திமுக செயல் தலைவர் மு.க.ஸ்டாலின் வரும் ஆகஸ்ட் 30 ஆம் தேதி சேலம் வருகிறார்.
சேலம் மாநகர திமுக பொது உறுப்பினர்கள் கூட்டம் வெள்ளிக்கிழமை நடைபெற்றது. இதில் மாநகர அவைத் தலைவர் பழனிசாமி, மாநகரச் செயலர் ஜெயக்குமார், மத்திய மாவட்ட அவைத் தலைவர் கலையமுதன், பொருளாளர் சுபாஷ், முன்னாள் மேயர் சூடாமணி, துணைச் செயலர் ரகுபதி, இளைஞரணி அமைப்பாளர்கள் அறிவழகன், சரவணன் உள்பட பலர் கலந்து கொண்டனர்.
கூட்டத்தில் திமுக செயல் தலைவர் மு.க.ஸ்டாலின், வரும் ஆக.31 ஆம் தேதி சேலம் வடக்குத் தொகுதி எம்எல்ஏ ஆர்.ராஜேந்திரன் இல்லத் திருமண விழாவில் பங்கேற்பதற்காக வரும் ஆக.30 ஆம் தேதி சேலம் வருகிறார்.
எனவே, கட்சியினர் திரளாகக் கலந்து கொண்டு உற்சாக வரவேற்பு அளிக்க வேண்டும் என்பது உள்பட பல்வேறு தீர்மானங்கள் நிறைவேற்றப்பட்டன.