ராயபுரம் ரயில் நிலையத்தில் பொறியியல் பணி: ரயில் சேவையில் இன்று மாற்றம்

சென்னை, ராயபுரம் ரயில் நிலையத்தில் பொறியியல் பணி நடைபெறுவதையொட்டி, புறநகர் ரயில் சேவையில் வியாழக்கிழமை (மே 24) மாற்றம் செய்யப்பட்டுள்ளது. இதுகுறித்து தெற்கு ரயில்வே நிர்வாகம் வெளியிட்ட செய்திக் குறிப்பு:
பகுதி ரத்து: 
1. வேளச்சேரி-ஆவடிக்கு காலை 10.15 மணிக்கு புறப்படும் மின்சார ரயில் பகுதி ரத்து செய்யப்பட்டு, வேளச்சேரியில் இருந்து சென்னை கடற்கரை வரை மட்டும் இயக்கப்படும். 
2. வேளச்சேரி-திருத்தணிக்கு முற்பகல் 11.20 மணிக்கு புறப்படும் மின்சார ரயில் பகுதி ரத்து செய்யப்பட்டு வேளச்சேரியில் இருந்து சென்னை கடற்கரை வரை மட்டும் இயக்கப்படும். 
மாற்றுப் பாதையில் இயக்கம்:
1. அரக்கோணம்-வேளச்சேரிக்கு காலை 7.50 மணிக்கு புறப்படும் ரயில் மூர் மார்க்கெட் காம்ப்ளக்ஸ் வழியாக மாற்றி விடப்பட்டு, வேளச்சேரியை அடையும்.
2. கும்மிடிப்பூண்டி- வேளச்சேரிக்கு காலை 8.50 மணிக்கு புறப்படும் மின்சார ரயில் மூர் மார்க்கெட் காம்ப்ளக்ஸ் வழியாக மாற்றி விடப்பட்டு, வேளச்சேரியை அடையும்.
பயணிகள் சிறப்பு ரயில்:
1. மூர்மார்க்கெட் காம்ப்ளக்ஸ்- ஆவடிக்கு காலை 11.15 மணிக்கு பயணிகள் சிறப்பு மின்சார ரயில் இயக்கப்படவுள்ளது.
2. மூர்மார்க்கெட் காம்ப்ளக்ஸ் - திருத்தணிக்கு நண்பகல் 12.15 மணிக்கு பயணிகள் சிறப்பு மின்சார ரயில் இயக்கப்படுகிறது.
புறப்படும் நேரத்தில் மாற்றம்:
சென்னை கடற்கரை-ஆவடிக்கு காலை 10.30 மணிக்கு புறப்படும் பயணிகள் சிறப்பு மின்சார ரயிலின் நேரம் மாற்றப்பட்டு, 
முன்னதாகவே காலை 9.45 மணிக்கு புறப்படவுள்ளது.