எம்எல்ஏ நடராஜ் உள்பட 7 பேருக்கு சென்னைக்கு பெருமை' விருது

சென்னை தினத்தையொட்டி நடைபெற்ற விழாவில் மயிலாப்பூர் சட்டப் பேரவை உறுப்பினர் ஆர்.நடராஜ் உள்பட பல்வேறு துறைகளில் சிறப்பான சேவையாற்றிய ஏழு பேருக்கு சென்னைக்கு பெருமை' விருது வழங்கப்பட்டது.


சென்னை தினத்தையொட்டி நடைபெற்ற விழாவில் மயிலாப்பூர் சட்டப் பேரவை உறுப்பினர் ஆர்.நடராஜ் உள்பட பல்வேறு துறைகளில் சிறப்பான சேவையாற்றிய ஏழு பேருக்கு சென்னைக்கு பெருமை' விருது வழங்கப்பட்டது.
சென்னை தினம் ஆண்டுதோறும் ஆகஸ்ட் மாதம் மூன்றாவது வாரத்தில் கொண்டாடப்பட்டு வருகிறது. இதையொட்டி பல்வேறு அமைப்புகளில் சார்பில் போட்டிகள், விழிப்புணர்வு நிகழ்ச்சிகள் நடத்தப்பட்டு வருகின்றன. அந்த வகையில் ரோட்டரி சங்கம், பெசன்ட் நகர் மூத்த குடிமக்கள் சங்கம் ஆகியவற்றின் சார்பில் சென்னைக்கு பெருமை' என்ற நிகழ்ச்சி சென்னை நந்தனத்தில் அண்மையில் நடைபெற்றது.
விழாவில் மயிலாப்பூர் சட்டப்பேரவை உறுப்பினர் ஆர்.நடராஜ், மனநல மருத்துவ நிபுணர் லட்சுமி விஜயகுமார், சிறுநீரக அறுவை சிகிச்சை நிபுணர் ஆபிரஹாம் குரியன், டிரான்ஸ் இந்தியா ரிசார்ட்ஸ் லிமிடெட் நிறுவன தலைமைச் செயல் அதிகாரி வசுமதி மாரிமுத்து, வழக்குரைஞர் பி.ஹரிஹரன் ஆகியோர் உள்ளிட்ட 7 பேரின் சேவையைப் பாராட்டி சென்னைக்கு பெருமை' என்ற விருது வழங்கப்பட்டது. இந்த விழாவில் ரோட்டரி சங்க நிர்வாகிகள் நடராஜன் நாகோஜி, சுந்தரேசன், மூத்த குடிமக்கள் சங்கத்தின் தலைவர் வி.சந்திரசேகர் உள்ளிட்டோர் கலந்து கொண்டனர்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com