பாபநாசம், அய்யம்பேட்டை பகுதிகளில் தமிழ் மாநில காங்கிரஸ் கட்சியின் நிறுவனர் ஜி.கே.மூப்பனாரின் 88ஆவது பிறந்த நாள் விழா ஞாயிற்றுக்கிழமை கொண்டாடப்பட்டது.
பாபநாசம் கீழவீதி கடைவீதியில் அலங்கரித்து வைக்கப்பட்டிருந்த ஜி.கே.மூப்பனார் உருவ படத்துக்கு பாபநாசம் வட்டார நகர தமிழ் மாநில காங்கிரஸ் கட்சியினர் மாலை அணிவித்து மரியாதை செய்தனர். இதில் வட்டார தலைவர்கள் எஸ்.டி.ஜெயகுமார், எஸ்.சேதுராமன், நகரத் தலைவர் தனபால் உள்ளிட்ட கட்சி நிர்வாகிகள், தொண்டர்கள் பங்கேற்றனர்.
அய்யம்பேட்டை பேருந்து நிறுத்த வளாகத்தில் அலங்கரித்து வைக்கப்பட்டிருந்த ஜி.கே. மூப்பனார் உருவ படத்துக்கு வட்டார, நகர தமிழ் மாநில காங்கிரஸ் கட்சியினர் சார்பில் மாலை அணிவித்து மரியாதை செய்யப்பட்டு அனைவருக்கும் இனிப்பு வழங்கப்பட்டது. இதில் நகரத் தலைவர் டி.ஆர்.ராஜாராமன், வட்டார இணை செயலாளர் கே. கலியமூர்த்தி, மாவட்ட முன்னாள் துணைத் தலைவர் எம்.ஜெ.ரியாஜீர் ரஹ்மான், வர்த்தகர் அணி தலைவர் ஜெயராமன், நகர பொருளாளர் முருகராஜ், செயலாளர் தண்டபாணி, இளைஞரணி தலைவர் சோமசுந்தரம், பொதுசெயலாளர் செல்வகுமார், துணைத்தலைவர் அசோகன் உள்ளிட்டோர் பங்கேற்றனர்.