உடன்குடி அருகே கொட்டங்காடு வீரலட்சுமிபுரம் அருள்மிகு தேவி ஸ்ரீ பத்திரகாளி அம்மன் கோயிலில் மாதாந்திர வழிபாடு, மழை வேண்டி 108 திருவிளக்கு பூஜை ஆகியன வெள்ளிக்கிழமை நடைபெற்றது.
இதையொட்டி மாலை 6 மணிக்கு அம்மன்,விநாயகர் மற்றும் பரிவார தெய்வங்களுக்கு சிறப்பு பூஜைகள், அபிஷேகம் நடைபெற்றது.
இரவு 8 மணிக்கு 108 திருவிளக்கு பூஜை நடைபெற்றது. 10 மணிக்கு அம்மன் உள்பிரகார சப்பர பவனி, 11 மணிக்கு ஊஞ்சல் சேவையைத் தொடர்ந்து, அன்னதானம் நடைபெற்றது.
ஏற்பாடுகளை கோயில் பரம்பரை தர்மகர்த்தா பி.சுந்தரஈசன் தலைமையிலானோர் செய்திருந்தனர்.