காரைக்கால் மருத்துவக் கல்லூரியில் கால்பந்து போட்டி தொடக்கம்

காரைக்கால் மருத்துவக் கல்லூரியில் செப். 25-ஆம் தேதி வரை நடைபெறக்கூடிய கால்பந்து போட்டி சனிக்கிழமை தொடங்கியது.
தேசிய விளையாட்டு தின கால்பந்து போட்டி -2017, காரைக்கால் விநாயகா மிஷன்ஸ் மருத்துவக் கல்லூரி விளையாட்டுத் துறை சார்பில் தேசிய விளையாட்டு தினத்தை கொண்டாடும் வகையில் தொடங்கப்பட்டது. கல்லூரி மைதானத்தில் காட்சிப் போட்டியாக விநாயகா மிஷன்ஸ் செவிலியர் கல்லூரி ஏ அணியும், பி அணியும் கலந்துகொண்டு விளையாடின.
போட்டியை மருத்துவமனை உள்ளிருப்பு மருத்துவ அதிôகரி ஈஸ்வரராஜ் தொடங்கிவைத்தார். வரும் 25-ஆம் தேதி வரை நடைபெறக்கூடிய போட்டி லீக் முறையில் நடத்தப்படவுள்ளதாகவும், 8 அணிகள் கலந்துகொள்ளவுள்ளதாக விளையாட்டுத் துறையினர் தெரிவித்தனர். போட்டி நிறைவான 25-ஆம் தேதி விநாயகா மிஷன்ஸ் பல்கலைக்கழக துணைத் தலைவர் என்.வி. சந்திரசேகரன் கலந்துகொண்டு, வெற்றி பெற்றவர்களுக்கு பரிசுகள் வழங்கவுள்ளார். போட்டிக்கான ஏற்பாடுகளை கல்லூரி விளையாட்டுத் துறைத் தலைவரும், முதுநிலை உடற்கல்வி இயக்குநருமான ஆர். ஜான்சன்ராஜ் ரமேஷ் செய்துள்ளார்.