Dinamani - நாள்தோறும் நம்மாழ்வார் - http://www.dinamani.com/specials/naalthorum-nammalvaar/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 2791893 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஒன்பதாம் திருவாய்மொழி - பாடல் 7, 8 சொ. மணியன் Wednesday, October 18, 2017 12:00 AM +0530  

பாடல் - 7

பாதங்கள் மேல் அணி பூந்தொழக் கூடும்கொல்,
                                                     பாவைநல்லீர்,
ஓத நெடும் தடத்துள் உயர் தாமரை, செங்கழுநீர்
மாதர்கள் வாள்முகமும் கண்ணும் ஏந்தும்
                                                   திருவல்லவாழ்
நாதன், இஞ்ஞாலம் உண்ட நம்பிரான்தன்னை
                                                  நாள்தொறுமே
.

பாவைபோன்ற பெண்களே, திருவல்லவாழ் என்னும் திருத்தலத்தில் தண்ணீர் நிறைந்த பெரிய குளத்திலே, உயர்ந்த தாமரையும் செங்கழுநீரும் பெண்களின் ஒளிபொருந்திய முகம், கண்ணைப்போல் தோன்றுகின்றன, அத்தகைய திருவல்லவாழ் நகரில் எழுந்தருளியிருக்கும் நாதன், இந்த உலகை உண்ட நம்பிரான், மலர்களால் அலங்கரிக்கப்பட்ட அவனுடைய திருவடிகளைத் தினந்தோறும் தொழும் பாக்கியம் நமக்குக் கிடைக்குமா?

******

பாடல் - 8

நாள்தொறும் வீடு இன்றியே தொழக்கூடும்கொல்,
                                                                                         நல்நுதலீர்,
ஆடுறு தீங்கரும்பும் விளை செந்நெலும் ஆகி எங்கும்
மாடுறு பூந்தடம் சேர் வயல் சூழ் தண் திருவல்லவாழ்
நீடு உறைகின்ற பிரான் நிலம் தாவிய நீள்கழலே.

நல்ல நெற்றியைக்கொண்ட பெண்களே, திருவல்லவாழ் என்னும் திருத்தலத்திலே, ஆலையில் இட்டு ஆட்டப்படுகின்ற இனிய கரும்பும், விளைந்த செந்நெல்லும் எல்லாப் பக்கங்களிலும் நிறைந்திருக்கின்றன, பக்கங்களில் அழகிய குளங்கள் அமைந்திருக்கின்றன, அவ்வாறு வயல்களால் சூழப்பட்ட, குளிர்ந்த திருவல்லவாழ் நகரில் என்றென்றும் தங்கியிருக்கிறவன் எம்பெருமான், தாவி நிலத்தை அளந்த அவனுடைய திருவடிகளை நாள்தோறும் தடங்கலில்லாமல் தொழும் பாக்கியம் நமக்குக் கிடைக்குமா?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/18/ஐந்தாம்-பத்து-ஒன்பதாம்-திருவாய்மொழி---பாடல்-7-8-2791893.html
2791844 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஒன்பதாம் திருவாய்மொழி - பாடல் 5, 6 சொ. மணியன் DIN Tuesday, October 17, 2017 09:19 AM +0530
பாடல் - 5

நல் நலத் தோழிமீர்காள், நல்ல அந்தணர் வேள்விப்புகை
மைந்நலம் கொண்டு உயர் விண் மறைக்கும் தண்
                                                                                            திருவல்லவாழ்
கன்னல் அம் கட்டிதன்னை, கனியை, இன் அமுதம்தன்னை,
என் நலம் கொள் சுடரை என்றுகொல் கண்கள் காண்பதுவே.

சிறந்த அன்பைக்கொண்ட தோழிகளே, நல்ல அந்தணர்கள் செய்யும் வேள்விகளிலிருந்து எழுகின்ற புகை, கருப்பாக மேலே சென்று உயர்ந்த வானத்தை மறைக்கின்ற, குளிர்ந்த திருவல்லவாழ் என்னும் திருத்தலத்தில் எழுந்தருளியிருக்கும் எம்பெருமான், வெல்லக்கட்டி, பழம், இனிய அமுதம், என்னுடைய நலத்தைக் கொள்ளைகொள்ளும் சுடர், அவரை என் கண்கள் என்றைக்குக் காணுமோ.

******

பாடல் - 6

காண்பது எஞ்ஞான்றுகொலோ, வினையேன், கனிவாய்
                                                                                                        மடவீர்,
பாண்குரல் வண்டினொடு பசும்தென்றலும்ஆகி எங்கும்
சேண் சினை ஓங்கு மரச் செழும் கானல் திருவல்லவாழ்
மாண் குறள் கோலப்பிரான் மலர்த் தாமரைப் பாதங்களே.

கனிபோன்ற வாயைக்கொண்ட பெண்களே, எம்பெருமான் எழுந்தருளியிருக்கும் திருவல்லவாழ் என்னும் திருத்தலத்தில் செழுமையான கடற்கரைச்சோலைகள் உள்ளன, அங்கே வண்டுகள் பண் பாடுகின்றன, எங்கும் பசும்தென்றல் வீசுகிறது, உயரமான கிளைகளுடன் மரங்கள் ஓங்கி நிற்கின்றன, அத்தகைய திருவல்லவாழ் நகரில் எழுந்தருளியிருக்கும் வாமனன், அழகிய பெருமானின் தாமரைபோன்ற மலரடிகளை, பெரிய வினைகளைச் செய்தவளான நான் எப்போது காண்பேனோ.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/17/ஐந்தாம்-பத்து-ஒன்பதாம்-திருவாய்மொழி---பாடல்-5-6-2791844.html
2791843 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஒன்பதாம் திருவாய்மொழி - பாடல் 5, 6 சொ. மணியன் Tuesday, October 17, 2017 09:04 AM +0530  

பாடல் - 5

நல் நலத் தோழிமீர்காள், நல்ல அந்தணர் வேள்விப்புகை
மைந்நலம் கொண்டு உயர் விண் மறைக்கும் தண்
                                                                                           திருவல்லவாழ்
கன்னல் அம் கட்டிதன்னை, கனியை, இன் அமுதம்தன்னை,
என் நலம் கொள் சுடரை என்றுகொல் கண்கள் காண்பதுவே.

சிறந்த அன்பைக்கொண்ட தோழிகளே, நல்ல அந்தணர்கள் செய்யும் வேள்விகளிலிருந்து எழுகின்ற புகை, கருப்பாக மேலே சென்று உயர்ந்த வானத்தை மறைக்கின்ற, குளிர்ந்த திருவல்லவாழ் என்னும் திருத்தலத்தில் எழுந்தருளியிருக்கும் எம்பெருமான், வெல்லக்கட்டி, பழம், இனிய அமுதம், என்னுடைய நலத்தைக் கொள்ளைகொள்ளும் சுடர், அவரை என் கண்கள் என்றைக்குக் காணுமோ.

******

பாடல் - 6

காண்பது எஞ்ஞான்றுகொலோ, வினையேன், கனிவாய்
                                                                                                          மடவீர்,
பாண்குரல் வண்டினொடு பசும்தென்றலும்ஆகி எங்கும்
சேண் சினை ஓங்கு மரச் செழும் கானல் திருவல்லவாழ்
மாண் குறள் கோலப்பிரான் மலர்த் தாமரைப் பாதங்களே.

கனிபோன்ற வாயைக்கொண்ட பெண்களே, எம்பெருமான் எழுந்தருளியிருக்கும் திருவல்லவாழ் என்னும் திருத்தலத்தில் செழுமையான கடற்கரைச்சோலைகள் உள்ளன, அங்கே வண்டுகள் பண் பாடுகின்றன, எங்கும் பசும்தென்றல் வீசுகிறது, உயரமான கிளைகளுடன் மரங்கள் ஓங்கி நிற்கின்றன, அத்தகைய திருவல்லவாழ் நகரில் எழுந்தருளியிருக்கும் வாமனன், அழகிய பெருமானின் தாமரைபோன்ற மலரடிகளை, பெரிய வினைகளைச் செய்தவளான நான் எப்போது காண்பேனோ.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/17/ஐந்தாம்-பத்து-ஒன்பதாம்-திருவாய்மொழி---பாடல்-5-6-2791843.html
2789124 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஒன்பதாம் திருவாய்மொழி - பாடல் 3, 4 சொ. மணியன் DIN Monday, October 16, 2017 12:00 AM +0530  

பாடல் - 3

சூடு மலர்க் குழலீர், துயராட்டியேனை மெலியப்
பாடு நல் வேத ஒலி பரவைத் திரைபோல் முழங்க
மாடு உயர்ந்து ஓமப்புகை கமழும் தண் திருவல்லவாழ்
நீடு உறைகின்ற பிரான் கழல் காண்டும்கொல் நிச்சலுமே.

மலர்களைச் சூடிய கூந்தலைக்கொண்ட தோழிகளே, எம்பெருமான் எழுந்தருளியிருக்கும் குளிர்ந்த திருவல்லவாழ் என்னும் திருத்தலத்திலே நல்ல வேத ஒலி கடலலைபோல் முழங்குகிறது, ஓமப்புகை பக்கங்களில் எழுந்து உயர்ந்து கமழ்கிறது, இதனால், துயரத்தில் இருக்கும் நான் மெலிந்து வாடுகிறேன், அப்பெருமானின் திருவடிகளை நாம் எப்போதும் காண்போமா?

******

பாடல் - 4

நிச்சலும் தோழிமீர்காள், எம்மை நீர் நலிந்து என்செய்தீரோ,
பச்சிலை நீள் கமுகும் பலவும் தெங்கும் வாழைகளும்
மச்சு அணி மாடங்கள்மீது அணவும் தண் திருவல்லவாழ்
நச்சு அரவின் அணைமேல் நம்பிரானது நல் நலமே.

தோழிகளே, எப்போதும் என்னை வருந்தச்செய்வதால் உங்களுக்கு என்ன பலன்? பசுமையான இலைகளைக்கொண்ட நீண்ட பாக்குமரமும் பலாவும் தென்னைமரமும் வாழைகளும் உயரமாக வளர்ந்து, மச்சினைக்கொண்ட மாடங்கள்மேல் தழுவியிருக்கிற குளிர்ந்த திருவல்லவாழ் என்னும் திருத்தலத்திலே, நஞ்சைக்கொண்ட பாம்பைப் படுக்கையாகக் கொண்ட எம்பெருமான் எழுந்தருளியிருக்கிறான், என்னுடைய நல்ல நலம் அவனிடம் உள்ளது.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/16/ஐந்தாம்-பத்து-ஒன்பதாம்-திருவாய்மொழி---பாடல்-3-4-2789124.html
2789122 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஒன்பதாம் திருவாய்மொழி - பாடல் 1, 2 சொ. மணியன் DIN Sunday, October 15, 2017 12:00 AM +0530  

பாடல் - 1

மான் ஏய் நோக்குநல்லீர், வைகலும் வினையேன் மெலிய
வான் ஆர் வண்கமுகும் மது மல்லிகை கமழும்
தேன் ஆர் சோலைகள் சூழ் திருவல்லவாழ் உறையும்
கோனாரை அடியேன் அடிகூடுவது என்றுகொலோ?

மான்போன்ற பார்வைகொண்ட பெண்களே, கொடிய வினைகளைச் செய்துவிட்ட நான் ஒவ்வொரு நாளும் மெலிந்துகொண்டிருக்கிறேன், வானத்தைத் தொடுகிற அழகிய பாக்குமரங்களும், தேன் பொருந்திய மல்லிகைகளும் கமழ்கிற தேன் நிறைந்த சோலைகளால் சூழப்பட்ட திருவல்லவாழ் என்னும் திருத்தலத்தில் எழுந்தருளியிருக்கும் தலைவனாகிய எம்பெருமானின் திருவடிகளை நான் எப்போது சேர்வேன்?

******

பாடல் - 2

என்றுகொல் தோழிமீர்காள், எம்மை நீர் நலிந்து என்
                                                                                              செய்தீரோ,
பொன் திகழ் புன்னை, மகிழ், புது மாதவிமீது அணவித்
தென்றல் மணம் கமழும் திருவல்லவாழ் நகருள்
நின்றபிரான் அடி நீறு அடியோம் கொண்டு சூடுவதே.

தோழிகளே, என்னை வருந்தச்செய்வதால் உங்களுக்கு என்ன பயன்? பொன்போன்ற மகரந்தங்களைக்கொண்ட புன்னை மரத்தின்மீதும், மகிழமரங்களின்மீதும், புதிய மாதவிக்கொடியின்மீதும் தென்றல் வீசுகிறது, அந்தத் தென்றலில் நறுமணம் கமழ்கிறது, அத்தகைய திருவல்லவாழ் நகரிலே நிற்கும் எம்பெருமானின் திருவடித் துகள்களை நான் என் தலையில் சூடிக்கொள்வது எப்போது?
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/15/ஐந்தாம்-பத்து-ஒன்பதாம்-திருவாய்மொழி---பாடல்-1-2-2789122.html
2789121 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து எட்டாம் திருவாய்மொழி - பாடல் 11 சொ. மணியன் DIN Saturday, October 14, 2017 12:00 AM +0530  

பாடல் - 11

உழலை என்பின் பேய்ச்சி முலை ஊடு அவளை உயிர்
                                                                                           உண்டான்
கழல்கள் அவையே சரணாகக் கொண்ட குருகூர்ச்
                                                                                          சடகோபன்
குழலின் மலியச்சொன்ன ஓர் ஆயிரத்துள் இப்பத்தும்
மழலை தீரவல்லார் காமர் மான் ஏய் நோக்கியர்க்கே.

மரத்துண்டுகளைப்போன்ற எலும்புகளைக்கொண்ட பேயான பூதனையின் மார்பகத்தின்வழியே அவளுடைய உயிரை உண்டவன் எம்பெருமான், அத்தகைய பெருமானின் திருவடிகளையே சரணாகக் கொண்டவர் குருகூர்ச் சடகோபன், அவர் எம்பெருமானைப்பற்றிப் புல்லாங்குழல் இசையைவிட இனிமையாக ஆயிரம் திருப்பாடல்களைப் பாடினார், அவற்றுள் இந்தப் பத்து பாடல்களையும் பாடுவோருடைய அறியாமை தீரும், அப்படிப் பாடுகிறவர்களை, மான் போன்ற கண்களையுடைய பெண்கள் விருப்பத்துடன் பார்ப்பார்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/14/ஐந்தாம்-பத்து-எட்டாம்-திருவாய்மொழி---பாடல்-11-2789121.html
2789120 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து எட்டாம் திருவாய்மொழி - பாடல் 9, 10 சொ. மணியன் Friday, October 13, 2017 12:00 AM +0530  

பாடல் - 9

இசைவித்து என்னை உன் தாள் இணைக்கீழ் இருத்தும்
                                                                                                          அம்மானே,
அசைவு இல் அமரர் தலைவர் தலைவா, ஆதிப் பெருமூர்த்தி,
திசைவில் வீசும் செழு மாமணிகள் சேரும் திருக்குடந்தை
அசைவு இல் உலகம் பரவக் கிடந்தாய், காண வாராயே.

என்னை உடன்படச்செய்து உன்னுடைய திருவடிகளில் இருத்தும் அம்மானே, அழியாத அமரர்களின் தலைவருக்குத் தலைவா, அனைத்துக்கும் முதலான பெருமூர்த்தியே, எல்லாத் திசைகளிலும் ஒளி வீசும் செழுமையான, சிறந்த மணிகள் சேர்கிற திருக்குடந்தையிலே, உலகம் வருத்தமின்றிப் போற்றும்படி, கிடந்த திருக்கோலத்தில் அருள்செய்கிறவனே, நான் காணும்படி வரவேண்டும்.

******

பாடல் - 10

வாரா அருவாய் வரும் என் மாயா, மாயா மூர்த்தியாய்,
ஆரா அமுதாய் அடியேன் ஆவி அகமே தித்திப்பாய்,
தீரா வினைகள் தீர என்னை ஆண்டாய், திருக்குடந்தை
ஊராய், உனக்கு ஆட்பட்டும் அடியேன் இன்னம்
                                                                                      உழல்வேனோ?

வெளிக்கண்களால் காண இயலாதபடி அருவ வடிவில் தோன்றுகின்ற என் மாயனே, என்றைக்கும் அழியாத திருமேனியைக்கொண்டவனே, தெவிட்டாத அமுதமாக என்னுடைய உயிருக்குள்ளே தித்திப்பவனே, தீராத வினைகளெல்லாம் தீரும்படி என்னை ஆண்டவனே, திருக்குடந்தையை ஊராகக் கொண்டவனே, உனக்கு ஆட்பட்டபிறகும் நான் இன்னும் இங்கே உழன்று துன்புறுவேனா?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/13/ஐந்தாம்-பத்து-எட்டாம்-திருவாய்மொழி---பாடல்-9-10-2789120.html
2789082 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து எட்டாம் திருவாய்மொழி - பாடல் 7,8 சொ. மணியன் Thursday, October 12, 2017 10:23 AM +0530  

பாடல் - 7

அரி ஏறே, என் அம் பொன் சுடரே, செங்கண் கருமுகிலே,
எரி ஏய் பவளக்குன்றே, நால் தோள் எந்தாய், உனது அருளே
பிரியா அடிமை என்னைக் கொண்டாய், குடந்தைத்
                                                                                                         திருமாலே,
தரியேன் இனி, உன் சரணம் தந்து என் சன்மம் களையாயே.

ஆண் சிங்கமே, என்னுடைய அழகிய பொன் சுடரே, செங்கண்களைக்கொண்ட கரிய மேகமே, நெருப்புப் பொருந்திய பவளக்குன்றே, நான்கு தோள்களையுடைய எங்கள் தந்தையே, உன்னுடைய அருள் என்றும் பிரியாதபடி என்னை அடிமையாக்கிக்கொண்டவனே, திருக்குடந்தையிலே கிடந்த திருக்கோலத்தில் அருள்புரிபவனே, இனியும் என்னால் (இந்த உலகத்துயரங்களைத்) தாங்க இயலாது, உன்னுடைய திருவடிகளைத் தந்து என்னுடைய பிறப்பை நீக்குவாய்.

******

பாடல் - 8

களைவாய் துன்பம், களையாது ஒழிவாய், களைகண்
                                                                                              மற்றுஇலேன்,
வளை வாய் நேமிப் படையாய், குடந்தைக் கிடந்தாய்,
                                                                                              மாமாயா,
தளரா உடலம் எனது ஆவி சரிந்துபோம்போது
இளையாது உன தாள் ஒருங்கப் பிடித்துப் போத இசை நீயே.

வளைந்த வாயைக்கொண்ட சக்ராயுதத்தை ஏந்தியவனே, திருக்குடந்தையிலே கிடந்த திருக்கோலத்தில் அருள்புரிபவனே, பெரிய மாயச்செயல்களைச் செய்பவனே, நீ என்னுடைய துன்பங்களைக் களைந்தாலும் சரி, களையாவிட்டாலும் சரி, உன்னையன்றி எனக்கு இன்னோர் ஆதரவு இல்லை, என்னுடைய உடல் தளர்ந்து, உயிர் சரிகிறபோதும், நான் தளராமல் உன்னுடைய திருவடிகளை ஒன்றாகப் பிடித்துக்கொண்டிருக்கவேண்டும், அதற்கு நீ சம்மதிக்கவேண்டும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/12/ஐந்தாம்-பத்து-எட்டாம்-திருவாய்மொழி---பாடல்-78-2789082.html
2786213 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து எட்டாம் திருவாய்மொழி - பாடல் 5, 6 சொ. மணியன் DIN Wednesday, October 11, 2017 12:00 AM +0530  

பாடல் - 5

அழுவன், தொழுவன், ஆடிக்காண்பன், பாடி அலற்றுவன்,
தழு வல்வினையால் பக்கம் நோக்கி நாணிக்
                                                                                       கவிழ்ந்திருப்பன்,
செழு ஒண் பழனக் குடந்தைக் கிடந்தாய், செந்தாமரைக்
                                                                                       கண்ணா,
தொழுவனேனை உன தாள் சேரும் வகையே சூழ்கண்டாய்.

பெருமானே, உன்னை எண்ணி நான் அழுவேன், உன்னைத் தொழுவேன், நடனமாடுவேன், பாடுவேன், அலற்றுவேன், என்னைத் தழுவுகின்ற வலிய வினைகளாலே நொந்து, நீ வரும் பக்கத்தை நோக்கி நாணத்தோடு தலைகவிழ்ந்து காத்திருப்பேன், செழிப்பான, ஒளி நிறைந்த வயல்களைக்கொண்ட திருக்குடந்தையிலே, கிடந்த திருக்கோலத்தில் அருள்புரிகிறவனே, செந்தாமரைக் கண்ணனே, தொழுகின்ற என்னை உன்னுடைய திருவடிகளில் சேர்க்கவேண்டும், அதற்கான வழியையும் நீயேதான் எனக்குச் சொல்லவேண்டும்.

******

பாடல் - 6

சூழ்கண்டாய் என் தொல்லைவினையை அறுத்து உன்
                                                                                                   அடிசேரும்
ஊழ் கண்டிருந்தே தூராக் குழிதூர்த்து எனைநாள் அகன்று

                                                                                                   இருப்பன்,
வாழ் தொல்புகழார் குடந்தைக் கிடந்தாய், வானோர்
                                                                                                  கோமானே,
யாழின் இசையே, அமுதே, அறிவின் பயனே, அரி ஏறே.

தொன்மையான புகழை உடையவர்கள் வாழ்கிற திருக்குடந்தையிலே, கிடந்த திருக்கோலத்தில் அருள்புரிகிறவனே, வானோர் தலைவனே, யாழின் இசையே, அமுதே, அறிவின் பயனே, ஆண் சிங்கமே, என்னுடைய பழைய வினைகளை அறுத்து உன்னுடைய திருவடிகளைச் சேரும் முறையை அறிந்திருக்கிறேன், ஆனாலும், தூர்க்கமுடியாத (சுத்தம் செய்ய இயலாத) இந்திரியங்கள் என்கிற குழிகளைத் தூர்த்துக்கொண்டு இங்கேயே இருக்கிறேன், இப்படி இன்னும் எத்தனை நாள் நான் உன்னைப் பிரிந்திருப்பேன்? இதிலிருந்து நான் விடுபட ஒரு வழியைச் சொல்வாய்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/11/ஐந்தாம்-பத்து-எட்டாம்-திருவாய்மொழி---பாடல்-5-6-2786213.html
2786212 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து எட்டாம் திருவாய்மொழி - பாடல் 3, 4 சொ. மணியன் DIN Tuesday, October 10, 2017 12:00 AM +0530  

பாடல் - 3

என் நான் செய்கேன், யாரே களைகண், என்னை என்
                                                                                              செய்கின்றாய்,
உன்னால் அல்லால் யாவராலும் ஒன்றும் குறை வேண்டேன்,
கன்ஆர் மதிள்சூழ் குடந்தைக் கிடந்தாய், அடியேன் அரு
                                                                                             வாழ் நாள்
செந்நாள் எந்நாள் அந்நாள் உன தாள் பிடித்தே செலக்காணே.

எம்பெருமானே, நான் என்ன செய்வேன்? எனக்கு உன்னையன்றி யார் துணை? (யாருமில்லை). நீ என்னை என்ன செய்கின்றாய்? உன்னையன்றி இன்னொருவரிடம் சென்று நான் என்னுடைய குறைகளைச் சொல்லமாட்டேன், வேலைப்பாடுகள் நிறைந்த மதிளால் சூழப்பட்ட திருக்குடந்தையிலே, கிடந்த திருக்கோலத்தில் அருள்புரிபவனே, என்னுடைய மீதமுள்ள வாழ்நாள் முழுவதும், உன்னுடைய திருவடிகளைப் பற்றிக்கொண்டே நான் செல்லவேண்டும், அதற்கு நீ அருள்புரியவேண்டும்.

*******

பாடல் - 4

செலக்காண்கிற்பார் காணும் அளவும் செல்லும் கீர்த்தியாய்,
உலப்பு இலானே, எல்லா உலகும் உடைய ஒரு மூர்த்தி,
நலத்தால் மிக்கார் குடந்தைக் கிடந்தாய், உன்னைக்
                                                                                                காண்பான் நான்
அலப்பாய் ஆகாசத்தை நோக்கி அழுவன், தொழுவனே.

மேலே மேலே காணவல்லவர்கள் எந்த அளவு காண்பார்களோ, அதைத்தாண்டியும் செல்லும் புகழைக்கொண்டவனே, நற்குணங்களுக்கு எல்லையில்லாதவனே, எல்லா உலகங்களையும் கொண்ட தனி மூர்த்தியே, பக்தி நலம் மிகுந்தவர்கள் வாழ்கிற திருக்குடந்தையிலே, கிடந்த திருக்கோலத்தில் அருள்புரிகிறவனே, உன்னைக் காண்பதற்காக நான் ஆகாயத்தை நோக்கி மயங்குகிறேன், அழுகிறேன்,
தொழுகிறேன்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/10/ஐந்தாம்-பத்து-எட்டாம்-திருவாய்மொழி---பாடல்-3-4-2786212.html
2786209 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து எட்டாம் திருவாய்மொழி - பாடல் 1, 2 சொ. மணியன் DIN Monday, October 9, 2017 12:00 AM +0530  

பாடல் - 1

ஆரா அமுதே, அடியேன் உடலம் நின்பால் அன்பாயே
நீராய் அலைந்து கரைய உருக்குகின்ற நெடுமாலே,
சீர் ஆர் செந்நெல் கவரி வீசும் செழுநீர்த் திருக்குடந்தை
ஏர் ஆர் கோலம் திகழக் கிடந்தாய், கண்டேன் எம்மானே.

தெவிட்டாத அமுதமாகத் திகழ்கிற எம்பெருமானே, என்னுடைய உடலானது உன்மேல் அன்புகொண்டு, நீராக அலைந்து கரையும்படி என்னை உருக்குகின்ற நெடுமாலே, சிறந்த செந்நெல் கவரி வீசுகிற, செழிப்பான நீர்வளம் கொண்ட திருக்குடந்தையிலே அழகிய திருமேனி திகழும்படி, கிடந்த திருக்கோலத்தில் அருள்செய்கிறவனே, உன்னை நான் கண்டேனே.

******

பாடல் - 2

எம்மானே, என் வெள்ளை மூர்த்தி, என்னை ஆள்வானே,
எம் மா உருவும் வேண்டுமாற்றால் ஆவாய், எழில் ஏறே,
செம் மா கமலம் செழுநீர்மிசைக் கண்மலரும் திருக்குடந்தை
அம் மா மலர்க்கண் வளர்கின்றானே, என் நான்
                                                                                                    செய்கேனோ.

என் தலைவனே, தூய்மையான பெருமானே, என்னை ஆள்பவனே, விரும்பும்படி எத்தகைய சிறந்த உருவங்களையும் எடுக்கவல்லவனே, அழகிய எருதே, திருக்குடந்தையிலே, செழிப்பான நீரின்மேலே சிவந்த, பெரிய தாமரை மலர்கள் கண்களைப்போல் மலர்கின்றன, அந்தத் திருத்தலத்திலே அழகிய, தாமரைபோன்ற கண்களை மூடிக்கொண்டு துயில்கிறவனே, (உன்னைக் கண்டபின்) நான் என்ன செய்வேன்!

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/09/ஐந்தாம்-பத்து-எட்டாம்-திருவாய்மொழி---பாடல்-1-2-2786209.html
2786207 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஏழாம் திருவாய்மொழி - பாடல் 11 சொ. மணியன் Sunday, October 8, 2017 12:00 AM +0530  

பாடல் - 11

தெய்வநாயகன், நாரணன், திரிவிக்கிரமன் அடி
                                                                          இணைமிசைக்
கொய்கொள் பூம்பொழில் சூழ் குருகூர்ச் சடகோபன்
செய்த ஆயிரத்துள் இவை தண் சிரீவர மங்கை மேய
                                                                          பத்துடன்
வைகல் பாடவல்லார் வானோர்க்கு ஆரா அமுதே.

தெய்வநாயகன், நாரணன், திரிவிக்கிரமனாகிய எம்பெருமானின் திருவடிகளிலே, கொய்யப்படுகின்ற பூக்கள் நிறைந்த சோலைகளால் சூழப்பட்ட திருக்குருகூர்ச் சடகோபன் ஆயிரம் திருப்பாடல்களைச் செய்தார், அவற்றுள், குளிர்ச்சியான ஶ்ரீவரமங்கை (நாங்குநேரி) என்னும் திருத்தலத்தைப்பற்றி எழுதப்பட்ட இந்தப் பத்து பாடல்களையும் எப்போதும் பாட வல்லவர்கள் வானோருக்குத் தெவிட்டாத அமுதமாகத் திகழ்வார்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/08/ஐந்தாம்-பத்து-ஏழாம்-திருவாய்மொழி---பாடல்-11-2786207.html
2780727 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஆறாம் திருவாய்மொழி - பாடல் 11 சொ. மணியன் DIN Monday, October 2, 2017 12:00 AM +0530  

பாடல் - 11

கூந்தல் மலர் மங்கைக்கும் மண்மடந்தைக்கும்
குல ஆயர் கொழுந்துக்கும் கேள்வன்தன்னை
வாய்த்த வழுதி வளநாடன் மன்னு
குருகூர்ச் சடகோபன் குற்றேவல் செய்து
ஆய்ந்த தமிழ்மாலை ஆயிரத்துள்
இவையும் ஓர் பத்தும் வல்லார் உலகில்
ஏந்து பெரும்செல்வத்தராய்த் திருமால்
அடியார்களைப் பூசிக்க நோற்றார்களே.

கூந்தலிலே மலர் சூடிய திருமகள், புவிமகள், ஆயர்குலக் கொழுந்தான நப்பின்னை ஆகியோரின் கணவனான எம்பெருமானுக்குக் குற்றேவல் செய்தார் சிறந்த, வளமுள்ள வழுதி நாட்டைச் சேர்ந்த, நிலைத்திருக்கும் திருக்குருகூர்ச் சடகோபன், அவர் அப்பெருமானின் குணங்களை ஆராய்ந்து அனுபவித்து ஆயிரம் தமிழ்ப்பாடல்களை மாலையாகப் பாடினார், இவற்றில் இந்தப் பத்து பாடல்களையும் சொல்ல வல்லவர்கள், உலகிலே எல்லாரும் போற்றும்படி மிகுந்த செல்வத்துடன் வாழ்வார்கள், திருமாலின் அடியவர்களை வணங்குவார்கள், அத்தகைய புண்ணியம் அவர்களுக்குக் கிடைக்கும்.

]]>
http://www.dinamani.com/specials/naalthorum-nammalvaar/2017/oct/02/ஐந்தாம்-பத்து-ஆறாம்-திருவாய்மொழி---பாடல்-11-2780727.html
2780726 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஆறாம் திருவாய்மொழி - பாடல் 9, 10 சொ. மணியன் DIN Sunday, October 1, 2017 12:00 AM +0530  

பாடல் - 9

கொடிய வினை யாதும் இலனே என்னும்,
கொடிய வினை ஆவேனும் யானே என்னும்,
கொடிய வினை செய்வேனும் யானே என்னும்,
கொடிய வினை தீர்ப்பேனும் யானே என்னும்,
கொடியான் இலங்கை செற்றேனே என்னும்,
கொடிய புள்ளுடையவன் ஏறக்கொலோ?
கொடிய உலகத்தீர்க்கு இவை என்சொல்லுகேன்?
கொடியேன் கொடி என் மகள் கோலங்களே.

(தாய் சொல்கிறார்) என் மகள், 'கொடிய வினைகள் எவையும் எனக்கில்லை' என்கிறாள், 'கொடிய வினைகளாக ஆவதும் நானே' என்கிறாள், 'கொடிய வினைகளைச் செய்பவனும் நானே' என்கிறாள், 'கொடிய வினைகளைத் தீர்ப்பவனும் நானே' என்கிறாள், 'கொடியவனான இராவணனின் இலங்கையை அழித்தேனே' என்கிறாள், இதையெல்லாம் கேட்டால், பகைவர்களுக்குக் கொடுமையைச் செய்கிற கருடனை வாகனமாகக் கொண்ட திருமாலின் ஆவேசம் இவளுக்குள் ஏற்பட்டிருக்கிறதோ என்று தோன்றுகிறது, கொடிய உலகத்தவர்களாகிய உங்களுக்கு, கொடியவளான என்னுடைய கொடி போன்ற இந்தப் பெண்ணின் அழகிய செயல்களை நான் எப்படிச் சொல்வேன்?

