திருச்செந்தூர் ஸ்ரீ கிருஷ்ணன் கோயிலில் ஆண்டாள் திருக்கல்யாணம்

திருச்செந்தூர் அருள்மிகு ருக்மணி சத்ய பாமா சமேத கல்யாண கிருஷ்ணன் கோயிலில் வெள்ளிக்கிழமை ஸ்ரீ ஆண்டாள் திருக்கல்யாணம் நடைபெற்றது.
இதை முன்னிட்டு அதிகாலை 4 மணிக்கு நடைதிறக்கப்பட்டு, 5 மணிக்கு ஹரே ராமா ஹரே கிருஷ்ணா பாராயணமும், 6 மணிக்கு திருப்பாவை பாராயணமும், தீபாராதனையும் நடைபெற்றன. தொடர்ந்து ஸ்ரீவில்லிபுத்தூர் கோயிலிலிருந்து கொண்டு வரப்பட்ட, ஆண்டாள் மாலை மற்றும் கிளி அணிவிக்கப்பட்டு ஆண்டாள் திருக்கல்யாணம் நடைபெற்றது. மாலையில் ஊஞ்சல் மகா உற்சவம் நடைபெற்றது. இதில் ஏராளமான பக்தர்கள் கலந்துகொண்டனர்.