவலாக பெற்ற உனக்கு
அண்ணா சமாதியில் இடமில்லையாம் பைத்தியக்காரர்கள் 
இறந்ததே அண்ணா என்று தெரியாதவர்கள்

நீ தி மு க வின் தலைவராக ஐம்பது ஆண்டுகள் 
இருந்தாய் என்று புகழ்கிறார்கள் 
தி மு க வே நீதான் என்று தெரியாதவர்கள் 
ஆம்
(தி)றுக்குவளை (மு)த்துவேல் (க)ருணாநிதி 

எந்த ஆண்டும் இல்லாமல் இந்த ஆண்டு
காவேரி பொங்கும்போதே எனக்கு தெரியும்
காவேரி உன் மேல் காதல் கொண்டுவிட்டாள் 
உன்னை அள்ளிக்கொண்டு போய்விடுவாள் என்று

எனக்கு உன் மீது ஒரு வருத்தம் உண்டு 
எதற்கும் அஞ்சா நீ
ஏன் இயற்கையின் அழைப்பை வணங்கி ஏற்றாய்
இயற்கையையே நாங்கள் ஏளனம் செய்துவிடுவோம் 
என்ற அச்சத்தாலா

போய்வா உதய சூரியனே 
நின் மறைவிற்கு பிறகும் மீண்டும் 
உன் நாமம் உதிக்கும் 

உன் சுவடுகள் இன்னும் ஓர் நூற்ற்றாண்டு 
உன் பெயர் சொல்லும்.

- ஆர்.ராமலிங்கம், கத்தார்

**

உன்னால் நாங்கள் விழித்தெழுந்தோம்
ஆம் - அடித்தட்டு மக்களுக்காக நீ உதித்தபோது

உன்னால் நிமிந்து நடந்தோம் 
ஆம் - ஒடுக்கப்பட்ட சமுதாயத்திற்காக

நீ குரல் கொடுத்தபோது

உன்னால் ஒளி நிறைந்த வாழ்க்கையை

நோக்கி பயணப்பட்டோம்
ஆம் - சிறுபான்மை மக்களின் நலனுக்காக

நீ திட்டங்களை தீட்டியபோது

உன்னால் நிம்மதியாக படுத்துறங்கினோம்
ஆம் - பாதுகாப்பு அரணாக

நீ அரசு கோலோச்சியபோது

உன்னால் நாங்கள் உயர் கல்வி

நோக்கிச் சென்றோம் 
ஆம் - எங்களுடைய எதிர்காலத்திற்காக

நீ கடுமையாக உழைத்தபோது

நாங்கள் வாழ்க்கையில் உயர்ந்து விட்டோம்

என்று நினைத்து எங்களை விட்டுச் சென்றாயோ
ஆம் - எங்களை உயர்த்தி விட்டுச்

சென்றாயோ திராவிடச் சூரியனே 

- ஆம்பூர் எம். அருண்குமார்

**

எல்லா நாளும் சூரியன் கிழக்கில் உதித்தான். 
ஆனால் 27/7/18 முதல் 7/8/18 தேதிகளில்?
1956 முதல் 2017 வரை சட்டமன்றத்தில் 
ஒலித்த குரல் ஏங்க வைத்து 
7/8/18 ல் அன்பு அண்ணனுடன் உரையாடச்சென்று விட்டாயோ? 
ஆதவன் தினமும் கிழக்கில் உதித்து மேற்கில் மறைவான் 
ஆனால் 8/8/18 மட்டுமே கிழக்கில் உதித்து 
கிழக்கிலேயே மறைந்த விபரம் 
எத்தனை பேர் அறிவார்கள்.   

- பாரதிராஜன், பெங்களூர்

**

திகட்டாத பைந்தமிழே
திருவாரூர் அவதரித்து
பகட்டின்றி பார் மீது பகலவனாய் வந்ததென்ன?
அகலாத ஆண்மையுடன்
புகழோங்க அரசியலில்
திகழ்ந்தனையே திகழ்ந்தனையே
இகழ்ந்தோரும் நாணும்படி
நண்ணயம் பல செய்து
நடந்தனையே குறள் வழி,
அடர்ந்த காடதனில் 
அரிமா வாய் நீ இருக்க
அயவோர் அணுகிடவே
அஞ்சிய காலம் போய்,
விஞ்சிட உள்ளுவோர் - இனி
விவகாரம் செய்திடுவர்,
கலைத் தாயின் தலைமகனே
கதிரவனே - ஆதவனே
கண் துஞ்சு - கண் துஞ்சு
மீண்டு வா மண் மீதில்
ஈண்டு - துவண்டாளே தமிழ் தாயும் - கலைஞர் நான்கெழுத்து விவேகம்
நான்கெழுத்து - ஆற்றல்
நான் கெழுத்து - அதன் வழி
நடந்திடும் ஆதவன் நான்கெழுத்து, விரைந்து வா
எழுச்சி - எனும் நான்கெழுத்தை
எம் தமிழர் துடைத்து
ஏற்றம் எனும் நான்கெழுத்தை
இப்போதே - அடைந்திடவே.
திராவிடச் சூரியனே - நீ 
உறக்கம் விட்டு எம் உதிரம்
சேர்ந்தாய் -தமிழாக - தன்மானமாக
தமிழன் என்கிறார் இனமுண்டு - என பாரோருக்கு
இனி எவர் சொல்வார்!?

- கவிதா வாணி - மைசூர்

**
ஓயாமல் உழைத்தவர் இதோ ஓய்வு எடுக்கிறார்...

தமிழ் அன்னையின் மடியில் துயில் கொண்ட கலைஞா!
ஓயாது உழைத்த உன் ஓய்வு இதோ அண்ணாவின் பக்கத்தில்!

கடன் வாங்கிய இதயம் அதன் இருப்பிடத்திற்கு சென்றது!
கரகரத்த குரல் இனி எம்காதில் ஒலிக்காதென்பதில் மனம் பதைக்கிறது!

உன் திறமைகளை வார்த்தைகளில் அடைக்க இயலா!
தமிழுக்கு நீர் ஆற்றிய கடமையை ஒருவரும் மறக்க இயலா!

தமிழ் பார் எங்கும் ஒலிக்க செம்மொழியாக்கினாய்!
பலதலைமுறை காண தமிழை கணிணியில் ஏற்றினாய்!
திருவள்ளுவர்க்கு ஒய்யாரமாய் குமரியில் சிலை வடித்தாய்!
தமிழ், தமிழ் என எங்கும் முழங்கி நீர் இந்தி திணிப்பை எதிர்த்தாய்!

கொள்கை முழக்கங்கள்,
காலம் மறவா கடிதங்கள்,
கன்னித்தமிழ் கவிதைகள்,
சுவைமிகு நாடகங்கள்,
உணர்ச்சியான வசனங்கள்,
இவை நீர் காற்றில் கலந்தாலும்,
தமிழ் உள்ளவரை நீளும்!
தமிழ் உள்ளவரை வாழும்!

பகைவரும் உன்னிடம் அரசியல் பயில விரும்புவார்!
பிறமொழியினரும் உன் தமிழ் கேட்க விரும்புவார்!
போராட்டத்தின் மறுபெயரான கலைஞா நீர் துயில் கொள்!

இந்த நாடும், வீடும் தலைவரிழந்த மொட்டைக்காடாய் காட்சி தர,
திராவிடம் தன் ஓயாத பயணத்தை அடுத்ததலைமுறையிடையே பயணிக்கிறது!

சமூகநீதி வாழ்க!

- இனிய தமிழ் செல்வா, ஓமன்

**

கலைஞரின் சாவுக்கு வேவு பார்க்க வந்த

நோவினை சிறை படுத்தி; 

காவேரி யிருந்து தீவுக்கு கொண்டு

சென்று காவு கொடுக்க சிரம் தாழ்த்தி
தீர்ப்பளிக்க தீர்மானிக்குமுன்; 

தானே கர்வத்தோடு தலை நிமிர்ந்து

அண்ணா ஆணையிட்டார் எனக்கு;

என் தம்பி கருணாநிதி அல்லலுர க

னவு கண்டேன் நெஞ்சை நிறடுகிறது; 

போய் கையோடு அழைத்து வரச் சொன்னார்

அதனால் வந்தேன்;

கலைஞர் நாமம் பல்லாண்டு வாழும்

அண்ணாவை காணாமல்

கலைஞராலும் இருக்க முடியாது;

தயைக் கூர்ந்து அனுப்பி வையும்
இல்லையேல் அண்ணா என்னை வைவார்;

என்றே கெஞ்சி கூத்தாடி காஞ்சி 
தலைவரிடம் சேர்த்திட்டது நோய்;

ஒரு திராவிடச் சூரியனே மறைந்ததை

எண்ணி ஒளியிழந்து இருள் சூழ்ந்த வேளை;

மறு சூரியன் உதித்திட கண்டோம் 
ஆறுதல் அடைத்தோம் அதற்குள் 

அச் சூரியனும் அஸ்தமத்தை தேடி
மறைய இனி எச் சூரியன் உதித்து

வெளிச்சத்தை காண்போமோ அறியோம்
கண்ணீரை காணிக்கையாக

வைத்த வண்ணம் 

- அபிரகாம் வேளாங்கண்ணி, மும்பை 

**
திராவிடச் சூரியனே புகழாய்  வாழ்க

வற்றாத    எழுதுகோலில்    எழுதி   எழுதி
    வளரறிவைத்   தமிழர்க்கு   ஊட்டி   யோனே
கற்றோரும்   வியக்கின்ற    சுழலும்   நாக்கால்
    கருத்தூட்டி    விழிப்புணர்வை    ஏற்றி    யோனே
பெற்றதொரு    கணினியெனும்     மூளை    யாலே
    பெருந்திட்டம்     வகுத்துநாட்டை    உயர்த்தி    யோனே
உற்றதொரு    துணைநீதான் !    தமிழி    னத்தின்
    உயிர்கலைஞா  திரவிடத்தின் சூரியா    வாழ்க !

மலைஇமயம்    வென்றுவில்லைப்     பொறித்த   தைப்போல்
    மாச்செயலால்    புதழ்பொறித்த    நற்சே ரன்நீ
நிலைத்திருக்கும்    கல்லணைபோல்     குறள்கோட்    டத்தை
    நிலையாக    நிறுத்திட்ட    நற்சோ ழன்நீ
தலைச்சங்கம்    மூன்றமைத்துத்     தமிழ்வ   ளர்த்த
    தகைமையைப்போல்    வளர்த்திட்ட    பாண்டி   யன்நீ
கலைமிளிர்ந்த     பொற்கால    மூவேந்   தர்போல்
    கவின்ஆட்சி     தந்தகலைஞா  புகழாய்   வாழ்க !

பகுத்தறிவால்   பழம்மூடம்   சாதி   ஓட்டிப்
    படைத்திட்ட    சமத்துவத்தால்    பெரியார்   தான்நீ
வகுக்கின்ற    அரசியலின்    திறத்தால்   மாற்றார்
    வாழ்த்துமாறு    ஆற்றுவதில்    அண்ணா    தான்நீ
தொகுத்தளிக்கும்    நிர்வாகத்     திறனில்     நாடே
    தொழுதிட்ட    மூதறிஞர்   இராசாசி    தான்நீ
தகுகல்வி    உணவளித்த    காம   ராசர்
    தடம்வென்ற    கலைஞரேறே    வாழ்க   வாழ்க !

இந்தியாவே    பின்பற்றும்    உழவர்    சந்தை
    இருப்பவர்கள்    சமமென்னும்    சமத்துவப்    புரங்கள்
சிந்தனைக்கும்   எட்டாத    விதவை    மணங்கள்
    சிறப்பாக    உழுவோர்க்கே     சொந்த    நிலங்கள்
சந்தனத்    தமிழுக்குச்     செம்மொழித்    தகுதி
    சம்ச்சீரில்     கல்வியெனும்    நலத்திட்    டங்கள்
இந்நிலத்தில்    அளித்துத்தமிழ்      இனத்தின்     கண்ணாய்
    இலங்கிட்டாய்    புகழாக     வாழ்க   வாழ்க !

- பாவலர் கருமலைத்தமிழாழன்

**

கிழக்கு நோக்கிப் பார்,
காலைச்சூரியன்;
மேற்கு நோக்கிப்பார்,
மாலைச்சூரியன்

சூரிய ஒளியில்,
இருள் போனது;
கூரிய சிந்தனையால்,
வாளே உடைந்தது

போர் புரிய,
ஆயுதம் வேண்டாம்;
பேனா முனையே
போதும்

ஊர் அறிய,
விளம்பரம் வேண்டாம்;
நல்ல எண்ணமே
போதும்

வேருக்கு நீர்
வேண்டாம்;
அது
மரத்திற்கு

உழைப்புக்கு ஊதியம்
வேண்டாம்;
அது 
இனத்திற்கு

ஒவ்வொரு நாளும்
தேய்ந்து போகும்,
தேய்பிறை அல்ல நான்

மீண்டும் மீண்டும்
எழுந்து வரும்,
சூரியன் நான்

பகுத்தறிவுப்பகலவனின்
சீடன் நான்;
பகுத்தறிவுடன் வாழ்வை
வாழ்ந்தவன் தான்

அறிஞரின் அருகில்,
இருந்தவன் நான்
அவர் இதயத்தை,
இரவல் பெற்றவன் தான்

இன்று 
அவரருகிலேயே;
இளைப்பாறச்
சென்றுவிட்டேன்

ஒன்றைச்சொல்கிறேன்
கேள்;
உரிமைப்போராட்ட
களத்தில் நில்

உடன்பிறப்புகளின்
உரிமைக்காக போராடு;
உடன் இருப்பேன்
நான்

கிழக்கு நோக்கிப் பார்;
நான் காலையில் மலர்வேன்
மேற்கில் மறைந்தாலும்;
மறுநாள் உதிப்பேன்

கடமை,
கண்ணியம்,
கட்டுப்பாடு
வேண்டும்

நான் திராவிடச்சூரியன்.

- ம.சபரிநாத்

**

திராவிடமொழியாம் தமிழொளியை ஒளிர்செய் 
திராவிடச் சூரியன் மறைவதில்லை மண்ணில்
ஒளிரும் சூரியன் மிளிரும் சந்திரன் விண்ணில்
ஒளிராமலில் உலகில் எங்கோ ஒரு மூலையில்
மறைவது போல் மண்ணில் தோன்றினாலும் 
மறைவதில்லை, தமிழொளி ஒளிரும் வரை
மாமனிதர் தமிழ் தந்த சூரியனார் தமிழர்
மனதில் ஒளிரும் திராவிடச்சூரியன் அன்றோ
கருணை மிகு சூரியனால் மேகங்கள் உருபெறும்
மருவி மண்ணில் மழைபெய்யும் கருணையால்
தமிழ் விடுத்த திராவிடச் சூரியநிதியாய் என்றும்
தமிழ் திராவிடத்தில் வாரி வளங்குவார். 

- மீனாள் தேவராஜன்

**

திராவிடச் சூரியனே
திமுக தந்த பகுத்தறிவே
சட்டமன்றத் தேர்தல்தோறும்
சரித்திரம் படைத்துவிட்டாய்!

உறவுக்கும் வரவுக்கும்
உயர்வுகள் பல தந்தாய்
தமிழ் காக்கும் தலைவனாக
தரணியெங்கும் வலம் வந்தாய்!

ஆரியம் என்று பல உரைத்தே
அந்தணர் குலம் மழுங்கச்செய்தாய்
ஆண்டவனை வணங்கிடாமலே
ஆண்டவன் அடி அடைந்துவிட்டாய்.

- புலவர் களந்தை நரசிம்ம சுப்பிரமணியன், சிறுமுகை

**

ஒடுக்கப்பட்டவருள்
ஒடுக்கப்பட்டவருக்காக!
பிற்படுத்தப்பட்டவருள்
பிற்படுத்தப்பட்டவருக்காக!
தாழ்த்தப்பட்டவருள்
தாழ்த்தப்பட்டவருக்காக!
சிறுபான்மையினருள்
சிறுபான்மையினருக்காக!
இறுதிவரை ஓங்கி ஒலித்த குரலடா! 
அந்த தமிழ் குரல்! அந்த திராவிட குரல்!

நீ
பற்றவைத்து
சென்றிருக்கிறாய்!
அது
பற்றியெறியும்
பகுத்தறிவு
சுடராய்
தமிழகமெங்கும்!

- இராஜசேகர்

**

சூரியன் துயில் கொள்ள போனது! 
தமிழகம் இருள் சூழ நேர்ந்தது! 
உச்சம் கொண்டு பறந்த கொடி
உன் துக்கம் கேட்டு தோய்ந்ததோ? 
அச்சம் அறியா அறிஞனே
இன்னும் சொச்சம் கடக்க ஓடி வா! 
உடன் பிறப்புகளே என கூறிய உதடுகள் 
இன்று ஊமையானதே! 
உடை பொருளாய் உன் மக்கள் 
உள்ளம் சிதையலானதே! 
ஓய்வுக்கே ஓய்வு கொடுத்த 
மானுடம் நீ.. 
முத்தமிழில் மூழ்கி முத்தெடுத்த 
மூத்தத் தலைவன் நீ.. 
தாய் மீது கொண்டப் பாசத்தால் 
அன்று வடித்தாய் உருவச்சிலை! 
தாய்நாடு மீது கொண்டப் பாசத்தால் 
நீ அடைந்தாய் துருவ நிலை! 
காலனுக்கு ஏற்பட்டக் குழப்பத்தால் தான் 
உன் காலம் முடிந்தது.. 
மற்றபடி உன் இறப்பை காலம் 
தீர்மானிக்கவில்லை! 
தலைவா!    
ஓடி வா! 

 - பவித்ரா ரவிச்சந்திரன் 

**

திராவிடம் வேண்டி திருக்குவளையில் உதித்தது
கிராமந்தோறும் பகுத்தறிவுச் சிந்தனை விளைத்தது
பராரிகள் பாழைகளுக்காய்க் குரல் உயர்த்தியது
வராது வந்த மாமணியாய் தன் கட்சியை வளர்த்தது 

ஓயாது உழைத்த உழைப்பாளியாய் உருவானவர்
சாயாது தனித் தலைவனாய் தனித்துவமானவர்
தேயாத கொள்கைகள்வழி நிற்கத் தலைப்பட்டவர்
தீயாகப் பணிசெய்து அண்ணா கணையாழி பெற்றவர்

இழுத்து இழுத்துப் பேசிய வசனங்களின் வேகமின்மை
அழுத்திப் பேசி அனல் தெறித்த வசன வேகங்களாக்கி
புழுத்துப் போன மூட நம்பிக்கைகள் தானே எழுந்தோட
முழுமை நிறை தமிழ் வசனங்களில் வார்த்தெடுத்தார்

தெள்ளு தமிழ் தித்திக்கும் தமிழானது எழுதுகோலில்
அள்ளியெடுத்து அழகு பார்த்தது காகிதங்கள் நனைந்து
துள்ளிக் குதித்தோடிய துடிப்பு நடைச் சொற்களிலே
வெள்ளியின் வெண்மை பளிச்சிட்டதே ஒளிமயமாகி

உதிக்கும் சூரியன் மறைவதும் இயற்கைதானெனினும்
துதிக்கும் மக்களை விட்டுப் பிரிதல் துன்பமல்லவா
மதிக்கும் உலகம் திராவிடச் சூரியனாம் கலைஞரை
பதிக்கும் பொன்னெழுத்துகளால் புகழ் மணக்கவே.

- கவிஞர் ராம்க்ருஷ்

**

திருக்குவளையில் ஒரு அஞ்சுகம் – அவள்
கருப்பையில் உதித்தது ஒரு சூரியன் –அவன்
பள்ளிகள் பார்க்காத பண்டிதன் !!
திரைக்குள் கண்களை மட்டுமே வைத்த
ரசிகர்களின்
காதுகளை அல்லவா திருப்பச்செய்தாய் –
உன் வசனங்களால்
தேனில் தோய்த்த
சவ்வுகளை,  செவிகளில், முதன் முதலாய்
தமிழன் அனுபவித்தான் ...
உன் செம்மொழியை பேனா முனையில்
கசக்கிச்சொட்ட வைப்பாயே
உடன் பிறப்புகளுக்கு கடிதமாய் ---
சமூக வலைதளத்துள் புகுந்த
“மத” வைரஸ்களை
வதம் செய்தவன் ..
சதம் அடிப்பாய் என்று நினைத்தோமே !!  
உன் குரலை உள்வாங்கிய
ஒலி பெருக்கிகளின் உள்ளங்கள்
உணர்ச்சியில் துள்ளுமே !
அய்ந்து முறை முதல்வன் –
கோப்புகளுக்குள் உன் பார்வையின் வேகம்
விமானிகளுக்கும் பாடமே !
மனிதர்களை ஈர்த்து
ஓயாமல் சுழன்ற  பூமியாய் நீ !
உன் உழைப்பிற்கு முற்றுப்புள்ளி
வைத்தது இயற்கை !!
கடற்கரைக்குள் கலந்தாயே என்று
கலங்காதே தமிழா !
மெரினாவின் மெல்லிய காற்றில்
இனி என்றும் தமிழ் மணம் வீசும்

- கவிஞர் டாக்டர் எஸ். பார்த்தசாரதி -- MD DNB PhD

**

உன்
மேடைப் பேச்சைக் கேட்டு
மேனி சிலிர்த்தது
தமிழகத்துக்கு மட்டுமல்ல
தமிழ்த்தாய்க்கும்

இருள்கவ்விய  தேசத்தில்
எழுந்து சிவந்து ஒளிபாய்ச்சிய
திராவிடச் சூரியன் நீ
திசைகளின் தீபம் நீ

எழுதுகோல் ராஜ்ஜியத்தில்
என்றுமே
முதல்வர் நீ

காலையில் தொடங்கி
மாலையில் முடங்கிப் போய்விடும்
சூரியனுக்குப் பொறாமை 
உன்
சுடர்முகம் பார்த்துத்தான்

எப்படி நிகழ்ந்தது இந்த அதிசயம்?
இரவிலும் பகலிலும்
எந்தப் பொழுதிலும்
உதய சூரியனாய் நீ மட்டும்தான்!

கலைஞர் என்ற பெயரை
உச்சரித்தே வாழ்ந்தது
ஒரு நூற்றாண்டு காலம்


உன்னைப் படித்தால்
ஒவ்வொருவரும் கற்கலாம்
நெருப்பாறுகளை
நீந்திக் கடக்க

-கோ. மன்றவாணன்

**

குவளையிலே பூத்தபெரும் அருள்நிதியே!
குவலயமே போற்றும்நின் கூர்மதியே! 
பேரறிஞர் அண்ணாவின் உடன்பிறப்பே!
பார்போற்றும் தமிழ்முழக்கம் உன்சிறப்பே!
ஆட்சியிலே மாட்சியுடன் அமர்ந்தவனே!
காட்சிக்கு எளியனாய்த் திகழ்ந்தவனே!
சமத்துவம் காத்திடவே ஊரமைத்தாய் உழவர் 
தமதுபொருள் விற்றிடவே சந்தை கண்டாய்!
நம்மொழியின் மகத்துவத்தைச் சகத்தோர் காணச்
செம்மொழியாம் தகுதியினைப் பெற்றுத் தந்தாய்!
அர்ச்சகராய்ப் பணிபுரிய அனைவ ருக்கும்
அரியதோர் வாய்ப்பளித்த அறிஞன் நீயே!
புவிபோற்றும் வள்ளுவனாம் பெரியோ னுக்குக்
கவினுறவே சிலையெடுத்தாய் கோட்டம் வைத்தாய்!
மணியான காவியங்கள் பலவுந் தீட்டி
அணியாகப் பூட்டினையே தமிழ்ப்பெண் ணாட்கு!
அயராத உன்னுழைப்பைக் கண்டு வானில்
அயர்ந்துபோய் ஆதவனும் நின்ற துண்டு!
வாழ்நாளில் போராட்டம் பலவுங் கண்டாய்!
வீழ்ந்தபின்னும் போராடி நீதி வென்றாய்!!
இருந்தாலும் மறைந்தாலும் எம்மு ளத்தில்
மறையாத திராவிடநல் சூரி யனே!!

- மேகலா இராமமூர்த்தி

**

தென்னகமாம் தமிழகத்தில்
தென்பாண்டிச் சிங்கமென
திருக்குவளையில் உதித்த
தினகரனே -திராவிடமே
தமிழுக்கு தலை மகன் நீ
தஞ்சைக்கு வந்த
நெஞ்சுக்கு நீதியும் நீ
அஞ்சுகத்தின் மைந்தனாய்
அவனியிலே உதித் திட்ட
ஆதவனே - மேதினியில்
இவர் போல் யார் வருவார்
ஈரோட்டு பெரியார் தம்
உள்ள மென நீ திகழ்ந்து
ஊரெங்கும் அவர் கருத்தை
எழுச்சியுடன்
ஏந்தி நின்று
ஐயன் வள்ளுவனின்
ஒரு உருவச் சிலை தன்னை
ஓங்கி நீ நிறுவிட வே
ஒளவையும் அகமகிழ்ந்தாள்

அஞ்சா நெஞ்சனே
ஆறாத் துயரில்
இப்புவியோரை
ஈண்டு ஆழ்த்தி
உதய சூரியனை
ஊட்டி வளர்த்து
எட்டாத உயரத்திற்கு
ஏன் சென்றாய்
ஐயன் வள்ளுவனுக்கு
கோட்டம் தந்து
சிலப்பதிகாரத்தை
புலப்பட  வைத்தவன்,
களத்தை இழக்கவில்லை என்று விடாது யுத்தம் கண்டவன்,
நாடே பயந்திருந்த போது
இந்திரா வை எதிர்த்து - ஒரு கண் இழந்தாலும் பொருட் படுத்தாது
ஓயாது உழைத்தவன்,
கோயில் தமிழ் பேசுவது உன்னால்,
அரசாங்க அலுவலில் தமிழர்களை உயர்த்தியது நீ
ஆசிரியர்களை பிற அரசு ஆ சிரியர்கள் என ஒதுக்க நீ யோ சம்பளத்தை ஆறு மடங்கு உயர்த்தினாய்,
சாவைப் பற்றி நீ கூறியதை
இங்கு தருகிறேன் 

உதிராத மலர் இல்லை;
உலராத பனி இல்லை;
புதிரான வாழ்க்கையிதில்
புதையாத பொருள் இல்லை;
உடையாத சங்கில்லை;
ஒடுங்காத மூச்சில்லை;
இயற்கை நியதிகளில்
இறப்பும் ஒரு கூறு அன்றோ!

- செந்தில்குமார் சுப்பிரமணியன்

**

நாடாண்ட நற்றமிழே - உன்
நா உதிர்ப்பது தெவிட்டாத தீந்தமிழே
நானிலம் போற்றும் நறுந்தமிழே
தமிழ் மாநிலம் காத்த பைந்தமிழே

முத்தமிழ் பருகிய முதல்வனே - நீ
தமிழின் கருப்பொருளே
தமிழரின் உயிர்ப்பொருளே


திரைகடலோடி திரவியம் தேடுவாருள்
நீ "திரை" கடல் மூழ்கி முத்தெடுத்தாய்
காவியம் பல வடித்து
காலத்தை வென்று நின்றாய்

ஓய்வறியா துழைத்த உழைப்பின் சிகரமே
ஏழைகளுக்கு கைகொடுத்தாய்
அவர்கள் வாழ்வுயர வழிகொடுத்தாய்
பாரதி கண்ட புதுமைப் பெண்ணுக்கு
சம உரிமை கொடுத்திட்டாய்
சமூகம் சீர்பெற அயராது உழைத்திட்டாய்

தமிழகம் தழைக்க தரணியில் உதித்தீரே
பட்ட கடன் தீர்த்து வைக்க விண்ணுலகம் சென்றீரோ
ஓய்வு தான் தேவையென்று
வங்கக்க கடலோரம் துயில் கொண்டீரோ

- சசி எழில்மணி

**

தீயாக, தீண்டாமை, 
சுட்டதை, எடுத்திட, தடுத்திட,
திராவிடத்தைக் கையில் எடுத்தாய்.
உன் மூலம் பயனுற்று, 
பலம்பெற்று, நலம்பெற்று 
வாழ்பவர் பலருண்டு.
உம்மைப்போல, தமிழை, 
தமிழன்னையை, பூஜித்தவர்
நேசித்தவர் யாருண்டு. – இனி,
உம்மைப்போல, தமிழை, 
தமிழன்னையை நேசிப்பவர், 
பூஜிப்பவர் யாருண்டு….
நீர் ஊற்றி, நீ, வளர்த்திட்ட, 
திராவிடஉணர்வுப்பயிர்களை,
திராவிடச் சூரியனாக, இனி,
காப்பவர் யாருண்டு

- களக்காடு வ. மாரி சுப்பிரமணியன்

**

பராசக்தி தென்பாண்டி பரப்பிரம்மம் மனோகராவும்
  பண்டார வன்னியனும் பொன்னரொடு சங்கருமாய்..
இராப்பகலாய் எழுதியவை இரவாது எழுச்சிதரும்
  இலக்கணங்கள் மாறாத இனியதமிழ்ப் பொக்கிஷங்கள்.!
உராய்வின்றி நெருடலிலா உன்னதமா யோங்கியவை
  உயிருடனே வாழ்பவையே.! ஓய்வின்றிப் படைத்தவரே.!
தராசிலிட்டால்..தமிழினிமைத் தங்காது மேலெழும்பும்
  தொல்காப்பி யத்துக்கோர்த் தெளிவுரையும் தந்தவராம்.!

அஞ்சுகத்தின் மகனாக அஞ்சுவிரல்க் கைகாட்டி
  ஆர்ப்பரிக்கும் குரலிலவர் அனைவரையும் ஈர்ப்பாரே.!
நெஞ்சுக்கு நீதிகேட்டு நெடும்பயணம் மேற்கொண்ட
  நிலையாது இதயத்தில் நின்றபெரும் எழுத்தாளன்.!
பஞ்சகச்சப் பெருமானாம் பெரும்பூதூர் மாமுனியைப்
  பாருலகப் பாமரர்கள் பார்த்தபடி வியக்கவைத்தான்.!
மஞ்சளாடைக் கண்ணாடி மங்காத விழிப்பார்வை
  மயக்குகின்ற தமிழாலே மாநிலமே போற்றுபவன்.!

கோடையிடி போன்றதொரு கரகரத்தக் குரலொத்த
  கலைஞரென்ற சூரியனால் கனிந்ததமிழ் அழியாது.!
ஓடைபோல அசைந்தாடி ஓடிவரும் அடுக்குமொழி
  ஓரிடத்தில் நில்லாமல் உதயமாகி எழுந்துவரும்.!
கூடைமலர்க் கவிதைமணம் கமழுகின்ற தமிழின்பம்
  கொத்தாகப் பலமொட்டுக் கருத்தாகக் கொந்தளிக்கும்.!
மேடையிலே வீசுகின்ற மெல்லியதோர்ப் பூங்காற்றும்
  மேடைக்குள் அடங்கியது மேன்மையான தமிழுயிராய்.!

- பெருவை பார்த்தசாரதி

**

தெற்கில் உதித்தொளிர்ந்த திராவிடச் சூரியனே
திருக்குவளை பெற்றெடுத்த தீந்தமிழ்ப் பாவலனே
தெலுங்குப் புலமையிலும்   தேர்ந்திட்ட பண்டிதனே
ஆற்றல், முயற்சி, ஆழுமைத்திறனோடு
போற்றற்குரிய பொறுமையையும் கைக்கொண்டு
ஆண்டு தமிழ்நாட்டை அனைவரும் வியந்திடவே
ஓயாதுழைத்து உச்சிதனையடைந்து
வழிகாட்டியாகி வரலாற்றை வசமாக்கி
தொண்ணூறைத் தாண்டியவோர் தொண்டுகிழமானாலும்
எண்ணற்றோர் நெஞ்சில் இடத்தைப் பிடித்து விட்ட
கலைஞர் கருணாநிதியே கரைபுரண்டு ஓடிய நின்
பேராற்றலாலே பெரும்பயனைப் பெற்றோம் நின்
விலை மதிக்க வொண்ணா வித்தகத்தாற் புத்தகங்கள்
சாலச்சிறந்தனவாய்த் தமிழுலகு மேன்மையுறத்
தந்தனை நீ ஐயா சாந்தியடைந்திடுக.

- எஸ். கருணானந்தராஜா, லண்டன்

**

கழுத்தில் அலங்கரிக்கும் மஞ்சள் துண்டு
  கண்ணில் அணிந்திருக்கும் கறுப்புக் கண்ணாடி
பழுத்த தமிழ்பேசும் மா, பலா, வாழைதோற்றுவிடும்
   புன்சிரிப்பால் பகையை கவிக்கும் கவிமுரசு
எழுத்துக்கள் எல்லாமும் எழுச்சி முரசாகும்
    இளஞர்களை கவரும் தென்றல்நடை பேச்சு
எழுத்தாளன் பேச்சாளன் கவிஞன் வசனகர்த்தா
    ஏதாவது ஒன்றில் எப்போதும் ரசிக்கின்றோம் !
மத்தியில் கூட்டாட்சி மாநிலத்தில் சுயாட்சி
    கட்டளைகளாக  சொன்னார் ஐந்தை
அதன் படி மாநில முதல்வர் கொடியேற்றிட
  அந்நாளில் பெற்றளித்தார் உரிமை மய்யரசிடம்
அதன் பலன் எல்லா முதல்வர்களுக்கும் ஆனது
    இந்தித்திணிப்பை என்றும் எதிர்ப்போமென்றார்
இருமொழி தீர்மானித்தை நிறைவேற்றினார்
    உறவுக்குக் கைகொடுப்போம் உரிமைக்கு
குரல் கொடுப்போம், என்றார், டில்லியில் மாநாடு
இருந்த நிலை மாற்றவேண்டும், திட்டம் வகுப்பதுஅதை
   செயல் படுத்துவது எல்லா அதிகாரமும் ஒரே
இடத்தில் இருப்பதை மாற்றவேண்டும் என்றார்
 தேசிய வளர்ச்சி கூட்டத்தினின்று வெளியேறினார்
சொன்னதை செய்வார், செய்வதையே சொல்வார்
  எந்நாளும் அவரின் புகழ் வாழ்க! அவரின்
இலட்சியம் நிறைவேற உறுதி எடுத்துகோள்வோம்.
   இன்று நம் முன்னிருப்பது திராவிடம் முழுவதும்
இங்கிருக்கும் மாற்றங்கள் பிரதிபலிக்க வேண்டும்
  பெயருக்குப் பின்னால் ஒட்டுக்கள் போடுவது
ஒழிப்போம் என்ற உறுதி யைநாம் எடுப்போம் அதுதான்
     திராவிட சூரியனுக்கு நாம் செய்ய்யும் அஞ்சலி!

