Dinamani - நாள்தோறும் நம்மாழ்வார் - http://www.dinamani.com/specials/naalthorum-nammalvaar/ http://www.dinamani.com/ RSS Feed from Dinamani en-us Copyright 2016 Dinamani. All rights reserved. 3003518 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 3 சொ. மணியன் DIN Tuesday, September 25, 2018 12:00 AM +0530 பாடல் 3

என்னை முற்றும் உயிர் உண்டு, என் மாய ஆக்கை இதனுள் புக்கு,
என்னை முற்றும் தானேயாய் நின்ற மாய அம்மான் சேர்
தென்னன் திருமாலிருஞ்சோலைத் திசை கை கூப்பிச் சேர்ந்த யான்
இன்னும் போவேனேகொலோ? என்கொல் அம்மான் திருவருளே?

எம்பெருமான் என்னுடைய உயிரை முழுவதுமாக உண்டான், மாயமாகிய இந்த உடலினுள் புகுந்தான், நான் என்பது முற்றிலும் தானே எனும்படி நின்றான், அத்தகைய அந்த மாய அம்மான் சேர்ந்திருக்கும் திருத்தலம், தென் திசையிலுள்ள சிறந்த திருமாலிருஞ்சோலை, அந்தத் திருமாலிருஞ்சோலை இருக்கும் திசையை நோக்கிக் கை கூப்புகிற நான், இதற்குமேலும் வேறு இடத்தைத் தேடிச் செல்வேனோ? எம்பெருமான் திருவருள் என்னவோ! நான் அறியேன்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/25/பத்தாம்-பத்து-ஏழாம்-திருவாய்மொழி---பாடல்-3-3003518.html
3003517 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 2 சொ. மணியன் DIN Monday, September 24, 2018 12:00 AM +0530 பாடல் 2

தானே ஆகி நிறைந்து எல்லா உலகும் உயிரும் தானேயாய்த்
தானே யான் என்பான் ஆகித் தன்னைத் தானே துதித்து எனக்குத்
தேனே, பாலே, கன்னலே, அமுதே, திருமாலிருஞ்சோலை
கோனே ஆகி நின்றொழிந்தான் என்னை முற்றும் உயிர் உண்டே.

எம்பெருமான், எல்லா உலகங்களும் உயிர்களும் தானே என்னும்படி நிறைந்தான், ‘யான்’ (நான்) என்பதும் அவனே ஆகிவிட்டான், (நான் அவனைப் போற்றிப் பாடும்போது) தன்னைத்தானே அவன் துதித்துக்கொண்டான், எனக்குத் தேனாக, பாலாக, கரும்பாக, அமுதாகத் திகழ்ந்தான், திருமாலிருஞ்சோலையின் தலைவனாக நின்றான், என் உயிரை முற்றிலுமாக உண்டான்.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/24/பத்தாம்-பத்து-ஏழாம்-திருவாய்மொழி---பாடல்-2-3003517.html
3003515 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 1 சொ. மணியன் Sunday, September 23, 2018 12:00 AM +0530 பாடல் 1

செஞ்சொற் கவிகாள், உயிர்காத்து ஆட்செய்மின், திருமாலிருஞ்சோலை
வஞ்சக் கள்வன், மாமாயன் மாயக்கவியாய் வந்து என்
நெஞ்சும் உயிரும் உள்கலந்து, நின்றார் அறியாவண்ணம் என்
நெஞ்சும் உயிரும் அவை உண்டு தானே ஆகி நிறைந்தானே.

சிறந்த சொற்களைக்கொண்டு கவிதைகளை எழுதும் கவிகளே, உங்களுடைய உயிரைக் காத்துக்கொண்டு எம்பெருமானுக்கு ஆட்செய்யுங்கள், திருமாலிருஞ்சோலையில் எழுந்தருளியிருக்கும் வஞ்சக் கள்வர், சிறந்த மாயங்களைப் புரிபவர், மாயக்கவியாக வந்து என் நெஞ்சிலும் உயிரிலும் உள்ளே கலந்தார். தன்னருகே நிற்பவர்கள்கூட அறியாதவண்ணம் என் நெஞ்சையும் உயிரையும் உண்டு, அவை அனைத்தும் தானாகவே ஆகி நிறைந்தார்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/23/பத்தாம்-பத்து-ஏழாம்-திருவாய்மொழி---பாடல்-1-3003515.html
2994736 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 11 சொ. மணியன் DIN Saturday, September 22, 2018 12:00 AM +0530
பாடல் 11

காட்டித் தன் கனைகழல்கள், கடுநரகம் புகல் ஒழித்த
வாட்டாற்று எம்பெருமானை வளம் குருகூர்ச் சடகோபன்
பாட்டு ஆய தமிழ்மாலை ஆயிரத்துள் இப் பத்தும்
கேட்டு ஆரார் வானவர்கள், செவிக்கு இனிய செஞ்சொல்லே.

சத்தமிடும் வீரக்கழல்களை அணிந்த தன்னுடைய திருவடிகளைப் பக்தர்களுக்குக் காட்டினான் எம்பெருமான், அவர்கள் கடுமையான நரகத்தில் புகாதபடி செய்தான், அத்தகைய எம்பெருமானை, வாட்டாற்றிலே எழுந்தருளியிருக்கும் திருமாலை, வளம் நிறைந்த குருகூர்ச் சடகோபன் தமிழ்மாலையாகிய ஆயிரம் பாடல்களிலே பாடினார், அவற்றுள் இந்தப் பத்து பாடல்களையும் வானவர்கள் விடாமல் கேட்டு மகிழ்வார்கள். இவை செவிக்கு இனிய சிறந்த சொற்களாகும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/22/பத்தாம்-பத்து-ஆறாம்-திருவாய்மொழி---பாடல்-11-2994736.html
2994735 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 10 சொ. மணியன் DIN Friday, September 21, 2018 12:00 AM +0530
பாடல் 10


பிரியாது ஆள் செய் என்று பிறப்பு அறுத்து ஆள் அறக் கொண்டான்,
அரி ஆகி இரணியனை ஆகம் கீண்டான் அன்று,
பெரியார்க்கு ஆள்பட்டக்கால் பெறாத பயன் பெறும் ஆறு
வரி வாள் வாய் அரவு அணைமேல் வாட்டாற்றான் காட்டினனே.

அன்றைக்கு நரசிம்மனாக வந்து இரணியனின் உடலைக் கிழித்த பெருமான், என்னுடைய பிறவித்துயரத்தை அறுத்து, பற்றுகளை விலக்கி என்னைத் தன் அடிமையாக்கிக்கொண்டான், அவனைப் பிரியாமல் தொண்டுசெய்யும் பாக்கியத்தை எனக்குக் கொடுத்தான். பெரியவர்களுக்கு ஆட்பட்டுத் தொண்டுசெய்கிறவர்கள், யாரும் பெறாத பயன்களைப் பெறுவார்கள்.  வரிகளையுடைய ஒளிபொருந்திய வாயைக்கொண்ட பாம்பாகிய ஆதிசேஷனைப் படுக்கையாகக் கொண்ட எம்பெருமான், திருவாட்டாற்றுப் பெருமான் இந்த வழியை எனக்குக் காட்டினான்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/21/பத்தாம்-பத்து-ஆறாம்-திருவாய்மொழி---பாடல்-10-2994735.html
2994734 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 9 சொ. மணியன் DIN Thursday, September 20, 2018 12:00 AM +0530
பாடல் 9

திகழ்கின்ற திரு மார்வில் திருமங்கை தன்னோடும்
திகழ்கின்ற திருமாலார் சேர்வு இடம் தண் வாட்டாறு
புகழ்கின்ற புள் ஊர்தி, போர் அரக்கர் குலம் கெடுத்தான்
இகழ்வு இன்றி என் நெஞ்சத்து எப்பொழுதும் பிரியானே.

திகழ்கின்ற திருமார்பிலே திருமகளோடு திகழ்கின்ற திருமால் சேரும் இடம், குளிர்ந்த திருவாட்டாறு. எல்லாரும் புகழ்கின்ற பறவையாகிய கருடனில் ஊர்கிறவன், போர் செய்யும் அரக்கர்களின் குலங்களைக் கெடுத்தவன், எம்பெருமான், சிறியவனாகிய என்னை இகழாமல் என் நெஞ்சத்தில் குடிகொண்டிருக்கிறான், எப்பொழுதும் பிரிவதில்லை.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/20/பத்தாம்-பத்து-ஆறாம்-திருவாய்மொழி---பாடல்-9-2994734.html
2994733 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 8 சொ. மணியன் DIN Wednesday, September 19, 2018 12:00 AM +0530
பாடல் 8

மெய்ந்நின்ற கமழ் துளவ விரை ஏறு திருமுடியன்,
கைந்நின்ற சக்கரத்தன் கருதும் இடம் பொருது, புனல்
மைந்நின்ற வரைபோலும் திரு உருவ வாட்டாற்றாற்கு
எந்நன்றி செய்தேனோ என் நெஞ்சில் திகழ்வதுவே!

எம்பெருமானின் திருமேனியிலே திருத்துளவம் கமழ்கிறது, அதன் நறுமணம் அவருடைய திருமுடியிலே ஏறுகிறது, அவருடைய கையிலிருக்கும் சக்ராயுதமானது, அவர் நினைத்த இடத்துக்குச் சென்று தீயோரை அழித்துவிட்டு அவருடைய கைக்கே மீள்கிறது, அத்தகைய பெருமான், நீர்போலவும், மை போலவும், நின்ற மலைபோலவும் திருவுருவம் கொண்டவர், திருவாட்டாற்றிலே எழுந்தருளியிருப்பவர், அவர் என்னுடைய நெஞ்சில் திகழ்வது ஏன்? நான் அவருக்கு என்ன நன்மை செய்துவிட்டேன்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/19/பத்தாம்-பத்து-ஆறாம்-திருவாய்மொழி---பாடல்-8-2994733.html
2994732 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 7 சொ. மணியன் DIN Tuesday, September 18, 2018 12:00 AM +0530
பாடல் 7

குரைகழல்கள் குறுகினம், நம் கோவிந்தன் குடிகொண்டான்,
திரைகுழுவு கடல் புடைசூழ் தென் நாட்டுத் திலதம் அன்ன
வரை குழுவும் மணிமாட வாட்டாற்றான் மலர் அடிமேல்
விரை குழுவும் நறும் துளவம் மெய்ந்நின்று கமழுமே.

சத்தமிடும் கழல்களை அணிந்த எம்பெருமானின் திருப்பாதங்களை நாம் அடைந்தோம், அந்தக் கோவிந்தன் நம்மைத் தன் இருப்பிடமாகக் கொண்டு அருளினான். அலைகள் நிறைந்த கடலாலே பக்கங்களில் சூழப்பட்ட தென்னாட்டுக்கே திலகத்தைப்போல் திகழுகின்ற திருத்தலம், மலைகள் ஒன்றுகூடியதுபோல் உயர்ந்த, அழகிய மாடங்கள் நிறைந்த திருவாட்டாற்றிலே எழுந்தருளியிருக்கிறார் எம்பெருமான், அவருடைய மலர்த்திருவடிகளிலே, அவரது திருமேனியிலே நறுமணம் நிறைந்த திருத்துளவம் கமழுகிறது.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/18/பத்தாம்-பத்து-ஆறாம்-திருவாய்மொழி---பாடல்-7-2994732.html
2994730 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 6 சொ. மணியன் DIN Monday, September 17, 2018 12:00 AM +0530
பாடல் 6

தலைமேல தாள் இணைகள், தாமரைக் கண் என் அம்மான்,
நிலை பேரான் என் நெஞ்சத்து எப்பொழுதும், எம்பெருமான்,
மலைமாடத்து அரவு அணைமேல் வாட்டாற்றான், மதம் மிக்க
கொலை யானை மருப்பு ஒசித்தான் குரைகழல்கள் குறுகினமே.

தாமரைபோன்ற கண்களையுடைய என் அம்மான், என் நெஞ்சத்திலிருந்து எப்போதும் நிலைபெயராமல் நிலைத்திருப்பவர், எம்பெருமான், மலைபோன்ற மாடங்களையுடைய திருவாட்டாற்றிலே பாம்புப் படுக்கையிலே திருப்பள்ளிகொண்டிருப்பவர், மதம் மிகுந்த, கொல்லக்கூடிய யானையாகிய குவலயாபீடத்தின் கொம்புகளை முறித்தவர், சத்தமிடும் வீரக்கழல்கள் அணிந்த அவருடைய திருப்பாதங்களை நாம் அடைந்தோம், அவருடைய திருவடிகளைத் தலைமேல் சூடிக்கொண்டோம்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/17/பத்தாம்-பத்து-ஆறாம்-திருவாய்மொழி---பாடல்-6-2994730.html
2994728 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 5 சொ. மணியன் DIN Sunday, September 16, 2018 12:00 AM +0530
பாடல் 5

வான் ஏற வழி தந்த வாட்டாற்றான் பணி வகையே
நான் ஏறப் பெறுகின்றேன், நரகத்தை நகு நெஞ்சே,
தேன் ஏறு மலர்த் துளவம் திகழ்பாதன், செழும் பறவை
தான் ஏறித் திரிவான தாள் இணை என் தலைமேலே.

பரமபதத்தை அடைவதற்கு வழி தந்த எம்பெருமான், திருவாட்டாற்றிலே எழுந்தருளியிருக்கும் இறைவன் சொன்னபடி நான் பரமபதத்தை அடைகிறேன், தேன் நிறைந்த மலர்களைக்கொண்ட திருத்துளவம் திகழ்கிற திருவடிகளை உடையவன், செழுமையான பறவையாகிய கருடனின்மீது ஏறி ஊர்ந்துசெல்பவனுடைய திருவடிகளை என் தலைமீது சூடிக்கொண்டேன். நெஞ்சமே, இனி நரகத்தை எண்ணி உனக்கென்ன அச்சம்? அதைப் பார்த்துச் சிரிப்பாய்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/16/பத்தாம்-பத்து-ஆறாம்-திருவாய்மொழி---பாடல்-5-2994728.html
2994727 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 4 சொ. மணியன் DIN Saturday, September 15, 2018 12:00 AM +0530
பாடல் 4

என் நெஞ்சத்து உள் இருந்து இங்கு இரும் தமிழ் நூல் இவை மொழிந்து
வல் நெஞ்சத்து இரணியனை மார்வு இடந்த வாட்டாற்றான்,
மன் அஞ்சப் பாரதத்துப் பாண்டவர்க்காப் படை தொட்டான்,
நல் நெஞ்சே, நம் பெருமான் நமக்கு அருள்தான் செய்வானே.

நல்ல நெஞ்சமே, எம்பெருமான் என்னுடைய நெஞ்சத்துக்குள் தங்கியிருக்கிறான், சிறந்த தமிழ்ப்பாடல்களைப் பாடுகிறான், (என்னைப் பாடவைப்பது அவனே. கொடிய நெஞ்சம் கொண்ட இரணியனின் மார்பைப் பிளந்த வாட்டாற்றான், இந்த உலகமே அஞ்சும்படி பாரததத்துப் பாண்டவர்களுக்காக ஆயுதம் எடுத்தவன், அத்தகைய நம்பெருமான் நமக்கு அருளே புரிவான்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/15/பத்தாம்-பத்து-ஆறாம்-திருவாய்மொழி---பாடல்-4-2994727.html
2994726 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 3 சொ. மணியன் DIN Friday, September 14, 2018 12:00 AM +0530
பாடல் 3

நண்ணினம் நாராயணனை, நாமங்கள் பல சொல்லி,
மண் உலகில் வளம் மிக்க வாட்டாற்றான் வந்து இன்று
விண் உலகம் தருவானாய் விரைகின்றான், விதிவகையே,
எண்ணினவாறு ஆகா இக் கருமங்கள் என் நெஞ்சே!

