மார்க்சிஸ்ட் கம்யூனிஸ்ட் கட்சியினர் ஆர்ப்பாட்டம்

பொன்னேரியில் மார்க்சிஸ்ட் கம்யூனிஸ்ட் கட்சியினர் செவ்வாய்க்கிழமை ஆர்ப்பாட்டத்தில் ஈடுபட்டனர்.
உணவுப் பாதுகாப்பை உறுதிசெய்து பொது விநியோகத் திட்டத்தை முறைப்படுத்த வேண்டும் என்பன உள்ளிட்ட கோரிக்கைகளை வலியுறுத்தி உடுமலையை அடுத்துள்ள பொன்னேரி நியாயவிலைக் கடை முன்பு செவ்வாய்க்கிழமை ஆர்ப்பாட்டம் நடைபெற்றது. 
கிளைச் செயலாளர் டி.ராஜகோபாலன் தலைமையில் நடைபெற்ற இந்த ஆர்ப்பாட்டத்தில் மார்க்சிஸ்ட் கம்யூனிஸ்ட் கட்சியின் குடிமங்கலம் ஒன்றியச் செயலாளர் என்.சசிகலா, மாவட்டக் குழு உறுப்பினர் வெ.ரங்கநாதன் மற்றும் கமிட்டி உறுப்பினர்கள் உள்ளிட்ட 25-க்கும் மேற்பட்டோர் கலந்துகொண்டனர்.