சூலூர் அருகே, நடந்து சென்ற பெண்களிடம் செவ்வாய்க்கிழமை மர்ம நபர்கள் நகையைப் பறித்துச் சென்றனர்.
பாப்பம்பட்டி, ஜானகி நகர் பகுதியைச் சேர்ந்தவர் பழனிசாமி. இவரது மனைவி தனலட்சுமி (50). இவர், தனது வீட்டின் அருகே செவ்வாய்க்கிழமை மாலையில் நடந்து சென்றபோது இருசக்கர வாகனத்தில் வந்த மர்ம நபர்கள் தனலட்சுமி அணிந்திருந்த 7 பவுன் நகையைப் பறித்துச் சென்றனர்.
மற்றொரு சம்பவம்:
பட்டணம் பகுதியைச் சேர்ந்தவர் ஸ்ரீதர். இவரது மனைவி பவானி (45). இவர், தனியார் கல்லூரியில் பணியாற்றி வருகிறார். கல்லூரி முடிந்து வீட்டுக்குச் செல்வதற்காக வெள்ளளூர் பிரிவு அருகே அவர் நடந்து சென்றுகொண்டிருந்தபோது இருசக்கர வாகனத்தில் வந்தவர்கள் பவானி அணிந்திருந்த 2 பவுன் நகையைப் பறித்துச் சென்றனர்.
இவ்விரு சம்பவங்கள் குறித்த புகார்களின் பேரில் சூலூர் காவல் துறையினர் வழக்குப் பதிவு செய்து விசாரித்து வருகின்றனர்.