******

பாடல் - 10

கோலம்கொள் சுவர்க்கமும் யானே என்னும்,
கோலம் இல் நரகமும் யானே என்னும்,
கோலம்திகழ் மோக்கமும் யானே என்னும்,
கோலம்கொள் உயிர்களும் யானே என்னும்,
கோலம்கொள் தனிமுதல் யானே என்னும்,
கோலம்கொள் முகில்வண்ணன் ஏறக்கொலோ,
கோலம்கொள் உலகத்தீர்க்கு என்சொல்லுகேன்?
கோலம்திகழ் கோதை என் கூந்தலுக்கே.

(தாய் சொல்கிறார்) என் மகள், 'அழகிய சுவர்க்கமும் நானே' என்கிறாள், 'அழகில்லாத நரகமும் நானே' என்கிறாள், 'அழகிய பரமபதமும் நானே' என்கிறாள், 'அழகிய உயிர்களும் நானே' என்கிறாள், 'அழகிய, ஒப்பில்லாத மூலப்பகுதியும் நானே' என்கிறாள், இதையெல்லாம் கேட்டால், அழகுநிறைந்த, மேகவண்ணம்கொண்ட திருமாலின் ஆவேசம் இவளுக்குள் ஏற்பட்டிருக்கிறதோ என்று தோன்றுகிறது, அழகுள்ள உலகத்தவர்களே, அழகிய மாலையை அணிந்த கூந்தலையுடைய என் மகளைப்பற்றி நான் உங்களுக்கு எப்படிச் சொல்வேன்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/01/ஐந்தாம்-பத்து-ஆறாம்-திருவாய்மொழி---பாடல்-9-10-2780726.html
2780725 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஆறாம் திருவாய்மொழி - பாடல் 7, 8 சொ. மணியன் DIN Saturday, September 30, 2017 12:00 AM +0530  

பாடல் - 7

உற்றார்கள் எனக்கு இல்லை யாரும் என்னும்,
உற்றார்கள் எனக்கு இங்கு எல்லாரும் என்னும்,
உற்றார்களைச் செய்வேனும் யானே என்னும்,
உற்றார்களை அழிப்பேனும் யானே என்னும்,
உற்றார்களுக்கு உற்றேனும் யானே என்னும்,
உற்றார் இலி மாயன் வந்து ஏறக்கொலோ?
உற்றீர்கட்கு என்சொல்லிச் சொல்லுகேன் யான்?
உற்று என்னுடைப் பேதை உரைக்கின்றனவே.

(தாய் சொல்கிறார்) என் மகள், ‘எனக்கு உறவினர்கள் யாரும் இல்லை’ என்கிறாள், ‘இங்கே எல்லாரும் என் உறவினர்கள்’ என்கிறாள், ‘உறவினர்களை உண்டாக்குவது நானே’ என்கிறாள், ‘உறவினர்களை அழிப்பதும் நானே’ என்கிறாள், ‘உறவினர்களுடன் பொருந்தியவன் நானே’ என்கிறாள், இதையெல்லாம் கேட்டால், தனக்கு உறவினர் என யாரும் இல்லாத மாயனின் ஆவேசம் இவளுக்குள் ஏற்பட்டிருக்கிறதோ என்று தோன்றுகிறது, பேதைப்பருவமுள்ள என்னுடைய மகள் உள்ளூரக் கண்டு சொல்கிறவற்றையெல்லாம், இங்கே வந்திருக்கிற உங்களுக்கு நான் எப்படிச் சொல்வேன்?

******

பாடல் - 8

உரைக்கின்ற முக்கண்பிரான் யானே என்னும்,
உரைக்கின்ற திசைமுகன் யானே என்னும்,
உரைக்கின்ற அமரரும் யானே என்னும்,
உரைக்கின்ற அமரர்கோன் யானே என்னும்,
உரைக்கின்ற முனிவரும் யானே என்னும்,
உரைக்கின்ற முகில்வண்ணன் ஏறக்கொலோ?
உரைக்கின்ற உலகத்தீர்க்கு என்சொல்லுகேன்?
உரைக்கின்ற என் கோமள ஒண்கொடிக்கே.

(தாய் சொல்கிறார்) என் மகள், ‘தெய்வமாக உரைக்கப்படுகிற முக்கண்பிரான் (சிவபெருமான்) நானே’ என்கிறாள், ‘பிரம்மனும் நானே’ என்கிறாள், ‘அமரர்கள் அனைவரும் நானே’ என்கிறாள், ‘அமரர்களின் தலைவனான இந்திரன் நானே’ என்கிறாள், ‘முனிவர்களும் நானே’ என்கிறாள், இதையெல்லாம் கேட்டால், வேதங்களில் சிறப்பித்துச் சொல்லப்படுகிற முகில்வண்ணனின் ஆவேசம் இவளுக்குள் ஏற்பட்டிருக்கிறதோ என்று தோன்றுகிறது, ‘இவளுக்கு என்ன ஆனது? சொல்வாய்’ என்று நீங்கள் கேட்கிறீர்கள், என்னுடைய அழகிய, ஒளி நிறைந்த கொடி போன்ற மகள் இப்படியெல்லாம் பேசுவதைப்பற்றி நான் எப்படிச் சொல்வேன்? 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/30/ஐந்தாம்-பத்து-ஆறாம்-திருவாய்மொழி---பாடல்-7-8-2780725.html
2780724 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஆறாம் திருவாய்மொழி - பாடல் 5, 6 சொ. மணியன் DIN Friday, September 29, 2017 12:00 AM +0530  

பாடல் - 5

திறம்பாமல் மண் காக்கின்றேன் யானே என்னும்,
திறம்பாமல் மலை எடுத்தேனே என்னும்,
திறம்பாமல் அசுரரைக் கொன்றேனே என்னும்,
திறம்காட்டி அன்று ஐவரைக் காத்தேனே என்னும்,
திறம்பாமல் கடல் கடைந்தேனே என்னும்,
திறம்பாத கடல்வண்ணன் ஏறக்கொலோ?
திறம்பாத உலகத்தீர்க்கு என்சொல்லுகேன்?
திறம்பாது என் திருமகள் எய்தினவே.

(தாய் சொல்கிறார்) என் மகள், ‘நல்ல வழியிலிருந்து யாரும் மாறாதபடி நான் உலகைக் காக்கின்றேன்’ என்கிறாள், ‘தளர்ச்சியின்றி கோவர்த்தனகிரி என்கிற மலையை நான் எடுத்தேன்’ என்கிறாள், ‘அசுரர்களைத் தவறாமல் கொன்றேன்’ என்கிறாள், ‘திறனைக் காட்டி அன்று ஐந்து பாண்டவர்களைக் காத்தேன்’ என்கிறாள், ‘எந்த ஆபத்தும் இல்லாதபடி கடலைக் கடைந்தேன்’ என்கிறாள், இதையெல்லாம் கேட்டால், பக்தர்களுக்கு அருள்புரிவதில் என்றும் சலிப்படையாத கடல்வண்ணனின் ஆவேசம் இவளுக்குள் ஏற்பட்டிருக்கிறதோ என்று தோன்றுகிறது, இவளைப்பற்றித் தெரிந்துகொள்ளவேண்டும் என்கிற உறுதியுடன் இருக்கிற உலகத்து மக்களே, மீட்க இயலாதபடி என் திருமகள் அடைந்திருக்கிற இந்த நிலையை நான் உங்களுக்கு எப்படிச் சொல்வேன்?

******

பாடல் - 6

இன வேய்மலை ஏந்தினேன் யானே என்னும்,
இன ஏறுகள் செற்றேனும் யானே என்னும்,
இன ஆன் கன்று மேய்த்தேனும் யானே என்னும்,
இன ஆநிரை காத்தேனும் யானே என்னும்,
இன ஆயர் தலைவனும் யானே என்னும்,
இனத்தேவர் தலைவன் வந்து ஏறக்கொலோ?
இன வேல்கண் நல்லீர்க்கு இவை என்சொல்லுகேன்?
இன வேல் கண்ணி என் மகள் உற்றனவே.

(தாய் சொல்கிறார்) என் மகள், ‘கூட்டமான மூங்கில்களையுடைய கோவர்த்தனகிரியைத் தூக்கியது நானே’ என்கிறாள், ‘கூட்டமான எருதுகளை (நப்பின்னைக்காக) அடக்கியதும் நானே’ என்கிறாள், ‘கூட்டமான பசுக்கன்றுகளை மேய்த்ததும் நானே’ என்கிறாள், ‘கூட்டமான பசுக்களைக் காத்ததும் நானே’ என்கிறாள், ‘கூட்டமான ஆயர்களின் தலைவனும் நானே’ என்கிறாள், இதையெல்லாம் கேட்டால், தேவர் கூட்டத்தின் தலைவனான திருமாலின் ஆவேசம் இவளுக்குள் ஏற்பட்டிருக்கிறதோ என்று தோன்றுகிறது, வேல்களைப்போன்ற கண்களையுடைய நல்லவர்களே, வேல்களைப்போன்ற கண்களையுடைய என் மகள் அனுபவிக்கும் இந்த விஷயங்களைப்பற்றி நான் உங்களுக்கு எப்படிச் சொல்வேன்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/29/ஐந்தாம்-பத்து-ஆறாம்-திருவாய்மொழி---பாடல்-5-6-2780724.html
2780721 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஆறாம் திருவாய்மொழி - பாடல் 3, 4 சொ. மணியன் Thursday, September 28, 2017 12:00 AM +0530  

பாடல் - 3

காண்கின்ற நிலம் எல்லாம் யானே என்னும்,
காண்கின்ற விசும்பு எல்லாம் யானே என்னும்,
காண்கின்ற வெம் தீ எல்லாம் யானே என்னும்,
காண்கின்ற இக்காற்று எல்லாம் யானே என்னும்,
காண்கின்ற கடல் எல்லாம் யானே என்னும்,
காண்கின்ற கடல்வண்ணன் ஏறக்கொல்லோ?
காண்கின்ற உலகத்தீர்க்கு என்சொல்லுகேன்?
காண்கின்ற என் காரிகை செய்கின்றவே.

(தாய் சொல்கிறார்) என் மகள், 'கண்ணில் தோன்றுகிற பூமி முழுவதும் நானே' என்கிறாள், அதேபோல், 'வானம் முழுவதும் நானே' என்கிறாள், 'கொடிய நெருப்பு முழுவதும் நானே' என்கிறாள், 'இந்தக் காற்று முழுவதும் நானே' என்கிறாள், 'கடல் முழுவதும் நானே' என்கிறாள், இதையெல்லாம் கேட்டால், காட்சிக்கு ஏற்ற கடல்போன்ற வண்ணத்தைக்கொண்டவனான திருமாலின் ஆவேசம் இவளுக்குள் ஏற்பட்டிருக்கிறதோ என்று தோன்றுகிறது, இந்த உலகத்தைமட்டுமே காண்கிறவர்கள் நீங்கள், பெருமானின் காட்சியைக் காண்கின்ற என் மகள் செய்கிறவற்றை உங்களிடம் நான் எப்படிச் சொல்வேன்?

******

பாடல் - 4

செய்கின்ற கிதி எல்லாம் யானே என்னும்,
செய்வான் நின்றனகளும் யானே என்னும்,
செய்து முன் இறந்தவும் யானே என்னும்,
செய்கைப்பயன் உண்பேனும் யானே என்னும்,
செய்வார்களைச் செய்வேனும் யானே என்னும்,
செய்ய கமலக்கண்ணன் ஏறக்கொலோ?
செய்ய உலகத்தீர்க்கு இவை என்சொல்லுகேன்?
செய்ய கனிவாய் இளமான் திறத்தே.

(தாய் சொல்கிறார்) என் மகள், 'செய்துகொண்டிருக்கிற வேலைகள் அனைத்தும் நானே' என்கிறாள், 'இனி செய்யவேண்டிய வேலைகளும் நானே' என்கிறாள், 'முன்பு செய்த வேலைகளும் நானே' என்கிறாள், 'அந்தச் செய்கைகளின் பலன்களை அனுபவிப்பதும் நானே' என்கிறாள், 'இந்தச் செயல்களைச் செய்கிறவர்களைப் படைப்பதும் நானே' என்கிறாள், இதையெல்லாம் கேட்டால், சிவந்த தாமரைபோன்ற கண்களைக்கொண்ட திருமாலின் ஆவேசம் இவளுக்குள் ஏற்பட்டிருக்கிறதோ என்று தோன்றுகிறது,  கபடம் அறியாத உலகத்து மக்களே, சிவந்த கனிபோன்ற வாயைக்கொண்ட என்னுடைய மகள், இந்த இளமானின் தன்மையை நான் உங்களுக்கு எப்படிச் சொல்வேன்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/28/ஐந்தாம்-பத்து-ஆறாம்-திருவாய்மொழி---பாடல்-3-4-2780721.html
2778458 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஏழாம் திருவாய்மொழி - பாடல் 9, 10 சொ. மணியன் Wednesday, September 27, 2017 11:52 AM +0530  

பாடல் - 9

புள்ளின் வாய் பிளந்தாய், மருதுஇடை போயினாய்,
                                                           எருது ஏழ் அடர்த்த என்
கள்ள மாயவனே, கருமாணிக்கச் சுடரே,
தெள்ளியார் திருநான்மறைகள் வல்லார் மலி தண்
                                                           சீரீவரமங்கை
உள்ளிருந்த எந்தாய், அருளாய் உய்யும் ஆறு எனக்கே.

பறவை வடிவத்தில் வந்த பகாசுரனின் வாயைப் பிளந்தவனே, மருத மரங்களுக்கிடையே சென்றவனே, ஏழு எருதுகளை வென்ற என் கள்ள மாயவனே, கரிய மாணிக்கச் சுடரே, தெளிவானவர்கள், நான்கு திருமறைகளிலும் வல்லவர்கள் நிறைந்த, குளிர்ச்சியான ஶ்ரீவரமங்கை (நாங்குநேரி) என்னும் திருத்தலத்தில் எழுந்தருளியிருப்பவனே, எங்கள் தந்தையே, நான் உய்யும் வழியை எனக்கு அருளவேண்டும்.

******

பாடல் - 10

ஆறு எனக்கு நின் பாதமே சரணாகத் தந்தொழிந்தாய்,
                                                                            உனக்கு ஓர் கைம்
மாறு நான் ஒன்று இலேன், எனது ஆவியும் உனதே,
சேறு கொள் கரும்பும் பெரும் செந்நெலும் மலி தண்
                                                                           சிரீவர மங்கை
நாறு பூந்தண் துழாய் முடியாய், தெய்வ நாயகனே.

சேற்றில் விளைந்த கரும்பும், பெரிய செந்நெல்லும் நிறைந்த, குளிர்ச்சியான ஶ்ரீவரமங்கை (நாங்குநேரி) என்னும் திருத்தலத்தில் எழுந்தருளியிருப்பவனே, நறுமணம் நிறைந்த, குளிர்ச்சியான மலர்கள் நிறைந்த துளசியை அணிந்த திருமுடியைக் கொண்டவனே, தெய்வ நாயகனே, எனக்கு உய்வதற்கான வழியைக் கேட்டேன், உன்னுடைய திருவடிகளைச் சரணடையும் வழியைக் காட்டினாய், உனக்கு நான் என்ன கைம்மாறு செய்வேன்? இனி என் உயிரும் உன்னுடையதே.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/07/ஐந்தாம்-பத்து-ஏழாம்-திருவாய்மொழி---பாடல்-9-10-2778458.html
2778453 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஏழாம் திருவாய்மொழி - பாடல் 3, 4 சொ. மணியன் Wednesday, September 27, 2017 11:51 AM +0530  

பாடல் - 3

கருளப் புள் கொடி, சக்கரப்படை வான நாட, எம்
                                                               கார்முகில்வண்ணா,
பொருள் அல்லாத என்னைப் பொருள் ஆக்கி அடிமை
                                                               கொண்டாய்,
தெருள்கொள் நால் மறை வல்லவர் பலர் வாழ் சிரீவர
                                                               மங்கல நகர்க்கு
அருள்செய் தங்கியிருந்தாய், அறியேன் ஒரு கைம்மாறே.

கருடக்கொடி, சக்ராயுதத்தை ஏந்திய வான நாடனே, எங்கள் கார்முகில்வண்ணனே, ஒரு பொருட்டாக மதிக்குமளவு தகுதியில்லாதவன் நான், ஆனாலும், நீ என்னை ஒரு பொருளாக எண்ணி அடிமையாக்கிக்கொண்டாய், நான்கு வேதங்களையும் நன்கு அறிந்து தெளிவுபெற்றவர்கள் பலர் வாழ்கிற ஶ்ரீவரமங்கைநகர் (நாங்குநேரி) என்னும் திருத்தலத்திற்கு அருள்செய்வதற்காக அங்கே எழுந்தருளியிருப்பவனே, நீ எங்களுக்குச் செய்கிறவற்றுக்கெல்லாம் நாங்கள் என்ன கைம்மாறு செய்வது! எங்களுக்குத் தெரியவில்லையே!

******

பாடல் - 4

மாறுசேர்படை நூற்றுவர் மங்க ஓர் ஐவர்க்காய் அன்று
                                                                         மாயப்போர் பண்ணி
நீறு செய்த எந்தாய், நிலம் கீண்ட அம்மானே,
தேறு ஞானத்தர் வேத வேள்வி அறாச் சிரீவர மங்கலநகர்
ஏறி வீற்றிருந்தாய், உன்னை எங்கு எய்தக் கூவுவனே?

பாண்டவர்கள் ஐவருக்காக அன்று மாயப்போர் புரிந்தவனே, அவர்களுக்கு எதிரிகளாகப் படையோடு வந்த கௌரவர்கள் நூறு பேரும் மங்கும்படி செய்து விரோதிகளைப் பொடிப்பொடியாக்கியவனே, பூமியைப் பிரளயத்திலிருந்து கீண்டு எடுத்த அம்மானே, தெளிவான ஞானம் கொண்டவர்கள் நடத்தும் வேத வேள்விகள் இடைவிடாமல் தொடர்ந்து நடைபெறுகின்ற ஶ்ரீவரமங்கை (நாங்குநேரி) என்னும் திருத்தலத்தில் எழுந்தருளியிருப்பவனே, உன்னை நான் எப்படிப் பெறுவேன்? எங்கே வந்து அடைவதாக எண்ணிக் கூப்பிடுவேன்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/04/ஐந்தாம்-பத்து-ஏழாம்-திருவாய்மொழி---பாடல்-3-4-2778453.html
2778455 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஏழாம் திருவாய்மொழி - பாடல் 5, 6 சொ. மணியன் Wednesday, September 27, 2017 11:51 AM +0530  

பாடல் - 5

எய்தக் கூவுதல் ஆவதே எனக்கு? எவ்வ தெவ்வத்து
                                                            உள்ஆயுமாய் நின்று
கைதவங்கள் செய்யும் கருமேனி அம்மானே,
செய்த வேள்வியர் வையத்தேவர் அறாச் சிரீவர
                                                           மங்கலநகர்
கைதொழ இருந்தாய், அது நானும் கண்டேனே.

எப்படிப்பட்ட பகைவர்களின் கூட்டங்களிலும் சென்று, அவர்களுக்கு எதிராக வஞ்சகம் புரிகின்ற பெருமானே, கருத்த திருமேனி கொண்ட அம்மானே, உன்னை அழைத்துக் கூவும் தகுதி எனக்கு உண்டா? வேள்விகளைப் புரிகிறவர்கள், பூலோகத்துத் தேவர்களான வைணவர்கள் நிறைந்திருக்கும் ஸ்ரீவரமங்கை (நாங்குநேரி) என்னும் திருத்தலத்தில் எழுந்தருளியிருப்பவனே, அனைவரும் கை
கூப்பித் தொழும்படி திகழ்பவனே, உன் பெருமையை நான் கண்டேனே.


******

பாடல் - 6

ஏனமாய் நிலம் கீண்ட என் அப்பனே, கண்ணா, என்றும்
                                                                       என்னை ஆளுடை
வான நாயகனே, மணி மாணிக்கச் சுடரே,
தேன மாம்பொழில் தண் சிரீவர மங்கலத்தவர்
                                                                      கைதொழ உறை
வானமாமலையே, அடியேன் தொழ வந்தருளே.

வராக அவதாரமெடுத்து நிலத்தை எடுத்த என் அப்பனே, கண்ணா, என்றைக்கும் என்னை ஆளுகின்ற வான நாயகனே, அழகிய மாணிக்கச்சுடரே, தேன் நிரம்பிய மாமரச்சோலைகள் நிறைந்த, குளிர்ந்த, ஶ்ரீவரமங்கை (நாங்குநேரி) என்னும் திருத்தலத்திலே எழுந்தருளி, அங்குள்ள எல்லாரும் கை கூப்பித் தொழும்படி இருக்கும் வானமாமலையே, நான் தொழும்படி வந்தருள்வாய்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/05/ஐந்தாம்-பத்து-ஏழாம்-திருவாய்மொழி---பாடல்-5-6-2778455.html
2778456 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஏழாம் திருவாய்மொழி - பாடல் 7, 8 சொ. மணியன் Wednesday, September 27, 2017 11:51 AM +0530  

பாடல் - 7

வந்தருளி என் நெஞ்சு இடம்கொண்ட வானவர்
                                                            கொழுந்தே, உலகுக்கு ஓர்
முந்தைத் தாய், தந்தையே, முழு ஏழ் உலகும் உண்டாய்,
செந்தொழிலவர் வேதவேள்வி அறாச் சிரீவர மங்கலநகர்
அந்தம்இல் புகழாய், அடியேனை அகற்றேலே.

எனக்காக வந்தருளி என்னுடைய நெஞ்சைத் தனக்கு இடமாகக் கொண்ட பெருமானே, வானவர்களின் கொழுந்தே, உலகுக்கு ஒப்பற்ற, பழைமையான தாய், தந்தையே, ஏழு உலகங்களையும் முழுமையாக உண்டவனே, சிறந்த பணிகளைச் செய்கிறவர்கள் வேத வேள்விகளை ஓய்வின்றிச் செய்துகொண்டிருக்கிற ஶ்ரீவரமங்கை (நாங்குநேரி) என்னும் திருத்தலத்திலே எழுந்தருளியிருப்பவனே, எல்லையில்லாத புகழைக்கொண்டவனே, என்னை உன்னிடமிருந்து அகற்றிவிடாதே.


******

பாடல் - 8

அகற்ற நீ வைத்த மாய வல் ஐம்புலன்களாம் அவை
                                                                                  நன்கு அறிந்தனன்,
அகற்றி என்னையும் நீ அரும்சேற்றில் வீழ்த்திகண்டாய்,
பகல் கதிர் மணிமாடம் நீடு சிரீவர மங்கைவாணனே,
                                                                                 என்றும்
புகற்கு அரிய எந்தாய், புள்ளின் வாய் பிளந்தானே.

மிகுந்த ஒளிவீசும் மணிகள் பதிக்கப்பட்ட, உயர்ந்த மாடங்களைக்கொண்ட ஶ்ரீவரமங்கை (நாங்குநேரி) என்னும் திருத்தலத்தில் எழுந்தருளியிருப்பவனே, என்றைக்கும் சொல்லில் விளக்கமுடியாத சிறப்புகளைக்கொண்ட எங்கள் தந்தையே, பகாசுரன் என்கிற பறவையின் வாயைப் பிளந்தவனே, உன்மேல் அன்பற்றவர்களை அகற்றுவதற்காக நீ மாயமான, வலிமையான ஐந்து புலன்களைப் படைத்திருக்கிறாய், இதனை நான் நன்கு அறிவேன், இப்போது, உன்னிடமிருந்து என்னை அகற்றி, மீளமுடியாத அந்தச் சேற்றில் என்னை வீழ்த்திவிடுவாயோ என்று நான் அஞ்சுகிறேன்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/06/ஐந்தாம்-பத்து-ஏழாம்-திருவாய்மொழி---பாடல்-7-8-2778456.html
2778452 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஏழாம் திருவாய்மொழி - பாடல் 1, 2 சொ. மணியன் Wednesday, September 27, 2017 11:50 AM +0530  

பாடல் - 1

நோற்ற நோன்பு இலேன், நுண் அறிவு இலேன் ஆகிலும்,
                                                   இனி உன்னை விட்டு ஒன்று
ஆற்றகிற்கின்றிலேன் அரவின் அணை அம்மானே,
சேற்றுத் தாமரை செந்நெல் ஊடு மலர் சிரீவர மங்கல நகர்
வீற்றிருந்த எந்தாய், உனக்கு மிகை அல்லேன் அங்கே.

ஆதிசேஷனைப் பாம்புப்படுக்கையாகக் கொண்ட அம்மானே, வயலில் செந்நெல்லுக்கு நடுவே சேற்றில் செந்தாமரை மலர்கிற ஶ்ரீவரமங்கைநகர் (நாங்குநேரி) எனும் திருத்தலத்திலே வீற்றிருக்கும் எங்கள் தந்தையே, நான் எந்த நோன்பும் நோற்கவில்லை, உன்னை அறியும் நுட்பமான அறிவும் எனக்கில்லை, அதேசமயம், உன்னைப்பிரிந்து ஒரு கணமும் என்னால் இருக்க இயலாது, பெருமானே, ஶ்ரீவரமங்கை நகரிலே நீ என்னை அந்நியமாக வைக்காமல் அருள்புரியவேண்டும்.


******

பாடல் - 2

அங்கு உற்றேன் அலேன், இங்கு உற்றேன் அலேன்,
உன்னைக் காணும் அவாவில் வீழ்ந்து நான்
எங்கு உற்றேனும் அலேன், இலங்கை செற்ற அம்மானே,
திங்கள்சேர் மணிமாட நீடு சிரீவர மங்கல நகர் உறை
சங்கு சக்கரத்தாய், தமியேனுக்கு அருளாயே.

இலங்கையை வென்ற அம்மானே, நிலவைத் தொடுமளவு உயர்ந்த மணிமாடங்கள் நிறைந்த ஶ்ரீவரமங்கைநகர் (நாங்குநேரி) என்னும் திருத்தலத்தில் எழுந்தருளியிருப்பவனே, சங்கு, சக்கரம் தாங்கியவனே, நான் பரமபதத்தை அடைந்து உனக்குச் சேவை புரியவில்லை, அதனை அடையும் முயற்சியில் இங்கே பூமியிலும் நற்செயல்களைச் செய்யவில்லை, உன்னைக் காணவேண்டும் என்கிற ஆசையிலே நான் எங்கும் இல்லாதவனாக இருக்கிறேன், பெருமானே, தனியாக இருக்கும் எனக்கு நீயே அருள்புரியவேண்டும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/oct/03/ஐந்தாம்-பத்து-ஏழாம்-திருவாய்மொழி---பாடல்-1-2-2778452.html
2780701 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஆறாம் திருவாய்மொழி - பாடல் 1, 2 சொ. மணியன் Wednesday, September 27, 2017 11:49 AM +0530  

பாடல் - 1

கடல் ஞாலம் செய்தேனும் யானே என்னும்,
கடல் ஞாலம் ஆவேனும் யானே என்னும்,
கடல் ஞாலம் கொண்டேனும் யானே என்னும்,
கடல் ஞாலம் கீண்டேனும் யானே என்னும்,
கடல் ஞாலம் உண்டேனும் யானே என்னும்,
கடல் ஞாலத்து ஈசன் வந்து ஏறக்கொலோ,
கடல் ஞாலத்தீர்க்கு இவை என்சொல்லுகேன்?
கடல் ஞாலத்து என் மகள் கற்கின்றவே.

(தாய் சொல்கிறார்) என் மகள், ‘கடலுடன் கூடிய இந்த உலகத்தைப் படைத்தது நானே’ என்கிறாள், ‘உலகமாக இருப்பதும் நானே’ என்கிறாள், ‘மகாபலியிடம் உலகத்தைப் பெற்றதும் நானே’ என்கிறாள், ‘பிரளயத்தின்போது இந்த உலகத்தை மேலே எடுத்துவந்து காப்பாற்றியதும் நானே’ என்கிறாள், ‘இந்த உலகத்தைக் காப்பதற்காக அதனை உண்டதும் நானே’ என்கிறாள், இதையெல்லாம் கேட்டால், கடலுடன் கூடிய இந்த உலகத்தின் தலைவன், திருமாலின் ஆவேசம்
இவளுக்குள் ஏற்பட்டிருக்கிறதோ என்று தோன்றுகிறது, உலகத்து மக்களே, கடல் சூழ்ந்த இந்த உலகத்திலே இருக்கிற என் மகள் சொல்லும் இந்தச் சொற்களையெல்லாம் நான் உங்களுக்கு எப்படிச் சொல்வேன்?

******

பாடல் - 2

கற்கும் கல்விக்கும் எல்லை இலனே என்னும்,
கற்கும் கல்வி ஆவேனும் யானே என்னும்,
கற்கும் கல்வி செய்வேனும் யானே என்னும்,
கற்கும் கல்வி தீர்ப்பேனும் யானே என்னும்,
கற்கும் கல்விச் சாரமும் யானே என்னும்,
கற்கும் கல்விநாதன் வந்து ஏறக்கொலோ?
கற்கும் கல்வியீர்க்கு இவை என்சொல்லுகேன்?
கற்கும் கல்வி என் மகள் காண்கின்றவே.

(தாய் சொல்கிறார்) என் மகள், ‘கற்கும் கல்வியின் எல்லைக்குள் நான் இல்லை’ என்கிறாள், ‘கற்கும் கல்வியும் நானே’ என்கிறாள், ‘கற்கும் கல்வியை ஏற்படுத்துவதும் நானே’ என்கிறாள், ‘கற்கும்போது ஏற்படும் ஐயங்களைத் தீர்ப்பதும் யானே’ என்கிறாள், ‘கற்கும் கல்வியின் சாரமும் நானே’ என்கிறாள், இதையெல்லாம் கேட்டால், கற்கும் கல்விகள் அனைத்தின் தலைவன், எம்பெருமானின் ஆவேசம் இவளுக்குள் ஏற்பட்டிருக்கிறதோ என்று தோன்றுகிறது, நீங்கள் (உலகத்தவர்கள்) இதுபற்றி இனிமேல்தான் கற்கவேண்டும், இந்நிலையில், இவற்றைக் கற்றுக்கொண்ட என் மகள் காண்கிறவற்றை நான் உங்களுக்கு எப்படிச் சொல்வேன்? 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/27/ஐந்தாம்-பத்து-ஆறாம்-திருவாய்மொழி---பாடல்-1-2-2780701.html
2778447 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஐந்தாம் திருவாய்மொழி - பாடல் 7, 8 சொ. மணியன் Wednesday, September 27, 2017 11:45 AM +0530  

பாடல் - 7

நிறைந்த வன்பழி நம் குடிக்கு இவள் என்று அன்னை
                                                                             காணக்கொடாள்,
சிறந்த கீர்த்தித் திருக்குறுங்குடி நம்பியை நான் கண்டபின்
நிறைந்த சோதி வெள்ளம் சூழ்ந்த நீண்ட பொன்
                                                                            மேனியொடும்
நிறைந்து என்னுள்ளே நின்றொழிந்தான் நேமிஅம் கை
                                                                            உளதே.

(இறைவன்மீது அன்புகொண்ட ஒரு பெண் சொல்கிறாள்) என்னுடைய தாய் என்மீது கோபமாக இருக்கிறார், ‘நம்முடைய குடும்பத்துக்கு இவள் மிகப் பெரிய, கொடுமையான பழியைக் கொண்டுவருகிறாள்’ என்கிறார், நான் நம்பியைக் காணச்செல்லாதபடி தடுக்கிறார், நான் என்ன செய்வேன்? சிறந்த புகழையுடைய திருக்குறுங்குடி நம்பியை நான் கண்டபிறகு, அவருடைய நிறைவான சோதி வெள்ளம் சூழ்ந்த, நீண்ட, அழகிய திருமேனியும், அழகிய திருக்கைகளில் சக்ராயுதத்தைத் தாங்கியிருக்கிற திருக்காட்சியும் எனக்குள் நிறைந்துவிட்டதே, இந்தத் திருக்கோலத்தில் அவர் எனக்குள் நின்றுவிட்டாரே.

********

பாடல் - 8

கையுள் நல்முகம் வைக்கும், நையும் என்று அன்னையரும்
                                                                                                     முனிதிர்,
மைகொள் மாடத் திருக்குறுங்குடி நம்பியை நான் கண்டபின்,
செய்ய தாமரைக்கண்ணும் அல்குலும் சிற்றிடையும் வடிவும்
மொய்ய நீள்குழல் தாழ்ந்த தோள்களும் பாவியேன்
                                                                                                     முன்நிற்குமே.