என் நெஞ்சே, எம்பெருமான் நாராயணனின் பல திருப்பெயர்களைச் சொல்லி நாம் வணங்கினோம், அப்பெருமானை நெருங்கினோம், இன்றைக்கு, எம்பெருமான் மண்ணுலகிலே வளங்கள் நிறைந்த திருவாட்டாற்றுக்கு விரைந்து வருகிறான், நமக்குப் பரமபதத்தைத் தருவதற்காகவே அவன் இவ்வாறு வந்திருக்கிறான், இதுவும் நம்முடைய விதிப்படியே நடப்பதாகும், நெஞ்சே, இவ்வாறெல்லாம் நடக்கும் என்று நாம் எண்ணியிருப்போமா? (நாம் எண்ணியதைவிடச் சிறப்பாக இவை நடந்துவிட்டனவே.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/14/பத்தாம்-பத்து-ஆறாம்-திருவாய்மொழி---பாடல்-3-2994726.html
2994725 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 2 சொ. மணியன் DIN Thursday, September 13, 2018 12:00 AM +0530  

பாடல் 2

வாட்டாற்றான் அடி வணங்கி, மா ஞாலம் பிறப்பு அறுப்பான்
கேட்டாயே மடநெஞ்சே, கேசவன், எம்பெருமானைப்
பாட்டு ஆய பல பாடிப் பழவினைகள் பற்று அறுத்து,
நாட்டாரோடு இயல்வு ஒழித்து, நாரணனை நண்ணினமே.

அறியாமை நிறைந்த நெஞ்சமே, இதைக் கேள், திருவாட்டாற்றிலே எழுந்தருளியிருக்கும் எம்பெருமானின் திருவடிகளை வணங்கினோம், இந்தப் பெரிய உலகத்திலே மீண்டும் பிறவியெடுக்காதபடி நம் பிறவி நோயை அறுக்குமாறு கேட்டோம், கேசவன், எம்பெருமானைப் பல பாசுரங்களால் பாடினோம், பழைய வினைகளாகிய பற்றுகளை அறுத்தோம், இந்த உலகத்தாரோடு பழகுவதைத் தவிர்த்தோம், (அவ்வாறு வழிபட்டதன்மூலம்) அந்த நாராயணனையே நாம் நெருங்கினோம்.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/13/பத்தாம்-பத்து-ஆறாம்-திருவாய்மொழி---பாடல்-2-2994725.html
2994724 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 1 சொ. மணியன் Wednesday, September 12, 2018 12:00 AM +0530 பாடல் 1

அருள் பெறு அடியார்தம் அடியனேற்கு ஆழியான்
அருள்தருவான் அமைகின்றான், அது நமது விதிவகையே,
இருள் தரு மா ஞாலத்துள் இனிப் பிறவி யான் வேண்டேன்,
மருள் ஒழி நீ, மடநெஞ்சே, வாட்டாற்றான் அடி வணங்கே.

எம்பெருமானின் அருளைப் பெறுகின்ற அடியவர்களுக்கு நான் அடியவன். ஆகவே, சக்ராயுதத்தை ஏந்திய எம்பெருமான் எனக்கும் அருள்செய்கின்றான், அது நம்முடைய விதிவகையாகும், இருளை (அறியாமையை)த் தருகிற இந்தப் பெரிய உலகத்திலே இன்னொருமுறை பிறவியெடுக்க நான் விரும்பவில்லை, அறியாமை நிறைந்த நெஞ்சமே, நீ பலவற்றை யோசித்து மயங்காதே, திருவாட்டாற்றில் எழுந்தருளியிருக்கும் எம்பெருமானின் திருவடிகளை வணங்கு.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/12/பத்தாம்-பத்து-ஆறாம்-திருவாய்மொழி---பாடல்-1-2994724.html
2988702 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 11 சொ. மணியன் DIN Tuesday, September 11, 2018 12:00 AM +0530 பாடல் 11

நெடியான் அருள் சூடும்
படியான் சடகோபன்
நொடி ஆயிரத்து இப்பத்து
அடியார்க்கு அருள் பேறே.

நெடியவனாகிய எம்பெருமானின் அருளைச் சூடிய சடகோபன், அப்பெருமான்மீது ஆயிரம் திருப்பாடல்களை வழங்கினார். அவற்றில் இந்தப் பத்து பாடல்களும் அடியவர்களுக்கு அருள்புரிகிற பேறுகள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/11/பத்தாம்-பத்து-ஐந்தாம்-திருவாய்மொழி---பாடல்-11-2988702.html
2988700 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 10 சொ. மணியன் DIN Monday, September 10, 2018 12:00 AM +0530
பாடல் 10

வினை, வல் இருள் என்னும்
முனைகள் வெருவிப் போம்
சுனை நல் மலர் இட்டு
நினைமின் நெடியானே.

நீர்ச்சுனைகளில் மலர்ந்த நல்ல பூக்களை எம்பெருமானுக்கு இடுங்கள், அந்த நெடியவனை நினையுங்கள், உங்களுடைய வினைகளும், வலிமையான இருளும் (அறியாமையும்) பயந்து ஓடிப்போய்விடும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/10/பத்தாம்-பத்து-ஐந்தாம்-திருவாய்மொழி---பாடல்-10-2988700.html
2988699 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 9 சொ. மணியன் DIN Sunday, September 9, 2018 12:00 AM +0530 பாடல் 9

அமரர்க்கு அரியானை,
தமர்கட்கு எளியானை
அமரத் தொழுவார்கட்கு
அமரா வினைகளே.

தேவர்களாலும் காண இயலாதவன், அதேசமயம் தன் அடியவர்களுக்கு எளியவன் எம்பெருமான், அத்தகைய பெருமானைப் பொருந்தி வணங்குபவர்களை வினைகள் சேராது.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/09/பத்தாம்-பத்து-ஐந்தாம்-திருவாய்மொழி---பாடல்-9-2988699.html
2988698 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 8 சொ. மணியன் DIN Saturday, September 8, 2018 12:00 AM +0530 பாடல் 8

சாரா ஏதங்கள்
நீர்ஆர் முகில் வண்ணன்
பேர் ஆர் ஓதுவார்
ஆர் ஆர் அமரரே.

நீர் நிறைந்த மேகத்தைப்போன்ற வண்ணம் கொண்ட எம்பெருமானின் பெயரை யாரெல்லாம் ஓதுகிறார்களோ, அவர்களைப் பாவங்கள் சேராது, அவர்கள் அமரர்களுக்குச் சமமாவார்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/08/பத்தாம்-பத்து-ஐந்தாம்-திருவாய்மொழி---பாடல்-8-2988698.html
2988697 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 7 சொ. மணியன் DIN Friday, September 7, 2018 12:00 AM +0530
பாடல் 7

மாதவன் என்று என்று
ஓத வல்லீரேல்
தீது ஒன்றும் அடையா,
ஏதம் சாராவே.

‘மாதவன்’ என்று எம்பெருமான் பெயரை ஓதினால், தீமைகள் நெருங்காது, பாவங்கள் சேராது.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/07/பத்தாம்-பத்து-ஐந்தாம்-திருவாய்மொழி---பாடல்-7-2988697.html
2988696 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 6 சொ. மணியன் DIN Thursday, September 6, 2018 12:00 AM +0530
பாடல் 6

மேயான் வேங்கடம்
காயா மலர்வண்ணன்,
பேயார் முலை உண்ட
வாயான் மாதவனே.

காயாம்பூ வண்ணன், பேயாகிய பூதனையின் முலையை உண்டு அவளை அழித்த வாயைக் கொண்ட மாதவன், திருவேங்கடமலையில் எழுந்தருளியிருக்கிறான்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/06/பத்தாம்-பத்து-ஐந்தாம்-திருவாய்மொழி---பாடல்-6-2988696.html
2988695 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 5 சொ. மணியன் DIN Wednesday, September 5, 2018 12:00 AM +0530
பாடல் 5

நாடீர் நாள்தோறும்
வாடா மலர் கொண்டு
பாடீர் அவன் நாமம்,
வீடே பெறலாமே.

வாடாத மலர்களைத் தூவி தினமும் எம்பெருமானின் பெயரைப் பாடுங்கள். வீடு பேறு கிடைக்கும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/05/பத்தாம்-பத்து-ஐந்தாம்-திருவாய்மொழி---பாடல்-5-2988695.html
2988694 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 4 சொ. மணியன் DIN Tuesday, September 4, 2018 12:00 AM +0530

பாடல் 4

ஆள்வான் ஆழி நீர்
கோள்வாய் அரவு அணையான்
தாள்வாய் மலர் இட்டு
நாள்வாய் நாடீரே


பாற்கடலில் பள்ளிகொண்டு இவ்வுலகை ஆள்பவன், பகைவர்களுக்கு எமனாகத் திகழ்பவன், ஆதிசேஷனாகிய பாம்பைப் படுக்கையாகக் கொண்டவன், எம்பெருமான். அத்தகைய பெருமானின் திருவடிகளில் மலர்களை இட்டு தினமும் வணங்குங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/04/பத்தாம்-பத்து-ஐந்தாம்-திருவாய்மொழி---பாடல்-4-2988694.html
2988693 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 3 சொ. மணியன் DIN Monday, September 3, 2018 12:00 AM +0530 பாடல் 3

தானே உலகு எல்லாம்
தானே படைத்து, இடந்து,
தானே உண்டு, உமிழ்ந்து,
தானே ஆள்வானே.

எம்பெருமான் இவ்வுலகங்கள் அனைத்தையும் தானே படைக்கிறான், தானே இடந்து எடுக்கிறான், தானே உண்கிறான், தானே உமிழ்கிறான், தானே ஆள்கிறான்.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/03/பத்தாம்-பத்து-ஐந்தாம்-திருவாய்மொழி---பாடல்-3-2988693.html
2988691 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 2 சொ. மணியன் DIN Sunday, September 2, 2018 12:00 AM +0530  

பாடல் 2

நாரணன், எம்மான்,
பார் அணங்கு ஆளன்,
வாரணம் தொலைத்த
காரணன்தானே.

நாரணன், எங்கள் தலைவன், பூமிப்பிராட்டியின் கணவன், குவலயாபீடம் என்ற யானையை வீழ்த்தியவன், அனைத்துக்கும் காரணமான திருமால்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/02/பத்தாம்-பத்து-ஐந்தாம்-திருவாய்மொழி---பாடல்-2-2988691.html
2988690 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 1 சொ. மணியன் Saturday, September 1, 2018 12:00 AM +0530  

பாடல் 1

கண்ணன் கழல் இணை
நண்ணும் மனம் உடையீர்
எண்ணும் திருநாமம்,
திண்ணம் நாரணமே.

கண்ணனின் கழலணிந்த திருவடிகளைப் பெறவேண்டும் என்ற மனம் உள்ளவர்களே, நீங்கள் எண்ணவேண்டிய திருநாமம், ‘நாரணன்’ என்ற திருநாமம்தான், இது உறுதி.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/sep/01/பத்தாம்-பத்து-ஐந்தாம்-திருவாய்மொழி---பாடல்-1-2988690.html
2988671 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 11 சொ. மணியன் DIN Friday, August 31, 2018 12:00 AM +0530  

பாடல் 11

பற்று என்று பற்றிப் பரம பரம்பரனை,
மல் திண் தோள் மாலை, வழுதி வளநாடன்
சொல் தொடை அந்தாதி ஓர் ஆயிரத்துள் இப் பத்தும்
கற்றார்க்கு ஓர் பற்று ஆகும் கண்ணன் கழல் இணையே.

உயர்ந்தவற்றுள் மிக உயர்ந்த பரம்பொருளாகிய எம்பெருமானை, மிடுக்கான, திண்மையான திருத்தோள்களையுடைய திருமாலைப் பற்றாகப் பற்றினார் வழுதி வளநாடன், எம்பெருமானைப் போற்றி ஓர் ஆயிரம் அந்தாதிப் பாடல்களைச் சொல் மாலையாகத் தொடுத்தார். அவற்றுள் இந்தப் பத்து பாடல்களையும் கற்றவர்களுக்கு அந்தக் கண்ணனின் கழலணிந்த திருவடிகளே பற்றுக்கோடாகும்.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/31/பத்தாம்-பத்து-நான்காம்-திருவாய்மொழி---பாடல்-11-2988671.html
2988670 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 10 சொ. மணியன் DIN Thursday, August 30, 2018 12:00 AM +0530  

பாடல் 10

வகையால் மனம் ஒன்றி மாதவனை நாளும்
புகையால், விளக்கால், புது மலரால், நீரால்,
திகைதோறு அமரர்கள் சென்று இறைஞ்ச நின்ற
தகையான் சரணம் தமர்கட்கு ஓர் பற்றே.

தினந்தோறும் எல்லாத் திசைகளிலிருந்தும் அமரர்கள் வருகிறார்கள், நறுமணப்புகை, திருவிளக்கு, புது மலர்கள், புனிதமான நீர் போன்ற பொருட்களைக் கொண்டுவந்து வணங்கி, இறைஞ்சி நிற்கிறார்கள், முறைப்படி மனம் ஒன்றி மாதவனைத் தினமும் வழிபடுகிறார்கள், அத்தகைய எம்பெருமானின் திருவடிகள், அவருடைய அடியவர்களுக்கு ஒரு பற்றுக்கோடாகும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/30/பத்தாம்-பத்து-நான்காம்-திருவாய்மொழி---பாடல்-10-2988670.html
2988669 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 9 சொ. மணியன் DIN Wednesday, August 29, 2018 12:00 AM +0530  

பாடல் 9

கண்டேன் கமல மலர்ப் பாதம், காண்டதுமே
விண்டே ஒழிந்த வினை ஆயின எல்லாம்,
தொண்டே செய்து என்றும் தொழுது வழி ஒழுக,
பண்டே பரமன் பணித்த பணிவகையே.

எம்பெருமானின் தாமரைத் திருவடிகளைக் கண்டேன், அவ்வாறு கண்டதும் என்னுடைய வினைகள் அனைத்தும் விண்டுபோயின, முன்பு அந்தப் பரமன் எனக்கு வகுத்த முறைப்படி அவருக்கு என்றும் தொண்டுசெய்தேன், அவரைத் தொழுது அவருடைய வழியில் நடந்தேன், (அதனால் அவருடைய திருவடிகளைக் கண்டேன்.)
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/29/பத்தாம்-பத்து-நான்காம்-திருவாய்மொழி---பாடல்-9-2988669.html
2988668 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 8 சொ. மணியன் DIN Tuesday, August 28, 2018 12:00 AM +0530
பாடல் 8

ஆழியான், ஆழி அமரர்க்கும் அப்பாலான்,
ஊழியான், ஊழி படைத்தான், நிரை மேய்த்தான்,
பாழிஅம் தோளால் வரை எடுத்தான் பாதங்கள்,
வாழி என் நெஞ்சே, மறவாது வாழ்கண்டாய்.

என் நெஞ்சே, நீ வாழ்க, சக்ராயுதத்தைக் கையில் ஏந்திய பெருமான், பெருமிதத்தையுடைய அமரர்களைத் தாண்டி உயர்வானவன், ஊழிக்காலத்திலும் உள்ளவன், அந்த ஊழிக்காலத்தில் அழிக்கப்பட்ட பொருட்களையெல்லாம் படைத்தவன், பசுக்கூட்டங்களை மேய்த்தவன், வலிமை மிகுந்த, அழகிய தோளாலே கோவர்த்தன மலையை எடுத்தவன், அத்தகைய பெருமானின் பாதங்களை மறக்காமல் வாழ்வாயாக.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/28/பத்தாம்-பத்து-நான்காம்-திருவாய்மொழி---பாடல்-8-2988668.html
2988667 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 7 சொ. மணியன் Monday, August 27, 2018 11:39 AM +0530 பாடல் 7

பணி நெஞ்சே, நாளும் பரம பரம்பரனை,
பிணி ஒன்றும் சாரா, பிறவி கெடுத்து ஆளும்
மணி நின்ற சோதி, மதுசூதன், என் அம்மான்,
அணி நின்ற செம்பொன் அடல் ஆழியானே.

நீலமணிபோன்ற சுடர்வீசும் எம்பெருமான், மதுசூதனன், என் அம்மான், அழகிய, சிவந்த பொன் போன்ற, போர் ஆற்றல் மிகுந்த சக்ராயுதத்தை ஏந்திய பெருமானை வணங்கினால் நோய்கள் வாராது, பிறவித்துயரத்தைக் கெடுத்து அருள்வான் அவன், ஆகவே, நெஞ்சே, உயர்ந்த பரம்பரனாகிய எம்பெருமானைத் தினந்தோறும் பணிவாயாக.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/27/பத்தாம்-பத்து-நான்காம்-திருவாய்மொழி---பாடல்-7-2988667.html
2962774 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 6 சொ. மணியன் DIN Sunday, August 26, 2018 12:00 AM +0530
பாடல் 6

நாகத்து அணையானை, நாள்தோறும் ஞானத்தால்
ஆகத்து அணைப்பார்க்கு அருள்செய்யும் அம்மானை,
மாகத்து இள மதியம் சேரும் சடையானைப்
பாகத்து வைத்தான் தன் பாதம் பணிந்தேனே.

