தேனி மாவட்டம் கம்பம் அருகே உள்ள சுருளிப்பட்டியில் ஒரு வாழைக்குலையில் இரண்டு வாழைத்தார்கள் விளைந்துள்ளன.
உத்தமபாளையத்தைச் சேர்ந்தவர் நத்தர்மீரான். வாழை விவசாயியான இவருக்கு சுருளிப்பட்டியில் வாழைத் தோட்டம் உள்ளது. இங்கு இவர் ஜி- 9 ரக வாழை விவசாயம் செய்து வருகிறார். இந்நிலையில் இந்த தோட்டத்தில் ஒரு வாழை மரத்தில் ஒரே குலையில் இரண்டு வாழைத்தார்கள் விளைந்திருந்தன. இதுகுறித்து விவசாயி நத்தர்மீரான் கூறியதாவது: மகாராஷ்டிரா மாநிலம் புணேயில் இருந்து வாங்கி வந்த புதிய ரக வாழைக்கன்றுகளை 8 மாதங்களுக்கு முன்னர் சாகுபடி செய்தோம். நல்ல விளைச்சல் இருந்தது. இதில் ஒரே குலையில் இரண்டு வாழைத்தார்கள் விளைந்துள்ளன. இது பற்றி புணேயில் உள்ள வாழை ஆராய்ச்சி மைய ஆராய்ச்சியாளர்களுக்கு தகவல் தெரிவித்துள்ளோம் என்றார்.