(இறைவன்மீது அன்புகொண்ட ஒரு பெண் சொல்கிறாள்) தாய்மார்களே, நான் என்னுடைய நல்ல முகத்தைக் கைகளில் தாங்கிக்கொண்டு வருந்துகிறேன் என்று நீங்கள் கோபப்படுகிறீர்கள், நான் என்ன செய்வேன்? மேகங்கள் தவழும் மாடங்களைக்கொண்ட திருக்குறுங்குடி நம்பியை நான் கண்டபிறகு, அவருடைய சிவந்த தாமரைக்கண்ணும் கீழிடுப்பும் சிற்றிடையும் கட்டமைப்பான வடிவமும் நன்கு செறிந்து, நீண்ட குழல் தாழ்ந்து விழுகிற திருத்தோள்களும்தான் பாவியான என்முன்னே நிற்கின்றன.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/24/நாள்தோறும்-நம்மாழ்வார்---பாடல்-7-8-2778447.html
2778448 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஐந்தாம் திருவாய்மொழி - பாடல் 9, 10 சொ. மணியன் Wednesday, September 27, 2017 11:45 AM +0530

பாடல் - 9

முன் நின்றாய் என்று தோழிமார்களும் அன்னையரும்
                                                                                            முனிதிர்,
மன்னு மாடத் திருக்குறுங்குடி நம்பியை நான் கண்டபின்
சென்னி நீள்முடி ஆதிஆய உலப்பு இல் அணிகலத்தன்
கன்னல், பால், அமுதுஆகி வந்து என் நெஞ்சம் கழியானே.

(இறைவன்மீது அன்புகொண்ட ஒரு பெண் சொல்கிறாள்) தோழிமார்களே, தாய்மார்களே, பெண்களுக்குச் சொல்லப்படுகிற இலக்கணத்தின்படி நான் வீட்டுக்குள்ளேயே இருக்காமல் வெளியே வந்து எல்லார்முன்பும் நிற்கிறேன் என்று நீங்கள் என்மேல் கோபப்படுகிறீர்கள், நான் என்ன செய்வேன்? நிலைத்துநிற்கும் மாடங்களைக்கொண்ட திருக்குறுங்குடி நம்பியை நான் கண்டபிறகு, அவன்மட்டுமே என் நினைவில் இருக்கிறான், தலையில் அணிந்திருக்கிற நீண்ட திருமுடியில் தொடங்கி எண்ணற்ற அணிகலன்களைக்கொண்ட எம்பெருமான், கரும்பாக, பாலாக, அமுதாக என் நெஞ்சில் வந்து நீங்காமல் தங்கிவிட்டானே.

*******

பாடல்  - 10

கழிய மிக்கதொர் காதலள் இவள் என்று அன்னை
                                                                                   காணக்கொடாள்,
வழுஇல் கீர்த்தித் திருக்குறுங்குடி நம்பியை நான் கண்டபின்
குழுமித் தேவர் குழாங்கள் கைதொழச் சோதி
                                                                                  வெள்ளத்தினுள்ளே
எழுவது ஓர் உரு என் நெஞ்சுள் எழும், ஆர்க்கும் அறிவு
                                                                                  அரிதே.

(இறைவன்மீது அன்புகொண்ட ஒரு பெண் சொல்கிறாள்) என்னுடைய தாய் என்மீது கோபமாக இருக்கிறார், அளவுக்கதிகமான காதலைக் கொண்டவள் இவள் என்கிறார், நான் நம்பியைக் காணச் செல்லாதபடி தடுக்கிறார், நான் என்ன செய்வேன்? குற்றமில்லாத புகழைக்கொண்ட திருக்குறுங்குடி நம்பியை நான் கண்டபிறகு, தேவர் கூட்டங்கள் கூடி வந்து கை தொழ, சோதி வெள்ளத்தின் நடுவே எழுகின்ற அவனுடைய திரு உருவம் என் நெஞ்சில் எழுகிறது, இதனை யாராலும் அறிய இயலாது.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/25/நாள்தோறும்-நம்மாழ்வார்---பாடல்-9-10-2778448.html
2778449 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஐந்தாம் திருவாய்மொழி - பாடல் 11 சொ. மணியன் Wednesday, September 27, 2017 11:45 AM +0530 பாடல் - 11

அறிவு அரிய பிரானை, ஆழிஅம் கையனையே அலற்றி
நறிய நல்மலர் நாடி நல்குருகூர்ச் சடகோபன் சொன்ன
குறிகொள் ஆயிரத்துள் இவைபத்தும் திருக்குறுங்குடி
                                                                                                     அதன்மேல்
அறியக் கற்றுவல்லார் வைட்ணவர் ஆழ்கடல் ஞாலத்துள்ளே.

மணம் மிகுந்த, நல்ல மலர்களைத் தேடுகிறவரான, நல்ல திருக்குருகூர்ச் சடகோபன், யாராலும் எளிதில் அறியப்பட இயலாத பெருமானை, சக்ராயுதத்தை ஏந்திய அழகிய கைகளைக்கொண்டவனை அழைத்துச் சொன்ன பாடல்கள் ஆயிரம், அவற்றுள் இந்தப் பத்து பாடல்களும் திருக்குறுங்குடிப் பெருமானின் அடையாளங்களை விவரிக்கிறவை, இவற்றை அறிந்து கற்க வல்லவர்கள், ஆழமான கடலால் சூழப்பட்ட இந்த உலகிலே வைஷ்ணவர்களாகத் திகழ்வார்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/26/நாள்தோறும்-நம்மாழ்வார்---பாடல்-11-2778449.html
2777656 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஐந்தாம் திருவாய்மொழி - பாடல் 3, 4 சொ. மணியன் Wednesday, September 27, 2017 11:44 AM +0530  

பாடல் - 3

நின்றிடும் திசைக்கும் நையும் என்று அன்னையரும்
                                                                                          முனிதிர்,
குன்ற மாடத் திருக்குறுங்குடி நம்பியை நான் கண்டபின்
வென்றி வில்லும் தண்டும் வாளும் சக்கரமும் சங்கமும்
நின்று தோன்றிக் கண்ணுள் நீங்கா நெஞ்சுளும் நீங்காவே.

(இறைவன்மீது அன்புகொண்ட ஒரு பெண் சொல்கிறாள்) தாய்மார்களே, நீங்கள் என்மீது கோபப்படுகிறீர்கள், ‘இவள் இங்கே செயலற்று நிற்கிறாள், திகைக்கிறாள், நோகிறாள்’ என்று சினம்கொள்கிறீர்கள், நான் என்ன செய்வேன்? மலைபோல் மாடங்கள் உயர்ந்துநிற்கிற திருக்குறுங்குடியில் எழுந்தருளியிருக்கும் நம்பியை நான் கண்டபிறகு, அவருடைய வெற்றி கொண்ட வில்லும், தண்டும், வாளும், சக்ராயுதமும், சங்கும்தான் எங்கும் தோன்றுகின்றன, என் கண்ணைவிட்டும் நெஞ்சைவிட்டும் அவை விலகுவதே இல்லை.

*******

பாடல் - 4

நீங்கநில்லா கண்ண நீர்கள் என்று அன்னையரும் முனிதிர்,
தேன்கொள் சோலைத் திருக்குறுங்குடி நம்பியை நான்
                                                                                                         கண்டபின்
பூந்தண் மாலைத் தண்துழாயும் பொன்முடியும் வடிவும்
பாங்குதோன்றும் பட்டும் நாணும் பாவியேன் பக்கத்தவ்வே.

(இறைவன்மீது அன்புகொண்ட ஒரு பெண் சொல்கிறாள்) தாய்மார்களே, என்னுடைய கண்களிலிருந்து நீர் வழிந்துகொண்டே இருக்கிறது என்று நீங்கள் கோபப்படுகிறீர்கள், நான் என்ன செய்வேன்? தேன் நிறைந்த சோலைகளைக்கொண்ட திருக்குறுங்குடியில் எழுந்தருளியிருக்கும் நம்பியை நான் கண்டபிறகு, பூக்கள் நிறைந்த, குளிர்ச்சியான மாலையும், குளிர்ந்த துளசியும் பொன்முடியும் திருமேனி அழகும், பாங்காகத் தோன்றும் பட்டும் அரைநாணும்தான் பாவியாகிய என் பக்கத்தே இருக்கின்றன, (வேறெதும் எனக்குத் தெரிவதில்லை.)

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/22/நாள்தோறும்-நம்மாழ்வார்---பாடல்-3-4-2777656.html
2778268 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஐந்தாம் திருவாய்மொழி - பாடல் 5, 6 சொ. மணியன் Wednesday, September 27, 2017 11:44 AM +0530

பாடல் - 5

பக்கம் நோக்கி நிற்கும், நையும் என்று அன்னையரும்
                                                                                                    முனிதிர்,
தக்க கீர்த்தித் திருக்குறுங்குடி நம்பியை நான் கண்டபின்
தொக்கசோதித் தொண்டைவாயும் நீண்ட புருவங்களும்
தக்க தாமரைக்கண்ணும் பாவியேன் ஆவியின் மேலனவே.

(இறைவன்மீது அன்புகொண்ட ஒரு பெண் சொல்கிறாள்) தாய்மார்களே, இறைவன் வருகின்ற பக்கத்தையே பார்த்துக்கொண்டு நான் நிற்கிறேன், மனம் வருந்துகிறேன் என்று நீங்கள் கோபப்படுகிறீர்கள், நான் என்ன செய்வேன்? தகுதியுடைய புகழ் கொண்ட திருக்குறுங்குடி நம்பியை நான் பார்த்தபிறகு, ஒன்றாகச் சேர்ந்த சோதிவடிவமான அவரது கொவ்வைப்பழம் போன்ற வாயும், நீண்ட புருவங்களும், சிறந்த தாமரைக்கண்ணும் பாவியாகிய என்னுடைய உயிரில் தங்கிவிட்டன.

******

பாடல் - 6

மேலும் வன்பழி நம் குடிக்கு இவள் என்று அன்னை
                                                                                காணக்கொடாள்,
சோலை சூழ் தண் திருக்குறுங்குடி நம்பியை நான்
                                                                                கண்டபின்
கோல நீள்கொடி மூக்கும் தாமரைக்கண்ணும் கனிவாயும்
நீல மேனியும் நான்கு தோளும் என் நெஞ்சம் நிறைந்தனவே.

(இறைவன்மீது அன்புகொண்ட ஒரு பெண் சொல்கிறாள்) என்னுடைய தாய் என்மீது கோபமாக இருக்கிறார், 'இவளால் நம் குடும்பத்துக்கு மேலும் கொடுமையான பழி வருகிறது' என்கிறார், நான் நம்பியைக் காணச்செல்லாதபடி தடுக்கிறார், நான் என்ன செய்வேன்? சோலைகள் சூழ்ந்த, குளிர்ந்த திருக்குறுங்குடியிலே எழுந்தருளியிருக்கும் நம்பியை நான் பார்த்தபிறகு, அவருடைய அழகிய, நீண்ட, கற்பகக்கொடிபோன்ற மூக்கும், தாமரைபோன்ற கண்ணும், கனிபோன்ற வாயும், நீலத் திருமேனியும், நான்கு திருத்தோள்களும் என்னுடைய நெஞ்சில் நிறைந்துவிட்டன.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/23/நாள்தோறும்-நம்மாழ்வார்---பாடல்-5-6-2778268.html
2777125 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஐந்தாம் திருவாய்மொழி - பாடல் 1, 2 சொ. மணியன் Thursday, September 21, 2017 09:44 AM +0530

பாடல் - 1

எங்ஙனேயோ அன்னைமீர்காள் என்னை முனிவது நீர்,
நங்கள் கோலத் திருக்குறுங்குடி நம்பியை நான் கண்டபின்
சங்கினோடும் நேமியோடும் தாமரைக் கண்களோடும்
செங்கனிவாய் ஒன்றினோடும் செல்கின்றது என் நெஞ்சமே.

(இறைவன்மீது அன்புகொண்ட ஒரு பெண் சொல்கிறாள்) அன்னைமார்களே, நீங்கள் என்மீது கோபப்படுவது ஏனோ? நம் அழகிய திருக்குறுங்குடி நம்பியை நான் கண்டபிறகு, அவன் கையிலிருக்கும் சங்கு, சக்ராயுதம், அவனுடைய தாமரைக்கண்கள், செங்கனிபோன்ற வாய்… இவற்றின்பின்னேதான் என் நெஞ்சம் செல்கிறது. (நான் என்ன செய்வேன்?)

******

பாடல் - 2

என் நெஞ்சினால் நோக்கிக் காணீர் என்னை முனியாதே,
தென்னன் சோலை திருக்குறுங்குடி நம்பியை நான் கண்டபின்
மின்னு நூலும் குண்டலமும் மார்பில் திருமறுவும்
மன்னு பூணும் நான்குதோளும் வந்து எங்கும் நின்றிடுமே.

(இறைவன்மீது அன்புகொண்ட ஒரு பெண் சொல்கிறாள்) என் நெஞ்சினால் அவனைப் பாருங்கள், (என் நேசத்தைப் புரிந்துகொள்ளுங்கள்), அதன்பிறகு, என்னைக் கோபிக்காதீர்கள், தென் திசையிலுள்ள, சோலைகள் நிறைந்த திருக்குறுங்குடியிலே எழுந்தருளியிருக்கும் நம்பியை நான் கண்டபிறகு, (எனக்கு வேறு எதைப்பற்றியும் எண்ணமில்லை, வேறு எதுவும் எனக்குத் தெரியவே இல்லை,) எங்கு பார்த்தாலும் அவனுடைய மின்னும் பூணூலும், குண்டலமும், திருமார்பில் உள்ள ஶ்ரீவத்ஸம் என்கிற மறுவும், அணிந்திருக்கிற ஆபரணங்களும், நான்கு திருத்தோள்களும்தான் தெரிகின்றன.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/21/ஐந்தாம்-பத்து-ஐந்தாம்-திருவாய்மொழி---பாடல்-1-2-2777125.html
2777084 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து ஐந்தாம் திருவாய்மொழி - பாடல் 1, 2 சொ. மணியன் Thursday, September 21, 2017 09:01 AM +0530  

பாடல் - 1

எங்ஙனேயோ அன்னைமீர்காள் என்னை முனிவது நீர்,
நங்கள் கோலத் திருக்குறுங்குடி நம்பியை நான் கண்டபின்
சங்கினோடும் நேமியோடும் தாமரைக் கண்களோடும்
செங்கனிவாய் ஒன்றினோடும் செல்கின்றது என் நெஞ்சமே.

(இறைவன்மீது அன்புகொண்ட ஒரு பெண் சொல்கிறாள்) அன்னைமார்களே, நீங்கள் என்மீது கோபப்படுவது ஏனோ? நம் அழகிய திருக்குறுங்குடி நம்பியை நான் கண்டபிறகு, அவன் கையிலிருக்கும் சங்கு, சக்ராயுதம், அவனுடைய தாமரைக்கண்கள், செங்கனிபோன்ற வாய்… இவற்றின்பின்னேதான் என் நெஞ்சம் செல்கிறது. (நான் என்ன செய்வேன்?)

******

பாடல் - 2

என் நெஞ்சினால் நோக்கிக் காணீர் என்னை முனியாதே,
தென்னன் சோலை திருக்குறுங்குடி நம்பியை நான் கண்டபின்
மின்னு நூலும் குண்டலமும் மார்பில் திருமறுவும்
மன்னு பூணும் நான்குதோளும் வந்து எங்கும் நின்றிடுமே.

(இறைவன்மீது அன்புகொண்ட ஒரு பெண் சொல்கிறாள்) என் நெஞ்சினால் அவனைப் பாருங்கள், (என் நேசத்தைப் புரிந்துகொள்ளுங்கள்), அதன்பிறகு, என்னைக் கோபிக்காதீர்கள், தென் திசையிலுள்ள, சோலைகள் நிறைந்த திருக்குறுங்குடியிலே எழுந்தருளியிருக்கும் நம்பியை நான் கண்டபிறகு, (எனக்கு வேறு எதைப்பற்றியும் எண்ணமில்லை, வேறு எதுவும் எனக்குத் தெரியவே இல்லை,) எங்கு பார்த்தாலும் அவனுடைய மின்னும் பூணூலும், குண்டலமும், திருமார்பில் உள்ள ஶ்ரீவத்ஸம் என்கிற மறுவும், அணிந்திருக்கிற ஆபரணங்களும், நான்கு திருத்தோள்களும்தான் தெரிகின்றன.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/21/ஐந்தாம்-பத்து-ஐந்தாம்-திருவாய்மொழி---பாடல்-1-2-2777084.html
2773770 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து நான்காம் திருவாய்மொழி - பாடல் 11 சொ. மணியன் Wednesday, September 20, 2017 12:00 AM +0530
பாடல் - 11

உறங்குவான்போல் யோகுசெய்த பெருமானைச்
சிறந்த பொழில்சூழ் குருகூர்ச் சடகோபன் சொல்
நிறம் கிளர்ந்த அந்தாதி ஆயிரத்துள் இப்பத்தால்
இறந்துபோய் வைகுந்தம் சேரா ஆறு எங்ஙனேயோ?

பாற்கடலிலே உறங்குவதுபோல யோகத்துயில் கொள்கிறவன் எம்பெருமான், அப்பெருமானைப் பற்றி, சிறந்த சோலைகளால் சூழப்பட்ட திருக்குருகூர்ச் சடகோபன் பண் நிறைந்த அந்தாதிப் பாடல்கள் ஆயிரம் பாடினார், அவற்றுள் இந்தப் பத்தையும் யார் பாடுகிறார்களோ, அவர்களுடைய பூமி வாழ்க்கை முடியும்போது, அவர்கள் வைகுந்தம் சென்று சேராமலிருப்பார்களா? (நிச்சயம் அவர்கள் பரமபதத்தைச் சேர்வார்கள்.)

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/20/ஐந்தாம்-பத்து-நான்காம்-திருவாய்மொழி---பாடல்-11-2773770.html
2772574 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து நான்காம் திருவாய்மொழி - பாடல் 7, 8 சொ. மணியன் DIN Monday, September 18, 2017 12:00 AM +0530  

பாடல் - 7

காப்பார் ஆர் இவ்விடத்து? கங்கு இருளின் நுண் துளியாய்ச்
சேண்பாலது ஊழியாய்ச் செல்கின்ற கங்குல்வாய்த்
தூப்பால வெண் சங்கு, சக்கரத்தன் தோன்றானால்,
தீப்பால வல்வினையேன், தெய்வங்கள், என்செய்கேனோ?

(இறைவன்மீது விருப்பம்கொண்ட ஒரு பெண் சொல்கிறாள்) செறிந்த இருளும், நுண்ணிய பனித்துளிகளும் கொண்ட இந்த இரவு, ஊழிக்காலம்போல் நீண்டுகொண்டே செல்கிறது, தூய்மையான, வெண்மையான சங்கு, சக்ராயுதத்தை ஏந்திய எம்பெருமானும் இங்கே தோன்றவில்லை, தெய்வங்களே, இந்த நிலைமையில் என்னை யார் காப்பார்கள்? தீயைப்போன்ற கொடிய வினைகளைச் செய்த நான் இனி என்ன செய்வேன்?

******

பாடல் - 8

தெய்வங்காள் என்செய்கேன்? ஓர் இரவு ஏழ் ஊழியாய்
மெய்வந்து நின்று எனது ஆவி மெலிவிக்கும்,
கைவந்த சக்கரத்து என் கண்ணனும் வாரானால்,
தைவந்த தண்தென்றல் வெம்சுடரில் தான் அடுமே.

(இறைவன் மீது விருப்பம்கொண்ட ஒரு பெண் சொல்கிறாள்) தெய்வங்களே, இனி நான் என்ன செய்வேன்? ஒரே ஓர் இரவுதான், ஆனால் அது ஏழு ஊழிக்காலங்களைப்போல் நீள்கிறது, மிகைப்படுத்திச் சொல்லவில்லை, நிஜமாகவே அதுதான் நடக்கிறது, இந்த இரவு என்னுடைய உயிரை மெலியச்செய்கிறது, கையிலே சக்ராயுதத்தை ஏந்திய என் கண்ணனும் இங்கே வரவில்லை, அதனால், என்னைத் தழுவுகின்ற குளிர்ச்சியான தென்றல்கூட, எனக்கு வெப்பமாகவே தோன்றுகிறது, என்னை வருத்துகிறது.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/18/ஐந்தாம்-பத்து-நான்காம்-திருவாய்மொழி---பாடல்-7-8-2772574.html
2772572 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து நான்காம் திருவாய்மொழி - பாடல் 5, 6 சொ. மணியன் DIN Sunday, September 17, 2017 12:00 AM +0530  

பாடல் - 5

ஆர் என்னை ஆராய்வார்? அன்னையரும் தோழியரும்
நீர் என்னே என்னாதே நீள் இரவும் துஞ்சுவரால்,
கார் அன்ன மேனி நம் கண்ணனும் வாரானால்,
பேர் என்னை மாயாதால், வல்வினையேன் பின் நின்றே.

(இறைவன்மீது விருப்பம்கொண்ட ஒரு பெண் சொல்கிறாள்) என் தாய்மார்களும் தோழிமார்களும் என்னுடைய நிலைமையைச் சிந்திக்காமல் இந்த நீண்ட இரவில் நன்றாகத் தூங்குகிறார்கள், இப்போது என்னைப் பற்றி ஆராய்ந்து கவலைப்படுகிறவர்கள்/அக்கறை காட்டுபவர்கள் யார்? மேகம் போன்ற திருமேனியைக் கொண்டவனான நம் கண்ணனும் இங்கே வரவில்லை, வலிய வினைகளைச் செய்தவளான என்னுடைய பாவங்கள் என்றைக்கும் இங்கேயே நிற்கும், ஒருபோதும் தீராது.

******

பாடல் - 6

பின்நின்ற காதல் நோய் நெஞ்சம் பெரிது அடுமால்,
முன்நின்று இரா ஊழி கண்புதைய மூடிற்றால்,
மன்நின்ற சக்கரத்து எம் மாயவனும் வாரானால்,
இந்நின்ற நீள் ஆவி காப்பார் ஆர் இவ்விடத்தே?

(இறைவன் மீது விருப்பம்கொண்ட ஒரு பெண் சொல்கிறாள்) விடாமல் எனக்குப் பின்னே வருகிற காதல் நோய் என்னுடைய நெஞ்சத்தைப் பெரிதும் வருத்துகிறது, எனக்குமுன்னே இரவுப்பொழுது என்கிற ஊழிக்காலம் கண்களின் ஒளியை மூடுகிறது, நிலைத்து நிற்கும் சக்கரத்தைக்கொண்ட என் மாயவனும் வரவில்லை, இப்படி நிற்கின்ற என்னுடைய நீண்ட உயிரைக் காப்பவர்கள் இங்கே யார்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/17/ஐந்தாம்-பத்து-நான்காம்-திருவாய்மொழி---பாடல்-5-6-2772572.html
2772570 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து நான்காம் திருவாய்மொழி - பாடல் 3, 4 சொ. மணியன் DIN Saturday, September 16, 2017 12:00 AM +0530  

பாடல் - 3

நீயும் பாங்கு அல்லை காண் நெஞ்சமே, நீள் இரவும்
ஓயும் பொழுது இன்றி ஊழியாய் நீண்டதால்,
காயும் கடும்சிலை என் காகுத்தன் வாரானால்,
மாயும் வகை அறியேன் வல்வினையேன் பெண் பிறந்தே.

(இறைவன்மீது விருப்பம்கொண்ட ஒரு பெண் சொல்கிறாள்) நெஞ்சமே, நீயும் எனக்கு ஆதரவாக இல்லை, இந்த நீண்ட இரவும் ஓய்வதாகத் தெரியவில்லை, ஊழிக்காலம்போல் அது நீண்டுகொண்டே செல்கிறது, பகைவர்களை வருத்துகிற கடுமையான வில்லைக் கையில் ஏந்திய என் காகுத்தனும் வரவில்லை, வலிய வினைகளைச் செய்தவளான நான் என்ன செய்வேன்? இந்தப் பூமியில் பெண்ணாகப் பிறந்துவிட்டேன், இறக்கும் வழியும் தெரியவில்லை.

******

பாடல் - 4

பெண் பிறந்தார் எய்தும் பெரும்துயர் காண்கிலேன் என்று
ஒண் சுடரோன் வாராது ஒளித்தான், இம் மண் அளந்த,
கண் பெரிய, செவ்வாய் நம் கார் ஏறு வாரானால்,
என் பெரிய சிந்தை நோய் தீர்ப்பார் ஆர் என்னையே?

(இறைவன் மீது விருப்பம்கொண்ட ஒரு பெண் சொல்கிறாள்) (இந்த நீண்ட இரவு இன்னும் விடியவில்லையே, ஏன்?) ஒருவேளை, பெண்ணாகப் பிறந்தவர்கள் (தன் காதலனைப் பிரிந்து) அடைகிற பெரிய துயரத்தை நான் பார்க்கமாட்டேன் என்று ஒளி நிறைந்த சூரியன் வராமல் ஒளிந்துகொண்டானோ? மண்ணை அளந்த, பெரிய கண்களை உடைய, சிவந்த வாயைக்கொண்ட, மேகம் போன்ற நம் காளை, எம்பெருமானும் இன்னும் வரவில்லை, என்னுடைய மனத்தின் பெரிய துன்பத்தைத் தீர்ப்பவர்கள் யார்? என்னை ஆதரிப்பவர்கள் யார்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/16/ஐந்தாம்-பத்து-நான்காம்-திருவாய்மொழி---பாடல்-3-4-2772570.html
2772569 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து நான்காம் திருவாய்மொழி - பாடல் 1, 2 சொ. மணியன் Friday, September 15, 2017 12:00 AM +0530  

பாடல் - 1

ஊர் எல்லாம் துஞ்சி, உலகு எல்லாம் நள் இருளாய்
நீர் எல்லாம் தேறி ஓர் நீள் இரவாய் நீண்டதால்
பார் எல்லாம் உண்ட நம் பாம்பு அணையான் வரானால்
ஆர் எல்லே வல்வினையேன் ஆவி காப்பார் இனியே.

(இறைவன்மீது விருப்பம்கொண்ட ஒரு பெண் சொல்கிறாள்) ஊரெல்லாம் தூங்கிவிட்டது, உலகம் முழுக்க நள்ளிருள், நீர்நிலைகளிலும் சத்தம் அடங்கிவிட்டது, இந்த நீண்ட இரவு இப்படி நீண்டுகொண்டே செல்கிறது. வலிய வினைகளைச் செய்தவளான நான், இந்த நீண்ட இரவில் வாடுகிறேன், உலகங்கள் அனைத்தையும் உண்ட எம்பெருமான், பாம்புப் படுக்கையிலே பள்ளிகொண்டவன், அவன் வர வேண்டும், அப்போதுதான் என் உயிர் பிழைக்கும். ஒருவேளை அவன் வராவிட்டால், என்னைக் காப்பவர்கள் யார்? (யாருமில்லை.)

******

பாடல் - 2

ஆவிகாப்பார் இனி யார்? ஆழ்கடல், மண், விண் மூடி
மாவிகாரமாய் ஓர் வல் இரவாய் நீண்டதால்
காவிசேர்வண்ணன், என் கண்ணனும் வாரானால்
பாவியேன் நெஞ்சமே, நீயும் பாங்கு அல்லையே.

(இறைவன் மீது விருப்பம்கொண்ட ஒரு பெண் சொல்கிறாள்) ஆழமான கடல், பூமி, வானம் அனைத்தையும் மூடிக்கொண்டு மாபெரும் விகாரமாக எழுகிறது இந்த இரவு, மிகவும் கொடுமை செய்கிறது, முடியாமல் நீண்டுகொண்டே செல்கிறது, நெய்தல் மலர் போன்ற நிறம்கொண்ட என் கண்ணனோ இன்னும் வரவில்லை, பாவியாகிய என்னுடைய நெஞ்சமே, நீயும் எனக்கு ஆதரவாக இல்லை, இனி, என்னுடைய உயிரைக் காப்பவர்கள் யார்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/15/ஐந்தாம்-பத்து-நான்காம்-திருவாய்மொழி---பாடல்-1-2-2772569.html
2769050 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து மூன்றாம் திருவாய்மொழி - பாடல் 11 சொ. மணியன் DIN Thursday, September 14, 2017 12:00 AM +0530  

பாடல் - 11

இரைக்கும் கரும்கடல்வண்ணன் கண்ணபிரான்தன்னை
விரைக்கொள் பொழில் குருகூர்ச் சடகோபன் சொன்ன
நிரைக்கொள் அந்தாதி ஓர் ஆயிரத்துள் இப்பத்தும்
உரைக்கவல்லார்க்கு வைகுந்தம் ஆகும் தம் ஊரெல்லாம்.

சத்தமிடும் கரிய கடலின் வண்ணத்தைக்கொண்டவர் கண்ணபிரான், அவரைப் பற்றி, மணம் நிறைந்த சோலைகளால் சூழப்பட்ட குருகூர்ச் சடகோபன் முறையாக அமைந்த ஆயிரம் அந்தாதிப் பாடல்களை எழுதினார். அவற்றுள் இந்தப் பத்து பாடல்களையும் சொல்லவல்லவர்களுக்கு, தாங்கள் இருக்கும் ஊரே வைகுந்தம் ஆகும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/14/ஐந்தாம்-பத்து-மூன்றாம்-திருவாய்மொழி---பாடல்-11-2769050.html
2772575 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து நான்காம் திருவாய்மொழி - பாடல் 9, 10 சொ. மணியன் Wednesday, September 13, 2017 03:01 PM +0530
பாடல் - 9

வெம்சுடரில் தான் அடுமால் வீங்கு இருளின் நுண்துளியாய்
அம்சுடர வெய்யோன் அணி நெடும் தேர் தோன்றாதால்,
செம்சுடர்த் தாமரைக்கண் செல்வனும் வாரானால்,
நெஞ்சு இடர் தீர்ப்பார் இனி யார்? நின்று உருகுகின்றேனே.

(இறைவன் மீது விருப்பம்கொண்ட ஒரு பெண் சொல்கிறாள்)  இரவு நீண்டுகொண்டே செல்கிறது, பனியின் நுட்பமான துளிகள் என்மீது வீசுகின்றன, கொடிய நெருப்பைப்போல் என்னைத் துன்புறுத்துகின்றன, அழகிய சுடரைக்கொண்ட சூரியனின் அழகிய, பெரிய தேர் இன்னும் தோன்றவில்லை, சிவந்த, ஒளிநிறைந்த தாமரை போன்ற கண்களைக்கொண்ட செல்வன், எம்பெருமானும் வரவில்லை, ஆகவே, நான் இங்கே நின்று உருகிக்கொண்டிருக்கிறேன். இனி, என் நெஞ்சின் துயரத்தைத் தீர்ப்பவர்கள் யார்?

******

பாடல் - 10

நின்று உருகுகின்றேனேபோல நெடுவானம்
சென்று உருகி நுண்துளியாய்ச் செல்கின்ற கங்குல்வாய்
அன்று ஒருகால் வையம் அளந்தபிரான் வாரான் என்று
ஒன்று ஒருகால் சொல்லாது உலகோ உறங்குமே.

(இறைவன் மீது விருப்பம்கொண்ட ஒரு பெண் சொல்கிறாள்) இங்கே நின்று உருகிக்கொண்டிருக்கிற என்னைப்போலவே, இந்த நீண்ட வானமும் இரவுப்பொழுதில் உருகுகிறது, நுட்பமான பனித்துளிகளைப் பெய்கிறது, முன்பு ஒருநாள் வாமன அவதாரத்தின்போது தன் திருவடியால் இந்த உலகத்தை அளந்த எம்பெருமான் இன்னும் வரவில்லை, அவன் வரமாட்டான் என்றேனும் யாராவது என்னிடம் சொல்லலாமே, இப்படி எதுவும் சொல்லாமல் இந்த உலகம் உறங்குகிறதே.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/19/ஐந்தாம்-பத்து-நான்காம்-திருவாய்மொழி---பாடல்-9-10-2772575.html
2769033 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து மூன்றாம் திருவாய்மொழி - பாடல் 9, 10 சொ. மணியன் DIN Wednesday, September 13, 2017 12:00 AM +0530  

பாடல் - 9

நாணும் நிறையும் கவர்ந்து என்னை நல்நெஞ்சம்
                                                                          கூவிக்கொண்டு
சேண் உயர் வானத்து இருக்கும் தேவபிரான்தன்னை
ஆணை என் தோழீ, உலகுதோறு அலர் தூற்றி ஆம்
கோணைகள் செய்து குதிரியாய் மடல் ஊர்துமே.