 - ரெ. தயாநிதி, விருதுநகர்

**

சூரிய முகத்தில்
உன் உதடுகளில் மலர்ந்து
சிரிப்பின் பலாச்சுளைகளென 
என்றும் குளிர்ந்து சுடரும்
நிலாப்பிறைகள் கொண்டவனே…

பொதிகை மலை தவழ் 
கருமுகிலாய்
சுருண்டு பிளந்த முடிகளின் நடுவில்
உதித்து
எல்லார்க்கும் பேதமிலா ஒளி பொழியும்
சூரியனுமாகிக் கொண்ட
சுந்தரவதனக் கலைஞன் நீ…

எதிரிகளை நேசிக்க வைத்தும்
கலவரப்படுத்தியும்
பே"னா"வில் குரல் முழக்கி
உடன்பிறப்புகளை அரவணைத்து
தலைமேல் 
கழகத்தைச் சுமந்து காத்து
தாயாகிப் போன
அதிசயம் நீ...

பதினான்கு வயதில்
கைப் பிடித்த போராட்டக் கொடி
மரணித்தும் போராடி
அண்ணா இடத்தில் இடம் பிடித்த நீ
நவீன சீதகாதி ...

நூற்றாண்டைத் தொட்டு
பல நூற்றாண்டுகளுக்கு வரலாறாய்
ஞாபகத்தில் கொண்டாட
தொண்டாற்றிய தொண்டின் தலைவன் நீ...

ஒடுக்கப்பட்ட 
இருளொழிக்க வந்த பகல் நீ
பகலின் துயரங்களை
சுட்டெரித்த சூரியனும் நீ...

இருளின் திரையில் வெளிச்சம் பாய்ச்சி
பகுக்கும் பேரறிவைப் பெருக்கிய
புதிய சிந்தனையாளனே...

பெரியாரின்
கைத்தடியைப் பற்றிக்கொண்டு
அண்ணாவின் தோள் சேர்ந்த
தொண்டனும் தம்பியும்
தலைவனும் கூட நீ தான்...

இனி
முன் வரிசையில் அமர வைத்து
உன்னைக் கொண்டாடி மகிழ்ந்து கொள்ளும்
உலக வரலாறு...

பன்முகம் கொண்டு
திசைகளுக்குப் பாடமாகி விட்டதில்
தென்தமிழ் சகாப்தம் நீ...

ஆம்
திராவிடச் சூரியனே
இனி நீ
திசைகளுக்கு ஒளியூட்டி
பிரகாசமானதில்
பெரும்பேறு கொண்டது;
பூகோள வரலாற்றில் தமிழ்நாடு...

- கவிஞர். கா.அமீர்ஜான்

**

அஞ்சுகமமாள் பெற்றெடுத்த 
அரசியல் சகாப்தமே....
திருக்குவளையில் உதித்து 
தமிழகத்தை ஆண்டு 
மெரினாவில் மறைந்த கலைஞரே...
தமிழென்னும் விதையை விதைத்து 
தமிழர்களின் உள்ளங்களில் 
வாழும் வித்தகரே....
கலை,அரசியல் என்று 
இரட்டை குதிரையில் 
சவாரிச் செய்த சாணக்கியரே...
தென்கோடியில் பிறந்தாலும் 
உலகத் தலைவர்களை 
கட்டியிழுத்த ஆளுமையே...
முற்போக்குச் சிந்தனைகளை 
ஊட்டிய மூத்தவரே...
கண்ணீர்களுடன் 
மலர் அஞ்சலி செலுத்துகிறோம்... 
பாசப்பிணைப்புடன் வளர்ந்து
ஒற்றுமையுடன் வாழ  
உடன்பிறப்புகளுக்கு ஆசியளியுங்கள் 
"திராவிடச் சூரியரே"!!!

- சு.ரேவதி, பரமக்குடி

**

அகவற்பா வல்ல இது, உனக்கு இரங்கற்பா!

நட்டத்தில் லாபம் உன்னை அனைவரும் 
ஏற்று கொண்டுவிட்டார்கள்
நீ இறந்தது எனக்கு சோகம், 
கோடிக்கணக்கான மக்கள்

உன் சேவையை! கொள்கையை! 
வெற்றியை! ஏற்றது!

அகம் நிறைந்திருக்கிறது! 
மகழ்ச்சியாக இருகிறேன்!
கலைஞரே ! நின் புகழ் நீடு வாழு
அன்னை தமிழ் உனக்கு மட்டும் 
இந்த திறன் கொடுத்தாள்!
என்னே புலமை முறையான 
பெரும் புலவர்க்கில்லா சிறப்பு
விந்தைமிகு தமிழ்ஆளன் நீ! 
தமிழின் மகுடத்தில் வீற்றிருக்கிறாய்

கந்தை கட்டுபவர்,முதல் கனவாங்கள் வரை
உன்னை உணர்கின்றார்

“என் உயிரிலும்மேலான உடன்பிறப்புகளே”
வசீகரமான உன் வார்த்தை

என் இதயத்தில் என்றும் 
ஒலித்துகொண்டிருக்கும் 
இன்பத்தமிழன் நீ

அகவற்பாவால் உன்னை அடக்கிவிட 
முயல்கின்றேன் ஆர்வத்தால்
அகவற்பா உன் போல் 
யாத்துவிட முடியுமா? 
என்னே நின் பாங்கு!


அண்ணாவைப் பற்றி 
அலங்காரவார்த்தைகளில் 
வர்ணிக்கும்போது

உன் நாவின் சுழற்சி ஒலி 
என் இதயம் தட்டுகிறது எ
ழுச்சிகொண்டு
கண்ணைவிட்டு அகலும் பொருள் 
நீ காணாமல் போவதுதான் நியதி!

கண்ணைவிட்டு அகலாமல் 
காட்சி தருகிறாயே நீ மீண்டுமீண்டும்!
உன்னை புதைத்துவிட்டோம்!
தமிழ் தாகத்தை,வீரத்தை புதைத்தோமா?

விண்ணைப்பிளக்கும் முழக்கங்கள்! 
“எழுந்து வா தலைவா”ஒலிகின்றது
உன் இடத்தை நிறைவு செய்ய 
கட்சிக்கு,ஆட்சிக்கு, அய்யாதுரையா?

உன் தமிழினின் மாட்சிக்கு யாரேனும் உள்ளனரா?
நம் தமிழ்மண்ணில் 
தன்மானத் தலைவனே, 
உன்னை “ திராவிடச்சூரியன்” என்பேன் நான்!

தமிகத்தின் சாதி சமத்துவக் கொள்கை 
திராவிடமுழுதும் பரவட்டும்

- கவிஞர் ஜி.சூடாமணி, ராஜபாளையம்

]]>
கருணாநிதி, Karunanithi, Poem, kavithaimani, kalaignar, கலைஞர், திராவிடச் சூரியன், dravida sooriyan http://images.dinamani.com/uploads/user/imagelibrary/2018/8/15/w600X390/kalaignar.jpg http://www.dinamani.com/specials/kavithaimani/2018/aug/15/கடந்த-வாரத்-தலைப்பு-திராவிடச்-சூரியனே-வாசகர்களின்-கவிதைகள்-2981145.html
2977205 ஸ்பெஷல்ஸ் கவிதைமணி கடந்த வாரத் தலைப்பு ‘வாழ்வின் நிஜங்கள்’ - வாசகர்களின் கவிதைகள் பகுதி 2 கவிதைமணி DIN Thursday, August 9, 2018 05:16 PM +0530 வாழ்வின் நிஜங்கள்

பிறந்தோம், வளர்ந்தோம், மடிவோம்
பிறப்பின் நோக்கம் அறிந்தோமா?
உண்பதும், உறங்குவதும், தொடர்ந்தோம்,
உண்மையில் உழைப்பைக் கொடுத்தோமா?
மகிழ்கின்ற மனம்
பிறர் வாழக்கண்டு மகிழ்வித்து
மகிழ்ந்திட நினைத்தோமா?
இன்ப துன்ப சுகதுக்கங்கள்
கலந்திட்ட வாழ்வில்
இளமை, செல்வம், அழகு, உடல்
யாவும் நிலையாமோ?
ஆசை, கோபம், பொறாமை
எண்ணங்கள் அழிந்து!
அன்பு, கருணை, இரக்கம் மேலும்
நல்லெண்ணங்களை வளர்த்தோமா?
செய்ய வேண்டியதைச் செய்யாமல் விட்டோமா? 
வாழ்வில் செய்யக் கூடாததை செய்தோமா?
வாழும்போதே வலிகள், கவலைகள் உள்ளத்தை
வறுத்தெடுக்க, வாழ்வில் கவலைகள் தீருமோ?
வாழும்போது நமக்கு எது மிச்சம்?
வாழ்ந்தபின்னே எது நிலையானது?
வறுமையும், நோயும் நமக்கு வேண்டாம் 
இயற்கையோடு இணைந்த வாழ்வும்
கள்ளம், கபடமற்ற குழந்தை மனத்துடன் 
வாழ்வை வாழ்ந்திடவேண்டும். 
நடந்ததை மறந்து, நடப்பதை நினைத்து 
ஜீவனுள் அகவொளியைத் தேடுவோம்
நல்லெண்ணம், நல்லறிவுடன் வாழ்வில்
வளத்தைக் காண்போம்.
வந்தது, வருவதற்கிடையில் வாழும்
வாழ்வே நிஜம், வாழ்வே சுகம்
வாழ்வதே நிஜம், இயற்கையின் இயல்பில்
வாழ்வதே வாழ்வின் நிஜங்கள்

- ஏ.கே.சேகர், ஆகாசம்பட்டு

**
வாழ்வில் நிகழும் அத்தனையும் 
நம் நினைவில் வைக்க முடியாதே! 
சுழலுகின்ற உலகத்தில் சில
நிகழ்வு மனதை விட்டு அகலாதே! 
 இரவில் கண்ட கனவு எல்லாம் 
விடியல் சென்று அடையாதே! 
இன்பங்களை அள்ளி வைக்க 
ஒரு கோப்பை இங்குக் கிடையாதே! 
துன்பங்களை அள்ளி இரைத்து
வாழ்வைத் தொடர முடியாதே! 
பல தோல்வி காணா பாதம் 
என்றும் வெற்றி காண முடியாதே! 
நீர் நிறைந்த இடமெல்லாம் 
மீன்கள் காண முடியாதே! 
சுயநலமாய் வானுமிருந்தால் என்றும்
பூமி பசுமைக் காண முடியாதே! 
வாழ்வின் பொருள் அறிந்திருந்தால்
பேராசை இங்குக் கிடையாதே! 

- பவித்ரா ரவிச்சந்திரன், மதுரை

**

நிழலும் நிஜம் தான், சூரியன் மேலிருக்கும் வரை! 
நினைவுகள் நிஜம் தான், உடலில் உயிர் இருக்கும் வரை!
வாய்ப்புகள் நிஜம் தான், தேடல் உள்ளவரை!
வெற்றி நிஜம் தான், மனதில் உறுதி உள்ள வரை!
வார்த்தை நிஜம் தான், நோக்கம் நல்லதாக உள்ளவரை!
அன்பு நிஜம் தான், இரு மனம் இணைந்து இருக்கும் வரை! 
வாழ்வு நிஜம் தான், நாம் மண்ணில் உள்ளவரை! 

இருக்கும் வாழ்வை அன்பால் வாழ்வோம்!
இணக்கம் கொள்வோம்!இன்புற்றிருப்போம்! 

- இனிய தமிழ் செல்வா, நெல்லை

**

நேற்று இருந்தவர் இன்றில்லை
நாளை நடப்பது முன்பே தெரிந்தவர் ;
இல்லை;  தெரிவதும் இல்லை.
இங்கே எதுவும்;  நிரந்தரமில்லை
வாழும்வரை;  வாழும்தரையில், அன்போடு;
நல்ல பண்போடு, மனிதனாக;  புனிதனாக வாழ்வதுதான், வாழ்வின்-நிஜங்கள்

- களக்காடு வ. மாரி சுப்பிரமணியன்

**

அப்பாவை முதியோர் இல்லத்தில் சேர்ப்பதற்கு 
அழைத்து வந்தேன் அவரின் இசைவோடு
அப்பாவிற்கு முதியோர் இல்லத்தில் வசதிகளை
ஆக்கித்தர நான் முயன்றேன் ஒவ்வொன்றாய்
நான் சொல்ல அவரும் வேண்டா மென்றார்
அப்பாவுக்கு  படுக்கை வசதியோடு ஏசி,ஈசிசேர்
தனியாக உணவு  அவர் விரும்புகின்ற உணவு
முடிந்தது எங்களின் ஒப்பந்தம், அப்பாவை தேடினேன்
முன்புற ஓருவருடன் சகஜமாய் பேசிக்கொண்டிருந்தார்
ரொம்பவும் சுவாஸ்யமாய் பேச்சு, ரொம்பப்பழக்கமோ!
முன்னிருந்த விடுதியின் பொறுப்பாளரிடம் கேட்டறிந்தேன்
இருபத்தைந்து ஆண்டுகளுக்கு முன் ஒருகுழந்தையை
இங்கிருந்து எடுத்துச்சென்றுள்ளார் என அறிந்தேன்
அந்த குழந்தை யார் என நான் கேட்டேன்
என் வாழ்வின் நிஜம் எனக்கு இனிதே புரிந்தது!    

- கவிஞர் அரங்க.கோவிந்தராஜன், ராஜபாளையம்  

**
வாழ்வின் நிஜங்கள் எங்களுக்கு குழந்தைப்
   பருவத்திலேயே முடிந்து விடுகின்றன
வாழ்வின் குறிப்பிட்ட பருவத்திற்கு பின்னால்
   பொய் முகங்களை மாட்டிக்கொண்டுவிட்டோம்

பொய் முகங்களை சுமந்து கொண்டு நாங்கள்
   பூவுலகில் சுமையாய் வாழ்கின்றோம்
வாய்த்தவரை கைப்பித்து, “ யார்? எப்படி! ஆள்! ‘
    யாரெனப் பாராது புதியவ்ருடன் ஒரு பயணம்

“ நீ சிரித்தால் சிரிப்போம்! நீ அழுதல் அழுவோம்
    ரசிக்கசொன்னால் ரசிப்போம் செயற்கையாய்
 நீ அனுமதிததால் அப்பா,அம்மாவிடம் பேசுவோம்
 நாங்கள் சமூகக்கோட் பாட்டில் நாங்கள் ஒருவிதம்”
   அடிமைகள்! நவின ரக அடிமைகள்! என் வாழ்வின்
 நிஜங்கள் என் மனம் எனும் திரையில் வந்து வந்து போகும்! சிலசமயம்

- கவிஞர் சூடாமணி, ராஜபாளையம்  

**

நிஜத்தைத் தேடி
நெடுந்தூரம் வந்துவிட்டேன்
நிலம் 
நீண்டுகொண்டே இருக்கிறது

நேற்று மெய்யென மிளிர்ந்தது
இன்று
இருட்டுக்குள் பதுங்குகிறது பொய்யென

மெய்யெது பொய்யெது போட்டியில்
கலந்துகொள்ளும்
கடவுளும் தோற்றுப் போகிறான்

பிறப்பதற்கும் இறப்பதற்கும் இடையில்
மறைத்து வைத்த புதையலைத் தேடி
அலைந்து களைப்பதல்லால்
அறியேன் வேறொன்றும் 

விட்டு விடுதலை ஆகிவிடும்
உயிர்ப்பறவை
நிஜத்தை
நெருங்கும் தருணத்தில்

- கோ. மன்றவாணன்

**

வெட்டுங்கள்  குளமென்றால்  வெட்டி  டாமல்
    வெட்டாதீர்  எனும்மரத்தை  வெட்டு  கின்றார்
கொட்டுங்கள்  குப்பையெனும்  இடத்தை  விட்டுக்
    கொட்டாதீர்  எனும்தெருவில்  கொட்டு  கின்றார் !
நட்டிடுவீர்   செடியென்றால்  நட்டி  டாமல்
    நட்டுகல்லை  விளைநிலத்தை  விற்கின்  றார்கள்
திட்டங்கள்  தீட்டுவோரே   திருடிச்  செல்லத்
    திருடரினைப்  பிடிக்காமல்   புகழ்கின்  றார்கள் !

உழைத்துவரும்  பணம்தன்னில்  உண்டி  டாமல்
    ஊரேய்த்தே   உண்டியலில்  கொட்டு  கின்றார்
பிழைப்பதற்கே    ஆயிரமாய்   வழியி  ருக்கப்
    பிறர்முதுகில்   ஏறுதற்கே   முனையு  கின்றார் !
உழைப்பதற்காய்   இருக்கின்ற   கையி  ரண்டில்
    உழைக்காமல்  இரப்பதற்கே  நீட்டு  கின்றார்
கழைக்கூத்தே   வாழ்க்கையென்  றறிந்தி  ருந்தும்
    கற்காமல்  வேடிக்கை   பார்க்கின்  றார்கள் !

பிறர்மீது  பழிசுமத்தித்  தம்மு  டைய
    பிழைகளினைத்  தெரியாமல்  மறைக்கின்  றார்கள்
அறத்தால்தான்   வரும்இன்பம்   என்ற  றிந்தும்
    அநீதித்தீ   சுகமென்றே   வீழு  கின்றார் !
புறம்பேசிப்  பொறாமையை   மனத்தி  ருத்திப்
    புகழ்வோர்க்கே   செவிமடுத்து  மயங்கு  கின்றார்
திறமையினை   மதித்திடாமல்  காலைக்  கையைத்
    தினம்பிடிக்கும்   போலியையே  வாழ்த்து  கின்றார் !

- பாவலர் கருமலைத்தமிழாழன்

**
பணமிருந்தால் நல்வாழ்வு வருமென்ற நினைப்பும்
குணமிருந்தால் கோயில் கோபுரம் ஏறலாமென்பதும்
ரணமாகும் நெஞ்சம் இவற்றின் நிலை மாறும்போது
கிணற்றில் விழுந்த கல்லாகும் வாழ்வின் நிஜங்கள்

அழகிய மனைவி வாய்க்கும்போது மனம் நினைக்கும்
கிழக்கின் சூரியனாய் வாழ்வு மெல்ல ஒளிவிசுமென
முழக்கும் முரண்கள் முன்வந்து நின்று கூத்தாடிட
வழக்கும் வாய்தாவுமே வாழ்வின் நிஜங்களாகுமே

ஓங்கி உயரும் அறிவும் ஆற்றலும் கைவசமிருந்திட
ஏங்கிய பதவிகள் படியேறி வருமென்ற நினைப்புகள்
தூங்கிய மனிதனின் செவிகளை எட்டாத நிலையாக
வாங்கிய கையூட்டு இடைவந்து நின்று தடுக்குமே

சாதி இரண்டொழிய வேறில்லை எனச் சாற்றுவார்
வாதியாகி வளமான வாழ்வுக்குத் துணை நிற்பார்
நாதியற்றுப் போகும் அவை சுயநலச் சேற்றிலே
வீதியில் எறிவார் பேசியதை வாழ்வின் நிஜமாகவே

- கவிஞர்  ராம்க்ருஷ்

**

உலகில் 
ஜனனம் மரணம்
விண்ணும் மண்ணும் 
இயற்கைத் தோற்றங்கள்  
வாழ்வின் நிஜங்கள்!

வாழ்வில் 
எண்ணங்கள் நினைவுகள் 
நினைக்கும் எண்ணங்கள் 
நிறைவேறினால் 
வாழ்வின் நிஜங்கள் ! 

சந்திக்கும் 
இன்பங்கள் துன்பங்கள்
விருப்புகள் வெறுப்புகள் 
சிந்தித்துப் பார்த்தால் 
வாழ்வின் நிஜங்கள்!

கற்பனைகள் கவலைகள்  
காதல்கள் மோதல்கள் 
பழக்கங்கள் வழக்கங்கள் 
வாழ்வின் நிஜங்கள் !

சிந்தனைகள் நிந்தனைகள்  
உறவுகள் பிரிவுகள் 
உண்மைகள் பொய்கள் 
வாழ்வின் நிஜங்கள் !

துடிப்புகள் நடிப்புகள் 
படிப்புகள் படிப்பினைகள் 
நம்மிடையே இருக்கும் 
நம்முள்ளே விளையாடும்     
வாழ்வின் நிஜங்கள் !

- பொன்விலங்கு பூ.சுப்ரமணியன், ஸ்ரீவில்லிபுத்தூர்

**

வழிந்தோடும் பொழுதுகள்
நீரலையாக
சுழலிற்கு மாட்டாது ஆழத்தில்
மூழ்கும் நினைவுகள்
மீன்களாய் துள்ளி எழும் எண்ணங்களாய்,

வண்ணமிலா
வான் வெளியை ஊதாவாயும், நீலமாகவும் 
வரைந்து மூழ்குகிறார்கள்
கற்பனையில், கவிஞர்களும் ஓவியர்களும்,

தூரிகைக்கும் காரிகைக்குமாய் 
மனம் மாய்ந்து திமிற
நாளைய செய்தி
தர வேண்டி நிருபரும், 
புதிதாய் யோசிக்க 
உதவி இயக்குனரும், போராட 
அடுத்த வேளை உணவிற்கும் 
ஒரு நாள் கூலிக்கும்
காத்திருக்கும் சனங்கள்
முச்சந்தியில் இருக்கவே செய்கிறார்கள்,
கார்மேகமாயும்
காய்ந்த பூமியெனவும், 
மழை வராமலும் வந்தும் கெடுக்கிறது
விவசாயத்தையும்
அன்றைய பிழைப்பையும் .

நிஜம் தேடி துரத்தித் திரிய
உறவுகளும் உணர்வுகளும்
ஒடும் காலத்தில் 
ஒதுங்குகிறார்கள் 
கரையற்ற நதிதோறும், 
கரை ஏற விடாமல் 
முதலையாய் ஆழத்தில் இழுக்கிறது
சுழன்றடிக்கும் சூழல்
கழன்று கொள்ள முடியாதுதான் போகிறது 
எவராலும்

- செந்தில்குமார் சுப்பிரமணியன்

**
பொய்களொடு நிஜஙகளும் பின்னியதே வாழ்க்கையாகும்.!
             பகுத்தறிவு கொண்டதனைப் பிரித்தறிய வேண்டுமன்றோ.!
மெய்யொன்றே மிகைப்படுத்தி மெய்யானத் தத்துவத்தை
             மிகவுரைத்தார் போதனையாய் மெய்ஞான யோகியரும்.!
செய்கையிலே நேர்மறையே சீராகக் கொண்டுசென்று
             செயலாற்ற வாழ்விலதைச் சிந்தையிலே ஏற்றவேண்டும்.!
உய்விடமொன் றனைவருக்கும் உண்டென்று தெரிந்தாலும்
              உனக்குமதில் தனியிடமாய் ஒன்றுண்டு எங்கேயோ.!

எத்தனைய நீதிகளாம் எத்தனையோ கொடுமைகளாம்
          எல்லாமே இவ்வுலகில் என்றுமென்றும் அரங்கேறும்.!
அத்தனையும் தாங்கித்தான் அன்னைபூமி நடக்கின்றாள்
          ஆதரவாய் மனிதருக்கே அரவணைப்பும் தருகின்றாள்.!
புத்தர்போல் காந்திபோலப் போன்றபலர் தோன்றிடினும்
          புவியிலின்னும் மாறவில்லை பொங்குகின்ற தீமைகளே.!
உத்தமர்கள் நிஜங்களாக உதித்தபின்னே! வாழ்க்கையிலே
          ஒளிவிளக்கு ஏற்றபலர் உலகிலின்னும் தோன்றவேணும்.!

எண்ணியவை எத்தனையோ ஏற்றங்கள் பெற்றததில்
             எண்ணிக்கை மிகக்குறைவே எல்லாமும் ஏமாற்றும்.!
விண்மண்நீர் காற்றுவானம் விலக்கல்ல இயற்கையுமே
            விதிவசத்தால் தப்பிக்க வழியில்லாமல் அல்லாடும்.!
நண்ணியபோ தேநடுங்கும் நம்முடலும் நம்மனமும்
            நிலையில்லா வாழ்வினிலே நிஜம்கூட நிலைபெறாது.!
புண்ணியங்கள் பலசெய்தும் பொய்யின்னும் போகாது
            பாருலகில் எப்போதுமே பதற்றம்தான் மாறவில்லை.!

- பெருவை பார்த்தசாரதி

**

குட்டி குழந்தையாய் கூடி கும்மாளமிட்டது நிஜம்
பொட்டு மழலையாய் பூரித்து நின்றது நிஜம்
சிட்டு சிறுவனாய் சிறகடித்து மகிழ்ந்தது நிஜம்
வெட்டி இளைஞனாய் காதலித்து களித்தது நிஜம்
திக்கு அற்றவனாய் திசைமாறி அலைந்தது நிஜம்
கல்யாணம் கண்டவனாய் கண்பிதுங்கி நின்றது நிஜம்
பருவம் வந்தவனாய் பக்குவம் பெற்றது நிஜம்
பக்குவம் பெற்றவனாய் பட்ஜெட்போட்டு வாழ்ந்தது நிஜம்
தகப்பனாய் தலையில் சுமந்தது நிஜம்
மூத்தவனாய் முதியோர் இல்லம் சென்றதும் நிஜம்

- ஆர்.ராமலிங்கம்

**

நம்
வாழ்வியல் தூரங்களை
வார்த்தைகள்
உறவுகளாய் இணைக்கின்றன

நெருங்கி நெருங்கி வர
தூரமாக்குவதில் 
வல்லமைக் கொள்கின்றன
மவுனங்களின் மனங்கள்

வாழ்வில்
நெருங்கி வருவது நிஜமா?
தூரமாகிவிடுவது நிஜமா?

புறமும்  அகமும்
வினாக்கள் எழுப்புவதால்
ஆழ்மனத்தின் சுயநலம்
அரூபமாய் இருக்கிறது?

மெய்மையையும் பொய்மையையும்
முரணாக 
அலங்கரித்துக் கொள்வதிலிருந்து விடுபடவில்லை
உதடுகளும் கண்களும்

உதட்டில்
புன்னகை பூக்க வைத்து
விழிகளில்
அருவிகளை  வார்ப்பதில்
நிஜத்திற்கு மட்டுமல்ல
நிழலுக்கும் வாய்த்ததுதான்

என்றாலும்
வாழ்வில் நிஜங்கள்
யாதென அறிய
துழாவுகையில் தெரிகின்றன
முகமூடிகள் அணிந்து கொண்டு
சாகச வரிசைகளில்
சந்நிதான ஈர்ப்புகளில்
முகமூடியை
கழற்றி அணிந்து கொள்வது
தானுமென்று...

எனினும்
மயான வேலியில் கூட பூக்களாய்
மலர்ந்து
இருக்கத்தான் செய்கின்றன
நல்லார் ஒருவர் உளரேல்
அவர் பொருட்டு
எல்லார்க்கும் பெய்யும்
மழையாக...

- கவிஞர்.கா.அமீர்ஜான்

**

ஞானியின் பார்வையில்

நிழல் நிஜமாகிறது
நிஜம் நிழலாகிறது

காதலும் மோதலும் நிஜம்
காதலியும் கல்யாணமும் நிழல்

கல்வியும் கலையும் நிஜம்
கல்லூரியும் கலைஞனும் நிழல்

பசியும் பட்டினியும் நிஜம்
பணமும் பதவியும் நிழல்

பக்தியும் பயமும் நிஜம்
கல்லும் கருப்பும் நிழல்

ஆண்மையும் பெண்மையும் நிஜம்
ஆணும் பெண்ணும் நிழல்

அறிவும் ஆற்றலும் நிஜம்
எண்ணும் எழுதும் நிழல்

உதவியும் உழ்வினையும் நிஜம்
உற்றாரும் மாற்றாரும் நிழல்

ஆம்
உயிர் மெய் உடம்பு பொய் 

- ஜோதி சுனிதா

**

அறுசீர் விருத்தம்
(மா மா காய் அரையடிக்கு)

வாழ்ந்து பார்ப்போம் என்றுநினை;
வசந்த காலந் தேடிவரும்!
வாழ்வே மாய மெனவுணர்ந்தால்  
வஞ்ச நெஞ்சம் நிலைக்காது!
வாழ்வின் நிசங்கள் புரிந்துவிட்டால் 
வந்த துன்பம் ஓடிவிடும்!
வாழ்வா சாவா என்றிராமல் 
வளங்கள் பெற்று வாழ்ந்திடலாம்! 

– வ.க.கன்னியப்பன்

**

வாழ்வின் நிஜங்களுக்குள் வாழத்தான் வேண்டும் நாம்.
தாழ்வு வரும் துன்பம் தலைதூக்க முடியாது
ஆழ அமுக்கும் அனைத்தையும் சமாளித்து
ஊழ்வினையோ வென்று உருக்குலைந்து சோராமல்
உழைப்பாலுயர்ந்து உறுதியுடன் நின்று
வாழ்வின் நிஜங்களுக்குள் வாழத்தான் வேண்டும் நாம்.

நம்பிக்கைத் துரோகம் நயவஞ்சகம் தீமை
எம்பி எழும்பவிடா எதிரிகளின் சதிகள்
கோள் பொய் பொறாமைகளின்
குதறல்கள் என்று பல
வாழ்வின் நிஜங்களுக்குள்
வாழத்தான் வேண்டும் நாம்.

நல்லவரும் கெட்டவரும் நமைச்சுற்றி இருப்பார்கள்.
பொல்லாரைத் தள்ளிப் புறமொதுக்கி வைத்திடலாம்
உள்ளத்திற் தூய்மை உடையோர் தம் வாய்மையிலே
கள்ளத்தனம் இல்லார்  கயமையிலார்  என்று பல
அன்பாலுயர்ந்த அறவோரை நம்முடைய
நண்பராய்ச் சேர்த்து நாமினிது வாழ்ந்திடலாம்.
என்றாலுமஃது எளிதான காரியமா?.

சொந்த மென்றும் சுற்றமென்றும்
சொல்பவர்களிற் பலபேர்
இந்தவுலகில் எமக்குத் துரோகிகளாய்
வந்து விடக்கூடும் வாழ்க்கையிலே, அன்னவரை
எந்த வகையில் எடுத்தெறிந்து போடுவது?
அந்த உறவுகளை அறுத்தல் எளிதாமோ!
வந்துவிட்டோம் இவ்வுலகில்
வாழத்தான் வேண்டும் நாம்.
வாழ்வின் நிஜங்களுக்கு யார்தான் விதிவிலக்கு.

- எஸ். கருணானந்தராஜா

நிலைகண்ணாடியின் முன்
பதின்வயதில் பார்த்த முகம்
இளமையின் நீர்த்துளியுடன்
நினைவலைகளில் மிதக்கிறது
முதல் நரையின் கதை
சொல்லி காலம் கண் சிமிட்டுகிறது
பிறப்பிற்கும் இறப்பிற்குமான
நெடுவழிப் பயணத்தின்
வாழ்வின் நிஜங்கள் எல்லாம்
நிகழ்த்திக் காண்பிக்கிறது
ஆயிரமாயிரம் மாயங்களை!

- உமா பார்வதி

 

]]>
life, கவிஞர், Poem, கவிதை, கவிதைமணி, kavithai http://images.dinamani.com/uploads/user/imagelibrary/2018/8/9/w600X390/10933761_332998130239465_636506715472090133_n.jpg http://www.dinamani.com/specials/kavithaimani/2018/aug/09/கடந்த-வாரத்-தலைப்பு-வாழ்வின்-நிஜங்கள்---வாசகர்களின்-கவிதைகள்-பகுதி-2-2977205.html
2976743 ஸ்பெஷல்ஸ் கவிதைமணி இந்த வாரத்திற்கான தலைப்பு: திராவிடச் சூரியனே! கவிதைமணி DIN Wednesday, August 8, 2018 05:46 PM +0530 'வாழ்வின் நிஜங்கள்’ என்ற தலைப்பிற்கு கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: திராவிடச் சூரியனே!

 

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த புதன்கிழமைக்கு முன்பாக அனுப்ப வேண்டுகிறோம். கவிதைகள் திங்கள் முதல் புதன்கிழமை வரை வெளியிடுவோம்.

]]>
kalaignar karunanithi, kavidhaimani, கவிதைமணி, திராவிடச் சூரியன், கலைஞர், கருணாநிதி http://images.dinamani.com/uploads/user/imagelibrary/2018/8/8/w600X390/mk51.jpg http://www.dinamani.com/specials/kavithaimani/2018/aug/08/இந்த-வாரத்திற்கான-தலைப்பு-திராவிடச்-சூரியனே-2976743.html
2976742 ஸ்பெஷல்ஸ் கவிதைமணி கடந்த வாரத் தலைப்பு ‘வாழ்வின் நிஜங்கள்’ - வாசகர்களின் கவிதைகள் பகுதி 1 கவிதைமணி DIN Wednesday, August 8, 2018 05:01 PM +0530 வாழ்வின் நிஜங்கள் 

முக நூலில் நட்பு வட்டம் பெரிது... ஆனால் 
அகமும் முகமும் மலர்ந்து  சிரிக்கும் அவன் சுற்றமும் நட்பும் 
பார்த்து அவன் முகம்  மலர்ந்து சிரிப்பதே அரிது !
இது வாழ்வின் நிஜம் !

நிஜம் நிஜமாக இருக்கையில் நிஜத்தின் அருமை 
பெருமை தெரியாமல் இருந்து விட்டு நிஜம் 
நிழலாக மாறிய பின்னர் நிழலுக்கு மாலையும் 
மரியாதையும் தவறாமல் நடக்கும் தினமும் 
இது வாழ்வின் நிஜம் ! 

