மதுரை கரிசல்குளம் பகுதியில் புதன்கிழமை (ஜூலை 18) மின்தடை ஏற்படும் என அறிவிக்கப்பட்டுள்ளது.
இதுகுறித்து தமிழ்நாடு மின் உற்பத்தி மற்றும் பகிர்மானக் கழகம் பெருநகர் அரசரடி செற்பொறியாளர் எம்.ராஜாகாந்தி வெளியிட்டுள்ள செய்திக்குறிப்பு:
மதுரை ஆனையூர் (இருப்பு கூடல்நகர்) உப மின் நிலையத்தில் புதன்கிழமை காலை 9 மணி முதல் மாலை 5 மணி வரை மாதாந்திரப் பராமரிப்புப் பணிகள் நடைபெறுகின்றன.
இதன் காரணமாக மின்தடை ஏற்படும் பகுதிகள்: தினமணி நகர், கரிசல்குளம், பழைய மற்றும் புதிய விளாங்குடி, மீனாட்சி நகர், பாண்டியன் நகர், ஐஓசி நகர், விஎம்டபிள்யூ காலனி, ரயிலார் நகர், சங்கீத் நகர், சொக்கலிங்க நகர், கூடல்நகர் 1 முதல் 13 தெருக்கள் வரையிலான பகுதிகள்.
அகில இந்திய வானொலி நிலையப் பகுதி, செல்லையா நகர் பகுதி முழுவதும், ஆனையூர் செக்டார் 1 மற்றும் 2 பகுதிகள், ஜே.ஜே.நகர், சஞ்சீவி நகர், சாந்தி நகர், பாசிங்காபுரம், வாகைக்குளம், கோவில்பாப்பாக்குடி பிரிவு, சிக்கந்தர் சாவடி, பூதகுடி, லெட்சுமிபுரம், மிளகரணை, கூடல்புதூர் ரயில்வே பாலம் உள்ளிட்ட பகுதிகளில் குறிப்பிட்ட நேரங்களில் மின்தடை ஏற்படும் என அதில் கூறப்பட்டுள்ளது.
திருமங்கலம் கோட்டத்தில் இன்று குறைதீர் கூட்டம்: மதுரை மின்பகிர்மான வட்ட மேற்பார்வைப் பொறியாளர் ஜா.பிரீடாபத்மினி விடுத்துள்ள செய்திக்குறிப்பு: திருமங்கலம் கோட்டத்தைச் சேர்ந்த மின் நுகர்வோர்களுக்கான குறைதீர்க்கும் கூட்டம் செவ்வாய்க்கிழமை (ஜூலை 17) திருமங்கலம் செயற்பொறியாளர் அலுவலகத்தில் நடைபெறுகிறது. இக்கூட்டத்தில் சம்பந்தப்பட்ட மின்நுகர்வோர் பங்கேற்று, தங்களது குறைகளைத் தெரிவித்து பயன்பெறலாம் என அதில் குறிப்பிடப்பட்டுள்ளது.