ஆதிசேஷனாகிய நாகத்தைப் படுக்கையாகக் கொண்டவர் எம்பெருமான், அவரைத் தினந்தோறும் ஞானத்தால் உள்ளத்தில் வைத்து அனுபவிப்பவர்களுக்கு அருள்செய்கிற அம்மான், வானத்திலுள்ள பிறைச்சந்திரனைத் தன்னுடைய திருச்சடையிலே வைத்திருக்கும் சிவபெருமானைத் தன் திருமேனியின் ஒரு பகுதியாகக் கொண்டவர், அவருடைய திருவடிகளை நான் வணங்குகிறேன்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/26/பத்தாம்-பத்து-நான்காம்-திருவாய்மொழி---பாடல்-6-2962774.html
2962773 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 5 சொ. மணியன் Saturday, August 25, 2018 10:52 AM +0530
பாடல் 5

நிச்சித்து இருந்தேன் என் நெஞ்சம் கழியாமை,
கைச் சக்கரத்து அண்ணல் கள்வம் பெரிது உடையன்,
மெச்சப்படான் பிறர்க்கு, மெய்போலும் பொய்வல்லன்,
நச்சப்படும் நமக்கு நாகத்து அணையானே.

எம்பெருமான் என் நெஞ்சைவிட்டு நீங்கமாட்டான் என்பதில் நான் உறுதியாக இருக்கிறேன். கையிலே சக்ராயுதத்தை ஏந்திய அண்ணலாகிய எம்பெருமான் என்ன செய்வாரோ, யார் அறிவார்கள்? எம்பெருமானை வணங்காதவர்களுக்கு அவர் பொய்போன்றவர், அவர்கள் அவரைப் புகழமாட்டார்கள், ஆனால், விரும்பி வணங்கும் நமக்கோ, அவர் உண்மையானவர், ஆதிசேஷனாகிய நாகத்தைப் படுக்கையாகக்கொண்டு திருக்காட்சி தருவார்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/25/பத்தாம்-பத்து-நான்காம்-திருவாய்மொழி---பாடல்-5-2962773.html
2962772 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 4 சொ. மணியன் DIN Friday, August 24, 2018 12:00 AM +0530
பாடல் 4

தலைமேல் புனைந்தேன் சரணங்கள், ஆலின்
இலைமேல் துயின்றான், இமையோர் வணங்க
மலைமேல்தான் நின்று என் மனத்துள் இருந்தானை
நிலைபேர்க்கல் ஆகாமை நிச்சித்து இருந்தேனே.

எம்பெருமானின் திருவடிகளை நான் என்னுடைய தலைக்குமேல் சூடிக்கொண்டேன், ஆலிலையிலே துயின்றவன், தேவர்களெல்லாம் வணங்கும்படி திருமலையிலே நின்று, என் மனத்திலும் இருக்கும் எம்பெருமானை யாராலும் என்னிடமிருந்து பிரிக்க இயலாது என்று நான் உறுதியோடு இருக்கிறேன்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/24/பத்தாம்-பத்து-நான்காம்-திருவாய்மொழி---பாடல்-4-2962772.html
2962771 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 3 சொ. மணியன் DIN Thursday, August 23, 2018 12:00 AM +0530
பாடல் 3

ஆள்கின்றான் ஆழியான், ஆரால் குறை உடையம்?
மீள்கின்றது இல்லை, பிறவித் துயர் கடிந்தோம்,
வாள், கெண்டை ஒண் கண் மடப்பின்னைதன் கேள்வன்
தாள் கண்டுகொண்டு என் தலைமேல் புனைந்தேனே.

சக்ராயுதத்தை ஏந்தியுள்ள எம்பெருமான் நம்மை ஆள்கின்றான். இனி யாரால் நமக்குக் குறை ஏற்படும்? (யாராலும் இல்லை.) இனி இன்னொரு பிறப்பு நமக்கில்லை, பிறவித்துயரத்தை நாம் கடந்துவிட்டோம், ஒளி நிறைந்த, கெண்டையைப்போன்ற அழகிய கண்களையுடைய, மடப்பம் என்னும் குணம் நிறைந்த நப்பின்னையின் கணவன், எம்பெருமான் திருவடிகளைக் கண்டுகொண்டேன், என் தலைமேல் அவற்றைச் சூடிக்கொண்டேன்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/23/பத்தாம்-பத்து-நான்காம்-திருவாய்மொழி---பாடல்-3-2962771.html
2962770 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல்  2 சொ. மணியன் DIN Wednesday, August 22, 2018 12:00 AM +0530
பாடல்  2

பெருமையனே வானத்து இமையோர்க்கும், காண்டற்கு
அருமையனே ஆகத்து அணையாதார்க்கு, என்றும்
திரு மெய் உறைகின்ற செங்கண்மால், நாளும்
இருமை வினை கடிந்து இங்கு என்னை ஆள்கின்றானே.

வானத்திலிருக்கும் தேவர்களைவிடப் பெருமையுடையவன், மனத்தினாலே நினைக்காதவர்களால் காண இயலாத அருமையுடையவன், திருமகளை என்றைக்கும் மார்பிலே கொண்ட பெருமான், சிறந்த கண்களையுடைய திருமால், எம்பெருமான், ஒவ்வொரு நாளும் இருவினைகளையும் நீக்கி அவன் என்னை ஆள்கின்றான்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/22/பத்தாம்-பத்து-நான்காம்-திருவாய்மொழி---பாடல்--2-2962770.html
2962769 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 1 சொ. மணியன் DIN Tuesday, August 21, 2018 12:00 AM +0530
பாடல் 1

சார்வே தவ நெறிக்குத் தாமோதரன் தாள்கள்,
கார்மேகவண்ணன், கமல நயனத்தன்,
நீர், வானம், மண், எரி, காலாய் நின்ற நேமியான்,
பேர் வானவர்கள் பிதற்றும் பெருமையனே.

கார்மேகவண்ணன், தாமரைபோன்ற திருக்கண்களையுடையவன், நீர், வானம், மண், நெருப்பு, காற்று என ஐம்பூதமாகவும் நின்றவன், சக்ராயுதத்தை ஏந்தியவன், தன்னுடைய பெயரை வானவர்கள் சொல்லும் பெருமையுடையவன், எம்பெருமான், அத்தகைய தாமோதரனின் திருவடிகள் பக்திநெறிக்கு ஏற்றவை, அவனை வணங்கி அத்திருவடிகளை நாம் பெறலாம்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/21/பத்தாம்-பத்து-நான்காம்-திருவாய்மொழி---பாடல்-1-2962769.html
2962768 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 11 சொ. மணியன் DIN Monday, August 20, 2018 12:00 AM +0530
பாடல் 11

செங்கனி வாய் எங்கள் ஆயர் தேவு அத்
திருவடி திருவடிமேல் பொருநல்
சங்கு அணி துறைவன் வண் தென் குருகூர்
வண் சடகோபன் சொல் ஆயிரத்துள்
மங்கையர் ஆய்ச்சியர் ஆய்ந்த மாலை
அவனொடும் பிரிவதற்கு இரங்கி, தையல்
அங்கு அவன் பசு நிரை மேய்ப்பு ஒழிப்பான்
உரைத்தன இவையும் பத்து அவற்றின் சார்வே.

சிவந்த கனியைப்போன்ற திருவாயைக் கொண்ட எங்கள் ஆயர் தலைவன், எம்பெருமான், தாமிரபரணி நதியிலே சங்கணித்துறை என்ற இடத்தை உடையவர், வளமான திருக்கூரைச் சேர்ந்த வளமை நிறைந்த சடகோபன் எம்பெருமானின் திருவடிகளைப்பற்றி ஆயிரம் திருப்பாடல்களைப் பாடியுள்ளார், அவற்றில் இந்தப் பத்து திருப்பாடல்களும், ஆயர்குலப்பெண்கள் ஆராய்ந்து சொன்ன சொல்மாலையாகும். எம்பெருமான் பசுக்கூட்டங்களை மேய்க்கச் செல்லும்போது, இந்த ஆய்ச்சியர்கள் அவனைப் பிரிவதை எண்ணி வருந்தினார்கள், ஆகவே, ‘பெருமானே, நீ பசுக்கூட்டங்களை மேய்க்கச் செல்லவேண்டாம்’ என்றார்கள். அந்தக் கருத்தைச் சொல்லும் இந்தப் பாசுரங்களை வாசித்தால், மற்ற பாசுரங்களின்மூலம் கிடைக்கும் நற்பயன்கள் அனைத்தும் கிடைக்கும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/20/பத்தாம்-பத்து-மூன்றாம்-திருவாய்மொழி---பாடல்-11-2962768.html
2962767 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 10 சொ. மணியன் DIN Sunday, August 19, 2018 12:00 AM +0530
பாடல் 10

அவத்தங்கள் விளையும், என் சொல் கொள், அந்தோ,
அசுரர்கள் வன் கையர், கஞ்சன் ஏவ,
தவத்தவர் மறுக நின்று உழிதருவர்,
தனிமையும் பெரிது உனக்கு, இராமனையும்
உவத்து இலை, உடன் திரிகிலையும் என்று என்று
ஊடு உற என்னுடை ஆவி வேம்ஆல்,
திவத்திலும் பசு நிரை மேய்ப்பு உவத்தி,
செங்கனிவாய் எங்கள் ஆயர் தேவே.

சிவந்த கனியைப்போன்ற திருவாயைக்கொண்ட எங்கள் ஆயர் தலைவனே, நீ பசுமேய்க்கச் சென்றால் துன்பம் விளையும், நான் சொல்வதைக் கேள், அடடா, அசுரர்கள், கொடுமையானவர்கள், கஞ்சன் ஏவியபடி அங்கே வந்து திரிகிறார்கள், தவம் புரிகிற முனிவர்கள் மனம் கலங்கும்படி அலைகிறார்கள், அங்கே நீ செல்லவேண்டாம்,  நீயோ யாரையும் துணையாக அழைத்துச்செல்வதில்லை, தனியாகவே திரிகிறாய், பலராமனையாவது உடன் அழைத்துச்செல்லலாம், நீ அதையும் விரும்புவதில்லை, தனிமையையே விரும்புகிறாய், ஆகவே, அந்த அசுரர்களால் உனக்கு ஏதாவது ஆகிவிடுமோ என்று எண்ணி என்னுடைய உயிர் வேகிறது, எம்பெருமானே, பரமபதத்தைவிட, உனக்குப் பசு மேய்ப்பதுதான் பிடித்திருக்கிறது. இது என்ன வியப்பு!

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/19/பத்தாம்-பத்து-மூன்றாம்-திருவாய்மொழி---பாடல்-10-2962767.html
2962766 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 9 சொ. மணியன் DIN Saturday, August 18, 2018 12:00 AM +0530
பாடல் 9

உகக்கும் நல்லவரொடும் உழிதந்து உன்தன்
திருவுள்ளம் இடர் கெடும்தொறும் நாங்கள்
வியக்க இன்புறுதும், எம் பெண்மை ஆற்றோம்,
எம்பெருமான், பசு மேய்க்கப் போகேல்,
மிகப் பல அசுரர்கள் வேண்டு உருவம் கொண்டு
நின்று உழிதருவர் கஞ்சன் ஏவ,
அகப்படில் அவரொடும் நின்னொடு ஆங்கே
அவத்தங்கள் விளையும், என் சொற் கொள், அந்தோ.

எம்பெருமானே, உனக்குப் பிடித்த நல்லவர்களோடு இங்கே வா, உன் விருப்பம்போல் இங்கேயே திரிந்துகொண்டிரு, உன்னுடைய திருவுள்ளத்துக்கு எது மகிழ்ச்சியோ அதுவே எங்களுக்கும் மகிழ்ச்சி, எங்களுடைய பெண்மை அதை ஏற்றுக்கொள்ளும், பெருமானே, நீ பசு மேய்க்கச் செல்லவேண்டாம், கம்சனுடைய ஏவலின்படி அங்கே பல அசுரர்கள் வெவ்வேறு உருவத்தில் வந்து திரிவார்கள், அவர்களிடம் நீ அகப்பட்டால் உங்களுக்கிடையே கொடிய போர் உண்டாகும், துன்பம் ஏற்படும், ஆகவே, என் சொல்லைக் கேள், பசு மேய்க்கப் போகாதே, அடடா.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/18/பத்தாம்-பத்து-மூன்றாம்-திருவாய்மொழி---பாடல்-9-2962766.html
2962765 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 8 சொ. மணியன் DIN Friday, August 17, 2018 12:00 AM +0530
பாடல் 8

அசுரர்கள் தலைப்பெயில் எவன்கொல் ஆங்கு என்று
ஆழும் என் ஆர் உயிர், ஆன் பின் போகேல்,
கசிகையும் வேட்கையும் உள் கலந்து
கலவியும் நலியும், என் கை கழியேல்,
வசி செய் உன் தாமரைக் கண்ணும் வாயும்
கைகளும் பீதக உடையும் காட்டி
ஒசி செய் நுண் இடை இள ஆய்ச்சியர், நீ
உகக்கும் நல்லவரொடும் உழிதராயே.

எம்பெருமானே, நீ பசு மேய்க்கச் செல்லும்போது அங்கே அசுரர்கள் வந்தால் என்ன ஆகுமோ என்று என் அரிய உயிர் துன்பத்தில் மூழ்குகிறது. ஆகவே, நீ பசுக்களின் பின்னால் போகாதே, உன்மீது வைத்துள்ள ஈடுபாடும், விருப்பமும், கலவியும் உள்ளிருந்து என்னை நலியச்செய்கின்றன. ஆகவே, என்னைக் கைவிட்டுச் செல்லாதே, ஈர்க்கின்ற உன்னுடைய தாமரைபோன்ற திருக்கண்களையும், திருவாயையும், திருக்கைகளையும், பீதக உடையையும் காண்பித்துக்கொண்டு இங்கே வா, உனக்குப் பிடித்த, ஒசிந்த, நுட்பமான இடையை உடைய இள ஆய்ச்சியர்களோடு வா, அங்குமிங்கும் திரிந்துகொண்டு இங்கேயே இரு, (பசுக்களை மேய்க்கச் செல்லாதே.)

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/17/பத்தாம்-பத்து-மூன்றாம்-திருவாய்மொழி---பாடல்-8-2962765.html
2962764 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 7 சொ. மணியன் DIN Thursday, August 16, 2018 12:00 AM +0530
பாடல் 7

வேம் எமது உயிர் அழல் மெழுகில் உக்கு,
வெள் வளை, மேகலை கழன்று வீழ,
தூமலர்க் கண் இணை முத்தம் சோர
துணை முலை பயந்து என தோள்கள் வாட
மாமணிவண்ணா, உன் செங்கமல
வண்ண மெல் மலர் அடி நோவ, நீ போய்
ஆ மகிழ்ந்து உகந்து அவை மேய்க்கின்று உன்னோடு
அசுரர்கள் தலைப்பெயில் எவன்கொல் ஆங்கே.

சிறந்த மணியைப்போன்ற வண்ணம் கொண்ட பெருமானே, உன்னுடைய சிவந்த தாமரையைப்போன்ற அழகிய, மென்மையான மலர்த் திருவடிகள் நோகும்படி நீ சென்று பசுக்களை மகிழ்ச்சியோடு மேய்க்கிறாய், உன்னைப் பிரிந்து எங்களுடைய உயிர் நெருப்பிலே இட்ட மெழுகுபோல் உருகி வேகிறது, வெண்மையான வளையல்கள், மேகலை கழன்று விழுகின்றன, தூய்மையான மலர்களைப் போன்ற இரு கண்களிலும் கண்ணீர் முத்துகள் சொட்டுகின்றன, இரு மார்பகங்களிலும் பசலை படர்கிறது, தோள்கள் வாடுகின்றன. எம்பெருமானே, நீ பசு மேய்க்கச் செல்லும்போது அசுரர்கள் அங்கே வந்து உன்னோடு போரிட்டால் என்ன ஆகுமோ! (இதை எண்ணியும் நாங்கள் வருந்துகிறோம்.)

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/16/பத்தாம்-பத்து-மூன்றாம்-திருவாய்மொழி---பாடல்-7-2962764.html
2962763 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 6 சொ. மணியன் DIN Wednesday, August 15, 2018 12:00 AM +0530
பாடல் 6

அடிச்சியோம் தலைமிசை நீ அணியாய்
ஆழிஅம் கண்ணா, உன் கோலப்பாதம்
பிடித்து அது நடுவு உனக்கு அரிவையரும்
பலர், அது நிற்க, எம் பெண்மை ஆற்றோம்,
வடித் தடம் கண் இணை நீரும் நில்லா,
மனமும் நில்லா, எமக்கு அது தன்னாலே
வெடிப்பு நின் பசு நிரை மேய்க்கப் போக்கு,
வேம் எமது உயிர் அழல் மெழுகில் உக்கே.