நிழலை நிஜம் என்று நம்பி நிஜ வாழ்வை 
தொலைத்தவர்  பலர் ... இதுவும் வாழ்வின் நிஜம் !
நெறுநெல் உளனொருவன் இன்றில்லை என்னும் 
பெருமை படைத்த இவ்வுலகு என்னும் வள்ளுவன் 
வாக்கை மறந்து தான் வாழும் வாழ்வு என்றும் 
நிரந்தரம் ...சுக போக வாழ்வு அது என் சுதந்திரம் ,!
என்று வாதிப்பர் பலர் ...இதுவும் வாழ்வின் நிஜம் !

என் வாழ்க்கை நான் வாழ்வதற்கே என்று நம்பி 
நிலையில்லா வாழ்வு என்னும் அலைகடலில்  
ஓட்டைப் படகில் துடுப்பும் இன்றி பயணிப்பர் 
மெத்தப் படித்த புத்திசாலிகள் சிலர் !
இதுவும் வாழ்வின் நிஜத்தில் ஒன்று !

நிழல் எது  நிஜம் எது என்று தெரியாமலே 
நிழலை நிஜமாகவும் நிஜத்தை நிழலாகவும் 
நினைத்து வாழ்ந்து முடித்தவரும் பலர் !
வாழ்வின் நிஜம் இதில் நிதர்சனம் !

- கே.நடராஜன்

** 

ஒவ்வொரு நொடியும் வாழ்வின்
ஒயிலான நிஜம் என்பதனை
உணர்ந்திட்டால் நமக்கி ங்கே 
ஒன்று  மில்லை  பிரச்னைகள்!

பிறப்பும் அது தொடரும் 
இறப்புந் தானே வாழ்வில்
நிரந்தர நிஜங் களென்று
நிம்மதி கொள்ள லாமே!

நிஜமாகவே சொல்கிறே னென்று 
நிம்மதி குலைத்துப் போடும்
உளுத்தர்கள் உற வொதுக்கி
ஒதுங்கினால் உண்டு நிம்மதி!

நிஜத்தினை உரக்கச் சொல்ல
நெஞ்சுரம் கொஞ்சம் போதும்!
நிஜத்தினால் உறவு பேண
நெஞ்சினில் ஈரம் வேண்டும்!

வாழ்வினில் நிஜங்கள் பேணி
வல்லமை கொண்டு வாழ்ந்தால்
வரலாறு  நம்   பெயரை
வையத்தில் நிலைக்கச் செய்யும்!

-ரெத்தின.ஆத்மநாதன், காட்டிகன்,சுவிட்சர்லாந்து

**

வீட்டிற்கு ஒன்று,
வெளியுலகிற்கு ஒன்று,
குழந்தைகளுக்கு ஒன்று,
அலுவலகத்திற்கு ஒன்று,
நண்பர்களுக்கு ஒன்று என 
நித்தம் ஒரு 
புத்தம் புது முகமூடி 
அணிந்து பழக்கப்பட்ட 
நமக்கு நேருக்கு நேராக 
பார்க்கும்  
திராணி இருப்பதில்லை

எந்த முகமூடியையும் 
பொசுக்கிவிடும் 
வாழ்வின் நிஜங்களைக் காண.

அடுத்த முறை
உங்கள் நடைபயிற்சிக்கு 
ஒரு பெரிய காம்பவுண்டு வைத்த
அரசு மருத்துவமனையை 
தேர்ந்தெடுக்கவும்

அவசர சிகிச்சைப் பிரிவு,
எலும்பு முறிவு,
பிரசவ வார்டு,
ரத்தப் பரிசோதனை 
என சுற்றி முடிக்கும் போது
பாதியும்

அதன் வாசலில் 
சிறு கோவிலில் 
கண்ணீர் கறையோடு தொழும்
பிரார்த்தனையில் 
மீதியும் 

தெரிய வரும்
வாழ்வின் நிஜங்கள்.

கனவே இல்லாத 
கருவறை இருட்டின் 
தூக்கம்
தீர்வு தராமல் 
போகலாம்
அனால் அது,
மெல்ல அழிக்கும் 
வாழ்வின் நிஜங்களை

எப்போதாவது 
நான் மட்டும் 
ரகசியமாக
எடுத்துப் பார்க்கும்

நீ அனுப்பிய
வாழ்த்து அட்டைகள்,
பரிசுகள்,
கையெழுத்திட்ட புத்தகங்கள்,
சிறு கீ செயின்கள்,
ஒரு பர்ஸ், 
எல்லாம் நேற்றைய
கனவின் நிழல்கள்

எல்லோரும் பார்க்க
ஹாலில் மாட்டிய
என் குடும்ப புகைப்படங்கள்
இன்றைய 
வாழ்வின் நிஜங்கள்.

- டோட்டோ

**

அன்புடன் கூடி ஊட்டும் இல்வாழ்க்கை இல்லை
ஆண்டவனைத் தொழுவதில் உண்மை இல்லை
குடும்பத்தில் இன்பமாய்க் கூடி குலவ முடிவதில்லை
பிள்ளைகளை வளர்க்கத் துளிக்கூடப் பொழுதில்லை 
அலுவலகம் செல்ல பகலென்ற கால வரம்பில்லை
காலவிரைக்கேற்று வீட்டடுப்பு மூட்ட முடிவதில்லை
வேண்டிய உணவு விதவிதமாய் வீட்டில் கிடைப்பதில்லை

அன்பிற்குத் தாழ்வைத்து அடைத்து விட்டதால்
போலி வெளிப்புறவலரிடம் புல்லரிடம் மயங்கி
பால்க்காரன், தண்ணீர்க்காரன், காவற்காரன் வலையில்
விட்டில் பூச்சிகளாய் இளம்கொழுந்து பெண்களழிவது
காட்டுமிருகங்களாய் ஆண்பிள்ளைகள் போலி நட்பலையில்
மாட்டிக் குடித்தும்  போதைப்பொருள் உண்டுமழிவது
பணத்திற்கே முதலிடம் கொடுக்கும் இக்கால சமுதாய
சமுதாய வாழ்வியல் நிஜங்களென அறிவீர்! 

**

இருக்கும் வரை தெரியலடி
இனியவளே உன் இனிமை
பொறுப்பான பொன் உனையே
போற்றிடவே  மறந்தவன் நான்

உடல் சோர்ந்து நீ இருக்க - ஓர்
உதவி செய்ததில்ல
அன்பான பேச்சுமில்ல
அரவணைப்பை கொடுத்ததில்ல

அடியே நீ போன பின்பு
அடியேனுக்கு யாருமில்ல
வாழும் வரை புரிவதில்ல
வாழ்க்கையின் நிஜ உருவம்

- பார். விஜயேந்திரன், கருங்குழி

**

நம்பினார் கெடுவதில்லை இது நான்குமறை  தீர்ப்பு
நிஜத்திலோ நம்பி கடன் தந்தோர் திரும்பக்கேட்டால் தாக்குதல்.. 

குழந்தையும் தெய்வமுமும் ஒன்று சான்றோர் வாக்கு 
நிஜத்திலோ கயமை எண்ணத்தில் குழந்தைகள் வன்புணர்வு,  பின்  கொடூரக்கொலை  

உணவைத்தருவோர் கடவுள் போல.... யாரோ சொன்னது
நிஜத்திலோ விவசாயிக்கு மதிப்பே இல்லை

அன்னையும் பிதாவும் முன்னறி தெய்வம் சான்றோர் சொன்னது
நிஜத்திலோ மூத்தோர் முதியோர் இல்லங்களிலும் பட்டியினிலும்

பெண்ணென்றால் பேயும் இறங்கும் என்பார்கள் இன்றோ சுயநலம் மட்டுமே
யாரும் யாருக்கும் இரக்கம் காட்டுவதில்லை

கனாவில் காணும் பல எண்ணங்கள் வானவில் போல அழகாய்! 
பயம் கொள்ள வைக்குது எதிரில் காணும் கேட்கும் படிக்கும் சம்பவங்கள்

பல்வேறு காரணிகள்... காரணங்கள்... பின்னணிகள்.. தலைசுற்றுது! ... 
பயமுறுத்துது  நாளைய நம் சந்ததிகள் சந்திக்கவிருக்கும் வாழ்வின் நிஜங்கள்.... 

- ஆகர்ஷிணி 

**

இன்பம் துன்பம் இரண்டும் கலந்ததே வாழ்க்கை
இன்பம் மட்டுமே நிரந்தரமாக யாருக்கும் இல்லை!

எனக்கு மட்டுமே இவ்வளவு துன்பம் என்று
எல்லோருமே புலம்பி தவித்து வாழ்ந்து வருகின்றனர்!

மற்றவர்களைப் பார்த்து பொறாமை கொள்கின்றனர்
மற்றவர்களைப் பார்த்து பெருமை கொள்ளுங்கள்!

வீட்டுக்கு வீடு வாசற்படி என்பது போலவே
வாசல்தோறும் வேதனை பல உண்டு!

என்னடா வாழ்க்கை என்று சலிப்பதை விடுத்து
எதையும் சமாளிப்பேன் என்று விரும்பி வாழ்ந்திடுக!

தோல்விகள் கண்டு துவண்டு விடக்கூடாது
தோல்விகள் நிரந்தரமன்று வெற்றி வந்து சேரும்!

ஒரே நாளி உயர்ந்து விட வாழ்க்கை 
ஒன்றும் திரைப்படமல்ல உணர்ந்திட வேண்டும்!

மேடு பள்ளம் இரண்டும் உண்டு சாலையில்
மகிழ்ச்சி துன்பம் இரண்டும் உண்டு வாழ்க்கையில்

சோதனைகளை சாதனைகளாக மாற்றிட வேண்டும்
சோர்வையும் சோம்பேறித்தனத்தையும் நீக்கிட வேண்டும்!

இழப்புகள் வரலாம் சோகங்கள் நிகழலாம்
எதையும் தாங்கிடும் உள்ளம் வேண்டும்!

நேர்வழியில் கிட்டிடும் பொருள் நிலைத்திடும்
நேர்மையற்ற வழியில் கிட்டுவது நிலைக்காது!

முடிந்தவரை பிறருக்கு உதவிட வேண்டும்
முடிவு கட்டிட வேண்டும் தன்னல வாழ்க்கைக்கு!  

- கவிஞர் இரா .இரவி

**

நிழல்கள்  நிஜமாவது 
மனிதா.... உன் கையில்தான் 
உள்ளது.......
வாழ்வின்  ஒவ்வொரு கணத்தையும்
தாழ்வில்லா ஏற்றத்துடன் 
எதிர்  நோக்கினால் 
சதிராடாமல் அனைத்து 
நிஜங்களும் நமக்கு புரியும்!
படிக்கும்  மாணவனுக்கு 
பாடமே  அவன் 
வாழ்வின்  நிஜங்கள்!
நிஜத்தை  புரிந்து 
கவனத்துடன் படித்தால் 
மனம் விரும்பும்  வாழ்வு அமையும்!
நிழல் படம்  நிஜமாகி 
உற்சாக  வாழ்வு வேண்டுமென 
எண்ணும்  உள்ளங்களே....
வாழ்வில் எல்லாமே 
நிஜங்கள்தான்!
நம்பி  உழைப்போம்!
தெம்புடன்  வாழ்வோம்!

- உஷாமுத்துராமன்,  திருநகர்

**

பிரமுகர்கள் பின்னால்
பினாமிகளின் பிறப்பு –
நிஜத்தை மறைத்த
நிழல்களின் ஆட்சி –
தொழிலில் செழுமை:
பொறுக்காமல் சுழியாக்க
குழிபறிப்போர் சிலர் –
உண்மைகளை மறைக்கத் தவிக்கும்
 உதடுகள் –
உருவாக்கிய சிரிப்புடன்
உறவுகள்-
வாய்மை மரங்களை
வெட்டிச்சாய்த்து
ஒரு வாழ்க்கைச்சாலை –போதும் .
இறந்து பார் – எரிப்பதற்கு முன்  
எத்தனை உடல்கள் விரதத்தில்,
எத்தனை கண்களில் உப்புக்கடல்:
எண்ணிப்பார் ,
அவை சொல்லும் வாழ்க்கையின் நிஜங்களை

- கவிஞர் டாக்டர். எஸ். பார்த்தசாரதி  -- MD DNB PhD

**
பெற்ற தாயை
விரட்டி,
வளர்த்த தந்தையைத்
துரத்தி,
வயோதிக நிலை, தனக்கு
வராதென நினைத்து
சுருங்குந் தோளழகைப்
பேரழகாய்ப் புகழ்ந்து,
பெண்ணே! − கடவுளின்
பேரெழில் படைப்பாய்,
பின் சென்று
பிதற்றிச் சிரித்து
பித்தந் தனக்குள் திணித்து,
பிச்சாடனக் கோலந் தரித்து,
கண்மத்துள் காணாமல்,
கலந் துருகிக்
கெட்டியான − மண்
பானையா யுருமாறித்
திரிவது தான்
திரிந்த நாகரீகத்தின்
வாழ்வியற் கோட்பாட்டு
வளமையற்ற உண்மைகள்.....

- முகில் வீர உமேஷ், திருச்சுழி.

**

பால் குடங்களும்
பன்னீர் அபிஷேகமும் இறைவனுக்கு!
பசியால்  இறந்தது பச்சிளங்குழந்தை !

சட்டத்தின் காவலர் நீதிபதி
சட்டப் புத்தகம் கையிலே !
சட்டைப்பையில் இருந்ததோ 
லஞ்சப்பணம்.!

தமிழ் எங்கள் மூச்சு
தங்கத் தலைவனின் முழக்கம்
அவர்தம் குழந்தைக்கோ கான்வென்ட்  படிப்பு .!.

மது எனும் அரக்கன் மடியில்
மயங்கிக்கிடக்கும் குடி மக்கள்
மதுவிற்பனையில் வருமானம் 
உயர்ந்தது மகிழ்ச்சியில் அரசு!.

பெண்ணும் ஆணும் சமமென
பேச்சிலும் எழுத்திலும் சொல்லப்பட்டது !
தொடர்வதோ பெண் சிசுக் கொலை !

அண்டைஅயலாரை அறியார் ஆனால் அறிமுகம நண்பர்கள் 
அகிலம் முழுவதும் இணையம் மூலம் !

பெருகி வரும் மக்கள்தொகை
தொடர்கிறது தொழில்.  புரட்சி!
தொலைநதது இங்கே இயற்கை மலர்ச்சி!

இவை யாவும் வலி தரும்
இன்றையவாழ்வின் நிஜங்கள்! 

- ஜெயா வெங்கட்

**
வாழ்வின் நிஜங்கள் அன்று
வாழ்க்கையை உயர்த்தியது.

வாழ்வின் நிஜங்கள் இன்று
வறண்ட பூமியாக்கியது.

விழ்வின் நிஜ முகமூடிகள்
வெளிச்சத்திற்கு வர வேண்டும்.

வாழ்வின் நிஜங்கள் இன்று
பேச முடியாத ஊமையினது.

வாழ்வின் நிஜங்கள் இன்று
லஞ்ச ஊழலுக்கு அடிமையானது.

வாழ்வின் பொய்யான நிஜங்களை நம்பி
நிழலாகி விடாதே மனிதா! 

வாழ்வின் நிஜங்கள் நிசப்தமானது.

- உமாதுரை

வாழ்வின் நிஜங்கள் வக்கிரங்கள், பெரும்பாலோர்
தாழ்ந்தமனங் கொண்டவர்கள் தானெனலாம்!--ஆழ்ந்திதனைப்
பார்க்குங்கால் இதற்கு பண்டிதரும் விலக்கல்ல;
யார்நம்பத் தக்கவரோ இயம்பு!

ஆன்மீக வாதிகளாய் அவதாரம் எடுத்தவர்கள்,
வான்புகழ் தனைகண்ட வல்லுனர்கள் பலரிடமும்
காண்கின்றோம் வக்கிரத்தை, கடிதான உண்மையிது!
வீண்வேஷம் போடுகிறார் வீணர்களும் நல்லவர்போல்!

- அழகூர். அருண். ஞானசேகரன்.

நிழலும் நிஜம் தான், சூரியன் மேலிருக்கும் வரை! 
நினைவுகள் நிஜம் தான், உடலில் உயிர் இருக்கும் வரை!
வாய்ப்புகள் நிஜம் தான், தேடல் உள்ளவரை!
வெற்றி நிஜம் தான், மனதில் உறுதி உள்ள வரை!
வார்த்தை நிஜம் தான், நோக்கம் நல்லதாக உள்ளவரை!
அன்பு நிஜம் தான், இரு மனம் இணைந்து இருக்கும் வரை! 
வாழ்வு நிஜம் தான், நாம் மண்ணில் உள்ளவரை! 

இருக்கும் வாழ்வை அன்பால் வாழ்வோம்!
இணக்கம் கொள்வோம்!இன்புற்றிருப்போம்! 

-இனிய தமிழ் செல்வா, நெல்லை

**

வெட்டுங்கள்  குளமென்றால்  வெட்டி  டாமல்
    வெட்டாதீர்  எனும்மரத்தை  வெட்டு  கின்றார்
கொட்டுங்கள்  குப்பையெனும்  இடத்தை  விட்டுக்
    கொட்டாதீர்  எனும்தெருவில்  கொட்டு  கின்றார் !
நட்டிடுவீர்   செடியென்றால்  நட்டி  டாமல்
    நட்டுகல்லை  விளைநிலத்தை  விற்கின்  றார்கள்
திட்டங்கள்  தீட்டுவோரே   திருடிச்  செல்லத்
    திருடரினைப்  பிடிக்காமல்   புகழ்கின்  றார்கள் !

உழைத்துவரும்  பணம்தன்னில்  உண்டி  டாமல்
    ஊரேய்த்தே   உண்டியலில்  கொட்டு  கின்றார்
பிழைப்பதற்கே    ஆயிரமாய்   வழியி  ருக்கப்
    பிறர்முதுகில்   ஏறுதற்கே   முனையு  கின்றார் !
உழைப்பதற்காய்   இருக்கின்ற   கையி  ரண்டில்
    உழைக்காமல்  இரப்பதற்கே  நீட்டு  கின்றார்
கழைக்கூத்தே   வாழ்க்கையென்  றறிந்தி  ருந்தும்
    கற்காமல்  வேடிக்கை   பார்க்கின்  றார்கள் !

பிறர்மீது  பழிசுமத்தித்  தம்மு  டைய
    பிழைகளினைத்  தெரியாமல்  மறைக்கின்  றார்கள்
அறத்தால்தான்   வரும்இன்பம்   என்ற  றிந்தும்
    அநீதித்தீ   சுகமென்றே   வீழு  கின்றார் !
புறம்பேசிப்  பொறாமையை   மனத்தி  ருத்திப்
    புகழ்வோர்க்கே   செவிமடுத்து  மயங்கு  கின்றார்
திறமையினை   மதித்திடாமல்  காலைக்  கையைத்
    தினம்பிடிக்கும்   போலியையே  வாழ்த்து  கின்றார் !

- பாவலர் கருமலைத்தமிழாழன்

**

அன்புடன் கூடி ஊட்டும் இல்வாழ்க்கை இல்லை
ஆண்டவனைத் தொழுவதில் உண்மை இல்லை
குடும்பத்தில் இன்பமாய்க் கூடி குலவ முடிவதில்லை
பிள்ளைகளை வளர்க்கத் துளிக்கூடப் பொழுதில்லை 
அலுவலகம் செல்ல பகலென்ற கால வரம்பில்லை
காலவிரைக்கேற்று வீட்டடுப்பு மூட்ட முடிவதில்லை
வேண்டிய உணவு விதவிதமாய் வீட்டில் கிடைப்பதில்லை

அன்பிற்குத் தாழ்வைத்து அடைத்து விட்டதால்
போலி வெளிப்புறவலரிடம் புல்லரிடம் மயங்கி
பால்க்காரன், தண்ணீர்க்காரன், காவற்காரன் வலையில்
விட்டில் பூச்சிகளாய் இளம்கொழுந்து பெண்களழிவது
காட்டுமிருகங்களாய் ஆண்பிள்ளைகள் போலி நட்பலையில்
மாட்டிக் குடித்தும்  போதைப்பொருள் உண்டுமழிவது
பணத்திற்கே முதலிடம் கொடுக்கும் இக்கால சமுதாய
சமுதாய வாழ்வியல் நிஜங்களென அறிவீர்! 

- மீனாள் தேவராஜன்

**

ஆங்காங்கே பிரச்சினை சிந்தி
கிடக்கும்; உறுதி ஆகிடவிடாமல்
துகள் ஆக்கிட சிந்திக்க வேண்டும்; 
நம்மை நாமே அறிந்து கொள்ளவும் 
வாழ்வின் நிஜங்கள் வெளிப்படும் 

தீர்க்க முடியாது என்று தீர்க்கமாக
தெரிய; அமைதியை அலங்கரித்து 
கடவுளை பிராத்திக்க; மனதில் அதீத
நம்பிக்கை பிறந்து மனம் இலேசாகும்;
பிரச்சனை தீரந்திட வழி தெரிந்திடும்
வாழ்வின் நிஜங்கள் வெளிப்படும் 

பிரச்சினையை கண்டு பயந்தோடாதே
அமைதியோடு சந்தி; எதுவரினும் நாம்
அஞ்சோம் என துணிகரமாக எதிரிகள் 
எதிரில் நில்ல; அவனது கடுங்காலில்
அவன் பயத்தின் அறிகுறி தெரியும்; 
மனதில் கூடுதல் பலம் சேர்க்கும் 
வாழ்வின் நிஜங்கள் வெளிப்படும் 

தேவைகள் கால்வாய் வெட்டும் அதில் 
மனசோர்வு எனும் கண்ணீரே ஓடும்;
ஆசைகள் எனும் கொடி கிளை படரும்
தேவையில்லாத கிளைகள் தறிக்க;
அடிக்கொடி தடிக்கும் அடிக்கும் காற்றில் 
அங்குமிங்கும் அலையாமல் இருக்கும்;
மனதில் கூடுதல் பலம் சேர்க்கும் 
வாழ்வின் நிஜங்கள் வெளிப்படும் 

- ஆபிரகாம் வேளாங்கண்ணி 


 

]]>
kavithaimani, poem, poet, கவிதை, கவிதைமணி, கவிஞர் http://images.dinamani.com/uploads/user/imagelibrary/2018/8/8/w600X390/download.jpg http://www.dinamani.com/specials/kavithaimani/2018/aug/08/கடந்த-வாரத்-தலைப்பு-வாழ்வின்-நிஜங்கள்---வாசகர்களின்-கவிதைகள்-பகுதி-1-2976742.html
2972912 ஸ்பெஷல்ஸ் கவிதைமணி கடந்த வாரத் தலைப்பு ‘முதல் தனிமை’ - வாசகர்களின் கவிதைகள் பகுதி 2 கவிதைமணி DIN Friday, August 3, 2018 04:53 PM +0530 தனிக்குடும்பத்தில் தாய் தந்தை
அலுவலகம் செல்ல
தாத்தா பாட்டி அரவணைப்பின்றி 
பள்ளி சென்று வீடு திரும்பும்
குழைந்தையின் பிஞ்சு பருவத்திலேயே 
உண்டாகும் முதல் தனிமை!!

எண்ணில் அடங்க எண்ணங்களை
நாம் எண்ணத்தில் கொண்டு சேர்க்கும் 
முதல் தனிமை
எண்ணற்ற நாம் சிந்தனைக்கு 
என்னவெல்லாம் உயிர் கொடுக்கும் 
முதல் தனிமை
நாம் யார் என்பதை உணரவும்
இவ்வுலகத்துக்கு உணர்த்தவும் உதவியாய் நிற்கும்
முதல் தனிமை
வீரர்களையும் கோழையாக்கும்
கோழைகளையும் சாதனை படைக்க வைக்கும்
முதல் தனிமை!!

 - கோமலீஸ்வரி

பிறந்ததுமே தெரியவந்த பிறப்பிடமே முதல்த்தனிமை
  பிறகேதான் தெரியவந்த பிறப்பினுடை உண்மையிலை.!
அறவழியில் போராடி ஆண்டுகளும் கழிந்தபின்னே
  அம்மாயார் என்பதுமே அறிந்துகொள முடியவிலை.!
புறவுலகம் தள்ளிவைத்துப் புறந்தள்ளி நகையாடி
  பித்தன்போல் ஆனபோது  பிதாவங்கே வரவில்லை.!
பிறருமென்னைப் பார்த்தவுடன் பழிக்காத நாளில்லை
  பெற்றோரும் உற்றோரும் பிறர்கூட வாழ்ந்ததில்லை.!


கனாவொன்று கண்டேன்நான் கன்னியவள் வந்தாளாம்
  கையிலுள்ள குழந்தையையும் குப்பையிலே வீசினாளாம்.!
வினாக்களும் அந்நேரம் விளைந்ததுவே பலப்பலவாய்
  விடையொன்று கிடைக்காது விதியறியா அலைந்தேனே.!
அனாதியானேன் என்றுதெரிந்த் அம்மாவும் அப்பாவும்
  அரவணைக்க வரவில்லை ஆருணர்வார் எம்பிறப்பை.!
அனாதையெனை இன்றுவரை ஆருமெனைச் சேரவிலை
  அதற்கான காரணத்தை அறியநானும் முயலவில்லை.!

தனதுதப்பை மறைப்பதற்குத் தாங்களீன்ற சந்ததியைத்
  தந்தைதாயும் மறந்தனராம் தனிமையாக்கத் துணிந்தாரே.!
அனகச்செய் கையேதும் அரும்பவில்லை மனத்துள்ளே
  ஆருமறி யாவண்ணம் அரங்கேற்றம் செய்தனரே.!
சனனமுதல் சாவுவரைச் சங்கடங்கள் கொண்டதுதான்
  சந்ததிகள் காலைவாரச் சதித்திட்டம் போட்டனரோ.!
புனர்ஜென்மம் உண்டென்றால் புதுப்பிறவி மீட்பிறப்பில்
  பிறவிமுதல் தனிமையிலாப் பிறப்பொன்றே வேண்டுமப்பா!

- பெருவை பார்த்தசாரதி

முதன் முதலாய்
உன்னைப்பார்த்து பிரியும் போது
இதயத்தில் ஏதோ
இனம் புரியாத வலி!
புரிந்து கொண்டேன்
தனிமை எனக்கு புதிது

முதல் தனிமை கருவறையில் வந்து விட்டது
யாருமில்லாமல் கட்டிலிலோ தொட்டிலிலோ
இருக்கும் பொழுதும் தனிமைதான்!
பள்ளியில் பலர் இருந்தாலும்
பெற்றோர் விட்டுச் சென்றபின் தனிமைதான்!
விரும்பிய பெண் நம்மை விட்டு
நீங்கும் பொழுதும் தனிமைதான்!
புகுந்த வீட்டில் விட்டுவிட்டுச்
செல்லும்பொழுதும் தனிமைதான்!
ஆனால், எல்லாத் தனிமையிலும் துயரத் தனிமை
துணையைப்பிரிந்து தவித்து இருப்பதே!

- இளவல்

பள்ளியில் முதல் நாள் 
கல்லூரியில் புதிய நண்பர்கள்                                                   
திருமணத்துக்குப் பின் மனைவி 
ஊருக்குச் செல்வது
எது முதல் தனிமை 
அந்தந்த நிலையில் இவையெல்லாம்
இன்னமும் கூட
வாழ்வின் பல தருணங்களில்
முகிழ்க்கும் முதல் தனிமைகள்

- பாரதிராஜன் பெங்களூரு

குறைப்பாடு உள்ளதாக நீக்கப்பட்டவனின்  
தோழமையான தொடு உணர்ச்சியை காணாமல் 
முதல் தனிமையை 
உணர தொடங்கியது 
கருவில் இருக்கும் 
மற்றொரு குழந்தை!

-சுபர்ணா

தாயின் பால் அமிர்தம் என்பார்கள்
எனக்கு மட்டும் விஷமானது
பிறந்து ஆறு மாதங்கள் ஆன எனக்கு 
பாலூட்டி பசியாற்ற மறந்து
விஷம் குடித்து மறைத்து போன 
அன்று முதல் என் "முதல் தனிமை" 
முற்றிலும் தனிமை ஆனது 

- தினேஷ் உமேஷ்

தாயின் கருவறையில் இருந்து  பிரிந்தது,  முதல் தனிமை. மனதில் காதலோடு அவள் முதலா முடிவா  என்று நினைத்து கொண்டு நின்றது தனிமை. 
காதல் பிரிவில் உள்ள தனிமை தரும் வேதனை மிக கொடுமை. "தனிமை இது நானாக தேடிக்கொண்ட சாபம் அல்ல, இது நான் உயிராக நேசித்தவர்கள் அளித்த வரம். காதலியிடம் காதலை சொல்ல தைரியம் இல்லாமல் நிற்கின்ற அந்த முதல் தனிமை,  கற்றுக்கொடுத்த பாடம் வாழ்வின் மகத்துவம். இது வெறும் புரிதல் மட்டும் அல்ல இது அன்பின் வெளிப்பாடு . தனிமையில்  மட்டுமே நாம் அனைத்தையும் உணரமுடியும், அந்த  தனிமை வாழ்க்கையின் இனிமை ... 
              
- ந. அருள்செல்வன்,  தரசூர்

முதல் தனிமை   தாயின் ஸ்பரிசம் விலக அழுகையில் துவக்கம்!
அடுத்தத்தனிமை வயிற்றின் பசிக்காக அழவைக்கும்! 
மூன்றாம் தனிமை  இருட்டைக்கண்டு கண்கதறும்!
மழலையில் ‘நடக்கும்’ தனிமை  வேடிக்கைக் காட்டும்!
பதின்பருவத்தனிமை  பயத்தை எதிர்கொள்ளச்செய்யும்!
தொடர்ந்து வரும் தனிமையெல்லாம்  துயரங்களின் துவக்கமே . . .
துவக்கம் மட்டுமே!!
ஒரு புன்னகை ஒரு புத்தகம்  ஒரு திரைப்படம்  ஒரு ஓவியம்  
ஒரு  சிட்டுக்குருவி  ஒரு காற்றசைவு  ஒரு கவிதை  ஒரு நெல்லிக்கனி
ஏதோ ஒன்று  இட்டுநிரப்பிக்கொண்டே வர 
வாழ்க்கை ஓட்டம் ஓடாது நகரும்!
கடைசித்தனிமைக்கு சாய்வு நாற்காலியாவது துணை சேரும்!
முதல் தனிமை அழவைத்தது!  கடைசித்தனிமையோ 

 -கே.ஆர்.கார்த்திகா

பெற்றவர் பஞ்சு கைகள் பட
ஒரு பிஞ்சுபருவம் –
ஆதவனாய் ஒரு ஆசிரியன் ,
பளிச்சென்ற படிப்பு வெளிச்சத்தைத்தர,
அதை  கண்ணுக்குள் இழுத்த கல்விக்காலம் –
தொழிற்சாலையையே நுகரும்  
தொடர் வேலை,
இருந்தும் அங்கு
நற்குணச்சோலையாய்  ஒரு
நட்புக்குழாம் –
துன்ப வியர்வையை
துடைக்கப் புறப்பட்டது
குடும்ப விசிறி !
எல்லாம் முடிந்தது !
தனிமையில் நானோ ?
இல்லை , இல்லவே இல்லை !
கைகளுக்கு முத்தம் தர முத்தமிழ்
இருக்க,  எனக்கேது முதல் தனிமை !

- கவிஞர் டாக்டர். எஸ்.பார்த்தசாரதி 

எனது முதல் தனிமை காதலினால் அல்ல! 
எனது முதல் தனிமை வாலிபத்தால் நேர்ந்தது!

பிறந்தது முதல் பார்த்து பார்த்து வளர்க்கப்பட்ட பாலகன்! 
கையில் சாப்பிட சிரமப்பட்டு ஊட்டிவிட்டு வளர்ந்தான் பாலகன்!
நாட்கள் ஓடின அதனுடனே படித்தான், வளர்ந்தான்!
பருவம் கொண்டான், கல்லூரியும் முடித்தான்!
வேலை கிடைப்பதோ பட்டிணத்தில் தான், நோக்கினான்!

வாழ்க்கை என்னும் வட்டத்தில் பொருள் தேடி புறப்பட்டான்!
உறவும், தோளும் ஊரிலே வழியனுப்பி நின்றது!
கடனும் கனவும் விடாமல் துரத்தின!
அயலூர் வீதிகளில் அல்லும் பகலுமாய் திரிந்து!
ஐந்தையும் பத்தையும் பார்த்து பார்த்து செலவு செய்து!
எஞ்சியதில் மிஞ்சினால் மாதக்கடைசியில் உணவு உண்டு!
கண்டு கண்டு பயணித்து கன்றுபோல் நடந்து!
வேலை என்னும் சிகரம் நோக்கி குன்றேறினான்!

முதல் முறை கூட்டை விட்டு பறக்கும் பறவைக்கு கூட துணையுண்டு!
ஆனால் வேலை தேடி பட்டிணம் போகும் பிள்ளைக்கு யார் துணை!
காலம் தான் துணை! 
 
பெற்றோர்களே பிள்ளைகளை உங்கள் கண்முன் சிறகடிக்க பழக்கிவிடுங்கள்! 
ஒரு முறை விழுந்து பின்பு எழுவதை கற்றுக்கொடுங்கள்!

பருவத்திலும் கைப்பிடித்து நடக்காமல்!
கையில் உணவு ஊட்டாமல்!
தூர நின்று நடக்க கற்றுக்கொடுங்கள்!
தட்டில் எடுத்து போட்டு உண்ணச்சொல்லுங்கள்!
அம்பாரியில் இருந்து இறக்கிவிட்டு!
நடந்து போக கற்றுக்கொடுங்கள்!
அவன் விழுவான் சற்று பொறுங்கள் எழுவான்!

தனிமையே அவனை தனிமனிதனாக தேற்றும்!

-செல்வா, நெல்லை

தாயின் கருவறையில் தனிமை உருவாக, அவ்வப்போது தாய் புலம்ப தனிமை - உடைபடும்
"நீ - பெரியவனானா இவங்க போல இருக்காத " 
நீ வெளிய வந்து - இவங்கள என்ன சேதீன்னு கேக்கனும் - சரியா?" இப்படி
பிறகு - விட்டுச் செல்வார்கள் வீட்டில் - தனிமையை துணையாக்கி,
பொம்மைகள் - நண்பர்களாய்
போட்டோக்கள் - உறவுகளாய்,
டி.வி-யின் தாலாட்டில் உறக்கம், பின் பள்ளி நாட்களில்
தந்தை மரணித்த பின் - சூழ்ந்து கவ்விய தனிமை,
ஆழ்த்தியது சொல்லொணா சோகத்தில்,
வளர்ந்து மணம் முடித்த பிறகோ - வீட்டில் வெளியூரில் நான்கு சுவற்றுக்குள் நாகரீக சிறையில் நாளும் தனிமை,
இதில் எல்லாமே புதிதாய் முதல் தனிமையாகவே இருக்க - எதற்கு முதலிடம் தருவது ?
நாளை பிள்ளைகள் நமை விட்டுச் செல்லும் போதும் - இதே தனிமை என்னை விடப் போகிறதா என்ன?

