கடையாத்துப்பட்டியில் மாட்டுவண்டி எல்கைப் பந்தயம்

புதுக்கோட்டை மாவட்டம், அறந்தாங்கி அருகே கடையாத்துப்பட்டி கிராமத்தில் மாட்டு வண்டி எல்கைப் பந்தயம் புதன்கிழமை நடைபெற்றது. கடையாத்துப்பட்டி ஸ்ரீ அரியநாயகி அம்பாள் 29 ஆம் ஆண்டு மது எடுப்பு உற்ஸவத்தை முன்னிட்டு, வல்லம்பர் சமுதாயம் நடத்தும் 9 ஆம் ஆண்டு பந்தயம் அறந்தாங்கி புதுக்கோட்டை சாலையில் கோயில் எல்லையிலிருந்து நடைபெற்றது.
 பெரிய மாடு பிரிவில் 8 மாட்டு வண்டிகள் கலந்து கொண்டதில், புதுகை மாவட்டம் கே.புதுப்பட்டி அம்பாள் மாடு ரூ.11,009-ம், அறந்தாங்கி அப்துல் மஜீத் மாடு ரூ.10,009-ம்  தினையாகுடி ஆர்.கே. சிவா மாடு ரூ.9,009-ம், கொத்தக்கோயில் சோலைஆண்டவர் மாடுகள் ஆறுதல் பரிசாக ரூ.2,009ம் பெற்றன.
நடுமாடு பிரிவில் 14 மாட்டுவண்டிகள் கலந்து கொண்டதில், கீழப்பள்ளம் எம்.ஆர்.கண்ணன் மாடுகள் ரூ.8,009-ம், புண்ணைவயல் நந்தினி மாடுகள் ரூ.7,509-ம் அறந்தாங்கி பி.எல்.பி.தினேஷ் கார்த்திக் மாடுகள் ரூ.7,009-ம், வயிரிவயல் வீரமுனியாண்டவர் கோயில் மாடுகள் ரூ.1,509-ம் ரொக்கமாகப் பெற்றன. கரிச்சான் மாடுகள் பிரிவில் 21 மாட்டு வண்டிகள் கலந்து கொண்டதில், கப்பலூரார் மாடுகள் ரூ.7,009-ம், வேட்டணிவயல் மாடுகள் ரூ.6,509-ம், மஞ்சக்கரை நாட்டுமங்களம் மதி மாடுகள் ரூ.6009-ம்,வைரிவயல்
வீரமுனியாண்டவர் கோவில் மாடுகள் ரூ.1,009 பரிசாக பெற்றன.