அவிநாசியில் புதன்கிழமை நடைபெற்ற ஏலத்தில் ரூ.10.61 லட்சத்துக்கு பருத்தி ஏல வர்த்தகம் நடைபெற்றது.
அவிநாசி வேளாண்மை உற்பத்தியாளர்கள் கூட்டுறவு விற்பனை சங்கத்தில் வாரந்தோறும் பருத்தி ஏல வர்த்தகம் நடைபெற்று வருகிறது. இந்த வாரம் நடைபெற்ற பருத்தி ஏலத்துக்கு மொத்தம் 660 பருத்தி மூட்டைகள் கொண்டுவரப்பட்டன. இதில், ஆர்.சி.எச். ரகப் பருத்தி குவிண்டால் ரூ. 4,500 முதல் ரூ. 5,480 வரையிலும், டி.சி.எச்.ரகப் பருத்தி குவிண்டால் ரூ. 6,000 முதல் ரூ. 6,280 வரையிலும் ஏலம்போனது. மட்டரகப் பருத்தி குவிண்டால் ரூ.1,800 முதல் ரூ. 2,500 வரை ஏலம்போனது. மொத்தம் ரூ.10.61 லட்சத்துக்கு பருத்தி ஏல வர்த்தகம் நடைபெற்றது.