கடலைப்போன்ற அழகிய கண்களையுடையவனே, அடியவர்களாகிய எங்களுடைய தலையிலே உன்னுடைய திருக்கரத்தை அணிவிப்பாய், நீ பசுக்கூட்டங்களை மேய்க்கச் செல்லும்போது உன்னுடைய அழகிய திருப்பாதங்களைப் பிடித்துவிடுவதற்குப் பல பெண்கள் இருக்கிறார்கள். அதேசமயம், உன்னைப் பிரிவதைத் தாங்கமுடியாமல் எங்கள் பெண்மை தவிக்கிறது, கூர்மையான, பெரிய கண்களிலிருந்து நிற்காமல் நீர் வழிகிறது, எங்கள் மனமும் எங்களிடம் நிற்பதில்லை, ஆகவே, நீ பசுக்கூட்டங்களை மேய்க்கப்போவதை எங்களால் தாங்கிக்கொள்ள இயலுவதில்லை, எங்களுடைய உயிர் நெருப்பில் சிக்கிய மெழுகைப்போல உருகி வேகிறது.

 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/15/பத்தாம்-பத்து-மூன்றாம்-திருவாய்மொழி---பாடல்-6-2962763.html
2962762 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 5 சொ. மணியன் DIN Tuesday, August 14, 2018 12:00 AM +0530
பாடல் 5

பணிமொழி நினைதொறும் ஆவி வேம்ஆல்,
பகல் நிரை மேய்க்கிய போய கண்ணா,
பிணி அவிழ் மல்லிகை வாடை தூவ,
பெரு மத மாலையும் வந்தின்றாலோ,
மணிமிகு மார்வினில் முல்லைப் போது என்
வன முலை கமழ்வித்து, உன் வாய் அமுதம் தந்து,
அணிமிகு தாமரைக் கையை அந்தோ,
அடிச்சியோம் தலைமிசை நீ அணியாய்.

பகல்முழுவதும் பசுக்கூட்டங்களை மேய்க்கச் சென்ற கண்ணா, உன்னுடைய பணிவான பேச்சுகளை எண்ணும்போதெல்லாம் என் உயிர் வேகிறது, பெரிய செருக்கோடு மாலைப்பொழுது வருகிறது, கட்டவிழ்ந்த மல்லிகை மலர்களை வாடைக்காற்று தூவுகிறது,  பெருமானே,  உன்னுடைய ரத்தினம் அணிந்த மார்பிலே இருந்த முல்லை மலர் என்னுடைய அழகிய மார்பகங்களை நறுமணம் கமழச்செய்யட்டும், உன்னுடைய வாய் அமுதத்தை அடியவர்களாகிய எங்களுக்குத் தருவாய், அழகிய தாமரைபோன்ற திருக்கரத்தை எங்கள் தலையிலே அணிவிப்பாய். அடடா.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/14/பத்தாம்-பத்து-மூன்றாம்-திருவாய்மொழி---பாடல்-5-2962762.html
2962761 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 4 சொ. மணியன் DIN Monday, August 13, 2018 12:00 AM +0530
பாடல் 4

தொழுத்தையோம் தனிமையும், துணை பிரிந்தார்
துயரமும் நினைகிலை, கோவிந்தா, நின்
தொழுத்தனில் பசுக்களையே விரும்பி,
துறந்து எம்மை இட்டு அவை மேய்க்கப் போதி,
பழுத்த நல் அமுதின் இன் சாற்று வெள்ளம்
பாவியேன் மனம் அகம்தோறும் உள்புக்கு
அழுத்த, நின் செங்கனி வாயின் கள்வப்
பணிமொழி நினைதொறும் ஆவி வேம்ஆல்.

கோவிந்தா, அடிமைகளாகிய எங்களுடைய தனிமையையும், துணையைப் பிரிந்து வாடுகிற எங்களுடைய துயரத்தையும் நீ நினைப்பதில்லை, தொழுவத்திலுள்ள உன்னுடைய பசுக்களைதான் விரும்புகிறாய், எங்களை விட்டுவிட்டு அவற்றை மேய்க்கச் செல்கிறாய், பழுத்த நல்ல அமுதத்தின் இனிய சாறு வெள்ளமாகப் பாய்ந்து வருவதுபோல உன்னுடைய பேச்சு, அது பாவியாகிய என்னுடைய உள்ளத்தில் நுழைந்து ஒவ்வோர் இடத்திலும் அழுத்துகிறது, உன்னுடைய செங்கனிபோன்ற திருவாயிலிருந்து வரும் கள்வத்தனமான சொற்களை நினைக்கும்போதெல்லாம் என் உயிர் வேகிறது.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/13/பத்தாம்-பத்து-மூன்றாம்-திருவாய்மொழி---பாடல்-4-2962761.html
2962760 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 3 சொ. மணியன் DIN Sunday, August 12, 2018 12:00 AM +0530
பாடல் 3

வீவன், நின் பசு நிரை மேய்க்கப் போக்கு
வெவ் உயிர் கொண்டு எனது ஆவி வேம்ஆல்,
யாவரும் துணை இல்லை, யான் இருந்து உன்
அஞ்சன மேனியை ஆட்டம் காணேன்,
போவது அன்று ஒரு பகல் நீ அகன்றால்,
பொரு கயல் கண் இணை நீரும் நில்லா,
சாவது இவ் ஆய்க்குலத்து ஆய்ச்சியோமாய்ப்
பிறந்த இத் தொழுத்தையோம் தனிமைதானே.

கண்ணா, நீ பசுக்கூட்டங்களை மேய்க்கச் சென்றால், உன்னைப் பிரிந்து என்னுடைய ஆவி பெருமூச்சு விட்டு வேகும், நான் அழிவேன், எனக்கு வேறு யாரும் துணை இல்லை, கரிய மையைப்போன்ற உன்னுடைய திருமேனியைப் பார்க்க இயலாமல் நான் தவிக்கிறேன், நீ பிரிந்துபோனால், என்னுடைய பகல் பொழுதுகள் முடியாமல் நீள்கின்றன. சண்டையிடும் மீன்களைப்போன்ற என்னுடைய கண்களிலிருந்து நீர் நிற்காமல் வழிகிறது, இந்த ஆயர் குலத்தில் ஆய்ச்சியர்களாகப் பிறந்த தொண்டர்கள் நாங்கள், எங்களுடைய தனிமைத்துயரம் தீரவேண்டும், அதற்கு நீ அருள்புரிவாய்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/12/பத்தாம்-பத்து-மூன்றாம்-திருவாய்மொழி---பாடல்-3-2962760.html
2962759 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 2 சொ. மணியன் DIN Saturday, August 11, 2018 12:00 AM +0530  

பாடல் 2

தகவு இலை, தகவு இலையே நீ, கண்ணா,
தட முலை புணர்தொறும், புணர்ச்சிக்கு ஆராச்
சுக வெள்ளம் விசும்பு இறந்து, அறிவை மூழ்க்கச்
சூழ்ந்து, அது கனவு என நீங்கி, ஆங்கே
அக உயிர் அகம் அகம்தோறும் உள்புக்கு,
ஆவியின் பரம் அல்ல வேட்கை அந்தோ,
மிக மிக இனி உன்னைப் பிரிவை ஆமால்,
வீவ, நின் பசுநிரை மேய்க்கப் போக்கே.

கண்ணா, நீ செய்வது நியாயமில்லை, நியாயமில்லை. என்னுடைய பெரிய மார்பகங்களை அணைத்துக் கலக்கிறாய், அந்தக் கலவியின் தீராத சுக வெள்ளம் வானைக் கடந்து அறிவை மூழ்கடித்துச் சூழும்போது, அது கனவு என்பதுபோல் நீ நீங்கிச் செல்கிறாய். உயிரின் உள்ளே உள்ளே புகுந்து தாங்கமுடியாத ஆசை பெருகுகிறது, அடடா, இப்படி உன்னை நான் மிகுதியாகப் பிரிந்து வாடும்படி நீ பசுக்கூட்டங்களை மேய்க்கச் செல்கிறாய். இனி அப்படிச் செல்லாதே.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/11/பத்தாம்-பத்து-மூன்றாம்-திருவாய்மொழி---பாடல்-2-2962759.html
2962758 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 1 சொ. மணியன் DIN Friday, August 10, 2018 12:00 AM +0530

பாடல் 1

வேய் மரு தோள் இணை மெலியுமாலோ,
மெலிவும் என் தனிமையும் யாதும் நோக்கா
காமரு குயில்களும் கூவுமாலோ,
கண மயில் அவை கலந்து ஆலுமாலோ,
ஆ மருவின நிரை மேய்க்க நீ போக்கு
ஒரு பகல் ஆயிரம் ஊழியாலோ, தாமரைக்
கண்கள் கொண்டு ஈர்தியாலோ,
தகவு இலை, தகவு இலையே நீ கண்ணா.

கண்ணா, உன்னைப் பிரிந்து என்னுடைய மூங்கில்போன்ற தோள்கள் இரண்டும் மெலிகின்றன, என்னுடைய மெலிவையும் தனிமையையும் பார்க்காமல் அழகிய குயில்கள் கூவுகின்றன, மயில் கூட்டங்கள் கலந்து ஆடுகின்றன, பசுக்கூட்டங்களை மேய்ப்பதற்காக நீ செல்கிறாய், நீ திரும்பிவரும்வரை நான் ஏங்கிக் காத்திருக்கிறேன், ஒரு பகல் எனக்கு ஆயிரம் ஊழிக்காலங்களைப்போல் தோன்றுகிறது, தாமரைபோன்ற திருக்கண்களால் என்னைத் துன்புறுத்துகிறவனே, இது நியாயமில்லை, நியாயமில்லை.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/10/பத்தாம்-பத்து-மூன்றாம்-திருவாய்மொழி---பாடல்-1-2962758.html
2962756 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 11 சொ. மணியன் DIN Thursday, August 9, 2018 12:00 AM +0530
பாடல் - 11

அந்தம்இல் புகழ் அனந்தபுர நகர் ஆதி தன்னைக்
கொந்து அலர் பொழில் குருகூர் மாறன் சொல் ஆயிரத்துள்
ஐந்தினோடு ஐந்தும் வல்லார் அணைவர் போய் அமர் உலகில்
பைந்தொடி மடந்தையர்தம் வேய் மரு தோள் இணையே.

அளவற்ற புகழையுடைய திருவனந்தபுரம் நகரிலே அருள்புரிகிறவர், அனைத்துக்கும் முதலாகத் திகழும் எம்பெருமான், அத்தகைய பெருமானை, கொத்தாக மலர்கள் பூக்கிற சோலைகள் நிறைந்த குருகூர் மாறன் ஆயிரம் திருப்பாடல்களில் போற்றினார். அவற்றுள் இந்தப் பத்து பாடல்களையும் சொல்ல வல்லவர்கள் பரமபதத்துக்குச் செல்வார்கள், அங்கே பசிய தொடி(தோள் வளை)யை அணிந்த, மூங்கில்போன்ற தோள்களையுடைய தேவ மாதர் செய்யும் பணிவிடையை ஏற்பார்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/09/பத்தாம்-பத்து-இரண்டாம்-திருவாய்மொழி---பாடல்---11-2962756.html
2962755 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 10 சொ. மணியன் DIN Wednesday, August 8, 2018 12:00 AM +0530
பாடல் - 10

மாய்ந்து அறும் வினைகள் தாமே, மாதவா என்ன நாளும்,
ஏய்ந்த பொன் மதிள் அனந்தபுர நகர் எந்தைக்கு என்று
சாந்தொடு விளக்கம், தூபம், தாமரை மலர்கள் நல்ல
ஆய்ந்துகொண்டு ஏத்தவல்லார் அந்தம்இல் புகழினாரே.

‘மாதவா’ என்று நாள்தோறும் சொல்லிப் போற்றினால், நம்முடைய வினைகள் தாமே தொலைந்துவிடும். பொருந்திய பொன்னால் ஆன மதிள் சுவரால் சூழப்பட்ட திருவனந்தபுரத்திலே அருள்தருகிறவர் நம் தந்தை, அவருக்காகச் சந்தனமும் விளக்கும் தூபங்களும் தாமரை மலர்களும் சிறந்தவையாகத் தேர்ந்தெடுத்துக் கொண்டுவந்து அவரைப் போற்றவல்லவர்கள் எல்லையில்லாத புகழை அடைவார்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/08/பத்தாம்-பத்து-இரண்டாம்-திருவாய்மொழி---பாடல்---10-2962755.html
2962754 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 9 சொ. மணியன் DIN Tuesday, August 7, 2018 12:00 AM +0530
பாடல் - 9

நாம் உமக்கு அறியச் சொன்ன நாள்களும் நணியஆன,
சேமம் நன்கு உடைத்து, கண்டீர், செறிபொழில் அனந்தபுரம்,
தூமம் நல் விரை மலர்கள் துவள்அற ஆய்ந்துகொண்டு
வாமனன் அடிக்கு என்று ஏத்த மாய்ந்து அறும் வினைகள் தாமே.

நீங்கள் அறியும்படி நாங்கள் சொன்ன நாட்கள் நெருங்கிவிட்டன. செறிந்த பொழில்களைக்கொண்ட திருவனந்தபுரம்தான் உங்களுக்கு நன்மை தரும், அதனை அறியுங்கள். பூஜைக்கேற்ற தூபம், நல்ல, வாசனை மிகுந்த மலர்கள் போன்றவற்றைக் குற்றமில்லாதபடி ஆராய்ந்து எடுத்துக்கொண்டு அங்கே செல்லுங்கள், வாமனனான எம்பெருமானின் திருவடிகளில் அவற்றைச் சமர்ப்பித்துப் போற்றுங்கள், உங்களுடைய வினைகள் தாமே தொலைந்துவிடும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/07/பத்தாம்-பத்து-இரண்டாம்-திருவாய்மொழி---பாடல்---9-2962754.html
2962753 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 8 சொ. மணியன் DIN Monday, August 6, 2018 12:00 AM +0530
பாடல் - 8

கடுவினை களையல் ஆகும், காமனைப் பயந்த காளை
இடவகை கொண்டது என்பர், எழில் அணி அனந்தபுரம்,
படம் உடை அரவில் பள்ளி பயின்றவன் பாதம் காண
நடமினோ, நமர்கள் உள்ளீர், நாம் நமக்கு அறியச் சொன்னோம்.

நம்மவர்களே, மன்மதனைப் பெற்ற காளையாகிய எம்பெருமான் விரும்பி அருள்புரியும் திருத்தலம், அழகிய திருவனந்தபுரம், அங்கே படமுடைய பாம்பாகிய ஆதிசேஷன்மீது பள்ளிகொண்ட எம்பெருமானுடைய திருவடிகளைக் காண நடந்துவாருங்கள், அத்திருப்பாதங்களைக் கண்டு வணங்கினால், கொடிய வினைகளையெல்லாம் களைந்துவிடலாம், இதை நீங்கள் அறியும்படி நான் சொல்கிறேன்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/06/பத்தாம்-பத்து-இரண்டாம்-திருவாய்மொழி---பாடல்---8-2962753.html
2962752 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 7 சொ. மணியன் DIN Sunday, August 5, 2018 12:00 AM +0530
பாடல் - 7

துடைத்த கோவிந்தனாரே உலகு, உயிர், தேவும் மற்றும்
படைத்த எம் பரம மூர்த்தி, பாம்பு அணைப் பள்ளிகொண்டான்,
மடைத்தலை வாளை பாயும் வயல் அணி அனந்தபுரம்
கடைத்தலை சீய்க்கப்பெற்றால், கடுவினை களையலாமே.

