திருநெல்வேலியில் காங்கிரஸ் கட்சி நிர்வாகிகள் ஆலோசனைக் கூட்டம் திங்கள்கிழமை (அக்.15) நடைபெறுகிறது.
இதுகுறித்து கட்சியின் மாநகர் மாவட்டத் தலைவர் கே. சங்கரபாண்டியன் வெளியிட்ட அறிக்கை: திருநெல்வேலி மாவட்ட காங்கிரஸ் கமிட்டி நிர்வாகிகள், வட்டார, மண்டல நிர்வாகிகள், கிராம கமிட்டி நிர்வாகிகள் பங்கேற்கும் ஆலோசனைக் கூட்டம் திருநெல்வேலியில் கொக்கிரகுளம் ரோஸ் மஹால் திருமண மண்டபத்தில் திங்கள்கிழமை காலை 9 மணிக்கு நடைபெறுகிறது.
இதில், அகில இந்திய செயலரும், தமிழக மேலிட பொறுப்பாளருமான சஞ்சய்தத் கலந்துகொண்டு ஆலோசனை வழங்குகிறார். கட்சியினர் அனைவரும் தவறாது கலந்துகொள்ள வேண்டும் என அறிக்கையில் தெரிவிக்கப்பட்டுள்ளது.