(இறைவன்மீது விருப்பம்கொண்ட ஒரு பெண் சொல்கிறாள்.) தோழி, என்னுடைய வெட்கத்தையும் அடக்கத்தையும் கவர்ந்துகொண்டு, நல்ல நெஞ்சத்தையும் அழைத்துக்கொண்டு, உயரத்தில், நெடுந்தொலைவில், வானுலகமான பரமபதத்தில் தங்கியிருக்கிறான் எம்பெருமான், தேவர்களின் தலைவன், நான் ஒரு மடல் குதிரையில் ஏறிக்கொள்வேன், உலகுதோறும் சென்று, அவன் எனக்குச் செய்த குற்றங்களைச் சொல்லிச் சிரமப்படுத்துவேன், இது உறுதி.

******

பாடல் - 10

யாம் மடல் ஊர்ந்தும் எம் ஆழி அம்கைப்பிரானுடைத்
தூமடல் தண்ணம் துழாய்மலர் கொண்டு சூடுவோம்,
யா மடம் இன்றி தெருவுதோறு அயல் தையலார்
நா மடங்காப் பழி தூற்றி நாடும் இரைக்கவே.

(இறைவன் மீது விருப்பம்கொண்ட ஒரு பெண் சொல்கிறாள்.) நான் மடல் குதிரையில் ஏறப்போகிறேன், பெண்மைக்குரிய மடப்ப குணம் இல்லாதவளாகத் தெருத்தெருவாகச் செல்லப்போகிறேன், அதைக்கண்டு மற்ற பெண்கள் நாக்கு மடங்காமல் பழிச்சொல் சொன்னாலும் சொல்லட்டும், இந்த நாடுமுழுக்க என்னைத் தூற்றினாலும் தூற்றட்டும், அழகிய கையிலே சக்ராயுதத்தை ஏந்திய எம்பெருமானின் தூய இதழ்களையுடைய, குளிர்ச்சியான துளசிமலரைப் பெற்றுச் சூடிக்கொள்வேன்.

]]>
http://www.dinamani.com/specials/naalthorum-nammalvaar/2017/sep/13/ஐந்தாம்-பத்து-மூன்றாம்-திருவாய்மொழி---பாடல்-9-10-2769033.html
2769049 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து மூன்றாம் திருவாய்மொழி - பாடல் 9, 10 சொ. மணியன் DIN Wednesday, September 13, 2017 12:00 AM +0530  

பாடல் - 9

நாணும் நிறையும் கவர்ந்து என்னை நல்நெஞ்சம்
                                                                            கூவிக்கொண்டு
சேண் உயர் வானத்து இருக்கும் தேவபிரான்தன்னை
ஆணை என் தோழீ, உலகுதோறு அலர் தூற்றி ஆம்
கோணைகள் செய்து குதிரியாய் மடல் ஊர்துமே.

(இறைவன்மீது விருப்பம்கொண்ட ஒரு பெண் சொல்கிறாள்.) தோழி, என்னுடைய வெட்கத்தையும் அடக்கத்தையும் கவர்ந்துகொண்டு, நல்ல நெஞ்சத்தையும் அழைத்துக்கொண்டு, உயரத்தில், நெடுந்தொலைவில், வானுலகமான பரமபதத்தில் தங்கியிருக்கிறான் எம்பெருமான், தேவர்களின் தலைவன், நான் ஒரு மடல் குதிரையில் ஏறிக்கொள்வேன், உலகுதோறும் சென்று, அவன் எனக்குச் செய்த குற்றங்களைச் சொல்லிச் சிரமப்படுத்துவேன், இது உறுதி.

******

பாடல் - 10

யாம் மடல் ஊர்ந்தும் எம் ஆழி அம்கைப்பிரானுடைத்
தூமடல் தண்ணம் துழாய்மலர் கொண்டு சூடுவோம்,
யா மடம் இன்றி தெருவுதோறு அயல் தையலார்
நா மடங்காப் பழி தூற்றி நாடும் இரைக்கவே.

(இறைவன் மீது விருப்பம்கொண்ட ஒரு பெண் சொல்கிறாள்.) நான் மடல் குதிரையில் ஏறப்போகிறேன், பெண்மைக்குரிய மடப்ப குணம் இல்லாதவளாகத் தெருத்தெருவாகச் செல்லப்போகிறேன், அதைக்கண்டு மற்ற பெண்கள் நாக்கு மடங்காமல் பழிச்சொல் சொன்னாலும் சொல்லட்டும், இந்த நாடுமுழுக்க என்னைத் தூற்றினாலும் தூற்றட்டும், அழகிய கையிலே சக்ராயுதத்தை ஏந்திய எம்பெருமானின் தூய இதழ்களையுடைய, குளிர்ச்சியான துளசிமலரைப் பெற்றுச் சூடிக்கொள்வேன்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/13/ஐந்தாம்-பத்து-மூன்றாம்-திருவாய்மொழி---பாடல்-9-10-2769049.html
2769032 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து மூன்றாம் திருவாய்மொழி - பாடல் 7, 8 சொ. மணியன் DIN Tuesday, September 12, 2017 12:00 AM +0530  

பாடல் - 7

வலையுள் அகப்படுத்து என்னை நல்நெஞ்சம் கூவிக்கொண்டு
அலைகடல் பள்ளி அம்மானை ஆழிப்பிரான்தன்னைக்
கலைகொள் அகல் அல்குல் தோழி, தம் கண்களால் கண்டு
தலையில் வணங்கவுமாம்கொலோ? தையலார் முன்பே.

(இறைவன்மீது விருப்பம்கொண்ட ஒரு பெண் சொல்கிறாள்.) புடைவை அணிந்த, அகன்ற அல்குலையுடைய தோழியே, எம்பெருமான் என்னைத் தன் அன்பு வலையில் அகப்படுத்தினார், என்னுடைய நல்ல நெஞ்சத்தைக் கூவி அழைத்துக்கொண்டார், (என்னைப் பற்றிப் பழிச்சொல் பேசுகிற இந்தப்) பெண்கள் முன்னிலையில், அலைகடலிலே பள்ளிகொள்கிற அந்த அம்மானை, ஆழிப்பிரானை நான் கண்களால் காண வேண்டும், தலையால் வணங்க வேண்டும், அந்த பாக்கியம் எனக்குக் கிடைக்குமா!

******

பாடல் - 8

பேய்முலை உண்டு, சகடம் பாய்ந்து, மருது இடை
போய் முதல்சாய்த்து, புள்வாய் பிளந்து, களிறு அட்ட
தூமுறுவல் தொண்டைவாய்ப்பிரானை எந்நாள்கொலோ
நாம் உறுகின்றது, தோழீ, அன்னையர் நாணவே.

(இறைவன்மீது விருப்பம்கொண்ட ஒரு பெண் சொல்கிறாள்.) பேயாக வந்த பூதனையின் முலையைச் சுவைத்து அவளை வீழ்த்தியவன், சக்கரமாக வந்த சகடாசுரன் மீது பாய்ந்து அழித்தவன், மருதமரங்களுக்கு இடையே சென்று அவற்றை வேரோடு சாய்த்தவன், பறவை வடிவத்தில் வந்த பகாசுரனின் வாயைப் பிளந்தவன், குவலயாபீடம் என்கிற யானையை வென்றவன் அந்தக் கண்ணன், இத்தனையையும் செய்துவிட்டு, இயல்பாகத் தூய புன்முறுவல் செய்கிற கொவ்வைப்பழம் போன்ற வாயைக்கொண்ட பிரான், எம்பெருமான், தோழி, என்னைப் பற்றிக் குறைசொல்லும் தாய்மார்களெல்லாம் நாணமடையும்படி அந்தப் பெருமானோடு நான் சேர்வது எப்போது?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/12/ஐந்தாம்-பத்து-மூன்றாம்-திருவாய்மொழி---பாடல்-7-8-2769032.html
2769031 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து மூன்றாம் திருவாய்மொழி - பாடல் 5, 6 சொ. மணியன் DIN Monday, September 11, 2017 12:00 AM +0530  

பாடல் - 5

கடியன் கொடியன் நெடிய மால், உலகம் கொண்ட
அடியன், அறிவு அரு மேனி மாயத்தன் ஆகிலும்
கொடிய என் நெஞ்சம் அவன் என்றே கிடக்கும் எல்லே,
துடிகொள் இடை மடத்தோழி, அன்னை என் செய்யுமே!

(இறைவன் மீது விருப்பம்கொண்ட ஒரு பெண் சொல்கிறாள்.)  நெடிய மால், உலகை அளந்துகொண்ட திருவடிகளைக் கொண்டவன், அறிய அரிய திருமேனிகொண்ட மாயன், எம்பெருமான், அவன் கடுமையானவனாக இருந்தாலும் சரி, கொடுமை செய்தாலும் சரி, என்னுடைய கொடிய நெஞ்சம் அவனையே எண்ணிக்கிடக்கும், உடுக்கை போன்ற இடையைக்கொண்ட, மடப்பம் எனும் குணத்தைக்கொண்ட என் தோழி, (நான் அவனை எண்ணுவது என் அன்னைக்குப் பிடிக்காவிட்டால்தான் என்ன?) அன்னையின் சொற்கள் என்னை என்ன செய்துவிடும்?

******

பாடல்  - 6

அன்னை என்செய்யில் என்? ஊர் என்சொல்லில் என்?
                                                                                               தோழிமீர்,
என்னை இனி உமக்கு ஆசை இல்லை, அகப்பட்டேன்,
முன்னை அமரர் முதல்வன், வண்துவராபதி
மன்னன், மணிவண்ணன், வாசுதேவன் வலையுளே.

(இறைவன் மீது விருப்பம்கொண்ட ஒரு பெண் சொல்கிறாள்.) தோழிகளே, என்றென்றும் அமரர்களின் தலைவனான எம்பெருமான், வண்மை நிறைந்த துவாரகையின் மன்னன், மணிவண்ணன், வாசுதேவனின் வலையில் நான் அகப்பட்டேன், இனி, அன்னை என்னை என்ன செய்தால் என்ன? ஊர் என்னை என்ன சொன்னால் என்ன? என் மீது உங்களுக்கு இனி எந்த ஆசையும் வேண்டாம். (நான் அவனுக்குரியவள்.)

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/11/ஐந்தாம்-பத்து-மூன்றாம்-திருவாய்மொழி---பாடல்-5-6-2769031.html
2769028 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து மூன்றாம் திருவாய்மொழி - பாடல் 3, 4 சொ. மணியன் DIN Sunday, September 10, 2017 12:00 AM +0530

பாடல் - 3

ஊர்ந்த சகடம் உதைத்த பாதத்தன், பேய்முலை
சார்ந்து சுவைத்த செவ்வாயன் என்னை நிறைகொண்டான்,
பேர்ந்தும் பெயர்ந்தும் அவனோடு அன்றி ஓர் சொல்
                                                                                                 இல்லேன்,
தீர்ந்த என் தோழி, என் செய்யும் ஊரவர் கவ்வையே?

(இறைவன்மீது விருப்பம்கொண்ட ஒரு பெண் சொல்கிறாள்.) தன்னைக் கொல்வதற்காகச் சக்கரத்தின் வடிவத்தில் ஊர்ந்துவந்த சகடாசுரனை உதைத்த திருப்பாதங்களைக் கொண்டவன், பேயான பூதனையின் மார்பகங்களில் பால் குடித்து அவளை வீழ்த்திய செவ்வாயன், அவன் என் அடக்கத்தைக் கொள்ளைகொண்டான், எங்கே சென்றாலும் வந்தாலும் எப்போதும் அவனைப் பற்றியே நான் பேசுகிறேன், வேறெந்தப் பேச்சும் எனக்கு இல்லை, என்மீது அக்கறை கொண்ட தோழியே, மற்ற எதிலும் விருப்பமில்லாமல் எனக்கு நெருக்கமாக இருப்பவளே, இந்த ஊர்மக்கள் என்னைப் பற்றிச் சொல்லும் பழிச்சொல் இனி என்னை என்ன செய்யும்?

******

பாடல் - 4

ஊரவர் கவ்வை எரு விட்டு அன்னைசொல் நீர்படுத்து
ஈரநெல் வித்தி முளைத்த நெஞ்சப் பெரும்செய்யுள்
பேர் அமர் காதல் கடல் புரைய விளைவித்த
கார் அமர் மேனி நம் கண்ணன் தோழீ, கடியனே?

(இறைவன்மீது விருப்பம்கொண்ட ஒரு பெண் சொல்கிறாள்.) என் நெஞ்சம் என்கிற வயலிலே, எம்பெருமான் மீது கொண்ட ஆசை என்கிற நெல்லை விதைத்தேன், ஊராருடைய பழிச்சொல்லே அந்தக் காதலுக்கு எருவானது, என் அன்னையின் அன்பான சொற்களே அதற்கு நீரானது, மேகம்போன்ற திருமேனியைக்கொண்ட நம் கண்ணன் அந்தக் காதலைக் கடல்போல் விளையச்செய்தான். அவனைப் பழிக்கலாமா? (கூடாது.)

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/10/ஐந்தாம்-பத்து-மூன்றாம்-திருவாய்மொழி---பாடல்-3-4-2769028.html
2769025 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து மூன்றாம் திருவாய்மொழி - பாடல் 1,2 சொ. மணியன் DIN Saturday, September 9, 2017 12:00 AM +0530  

பாடல் - 1

மாசு அறு சோதி, என் செய்யவாய் மணிக்குன்றத்தை,
ஆசு அறு சீலனை, ஆதிமூர்த்தியை நாடியே
பாசு அற எய்தி அறிவு இழந்து எனை நாளையம்,
ஏசு அறும் ஊரவர் கவ்வை, தோழி, என்செய்யுமே?

(இறைவன்மீது விருப்பம்கொண்ட ஒரு பெண் சொல்கிறாள்.) குற்றமற்ற சோதி வடிவானவன், சிவந்த வாயைக்கொண்ட என்னுடைய மாணிக்க மலை, பிழையில்லாத ஒழுக்கம் கொண்டவன், ஆதிமூர்த்தி, எம்பெருமான், அந்தப் பெருமானை விரும்பியதால், என் உடலின் பசுமைத்தன்மை (நிறம்) நீங்கியது, அறிவு கெட்டது, இன்னும் எத்தனை நாள் இப்படி அவனைப் பிரிந்திருக்கப் போகிறேனோ! தோழி, இந்த ஊரார் என்னைப் பற்றி ஏதேதோ பேசுகிறார்கள், அந்தப் பழிச்சொற்களெல்லாம் என்னை என்ன செய்யும்?

******

பாடல் - 2

என்செய்யும் ஊரவர் கவ்வை, தோழீ, இனி நம்மை,
என் செய்ய தாமரைக்கண்ணன் என்னை நிறைகொண்டான்,
முன் செய்ய மாமை இழந்து மேனி மெலிவு எய்தி
என் செய்ய வாயும் கரும்கண்ணும் பயப்பு ஊர்ந்ததுவே.

தோழி, என்னுடைய செந்தாமரைக்கண்ணன் என் அடக்கத்தைக் கொள்ளைகொண்டான், அதனால், முன்பு எனக்கிருந்த செம்மையான மாமை நிறம் கெட்டது, மேனி மெலிந்தது, என்னுடைய செவ்வாயும் கரிய கண்களும் பசலை கொண்டன, இனி, இந்த ஊராரின் பழிச்சொற்கள் நம்மை என்ன செய்யும்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/09/ஐந்தாம்-பத்து-மூன்றாம்-திருவாய்மொழி---பாடல்-12-2769025.html
2769022 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து இரண்டாம் திருவாய்மொழி - பாடல் 11 சொ. மணியன் Friday, September 8, 2017 12:00 AM +0530  

பாடல் - 11

கலியுகம் ஒன்றும் இன்றிக்கே தன் அடியார்க்கு
                                                                        அருள்செய்யும்
மலியும் சுடர் ஒளி மூர்த்தி, மாயப்பிரான் கண்ணன்
                                                                        தன்னைக்
கலிவயல் தென்னன் குருகூர்க் காரிமாறன் சடகோபன்
ஒலிபுகழ் ஆயிரத்து இப்பத்து உள்ளத்தை மாசு அறுக்கும்மே.


கலியுகத்தால் வருகிற துன்பங்களெல்லாம் தன்னுடைய அடியவர்களுக்கு இல்லாதபடி அருள்செய்கிற எம்பெருமான், சுடர் ஒளி நிறைந்த மூர்த்தி, மாயப்பிரான், கண்ணன், அவனுடைய புகழை, நிறைந்த வயல்கள் சூழ்ந்த, தென் திசையிலுள்ள திருக்குருகூர்க் காரிமாறன் சடகோபன் ஆயிரம் பாடல்களில் ஒலிச்சிறப்போடு பாடினார், அவற்றுள் இந்தப் பத்து பாடல்களையும் பாடினால், உள்ளத்தில் உள்ள குற்றங்கள் அறுந்துபோகும்.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/08/ஐந்தாம்-பத்து-இரண்டாம்-திருவாய்மொழி---பாடல்-11-2769022.html
2767818 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து இரண்டாம் திருவாய்மொழி - பாடல் 9, 10 சொ. மணியன் Thursday, September 7, 2017 12:00 AM +0530  

பாடல் - 9

மேவித் தொழுது உய்ம்மின் நீங்கள், வேதப் புனித இருக்கை
நாவில் கொண்டு அச்சுதன்தன்னை ஞான விதி பிழையாமே
பூவில் புகையும் விளக்கும் சாந்தமும் நீரும் மலிந்து
மேவித் தொழும் அடியாரும் பகவரும் மிக்கது உலகே.

வேதங்களில் மிகவும் புனிதமாகக் கருதப்படும் புருஷசூக்தம் போன்றவற்றை நாவால் சொல்லி, ஞானவிதிகளின்படி அச்சுதனை வழிபடுகிறார்கள் பக்தர்கள், பூவும் நறுமணப்புகையும் விளக்கும் சந்தனமும் நீரும் தந்து வணங்குகிறார்கள், அத்தகைய அடியவர்களும் பக்தர்களும் நிறைந்த உலகம் இது… நீங்களும் அப்பெருமானைத் தொழுது உய்யுங்கள்.

*******

பாடல் - 10

மிக்க உலகுகள்தோறும் மேவிக் கண்ணன் திருமூர்த்தி
நக்கபிரானோடு அயனும் இந்திரனும் முதலாகத்
தொக்க அமரர் குழாங்கள் எங்கும் பரந்தன தொண்டீர்,
ஒக்கத் தொழகிற்றிர் ஆகில் கலியுகம் ஒன்றும் இலையே.

உலகங்கள் எங்கும் சிவபெருமான், பிரம்மன், இந்திரன் தொடங்கி அனைத்து அமரர் கூட்டங்களும் கண்ணனின் திருமூர்த்தியை வணங்குகிறார்கள், தொண்டர்களே, நீங்களும் அவர்களைப்போல் எம்பெருமானை வணங்குங்கள், இந்தக் கலியுகத்தின் தீமைகள் உங்களை ஒன்றும் செய்யாது.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/07/ஐந்தாம்-பத்து-இரண்டாம்-திருவாய்மொழி---பாடல்-9-10-2767818.html
2767278 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து இரண்டாம் திருவாய்மொழி - பாடல் 7, 8 சொ. மணியன் DIN Wednesday, September 6, 2017 12:00 AM +0530  

பாடல் - 7

நிறுத்தி நும் உள்ளத்துக் கொள்ளும் தெய்வங்கள் உம்மை 
                                                                                உய்யக்கொள்
மறுத்தும் அவனொடே கண்டீர், மார்கண்டேயனும் கரியே,
கறுத்த மனம் ஒன்றும் வேண்டா, கண்ணன் அல்லால்
                                                                                தெய்வம் இல்லை,
இறுப்பது எல்லாம் அவன் மூர்த்தியாய் அவர்க்கே
                                                                                இறுமினே.

நீங்கள் உங்களுடைய உள்ளத்தில் நிறுத்திவைத்திருக்கும் மற்ற தெய்வங்கள் எல்லாம் உங்களை எப்படிக் காக்கிறார்கள் தெரியுமா? எம்பெருமான் திருமாலின் அருளால்தான். இதற்கு மார்க்கண்டேயர் சாட்சி, கண்ணனைத் தவிர இன்னொரு தெய்வம் இல்லை, இதில் உங்களுக்குச் சந்தேகமே வேண்டாம், ஆகவே, உங்களுடைய தினசரிக் கடமைகளையெல்லாம், எம்பெருமானின் மூர்த்திக்குச் செய்கிறோம் என்கிற எண்ணத்துடனே செய்யுங்கள்.

******

பாடல் - 8

இறுக்கும் இறை இறுத்து உண்ண எவ் உலகுக்கும் தன்
                                                                                    மூர்த்தி
நிறுத்தினான் தெய்வங்களாக அத்தெய்வ நாயகன்தானே,
மறுத் திருமார்வன் அவன் தன் பூதங்கள் கீதங்கள் பாடி
வெறுப்பு இன்றி ஞாலத்து மிக்கார், மேவித் தொழுது
                                                                                   உய்ம்மினீரே.

மார்பில் மறுவும் திருமகளும் கொண்ட எம்பெருமான் திருமால், தன்னுடைய மூர்த்தியையே பல தெய்வங்களாக்கி எல்லா உலகங்களும் தொழும்படி நிறுத்தினான், மக்கள் அந்தத் தெய்வங்களை வழிபடுகிறார்கள், செலுத்தவேண்டியவற்றைச் செலுத்தி வணங்குகிறார்கள், அத்தகைய தெய்வங்களுக்கெல்லாம் நாயகன் எம்பெருமான், அவனுடைய பக்தர்கள் அவன் புகழைப் பாடி உலகெங்கும் நிறைந்துள்ளார்கள், இவ்வுலக வாழ்க்கையின் மீது வெறுப்பின்றி, அவனை வணங்கி வாழ்கிறார்கள், நீங்களும் அவர்களுடன் இணைந்து சென்று எம்பெருமானைத் தொழுது உய்யுங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/06/ஐந்தாம்-பத்து-இரண்டாம்-திருவாய்மொழி---பாடல்-7-8-2767278.html
2767276 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து இரண்டாம் திருவாய்மொழி - பாடல் 5, 6 சொ. மணியன் Tuesday, September 5, 2017 12:00 AM +0530  

பாடல் - 5

செய்கின்றது என் கண்ணுக்கு ஒன்றே ஒக்கின்றது, இவ்வுலகத்து
வைகுந்தன் பூதங்களேயாய் மாயத்தினால் எங்கும் மன்னி
ஐயம் ஒன்றில்லை, அரக்கர், அசுரர் பிறந்தீர் உள்ளீரேல்
உய்யும் வகை இல்லை, தொண்டீர், ஊழி பெயர்த்திடும் கொன்றே.

இவ்வுலகத்தில் எல்லா மக்களும் செய்வது ஒரே ஒரு விஷயம்தான், அதுமட்டும்தான் என் கண்ணில் தெரிகிறது. அந்த ஒரு விஷயம்: வைகுந்தனான எம்பெருமானின் பக்தர்களாகி, விருப்பத்துடன் எங்கும் பரவி நின்று வழிபடுவதுதான். ஒருவேளை, பிற விஷயங்களில் விருப்பமுள்ளவர்களாக, அரக்கர்களாக, அசுரர்களாக நீங்கள் பிறந்திருந்தால், நீங்கள் பிழைக்க வேறு வழியே இல்லை, எம்பெருமானின் பக்தர்கள் இந்த யுகத்தையே நல்லமுறையில் மாற்றிவிடுவார்கள், தீமைகள் அழிந்துபோகும். இதில் சந்தேகமில்லை.

******

பாடல் - 6

கொன்று உயிர் உண்ணும் விசாதி, பகை, பசி, தீயன
                                                                                     எல்லாம்
நின்று இவ்வுலகில் கடிவான் நேமிப்பிரான் தமர்
                                                                                    போந்தார்,
நன்று இசை பாடியும் துள்ளி ஆடியும் ஞாலம் பரந்தார்,
சென்று தொழுது உய்ம்மின் தொண்டீர், சிந்தையைச்
                                                                                    செந்நிறுத்தியே.

உயிர்களைக் கொன்று தின்கின்ற வியாதி, பகை, பசி, தீயவை அனைத்தையும் போக்குவதற்காக, சக்ராயுதம் ஏந்திய எம்பெருமானின் பக்தர்கள் வந்தார்கள், நல்ல இசையோடு அவன் புகழைப் பாடி, துள்ளி ஆடி, உலகெங்கும் செல்கிறார்கள், தொண்டர்களே, நீங்களும் சென்று அவனை வழிபடத் தொடங்குங்கள், மனத்தை நல்ல வழியில் செலுத்துங்கள், அதுவே நீங்கள் பிழைப்பதற்கான வழி.

]]>
http://www.dinamani.com/specials/naalthorum-nammalvaar/2017/sep/05/ஐந்தாம்-பத்து-இரண்டாம்-திருவாய்மொழி---பாடல்-5-6-2767276.html
2767226 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து இரண்டாம் திருவாய்மொழி - பாடல் 3, 4 சொ. மணியன் Monday, September 4, 2017 09:21 AM +0530

பாடல் - 3

திரியும் கலியுகம் நீங்கித் தேவர்கள் தாமும் புகுந்து
பெரிய கிதயுகம் பற்றிப் பேரின்ப வெள்ளம் பெருகக்
கரிய முகில்வண்ணன், எம்மான், கடல்வண்ணன்
                                                                      பூதங்கள் மண்மேல்
இரியப் புகுந்து இசைபாடி எங்கும் இடம்கொண்டனவே.

தர்மங்கள் திரிந்துபோகின்ற கலியுகம் முடிந்தது, சிறந்த கிருதயுகம் வந்தது, தேவர்கள் வந்து புகுகிறார்கள், எங்கும் பேரின்ப வெள்ளம் பெருகுகிறது,

கருமையான மேகத்தின் வண்ணம் கொண்டவன், நம் தலைவன், கடல்வண்ணம் கொண்டவன், எம்பெருமானின் பக்தர்கள் பூமியிலே அங்குமிங்கும் திரிந்து, அவனுடைய புகழை இசையோடு பாடி நிறைகிறார்கள்.

******

பாடல் - 4

இடம்கொள் சமயத்தை எல்லாம் எடுத்துக் களைவனபோலே
தடம்கடல் பள்ளிப்பெருமான் தன்னுடைப் பூதங்களேயாய்க்
கிடந்தும் இருந்தும் எழுந்தும் கீதம் பலபல பாடி
நடந்தும் பறந்தும் குனிந்தும் நாடகம் செய்கின்றனவே.

பெரிய கடலிலே பள்ளிகொண்டிருக்கிற எம்பெருமானின் பக்தர்கள் அவனுடைய புகழைப் பாடிக்கொண்டு ஆங்காங்கே இருக்கிறார்கள், கிடக்கிறார்கள், எழுந்து நடக்கிறார்கள், பல கீதங்களைப் பாடுகிறார்கள், ஆனந்தத்தில் தரை காலில் படாமல் பறக்கிறார்கள், குனிந்து ஆடுகிறார்கள்... இந்தக் காட்சி, இங்கே பல இடங்களில் இருக்கிற பிற சமயங்களையெல்லாம் எடுத்துக் களைவதுபோலத் தோன்றுகிறது.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/04/ஐந்தாம்-பத்து-இரண்டாம்-திருவாய்மொழி---பாடல்-3-4-2767226.html
2762269 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து முதல் திருவாய்மொழி - பாடல் 11 சொ. மணியன் DIN Saturday, September 2, 2017 12:00 AM +0530  

பாடல் - 11

கார்வண்ணன், கண்ணபிரான், கமலத் தடம் 
                                                                   கண்ணன்தன்னை
ஏர்வள ஒண் கழனிக் குருகூர்ச் சடகோபன் சொன்ன
சீர்வண்ண ஒண் தமிழ்கள் இவை ஆயிரத்துள் இப்பத்தும்
ஆர்வண்ணத்தால் உரைப்பார் அடிக்கீழ்ப் புகுவார்
                                                                   பொலிந்தே.

மேகவண்ணம் கொண்டவன், கண்ணபிரான், தாமரை போன்ற பெரிய திருக்கண்களைக் கொண்டவன் எம்பெருமான், அழகிய, வளம் நிறைந்த, ஒளி நிறைந்த வயல்களால் சூழப்பட்ட குருகூர்ச் சடகோபன், அப்பெருமானைப் பற்றிச் சிறப்பான, நன்மை நிறைந்த ஆயிரம் தமிழ்ப்பாடல்களைப் பாடினார், அந்த ஆயிரத்தில் இந்தப் பத்து பாடல்களையும் அமுதம் பருகுவதுபோல விருப்பத்துடன் சொல்பவர்கள் எம்பெருமானின் திருவடியை அடைந்து பொலிவார்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/02/ஐந்தாம்-பத்து-முதல்-திருவாய்மொழி---பாடல்-11-2762269.html
2762268 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து முதல் திருவாய்மொழி - பாடல் 9, 10 சொ. மணியன் DIN Friday, September 1, 2017 12:00 AM +0530  

பாடல் - 9

ஆவார் ஆர் துணை என்று அலைநீர்க் கடலுள் அழுந்தும்
நாவாய்போல் பிறவிக்கடலுள் நின்று நான் துளங்கத்
தேவு ஆர் கோலத்தோடும் திருச்சக்கரம், சங்கினொடும்
ஆ! ஆ! என்று அருள்செய்து அடியேனொடும் ஆனானே.

அலைகள் மோதுகிற நீரைக்கொண்ட கடலிலே கப்பல் அழுந்தப்போகும் நேரம், அதிலுள்ளவர்களெல்லாம், ‘எங்களுக்கு யார் துணை?’ என்று ஏங்குவார்கள். அதுபோல, பிறவிக்கடலிலே நான் நிற்கிறேன், நடுங்குகிறேன், அந்த நேரத்தில், அழகிய திருத்தோற்றத்துடன் திருச்சக்கரம், சங்கை ஏந்தி எம்பெருமான் வந்தான், ‘அடடா’ என்று என்மீது இரக்கம்கொண்டு அருள்செய்தான், என்னோடு கலந்தான்.

******

பாடல் - 10

ஆனான் ஆளுடையான் என்று அஃதே கொண்டு
                                                                                  உகந்து வந்து
தானே இன் அருள் செய்து என்னை முற்றவும் தான்
                                                                                 ஆனான்,
மீனாய், ஆமையுமாய், நரசிங்கமுமாய், குறளாய்,
கான் ஆர் ஏனமுமாய்க் கற்கியாம் இன்னம்
                                                                                 கார்வண்ணனே.

மேகவண்ணனான எம்பெருமான் மீனாக, ஆமையாக, நரசிங்கமாக, வாமனனாக, காட்டில் வசிக்கும் பன்றியாக, கல்கியாகத் திகழ்கிறான், அவன் என்னை அடிமை கொண்டான் என்று நான் சொன்னேன், அந்தச் சொல்லை எம்பெருமான் ஏற்றுக்கொண்டு மகிழ்ந்தான், அவனே வந்து எனக்கு இனிய அருள் செய்தான், எனக்கு அனைத்தும் தானாக ஆனான்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/01/ஐந்தாம்-பத்து-முதல்-திருவாய்மொழி---பாடல்-9-10-2762268.html
2764403 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து இரண்டாம் திருவாய்மொழி - பாடல் 1, 2 சொ. மணியன் Thursday, August 31, 2017 09:27 AM +0530  

பாடல் - 1

பொலிக, பொலிக, பொலிக, போயிற்று வல் உயிர்ச் சாபம்,
நலியும் நரகமும் நைந்த, நமனுக்கு இங்கு யாதொன்றும்
                                                                                இல்லை,
கலியும் கெடும், கண்டுகொள்மின், கடல்வண்ணன்
                                                                                பூதங்கள் மண்மேல்
மலியப் புகுந்து இசைபாடி, ஆடி உழிதரக் கண்டோம்.

கடல்வண்ணனான எம்பெருமானின் பக்தர்கள் பூமியில் நிறைந்திருக்கிறார்கள், எங்கும் நடமாடி இசையோடு அவன் புகழைப் பாடி, ஆடுகிறார்கள், அதை நாம் காண்கிறோம், இதனால், உயிர்களை வருத்தும் வலிய சாபங்கள் போயின, நலிவடையச் செய்யும் நரகமும் நைந்துபோனது, எமனுக்கு இங்கே எந்த வேலையும் இல்லை, கலிகால தோஷமும் கெட்டது, இதைக் காணுங்கள். இனி எங்கும் நன்மை திகழட்டும், திகழட்டும், திகழட்டும்!

