நவீன கால் மூட்டு ஜவ்வு சீரமைப்பு குறித்த கருத்தரங்கு

ஆர்தோ ஒன் மருத்துவமனை சார்பில் லாப்பிராஸ்கோப்பி மூலம் நவீன கால் மூட்டு ஜவ்வு சீரமைப்பு சிகிச்சை குறித்த கருத்தரங்கம் அண்மையில் நடைபெற்றது.

இதுகுறித்து மருத்துவமனையின் தலைவர் டாக்டர் டேவிட் ராஜன், துபை யூரோ ஸ்பைனல் மருத்துவமனையின் முடநீக்கியல் அறுவை சிகிச்சை நிபுணர் டாக்டர் பாஸ்கல் கிறிஸ்டெல் ஆகியோர் செய்தியாளர்களுக்கு அளித்த பேட்டி:

விபத்து, விளையாட்டில் உள்ளிட்ட காரணங்களால் கால் மூட்டுக்கு இடையே உள்ள ஜவ்வு பாதிக்கப்படும். அதற்கு மூட்டுப் பகுதியில் திறந்த நிலையில் அறுவை சிகிச்சை மேற்கொள்ளப்பட்டு ஜவ்வு சீரமைக்கப்படும்.

ஆனால், தற்போது லாப்பிராஸ்கோப்பி மூலம் மூட்டு ஜவ்வை சீரமைக்க நவீன சிகிச்சை முறை அறிமுகப்படுத்தப்பட்டுள்ளது. இதில், திறந்த நிலையில் அறுவை சிகிச்சை மேற்கொள்ளாமல் லாப்பிராஸ்கோப்பி மூலம் உடலின் பிற பகுதியில் உள்ள ஜவ்வை கொண்டு பாதிக்கப்பட்ட மூட்டு பகுதியில் கிராப்டிங் முறையில் ஜவ்வைப் பொருத்தி வளரச் செய்யும் முறையாகும். இதன் மூலம் ஒரு சில நாள்களில் பாதிக்கப்பட்டவர் குணமடைவர் என்றார்.