புதுக்கோட்டை மாவட்டம், ஆலங்குடி அருகேயுள்ள நெடுவாசலில் ஹைட்ரோகார்பன் இயற்கை எரிவாயு எடுக்கும் மத்திய அரசின் திட்டத்தை எதிர்த்து 11-வது நாளாக போராட்டம் தொடர்ந்தது.
நெடுவாசல் நாடியம்மன் கோயில் அருகே ஏப். 12-ஆம் தேதி அப்பகுதி மக்கள் 2-ஆம் கட்டமாக தொடங்கிய போராட்டம் 11-வது நாளான சனிக்கிழமையும் தொடர்ந்தது.
ஹைட்ரோகார்பன் திட்டத்தை ரத்து செய்ய வலியுறுத்தியும், மத்திய, மாநில அரசுகளைக் கண்டித்தும் முழக்கம் எழுப்பினர்.
தொடர்ந்து, போராட்டத்தில் பங்கேற்ற பெண்கள் தரையில் உருண்டு அங்கப்பிரதட்சணம் செய்து திட்டத்துக்கு எதிர்ப்புத் தெரிவித்தனர். இப்போராட்டத்தில் நூற்றுக்கணக்கானோர் பங்கேற்றனர்.