******

பாடல் - 2

கண்டோம், கண்டோம், கண்டோம், கண்ணுக்கு இனியன
                                                                                  கண்டோம்,
தொண்டீர் எல்லீரும் வாரீர், தொழுது தொழுது நின்று
                                                                                 ஆர்த்தும்,
வண்டு ஆர் தண் அம் துழாயான், மாதவன் பூதங்கள்
                                                                                 மண்மேல்
பண்தாம் பாடி நின்று ஆடிப் பரந்து திரிகின்றவே.

வண்டுகள் மொய்க்கின்ற குளிர்ந்த, அழகிய துளசிமாலையை அணிந்தவன், மாதவன், எம்பெருமான், அவனது பக்தர்கள் பூமியிலே எங்கும் இசையோடு அவன் புகழைப் பாடி ஆடித் திரிகிறார்கள், கண்ணுக்கு இனிய அந்தத் திருக்காட்சியை நாம் கண்டோம், கண்டோம், கண்டோம், தொண்டர்கள் எல்லாரும் வாருங்கள், நாமும் அவனைத் தொழுது நின்று ஆரவாரம் செய்வோம்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/sep/03/ஐந்தாம்-பத்து-இரண்டாம்-திருவாய்மொழி---பாடல்-1-2-2764403.html
2762266 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து முதல் திருவாய்மொழி - பாடல் 7, 8 சொ. மணியன் DIN Thursday, August 31, 2017 12:00 AM +0530  

பாடல் - 7

அம்மான், ஆழிப்பிரான் அவன் எவ் இடத்தான்? யான் ஆர்?
எம் மா பாவியர்க்கும் விதிவாய்க்கின்று வாய்க்கும் கண்டீர்,
கைம்மா துன்பு ஒழித்தாய் என்று கை தலை பூசல் இட்டே
மெய்ம்மாலாய் ஒழிந்தேன் எம்பிரானும் என் மேலானே.

அம்மான், சக்ராயுதத்தை ஏந்திய பிரான், அவன் எங்கே, நான் எங்கே! 'கஜேந்திரன் என்கிற யானையின் துன்பத்தைத் தீர்த்தவனே' என்று கையைத் தலைக்குமேல் தூக்கி அவனை அழைத்தேன், உண்மையிலேயே அவன் மீது எனக்கு அன்பு ஏற்பட்டது, எம்பிரானும் எனக்கு அருள்செய்தான், (இழிவான நிலையில் உள்ள எனக்கே அவன் அருள்செய்தான் என்றால்), எப்படிப்பட்ட பாவம் செய்தவர்களும் உண்மையான பக்தியோடு வணங்கினால் போதும், அவனுடைய அருள் கிடைக்கும், அறிந்துகொள்ளுங்கள்.

******

பாடல் - 8

மேலாத் தேவர்களும் நிலத்தேவரும் மேவித் தொழூஉம்
மாலார் வந்து இனநாள் அடியேன் மனத்தே மன்னினார்,
சேல் ஏய் கண்ணியரும் பெரும் செல்வமும் நல்மக்களும்
மேலாத் தாய், தந்தையும் அவரே இனி ஆவாரே.

சிறந்த தேவர்களூம், நிலத்தில் வாழும் தேவர்களான பக்தர்களும் விரும்பி வணங்குகிற திருமால், இன்றைக்கு என்னுடைய மனத்தில் பொருந்தினார், இனி, மீன் போன்ற பார்வையுடைய பெண்கள், பெரிய செல்வம், நல்ல மக்கள், சிறந்த தாய், தந்தை என எனக்கு எல்லாம் அவரே ஆவார்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/31/ஐந்தாம்-பத்து-முதல்-திருவாய்மொழி---பாடல்-7-8-2762266.html
2762265 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து முதல் திருவாய்மொழி - பாடல் 5, 6 சொ. மணியன் DIN Wednesday, August 30, 2017 12:00 AM +0530

பாடல் - 5

கண்ணபிரானை, விண்ணோர் கருமாணிக்கத்தை, அமுதை
நண்ணியும் நண்ணகில்லேன், நடுவே ஓர் உடம்பில் இட்டுத்
திண்ணம் அழுந்தக் கட்டிப் பல செய்வினை வன்கயிற்றால்,
புண்ணை மறைய வரிந்து என்னைப் போரவைத்தாய் புறமே.

கண்ணபிரானே, விண்ணோர்கள் தொழுகின்ற கருமாணிக்கமே, அமுதமே, உன்னை நெருங்கினேன், ஆனாலும் நெருங்கவில்லை, காரணம், என் உடல்/இந்த மனிதப்பிறவி, நீதான் என்னை இந்த உடலில் இட்டாய் (மனிதப்பிறவி எடுக்கவைத்தாய்), பலவிதமான வினைகள் என்கிற வலிமையான கயிற்றால் நன்கு உறுதியாகக் கட்டினாய், என்னுடைய குற்றங்கள் மறையும்படி மேல்பூச்சுப் பூசி என்னை உன்னிலிருந்து வெளியே ஒதுக்கிவைத்தாய். (ஆகவே, நீதான் என்னை இதிலிருந்து விடுவிக்க வேண்டும்.)

******

பாடல் - 6

புறம் அறக் கட்டிக்கொண்டு இரு வல்வினையார் குமைக்கும்
முறைமுறை யாக்கை புகல் ஒழியக் கண்டு               
                                                                               கொண்டொழிந்தேன்,

நிறம் உடை நால் தடம் தோள், செய்யவாய், செய்ய
                                                                                தாமரைக்கண்,
அறம் முயல் ஆழி அம்கைக் கருமேனி அம்மான்தன்னையே.

இருவகையான வலிய வினைகளும் என்னைக் கட்டிப்போட்டிருக்கின்றன, அந்த முடிச்சு வெளியே தெரியாதபடி உள்ளே அமைத்திருக்கின்றன, (ஆகவே, என்னால் அதனை அவிழ்த்துக்கொள்ள இயலாது.) இப்படி அவை என்னைத் தொடர்ந்து துன்புறுத்துவதால், திரும்பத்திரும்ப வெவ்வேறு உடல்களில் புகுகின்ற (பிறந்து, இறக்கின்ற) துயரம் ஏற்படும், அத்தகைய துயரத்திலிருந்து என்னை விடுவித்தவன் எம்பெருமான், அழகிய, பெரிய நான்கு திருத்தோள்கள், சிவந்த திருவாய், சிவந்த தாமரை போன்ற திருக்கண்கள், அறத்தை வலியுறுத்தும் சக்ராயுதத்தை ஏந்திய உள்ளங்கை, கரிய திருமேனி கொண்ட அந்த அம்மானைக் கண்டேன், என் பிறவித்துயரம் தீர்ந்தது.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/30/ஐந்தாம்-பத்து-முதல்-திருவாய்மொழி---பாடல்-5-6-2762265.html
2762263 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து முதல் திருவாய்மொழி - பாடல் 3, 4 சொ. மணியன் DIN Tuesday, August 29, 2017 12:00 AM +0530  

பாடல் - 3

உள்ளன மற்று உளவாப் புறமே சில மாயம் சொல்லி
வள்ளல் மணிவண்ணனே என்று என்றே உன்னையும்
                                                                             வஞ்சிக்கும்
கள்ள மனம் தவிர்ந்தே உன்னைக் கண்டுகொண்டு 
                                                                            உய்ந்தொழிந்தேன்,
வெள்ளத்தனைக் கிடந்தாய், இனி உன்னை விட்டு
                                                                            என்கொள்வனே?

எம்பெருமானே, எனக்குள்ளே உலக எண்ணங்கள் இருக்க, வெளியே சில பொய்யுரைகளைச் சொல்கிறேன், 'வள்ளலே, மணிவண்ணனே' என்று உன்னை அழைத்து, உன்னிடமும் பொய் சொல்லி வஞ்சிக்கிறேன், பின்னர், இந்தக் கள்ள மனத்தைத் தவிர்த்து, உண்மையாகவே உன்னைக் கண்டுகொண்டு உய்கிறேன், திருப்பாற்கடலிலே கிடந்த திருக்கோலத்தில் அருள்புரிபவனே, இனி உன்னை விட்டு நான் என்ன செய்வேன்? (ஏதும் செய்யமாட்டேன், உன்னை வணங்குவதே என் பணி.)

******

பாடல் - 4

என்கொள்வன் உன்னை விட்டு என்னும் வாசகங்கள்
                                                                            சொல்லியும்
வன்கள்வனேன் மனத்தை வலித்துக் கண்ண நீர் கரந்து
நின்கண் நெருங்கவைத்தே எனது ஆவியை நீக்ககில்லேன்
என்கண் மலினம் அறுத்து என்னைக் கூவி அருளாய்
                                                                           கண்ணனே.

எம்பெருமானே, 'உன்னைவிட்டு என்ன செய்வேன்?' என்று நான் (வெறுமனே) பேசுகிறேன், வலிய கள்வனான நான், மனத்தை உன்பக்கம் இழுக்கிறேன், கண்களில் நீர் சொரிய உன்னை நெருங்கி என் ஆவியைப் போக்கிக்கொள்ள முயல்கிறேன், ஆனால், இவை எனக்குச் சாத்தியமாகவில்லை. கண்ணனே, என்னுடைய பாவங்களை அறுத்து, என்னை நீயே உன்னிடம் அழைத்துக்கொள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/29/ஐந்தாம்-பத்து-முதல்-திருவாய்மொழி---பாடல்-3-4-2762263.html
2762262 ஸ்பெஷல்ஸ் நாள்தோறும் நம்மாழ்வார் ஐந்தாம் பத்து முதல் திருவாய்மொழி -  பாடல் 1, 2 சொ. மணியன் Monday, August 28, 2017 12:00 AM +0530  

பாடல் - 1

கைஆர் சக்கரத்து என் கருமாணிக்கமே என்று என்று
பொய்யே கைம்மை சொல்லிப் புறமே புறமே ஆடி
மெய்யே பெற்றுஒழிந்தேன், விதிவாய்க்கு இன்று
                                                                                         காப்பார் ஆர்?
ஐயோ, கண்ணபிரான், அறையோ இனிப் போனாலே.

'கையிலே சக்ராயுதத்தை ஏந்திய என் கருமாணிக்கமே' என்றெல்லாம் உன்னைப் போற்றினேன், ஆனால், அவை எல்லாம் வெறும் பொய்யான பேச்சுகள்தான், உண்மையில் நான் புற இன்பங்களில்தான் மகிழ்ந்திருந்தேன், ஆனாலும், நீ என்மீது அன்புகாட்டினாய், உண்மையான பக்தர்களுக்குச் செய்யும் அருளை எனக்கும் செய்தாய், ஒருவருக்கு ஒன்றைத் தர வேண்டும் என இறைவன் நினைத்துவிட்டால், அதை யாரால் தடுக்கமுடியும்? (யாராலும் தடுக்கமுடியாது.) எம்பெருமானே, கண்ணபிரானே, நீ என்னைவிட்டுப் போவதென்றால், தாராளமாகப் போகலாம், நான் தடுக்கமாட்டேன். (காரணம், நீ அப்படிச் செல்லமாட்டாய்.)

******

பாடல் - 2

போனாய் மாமருதின் நடுவே, என் பொல்லா மணியே,
தேனே, இன் அமுதே என்று என்றே சில கூத்துச் சொல்லத்
தானேல் எம்பெருமான், அவன் என் ஆகி ஒழிந்தான்
வானே, மாநிலமே மற்றும் முற்றும் என் உள்ளனவே.

'பெரிய மருதமரங்களின் நடுவே சென்றவனே, துளையிடப்படாத என் மாணிக்கமே, தேனே, இனிய அமுதே' என்றெல்லாம் சில பொய் வார்த்தைகளைச் சொன்னேன், ஆனால், அந்தச் சொற்களையும் அவன் ஏற்றுக்கொண்டான், எனக்குள் வந்து உறைகிறான், அதனால், இந்த வானம், பூமி, மற்ற அனைத்தும் எனக்குள்ளே நடக்கின்றன!

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/28/ஐந்தாம்-பத்து-முதல்-திருவாய்மொழி----பாடல்-1-2-2762262.html
2759251 ஸ்பெஷல்ஸ் நாள்தோறும் நம்மாழ்வார் நான்காம் பத்து பத்தாம் திருவாய்மொழி - பாடல் 11 சொ. மணியன் DIN Sunday, August 27, 2017 12:00 AM +0530

பாடல் - 11

ஆட்செய்து ஆழிப்பிரானைச் சேர்ந்தவன், வண்
                                                                                    குருகூர் நகரான்,
நாள்கமழ் மகிழ்மாலை மார்பினன், மாறன் சடகோபன்,
வேட்கையால் சொன்ன பாடல் ஆயிரத்துள் இப்பத்தும்
                                                                                   வல்லார்
மீட்சி இன்றி வைகுந்த மாநகர் மற்று அது கையதுவே.

சக்ராயுதத்தை ஏந்திய பெருமானுக்குத் தொண்டுசெய்து அவருடைய தொண்டராய் ஆனவர், வளம் நிறைந்த திருக்குருகூரைச் சேர்ந்தவர், நறுமணம் கமழ்கிற மாலையை மார்பில் அணிந்தவர், மாறன் சடகோபன், அவர் இறைவன்மீது விருப்பம்கொண்டு ஆயிரம் பாடல்களைப் பாடினார், அவற்றில் இந்தப் பத்து பாடல்களையும் பாடுகிறவர்கள் வைகுந்தத்தைச் சென்றடைவார்கள், அங்கிருந்து மீண்டு வந்து பிறக்கமாட்டார்கள், அந்த வரம் அவர்கள் கையில்தான் உள்ளது.

]]>
http://www.dinamani.com/specials/naalthorum-nammalvaar/2017/aug/27/நான்காம்-பத்து-பத்தாம்-திருவாய்மொழி---பாடல்-11-2759251.html
2759250 ஸ்பெஷல்ஸ் நாள்தோறும் நம்மாழ்வார் நான்காம் பத்து பத்தாம் திருவாய்மொழி - பாடல் 9, 10 சொ. மணியன் DIN Saturday, August 26, 2017 12:00 AM +0530  

பாடல் - 9

விளம்பும் ஆறு சமயமும் அவை ஆகியும் மற்றும்
                                                                                           தன்பால்
அளந்து காண்டற்கு அரியன் ஆகிய ஆதிப்பிரான்
                                                                                          அமரும்
வளம்கொள் தண்பணை சூழ்ந்து அழகுஆய திருக்குருகூர்
                                                                                           அதனை
உளம்கொள் ஞானத்து வைம்மின் உம்மை உயக்கொண்டு
                                                                                           போகுறிலே.

பேசப்படுகிற ஆறு சமயங்களும் அதுபோன்ற பிறவும் சேர்ந்து பலவிதமாக வாதிட்டாலும் எம்பெருமானை, ஆதிப்பிரானை அளந்து காண இயலாது, அத்தகைய பெருமான், வளம் நிறைந்த, குளிர்ச்சியான வயல்களால் சூழப்பட்ட அழகிய திருக்குருகூரிலே எழுந்தருளியிருக்கிறார். நீங்கள் உய்வதற்கு விரும்பினால், அதனை மனத்தில் வையுங்கள்.

*******

பாடல் - 10

உறுவது ஆவது, எத்தேவும் எவ் உலகங்களும்
                                                                மற்றும் தன்பால்
மறுவின் மூர்த்தியோடு ஒத்து இத்தனையும் நின்ற
                                                               வண்ணம் நிற்கவே
செறுவில் செந்நெல் கரும்பொடு ஓங்கு திருக்குருகூர்
                                                               அதனுள்
குறிய மாண் உரு ஆகிய நீள் குடக்கூத்தனுக்கு
                                                               ஆட்செய்வதே.

எல்லாத் தேவர்களும், எல்லா உலகங்களும், பிறவும் குற்றமில்லாத எம்பெருமானுடன் ஒத்து நிற்கின்றன, வயல்களிலே செந்நெல்லும் கரும்பும் ஓங்கி வளர்கிற திருக்குருகூரிலே அந்தப் பெருமான் எழுந்தருளியிருக்கிறான், குறுகிய வாமன அவதாரம் எடுத்தவன், பெரிய குடக்கூத்தில் வல்லவன், அவனுக்கு அடிமையாகித் தொண்டுசெய்வதே சிறந்தது.

]]>
http://www.dinamani.com/specials/naalthorum-nammalvaar/2017/aug/26/நான்காம்-பத்து-பத்தாம்-திருவாய்மொழி---பாடல்-9-10-2759250.html
2759248 ஸ்பெஷல்ஸ் நாள்தோறும் நம்மாழ்வார் நான்காம் பத்து பத்தாம் திருவாய்மொழி - பாடல் 7, 8  சொ. மணியன் DIN Friday, August 25, 2017 12:00 AM +0530  

பாடல் - 7

ஓடி ஓடிப் பல பிறப்பும் பிறந்து, மற்று ஓர் தெய்வம்
பாடி ஆடிப் பணிந்து பல்படிகால் வழி ஏறிக் கண்டீர்
கூடி வானவர் ஏத்த நின்ற திருக்குருகூர் அதனுள்
ஆடு புள்கொடி ஆதிமூர்த்திக்கு அடிமை புகுவதே.

இந்த உலகிலே பலமுறை பிறந்து, வாழ்க்கைச் சுழலிலே சிக்கி ஓடி, மற்ற தெய்வங்களை முறைப்படி பாடி, ஆடி, வணங்கி, பலவிதமாக வழிபட்டு எதைக் கண்டீர்கள்? (இவை போதாது என்பதைத்தானே கண்டீர்கள்?) வானவர்களெல்லாம் ஒன்றாகக் கூடிப் போற்றி நிற்கிற திருக்குருகூரிலே எழுந்தருளியிருக்கும் எம்பெருமான், ஆடுகின்ற கருடக்கொடியைக் கொண்ட ஆதிமூர்த்தி, அவனுக்கு அடிமையாகுங்கள்.

******

பாடல் - 8

புக்கு அடிமையினால் தன்னைக் கண்ட மார்க்கண்டேயன்
                                                                                         அவனை
நக்கபிரானும் அன்று உய்யக்கொண்டது நாராயணன்
                                                                                        அருளே,
கொக்கு அலர் தடம் தாழை வேலித் திருக்குருகூர்
                                                                                        அதனுள்
மிக்க ஆதிப்பிரான் நிற்க, மற்றைத் தெய்வம் விளம்புதிரே.

நக்கபிரானான சிவபெருமானின் அடிமை என்று வந்து புகுந்தான் மார்க்கண்டேயன், சிவன் அவனைக் காத்தான், இதற்குக் காரணம், எம்பெருமான் நாராயணனின் அருள்தான், கொக்குகளைப்போல் மலர்ந்த பெரிய தாழைகள் வேலிகளாக அமைந்த திருக்குருகூரிலே அந்த ஆதிப்பிரான் எழுந்தருளியிருக்கிறார், அவரைத்தவிர மற்ற தெய்வங்களை நீங்கள் பேசலாமா?

]]>
http://www.dinamani.com/specials/naalthorum-nammalvaar/2017/aug/25/நான்காம்-பத்து-பத்தாம்-திருவாய்மொழி---பாடல்-7-8-2759248.html
2759244 ஸ்பெஷல்ஸ் நாள்தோறும் நம்மாழ்வார் நான்காம் பத்து பத்தாம் திருவாய்மொழி - பாடல் 5, 6 சொ. மணியன் DIN Thursday, August 24, 2017 12:00 AM +0530  

பாடல் - 5

இலிங்கத்திட்ட புராணத்தீரும் சமணரும் சாக்கியரும்
வலிந்து வாது செய்வீர்களும் மற்று நும் தெய்வமும்
                                                                ஆகிநின்றான்
மலிந்து செந்நெல் கவரி வீசும் திருக்குருகூர்
                                                                அதனுள்
பொலிந்து நின்ற பிரான் கண்டீர், ஒன்றும் பொய்யில்லை,
                                                               போற்றுமினே.

இலிங்கபுராணத்தைக் காட்டிப் பேசுகிறவர்களே, சமணர்களே, பௌத்தர்களே, வலிந்து வாதிடுகிறவர்களே, உங்களுடைய தெய்வங்களாகவும் இருப்பவன் எம்பெருமான்தான்,செந்நெல் கதிர்கள் மிகுந்து விளைந்து கவரி வீசுகிற திருக்குருகூரிலே எழுந்தருளிப் பொலிகிற பிரான், அவனைக் காணுங்கள், வணங்குங்கள், போற்றுங்கள், நான் சொல்வது எதுவும் பொய்யில்லை.

******

பாடல் - 6

போற்றி மற்று ஓர் தெய்வம் பேணப் புறத்து இட்டு,
                                                                          உம்மை இன்னே
தேற்றிவைத்தது, எல்லீரும் வீடுபெற்றால் உலகு
                                                                          இல்லை என்றே,
சேற்றில் செந்நெல் கமலம் ஓங்கு திருக்குருகூர்
                                                                         அதனுள்
ஆற்றவல்லவன் மாயம் கண்டீர் அது அறிந்து
                                                                        அறிந்து ஓடுமினே.

நீங்கள் மற்ற தெய்வங்களை நம்பி வணங்குகிறீர்கள், அவ்வாறு உங்களைத் தனக்குப் புறத்தே வைத்திருப்பவன் எம்பெருமான்தான், அவன் அப்படி உங்களை வைத்திருப்பது ஏன் தெரியுமா? எல்லாரும் மோட்சம் பெற்றுவிட்டால், இவ்வுலகில் சாத்திரங்களுக்கு மரியாதை குறைந்துபோகும் என்பதால்தான். சேற்று நிலத்தில் செந்நெல்லோடு தாமரையும் ஓங்கி வளர்கிற திருக்குருகூரிலே எழுந்தருளியிருக்கிற ஆற்றல்மிக்க எம்பெருமானின் மாயம் இது, நீங்கள் இதனை
அறிந்துகொள்ளுங்கள், அவனது திருவடிகளைச் சேரும் வழியில் வாழுங்கள்.

]]>
http://www.dinamani.com/specials/naalthorum-nammalvaar/2017/aug/24/நான்காம்-பத்து-பத்தாம்-திருவாய்மொழி---பாடல்-5-6-2759244.html
2759241 ஸ்பெஷல்ஸ் நாள்தோறும் நம்மாழ்வார் நான்காம் பத்து பத்தாம் திருவாய்மொழி - பாடல் 3, 4 சொ. மணியன் DIN Wednesday, August 23, 2017 12:00 AM +0530  

பாடல் - 3

பரந்த தெய்வமும் பல் உலகும் படைத்து, அன்று உடனே
                                                                                     விழுங்கிக்
கரந்து உமிழ்ந்து கடந்து இடந்தது கண்டும்
                                                                                     தெளியகில்லீர்,
சிரங்களால் அமரர் வணங்கும் திருக்குருகூர் அதனுள்
பரன் திறம் அன்றிப் பல் உலகீர், தெய்வம் மற்று இல்லை,  

                                               
பல்வேறு சிறந்த தெய்வங்களையும், அவர்கள் வாழ்வதற்குரிய பல உலகங்களையும் படைத்தவன் எம்பெருமான், அன்று பிரளயத்தின்போது அவ்வுலகங்களை ஒன்றாக விழுங்கி மறைத்தவன், பின்னர் அதனை உமிழ்ந்து காத்தவன், வாமனனாக அவதாரமெடுத்து உலகை அளந்தவன், வராகமாக அவதாரமெடுத்து அதனை இடந்து எடுத்தவன், பலவகைப்பட்ட உலகில் வாழும் மக்களே, இதையெல்லாம் பார்த்த பிறகும் உங்களுக்குத் தெளிவு ஏற்படவில்லையா? அமரர்கள் தலையாலே வணங்குகிற திருக்குருகூரிலே எழுந்தருளியிருக்கும் எம்பெருமானுக்கு ஆளாகாமல் சுதந்தரமாக இயங்கும் இன்னொரு தெய்வம் இல்லை, அப்படி இருந்தால் சொல்லுங்கள்.

******

பாடல் - 4

பேசநின்ற சிவனுக்கும் பிரமன் தனக்கும் பிறர்க்கும்
நாயகன் அவனே, கபால நல் மோக்கத்துக்
                                                                         கண்டுகொண்மின்,
தேச மாமதிள் சூழ்ந்து அழகாய திருக்குருகூர் அதனுள்
ஈசன்பால் ஓர் அவம் பறைதல் என் ஆவது
                                                                        இலிங்கியர்க்கே.

பேசப்படுகின்ற சிவன், பிரமன், பிற தேவர்களுக்கெல்லாம் நாயகன் எம்பெருமான்தான், சிவனின் கையில் ஒட்டியிருந்த கபாலத்துக்குத் திருமால் நல்ல மோட்சத்தை வழங்கியதைக் கண்டு இதனை உணர்ந்துகொள்ளுங்கள். ஒளி நிறைந்த, பெரிய மதிள் சுவரால் சூழப்பட்ட அழகிய திருக்குருகூரினுள்ளே எழுந்தருளியிருக்கிறான் எம்பெருமான், அத்தகைய பெருமானைப்பற்றி, இலிங்கியர்கள் (அனுமானத்தை முதன்மையாகக் கொண்டு வாதிடுவோர்) தவறான சொற்களைச் சொல்கிறார்கள், அதனால் அவர்களுக்கு என்ன பயன் வந்துவிடும்? (ஏதும் வராது.)

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/23/நான்காம்-பத்து-பத்தாம்-திருவாய்மொழி---பாடல்-3-4-2759241.html
2759239 ஸ்பெஷல்ஸ் நாள்தோறும் நம்மாழ்வார் நான்காம் பத்து பத்தாம் திருவாய்மொழி - பாடல் 1, 2 சொ. மணியன் Tuesday, August 22, 2017 12:00 AM +0530  

பாடல் - 1

ஒன்றும் தேவும் உலகும் உயிரும் மற்றும் யாதும் இல்லா
அன்று, நான்முகன் தன்னொடு தேவர் உலகோடு உயிர்
                                                                                             படைத்தான்,
குன்றம்போல் மணி மாட நீடு திருக்குருகூர் அதனுள்
நின்ற ஆதிப்பிரான் நிற்க, மற்றைத் தெய்வம் நாடுதிரே.

அன்றைக்கு, தேவர்கள், உலகம், உயிர், மற்ற எதுவும் இல்லாத நேரத்தில், எம்பெருமான் அவற்றைப் படைத்தான், நான்முகனான பிரம்மனையும் பிற தேவர்களையும் இந்த உலகையும் உயிர்களையும் உருவாக்கினான், குன்றுபோல் அழகிய மாடங்கள் உயர்ந்துநிற்கும் திருக்குருகூரிலே அப்பெருமான் ஆதிப்பிரானாக நிற்கிறான், பிறகு எதற்கு நீங்கள் வேறு தெய்வங்களை நாடுகிறீர்கள்? (அவனையே வணங்குங்கள்).

******

பாடல் - 2

நாடி நீர் வணங்கும் தெய்வமும் உம்மையும் முன்
                                                                                 படைத்தான்,
வீடுஇல் சீர்ப் புகழ் ஆதிப்பிரான், அவன் மேவி
                                                                                 உறைகோயில்,
மாடமாளிகை சூழ்ந்து அழகாய திருக்குருகூர் அதனைப்
பாடி ஆடிப் பரவிச் செல்மின்கள், பல்லுலகீர், பரந்தே.

நீங்கள் நாடிச்சென்று வணங்குகிற தெய்வங்களையும் உங்களையும் முன்பே படைத்தவன் எம்பெருமான், குறையாத சிறப்பும் புகழும் நிறைந்த ஆதிப்பிரான், அப்பெருமான் எழுந்தருளியிருக்கும் கோயில், மாடமாளிகைகள் சூழ்ந்து அழகுசெய்யும் திருக்குருகூர், இந்த உலகில் உள்ள பலப்பல மக்களே, அந்தத் திருக்குருகூரைப்பற்றிப் பாடுங்கள், ஆடுங்கள், போற்றியபடி அங்கே சென்று வணங்குங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/22/நான்காம்-பத்து-பத்தாம்-திருவாய்மொழி---பாடல்-1-2-2759239.html
2759091 ஸ்பெஷல்ஸ் நாள்தோறும் நம்மாழ்வார் நான்காம் பத்து ஒன்பதாம் திருவாய்மொழி - பாடல் 11 சொ. மணியன் Monday, August 21, 2017 09:15 AM +0530  

பாடல் - 11

திருவடியை, நாரணனை, கேசவனை, பரம்சுடரைத்
திருவடி சேர்வது கருதிச் செழும் குருகூர்ச் சடகோபன்
திருவடிமேல் உரைத்த தமிழ் ஆயிரத்துள் இப்பத்தும்
திருவடியே அடைவிக்கும், திருவடி சேர்ந்து ஒன்றுமினே.

அனைவருக்கும் தலைவன், நாரணன், கேசவன், உயர்ந்த சுடர்வடிவாகத் திகழ்கிறவன், எம்பெருமான், அப்பெருமானின் திருவடிகளைச் சேர எண்ணினார் செழுமையான குருகூர்ச் சடகோபர், அதற்காக, எம்பெருமான் திருவடிகளைப் பற்றித் தமிழில் ஆயிரம் திருப்பாடல்களை வழங்கினார், அவற்றுள் இந்தப் பத்து பாடல்களையும் சொல்கிறவர்கள் அப்பெருமானின் திருவடிகளையே சேர்வார்கள், அனைவரும் அந்தத் திருவடிகளின்கீழ் சென்று, அவனுக்குத் தொண்டு செய்யுங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/21/நான்காம்-பத்து-ஒன்பதாம்-திருவாய்மொழி---பாடல்-11-2759091.html
2758200 ஸ்பெஷல்ஸ் நாள்தோறும் நம்மாழ்வார் நான்காம் பத்து ஒன்பதாம் திருவாய்மொழி - பாடல் 9, 10   சொ. மணியன் Saturday, August 19, 2017 04:10 PM +0530  

பாடல் - 9

கூட்டுதி நின் குரை கழல்கள், இமையோடும் தொழாவகை செய்து
ஆட்டுதி நீ, அரவு அணையாய், அடியேனும் அஃது அறிவன்,
வேட்கை எலாம் விடுத்து எனை உன் திருவடியே சுமந்து உழலக்
கூட்டு அரிய திருவடிகள் கூட்டினை, நான் கண்டேனே.

பாம்புப் படுக்கையிலே யோகத்துயில் கொள்ளும் பெருமானே, உண்மையாக உன்மீது அன்பு கொண்ட பக்தர்களை, சத்தமிடும் கழல்கள் அணிந்த உன்னுடைய திருவடிகளில் கூட்டிக்கொள்கிறாய், அவ்வாறு அன்பு இல்லாதவர்கள் வானவர்களாகவே இருந்தாலும் சரி, அவர்கள் உன்னைத் தொழாதபடி செய்து உலக இன்பங்களில் மூழ்கவைத்துச் சோதிக்கிறாய், அவர்களை ஆட்டுவிக்கிறாய், இதை நான் அறிவேன், என்னுடைய மற்ற விருப்பங்கள் எல்லாம் போக வேண்டும், நான் உன்னுடைய திருவடியை மட்டுமே சுமந்து திரிய வேண்டும், அவ்வாறு, அடைய இயலாத உன் திருவடிகளில் நீ என்னைக் கூட்டிக்கொண்டாய், அதை நான் கண்டேன்.

******

பாடல் - 10

கண்டு, கேட்டு, உற்று, மோந்து, உண்டு, உழலும் ஐங்கருவி
கண்ட இன்பம், தெரிவு அரிய அளவு இல்லாச் சிற்றின்பம்,
ஒண் தொடியார் திருமகளுமே நீயுமே நிலா நிற்ப,
கண்ட சதிர் கண்டொழிந்தேன், அடைந்தேன் உன் திருவடியே.