- கவிதா வாணி - மைசூர்

நீ இல்லாத வீட்டின் 
தேடிக் கலைக்கும் 
துணியடுக்கில்,
தொலைந்த சாவியில்,
படர்ந்த தூசியில்,
குளியல்றைக் கண்ணாடியில்
ஒட்டப்பட்ட ஸ்டிக்கர் 
பொட்டுகளில்
படர்ந்திருந்தது 
என் 
முதல் தனிமை

- விஸ்வநாதன், அம்பத்தூர்

முதல் தனிமையின் கதகதப்பில்
கவலை இன்றிக் கிடந்தேன்
கருவறைக்குள்

வெளிவந்தேன்
விழிதிறந்தேன்
அகல வாய்விரித்தது
அமைதியற்ற உலகம்

கண்ட நொடியே
கதறினேன் கலங்கினேன்
இனி தனிமை 
எப்போது வாய்க்கும் என

மறைந்து
எரிந்து கரைந்து போனால்தான்
புதைந்து சிதைந்து மட்கினால்தான்
தளிர்விடுமோ
தனிமை 

-கோ. மன்றவாணன்

கணவனோடு இரண்டறக் கலந்து வாழ்ந்தவள் 
கணவனை விட்டு பிரிந்து இயற்கையில் கலந்தாள்!

சோடிப் புறாவாக வாழ்ந்த அவர்கள் இன்று
தனித்த புறாவாக தவித்து வாடி வாழ்கிறான் !

குறிப்பு அறிந்து உதவி மகிழ்ந்த இனியவள்
கேட்காமலே அவன் தேவையைத் தந்தவள்!

அவன்  நிழல் கூட சில நேரம் பிரிவதுண்டு
அவள் அவனைவிட்டு எப்போதும் பிரிந்ததில்லை!

மனைவி இறந்தபின் கணவனின் வாழ்க்கை
மயான வாழ்க்கை தான் நொடியும் வதைதான்!

மனைவி இறந்ததும் கணவன் இறந்திட்டால்
மனதில் கவலைகள் வரவே வராது!

மனைவியை இழந்துவிட்டு நடைப்பிணமாக வாழும்
மோசமான வாழ்க்கை உணர்ந்தவர் அறிவர்!

மனைவிக்கு ஈடான உறவு உலகில் வேறில்லை!
மனையின் அழகு மனைவியால் வருவது!

சந்தனம் போல தன்னைத் தேய்த்து நாளும்
சிறந்த வாசனை தந்து மகிழ்வித்தவள்!

மெழுகு போல தன்னை நாளும் உருக்கி
முழு நிலவென குடும்ப ஒளி தந்தவள்!

ஏணியாக நின்று உயர்த்தி விட்டவள்
தோணியாக இருந்து கரை சேர்த்தவள்!

உழைத்து உழைத்து ஓடாகத் தேய்ந்தவள்
ஓய்வு என்றால் என்னவென்றே அறியாதவள்!

யாரிடமும் அவனை விட்டுக் கொடுக்காதவள்
யாதுமாக அவனுள் நிறைந்து இருந்தவள்!

காலத்தின் கொடுமை அவளை இழந்து
கண்ணில் கண்ணீருடன்  முதல் தனிமை !

- கவிஞர் இரா .இரவி

உயிர்க் கவிதைகள், அனாதை இல்லத்தில்
உலவி வரும் குழந்தைகள் தனி! ஒருதனிமை!
உயிர்க் குயிராய் வளர்த்தவள் தாய்! –அவள்
உலவுவதோ முதியோர் இல்லம்!
ஆறுதலாய் மகன் வந்து தன்னிடத்தே
அன்புமொழி பேசானோ! என ஏங்கும்
தாயின் சிறப்பை சாற்றாதார் யாருமில்லை!
தனித்த அந்த அபலைத்தாய் தனிமை!
  
கண்டதும் காதல் கொண்டது கோலம்
கருத்து மாறுபாடு வந்ததும் பிரிவர்!
கொண்டிருந்த அன்பின் அடையாளம் குழந்தை
குப்பைத் தொட்டியில் குழந்தை ஒரு தனிமை!
திவ்யா-இளவரசன், இவர் போன்ற இன்னும் பலர்
நேசித்து வந்த நிஜமான வாழ்வு
பொய்யாகி போக வினை செய்வார்கள்
பிரிந்தனர்,மறைந்தனர்,சிலர் தனித்தனியாவாழ்கிறார்
எண்ணற்ற தனிமை நினைக்க ,நினைக்க தெரியும்
அனாதை இல்லக்குழந்தைகள் தானே முதல்தனிமை                             

- கவிஞர். அரங்க.மணி, பராசக்திநகர்

தந்தை, தாயினைப் பிரிந்து அன்புள்ள உடன்பிறப்பைத் துறந்து
வந்த கணவனுடன் இணைந்து ஏகிடும் ஒருவகை தனிமை
தனித்துவத் திறமை பெற்று தலைமைப்பொறுப்பை ஏற்றதும்
அணியாய் இருந்தவர் பிரிந்து நண்பர்களை தியாகம் செய்து
தனிமையினை உணரும் ஒருவகை தனிமை ஒருவகையில்
தனித்தே நிற்கும் போது உணர்வோம் தனிமையினை
அணியினரை அப்புறம் பார்த்திடினும் எப்பபோது பார்த்தாலும்
அன்று ஏற்படும் உணர்வு ஒட்டவைத்தது போல்  ஒரு தனிமை!
பெற்ற பிள்ளையின் அன்புக்கு ஏங்கும் உற்ற தயின் தனிமை!
அருகில் வந்து பேச அன்புடன் ஏங்குகின்ற பாசத்தாயின் அவா!
கணவன் மனைவி ஏதோ காரணத்தால்பிரிந்து வாழும் தனிமை
அன்னை,தந்தயை இழந்து யாரோ கொண்டு வந்து சேர்க்க
அனாதை இல்லங்களை அடையும் பிஞ்சுக் குழந்தைகள்
கண்முன்  காட்சி தந்திடும் குழந்தைகள் தான் முதல்தனிமை
தனிமையில் கொடியது எது? கேள்வி எழுகிறது நமக்கு
காதலித்தவரை பிரித்து பிடிக்காதவரை கொல்லும் ஆணவம்
காதலனோ காதலியோ தனித்து விடப்படும் அவலம் ,தனிமை !
குப்பைத் தொட்டியில் போடப்படும்  குழந்தைகளின் தனிமை
யாராவது எடுக்கும் வரை அங்கே ஏற்படும் தனிமை கொடுமை
இத்தனை தனிமைகள், அனாதைகுழந்தைகள் முதல் தனிமை! . 

- கவிஞர் ஜி. சூடமணி

இரவில் அகல் விளக்கின்
சிறு வெளிச்சத்தில்
நினைவின் நீர்ப்பரப்பில் 
மூழ்கியெழும் போதும்
விழித்திருக்கும் போது
காணும் கனவுகளின்
உயிர்த்துடிப்புக்கள் 
குறைந்து வருகையிலும்
எண்ணங்களின் சாகரத்தில்
தீச்சுடராய் ஒளிரும்
ஒற்றை உருவினை
உணரும் தருணங்களிலும்

அகத்தனிமை நீளும்
மெய்க்கணமதில் நிலைக்க
மனம் உவகை கொள்ளும்
தனிமை ஓர் வரம்!

- உமா

]]>
கவிதை, kavithaimani, கவிதைமணி, loneliness, முதல் தனிமை, kavithai http://images.dinamani.com/uploads/user/imagelibrary/2018/8/2/w600X390/Loneliness.jpg http://www.dinamani.com/specials/kavithaimani/2018/aug/02/கடந்த-வாரத்-தலைப்பு-முதல்-தனிமை---வாசகர்களின்-கவிதைகள்-பகுதி-2-2972912.html
2972920 ஸ்பெஷல்ஸ் கவிதைமணி இந்த வாரத்திற்கான தலைப்பு: ‘வாழ்வின் நிஜங்கள்’ கவிதைமணி DIN Thursday, August 2, 2018 01:10 PM +0530 'முதல் தனிமை’ என்ற தலைப்பிற்கு கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: 'வாழ்வின் நிஜங்கள்'

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த புதன்கிழமைக்கு முன்பாக அனுப்ப வேண்டுகிறோம். கவிதைகள் திங்கள் முதல் புதன்கிழமை வரை வெளியிடுவோம்.

]]>
poem, kavithai, kavithaimani, கவிதை, கவிதைமணி, வாழ்வின் நிஜங்கள் http://images.dinamani.com/uploads/user/imagelibrary/2018/8/2/w600X390/truth.jpg http://www.dinamani.com/specials/kavithaimani/2018/aug/02/இந்த-வாரத்திற்கான-தலைப்பு-வாழ்வின்-நிஜங்கள்-2972920.html
2971566 ஸ்பெஷல்ஸ் கவிதைமணி கடந்த வாரத் தலைப்பு ‘முதல் தனிமை’ - வாசகர்களின் கவிதைகள் கவிதைமணி DIN Tuesday, July 31, 2018 06:07 PM +0530  

கட்டவிழ்த்த காளையல்ல
கட்டுப்பாடற்ற மனிதனுமல்ல
கடற்கரையின் ஓயாத அலைகள் போல
காற்றுக்கும் அலைகளுக்குமான தொடர்பு போல,
மனதில் தோன்றி அழியும் பல எணணங்கள்!
முதன் முதலில் ஏற்பட்ட தனிமையே 
எனை ஞானியாக்கியதோ?
கவனமும், மன உறுதியும், நிதானமும்
வழங்கும் இறைவா!
நான் இதைத்தான் பிரார்த்தனை செய்கிறேனா?
மலரென உள்ளுணர்வு விழித்தெழுகிறதா?
அமைதியும், மெளனமும் உள்ளுள் உறைகிறதா?
தீமைகள், தவறுகள், அறியாமைகள் உட்பட்ட
'நான்' என்ற எண்ணங்கள்
மெளனத்தில் கரைகிறதா?
என்னுள் ஆழ்ந்த பொருளை இதயத்தின் ஆழத்தில்
உணர முடிகிறதோ? 
இங்கே நான் எதைக் கற்றுக் கொள்கிறேன்?
மோனம் ஏகாந்தமோ? அது இனிமையானதோ?
ஆசை, காமம், மோகம் தொலைந்தபடி
தனிமை எனும் தவத்தால்
வாழ்வின் புரிதலை மெளனத்தின்
பயணங்களோடு மீட்டெடுக்கிறேன்!
தனிமை தவம், தவமே தனிமை!

- ஆகாசம்பட்டு கி.சேகர்

பணிமாற்றம் பழகிய அப்பா
பணம் கட்டி ரசீதை
வாங்கி விடைபெற்றார்
நான் பாத்துக்கறேன் என்று சொன்ன
அப்பாவின் ஆசிரிய நண்பர் 
வேறு வகுப்புக்கு போய்விட்டார்

நீண்ட சிமென்ட் வழியும், 
உடைந்த ஜன்னல் வழி தெரியும் 
பெரிய மைதானமும் பார்த்தபடி
எனக்கான பெஞ்சை 
தேர்வு செய்து உட்கார்ந்தேன்
கூடவே  உட்கார்ந்திருந்தது
மாற்றலில் 
என்னுடன் வந்த 
முதல் தனிமை.

 - டோட்டோ 

மரகதந் தரித்த
மண் மகளின்
குணமிகு கொண்ட
குமரி களின்
ஏகாந்தந் தவிர்த்து
காந்தமாயி ணைத்து
சரிநிகர் சமத்துவம்
சரியாய் தந்து
ஆச்சாரம் பகரும்
ஆச்சரிய மென்று
மெஞ்ஞானம் பரப்பும்
மெய் வாலை யென்று;
பூப்பதும் காய்ப்பதும்
பெண்மையி னியல் பென்று
பூரிப்பு முப்பும்
பெண்மையி னிலக்கணம்;
இயற்கையும் பெண்மை தான்
இயல்பினி லொன்றுதான்
இடும்பைக் குறைத்தால்
கரும்பா யினிக்கும்
கரும்பாய் நினைத்தால்
காவிரி பொங்கும் - அடுத்தது
பெண்ணும் மண்ணும்
புவியின் சொத்து
புரிந்து பார்;
புகழு முன்னை
பாதுகாப்பாய்
கடைசி வழியாய் - இராமன்
கணை தந்த வழியாய்.......

- முகில் வீர உமேஷ், திருச்சுழி

முதல்தனிமை தான்நம்மின் வாழ்வினில் காணும்
       முத்தான நாளதனை மறக்கத்தான் தகுமோ?
இதனைப்போல் இனிதான நாளேதும் இல்லை
        இல்லறத்தின் தொடக்கமதும் இன்னாளில் தானே!
பதமான இளஞ்சூட்டுப் பாலுடனே நுழையும்
         பாவையவள் வருகையதே வசந்தத்தின் தொடக்கம்!
விதம்விதமாய் இனிப்புக்கள் தனைகண்டப் போதும்
         வேல்விழியாள் இதழூற்றுக் இணையாகத் தகுமோ?

கமழ்கின்ற முல்லைமல்லிச் சரங்கள் தொங்க
       கட்டிலிலே வண்ணமலர் எங்குமே நிறைய
தமக்கெனவோர் துணையெனவே வந்தவளின் வரவை
       தவிக்கின்ற உள்ளமுடன் எதிர்பார்த் திருக்கும்!
அமைதியான இரவுக்கோ ஆயிரமாம் மணிகள்
       அவள்வந்தப் பின்னாலோ அரைமணிதான் பொழுதும்!
நமதுமண வாழ்வினிலே மறக்கவுமே ஒண்ணா
        நல்லறத்தைத் துவக்கும்நாள் புனிதநன் நாளே!

- அழகூர். அருண்.  ஞானசேகரன்

தனிமை  - அது  புத்திசாலிகளுக்கு 
இனிமை தரும் தருணம்!
இதில்...
முதல்  தனிமையில் பல 
முதன்மையான  செய்திகளை 
பதமாக  படித்து  உணரலாம்!
முதல்  தனிமையில்  கிடைக்கும்
முதல்  அனுபவம் இனிமையாயின் 
மேமேலும் தேடுவாரே 
முதல் தனிமையினை!
காதசிரியனுக்கு கிடைக்கும் 
முதல்  தனிமையில் எழுதி 
 விடலாமே  பயன் 
தரும்  நீதிக்கதைகளை!
கவிஞனுக்கு  கிடைக்கும் 
முதல் தனிமையில்  எழுதி
விடலாமே.... அர்த்தமுள்ள  கவிதையினை!
தனிமை கொடுமை 
என்பது மூடர்களின்  சொல்!
முதல்  தனிமையில் நல்ல 
அனுபவங்களை  பெற்றுவிட்டால் 
தேடுவார்  அடுத்தடுத்து 
தனிமை  பொழுதினை!
தனிமையினை  இனிமையாக்குவது
மனிதனே,........ உன் கையில்தான்!
இதை  உணர்ந்து  கொண்டாடு 
முதல்  தனிமையினை! 

- உஷாமுத்துராமன்,  திருநகர்

]]>
Poem, தனிமை, கவிதை, loneliness, முதல் தனிமை http://images.dinamani.com/uploads/user/imagelibrary/2018/7/31/w600X390/download_1.jpg http://www.dinamani.com/specials/kavithaimani/2018/jul/31/முதல்-தனிமை-2971566.html
2966906 ஸ்பெஷல்ஸ் கவிதைமணி அடுத்த வரி கவிதைமணி DIN Wednesday, July 25, 2018 03:36 PM +0530 அடுத்தவரி அன்பை   பரிமாறும்  வரி
அடுத்த வரி  ஆனந்தத்தைத் தரும் வரி

அடுத்த வரி  ஆச்சரியம்
ஊட்டும் வரி
அடுத்த வரி  அழ, சிரிக்க வைக்கும் வரி
அடுத்த வரி  எதிர்பார்க்கும் வரி 
அடுத்த வரி கேள்வி‌, கேட்கும் வரி
அடுத்த வரி தொடரும் வரி

- உமா ராணி

முதலில் எதை எழுத
அடுத்த வரி 
எப்படி இருக்கும் என்றெல்லாம் 
கவலைப்படாமல் 
கண்டதைக் கிறுக்கி 
கதை எழுதும் கயவர்களுக்கு 
எங்கே தெரியப் போகிறது? 
தமிழனின் அடையாளம் 
அடகு வைக்கப்படுகிறதென்று! 
பாட்டனுக்கு
எழுதப்படிக்கத்தெரியாது 
ஆனால் 
அடுத்த வரி தெரியும் 
அரசாங்க வரியும் தெரியும் 

- சுதா ஏகம்மை

எடுத்தவுடன் தொடக்க வரி
உன் நினைவில் தொடுத்தேன் ! 
அடுத்தக்கனம் அடுத்த வரி
என் உணர்வை  பிழிந்தேன் ! 
நான் தொடுத்த வரி அனைத்திலுமே
நம் பாசம் பிசைந்தேன் ! 
நீ அடித்தவறி விழுந்தாலும்_உன்
இதழ் அழைக்கும் அடுத்த வரி நானே!
என் வாழ்க்கை எனும் ஏட்டில் உன் பிடிதவறினாலும் 
என்றும் பிடித்த வரி.. என் நினைவில் அடுத்த வரி நீயே! 
நான் தொடுத்த கவிகளின் 
அடுத்த வரி அறிவேன்... 
இறை கொடுத்த வாழ்விலே
அடுத்த நிலை எவர் அறிவார்!! 
                             
- பவித்ரா ரவிச்சந்திரன், மேலூர் (மதுரை) 

அடுக்கும் அடுக்கலில் மிளிரும் அழகு
தடுக்கும் அடுக்கடுக்கில் திண்ணையாகும்
மிடுக்கும் அடுத்தடுத்த செயலில ஒளிரும்
நடுக்கலும் வரிவரியாய் மனதில் வலிக்கும்

முதல் வரியை அழகுறத் தாங்கிப் பிடிப்பதே
இதமான அடுத்தடுத்த வரிகளின் பொருளே
விதவிதமான பொருள்களை அடுக்கடுக்காக
பதமான வகை தருவது அடுத்தடுத்த வரிகளே

வரி முதலில் அழகாயிருந்தால் போதாது
விரியும் அழகில் அடுத்தடுத்த வரிகளும்
புரியும் வண்ணம் பொருள் தந்து விளங்க
சரியான சந்தங்களில் சிந்து பாட முடியுமே

கொடுத்த தலைப்பை உணர்ந்து முதல் வரி
அடுத்த வரி அதைத் தொடர்ந்து செல்லுமழகு
அடுத்தடுத்த வரிகளும் தொடர கவிதையும்
தொடுத்த முல்லையாய் மணம் வீசிடுமே

எடுத்த முதல் வரி சொல்லும் கருத்தெல்லாம்
அடுத்தடுத்த வரிகளிலே புதிராகத் தெரிய
அடுத்த வரிகள் செழுமையாய் கட்டமைந்து
மிடுக்காகக் கவிதை வெற்றிநடை போடுமே 

கவிஞர்  ராம்க்ருஷ்

ஆண்டவன் மீதே பாடினாலும்
அடுத்த வரி இன்பவரம்தா என்றுதானே
இயம்புகின்றோம்?!

தந்தைக்குக் கடிதம்
தப்பாமல் எழுதும்போதும்
தனக்கு வேண்டியதெல்லாம்
அடுத்த வரியில்
எழுத மறந்ததுண்டோ?!

பொய் உரைக்கத் தொடங்கி
பொதுவில் வெறுப்பைத் தந்தாலும்
அடுத்த வரியில்
காதலுக்கும் காதலிக்கும்
அன்பு காட்ட மறந்ததுண்டோ?!

அடுத்துவரும் வரிகள் எல்லாம்
அகத்தைக்காட்டும்
அவளது முகத்தைக்கூட
மறவாமல் முழுநிலவாய்
வர்ணிக்க மறந்ததுண்டோ?!

ஒரே வரியில்
எழுத வந்த கவிஞர்கூட
அடுத்த வரியை
அற்புதமாய் அமைத்து விட்டார்
முதலும் முடிவுமாய்
அவள் வந்ததினால்
அடுத்த வரியை
தலைப்பாக அமைத்து விட்டார்.

- புலவர் நரசிம்ம சுப்பிரமணியன்.. சிறுமுகை

உள்ளத்தே உதித்த எண்ணத்தை எழுத்தாக்கி
பள்ளத்தே பாய்ந்தோடும் அருவி போல்
சலசலவென படைப்பதுதான் கவிதை!
முதல்வரியை முடித்தபின் அடுத்தவரி அசைபோடாது
அடுத்து வரின் அனைவருக்குமே வசப்படும் கவிதை!
எழுத்துக்களை கோர்க்கையில் எண்ணத்தில் குழப்பமிருந்தால்
வழுக்கி விடும் வார்த்தைகள்!
பழகிவரும் தமிழ்ப்பாக்கள் தந்திடுமே நல்பயிற்சி
அழகாக உருவாகிடுமே மணியான கவிதை!
முதல் முதலாய் கவிதை படைக்கையில் எழுத்துக்களில்
மோதல் கூடாது! பிழைபடவே எழுதிடவே எழுத்துக்
காதல் நிறைவேறாது!
அடுக்கடுக்காய் சொற்கள் அலைமோதி தொடர்ந்திடவே
இடுக்கண் வராது!
முதல்வரியை எழுதிடும்போதே பிறந்திடவேண்டும் அடுத்தவரி
முதல்வரியை பின் தொடரும் அடுத்தவரிகளாலே
அழகாக அலங்கரிக்கும் கவிதை  தன்னாலே!

- நத்தம்.எஸ்.சுரேஷ்பாபு

இதுவரை சொல்லாத கருத்தை 
சொல்லத் துடிக்கும் 
பிரசவ வலியோடு 
பிறக்குது அடுத்த வரி!

வருவாயைப் பெருக்குவது 
அரசின் அடுத்த வரி!
வாசகனைப் பெருக்குவது 
எழுத்தாளனின் அடுத்த வரி!

அடுத்தவர் துயர் துடைத்து 
உவகை கொடுத்து 
உலகையே புரட்டும் 
நெம்புகோல் வரியே!
தலைவனின் அடுத்த வரி!

போராளியின் அடுத்த வரியில் 
புரட்சிகள் வெடிக்கும்!
அகிம்சாவாதியின் அடுத்த வரியில் 
அன்பு மலை போல் செழிக்கும்!

அடுத்த வரி
அடுத்தவர் வரியானால்
திருட்டு!
அடுத்த வரி 
அடுத்தவருக்கான வரியானால் 
அடுத்தவரை திரட்டும்!

ஒவ்வொரு எழுத்தாளனின் 
உன்னத வரி! 
அவனது முந்தைய வரியை வெல்லும் 
அடுத்த வரியே!

- கு.முருகேசன்

தண்ணீரின் அடுத்த வரி 
புண்ணியனே உன் கையில் 
போதுமென்ற அளவுக்கு - நீரை 
பொறுப்பாக பயன்படுத்து 

பூமியின் அடுத்த வரி 
சாமியே உன் கையில் 
நெகிழியை இட்டு நீயும் -அதை 
நாளும் கெடுத்திடாதே 

இயற்கையின் அடுத்த வரி 
இறைவா உன் கையில் 
செயற்கையை தள்ளி வைத்து 
இயற்கைக்கு கை கொடுப்பாய் 

அடுத்த தலைமுறைக்கு 
அடுத்த வரி வேண்டாமா 
அவருக்காக வைத்திடுங்க 
அருமையான வளங்களையும் 

சொத்து மட்டும் போகாது 
சுகம் கூட வேணுமய்யா 
சுகம் நமக்கு வேணுமுன்னா 
சுத்தமிங்கே வேணுமைய்யா 

-பார்.விஜயேந்திரன், கடலூர்

                                                  
'இதயம் தேடும் அன்பைப் போல
இரவைத் தேடும் நிலவை போல'
முதல்வரி உதயமானது, அடுத்தவரி
'உன்னைத்தேடி வந்தேன் நான்' என்றது.
'நீ மாற்றாருக்கு மணவரை கண்டால்'
ஏக்கத்தோடு முதல்வரி தோன்ற
'நான் காதலோடு கல்லறை செல்வேன்'
விரக்தியாக முடிகிறது அடுத்தவரி
'அங்கும் உடல் மட்டும் மண்ணோடு வாழும்’
வெறுமையில் முதல்வரியை ஆரம்பித்தவர்
'என் மணம் (வாசம்) உன்னோடு வாழும்!
விரக்தியோடு அடுத்தவரி அமைகிறது!
வேறு:-
'உனக்கு ஒன்றுதெரியுமா?நட்புக்குள் காதலிலை
என்றேதான் முதல் வரியை துவங்கினார்
அடுத்த வரியில் காதலுக்குள் நட்புண்டு'என்றார்                          
'காதலிலை' தோழனாய் எனை விட்டு
சென்றாலும் அது    
நிஜத்தைவிட்டு விட்டு வந்த நிழ்ல் போல
என்றமைத்தார் அடுத்தவரியில்!
அவனும் அவளும்தான் செய்த தவறுக்கு
என்று துவங்கிய கவிஞர் அடுத்தவரியில்
தண்டனை குழந்தைக்கு குப்பைத்தொட்டிஆனது
இலக்கியமுகம் இலக்கணமும் தெரியாதன்
ஏடெழுதல்                         
துவங்கியவர் அடுத்தவரியில் 'கேடுநல்கும்' என்றார்

- கவிஞர் அரங்க கோவிந்தராஜன், ராஜபாளையம் 

எழுத்துக்கள் கோர்வையாக ஊர்வலம் போய் கடைசியில் கால்புள்ளி, அரைப்புள்ளி கடக்க சிலபோது ஆச்சரியமும் தாண்டி அடுத்த வரியாய் மறுபிறப்பெடுக்கின்றன.
வினவு தலாய், தேடுதலாய் நகரும் வாழ்க்கைக்கு, வெளிச்சமிட்டுக் காட்டும் நம்பிக்கை வரிகள், சிலர் - கம்பரின் வரிகளுக்கும் ஷெல்லியின் வரிகளுக்கும், வியந்து விழுந்து
ரசிக்க - பாரதியும் குறளும் விலக்கல்ல, உயிர்களைப் போன்றே எழுத்துக்களும் ஜனிக்கும், இப்பிறவியில் செய்ய முடியாத ஏக்கம், மறு முறை தீர்க்க எண்ணும், சொல் -
செயலாக, செயல் விளைவாக காரண காரியங்களுடன் எல்லாமும் நிகழ, இதெல்லாம் பேத்தல் என்று ஆத்திகம் மறுத்து, வாழ்ந்தாலும் அடுத்தவரி- யாரென யாருக்கும்
புரிவதில்லை, இவ்விதம் எழுதுபவனும் இருப்பதில்லை, இன்னொரு நாளில், உயிர்த்தலும் - மரித்தலுமாக - எல்லாம் நடக்கிறது - மௌனமாக, வாழ்வும் -எழுத்தும்
அடுத்தவரி யாதென யாரோ நடத்த அதை காலம் தீர்மானிக்கிறது, எல்லாவற்றையும் ஜீரணித்தவாறு

- செந்தில்குமார் சுப்பிரமணியன்

போதையில் காளையர் புறம்போக்கியாவது
மமதையில் கன்னியரின் கற்பைக் களைப்பது 
பெருங்கல்வி கற்றும் அறிவுகற்புடன் திகழாது
பொருளீட்டும் போதையில் பெண்மை போக்குவது

நெறியில்லா நேர்மையிலா வாழ்வு வாழ்வது
பறித்திடும் பிணியில்லா புகழில்லா வாழ்வை
கண்டதே காட்சியன்று, கொண்டே கோலமென்று
தண்டமாய் வாழ்வது வாழ்வா? வாலிப வயதினரே!

அட்டூழியம் செய்து அடுத்தவனை அடித்துச் சேர்ப்பது
மக்கள் அரசு வரி ஏய்ப்பு, அரசினர் மக்களை ஏய்ப்பது 
பண்டங்கள் சேர்த்தாலும் பசிக்குண்பார் சிலரன்றோ! 
பிண்டமளவுகூட உண்ணயிலா, பிணிபல உளதினால்

அடுக்கிவைக்கும் அலமாரி நிறை உடுப்புகளில்
எடுத்து ஒரு முறை அணிவது ஓர் உடுப்புதானே 
அடுத்த வரி ஆண்டவன் என்ன எழுதியுள்ளனோ?
படுத்தால் தவிப்பில்லாது உயிர் போகுமா! யோசிப்பீரே!

எழுத்தை சேர்த்து அசையாக்கி
அசையை சேர்த்து சீராக்கி
சீரை தொடுத்து தளையாக்கி
தளையை தொடுத்து அடியாக்கி...

அடியை தொடுத்து தொடையாக்கி
எதுகை, மோனை தொடுத்து மிக எளிமையாக்கி
இயைபை கொண்டு இயல்பாக்கி
இரட்டைக்கிழவி,அடுக்குத்தொடர் கொண்டு அழகாக்கி...

இவை அனைத்தையும்  கொண்ட 
கன்னித்தமிழில் எழுத தொடங்கினாள் 
வரிக்கு வரி யோசிக்காமல் அடுத்த வரியை 
அற்புதமாகவும் அழகாகவும் எழுதலாம் அன்னைத்தமிழில்.

- க.முனிராசு

புத்தியை தீட்டும் தகவல்கள்
புத்தகஙகளில் இருப்பதாக சொல்லி 
வாசிக்கும் பழக்கத்தை
நேசிக்க வைத்தார் எமது தந்தையன்று !
நேற்றைய தினம்
சற்றே கிடைத்த பொழுதில் 
புதிதாக வாங்கிய
புத்தகத்தை புரட்டினேன் .
ஒரு சில வரிகள்
ஓராயிரம் உணர்வுகளைத் தரும் என்றால் அது மிகையில்லை !
ஒரு வரி .........
நல்ல புத்தகஙகளை சுவைக்க வேண்டும் .!
அடுத்தடுத்த வரிகள் ..........
சில புத்தகங்களை விழுங்கி விடவேண்டும்.!
சிலவற்றை நன்றாக மென்று செரிக்கவிட வேண்டும் .!
புத்தங்களைப் பற்றிய
இத்தகைய அருமையான வரிகள்  எந்தன்
எண்ணங்களை நிறைத்ததால்
 உணவு உண்ண மறந்தது   உண்மை !

- ஜெயா வெங்கட், கோவை

ஒரு கருப்பு மேகத்துக்குள்ளும்
மெல்லிய காதல் –
கற்பனையும் மொழியும் சுழன்று
கவிதை ஒன்றின் தொடக்கம் –
பூமியில் எந்தப்பெண்
வேண்டுமென்று,  
முதல் வரியை
வானத்தில்
“மின்னலாய்” எழுதி,
அடுத்த வரியை
மழைத்துளியால்
நிலத்தில் எழுதுகிறது ?    

- கவிஞர் டாக்டர்.  எஸ். . பார்த்தசாரதி - MD DNB PhD, புதுச்சேரி

முதல் வரி எழுதும் பொழுதே
உன்னை பற்றிய சிந்தனை
முத்து முத்தாய் எழுகிறதே..
முந்தானையால் மூடி மழையிலிருந்து
காத்தது முதலாய் முட்டி
மோதி வார்த்தைகள் போட்டி
போட்டு வரிந்து கட்டுகிறதே..
அடுத்த வரி ஆரம்பிக்க
ஆர்பாட்டமாய் அணிவகுக்கின்றதே..
தாய்மையையும் காதலையும்
தரமாக தூயதாய் தத்து
அற்று தனகுடன் அளிக்கின்றவளே..
அடுத்த அடுத்த வரிகள்
என அணிவகுத்தாலும்
அவை போதாது உனை போற்ற..

- ப.க.நடராசன்

பேச்சில் கவனம் தேவை
எடுத்தெறிந்து பேசும்
அடுத்த வரி
தடுத்துவிடும் உறவுகளை
மட்டுமல்லாமல் 
நல்ல நட்புக்களையும்தான்!
அடுத்த வரி 
என்ன பேசப்போகிறார்
என்ன ஆவலை துண்டுபவர்
திறமையான பேச்சாளர்!
அடுத்த வரி 
பேசுவதில் ஆர்வம் 
காட்டி பிள்ளைகளை 
தன்னிடம் இழுப்பவர்
திறமையான  ஆசிரியர்!
அடுத்த வரி
யோசிக்காமல்  பேசுபவன்
அவசரக்காரன்!
அடுத்த வரி 
யோசித்து பேசுபவன்
பொறுமைசாலி!
பொறுமைசாலியாக இருப்போம்
அருமையான  வெற்றிக்கனியினை 
பெருமையுடன்  சுவைப்போம்!

- உஷா முத்துராமன், திருநகர்

அடுத்த வரி
 
போகத்தி லுறைந்த
போசனப் பிரியரே!
யோக மறிந்து
யோகங் கொள்க!
யாகத்தின் பயன்
யாவு முன்னை நாடும்
தானத்தின் பெருமை
தரணியில் சிறக்கும்
மோகன விழியை
மோதி யெரித்து
மோதகங் கொண்ட
மூஷிக வாகனை நாடு
முழுது மறிவாய்
முக்தியின் பேற்றை;
வாமன வடிவும்
விருட்ச மாகும்
விருட்சங் கூட - கவி
விருத்தமாகும்;
நம்பியாண் டானின்
வேள்வி தீபோல் - உன்
நம்பிக்கைக் கூட்டிட
தும்பிக்கை வரும்
துயரினைத் துடைத்திட
அடுத்த ஒலியாய்;
ஆனந்த ஊற்றாய் - நீ
துதிக்கையில்
துதிக்கை தாங்கி
கைலையி லேற்றும்......

