யஷ்வந்த்பூர்-பெலகாவி சிறப்பு விரைவு ரயிலில் கூடுதலாக இரண்டம் வகுப்பு படுக்கைப் பெட்டி இணைக்கப்பட்டுள்ளது.
இதுகுறித்து தென்மேற்கு ரயில்வே வெளியிட்ட செய்திக் குறிப்பு:
யஷ்வந்த்பூர்-பெலகாவி இடையே இயக்கப்படும் ரயில் எண்கள்-06581/06582 மற்றும் 0683/06584(கூடுதல் கட்டணம்)-யஷ்வந்த்பூர்-பெலகாவி சிறப்பு விரைவு ரயிலில் கூடுதலாக தலா ஒரு இரண்டாம் வகுப்பு படுக்கைப் பெட்டி தாற்காலிகமாக இணைக்கப்படுகிறது. இந்த வசதி யஷ்வந்த்பூரில் இருந்து ஆக.11, 24-ஆம் தேதிகளில், பெலாவியில் இருந்து ஆக.14, 27-ஆம் தேதிகளில் அமலில் இருக்கும். இந்த ரயிலில் 2 மூன்றடுக்கு குளிரூட்டப்பட்ட பெட்டிகள், 19 இரண்டாம் வகுப்பு படுக்கைவசதி பெட்டிகள், 2 இரண்டாம் வகுப்பு பொது மற்றும் சரக்கு பெட்டிகள் என மொத்தம் 23 பெட்டிகள் உள்ளதாக அதில் தெரிவிக்கப்பட்டுள்ளது.