பெருமானே, காண்பது, கேட்பது, தொடுவது, முகர்வது, உண்பது என ஐந்து கருவிகளால் கிடைத்த இன்பம், அறிய இயலாத, அளவில்லாத சிற்றின்பம் (கைவல்ய சுகம்) ஆகிய இரண்டையும் நான் விட்டுவிட்டேன், காரணம், ஒளி நிறைந்த தொடி என்கிற முன்கை வளையலை அணிந்த திருமகளும் நீயும் நிற்கிற திருக்காட்சியைக் கண்டேன், மற்ற சுகங்களை விட்டு உன் திருவடிகளை அடைந்தேன்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/20/நான்காம்-பத்து-ஒன்பதாம்-திருவாய்மொழி---பாடல்-9-10-2758200.html
2755759 ஸ்பெஷல்ஸ் நாள்தோறும் நம்மாழ்வார் நான்காம் பத்து ஒன்பதாம் திருவாய்மொழி - பாடல் 7, 8 சொ. மணியன் DIN Saturday, August 19, 2017 12:00 AM +0530  

பாடல் - 7

ஆயே, இவ் உலகத்து நிற்பனவும் திரிவனவும்
நீயே, மற்று ஒரு பொருளும் இன்றி நீ நின்றமையால்
நோயே, மூப்பு, இறப்பு, பிறப்பு, பிணியே என்று இவை
                                                                                                  ஒழியக்
கூயே கொள் அடியேனைக் கொடு உலகம் காட்டேலே.

பெருமானே, இந்த உலகத்தில் நிற்கின்றவையும் திரிகின்றவையும் எல்லாம் நீயே, வேறு எதுவும் இல்லாதபடி அனைத்திலும் நீ நிறைந்திருக்கிறாய், ஆகவே, நோய், முதுமை, இறப்பு, பிறப்பு, தீராத பிணி ஆகியவை ஒழியும்படி செய்து என்னை உன்னிடம் கூவி அழைத்துக்கொள், இந்தக் கொடிய உலகத்தை எனக்குக் காட்டாதே.

******

பாடல் - 8

காட்டி நீ கரந்து, உமிழும் நிலம், நீர், தீ, விசும்பு, கால்,
ஈட்டி நீ வைத்து அமைத்த இமையோர் வாழ் தனி
                                                                                     முட்டைக்
கோட்டையினில் கழித்து எனை உன் கொழும்சோதி
                                                                                     உயரத்துக்
கூட்டு அரிய திருவடிகள் எஞ்ஞான்று கூட்டுதியே.

எம்பெருமானே, இந்த உலகை நீ படைத்தாய், பிரளயத்தின்போது அதை உண்டு மறைத்தாய், பின்னர் உமிழ்ந்தாய், அத்தகைய நிலத்துடன் நீர், தீ, வான், காற்று ஆகிய ஐம்பூதங்களையும் ஒன்றாக நீ அமைத்தாய், வானோர்கள் வாழ்கிற ஒப்பற்ற அண்டமாகிய இந்தக் கோட்டையிலிருந்து என்னை எப்போது நீக்குவாய்? உயர்ந்த சுடரோடு கூடிய பரமபதத்திலே என்னை எப்போது சேர்ப்பாய்? சேர்வதற்கு அரிய உன் திருவடிகளில் என்னை எப்போது சேர்த்துக்கொள்வாய்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/19/நான்காம்-பத்து-ஒன்பதாம்-திருவாய்மொழி---பாடல்-7-8-2755759.html
2755755 ஸ்பெஷல்ஸ் நாள்தோறும் நம்மாழ்வார் நான்காம் பத்து ஒன்பதாம் திருவாய்மொழி - பாடல் 5, 6 சொ. மணியன் DIN Friday, August 18, 2017 12:00 AM +0530 பாடல் - 5

வாங்குநீர் மலர் உலகில் நிற்பனவும் திரிவனவும்
ஆங்கு உயிர்கள் பிறப்பு, இறப்புப் பிணி மூப்பால் தகர்ப்புண்ணும்
ஈங்கு இதன்மேல் வெம் நரகம், இவை என்ன உலகு இயற்கை!
வாங்கு எனை நீ, மணிவண்ணா, அடியேனை மறுக்கேலே.

இந்த உலகத்தின் இயல்பு, எல்லா நிலப்பரப்புகளையும் தனக்குள் வாங்கிக்கொள்ளவல்ல கடலானது பூமியைச் சூழ்ந்திருக்கிறது, அங்கே மலர்ந்த தாவரங்கள், திரிகின்ற மிருகங்கள், மனிதர்கள் என எல்லா உயிர்களும் பிறப்பு, இறப்பு, நோய், முதுமை ஆகியவற்றால் வாடுகின்றன, இதற்குமேல் கொடிய நரகமும் உள்ளது. மணிவண்ணா, நீ என்னை ஏற்றுக்கொள், என்னைக் கலங்கச் செய்யாதே.

******

பாடல் - 6

மறுக்கி வல் வலைப்படுத்திக் குமைந்திட்டுக் கொன்று உண்பர்,
அறப்பொருளை அறிந்து ஓரார், இவை என்ன உலகு இயற்கை!
வெறித் துளவ முடியானே, வினையேனை உனக்கு அடிமை
அறக்கொண்டாய், இனி என் ஆர் அமுதே, கூய் அருளாயே.

இந்த உலகத்தின் இயல்பு, மனிதர்கள் ஒருவரை ஒருவர் கலங்கச் செய்கிறார்கள், அவர்களை வலிமையான வலையிலே சிக்கவைத்து, சித்திரவதை செய்து, கொன்று, அவர்களுடைய பொருள்களால் இவர்கள் பிழைக்கிறார்கள், இவர்கள் யாரும் தர்மப்பொருளை அறிவதும் இல்லை, சிந்திப்பதும் இல்லை, நறுமணம் வீசும் திருத்துழாய் மாலை அணிந்த பெருமானே, தீவினைகள் புரிந்தவனான என்னை உன்னுடைய அடிமையாக்கிக் கொண்டாய், இனி, என்னுடைய அரிய அமுதமான நீ என்னைக் கூப்பிட்டு அருள்செய்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/18/நான்காம்-பத்து-ஒன்பதாம்-திருவாய்மொழி---பாடல்-5-6-2755755.html
2755754 ஸ்பெஷல்ஸ் நாள்தோறும் நம்மாழ்வார் நான்காம் பத்து ஒன்பதாம் திருவாய்மொழி - பாடல் 3, 4 சொ. மணியன் Thursday, August 17, 2017 12:00 AM +0530  

பாடல் - 3

கொண்டாட்டும் குலம் புனைவும் தமர், உற்றார் விழுநிதியும்
வண்டுஆர் பூங்குழலாளும் மனை ஒழிய, உயிர் மாய்தல்
கண்டு ஆற்றேன் உலகு இயற்கை, கடல்வண்ணா, அடியேனைப்
பண்டேபோல் கருதாது, உன் அடிக்கே கூய்ப் பணிகொள்ளே.

இந்த உலகத்தின் இயல்பு, மனிதர்கள் பிறப்பதும் இறப்பதும்தான், ஒருபக்கம் கொண்டாட்டம், இன்னொருபக்கம் குலப்பெருமைகள், பங்காளிகள், உறவினர்களின் சிறந்த செல்வம்… இவை எல்லாம் இங்கேயே இருக்க, ஒருவன் தனியே உயிரிழக்கிறான், அப்போது, வண்டுகள் மொய்க்கிற பூக்களைச் சூடிய கூந்தலைக்கொண்ட அவனுடைய மனைவிகூட அவனுடன் வருவதில்லை, வீட்டில் தங்கிவிடுகிறாள், இதைக் கண்டு என்னால் பொறுத்துக்கொள்ள முடியவில்லை. கடல்வண்ணனே, என்னை முன்புபோல் கருதாதே, உன்னுடைய திருவடிகளுக்கு அழைத்து அடிமையாக்கிக்கொள்.

******

பாடல் - 4

கொள் என்று கிளர்ந்து எழுந்த பெரும்செல்வம் நெருப்புஆகக்
கொள் என்று தமம் மூடும், இவை என்ன உலகு இயற்கை,
வள்ளலே, மணிவண்ணா, உன கழற்கே வரும் பரிசு
வள்ளல் செய்து அடியேனை உனது அருளால் வாங்காயே.

இந்த உலகத்தின் இயல்பு, ஒருவன் பெரும் செல்வத்தை விரும்பாவிட்டாலும், அது அவனுக்குப் பின்னால் கிளர்ந்து எழும், ‘என்னை ஏற்றுக்கொள்’ என்று சொல்லும், பின்னர், அதுவே நெருப்பாக மாறி அவனை அழிக்கும், தன் பேராசைதான் தன்னை அழிக்கிறது என்பதை அவன் உணர்வதில்லை, வள்ளலே, மணிவண்ணா, உன்னுடைய திருவடிகளுக்கு நான் வரவேண்டும், அதற்கு அருள்புரிவாய், உன் அருளால் என்னை அடிமையாக ஏற்றுக்கொள்வாய்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/17/நான்காம்-பத்து-ஒன்பதாம்-திருவாய்மொழி---பாடல்-3-4-2755754.html
2755753 ஸ்பெஷல்ஸ் நாள்தோறும் நம்மாழ்வார் நான்காம் பத்து ஒன்பதாம் திருவாய்மொழி - பாடல் 1, 2 சொ. மணியன் Wednesday, August 16, 2017 11:20 AM +0530  

பாடல் - 1

நண்ணாதார் முறுவலிப்ப, நல் உற்றார் கரைந்து ஏங்க,
எண் ஆராத் துயர் விளைக்கும் இவை என்ன உலகு இயற்கை,
கண்ணாளா, கடல்கடைந்தாய், உன கழற்கே வரும் பரிசு,
தண்ணாவாது அடியேனைப் பணிகண்டாய், சாமாறே.

இந்த உலகத்தின் இயல்பு, எண்ணமுடியாத துன்பங்களைக் கொண்டது, இதனால் இங்குள்ள ஒவ்வொருவரும் துயரப்படுகிறார்கள், இவர்களுடைய பகைவர்கள் இவர்களைப் பார்த்துச் சிரிக்கிறார்கள், இவர்களுடைய உறவினர்கள் இவர்களை எண்ணிக் கரைந்து ஏங்குகிறார்கள், ண்ணாளனே, கடலைக் கடைந்தவனே, இத்தகைய உலக வாழ்க்கை எனக்கு வேண்டாம், இனியும் தாமதிக்காமல் என்னை உன் அடிமையாக்கிக்கொள், உன் திருவடிகளை வந்து சேரும் வரத்தை எனக்குக் கொடு.

******

பாடல் - 2

சாமாறும் கெடுமாறும் தமர் உற்றார் தலைத்தலைப் பெய்து
ஏமாறிக் கிடந்து அலற்றும் இவை என்ன உலகு இயற்கை!
ஆம் ஆறு ஒன்று அறியேன் நான், அரவு அணையாய், அம்மானே,
கூமாறே விரை கண்டாய் அடியேனைக் குறிக்கொண்டே.

இந்த உலகத்தின் இயல்பு, மக்கள் பிறப்பதும், இறப்பதும், அவர்களுடைய செல்வம் வருவதும், கெடுவதுமாக இருக்கிறது, இதனால், இவர்களுடைய உறவினர்கள் ஒருவர்மேல் ஒருவர் விழுந்து ஏங்கி அலறுகிறார்கள், இவர்கள் பிழைக்கின்ற வழி என்ன? எனக்குத் தெரியவில்லை. பாம்புப் படுக்கையிலே பள்ளிகொண்டவனே, அம்மானே, என்னை உன் அடிமையாக்கிக்கொண்டு அருள்செய், விரைவில் என்னைக் கூவி உன்னுடைய திருவடிகளில் ஏற்றுக்கொள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/16/நான்காம்-பத்து-ஒன்பதாம்-திருவாய்மொழி---பாடல்-1-2-2755753.html
2752943 ஸ்பெஷல்ஸ் நாள்தோறும் நம்மாழ்வார் நான்காம் பத்து எட்டாம் திருவாய்மொழி - பாடல் 11 சொ. மணியன் DIN Tuesday, August 15, 2017 12:00 AM +0530  

பாடல் - 11

உயிரினால் குறை இல்லா உலகு ஏழ் தன் உள் ஒடுக்கித்
தயிர், வெண்ணெய் உண்டானைத் தடம் குருகூர்ச் சடகோபன்
செயிர் இல் சொல் இசைமாலை ஆயிரத்துள் இப்பத்தால்
வயிரம் சேர் பிறப்பு அறுத்து வைகுந்தம் நண்ணுவரே.

உயிர்கள் நிறைந்த ஏழு உலகங்களையும் தனக்குள் ஒடுக்கிக்கொண்டு, சிறு குழந்தையாகப் பிறந்து தயிர், வெண்ணெய் உண்டவன் எம்பெருமான், அப்பெருமானை, உயர்ந்த குருகூர்ச் சடகோபன் குற்றமில்லாத சொற்களால் ஆன இசைப்பாடல்கள் ஆயிரத்தில் போற்றிப் பாடினார், பாமாலை சூட்டினார், அவற்றில் இந்தப் பத்து பாடல்களையும் பாடுகிறவர்கள், வலுவான பிறப்பு, இறப்புச் சுழலை அறுத்து வைகுந்தம் சென்றுசேர்வார்கள். (பிறவாப் பெருநிலையை அடைவார்கள்.)

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/15/நான்காம்-பத்து-எட்டாம்-திருவாய்மொழி---பாடல்-11-2752943.html
2752939 ஸ்பெஷல்ஸ் நாள்தோறும் நம்மாழ்வார் நான்காம் பத்து எட்டாம் திருவாய்மொழி - பாடல் 7, 8 சொ. மணியன் DIN Sunday, August 13, 2017 12:00 AM +0530  

பாடல் - 7

கிளர் ஒளியில் குறைஇல்லா அரி உருவாய்க் கிளர்ந்து எழுந்து
கிளர் ஒளிய இரணியனது அகல்மார்பம் கிழித்து உகந்த
வளர் ஒளிய கனல் ஆழி, வலம்புரியன், மணிநீல
வளர் ஒளியான் கவராத வரிவளையால் குறைஇலமே.

கிளர்ந்த ஒளி நிறைந்த நரசிம்ம அவதாரம் எடுத்து, கிளர்ந்து எழுந்து, கிளர்ந்த ஒளியுடைய இரணியனின் அகன்ற மார்பைக் கிழித்து மகிழ்ந்த பெருமான், வளர்ந்துகொண்டே செல்லும் ஒளியோடு பொலிகின்ற சக்ராயுதத்தையும், வலம்புரிச் சங்கையும் ஏந்தியவன், நீலமணிபோன்ற, வளர்ந்துகொண்டே செல்லும் ஒளியைக்கொண்டவன், எம்பெருமான், அத்தகைய பெருமான், என்னுடைய வரிவளையல்களைக் கவர்ந்துகொள்ளவில்லை. ஆகவே, இந்த வரிவளையல்களால் எனக்கு எந்தப் பயனும் இல்லை.

******

பாடல் - 8

வரிவளையால் குறைஇல்லாப் பெருமுழக்கால் அடங்காரை
எரி அழலம் புக ஊதி இருநிலம் முன் துயர் தவிர்த்த
தெரிவுஅரிய சிவன், பிரமன், அமரர் கோன் பணிந்து ஏத்தும்
விரிபுகழான் கவராத மேகலையால் குறைஇலமே.

முன்பு ஒருநாள், பெரிய நிலத்தில் உள்ளவர்களின் துயரத்தைத் தீர்ப்பதற்காக, வரிகளை உடைய தன்னுடைய சங்கிலே மிகுந்த, பெரிய முழக்கம் எழும்படி ஊதினான், அதனால் பகைவர்களை அச்சம் என்கிற நெருப்பிலே தள்ளினான், அறிவதற்கு அரியவர்களான சிவன், பிரமன், இந்திரன் போன்றவர்கள் பணிந்து போற்றுகிற பெருமான், விரிந்துகொண்டே செல்லும் புகழைக்கொண்டவன், எம்பெருமான், அத்தகைய பெருமான், என்னுடைய மேகலையைக் கவர்ந்துகொள்ளவில்லை. ஆகவே, இந்த மேகலையால் எனக்கு எந்தப் பயனும் இல்லை.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/13/நான்காம்-பத்து-எட்டாம்-திருவாய்மொழி---பாடல்-7-8-2752939.html
2752938 ஸ்பெஷல்ஸ் நாள்தோறும் நம்மாழ்வார் நான்காம் பத்து எட்டாம் திருவாய்மொழி - பாடல் 5, 6 சொ. மணியன் DIN Saturday, August 12, 2017 12:00 AM +0530  

பாடல் - 5

தளிர்நிறத்தால் குறைஇல்லாத் தனிச்சிறையில் விளப்புற்ற
கிளிமொழியாள் காரணமாக் கிளர் அரக்கன் நகர் எரித்த
களிமலர்த் துழாய் அலங்கல் கமழ்முடியன் கடல் ஞாலத்து
அளிமிக்கான் கவராத அறிவினால் குறைஇலமே.

தளிர்போன்ற நிறத்தை நிறைவாகப் பெற்றவள், அரக்கனின் தனிச்சிறையில் மன உறுதியோடு இருந்து, அதனால் உலகத்தோரால் போற்றப்பட்டவள், கிளிபோல் பேசுகிறவள், சீதைப்பிராட்டி, அவளுக்காக, செருக்குப் பிடித்த ராவணனின் இலங்கை நகரை எரித்தவர், தேன் நிறைந்த மலர்களைக்கொண்ட துழாய் மாலை மணம் கமழும் திருமுடியைக் கொண்டவர், கடலால் சூழப்பட்ட இந்த உலகத்திலே அனைவர்மீதும் அன்பைப் பொழிபவர், அத்தகைய பெருமான், என்னுடைய அறிவைக் கவர்ந்துகொள்ளவில்லை. ஆகவே, இந்த அறிவால் எனக்கு எந்தப் பயனும் இல்லை.

******

பாடல் - 6

அறிவினால் குறைஇல்லா அகல் ஞாலத்தவர் அறிய
நெறிஎல்லாம் எடுத்து உரைத்த நிறைஞானத்து ஒருமூர்த்தி,
குறிய மாண் உருவாகி, கொடும்கோளால் நிலம் கொண்ட
கிறி அம்மான் கவராத கிளர் ஒளியால் குறைஇலமே.

அகன்ற இந்த உலகிலே வாழ்கிறவர்கள், தங்களுடைய அறிவில் ஒரு குறை இருந்தாலும் அதை அறிவதில்லை, அத்தகைய உலகத்தவர்கள் அறியும்படி நெறிகளையெல்லாம் எடுத்துரைத்தவர், ஞானம் நிறைந்த, தனித்துவமான மூர்த்தி, சிறிய பிரம்மச்சாரியின் வடிவத்தில் வந்து கொடிய வழியிலே மகாபலியிடமிருந்து நிலத்தைப் பெற்றவர், தந்திரம் கொண்ட தலைவர், அத்தகைய பெருமான், என்னுடைய மிகுந்த ஒளியைக் கவர்ந்துகொள்ளவில்லை. ஆகவே, இந்த ஒளியால் எனக்கு எந்தப் பயனும் இல்லை.

]]>
2.திருவெம்பாவை - பாடல் 3 http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/12/நான்காம்-பத்து-எட்டாம்-திருவாய்மொழி---பாடல்-5-6-2752938.html
2752942 ஸ்பெஷல்ஸ் நாள்தோறும் நம்மாழ்வார் நான்காம் பத்து எட்டாம் திருவாய்மொழி - பாடல் 9, 10 சொ. மணியன் Thursday, August 10, 2017 03:16 PM +0530  

பாடல் - 9

மேகலையால் குறைஇல்லா மெலிவு உற்ற அகல் அல்குல்
போகமகள் புகழ்த்தந்தை விறல்வாணன் புயம் துணித்து
நாகம் மிசைத் துயில்வான்போல் உலகுஎல்லாம் நன்கு ஒடுங்க
யோகு அணைவான் கவராத உடம்பினால் குறைஇலமே.

மேகலை அணிந்த, மெலிந்த, அகன்ற இடுப்பைக்கொண்டவள் உஷை, இன்பத்துக்கு ஏற்றவள், அந்த உஷையின் தந்தை, வெற்றி பொருந்திய வாணாசுரன், உஷையும் அநிருத்தனும் சேர்ந்ததால், வாணாசுரன் அநிருத்தனைச் சிறைவைத்தான், அவனை மீட்பதற்காக, வாணாசுரனின் தோள்களைத் துண்டித்தான் கண்ணன், அந்தக் கண்ணன், உலகமெல்லாம் நன்மை பெறுவதற்காக, பாம்புப் படுக்கையிலே தூங்குவதுபோல யோகநித்திரை செய்கின்றான், அத்தகைய பெருமான், என்னுடைய உடம்பைக் கவர்ந்துகொள்ளவில்லை. ஆகவே, இந்த உடம்பால் எனக்கு எந்தப் பயனும் இல்லை.

******

பாடல் - 10

உடம்பினால் குறை இல்லா உயிர் பிரிந்த மலைத்துண்டம்
கிடந்தனபோல் துணிபலவா அசுரர் குழாம் துணித்து உகந்த
தடம் புனல் சடை முடியன் தனி ஒரு கூறு அமர்ந்து உறையும்
உடம்பு உடையான் கவராத உயிரினால் குறைஇலமே.

உடல் வலிமை மிகுந்த அசுரர்களின் உயிரைப் போக்கி, அவர்களை வெறும் மலைத்துண்டுகளைப்போல் அங்குமிங்கும் சிதறிக் கிடக்கச் செய்தான், சடையிலே பரந்த கங்கை நதியைக்கொண்ட சிவபெருமானைத் தன் உடலில் ஒரு பகுதியாகக் கொண்டான், அத்தகைய பெருமான், என்னுடைய உயிரைக் கவர்ந்துகொள்ளவில்லை. ஆகவே, இந்த உயிரால் எனக்கு எந்தப் பயனும் இல்லை.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/14/நான்காம்-பத்து-எட்டாம்-திருவாய்மொழி---பாடல்-9-10-2752942.html
2752937 ஸ்பெஷல்ஸ் நாள்தோறும் நம்மாழ்வார் நான்காம் பத்து எட்டாம் திருவாய்மொழி - பாடல் 3, 4 சொ. மணியன் Thursday, August 10, 2017 02:59 PM +0530  

பாடல் - 3

மடநெஞ்சால் குறைஇல்லா மகள் தாய் செய்து ஒரு பேய்ச்சி
விடநஞ்சு முலை சுவைத்த மிகுஞானச் சிறுகுழவி
படநாகத்து அணைக்கிடந்த பருவரைத்தோள் பரம்புருடன்
நெடுமாயன் கவராத நிறையினால் குறை இலமே.

பூதனை என்கிற ஒரு பேய்ச்சி, மடநெஞ்சம் குறையாத தாய் வடிவம் கொண்டு வந்தாள், விஷம் தோய்த்த அவளுடைய மார்பகங்களைச் சுவைத்து அவளை வீழ்த்திய ஞானம் மிகுந்த சிறு குழந்தை, படமெடுக்கும் நாகத்தைப் படுக்கையாகக் கொண்டு, கிடந்த திருக்கோலத்தில் அருள் செய்கிறவன், பெரிய மலைகளைப் போன்ற திருத்தோள்களைக் கொண்டவன், உயர்ந்தவன், நெடுமாயன், எம்பெருமான், அத்தகைய பெருமான், என்னுடைய அடக்கம் என்கிற குணத்தைக் கவர்ந்துகொள்ளவில்லை, ஆகவே, இந்த அடக்கத்தால் எனக்கு எந்தப் பயனும் இல்லை.

******

பாடல் - 4

நிறையினால் குறைஇல்லா நெடும் பணைத்தோள்
                                                                                 மடப்பின்னை
பொறையினால் முலை அணைவான், பொரு விடை
                                                                                ஏழ் அடர்த்து,
உகந்த கறையினார் துவர் உடுக்கைக் கடையாவின்
                                                                                கழிகோல் கைச்
சறையினார் கவராத தளிர்நிறத்தால் குறை இலமே.

பெண்மைக்குணம் நிறைந்தவள், நீண்ட, மூங்கில் போன்ற தோள்களைக் கொண்டவள், மடப்பக்குணம் நிறைந்த நப்பின்னை, அவளுடைய மார்பகங்களை அணைப்பதற்காக, போர் செய்யும் ஏழு எருதுகளுடன் பொறுமையாகப் போரிட்டு வென்றான் எம்பெருமான், பின்னர் மகிழ்வோடு அவளை அணைத்தான், அப்பெருமான் ஆயனாகப் பிறந்து மாடுகளை மேய்க்கச் சென்றபோது, சாயம் பூசப்பட்ட, கறை படிந்த ஆடையை அணிந்திருந்தான், கையில் ‘கடையா’ என்கிற மூங்கில் கோலும், வீசுகின்ற கோலும் வைத்திருந்தான், சறைகைமணி என்ற மணியை அணிந்திருந்தான், அத்தகைய பெருமான், என்னுடைய தளிர் நிறத்தைக் கவர்ந்துகொள்ளவில்லை, ஆகவே, இந்தத் தளிர் நிறத்தால் எனக்கு எந்தப் பயனும் இல்லை.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/11/நான்காம்-பத்து-எட்டாம்-திருவாய்மொழி---பாடல்-3-4-2752937.html
2752936 ஸ்பெஷல்ஸ் நாள்தோறும் நம்மாழ்வார் நான்காம் பத்து எட்டாம் திருவாய்மொழி - பாடல் 1,2 சொ. மணியன் Thursday, August 10, 2017 02:54 PM +0530

பாடல் - 1

ஏறுஆளும் இறையோனும் திசைமுகனும் திருமகளும்
கூறுஆளும் தனி உடம்பன், குலம்குலமா அசுரர்களை
நீறுஆகும்படியாக நிருமித்து, படை தொட்ட
மாறாளன் கவராத மணிமாமை குறை இலமே.

எருதை வாகனமாகக் கொண்ட சிவன், பிரம்மன், திருமகள் ஆகியோர் எம்பெருமானுடைய திருமேனியின் ஒரு பகுதியாகத் திகழ்கிறார்கள், அப்படிப்பட்ட தனித்துவமான திருமேனியைக் கொண்டவன், தன்னுடைய ஆயுதத்தால் அசுரர்கள் குலத்தோடு சாம்பலாகும்படி செய்தவன், அத்தகைய பெருமான், என்னுடைய அழகிய மாமை நிறத்தைக் கவர்ந்துகொள்ளவில்லை, ஆகவே, இந்த நிறத்தால் எனக்கு எந்தப் பயனும் இல்லை.

******

பாடல் - 2

மணிமாமை குறை இல்லா மலர் மாதர் உறைமார்பன்,
அணி மானத் தடவரைத் தோள், அடல் ஆழித் தடக்கையன்,
பணிமானம் பிழையாமே அடியேனைப் பணிகொண்ட
மணிமாயன் கவராத மடநெஞ்சால் குறை இலமே.

அழகிய மாமை நிறம் எப்போதும் குறையாதவள், தாமரை மலரிலே வீற்றிருக்கும் திருமகள், அப்பெருமாட்டி தங்குகிற மார்பைக் கொண்டவன் எம்பெருமான், அழகிய, பெருமை பொருந்திய, பெரிய, மலைபோன்ற தோள்களைக் கொண்டவன், வலிமையான சக்ராயுதத்தைக் கையில் ஏந்தியவன், அவனுக்குச் செய்ய வேண்டிய கைங்கர்யங்களில் நான் எந்தக் குறையும் வைக்காதபடி என்னை அடிமையாக்கிக் கொண்டவன், நீலமணி போன்ற நிறம் கொண்ட மாயன், எம்பெருமான், அத்தகைய பெருமான், என்னுடைய அழகிய நெஞ்சைக் கவர்ந்துகொள்ளவில்லை, ஆகவே, இந்த நெஞ்சால் எனக்கு எந்தப் பயனும் இல்லை.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/10/நான்காம்-பத்து-எட்டாம்-திருவாய்மொழி---பாடல்-12-2752936.html
2747883 ஸ்பெஷல்ஸ் நாள்தோறும் நம்மாழ்வார் நான்காம் பத்து ஏழாம் திருவாய்மொழி - பாடல் 11 சொ. மணியன் DIN Wednesday, August 9, 2017 12:00 AM +0530 பாடல் - 11

தழுவிநின்ற காதல்தன்னால் தாமரைக்கண்ணன்தனைக்
குழுவுமாடம் தென்குருகூர் மாறன் சடகோபன் சொல்
வழுஇலாத ஒண் தமிழ்கள் ஆயிரத்துள் இப்பத்தும்
தழுவப் பாடி ஆடவல்லார் வைகுந்தம் ஏறுவரே.

மாடங்கள் நெருங்கிநிற்கின்ற தென்குருகூர் மாறன் சடகோபன், தாமரைக்கண்ணனான எம்பெருமான் மீது மிகுந்த அன்பு கொண்டார், அதனால், குற்றமில்லாத, ஒளிநிறைந்த ஆயிரம் தமிழ்ப்பாடல்களால் அவரைப் பாடினார், அந்த ஆயிரத்துள் இந்தப் பத்து பாடல்களையும் கருத்தறிந்து பாடி ஆடவல்லவர்கள் வைகுந்தம் ஏறுவார்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/09/நான்காம்-பத்து-ஏழாம்-திருவாய்மொழி---பாடல்-11-2747883.html
2747882 ஸ்பெஷல்ஸ் நாள்தோறும் நம்மாழ்வார் நான்காம் பத்து ஏழாம் திருவாய்மொழி - பாடல் 9, 10 சொ. மணியன் DIN Tuesday, August 8, 2017 12:00 AM +0530  

பாடல் - 9

இடகில்லேன் ஒன்று, அட்டகில்லேன், ஐம்புலன்
                                                                                   வெல்லகில்லேன்,
கடவன் ஆகிக் காலம்தோறும் பூப்பறித்து ஏத்தகில்லேன்,
மட வல் நெஞ்சம் காதல் கூர, வல்வினையேன் அயர்ப்பாய்த்
தடவுகின்றேன், எங்கு காண்பன் சக்கரத்து அண்ணலையே?

பசித்தவர்களுக்கு நான் ஒரு பிடி சோறு தரவில்லை, தாகம் என்று வந்தவர்களுக்குத் தண்ணீர் தரவில்லை, ஐம்புலன்களை வெல்லவில்லை, கடமையுணர்வோடு காலந்தோறும் பூப்பறித்துத் தூவி எம்பெருமானைப் போற்றவில்லை, வல்வினைகளைச் செய்தவனான என்னுடைய மடமை நிறைந்த, வலிமையான நெஞ்சத்தில் எம்பெருமான்மீது அன்பு பெருகுகிறது, அறிவில்லாமல் அவரை அங்கும் இங்கும் தேடுகிறேன், ‘சக்ராயுதம் ஏந்திய அண்ணலை எங்கே காண்பேன்?’ என்று தடவுகின்றேன்.

******

பாடல் - 10

சக்கரத்து அண்ணலே என்று தாழ்ந்து, கண்ணீர் ததும்ப,
பக்கம் நோக்கி நின்று அளந்தேன், பாவியேன்
                                                                               காண்கின்றிலேன்,
மிக்க ஞான மூர்த்திஆய வேத விளக்கினை என்
தக்க ஞானக்கண்களாலே கண்டு தழுவுவனே.

சக்ராயுதம் ஏந்திய அண்ணலே என்று ஏங்கினேன், கண்களில் நீர் ததும்ப, அந்தப்பக்கமும் இந்தப் பக்கமும் எம்பெருமானைத் தேடினேன், பாவியாகிய எனக்கு அவர் தென்படவில்லை, ஊனக்கண்களுக்கு அவர் தெரியாவிட்டால் என்ன? மிகுந்த ஞானமூர்த்தியான அந்த வேதவிளக்கை, எம்பெருமானை நான் என்னுடைய தகுதிமிக்க ஞானக்கண்களால் காண்பேன், தழுவுவேன்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/08/நான்காம்-பத்து-ஏழாம்-திருவாய்மொழி---பாடல்-9-10-2747882.html
2747880 ஸ்பெஷல்ஸ் நாள்தோறும் நம்மாழ்வார் நான்காம் பத்து ஏழாம் திருவாய்மொழி - பாடல் 7, 8 சொ. மணியன் DIN Monday, August 7, 2017 12:00 AM +0530  

பாடல் - 7

அறிந்து அறிந்து, தேறித் தேறி, யான் எனது ஆவி உள்ளே
நிறைந்த ஞான மூர்த்தியாயை நின்மலமாக வைத்து
பிறந்தும் செத்தும் நின்றும் இடறும் பேதைமை தீர்ந்து ஒழிந்தேன்,
நறும்துழாயின் கண்ணி அம்மா, நான் உனைக் கண்டுகொண்டே.

நறுமணம் வீசும் துளசி மாலையை அணிந்த பெருமானே, நான் உன்னைக் கண்டுகொண்டேன், உன்னை அறிந்து, அறிந்து, தெளிவு பெற்றுத் தெளிவு பெற்று, நிறைந்த ஞானமூர்த்தியான உன்னை என்னுடைய உயிரினுள்ளே வைத்தேன், என் குற்றங்கள் நீங்கபெற்றேன், அதனால், திரும்பத் திரும்பப் பிறந்து, இறந்து, நின்று, தடுமாறுகிற பேதைமை ஒழிந்தது.