- ப.வீரக்குமார், திருநின்றவூர்

அடுத்தவரி எதுவருமென அலருகின்ற நிலைதனிலே
நடுத்தர மக்களின்று நாட்டினிலே!--கெடுமதியர்
ஆட்சிதனில் காண்பதெலாம் அவலமின்றி வேறில்லை;
வீட்டுக்கு அனுப்பவே விழை!

அடுத்தவரின் வரிப்பணத்தில் அகிலமதைச் சுற்றிடுவோன்
படுதோல்வி தனைகாணப் பார்த்திடலாம்!--கெடுதலே
மிகுந்ததவன் ஆட்சிதனில்,மீளுமோ நாடிதுவும்;
பகுத்தறிவு தனைகொண்டுப் பார்!

- அழகூர்.  அருண்.  ஞானசேகரன்.

ஆவலைத் தூண்டிய உன் கடிதத்தின் 
அடுத்த வரியை 
மீண்டும் மீண்டும் பார்த்தாலும் 
அதில் தொனிப்பது காதலா நட்பா 
என்று தெரியாதவாறு 
மிக சாமார்த்தியமாக 
உன் மனதை மறைத்திருந்தாய்.
ஒன்று நினைவில் கொள்,
சந்திர சூரியரையும் பாயும் நதியால் 
நிகழும் காட்டாற்று வெள்ளத்தையும் 
உன் இரு கரங்களால் அணைக்க முடியாது,
ஆனால் என்னை அணைத்து இதயத்தை திறக்க இயலும்,
யாருக்கு இந்த உன் அரிதாரம்,
நிஜம் எது என சுட்டுகிறது - உன் கண்கள், 
ஆழ்மன ஒசையைச் சொல்லத் துடிக்கும் உன் உதடுகளை
நிஜமான அடுத்த வரியை சொல்ல விட்டு
உன் சந்தனப்பட்டு விரல்களால் எழுது
நம் நிஜமான நேசத்தை, 
இருக்கும் ஓர் வாழ்வில் ஏன் இத்தனை அரிதாரம்?
உன் அடுத்த வரிக்காக - திறந்த புத்தகமாய் நான்
மையற்ற எழுத்தாணியாய் நீ ,
மையல் கைகூடுமா? 
அடுத்த வரியால் என எதிர் நோக்கி இருக்கும்
காற்றில் பறக்கும் காகிதமாய் என் இதயம்.
எப்போது எழுத வருகிறாய்
எதார்த்தத்தை .? 
காத்திருக்கிறேன்.

- கவிதா வாணி

அடுத்த வரி எழுத ஐந்து நட்சத்திர ஓட்டலில்
அலங்கார அறை போட்டு அளவாய் மதுவருந்தி
அப்பொழுதும் சொல் வராமல் அப்படியே க்ளாஸ் கவிழ்க்கும்
அதிகாரக் கவிஞர் பலர் நம் திரைத்துறையில் மிகவுண்டு!

அடுத்தவரி யெழுத  அருகில்   அமர்ந்தெழுதும்
நண்பனின் விடைத்தாளை நயவஞ்சகமாய்க் கண்ணுற்று 
பயம்பாதி தன் நண்பனின் பதில் சரிதான வென்ற 
சந்தேகத்தினூடே சரியாய் எழுதாத மாணவர் பலருண்டு!

அடுத்தவரி  போட்டாலும்  அதனையும்  உடன்கட்ட 
ஐரோப்பிய நாட்டு  மக்கள்  அத்தனை  பேருமே 
மனமொப்பி அதுவேற்று மகிழ்வுடனே செயலாக்கம்
செய்வதினால் அவர்நாடு சிறந்தோங்கித் தழைக்கிறது!

அடுத்தவரி  யெழுத  ஆழமாய்  யோசிப்போர் 
இன்னும் பலரும் இவ்வுலகில் இருப்பதனால்
நல்ல கருத்துக்கள் நயமான விஷயங்கள் பல
உலகம் பெறுகிறது! உன்னதமாய் வாழ்கிறது!

-ரெத்தின.ஆத்மநாதன், சுவிட்சர்லாந்து

அடுத்த வரிக்கான சொற்கள்
அகப்படாத போது, கவிதை
அண்ணாந்து விட்டத்தைப்
பார்க்கிறதோ........

அலையும் புரளும்
அடுத்த வரி மனதிலேயே
கருக்கொள்ளுமுன்,
சிதைந்து போகிறதோ.....

அடுத்தவர் படைப்புக்குள்
அலசி, ஆராய்ந்து
அடுத்த வரி மீட்க
அலை பாய்கிறதோ......

தொடுத்த முதல்வரி
துவண்டு விழுமுன்,
அடுத்து வந்த வரி
அசை போடுகிறதோ......

அடுத்த வரி ஒன்றில்
அத்தனை கருத்தையும்
அடுக்கி வைக்கவியலாமல்
அரைகுறை ஆகிறதோ......

சுகமோ....சோகமோ...
சொல்லொணாத் துயரமோ
அடுத்த வரி ஒன்றில்
அமைதி அடைகிறதோ......

அடுத்த வரி விதிக்க
அரசு கற்பிதஞ்செய்ய.....
அடுத்து  வரும் தேர்தலில்
அடிகொடுக்க நினைக்கும் மக்கள்....

அடுத்த வரி அடுக்கி
விலையிலாப் பொருளால்
வசியஞ்செய்து
வசப்படுத்த நினைக்கும் கட்சிகள்....

ஆகப் பெரும்பாலும்
அடுத்த வரிக்கேங்கியே
அத்தனை கவிதைகளும்
குறைப் பிரசவமாய்ப் பிறக்கிறதோ......

அடுத்த வரி அறியாமலேயே
அடைவதற்கு விருதுகள்
அப்படியே காத்திருக்க....
அறிந்தாலும் என்ன.... அறியாமற்
ஆனாலும் என்ன......

- கவிஞர் "இளவல்" ஹரிஹரன், மதுரை

இயற்கையிடம்…
இம்மனிதன் என்பவன் யாரெனக் கேட்டேன்…
இறை படைப்பின் உச்சமென்றது…!
இறைவன் என்பவன் யாரெனக் கேட்டேன்…
இங்கு காணும் அனைத்துமென்றது…!

அன்னை என்பவள் யாரெனக் கேட்டேன்…
அன்பு என்பதன் உருவமென்றது…!
தந்தை என்பவர் எவரெனக் கேட்டேன்…
தியாகம் என்பதன் அடையாளமென்றது…!

நட்பு என்பது யாதெனக் கேட்டேன்…
நல்லதை மட்டும் நினைப்பதுவென்றது…!
உறவு என்பது யாதெனக் கேட்டேன்…
உறு துணையாய் இருப்பதென்றது…!

காலம் என்பது யாதெனக் கேட்டேன்…
கடந்து விட்டால் திரும்பாததென்றது…!
வாழ்க்கை என்பது யாதெனக் கேட்டேன்…
வாழ்பவை அனைத்தையும் ஓம்புதலென்றது…!

வெற்றி என்பது யாதெனக் கேட்டேன்…
விட்டுக் கொடுப்பதில் கிடைப்பதென்றது…!
அமைதி என்பது யாதெனக் கேட்டேன்…
அகத்தின் உள்ளே பார்க்கவுமென்றது…!

அடுத்தடுத்த வினாக்கள் எழுப்பிப் பார்த்தேன்…
அனைத்து விடைகளும் ஒற்றை வரியில்…!
அடுத்த வரியைச் சிந்தித்துப் பார்த்தேன்…
ஆழமாய் ஒன்றும் தோன்றிட வில்லை…!

- ஆ. செந்தில் குமார்.

 

முதல் வரி எழுதும்போது அடுத்த வரி 
அடுத்த வரி என வரிசை கட்டி என்
முதல் கவிதையை எழுதி முடிக்க வைத்த 
என் முதல் துடிப்பு இன்றும் என் கவிதை 
பயணத்தில் நல்ல ஒரு படகு துடுப்பு !

வரிந்து கட்டி எழுத வேண்டும் கவிதை..அது 
அடுத்தவரின் மனதை நோகடிக்காமலும் இருக்க 
வேண்டும்! ... படிப்பவரின் மனம் என்றும் 
மகிழ வேண்டும் என் கவிதை சொல்லும் 
நல்ல செய்தியில் !

அடுத்தவரின் துணை இன்றி நான் 
அடுத்த வரி அடுத்த வரி என்று தேடி 
அடுத்த கவிதை அடுத்த கவிதை என்று 
அதே முதல் துடிப்புடன் எழுத வேண்டும் என்றும் ! 

- கே.நடராஜன்

 

அடுத்த வரி தேவை
அழகாய்க்
கவிதை முடிவுற

இரவு வானத்தை
இறவாணத்தை
அண்ணாந்து பார்த்தபடியே இருக்கிறேன்

வெறுங்கையோடு திரும்புகிறேன்
கம்பன்
கடலில் மூழ்கியும்

அடுத்து அடுத்தென
மொட்டு விரித்துக்கொண்டே இருக்கிறது
முற்றத்து மல்லிகை
என்னை
ஏளனமாய்ப் பார்த்து

ஊர்வசியோ மேனகையோ 
ஊடுருவ முடியாத வெளியில்
உறக்கம் பசி மறந்து
தவம் கிடக்கிறேன்...
அடுத்த வரிக்காக

- கோ. மன்றவாணன்

 ஆண்டாண்டு காலமாக 
மண் சேற்றில் கால் வைத்து 
ஊருக்கெல்லாம் சோறு போட
உழைத்து உழைத்துக்களைத்த விவசாயி 
மனதுக்குள் மருகுகிறான்
வானமும் பொய்த்தது 
கிணறும் வற்றி விட்டது 
ஆற்றுநீரும் கிடைக்கவில்லை 
என் பாட்டன் பூட்டன் 
எம் குலத்துக்கென விட்டுப்போன 
மண்ணும் வீடும் பறிபோகிறது 
பாசத்துடன் வளர்த்த மரங்களும் 
வெட்டப்படவிருக்கின்றன  
என்னை படைத்த ஆண்டவன் 
என் தலையில் எழுதிய 
விதியின் அடுத்த வரி என்ன?

- ஆகர்ஷிணி 

அடுத்த வரி என்ன போடுவார்களோ? என்ற
அச்சத்தில் பொதுமக்கள் தவித்து வருகின்றனர்!

நின்றால் வரி நடந்தால் வரி என்றானது இன்று
நாடெங்கும் ஒரே வரி என்று முதுகெலும்பை முறித்தனர்!

சிறுதொழில்கள் எல்லாம் மூடுவிழா நடந்தது
பெருமுதலாளிகள் எல்லாம் கொள்ளை இலாபம் அடைந்தனர்!

உப்புக்கு வரியா ?  என்று  நம் காந்தியடிகள்
உணர்ச்சிப் பொங்கிட எதிர்த்துப் போராடினார்!

அரசு ஊழியர்களின் சம்பளத்தில் வருமான வரி
அனேக ஊழியர்களுக்கு மார்ச் மாத ஊதியமில்லை!

வருமானவரியே செலுத்தாத பணக்காரர்கள் உண்டு
வருமானவரி அலுவலகம் கண்டுகொள்வதே இல்லை!

உண்மையாகவே வரி செலுத்தும் அரசுஊழியர்களிடம்
ஒன்பது கேள்விகள் வேறு கேட்பார்கள்!

சாப்பாட்டிற்கு வரி செலுத்தும் நிலைவந்தது இன்று
சாமானியர்களும் வருந்துகின்றனர் இந்நிலை கண்டு !

வரி வரி திரும்பிய பக்கமெல்லாம் வரி என்றானது
வரியின்றி எதுவுமில்லை என்றானது நிலை இன்று !

வீட்டு வரி குழாய் வரி சாக்கடை வரி மட்டுமல்ல
விற்றால் வரி வாங்கினால் வரி என்றானது இன்று!

இன்னும் சில நாளில் பாருங்கள் இது நடக்கும்
இனி மூச்சு விடுவோரெல்லாம் வரி செலுத்திட வேண்டும்!

அந்த வரி இந்த வரி எங்கின்றனர் விற்போர்
எந்த வரி புரியாமலே செலுத்துகின்றனர் வாங்குவோர்!

அந்நியன் ஆண்டபோது கூட இவ்வளவு வரி இல்லை
இந்தியன் ஆளும்போதும் தான் இவ்வளவு வரித்தொல்லை!

அடுத்த வரி என்ன போடலாம் என்று தினமும்
ஆள்வோர் சிந்தித்து தொடர்ந்து வரி போடுகின்றனர்! 

துபாய் சென்று பாருங்கள் வரியே வாங்குவதில்லை
துபாய் போல மாறுங்கள் வரியிலிருந்து விடுதலை வழங்குங்கள்!

வரிப்புலியினைப் போலவே பொதுமக்களை நாளும்
வாட்டி வதைத்து வரும் வரிகளை ஒழியுங்கள்!!

- கவிஞர் இரா .இரவி

 

வரிக்குதிரை  எனும்விலங்கைப்  பார்த்த  துண்டு
    வரிநாட்டைப்  பார்த்ததுண்டா?  நம்நா  டன்றி
வரிசையாகச்  சாலையோரம்  மரங்கள்  நட்டு
    வளர்த்துநிழல்  அசோகன்தான்  தந்தா  னன்று
பரிசாகக்  கவிஞர்க்கே  ஊர்கள்  தம்மைப்
    பட்டாவாய்  மன்னர்கள்  தந்தா  ரன்று
உரிக்கின்ற  ஆட்டுத்தோல்  போல  இன்றோ
    உரிக்கிறது  வரிகளாலே  நம்நாட்  டாட்சி !

ஈட்டுகின்ற  வருவாயின்  தொகையைக்  கூட்டி
    இடுகின்றார்  வருமான  வரியாம்  என்றே
கூட்டிவரி  பறித்தபின்பும்  கடைக்குச்  சென்று
    கூறியொரு  பொருள்தன்னை  வாங்கும்  போதோ
போட்டுவரி  நம்மிடமே  வாங்கு  கின்றார்
    பொருள்தன்னை  விற்பதற்கு  வரியாம்  என்றே
மாட்டிற்கு  மூக்கிலிடும்  கயிறு  போல
    மக்களுக்கு  வரிக்கயிற்றை  இட்ட  தாட்சி !

மரம்தன்னை  நடுவதற்கும்  வரியாம் !  அந்த
    மரம்பூத்தால்  பூவிற்கும்  வரியாம் !  அந்த
மரம்பூத்த  பூ கனியாய்  மாறும்  போது
    மறுபடியும்  அக்கனிக்கு  வரியாம் !  அந்த 
மரக்கனியோ  விற்பகைக்கு  வந்தால்  அங்கும்
    மறக்காமல்  போடுகின்ற  வரியைப்  போன்றே
அரசின்று  உருவாகும்  ஒருபொ  ருள்கே
    அடுத்தடுத்து  வரிபோட்டே  கொல்லு  தந்தோ !

- பாவலர் கருமலைத்தமிழாழன்

ஓவ்வொரு வார்த்தைக்கும் 
அர்த்தம் உண்டு அழகும் உண்டு
தாக்கமும்  வாசமும் உண்டு
அடுத்த வரி எதிர்கால தேடல் 

பாசத்தில் நிறைவு கண்டு முதல்
வரியை எழுதிவிட்டால் ஆக்கமும்
தேடலும் கூடி விடுகிறது  அடுத்த
வரி  எதிர்பார்ப்பின் வெளிப்பாடு

காதலில் இன்பம் கண்டு மனம்
திளைத்துவிட அனுபவத்தை
எழுதினால் அடுத்த வரி ஈர்ப்பு
இன்பம் எதிர்கால ஆனந்தமே 

இயற்கையின் அழகை ரசித்து
விட்டு அதை கவிதையாக்கி
கொடுக்கும் போது அடுத்த வரி
ரசிப்பாகும் அது  புதுமையாகும் 

தாய்மண்  வாசனையை நுகர்ந்து
விட்டு அதன் அருமையை நல்
பெருமையை   உணர்ச்சி   பட
கொடுக்க அடுத்த வரி சிலிர்ப்பு 

கடல் அலையின் அழகை ஓசை
ஆர்ப்பரிப்பை கேட்டு விட்டு
அழகாக படைப்பின் ரகசியத்தை
சொல்ல அடுத்தவரி புரியாதபுதிர் 

கல்வியின் மேன்மையை திறம்
பட உணர்த்திவிட்டு அடுத்தவர்
பயன்பெறகல்வியை உரைத்திடும்
அடுத்த வரி கலையே காவியமே 
வரிக்கு வரி ஆளுமை திறமை
மெருகு அழகு என்று தீட்டிட
அடுத்த வரி கல்வெட்டு  காலப்
பொக்கிஷம்  எதிர்கால வரலாறு

 
- சீர்காழி .ஆர்.சீதாராமன்

அடுத்த வரியை
வாசிக்கும் ஆர்வத்திலேயே
தொடர்கிறது
கவிதை வாசிப்பு. 

ஒன்றை எழுதும் போது
உருவாகி விடுகிறது மனதில்
அடுத்த வரி. 

அடுத்த வரி
அதற்கடுத்த வரி என
முற்றுப் பெறாமல்
நீண்டு கொண்டேயிருக்கிறது
படைப்பு. 

அடுத்த வரியை
எழுதுவதிலேயே இருக்கிறது
ஒரு படைப்பாளியின்
ஆளுமை. 

அடுத்த வரி
எதுவென தெரியாமலே
முற்றுப் பெறுகிறது
இத்துடன்
இந்தக் கவிதை. 

- பொன். குமார், சேலம்

முதல் வரி எப்படி தொடங்குவது என்று தெரியாமல் பரிதவிக்கிறேன், இதில் எப்படி அடுத்தவரி தொடங்குவது என்று நினைத்தேன். 

நினைத்த நேரத்தில் நீ என்று தொடங்கினேன். 

நீ மட்டும் முதல்வரியாக இருக்க, அடுத்தவரியாக நான் நின்றேன் நின்றது அடுத்த வரிக்கு பிடிக்காமல் போக. 

நின்றேன் காதல் வரிகளோடு, அதில் ஒரு வரி கவிதை உன் பெயர்தான் என் ஆருயிரே ... 

- ந. அருள்செல்வன்

காகிதத்தில் காணும் 
வரிகள் மட்டமல்ல
இதழ்கள்  பிரிந்து
பேசும் வார்த்தைகள் 
ஒலிக்கும் வரிகளே !

கவிஞனின்
முகவரி தேடிய கவிதை 
அடுத்த வரிக்காக 
காத்துக் கொண்டிருந்தது 
கவிஞன் எழுதுகோல்...

குருவின் பார்வையில் 
ஆழ்தியானத்தில் வரும் 
அடுத்த வரிக்காக 
அமைதியாக சீடன்
அமர்ந்திருந்தான் !

காதலன் 
அனுப்பும் குறுஞ்செய்தியில் 
அடுத்து அடுத்து வரும்
வரிச் செய்திக்காக 
காதலி கைபேசியில் 
வழிமேல் விழி வைத்து
காதல் மொழிக்காக
காத்துக் கொண்டிருந்தாள் ! 

காதலி கவிதாவிடம் 
கவிதா! ‘கவி தா’
கவிதை வரியில் 
காதலன் விளையாடினான் !  

- பொன்விலங்கு பூ.சுப்ரமணியன், வன்னியம்பட்டி, ஸ்ரீவில்லிபுத்தூர் வட்டம்

அடுத்தவரி கிடைக்காமல் அல்லாடும் கவிகளுக்கு
 அருந்தமிழில் எடுத்துதவ அரிதான பெண்கவிகள்.!
எடுத்துக்காட் டாயதிலே எங்கும்கால் பதித்திருப்பார்
 எப்போதும் மறையாத எழுத்துக்கள் தந்திருப்பார்.!

கொடுந்தமிழில் கவிதைவரி கெடுபிடியாய் இல்லாமல்
 கொஞ்சுமொழி தமிழிலவர்க் கவிக்கழகுச் சேர்த்திடுவார்.!
அடுக்கடுக்காய் உதித்தபல ஆயிரமாயிரம் கவிஞர்கள்
 ஒளவைமுதல் ஆவுடையக் காள்வரையி லுண்டாமே.!

அடுப்பூதும் பெண்களெலாம் அருங்கல்வி அறிவுபெற
 அவசியமும் இல்லையென அவமதித்துச் சொன்னார்கள்.!
எடுத்துகாட்டாய் இனியவர்கள் எல்லாத்து றையிலுமே
 எழிலொடின்று சிறப்புற்று ஏற்றமுற நிற்கின்றாரே.!

இடுப்பொடிய வேலையின்றி இனிக்கின்ற இல்லறமும்
 இகம்சிறக்க வல்லதுவும் இன்றுமவர் துலங்குகிறார்.!
தடுப்பையெலா மூதிவிட்டுத் தங்குதடை யேதுமின்றி
 தனித்திறமை பெற்றங்கு தரணியெலாம் விளங்குகிறார்.!

ஒருவரியில் சொல்லியதை அடுத்தவரி முடித்திட்டு
 உலகத்தில் உள்ளவற்றை ஒடுக்கிவிட்ட ஒருவனேதான்.!
திருவள்ளு வனென்பனவன் தெவிட்டாத புலமையிலே
 திளைக்காமல் எழுதிவிட்ட தேனின்பச் செம்மொழியில்.!

அருங்கலையாம் எழுதுகலை ஆண்டவனே அருளியது
 அரிதாகத் தெரியவில்லை அருவிபோலக் கொட்டியது.!
இருக்கின்ற கவிகளுக்குள் இமயயெனச் சிறந்தவனாம்
 இவ்வுலகிற் கெடுத்துரைத்தான் இனியகவி பாரதியும்.!

- பெருவை பார்த்தசாரதி

அடுத்த வரி அதற்குள்ளா?
ஜிஎஸ்டியே இன்னும் சீராகா வேளையிலே
இன்னுமொரு வரி விதிப்பா?
இந்தியர்கள் தாங்குவரா?!
எத்தனைதான் அடித்தாலும்
எப்படியோ தாங்குகிறான்
என்றே பாராட்டி...
ஏகமாய் உதைகொடுத்து...
அனுப்பியபின் வடிவேலு 
அழுது கொண்டே சொல்வாரே!
அந்தக் கதையிங்கு...
அடிமனத்தை நெருடிவரும்!

அடுத்தவரி கவிதைக்கு...
அன்பே உன் கண்களன்றோ...
வார்த்தை நீர் சுரக்கும்
வற்றாத நீர்வீழ்ச்சி!
கண்களைச் சிமிட்டாமல்
கண்ணே எனை நிமிர்ந்து...
கொஞ்ச நேரம் பார்!
குவலயமே வியந்து போற்றும் 
காவியத்தை உருவாக்கி...
கலையுலகில் உலவ விட்டு...
உன்மடியில் தஞ்சம்புக
ஓடியும் நான் வருகின்றேன்!

- பெருமழை விஜய், காட்டிகன்,சுவிட்சர்லாந்து

கண்டதை படித்தால் பண்டிதனாவான்
            கண்டதை தின்றால் பைல்வானாவான்
என்பதை உணர்ந்தே என் பாட்டனார்
            இயல்பாய் அறிவை வளர்த்துக்கொண்டார்
அதிக விஷயங்களை தெரிந்தவர் ஆனால்
            ஆரம்பப்பள்ளியில் படித்ததுள்ளார் அவ்வளவுதான்
அவரிடம் இது பற்றி கேட்டறிந்து கொண்டோம்
              அடுத்தவரி டம்கேட்டே அனைத்தையும் அறிந்தாராம்!

அடுத்தவரிடம் கேட்டு பரிட்சை எழுதக்கூடாது
              ஆனால் ஆட்சி செய்யலாம் ஆற்றலுடன்
அடுத்தவரி டம்கேட்டே அட்சியில் மிளின்றார் முதல்வர்
              அவருக்கு எல்லாம் தெரியாது சொன்னால் கோபம் வரும்
அடுத்தவரி டம்கேட்டு பரிட்சை எழுதியள்ளார்   
               ஐ ஏ எஸ்  ஆயி உள்ளார்  பலபேர் இன்று
அடுத்தவரி டம்கேட்டு அறிந்தே வியாபாரம் செய்தவர்
                அனுபவத்தால் உயர்ந்துள்ளார் வியாபாரத்தில்
        
அடுத்தவரி டம் கேட்டே சுச்சுமம் சூப்பர்  சிங்கர் ஆகிறார்
             அடுதவரிடம் கற்று செய்பவர்தனே அகிலம்முழுது முள்ளார்

- ஜி. சூடாமணி, ராஜபாளையம்


மரகதந் தரித்த
மண் மகளின்
குணமிகு கொண்ட
குமரி களின்
ஏகாந்தந் தவிர்த்து
காந்தமாயி ணைத்து
சரிநிகர் சமத்துவம்
சரியாய் தந்து
ஆச்சாரம் பகரும்
ஆச்சரிய மென்று
மெஞ்ஞானம் பரப்பும்
மெய் வாலை யென்று;
பூப்பதும் காய்ப்பதும்
பெண்மையி னியல் பென்று
பூரிப்பு முப்பும்
பெண்மையி னிலக்கணம்;
இயற்கையும் பெண்மை தான்
இயல்பினி லொன்றுதான்
இடும்பைக் குறைத்தால்
கரும்பா யினிக்கும்
கரும்பாய் நினைத்தால்
காவிரி பொங்கும் - அடுத்தது
பெண்ணும் மண்ணும்
புவியின் சொத்து
புரிந்து பார்;
புகழு முன்னை
பாதுகாப்பாய்
கடைசி வழியாய் - இராமன்
கணை தந்த வழியாய்.......

- முகில் வீர உமேஷ், திருச்சுழி

சைக்கிள் ஓட்டக் கற்றுக் கொள்ளும்
சிறுவன் எந்த நொடி விழுவான்
எந்த நொடி எழுவான்?

புயல் காற்றில் ஊசலாடும்
மொட்டை மாடிக் கொடி கயிறு
அறுந்து விழுமா? விழாதா?

வெட்டி வீழ்த்தப்படாமல் மரங்கள் 
சாலையோரம் பூத்திருக்கும் காட்சி
கனவா? நிஜமா?

புல்தரையில் வெகுதூரம் நடந்த
நினைவில் இன்னும் ஈரம் 
இருக்குமா? மறக்குமா?

ஞாபகச் சிமிழுக்குள் புதைந்த
தொலைந்த உறவொன்றின் துயர் 
நீங்குமா? தொடருமா?

வெகு நேரம் விழித்திருந்து
எழுதிய இக்கவிதையின் அடுத்தவரி
சரியா? பிழையா?

- உமா

]]>
Poem, கவிதை, kavithaimani, கவிதைமணி, அடுத்த வரி, next line http://images.dinamani.com/uploads/user/imagelibrary/2018/7/24/w600X390/1_42ebJizcUtZBNIZPmmMZ5Q.jpeg http://www.dinamani.com/specials/kavithaimani/2018/jul/24/அடுத்த-வரி-2966906.html
2966907 ஸ்பெஷல்ஸ் கவிதைமணி இந்த வாரத்திற்கான தலைப்பு: ‘முதல் தனிமை’ கவிதைமணி DIN Tuesday, July 24, 2018 06:17 PM +0530 'அடுத்த வரி’ என்ற தலைப்பிற்கு கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: முதல் தனிமை

 

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் வரும் சனிக்கிழமைக்கு முன்பாக அனுப்ப வேண்டுகிறோம். கவிதைகள் திங்கள் முதல் புதன்கிழமை வரை வெளியிடுவோம்.

]]>
poem, poetry, first loneliness, http://images.dinamani.com/uploads/user/imagelibrary/2018/7/24/w600X390/maxresdefault_1.jpg http://www.dinamani.com/specials/kavithaimani/2018/jul/24/இந்த-வாரத்திற்கான-தலைப்பு-முதல்-தனிமை-2966907.html
2962677 ஸ்பெஷல்ஸ் கவிதைமணி மழை இரவு கவிதைமணி DIN Wednesday, July 18, 2018 11:20 AM +0530  

மழையே மழையே
மகிழ்ந்து மகிழ்ந்து 
குழந்தைபோல் விளையாட  
விண்ணுக்கும் மண்ணுக்கும் 
ஏணி அமைக்க வா !

மழையே மழையே 
பகலவன் சூடு தணிய 
விண்ணில் விளையாடும் 
கருமேகமே மழைத்துளிகளை
மண்ணுக்கு மலர்போல் 
இரவில் அள்ளி வீசு !

மழையே அந்தி மழையே 
விண்ணில் சிந்து பாடி 
மண்ணில் நொந்த உயிர்கள்
மகிழ்ந்து வாழ – நீ 
மண்ணில் வந்து விளையாடு !

மழையே இரவு மழையே 
மண்ணில் நீ வீழ்ந்தால் 
மரம் செடிகொடிகள் 
மகிழ்ந்து தலையாட்டும்
விண்ணில் தோன்றும் 
முழுநிலவு மறைந்து
நின்று குடை பிடிக்கும் !

இரவில் 
பெய்யும் மழைத்துளிகள் 
ஏழையின் குடிசையில்
தலையாட்டும் மண்பானையில்
இனிய ஜலதரங்கம் 
விடிய விடிய இசைக்கும் !
 
- பொன்விலங்கு பூ.சுப்ரமணியன் 
வன்னியம்பட்டி, ஸ்ரீவில்லிபுத்தூர் வட்டம் 
 

]]>
http://images.dinamani.com/uploads/user/imagelibrary/2018/7/18/w600X390/DSC_0013.JPG http://www.dinamani.com/specials/kavithaimani/2018/jul/18/மழை-இரவு-2962677.html
2962030 ஸ்பெஷல்ஸ் கவிதைமணி இந்த வாரத்திற்கான தலைப்பு: ‘அடுத்த வரி’ கவிதைமணி DIN Tuesday, July 17, 2018 05:53 PM +0530 'மழை இரவு’ என்ற தலைப்பிற்கு கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டியகவிதைக்கான தலைப்பு:

 

உங்கள் கவிதைகளை askdinamani@dinamani.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யுனிக்கோடு எழுத்துருவில் டைப் செய்து மேற்கண்ட மின்னஞ்சலில் வரும் சனிக்கிழமைக்கு முன்பாக அனுப்ப வேண்டுகிறோம். கவிதைகள் திங்கள் முதல் புதன்கிழமை வரை வெளியிடுவோம்.

]]>
kavithaimani, dinamani, கவிதை, கவிதைமணி, அடுத்த வரி http://images.dinamani.com/uploads/user/imagelibrary/2013/1/11/10/w600X390/books.jpg http://www.dinamani.com/specials/kavithaimani/2018/jul/17/இந்த-வாரத்திற்கான-தலைப்பு-அடுத்த-வரி-2962030.html
2962028 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 05:46 PM +0530  

மழை......இது பெய்யாவிடில்
தழைக்காதே ஞாலம்!
உழைக்கும் வர்கம் 
அயர்ந்து உறங்கும் 
இரவு நேரத்தில் 
"சோ" என இரைச்சலுடன் 
பெய்யும் மழை 
அவர்களுக்கு தாலாட்டு!
அடித்து பெய்த 
இரவு  மழையில் 
பள்ளங்களில்   நீர் நிறைய 
உள்ளம் கேட்கும் அந்த 
நீரில் இருக்கும்  தவளை 
செய்யும் சப்தம்!
உயிர் வாழ நீர் தேவை 
அது பொழிவது இரவானால் 
அதையும் ரசிப்பவர் 
மகிழ்ச்சியில் சொல்வது 
"மழை இரவு" 

- உஷாமுத்துராமன், திருநகர்

]]>
http://images.dinamani.com/uploads/user/imagelibrary/2018/7/17/w600X390/rainy.jpg http://www.dinamani.com/specials/kavithaimani/2018/jul/17/மழை-இரவு-2962028.html
2962027 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 05:45 PM +0530  

* கவிதையாய்
என் நோட்டு புத்தகத்தை
நனைத்த மழை இரவு

* காதலியுடன்
குடைக்குள்ளும்
நண்பனுடன் தேநீர்
கடைக்குள்ளும் ஒதுங்க
வைத்த மழை இரவு

* மரங்களின் கூட்டிற்குள்
இருக்கும் குஞ்சுபறவை எப்படி
இருக்கும் என என் இதயத்தில்
இருந்த இரக்கத்தை 
வெளிக்கொணர்ந்த மழை இரவு

- கு.வைரச்சந்திரன் திருச்சி

]]>
http://images.dinamani.com/uploads/user/imagelibrary/2018/7/17/w600X390/images_9.jpg http://www.dinamani.com/specials/kavithaimani/2018/jul/17/மழை-இரவு-2962027.html
2962026 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 05:43 PM +0530  

நிசப்தமான பின்னிரவுக்கும் முன்னிரவுக்கும் 
இடைப்பட்ட கால வெளியில்
நீண்ட மூச்சு சத்தங்களோடு 
உறங்கிய உந்தன் அருகாமையில் 
விழித்திருக்கும் என் தூங்கா இதயத்தில்
ரீங்காரமாய் கேட்கும்
மழைத் துளி ஓசை
சோ - என்று
இரு வீட்டு மதில் மேல் 
குட்டிகளோடு வசித்து வரும் பூனை,
அருகாமையில் பட்டுப் போன 
தென்னை மரப் பொந்தில்வசித்து வந்த
ஆந்தை கூட்டம்,
எங்கோ தூரத்தில் வரிசையாய் 
வகை வகையாய் குலைக்கும் நாய்கள் |
சிறு வயதில் பயமூட்டிய முனி
நடமாட்டமோ என எண்ணத் தூண்டிய
யாரோ விசையோடு குதித்த ஓசை,
கரு நிழலில் - துடிக்கும் லப்டப் சத்தம்,  
வவ்வால் சிலவற்றின் வலசை
என்று - எல்லாம் காதில் விழுகிறது
எப்போது தூங்கினேன் என
தெரியாமலே தழுவும் உறக்கமும்,
நீ இன்றி நிஜத்தில்
நழுவும் பொழுதுகளும்,
விதிவசத்தால் எனை யாருடனோ 
தூங்க வைப்பதை திரும்பவும் நினைவூட்டும்
மழை இரவு,
மீண்டும் சூரிய உதயத்தில் 
முகிழ்ந்து மறைந்த மண் மணமாய்
காணாமல் தான் போகின்றது, 
அடுத்த நாளின் துவக்கத்திற்காக

- கவிதைப் பிரியன்

]]>
http://images.dinamani.com/uploads/user/imagelibrary/2018/7/17/w600X390/images_12.jpg http://www.dinamani.com/specials/kavithaimani/2018/jul/17/மழை-இரவு-2962026.html
2962023 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 05:16 PM +0530  

மழையிரவில் மனம் மகிழ...
போர்த்திக் கொண்டு உறங்குவதில் 
உண்டாகும் சுகத்துக்கு ஈடுண்டா?!

