தூத்துக்குடி மாவட்டத்தில் 8 இடங்களில் வெள்ளிக்கிழமை (ஜன. 27) அம்மா திட்ட முகாம் நடைபெறுகிறது.
இதுகுறித்து மாவட்ட ஆட்சியர் ம. ரவிகுமார் வெளியிட்ட செய்திக் குறிப்பு:
தூத்துக்குடி மாவட்டத்தில் 8 இடங்களில் வட்டாட்சியர்கள் தலைமையில் சிறப்பு முகாம் வெள்ளிக்கிழமை (ஜன. 27) நடைபெறுகிறது. அதன்படி, தூத்துக்குடி வட்டம் மேலத்தட்டப்பாறை, ஸ்ரீவைகுண்டம் வட்டம் கொற்கை கொடுங்கனி,திருச்செந்தூர் வட்டம் உடன்குடி, சாத்தான்குளம் வட்டம் புதுக்குளம், கோவில்பட்டி வட்டம் திருமலாபுரம், விளாத்திகுளம் வட்டம் வெளவால்தொத்தி, எட்டயபுரம் வட்டம் பேரிலோவன்பட்டி, ஓட்டப்பிடாரம் வட்டம் மேலமருதூர் ஆகிய கிராமங்களில் இம்முகாம் நடைபெறுகிறது.
முகாமில் முதியோர் ஓய்வூதியம் உள்ளிட்ட சமூகப் பாதுகாப்புத் திட்டங்கள், பட்டா மாறுதல், இலவச வீட்டுமனைப் பட்டாக்கள், உழவர் பாதுகாப்பு அட்டை, பிறப்பு - இறப்பு சான்றுகள், சாதிச் சான்றுகள் மற்றும் வருவாய்த் துறையினரால் நிறைவேற்றப்பட வேண்டிய கோரிக்கைகள் குறித்த விண்ணப்பங்கள் ஆய்வு செய்யப்பட்டு, நிறைவேற்றப்பட உள்ளதால் பொதுமக்கள் தங்கள் கோரிக்கை மனுக்களை அளித்து பயனடையலாம் என செய்திக் குறிப்பில் தெரிவிக்கப்பட்டுள்ளது.