முன்னாள் படை வீரர்கள் சிறார்களுக்கு முப்படை வீரர் வாரியத்திலிருந்து கல்வி நிதியுதவிப் பெற விண்ணப்பிக்கலாம்.
இதுகுறித்து மாவட்ட ஆட்சியர் ஆ.அண்ணாதுரை வெளியிட்ட அறிக்கை:
மத்திய முப்படை வீரர் வாரியத்திலிருந்து கல்வி உதவித் தொகை திட்டத்தின் கீழ் பள்ளி மற்றும் இளநிலைப் பட்டப்படிப்பு (கலை, அறிவியல்) பயிலும் முன்னாள் படைவீரர் மற்றும் அவர்களுடைய விதவையர்களின் இரு சிறார்களுக்கு கல்வி உதவித்தொகைப் பெற விண்ணப்பங்களை www.ksb.gov.in என்ற இணையதளத்தின் மூலம் நேரடியாக விண்ணப்பிக்கலாம்.
மேலும் விவரங்கள் தேவைப்படுவோர் மாவட்ட முன்னாள் படைவீரர் நல அலுவலகத்தை நேரிலோ அல்லது 04362 - 230104 என்ற தொலைபேசி எண்ணில் தொடர்பு கொள்ளலாம்.
இரண்டாம் வகுப்பு முதல் 9ஆம் வகுப்பு வரையும், பிளஸ் 1 வகுப்புக்கு விண்ணப்பிப்பவர்கள் மே மாதம் முதலும், பத்தாம், பிளஸ் 2 வகுப்புக்கு விண்ணப்பிப்பவர்கள் ஜுலை மாதமும், இளநிலை பட்டப்படிப்புக்கு ஆகஸ்ட் மாதம் விண்ணப்பிக்கலாம். விண்ணப்பிக்க நவம்பர் 30ஆம் தேதி கடைசி நாளாகும்.