மழையிரவில் உளம் நெகிழ...
நா.பா  கல்கி  நாவல்களை 
படித்தின்புறலுக்கு இணை யேது?

மழையிரவில் இதயம் குளிர...
இளம்பிராயத்தை அசை போட்டு
இருப்பதிலல்லவா பெருஞ் சுகம்!

மழையிரவில் மனஞ் சோர்ந்து...
மறைந்தோர் தனை நினைந்து
புலம்புவதிலும் ஒரு புதுசுகம்!

- பெருமழை விஜய், காட்டிகன், சுவிட்சர்லாந்து

]]>
http://images.dinamani.com/uploads/user/imagelibrary/2018/7/17/w600X390/main-qimg-21926b6e3ed15f5af1ab624d37fc7377-c.jpg http://www.dinamani.com/specials/kavithaimani/2018/jul/17/மழை-இரவு-2962023.html
2962021 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 05:13 PM +0530  

மழை இரவு மயக்கும் இரவாகும் இளங் காதலர்க்கு
இழை இழையான இன்பப் பிணைப்புப் பிடிக்குமவர்க்கு
உழைப்பு மறந்து உல்லாசம் தேடும் உணர்வு அவர்க்கு
அழைப்பு ஏதும் செவியில் ஏறாத மோன நிலையவர்க்கு

சிந்தனைகள் சிறகடிக்கும் சில்லென்ற கவிதை வரும்
நிந்தனைகள் நீர் விலக அன்பு ஊற்று பெருகி வரும்
எந்தனை உந்தனை என உலகைச் சுற்றி வரும்
வந்தணைக்கும் வண்ண மயிலும் காதல் தருமே

மண்ணிளக்கம் பற்றி மனம் மகிழ்ச்சியில் திளைக்கும்
எண்ணியெண்ணி இன்பக் குளத்தில் மனம் நீந்தும்
கண்ணில் நாளைய வயலின் உழுதல் வந்துபோகும்
விண்ணின் மழை விளைக்கும் இன்பம் இனிக்குமே

இரவின் விளக்குகள் மின்மினிகளென கண்ணசைக்கும்
பரவும் நீர் வாகனங்களை வளமாகவே புதுப்பிக்கும்
மரத்திலெல்லாம் நீர்த்துளிகள் மினுமினுக்கும்
வரமாக வந்த மழை இரவை வண்ண மயமாக்குமே

நித்திரையின் வெப்பத்தை நன்றாகத் துடைத்துவிடும்
சித்திரையும் ஐப்பசி போலாகி இன்ப இரட்டிப்பாகிடும்
முத்திரையாய் முழுநிலைவையும் வெண்மையாக்கிடும்
இத்தரைமீது வந்துதித்த மழை இரவு இன்பமல்லவா.

- கவிஞர்  ராம்க்ருஷ்

]]>
http://images.dinamani.com/uploads/user/imagelibrary/2018/7/17/w600X390/1234.jpg http://www.dinamani.com/specials/kavithaimani/2018/jul/17/மழை-இரவு-2962021.html
2962020 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 05:10 PM +0530  

ஒரு மழை இரவு 
குழந்தை பருவமாக இருந்தால்
குதித்து கும்மாளமிடலாம்
வாலிப பருவமாச்சே!
மழை வலுக்க வலுக்க
கொஞ்ச நஞ்சமிருந்த
பகலும் இரவுக்குள் அடமானம் ஆனது
அதென்னவோ மழை தூறல் விழுந்தாலே
எங்க ஊர் மின்சாரம்                                                        
காணாமல் போய்விடும்
பகலாயிருந்தாலும் வேடிக்கை பார்க்கலாம்
இரவாயிற்றே ஒருவர் முகம்
ஒருவருக்குத்தெரியாது
அதுவும் கூட வசதிதான்
அறைக்கதவை சாத்திவிட்டு
படுக்கையில் விழுந்தேன்
இரவு நேரஅமைதி கூட
கடல் அலையாய்
ஆர்ப்பரித்த்து என்னுள்
முந்தையஒரு மழை நாளில்
நானும் அவளும்
பற்றிய கைகளினூடே
பார்த்த விழிகளோடு படர்ந்த காதல்
மழையால்  நெருக்கமாய்  இறுக்கமாய்
மழைத்துளியின் வாசனையில்----
தம்பி சாப்பிடவாடா அம்மாவின் குரலால்
களைந்து எழுந்தேன்
உறங்கி கிடக்கும் உணர்ச்சிகளை
கிளர்த்திவிட்டுப்போவதில்
குரூர திருப்தி இரவு நேர மழைக்கு

- சரஸ்வதி ராசேந்திரன்

]]>
http://images.dinamani.com/uploads/user/imagelibrary/2018/7/17/w600X390/splashing-water-umbrella-rain-black-white-color-tone-93600367.jpg http://www.dinamani.com/specials/kavithaimani/2018/jul/17/மழை-இரவு-2962020.html
2962019 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 05:08 PM +0530  

தூது செல்லும்
மேகத்  தோழிகளே ...
சூரியக் காதலன்
உங்கள் காதலை
ஏற்று கொள்ளாததனால் தானோ...
இரவில் மழையை
கண்ணீராய் உகுக்கின்றீர்களோ ...?
இரவின் மழையே ...
நீதான் அற்புதமான பொருள்  ...
ஏனென்றால்,
ஒளியை கண்டு எல்லோரும்
மயங்குவது இயல்பு ....
ஆனால் நீ  இருளை கண்டு
மயங்கினாயே.....!
வரையா மரபின் மாரி நீதானே...?
மழைக்காலனே...
நீ உன் தூதர்களான
இடி மின்னலுடன்
என்னை கைது செய்து கொண்டு போயேன்...!

- த.தினேஷ், கடலூர்.

]]>
http://images.dinamani.com/uploads/user/imagelibrary/2018/7/17/w600X390/images_6.jpg http://www.dinamani.com/specials/kavithaimani/2018/jul/17/மழை-இரவு-2962019.html
2962018 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 05:05 PM +0530  

எத்தனையோ இரவுகள் வந்து 
போகும் ஆனாலும் சிறப்பு அழகு
மழை இரவு நீங்காத சிதறல் ஓசை
மனதை தட்டி எழுப்பும் இசை

கவிதைகளும் இயற்கை கனவு
அதில் எழும் எழுச்சி இன்பம்
காதில் விழும் நீரோசை காண
கண்கோடி வேண்டும் இசை இரவு 

இடியின் இசை மின்னலின்
வெட்டல் வேகம் இருட்டின் அழகு
ஓயாமல் பெய்யும் மழை ரசிக்க
மழை இரவு இயற்கையின் வரம்

இருண்டு கிடக்கும் வானில் புது
தோற்றம் நொடி மறைவு மின்னல்
அதன் தாக்கம் ஒரு  இடிசத்தம் 
மழை இரவு மெளனம் ஜொலிப்பு

குழந்தைகள் ஆனந்தம் துடிப்பு
எதிர்பார்ப்பு வேடிக்கை மகிழ்ச்சி
குதூகல கொண்டாட்டம்  மழை
இரவு மனதின் இன்ப நிறைவு 

எத்தனை இரவுகளிலும் மனமது
மறக்காத இரவு முதல் இரவும்
மழை  இரவும்   மட்டுமே  துளிர் 
விடும் சிந்தனை புதுமகிழ்ச்சியே

நினைவுகளை கடந்த கால 
வாழ்க்கையை அசை போட
மனம் அதில் திளைக்க உகந்த
காலம் என்றும் மழை இரவே
 
தூய மண்வாசனையை  நுகர 
இயற்கையின் வர்ண ஜாலத்தை
ரசிக்க ஒரே ஒரு மழை இரவு
போதாது தொடரட்டும் நல்லிரவு

- சீர்காழி .ஆர்.சீதாராமன்

]]>
http://images.dinamani.com/uploads/user/imagelibrary/2018/7/17/w600X390/120127_011.jpg http://www.dinamani.com/specials/kavithaimani/2018/jul/17/மழை-இரவு-2962018.html
2962016 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 05:02 PM +0530  

மழை காலம் ஒருநாள், 
மழை இரவு இருட்டு சூழல்
மழைச் சாரலுடன் 
முற்று பெறாத கதையுடன் தாத்தா!
மழையாகி இங்கே, 
கதைசொல்லியாக வந்தார்
மழை பேசினது ! 
ஆம்! தாத்தா தான் பேசினார் மழையாக!
மழை நான்! எனக்கு 
பெற்றோர் உண்டு, கதிரவன்-கடலன்னை
மழைக்கு காதலன் உண்டு, 
குளிர் காற்றே நாயகனாவான்!
கதிரவன் தன்வெப்பக் கதிர்களாலே 
கடல் அன்னையை கட்டிதழுவு வான்
அதிலெழும் வெப்பத்தால் 
ஆவியாகி நீர் மேகமாய் 
கருக்கொண்டு மாறும்
காற்றெனும் காதலன் 
தன் கருணை காட்ட 
கார்மழையென பொழிகிறேன்  
ஆற்று வெள்ளமாய் அவதரிப்பேன்! 
அகிலம் தழைத்திட வழிவகுப்பேன்!
ஊற்றாய்க் கூட உதயமாகி நிற்பேன்!
ஓங்கி அருவியாய் சிரித்திடுவேன்!  
என்னால் மக்களுக்கு ஜல மின்சாரம் 
எடுக்க அருவியாய் உதவுவேன்
சீற்றத்தால் அழிவு 
சில சமயம் வெள்ளமாய் 
உருவெடுத்து பாயும்போது
கைமாறு கருதாமல் உதவுவேன், 
நீங்களும் உதவுங்கள் என்போல்!
கதைசொல்லி கதை முடித்தார், 
காது கொடுத்து கேட்டோம்,களித்தோம்
கும்மிருட்டு, தாத்தா விடைபேற்றார்,
கொட்டியது மழை! குதூகலித்தோம்!

- கவிஞர் .அரங்க.கோவிந்தராஜன்

]]>
http://images.dinamani.com/uploads/user/imagelibrary/2018/7/17/w600X390/12.jpg http://www.dinamani.com/specials/kavithaimani/2018/jul/17/மழை-இரவு-2962016.html
2962015 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:57 PM +0530 இரவு மழை பொழிந்தாலும்
உறவு மழையில் நனைந்தாலும்
உள்ளங்கள் தோறும் மகிழ்ச்சிதானே!

பகலென்ன இரவென்ன
பார் செழிக்கச் தேவை மழை தானே
மேகம் கடலில் வாங்கிச் சுமந்தே
கருக்கொண்டே கார்முகிலாகி
மலையரசியின்  மரக்கரங்களால்
ஈர்க்கப்பட்டு காற்றோடு கலந்தே
நிலமகளைக்  குளிரூட்டி ஆறு குளம்
நிரப்பித் தாவி உயிரெல்லாம்
ஆனந்தம் அடையச் செய்தே
பிறப்பிடமாம் கடலைச் சேர்வது மழைதானே!
படைத்தவனின் பெருமை பேசும்
பண்புமிக்க உயிர்நீரும் மழை தானே!

பகல் மழையால் பாதிப்பு வரக்கூடும்
இரவு மழை பேரின்பம் தரக்கூடும்
இரவு மழையே தவறாது வருவாயே
இந்தியாவில் இன்பமழைபொழிவாயே.

- புலவர் நரசிம்ம சுப்பிரமணியன், சிறுமுகை
 

]]>
http://images.dinamani.com/uploads/user/imagelibrary/2018/7/17/w600X390/images_.jpg http://www.dinamani.com/specials/kavithaimani/2018/jul/17/மழை-இரவு-2962015.html
2962014 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:52 PM +0530  

கருமேகங்கள் சூழ்ந்து இருளை மேலும் இருளாக்க
காரிருளை கிழித்துக்கொண்டு பெய்யென பெய்யும் மழை!
மின்விளக்குகள் அணைந்து போய்
எண்ணெய் விளக்குகளுக்கு உயிர்கொடுக்கும் மழை!
நகரின் இரைச்சலை அமைதியாக்கி
நிகரில்லா ஓசையோடு பெய்யும் மழை!
சாலைகள் எல்லாம் ஓடைகள் ஆக
நகரத்து அழுக்குகள் அதில் கரைந்து ஓட
நதிகளை தேடி ஓடும் நல்ல மழை!
தனிமையான ஓர் மழை இரவு
மனதினை திறந்து பார்க்கிறது!
நினைவுகளை பின்னோக்கி இழுத்து
இன்றைய இரவினை இனிமையாக்கி
சென்ற காலங்களை கண்முன் விரிக்கிறது!
பேரிரைச்சல் மழையில் ரீங்காரமிடும்
பெரும் நினைவுகளை மீட்டெடுக்கையில்
புதிதாக பிறப்பெடுக்கிறோம்!
மழை இரவுகள் உள்ளத்தின் ஈரத்தை
ஊறச் செய்கிறது! உதிரும் நீர்த்துளிகள்
மனதை கழுவி புதுப்பிக்கிறது!
மழை கழுவிய சாலைகளில் நடக்கையில்
மனதில் உற்சாகம் பிறப்பெடுக்கிறது!

- நத்தம்.எஸ்.சுரேஷ்பாபு

]]>
http://images.dinamani.com/uploads/user/imagelibrary/2018/7/17/w600X390/book-shield-children-from-darkness.jpg http://www.dinamani.com/specials/kavithaimani/2018/jul/17/மழை-இரவு-2962014.html
2962013 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:49 PM +0530  

மழை  வருமா  வராதா ...எல்லோர் 
மனதிலும் இந்த கேள்வி ஒன்றுதான் !
அந்திக் கருக்கலில் கொட்டியது மழை !
பட்டென கேட்டார் எல்லோரும் 
"என்ன மழை இது ...வீட்டுக்கு நான் 
எப்படி செல்ல ?"
இந்த மழை இரவில் பொழியக் கூடாதா ?
இரவு முழுதும் மழை ....காலையில் 
வெய்யில் என்று இருக்கக் கூடாதா ?
மழை நான் கேட்கிறேன் .. மனிதா உன் வீட்டுக்கு 
எப்படி செல்வது மழை என்னுடன் பயணித்து என 
நீ கேட்கிறாய் ! 
வீடு என்று ஒன்று இல்லாத நடைபாதை வாசிகள் 
மழை இரவிலும் "இரவில்  மழை ஏன்" என்று இதுவரை 
என்னைக் கேட்டது இல்லையே !
என் வரவுக்கு இறைஞ்சும் நீ... நீ சொல்லும் 
நேரம் மட்டும் நான் வர வேண்டும் என்று 
நினைப்பது என்ன நியாயம் ? 

- கே.நட்ராஜ்

]]>
http://images.dinamani.com/uploads/user/imagelibrary/2018/7/17/w600X390/DSC_0013.JPG http://www.dinamani.com/specials/kavithaimani/2018/jul/17/மழை-இரவு-2962013.html
2962012 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:46 PM +0530  

அடைமழை இரவு; அதிலொரு கனவு 
எனைமட்டும் உயிராய் நினைந்திடும் உறவு;

தனிமையில் நிலவு; தவித்திடும் பொழுது 
துணையென பொழியும் கருணையும் அழகு 

குழந்தையின் சிரிப்பாய் குளிர்ந்திடும் மனது
பொழிந்திதும் அழகில் மகிழ்ந்திடும் இரவு

கொடுந்தண லதனில் புழுங்கிடும் பொழுது 
கடுங்குளிர் வழங்கும் துளிகளும் இனிது 

நெடுந் தனிமைகளைக்  களைந்திட  விழைந்து  
உறவெனப் புகுந்தாய் உயிருக்குள் நுழைந்து 

மழை கண்டவுடனே மேகங்கள் கொண்டு 
அகம் மறைத்திடுமே முழுமதி விரைந்து 

உனைக் கண்டவுடனே விரல்களும் குவிந்து 
முகம் மறைத்திடுமே வெட்கத்தில் குனிந்து 

பிரிவென்ப தொன்று நிகழ்வதன் கருத்து 
உறவென்ப ததனைப் புதுப்பிக்கும் பொருட்டு 

மழையொழிந்த பின்னும் ஒளிர்ந்திடும் நிலவாய்
உன் நினைவுகளுடனே நிறைந்திடும் மனது  !!!!

- கவிஞர் டாக்டர். இராஜலட்சுமி இராகுல்

]]>
http://images.dinamani.com/uploads/user/imagelibrary/2018/7/17/w600X390/little-girl-with-umbrella-in-hands-jumping-in-the-rain_nyw7bveve__F0000.png http://www.dinamani.com/specials/kavithaimani/2018/jul/17/மழை-இரவு-2962012.html
2962011 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:42 PM +0530  

அண்ணலும் நோக்கினான் அவளும் நோக்கினாள் 
என்று நான்கு கண்கள் சந்திக்கும் காட்சியை 
கம்பன் பாடிய போது கம்பனுக்கு மகிழ்ச்சி!  
கம்பன் பாடிய காவியத்தில் சீதை  
ராமனைப் பார்க்க ராமன் சீதையைப் பார்க்க 
நமக்குள்ளே பற்றிப்  படர்கிறது மட்டற்ற மகிழ்ச்சி!  
எங்கோ இருக்கும் காதலியை 
மனக்கண்ணில் பார்க்கும் போது 
எண்ணத்தில் நிறைவது 
ஈடில்லா மகிழ்ச்சி!  
உள்ளம் தவித்திருக்கும் ஒற்றை மனிதனுக்கு 
அன்னை தந்தை மனைவி மக்கள் 
எண்ணம் ஒன்றே இன்ப மலர்களாய் ஏற்படும் மகிழ்ச்சி !  
பேச்சில்  உயர்ந்து கவிதையில்  
சிறந்து விளையாட்டுப் போட்டிகளில் வெற்றி  
பெற்றுவிடும் மாணவர்களின் குதூகலம் 
விண்ணைத் தாண்டிச் செல்லும் 
வேகத்தில் மகிழ்ச்சி !  
வளமான பொருளாதாரம் வந்துவிட்டால் 
வறிய, எளிய மக்களுக்கு வாணளவு மகிழ்ச்சி !  
பஞ்சமும் பசியுமின்றி கொஞ்சமும் குறைகளின்றி 
நெஞ்சிலே குளிர்வைத் தந்து 
கொஞ்சிடும் பருவத்தால் பொய்க்காது 
பொழிகின்ற மகிழ்வு நிலையே ‘மழை இரவு’

- நம்பிக்கை நாகராஜன்

]]>
http://images.dinamani.com/uploads/user/imagelibrary/2018/7/17/w600X390/minnal-act.jpg http://www.dinamani.com/specials/kavithaimani/2018/jul/17/மழை-இரவு-2962011.html
2962007 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:34 PM +0530 நள்ளிரவு 
இருளில் கோடு வரையும்
வெள்ளைமழை

தூரத்து மலையில் இருந்து
அவசரமாய் இறங்கும்
அருவி

அமைதியாகக் குளிக்கும்
சாலைகள்

புதுசிவன் புதுநக்கீரன் சொற்போர்
பூக்களைத் தழுவிய மழைக்கு
மணமுண்டா?

தாமரைக் குளத்தில் 
தவளைகள் நடத்தும் 
விவாத அரங்கு 

மூடிய அறைக்குள் குறட்டைவிடும் உன்னை
நிராகரித்து நடக்கிறது
மழையிரவு

- கோ. மன்றவாணன்

]]>
http://images.dinamani.com/uploads/user/imagelibrary/2018/7/17/w600X390/57670376-people-with-umbrella-in-the-rain-bird-s-eye-view-.jpg http://www.dinamani.com/specials/kavithaimani/2018/jul/17/மழை-இரவு-2962007.html
2962004 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:32 PM +0530  

மழை இரவு மழையால் 
நனையிதிங்கு நம் உறவு முக்
காலத்துள் ஒரு கால வரவது 
பூமி குளிர்ந்து மனதிற்கு நிறைவு 
நோய்கள் குமுறி ஓடி மறைவு
பசுமைக்கில்லை ஒரு குறைவு

ஆழ்ந்து சிந்திக்க ஆதரவிழந்து 
நடைபாதை மனங்கள் நாளும் 
படும் உபாதை கொஞ்சமன்று 
ஆண்டுக்கு ஆண்டு நிகழும் 
பழகிவிட்ட ஒன்றாயினும் மழை 
இரவு அதை வெருப்பாரில்லை

இரவு தூக்கமில்லை ஒருபக்கம் 
வெள்ளம் வருமோ அடித்து போய்
பள்ளத்தில் விட்டு விடுமோயென 
நாடி நரம்பெல்லாம் மிருதங்கம் 
வாசித்திட பயந்து யோசிக்கும் 
நிலை மாற வேறு வழியில்லை 

வாரைமேல் அமைந்த கூரையை 
வாரி எறிந்து விடுமோ காற்று 
நாப்பக்க சுவரையும் மேப்பக்க
கூரையையும் உற்று நோக்கியே 
கோழித்தூக்கம் தூங்கி நாளும்
காலத்தை கழிக்கும் நிர்பந்தம்

இருள் என்றாலே மிரள் என்றே 
பொருள் கொண்டு மிரட்டிவிடும்
அதிலும் "மழை இரவு" நித்திரைக்கு
அரக்கு பூசி முத்திரை குத்திவிடும்
யாரைச் சொல்லிக் குற்றமில்லை
கடவுள் செய்த குற்றமென்றாகிடும்

- ஆபிரகாம் வேளாங்கண்ணி, மும்பை மகாராஷ்டிரா 

]]>
http://images.dinamani.com/uploads/user/imagelibrary/2018/7/17/w600X390/main-qimg-231aa6b7d532be5b31f95ab9439c9157-c.jpg http://www.dinamani.com/specials/kavithaimani/2018/jul/17/மழை-இரவு-2962004.html
2962001 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:29 PM +0530  

நிலவை பூட்டி வைத்தது
கருப்பா வெளுப்பா என்று தெரியாத
சில இருட்டு மேகங்கள்—
இந்த பூமியை நனைக்க
என்னைப் பயன்படுத்தினாயே  
என்று ஆனந்தக்கண்ணீரை
தரைகளில் கசக்கியது இரவு –
வானத்தில் கட்டிய தேன்கூடுகளை
இரவில் உடைத்தது யார்
என்ற ஐயம்,  ருசித்த இளைஞர்களுக்கு—
மழை இரவில்
மனமுவந்து நடனமாடியவர்கள்
வெய்யிலைப் போற்றுவரோ ?
குடை இல்லை
என்று மகிழ்ந்தவர்கள்
உலகத்தை ரசிக்கத்தெரிந்தவர்கள் –
சொட்டும் மழையை விடு –
கொட்டும் மழையில்
சில குடிசைகள்
சிணுங்கி அழும் –
அவை மேலே பட்டும்,  
உடல் உழைத்த அசதியில்
சில ஏழைகளின்
உறக்க ஊர்வலத்தில்
தடையே இல்லை –
மகிழ்ச்சியில் சில தவளைகளின்
அன்புச்சத்தங்களை
செவியில் வாங்கியபடி, கையில்
சூடான தேநீரும் , சுஜாதா நாவலுமாய்
ஜன்னலோரத்தில் மழையிரவில் நான் –

- கவிஞர் டாக்டர் எஸ். பார்த்தசாரதி -- MD DNB PhD

]]>
http://images.dinamani.com/uploads/user/imagelibrary/2018/7/17/w600X390/download.jpg http://www.dinamani.com/specials/kavithaimani/2018/jul/17/மழை-இரவு-2962001.html
2961999 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:22 PM +0530  

அது ஒரு மழை இரவு..
மனைவியின் ஆலிங்கன ஆசையில்
மச்சுவீட்டில் ஏறி பாம்பை கயிறாகப் பிடித்து
மனைவி முன் நிற்க 
அவள் சொன்னாள்
“என் ஆசை தவிர்;”
“அவன் ஆசை கொள் ”
பிறந்தது துளசி இராமாயணம்
அது ஒரு மழை இரவு..
ஓட்டைத் தகரக் குடிலில் விழுந்த
மழைத்துளி தான் தாய்ப்பாலெனச்
சப்பிய குழந்தையை அணைத்து
அழுதவளின் வேதனையில்
கணவன் எழுதினான் மூலதனம்
அது ஒரு மழை இரவு..
இயற்கையின் தாய்ப்பாலாய் 
மழைத்துளி விழ வழியும் 
தாயின் மடியைச் சுவைத்துவிட்டு
சிலிர்த்து நின்றது ஆட்டுக்குட்டி
அது ஒரு மழை இரவு..
தெருவிளக்கின் வெளிச்சத்தில் 
தெரிந்த மழையின் கம்பீரம்
சற்றே காதலில் என்னுள்ளும் புகுந்தது
அலறிய அலைபேசியை அணைத்தேன்
மழைத்துளியின் சங்கீதம் கேட்க

- மகேஸ்வரி சற்குரு

]]>
http://images.dinamani.com/uploads/user/imagelibrary/2018/7/17/w600X390/tumblr_noqcu2trBB1rfp1lho1_500.jpg http://www.dinamani.com/specials/kavithaimani/2018/jul/17/மழை-இரவு-2961999.html
2961995 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:18 PM +0530  

இலைப் பிரதேசங்களிலிருந்து பூமித்தாய்க்கு 
இலவச சொட்டு நீர்ப் பாசன விநியோகம். 
மரக் கூடுகளிலிருந்து தேகம் சிலிர்த்த வண்ணம்
விண்வீதியில் கிளர்ந்த புள்ளினங்கள்.
நடுக்கம் தெளிந்து நடுவீதிக்கு ஏகும் 
ஒடுங்கி இருந்த ஐந்தறிவு ஜீவன்கள்.
முந்தைய இரவு முழுமையாக முக்காடு விலக்கியது  
வானம் என்பதை பறைசாற்றிய நிகழ்வுகள். 
பசுமைப் புரட்சிக்காரர்களின் ஏகோபித்த சந்தோஷங்கள். 
படுக்க இடமில்லாத தெருச்சொந்தங்களின் சாபங்கள். 
எது எப்படியோ, சந்தோஷமாக மழையில் 
நனைந்த குடைகள் பாவாடை 
விரித்து படுத்திருந்திருந்தன
வீட்டின் நுழைவாயில் நடைபாதையில். 

- பான்ஸ்லே. 

]]>
http://images.dinamani.com/uploads/user/imagelibrary/2018/7/17/w600X390/download_1.jpg http://www.dinamani.com/specials/kavithaimani/2018/jul/17/மழை-இரவு-2961995.html
2961991 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:13 PM +0530  

மேகக் கூட்டங்களுடன்
மோதிய முழு மதி
தோற்றுப் போனதால்
இடி விழுமென பயந்த
மும்முனை மின்சாரம்
ஓடி ஒளிந்துகொண்டது
மேகம் சுமந்த நீரை
மெதுவாகப் பொழிந்து
மண்ணுக்குப் பரிசளித்து
மின்னல் விளக்கால்
இருட்டின் அழகை
வெளிச்சமிட்டுக் காட்டியது
அந்த மழை இரவு!

- சு.ஜெயக்குமார்

]]>
http://images.dinamani.com/uploads/user/imagelibrary/2018/7/17/w600X390/mazhai_minnal.jpg http://www.dinamani.com/specials/kavithaimani/2018/jul/17/மழை-இரவு-2961991.html
2961989 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:08 PM +0530  

அதிகாலை மழை செய்யுள்
அறிந்தவர்களுக்கு மட்டுமே புரியும்
காலை மழை மரபுக் கவிதை
படித்தவர்களுக்கு மட்டுமே புரியும்
வானவில்லோடு வரும் மதிய மழை ஹைகூ
புரியாதவர்களையும் ரசிக்க வைக்கும்
முன் இரவு மழை நவீன கவிதை
உற்று கவனித்த பின்னரே ரசிக்க வைக்கும்
செய்யுள் மரபு புதுமை நவீனம் ஹைகூ
எல்லாம் கலந்திருக்கும் இரவு மழை
மழை இரவாக மாற்றம் காணும் காப்பியமாகும்!

-கே.ஆர்.கார்த்திகா, திருப்பத்தூர்

]]>
http://images.dinamani.com/uploads/user/imagelibrary/2018/7/17/w600X390/rain-003-1.jpg http://www.dinamani.com/specials/kavithaimani/2018/jul/17/மழை-இரவு-2961989.html
2961987 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 04:02 PM +0530  

ஒண்டுதற்கு இடமுமின்றி
ஓடுதற்குவழியுமின்றி
நனைத்துக் கொண்டிருக்கிறது
நடைபாதை வாசிகளை
இந்த மழை இரவு.

தெரு நாய்கள்
இங்குமங்கும் அலைகின்றன
நனைந்து கொண்டே
மனிதருக்குப் போட்டியாக
இடம் பிடிப்பதற்கு.

இளந்தம்பதியரின்
இன்ப இரவாய் ஆக்க
மழை இரவு தவறி விட்டது
ஒழுகும் நீர்
பிடித்து வைக்கப் பாத்திரங்களின்றி.

நடுங்கிக் கொண்டு
முணுமுணுத்தவாறு
சபிக்கின்றனர்
முதியோர்கள் குளிர் பொறுக்காமல்.

காமத்தைத் தீர்த்துக் கொள்ள
மறைவிடமின்றி
ஒட்டி உராயதலில்
நிறைவு பெறுகிறான் ஒருவன்

குளிரூட்டப்பட்ட அறையில்
தூக்கம் வராமல் நெளிபவன்
அறைக்கு வெளியே வந்து
நடக்கும் மழைஇரவுக் காட்சிகளை
ரசித்துக் கொண்டிருக்கிறான்
பெய்யும் மழையையும் சேர்த்து.

அடாத மழை காரணமாய்
அடுத்த நாள் நிச்சயம்
பள்ளி விடுமுறை கிட்டுமெனத்
தூங்கிக் கொண்டிருக்கும் குழந்தைகள்
நிம்மதியாய்......

- கவிஞர் 'இளவல்’ஹரிஹரன், மதுரை

]]>
http://images.dinamani.com/uploads/user/imagelibrary/2018/7/17/w600X390/images_4.jpg http://www.dinamani.com/specials/kavithaimani/2018/jul/17/மழை-இரவு-2961987.html
2961985 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:59 PM +0530  

மழையுடனே நல்லவெயில் மனிதனுக்கு அவசியமாம்

.........மாசற்ற தூயகாற்றும் மண்வளமும் அமையவேண்டும்.!

தழைகளுடன் மரம்செடியும் தழைத்தோங்கி வளர்தற்கு

.........தாரணியில் நிலையாகத் தண்ணீரும் தங்கவேண்டும்.!

மழைவருமுன் விழிப்புணர்வு மக்களுக்கு வேண்டும்

.........மழைநீரைச் சேமிக்க மாந்தருமே நினைக்கவேண்டும்.!

உழைப்பாலே உயர்ந்தபின்னே உழவனுமே கூடிமகிழ

.........ஊரிலுள்ள ஏரிகுளம் உயரவேண்டும் நன்னீரால்.!

புழைவழிப் புகுந்துப் பெருவயல் நிரப்ப

.........பெய்யும் நல்மழை இரவும் பகலுமாய்

பிழைப்புநன்கு நடத்துதற்கு பெரும்பங்கு வகிக்கின்ற

.........பஞ்சமாபூ தங்களுமே பாதுகாக்க வேண்டியவை.!

- பெருவை பார்த்தசாரதி

]]>
http://images.dinamani.com/uploads/user/imagelibrary/2018/7/17/w600X390/trees.jpg http://www.dinamani.com/specials/kavithaimani/2018/jul/17/மழை-இரவு-2961985.html
2961982 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:55 PM +0530  

வயலின் வயிறும் வெடித்துக் காய்ந்து 
வற்றா  தாகந் தன்னில் வதைந்து 
இயலா நிலையில் ஏங்கித் தவித்து 
இரவும் பகலும் மழைக்காய் ஏங்கின! 

வயலுழும் உழவர் வானம் பார்த்து 
வயிறும் காய்ந்து வதங்கி கிடக்க 
புயலாய் வந்து ஓர்மழை இரவில் 
பொழிந்து புவியைக் குளிர வைத்திட 
வழிந்த மழையால் உழவர் மகிழ்ந்தர்!

எங்கும் வெள்ளம் கும்மாளம் போட 
எளியோர் மனமும் இன்பங் கண்டன;
பொங்கிய மழைவெள் ளத்தால் மகிழ்வைப் 
பிடுங்கு மென்று உணரா(து)  இருந்தனர்! 

வயல்பயிர், மாந்தர்,விலங்கு, வீட்டை 
வெள்ளம் விழுங்கின; வேர்பி டித்துப் 
புயல்மழை நின்றன; பிழைப்பு மின்றி 
பசியில் தவித்தனர்; பிணமாய்ப் போயினர்! 

மழைஇர வின்றும் அச்ச மூட்டின; 
மழையோ எதிரியாய் மாறிய தாலே;
மழைஇர(வு)ஈந்த வலியால் மழையை 
வெறுத்தால்  மண்ணுயிர் வாழாது ; அழைப்போம்!

- நெருப்பலைப் பாவலர், இராம இளங்கோவன்.

]]>
http://images.dinamani.com/uploads/user/imagelibrary/2018/7/17/w600X390/braving_the_night_rain_by_dannyst-d3fx9rt.jpg http://www.dinamani.com/specials/kavithaimani/2018/jul/17/மழை-இரவு-2961982.html
2961981 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:52 PM +0530  

கும்மிருட்டு மழை இரவில்
மரத்தின் இலைகள் 
தலை குளிக்கும்!
மனித தலைகள் 
குடை பிடிக்கும்!

மழை இரவில் 
குளிரடிக்கும்!
மனதுக்கு 
இதமளிக்கும்!

மழை இரவில் 
வானம் ஒலி ஒளி அமைத்து 
மழைத் தூவும்!
தவளைகள் தாளம் போட்டு 
வரவேற்கும்!