******

பாடல் - 8

கண்டுகொண்டு, என் கைகள் ஆர நின் திருப்பாதங்கள்மேல்
எண்திசையும் உள்ள பூக்கொண்டு ஏத்தி, உகந்து உகந்து
தொண்டரோங்கள் பாடி ஆடிட, சூழ்கடல் ஞாலத்துள்ளே
வண்துழாயின் கண்ணி வேந்தே, வந்திடகில்லாயே.

அழகிய துளசி மாலையை அணிந்த பெருமானே, உன்னை நான் கண்டுகொள்ள வேண்டும், எட்டுத் திசைகளிலிருந்தும் வந்த மலர்களை உன்னுடைய திருவடிகளிலே தூவி, ஆவல் தீர என் கைகள் வழிபட வேண்டும், உன்னைப் போற்ற வேண்டும், மனம் மகிழ வேண்டும், தொண்டர்களாகிய நாங்கள் பாடி ஆட வேண்டும், எம்பெருமானே, இப்படி நாங்கள் உன்னை வழிபடுவதற்காக, கடலால் சூழப்பட்ட இந்த உலகில் நீ எழுந்தருள்வாய்!

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/07/நான்காம்-பத்து-ஏழாம்-திருவாய்மொழி---பாடல்-7-8-2747880.html
2747879 ஸ்பெஷல்ஸ் நாள்தோறும் நம்மாழ்வார் நான்காம் பத்து ஏழாம் திருவாய்மொழி - பாடல் 5, 6 சொ. மணியன் DIN Sunday, August 6, 2017 12:00 AM +0530  

பாடல் - 5

அப்பனே, அடல் ஆழியானே, ஆழ்கடலைக் கடைந்த
துப்பனே, உன் தோள்கள் நானும் கண்டிடக்கூடும்கொல் என்று
எப்பொழுதும் கண்ணநீர் கொண்டு, ஆவி துவர்ந்து துவர்ந்து
இப்பொழுதே வந்திடாய் என்று ஏழையேன் நோக்குவனே.

எங்கள் தந்தையே, வலிமையுடைய சக்ராயுதத்தைக் கொண்டவனே, ஆழமான கடலைக் கடைந்த வலிமையுடையவனே, உன்னுடைய தோள்களைக் காணும் பாக்கியம் எனக்குக் கிடைக்குமா என்று நான் ஏங்குகிறேன், அதை எண்ணி எப்பொழுதும் என் கண்களில் நீர் வழிகிறது, என் உயிர் உலர்கிறது, 'இப்போதே வரமாட்டாயா' என்று அறிவற்றவனான நான் உன்னைப் பார்த்துக்கொண்டிருக்கிறேன்.

*******

பாடல் - 6

நோக்கி நோக்கி உன்னைக் காண்பான் யான் எனது ஆவியுள்ளே
நாக்குநீள்வன், ஞானம் இல்லை, நாள்தோறும் என்னுடைய
ஆக்கையுள்ளும் ஆவியுள்ளும், அல்ல புறத்தினுள்ளும்
நீக்கம் இன்றி எங்கும் நின்றாய் நின்னை அறிந்து அறிந்தே.

எம்பெருமானே, ஒவ்வொரு நாளும், என்னுடைய உடலிலும் உயிரிலும் மற்ற வெளிப்புலன்களிலும் நீயே நீக்கமின்றி நிறைந்திருக்கிறாய், இது எனக்கு நன்றாகத் தெரியும், ஆனாலும், உன்னைக் காண வேண்டும் என்று நான் உள்ளுக்குள் ஆசைப்படுகிறேன், எல்லாத் திசைகளிலும் உன்னைத் தேடுகிறேன், இதற்குக் காரணம், எனக்கு ஞானமில்லாததுதான். (ஞானம் வந்துவிட்டால், இந்த ஏக்கம் இருக்காது, எங்கும் இருக்கிற உன்னை உணர்ந்து மகிழ்வேன்.)

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/06/நான்காம்-பத்து-ஏழாம்-திருவாய்மொழி---பாடல்-5-6-2747879.html
2747869 ஸ்பெஷல்ஸ் நாள்தோறும் நம்மாழ்வார் நான்காம் பத்து ஏழாம் திருவாய்மொழி - பாடல் 3, 4 சொ. மணியன் DIN Saturday, August 5, 2017 12:00 AM +0530  

பாடல் - 3

ஈவுஇலாத தீவினைகள் எத்தனை செய்தனன்கொல்,
தாவி வையம் கொண்ட எந்தாய், தாமோதரா, என்று என்று
கூவிக்கூவி நெஞ்சு உருகி, கண் பனிசோர நின்றால்
பாவி நீ என்று ஒன்று சொல்லாய், பாவியேன் காண வந்தே.

அழியாத தீவினைகள் எத்தனையை நான் செய்திருக்கிறேனோ, தெரியவில்லை! தாவி உலகை அளந்த எங்கள் தந்தையே, தாமோதரா என்று உன்னை அழைத்துக் கூவுகிறேன், நெஞ்சு உருகுகிறேன், கண்களில் நீர் சோர நிற்கிறேன், என்முன்னே வரக்கூடாதா, 'நீ ஒரு பாவி' என்றாவது சொல்லக்கூடாதா!

******

பாடல் - 4

காண வந்து, என் கண்முகப்பே தாமரைக் கண் பிறழ,
ஆணி செம்பொன் மேனி எந்தாய், நின்று அருளாய் என்று என்று
நாணம் இல்லாச் சிறுதகையேன் நான் இங்கு அலற்றுவது என்
பேணி வானோர் காணமாட்டாப் பீடு உடை அப்பனையே?

தேவர்கள் முயன்று வணங்கினாலும் அவர்களால் காண இயலாத சிறப்புடைய தந்தையை அழைக்கிறேன், 'தரமான, சிறந்த பொன் போன்ற திருமேனியைக்கொண்ட எங்கள் தந்தையே, நான் காணும்படி இங்கே வா, உன்னுடைய தாமரை போன்ற கண்கள் என் கண்முன்னே திகழும்படி வந்து நின்று எங்களுக்கு அருள் செய்' என்று அலற்றுகிறேன், நாணமில்லாத, எந்தச் சிறப்பும் இல்லாத அற்பனான நான் இப்படி அலற்றி என்ன பயன்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/05/நான்காம்-பத்து-ஏழாம்-திருவாய்மொழி---பாடல்-3-4-2747869.html
2747867 ஸ்பெஷல்ஸ் நாள்தோறும் நம்மாழ்வார் நான்காம் பத்து ஏழாம் திருவாய்மொழி - பாடல் 1, 2 சொ. மணியன் Friday, August 4, 2017 12:00 AM +0530  

பாடல் - 1

சீலம் இல்லாச் சிறியனேலும், செய்வினையோ பெரிதால்,
ஞாலம் உண்டாய், ஞானமூர்த்தி, நாராயணா என்று என்று
காலம்தோறும் யான் இருந்து கை தலை பூசலிட்டால்,
கோலமேனி காண வாராய், கூவியில் கொள்ளாயே.

எம்பெருமானே, நான் சிறப்பில்லாத சிறியவன், பெரிய தீவினைகளைச் செய்தவன், உலகத்தை உண்டவனே, ஞானமூர்த்தி, நாராயணா என்று காலந்தோறும் நான் கூவுகிறேன், கைகளைத் தலைக்குமேலே வைத்து வணங்குகிறேன், அப்போதும், உன்னுடைய அழகிய திருமேனியை நான் காணும்படி நீ வரவில்லை, என்னைக் கூவி அழைத்துக்கொள்ளவும் இல்லை.

*******

பாடல் - 2

கொள்ள மாளா இன்பவெள்ளம் கோதுஇல தந்திடும் என்
வள்ளலேயோ, வையம் கொண்ட வாமனாவோ, என்று என்று
நள் இராவும் நன்பகலும் நான் இருந்து ஓலம் இட்டால்
கள்ள மாயா, உன்னை என் கண் காண வந்து ஈயாயே.

அனுபவிக்க அனுபவிக்கத் தீராத இன்பவெள்ளத்தைக் குறைவில்லாமல் தருகின்ற என் வள்ளலே, உலகை அளந்து கொண்ட வாமனனே என்றெல்லாம் நள்ளிரவிலும் நல்ல பகலிலும் நான் ஓலமிடுகிறேன், கள்ளத்தன்மைகொண்ட மாயனே, உன்னை என் கண் காணும்படி வந்து எனக்கு அருள்புரியமாட்டாயா!

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/04/நான்காம்-பத்து-ஏழாம்-திருவாய்மொழி---பாடல்-1-2-2747867.html
2746081 ஸ்பெஷல்ஸ் நாள்தோறும் நம்மாழ்வார் நான்காம் பத்து ஆறாம் திருவாய்மொழி - பாடல் 11 சொ. மணியன் DIN Thursday, August 3, 2017 12:00 AM +0530 பாடல் - 11

தொழுது ஆடித் தூமணிவண்ணனுக்கு ஆள்செய்து நோய்தீர்ந்த
வழுவாத தொல்புகழ் வண்குருகூர்ச் சடகோபன் சொல்
வழுவாத ஆயிரத்துள் இவை பத்து வெறிகளும்
தொழுது ஆடிப்பாட வல்லார் துக்கசீலம் இலர்களே.

தூய மணிவண்ணனைத் தொழுது ஆடி, அவனுக்கு அடிமையாகித் தொண்டுசெய்து தன்னுடைய நோய்களைத் தீர்த்துக்கொண்டவர், குற்றமில்லாத, பழைமையான புகழைக்கொண்ட, வளம் நிறைந்த குருகூர்ச் சடகோபர், அவர் பாடிய குற்றமற்ற ஆயிரம் பாடல்களில் இந்தப் பத்து பாடல்களும் வெறியாடலைப்பற்றியவை, இந்தப் பத்து பாடல்களையும் பாடித் தொழுது ஆடவல்லவர்களுக்கு என்றும் துயரமில்லை!

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/03/நான்காம்-பத்து-ஆறாம்-திருவாய்மொழி---பாடல்-11-2746081.html
2746080 ஸ்பெஷல்ஸ் நாள்தோறும் நம்மாழ்வார் நான்காம் பத்து ஆறாம் திருவாய்மொழி - பாடல் 9,10 சொ. மணியன் DIN Wednesday, August 2, 2017 12:00 AM +0530

பாடல் - 9

கீழ்மையினால் அங்கு ஓர் கீழ்மகன் இட்ட முழவின்கீழ்
நாழ்மை பல சொல்லி, நீர் அணங்கு ஆடும் பொய் காண்கிலேன்,
ஏழ்மைப் பிறப்புக்கும் சேமம், இந்நோய்க்கும் ஈதே மருந்து,
ஊழ்மையில் கண்ணபிரான் கழல் வாழ்த்துமின் உன்னித்தே.

(தோழி சொல்கிறாள்)

உங்கள் மகளுடைய நோய் தீர்வதற்காக கீழ்மைக்குணத்தாலே நீங்கள் ஏதேதோ செய்கிறீர்கள், ஒரு கீழான மகன் முழவை இசைக்க, அதனருகே நின்று பல குற்றமான சொற்களைச் சொல்கிறீர்கள், அணங்கு ஆடுகிறீர்கள், இந்தக் கொடுமையை என்னால் பார்க்க முடியவில்லை. இதையெல்லாம் நிறுத்துங்கள், முறையாகக் கண்ணபிரானின் திருவடிகளைச் சிந்தித்து வாழ்த்துங்கள், உங்கள் மகளுக்கு வந்திருக்கும் நோய்க்கு அதுவே மருந்து, உங்களுடைய ஏழேழு பிறவிகளுக்கும் நன்மை தருவதும் அதுவே.

******

பாடல் - 10

உன்னித்து மற்று ஒரு தெய்வம் தொழாள் அவனை அல்லால்,
நும் இச்சை சொல்லி, நும் தோள் குலைக்கப்படும் அன்னைமீர்,
மன்னப்படு மறைவாணனை, வண் துவராபதி
மன்னனை ஏத்துமின், ஏத்துதலும், தொழுது ஆடுதுமே.

(தோழி சொல்கிறாள்)

தாய்மார்களே, உங்கள் மகள் எம்பெருமானையன்றி இன்னொரு தெய்வத்தை நினைக்கமாட்டாள், தொழமாட்டாள், ஆகவே, உங்களுக்குப் பிடித்த விஷயங்களையெல்லாம் அவளிடம் சொல்லாதீர்கள், அதனால் உங்களுடைய தோள்கள்தான் நோகும், என்றைக்கும் நிலைத்திருக்கிற வேதங்களால் சொல்லப்படுகிறவன், வளம் நிறைந்த துவராபதியின் அரசன், அந்தப் பெருமானைப் போற்றுங்கள், உடனே உங்கள் மகள் குணமாகிவிடுவாள், அவளும் அப்பெருமானைப் போற்றி ஆடுவாள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/02/நான்காம்-பத்து-ஆறாம்-திருவாய்மொழி---பாடல்-910-2746080.html
2746079 ஸ்பெஷல்ஸ் நாள்தோறும் நம்மாழ்வார் நான்காம் பத்து ஆறாம் திருவாய்மொழி - பாடல் 7,8 சொ. மணியன் DIN Tuesday, August 1, 2017 12:00 AM +0530

பாடல் - 7

அணங்குக்கு அருமருந்து என்று, அங்கு ஓர் ஆடும் கள்ளும் பராய்,
துணங்கை எறிந்து, நும் தோள் குலைக்கப்படும் அன்னைமீர்,
உணங்கல் கெடக் கழுதை உதடு ஆட்டம் கண்டு என்பயன்?
வணங்கீர்கள் மாயப்பிரான் தமர் வேதம் வல்லாரையே.

(தோழி சொல்கிறாள்)

தாய்மார்களே, உங்கள் மகள் கொண்ட நோய்க்கு அரிய மருந்து இதுதான் என்று எண்ணி ஆட்டையும் கள்ளையும் வைத்து வணங்குகிறீர்கள், துணங்கை என்ற கூத்தை ஆடுகிறீர்கள், இதனால் உங்கள் தோள்தான் வலிக்கும், வேறு எந்தப் பயனும் இருக்காது, காயவைத்த நெல்லைக் கழுதை மேய்கிறது என்றால், அதை அடித்துத் துரத்தாமல் அதன் வாய் அசைவதை வேடிக்கை பார்ப்பீர்களா? இதையெல்லாம் நிறுத்திவிட்டு, மாயப்பிரானான எம்பெருமானின் பக்தர்கள், வேதம் வல்லவர்களை வணங்குங்கள், உங்கள் மகள் திரும்பக்கிடைப்பாள்.

*******

பாடல் - 8

வேதம் வல்லார்களைக் கொண்டு, விண்ணோர் பெருமான் திருப்
பாதம் பணிந்து, இவள் நோய் இது தீர்த்துக்கொள்ளாது போய்
ஏதம் பறைந்து, அல்ல செய்து, கள் ஊடு கலாய்த் தூஉய்,
கீத முழவுஇட்டு நீர் அணங்கு ஆடுதல் கீழ்மையே.

(தோழி சொல்கிறாள்)

இவளுடைய நோய் தீரவேண்டுமென்றால், குற்றமானவற்றைச் சொல்லாதீர்கள், தகாதவற்றைச் செய்யாதீர்கள், கள்ளைக் கலந்து வீட்டில் தூவாதீர்கள், தகாத பாடல்களோடு முழவு ஒலிக்க அணங்கு ஆடாதீர்கள், இவையெல்லாம் கீழ்மையான செயல்கள். மாறாக, நீங்கள் வேதம் வல்லவர்களை நாடுங்கள், அவர்களுடைய வழிகாட்டுதலில், விண்ணோரின் தலைவனான எம்பெருமானின் திருப்பாதங்களை வணங்குங்கள், அதுவே சரியான முறை, அதன்மூலம் இவளுடைய நோய் தீரும், இவள் நலம் பெறுவாள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/aug/01/நான்காம்-பத்து-ஆறாம்-திருவாய்மொழி---பாடல்-78-2746079.html
2746078 ஸ்பெஷல்ஸ் நாள்தோறும் நம்மாழ்வார் நான்காம் பத்து ஆறாம் திருவாய்மொழி - பாடல் 5,6 சொ. மணியன் Monday, July 31, 2017 11:31 AM +0530  

பாடல் - 5

இவளைப் பெறும் பரிசு, இவ் அணங்கு ஆடுதல் அன்று,
                                                                                              அந்தோ,
குவளைத் தடம் கண்ணும் கோவைச் செவ்வாயும்
                                                                                              பயந்தனள்,
கவளக் கடாக் களிறு அட்ட பிரான் திருநாமத்தால்
தவளப்பொடி கொண்டு நீர் இட்டிடுமின், தணியுமே.

(தோழி சொல்கிறாள்)

உங்கள் மகளுடைய நோய் தீர்வதற்காக, அணங்காடுதலுக்கு ஏற்பாடு செய்துள்ளீர்கள். ஆனால், அவளுடைய நோயைத் தீர்க்கும் வழி இதுவல்ல, குவளைமலர் போன்ற பெரிய கண்கள், கோவைப்பழம் போன்ற சிவந்த வாய் கொண்ட உங்கள் மகள் பசலை நோய் கொண்டு வாடுகிறாள், கவளத்தை உண்ணும் மதயானையான குவலயாபீடத்தை வென்ற எம்பெருமானின் பெயரைச் சொல்லுங்கள், அவன் அடியவர்களுடைய தூய்மையான பாத தூசியை இவளுக்கு இடுங்கள், அந்தப் பசலை நோய் தணியும்.

*******

பாடல் - 6

தணியும்பொழுது இன்றி நீர் அணங்கு ஆடுதிர்,
                                                                                        அன்னைமீர்,
பிணியும் ஒழிகின்றது இல்லை, பெருகும் இது
                                                                                        அல்லால்,
மணியின் அணிநிற மாயன் தமர் அடி நீறு கொண்டு
அணிய முயலின் மற்று இல்லை கண்டீர் இவ்
                                                                                        அணங்குக்கே.

(தோழி சொல்கிறாள்)

தாய்மார்களே, உங்கள் மகளுடைய நோய் தீர்வதற்காக எந்நேரமும் அணங்காடுதலுக்கு ஏற்பாடு செய்துள்ளீர்கள், ஆனால், அதன்மூலம் அந்த நோய் தீர்வதில்லை, அதிகரிக்கிறது, நீலமணி போன்ற நிறம் கொண்ட மாயனின் அடியவர்களுடைய பாதம் பட்ட தூசியைக் கொண்டுவந்து இவளுக்கு அணிவியுங்கள்(பூசுங்கள்), இந்தப் பெண்ணுக்கு அதைவிட்டால் வேறு நல்ல மருந்து எதுவும் இல்லை.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/jul/31/நான்காம்-பத்து-ஆறாம்-திருவாய்மொழி---பாடல்-56-2746078.html
2746076 ஸ்பெஷல்ஸ் நாள்தோறும் நம்மாழ்வார் நான்காம் பத்து ஆறாம் திருவாய்மொழி - பாடல் 3,4 சொ. மணியன் DIN Sunday, July 30, 2017 12:00 AM +0530 பாடல் - 3

இதுகாண்மின் அன்னைமீர், இக்கட்டுவிச்சி சொல் கொண்டு நீர்
எதுவானும் செய்து அங்கு ஓர் கள்ளும் இறைச்சியும் தூவேன்மின்,
மதுவார் துழாய்முடி மாயப்பிரான் கழல் வாழ்த்தினால்
அதுவே இவள் உற்ற நோய்க்கும் அருமருந்து ஆகுமே.

(தோழி சொல்கிறாள்)

அன்னைமார்களே, இதைக் காணுங்கள், உங்கள் மகளின் நோயைத் தீர்ப்பதற்குக் கள்ளையும் இறைச்சியையும் தூவ வேண்டும் என்று இந்தக் கட்டுவிச்சி சொல்கிறார், அதைக் கேட்டு நீங்கள் எதையாவது செய்யாதீர்கள், கள்ளையும் இறைச்சியையும் தூவாதீர்கள், (உங்கள் மகளின் நோயைத் தீர்க்கும் வழி இதுவல்ல), தேன் ஒழுகும் திருத்துழாயை அணிந்த திருமுடியைக்கொண்ட மாயப்பிரான், எம்பெருமானின் திருவடிகளை வாழ்த்துங்கள், இவளுடைய நோய்க்கு அதுவே சிறந்த மருந்து.

பாடல் - 4

மருந்து ஆகும் என்று அங்கு ஓர் மாய வலவை சொல் கொண்டு நீர்
கரும்சோறும் மற்றைச் செம்சோறும் களன் இழைத்து என் பயன்?
ஒருங்கு ஆகவே உலகு ஏழும் விழுங்கி உமிழ்ந்திட்ட
பெரும்தேவன் பேர் சொல்லகிற்கில் இவளைப் பெறுதிரே.

(தோழி சொல்கிறார்)

உங்கள் மகளுடைய நோய் தீர்வதற்காக, ஏதோ சிறுதெய்வங்களுக்குச் சோறு படைக்க வேண்டும் என்று ஓர் ஏமாற்றுக்காரப்பெண் சொல்கிறார், அதைக் கேட்டதும், அதுவே இவளுடைய நோய்க்கு மருந்து என்று எண்ணுகிறீர்கள், கருமையான, சிவப்பான சோற்றை அங்கே படைக்கிறீர்கள், அதனால் என்ன பயன்? (ஏதுமில்லை). ஒரே நேரத்தில் ஏழு உலகையும் விழுங்கி உமிழ்ந்த பெரிய தேவன், எம்பெருமானின் பெயரைச் சொல்லுங்கள், இவளுடைய நோய் தீரும், இவளைத் திரும்பப் பெறுவீர்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/jul/30/நான்காம்-பத்து-ஆறாம்-திருவாய்மொழி---பாடல்-34-2746076.html
2746075 ஸ்பெஷல்ஸ் நாள்தோறும் நம்மாழ்வார் நான்காம் பத்து ஆறாம் திருவாய்மொழி - பாடல் 1,2 சொ. மணியன் Saturday, July 29, 2017 09:41 AM +0530  

பாடல் - 1

தீர்ப்பாரை யாம் இனி எங்ஙனம் நாடுதும்? அன்னைமீர்,
ஓர்ப்பால் இவ் ஒள்நுதல் உற்ற நல்நோய் இது தேறினோம்,
போர்ப் பாகுதான் செய்து அன்று ஐவரை வெல்வித்த மாயப்போர்த்
தேர்ப்பாகனார்க்கு இவள் சிந்தை துழாஅய்த் திசைக்கின்றதே.

(தோழி சொல்கிறார்)

தாய்மார்களே, ஆராய்ந்து பார்த்தால், ஒளிபொருந்திய நெற்றியை உடைய என் மகளுக்கு வந்திருக்கும் நல்ல நோய் இதுதான் என்று புரிகிறது, அன்றைக்குப் போருக்குரிய செயல்களைச் செய்து பாண்டவர்கள் ஐவரையும் வெல்லச்செய்தான் எம்பெருமான், மாயப்போர் செய்த அந்தத் தேர்ப்பாகனாரை எண்ணி இவளுடைய சிந்தனை கலங்கி மயங்குகிறது, இந்த நோயைத் தீர்ப்பவர்கள் யார்? அவர்களை நாம் எங்கே சென்று தேடுவது?

******

பாடல் - 2

திசைக்கின்றதே, இவள் நோய் இது மிக்க பெரும்தெய்வம்,
இசைப்பு இன்றி நீர் அணங்கு ஆடும் இளம்தெய்வம் அன்று இது,
திசைப்பு இன்றியே சங்குசக்கரம் என்று இவள் கேட்க நீர்
இசைக்கிற்றிர் ஆகில், நன்றே இல் பெறும், இது காண்மினே.

(தோழி சொல்கிறாள்)

இவளுக்கு வந்திருக்கும் நோயை எண்ணி நீங்கள் திகைக்க வேண்டியதில்லை, இந்த நோய் மிகுந்த பெருந்தெய்வத்தால் வந்தது, சிறுதெய்வத்தால் வந்த நோய் அன்று, ஆகவே, நீங்கள் தகுதியில்லாத சிகிச்சைகளையெல்லாம் இவளுக்குச் செய்யாதீர்கள், வெறியாடல் போன்றவற்றுக்கு ஏற்பாடு செய்யாதீர்கள், அவற்றால் இந்த நோய் தீராது, அதற்குப் பதிலாக, குழப்பமில்லாமல் ஒரு வேலை செய்யுங்கள், இவளுடைய காதில் கேட்கும்படி 'சங்கு, சக்கரம்' என்று சொல்லுங்கள், இவள் நலம் பெற்றுவிடுவாள், அதை நீங்கள் காணுங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/jul/29/நான்காம்-பத்து-ஆறாம்-திருவாய்மொழி---பாடல்-12-2746075.html
2741649 ஸ்பெஷல்ஸ் நாள்தோறும் நம்மாழ்வார் நான்காம் பத்து ஐந்தாம் திருவாய்மொழி - பாடல் 9,10 சொ. மணியன் Tuesday, July 25, 2017 08:49 AM +0530  

பாடல் - 9

வானத்தும் வானத்துள் உம்பரும் மண்ணுள்ளும்
                                                                        மண்ணின்கீழ்த்
தானத்தும் எண் திசையும் தவிராது நின்றான்தனை,
கூன், நல் சங்கத் தடக்கையவனை, குடம் ஆடியை,
வானக்கோனை கவிசொல்ல வல்லேற்கு இனி மாறு
                                                                        உண்டோ?

வானத்திலும், வானத்தினுள்ளே இருக்கிற தேவலோகத்திலும், மண்ணிலும், மண்ணின் கீழே இருக்கிற பாதாள உலகத்திலும் எட்டுத் திசைகளிலும் பரந்து நிற்கிறவன், வளைந்த, நல்ல சங்கினைக் கையில் கொண்டவன், குடக்கூத்து ஆடிய கண்ணன், வானுலகின் தலைவன், அத்தகைய பெருமானைக் கவிதையில் பாடவல்லவன் நான், எனக்கு இனி ஒப்பாக எவரேனும் உண்டா? (இல்லை.)

******

பாடல் - 10

உண்டும் உமிழ்ந்தும் கடந்தும் இடந்தும் கிடந்தும் நின்றும்
கொண்ட கோலத்தொடு வீற்று இருந்தும் மணம் கூடியும்
கண்ட ஆற்றால் தனதே உலகு என நின்றான்தன்னை
வண்தமிழ் நூற்க நோற்றேன், அடியார்க்கு இன்ப மாரியே.

எம்பெருமான் பிரளயத்தின்போது உலகை உண்டு, பின்னர் உமிழ்ந்தான், திரிவிக்ரமனாக அவதாரமெடுத்து உலகை அளந்தான், வராக அவதாரமெடுத்து உலகை இடந்தெடுத்தான், ராமாவதாரத்தின்போது கடற்கரையில் கிடந்தான், பின்னர் போரில் வென்று அனைவருக்கும் திருக்காட்சி தந்து நின்றான், அயோத்தியின் அரசனாகத் திருமுடி சூடி வீற்றிருந்தான், பூமாதேவியை மணந்து ஆட்சிபுரிந்தான், இப்படிப் பலவிதங்களில் இந்த உலகே தன்னுடையதுதான் என்று சொல்லும்படி நின்றான் அப்பெருமான், அவனைப் போற்றும் வளமான தமிழ்ப்பாடல்களைத் தொடுக்கும் புண்ணியம் எனக்குக் கிடைத்தது, இந்தப் பாடல்கள் அடியவர்களுக்கு இன்ப மழையாகத் திகழ்கின்றன.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/jul/26/நான்காம்-பத்து-ஐந்தாம்-திருவாய்மொழி---பாடல்-910-2741649.html
2741650 ஸ்பெஷல்ஸ் நாள்தோறும் நம்மாழ்வார் நான்காம் பத்து ஐந்தாம் திருவாய்மொழி - பாடல் 11 சொ. மணியன் Tuesday, July 25, 2017 08:49 AM +0530  

பாடல் - 11

மாரி மாறாத தண்அம் மலை வேங்கடத்து அண்ணலை
வாரி மாறாத பைம்பூம் பொழில் சூழ் குருகூர் நகர்க்
காரி மாறன் சடகோபன் சொல் ஆயிரத்து இப்பத்தால்
வேரி மாறாத பூமேல் இருப்பாள் வினை தீர்க்குமே.

மழை என்றைக்கும் பெய்கிற குளிர்ச்சியான மலை திருவேங்கடம், அங்கே எழுந்தருளியிருக்கும் அண்ணல் எம்பெருமான், வருவாய் என்றைக்கும் நிறைகிற பசுமையான பூம்பொழில்களால் சூழப்பட்ட குருகூர் நகர்க் காரிமாறன் சடகோபன் அப்பெருமானை ஆயிரம் பாடல்களில் பாடினார், அவற்றுள் இந்தப் பத்து பாடல்களைச் சொல்லும் பக்தர்களுடைய வினைகளெல்லாம் தீரும், என்றைக்கும் நறுமணம் கமழ்கிற தாமரைமேல் வீற்றிருக்கும் திருமகள் அவ்வினைகளைத் தீர்த்துவைப்பார்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/jul/27/நான்காம்-பத்து-ஐந்தாம்-திருவாய்மொழி---பாடல்-11-2741650.html
2741648 ஸ்பெஷல்ஸ் நாள்தோறும் நம்மாழ்வார் நான்காம் பத்து ஐந்தாம் திருவாய்மொழி - பாடல் 7,8 சொ. மணியன் DIN Tuesday, July 25, 2017 12:00 AM +0530  

பாடல் - 7

என்றும் ஒன்று ஆகி ஒத்தாரும் மிக்கார்களும் தன்தனக்கு
இன்றி நின்றானை எல்லா உலகும் உடையான்தனை
குன்றம் ஒன்றால் மழைகாத்த பிரானைச் சொல்மாலைகள்
நன்று சூட்டும் விதி எய்தினம், என்ன குறை நமக்கே?

என்றும் தனித்துவமாகத் திகழ்கிறவன், தனக்கு இணையாகவோ, தன்னைவிடச் சிறந்தவர்களாகவோ யாரும் இல்லாதவன், ஒப்பற்றவன், எல்லா உலகங்களையும் ஆட்சிசெய்பவன், கோவர்த்தன மலையைத் தாங்கி நின்று அதனால் ஆயர்களை, பசுக்களை மழையிலிருந்து காத்தவன், அத்தகைய பெருமானுக்குச் சொல்மாலைகளைச் சூட்டிப் போற்றும் அருள் நமக்குக் கிடைத்தது, இனி நமக்கு என்ன குறை? (ஏதுமில்லை.)

******

பாடல் - 8

நமக்கும் பூவின்மிசை நங்கைக்கும் இன்பனை, ஞாலத்தார்
தமக்கும் வானத்தவர்க்கும் பெருமானை, தண்தாமரை
சுமக்கும் பாதப் பெருமானை சொல்மாலைகள் சொல்லுமாறு
அமைக்க வல்லேற்கு இனி யாவர் நிகர் அகல் வானத்தே?

நமக்கும், தாமரைப்பூவிலே வீற்றிருக்கும் திருமகளுக்கும் இனியவன், உலகத்தவர் அனைவருக்கும், வானத்திலுள்ள தேவர்களுக்கும் தலைவன், அவனுடைய திருவடிகளைக் குளிர்ந்த தாமரைகள் தாங்கிநிற்கும், அத்தகைய பெருமானைச் சொல்மாலைகளால் போற்றும் பாக்கியம் எனக்குக் கிடைத்தது, அகன்ற வானத்திலே இனி எனக்கு யார் நிகர்? (யாருமில்லை.)
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/jul/25/நான்காம்-பத்து-ஐந்தாம்-திருவாய்மொழி---பாடல்-78-2741648.html
2741647 ஸ்பெஷல்ஸ் நாள்தோறும் நம்மாழ்வார் நான்காம் பத்து ஐந்தாம் திருவாய்மொழி பாடல் - 5,6 சொ. மணியன் Monday, July 24, 2017 12:00 AM +0530  

பாடல் - 5

ஆற்ற நல்ல வகைகாட்டும் அம்மானை, அமரர்தம்
ஏற்றை, எல்லாப் பொருளும் விரித்தானை, எம்மான்தனை
மாற்ற மாலை புனைந்து ஏத்தி நாளும் மகிழ்வு எய்தினேன்,
காற்றின் முன்னம் கடுகி வினை நோய்கள் கரியவே.

