திருவாரூர் மாவட்டத்தில் எஸ்எஸ்எல்சி பொதுத் தேர்வு எழுதிய மாற்றுத்திறனாளி மாணவ, மாணவியரில் 126 பேர் தேர்ச்சிப் பெற்றுள்ளனர். தேர்ச்சி சதவீதம் 95.45 ஆகும்.
திருவாரூர் மாவட்டத்தில் கண் பார்வையற்றவர்கள், காது கேளாதவர்கள், உடல் ஊனமுற்றவர்கள், மன வளர்ச்சிக் குன்றியவர்கள் என மாற்றுத்திறனாளி மாணவ, மாணவியர் 132 பேர் எஸ்எஸ்எல்சி பொதுத் தேர்வு எழுதினர். இதில் 126 பேர் தேர்ச்சிப் பெற்றுள்ளனர். கண் பார்வையற்றவர்கள் 12 பேரும், காதுகேளாதவர்கள் 8 பேரும், உடல் ஊனமுற்றவர்கள் 30 பேரும், மனவளர்ச்சிக் குன்றியவர்கள் 76 பேரும் தேர்ச்சிப் பெற்றுள்ளனர். இதன் மொத்த தேர்ச்சி சதவீதம் 95.45 ஆகும். தனித்தனியாக குறிப்பிட்டால் கண் பார்வையற்றவர்கள் 100 சதவீதமும், காது கேளாதவர்கள் 88.9 சதவீதமும், உடல் ஊனமுற்றவர்கள் 100 சதவீதமும், மன வளர்ச்சிக் குன்றியவர்கள் 93.82 சதவீதமும் தேர்ச்சிப் பெற்றுள்ளனர்.