காரைக்காலில் சமுதாயக் கூடம் திறப்பு

காரைக்காலில் குடியிருப்புப் பகுதியில் புதிதாக கட்டப்பட்ட சமுதாயக் கூடத்தை சட்டப்பேரவை உறுப்பினர் பி.ஆர்.என். திருமுருகன் புதன்கிழமை திறந்து வைத்தார்.
காரைக்கால் வடக்குத் தொகுதிக்குள்பட்ட நேரு நகர் 6-ஆவது குறுக்குத் தெரு அருகேயுள்ள வள்ளலார் தெருவில், தொகுதி மேம்பாட்டு நிதி ரூ. 21.55 லட்சத்தில் புதிதாக சமுதாயக் கூடம் நகராட்சி நிர்வாகம் மூலம் கட்டப்பட்டுள்ளது.
சுமார் 100 பேர் பங்கேற்கும் வகையில் சிறிய திருமண மண்டபம் போன்ற அமைப்பில், 2 அறைகள், கழிப்பறை வசதிகளுடன் சமுதாயக் கூடம்  கட்டப்பட்டுள்ளது. சமுதாயக் கூடத்தை சட்டப்பேரவை உறுப்பினர் பி.ஆர்.என். திருமுருகன் புதன்கிழமை திறந்து வைத்தார்.
 நிகழ்ச்சியில், நகராட்சி ஆணையர் டி. சுதாகர், செயற் பொறியாளர் ராமதாஸ், உதவிப் பொறியாளர் சரவணன் உள்ளிட்டோர் பங்கேற்றனர்.