தன்னுடைய நல்ல குணங்களைப் பக்தர்கள் தாங்கிக்கொள்ளும்வண்ணம் சிறிது சிறிதாகக் காட்டுகிற அம்மான், அமரர்களின் தலைவன், கீதை போன்ற பெரும் உண்மைகள் அனைத்தையும் விரித்து உரைத்தவன், என் தலைவன், அத்தகைய பெருமானுக்குச் சொல்மாலை சூட்டி, அவனைப் போற்றி ஒவ்வொரு நாளும் மகிழ்ந்தேன். அதனால், என்னுடைய வினைநோய்கள் அனைத்தும் காற்றைவிட வேகமாகக் கரிந்துவிட்டன / தீர்ந்துவிட்டன.

*******

பாடல் - 6

கரிய மேன்மிசை வெளிய நீறு சிறிதே இடும்
பெரிய கோலத் தடம்கண்ணன், விண்ணோர்
                                                               பெருமான்தனை
உரிய சொல்லால் இசைமாலைகள் ஏத்தி
                                                               உள்ளப்பெற்றேற்கு
அரியது உண்டோ எனக்கு இன்று தொட்டும் இனி
                                                               என்றுமே?

கருத்த மேனியிலே இருக்கும் பெரிய, அழகிய திருக்கண்களிலே பச்சைக்கற்பூரச் சூரணத்தைச் சிறிதளவு இட்டுக்கொள்ளும் பெருமான், விண்ணோர்களின் தலைவன், அந்தப் பெருமானை உரிய சொற்களால் போற்றி இசைமாலைகள் சூட்டினேன், அனுபவித்தேன், இனி இன்றும், என்றும் எனக்குக் கிடைக்காத அரிய பொருள் வேறென்ன? (எதுவுமில்லை.)

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2017/jul/24/நான்காம்-பத்து-ஐந்தாம்-திருவாய்மொழி-பாடல்---56-2741647.html
2740992 ஸ்பெஷல்ஸ் நாள்தோறும் நம்மாழ்வார் நான்காம் பத்து ஐந்தாம் திருவாய்மொழி - பாடல் 3,4 சொ. மணியன் Sunday, July 23, 2017 12:00 AM +0530 பாடல் - 3

வீவுஇல் இன்பம் மிக எல்லை நிகழ்ந்த நம் அச்சுதன்
வீவுஇல் சீரன் 
மலர்க்கண்ணன் விண்ணோர் பெருமான்தனை
வீவுஇல் காலம் இசைமாலைகள் ஏத்தி மேவப் பெற்றேன்,
வீவுஇல் இன்பம் மிக எல்லை நிகழ்ந்தனன் மேவியே.

மிகுந்த இன்பத்தின் எல்லையிலே தங்கியிருப்பவன் நம் அச்சுதன், அழியாத சிறப்புகளைக் கொண்டவன், மலர் போன்ற கண்களை உடையவன், விண்ணோர் பெருமான், அத்தகைய எம்பெருமானை முடிவில்லாத காலம்வரை இசைமாலைகளால் போற்றி வாழ்த்தும் பாக்கியம் எனக்குக் கிடைத்தது, அதனால், முடிவில்லாத இன்பத்தின் எல்லையைப் பெற்றேன்.

*******

பாடல் - 4

மேவி நின்று தொழுவார் வினை போக மேவும் பிரான்,
தூவிஅம் புள் உடையான், அடல் ஆழி அம்மான்தனை
நா இயலால் இசைமாலைகள் ஏத்தி நண்ணப்பெற்றேன்,
ஆவி என் ஆவியை யான் அறியேன் செய்த ஆற்றையே.

பொருந்தி நின்று தன்னைத் தொழுகிறவர்களுடைய வினை போகும்படி பொருந்தி நின்று அருளுகிற பெருமான், சிறகுகளை உடைய, அழகிய கருடனைத் தன் வாகனமாகக் கொண்டவன், பகைவர்களை அழிக்கும் சக்ராயுதத்தை ஏந்திய அம்மான், அத்தகைய எம்பெருமானை என்னுடைய நாவால் போற்றினேன், இசைமாலைகளைப் பாடி வணங்கினேன், அவன் திருவடிகளைச் சென்றடைந்தேன், அந்தப் பரமாத்மா என்னுடைய ஆவியில் புகுந்து எனக்கு அருளினான், அது எப்படியோ, அந்தத் தன்மையை நான் அறியேன்.

]]>
http://images.dinamani.com/uploads/user/imagelibrary/2017/7/20/w600X390/.jpg http://www.dinamani.com/specials/naalthorum-nammalvaar/2017/jul/23/நான்காம்-பத்து-ஐந்தாம்-திருவாய்மொழி---பாடல்-34-2740992.html
2740317 ஸ்பெஷல்ஸ் நாள்தோறும் நம்மாழ்வார் நான்காம் பத்து ஐந்தாம் திருவாய்மொழி பாடல் - 1,2 சொ. மணியன் Saturday, July 22, 2017 12:00 AM +0530  

பாடல் - 1

வீற்றுஇருந்து ஏழு உலகும் தனிக்கோல் செல்ல வீவுஇல்
                                                                                              சீர்
ஆற்றல் மிக்கு ஆளும் அம்மானை, வெம்மா பிளந்தான்
                                                                                             தன்னை
போற்றி என்றே கைகள் ஆரத் தொழுது சொல்மாலைகள்
ஏற்ற நோற்றோற்கு இனி என் குறை எழுமையுமே?

(பரமபதத்தில்) கம்பீரமாக வீற்றிருந்து, ஏழு உலகங்களிலும் தன்னுடைய ஒப்பற்ற செங்கோல் செல்லும்படி ஆள்கிறவன், குறையாத சிறப்பு, மிகுந்த ஆற்றலுடன் ஆட்சிசெய்கிற அம்மான், கேசி என்கிற கொடிய அரக்கன் குதிரை வடிவில் வந்தபோது அவனுடைய வாயைப் பிளந்தவன், எம்பெருமான், அத்தகைய பெருமானைப் ‘போற்றி’ என்று சொல்லி, கைகளை குவித்து ஆசைதீரத் தொழுது, சொற்களால் ஆன மாலைகளை அவனுக்குச் சூட்டுகிறேன், இத்தகைய அரிய புண்ணியம் எனக்குக் கிடைத்துள்ளது, இனி எனக்கு ஏழு பிறவிகளிலும் (எத்தனை பிறவிகள் எடுத்தாலும்) என்ன குறை? (ஏதும் குறையில்லை.)

******

பாடல் - 2

மைய கண்ணாள், மலர்மேல் உறைவாள் உறை
                                                                                 மார்பினன்,
செய்ய கோலத் தடம்கண் விண்ணோர் பெருமான்தனை
மொய்ய சொல்லால் இசைமாலைகள் ஏத்தி
                                                                                  உள்ளப்பெற்றேன்,
வெய்ய நோய்கள்முழுதும் வியன் ஞாலத்து வீயவே.

மையணிந்த கண்களைக் கொண்டவள், தாமரை மலரிலே அமர்கிறவள், திருமகள், அந்தத் திருமகள் வாழும் மார்பைக் கொண்ட பெருமான், சிவந்த, அழகிய, பெரிய கண்களைக் கொண்டவன், விண்ணோர் பெருமான், அத்தகைய பெருமானை நான் நிறைந்த சொற்களால் இசையோடு போற்றுகிறேன், அதனால், இந்த அகன்ற உலகத்தில் இருக்கும் கொடிய நோய்கள் அனைத்தும் வீழ்ந்துபோயின, அவனை எண்ணி எண்ணி அனுபவிக்கிறேன்.

]]>
http://images.dinamani.com/uploads/user/imagelibrary/2017/7/19/w600X390/15656.jpg http://www.dinamani.com/specials/naalthorum-nammalvaar/2017/jul/22/நான்காம்-பத்து-ஐந்தாம்-திருவாய்மொழி-பாடல்---12-2740317.html
2737348 ஸ்பெஷல்ஸ் நாள்தோறும் நம்மாழ்வார் நான்காம் பத்து நான்காம் திருவாய்மொழி - பாடல் 11 சொ. மணியன் DIN Friday, July 21, 2017 12:00 AM +0530  

பாடல் - 11

வல்வினை தீர்க்கும் கண்ணனை வண்குருகூர்ச் சடகோபன்
சொல்வினையால் சொன்ன பாடல் ஆயிரத்துள் இவை பத்தும்
நல்வினை என்று கற்பார்கள் நலன் இடை வைகுந்தம் நண்ணித்
தொல்வினை தீர எல்லாரும் தொழுது எழ வீற்றிருப்பாரே.

கொடிய வினைகளைத் தீர்க்கிறவன் கண்ணன், அக்கண்ணனைப் பற்றி, வளம் நிறைந்த குருகூர்ச் சடகோபன் ஆயிரம் பாடல்களைச் சிறந்த சொல்வன்மையோடு பாடியிருக்கிறார், அந்த ஆயிரத்தில் இந்தப் பத்து பாடல்களையும் நல்வினையாக எண்ணிக் கற்பவர்கள் நன்மையுடைய பரமபதத்துக்குச் செல்வார்கள், அவர்களுடைய பழைய வினைகள் அனைத்தும் தீரும், மற்றவர்கள் அவர்களைத் தொழுது வணங்கும்படி வீற்றிருப்பார்கள்.
 

]]>
http://images.dinamani.com/uploads/user/imagelibrary/2017/7/14/w600X390/.jpg http://www.dinamani.com/specials/naalthorum-nammalvaar/2017/jul/21/நான்காம்-பத்து-நான்காம்-திருவாய்மொழி---பாடல்-11-2737348.html
2737347 ஸ்பெஷல்ஸ் நாள்தோறும் நம்மாழ்வார் நான்காம் பத்து நான்காம் திருவாய்மொழி - பாடல் 9,10 சொ. மணியன் Thursday, July 20, 2017 08:33 AM +0530  

பாடல் - 9

விரும்பிப் பகவரைக் காணில் வியல்இடம் உண்டானே
                                                                            என்னும்,
கரும்பெரு மேகங்கள் காணில் கண்ணன் என்று ஏறப்
                                                                            பறக்கும்,
பெரும்புலம் ஆநிரை காணில் பிரான் உளன் என்று பின்
                                                                            செல்லும்,
அரும்பெறல் பெண்ணினை மாயோன் அலற்றி
                                                                            அயர்ப்பிக்கின்றானே.

(தாய் சொல்கிறார்)

விரும்பி இறைவனுக்கு அடிமையானவர்களைக் கண்டால், ‘விரிந்து பரந்த உலகங்களையெல்லாம் உண்ட திருமால்’ என்கிறாள் என் மகள், கரிய, பெரிய மேகங்களைக் கண்டால், ‘கண்ணன்’ என்று எழுந்து பறந்து அவற்றைத் தழுவத்துடிக்கிறாள், பெரிய, அழகிய பசுக்கூட்டங்களைக் கண்டால், ‘அவற்றினிடையே கண்ணன் இருக்கிறான்’ என்று அவற்றின் பின்னே செல்கிறாள், பெறுவதற்கு அரிய என் பெண்ணை மாயோன் இப்படி அலறச்செய்து மயங்கவைக்கிறானே.

******

பாடல் - 10

அயர்க்கும், சுற்றும் பற்றி நோக்கும், அகலவே நீள்நோக்குக் 
                                                                                  கொள்ளும்,
வியர்க்கும், மழைக்கண் துளும்ப வெவ்உயிர் கொள்ளும்,

                                                                                 மெய்
 சோரும்,
பெயர்த்தும் கண்ணா என்று பேசும், பெருமானே வா என்று
                                                                                 கூவும்,
மயல் பெரும் காதல் என் பேதைக்கு என்செய்கேன்
                                                                                 வல்வினையேனே.

(தாய் சொல்கிறார்)

என் மகள் மயங்குகிறாள், கண்ணன் வந்துவிட்டானா என்று சுற்றிலும் பலமுறை பார்க்கிறாள், அவனைக் காணவில்லையே என்று கண்களை விரித்து நெடுந்தூரம் பார்க்கிறாள், வியர்க்கிறாள், குளிர்ந்த கண்களில் நீர் ததும்பும்படி பெருமூச்சு விடுகிறாள், தளர்கிறாள், மீண்டும் ‘கண்ணா’ என்று பேசுகிறாள், ‘பெருமானே வா’ என்று கூவுகிறாள், இப்படிப் பெரிய காதல் மயக்கத்தைக் கொண்டிருக்கும் என் பெண்ணுக்கு நான் என்ன செய்வேன்? இவளை இவ்வாறு காண்பதற்கு நான் என்ன பாவம் செய்துவிட்டேனோ!

]]>
http://images.dinamani.com/uploads/user/imagelibrary/2017/7/14/w600X390/.jpg http://www.dinamani.com/specials/naalthorum-nammalvaar/2017/jul/20/நான்காம்-பத்து-நான்காம்-திருவாய்மொழி---பாடல்-910-2737347.html
2737346 ஸ்பெஷல்ஸ் நாள்தோறும் நம்மாழ்வார் நான்காம் பத்து நான்காம் திருவாய்மொழி பாடல் - 7,8 சொ. மணியன் DIN Wednesday, July 19, 2017 12:00 AM +0530 பாடல் - 7

ஏறிய பித்தினோடு எல்லா உலகும் கண்ணன் படைப்பு என்னும்,
நீறு செவ்வே இடக்காணில் நெடுமால் அடியார் என்று ஓடும்,
நாறு துழாய்மலர் காணில், நாரணன் கண்ணி ஈது என்னும்,
தேறியும் தேறாதும் மாயோன் திறத்தனளே இத்திருவே.

(தாய் சொல்கிறார்)

பித்தேறிய நிலையில், ‘எல்லா உலகங்களும் கண்ணனுடைய படைப்பு’ என்கிறாள் என் மகள், திருநீறு நேரே இட்டுள்ள அடியவர்களைக் கண்டால், ‘நெடுமாலின் அடியவர்கள் வந்துவிட்டார்கள்’ என்று ஓடுகிறாள், மணம்வீசுகிற துளசிமலரைக்கண்டால், ‘நாரணனின் மாலை இது’ என்கிறாள், தெளிந்த நிலையிலும், தெளியாத நிலையிலும் இவள் மாயோனாகிய எம்பெருமானைப்பற்றியே எண்ணிக்கொண்டிருக்கிறாளே!

******

பாடல் - 8

திருஉடை மன்னரைக் காணில், திருமாலைக் கண்டேனே என்னும்,
உருஉடை வண்ணங்கள் காணில், உலகு அளந்தான் என்று துள்ளும்,
கருஉடைத் தேவில்கள் எல்லாம், கடல்வண்ணன் கோயிலே என்னும்,
வெருவிலும் வீழ்விலும் ஓவாக் கண்ணன் கழல்கள் விரும்புமே.

(தாய் சொல்கிறார்)

செல்வம் நிறைந்த மன்னர்களைக் கண்டால், ‘திருமாலைக் கண்டேனே’ என்கிறாள் என் மகள், அழகிய வடிவங்களைக் கண்டால், ‘உலகளந்தவன் வந்துவிட்டான்’ என்று துள்ளுகிறாள், இறைவன் படிமங்களைக்கொண்ட கோயில்களைக் கண்டால், ‘கடல்வண்ணனின் கோயில் இது’ என்கிறாள், (தன்னைக் குறைசொல்லுகிற பிறரைக்கண்டு) அஞ்சும்போதும், மயங்கி விழும்போதுகூட இவள் கண்ணனின் திருவடிகளைதான் விரும்புகிறாள்.

]]>
http://images.dinamani.com/uploads/user/imagelibrary/2017/7/14/w600X390/.jpg http://www.dinamani.com/specials/naalthorum-nammalvaar/2017/jul/19/நான்காம்-பத்து-நான்காம்-திருவாய்மொழி-பாடல்---78-2737346.html
2737342 ஸ்பெஷல்ஸ் நாள்தோறும் நம்மாழ்வார் நான்காம் பத்து நான்காம் திருவாய்மொழி பாடல் - 5, 6 சொ. மணியன் DIN Tuesday, July 18, 2017 12:00 AM +0530 பாடல் - 5

கோமள வான் கன்றைப் புல்கி, கோவிந்தன் மேய்த்தன என்னும்,
போம்இள நாகத்தின் பின்போய் அவன் கிடக்கை ஈது என்னும்,
ஆம்அளவு ஒன்றும் அறியேன், அருவினையாட்டியேன் பெற்ற
கோமளவல்லியை மாயோன் மால்செய்து செய்கின்ற கூத்தே.

இளமையான, பெரிய கன்றைத் தழுவுகிறாள் என் மகள், ‘கோவிந்தன் மேய்த்த கன்று இது’ என்கிறாள், ஊர்ந்து செல்லுகின்ற இளைய நாகத்தின்பின்னே இவளும்
செல்கிறாள், ‘எம்பெருமானின் படுக்கை இது’ என்கிறாள், அரிய வினைகளைச் செய்தவளாகிய நான் பெற்ற இந்த மென்மையான, கொடிபோன்ற பெண்ணை அந்த மாயோன்
இப்படி மயங்கச்செய்து கூத்தாடுகிறானே, இனி என்ன நடக்கும்? எனக்குத் தெரியவில்லை.

******

பாடல் - 6

கூத்தர் குடம் எடுத்து ஆடில், கோவிந்தனாம் எனா ஓடும்,
வாய்த்த குழல் ஓசை கேட்கில், மாயவன் என்று
                                                                           மையாக்கும்,
ஆய்ச்சியர் வெண்ணெய்கள் காணில் அவன் உண்ட
                                                                           வெண்ணெய் ஈது என்னும்,
பேய்ச்சி முலை சுவைத்தாற்கு என் பெண் கொடி
                                                                            ஏறிய பித்தே!

ஊரில் யாரேனும் கூத்தர்கள் குடத்தை வைத்து ஆடினால், ‘கோவிந்தன் குடக்கூத்து ஆடுகிறான்’ என்று அங்கே ஓடுகிறாள் என் மகள், இனிய குழலோசையைக் கேட்டால்,
‘மாயவன் குழலூதுகிறான்’ என்று மயங்கிநிற்கிறாள், ஆய்ச்சியர்கள் கடைந்துவைத்த வெண்ணெயைக் கண்டால், ‘அவன் உண்ட வெண்ணெய் இது’ என்கிறாள், பேய்ச்சியான
பூதனையின் மார்பைச் சுவைத்து அவளை வீழ்த்திய எம்பெருமான் மீது, கொடி போன்ற என் மகளுக்கு இப்படிப் பித்தேறிவிட்டதே!
 

]]>
http://images.dinamani.com/uploads/user/imagelibrary/2017/7/14/w600X390/.jpg http://www.dinamani.com/specials/naalthorum-nammalvaar/2017/jul/18/நான்காம்-பத்து-நான்காம்-திருவாய்மொழி-பாடல்---5-6-2737342.html
2737338 ஸ்பெஷல்ஸ் நாள்தோறும் நம்மாழ்வார் நான்காம் பத்து நான்காம் திருவாய்மொழி - பாடல் 3,4   சொ. மணியன் DIN Monday, July 17, 2017 12:00 AM +0530 பாடல் - 3

அறியும் செந்தீயைத் தழுவி, அச்சுதன் என்னும், மெய் வேவாள்,
எறியும் தண் காற்றைத் தழுவி என்னுடைக் கோவிந்தன் என்னும்,
வெறிகொள் துழாய்மலர் நாறும், வினையுடையாட்டியேன் பெற்ற
செறிவளை முன்கைச் சிறுமான் செய்கின்றது என் கண்ணுக்கு ஒன்றே?

(தாய் சொல்கிறார்)

சுடும் எனத் தெரிந்தும்கூட, சிவந்த நெருப்பைத் தழுவுகிறாள் என் மகள், ‘அச்சுதனே’ என்கிறாள், அதனால் அவளுடைய உடலைச் சூடு ஒன்றும் செய்வதில்லை, வீசுகின்ற, குளிர்ந்த காற்றைத் தழுவுகிறாள், ‘என்னுடைய கோவிந்தன்’ என்கிறாள், துளசிமலர் நறுமணத்தோடு நிற்கிறாள், தீவினை செய்தவளாகிய நான் பெற்ற மகள், செறிந்த வளையல்களை அணிந்த முன்கையைக் கொண்ட சிறு மான்போன்ற பெண், இப்படி எம்பெருமானை எண்ணி என் கண்முன்னே அவள் செய்கிறவை ஒன்றா, இரண்டா! (பல!)

******

பாடல் - 4

ஒன்றிய திங்களைக்காட்டி ஒளிமணிவண்ணனே என்னும்,
நின்ற குன்றத்தினை நோக்கி, நெடுமாலே வா என்று கூவும்,
நன்று பெய்யும் மழைகாணில் நாரணன் வந்தான் என்று ஆலும்
என்று இன மையல்கள் செய்தார் என்னுடைக் கோமளத்தையே.

(தாய் சொல்கிறார்)

எல்லாக் கலைகளும் நிறைந்த சந்திரனைக் காட்டி, ‘ஒளி நிறைந்த மணிபோன்ற வண்ணமுள்ளவனே’ என்று கூவுவாள் என் மகள், நிற்கும் மலையை நோக்கி, ‘நெடுமாலே, வா’ என்று அழைப்பாள், நன்றாக மழைபெய்யும் மேகத்தைக் கண்டு, ‘நாரணன் வந்துவிட்டான்’ என்று ஆடி மகிழ்வாள், மென்மையான என் மகளை எம்பெருமான் இப்படியெல்லாம் மயங்கச்செய்துள்ளாரே.

]]>
http://images.dinamani.com/uploads/user/imagelibrary/2017/7/14/w600X390/.jpg http://www.dinamani.com/specials/naalthorum-nammalvaar/2017/jul/17/நான்காம்-பத்து-நான்காம்-திருவாய்மொழி---பாடல்-34-2737338.html
2737337 ஸ்பெஷல்ஸ் நாள்தோறும் நம்மாழ்வார் நான்காம் பத்து நான்காம் திருவாய்மொழி - பாடல் 1,2 சொ. மணியன் Sunday, July 16, 2017 12:00 AM +0530 பாடல் - 1

மண்ணை இருந்து துழாவி வாமனன் மண் இது என்னும்,
விண்ணைத் தொழுது அவன் மேவு வைகுந்தம் என்று கை காட்டும்,
கண்ணை உள்நீர் மல்க நின்று கடல்வண்ணன் என்னும், அன்னே, என்
பெண்ணைப் பெருமயல் செய்தாற்கு என் செய்கேன், பெய்வளையீரே.

(தாய் சொல்கிறார்)

வளையல்களை அணிந்த பெண்களே, என் மகள் மண்ணைத் துழாவி, 'வாமனனுடைய மண் இது' என்கிறாள், விண்ணைத் தொழுது, 'எம்பெருமான் எழுந்தருளியிருக்கும் பரமபதம் இது' என்று கை காட்டுகிறாள், கண்களில் நீர் பெருகும்படி நின்று, 'கடல்போன்ற வண்ணமுடையவன்' என்கிறாள். அடடா, என்னுடைய பெண்ணை இப்படிப் பெருமயக்கத்தில் ஆழ்த்தியவரை நான் என்ன செய்வேன்!

*******

பாடல் - 2

பெய்வளைக் கைகளைக் கூப்பி, பிரான் கிடக்கும் கடல் என்னும்,
செய்யது ஓர் ஞாயிற்றைக் காட்டி, சிரீதரன் மூர்த்தி ஈது என்னும்,
நையும் கண்நீர் மல்க நின்று நாரணன் என்னும், அன்னே, என்
தெய்வ உருவில் சிறுமான் செய்கின்றது ஒன்று அறியேனே.

(தாய் சொல்கிறார்)

அணியப்படுகின்ற வளையல்களைக்கொண்ட கைகளைக் கூப்பி, 'எம்பெருமான் கிடக்கும் கடல் இது' என்கிறாள், சிவந்த சூரியனைக்காட்டி, 'திருமகள் கணவனுடைய திருவுருவம் இது' என்கிறாள், நைந்த பாவத்துடன் கண்களில் நீர் மல்கும்படி நின்று, 'நாரணன்' என்று வணங்குகிறாள், அடடா, தெய்வத்தன்மை பொருந்திய உருவத்தைக்கொண்ட, சிறிய மான்போன்ற என் மகள் செய்வது ஒன்றும் எனக்குப் புரியவில்லையே.

]]>
http://images.dinamani.com/uploads/user/imagelibrary/2017/7/14/w600X390/.jpg http://www.dinamani.com/specials/naalthorum-nammalvaar/2017/jul/16/நான்காம்-பத்து-நான்காம்-திருவாய்மொழி---பாடல்-12-2737337.html
2733937 ஸ்பெஷல்ஸ் நாள்தோறும் நம்மாழ்வார் நான்காம் பத்து மூன்றாம் திருவாய்மொழி பாடல் - 11 சொ. மணியன் DIN Saturday, July 15, 2017 12:00 AM +0530
பாடல் - 11

உய்வு உபாயம் மற்று இன்மை தேறி கண்ணன்
                                                                                ஒண்கழல்கள்மேல்
செய்ய தாமரைப் பழனம் தென்னன் குருகூர்ச் சடகோபன்
பொய்இல் பாடல் ஆயிரத்துள் இவையும் பத்தும் வல்லார்கள்
வையம் மன்னி வீற்றிருந்து விண்ணும் ஆள்வர் மண்ணூடே.

உய்வதற்கு எம்பெருமானைத் தவிர வேறு எந்த வழியும் இல்லை, சிவந்த தாமரை மலர்கள் நிறைந்த வயல்களால் சூழப்பட்டுத் தென் திசையில் உள்ள குருகூர்ச் சடகோபன் இதனை உணர்ந்து, கண்ணனின் ஒளிநிறைந்த திருவடிகளைப் பற்றி ஆயிரம் பாடல்கள் பாடினார். அவற்றுள் இந்தப் பத்து பாடல்களையும் சொல்ல வல்லவர்கள் இவ்வுலகில் பலகாலம் நிலைத்திருந்து ஆள்வார்கள், அத்துடன் பரமபதத்தையும் ஆள்வார்கள்.
 

]]>
http://images.dinamani.com/uploads/user/imagelibrary/2017/7/8/w600X390/454.jpg http://www.dinamani.com/specials/naalthorum-nammalvaar/2017/jul/15/நான்காம்-பத்து-மூன்றாம்-திருவாய்மொழி-பாடல்---11-2733937.html
2733936 ஸ்பெஷல்ஸ் நாள்தோறும் நம்மாழ்வார் நான்காம் பத்து மூன்றாம் திருவாய்மொழி பாடல் - 9, 10 சொ. மணியன் DIN Friday, July 14, 2017 12:00 AM +0530
பாடல் - 9

உரைக்கவல்லன் அல்லேன், உன் உலப்புஇல் கீர்த்தி
                                                                                        வெள்ளத்தின்
கரைக்கண் என்று செல்வன் நான்? காதல் மையல்
                                                                                         ஏறினேன்,
புரைப்பு இலாத பரம்பரனே, பொய்இலாத பரம்சுடரே,
இரைத்து நல்ல மேன்மக்கள் ஏத்த, யானும் ஏத்தினேன்.

எம்பெருமானே, குற்றமில்லாத உயர்ந்த தெய்வமே, பொய்யில்லாத உயர்ந்த சுடரே, உன்மேல் நான் காதல் கொண்டேன், அந்த மயக்கத்தில் திளைக்கிறேன், எல்லையில்லாத உன்னுடைய புகழ்வெள்ளத்தில் இழுத்துச் செல்லப்படுகிற நான் எப்போது கரையேறுவேன்? பெருமானே, உன் புகழைச்சொல்லும் வல்லமை எனக்கு இல்லை. நல்ல, உயர்ந்த மக்கள் சத்தமிட்டு உன் பெருமைகளைப் போற்றினார்கள், நானும் அவர்களோடு சேர்ந்து போற்றுகிறேன்.

******

பாடல் - 10

யானும் ஏத்தி, ஏழ் உலகும் முற்றும் ஏத்தி, பின்னையும்
தானும் ஏத்திலும், தன்னை ஏத்த ஏத்த எங்கு எய்தும்?
தேனும் பாலும் கன்னலும் அமுதும் ஆகித் தித்திப்ப
யானும் எம்பிரானையே ஏத்தினேன், யான் உய்வானே.

எம்பெருமானின் பெருமைகள் போற்றப்போற்றத் தீராது, நான் போற்றினாலும், ஏழு உலகங்களில் உள்ள அனைவரும் போற்றினாலும், பின்னர் அவனே தன்னைப் போற்றினாலும், அந்தப் போற்றுதல் என்றென்றும் தொடரும், எப்போது முடியும்? (முடியாது.) அப்படியானால் அவனை நான் ஏன் போற்றுகிறேன்? நான் உய்ய வேண்டும். அதற்காக, தேனாகவும் பாலாகவும் கரும்பாகவும் அமுதமாகவும் தித்திக்கின்ற நம் தலைவனை நான் போற்றுகிறேன்.

]]>
http://images.dinamani.com/uploads/user/imagelibrary/2017/7/8/w600X390/454.jpg http://www.dinamani.com/specials/naalthorum-nammalvaar/2017/jul/14/நான்காம்-பத்து-மூன்றாம்-திருவாய்மொழி-பாடல்---9-10-2733936.html
2733931 ஸ்பெஷல்ஸ் நாள்தோறும் நம்மாழ்வார் நான்காம் பத்து மூன்றாம் திருவாய்மொழி பாடல் - 3,4 சொ. மணியன் Tuesday, July 11, 2017 12:00 AM +0530 பாடல் - 3

ஏகமூர்த்தி, இருமூர்த்தி, மூன்றுமூர்த்தி, பலமூர்த்தி
ஆகி, ஐந்து பூதமாய், இரண்டு சுடராய், அரு ஆகி,
நாகம் ஏறி நடுக்கடலுள் துயின்ற நாராயணனே, உன்
ஆகம்முற்றும் அகத்து அடக்கி ஆவி அல்லல் மாய்த்ததே.

திருப்பாற்கடலிலே ஆதிசேஷனாகிய பாம்பின் மீது ஏறி யோகத்துயில் கொள்கின்ற நாராயணனே, ஒருமூர்த்தியாக, இருமூர்த்தியாக, மும்மூர்த்தியாக, பலமூர்த்தியாகத் திகழ்கிறவனே, ஐந்து பூதங்களாக, சூரியன், சந்திரன் எனும் இரு சுடர்களாக, இவை அனைத்தினுள்ளும் அருவாகத் திகழ்கிறவனே, உன்னுடைய திருமேனியையும், அதை வழிபடுவதற்கு உரிய புனிதப் பொருள்கள் அனைத்தையும் நீ எனக்குள்ளேயே வைத்திருக்கிறாய், அவ்வாறு நீ உளம்கனிந்து எனக்கு அருள்புரிந்ததால், என்னுடைய துயரங்கள் தீர்ந்தன.

******

பாடல் - 4

மாய்த்தல் எண்ணி வாய்முலை தந்த
                                                  மாயப்பேய் உயிர்
மாய்த்த ஆய மாயனே, வாமனனே,

                                                  மாதவா,
பூத்தண் மாலைகொண்டு உன்னைப் போதால்
                                                 வணங்கேனேலும், நின்
பூத்தண் மாலை நெடுமுடிக்குப் புனையும்
                                                 கண்ணி எனது உயிரே.


பூதனை என்கிற அரக்கி உன்னை அழிக்க எண்ணி மார்பகத்தில் நஞ்சைத் தடவிக்கொண்டு வந்தாள், அந்த மார்பகத்தை உன்னுடைய திருவாயில் தந்தாள், அவளுடைய உயிரை மாய்த்தவனே, மாயனே, வாமனனே, மாதவனே, அந்த நேரங்களிலெல்லாம், குளிர்ந்த மலர்களால் தொடுக்கப்பட்ட மாலையைக் கொண்டு நான் உன்னை வணங்கவில்லை, எனினும், குளிர்ந்த மலர் மாலைகளால் அலங்கரிக்கப்பட்ட உன்னுடைய நீண்ட திருமுடியிலே அணிகிற மாலையாக என்னுடைய உயிரைத் தருகிறேன்.

]]>
http://images.dinamani.com/uploads/user/imagelibrary/2017/7/8/w600X390/454.jpg http://www.dinamani.com/specials/naalthorum-nammalvaar/2017/jul/11/நான்காம்-பத்து-மூன்றாம்-திருவாய்மொழி-பாடல்---3-2733931.html