பொறையாறில் இந்திய கம்யூனிஸ்டு கட்சியின் விவசாயத் தொழிலாளர்கள் சங்கம் சார்பில் ஆர்ப்பாட்டம் புதன்கிழமை நடைபெற்றது.
பொறையாறு வட்டாட்சியர் அலுவலகம் முன்பு நடைபெற்ற இந்த ஆர்ப்பாட்டத்துக்கு வேதநாயகம், தங்கசாமி அகியோர் முன்னிலை வகித்தனர்.
மாநில அரசுகள் தலித்துகள் மீதான தாக்குதலை தடுத்து நிறுத்த வேண்டும். வன்கொடுமை தடுப்பு சட்டத்தை உறுதிப்படுத்த வேண்டும். வன்கொடுமை தடுப்பு சட்டத்தின் கீழ் வரும் வழக்குகளை விசாரிக்க மாவட்ட அளவில் தனி நீதிமன்றம் அமைக்க வேண்டும் உள்ளிட்ட கோரிக்கைகள் வலியுறுத்தப்பட்டன.
இந்திய கம்யூனிஸ்ட் கட்சியின் ஒன்றியச் செயலாளர் கிருஷ்ணமூர்த்தி உள்ளிட்ட 100-க்கும் மேற்பட்டோர் ஆர்ப்பாட்டத்தில் கலந்துகொண்டனர்.