யுகத்தின் முடிவிலே அனைத்தையும் அழித்த கோவிந்தனார்தான் இந்த உலகையும் உயிர்களையும் தேவர்களையும் பிறவற்றையும் படைத்த எங்கள் பரம மூர்த்தி, ஆதிசேஷனாகிய பாம்பில் பள்ளிகொண்ட பெருமானும் அவரே, அத்தகைய பெருமான் எழுந்தருளியிருக்கும் திருத்தலம், நீர் மடைகளிலே வாளை மீன்கள் பாய்கின்ற வயல்களைக்கொண்ட அழகிய திருவனந்தபுரத்திற்குச் சென்று அவருடைய ஆலயத்தின் வாசலை அடைந்து, அந்தப் புனிதமான வாயிலைச் சுத்தம் செய்து சேவை புரிந்தால், கொடிய வினைகளையெல்லாம் களைந்துவிடலாம்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/05/பத்தாம்-பத்து-இரண்டாம்-திருவாய்மொழி---பாடல்---7-2962752.html
2962750 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 5 சொ. மணியன் DIN Friday, August 3, 2018 12:00 AM +0530
பாடல் - 5

புண்ணியம் செய்து, நல்ல புனலொடு மலர்கள் தூவி
எண்ணுமின் எந்தை நாமம், இப்பிறப்பு அறுக்கும், அப்பால்
திண்ணம் நாம் அறியச்சொன்னோம், செறிபொழில் அனந்தபுரத்து
அண்ணலார் கமல பாதம் அணுகுவார் அமரர் ஆவார்.

புண்ணியங்களைச் செய்து, நல்ல நீரோடு மலர்களைத் தூவி, செறிந்த சோலைகள் நிறைந்த திருவனந்தபுரத்திலே அருள்புரியும் எம்பெருமானின் திருப்பெயரை எண்ணுங்கள், இந்தப் பிறவி அறுந்துபோகும், அதன்பிறகு, அந்த அண்ணலின் தாமரைத் திருப்பாதங்களை வணங்குங்கள், அப்படி வணங்கியவர்கள் அமரர்களாவார்கள், இதை நாம் உறுதியாகச் சொன்னோம்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/03/பத்தாம்-பத்து-இரண்டாம்-திருவாய்மொழி---பாடல்---5-2962750.html
2962748 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 4 சொ. மணியன் DIN Thursday, August 2, 2018 12:00 AM +0530
பாடல் - 4

பேசுமின் கூசம் இன்றி, பெரிய நீர் வேலை சூழ்ந்து
வாசமே கமழும் சோலை வயல் அணி அனந்தபுரம்
நேசம் செய்து உறைகின்றானை நெறிமையால் மலர்கள் தூவிப்
பூசனை செய்கின்றார்கள் புண்ணியம் செய்தவாறே.

பெரிய நீர்ப்பரப்பையுடைய கடலாலே சூழப்பட்ட திருத்தலம், நறுமணம் கமழும் சோலைகள், வயல்களை அழகாகக் கொண்ட திருவனந்தபுரத்தை விரும்பி உறைகின்ற பெருமான், அவரை முறைப்படி மலர்கள் தூவிப் பூசை செய்கிறவர்கள் புண்ணியம் செய்தவர்களாவார்கள். அவர்களுடைய அந்தப் புண்ணியத்தைப்பற்றி நீங்களும் கூச்சமின்றிப் பேசுங்கள், பெருமானை வணங்குங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/02/பத்தாம்-பத்து-இரண்டாம்-திருவாய்மொழி---பாடல்---4-2962748.html
2962747 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 3 சொ. மணியன் DIN Wednesday, August 1, 2018 12:00 AM +0530
பாடல் - 3

ஊரும் புள், கொடியும் அஃதே, உலகு எல்லாம் உண்டு உமிழ்ந்தான்
சேரும் தண் அனந்தபுரம் சிக்கெனப் புகுதிர் ஆகில்,
தீரும் நோய், வினைகள் எல்லாம், திண்ணம், நாம் அறியச்சொன்னோம்,
பேரும் ஓர் ஆயிரத்துள் ஒன்று நீர் பேசுமினே
.

எம்பெருமான் கருடனை வாகனமாகக் கொண்டவர், அவருடைய கொடியும் கருடன்தான். அவர் உலகையெல்லாம் உண்டு, உமிழ்ந்தவர், அத்தகைய பெருமான் சேர்ந்திருக்கும் திருவனந்தபுரத்துக்கு விரைவில் சென்று வணங்குங்கள், அவருடைய ஆயிரம் திருப்பெயர்களில் ஒன்றைப் பேசி வணங்குங்கள், அப்படி வணங்கினால் உங்களுடைய நோய்கள், வினைகள் அனைத்தும் தீர்ந்துபோகும், இது நிச்சயம், இதனை எல்லாரும் அறியும்படி நாம் சொன்னோம்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/01/பத்தாம்-பத்து-இரண்டாம்-திருவாய்மொழி---பாடல்---3-2962747.html
2962742 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 2 சொ. மணியன் DIN Tuesday, July 31, 2018 12:00 AM +0530
பாடல் - 2

இன்று போய்ப் புகுதிர் ஆகில், எழுமையும் ஏதம் சாரா,
குன்றுநேர் மாடம் மாடே குருந்து சேர் செருந்தி, புன்னை
மன்று அலர் பொழில் அனந்தபுரநகர் மாயன் நாமம்
ஒன்றும் ஓர் ஆயிரமாம் உள்ளுவார்க்கு உம்பர் ஊரே.

எம்பெருமான் அருள்புரியும் திருவனந்தபுரத்துக்கு இன்றே செல்லுங்கள், எம்பெருமானை வணங்குங்கள், உங்களுக்கு ஏழேழ் பிறவிகளிலும் எந்தத் துன்பமும் வராது. குன்றுகளைப்போன்ற மாடங்களுக்கு அருகே குருந்தமரங்கள், செருந்திமரங்கள், புன்னைமரங்கள் போன்றவை நறுமணத்தோடு மலர்கின்ற திருவனந்தபுரத்துப் பெருமான், மாயனுடைய திருப்பெயர்களில் ஏதேனும் ஒன்றை நினைத்தாலே போதும், அது ஆயிரம் திருப்பெயர்களைச் சொன்ன பலனைத் தரும், பரமபதம் கிடைக்கும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/31/பத்தாம்-பத்து-இரண்டாம்-திருவாய்மொழி---பாடல்---2-2962742.html
2962741 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 1 சொ. மணியன் DIN Monday, July 30, 2018 12:00 AM +0530

பாடல் - 1

கெடும் இடர் ஆய எல்லாம், கேசவா, என்ன, நாளும்
கொடுவினை செய்யும் கூற்றின் தமர்களும் குறுககில்லார்,
விடம் உடை அரவில் பள்ளி விரும்பினான் சுரும்பு அலற்றும்
தடம் உடை வயல் அனந்தபுரநகர் புகுதும் இன்றே.

விஷமுள்ள ஆதிசேஷன் என்கிற பாம்பிலே பள்ளிகொள்ளுதலை விரும்பிய பெருமானுடைய திருத்தலம், வண்டுகள் ஒலிக்கிற நீர்நிலைகள், வயல்களைக்கொண்ட திருவனந்தபுரத்துக்கு இன்றே செல்வோம், ‘கேசவா’ என்று சொல்வோம், நம்முடைய இடர்களெல்லாம் கெடும், தினந்தோறும் கொடிய வினைகளைச் செய்கிற எமதூதர்களும் நம்மை நெருங்கமாட்டார்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/30/பத்தாம்-பத்து-இரண்டாம்-திருவாய்மொழி---பாடல்---1-2962741.html
2962740 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 11 சொ. மணியன் DIN Sunday, July 29, 2018 12:00 AM +0530
பாடல் 11

ஏத்துமின் நமர்காள் என்று தான் குடம் ஆடு
கூத்தனைக் குருகூர்ச் சடகோபன் குற்றேவல்கள்
வாய்த்த ஆயிரத்துள் இவை வண் திருமோகூர்க்கு
ஈத்து பத்து, இவை ஏத்த வல்லார்க்கு இடர் கெடுமே.

குடக்கூத்து ஆடிய கூத்தனைப் போற்றுங்கள் என்று நம்மவர்களுக்குச் சொல்லிக் குருகூர்ச் சடகோபன் ஆயிரம் திருப்பாடல்களைப் பணிவோடு சமர்ப்பித்தார், அவற்றில் இந்தப் பத்து பாடல்களும் வளம் மிகுந்த திருமோகூர்மீது பாடப்பட்டவை, இவற்றை யார் பாடுகிறார்களோ, அவர்களுடைய இடர் கெடும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/29/பத்தாம்-பத்து-முதல்-திருவாய்மொழி----பாடல்-11-2962740.html
2962739 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 10 சொ. மணியன் DIN Saturday, July 28, 2018 12:00 AM +0530
பாடல் 10

நாம் அடைந்த நல் அரண் நமக்கு என்று நல் அமரர்
தீமை செய்யும் வல் அசுரரை அஞ்சிச் சென்று அடைந்தால்
காம ரூபம் கொண்டு எழுந்து அளிப்பான் திருமோகூர்
நாமமே நவின்று எண்ணுமின், ஏத்துமின் நமர்காள்.

நம்மவர்களே, நல்ல அமரர்களுக்கு வலிமையான அசுரர்கள் தீமை செய்கிறபோது, அந்த அமரர்கள் அச்சம் கொள்வார்கள், ‘நமக்குக் காப்பு எம்பெருமான்தான்’ என்று திருமாலைச் சென்று வணங்குவார்கள், அவர் உடனே எழுவார், தனக்கு விருப்பமான உருவத்தை எடுத்துச்சென்று அவர்களைக் காப்பார், அத்தகைய பெருமான் எழுந்தருளியிருக்கும் திருமோகூரின் திருப்பெயரைப் பாடுங்கள், நினையுங்கள், போற்றுங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/28/பத்தாம்-பத்து-முதல்-திருவாய்மொழி----பாடல்-10-2962739.html
2962738 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 9 சொ. மணியன் DIN Friday, July 27, 2018 12:00 AM +0530
பாடல் 9

மணித் தடத்து அடி, மலர்க் கண்கள், பவளச் செவ்வாய்,
அணிக்கொள் நால் தடம் தோள் தெய்வம், அசுரரை என்றும்
துணிக்கும் வல் அரட்டன் உறை பொழில் திருமோகூர்
நணித்து, நம்முடை நல் அரண் நாம் அடைந்தனமே.

அழகிய தடாகத்தைப்போன்ற திருவடிகள், மலர்போன்ற திருக்கண்கள், பவளம்போல் சிவந்த திருவாய், அழகிய நான்கு பெரிய திருத்தோள்களைக்கொண்ட தெய்வம், அசுரர்களை என்றென்றும் வெல்லும் வலிமையுள்ள சிறப்பானவர், அவர் எழுந்தருளியிருக்கிற, பொழில்கள் நிறைந்த திருமோகூர் அருகே வந்துவிட்டது, நமக்கு நல்ல காப்பான அப்பெருமானை நாம் அடைந்துவிட்டோம்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/27/பத்தாம்-பத்து-முதல்-திருவாய்மொழி----பாடல்-9-2962738.html
2962737 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 8 சொ. மணியன் DIN Thursday, July 26, 2018 12:00 AM +0530
பாடல் 8

துயர் கெடும் கடிது, அடைந்து வந்து அடியவர், தொழுமின்,
உயர்கொள் சோலை ஒண் தடம் அணி ஒளித் திருமோகூர்,
பெயர்கள் ஆயிரம் உடைய, வல் அரக்கர் புக்கு அழுந்த
தயரதன் பெற்ற மரகத மணித் தடத்தினையே.

அடியவர்களே, உயர்ந்த சோலைகள், ஒளி மிகுந்த தடாகங்கள் அழகாக நிறைந்திருக்கும் ஒளி நிறைந்த திருமோகூருக்கு வாருங்கள், ஆயிரம் திருப்பெயர்களை உடையவன், வன்மையான அரக்கர்கள் அழியவேண்டும் என்பதற்காகத் தயரதன் பெற்ற திருப்பிள்ளை (ராமன்), மரகத, மணித் தடாகம்போன்ற எம்பெருமானைத் தொழுங்கள், உங்கள் துயர்கள் உடனே கெடும்.

 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/26/பத்தாம்-பத்து-முதல்-திருவாய்மொழி----பாடல்-8-2962737.html
2962736 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 7 சொ. மணியன் DIN Wednesday, July 25, 2018 12:00 AM +0530  

பாடல் 7

மற்று இலம் அரண், வான் பெரும் பாழ் தனி முதலாச்
சுற்றும் நீர் படைத்து அதன்வழித் தொல்முனி முதலா
முற்றும் தேவரோடு உலகுசெய்வான் திருமோகூர்
சுற்றி நாம் வலம் செய்ய நம் துயர் கெடும் கடிதே.

உயர்ந்த, பெரிய, ஒப்பற்ற மூலப்பிரதியைக் கொண்டு, அதன்வழியே சுற்றிலும் தண்ணீரை உருவாக்கி, தொன்மையான முனிவனாகிய பிரம்மன் தொடங்கி அனைத்துத் தேவர்களையும் உலகங்களையும் உண்டாக்கியவன் எம்பெருமான், அத்தகைய பெருமான் எழுந்தருளியிருக்கும் திருமோகூரைச் சுற்றி நாம் வலம் வருவோம், உடனே நம் துயர்கள் கெடும், அவனே நம்முடைய காப்பு.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/25/பத்தாம்-பத்து-முதல்-திருவாய்மொழி----பாடல்-7-2962736.html
2962735 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 6 சொ. மணியன் DIN Tuesday, July 24, 2018 12:00 AM +0530
பாடல் 6

கூத்தன், கோவலன், குதற்று வல் அசுரர்கள் கூற்றம்,
ஏத்தும் நங்கட்கும் அமரர்க்கும் முனிவர்க்கும் இன்பன்,
வாய்த்த தண்பணை வள வயல் சூழ் திருமோகூர்
ஆத்தன் தாமரை அடி அன்றி மற்று இலம் அரணே.

எம்பெருமான் கூத்தன், பசுக்களை மேய்த்த கோவலன், துன்புறுத்துகின்ற கொடிய அசுரர்களுக்கு எமன், போற்றுகின்ற நமக்கும் அமரர்களுக்கும் முனிவர்களுக்கும் இன்பமயமானவன், நெருங்கிய, குளிர்ந்த நீர்நிலங்கள், வளமான வயல்களால் சூழப்பட்ட திருமோகூரிலே எழுந்தருளியுள்ளவன், நம்பத்தக்கவன், அவனுடைய தாமரைத் திருவடிகளே நமக்குக் காப்பு, வேறெதுவும் காப்பில்லை.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/24/பத்தாம்-பத்து-முதல்-திருவாய்மொழி----பாடல்-6-2962735.html
2962733 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 5 சொ. மணியன் DIN Monday, July 23, 2018 12:00 AM +0530
பாடல் 5

தொண்டீர், வம்மின், நம் சுடர் ஒளி ஒரு தனி முதல்வன்,
அண்டம், மூ உலகு அளந்தவன் அணி திருமோகூர்
எண் திசையும் ஈன் கரும்பொடு பெரும் செந்நெல் விளையக்
கொண்ட கோயிலை வலம் செய்து இங்கு ஆடுதும் கூத்தே.

தொண்டர்களே, நம்முடைய பெருமான், சுடரொளியாகத் திகழும் இணையற்ற தனி முதல்வன், அண்டங்களையும் மூன்று உலகங்களையும் அளந்தவன் எழுந்தருளியிருக்கும் அழகிய திருமோகூருக்குச் செல்வோம், எட்டுத் திசைகளிலும் கரும்போடு பெரிய செந்நெல் செழித்து விளைகின்ற சூழலில் அமைந்த எம்பெருமான் திருக்கோயிலைச் சுற்றிவந்து கூத்தாடுவோம், வாருங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/23/பத்தாம்-பத்து-முதல்-திருவாய்மொழி----பாடல்-5-2962733.html
2962732 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 4 சொ. மணியன் DIN Sunday, July 22, 2018 12:00 AM +0530

பாடல் 4

இடர் கெட எம்மைப் போந்து அளியாய் என்று என்று ஏத்திச்
சுடர்கொள் சோதியைத் தேவரும் முனிவரும் தொடரப்
படர்கொள் பாம்பு அணைப் பள்ளிகொள்வான் திருமோகூர்
இடர் கெட அடி பரவுதும், தொண்டீர், வம்மினே.

தேவர்களும் முனிவர்களும் சுடர்வடிவமான சோதிப்பெருமானாகிய எம்பெருமானைப் போற்றி, ‘எங்களுடைய இடர்கள் கெடுமாறு இங்கே வந்து காப்பாய்’ என்று வணங்குகிறார்கள், அத்தகைய பெருமான், பரவுகின்ற பாம்பாகிய ஆதிசேஷன்மீது திருத்துயில் கொள்கிறவன், அவன் எழுந்தருளியிருக்கும் திருமோகூருக்குச் செல்வோம், அவனுடைய திருவடிகளை வணங்கி நம் இடர்களைப் போக்கிக்கொள்வோம், தொண்டர்களே, வாருங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/22/பத்தாம்-பத்து-முதல்-திருவாய்மொழி----பாடல்-4-2962732.html
2962731 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 3 சொ. மணியன் DIN Saturday, July 21, 2018 12:00 AM +0530
பாடல் 3

அன்றி யாம் ஒரு புகலிடம் இலம் என்று என்று அலற்றி
நின்று நான்முகன், அரனொடு தேவர்கள் நாட
வென்று இம் மூ உலகு அளித்து உழல்வான் திருமோகூர்
நன்று நாம் இனி நணுகுதும் நமது இடர் கெடவே.