மாலையில் மஞ்சள் 
குளிக்கும் வான மகள் 
மழை இரவில்
தலை குளிப்பாள்!

மழை இரவில் 
வானம் அருவி போல 
நீர் கொடுக்கும்!
பூமி தாகம் எடுத்தவன் போல
நீர் குடிக்கும்!

- கு.முருகேசன்

]]>
http://images.dinamani.com/uploads/user/imagelibrary/2018/7/17/w600X390/images.jpg http://www.dinamani.com/specials/kavithaimani/2018/jul/17/மழை-இரவு-2961981.html
2961979 ஸ்பெஷல்ஸ் கவிதைமணி இரவு மழை கவிதைமணி DIN Tuesday, July 17, 2018 03:49 PM +0530
 
மிரட்சி யினுள்ளே!
பசி தாகம் எடுக்க
சிற்றின்ப நினைவில்
சிரித்தாலும்
சிந்திக்கத் தயங்கும்
வழிமுறையில்
மதி; - எனை
மதியாமல், இடமில்லா
வழியில்
நாவினை சமைத்து
நடுங்கிடும்
மெய்யில்
இசையில்லா
ஓசையாய்
பற்களும் பாட
எளிதல்ல
ஏழைக்கு, 
சுகமற்ற
அடர் குளிர் மழையால்
பலகாரக் கடைக்குள்ளே!
சருக்கரை நோயாளியாய்.......

- ப.வீரக்குமார்.

]]>
http://images.dinamani.com/uploads/user/imagelibrary/2018/7/17/w600X390/night-1-of-1.jpg http://www.dinamani.com/specials/kavithaimani/2018/jul/17/இரவு-மழை-2961979.html
2961978 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:46 PM +0530  

காதல் மோகம், 
காலத்தின் வேகம்,
கடற்கரை ஓரம்,
கனியிதழ் சிரித்து, 
கலங்கரையாய்,
மனதுள் நினைத்து
வடிவினைக் கூட்டி
வார்த்தையை மெலித்து
வழக்கத்தை மாற்றி
முகமூடிக் கோலம்
போடுங் காலமென
சுற்றித் திரிந்து
சுகமாய் களித்து
எட்டிக் காயாய்;
ஏக்க மூச்சில்;
இப்படி ? இப்படி?
இனி எப்படி? எப்படி?
இழந்ததை மீட்கப் போராட
இல்ல மொன்னுமங் கூடாக;
துயராய் மலர்ந்த
உன்மத்தம் பூவாய்
இருட்டில் பூத்து
மழையி லழுகும்
வீட்டில் தீ தின்ற
தீபத்தின் திரி.............

- முகில் வீர  உமேஷ், திருச்சுழி.

]]>
http://images.dinamani.com/uploads/user/imagelibrary/2018/7/17/w600X390/1.jpg http://www.dinamani.com/specials/kavithaimani/2018/jul/17/மழை-இரவு-2961978.html
2961975 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:43 PM +0530 அந்தி சாயும் அந்நேரம்.. 
ஆதவன் மறையும் அந்நேரம்…
அந்தி மலர்கள் முகிழ்ந்ததுவே.. 
கார்முகில் ஒன்றாய்த் திரண்டதுவே…
பெருமழை சோவெனக் கொட்டியது.. 
புதுவெள்ளம் பெருக்கெடுத் தோடியது…
இருளைக் கிழித்த மின்னலுமே.. 
பளிச்சென வானில் மின்னியது…!

பேரிடி பலவும் முழங்கியது.. 
காரிருள் எங்கும் அப்பியது…
பருத்துப் பெருத்த மரங்களெல்லாம்... 
பேயெனக் காற்றில் ஆடியது…
இம்மழை அனைவர்க்கும் மகிழ்வெனினும்.. 
இன்னலுற்றோரும் சிலர் உண்டு…
இடிவிழுந் தெரிந்த குடிசையிலே.. 
இன்னுயி ரொன்று பறிபோனது…!

சூரைக் காற்றின் வேகத்தில்… 
கூரைகள் பெயர்ந்துப் பறந்ததனால்…
குடிசையில் வாழும் மக்களுக்கு.. 
உறக்கம் தொலைந்த இரவானது…
இயற்கையை வெல்லும் ஆற்றலெல்லாம்..  
இல்லை நமக்கு என்றாலும்…
இன்ன லுற்றோர் அனைவருக்கும்.. 
இருகரம் கொடுத்து உதவிடுவோம்…!

-ஆ. செந்தில் குமார்.

]]>
http://images.dinamani.com/uploads/user/imagelibrary/2018/7/17/w600X390/hut.jpg http://www.dinamani.com/specials/kavithaimani/2018/jul/17/மழை-இரவு-2961975.html
2961972 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:38 PM +0530  

குளிர் தோய்ந்த மழை இரவொன்றின் ஈரப் பொழுதில்
சாத்திய சன்னல் இடுக்கில் நுழைந்த
பனிக்காற்றாய் என் இதயம் தொட்டு, மனதை நனைத்தாய்
ஒரு விபத்திற்கு பின் 
எல்லாம் மறந்தவனாய் ஆனேன் 
உன்னைத் தவிர..
ஒரு நீண்ட ரயில் பயணத்தின் 
சக பயணியாய் நன்கு பழகி
உண்டு, விளையாடி, சிரித்து மகிழ்ந்து 
கதை பல கூறி,  நிறுத்தம் வர, 
பெயர் கூட தெரிவிக்காமல், 
உடமையுடன் இறங்கிச் செல்பவளாய், 
நீயும் இடம் பெயர்ந்தாய்   
முன் அறிவிப்பேதுமின்றி 
எப்போதோ திரும்ப நிகழவிருக்கும் 
நம் சந்திப்பிற்காக நம்பிக்கையுடன் 
மணம் மறுத்து காத்திருக்கிறேன்!

- செந்தில்குமார் சுப்பிரமணியன்

]]>
http://images.dinamani.com/uploads/user/imagelibrary/2018/7/17/w600X390/raingirl.jpg http://www.dinamani.com/specials/kavithaimani/2018/jul/17/மழை-இரவு-2961972.html
2961969 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:31 PM +0530  

மழை இரவு மன்மதனுக்குக் கொண்டாட்டம்
மழலைப்பிறப்பு  மறுவருடக் கொண்டாட்டம்
மண்காதலி முத்தமிடும் சடங்கு நடந்தேறும்
விண்மண் அம்புகள்  நாட்டியம்  ஆடிடும்
கிராமப்புறத்தில் மின்சாரத்தடை அரகேற்றம் 
இரவிருள் மயானயமைதி ஒலிஒளியேற்றம்
இடையில் மின்மினிப்பூச்சி ஒளிவீசிப் பறக்க
கொட்டும் மழை நீரில் பூமி குளிர்ந்து பூரிக்க
வெட்கி மழைநீரோட்டம் குனிந்து குளம்விழ 
பருவ மழை பெய்தது கழனியெங்கும் விளைச்சல் 
பெருகிடுமென உழவனுகந்தான் மறுநாள் விடியலில்  

- மீனாள் தேவராஜன்

]]>
http://images.dinamani.com/uploads/user/imagelibrary/2018/7/17/w600X390/maxresdefault_2.jpg http://www.dinamani.com/specials/kavithaimani/2018/jul/17/மழை-இரவு-2961969.html
2961968 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:28 PM +0530  

பிரகாச  வெளிச்சம் 
அப்போதைக்கப்போது 
வந்து போயின 
மின்னலின் விளைவால் 
.
பிரளய ஒலிகளும் 
மிரட்டி போயின 
சிறிது சிறிதாக 
இடியின் துணையோடு 
.
குளுமையின் தாக்கம் 
கூடித்தான் இருந்தது 
பகலின் வெம்மையை
ஒத்தால் 
.
மறுநாள் காலை 
குளிர்ச்சியுடன் 
தொடங்க ஓர் 
நல் தொடக்கம் 
.
யாருக்கும் இம்சை 
விளைவிக்காத 
அகிம்சைவாதியாய் 
இரவு மழை.

இரா.வெங்கடேஷ் 
 

]]>
http://images.dinamani.com/uploads/user/imagelibrary/2018/7/17/w600X390/123.jpg http://www.dinamani.com/specials/kavithaimani/2018/jul/17/மழை-இரவு-2961968.html
2961960 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:25 PM +0530  

மழைபெய்யும்  இரவுநேரம்  ஏழை  தம்மின்
    மண்குடிசைக்  குள்குறுகிப்  படுத்தி  ருந்தான்
மழைவலுத்துத்  தெருவெல்லாம்  வெள்ளக்  காடாய்
    மண்குடிசை  சுற்றிலும்நீர்  சூழ்ந்த  போது
அழைக்கின்ற  குரலொலிதான்  காதில்  வீழ
    அந்தஏழை  கதவுதனைத்  திறந்து  பார்க்க
மழைதன்னில்  நனைந்தபடி  ஒருவர்  உள்ளே
    மழைக்கொதுங்க  இடமுளதா  என்றே  கேட்டார் !

சிறிதான  குடிசைக்குள்  ஒருவர்  மட்டும்
    சிரம்வைத்துப்  படுப்பதற்கே  இயலும்  ஆனால்
உரியவாறு  இருவரிங்கே  அமர்வ  தற்கே
    உகந்தவிடம்  உள்ளதுள்ளே  வாரும்  என்றான்
பெரியதொரு  மனமுடையோய்   வாழ்க  வென்றே
    பெருமழையில்  நனைந்தவரோ  உன்ளே  வந்தார்
வறியவனின்  குடிசைக்குள்  தரையின்  மீது
    வசதியாக  இருவருமே  அமர்ந்து  கொண்டார் !

அடுத்தசில  நொடிகளிலே  கதவு  தட்டும்
    அரவந்தான்  கேட்டிடவே  ஏழை  மீண்டும்
தடுத்திருந்த  கதவுதனைத்  திறந்து  பார்க்கத்
    தலைநனைந்த   மற்றொருவர்  மழைக்கொ  துங்க
விடுத்திட்டார்  கோரிக்கை !  அதனைக்  கேட்டே
    வீட்டிற்குள்  வசதியுடன்  இருவர்  மட்டும்
அடுத்தடுத்தே  அமர்ந்திடலாம் ;  நின்று  கொண்டால்
    அடுத்துமக்கும்   இடம்கிடைக்கும்  வாரும்  என்றான் !

நில்லாமல்  மழைபெய்ய  இரவெல்  லாமே
    நின்றபடி  மூவருமே   இருந்தா  ருள்ளே
மெல்லகதிர்   தலைகாட்ட   மழையும்   நிற்க
    மெதுவாக  இருவரிலே   ஒருவர்   சொன்னார்
நல்லவரே  நானிந்த  நாட்டின்  மன்னன்
    நல்லமைச்சர்   இவரென்றார் !   வேட  மிட்டே
அல்லலுறும்  மக்கள்தம்  குறைகள்  காண
    அல்பொழுதில்  வந்திட்டோம்  நகர்வ  லந்தான் !

மண்குடிசை   என்றாலும்   எங்க  ளுக்காய்
    மனமுவந்து  நின்றிருந்தாய்  இரவெல்  லாமே
உன்னுடைய   இரக்ககுணம்  உதவும்  பண்பை
    உண்மையிலே  பார்த்துநாங்கள்   உவகை  கொண்டோம் !
தன்னலமே  இல்லாத   உம்மைப்  போன்றோர்
    தாமிந்த   நாட்டிற்குச்  சொத்தாம்  என்றே
தன்கழுத்து   முத்துமாலை  எடுத்த  ளித்தே
    தன்கையால்  மன்னனுமே  தழுவிக்  கொண்டார் !

- பாவலர் கருமலைத்தமிழாழன்

]]>
http://images.dinamani.com/uploads/user/imagelibrary/2018/7/17/w600X390/maxresdefault_3.jpg http://www.dinamani.com/specials/kavithaimani/2018/jul/17/மழை-இரவு-2961960.html
2961957 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:14 PM +0530 செக்க சிவந்த வானம் கறுத்திருக்க
           செடிகொடிகள் சிலுசிலுவென காற்றுதர
           வெக்கையாய் சற்றே மாறிடத்தான்
           வெண்ணிலவு மேகத்தில் மறைந்தோட
    

           குக்கூ என்றேதான் குரல்கொடுத்திடும்
           குயில்கள் எல்லாம் மரத்தில் ஒதுங்கிட
           தெக்கத்தி காற்றும் இதமாய் வீசிட
           திடிரென்று மாறியதே மழைஇரவாய்
        

           மண்வாசனை காற்றில் மிதந்துவர
           மேகங்கள் எல்லாம் மாநாடு போட
           விண்மங்கை கருநிற ஆடைபூண
           விடியவிடிய இருந்த்தே மழைஇரவாய்

                - கவிஞர் கே. அசோகன்

]]>
http://images.dinamani.com/uploads/user/imagelibrary/2018/7/17/w600X390/images_2.jpg http://www.dinamani.com/specials/kavithaimani/2018/jul/17/மழை-இரவ-2961957.html
2961955 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:11 PM +0530 வெளியில் செல்ல முடியவில்லை ஆனால் 
வழிந்த மழைத் துளிகளை ரசித்து மகிழ்ந்தேன் !

வானில் இருந்து வரும் மழைத்துளிகள் 
வளம் செழிக்க பயிர் வளர உதவுகின்றன !

மழை பொய்த்தால் வறட்சி வரும் 
மழை பெய்தால் பூமி குளிரும் !

கடலில் இருந்து ஆவியாகப் பறந்து 
கடினப் பயணம் செய்து வானம் சென்று !

புறப்பட்ட பூமிக்கே வந்து விழுகின்றது 
புத்துணர்வு தருகின்றது பூமிப்பந்துக்கு !

நானும் அவளும் ஒரு நாள் ஒரு குடையில் 
நல்ல மழையில் நனைந்து   வந்தோம் !

பசுமரத்து ஆணியாகப் பதிந்த நினைவை 
பெய்த மழை நினைவூட்டி மகிழ்வித்தது !

இரவு மழையை வணிகர்கள் வாழ்த்துவார்கள் 
இரவில் வணிகம் செய்வதில்லை என்பதால் !

உழவனும் இரவு மழையையே விரும்புவான் 
உழவை பகலில் செய்திட வாய்ப்பாக இருக்கும் !  

இரவு மழை இதம் தரும் இனிமை தரும் 
இன்னல் மறந்து இன்புற உதவிடும் ! 

- கவிஞர் இரா .இரவி

]]>
http://images.dinamani.com/uploads/user/imagelibrary/2018/7/17/w600X390/50-Rainy-Day-Farm-Wedding-by-How-Photography.jpg http://www.dinamani.com/specials/kavithaimani/2018/jul/17/மழை-இரவ-2961955.html
2961953 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:07 PM +0530 1)

வானில் வானவேடிக்கை

மண்ணில் மழைத்தூறல்

இரவில் மின்வெட்டு

***

2)

மழையும் சுகம்
இரவும் சுகம்
இரண்டும் பக்கம்
இணைந்தால் 
இன்னும் சுகம்..
உயிர் காக்கும்
உயிர் நீரே
உணர்வாய் தழைத்து
உன்னதம் அளித்து
வளம் பெருக
வந்திட்டாய் ..
வாழ்வு சிறக்க
விவசாயம் வளர
மானுடம் மலர
மண்ணில் மோதி
மங்கல ஊற்றை
அளித்திட்டாய்..
கார் மேகமாய்
பவனி வந்து
கரடும் கமழ
வித்திட்டாய்..
நன்னீர் தந்து
நலமுடன் வாழ
வழி தரும்
மாரியே
நீ மாறாது
பருவத்தே
வருகை தந்திடுவாய்..
பன்னீருடன்
நாங்கள்....

- ப.க.நடராசன்

]]>
http://images.dinamani.com/uploads/user/imagelibrary/2018/7/17/w600X390/rainy-night.jpg http://www.dinamani.com/specials/kavithaimani/2018/jul/17/மழை-இரவ-2961953.html
2961950 ஸ்பெஷல்ஸ் கவிதைமணி மழை இரவு கவிதைமணி DIN Tuesday, July 17, 2018 03:00 PM +0530 விதை போட்டு 
விளைச்சல் பார்த்து 
காத்திருந்த போது 
கொட்டித்தீர்த்த மழை
இரவில் சொன்னது
உன் வலிமையை 
உலகிற்கு காட்டவே 
நானும் வந்தேனென்று! 
உழவனின் உழைப்பை நிறுத்த
யாராலும் முடியாது -ஏனெனில்
சுழன்றும் ஏர் பின்னது உலகம்!

- சுதா ஏகம்மை

]]>
http://images.dinamani.com/uploads/user/imagelibrary/2018/7/17/w600X390/60cff93795ad0d5af19f4ad33e2ecd75.jpg http://www.dinamani.com/specials/kavithaimani/2018/jul/17/மழை-இரவ-2961950.html
2961948 ஸ்பெஷல்ஸ் கவிதைமணி மழை இரவு  கவிதைமணி DIN Tuesday, July 17, 2018 02:54 PM +0530  

மும்மாரி பெய்து
முப்போகம் விளைவித்த
முன்னோர்களைப் பற்றிய
நினைவுடன் உறங்கச் சென்றபோது
இரவின் இருளை கவ்விச் சென்றது
இடியுடன் கூடிய மின்னல் ஒன்று!
துளியாய்த்  தொடங்கி
தூறலாய் தொடர்ந்த
முன்னிரவில் பெய்த பெருமழையில்
முழுவதுமாய் நனைந்தது
மண்ணோடு சேர்ந்து மனதும்! 

- ஜெயா வெங்கட்

]]>
http://images.dinamani.com/uploads/user/imagelibrary/2018/7/17/w600X390/rain.jpg http://www.dinamani.com/specials/kavithaimani/2018/jul/17/மழை-இரவு-2961948.html
2956451 ஸ்பெஷல்ஸ் கவிதைமணி இந்த வாரத்திற்கான தலைப்பு: ‘மழை இரவு’ கவிதைமணி DIN Monday, July 9, 2018 01:03 PM +0530 பிரியும் தருணத்தில் தலைப்பிற்கு கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டியகவிதைக்கான தலைப்பு:

மழை இரவு

உங்கள் கவிதைகளை askdinamani@dinamani.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யுனிக்கோடு எழுத்துருவில் டைப் செய்து மேற்கண்ட மின்னஞ்சலில் வரும் சனிக்கிழமைக்கு முன்பாக அனுப்ப வேண்டுகிறோம்.
 

]]>
poem, rain, மழை இரவு, கவிதை http://images.dinamani.com/uploads/user/imagelibrary/2018/7/9/w600X390/A-Rainy-Night-Background-For-Desktop.jpg http://www.dinamani.com/specials/kavithaimani/2018/jul/09/இந்த-வாரத்திற்கான-தலைப்பு-மழை-இரவு-2956451.html
2947008 ஸ்பெஷல்ஸ் கவிதைமணி இந்த வாரத்திற்கான தலைப்பு: "பிரியும் தருணத்தில்" கவிதைமணி DIN Monday, June 25, 2018 06:04 PM +0530 "ஒரு முறையேனும்"  தலைப்பிற்கு கவிதை எழுதி அனுப்பிய அன்பு நண்பர்கள் அனைவருக்கும்நன்றி..! இந்த வாரம் நீங்கள் எழுத வேண்டிய

கவிதைக்கான தலைப்பு

"பிரியும் தருணத்தில்"

உங்கள் கவிதைகளை askdinamani@dinamani.com என்ற மின்னஞ்சல் முகவரிக்கு அனுப்பவும். உங்கள் கவிதைகளை யுனிக்கோடு எழுத்துருவில் டைப் செய்து மேற்கண்ட மின்னஞ்சலில் வரும் சனிக்கிழமைக்கு முன்பாக அனுப்ப வேண்டுகிறோம்.

"ஒரு முறையேனும்" என்ற தலைப்பில் வாசகர்கள் எழுதிய கவிதைகளை படிக்க... இங்கே க்ளிக் செய்யவும்:  http://www.dinamani.com/specials/kavithaimani

]]>
http://www.dinamani.com/specials/kavithaimani/2018/jun/25/இந்த-வாரத்திற்கான-தலைப்பு-பிரியும்-தருணத்தில்-2947008.html
2947007 ஸ்பெஷல்ஸ் கவிதைமணி ஒருமுறையேனும்: கவிஞர் பேராசிரியர் பு மகேந்திரன் கவிதைமணி DIN Monday, June 25, 2018 06:04 PM +0530 ஒரு முறையேனும் உலகைச் சாகடி நான் மட்டும் போதும்... ஊழிக்கால சிவன் போல அனைத்தும் புதிது. ஒரு முறையேனும் தண்டிக்கணும் இங்கு எங்கு நலம் உலகில் பாழாய் வாழுது பழுதாய் கசப்பும் கருப்புமாய் யார் இறந்தால் என்ன யார் எப்படியானால் என்ன நான் சுகப்பட வேண்டும் ஒரு முறையேனும் இவர்கள் வாழ்வை வாழ்ந்துள்ளனனரா சாவு வீட்டிலும் சுயலாபம் தேடும் சாவுராக்குகள் சாகட்டும் ஒரு முறை புதிய தோர் பூமி ஒருமுறையேனும் வந்து விடாதா நல்ல காற்று சுகப்படாதா தீயவை அழிந்து விடாதா ஒரு முறை தீயதை அழிக்க எனக்கு வரம் தா கடவுளே ஒரு முறை சுத்தமாய் கழுவி சுத்தப்படுத்துவோம்.]]> http://www.dinamani.com/specials/kavithaimani/2018/jun/25/ஒருமுறையேனும்-கவிஞர்-பேராசிரியர்-பு-மகேந்திரன்-2947007.html 2947001 ஸ்பெஷல்ஸ் கவிதைமணி ஒருமுறையேனும்: உஷா முத்துராமன் கவிதைமணி DIN Monday, June 25, 2018 05:32 PM +0530 மறுபடியும் செல்ல முடியாத 
கருவறை போன்று 
பிறந்தோம் ஞாலத்தில்
சிறந்து  விளங்குவதே 
நம்  உயிர் மூச்சென 
கொண்டால்......
அதுவே சிறந்த எண்ணம்!

வாழ்க்கையில் ஒருமுறையேனும்
தர்மம் செய்வோம்...
மர்மமென நினைக்கும் 
உலகில்  நம்மால் முடிந்தது.
உடல்....
உயிர் துறந்த  பின்னும் 
உயிருடன் இருக்கும் 
கண், சிறுநீரகமென
மண்ணில் போனால் 
மட்டுமே  உயிர் விடும் 
உறுப்புகளை 
மறுப்புஎதுவுமின்றி 
சுறுசுறுப்புடன்  செய்வோம் 
தானம்......

ஒருமுறையேனும் 
இதை  சிந்திப்போம்!
செயல்  படுத்துவோம்!
வாழ்வது  ஒரு முறையே!

]]>
http://www.dinamani.com/specials/kavithaimani/2018/jun/25/ஒருமுறையேனும்-உஷா-முத்துராமன்-2947001.html
2946998 ஸ்பெஷல்ஸ் கவிதைமணி ஒருமுறையேனும்: ஆ.செந்தில் குமார் கவிதைமணி DIN Monday, June 25, 2018 05:29 PM +0530 மனித ரெல்லாம் அழகானவர்தான் 
ஒருமுறை அவர்தம்
மறு முகத்தை உணராத வரை…!

ஆபத்து கூட அழகானதுதான்
ஒருமுறை நாம் 
அதன் அருகே செல்லாத வரை…!

அச்சம் என்பது நிரந்தரந்தான்: 
ஒரு முறை நாம் 
அதை நேருக்கு நேர் சந்திக்காத வரை…!

அறியாமை என்பது நிரந்தரந்தான் 
ஒரு முறை நாம்
ஆக்கத்தோடு சிந்திக்காத வரை…!

அடிமைத் தளைகள் நிரந்தரந்தான் 
ஒரு முறையேனும் நாம்
அதற்கெதிராய் கிளர்ச்சிகள் செய்யாத வரை…!

அயல்மொழி ஆதிக்கம் நிரந்தரந்தான் - 
ஒரு முறை நம்
அன்னை மொழியின் சிறப்பை உணராத வரை…!

அன்பும் கூட எட்டாக்கனிதான் 
ஒரு முறையேனும் நாம்
அதை எவரிடத்தும் செலுத்தாத வரை…!

நாட்டிற்கு வளர்ச்சி இன்றியமையாததுதான் 
ஒரு முறையேனும்
நாமதன் வளங்களைக் குலைக்காத வரை…!

எத்தகு செயலும் நற்பயன் தருமா?  
ஒரு முறையேனும் நாம்
எதிர் விளைவுகளைச் சிந்திக்காத வரை…!

]]>
http://www.dinamani.com/specials/kavithaimani/2018/jun/25/ஒருமுறையேனும்-ஆசெந்தில்-குமார்-2946998.html
2946996 ஸ்பெஷல்ஸ் கவிதைமணி ஒருமுறையேனும்:  பேராசிரியை செ. சுதா ராமு  கவிதைமணி DIN Monday, June 25, 2018 05:23 PM +0530 வறண்டு கிடக்கும் 
ஆற்றுப்படுகைகளில்
வளமாக நதிநீர் பாய்ந்து
மண் குளிர்வதை
கண் குளிர காணவேண்டும்
ஒரு முறையேனும்! 
சேற்றில் கால் வைத்து 
சோற்றில் கைவைக்க முடியாமல் 
மாண்டு போகும் 
உழவர்களின் வாழ்வில் 
வறுமை நீங்கி 
உலகின் முதல் பக்கம் 
உழவேதெய்வமென்று 
பறை சாற்றி மகிழ்வதை 
காண வேண்டும் 
ஒரு முறையாவது!
 

]]>
http://www.dinamani.com/specials/kavithaimani/2018/jun/25/ஒருமுறையேனும்--பேராசிரியை-செ-சுதா-ராமு-2946996.html
2946995 ஸ்பெஷல்ஸ் கவிதைமணி ஒரு முறையேனும்: நத்தம்.எஸ்.சுரேஷ்பாபு கவிதைமணி DIN Monday, June 25, 2018 05:22 PM +0530 ஒரு முறையேனும் ஓடும் வாழ்க்கையை
கொஞ்சம் திரும்பிப்பாருங்கள்!
வாழ்க்கை வசமாகும்!
ஒரு முறையேனும் உறவின் குரல்களுக்கு
செவிகொடுங்கள்!
உறவுகள் இனிக்கும்!

ஒரு முறையேனும் நட்பின் துயர்களுக்கு
தோள் கொடுங்கள்!
நட்பு சிறக்கும்!
ஒரு முறையேனும் குழந்தையின் கனவுகளுக்கு
உயிர் கொடுங்கள்!

மழலை மயக்கும்!
ஒரு முறையேனும் இசையின் இனிமையை
ரசித்து பழகுங்கள்!
இதயம் சிலிர்க்கும்!
ஒரு முறையேனும் உழைக்கும் உடலுக்கு
பயிற்சி கொடுங்கள்!

தேகம் வலுவாகும்!
ஒரு முறையேனும் தேசத்தின் நலனுக்கு
வாக்களியுங்கள்!
நல்லரசு உதயமாகும்!
ஒரு முறையேனும் வதங்கும் செடிகளுக்கு
நீர் இறையுங்கள்!
பசுமை வளமாகும்!
ஒருமுறையேனும் உங்களை சுற்றிய மாசுக்களை
வெளியேற்றுங்கள்!

இதயம் நலமாகும்!
ஒருமுறையேனும்  நீளும் கரங்களுக்கு
உதவிடுங்கள்!
நெஞ்சங்கள் உங்களை வாழ்த்திடும்!
ஒருமுறையேனும் தீய பழக்கங்களை
துரத்தி அடியுங்கள்!

நன்மை உங்களை பாதுகாக்கும்!
ஒரு முறையேனும் அன்பை
விளைவித்து பாருங்கள்!
ஆனந்தம் பெருக்கெடுக்கும்!
ஒருமுறையேனும் உங்கள் குழந்தைகளோடு
விளையாடிப்பழகுங்கள்!

குதூகலம் பிறப்பெடுக்கும்!
ஒருமுறையேனும் இயற்கையை
நேசித்து பாருங்கள்!
இன்பம் பெருக்கெடுக்கும்! 

]]>
http://www.dinamani.com/specials/kavithaimani/2018/jun/25/ஒரு-முறையேனும்-நத்தம்எஸ்சுரேஷ்பாபு-2946995.html
2946993 ஸ்பெஷல்ஸ் கவிதைமணி ஒரு முறையேனும்: கவிஞர் கே. அசோகன் கவிதைமணி DIN Monday, June 25, 2018 05:20 PM +0530 உணவை உண்ணும் போது போற்றி வணங்கினோமா? விவசாயிகளை! தனதுநலனை விட்டு பொதுநலம் பேணும் செவிலியரை நினைத்தோமா? கனவு காணுங்கள் என்றே உரைத்த அப்துல் கலாம் புத்தகம் படித்தோமா? தினமும் ஒளி நல்கும் ஆதவனின் செயலை போற்றி மகிழ்ந்தோமா? அன்பாய் அன்னை அறிவாய் தந்தை அன்றாடம் வணங்கினோமா? பண்பாய் பழகி பாசத்தை கொட்டும் பாட்டி தாத்தாவை மகிழ வைத்தாமோ? தன்னிகரல்லா தனித்தமிழால் காலத்தால் காவியக் கண்ணதாசன் நினைத்தோமா? எண்ணற்ற எண்ணங்கள் வளைய வந்தாலும் நல்லெண்ணம் ஒன்றே வாழ்வை வளமாக்கும் நினைத்தோமா ? ஒரு முறையேனும்…. ]]> http://www.dinamani.com/specials/kavithaimani/2018/jun/25/ஒரு-முறையேனும்-கவிஞர்-கே-அசோகன்-2946993.html 2946992 ஸ்பெஷல்ஸ் கவிதைமணி ஒருமுறையேனும்: ப.க.நடராசன் கவிதைமணி DIN Monday, June 25, 2018 05:17 PM +0530 அறியாமையினால் இழந்தேன் கிடைத்த
அரிய வாய்ப்பினை..

அடுத்து அமைந்தால்
அரியணை அமைப்பேன்
ஆரவாரம் இல்லாமல்..

இதழ்கள் இசைக்கின்றன
இயல்பாய் வரிகள்..

தமிழ் ஈகையாய்
வாரி வழங்குகின்றன
சொற்களை கோர்வையாக..

உலகில் உரிய வழியில் உன்னதம் பெற
வாய்ப்பினை ..

ஒருமுறையேனும்
எதிர்பார்த்து...
ஊர் நலம் பெற
எழுத்துக்கள்

என் எழுத்துக்கள்
ஏணியாய் அமையும்
ஐயம் இன்றி
சொல்வேன்
வாய்ப்பே
ஒருமுறையேனும்
வந்துவிடு..

]]>
http://www.dinamani.com/specials/kavithaimani/2018/jun/25/ஒருமுறையேனும்-பகநடராசன்-2946992.html
2946989 ஸ்பெஷல்ஸ் கவிதைமணி ஒருமுறையேனும்: புலவர் கு.நரசிம்ம சுப்பிரமணியன் கவிதைமணி DIN Monday, June 25, 2018 05:15 PM +0530 அன்புத்தாய் தன்சேய் காக்க ஒருமுறையேனும் மறப்பதுண்டோ! ஆசைப்பேய் மனம் ஆளாமல் ஒருமுறையேனும் இருப்பதுண்டோ! இன்பம் வேண்டாம் என்று ஒருமுறையேனும் இதயம் துடிப்பதுண்டோ! வென்ற பின்னர் அரசியலார் ஒருமுறையேனும் நமக்காக வருவதுண்டோ! வேடிக்கை மனிதர் கூட்டம் ஒருமுறையேனும் வெற்றி பெற்ற நிலைகளுண்டோ! குற்றம் செய்யும் மனமுடையார் ஒருமுறையேனும் தன்சித்தம் தெளிய நினைப்பதுண்டோ! பலமுறை செய்திடும் செயலை ஒருமுறையேனும் எண்ணிச்செய்வோம் பலரும் வாழ்வில் உயர்ந்திடவே ஒருமுறையேனும் பரமனைத் துதித்திடுவோம்.]]> http://www.dinamani.com/specials/kavithaimani/2018/jun/25/ஒருமுறையேனும்-புலவர்-குநரசிம்ம-சுப்பிரமணியன்-2946989.html 2946988 ஸ்பெஷல்ஸ் கவிதைமணி ஒரு முறையேனும்: சசி எழில்மணி கவிதைமணி DIN Monday, June 25, 2018 05:14 PM +0530 உயரம் சென்ற மனிதா நீ
வந்த வழி மறக்கலாமோ
கடந்து வந்த பாதை மறந்து
மதம் பிடித்து நடக்கலாமோ

இல்லாத நேரத்தில்
நீ பட்ட துன்பங்கள்
எல்லாம் வந்ததும்
பழையதை மறந்தாயோ

மறந்தால் வாழ்க்கை
இனிதாய் அமையுமோ
நினைத்தால் வாழ்க்கை
பாழாகிப் போகுமோ

வாழ்க்கையைத் திரும்பிப்பார்
இருக்கின்ற நேரத்தில்
நீ தந்து மகிழ்ந்திடு
உலகம் உன்னை கவனிக்கும்
ஒரு முறையேனும்.

]]>
http://www.dinamani.com/specials/kavithaimani/2018/jun/25/ஒரு-முறையேனும்-சசி-எழில்மணி-2946988.html
2946986 ஸ்பெஷல்ஸ் கவிதைமணி ஒருமுறையேனும்: முகில் வீர உமேஷ் கவிதைமணி DIN Monday, June 25, 2018 05:07 PM +0530 உன்
தேன் கண்ணுக்குள்
தேனீ நானாகி;

தேனெடுத்து
இதயத்தில் திணித்து
ராணித் தேனீயை
அழைக்கிறேன்;

இதயம் காப்பாற்ற
இலக்கைத் தேர்ந்தெடுக்க;
உதயமிலா வானில்
ஒளி வீச;

கலங்கமிலாக் கூட்டில்
மிலாவாய் துள்ளியோட;
அணைக்குள் அகப்பட்ட
அனைத்து
ஆரவார வெள்ளமாய்;

எனக்கு  ளடைபட்ட
குடத்து வெல்லமாய்:
குங்கிலிய வாசனையால்
குரல் தரும் காற்றினில்
தினம் - எனக்கு  ளூறும்
வாழ்வியல் வழிகாட்டி
வார்த்தைகள் திசைகாட்டி

எனக்குள் வலிகூட்டி
நினைப்பது பலமுறை;
நடக்கட்டும் - இந்த
ராசாவின் ராஜ்ஜியமாய்.........

