கொடைக்கானல் பாலமலை பகுதிக்கு வாகன வசதி செய்து தரக் கோரிக்கை

கொடைக்கானல் பாலமலை பகுதிக்கு வாகன வசதி செய்து தரக் கோரி பொது மக்கள் கோரிக்கை விடுத்துள்ளனர்.
கொடைக்கானல் அடுக்கம் ஊராட்சிக்குட்பட்ட பகுதியான பாலமலை,அடுக்கம்,தாமரைக்குளம் உள்ளிட்ட பல்வேறு பகுதிகள் உள்ளன. இப் பகுதி மக்களுக்கு வாகன வசதியில்லாமல் பெரிதும் அவதியடைந்து வருகின்றனர் இப் பகுதி மக்கள் ஜீப் மற்றும் பிக் அப் வாகனங்களில் ஆபத்தான நிலையில் பயணம் செய்து வருகின்றனர். மேலும் இப் பகுதிகளில் விளையக் கூடிய விவசாயப் பொருட்களையும் கொண்டு செல்வதற்கு வாகன வசதியில்லாமல் இப் பகுதி மக்கள் சிரமமடைந்து வருகின்றனர். எனவே பாலமலை பகுதிகளில் வசிக்கும் பொது மக்களுக்கு வாகன வசதி,சாலை வசதி செய்து கொடுக்க வேண்டுமென அப்பகுதியைச் சேர்ந்த பொது மக்கள் கோரிக்கை விடுத்துள்ளனர்.