தூத்துக்குடி மாவட்டத்தில் 5 இடங்களில் புதிய தடுப்பணைகள் அமைக்கப்படும் என்றார் மாவட்ட ஆட்சியர் சந்தீப் நந்தூரி.
இதுகுறித்து திங்கள்கிழமை அவர் அளித்த பேட்டி: தூத்துக்குடி மாவட்டத்தில் நபார்டு வங்கி மூலம் உப்பாற்றில் ரூ. 4 கோடியில் ஆவுடையம்மாள்புரம், சிதம்பரம்பட்டி, சாவல்பேரி ஆகிய இடங்களிலும், வேம்பாறு ஆற்றில் விளாத்திக்குளம் பெரியசாமிபுரம், வேம்பார் ஆகிய இடங்களில் ரூ. 19 கோடி என மொத்தம் 5 இடங்களில் ரூ. 23 கோடியில் புதிய தடுப்பணைகள் கட்டப்பட உள்ளது. அடுத்தமாதம் ஒப்பந்தம் விடும் பணி தொடங்கும்.
தூத்துக்குடி உப்பாற்று ஓடையில் 3 இடங்களில் பல்வேறு பணிகள் நடைபெற்று வருகிறது. இதன் மூலம் வெள்ளம் வந்தாலும் மக்களுக்கு பாதிப்பு ஏற்படாது. ஸ்டெர்லைட் ஆலையில் பசுமைத் தீர்பாயம் நியமித்த ஓய்வு பெற்ற நீதிபதி தலைமையிலான குழு விரைவில் ஆய்வு மேற்கொள்ள உள்ளது என்றார் அவர்.