]]>
http://www.dinamani.com/specials/kavithaimani/2018/jun/25/ஒருமுறையேனும்-முகில்-வீர-உமேஷ்-2946986.html
2946985 ஸ்பெஷல்ஸ் கவிதைமணி ஒரு முறையேனும்: கவிஞர் டாக்டர். இராஜலட்சுமி இராகுல் கவிதைமணி DIN Monday, June 25, 2018 05:05 PM +0530 ஆடையக வாசலிலே ஒய்யாரமாக நிற்கும் நீ... ​அணிகலன்கள் அழகு சேர்க்க ஆடைகளும் புத்தம் புதிதாய் !!! உன் பாதங்களோ பன்மடங்கு விலையுயர்ந்த பாதுகைகளுக்குக் சொந்தக்காரனாய் !!! சுட்டெரிக்கும் வெப்பதில் மிதியடியும் இன்றி மேலங்கியும் இன்றி - என் பிட்டத்தைச் சுட்டிக்காட்டும் வட்டமான இரு ஓட்டைகள் கொண்ட காற்சட்டையுடன் அரை நிர்வாணமாய் உனை வெறித்துப்பார்த்திடும் நான் இறைவனிடம் கேட்பது ஒன்றே ஒன்றுதான்!!! உயிரை எனக்குத் தந்த இறைவன் உடையை மட்டும் உனக்குத் தந்ததேன் !!! கண்ணாடி பேழைக்குள் காட்சிப் பதுமையாய் நிற்கும் உன் உடலை அலங்கரிக்கும் ஆடைகள் ஒரு முறையேனும் அதனை ஏக்கத்தோடு காணும் எனது உடலைத் தழுவ வாய்த்திடும் நாள் வருமோ!!! ]]> http://www.dinamani.com/specials/kavithaimani/2018/jun/25/ஒரு-முறையேனும்-கவிஞர்-டாக்டர்-இராஜலட்சுமி-இராகுல்-2946985.html 2946983 ஸ்பெஷல்ஸ் கவிதைமணி ஒருமுறையேனும்: ரா.பார்த்தசாரதி  கவிதைமணி DIN Monday, June 25, 2018 05:03 PM +0530 மறை செய்யும் முறைகளை ஒரு முறையேனும் ஆய்ந்தோமா ! மறைகளையும் வேதங்களையும் ஆவல்கொண்டு என்றாவது கற்றோமா! நற்குலத்தில் பிறந்தாலும் அதுபற்றி கற்க நினைப்புடன் முயன்றோமா ! பணமே உயிரென தேடி அலைந்தோமே மிச்சப்படுத்தி தர்மங்கள் செய்ய நினைத்தோமா ! பணத்திற்காக தகுதியற்றவனை மெச்சினோமே நடுநிலை காணமுடியாமல் வெட்கப் பட்டோமா ! ஒரு சிலவற்றிற்கு தன்மானத்தையும் அடகுவைத்து கூனி குறுகி நின்ற நிலைமையை நினைத்துப்பார்த்தோமா ! மனிதனே, ஒரு முறையேனும் உனது மனசாட்சியை நினை சூதினை என்றாவது தர்மம் வெல்லும் என்பதை நினை !]]> http://www.dinamani.com/specials/kavithaimani/2018/jun/25/ஒருமுறையேனும்-ராபார்த்தசாரதி-2946983.html 2946982 ஸ்பெஷல்ஸ் கவிதைமணி ஒருமுறையேனும்: ப.வீரக்குமார் கவிதைமணி DIN Monday, June 25, 2018 05:01 PM +0530 பித்தந் தெளிந்து
சத்தம் மறந்து
சங்கடங் குறைத்து
சிம்புட் பறவையாய்

சிறகை விரித்து;
அகண்ட புவியில்
ஆனந்தம் மணக்க
ஆசை சுரப்பியைத்
தூண்டிய செய்து;

மேகத்துக்குள்
போதனைகள் கரைத்து;
பால் வெளியில் 
பாங்கோடு சுற்றி; 

பண்பட்ட மனங் கொண்டு
புண் தரும் வழிதடுத்து;
ஏகாந்தப் பொருளை
ஓங்காரத்தில் நிறுத்தி
ஓசை கூட்டி

வென்றேன் வென்றேன்;
வாழ்வின்
இன்பத்துள் நுழைந்து
சொர்க்கத்தின் 
வாசல் கடந்து
தேவருடன் கலந்து
செறிவுற்ற சித்தத்தில்
மயங்கிடும் நிலை
என்றாவது 
ஒரு நாள்

]]>
http://www.dinamani.com/specials/kavithaimani/2018/jun/25/ஒருமுறையேனும்-பவீரக்குமார்-2946982.html
2946981 ஸ்பெஷல்ஸ் கவிதைமணி ஒரு முறையேனும்:  கு.முருகேசன் கவிதைமணி DIN Monday, June 25, 2018 04:57 PM +0530 பனிக் குடத்தை
நீந்தியே கடந்த எனக்கு
ஒரு முறையேனும்
பாற்கடலையும்
நீந்திக் கடக்க ஆசை!

ஒரு முறையேனும்
பறவையாய் மாறி
கடவுச் சீட்டின்றி
கண்டம் தாண்ட ஆசை!

மூச்சுக் காற்று முழுசாய் நிற்பதற்குள்
ஒரு முறையேனும்
சாதித்து சிகரம் தொட
சலிக்காமல் எனக்கு ஆசை!

வாழ்வில்
ஒரு முறையேனும்
பாலப் பருவத்துடன்
பள்ளிக்குச் செல்ல ஆசை!

]]>
http://www.dinamani.com/specials/kavithaimani/2018/jun/25/ஒரு-முறையேனும்--குமுருகேசன்-2946981.html
2946978 ஸ்பெஷல்ஸ் கவிதைமணி ஒரு முறையேனும்: கவிஞர் டாக்டர் எஸ். பார்த்தசாரதி கவிதைமணி DIN Monday, June 25, 2018 04:21 PM +0530 மூச்சு விட திணறுகிறது,
இந்தியாவின் மூச்சுக்காற்று ,
தலைநகரம் புது டில்லி –

“காற்று” திரைப்படம்
ஓட முடியாமல்
முளைத்தது ஒரு புது வில்லி –
அங்கே போட்டிருப்பது
தார் சாலைகளா , கார் சாலைகளா ?
நகர்ந்து கொண்டிருக்கிறது
அந்தத் தேர்
“குப்பை” என்ற அச்சாணியில் –
வாய்க்குள் புகுந்த வாகனப்புகை :
எச்சில் கூட பிசு பிசுக்கிறது –
விலங்குகளையும் விடவில்லை ஆஸ்த்மா !

அடுக்கு மாடிக்குடியிருப்புகளில்
தொட்டால் அழுக்கு ஒட்டும் மேகங்கள் !
சிறிகளால் விரட்டிக் கொண்டிருக்கிறது
 ஒரு கூட்டம் –
எந்த துக்கத்தை மனதில் வைத்து
கருப்பு சட்டை உடுத்தியது
தாஜ் மஹால் ?

மனிதக்கண்களுக்கு
ஒரு மாசுப்போர்வை
மங்கலாய் ஒரு பார்வை –
போதும் – தடுத்து நிறுத்துங்கள்—
ஒரு முறையேனும் – வாரத்தில்
ஒரு முறையேனும்  
மிதிவண்டியில் செல்லுங்கள் –
சைக்கிளுக்கு கை கொடுங்களேன்..

]]>
http://www.dinamani.com/specials/kavithaimani/2018/jun/25/ஒரு-முறையேனும்-கவிஞர்-டாக்டர்-எஸ்-பார்த்தசாரதி-2946978.html
2946977 ஸ்பெஷல்ஸ் கவிதைமணி ஒரு முறையேனும்: -ஆர். வித்யா கவிதைமணி DIN Monday, June 25, 2018 04:19 PM +0530 பசியறிந்து ருசி உணர்ந்து உணவை ஒருமுறையேனும் உட்கொண்டதுண்டா?! மனம் துள்ளும் இசை கேட்டு உட்கார்ந்தபடியாவது நடனமாட ஒருமுறையேனும் உடம்பு இசைந்ததுண்டா?! சாதா மழைக்கே வீட்டுக்குள் வந்துவிட்ட வெள்ளத்தை இயற்கையின் வரமென்று ஒருமுறையேனும் மனம் ஏற்றதுண்டா?! கவிதை வாசிப்பில் கதையும் கதை வாசிப்பில் கவிதையும் கிடைத்திட்ட பரவசவேளையை ஒருமுறையேனும் அடைந்ததுண்டா?! அக்னி உச்சி வெய்யில் வேளையில் மரநிழலில் ஒதுங்கி மரக்குளுமையால் ஒருமுறையேனும் உடலை குளிர்வித்ததுண்டா?! குடை இன்றி குளிரக்குளிர மழையில் ஒருமுறையேனும் நனைந்து கொண்டே நடந்ததுண்டா?! மின்வெட்டு வேளையை ஒருமுறையேனும் சபிக்காமல் ஏற்றுக்கொண்டதுண்டா?! தூரநின்று கடல் அலையையும் நடுவில் நின்று மித ஓட்ட நதி நீர் அலையையும் ஒருமுறையேனும் படித்ததுண்டா?! அடிமை உணர்ந்து விடுதலை அடைந்து ஒருமுறையேனும் சுதந்திரக்காற்றை சுவாசித்ததுண்டா?! குழந்தையை வலிக்க வலிக்க அடித்துவிட்டு தனிமையில் கண்ணீர்வராமல் ஒருமுறையேனும் அழுததுண்டா?! பனியில் நனைந்தபடி கிழக்கில் எழுந்துவரும் கதிரவனின் முதல் கதிரை ஒருமுறையேனும் கண்டதுண்டா? அப்படியாயின் நீவீர் மனிதராவீர்!! வாழ்க மானுடம் !! ]]> http://www.dinamani.com/specials/kavithaimani/2018/jun/25/ஒரு-முறையேனும்--ஆர்-வித்யா-2946977.html 2946975 ஸ்பெஷல்ஸ் கவிதைமணி ஒருமுறையேனும்: கே.ஆர். கார்த்திகா கவிதைமணி DIN Monday, June 25, 2018 04:16 PM +0530 ஒருமுறைதான் பிறப்பு
பெற்றோர் தரும் உயிர்
ஒருமுறைதான் இறப்பு
நாம் செய்யும் தவம்
இடைப்பட்டவையெல்லாம்
இயற்கை கொடுத்தருளிய வரம் . . .
சொன்னாலும் சொல்லாவிடினும்
வாழ்க்கை ஒருமுறைதான். . .

வாழ்ந்துதான் காட்ட வேண்டும்
இறப்பும் ஒருமுறைதான்
இறந்துகாட்டமுடியாது
இறப்பையும் வாழ்ந்து காட்டியே
நிரூபிக்கவேண்டியதிருக்கு . . .
ஒரு முறையேனும் கிடைத்ததே
இந்த அற்புத வாழ்க்கை நமக்கு. . .

]]>
http://www.dinamani.com/specials/kavithaimani/2018/jun/25/ஒருமுறையேனும்-கேஆர்-கார்த்திகா-2946975.html
2946974 ஸ்பெஷல்ஸ் கவிதைமணி ஒரு முறையேனும்: அ.வேளாங்கண்ணி கவிதைமணி DIN Monday, June 25, 2018 04:13 PM +0530 ஒரு முறையேனும் கோபப் படு நீயும் வாழும் மனிதன் அன்றோ? ஒரு முறையேனும் சிரித்து விடு சிரிப்பு மனிதனின் வரமும் அன்றோ? ஒரு முறையேனும் அழுது விடு அழுதால் வலிகள் அடங்கும் அன்றோ? ஒரு முறையேனும் மன்னிப் பாய் அதனால் உனக்கொரு இழப்பும் இல்லை ஒரு முறையேனும் எண்ணிப் பார் எதனால் என்றொரு கருத்தும் வரும் ஒரு முறையேனும் உன்னைப் பார் நீயும் உன்னையே உணர்ந்து கொள்வாய் ஒரு முறையேனும் தானம் கொடு கொடுத்த‌பின் இன்னும் தர முயற்சியெடு ஒரு முறையேனும் திருப்பிக் கொடு அடக்கி வைத்தென நன்மை பெற்றாய் ஒரு முறையேனும் மரத்தை நடு வெட்டிய பாவத்தை கழுவிக் கொள்ள‌ ஒரு முறையேனும் மௌனம் பற்று பேசியே எத்தனை குழிகள் கண்டாய் ஒரு முறையேனும் ஊரைச் சுற்று படைத்தவன் தன்னையே மதிக்கும் படி ஒரு முறையேனும் மொழிகள் கற்று உனக்கு நீ பேசிடு அற்புதமே ஒரு முறையேனும் அமைதி கொள்ளு உள்ளத்தின் துயரங்கள் அடங்கும் பாரு ஒரு முறையேனும் அடங்கி நில்லு எட்டாத உயரங்கள் கிடைக்கும் பாரு ஒரு முறையேனும் நல்லது சொல்லு பொல்லாத சொற்களெல்லம் ஓடும் பாரு ஒரு முறையேனும் வாழ்ந்து விடு வாழ்க்கை என்பது அழகாய் வாழ்வதற்கே ஒரு முறையேனும் வாழ்ந்து விடு வாழ்க்கை எல்லோரையும் சிறப்பாய் வாழ்த்துவதற்கே ஒரு முறையேனும் வாழ்ந்து விடு இப்போ வாழாமல் எப்போதான் வாழ்வோம் ]]> http://www.dinamani.com/specials/kavithaimani/2018/jun/25/ஒரு-முறையேனும்-அவேளாங்கண்ணி-2946974.html 2946973 ஸ்பெஷல்ஸ் கவிதைமணி ஒருமுறையேனும்: ஈழநங்கை கவிதைமணி DIN Monday, June 25, 2018 04:12 PM +0530 ஒருமுறையேனும்
துன்பங்கள் மறந்து
தாய்மடி மீது 
சின்னஞ்சிறு குழந்தையாய்
தூங்கி விட ஆசை

ஒருமுறையேனும் மீண்டும்
பாடசாலை சென்று
பள்ளி மாணவியாய்
பள்ளித்தோழியருடன்
துள்ளித்திரிந்திட ஆசை

ஒருமுறையேனும்
துன்பங்கள் மறந்து
சிட்டுக்குருவியாய்
சிறகடித்துப் பறந்து
உலகை சுற்றிவர ஆசை

நாளும் பொழுதுமாய்
நகருகின்ற வாழ்க்கையிலே
கனவிலாவது கிடைத்துவிட வேண்டும்
நினைவழியா ஆசைகள்
ஒருமுறையேனும்.

]]>
http://www.dinamani.com/specials/kavithaimani/2018/jun/25/ஒருமுறையேனும்-ஈழநங்க-2946973.html
2946972 ஸ்பெஷல்ஸ் கவிதைமணி ஒரு முறையேனும்: கலைபரமேஷ்.ம கவிதைமணி DIN Monday, June 25, 2018 04:11 PM +0530 அரைசான் வயிற்றுக்குள் அடங்கி வாழ்ந்தவள் பிறக்கிறாள் கனவோடு – சூளையில் அம்மா வயிற்றில் மிதிப்பட்டபொழுது. வலியோடு கத்திய அம்மாவின் கதறலை இவள் குரல் – அடக்கியது. மாவீரனாக தோளில் அப்பா அவளை தூக்கிய பொழுது அதே பிரசவ கடனிற்காக மிதித்தனர் - இம்முறை அப்பா. செம்மண்ணின் நிறம் சிகப்பாக மாறியது இவனின் இரத்தம் சொட்ட…. அதே மண் அவன் இரத்ததில் கலந்ததது காயத்தின் மீது அவள் பூசிய மண்ணாக வருடங்கள் கடந்தன, செங்கல்களுக்கு இவள் கைகள் உயிர்கொடுத்தன – தீயில் எரிந்து முழு உயிர்பெற்றது. தினம் தினம் நினைத்துக்கொண்டால் ஒரு முறையேனும் இந்த அடிமைத்தனத்தை எரிப்போம் செங்கல்களை போல் இறுதியில் தீயில் கருகியது செங்கல்கள்…….. ]]> http://www.dinamani.com/specials/kavithaimani/2018/jun/25/ஒரு-முறையேனும்-கலைபரமேஷ்ம-2946972.html 2946971 ஸ்பெஷல்ஸ் கவிதைமணி ஒருமுறையேனும்: வேதஹரி கவிதைமணி DIN Monday, June 25, 2018 04:08 PM +0530 ஒருமுறையேனும் கவிதை ஏன்எழுதவேன்டும் எதர்காகஎழுதவேன்டும் காதல்வளர்குமா மொழிவளர்க்குமா புகழ்நிலைக்குமா அப்படியானால்... இதுநாள்வரை… மயில்ஆடும் குயில்பாடும் மலைஅழகு பூமலரும் வைகரைபுலரும் நிலவு வானம் நீலம் யாருக்குத்தான்தெரியாது சொல்வனயாவும் அரிந்தவையே தெரியாததைசொன்னால் அபத்தம் கவிதை யாருக்காகஎழுதுவது உனக்காகவா எனக்காகவா பத்திரிக்கைகளுக்கா புத்தகங்களுக்கா எதைச்சொல்லஎழுதுவது ஒன்றுமில்லை உனக்கும் எனக்கும் பிடுக்கும் அவ்வளுவுதான். ]]> http://www.dinamani.com/specials/kavithaimani/2018/jun/25/ஒருமுறையேனும்-வேதஹரி-2946971.html 2946969 ஸ்பெஷல்ஸ் கவிதைமணி ஒருமுறையேனும்: வ.க.கன்னியப்பன் கவிதைமணி DIN Monday, June 25, 2018 04:06 PM +0530 அருநெறி அருளும் அன்பில் ஆட்சிசெய் இறைவன் காட்டும் கருணையை என்றும் எண்ணி, காத்திடும் இறையின் பண்பைக் கருவிழி மாந்தர் கண்ணில் காட்டிடும் பாசந் தன்னில் ஒருமுறை யேனும் உன்னி உருகிட வேண்டும் நன்றாய்! ]]> http://www.dinamani.com/specials/kavithaimani/2018/jun/25/ஒருமுறையேனும்-வககன்னியப்பன்-2946969.html 2946968 ஸ்பெஷல்ஸ் கவிதைமணி ஒருமுறையேனும்: ஆர்.அருண்குமார் கவிதைமணி DIN Monday, June 25, 2018 04:05 PM +0530 எத்தனையோ கனவுகள் மனதுக்குள் அத்தனையும் பலிக்கவில்லை. வித்தகனாக வேண்டும் என்றகனவு பித்தனாக அலையவைத்தது. நல்லவனாக வேண்டுமென்ற நனவு மெல்லவே மாறிப்போனது. வல்லவனாக நினைத்தபோதில் சொல்லமுடியா வேதனை தந்தது. நாட்டைத் திருத்த எண்ணிய மனமோ வேட்டை நாயாய் திரிய வைத்தது. கோட்டை கட்ட போராடியபோது போட்ட திட்டமெல்லாம் மறைந்தது. உண்மையைக் கூறினால் உலகமோ அண்மையில் வராதே என்றது. வண்ணமாய் ஒளிர்ந்தபோது எண்ணமோ அலைபாய்ந்தது. ஒருமுறையேனும் நினைத்தபடி உள்ளம் மாறவேண்டும். மறுமுறையாவது மனமெல்லாம் உறுதுணைபுரிய வேண்டும். ]]> http://www.dinamani.com/specials/kavithaimani/2018/jun/25/ஒருமுறையேனும்-ஆர்அருண்குமார்-2946968.html 2946967 ஸ்பெஷல்ஸ் கவிதைமணி ஒருமுறையேனும்: கவிஞர் இரா. இரவி ! கவிதைமணி DIN Monday, June 25, 2018 04:01 PM +0530 ஒருமுறையேனும் இலங்கை இராணுவத்தை நமது இந்திய இராணுவம் சுடவேண்டும் என் ஆசை இது! மீன்பிடிக்கச் செல்லும் மீனவர்களின் வலையை அறுக்கிறான் மீனவர்களைக் கண்மூடித்தனமாகத் தாக்கி வருகிறான்! துப்பாக்கியால் காக்கா குருவியென சுடுகிறான் தலைகளைக் கண்டாலே தாவி ந்து தாக்குகிறான்! உயிரோடு திரும்பி வருவது மீனவர்களுக்கு உத்திரவாதம் இல்லாமல் போனது இலங்கையால் ! தானம் தந்த கச்சத்தீவில் ஆதிக்கம் செய்கிறான் தத்தளிக்க விட்டு கொடூரமாக ரசித்து மகிழ்கிறான்! படகுகளைப் பறித்துக் கொண்டு விரட்டுகின்றான் பரிதவிக்க விடுகிறான் பாவப்பட்ட மீனவர்களை! கடலுக்குள் ஏதடா எல்லை புரியவில்லை இலங்கைக்கு காற்று அடித்தால் கடந்து விடும் படகு அறியவில்லை! எல்லை தாண்டி வந்து பயங்கரவாதம் புரிகிறான் எல்லை மீறிய அடாவடித்தனம் செய்து வருகிறான்! தட்டிக் கேட்க யாருமில்லை இறுமாப்பு கொள்கிறான் தடியடியாவது நடத்துங்கள் இலங்கை இராணுவத்தை! தமிழக மீனவனும் இந்தியன்தான் உணருங்கள் தமிழனைக் காக்க இராணுவத்தை அனுப்புங்கள்! தமிழக மீனவன் மீது கை வைத்தால் இந்திய இராணுவம் தட்டிக் கேட்கும் என்ற பயத்தைக் காட்டுங்கள்! உலகமகா ரவுடியாக வலம் வரும் கொடூரன் இலங்கை இராணுவத்திற்கு பாடம் புகட்டுங்கள்! என் ஆசை என்றும் நிறைவேறாது தெரியும் ஒருமுறையேனும் இலங்கை இராணுவத்தைச் சுடுங்கள்!]]> http://www.dinamani.com/specials/kavithaimani/2018/jun/25/ஒருமுறையேனும்-கவிஞர்-இரா-இரவி--2946967.html 2946966 ஸ்பெஷல்ஸ் கவிதைமணி ஒருமுறையேனும்:  சரஸ்வதி ராசேந்திரன் கவிதைமணி DIN Monday, June 25, 2018 03:59 PM +0530 நாட்டின் நிலவரம் நாளும் கலவரம் அம் மென்றால் ஆர்ப்பாட்டம் உம் மென்றாலே போராட்டம் சோறுபோடும் உழவர் கூட்டம் கூறு போடபிரிந்து விவசாயமும் செத்ததிங்கே தீவிர வாதமும் பாலியல்கொடுமையும் தினமும் நடக்கிறது குடும்ப உறவுகளோ குடை சாய்ந்துகிடக்கிறது நாடு நலம் பெற நலத்திட்டங்கள் விரிவடைய நயத்தை இழந்து சுயத்தையும் இழந்து தவிக்கும் மக்கள் துயரம் போக நல்லாட்சி அமைந்திட வல்லரசாய் இந்தியா நல்லரசாக நானிலத்தில் ஒரு முறையேனும் வருவாரா காமராசர்போல் ஒருவர்,,,,,,,,]]> http://www.dinamani.com/specials/kavithaimani/2018/jun/25/ஒருமுறையேனும்--சரஸ்வதி-ராசேந்திரன்-2946966.html 2946962 ஸ்பெஷல்ஸ் கவிதைமணி ஒருமுறையேனும்.: இராஜேந்திரன் சத்யா கவிதைமணி DIN Monday, June 25, 2018 03:31 PM +0530 என் ஐம்பூத உலகினில் உலாவி வரும் உயிராய்....!!! என் நான்திசை பக்கமும் வளம் வரும் வாசமாய் ...!!! என் முப்பொழுதினிலும் முகம் பதிக்கும் பதுமையாய் ...!!! என் இரு கண்களின் கனவிலும் கடத்தி செல்லும் சோலையாய் ....!!! என் ஒற்றை இதயத்தை ஓயாமல் ஒலித்து, ஒளிந்திருக்கும் ஓவியமாய்....!!! காதலொழுக கதை பேசும் என் மனதிற்கு............ அவள் உதடுகள் உதிர்த்த காதலை.... என் செவிகளும் பருகாதோ....... ஒருமுறையேனும்.......!!!]]> http://www.dinamani.com/specials/kavithaimani/2018/jun/25/ஒருமுறையேனும்-இராஜேந்திரன்-சத்யா-2946962.html 2946959 ஸ்பெஷல்ஸ் கவிதைமணி ஒருமுறையேனும்: பெருவை பார்த்தசாரதி கவிதைமணி DIN Monday, June 25, 2018 03:28 PM +0530 சந்திரனையும் சூரியனையும் தந்தது யார் சற்றேயொரு முறை யேனும் யோசியுங்கள்.! எந்திர சக்தியை எங்கிருந்(அ)து பெற்றதாம் எங்கேயோ அந்தரத்திலது தொங்கு தற்கு.! மந்திரத்தால் இயங்க வில்லை தெரிந்துமது மாயமாய் மறைந்து மீண்டும் திரும்புகிறது.! தந்திரத்தால் அங்கே போகமுடியுமா?நிரந்- தரமாய் நிலையா யங்கே தங்கமுடியுமா.? தருகின்ற ஒளியும் தடங்களில்லாக் காற்றும் தரணியைக் காக்கச் சன்மானம் ஏதுமில்லை.! இருளும் ஒளியும் நீதராது இவ்வுலகுண்டா இயற்கையே உன்னை என்றும் மதிப்பேன்.! ஒருநாளில் ஒருமுறை யேனும் உன்னை உறங்கு முன்னே நினைப்பேன் அதன்பின்.! வருகின்ற மற்றை நாட்களில் எல்லாமும் வாழ்வி லொருவகைப் பிடிப்பு வருமென்றே.! ஒருமுறை தான்பிறவி வேண்டு மதுவும் உலகுக்குதவி செயும் கிரகங்களைப் போல.! கருவிலே இருக்கும் போதே நாங்களும் கருணை யுள்ளமுடன் உயிராக வேண்டும்.! இருளிலும் ஒளிதந்து பிரதிபலன் பாராத உன்னொளியால் நீரிலும் மலர் மலர்கிறது.! உருவிலே சிறிதாய் இருந்தாலும் இப்பரந்த உலகையே ஆளும் திறமை உனக்குண்டு.!]]> http://www.dinamani.com/specials/kavithaimani/2018/jun/25/ஒருமுறையேனும்-பெருவை-பார்த்தசாரதி-2946959.html 2946958 ஸ்பெஷல்ஸ் கவிதைமணி ஒரு முறையேனும்: பாலா கார்த்திகேயன்  கவிதைமணி DIN Monday, June 25, 2018 03:25 PM +0530 தெய்வமே 
தேடித் தேடி அலைகிறோம் 
தேடிக் கிடைக்காமல் தவிக்கிறோம் 
உன் அருள்  தேவையே 
உன் கருணைப் பார்வை வேண்டுமே 

தமிழனின் உரிமைகள் 
தமிழனின் போராட்டங்கள் 
தீர்வு கிடைக்குமா....

காய்ந்து போன உள்ளத்தில் 
மாய்ந்து போன மனிதனிடத்தில் 
சோர்ந்து போன நெஞ்சத்தில் 
அயர்ந்து போன எம் குலத்தில் 

அமைதி பிறக்க 
அற்புதம் நடக்க 
ஒரு முறையேனும் 
தெய்வமே உன் கண் பார்வை படாதா....

]]>
http://www.dinamani.com/specials/kavithaimani/2018/jun/25/ஒரு-முறையேனும்-பாலா-கார்த்திகேயன்-2946958.html
2946957 ஸ்பெஷல்ஸ் கவிதைமணி ஒரு முறையேனும்: கே.நடராஜன் கவிதைமணி DIN Monday, June 25, 2018 03:23 PM +0530 அலை பேசி , கை பேசி எதுவும் 
இல்லாமல் தனி ஒருவனாய் 
என்னை மறந்து, இந்த உலகை 
மறந்து , வலையின் மாயையில் 
இன்னும் சிக்காத ஒரு மண்ணின் 
மடியில் நான் ஆடி ஓடி நடை பயில 
வேண்டும் ஒரு நாள் முழுதும் !

அந்த மண்ணின் மரத்தில் 
குடியிருக்கும் குயிலின் பாட்டு 
பாட்டு மட்டும் கேட்க வேண்டும் 
ஒரு நாள் முழுதும் நான் !

இது என் தீராத ஆசை !  என் 
ஆசை நிறைவேறுமா என் வாழ் நாளில் 
ஒரு முறையேனும் ?

]]>
http://www.dinamani.com/specials/kavithaimani/2018/jun/25/ஒரு-முறையேனும்-கேநடராஜன்-2946957.html
2946956 ஸ்பெஷல்ஸ் கவிதைமணி ஒருமுறையேனும்: பி.பிரசாத் கவிதைமணி DIN Monday, June 25, 2018 03:20 PM +0530 ஒருங்கிணைத்து, வழிகாட்டி ஒருகுழுவை நடத்திடவே ஒருதலைவன் வேண்டுமதில் சந்தேகம் ஏதுமிலை ! தலைவனவன் காட்டும்வழி கண்மூடி செல்லுதலோ வலைதன்னில் வலிந்தேநாம் வீழ்தல்போல் ஆகிடுமே ! சொன்னவழி நல்வழியா? சிறந்ததொரு நன்முறையா? என்றுஒரு முறையேனும் சுயமாக சிந்திப்போம் ! தவறென்றால் தலைவனிடம் தயங்காமல் எடுத்துரைப்போம் ! எவருக்கும் பயந்தேநாம் எதையும்தான் செய்யோமே ! சரியென்ற வழியதுவே நமைசேர்க்கும் நல்லிடமே! 'சரி'யென்று யாவைக்கும்.. சரியின்று சொல்லோமே ! ஆடுகளின் கூட்டம்போல் அலைந்தேபின் செல்லோமே ! கேடுவரும் எனதெரிந்தும் கெட்டவழி செல்லோமே ! ஒருமுறையே தானும்நாம் செய்யும்முன் சிந்திப்போம் ! ஒருகுறையும் வாராதே ! வந்தாலும் எதிர்கொள்வோம் ! எண்ணியேநீ துணிகவென‌ சொன்னானே அன்றேதான் ! கண்மூடி செல்லாமல் கருத்தோடு சிந்திப்போம் !]]> http://www.dinamani.com/specials/kavithaimani/2018/jun/25/ஒருமுறையேனும்-பிபிரசாத்-2946956.html 2946954 ஸ்பெஷல்ஸ் கவிதைமணி ஒரு முறையேனும்: குமார் சுப்பையா கவிதைமணி DIN Monday, June 25, 2018 03:16 PM +0530 ஒரு முறையேனும் ஒளிவு மறைவின்றி! ஒருமித்த உணர்வுடன் பாலம் ஓங்கிட! பரிதாப மனதுடன் ஒவ்வொரு முறையும்! பாலங்கள் பதறி பரிதவிக்கிறது! கையூட்டு பெற்று கைவிட்டு விடுவாரோ என்று! ஆறுகள் கண்ணீர் வற்றிப் போனது! அழுதாலும் மணலும் அற்றுப் போனது! உடையின்றி உருவின்றி உருகிப் போனேன்! உனைநீங்கி எனையிழந்து காணாப் போகிறேன்! ஒரு முறையேனும் மணல் எனும்! ஆடையை விட்டு வைத்தால்! உலகில் நானும் வாழ்வேன்! உன்னைக் காத்திட! _மனிதா உன்னையும் உன் உயிரையும் காத்திட! ]]> http://www.dinamani.com/specials/kavithaimani/2018/jun/25/ஒரு-முறையேனும்-குமார்-சுப்பையா-2946954.html 2946952 ஸ்பெஷல்ஸ் கவிதைமணி ஒருமுறையேனும்: பாவலர் கருமலைத்தமிழாழன் கவிதைமணி DIN Monday, June 25, 2018 03:11 PM +0530 தண்ணீரே வாராதத் தெருக்கு ழாய்கள் தாரின்றிக் கல்குத்தும் வீதிச் சாலை மண்சேறாய்ச் சாக்கடைநீர் தேங்கும் முற்றம் மறந்துமொளி வீசாத மின்கம் பங்கள் கண்மறைக்கும் ஆளுயர விளம்ப ரங்கள் காட்சிதரா ஆட்சியாளர் என்றே நாளும் எண்ணற்ற பிரச்சனைகள் எதிரில் நிற்க எவரேனும் கேட்பதற்கு வந்த துண்டா ! இயற்கையினை அழிக்கின்றார் ! சுற்றுச் சூழல் இனியகாற்றை மாசாக்கிக் கெடுக்கின் றார்கள் வயல்ஏரி குளங்களினை விற்கின் றார்கள் வளம்தந்த ஆற்றுமணல் அள்ளு கின்றார் அயல்மொழியில் கல்விதந்து வணிக மாக்கி அன்னைமொழி தமிழ்மொழியை ஒதுக்கு கின்றார் செயல்பட்டே இவைகளினைத் தடுப்ப தற்குச் செழுந்தோளார் எவரேனும் வந்த துண்டா ! அரசியலார் செய்கின்ற தவற்றைக் கேட்க அரசாங்க அலுவலர்கள் கையூட் டோட்டக் குரலெடுத்து முழக்கமிட்டே ஒருவ ரேனும் கூடிடுவோம் ஒற்றுமையாய் என்ற துண்டா விரல்நீட்டிக் கயவரினைச் சுட்டி நீங்கள் விரட்டுதற்கே ஒருமுறைதாம் எழுந்து விட்டால் வரலாற்றை மாற்றிடலாம் ! தூய ஆட்சி வளவாழ்வு இங்கமையும் வாரீர் வாரீர் !]]> http://www.dinamani.com/specials/kavithaimani/2018/jun/25/ஒருமுறையேனும்-பாவலர்-கருமலைத்தமிழாழன்-2946952.html