பிரம்மன், சிவபெருமான், மற்ற தேவர்களெல்லாம் எம்பெருமானை நாடி வந்து, ‘உங்களையன்றி எங்களுக்கு வேறு புகலிடம் இல்லை’ என்று அழைக்கிறார்கள், அதைக் கேட்டு அப்பெருமான் பகைவர்களை வெல்கிறான், மூன்று உலகங்களையும் காத்து அருள்கிறான். அத்தகைய பெருமானுடைய திருமோகூரை இனி நாம் நன்றாக அணுகுவோம், நம்முடைய இடர்களெல்லாம் கெடும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/21/பத்தாம்-பத்து-முதல்-திருவாய்மொழி----பாடல்-3-2962731.html
2962730 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 2 சொ. மணியன் DIN Friday, July 20, 2018 12:00 AM +0530
 பாடல் 2

இலம் கதி மற்று ஒன்று எம்மைக்கும், ஈன் தண் துழாயின்
அலங்கல் அம் கண்ணி, ஆயிரம் பேர் உடை அம்மான்
நலம்கொள் நான்மறை வாணர்கள் வாழ் திருமோகூர்
நலம் கழலவன் அடிநிழல் தடம் அன்றி யாமே.

குளிர்ச்சியைத் தருகிற துழாய்த் திருமாலையை அணிந்தவர், ஆயிரம் திருப்பெயர்களை உடைய அம்மான், நலன் நிறைந்த நான்கு வேதங்களை ஓதுகிற வாணர்கள் வாழும் திருமோகூரிலே எழுந்தருளிய திருவடிகளைக் கொண்டவர், எம்பெருமான், அவருடைய திருவடி நிழலே எங்களுக்குப் பொய்கைபோன்றது, வேறு கதி எங்களுக்கு இல்லை, இந்தப் பிறவியிலும், எல்லாப் பிறவிகளிலும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/20/பத்தாம்-பத்து-முதல்-திருவாய்மொழி----பாடல்-2-2962730.html
2962729 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 1 சொ. மணியன் Thursday, July 19, 2018 12:00 AM +0530
பாடல் 1

தாள தாமரைத் தடம் அணி வயல் திருமோகூர்
நாளும் மேவி நன்கு அமர்ந்து நின்று அசுரரைத் தகர்க்கும்
தோளும் நான்கு உடைச் சுரிகுழல் கமலக் கண், கனிவாய்
காளமேகத்தை அன்றி மற்று ஒன்று இலம் கதியே.

நாளத்துடன் கூடிய தாமரைகளைக்கொண்ட தடாகங்கள் அழகாகச் சூழ்ந்திருக்க, வயல்கள் நிறைந்த திருமோகூரிலே எப்போதும் எழுந்தருளி அசுரர்களை அழிக்கும் எம்பெருமான், நான்கு தோள்களைக்கொண்டவர், சுருண்ட தலைமுடி, தாமரைபோன்ற திருக்கண்கள், கனிபோன்ற திருவாயைக் கொண்ட கருமேகம், அவரைத்தவிர வேறு யாரும் எங்களுக்குக் கதியில்லை.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/19/பத்தாம்-பத்து-முதல்-திருவாய்மொழி----பாடல்-1-2962729.html
2962751 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 6 சொ. மணியன் Wednesday, July 18, 2018 06:06 PM +0530
பாடல் - 6

அமரராய்த் திரிகின்றார்கட்கு ஆதி சேர் அனந்தபுரத்து
அமரர்கோன் அர்ச்சிக்கின்று, அங்கு அகப்பணி செய்வர் விண்ணோர்,
நமர்களோ, சொல்லக் கேண்மின், நாமும் போய் நணுகவேண்டும்,
குமரனார் தாதை துன்பம் துடைத்த கோவிந்தனாரே.

அமரர்கள் என்று சொல்லப்படுகிற எல்லாருக்கும் முதன்மையானவர், முருகனுடைய தந்தையாகிய சிவனின் துன்பத்தைத் துடைத்த கோவிந்தனார், எம்பெருமான், அத்தகைய பெருமான், திருவனந்தபுரத்திலே அருள்புரிகிறார், அங்கே அவருக்கு அர்ச்சனை செய்பவர், அமரர்களின் தலைவரான சேனைமுதலியார், எம்பெருமானுக்கு நெருங்கிய தொண்டுகளைப் புரிகிறவர்கள், விண்ணோர்கள். நம்மவர்களே, சொல்வதைக் கேளுங்கள், நாமும் அந்தத் திருவனந்தபுரத்துக்குச் செல்லவேண்டும், எம்பெருமானுக்குத் தொண்டுபுரியவேண்டும்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/aug/04/பத்தாம்-பத்து-இரண்டாம்-திருவாய்மொழி---பாடல்---6-2962751.html
2956079 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து பத்தாம் திருவாய்மொழி - பாடல் 11 சொ. மணியன் DIN Wednesday, July 18, 2018 12:00 AM +0530
பாடல் - 11

பாடு சாரா வினை, பற்று அற வேண்டுவீர்,
மாட நீடு குருகூர்ச் சடகோபன் சொல்
பாடல் ஆன தமிழ் ஆயிரத்துள் இப்பத்தும்
பாடி ஆடிப் பணிமின் அவன் தாள்களே.

பற்றுகள் அறவேண்டும் என்று விரும்புகிறவர்களே, மாடங்கள் நீண்டு விளங்கும் குருகூர்ச் சடகோபர் சொன்ன தமிழ்த் திருப்பாடல்கள் ஆயிரத்திலே இந்தப் பத்தையும் பாடி, ஆடுங்கள், எம்பெருமானின் திருவடிகளை வணங்குங்கள், வினைகள் உங்களை நெருங்காது.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/18/ஒன்பதாம்-பத்து-பத்தாம்-திருவாய்மொழி---பாடல்-11-2956079.html
2956078 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து பத்தாம் திருவாய்மொழி - பாடல் 10 சொ. மணியன் DIN Tuesday, July 17, 2018 12:00 AM +0530
பாடல் - 10

இல்லை அல்லல், எனக்கேல் இனி என் குறை?
அல்லி மாதர் அமரும் திருமார்பினன்,
கல்லில் ஏய்ந்த மதிள் சூழ் திருக்கண்ணபுரம்
சொல்ல நாளும் துயர் பாடு சாராவே.

துன்பங்கள் இனி இல்லை, எனக்கு இனி என்ன குறை? (ஏதுமில்லை.) தாமரை மலரிலே அமர்ந்த திருமகள் அமரும் திருமார்பைக்கொண்ட எம்பெருமான் எழுந்தருளியிருக்கும் திருத்தலம், கற்களால் கட்டப்பட்ட மதிள் சுவரால் சூழப்பட்ட திருக்கண்ணபுரம். அந்த ஊரின் பெயரைச் சொன்னால், துயரங்கள் என்றைக்கும் நம் பக்கத்தில் நெருங்காது.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/17/ஒன்பதாம்-பத்து-பத்தாம்-திருவாய்மொழி---பாடல்-10-2956078.html
2956077 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து பத்தாம் திருவாய்மொழி - பாடல் 9 சொ. மணியன் DIN Monday, July 16, 2018 12:00 AM +0530
பாடல் - 9

பாதம் நாளும் பணியத் தணியும் பிணி,
ஏதம் சாரா, எனக்கேல் இனி என் குறை?
வேத நாவர் விரும்பும் திருக் கண்ணபுரத்து
ஆதியானை அடைந்தார்க்கு அல்லல் இல்லையே.

எம்பெருமானின் திருவடிகளை ஒவ்வொரு நாளும் வணங்கினால் நோய்கள் தீரும், பாவங்கள் நெருங்காது, இனி எனக்கு என்ன குறை? (ஏதுமில்லை.) வேதங்களை ஓதுகின்றோர் விரும்புகின்ற திருக்கண்ணபுரத்திலே எழுந்தருளியிருக்கும் ஆதிப் பெருமான், அவரை அடைந்தவர்களுக்கு அல்லல்கள் ஏதும் இல்லை.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/16/ஒன்பதாம்-பத்து-பத்தாம்-திருவாய்மொழி---பாடல்-9-2956077.html
2956076 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து பத்தாம் திருவாய்மொழி - பாடல் 8 சொ. மணியன் DIN Sunday, July 15, 2018 12:00 AM +0530
பாடல் - 8

அணியன் ஆகும் தன தாள் அடைந்தார்க்கு எல்லாம்,
பிணியும் சாரா பிறவி கெடுத்து ஆளும்,
மணி பொன் ஏய்ந்த மதிள் சூழ் திருக்கண்ணபுரம்
பணிமின் நாளும் பரமேட்டி தன் பாதமே.

தன்னுடைய திருவடிகளை அடைந்த எல்லாருக்கும் எம்பெருமான் அருகிலேயே இருக்கிறான், நோய்கள் அவர்களை நெருங்கவிடாமல் செய்கிறான், பிறவிச்சுழலைக் கெடுத்து அவர்களை ஆள்கிறான். ஆகவே, மணிகளும் பொன்னும் பொருந்திய மதிள் சுவரால் சூழப்பட்ட திருக்கண்ணபுரத்தில் எழுந்தருளியிருக்கும் பரமபதநாதனின் திருவடிகளைத் தினந்தோறும் பணிந்து வணங்குங்கள்.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/15/ஒன்பதாம்-பத்து-பத்தாம்-திருவாய்மொழி---பாடல்-8-2956076.html
2956075 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து பத்தாம் திருவாய்மொழி - பாடல் 7 சொ. மணியன் DIN Saturday, July 14, 2018 12:00 AM +0530
பாடல் - 7

மெய்யன் ஆகும் விரும்பித் தொழுவார்க்கு எல்லாம்,
பொய்யன் ஆகும் புறமே தொழுவார்க்கு எல்லாம்,
செய்யில் வாளை உகளும் திருக்கண்ணபுரத்து
ஐயன் ஆகத்து அணைப்பார்கட்கு அணியனே.

தன்னை விரும்பித் தொழுகிற எல்லாருக்கும் உண்மையாகக் காட்சி தருபவன்; வெறுமனே புறத்தோற்றங்களால்மட்டுமே தொழுகிறவர்களுக்குப் பொய்யாகிறவன், தன்னைக் காண்பிக்காமலிருப்பவன். வயலிலே வாளை மீன்கள் துள்ளுகின்ற திருக்கண்ணபுரத்தில் எழுந்தருளியிருக்கும் நம் தலைவனை மனத்தில் நினைத்தால் போதும், அவன் எப்போதும் நம் பக்கத்திலேயே இருப்பான்.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/14/ஒன்பதாம்-பத்து-பத்தாம்-திருவாய்மொழி---பாடல்-7-2956075.html
2956074 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து பத்தாம் திருவாய்மொழி - பாடல் 6 சொ. மணியன் DIN Friday, July 13, 2018 12:00 AM +0530
பாடல் - 6

அன்பன் ஆகும் தன தாள் அடைந்தார்க்கு எல்லாம்,
செம் பொன் ஆகத்து அவுணன் உடல் கீண்டவன்,
நல் பொன் ஏய்ந்த மதிள் சூழ் திருக்கண்ணபுரத்து
அன்பன் நாளும் தன மெய்யர்க்கு மெய்யனே.

தன்னுடைய திருவடிகளை வந்தடைந்தவர்கள் எல்லாருக்கும் அன்பன், சிவந்த பொன்னைப்போன்ற உடலைக்கொண்ட இரணியனின் உடலைப் பிளந்தவன், நல்ல பொன்னாலே அமைக்கப்பட்ட மதிள் சுவரால் சூழப்பட்ட திருக்கண்ணபுரத்திலே எழுந்தருளியிருக்கும் அன்பன், எம்பெருமான், தன்மீது உண்மையான பக்தி செலுத்துகிறவர்களிடம் ஒவ்வொரு நாளும் உண்மையான அன்பு காட்டுவான்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/13/ஒன்பதாம்-பத்து-பத்தாம்-திருவாய்மொழி---பாடல்-6-2956074.html
2956073 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து பத்தாம் திருவாய்மொழி - பாடல் 5 சொ. மணியன் DIN Thursday, July 12, 2018 12:00 AM +0530  

பாடல் - 5

சரணம் ஆகும் தன தாள் அடைந்தார்க்கு எல்லாம்
மரணம் ஆனால் வைகுந்தம் கொடுக்கும் பிரான்,
அரண் அமைந்த மதிள் சூழ் திருக்கண்ணபுரத்
தரணிஆளன் தனது அன்பர்க்கு அன்பு ஆகுமே.

அன்பர்களுக்குப் புகலிடம் எம்பெருமானின் திருவடிகள், அந்தத் திருவடிகளை வந்தடைந்த எல்லாருக்கும், உலக வாழ்வுக்குப்பிறகு வைகுந்தத்தை அருள்கிறார் அவர், பாதுகாப்பாக அமைந்த மதிள் சுவரால் சூழப்பட்ட திருக்கண்ணபுரத்திலே எழுந்தருளியிருக்கும் எம்பெருமான், இவ்வுலகத்தை ஆள்கிறார், தன் அன்பர்கள்மீது அன்பு செலுத்துகிறார்.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/12/ஒன்பதாம்-பத்து-பத்தாம்-திருவாய்மொழி---பாடல்-5-2956073.html
2956072 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து பத்தாம் திருவாய்மொழி - பாடல் 4  சொ. மணியன் DIN Wednesday, July 11, 2018 12:00 AM +0530
பாடல் - 4

மானை நோக்கி மடப்பின்னை தன் கேள்வனை,
தேனை வாடா மலர் இட்டு நீர் இறைஞ்சுமின்,
வானை உந்தும் மதிள் சூழ் திருக்கண்ணபுரம்
தான் நயந்த பெருமான் சரண் ஆகுமே.

வானை முட்டும் மதிள் சுவர்களால் சூழப்பட்ட திருக்கண்ணபுரத்தை விரும்பி அங்கே எழுந்தருளியிருக்கிறார் எம்பெருமான், அவருடைய திருப்பாதங்கள் நமக்குப் புகலிடமாகும், ஆகவே, மானைப்போன்ற கண்களையுடைய இளம் நப்பின்னையின் கணவர், தேன்போன்ற இனிய பெருமான், அவரை வாடாத மலர்கள் இட்டு இறைஞ்சுங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/11/ஒன்பதாம்-பத்து-பத்தாம்-திருவாய்மொழி---பாடல்-4-2956072.html
2956071 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து பத்தாம் திருவாய்மொழி - பாடல் 3 சொ. மணியன் DIN Tuesday, July 10, 2018 12:00 AM +0530
பாடல் - 3

தொண்டர், நும் தம் துயர் போக நீர் ஏகமாய்
விண்டு வாடா மலர் இட்டு நீர் இறைஞ்சுமின்,
வண்டு பாடும் பொழில் சூழ் திருக்கண்ணபுரத்து
அண்டவாணன், அமரர் பெருமானையே.

தொண்டர்களே, உங்களுடைய துயரங்களெல்லாம் போகவேண்டுமென்றால், வண்டுகள் இசை பாடும் பொழில்களால் சூழப்பட்ட திருக்கண்ணபுரத்தில் எழுந்தருளியிருக்கும் பரமபதநாதன், தேவர்களின் பெருமான், எம்பெருமானை வணங்குங்கள், மலர்ந்து, வாடாத (புதிய) மலர்களை அவருடைய திருப்பாதங்களில் இட்டு இறைஞ்சுங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/10/ஒன்பதாம்-பத்து-பத்தாம்-திருவாய்மொழி---பாடல்-3-2956071.html
2956069 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து பத்தாம் திருவாய்மொழி - பாடல் 2 சொ. மணியன் DIN Monday, July 9, 2018 05:45 AM +0530
பாடல் - 2

கள் அவிழும் மலர் இட்டு நீர் இறைஞ்சுமின்,
நள்ளி சேரும் வயல் சூழ் கிடங்கின் புடை
வெள்ளி ஏய்ந்த மதிள் சூழ் திருக்கண்ணபுரம்
உள்ளி நாளும் தொழுது எழுமினோ தொண்டரே.

