அதிமுக உறுப்பினர்களின் பதிவை புதுப்பிப்பதற்கும், புதிய உறுப்பினர்களை சேர்த்திடவும் மாவட்டச் செயலரின் கையொப்பம் மற்றும் முத்திரையிடப்பட்ட விண்ணப்பப் படிவங்கள் மட்டுமே ஏற்றுக்கொள்ளப்படும்.
இது குறித்து, குமரி மாவட்ட அதிமுக செயலர் அ.விஜயகுமார் எம்.பி. வெளியிட்டுள்ள அறிக்கை:
கன்னியாகுமரி மாவட்டத்தில் அதிமுக உறுப்பினராக உள்ளவர்கள் தங்கள் பதிவுகளை புதுப்பித்து கொள்ள விண்ணப்படிவங்களில் கழக நிர்வாகிகள் யாரேனும் ஒருவரின் கையொப்பம் அவசியம் பெறவேண்டும்.
அதன்பிறகு மாவட்டச் செயலர் ஆய்வு செய்து, அவரது கையொப்பம் பெற்று மாவட்ட கழக அலுவலகத்தில் முத்திரையிட்ட விண்ணப்பப் படிவங்களே தலைமை கழகத்தால் ஏற்று கொள்ளப்படும் என அவர் தெரிவித்துள்ளார்.