கோவை சரவணம்பட்டியில் ராவ் மருத்துவமனையின் புதிய கிளையான கேர் ஃபெர்ட்டிலிட்டி கிளினிக் 22-ஆம் தேதி (ஞாயிற்றுக்கிழமை) திறக்கப்படுகிறது.
இதுகுறித்து மருத்துவமனையின் நிர்வாக இயக்குநர் டாக்டர் ஆஷா ஆர்.ராவ் செய்தியாளர்களிடம் வியாழக்கிழமை கூறியது:
கடந்த 1953-ஆம் ஆண்டு முதல் கோவையில் பெண்களுக்கு பிரத்யேக மருத்துவ சிகிச்சை அளித்து வரும் ராவ் மருத்துவமனையின் 2-ஆவது கிளையான கேர் ஃபெர்ட்டிலிட்டி கிளினிக், சரவணம்பட்டி புரோம்னேட் டவரில் ஏப்ரல் 22-ஆம் தேதி முதல் செயல்பட உள்ளது.
இந்த மருத்துவமனையை நடிகை பிந்து மாதவி திறந்து வைக்கிறார். நிகழ்ச்சியில் பேராசிரியர் ஜெயந்தஸ்ரீ பாலகிருஷ்ணன் சிறப்புரையாற்றுகிறார். திறப்பு விழாவை முன்னிட்டு மே 7-ஆம் தேதி வரையிலும் இலவச மருத்துவப் பரிசோதனை, கட்டண சலுகையில் அறுவை சிகிச்சைகள், சலுகைக் கட்டணத்தில் உடல் பரிசோதனைகள் மேற்கொள்ளப்பட இருப்பதாக அவர் தெரிவித்தார்.
மருத்துவமனையின் தலைவர் ஆர்.ராவ், இயக்குநர் தாமோதர் ஆர்.ராவ், தீபிகா ஆர்.ராவ் ஆகியோர் உடனிருந்தனர்.