கால்நடை காப்பீடு திட்டத்தின் கீழ், கால்நடைகளை காப்பீடு செய்ய, கால்நடை வளர்ப்போர் விண்ணப்பிக்கலாம் என நாகை மாவட்ட ஆட்சியர் சீ. சுரேஷ்குமார் தெரிவித்துள்ளார்.
இதுகுறித்து அவர் வெளியிட்ட செய்திக் குறிப்பு:
கால்நடை இறப்பால், கால்நடை வளர்ப்போருக்கு ஏற்படும் நஷ்டத்திலிருந்து பாதுகாப்பு அளிக்கும் வகையில், கால்நடைகளுக்கான காப்பீடு திட்டம் செயல்படுத்தப்படுகிறது. இத்திட்டத்தில், கறவை மாடுகள் மற்றும் எருமைகள் சந்தை விலைப்படி காப்பீடு செய்யப்படும். ஒரு கால்நடையை 3 ஆண்டுகளுக்கு காப்பீடு செய்து கொள்ளலாம்.
கால்நடைகளுக்குக் காப்பீடு பெற விரும்புவோர், அருகில் உள்ள கால்நடை மருந்தக கால்நடை உதவி மருத்துவரை அணுகி, பிரிமியத் தொகை மற்றும் விண்ணப்பிக்கும் விவரங்களை அறிந்து பயன்பெறலாம் என ஆட்சியர் தனது செய்திக் குறிப்பில் தெரிவித்துள்ளார்.