தொண்டர்களே, எம்பெருமான் எழுந்தருளியிருக்கும் திருக்கண்ணபுரத்திலே, பெண் நண்டுகள் அங்குமிங்கும் சென்றுவருகிற வயல்களால் சூழப்பட்ட அகழிகளின் அருகே, வெள்ளிக்கிரகத்தையே தொடுமளவுக்கு உயர்ந்த மதிள் சுவர், அத்தகைய திருக்கண்ணபுரத்தை மனத்தில் நினையுங்கள், ஒவ்வொரு நாளும் அதைத் தொழுது எழுங்கள், தேன் சொட்டும் மலர்களை இட்டு எம்பெருமானிடம் இறைஞ்சுங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/09/ஒன்பதாம்-பத்து-பத்தாம்-திருவாய்மொழி---பாடல்-2-2956069.html
2956068 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து பத்தாம் திருவாய்மொழி - பாடல் 1 சொ. மணியன் Sunday, July 8, 2018 12:00 AM +0530
பாடல் - 1

மாலை நண்ணித் தொழுது எழுமினோ வினை கெடக்
காலை, மாலை கமல மலர் இட்டு நீர்
வேலை மோதும் மதிள் சூழ் திருக்கண்ணபுரத்து
ஆலின்மேல் ஆல் அமர்ந்தான் அடி இணைகளே.

கடல் அலைகள் வந்து மோதுகின்ற மதிள் சுவரால் சூழப்பட்ட திருக்கண்ணபுரத்தில் எழுந்தருளியிருக்கும் பெருமான், தண்ணீரிலே ஆலிலையில் பள்ளிகொண்டவன், அவனுடைய திருவடிகளைத் தொழுங்கள், காலையும் மாலையும் தாமரை மலர்களைக்கொண்டு வழிபடுங்கள், அந்தத் திருமாலை அணுகி வணங்கி உங்கள் வினைகளைப் போக்கிக்கொள்ளுங்கள்.
 

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/08/ஒன்பதாம்-பத்து-பத்தாம்-திருவாய்மொழி---பாடல்-1-2956068.html
2942880 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து ஒன்பதாம் திருவாய்மொழி - பாடல் 11 சொ. மணியன் DIN Saturday, July 7, 2018 12:00 AM +0530 பாடல் 11

அவனை விட்டு அகன்று உயிர் ஆற்றகில்லா
அணி இழை ஆய்ச்சியர் மாலைப் பூசல்
அவனை விட்டு அகல்வதற்கே இரங்கி
அணி குருகூர்ச் சடகோபன் மாறன்
அவனி உண்டு உமிழ்ந்தவன்மேல் உரைத்த
ஆயிரத்துள் இவை பத்தும் கொண்டு
அவனியுள் அலற்றி நின்று உய்ம்மின் தொண்டீர்,
அச் சொன்ன மாலை நண்ணித் தொழுதே.

எம்பெருமானை விட்டுப் பிரிந்து உயிர்வாழ இயலாத, அழகிய நகைகளை அணிந்த ஆய்ச்சியர்கள், மாலைநேரத்தில் அப்பெருமானை எண்ணி இரங்கிப் பாடுகிறார்கள், எம்பெருமானைப் பிரிந்து அவர்கள் அனுபவிக்கும் துயரத்தை உணர்ந்த, அழகிய குருகூர்ச் சடகோபன் மாறன், உலகை உண்டு, உமிழ்ந்த அப்பெருமான்மீது ஆயிரம் திருப்பாடல்களைப் பாடினார். இறைவனின் தொண்டர்களே, மாறன் பாடியவற்றில் இந்தப் பத்து பாடல்களையும் உலகிலே சொல்லுங்கள், அவர் சொன்ன அந்தத் திருமாலை நெருங்கித் தொழுது வணங்கி உய்யுங்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/07/ஒன்பதாம்-பத்து-ஒன்பதாம்-திருவாய்மொழி---பாடல்-11-2942880.html
2942879 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து ஒன்பதாம் திருவாய்மொழி - பாடல் 10 சொ. மணியன் DIN Friday, July 6, 2018 12:00 AM +0530 பாடல் 10

மாலையும் வந்தது, மாயன் வாரான்,
மா மணி புலம்ப வல் ஏறு அணைந்த
கோலம் நல் நாகுகள் உகளுமாலோ,
கொடியன குழல்களும் குழறுமாலோ,
வால் ஒளி வளர்முல்லைக் கரு முகைகள்,
மல்லிகை அலம்பி வண்டு ஆலுமாலோ,
வேலையும் விசும்பில் விண்டு அலறுமாலோ,
என்சொல்லி உய்வன் இங்கு அவனை விட்டே?

மாலைப்பொழுது வந்தது, மாயன் கண்ணன், எம்பெருமான் வரவில்லை, கழுத்திலே கட்டிய பெரிய மணிகள் சத்தமிடும்படி வலிமையான காளைகளைச் சேர்ந்த அழகிய, நல்ல பசுக்கள் மகிழ்ச்சியாகத் திரிகின்றன, கொடிய புல்லாங்குழல்கள் இசையைப் பொழிகின்றன, வெண்மையான ஒளியையுடைய வளர்கின்ற முல்லை, கருமுகை, மல்லிகை ஆகியவற்றை மொய்த்து வண்டுகள் சத்தமெழுப்புகின்றன, கடல் வானத்தைச் சென்றடைந்து அலறுகிறது, அவனை விட்டுப் பிரிந்த நான் இங்கே எதைச்சொல்லி உயிர்பிழைப்பேன்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/06/ஒன்பதாம்-பத்து-ஒன்பதாம்-திருவாய்மொழி---பாடல்-10-2942879.html
2942878 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து ஒன்பதாம் திருவாய்மொழி - பாடல் 9 சொ. மணியன் DIN Thursday, July 5, 2018 12:00 AM +0530 பாடல் 9

ஊதும் அத் தீம் குழற்கே உய்யேன் நான்
அது மொழிந்து இடை இடை, தன் செய்கோலம்
தூது செய் கண்கள் கொண்டு ஒன்று பேசித்
தூமொழி இசைகள் கொண்டு ஒன்று நோக்கிப்
பேது உறு முகம் செய்து நொந்து நொந்து
பேதை நெஞ்சு அறவு அறப் பாடும் பாட்டை
யாதும் ஒன்று அறிகிலம், அம்ம, அம்ம,
மாலையும் வந்தது, மாயன் வாரான்.

கண்ணன் ஊதுகின்ற அந்த இனிய குழலோசையைக் கேட்டு என்னால் உயிரைத் தாங்கிக்கொள்ளமுடியவில்லை, அவன் இடையிடையே பேசும் சில சொற்களையும் பொறுத்துக்கொள்ளமுடியவில்லை, அழகாகத் தன்னை அலங்கரித்துக்கொண்டிருக்கும் கண்ணன் கண்களாலே தூது அனுப்புவதுபோல் பேசுவான், தூய்மையான பாடல்களோடு கூடிய இசையாலே இன்னும் இன்னும் பேசுவான், தன்னுடைய ஈடுபாடு முகத்திலே தோன்றுமாறு செய்து பெண்களை நோகச்செய்வான், பேதைப்பெண்களின் நெஞ்சில் இருக்கும் ஊடல் அறுந்துபோகும்படி பாடுவான், இதையெல்லாம் நான் சிறிதும் அறியவில்லை, அடடா, மாலைப்பொழுது வந்துவிட்டதே, மாயன் இன்னும் வரவில்லையே.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/05/ஒன்பதாம்-பத்து-ஒன்பதாம்-திருவாய்மொழி---பாடல்-9-2942878.html
2942877 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து ஒன்பதாம் திருவாய்மொழி - பாடல் 8 சொ. மணியன் DIN Wednesday, July 4, 2018 12:00 AM +0530 பாடல் 8

புதுமணம் முகந்துகொண்டு எறியுமாலோ
பொங்கு இள வாடை, புன் செக்கராலோ,
அது மணந்து அகன்ற நம் கண்ணன் கள்வம்
கண்ணனின் கொடிது, இனி அதனில் உம்பர்
மது, மணம் மல்லிகை மந்தக் கோவை,
வண் பசும் சாந்தினில் பஞ்சமம் வைத்து
அது மணந்து இன் அருள் ஆய்ச்சியர்க்கே
ஊதும் அத் தீம்குழற்கே உய்யேன்.

பொங்குகின்ற இளவாடைக்காற்று புதிய நறுமணத்தை முகந்துகொண்டு வந்து என்மேல் எறிகிறது, புன்மையான செக்கர் வானமும் என்னை வருத்துகிறது, இப்படி நான் வருந்தும்படி என்னைக் கலந்து பிரிந்த எம்பெருமான் கண்ணனின் கள்வச்செயல், எம்பெருமானைவிடக் கொடியது. அதைவிடக் கொடியவை, தேனும் நறுமணமும் கலந்த மல்லிகையைச் செறிவாகத் தொடுத்த மாலை, வளமான பசும் சந்தனம் ஆகியவை, இவற்றைவிடக் கொடியது, நல்ல அருளையுடைய ஆய்ச்சியருக்காகப் பஞ்சமம் என்கிற பண்ணிலே ஊதும் இனிய குழலோசை. (இவை அனைத்தும் என்னை வருத்துகின்றன.) அந்த இனிமையான குழலோசையைக் கேட்டபின்னர் நான் எப்படி உயிரைத் தாங்கிநிற்பேன்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/04/ஒன்பதாம்-பத்து-ஒன்பதாம்-திருவாய்மொழி---பாடல்-8-2942877.html
2942875 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து ஒன்பதாம் திருவாய்மொழி - பாடல் 7 சொ. மணியன் DIN Tuesday, July 3, 2018 12:00 AM +0530 பாடல் 7

ஆருக்கு என் சொல்லுகேன் அன்னைமீர்காள்,
ஆர் உயிர் அளவு அன்று இக் கூர் தண் வாடை,
கார் ஒக்கும் மேனி நம் கண்ணன் கள்வம்
கவர்ந்த அத் தனி நெஞ்சம் அவன்கண் அஃதே,
சீர் உற்ற அகில் புகை, யாழ் நரம்பு,
பஞ்சமம், தண் பசும் சாந்து அணைந்து
போர் உற்ற வாடை தண் மல்லிகைப் பூப்
புதுமணம் முகந்துகொண்டு எறியுமாலோ.

மேகத்தைப்போன்ற திருமேனியைக்கொண்ட நம் கண்ணன், தன்னுடைய கள்வச்செயல்களாலே என்னுடைய தனி நெஞ்சத்தைக் கவர்ந்துவிட்டான், அது இப்போது அவனிடம் இருக்கிறது, நறுமணம் மிக்க அகில் புகை, யாழின் நரம்பு, பஞ்சமப் பண், குளிர்ச்சியான, பசுமையான சந்தனம் ஆகியவற்றை ஏந்திக்கொண்டு என்மேல் போர் தொடுக்கிறது வாடைக்காற்று, குளிர்ச்சியான மல்லிகைப் பூவின் புதுமணத்தை முகந்துகொண்டு வந்து என்மேல் எறிகிறது, தாய்மார்களே, நான் யாருக்கு என்ன சொல்லுவேன்? இந்த மிகுதியான, குளிர்ந்த வாடைக்காற்றை என் உயிர் தாங்குமா?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/03/ஒன்பதாம்-பத்து-ஒன்பதாம்-திருவாய்மொழி---பாடல்-7-2942875.html
2942874 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து ஒன்பதாம் திருவாய்மொழி - பாடல் 6 சொ. மணியன் DIN Monday, July 2, 2018 12:00 AM +0530 பாடல் 6

அவன் உடை அருள்பெறும் போது அரிதால்,
அவ் அருள் அல்லன அருளும் அல்ல,
அவன் அருள்பெறும் அளவு ஆவி நில்லாது
அடுபகல் மாலையும் நெஞ்சும் காணேன்,
சிவனொடு பிரமன், வண் திருமடந்தை
சேர் திரு ஆகம் என் ஆவி ஈரும்,
எவம் இனிப் புகும் இடம்? எவம் செய்கேனோ?
ஆருக்கு என் சொல்லுகேன்? அன்னைமீர்காள்.

எம்பெருமானின் திருவருளைப் பெறுவது அரிய விஷயமாக இருக்கிறது. ஆயினும், எனக்கு அப்பெருமானின் திருவருள்தான் வேண்டும், மற்ற அருளெல்லாம் அருளே இல்லை. ஆனால், அவனுடைய அருள் கிடைக்கும்வரை என் உயிர் நிலைக்குமா? பகல் நீங்கிய மாலை நேரம் வந்தது, என் நெஞ்சைக் காணவில்லை, சிவன், பிரமன், சிறந்த திருமகள் சேர்ந்த எம்பெருமானின் திருமேனி என் உயிரை அறுக்கிறது. தாய்மார்களே, இனி நான் எங்கே சென்று புகுவேன்? என்ன செய்வேன்? யாரிடம் என்ன சொல்வேன்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/02/ஒன்பதாம்-பத்து-ஒன்பதாம்-திருவாய்மொழி---பாடல்-6-2942874.html
2942873 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து ஒன்பதாம் திருவாய்மொழி - பாடல் 5 சொ. மணியன் DIN Sunday, July 1, 2018 12:00 AM +0530 பாடல் 5

யாம் உடை நெஞ்சமும் துணை அன்று ஆலோ,
ஆ புகு மாலையும் ஆகின்றாலோ,
யாம் உடை ஆயன் தன் மனம் கல்லாலோ,
அவன் உடைத் தீம்குழல் ஈருமாலோ,
யாம் உடைத் துணை என்னும் தோழிமாரும்
எம்மின்முன் அவனுக்கு மாய்வராலோ,
யாம் உடை ஆர் உயிர் காக்குமாறு என்?
அவன் உடை அருள்பெறும் போது அரிதே.

என்னுடைய நெஞ்சமும் எனக்குத் துணையாக நிற்கவில்லை, பசுக்கள் மேய்ந்துவிட்டு ஊரை வந்தடையும் மாலை நேரம் என்னை வருத்துகிறது, என்னுடைய ஆயனாகிய எம்பெருமானின் மனமோ கல்லாக இருக்கிறது, அவனுடைய இனிய குழலோசை என்னை அறுக்கிறது, நான் துணையாகக் கருதிய என்னுடைய தோழிமார்களும் எனக்குமுன் அவனை எண்ணி வருந்துகிறார்கள், இனி நான் என்னுடைய உயிரை எப்படிக் காத்துக்கொள்வேன்? அப்பெருமானின் திருவருளைப் பெறுவது அரிய விஷயமாக இருக்கிறதே.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jul/01/ஒன்பதாம்-பத்து-ஒன்பதாம்-திருவாய்மொழி---பாடல்-5-2942873.html
2942872 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து ஒன்பதாம் திருவாய்மொழி - பாடல் 4 சொ. மணியன் DIN Saturday, June 30, 2018 12:00 AM +0530 பாடல் 4

பாவியேன் மனத்தே நின்று ஈருமாலோ,
வாடை, தண் வாடை, வெவ்வாடை ஆலோ,
மேவு தண் மதியம், வெம் மதியம் ஆலோ,
மென்மலர்ப் பள்ளி வெம் பள்ளி ஆலோ,
தூவி அம் புள் உடை தெய்வ வண்டு
துதைந்த எம் பெண்மை அம் பூ இது ஆலோ,
ஆவியின் பரம் அல்ல வகைகள் ஆலோ,
யாம் உடை நெஞ்சமும் துணை அன்று ஆலோ.

எம்பெருமானின் நினைவுகள், பாவியாகிய என் மனத்தில் நின்று அறுக்கின்றன, குளிர்ந்த வாடைக்காற்று வெம்மையான வாடைக்காற்றாக வருத்துகிறது, விரும்பத்தக்க, குளிர்ந்த நிலவு, வெம்மையான நிலவாக ஆகிறது, மென்மையான மலர்கள் தூவப்பட்ட படுக்கை, வெம்மையான படுக்கையாக ஆகிறது, சிறகுகளையுடைய அழகிய பறவையான கருடனை வாகனமாகக் கொண்ட எம்பெருமான் என்கிற வண்டு, அழகிய பூவாகிய என் பெண்மையை நுகர்ந்துவிட்டுப் பிரிந்துசென்றுவிட்டது, இதை என் உயிரால் பொறுத்துக்கொள்ள இயலவில்லை, என்னுடைய நெஞ்சமும் எனக்குத் துணையாக நிற்கவில்லை, (என்னைப் பிரிந்து எம்பெருமானிடம் சென்றுவிட்டது.)

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/30/ஒன்பதாம்-பத்து-ஒன்பதாம்-திருவாய்மொழி---பாடல்-4-2942872.html
2942870 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து ஒன்பதாம் திருவாய்மொழி - பாடல் 3 சொ. மணியன் DIN Friday, June 29, 2018 12:00 AM +0530 பாடல் 3

இனி இருந்து என் உயிர் காக்குமாறு என்?
இணை முலை நமுக நுண் இடை நுடங்கத்
துனி இரும் கலவி செய்து ஆகம் தோய்ந்து
துறந்து எமை இட்டு அகல் கண்ணன், கள்வன்,
தனி இளம் சிங்கம், எம் மாயன் வாரான்,
தாமரைக் கண்ணும் செவ்வாயும் நீலப்
பனி இரும் குழல்களும் நான்கு தோளும்
பாவியேன் மனத்தே நின்று ஈருமாலோ.

எம்பெருமான் கண்ணன், என் உள்ளத்தைக் கவர்ந்த கள்வன், தனக்கு ஈடாக ஒருவரும் இல்லாத இளம் சிங்கம், எங்கள் மாயன், அவன் என்னுடைய இரு மார்பகங்களும் குழையும்படி, சிறிய இடை தளரும்படி என்னோடு கலந்தான், அது துக்கத்தைத் தரும் கலவியாக இருந்தது, ஏனெனில், அவன் அவ்வாறு என் மெய்யோடு கலந்தபிறகு, என்னை விட்டுச் சென்றுவிட்டான், இப்போது, அவன் இங்கே வர மறுக்கிறான், அவனுடைய தாமரைபோன்ற திருக்கண்களும், சிவந்த திருவாயும், கருத்த, குளிர்ந்த, நீண்ட குழல்களும், நான்கு திருத்தோள்களும் பாவியாகிய என்னுடைய மனத்தில் நின்று அறுக்கின்றன. நான் இனி என் உயிரை எப்படிக் காத்துக்கொள்வேன்?

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/29/ஒன்பதாம்-பத்து-ஒன்பதாம்-திருவாய்மொழி---பாடல்-3-2942870.html
2942869 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து ஒன்பதாம் திருவாய்மொழி - பாடல் 2 சொ. மணியன் DIN Thursday, June 28, 2018 12:00 AM +0530 பாடல் 2

புகலிடம் அறிகிலம் தமியமாலோ,
புலம்புறு மணி தென்றல் ஆம்பலாலோ,
பகல் அடு மாலை வண் சாந்தமாலோ,
பஞ்சமம் முல்லை தண் வாடையாலோ,
அகல் இடம் படைத்து, இடந்து, உண்டு, உமிழ்ந்து,
அளந்து எங்கும் அளிக்கின்ற ஆயன், மாயோன்,
இகல் இடத்து அசுரர்கள் கூற்றம் வாரான்,
இனி இருந்து என் உயிர் காக்கும் ஆறு என்?

புகலிடம் அறியாமல் தனிமையில் வருந்துகிறேன், மாடுகளின் கழுத்தில் ஒலிக்கிற மணி, தென்றல், ஆம்பல், பகல் சென்றபின்னர் வரும் மாலை நேரம், அழகிய சந்தனம், பஞ்சமப்பண், முல்லை, குளிர்ந்த வாடை என அனைத்தும் என்னை வருத்துகின்றன, அகன்ற இந்த உலகத்தைப் படைத்து, இடந்தெடுத்து, உண்டு, உமிழ்ந்து, அளந்து, எப்போதும் காக்கின்ற பெருமான், ஆயன், மாயோன், போர்க்களத்திலே அசுரர்களுக்கு எமன், எம்பெருமான், அவன் என்னைக் காக்க வரவில்லை, இனி நான் எப்படி என் உயிரைக் காத்துக்கொள்வேன்?

]]>
ராம்நாத் கோயாங்கா இதழியல் சிறப்பு விருதுகள் 2015 http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/28/ஒன்பதாம்-பத்து-ஒன்பதாம்-திருவாய்மொழி---பாடல்-2-2942869.html
2942868 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து ஒன்பதாம் திருவாய்மொழி - பாடல் 1 சொ. மணியன் Wednesday, June 27, 2018 12:00 AM +0530 பாடல் 1

மல்லிகை கமழ் தென்றல் ஈருமாலோ,
வண் குறிஞ்சி இசை தவருமாலோ,
செல்கதிர் மாலையும் மயக்குமாலோ,
செக்கர் நன்மேகங்கள் சிதைக்குமாலோ,
அல்லி அம் தாமரைக் கண்ணன் எம்மான்
ஆயர்கள் ஏறு, அரி ஏறு, எம் மாயோன்
புல்லிய முலைகளும் தோளும் கொண்டு
புகலிடம் அறிகிலம் தமியமாலோ.

மல்லிகை மணம் கமழும் தென்றல் என்னை அறுக்கிறது, இனிமையான குறிஞ்சி இசை என் காதைத் துளைக்கிறது, சூரியன் மறையும் மாலையும் என்னை மயக்குகிறது, செக்கர் வானத்தில் நல்ல மேகங்கள் என்னைச் சிதைக்கின்றன, மலர்ந்த, அழகிய தாமரைபோன்ற கண்களையுடைய எம்பெருமான், ஆயர்களின் சிங்கம், ஆண் சிங்கம், எங்கள் மாயோன், அவர் தழுவிய மார்பகங்களையும் தோளையும் வைத்துக்கொண்டு, இப்போது அவரைப் பிரிந்து வருந்துகிறேன், எனக்குப் புகலிடம் எதுவோ, நான் அறியேன், தனிமையில் வருந்துகிறேன்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/27/ஒன்பதாம்-பத்து-ஒன்பதாம்-திருவாய்மொழி---பாடல்-1-2942868.html
2935754 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து எட்டாம் திருவாய்மொழி - பாடல் 11 சொ. மணியன் DIN Tuesday, June 26, 2018 12:00 AM +0530 பாடல் 11

வண்ணம் மணிமாடம் நல்நாவாய் உள்ளானைத்
திண்ணம் மதிள் தென் குருகூர்ச் சடகோபன்
பண்ஆர் தமிழ் ஆயிரத்து இப்பத்தும் வல்லார்
மண் ஆண்டு மணம் கமழ்வர் மல்லிகையே.

அழகிய மணிமாடங்கள் நிறைந்த, நல்ல திருநாவாயிலே எழுந்தருளியிருக்கும் எம்பெருமானை, திண்மையான மதிள் சுவரைக்கொண்ட தென்குருகூர்ச் சடகோபன்பண்ணோடு கூடிய தமிழிலே ஆயிரம் பாடல்களில் பாடினார். அவற்றுள் இந்தப் பத்து பாடல்களையும் பாட வல்லவர்கள் இவ்வுலகை ஆள்வார்கள், மல்லிகையின் மணம்போல் எம்பெருமானையும் சேர்வார்கள்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/26/ஒன்பதாம்-பத்து-எட்டாம்-திருவாய்மொழி---பாடல்-11-2935754.html
2935753 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து எட்டாம் திருவாய்மொழி - பாடல் 10 சொ. மணியன் DIN Monday, June 25, 2018 12:00 AM +0530 பாடல் 10

அந்தோ, அணுகப்பெறு நாள் என்று, எப்போதும்
சிந்தை கலங்கித் திருமால் என்று அழைப்பன்,
கொந்துஆர் மலர்ச்சோலைகள் சூழ் திருநாவாய்
வந்தே உறைகின்ற எம் மா மணிவண்ணா.

கொத்தாக மலர்கள் நிறைந்த சோலைகளால் சூழப்பட்ட திருநாவாயிலே வந்து எழுந்தருளியிருக்கும் எங்கள் மாமணிவண்ணனே,  நான் உன்னை அடைகின்ற நாள் என்றைக்கோ என்று எப்போதும் ஏங்குவேன், மனம் கலங்கித் ‘திருமால்’ என்று உன்னை அழைப்பேன், அடடா!

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/25/ஒன்பதாம்-பத்து-எட்டாம்-திருவாய்மொழி---பாடல்-10-2935753.html
2935751 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து எட்டாம் திருவாய்மொழி - பாடல் 9 சொ. மணியன் DIN Sunday, June 24, 2018 12:00 AM +0530 பாடல் 9

தேவர், முனிவர்க்கு என்றும் காண்டற்கு அரியன்,
மூவர் முதல்வன், ஒரு மூ உலகு ஆளி,
தேவன் விரும்பி உறையும் திருநாவாய்
யாவர் அணுகப்பெறுவர் இனி அந்தோ.

தேவர்கள், முனிவர்களால் என்றைக்கும் காண இயலாதபடி அரியவன், பிரமன், சிவன், இந்திரன் என்ற மூவரின் முதல்வன், மூன்று உலகங்களை ஆள்பவன், தேவன், எம்பெருமான், அவன் விரும்பி எழுந்தருளியிருக்கும் திருநாவாய்க்குச் செல்லப்போகிறவர்கள் யாரோ, அடடா!

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/24/ஒன்பதாம்-பத்து-எட்டாம்-திருவாய்மொழி---பாடல்-9-2935751.html
2935750 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து எட்டாம் திருவாய்மொழி - பாடல் 8 சொ. மணியன் DIN Saturday, June 23, 2018 12:00 AM +0530 பாடல் 8

அருளாது ஒழிவாய், அருள்செய்து அடியேனைப்
பொருள்ஆக்கி உன் பொன்னடிக்கீழ்ப் புகவைப்பாய்,
மருளே இன்றி உன்னை என் நெஞ்சத்து இருத்தும்
தெருளே தரு தென் திருநாவாய் என் தேவே.

அழகிய திருநாவாயிலே எழுந்தருளியிருக்கும் என் தெய்வமே, எம்பெருமானே, நீ எனக்கு அருள்செய்யாமலிருந்தாலும் சரி, அருள்செய்து என்னை ஒரு பொருட்டாக்கி உன்னுடைய அழகிய திருவடிகளின்கீழ் புகவைத்தாலும் சரி, எந்த மயக்கமும் இல்லாமல் உன்னை நான் நெஞ்சத்தில் இருத்தவேண்டும், அந்தத் தெளிவை எனக்குத் தருவாய்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/23/ஒன்பதாம்-பத்து-எட்டாம்-திருவாய்மொழி---பாடல்-8-2935750.html
2935749 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து எட்டாம் திருவாய்மொழி - பாடல் 7 சொ. மணியன் DIN Friday, June 22, 2018 12:00 AM +0530 பாடல் 7

கோ ஆகிய மாவலியை நிலம்கொண்டாய்,
தேவாசுரம் செற்றவனே, திருமாலே,
நாவாய் உறைகின்ற என் நாரண நம்பீ,
ஆ, ஆ, அடியான் இவன் என்று அருளாயே.

அரசனான மாவலியிடமிருந்து நிலத்தைப் பெற்றவனே, தேவர்களுக்கும் அசுரர்களுக்கும் நடந்த போரில் அசுரர்களை அழித்தவனே, திருமாலே, திருநாவாயிலே எழுந்தருளியிருக்கிற என்னுடைய நாரண நம்பியே, ‘அடடா! இவன் அடியவன்’ என்று எண்ணி எனக்கு அருள்புரிவாய்.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/22/ஒன்பதாம்-பத்து-எட்டாம்-திருவாய்மொழி---பாடல்-7-2935749.html
2935748 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து எட்டாம் திருவாய்மொழி - பாடல் 6 சொ. மணியன் DIN Thursday, June 21, 2018 12:00 AM +0530 பாடல் 6

கண்டே களிக்கின்றது இங்கு என்றுகொல் கண்கள்,
தொண்டே உனக்காய் ஒழிந்தேன் துரிசு இன்றி,
வண்டுஆர் மலர்ச்சோலைகள் சூழ் திருநாவாய்
கொண்டே உறைகின்ற எம் கோவலர் கோவே.

வண்டுகள் நிறைந்த மலர்ச்சோலைகளால் சூழப்பட்ட திருநாவாயிலே எழுந்தருளியிருக்கும் எம்பெருமானே, எங்கள் ஆயர் தலைவரே, எந்தக் குற்றமும் இன்றி உங்களுக்கு அடிமைத்தொழில் செய்வதற்காகவே நான் வந்தேன், உங்களைக் கண்டு என்னுடைய கண்கள் மகிழ்வது என்றைக்கோ.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/21/ஒன்பதாம்-பத்து-எட்டாம்-திருவாய்மொழி---பாடல்-6-2935748.html
2935747 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து எட்டாம் திருவாய்மொழி - பாடல் 5 சொ. மணியன் DIN Wednesday, June 20, 2018 12:00 AM +0530 பாடல் 5

மணாளன் மலர் மங்கைக்கும் மண் மடந்தைக்கும்,
கண்ணாளன் உலகத்து உயிர், தேவர்கட்கு எல்லாம்,
விண்ணாளன் விரும்பி உறையும் திருநாவாய்
கண்ணாரக் களிக்கின்றது இங்கு என்றுகொல் கண்டே.

தாமரை மலரிலே எழுந்தருளியிருக்கும் திருமகளுக்கும், மண்மடந்தையான நிலமகளுக்கும் மணாளன், உலகத்து உயிர்கள், தேவர்களுக்கெல்லாம் கண் போன்றவன், பரமபதத்திலே எழுந்தருளியிருக்கும் விண்ணாளன், எம்பெருமான் விரும்பி உறைகிற திருத்தலம் திருநாவாய். அத்திருத்தலத்தை நான் கண்ணாரக் கண்டு களிப்பது என்றைக்கோ.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/20/ஒன்பதாம்-பத்து-எட்டாம்-திருவாய்மொழி---பாடல்-5-2935747.html
2935746 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து எட்டாம் திருவாய்மொழி - பாடல் 4 சொ. மணியன் DIN Tuesday, June 19, 2018 12:00 AM +0530 பாடல் 4

நாளேல் அறியேன் எனக்கு உள்ளன, நானும்
மீளா அடிமைப் பணிசெய்யப் புகுந்தேன்,
நீள் ஆர் மலர்ச்சோலைகள் சூழ் திருநாவாய்
வாள் ஏய் தடம் கண் மடப்பின்னை மணாளா.

உயர்ந்த, நிறைய பூக்களைக்கொண்ட மலர்ச்சோலைகள் சூழ்ந்திருக்கும் திருநாவாயிலே எழுந்தருளியிருக்கும் பெருமானே, வாள்போன்ற நீண்ட கண்களையுடைய இளம் நப்பின்னைப் பிராட்டியின் மணாளனே, உனக்கு என்றென்றும் அடிமைசெய்யவேண்டும் என்று நான் வந்தேன், ஆனால் அந்தப் பாக்கியம் எனக்குக் கிடைக்கப்போகும் நாள் எதுவோ, எனக்குத் தெரியவில்லையே.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/19/ஒன்பதாம்-பத்து-எட்டாம்-திருவாய்மொழி---பாடல்-4-2935746.html
2935745 ஸ்பெஷல்ஸ் நாள்தோறும் நம்மாழ்வார் ஒன்பதாம் பத்து எட்டாம் திருவாய்மொழி - பாடல் 3 சொ. மணியன் DIN Monday, June 18, 2018 12:00 AM +0530 பாடல் 3

எவைகொல் அணுகப் பெறுநாள் என்று எப்போதும்
கவையில் மனம் இன்றி கண்ணீர்கள் கலுழ்வன்,
நவைஇல் திருநாரணன் சேர் திருநாவாய்
அவையுள் புகல் ஆவது ஓர்நாள் அறியேனே.

எம்பெருமான் எழுந்தருளியிருக்கும் திருநாவாயைச் சென்றடையும் நாள் என்றைக்கோ என்று எப்போதும் ஏங்குகிறேன், வேறு எதையும் என் மனம் கருதுவதில்லை, அப்பெருமானைமட்டுமே நினைக்கிறது, கண்ணீர் விட்டு வருந்துகிறேன். குற்றமில்லாத திருநாரணன் எழுந்தருளியிருக்கும் அந்தத் திருநாவாயிலே, அப்பெருமானின் சபையில் நான் புகும் நாள் என்றைக்கோ? எனக்குத் தெரியவில்லையே.

]]>
http://images.dinamani.com/uploads/user/imagelibrary/2017/7/21/w600X390/.jpg http://www.dinamani.com/specials/naalthorum-nammalvaar/2018/jun/18/ஒன்பதாம்-பத்து-எட்டாம்-திருவாய்மொழி---பாடல்-3-2935745.html